● కలెక్టర్‌ రాజాబాబు కురిచేడు: మండలంలోని పడమరకాశీపురం పంచాయతీ జగన్నాథపురం బేచరాకు గ్రామ రెవెన్యూ పరిధిలో ఉన్న బౌద్ధ క్షేత్రాన్ని పర్యాటకంగా అభివృద్ధి చేసేందుకు చర్యలు తీసుకుంటామని కలెక్టర్‌ పి.రాజాబాబు తెలిపారు. రాష్ట్ర సాంస్కృతిక శాఖ డైరెక్టర్‌ మల్లికార్జునతో కలిసి మంగళవారం బౌద్ధ క్షేత్రాన్ని కలెక్టర్‌ పరిశీలించారు. స్థానికులతో ముచ్చటించిన అనంతరం కలెక్టర్‌ మాట్లాడుతూ.. దేశంలోనే రెండో ప్రాముఖ్యత కలిగిన బౌద్ధ క్షేత్రం మన జిల్లాలో ఉందన్నారు. ఈ చారిత్రక వైభవాన్ని కాపాడి భావితరాలకు తెలిపేలా చర్యలు తీసుకుంటామన్నారు. దీనిని పర్యాటకంగా అన్ని విధాలుగా అభివృద్ధి చేసి అంతర్జాతీయ టూరిస్టులు వచ్చేలా చూస్తామన్నారు. ఇక్కడ ఉన్న శిల్పాలను కూడా భద్రపరుస్తామన్నారు. ఇందుకోసమే బుద్ధిజంపై ఎంతో అధ్యయనం చేశామన్నారు. ఆయా విషయాలపై అపార జ్ఞానం కలిగి అమరావతిలో నిర్మించిన బుద్ధుని విగ్రహ రూపకల్పనలోనూ కీలకపాత్ర పోషించిన సాంస్కృతిక శాఖ డైరెక్టర్‌తో కలిసి ఈ ప్రాంతానికి వచ్చినట్లు కలెక్టర్‌ చెప్పారు. దీనిని అభివృద్ధి చేసేందుకు డి.పి.ఆర్‌. రూపొందించే కన్సల్టెంట్‌ సంస్థను కూడా తీసుకొచ్చామన్నారు. రాష్ట్ర సాంస్కృతికశాఖ డైరెక్టర్‌ మల్లికార్జున మాట్లాడుతూ ఇది క్రీస్తుపూర్వం రెండో శతాబ్దం నుంచి క్రీస్తు శకం రెండో శతాబ్దం మధ్య చాలా గొప్ప స్థితిలో ఉన్న ప్రాంతమని అన్నారు. ఆంధ్రప్రదేశ్‌లో కనుగొన్న 150 స్థూపాలలో ఇదే పెద్దదన్నారు. కాశీ నుంచి కాంచీపురం మధ్యలో ప్రధాన రహదారి వెంట ఉన్న ప్రాంతం కావడం, పక్కనే గుండ్లకమ్మ నది ఉండటంతో ఈ స్థూపం ఎంతో ప్రాముఖ్యత సంతరించుకుందన్నారు. విదేశాల నుంచి కూడా ఇక్కడికి వచ్చి బౌద్ధమతంపై పలువురు పరిశోధనలు చేసినట్లు చెప్పారు. ఈ నేపథ్యంలో ఈ ప్రాంతంతో పాటు సమీపంలోని త్రిపురాంతకం ఆలయాన్ని కూడా ఒక సర్క్యూట్‌గా పర్యాటకంగా అభివృద్ధి చేస్తామన్నారు. వారి వెంట పురావస్తు శాఖ డిప్యూటీ డైరెక్టర్‌ సురేష్‌, అసిస్టెంట్‌ డైరెక్టర్‌ జరీనాబేగం, పర్యాటక శాఖ అసిస్టెంట్‌ జనరల్‌ మేనేజర్‌ జయదేవ్‌, ఆర్డీఓ విజయజ్యోతి కుమారి, డీపీవో అనుపమ, ఏపీసీపీడీసీఎల్‌ ఎస్‌ఈ వెంకటేశ్వర్లు, భూగర్భ నీటివనరుల శాఖ డిప్యూటీ డైరెక్టర్‌ శ్రీనివాసరావు, గైడ్లు నూనె యోహాను, మోహన్‌, స్థానిక అధికారులు పాల్గొన్నారు.

మార్కాపురం: పూల సుబ్బయ్య వెలిగొండ ప్రాజెక్టు కింద ఆర్‌అండ్‌ఆర్‌ ప్యాకేజీ చెల్లించేందుకు గతంలో గెజిట్‌, సామాజిక ఆర్థిక సర్వేల్లో వివరాలు నమోదు కాకుండా మిగిలిపోయిన వారు, అలాగే 2026 ఆగస్టు 31 నాటికి 18 సంవత్సరాలు పూర్తి చేసుకుని మేజర్లుగా మారిన వారి అభ్యర్థనలను ప్రభుత్వం పరిశీలించినట్లు కలెక్టర్‌ విజయసునీత వెల్లడించారు. అర్హత కలిగిన ప్రతి మేజర్‌కు రూ.2 లక్షలు, గెజిట్‌లో వివరాలు మిస్సయిన ప్రతి ఒక్కరికీ రూ.12.50 లక్షల చొప్పున పరిహారం చెల్లించేందుకు ప్రభుత్వం ఉత్తర్వులు జారీ చేసిందని చెప్పారు. ఆ మేరకు డిప్యూటీ కలెక్టర్‌ ఆధ్వర్యంలో ఐదు ప్రత్యేక బృందాలు అర్జీలను పరిశీలించినట్లు తెలిపారు. ఈ విచారణలో ఆగస్టు 31 నాటికి మేజర్లుగా గుర్తించిన 731 మందిని, గెజిట్‌లో మిస్సయిన 321 మందిని ప్రాథమికంగా అర్హులుగా గుర్తించినట్లు వెల్లడించారు. ఈ అర్హుల జాబితాలను మార్కాపురం ఆర్డీవో కార్యాలయంతో పాటు పెద్దారవీడు, మార్కాపురం, అర్ధవీడు తహశీల్దార్‌ కార్యాలయాల్లో ప్రజల పరిశీలనకు అందుబాటులో ఉంచినట్లు తెలిపారు. ఇప్పటి వరకు 6,158 నిర్వాసిత కుటుంబాలకు రూ.758.31 కోట్ల పరిహారం చెల్లించినట్లు కలెక్టర్‌ వెల్లడించారు. మరో 439 కుటుంబాలకు రూ.54.91 కోట్ల బిల్లులను అప్‌లోడ్‌ చేయగా, ప్రభుత్వం నుంచి నిధులు విడుదలైన వెంటనే వారి ఖాతాల్లో పరిహారం జమ కానుందని తెలిపారు. మరో 349 మందికి సంబంధించిన బిల్లులు ప్రస్తుతం సీఫ్‌ఎంఎస్‌లో అప్‌లోడ్‌ ప్రక్రియలో ఉన్నాయని, రెండు రోజుల్లో ఈ ప్రక్రియ పూర్తవుతుందని చెప్పారు. కోర్టు కేసులు, కుటుంబ వివాదాలు ఉన్న 18 మంది, సరైన ప్రామాణిక ఆధారాలు సమర్పించని 185 మందికి సంబంధించిన అవార్డులు ఇంకా పాస్‌ కాలేదని తెలిపారు. అలాగే 172 మందిని అనర్హులుగా గుర్తించడంతో వారికి పరిహారం నిలిపేసినట్లు వివరించారు. 24వ తేదీ వరకు అభ్యంతరాలు: ప్రాథమిక జాబితాలపై ఎవరివైనా అభ్యంతరాలు, సవరణలు ఉంటే సెప్టెంబరు 24వ తేదీ సాయంత్రం 5 గంటల్లోపు సంబంధిత తహశీల్దార్‌ కార్యాలయం, మార్కాపురం ఆర్డీవో కార్యాలయం లేదా కలెక్టరేట్‌లో అభ్యంతరాలు సమర్పించాలని కలెక్టర్‌ సూచించారు. అందిన అభ్యంతరాలను సమగ్రంగా పరిశీలించిన అనంతరం తుది జాబితాను ప్రకటించి, ప్రభుత్వ నిబంధనల ప్రకారం అర్హులైన వారికి పరిహారం చెల్లింపులు పూర్తి చేస్తామని తెలిపారు. ప్రస్తుతం విడుదలైన జాబితాలో పేరు లేకపోయినా వారు ఆందోళన చెందాల్సిన అవసరం లేదని కలెక్టర్‌ స్పష్టం చేశారు. మిగిలిన దరఖాస్తులను జిల్లా స్థాయి అధికారులతో ప్రత్యేకంగా విచారణ చేయించి, అర్హత కలిగిన ప్రతి ఒక్కరికీ నిబంధనల మేరకు పరిహారం అందించేలా చర్యలు తీసుకుంటామని హామీ ఇచ్చారు.

కొండపి: స్థానిక సంస్థలు ఎన్నికలు ఎప్పుడు వచ్చినా ప్రతి ఒక్కరూ సంసిద్ధంగా ఉండాలని వైఎస్సార్‌ కాంగ్రెస్‌ పార్టీ పీఏసీ సభ్యుడు, మాజీ మంత్రి, కొండపి నియోజకవర్గ ఇన్‌చార్జ్‌ డాక్టర్‌ ఆదిమూలపు సురేష్‌ కార్యకర్తలకు దిశా నిర్దేశం చేశారు. మంగళవారం మండలంలోని పోలిరెడ్డిపాలెం గ్రామంలో మండల కన్వీనర్‌ బచ్చల కోటేశ్వరరావు అధ్యక్షతన మండల స్థాయి స్థానిక సంస్థల సంసిద్ధత, కార్డుల పంపిణీ కార్యక్రమాన్ని నిర్వహించారు. డాక్టర్‌ ఆదిమూలపు సురేష్‌ మాట్లాడుతూ పార్టీ అభ్యర్థుల తరఫున ప్రచారం నిర్వహిస్తానని, తన సహాయ సహకారాలు ఉంటాయని తెలిపారు. 2029లో అధికారంలోకి వచ్చిన తర్వాత ప్రక్షాళన ఏ విధంగా ఉందో ప్రతి ఒక్కరూ చూస్తారన్నారు. వెన్నుపోటు పొడిచిన కూటమి రెండున్నర సంవత్సరాల్లో రాష్ట్ర ప్రజలను కూటమి ప్రభుత్వం వెన్నుపోటు పొడిచిందని సురేష్‌ విమర్శించారు. ఇచ్చిన హామీలను 100 శాతం నెరవేర్చిన ఘనత మాజీ ముఖ్యమంత్రి వైఎస్‌ జగన్‌మోహన్‌ రెడ్డికి చెందుతుందని కొనియాడారు. నియోజకవర్గంలో రెండు సంవత్సరాల్లో ఒక్క పెన్షన్‌ ఇచ్చిన దాఖలాలు కూడా లేవని విమర్శించారు. పెన్షన్ల కోసం 16 లక్షల మంది దరఖాస్తు చేసుకున్నారని వాటిని చూసి కూటమి ప్రభుత్వానికి మతిపోయిందని.. అన్ని పెన్షన్లు ఇవ్వలేమని మంత్రి అచ్చం నాయుడు చెబుతున్నారని విమర్శించారు. నియోజకవర్గాన్ని దోచుకుంటున్న కూటమి నేతలు నియోజకవర్గంలో రేషన్‌, మట్టి, గ్రావెల్‌, ఇసుక మాఫియాతో కూటమి నేతలు తమ జేబులు నింపుకుంటున్నారని సురేష్‌ విమర్శించారు. ఎవరి వాటా ఎంతో వారే నిర్ణయించుకొని దోచుకునే పనిలో మంత్రి స్వామి, సత్య పోటీ పడుతున్నారని విమర్శించారు. నియోజకవర్గంలో 90 వేల రేషన్‌ కార్డులు ఉండగా ఒక కార్డుకి 10 కేజీలు చొప్పున నెలలో రూ.2 కోట్లు అక్రమ రేషన్‌ మీద సంపాదిస్తున్నారని, నియోజకవర్గంలో 22 మద్యం దుకాణాలుండగా దాదాపు 400 బెల్ట్‌ షాపులున్నాయని, దాని ద్వారా రూ.లక్షల్లో సంపాదిస్తున్నారని విమర్శించారు. ప్రభుత్వం షాపులను రెన్యువల్‌ చేసుకోమని అవకాశం ఇవ్వగా ఇప్పటికి 40 శాతం కూడా రెన్యువల్‌ చేసుకోలేదని.. దానికి కారణం బెల్టు దుకాణాలతో వచ్చే ఆదాయమేనని విమర్శించారు. కూటమి ప్రభుత్వం అధికారంలోకి వచ్చిన తర్వాత వినాయక విగ్రహం దగ్గర నుంచి నాయకుల ఇళ్ల స్థలాల ధ్వంసం, బొప్పాయి తోట ధ్వంసం, రచ్చబండల ధ్వంసంతో చెలరేగిపోతున్నారన్నారు. ఫిర్యాదు చేయడానికి పోతే బాధితులు మీదే కేసులు నమోదు చేసిన ఘనత కొండపి నియోజకవర్గంలో ఉందన్నారు. ఏ ఒక్కరినీ వదిలిపెట్టేది లేదని అధికారంలోకి వచ్చిన తర్వాత వడ్డీతో సహా చెల్లిస్తామని కార్యకర్తలకు హామీ ఇచ్చారు. మంత్రి ప్రోద్బలంతో రెండు కుటుంబాల మధ్య గొడవను.. పార్టీ గొడవగా చేసి ఐదుగురుపై హత్యాయత్నం కేసులు పెట్టారని ఇది రెడ్‌ బుక్‌ రాజ్యాంగంలో ఒక భాగం అన్నారు. ఎస్‌ఎంసీ ఎన్నికలను కూడా ప్రతిష్టాత్మకంగా తీసుకొని మన ప్రభావాన్ని నిరూపించాలన్నారు. మండలంలో వైఎస్సార్‌ సీపీ కార్యకర్తలకు 722 గుర్తింపు కార్డులు వచ్చాయని మిగిలిన కార్డులు కూడా త్వరలో వస్తాయని తెలిపారు. అనంతరం కార్డులు పంపిణీ చేశారు. ముందుగా గ్రామంలోని వైఎస్సార్‌ విగ్రహానికి నివాళులర్పించారు. కార్యక్రమంలో మండల కన్వీనర్‌ బచ్చల కోటేశ్వరరావు గ్రామనాయకుడు గౌరెడ్డి రమణారెడ్డి, మండాది బ్రహ్మారెడ్డి, మండల సీనియర్‌ నాయకులు గొట్టిపాటి మురళి మండవ మాలకొండయ్య, వేముల రమేష్‌, వైస్‌ ఎంపీపీ వేముల ప్రసాద్‌, మా రెడ్డి వెంకటేశ్వర్‌ రెడ్డి మాదాల సుబ్బారావు, ఆళ్ల శ్రీనివాసరెడ్డి, మోపర్తి నారాయణ, మోటుపల్లి గోవిందు, ప్రసాద్‌, శ్రీనివాసరెడ్డి, రమణయ్య, శ్రీను, సుల్తాన్‌, హరి నారాయణ, చిన్నబ్బాయి, నజీర్‌ శ్రీనివాస్‌, శ్రీను, రామయ్య, శ్రీహరి, కోటి,చిన్న వసంత్‌, కొండారెడ్డి, సాంబశివరావు, శివరాం పాల్గొన్నారు.సంతనూతలపాడు: ప్రైవేట్‌ వ్యక్తుల భూమిలో అంత్యక్రియలు నిర్వహించేందుకు వీల్లేదంటూ పోలీసులు, రెవెన్యూ అధికారులు అడ్డుకోవడంతో సంతనూతలపాడు మండలం గంగవరం గ్రామంలో మంగళవారం ఉద్రిక్తత నెలకొంది. తరతరాలుగా శ్మశాన వాటికగా వినియోగిస్తున్న స్థలంలో అంత్యక్రియలు నిర్వహించేందుకు అధికారులు అడ్డుకోవడంపై దళితులు తీవ్ర ఆవేదన వ్యక్తం చేశారు. గంగవరం ఎస్సీ కాలనీకి చెందిన గుడిపూడి సుబ్బారావు (65) సోమవారం మృతి చెందారు. ఆయన అంత్యక్రియలు నిర్వహించేందుకు ఆయన బంధువులు మృతదేహాన్ని పూర్వీకుల కాలం నుంచి శ్మశానవాటికగా వినియోగిస్తున్న స్థలానికి తీసుకెళ్తుండగా మార్గమధ్యంలో పోలీసులు, రెవెన్యూ అధికారులు అడ్డుకున్నారు. ఆ స్థలం ప్రైవేట్‌ వ్యక్తులకు చెందినదని, అక్కడ అంత్యక్రియలు నిర్వహించేందుకు అనుమతి లేదని అధికారులు చెప్పడంతో వారు తీవ్ర అభ్యంతరం వ్యక్తం చేశారు. తమ తాత ముత్తాతల కాలం నుంచి అదే ప్రాంతంలో అంత్యక్రియలు నిర్వహిస్తున్నామని, ఇప్పుడు అకస్మాత్తుగా ప్రైవేట్‌ స్థలమంటూ మృతదేహాన్ని కూడా ఖననం చేయకుండా అడ్డుకోవడం ఏమిటని ఎస్సీ కాలనీకి చెందిన మాదిగ కులస్తులు ప్రశ్నించారు. ఈ క్రమంలో పోలీసులకు వారికి మధ్య వాగ్వాదం చోటుచేసుకోవడంతో ఉద్రిక్త పరిస్థితి నెలకొంది. అంత్యక్రియలకు అనుమతి ఇవ్వకపోవడంతో బంధువులు మృతదేహంతో సుమారు ఆరు గంటల పాటు నిరసన చేపట్టారు. 11 ఎకరాల కుంటపై వివాదం బొడ్డువారిపాలేనికి చెందిన నూతలపాటి వెంకట సుబ్బయ్య పేరుతో కుంట సర్వే నంబర్‌ 39లో సుమారు 11 ఎకరాల భూమి ఉన్నట్లు ఎస్సీ కాలనీ ప్రజలు తెలిపారు. ఈ భూమి యాజమాన్య హక్కులపై కొంతకాలంగా వివాదం కొనసాగుతోందని పేర్కొన్నారు. వెంకట సుబ్బయ్య కుమారుడు సర్వే నంబర్‌ 39లోని భూమి తమ కుటుంబానికి చెందినదని పేర్కొంటూ అధికారులకు ఫిర్యాదు చేసినట్లు తెలిపారు. ఈ ఫిర్యాదు నేపథ్యంలోనే పోలీసులు, రెవెన్యూ అధికారులు అక్కడికి చేరుకుని అంత్యక్రియలను అడ్డుకున్నారని ఎస్సీ కాలనీ ప్రజలు ఆరోపించారు. అయితే సర్వే నంబర్‌ 39లోని 11 ఎకరాల భూమిలో దాదాపు 50 సెంట్ల స్థలాన్ని తమ పూర్వీకుల కాలం నుంచి శ్మశానవాటికగా వినియోగిస్తున్నామని తెలిపారు. తమ పూర్వీకుల సమాధులు, శ్మశానవాటిక ఆనవాళ్లు అక్కడ ఉన్నాయన్నారు. కొందరు రియల్‌ ఎస్టేట్‌ వ్యాపారులు శ్మశానవాటిక స్థలంపై కన్నేశారని వారు ఆరోపించారు. రాజకీయ అండతో తమను ఇబ్బందులకు గురిచేస్తున్నారని, శ్మశానవాటికను తొలగించేందుకు, స్థలాన్ని చదును చేసేందుకు ప్రయత్నాలు జరిగాయని, వాటిని తాము అడ్డుకున్నామని తెలిపారు. కుంట భూమికి పట్టా ఎలా ఇచ్చారు? సర్వే నంబర్‌ 39లోని సుమారు 11 ఎకరాల కుంట భూమికి అసలు పట్టా ఎలా వచ్చింది? పట్టా ఇచ్చే సమయంలో ఆ భూమి స్వరూపాన్ని అధికారులు ఎలా నిర్ధారించారు? అనే ప్రశ్నలు ఇప్పుడు తెరపైకి వస్తున్నాయి. కుంటగా ఉన్నట్లు స్థానికులు చెబుతున్న ఈ భూమి ప్రైవేట్‌ వ్యక్తుల పేరుపైకి ఎలా వచ్చింది? అప్పటి రెవెన్యూ రికార్డుల్లో భూమి స్వరూపం ఏమిటి, అనంతరం ఆ భూమికి ఏమైనా లావాదేవీలు జరిగాయా అనే వివరాలను బయటపెడితే అసలు విషయం వెలుగులోకి వస్తుందని గ్రామస్తులు పేర్కొంటున్నారు. శ్మశానవాటిక స్థలంలోని మట్టిని శాసీ్త్రయంగా పరీక్షిస్తే అక్కడ ఎన్నో ఏళ్లుగా అంత్యక్రియలు జరిగిన ఆనవాళ్లు బయటపడతాయని పేర్కొన్నారు. ఇరువర్గాలతో తహసీల్దార్‌ చర్చలు: నిరసన నేపథ్యంలో తహసీల్దార్‌ ఎస్‌.ఎల్‌. నారాయణ రెడ్డి ఇరువర్గాలతో చర్చలు జరిపి, కుంట భూమిలోని ఒక మూలన సుమారు 40 సెంట్ల స్థలాన్ని శ్మశానవాటిక కోసం కేటాయించి చూపించడంతో మాదిగ కులస్తులు అంగీకరించారు. దీంతో గంటల తరబడి కొనసాగిన నిరసన విరమించి, మృతదేహానికి అంత్యక్రియలు నిర్వహించేందుకు మార్గం సుగమమైంది. అంత్యక్రియల కోసం సుబ్బారావు మృతదేహం వద్ద వేచి చూస్తున్న బంధువులుఅధికారులతో మాట్లాడుతున్న గంగవరం ఎస్సీ కాలనీ వాసులు

యర్రగొండపాలెం: అంబులెన్స్‌ ఢీకొని బైక్‌పై వెళ్తున్న ఇద్దరు మృతిచెందిన ఘటనలో బాధిత కుటుంబాలను యర్రగొండపాలెం ఎమ్మెల్యే, వైఎస్సార్‌ సీపీ రాష్ట్ర అధికార ప్రతినిధి తాటిపర్తి చంద్రశేఖర్‌ పరామర్శించారు. స్థానిక ఏరియా వైద్యశాలలో ఉన్న మృతదేహాలను ఆయన పరిశీలించి సంతాపం వ్యక్తం చేశారు. మృతుల కుటుంబాలకు తన ప్రగాఢ సానుభూతి తెలిపారు. త్రిపురాంతకం మండలంలోని గొల్లపల్లికి సమీపంలోని హైవేపై సోమేపల్లికి చెందిన బావాబావమరుదులు నాండ్రపాటి కోటేశ్వరరావు (50), పల్లెపోగు ప్రసాద్‌ (30) సొంత పనుల నిమిత్తం బైక్‌పై మార్కాపురం వెళ్తుండగా విజయవాడ నుంచి సున్నిపెంట వెళ్తున్న ప్రైవేటు అంబులెన్స్‌ గొల్లపల్లికి సమీపంలో ముందు వెళ్తున్న బైక్‌ను వేగంగా ఢీకొంది. బైక్‌పై ఉన్న కోటేశ్వరరావు, ప్రసాద్‌ రోడ్డుపై పడి అక్కడికక్కడే మృతి చెందారు. ప్రాణాపాయస్థితిలో ఉన్నవారిని వెంటనే వైద్యశాలలో చేర్పించి ప్రాణం పోసే అంబులెన్సే ప్రాణాలు తీయడం దారుణమని స్థానికులు అంటున్నారు.

మద్దిపాడు: రాష్ట్రంలో కూటమి ప్రభుత్వ పాలనా వైఫల్యంతో నిత్యావసర వస్తువుల ధరలు విపరీతంగా పెరిగిపోయి సామాన్యులపై మోయలేని భారం పడుతోందని, ధరలు తగ్గించేందుకు చంద్రబాబు ప్రభుత్వం వెంటనే తగిన చర్యలు తీసుకోవాలని వైఎస్సార్‌ సీపీ సంతనూతలపాడు నియోజకవర్గ ఇన్‌చార్జి, మాజీ మంత్రి మేరుగు నాగార్జున డిమాండ్‌ చేశారు. మద్దిపాడులోని వైఎస్సార్‌ సీపీ సంతనూతలపాడు నియోజకవర్గ కార్యాలయంలో మంగళవారం నిర్వహించిన విలేకరుల సమావేశంలో ఆయన మాట్లాడారు. రాష్ట్రంలో సామాన్య ప్రజలు తీవ్ర ఆర్థిక ఇబ్బందులు ఎదుర్కొంటూ జీవిస్తున్నారని ఆవేదన వ్యక్తం చేశారు. పండించిన పంటలకు గిట్టుబాటు ధరలు లేక వ్యవసాయం చేయాలంటేనే రైతులు భయపడిపోయే పరిస్థితిని ముఖ్యమంత్రి చంద్రబాబు కల్పించారని ఆయన విమర్శించారు. చంద్రబాబు మోసపూరిత హామీలు నమ్మి ఓట్లేసి గెలిపించిన ప్రజలు ఇప్పుడు తీవ్రంగా నష్టపోతున్నారన్నారు. వంట నూనె, చింతపండు, ఉల్లిపాయలు సహా అన్ని నిత్యావసర వస్తువుల ధరలు ఆకాశాన్నంటుతున్నాయని ఆందోళన వ్యక్తం చేశారు. పెట్రోలు, డీజిల్‌, వంటగ్యాస్‌ ధరల భారంతో మధ్య తరగతి కుటుంబాలు విలవిల్లాడుతున్నాయన్నారు. చంద్రబాబు ప్రకటించిన ఉచిత గ్యాస్‌ సిలిండర్ల హామీ ఎవరికిచ్చారు.. ఎంతమందికి ఇచ్చారో లెక్క చెప్పగలరా అని మేరుగు నాగార్జున ప్రశ్నించారు. వైఎస్‌ జగన్‌మోహన్‌రెడ్డి ముఖ్యమంత్రిగా పనిచేసిన కాలంలో రాష్ట్రం సుభిక్షంగా ఉందని, రైతులు, విద్యార్థులు, మహిళలు.. ఇలా అన్ని వర్గాలకు సంక్షేమ పథకాలు ఫలాలు అందించారని గుర్తుచేశారు. ఆనాడు రాష్ట్రం శ్రీలంక అయిపోతుందని విమర్శించిన చంద్రబాబు.. ప్రస్తుతం పెరిగిన నిత్యావసర వస్తువుల ధరలు తగ్గించడానికి ఎందుకు ప్రయత్నించడం లేదని ప్రశ్నించారు. ప్రభుత్వం ఇప్పటికై నా కళ్లుతెరిచి పెరిగిన నిత్యావసర వస్తువుల ధరలు తగ్గించడానికి చర్యలు తీసుకోవాలని డిమాండ్‌ చేశారు. తల్లికి వందనం పథకం లబ్ధిదారుల లెక్క చెప్పగలరా.? ఆర్థిక కారణాలతో పేద పిల్లలు చదువుకు దూరం కాకూడదని జగనన్న అమ్మ ఒడి పథకం ప్రవేశపెట్టి అనేక విద్యా సంస్కరణలను జగనన్న అమలు చేశారని మేరుగు నాగార్జున ప్రస్తావించారు. చెప్పిన సమయానికి తల్లుల ఖాతాలో అమ్మ ఒడి పథకం డబ్బు జమ చేసి వారి పిల్లల చదువుకు చేయూతనిచ్చారన్నారు. కానీ, గత ఎన్నికలకు ముందు తల్లికి వందనం పేరుతో ఇంట్లో ఎంతమంది చదువుతుంటే అంతమంది పిల్లలకూ రూ.15 వేల చొప్పున నగదు జమ చేస్తామని చెప్పిన చంద్రబాబు.. నేడు కొందరికి రూ.7 వేలు, మరికొందరికి రూ.5 వేల చొప్పున డబ్బులు వేసి చేతులు దులుపుకున్నారన్నారు. వైఎస్‌ జగన్‌మోహన్‌రెడ్డి హయాంలో అమ్మ ఒడి ద్వారా ఎంతమంది లబ్ధి పొందారు.. ప్రస్తుతం తల్లికి వందనం పథకం ద్వారా ఎంతమందికి లబ్ధి చేకూరిందో ప్రభుత్వం లెక్కలతో సహా చెప్పాలని మేరుగు నాగార్జున డిమాండ్‌ చేశారు. రాష్ట్రంలో కరువు విలయతాండవం... ఒకప్పుడు పచ్చని పంట పొలాలతో కళకళలాడిన గ్రామాలన్నీ ఇప్పుడు బీళ్లుగా మారిపోయాయని, రాష్ట్రంలో కరువు విలయతాండవం చేస్తోందని, ఇటువంటి పరిస్థితుల్లో ప్రభుత్వం వెంటనే స్పందించి రైతులను ఆదుకోవాలని మేరుగు నాగార్జున డిమాండ్‌ చేశారు. వ్యవసాయ రుణాలు రీ షెడ్యూల్‌ చేసి రైతులను ఆదుకోవాలని కోరారు. దివంగత ముఖ్యమంత్రి వైఎస్‌ రాజశేఖరరెడ్డి పాలనలో, మాజీ సీఎం వైఎస్‌ జగన్‌మోహన్‌రెడ్డి ప్రభుత్వంలో పంట నష్టపోయిన రైతులకు వెంటనే పరిహారం అందించి అండగా నిలిచారన్నారు. ప్రస్తుత కూటమి ప్రభుత్వం ఎన్నికలకు ముందు రైతులకిచ్చిన హామీలు ఏమయ్యాయని ప్రశ్నించారు. రైతులకు పెట్టుబడి సాయం ఎంతమందికిచ్చారో లెక్కలు తీస్తే అర్థమైపోతుందని, ఏ పంటకూ రైతుకు గిట్టుబాటు ధర లభించకపోతే ప్రభుత్వం స్పందించకుండా మీనమేషాలు లెక్కిస్తోందని అన్నారు. రాష్ట్రంలో కరువు మండలాల పరిస్థితిపై వైఎస్సార్‌ సీపీ మొదటి నుంచి మాట్లాడుతోందని, మాజీ సీఎం వైఎస్‌ జగన్‌మోహన్‌రెడ్డి సమస్యను ప్రస్తావించిన తర్వాతే ప్రభుత్వంలో కదలిక వచ్చిందని ఆయన అన్నారు. ఇప్పటికై నా ప్రభుత్వం తక్షణమే స్పందించి కరువు మండలాలను ప్రకటించాలని, రైతులకు నష్టపరిహారం ఇవ్వాలని, పండిన పంటలకు గిట్టుబాటు ధరలు కల్పించాలని, నిత్యావసర వస్తువుల ధరలను నియంత్రించాలని, ఉచిత గ్యాస్‌ సిలిండర్లు, తల్లికి వందనం పథకంతో సహా ఎన్నికల హామీలన్నీ పూర్తిస్థాయిలో అమలు చేయాలని మేరుగు నాగార్జున డిమాండ్‌ చేశారు. ప్రజలు, రైతులు ఎదుర్కొంటున్న సమస్యలపై ప్రభుత్వం తక్షణమే స్పందించి చర్యలు తీసుకోవాలని, లేని పక్షంలో తాము నిరసన కార్యక్రమాలు నిర్వహిస్తామని హెచ్చరించారు. కార్యక్రమంలో వైఎస్సార్‌ సీపీ మద్దిపాడు మండల ఉపాధ్యక్షుడు వాకా కోటిరెడ్డి, నాయకులు పాలడుగు రాజీవ్‌, నాదెండ్ల మహేష్‌, వెంకటేశ్వర్లు పాల్గొన్నారు. రాష్ట్రంలో నిత్యావసరాల ధరలు పెరిగి సామాన్యులపై భారం ధరల నియంత్రణపై సీఎం దృష్టి సారించాలి కరువు పరిస్థితులను అధిగమించేందుకు చర్యలు తీసుకోవాలి లేకుంటే వైఎస్సార్‌ సీపీ ఆధ్వర్యంలో ఆందోళనకు దిగుతాం వైఎస్సార్‌ సీపీ సంతనూతలపాడు నియోజకవర్గ ఇన్‌చార్జి, మాజీ మంత్రి మేరుగు నాగార్జున హెచ్చరిక

● బంగారం, వెండి, రూ.8 లక్షల నగదు అపహరణ మార్కాపురం టౌన్‌: పట్టణంలోని విజయటాకీస్‌ ప్రాంతంలో సోమవారం రాత్రి ఒకేసారి ఐదు గృహాల్లో దొంగతనం జరగడంతో ప్రజలు ఆందోళన వ్యక్తం చేస్తున్నారు. పోలీసులు తెలిపిన వివరాల ప్రకారం.. విజయటాకీస్‌ ప్రాంతానికి చెందిన షేక్‌ అక్బర్‌ బాషా నివాసంలో దొంగలుపడి 15 గ్రాముల బంగారం, 20 తులాల వెండి, 8 వేల రూపాయల నగదు దోచుకెళ్లారు. అదేవిధంగా ఎస్‌కే రజియా నివాసంలో రూ.8 లక్షల నగదు, తులమున్నర బంగారం అపహరించుకునిపోయారు. ఆ మేరకు బాధితులు పోలీస్‌స్టేషన్‌లో ఫిర్యాదు చేశారు. మరో నివాసంలో ఎటువంటి వస్తువులు పోలేదు. ఇంకో రెండు నివాసాల్లోనూ దొంగలుపడి వస్తువులను అపహరించినట్లు తెలిసింది. అయితే, ఆయా గృహాల యజమానులు ఊళ్లో లేకపోవడంతో వారికి సమాచారం అందించినట్లు పోలీసులు తెలిపారు. వారు వచ్చి దొంగతనానికి గురైన వస్తువుల వివరాలు తెలియజేయాల్సి ఉందన్నారు. బాధితుల ఫిర్యాదుల మేరకు పట్టణ ఎస్సై విశ్వనాథరెడ్డి కేసులు నమోదు చేసి దర్యాప్తు చేస్తున్నారు. క్లూస్‌ టీంతో వేలిముద్రలు సేకరించారు. సీసీ కెమెరాల ఫుటేజీలు పరిశీలిస్తున్నట్టు ఎస్సై తెలిపారు.

ఒంగోలు సిటీ: 2026–27 విద్యా సంవత్సరానికి గాను వివేకానంద బీఈడీ కాలేజ్‌, అనిబిసెంట్‌ కాలేజ్‌ ఆఫ్‌ ఎడ్యుకేషన్‌ కళాశాలలకు మొట్టమొదటిగా ఏకేయూ అనుబంధ గుర్తింపును మంజూరు చేసినట్లు ఉపకులపతి ప్రొఫెసర్‌ డీవీఎర్‌ మూర్తి, కళాశాలల అసోసియేషన్‌ ప్రెసిడెంట్‌ దివి రమేష్‌ తెలిపారు. గుర్తింపు మంజూరు పత్రాలను అందజేశారు. కార్యక్రమంలో విశ్వవిద్యాలయ రిజిస్టర్‌ ప్రొఫెసర్‌ హరిబాబు, సీడీసీ డీన్‌ ప్రొఫెసర్‌ కేవీఎన్‌ రాజు పాల్గొన్నారు. ఒంగోలు టౌన్‌: మద్యం దుకాణాల పునరుద్ధరణకు రాష్ట్ర ప్రభుత్వం మరో రెండు రోజులు గడువు పెంచింది. తొలుత ఈ నెల 21 వరకు గడువు విధించిన రాష్ట్ర ప్రభుత్వం చివరితేది ముగిసినా పూర్తి దుకాణాలు రెన్యువల్‌ చేయించుకోకపోవడంతో మరో రెండు రోజుల పాటు అంటే 23వ తేదీ సాయంత్రం 5 గంటల వరకు గడువు పెంచుతూ ఉత్తర్వులు జారీ చేసింది. ఈ మేరకు ఎకై ్సజ్‌ సూపరింటెండెంట్‌ ఎస్కేఏ బేగం మంగళవారం ఒక ప్రకటనలో తెలిపారు. ప్రకాశం జిల్లాలో 124 మద్యం దుకాణాలు, 15 గీత కార్మికుల దుకాణాలు మొత్తం 139 దుకాణాలు ఉన్నాయని, వాటిలో 103 దుకాణాలు రెన్యువల్‌ చేసినట్లు తెలిపారు. మార్కాపురం జిల్లాలో 75 జనరల్‌ దుకాణాలు, 9 కల్లుగీత కార్మికుల దుకాణాలు మొత్తం కలిపి 84 దుకాణాలు ఉన్నాయన్నారు. వాటిలో 66 మద్యం దుకాణాలకు రెన్యువల్‌ పూర్తయిందని, మిగిలిన 18 దుకాణాలకు రెన్యువల్‌ చేయాల్సి ఉందని తెలిపారు. ప్రకాశం, మార్కాపురం రెండు జిల్లాలు కలుపుకొని 54 మద్యం దుకాణాలకు రెన్యువల్‌ చేయాలి.

● సుమారు రూ.2 లక్షల నష్టం నాగులుప్పలపాడు: విద్యుత్‌ షార్ట్‌ సర్క్యూట్‌తో పశువుల పాక దగ్ధమై రూ.2 లక్షల నష్టం వాటిల్లడంతో పాటు ఎద్దుకు కూడా తీవ్రగాయామైంది. ఈ ఘటన నాగులుప్పలపాడు మండలంలోని బీ నిడమానూరు గ్రామంలో సోమవారం రాత్రి చోటుచేసుకుంది. స్థానికులు తెలిపిన వివరాల ప్రకారం.. సోమవారం రాత్రి భారీ వర్షం కురవడంతో గ్రామానికి చెందిన నంబూరి రామయ్య, బత్తుల ఆదిశేషులకు చెందిన రెండు ఎడ్లను గ్రామానికి చెందిన ఓరుగంటి వెంకటేశ్వరరెడ్డి పశువుల పాకలో కట్టేశారు. వర్షం పడుతున్న సమయంలో విద్యుత్‌ షార్ట్‌ సర్క్యూట్‌ వలన ఒక్కసారిగా మంటలు చెలరేగి పశువుల పాకకు అంటుకున్నాయి. పశువుల పాక పూర్తిగా కాలిపోగా, ఒక ఎద్దు తప్పించుకుని బయటపడింది. మరో ఎద్దు మంటల్లో చిక్కుకోవడంతో శరీరం కాలిపోయి గాయమైంది. గ్రామస్తులు మంటలార్పడానికి ఎంత ప్రయత్నించినా వీలుపడలేదు. పశువుల పాక మొత్తం పూర్తిగా కాలిపోయింది.

ఒంగోలు టౌన్‌/మార్కాపురం: నిత్యావసర వస్తువుల ధరలు సామాన్యుడి నడ్డి విరుస్తున్నాయి. ఇప్పటికే పెరుగుతున్న కుటుంబ ఖర్చులతో సతమతమవుతున్న ప్రజలపై మార్కెట్‌లో నిత్యావసర వస్తువుల ధరల పెరుగుదల మరింత భారంగా మారింది. ముఖ్యంగా బియ్యం, పప్పులు, నూనెల ధరలు కొద్ది రోజుల వ్యవధిలోనే విపరీతంగా పెరగడం ఆందోళన కలిగిస్తోంది. ధరల పెరుగుదలపై ప్రభుత్వం, సంబంధిత అధికారులు తగిన స్థాయిలో పర్యవేక్షించడం లేదనే విమర్శలు వెల్లువెత్తుతున్నాయి. ప్రతి కుటుంబానికి అత్యవసరమైన బియ్యం ధర ఒక్కసారిగా పెరిగింది. మార్కాపురం జిల్లాలో నాలుగు రోజుల క్రితం కర్నూలు సోనా రకం బియ్యం 25 కిలోల బస్తా రూ.1,800 ఉండగా ప్రస్తుతం రూ.2,100 కు చేరినట్లు వినియోగదారులు చెబుతున్నారు. ఒక రకం బియ్యం రూ.2 వేల నుంచి రూ.2200కు పెరిగింది. అంటే కేవలం నాలుగు రోజుల్లోనే బస్తాపై రూ.300 భారం పడింది. జిల్లా కేంద్రమైన ఒంగోలు నగరంలోని ఒక మాల్‌లో జులై మొదటి వారంలో కర్నూలు సోనా బియ్యం ధర 25 కిలోల బస్తా రూ.1130 ఉంది. జులై చివరకు వచ్చే సరికి రూ.1520 కు పెరిగి పోయింది. ఒక్క నెలలోనే రూ.400 పెరిగి పోయింది. బాపూజీ కాంప్లెక్స్‌లోని ఒక దుకాణంలో రూ.1350 బీపీటీ బియ్యం ధర ఇప్పుడు రూ.1600 నుంచి రూ.1720 వరకు పెరిగింది. ఒక్క నెలలోనే ధరలు పెరగడంతో నిరుపేద సామాన్యులు ఏం తినాలో, ఎలా బతకాలో అర్థం కాక సతమతమవుతున్నారు. సన్న అన్నానికి బదులుగా రాగి సంగటో, జొన్న అన్నమో తిందామన్నా వాటి ధరలు కూడా విపరీతంగా పెరిగిపోయాయి. పచ్చజొన్నలు కిలో రూ.80 కు విక్రయిస్తుండడంతో బాబోయ్‌ అని గుండెలు బాదుకుంటున్నారు. రాగులు సైతం కిలో రూ.50 కు అమ్ముతున్నారు. బియ్యంతో పాటు వంటింట్లో నిత్యం ఉపయోగించే పప్పుల ధరలు కూడా పెరుగుతున్నాయి. ఉల్లిపాయ పేరు వింటేనే కన్నీళ్లు... నెల రోజుల నుంచి ఉల్లిపాయ ధరలు విపరీతంగా పెరిగిపోయాయి. ఒంగోలులో పచ్చి ఉల్లిపాయల ధర కిలో రూ.50 వరకు విక్రయిస్తున్నారు. పాత ఉల్లిపాయలు కిలో రూ.25 నుంచి ఏకంగా రూ.70 కు పెరిగాయి. ఇప్పుడు అనేక రాష్ట్రాల్లో వర్షాలు కురుస్తున్న నేపథ్యంలో రానున్న రోజుల్లో ఉల్లిపాయ ధరలు మరింతగా పెరిగే అవకాశం ఉందని వ్యాపారులు చెబుతున్నారు. కిలో రూ.100 దాటినా ఆశ్చర్యం లేదని చెబుతున్నారు. రేషన్‌ షాపుల ద్వారా తక్కువ ధరలకు ఉల్లిపాయలు అందుబాటులోకి తీసుకొస్తామని ప్రభుత్వం చెప్పి రోజులు గడుస్తున్నా అది కేవలం మాటలకే పరిమితమైంది. కనీసం టీ తాగుదామనుకున్నా పంచదార ధరలు పెరిగిపోవడంతో దానికి కూడా జేబులు వెదుక్కోవాల్సిన దుస్థితి నెలకొందని మధ్య తరగతి ప్రజలు విసుక్కుంటున్నారు. నిన్నా మొన్నటి వరకు టీస్టాల్స్‌లో ఒక్కో టీ రూ.10కు విక్రయించేవారు. అల్లం బెల్లం టీ రూ.15, కాఫీ రూ.25 ఉండేది. కిలో పంచదార రూ.45 ఉండగా..నెల రోజుల్లో పంచదార కిలో రూ.70కు చేరింది. బెల్లం ధర కూడా రూ.50 నుంచి రూ.65కు చేరింది. దీంతో సాధారణ టీ రూ.12 నుంచి రూ.15, అల్లం బెల్లం టీ రూ.18 నుంచి రూ.20, కాఫీ రూ.30కు విక్రయిస్తున్నారు. జిల్లా అంతటా దాదాపుగా ఇవే ధరలు ఉన్నాయి. మంట పెడుతున్న వంట నూనెలు: వంట నూనెల ధరలు సామాన్యుడిని భయపెడుతున్నాయి. నాటి ముఖ్యమంత్రి వైఎస్‌ జగన్‌ మోహన్‌ రెడ్డి హయాంలో వేరుశనగ నూనె లీటర్‌ రూ.130 ఉండేది. ఇప్పుడది ఏకంగా రూ.185 కు చేరింది. వేరుశనగ గుండ్లు కిలో రూ.130 నుంచి రూ.160 విక్రయిస్తున్నారు. దాంతో త్వరలో లీటర్‌ వేరుశనగ నూనె రూ.200కు చేరడం ఖాయమని వ్యాపారులు చెబుతున్నారు. రూ.100 నుంచి రూ.110 కు విక్రయించిన పామాయిల్‌ నేడు ఏకంగా రూ.160కు చేరింది. సన్‌ ఫ్లవర్‌ నూనె ధరలు కూడా రూ.180పైగానే అమ్ముతున్నారు. వంట నూనెల ధరలను నియంత్రించేందుకు ప్రభుత్వం ఎలాంటి ప్రయత్నం చేయడంలేదని, యుద్దం సాకు చెప్పి తప్పించుకుంటుందని మిల్లర్లు చెబుతున్నారు. కేవలం బియ్యం, కంది పప్పు, పంచదార, వంటనూనెలే కాకుండా అన్నీ రకాల నిత్యావసర వస్తువుల ధరలు సుమారు 30 నుంచి 50 శాతం వరకు పెరిగినట్లు మహిళా సంఘాలు ఆరోపిస్తున్నాయి. అల్లం కిలో రూ.180, మినప గుండ్లు కిలో రూ.135, వెల్లుల్లి కిలో రూ.200, ఎండు మిర్చి కిలో రూ.250, ఎరుపు రంగు కొబ్బరి కిలో రూ.200, నలుపు రంగు కొబ్బరి కిలో రూ.400 కు చేరింది. కిలో రూ.140గా ఉన్న ధనియాల ధర రూ.225 అయ్యాయి. ధరలు తగ్గించాలి గతనెల రోజులుగా నిత్యావసర వస్తువుల ధరలు విపరీతంగా పెరిగిపోతున్నాయి. బియ్యం ధర అయితే అడ్డూ అదుపులేకుండా పెరుగుతోంది. కందిపప్పు కూడా కొనలేం. ప్రభుత్వం వెంటనే చర్యలు తీసుకొని ధరలను నియంత్రించాలి. ఉల్లిగడ్డలైతే ఏకంగా రూ.75కు చేరాయి. – సుస్మిత భూషణ కుమారి, మార్కాపురం నిత్యావసర సరుకుల ధరలపై నియంత్రణ ఏదీ నిత్యావసర వస్తువుల ధరలు నియంత్రించాల్సిన యంత్రాంగం ఉన్నా మార్కెట్‌లో ధరల పెరుగుదల కొనసాగుతుండటంపై ఆందోళనగా ఉంది. అటు కూరగాయలు, ఇటు నిత్యావసర వస్తువులు రెండూ హద్దుల్లేకుండా పెరిగిపోతున్నాయి. రూ.100 జేబులో వేసుకుని కూరగాయల మార్కెట్‌కు వెళితే రోజుకు సరిపడా కూరగాయలు కూడా రావడం లేదు. జీవనం కష్టమవుతోంది. ఇలా అయితే రానున్న రోజుల్లో నిత్యావసర వస్తువుల ధరలు పెరిగి కడుపునిండా తిండితినలేని పరిస్థితి వస్తుంది. – ఇబ్రహీం, మార్కాపురం

లింగసముద్రం: ఆరోగ్యం బాగాలేక ఆర్‌ఎంపీ వద్దకు వెళ్లిన మహిళకు మత్తు ఇంజక్షన్‌ చేసి లైంగికదాడికి యత్నించిన సంఘటన లింగసముద్రం మండలంలోని పెదపవని గ్రామంలో చోటుచేసుకుంది. స్థానిక ఎస్సై రాంబాబు తెలిపిన వివరాల ప్రకారం.. పెదపవని ఎస్సీకాలనీలో నివాసం ఉంటున్న 25 సంవత్సరాల మహిళకు ఆరోగ్యం బాగాలేకపోవడంతో తన భర్తతో కలిసి అదే గ్రామంలో ఆర్‌ఎంపీ నజీర్‌ వద్దకు సోమవారం ఉదయం వెళ్లారు. నజీర్‌ ఆమెను పరీక్షించి అధిక రక్తపోటు ఉందని, గుండె వేగంగా కొట్టుకుంటోందని చెప్పాడు. మందుల చీటీ రాసి గ్రామంలోని మెడికల్‌ షాపునకు వెళ్లి మందులు కొనుగోలు చేసి తీసుకురమ్మని భర్తకు చెప్పడంతో అతను వెళ్లాడు. ఆ సమయంలో ఆమెకు మత్తుమందు ఇంజక్షన్‌ ఇచ్చిన నజీర్‌.. ఆమె వేసుకున్న నైటీ తొలగించడానికి ప్రయత్నించాడు. అయితే, స్పృహలో ఉన్న బాధితురాలు నిరాకరించింది. కానీ, ఆ తర్వాత కొంతసేపటికే ఆమె స్పృహ కోల్పోవడంతో నజీర్‌ ఆమె ఛాతిని తాకి లైంగిక దాడికి యత్నించాడు. మరికొంతసేపటికి ఆమెకు స్పృహ రావడంతో నజీర్‌ను తోసివేసింది. అనంతరం అక్కడికి వచ్చిన భర్తకు విషయం చెప్పింది. ఈ విషయం ఎవరికై నా చెబితే చంపుతానని వారిని నజీర్‌ బెదిరించాడు. దీనిపై సోమవారం రాత్రి లింగసముద్రం పోలీస్‌స్టేషన్‌లో బాధితురాలు ఫిర్యాదు చేసింది. కేసు నమోదు చేసిన పోలీసులు.. నజీర్‌ను పెదపవనిలో మంగళవారం అరెస్ట్‌ చేసి పోలీస్‌స్టేషన్‌కు తరలించారు. బాధితురాలిని చికిత్స నిమిత్తం కందుకూరు ఏరియా వైద్యశాలకు తరలించి దర్యాప్తు చేస్తున్నట్లు ఎస్సై తెలిపారు. అద్దంకి రూరల్‌: మద్యంలో గడ్డి మందు కలుపుకుని తాగి అస్వస్థతకు లోనై వైద్యశాలలో చికిత్స పొందుతున్న వ్యక్తి మంగళవారం మృతి చెందాడు. అద్దంకి మండలంలోని తిమ్మాయపాలెం గ్రామంలో చోటుచేసుకున్న ఈ సంఘటనపై వైద్యశాల నుంచి అందిన రిపోర్టు మేరకు సీఐ సుబ్బరాజు కేసు నమోదు చేశారు. సీఐ తెలిపిన వివరాల ప్రకారం... మండలంలోని తిమ్మాయపాలెం గ్రామానికి చెందిన కనపర్తి పిచ్చయ్య (42) సోమవారం మద్యం సేవించాడు. ఆ మత్తులో ఇంట్లో ఎవరూ లేని సమయంలో ఇంటి బయట పెట్టిన పిచ్చిమొక్కలు చంపటానికి తెచ్చిన గడ్డి మందును మద్యంలో కలుపుకుని తాగి కింద పడి ఉన్నాడు. భార్య అంజమ్మ ఇంటికి వచ్చి గమనించి ఏం జరిగిందని భర్తను అడగ్గా.. మద్యంలో గడ్డి మందు కలుపుకుని తాగానని చెప్పాడు. వెంటనే అద్దంకిలోని ప్రభుత్వ వైద్యశాలకు, అక్కడి నుంచి మెరుగైన వైద్యం కోసం ఒంగోలు జీజీహెచ్‌కి తరలించారు. అక్కడ చికిత్స పొందుతూ పిచ్చయ్య మృతి చెందాడు. మద్దిపాడు: విద్యుదాఘాతంతో స్తంభంపైనుంచి కిందపడి ఒక యువకునికి తీవ్ర గాయాలయ్యాయి. ఈ ఘటన మద్దిపాడు మండలంలోని తెల్లబాడులో బొడ్రాయి సెంటర్‌ వద్ద మంగళవారం ఉదయం చోటుచేసుకుంది. అందిన వివరాల ప్రకారం.. చీమకుర్తి మండలం ఇలపావులూరు గ్రామానికి చెందిన కె.వెంకటేశ్‌ ప్రైవేటుగా విద్యుత్‌ పనులు చేస్తుంటాడు. దొడ్డవరం జేఎల్‌ఎం వద్ద ప్రైవేటుగా పనిచేస్తూ మంగళవారం విద్యుత్‌ స్తంభం ఎక్కాడు. ఎల్‌సీ తీసుకోకపోవడంతో ఆ యువకునికి షాక్‌ తగిలి స్తంభంపైనుంచి కిందపడిపోయాడు. కుడిచేయి కాలిపోగా ఎడమ చేతి బొటన వేలు విరిగిపోయింది. చికిత్స నిమిత్తం ఒంగోలు జీజీహెచ్‌కి తరలించారు. యువకుని పరిస్థితి విషమంగా ఉన్నట్లు సమాచారం. ఒంగోలు టౌన్‌/వన్‌టౌన్‌: మద్యం తాగి వాహనాలు నడిపిన ఇద్దరికి రెండు రోజుల జైలు శిక్ష విధిస్తూ కోర్టు తీర్పు ఇచ్చినట్లు ట్రాఫిక్‌ సీఐ సీహెచ్‌ హజరత్తయ్య తెలిపారు. విజిబుల్‌ పోలీసింగ్‌లో భాగంగా నగరంలో తనిఖీలు నిర్వహిస్తుండగా 22 మంది పట్టుబడినట్లు చెప్పారు. వారిని కోర్టులో హాజరుపరచగా 20 మందికి ఒక్కొక్కరికి 10 వేల రూపాయల చొప్పున జరిమానా, ఇద్దరికి జైలు శిక్ష విధించినట్లు తెలిపారు.

బల్లికురవ: ప్రమాదవశాత్తూ పళ్ల చక్రం కాళ్లపై పడి గ్రానైట్‌ కార్మికుడు అక్కడికక్కడే మృతి చెందిన సంఘటన బల్లికురవ మండలంలోని ఈర్లకొండ క్వారీ వద్ద మంగళవారం జరిగింది. రాజస్థాన్‌ రాష్ట్రంలోని మకరానా ప్రాంతానికి చెందిన చోటురామ్‌ (35) స్థానిక క్వారీల్లో వైర్సా ఆపరేటర్‌గా పనిచేస్తున్న మేసీ్త్ర వద్ద ఒప్పంద కార్మికుడిగా పనిచేస్తున్నాడు. ఇతను ఆరు నెలల క్రితమే ఇక్కడికి వచ్చి స్థానికంగా నివాసం ఉంటున్నాడు. మంగళవారం పనులకు వెళ్లే ముందు యంత్రాలను సిద్ధం చేస్తుండగా పెద్ద సైజులో ఉన్న స్లాడర్‌ (పళ్ల చక్రం) కాలిపై పడటంతో కాళ్లు కట్టయ్యాయి. వైద్యం అందేలోపే అతను మృతిచెందాడు. సమాచారం అందుకున్న ఎస్సై వై.నాగరాజు ఘటన స్థలాన్ని పరిశీలించి వివరాలు తెలుసుకుని కేసు నమోదు చేశారు. చోటురామ్‌ భౌతిక కాయాన్ని పోస్టుమార్టం నిమిత్తం అద్దంకి ప్రభుత్వ వైద్యశాలకు తరలించారు. తర్లుపాడు: బైక్‌పై వెళ్తున్న భార్యాభర్తల కళ్లలో కారంచల్లి బంగారు సరుడు దోపిడీ చేసిన సంఘటన మంగళవారం తర్లుపాడు మండలంలోని గానుగపెంట – ముత్రాసుకాలనీ మధ్య జరిగింది. తర్లుపాడు మండలంలోని పోతలపాడు గ్రామానికి చెందిన మాజీ సర్పంచ్‌ గాయం రామకృష్ణారెడ్డి, భార్య కామేశ్వరి బైక్‌పై మార్కాపురం వెళ్లి తిరిగి పోతలపాడు వెళ్తున్నారు. ముత్రాసుకాలనీ వద్ద గుర్తుతెలియని వ్యక్తులు వారి కళ్లలో కారం చల్లి కామేశ్వరి మెడలోని 4 తులాల బంగారు సరుడు దోచుకెళ్లారు. ఈ సంఘటనపై పోలీసులు విచారిస్తున్నారు. సంతమాగులూరు (అద్దంకి): మండలంలోని పాతమాగులూరు గ్రామ సమీపంలో 2017లో జరిగిన రోడ్డు ప్రమాదం కేసులో నిందితుడిపై నేరం రుజువు కావడంతో మంగళవారం జడ్జి జైలు శిక్ష విఽధించినట్లు సీఐ శేషగిరిరావు తెలిపారు. మార్కాపురం మండలానికి చెందిన బాధితుడు శ్రీరామ్‌ రమేష్‌ ఇచ్చిన ఫిర్యాదు మేరకు అప్పటి సంతమాగులూరు ఎస్సై నాగరాజు కేసు నమోదు చేశారు. దర్యాప్తు చేసి నిందితుడైన గుంటూరు జిల్లా పెద్దకాకానికి చెందిన ఉసాతి ఏడుకొండలుపై న్యాయస్థానంలో చార్జిషీట్‌ దాఖలు చేశారు. సంతమాగులూరు సీఐ శేషగిరి పర్యవేక్షణలో కోర్టు కానిస్టేబుల్‌ కృష్ణ సాక్షులను సకాలంలో న్యాయస్థానంలో హాజరుపరిచారు. విచారణలో నిందితునిపై మోపిన నేరం రుజువు కావడంతో న్యాయమూర్తి బీ అఖిల రూ.10,500 జరిమానా, 3 నెలల జైలు శిక్ష విధిస్తూ తీర్పు ఇచ్చారు.

కూటమి వైఫల్యంతోనే ధరాఘాతం నిత్యావసర వస్తువుల ధరలు పెరిగి సామాన్యులపై భారం పడుతోందని మాజీ మంత్రి మేరుగు నాగార్జున అన్నారు. నిత్యావసర వస్తువుల ధరలు కొండెక్కాయి. చంద్రబాబు కూటమి ప్రభుత్వం ఏర్పడ్డాక క్రమంగా ధరలు పెరుగుతూ వచ్చాయి. రెండేళ్లలోనే ఏకంగా 50 నుంచి 100 శాతానికి ధరలు పెరిగిపోయాయి. ఉమ్మడి జిల్లాలో ఒక్క నెలలోనే బియ్యం ధరలు 50 శాతానికి పెరిగాయి. చివరికి పచ్చడి చేసుకొని తిందామనుకున్నా ఆ పరిస్థితి లేకుండా పోయిందని సామాన్య ప్రజలు వాపోతున్నారు. ఏం కొనేటట్టులేదు...ఏం తినేటట్టులేదంటూ కన్నీరు పెట్టుకుంటున్నారు. ప్రస్తుత పరిస్థితుల్లో చేయడానికి చేతిలో పనులు లేవు. తినడానికి కడుపునిండా తిండి లేదు. పీకలదాకా తాగేందుకు మద్యం ఒక్కటే పుష్కలంగా దొరుకుతోంది. పాలకుల జేబులు నిండుతున్నాయి. పేదల కడుపులు ఖాళీగా ఉన్నాయి.

మేదరమెట్ల: కొరిశపాడు మండలం మేదరమెట్లలో మంగళవారం నిర్వహించిన ప్రజా సమస్యల పరిష్కార వేదిక ఆద్యంతం రాజకీయ వేదికగా కొనసాగింది. కలెక్టర్‌ పి.రాజాబాబు అధ్యక్షతన జరిగిన ఈ కార్యక్రమానికి విద్యుత్‌ శాఖామంత్రి గొట్టిపాటి రవికుమార్‌ హాజరయ్యారు. ముందుగా దివ్యాంగులకు మోటారు ట్రై స్కూటర్లు పంపిణీ చేశారు. ఈ సందర్భంగా మంత్రి మాట్లాడుతూ రాష్ట్రంలో ప్రభుత్వ పాఠశాలల్లో విద్యార్థుల సంఖ్య పెరిగిందని, అందుకు విద్యా శాఖామంత్రి లోకేష్‌ చేపట్టిన చర్యలే కారణమని క్రెడిట్‌ చోరీకి పాల్పడ్డారు. గత వైఎస్సార్‌ సీపీ ప్రభుత్వ పాలనపై విషం చిమ్మేందుకు విశ్వప్రయత్నం చేశారు. అయితే, వాస్తవానికి ప్రభుత్వ పాఠశాలలు పునర్జీవం పొందాయంటే అందుకు గత వైఎస్సార్‌ సీపీ ప్రభుత్వ హయాంలో అమలుచేసిన నాడు–నేడు కార్యక్రమం కారణమన్న విషయం అందరికీ తెలిసిందే. ఆనాటి సీఎం వైఎస్‌ జగన్‌మోహన్‌రెడ్డి చేపట్టిన కార్యాచరణతో ప్రభుత్వ పాఠశాలలు నేటికీ కళకళలాడుతున్నాయన్నది కాదనలేని నిజం. కానీ, మంత్రి వ్యాఖ్యలతో అక్కడున్న వారు సైతం ఆశ్చర్యానికి గురయ్యారు. వాస్తవాలను కనుమరుగు చేస్తూ ఆధ్యంతం ఆత్మస్తుతి, పరనిందతో మంత్రి ఉపన్యాసం కొనసాగడంపై ముక్కున వేలేసుకున్నారు. అందరికీ ఒకేసారి పింఛన్లు ఇవ్వలేం... తమ ప్రభుత్వంలో చేపట్టిన అభివృద్ధి, సంక్షేమం గురించి గొప్పలు చెప్పే క్రమంలో మంత్రి రవికుమార్‌ మాట్లాడుతూ ప్రస్తుతం పింఛన్లకు దరఖాస్తు చేసుకున్న వారందరికీ ఏకకాలంలో మంజూరు సాధ్యం కాదనడంతో అర్హులు నిరాశకు గురయ్యారు. అర్హులకు దశల వారీగా పింఛన్లు మంజూరు చేస్తామని చెప్పడంతో.. కార్యక్రమానికి హాజరైన వారిలో పలువురు రెండేళ్ల తర్వాత పింఛన్లకు దరఖాస్తులు తీసుకుంటున్నారని, మళ్లీ దశల వారీగా అంటున్నారని విమర్శించారు. అర్హులకు పూర్తిస్థాయిలో పెన్షన్ల మంజూరు కలగానే మిగులుతుందని, వడపోతల పేరుతో ఎంత మంది అర్హులకు కోతల, వాతలు పెడతారోనని చర్చించుకున్నారు. మొక్కుబడిగా ప్రజా సమస్యల పరిష్కార వేదిక... నియోజకవర్గం పరిధిలోని అన్ని మండలాల నుంచి ప్రజలు తమ సమస్యల పరిష్కారం కోసం వినతిపత్రాలతో హాజరయ్యారు. ముందుగా దరఖాస్తుదారుల నుంచి సిబ్బంది వివరాలు నమోదు చేసుకుని ఆన్‌లైన్‌లో పొందుపరిచారు. అనంతరం మంత్రి, కలెక్టర్‌ అర్జీదారుల సమస్యలు తెలుసుకునే కార్యక్రమం ఆధ్యంతం మొక్కుబడిగా సాగింది. కార్యక్రమానికి హాజరైన వారిలో అధికారులు, సిబ్బందే సింహభాగం ఉన్నారు. సీఎం రిలీఫ్‌ ఫండ్‌ చెక్కుల పంపిణీ సందర్భంగా సిఫార్సు చేసిన నాయకులకు కూడా ప్రచారం కల్పించేందుకు చేసిన హడావిడి విమర్శలకు తావిచ్చింది. కొందరు టీడీపీ నాయకులు తమ బలనిరూపణకు పోటీపడటంపై హాజరైన వారు పలు రకాల వ్యాఖ్యలు చేశారు. ఆద్యంతం రాజకీయ వేదికగా కొనసాగిన ప్రజా సమస్యల పరిష్కార వేదిక క్రెడిట్‌ చోరీకి మంత్రి గొట్టిపాటి విశ్వ ప్రయత్నం ప్రభుత్వ పాఠశాలల్లో విద్యార్థుల సంఖ్య పెరిగిందని, అందుకు మంత్రి లోకేషే కారణమని కితాబు వాస్తవానికి గత వైఎస్సార్‌ సీపీ ప్రభుత్వంలో నాడు–నేడుతో జీవం పోసుకున్న ప్రభుత్వ పాఠశాలలు మొక్కుబడిగా మేదరమెట్లలో ప్రజా సమస్యల పరిష్కార వేదిక కార్యక్రమం

ఒంగోలు సిటీ: మెగా డీఎస్సీ–2025 నియామకాల్లో అక్రమాలు జరిగాయని గౌడ విభాగం జిల్లా అధ్యక్షుడు తాతా నరసింహగౌడ్‌ ఆరోపించారు. డీఎస్సీ నియామకాలపై సమగ్ర విచారణ జరిపి, బాధ్యత వహిస్తూ విద్యాశాఖ మంత్రి రాజీనామా చేయాలని డిమాండ్‌ చేశారు. సోమవారం డీఎస్సీ అక్రమాలపై నిలదీసేందుకు విజయవాడలోని శాప్‌ కార్యాలయం వద్ద జరిగే ధర్నా కార్యక్రమానికి ఒంగోలు నుంచి బయలుదేరి వెళుతూ మాట్లాడారు. డీఎస్సీ నియామకాల్లో మెరిట్‌ జాబితా, క్రీడా కోటా పోస్టుల భర్తీపై అనేక అనుమానాలు ఉన్నాయని నరసింహగౌడ్‌ అన్నారు. ముఖ్యంగా క్రీడా కోటా కింద నియమితులైన అభ్యర్థుల అర్హతలు, క్రీడా ధ్రువపత్రాలను సమగ్రంగా పరిశీలించాలని కోరారు. డీఎస్సీ నియామకాల్లో అధికార పార్టీకి చెందిన నాయకుల అనుచరులకు ప్రయోజనం కల్పించారనే ఆరోపణలు వినిపిస్తున్నాయని, దీనిపై ప్రభుత్వం బహిరంగంగా వివరణ ఇవ్వాలని అన్నారు. కర్నూలు జిల్లాలో కొందరి కుల ధ్రువపత్రాలు, నియామకాలపై కూడా అనుమానాలు ఉన్నాయని పేర్కొంటూ వాటిపై విచారణ చేయాలన్నారు. విజయవాడలో నిర్వహించనున్న ఆందోళన కార్యక్రమానికి వైఎస్సార్‌ సీపీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాద్‌రెడ్డి, ఒంగోలు నియోజకవర్గ ఇన్‌చార్జ్‌ చుండూరి రవిబాబు పిలుపు మేరకు ఒంగోలు నుంచి బయలుదేరుతున్నట్లు నరసింహగౌడ్‌ తెలిపారు. అనంతరం విజయవాడలో శాప్‌ కార్యాలయం వద్ద జరిగే ధర్నాకు కార్లలో బయలుదేరి వెళ్లారు. వారిలో వైఎస్సార్‌ సీపీ నాయకులు తాతా నాంచార్యులు, చందోలు చెంచిరెడ్డి, పరసా వెంకటస్వామి, తాతా శ్రీను, తుళ్లూరి నరేంద్ర, పరసా తిరుపతిస్వామి, తాతా నరేంద్ర, తుళ్లూరి బ్రహ్మయ్య, మాదు శివ, తదితరులు పాల్గొన్నారు.

మార్కాపురం టౌన్‌: 2019 ఎన్నికల్లో వైఎస్సార్‌ సీపీ ఇచ్చిన హామీలను అధికారంలోకి వచ్చిన వెంటనే పూర్తిస్థాయిలో అమలు చేశామని, కానీ, 2024 ఎన్నికల్లో కూటమి ఇచ్చిన హామీలను రెండున్నరేళ్ల పాలనలో ఎంతవరకూ అమలుచేశారో ప్రజల ముందు పెడదామని, వెన్నుపోటుదారులెవరో ప్రజలే తేలుస్తారని వైఎస్సార్‌ సీపీ మార్కాపురం నియోజకవర్గ ఇన్‌చార్జి, మాజీ ఎమ్మెల్యే అన్నా రాంబాబు అన్నారు. ఈ నెల 20న స్థానిక ఎమ్మెల్యే కందుల నారాయణరెడ్డి ప్రెస్‌మీట్లో చేసిన వ్యాఖ్యలపై సోమవారం సాయంత్రం అన్నా రాంబాబు వీడియో విడుదల చేశారు. ఈ సందర్భంగా ఆయన మాట్లాడుతూ వెలిగొండ ప్రాజెక్టును తామే పూర్తిచేశామంటూ కూటమి పాలకులు గొప్పలు చెప్పుకుంటున్నారని, 30 ఏళ్ల కల నెరవేర్చామంటూ పదే పదే చెబుతున్నారని, మరి ఈ 30 ఏళ్లలో 15 ఏళ్ల పాటు టీడీపీ అధికారంలో ఉన్న సంగతి మరిచారా అని ప్రశ్నించారు. 2014 – 2019 మధ్య టీడీపీ అధికారంలో ఉందని, మరి ఆ ఐదేళ్లలో వెలిగొండ ప్రాజెక్టును ఎందుకు పూర్తిచేయలేదని అన్నా రాంబాబు ప్రశ్నించారు. 2004లో నాటి ముఖ్యమంత్రి వైఎస్‌ రాజశేఖరరెడ్డి, 2019లో నాటి ముఖ్యమంత్రి వైఎస్‌ జగన్‌మోహన్‌రెడ్డి వెలిగొండ ప్రాజెక్టు కోసం ఎంత కష్టపడ్డారో ప్రజలకు తెలుసన్నారు. మార్కాపురం జిల్లా తెచ్చామని గొప్పలు చెప్పే నాయకుడు రాష్ట్ర విభజన సమయంలో శ్రీకృష్ణ కమిటీ దొనకొండను రాజధానిగా చేస్తే బాగుంటుందని చెప్పిన విషయాన్ని మరిచారన్నారు. రాష్ట్ర విభజన తర్వాత టీడీపీ అధికారంలోకి వచ్చిందని, దొనకొండను ఎందుకు రాజధాని చేయలేదని ప్రశ్నించారు. వెలిగొండ మేమే తెచ్చాం.. మార్కాపురం జిల్లా మేమే ఇచ్చాం అనడం సరికాదన్నారు. నాటి ముఖ్యమంత్రి వైఎస్‌ జగన్‌మోహన్‌రెడ్డి పార్లమెంటు ప్రాతిపదికన కొత్త జిల్లాలు ఇచ్చారని, మీరు అధికారంలో ఉన్నన్నాళ్లూ ఎందుకు ఇవ్వలేదని నిలదీశారు. తమ పార్టీ అంతర్గత విషయాల్లో జోక్యం చేసుకోవద్దని కందులను హెచ్చరించారు. స్థానిక సంస్థల ఎన్నికలకు సంసిద్ధం అయ్యేందుకు సమావేశం పెట్టుకుని తాను మాట్లాడిన విషయాల్లో కొన్ని వ్యాఖ్యలను తనకు అనుకూలంగా కందుల ప్రస్తావించడం తగదన్నారు. తాను అన్న మాటలకు టీడీపీ నాయకులు ఎందుకు ఉలిక్కిపడుతున్నారో అర్థంకావడం లేదన్నారు. వెన్నుపోటుదారులను ఉద్దేశించి తాను అన్న మాటలను మరొక విధంగా ప్రచారం చేయడం సమంజసం కాదన్నారు. కూటమిలో నాయకులకు మీరు సాయం చేస్తే చాలని, మా విషయాలను పట్టించుకోవద్దని, మీ గురించి మీ పార్టీ నాయకులు ఏమనుకుంటున్నారో ఒకసారి తెలుసుకోవాలని కందులకు హితవు పలికారు. కరుడుగట్టిన వైఎస్సార్‌ సీపీ నాయకులు, జగనన్న సైన్యం, ప్రాణంపోయినా పార్టీ మారరనే విషయాన్ని కందుల గుర్తించుకోవాలన్నారు. రెచ్చగొట్టే మాటలు మాట్లాడటం సరికాదన్నారు. రాజకీయ లబ్ధి కోసం ఇష్టంవచ్చినట్లు మాట్లాడటం తగదన్నారు. మా కార్యకర్తలను మీ పార్టీలోకి ఆహ్వానించాల్సిన పనిలేదన్నారు. రాజకీయాలు, పదవులు శాశ్వతం కాదనే విషయాన్ని గుర్తుపెట్టుకోవాలన్నారు. మీ పార్టీని మీ కార్యకర్తలను మీరు సక్రమంగా చూసుకుంటే చాలన్నారు. వ్యక్తిగత విమర్శలు మానుకోవాలని సూచించారు. అంతిమంగా ప్రజలే నిర్ణయిస్తారన్నారు. మార్కాపురం మండలంలోని గొట్టిపడియకు చెందిన వెలిగొండ ప్రాజెక్టు నిర్వాసితుల్లో కొందరికే ప్యాకేజీ అందిందని, మిగతా వారికి ప్యాకేజీ అందక ఇబ్బందులు ఎదుర్కొంటున్నారని అన్నా రాంబాబు తెలిపారు. నిర్వాసితుల పట్ల మీకు ప్రేమ ఉంటే ప్రభుత్వంతో చర్చించి వారికి ఆర్‌అండ్‌ఆర్‌ ప్యాకేజీ ఇప్పించి న్యాయం చేయాలని కోరారు. వారి త్యాగాలను గుర్తుంచుకుని సమన్యాయం చేయాలన్నారు. చెరువులను పూడ్చుతూ.. అక్రమాలకు పాల్పడుతున్నా పట్టించుకునేవారు లేరన్నారు. జనావాసాలకు దూరంగా కలెక్టరేట్‌ కడితే ప్రజలకు ఇబ్బంది కలుగుతుందని చెప్పినా పట్టించుకోవడం లేదన్నారు. మూడు నెలల క్రితం ఓ ప్రైవేటు వెంచర్‌ విషయంలో జరిగిన అక్రమాలపై విచారణ చేయాలని కోరితే ఇంతవరకూ అతీగతీ లేదన్నారు. రియల్‌ ఎస్టేట్‌ వ్యాపారులకు తాను వ్యతిరేకం కాదన్నారు. ఇవన్నీ ప్రజల కోసమే తాను మాట్లాడుతున్నానని, రాజకీయ లబ్ధి కోసం కాదని అన్నారు. తాను ఎవరికీ సరెండర్‌ కానని, ఏ విషయంలో కూడా లాలూచీ పడనని, తన వ్యక్తిత్వమేమిటో ప్రజలందరికీ తెలుసని అన్నారు. భవిష్యత్తు ప్రయోజనాల కోసమే మాట్లాడుతున్నానని, తన కాలేజీలో కొంత స్థలం ప్రజలకు ఉపయోగపడుతుందని భావించి ప్రభుత్వం కోరితే ఇచ్చేందుకు కూడా వెనకాడనని అన్నా రాంబాబు స్పష్టం చేశారు. టీడీపీ పాలనలో ఎలా మోసం చేశారో ప్రజలకు తెలుసు వెలిగొండ ప్రాజెక్టు, మార్కాపురం జిల్లా ఏర్పాటు కూటమి ప్రభుత్వ క్రెడిట్‌ కాదు మార్కాపురం ఎమ్మెల్యే కందుల వ్యాఖ్యలపై వైఎస్సార్‌ సీపీ నియోజకవర్గ ఇన్‌చార్జి అన్నా రాంబాబు ఆగ్రహం

పామూరు: ప్రజల నుంచి వచ్చే ఫిర్యాదులపై తక్షణం స్పందిస్తూ చట్టపరిధిలో విచారణ జరిపి బాధితులకు సాధ్యమైనంత వరకు సత్వర న్యాయం అందించేలా పోలీసు అధికారులు కృషి చేయాలని ఎస్పీ హర్షవర్థన్‌రాజు ఆదేశించారు. సోమవారం పామూరు సర్కిల్‌ కార్యాలయంలో ప్రజా సమస్యల పరిష్కార వేదిక (పోలీస్‌శాఖ మీ కోసం) కార్యక్రమం నిర్వహించారు. ఈ సందర్భంగా ఎస్పీ మాట్లాడుతూ ప్రజలకు పోలీస్‌శాఖ మరింత చేరువ కావాలనే లక్ష్యంతో పామూరులో ప్రత్యేకంగా మీ కోసం కార్యక్రమం ఏర్పాటు చేసినట్లు చెప్పారు. పామూరు, పరిసర గ్రామాల ప్రజలు వివిధ సమస్యలపై ఇచ్చిన అర్జీలను ఎస్పీ స్వీకరించి తక్షణ పరిష్కార చర్యలు చేపట్టాలని పోలీసు అధికారులను ఆదేశించారు. ఫిర్యాదుదారులతో నేరుగా ఎస్పీ మాట్లాడి సమస్యల పూర్వాపరాలు తెలుసుకుని చట్టపరంగా పరిష్కరిస్తామని భరోసా ఇచ్చారు. ప్రతి సోమవారం ప్రత్యామ్నాయంగా అన్ని సబ్‌డివిజన్ల పరిధిలో మీ కోసం కార్యక్రమం నిర్వహిస్తామని, జిల్లా పోలీస్‌ కార్యాలయంలో కూడా యథావిధిగా ఈ కార్యక్రమం కొనసాగుతుందని ఎస్పీ తెలిపారు. కార్యక్రమంలో కుటుంబ కలహాలు, చీటింగ్‌, భర్త, అత్తారింటి వేధింపులు, భూ, ఆస్తి వివాదాలు, ఇతర సమస్యలపై 41 ఫిర్యాదులు అందాయి. మార్కాపురం జిల్లా కేంద్రంలోని పోలీస్‌ కార్యాలయంలో నిర్వహించిన మీ కోసం కార్యక్రమానికి 36 ఫిర్యాదులు వచ్చాయి. పోలీస్‌స్టేషన్‌ ఆవరణలో పెట్రోల్‌ బంకు ఏర్పాటుకు ఎస్పీ భూమి పూజ... పామూరు పోలీస్‌స్టేషన్‌ ఆవరణలో పోలీస్‌శాఖ ఆధ్వర్యంలో ఐఓసీఎస్‌ భాగస్వామ్యంతో నూతనంగా ఏర్పాటు చేయనున్న పెట్రోల్‌ బంకు నిర్మాణానికి సోమవారం ఎస్పీ భూమి పూజ చేశారు. టెంకాయకొట్టి శిలఫలకాన్ని ఆవిష్కరించారు. ఈ సందర్భంగా ఎస్పీ మాట్లాడుతూ పోలీస్‌ సిబ్బంది సంక్షేమాన్ని దృష్టిలో ఉంచుకుని పామూరు పోలీస్‌స్టేషన్‌ ఆవరణలో నూతన పెట్రోల్‌ బంకు ఏర్పాటు చేస్తున్నట్లు తెలిపారు. పోలీస్‌ వెల్ఫేర్‌లో భాగంగా జిల్లాలోని పోలీస్‌ సిబ్బందికి అవసరమైన మౌలిక సదుపాయాలు సమకూర్చేందుకు నిరంతరం కృషి చేస్తామన్నారు. ప్రజలకు నాణ్యమైన ఇంధనాన్ని అందించాలనే లక్ష్యంతో ఇది ఏర్పాటు చేస్తున్నట్లు తెలిపారు. కార్యక్రమంలో కనిగిరి ఇన్‌చార్జ్‌ డీఎస్పీ పి.శ్రీధర్‌, పామూరు సీఐ దుర్గాసి వినోద్‌కుమార్‌, పొదిలి సీఐ మల్లి రాజేష్‌కుమార్‌, కనిగిరి సీఐ శ్రీనివాసరావు, ప్రజా సమస్యల పరిష్కార వేదిక ఎస్సై యాస్మిన్‌, ఎస్సైలు కట్టా అనూక్‌, పిచ్చాల వెంకటేశ్వరరెడ్డి, ఎస్బీ ఇన్‌స్పెక్టర్‌ శ్రీనివాసరావు, డీసీఆర్బీ ఇన్‌స్పెక్టర్‌ దేవప్రభాకర్‌, ఐటీ కోర్‌ ఇన్‌స్పెక్టర్‌ జగదీష్‌, ఆర్‌ఐ సీతారామిరెడ్డి, ఏఆర్‌ ఎస్సై తిరుపతిస్వామి, తదితరులు పాల్గొన్నారు. ఎస్పీ హర్షవర్థన్‌రాజు పామూరులో పోలీస్‌శాఖ మీ కోసం కార్యక్రమం

కందుకూరు: స్థానిక ఎమ్మెల్యే అవినీతి వ్యవహారంపై మండలి డిప్యూటీ చైర్మన్‌ తూమాటి మాధవరావు తీవ్ర స్థాయిలో ధ్వజమెత్తారు. రేషన్‌బియ్యం, ఉపాధి హామీ పనులు, గంజాయి, పేకాట శిబిరాలు, రెవెన్యూ, రిజిస్ట్రేషన్‌ వంటి శాఖల నుంచి పెద్ద మొత్తంలో కమీషన్‌లు వసూల్‌ చేసుకుంటూ, పద్ధతి మార్చుకోవాలని సూచించినందుకు తనపై విమర్శలు చేయడం విడ్డూరంగా ఉందంటూ ఎమ్మెల్యే ఇంటూరి నాగేశ్వరరావుపై మండిపడ్డారు. ఈ మేరకు సోమవారం స్థానిక నివాసంలో ఏర్పాటు చేసిన విలేకరుల సమావేశంలో ఆయన మాట్లాడారు. సంస్కారం లేనిది ఎవరికి.. మండలి డిప్యూటీ చైర్మన్‌గా ఎన్నికై సొంత మండలంలోని పవిత్ర పుణ్యక్షేత్రమైన మాలకొండ లక్ష్మీనరశింహస్వామి దేవస్థానానికి దర్శనానికి వస్తే కనీస ప్రోటోకాల్‌ పాటించకుండా అధికారులను అడ్డుకుని సంస్కార హీనంగా వ్యవహరించింది మీరు కాదా అంటూ ఎమ్మెల్యేని ప్రశ్నించారు. ప్రోటోకాల్‌ ప్రకారం కనీస మర్యాదను కూడా ఆలయ ఈఓ పాటించలేదని, పైగా గేట్లకు తాళాలు వేసి బయట నుంచో పెట్టారని ఆవేదన వ్యక్తం చేశారు. ఇదంతా ఎమ్మెల్యే నాగేశ్వరరావు ప్రోద్బలంతోనే జరిగిందనే విషయం తనకు అధికారుల ద్వారా తెలిసిందన్నారు. గత ఏడాది రాళ్లపాడు గేట్లు మరమ్మతులకు గురైతే రైతుల మేలు కోసం నిపుణులైన ఫ్రెండ్స్‌ని పిలిపించి సహాయం చేశామని గుర్తు చేశామన్నారు. అలాగే సీఎం చంద్రబాబునాయుడు కందుకూరు పర్యటన సమయంలో సీఎంకు ఏ సమస్యలపై వినతి పత్రం ఇవ్వాలనే విషయంలో స్వయంగా ఎమ్మెల్యే పీఏ తన పీఏకు ఫోన్‌ చేసి అడిగితే గర్బకండ్రిక భూముల విషయం, పట్టణ ట్రాఫిక్‌ సమస్య వంటి ప్రధాన సమస్యలపై ఇవ్వాలని సూచనలు చేశానని, అవే సమస్యలపై నాడు సీఎం వినతి పత్రం ఇవ్వలేదా అని చెప్పారు. పట్టణ అభివృద్ధి జగన్‌ వల్లే ముఖ్యమంత్రిగా ఉన్న సమయంలోనే జగన్‌మోహన్‌రెడ్డి పట్టణ అభివృద్ధికి రూ.23 కోట్ల నిధులు మంజూరు చేశారని, ఆ నిధులు ఖర్చు చేసి పనులు చేస్తూ తన ఘనతగా ఎమ్మెల్యే చెప్పుకోవడం సిగ్గు చేటన్నారు. అలాగే ఎంఐజీ లేఅవుట్‌లో ప్లాట్లు అమ్మగా వచ్చే నిధులను పట్టణ అభివృద్ధికి ఉపయోగించుకునేందుకు నాటి ప్రభుత్వం అనుమతి ఇచ్చిందన్నారు. రూ.350 కోట్లతో సింగరాయకొండ టు పామూరు హైవే, విక్కిరాలపేట రోడ్డు నిర్మాణం వంటి అనేక అభివృద్ధి పనులకి నాటి ప్రభుత్వంలోనే నిధులు మంజూరయ్యాయని వివరించారు. కానీ ఎమ్మెల్యే ఇవి తన ఘనతగా చెప్పుకుంటున్నారని విమర్శించారు. అక్రమ కేసులతో మున్సిపాలిటీని గెలవలేరు 30 వార్డుల ప్రాతిపదికన మున్సిపల్‌ ఎన్నికలకు వెళ్లేందుకు వైఎస్సార్‌సీపీ సిద్ధంగా ఉందని, కానీ అధికారంలో ఉన్న టీడీపీ ఎందుకు భయపడుతోందన్నారు. విలీన గ్రామాలను మున్సిపాలిటీ నుంచి తొలగించి ఎన్నికలు పెట్టే ధైర్యం ఎందుకు చేయడం లేదన్నారు. దీనికి బదులు గ్రామాల విలీనాన్ని సవాల్‌ చేస్తూ హైకోర్టులో పిటిషన్‌ వేసిన మాజీ కౌన్సిలర్‌ దాసరి మాల్యాద్రిని వేధించేందుకు కాల్‌మనీ, ఎస్సీ, ఎస్టీ అట్రాసిటీ కేసులు పెట్టడం దారుణం కాదా అని నిలదీశారు. టీడీపీ నేతల ఒత్తిళ్లకు భయపడి అక్రమాలకు పాల్పడుతున్న ఏ ఒక్క అధికారినీ వదిలిపెట్టమని హెచ్చరించారు. టీడీపీ కార్యకర్తలు తలదించుకునేలా ఎమ్మెల్యే వ్యవహారశైలి 20 ఏళ్ల తరువాత నియోజకవర్గంలో టీడీపీ అధికారంలోకి వస్తే ఎమ్మెల్యే ఇంటూరి నాగేశ్వరరావు వ్యవహార శైలితో ఆ పార్టీ కార్యకర్తలు తలెత్తుకుని తిరిగే పరిస్థితి లేకుండా చేశారన్నారు. ఉపాధి హామీ, రేషన్‌ బియ్యం, గంజాయి, పేకాట, రెవెన్యూ, సబ్‌రిజిస్ట్రార్‌ కార్యాలయం, బరిగొడ్ల లారీలు, రియల్‌ ఎస్టేట్‌ వ్యాపారుల నుంచి ఎకరానికి రూ.5 లక్షల చొప్పున వసూల్‌ చేస్తూ అవినీతి సామ్రాట్‌గా మారారని ధ్వజమెత్తారు. టీటీడీ సిఫార్సు లెటర్‌లు అమ్ముకుంటున్న విషయం తన దృష్టికి వచ్చిందని, కడపకు చెందిన సిరిజ అనే మహిళకు రూ.25 వేలకు టీటీడీ లెటర్‌ అమ్మారని చెప్పారు. ఈ విషయం తనకు తెలిసి పద్ధతి మార్చుకోవాలని సూచనలు చేస్తే తనపై తిరిగి విమర్శలు చేయడం విడ్డూరంగా ఉందన్నారు. సమావేశంలో పోలినేనిపాలెం ఎంపీటీసీ చింతలపూడి రవీంద్ర తదితరులు పాల్గొన్నారు.

