మహబూబ్‌నగర్‌ మున్సిపాలిటీ: రాజకీయాల్లో మచ్చలేని వ్యక్తి కేంద్ర మాజీ మంత్రి సూదిని జైపాల్‌రెడ్డి అని, విలువల కోసం ఎంతో పరితపించారని మహబూబ్‌నగర్‌ ఎమ్మెల్యే యెన్నం శ్రీనివాస్‌రెడ్డి అన్నారు. గురువారం ధర్మాపూర్‌లోని జేపీఎన్‌సీఈలో జైపాల్‌రెడ్డి జయంతి నిర్వహించారు. ఈ సందర్భంగా ఆయన విగ్రహానికి పూలమాలలు వేసి ఘన నివాళులర్పించారు. అలాగే రంగస్థల నటులు దుప్పల్లి శ్రీరాములు, వరకవుల నరహరి రాజుకు స్ఫూర్తి అవార్డుల ప్రదానంతో పాటు రూ.25 వేల చొప్పున చెక్కు అందజేసి సన్మానించారు. అనంతరం ఎమ్మెల్యే మాట్లాడుతూ తెలంగాణ ఏర్పాటులో జైపాల్‌రెడ్డి పాత్ర కీలకమైందన్నారు. ఆయన దేశానికి చేసిన సేవలను కొనియాడారు. జిల్లా కేంద్రంలోని ఆర్‌అండ్‌బీ గెస్ట్‌ హౌస్‌ ప్రాంగణంలో జైపాల్‌రెడ్డి నాలెడ్జ్‌ సెంటర్‌ను ఏర్పాటు చేస్తున్నామన్నారు. వచ్చే విద్యా సంవత్సరం ఇది అందుబాటులోకి వస్తుందన్నారు. కార్యక్రమంలో రాష్ట్ర మైనారిటీ ఫైనాన్స్‌ కార్పొరేషన్‌ చైర్మన్‌ ఒబేదుల్లా కొత్వాల్‌, మాజీ ఎమ్మెల్సీ కె.యాదవరెడ్డి, బలగం ఫేం మధు, సీనియర్‌ న్యాయవాది వి.మనోహర్‌రెడ్డి, జేపీఎన్‌సీఈ చైర్మన్‌ కె.ఎస్‌.రవికుమార్‌, కళాశాల కార్యదర్శి వి.వెంకటరామరావు, ప్రిన్సిపాల్‌ డా.పి.కృష్ణమూర్తి, యువజన కాంగ్రెస్‌ నాయకులు అవేజ్‌, ఇమ్రాన్‌ పాల్గొన్నారు. మహబూబ్‌నగర్‌ ఎమ్మెల్యే యెన్నం శ్రీనివాస్‌రెడ్డి జేపీఎన్‌సీఈలో స్ఫూర్తి అవార్డుల ప్రదానం

ఇస్లామిక్‌ సంవత్సరంలోని ‘జిల్‌హజ్జా’ మాసంలో మక్కా, మదీనా పుణ్యక్షేత్రాలను దర్శించుకుంటారు. అక్కడ పాటించాల్సిన నియమాలు, నిబంధనలపై హజ్‌యాత్రికులకు అవగాహన కల్పించడానికి జిల్లా హజ్‌ సొసైటీ ఆధ్వర్యంలో శిక్షణ శిబిరాలను నిర్వహిస్తారు. జిల్లాకేంద్రంలో డిసెంబర్‌ 8న హజ్‌ యాత్రికులకు మెడికల్‌ ఓరియంటేషన్‌ కార్యక్రమం నిర్వహించారు. ప్రముఖ వైద్యులు హజ్‌ సమయంలో యాత్రికులు తీసుకోవాల్సిన ఆరోగ్యానికి సంబంధించిన జగ్రత్తలను వివరించారు. డిసెంబర్‌ 15న మొదటి శిక్షణ శిబిరం ప్రారంభమైంది. మతపెద్ద మౌలానా తస్లీం అన్సారీ యాత్రికులకు అవగాహన కల్పించారు. ఈఏడాది జిల్లా హజ్‌ సొసైటీ ద్వారా ఆరేడు శిక్షణ శిబిరాలు నిర్వహించి హజ్‌ యాత్ర నిష్ణాతులైన మతపెద్దలచే అవగాహన కల్పించి చివరి శిబిరంలో టీకాల క్యాంపు ఏర్పాటు చేస్తారు. రెండు శిబిరాల్లో ప్రత్యేకంగా డిజిటల్‌ ద్వారా ప్రాక్టికల్‌గా హజ్‌యాత్రపై అవగాహన కల్పించనున్నారు.

●● కొత్త పథకాల అమలులో అర్హుల ఎంపిక సమర్థవంతంగా జరగాలని జడ్చర్ల ఎమ్మెల్యే అనిరుధ్‌రెడ్డి సూచించారు. ● ఇందిరమ్మ ఇళ్ల పథకంలో టెక్నికల్‌, ప్రాక్టికల్‌ సమస్యలు తలెత్తుతున్నాయని.. క్షేత్రస్థాయిలో వడబోసిన జాబితాను గ్రామ సభలో పెట్టాలని వనపర్తి ఎమ్మెల్యే మేఘారెడ్డి సూచించారు. ● రైతు ఆత్మీయ భరోసా గొప్ప పథకమని.. దీని గురించి ఫీల్డ్‌ అసిస్టెంట్లు వ్యతిరేకంగా ప్రచారం చేస్తున్నట్లు తన దృష్టికి వచ్చిందని మహబూబ్‌నగర్‌ ఎమ్మెల్యే యెన్నం శ్రీనివాస్‌రెడ్డి తెలిపారు. ఈ పథకం వర్తించని వారు నిరాశ చెందకుండా ఉపాధి పనికి వెళ్లేలా అధికారులు సూచించాలని.. మరోసారి దరఖాస్తు చేసుకునేలా అవగాహన కల్పించాలన్నారు. అలాగే సొంత స్థలం లేని వారికి మలి దఫాలో ఇళ్లు వస్తాయని సర్ది చెప్పాలన్నారు. ● ప్రజాపాలనలో దరఖాస్తు చేసుకోని వారికి కూడా ప్రభుత్వ పథకాల వర్తింపులో అవకాశం కల్పించేలా ప్రభుత్వం నిర్ణయం తీసుకోవాలని దేవరకద్ర ఎమ్మెల్యే మధుసూదన్‌రెడ్డి కోరారు. ● జర్నలిస్టులు కూడా ఇందిరమ్మ ఇళ్లు అడుగుతున్నారని, ఒకసారి పరిశీలించాలని నాగర్‌కర్నూల్‌ ఎమ్మెల్యే కుచుకుళ్ల రాజేష్‌రెడ్డి కోరారు. అర్హులైన వారందరికీ రేషన్‌కార్డులు జారీ చేయాలని విజ్ఞప్తి చేశారు. ● ఎస్సీ నియోజకవర్గంలో ఎక్కువ ఇందిరమ్మ ఇళ్ల్లను కేటాయించాలని అలంపూర్‌ ఎమ్మెల్యే విజయుడు మంత్రులను కోరారు. ● మక్తల్‌ ఎమ్మెల్యే వాకిటి శ్రీహరి మాట్లాడుతూ క్షేత్రస్థాయిలో సర్వే జరిగిన చోటే స్క్రూటినీ చేయాలని.. ఇళ్ల్లు ఉన్నవారిని అర్హుల జాబితా నుంచి వెంటనే తొలగించాలన్నారు. ఆర్‌అండ్‌ఆర్‌ సెంటర్‌లో ఉన్న పేదలకు ఇళ్లు మంజూరు చేయాలని కోరారు. పక్కనే ఉన్న కర్ణాటక రాష్ట్రంలో కాంగ్రెస్‌ అధికారంలో ఉందని.. అక్కడి ప్రభుత్వంతో చర్చించి జూరాలకు ఐదు టీఎంసీల నీటిని వదిలేలా చూడాలని మంత్రి దామోదర రాజనర్సింహను కోరారు.