కనిగిరిరూరల్‌: సీపీఐలో, ఎస్టీయూ టీచర్స్‌ సంఘంలో ప్రధాన భూమిక పోషించి, విప్లవ కళాకారుడిగా పేరుపొందిన రిటైర్డ్‌ ఉపాధ్యాయుడు బృంగి సుబ్రహ్మణ్యం ఆదివారం తుది శ్వాస విడిచారు. దేహదానం చేయాలన్న ఆయన చివరి కోరిక మేరకు సోమవారం కనిగిరి నుంచి సీపీఐ నాయకులు, వారి కుటుంబ సభ్యుల నేతృత్వంలో సుబ్రహ్మణ్యం భౌతికకాయాన్ని తీసుకెళ్లి ఒంగోలులోని మెడికల్‌ కళాశాలకు అప్పగించారు. ఒంగోలు సిటీ: వైఎస్సార్‌ సీపీ ఒంగోలు అసెంబ్లీ నియోజకవర్గానికి సంబంధించి ఒంగోలు రూరల్‌, ఒంగోలు టౌన్‌ విస్తృతస్థాయి సమావేశం ఈ నెల 24న నిర్వహించనున్నారు. గురువారం ఉదయం 10 గంటలకు స్థానిక జిల్లా పార్టీ కార్యాలయంలో సమావేశం జరగనుంది. ఒంగోలు అసెంబ్లీ నియోజకవర్గ ఇన్‌చార్జ్‌ చుండూరి రవిబాబు అధ్యక్షతన ఈ సమావేశం నిర్వహించనున్నట్లు పార్టీ కార్యాలయం ఒక ప్రకటనలో తెలిపింది. సమావేశానికి మాజీ టీటీడీ చైర్మన్‌, రాజ్యసభ సభ్యుడు వైవీ.సుబ్బారెడ్డి, ఉమ్మడి ప్రకాశం జిల్లా రీజినల్‌ కోఆర్డినేటర్‌ ఆళ్ల అయోధ్య రామిరెడ్డి, పార్టీ జిల్లా అధ్యక్షుడు, దర్శి ఎమ్మెల్యే బూచేపల్లి శివప్రసాద్‌రెడ్డి, జెడ్పీ చైర్‌పర్సన్‌ బూచేపల్లి వెంకాయమ్మ, ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి, ఒంగోలు అసెంబ్లీ పరిశీలకుడు వెంకటేశ్వర్లు నాయుడు తదితరులు ముఖ్య అతిథులుగా పాల్గొననున్నట్లు పేర్కొన్నారు. అన్ని నియోజకవర్గాల ఇన్‌చార్జిలతోపాటు ఒంగోలు మండల అధ్యక్షుడు మన్నే శ్రీనివాసరావు, ఒంగోలు నగర అధ్యక్షుడు కటారి శంకర్‌, ఇతర ముఖ్య నాయకులు హాజరుకానున్నారు. ఎంపీటీసీ, జెడ్పీటీసీ సభ్యులకు సన్మానం ఉమ్మడి ప్రకాశం జిల్లాలోని ఎంపీపీలు, జెడ్పీటీసీలు, ఎంపీటీసీల సభ్యులను సన్మానించనున్నారు. అలాగే పార్టీ పదవులు పొందిన వారికి గుర్తింపు కార్డులు అందజేసే కార్యక్రమం నిర్వహించనున్నట్లు పార్టీ కార్యాలయం తెలిపింది. ఈ కార్యక్రమంలో డివిజన్‌, గ్రామ అధ్యక్షులు, వివిధ విభాగాల అధ్యక్షులు, కమిటీ సభ్యులు, నియోజకవర్గ, జిల్లా, రాష్ట్ర స్థాయి నాయకులు, అనుబంధ విభాగాల ప్రతినిధులు హాజరై విజయవంతం చేయాలని కోరారు. ● అధికారుల తీరుపై కమిషన్‌ సభ్యుల ఆగ్రహం మార్కాపురం: ‘ఎన్నిసార్లు చెప్పినా.. మీలో మార్పురావడం లేదు. మీరు మారరా..’ అంటూ అధికారులపై బాలల హక్కుల కమిషన్‌ సభ్యులు ఆగ్రహం వ్యక్తం చేశారు. సోమవారం మార్కాపురంలోని పలు అంగన్‌వాడీ కేంద్రాలను, హాస్టల్స్‌ను రాష్ట్ర బాలల హక్కుల పరిరక్షణ కమిషన్‌ సభ్యులు ఉండవల్లి గాంధీబాబు, చల్లా మధుసూదన్‌రావు ప్రశ్నించారు. పట్టణంలోని పెద్దనాగులవరం రోడ్డులో ఉన్న గిరిజన సంక్షేమ హాస్టల్‌ను తనిఖీ చేశారు. పరిసరాలను, విద్యార్థులకు అందిస్తున్న వసతులు, భోజన సదుపాయాలను కమిటీ సభ్యులు పరిశీలించారు. హాస్టల్స్‌లో ఉన్న లోపాలను గుర్తించి తీవ్ర అసంతృప్తి వ్యక్తం చేశారు. గతంలో కూడా బాలల కమిషన్‌, ఫుడ్‌ కమిషన్‌ అధికారులు వచ్చి లోపాలు చెప్పినా పరిష్కరించకపోవడంపై అసహనం వ్యక్తం చేశారు. పద్ధతి మార్చుకుని విద్యార్థులకు మెరుగైన వసతులు, నాణ్యమైన భోజనం అందించాలని హెచ్చరించారు. వారి వెంట డీఈఓ సుబ్బారావు, ఐసీడీఎస్‌ పీడీ పద్మావతి, జిల్లా బాలల సంరక్షణ అధికారి దినేష్‌కుమార్‌, ట్రైబల్‌ అధికారి వెంకటేశ్వర్లు ఉన్నారు.

● అధికారులకు కలెక్టర్‌ రాజాబాబు ఆదేశం ఒంగోలు సబర్బన్‌: ప్రజల నుంచి స్వీకరించే ప్రతి అర్జీకి అత్యున్నత ప్రాధాన్యమిచ్చి వేగవంతంగా, నాణ్యంగా పరిష్కారం చూపాలని కలెక్టర్‌ పి.రాజాబాబు అధికారులను ఆదేశించారు. సోమవారం స్థానిక ప్రకాశం భవనంలో నిర్వహించిన ప్రజా సమస్యల పరిష్కార వేదిక (మీ కోసం) కార్యక్రమంలో జేసీ కల్పనా కుమారి, డీఆర్‌ఓ పి.వెంకటరమణ, ఎస్డీసీ మాధురితో కలిసి ప్రజల నుంచి నేరుగా వినతిపత్రాలు స్వీకరించారు. సాధారణ గ్రీవెన్స్‌లో 397 అర్జీలు, మధ్యాహ్నం నిర్వహించిన ఎస్సీ, ఎస్టీ ప్రత్యేక గ్రీవెన్స్‌లో 61 అర్జీలు కలిపి మొత్తం 458 అర్జీలు నమోదయ్యాయని కలెక్టర్‌ వెల్లడించారు. ప్రజల నుంచి వస్తున్న వినతుల పట్ల అధికారులు మరింత బాధ్యతాయుతంగా వ్యవహరించాలని స్పష్టం చేశారు. క్షేత్రస్థాయిలో సమస్యల తీవ్రతను స్వయంగా పరిశీలించి త్వరితగతిన గుర్తించి శాశ్వత పరిష్కారం చూపేందుకు తగిన చర్యలు తీసుకోవాలన్నారు. అర్జీలను కేవలం సాంకేతికంగా ముగించడం కాకుండా ప్రభుత్వం నిర్దేశించిన కాలపరిమితిలోగా నాణ్యమైన, సహేతుకమైన పరిష్కారం చూపాలని తేల్చిచెప్పారు. ఒకవేళ ఏవైనా కారణాల వల్ల తమ స్థాయిలో పరిష్కరించలేని పరిస్థితి ఉంటే, దానికి గల స్పష్టమైన కారణాలను అర్జీదారులకు వివరించి అవగాహన కల్పించాలన్నారు. సర్వేయర్ల పనితీరు, ప్రవర్తనలో మార్పు రావాలని కలెక్టర్‌ సూచించారు. క్షేత్ర స్థాయిలో వివిధ శాఖల అధికారులను సమన్వయం చేసుకుని పనిచేసి సమస్యలు పరిష్కరించడం ద్వారా మంచి ఫలితాలు రాబట్టాలన్నారు. జిల్లా కేంద్రంలో నిర్వహించే గ్రీవెన్స్‌కు క్రమంగా అర్జీల సంఖ్య తగ్గాలని, క్షేత్ర స్థాయిలో నిరంతరం సమస్యలు పరిష్కారమయ్యే వాతావరణం రావాలని కలెక్టర్‌ స్పష్టం చేశారు. ప్రభుత్వం నిర్వహిస్తున్న ఐ.వి.ఆర్‌.ఎస్‌ ఫోన్‌ కాల్స్‌ సర్వేలో ప్రజల నుంచి అత్యుత్తమ సానుకూల అభిప్రాయం లభించేలా అధికారులు చురుగ్గా పనిచేయాలని, రీ–ఓపెన్‌ అయ్యే అర్జీలను ప్రత్యేకంగా సమీక్షించి సమస్యలు పునరావృతం కాకుండా చూసుకోవాలని తెలిపారు.

బేస్తవారిపేట: విద్యుదాఘాతానికి రైతు మృతిచెందిన సంఘటన బేస్తవారిపేట మండలంలోని ఆర్‌.కొత్తపల్లె సమీపంలోని పొలంలో సోమవారం జరిగింది. నేకునాంబాద్‌కు చెందిన తిప్పిశెట్టి రాధామోహన్‌ (49) తన పొలంలో సాగుచేస్తున్న మొక్కజొన్న పంటకు నీరు పెట్టేందుకు వెళ్లాడు. పొలం చుట్టూ ఏర్పాటు చేసుకున్న ఇనుప కంచైపె హైటెన్షన్‌ విద్యుత్‌ తీగ తెగిపడింది. ఈ విషయాన్ని గమనించక రాధామోహన్‌ గేటు తీసుకుని లోపలికి వెళ్లాడు. పొలంలో పనిచేసుకునే సమయంలో ధరించే చొక్కా ఇనుప కంచైపె ఉండటంతో దానిని తీసుకుంటూ విద్యుదాఘాతానికి గురయ్యాడు. చెయ్యిపూర్తిగా కాలిపోయి అక్కడికక్కడే మృత్యువాతపడ్డాడు. గమనించిన చుట్టుపక్కల రైతులు రాధామోహన్‌ కుటుంబ సభ్యులకు, విద్యుత్‌శాఖ అధికారులకు సమాచారం అందించారు. మృతుడికి భార్య సుజాత, ఇంటర్‌, డిగ్రీ చదువుకునే ఇద్దరు పిల్లలు ఉన్నారు. ఎస్సై ఎస్‌వీ రవీంద్రారెడ్డి కేసు నమోదు చేసి దర్యాప్తు చేపట్టారు. మృతదేహాన్ని కంభం ప్రభుత్వ వైద్యశాలకు పోస్ట్‌మార్టం కోసం తరలించారు. కుటుంబానికి ఆధారమైన రాధామోహన్‌ మరణంతో భార్య, పిల్లలు, కుటుంబ సభ్యులు భోరున విలపించారు. ● కందుకూరులో మున్సిపల్‌ ఎన్నికల కోసం అధికార పార్టీ అరాచకాలు కందుకూరు: నిబంధనలకు విరుద్ధంగా మున్సిపాలిటీలో గ్రామాలను విలీనం చేస్తూ తీసుకున్న నిర్ణయాన్ని సవాల్‌ చేస్తూ హైకోర్టులో పిటీషన్‌ వేసిన మాజీ కౌన్సిలర్‌ దాసరి మాల్యాద్రిపై అధికార పార్టీ వేధింపులు తారాస్థాయికి చేశారు. హైకోర్టులో పిటీషన్‌ వెనక్కి తీసుకోవాలని కొంతకాలంగా మాల్యాద్రిపై అధికార పార్టీ నేతలు ఒత్తిడి చేస్తున్న విషయం తెలిసిందే. అందుకు మాల్యాద్రి ససేమిరా అంటూ వస్తున్నారు. ఈ నేపథ్యంలో పోలీసులను అడ్డంపెట్టుకుని దారికి తెచ్చుకునే ప్రయత్నంలో భాగంగా మాల్యాద్రి, అతని కుమారుడు బాలాజీపై అక్రమ కేసులు నమోదు చేయించారు. స్వతహాగా దాసరి మాల్యాద్రి వడ్డీ వ్యాపారం చేస్తుంటాడు. మాల్యాద్రికి, టీడీపీ దళిత నాయకుడు చనమాల శ్రీధర్‌కు మధ్య ఉన్న ఆర్థిక లావాదేవీలను అడ్డం పెట్టుకుని అక్రమ కేసులు నమోదు చేశారు. పట్టణంలోని పోలేరమ్మగుడి ప్రాంతంలో తనని అడ్డుకుని కులంపేరుతో దూషించి బెదిరించినట్లు శ్రీధర్‌ ఇచ్చిన ఫిర్యాదు మేరకు బీఎన్‌ఎస్‌ 308, 351, 115 సెక్షన్ల కింద సోమవారం ఎస్సీ, ఎస్టీ అట్రాసిటీ కేసు నమోదు చేశారు. ప్రస్తుతం దీనిపై తీవ్ర విమర్శలు వ్యక్తమవుతున్నాయి. నిబంధనలు పాటించమని కోర్టును ఆశ్రయిస్తే.. ఇలా అక్రమ కేసులతో వేధించడం సరైన విధానం కాదని, గ్రామాలు లేకపోతే మున్సిపాలిటీ గెలవలేమనే ఉద్దేశంతోనే అధికార పార్టీ నేతలు అరాచకాలకు పాల్పడుతున్నారనే విమర్శలు వ్యక్తమవుతున్నాయి. ఒంగోలు సబర్బన్‌: ప్రముఖ రచయిత, కవి గురజాడ అప్పారావు జయంతి సందర్భంగా ఆయన చిత్రపటానికి కలెక్టర్‌ పి.రాజాబాబు, జేసీ, అధికారులు పూలమాలలు వేసి ఘనంగా నివాళులర్పించారు. ఆయన చేసిన సేవలను కొనియాడారు.

మేదరమెట్ల: చంద్రబాబు పాలన అంటేనే కరువు ఖాయమని రైతుల్లో నానుడి. అది నిజమేనని ప్రస్తుతం మరోసారి రుజువైంది. వర్షాలు లేవు. పంటలు లేవు. దీన్ని ఆసరాగా చేసుకుని వ్యాపారులు నిత్యావసర సరుకుల ధరలను రోజురోజుకూ పెంచుకుంటూపోతున్నారు. వారిపై నియంత్రణ లేదు. రైతులు, కూలీలకు పనులు కరువయ్యాయి. దీంతో సగటు మనిషికి ఆదాయం లేకపోగా, సరుకుల ధరలు రోజురోజుకు ఎగబాతుంటే కనీసం మూడు పూటలా పిడికెడు మెతుకులు కూడా తినే పరిస్థితి లేకుండా పోతోంది. మూగ జీవాలకు సైతం గ్రాసం లేదు. ప్రభుత్వ పరంగా సైలేజ్‌ గడ్గి (పాతర గడ్డి) సరఫరా కూడా లేదు. చేలల్లో తాగడానికి గుక్కెడు నీళ్లు లేవు. దీనికంతటికి చంద్రబాబు ప్రభుత్వానికి ముందుచూపు లేకపోవడమే కారణమని రైతులు మండిపడుతున్నారు. ఇదిలా ఉంటే జిల్లాలో రీ సర్వే తప్పుల తడకగా జరిగింది. వాటిని సరిచేయాలంటే భారీగా మామూళ్లు చెల్లించాల్సిన దుస్థితి నెలకొంది. గ్రామాల్లో పచ్చ నేతల తీరుతో భూ యజమానులు నష్టపోతున్నారు. క్షామం వెంటాడుతూ పంటలు ఎండిపోతుంటే పట్టించుకున్న వారు లేకపోగా, మామూళ్ల పేరుతో సంబంధిత అధికారులు, పచ్చ నేతలకు మాత్రం కాసుల పంట పండుతోందని బాధితులు మండిపడుతున్నారు. రీ సర్వే ప్రక్రియలో జాయింట్‌ ఎల్‌పీ (ల్యాండ్‌ పార్శిల్‌) పేరుతో ఆటంకాలు సృష్టించడంతో ఆయా భూములకు రిజిస్ట్రేషన్లు ఆగాయి. బ్యాంకు రుణాలు మంజూరు కావడం లేదు. గతేడాది పంట నష్టపరిహారమైనా వస్తే కొంత ఆదరువుగా ఉంటుందంటే.. అదీ లేదని అన్నదాతలు ఆవేదన వ్యక్తం చేస్తున్నారు. ఈ నేపథ్యంలో జిల్లాను కరువు జిల్లాగా ప్రకటించాలని డిమాండ్‌ చేస్తున్నారు. మంచి జరిగితే తన ప్రతిభ.. చెడు జరిగితే అధికారుల తప్పు అంటున్న సీఎం... మంచి జరిగితే తన ప్రతిభ అని చెప్పుకోవడం.. తప్పు జరిగితే ప్రతిపక్షాలు, అధికారులపై నెట్టి వేయటం చంద్రబాబుకు వెన్నతో పెట్టిన విద్య. అధికారంలో ఉన్నా.. ప్రతిపక్షంలో ఉన్నా అది ఆయన నైజం. ప్రస్తుతం భూముల రీ సర్వేకు సంబంధించి గత వైఎస్సార్‌ సీపీ ప్రభుత్వంలో ఆనాటి ముఖ్యమంత్రి వైఎస్‌ జగన్‌మోహన్‌రెడ్డిపై చంద్రబాబు అండ్‌ కో విషం చిమ్ముతూ అసత్య ప్రచారాలు చేస్తోంది. రీ సర్వే జరిగితే ఎవరికీ భవిష్యత్తులో భూములు మిగలవంటూ ఆనాడు దుష్ప్రచారం చేశారు. దున్నపోతు ఈనిందంటే దూడను కట్టేయ్‌.. అన్న చందంగా అబద్ధాలు వండి వార్చారు. ప్రజలను భయాందోళనకు గురి చేశారు. ఎన్నికల వేళ అమలు చేయలేని హామీల వర్షం కురిపించి అన్ని వర్గాల ప్రజల ఓట్లు దండుకున్నారు. గెలిచిన తర్వాత రెండున్నరేళ్లుగా హామీలు అమలు చేయకుండా మోసగించారు. వీటి నుంచి ప్రజల దృష్టి మరల్చేందుకు వరుసగా ఏదోక విధంగా డైవర్షన్‌ పాలిటిక్స్‌ చేస్తున్నారు. ప్రస్తుతం రీ సర్వే ప్రక్రియను అడ్డం పెట్టుకుంటున్నారు. రీ సర్వేలో తేడాలుంటే సమాధానం చెప్పే వారు కరువయ్యారు. ఎకరాకు 5 సెంట్ల వరకు తగ్గినా ఒప్పుకోల్సిందేనంటూ రెవెన్యూ యంత్రాంగం చెప్తోంది. రీ సర్వేలో వివరాల నమోదు పలుచోట్ల తప్పులు తడకగా మారింది. అది ఉద్దేశపూర్వకమేనన్న వాదనలు బలంగా వినిపిస్తున్నాయి. వాటిని సరిచేసేందుకు రెవెన్యూ యంత్రాంగం పైసలు వసూలు చేస్తోంది. దీనికి పచ్చ నేతలు కొమ్ముకాస్తున్నారు. పచ్చ నోట్లు ఇస్తేనే పని జరుగుతుందని పచ్చనేతలే చెప్పడం గమనార్హం. ఎకరాకు 5 సెంట్ల వరకూ తగ్గినా అడగటానికి లేదట.! రీ సర్వేలో ప్రాథమికంగా రైతుల భూములు కొలిచే సమయంలో ఆయా ప్రాంతాల రైతులకు చెప్పి డ్రోన్‌ సర్వే నిర్వహించాలి. చాలా చోట్ల అలా జరగడం లేదు. ఈ క్రమంలో రికార్డుల్లో భూ విస్తీర్ణానికి సంబంధించిన కొలతల్లో 5 సెంట్ల వరకు తగ్గినా రైతులు అంగీకరించాల్సిందేనని రెవెన్యూ యంత్రాంగం చెప్పడం ప్రారంభించింది. ఇక, మొత్తం విస్తీర్ణంలో అంత కన్నా ఎక్కువ తగ్గితే ఆ సర్వే నంబర్‌లోని వాళ్లంతా సమానంగా తగ్గించుకోవాలని పచ్చ నేతలు అధికారుల పక్షాన పెద్దన్న పాత్రలు పోషిస్తున్నారు. అయితే, ఉన్న విస్తీర్ణం ఎటుపోతోందని రైతులు ప్రశ్నిస్తున్నారు. నష్టపోయిన వారి గోడు వినేవారు కరువయ్యారు. రీ సర్వేలో జరిగిన పొరపాట్లు సరిచేయాలంటే కూడా కాసులు చెల్లించనిదే కాగితం కదిలే పరిస్థితి కనిపించడం లేదని బాధిత రైతులు ఆవేదన వ్యక్తం చేస్తున్నారు. ఆగిన రిజిస్ట్రేషన్లు, మంజూరు కాని రుణాలు... జాయింట్‌ ఎల్‌పీ (ఉమ్మడి ల్యాండ్‌ పార్సెల్‌) అంటే ఒక భూ విస్తీర్ణంలో ఒకరి కన్నా ఎక్కువ మంది ఉన్నప్పుడు రైతులకు అవగాహన కల్పించి ఎవరి వ్యక్తిగత ఎల్‌పీ నంబర్‌ వారికి ఇవ్వాలి. అయితే, చాలా చోట్ల జాయింట్‌ ఎల్‌పీ ఇచ్చారు. సదరు ఉమ్మడి ప్రాంతంలో రైతులు ఒక అవగాహనకు రాకపోవటంతో జాయింట్‌ ఎల్‌పీ కింద నమోదు చేశామని రెవెన్యూ యంత్రాంగం చెబుతోంది. అయితే.. జాయింట్‌ ఎల్‌పీలో ఉన్న విస్తీర్ణాలకు రిజిస్ట్రేషన్లు కావడం లేదు. బ్యాంకుల్లో రుణాలు మంజూరు కావడం లేదని బాధితులు ఆవేదన వ్యక్తం చేస్తున్నారు. వాటి పరిష్కారం ఎప్పుడా అని ఎదురు చూస్తున్నారు. ప్రభుత్వం మాదే కావడంతో నోరు మూసుకున్నామంటున్న పలువురు టీడీపీ నాయకులు... రీ సర్వేలో తప్పులపై విపక్షాలు, సాధారణ ప్రజలతో పాటు టీడీపీకి చెందిన వారు కూడా తీవ్ర అసంతృప్తి వ్యక్తం చేస్తున్నారు. ఓ గ్రామానికి చెందిన టీడీపీ నాయకుడు మాట్లాడుతూ.. నాకు 20 సెంట్లు తగ్గింది.. ఎవరిని అడిగినా సమాధానం లేదని బహిరంగంగానే వ్యాఖ్యానిస్తున్నాడు. పార్టీ మాది.. మా వాళ్లే తేడాగా ఉన్నారు.. కడుపు చించుకుంటే కాళ్ల మీద పడుతుందని నోరు మూసుకున్నానని చెప్పుకొచ్చారు. మరో గ్రామ టీడీపీ కార్యకర్త మాట్లాడుతూ.. నాకు రెండు సర్వే నెంబర్లలో 17 సెంట్లు పోయింది. అదేమంటే మేం మాట్లాడుతున్నాం కదా.. నాలుగు రోజులు ఓపిక పట్టండని మా నాయకులే చెబుతున్నారు. ఏం చేయలేక నోరుమూసుకుంటున్నామని వాపోయారు. ఇలాంటి వారు జిల్లాలో కోకొల్లలుగా ఉన్నారు. ఒకవైపు రీ సర్వే కష్టాలు.. మరోవైపు కరువుతో నష్టాలు నాడు వైఎస్సార్‌ సీపీ ప్రభుత్వంలో పారదర్శకంగా రీ సర్వే నేడు అధికారులు, పచ్చ నేతల చేతివాటం జాయింట్‌ ఎల్‌పీలతో ఆగిపోయిన భూముల రిజిస్ట్రేషన్లు బ్యాంకుల్లో మంజూరు కాని రుణాలు నేటికీ అందని గతేడాది పంట నష్టపరిహారం చంద్రబాబు ప్రభుత్వానికి ముందు చూపు లేకపోవడమే కరువుకు కారణం ప్రకాశంను కరువు జిల్లాగా ప్రకటించాలని రైతుల డిమాండ్‌ వైఎస్సార్‌ సీపీ ప్రభుత్వంలో పారదర్శకంగా రీ సర్వే... కేంద్ర ప్రభుత్వ భూ వనరుల శాఖకు చెందిన డిజిటల్‌ ఇండియా ల్యాండ్‌ రికార్డ్స్‌ మోడరనైజేషన్‌ ప్రోగ్రాం (డీఐఎల్‌ఆర్‌ఎంపీ) కింద రాష్ట్రాల్లో రీ సర్వే ప్రక్రియ ప్రారంభమైంది. అందుకు సంబంధించి 2020వ సంవత్సరంలో ప్రభుత్వం నోటిఫికేషన్‌ జారీ చేసింది. జిల్లా మొత్తం భౌగోళిక విస్తీర్ణం 14.323 లక్షల హెక్టార్లు కాగా, 520 గ్రామాలు రీ సర్వే పరిధిలో ఉన్నాయి. సుమారు 60 శాతం రీ సర్వే పూర్తయిందని అధికారులు చెబుతున్నారు. మిగిలిన ప్రక్రియ వివిధ దశల్లో ఉంది. గత వైఎస్సార్‌ సీపీ ప్రభుత్వ హయాంలో రీ సర్వే పారదర్శకంగా జరిగింది. కానీ, నేడు కూటమి ప్రభుత్వంలో అంతా లోపభూయిష్టంగా మారింది. ఆనాటి వైఎస్‌ జగన్‌మోహన్‌రెడ్డి పాలనను, నేటి చంద్రబాబు పాలనను బేరీజు వేసుకుని కూటమి పాలనపై రైతులు మండిపడుతున్నారు.

● మార్కాపురం కలెక్టర్‌ విజయ సునీత ● ప్రజా సమస్యలపై 257 అర్జీల స్వీకరణ మార్కాపురం టౌన్‌: ప్రజా సమస్యల పరిష్కార వేదిక (పీజీఆర్‌ఎస్‌) ద్వారా ప్రజల నుంచి వచ్చిన అర్జీలను అధికారులు ప్రత్యేక చొరవతో, అత్యంత వేగంగా పరిష్కరించాలని కలెక్టర్‌ ఎం.విజయ సునీత ఆదేశించారు. సోమవారం స్థానిక కలెక్టరేట్‌ ప్రాంగణంలో నిర్వహించిన పీజీఆర్‌ఎస్‌ కార్యక్రమంలో అధికారులతో కలిసి ప్రజల నుంచి నేరుగా అర్జీలు స్వీకరించారు. ఈ సందర్భంగా కలెక్టర్‌ మాట్లాడుతూ క్షేత్రస్థాయిలో పరిష్కరించదగిన సమస్యలను అధికారులు నేరుగా పరిశీలించి అర్జీదారుల సమక్షంలోనే పారదర్శకంగా పరిష్కరించాలని సూచించారు. ఒకే సమస్యపై ప్రజలు పదేపదే కలెక్టరేట్‌ చుట్టూ తిరిగే పరిస్థితి రాకూడదని అన్నారు. రీ–ఓపెన్‌ అర్జీలు రాకుండా చూడాల్సిన పూర్తి బాధ్యత రెవెన్యూ అధికారులపై ఉందని స్పష్టం చేశారు. క్షేత్రస్థాయిలో ఉన్న సమస్యలు సరిచూసుకుని వాటి పరిష్కారానికి ప్రత్యేక చొరవ చూపాలన్నారు. స్వీకరించిన అర్జీల్లో ఎక్కువభాగం రెవెన్యూ శాఖకు సంబంధించినవే ఉన్నందున, రెవెన్యూ సమస్యలపై ప్రత్యేక దృష్టి పెట్టాలన్నారు. అధికారులు బాధ్యతాయుతంగా స్పందించి నిజమైన లబ్ధిదారులకు న్యాయం చేయాలన్నారు. ప్రజల సంతృప్తే ధ్యేయంగా పనిచేయాలని ఆదేశించారు. పీజీఆర్‌ఎస్‌ కార్యక్రమంలో వివిధ సమస్యలపై మొత్తం 257 అర్జీలు రాగా, వాటిలో రెవెన్యూ సంబంధిత అర్జీలు 182, ఇతర శాఖల సంబంధిత అర్జీలు 75 వచ్చినట్టు తెలిపారు. కార్యక్రమంలో జేసీ పి.శ్రీనివాసులు, డీఆర్‌ఓ వెంకట శివరామిరెడ్డి, వివిధ శాఖల జిల్లా స్థాయి అధికారులు పాల్గొన్నారు. సిబ్బంది కొరతతో అర్జీదారుల అవస్థలు... సమస్యలపై అర్జీలు ఇచ్చేందుకు పెద్ద సంఖ్యలో అర్జీదారులు సోమవారం మార్కాపురం కలెక్టరేట్‌కు వచ్చారు. సిబ్బంది వద్ద అర్జీలు అందజేసి రసీదులు పొందిన తర్వాత కలెక్టరేట్‌లో కలెక్టర్‌కు అర్జీలు అందజేస్తారు. అయితే, సోమవారం జరిగిన పీజిఆర్‌ఎస్‌లో అర్జీదారులకు రసీదులివ్వాల్సిన సిబ్బంది తక్కువ సంఖ్యలో ఉండటంతో అర్జీదారులు గంటలకొద్దీ వేచి ఉండక తప్పలేదు. సుమారు 3 సోమవారాలు వివిధ కారణాలతో పీజీఆర్‌ఎస్‌ నిర్వహించకపోవడంతో అధిక సంఖ్యలో అర్జీదారులు కలెక్టరేట్‌కు చేరుకున్నారు. వీరితోపాటు పూలసుబ్బయ్య వెలిగొండ ప్రాజెక్టు నిర్వాసితులు కూడా అధిక సంఖ్యలో రావడం, సిబ్బంది సరిపడా లేకపోవడంతో అర్జీదారులు తీవ్ర ఇబ్బందులకు గురయ్యారు.

వినాయక చవితి పర్వదినం సందర్భంగా ఏర్పాటు చేసిన భారీ గణనాథుని విగ్రహాలను సమీపంలోని సముద్ర తీర ప్రాంతాల్లో, కాలువలు, చెరువుల్లో నిమజ్జనం చేశారు. కొత్తపట్నం, పాకల, ఈతముక్కల సముద్ర తీరాల్లో దాదాపు 600 విగ్రహాలను నిమజ్జనం చేశారు. నీట మునిగిన విగ్రహాలు అలల తాకిడికి ముక్కలై తిరిగి తీరానికి చేరుతున్నాయి. విగ్రహాలతో పాటు పత్రి, ప్లాస్టిక్‌ సంచులు, భారీదండలను కూడా నీటిలో వేయడంతో అవన్నీ తీరానికి కొట్టుకొచ్చి సముద్ర తీర ప్రాంతమంతా కాలుష్యమయమైంది. అధికార యంత్రాంగం స్పందించి తీరాన్ని శుభ్రం చేయించాలని పర్యాటకులు కోరుతున్నారు. కురిచేడు ప్రాంతంలో సాగర్‌ కాలువల్లో నీరు లేకపోయినా అలాగే విగ్రహాలను వదిలేసి వెళ్లారు. – స్టాఫ్‌ ఫొటోగ్రాఫర్‌, ఒంగోలు

చుక్క చుక్కపైసాక్షి ప్రతినిధి, ఒంగోలు: కూటమి ప్రభుత్వం అధికారంలోకి వచ్చిన తరువాత నూతన మద్యం పాలసీ తీసుకొచ్చింది. తెలుగుదేశం పార్టీ ప్రజా ప్రతినిధులకు, నాయకులకు ఏటీఎంలుగా మద్యం దుకాణాలను సొంత వ్యక్తులకు కేటాయించింది. తద్వారా మొత్తం మద్యం వ్యాపారాన్ని చేతుల్లోకి తీసుకున్న కూటమి ప్రభుత్వం ఇష్టారాజ్యంగా అమ్మకాలు చేస్తోంది. జిల్లాలో రాష్ట్ర ప్రభుత్వం అధికారికంగా ఇచ్చిన మద్యం దుకాణాల కంటే అధికంగా బెల్ట్‌ షాపులు తెరచి అధిక ధరలకు మద్యం విక్రయాలు చేస్తున్నట్లు ఆరోపణలు వస్తున్నాయి. ఒంగోలు నుంచి మొదలుకొని మారుమూల గ్రామాలైన పుల్లలచెరువు, దిగువమెట్ట వరకు ఏ గ్రామంలో అయినా సరే బెల్ట్‌ షాపులు కనిపిస్తున్నాయి. ప్రభుత్వ నిబంధనలకు వ్యతిరేకంగా అర్ధరాత్రి, తెల్లవారుజాము అనే తేడా లేకుండా మద్యం విక్రయాలు సాగిస్తున్నారు. కీలక నేత కనుసన్నల్లోనే... జిల్లా కేంద్రమైన ఒంగోలులో మొత్తం 39 మద్యం దుకాణాలు ఉన్నాయి. నగరానికి ఎటు వైపు వెళ్లినా ఒక మద్యం దుకాణం తప్పకుండా కనిపిస్తుంది. జాతీయ రహదారి సమీపంలోనే మద్యం విక్రయాలు చేస్తున్నారు. ఇక్కడ మద్యం షాపులన్నీ కీలక నేత చేతుల్లోనే ఉన్నట్లు ప్రచారం జరుగుతోంది. ఒకటీ అరా దుకాణాలు ఇతరుల చేతికి వెళ్లినా వారిని తన దారికి తెచ్చుకొని మద్యం దుకాణాలను తన గుప్పిట్లో ఉంచుకున్నట్లు కూటమి నాయకులు గుసగుసలాడుకుంటున్నారు. మాట వినని మద్యం దుకాణాల నిర్వాహకులకు సామదానభేద దండోపాయాలు ఉపయోగిస్తున్నట్లు సమాచారం. కీలక నేత దుకాణాలు కావడంతో ఎకై ్సజ్‌ అధికారులు, పోలీసులు ఇటువైపు తొంగిచూసే సాహసం చేయడంలేదు. దాంతో ఇక్కడ ప్రభుత్వ నిబంధనలు ఒక్కటి కూడా అమలు కావడంలేదని కొంతమంది పచ్చ పార్టీ నాయకులే గొణుక్కుంటున్నారు. పర్మిట్‌ రూంలతో సంబంధం లేకుండా బెల్ట్‌ షాపులను నిర్వహిస్తున్నారు. కొప్పోలు వంటి ప్రదేశాల్లో పార్టీ నాయకులే బహిరంగంగా బెల్ట్‌ షాపులు పెట్టి అధిక ధరలకు మద్యం విక్రయిస్తున్నా అధికారులు మాత్రం క్షణం తీరికలేనట్లు నాటకాలాడుతున్నారని ప్రజా సంఘాలు ఆగ్రహం వ్యక్తం చేస్తున్నాయి. లక్ష్మీ కటాక్షం లేకుంటే ఇక్కడ కుదరదంతే.. దర్శి నియోజకవర్గంలో లక్ష్మీ కటాక్షం లేకుండా వ్యాపారం చేయడం కుదరదని పచ్చ పార్టీ నాయకులు చెప్పుకుంటున్నారు. అధికారికంగా 23 దుకాణాలు ఉండగా ఒక లైసెన్స్‌ బార్‌ ఉంది. 50కి పైగా రెస్టారెంట్లలో అనధికారికంగా మద్యం విక్రయాలు సాగుతున్నాయి. నియోజకవర్గంలో 800లకు పైగా బెల్ట్‌ షాపులు ఉన్నట్లు తెలుస్తోంది. బెల్ట్‌ షాపులకు ఒక ఆటో ద్వారా దుకాణాల నుంచి నేరుగా తెల్లవారు జామున ఐదు గంటలకే మద్యం తరలిస్తారు. మద్యం దుకాణాల్లో ఎమ్మార్పీ రేట్లకు అమ్మాల్సి ఉండగా రూ.20 అదనంగా అమ్ముతున్నారు. రెస్టారెంట్‌లు, బెల్ట్‌ షాపుల్లో ఏకంగా రూ.50 పైగా అదనంగా వసూళ్లు చేస్తున్నారు. ముఖ్య నేత ఒత్తిడి వల్లే అధికారులు చోద్యం చూస్తున్నారని జనం గుసగుసలాడుకుంటున్నారు. ముఖ్య నేత అనుచరులు ఇచ్చింది పుచ్చుకోవడం, చెప్పినట్లు నడుచుకోవడమే అధికారుల డ్యూటీ అని చెప్పుకుంటున్నారు. దర్శి మండలంలోని పోతవరం గ్రామానికి చెందిన ఓ టీడీపీ నేత మధ్యవర్తిగా పనిచేస్తూ ఎకై ్సజ్‌ అధికారుల తరఫున నెల మామూళ్లు వసూళ్లు చేస్తున్నట్లు ఆరోపణలు వెల్లువెత్తుతున్నాయి. అలాగే ఐదు మండలాల్లో పోలీస్‌ స్టేషన్‌ల పరిధిలో ముఖ్య పోలీస్‌ కానిస్టేబుల్‌ వసూళ్ల వ్యవహారం నడుపుతున్నారన్న ఆరోపణలున్నాయి. దర్శి నియోజకవర్గంలో ఒక్కో రెస్టారెంటుకు రూ.40 వేల చొప్పున మామూళ్లు వసూలు చేస్తున్నట్లు ప్రచారం సాగుతోంది. ఈ డబ్బుల్లో ఎకై ్సజ్‌, పోలీసు సిబ్బందికి 50:50 ఇస్తున్నట్లు తెలుస్తోంది. ఎమ్మార్పీ కంటే అదనంగా అమ్మకాలు... జిల్లాలో ఎక్కడా ఎమ్మార్పీ ధరలకు మద్యం విక్రయిస్తున్న దాఖలాలు లేవు. మార్కాపురం జిల్లాలోని గిద్దలూరు నియోజకవర్గంలో టీడీపీ కీలక నేతకు సొంత దుకాణం ఉంది. ఆయన దుకాణంలోనే బ్రాండెడ్‌ మద్యం విక్రయించాలని ఆయన హుకుం జారీ చేసినట్లు సమాచారం. దీంతో పట్టణంలో ఎక్కడా బ్రాండెడ్‌ మద్యం దొరకదు. అంతేకాకుండా ఆయన దుకాణంలో ఎమ్మార్పీ రేటుకు మద్యం విక్రయించరు. ఇష్టమొచ్చిన ధరలకు విక్రయిస్తుంటారు. బహిరంగంగా అధిక ధరలకు మద్యం విక్రయిస్తున్నట్లు ఆరోపణలు వెల్లువెత్తుతున్నా అధికారులు ఎవరూ పట్టించుకోవడంలేదు. పార్టీ పెద్దలకు ఫిర్యాదులు చేసినా చర్యలు లేవు. దాంతో సదరు కీలక నేత ఆడింది ఆట పాడింది పాట అన్న విధంగా తయారైంది. తూర్పున ఉన్న ఒక మంత్రి నియోజకవర్గంలో బెల్ట్‌ షాపుల్లో రూ.40 నుంచి రూ.70 వరకు అధిక ధరలకు విక్రయిస్తున్నట్లు ఆరోపణలు వినిపిస్తున్నాయి. కొత్త జిల్లా మార్కాపురంలో రూ.20, రూరల్‌ ప్రాంతంలో రూ.50 అధిక ధరలకు అమ్ముతున్నట్లు తెలుస్తోంది. యర్రగొండపాలెం నియోజకవర్గంలో బాటిల్‌ మీద రూ.20 వసూలు చేస్తున్నట్లు విమర్శలు వినిపిస్తున్నాయి. ఈ సొమ్మంతా ముఖ్య నాయకుడి జేబుల్లోకి చేరుతున్నట్లు పచ్చపార్టీ నాయకులే ఆరోపణలు చేస్తున్నారు. కందుకూరు నియోజకవర్గంలో సైతం రూ.50 వరకు అధిక ధరలకు అమ్ముకుంటూ సొమ్ము చేసుకుంటున్నట్లు ప్రచారం సాగుతోంది. ఒంగోలులో కూడా రూ.20 నుంచి రూ.50 వరకు అదనంగా తీసుకుంటున్నట్లు మందుబాబులు ఆరోపిస్తున్నారు. మద్యం కమీషన్లపై వాట్సాప్‌ గ్రూపుల్లో కామెంట్లు: మార్కాపురం జిల్లాలోని యర్రగొండపాలెం నియోజకవర్గంలో టీడీపీ ముఖ్య నేతకు, ఎకై ్సజ్‌ అధికారులకు భారీ మొత్తంలో నెలవారీ మామూళ్లు చెల్లిస్తున్నట్లు మద్యం వ్యాపారులు బహిరంగంగానే చెబుతున్నారు. ఈ విషయమై రెండు రోజులుగా సోషల్‌ మీడియాలో విపరీతమైన విమర్శలు వైరల్‌ అవుతున్నాయి. కలెక్షన్‌ బాబు, కరప్షన్‌ బాబు అంటూ వాట్సప్‌ గ్రూపుల్లో హల్‌చల్‌ చేస్తోంది. ఇక్కడ టీడీపీలోని ఒక వర్గం ముఖ్యనేతపై ముఖ్యమంత్రికి ఫిర్యాదులు చేసినా ప్రయోజనం లేకుండా పోవడంతో పచ్చపార్టీ నాయకులు, కార్యకర్తలు నిరాశకు గురవుతున్నారు. అధిష్టానమే పట్టించుకోకపోతే మేమేం చేయగలమని కొందరు నాయకులు కూటమికి దూరంగా ఉంటున్నారు. ఎటు చూసినా బెల్ట్‌ షాపులే... ఉమ్మడి జిల్లా వ్యాప్తంగా ఎటు చూసినా బెల్ట్‌ షాపులు దర్శనమిస్తున్నాయి. దర్శి నియోజకవర్గంలో 800 బెల్ట్‌ షాపులు, కొండపిలో 390, మార్కాపురంలో 114, యర్రగొండపాలెంలో 220, ఒంగోలులో 200, కందుకూరులో 500, గిద్దలూరులో 250, కనిగిరి నియోజకవర్గంలో 200కి పైగానే బెల్ట్‌ షాపులున్నట్లు ప్రచారం జరుగుతోంది. ఉమ్మడి జిల్లాలో మొత్తం మీద 2500 నుంచి 3 వేల వరకు బెల్ట్‌ షాపులు ఉన్నట్లు అనధికార లెక్కలు చెబుతున్నాయి. ఇంత పెద్ద మొత్తంలో బెల్ట్‌ షాపులు పెట్టి విచ్చలవిడిగా మద్యం విక్రయిస్తున్నా ఎకై ్సజ్‌, పోలీసు అధికారులు పట్టించుకోవడంలేదు. ముడుపులు ఇవ్వని షాపులు, కీలక నేతల చెప్పుచేతల్లో ఉండని దుకాణాల మీద మాత్రమే తనిఖీలు నిర్వహించడం, కేసులు పెట్టడం వంటి చర్యలు తీసుకుంటున్నారని విమర్శలు వినిపిస్తున్నాయి. అదే సమయంలో నిబంధనలు ఉల్లంఘిస్తున్న అధికార పార్టీ నాయకులకు చెందిన మద్యం దుకాణాలను వదిలిపెడుతున్నారని ఆరోపణలున్నాయి. ఉమ్మడి ప్రకాశం జిల్లాలో మద్యం పరవళ్లు తొక్కుతోంది. మంచినీరు దొరకని గ్రామం ఉంది కానీ మద్యం దొరకని ఊరులేదు. జిల్లా కేంద్రాల నుంచి మారుమూల గ్రామాల వరకు అడుగడుగునా బెల్టుషాపులు యథేచ్ఛగా సాగిపోతున్నాయి. మద్యం షాపులను టీడీపీ నేతలు చెప్పు చేతల్లో ఉంచుకుని ఎమ్మార్పీ కంటే అధిక ధరలకు విక్రయిస్తున్నారు. ఒక్కో బాటిల్‌పై రూ.20 నుంచి రూ.70 వరకు అదనంగా వసూలు చేస్తున్నారు. ఎవరి వాటాలు వారికి వెళ్తుండటంతో ఎకై ్సజ్‌, పోలీసు అధికారులు పట్టించుకోవడం లేదన్న ఆరోపణలు వెల్లువెత్తుతున్నాయి. 10205030

సూర్యాపేటటౌన్‌/ఖమ్మం అర్బన్‌ : కారు అదుపు తప్పి రోడ్డు పక్కన ఇనుప రెయిలింగ్‌ను ఢీకొనడంతో మంటలు వ్యాపించి అందులో ప్రయాణిస్తున్న డాక్టర్‌ సజీవ దహనమయ్యారు. ఈ ఘటన సూర్యాపేట మండలం పిల్లలమర్రి సమీపంలో ఆదివారం ఉదయం జరిగింది. పోలీసులు తెలిపిన వివరాల ప్రకారం.. ఏపీలోని ప్రకాశం జిల్లా కొత్తపట్నం మండలం సుంకువారిగుంట గ్రామానికి చెందిన వైద్యుడు కాసుకుర్తి జగదీశ్‌(50) ఇరవై ఏళ్లుగా ఖమ్మంలోని మమత ఆస్పత్రిలో న్యూరో సర్జన్‌గా పనిచేస్తూ అక్కడే ఉంటున్నారు. ఆయన భార్య సుమప్రీతి హైదరాబాద్‌లోని సురభి మెడికల్‌ కళాశాల ప్రిన్సిపాల్‌గా పనిచేస్తున్నారు. వారికి ఇద్దరు కుమార్తెలు ఉన్నారు. జగదీశ్‌ భార్య, పిల్లలు హైదరాబాద్‌లో నివసిస్తున్నారు. వారం లేదా 15 రోజులకు ఒకసారి కుటుంబ సభ్యులను కలిసేందుకు జగదీశ్‌ హైదరాబాద్‌కు వెళ్తుంటారు.కుమార్తె పుట్టినరోజుకు వెళ్తూ.. సోమవారం జగదీశ్‌ కుమార్తె పుట్టినరోజు ఉండటంతో ఆదివారం ఉదయం 6 గంటల సమీపంలో ఆయన ఖమ్మం నుంచి హైదరాబాద్‌కు కారులో బయల్దేరారు. మార్గమధ్యలో పిల్లలమర్రి సమీపంలో ఖమ్మం–హైదరాబాద్‌ హైవేపై ఫ్లైఓవర్‌ ఎక్కుతుండగా కారు అదుపుతప్పి పక్కనే ఉన్న ఇనుప రెయిలింగ్‌ను ఢీకొట్టి ముందుకు దూసుకెళ్లింది. దీంతో కారులో మంటలు చెలరేగాయి. చుట్టుపక్కల రైతులు గమనించి పోలీసులకు సమాచారం ఇచ్చారు. పోలీసులు, అగ్నిమాపక సిబ్బంది ఘటనా స్థలానికి చేరుకుని మంటలను అదుపులోకి తెచ్చారు. అప్పటికే కారు పూర్తిగా కాలిపోగా.. జగదీశ్‌ సజీవ దహనమయ్యారు.జగదీశ్‌ మృతదేహం గుర్తుపట్టలేని స్థితిలో ఉండటంతో పోలీసులు వాహనం వివరాల ఆధారంగా దర్యాప్తు చేపట్టారు. కొత్త కారు కావడంతో ఇంకా నంబర్‌ ప్లేటు కూడా లేదు. దీంతో ఖమ్మం రహదారిపై ఉన్న టోల్‌గేట్‌ వద్ద వాహనాన్ని గుర్తించి, అందులో డాక్టర్‌ జగదీశ్‌ ప్రయాణిస్తున్నట్టు పోలీసులు నిర్ధారించుకుని కుటుంబ సభ్యులకు సమాచారం అందించారు. మృతదేహాన్ని సూర్యాపేట ఆస్పత్రి మార్చురీకి తరలించి పోస్టుమార్టం అనంతరం కుటుంబ సభ్యులకు అప్పగించారు.పోలీసుల ఆరా..అత్యంత ఖరీదైన కారులో మంటలు చెలరేగడంపై పోలీ సులు దర్యాప్తు చేస్తున్నారు. అత్యాధునిక ఫీచర్లు కలిగిన ఈ కారు రెయిలింగ్‌ను ఢీకొన్న సమయంలో ఇంధనం, విద్యుత్‌ వ్యవస్థలో ఏదైనా సమస్య తలెత్తిందా అని పరిశీలిస్తున్నారు. వాహనం పూర్తిగా దగ్ధం కావడంతో ప్రమాదానికి ముందు కారులో ఏదైనా సాంకేతిక సమస్య ఏర్పడిందా అనే అంశంతోపాటు ప్రమాదానికి ముందు కారు వేగం, డ్రైవర్‌ నియంత్రణ కోల్పోయిన పరిస్థితుల పైనా ఆరా తీస్తున్నారు.బాలాజీ–సరోజిని దంపతులకు నాలుగో సంతానంగా జగదీశ్‌ జన్మించారు. తండ్రి రైల్వే కూలీగా, తల్లి దినసరి కూలీగా పనిచేస్తుండగా, అన్నయ్య, అక్కయ్యలు సైతం వ్యవసాయ కూలీలుగా పనిచేస్తూ కుటుంబాన్ని పోషించే వారు. జగదీశ్‌ ఆర్థిక ఇబ్బందులు ఎదురైనా ఉపాధ్యాయులు, శ్రేయోభి లాషుల సహకారంతో వైద్యవిద్య పూర్తిచేశారు. వినాయకుడిని సాగనంపి.. పేషెంట్‌ను చూసి..డాక్టర్‌ జగదీశ్‌ శనివారం రాత్రి వరకు వైద్యులు, విద్యార్థులతో కలిసి వినాయక నిమజ్జన వేడుకల్లో పాల్గొన్నారు. ఉత్సాహంగా నృత్యం చేశారు. ఆదివారం తెల్లవారుజామున నాలుగు గంటల ప్రాంతంలో అత్య వసర కేసు రావడంతో ఆస్పత్రికి వెళ్లి రోగిని పరిశీలించారు. సోమవారం ఆపరేషన్‌ చేస్తానని రోగి కుటుంబీకులకు చెప్పారు. ఇంతలోనే ప్రమాదం జరిగింది. దీనికి నిద్రమత్తు కారణమా అన్న చర్చ జరుగుతోంది. ఖరీదైన కారు.. అయినా దక్కని ప్రాణంసురక్షిత ప్రయాణం కోసం సుమారు రూ.1.20 కోట్లు వెచ్చించి రెండు నెలల క్రితమే డాక్టర్‌ జగదీశ్‌ ఖరీదైన కారును కొనుగోలు చేసినట్లు సహచరులు తెలిపారు. అయితే అదే కారులో జరిగిన ప్రమాదం ఆయన ప్రాణాలను కాపాడలేకపోయిందని పలువురు వైద్యులు కన్నీటి పర్యంతమయ్యారు. ప్రమాదం ఎలా జరిగిందన్న పూర్తి వివరాలు అధికారిక దర్యాప్తులో తేలాల్సి ఉంది.డాక్టర్‌ జగదీశ్‌ భార్య, కుమార్తెలను ఓదార్చిన డాక్టర్లుడాక్టర్‌ జగదీశ్‌ బాబు మృతదేహంతో మమత ఆసుపత్రి ప్రాంగణానికి వచ్చిన డాక్టర్‌ భార్య, ఇద్దరుకుమార్తెలను పలువురు డాక్టర్లు ఓదార్చారు. ఇంతటి ఘోరం జరగడం ఎంతో బాధకరం అని పలువురు వారికి తమ సంతాపం వ్యక్తం చేశారు.వేలాదిమందితో అంతిమయాత్రసూర్యాపేటలో పోస్టుమార్టం అనంతరం డాక్టర్‌ జగదీశ్‌బాబు మృతదేహాన్ని ఖమ్మానికి తీసుకొచ్చారు. ఇండియన్‌ మెడికల్‌ అసోసియేషన్‌ ఆధ్వర్యంలో వైద్యులు నివాళులర్పించారు. అనంతరం అక్కడి నుంచి మమత ఆసుపత్రి వరకు అంతిమయాత్ర నిర్వహించారు. వేలాదిమంది వైద్యులు, వైద్య విద్యార్థులు, ఆసుపత్రి సిబ్బంది, జగదీశ్‌బాబు వద్ద వైద్యం పొందిన రోగులు, వారి కుటుంబ సభ్యులు కన్నీటి పర్యంతమవుతూ అంతిమయాత్రలో పాల్గొన్నారు. మమత ఆసుపత్రిలో ఏర్పాటు చేసిన నివాళి కార్యక్రమంలో మాజీ మంత్రి పువ్వాడ అజయ్‌కుమార్, మమత వైద్య విద్యాసంస్థల కార్యదర్శి పువ్వాడ జయశ్రీ తదితరులు మృతదేహానికి పూలమాలలు వేసి నివాళులర్పించారు. అనంతరం వైద్యులు, విద్యార్థులు డాక్ట‌ర్ జగదీశ్‌ పార్థీవ‌దేహాన్ని సందర్శించి కన్నీటి వీడ్కోలు పలికారు. కుటుంబ సభ్యుల రోదనలు, సహచర వైద్యుల కన్నీళ్లతో ఆసుపత్రి ప్రాంగణంలో తీవ్ర విషాదం అలుముకుంది.పేదల గుడిసెల వద్దకు వెళ్లి వైద్యంఒంగోలు టౌన్‌: నిరుపేద దళిత కుటుంబంలో పుట్టిన డాక్టర్ కాసుకుర్తి జగదీశ్‌ కసితో ఉన్నత శిఖరాలు అందుకున్నారు. అయినప్పటికీ తన మూలాలను మరిచిపోకుండా పేదలకు వైద్య సేవలందించారు. వైద్యాన్ని వ్యాపారంగా కాకుండా ప్రజా సేవగా తలచిన డాక్టర్‌ జగదీశ్‌పేదల గుడిసెల వద్దకు వెళ్లి వైద్య చికిత్సలు చేశారని ప్రజా సంఘాల నాయకులు చెబుతున్నారు. ఇదీ చ‌ద‌వండి: మిస్ట‌రీ డాక్ట‌ర్ ఎక్క‌డ‌?అణగారిన ప్రజల బాధలను తన బాధగా భావించి నిరుపేదలకు అండగా నిలిచిన డాక్టర్‌ జగదీశ్‌ మరణం సామాన్య ప్రజలకు తీరని లోటని సీపీఐఎంఎల్‌ న్యూడెమక్రసీ రాష్ట్ర నాయకులు చిట్టిపాటి వెంకటేశ్వర్లు సంతాపం తెలిపారు. కొత్తపట్నం మండలం నుంచి వచ్చిన తొలి వైద్యుడు జగదీష్‌ మతి పట్ల శ్రీరాం సూపర్‌ స్పెషాలిటీ హాస్పటల్ ఎండీ డాక్టర్‌ చాపల వంశీకష్ణ నివాళులు అర్పించారు. నిరుపేదలకు వైద్యం చేయడంలో డాక్టర్‌ జగదీశ్‌ ముందుండేవారని, సామాజిక సేవాతో వ్యవహరించే ఆయన మరణం బాధకలిగిస్తుందన్నారు. చిన్నవయసులోనే నూరేళ్లు నిండిన డాక్టర్‌ జగదీశ్‌కు పలువురు వైద్యులు నివాళులు తెలిపారు.

చెరువులు చెరబట్టి.. అభివృద్ధి మాటున అక్రమంగా మట్టి దోపిడీ.. నియోజకవర్గంలో జరుగుతున్న గ్రీన్‌ఫీల్డ్‌ హైవే, నేషనల్‌ హైవే రోడ్డు పనులు, నడికుడి–కాళహస్తి రైల్వే అభివృద్ధి పనులు అధికార పార్టీ నాయకులకు వరంగా మారాయి. అభివృద్ధి పనుల మాటున విస్తృతంగా మట్టి దోపిడీకి పాల్పడుతున్నారు. కనిగిరి మండలం బల్లిపల్లి, బాల వెంకటాపురం, యర్రబల్లి, తమటంవారిపల్లి వాగు, అడ్డరోడ్డు, పునుగోడు, చిన ఇర్లపాడు, యడవల్లి, దిరిశవంచ, చెరువుల్లో, కుంటల్లో, సీఎస్‌పురం శివారు ప్రాంతాల్లో కుంటల్లో యంత్రాలతో జోరుగా మట్టిని తవ్వుతున్నట్లు సమాచారం. గ్రీన్‌ ఫీల్డ్‌, నేషనల్‌ హైవే రోడ్డు పనులకు, రైల్వే లైన్‌ పనులకు అధికారుల అనుమతితో తవ్వకాలు చేస్తున్నట్లు కొందరు చెప్తున్నారు. అయితే పగటి పూట తవ్వకాలు అభివృద్ధి పనుల కోసం కాగా.. రాత్రి పూట గ్రామ స్థాయి ద్వితీయ శ్రేణి నాయకులు తమ అక్రమ వ్యాపారం కోసం తవ్వుకుంటున్నారనే ఆరోపణలున్నాయి. ఏ చెరువులో ఎన్ని క్యూబిక్‌ మీటర్ల తవ్వకాలకు అనుమతి ఉంది.. మట్టిని ఎవరు తవ్వుకు పోతున్నారనే దాన్ని పరిశీలన చేయాల్సిన ఇరిగేషన్‌, రెవెన్యూ అధికారులు కనీసం ఆవైపు కన్నెత్తి చూడటం లేదు. దీంతో గ్రామ స్థాయి టీడీపీ నేతలకు ఇది మంచి వరంగా మారింది. ట్రాక్టర్‌ మట్టిని రూ.800 నుంచి రూ.1000 వరకు, టిప్పర్‌ మట్టి అయితే రూ.3 నుంచి రూ.4 వేలకు అమ్ముతూ జోరుగా వ్యాపారం సాగిస్తున్నారు. ఏ గ్రామంలో ఏకుంటలో, ఏ చెరువులో ఎంత మేరకు మట్టి తవ్వకాలకు అనుమతి తీసుకున్నారు.. అసలు అనుమతి పొందారా లేదా.. అనేది ఆ పంచాయతీ కార్యదర్శి, వీఆర్వోలకు కూడా సమాచారం ఇవ్వడం లేదనే ఆరోపణలు ఉన్నాయి. అయితే ఈ తవ్వకాల గురించి తెలిసినా వాటిపై ప్రశ్నించేందుకు క్షేత్ర స్థాయి అధికారులు జంకుతున్నారని సమాచారం. చంద్రబాబు ప్రభుత్వం అధికారంలోకి వచ్చాక కూటమి నాయకులకు కాదేదీ దోపిడీకి అనర్హం అన్న చందాన మారింది. మట్టి, రేషన్‌, ఇసుక, చిల్లకర్ర, తెల్లరాయి ఇలా ఒకటేమిటి అన్ని రకాలుగా దోపిడీకి పాల్పడుతున్నారు. చెరువులను చెరబట్టి నిత్యం మట్టి తవ్వి తరలించి సొమ్ము చేసుకుంటున్నారు. దాన్ని అరికట్టాల్సిన అధికార యంత్రాంగం మామూళ్ల మత్తులో జోగుతూ..అధికార పార్టీ నేతలకు వత్తాసు పలుకుతూ.. మౌనం దాల్చుతున్నారనే ఆరోపణలు వెల్లువెత్తుతున్నాయి. కనిగిరిరూరల్‌/పామూరు: కూటమి నేతల కనుసన్నల్లో మట్టి మాఫియా రెచ్చిపోతోంది. కనిగిరి నియోజకవర్గంలో చెరువులను ఎక్కడికక్కడ తవ్వేసి గుల్లచేస్తున్నారు. నియోజకవర్గంలోని అన్ని మండలాల్లో మట్టి తవ్వకాలు సాగుతున్నా.. సీఎస్‌పురం, పామూరు మండలాల్లో మట్టి దోపిడీకి అడ్డూ, అదుపు లేకుండా పోయింది. అధికార పార్టీ నేతల అండతో అక్రమార్కులు చెరువులు, కుంటల్లోని మన్నును జేసీబీలు, పొక్‌లైన్‌లతో తవ్వి తరలిస్తున్నారు. సీఎస్‌పురం మండలంలోని ముండ్లపాడులో టీడీపీ నేతల అండతో కొందరు అక్రమార్కులు జోరుగా మట్టిని తవ్వి ట్రాక్టర్లకు తరలిస్తున్నారు. గృహాల పునాదులకు, ఇటుక బట్టీలకు, రియల్‌ ఎస్టేట్‌ ప్లాట్‌లకు తరలిస్తూ..జోరుగా వ్యాపారం సాగిస్తున్నారు. అలాగే జాతీయ రహదారి, గ్రీన్‌ఫీల్డ్‌ హైవే రోడ్డు కోసం అంటూ మట్టిని తోడుతున్నారు. తమ గ్రామంలోని చెరువుల్లో మట్టి తవ్వేస్తున్నారని అధికారులకు చెప్పినా.. నామ్‌కే వాస్తేగా వ్యవహరిస్తున్నారని స్థానికులు తెలిపారు. ఇక పామూరు మండలంలో మట్టి అక్రమార్కుల దోపిడీకి అడ్డు, అదుపు లేకుండా పోయింది. రైతుల భూములు, వాగులు, వంకలు, చెరువులను వదలకుండా కూటమి నేతలు దోచుకుంటున్నారు. మండలంలోని నుచ్చపొద, తిరిగల దిన్నె శివారు గ్రామాల్లో జోరుగా జేసీబీ, యంత్రాలతో చాలా రోజులుగా తవ్వకాలు చేస్తున్నారు. మట్టి దందాతో వాగుల్లో, కుంటల్లో సుమారు 15 నుంచి 20 అడుగుల గోతులు ఏర్పడ్డాయి. ఈ అక్రమ మట్టి రవాణా తంతు అంతా జాతీయ రహదారులపై నుంచే జరుగుతున్నా.. ఏ శాఖ అధికారీ పట్టించుకోవడం లేదంటే పరిస్థితి అర్థం చేసుకోవచ్చు. ఎవరైనా పేదవాడు ఇళ్లు కట్టుకునేందుకు నాలుగు ట్రాక్టర్లు మట్టి చెరువుల్లో నుంచి తోలుకుంటుంటే.. ఆఘ మేఘాలపై వాలి హడావుడి చేసి, పెనాల్టీలు, వాహనాలు సీజ్‌లు చేసే ఇరిగేషన్‌, రెవెన్యూ, ఇతర శాఖల అధికారులు అభివృద్ధి పనుల మాటున అడ్డంగా దోచుకుంటున్న మట్టి మాఫియాపై ఎందుకు నిఘా పెట్టడం లేదని ప్రజలు ప్రశ్నిస్తున్నారు. మన్ను తవ్వకమే వ్యాపారంగా.. శివారు ప్రాంతాల్లోని గ్రామాల్లో యథేచ్ఛగా అక్రమ మట్టి తవ్వకాలు సాగుతున్నాయి. అధికార పార్టీ నేతల అండతో కొందరు వ్యాపారులు చెరువుల్లో, వాగుల్లో, కుంటల్లోని మట్టిని జేసీబీలు, పొక్‌లైన్‌లతో తోడుకుంటున్నారు. హనుమంతునిపాడు మండలానికి చెందిన ఓ ద్వితీయ శ్రేణి నాయకుడు మట్టి తవ్వకాన్నే ఆదాయ వనరుగా మార్చుకుని.. యంత్రాలతో జోరుగా చెరువులు, కుంటలు, వాగుల్లో తవ్వేస్తున్నాడనే ప్రచారం హోరెత్తుతోంది. ఆ ఛోటా నాయకుడికి అధికార పార్టీ నేతల అండ ఉండటంతో అధికారులు ఆ వైపు కన్నెత్తి చూడరనే ఆరోపణలున్నాయి. అంతేగాక అధికారులకు నెలవారీ నజరానాలు ఠంఛన్‌గా అందిస్తారనే విమర్శలు వెల్లువెత్తుతున్నాయి. దీనిపై ఎవరైనా ఇరిగేషన్‌ అధికారులకు ఫిర్యాదు చేసినా, అడిగినా.. రైల్వే, గ్రీన్‌ ఫీల్డ్‌, హైవే పనులకు మట్టి తరలిస్తున్నారని, చూసి, విచారించి చర్యలు తీసుకుంటామని అధికారులు జారుకుంటున్నారు. ఇక ఇతర శాఖల అధికారులు అది తమ పరిధి కాదంటూ మౌన వ్రతం పాటిస్తున్నారు.

● అదుపుతప్పి లోయలో పడిన బొలారో వాహనం ● ప్రాణాపాయం నుంచి త్రుటిలో తప్పించుకున్న డ్రైవర్‌ పెద్దదోర్నాల: ఎదురుగా వస్తున్న వాహనాన్ని తప్పించే క్రమంలో బొలారో వాహనం అదుపు తప్పి లోయలో పడింది. ప్రమాదంలో వాహనం నడుపుతున్న డ్రైవర్‌ ఫణి స్వల్ప గాయాలతో బయటపడ్డాడు. ఈ సంఘటన శ్రీశైలం ఘాట్‌లోని చింతల గిరిజన గూడెం సమీపంలో జరిగింది. వివరాల్లోకి వెళితే..కర్నూల్‌ నుంచి శ్రీశైలం వైపునకు అరటి కాయల లోడుతో వెళుతున్న బొలెరో వాహనం ఎదురుగా వస్తున్న వాహనాన్ని తప్పించే క్రమంలో అదుపు తప్పి లోయలో పడింది. దీందో రాత్రంతా వాహనంలోనే గడిపిన అతన్ని గమనించిన ఓ కారులోని ప్రయాణికులు రోడ్డుపైకి చేర్చి సమాచారాన్ని 108కు సమాచారం ఇచ్చారు. 108 ఈఎంటీ సుభానీ, పైలెట్‌ శ్రీనివాసులు హుటాహుటిన సంఘటనా స్థలికి చేరుకొని క్షతగాత్రుడిని పెద్దదోర్నాల ప్రభుత్వ వైద్యశాలకు తరలించగా వైద్య సిబ్బంది వైద్య పరీక్షలు నిర్వహించారు. ఈ మేరకు పోలీసులు కేసు నమోదు చేసుకొని దర్యాప్తు చేస్తున్నారు. పెద్దదోర్నాల: పూలసుబ్బయ్య వెలిగొండ ప్రాజెక్ట్‌ను కలెక్టర్‌ ఎం విజయ సునీత ఆదివారం సందర్శించారు. నీటి నిల్వలను, ప్రాజెక్టును పరిశీలించారు. తొలుత కలెక్టర్‌ జలహారతి వ్యూ పాయింట్‌ను సందర్శించడంతో పాటు, టన్నెల్‌–2 ఎగ్జిట్‌ పాయింట్‌ను క్షేత్రస్థాయిలో తనిఖీ చేసి అధికారులకు సూచనలు చేశారు. ఆదివారం ఉదయం నల్లమల సాగర్‌ జలాశయంలో 6 టీఎంసీల నీరు నిల్వ ఉందని తెలిపారు. ప్రస్తుతం ప్రాజెక్టులో నీటిమట్టం 243.8 మీటర్లుగా నమోదు కాగా, క్రాస్‌ రెగ్యులేటర్‌ వద్ద 4.05 కిలోమీటర్ల మేర నీటిమట్టం ఉందని పేర్కొన్నారు. శ్రీశైలం ప్రాజెక్టు నుంచి నల్లమల సాగర్‌కు 2,100 క్యూసెక్కుల నీరు వచ్చి చేరిందని వెల్లడించారు. ప్రాజెక్టు పరిధిలోని ఇంజినీరింగ్‌ అధికారులు నిరంతరం అప్రమత్తంగా ఉంటూ, నీటి విడుదల, నిర్వహణ ప్రక్రియలను సమర్థవంతంగా పర్యవేక్షించాలని కలెక్టర్‌ ఆదేశించారు. తాళ్లూరు: మండలంలోని బొద్దికూరపాడులో ఓ రెస్టారెంట్‌లో పనిచేస్తున్న దళిత మహిళపై దాడి చేసిన ఘటనలో టీడీపీ నేత గంగిరెడ్డి బాలిరెడ్డిపై ఎస్సీ, ఎస్టీ అట్రాసిటీ కేసు నమోదైన విషయం తెలిసిందే. ఈ ఘటనపై దర్శి డీఎస్పీ బాలమురళీకృష్ణ ఆదివారం విచారణ చేపట్టారు. బాధిత మహిళ నుంచి ఘటనకు సంబంధించిన వివరాలు అడిగి తెలుసుకున్నారు. బాధిత మహిళకు న్యాయం చేయడంతో నిందితుడిని అరెస్టు చేయాలని దళిత హక్కుల పరిరక్షణ సమితి అధ్యక్షుడు నీలం నాగేంద్ర డిమాండ్‌ చేశారు. కార్యక్రమంలో ఎస్సై ఎస్‌.మల్లికార్జునరావు, మాల మహానాడు అధ్యక్షుడు దారా అంజయ్య, కాకుమాను రవి, ఇతర దళిత సంఘాల నాయుకలు పాల్గొన్నారు. ఎమ్మార్పీఎస్‌ జిల్లా అధ్యక్షుడు రావినూతల కోటి మాదిగ ఏసమ్మ నివాసానికి వెళ్లి పరామర్శించారు. లింగసముద్రం: పాతకక్షల నేపథ్యంలో మహిళపై దాడి చేసిన సంఘటన రాళ్లపాడు గ్రామంలో జరిగింది. ఎస్సై రాంబాబు అందించిన వివరాల ప్రకారం..రాళ్లపాడులో నివాసం ఉంటున్న గొల్లపల్లి మానస తన ఇంటి సమీపంలో మరుగుదొడ్డి కట్టుకునేందుకు ప్రయత్నించగా అదే గ్రామానికి చెందిన మద్దెల రామారావు అడ్డుకున్నాడు. ఇక్కడ మరుగుదొడ్డి కట్టడానికి వీల్లేదని, మరుగుదొడ్డి కడితే ఇబ్బందులు పడతావని హెచ్చరించాడు. అయితే ఈ నెల 15వ తేదీన వినాయకచవితి సందర్భంగా గ్రామంలో గణేష్‌ విగ్రహాన్ని ఏర్పాటు చేశారు. అదే రోజు రామాలయం వద్ద ఉన్న టీ బంకు దగ్గర మానస భర్త కిషన్‌కుమార్‌ ఉండగా అక్కడే ఉన్న ఇనకొల్లు బానుచందర్‌, మద్దెల రామారావు కిషన్‌కుమార్‌తో ఘర్షణ పడ్డారు. వారిద్దరు కిషన్‌కుమార్‌ను కర్రతో కొట్టడానికి ప్రయత్నించగా మానస అడ్డుకున్నారు. పాతకక్షలు మనసులో పెట్టుకుని భానుచందర్‌, రామారావు మానసపై కర్రలతో దాడి చేయడంతో ఆమె చేతికి తీవ్ర గాయాలయ్యాయి. గాయాలైన మానసను కుటుంభసభ్యులు కందుకూరు ఏరియా వైద్యశాలకు తరలించారు. అక్కడ నుంచి వచ్చిన ఫిర్యాదు ధారంగా కేసు నమోదు చేసి దర్యాప్తు చేస్తున్నట్లు ఎస్సై పేర్కొన్నారు.

సింగరాయకొండ: సింగరాయకొండ శ్రీ చైతన్య నవోదయ పాఠశాలలో 6వ తరగతి విద్యార్థి తౌషిక్‌ అనుమానాస్పద మృతిపై వాస్తవాలను బయటపెట్టాలని ఎమ్మార్పీఎస్‌ వ్యవస్థాపకుడు మందకృష్ణ మాదిగ చంద్రబాబు ప్రభుత్వాన్ని డిమాండ్‌ చేశారు. ఘటనపై సీబీఐ విచారణ జరిపించాలని డిమాండ్‌ చేశారు. పాఠశాల వద్ద ఆదివారం మధ్యాహ్నం నిర్వహించిన విలేకరుల సమావేశంలో ఆయన మాట్లాడుతూ, ‘ఫిబ్రవరిలో చోటుచేసుకున్న తౌషిక్‌ మృతిపై అనేక అనుమానాలు ఉన్నాయి. కుమారుడు చనిపోయాడన్న వేదనతోపాటు న్యాయం చేయాలన్న తన గోడును ఎవరూ పట్టించుకోకపోవడంతో తౌషిక్‌ తల్లి మౌలాబీ ఇటీవల ఆత్మహత్యకు పాల్పడితే, ఆమె మానసిక స్థితి బాగోలేదని పోలీసులు పేర్కొనడం బాధాకరం. బాధితుల కుటుంబానికి ఎమ్మార్పీఎస్‌ అండగా ఉంటుంది. ఈ దారుణ ఉదంతంపై త్వరలో జిల్లా, రాష్ట్ర స్థాయిలో అన్ని ప్రజా సంఘాలు, కుల సంఘాల నాయకులతో రౌండ్‌ టేబుల్‌ సమావేశం ఏర్పాటు చేస్తాం’ అని తెలిపారు. మందకృష్ణ మాదిగ డిమాండ్‌

గిద్దలూరు రూరల్‌: కుటుంబ కలహాలతో రైలు కిందపడి వ్యక్తి ఆత్మహత్యకు పాల్పడ్డాడు. ఈ సంఘటన పట్టణ శివారులోని నంద్యాల రోడ్డులోని జగనన్న కాలనీ సమీపంలో రైల్వే ట్రాక్‌పై శనివారం రాత్రి జరిగింది. వివరాల్లోకి వెళితే..గిద్దలూరు మున్సిపాలిటీ పరిధిలోని మోడంపల్లె గ్రామానికి చెందిన ఆగోలు రంగనాయకులు(30) కుటుంబ కలహాలతో మనస్తాపం చెంది రైలు పట్టాలపై ఆత్మహత్య చేసుకున్నాడు. వృత్తి రిత్యా డ్రైవర్‌గా జీవనం కొనసాగిస్తున్న రంగనాయకులు భార్యతో ఘర్షణపడి ఆత్మహత్యకు పాల్పడినట్లు తెలుస్తోంది. మృతునికి భార్య, ముగ్గురు పిల్లలు ఉన్నారు. సమాచారం అందుకున్న నంద్యాల జీఆర్‌పీఎఫ్‌ సిబ్బంది సంఘటనా స్థలానికి చేరుకొని మృతదేహాన్ని పోస్టుమార్టం నిమిత్తం గిద్దలూరు ప్రభుత్వ వైద్యశాలకు తరలించారు. ఈ మేరకు కేసు నమోదు చేసుకొని దర్యాప్తు చేస్తున్నారు. పొదిలి: రోడ్డు ప్రమాదంలో గాయపడిన వ్యక్తి వైద్యశాలలో చికిత్స పొందుతూ పరిస్థితి విషమించి మృతి చెందాడు. పోలీసులు తెలిపిన వివరాల మేరకు చీమకుర్తి రాజుపాలెం గ్రామానికి చెందిన వేముల వెంకటేశ్వర్లు(40) కూలి పనులకు పొదిలికి వస్తుంటాడు. ఈ క్రమంలో ఈనెల 18వ తేదీన పనులు ముగించుకుని తిరుగు ప్రయాణంలో ద్విచక్రవాహంపై స్వగ్రామానికి వెళుతుండగా కాటూరివారిపాలెం సమీపంలోని హెచ్‌పీ పెట్రోలు బంకు వద్ద గుర్తు తెలియని వాహనం ఢీకొట్టింది. దీంతో కిందపడిన వెంకటేశ్వర్లుకు తీవ్ర గాయాలయ్యాయి. 108 వాహనంలో పొదిలి ప్రభుత్వ వైద్యశాలలో చేర్పించి ప్రథమ చికిత్స చేయించారు. అనంతరం మెరుగైన వైద్యం నిమిత్తం ఒంగోలులోని ఓ ప్రైవేట్‌ వైద్యశాలలో చేర్పించారు. చికిత్స పొందుతూ ఆదివారం మృతి చెందాడు. పోస్టుమార్టం నిమత్తం మృతదేహాన్ని ఒంగోలు ప్రభుత్వ వైద్యశాలకు తరలించినట్లు పోలీసులు తెలిపారు. సంతమాగులూరు (అద్దంకి రూరల్‌): భార్యభర్తల మధ్య విభేదాలతో ఎవరివారు విడిగా నివసిస్తున్నా భార్య చనిపోయిందని వార్త తెలుసుకున్న భర్త బంధం వీడినా మానవత్వంలో ఆమె అంత్యక్రియలు చేశారు. చేసిన సంఘటన సంతమాగులూరు మండలంలోని సజ్జాపురం గ్రామంలో శనివారం చోటుచేసుకోగా ఆదివారం వెలుగులోకి వచ్చింది. గ్రామస్తులు తెలిపిన వివరాల మేరకు.. మండలంలోని సజ్జాపురం గ్రామానికి చెందిన సుబ్బారెడ్డి కుమార్తె అయిన నాగలక్ష్మి (32)కి బైరెడ్డి వెంకట సుబ్బారెడ్డితో 13 ఏళ్ల క్రితం వివాహమైంది. వారికి ఇద్దరు పిల్లలు ఉన్నారు. కొంత కాలం క్రితం నాగలక్ష్మికి వివాహేతర సంబంధం ఉందన్న ఆరోపణల నేపథ్యంలో భార్యభర్తలు విడిపోయి చట్టపరంగా విడాకులు తీసుకునే ప్రయత్నంలో ఉన్నారు. ఈక్రమంలో ఈనెల 13వ తేదీన ఆ వ్యక్తి ఇంటి వద్ద నాగలక్ష్మి ఎలుకలమందు తాగి ఆత్మహత్యాయత్నానికి పాల్పడింది. నరసరావుపేట ప్రభుత్వ వైద్యశాలలో చికిత్స పొందుతూ ఈనెల 18న చనిపోయింది. అనంతరం గ్రామ పెద్దలు, ఇరువర్గాల కుటుంబ సభ్యులు సూచనల మేరకు వెంకట సుబ్బారెడ్డి భార్య మృతదేహాన్ని తన ఇంటికి తీసుకునిపోయి అంత్యక్రియలు నిర్వహించారు. భార్యాభర్తల బంధాన్ని మరువలేక వెంకట సుబ్బారెడ్డి మానవత్వంతో అంత్యక్రియలు నిర్వహించటంపై గ్రామస్తులు అభినందించారు.

మార్కాపురం: వూర్కాపురం జిల్లా తొలి ఎస్పీగా పంకజ్‌ కుమార్‌ మీనాను నియమిస్తూ రాష్ట్ర ప్రభుత్వం ఆదివారం రాత్రి ఉత్తర్వులు జారీ చేసింది. ఈయన ప్రస్తుతం పోలవరం జిల్లా ఓఎస్డీగా పని చేస్తున్నారు. 2020 ఐపీఎస్‌ బ్యాచ్‌కి చెందిన ఈయన రాజస్థాన్‌లోని కోటాకు చెందిన వారు. ఈయన బాంబేలో బీటెక్‌ కెమికల్‌ ఇంజినీరింగ్‌ చదివి యూనియన్‌ పబ్లిక్‌ సర్వీస్‌ కమిషన్లో 719 వ ర్యాంక్‌ సాధించారు. ప్రభుత్వం ఇప్పటికే మార్కాపురం ఓఎస్డీగా ఐపీఎస్‌ అధికారి నవజ్యోతి మిశ్రా ను నియమించింది. ఒంగోలు వన్‌టౌన్‌: డప్పు కళాకారులకు పెన్షన్‌ల దరఖాస్తులకు మరో 20 రోజుల గడువు పొడిగించాలని మాదిగ సంక్షేమ సంఘ వ్యవస్థాపక అధ్యక్షుడు పెద్దిపోగు కోటేశ్వరరావు రాష్ట్ర ప్రభుత్వాన్ని డిమాండ్‌ చేశారు. ఒంగోలు అంబేడ్కర్‌ భవన్‌లో ఆదివారం ఏర్పాటు చేసిన విలేకరుల సమావేశంలో ఆయన మాట్లాడుతూ డప్పు కళాకారులకు, చర్మ కళాకారులకు ప్రస్తుతం ఇస్తున్న రూ.4 వేల పెన్షన్‌ను రూ.6 వేలకు పెంచాలన్నారు. ఇల్లు లేని కళాకారులకు పక్కా గృహం నిర్మించుకునేందుకు నిధులు మంజూరు చేయాలన్నారు. పంచాయతీకి ఒక డప్పు కళాకారుడికి ఉద్యోగం కల్పించాలని కోరారు. కళాకారులకు ష్యూరిటీ లేకుండా రూ.2 లక్షల రుణాలను ప్రభుత్వం మంజూరు చేయాలన్నారు. డప్పు కళాకారులు, చర్మకారుల రాష్ట్ర సదస్సు అక్టోబర్‌లో నిర్వహించేందుకు చర్యలు తీసుకుంటున్నట్లు తెలిపారు. ఒంగోలు టౌన్‌: ఈ నెల 25వ తేదీ ఒంగోలులోని బృందావన్‌ కళ్యాణ మండపంలో ఉమ్మడి ప్రకాశం జిల్లాకు చెందిన ఆర్‌ఎంపీ, పీఎంపీ, గ్రామీణ వైద్యుల మహాసభ నిర్వహించనున్నట్లు జేఏసీ రాష్ట్ర గౌరవ సలహాదారు లంకదాసరి ప్రసాదరావు తెలిపారు. నగరంలోని ఎంసీఏ భవనంలో ఆదివారం విలేకరుల సమావేశం నిర్వహించారు. ఈ సందర్భంగా ప్రసాదరావు మాట్లాడుతూ గ్రామీణ ప్రాంత ప్రజలకు నిత్యం అందుబాబులో ఉంటుంది గ్రామీణ వైద్యులేనని తెలిపారు. మారుమూల ప్రజలకు సైతం వైద్య సేవలందిస్తుంది గ్రామీణ వైద్యులేనని చెప్పారు. ఈ క్రమంలోనే ప్రభుత్వం నుంచి తమకు గుర్తింపు కోసం ఏళ్ల తరబడి పోరాటం చేస్తున్నామని తెలిపారు. సమావేశంలో జేఏసీ రాష్ట్ర నాయకుడు యామర్తి నాగేశ్వరరావు యూనియన్‌ నాయకులు ఎం.కృష్ణారెడ్డి, శ్యామ్‌, సుబ్బయ్య, నాయబ్‌ రసూల్‌, శ్రీనివాసరావు, వెంకటరావు పాల్గొన్నారు.

పొన్నలూరు మండల పరిషత్‌ కార్యాలయం పొన్నలూరు: స్థానిక సంస్థల ప్రజా ప్రతినిధులను చంద్రబాబు ప్రభుత్వం చిన్నచూపు చూస్తోంది. వారిని గౌరవించి నెల నెల చెల్లించాల్సిన వేతనాన్ని కొన్ని నెలలుగా విడుదల చేయకుండా కక్ష సాధింపులకు పాల్పడుతోంది. గ్రామీణ ప్రాంత ప్రజలకు క్షేత్ర స్థాయిలో సేవలందిసున్నా కూడా నెలల తరబడి బకాయిలను పెట్టి చిన్నపాటి వేతనాలను కూడా సకాలంలో అందించడంలో పూర్తిగా విఫలమైంది. నాలుగు రోజుల్లో వారి పదవీ కాలం ముగుస్తున్నా వారి పట్ల కనికరం లేకుండా వ్యవహరిస్తున్నారు. వాస్తవంగా 2024 సార్వత్రిక ఎన్నికల సమయంలో స్థానిక సంస్థల ప్రజా ప్రతినిధుల గౌరవ వేతనం పెంచుతామంటూ పలు సభలు, సమావేశాల్లో చంద్రబాబు ఊకదంపుడు ఉపన్యాసాలు ఇచ్చారు. అయితే తీరా అధికారంలోకి వచ్చిన తరువాత వారి వేతనాలు పెంచడం దేవుడెరుగు గానీ ఉన్న వేతనాలను వారి పదవీ కాలం ముగుస్తున్నా విడుదల చేయకుండా కాలయాపన చేస్తున్నారు. సుమారు 28 నెలలుగా ఎంపీటీసీలకు ఇవ్వాల్సిన రూ.3 వేలు, జెడ్పీటీసీలకు రూ.6 వేలు గౌరవ వేతనం ఇవ్వకుండా నిర్లక్ష్యం చేశారు. ఉమ్మడి ప్రకాశం జిల్లాల్లో మొత్తం 742 మంది ఎంపీటీసీలు, 56 మంది జెడ్పీటీసీలు ఉన్నారు. అయితే చంద్రబాబు ప్రభుత్వం ఏర్పడిన తరువాత ఈ 28 నెలల్లో ఎంపీటీసీలకు సుమారుగా రూ.6.24 కోట్లు, జెడ్పీటీసీలకు రూ. 94 లక్షల గౌరవ వేతనం నగదును చెల్లించాల్సి ఉంది. తమ పార్టీ వారు కాదనే... ఇదిఇలా ఉంటే ఎంపీటీసీ, జెడ్పీటీసీ సభ్యుల్లో దాదాపుగా మోజార్టీ సభ్యులు వైఎస్సార్‌సీపీ వారు ఉండటంతో కనీస గౌరవేతనం విడుదల చేయకుండా చంద్రబాబు ప్రభుత్వం కక్షసాధింపు చర్యలకు పాల్పడుతుందన్న ఆరోపణలు ఉన్నాయి. తమ పార్టీ సానుభూతి పరులు పెద్దగా లేకపోవడంతోనే పట్టీపట్టనట్లుగా వ్యవహరిస్తూ వారి పదవీ కాలం ముగిసే వరకు కుట్రలు పన్నారని ప్రజాప్రతినిధులు విమర్శిస్తున్నారు. ప్రతి బడ్జెట్‌లో నిధులు మంజూరు చేయడం, బిల్లులు పెట్టే సమయంలో ఏదో ఒక కారణంతో మోకాలడ్డడం పరిపాటిగా మారింది. ఇలా గత 28 నెలలుగా చంద్రబాబు ప్రభుత్వం కుట్ర పూరితంగా వ్యవహరిస్తూ కక్ష సాధింపులకు పాల్పడ్డారు. 24తో ముగుస్తున్న పదవీ కాలం... స్థానిక సంస్థల ప్రజాప్రతినిధులైన ఎంపీటీసీ, జెడ్పీటీసీల పదవీ కాలం ఈ నెల 24తో ముగుస్తుంది. అయితే తమను ప్రజా ప్రతినిధులుగా సరైన గుర్తింపు ఇవ్వకుండా గౌరవ వేతనాలను మంజూరు చేయడంలో నిర్లక్ష్యం వహించి అవమాన పరిచారంటూ చంద్రబాబు ప్రభుత్వంపై తీవ్ర ఆగ్రహం వ్యక్తం చేస్తున్నారు. చంద్రబాబు ప్రభుత్వం విఫలం – అనుమోలు శివయ్య, ఎంపీటీసీ, చెరుకూరు చంద్రబాబు కుట్రకు నిదర్శనం: ఎంపీటీసీ, జెడ్పీటీసీ సభ్యులు ఎక్కువ మంది వైఎస్సార్‌సీపీ వారు ఉండటంతో వారి వేతనాలను రెండున్నరేళ్లుగా విడుదల చేయకుండా చంద్రబాబు కక్ష సాధింపులకు పూనుకున్నాడు. చంద్రబాబు కుట్ర రాజకీయాలకు ఇదే నిదర్శనం. స్థానిక సంస్థల ప్రజాప్రతినిధులకు చంద్రబాబు ప్రభుత్వంలో సరైన గౌరవ దక్కలేదు. గతంలో ఎన్నిసార్లు ప్రశ్నించినా వేతనం విడుదల చేయలేదు. – కొండాబత్తిన మాధవరావు, ఎంపీపీ, పొన్నలూరు

సంతమాగులూరు(అద్దంకి): ఇద్దరు యువకులు మద్యం, గంజాయి మత్తులో రాళ్లతో దాడి చేశారు. ఈ ఘటన మండలంలోని ఏల్చూరు గ్రామంలో శనివారం రాత్రి వినాయక నిమజ్జన సందర్భంగా చోటుచేసుకుంది. బాధితుల కథనం మేరకు.. గణేశ్‌ నిమజ్జనం ఊరేగింపులో ఏల్చూరుకు చెందిన పోలెబోయిన నారాయణ అతని స్నేహితుడు సాయి ఇద్దరు మద్యం మత్తులో బైకుపై రోడ్లపై చక్కర్లు కొడుతూ హల్‌చల్‌ చేశారు. ఇదే సమయంలో బీసీ కాలనీకి చెందిన గణేష్‌ విగ్రహంతో నిమజ్జనానికి స్థానిక బస్టాండ్‌ సెంటర్‌ నుంచి చెరువు వైపు వెళ్తున్నారు. ఈక్రమంలో నారాయణ, సాయి ఇద్దరు తమ బైకును గణేష్‌ ఉన్న వాహనం ముందు అడ్డుగా నిలిపి వాగ్వాదానికి దిగారు. బైకును పక్కకు తీయాలని కోరినా, తీయకపోవడంతో గణేశ్‌ విగ్రహ వాహనాన్ని ప్రక్కకు తిప్పారు. ఆగ్రహించిన యువకులు వద్దకు చేరుకొని తొగటి వెంకటేష్‌, సాంబశివరావు అనే అన్నదమ్ముల తలలపై రాళ్లతో దాడిచేసి గాయపరచారు. క్షతగాత్రులను చికిత్స నిమిత్తం బంధువులు వైద్యశాలకు తరలించారు. అధికార పార్టీకి చెందిన కొందరు నేతలు రాజీకి చేసిన యత్నాలు ఫలించకపోవడంతో బాధితులు సర్కిల్‌ సీఐ పీ శేషగిరిరావుకు ఫిర్యాదు చేసినట్లు తెలిపారు. ఏల్చూరులో గణేష్‌ నిమజ్జనం ఊరేగింపులో ఘటన ఇద్దరి తలలకు తీవ్ర గాయాలు

భక్తులతో కోలాహలంగా ఉన్న కొత్తపట్నం సముద్ర తీరంఒంగోలులో వినాయక విగ్రహాల ఊరేగింపులో నృత్యం చేస్తున్న యువకులుగణేష్‌ ప్రతిమతో చిన్నారివినాయక చవితి పర్వదినం సందర్భంగా ఏర్పాటు చేసిన మండపాలలో గణనాథుని భక్తిశ్రద్ధలతో పూజించి ఏడో రోజు ఆదివారం నిమజ్జనానికి తరలించారు. గణపతి బప్పా మోరియా.. జై బోలో గణేష్‌ మహరాజ్‌కూ జై అంటూ నినదిస్తూ..మేళతాళాలతో, గులాములు చల్లుకుంటూ..బాణసంచాతో అత్యంత ఉత్సాహంగా ఊరేగింపులు నిర్వహించారు. డీజే సందడితో యువత కేరింతలు కొడుతూ నృత్యాలు చేశారు. సమీపంలోని సముద్ర తీర ప్రాంతాలు, రిజర్వాయర్లు, చెరువుల్లో నిమజ్జనం చేశారు. సెలవు రోజు కలిసిరావడంతో పిల్లలు, పెద్దలు అందరూ భారీగా నిమజ్జన ఊరేగింపులో పాల్గొని సందడి చేశారు. కొత్తపట్నం, ఈతముక్కల, మడనూరు సముద్ర తీరాల్లో ఆదివారం ఒక్కరోజు సుమారు 550భారీ వినాయక ప్రతిమలను నిమజ్జనం చేశారు. వేలాదిగా తరలివచ్చిన వారితో తీరం భక్తజన సంద్రమైంది. – స్టాఫ్‌ ఫొటోగ్రాఫర్‌, ఒంగోలు

● అందించిన అక్కినేని కళాపరిషత్‌ ఒంగోలు మెట్రో: తన మృధు మధురమైన సంగీతంతో ఎన్నో తెలుగు చిత్రాలకు విజయవంతమైన గీతాలను అందించిన సినీ సంగీత దర్శకుడు మాధవపెద్ది సురేష్‌కు నట సామ్రాట్‌ అక్కినేని నాగేశ్వరరావు 102వ జయంతి సందర్భంగా అక్కినేని కళాపరిషత్‌ ఆధ్వర్యంలో అక్కినేని అవార్డు 2026ను ప్రదానం చేశారు. ఎన్టీఆర్‌ కళాక్షేత్రంలో నిర్వహించిన కార్యక్రమంలో అవార్డు స్వీకరించిన అనంతరం మాధవపెద్ది సురేష్‌ మాట్లాడుతూ సినీరంగానికి ఐదు తరాలుగా తమ కుటుంబం సేవలు అందిస్తోందన్నారు. కీబోర్డ్‌ ఆర్టిస్ట్‌గా అనేక మంది ప్రముఖ సంగీత దర్శకులకు 1500కు పైగా చిత్రాలకు వాయిద్య సహకారాన్ని అందించానని తెలిపారు. హైహై నాయక ద్వారా జంధ్యాల తనకు సంగీత దర్శకుడిగా అవకాశం ఇచ్చారన్నారు. తనను గుర్తించి అవార్డుతో సత్కరించటం తాను చేసిన సంగీతాన్ని గౌరవించడమేనని నిర్వాహకుడు అక్కినేని కళాపరిషత్‌ అధ్యక్షుడు కల్లగుంట కృష్ణయ్యకు కృతజ్ఞతలు తెలిపారు. ప్రకాశంజిల్లా రచయితల సంఘం అధ్యక్షుడు పొన్నూరు శ్రీనివాసులు అధ్యక్షత వహించిన కార్యక్రమంలో విశ్రాంత అడిషనల్‌ ఎస్పీ గుంటుపల్లి శ్రీనివాసరావు విశ్రాంత ఆంధ్రాబ్యాంక్‌ డీజీఎం రమణమూర్తి, అక్కినేని కళాపరిషత్‌ అధ్యక్షుడు కలగుంట కృష్ణయ్య, ఉపాధ్యక్షుడు సీహెచ్‌ లక్ష్మీనారాయణ పాల్గొని మాట్లాడారు. అనంతరం అక్కినేని నాగేశ్వరరావు నటించిన చిత్రాల్లోని పాటలతో ప్రముఖ గాయనీ గాయకులు అలరించారు.

ఒంగోలు టౌన్‌: కొత్తపట్నం మండలం సంకువారికుంటకు చెందిన డాక్టర్‌ కసుకుర్తి జగదీష్‌ (48) తెలంగాణలోని సూర్యపేట పిల్లలమర్రి వద్ద జరిగిన రోడ్డు ప్రమాదంలో మరణించారు. ప్రస్తుతం ఆయన ఖమ్మంలోని మమతా సూపర్‌ స్పెషాలిటీ ఆసుపత్రిలో న్యూరాలజీ హెచ్‌ఓడీగా పనిచేస్తున్నారు. ఆదివారం సెలవురోజు కావడంతో హైదరాబాద్‌లో డాక్టర్‌గా పనిచేస్తున్న భార్య వద్దకు కారులో వెళుతుండగా పిల్లలమర్రి వద్దకు రాగానే డివైడర్‌ను ఢీకొనడంతో మంటలు చెలరేగి మృతి చెందారు. నిరుపేద దళిత కుటుంబంలో పుట్టిన ఆయన కసితో ఉన్నత శిఖరాలు అందుకున్నారు. అయినా తన మూలాలను మరిచిపోకుండా పేదలకు వైద్య సేవలందించారు. వైద్యాన్ని వ్యాపారంగా కాకుండా ప్రజా సేవగా తలచిన డాక్టర్‌ జగదీష్‌ పేదల గుడిసెల వద్దకు వెళ్లి వైద్య చికిత్సలు చేశారని ప్రజా సంఘాల నాయకులు చెబుతున్నారు. అణగారిన ప్రజల బాధలను తన బాధగా భావించి నిరుపేదలకు అండగా నిలిచిన డాక్టర్‌ జగదీష్‌ మరణం సామాన్య ప్రజలకు తీరని లోటని సీపీఐఎంఎల్‌ న్యూడెమక్రసీ రాష్ట్ర నాయకుడు చిట్టిపాటి వెంకటేశ్వర్లు సంతాపం తెలిపారు. కొత్తపట్నం మండలం నుంచి వచ్చిన తొలి వైద్యుడు జగదీష్‌ మృతి పట్ల శ్రీరాం సూపర్‌ స్పెషాలిటీ హాస్పటల్‌ ఎండీ డాక్టర్‌ చాపల వంశీకృష్ణ నివాళులర్పించారు. నిరుపేదలకు వైద్యం చేయడంలో డాక్టర్‌ జగదీష్‌ ముందుండేవారని, సామాజిక సేవతో వ్యవహరించే ఆయన మరణం బాధ కలిగిస్తుందన్నారు. చిన్న వయసులోనే నూరేళ్లు నిండిన డాక్టర్‌ జగదీష్‌కు పలువురు వైద్యులు నివాళులర్పించారు. జూపూడి ప్రభాకరరావు సంతాపం రోడ్డు ప్రమాదంలో ప్రముఖ వైద్యుడు డాక్టర్‌ కసుకుర్తి జగదీష్‌ మృతిచెందడం అత్యంత విషాదకరమని వైఎస్సార్‌ సీపీ రాష్ట్ర ప్రధాన కార్యదర్శి, అధికార ప్రతినిధి, మాజీ శాసనమండలి సభ్యుడు జూపూడి ప్రభాకరరావు అన్నారు. డాక్టర్‌ జగదీష్‌ వైద్య వృత్తిని కేవలం ఉపాధిగా కాకుండా మానవ సేవగా భావించి వేలాది మంది రోగులకు నూతన జీవనాన్ని ప్రసాదించారని కొనియాడారు. తన నైపుణ్యం, సేవాభావం, మానవతా దృక్పథంతో ప్రజల హృదయాలలో చిరస్థాయిగా నిలిచిపోయారన్నారు. ఈ దుర్ఘటనలో ఆయనను కోల్పోవడం తీరని లోటని జూపూడి ఆవేదన వ్యక్తం చేశారు. డాక్టర్‌ జగదీష్‌ భౌతిక కాయాన్ని కొత్తపట్నం మండలం సంకువారిగుంట గ్రామానికి తరలించి సోమవారం అంత్యక్రియలు నిర్వహించనున్న నేపథ్యంలో, ఆయన అంతిమయాత్రలో పాల్గొని భౌతిక కాయానికి నివాళులర్పించనున్నట్లు తెలిపారు. పొదిలి రూరల్‌: పొలానికి వేసిన విద్యుత్‌ కంచె తగిలి విద్యుదాఘాతానికి గురై రైతు మృతి చెందాడు. ఈ సంఘటన మండలంలోని మూగచింతలలో శనివారం జరిగింది. స్థానికుల వివరాల ప్రకారం..గ్రామానికి చెందిన బండారు సుబ్బారావు(53) పొలానికి నీరు పెట్టడానికి వెళ్లాడు. అయితే ఎంతసేపటికి ఇంటికి తిరిగి రాకపోవడంతో కుటుంబ సభ్యులు పొలం వద్దకు వెళ్లి చూడగా..పొలం చుట్టూ ఉన్న కంచెకు విద్యుత్‌ సరఫరా అయి విద్యుదాఘాతానికి గురై మృతి చెందాడు. మృతునికి భార్య, కుమార్తె, కుమారుడు ఉన్నారు. ఎస్సై రాజేష్‌ సంఘటనా స్థలానికి చేరుకొని పరిశీలించారు. మృతుని భార్య ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. మార్కాపురం రూరల్‌: మండలంలోని రాజుపాలెంలో విద్యుదాఘాతానికి దుగ్గెంపూడి కోటయ్య(38) మృతిచెందాడు. వివరాల్లోకి వెళితే..కోటయ్య పొలాల మధ్య కిందకు వేలాడుతున్న విద్యుత్‌ తీగను గమనించక తాకడంతో విద్యుదాఘాతానికి గురై అక్కడికక్కడే మృతి చెందాడు. కోటయ్య మృతి వార్త తెలుసుకున్న గ్రామస్తులు పెద్ద సంఖ్యలో సంఘటనా స్థలికి చేరుకున్నారు. పొలాల్లో విద్యుత్‌ తీగలు కిందకు వేలాడుతున్నాయని, అధికారులు పట్టించుకోకపోవడం వల్లే ప్రమాదం జరిగిందని గ్రామస్తులు మండిపడుతున్నారు. పుల్లలచెరువు: చెరువులో పడి వ్యక్తి మృతి చెందాడు. ఈ సంఘటన శనివారం రాత్రి జరిగింది. వివరాల్లోకి వెళితే..పుల్లలచెరువుకు చెందిన గుమ్మా గాలెయ్య(45) కూలి పనులు చేసుకుంటూ జీవనం సాగిస్తున్నాడు. శనివారం యాదవ బజార్‌లో ఉన్న వినాయక విగ్రహం నిమజ్జనం జరుగుతుండగా ఊరేగింపు వెంట రాగా బహిర్బూమికి వెళ్లి చెరువులోని గుంతలో పడి మృతి చెందాడు. మృతునికి భార్య, కూతురు ఉన్నారు. మృతుని స్వగ్రామం మండలంలోని చెన్నంపల్లి కాగా బతుకుదెరువు నిమిత్తం కుటుంబంతో సహా పుల్లలచెరువు వచ్చి కూలీ పనులు చేసుకుంటూ జీవనం సాగిస్తున్నాడు. మృతుని భార్య ఫిర్యాదు మేరకు కేసు నమోదు చేసుకొని దర్యాప్తు చేసుతన్నట్లు ఎస్సై సాంబశివరావు తెలిపారు. తెలంగాణాలోని సూర్యాపేట వద్ద జరిగిన ప్రమాదం నిరుపేద దళిత కుటంబంలో పుట్టి న్యూరో సర్జన్‌గా ఎదిగిన డాక్టర్‌ జగదీష్‌ స్వగ్రామం కొత్తపట్నం మండలం సంకువారికుంటలో సోమవారం అంత్యక్రియలు

● ఆదిమూలపు సురేష్‌ డిమాండ్‌ సింగరాయకొండ: రాష్ట్ర వ్యాప్తంగా సంచలనం సృష్టించిన చిన్నారి సయ్యద్‌ తౌషిక్‌ అనుమానాస్పద మృతి, నిరసన దీక్ష చేసినా న్యాయం లభించకపోవడంతో తౌషిక్‌ తల్లి మౌలాబీ ఆత్మహత్య ఘటనలపై సీబీఐ విచారణ జరిపించాలని వైఎస్సార్‌ సీపీ కొండపి నియోజకవర్గ ఇన్‌చార్జ్‌, మాజీ మంత్రి డాక్టర్‌ ఆదిమూలపు సురేష్‌ చంద్రబాబు ప్రభుత్వాన్ని డిమాండ్‌ చేశారు. కొడుకు తౌషిక్‌ మృతికి కారకులైన దోషులను కఠినంగా శిక్షించాలని కోరుతూ ఇచ్చిన మరణ వాంగ్మూలంలో తన మరణానికి వాకా రమణారెడ్డి, వాకా సుజాత, చైతన్యరెడ్డి, అనూష, వార్డెన్‌ బాబ్జీ కారకులని తల్లి మౌలాబీ పేర్కొన్నా, నేటి వరకు వారిపై ఎటువంటి చర్యలూ లేవని విమర్శించారు. ఘటనకు నైతిక బాధ్యత వహిస్తూ మంత్రి పదవికి లోకేశ్‌ రాజీనామా చేయాలని డిమాండ్‌ చేశారు. మౌలాబీ కుటుంబానికి న్యాయం జరిగే వరకు వైఎస్సార్‌ సీపీ అండగా ఉంటుందని స్పష్టం చేశారు. పార్టీ అధినేత వైఎస్‌ జగన్‌ ఆదేశాల మేరకు తౌషిక్‌, మౌలాబీ మృతి ఘటనలపై న్యాయపోరాటం చేసేందుకు ప్రత్యేక న్యాయవాదిని ఏర్పాటు చేస్తున్నట్లు పార్టీ రాష్ట్ర కోఆర్డినేటర్‌ సజ్జల రామకృష్ణారెడ్డి తెలిపారన్నారు. ప్రభుత్వం మౌలాబీ కుటుంబానికి ఒక ఉద్యోగం ఇవ్వాలని, ఇద్దరి మృతికి రూ.కోటి చొప్పున ఎక్స్‌గ్రేషియా చెల్లించాలని, తౌషిక్‌ అన్న తౌఫిక్‌ చదువు బాధ్యతను ప్రభుత్వం స్వీకరించాలని పార్టీ డిమాండ్‌ చేస్తున్నట్లు సురేష్‌ వివరించారు.

మార్కాపురం: భవన నిర్మాణ రంగంలో పనిచేస్తూ రాష్ట్ర అభివృద్ధిలో కీలక పాత్ర పోషిస్తున్న లక్షలాది మంది కార్మికుల సంక్షేమాన్ని ప్రభుత్వం నిర్లక్ష్యం చేయడం తగదని సీఐటీయూ జిల్లా ప్రధాన కార్యదర్శి డీకేఎం రఫీ అన్నారు. కార్మికులకు ప్రమాద బీమా, ఆరోగ్య భద్రత, ఆర్థిక సహాయం, పిల్లల విద్య, వివాహ సహాయం, ప్రసూతి ప్రయోజనాలు తదితర సంక్షేమ పథకాలను అమలు చేయాలని ప్రభుత్వాన్ని డిమాండ్‌ చేశారు. జిల్లా కమిటీ సమావేశం బి.రోశయ్య అధ్యక్షతన ప్రజా సంఘాల కార్యాలయంలో ఆదివారం జరిగిన కార్యక్రమంలో రఫీ మాట్లాడారు. భవన నిర్మాణ కార్మికుల సమస్యలు పరిష్కారం చేయాలని తెలిపారు. అక్టోబర్‌ 8వ తేదీన కలెక్టర్‌ కార్యాలయం వద్ద ధర్నా నిర్వహించ నున్నట్లు తెలిపారు. భవనిర్మాణ కార్మిక సంఘం నాయకుడు టి.ఆవులయ్య మాట్లాడుతూ కార్మికుడు ప్రమాదవశాత్తు మరణిస్తే ప్రమాద బీమా, అంగవైకల్యం పాలైన కార్మికులకు నష్టపరిహారం చెల్లించాలని, కొత్త కార్డులు నమోదు, పాత కార్లు రెన్యువల్‌ చేయాలని, 60 ఏళ్ల పైబడిన భవన నిర్మాణ కార్మికులకు పెన్షన్‌ ఇవ్వాలన్నారు. ఎస్‌కే అన్వర్‌,పి.నరేంద్ర, న వై సింగరయ్య, బి.నరసింహులు, డి.తామస్‌, కె.ప్రభుదాస్‌, ఎస్‌కే లాల్‌బి, ఓ శ్రీనివాసులు, డి. గురయ్యా, యు పోలయ్య, వెంకట్‌ పాల్గొన్నారు. కలెక్టరేట్‌ వద్ద ధర్నాను జయప్రదం చేయండి

వరికుంటపాడు: వరికుంటపాడు పంచాయతీ వెంకటేశ్వర స్వామి ఆలయ సమీపంలో ఆదివారం బోలోరో, ఓమిని కారు ఎదురుగా ఢీకొన్న ఘటనలో ఒకరు అక్కడికక్కడే మృతి చెందగా, మరొకరు మార్కాపురం జిల్లా పామూరు ప్రభుత్వ వైద్యశాలలో చికిత్స పొందుతూ మరొకరు మృతి చెందారు. వివరాలలోకి వెళితే ఒంగోలు నుంచి మదనపల్లికి వెళ్తున్న బొలెరో వాహనం, చైన్నె క్రోసూరు నుంచి మార్కాపురం జిల్లా పెదచెర్లపల్లికి వెళ్తున్న మినీ కారు రెండు వాహనాలు ఎదురెదురుగా ఢీకొన్నాయి. ప్రమాదంలో కారులో ప్రయాణిస్తున్న లక్ష్మీనారాయణ (50), ప్రకాశం(40) ఇద్దరు మృతి చెందారు. కారులో ప్రయాణిస్తున్న మరో ఇద్దరికి తీవ్ర గాయాలయ్యాయి. గాయపడిన వారిని పామూరు ప్రభుత్వ వైద్యశాలకు తరలించి చికిత్స అందించారు. క్షతగాత్రులను మెరుగైన వైద్యం నిమిత్తం ఒంగోలుకు తరలించారు. సమాచారం అందుకున్న వరికుంటపాడు ఎస్సై కె. మధుసూదన్‌రావు సంఘటన స్థలానికి చేరుకొని వివరాలు సేకరించారు అనంతరం కేసు నమోదు చేశారు. ఇద్దరు మృతి, మరో ఇద్దరికి తీవ్ర గాయాలు

ఖరీఫ్‌ను కాటేసినచినుకు జాడలేక..సర్కారు చేయూత కరువై అన్నదాతల పరిస్థితి అగమ్య గోచరంగా ఉంది. వర్షాభావ పరిస్థితులపై సమాచారం ఉన్నా వాటిని ఎదుర్కోవడంలో చంద్రబాబు ప్రభుత్వం పూర్తిగా విఫలమైంది. ఎటువంటి ముందస్తు చర్యలు తీసుకోకపోవడంతో సాగు సంక్షోభంలో పడింది. సాగుకు నీరు లేక వేలాది హెక్టార్లు బీడువారగా.. తాగునీరు లేక ఉమ్మడి జిల్లా ప్రజల గొంతెండుతోంది. జిల్లాలో కరువు పరిస్థితులను అంచనా వేసి ప్రభుత్వం కరువు మండలాలు ప్రకటించి సత్వరం ఆదుకోవాలని రైతు సంఘాలు, ప్రజా సంఘాలు డిమాండ్‌ చేస్తున్నాయి. మార్కాపురం: ఖరీఫ్‌ సీజన్‌పై కరువు పంజా విసిరింది. ప్రకృతి ప్రకోపానికి తోడు ప్రభుత్వం నుంచి ఎటువంటి సహాయం లేకపోవడంతో వ్యవసాయ రంగం తీవ్ర సంక్షోభాన్ని ఎదుర్కొంటోంది. జూన్‌ నుంచి సెప్టెంబరు ప్రారంభం వరకు సాధారణం కంటే సగానికిపైగా వర్షపాతం లోటు నమోదవడంతో వర్షాధార పంటల సాగు గణనీయంగా తగ్గిపోయింది. పంటలు సాగు చేసిన ప్రాంతాల్లోనూ తేమ కొరత వెంటాడుతుండటంతో దిగుబడులపై రైతుల్లో ఆందోళన నెలకొంది. మార్కాపురం, ప్రకాశం జిల్లాల్లో వర్షాలు లేక పంటలు ఎండిపోయినా ప్రభుత్వం ఇంతవరకూ కరువు సహాయక చర్యలు ప్రకటించలేదు. దీనితో రైతులు నష్టాల బారిన పడ్డారు. వేలాది హెక్టార్లు బీడు: వర్షాభావం కారణంగా మార్కాపురం జిల్లాలో ఖరీఫ్‌ సాధారణ సాగు విస్తీర్ణం 85,577 హెక్టార్లు కాగా, సెప్టెంబరు 9 నాటికి కేవలం 20,817 హెక్టార్లలోనే పంటలు సాగయ్యాయి. మరో 64,760 హెక్టార్లు సాగుకు నోచుకోకుండా బీడుగా మిగిలిపోయాయి. గతేడాది ఇదే సమయంలో సాగు విస్తీర్ణం సుమారు 79 శాతంగా ఉండగా, ఈసారి తీవ్రంగా పడిపోయింది. అదేవిధంగా ప్రకాశం జిల్లాలో సుమారు 1.40 లక్షల ఎకరాల్లో పంటలు సాగు కావాల్సి ఉండగా ఇప్పటి వరకు కేవలం సుమారు 11 వేల ఎకరాల్లో సాగయ్యాయి. ఒకవైపు సాగు విస్తీర్ణం భారీగా తగ్గగా, మరోవైపు సాగైన పంటలను కాపాడుకోవడం రైతులకు సవాలుగా మారింది. సెప్టెంబరు చివరి దశలోనైనా ఆశించిన స్థాయిలో వర్షాలు కురిసి భూమిలో తేమ పెరిగితే కొంతమేర పంటలను కాపాడుకునే అవకాశం ఉంటుందని రైతులు భావిస్తున్నారు. మెట్ట రైతులకు కన్నీళ్లే.. మార్కాపురం జిల్లాలో అధికశాతం ప్రాంతాలు వర్షాధార వ్యవసాయంపైనే ఆధారపడి ఉన్నాయి. మార్కాపురం, పెద్దారవీడు, తర్లుపాడు, యర్రగొండపాలెం, పెద్దదోర్నాల, కొనకనమిట్ల, కనిగిరి, పామూరు, సీఎస్‌పురం, గిద్దలూరు, రాచర్ల, కొమరోలు మండలాల్లో వర్షాధారంగా పంటలు సాగవుతున్నాయి. జూన్‌లోనే విత్తనాలు వేసేందుకు సిద్ధమైన రైతులు వాన కోసం ఎదురుచూస్తూ కాలం గడిపారు. తర్వాత వచ్చిన కొద్దిపాటి వర్షాలకు కొందరు రైతులు విత్తనాలు వేసినా, ఆ తర్వాత తగినంత తేమ అందక పంటలు ఎదుగుదల కోల్పోయే పరిస్థితి ఏర్పడింది. కంది, పత్తి, మిరప, మొక్కజొన్న తదితర పంటల సాగుపైనా వర్షాభావ ప్రభావం పడింది. పంట సాగు చేసిన రైతులు కూడా పెట్టుబడులు పెట్టిన తర్వాత వర్షం కోసం ఎదురు చూడాల్సిన పరిస్థితి నెలకొంది. ఆహార ధాన్యాలపై ప్రభావం: ఖరీఫ్‌ సాగు తగ్గిపోవడంతో స్థానికంగా లభించే పంట ఉత్పత్తిపైనా ప్రభావం పడే అవకాశం ఉంది. ముఖ్యంగా పప్పుధాన్యాలు, చిరుధాన్యాలు, ఇతర వర్షాధార పంటల దిగుబడులు తగ్గితే రైతుల ఆదాయంతో పాటు మార్కెట్‌కు వచ్చే వ్యవసాయ ఉత్పత్తి కూడా తగ్గుతుంది. ప్రధానంగా వరి సాగు గణనీయంగా తగ్గిపోయింది. మార్కాపురం జిల్లాలో 7240 హెక్టార్లకు గాను కేవలం 1402 హెక్టార్లలో మాత్రమే సాగైంది. సజ్జ, కంది పరిస్థితి ఇలాగే ఉంది. దీంతో ఈ ఏడాది బియ్యం ధరలు పెరగనున్నాయి. రైతులపై పెట్టుబడి భారం: విత్తనాలు, ఎరువులు, పురుగుమందులు, కూలీల ఖర్చులు పెట్టిన తర్వాత వర్షం లేకపోవడంతో రైతులకు పెట్టుబడి తిరిగి వస్తుందా లేదా అన్న అనుమానం నెలకొంది. ఎకరా పత్తి సాగుకు సుమారు రూ.15 నుంచి రూ.20 వేలు ఖర్చుపెట్టారు. వరికి కూడా ఇదే స్థాయిలో ఖర్చువచ్చింది. అయితే భూగర్భ జలాలు అడుగంటిపోవడంతో బోర్లు కూడా పనిచేయడం లేదు. పంటలను కాపాడుకునేందుకు బోర్లు, బావుల ద్వారా నీరు అందించే రైతులపై అదనపు విద్యుత్‌ ఖర్చులు పడుతున్నాయి. రైతులపై రుణభారం...బీమా మాయం బ్యాంకు రుణాల చెల్లింపులకు మారటోరియం ప్రకటించి, పాత రుణాలను వాయిదాల పద్ధతిలో చెల్లించే అవకాశం కల్పిస్తేనే రైతులు ఊపిరి పీల్చుకోగలుగుతారు. గత వైఎస్సార్‌ సీపీ ప్రభుత్వ హయాంలో రైతులకు ఉచిత పంటల బీమా అందించారు. కానీ కూటమి ప్రభుత్వం వచ్చాక ఉచిత బీమాను ఎత్తేశారు. బీమా ప్రీమియం భారాన్ని రైతులపై వేశారు. బీమా చేయించుకున్నా.. ప్రకృతి వైపరీత్యాలతో నష్టపోయిన రైతులకు ఇంత వరకు ఒక్క రూపాయి కూడా పరిహారం దక్కలేదు. వర్షాలు లేక వ్యవసాయ పనులు తగ్గిపోవడంతో గ్రామీణ ప్రాంతాల్లో రైతులు, వ్యవసాయ కూలీలు తీవ్ర ఇబ్బందులు ఎదుర్కొంటున్నారు. కూలీలకు పనులు లేక వలస వెళ్లే పరిస్థితి ఏర్పడుతోంది. ఉచిత పంటల బీమాను అమలు చేయడంతో పాటు నష్టపోయిన రైతులకు పరిహారం అందించి ఆదుకోవాలని రైతు సంఘాల నాయకులు కోరుతున్నారు. జిల్లాలో కరువు పరిస్థితులపై సమగ్ర సర్వే నిర్వహించి, అర్హత ఉన్న వాటిని కరువు మండలాలుగా ప్రకటించి రైతులను, రైతు కూలీలను ఆదుకోవాలని ప్రభుత్వాన్ని డిమాండ్‌ చేస్తున్నారు. ఎల్లోనినో..వర్షాభావం కొనసాగితే పంట దిగుబడులు గణనీయంగా తగ్గే ప్రమాదం ఉందని అధికారులు, రైతులు ఆందోళన వ్యక్తం చేస్తున్నారు. కంది సాధారణంగా ఎకరాకు ఐదు క్వింటాళ్ల వరకు దిగుబడి ఇచ్చే పరిస్థితి ఉండగా, ప్రస్తుత తేమ ఒత్తిడితో అర క్వింటాల్‌కు పడిపోయే అవకాశం ఉందని రైతులు తెలిపారు. పత్తి దిగుబడి కూడా సాధారణంగా ఎకరాకు సుమారు 10 క్వింటాళ్ల వరకు ఉండగా, ప్రస్తుత పరిస్థితుల్లో ఒకటి, రెండు క్వింటాళ్లకు పరిమితం కావచ్చని భావిస్తున్నారు. కరువు ప్రభావం కేవలం మెట్ట పంటలకే పరిమితం కాలేదు. ఉద్యాన పంటల సాగుపైనా ప్రభావం పడింది. నారింజ, నిమ్మ వంటి పంటల్లో తేమ ఒత్తిడితో కాయ పరిమాణం తగ్గడం, రసం శాతం పడిపోవడం, ఎండదెబ్బ, చీడపీడలు వంటి సమస్యలు ఎదురవుతున్నాయి. అరటి, మిరప పంటలకు కూడా వాతావరణ పరిస్థితులు సవాలుగా మారాయి.ఖరీఫ్‌ పోయినట్టే ఈ ఏడాది ఖరీఫ్‌ సీజన్‌ పోయినట్టే. వర్షాలు లేక బోర్లు పనిచేయక వేసిన పత్తి, వరి పంటలు ఎండిపోతున్నాయి. సజ్జ పరిస్థితి కూడా అలాగే ఉంది. కంది దిగుబడులు కూడా తగ్గనున్నాయి. మా గ్రామంలో మొత్తం రైతుల పరిస్థితి ఇలాగే ఉంది. ప్రభుత్వం ఆదుకోవాలి. పెట్టుబడులు కూడా రాక ఇబ్బందులు పడుతున్నాం. – మురళీ, గారపెంట, పుల్లలచెరువు మండలం. ఇలా జరుగుతుందనుకోలేదు ఇంతటి దారుణమైన పరిస్థితులను నెనెప్పుడూ చూడలేదు. వర్షాలు లేక వేసిన పంటలు ఎండిపోతున్నాయి. బోర్లలో నీళ్లు కూడా రావడంలేదు. కళ్లెదుటే వేసిన పంటలు ఎండిపోతుంటే గుండె తరుక్కుపోతుంది. సెప్టెంబరు 3వ వారం వస్తున్నా వర్షాలు లేవు. ఎల్‌నినో అంటే ఏదో అనుకున్నాం. నష్టపోయిన రైతులను ప్రభుత్వం ఆదుకోవాలి. – గంగిరెడ్డి వెంకటేశ్వరరెడ్డి, కాట్రగుంట, కొనకనమిట్ల మండలం

ఒంగోలు సిటీ: ఉమ్మడి ప్రకాశం జిల్లాలో తీవ్ర కరువు పరిస్థితులు నెలకొన్నా ప్రభుత్వం పట్టించుకోవడం లేదని వైఎస్సార్‌ సీపీ ఒంగోలు పార్లమెంట్‌ పరిశీలకుడు బత్తుల బ్రహ్మానందరెడ్డి విమర్శించారు. జిల్లాలో కరువు పరిస్థితులను వెంటనే అంచనా వేసి కరువు మండలాలుగా ప్రకటించాలని డిమాండ్‌ చేశారు. ఒంగోలులోని వైఎస్సార్‌ సీపీ జిల్లా కార్యాలయంలో పార్టీ ఒంగోలు నియోజకవర్గ ఇన్‌చార్జ్‌ చుండూరి రవిబాబుతో కలిసి శనివారం నిర్వహించిన విలేకరుల సమావేశంలో ఆయన మాట్లాడారు. జిల్లాలో వర్షాలు లేక తాగునీరు, సాగునీటికి ఇబ్బందులు ఏర్పడ్డాయని అన్నారు. వర్షాభావంతో పత్తి, పొగాకు, ఉద్యాన పంటలతో పాటు మెట్ట, మాగాణి సాగుపైనా ప్రభావం పడుతోందని తెలిపారు. పశుగ్రాసం కొరత తీవ్రంగా ఉందని, ఇతర ప్రాంతాల నుంచి గడ్డి తీసుకురావాల్సిన పరిస్థితి ఏర్పడిందని చెప్పారు. రైతులపై రుణభారం... పంటలు సరిగా పండక రైతులు ఆర్థిక ఇబ్బందులు ఎదుర్కొంటున్నారని బత్తుల బ్రహ్మానందరెడ్డి తెలిపారు. బ్యాంకు రుణాల చెల్లింపులకు మారటోరియం ప్రకటించి, పాత రుణాలను వాయిదాల పద్ధతిలో చెల్లించే అవకాశం కల్పించాలని కోరారు. కొత్త రుణాలు అందేలా బ్యాంకర్లతో సమావేశం నిర్వహించి ప్రభుత్వం చర్యలు తీసుకోవాలని డిమాండ్‌ చేశారు. వర్షాలు కురిసి పంటలు వేసుకునే అవకాశం ఏర్పడితే రైతులకు సబ్సిడీపై విత్తనాలు, ఎరువులు, పశుగ్రాసం, పశువుల దాణా అందించాలన్నారు. గత వైఎస్సార్‌ సీపీ ప్రభుత్వ హయాంలో రైతులకు ఉచిత పంటల బీమా అందించామని, అనంతరం కూటమి ప్రభుత్వం వచ్చాక ఉచిత బీమాను ఎత్తేసి బీమా కవరేజీ కూడా తగ్గించారని ఆయన ఆరోపించారు. రైతుల నుంచి ప్రీమియం భారం తగ్గించేలా ప్రభుత్వం చర్యలు తీసుకోవాలని కోరారు. వెలిగొండ ప్రాజెక్టు ద్వారా కొంత నీటిని విడుదల చేసి జిల్లా మొత్తం సస్యశ్యామలమైందన్న బోగస్‌ ప్రచారానికి బదులుగా క్షేత్రస్థాయి వాస్తవ పరిస్థితులను ప్రభుత్వం పరిశీలించాలన్నారు. కరువు పరిస్థితులపై ముందస్తు చర్యలు ఏవీ..? వర్షాభావ పరిస్థితులపై ముందస్తు సమాచారం ఉన్నా ప్రభుత్వం తగిన చర్యలు తీసుకోలేదని బ్రహ్మానందరెడ్డి విమర్శించారు. చంద్రబాబు ముఖ్యమంత్రిగా ఉన్న సమయంలో కరువు పరిస్థితులు తరచూ ఎదురవుతున్నాయని ఆరోపించారు. తక్షణమే కరువు పరిస్థితులపై సర్వే నిర్వహించి, అర్హత ఉన్న మండలాలను కరువు మండలాలుగా ప్రకటించి రైతులను ఆదుకోవాలని ప్రభుత్వాన్ని డిమాండ్‌ చేశారు. కరువు రాష్ట్రానికి కొత్తేమీ కాదు.. చుండూరి రవిబాబు కరువు రాష్ట్రానికి కొత్తేమీ కాదని ఒంగోలు నియోజకవర్గ ఇన్‌చార్జ్‌ చుండూరి రవిబాబు ధ్వజమెత్తారు. చంద్రబాబు ముఖ్యమంత్రిగా ఉన్న ప్రతిసారీ రాష్ట్రంలో కరువు పరిస్థితులు ఏర్పడుతున్నాయని ఆరోపించారు. పంటలు పండకపోవడం, పండిన పంటలకు గిట్టుబాటు ధర లేకపోవడం, రైతులు అప్పుల పాలవడం వంటి సమస్యలను గతంలో చూశామన్నారు. గత ప్రభుత్వంలో ప్రారంభించిన పథకాలు, అభివృద్ధి పనులకు పేర్లు మార్చి తమవిగా ప్రచారం చేసుకుంటున్నారని ఆరోపించారు. నిరుద్యోగులు, మహిళలు, వృద్ధులు తదితర వర్గాలకు ఇచ్చిన హామీల అమలుపై ప్రభుత్వం స్పష్టత ఇవ్వాలని డిమాండ్‌ చేశారు. గత ప్రభుత్వాలు చేపట్టిన పనులను ప్రారంభిస్తూ వాటిని తమ ప్రభుత్వ విజయాలుగా ప్రచారం చేసుకోవడం తప్ప కొత్తగా ప్రజలకు ఉపయోగపడే కార్యక్రమాలు చేపట్టడం లేదన్నారు. మంచినీళ్లు దొరకవు కానీ.. సారాయి మాత్రం ప్రతి వీధి చివర దొరుకుతోందన్నారు. కరువులోనూ టీడీపీ నాయకులకు లాభాలే.. టీడీపీ నాయకులు నీళ్లను, చెరువుల్లో మట్టిని, ఎండిన వాగుల్లో ఇసుకను అమ్ముకుంటారని విమర్శించారు. చంద్రబాబు ప్రభుత్వంలో వచ్చిన కరువు వల్ల ప్రజలకి ఎంతో నష్టమైతే, వాళ్ల నాయకులకు మాత్రం లాభసాటి వ్యాపారమన్నారు. ప్రభుత్వ పాఠశాలల్లో విద్యార్థుల సంఖ్య తగ్గి ప్రైవేట్‌ పాఠశాలలకు వెళ్లాల్సిన పరిస్థితి ఏర్పడిందని, ప్రభుత్వ వైద్యంపై నమ్మకం లేక ప్రజలు ప్రైవేట్‌ వైద్యం వైపు వెళ్లాల్సి వస్తోందని పేర్కొన్నారు. వెనుకబడిన ప్రకాశం జిల్లాకు పరిశ్రమలు, ఉపాధి అవకాశాలు రావడం లేదని రవిబాబు అన్నారు. కరువు పరిస్థితులకు బాధ్యత వహించాలి.. కర్ణాటక, తెలంగాణ, తమిళనాడు రాష్ట్రాల్లో కరువు పరిస్థితులు లేవని, ఆంధ్రప్రదేశ్‌లోనే తీవ్ర పరిస్థితులు నెలకొన్నాయని రవిబాబు అన్నారు. కరువు పరిస్థితులను ఎదుర్కొనేందుకు తక్షణ చర్యలు చేపట్టి రైతులు, కార్మికులు, సామాన్య ప్రజలను ఆదుకోవాలని డిమాండ్‌ చేశారు. ప్రభుత్వ వైఫల్యాలను ప్రశ్నిస్తున్న వారిపై కేసులు, పోలీసు చర్యలతో అణచివేసే ప్రయత్నాలు చేస్తున్నారని ఆరోపించారు. డీఎస్సీ నియామకాలపై సమగ్రంగా విచారణ జరపాలని కోరారు. సమావేశంలో వైఎస్సార్‌ సీపీ నాయకులు వైవీ గౌతమ్‌ అశోక్‌, మాజీ కార్పొరేషన్‌ డైరెక్టర్‌ కొల్లాటి ఏడుకొండలు, వైఎస్సార్‌ సీపీ నాయకులు పులుసు సురేష్‌బాబు, దేవరపల్లి రమణయ్య, మలిశెట్టి దేవా, సన్నీ, వెంకు, తదితరులు పాల్గొన్నారు.

కొండపి: రాష్ట్ర ప్రజలకు కూటమి ప్రభుత్వం పొడిచిన వెన్నుపోటుకు ప్రకృతికి కూడా వణుకు పుట్టి వెనకకు వెళ్లిపోతుందని వైఎస్సార్‌ సీపీ పీఏసీ సభ్యుడు, మాజీ మంత్రి, కొండపి నియోజకవర్గ ఇన్‌చార్జ్‌ డాక్టర్‌ ఆదిమూలపు సురేష్‌ ఎద్దేవా చేశారు. మండలంలోని అనకర్లపూడి గ్రామంలో వైఎస్‌ఆర్‌ కాంగ్రెస్‌ పార్టీ చౌదరి యువసేవా సమితి, వైస్‌ ఎంపీపీ వేముల ప్రసాద్‌ ఆధ్వర్యంలో ఏర్పాటు చేసిన గణేశుడి విగ్రహం వద్ద నిర్వహించిన కోలాట ప్రదర్శనను తిలకించిన ఆయన మాట్లాడారు. ఈ సందర్భంగా సురేష్‌ మాట్లాడుతూ కోలాట ప్రదర్శనకు అనుమతులు ఇవ్వడానికి కూడా పోలీసులు ఆంక్షలు విధించడం ఎంతవరకు సమంజసం అని ప్రశ్నించారు. రాష్ట్రంలో రెడ్‌బుక్‌ రాజ్యాంగం అమలవుతున్న నియోజకవర్గం మొదటి స్థానంలో ఉందన్నారు. కూటమి ప్రభుత్వం అధికారంలోకి వచ్చిన తర్వాత మండలంలోని మాజీ సర్పంచ్‌ భువనగిరి సత్యనారాయణకు చెందిన ప్రహరీని పూర్తిగా ధ్వంసం చేసి రూ.ఐదు లక్షల నష్టం చేశారని, కేసు నమోదు చేయడానికి పోలీసులు ముందుకు రాలేదన్నారు. అదేవిధంగా పెట్లూరు గ్రామానికి చెందిన కల్లూరి హరిబాబు బొప్పాయి పంటను సాగు చేస్తుంటే టీడీపీకి చెందిన వ్యక్తులు చేతికంది వచ్చిన బొప్పాయి పంటను పూర్తిగా ధ్వంసం చేస్తే కేసు నమోదు చేయడానికి వెనుకంజ వేశారని, మహిళ రైతు బాధ వర్ణనాతీతం అని విమర్శించారు. జాళ్లపాలెంలో వైఎస్సార్‌ సీపీ సానుభూతిపరులు ఏర్పాటు చేసుకున్న రచ్చబండను, 30 ఏళ్ల నాటికి వేప చెట్టును కూల్చివేసిన బాధితులపైనే కేసులు పెట్టారని మండిపడ్డారు. ఎల్లకాలం కూటమి ప్రభుత్వం అధికారంలోకి ఉండదని, తర్వాత వచ్చేది మా ప్రభుత్వమే అని, ఎవరెక్కడ ఉన్నా కార్యకర్తలను ఇబ్బంది పెట్టిన ప్రతి ఒక్క అధికారికీ వడ్డీతో సహా తిరిగి చెల్లిస్తామని మా అధినేత వైఎస్‌ జగన్‌మోహన్‌ రెడ్డి చెప్పారని అదే పరిస్థితి నియోజకవర్గంలో కూడా ఉంటుందన్నారు. వెలిగొండ ప్రాజెక్ట్‌కు వైఎస్సార్‌ పునాదివేసి పనులు వేగంగా కొనసాగించారని, అలాగే ఆయన తనయుడు మాజీ ముఖ్యమంత్రి వైఎస్‌ జగన్‌ మిగతా పనులను పూర్తి చేశారన్నారు. వెలిగొండ ప్రాజెక్టులో 90 శాతం పనులు వైఎస్‌ కుటుంబ సభ్యులు మాత్రమే పూర్తి చేశారని ఈ విషయంపై చర్చకు నేను సిద్ధమని ఎవరు వస్తారో ఎప్పుడు వస్తారో చర్చలో తేల్చుకుందాం రమ్మని సవాలు విసిరారు. దోపిడీలో పోటీపడుతున్న మంత్రి స్వామి, సత్య నియోజకవర్గంలో ఇద్దరు మంత్రులుగా చలాయిస్తున్నారని ఒకరికి క్యాబినెట్‌ హోదా అని, మరొకరికి మంత్రి కానీ మంత్రి హోదా అని విమర్శించారు. ఇసుక, మట్టి, గ్రావెల్‌, రేషన్‌ మాఫియా నియోజకవర్గంలో చెలరేగుతోందన్నారు. నెలకు రూ.కోట్లలో ఆదాయాన్ని తమ జేబుల్లోకి వేసుకుంటున్నారని విమర్శించారు. నియోజకవర్గ అభివృద్ధిని పక్కన పెట్టి పక్కనే ఉన్న రామాయపట్నం పోర్టును అమ్మకానికి పెట్టిన ఘనత మారిటైం బోర్డు చైర్మన్‌ సత్యాకి మాత్రమే చెందుతుందన్నారు. రాబోయే స్థానిక సంస్థల ఎన్నికలలో నియోజకవర్గంలో అన్ని స్థానాల్లో పోటీ చేసి విజయ బావుటా ఎగరవేయడానికి వైఎస్సార్‌ సీపీ కార్యకర్తలు సిద్ధంగా ఉండాలని పిలుపునిచ్చారు. ప్రస్తుతం పొగాకు రైతుకు మద్దతు ధర లేక అల్లాడిపోతూ ఇబ్బందులను ఎదుర్కొంటే కూటమి ప్రభుత్వం బాధ్యతా రాహిత్యంగా వ్యవహరిస్తోందని వైఎస్సార్‌ సీపీ ఒంగోలు నియోజకవర్గ ఇన్‌చార్జ్‌ చుండూరి రవిబాబు విమర్శించారు. రైతుల కళ్లల్లో ఆనందం కోసం వైఎస్‌ కుటుంబం పనిచేస్తుందని కొనియాడారు. కూటమి ప్రభుత్వం నిర్వహించింది మెగా డీఎస్సీ కాదని ఇది కేవలం దగా డీఎస్సీ అని వైఎస్సార్‌ సీపీ సీఈసీ సభ్యుడు డాక్టర్‌ మాదాసి వెంకయ్య విమర్శించారు. దగా డీఎస్సీకి కారణమైన మంత్రి నారా లోకేష్‌ రాజీనామా చేసి తన చిత్తశుద్ధిని నిరూపించుకోవాలని డిమాండ్‌ చేశారు. అనంతరం నిర్వహించిన కోలాట ప్రదర్శన ఆకట్టుకుంది. మాజీ మంత్రి సురేష్‌, చుండూరి రవి, మాదాసి వెంకయ్యలకు ఘన స్వాగతం పలికి సన్మానించారు. అనంతరం కోలాట ప్రదర్శన చేసిన వారికి జ్ఞాపికలను అందజేశారు. కార్యక్రమంలో మండల కన్వీనర్‌ బచ్చల కోటేశ్వరరావు, మర్రిపూడి మండల కన్వీనర్‌ ఇనకొల్లు సుబ్బారెడ్డి, వైస్‌ ఎంపీపీ వేముల ప్రసాద్‌, మాజీ సర్పంచ్‌ వేముల ధనలక్ష్మి, భువనగిరి సత్యనారాయణ, చింతల ఎక్స్‌పోర్ట్స్‌ అధినేత చింతల వెంకటేశ్వర్లు, మండవ మాలకొండయ్య, వేముల రమేష్‌, మోపర్తి నారాయణ, గౌరెడ్డి రవాణారెడ్డి, సుబ్బయ్య, చింతల వెంకటేశ్వర్లు, మారెడ్డి వెంకటేశ్వర రెడ్డి, వసంత్‌, సుల్తాన్‌ నజీర్‌, నాగిరెడ్డి, శ్రీహరిబాబు, సుధాకర్‌, విజయరామరాజు, వెంకట నర్సు, బొల్లా సుబ్బారావు, మండలంలోని వైఎస్సార్‌ కాంగ్రెస్‌ పార్టీ నాయకులు, చౌదరి యువసేవ సమితి యువత, మహిళలు, గ్రామస్తులు భారీ సంఖ్యలో పాల్గొన్నారు.

యర్రగొండపాలెం: మద్యం సీసాపై రూ.20 వసూలు చేసుకొని టీడీపీ నియోజకవర్గ ఇన్‌చార్జి ఎరిక్షన్‌బాబు.. కరప్షన్‌బాబుగా మారాడని ఎమ్మెల్యే, వైఎస్సార్‌ కాంగ్రెస్‌ పార్టీ రాష్ట్ర అధికార ప్రతినిధి తాటిపర్తి చంద్రశేఖర్‌ విమర్శించారు. ఆ విషయాన్ని మద్యం దుకాణాల నిర్వాహకులే స్వయంగా చెపుతున్నారని అన్నారు. ఈ మేరకు ఎమ్మెల్యే ఎక్స్‌లో ట్వీట్‌ చేశారు. ఆ ప్రతి మద్యం వినియోగదారుడి కష్టార్జితాన్ని దోచుకోవడం ఎలాంటి రాజకీయమో ఎల్లో నినో బాబు ప్రజలకు వివరించాలని అన్నారు. మద్యంపై అనధికారికంగా అదనంగా వసూలు చేస్తున్న ఆ డబ్బు ఎవరి ఖాతాల్లోకి వెళ్తోంది... చంద్రబాబుదా? లోకేష్‌దా? అని ప్రశ్నించారు. లిక్కర్‌ షాపు యజమానులు ఏ అధికారిక అనుమతితో అదనంగా డబ్బులు వసూలు చేస్తున్నారని, వారికి కలెక్టర్‌, ఆర్డీఓ అనుమతి ఇచ్చారా అని నిలదీశారు. అదనపు వసూళ్లపై విచారణ జరపటానికి అధికారులు ఎందుకు భయపడుతున్నారని అన్నారు. ఉలవపాడు: మండల పరిధిలోని చాకిచర్ల శ్రీశ్రీ నగర్‌లో ఏర్పాటు చేసిన వినాయకుడి లడ్డు రూ.3 లక్షలు పలికింది. వినాయక విగ్రహం వద్ద ఏర్పాటు చేసిన లడ్డూ పాటలో అదే గ్రామానికి చెందిన జూటూరి తులసీరామ్‌ రూ.3 లక్షలకు పాటలో లడ్డును దక్కించుకున్నారు. తులసీరామ్‌ను వినాయక విగ్రహ కమిటీ సభ్యులు సత్కరించారు.

జె. పంగులూరు: తమ కాలనీ గుర్తింపు కోసం ఆర్చి నిర్మాణం, భారత రాజ్యాంగ నిర్మాత డాక్టర్‌ బీఆర్‌ అంబేద్కర్‌ విగ్రహం ఏర్పాటు కోసం 40 రోజులుగా ఆందోళన చేస్తున్న నూజిళ్లపల్లి దళితుల పోరాటం ఎట్టకేలకు శనివారం విజయవంతమైంది. ఆర్చి నిర్మాణానికి అధికారుల అంగీకారం తెలపడంతో పాటు అంబేడ్కర్‌ విగ్రహం ఏర్పాటుకు అధికారులు సానుకూలంగా స్పందించడంతో దళితులు ఆనందంతో ఆందోళన విరమించారు. కుల వివక్ష వ్యతిరేక పోరాట సంఘం ఆధ్వర్యంలో ఈ నెల 8వ తేదీ నుంచి స్థానిక తహసీల్దార్‌ కార్యాలయం ఎదుట రిలే నిరాహార దీక్షలు చేసిన దళితులు పది రోజులుగా అధికారుల స్పందన లేకపోవడంతో 18వ తేదీ శుక్రవారం ‘చలో పంగులూరు’కు పిలుపునిచ్చారు. అనంతరం తహసీల్దార్‌ కార్యాలయాన్ని ముట్టడించారు. శుక్రవారం రాత్రి కూడా కార్యాలయం వద్దే ఉండి అక్కడే వంటావార్పు ఏర్పాటు చేసుకొని పడుకున్నారు. శనివారం కూడా యథావిధిగా తహసీల్దార్‌ కార్యాలయాన్ని ముట్టడించారు. ఏదో ఒక విధంగా దళితుల ఆందోళనను విచ్ఛిన్నం చేయాలని భావించిన అధికారులు భారీ సంఖ్యలో పోలీసు బలగాలను దించారు. అయితే ఉదయం 11.30 గంటల ప్రాంతంలో దర్శి డీఎస్పీ బాలమురళీకృష్ణ, అద్దంకి ఆర్డీఓ విజయ జ్యోతికుమారి నూజిళ్లపల్లి దళిత పోరాట కమిటీని, కుల వివక్ష వ్యతిరేక పోరాట సంఘం నాయకులను పిలిచి చర్చలు జరిపారు. చర్చల అనంతరం ఆర్డిఓ విజయ జ్యోతికుమారి తహసీల్దార్‌ కార్యాలయం వద్దకు వచ్చి ఆందోళన చేస్తున్న దళితులతో మాట్లాడారు. దళితులు కోరుకున్నట్లు కాలనీ ప్రారంభం రోడ్డులో ‘అంబేద్కర్‌ నగర్‌’ అనే ఆర్చిని నిర్మించుకోవచ్చని, తహసీల్దార్‌ కార్యాలయం వద్ద ఉన్న అంబేడ్కర్‌ విగ్రహాన్ని రెండు రోజుల్లో నూజిళ్లపల్లి తీసుకువెళ్లి ప్రస్తుతం దళితులకు అనుకూలమైన ప్రదేశంలో ఉంచి ఆ తర్వాత ఏర్పాటు చేసుకునేందుకు సానుకూలంగా స్పందించారు. ఈ ప్రతిపాదనను దళితులు, కుల వివక్ష వ్యతిరేక పోరాట సంఘం నాయకులు అంగీకరించారు. దీంతో ఆందోళన చేస్తున్న దళితులు సంతోషంగా తమ ఆందోళనను విరమించి తహసీల్దార్‌ కార్యాలయాన్ని ఖాళీ చేశారు. ఆర్చీ నిర్మాణ పనులకు గ్రీన్‌సిగ్నల్‌ ఈ సందర్భంగా ఆర్డీఓ విజయ జ్యోతికుమారి మాట్లాడుతూ ఆదివారమే సర్వేయర్‌నునూజిళ్లపల్లి దళిత కాలనీకి పంపిస్తామని, వెంటనే కొలతలు వేయించి ఆర్చి నిర్మాణ పనులు చేపట్టాలని కోరారు. రోడ్డులో పైప్‌ లైన్‌ ఉందని, దాన్ని తగలకుండా చూడాలని కోరారు. ఆ రోడ్డులో వాహనాల రాకపోకలకు ఇబ్బంది లేకుండా ఆర్చి నిర్మాణం జరగాలని సూచించారు. ఈ సందర్భంగా దళితులకు మద్దతుగా నిలిచిన కౌలు రైతు సంఘ మాజీ నాయకులు నాగబోయిన రంగారావు, కుల వివక్ష వ్యతిరేక పోరాట సంఘ జిల్లా కార్యదర్శి బి.రఘురాం, వ్యవసాయ కార్మిక సంఘ రాష్ట్ర కోశాధికారి కంకణాల ఆంజనేయులు, కౌలు రైతు సంఘ జిల్లా కార్యదర్శి వి.బాలకోటయ్య, సీఐటీయూ నాయకులు సీహెచ్‌ మజుందార్‌, వ్యవసాయ కార్మిక సంఘ జిల్లా కార్యదర్శి నెరుసుల వెంకటేశ్వర్లు, మహిళా సంఘ నాయకులు కంకణాల రమాదేవి, ఉబ్బా ఆదిలక్ష్మి, నూజిళ్లపల్లి దళిత పోరాట కమిటీ సభ్యులు మాట్లాడుతూ 40 రోజులుగా దళితులు చేస్తున్న పోరాటానికి సానుకూలంగా స్పందించిన అధికారులకు ధన్యవాదాలు తెలిపారు. ఆర్చి నిర్మాణంలోనూ, తర్వాత విగ్రహ ఏర్పాటులోనూ అధికారులు సహకరించాలని కోరారు. కార్యక్రమంలో సీఐటీయూ నాయకులు పి.కల్పన, పి.రమేష్‌, చీకటి శ్రీనివాసరావు, గంటెనపల్లి శ్రీనివాసులు, కాలం సుబ్బారావు, రైతు సంఘ జిల్లా నాయకులు తలపనేని రామారావు, శ్రీకాంత్‌, తాండవ రంగారావు, వ్యవసాయ కార్మిక సంఘ నాయకులు మొండ్రు ఆంజనేయులు, తంగిరాల వెంకటేశ్వర్లు, సీపీఎం సీనియర్‌ నాయకులు ఎం.శేషగిరి, నూజిళ్లపల్లి దళితులు, వివిధ దళిత సంఘాల నాయకులు పాల్గొన్నారు

మార్కాపురం రూరల్‌: గ్రానైట్‌ లారీ ఢీకొని వ్యక్తి మృతిచెందిన సంఘటన మార్కాపురం మండలంలోని నికరంపల్లి సమీపంలో శుక్రవారం రాత్రి చోటుచేసుకుంది. రోడ్డు పక్కన నిలిపి ఉంచిన గ్రానైట్‌ లారీని ద్విచక్రవాహనంపై వెళ్తున్న బద్వేల్‌ సురేష్‌ (40) అనే వ్యక్తి ఢీకొట్టడంతో అక్కడికక్కడే మృతి చెందాడు. కంభం మండల కేంద్రంలోని అర్బన్‌ కాలనీకి చెందిన సురేష్‌.. కుంట నుంచి కంభం వైపు వెళ్తుండగా కోమటికుంట ప్రాంతంలో ఈ ప్రమాదం జరిగింది. సురేష్‌ గతంలో వలంటీర్‌గా పనిచేయడంతో పాటు డ్యాన్స్‌ మాస్టర్‌గా గుర్తింపు పొంది ఉన్నాడు. ప్రస్తుతం ఓ ప్రైవేటు మల్టీలెవల్‌ కంపెనీలో పనిచేస్తున్నాడు. అతనికి భార్య, ఇద్దరు పిల్లలు ఉన్నారు. సురేష్‌ తల్లి తోపుడు బండిపై మిఠాయి విక్రయిస్తూ జీవనం సాగిస్తోంది. స్థానికంగా అధికారులు, నాయకులు, ప్రజలతో స్నేహపూర్వకంగా మెలిగే సురేష్‌ మృతితో కంభంలో విషాధం అలముకుంది. అతని కుటుంబ సభ్యులు, బంధువులు కన్నీరుమున్నీరుగా విలపించారు. ప్రమాదంపై పోలీసులు కేసు నమోదు చేసి దర్యాప్తు చేస్తున్నారు.

పెద్దదోర్నాల: మండల పరిధిలోని చిన్నమంతనాల, పెద్దపెంట బేస్‌క్యాంపు ప్రాంతాలను పీపీసీఎఫ్‌ రాహుల్‌ పాండే శనివారం పరిశీలించారు. ఈ సందర్భంగా అటవీశాఖ అధికారులతో కలిసి పెద్దపెంటలో పురోగతిలో ఉన్న టైగర్‌ ఎన్‌క్లోజర్‌ పనులను ఆయన పరిశీలించారు. అనంతరం చిన్న మంతనాల బేస్‌క్యాంపును పరిశీలించిన ఆయన అక్కడ ఉన్న సిబ్బందితో మాట్లాడి వారి సమస్యలను అడిగి తెలుసుకున్నారు. పీసీసీఎఫ్‌ రాహుల్‌పాండే వెంట నంద్యాల ప్రాజెక్టు డైరక్టర్‌ యశోదాభాయి, మార్కాపురం డిప్యూటీ డైరక్టర్‌ అబ్దుల్‌ రవూఫ్‌, ఆత్మకూర్‌ డిప్యూటీ డైరక్టర్‌ విఘ్నేష్‌ అపావు రేంజి అధికారులు పాల్గొన్నారు.

ఒంగోలు నగరంలో అసలు సమస్యలను గాలికొదిలేసి అధికారులు, పాలకులు చేస్తున్న ఆర్భాటాలు, ౖపైపె మెరుగులు, పబ్లిసిటీ స్టంట్లపై ప్రజల నుంచి తీవ్రస్థాయిలో విమర్శలు వినిపిస్తున్నాయి. ఆ వివరాల్లోకెళ్తే.. ఒంగోలు మున్సిపాలిటీ ఏర్పడి 150 ఏళ్లు పూర్తవుతున్న సందర్భంగా అధికార యంత్రాంగం నిర్వహిస్తున్న వేడుకల్లో భాగంగా శనివారం నగరంలో మెగా సెగ్రెగేషన్‌ కార్యక్రమం నిర్వహించారు. ప్రజలంతా తడి, పొడి చెత్తను వేరుచేసి పారిశుధ్య సిబ్బందికి అందించాలని సూచించారు. అలా అందించిన వారికి రెండు డస్ట్‌బిన్‌లు అందిస్తామని, లక్కీ డ్రా తీసి గోల్డ్‌ కాయిన్‌ ఇస్తామని ప్రకటించారు. మెగా సెగ్రెగేషన్‌ కార్యక్రమంతో వరల్డ్‌ బుక్‌ ఆఫ్‌ రికార్డ్స్‌లో ఒంగోలుకు స్థానం దక్కినట్లు వెల్లడించారు. ఇదిలా ఉండగా, అదే సమయంలో నగరంలోని అనేక ప్రాంతాల్లో రోడ్ల పక్కన చెత్తకుండీల వద్ద పేరుకుపోయిన చెత్త నిల్వలు కనిపించాయి. కొన్నిచోట్ల గాలికి, పశువులు, కుక్కల పీకులాటకు రోడ్ల మీదకల్లా చెత్త చేరిపోయింది. శుక్రవారం అర్ధరాత్రి కురిసిన వర్షానికి తడిసిపోయిన చెత్త దుర్వాసన వస్తోంది. దీంతో అటుగా రాకపోకలు సాగించేవారు ముక్కుమూసుకోవాల్సిన దుస్థితి నెలకొంది. పలు కాలనీల్లోని రోడ్లతో పాటు ప్రధాన రోడ్ల పక్కన సైతం చెత్త నిల్వలు తొలగించి శుభ్రం చేసే దిక్కు లేకుండా పోయింది. ఇక, నగరంలో కాలువల సంగతి చెప్పాల్సిన అవసరం లేదు. చిన్నపాటి వర్షానికే పొంగిపొర్లి మెయిన్‌ రోడ్లపై కూడా మురుగునీరు నిలుస్తుందనే విషయం అందరికీ తెలిసిందే. చెత్త, మురుగు వంటి పారిశుధ్య లోపాలతో పాటు నగరంలోని రోడ్లపై గుంతలు, దుమ్ము, ధూళి, ట్రాఫిక్‌ సమస్యలతో నగరవాసులు నిత్యం నరకం చూస్తున్నారు. ఇవన్నీ పట్టని అధికారులు, పాలకులు.. 150 ఏళ్ల ఉత్సవాలంటూ మొక్కుబడి కార్యక్రమాలు నిర్వహించి ఫొటోలకు ఫోజులిచ్చి చేతులు దులుపుకుంటున్నారని నగరవాసులు తీవ్రస్థాయిలో విమర్శిస్తున్నారు. ౖపైపె మెరుగులు, రంగులు, ప్లాస్టిక్‌ బొమ్మలు వంటి హంగులకు ప్రజాధనాన్ని వృథా చేస్తున్నారని, ప్రధాన సమస్యలను మాత్రం గాలికొదిలేస్తున్నారని ప్రజలు అసహనం వ్యక్తం చేస్తున్నారు. ఇకనైనా ఆర్భాటాలు పక్కనపెట్టి అసలు సమస్యల పరిష్కారానికి చొరవ చూపాలని కోరుతున్నారు.ఇదేనా..– స్టాఫ్‌ ఫొటోగ్రాఫర్‌, ఒంగోలు

● త్రుటిలో తప్పిన పెను ప్రమాదం సంతమాగులూరు (అద్దంకి): పూరింటిపై పిడుగు పడిన ఘటనలో పెను ప్రమాదం తప్పింది. ఈ సంఘటన మండలంలోని ఏల్చూరులో శుక్రవారం రాత్రి జరిగింది. అందిన సమాచారం మేరకు.. గ్రామానికి చెందిన గుంజి అంకమ్మరావు కుటుంబ సభ్యులు నలుగురు తమ పూరింట్లో పడుకుని నిద్రిస్తున్నారు. ఈ క్రమంలో పెద్ద వర్షం వచ్చింది. ఇల్లు కారుతుండటంతో కటుంబ సభ్యులు బయటకు వచ్చారు. అంతలోనే ఒక మెరుపు మెరిసి గుడిసైపె పిడుగు పడింది. దీంతో క్షణంలో మంటలు పైకి ఎగిశాయి. కొద్ది సేపట్లోనే గుడిసె, అందులోని వంట పాత్రలు, రూ.20 వేల నగదు, ఇతర పత్రాలు కాలిపోయాయని బాధితులు వాపోయారు. కట్టుబట్టలతో మిగిలామని విలపించారు. పిడుగుపాటుకు పశుపోషకుడి మృతి వెలిగండ్ల (కనిగిరి రూరల్‌): మండలంలోని మల్లంరాజుపల్లిలో పిడుగుపాటుకు పశుపోషకుడు మృతి చెందాడు. స్థానికులు తెలిపిన సమాచారం ప్రకారం.. శనివారం సాయంత్రం ఒక్కసారిగా ఈదురు గాలులు, పిడుగులతో కూడిన వర్షం కురిసింది. ఈ తరుణంలో పశుపోషకుడు కె.రామిరెడ్డి (65) గొర్రెలు తోలుకుని వచ్చేందుకు ఇంటి పక్కనే ఉన్న పొలం వెళ్లాడు. పొలంలో ఉన్నట్టుండి పిడుగు పడటంతో రామిరెడ్డి అక్కడికక్కడే మృతి చెందాడు. మృతునికి భార్య, ముగ్గురు పిల్లలు ఉన్నారు.

సాక్షి ప్రతినిధి, ఒంగోలు/మార్కాపురం: చంద్రబాబు ప్రభుత్వం వచ్చాక ఒక్క కొత్త పింఛన్‌ కూడా మంజూరు చేయలేదు. రెండున్నరేళ్ల తరువాత ఎట్టకేలకు పింఛన్ల కోసం దరఖాస్తులు ఆహ్వానించడంతో పెద్ద ఎత్తున అర్హులు దరఖాస్తు చేసుకున్నారు. దరఖాస్తు చేసుకున్న వారిలో ఇప్పటి వరకు పట్టుమని పది శాతం కూడా ఆమోదించకపోవడంతో తమకు పింఛన్లు మంజూరవుతాయో లేదోనన్న ఆందోళన వారిలో నెలకొంది. రాష్ట్ర వ్యాప్తంగా పింఛను దరఖాస్తులకు తొలుత ఈనెల 16వ తేదీ ఆఖరుగా ప్రభుత్వం గడువు ఇచ్చింది. అయితే 12, 13, 14 తేదీల్లో వరుసగా సెలవులు రావడంతో అర్హులైన లబ్ధిదారులు పింఛను కోసం దరఖాస్తు చేసుకోలేకపోయారు. చేతివృత్తుల వారు, వృద్ధులు, వితంతువులు, దివ్యాంగులు, ఒంటరి మహిళ, చేనేత కార్మికులు, మత్స్యకారులు, డప్పు కళాకారులు దరఖాస్తు చేసుకునేందుకు సచివాలయాల చుట్టూ తిరిగారు. దీంతో ప్రభుత్వం 18 వరకూ గడువు పొడిగించింది. చివరిరోజైన శుక్రవారం సాయంత్రానికి ప్రకాశం, మార్కాపురం జిల్లాల్లో కలిపి మొత్తం 80,962 దరఖాస్తులు వచ్చాయి. సచివాలయాలన్నీ లబ్ధిదారులతో కిటకిటలాడాయి. ఇదే సమయంలో సర్వర్లు మొరాయించడంతో ఉదయం నుంచి సాయంత్రం వరకూ సచివాలయంలో పలువురు వేచి ఉన్నారు. ప్రస్తుతం ఆ గడువు కూడా ముగిసిపోయింది. దీంతో ఇంకా అర్హులైన వారు దరఖాస్తు చేసుకునేందుకు అవకాశం లేకుండా పోయింది. శుక్రవారం సాయంత్రం 5 గంటల వరకు ప్రకాశం జిల్లాలో మొత్తం 50,218 దరఖాస్తులు రాగా వాటిలో 3,899 మాత్రమే ఆమోదించారు. 162 దరఖాస్తులను తిరస్కరించారు. మిగిలిన 46,157 దరఖాస్తులు పెండింగ్‌లో ఉన్నాయి. అత్యధికంగా ఒంగోలులో 5368 మంది పింఛన్ల కోసం దరఖాస్తు చేసుకోగా, అత్యల్పంగా చీమకుర్తిలో 715 మంది దరఖాస్తు చేసుకున్నారు. వాటిలో అత్యధికంగా వృద్ధాప్య పెన్షన్ల కోసం 25,290 దరఖాస్తులు రాగా, తరువాత వితంతు పింఛన్ల కోసం 10,615, వివిధ వృత్తుల వారి పెన్షన్ల కోసం 5,114, వికలాంగుల పెన్షన్ల కోసం 4,674 దరఖాస్తులు, మిగిలినవి ఇతర వాటి కోసం వచ్చాయి. మార్కాపురం జిల్లాలో 30,744 దరఖాస్తులు వచ్చాయి. యర్రగొండపాలెం నుంచి అత్యధికంగా 1891 మంది దరఖాస్తు చేసుకోగా హెచ్‌ఎంపాడులో 682 మంది దరఖాస్తు చేసుకున్నారు. మార్కాపురం పట్టణ, రూరల్‌ కలిపి 3,237 మంది పింఛన్ల కోసం దరఖాస్తు చేసుకున్నారు.

ఒంగోలు సిటీ: జాతీయ స్థాయి సైన్స్‌ సెమినార్‌ 2026 లో భాగంగా రాష్ట్ర స్థాయి పోటీలకు ప్రకాశం జిల్లా నుంచి ఇద్దరు విద్యార్థులు ఎంపికై నట్లు జిల్లా విద్యాశాఖ అధికారి సీవీ రేణుక తెలిపారు. విద్యార్థులను, గైడ్‌ టీచర్లను అభినందించారు. పీవీఆర్‌ బాలికల ఉన్నత పాఠశాలలో ‘ఇండియన్‌ ఎనర్జీ బాస్కెట్‌ 2047’ అనే అంశంపై శుక్రవారం నిర్వహించిన జిల్లా స్థాయి పోటీల్లో జిల్లాలోని వివిధ పాఠశాలలకు చెందిన 30 మంది విద్యార్థులు పాల్గొన్నారు. వారంతా తమ ఆలోచనలు, పరిశోధనలు, భవిష్యత్తు దృక్పథాలను వెల్లడించారు. ఈ పోటీల్లో జిల్లా పరిషత్‌ ఉన్నత పాఠశాల ఆలకూరపాడు విద్యార్థిని వై.నిహారిక, ఏపీ మోడల్‌ స్కూల్‌ వీరేపల్లికి చెందిన విద్యార్థిని జీవీ యజ్ఞశ్రీ విజయవాడలో జరిగే రాష్ట్రస్థాయి పోటీలకు ఎంపికయ్యారు. విజేతలకు ఉప విద్యాశాఖాధికారి రంగయ్య బహుమతి ప్రదానం చేశారు. కార్యక్రమంలో డాక్టర్‌ వై రవి శంకర్‌, డి శివ నాగయ్య జ్యూరీ మెంబర్లుగా వ్యవహరించారు. కార్యక్రమంలో పాఠశాల ప్రధానోపాధ్యాయులు రాజ్యలక్ష్మి, జిల్లా సైన్స్‌ అధికారి రమేష్‌, ఎన్‌ నాగేశ్వరరావు, కేఎస్‌ రవికాంత్‌, పీ రమణయ్య, కే రాము, తదితరులు పాల్గొన్నారు.

వాతావరణం ఆకాశం పాక్షికంగా మేఘావృతమై ఉంటుంది. బలమైన గాలులు వీస్తాయి. ఉరుములు, మెరుపులతో జల్లులు పడవచ్చు. పంగులూరులో ఉద్రిక్తత నూజిళ్లపల్లిలో అంబేడ్కర్‌ విగ్రహాన్ని పెట్టాలంటూ కేవీపీఎస్‌ చేపట్టిన చలో పంగులూరు కార్యక్రమం ఉద్రిక్తంగా మారింది.గ్రామాన్ని కోల్పోయిన బాధ ఒకవైపు.. జీవనోపాధి కోసం కొత్త ప్రాంతాలకు వెళ్లాల్సిన పరిస్థితి మరోవైపు. ఇప్పుడు ఎన్నికల సమయంలో ఓటు హక్కు వినియోగించుకోవడంలో ఇబ్బందులు ఎదురైతే తమ సమస్య మరింత తీవ్రమవుతుందని నిర్వాసితులు ఆవేదన వ్యక్తం చేస్తున్నారు. ‘‘మా ఊరు లేకపోయినా మా ఓటు హక్కు ఉండాలి. ఎక్కడ ఓటు వేయాలో ముందుగానే చెప్పాలి. ఎన్నికల సమయంలో ఇబ్బందులు పడకుండా అధికారులు స్పష్టత ఇవ్వాలి’’ అని ముంపు గ్రామాల బాధితులు కోరుతున్నారు. వెలిగొండ ముంపు గ్రామాల నిర్వాసితుల ఓటు హక్కుకు సంబంధించి ఎన్నికల అధికారులు ప్రత్యేక దృష్టి సారించాల్సిన అవసరం ఉంది. ఓటర్ల జాబితాల పరిశీలన, చిరునామాల మార్పు, వార్డుల పునర్వ్యవస్థీకరణ, పోలింగ్‌ కేంద్రాల కేటాయింపు వంటి అంశాలపై స్పష్టత ఇవ్వాలని బాధితులు కోరుతున్నారు. ఎన్నికల నోటిఫికేషన్‌ వచ్చేలోపే 11 ముంపు గ్రామాలకు చెందిన ఓటర్ల పరిస్థితిపై ప్రత్యేక మార్గదర్శకాలు ప్రకటించి, ప్రతి ఓటరుకు తన ఓటు వివరాలు తెలియజేయాలని వారు డిమాండ్‌ చేస్తున్నారు. ఊరు మారినా.. ప్రాంతం మారినా.. తమ ఓటు హక్కు మాత్రం కోల్పోకూడదు. – పత్తి రవిచంద్ర, వైఎస్సార్‌ సీపీ బూత్‌ కమిటీ రాష్ట్ర కార్యదర్శిలక్షల మంది ప్రజలకు మేలు చేసే వెలిగొండ ప్రాజెక్టు కోసం తరతరాలుగా జీవించిన గ్రామాలు..పూర్వీకుల జ్ఞాపకాలు నిండిన ఇళ్లు అన్నింటినీ వదిలి నిర్వాసితులుగా మారిన వేలాది మంది వేర్వేరు చోట్ల తాత్కాలికంగా నివాసం ఉంటున్నారు. వారందరికీ శాశ్వత పునరావాసం కల్పించడంలో ప్రభుత్వం నిర్లక్ష్యంగా వ్యవహరించింది. కనీసం తమకు ఓటు హక్కు కూడా లేకుండా చేస్తారేమోనన్న బెంగ వారిని వెంటాడుతోంది. 11 ముంపు గ్రామాలు ఖాళీ అవడంతో అక్కడి పోలింగ్‌ కేంద్రాలూ లేనట్లే. ఆయా గ్రామాల్లోని దాదాపు 25 వేల మంది ఓటర్లు తమ ఓటు ఎక్కడ ఉంది..వచ్చే ఎన్నికల్లో ఎక్కడ ఓటేయాలని అధికారులను ప్రశ్నిస్తున్నారు. మార్కాపురం: పూల సుబ్బయ్య వెలిగొండ ప్రాజెక్టు నిర్మాణంతో ముంపునకు గురవుతున్న గ్రామాల ప్రజలు పుట్టిన ఊరును విడిచి వివిధ ప్రాంతాలకు తరలివెళ్లారు. ఏళ్ల తరబడి నివసించిన ఇళ్లు.. పంట పొలాలు.. గ్రామాలతో అనుబంధాన్ని వదులుకుని కొత్త ప్రాంతాల్లో జీవనం సాగిస్తున్నారు. కొంతమంది మార్కాపురం పట్టణం, పరిసర గ్రామాలు.. మరికొంతమంది పెద్దారవీడు, తర్లుపాడు, కంభం, బేస్తవారిపేట తదితర ప్రాంతాల్లో తాత్కాలికంగా నివాసం ఉంటున్నారు. త్వరలో జరగనున్న స్థానిక సంస్థల ఎన్నికలు వారికి మరో సమస్యను ముందుకు తెచ్చాయి. తమ ఓటు ఎక్కడ ఉంది? ఏ పోలింగ్‌ కేంద్రానికి వెళ్లాలి? ఏ వార్డులో ఓటు వేయాలి? అన్న సందేహాలు నిర్వాసితులను వెంటాడుతున్నాయి. వెలిగొండ ప్రాజెక్టు ముంపు పరిధిలోకి వచ్చే 11 గ్రామాల్లో సుమారు 22 వేల నుంచి 25 వేల మంది ఓటర్లు ఉన్నట్లు అంచనా. ఆయా గ్రామాల్లోని కుటుంబాలు పునరావాసం, పరిహారం, ఇతర కారణాలతో ఇప్పటికే వివిధ ప్రాంతాలకు తరలివెళ్లాయి. ముంపునకు గురవుతున్న గ్రామాలుగా గొట్టిపడియ, అక్కచెరువు తండా, సుంకేసుల, కలనూతల, గుండంచర్ల, చింతలముడిపి, కాటంరాజు తండా, సాయిరాంనగర్‌, రామలింగేశ్వరపురం, కృష్ణానగర్‌, లక్ష్మీపురం ఉన్నాయి. తలోదారి..తలో నివాసం: ఒకప్పుడు ఒకే గ్రామంలో కలిసిమెలిసి జీవించిన కుటుంబాలు ఇప్పుడు ఒక్కో ప్రాంతంలో నివాసం ఉంటున్నాయి. కొందరు పునరావాస కాలనీలకు వెళ్లగా మరికొందరు మార్కాపురం, ఇతర పట్టణాలు, సమీప గ్రామాల్లో ఇళ్లు అద్దెకు తీసుకున్నారు. ఇంకొందరు బంధువుల ఇళ్లలో తాత్కాలికంగా ఉంటున్నారు. దీంతో ఒకే గ్రామానికి చెందిన ఓటర్లు సైతం వేర్వేరు ప్రాంతాల్లోకి వెళ్లిపోయారు. ఈ పరిస్థితుల్లో స్థానిక సంస్థల ఎన్నికల్లో ఓటు హక్కు వినియోగించుకునే విషయంలో తమకు ఎలాంటి విధానం అమలు చేస్తారన్నది నిర్వాసితులకు అంతుచిక్కడం లేదు. పాత గ్రామమా.. కొత్త నివాసమా? గ్రామాలు ఖాళీ చేసిన తర్వాత కూడా పాత గ్రామాల ఓటర్ల జాబితాలోనే పేర్లు కొనసాగుతాయా? లేక ప్రస్తుతం నివసిస్తున్న ప్రాంతాలకు అనుగుణంగా ఓటర్ల జాబితాల్లో మార్పులు చేస్తారా? అన్నది ప్రధాన ప్రశ్నగా మారింది. ప్రస్తుతం ఒక ప్రాంతంలో నివసిస్తున్నా ఓటు మాత్రం పాత గ్రామంలో ఉంటే ఎన్నికల సమయంలో అక్కడికి వెళ్లాల్సి వస్తుంది. ఒకవేళ పాత గ్రామం పూర్తిగా ఖాళీ అయి.. పోలింగ్‌ కేంద్రం మరో ప్రాంతానికి మారితే ఆ సమాచారం ప్రతి ఓటరుకు చేరాల్సి ఉంటుంది. స్థానిక సంస్థల ఎన్నికలు సమీపిస్తున్న తరుణంలో పోలింగ్‌ కేంద్రాలపై స్పష్టత లేకపోవడం నిర్వాసితుల్లో ఆందోళనకు కారణమవుతోంది. తమ గ్రామాలకు సంబంధించిన ఓటర్ల జాబితాలను అధికారులు పరిశీలించి, ప్రస్తుతం నిర్వాసితులు నివసిస్తున్న ప్రాంతాలను దృష్టిలో పెట్టుకుని ఎన్నికల ప్రక్రియను స్పష్టంగా రూపొందించాలని వారు కోరుతున్నారు. ప్రతి ఓటరుకు తన ఓటు ఏ వార్డులో ఉంది.. ఏ పోలింగ్‌ కేంద్రంలో ఓటు వేయాలి అనే వివరాలను ముందుగానే తెలియజేయాలని విజ్ఞప్తి చేస్తున్నారు.

ఒంగోలు టౌన్‌: డ్వాక్రా రుణాలు ఇప్పిస్తామని చెప్పి నమ్మించి పులివెంకటరెడ్డి కాలనీకి చెందిన తల్లీ, కుమారుడు కలిసి మోసం చేశారని అదే కాలనీకి చెందిన పలువురు మహిళలు ఆరోపించారు. శుక్రవారం ప్రకాశం భవనం వద్ద స్థానిక పులివెంకటరెడ్డి కాలనీకి చెందిన రామలక్ష్మి, జిలకర బేబి, తేళ్ల వనజ, సలోమి తదితర మహిళలు ఆందోళనకు దిగారు. ఈ సందర్భంగా వారు మీడియాకు జరిగిన మోసాన్ని వెల్లడించారు. బాధితులు తెలిపిన వివరాల ప్రకారం...పులివెంకటరెడ్డి కాలనీకి చెందిన సునీత, ఆమె కుమారుడు కలిసి వినాయక స్వశక్తి డ్వాక్రా పొదుపు సంఘం పేరుతో పది మందితో ఓ గ్రూపు ఏర్పాటు చేశారు. సభ్యులు ఒక్కొక్కరికి రూ.20 వేల చొప్పున రుణాలు ఇప్పించారు. లబ్ధిదారులు తీసుకున్న రుణాన్ని నెలకు వేయి రూపాయల చొప్పున తిరిగి చెల్లించారు. అయితే ఇటీవల వారికి రూ.26 లక్షల రుణం బకాయి ఉందని, వెంటనే చెల్లించాలని నోటీసులు వచ్చాయి. ఆందోళన చెందిన బాధితులు వెంటనే సునీత వద్దకు వెళ్లి నోటీసులు వచ్చిన విషయాన్ని తెలిపారు. మీకు సంబంధం లేదు, నేను చూసుకుంటానని ఆమె బదులిచ్చారు. దీంతో అనుమానం వచ్చి బ్యాంకుకు వెళ్లి మేనేజర్‌తో మాట్లాడారు. ఆయన కూడా మీ ఆర్‌పీ చూసుకుంటుందని జవాబు చెప్పాడు. ఫీల్డ్‌ ఆఫీసర్‌ ను సంప్రదించగా దురుసుగా ప్రవర్తించడమే కాకుండా మీకు చేతనైంది చేసుకోమంటూ బెదిరింపులకు దిగాడు. కలెక్టర్‌కు ఫిర్యాదు చేసిన మహిళలు... డ్వాక్రా రుణాల పేరుతో తమను మోసం చేశారని కలెక్టర్‌కు ఫిర్యాదు చేసినట్లు బాధిత మహిళలు తెలిపారు. దీనిపై స్పందించిన కలెక్టర్‌ వెంటనే విచారణ జరిపించి చర్యలు తీసుకోవాలని మెప్మా అధికారులను అదేశించారని వివరించారు. అయినా ఇప్పటి వరకు సునీత మీద ఎలాంటి కేసు నమోదు చేయలేదని తెలిపారు. ఈ విషయం గురించి పోలీసు అధికారులకు కూడా ఫిర్యాదు చేశామని, అయితే బ్యాంకు అధికారులు, పీడీ కార్యాలయానికి చెందిన అధికారుల పేర్లు తొలగిస్తే కేసు నమోదు చేస్తామని చెబుతున్నారని ఆరోపించారు. సోమవారం లోపు తమకు న్యాయం చేయకపోతే ఆత్మహత్య చేసుకుంటామని బాధిత మహిళలు హెచ్చరించారు.

పెద్దదోర్నాల: వెలిగొండ ప్రాజెక్టు కోసం అప్పట్లో ఎంతో కృషి చేశానని సీనియర్‌ వైఎస్సార్‌ సీపీ నాయకుడు, మాజీ ఎమ్మెల్యే కేపీ కొండారెడ్డి పేర్కొన్నారు. ఫీడర్‌ కాలువ ద్వారా విడుదలవుతున్న కృష్ణా జలాలను శుక్రవారం ఆయన పరిశీలించారు. వైఎస్సార్‌ సీపీ మండల కన్వీనర్‌ గంటా రమణారెడ్డి, మండల వైఎస్సార్‌ సీపీ నాయకులు గంటా గురవారెడ్డిలతో కలిసి ఆయన కొత్తూరు వద్ద నిర్మించిన జంట సొరంగాలు, గంటవానిపల్లె వద్ద ఏర్పాటు చేసిన ఫీడర్‌ కెనాల్‌ను పరిశీలించారు. ఈ సందర్భంగా ఆయన మాట్లాడుతూ అప్పట్లో ప్రాజెక్టు కోసం ఎంతో కృషి చేశానని, సొరంగాల నిర్మాణాల కోసం ప్రభుత్వ పెద్దల దృష్టికి తీసుకువెళ్లిన అంశాలను ఆయన గుర్తు చేసుకున్నారు. దీంతో పాటు నాటి గత స్మృతులను స్మరించుకుంటూ నాడు దివంగత ముఖ్యమంత్రి వైఎస్‌.రాజశేఖరరెడ్డి ఆధ్వర్యంలో సొరంగాల నిర్మాణాల ప్రారంభోత్సవ కార్యక్రమంలో ఆయన పాల్గొన్న క్షణాలు మరిచిపోలేనని గుర్తు చేసుకున్నారు. ఈ కార్యక్రమంలో ఆయనతో పాటు పలువురు నాయకులు ఫీడర్‌ కెనాల్‌ను పరిశీలించారు.

మార్కాపురం: వెనుకబడిన పశ్చిమ ప్రకాశం ప్రాంతంలో విద్యావ్యాప్తికి విశేష కృషి చేసిన విద్యావేత్త, దివంగత డాక్టర్‌ శామ్యూల్‌ జార్జి 20వ వర్ధంతి సందర్భంగా ’జార్జి స్మృతి2026’ ఘనంగా నిర్వహించారు. స్థానిక శామ్యూల్‌ జార్జి అటానమస్‌ ఇంజినీరింగ్‌ కళాశాల ఆవరణలోని ‘జార్జి గ్రీన్స్‌’ సమాధి వద్ద ఆయనకు నివాళులర్పించారు. కళాశాల సాంకేతిక సలహాదారు, మాజీ మంత్రి డాక్టర్‌ ఆదిమూలపు సురేష్‌, ఆదాయపు పన్ను శాఖ చీఫ్‌ కమిషనర్‌ విజయలక్ష్మి, అకడమిక్‌ అడ్వైజర్‌, వైఎస్సార్‌సీపీ కోడుమూరు నియోజకవర్గ ఇన్‌చార్జి డాక్టర్‌ ఆదిమూలపు సతీష్‌ హాజరై పుష్పాంజలి ఘటించారు. ఈ సందర్భంగా వారు మాట్లాడుతూ.. ఈ ప్రాంతానికి ఉన్నత విద్యను చేరువ చేసిన మహనీయుడు శామ్యూల్‌ జార్జి అని కొనియాడారు. ఆయన ఆశయాలకు అనుగుణంగా సంస్థలను ఆదర్శవంతంగా తీర్చిదిద్దుతున్నామని, కళాశాల 30వ వసంతంలోకి అడుగుపెట్టడం, న్యాక్‌ – ఏ గ్రేడ్‌తో పాటు అటానమస్‌ హోదా దక్కడం గర్వకారణమన్నారు. అనంతరం కళాశాల ప్రాంగణంలో మొక్కలు నాటారు. కార్యక్రమంలో ఎస్‌జీఐటీ ప్రిన్సిపాల్‌ డాక్టర్‌ సయ్యద్‌ ఖాసిం, వైస్‌ ప్రిన్సిపాల్‌ డాక్టర్‌ రాజాబాబు, డీన్‌ డాక్టర్‌ మస్తానయ్య, డాక్టర్‌ డేనియల్‌, వివిధ విభాగాల అధిపతులు, అధ్యాపక, అధ్యాపకేతర సిబ్బంది, విద్యార్థులు పాల్గొన్నారు. ● ఎస్సీ,ఎస్టీ అట్రాసిటీ కేసు నమోదు తాళ్లూరు: మండలంలోని బొద్దికూరపాడులో ఓ రెస్టారెంట్లో సప్లయర్‌గా పనిచేస్తున్న దళిత మహిళ మందా ఏసమ్మపై చీమకుర్తి మండలం దేవరపాలెం గ్రామానికి చెందిన గంగిరెడ్డి బాలిరెడ్డి అనే టీడీపీ నేత విచక్షణ రహితంగా దాడి చేశాడు. ఈ సంఘటన ఆలస్యంగా వెలుగులోకి వచ్చింది. వినాయక చవితి పండగ రోజు దేవరపాలెం గ్రామానికి చెందిన టీడీపీ నేత రెస్టారెంట్‌కు వచ్చి భోజనం తిన్నాడు. భోజనం పూర్తవడంతో సప్లయర్‌ ఖాళీగా ఉన్న కుర్చీలు తీస్తోంది. దళిత మహిళను ఏయ్‌ ఇటు రా.. ఇక్కడ కుర్చీలు తీయకు..అని చంపకు పెట్టి కొట్టి దాడి చేసినట్లు బాధిత మహిళ తెలిపింది. కులం పేరుతో బూతులు తిట్టి బీరు సీసాతో విచక్షణ రహితంగా దాడి చేశాడని వాపోయింది. గాయపడిన మహిళను కుటుంబ సభ్యులు వెంటనే చికిత్స కోసం ఆర్‌ఎంపీ వద్దకు తీసుకెళ్లారు. మెరుగైన వైద్యం కోసం దర్శి ప్రభుత్వ వైద్యశాలకు తరలించారు. నిందితుడు గంగిరెడ్డి బాలిరెడ్డిపై ఎస్సీ,ఎస్టీ కేసు నమోదైంది. పోలీసులు దర్యాప్తు చేస్తున్నారు. విషయం తెలుసుకున్న చీమకుర్తి వైఎస్సార్‌ సీపీ మాజీ కౌన్సిలర్‌ పాటిబండ్ల గంగయ్య వివరాలు తెలుసుకొని బాధితురాలిని పరామర్శించారు. ఆమెకు న్యాయం చేయాలని ప్రభుత్వాన్ని డిమాండ్‌ చేశారు.