కోడేరు: సంక్రాంతి రైతు సంబరాల్లో భాగంగా మండల కేంద్రంలో అంతర్రాష్ట్ర బండలాగుడు పోటీలు ఉత్సాహంగా కొనసాగాయి. ఈ పో టీల్లో 15 జతల వృషభాలు పాల్గొన్నాయి. ముగింపు కార్యక్రమం గురువారం నిర్వహించగా ఎకై ్సజ్‌, పర్యాటకశాఖ మంత్రి జూపల్లి కృష్ణారావు విజేతలకు బహుమతులు అందజేశారు. అనంతపురం జిల్లా నారాయణపురం మహ్మద్‌ ఫరీద్‌ ఎద్దులు మొదటి బహుమతిగా రూ.80 వేలు, నంద్యాల జిల్లా పీఆర్‌పల్లెకు చెందిన ఎద్దులు రెండో బహుమతిగా రూ.60 వేలు, నాగర్‌కర్నూల్‌ జిల్లా యాదిరెడ్డిపల్లికి చెందిన అఖిలేశ్వర్‌రెడ్డి ఎద్దులు తృతీయ బహుమతిగా రూ.50 వేలు గెలుచుకున్నాయి. అలాగే అనంతపురం జిల్లా మేడుమాకులపల్లికి చెందిన తిరుపాల్‌రెడ్డి ఎద్దులు నాలుగో బహుమతిగా రూ.40 వేలు, అనంతపురం జిల్లా గార్లదిన్నెకు చెందిన రమేశ్‌ ఎద్దులు 5వ బహుమతిగా రూ.30 వేలు, వనపర్తి జిల్లా పెద్దదగడకు చెందిన గోపాలకృష్ణ ఎద్దులు 6వ బహుమతిగా రూ.20 వేలు, కర్నూలు జిల్లా గుడికల్‌కు చెందిన దాసు ఎద్దులు 7వ బహుమతిగా రూ.15 వేలు, నంద్యాల జిల్లా రామతీర్థం గ్రామానికి చెందిన నాగరాజు ఎద్దులు 8వ బహుమతిగా రూ.10 వేలతో పాటు జ్ఞాపికలు మంత్రి జూపల్లి అందజేశారు. ఈ సందర్భంగా ఆయన మాట్లాడుతూ రైతు సంక్షేమమే ప్రభుత్వ ధ్యేయమని అన్నారు. సంక్రాంతి అంటేనే వృషభరాజుల పండుగని, సీఎం రేవంత్‌రెడ్డి రైతు సంక్షేమానికి ఎంతో కృషి చేస్తున్నారని తెలిపారు. కార్యక్రమంలో మాజీ ఎంపీపీ కొత్త రాంమోహన్‌రావు, జగదీశ్వర్‌రావు, రవీందర్‌రెడ్డి, సురేందర్‌రెడ్డి, చలపతిరావు, మాజీ కో– ఆప్షన్‌సభ్యుడు అబ్దుల్‌ ఖరీం, చామంతిరాజు, తిరుపత య్య, పొండేళ్ల తిరుపతయ్య, మాజీవార్డు సభ్యులు రా జు, రామకృష్ణ, శరత్‌, ఇమ్రాన్‌, బాబు పాల్గొన్నారు.

లింగాల: మండల కేంద్రం నుంచి దారారం వెళ్లే మార్గంలో గురువారం జరిగిన రోడ్డు ప్రమాదంలో ఓ వ్యక్తి దుర్మరణం చెందాడు. ఎస్‌ఐ నాగరాజు వివరాల మేరకు.. దారారం గ్రామానికి చెందిన గుర్రాల బొజ్జయ్య (55) లింగాల నుంచి స్వగ్రామానికి ద్విచక్ర వాహనంపై వెళ్తుండగా.. అదుపుతప్పి రోడ్డు పక్కనున్న చెట్టును ఢీకొట్టాడు. ప్రమాదంలో అతడికి తీవ్రగాయాలయ్యాయి. విషయం తెలుసుకున్న కుటుంబ సభ్యులు ఘటనా స్థలానికి చేరుకొని 108 అంబులెన్స్‌లో అచ్చంపేట ప్రభుత్వ ఆస్పత్రికి తరలిస్తుండగా.. మార్గమధ్యంలో మృతి చెందాడు. మృతుడికి భార్య అలివేల, ఇద్దరు కుమారులు, ఒక కుమార్తె ఉన్నారు. మృతుడి కుమారుడు గుర్రాల శ్రీశైలం ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్‌ఐ తెలిపారు. దుందుభీ వాగులో తేలిన యువకుడి శవం ● వారం రోజుల క్రితం మిస్సింగ్‌ కేసు నమోదు ఉప్పునుంతల: మండలంలోని మొల్గరకు చెందిన కుంటల భిక్షపతి (35) అనే యువకుడు గురువారం ఉదయం గ్రామ సమీపంలోని దుందుభీ వాగులో శవమై తేలాడు. ఘటనకు సంబంధించి ఎస్‌ఐ వెంకట్‌రెడ్డి తెలిపిన వివరాల ప్రకారం.. మృతుడు భిక్షపతి ఈనెల 9న ఇంటి నుంచి వెళ్లి తిరిగి రాలేదని అతడి తండ్రి జంగయ్య ఇచ్చిన ఫిర్యాదు మేరకు ఈనెల 10వ తేదీన మిస్సింగ్‌ కేసు నమోదు చేసినట్లు తెలిపారు. గురువారం ఉదయం గ్రామ సమీపంలోని దుందుభీ వాగులోని పందిబండ ప్రాంతంలో వ్యక్తి శవం ఉన్నట్లు గ్రామస్తులు సమాచారం ఇచ్చారు. ఈ మేరకు అక్కడికి వెళ్లి చూడగా.. అది భిక్షపతి శవమే అని కుటుంబ సభ్యులు గుర్తించారు. పంచనామా నిర్వహించి శవాన్ని అచ్చంపేట ప్రభుత్వ ఆస్పత్రికి తరలించి పోస్టుమార్టం నిర్వహించారు. వాగులో నీరు తక్కువ లోతులో పారుతూ మనిషి మునిగిపోయి చనిపోయే పరిస్థితి లేనందున అనుమానస్పద మృతిగా కేసు నమోదు చేసి దర్యాప్తు చేస్తున్నామని ఎస్‌ఐ తెలిపారు. మృతుడికి భార్య శోభతో పాటు ఇద్దరు పిల్లలు ఉన్నారు. రైలు కిందపడి మహిళ ఆత్మహత్య మహబూబ్‌నగర్‌ క్రైం: రైలు కిందపడి గుర్తుతెలియని మహిళ ఆత్మహత్య చేసుకున్నట్లు రైల్వే ఎస్‌ఐ సయ్యద్‌ అక్బర్‌ తెలిపారు. వివరాలు.. మహబూబ్‌నగర్‌ జిల్లా కేంద్రంలోని టీడీగుట్ట రైల్వేగేట్‌ సమీపంలో గురు వారం రాత్రి 7.30ప్రాంతంలో గుర్తు తెలియని మహిళ(35) రైలు కిందపడి ఆత్మహత్య చేసుకుంది. రైలు వస్తున్న విషయాన్ని గమనించి పరుగెత్తుకుంటూ వెళ్లి రైలు కిందపడటంతో తీవ్రగాయాలు కాగా అక్కడిక్కడే మృతి చెందింది. మృతురాలి దగ్గర ఎలాంటి ఆధారాలు లేవని మృతురాలికి సంబంధించిన కుటుంబ సభ్యులు ఎవరైనా ఉంటే రైల్వే పోలీసులను సంప్రదించాలన్నారు. కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.