కనిగిరి రూరల్‌: పట్టణంలోని ఇందిరా కాలనీలో గురువారం రాత్రి ఇద్దరు యువకులు వీరంగం సృష్టించారు. మద్యం మత్తులో హల్‌చల్‌ చేయడంతో స్థానికులు భయభ్రాంతులకు గురయ్యారు. కింద పడి ఉన్న మణికంఠ అనే యువకుడిని మరో ఇద్దరు కొట్టడాన్ని అడ్డుకున్న స్థానికులపై కూడా మత్తులో ఉన్న యువకులు తిరుగుబాటు చేయడంతో తీవ్ర గందరగోళం నెలకొంది. ఈ ఘటన సోషల్‌ మీడియాలో వైరలైంది. బాధితుల కథనం ప్రకారం.. పట్టణంలోని ఇందిరా కాలనీ సమీపంలో ఒక సామాజిక వర్గానికి చెందిన ముగ్గురు, మరో సామాజిక వర్గానికి చెందిన మరొకరు వినాయక నిమజ్జనం సందర్భంగా పాటలకు డ్యాన్స్‌ వేసుకుంటూ గోడవ పడ్డారు. ఈ క్రమంలో ఫుల్‌గా మత్తులో ఉన్న ఇద్దరు యువకులు మణికంఠ అనే యువకుడిని తరుముకుంటూ వెంటపడ్డారు. ఇందిరా కాలనీలోని అంకమ్మ ఇంటి వద్ద మణికంఠను కిందపడేసి మిగిలిన ఇద్దరు కర్రలు, ఇతర మారణాయుధాలతో దాడి చేశారు. గమనించిన కాలనీ వాసి అంకమ్మ అడ్డుకుంది. దీంతో ఆమైపె కూడా తిరగబడి దాడి చేశారు. అంకమ్మ, ఆమె కుమారుడు కృష్ణ మరికొందరు స్థానికులు మత్తులో ఉన్న ఇద్దరు యువకులను వారించారు. దీంతో ప్రాణభయంతో మణికంఠ పరిగెత్తాడు. వారి ఇద్దరిలో ఒకరిని స్థానికులు పట్టుకోగా మరొకడు పరారయ్యాడు. దొరికిన యువకుడిని చెట్టుకు కట్టేసి బాధిత కాలనీ వాసులు 100, 112కు కాల్‌ చేసినట్లు తెలిపారు. ఈ క్రమంలో విషయం తెలుసుకున్న యువకుల బంధువులు, ఇందిరా కాలనీ వద్దకు వచ్చి స్థానికులపై తిరుగుబాటు చేశారు. అంకమ్మపై దాడి చేయడంతో తీవ్ర గందరగోళం నెలకొంది. దీంతో కాలనీ వాసులంతా పోలీస్‌ స్టేషన్‌కు వచ్చి పోలీసులకు సమాచారం ఇచ్చారు. బాధితురాలు అంకమ్మ తనపై పి.చరణ్‌తో పాటు మరికొందరు దాడి చేసినట్లు ఫిర్యాదు చేసినట్లు తెలిసింది. మద్యం మత్తులో హల్‌చల్‌

కృష్ణలంక (విజయవాడ తూర్పు): కష్టపడకుండా తేలికగా అధిక సంపాదనకు ఆశపడి చట్టవిరుద్ధంగా అక్రమంగా పేలుడు పదార్థాలు కొనుగోలు చేసి ఆర్టీసీ బస్సులో రవాణా చేసిన కేసులో ఇద్దరు ప్రధాన నిందితులను పోలీసులు శుక్రవారం అరెస్ట్‌ చేసి కోర్టులో హాజరుపరిచి రిమాండ్‌కు తరలించారు. పోలీసుల కథనం ప్రకారం.. మార్కాపురం జిల్లా యర్రగొండపాలెం సమీపంలోని రాజుపాలెం గ్రామానికి చెందిన అలుగుల లక్ష్మీనారాయణ, అతని తమ్ముడు సాయి కొన్నేళ్ల క్రితం విజయవాడ చుట్టుపక్కల ప్రాంతాలకు వలస వచ్చి మట్టి పనులు, స్లాబులు పగలగొట్టడం, కాంక్రీట్‌ పనులు చేసుకుంటూ జీవనం సాగిస్తున్నారు. అయితే వస్తున్న ఆదాయం సరిపోకపోవడంతో లక్ష్మీనారాయణ సులభంగా తక్కువ సమయంలో ఎక్కువ మొత్తంలో డబ్బు సంపాదించేందుకు ప్రత్యామ్నాయ మార్గం ఎంచుకోవాలనుకున్నాడు. ఆ సమయంలో అదే గ్రామానికి చెందిన తన బంధువైన అలుగుల బాబూరావును సంప్రదించాడు. బాబూరావు మార్కాపురం జిల్లా దోర్నాల, చుట్టుపక్కల ప్రాంతాల్లోని క్వారీల్లో పనిచేస్తూ జిలెటిన్‌ స్టిక్స్‌, డిటోనేటర్లు ఉపయోగించి రాళ్లను పగలగొట్టే పని చేస్తుంటాడు. బాబూరావు తన యజమానికి తెలియకుండా కొన్ని జిలెటిన్‌ స్టిక్స్‌, డిటోనేటర్లను దాచుకుని ఇతరులకు విక్రయించేవాడు. లక్ష్మీనారాయణ ఆ విషయం తెలుసుకున్నాడు. జిలెటిన్‌ స్టిక్స్‌, డిటోనేటర్లను ఎలా వాడాలి, వాటిని ఉపయోగించి డబ్బు ఎలా సంపాదించాలో తెలుసుకున్నాడు. తన బంధువైన బాబూరావు వద్ద జిలెటిన్‌ స్టిక్స్‌, డిటోనేటర్లను సేకరించడం ప్రారంభించాడు. వాటిని భవనాల పునాదుల్లో పెద్దపెద్ద రాళ్లను పగలగొట్టేందుకు, రెడీమిక్స్‌ కాంక్రీట్‌ లారీల్లో గడ్డ కట్టిన కాంక్రీట్‌ను తొలగించడానికి ఉపయోగిస్తూ గత నాలుగు నెలలుగా వ్యాపారం సాగిస్తున్నాడు. ఈ క్రమంలోనే తన మేనల్లుడు రామాంజనేయులును కూడా పనిలో పెట్టుకున్నాడు. ఆర్టీసీ బస్సులో పేలుడు పదార్థాల రవాణా... ఈ నెల 14న లక్ష్మీనారాయణ 49 జిలెటిన్‌ స్టిక్స్‌, 50 డిటోనేటర్లను బాబూరావు వద్ద రూ.14 వేలకు కొనుగోలు చేశాడు. వాటిని తన మేనల్లుడు రామాంజనేయులుకు ఇచ్చి ఆర్టీసీ బస్సు ద్వారా విజయవాడ పంపించాడు. అయితే విజయవాడ బస్టాండ్‌లో బ్యాగ్‌ మారడంతో పేలుడు పదార్థాల రవాణా గుట్టురట్టయింది. దీనిపై కేసు నమోదు చేసిన పోలీసులు వెంటనే రంగంలోకి దిగి రామాంజనేయులును అదుపులోకి తీసుకుని విచారించారు. అతను ఇచ్చిన సమాచారంతో ఈ కేసులో లక్ష్మీనారాయణ, సాయిని ప్రధాన నిందితులుగా చేర్చి పరారీలో ఉన్న వారి కోసం గాలింపు చర్యలు చేపట్టారు. గురువారం నిందితులిద్దరినీ అదుపులోకి తీసుకుని విచారించగా తన బంధువు వద్ద జిలెటిన్‌ స్టిక్స్‌, డిటోనేటర్లు కొనుగోలు చేస్తూ అక్రమంగా రవాణా చేస్తున్నట్లు అంగీకరించారు. నిందితులను అరెస్ట్‌ చేసి రెండో ఏజేఎఫ్‌సీఎం కోర్టులో హాజరుపరచగా న్యాయమూర్తి శ్రీకాంత్‌ వారికి 14 రోజులు రిమాండ్‌ విధిస్తూ ఉత్తర్వులు జారీ చేసినట్లు పోలీసులు తెలిపారు. ఈ కేసులో ఇప్పటికే రామాంజనేయులును అరెస్ట్‌ చేసి రిమాండ్‌కు తరలించిన సంగతి తెలిసిందే. రిమాండ్‌ విధించిన కోర్టు అత్యాశకుపోయి జైలు పాలైన ముఠా నిందితులది యర్రగొండపాలెం సమీపంలోని రాజుపాలెం గ్రామం

అద్దంకి/అద్దంకి రూరల్‌: పట్టణంలోని పల్నాడు హాస్పిటల్‌ వద్ద ఏర్పాటు చేసిన వినాయక (మట్టితో చేసిన) విగ్రహాన్ని వైఎస్సార్‌ సీపీ అద్దంకి నియోజకవర్గ సమన్వయకర్త డాక్టర్‌ చింతలపూడి అశోక్‌కుమార్‌ ఆధ్వర్యంలో రంగు రంగుల విద్యుత్‌ సెట్టింగులతో, దేదీప్యమానంగా వెలుగులు విరజిమ్ముతూ అంగరంగ వైభవంగా నిమజ్జనం చేశారు. నిమజ్జన వేడుకల్లో భాగంగా ఏర్పాటు చేసిన రాజమండ్రి కళాకారుల సృంస్కృతిక కార్యక్రమాలు అందరినీ ఆకట్టుకున్నాయి. వివిధ రకాల పౌరాణిక, జానపద వేషధారణలతో కళాకారులు చేసిన నృత్యాలు ప్రత్యేక ఆకర్షణగా నిలిచాయి. డప్పు వాయిద్యాలు, భక్తుల గణపతి బప్పా మోరియా నినాదాల నడుమ ఊరేగింపు పట్టణంలోని పల్నాడు వైద్యశాల నుంచి గుండ్లకమ్మ వరకు సాగింది. కార్యక్రమంలో డాక్టర్‌ చింతలపూడి అశోక్‌కుమార్‌ వినాయక విగ్రహ వాహనానికి గుమ్మడికాయతో దిష్టి తీసి వాహనాన్ని తానే నడిపాడు. నిమజ్జన కార్యక్రమంలో భారీ సంఖ్యలో నాయకులు, కార్యకర్తలు, భక్తులు పాల్గొన్నారు. రూ.1.40 లక్షలు పలికిన లడ్డూ పాట వినాయకుని చేతిలో ఉంచి పూజలందుకున్న లడ్డూ వేలం పాటలో రూ.1.40 లక్షలు పలికింది. అత్యధిక పాట పాడిన వైఎస్సార్‌ సీపీ నాయకుడు మానికొండ నాగరాజు లడ్డూను దక్కించుకున్నాడు. లడ్డూ పాట నగదును గ్రంథాలయ ఉద్యమానికి అందజేయనున్నట్లు తెలిపారు. రానున్న ఎన్నికల్లో వైఎస్సార్‌ సీపీదే విజయం ఆ గణనాథుని కృపా కటాక్షాలతో రానున్న స్థానిక సంస్థల ఎన్నికల్లో, మునిసిపాలిటీ, పంచాయతీ, ఎంపీటీసీ ఎన్నికల్లో వైఎస్సార్‌ సీపీ అత్యధిక స్థానాలను కై వసం చేసుకోబోతోందని డాక్టర్‌ అశోక్‌కుమార్‌ చెప్పారు. ఆ వినాయకుడు వర్షాలు సక్రమంగా పడేలా చూసి పాడి పంట పండేలా చూడాలని ఆకాంక్షించారు. కార్యక్రమంలో భారీ సంఖ్యలో వివిధ హోదాల్లో ఉన్న నాయకులు, కార్యకర్తలు పాల్గొన్నారు. రూ.1.40 లక్షలు పలికిన లడ్డూ పాట అలరించిన రాజమండ్రి నృత్యాలు, దేవతా మూర్తుల వేషధారణలు గుమ్మడికాయ దిష్టి తీసి గణనాథుని ఊరేగింపు ప్రారంభించిన డాక్టర్‌ చింతలపూడి అశోక్‌కుమార్‌ పల్నాడు వైద్యశాల నుంచి గుండ్లకమ్మ వరకు సాగిన ఊరేగింపు

జె.పంగులూరు: మండలంలోని నూజిళ్లపల్లిలో డాక్టర్‌ బీఆర్‌ అంబేడ్కర్‌ విగ్రహం, ఆర్చి నిర్మాణానికి అధికారులు అనుమతి కావాలని కోరుతూ కుల వివక్ష వ్యతిరేక పోరాట సంఘం ఆధ్వర్యంలో శుక్రవారం తలపెట్టిన ‘చలో పంగులూరు’ కార్యక్రమం ఉద్రిక్తంగా సాగింది. సమస్య పరిష్కారం అయ్యే వరకు ఆందోళన విరమించేది లేదని దళితులు, దళిత సంఘాల నాయకులు భీష్మించుకుని కూర్చున్నారు. కార్యక్రమం ప్రారంభం నుంచి పోలీసులు అనేక ఆటంకాలు సృష్టించి కార్యక్రమాన్ని విచ్ఛిన్నం చేసేందుకు ప్రయత్నించారు. ఐక్యతతో ఉద్యమం చేస్తున్న దళితులు పట్టు వదలకుండా ఉద్యమాన్ని కొనసాగిస్తున్నారు. తహసీల్దార్‌ కార్యాలయం వరకు ర్యాలీ ఉదయం 10 గంటలకే సినిమా హాల్‌ సెంటర్‌కు చేరుకున్న నూజిళ్లపల్లి గ్రామ దళితులు కుల వివక్ష వ్యతిరేక పోరాట సంఘం జెండాలు పట్టుకొని నినాదాలు చేసుకుంటూ మెయిన్‌ రోడ్డు మీదగా తహసీల్దార్‌ కార్యాలయం వద్దకు చేరుకొని పెద్ద పెట్టున నినాదాలు చేశారు. అంతకుముందే అక్కడికి చేరుకున్న పోలీసులు అడుగడుగునా ఆటంకాలు సృష్టిస్తూనే ఉన్నారు. నాయకులు మాట్లాడే సందర్భంలో మైకు యజమానిని పిలిచి అతని బండి తాళాలు తీసుకుని మైక్‌ తీసుకెళ్లమని భయపెట్టారు. భయపడిన యజమాని మైక్‌ తీసుకుని వెళ్లిపోయాడు. అయినా దళితులు భయపడకుండా కార్యక్రమాన్ని కొనసాగిస్తూనే ఉన్నారు. మధ్యాహ్నం ఒంటి గంటకు దర్శి డీఎస్పీ బాలమురళీకృష్ణ వచ్చి ఆందోళనను ఆపేయాలని, అధికారులతో మాట్లాడతానని పలు రకాలుగా నచ్చజెప్పే ప్రయత్నం చేశారు. ఆయన మాటలు నమ్మని దళితులు తహసీల్దార్‌ కార్యాలయంలోకి వెళ్లి తహసీల్దార్‌తో మాట్లాడేందుకు నిరాకరించారు. దీంతో తహసీల్దార్‌ సింగారావును డీఎస్పీ బాలమురళీకృష్ణ బయటకు పిలిపించారు. బయటకు వచ్చిన తహసీల్దార్‌ సింగారావు నోరు మెదపలేదు. దళితులు అడిగే ఏ మాటకూ సమాధానం చెప్పలేదు. ఆ తర్వాత తహసీల్దార్‌ సింగారావు, అద్దంకి రూరల్‌ సీఐ మల్లికార్జునరావు, అద్దంకి టౌన్‌ సీఐ సుబ్బరాజును డీఎస్పీ తన కారులో బయటకు తీసుకెళ్లారు. తిరిగి సాయంత్రం నాలుగున్నర గంటల సమయంలో డీఎస్పీ వచ్చి కలెక్టర్‌తో మాట్లాడామని, ఆర్చి నిర్మాణానికి మాత్రమే అనుమతి ఇస్తామని చెప్పారని చెప్పడంతో దళితులు అందుకు అంగీకరించలేదు. 40 రోజులుగా చేస్తున్న పోరాటం ఆర్చి కోసమే కాదని, ఆర్చితో పాటు డాక్టర్‌ బాబా సాహెబ్‌ అంబేడ్కర్‌ విగ్రహం ఏర్పాటుకు అనుమతి కావాలని, లేకుంటే ఆందోళన విరమించే ప్రశ్న లేదని దళితులు స్పష్టం చేశారు. దీంతో డీఎస్పీ వెనుదిరిగి వెళ్లారు. ఏమైనా సరే రెండు డిమాండ్లు సాధించే వరకు పోరాటం కొనసాగించాల్సిందేనని దళితులు భీష్మించుకుకూర్చున్నారు. దళితులంటే పాలకులకు చులకన: కేవీపీఎస్‌ రాష్ట్ర కార్యదర్శి ఆండ్ర మాల్యాద్రి రాష్ట్రంలో దళితులు అంటే పాలకులకు, అధికారులకు చులకనగా ఉందని కేవీపీఎస్‌ రాష్ట్ర కార్యదర్శి ఆండ్ర మాల్యాద్రి ఆందోళన వ్యక్తం చేశారు. 40 రోజులకుపైగా దళితుల దేవుడు అంబేద్కర్‌ విగ్రహాన్ని ఏర్పాటు చేసుకుంటామని పోరాడుతుంటే అధికారులు చెవికి ఎక్కలేదని, 80 ఏళ్ల స్వాతంత్ర చరిత్రలో ఇంకా దళితులు తమ హక్కులు సాధించుకోలేక పోవడానికి పాలకులు, అధికారులు కారణమని విమర్శించారు. తాము ఎవరి ఆస్తులు, భూములకు అడ్డు తగలటం లేదన్నారు. తమ సొంత ఖర్చులతో తెచ్చుకున్న విగ్రహాన్ని ఆవిష్కరించుకుంటామని చెబుతుంటే అందుకు వీల్లేదంటూ అడ్డు తగలటం ఇదెక్కడి న్యాయమన్నారు. కూలి పనులతో బతుకు సాగించే దళితులు తమ హక్కులను సాధించుకునేందుకు పోరాడుతుంటే అభినందించాల్సింది పోయి ఆంక్షలు విధిస్తున్నారని మండిపడ్డారు. అంబేడ్కర్‌ అంటే ఎందుకు ఇంత కక్షపూరిత వివక్ష అని ప్రశ్నించారు. ఏ నాయకుడి విగ్రహాలకు లేని నిబంధనలు అంబేడ్కర్‌ విగ్రహానికి విధించి దళితులు అంటే చులకనగా చూస్తున్నారని ఇది సహించరాని నేరమని ఆండ్ర మాల్యాద్రి మండిపడ్డారు. ఎమ్మార్పీఎస్‌ రాష్ట్ర అధ్యక్షుడు ఎస్‌.నరేంద్ర మాట్లాడుతూ దళితులంటే పాలకులకు ఇష్టం లేదని, తమ ఓట్లతో గెలిచి పదవులు అనుభవిస్తూ తమను లెక్క చేయడం లేదన్నారు. దళితుల ఓట్లతో, దళితుల మద్దతుతో పదవులు అనుభవిస్తున్న నాయకులు ఇకనైనా దళితులను మనుషులుగా చూడాలని, లేకుంటే మూల్యం చెల్లించుకోవాల్సి వస్తుందని హెచ్చరించారు. కౌలు రైతు సంఘ మాజీ రాష్ట్ర నాయకుడు నాగబోయిన రంగారావు, సీపీఎం జిల్లా కార్యదర్శి ఎస్కే మాబు, కుల వివక్ష వ్యతిరేక పోరాట సంఘం జిల్లా కార్యదర్శి బి.రఘురాం, వ్యవసాయ కార్మిక సంఘ జిల్లా కార్యదర్శి నెరుసుల వెంకటేశ్వర్లు, నాయకులు మొండ్రు ఆంజనేయులు, తంగిరాల వెంకటేశ్వర్లు మాట్లాడారు. కార్యక్రమంలో దళిత హక్కుల పరిరక్షణ సమితి నాయకులు నీలం నాగేంద్రరావు, సీఐటీయూ జిల్లా నాయకులు జీవీ కొండారెడ్డి, సీహెచ్‌ మజుందార్‌, ఈ.కల్పన, కౌలు రైతు సంఘ జిల్లా కార్యదర్శి వి.బాలకోటయ్య, రైతు సంఘ జిల్లా నాయకులు తలపనేని రామారావు, శ్రీకాంత్‌, మహిళా సంఘ నాయకులు రాయిని కృష్ణకుమారి, కంకణాల రమాదేవి, ఉబ్బా ఆదిలక్ష్మి, ఉబ్బా వెంకటేశ్వర్లు, కాలం సుబ్బారావు, జై భీమ్‌రావ్‌ భారత్‌ పార్టీ నాయకులు సుందరం, ఎమ్మార్పీఎస్‌ నాయకులు, వివిధ గ్రామాల నుంచి వచ్చిన దళిత సంఘాల నాయకులు, నూజిళ్లపల్లి దళితులు పాల్గొన్నారు. తహసీల్దార్‌ కార్యాలయాన్ని ముట్టడించిన దళితులు నూజిళ్లపల్లిలో అంబేడ్కర్‌ విగ్రహం పెట్టాల్సిందేనని డిమాండ్‌ సమస్య పరిష్కారమయ్యే వరకు ఆందోళన విరమించేది లేదన్న ఆందోళనకారులు ఆందోళనకు జిల్లా వ్యాప్తంగా వివిధ గ్రామాల దళితుల సంఘీభావం

ఒంగోలు: నల్లమల అటవీ సరిహద్దు గ్రామాలపై పెద్దపులి పంజా విసురుతోంది. ఎప్పుడు ఏ పొదల్లోంచి మృత్యువు దూసుకొస్తుందోనన్న భయంతో పల్లెవాసులు కంటిమీద కునుకు లేకుండా బిక్కుబిక్కుమంటూ గడుపుతున్నారు. అడవికే పరిమితం కావాల్సిన బెబ్బులి.. వరుసగా పశువుల మందలపై విరుచుకుపడుతుండటంతో రైతులు, పశువుల కాపరులు భయాందోళనలకు గురవుతున్నారు. గత వారం రోజుల వ్యవధిలో నల్లమల సమీప ప్రాంతంలో రెండు ఆవులను బలితీసుకోవడంతో పాటు మరో ఆవును తినేందుకు యత్నించిన ఘటనతో బొమ్మలాపురం, పరిసర గ్రామాల ప్రజల గుండెల్లో గుబులు రేగుతోంది. మందపై విరుచుకుపడి.. గత కొద్ది రోజులుగా బొమ్మలాపురం సమీపంలోని ఊరకొండ అటవీ ప్రాంతంలో పెద్దపులి సంచారం స్థానికులను హడలెత్తిస్తోంది. ఈ నెల 12వ తేదీన బొమ్మలాపురానికి చెందిన ఓ రైతు తన పశువుల మందను మేత కోసం సమీప అటవీ ప్రాంతంలోకి తోలాడు. ఈ క్రమంలో పెద్దపులి దాడి చేయడంతో రెండు ఆవులు మృతి చెందాయి. అనంతరం మరో ఆవును మట్టుబెట్టేందుకు యత్నించిగా, అది ప్రాణభయంతో పులిని ప్రతిఘటించింది. తీవ్ర గాయాలతో ప్రాణ గండం తప్పించుకున్న ఆ ఆవు యజమాని చెంతకు చేరింది. కాగా, దాడి జరిగిన అదే రోజు సాయంత్రం పెద్దపులి ఆహారం కోసం తిరిగి ఆవుల కళేబరాల వద్దకు రాగా, అటవీశాఖ అమర్చిన ట్రాప్‌ కెమెరాల్లో ఆ బెబ్బులి కదలికలు స్పష్టంగా రికార్డయ్యాయి. పొలాలకు వెళ్లాలన్నా ప్రాణసంకటమే! పులి దాడి ఘటనతో మూగజీవాలను అడవి వైపు మేతకు తోలేందుకు యజమానులు గజగజ వణికిపోతున్నారు. గతంలోనూ వ్యవసాయ పనులకు వెళ్లే రైతులకు, కూలీలకు పెద్దపులి ప్రత్యక్షంగా కనిపించిన సందర్భాలు ఉన్నాయి. ఆ సమయంలో వారాల తరబడి చేలల్లోకి వెళ్లేందుకు ఎవరూ సాహసించలేదు. తరచూ పశువులపై దాడులు జరుగుతుండటంతో రైతులకు కంటిమీద కునుకు కరువైంది. అప్రమత్తంగా ఉండాలన్న అటవీశాఖ దేవటూడు పరిసరాల్లో సంచరించే పెద్దపులి.. దాహం తీర్చుకునేందుకు నెలకు ఒకటి లేదా రెండుసార్లు బొమ్మలాపురం సమీపంలోని గండి చెరువు వద్దకు వస్తుంటుందని అటవీశాఖ అధికారులు తెలిపారు. పులి తన సహజ ఆవాస పరిధిలోనే తిరుగుతోందని, ప్రజలు అటవీ ప్రాంతాల్లోకి వెళ్లరాదని హెచ్చరించారు. మేతకు వెళ్లిన పశువులను సాయంత్రం కాకముందే గ్రామాలకు తరలించాలని స్పష్టం చేశారు. అటవీ సరిహద్దుల్లో నిరంతర నిఘా ఉంచి పులులు గ్రామాలపైకి రాకుండా చర్యలు చేపట్టాలని రైతులు కోరుతున్నారు.ఇదీ చదవండి: ప్రియుడిపై మరిగిన నూనె పోసి చంపేసిన రాములమ్మ

ప్రకాశం (అద్దంకి): వినాయక విగ్రహం నిమజ్జనానికి డీజేకి పోలీసులు పర్మిషన్ లేదన్నారు.. పర్మిషన్ ఇచ్చేదాకా కదలం.. మంత్రి గొట్టిపాటి రవికుమార్‌ డౌన్‌..డౌన్‌.. నారా లోకేష్‌ వస్తాడో.. చంద్రబాబు వస్తాడో.. రవికుమార్‌ వస్తాడో రండి... అంటూ తెలుగు తమ్ముళ్లు నినాదాలు చేస్తూ ధర్నాకు దిగారు. సంతమాగులూరు మండలంలోని మక్కెనవారిపాలెం గ్రామంలో గురువారం జరిగిన ఈ ఘటనకు సంబంధించిన వివరాల ప్రకారం.. గ్రామంలో తెలుగు తమ్ముళ్ల ఆధ్వర్యంలో వినాయక విగ్రహం ఏర్పాటు చేశారు. నిమజ్జనం చేసే సమయంలో డీజేకి అనుమతివ్వాలంటూ పోలీలసుల వద్దకు వెళ్లారు. డీజేకి అనుమతి లేదని పోలీసులు చెప్పడంతో.. తమకు అనుమతివ్వాల్సిందేనని, ఎందుకివ్వరని పోలీసులను నిలదీశారు. ఎవరికీ అనుమతివ్వం, ఇది ప్రభుత్వం నుంచి వచ్చిన ఆర్డర్‌ అని పోలీసులు చెప్పడంతో నడిరోడ్డుపై పచ్చకండువాలతో టీడీపీ శ్రేణులు ధర్నాకు దిగారు. స్థానిక ఎమ్మెల్యే అయిన మంత్రి రవికుమార్‌ డౌన్‌..డౌన్‌ అంటూ నినాదాలు చేశారు. అంతటితో ఊరుకోకుండా నారా లోకేష్‌ వస్తాడో, చంద్రబాబు వస్తాడో, రవికుమార్‌ వస్తాడో రావాలని, అప్పటి వరకూ కదిలేది లేదని నినాదాలు చశారు. రెండు వర్గాల్లో ఒక వర్గానికే అనుమతివ్వడంతో వివాదం... మక్కెనవారిపాలెం గ్రామంలో టీడీపీకి చెందిన రెండువర్గాల వారు వినాయకుని విగ్రహాలు ఏర్పాటు చేశారు. అందులో ఒక వర్గానికి డ్యాన్స్‌కు, డీజేకి అనుమతిచ్చి రెండో వర్గానికి ఇవ్వలేదు. దీంతో రెండో వర్గం వారు ధర్నాకు దిగారు. సీఐ మాత్రం డ్యాన్స్‌లు మామూలేగానీ.. డీజేలకు ఎవరికీ అనుమతివ్వలేదని చెప్పుకొచ్చారు. టీడీపీ శ్రేణుల కోసం దిగొచ్చిన మంత్రి... సొంత పార్టీ శ్రేణుల నుంచి డీజే విషయంలో నిరసన సెగ తగలడంతో స్పందించిన మంత్రి గొట్టిపాటి రవికుమార్‌.. హోంమంత్రితో మాట్లాడి ఎస్పీ ద్వారా నిబంధనలకు లోబడి తక్కువ సౌండ్‌తో డీజే పెట్టుకునే విధంగా అనుమతులివ్వమని చెప్పినట్లు తెలిసింది. ఈ విషయం సర్వత్రా చర్చనీయాంశమైంది. సొంత పార్టీ వారు కోరిన విధంగా ప్రభుత్వం నడుస్తుందా? వారు ఏది కోరితే అది చేస్తారా? అని ప్రజలు విమర్శిస్తున్నారు. ఇదేం పరిపాలన అంటూ ముక్కున వేలేసుకుంటున్నారు.

ఒంగోలు టౌన్‌: రాష్ట్ర ప్రభుత్వం నూతనంగా కొనుగోలు చేస్తున్న ఎలక్ట్రికల్‌ బస్సులను ప్రైవేట్‌ ఆపరేటర్లకు అప్పగించవద్దని ఏపీ పీటీడీ ఎంప్లాయిస్‌ యూనియన్‌ రాష్ట్ర అధ్యక్షుడు, ఏపీ జేఏసీ అమరావతి రాష్ట్ర కార్యదర్శి పలిశెట్టి దామోదరరావు డిమాండ్‌ చేశారు. ప్రకాశం, మార్కాపురం జిల్లాల ఆర్టీసీ ఎంప్లాయీస్‌ యూనియన్‌ విస్తృత స్థాయి సమావేశం గురువారం స్థానిక బృందావనం ఫంక్షన్‌ హాల్లో నిర్వహించారు. సమావేశానికి ఈయూ జిల్లా అధ్యక్షుడు పిడుగు వెంకటేశ్వరరెడ్డి అధ్యక్షత వహించారు. ఈ సందర్భంగా దామోదరరావు మాట్లాడుతూ.. ప్రభుత్వం 1,450 ఎలక్ట్రికల్‌ బస్సులను కొనుగోలు చేయాలని నిర్ణయించిందని, వాటిని ప్రైవేటు ఆపరేటర్ల ద్వారా కాకుండా ఆర్టీసీ ద్వారానే కొనుగోలు చేయాలని కోరారు. ఎలక్ట్రిక్‌ బస్సుల నిర్వహణ కూడా ఆర్టీసీ ద్వారానే చేయాలని డిమాండ్‌ చేశారు. విద్యుత్‌ బస్సుల నేపథ్యంలో మూసివేసిన విద్యాధర పురం, గుంటూరు 2, నెల్లూరు 2 డిపోలను ఆరు నెలల్లో పునరుద్ధరిస్తామని ఇచ్చిన హామీని అమలు చేయాలన్నారు. రాష్ట్ర వ్యాప్తంగా ఆర్టీసీలో ఖాళీగా ఉన్న 15 వేల పోస్టులను వెంటనే భర్తీ చేయాలని డిమాండ్‌ చేశారు. సీ్త్ర శక్తి పథకానికి అనుగుణంగా 4 వేల బస్సులను కొనుగోలు చేయాలని సూచించారు. పదోన్నతులపై ఫ్రీజింగ్‌ ఉన్న నేపథ్యంలో అర్హులైన అన్ని కేడర్ల ఉద్యోగులకు, అధికారులకు ఇస్తున్న విధంగానే ఇన్‌చార్జి బాధ్యతలు అప్పగించాలని కోరారు. ప్రభుత్వం ఐఆర్‌ ప్రకటించకపోవడంతో ఉద్యోగుల్లో అసంతృప్తి నెలకొందని చెప్పారు. ఆర్టీసీ ఉద్యోగులపై దాడులకు పాల్పడే వ్యక్తులపై నాన్‌ బెయిలబుల్‌ అరెస్టు వారెంట్‌ జారీ చేయాలని, ఉద్యోగులు స్వేచ్చగా విధులు నిర్వహించే వాతావరణం కల్పించాలన్నారు. సమావేశంలో ఈయూ నాయకులు వాకా రమేష్‌, నారాయణ, శాస్త్రి, జీవీ రత్నం, జనార్దన్‌, బెజవాడ రవి, రహ్మతుల్లా తదితరులు పాల్గొన్నారు.

లింగంగుంట్ల ఎస్సీకాలనీకి చెందిన వైఎస్సార్‌ సీపీ కార్యకర్తలపై హెచ్‌ఎం పాడు ఎస్సై రాజ్‌కుమార్‌ అకారణంగా దాడి చేశారు. మహిళలని కూడా చూడకుండా కులం పేరుతో దూషించి కొట్టారు. కనిగిరిలో పోలీస్‌ రెడ్‌బుక్‌ రాజ్యాంగం నడుస్తోంది. ఇటీవల అనేక ఘటనల్లో పోలీసులు అత్యుత్సాహం చూపించారు. ఇది సరైంది కాదు. హెచ్‌ఎం పాడు ఘటనపై పోలీసు ఉన్నతాధికారులు తక్షణం స్పందించి ఎస్సైపై కఠిన చర్యలు తీసుకోవాలి. ఎస్సీ, ఎస్టీ అట్రాసిటీ కేసు నమోదు చేసి బాధితులకు న్యాయం చేయాలి. బాధితులకు న్యాయం జరిగేంత వరకు వైఎస్సార్‌ సీపీ అండగా ఉండి పోరాడుతుంది. – డాక్టర్‌ దద్దాల నారాయణ యాదవ్‌, వైఎస్సార్‌ సీపీ కనిగిరి నియోజకవర్గ ఇన్‌చార్జి నేను ఊరికిపోయి వస్తున్నా. మా కాలనీ దగ్గర కేకలు వినిపించాయి. నేను అక్కడికి వెళ్లాను. అక్కడ నా కుమారుడిని ఎస్సై రాజ్‌కుమార్‌ లాఠీతో కొడుతున్నారు. ఎందుకు కొడుతున్నారని అడిగినందుకు నన్ను కూడా అసభ్య పదజాలంతో ఎస్సై దూషించారు. సార్‌.. నేను మీ అమ్మలాంటి దాన్ని నన్ను ఎందుకు తిడుతున్నారని దండం పెట్టినా వినకుండా కొట్టారు. ఎస్సైపై చర్యలు తీసుకోవాలి. – కొదమల దేవమ్మ, బాధితురాలు కనిగిరి రూరల్‌/హనుమంతునిపాడు: కనిగిరి నియోజకవర్గంలో పోలీసులు రెడ్‌బుక్‌ రాజ్యాంగం అమలు చేస్తున్నారు. రౌడీయిజం ప్రదర్శిస్తూ రోజురోజుకూ పేట్రేగిపోతున్నారు. ఇటీవల జరుగుతున్న వరుస ఘటనలు అందుకు నిలువెత్తు నిదర్శనంగా నిలుస్తుండగా, తాజాగా బుధవారం రాత్రి హనుమంతునిపాడు ఎస్సై టి.రాజ్‌కుమార్‌ విచక్షణారహితంగా ఎస్సీలపై దాడి చేయడంతో బాధితులు, గ్రామస్తులు పెద్ద ఎత్తున ఆందోళనకు దిగారు. మండలంలోని లింగంగుంట్ల గ్రామస్తులు, ఎస్సీకాలనీకి చెందిన వైఎస్సార్‌ సీపీ కార్యకర్తలను ఎస్సై రాజ్‌కుమార్‌ విచక్షణారహితంగా కొట్టడమే కాకుండా అసభ్యకర పదజాలంతో దూషించడంతో కనిగిరిలోని సీఐ కార్యాలయం, హనుమంతునిపాడు పోలీస్‌స్టేషన్ల వద్ద బైఠాయించి బాధితులు ధర్నా చేశారు. పూర్తి వివరాల్లోకి వెళ్తే.. లింగంగుంట్ల గ్రామ పరిధిలోని వైఎస్సార్‌ సీపీ బీసీ సెల్‌ మండల అధ్యక్షుడు మద్ది తిరుపతయ్య పొలం వద్ద ఎస్సీకాలనీకి చెందిన వైఎస్సార్‌ సీపీ కార్యకర్తలు మిత్తి తిరుపతయ్య, కోలా మత్తయ్య, కొదమల మోజేష్‌, కొదమల జపన్య, బంగారు బ్రహ్మయ్య, కోలా యేసు బుధవారం రాత్రి 7 గంటల సమయంలో మాట్లాడుకుంటున్నారు. ఆ సమయంలో నారాయపల్లి నుంచి వచ్చిన ఎస్సై టీ రాజ్‌కుమార్‌ పోలీసు వాహనం ఆపి అకారణంగా లాఠీతో వారిపై దాడి చేశారు. విచక్షణా రహితంగా కొట్టడంతో.. ఎందుకు కొడుతున్నారో చెప్పండని బాధితులు నిలదీశారు. కానీ, మరింత రెచ్చిపోయిన ఎస్సై రాజ్‌కుమార్‌.. మహిళలని కూడా చూడకుండా అసభ్య పదజాలంతో దూషిస్తూ లాఠీతో తీవ్రంగా కొట్టి గాయపరిచినట్లు బాధితులు ఆవేదన వ్యక్తం చేశారు. పైగా, అక్కడున్న వాహనాలు ధ్వంసం చేసి భయభ్రాంతులకు గురిచేస్తూ ఎస్సై వీరంగం చేశారని బాధితులు ఆరోపించారు. ఎస్సీకాలనీకి చెందిన తమను మాదిగ కొడకల్లారా.. అని కులం పేరుతో దూషిస్తూ తీవ్ర భయాందోళనకు గురిచేశారని తెలిపారు. శాంతి భద్రతలను కాపాడాల్సిన ఎస్సై.. తమను దౌర్జన్యంగా, అకారణంగా దూషించి కొట్టారని ఆరోపించారు. తమకు ఎస్సై నుంచి రక్షణ కల్పించాలని కోరుతూ బాధితులు, వారి బంధువులు బుధవారం రాత్రి ఆందోళనకు దిగారు. కనిగిరిలోని సీఐ కార్యాలయం వద్దకు నిరసన తెలుపుతున్న విషయాన్ని తెలుసుకున్న సీఐ ఉప్పు శ్రీనివాసులు అక్కడికి చేరుకుని తాను న్యాయం చేస్తానంటూ సర్దిచెప్పి పంపించారు. పోలీస్‌ స్టేషన్‌ వద్ద వైఎస్సార్‌ సీపీ శ్రేణుల నిరసన... ఎస్సీ సామాజికవర్గానికి చెందిన వారిని ఎస్సై రాజ్‌కుమార్‌ అకారణంగా కొట్టి కులం పేరుతో దూషించడాన్ని నిరసిస్తూ గురువారం వైఎస్సార్‌ సీపీ నాయకులు, కార్యకర్తలు గురువారం ఎస్సీ కాలనీ వాసులతో కలిసి కనిగిరిలోని హెచ్‌ఎం పాడు పోలీస్‌ స్టేషన్‌ వద్ద శాంతియుత నిరసన తెలిపారు. ఈ సందర్భంగా బాధితులు మాట్లాడుతూ తాము చేసిన తప్పేంటో చెప్పాలని, ఎవరి ప్రోద్భలంతో తమపై ఎస్సై దాడి చేశారో చెప్పాలని ప్రశ్నించారు. అకారణంగా కులం పేరుతో తమను దూషించి లాఠీతో దాడి చేసి కొట్టిన ఎస్సైపై ఎస్సీ, ఎస్టీ అట్రాసిటీ కేసు నమోదు చేయాలని డిమాండ్‌ చేశారు. ఎస్సై రాజ్‌కుమార్‌ నుంచి తమకు ప్రాణహాని ఉందని, రక్షణ కల్పించాలని కోరారు. నిరసనకారులతో సీఐ ఉప్పు శ్రీనివాసులు మాట్లాడుతూ రెండ్రోజుల్లో విచారణ జరిపి చర్యలు తీసుకుంటామని హామీ ఇచ్చారు. అలాగే ఎస్పీ, డీఎస్పీలకు ఫిర్యాదు చేస్తూ వినతిపత్రం అందజేసినట్లు బాధితులు, వైఎస్సార్‌ సీపీ నాయకులు తెలిపారు. నిరసన కార్యక్రమంలో వైఎస్సార్‌ సీపీ మండల అధ్యక్షుడు యక్కంటి శ్రీనివాసులరెడ్డి, జిల్లా అధికార ప్రతినిధి గాండ్లపర్తి ఆదినారాయణరెడ్డి, మాజీ సర్పంచ్‌ మద్ది నాగరత్తాలు, బీసీ సెల్‌ మండల అధ్యక్షుడు మద్ది తిరుపతయ్య, గుంటక రమణారెడ్డి, భవనం కృష్ణారెడ్డి, సానికొమ్ము మధుసూదన్‌రెడ్డి, కేతి బోయిన వెంకట కాశయ్య, కోలా మత్తయ్య, ఆవుల రాజు, కొదమల కిషోర్‌, కేతిరెడ్డి బాలకొండారెడ్డి, కేతిరెడ్డి బాలవెంకటయ్య, బంగారు బ్రహ్మయ్య, నక్కినేని చెన్నయ్య, ఎం.కేశవులు, నల్లగాటి రమణ, కాశయ్య, కాకినేని కృష్ణ, వెలుగొండయ్య తదితరులు పాల్గొన్నారు.

అద్దంకి: మండలంలోని తిమ్మాయపాలెం గ్రామ సత్రంలో గురువారం గుర్తు తెలియని వృద్ధురాలు మృతిచెంది కనిపించినట్లు స్థానికులు తెలిపారు. అద్దంకి, తిమ్మాయపాలెం పరిసర ప్రాంతాల్లో యాచిస్తూ జీవించే ఈ వృద్ధురాలు గత నాలుగైదు రోజులుగా దర్శి రహదారి పక్కనున్న సత్రంలో రాత్రివేళల్లో నిద్రిస్తోంది. గురువారం ఉదయం ఎంతకీ నిద్ర లేవకపోవడంతో అనుమానం వచ్చిన స్థానికులు పరిశీలించి, ఆమె మృతి చెందినట్లు నిర్ధారించుకున్నారు. మృతురాలి వివరాలు తెలియాల్సి ఉంది. మద్దిపాడు: మండల కేంద్రమైన మద్దిపాడు నుంచి నందిపాడు వెళ్లే రహదారిలో గల పోలేరమ్మ తల్లి ఆలయంలో మంగళవారం రాత్రి దుండగులు చోరీకి పాల్పడ్డారు. వివరాలు.. మంగళవారం రాత్రి పూజారి ఆలయానికి తాళం వేసి వెళ్లారు. బుధవారం ఉదయం స్థానిక లారీ యూనియన్‌ ఆధ్వర్యంలో వినాయక విగ్రహ ఊరేగింపు గుడి వద్దకు చేరుకోగా, తాళాలు పగులగొట్టి ఉండటాన్ని గుర్తించి పూజారికి సమాచారం అందించారు. దొంగలు ఆలయంలోని హుండీలను ఎత్తుకెళ్లినట్లు గుర్తించారు. ఇటీవల శ్రావణమాసం సందర్భంగా భక్తులు సమర్పించిన మొక్కులు దాదాపు రూ.50 వేల వరకు హుండీలో ఉండవచ్చని సమాచారం. ఈ ఘటనపై పోలీసులకు అధికారికంగా ఫిర్యాదు అందాల్సి ఉంది. పోలీసులు విచారణ చేపట్టి నిందితులను పట్టుకోవాలని భక్తులు విజ్ఞప్తి చేస్తున్నారు.

మంత్రి రవికుమార్‌ ● డీజేకి పర్మిషన్‌ ఇస్తేనే కదులుతాం ● చంద్రబాబు వస్తాడో.. లోకేశ్‌ వస్తాడో.. రవికుమార్‌ వస్తాడో రండంటూ తెలుగు తమ్ముళ్ల నినాదాలు ● వినాయక విగ్రహం నిమజ్జనానికి డీజేకి పర్మిషన్‌ ఇవ్వలేదని ధర్నా ● సంతమాగులూరు మండలం మక్కెనవారిపాలెం గ్రామంలో ఘటనసంతమాగులూరు (అద్దంకి): వినాయక విగ్రహం నిమజ్జనానికి డీజేకి పోలీసులు పర్మిషన్‌ లేదన్నారు.. పర్మిషన్‌ ఇచ్చేదాకా కదలం.. మంత్రి గొట్టిపాటి రవికుమార్‌ డౌన్‌..డౌన్‌.. నారా లోకేష్‌ వస్తాడో.. చంద్రబాబు వస్తాడో.. రవికుమార్‌ వస్తాడో రండి... అంటూ తెలుగు తమ్ముళ్లు నినాదాలు చేస్తూ ధర్నాకు దిగారు. సంతమాగులూరు మండలంలోని మక్కెనవారిపాలెం గ్రామంలో గురువారం జరిగిన ఈ ఘటనకు సంబంధించిన వివరాల ప్రకారం.. గ్రామంలో తెలుగు తమ్ముళ్ల ఆధ్వర్యంలో వినాయక విగ్రహం ఏర్పాటు చేశారు. నిమజ్జనం చేసే సమయంలో డీజేకి అనుమతివ్వాలంటూ పోలీలసుల వద్దకు వెళ్లారు. డీజేకి అనుమతి లేదని పోలీసులు చెప్పడంతో.. తమకు అనుమతివ్వాల్సిందేనని, ఎందుకివ్వరని పోలీసులను నిలదీశారు. ఎవరికీ అనుమతివ్వం, ఇది ప్రభుత్వం నుంచి వచ్చిన ఆర్డర్‌ అని పోలీసులు చెప్పడంతో నడిరోడ్డుపై పచ్చకండువాలతో ఽటీడీపీ శ్రేణులు ధర్నాకు దిగారు. స్థానిక ఎమ్మెల్యే అయిన మంత్రి రవికుమార్‌ డౌన్‌..డౌన్‌ అంటూ నినాదాలు చేశారు. అంతటితో ఊరుకోకుండా నారా లోకేష్‌ వస్తాడో, చంద్రబాబు వస్తాడో, రవికుమార్‌ వస్తాడో రావాలని, అప్పటి వరకూ కదిలేది లేదని నినాదాలు చశారు. రెండు వర్గాల్లో ఒక వర్గానికే అనుమతివ్వడంతో వివాదం... మక్కెనవారిపాలెం గ్రామంలో టీడీపీకి చెందిన రెండువర్గాల వారు వినాయకుని విగ్రహాలు ఏర్పాటు చేశారు. అందులో ఒక వర్గానికి డ్యాన్స్‌కు, డీజేకి అనుమతిచ్చి రెండో వర్గానికి ఇవ్వలేదు. దీంతో రెండో వర్గం వారు ధర్నాకు దిగారు. సీఐ మాత్రం డ్యాన్స్‌లు మామూలేగానీ.. డీజేలకు ఎవరికీ అనుమతివ్వలేదని చెప్పుకొచ్చారు. టీడీపీ శ్రేణుల కోసం దిగొచ్చిన మంత్రి... సొంత పార్టీ శ్రేణుల నుంచి డీజే విషయంలో నిరసన సెగ తగలడంతో స్పందించిన మంత్రి గొట్టిపాటి రవికుమార్‌.. హోంమంత్రితో మాట్లాడి ఎస్పీ ద్వారా నిబంధనలకు లోబడి తక్కువ సౌండ్‌తో డీజే పెట్టుకునే విధంగా అనుమతులివ్వమని చెప్పినట్లు తెలిసింది. ఈ విషయం సర్వత్రా చర్చనీయాంశమైంది. సొంత పార్టీ వారు కోరిన విధంగా ప్రభుత్వం నడుస్తుందా? వారు ఏది కోరితే అది చేస్తారా? అని ప్రజలు విమర్శిస్తున్నారు. ఇదేం పరిపాలన అంటూ ముక్కున వేలేసుకుంటున్నారు.

గిద్దలూరు రూరల్‌: వినాయక చవితి పూర్తయిన సందర్భంగా నిమజ్జనం చేసే కార్యక్రమంలో వినాయకుడికి అపచారం చేశారు. బుధవారం రాత్రి వినాయకుడి విగ్రహాలను జేసీబీతో ముక్కలు ముక్కలుగా చేసి నిమజ్జనం చేశారంటూ వినాయకుడి పట్ల అపచారానికి పాల్పడటంతో భక్తులు ఆగ్రహం వ్యక్తం చేశారు. మండలంలోని కంచిపల్లె చెరువులో స్థానిక ఎమ్మెల్యే ముత్తుముల అశోక్‌రెడ్డి చెరువులో ట్యాంకర్ల ద్వారా నీటిని నింపి వినాయకుడి విగ్రహాలను నిమజ్జనం చేసే ఏర్పాట్లు చేశామని టీడీపీ నాయకులు పెద్ద ఎత్తున ప్రచారం చేశారు. దీంతో మండలంలోని వినాయకుడి విగ్రహాలను నిమజ్జనం చేసేందుకు చెరువు వద్దకు తరలించారు. చెరువులో కొంత భాగం గుంత తీసి మూడు అడుగుల లోతులో నీటిని ఉంచారు. వినాయకుడి భారీ విగ్రహాలు తక్కువ లోతు ఉన్న గుంతలో మునగడం లేదని గ్రహించి జేసీబీతో వినాయకుడి విగ్రహాలను ముక్కలు చేసి ఇష్టానుసారంగా నీటిలో కలిపే ప్రయత్నం చేశారు. కొన్ని విగ్రహాలను నిమజ్జనం చేయకుండా అలాగే వదిలేసి వెళ్లారు. మరి కొన్ని విగ్రహాలకు చెందిన ముఖభాగం తొండం, చేతులు, కాళ్లు విడివిడి ముక్కలుగా చెల్లా చెదురుగా పడిపోయాయి. భక్తి పేరుతో ఇటువంటి వికృతచేష్టలకు పాల్పడటం మంచి పద్ధతి కాదని భక్తులు ఆగ్రహం వ్యక్తం చేస్తున్నారు.

● పనుకుమడుకు గిరిజనగూడెం ప్రజలకు నీటి కష్టాలు ● వెలిగండ్ల ప్రాజెక్టు ఫీడర్‌ కెనాల్‌ నుంచి నీరు తెచ్చుకుంటూ అవస్థలు పెద్దదోర్నాల: మండల పరిధిలోని పనుకుమడుగు గిరిజనగూడెంలో నీటి కష్టాలు అక్కడి గిరిజనులను ప్రమాదాలబాట పట్టిస్తున్నాయి. గిరిజనులకు తాగునీటి సౌకర్యం కల్పించడంలో అధికారుల అలసత్వం, ఆ కష్టజీవులను ప్రమాదకర మార్గాల వైపునకు మళ్లిస్తోంది. గిరిజనగూడెంలో ఉన్న డీప్‌ బోరు మరమ్మతులకు గురవుతుండటంతో ఆ విషయాన్ని అధికారుల దృష్టికి స్థానికులు తీసుకెళ్లారు. ఎంపీడీఓ విజయ ఆదేశాల మేరకు పనుకుమడుగు గిరిజనగూడేనికి రెండు రోజులుగా ట్యాంకర్ల ద్వారా పంచాయతీ కార్యదర్శి నీరు సరఫరా చేస్తున్నారు. అయితే ఆ నీరు ఉప్పగా ఉండటంతో తాగలేకపోతున్నామని, గత్యంతరం లేని పరిస్థితుల్లో గూడెం సమీపం నుంచి వెళ్తున్న వెలిగొండ ప్రాజెక్టు ఫీడర్‌ కెనాల్‌లోని నీటిని ప్రమాదమని తెలిసినా తెచ్చుకుంటున్నామని గిరిజనులు తెలిపారు. ఇటీవలే సరదాగా ఈత కోసం ఫీడర్‌ కెనాల్‌లోని నీటిలోకి దిగి ఇద్దరు యువకులు గల్లంతైన ఘటన మరవకముందే నీటి కోసం బిందెలతో ఫీడర్‌ కెనాల్‌ లైనింగ్‌పై నడిచి గిరిజనులు ప్రాణాలతో చెలగాటమాడటం అధికారులు, పాలకుల నిర్లక్ష్యానికి నిదర్శనంగా నిలుస్తోంది. అధికారులు స్పందించి గిరిజనగూడెంలో మరమ్మతులకు గురైన డీప్‌బోరును బాగుచేసి తమకు తాగునీరు సరఫరా చేయాలని గిరిజనులు కోరుతున్నారు.

యర్రగొండపాలెం/మర్రిపూడి: పొలాల్లో పనులు చేసుకుంటూ, జీవాలను మేపుకుంటూ జీవనం సాగిస్తున్న నిరుపేద కుటుంబాల్లో పిడుగుపాటు పెను విషాదాన్ని నింపింది. ఉమ్మడి ప్రకాశం జిల్లాలోని యర్రగొండపాలెం, మర్రిపూడి మండలాల్లో గురువారం చోటుచేసుకున్న వేర్వేరు సంఘటనల్లో ఇద్దరు వ్యక్తులు పిడుగుపాటుకు మృత్యువాత పడగా, మరొకరికి తీవ్రగాయాలయ్యాయి. అలాగే ఎనిమిది మేకలు ప్రాణాలు కోల్పోయాయి. యర్రగొండపాలెం మండలంలోని చెన్నరాయునిపల్లెలో గురువారం పిడుగుపాటుకు గురై ఓ రైతు ప్రాణాలు కోల్పోగా, మరొకరు తీవ్రంగా గాయపడ్డారు. గ్రామానికి చెందిన పోరెడ్డి చెన్నకేశవులు(32), దేశినేని కేశవులు తమ వ్యవసాయ పొలంలో పనులు చేసుకుంటున్నారు. ఆ సమయంలో ఒక్కసారిగా ఉరుములు, మెరుపులతో కూడిన వర్షం ప్రారంభమై పిడుగుపడింది. ఈ దుర్ఘటనలో చెన్నకేశవులు అక్కడికక్కడే మృతి చెందాడు. తీవ్రంగా గాయపడిన కేశవులును స్థానిక ప్రభుత్వ వైద్యశాలకు తరలించి చికిత్స అందిస్తున్నారు. మృతుడు చెన్నకేశవులుకు భార్య, ఇద్దరు పిల్లలు ఉన్నారు. కేసు దర్యాప్తు చేస్తున్నట్లు ఎస్సై దేవకుమార్‌ తెలిపారు. మర్రిపూడి మండలంలోని తంగెళ్ల గ్రామంలో పిడుగుపాటుకు గురై మేకల కాపరితో సహా 8 మేకలు అక్కడికక్కడే మృతి చెందాయి. కొండపి మండలం వెన్నూరు గ్రామానికి చెందిన ఎండ్లూరి కోటయ్య (40) సుమారు ఐదేళ్లుగా తన మేనత్త నివాసముంటున్న తంగెళ్ల గ్రామంలో భార్యాబిడ్డలతో కలిసి ఉంటున్నాడు. సెంట్రింగ్‌, మేసీ్త్ర పనులు చేసుకుంటూ కుటుంబాన్ని పోషించుకుంటున్నాడు. జీవనోపాధి కోసం రెండు మేకలను కాసుకుంటున్నాడు. ఈ క్రమంలో గురువారం అదే గ్రామానికి చెందిన మరో కాపరి కల్లగుంట నారాయణతో కలిసి పొలానికి వెళ్లాడు. ఊరి సమీపంలోని చవిటి వాగు వద్దకు చేరుకోగానే ఆకస్మికంగా ఉరుములు, మెరుపులతో కూడిన వర్షం పడింది. మేకలతో సహా ఇద్దరూ సమీపంలోని ఓ వేపచెట్టు వద్దకు పరుగుతీశారు. అదే సమయంలో పిడుగుపడటంతో చెట్టును ఆనుకుని నిల్చున్న కోటయ్య తీవ్ర గాయాలతో అక్కడికక్కడే ప్రాణాలు వదిలాడు. అలాగే కోటయ్యకు చెందిన 2 మేకలు, కల్లగుంట నారాయణకు చెందిన 6 మేకలు అక్కడికక్కడే చనిపోయాయి. కుటుంబ సభ్యులు, బంధువులు సంఘటనా స్థలానికి చేరుకుని గుండెలవిసేలా విలపించారు. కోటయ్య మృతదేహాన్ని ఆయన స్వగ్రామమైన వెన్నూరుకు తరలించారు. మృతుడికి భార్య, ఇద్దరు కుమారులు, కుమార్తె ఉన్నారు.

మార్కాపురం.. దూపాడు ఎస్‌ఎస్‌ ట్యాంక్‌లోకి చేరుతున్న నీరు మార్కాపురం టౌన్‌: పట్టణ ప్రజలకు దాహార్తి కష్టాలు కంటిమీద కునుకు లేకుండా చేస్తున్నాయి. చుక్క నీటి కోసం బిందెలు పట్టుకుని గంటల తరబడి పడిగాపులు కాయాల్సిన దుస్థితి నెలకొంది. ఎల్‌నినో ప్రభావంతో వర్షాలు ముఖం చాటేయడం, భూగర్భ జలాలు అడుగంటడంతో పట్టణంలో తాగునీటి సంక్షోభం తీవ్రరూపం దాల్చింది. లక్షకు పైగా ఉన్న జనాభా దాహార్తిని తీర్చాల్సిన మున్సిపాలిటీ.. నీటి నిల్వలు లేక నాలుగు రోజులకోసారి మాత్రమే అరకొరగా సరఫరా చేస్తుండటంతో ప్రజలు తీవ్ర ఇబ్బందులు పడుతున్నారు. 70 రోజులు పారితేనే గట్టెక్కేది! పట్టణ తాగునీటి అవసరాలకు ప్రధాన ఆధారమైన దూపాడు సమ్మర్‌ స్టోరేజ్‌ ట్యాంకు పూర్తి సామర్థ్యం 2,200 మిలియన్‌ లీటర్లు కాగా, ప్రస్తుతం అందులో కేవలం 800 మిలియన్‌ లీటర్ల నిల్వ మాత్రమే ఉంది. ఇటీవల సాగర్‌ కాలువకు మంచినీటి అవసరాల నిమిత్తం నీటిని విడుదల చేయడంతో ఎస్‌ఎస్‌ ట్యాంకును నింపే ప్రక్రియ ప్రారంభించారు. అయితే, ఎస్‌ఎస్‌ ట్యాంకు పూర్తిస్థాయిలో నిండాలంటే సాగర్‌ కాలువ ద్వారా కనీసం 70 రోజుల పాటు నిరంతరాయంగా నీరు పారాల్సి ఉంటుంది. అధికారులు ముందస్తు ప్రణాళికతో పూర్తి నిల్వలను సమకూర్చుకోకపోతే రానున్న రోజుల్లో పట్టణానికి నీటి గండం తప్పదు. వట్టిపోయిన బోర్లు.. అందని ట్యాంకర్లు నిబంధనల ప్రకారం సగటున మనిషికి రోజుకు 135 లీటర్ల నీరు అవసరం. ప్రస్తుతం 35 వార్డుల్లోని 12,500 కుళాయిలకు తర్లుపాడు రోడ్డు, పీఎస్‌ కాలనీ, జెడ్పీ బాలుర ఉన్నత పాఠశాల, జవహర్‌నగర్‌ కాలనీ, డ్రైవర్స్‌ కాలనీల్లోని 5 ఓవర్‌హెడ్‌ ట్యాంకుల ద్వారా సాగర్‌ నీటిని సరఫరా చేస్తున్నారు. అయితే పైపులైన్లు లేని ప్రాంతాలు, శివారు కాలనీలు పూర్తిగా భూగర్భ జలాలపైనే ఆధారపడ్డాయి. వర్షాల్లేక పట్టణ పరిధిలోని 180 డీప్‌బోర్లలో ఎక్కువ భాగం రీచార్జ్‌ కాక వట్టిపోయాయి. కొన్ని బోర్లు మరమ్మతులకు గురయ్యాయి. శివారు కాలనీల దాహం తీర్చేందుకు మున్సిపాలిటీకి చెందిన రెండు ట్యాంకర్లు ఏమాత్రం సరిపోవడం లేదు. అధికారులు వెంటనే స్పందించి సాగర్‌ నీటిని పూర్తిస్థాయిలో ఎస్‌ఎస్‌ ట్యాంకుకు చేర్చడంతో పాటు, ట్యాంకర్ల ట్రిప్పులు పెంచి శివారు కాలనీల దాహార్తిని తీర్చాలని పట్టణ ప్రజలు కోరుతున్నారు. 2,200 ఎంఎల్‌ సామర్థ్యమున్న దూపాడు ఎస్‌ఎస్‌ ట్యాంకులో 800 మిలియన్‌ లీటర్లే నిల్వ ఎస్‌ఎస్‌ ట్యాంకు నిండాలంటే 70 రోజుల పాటు కాలువలో నీరు పారాలి! మార్కాపురంలోని 180 డీప్‌బోర్లలో పదుల సంఖ్యలో మరమ్మతులు.. పట్టణ వాసులకు నాలుగు రోజులకోసారే నీటి సరఫరా శివారు కాలనీల్లో ప్రజలకు తాగునీటి కోసం తప్పని తిప్పలు

● ఎస్సీ కమిషన్‌ మాజీ చైర్మన్‌ విక్టర్‌ ప్రసాద్‌ జె.పంగులూరు: ఈ నెల 22వ తేదీలోపు నూజిళ్లపల్లిలో డాక్టర్‌ బీఆర్‌ అంబేడ్కర్‌ విగ్రహం, ఆర్చి నిర్మాణానికి అనుమతులు మంజూరు చేయకపోతే అద్దంకి ఆర్డీవో కార్యాలయాన్ని ముట్టడిస్తామని ఏపీ స్టేట్‌ ఎస్సీ కమిషన్‌ మాజీ చైర్మన్‌ మారుమూడి విక్టర్‌ ప్రసాద్‌ హెచ్చరించారు. గురువారం తహసీల్దార్‌ కార్యాలయం ఎదుట నూజిళ్లపల్లి ఎస్సీ సామాజిక వర్గ ప్రజలు చేపట్టిన రిలే నిరాహార దీక్షకు ఆయన సంఘీభావం తెలిపారు. అనంతరం ఆర్డీవో విజయ జ్యోతికుమారితో ఫోన్‌లో మాట్లాడి అనుమతులు ఇవ్వాలని, లేనిపక్షంలో తామే విగ్రహ ప్రతిష్ఠ చేపడతామన్నారు. డొంక పోరంబోకు స్థలంలో విగ్రహం, ఎస్సీ కాలనీ ఆర్చి నిర్మాణాన్ని అడ్డుకోవడం ముమ్మాటికీ వివక్షేనని ఆరోపించారు. కూటమి ప్రభుత్వంలో బహుజనుల హక్కులను కాలరాస్తున్నారని మండిపడ్డారు. ఈ నెల 18న నిర్వహించే ’చలో పంగులూరు’ను విజయవంతం చేయాలని పిలుపునిచ్చారు. 22న తిరిగి నూజిళ్లపల్లికి వస్తానని స్పష్టం చేశారు.

పోరుకు కదలిక..మార్కాపురం: స్థానిక సంస్థల ఎన్నికలకు కసరత్తు ఊపందుకుంది. ఎన్నికల నిర్వహణకు అధికారులు ఏర్పాట్లు చేస్తుండగా.. రాజకీయ పార్టీలు గ్రామస్థాయిలో సమీకరణాలపై దృష్టి సారిస్తున్నాయి. ఓటర్ల జాబితాల ప్రదర్శనతో పంచాయతీ ఎన్నికల సందడి మొదలైనట్లయింది. ఉమ్మడి ప్రకాశం జిల్లా పరిధిలో 925 గ్రామ పంచాయతీలు, 48 మండలాలు, 9,326 వార్డులు ఉన్నాయి. ఎన్నికల ప్రక్రియలో కీలకమైన ఓటర్ల జాబితాల పరిశీలన, ప్రదర్శనపై అధికారులు దృష్టి సారించారు. జాబితాల పరిశీలనకు అవకాశం... ఎంపీడీవో కార్యాలయాల వద్ద ఓటర్ల జాబితాల ముసాయిదాలు ప్రదర్శిస్తున్నారు. గ్రామ పంచాయతీలు, వార్డుల వారీగా ఓటర్ల వివరాలను ప్రజలు పరిశీలించేందుకు అవకాశం కల్పించారు. తమ పేరు, కుటుంబ సభ్యుల వివరాలు సక్రమంగా ఉన్నాయో లేదో చూసుకుంటున్నారు. తప్పులు, మార్పులు, అభ్యంతరాలుంటే సంబంధిత అధికారుల దృష్టికి తీసుకెళ్లే అవకాశం ఉంది. మార్కాపురం జిల్లా పరిధిలో 7,50,261 మంది ఓటర్లున్నారు. 406 గ్రామ పంచాయతీలు, 4,058 వార్డులు ఉన్నాయి. ప్రకాశం జిల్లాలో 10,70,902 మంది ఓటర్లున్నారు. 519 పంచాయతీల పరిధిలో 5268 వార్డులున్నాయి. ఓటర్ల ముసాయిదా విడుదల చేయడంతో ఉమ్మడి జిల్లాలో ఎన్నికల ప్రక్రియపై రాజకీయ వర్గాల్లో ఆసక్తి పెరుగుతోంది. గ్రామాల్లో పోటీ చేయాలనుకుంటున్న ఆశావహులు తమకు అనుకూల పరిస్థితులపై ఆరా తీస్తున్నారు. రిజర్వేషన్లపై ఉత్కంఠ... పంచాయతీలు, వార్డుల రిజర్వేషన్లపై ఆశావహుల్లో ఉత్కంఠ నెలకొంది. రిజర్వేషన్లు ఖరారైతే పోటీ చేసే అభ్యర్థులపై స్పష్టత వచ్చే అవకాశం ఉంది. ఏ గ్రామంలో ఏ సామాజికవర్గానికి రిజర్వేషన్‌ దక్కుతుందనే అంశంపై ఇప్పటికే చర్చలు మొదలయ్యాయి. స్థానిక ఎన్నికలు రాజకీయ పార్టీలకు గ్రామస్థాయిలో కీలకం కావడంతో నాయకులు క్షేత్రస్థాయిలో పరిస్థితులను అంచనా వేస్తున్నారు. ఎక్కడ పోటీ తీవ్రంగా ఉంటుంది.. ఎవరికి అనుకూల పరిస్థితులున్నాయి.. గత ఎన్నికల్లో ఫలితాలు ఎలా ఉన్నాయి.. వంటి అంశాలపై చర్చిస్తున్నారు. గత పంచాయతీ, ఎంపీటీసీ, జెడ్పీటీసీ ఎన్నికల్లో ఉమ్మడి ప్రకాశం జిల్లాలో వైఎస్సార్‌ సీపీ గణనీయమైన ప్రభావం చూపింది. ఈసారి కూడా అన్ని స్థానాల్లో పోటీకి ఆ పార్టీ నాయకులు సన్నద్ధమవుతున్నారు. షెడ్యూల్‌పై ఎదురుచూపు... ఓటర్ల జాబితాల ప్రదర్శనతో స్థానిక ఎన్నికల ప్రక్రియలో కదలిక మొదలైంది. అధికారులు ఏర్పాట్లలో నిమగ్నమవుతుండగా.. రాజకీయ పార్టీలు గ్రామాల వారీగా బలాబలాలను బేరీజు వేసుకుంటున్నాయి. ఇక రిజర్వేషన్లు, ఎన్నికల షెడ్యూల్‌ ఎప్పుడు వెలువడుతుందన్న దానిపైనే అందరి దృష్టి నెలకొంది. ఒంగోలు, ఎస్‌ఎన్‌ పాడు, కందుకూరు, కొండపి, అద్దంకి మార్కాపురం, యర్రగొండపాలెం, గిద్దలూరు, కనిగిరి నియోజకవర్గాల్లో వైఎస్సార్‌ సీపీ ఇప్పటికే కార్యకర్తల సమావేశాలు నిర్వహించింది. స్థానిక సంస్థల ఎన్నికలకు పార్టీ శ్రేణులను సిద్ధం చేసింది. నియోజకవర్గ ఇన్‌చార్జిలు పాల్గొని నాయకులు, కార్యకర్తలకు దిశానిర్దేశం చేశారు. ఎంపీటీసీ, జెడ్పీటీసీ స్థానాల్లో రిజర్వేషన్‌ ఏదైనా పోటీకి సిద్ధంగా ఉండాలని పార్టీ శ్రేణులకు సూచించారు. ఎలాంటి పరిస్థితుల్లోనూ వెనక్కి తగ్గాల్సిన అవసరం లేదని, పార్టీ అండగా ఉంటుందని నాయకులు భరోసా ఇచ్చారు. ప్రభుత్వ ప్రజా వ్యతిరేక విధానాలను ప్రజల్లోకి తీసుకెళ్లాలని సూచించారు.

● డీవైఎఫ్‌ఐ నాయకుల డిమాండ్‌ ఒంగోలు టౌన్‌: రాష్ట్రంలో ఖాళీగా ఉన్న 20 వేల పోలీస్‌ కానిస్టేబుల్‌ పోస్టులను తక్షణమే భర్తీ చేయాలని భారత ప్రజాతంత్ర యువజన సమాఖ్య (డీవైఎఫ్‌ఐ) జిల్లా కార్యదర్శి కేఎఫ్‌ బాబు డిమాండ్‌ చేశారు. వేలాది పోస్టులు ఖాళీగా ఉంటే కూటమి ప్రభుత్వం కేవలం 2,050 పోస్టుల భర్తీకే పరిమితం కావడం సరికాదన్నారు. కానిస్టేబుల్‌ ఉద్యోగాలన్నింటినీ భర్తీ చేయాలని డిమాండ్‌ చేస్తూ గురువారం స్థానిక గాంధీనగర్‌లోని భగత్‌సింగ్‌ విజ్ఞాన కేంద్రం వద్ద డీవైఎఫ్‌ఐ ఆధ్వర్యంలో ధర్నా నిర్వహించారు. ఈ సందర్భంగా బాబు మాట్లాడుతూ.. నిరుద్యోగులతో చెలగాటమాడుతున్న చంద్రబాబు ప్రభుత్వానికి యువత తగిన గుణపాఠం చెబుతుందని హెచ్చరించారు. గత ఏడేళ్లుగా నోటిఫికేషన్‌ లేదని హోం మంత్రి వంగలపూడి అనిత చెబుతున్నప్పటికీ, జాబ్‌ క్యాలెండర్‌లో అరకొరగా 2,050 పోస్టులనే ప్రకటించడం మోసపూరితమన్నారు. ఉన్నత చదువులు చదివినా ఉద్యోగాలు రాక యువత నిరాశలో కూరుకుపోతోందని ఆవేదన వ్యక్తం చేశారు. ఢిల్లీ జంతర్‌ మంతర్‌ స్ఫూర్తితో నిరుద్యోగ సమస్యపై పోరాటం ఉధృతం చేస్తామని తెలిపారు. కానిస్టేబుల్‌ పోస్టుల సంఖ్య పెంచాలని కాకినాడలో ఆందోళన చేపట్టిన విద్యార్థి, యువజన నాయకులపై పెట్టిన అక్రమ కేసులను బేషరతుగా ఎత్తివేయాలని డిమాండ్‌ చేశారు. ప్రభుత్వం స్పందించి 20 వేల పోస్టులను భర్తీ చేయకపోతే ‘చలో విజయవాడ’ కార్యక్రమాన్ని చేపడతామని స్పష్టం చేశారు. కార్యక్రమంలో యువజన నాయకులు టి.దాసు, ఎస్‌.వెంకటరావు, జాన్‌ బాషా, షేక్‌ సుభాని, ఏ.శ్రీను, రాము, వాసు తదితరులు పాల్గొన్నారు.

మేదరమెట్ల: కొరిశపాడు మండలంలో టీడీపీకి చుక్కెదురైంది. మండల పరిధిలోని తమ్మవరంలో సొసైటీ మాజీ అధ్యక్షుడు పోతుల వెంకటస్వామి, మాజీ సర్పంచ్‌ రామిరెడ్డి అంజయ్య ఆధ్వర్యంలో టీడీపీ ఆవిర్భావం నుంచి ఆ పార్టీలో ఉన్న సుమారు 25 కుటుంబాల వారు గురువారం వైఎస్సార్‌ సీపీలో చేరారు. వైఎస్సార్‌ సీపీ అద్దంకి నియోజకవర్గ ఇన్‌చార్జి డాక్టర్‌ చింతలపూడి అశోక్‌కుమార్‌ వారికి పార్టీ కండువాలు వేసి స్వాగతించారు. పార్టీలో చేరిన ప్రతి ఒక్కరినీ పేరుపేరునా ఆయన పలకరించారు. వారి యోగక్షేమాలడిగి తెలసుకున్నారు. పార్టీ పరంగా, వ్యక్తిగతంగా వారికి ఎప్పుడు ఏ అవసరం వచ్చినా అండగా ఉంటానని భరోసా ఇచ్చారు. గెలుపు సరే.. అభివృద్ధి ఎక్కడ..? ఈ సందర్భంగా చింతలపూడి అశోక్‌కుమార్‌ మాట్లాడుతూ అద్దంకి నియోజకవర్గంలో వరుస గెలుపు అంటారు.. గెలుపు సరే.. అభివృద్ధి ఎక్కడని ప్రశ్నించారు. కూటమి పాలనలో అన్నిరంగాలు కుంటుపడ్డాయని మండిపడ్డారు. అద్దంకి నియోజకవర్గంలో వ్యవసాయ రంగం కుదేలవుతున్నా పట్టించుకున్న వారు లేరని ఆవేదన వ్యక్తం చేశారు. అద్దంకిలో గుడ్‌ మార్నింగ్‌ పేరుతో చేపట్టిన కార్యక్రమం ద్వారా ప్రజల సమస్యలు తెలసుకుంటూ వారితో మమేకమవుతున్న విధానాన్ని వివరించారు. దాన్ని చూసి కొంత చలనం వచ్చినట్లుందని ఎద్దేవా చేశారు. పింఛన్లు పొందేందుకు అర్హత ఉన్న దరఖాస్తుదారులకు కూడా టీడీపీ నాయకుల సంతకాలు, సిఫార్సులు కావాలా అని ప్రశ్నించారు. ప్రజలకు తాము నిరంతరం అండగా ఉంటామని స్పష్టం చేశారు. రాష్ట్రంలో తిరిగి రాజన్న రాజ్యం రావాలంటే వైఎస్‌ జగన్‌మోహన్‌రెడ్డి మళ్లీ ముఖ్యమంత్రి కావాలన్నారు. అదే అంతిమ లక్ష్యంగా అందరం కలిసి పనిచేద్దామని అశోక్‌కుమార్‌ పిలుపునిచ్చారు. ముందుగా తమ్మవరం గ్రామంలో శ్రీకృష్ణ యూత్‌ ఆధ్వర్యంలో ఏర్పాటు చేసిన వినాయకునికి నిర్వహించిన ప్రత్యేక పూజల్లో అశోక్‌కుమార్‌ పాల్గొన్నారు. ఉత్సవ కమిటీ ప్రతినిధులు, భక్తులతో మాట్లాడారు. అనంతరం నాయకులు, కార్యకర్తలతో భారీ ర్యాలీగా ఎస్సీకాలనీకి చేరుకున్నారు. అక్కడ 25 కుటుంబాల వారు టీడీపీ నుంచి వైఎస్సార్‌ సీపీలో చేరికల కార్యక్రమం నిర్వహించారు. ఈ సందర్భంగా కాలనీ వాసులు చింతలపూడి అశోక్‌కుమార్‌ను ఘనంగా సన్మానించారు. కార్యక్రమంలో వైఎస్సార్‌ సీపీ రాష్ట్ర ప్రచార విభాగం ప్రధాన కార్యదర్శి కోయి అంకారావు, ఆర్టీఐ వింగ్‌ నియోజకవర్గ అధ్యక్షుడు ముత్తవరపు రమణయ్య చౌదరి, బీసీ సెల్‌ నియోజకవర్గ అధ్యక్షుడు గోలి రమణబాబు, పంచాయతీరాజ్‌ వింగ్‌ అధ్యక్షుడు అంజిరెడ్డి, కొరిశపాడు మండల అధ్యక్షుడు పాలపర్తి శ్రీధర్‌ (చిట్టిబాబు), పొగాకు బోర్డు రైతు సంఘ మాజీ అధ్యక్షుడు బి.శాంతారెడ్డి, పెద్దిరెడ్డి సుబ్బారెడ్డి, మేదరమెట్ల కరుణాకర్‌, కొరిశపాడు శ్రీనివాసరెడ్డి తదితర నాయకులు, కార్యకర్తలు పెద్ద సంఖ్యలో పాల్గొన్నారు. టీడీపీ పుట్టినప్పటి నుంచి ఉన్నాం మా 25 కుటుంబాలు టీడీపీ పుట్టినప్పటి నుంచి ఆ పార్టీలోనే ఉన్నాం. ఇప్పుడు అక్కడ పద్ధతులు, పరిస్థితులు మారాయి. మంచి అనేది కనిపించటం లేదు. అందుకే వైఎస్సార్‌ సీపీలో చేరాం. చింతలపూడి అశోక్‌కుమార్‌ మీద నమ్మకం ఉంది. అందుకే పార్టీలో చేరాం. పార్టీకి కట్టుబడి పనిచేస్తాం. – ఏగూరి శ్రీను, తమ్మవరం

దర్శి( ప్రకాశం జిల్లా): గ్రామాల్లో టీడీపీ నాయకుల ఆగడాలకు అడ్డూ అదుపు లేకుండా పోతోంది. వినాయకచవితి వేడుకల సందర్భంగా దర్శి నగర పంచాయతీ పరిధిలోని శివరాజనగర్‌లో ఎటువంటి పోలీస్‌ అనుమతులు లేకుండా డీజే సౌండ్‌లతో డ్యాన్సర్లను తీసుకువచ్చారు. టీడీపీ నేత వేముల వెంగళరత్తయ్య ఆధ్వర్యంతో డీజే బాక్స్‌ల్లో పెద్ద పెద్ద సౌండ్‌లతో పాటలు పెట్టి డ్యాన్సర్‌లతో నృత్యాలు చేయించారు. డ్యాన్స్‌ ప్రోగ్రాం పెట్టారని తెలుసుకున్న స్థానిక యువకులు అక్కడకు చేరుకున్నారు. డ్యాన్స్‌ కార్యక్రమాన్ని వీడియోలు తీశారు. దీంతో వీడియోలు తీసిన దేవండ్ల వినోద్, బండారు తిరుపతి అనే యువకుల వద్దకు వచ్చి వీడియోలు డీలిట్‌ చేయాలని బెదిరించడంతో వారు వెంటనే ఫోన్ల నుంచి ఆ వీడియోలు డీలిట్‌ చేసి వెనుదిరిగారు. కొంత దూరం వెళ్లిన తరువాత వారిని వెనక్కి పిలిచి వీడియోలు ఎందుకు తీశారని టీడీపీ నేతలు ఆ ఇద్దరిని చుట్టుముట్టి చితకబాదారు. వారి సెల్‌ఫోన్‌ తీసుకొని వినోద్‌ మెడలో ఉన్న చైన్‌ కూడా లాగేసుకున్నారు. గొడవ జరుగుతుందని తెలుసుకున్న వారి బంధువులు, స్థానికులు అక్కడకు వెళ్లగా వారిపై కూడా గొడవకు దిగారు. మద్యం మత్తులో అసభ్య పదజాలంతో రెచ్చగొట్టడంతో స్థానికులు భయభ్రాంతులకు గురయ్యారు. స్థానికులు వినోద్, తిరుపతిలను తీసుకొని పోలీస్‌స్టేషన్‌కు వెళ్లి రాత్రి ఫిర్యాదు చేశారు. వారి ఫిర్యాదుతో కానిస్టేబుల్‌ అక్కడకు వచ్చి గొడవ పడుతున్న వారిని సర్దిచెప్పారు. డీజేలకు అనుమతి లేకున్నా ఇష్టం వచ్చినట్లు కార్యక్రమాలు నిర్వహించడమే కాకుండా స్థానికులపై దాడి చేయడంపై గ్రామస్తులు మండిపడుతున్నారు.ఇదీ చదవండి: ఐదుగురి అరెస్టుతో సరిపుచ్చారు...

● రైతు సంఘం రాష్ట్ర ప్రధాన కార్యదర్శి కేవీవీ ప్రసాద్‌ డిమాండ్‌ యర్రగొండపాలెం: రాష్ట్రంలో నెలకొన్న వర్షాభావ పరిస్థితులను జాతీయ విపత్తుగా ప్రకటించి, కేంద్ర ప్రభుత్వం తక్షణమే రూ.లక్ష కోట్లు మంజూరు చేయాలని రైతు సంఘం రాష్ట్ర ప్రధాన కార్యదర్శి కేవీవీ ప్రసాద్‌ డిమాండ్‌ చేశారు. బుధవారం మండలంలోని గంగాపాలెంలో ఎల్‌నీనో ప్రభావంతో ఎండిపోయిన మొక్కజొన్న పంటలను ఆయన పరిశీలించారు. వర్షాలు కురుస్తాయనే ఆశతో రైతులు వేల రూపాయలు అప్పులు చేసి భూములు దున్ని సిద్ధం చేసుకున్నా.. వర్షం జాడలేక పంటలు నిలువునా ఎండిపోతున్నాయని ఆవేదన వ్యక్తం చేశారు. బక్కయ్య అనే రైతు తన మొక్కజొన్న పంటను కాపాడుకునేందుకు కిలోమీటరు దూరం నుంచి బోరు ద్వారా నీరు పెడుతున్నా ఫలితం దక్కలేదన్నారు. భూగర్భ జలాలు అడుగంటి రైతులు అల్లాడుతున్నారని, ప్రభుత్వం వెంటనే కరువు నివారణ చర్యలు చేపట్టాలని కోరారు. సీపీఐ నాయకులు కె.వి.కృష్ణగౌడ్‌, దేవేండ్ల శ్రీనివాస్‌, బాణాల రామయ్య, మన్నె సాంబశివరావు, వై.వెంకటశివయ్య, నక్కా తిరుపతయ్య తదితరులు పాల్గొన్నారు. నష్టపోయిన రైతులను ప్రభుత్వం ఆదుకోవాలి పుల్లలచెరువు: వర్షం వల్ల నష్టపోయిన రైతులను ప్రభుత్వం ఆదుకోవాలని రైతు సంఘ రాష్ట్ర ప్రధాన కార్యదర్శి కేవీ ప్రసాద్‌ డిమాండ్‌ చేశారు. పుల్లలచెరువులో సోమవారం భారీగాలులతో కూడిన వర్షానికి అరటి తోటల్లో చెట్లు విరిగిపోయాయి. మిర్చి పంట నీటమునిగింది. దీంతో నష్టపోయిన పంట పొలాలను బుధవారం కేవీ ప్రసాద్‌ పరిశీలించారు. ఎంత మేర నష్టపోయారని రైతులు టి.వెంకటేశ్వర్లు, నరసయ్య, కే వెంకటేశ్వర్లును అడిగి తెలుసుకున్నారు. ఈ సందర్భంగా కేవీ ప్రసాద్‌ మాట్లాడుతూ వర్షాల వల్ల పంట నష్టపోయిన రైతులకు ప్రభుత్వం తక్షణమే అండగా నిలవాలని, వెంటనే రూ.50 వేలు ఇవ్వాలన్నారు. పంట నష్టంపై అధికారులు సమగ్రంగా అంచనాలు వేయాలని, నష్టపోయిన ప్రతి రైతుకు నష్టపరిహారం అందేలా చూడాలన్నారు. ఆయన వెంట సీపీఐ నియోజకవర్గ కార్యదర్శి బానాల రామయ్య, మండల కార్యదర్శి సాంబశివరావు, అల్లం నారాయణ, మండల సీపీఐ కార్యదర్శి గురునాథం, రైతులు పాల్గొన్నారు.

దర్శి: గ్రామాల్లో టీడీపీ నాయకుల ఆగడాలకు అడ్డూ అదుపు లేకుండా పోతోంది. వినాయకచవితి వేడుకల సందర్భంగా దర్శి నగర పంచాయతీ పరిధిలోని శివరాజనగర్‌లో ఎటువంటి పోలీస్‌ అనుమతులు లేకుండా డీజే సౌండ్‌లతో డ్యాన్సర్లను తీసుకువచ్చారు. టీడీపీ నేత వేముల వెంగళరత్తయ్య ఆధ్వర్యంతో డీజే బాక్స్‌ల్లో పెద్ద పెద్ద సౌండ్‌లతో పాటలు పెట్టి డ్యాన్సర్‌లతో నృత్యాలు చేయించారు. డ్యాన్స్‌ ప్రోగ్రాం పెట్టారని తెలుసుకున్న స్థానిక యువకులు అక్కడకు చేరుకున్నారు. డ్యాన్స్‌ కార్యక్రమాన్ని వీడియోలు తీశారు. దీంతో వీడియోలు తీసిన దేవండ్ల వినోద్‌, బండారు తిరుపతి అనే యువకుల వద్దకు వచ్చి వీడియోలు డీలిట్‌ చేయాలని బెదిరించడంతో వారు వెంటనే ఫోన్ల నుంచి ఆ వీడియోలు డీలిట్‌ చేసి వెనుదిరిగారు. కొంత దూరం వెళ్లిన తరువాత వారిని వెనక్కి పిలిచి వీడియోలు ఎందుకు తీశారని టీడీపీ నేతలు ఆ ఇద్దరిని చుట్టుముట్టి చితకబాదారు. వారి సెల్‌ఫోన్‌ తీసుకొని వినోద్‌ మెడలో ఉన్న చైన్‌ కూడా లాగేసుకున్నారు. గొడవ జరుగుతుందని తెలుసుకున్న వారి బంధువులు, స్థానికులు అక్కడకు వెళ్లగా వారిపై కూడా గొడవకు దిగారు. మద్యం మత్తులో అసభ్య పదజాలంతో రెచ్చగొట్టడంతో స్థానికులు భయభ్రాంతులకు గురయ్యారు. స్థానికులు వినోద్‌, తిరుపతిలను తీసుకొని పోలీస్‌స్టేషన్‌కు వెళ్లి రాత్రి ఫిర్యాదు చేశారు. వారి ఫిర్యాదుతో కానిస్టేబుల్‌ అక్కడకు వచ్చి గొడవ పడుతున్న వారిని సర్దిచెప్పారు. డీజేలకు అనుమతి లేకున్నా ఇష్టం వచ్చినట్లు కార్యక్రమాలు నిర్వహించడమే కాకుండా స్థానికులపై దాడి చేయడంపై గ్రామస్తులు మండిపడుతున్నారు. వినాయకచవితి వేడుకల్లో పోలీసుల అనుమతి లేకుండానే డీజేతో మహిళలతో అసభ్య డాన్స్‌లు వీడియోలు తీశారని ఇద్దరు యువకులపై దాడి యువకుడి గోల్డ్‌ చైన్‌ లాగేసుకుని చితకబాదిన వైనం పోలీస్‌స్టేషన్‌లో ఫిర్యాదు చేసిన బాధితులు

కంభం: వెలిగొండ ప్రాజెక్టు అంటే గుర్తొచ్చేది వైఎస్‌ రాజశేఖర్‌ రెడ్డి అని యర్రగొండపాలెం ఎమ్మెల్యే తాటిపర్తి చంద్రశేఖర్‌ అన్నారు. మండలంలోని జంగంగుంట్ల గ్రామంలో వైఎస్సార్‌ సీపీ యూత్‌ ఆధ్వర్యంలో మంగళవారం రాత్రి వినాయకచవితి వేడుకలు ఘనంగా నిర్వహించారు. కార్యక్రమంలో మాజీ ఎమ్మెల్యేలు కేపీ నాగార్జునరెడ్డి, అన్నా వెంకటరాంబాబుతో కలిసి తాటిపర్తి పాల్గొన్నారు. ఈ సందర్భంగా ఆయన మాట్లాడుతూ మంట లేకుండా వంట వండిన చంద్రబాబుకు కాల్వలు తవ్వకుండా వెలిగొండ ప్రాజెక్టులో నీళ్లొదలడం పెద్ద కష్టమా అని ఎద్దేవా చేశారు. ఒక్క ఎకరానికి నీల్లొచ్చే కాలువ ఉందా, ఒక్క మనిషి తాగడానికి నీళ్లొచ్చే ట్యాంకు ఉందా అని ప్రశ్నించారు. 10 టీఎంసీల టెస్ట్‌ స్టోరేజీ అని తెలిసినా వెలిగొండ ప్రాజెక్టులో నీళ్లొదిలి ప్రజలను మోసం, దగా చేస్తున్నారన్నారు. వెలిగొండ అంటే గుర్తొచ్చే రాజశేఖరరెడ్డి అని 1960లో వెలిగొండ ప్రాజెక్టు ఆలోచనా, ఆశలు చిగురించాయని, పోరాటాలు అయ్యాయని ఆ రోజు తెలుగుదేశం పార్టీ లేదని కానీ చంద్రబాబు మాత్రం నేను శంకుస్థాపన చేసా నేను ప్రారంభోత్సవం చేశానని చెబుతున్నారని, ఆయన చేసిన శంకుస్థాపన శిలాఫలకాల చుట్టూ అడవులు మొలిశాయన్నారు. కుప్పానికి కూడా నీళ్లిచ్చికోలేని, కుప్పానికి రెవెన్యూ డివిజన్‌ తెచ్చుకోలేని దుస్థితిలో ఆయన ఉన్నారని ఎద్దేవా చేశారు. సొంతూరు నారావారిపల్లి ఉన్న చంద్రగిరి నియోజకవర్గంలో గెలవలేక చంద్రబాబు, ఆయన కొడుకు పక్క జిల్లాల్లో, పక్క నియోజకవర్గాల్లో పోటీ చేస్తున్నారని ‘ఇంట గెలవలేవు నువ్వు రచ్చ గెలుస్తావా జగన్‌మోహన్‌ రెడ్డితో అని ప్రశ్నించారు. ప్రభుత్వంపై ఇప్పటికే చాలా వ్యతిరేకత వచ్చేసిందన్నారు. మార్కాపురం జిల్లా చేశారని గొప్పగా చెప్పుకుంటున్నారని కొత్త జిల్లాలో ఒక్క వ్యవస్థను తెచ్చారా, ఒక్క సంస్థను కానీ, ఒక్క ఉద్యోగం కానీ, ఒక్క ఆడబిడ్డ నిధిని ఇచ్చారా అని కూటమి నేతలను ప్రశ్నించారు. చంద్రబాబు ప్రభుత్వంలో ఇచ్చింది శూన్యం, తెచ్చింది శూన్యమని మండిపడ్డారు. మాజీ ఎమ్మెల్యే, వైఎస్సార్‌ సీపీ గిద్దలూరు ఇన్‌చార్జి కేపీ నాగార్జునరెడ్డి మాట్లాడుతూ వెలిగొండ ప్రాజెక్టులో అగ్రభాగం పనులు వైఎస్సార్‌, ఆ తర్వాత ఆయన తనయుడు వైఎస్‌ జగన్‌మోహన్‌రెడ్డి చేశారని, అరకొర పనులు చేసిన చంద్రబాబు మొత్తం ఆయన చేసినట్లే గొప్పలు చెప్పడం విడ్డూరంగా ఉందని ప్రశ్నించారు. జంగంగుంట్ల గ్రామంలో వైఎస్సార్‌ సీపీకి తిరుగులేదని, ఇక్కడి ప్రజలు ఎప్పుడూ వైఎస్సార్‌ సీపీకి అండగా నిలుస్తూనే ఉంటారన్నారు. గిద్దలూరు మాజీ ఎమ్మెల్యే, మార్కాపురం నియోజకవర్గ ఇన్‌చార్జి అన్నా రాంబాబు మాట్లాడుతూ కూటమి ప్రభుత్వాన్ని సాగనంపేందుకు రాష్ట్రం మొత్తం ఎదురుచూస్తోందన్నారు. రానున్న స్థానిక సంస్థల్లో పార్టీ అభ్యర్థుల విజయానికి కృషి చేయాలని పిలుపునిచ్చారు. వైఎస్సార్‌ సీపీ హయాంలో గిద్దలూరు నియోజకవర్గంలో ఎన్నో అభివృద్ధి పనులు చేశామని గుర్తు చేశారు. రానున్న రోజుల్లో అందరి జీవితాల్లో వెలుగులు నిండాలని ఆకాంక్షించారు. ముందుగా గ్రామానికి వచ్చిన నేతలను స్థానికులు ఘనంగా స్వాగతం పలికారు. వినాయక మండపం వద్ద ప్రత్యేక పూజలు నిర్వహించారు. కార్యక్రమంలో భారీ సంఖ్యలో వైఎస్సార్‌ సీపీ నాయకులు, కార్యకర్తలు, మహిళలు, అభిమానులు పాల్గొన్నారు. యర్రగొండపాలెం ఎమ్మెల్యే, వైఎస్సార్‌ సీపీ రాష్ట్ర అధికార ప్రతినిధి తాటిపర్తి చంద్రశేఖర్‌

యువకులు గల్లంతైంది ఈ నీటి ప్రవాహ ఉధృతిలోనే.. పెద్దదోర్నాల: పచ్చని నల్లమల కొండల నడుమ నిండుకుండలా జలాశయం.. శ్రీశైలం నుంచి ఉరకలెత్తుతూ వస్తున్న కృష్ణా జలాలు.. చూసేందుకు ఎంతో కనువిందుగా ఉన్న ఆ ప్రకృతి సోయగాల వెనుక పెను ప్రమాదం పొంచి ఉందని ఆ యువకులు ఊహించలేకపోయారు. ప్రాజెక్టు మొదలై పట్టుమని పది రోజులు కూడా కాకముందే ఆ కాలువ రెండు నిండు ప్రాణాలను బలితీసుకుంది. వారిలో పెళ్లి పీటలెక్కాల్సిన ఓ యువకుడు కొట్టుకుపోయిన వైనం కటకానిపల్లె గ్రామంలో తీవ్ర విషాదాన్ని మిగిల్చింది. ప్రవాహ వేగం అంచనా వేయలేక.. గత ఆగస్టు 31వ తేదీన వెలిగొండ ప్రాజెక్టు మొదటి సొరంగం నుంచి నీరు విడుదల చేశారు. నల్లమల సాగర్‌ రిజర్వాయర్‌కు 10.70 టీఎంసీల నీటి విడుదలకు ప్రభుత్వం అనుమతించింది. దీంతో శ్రీశైలం నుంచి నిత్యం 5 వేల క్యూసెక్కుల నీరు ఫీడర్‌ కెనాల్‌ ద్వారా రిజర్వాయర్‌కు చేరుతోంది. ఈ దృశ్యాన్ని తిలకించేందుకు పరిసర గ్రామాల నుంచి పర్యాటకులు భారీగా తరలివస్తున్నారు. ఈ క్రమంలోనే ఈ నెల 5వ తేదీన కటకానిపల్లెకు చెందిన రాజ్‌కుమార్‌, వినయ్‌కుమార్‌ సరదాగా ఫీడర్‌ కెనాల్‌ వద్దకు వెళ్లారు. నీటి ప్రవాహ ఉధృతిని ఏమాత్రం అంచనా వేయలేక లోపలికి దిగి క్షణాల్లోనే కొట్టుకుపోయారని బంధువులు ఆవేదన వ్యక్తం చేస్తున్నారు. పెళ్లింట శోకసంద్రం సమాచారం అందుకున్న వెంటనే రంగంలోకి దిగిన 32 మంది ఎస్డీఆర్‌ఎఫ్‌ దళాలు, రెవెన్యూ, పోలీసు అధికారులు తీవ్రస్థాయిలో గాలింపు చర్యలు చేపట్టారు. ఈ నెల 6న వినయ్‌కుమార్‌ మృతదేహం లభ్యం కాగా, రాజ్‌కుమార్‌ జాడ నేటికీ కానరాలేదు. గల్లంతైన రెండో రోజు అంటే.. సెప్టెంబర్‌ 7వ తేదీనే రాజ్‌కుమార్‌ వివాహం జరగాల్సి ఉండటం చూపరులను కంటతడి పెట్టిస్తోంది. బాజాభజంత్రీలతో కళకళలాడాల్సిన ఇంట పెను విషాదం అలుముకుంది. ఘటన జరిగి 12 రోజులు గడుస్తున్నా కొడుకు మృతదేహం కూడా దక్కకపోవడంతో ఆ తల్లిదండ్రులు గుండెలవిసేలా రోదిస్తున్నారు. ఆంక్షలు కట్టుదిట్టం! ఈ ఘోర ప్రమాదంతో అధికారులు అప్రమత్తమయ్యారు. ఫీడర్‌ కెనాల్‌ వద్ద పర్యాటకులు ఎవరూ నీటిలోకి దిగకుండా నిషేధం విధించారు. ప్రమాదకర ప్రాంతాల్లో గస్తీ ఏర్పాటు చేసి, కాలువ వద్దకు ఎవరూ వెళ్లకుండా చర్యలు చేపట్టారు. సరదా కోసం, సెల్ఫీలు తీసుకునేందుకు నీటిలోకి దిగి ప్రాణాల మీదకు తెచ్చుకోవద్దని అధికారులు హెచ్చరిస్తున్నారు. వెలిగొండ ఫీడర్‌ కెనాల్‌లో కటకానిపల్లె యువకులు ఇద్దరు గల్లంతు ఒకరి మృతదేహం లభ్యం.. 12 రోజులైనా కానరాని మరో యువకుడి ఆచూకీ రాజ్‌కుమార్‌ కోసం నేటికీ గాలిస్తున్న ఎస్‌డీఆర్‌ఎఫ్‌ సిబ్బంది

పొదిలి: దర్శి రోడ్డులో గుర్తుతెలియని ఆటో ఢీకొనడంతో ఓ వృద్ధుడు మృతి చెందాడు. దర్శికి చెందిన గుండు యోగయ్య(65) బుధవారం తన పనుల నిమిత్తం గోవిందు అనే వ్యక్తితో కలిసి ద్విచక్ర వాహనంపై పొదిలి వచ్చారు. పనులు ముగించుకుని తిరుగు ప్రయాణంలో హెచ్‌పీ గ్యాస్‌ గోడౌన్‌ సమీపానికి చేరుకోగానే వేగంగా వచ్చిన ఓ గుర్తుతెలియని ఆటో వీరి వాహనాన్ని బలంగా ఢీకొట్టింది. తీవ్రంగా గాయపడిన యోగయ్యతో పాటు గాయపడిన గోవిందును 108 వాహనంలో పొదిలి ప్రభుత్వ ఆస్పత్రికి తరలించారు. అక్కడ చికిత్స పొందుతూ యోగయ్య మృతి చెందినట్లు బంధువులు, పోలీసులు తెలిపారు. ఒంగోలు టౌన్‌: మద్యానికి బానిసైన ఒక యువకుడు సమ్మర్‌ స్టోరేజీ ట్యాంకులోకి దూకి ఆత్యహత్య చేసుకున్నాడు. పోలీసుల కథనం ప్రకారం...నగరంలోని ప్రగతి కాలనీకి చెందిన యద్దనపూడి చందు (21) పెయింటింగ్‌ పనులు చేస్తుంటాడు. మద్యానికి అలవాటు పడిన చందు మంగళవారం రాత్రి 12 గంటల సమయంలో తల్లికి ఫోన్‌ చేసి నేను చనిపోతున్నాను. మోటార్‌ బైకు మామిడిపాలెం చెరువు గట్టు మీద ఉంది తీసుకెళ్లండని చెప్పాడు. ఆందోళనకు గురైన తల్లిదండ్రులు వెంటనే తాలుకా పోలీసులకు ఫిర్యాదు చేశారు. రంగంలోకి దిగిన పోలీసులకు చెరువు వద్ద మోటార్‌ బైకు లభించింది. రాత్రి కావడంతో గాలింపు చ ర్యలు చేపట్టలేకపోయారు. బుధవారం సాయం త్రం 4 గంటలకు చందు మృతదేహం లభించింది. పోస్టుమార్టం నిమిత్తం మృతదేహాన్ని జీజీహెచ్‌కు తరలించారు. తాలుకా ఎస్సై ఫిరోజ్‌ కేసు నమోదు చేసుకొని దర్యాప్తు చేస్తున్నారు. అద్దంకి రూరల్‌: భార్యాభర్తల విడాకుల నేపథ్యంలో కూతురిని తండ్రి వద్దే ఉండాలని బంధువులు ఒత్తిడి చేసి బాలికపై దాడి చేశారు. ఈ సంఘటన బుధవారం అద్దంకిలో పట్టణంలో జరిగింది. స్థానికుల వివరాల మేరకు.. జె.పంగులూరు మండలంలోని నూజిళ్లపల్లి గ్రామానికి చెందిన భార్యభర్తలు, వారి బంధువులు విడాకుల కేసులో అద్దంకి కోర్టులో హాజరయ్యేందుకు కారులో వచ్చారు. తండ్రి వద్దకు రావాలని బాలికను ఒత్తిడి చేయగా..ఆ బాలిక రానని చెప్పడంతో స్థానిక మున్సిపల్‌ కార్యాలయం ఎదుట కారు ఆపి బాలికకు బంధువులు విచక్షణారహితంగా దాడి చేయడంతో స్థానికులు అడ్డుకొని బాలికను మహిళా కానిస్టేబుల్‌కు అప్పగించి పోలీస్‌స్టేషన్‌కు తరలించారు.