కల్వకుర్తి టౌన్‌: మండలంలోని వేపూర్‌గేటు వద్ద బుధవారం జరిగిన రోడ్డుప్రమాదంలో మృతిచెందిన బంగారయ్య (39), మహేష్‌ (35) కుటుంబసభ్యులు, బంధువులు న్యాయం చేయాలంటూ గురువారం పట్టణంలోని పాలమూరు చౌరస్తాలో ఆందోళన చేపట్టారు. వీరికి ఎమ్మార్పీఎస్‌ నాయకులు సంఘీభావం తెలిపి మాట్లాడారు. ఇద్దరి మృతికి కారణమైన కారు యజమానిని తమ ముందుకు తీసుకురావాలని పట్టుబట్టారు. పోలీసులు అతడిని వెనకేసుకొస్తున్నారని.. అజాగ్రత్తతోనే ప్రమాదం జరిగిందని ఆరోపించారు. బాధిత కుటుంబాలకు న్యాయం జరిగే వరకు నిరసన కొనసాగిస్తామంటూ, మృతదేహాలకు పోస్టుమార్టం నిర్వ హించకూడదని రోడ్డుపై బైఠాయించారు. ఫిర్యాదు అందితే తప్పా పోస్టుమార్టం నిర్వహించడానికి వీలుకాదని పోలీసులు చెబుతున్నారు. ఎమ్మెల్యే హామీతో.. ఎమ్మెల్యే కసిరెడ్డి నారాయణరెడ్డి అక్కడకు చేరుకొని బాధిత కుటుంబాలను పరామర్శించారు. న్యాయం జరిగేలా చూస్తానని హామీ ఇవ్వడంతో ఆందోళన విరమించారు. మాజీ ఎమ్మెల్యే జైపాల్‌యాదవ్‌ కూడా బాధిత కుటుంబాలను పరామర్శించారు. రాకపోకలకు అవస్థలు.. హైదరాబాద్‌ చౌరస్తాలో లారీ బోల్తా, పాలమూరు చౌరస్తాలో బాధిత కుటుంబీకుల నిరసనతో రెండు ప్రధాన కూడళ్లలో ట్రాఫిక్‌ జాం కావడంతో వాహనదారులు ఇబ్బందులు పడ్డారు. కాలనీల్లోని ఇరుకు రోడ్ల మీదుగా రాకపోకలు సాగించారు. కల్వకుర్తి ప్రభుత్వ ఆస్పత్రిలోనే మృతదేహాలు న్యాయం జరిగే వరకు పోస్టుమార్టం వద్దన్న కుటుంబీకులు

సాక్షి ప్రతినిధి, మహబూబ్‌నగర్‌: ‘గణతంత్ర దినోత్సవం.. జనవరి 26న రాష్ట్ర ప్రభుత్వం ప్రతిష్టాత్మకంగా రైతు భరోసా, ఇందిరమ్మ ఆత్మీయ భరోసా, రేషన్‌ కార్డులు, ఇందిరమ్మ ఇళ్ల పథకాలను ప్రారంభించనుంది. ఈ సంక్షేమ పథకాలకు సంబంధించి లబ్ధిదారుల ఎంపిక పారదర్శకంగా జరగాలి. అర్హులైన ప్రతి నిరుపేదకూ లబ్ధి చేకూరాలి’ అని ఉమ్మడి పాలమూరు జిల్లా ఇన్‌చార్జి మంత్రి, రాష్ట్ర వైద్య ఆరోగ్యశాఖ మంత్రి దామోదర రాజనర్సింహ సూచించారు. ప్రభుత్వం అమలు చేయనున్న పథకాలపై మహబూబ్‌నగర్‌ జిల్లా కలెక్టర్‌ సమావేశ మందిరంలో గురువారం నిర్వహించిన ఉమ్మడి జిల్లా కార్యాచరణ సమన్వయ సమావేశానికి ఆయన రాష్ట్ర ఎకై ్సజ్‌ శాఖ మంత్రి జూపల్లి కృష్ణారావుతో కలిసి హాజరయ్యారు. ముందుగా ఆయా జిల్లాల్లో పథకాల అమలుకు తీసుకుంటున్న చర్యలపై దామోదర సమీక్షించారు. గ్రామ, వార్డు సభలను ఎలా నిర్వహిస్తున్నారు.. అధికారుల బృందాలను ఏ విధంగా ఏర్పాటు చేస్తున్నారు వంటి వివరాలను ఆయా జిల్లాల కలెక్టర్లు, అదనపు కలెక్టర్లు వివరించారు. అనంతరం పథకాల సమర్థ నిర్వహణపై అధికారులతో పాటు ప్రజాప్రతినిధులకు ఆయన దిశానిర్దేశం చేశారు. ఆధునిక సాంకేతికతను వినియోగించుకోవాలి: జూపల్లి సంక్షేమ పథకాల అమలులో ఎలాంటి లోపాలు లేకుండా పకడ్బందీగా లబ్ధిదారుల ఎంపిక ప్రక్రియ చేపట్టాలని మంత్రి జూపల్లి ఆదేశించారు. ప్రభుత్వం నిర్దేశించిన మేరకు క్షేత్రస్థాయిలో పరిశీలన కొనసాగాలని, అర్హులకు అన్యాయం జరగొద్దన్నారు. ఆన్‌లైన్‌లో టిక్‌ చేయకపోవడం వల్ల అర్హులు కాకుండా పోతున్నారని చెప్పారు. వ్యవసాయ యోగ్యం కాని భూములపై పంచాయతీ కార్యదర్శులు క్షేత్రస్థాయిలో నిశితంగా సర్వే చేయాలని.. గూగుల్‌ మ్యాపింగ్‌ ద్వారా సర్వే చేస్తున్నారా లేదా అని మంత్రి ప్రశ్నించారు. నిబంధనలకు విరుద్ధంగా వ్యవహరించొద్దని.. కొత్త పథకాల అమలులో ఆధునిక సాంకేతికతను వినియోగించుకోవాలని సూచించారు. వనపర్తి జిల్లా చిన్నంబావి మండలంలోని ఓ గ్రామంలో రేషన్‌ కార్డుల దరఖాస్తుల్లో వ్యత్యాసం వచ్చిందని ఉదహరించారు. లబ్ధిదారుల ఎంపికకు సంబంధించి గ్రామాల్లో ఒక రోజు ముందే చాటింపు వేయించి.. గ్రామసభలు నిర్వహించాలన్నారు. గ్రామసభల్లో ఇందిరమ్మ కమిటీలు, గ్రామైక్య మహిళా సంఘాలను భాగస్వాములను చేయాలని సూచించారు. రాష్ట్ర మైనార్టీ కార్పొరేషన్‌ చైర్మన్‌ ఒబేదుల్లా కొత్వాల్‌, ఎమ్మెల్సీ కూచుకుళ్ల్ల దామోదర్‌రెడ్డి, గద్వాల ఎమ్మెల్యే బండ్ల కృష్ణమోహన్‌రెడ్డి, ప్రత్యేక అధికారి జి.రవినాయక్‌, మహబూబ్‌నగర్‌, నాగర్‌కర్నూల్‌, గద్వాల, వనపర్తి కలెక్టర్లు విజయేందిర బోయి, బదావత్‌ సంతోష్‌, బీఎం.సంతోష్‌, ఆదర్శ్‌ సురభి, అదనపు కలెక్టర్లు, జిల్లా అధికారులు, మండల ప్రత్యేకాధికారులు పాల్గొన్నారు. అర్హులైన ప్రతి నిరుపేదకూ మేలు చేకూరేలా ఎంపికలు గ్రామ సభల్లో ఎమ్మెల్యేలు, ఇందిరమ్మ కమిటీల భాగస్వామ్యం మహబూబ్‌నగర్‌ కలెక్టరేట్‌లో ఉమ్మడి జిల్లా సమన్వయ సమావేశం ‘రైతు భరోసా, ఆత్మీయ భరోసా, రేషన్‌ కార్డులు, ఇందిరమ్మ ఇళ్ల’ అమలుపై దిశానిర్దేశం హాజరైన రాష్ట్ర ఎకై ్సజ్‌ శాఖ మంత్రి జూపల్లి, 5 జిల్లాల ప్రజాప్రతినిధులు, కలెక్టర్లు

మహబూబ్‌నగర్‌ క్రైం: కొత్త ఏడాదిలో పోలీస్‌ శాఖను చక్కదిద్దడంతో పాటు శాంతిభద్రతల పరిరక్షణ కోసం మార్గనిర్దేశం చేయడానికి మహబూబ్‌నగర్‌ జిల్లా కేంద్రానికి శుక్రవారం డీజీపీ జితేందర్‌ రానున్నారు. మహబూబ్‌నగర్‌, నారాయణపేట జిల్లాల ఎస్పీలతో పాటు ఇతర పోలీస్‌ అధికారులతో సమీక్ష సమావేశం నిర్వహించనున్నారు. ఉదయం 11 గంటలకు పట్టణంలోని ఎస్పీ కార్యాలయంలో సమావేశం నిర్వహించనున్నారు. గత ఏడాది కాలంలో పోలీస్‌స్టేషన్‌ వారీగా నమోదైన కేసులతో పాటు పెండింగ్‌ ఫైల్స్‌, కోర్టు శిక్ష కేసుల వివరాలపై సమావేశం కొనసాగనుంది. డీజీపీ వస్తున్న క్రమంలో పోలీసులు స్టేషన్‌ వారీగా పెండింగ్‌ కేసులపై దృష్టి సారించారు. ఎన్నికల స్టేషనరీ సరఫరాకు టెండర్ల ఆహ్వానం జెడ్పీసెంటర్‌(మహబూబ్‌నగర్‌): వచ్చే గ్రామ పంచాయతీ ఎన్నికలకు అవసరమయ్యే ఎన్నికల స్టేషనరీ సరఫరాలకు టెండర్లను ఆహ్వానిస్తున్న అదనపు కలెక్టర్‌ మోహన్‌రావు గురువారం ఓ ప్రకటనలో తెలిపారు. అందుకు సంబంధించిన దరఖాస్తులను ఈ నెల 17వ తేదీ నుంచి 21వ తేదీ వరకు జిల్లా పంచాయతీ శాఖ కార్యాలయంలో లభించనున్నట్లు పేర్కొన్నారు. టెండర్లను కేవలం సీల్డ్‌ కవర్‌లోనే దాఖలు చేయాల్సి ఉంటుందని సూచించారు. 22వ తేదీన ఉదయం 11 గంటలకు అదనపు కలెక్టర్‌ చాంబర్‌లో సీల్డ్‌ కవర్‌లో దరఖాస్తు చేసిన టెండర్‌దారులు హాజరుకావాలని, ఇతర వివరాల కోసం జిల్లా పంచాయతీశాఖ కార్యాలయంలో సంప్రదించాలని కోరారు. పీయూ శుభారంభం మహబూబ్‌నగర్‌ మున్సిపాలిటీ: తమిళనాడులోని చైన్నెలో జరుగుతున్న అఖిల భారత దక్షిణ ప్రాంత క్రికెట్‌ పోటీల్లో పీయూ జట్టు శుభారంభం చేసింది. మొదటి రోజు గురువారం మౌలానా ఆజాద్‌ నేషనల్‌ ఉర్దూ యూనివర్సిటీ జట్టుపై పీయూ జట్టు 68 పరుగుల తేడాతో గెలిచింది. పీయూ క్రీడాకారులు రఫీ 62, డేవిడ్‌ 47 పరుగులు చేసి విజయంలో భాగస్వాములయ్యారు. అలాగే డేవిడ్‌ మూడు వికెట్లు, మూకిత్‌ రెండు వికెట్లు తీశారు. కాగా, వీరికి పీయూ వైస్‌ చాన్స్‌లర్‌ ఆచార్య జి.ఎన్‌. శ్రీనివాస్‌, రిజిస్ట్రార్‌ ఆచార్య డి.చెన్నప్ప, ఓఎస్‌డీ డా.మధుసూదన్‌రెడ్డి, పీడీ డా.వై.శ్రీనివాసులు అభినందనలు తెలిపారు. 23న పీయూకిన్యాక్‌ బృందం మహబూబ్‌నగర్‌ మున్సిపాలిటీ: పాలమూరు యూనివర్సిటీ (పీయూ) క్యాంపస్‌ను ఈనెల 23 నుంచి 25వ తేదీ వరకు న్యాక్‌ బృందం పరిశీలించనుందని వీసీ జి.ఎన్‌.శ్రీనివాస్‌ ఒక ప్రకటనలో తెలిపారు. అందుకు సంబంధించి ఆయా విభాగాల్లో అన్ని ఏర్పాట్లు చేస్తున్నామని పేర్కొన్నారు. గతంలో బీ కేటగిరిలో ఉన్న యూనివర్సిటీని ఏ కేటగిరిలోకి తెచ్చేందుకు ప్రయత్నిస్తున్నామని తెలిపారు. కందులు క్వింటాల్‌ రూ.6,996 జడ్చర్ల: బాదేపల్లి వ్యవసాయ మార్కెట్‌ యార్డులో గురువారం కందులు క్వింటాలు గరిష్టంగా రూ.6,996, కనిష్టంగా రూ.6019 ధరలు పలికాయి. అలాగే వేరుశనగ గరిష్టంగా రూ.6,569, కనిష్టంగా రూ.4,389, మొక్కజొన్న రూ.2,225, ధాన్యం ఆర్‌ఎన్‌ఆర్‌ రూ.2,580 ధరలు లభించాయి.