మార్కాపురం: పూలసుబ్బయ్య వెలిగొండ ప్రాజెక్టు నిర్మాణం వల్ల నిరాశ్రయులైన 11 ముంపు గ్రామాల ప్రజలకు రాబోయే స్థానిక సంస్థల ఎన్నికల్లో ఓటు హక్కు ఎక్కడ కల్పిస్తారని వైఎస్సార్‌ సీపీ ప్రతినిధి పత్తి రవిచంద్ర జిల్లా అధికార యంత్రాంగాన్ని ప్రశ్నించారు. మార్కాపురం, యర్రగొండపాలెం నియోజకవర్గాల పరిధిలోని ముంపు గ్రామాల ప్రజలు ప్రస్తుతం మార్కాపురం నియోజకవర్గానికి తరలివచ్చారని, వీరంతా రాబోయే ఎంపీటీసీ, జెడ్పీటీసీ ఎన్నికల్లో ఎక్కడ ఓటు వేయాలో అధికారులు స్పష్టత ఇవ్వాలని డిమాండ్‌ చేశారు. బుధవారం కలెక్టరేట్‌లో ఇన్‌చార్జి డీఆర్‌వో వెంకట శివరామిరెడ్డి అధ్యక్షతన నిర్వహించిన రాజకీయ పార్టీల ప్రతినిధుల సమావేశంలో ఆయన మాట్లాడారు. సర్‌ కార్యక్రమంలో పలువురు ఓటర్లు మృతి చెందినట్లు అధికారులు గుర్తించారని, మరి ఈ ఎన్నికల్లో మరణించిన వారి పేర్లను ఓటరు జాబితా నుంచి తొలగిస్తారా? లేదా? అనేది తేల్చాలన్నారు. సర్‌ జాబితాను సమగ్రంగా పరిశీలించి నూతన జాబితాను రూపొందించాలని, ఓటర్ల సందేహాల నివృత్తికి ప్రత్యేక హెల్ప్‌లైన్‌ను ఏర్పాటు చేయాలని రవిచంద్ర డిమాండ్‌ చేశారు. కాగా, రాబోయే ఎంపీటీసీ, జెడ్పీటీసీ ఎన్నికలను పారదర్శకంగా నిర్వహించేందుకు తాజా ఓటర్ల జాబితానే వినియోగించాలని రాజకీయ పార్టీల నాయకులు కోరారు. పోలింగ్‌ కేంద్రాల్లో మౌలిక వసతులపై చర్చ మార్కాపురం జిల్లా పరిధిలోని జడ్పీటీసీ స్థానాలకు సంబంధించి మొత్తం 990 పోలింగ్‌ కేంద్రాలు ఉండగా, 7,55,731 మంది ఓటర్లు ఉన్నారని అధికారులు వివరించారు. ఎన్నికల నిర్వహణకు సంబంధించి పోలింగ్‌ కేంద్రాల ఎంపిక, ఓటర్ల కేటాయింపు, కేంద్రాల్లో తాగునీరు, విద్యుత్‌, మరుగుదొడ్లు, దివ్యాంగులకు ర్యాంపులు తదితర మౌలిక సదుపాయాల కల్పనపై సమావేశంలో విస్తృతంగా చర్చించారు. వెలిగొండ ప్రాజెక్టు ముంపు ప్రాంతాల ఎంపీటీసీ పరిధిలోని ప్రజలకు రాకపోకలకు ఇబ్బంది లేకుండా, అందుబాటులో ఉండే ప్రదేశాల్లోనే పోలింగ్‌ కేంద్రాలను ఏర్పాటు చేస్తామని అధికారులు స్పష్టం చేశారు. నిబంధనల మేరకు ఎన్నికల ప్రక్రియను నిష్పక్షపాతంగా నిర్వహిస్తామని, రాజకీయ పార్టీలకు పూర్తి సమాచా రం అందిస్తామని తెలిపారు. డీడీవో డాక్టర్‌ సుజాత, వివిధ రాజకీయ పార్టీల ప్రతినిధులు పాల్గొన్నారు.

సీఎస్‌పురం (పామూరు): వినాయక చవితి సందర్భంగా మార్కాపురం జిల్లా సీఎస్‌పురం మండలం అయ్యలూరివారిపల్లెలో నిర్వహించిన వినాయక చవితి ఉత్సవాల్లో 3వ రోజు బుధవారం ఆలయం వద్ద నిర్వహించిన వేలంలో లడ్డు, కలశం కలిపి రూ.51.02 లక్షలు పలికాయి. లడ్డును జెడ్పీటీసీ మాజీ సభ్యుడు ముత్యాల సుబ్బారెడ్డి రూ.30,01,116 లకు దక్కించుకోగా, కలశాన్ని పాలుగుళ్ల లక్ష్మీనారాయణరెడ్డి రూ.21.01,116లకు సొంతం చేసుకున్నారు. ఈ సందర్భంగా వారిని వైస్‌ ఎంపీపీ భూమిరెడ్డి ప్రభంజనా వెంకటరెడ్డి, వైఎస్సార్‌సీపీ జిల్లా ప్రధాన కార్యదర్శి ముత్యాల భారతీ నారాయణరెడ్డి, పలువురు గ్రామ నాయకులు, ఆలయ కమిటీ అభినందనలు తెలిపారు.

‘విద్యార్థి మిత్ర’ పేరుతో ప్రభుత్వ పాఠశాలల విద్యార్థులకు ఇచ్చిన బ్యాగుల నాణ్యతలో డొల్లతనం పట్టుమని నెలకాకుండానే బయటపడింది. విద్యా సంవత్సరం ప్రారంభమైన రెండు నెలలకు ఆలస్యంగా ఇచ్చినవీ నాసిరకంగా ఉండటంతో అవి ఎక్కడికక్కడ చిరిగిపోయి, జిప్పులు ఊడి వాడకానికి పనికిరాకుండా పోయాయి. కొందరు విధిలేక కొత్తబ్యాగులు కొనుక్కుని తెచ్చుకుంటుంటే మరికొందరు వాటినే కుట్టుకుని..జిప్పులకు పిన్నీసులు పెట్టుకుని ఎక్కడ తెగిపోతాయోనన్న భయంతో నానా తంటాలు పడుతున్నారు. విద్యార్థుల భుజాలపై ఉండాల్సిన బ్యాగులు నెలకే భారం కావడం.. ప్రభుత్వ పథకాల అమలుపై పర్యవేక్షణ లోపాలను ఎత్తిచూపుతోంది. ప్రభుత్వ పాఠశాలల్లో విద్యార్థి మిత్ర కిట్ల నాణ్యతపై ‘సాక్షి విజిట్‌’లో నాసిరకం బ్యాగులతో విద్యార్థులు పడుతున్న అవస్థలు వెలుగులోకి వచ్చాయి. బ్యాగుల జిప్పులు పనిచేయకపోవడంతో కొందరు విద్యార్థులు వాటిని పిన్నీసులతో బిగించుకుని ఉపయోగించాల్సిన పరిస్థితి ఏర్పడింది. భుజాల పట్టీలు తెగిపోయిన బ్యాగులను మోయలేక ఇళ్ల నుంచి ఇతర బ్యాగులు తెచ్చుకుంటున్నారు. దీంతో ప్రభుత్వం పంపిణీ చేసిన బ్యాగులు పక్కనపెట్టి బయట మార్కెట్‌లో కొనుగోలు చేసిన బ్యాగులతో పాఠశాలకు వస్తున్న విద్యార్థుల సంఖ్య పెరుగుతోంది. మార్కాపురం టౌన్‌: మార్కాపురం జిల్లా సహజ వర్షాభావ భౌగోళిక పరిస్థితులు, ఎల్‌నినో వల్ల ఎదురైన తాత్కాలిక వర్షాభావ పరిస్థితులను అధిగమించి, జిల్లాలోని ప్రతి రైతుకూ, గ్రామీణ కుటుంబానికీ ఆర్థిక భద్రత కల్పించేలా చూడాలని కలెక్టర్‌ ఎం.విజయ సునీత అన్నారు. ఖరీఫ్‌లో నికర సాగు విస్తీర్ణం 76 శాతం తగ్గినా రాబోయే రబీ సీజన్‌కు అవసరమైన రుణ ప్రణాళికలు, ముందస్తు విత్తన, పెట్టుబడి సహాయ చర్యలు సిద్ధం చేస్తున్నట్లు ప్రకటించారు. బుధవారం మార్కాపురం కలెక్టరేట్‌ కాన్ఫరెన్స్‌ హాల్‌లో లీడ్‌ బ్యాంక్‌ (యూనియన్‌ బ్యాంక్‌ ఆఫ్‌ ఇండియా) ఆధ్వర్యంలో నిర్వహించిన జిల్లా సంప్రదింపుల కమిటీ జిల్లా స్థాయి సమీక్ష కమిటీ ఉమ్మడి సమావేశానికి కలెక్టర్‌ అధ్యక్షత వహించారు. 2026–27 ఆర్థిక సంవత్సరం మొదటి త్రైమాసికం (జూన్‌ 2026 నాటికి) వార్షిక రుణ ప్రణాళిక సాధించిన పురోగతిపై సమీక్షిస్తూ, జిల్లా రైతాంగాన్ని ఆదుకునేందుకు బ్యాంకింగ్‌ రంగానికి స్పష్టమైన దిశానిర్దేశం చేశారు. రబీ పంటల సాగు కోసం రైతులకు అవసరమైన రుణాలు, సాంకేతిక పరిజ్ఞానం, నాణ్యమైన విత్తనాలు సకాలంలో అందేలా బ్యాంకులు ప్రాధాన్యత ఇవ్వాలని ఆదేశించారు. పీఎం విశ్వకర్మ యోజన ద్వారా ప్రత్యామ్నాయ ఉపాధి మార్గాలను పెంచేందుకు సూక్ష్మ పరిశ్రమలను గరిష్టంగా ప్రోత్సహించనున్నట్లు తెలిపారు. సమీక్ష సమావేశంలో లీడ్‌ బ్యాంక్‌ మేనేజర్‌ షాహీర్‌, జిల్లా వ్యవసాయ అధికారి, డీఆర్‌డీఏ, మెప్మా ప్రాజెక్ట్‌ డైరెక్టర్లు, బ్యాంకింగ్‌ ప్రతినిధులు పాల్గొన్నారు. దర్శి: రాష్టంలో పోలీసు శాఖలో ఎస్సై, పోలీస్‌ కానిస్టేబుల్‌ పోస్టులు దాదాపు రాష్ట్రంగా వ్యాప్తంగా 20 వేలు ఖాళీగా ఉంటే కేవలం దాదాపు 1400 పోస్టులు మాత్రమే విడుదల చేసి సీఎం చంద్రబాబు నిరుద్యోగుల పొట్ట కొట్టారని డీవైఎఫ్‌ఐ జిల్లా అధ్యక్షుడు కేవీ పిచ్చయ్య విమర్శించారు. బుధవారం రెవెన్యూ కార్యాలయంలో డిప్యూటీ తహసీల్దార్‌ దేవప్రసాద్‌ కు డీవైఎఫ్‌ఐ నాయకులు వినతిపత్రాన్ని అందజేశారు. ఈ సందర్భంగా పిచ్చయ్య మాట్లాడుతూ రాష్ట్ర ప్రభుత్వం నిరుద్యోగులకి మొండి చెయ్యి చూపుతోందని, నిరుద్యోగ భృతి కూడా ఇవ్వలేదని అన్నారు. రాష్ట్రంలో సుమారు రెండు లక్షల పోస్టులు ఖాళీగా ఉన్నాయని, వాటిని భర్తీ చేయకుండా అరకొర పోస్టులు విడుదల చేస్తున్నారన్నారు. కాకినాడలో నిరసన తెలియజేసిన డీవైఎఫ్‌ఐ, ఎస్‌ఎఫ్‌ఐ నాయుకులు నిరుద్యోగులపై పెట్టిన అక్రమ కేసులను ఎత్తి వేయాలని డిమాండ్‌ చేశారు. కార్యక్రమంలో డీవైఎఫ్‌ఐ మండల అధ్యక్షులు షేక్‌ పీరా సాహెబ్‌.మండల కార్యదర్శి ఆర్‌ జెస్సిపాల్‌, కళ్యాణ్‌ పాల్గొన్నారు. నాణ్యత డొల్ల..బ్యాగులు గుల్లఒంగోలు సిటీ: ప్రభుత్వ పాఠశాలల విద్యార్థులకు ప్రభుత్వం అందించిన ‘శ్రీ సర్వేపల్లి రాధాకృష్ణన్‌ విద్యార్థి మిత్ర’ కిట్లలోని బ్యాగులు నెల రోజులు తిరక్కముందే నాణ్యత కోల్పోతున్నాయి. జిప్పులు ఊడిపోవడం.. చేతితో పట్టుకునే హ్యాండిల్స్‌ తెగిపోవడం.. వీపునకు తగిలించుకునే పట్టీలు పూర్తిగా ఊడిపోవడంతో విద్యార్థులు తీవ్ర ఇబ్బందులు ఎదుర్కొంటున్నారు. పుస్తకాలు సర్దుకుని బడికి వెళ్లాలంటే బ్యాగు ఎక్కడ ఊడిపోతుందోనన్న భయంతో కొందరు విద్యార్థులు కొన్ని పుస్తకాలను బ్యాగులో, మరికొన్నింటిని చేతుల్లో పట్టుకుని పాఠశాలకు వస్తున్న పరిస్థితి కనిపిస్తోంది. ప్రకాశం జిల్లాలో మొత్తం 1,980 పాఠశాలలు ఉండగా వాటిలో 1,489 ప్రభుత్వ, 443 ప్రైవేట్‌, 48 ఎయిడెడ్‌ పాఠశాలలు ఉన్నాయి. మార్కాపురం జిల్లాలో మొత్తం 1,620 పాఠశాలలు ఉండగా.. 1,330 ప్రభుత్వ, 230 ప్రైవేట్‌, 60 ఎయిడెడ్‌ పాఠశాలలు ఉన్నాయి. ప్రకాశం, మార్కాపురం జిల్లాల పరిధిలో కలిపి 2,71,764 మంది విద్యార్థులు ఉన్నట్లు గణాంకాలు చెబుతున్నాయి. ప్రకాశం జిల్లాలో 1,11,936 మంది, మార్కాపురం జిల్లాలో 1,59,828 మంది విద్యార్థులున్నారు. ఇంత పెద్ద సంఖ్యలో విద్యార్థులకు సరఫరా చేసిన బ్యాగుల నాణ్యతపై ఫిర్యాదులు వస్తుండటంతో ప్రభుత్వం సరఫరాదారులపై ఏ మేరకు నాణ్యతా పరిశీలన చేపట్టిందన్న ప్రశ్నలు తలెత్తుతున్నాయి. బాధ్యత ఎవరిది..? విద్యార్థులకు ఉచితంగా ఇచ్చే బ్యాగులు కనీసం విద్యా సంవత్సరం మొత్తం మన్నికగా ఉండేలా నాణ్యతా ప్రమాణాలు నిర్దేశించాల్సి ఉంది. కానీ నెల రోజులకే జిప్పులు, పట్టీలు ఊడిపోతే ప్రజాధనం వెచ్చించి కొనుగోలు చేసిన బ్యాగుల నాణ్యతను ఎవరు ధ్రువీకరించారన్నది కీలకంగా మారింది. తక్షణమే అధికారులు పాఠశాలల వారీగా బ్యాగుల నాణ్యతను పరిశీలించి, దెబ్బతిన్న బ్యాగులను మార్చడంతో పాటు నాసిరకం సరఫరాపై బాధ్యులపై చర్యలు తీసుకోవాలని తల్లిదండ్రులు డిమాండ్‌ చేస్తున్నారు. మార్కాపురం నియోజకవర్గంలో మొత్తం 271 పాఠశాలల్లో 24,549 మంది చదువుకుంటున్నారు. విద్యార్థులకు ఇచ్చిన విద్యా కిట్లలోని బ్యాగులు జిప్పులు ఊడిపోయి, కొసలు చిరిగిపోయాయి. కొంతమంది విద్యార్థులు ఆ చిరిగిపోయిన బ్యాగులోనే పుస్తకాలను తీసుకొని పాఠశాలకు వస్తుండగా, మరికొంత మంది విద్యార్థుల తల్లిదండ్రులు బయట షాపులకు వెవెళ్లి రూ.1000 నుంచి రూ.1200 మధ్య కొత్త బ్యాగులు కొనుగోలు చేసి తమ పిల్లలకు ఇచ్చి పాఠశాలలకు పంపుతున్నారు. నాణ్యమైన బ్యాగులు తమ పిల్లలకు ఇచ్చి ఉంటే మళ్లీ తాము షాపులకు వెళ్లి కొత్త బ్యాగులు కొనుగోలు చేయాల్సిన అవసరం ఉండేది కాదని పలువురు తల్లిదండ్రులు తెలిపారు. కొండపి నియోజకవర్గంలో టంగుటూరు మండలంలో ప్రభుత్వం అందించిన బ్యాగులు కొంతమంది విద్యార్థుల వద్ద చిరిగిపోయాయి. ఇచ్చిన వారానికే బ్యాగులకు కుట్లు ఊడిపోవడంతో కొంతమంది విద్యార్థులు అలానే పాఠశాలలకు వెళుతున్నారు. కందుకూరు నియోజకవర్గంలో కొందరు విద్యార్థులకు మాత్రమే విద్యామిత్ర కిట్లు ఇచ్చి చేతులు దులుపుకున్నారు. దీంతో తల్లిదండ్రులు వేలకు వేలు ఖర్చు చేసి బయట మార్కెట్‌లో బ్యాగ్‌లు, బూట్లు వంటివి కొనుగోలు చేయాల్సిన దుస్థితి నెలకొంది. విద్యా మిత్ర కిట్లు కొందరు విద్యార్థులకు మాత్రమే ఇప్పటి వరకు సరఫరా చేశారు. ప్రధానంగా కందుకూరు నియోజకవర్గంలోని కందుకూరు, గుడ్లూరు, లింగసముద్రం మండలాల పాఠశాలకు విద్యామిత్ర కిట్లు అరకొరగా పంపిణీ చేశారు. ప్రభుత్వ పాఠశాలల్లోని 3,4,5 తరగతులు చదువుతున్న విద్యార్థులకు ఇప్పటి వరకు కిట్లు పంపిణీ చేయలేదు. ప్రభుత్వం నుంచే కిట్లు రాలేదని, దీంతో విద్యార్థులకు విద్యామిత్ర కిట్లు ఇవ్వలేదని విద్యాశాఖ అధికారులు చెప్తున్నారు. గుడ్లూరు మండలంలో 3, 4, 5 తరగతులకు సంబంధించి 1100 మంది, కందుకూరు మండలంలో 1163 మంది విద్యార్థులకు సంబంధించి విద్యామిత్ర కిట్లు ఇంత వరకు పంపిణీ చేయలేదు. దీంతో విద్యార్థులు గత ఏడాది ఇచ్చిన బ్యాగులు కొందరు ఉపయోగించుకుంటుండగా, కొందరు బయట మార్కెట్‌లో కొనుగోలు చేసుకున్నామని విద్యార్థుల తల్లిదండ్రులు చెప్తున్నారు. గిద్దలూరు నియోజకవర్గంలోని ఆరు మండలాల్లో 353 ప్రభుత్వ పాఠశాలల్లో 25,686 మంది పేద విద్యార్థులు చదువుకుంటున్నారు. బ్యాగ్‌లు పంపిణీ చేసిన నెలరోజులకే పనికిరాకుండా పోవడంతో దాదాపు 45 శాతం మంది విద్యార్థులు తమ సొంత బ్యాగులతో పాఠశాలలకు తీసుకెళ్తున్నారు. నియోజకవర్గంలోని అన్ని ప్రభుత్వ బడుల్లో ఇదే పరిస్థితి నెలకొంది. సంతనూతలపాడు నియోజకవర్గంలో విద్యార్థులకు స్కూలు బ్యాగులు ఇచ్చి నెల రోజులు కాకముందే కొన్ని బ్యాగులకు జిప్పులు ఊడిపోయాయి. చేతితో పట్టుకునే హ్యాండ్‌ పీస్‌, వీపునకు తగిలించుకునే కాడలు పూర్తిగా ఊడిపోయాయి. కొంత మంది విద్యార్థులు బ్యాగులను వీపునకు తగిలించుకునే కాడలు లేకపోవడంతో వాటిలో పుస్తకాలు పెట్టుకొని బడికి రావడంలో ఇబ్బందులు పడుతున్నారు. నియోజకవర్గంలో దాదాపు 300కు పైగా ప్రాథమిక, ప్రాథమికోన్నత, ఉన్నత పాఠశాలలు ఉన్నాయి. వాటిలో సుమారు 18 వేలకు పైగా విద్యార్థులు విద్యనభ్యసిస్తున్నారు. వారికి పాఠశాలలు తెరిచిన మొదట్లోనే పాఠ్యపుస్తకాలు, నోట్‌పుస్తకాలతో పాటు స్కూలు బ్యాగులు ఇవ్వాల్సి ఉంది. ఆలస్యంగా వచ్చినా నాణ్యమైన బ్యాగులు ఇచ్చారా..? అంటే అదీ లేదు. ఆగస్టు మొదటి వారంలో బ్యాగులు పంపిణీ చేశారు. తీరా నెల రోజులు గడవకముందే విద్యార్థుల చేతులలో చినిగిన బ్యాగులను చూసి వారి తల్లిదండ్రులు ఇవేమి బ్యాగులంటూ నిట్టూరుస్తున్నారు. స్వంత డబ్బులను పెట్టి మళ్లీ బ్యాగును కొనివ్వాల్సి వస్తోందని వాపోతున్నారు. దర్శి నియోజకవర్గంలోని ప్రభుత్వ పాఠశాలల్లో మొత్తం 25,046 మంది విద్యార్థులున్నారు. కూటమి ప్రభుత్వ అధికారం చేపట్టిన తర్వాత ప్రభుత్వ పాఠశాల విద్యార్థులకు సర్వేపల్లి రాధాకృష్ణ విద్యార్థి మిత్ర అనే పేరుతో బ్యాగులు, షూ, యూనిఫాం, బెల్టులు అందించారు. అయితే తాళ్లూరు మండలంలో పలు పాఠశాలలో విద్యార్థుల నాణ్యతలేని బ్యాగులు ఇవ్వటంతో జిప్పులు ఊడిపోయి, నాడాలు చినిగి దర్శనమిస్తున్నాయి. కురిచేడు మండలంలో విద్యార్థులకు ఇచ్చిన బ్యాగులు చిరిగిపోయాయి. దర్శి, దొనకొండ, ముండ్లమూరు విద్యార్థులకు ఇచ్చిన షూ సైజులు సరిపోక చెప్పులు వేసుకుని పాఠశాలకు వస్తున్నారు. పలు పాఠశాలల్లో బ్యాగులు చినిగిపోవడంతో బయట దుకాణాల్లో కొనుగోలు చేసిన బ్యాగులతో పాఠశాలకు వస్తున్నారు. బ్యాగు కొనే స్థోమత లేని విద్యార్థులు చినిగిన బ్యాగులతో పాఠశాలకు వస్తున్నారు. ఉమ్మడి జిల్లా వ్యాప్తంగా సాక్షి బృందం నిర్వహించిన విజిట్‌తో పాఠశాలల్లో విద్యార్థుల బ్యాగుల పరిస్థితిని పరిశీలించగా సమస్య తీవ్రత స్పష్టంగా కనిపించింది. పలువురు విద్యార్థుల బ్యాగులు ఇప్పటికే చిరిగిపోవడం, జిప్పులు ఊడిపోవడం, హ్యాండిల్స్‌, భుజాల పట్టీలు తెగిపోవడం కనిపించింది. కిట్లు పంపిణీ చేసి నెల రోజులు కూడా పూర్తికాకముందే ఈ పరిస్థితి రావడంపై విద్యార్థుల తల్లిదండ్రులు ఆవేదన వ్యక్తం చేస్తున్నారు. ప్రభుత్వం అందించిన బ్యాగులు ఉపయోగపడకపోవడంతో పలువురు విద్యార్థుల తల్లిదండ్రులు రూ.1000 నుంచి రూ.1200 లతో కొనిచ్చిన బ్యాగులతో పాఠశాలలకు వస్తున్నారు. ఉచితంగా అందించిన బ్యాగులను వినియోగించుకోలేని పరిస్థితి నెలకొనడంపై తల్లిదండ్రులు అసంతృప్తి వ్యక్తం చేస్తున్నారు. ప్రభుత్వ పథకాలకు పేర్లు మార్చడంపై రాజకీయ విమర్శలు పక్కనపెడితే.. విద్యార్థులకు అందించే వస్తువుల నాణ్యత విషయంలో రాజీ ఉండకూడదని తల్లిదండ్రులు అంటున్నారు. గత ప్రభుత్వంలో విద్యా సంవత్సరం ప్రారంభం నాటికే విద్యార్థులకు కిట్లు అందేవని, ఇప్పుడు విద్యా సంవత్సరం ప్రారంభమైన తర్వాత కూడా విడతలు విడతలుగా ఆగస్టు నెలాఖరు వరకు కిట్లు పంపిణీ చేసినట్లు చెబుతున్నారు. ప్రభుత్వం ప్రతిష్టాత్మకంగా పంపిణీ చేస్తున్న విద్యార్థి మిత్ర కిట్లలోని బ్యాగులే కొద్ది రోజుల్లో పనికిరాకపోతే పథకం ఉద్దేశమే దెబ్బతింటుందని తల్లిదండ్రులు ఆగ్రహం వ్యక్తం చేస్తున్నారు.

ఒంగోలు సబర్బన్‌: వినియోగదారుల ఫిర్యాదులపై ప్రత్యేక దృష్టి సారించాలని ఏపీసీపీడీసీఎల్‌ సీఎండీ పి. పుల్లారెడ్డి ఉమ్మడి ప్రకాశం జిల్లా విద్యుత్‌ శాఖ అధికారులను ఆదేశించారు. ప్రకాశం సర్కిల్‌ పనితీరుపై విజయవాడలోని కార్పొరేట్‌ కార్యాలయం నుంచి బుధవారం సీఎండీ వీడియో కాన్ఫరెన్స్‌ నిర్వహించారు. ఈ సమావేశంలో విద్యుత్‌ సరఫరా నాణ్యత, వినియోగదారుల ఫిర్యాదుల పరిష్కారం, రెవెన్యూ వసూళ్లు, లైన్‌ లాస్‌ తగ్గింపు, విద్యుత్‌ చౌర్యం నియంత్రణ, విద్యుత్‌ భద్రత, లైనన్‌లు, ట్రాన్స్‌ఫార్మర్ల నిర్వహణ, వర్షాల అత్యవసర సన్నద్ధత, సబ్‌స్టేషన్లు, ఫీడర్ల పనితీరు, విద్యుత్‌ అంతరాయాల నియంత్రణపై సమీక్షించారు. ఉమ్మడి ప్రకాశం జిల్లా విద్యుత్‌ శాఖ ఎస్‌ఈ కట్టా వెంకటేశ్వర్లుకు సూచనలు చేశారు. వ్యవసాయ విద్యుత్‌ సరఫరాకు సంబంధించిన సమస్యలను స్థాని క అధికారులు పరిష్కరించాలని ఆదేశించారు.

రెడ్‌బుక్‌ రాజ్యాంగంలోసింగరాయకొండ: నియోజకవర్గంలో మంత్రి స్వామి రెడ్‌బుక్‌ రాజ్యాంగం అమలు చేయటానికి తహతహలాడుతున్నాడని ఇలాగైతే మండలానికో జైలు తప్పనిసరి అని వైఎస్సార్‌ సీపీ నియోజకవర్గ ఇన్‌చార్జి, మాజీ మంత్రి, పీఏసీ సభ్యుడు డాక్టర్‌ ఆదిమూలపు సురేష్‌ విమర్శించారు. మండలంలో ఇటీవల శ్రీకృష్ణ జన్మాష్టమి రోజున జరిగిన గొడవపై అక్రమ కేసులు బనాయించటంతో ఒంగోలు జైలులో అన్యాయంగా శిక్ష అనుభవిస్తున్న వైఎస్సార్‌ సీపీ సానుభూతిపరులను మంగళవారం ఆయన పరామర్శించారు. డాక్టర్‌ సురేష్‌ మాట్లాడుతూ శ్రీకృష్ణ జన్మాష్టమి రోజున శ్రీ రాంనగర్‌లో వేడుకలు జరుగుతుంటే చూసి ఓర్వలేని టీడీపీ సానుభూతిపరుడు మోరుబోయిన వంశీ మద్యం తాగి వచ్చి మరీ వేడుకలకు అడ్డంకి కల్పించే క్రమంలో జరిగిన దాడిలో వైఎస్సార్‌ సీపీ సానుభూతిపరులపై 307 కేసు నమోదు చేయటం ఎంతవరకు సమంజసమని పోలీసుల తీరును దుయ్యబట్టారు. పోలీసులు అంబేడ్కర్‌ రాజ్యాంగం ప్రకారం పనిచేయటం లేదని, రెడ్‌బుక్‌ రాజ్యాంగం ప్రకారం మంత్రి స్వామి కళ్లల్లో ఆనందం కోసం పనిచేస్తున్నారని ఈ విధంగా అక్రమ కేసులు బనాయిస్తూ పోతే జిల్లాలో జైలు చాలదని మండలానికో జైలు నిర్మించాల్సి ఉంటుందని ఆందోళన వ్యక్తం చేశారు. పోలీసులు కౌన్సిలింగ్‌ ఇచ్చి పంపుతామని చెప్పి స్టేషన్‌కు పిలిపించి ఈ విధంగా ఉద్దేశపూర్వక హత్యాయత్నం కేసు నమోదు చేశారని ఆరోపించారు. ఈ ఘటనలో వంశీ వచ్చి గొడవ పెట్టుకున్నాడే తప్ప వైఎస్సార్‌సీపీ సానుభూతిపరులైన నక్కా కోటయ్య, సిరిమల్లె ఆదినారాయణ, మతకాల మహేంద్ర కాదన్నారు. విచిత్రం ఏంటంటే ఈ గొడవలో నక్కా కోటయ్య, సిరిమల్లె ఆదినారాయణ లేరు. కానీ వీరి పేర్లను మంత్రి స్వామి చెప్పారని అక్రమంగా బనాయించారని, అంతేకాక పోలీసులు వీరిని జీవీఆర్‌ ఫ్యాక్టరీ వద్దకు తీసుకుని వెళ్లి వారిపై చేయిచేసుకుని మరీ వారి చేతిలో కర్రలు, చేతికి వేసుకునే కంకణం ఉంచి మరీ ఫొటోలు తీశారని, ఇదేమని ప్రశ్నిస్తే దాడి చేస్తున్నారని ఆరోపించారు. పోలీసులే ఇలా ప్రవర్తిస్తే సామాన్యునికి భధ్రత ఎక్కడని ప్రశ్నించారు. వీరే గొడవలు చేస్తారు... వీరే కేసులు పెడతారు... పోలీసులు టీడీపీ వారు చెప్పిన వారిని జైల్లో పెడతారని విమర్శించారు. ఈ సందర్భంగా జైలులో ఉన్న ముగ్గురిని పరామర్శించి పార్టీ అండగా ఉంటుందని ధైర్యం చెప్పారు. సురేష్‌ వెంట పార్టీ నాయకులు దాసరి శేషయ్య, సంపత్‌ ప్రభాకర్‌, చిమట వెంకటేశ్వర్లు, సయ్యద్‌ ఆబిద్‌ ఆలీ ఉన్నారు.

చంద్రబాబు ప్రభుత్వం ఏర్పడిన తరువాత ఇప్పటి వరకు ఒక్క కొత్త పింఛన్‌ కూడా ఇవ్వలేదు. ఎట్టకేలకు దరఖాస్తులకు అవకాశం కల్పించినా సర్వర్‌ సమస్యలు వెన్నాడుతుండటంతో అర్హుల్లో ఆందోళన నెలకొంది. దరఖాస్తులకు నేటితో గడువు ముగియనుంది. అయినా ఇంత వరకు పూర్తిస్థాయిలో దరఖాస్తుల ఆన్‌లైన్‌ నమోదు పూర్తికాలేదు. ఉమ్మడి జిల్లా వ్యాప్తంగా సుమారు 59 వేల దరఖాస్తులు వచ్చాయి. వచ్చిన వాటిలో కనీసం ఐదు శాతం కూడా అప్రూవ్‌ కాకపోవడం గమనార్హం. మరోవైపు దరఖాస్తుల కోసం అవసరమయ్యే ధ్రువీకరణ పత్రాల కోసం కూడా సచివాలయాల చుట్టూ ప్రదక్షిణలు చేయాల్సిన దుస్థితి ఏర్పడింది.సాక్షి ప్రతినిధి, ఒంగోలు: రెండున్నరేళ్లుగా కొత్త పింఛన్‌ కోసం ఎదురుచూస్తున్న వృద్ధులు, వితంతువులు, దివ్యాంగులు, ఒంటరి మహిళలు తదితరులకు దరఖాస్తు దశలోనే కష్టాలు ఎదురవుతున్నాయి. ఈ నెల 7 నుంచి గ్రామ, వార్డు సచివాలయాల్లో ఆన్‌లైన్‌ దరఖాస్తుల స్వీకరణ ప్రారంభమైనా.. తొలి రెండు రోజులు సర్వర్‌ పనిచేయక లబ్ధిదారులు అవస్థలు పడ్డారు. ఆ తర్వాత కూడా ప్రక్రియ నెమ్మదిగానే సాగుతోంది. 12, 13, 14 వరకు వరుస సెలవులు రావడం, మంగళవారం పలుచోట్ల మళ్లీ సర్వర్‌ మొరాయించడంతో దరఖాస్తుదారులపై ఒత్తిడి పెరిగింది. బుధవారంతో గడువు ముగియనుండటంతో చివరి రోజు భారీగా దరఖాస్తులు వస్తే సర్వర్‌పై మరింత భారం పడుతుందన్న ఆందోళన వ్యక్తమవుతోంది. ఉమ్మడి ప్రకాశం జిల్లాలోని 905 స్వర్ణ గ్రామ, స్వర్ణ వార్డు సచివాలయాలు ఉన్నాయి. 3,57,063 మందికి పింఛన్లు ఇస్తున్నారు. చంద్రబాబు ప్రభుత్వం అధికారంలోకి వచ్చాక వివిద రకాల కొర్రీలు పెడుతూ సుమారు 50 వేల పింఛన్‌లను తొలగించింది. రెండున్నర సంవత్సరాల తర్వాత కొత్త పింఛన్‌లు ఇస్తున్నట్టు ప్రకటించింది. ఇందుకు సంబంధించి ఈ నెల 7వ తేదీ నుంచి దరఖాస్తుల ప్రక్రియ కొనసాగుతోంది. సిబ్బంది ఉదయం నుంచే సచివాలయాలకు వచ్చినా.. సర్వర్‌ అందుబాటులో లేక గంటల తరబడి వేచి చూడాల్సి వస్తోంది. కొన్నిచోట్ల సాయంత్రం తర్వాత సర్వర్‌ పనిచేయడంతో సిబ్బందిని మళ్లీ పిలిపించి దరఖాస్తులు అప్‌లోడ్‌ చేస్తున్న పరిస్థితి నెలకొంది. ఒక సచివాలయానికి పది దరఖాస్తులు వస్తే నాలుగు కూడా పూర్తికావడం లేదు. మరోవైపు పింఛన్‌ దరఖాస్తులకు అవసరమైన ఇన్‌కం సర్టిఫికెట్లు, కులధ్రువీకరణ పత్రాలు లేనివారు వాటి కోసం కూడా సచివాలయాల చుట్టూ తిరుగుతున్నారు. వారినీ సర్వర్‌ సమస్యలు ఇబ్బంది పెడుతున్నాయి. గడువు పొడిగించాలన్న డిమాండ్‌ సర్వర్‌ సమస్యలతో దరఖాస్తు చేసుకోలేకపోయిన అర్హులకు మరో అవకాశం కల్పించాలని లబ్ధిదారులు కోరుతున్నారు. చివరి రోజు ఒక్కసారిగా పెద్ద సంఖ్యలో దరఖాస్తుదారులు వస్తే సర్వర్‌ బిజీ అయ్యే ప్రమాదం ఉందని ఆందోళన చెందుతున్నారు. సాంకేతిక లోపాలతో తమకు పింఛన్‌ దూరమవుతుందేమోనని పలువురు వాపోతున్నారు. ప్రకాశం జిల్లా: ఒంగోలు, సంతనూతలపాడు, దర్శి, అద్దంకి, కొండపి, కందుకూరు నియోజకవర్గాల పరిధిలో శుక్రవారం నాటికి 21,766 దరఖాస్తులు రాగా.. మంగళవారం నాటికి 39,010 దరఖాస్తులు వచ్చాయి. 463 దరఖాస్తులు మాత్రమే అపూవ్‌ అయ్యాయి. ఇప్పటి వరకూ వచ్చిన దరఖాస్తుల్లో ఎక్కువగా వద్ధాప్య పింఛన్‌ కోసం 20,665, తరువాత వితంతు పింఛన్‌ కోసం 8777, దివ్యాంగ పింఛన్‌ కోసం 3927 మంది నుంచి దరఖాస్తులు వచ్చాయి. వచ్చిన దరఖాస్తుల్లో ఐదు శాతం కూడా అప్రూవ్‌ చేయలేదు.మార్కాపురం జిల్లా: మార్కాపురం, యర్రగొండపాలెం, గిద్దలూరు, కనిగిరి నియోజకవర్గాల పరిధిలోని 21 మండలాల్లో మంగళవారం సాయంత్రానికి మొత్తం 20,155 దరఖాస్తులు నమోదయ్యాయి. తర్లుపాడు మండలంలో మంగళవారం పింఛను దరఖాస్తుకు సాంకేతిక సమస్యలు ఏర్పడ్డాయి. నూతన పింఛను కోసం దరఖాస్తు చేసుకుంటున్న సమయంలో విద్యుత్‌ బిల్లు వివరాలను సీపీటీసీ ద్వారా ఎంటర్‌ చేయాల్సి ఉండగా సర్వర్‌ పనిచేయలేదని పలువురు లబ్ధిదారులు తెలిపారు. జిల్లా వ్యాప్తంగా ఇదే సమస్య ఏర్పడింది. దీంతో తమకు పింఛను అందకుండా పోతుందని లబ్ధిదారులు ఆందోళన చెందుతున్నారు. సర్వర్‌ సమస్యలు తీర్చి, దరఖాస్తు గడువును పొడిగించాలని అర్హులు కోరుతున్నారు.

సయ్యద్‌ మౌలాబి బౌతిక కాయాన్ని ముస్లిం సాంప్రదాయ పద్థతిలో మంగళవారం రాత్రి ఖననం చేశారు. తొలుత స్థానిక ఒంగోలు బస్టాండ్‌లో మౌలాబి కుటుంబానికి న్యాయం చేయాలని, తౌషిక్‌, మౌలాబి మృతికి కారకులైన సింగరాయకొండ నవోదయ కోచింగ్‌ సెంటర్‌ యాజమాన్యం పై కఠిన చర్యలు తీసుకోవాలని, నిందితులను తక్షణం అరెస్ట్‌ చేయాలని డిమాండ్‌ చేస్తూ.. కాంగ్రెస్‌, ప్రజా సంఘాలు వివిధ పార్టీల ఆధ్వర్యంలో రోడ్డు పై బైఠాయించి నిరసన తెలిపారు. ప్రభుత్వానికి, పాలకులు వ్యతిరేకంగా నినాదాలు చేశారు. ప్రభుత్వ, అధికార నిర్లక్ష్య తీరును తీవ్రంగా ఎండగట్టారు. కార్యక్రమంలో పలువురు మాజీ ప్రజా ప్రతినిధులు, వివిధ పార్టీల నాయకులు, ప్రజా సంఘాల నాయకులు పాల్గొన్నారు. తొలుత బీసీవై పార్టీ జాతీయ అధ్యక్షుడు బోడే రామచంద్రయ్య యాదవ్‌ మౌలాబి భౌతిక కాయాన్ని సందర్శించి నివాళులర్పించారు.నిందితులను శిక్షిస్తేనే న్యాయం..కనిగిరిరూరల్‌: సింగరాయకొండలోని శ్రీచైతన్య నవోదయ పాఠశాలలో అనుమానాస్పద స్థితిలో మృతిచెందిన తన బిడ్డ సయ్యద్‌ తౌషిక్‌ మృతికి కారకులైన వారిపై చర్యలు తీసుకోవాలని పోరాడిన బాలుడి తల్లి మౌలాబీ చివరకు ఆత్మహత్య చేసుకుంది. 12వ తేదీ ఆమె హైదరాబాద్‌లోని ఆస్పత్రిలో మృతి చెందితే తీవ్ర జాప్యం తరువాత పోస్టుమార్టం నిర్వహించి సోమవారం రాత్రి మృతదేహాన్ని కుటుంబ సభ్యులకు, బంధువులకు అప్పగించారు. సయ్యద్‌ మౌలాబి మృతదేహంతో మార్కాపురం జిల్లా కనిగిరికి చేరుకున్న విషయం తెలుసుకున్న ముస్లిం మైనార్టీలు, ప్రజా సంఘాలు, వివిధ పార్టీల నాయకులు ఘటన స్థలానికి చేరుకున్నారు. న్యాయం జరిగేంత వరకు ఇక్కడ నుంచి కదిలే ప్రసక్తేలేదని బాధిత కుటుంబీకులు, ప్రజా సంఘాల నేతలు డిమాండ్‌ చేశారు. దీంతో మార్కాపురం ఓఎస్డీ, అడిషనల్‌ ఎస్సీ మిశ్రా, దర్శి డీఎస్పీ బాల మురళీ కృష్ణ, కనిగిరి ఇన్‌చార్జి డీఎస్పీ పీ శ్రీధర్‌, కనిగిరి, సింగరాయకొండ సీఐలు, ఎస్సైలు, పోలీసులు భారీ బందోబస్తుతో రంగంలోకి దిగారు. దాదాపు 7 గంటలకు పైగా నిరసన కార్యక్రమం సాగింది. దీంతో కనిగిరి పట్టణంలో టెన్షన్‌ వాతావరణం నెలకొంది. పోలీసుల తీరుపై నిరసన మౌలాబి మృతదేహాన్ని కనిగిరికి తరలించే క్రమంలో కూడా పోలీసు భారీ బందోబస్తుతో అడుగడుగునా అనేక అభ్యంతరాలు వ్యక్తం చేస్తూ ఇక్కట్లకు గురి చేసినట్లు మృతురాలి భర్త సయ్యద్‌ ఆలీ ఆరోపించారు. తెల్లవారుజామున కనిగిరికి చేరిన మృతదేహంను నేరుగా పట్టణంలోకి లోపలి నుంచి కాకుండా హైవే మీదుగా ఇంటికి తీసుకెళ్లాలని పోలీసులు ఆంక్షలు పెట్టారు. దీంతో మౌలాబి కుటుంబీకులు, బంధువులు అడ్డంతిరిగి స్థానిక హైవే జంక్షన్‌ పొదిలిరోడ్డు వద్ద మృతదేహాన్ని కింద పెట్టి ఆందోళనకు దిగారు. అడుగడుగునా నిర్లక్ష్యం తన బిడ్డ తౌషిక్‌ మృతి కారణం కోచింగ్‌ సెంటర్‌ యాజమాన్యమేని, తన కుమారుడిది అనుమానాస్పద మృతి కాదని, ఆత్మహత్య కాదని, ముమ్మాటికి కోచింగ్‌ సెంటర్‌ యాజమాన్యం చేసిన హత్యేనని తల్లి మౌలాబి 7 నెలలుగా పోరాటం చేస్తున్నా.. ప్రభుత్వం, అధికారులు పట్టించుకోలేదని మృతురాలి కుటుంబ సభ్యులు, ప్రజా సంఘాల నేతలు ధ్వజమెత్తారు మౌలాబి వద్దకు అసలు గడ్డి మందు డబ్బా ఏలా వచ్చిందో.. తేల్చాలని, దీనిపై కూడా తమకు అనుమానాలు ఉన్నాయన్నారు. సూసైడ్‌ నోట్‌లో మౌలాబి స్పష్టంగా కోచింగ్‌ సెంటర్‌ యాజమాన్యం.. కొంతమంది వ్యక్తుల పేర్లు రాసినా, సెల్ఫీ వీడియోలో చెప్పినా పట్టించుకోకుండా.. ఆత్మహత్య కేసుగా నమోదు చేయడంలో ఆంతర్యమేమిటని ప్రశ్నించారు. తల్లీ బిడ్డల మృతికి కారుకులైన వారిపై కేసుల నమోదుకు తక్షణ చర్యలు తీసుకోవాలని, వారిని శిక్షించాలని డిమాండ్‌ చేశారు. ఈక్రమంలో ఓఎస్డీ మిశ్రా, డీఎస్పీలు విషయాన్ని ఎస్పీ హర్షవర్ధన్‌రాజుతో మాట్లాడారు. ఈ మేరకు మౌలాబి మృతి కేసును ప్రేరిపిత ఆత్మహత్య (108 బీఎన్‌ఎస్‌) కింద మార్చుతున్నట్లు తెలిపారు. అయితే ఆ కేసులో ఉన్న వ్యక్తులను తక్షణం అరెస్ట్‌ చేయాలని కోరారు. అందుకు సమయం పడుతుందనే భావనను పోలీసులు వ్యక్తం చేశారు. దీంతో తౌషిక్‌ మృతి కేసులో కూడా పోలీసులు ఇలానే కాలయాపన చేశారని.. దీన్ని కూడా అలాగే నీరు గార్చుతారని, తక్షణం చర్యలు తీసుకోవాలని బాధితులు నిరసన తెలిపారు. ఈక్రమంలో మళ్లీ కొద్దిసేపు గందరగోళం జరిగింది. మాట తూలిన పోలీసులు.. బాధితులు తమ నిరసన వ్యక్తం చేస్తున్న తరుణంలో ఉన్నత స్థాయిలో ఉన్న అధికారులు మాట తూలారు.. బంద్‌ కరో డ్రామా అనే పదాన్ని వాడారు. దీనిపై మృతురాలి కుటుంబ సభ్యులు, ప్రజా సంఘాలు, మైనార్టీ సంఘాలు, పార్టీల నాయకులు తీవ్రంగా మండిపడ్డారు. ఇద్దరు వ్యక్తులను కోల్పోయిన బాధలో కుటుంబ సభ్యులుంటే..ఉన్నత స్థాయి హోదాలో ఉన్న పోలీసులు అలా మాట్లాడటం సరైంది కాదంటూ తీవ్ర నిరసన తెలిపారు. వెంటనే ఆ మాటలను ఉపసంహరించుకోవాలని వైఎస్సార్‌ సీపీ, సీపీఐ, బీసీవై పార్టీల నేతలు డిమాండ్‌ చేశారు. దీంతో వాతావరణం మళ్లీ వేడిక్కింది. ఈ క్రమంలో దర్శి డీఎస్పీ బాలమురళీ కృష్ణ తాము అలా అనలేదని.. పొరపాటుగా భావించవద్దని సర్దిచెప్పారు. దీంతో మౌలాబి మృతదేహాన్ని ఇంటికి తరలించారు. మంత్రులు ఎందుకు స్పందించడం లేదు: మాజీ మంత్రి సురేష్‌ ధ్వజం విద్యార్థి సయ్యద్‌ తౌషిక్‌, తల్లి మౌలాబిలది ముమ్మాటికీ ప్రభుత్వ హత్యేనని మాజీ మంత్రి ఆదిమూలపు సురేష్‌ అన్నారు. మంగళవారం మౌలాబి భౌతిక కాయాన్ని కనిగిరిలో స్థానిక పార్టీ నేతలతో కలిసి ఆయన సందర్శించి నివాళులర్పించారు. కుటుంబ సభ్యులను పరామర్శించి మాట్లాడారు. సురేష్‌ వెంట పీడీసీసీబీ మాజీ చైర్మన్‌ వైఎం ప్రసాద్‌రెడ్డి (బన్నీ), మాజీ మున్సిపల్‌ చైర్మన్‌ ఎస్‌కే అబ్దుల్‌ గఫార్‌, జెడ్పీటీసీ మడతల కస్తూరిరెడ్డి, గాండ్లపర్తి ఆదినారాయణరెడ్డి, పార్టీ నియోజకవర్గ మహిళా అధ్యక్షురాలు పులి శాంతి గోవర్ధన్‌రెడ్డి, ఆయిమల్ల నాగమణి, ఎస్‌కే డాక్టర్‌ రసూల్‌, భారతీ, నాగూర్‌బీ, షకీలా, ఇండ్లా భాను, పలుకూరి భాస్కర్‌, కరీముల్లా, నాగూర్‌వలి, సందాని, స్థానిక నాయకులు, పార్టీ రాష్ట్ర, జిల్లా, నియోజకవర్గ మైనార్టీ నాయకులు పాల్గొన్నారు. అలాగే తౌషిక్‌, మౌలాబి మృతులకు కారణమైన వారిని కఠినంగా శిక్షించాలని, కుటుంబానికి న్యాయం చేయాలని సీపీఐ, కాంగ్రెస్‌, బీసీవై, పార్టీల, మైనార్టీ, ప్రజా సంఘాల నాయకులు సయ్యద్‌ యాసీన్‌, ఎస్‌కే సైదా, లీలా కృష్ణ యాదవ్‌, నరేంద్రా, చల్లా హరి, వెంకటరమణ, పాశం వెంకటేశ్వర్లు, మీసాల సామ్రాజ్యం డిమాండ్‌ చేశారు. మౌలాబీ మరణ వాగ్మూలంలో వెల్లడించిన పేర్లు ఉన్న వారందరినీ అరెస్ట్‌ చేసి, కఠినంగా శిక్షించాలని కోరారు.

ఒంగోలు కోర్టు సెంటర్‌లో ఏర్పాటు చేసిన భారీ వినాయక మండపంలో స్వామిని దర్శించుకుంటున్న భక్తులు వినాయక చవితి పర్వదినం సందర్భంగా మహాగణపతిని వివిధ రూపాల్లో కొలుస్తున్నారు. ప్రత్యేకంగా ఏర్పాటు చేసిన మండపాలలో విశేష అలంకరణలతో స్వామిని తీర్చిదిద్ది పూజిస్తున్నారు. ఒంగోలు దక్షిణం బజారులో 2,11,000 పెన్నులతో 42 అడుగుల భారీ విద్యాగణపతిని ఏర్పాటు చేయగా గోపాల్‌నగర్‌ 4వ లైనులో చాక్లెట్స్‌, చిప్స్‌ ప్యాకెట్లతో, త్రిపురాంతకంలోని బ్రహ్మంగారి కాలనీలో రూ.1.20 లక్షల విలువైన 60 వేల గాజులతో వినాయక విగ్రహాలను ప్రత్యేకంగా అలంకరించారు. – స్టాఫ్‌ ఫొటోగ్రాఫర్‌, ఒంగోలు

● దళిత యువకుడిపై టీడీపీ అగ్రకుల వర్గీయుల దాష్టీకం యర్రగొండపాలెం: అగ్రకుల సామాజిక వర్గానికి చెందిన యువతికి (వివాహిత) తన బండిపై లిఫ్ట్‌ ఇచ్చినందుకు దళిత యువకుడిపై ఆమె సామాజిక వర్గానికి చెందిన టీడీపీ వర్గీయులు అసభ్య పదజాలంతో విరుచుకుపడ్డారు. ఇంటిపైకి వెళ్లి దాడి చేశారు. అతని భార్య పట్ల అసభ్యంగా ప్రవర్తించారు. వివరాల్లోకి వెళ్తే.. పెద్దదోర్నాల మండలం చిన్నగుడిపాడుకు చెందిన మాకం రాజశేఖర్‌ తన కుమార్తె ఆరోగ్యం బాగోలేకపోవడంతో మందుల కోసం ఈ నెల 9న బైక్‌పై వినుకొండకు వెళ్లాడు. తిరిగి గ్రామానికి వస్తుండగా వినుకొండ అడ్డరోడ్డులో అదే గ్రామానికి చెందిన అగ్రకుల సామాజిక వర్గానికి చెందిన యువతి నిలబడి ఉంది. ఆమె రాజశేఖర్‌ను ఆపి ‘‘చాలాసేపటి నుంచి బస్సులు రాలేదన్నా.. నీ బండిపై ఎక్కించుకొని ఊరికి తీసుకొని వెళ్తావా’’ అంటూ బైక్‌ ఎక్కింది. అక్కడి నుంచి వస్తుండగా త్రిపురాంతకానికి సమీపంలో అదే గ్రామానికి చెందిన టీడీపీ వర్గీయులు ఐనేని పెద్ద ఆంజనేయులు, వడ్డెపల్లి రాజాకృష్ణ ఎదురుపడి బైక్‌ను ఆపారు. ‘‘లం.. కొడకా.. నీ కేడర్‌ ఎంత, మా కేడర్‌ ఎంత.. మా కులం అమ్మాయిని బండి ఎక్కించుకుంటావా నా.. కొ.. ’’ అంటూ దుర్భాషలాడారు. ‘నిన్ను చంపితే ఎవరు అడ్డు వస్తారో చూద్దాం.. మా వెనుక పార్టీ ఉంది.. ఒక వారం జైలులో ఉండి వస్తాం, ఎవరు ఏమి పీకుతారు’ అంటూ భయభ్రాంతులకు గురిచేశారు. శుక్రవారం వారిద్దరూ దళిత యువకుడికి ఫోన్‌ చేసి నీ ఇంటి వద్దకు వస్తున్నామని చెప్పారు. మధ్యాహ్నం ఇంటికి వెళ్లి మళ్లీ బూతులు తిడుతూ తన భార్య పట్ల అసభ్యకరంగా ప్రవర్తించారని మాకం రాజశేఖర్‌ పోలీసులకు ఫిర్యాదు చేశాడు. పెద్ద ఆంజనేయులు, రాజాకృష్ణ ఫోన్‌లో దుర్భాషలాడుతున్న సమయంలో రికార్డు చేశానని ఆ ఫిర్యాదులో పేర్కొన్నాడు. ఈ కేసు నమోదు చేసుకొని దర్యాప్తు చేస్తున్నామని ఎస్సై వెంకట రమణయ్య తెలిపారు. రాజశేఖర్‌పై దాడిని దళిత సంఘాలు ఖండించాయి.

ప్రభుత్వ నిర్లక్ష్యం వల్లే టంగుటూరు: ప్రభుత్వ పెద్దల నిర్లక్ష్యానికి, అధికారుల బాధ్యతా రాహిత్యం తోడవడంతో ఒక నిండు ప్రాణం బలైందని మాజీ మంత్రి, వైఎస్‌ఆర్‌ కాంగ్రెస్‌ పార్టీ పీఏసీ సభ్యుడు, కొండపి నియోజకవర్గ ఇన్‌చార్జ్‌ సురేష్‌ అన్నారు. సింగరాయకొండలోని మాజీ మంత్రి క్యాంపు కార్యాలయంలో శనివారం సాయంత్రం ఏర్పాటు చేసిన విలేకరుల సమావేశంలో ఆయన మాట్లాడారు. ఫిబ్రవరిలో సింగరాయకొండ మండలం మూలగుంటపాడు శ్రీ చైతన్య నవోదయ పాఠశాలలో ఆరో తరగతి చదువుతున్న కనిగిరికి చెందిన తౌషిక్‌ అనే విద్యార్థి అనుమానాస్పద స్థితిలో మరణించాడు. విద్యార్థి తల్లిదండ్రులు ఆలీ, మౌలాబి తమ కుమారుడి మృతి అనుమానాస్పదంగా ఉందని, దానిపై దర్యాప్తు చేయాలని అధికారులను విన్నవించుకున్నారని ఆయన తెలిపారు. ఆరో తరగతి చదివే విద్యార్థికి ఆత్మహత్య చేసుకునే అంత ఆలోచనలు ఏముంటాయని తల్లిదండ్రులు ఆందోళన వ్యక్తం చేశారని, కానీ పాఠశాల యాజమాన్యం విద్యార్థి ఆత్మహత్య చేసుకున్నాడని నమ్మబలికే ప్రయత్నాలు చేశారని అన్నారు. స్థానిక పోలీస్‌ స్టేషన్లో ఫిర్యాదు చేయగా కేసు నమోదు చేసి దర్యాప్తు చేస్తున్నట్లు చెప్పినా.. రెండు నెలలు గడిచినా దర్యాప్తు ముందుకు సాగకపోవడంతో విద్యార్థి తల్లిదండ్రులు ఆందోళన వ్యక్తం చేశారన్నారు. దర్యాప్తు చేస్తున్న సీఐ, ఎస్‌ఐలపై నమ్మకం లేదని దర్యాప్తు ముందుకు సాగడం లేదని హైకోర్టును ఆశ్రయించారని తెలిపారు. స్పందించిన హైకోర్టు ఒక అడిషనల్‌ ఎస్పీ హోదాలో ఉన్న వ్యక్తిని విచారణ అధికారిగా నియమించి కేసును దర్యాప్తు చేయాలని ఆదేశించారన్నారు. తర్వాత నెల్లూరు అడిషనల్‌ ఎస్పీ సౌజన్య విచారించిందని, కలెక్టర్‌ ఏర్పాటు చేసిన త్రిసభ్య కమిటీ కూడా విచారణ చేసి నివేదికను అందజేస్తే పాఠశాలకు ఒక సంవత్సరం అనుమతి రద్దు చేస్తున్నట్లు ఆదేశాలు జారీ చేసిందన్నారు. కానీ పాఠశాల యాజమాన్యం తరగతుల నిర్వహణకు ఆదేశాలు తెచ్చుకుందన్నారు. పాఠశాల మళ్లీ నిర్వహిస్తుంటే ఆగస్టు 16వ తేదీ నుంచి విద్యార్థి తల్లి మౌలాబి ఎండకి, వానకి తడుస్తూ పాఠశాల ఎదురు ధర్నా నిర్వహించారని, విద్యాశాఖ అధికారిని కలిసినా ప్రయోజనం లేకపోవడంతో మళ్లీ పాఠశాల ఎదురు న్యాయం కోసం ధర్నా చేసిందని చెప్పారు. పాఠశాల యాజమాన్యం అవహేళన చేయడంతో బాధ తట్టుకోలేని స్థితిలో మౌలాబి పురుగుల మందు తాగి ఆత్మహత్య ప్రయత్నం చేసిందని తెలిపారు. తౌషిక్‌ కుటుంబానికి న్యాయం చేసే వరకు పోరాటం: మౌలాబి ఆత్మహత్య ప్రయత్నానికి ముందు విడుదల చేసిన సెల్ఫీ వీడియోలో ఆమె మాటలు వింటే గుండె తరుక్కుపోతుందని సురేష్‌ అన్నారు. తన బిడ్డ చనిపోయిన చోటే తాను చనిపోవాలని, తన బిడ్డ సమాధి పక్కనే తన సమాధి ఉండాలని మాటలు పలకడం బాధాకరమైన విషయమన్నారు. తనకు న్యాయం జరగకపోవడంతోనే అలాంటి కఠిన నిర్ణయం తీసుకుందని చెప్పారు. విద్యార్థి కుటుంబానికి న్యాయం చేసే వరకు పోరాడతామన్నారు. పక్కా ఆధారాలతో అధికారులకు వివరాలు అందజేసినా అధికారుల నిర్లక్ష్యం, పాలకుల నిర్లక్ష్య వైఖరితో ఒక నిండు ప్రాణం బలైందన్నారు. అందుకు చంద్రబాబు నాయుడు, పవన్‌ కళ్యాణ్‌, నారా లోకేష్‌ బాధ్యత వహించి రాజీనామా చేయాలన్నారు.పాఠశాలలో విద్యార్థి మరణిస్తే ఆ కేసును దర్యాప్తు చేయలేని దౌర్భాగ్య స్థితిలో కూటమి ప్రభుత్వం ఉందని విమర్శించారు. ముందుగా విద్యార్థి, తల్లి మరణానికి సంతాపం తెలియజేశారు. విలేకరుల సమావేశంలో వివిధ మండలాల పార్టీ కన్వీనర్లు మసనం వెంకటరావు, చింతపల్లి హరిబాబు, పిన్నిక శ్రీనివాసులు, పార్టీ నాయకులు సుల్తాన్‌ కరీం, రియాజ్‌, మాధవి, ప్రభావతి, అబూద్‌ అలీ, జిలాని, కరీం, అబ్దుల్లా, అల్లాబక్షు, బాష, శ్రీరాములు, గుప్తా, నౌషద్‌ ,అల్లా, మస్తాన్‌, కోటేశ్వరమ్మ, సురేంద్ర, విజయ్‌, మదన్‌, రామకృష్ణ, వేణుగోపాల్‌, ప్రసాద్‌, శ్రీహరి తదితరులు పాల్గొన్నారు.

● ఆదేశాలు జారీ చేసిన జిల్లా ప్రొహిబిషన్‌, ఎకై ్సజ్‌ అధికారి ఒంగోలు వన్‌టౌన్‌: జిల్లాలో వైన్‌షాపుల లైసెన్సులు రెన్యువల్‌ చేస్తూ ప్రభుత్వం నిర్ణయం తీసుకుంది. ఈ మేరకు జిల్లా ప్రొహిబిషన్‌, ఎకై ్సజ్‌ అధికారి ఎస్‌కే ఆయేషా బేగం శనివారం ఉత్తర్వులు జారీ చేశారు. అక్టోబర్‌ 1వ తేదీ 2026వ సంవత్సరం నుంచి సెప్టెంబర్‌ 30వ తేదీ 2027వ సంవత్సరం వరకూ ఏడాది పాటు నూతన పాలసీతో రెన్యువల్‌ చేశారు. జిల్లాలో ఓపెన్‌ కేటగిరీలో 124 మద్యం దుకాణాలు, గీత కార్మికులకు 15 దుకాణాలు ప్రస్తుతం ఉన్నాయి. దుకాణాల పర్మిట్‌ రూంకు లైసెన్సు తప్పని సరి. ప్రతి దుకాణదారుడు తమ లైసెన్సులను సెప్టెంబర్‌ 21వ తేదీ సాయంత్రం 5 గంటలలోపు లోపు రెన్యువల్‌ చేసుకోవాలని ఎకై ్సజ్‌ అధికారి కోరారు. ఒంగోలు వన్‌టౌన్‌: ప్రకాశం జిల్లా వ్యాప్తంగా శనివారం నిర్వహించిన జాతీయ లోక్‌ అదాలత్‌ల్లో మొత్తం 18,700 కేసులు పరిష్కరించినట్లు జిల్లా న్యాయ సేవాధికార సంస్థ చైర్మన్‌, జిల్లా ప్రధాన న్యాయమూర్తి ఏ.సత్యానంద్‌ తెలిపారు. జాతీయ లోక్‌ అదాలత్‌ కార్యక్రమంలో భాగంగా జిల్లా వ్యాప్తంగా కేసుల పరిష్కారం కోసం మొత్తం 29 బెంచ్‌లను ఏర్పాటు చేసినట్లు చెప్పారు. ఈ బెంచ్‌ల ద్వారా 18,380 క్రిమినల్‌ కేసులు, 238 సివిల్‌ కేసులు, 3 ప్రీ–లిటిగేషన్‌ కేసులు పరిష్కరించామన్నారు. ఆయా కేసులకు సంబంధించి కక్షిదారులకు వివిధ పరిహారాలు, అవార్డుల రూపంలో మొత్తం రూ.4.50 కోట్ల మేరకు పరిహారం అందజేశామని తెలిపారు. లోక్‌ అదాలత్‌ ద్వారా కేసులను సత్వరంగా, స్నేహపూర్వక వాతావరణంలో పరిష్కరించుకోవచ్చని, ఇరుపక్షాల సమ్మతితో వివాదాలకు శాశ్వత పరిష్కారం లభిస్తుందని ఆయన పేర్కొన్నారు. జాతీయ లోక్‌ అదాలత్‌ విజయవంతం కావడానికి కృషిచేసిన న్యాయమూర్తులు, న్యాయవాదులు, అధికారులకు సత్యానంద్‌ అభినందనలు తెలిపారు. గిద్దలూరు రూరల్‌: సినిమా ఫక్కీలో ఇద్దరు వ్యక్తులు పోలీసులమని నమ్మించి ఓ వృద్ధుడి వద్ద బంగారు ఆభరణాలను చాకచక్యంగా అపహరించుకుని వెళ్లిన సంఘటన పట్టణంలోని క్లబ్‌రోడ్డులో శనివారం జరిగింది. అందిన వివరాల ప్రకారం.. రిటైర్డ్‌ వార్డెన్‌ కొండయ్య తన స్కూటీపై వెళుతున్న సమయంలో ఇద్దరు వ్యక్తులు తాము పోలీసులమని చెప్పి స్కూటీ ఆపారు. వృద్ధుడివి నీ చేతికి రెండు ఉంగరాలు పెట్టుకున్నావు..బంగారు ధర విపరీతంగా పెరిగింది ఉంగరాలను దొంగలు అపహరించుకుని వెళ్తారని నమ్మించి రెండు ఉంగరాలను తీసి ఒక పేపర్‌లో చుట్టుకుని స్కూటీ డిక్కీలో వేసుకోవాలని సూచించారు. దీంతో కొండయ్య తన ఉంగరాలను ఒక పేపర్‌లో ఉంచి చుట్టుకుని స్కూటీ డిక్కీలో వేశాడు. ఈలోగా దొంగలు అతడితో కొంత సేపు మాటల్లో ఉంచి స్కూటీ డిక్కీ సరిగా పడలేదు. సరిగా వేయాలని స్కూటీ డిక్కీ తెరిచి అందులో వారి వద్ద ఉన్న రాళ్లతో కూడిన పేపర్‌ చుట్టను తెలివిగా అందులో పడేసి ఉంగరాలు ఉండే పేపర్‌ చుట్టను అపహరించుకుని వెళ్లారు. కొండయ్య ఇంటి వద్దకు వెళ్లి స్కూటీలో ఉన్న పేపర్‌ చుట్టను విప్పి చూసుకునే సరికి రాళ్లు కనిపించాయి. దీంతో బాధితుడు లబోదిబోమంటూ పోలీసులను ఆశ్రయించి జరిగిన విషయం పోలీసులకు వివరించాడు. బాధితుడి ఫిర్యాదు మేరకు కేసు నమోదు చేసుకుని దర్యాప్తు చేపట్టారు. అపహరణకు గురైన బంగారు ఉంగరాలు సుమారు రెండున్నర తులాలు ఉంటాయని తెలిపారు. పెద్దదోర్నాల: మేతకు వెళ్లిన ఆవుల మందపై పెద్దపులి దాడి చేయటంతో ఓ ఆవు తీవ్రంగా గాయపడింది. ఈ సంఘటన మండల పరిధిలోని పెద్దబొమ్మలాపురానికి సమీపంలోని నల్లమల అభయారణ్యం, ఊరకొండ వద్ద శనివారం చోటు చేసుకుంది. ఈ సంఘటనలో పెద్ద బొమ్మలాపురానికి చెందిన అమ్మిరెడ్డి వెంకటేశ్వరరెడ్డి అనే రైతుకు చెందిన ఆవు తీవ్రంగా గాయపడింది. ఈ సంఘటనకు సంబంధించిన సమాచారం మేరకు గ్రామానికి చెందిన ఆవులు మేత కోసం సమీపంలోని ఊరకొండ వద్దకు వెళ్లిన నేపథ్యంలో పెద్దపులి దాడి చేసింది. ఈ దాడిలో ఆవు గొంతు భాగంలో తీవ్రంగా గాయాలయ్యాయి. కాపరులు గట్టిగా కేకలు వేయటంతో పులి అక్కడ నుంచి పారిపోయినట్లు ప్రత్యక్ష సాక్షులు పేర్కొంటున్నారు. ఆవులపై పులి దాడి చేసిందన్న విషయాన్ని అటవీశాఖ అధికారులకు ఫిర్యాదు చేయనున్నట్లు రైతులు తెలిపారు.

మట్టి..కొల్లగొట్టి జిల్లాలో మట్టి అక్రమ రవాణా యథేచ్ఛగా సాగుతోంది. టీడీపీ, జనసేన నాయకులు విచ్చలవిడిగా దందా సాగిస్తున్నారు.మాటల్లో అభివృద్ధి.. చేతల్లో మాత్రం అడుగు ముందుకు పడని పరిస్థితి. స్థానిక సంస్థల ఎన్నికల వేళ ప్రభుత్వం అభివృద్ధి పనులపై ప్రకటనలు గుప్పిస్తున్నా.. క్షేత్రస్థాయిలో మాత్రం పరిస్థితి అందుకు భిన్నంగా కనిపిస్తోంది. కొరిశపాడు మండలం తమ్మవరం వద్ద చేపట్టిన యర్రం చిన పోలిరెడ్డి ఎత్తిపోతల పథకం ఇందుకు ఉదాహరణగా నిలుస్తోంది. 12 గ్రామాల్లోని 20 వేల ఎకరాలకు సాగునీరు అందించాలన్న లక్ష్యంతో ప్రారంభించిన పథకం ఏళ్లుగా ఆటంకాల మధ్య నిలిచిపోయింది. సమస్యలు పరిష్కరించి పనులు పట్టాలెక్కించాల్సి ఉండగా.. ప్రకటనలకే పరిమితమవుతున్నారన్న విమర్శలు ఆయకట్టు రైతుల నుంచి వినిపిస్తున్నాయి. మేదరమెట్ల: గుండ్లకమ్మ రిజర్వాయర్‌ ప్రాజెక్టు (జీఆర్‌పీ)లో భాగంగా 2007లో రూ.177 కోట్ల అంచనా వ్యయంతో యర్రం చినపోలిరెడ్డి ఎత్తిపోతల పథకానికి శ్రీకారం చుట్టారు. కొరిశపాడు మండలంలోని 8, నాగులుప్పలపాడు మండలంలోని 4 గ్రామాల పరిధిలోని 20 వేల ఎకరాలకు సాగునీరు అందించడం లక్ష్యం. ఇందులో కొరిశపాడు రిజర్వాయరు కింద 9,500, బొల్లవరప్పాడు రిజర్వాయరు కింద 10,500 ఎకరాలకు నీరందించాల్సి ఉంది. ఇప్పటికే సుమారు రూ.114 కోట్లు ఖర్చు చేసి 60 శాతం పనులు పూర్తయినట్లు అధికారులు చెబుతున్నారు. అనంతరం భూసేకరణ, పరిహారం, న్యాయ వివాదాలు తదితర కారణాలతో పనులు నిలిచిపోయాయి. పరిహారం చిక్కులతో.. పథకానికి అవసరమైన భూసేకరణ పూర్తిస్థాయిలో జరగలేదు. పరిహారంపై పలువురు రైతులు న్యాయస్థానాన్ని ఆశ్రయించడంతో కొన్ని చోట్ల స్టేలు వచ్చాయి. మరోవైపు రిజర్వాయర్ల పరిధిలో ఇళ్లు కోల్పోయే వారికి పరిహారం, ప్రత్యామ్నాయ స్థలాల కల్పన కూడా పూర్తికాలేదు. కొరిశపాడు రెవెన్యూ గ్రామ పరిధిలోని తూర్పుపాలెంలో 149, పెద్దూరులో 168 ఇళ్లు పాక్షికంగా లేదా పూర్తిగా దెబ్బతినే అవకాశం ఉందని ఉమ్మడి సర్వేలో గుర్తించారు. అయితే ఇప్పటి వరకు నిర్వాసితులకు పరిహారం అందలేదు. ప్రత్యామ్నాయ స్థలాల సేకరణ కూడా కొలిక్కిరాలేదు. ఎప్పటికి అందేను పరిహారం? ఈ ఏడాది ఏప్రిల్‌లో రూ.35.50 కోట్లు విడుదలయ్యాయని అధికారులు చెబుతున్నారు. తూర్పుపాలెం, పెద్దూరులో ఇళ్లు కోల్పోయే వారికి రూ.15.50 కోట్లు త్వరలో బ్యాంకు ఖాతాల్లో జమ చేస్తామని పేర్కొన్నారు. ప్రత్యామ్నాయ స్థలాల కోసం 20 ఎకరాలను పరిశీలించినట్లు తెలిపారు. బొల్లవరప్పాడు రిజర్వాయరు పరిధిలో భూములు కోల్పోతున్న రైతులకు గతంలో రూ.4 కోట్లు కేటాయించగా.. తాజాగా మరో రూ.3.50 కోట్లు మంజూరయ్యాయి. అయితే న్యాయ వివాదాలు పూర్తిగా పరిష్కారం కాకపోవడంతో భూసేకరణ ఎప్పుడు పూర్తవుతుందన్నది ప్రశ్నగానే ఉంది. ఇక పరిహారం ఎప్పుడు అందుతుందోనని ఆందోళన చెందుతున్నారు. మిగిలిన పనులకు కొత్త అంచనాలు ప్రారంభంలో రూ.177 కోట్లుగా ఉన్న పథకం అంచనా వ్యయం ప్రస్తుతం ఎంతకు చేరుతుందన్నది తేలాల్సి ఉంది. మిగిలిన 40 శాతం పనులకు ప్రస్తుత ధరల ప్రకారం కొత్త డీపీఆర్‌ రూపొందించాల్సి ఉంది. దాని ఆధారంగా నిధులు మంజూరు కావాలి. అదే సమయంలో భూసేకరణ, పరిహారం వంటి ప్రాథమిక సమస్యలు పరిష్కారం కావాలి. ఈ ప్రక్రియ ఏదీ పూర్తికాకముందే పథకం పనులు పూర్తయినట్లుగా ప్రచారం చేయడంపై రైతుల్లో అసంతృప్తి వ్యక్తమవుతోంది. ఆశలు ఆవిరి చేయొద్దు ‘‘సాగునీరు వస్తే నాలుగు పంటలు పండిస్తాం. తిండి గింజలకు, పశువుల మేతకు ఇబ్బంది ఉండదు. వ్యవసాయంపై ఆధారపడిన కుటుంబాలకు ఉపాధి దొరుకుతుంది. ఏళ్లుగా ఈ నీటి కోసం ఎదురుచూస్తున్నాం. ఇదిగో అయిపోయింది.. అదిగో పూర్తవుతుంది అంటూ ప్రకటనలతో మా ఆశలతో ఆడుకోవద్దు. పనులు ఎప్పుడు మొదలవుతాయో.. ఎప్పుడు పూర్తవుతాయో స్పష్టంగా చెప్పాలి’’ అని ఆయకట్టు రైతులు కోరుతున్నారు. అబద్ధం చెప్పడమే చంద్రబాబు అస్త్రం

అద్దంకి: భార్యపై భర్త ఇనుప రాడ్డుతో దాడి చేసి గాయపరిచాడు. ఈ సంఘటన పట్టణంలోని కట్టకిందపాలెంలో శనివారం రాత్రి జరిగింది. అందిన సమాచారం ప్రకారం..కట్టకిందపాలేనికి చెందిన బి.రమాదేవి, పేతురు భార్యాభర్తలు. వీరిద్దరి మధ్య అప్పుడప్పుడూ గొడవలు జరగుతూ ఉన్నాయి. ఈ క్రమంలో భార్యపై అనుమానపడిన భర్త పేతురు ఇనుప రాడ్డుతో దాడి చేసి ఆమెను గాయపరిచాడు. తీవ్రంగా గాయపడిన తర్వాత తనే భార్యను వైద్యశాలకు తరలించాడు. పోలీసులు కేసు నమోదు చేసి దర్యాప్తు చేస్తున్నారు. గుడ్లూరు: గుర్తుతెలియని వాహనం ఢీకొని ముగ్గురికి గాయాలైన సంఘటన 16వ నంబర్‌ జాతీయ రహదారిపై గుడ్లూరు మండలంలోని మోచర్ల–వీరేపల్లి గ్రామాల మధ్య శనివారం జరిగింది. నెల్లూరు జిల్లా తుమ్మలపెంటకు చెందిన ముగ్గురు వ్యక్తులు బైకుపై ఉలవపాడు వచ్చి తిరిగి వెళ్తున్నారు. మోచర్ల–వీరేపల్లి మధ్యలో గుర్తు తెలియని వాహనం వెనుక నుంచి ఢీకొట్టడంతో ముగ్గురూ గాయపడ్డారు. వారిని 108 వాహనంలో కావలి ప్రభుత్వాస్పత్రికి తరలించారు. కాగా, ఈ ప్రమాదంపై తమకు ఎటువంటి ఫిర్యాదు అందలేదని గుడ్లూరు ఎస్సై వెంకట్రావు తెలిపారు.

దొనకొండ: బైకు చోరీ కేసులో ముగ్గురిని అరెస్టు చేసినట్లు ఎస్‌ఐ ఎల్‌.రామకృష్ణ శనివారం వెల్లడించారు. ఆయన కథనం ప్రకారం..పల్నాడు జిల్లా ఈపురు మండలం ఇనుమెర్ల గ్రామానికి చెందిన వడ్డే సైదుబాబు ఏడాది నుంచి మండలంలోని ఇండ్లచెరువులో గుంటూరు వాసి సేలం రవికి చెందిన పొలంలో కూలి పని చేస్తూ దొనకొండ ఆర్‌ఎంపీ కొండలు ఇంట్లో అద్దెకు ఉంటున్నాడు. సైదుబాబు బైకుపై రోజూ ఇండ్లచెరువు వెళ్లి పొలంలో పని ముగించుకుని దొనకొండ వస్తుంటాడు. రెండు నెలల క్రితం రాత్రి ఇంటి ముందు మోటార్‌ సైకిల్‌ను పార్కు చేసి ఇంట్లో నిద్రిస్తున్నాడు. మరుసటి రోజు ఉదయం 5 గంటలకు లేచి చూడగా ఇంటి ముందు ఉండాల్సిన మోటార్‌ సైకిల్‌ కనిపించలేదు. బాధితుడు పోలీసులకు ఫిర్యాదు చేశాడు. నిందితులు కొనకనమిట్ల మండలం వెలిగండ్ల గ్రామం నివాసి పి.రమేష్‌, ఇట్ల వంశీ, దొనకొండ మండలం ఆరవల్లిపాడు గ్రామానికి చెందిన పి.శివయ్యలను పోలీసులు శనివారం అరెస్టు చేశారు. మోటార్‌ సైకిల్‌ను స్వాధీనం చేసుకున్నట్లు ఎస్‌ఐ తెలిపారు. కేసును త్వరితగతిన ఛేదించిన ఎస్‌ఐ రామకృష్ణను, సిబ్బందిని ఉన్నతాధికారులు అభినందించారు. అద్దంకి రూరల్‌: మహిళ మెడలో బంగారు చైనును లాక్కెళ్లిన సంఘటన శనివారం జరిగింది. బాధితురాలి ఫిర్యాదు మేరకు సీఐ సుబ్బరాజు కేసు నమోదు చేశారు. సీఐ కథనం ప్రకారం..అద్దంకి మండలం శ్రీనివాసనగర్‌లో నివాసం ఉంటున్న రావి నాగమ్మ ఇంటి వద్దకు స్కూటీపై ఇద్దరు దుండగులు వచ్చి శుభలేఖలు ఇవ్వాలని ఆమెతో మాట్లాడారు. ఆ తర్వాత మంచినీరు ఇవ్వమని అడిగారు. ఆమె మంచినీరు తెచ్చి ఇస్తుండగా మెడలోని 4 సవర్ల బంగారు నాన్‌తాడును లాక్కొని స్కూటీపై ఉడాయించారు. బాధితురాలి ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. గిద్దలూరు రూరల్‌: మార్కాపురం జిల్లా గిద్దలూరు పట్టణంలోని ఓ ప్రైవేటు స్కూల్లో ఉపాధ్యాయుడిపై పోక్సో కేసు నమోదైంది. స్కూల్లో చదువుతున్న ఓ బాలిక పట్ల ఉపాధ్యాయుడు ఖాజావలి తరచూ అసభ్యంగా ప్రవర్తిస్తూ వేధిస్తున్నాడని బాలిక తన తల్లిదండ్రులకు చెప్పడంతో వారు విద్యార్థినిని తీసుకుని శనివారం పోలీస్‌స్టేషన్‌కు వెళ్లి ఫిర్యాదు చేశారు. బాధితురాలి ఫిర్యాదు మేరకు పోలీసులు పోక్సో కేసు నమోదు చేసి దర్యాప్తు చేపట్టారు.

పెద్దారవీడు: మండలంలోని తోకపల్లి సమీపం తీగలేరు కాలువ వద్ద ట్రాన్స్‌ఫార్మర్‌లో రాగి తీగను మంటల్లో కాల్చుతున్న వారిని గ్రామస్తులు పట్టుకొని పోలీసులకు అప్పజెప్పారు. స్థానికులు తెలిపిన వివరాల ప్రకారం.. శుక్రవారం అర్ధరాత్రి సమయంలో గ్రామం సమీపంలో మంటలు కనిపించడంతో ప్రజలు అప్రమమత్తమయ్యారు. సంఘటన స్థలానికి చేరుకున్నారు. అక్కడ ఇద్దరు దొంగలు రాగి తీగలను కాలుస్తూ కనిపించడంతో వారిని పట్టుకొని పోలీసులకు సమాచారం ఇచ్చారు. పోలీసులు సంఘటన స్థలానికి చేరుకొని వారి వద్ద ఉన్న ద్విచక్ర వాహనంతో పాటు రాగి తీగలను స్వాధీనం చేసుకొని పోలీస్‌స్టేషన్‌కు తరలించారు. పోలీసుల విచారణలో నిందితులు తిమ్మాపురం గ్రామానికి చెందిన ఆంజనేయులు, శ్రీనుగా తేలింది. రైతుల పొలాల్లో విద్యుత్‌ ట్రాన్స్‌ఫార్మర్లను పగులకొట్టి అందులో ఉన్న రాగి తీగలు తీసుకొచ్చినట్లు తేలిందని పోలీసులు తెలిపారు. నిందితులపై కేసు నమోదు చేసి దర్యాప్తు చేస్తున్నట్లు పేర్కొన్నారు.