స్టేషన్‌ మహబూబ్‌నగర్‌: ముస్లింలు హజ్‌యాత్ర చేయడం అనేది ఓ వరం లాంటిది. ఆర్థిక వెసులుబాటు కలిగిన ప్రతి ముస్లిం జీవితంలో ఒక్కసారైనా హజ్‌యాత్ర చేయాలని పవిత్ర ఖురాన్‌లో పేర్కొనబడింది. ఉమ్మడి జిల్లాలో కొన్నేళ్ల నుంచి హజ్‌ యాత్ర చేయడానికి చాలా మంది ఆసక్తి కనబరుస్తున్నారు. ఈ ఏడాది ఉమ్మడి పాలమూరు జిల్లా నుంచి 258 మంది యాత్రికులు రాష్ట్ర హజ్‌ కమిటీ ద్వారా హజ్‌యాత్రకు వెళ్తున్నారు. మరో 90 నుంచి 100 మందికి వెయిటింగ్‌ లిస్టులో హజ్‌ యాత్ర చేయడానికి అవకాశం లభించనుంది. ప్రైవేట్‌ ట్రావెల్స్‌ ద్వారా మరికొందరు వెళ్తున్నట్లు తెలిసింది. ఉమ్మడి జిల్లాలో గతేడాది కంటే ఈసారి హజ్‌ యాత్రికుల సంఖ్య తగ్గింది. మహబూబ్‌నగర్‌ జిల్లాలో అధికంగా 173 మంది హజ్‌ యాత్రకు వెళ్లనున్నారు. మహబూబ్‌నగర్‌ జిల్లా నుంచిఅత్యధికంగా 173 మంది యాత్రికులకు శిక్షణ శిబిరాలు ప్రారంభం అదృష్టంగా భావిస్తున్నా హజ్‌ యాత్రికులకు సేవలు చేసే అవకాశం రావడం అదృష్టంగా భావిస్తున్నా. ఈ ఏడాది హజ్‌యాత్రకు వెళ్తున్న వారికి ప్రత్యేక శుభాకాంక్షలు. మొదటి శిక్షణ శిబిరం నిర్వహించాం. జిల్లా హజ్‌ సొసైటీ ద్వారా రూ పొందించిన హజ్‌ గైడ్‌లను యాత్రికులకు అందించాం. యాత్రపై ఎలాంటి సందేహాలున్నా మతపెద్దలను అడిగి నివృత్తి చేసుకోవాలి. – మహమూద్‌ అలీ, జిల్లా హజ్‌సొసైటీ అధ్యక్షుడు, మహబూబ్‌నగర్‌

జెడ్పీసెంటర్‌(మహబూబ్‌నగర్‌): ఎంపీటీసీ, జెడ్పీటీసీ (స్థానిక సంస్థల) ఎన్నికల సమరానికి ప్రభుత్వ యంత్రాంగం సన్నద్ధమవుతోంది. ఎన్నికలు ఎప్పుడు నిర్వహిస్తారనేది స్పష్టంగా రాష్ట్ర ఎన్నికల కమిషన్‌ ప్రకటించనప్పటికీ ఎన్నికల సామగ్రి పంపిణీ చేస్తున్నారు. ఏ క్షణాన్నైనా ఎన్నికల నోటిఫికేషన్‌ వెలువడవచ్చనే సంకేతాలు దీని ద్వారా తెలుస్తోంది. మండల పరిషత్‌ ప్రాదేశిక నియోజకవర్గ(ఎంపీటీసీ), జిల్లా పరిషత్‌ ప్రాదేశిక నియోజవర్గాల(జెడ్పీటీసీ) ఎన్నికలను జిల్లా పరిషత్‌ల ద్వారా రాష్ట్ర ఎన్నికల కమిషన్‌ నిర్వహిస్తుంది. ఈక్రమంలో జిల్లాపరిషత్‌కు మెటీరియల్‌ సరఫరా చేసింది. ఎంపీటీసీ, జెడ్పీటీసీ ఎన్నికలు పార్టీ గుర్తులపై జరుగుతాయి. అందుకు అవసరమైన కవర్లు, బ్యాలెట్‌ పత్రాలకు సంబంధించిన పేపర్‌, ఎన్నికల నియమావళికి, మార్గదర్శకాల కరదీపికలు నాలుగు రోజుల క్రితమే జెడ్పీకి చేరుకున్నాయి. కాగా.. ఎన్నికలకు సంబంధించిన సామగ్రిని గురువారం జిల్లాలోని ఆయా మండలాలకు పంపిణీ చేశారు. ఎన్నికల్లో విధులు నిర్వహించే సిబ్బందికి శిక్షణ నుంచి ఎన్నికల కౌంటింగ్‌ వరకు అవసరమయ్యే అన్ని రకాల సామగ్రిని జిల్లా పరిషత్‌ సూపరింటెండెంట్‌ శ్రీహరి సమక్షంలో ఆయా మండలాల అధికారులకు అందజేశారు. పునర్విభజనతో మారిన జిల్లాలు జిల్లాల పునర్విభజనతో ఉమ్మడి జిల్లాలో నాగర్‌కర్నూల్‌, మహబూబ్‌నగర్‌, వనపర్తి, జోగుళాంబ గద్వాల, నారాయణపేట జిల్లాలుగా ఏర్పాటయ్యాయి. గత స్థానిక సంస్థల ఎన్నికలు ఈ జిల్లాల ప్రాతిపదికన జరిగాయి. మహబూబ్‌నగర్‌ జిల్లా పరిషత్‌ పరిధిలో 14 మండలాలు ఉన్నాయి. ఇటీవల రెండు కొత్త మండలాలు ఏర్పాటు చేశారు. జిల్లాలో 441 గ్రామ పంచాయతీలు ఉండగా జెడ్పీటీసీలు 16 ఉంటాయి. 184 ఎంపీటీసీ స్థానాలు ఉన్నాయి. 898 పోలింగ్‌ కేంద్రాలను ఇప్పటికే అధికారులు గుర్తించారు. పంచాయతీరాజ్‌ చట్టంలో మార్పు గత ప్రభుత్వం స్థానిక సంస్థల ఎన్నికల్లో రెండు ప ర్యాయాలకు రిజర్వేషన్లు అమలయ్యేలా చట్టం చేసింది. రాష్ట్రంలో కాంగ్రెస్‌ ప్రభుత్వం మరోసారి పంచాయతీరాజ్‌ చట్టంలో మార్పు చేసింది. రిజర్వేషన్లు ఒక పర్యాయానికి వర్తించేలా మార్పులు చేసి నట్లు సమాచారం. ఈక్రమంలో ముందుగా ప్రాదే శిక నియోజకవర్గాల వారీగా జెడ్పీ చైర్‌పర్సన్లు, మండల పరిషత్‌ అధ్యక్షుల రిజర్వేషన్లు ఖరారైతే రా జకీయ ముఖచిత్రం అర్థం అవుతుంది. ఆశావహు లు మాత్రం రిజర్వేషన్లు కలిసి వస్తే ఎలాగైనా పోటీ చేయాలనే ఆసక్తితో రాజకీయ పెద్దలను ప్రసన్నం చేసుకుంటున్నారు. పోలింగ్‌ బూత్‌ల పరిశీలన కు ఎన్నికల కమిషన్‌ నిర్ణయం తీసుకుంటే ఎంపీటీసీ, జెడ్పీటీసీ ఎన్నికల నిర్వహణపై స్పష్టత వస్తుంది. ఆశావహుల సమాయత్తం రాష్ట్ర ఎన్నికల కమిషన్‌ జిల్లాలకు ఎన్నికల సామగ్రి పంపిస్తున్నట్లు ప్రచారం కావడంతో రాజకీయ పార్టీలు, ఆశావహులు ఎన్నికలకు సమాయత్తమవుతున్నారు. పార్టీల వారీగా జరగనున్న ఎంపీటీసీ, జెడ్పీటీసీ ఎన్నికల్లో పోటీ చేసేందుకు పార్టీల అగ్రనాయకుల మెప్పు కోసం తాపత్రయపడుతున్నారు. టికెట్‌ దక్కించుకునేందుకు నియోజకవర్గ ఇన్‌చార్జీల దృష్టిని ఆకర్షించేందుకు ప్రయత్నిస్తున్నారు. మరోవైపు అధికార పార్టీ స్థానికసంస్థలను పూర్తిస్థాయిలో కై వసం చేసుకోవాలని ఇప్పటి నుంచే నాయకులకు సూచనలు చేసింది. మరోవైపు విపక్షాలు ప్రభుత్వ వైఫల్యాలను ఎండగడుతూ ఎలాగైనా స్థానిక సంస్థల ఎన్నికల్లో సత్తా చాటాలని ప్రణాళికతో ముందుకుపోతున్నాయి. ఎంపీటీసీ, జెడ్పీటీసీ ఎన్నికలకు కసరత్తు చేస్తున్న అధికారులు 898 పోలింగ్‌ కేంద్రాల గుర్తింపు మండలాలకు ఎన్నికల సామగ్రి అందజేత ఎన్నికల సామగ్రి వచ్చింది ఎన్నికల సామగ్రి జిల్లాపరిషత్‌కు వచ్చింది. రాష్ట్ర ప్రభుత్వం ఆదేశాల ప్రకారం ఎన్నికల ప్రక్రియను పూర్తిచేస్తున్నాం. ఇప్పటికే పోలింగ్‌స్టేషన్లు ఎంపిక చేయడంతో పాటు మరో 10 శాతం అదనంగా ఎంపిక చేసి ఉంచాం. ఎన్నికలు ఎప్పుడు వచ్చినా సిద్ధంగా ఉన్నాం. –వెంకట్‌రెడ్డి, జెడ్పీ సీఈఓ, మహబూబ్‌నగర్‌

పెంట్లవెల్లి: ఆంధ్రప్రదేశ్‌లోని కర్నూలు, నంద్యాల, ఆత్మకూర్‌ తదితర ప్రాంతాల నుంచి వేలాదిగా భక్తులు ఏటా సింగోటం లక్ష్మీనర్సింహస్వామి బ్రహ్మోత్సవాలకు ఇంజన్‌ బోట్లలో కృష్ణానది దాటి వచ్చే వారు. అయితే ఆంధ్రా పోలీసులు మూడేళ్లుగా బోట్లలో నదిపై ప్రయాణాన్ని నిషేధించారు. ఈ ఏడాది కూడా అనుమతి ఇచ్చినట్టే ఇచ్చి తిరిగి రద్దు చేయడంతో భక్తులు నిరాశకు గురయ్యారు. 200 కి.మీ. ప్రయాణం.. కృష్ణానదిపై ప్రయాణానికి అనుమతిని నిరాకరించడంతో ఆయా ప్రాంతాల భక్తులు కర్నూలు, పెబ్బేరు, కొల్లాపూర్‌ మీదుగా సింగోటానికి చేరుకుంటారు. సుమారు 200 కిలోమీటర్ల దూరం ప్రయాణం చేసి బ్రహ్మోత్సవాలకు ఏటా హాజరవుతున్నారు. అధికారులు ప్రత్యేక చొరవ తీసుకొని ఇంజన్‌ బోట్లపై ప్రయాణానికి అనుమతించాలని కోరుతున్నారు.

మరికల్‌: మండలంలోని పూసల్‌పహాడ్‌ గ్రామంలో గుర్తుతెలియని దుండగులు ట్రాక్టర్‌ను దగ్ధం చేశారు. స్థానికులు తెలిపిన వివరాలు.. గ్రామానికి చెందిన సుదర్శన్‌ ట్రాక్టర్‌తో వరినాట్ల కోసం కేజీ వీల్స్‌ ఎక్కించి పనులు చేయించాడు. వరినాట్లు ముగియడంతో బుధవారం వాటిని తొలగించి టైర్లు ఎక్కించి తన వ్యవసాయ పొలం వద్ద ట్రాక్టర్‌ పెట్టాడు. అర్ధరాత్రి సమయంలో గుర్తుతెలియని దుండగులు ట్రాక్టర్‌లో ఉన్న డీజిల్‌ను తీసి దానిపై పోసి నిప్పుంటించారు. తెల్ల్లవారుజామున పొలానికి వెళ్లిన రైతు దగ్ధమైన ట్రాక్టర్‌ను చూశాడు. రూ.10లక్షల విలువ చేసే ట్రాక్టర్‌ను దగ్ధం చేసినవారిపై బాధితుడు పోలీసులకు ఫిర్యాదు చేశాడు.

అమరచింత: మండలంలోని సింగంపేటలో కోడి పందెల వద్ద రెండు వర్గాలు ఘర్షణకు దిగి పరస్పరం దాడులు చేసుకున్న ఘటన బుధవారం చోటుచేసుకుంది. బాధితుల ఫిర్యాదు మేరకు గురువారం గ్రామంలో విచారణ చేపట్టిన పోలీసులు గొడవకు దారి తీసిన పరిస్థిలపై ఆరా తీశారు. బుధవారం గ్రామంలోని ఆలయ సమీపంలో కోడి పందెలు నిర్వహించారు. వీరిలో ఒడిపోయిన కోడి యాజమాని ముందు గెలిచిన కోడి యాజమాని తొడకొట్టి హేళన చేయడంతో ఇద్దరి మధ్య మాటమాట పెరిగి కొట్టుకున్నారు. విషయం తెలిసిన వెంటనే ఇరు కుటుంబ సభ్యులు గ్రూపులుగా ఏర్పడి రాళ్లు రువ్వుకోవడంతో రవి అనే యువకుడి కన్ను భాగంలో రక్తగాయమైంది. విషయాన్ని గతంలో జరిగిన గొడవల కారణంగా మనసులో పెట్టుకుని మళ్లీ గొడవ పడ్డారని, ఇదే విషయాన్ని పోలీసులకు సమాచారం ఇస్తూ ఒకరిపై ఒకరు ఫిర్యాదు చేసుకున్నట్లు తెలిసింది. జిల్లాలో ఎక్కడ కోడి పందెలు జరుగకుండా చర్యలు తీసుకోవాలని ఉన్నతాధికారులు ఆదేశించినా.. ఇక్కడ మాత్రం పోలీస్‌ స్టేషన్‌కు మూడు కిలోమీటర్ల దూరంలో కోడి పందెలు నిర్వహించడంపై ప్రజలు విస్మయం వ్యక్తం చేశారు. ఘర్షణకు పాల్పడిన ఇరువర్గాలపై కేసు నమోదు చేసినట్లు ఎస్‌ఐ సురేష్‌ తెలిపారు. ఇరువర్గాలపై కేసు నమోదు

అచ్చంపేట రూరల్‌: పోలీసు విధులకు ఆటంకం కలిగించిన మాజీ ఎమ్మెల్యే గువ్వల బాలరాజుపై గురువారం అచ్చంపేట పోలీసులు కేసు నమోదు చేశారు. ఎస్‌ఐ రమేష్‌ కథనం ప్రకారం.. బుధవారం రాత్రి అచ్చంపేటలోని భ్రమరాంబదేవి ఆలయం వద్ద ప్రభ ఊరేగింపు సందర్భంగా బందోబస్తులో ఉన్న పోలీసులను గువ్వల బాలరాజు దుర్భాషలాడుతూ విధులకు ఆటంకం కలిగించారన్నారు. దీనిపై వీడియో, ఇతర ఆధారాల ఆధారంగా గువ్వల బాలరాజుపై కేసు నమోదు చేశామని, త్వరలోనే మరికొంత మందిపై కేసు నమోదు చేస్తామని చెప్పారు. పోలీసు విధులకు ఆటంకం కలిగిస్తే ఊపేక్షించేది లేదన్నారు. శాంతిభద్రతలకు అందరూ సహకరించాలని కోరారు.