సింగరాయకొండ: ప్రభుత్వ పెద్దల నిర్లక్ష్యానికి అధికారుల బాధ్యతా రాహిత్యం తోడవడంతో ఒక నిండు ప్రాణం బలైంది. కొడుకు విద్యావంతుడు కావాలన్న ఆశయంతో అతన్ని నవోదయ కోచింగ్‌కు పంపిస్తే అక్కడ హాస్టల్లో అనుమానాస్పద స్థితిలో మరణించా­డు. తన కుమారుడి మృతికి స్కూలు యాజమాన్యమే కారణమని, బాధ్యులను కఠినంగా శిక్షించాలని తల్లి సయ్యద్‌ మౌలాబీ ఏడు నెలలుగా చేయని పోరాటంలేదు.. ఎక్కని గడపాలేదు. అయినా ఎక్కడా ఆమెకు న్యాయం దక్కలేదు. దీంతో చేసేదేమీలేక చివరకు ఆత్మహత్యకు యత్నించి ఇప్పుడు విగతజీవి­గా మా­రింది. తన సొంత నియోజకవర్గంలో ఇంత జరుగు­తున్నా మంత్రి డోలా బాల వీరాంజనేయస్వామి కనీసం స్పందించకపోవడంపై విమర్శలు వెల్లువెత్తుతున్నాయి. వివరాలివీ.. సింగరాయకొండ మండలం మూలగుంటపాడులోని శ్రీ చైతన్య నవోదయ పాఠశాలలో ఈ ఏడాది ఫిబ్రవరి 14న నవోదయ కోచింగ్‌ తీసుకుంటున్న ఆరో తరగతి విద్యార్థి సయ్యద్‌ తౌశిక్‌ అనుమానాస్పదంగా మృతిచెందాడు. తన కుమారుడి మృతికి స్కూలు యాజమాన్యం వా­కా రమణారెడ్డి, వాకా సుజాత, వాకా చైతన్య, మారెడ్డి అనూష, బాబ్జి కారకులని.. వీరిపై కఠిన చర్యలు తీసుకోవాలని చిన్నారి తల్లిదండ్రులు అలీ, మౌలాబీ ఒంగోలు కలెక్టరేట్, స్థానిక పోలీస్‌స్టేషన్‌ వద్ద ఆందోళనలు చేశారు. అయితే, ఈ ఘటనలో స్కూల్‌ యాజమాన్యం పాత్రలేదని, తాను చెప్పింది వినకపోతే మీ మీదే కేసులు బనాయించి కోర్టు చుట్టూ తిప్పుతానని ఎస్సై బెదిరించినట్లు అప్పట్లో ఆరోపణలు వెల్లువెత్తాయి. ఆ తర్వాత ఎస్పీ హర్షవర్ధన్‌ రాజు విచారణ అధికారిగా ఉన్న ఎస్సై బీ మహేంద్ర, సీఐ హజరత్తయ్యలను తప్పించి కందుకూరు సీఐ అన్వర్‌ బాషాకు కేసు అప్పగించారు. ఈ క్రమంలో కలెక్టర్‌ రాజాబాబు.. డీఈఓ రేణుక, సింగరాయకొండ తహసీల్దార్‌ రాజేష్, ఐసీడీఎస్‌ పీడీ మాధురితో త్రిసభ్య కమిటీ ఏర్పాటుచేశారు. మరోవైపు.. సీఐ అన్వర్‌ బాషా విచారణ తీరుపై తౌశిక్‌ తల్లిదండ్రులు అసంతృప్తి చెంది హైకోర్టును ఆశ్రయించగా.. హైకోర్టు నెల్లూరు అడిషనల్‌ ఎస్పీ సౌజన్యను విచారణాధికారిగా నియమించింది. ఈ నివేదికలేమీ బయటకు రాలేదు. పురుగుల మందు తాగి ఆత్మహత్యాయత్నం దీంతో ఆగ్రహించిన తౌశిక్‌ తల్లి ఆగస్టు 16న పాఠశాల వద్ద నిరసన దీక్ష ప్రారంభించి హాస్టల్‌ను మూసివేయాలని డిమాండ్‌ చేసింది. ఆ తర్వాత నిరాహార దీక్షనూ ప్రారంభించింది. ఎటువైపు నుంచి న్యాయం జరగడంలేదని ఆవేదన చెందిన తల్లి సయ్యద్‌ మౌలాబీ 10వ తేదీన సెల్ఫీ వీడియో తీసుకుని పురుగుల మందు తాగి ఆత్మహత్యకు యత్నించింది. ఆ వీడియోలో ‘నా కొడుకు మరణించిన చోటే నేను మరణించాలి, అతన్ని ఎక్కడ పూడ్చిపెట్టారో అదే సమాధిలో నన్నూ పూడ్చిపెట్టాలి, నన్ను నా కుమారుడ్ని విడదీయకూడదు.. ఇదే నా చివరి కోరిక’ అని పేర్కొంది.చికిత్స పొందుతూ మృతి.. ఆస్పత్రిలో చేరిన ఆమె పరిస్థితి ప్రమాదకరంగా మారడంతో హైదరాబాద్‌లో చికిత్స పొందుతూ శనివారం ఉదయం మౌలాబి మృతిచెందింది. దీంతో బంధువులు పాకల అడ్డ రోడ్డు నుంచి కందుకూరు అడ్డరోడ్డు వరకు నిరసన ర్యాలీ నిర్వహించి అనంతరం స్టేషన్‌ బయట బైఠాయించారు. ఈ సందర్భంగా మౌలాబి అత్తయ్య మహబూబ్‌ మాట్లాడుతూ.. నా కోడలు, మనవడి మృతికి కారణమైన దోషులను కఠినంగా శిక్షించాలని డిమాండ్‌ చేశారు. సీఐ శ్రీహరి బంధువులతో మాట్లాడి నిరసన విరమింపజేశారు.

ప్రకాశం జిల్లా: లండన్‌లో ఉ­ద్యో­గం ఇప్పిస్తానంటూ నమ్మబలికి రూ.లక్షల్లో వసూలు చేసి మో­సగించిన వ్యవహారంలో యూట్యూబర్‌ రమానందనపై ప్రకాశం జిల్లా అద్దంకి పోలీసుస్టేషన్‌లో కేసు నమోదైంది. మండలంలోని పేరాయిపాలేనికి చెందిన యు.శ్రీనివాసరావు కోడలికి లండన్‌­లో ఉద్యోగం ఇప్పిస్తానని, ఇప్పటికే ఎంతోమందికి ఇప్పించానని యూ­ట్యూబర్‌ రమానందన నమ్మబలికా­రు. ఇందుకు రూ.10.50 లక్షలు ఖర్చవుతుంద­ని చెప్పడంతో శ్రీనివాసరావు కుటుంబ సభ్యులు తొలుత ఆమె సూ­చించిన బ్యాంకు ఖాతాకు రూ.­లక్ష, అనంతరం రూ.9.50 లక్షల నగదు జమ చేశారు. ఎంతకాలమైనా ఉద్యో­గం ఇప్పించకపోగా, కనీసం నగదు తి­రి­గి ఇవ్వకుండా కాలయాపన చేస్తుండటంతో మోసపోయా­మ­ని గ్రహించిన బాధితురాలి మామ శ్రీని­వాసరావు పోలీసులను ఆశ్రయించారు. ఈ మేరకు జూలై 4న ఆమెపై చీటింగ్‌ కేసు నమోదైంది. ఈ నేపథ్యంలో యూట్యూబర్‌ రమానందన­కు అద్దంకి పోలీసుస్టేషన్‌లో ఈ నెల 17న విచారణకు హాజరుకావాలంటూ శుక్రవా­రం పోలీసులు నోటీస్‌ జారీ చేశారు. ఇదీ చదవండి: భార్య.. భర్త.. ప్రియుడు.. ముగ్గురూ మంచోళ్లే!

మాట్లాడుతున్న వైఎస్సార్‌ సీపీ ఇన్‌చార్జి బుర్రా మధుసూదన్‌ యాదవ్‌ సమావేశానికి హాజరైన వైఎస్సార్‌ సీపీ నాయకులు, కార్యకర్తలు కందుకూరు: స్థానిక సంస్థల్లో ఎన్నికల్లో మెజార్టీ స్థానా ల్లో విజయం సాధించడమే లక్ష్యంగా ప్రతి నాయకుడు, కార్యకర్త సమర్థంగా పనిచేయాలని వైఎస్సార్‌ కాంగ్రెస్‌ పార్టీ కందుకూరు నియోజకవర్గ ఇన్‌చార్జి, మాజీ ఎమ్మెల్యే బుర్రా మధుసూదన్‌ యాదవ్‌ అన్నారు. శుక్రవారం స్థానిక పామూరు రోడ్డులోని పార్టీ కార్యాలయంలో స్థానిక ఎన్నికల సన్నద్ధతపై నియోజకవర్గ స్థాయి కార్యకర్తల సమావేశంలో ఆయన మాట్లాడారు. ఎన్నికలకు ముందు చంద్రబాబునాయుడు ప్రజలకు ఇచ్చిన హామీల్లో ఏ ఒక్కటీ సక్రమంగా అమలు చేయలేదన్నారు. పైగా చంద్రబాబు వస్తేనే కరువు వస్తుందన్న నానుడి నిజం చేస్తూ ప్రస్తుతం వర్షాలు లేక రైతులు తీవ్ర ఇబ్బందులు పడుతున్నారని, గ్రామాల్లో తాగేందుకు గుక్కెడు నీరు దొరికే పరిస్థితి లేదని వివరించారు. అభివృద్ధి, సంక్షేమం అన్నీ మరుగనపడి కేవలం రాజకీయ విమర్శలకే ప్రాధాన్యమిస్తున్నారని చెప్పారు. ఇటువంటి పరిస్థితుల్లో ప్రస్తుతం అన్ని వర్గాల ప్రజల్లో కూటమి ప్రభుత్వ పాలనపై తీవ్ర వ్యతిరేకత వ్యక్తమవుతోందన్నారు. 2029 ఎన్నికల్లో వైఎస్సార్‌ సీపీ విజయం సాధిస్తుందని ప్రస్తుతం వెలువడుతున్న సర్వేలే దీనికి నిదర్శనమన్నారు. కందుకూరు నియోజకవర్గంలోనూ పార్టీ గ్రాఫ్‌ పెరిగిందని సర్వేలు చెప్తున్నాయని వివరించారు. కూటమి దౌర్జన్యాలకు ఎదురొడ్డి నిలవాలి స్థానిక సంస్థల ఎన్నికల్లో అధికారాన్ని అడ్డు పెట్టుకుని అన్ని విధానాల దౌర్జన్యాలు, కుట్రలకు అధికార పార్టీ నాయకులు పాల్పడతారని బుర్రా హెచ్చరించారు. వైఎస్సార్‌ సీపీ తరఫున పోటీ చేసే అభ్యర్థులను ఇబ్బంది పెట్టే విధంగా నామినేషన్‌లు వేసేందుకు పత్రాలు ఇవ్వకుండా అడ్డంకులు సృష్టిస్తారన్నారు. అధికార పార్టీ పెట్టే ప్రలోభాలకు, బెదిరింపులకు లొంగకుండా ధైర్యంగా ఎన్నికలను ఎదుర్కొవాలని సూచించారు. అభ్యర్థులకు అండగా ఉంటా.. పార్టీకి స్థానిక సంస్థల ఎన్నికలు ప్రతిష్టాత్మకమనే విషయాన్ని ఏ ఒక్కరూ విస్మరించరాదన్నారు. సర్పంచ్‌, ఎంపీటీసీ, జెడ్పీటీసీ, ఎంపీపీ ఇలా ఇన్ని స్థానాల్లోను బలమైన అభ్యర్థులను ఎంపిక చేయాలన్నారు. క్షేత్ర స్థాయిలో నాయకుల మధ్య ఉండే చిన్ని చిన్న విభేదాలను పక్కన పెట్టి నాయకులందరి సమన్వయంతో అభ్యర్థులను ఎంపిక చేయాలన్నారు. ఆ జాబితాను పార్టీ అధిష్టానం దృష్టికి తీసుకెళ్లి అభ్యర్థులు ప్రకటిస్తామని వివరించారు. కందుకూరు మున్సిపాలిటీలో కూడా పార్టీ విజయం సాధిస్తుందనే బలమైన నమ్మకం తనకు ఉందన్నారు. పార్టీ తరఫున పోటీ చేసే అభ్యర్థులకు అన్ని విధాలా తాను అండగా ఉంటానని, ఏ ఒక్కరూ అధైర్యపడవద్దని భరోసానిచ్చారు. ఐడీ కార్డుల పంపిణీ పార్టీ అధిష్టానం జారీ చేసిన ఐడీ కార్డులను బుర్రా చేతు ల మీదుగా ఆవిష్కరించారు. అనంతరం నియోజకవర్గ, మండల స్థాయిలో పదువులు ఉన్న ముఖ్య నాయకులకు పార్టీ ఐడీ కార్డులు పంపిణీ చేశారు. కందుకూరు, వలేటివారిపాలెం, లింగసముద్రం, ఉలవపాడు మండలాల అధ్యక్షులు ఈదర రమేష్‌, అనుమోలు లక్ష్మీనరసింహం, నోటి వెంకటేశ్వరరెడ్డి, నన్నం పోతురాజు, జిల్లా నాయకులు తోకల కొండయ్య, రాష్ట్ర నాయకులు గణేశం గంగిరెడ్డి, అధికార ప్రతినిధులు ముప్పవరపు కిషోర్‌, బద్దిపూడి జయరావు, నియోజకవర్గ వివిధ విభాగాల అధ్యక్షులు నలమోతు చంద్రమౌళి, రావులకొల్లు బ్రహ్మానందం, యరమాల నాగభూషణం, మద్దసాని నవీన్‌, పాలవల్లి అమర్నాథ్‌రెడ్డి, సయ్యద్‌ ఫజిల్‌, గొర్ల రమేష్‌, కర్పూరపు అశోక్‌, కాపులూరి మధుసూదన్‌, బద్దిపూడి ప్రభాకర్‌రావు, ఉచ్చులూరి రవీంద్ర, చేవూరి శ్రీనివాసమూర్తి, వెలిచెర్ల ధనకోటేశ్వరరావు, గుత్తా గోపి, మర్లపాటి ఆదాం, వల్లెపు ఏడుకొండలు, కాకు వెంకటస్వామి, తుళ్లూరి ఆదిలక్ష్మి, దేవరకొండ ఆదిలక్ష్మి, కొత్తగొర్ల వసంత, జంపని అనూరాధ పాల్గొన్నారు. సమర్థ అభ్యర్థులను ఎన్నికల బరిలో నిలపాలి సమన్వయంతో పనిచేస్తే గెలుపు ఈజీ వైఎస్సార్‌ సీపీ ఇన్‌చార్జి బుర్రా మధుసూదన్‌

సంఘటన స్థలంలో మృతి చెందిన ఉమాశంకర్‌, చికిత్స పొందుతూ మృతి చెందిన లక్ష్మణ్‌వలేటివారిపాలెం: అయ్యవారిపల్లి–మాలకొండ మధ్య జాతీయ రహదారిపై శుక్రవారం రాత్రి ద్విచక్ర వాహనంపై మాలకొండ వైపు వెళ్తున్న ఇద్దరు యువకులను గుర్తు తెలియని వాహనం ఢీకొట్టింది. ప్రమాదంలో ఒక యువకుడు అక్కడికక్కడే మృతి చెందగా మరొకరికి తీవ్ర గాయాలయ్యాయి. స్థానికులు 108కు సమాచారం ఇవ్వడంతో గాయపడిన వ్యక్తిని కందుకూరు ఏరియా ఆస్పత్రికి తరలించారు. అక్కడ చికిత్స పొందుతూ అతను కూడా మృతి చెందినట్లు సమాచారం. ఎస్సై ప్రేమ్‌కుమార్‌ సంఘటన స్థలానికి చేరుకుని వివరాలు సేకరించారు. మృతుల వివరాలు, ప్రమాదానికి కారణమైన వాహనం వివరాలు తెలియాల్సి ఉంది. మృతదేహాలను పోస్టుమార్టం కోసం కందుకూరు ప్రభుత్వ ఆస్పత్రికి తరలించారు. మరో ఇద్దరు కూడా..జరుగుమల్లి (సింగరాయకొండ): మోటారు సైకిల్‌పై అతివేగంగా వెళ్తూ అదుపుతప్పి రోడ్డు మార్జిన్‌ గుంతలో పడి ఇద్దరు మృతి చెందారు. ఈ సంఘటన జరుగుమల్లి మండలం వావిలేటిపాడు సమీపంలో శుక్రవారం రాత్రి జరిగింది. పోలీసుల కథనం ప్రకారం..ఒడిశా రాష్ట్రానికి చెందిన మక్బూల్‌ ఆలీ, హుస్సేన్‌లు మున్నంగి సీ ఫుడ్స్‌ కంపెనీలో పనిచేస్తున్నారు. వీరు నమాజు చేసుకునేందుకు ఫ్యాక్టరీ నుంచి టంగుటూరు వెళ్తుండగా ప్రమాదం జరిగింది. మక్బూల్‌ ఆలీ (22) సంఘటన స్థలంలోనే మృతి చెందగా తీవ్ర గాయాలపాలైన హుస్సేన్‌ (22)ను 108లో ఒంగోలు జీజీహెచ్‌కు తరలించి చికిత్స చేయిస్తుండగా మృతి చెందాడు. మృతదేహాలకు పోస్టుమార్టం చేశారు. కేసు నమోదు చేసి దర్యాప్తు చేపట్టినట్లు ఎస్సై భాగ్యరాజ్‌ తెలిపారు.జిల్లాలో శుక్రవారం రాత్రి వేర్వేరు చోట్ల జరిగిన రెండు ప్రమాదాల్లో నలుగురు యువకులు తీవ్రంగా గాయపడి దుర్మరణం చెందారు. ఒక సంఘటన జరుగుమల్లి మండలం వావిలేటిపాడు వద్ద జరగగా మరో సంఘటన వలేటివారిపాలెం మండలం అయ్యవారిపల్లి–మాలకొండ మధ్య జరిగింది.

దర్శి: షార్ట్‌ సర్క్యూట్‌తో కారు దగ్ధమైంది. ఈ సంఘటన మండలంలోని చందలూరు సమీపంలో శుక్రవారం జరిగింది. వివరాలు.. త్రిపుర సుందరీపురం గ్రామానికి చెందిన మద్దిరాల శివకృష్ణారెడ్డి తన కారులో దొనకొండ నుంచి దర్శి వస్తున్నారు. అందులో ఆరుగురు ప్రయాణిస్తున్నారు. బ్యాటరీ వద్ద షార్ట్‌ సర్క్యూట్‌ జరిగి తొలుత బానెట్‌ నుంచి మంటలు వ్యాపించాయి. వెంటనే కారు పక్కకు ఆపి ఆరుగురు కిందకు దిగడంతో పెద్ద ప్రమాదం తప్పింది. క్షణాల్లో కారు కాలిపోయింది. కంభం: పోలీసుల సూచనలు, నిబంధనలు పాటిస్తూ ప్రశాంత వాతావరణంలో వినాయక చవితి ఉత్సవాలు జరుపుకోవాలని మార్కాపురం ఓఎస్‌డీ నవజ్యోతి మిశ్రా సూచించారు. ఈ నెల 15న పట్టణంలో గణేష్‌ విగ్రహాల నిమజ్జనం జరగనున్న నేపథ్యంలో శుక్రవారం సాయంత్రం స్థానిక పోలీస్‌స్టేషన్‌ ఆవరణలో ఎస్సై శివకృష్ణారెడ్డి ఆధ్వర్యంలో ఏర్పాటు చేసిన పీస్‌ కమిటీ సమావేశంలో ఆయన పలు సూచనలు చేసారు. గ్రామోత్సవం రోజు డీజేలకు అనుమతి ఇవ్వాల ని అధికారులను పలువురు కోరారు. పట్టణం నుంచి కాకుండా ఇతర గ్రామాల నుంచి వచ్చే విగ్రహాలను బస్టాండ్‌ మీద చెరువు కట్టకు నిమజ్జనానికి తరలిస్తే పట్టణంలో ట్రాఫిక్‌ సమస్య కొంతమేర తగ్గే అవకాశం ఉందని మాజీ ఉప సర్పంచ్‌ సయ్యద్‌ ఖాసిం చెప్పారు. అనంతరం ఓఎస్‌డీ మాట్లాడుతూ ఒక్క కంభంలో మాత్రమే కాదని, మార్కాపురం, ఒంగోలు జిల్లాల వ్యాప్తంగా గ్రామోత్సవం రోజు డీజేలకు అనుమతుల ఇవ్వకూడదని ఎస్పీ ఆదేశించినట్లు చెప్పారు.

● తహసీల్దార్‌కు నూజిళ్లపల్లి దళితుల అల్టిమేటంజె.పంగులూరు: మండలంలోని నూజిళ్లపల్లి దళితులు తహసీల్దార్‌ సింగారావుకు అల్టిమేటం జారీ చేశారు. తమకు మాయమాటలు చెప్పి భారత రాజ్యాంగ నిర్మాత డాక్టర్‌ బాబాసాహెబ్‌ అంబేడ్కర్‌ విగ్రహాన్ని ప్రతిష్ఠించకుండా తహసీల్దార్‌ కార్యాలయం ఆవరణలో రోజుల తరబడి ఉంచడాన్ని దళితులు తప్పుబట్టారు. తమ గోడు అధికారులకు పట్టదా..తమ పట్ల వివక్ష కొనసాగించాల్సిందేనా, తమ దేవుడి విగ్రహాన్ని అప్పగించండి..అంటూ తహసీల్దార్‌ సింగారావును శుక్రవారం నిలదీశారు. ఏ నిర్ణయమైనా తాను తీసుకోలేనని, ఉన్నతాధికారులకు సమాచారం ఇస్తానని ఆయన చేతులెత్తేశారు. డాక్టర్‌ బీఆర్‌ అంబేడ్కర్‌ విగ్రహ ఏర్పాటు, ఆర్చి నిర్మాణం అనుమతి కోసం నాలుగు రోజులుగా స్థానిక తహసీల్దార్‌ కార్యాలయం ముందు నూజిళ్లపల్లి దళితులు రిలే నిరాహార దీక్షలు చేస్తున్న విషయం తెలిసిందే. ఈ సందర్భంగా దళితులు శుక్రవారం తహసీల్దార్‌ కార్యాలయంలోకి వెళ్లి ఆయనతో మాట్లాడారు. అంతకుముందు దీక్షలను ఉద్దేశించి వ్యవసాయ కార్మిక సంఘ రాష్ట్ర నాయకుడు కంకణాల ఆంజనేయులు మాట్లాడుతూ రాజ్యాంగాన్ని రాసి దేశానికి మార్గదర్శకత్వం చూపించిన మహానుభావుడి విగ్రహం పెట్టుకునేందుకు ఎవరి అనుమతులు అవసరం లేదన్నారు. నెల రోజులుగా సమస్య స్థానిక మంత్రికి తెలిసినా ఆయన తెలిసీ తెలియనట్లు నాటకాలు ఆడుతున్నాడని మండిపడ్డారు. సీఐటీయూ జిల్లా నాయకులు జీవీ కొండారెడ్డి మాట్లాడుతూ ప్రపంచంలో ఆధునిక టెక్నాలజీ పెరుగుతున్నా సామాజిక అంతరాలు కూడా అదేస్థాయిలో పెరుగుతున్నాయని, దళితులు, పేదలను ఎదగనీయకుండా కొన్ని వర్గాలు ప్రయత్నాలు చేస్తున్నాయని విమర్శించారు. కౌలు రైతు సంఘ రాష్ట్ర నాయకుడు నాగబోయిన రంగారావు, మహిళా సంఘ జిల్లా నాయకురాలు రాయిని కృష్ణకుమారి మాట్లాడుతూ పెత్తందారులు, అధికారులకు వ్యతిరేకంగా అనేక సమస్యలపై పోరాడి సమస్యలు పరిష్కరించుకున్న సందర్భాలు ఉన్నాయని గుర్తు చేశారు. నూజిళ్లపల్లిలో అంబేడ్కర్‌ విగ్రహం ప్రతిష్ఠ, ఆర్చి నిర్మాణం జరిగే వరకు పోరాటాన్ని కొనసాగించాలని కోరారు. అనంతరం తహసీల్దార్‌ సింగారావు శిబిరం వద్దకు వచ్చి సమస్యను అధికారులు దృష్టికి తీసుకెళ్తానని, సమస్య పరిష్కారం అయ్యే విధంగా కృషి చేస్తానని హామీ ఇచ్చారు. కేవీపీఎస్‌ జిల్లా కార్యదర్శి బి.రఘురాం, రైతు సంఘ జిల్లా నాయకులు తలపనేని రామారావు, హేమంత్‌, హనుమంతురావు, భానుప్రకాష్‌, రామారావు నాయకత్వం వహించారు.

గిద్దలూరు రూరల్‌: మద్యం మత్తులో ఓ యువకుడు మహిళపై కర్రతో దాడి చేసి తీవ్రంగా గాయపరిచాడు. ఈ సంఘటన మండలంలోని గడికోట పంచాయతీ విఠాముసురుపల్లెలో శుక్రవారం జరిగింది. అందిన వివరాల ప్రకారం.. గ్రామానికి చెందిన కాశమ్మ అనే మహిళ పొలం వెళ్తున్న సమయంలో పూటుగా మద్యం తాగిన ఎలకా నాయుడు అనే యువకుడు మీ పొలంలోకి ఇక్కడి నుంచి దారి లేదని ఘర్షణ పడి కర్రతో గాయపరిచాడు. దీంతో ఆమె కుడి చెయ్యి విరిగింది. తీవ్రంగా గాయపడిన కాశమ్మను చికిత్స కోసం బంధువులు పట్టణంలోని ప్రభుత్వ వైద్యశాలకు తరలించారు. మార్కాపురం టౌన్‌: వెలిగొండ ప్రాజెక్టు ముంపు ప్రాంతాలైన కలనూతల, చింతలముడిపి ప్రజలకు ఆర్‌ఆర్‌ ప్యాకేజీలో భాగంగా ఎస్‌వీకేపీ కళాశాలలో శనివారం పట్టాలు, నిత్యావసరాలు పంపిణీ చేయనున్నట్లు అధికారులు తెలిపారు. అయితే ఉదయం 10 గంటలకు కార్యక్రమం పార్రంభం అవుతుందని తెలడపడంతో ముందుగానే అక్కడికి చేరుకున్న నిర్వాసితులు, లబ్ధిదారులు గంటల తరబడి వేచి చూసినా సంబంధిత అధికారులు ఆలస్యంగా వచ్చారు. చేసేది లేక నిర్వాసితులు చెట్ల కింద నిరీక్షణ చేయక తప్పలేదు. ప్రాజెక్టు కోసం సర్వం త్యాగం చేసిన తమపై అధికారులు మాత్రం దయ చూపడం లేదని అసంతృప్తి వ్యక్తం చేశారు. ● నల్లమల సాగర్‌లో గాలిస్తున్న ఎస్డీఆర్‌ఎఫ్‌ బృందాలు పెద్దదోర్నాల: ఫీడర్‌ కెనాల్లో గల్లంతైన యువకుడు రాజ్‌కుమార్‌ ఆచూకీ కోసం ఎస్డీఆర్‌ఎఫ్‌ బృందాలు గాలింపు చర్యలు ముమ్మరం చేశాయి. యువకుడి ఆచూకీ కోసం పోలీసులు, ఎస్డీఆర్‌ఎఫ్‌ బృందాలు శుక్రవారం కూడా జల్లెడ పట్టాయి. గత శనివారం స్నేహితులతో కలిసి ఈతకు వెళ్లిన రాజ్‌కుమార్‌, వినయ్‌కుమార్‌లు నీటి తీవ్రతకు గల్లంతైన విషయం పాఠకులకు విదితమే. వినయ్‌కుమార్‌ మృతదేహం సుంకేసుల వద్ద లభించింది. రాజ్‌కుమార్‌ ఆచూకీ లభించక పోవడంతో గాలింపు చర్యలను అధికారులు ముమ్మరం చేశారు. యువకుడి కుటుంబ సభ్యులు కన్నీటి పర్యంతమవుతున్నారు.

ప్రభుత్వం తక్షణ చర్యలు తీసుకోవాలి వర్షాభావ పరిస్థితుల నేపథ్యంలో పశుగ్రాస కొరతను ముందుగానే అంచనా వేసి గ్రామ స్థాయిలో గడ్డి బ్యాంకులు ఏర్పాటు చేయాలి. ఇటీవలే నేను రూ.20 వేలు పెట్టి గడ్డి కొనుగోలు చేశా. తక్కువ ధరకు ఎండుగడ్డి, పచ్చిగడ్డి అందుబాటులోకి తీసుకురావాలి. పశువులకు అవసరమైన దాణాపై సబ్సిడీ ఇవ్వాలి. – సీహెచ్‌ చెంచిరెడ్డి, పాడి రైతు మార్కాపురం: ఎల్‌నినో ప్రభావంతో నెలకొన్న వర్షాభావ పరిస్థితులు వ్యవసాయాన్నే కాదు..పాడి పరిశ్రమను కూడా తీవ్రంగా దెబ్బతీస్తున్నాయి. వర్షాలు సకాలంలో కురవక పోవడంతో పచ్చిగడ్డి లభ్యత గణనీయంగా తగ్గిపోయింది. దీంతో పశువులకు మేత అందించేందుకు రైతులు మార్కెట్‌పై ఆధార పడాల్సిన పరిస్థితి ఏర్పడింది. ఒకవైపు పాల దిగుబడి తగ్గుతుండగా మరోవైపు పశుగ్రాసం, దాణా ధరలు పెరగడంతో పాడి రైతులపై ఆర్థిక భారం మరింత పెరుగుతోంది. పెరిగిన గడ్డి ధరలు గతేడాది ఒక యూనిట్‌/ట్రాక్టర్‌ లోడు గడ్డి సుమారు రూ.12 వేలకు లభించగా ఈ ఏడాది అదే గడ్డి ధర రూ.20 వేలకు చేరింది. అంటే ఒక్క ఏడాదిలోనే సుమారు రూ.8 వేలకు పెరుగుదల నమోదైంది. ఇది దాదాపు 66.7 శాతం పెరిగినట్లు. గతంలో ఒక గేదె రోజుకు 3 నుంచి 4 లీటర్ల పాలు ఇవ్వగా ప్రస్తుతం ఒకటిన్నర నుంచి 2 లీటర్లు మాత్రమే ఇస్తోంది. పశువుల సంఖ్య ఎక్కువగా ఉన్న రైతులకు ఈ అదనపు భారం మరింత తీవ్రంగా మారింది. పాలు అమ్మడం ద్వారా వచ్చే ఆదాయంలో గణనీయమైన భాగం మేత, దాణా కొనుగోలుకే వెచ్చించాల్సి వస్తుండటంతో చేతికి మిగిలేది తక్కువగా ఉంటోందని రైతులు ఆవేదన వ్యక్తం చేస్తున్నారు. గడ్డి లేదు..పాలు లేవు సాధారణంగా పచ్చిగడ్డి, ఎండుగడ్డి సమృద్ధిగా లభిస్తే పశువులకు తగిన పోషకాహారం అందుతుంది. దీంతో పాల దిగుబడి కూడా మెరుగ్గా ఉంటుంది. అయితే ఈ ఏడాది వర్షాలు లేకపోవడంతో పొలాల్లో పశుగ్రాసం పెరగడం తగ్గిపోయింది. దీంతో రైతులు బయట మార్కెట్‌లో అధిక ధరలకు గడ్డి కొనుగోలు చేయాల్సి వస్తోంది. పల్నాడు, నర్సరావుపేట, వినుకొండ, దర్శి ప్రాంతాలకు వెళ్లి కొనుగోలు చేశారు. ప్రస్తుతం అక్కడ కూడా పశుగ్రాసం లభించడం లేదని రైతులు పేర్కొంటున్నారు. మేత కొరతతో పశువులకు సరైన పోషకాహారం అందక పోవడంతో పాల దిగుబడి తగ్గుతోందని రైతులు చెబుతున్నారు. పాలు తగ్గినా పశువుల సంరక్షణ ఖర్చులు మాత్రం తగ్గడం లేదు. మందులు, దాణా, గడ్డి, కూలీల ఖర్చులు యథాతదంగా లేదా మరింత పెరుగుతుండటంతో పాడి రైతులకు పాడి పరిశ్రమ భారంగా మారుతోంది. పాడి రైతుకు ప్రధాన ఆదాయ వనరు పాలే. రోజువారీ పాల దిగుబడి తగ్గితే నేరుగా ఆదాయంపై ప్రభావం పడుతుంది. అదే సమయంలో మేత ధరలు పెరగడంతో ఉత్పత్తి వ్యయం పెరుగుతోంది. ఇలా ఆదాయం తగ్గడం.. ఖర్చులు పెరగడం అనే రెండు వైపులా రైతుపై భారం పడుతోంది. పశువులను పోషించడం కష్టంగా మారడంతో కొందరు రైతులు పశువుల సంఖ్యను తగ్గించుకోవాల్సిన పరిస్థితిని ఎదుర్కొంటున్నారు. ఇప్పటికే వర్షాభావంతో పశుగ్రాసం కొరత ఏర్పడే అవకాశం రాబోయే రెండు నెలల్లో ఎక్కువగా ఉంటోంది. వరి, జొన్న, సజ్జ తదితర పంటలు సాగులో లేకపోవడంతో మాగాణి భూములు సాగు కాలేదు. ఎల్‌నినో కారణంగా వర్షాలు తగ్గితే నవంబర్‌ నాటికి పశుగ్రాస కొరత మరింత తీవ్రమయ్యే అవకాశం ఉందని పశుపోషకులు భావిస్తున్నారు. ఇదే సమయంలో పాల దిగుబడి తగ్గడం రైతులకు మరింత నష్టాన్ని తెచ్చి పెడుతోంది. ఒకవైపు పశువుల మేత కోసం భారీగా ఖర్చు చేయాల్సి వస్తుండగా..మరోవైపు తక్కువ పాలు రావడంతో ఆశించిన ఆదాయం రావడం లేదు. అల్లాడుతున్న పశుపోషకులు వర్షాలు లేక గ్రాసానికి కొరత పెరిగిన గడ్డి ధరలు..తగ్గిన పాల దిగుబడి పశువుల పోషణకు అదనపు ఖర్చు రోజుకు ఉత్పత్తి అయ్యే పాలు 5 లక్షల లీటర్లు ప్రస్తుతం పాలదిగుబడి 4 లక్షల లీటర్లు ట్రాక్టర్‌ గడ్డి రూ.20 వేలు జిల్లాలో పశుసంపద ఇలా.. తెల్ల పశువులు : 35,988 నల్ల పశువులు : 3,40,493 గొర్రెలు : 11,00,669 మేకలు : 3,46,926 పాలిచ్చే గేదెలు : 2,04,295 రోజుకు పాలు సగటున : 3 లీటర్లు గతంలో రోజుకు పాల దిగుబడి : 5 లక్షల లీటర్లు ప్రస్తుత పాల దిగుబడి : 4 లక్షల లీటర్లు రోజుకు కావాల్సిన గడ్డి : 3,500 టన్నులు (5 కిలోలు చొప్పున) లభ్యమవుతున్న గడ్డి : 3 వేల టన్నులు (సుమారు)

ఒంగోలు వన్‌టౌన్‌: కేంద్ర ప్రభుత్వ మైనార్టీ వ్యవహారాల మంత్రిత్వ శాఖ ఆధ్వర్యంలో బెంగళూరులోని ప్యాలెస్‌ గ్రౌండ్స్‌లో నిర్వహించనున్న 7వ ‘లోక్‌ సంవర్ధన్‌’ ప్రదర్శనలో పాల్గొనేందుకు అర్హులైన అభ్యర్థుల నుంచి దరఖాస్తులు ఆహ్వానిస్తున్నట్లు ఏపీ స్టేట్‌ మైనార్టీస్‌ ఫైనాన్స్‌ కార్పొరేషన్‌ జిల్లా ఎగ్జిక్యూటివ్‌ డైరెక్టర్‌ (ఈడీ) ఎస్‌.కె. ఫైజుద్దీన్‌ శుక్రవారం ఒక ప్రకటనలో తెలిపారు. ఈ ప్రదర్శనలో పాల్గొనేందుకు జిల్లాకు చెందిన ఆసక్తి గల హస్తకళాకారులు, వంట నిపుణులు, స్వయం సహాయక సంఘాల సభ్యులు, సూక్ష్మ పారిశ్రామికవేత్తలు అర్హులని ఆయన పేర్కొన్నారు. ఎంపికై న లబ్ధిదారులకు కేంద్ర మంత్రిత్వ శాఖ మార్గదర్శకాల ప్రకారం టీఏ, డీఏతో పాటు ప్రత్యక్ష ప్రదర్శన కోసం అయ్యే ముడిసరుకుల ఖర్చులను ప్రభుత్వమే భరిస్తుందన్నారు. ఒక్కో కళాకారుడికి, స్టాల్‌ సహాయకునికి రోజువారీ భత్యం కింద రూ.1,000 చొప్పున, అలాగే ప్రదర్శన ముడిపదార్థాల ఖర్చుల నిమిత్తం రోజుకు గరిష్టంగా రూ.1,500 వరకు చెల్లిస్తారని వివరించారు. ఆసక్తి ఉన్నవారు తమ నామినేషన్లను ఈ నెల 13వ తేదీలోగా సమర్పించాల్సి ఉంటుందని స్పష్టం చేశారు. వివరాలకు ఒంగోలు సంతపేటలోని స్టేట్‌ ఫైనాన్స్‌ కార్పొరేషన్‌ కార్యాలయంలో లేదా 9849901157ను సంప్రదించాలని ఈడీ ఫైజుద్దీన్‌ సూచించారు.ఒంగోలు సబర్బన్‌: ఇండియన్‌ బ్యాంక్స్‌ అసోసియేషన్‌ (ఐబీఏ) ఇప్పటికే ఆమోదించి సిఫారసు చేసిన ఐదు రోజుల బ్యాంకింగ్‌ విధానాన్ని కేంద్ర ప్రభుత్వం ఏమాత్రం ఆలస్యం చేయకుండా తక్షణమే చట్టబద్ధంగా అమలు చేయాలని జాతీయ బ్యాంకుల ఐక్య వేదిక (యూఎఫ్‌బీయూ) కన్వీనర్‌ రాజీవ్‌ రతన్‌ దేవ్‌ డిమాండ్‌ చేశారు. పెర్ఫార్మెన్స్‌ లింక్డ్‌ అలవెన్స్‌ (పీఎల్‌ఐ) అమలులో నెలకొన్న అక్రమాలు, తీవ్ర అసమానతలు, ఉద్యోగుల మధ్య పక్షపాత ధోరణిని కేంద్రం తక్షణమే తొలగించాలన్నారు. బ్యాంకింగ్‌ ఉద్యోగుల న్యాయమైన సమస్యలను పరిష్కరించకపోతే ఈ నెలాఖరులో మూడు రోజుల పాటు దేశవ్యాప్త సమ్మె చేపట్టి, ఆపై నిరవధిక సమ్మెకు దిగుతామని ఆయన హెచ్చరించారు. యూఎఫ్‌బీయూ ఆధ్వర్యంలో శుక్రవారం ఒంగోలు నగరంలో బ్యాంకర్లు భారీ ధర్నా నిర్వహించారు. నెల్లూరు బస్టాండ్‌ సెంటర్‌లోని యూనియన్‌ బ్యాంకు ఎదుట ఏడు యూనియన్ల ఉద్యోగులు, అధికారులతో కలిసి నిరసన ప్రదర్శన చేపట్టారు. అనంతరం నెల్లూరు బస్టాండ్‌ సెంటర్‌లోని మున్సిపల్‌ ఓపెన్‌ ఆడిటోరియం ప్రాంగణంలో సదస్సు నిర్వహించారు. అంబానీ, అదానీలకు దేశ సంపదను దోచిపెట్టే క్రమంలోనే కేంద్రం ప్రభుత్వ రంగ బ్యాంకులను నిర్వీర్యం చేస్తోందని యూనియన్‌ నేతలు నిప్పులు చెరిగారు. సీనియర్‌ నాయకుడు రాజేష్‌ ఖన్నా మాట్లాడుతూ.. బ్యాంకుల్లో తీవ్రమైన సిబ్బంది కొరత, విపరీతమైన వ్యాపార లక్ష్యాలు, డిజిటల్‌ బ్యాంకింగ్‌ ఒత్తిడితో ఉద్యోగులు తీవ్ర మానసిక ఆందోళనకు గురవుతున్నారన్నారు. ఉద్యోగులు యంత్రాలు కాదని, ఆధునిక బ్యాంకింగ్‌కు ఆధునిక పని విధానం అవసరమని స్పష్టం చేశారు. బ్యాంకింగ్‌ రంగంలో పెరిగిన తీవ్ర పని ఒత్తిడి భరించలేక గత దశాబ్ద కాలంలో 500 మందికి పైగా ఉద్యోగులు ప్రాణాలు కోల్పోవడం అత్యంత బాధాకరమన్నారు. అందుకే ఇకపై తాము సాయంత్రం 5 గంటల వరకే పనిచేస్తామని యాజమాన్యాలకు ఇప్పటికే తేల్చిచెప్పామన్నారు. సాంకేతికత విస్తరించిన ప్రస్తుత తరుణంలో ఐదు రోజుల పనిదినాల అమలును ఇక ఏమాత్రం వాయిదా వేయలేరని, ఉద్యోగులకు కుటుంబ సమయం, సరైన విశ్రాంతి లభిస్తేనే పనితీరు మెరుగవుతుందని పేర్కొన్నారు. కష్టపడి పనిచేసేది అందరూ అయితే, పీఎల్‌ఐ ప్రయోజనాల్లో మాత్రం వివక్ష ఎందుకని నిలదీశారు. కేంద్ర ప్రభుత్వ శాఖల్లో ఏకంగా 50 లక్షల పోస్టులు ఖాళీగా ఉండగా, అందులో బ్యాంకుల్లో 2 లక్షలు, రైల్వేలో 4 లక్షల ఖాళీలు ఉన్నాయని నేతలు గుర్తుచేశారు. 1969, 1980లలో బ్యాంకుల జాతీయకరణ సమయంలో కేవలం రూ.50 వేల కోట్లుగా ఉన్న డిపాజిట్లు.. నేడు ఉద్యోగుల శ్రమతో రూ.146 లక్షల కోట్లకు చేరి దేశ ఆర్థిక వ్యవస్థకు వెన్నెముకగా నిలిచాయన్నారు. పని చేసిన వారికి జీతాలిచ్చాం.. ఇక పెన్షన్లు ఎందుకనే రీతిలో ప్రభుత్వాలు వ్యవహరించడం దుర్మార్గమన్నారు. గతంలో సీపీఎస్‌ రద్దుపై ప్రస్తుత ముఖ్యమంత్రి చంద్రబాబు నాయుడు వ్యవహరించిన తీరును, ప్రభుత్వాల పెన్షన్ల వ్యతిరేక నాటకాలను తీవ్రంగా ఆక్షేపించారు. ఐక్యతే మన బలం.. న్యాయం సాధించే వరకు పోరాటమే మన మార్గం అని నేతలు పిలుపునిచ్చారు. కార్యక్రమంలో నాయకులు వి. శ్రీనివాస్‌, సుబ్బారావు, ఉమా శంకర్‌, రవి ప్రకాష్‌, బ్రహ్మనాయుడు, కిషోర్‌ రెడ్డి, ఎస్‌.కె. హసన్‌తో పాటు సీఐటీయూ, ఏఐటీయూసీ నాయకులు పాల్గొని మద్దతు ప్రకటించారు.

యర్రగొండపాలెం: రాష్ట్రంలో తీవ్ర వర్షాభావంతో కరువు విలయతాండవం చేస్తుంటే.. అన్నదాతలను ఆదుకోవాల్సిన కూటమి ప్రభుత్వం నిమ్మకు నీరెత్తినట్లు వ్యవహరిస్తోందని ఆంధ్రప్రదేశ్‌ రైతు సంఘం రాష్ట్ర ప్రధాన కార్యదర్శి కేవీవీ ప్రసాద్‌ మండిపడ్డారు. వర్షాభావ పరిస్థితుల దృష్ట్యా రాష్ట్రాన్ని కరువు ప్రాంతంగా ప్రకటించాలని డిమాండ్‌ చేస్తూ రైతు సంఘం రాష్ట్ర సమితి, సీపీఐ, వ్యవసాయ కార్మిక, చేతివృత్తిదారుల సంఘాల ఆధ్వర్యంలో శుక్రవారం యర్రగొండపాలెంలో భారీ ర్యాలీ నిర్వహించారు. స్థానిక పూల సుబ్బయ్య శాంతి భవన్‌ నుంచి తహసీల్దార్‌ కార్యాలయం వరకు నిరసన ప్రదర్శన చేపట్టి, అనంతరం ధర్నా నిర్వహించి తహశీల్దార్‌ విజయలక్ష్మికి వినతిపత్రం అందజేశారు. ఈ సందర్భంగా కేవీవీ ప్రసాద్‌ మాట్లాడుతూ.. రాష్ట్రంలోని 688 మండలాలకు గాను ఏకంగా 653 మండలాల్లో లోటు వర్షపాతం నమోదై వ్యవసాయ రంగం కుదేలైందన్నారు. ఖరీఫ్‌ సీజన్‌లో వర్షాలు లేక పత్తి ఎదుగుదల లోపించిందని, వేరుశనగ విస్తీర్ణం భారీగా పడిపోయిందని ఆవేదన వ్యక్తం చేశారు. వరి, ఇతర పైర్లు నీరందక ఎండుముఖం పట్టాయన్నారు. పంటలు లేక వ్యవసాయ కూలీలు, చేతివృత్తిదారులు ఉపాధి కోల్పోయి వలసబాట పడుతున్నారని ఆందోళన వ్యక్తం చేశారు. పశుగ్రాసం, తాగునీరు కరువై రైతులు మూగజీవాలను కబేళాలకు తెగనమ్ముకుంటున్నారని వాపోయారు. కేంద్ర ప్రభుత్వం తక్షణమే జోక్యం చేసుకుని రాష్ట్ర పరిస్థితులను జాతీయ విపత్తుగా ప్రకటించి ప్రత్యేక ప్యాకేజీ విడుదల చేయాలని డిమాండ్‌ చేశారు. నష్టపోయిన రైతులకు ఎకరాకు రూ.50 వేల ఇన్‌పుట్‌ సబ్సిడీ, పంటల బీమా పరిహారాన్ని వెంటనే చెల్లించాలన్నారు. రైతు, కౌలు రైతుల పంట రుణాలన్నింటినీ పూర్తిగా మాఫీ చేయాలని, ఉపాధి హామీ దినసరి వేతనాన్ని రూ.700కు పెంచాలని డిమాండ్‌ చేశారు. పశువులకు ఉచితంగా మేత, తాగునీరు కల్పించడంతో పాటు రేషన్‌ కార్డుదారులకు బియ్యంతో పాటు 16 రకాల నిత్యావసరాలను ఉచితంగా అందించాలని కోరారు. రైతు సంఘ నాయకులు కె.వి.కృష్ణగౌడ్‌, బాణాల రామయ్య, జి.గురునాధం, మన్నె సాంబశివరావు, వై.వెంకటశివయ్య, పి.తిరుమలయ్య, గుంటూరు శ్రీను, నూర్జహాన్‌, పూర్ణకంటి తిరుమలయ్య, అప్పారావు తదితరులు పాల్గొన్నారు.

కొండపి: త్వరలో నిర్వహించనున్న స్థానిక సంస్థల ఎన్నికల ఫలితాలతో రాష్ట్రంలో అధికారంలో ఉన్న కూటమి ప్రభుత్వానికి వెన్నులో వణుకు పుట్టేలా వైఎస్సార్‌ సీపీ శ్రేణులు సమష్టిగా పోరాడాలని ఆ పార్టీ పీఏసీ సభ్యుడు, మాజీ మంత్రి, కొండపి నియోజకవర్గ ఇన్‌చార్జి డాక్టర్‌ ఆదిమూలపు సురేష్‌ పిలుపునిచ్చారు. శుక్రవారం రాత్రి కొండపిలోని వైఎస్సార్‌ సీపీ కార్యాలయంలో నిర్వహించిన విస్తృతస్థాయి సమావేశంలో స్థానిక సంస్థల ఎన్నికలను ఎదుర్కోవడంపై పార్టీ నేతలకు దిశానిర్దేశం చేశారు. ఈ సందర్భంగా డాక్టర్‌ ఆదిమూలపు సురేష్‌ మాట్లాడుతూ.. ఓట్ల సర్వే ప్రక్రియలో భాగంగా నియోజకవర్గంలో 32,123 మందికి నోటీసులు ఇవ్వగా, వారిలో 2,000 మంది సమాధానం ఇవ్వలేదన్నారు. మొత్తం 2.40 లక్షల ఓటర్లలో దాదాపు 30 వేల ఓట్లను తొలగించే కుట్ర జరుగుతోందని, చివరికి మిగిలే 2.10 లక్షల ఓట్లతోనే స్థానిక సమరానికి వెళ్లాల్సి ఉంటుందని వివరించారు. కూటమి ప్రభుత్వం అధికారంలోకి వచ్చాక ఇచ్చిన హామీలను గాలికొదిలేసిందని, రెండేళ్ల పాలన అవినీతికి నిలయంగా మారిందని ధ్వజమెత్తారు. పోలీస్‌ వ్యవస్థను అడ్డుపెట్టుకుని రాష్ట్రంలో ఎక్కడా లేనివిధంగా కొండపిలో రెడ్‌బుక్‌ రాజ్యాంగం అమలు చేస్తున్నారని మండిపడ్డారు. వైఎస్సార్‌సీపీ నేతలపై అక్రమ కేసులు బనాయిస్తూ, ఇళ్లు, ప్రహరీ గోడలు, బొప్పాయి తోటలను ధ్వంసం చేశారని ఆగ్రహం వ్యక్తం చేశారు. ఎన్ని తప్పుడు కేసులు పెట్టినా భయపడేది, వెనక్కి తగ్గేది లేదని హెచ్చరించారు. వైఎస్‌ జగన్‌మోహన్‌రెడ్డి హయాంలో ఎలాంటి ఆరోపణలు లేకుండా ఒకే నోటిఫికేషన్‌తో లక్షలాది సచివాలయ ఉద్యోగాలు భర్తీ చేస్తే.. ప్రస్తుత కూటమి సర్కార్‌ మెగా డీఎస్సీ పేరిట నిరుద్యోగులను దగా చేసిందన్నారు. డీఎస్సీ అక్రమాలకు బాధ్యత వహిస్తూ నారా లోకేష్‌ వెంటనే మంత్రి పదవికి రాజీనామా చేసి అభ్యర్థులకు క్షమాపణ చెప్పాలని డిమాండ్‌ చేశారు. నియోజకవర్గంలో ఇద్దరు మంత్రులున్నా దోచుకోవడం, దాచుకోవడమే పనిగా పెట్టుకున్నారని, మట్టి, ఇసుక, మద్యం మాఫియాతో జేబులు నింపుకుంటున్నారని ఎద్దేవా చేశారు. రేషన్‌ బియ్యం అక్రమ రవాణాతో నెలకు రూ.30 లక్షలు గడిస్తున్నారని ఆరోపించారు. పథకాలు అమలు చేయకుండా మహిళలు, వృద్ధులను మోసం చేసిన చరిత్ర ముఖ్యమంత్రి చంద్రబాబుకే దక్కుతుందన్నారు. కొండపిలోని పంచాయతీల్లో కనీసం 50 శాతం స్థానాల్లో వైఎస్సార్‌ సీపీ జెండా ఎగురవేసి, 2029లో నియోజకవర్గాన్ని జగనన్నకు కానుకగా ఇవ్వాలని కోరారు. శాసనమండలి డిప్యూటీ చైర్మన్‌ తూమాటి మాధవరావు మాట్లాడుతూ.. కొండపిలో ఇద్దరు మంత్రులున్నా చేసిన అభివృద్ధి శూన్యమని, ఎక్కడ చూసినా జేసీబీలతో చెరువుల మట్టిని కొల్లగొడుతున్నారని విమర్శించారు. రామాయపట్నం పోర్టును కూటమి ప్రభుత్వం ప్రైవేటీకరణ చేస్తూ అమ్మకానికి పెట్టిందని, దమ్ముంటే మంత్రులు డోలా బాలవీరాంజనేయ స్వామి, దామచర్ల సత్య ప్రెస్‌మీట్‌ పెట్టి సమాధానం చెప్పాలని సవాల్‌ విసిరారు. ఉమ్మడి రాష్ట్రంలో వైఎస్‌ రాజశేఖరరెడ్డి, గతంలో జగన్‌మోహన్‌రెడ్డి పాలనలోనే కమ్మవారికి సముచిత గౌరవం దక్కిందని, వెలుగొండ ప్రాజెక్టుకు పూల సుబ్బయ్య పేరు పెట్టిన ఘనత వైఎస్సార్‌దేనన్నారు. తిరుపతి లడ్డూ ప్రసాదం, సినీ నటి వ్యవహారాల్లో సీబీఐ క్లీన్‌చిట్‌ ఇవ్వడంతో.. డీఎస్సీ అక్రమాలపై సీబీఐ ఎంకై ్వరీ వేయడానికి కూటమి పాలకులు వణికిపోతున్నారని పేర్కొన్నారు. అనంతరం నియోజకవర్గంలోని పార్టీ నాయకులకు, కార్యకర్తలకు గుర్తింపు కార్డులు అందజేశారు. ఇటీవల శాసనమండలి డిప్యూటీ చైర్మన్‌గా ఏకగ్రీవంగా ఎన్నికై న తూమాటి మాధవరావును ఈ సందర్భంగా ఘనంగా సన్మానించారు. కార్యక్రమంలో నియోజకవర్గ పరిశీలకుడు షంషీర్‌ అలీ బేగ్‌, పార్టీ సీఈసీ సభ్యుడు డాక్టర్‌ మాదాసి వెంకయ్య, ఆరు మండలాల కన్వీనర్లు బచ్చల కోటేశ్వరరావు, స్మశానం వెంకట్రావు, చింతపల్లి హరిబాబు, పిన్నిక శ్రీనివాసులు, ఇనుకొల్లు సుబ్బారెడ్డితో పాటు పలువురు స్థానిక ముఖ్య నాయకులు, కార్యకర్తలు పెద్దఎత్తున పాల్గొన్నారు.

సింగరాయకొండ: కన్నబిడ్డను కోల్పోయి న్యాయం కోసం రోడ్డెక్కిన ఆ తల్లి ఆవేదన అధికారుల గుండెలను కరిగించలేకపోయింది. ఈ పరిణామం చివరికి ఆమె ప్రాణాల మీదికి తెచ్చింది. సింగరాయకొండలోని శ్రీచైతన్య నవోదయ పాఠశాలలో చదువుతున్న 11 ఏళ్ల తౌషిక్‌ ఆరు నెలల క్రితం అనుమానాస్పద రీతిలో మృతి చెందాడు. అప్పటి నుంచి వివిధ రూపాల్లో నిరసన తెలుపుతున్న బాలుడి తల్లి మౌలాభి.. శుక్రవారం పురుగుల మందు తాగి ఆత్మహత్యకు యత్నించింది. ఆమె పరిస్థితి ప్రస్తుతం అత్యంత విషమంగా ఉందని బంధువులు తెలిపారు. విష ప్రభావంతో ఆమె కిడ్నీలు, లివర్‌ తీవ్రంగా దెబ్బతినడంతో ఒంగోలు నుంచి మెరుగైన చికిత్స కోసం హైదరాబాద్‌కు తరలించారు. కందుకూరు డీవైఈవో రవి పాఠశాల వద్ద విచారణ చేపట్టినట్లు ఎంఈవో కత్తి శ్రీనివాసరావు తెలిపారు. కాగా, మౌలాభికి అండగా ప్రజాసంఘాలు, రాజకీయ పార్టీల నేతలు సింగరాయకొండ ఆర్టీసీ బస్టాండ్‌ నుంచి అంబేడ్కర్‌ విగ్రహం వరకు భారీ సంఘీభావ ర్యాలీ నిర్వహించి, దోషులను కఠినంగా శిక్షించాలని డిమాండ్‌ చేశారు.

● టీడీపీ మద్దతుదారుల దరఖాస్తులకే తొలి ప్రాధాన్యం ● సామాన్యుల అర్జీలు నిర్ధాక్షిణ్యంగా బుట్టదాఖలు ● ఓటేస్తేనే పింఛనంటూ లబ్ధిదారులకు ‘పచ్చ’ నేతల బెదిరింపులుదర్శి: కూటమి ప్రభుత్వంలో అధికారుల పచ్చపాతం వృద్ధులు, వితంతువులు, దివ్యాంగుల పాలిట శాపంగా మారుతోంది. అర్హతతో సంబంధం లేకుండా.. టీడీపీ కండువా కప్పుకున్న వారికే తొలి ప్రాధాన్యం ఇవ్వాలంటూ సచివాలయ సిబ్బందిపై అధికార పార్టీ నాయకులు తీవ్రస్థాయిలో ఒత్తిడి తెస్తున్నారు. కొత్త పింఛన్లు ఇవ్వకపోగా, గత ప్రభుత్వంలో మంజూరైన పింఛన్లను సైతం రద్దు చేయడంతో నిరుపేదలు కాళ్లరిగేలా సచివాలయాల చుట్టూ తిరుగుతున్నారు. ప్రతి నెలా ఇచ్చే పింఛన్లను తమ సొంత జేబుల్లోంచి ఇస్తున్నట్లు పచ్చ నేతలు ఫొటోలకు ఫోజులివ్వడం పరిపాటిగా మారింది. ఎన్నికల నేపథ్యంలో ఓట్ల కోసం మళ్లీ కొత్త పింఛన్ల దరఖాస్తులంటూ లబ్ధిదారుల్లో ఆశలు రేపిన కూటమి పాలకులు.. క్షేత్రస్థాయిలో తీవ్ర వివక్ష చూపుతున్నారు. ఇప్పటి వరకు ఒక్కో సచివాలయం పరిధిలో 100 నుంచి 200 వరకు దరఖాస్తులు నమోదైనట్లు తెలుస్తోంది. అర్హత ఉన్నా అడుక్కోవాలా? దర్శి మండల ఎంపీడీఓ ఇచ్చిన మౌఖిక ఆదేశాల మేరకు సిబ్బంది కేవలం టీడీపీ సానుభూతిపరుల దరఖాస్తులను మాత్రమే ఆన్‌లైన్‌లో అప్‌లోడ్‌ చేస్తున్నారనే ఆరోపణలు బలంగా వినిపిస్తున్నాయి. సాధారణ ప్రజల అర్జీలను పక్కన పడేస్తున్నారు. తమ దరఖాస్తులను అప్‌లోడ్‌ చేయాలని నిలదీస్తున్న లబ్ధిదారులకు.. గ్రామంలోని టీడీపీ నేతలతో చెప్పిస్తేనే పని జరుగుతుందని కొందరు సిబ్బంది తెగేసి చెబుతున్నారు. గతి లేక పచ్చ నేతల వద్దకు వెళ్తే.. రాబోయే స్థానిక సంస్థల ఎన్నికల్లో తమకే ఓటు వేస్తామని హామీ ఇస్తేనే పని చేస్తామంటూ నిర్లజ్జగా బేరసారాలకు దిగుతున్నారు. ఆన్‌లైన్‌ నమోదుకు ఓటీపీ తప్పనిసరి కాగా, అమాయక లబ్ధిదారుల నుంచి కాగితాలు తీసుకుని ‘తర్వాత ఫోన్‌ చేసి ఓటీపీ అడుగుతాం’ అని చెప్పి వారిని మభ్యపెడుతూ అర్జీలను బుట్టదాఖలు చేస్తున్నట్లు ఆరోపణలు వినిపిస్తున్నాయి. ఈ పచ్చ దగాపై దర్శి ఎంపీడీఓను వివరణ కోరగా.. తాను ఎవరికీ అలాంటి ఆదేశాలు ఇవ్వలేదని చెబుతూ వెంటనే ఫోన్‌ కట్‌ చేయడం గమనార్హం.

స్థానిక సంస్థల సమరానికి ఎన్నికల నగారా ఇంకా మోగకముందే ఉమ్మడి ప్రకాశం జిల్లాలోని కూటమి పార్టీల్లో అసమ్మతి కుంపట్లు భగ్గుమంటున్నాయి. ఎన్నికల షెడ్యూల్‌ రాకముందే సీట్ల పంపకాలు, స్థానిక ఆధిపత్య పోరుతో మిత్రపక్షాలైన టీడీపీ, జనసేన నేతలు పరస్పరం కత్తులు నూరుకుంటున్నారు. నిన్నమొన్నటి వరకు కలిసి తిరిగిన నాయకులు.. ఇప్పుడు తమ రాజకీయ ఉనికిని, క్షేత్రస్థాయి బలాన్ని నిరూపించుకునేందుకు ఎవరికి వారే ఎత్తులకు పైఎత్తులు వేస్తున్నారు. ప్రధానంగా జిల్లా కేంద్రమైన ఒంగోలు నగరపాలక సంస్థ మేయర్‌ పీఠం ఎవరికి దక్కాలనే అంశంపై ఇరు పార్టీల మధ్య రగిలిన చిచ్చు చినికి చినికి గాలివానలా మారుతోంది. వేర్వేరుగా అభ్యర్థులను సిద్ధం చేసుకుంటూ బలప్రదర్శనకు దిగుతుండటంతో కూటమిలో విభేదాలు పతాక స్థాయికి చేరుతున్నాయి. ఒకవైపు కూటమిలో కుర్చీలాట రచ్చకెక్కుతుంటే.. మరోవైపు ప్రధాన ప్రతిపక్షమైన వైఎస్సార్‌సీపీ మాత్రం సమష్టి వ్యూహంతో శ్రేణులను ఏకతాటిపైకి తెస్తూ స్థానిక సమరానికి సర్వసన్నద్ధమవుతోంది. సాక్షి ప్రతినిధి, ఒంగోలు: ఉమ్మడి జిల్లా పరిధిలో ఒంగోలు నగరపాలక సంస్థతో పాటు మార్కాపురం, కందుకూరు, కనిగిరి, గిద్దలూరు, అద్దంకి, పొదిలి, దర్శి, చీమకుర్తి మున్సిపాలిటీలు ఉన్నాయి. వీటిలో కీలకమైన ఒంగోలు నియోజకవర్గంలో కూటమి భాగస్వాముల మధ్య విభేదాలు ఇప్పటికే వీధిన పడ్డాయి. జనసేన ముఖ్య నేత బాలినేని శ్రీనివాసులరెడ్డి, టీడీపీ ఎమ్మెల్యే దామచర్ల జనార్దన్‌ గత కొద్దికాలంగా పరస్పరం చేసుకుంటున్న ఆరోపణలు, ప్రత్యారోపణలు కూటమిలోని లుకలుకలను బజారున పడేశాయి. ఇరువర్గాలు ఒకరిపై ఒకరు అవినీతి అస్త్రాలు సంధించుకోవడంతో పార్టీల పరువు గంగపాలైంది. దీంతో కూటమి అధిష్టానం జోక్యం చేసుకుని నేతలెవరూ బహిరంగంగా మాట్లాడవద్దని పైకి ఆదేశించినప్పటికీ, తెరవెనుక మాత్రం వివాదాలకు మరింత ఆజ్యం పోస్తున్నారన్న ప్రచారం బలంగా సాగుతోంది. ఇటీవల మంత్రి నారా లోకేష్‌ జిల్లా పర్యటనలో ‘‘దామచర్ల సైలెంట్‌గా ఉంటాడు.. ఆయన జోలికి వస్తే దబిడిదిబిడే’’ అంటూ చేసిన వ్యాఖ్యలు మిత్రపక్ష జనసేనను రెచ్చగొట్టేలా ఉన్నాయని రాజకీయ విశ్లేషకులు స్పష్టం చేస్తున్నారు. అధిష్టానమే కయ్యానికి కాలుదువ్వేలా ప్రోత్సహిస్తోందన్న భావన సర్వత్రా వ్యక్తమవుతోంది. దీనికితోడు స్థానిక ఎన్నికల కోసం ఏర్పాటు చేసిన సమన్వయ కమిటీల కూర్పుపై జనసేనలోనే అంతర్గత విభేదాలు భగ్గుమన్నాయి. ఒక వర్గానికి పెద్దపీట వేసి, మరో వర్గాన్ని విస్మరించారన్న అసంతృప్తితో సొంత పార్టీలోనే నేతలు రగిలిపోతున్నారు. ఒంగోలు మేయర్‌ పీఠంపై పేచీ.. ఒంగోలు కార్పొరేషన్‌ పీఠాన్ని దక్కించుకోవడమే ఇప్పుడు కూటమిలో పెను వివాదంగా మారింది. నగరంలో తమకు తిరుగులేని కేడర్‌ బలం ఉందని చెబుతున్న జనసేన పార్టీ.. మేయర్‌ స్థానాన్ని తమకే కేటాయించాలని గట్టిగా పట్టుబడుతోంది. పార్టీ బలంగా ఉన్న చోట్లే పోటీ చేస్తామని అధినేత ప్రకటించిన నేపథ్యంలో ఒంగోలు పీఠంపై వెనక్కి తగ్గేదే లేదని స్పష్టం చేస్తోంది. మరోవైపు టీడీపీ మాత్రం నగరపాలక సంస్థను మిత్రపక్షానికి ఇచ్చే ప్రసక్తే లేదన్న ధీమాతో పావులు కదుపుతోంది. నగరంలోని మొత్తం 62 డివిజన్లలో జనసేనకు అతి తక్కువ సీట్లు విదిల్చి చేతులు దులుపుకోవాలని టీడీపీ యోచిస్తోంది. టీడీపీ ఎత్తుగడలను ముందుగానే పసిగట్టిన జనసేన శ్రేణులు.. అన్ని డివిజన్లలోనూ సొంతంగా అభ్యర్థులను రంగంలోకి దించేందుకు పథక రచన చేశారు. పొత్తు కుదరకపోతే స్వతంత్రులుగా, రెబల్స్‌గానైనా బరిలో నిలవాలని స్థానిక క్యాడర్‌కు స్పష్టమైన సంకేతాలు వెళ్లినట్లు సమాచారం. ఒంగోలుతో పాటు గిద్దలూరు, దర్శి మున్సిపాలిటీల్లోనూ సీట్ల సర్దుబాటు తీవ్ర వివాదాస్పదంగా మారే పరిస్థితులు స్పష్టంగా కనిపిస్తున్నాయి. స్థానికంలో..సీటు మార్‌!సమష్టి వ్యూహంతో కదం తొక్కుతున్న వైఎస్సార్‌ సీపీ కూటమి పక్షాలు కుర్చీల కొట్లాటలో మునిగి తేలుతుండగా.. వైఎస్సార్‌ కాంగ్రెస్‌ పార్టీ మాత్రం పక్కా వ్యూహంతో ముందుకు సాగుతోంది. జిల్లా పార్టీ అధ్యక్షుడు, దర్శి ఎమ్మెల్యే బూచేపల్లి శివప్రసాద్‌రెడ్డి నేతృత్వంలో పార్టీ యంత్రాంగం ఇప్పటికే సమరశంఖం పూరించింది. నియోజకవర్గాల సమన్వయకర్తలు, పరిశీలకులు, స్థానిక ప్రజాప్రతినిధులు, మండల స్థాయి నేతలు, బూత్‌ స్థాయి కార్యకర్తలతో వరుసగా విస్తృత స్థాయి సమావేశాలు నిర్వహిస్తున్నారు. శ్రేణులను ఏకతాటిపైకి తెస్తూ.. ప్రజా సమస్యలపై రాజీలేని పోరాటం చేస్తూనే ఎన్నికలకు సమాయత్తం చేస్తున్నారు. ప్రజల మద్దతుతో స్థానిక సంస్థల్లో విజయదుందుభి మోగించడమే లక్ష్యంగా నాయకత్వం దిశానిర్దేశం చేస్తోంది. కూటమిలో స్వార్థపూరిత ఆధిపత్య పోరు ప్రజల ముందు నవ్వులపాలవుతుంటే.. వైఎస్సార్‌సీపీ శ్రేణులు సైనికుల్లా కదం తొక్కుతుండటం ఉమ్మడి జిల్లా రాజకీయాల్లో చర్చనీయాంశంగా మారింది.

ఒంగోలు సబర్బన్‌: అంగన్‌వాడీ సెంటర్లు పోషణ్‌ ఫలహారాలకు కేంద్రాలని జాయింట్‌ కలెక్టర్‌ కల్పనా కుమారి అన్నారు. స్థానిక కలెక్టరేట్‌లోని పీజీఆర్‌ఎస్‌ సమావేశపు హాలులో గురువారం 9వ జాతీయ పోషణ మాసోత్సవాలు నిర్వహించారు. ఐసీడీఎస్‌ ఆధ్వర్యంలో నిర్వహించిన ఈ మాసోత్సవాల్లో జేసీ పాల్గొని మాట్లాడారు. మహిళలు గర్భం దాల్చిన సమయం నుంచి ప్రసవం వరకూ, ప్రసవం తర్వాత చిన్నారులు, బాలింతలకు ఎన్నో రకాల పోషకాహారాలను అందించే కేంద్రాలుగా అంగన్‌వాడీ సెంటర్లను అభివర్ణించారు. ఉత్సవాల్లో పాల్గొన్న గర్భిణులు, చిన్నారులతో వచ్చిన బాలింతలతో జేసీ ముచ్చటించారు. వారి కుటుంబ పరిస్థితులను అడిగి తెలుసుకున్నారు. ఈ కార్యక్రమంలో భాగంగా పురుషులతో వంట ప్రదర్శన, ఆరోగ్యవంతమైన శిశువులను గుర్తించి బహుమతులివ్వడం, ప్రధానమంత్రి మాతృ వందన యోజన పథకం కింద గర్భిణులను నమోదు చేయించడం వంటి కార్యక్రమాలు నిర్వహించారు. వారికి పోషక విలువలు కలిగిన మునగాకు పొడి కూడా సరఫరా చేశారు. ఆరోగ్యవంతమైన పిల్లలకు జేసీ చేతుల మీదుగా నిర్వాహకులు బహుమతులిప్పించారు. గర్భిణులకు పోషకాహారం అందించారు. జేసీ కల్పనా కుమారి

ఒంగోలు సబర్బన్‌: యునైటెడ్‌ ఫోరం ఆఫ్‌ బ్యాంకు యూనియన్‌ ఆధ్వర్యంలో శుక్రవారం దేశ వ్యాప్త బ్యాంకు ఉద్యోగులు సమ్మె బాట పట్టారు. అందులో భాగంగా జిల్లాలోని బ్యాంకులన్నీ మూతబడనున్నాయి. జిల్లా యూఎఫ్‌బీయూ కన్వీనర్‌ రాజీవ్‌ రతన్‌ దేవ్‌ విడుదల చేసిన ప్రకటన మేరకు ఐదు రోజుల బ్యాంకింగ్‌, న్యాయమైన పీఎల్‌ఐని కోరుతూ బ్యాంక్‌ ఉద్యోగులు డిమాండ్‌ చేస్తున్నారు. న్యాయమైన, సమానమైన పెర్ఫార్మెన్స్‌ లింక్డ్‌ ఇన్సెంటివ్‌ మంజూరు చేయాలని కోరుతున్నారు. బ్యాంక్‌ ఉద్యోగుల దీర్ఘకాలిక డిమాండ్‌ అయిన ఐదు రోజుల బ్యాంకింగ్‌ ప్రాధాన్యత ఇవ్వాలన్నారు. బ్యాంకు ఉద్యోగుల సమ్మెలో భాగంగా నెల్లూరు బస్టాండ్‌ సెంటర్‌లోని యూనియన్‌ బ్యాంకు వద్ద ధర్నా చేస్తున్నట్లు వివరించారు.

మార్కాపురం రూరల్‌: పొలాలకు కంచె వేస్తే పంటలు రక్షితంగా ఉంటాయి.. కానీ ప్రాణాంతక విద్యుత్‌ కంచె ఏర్పాటు చేస్తే ప్రాణాలే పోతాయి. అక్రమంగా విద్యుత్‌ సరఫరా చేసి ఏర్పాటు చేసిన కరెంట్‌ కంచె ఓ మహిళ ప్రాణాలను బలిగొన్న ఘటన మార్కాపురం మండలం గజ్జలకొండ పంచాయతీ పరిధి పడమటిపల్లిలో చోటుచేసుకుంది. పశువుల మేత కోసం పొలానికి వెళ్లిన రోడ్డ నారమ్మ విద్యుత్‌ షాక్‌కు గురై అక్కడికక్కడే మృతి చెందినట్లు సమాచారం. కరెంట్‌ కంచెతో కాటేసిన మృత్యువు స్థానికుల కథనం ప్రకారం.. నారుకోట సుబ్బారెడ్డి తన పొలానికి ట్రాన్స్‌ఫార్మర్‌ నుంచి విద్యుత్‌ సరఫరా చేసి కంచె ఏర్పాటు చేసినట్లు ఆరోపణలు ఉన్నాయి. ఈ క్రమంలో పొలంలోకి వెళ్లిన నారమ్మ కరెంట్‌ కంచెకు తగిలి ప్రాణాలు కోల్పోయినట్లు తెలుస్తోంది. మృతదేహం మాయం చేసేందుకు యత్నం? నారమ్మ మృతి విషయం బయటకు రాకుండా చేయాలనే ఉద్దేశంతో మృతదేహాన్ని సుబ్బారెడ్డి కొంతదూరం తరలించేందుకు ప్రయత్నించినట్లు స్థానికులు ఆరోపిస్తున్నారు. చుట్టుపక్కల జనాలు గమనించడంతో మృతదేహాన్ని సమీపంలోని చెట్ల పొలంలో వదిలేసినట్లు సమాచారం. ఈ ఘటనపై పలు అనుమానాలు వ్యక్తమవుతున్నాయి. నారమ్మ కుమార్తె తన తల్లి కోసం పొలం వద్దకు వచ్చి సుబ్బారెడ్డిని ప్రశ్నించగా ‘నారమ్మను చూడలేదు’ అంటూ చెప్పినట్లు సమాచారం. అనంతరం మృతదేహం ఆ ప్రాంతంలో ఉన్నట్లు గుర్తించడంతో అసలు విషయం వెలుగులోకి వచ్చినట్లు స్థానికులు చెబుతున్నారు. ఈ వ్యవహారంలో రైతు చెప్పిన వివరాలపై పోలీసులు ఆరా తీస్తున్నారు. సమాచారం అందుకున్న పోలీసులు సంఘటన స్థలానికి చేరుకుని మృతదేహాన్ని పరిశీలించారు. సుబ్బారెడ్డిని అదుపులోకి తీసుకుని విచారిస్తున్నట్లు తెలిసింది. మహిళ మృతదేహాన్ని పరిశీలిస్తున్న పోలీసులు మృతదేహాన్ని మాయం చేసేందుకు యత్నం? మృతురాలి కుమార్తె ప్రశ్నించినా పట్టించుకోని రైతు రైతును అదుపులోకి తీసుకున్న పోలీసులు

గురుకులం సాక్షి టాస్క్‌ఫోర్స్‌: చంద్రబాబు ప్రభుత్వంలో సర్కారు పాఠశాలలు, సంక్షేమ హాస్టళ్లలో పరిస్థితులు నానాటికీ దిగజారుతున్నాయి. మరుగుదొడ్లు, తాగునీరు వంటి కనీస వసతులు కూడా లేక విద్యార్థులు అల్లాడుతున్నారు. మంత్రి డోల బాలవీరాంజనేయస్వామి ప్రాతినిధ్యం వహిస్తున్న కొండపి నియోజకవర్గంలోని సింగరాయకొండలో ఉన్న డాక్టర్‌ బీఆర్‌ అంబేడ్కర్‌ గురుకుల పాఠశాలలో విద్యార్థినులు తాగునీటికి, వాడుక నీటికి ఇబ్బందులు పడుతున్నారు. పాఠశాలలో 720 మంది విద్యార్థినులున్నారు. పాఠశాలలో విద్యుత్‌ సరఫరా వ్యవస్థ పాతదైపోయి ఓల్టేజి హెచ్చుతగ్గులతో తరచూ మోటార్లు కాలిపోతున్నాయి. ఇక్కడున్న మినరల్‌ వాటర్‌ ప్లాంట్‌ కూడా తరచూ మరమ్మతులకు గురవుతోంది. గత వైఎస్సార్‌ సీపీ ప్రభుత్వంలో నాడు–నేడు కింద మంజూరైన మినీ వాటర్‌ ప్లాంట్లు సైతం మూలనపడ్డాయి. దీంతో తాగునీటికి, వాడుక నీటికీ అవస్థలు తప్పడం లేదు. మరమ్మతులకు గురైన మోటార్లు: పాఠశాలలో బోర్ల నుంచి ట్యాంకుకు సరఫరా చేయటానికి మూడు మోటార్లు ఉన్నాయి. ఇటీవల కాలంలో విద్యుత్‌ హెచ్చు తగ్గుల కారణంగా ఉన్న మూడు మోటార్లు మరమ్మతులకు గురయ్యాయి. దీనికి తోడు తెల్లవారితే మంత్రి స్వామి పాఠశాలలో మొక్కలు నాటే కార్యక్రమం ఉండటంతో అప్పటికప్పుడు మోటారు మరమ్మతు చేయించి ప్రిన్సిపాల్‌ సమస్యను తాత్కాలికంగా పరిష్కరించినట్లు విద్యార్థినులు చెబుతున్నారు. పాఠశాలలో తరచూ మోటార్లు కాలిపోవడం, వాటర్‌ ప్లాంట్లు మొరాయిస్తుండటంతో వాటిని మరమ్మతులు చేయించడం ప్రిన్సిపాల్‌కు తలనొప్పిగా మారుతోంది. ప్రభుత్వం నుంచి మెయింటినెన్స్‌ గ్రాంట్‌ సరిగా ఇవ్వకపోవడంతో ప్రిన్సిపాల్‌ చేతిడబ్బులు పెట్టి మరమ్మతులు చేయించాల్సి వస్తోంది. తరచూ ఈ సమస్యలు ఎదురవుతుండటంతో విసిగిపోయిన గతంలో ఇక్కడ పనిచేసిన ప్రిన్సిపాల్‌ రమాదేవి నెల రోజుల పాటు సెలవులో వెళ్లి తిరిగి వచ్చారు. ఆ తరువాత ఆమె బదిలీపై వెళ్లిపోయారు. ఆపై అరుణ ప్రిన్సిపాల్‌గా పనిచేస్తున్నారు. ఆమె కూడా ఇక్కడి సమస్యలతో ఇబ్బంది పడుతున్నారు. మినరల్‌ వాటర్‌ ప్లాంట్లు పనిచేయనప్పుడు తాగటానికి ప్రైవేటు మినరల్‌ వాటర్‌ ప్లాంటు నుంచి ట్యాంకర్‌ తెప్పించినా ప్రస్తుత ఎండ తీవ్రతకు చాలటం లేదని, ట్యాంకరు వచ్చే వరకు నీటి కోసం వేచి ఉండాల్సిన దుస్థితి ఉందని ఒక్కోసారి గత్యంతరం లేక వాడుకనీటిని తాగుతున్నామని విద్యార్థినులు ఆవేదన వ్యక్తం చేస్తున్నారు. తల్లిదండ్రులకు ఫోన్‌ చేసి బంధువుల ద్వారా వాటర్‌ బాటిల్స్‌ తెప్పించుకుని దాహార్తి తీర్చుకుంటున్నామని విద్యార్థినులు వాపోతున్నారు. ఫుడ్‌ కమిషన్‌ చైర్మన్‌ ప్రతాప్‌రెడ్డి విద్యార్థినులతో కలిసి భోజనం చేసే సమయంలో అరకొరగా విద్యార్థినులు తెచ్చుకున్న వాటర్‌బాటిల్స్‌ తాగునీరు రాకపోవటంతో నిరుపయోగంగా ఉన్న కొళాయిలుమంచినీటి ట్యాంకరు వద్ద నీరు పట్టుకుంటున్న విద్యార్థినులుఫుడ్‌ కమిషన్‌ చైర్మన్‌ పర్యటనలో బహిర్గతమైన తాగునీటి సమస్య రాష్ట్ర ఫుడ్‌ కమిషన్‌ చైర్మన్‌ విజయ్‌ ప్రతాప్‌రెడ్డి మంగళవారం రాత్రి పాఠశాలను ఆకస్మిక తనిఖీ చేశారు. ఆయన నియోజకవర్గంలో పర్యటిస్తున్నారని తెలుసుకుని అప్పటికప్పుడు బయట నుంచి మినరల్‌ వాటర్‌ ట్యాంకర్‌ తెప్పించారు. ఆయన విద్యార్థినులతో కలిసి భోజనం చేసే సమయంలో విద్యార్థినుల వద్ద వాటర్‌ బాటిల్స్‌ నామమాత్రంగా ఉన్నాయి. విద్యార్థినులు భోజనం చేసి వాటర్‌ ట్యాంకర్‌ వద్దకు వెళ్లి నీరు తాగారు. ఈ విషయాన్ని విలేకరులు ప్రతాప్‌రెడ్డి దృష్టికి తీసుకుని వెళ్లి సమస్య పరిష్కరించాలని విజ్ఞప్తి చేయగా ఆయన వెంటనే స్పందించి సమస్యను ఉన్నతాధికారుల దృష్టికి తీసుకెళ్తానని హామీ ఇచ్చారు. ఇప్పటికై నా తమ సమస్యకు శాశ్విత పరిష్కారం దక్కుతుందేమోనని విద్యార్థినులు ఎదురుచూస్తున్నారు.