● భోగ మహేశ్వరంలో ఉమామహేశ్వరుడి కల్యాణోత్సవం ● పట్టువస్త్రాలు సమర్పించిన ఎమ్మెల్యే వంశీకృష్ణ దంపతులు ● గ్రామాల నుంచి తరలివచ్చిన ప్రభలు అచ్చంపేట: శ్రీశైల క్షేత్రం ఉత్తర ద్వారమైన ఉమామహేశర్వం దిగువ కొండ భోగ మహేశ్వరంలో గురువారం తెల్లవారుజామున ఆది దంపతుల కల్యాణ వేడుక అత్యంత వైభవంగా జరిగింది. ఉమామహేశ్వరస్వామి బ్రహ్మోత్సవాలను పురస్కరించుకొని వేద మంత్రోచ్ఛారణ, మంగళ వాయిద్యాల నడుమ పార్వతీ పరమేశ్వరుల కల్యాణ మహోత్సవాన్ని కనుల పండువగా నిర్వహించారు. బుధవారం రాత్రి ఉమామహేశ్వర క్షేత్రం నుంచి స్వామివారి ఉత్సవ మూర్తిని పల్లకీలో భోగ మహేశ్వరానికి తీసుకువచ్చారు. అచ్చంపేట భ్రమరాంబ ఆలయంతో పాటు పలు మండలాలు, గ్రామాల నుంచి ప్రభలు భోగ మహేశ్వరం చేరుకున్నాయి. కల్యాణ మండపానికి స్వామి, అమ్మవార్ల ఉత్సవ మూర్తులు చేరుకున్న అనంతరం కల్యాణ వేడుక ప్రారంభమైంది. ఎమ్మెల్యే డా.చిక్కుడు వంశీకృష్ణ దంపతులు పట్టువస్త్రాలు, ఆలయ చైర్మన్‌ భీరం మాధవరెడ్డి, ఈఓ శ్రీనివాసరావు అలంకరణ వస్త్రాలను సమర్పించారు. అనంతరం వేద పండితులు వీరయ్యశాస్త్రి, నీలకంఠశాస్త్రి శాస్త్రోక్తంగా కల్యాణం జరిపించారు. భక్తులు అధిక సంఖ్యలో పాల్గొని స్వామివారి కల్యాణ వేడుకను కనులారా తిలకించి తన్మయం చెందారు. అనంతరం ఉమామహేశ్వరుడిని దర్శించుకొని ప్రత్యేక పూజలు చేశారు. ● ఉమామహేశ్వర స్వామి బ్రహ్మోత్సవాల్లో ప్రాంతఃకాల పూజలు నిర్వహించారు. ఉదయం 9గంటలకు గవ్యాంత పూజలు, వాస్తు పూజ, వాస్తుహోమం, రుద్రాభిషేకం, రుద్రహోమం, ప్రాతఃరౌపాసన, నిత్యబలిహరణ, సాయంత్రం 4 గంటలకు సాయమౌపాసన, బలిహరణం, నీరాజనము, మంత్రపుష్పం, నందివాహనం సేవ తదితర కార్యక్రమాలు నిర్వహించారు. కార్యక్రమంలో మున్సిపల్‌ చైర్మన్‌ గార్లపాటి శ్రీనివాసులు, మామిళ్లపల్లి ఆలయ కమిటీ చైర్మన్‌ నర్సింహారావు, భ్రమరాంబ ఆలయ కమిటీ చైర్మన్‌ శ్రీధర్‌, కట్ట అనంతరెడ్డి, అనంత ఇంద్రారెడ్డి తదితరుల పాల్గొన్నారు.

పాన్‌గల్‌: ఇంట్లో ఫ్యాన్‌కు ఉరేసుకొని ఓ వ్యక్తి బలవన్మరణానికి పాల్పడిన సంఘటన మండలంలో గురువారం చోటుచేసుకుంది. హెడ్‌కానిస్టేబుల్‌ చంద్రశేఖర్‌ తెలిపిన వివరాలు.. మల్లాయి పల్లికి చెందిన వెంకటేశ్వర్‌రెడ్డి(39) హైదరాబాదులో క్యాటరింగ్‌ చేస్తూ జీవనం సాగిస్తున్నాడు. సంక్రాంతి సందర్భంగా గ్రామానికి వచ్చాడు. బుధవారం రాత్రి కుటుంబీకులతో కలిసి భోజ నం చేసి నిద్రించారు. గురువారం ఉదయం గదిలో నిద్రించిన అతడు తలుపులు తీయలేదు. వారు వెనుకవైపు నుంచి గదిలోకి వెళ్లిచూడగా ఫ్యాన్‌కు ఉరేసుకొని వేలాడు తూ కనిపించాడు. మృతుడి తండ్రి ఫిర్యాదు మేరకు కేసు నమోదు చేశామన్నారు.

కోస్గి: పండుగ దావత్‌ పేరుతో తప్పతాగిన నలుగురు స్నేహితులు గతంలో అప్పుగా ఇచ్చిన డబ్బులు తిరిగి ఇవ్వాలని అడగడంతో తాగిన మైకంలో తోటి స్నేహితుడనే విషయం మరిచిపోయి మూకుమ్మడిగా దాడి చేశారు. ఈ ఘటనలో తీవ్రంగా గాయపడిన సదరు వ్యక్తి మృతిచెందిన సంఘటన నారాయణపేట జిల్లా గుండుమాల్‌ మండలంలోని భక్తిమళ్లలో చోటుచేసుకుంది. వివరాలిలా.. గ్రామానికి చెందిన రాములు(40) స్థానికంగా ఓ డైరీ ఫాంలో పనిచేసుకుంటూ తన ముగ్గురు పిల్లలు, తల్లిని పోషించుకుంటున్నాడు. అదే గ్రామానికి చెందిన అతని స్నేహితులు కృష్ణ, అంజి, పురుషోత్తం సంక్రాంతి పండుగ నేపథ్యంలో దావత్‌ చేసుకుందామని ఈ నెల 15న రాములుతో కలిసి గ్రామ శివారులోని వాగులోకి వెళ్లారు. కాగా గతంలో రాములు భార్య దగ్గర కృష్ణ రూ.5 వేలు అప్పు తీసుకున్నాడు. రాములు భార్య ఆరు నెలల క్రితమే అనారోగ్యంతో మృతిచెందింది. నా భార్య చనిపోయి ఆరు నెలలైన తీసుకున్న అప్పు ఇంకా ఇవ్వలేదన్నాడు. పండుగ దావత్‌లో పాత అప్పు అడగడం సరికాదని మిగిలిన ఇద్దరు స్నేహితులు సైతం రాములుపై ఆగ్రహం వ్యక్తం చేశారు. గొడవ పెద్దగా మారడంతో ముగ్గురు కలిసి రాములుపై కర్రతో దాడి చేశారు. దెబ్బలకు స్పృహ కోల్పోయిన రాములును ముగ్గురు స్నేహితులు బైక్‌పై ఎక్కించుకొని గ్రామంలోకి వచ్చి.. మందు ఎక్కువైందని కుటుంబ సభ్యులను నమ్మించి అతని ఇంట్లోనే దుప్పటి కప్పి పడుకోబెట్టి వెళ్లిపోయారు. అతని తల్లి, పిల్లలు గమనించకపోవడంతో నిద్రలోనే రాములు మృతి చెందాడు. గురువారం ఉదయం నిద్రలేపేందుకు ప్రయత్నించగా అసలు విషయం బయట పడింది. రక్త గాయాలు గుర్తించి గ్రామస్తులకు సమాచారం ఇవ్వడంతో అతన్ని ప్రైవేట్‌ వాహనంలో కోస్గి ప్రభుత్వ ఆస్పత్రికి తరలించగా మృతి చెందినట్లు నిర్ధారించారు. కాగా ఈ విషయంలో ఎలాంటి కేసు నమోదు కాకుండా గ్రామంలో కొందరు పెద్దలు శవ పంచాయితీ నిర్వహించి బాధిత కుటుంబానికి రూ.3 లక్షలు చెల్లించాలని నిర్ణయించినప్పటికీ విషయం బయటకు పొక్కడంతో పోలీసులు కేసు నమోదు చేసి దర్యాప్తు చేస్తున్నారు. పండుగ దావత్‌ అంటూ వాగులో స్నేహితుల మందు పార్టీ గతంలో ఇచ్చిన పాత అప్పు అడగడంతో ఆగ్రహం కర్రతో కొట్టడంతో రక్త గాయాలు ఎవరూ పట్టించుకోకపోవడంతో నిద్రలోనే మృతి నారాయణపేట జిల్లా భక్తిమళ్లలో విషాదం అనాథలైన ముగ్గురు పిల్లలు రాములు గతంలో భార్య సువర్ణ, ముగ్గురు పిల్లలతో కలిసి హైదరాబాద్‌లో కూలీ పనులతో జీవనం సాగించేవాడు. భార్య సువర్ణకు క్యాన్సర్‌ రావడంతో భార్య చికిత్స కోసం అప్పులు చేశాడు. వ్యాధి నయం కాకపోవడంతో భార్య ఆరు నెలల క్రితమే మృతిచెందింది. గ్రామంలోనే ఓ వ్యక్తి డైయిరీ ఫాంలో పనిచేస్తూ తన ముగ్గురు పిల్లలు, తల్లిని పోషించుకుంటున్నాడు. తాజాగా స్నేహితుల దాడిలో రాములు సైతం మృతి చెందడంతో గ్రామంలో విషాదఛాయలు అలుముకున్నాయి. అనారోగ్యంతో తల్లిని, దాడిలో తండ్రిని కోల్పోయిన ముగ్గురు పిల్లలు జానకి, పావని, అఖిల్‌ అనాథలుగా మారారు. ఓ పక్క శవ పంచాయతీ కొనసాగుతుండగా మరోపక్క పిల్లలతో కలిసి రాములు తల్లి మొగులమ్మ చేసిన రోదనలు పలువురిని కంటతడి పెట్టించాయి. ఈ ఘటనపై రాములు తల్లి మొగులమ్మ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ బాలరాజు తెలిపారు.