సింగరాయకొండ: సింగరాయకొండలో శ్రీచైతన్య నవోదయ స్కూలు వద్ద నిరసన దీక్ష చేస్తున్న సయ్యద్‌ మౌలాబి గురువారం పురుగుల మందుతాగి ఆత్మహత్యాయత్నం చేసింది. ఆ పాఠశాల విద్యార్థి అయిన తన కుమారుడు సయ్యద్‌ తౌషిక్‌ (11) మృతికి సంబంధించి దోషులను కఠినంగా శిక్షించాలని, అనుమతి లేని హాస్టల్‌ను మూసేయాలని మార్కాపురం జిల్లా కనిగిరికి చెందిన ఆమె జూలై నుంచి స్కూలు వద్ద దీక్ష చేస్తుండటం తెలిసిందే. ఈ నేపథ్యంలో గురువారం దీక్షకు కూర్చున్న ఆమె.. తాను దీక్ష చేస్తున్నా పోలీసులు, విద్యాశాఖ అధికారులు స్పందించడంలేదని, స్కూలు యాజమాన్యం మాటలతో వేధిస్తోందని పురుగుల మందు తాగి అపస్మారక స్థితికి చేరారు. పోలీసులు ఆమెను 108లో ఒంగోలు జీజీహెచ్‌కి, ప్రాథమిక చికిత్స అనంతరం ఒంగోలులోని ప్రైవేటు ఆస్పత్రికి తరలించారు. ప్రస్తుతం మౌలాబి ఆరోగ్య పరిస్థితి నిలకడగా ఉందని ఆస్పత్రి వర్గాలు తెలిపాయి. పురుగుమందు తాగటంతో మౌలాబి కిడ్నీ ఒకటి పనిచేయటం లేదని బంధువులు చెప్పారు. శ్రీచైతన్య నవోదయ స్కూలులో ఆరో తరగతి చదువుతూ నవోదయ కోచింగ్‌ తీసుకుంటున్న సయ్యద్‌ తౌషిక్‌ ఈ ఏడాది ఫిబ్రవరి 14వ తేదీ రాత్రి అనుమానాస్పద స్థితిలో మృతిచెందాడు. తౌషిక్‌ టవల్‌తో బాత్‌రూంలో ఉరేసుకుని ఆత్మహత్య చేసుకుని చనిపోయాడని స్కూలు యాజమాన్యం చెబుతుండగా తౌషిక్‌ మృతికి స్కూలు యాజమాన్యమే కారణమని తల్లిదండ్రులు మౌలాబి, ఆలీ ఆరోపించారు. ఈ క్రమంలో స్కూలు యాజమాన్యం ఒక ఎంపీ అండదండలతో కేసును నీరుగార్చే ప్రయత్నం చేసిందన్న ఆరోపణలున్నాయి. తనకు న్యాయం చేయాలని మౌలాబి ముఖ్యమంత్రి చంద్రబాబును, మంత్రి లోకేశ్‌ను అర్థించారు. చివరకు హైకోర్టును ఆశ్రయించారు. స్కూలు యాజమాన్యం అనుమతి లేకుండా నిర్వహిస్తున్న హాస్టల్‌ను మూసేయాలని, తన లాగా మరొకరికి గర్భశోకం కలగకూడదని గత జూలై 16వ తేదీ ఆమె విద్యాశాఖ అధికారులను కోరారు. అధికారులు స్పందించకపోవడంతో ఆరోజు నుంచి పాఠశాల ముందు నిరసన దీక్ష చేపట్టారు. ఆత్మహత్యాయత్నానికి ముందు సెల్ఫీ వీడియో పురుగుమందు తాగడానికి ముందు మౌలాబీ సెల్ఫీ వీడియో తీసుకున్నారు. ‘నా కుమారుడు అనుమానాస్పద మృతికి కారకులను శిక్షించాల్సిన సీఐ హజరత్తయ్య, ఎస్‌ఐ బి.మహేంద్ర లంచం తీసుకుని స్కూలు యాజమాన్యానికి వత్తాసు పలుకుతూ మాపై కేసులు పెడతామని బెదిరించారు. అనుమతులు లేని హాస్టల్‌ను నిర్వహిస్తున్నారని చర్యలు తీసుకోవాలని నిరసనదీక్ష చేస్తున్నా విద్యాశాఖ అధికారులు పట్టించుకోలేదు. దీనికితోడు స్కూలు యాజమాన్యం సూటిపోటి మాటలతో నేను మానసికంగా వేదన అనుభవిస్తున్నాను. నా కుమారుడు ఏ స్కూలు వద్ద చనిపోయాడో నేను కూడా అక్కడే చనిపోతాను. నా మృతదేహాన్ని నా కుమారుడు తౌషిక్‌ను పూడ్చిపెట్టిన చోటే పూడ్చాలి. నన్ను, నాకుమారుడిని దయచేసి వేరు చేయవద్దు. నా చావుకు స్కూలు యాజమాన్యమే కారణం’ అని ఆ సెల్ఫీ వీడియోలో పేర్కొన్నారు. మౌలాబి తాగిన పురుగుమందు డబ్బా మౌలాబీని ఒంగోలు జీజీహెచ్‌కు తరలిస్తున్న దృశ్యం

ఒంగోలు సబర్బన్‌: ఒంగోలు అసెంబ్లీ నియోజకవర్గంలో సుమారు 10,321 డూప్లికేట్‌ ఓట్లు నమోదైనట్లు గుర్తించామని వైఎస్సార్‌ సీపీ ఒంగోలు నియోజకవర్గ ఇన్‌చార్జి చుండూరి రవిబాబు తెలిపారు. వైఎస్సార్‌ సీపీ సర్‌ టాస్క్‌ఫోర్స్‌ బృందం సభ్యులు గురువారం ఒంగోలు ఆర్డీవో, ఎన్నికల రిటర్నింగ్‌ అధికారి (ఈఆర్‌ఓ) చంద్రశేఖర నాయుడును ఆయన చాంబర్‌లో కలిసి ఫిర్యాదు చేసి వినతిపత్రం అందించారని తెలిపారు. ఈ సందర్భంగా మీడియాతో చుండూరి రవిబాబు మాట్లాడుతూ డూప్లికేట్‌ ఓట్లను సమగ్రంగా పరిశీలించి చట్టప్రకారం తొలగించాలని కోరుతూ ఎన్నికల నమోదు అధికారికి వినతిపత్రం ఇప్పించామన్నారు. విశ్వసనీయ వనరుల నుంచి తాము సేకరించిన అనుమానాస్పద డూప్లికేట్‌ ఓటర్ల జాబితాలను బూత్‌ల వారీగా జత చేసి వినతిపత్రం అందించినట్లు తెలిపారు. కొన్ని రోజులుగా వైఎస్సార్‌ సీపీ బూత్‌ లెవల్‌ ఏజెంట్లు (బీఎల్‌ఏలు) సంబంధిత బూత్‌ లెవల్‌ అధికారులకు (బీఎల్‌ఓలు) ఈ జాబితాలను అందించేందుకు ప్రయత్నించినప్పటికీ వారు స్వీకరించలేదని చెప్పారు. దీంతో పూర్తి వివరాలను నేరుగా ఈఆర్‌ఓ కార్యాలయానికి అందించినట్లు వెల్లడించారు. డూప్లికేట్‌ ఓటర్లను తొలగించకపోతే దొంగ ఓటింగ్‌కు అవకాశం ఉందన్నారు. ఎన్నికల ప్రక్రియ పారదర్శకత, సమగ్రత దెబ్బతింటాయని రవిబాబు ఆందోళన వ్యక్తం చేశారు. నిజమైన ఓటర్ల ప్రజాస్వామ్య హక్కులను పరిరక్షించేందుకు ఈ అంశాన్ని అత్యవసరంగా పరిగణించి తగిన విచారణ నిర్వహించి డూప్లికేట్‌ ఓటర్లను జాబితా నుంచి తొలగించాలని ఎన్నికల అధికారులను కోరారు. డీఆర్‌ఓకు వినతిపత్రం ఇచ్చిన వారిలో వైఎస్సార్‌ సీపీ రాష్ట్ర సంయుక్త కార్యదర్శి, ప్రకాశం జిల్లా సర్‌ టాస్క్‌ఫోర్స్‌ సభ్యుడు పాలడుగు రాజీవ్‌, ఒంగోలు అసెంబ్లీ నియోజకవర్గ బూత్‌ కన్వీనర్‌ కొల్లం కార్తీక్‌, ప్రకాశం జిల్లా ముదిరాజ్‌ సంఘ అధ్యక్షుడు పులుసు సురేష్‌బాబు పాల్గొన్నారు. వైఎస్సార్‌ సీపీ నియోజకవర్గ ఇన్‌చార్జి చుండూరి రవిబాబు వైఎస్సార్‌ సీపీ సర్‌ టాస్క్‌ఫోర్స్‌ బృందం ఆధ్వర్యంలో ఆర్డీవోకు ఫిర్యాదు

దర్శి: పేదలకు అందాల్సిన రేషన్‌ బియ్యాన్ని పందికొక్కుల్లా బొక్కుతున్నారు. మండలంలోని బొట్లపాలెం గ్రామంలో డీలర్‌ ఉల్లి విజయలక్ష్మికి చెందిన రేషన్‌ దుకాణంలో అక్రమాలు చోటు చేసుకుంటున్నాయని, పేదలకు బియ్యం ఇవ్వకుండా.. అసలు రేషన్‌ దుకాణంలో బియ్యం దించకుండా నేరుగా పక్కదారి పట్టిస్తున్నారని ఏపీ ఫుడ్‌ కమిషన్‌ చైర్మన్‌ సీహెచ్‌ విజయప్రతాప్‌ రెడ్డికి వచ్చిన ఫిర్యాదుల మేరకు బుధవారం ఆయన బొట్లపాలెం రేషన్‌ దుకాణం వద్దకు తనిఖీ చేసేందుకు వచ్చారు. ఆయన వస్తున్న సంగతి తెలుసుకుని సదరు రేషన్‌ దుకాణం డీలర్‌ అక్కడ లేకుండా ఉడాయించారు. కొంతసేపు వేచి ఉన్నా డీలర్‌ రాకపోవడంతో డీఎస్‌ఓ, డీటీలకు ఆ దుకాణం తీయించి సరుకు లెక్కించి నివేదిక తనకు అందించాలని ఆదేశించి వెళ్లిపోయారు. ఆయన వెళ్లే ముందు ఈ దుకాణంలో సరుకులేదని, మొత్తం సరుకు వందశాతం పక్కదారి పట్టించారని సమాచారం ఉందని చెప్పి మరీ వెళ్లారు. అయితే ఆ షాపు యజమాని టీడీపీ నేత కావడంతో అధికారులు సైతం హైడ్రామా ఆడుతున్నారు. ఒకటో తేదీ నుంచి 15వ తేదీ వరకు ప్రతి రోజు ఉదయం 8 నుంచి 12 గంటల వరకు, సాయంత్రం 4 గంటల నుండి 8 గంటల వరకు కచ్చితంగా రేషన్‌ దుకాణం తీయాలి. అయితే సదరు డీలర్‌ విజయలక్ష్మి ఉన్నతాధికారులు తనిఖీలకు వచ్చినప్పటి నుంచి రెండు రోజులుగా దుకాణం తీయడం లేదు. దీంతో నిత్యం రేషన్‌ కోసం వచ్చే లబ్ధిదారులు వచ్చి దుకాణం మూసి ఉండటం చూసి వెళ్లిపోతున్నారు. గురువారం డీటీ అక్కడ ఉన్న సమయంలోనే రేషన్‌ కోసం పదుల సంఖ్యలో లబ్ధిదారులు వచ్చి వెళ్లారు. ఏపీ ఫుడ్‌ కమిటీ చైర్మన్‌ స్థాయి వ్యక్తి తనిఖీ చేసి నివేదికలు పంపమని ఆదేశించినప్పుడు అవసరమైతే రెవెన్యూ అధికారులు పంచనామా నిర్వహించి తాళం పగులగొట్టి లోపల ఉన్న సరుకు నిల్వలు లెక్కించి నివేదిక అందజేయాలి. అయితే అధికారులు ఆ దిశగా ఎటువంటి చర్యలు తీసుకోలేదు. అందుకు కారణం ఆ డీలర్‌షిప్‌ గ్రామ టీడీపీ నాయకుడి కుటుంబానికి చెందినది కావడమే. గురువారం సరుకు నిల్వలు లెక్కించాలని డీటీ రాధాకృష్ణ అక్కడికి వచ్చారు. వచ్చిన పని చేయకుండా అక్కడ వెంకటాచలంపల్లె గ్రామానికి చెందిన డీలర్ల సంఘం అధ్యక్షుడు, టీడీపీ నాయకుడు సుబ్బారావుతో గూడు పుఠానీ చేశారు. మరి ఏ మంతనాలు జరిగాయో కానీ లోపల ఉన్న సరుకు లెక్కించకుండానే వెళ్లిపోయారు. షాపును కేసు నుంచి కాపాడే క్రమంలో డీఎస్‌ఓ, డీటీలకు భారీ మొత్తంలో ముడుపులు ముట్టాయని పుకార్లు షికారు చేస్తున్నాయి. అక్కడకు వెళ్లిన విలేకరులకు కూడా సరైన సమాధానం చెప్పకుండా డీటీ వెళ్లిపోవడం అనుమానాలకు బలాన్ని చేకూరుస్తోంది. ఇదిలా ఉండగా రేషన్‌ దుకాణంలో రేషన్‌ సక్రమంగా ఇస్తున్నట్లు గ్రామంలో కొందరి చేత సంతకాలు చేయించుకుని వీఆర్వో కొత్తనాటకానికి తెరతీస్తున్నారని సమాచారం. ఈ రేషన్‌ దుకాణాన్ని కేసునుంచి కాపాడేందుకు అధికారులు, ప్రజా ప్రతినిధులు నానాతంటాలు పడుతున్నారు. ఈ విషయంపై డీటీ రాధాకృష్ణను వివరణ కోరడానికి ఫోన్‌ చేయగా ఆయన ఫోన్‌లో స్పందించలేదు. డీఎస్‌ఓ అధికారిణికి ఫోన్‌చేయగా ఫోన్‌ ఎత్తి బొట్లపాలెం రేషన్‌ దుకాణం గురించి వివరణ అడగ్గానే ఫోన్‌ పెట్టేయడం గమనార్హం. డీలర్ల సంఘం అధ్యక్షుడు సుబ్బారావుతో మంతనాలు సాగిస్తున్న డీటీ డీటీ అక్కడ ఉండగానే రేషన్‌ కోసం వచ్చిన మహిళలు

గిద్దలూరు రూరల్‌: అభయారణ్యంలో వేటగాళ్లు రెచ్చిపోతున్నారు. నాటు తుపాకీలతో వేటాడుతూ పెద్ద పులులను సైతం హతమారుస్తున్నారు. గుండ్లకమ్మ, గిద్దలూరు, తురిమెళ్ల అటవీ రేంజ్‌ పరిధిలో 2022 నుంచి 2026 వరకు పెద్దపులి, దుప్పి, జింక, ఉడుము, కణతి, నెమలి, అడవి పందులు తదితర వన్యప్రాణులను వేటాడిన ఘటనల్లో 100కు పైగా కేసులు నమోదయ్యాయంటే వేటగాళ్లు ఏ స్థాయిలో రెచ్చిపోతున్నారో అర్థం చేసుకోవచ్చు. గిద్దలూరు అటవీశాఖ పరిధిలోని అభయారణ్యం సుమారు 10 వేల హెక్టార్లలో విస్తరించి ఉంది. ఇంత విస్తారమైన అటవీ ప్రాంతంలోకి వేటగాళ్లు యథేచ్ఛగా ప్రవేశించి తమకు కావాల్సిన జంతువులను వేటాడటం పలు అనుమానాలు తావిస్తోంది. అభయారణ్యంలోకి అక్రమార్కులు, వేటగాళ్లు ప్రవేశించాలంటే స్థానిక పరిస్థితులపై అవగాహన, మార్గాలపై సమాచారం అవసరం. దీంతో అటవీశాఖలోని కొందరు సిబ్బంది వేటగాళ్లకు సహకరిస్తున్నారన్న విమర్శలు ఉన్నాయి. అటవీశాఖలోని కొందరు సిబ్బంది వేటగాళ్లకు సహకరిస్తున్నారనే ఆరోపణలు ఉన్నాయి. వేటగాళ్లకు అటవీ ప్రాంతంలోని మార్గాలు, జంతువుల సంచారం, గస్తీ వివరాలు వేటగాళ్లకు చేరవేస్తున్నట్లు తెలిసింది. అడవిలో యథేచ్ఛగా వేట సాగుతున్నా వేటగాళ్లను పట్టుకోవడంలో నిర్లక్ష్యం వహించారనే ఆరోపణలపై తురిమెళ్ల రేంజ్‌ ఆఫీసర్‌పై ఉన్నతాధికారులు సస్పెన్షన్‌ చర్యలు తీసుకున్నట్లు తెలిసింది. రాచర్ల బీటులో పెద్దపులి హత్య కేసులో తన రేంజ్‌ పరిధికి చెందిన ఏడుగురు వేటగాళ్లను గుర్తించడంలో నిర్లక్ష్యం వహించారనే ఆరోపణలతో పాటు, ఆగస్టు 23న సంగపేటకు చెందిన ముగ్గురు వ్యక్తులు కుందేలును వేటాడిన విషయం తెలిసినా కేసు నమోదు చేయకపోవడంతోనే చర్యలు తీసుకున్నట్లు తెలిసింది. మరోవైపు గుండ్లకమ్మ రేంజిలోని రాచర్ల బీటులో పెద్దపులి మృతి ఘటనకు సంబంధించి బీట్‌ ఆఫీసర్‌ లక్ష్మణ్‌నాయక్‌ను సెప్టెంబర్‌ 9న సస్పెండ్‌ చేసినట్లు తెలిసింది. వన్యప్రాణుల సంరక్షణ కోసం రేంజ్‌ ఆఫీసర్‌ పరిధిలో స్ట్రైకింగ్‌ ఫోర్స్‌ను ఏర్పాటు చేశారు. అటవీ ప్రాంతాల్లో నిరంతరం గస్తీ నిర్వహిస్తూ వేటగాళ్ల కదలికలను గుర్తించాల్సిన బాధ్యత ఈ సిబ్బందిపై ఉంది. అయితే స్ట్రైకింగ్‌ ఫోర్స్‌ సిబ్బంది క్షేత్రస్థాయిలో గస్తీ కంటే ఉన్నతాధికారుల వ్యక్తిగత కార్యకలాపాల్లో నిమగ్నమయ్యారన్న ఆరోపణలు ఉన్నాయి. దీనిపై పూర్తిస్థాయిలో విచారణ చేయాల్సిన అవసరం ఉంది. బేస్తవారిపేట రేంజ్‌ ఆఫీసర్‌ వీరస్వామికి గుండ్లకమ్మ, జీటీడీ రేంజిల అదనపు బాధ్యతలు అప్పగించడం చర్చనీయాంశంగా మారింది. గిద్దలూరు రేంజ్‌ ఆఫీసర్‌ సత్యనారాయణరెడ్డిని కాదని సుమారు 40 కిలోమీటర్ల దూరంలో ఉన్న బేస్తవారిపేట రేంజ్‌ ఆఫీసర్‌కు గుండ్లకమ్మ రేంజ్‌ బాధ్యతలు అప్పగించడం గమనార్హం. ఒకవైపు సిబ్బంది కొరత, మరోవైపు కీలక రేంజిలకు అదనపు బాధ్యతలు.. ఈ పరిస్థితుల్లో అటవీ ప్రాంతంలో నిరంతర నిఘాపై అనుమానాలు రేకెత్తిస్తున్నాయి. ఆభయారణ్యంలో వేటగాళ్లు విచ్చలవిడిగా నాటు తుపాకీలు వినియోగిస్తున్నారు. అయితే ఈ నాటు తుపాకీలు వేటగాళ్లకు ఎక్కడ నుంచి వస్తున్నాయన్నది ప్రశ్నార్థకంగా మారింది. కార్డన్‌ సెర్చ్‌లో పోలీసులు తనిఖీలు చేస్తున్నప్పుడు ఎక్కడా ఈ నాటు తుపాకీలు పట్టుబడిన సందర్భాలు లేవు. మరీ వేటగాళ్లకు ఈ తుపాకీలు ఎక్కడ నుంచి వస్తున్నాయన్నది విచారణలో తెలియాల్సి ఉంది. ఆగస్టు 4న పెద్దపులిని చంపిన కేసులో నిందితులు (ఫైల్‌) పెద్దపులికీ రక్షణ కరువు అడవి రారాజుగా పేరొందిన పెద్దపులినీ వేటగాళ్లు వదలడం లేదు. గత రెండు నెలలుగా పెద్ద పులలే లక్ష్యంగా చేసుకొని వేట సాగిస్తున్నారు. అయితే అడవిని సంరక్షించాల్సిన అధికారులు, సిబ్బందే వేటగాళ్లకు సహకరిస్తుండటంతో వన్యప్రాణుల వేట ఆగడం లేదు. గుండ్లకమ్మ రేంజ్‌లోని రాచర్ల బీటులో జూలై 31న పెద్దపులి హత్యకు గురైన ఘటన సంచలనం సృష్టించింది. ఈ కేసులో ఆగస్టు 3న ఏడుగురు వేటగాళ్లను అదుపులోకి తీసుకున్నారు. అటవీ శాఖ అధికారులు వారి వద్ద నుంచి నాటుతుపాకీ, గొడ్డలి, పులిగోర్లు స్వాధీనం చేసుకున్నారు. జూన్‌ 28న అంబవరం బీటులో నాటుతుపాకీతో అడవిపందిని కాల్చి చంపిన కేసులో ఇద్దరిని పట్టుకున్నారు. ఆగస్టు 9న గిద్దలూరు రేంజిలోని గయికోట గ్రామ పంచాయతీ పరిధిలోని దేవనగరం గ్రామానికి చెందిన ముగ్గురు వ్యక్తులు నెమలిని వేటాడారు. ఆ కేసులో నిందితులను గుర్తించి అధికారులు పట్టుకొని వారి వద్ద నుంచి నెమలి మాంసం, వేటకు ఉపయోగించే ఉచ్చులు స్వాధీనం చేసుకున్నారు. సెప్టెంబర్‌ 3న గుండ్లకమ్మ రేంజిలోని దిగువమెట్ట పరిధిలో ఉడుములను వేటాడిన ముగ్గురిని అధికారులు పట్టుకున్నారు. వారిని కోర్టులో హాజరుపరచగా 15 రోజుల రిమాండ్‌ విధించారు. తాజాగా సెప్టెంబర్‌ 8న తురిమెళ్ల రేంజ పరిధిలోని పాపినేనిపల్లె బీటులో పెద్దపులి అనుమానాస్పద స్థితిలో మృతి చెందడం మరోసారి కలకలం రేపింది. వేటగాళ్లకు అడ్డుకట్ట ఎక్కడ? స్ట్రైకింగ్‌ ఫోర్స్‌ ఏం చేస్తోంది? ఇంటి దొంగలెవరు..? విధుల్లో నిర్లక్ష్యం వహించారని.. నాటు తుపాకీలు ఎక్కడివి..? అధికారుల మధ్య సమన్వయలోపం

● టీడీపీ నాయకుడికి చెందినవిగా సమాచారం.? నాగులుప్పలపాడు: మండలంలోని గుండ్లకమ్మ నదీ పరివాహక ప్రాంతంలో అక్రమంగా ఇసుక తరలిస్తున్న 10 ట్రాక్టర్లను ఎస్సై బీబీ మహేంద్ర గురువారం తన సిబ్బందితో దాడి చేసి పట్టుకుని స్వాధీనం చేసుకున్నారు. వాటిని నాగులుప్పలపాడు పోలీస్‌స్టేషన్‌కు తరలించారు. టీడీపీకి చెందిన ఒక నాయకుడు అనుమతులు లేకుండా ఇసుక రవాణా చేస్తున్నట్లు సమాచారం కాగా, ఒంగోలు రూరల్‌ సీఐ ఆధ్వర్యంలో ఇసుక ట్రాక్టర్లను స్వాధీనం చేసుకుని కేసు నమోదు చేసినట్లు తెలిసింది.

ఒంగోలు సిటీ: వైద్య, ఆరోగ్య శాఖలోని కాంట్రాక్ట్‌ ఉద్యోగులు రెగ్యులరైజేషన్‌, గ్రాస్‌సాలరీ తదితర సమస్యలపై చేస్తున్న ఆందోళనలకు సీఐటీయూ ప్రకాశం జిల్లా కమిటీ మద్దతు తెలుపుతుందని సీఐటీయూ జిల్లా అధ్యక్ష, ప్రధాన కార్యదర్శులు కాలం సుబ్బారావు, యం.రమేష్‌ ఒక ప్రకటనలో తెలిపారు. రాష్ట్ర ప్రభుత్వం కమిటీల పేరిట కాలయాపన చేయకుండా వెంటనే వీరి సమస్యలు పరిష్కరించాలని, రెగ్యులర్‌ చేయాలని కోరారు. వైద్య, ఆరోగ్యశాఖలో తాత్కాలిక పద్ధతిన ఏళ్ల తరబడి పనిచేయించుకోవడం సరైనది కాదని, గతంలోనే హైకోర్టు తీర్పును వెల్లడించింది. రాష్ట్రంలో 2 లక్షలకు పైగా ఔట్‌సోర్సింగ్‌ ఉద్యోగులు, ఆప్కాస్‌ ఉద్యోగులు విధులు నిర్వహిస్తున్నారు. సుప్రీంకోర్టు తీర్పు ప్రకారం వీరందరికీ గతంలోలా మినిమం టైమ్‌స్కేల్‌ను పునరుద్ధరించాలని చెప్పారు. మార్కాపురం టౌన్‌: తిరుమల తిరుపతి దేవస్థానం (టీటీడీ) భద్రతా సిబ్బంది నియామకానికి మాజీ సైనికుల ఎంపిక ప్రక్రియ గురువారం మార్కాపురం పట్టణంలోని బాయ్స్‌ హైస్కూల్‌ ఆవరణలో నిర్వహించారు. జిల్లా సైనిక్‌ బోర్డు, ఏడబ్ల్యూపీఓ సికింద్రాబాద్‌ వారి ఆధ్వర్యంలో జరిగిన ఈ ఎంపికకు మొత్తం 23 మంది మాజీ సైనికులు హాజరయ్యారు. వివిధ దశల్లో నిర్వహించిన ఎంపిక ప్రక్రియ అనంతరం 21 మంది అర్హత సాధించి ఎంపికై నట్లు ప్రకాశం జిల్లా సైనిక సంక్షేమ అధికారి లెఫ్టినెంట్‌ కల్నల్‌ అబ్దుల్‌ రహీం తెలిపారు. మాజీ సైనికులకు ఉపాధి అవకాశాలు కల్పించడంతో పాటు వారి సేవా అనుభవాన్ని టీటీడీ భద్రతా వ్యవస్థలో వినియోగించుకునే ఉద్దేశంతో ఈ సెలక్షన్‌ నిర్వహించినట్లు అధికారులు చెప్పా రు. ఎంపికై న అభ్యర్థులకు తదుపరి ప్రక్రియ, విధులు, బాధ్యతలపై అధికారులు వివరించారు. ఈ ప్రక్రియలో, ఏడబ్ల్యూపీఓ గోవర్ధనరావు, ఎస్‌.మురళి, మార్కాపురం మాజీ సైనికుల ప్రతినిధులు శీలం హరి నారాయణరెడ్డి, ఎన్‌.చెన్నయ్య, రామకృష్ణయ్య, శేషసాయి, వెంకటేశ్వర్లు, తిరుమలయ్య తదితరులు పాల్గొని ఎంపిక ప్రక్రియను పర్యవేక్షించారు. పెద్దారవీడు: మండలంలో బద్వీడు, సానికవరం గ్రామాల్లో కేంద్ర జలశక్తి బృందం సీడబ్ల్యూసీ, ఎంఏఆర్‌డీ బృందం జిల్లా నోడల్‌ అధికారి వీ గణేష్‌ ఆధ్వర్యంలో జలశక్తి అభియాన్‌ (జేఎస్‌జేబీ) 2.0 కార్యక్రమంలో భాగంగా చేపడుతున్న వివిధ అభివృద్ధి పనులను గురువారం పరిశీలించారు. జల సంరక్షణ, నీటి నిర్వహణకు సంబంధించిన పనుల పురోగతిని క్షేత్రస్థాయిలో పరిశీలించిన అనంతరం ఆయా పనుల వివరాలను స్థానిక అధికారులను అడిగి తెలుసుకున్నారు. గ్రామాల్లో నీటి వనరుల సంరక్షణ, నీటి నిర్వహణ కోసం చేపడుతున్న కార్యక్రమాల అమలు తీరును, పనుల పురోగతిపై అధికారులతో చర్చించారు. కార్యక్రమంలో ఏపీడీ బాలునాయక్‌, ఏపీఓ సాంబశివరావు, ఈసీ ఎస్‌ మంత్రునాయక్‌, ఈసీలు, టీఏలు, వీబీజీ రామ్‌జీ సిబ్బంది, తదితరులు పాల్గొన్నారు.

నిరసన కార్యక్రమాన్ని అడ్డుకునేందుకు పోలీసులు భారీగా మొహరించారు. ప్రజలకు మద్దతు ఇవ్వడానికి వస్తున్న మాజీ మంత్రి డాక్టర్‌ ఆదిమూలపు సురేష్‌ను అడ్డుకునేందుకు యరజర్ల వద్ద మూడు టీంలుగా పోలీసులు బారికేడ్లు ఉంచారు. అలాగే మర్లపాడు వద్ద కొండల మీదుగా వెళ్లే దారిలో బారికేడ్లు ఏర్పాటు చేసి మరీ అడ్డుకున్నారు. పోలీసులు ఎలా అడ్డుకున్నా దాదాపు 500 పైనే ఆయా గ్రామల ప్రజలు, మహిళలు, రైతులు హాజరయ్యారు. అలాగే పోలీసులు ఆంక్షలు పెట్టడంతో డాక్టర్‌ ఆదిమూలపు సురేష్‌, మండల పార్టీ అధ్యక్షుడు చింతపల్లి హరిబాబు మరి కొందరు ఒంగోలు నుంచి మంగమూరు మీదుగా కొణిజేడు చేరుకొని నిరసన సభకు హాజరయ్యారు.

దర్శి: విద్యార్థులకు వండి పెట్టాల్సిన కోడిగుడ్లను పక్కదారి పట్టించి సొమ్ము చేసుకుంటున్నారా అని జిల్లా పరిషత్‌ బాలికల పాఠశాల ప్రధానోపాధ్యాయుడు ఎస్‌కే ఖాదర్‌ మస్తాన్‌, ఎంఈఓ రమాదేవిల పై ఏపీ ఫుడ్‌ కమిషన్‌ చైర్మన్‌ చింతల విజయప్రతాప్‌రెడ్డి ఆగ్రహం వ్యక్తం చేశారు. మండలంలోని మోడల్‌ స్కూల్‌, కేజీబీవీ పాఠశాల, ఎస్సీ కాలనీ వద్ద అంగన్‌వాడీ కేంద్రం, పాత పోస్టాఫీసు వద్ద అంగన్‌వాడీ కేంద్రం, జిల్లాపరిషత్‌ బాలికల పాఠశాలల్లో ఆయన బుధవారం ఆకస్మిక తనిఖీలు చేశారు. జెడ్పీబాలికల పాఠశాలలో స్టోర్‌రూంలో కొన్ని చెడిపోయిన గుడ్లు పరిశీలించారు. అనంతరం బాగున్న గుడ్లను లెక్కవేసి చూడగా 1824 గుడ్లు ఉండాల్సి ఉండగా 2160 గుడ్లు ఉన్నాయి. 336 గుడ్లు ఎక్కువ ఉన్నాయని, తేడా ఎందుకు వచ్చాయని ప్రధానోపాధ్యాయుడు ఖాదర్‌ మస్తాన్‌ను ప్రశ్నించారు. ఇంత తేడాలు జరుగుతుంటే మీరేం చేస్తున్నారని ఎంఈఓ రమాదేవిని ప్రశ్నించారు. మాకు ఇక్కడ గుడ్లు పక్కదారి పడుతున్నాయని ఆటోల్లో తీసుకుని వెళ్లి బయట అమ్ముకుంటున్నారని వచ్చిన ఫిర్యాదు మేరకే తనిఖీ చేస్తున్నామని ఆయన స్పష్టం చేశారు. వారు ఫిర్యాదు చేసినట్లే ఇక్కడ తేడా ఉందని చెప్పారు. రెండు బ్యాగులు రైస్‌కూడా ఎక్కువ ఉన్నాయన్నారు. ప్రధానోపాధ్యాయునికి షోకాజ్‌ నోటీసులు ఇవ్వాలని డిప్యూటీ డీఈఓ రంగయ్యను ఆదేశించారు. ఆయన ఇచ్చే వివరణను బట్టి జరిగిన తప్పును సుమోటోగా తీసుకుంటామని కోర్టు చుట్టూ తిరగాల్సి వస్తుందని చెప్పారు. ఏపీమోడల్‌ స్కూల్‌లో విద్యార్థులతో మాట్లాడారు. తమకు పెట్టే ఉప్మా తినలేక పోతున్నామని విద్యార్థులు చెప్పగా అందుకు బదులుగా ఎగ్‌ఫ్రైడ్‌రైస్‌, టమోటా రైస్‌లను పెట్టాలని మెనూలో మార్పు చేశారు. ఆ తరువాత కోడిగుడ్లను లెక్కవేయగా అక్కడ కూడా తేడాలు వచ్చాయి. గత బుధవారం గుడ్లు ఇక్కడ ఎందుకు ఉన్నాయని, మురిగిన గుడ్లు పిల్లలకు ఎలా పెడుతున్నారని ప్రశ్నించారు. గుడ్లకు ఉండాల్సిన రంగులు లేవని చైర్మన్‌ ప్రశ్నించగా ఈ రంగులతోనే సరఫరా ఇచ్చారని సమాధానం ఇవ్వడం పై మండిపడ్డారు. మొదటి తప్పిదంగా వదిలేస్తున్నామని రికార్డులు సక్రమంగా ఉంచుకోవాలని సూచించారు. కేజీబీవీ స్కూల్‌లో అట్టగుడ్లను కాటా వేసి చూశారు. 300 గ్రాములు తేడా రావడంతో గుడ్లు సరఫరా చేసే వ్యక్తి ఎలా ఇలాంటి గుడ్లు ఇస్తున్నారని ప్రశ్నించారు. ఇంత చిన్నగుడ్లు పిల్లలకు ఇస్తుంటే ఎందుకు తీసుకుంటున్నారని ప్రశ్నించారు. గుడ్లు సరఫరా చేసే కాంట్రాక్టర్‌ తో మాట్లాడాలని అధికారులను ఆదేశించారు. అనంతరం అంగన్‌వాడీ కేంద్రాలను పరిశీలించి విద్యార్థులతో మాట్లాడారు. రేషన్‌దుకాణం యజమాని పరార్‌: బొట్లపాలెంలో విజయలక్ష్మికి చెందిన రేషన్‌ దుకాణంలో ఆకస్మిక తనిఖీ చేసేందుకు ఫుడ్‌ కమిటీ చైర్మన్‌ అక్కడకు వెళ్లారు. విషయం తెలుసుకున్న దుకాణదారులు రేషన్‌ దుకాణానికి తాళంవేసి పరారయ్యారు. దర్శి నియోజకవర్గంలోకి వచ్చినప్పటి నుంచి ఆయన చుట్టూ రేషన్‌ దుకాణాదారులు ప్రదక్షిణలు చేయడం కనిపించింది. ఎక్కడ తమ దుకాణాలు తనిఖీలు చేస్తారోనన్న భయంతో రేషన్‌ షాపుల యజమానులకు ముచ్చెమటలు పట్టాయి. దుకాణాలు అన్నీ మూసి వేసి వెళ్లగా, కొందరు ఫోన్‌లు స్విచ్చాఫ్‌ చేసుకున్నారు. అనంతరం విలేకరుల సమావేశం ఏర్పాటు చేసి విజయ ప్రతాప్‌రెడ్డి మాట్లాడుతూ తమకు వచ్చిన ఫిర్యాదులపై జిల్లాలో పర్యటిస్తున్నామన్నారు. బొట్లపాలెం గ్రామంలో విజయలక్ష్మీకి సంబంధించిన రేషన్‌ దుకాణంలోకి రైస్‌ రావడం లేదని, బయట నుంచి బయటే బ్లాక్‌ మార్కెట్‌కు తరలిస్తున్నారని ఫిర్యాదులు అందాయన్నారు. గ్రామంలో ఎవరికీ రేషన్‌ సక్రమంగా ఇవ్వడంలేదని, బయోమెట్రిక్‌లు వేసి బియ్యం ఇవ్వడం లేదని తమకు వచ్చిన ఫిర్యాదులపై ఇక్కడకు వచ్చామన్నారు. తాము వస్తున్న విషయం తెలుసుకుని రేషన్‌ దుకాణం యజమాని మూసేసి వెళ్లిపోయారని చెప్పారు. డీఎస్‌ఓను దుకాణం తనిఖీ చేసి తమకు నివేదిక ఇవ్వాలని ఆదేశించారు.

మెట్ట ప్రాంత రైతుల కరువు తీర్చాలి.. బీడు భూములను సాగులోకి తేవాలి.. నాలుగు మండలాల ప్రజల దాహార్తిని తీర్చాలన్న సంకల్పంతో చేపట్టిన సంగమేశ్వరం ప్రాజెక్టు పాలకుల నిర్లక్ష్యానికి నిలువెత్తు నిదర్శనంగా మారింది. రెండేళ్లుగా కూటమి ప్రభుత్వంలో పనులు ముందుకు కదల్లేదు. ఇరవై ఏళ్ల క్రితం మొదలైన ప్రాజెక్టులో ఇప్పటికీ పూర్తయిన పనులు పావువంతు దాటలేదు. అవి కూడా ప్రధాన నిర్మాణానికి ఉపయోగపడే స్థాయిలో కాకుండా మట్టికట్ట, రాళ్ల తొలగింపునకే పరిమితమయ్యాయి. హామీలు ఎన్నో.. ప్రకటనలు మరెన్నో.. కానీ పనుల్లో మాత్రం కదలిక కనిపించడంలేదు. నియోజకవర్గానికి ప్రాతినిధ్యం వహిస్తున్న మంత్రి డోల బాల వీరాంజనేయస్వామి చేస్తున్న ప్రకటనలు కాగితాలకే పరిమితమవుతున్నాయన్న విమర్శలు వినిపిస్తున్నాయి.ప్రాజెక్టు నిర్మాణ పనులు నిలిచిపోవడంతో వర్షపు నీళ్లతో స్పీల్‌వే నిర్మాణ ప్రాంతంఇరవై ఏళ్లయినా... పావువంతే..! పొన్నలూరు: మాకేరు–పాలేరు నదులపై 2006లో అప్పటి ముఖ్యమంత్రి వైఎస్‌ రాజశేఖరరెడ్డి జలయజ్ఞంలో భాగంగా సంగమేశ్వరం ప్రాజెక్టుకు శ్రీకారం చుట్టారు. కొండపి నియోజకవర్గంలో సాగు, తాగునీటి సమస్యకు శాశ్వత పరిష్కారం చూపాలనే ఉద్దేశంతో రూ.50.50 కోట్లు మంజూరు చేశారు. ఇందులో రూ.34.50 కోట్లు నిర్మాణానికి, రూ.16 కోట్లు భూసేకరణకు కేటాయించారు. 2007లో పనులు ప్రారంభమై 2009 నాటికి పూర్తి చేయాలని లక్ష్యంగా పెట్టుకున్నా.. ఆ గడువు కాస్తా ఏళ్లుగా సాగిపోతోంది. దీంతో ఆయకట్టు కింద ఉన్న రైతులు పంటలు సాగుచేయక భారీగా నష్టపోయారు. పావువంతు పనులే.. 154 మీటర్ల పొడవున స్పిల్‌వే, 11 గేట్లు.. ఇరువైపులా 2.8 కిలోమీటర్ల మట్టికట్ట.. 0.584 టీఎంసీల నీటి నిల్వ.. ఇవీ ప్రాజెక్టు రూపకల్పనలో ఉన్న లక్ష్యాలు. కానీ క్షేత్రస్థాయిలో మాత్రం పనుల పురోగతి నత్తనడకనే. సుమారు రెండు దశాబ్దాలు గడిచినా ప్రాజెక్టు నిర్మాణం పూర్తికాకపోవడం పాలకుల పనితీరుకు అద్దం పడుతోంది. నాలుగు మండలాలకు జీవనాడి సంగమేశ్వరం పూర్తయితే పొన్నలూరు, జరుగుమల్లి, కొండపి, మర్రిపూడి మండలాల్లో 9,500 ఎకరాలకు సాగునీరు, 15 గ్రామాలకు తాగునీరు అందే అవకాశం ఉంది. ప్రాజెక్టు పూర్తయితే మెట్ట ప్రాంతంలో సాగు విస్తరించి రైతుల జీవన ప్రమాణాలు మెరుగుపడతాయి. కానీ పాలకుల నిర్లక్ష్యంతో ఈ ఆశలు కాగితాలకే పరిమితమయ్యాయి. లోకేష్‌ హామీ ఏమైంది? 2023లో యువగళం పాదయాత్ర సందర్భంగా పొన్నలూరు మండలం కె.అగ్రహారంలో నిర్వహించిన సభలో మంత్రి నారా లోకేష్‌ సంగమేశ్వరం ప్రాజెక్టును పూర్తి చేస్తామని హామీ ఇచ్చారు. కూటమి ప్రభుత్వం అధికారంలోకి వచ్చిన తరువాత కాంట్రాక్టర్‌ను మార్చి పనులు వేగవంతం చేస్తామని ప్రకటించారు. త్వరలో పనులు ప్రారంభిస్తామని చెప్పినా.. ఇప్పటికీ ఆ హామీ కార్యరూపం దాల్చలేదు. ప్రకటనలే.. పురోగతి ఏదీ? ముఖ్యమంత్రి చంద్రబాబు కూడా సంగమేశ్వరం ప్రాజెక్టును పూర్తి చేస్తామని పలుమార్లు ప్రకటించారు. ప్రభుత్వం ఏర్పడి రెండేళ్లు దాటుతున్నా పనుల్లో మాత్రం చెప్పుకోదగ్గ పురోగతి లేదు. తాజాగా రూ.166 కోట్లు మంజూరు చేస్తామని ప్రకటించినా.. ఆ నిధులు ఎప్పుడు విడుదలవుతాయి? పనులు ఎప్పుడు మొదలవుతాయి? అన్నదానిపై స్పష్టత లేదు. దీంతో ప్రజల్లో అసంతృప్తి పెరుగుతోంది. ఈ నియోజకవర్గానికి ప్రాతినిధ్యం వహిస్తున్న సాంఘిక సంక్షేమ శాఖ మంత్రి డోల బాల వీరాంజనేయ స్వామి, సంబంధిత కాంట్రాక్టర్లకు మధ్య విభేదాలు తలెత్తడంతోనే ప్రాజెక్టు పనులు ముందుకు సాగడంలేదన్న ఆరోపణలున్నాయి. రైతుల నోట.. నష్టాల లెక్క ప్రాజెక్టు సకాలంలో పూర్తయి ఉంటే ఈపాటికి వేల ఎకరాలు పచ్చని పంటలతో కళకళలాడేవి. కానీ నీరు లేక ఆయకట్టు భూముల్లో సాగు ఆశించిన స్థాయిలో జరగడం లేదు. రెండు దశాబ్దాలుగా ప్రాజెక్టు కోసం ఎదురుచూస్తున్న రైతులు కోట్ల రూపాయల పంట దిగుబడిని కోల్పోయారు. ఇప్పటి వరకు సుమారు రూ.360 కోట్ల మేర నష్టం వాటిల్లినట్లు రైతులు ఆవేదన వ్యక్తం చేస్తున్నారు. ఎక్కడ వేసిన గొంగళి అక్కడే.. మెట్ట ప్రాంత ప్రజల సాగు, తాగునీటి కష్టాలు తీర్చాల్సిన ప్రాజెక్టు.. పాలకుల ప్రకటనలకే పరిమితమైంది. నిధులు, టెండర్లు, కాంట్రాక్టర్లు, హామీలు.. ఇలా ఏళ్లు గడుస్తున్నా నిర్మాణం మాత్రం ముందుకు సాగడం లేదు. ప్రజల జీవనాడిగా భావించిన సంగమేశ్వరం.. ఇప్పుడు పాలకుల నిర్లక్ష్యానికి ప్రతీకగా మారిందన్న విమర్శలు వెల్లువెత్తుతున్నాయి. హామీలతో కాదు.. పనులతోనే ప్రాజెక్టు పూర్తవుతుందని, తమకు ఇక ప్రకటనలు కాదు.. నీళ్లే కావాలని ఆయకట్టు రైతులు డిమాండ్‌ చేస్తున్నారు. నిర్మాణ పనుల్లో జాప్యానికి కాంట్రాక్టర్లు, సబ్‌కాంట్రాక్టర్లు మారడం, పాత ధరలకు–ప్రస్తుత ధరలకు భారీ వ్యత్యాసం రావడం ప్రధాన కారణాలుగా చెబుతున్నారు. 2015లోనే అదనంగా రూ.20 కోట్లు మంజూరు చేయాలని కాంట్రాక్టర్లు ప్రభుత్వాన్ని కోరారు. పనుల వ్యయానికి అనుగుణంగా అదనపు నిధులు ఇస్తామని అప్పట్లో ప్రభుత్వం హామీ ఇచ్చింది. దీంతో కొంతకాలం మట్టికట్ట, ఎర్త్‌వర్క్‌ పనులు జరిగాయి. అయితే హామీ మేరకు నిధులు అందకపోవడంతో పనులు మళ్లీ నిలిచిపోయాయి.

● పట్టీపట్టనట్లు వ్యవహరిస్తున్న అధికారులు బల్లికురవ: మంచినీటి అవసరాల కోసం విడుదల చేసిన సాగర్‌ జలాలు మండలంలో వాగులు, చేపల చెరువుల పాలవుతున్నా అధికారులు పట్టీపట్టనట్లు వ్యవహరిస్తున్నారని ప్రజలు వాపోతున్నారు. తాగునీటి అవసరాల కోసం ప్రభుత్వం ఆగస్టు 30వ తేదీ సాగర్‌ జలాలు విడుదల చేసింది. 18/0 మైలు సంతమాగులూరు మండలం అడవిపాలెం వద్ద 1015 క్యూసెక్కులు, 33/0 మైలు బల్లికురవ మండలం వల్లాపల్లి లాకుల వద్ద 700 క్యూసెక్కులు పారేలా అధికారులు చర్యలు చేపట్టారు. అయితే ఆ నీటిని పక్కదారి పట్టించి రెండు మండలాల్లో అద్దంకి బ్రాంచి కాలువ ద్వారా నల్లవాగు, చేపల చెరువుకు, పవర్‌ ప్లాంటుకు ఎగువన సూరేపల్లి గ్రామ సమీపంలో ప్రధాన కాలువ వద్ద లీకేజ్‌తో కాలువ కట్ట ఏర్పాటు చేసుకుని కొందరు రైతులు పంట పొలాలు దుక్కులు, వరినాట్లు చేపడుతున్నారు. పర్యవేక్షించాల్సిన అధికారులు పట్టించుకోవడం లేదు. అధికారులు స్పందించి 227 తాగునీటి నోటిఫైడ్‌ చెరువులను పూర్తిస్థాయిలో సాగర్‌ నీటితో నింపాలని ప్రజలు కోరుతున్నారు. ఐరన్‌ ఓర్‌ తవ్వకాలు నిలిపేయండి టంగుటూరు: మండలంలోని కొణిజేడు, మర్లపాడు, కందులూరు, సర్వేరెడ్డిపాలెం, యరజర్ల గ్రామాల కొండల్లో ఇనుప ఖనిజం మైనింగ్‌ పనులను నిలిపేయాలని డిమాండ్‌ చేస్తూ ఆయా గ్రామాల ప్రజలు పెద్దఎత్తున ఆందోళన చేపట్టారు. ఒంగోలు రూరల్‌ మండలంలోని యరజర్ల, సర్వేరెడ్డిపాలెం, టంగుటూరు మండలంలోని మర్లపాడు, కొణిజేడు, కందులూరు గ్రామాల ప్రజలు నిరసనలో పాల్గొన్నారు. మహిళలు పెద్ద సంఖ్యలో హాజరై మైనింగ్‌ కారణంగా తమ భూములు, నీటి వనరులు, పశువుల మేత భూములు, జీవనోపాధికి ముప్పు వాటిల్లుతుందని ఆందోళన వ్యక్తం చేశారు. కుల, మత, రాజకీయ భేదాలు లేకుండా గ్రామస్థులు ఏకమై నిరసన చేపట్టారు. వైఎస్సార్‌ సీపీ, సీపీఐ, సీపీఎం నాయకులతోపాటు వివిధ ప్రజా సంఘాల ప్రతినిధులు గ్రామస్థులకు మద్దతుగా నిలిచారు. కొండపి నియోజకవర్గ వైఎస్సార్‌ సీపీ ఇన్‌చార్జి, మాజీ మంత్రి ఆదిమూలపు సురేష్‌ ఆందోళనలో పాల్గొని మైనింగ్‌ పనులు, పోలీసుల తీరుపై తీవ్ర ఆగ్రహం వ్యక్తం చేశారు. ఏపీఎండీసీ, జేఎస్‌డబ్ల్యూ ఆధ్వర్యంలో ఓపెన్‌కాస్ట్‌ ఇనుప ఖనిజం మైనింగ్‌తోపాటు అక్కడే శుద్ధి ప్లాంట్‌ ఏర్పాటు చేస్తున్నారని ఆయన తెలిపారు. మొత్తం సుమారు 1,300 ఎకరాల భూమి ఈ ప్రాజెక్టు పరిధిలోకి వస్తుందని పేర్కొన్నారు. కొణిజేడు ప్రాంతంలో 300 ఎకరాలు, కందులూరులో 100 ఎకరాలు, మర్లపాడులో 300 ఎకరాలు, యరజర్లలో 300 ఎకరాలు, సర్వేరెడ్డిపాలెంలో 200 ఎకరాలకు పైగా భూములు ప్రాజెక్టు పరిధిలో ఉన్నాయని తెలిపారు. ప్రాజెక్టు నిర్వహణలో జేఎస్‌డబ్ల్యూకు 89 శాతం వాటా, ప్రభుత్వ రంగ సంస్థ ఏపీఎండీసీకి 11 శాతం వాటా ఉండటంపై సురేష్‌ అభ్యంతరం వ్యక్తం చేశారు. గతంలో ఏపీఎండీసీ జిమ్‌టెక్స్‌ అనే సంస్థను తీసుకొచ్చి అనంతరం జేఎస్‌డబ్ల్యూకు అప్పగించిందని ఆయన పేర్కొన్నారు. 2015లో మంజూరైన పర్యావరణ అనుమతులను ఆధారంగా చేసుకుని తాజా ప్రజాభిప్రాయ సేకరణ లేకుండానే డ్రిల్లింగ్‌, తవ్వకాలు చేపడుతున్నారని ఆరోపించారు. 2011లో కలెక్టర్‌ ప్రజాభిప్రాయ సేకరణకు వచ్చిన సమయంలోనే గ్రామస్థులు మైనింగ్‌ను తీవ్రంగా వ్యతిరేకించారని, అప్పట్లో గ్రామాల్లో పరిస్థితి ఉద్రిక్తంగా మారిందని గుర్తుచేశారు. ప్రస్తుతం మైనింగ్‌ ప్రాంతాన్ని పరిశీలించేందుకు వెళ్లే గ్రామస్థులను పోలీసులు అడ్డుకోవడం, అదుపులోకి తీసుకోవడం పట్ల ఆయన అభ్యంతరం వ్యక్తం చేశారు. మైనింగ్‌ పనులకు సంబంధించి సరైన మైనింగ్‌ ప్రణాళికలు, కాలుష్య నియంత్రణ మండలి అనుమతులు, జాయింట్‌ వెంచర్‌ పత్రాలు అందుబాటులో ఉన్నాయా అనే విషయంపై స్పష్టత ఇవ్వాలని డిమాండ్‌ చేశారు. మైనింగ్‌తో తీవ్ర కాలుష్యం: మైనింగ్‌ ప్రాంతంలోని ఇనుప ఖనిజంలో మాగ్నటైట్‌ శాతం తక్కువగా ఉందని, దీంతో ఖనిజాన్ని శుద్ధి చేయడానికి విస్తృతమైన ప్రక్రియ అవసరమవుతుందని తెలిపారు. ఈ ప్రక్రియ వల్ల ధూళి, వాయు కాలుష్యం పెరిగి ప్రజల ఆరోగ్యంపై ప్రతికూల ప్రభావం చూపే ప్రమాదం ఉందని గ్రామస్థులు ఆందోళన వ్యక్తం చేశారు. ముఖ్యంగా చిన్నారులు, వృద్ధుల ఆరోగ్యంపై ప్రభావం పడే అవకాశం ఉందని పేర్కొన్నారు. శుద్ధి ప్రక్రియకు భారీగా నీరు అవసరమవుతుందని, దీనివల్ల భూగర్భ జలాలపై ఒత్తిడి పెరగడంతోపాటు నీటి వనరులు కలుషితమయ్యే ప్రమాదం ఉందని తెలిపారు. స్థానికంగా సుమారు 500 ఎకరాల చెరువులు, కుంటలు, సమీపంలోని ఎన్‌ఎస్‌పీ కాలువపై కూడా ప్రభావం పడే అవకాశం ఉందని ఆందోళన వ్యక్తం చేశారు. వంద ఎకరాలకు పైగా పశువుల మేత భూములు దెబ్బతిని పశువులకు మేత, నీటి కొరత ఏర్పడుతుందని గ్రామస్థులు తెలిపారు. సారవంతమైన వ్యవసాయ భూములు దెబ్బతింటే రైతుల జీవనోపాధి తీవ్రంగా ప్రభావితమవుతుందని పేర్కొన్నారు. ప్రాజెక్టు ద్వారా రూ.1,000 కోట్ల పెట్టుబడితో ఉద్యోగాలు కల్పిస్తామని చెబుతున్నా స్థానికులకు ఎక్కువగా ప్రమాదకరమైన, నైపుణ్యం లేని పనులే దక్కే అవకాశం ఉందని సురేష్‌ విమర్శించారు. మైనింగ్‌ పనులను తక్షణమే నిలిపేసి కలెక్టర్‌ స్వయంగా ఈ ప్రాంతాన్ని సందర్శించాలని, ప్రాజెక్టుకు సంబంధించిన అన్ని పత్రాలను ప్రజలకు అందుబాటులో ఉంచాలని డిమాండ్‌ చేశారు. ప్రాజెక్టుపై ముందుకెళ్తే ఉద్యమమే.. గతంలో ప్రజలు తీవ్రంగా వ్యతిరేకించిన అంశంపై మళ్లీ ప్రజాభిప్రాయ సేకరణ నిర్వహించి వారి అభిప్రాయాలను పరిగణనలోకి తీసుకోవాలని ఆదిమూలపు సురేష్‌ కోరారు. ప్రజల అభ్యంతరాలను పట్టించుకోకుండా బలవంతంగా ప్రాజెక్టును ముందుకు తీసుకెళ్తే పెద్దఎత్తున ప్రజా ఉద్యమం చేపడతామని హెచ్చరించారు. గ్రామాల భవిష్యత్తు, పర్యావరణం, వ్యవసాయ భూములు, నీటి వనరులు, ప్రజల జీవనోపాధిని కాపాడేందుకు ఎంతటి పోరాటానికై నా సిద్ధంగా ఉన్నామని గ్రామస్థులు స్పష్టం చేశారు. మైనింగ్‌ పనులు నిలిపేయాలంటూ ఐదు గ్రామాల ప్రజలు ముఖ్యంగా మహిళలు యువత అన్ని వర్గాల వారు తీవ్ర నిరసన కార్యక్రమానికి పిలుపునివ్వడంతో నిరసనకారులను అడ్డుకునేందుకు భారీగా పోలీసు బలగాలను మోహరించారు. అయినా ప్రజలు స్వచ్ఛందంగా సామరస్య పూర్వకంగా తమ నిరసనను ప్రభుత్వ దృష్టికి తీసుకెళ్లి తమ ప్రాంతాలకు నష్టం జరగకుండా కాపాడాలని జిల్లా అధికారులను డిమాండ్‌ చేస్తూ నిరసనలు కొనసాగించారు. కార్యక్రమంలో వైఎస్సార్‌ మండల పార్టీ అధ్యక్షుడు చింతపల్లి హరిబాబు, సీపీఎం ప్రాంతీయ కార్యదర్శి టీ.రాము, సీపీఎం మండల కార్యదర్శి వి.మోజెస్‌, కొణిజేడు నాయకులు ఎస్‌.కె.మీరాస్‌, ఎమ్‌.కోటయ్య, సీపీఐ మండల కార్యదర్శి టీ.ప్రభాకర్‌, నాయకులు ఎన్‌.పేరయ్య, ఈదా వెంకటరెడ్డి, బుర్ర అంకరాజు, సింగమనేని బ్రహ్మయ్య, ఈదర అమర్నాథ్‌, కొమ్ము సురేంద్ర, మేదరమెట్ల భరత్‌ రెడ్డి, శ్రీపతి విజయ్‌, మస్తాన్‌ బాబు, ఆ గ్రామాల రైతులు, మహిళలు, ప్రజలు పాల్గొన్నారు.

ఒంగోలు సబర్బన్‌: దేవాలయాల్లో చోరీలకు పాల్పడుతున్న దొంగలను మార్కాపురం జిల్లా పోలీసులు అరెస్ట్‌ చేశారు. దేవతా మూర్తుల విగ్రహాలు అపహరించిన మొత్తం 13 మందిని అరెస్ట్‌ చేసిన పోలీసులు రూ.22.70 లక్షల విలువైన దేవతా మూర్తుల విగ్రహాలను, ఇతర సొత్తును స్వాధీనం చేసుకున్నారు. ఈ మేరకు ప్రకాశం, మార్కాపురం జిల్లాల ఎస్పీ వి.హర్షవర్ధన్‌ రాజు ఒంగోలులోని జిల్లా పోలీస్‌ కార్యాలయంలో మంగళవారం విలేకరుల సమావేశం ఏర్పాటు చేసి వివరాలు వెల్లడించారు. మార్కాపురం జిల్లా సీఎస్‌పురం, పామూరు, కనిగిరి, కొనకనమిట్ల మండలాల్లోని దేవాలయాల్లో ఇటీవల వరుస దొంగతనాలకు పాల్పడిన వారిని పట్టుకునేందుకు ప్రత్యేకంగా బృందాలను నియమించామన్నారు. నిందితులను పామూరు మండలం రావిగుంటపల్లి గ్రామ శివారులో అరెస్ట్‌ చేసినట్లు చెప్పారు. అరెస్టయిన నిందితుల్లో రావిగుంటపల్లికి చెందిన ఇండ్ల విష్ణువర్ధన్‌, సీఎస్‌పురానికి చెందిన తమ్మిశెట్టి రమణయ్య, గుడ్లూరు మండలం ఏలూరుపాడుకు చెందిన మల్లాల చెంచు సుబ్బారావు, పొదిలికి చెందిన సోమరాజుపల్లి ఉమా మహేశ్వరరావు, కనిగిరి మండలం వంగపాడు గ్రామానికి చెందిన కొమ్మి కాటంరాజు, సీఎస్‌ పురానికి చెందిన బత్తుల శ్రీను, కొత్తపట్నం మండలం పల్లెపాలేనికి చెందిన పిన్నీ రాజీవ్‌, ఒంగోలు కమ్మపాలేనికి చెందిన కమ్మ సూర్యతేజ, ఎన్‌జీపాడు మండలం వినోదరాయునిపాలెం గ్రామానికి చెందిన మోకా ఆంజనేయులు, అద్దంకికి చెందిన డేరంగుల వెంకట రమణ, సీఎస్‌పురం వడ్డెపాలేనికి చెందిన బండారు తిరుపతయ్య, గిద్దలూరుకు చెందిన దూదేకుల నాగూర్‌ షరీఫ్‌, వీళ్ళ వద్ద విగ్రహాలు కొనుగోలు చేసిన కొమరోలు మండలం భావాపురం గ్రామానికి చెందిన చందలూరి బాల గురవయ్యలను అరెస్ట్‌ చేశామన్నారు. అపహరించిన వాటిలో సీఎస్‌.పురం శివాలయంలో సుమారు రూ.12 లక్షల విలువైన రెండు పార్వతీ పరమేశ్వరుల పంచలోహ విగ్రహాలు, ఒక ఇత్తడి అయ్యప్ప విగ్రహం, కనిగిరి మండలం చీర్లదిన్నె గ్రామంలోని కాశీ విశ్వేశ్వర స్వామి గుడిలో సుమారు రూ.10 లక్షల విలువైన 4.5 కేజీల వెండి కవచం, వెండి నాగాభరణం, కొనకనమిట్ల మండలం గొట్లగట్టు రామాలయంలో రూ.25 వేల విలువైన సుమారు 25 కేజీల ఇత్తడి హనుమంత వాహనం, పామూరు మండలం వగ్గంపల్లి గ్రామంలో పోలేరమ్మ తల్లి దేవాలయంలో సుమారు రూ.50 వేల విలువైన ఇత్తడి కిరీటం, రెండు చేతుల కవచాలు మొత్తం విలువ సుమారు రూ.22,75,000 ఉంటాయన్నారు. నిందితులు బేల్దారు పనులు, మరికొందరు స్లాబ్‌ మిల్లర్‌ పనులు చేస్తుంటారు. ఆయా పనుల నిమిత్తం వివిధ ప్రాంతాలకు వెళ్లే క్రమంలో ఒకరికొకరికి పరిచయం ఏర్పడింది. వీరిలో విష్ణువర్ధన్‌ ఒక ప్రైవేట్‌ వెంచర్‌లో వాచ్‌మెన్‌గా పనిచేస్తుండగా, అతనికి సుబ్బారావు తోడుగా ఉండేవాడు. వీరిలో పాత నేరస్తుడైన సోమరాజుపల్లి ఉమామహేశ్వరరావు అనే వ్యక్తి ఒక దేవాలయంలో పూజారిగా పనిచేస్తూ, దేవాలయాల్లో చోరీలకు పాల్పడి సులభంగా డబ్బు సంపాదించవచ్చనే సలహాలు ఇచ్చేవాడు. కొమరోలు మండలానికి చెందిన బాల గురవయ్య చోరీ చేసిన సొత్తును స్వీకరించే రిసీవర్‌గా ఉండేవాడు. ఈ విధంగా దేవాలయాలను లక్ష్యంగా చేసుకొని దొంగతనాలకు పాల్పడటం మొదలుపెట్టారు. ఈ క్రమంలో పలు దేవాలయాలను ముందుగా గుర్తించి, అక్కడి పరిస్థితులను పరిశీలిస్తూ, దొంగతనాలకు పాల్పడ్డారన్నారు. దేవాలయాల్లో జరుగుతున్న ఈ వరుస దొంగతనాల కేసులు ఛేదించడంలో కృషి చేసిన కనిగిరి డీఎస్పీ పి.శ్రీధర్‌ బాబు, పామూరు సీఐ డి.వినోద్‌ కుమార్‌, కనిగిరి సీఐ యు.శ్రీనివాసరావు, ఎస్సైలను, వారి సిబ్బంది, సీసీఎస్‌, ఐటీ కోర్‌ సిబ్బందిని ఎస్పీ హర్షవర్ధన్‌ రాజు అభినందించారు.

● పొగాకు రైతులపై అన్యాయంగా కేసులు బనాయించారు● అక్రమ కేసులు ఎక్కువ కాలం నిలవవు● మాజీ ఎమ్మెల్యే అన్నా రాంబాబు కొనకనమిట్ల: వైఎస్సార్‌ సీపీ కార్యకర్తలకు పార్టీ ఎప్పుడూ అన్నీ విధాలా అండగా ఉంటుందని మార్కాపురం నియోజకవర్గ వైఎస్సార్‌ సీపీ ఇన్‌చార్జి, మాజీ ఎమ్మెల్యే అన్నా రాంబాబు భరోసా ఇచ్చారు. గతేడాది పార్టీ అధినేత మాజీ సీఎం వైఎస్‌ జగన్‌మోహన్‌రెడ్డి పొగాకు రైతుల సమస్యలు తెలుసుకొనేందుకు పొదిలి పొగాకు బోర్డు సందర్శించారు. అప్పట్లో కూటమి ప్రభుత్వం అన్యాయంగా, అక్రమంగా జగన్‌మోహన్‌రెడ్డికి మద్దతుగా వచ్చిన పార్టీ కార్యకర్తలు, పలువురు రైతులపై కేసుల పెట్టారు. కేసులు పెట్టిన వారిలో మండలంలోని వాగుమడుగు గ్రామానికి చెందిన బొరిగొర్ల తిరుపతయ్య, సాదం పెద్దవీరయ్య ఉన్నారు. గత నెలలో వారిని అరెస్ట్‌ చేసి రిమాండ్‌ నిమిత్తం దర్శి సబ్‌జైల్‌కు పంపారు. వారికి మంగళవారం బెయిల్‌ మంజూరైంది. విషయం తెలుసుకున్న అన్నా రాంబాబు, పార్టీ నాయకులతో కలిసి దర్శి సబ్‌ జైల్‌ దగ్గరికి వెళ్లారు. దర్శి సబ్‌జైల్‌ నుంచి బెయిల్‌పై బయటికి వచ్చిన కార్యకర్తలను పరామర్శించారు. అక్రమ కేసులు ఎప్పుడూ నిలవవని, ఎవరూ భయపడొద్దని వారికి భరోసా ఇచ్చారు. ప్రభుత్వ ప్రజావ్యతిరేక చర్యలకు నిరసనగా సమష్టిగా పోరాడదామన్నారు. ఏ సమస్యలు వచ్చినా పార్టీ అండగా ఉంటుందని చెప్పారు. అన్నాతో పాటు జెడ్పీటీసీ అక్కిదాసరి ఏడుకొండలు, మండల పార్టీ కన్వీనర్‌ మోరా శంకర్‌రెడ్డి, వాగుమడుగు ఎంపీటీసీ పి.కృష్ణవేణి కోటయ్య, నాయకులు కల్లం దిబ్బారెడ్డి, బొరిగొర్లబాలయ్య తదితరులు ఉన్నారు.

కనిగిరిరూరల్‌: ఏపీ ఫుడ్‌ కమిషన్‌ చైర్మన్‌ సీహెచ్‌ విజయ్‌ ప్రతాప్‌రెడ్డి ఉమ్మడి ప్రకాశం జిల్లాలో మంగళవారం సుడిగాలి పర్యటన చేశారు. కనిగిరి, మార్కాపురం, కొండపి నియోజకవర్గాల్లో పర్యటించిన ఆయన పలు అంగన్‌వాడీ కేంద్రాలు, రేషన్‌ షాపులు, పాఠశాలలను, ఎండీఎంను ఆకస్మికంగా తనిఖీ చేశారు. కొంతకాలంగా ఫిర్యాదులు వస్తున్న నేపథ్యంలో కనిగిరి పట్టణంలోని 8వ వార్డు అంగన్‌వాడీ కేంద్రాన్ని ప్రతాప్‌రెడ్డి తనిఖీ చేశారు. అంగన్‌వాడీ రికార్డులు సక్రమంగా లేకపోవడంతో పాటు, కార్యకర్త జీ సత్యావతి విధులకు సరిగ్గా హాజరు కావడం లేదని తదితర అంశాలపై విచారణ జరిపారు. ఆరోపణలు వాస్తవంగా నిర్ధారించుకుని అంగన్‌వాడీ కార్యకర్తపై చర్యలకు ఆదేశించారు. 8వ వార్డు అంగన్‌వాడీ కార్యకర్తను డిస్మస్‌ చేయాలని ఉన్నతాధికారులకు సిఫార్సు చేస్తున్నట్లు తెలిపారు. ‘‘కనిగిరిలో అంగన్‌వాడీ కేంద్రాల పనితీరు బాగా లేదు. నిత్యం అనేక ఫిర్యాదు వస్తున్నాయి. సోషల్‌ మీడియా వేదికగా చాలామంది నాకు ఫిర్యాదులు పంపిస్తున్నారు. అంగన్‌వాడీ కేంద్రాల్లో కనీస సమయ పాలన పాటించడం లేదని నేరుగా వాట్సప్‌లో టైమింగ్‌ తో సహా పెడుతున్నారు. మీరు అసలు పట్టించుకోరా.. మీరు వారి ఆధీనంలో పనిచేస్తున్నారా.. లేక వారు మీ ఆధీనంలో ఉన్నారా..?’’ అంటూ సీడీపీఓ సరోజనిపై తీవ్ర ఆగ్రహం వ్యక్తం చేశారు. తక్షణం ఐసీడీఎస్‌ పట్టణ పరిధిలోని 31 మంది కార్యకర్తలు, ఆయాలతో సమావేశం ఏర్పాటు చేయాలని ఆదేశించారు. కనిగిరి అంగన్‌వాడీ కేంద్రాలపై ప్రత్యేక నిఘా ఏర్పాటు చేయాలని ఐసీడీఎస్‌ ఉన్నతాధికారులను ఆదేశించారు. రేషన్‌ షాపుల తనిఖీ.. పట్టణంలోని పలు రేషన్‌ షాపులను ఏపీ ఫుడ్‌ కమిషన్‌ చైర్మన్‌ విజయ ప్రతాప్‌రెడ్డి ఆకస్మిక తనిఖీ చేశారు. 12వ రేషన్‌ షాపులో స్టాక్‌ నిల్వకంటే అధికంగా 15 బస్తాలు ఉన్నట్లు గుర్తించారు. తక్షణం రేషన్‌ డీలర్‌ ఎస్‌కే బాషా పై 6ఏ కేసు నమోదు చేయాలని సంబంధిత శాఖ అధికారులను ఆదేశించారు. అలాగే జెడ్పీ బాలికోన్నత పాఠశాలను, గురుకుల పాఠశాలను, కేజీబీవీ పాఠశాలను తనిఖీ చేశారు. జెడ్పీ బాలికోన్నత పాఠశాలలో ఎండీఎంను పరిశీలించారు. అనంతరం ఎస్సీ, బీసీ హాస్టల్‌ విద్యార్థినులతో ముఖా ముఖిగా మాట్లాడారు. ఈ సందర్భంగా ఎస్సీ, బీసీ వెల్ఫేర్‌ అధికారులతో మాట్లాడుతూ ప్రస్తుతం వారానికి నాలుగు గుడ్లు ఇస్తున్నారని.. త్వరలో ప్రభుత్వం ఎండీఎం రేట్లు పెంచుతారని అప్పుడు కచ్చితంగా 6 గుడ్లు విద్యార్థులకు ఇవ్వాలని ఆదేశించారు. ప్రతి విద్యార్థికి 105 గ్రాముల చికెన్‌ కచ్చితంగా ఉండాలని తెలిపారు. పేద వర్గాల విద్యార్థులకు ఆరోగ్యకరమైన భోజనం అందించాలన్నారు. బియ్యం సరిగా పంపిణీ చేయకుంటే డీలర్ల వ్యవస్థకే ముప్పు: అనంతరం ఏపీ ఫుడ్‌ కమిషనర్‌ విజయ్‌ ప్రతాప్‌రెడ్డి విలేకర్లతో మాట్లాడుతూ కనిగిరి నుంచి తనకు విపరీతమైన ఫిర్యాదులు రావడంతో తనిఖీలకు వచ్చినట్లు చెప్పారు. రేషన్‌ డీలర్లు పేదలకు బియ్యం ఇవ్వకుండా నగదు ఇస్తున్నట్లు అనేక మంది ఫిర్యాదు చేశారన్నారు. ఇలాంటి చర్యల వల్ల భవిష్యత్తులో రేషన్‌ డీలర్‌ వ్యవస్థకే ముప్పు తెచ్చేలా ప్రభుత్వం ఆలోచన చేస్తోందన్నారు. డీలర్లు ఇదే తప్పు కొనసాగిస్తే భవిష్యత్తులో పేదలకు బియ్యం బదులు నగదు ఇచ్చి డీలర్‌ వ్యవస్థనే రద్దు చేస్తే ఆలోచనలు జరుగుతాయని పరోక్షంగా హెచ్చరించారు. కార్యక్రమంలో వివిధ శాఖల అధికారులు తహసీల్దార్‌ టీవీఎం కృష్ణా ప్రసాద్‌, జీసీడీఓ హేమలత, డీఎస్‌ఓ, డిప్యూటీ డీఈఓ జీ సంజీవి, సీడీపీఓ సరోజని, ఎంఈఓలు యూవీ నారాయణరెడ్డి, దేవిరెడ్డి రామిరెడ్డి, రాజాల కొండారెడ్డి, సుబ్బారావు, శివ నాయక్‌, ఆర్‌ఐ మాధవరెడ్డి, ఎన్‌ఫోర్స్‌మెంట్‌, తదితరులు పాల్గొన్నారు. రేషన్‌ డీలర్‌పై 6ఏ కేసు నమోదు చేయండి మార్కాపురం టౌన్‌: రేషన్‌ షాపులో ఆన్‌లైన్‌ స్టాక్‌కు, షాపులో ఉన్న స్టాకులో తేడా ఉన్నందున 33వ రేషన్‌షాపు డీలర్‌పై 6ఏ కేసు నమోదు చేయాలని రాష్ట్ర ఫుడ్‌ కమిషన్‌ చైర్మన్‌ విజయప్రతాప్‌రెడ్డి రెవెన్యూ అధికారులను ఆదేశించారు. మంగళవారం ఆయన పట్టణంలోని ఏకలవ్య కాలనీలో రేషన్‌షాపును తనిఖీ చేశారు. షాపు నంబర్‌ 33పై ఫిర్యాదులు రావటంతో ఆయన తనిఖీ చేయగా బియ్యం 50 కిలోలు ఎక్కువగా, గోధుమపిండి 85 కిలోలు, చక్కెర 15 కిలోలు తక్కువగా ఉన్నట్లు గుర్తించామని సదరు డీలర్‌పై కేసు నమోదు చేయలని డీఎస్‌వో అంకయ్యను ఆదేశించారు.

నలభై ఏళ్లుగా వ్యవసాయం చేస్తున్నా.. ఇంత దారుణమైన పరిస్థితిని ఎప్పుడూ చూడలేదు. పత్తి ఎందుకు వేశానా అని బాధపడుతున్నా. ఒక్క చినుకు కూడా పడకపోవడంతో పంట మొత్తం ఎండిపోతోంది. అప్పుడప్పుడూ నీటి తడులు ఇస్తున్నా పైరుకు సరిపోవడం లేదు. ఎండాకాలం మాదిరిగా వాతావరణం ఉంది. పంటను కాపాడుకునేందుకు రాత్రిపూట నిద్రపోకుండా నీళ్లు పెడుతున్నాం. రెండెకరాలకు ఇప్పటికే రూ.20 వేలకుపైగా ఖర్చు చేశాను. ఆ పెట్టుబడైనా తిరిగి వచ్చే పరిస్థితి కనిపించడం లేదు. మరోవైపు అడవి పందుల బెడద కూడా పెరిగింది. – జానపాటి ఆవులయ్య, పత్తి రైతుమార్కాపురం: ఖరీఫ్‌ ఆరంభంలో తొలకరి జల్లులు పలకరించడంతో ఆశగా విత్తనాలు వేసిన రైతులకు.. ఆ తర్వాత వరుణుడు ముఖం చాటేయడంతో కష్టాలు మొదలయ్యాయి. కీలకమైన పూత, కాయ దశలో చినుకు జాడ లేకపోవడంతో పొలాల్లో పత్తి మొక్కలు వాడిపోతున్నాయి. ఇప్పటికే పెట్టిన పెట్టుబడులు కళ్లముందే ఎండిపోతుండటంతో రైతులు ఆందోళన చెందుతున్నారు. ఉమ్మడి జిల్లాలో అత్యధిక శాతం మార్కాపురం జిల్లా పరిధిలోని 14 మండలాల్లో పత్తి పంట సాగవుతోంది. ఖరీఫ్‌ సీజన్‌లో 19,711 హెక్టార్లలో పత్తి సాగు కావాల్సి ఉండగా.. 16,338 హెక్టార్లలో సాగైంది. ప్రధానంగా వర్షాధారంగానే పంటను సాగుచేశారు. తొలకరి వర్షాలు ఆలస్యం కావడంతో కొంతమంది రైతులు జల్లుల కోసం ఎదురుచూశారు. అడపాదడపా కురిసిన వర్షాలతో మొక్కలు మొలకెత్తి ఎదుగుదల కనిపించలేదు. దీంతో ఎరువులు, పురుగుమందులు వినియోగించారు. ఆ తర్వాత వరుణుడు ముఖం చాటేయడంతో పంట పరిస్థితి ఒక్కసారిగా తారుమారైంది. ఎకరాకు రూ.10 వేల పెట్టుబడి పత్తి సాగు కోసం రైతు ఎకరాకు సుమారు రూ.10 వేల వరకు పెట్టుబడి పెట్టాడు. విత్తనాల కొనుగోలు, దుక్కులు, అరకలు, అంతర్‌ సేద్యం, ఎరువులు, పురుగుమందులకు ఖర్చు చేశాడు. మూడు ప్యాకెట్ల విత్తనాలు, రెండుసార్లు దున్నడం, అంతర్‌ సేద్యం, రెండుసార్లు పురుగుమందులు, ఎరువులు చల్లడం తదితర ఖర్చులు కలిపి పెట్టుబడి పెరిగిపోయింది. ఇప్పుడు పంట చేతికొచ్చే పరిస్థితి లేకపోవడంతో ఈ మొత్తం వృథా అయ్యే ప్రమాదం నెలకొంది. పూత దశలోనే.. పంట వాడుముఖం పత్తి పంటకు ప్రస్తుత సమయం అత్యంత కీలకం. పూత, కాయలు నిలవాలంటే నేలలో తేమ అవసరం. వర్షాలు లేకపోవడంతో నేలలో తేమ తగ్గి మొక్కలు బలహీనపడుతున్నాయి. పూత నిలవకపోవడం, కాయలు ఏర్పడకపోవడంతో దిగుబడిపై తీవ్ర ప్రభావం పడుతోంది. ఎరువులు, బలవర్ధక మందులు వినియోగించినా వాన లేకపోవడంతో ఆశించిన ఫలితం కనిపించడం లేదని రైతులు వాపోతున్నారు. బోర్లతో తడులు.. అడుగంటుతున్న భూగర్భ జలాలు వర్షాధార పంటను కాపాడుకునేందుకు కొందరు రైతులు బోర్ల ద్వారా నీటి తడులు అందిస్తున్నారు. రాత్రింబవళ్లు నీటి కోసం పడిగాపులు కాస్తున్నారు. అయినా ఎండ తీవ్రతకు ఆ తడులు సరిపోవడం లేదు. మరోవైపు భూగర్భ జలాలు కూడా అడుగంటుతుండటంతో భవిష్యత్‌లో నీటి లభ్యతపై రైతుల్లో ఆందోళన వ్యక్తమవుతోంది. ఈ గ్రామాల్లో దయనీయ పరిస్థితి మార్కాపురం మండలంలోని వేములకోట, జమ్మనపల్లి, చింతగుంట్ల, తిప్పాయిపాలెం, మిట్టమీదిపల్లి, నికరంపల్లి, గజ్జలకొండ, బోడపాడు, పెద్దారవీడు మండలంలోని బద్వీడు, చెర్లోపల్లి, చట్లమిట్ట, సానికవరం, తర్లుపాడు మండలంలోని చెన్నారెడ్డిపల్లి, మీర్జపేట, తుమ్మలచెరువు, సీతానాగులవరం తదితర గ్రామాల్లో పత్తి పంట పరిస్థితి ఆందోళనకరంగా ఉంది. రైతులకు అవగాహన.. అయినా వాన కోసం ఎదురుచూపులే ఎల్‌నినో ప్రభావంతో పంటపై పడే ప్రతికూల ప్రభావాలను తగ్గించుకునేందుకు తీసుకోవాల్సిన జాగ్రత్తలపై దర్శి కేవీకే శాస్త్రవేత్తలు, స్థానిక వ్యవసాయ అధికారులు రైతులకు సూచనలు చేస్తున్నారు. నేలలో తేమను కాపాడుకోవడం, అవసరమైన యాజమాన్య పద్ధతులు పాటించాలని సూచిస్తున్నారు. అయితే వర్షం లేకపోవడంతో పంటను కాపాడుకోవడం రైతులకు కష్టంగా మారింది.

చీమకుర్తి: ఒంగోలు మున్సిపల్‌ కార్పొరేషన్‌ పరిధిలోని పేర్నమిట్టలో వార్డుల పునర్విభజన అత్యంత అశాసీ్త్రయంగా, నిబంధనలకు విరుద్ధంగా జరిగిందని వైఎస్సార్‌ సీపీ శ్రేణులు మండిపడ్డాయి. జనాభా ప్రాతిపదికను పట్టించుకోకుండా ఇష్టారాజ్యంగా విభజన చేపట్టి స్థానిక ప్రజలకు తీవ్ర అన్యాయం చేశారని ధ్వజమెత్తారు. ఈ మేరకు మంగళవారం ఒంగోలు మున్సిపల్‌ కార్పొరేషన్‌ కార్యాలయంలో తపాలాధికారి ఎబినైజర్‌ను వైఎస్సార్‌సీపీ సంతనూతలపాడు మండల అధ్యక్షుడు దుంపా చెంచిరెడ్డి, స్థానిక నేతలు కలిసి తమ అభ్యంతరాలతో కూడిన వినతిపత్రాన్ని అందజేశారు. గతంలో సంతనూతలపాడు మండలం పేర్నమిట్ట పరిధిలో నాలుగు పూర్తి వార్డులు, మరో రెండు వార్డుల్లో సగం ఓటర్లు ఉండేవారని, విభజన అనంతరం వాటిని ఐదు వార్డులుగా మార్చారని నాయకులు పేర్కొన్నారు. అయితే పాత 38, 39 వార్డులు రెండింటినీ కలిపి ఏకంగా 5,500 మంది ఓటర్లతో నూతనంగా 48వ వార్డుగా మార్చడం దారుణమన్నారు. నగరపాలక సంస్థ పరిధిలోని ఇతర వార్డుల్లో సగటున 2,500 నుంచి 3,000 మంది ఓటర్లు మాత్రమే ఉంటే, పేర్నమిట్టలోని 48వ వార్డులో మాత్రం 5,500 మందిని చేర్చడం ఏంటని ప్రశ్నించారు. ఇంత పెద్ద సంఖ్యలో ఓటర్లు, భారీ భౌగోళిక విస్తీర్ణం ఉన్న ఈ వార్డులో ప్రజలకు సచివాలయ సేవలు, ప్రభుత్వ పథకాలు అందడం గగనంగా మారుతుందని ఆందోళన వ్యక్తం చేశారు. ఒంగోలు నగరం మొత్తం మీద అదనంగా 12 నూతన వార్డులను పెంచిన అధికారులు.. దాదాపు 35 వేల మంది ఓటర్లున్న పేర్నమిట్ట ప్రాంతానికి ఒక్క కొత్త వార్డు కూడా కేటాయించకపోవడం దారుణమని దుయ్యబట్టారు. ఇప్పటికై నా అధికారులు పునరాలోచించి 5,500 మంది ఓటర్లున్న 48వ వార్డును తక్షణమే రెండు వార్డులుగా విభజించాలని, తద్వారా స్థానిక ప్రజలకు పరిపాలనా సౌలభ్యం కల్పించాలని డిమాండ్‌ చేశారు. కార్యక్రమంలో వైఎస్సార్‌ సీపీ మండల అధ్యక్షుడు దుంపా చెంచిరెడ్డితో పాటు వార్డుల ఇన్‌చార్జిలు ఎస్‌కే రసూల్‌, సాయి, రామచంద్రారెడ్డి, మాజీ కార్పొరేటర్‌ ఇమ్రాన్‌ తదితరులు పాల్గొన్నారు. 38, 39 వార్డులను కలిపి ఒకే వార్డుగా చేయడమేంటి? ఒంగోలులో ఎక్కడా లేని విధంగా ఒకే వార్డులో 5,500 మంది ఓటర్లేంటి? కార్పొరేషన్‌లో 12 వార్డులు పెరిగినా.. 35 వేల మంది ఉన్న పేర్నమిట్టకు అన్యాయం 48వ వార్డును రెండుగా విభజించాలని కార్పొరేషన్‌ అధికారికి వైఎస్సార్‌ సీపీ నేతల వినతి

● కనిగిరి 7వ వార్డు ఓట్లను యథావిధిగా ఉంచాలని వినతి కనిగిరిరూరల్‌: నిబంధనలకు విరుద్ధంగా 7వ వార్డు పరిధిలోని ఓట్లను ఇతర వార్డుల్లోకి మార్చారని ఆరోపిస్తూ కనిగిరి పట్టణ వైఎస్సార్‌ సీపీ నాయకులు మంగళవారం ఆర్డీవో, మున్సిపల్‌ కమిషనర్‌లకు ఫిర్యాదు చేశారు. మున్సిపాలిటీ పరిధిలోని 7వ వార్డులో సుమారు 200 ఓట్లను ఎటువంటి ముందస్తు సమాచారం, విచారణ లేకుండా 9వ వార్డులో కలిపారన్నారు. ఒకే ఇంట్లో 5 ఓట్లు ఉంటే మూడు ఓట్లను వేరే వార్డుకు మార్చి, రెండు ఓట్లను ఇక్కడే ఉంచడంపై ఆగ్రహం వ్యక్తం చేశారు. అసలు ఏ నిబంధనల ప్రకారం వార్డుల పునర్విభజన చేశారో కనీసం స్థానికులకు సమాచారం ఇవ్వలేదన్నారు. వైఎస్సార్‌సీపీ శ్రేణులు, సానుభూతిపరుల ఓట్లను ఉద్దేశపూర్వకంగానే చీల్చారని, దీనిపై ఎన్నికల అధికారులు తక్షణమే స్పందించి సరిచేయాలని డిమాండ్‌ చేశారు. లేనిపక్షంలో కలెక్టర్‌, రాష్ట్ర ఎన్నికల సంఘానికి ఫిర్యాదు చేస్తామన్నారు. కార్యక్రమంలో పార్టీ వార్డు అధ్యక్షుడు భూమిరెడ్డి రామచంద్రారెడ్డి, నాయకులు కన్నేటి సుబ్బారెడ్డి, తమ్మనేని రమణారెడ్డి, తమ్మనేని వెంకటరెడ్డి, టి.రామచంద్రారెడ్డి, బి.వెంకటేశ్వరరెడ్డి, టి.వెంకటరెడ్డి పాల్గొన్నారు. ● పొక్లెయిన్‌ అనుమతి కోరుతున్న చెంచు గిరిజనులు పెద్దదోర్నాల: తాము సాగు చేసుకుంటున్న ఆర్‌వోఎఫ్‌ఆర్‌ భూముల్లో పెరిగిన పిచ్చిచెట్లను తొలగించుకునేందుకు పొక్లెయిన్‌ అనుమతి కోరుతూ ముఖ్యమంత్రికి మూకుమ్మడిగా పోస్టుకార్డులు పంపనున్నట్లు పెద్దదోర్నాల మండల పరిధిలోని చింతల, తుమ్మలబైలు చెంచు గిరిజనులు తెలిపారు. మంగళవారం గిరిజన సంఘ నాయకులు భూమని వెంకటయ్య, ఆర్తి వెంకటేశం మాట్లాడుతూ.. గతంలో తమకు పట్టాలు మంజూరైన ఆర్‌వోఎఫ్‌ఆర్‌ భూముల్లో చిల్లచెట్లు భారీగా పెరిగి సాగుకు ఆటంకంగా మారాయన్నారు. ఈ విషయమై గత నెల 14న కలెక్టర్‌, జాయింట్‌ కలెక్టర్‌, డీఎఫ్‌ఓలకు అర్జీలు ఇచ్చామని, రెండు నెలలుగా అటవీశాఖ అధికారుల చుట్టూ తిరుగుతున్నా అనుమతులు ఇవ్వలేదని ఆవేదన వ్యక్తం చేశారు. ఈ నెల 22వ తేదీలోపు సమస్యను పరిష్కరించకపోతే చింతలలోనే రాస్తారోకో నిర్వహిస్తామని అధికారులను హెచ్చరించారు. హనుమంతునిపాడు: మండలంలోని ముప్పళ్లపాడు గ్రామానికి చెందిన ఇంటర్‌ విద్యార్థిని కిడ్నాప్‌నకు గురైనట్లు ఎస్సై రాజ్‌కుమార్‌ తెలిపారు. ఒంగోలు శ్రీకృష్ణనగర్‌లో నివాసముంటున్న మువ్వ తిరుపతయ్య కుమార్తె స్థానిక చైతన్య కళాశాలలో ఇంటర్‌ ద్వితీయ సంవత్సరం చదువుతోంది. తాతను చూసేందుకు ఆమె ఇటీవల ముప్పళ్లపాడుకు వచ్చింది. సోమవారం సాయంత్రం ఒంగోలుకు చెందిన పిన్నిక మహేష్‌ అనే యువకుడు కారులో వచ్చి బాలికను బలవంతంగా లాక్కెళ్లినట్లు తండ్రి తిరుపతయ్య పోలీసులకు ఫిర్యాదు చేశారు. బాధితుడి ఫిర్యాదు మేరకు కిడ్నాప్‌ కేసు నమోదు చేసి గాలింపు చర్యలు చేపట్టినట్లు ఎస్సై వెల్లడించారు.

మార్కాపురం టౌన్‌: మార్కెట్లో ఉల్లి ధరలు భగ్గుమంటుండటంతో సామాన్య వినియోగదారులు బెంబేలెత్తుతున్నారు. పది రోజుల క్రితం కిలో రూ.30 నుంచి రూ.35 పలికిన ధర, ప్రస్తుతం ఏకంగా రూ.50 నుంచి రూ.60కి చేరింది. మార్కెట్లో మహారాష్ట్ర నుంచి దిగుమతయ్యే పాత ఉల్లి ధర రూ.60 ఉండగా, కర్నూలు, నంద్యాల ప్రాంతాల నుంచి వస్తున్న కొత్త గడ్డల ధర రూ.50 పలుకుతోంది. ప్రధాన మార్కెట్లలోనే ధరలు పెరగడంతో తామేమీ చేయలేమని వ్యాపారులు పేర్కొంటున్నారు. మున్ముందు ధరలు మరింత పెరిగే అవకాశం ఉందని వ్యాపారులు చెబుతుండగా, ప్రభుత్వం వెంటనే స్పందించి రైతుబజార్ల ద్వారా సబ్సిడీపై ఉల్లి విక్రయించి ఉపశమనం కలిగించాలని వినియోగదారులు కోరుతున్నారు.

మార్కాపురం: వెలిగొండ ఫీడర్‌ కెనాల్‌లో గల్లంతైన కటకానిపల్లికి చెందిన ఇద్దరు యువకుల కుటుంబాలకు ప్రభుత్వం రూ.20 లక్షల చొప్పున నష్టపరిహారం చెల్లించాలని ఎమ్మార్పీఎస్‌ జిల్లా ఇన్‌చార్జి జలదంకి నరశింగరావు మాదిగ డిమాండ్‌ చేశారు. బాధిత కుటుంబాల్లో ఒకరికి ఉద్యోగం, రెండెకరాల భూమి ఇవ్వాలని కోరుతూ మంగళవారం స్థానిక జీజీహెచ్‌ ఎదుట రహదారిపై ధర్నా నిర్వహించారు. మార్కాపురం ఆర్డీవో అక్కడికి చేరుకుని డిమాండ్లను ప్రభుత్వం దృష్టికి తీసుకెళ్తానని హామీ ఇవ్వడంతో ఆందోళన విరమించారు. ప్రభుత్వం తక్షణమే స్పందించి బాధితులను ఆదుకోవాలని, గల్లంతైన రాజు మృతదేహాన్ని వెలికితీయాలని కోరారు. కార్యక్రమంలో ఎమ్మార్పీఎస్‌ నాయకులు పందిటి కాశిరావు, కోటయ్య, వినయ్‌, పులివేముల అనిల్‌తో పాటు మృతుల బంధువులు పాల్గొన్నారు. ● మార్కాపురం విద్యుత్‌ ఎస్‌ఈ కరీం మార్కాపురం: వినియోగదారులకు నిరంతరాయంగా నాణ్యమైన విద్యుత్‌ అందించడంతో పాటు సమస్యలపై వెంటనే స్పందించాలని విద్యుత్‌ శాఖ ఎస్‌ఈ ఎస్‌ఎ.కరీం అధికారులను ఆదేశించారు. మంగళవారం స్థానిక మార్కెట్‌ యార్డులో డీఈఈలు, ఏడీఈఈలు, ఏఈఈలతో సమీక్షా సమావేశం నిర్వహించారు. విద్యుత్‌ సరఫరా, సాంకేతిక లోపాలు, వర్షాకాల ముందస్తు చర్యలపై దిశానిర్దేశం చేశారు. ప్రతి రెండో శనివారం సబ్‌స్టేషన్లు, లైన్లు, ట్రాన్స్‌ఫార్మర్ల నిర్వహణ పనులను పకడ్బందీగా చేపట్టాలన్నారు. ఈదురుగాలులు, వర్షాల వల్ల ప్రమాదాలు జరగకుండా విద్యుత్‌ తీగలకు ఆనుకుని ఉన్న చెట్ల కొమ్మలను తొలగించాలని, బలహీన స్తంభాలను సరిచేయాలని స్పష్టం చేశారు. సమావేశంలో ఈఈ అశోక్‌కుమార్‌, డీఈలు ఉమాకాంత్‌, యుగంధర్‌, ఏఈఈ సీయానాయక్‌, ఈఈ టెక్నికల్‌, ఈఈ ఎంఆర్‌టీ, ఏఏవోలు, జేఏవోలు పాల్గొన్నారు.

గిద్దలూరు రూరల్‌: పట్టణంలోని మార్కెట్‌ యార్డు సమీపంలో నివాసముంటున్న మాజీ సైనికుడు సూరేపల్లె చిన్నిక్రిష్ణయ్య ఇంట్లో సోమవారం రాత్రి చోరీ జరిగింది. అందిన సమాచారం మేరకు.. చిన్నిక్రిష్ణయ్య తన భార్యతో కలిసి గుజరాత్‌లోని కుమారుడి వద్దకు వెళ్లారు. ఇల్లు తాళం వేసి ఉండటాన్ని గమనించిన గుర్తుతెలియని దుండగులు తాళాలు పగులగొట్టి లోపలికి చొరబడ్డారు. బీరువాలోని దుస్తులు, సామగ్రిని చెల్లాచెదురు చేసి, అందులోని 4 తులాల వెండి, రూ.20 వేల నగదును అపహరించుకుపోయారు. సోమవారం తిరిగొచ్చిన బాధితులు చోరీ జరిగినట్లు గుర్తించి పోలీసులకు ఫిర్యాదు చేశారు. పోలీసులు కేసు దర్యాప్తు చేస్తున్నారు. ● ప్రకాశం జిల్లా ప్రధాన న్యాయమూర్తి ఎ.సత్యానంద్‌ పిలుపు ఒంగోలు వన్‌టౌన్‌: ఈ నెల 12వ తేదీన నిర్వహించనున్న జాతీయ లోక్‌ అదాలత్‌లో అత్యధిక సంఖ్యలో కేసులను పరిష్కరించేందుకు అన్ని చర్యలు చేపట్టినట్లు ప్రకాశం జిల్లా ప్రధాన న్యాయమూర్తి, జిల్లా న్యాయ సేవాధికార సంస్థ చైర్మన్‌ ఏ.సత్యానంద్‌ తెలిపారు. మంగళవారం ఆయన మాట్లాడుతూ.. సివిల్‌, రాజీపడదగిన క్రిమినల్‌, చెక్‌ బౌన్స్‌, బ్యాంక్‌ రికవరీ, మోటార్‌ వాహన ప్రమాద పరిహారం, కుటుంబ, కార్మిక, విద్యుత్‌ వివాదాలను లోక్‌ అదాలత్‌ ద్వారా శాశ్వతంగా పరిష్కరించుకోవచ్చని పేర్కొన్నారు. కక్షిదారులు, న్యాయవాదులు, అధికారులు సమన్వయంతో వ్యవహరించి ఎక్కువ కేసులు రాజీ మార్గంలో ముగిసేలా చూడాలన్నారు. లోక్‌ అదాలత్‌ ద్వారా సమయం, ధనం ఆదా అవుతాయని, ఇక్కడ వెలువడే అవార్డు అంతిమమని, దీనిపై ఎలాంటి అప్పీల్‌ ఉండదని స్పష్టం చేశారు. అద్దంకి రూరల్‌: బైక్‌ వెనుక చక్రంలో చీర చెంగు ఇరుక్కొని కిందపడిన ప్రమాదంలో తీవ్రంగా గాయపడిన ఓ వివాహిత ఆస్పత్రిలో చికిత్స పొందుతూ మృతి చెందింది. సీఐ సుబ్బరాజు తెలిపిన వివరాల ప్రకారం.. మేదరమెట్లకు చెందిన సంధ్య, మహేష్‌ దంపతులు ఈ నెల 5వ తేదీ రాత్రి టీవీఎస్‌ ఎక్స్‌ఎల్‌ వాహనంపై అద్దంకి రామ్‌నగర్‌లోని చర్చికి ప్రార్థనల నిమిత్తం వచ్చారు. తిరిగి వెళ్తుండగా వెంకటేశ్వర అపార్ట్‌మెంట్‌ సమీపంలో వెనుక కూర్చున్న సంధ్య చీర చెంగు చక్రంలో చిక్కుకుపోయింది. దీంతో ఆమె రోడ్డుపై పడిపోవడంతో తల, ముఖానికి తీవ్ర గాయాలయ్యాయి. భర్త మహేష్‌ వెంటనే ఆమెను అద్దంకి ప్రభుత్వ ఆస్పత్రికి, మెరుగైన వైద్యం కోసం గుంటూరు కిమ్స్‌కు తరలించారు. అక్కడ చికిత్స పొందుతూ సోమవారం సాయంత్రం సంధ్య మృతి చెందింది. సమాచారం అందుకున్న పోలీసులు కేసు దర్యాప్తు చేస్తున్నారు. గుడ్లూరు: పట్టపగలే గుర్తుతెలియని దుండగులు ఓ వృద్ధురాలి చేతుల్లోని బంగారు గాజులను లాక్కెళ్లిన ఘటన మండల కేంద్రమైన గుడ్లూరులో కలకలం రేపింది. మంగళవారం స్థానిక మెయిన్‌ బజారులోని ఇనుప వ్యాపార దుకాణం వద్దకు మోటార్‌ సైకిల్‌పై ఇద్దరు ఆగంతకులు వచ్చారు. కిరోసిన్‌ కొలిచే లీటరు క్యాన్‌ కావాలని షాపు యజమాని సరోజనమ్మను అడిగారు. ఆమె చేతులకు ఉన్న బంగారు గాజులను చూసి, ‘ఇలాంటి డిజైన్‌తోనే గాజులు చేయించుకుంటాం’ అని నమ్మబలుకుతూ క్షణాల్లో వాటిని లాక్కుని పరారయ్యారు. అనంతరం అదే బజారులో మరో వ్యక్తి చేతి ఉంగరాన్ని, సినిమా హాల్‌ సెంటర్‌లో మరికొందరిని లక్ష్యంగా చేసుకుని చోరీకి యత్నించగా స్థానికులు అప్రమత్తం కావడంతో అక్కడి నుంచి జారుకున్నారు. ఈ ఘటనలపై ఎస్సై వి.వెంకట్రావును వివరణ కోరగా తమకు ఎలాంటి ఫిర్యాదు అందలేదని తెలిపారు. ● నాలుగో రోజూ ఎస్డీఆర్‌ఎఫ్‌ ముమ్మర గాలింపు పెద్దదోర్నాల: ఈతకు వెళ్లి వెలిగొండ ఫీడర్‌ కెనాల్‌ ప్రవాహంలో గల్లంతైన యువకుడు రాజ్‌కుమార్‌ ఆచూకీ నాలుగో రోజైన మంగళవారం కూడా లభ్యం కాలేదు. దీంతో బాధితుడి కుటుంబ సభ్యులు కన్నీరుమున్నీరవుతున్నారు. శనివారం మధ్యాహ్నం స్నేహితులతో కలిసి ఈతకు వెళ్లిన రాజ్‌కుమార్‌, అతని సోదరుడు వినయ్‌కుమార్‌ కెనాల్‌ నీటిలో కొట్టుకుపోయారు. సోమవారం వినయ్‌కుమార్‌ మృతదేహం సుంకేసుల సమీపంలో లభ్యం కాగా, రాజ్‌కుమార్‌ మృతదేహం కోసం గాలింపును ముమ్మరం చేశారు. రెవెన్యూ, పోలీస్‌, ఎస్డీఆర్‌ఎఫ్‌ సిబ్బంది ఫీడర్‌ కెనాల్‌, నల్లమలసాగర్‌ పరిసర ప్రాంతాల్లో విస్తృతంగా జల్లెడ పడుతున్నారు.

టంగుటూరు: ఒకవైపు వర్షాభావ పరిస్థితులు, గిట్టుబాటు ధరల్లేక అన్నదాతలు అల్లాడుతుంటే.. మరోవైపు కూటమి ప్రభుత్వం వారి జీవనాధారంపై కోలుకోలేని దెబ్బకొట్టింది. ప్రకాశం జిల్లాలో ఐరన్‌ ఓర్‌ ఫ్యాక్టరీ నిర్మాణానికి అనుమతులు మంజూరు చేస్తూ చంద్రబాబు సర్కారు తీసుకున్న నిర్ణయం పెను దుమారం రేపుతోంది. జిల్లా కేంద్రం ఒంగోలుకు సమీపంలోని యరజర్ల, సర్వేరెడ్డిపాలెం, టంగుటూరు మండల పరిధిలోని కొణిజేడు, మర్లపాడు, కందులూరు గ్రామాల చుట్టూ ఉన్న కొండల ప్రాంతంలో ఈ కాలుష్య కర్మాగార ఏర్పాటుకు రంగం సిద్ధం చేస్తుండటంతో స్థానిక ప్రజలు భగ్గుమంటున్నారు. పచ్చని పొలాలకు ఉరి.. ఈ ఐదు గ్రామాల్లో తరతరాలుగా వరి, జొన్న, మినుము, శనగ తదితర పంటలు పండే వేలాది ఎకరాల సారవంతమైన భూములున్నాయి. పరిశ్రమ నుంచి వెలువడే దుమ్ము, ధూళి వల్ల పంటల దిగుబడి పడిపోయి భూములు బీడుగా మారే ప్రమాదముంది. రసాయన వ్యర్థాలతో తాగునీటి చెరువులు, భూగర్భ జలాలు విషతుల్యమై రోగాల బారిన పడతామని ప్రజలు వాపోతున్నారు. వేలాది పశువులకు మేత దొరక్క పాడి పరిశ్రమ కుదేలవుతుందని, కాలుష్యం పెరిగి ప్రజలు ఊళ్లు వదిలి వలస వెళ్లాల్సిన దుస్థితి వస్తుందని ఆవేదన వ్యక్తం చేస్తున్నారు. అడుగడుగునా కుట్రలే.. 2001లోనే చంద్రబాబు నాయుడు ఈ ఫ్యాక్టరీ నిర్మాణానికి శంకుస్థాపన చేయగా, 2013లో మర్లపాడులో నిర్వహించిన ప్రజాభిప్రాయ సేకరణలో ప్రజలు దీన్ని తీవ్రంగా వ్యతిరేకించారు. గత వైఎస్సార్‌సీపీ ప్రభుత్వ హయాంలో పేదలకు ఇళ్ల పట్టాలు ఇవ్వడానికి ఈ భూములను సిద్ధం చేస్తే, మైనింగ్‌ ప్రాంతమంటూ టీడీపీ నేతలు కోర్టుకెళ్లి అడ్డుకున్నారు. ఇప్పుడు ప్రజాభిప్రాయ సేకరణ లేకుండా, పర్యావరణ ప్రభావ అధ్యయనం చేయకుండా గుట్టుచప్పుడు కాకుండా అనుమతులిచ్చారు. దీనిపై కలెక్టర్‌ రాజాబాబుకు పలుమార్లు వినతిపత్రాలు అందజేసినా స్పందన లేకపోవడంతో ప్రజల్లో ఆగ్రహం వ్యక్తమవుతోంది.

టంగుటూరు: మండలంలోని వల్లూరు చెరువు మట్టి మాఫియా అక్రమార్జనకు అడ్డాగా మారింది. ఒకప్పుడు ఆ గ్రామంలో నీటికి ఆధారంగా ఉన్న చెరువు.. నేడు మట్టి మాఫియాకు ఆదాయ వనరైంది. కూటమి ప్రభుత్వం అధికారంలోకి వచ్చినప్పటి నుంచి వల్లూరు చెరువులో అక్రమంగా మట్టి తవ్వకాలు, తరలింపులు జరుగుతున్నా అధికారులు ఆ వైపు కన్నెత్తి చూడకపోవడంపై స్థానికులు తీవ్రస్థాయిలో విమర్శిస్తున్నారు. అనుమతులు, నిబంధనలను పట్టించుకోకుండా భారీ యంత్రాలతో పగలూరాత్రీ తేడా లేకుండా మట్టి తవ్వి ట్రాక్టర్లు, లారీల ద్వారా తరలిస్తున్న విషయం కళ్లకుకట్టినట్లు కనిపిస్తున్నా ఎవరూ పట్టించుకోకపోవడం వెనుక భారీగా అవినీతి జరుగుతోందన్న ఆరోపణలు వినిపిస్తున్నాయి. రోజూ వందలాది ట్రిప్పులు... వల్లూరు చెరువులో మూడు చిన్న జేసీబీలు, ఒక భారీ జేసీబీతో మట్టి తవ్వకాలు చేస్తున్నారు. ఉదయం నుంచి రాత్రి వరకు యంత్రాలు పనిచేస్తూనే ఉంటున్నాయి. భారీ స్థాయిలో మట్టిని బయటకు తరలిస్తున్నారు. నిత్యం సుమారు ట్రాక్టర్లతో 300 ట్రిప్పులు, లారీలతో 100 ట్రిప్పుల వరకు మట్టి తరలిస్తున్నారని స్థానికులు చెబుతున్నారు. దాని ప్రకారం.. రోజూ వేల టన్నుల మట్టిని చెరువులో తవ్వి తరలిస్తున్నట్లు తెలుస్తోంది. ప్రధానంగా ఒంగోలు, పరిసర ప్రాంతాల్లోని రియల్‌ ఎస్టేట్‌ వెంచర్లు, ప్లాట్లను చదును చేసేందుకు మట్టి సరఫరా చేస్తూ అక్రమార్కులు యథేచ్ఛగా దోచుకుంటున్నట్లు స్థానికులు ఆరోపిస్తున్నారు. చెరువు మట్టికి డిమాండ్‌ ఉండటంతో కాసుల వర్షం కురిపిస్తోందని చెబుతున్నారు. ఇదే కొనసాగితే భవిష్యత్తులో చెరువుకు ముప్పు... చెరువులో ఇదే విధంగా మట్టి తవ్వకాలు కొనసాగితే చెరువు అసలు స్వరూపం దెబ్బతినడంతో పాటు భవిష్యత్తులో నీటి నిల్వ సామర్థ్యంపై ప్రభావం పడే అవకాశం ఉందని స్థానికులు, నిపుణులు ఆందోళన వ్యక్తం చేస్తున్నారు. చెరువు పరిరక్షణకు చర్యలు తీసుకోవాల్సిన అధికారులే పట్టించుకోకపోవడం పలు అనుమానాలకు తావిస్తోందని అంటున్నారు. ఇంత భారీ స్థాయిలో యంత్రాలు, వాహనాలతో మట్టి తవ్వి తరలిస్తున్నా సంబంధిత శాఖల అధికారులు ఎందుకు స్పందించడం లేదనే ప్రశ్నలు తలెత్తుతున్నాయి. మట్టి తవ్వకాలకు అనుమతులున్నాయా..? ఉంటే ఎంత మేరకు తవ్వకాలకు అనుమతిచ్చారు..? నిబంధనలకు విరుద్ధంగా తవ్వకాలు జరుగుతున్నాయా..? అనే అంశాలపై అధికారులు సమగ్ర విచారణ చేపట్టాలని స్థానికులు డిమాండ్‌ చేస్తున్నారు. వల్లూరు చెరువు మట్టి దోపిడీపై ఉన్నతాధికారులు తక్షణమే స్పందించి తవ్వకాలకు సంబంధించిన అనుమతులు, మట్టి తరలింపు, వాహనాల రాకపోకలపై విచారణ జరిపి వాస్తవాలను వెలుగులోకి తీసుకురావాలని ప్రజలు కోరుతున్నారు. అడ్డగోలుగా మట్టి తవ్వి తరలిస్తున్నా పట్టించుకోని అధికారులు నాలుగు జేసీబీలతో చెరువులో మట్టి తవ్వి కొల్లగొడుతున్న వైనం ప్రతిరోజూ ట్రాక్టర్లతో 300 ట్రిప్పులు, లారీలతో 100 ట్రిప్పులతో వేల టన్నుల మట్టి రవాణా ఒంగోలులో రియల్‌ ఎస్టేట్‌ వెంచర్లకు, ప్లాట్లకు సరఫరా చేస్తూ సొమ్ము చేసుకుంటున్న అక్రమార్కులు

గిద్దలూరు రూరల్‌: భోజనం బాగుండటం లేదు..మెనూ పాటించడం లేదు.. హాస్టళ్లలో కనీస వసతులు లేవంటూ సంక్షేమ హాస్టళ్ల విద్యార్థినులు ఏపీ ఫుడ్‌ కమిషనర్‌ విజయప్రతాప్‌రెడ్డికి ఫిర్యాదు చేశారు. పట్టణంలోని ఎస్సీ బాలికల వసతి గృహం, పెద్దపోస్టాఫీస్‌ వద్ద పోస్ట్‌మెట్రిక్‌ బాలికల వసతి గృహం, ఎస్టీ బాయ్స్‌ హాస్టల్‌, గిరిజన గురుకుల పాఠశాల, రాచర్ల రోడ్డులో పోస్ట్‌ మెట్రిక్‌ బాలుర వసతి గృహం, పోలీసు స్టేషన్‌ సమీపంలోని రేషన్‌షాపులను సోమవారం ఆయన ఆకస్మికంగా తనిఖీ చేశారు. ఈ సందర్భంగా ఎస్సీ బాలికల వసతి గృహం, పోస్ట్‌మెట్రిక్‌ ఎస్సీ బాలికల వసతి గృహంలోని విద్యార్థినులు హాస్టళ్లలో వసతులు సక్రమంగా లేవని, భోజనంలో మెనూ పాటించడం లేదని, మినరల్‌ వాటర్‌ ఇవ్వడం లేదని వారి సమస్యలను విజయప్రతాప్‌రెడ్డి దృష్టికి తీసుకెళ్లారు. రెండు హాస్టళ్లకు వార్డెన్‌ జయమ్మ బాధ్యతలు నిర్వహిస్తూ అక్కడి విద్యార్థులపై నిర్లక్ష్యం వహిస్తోందని గ్రహించి ఆమైపె కమిషనర్‌ ఆగ్రహం వ్యక్తం చేశారు. పోస్ట్‌ మెట్రిక్‌ ఎస్సీ బాలికల వసతి గృహంలో రక్షణ కరువైందని, కొందరు ప్రైవేటు వ్యక్తులు హాస్టల్‌ ముందు భాగంలో ఉండే ఖాళీ ప్రదేశంలోకి వచ్చి అసభ్యకరంగా ప్రవర్తిస్తూ ర్యాగింగ్‌కు పాల్పడుతున్నారని కొందరు విద్యార్థినులు ఆందోళన వ్యక్తం చేశారు. ఈ విషయమై వెంటనే పోలీసు వారికి తెలియజేయాల్సిందిగా వార్డెన్‌కు కమిషనర్‌ సూచించారు. మెనూలో ఎటువంటి అవకతవకలు జరిగినా ఉన్నతాధికారుల దృష్టికి తీసుకెళ్లి వార్డెన్‌పై చర్యలు తీసుకుంటానన్నారు. సమస్యలు తెలిపిన విద్యార్థినులపై వేధింపులకు పాల్పడితే వెంటనే తమకు సమాచారం ఇవ్వాలని వారికి ఆయన ఫోన్‌ నంబర్‌ ఇచ్చి భరోసానిచ్చారు. ఆకస్మికంగా తనిఖీలు నిర్వహిస్తున్నానని తెలుసుకుని కొందరు అంగన్‌వాడీ కార్యకర్తలు, డీలర్లు, వార్డెన్‌లు అందుబాటులో ఉండకుండా వెళ్తున్నారని కమిషనర్‌ అసంతృప్తి వ్యక్తం చేశారు. ఆయన వెంట ఏఎస్‌డబ్ల్యూఓ ఎం.విజయభాస్కర్‌రావు, వార్డెన్‌లు, వీఆర్‌ఓ నాగేంద్ర, సిబ్బంది పాల్గొన్నారు.

మర్రిపూడి: కూడు పెట్టే అన్నదాతలపై సైతం కూటమి ప్రభుత్వంలో కక్షసాధింపు చర్యలు కొనసాగుతున్నాయి. భూమిని నమ్ముకుని కాయాకష్టం చేసుకుని జీవించే రైతులపై టీడీపీ సానుభూతిపరుల దౌర్జన్యం రోజురోజుకూ పెచ్చురిల్లుతోంది. రైతులు తమ పొలం పక్కనే ఖాళీగా ఉన్న కొంతభూమిని దున్నుకుని సజ్జ సాగు చేస్తే.. ప్రభుత్వ భూమిని ఆక్రమిస్తారా.? అంటూ పొట్టదశలో ఉన్న సజ్జ పంటకు ఏర్పాటు చేసిన ఫెన్సింగ్‌ రాళ్లను రెవెన్యూ అధికారులు డోజర్‌ సహాయంతో పట్టపగలే విచక్షణా రహితంగా విరగ్గొట్టి పడగొట్టారు. పైగా, వారిపై దౌర్జన్యానికి పాల్పడుతున్నారు. ఈ విషయం తెలుసుకున్న రైతులు పొలం వద్దకు పరుగులు తీశారు. లబోదిబోమన్నా కనికరించలేదు. మా చేలకు రక్షణగా వేసుకున్న ఫెన్సింగ్‌ రాళ్లు, తీగలు ధ్వంసం చేయవద్దని వేడుకున్నాగానీ.. రెవెన్యూ అధికారులు లెక్కచేయకపోవడంతో చివరకు పురుగుమందు తాగి చనిపోతామని రైతులు హెచ్చరించారు. దీంతో చేసేదిలేక రెవెన్యూ అధికారులు వెనుదిరిగారు. మర్రిపూడి మండలంలోని గంగపాలెం గ్రామంలో సోమవారం చోటుచేసుకున్న ఈ సంఘటనకు సంబంధించి బాధితులు తెలిపిన వివరాల ప్రకారం... మర్రిపూడి పంచాయతీ పరిధిలోని గంగపాలెం గ్రామంలో సర్వే నంబర్‌ 185లో 8.03 ఎకరాలు, సర్వే నంబర్‌ 176లో 20 ఎకరాల మేత భూమి ఉంది. ఆ భూమిని గత 50 ఏళ్లుగా గ్రామానికి చెందిన ఇరుపార్టీల రైతులు ఒక్కో రైతు ఎకరా నుంచి అరెకరా చొప్పున సాగుచేసుకుని జీవిస్తున్నారు. మర్రిపూడి – గంగపాలెం రహదారిలో గ్రీన్‌ఫీల్డ్‌ హైవే వేశారు. హైవేను ఆనుకుని సర్వే నంబర్‌ 184లో కొంత పట్టా భూమి ఉంది. ఆ భూమిని అదే గ్రామానికి చెందిన వైఎస్సార్‌ సీపీ సానుభూతిపరులు బోన వెంకటనారాయణ, బోన రమణయ్య, బోన శ్రీనివాసరెడ్డి కౌలుకు తీసుకుని సాగుచేస్తున్నారు. కౌలుకు తీసుకున్న పట్టా భూమిని ఆనుకుని ఉన్న మరో 1.5 ఎకరాల మేత భూమి కూడా సాగు చేస్తున్నారు. సోమవారం టీడీపీ నాయకుల ఆదేశాల మేరకు స్థానిక తహసీల్దార్‌ జనార్దన్‌ వీఆర్‌ఓ బడే సాహెబ్‌, తలారి నరసింహారావులను ఆ పొలం వద్దకు పంపించారు. డోజర్‌ సహాయంతో ఫెన్సింగ్‌ రాళ్లు పడేసి విచక్షణారహితంగా విరగ్గొట్టించారు. విషయం తెలుసుకున్న రైతులు హడావిడిగా పొలం వద్దకు చేరుకుని రెవెన్యూ అధికారులకు నచ్చేజెప్పే ప్రయత్నం చేసినా ఫలించలేదు. పొట్ట దశలో ఉన్న సజ్జ పంటను ఇన్నాళ్లూ కాపాడుకున్నామని, తీరా కోత దశలో ఫెన్సింగ్‌ రాళ్లు విరగ్గొడితే పంటను పశువుల నుంచి ఎలా కాపాడుకోవాలని ప్రశ్నించారు. రైతులకు ముందుగా సమాచారం ఎందుకివ్వలేదని నిలదీశారు. కనీసం దండోరా కూడా వేయించలేదన్నారు. గ్రామస్తులందరూ మేత భూమిని తలా ఎకరా, అరెకరా చొప్పున గత 50 ఏళ్లుగా సాగుచేసుకుంటున్నారని, ఇప్పుడే ఎందుకిలా చేస్తున్నారని నిలదీశారు. అయినా రెవెన్యూ అధికారులు పట్టించుకోకపోవడంతో చివరకు రైతులు పురుగుమందు డబ్బా తీసుకుని తమ చేల వద్ద నిలబడ్డారు. దీంతో చేసేది లేక అక్కడి నుంచి మర్రిపూడి వీఆర్‌ఓ బడే సాహెబ్‌, తలారి గురిజాల నరసింహారావు తిరుగుముఖం పట్టారు.

చీమకుర్తి: బస్సు ఢీకొని బైకుపై వెళ్తున్న వ్యక్తి మృతి చెందిన సంఘటన చీమకుర్తి మెయిన్‌రోడ్డులో సోమవారం చోటుచేసుకుంది. పోలీసులు తెలిపిన వివరాల ప్రకారం.. దర్శి మండలం కొర్లమడుగు గ్రామానికి చెందిన గోరోజీ రాజాలు (45)ను కొన్ని సంవత్సరాలుగా చీమకుర్తి మండలం పీ నాయుడుపాలెంలో నివాసం ఉంటున్నాడు. చీమకుర్తిలోని మసీదు సెంటర్‌లో మెయిన్‌రోడ్డు మీదుగా పడమర వైపున్న బైపాస్‌ దగ్గరకు బైకుపై వెళ్తున్న సమయంలో మార్కాపురం నుంచి ఒంగోలు వైపు వస్తున్న ఆర్టీసీ బస్సు ఢీకొట్టింది. ఈ ప్రమాదంలో రాజాలు తలకు బలమైన గాయాలై అక్కడికక్కడే మృతి చెందాడు. ఘటన స్థలాన్ని సీఐ డీ ప్రసాద్‌ పరిశీలించారు. మృతుని కుమారుడు ఏడుకొండలు ఫిర్యాదు మేరకు కేసు నమోదు చేసి విచారిస్తున్నట్లు తెలిపారు. మార్కాపురం టౌన్‌: ఆన్‌లైన్‌ చెల్లింపుల పేరుతో ఓ కేటుగాడు మహిళను మోసం చేసిన ఘటన మార్కాపురంలో సోమవారం ఆలస్యంగా వెలుగుచూసింది. పట్టణంలోని సత్యనారాయణస్వామి గుడి వీధిలో ఉన్న ఓ కూల్‌డ్రింక్‌ షాపు వద్దకు వచ్చిన గుర్తుతెలియని వ్యక్తి, షాపు నిర్వాహకురాలికి రూ.40 వేలు ఫోన్‌పే చేస్తానని నమ్మబలికాడు. అనంతరం నగదు పంపినట్లుగా తన ఫోన్‌లోని ఫేక్‌ మెసేజ్‌ను ఆమెకు చూపించాడు. అది నిజమని నమ్మిన నిర్వాహకురాలు సదరు వ్యక్తికి రూ.40 వేల నగదు చేతికిచ్చింది. కాసేపటికి తన బ్యాంకు ఖాతాలోకి నగదు జమ కాకపోవడంతో మోసపోయానని గ్రహించి లబోదిబోమంది. ● పోస్టుమార్టం నిమిత్తం మార్కాపురం తరలింపు ● రాజ్‌కుమార్‌ మృతదేహం కోసం జల్లెడ పడుతున్న ఎస్డీఆర్‌ఎఫ్‌ బృందం పెద్దదోర్నాల: వెలిగొండ ప్రాజెక్టు ఫీడర్‌ కెనాల్‌లో గత శనివారం ఈతకు వెళ్లి నీటి ప్రవాహంలో కొట్టుకుపోయిన కటకానిపల్లెకు చెందిన ఇద్దరు యువకులలో వినయ్‌కుమార్‌ అనే యువకుడి మృతదేహం సోమవారం లభ్యమైంది. ఆదివారం సాయంత్రం 4.30 గంటల సమయంలో వినయ్‌కుమార్‌ మృతదేహం 19వ కిలోమీటర్‌ వద్ద కనిపించి మళ్లీ మునిగిపోయిన విషయం విధితమే. సోమవారం మధ్యాహ్నం సుంకేసుల వద్ద చిల్లచెట్లలో చిక్కుకున్న మృతదేహాన్ని గుర్తించిన ఎస్డీఆర్‌ఎఫ్‌ బృందాలు వెలికితీశాయి. అనంతరం పోస్టుమార్టం నిమిత్తం మార్కాపురం ఏరియా వైద్యశాలకు తరలించారు. మరో యువకుడు రాజ్‌కుమార్‌ మృతదేహం కోసం గాలింపు చర్యలను ముమ్మరం చేసినట్లు అధికారులు తెలిపారు.

టంగుటూరు/మార్కాపురం: రెండేళ్లుగా పింఛన్ల కోసం ఎదురుచూస్తున్న అర్హులైన వారికి దరఖాస్తు దాఖలులో తొలిరోజే చుక్కలు కనిపించాయి. ఉమ్మడి జిల్లాలో సర్వర్‌ పనిచేయకపోవడంతో దరఖాస్తుదారులు అవస్థపడ్డారు. ఒకవైపు ప్రభుత్వం ఇచ్చిన గడువు తక్కువగా ఉండటం.. మరోవైపు ఆనన్‌లైన్‌ సర్వర్లు మొరాయించడంతో అర్జీదారులు తీవ్ర ఇబ్బందులు ఎదుర్కొన్నారు. దరఖాస్తు చేసుకునేందుకు కార్యాలయాల వద్దకు చేరుకున్న ప్రజలు గంటల తరబడి పడిగాపులు కాశారు. సర్వర్‌ ఎప్పుడు పనిచేస్తుందో తెలియక తీవ్ర ఆందోళనకు గురయ్యారు. కూటమి ప్రభుత్వం అధికారంలోకి వచ్చిన తర్వాత తొలిసారిగా కొత్తగా ఎన్టీఆర్‌ భరోసా సామాజిక భద్రతా పింఛన్లకు దరఖాస్తుల స్వీకరణ ప్రక్రియ సోమవారం ప్రారంభమైంది. ఈ నెల 16వ తేదీ వరకు దరఖాస్తులు స్వీకరించనున్నట్లు ప్రభుత్వం ప్రకటించింది. ఉమ్మడి ప్రకాశం జిల్లాలో స్వర్ణగ్రామ, స్వర్ణవార్డు సచివాలయాలు 905 ఉన్నాయి. వీటిల్లో దాదాపు 32 వేల మందికి వృద్ధాప్య, వితంతు, దివ్యాంగ పెన్షన్లకు అర్హత ఉందని అధికారులు గుర్తించినట్టు తెలిసింది. తొలిరోజే సర్వర్‌ షాక్‌... దరఖాస్తుల ప్రక్రియ ప్రారంభమైన తొలిరోజే సర్వర్లు స్తంభించడంతో వివరాలు నమోదు చేసుకోవడం కష్టంగా మారింది. సర్వర్‌ నెమ్మదిగా పనిచేయడం, పదేపదే సాంకేతిక సమస్యలు తలెత్తడంతో దరఖాస్తుదారులు తీవ్ర అసహనానికి లోనయ్యారు. దరఖాస్తు కేంద్రాల వద్ద రద్దీ పెరిగినా ప్రక్రియ ముందుకు సాగకపోవడంతో చాలామంది గంటల తరబడి వేచి చూడాల్సి వచ్చింది. గడువు తక్కువ.. గుబులు ఎక్కువ... తొమ్మిది రోజుల వ్యవధిలోనే దరఖాస్తులు పూర్తి చేయాల్సి ఉండటంతో గ్రామీణ ప్రాంతాల నుంచి వచ్చే వృద్ధులు, నిరుపేదలు ఇబ్బందులు ఎదుర్కొంటున్నారు. మరోవైపు కొన్ని ప్రాంతాల్లో సైట్‌ సక్రమంగా పనిచేయకపోవడం, సాంకేతిక సమస్యలు తలెత్తుతుండటంతో దరఖాస్తు ప్రక్రియ నత్తనడకన సాగిందని లబ్ధిదారులు ఆవేదన వ్యక్తం చేస్తున్నారు. దరఖాస్తు చేసుకునేందుకు తక్కువ వ్యవధి మాత్రమే ఉండటంతో ప్రజల్లో ఆందోళన నెలకొంది. తొలిరోజే సర్వర్‌ సమస్యలు తలెత్తితే మిగిలిన రోజుల్లో పరిస్థితి ఎలా ఉంటుందోనని దరఖాస్తుదారులు ఆవేదన వ్యక్తం చేస్తున్నారు. సర్వర్‌ సమస్యలను వెంటనే పరిష్కరించి గడువు పెంచాలని పలువురు కోరుతున్నారు. వృద్ధులు.. వితంతువులకు అవస్థలు... ఆన్‌లైన్‌ ప్రక్రియపై అవగాహన లేని వృద్ధాప్య, వితంతు, ఒంటరి మహిళ, దివ్యాంగులు, చేనేత కార్మికుల, మత్య్సకారుల, డప్పు కళాకారులు తీవ్ర ఇబ్బందులు ఎదుర్కొన్నారు. దరఖాస్తు చేసుకునేందుకు కుటుంబ సభ్యులు లేదా ఇతరుల సహాయం తీసుకోవాల్సి రావడంతో కార్యాలయాల చుట్టూ ప్రదక్షిణలు చేయాల్సిన పరిస్థితి ఏర్పడింది. గంటల తరబడి వేచి ఉండటంతో వృద్ధులు, దివ్యాంగులు తీవ్ర అసౌకర్యానికి గురయ్యారు. ఆధార్‌–మొబైల్‌ అనుసంధానానికి పాట్లు... దరఖాస్తు ప్రక్రియలో ఆధార్‌కు మొబైల్‌ నంబర్‌ అనుసంధానం, ఓటీపీ వంటి ప్రక్రియలు కూడా అర్జీదారులకు మరో సమస్యగా మారాయి. మొబైల్‌ నంబర్‌ అనుసంధానం లేకపోవడం, ఓటీపీ ఆలస్యంగా రావడం లేదా రాకపోవడంతో పలువురు దరఖాస్తుదారులు ప్రక్రియను పూర్తి చేయలేకపోయారు. చిన్న చిన్న సాంకేతిక సమస్యలకే గంటల సమయం వృథా అవుతోందని దరఖాస్తుదారులు వాపోతున్నారు.

● వివిధ విభాగాల్లో 42 పతకాలు సాధించిన ప్రకాశం జిల్లా పోలీసులు ఒంగోలు సిటీ: రాష్ట్ర పోలీస్‌ శాఖ ఆధ్వర్యంలో ఈనెల 1 నుంచి 4 వరకు జరిగిన 1వ ఆంధ్రప్రదేశ్‌ స్టేట్‌ పోలీస్‌ స్పోర్ట్స్‌ అండ్‌ గేమ్స్‌–2026 పోటీల్లో గుంటూరు రేంజ్‌ తరఫున పాల్గొన్న ప్రకాశం జిల్లా పోలీస్‌ సిబ్బంది మొత్తం 42 పతకాలు సాధించిన పోలీస్‌ అధికారులు, సిబ్బందిని జిల్లా పోలీస్‌ కార్యాలయంలో ఎస్పీ హర్షవర్థన్‌రాజు సోమవారం ప్రత్యేకంగా అభినందించి, స్వీట్లు పంచిపెట్టారు. ఈ సందర్భంగా ఎస్పీ హర్షవర్థన్‌రాజు మాట్లాడుతూ జిల్లా పోలీస్‌ క్రీడాకారులు అద్భుత ప్రతిభ కనబరిచి మొత్తం 42 పతకాలు సాధించడం అభినందనీయమన్నారు. ఇందులో 13 బంగారు పతకాలు, 16 వెండి పతకాలు, 13 కాంస్య పతకాలు ఉన్నాయని తెలిపారు. భవిష్యత్‌లో నిర్వహించే మరిన్ని క్రీడా పోటీల్లో ఇదే స్ఫూర్తితో రాణించి మరిన్ని విజయాలు సాధించాలని ఆకాంక్షించారు. వివిధ క్రీడా విభాగాల్లో పతకాలు సాధించిన విజేతలు ఎస్‌.వి.రమణారెడ్డి (ఆర్‌ఐ)–లాన్‌ టెన్నిస్‌ డబుల్స్‌ (ఎన్‌జీవో)లో వెండి పతకం సాధించారు. వి.సురేష్‌ బాబు 100 మీటర్ల పరుగులో బంగారు, 200 మీటర్ల పరుగులో బంగారు, కబడ్డీలో వెండి పతకం సాధించారు. సీహెచ్‌.శివ సుబ్రహ్మణ్యం–కంప్యూటర్‌ అవేర్‌నెస్‌లో వెండి, పీపీటీలో కాంస్య, ఆఫీస్‌ ఆటోమేషన్‌ లో కాంస్య పతకాలు సాధించారు. రాజగోపాల్‌ వెయిట్‌ లిఫ్టింగ్‌లో బంగారు పతకం సాధించారు. వరలక్ష్మి ఆర్మ్‌ రెజ్లింగ్‌, పెన్కాక్‌ సిలాట్‌లో బంగారు పతకాలు, కబడ్డీలో వెండి, ఫెన్సింగ్‌, కాంస్య పతకాలు సాధించారు. రాజశేఖర్‌ వుషు, ఫెన్సింగ్‌ లో బంగారు పతకాలు, తైక్వాండో, పెన్కాక్‌ సిలాట్‌, కరాటే లో వెండి పతకాలు సాధించారు. శ్రీనివాసులు పవర్‌ లిఫ్టింగ్‌లో వెండి, వెయిట్‌ లిఫ్టింగ్‌లో కాంస్య పతకం గెలుచుకున్నారు. రత్నంబాబు తైక్వాండో, పెన్కాక్‌ సిలాట్‌, వుషులో బంగారు పతకాలు, కరాటేలో వెండి పతకం సాధించారు. కరీముల్లా వుషు, పెన్కాక్‌ సిలాట్‌లో బంగారు పతకాలు, తైక్వాండో, కరాటే లో వెండి పతకాలు, హ్యాండ్‌బాల్‌లో కాంస్య పతకం సాధించారు. స్పర్జన్‌రాజు తైక్వాండో, పెన్కాక్‌ సిలాట్‌ లో వెండి పతకాలు, కరాటే లో కాంస్య పతకం సాధించారు. శ్రీలక్ష్మి వెయిట్‌ లిఫ్టింగ్‌లో బంగారు, పవర్‌ లిఫ్టింగ్‌లో కాంస్య, కబడ్డీలో వెండి పతకం సాధించారు. వెంకటేష్‌, గిరిబాబు కబడ్డీలో వెండి పతకం సాధించారు. కోటేశ్వరరావు హ్యాండ్‌బాల్‌లో కాంస్య పతకం సాధించారు. సుధాకర్‌, యస్దాని, వెంకటరావు, శుభాన్‌ రెడ్డి హ్యాండ్‌బాల్‌లో కాంస్య పతకం సాధించారు.

● సుంకేసుల నిర్వాసితులకు మార్కాపురం కలెక్టరేట్‌లో ఇళ్ల పట్టాలు, సామగ్రి పంపిణీ ● మార్కాపురం పట్టణానికి దూరం కావడంతో తరలించేందుకు అవస్థలు మార్కాపురం/ మార్కాపురం టౌన్‌: వెలిగొండ ప్రాజెక్టు ముంపు గ్రామమైన సుంకేసుల నిర్వాసితులకు పునరావాస కార్యక్రమాల్లో భాగంగా సోమవారం మార్కాపురం కలెక్టరేట్‌లో కలెక్టర్‌ విజయ సునీత, జేసీ శ్రీనివాసులు, ఆర్డీఓ శివరామిరెడ్డి, తహసీల్దార్లు కలిసి ఇళ్ల పట్టాలతో పాటు రేషన్‌ కిట్లు, పసుపు, కుంకుమ, చీరలు పంపిణీ చేశారు. అయితే, పంపిణీ కార్యక్రమం వద్ద కొంతసేపు గందరగోళ పరిస్థితి నెలకొంది. ఎవరికి ఏ వస్తువు ఎక్కడివ్వాలి.. ఎక్కడ తీసుకోవాలనే విషయంలో స్పష్టత లేకపోవడంతో నిర్వాసితులు ఇబ్బందులు ఎదుర్కొన్నారు. ఒకవైపు ఇళ్ల పట్టాలు, మరోవైపు రేషన్‌్‌ కిట్లు, పసుపు, కుంకుమ, చీరలు తీసుకోవాల్సి రావడంతో పాటు మార్కాపురం పట్టణానికి ఐదు కిలోమీటర్ల దూరంలో కలెక్టరేట్‌ ఉండటంతో సామగ్రి మోసుకుని వెళ్లేందుకు నిర్వాసితులు అవస్థపడ్డారు. ఆటోల్లో సామగ్రి తరలించేందుకు అనేక ఇబ్బందులు ఎదుర్కొన్నారు. సామగ్రి తరలించేందుకు ఆటో చార్జీలు అధికంగా ఉండటంతో అదనపు భారం పడిందని ఆవేదన వ్యక్తం చేశారు. సామగ్రిని కలెక్టరేట్‌ వద్ద కాకుండా పట్టణంలోనే అందజేసి ఉంటే ఇబ్బందులు తప్పేవని పలువురు పేర్కొన్నారు. దాంతో పాటు ఇళ్ల పట్టాలు, రేషన్‌ కిట్లు, చీరలు తదితర వస్తువులను ఒకేచోట క్రమపద్ధతిలో అందజేసి ఉంటే వృద్ధులు, మహిళలు, పిల్లలతో వచ్చిన కుటుంబాలకు సౌకర్యంగా ఉండేదన్నారు.

పెద్దదోర్నాల: అడవిలో తల్లి ఒడిని వీడి అనాథలైన పులి కూనలకు ఆశ్రయం కల్పించాలన్న సంకల్పం.. అధికారుల అలసత్వంతో అడుగడుగునా అడ్డంకులు ఎదుర్కొంటోంది. సహజసిద్ధ వాతావరణంలో పెంచి.. వేటాడటం నేర్పి.. తిరిగి నల్లమల అడవుల్లోకి వదలాలన్న లక్ష్యంతో చేపట్టిన టైగర్‌ ఎన్‌క్లోజర్‌ పనులు మూడేళ్లుగా నత్తనడకన సాగుతున్నాయి. గత ప్రభుత్వం రూ.2 కోట్లు కేటాయించినా.. నిర్మాణం మాత్రం కొలిక్కి రాలేదు. ఫలితంగా ఏ పులి కూనల కోసం ఎన్‌క్లోజర్‌ ఏర్పాటు చేయాలని భావించారో.. అవే కూనలు ఇప్పుడు నాలుగేళ్ల వయసుకు చేరి పెద్దపులులుగా మారాయి. నిర్మాణం పూర్తికాక.. ఉద్దేశం నెరవేరక.. కోట్లాది రూపాయల ప్రజాధనం ప్రయోజనం లేకుండా పోతోంది. పులి కూనల కోసం.. రూ.కోట్ల కేటాయింపు 2023 మార్చిలో నంద్యాల జిల్లా కొత్తపల్లి మండలం పెద్దగుమ్మడాపురం వద్ద తల్లి పులి నుంచి విడిపోయిన నాలుగు పులి కూనలు స్థానికులకు కనిపించాయి. సుమారు 50 రోజుల వయసున్న ఆ కూనలను అటవీశాఖ సిబ్బంది తిరుపతిలోని వెంకటేశ్వర జూపార్కుకు తరలించి సంరక్షణ చేపట్టారు. వాటిలో రెండు అనారోగ్యంతో మృతి చెందగా.. మిగిలిన రెండింటిని జూ అధికారులు కంటికి రెప్పలా కాపాడారు. క్రమంగా అవి పెరిగి పెద్దవుతుండటంతో సహజ వాతావరణంలోకి తీసుకెళ్లి.. స్వయంగా వేటాడేలా తీర్చిదిద్దాలని అప్పటి ప్రభుత్వం నిర్ణయించింది. ఇందుకోసం రూ.2 కోట్లు మంజూరు చేసింది. వేట నేర్పాల్సింది.. వేచి చూస్తున్నాం! అనాథగా దొరికిన పులి కూనలను తొలుత నర్సరీ ఎన్‌క్లోజర్‌లో ఉంచుతారు. అనంతరం టైగర్‌ ఎన్‌క్లోజర్‌కు తరలించి.. సహజసిద్ధంగా వేటాడేలా శిక్షణ ఇస్తారు. ఎన్‌క్లోజర్‌లో జింకలు, దుప్పులు వంటి వన్యప్రాణులను వదిలి.. పులులు స్వయంగా వేటాడి ఆహారం సంపాదించుకునే సామర్థ్యాన్ని పెంచుతారు. ఒక్కో పులి కనీసం 50 వన్యప్రాణులను స్వయంగా వేటాడిన తర్వాత దాని వేట నైపుణ్యాన్ని పరిశీలించి.. అడవిలోకి వదిలేలా ప్రణాళిక రూపొందించారు. కానీ.. ఎన్‌క్లోజర్‌ సిద్ధం కాకపోవడంతో ఈ ప్రక్రియ అంతా కాగితాలకే పరిమితమైంది. అడుగడుగునా నిర్లక్ష్యం పులి కూనలను కాపాడి.. వాటిని అడవికి అప్పగించాలన్న మంచి ఉద్దేశంతో ప్రారంభమైన ప్రాజెక్టు.. అధికారుల నిర్లక్ష్యంతో కాలయాపనకు చిహ్నంగా మారింది. అప్పట్లో చిన్నచిన్న కూనలుగా ఉన్న వాటి కోసం ఏర్పాటు చేయాల్సిన ఎన్‌క్లోజర్‌ పూర్తయ్యేలోపే అవి పెద్దపులులుగా ఎదిగాయి. ఇకనైనా ఉన్నతాధికారులు స్పందించి పనులను వేగవంతం చేసి.. ఎన్‌క్లోజర్‌ను అందుబాటులోకి తీసుకురావాలని పర్యావరణ ప్రేమికులు కోరుతున్నారు. పెద్దదోర్నాల మండల పరిధిలోని పెద్దపెంట వద్ద 15 హెక్టార్లలో టైగర్‌ ఎన్‌క్లోజర్‌ ఏర్పాటు చేయాలని నిర్ణయించారు. దీంతో పాటు నర్సరీ, హెర్బివోర్స్‌ ఎన్‌క్లోజర్లను కూడా ఏర్పాటు చేయాల్సి ఉంది. మూడేళ్ల క్రితమే పనులు ప్రారంభించినా ఇప్పటికీ పూర్తి కాకపోవడం అధికారుల పనితీరుకు అద్దం పడుతోంది. పులుల సంరక్షణకు కీలకమైన ఈ ప్రాజెక్టు పురోగతి మాత్రం ఒక అడుగు ముందుకు.. రెండడుగులు వెనక్కి అన్న చందంగా మారింది. పులులకు సహజసిద్ధమైన వేట అలవాటు చేయించేందుకు నెక్కంటి రేంజ్‌ పరిధిలోని ఆరపెంట, గంగారంపెంటతో పాటు పెద్దదోర్నాల మండలంలోని తెట్టుగూడెం తదితర ప్రాంతాల్లో జింకలు, దుప్పుల కోసం హెర్బివోర్స్‌ నర్సరీలను ఏర్పాటు చేశారు. పులి ఎన్‌క్లోజర్‌ సిద్ధమైతే వీటిని అక్కడికి తరలించి వేటాడే అవకాశాన్ని కల్పించాలన్నది అధికారుల ప్రణాళిక. ప్రధాన ఎన్‌క్లోజర్‌ పనులే ముందుకు సాగకపోవడంతో ఇవి కూడా నిరుపయోగంగా మారాయి.

పెద్దదోర్నాల: వేగంగా వచ్చిన ఓ టూరిస్టు బస్సు అదుపు తప్పి ఎదురుగా వస్తున్న ఆటోను ఢీకొట్టింది. ఈ సంఘటన మండల కేంద్రానికి సమీపంలోని బైపాస్‌రోడ్డులో సోమవారం చోటుచేసుకుంది. పోలీసులు కథనం ప్రకారం.. మండల పరిధిలోని ఎగువ చర్లోపల్లికి చెందిన పలువురు మహిళలు ఓ ఆటోలో బమ్మిదోర్నాలలో జరిగే పెళ్లికి ఆటోలో బయలుదేరారు. వారి ఆటో బైపాస్‌రోడ్డులోకి ప్రవేశించగానే ఎదురుగా వస్తున్న టూరిస్టు బస్సు ఢీకొట్టింది. ఆటోలో ప్రయాణిస్తున్న పులివేముల పెద్ద మరియమ్మ, పులివేముల చిన్న మరియమ్మ, పులవేముల నవమ్మ, పులివేముల ఎస్తేరులకు తీవ్ర గాయాలవగా, మరికొందరికి స్వల్ప గాయాలయ్యాయి. 108లో క్షతగాత్రులను ప్రభుత్వ వైద్యశాలకు తరలించారు. సంఘటన స్థలాన్ని పరిశీలించిన ఎస్సై వెంకట రమణయ్య వైద్యశాలలో చికిత్స పొందుతున్న క్షతగాత్రులను పరామర్శించి వివరాలడిగి తెలుసుకున్నారు. ప్రమాదంపై కేసు నమోదు చేసి దర్యాప్తు చేస్తున్నట్లు తెలిపారు. క్షతగాత్రులను వైఎస్సార్‌ సీపీ మండల కన్వీనర్‌ గంటా రమణారెడ్డి, నాయకులు అల్లు రాంభూపాల్‌రెడ్డి వైద్యశాలకు చేరుకుని పరామర్శించారు. నలుగురు ప్రయాణికులకు తీవ్రగాయాలు పరామర్శించిన వైఎస్సార్‌ సీపీ నాయకులు

కొనకనమిట్ల: మండలంలోని పెదారికట్ల సమీపంలో ఆదివారం అర్ధరాత్రి దాటిన తర్వాత జాతీయ రహదారిపై కారు దగ్ధమైంది. బల్లికురవ మండలం పల్లాయపాలెం గ్రామానికి చెందిన ఆర్‌.సామ్యూల్‌ కుటుంబంతో కలిసి మొక్కు చెల్లించుకునేందుకు బ్రహ్మంగారిమఠం వెళ్తుండగా, కారులో ఒక్కసారిగా మంటలు వ్యాపించాయి. సామేలు కుటుంబం కారులో నుంచి బయటకు దిగగా.. కొంతసేపటికే కారు మొత్తం దగ్ధమైంది. సమాచారం అందుకున్న అగ్నిమాపక సిబ్బంది చేరుకుని మంటలార్పారు. అప్పటికే కారు పూర్తిగా కాలిపోయింది. ప్రాణాపాయం తప్పడంతో అందరూ ఊపిరి పీల్చుకున్నారు.

ఒంగోలు సబర్బన్‌: ప్రజా సమస్యల పరిష్కార వేదిక ’మీకోసం’ ద్వారా ప్రజల నుంచి స్వీకరించే ప్రతి అర్జీకి ప్రాధాన్యమిచ్చి, వేగవంతంగా, నాణ్యమైన పరిష్కారం చూపాలని కలెక్టర్‌ పి.రాజాబాబు స్పష్టం చేశారు. సోమవారం ఒంగోలులోని ప్రకాశం భవనంలో నిర్వహించిన ‘మీకోసం’ కార్యక్రమంలో జాయింట్‌ కలెక్టర్‌ కల్పనా కుమారి, డీఆర్‌ఓ పి.వెంకట రమణలతో ఎస్‌డీసీ మాధురి, ఈడీ బీసీ కార్పొరేషన్‌ వెంకటేశ్వరరావులతో కలిసి ఆయన ప్రజల నుంచి నేరుగా అర్జీలు స్వీకరించారు. ఈ రోజు నిర్వహించిన కార్యక్రమంలో జిల్లా నలుమూలల నుంచి వచ్చిన ప్రజల నుంచి వివిధ సమస్యలపై మొత్తం 246 అర్జీలు నమోదయ్యాయి. ఈ సందర్భంగా కలెక్టర్‌ మాట్లాడుతూ ప్రజల నుంచి వస్తున్న వినతుల పట్ల అధికారులు మరింత బాధ్యతాయుతంగా వ్యవహరించాలని ఆదేశించారు. ఒకవేళ ఏవైనా కారణాల వల్ల తమ స్థాయిలో పరిష్కరించలేని పరిస్థితి ఉంటే, దానికి స్పష్టమైన కారణాలను అర్జీదారులకు వివరించి అవగాహన కల్పించాలన్నారు. ప్రభుత్వం నిర్వహిస్తున్న ఐవీఆర్‌ఎస్‌ ఫోన్‌ కాల్స్‌ సర్వేలో ప్రజల నుంచి అత్యుత్తమ సానుకూల అభిప్రాయం లభించేలా అధికారులు చురుగ్గా పనిచేయాలని, రీ–ఓపెన్‌ అయ్యే అర్జీలను ప్రత్యేకంగా సమీక్షించి సమస్యలు పునరావృతం కాకుండా చూసుకోవాలని తెలిపారు. శాఖాపరంగా సంక్షేమ పథకాలు, అభివృద్ధి పనుల అమలును నిరంతరం పరిశీలిస్తూ ప్రజలకు మెరుగైన సేవలు అందించాలని కలెక్టర్‌ దిశానిర్దేశం చేశారు.

కొత్తపట్నం: రొయ్యల సాగు సంక్షోభంలో చిక్కుకుంది. రొయ్యలకు ధర తగ్గిందని ఒక పక్క రైతులు ఆందోళన చెందుతుంటే మరోవైపు ఫీడ్‌ ధర విపరీతంగా పెరిగింది. చంద్రబాబు ప్రభుత్వం వచ్చాక ఈ ఏడాదిలో ఊహించని రీతిలో ఫీడ్‌ టన్నుకు రూ.28 వేలు పెరిగింది. ఈ భారం పూర్తిగా రైతులపై పడింది. ఒక్కో రైతుకు ఎకరానికి రూ.2 లక్షల నుంచి రూ.3 లక్షల దాక నష్టం వాటిల్లింది. రెండేళ్ల నుంచి రొయ్యల రైతులకు పంటలు రాక వరుసగా నష్టపోతున్నారు. తెచ్చిన పెట్టుబడులకు వడ్డీలు రెట్టింపు కావడంతో అప్పుల భారం పెరిగిపోతోందని రైతులు వాపోతున్నారు. మండలంలో వ్యవసాయం తర్వాత ఆక్వా సాగు రెండోదిగా ఉంది. మండలంలో సుమారు 3 వేల ఎకరాలు రొయ్యల సాగు చేస్తున్నారు. బీరంగుంట, మోటుమాల, గుండమాల, పాదర్తి, కొత్తపట్నం, ఈతముక్కల, మడనూరు గ్రామాల పరిధిలో రొయ్యలు సాగు అధికంగా ఉంది. మొన్న మోంథా.. నేడు ఎల్‌నినో: రెండేళ్లల్లో మోంథా, ఎల్‌నినో వలన రొయ్యల రైతులపై ప్రభావం పడింది. ఈ విపత్తుల వలన రొయ్యల రైతులు కోలుకునే పరిస్థితి లేదు. పెట్టిన పెట్టుబడి రాక అప్పులపాలయ్యారు. గత ఏడాది మోంథా తుఫాన్‌ వచ్చి చేతికి వచ్చిన రొయ్యలు వరదకు కొట్టుకుపోయాయి. పెట్టిన పెట్టుబడి రాక భారీగా నష్టపోయారు. ఈ ఏడాది ఎల్‌నినో ప్రభావం వలన ఐదు నెలలకు కేజీకి 20 కౌంట్‌ రావాల్సి ఉండగా ఏడు నెలలు కావస్తున్నా 20 కౌంట్‌కు రాలేదు. వర్షం లేక అధిక ఉష్ణోగ్రతలు, ఎండ తీవ్రత వల్ల నీటిలో వేడి శాతం పెరిగి రొయ్యల పెరుగుదల మందగించింది. దీంతో రెండు నెలలు పాటు ఫీడ్‌ ఖర్చు, అదనపు ఖర్చుల భారం పడింది. ఇవన్నీ చూసుకుంటే చివరికి నష్టం మిగిల్చింది. ఏడాదిలోనే టన్ను మేత రూ.28 వేలకు పెంపు ఆక్వా కల్చర్‌ ప్రారంభం నుంచి చూస్తే ఈ ఏడాది పెరిగినంత ఫీడ్‌ ధర ఎన్నడూ లేదని రైతులు ఆందోళన వ్యక్తం చేస్తున్నారు. ఈ ఏడాది మూడు సార్లు కేజీకి రూ.28 పెంచారు. దీని ప్రకారం టన్ను మేత కొంటే రూ.28 వేలు అదనంగా పడుతుంది. ఒక చెరువుకు 5 టన్నుల నుంచి 6 టన్నులు మేత వాడతారు. టన్నుకు రూ.14 వేల నుంచి రూ.16 వేల దాక అదనంగా రైతుపై భారం పడుతుంది. కూటమి ప్రభుత్వం రొయ్యల మేత యజమానులతో కుమ్మకై ్క ఇష్టానుసారంగా మేతను పెంచుతున్నారు. మేత ధర తగ్గించకపోతే క్రాప్‌ హాలిడే ప్రకటిస్తామని రైతులు చెబుతున్నారు. టైగర్‌ రొయ్యల ధర తగ్గింపు ఒక వైపు రొయ్యల మేత పెరిగిందని, ఎక్కువ రోజులైనా తగిన కౌంట్‌కు రాలేదని అల్లాడుతుంటే రొయ్యల ధరలు గణనీయంగా తగ్గించారు. రొయ్యల రైతులను ఎవరికి తగ్గట్టుగా వారు ఆటాడుకుంటున్నారు. కేజీకి 30 తూగే రొయ్యల ధర రూ.520 నుంచి రూ.440, 20 కౌంట్‌ రూ.720 ఉండాల్సిన ధర రూ.600 తగ్గించారు. దీంతో ఒక్కో రైతుకు టన్నుకు రూ.1.20 లక్షలు నష్టపోతున్నారని రైతులు ఆవేదన వ్యక్తం చేస్తున్నారు. ఎన్నుడూలేని విధంగా ఈ ఏడాది ధర పతనమైందని రైతులు అంటున్నారు. 5 నెలలు రావాల్సిన కల్చర్‌కు 7 నెలలకు వెళ్లడంతో ఖర్చు పెరగడం, ఫీడ్‌ ధర పెరగడం, రైతు పండించిన రొయ్యలు టన్ను రొయ్యలకు ధర రూ.1.20 లక్షలు తగ్గించడం ఇవన్నీ లెక్కవేస్తే ఒక్కో చెరువు రూ.3 లక్షల నుంచి రూ.4 లక్షలు దాకా నష్టం వాటిల్లుతుందని రైతులు అంటున్నారు.

నిలువ నీడ లేదు..లక్షలాది మంది ప్రజల బాగుకోసం తమ సర్వస్వాన్నీ త్యాగం చేసిన వారి జీవితాలు అంధకారంలో మగ్గుతున్నాయి. వెలిగొండ ప్రాజెక్టు పునరావాస కాలనీల్లో కనీస వసతులకు నోచుకోక గుక్కెడు నీటి కోసం కూడా నిర్వాసితులు అలమటించాల్సిన పరిస్థితి దాపురించింది. అద్దె ఇళ్ల భారం భరించలేక రోడ్డు పక్కనో, చెట్టు నీడనో.. పరదాల మాటునో తలదాచుకోవాల్సి వస్తోంది. ఉపాధి, పిల్లల చదువులు, నిత్యావసరాల కోసం సుదూర ప్రాంతాలకు వెళ్లాల్సి వస్తోందని నిర్వాసితులు వాపోతున్నారు. సాక్షి ప్రతినిధి, పునరావాస కాలనీల్లో అన్నీ కష్టాలే... ప్రాజెక్టు కోసం ఉన్న ఊర్లను, ఇళ్లను, భూములను వదిలి పునరావాస కాలనీలకు చేరుకున్నా.. అక్కడ కనీస సౌకర్యాలు లేక తీవ్ర ఇబ్బందులు ఎదుర్కొంటున్నామని నిర్వాసితులు ఆవేదన వ్యక్తం చేస్తున్నారు. ఒకవైపు ఇళ్ల పట్టాలు అందకపోవడం.. మరోవైపు తాగునీరు, రేషన్‌ వంటి కనీస అవసరాల కోసం అవస్థలు పడాల్సి వస్తోందని వాపోతున్నారు. పునరావాస ప్రాంతానికి వచ్చినా రేషన్‌ బియ్యం కోసం తమ పాత ప్రాంతాల నుంచి 15 కి.మీ దూరంలో ఉన్న కాలనీకి రావాల్సిన పరిస్థితి ఏర్పడిందని నిర్వాసితులు చెబుతున్నారు. ఉపాధి, పిల్లల చదువులు, నిత్యావసరాల కోసం ఒకచోట.. రేషన్‌ కోసం మరోచోట తిరగాల్సి వస్తోందని వాపోతున్నారు. వెలిగొండ నిర్వాసితుల కాలనీలో తాగునీటి సమస్య తీవ్రంగా ఉందని బాధితులు చెబుతున్నారు. కనీసం తాగేందుకు, వంట చేసుకునేందుకు నీరు కూడా సక్రమంగా అందక ఇబ్బందులు పడుతున్నామని అంటున్నారు. పాత గ్రామాల్లో ఇతరులకు నీళ్లు అందించిన తామే.. ఇప్పుడు తమ కుటుంబాలకు తాగునీటి కోసం ఇబ్బందులు పడాల్సి రావడం దురదృష్టకరమని ఆవేదన వ్యక్తం చేస్తున్నారు. చిన్నారులతో దిక్కుతోచని పరిస్థితి చిన్నపిల్లలను వెంట పెట్టుకుని కొత్త కాలనీలకు వచ్చిన తమకు భవిష్యత్తు ఎలా ఉంటుందో తెలియడం లేదని నిర్వాసితులు కన్నీటి పర్యంతమవుతున్నారు. సొంత ఇల్లు లేదు.. పట్టాలు లేవు.. నీళ్లు లేవు.. కనీస సౌకర్యాలు లేవు.. ఈ పరిస్థితుల్లో పిల్లలను పెట్టుకుని ఎక్కడికి వెళ్లాలో అర్థం కావడం లేదని ఆవేదన వ్యక్తం చేస్తున్నారు. కాలనీలో నీళ్లు లేక రోడ్డు పైకి వచ్చి మోసుకెళ్తున్న నిర్వాసితులు ఇళ్లను ఖాళీ చేసి కాలనీకి వచ్చిన నిర్వాసితుల కుటుంబం ఇళ్లు లేక రోడ్డు పక్క వేసిన రేకులు దూరంగా ఉన్న రేషన్‌ దుకాణం

టీచర్లకు ఒంగోలు సిటీ: విద్యారంగంలో సంస్కరణల పేరుతో ప్రభుత్వం తీసుకుంటున్న నిర్ణయాలు ఉపాధ్యాయులకు కొత్త టెన్షన్‌ తెచ్చిపెడుతున్నాయి. ముఖ్యంగా టెట్‌ అర్హతను పదోన్నతులతో ముడిపెట్టడం, సుదీర్ఘకాలంగా బోధనలో కొనసాగుతున్న సీనియర్‌ ఉపాధ్యాయులు మళ్లీ అర్హత పరీక్ష రాయాల్సిన పరిస్థితి కల్పించడం ఉపాధ్యాయ వర్గాల్లో ఆందోళనకు కారణమవుతోంది. 2010కి ముందు నియమితులైన ఉపాధ్యాయులతో సహా టెట్‌ నిబంధనల పరిధిలోకి వచ్చే వారిపై పరీక్ష భారాన్ని మోపడంపై అభ్యంతరాలు వ్యక్తమవుతున్నాయి. ఐదేళ్లకుపైగా సర్వీసున్న ఉపాధ్యాయులు నిర్దేశిత వ్యవధిలో టెట్‌ ఉత్తీర్ణత సాధించాల్సిన పరిస్థితి ఏర్పడటంతో సీనియర్‌ టీచర్లు ఆందోళన చెందుతున్నారు. పదవీ విరమణకు ఐదేళ్లలోపు సర్వీసున్న వారికి కొన్ని మినహాయింపులు ఉన్నప్పటికీ.. పదోన్నతుల విషయంలో టెట్‌ అర్హత తప్పనిసరి చేయడం మరింత ఇబ్బందికరంగా మారిందని ఉపాధ్యాయ సంఘాలు పేర్కొంటున్నాయి. ఉమ్మడి జిల్లా వ్యాప్తంగా ఇన్‌సర్వీస్‌ ఉపాధ్యాయులు సుమారు 3500 మంది వరకు ఉన్నారు. ఏళ్ల తరబడి తరగతి గదుల్లో బోధిస్తూ విద్యార్థుల భవిష్యత్తును తీర్చిదిద్దుతున్న ఉపాధ్యాయులకు మళ్లీ అర్హత పరీక్ష పెట్టడంపై ప్రశ్నలు తలెత్తుతున్నాయి. ముఖ్యంగా 20 నుంచి 25 ఏళ్లుగా ఎలిమెంటరీ స్థాయిలో బోధిస్తున్న ఉపాధ్యాయులు ప్రస్తుతం టెట్‌ పరీక్షలో అధిక స్థాయి ప్రశ్నలను ఎదుర్కోవాల్సి రావడం తమకు అన్యాయమని వాపోతున్నారు. టెట్‌ పరీక్ష 150 మార్కులకు నిర్వహిస్తున్నారు. అర్హత మార్కులు కూడా కేటగిరీల వారీగా నిర్ణయించడంతో సీనియర్‌ ఉపాధ్యాయుల్లో పోటీ ఒత్తిడి పెరుగుతోంది. ఓసీ అభ్యర్థులకు 60 శాతం, బీసీలకు 50 శాతం, ఎస్సీ, తదితర రిజర్వుడ్‌ కేటగిరీలకు 40 శాతం అర్హత మార్కులు ఉన్నట్లు ఉపాధ్యాయులు చెబుతున్నారు. మరోవైపు 150 ప్రశ్నలకు 150 నిమిషాల సమయం మాత్రమే ఉండటం, ముఖ్యంగా గణిత ప్రశ్నలను పరిష్కరించేందుకు తగినంత సమయం లేకపోవడం ఇబ్బందికరంగా ఉందని ఉపాధ్యాయ సంఘాలు ఆగ్రహం వ్యక్తం చేస్తున్నాయి. టెట్‌ పేపర్‌–2లో సబ్జెక్టుల కలయిక కూడా ఉపాధ్యాయులను కలవరపెడుతోంది. బయాలజీ ఉపాధ్యాయులు గణిత సంబంధిత ప్రశ్నలు, గణిత ఉపాధ్యాయులు బయాలజీ అంశాలను ఎదుర్కోవాల్సి రావడం, తెలుగు, సోషల్‌ స్టడీస్‌ ఉపాధ్యాయులు పరస్పరం సంబంధం లేని సబ్జెక్టుల ప్రశ్నలు రాయాల్సి రావడం ఎంతవరకు సమంజసమని ప్రశ్నిస్తున్నారు. ఏళ్లుగా ఒక నిర్దిష్ట సబ్జెక్టు బోధిస్తున్న ఉపాధ్యాయుడి సామర్థ్యాన్ని సంబంధం లేని మరో సబ్జెక్టులో పరీక్షించడం వలన బోధనా నైపుణ్యానికి బదులు పరీక్ష సామర్థ్యమే ప్రమాణంగా మారుతుందని ఆవేదన వ్యక్తం చేస్తున్నారు. టెట్‌ రాయాల్సిన ఉపాధ్యాయుల్లో గణనీయమైన సంఖ్యలో 50 ఏళ్లు దాటిన వారు ఉన్నారని, కంప్యూటర్‌ ఆధారిత పరీక్ష వారికి ఇబ్బందికరంగా మారుతోందని ఉపాధ్యాయులు చెబుతున్నారు. సుదీర్ఘ సర్వీసున్న వారిని దృష్టిలో పెట్టుకుని ఆఫ్‌లైన్‌ విధానంలో పరీక్ష నిర్వహించాలని కోరుతున్నారు. 2010కి ముందు విద్యాభ్యాసం చేసిన ఉపాధ్యాయుల్లో చాలామంది తెలుగు మీడియంలో చదువుకున్నవారే. టెట్‌లో తెలుగు–ఇంగ్లిష్‌ పదజాలం, అనువాద పదాల కారణంగా కొన్ని ప్రశ్నలను అర్థం చేసుకోవడంలో ఇబ్బందులు ఎదురవుతున్నాయని అంటున్నారు. ప్రశ్నల భాషను సరళీకరించాలని డిమాండ్‌ చేస్తున్నారు. 1 నుంచి 5వ తరగతి వరకు బోధిస్తున్న ఉపాధ్యాయులు ఏళ్ల తరబడి ఎలిమెంటరీ విద్యార్థులకు బోధిస్తున్నారు. అలాంటి వారికి వారి బోధనా స్థాయికి సంబంధం లేని విధంగా అధిక కాఠిన్యతతో ప్రశ్నలివ్వడం సరికాదని ఉపాధ్యాయులు అభిప్రాయపడుతున్నారు. సీనియారిటీ, బోధనా అనుభవాన్ని పరిగణనలోకి తీసుకోవాలని కోరుతున్నారు. ఉపాధ్యాయుల పదోన్నతులకు టెట్‌ను కీలక అర్హతగా ముడిపెట్టడం వలన ఇప్పటికే సర్వీసులో ఉన్న వారికి కొత్త ఒత్తిడి ఏర్పడిందని ఉపాధ్యాయ వర్గాలు చెబుతున్నాయి. ఏళ్లపాటు సేవ చేసిన ఉపాధ్యాయుల అనుభవాన్ని పరిగణనలోకి తీసుకోకుండా మరోసారి అర్హత పరీక్షతో వారి భవిష్యత్తును ముడిపెట్టడం పునరాలోచించాల్సిన అంశమని అంటున్నారు. సంస్కరణల పేరుతో ఉపాధ్యాయులను పరీక్షల ఒత్తిడిలోకి నెట్టకుండా సీనియారిటీ, అనుభవం, ఇప్పటికే ఉన్న విద్యార్హతలను పరిగణనలోకి తీసుకోవాలని ఉపాధ్యాయులు కోరుతున్నారు. వయసు పైబడిన వారికి ఆఫ్‌లైన్‌ పరీక్ష, సబ్జెక్టుకు సంబంధం లేని ప్రశ్నల తొలగింపు, ప్రశ్నపత్రం కాఠిన్యత తగ్గింపు, అదనపు సమయం వంటి అంశాలపై ప్రభుత్వం స్పష్టమైన నిర్ణయం తీసుకోవాలని డిమాండ్‌ చేస్తున్నారు. లేనిపక్షంలో బోధనపై దృష్టి పెట్టాల్సిన ఉపాధ్యాయులు పరీక్షల భయంతో సతమతమయ్యే పరిస్థితి ఏర్పడుతుందని ఆందోళన వ్యక్తం చేస్తున్నారు. పదోన్నతులకు పరీక్షా పర్వతం రెండేళ్లలో పాస్‌ కాకుంటే ఉద్యోగానికే ముప్పు..? విద్యాశాఖ నిర్ణయాలతో సీనియర్‌ ఉపాధ్యాయుల్లో ఆందోళన సంబంధం లేని సబ్జెక్టులపై పరీక్షలతో ఇబ్బందులు సబ్జెక్టు కాని సబ్జెక్టుతో సతమతం..! ఆన్‌లైన్‌ పరీక్షపై అభ్యంతరాలు... తెలుగు మీడియం వారికి భాషా సమస్య... ఎలిమెంటరీ టీచర్లకు 10వ తరగతి స్థాయి ప్రశ్నలా..? ఇన్‌ సర్వీస్‌ ఉపాధ్యాయులకు టెట్‌ నుంచి మినహాయింపు ఇవ్వాలి : ఇన్‌ సర్వీస్‌ ఉపాధ్యాయులను టెటు పరీక్ష నుంచి మినహాయించేలా ఆర్టీఏ యాక్టు విద్యాహక్కు చట్టంలోని 23(1) క్లాజుకి సవరణ చేసి 2011కు ముందున్న ఉపాధ్యాయులందరినీ టెట్‌ ఎగ్జామ్‌ నుంచి మినహాయించాలి. ఉద్యోగ, ఉపాధ్యాయులకు నిర్వహించే డిపార్టుమెంట్‌ పరీక్షల అర్హత మార్కులు 40 శాతం మాదిరిగా ఇన్‌ సర్వీస్‌ ఉపాధ్యాయులకు సిలబస్‌ తగ్గించి స్పెషల్‌ టెట్‌ నిర్వహించాలి. అన్ని కేటగిరి ఉపాధ్యాయులకు కామన్‌గా 150 మార్కులకు 40 శాతం.. అనగా 60 మార్కులు ఉత్తీర్ణత మార్కులుగా నిర్ణయించాలి. అలాకాకుండా ఉపాధ్యాయులను ఒత్తిడికి గురి చేస్తే ఉద్యమాన్ని ఉధృతం చేస్తాం. ఎస్టీయూ జిల్లా ప్రధాన కార్యదర్శి గవిని శివశంకర్‌ ఉద్యోగం వచ్చిన తర్వాత మళ్లీ పరీక్ష ఎందుకు..? పరీక్ష పాసైతేనే పదోన్నతి అనడంపై అసంతృప్తి...

మార్కాపురం: ఉర్దూ టీచర్ల సమస్యలను పరిష్కరించాలని రాష్ట్ర ఉర్దూ టీచర్స్‌ అసోసియేషన్‌ జిల్లా అధ్యక్షుడు షేక్‌ అన్వర్‌ ప్రభుత్వాన్ని కోరారు. పట్టణంలోని 2వ వార్డులో ఉన్న ఉర్దూ ప్రైమరీ స్కూల్‌లో ఆదివారం జిల్లా ఉర్దూ టీచర్ల సమావేశం నిర్వహించారు. ఈ సందర్భంగా ఆయన మాట్లాడుతూ సర్వీసు, అర్హతలు కలిగిన సెకండరీ గ్రేడ్‌ ఉర్దూ టీచర్లకు ప్రమోషన్లు కల్పించాలని, ఖాళీగా ఉన్న కేటగిరి ఉర్దూ టీచర్‌ పోస్టులను రానున్న డీఎస్సీ నోటిఫికేషన్‌లో చూపించి భర్తీ చేయాలని, ఉర్దూ మాట్లాడే వారు ఎక్కువగా ఉన్న ప్రాంతాల్లో ఉర్దూ అంగన్‌వాడీ సెంటర్లను ప్రారంభించాలని తెలిపారు. ఉర్దూ పాఠ్యపుస్తకాలను పాఠశాలలకు సకాలంలో అందించాలని, జిల్లాలోని ప్రతీ హైస్కూల్‌లో 20 మంది ముస్లిం విద్యార్థులు ఉన్న చోట ఒక ఉర్దూ బీఈడీ పోస్టును మంజూరు చేసి భర్తీ చేయాలని డిమాండ్‌ చేశారు. అనంతరం రుటా మార్కాపురం జిల్లా నూతన కార్యావర్గాన్ని ఎన్నుకున్నారు. మార్కాపురం జిల్లా యూనిట్‌గా రాష్ట్ర ఉర్దూ ఉపాధ్యాయసంఘం నూతన కార్యవర్గం ఎన్నుకున్నారు. జిల్లా అధ్యక్షునిగా సయ్యద్‌ సమీవుల్లా బాషా ఏకగ్రీవంగా ఎన్నికయ్యారు. రూటా జనరల్‌ సెక్రటరీగా పఠాన్‌ ముర్తుజావలి ఖాన్‌, కోశాధికారిగా ఎం. గుల్షన్‌ అహ్మద్‌ బేగ్‌లను ఎన్నుకున్నట్లు తెలిపారు. ఎన్నికల పరిశీలకులుగా షేక్‌ ఖాజావలి, ఎలక్షన్‌ అధికారిగా పఠాన్‌ హకీమ్‌ ఖాన్‌ వ్యవహరించారు. సమావేశం లో రూట కార్యవర్గ సభ్యులు షేక్‌. అన్వర్‌ బాషా, సయ్యద్‌ సమీవుల్లాబాషా, పఠాన్‌ హిదాయతుల్లా ఖాన్‌, షేక్‌ బురాని పీరా, పఠాన్‌ హకీమ్‌ఖాన్‌, ఉర్దూ డెవలప్‌మెంట్‌ సొసైటీ అధ్యక్షుడు పఠాన్‌ అబ్దుల్‌ వహీద్‌ఖాన్‌, ఉర్దూ ఉపాధ్యాయులు పాల్గొన్నారు.

కనిగిరిరూరల్‌: ఉరేసుకొని వివాహిత ఆత్మహత్య చేసుకుంది. ఈ సంఘటన ఆదివారం కనిగిరిలో జరిగింది. పోలీసులు వివరాల ప్రకారం.. కనిగిరి మండలం బొట్టికిర్లపాడుకు చెందిన పొదిలి మల్లేశ్వరి (35)కి హనుమంతునిపాడు మండలం కొండారెడ్డిపల్లికి చెందిన కొండలరావుకు సుమారు 14 ఏళ్ల క్రితం వివాహమైంది. వీరు పట్టణంలోని బాదుల్లా వారి వీధిలో దాదాపు 4 ఏళ్ల నుంచి నివాసం ఉంటున్నారు. కొద్ది కాలంగా వీరి మధ్య మనస్పర్థలు వచ్చాయి. ఈ క్రమంలో ఇంట్లో ఎవ్వరూ లేని సమయంలో మల్లేశ్వరి ఉరేసుకొని ఆత్మహత్యకు పాల్పడింది. ఆదివారం మృతురాలి తల్లి చందలూరి మహాలక్ష్మమ్మ ఫిర్యాదు మేరకు పోలీసులు కేసు నమోదు చేసి దర్యాప్తు చేస్తున్నారు. ● బాలుడు మృతి మద్దిపాడు: ముందు వెళుతున్న లారీని వెనుక నుంచి కారు ఢీకొనడంతో బాలుడు మృతిచెందిన సంఘటన జాతీయ రహదారిపై మద్దిపాడు మండలంలోని వెల్లంపల్లి బ్రిడ్జిపై ఆదివారం తెల్లవారు జామున చోటుచేసుకుంది. ఆ వివరాల ప్రకారం.. హైదరాబాద్‌కు చెందిన శ్రీకాంత్‌ తన కుటుంబంతో కలిసి అరుణాచలానికి కారులో వెళ్లారు. తిరుగు ప్రయాణంలో వెల్లంపల్లి సమీపంలోకి వచ్చిన క్రమంలో ముందు వెళ్తున్న లారీని బలంగా ఢీకొట్టారు. ఈ ప్రమాదంలో కారులో బెలూన్లు తెరుచుకోవడంతో భార్య, ఇద్దరు కుమార్తెలు ప్రమాదం నుంచి తప్పించుకున్నారు. శ్రీకాంత్‌కు స్వల్పగాయాలయ్యాయి. మధ్య సీటులో పడుకుని నిద్రిస్తున్న శ్రేయాన్ష్‌రామ్‌ (16)కు తీవ్ర గాయాలయ్యాయి. స్థానికుల ద్వారా సమాచారం అందుకున్న 108 అంబులెన్స్‌ చేరుకుని ఒంగోలు జీజీహెచ్‌కి తరలించింది. అక్కడి డాక్టర్లు పరీక్షించి శ్రేయాన్ష్‌రామ్‌ మృతి చెందినట్లు తెలిపారు. మద్దిపాడు పోలీసులు మృతదేహానికి పోస్టుమార్టం చేయించి కేసు నమోదు చేసి దర్యాప్తు చేస్తున్నారు. మార్కాపురం టౌన్‌: పట్టణంలోని జవహర్‌నగర్‌ కాలనీలోని ఇంట్లో దొంగలు పడి రూ.50 వేల నగదు అపహరించారు. పోలీసుల వివరాల మేరకు..కాలనీలోని విజయకుమారి ఇంట్లో శనివారం దొంగలు పడి రూ.50వేలు నగదు అపహరించారు. బాధితురాలి ఫిర్యాదు మేరకు ఎస్సై విశ్వనాథరెడ్డి కేసు నమోదు చేసి దర్యాప్తు చేస్తున్నారు. ● కారుపై పడిన సిమెంట్‌ బస్తాలు ● తప్పిన పెను ప్రమాదం ● ఇద్దరికి గాయాలు మార్కాపురం రూరల్‌: మండలంలోని కోమటికుంట వద్ద అదివారం సిమెంట్‌ లారీ బోల్తా పడింది. వివరాల్లోకి వెళితే..మాచర్ల నుంచి కడపు వైపు సిమెంట్‌ లోడ్‌తో వెళ్తున్న లారీ...ఎదురుగా వచ్చినా కారును తప్పించే క్రమంలో అదుపుతప్పి బోల్తా పడింది. ఈ ఘటనలో లారీలో ఉన్న సిమెంట్‌ బస్తాలు రోడ్డుపై పడిపోయాయి. అదే సమయంలో నంద్యాల నుంచి తెనాలి వైపు వెళ్తున్న మరో కారుపై సిమెంట్‌ బస్తాలు పడటంతో వాహనంలోని ప్రయాణికులు ఒక్కసారిగా భయాందోళనకు గురయ్యారు. కారుఓ ఉన్న ఇద్దరికి గాయాలయ్యాయి. లారీ డ్రైవర్‌కు స్వల్ప గాయాలైనట్లు సమాచారం. కొంత సేపు రోడ్డుపై ట్రాఫిక్‌ నిలిచిపోయింది. కారులో ఉన్న వాణిశ్రీ తీవ్రంగా గాయపడటంతో ఆమెను తొలుత మార్కాపురం ప్రభుత్వ ఆసుపత్రికి జిజిహెచ్‌కు తరలించారు. పరిస్థితి విషమంగా ఉండటంతో మెరుగైన వైద్యం నిమిత్తం గుంటూరు హాస్పిటల్‌కు వైద్యులు రిఫర్‌ చేశారు. సమాచారం అందుకున్న పోలిసులు ఘటనా స్థలానికి చేరుకుని ప్రమాదానికి గల కారణాలపై ఆరా తీశారు.కేసు నమోదు చేసి దర్యాప్తు చేస్తున్నారు.

జె.పంగులూరు: దివ్యతేజ లాకప్‌ డెత్‌పై సమగ్ర విచారణ జరిపించాలని దళిత హక్కుల పరిరక్షణ సమితి అధ్యక్షుడు నీలం నాగేంద్రరరావు డిమాండ్‌ చేశారు. మండల పరిధిలోని రేణింగవరం పోలీస్‌స్టేషన్‌ ఎదుట ఆదివారం దళిత హక్కుల పరిరక్షణ సమితి అధ్యక్షుడు నీలం నాగేంద్రరావు ఆధ్వర్యంలో ధర్నా చేశారు. ఈ సందర్భంగా దివ్యతేజ శవం ఉన్న కొండమూరు సమీపంలో చప్టా ఉన్న ప్రాంతాన్ని సంఘాల నాయకులతో కలిసి పరిశీలించారు. అనంతరం రేణింగవరం పోలీస్‌స్టేషన్‌ వద్దకు సమాచారానికి వెళ్లగా స్టేషన్‌లో ఎస్సై అందుబాటులో లేరని, లేడి కానిస్టేబుల్‌ మాత్రమే ఉన్నారన్నారు. ఈ సందర్భంగా నీలం నాగేంద్రరావు మాట్లాడుతూ దళితుడైన దివ్యతేజను చంపి శవాన్ని మాయం చేసిన సంఘటనలో ఎస్సైని అరెస్టు చేయక పోగా కనీసం సస్పెండ్‌ కూడా చేయలేదన్నారు. నెల్లూరు జిల్లాకు చెందిన దివ్యతేజ, శశికాంత్‌ సెల్‌ ఫోన్‌ దొంగతనం చేశారనే అరోపణతో కేసు నమోదు చేసిన రేణింగవరం ఎస్సై విచారణ చేయడంతో దివ్యతేజ చనిపోయాడన్నారు. శశికాంత్‌ ఎక్కడ ఈ విషయం చెబుతాడో అని భయపెట్టి అతన్ని వదిలేశారన్నారు. ఒక దళితుడిని సెల్‌ఫోన్‌ దొంగతనం కేసులో లాకప్‌డెత్‌ చేయడం అమానుషమన్నారు. చట్టాన్ని పరిరక్షించాల్సిన పోలీస్‌ అధికారులే బరితెగించి శవాన్ని మాయం చేసిన కూటమి ప్రభుత్వం స్పందించక పోవడం దారుణమని మండిపడ్డారు. కేసు విచారణ గుంటూరు ఐజీ సర్వ శ్రేష్ట త్రిపాఠి స్వయంగా విచారించాలని డిమాండ్‌ చేశారు. కార్యక్రమంలో మాల మహానాడు అధ్యక్ష, కార్యదర్శులు దారా అంజయ్య, కాకుమాను రవి, దేవరపల్లి గోపి, ఎర్రమల శ్రీను, మురళి తదితరులు ఉన్నారు.

పెద్దదోర్నాల: ఈతకు వెళ్లి నీటి ప్రవాహంలో కొట్టుకుపోయిన యువకుల ఆచూకీ ఆదివారం అర్ధరాత్రి వరకు లభ్యం కాలేదు. ఆదివారం 4.30 గంటల సమయంలో వినయ్‌కుమార్‌ మృతదేహం ఒక్కసారిగా కనిపించి మరలా మునిగి పోయినట్లు స్థానికులు పేర్కొంటున్నారు. దీంతో ఇద్దరి ఆచూకీ కోసం పలువురు అధికారులు, పోలీసు సిబ్బంది అడుగడునా జల్లెడ పట్టినా ఆచూకీ మాత్రం లభ్యం కాలేదు. శనివారం 12 గంటల సమయంలో ఈత కోసం స్నేహితులతో కలిసి ఫీడర్‌ కెనాల్‌ వద్దకు వెళ్లిన కటకానిపల్లెకు కాబోయే వరుడు రాజ్‌కుమార్‌, అతని సోదరుడు వినయ్‌కుమార్‌లు ఫీడర్‌ కెనాల్‌లో గల్లంతైన విషయం పాఠకులకు విదితమే. ఈ నేపథ్యంలో తహసీల్దార్‌ అశోక్‌రెడ్డి ఆధ్వర్యంలో శనివారం సాయంత్రం నుంచి గాలింపు చర్యలు చేపట్టి పూర్తిగా చీకటి పడటంతో ఫలితం లేక గాలింపు చర్యలను నిలిపివేఽశారు. ఈ నేపథ్యంలో చేసేదేమి లేకపోవడంతో ఆదివారం ఉదయం నుంచి ఎస్టీఆర్‌ఎఫ్‌ బృందాలతో గాలింపు చర్యలు చేపట్టారు. ఈ సందర్భంగా ఎస్టీఆర్‌ఎఫ్‌ బృందాలు తొలుత యువకులు ఈతకు దిగి గల్లంతైన 17.7 కిలోమీటర్‌ వద్ద ర్యాంపు నుంచి నల్లమల సాగర్‌ రిజర్వాయర్‌ వరకు ఇన్‌ప్లేటబుల్‌ మోటార్‌ రెస్క్యూ బోటు ద్వారా గాలింపు చర్యలు చేపట్టారు. ఈ క్రమంలో గ్రామానికి చెందిన యువకుల అచూకీ కోసం కటకానిపల్లె గ్రామస్తులు ఉదయం నుంచి మండుటెండలో పడిగాపులు కాశారు. ఈ క్రమంలో వినయ్‌కుమార్‌ మృతదేహం కనిపించి జరిపోయినట్లు స్థానికులు పేర్కొన్నారు. దీంతో యువకుల ఆచూకీ తెలియకపోవడంతో నిరాశతో వెనుతిరిగారు. ఉన్నత చదువులు చదువుకొని మంచి ఉద్యోగంలో స్థిరపడి ఓ ఇంటి వాడుగా ఉండాలని కోరుకున్న రాజ్‌కుమార్‌ తల్లిదండ్రులు పెద్దఅవులయ్య, జానీలు పెండ్లికి ఓ రోజు ముందే తమ కుమారుడు నీటిలో గల్లంతు కావడాన్ని జీర్జించుకోలేకపోయారు. దీంతో పాటు తండ్రి లేకపోయినా కుటుంబాన్ని ఒంటి చేత్తో పోషిస్తున్న వినయ్‌కుమార్‌ అచూకీ లభించకపోవడంతో తల్లి రాములమ్మలు తమ కుమారుల ఆచూకీ కోసం రాత్రంతా ఫీడర్‌ కెనాల్‌ సమీపంలోనే పడిగాపులు కాయటం గ్రామస్తులను కలిచివేసింది. రెస్క్యూ బోటుతో రంగంలోకి దిగిన ఎస్టీఆర్‌ఎఫ్‌ బృందం గల్లంతైన ప్రాంతం నుంచి నల్లమల సాగర్‌ వరకు గాలింపు కనిపించినట్లు కనిపించి జారిపోయిన వినయ్‌ మృతదేహం ఆదివారం అర్ధరాత్రి వరకు లభ్యం కాని యువకుల ఆచూకీ

● 25న ప్రారంభించేందుకు ఏర్పాట్లు ● సీఈఓ, డిప్యూటీ సీఈఓ సిబ్బంది నియామకంపై దృష్టి మార్కాపురం: మార్కాపురం నూతన జిల్లా పరిషత్‌ ఏర్పాటు చేస్తూ రాష్ట్ర ప్రభుత్వం ఉత్తర్వులు జారీ చేసింది. మార్కాపురం, యర్రగొండపాలెం, గిద్దలూరు, కనిగిరి నియోజకవర్గాల్లోని 21 మండలాలను కలిపి నూతన జిల్లా పరిషత్‌ ఏర్పాటు చేశారు. జెడ్పీ సీఈఓ, డిప్యూటీ సీఈఓతో పాటు సిబ్బందిని కూడా నియమించాలని ప్రభుత్వం ఆదేశించింది. ఈ నెల 25న జడ్పీ కార్యాలయాన్ని ప్రారంభించాలని అధికారులు సన్మాహాలు చేస్తున్నారు. ప్రకాశం సీఈఓ చిరంజీవి మార్కాపురం జిల్లాకు కూడా ఇన్‌చార్జి సీఈఓగా వ్యవహరిస్తున్నారు. ఆయన మార్కాపురంలో జెడ్పీ కార్యాలయం ఏర్పాటుకోసం పలు కార్యాలయాలను సందర్శించారు. రేడియో స్టేషన క్వార్టర్స్‌, రాయవరంలోని డీడీఓ కార్యాలయ ఆవరణ, ఇంకా పలు ప్రైవేట్‌ భవనాలను పరిశీలించారు. ప్రస్తుతం ఒంగోలు జెడ్పీలో ఉన్న సిబ్బందిలో 50 శాతం ప్రకాశానికి, 38 శాతం మార్కాపురంకు, 12 శాతం బాపట్లకు కేటాయించినట్లు తెలిసింది. ముగ్గురు సూపరింటెండెంట్లు, సీనియర్‌ అసిస్టెంట్లు, జూనియర్‌ అసిస్టెంట్లు, టైపిస్టులు, అటెండర్లు తదితర సిబ్బంది అంతా కలిపి సుమారు 25 మంది వరకూ రానున్నారు. మొత్తం జిల్లాలో 508 గ్రామ పంచాయతీలు ఉన్నాయి. జిల్లా విస్తీర్ణం 14,82,757.24 ఎకరాల్లో ఉంది. జిల్లాలో మొత్తం 1145 పోలింగ్‌ స్టేషన్లతో పాటు మొత్తం 9,08,772 మంది ఓటర్లు ఉన్నారు. నూతన జడ్పీ ఏర్పాటైతే జడ్పీ సమావేశాలు ఎంపీటీసీ, జెడ్పీటీసీసి, ఎంపీడిఓల శిక్షణా తరగతులు ఇక్కడే జరగనున్నాయి. నూతన జెడ్పీ ఏర్పాటుకు ముందే ఒంగోలు జెడ్పీలో ఉన్న సిబ్బందిని ఆయా జిల్లా పరిషత్‌ల నిష్పత్తి ప్రకారం కేటాయించనున్నట్లు జెడ్పీ సీఈఓ చిరంజీవి తెలిపారు. ● సత్తా చాటిన తెలంగాణ ఎడ్లు రాచర్ల: మండలంలోని జేపీ చెరువులో ఆదివారం రాష్ట్రస్థాయి ఎడ్ల బండ లాగుడు పోటీలు హోరాహోరీగా సాగాయి. పోటీల్లో మొత్తం 5 జతల ఎడ్లు పాల్గొనగా తెలంగాణ రాష్ట్రం, నాగర్‌ కర్నూలు జిల్లా, లింగాల మండలం రాయవరం గ్రామానికి చెందిన ఎం.అక్షరారెడ్డి ఎడ్ల జత నిర్ణీత 20 నిమిషాల్లో 3283 అడుగులు లాగి మొదటి బహుమతి సాధించాయి. నాగర్‌ కర్నూలు జిల్లా లింగాల మండలం రాయవరం గ్రామానికి చెందిన ఎం.అక్షరారెడి చెందిన ఎడ్లజత 3251 అడుగులు లాగి రెండో బహుమతి సాధించాయి. నల్గొండ జిల్లా కొప్పుల గ్రామానికి చెందిన సత్యనారాయణ చెందిన ఎడ్లజత 2368 అడుగులు లాగి మూడో బహుమతి సాధించాయి. మార్కాపురం జిల్లా గిద్దలూరు పట్టణానికి చెందిన నారాయణ ఎడ్లజత 1250 అడుగులు లాగి నాల్గవ బహుమతి, కొమరోలు మండలం, ఎడమకల్లు గ్రామానికి చెందిన నోస్సం వెంకటేశ్వర్లు చెందిన ఎడ్లజత 1000 అడుగులు లాగి ఐదో బహుమతిని సాధించాయి. ఎడ్ల పోటీల్లో గెలుపొందిన విజేతలకు రూ.50వేలు, రూ.35 వేలు, రూ.20 వేలు, రూ.10 వేలు, రూ.5 వేలను గ్రామపెద్దల చేతులు మీదుగా పంపిణీ చేశారు.

కురిచేడు: పశువులను కాసేందుకు వెళ్లి వాగులో అనుమానాస్పదంగా వ్యక్తి మృతి చెందాడు. ఈ సంఘటన మండలంలోని ఎన్‌ఎస్‌పీ అగ్రహారంలో ఆదివారం జరిగింది. గ్రామస్తుల వివరాల మేరకు.. గ్రామానికి చెందిన కేసనపల్లి ఏలియా(45) పశువులను మేపేందుకు ప్రతిరోజు లాగానే ఆదివారం వెళ్లాడు. సాయంత్రం 4 గంటల ప్రాంతంలో తనతో పాటు పశువులను మేపుకుంటున్న తాటి అంజమ్మతో తన పశువులను చూస్తుండాలని, తాను మంచినీరు తాగి వస్తానని చెప్పి వెళ్లి తిరిగి రాలేదు. ఆమె ఇంటికి వచ్చి విషయాన్ని కుటుంబసభ్యులకు తెలియజేసింది. దీంతో రాత్రి సమయంలో పొలం వద్దకు వెళ్లి చూడగా రాత్రి వరకు వాగులో ఓ నీటి కుంట వద్ద ఏలియా మృతి చెంది పడి ఉన్నట్లు తెలిపారు. ఏలియాకు భార్య, ముగ్గురు కుమారులు ఉన్నారు. ఏలియా ఎలా మృతి చెందాడో పోలీసుల విచారణలో తేలాల్సి ఉంది.