బిజినేపల్లి: నాగర్‌కర్నూల్‌ జిల్లా బిజినేపల్లి మండలంలోని లట్టుపల్లిలో కల్లుసీసాలో పాము కనిపించడం కలకలం సృష్టించింది. స్థానికులు కథనం ప్రకారం లట్టుపల్లి పరిధిలోని ఎర్రకుంట తండాకు చెందిన మాన్యనాయక్‌ గురువారం సాయంత్రం స్థానిక కల్లు దుకాణం వద్ద కల్లు సేవించడానికి వెళ్లాడు. అతను ఓ కల్లు సీసా కొనుగోలు చేసి, తాగేందుకు సిద్ధం అవుతుండగా.. సీసాలో ఏదో ఉన్నట్లు కనిపించింది. దీంతో వెంటనే పారబోయడంతో అందులో నుంచి చనిపోయిన ఓ పాము పిల్ల బయటపడింది. దీంతో మాన్యనాయక్‌ దుకాణదారుడితో వాగ్వాదం చేశాడు. కాగా.. అక్కడి ఉన్నవారు సర్ది చెప్పినట్లు తెలిసింది. ఈ ఘటనపై అబ్కారీ ఎస్సై సతీష్‌రెడ్డి వివరణ కోరగా.. ఈ విషయం ఇప్పటి వరకు తమ దృష్టికి రాలేదని, తక్షణమే లట్టుపల్లి కల్లు దుకాణం వద్ద నమునా సేకరించి శాఖాపరమైన చర్యలు తీసుకుంటామన్నారు.

జిల్లా జనరల్‌ ఆస్పత్రి జరిగిన కాన్పులపై త్వ రలో ఒక ఆడిట్‌ నిర్వహిస్తాం. ఆ లెక్క ల ద్వారా సిజేరియన్‌ ఎందుకు చేయాల్సి వచ్చిందనే అంశాలను సేకరిస్తాం. సాధారణంగా జనరల్‌ ఆస్పత్రికి బ్యాడ్‌, హైరిస్క్‌ కేసులు వస్తుంటాయి. ఈ క్రమంలోనే సెక్షన్స్‌ ఎక్కువ అవుతున్నట్లు గైనిక్‌ విభాగం వైద్య సిబ్బంది చెబుతున్నారు. దీనిపై విచారణ చేస్తాం. ఒకవేళ సాధారణ ప్రసవం అయ్యే ప రిస్థితి ఉన్నా.. సిజేరియన్‌ చేసినట్లు బాధితు లు ఎవరైనా ఫిర్యాదు చేస్తే విచారణ చేస్తాం. – డాక్టర్‌ కృష్ణ, డీఎంహెచ్‌ఓ

మహబూబ్‌నగర్‌ మున్సిపాలిటీ: రైతు భరోసా, ఇందిరమ్మ ఆత్మీయ భరోసా, రేషన్కార్డుల జారీ, ఇందిరమ్మ ఇళ్ల పథకాల అమలుకు షెడ్యూల్‌ ప్రకారం క్షేత్రస్థాయి పరిశీలనతో పాటు గ్రామసభల ద్వారా లబ్ధిదారుల ఎంపికకు అన్ని ఏర్పాట్లు చేయాలని కలెక్టర్‌ విజయేందిర బోయి ఆదేశించారు. బుధవారం కలెక్టరేట్‌ నుంచి జిల్లాలోని ఆయా మండలాల తహసీల్దార్లు, ఎంపీడీఓలు తదితర అధికారులతో వీడియో కాన్ఫరెన్స్‌ నిర్వహించారు. ఈ సందర్భంగా ఆమె మాట్లాడుతూ ఈ నాలుగు పథకాలను ఈనెల 26న రాష్ట్ర ప్రభుత్వం ప్రారంభించనుందన్నారు. ఈనెల 16 నుంచి 20వ తేదీ వరకు క్షేత్రస్థాయిలో పరిశీలించాలని, 21 నుంచి 24 వరకు గ్రామ, వార్డుసభలు నిర్వహించి అర్హుల జాబితాను తయారు చేయాలన్నారు. ఏమైనా అభ్యంతరాలు వస్తే పది రోజులలోగా పరిష్కరించాలన్నారు. 21 నుంచి 25వ తేదీ వరకు డేటా ఎంట్రీ పూర్తి చేయాలని, గ్రామ, వార్డు సభలలో ఇందిరమ్మ కమిటీలకు భాగస్వామ్యం కల్పించాలన్నారు. రైతుభరోసాలో భాగంగా ఎకరాకు రూ.12 వేలు రెండు విడతలు (రూ.6 వేల చొప్పున)గా డీబీటీ పద్థతిన ఇస్తామన్నారు. వ్యవసాయ యోగ్యం కాని భూములను ‘రైతు భరోసా’ నుంచి తొలగించాలన్నారు. ఇళ్లు లేదా కాలనీలుగా మారిన అన్ని రకాల భూములు, రియల్‌ ఎస్టేట్‌ లే–అవుట్లు, రోడ్లుగా మారిన భూములు, పరిశ్రమలకు, గోదాంలకు, మైనింగ్‌కు వినియోగిస్తున్న భూములు, ప్రభుత్వం సేకరించిన అన్ని రకాల భూమలు, రాళ్లు, రప్పలు, గుట్టలతో ఉండి సాగుకు అనువుగా లేని భూములు, వ్యవసాయ యోగ్యం కాని భూములుగా గుర్తించాలన్నారు. రేషన్‌కార్డుల జారీకి కులగణన సర్వే ఆధారంగా తయారుచేసిన రేషన్‌కార్డు లేని కుటుంబాల జాబితాను క్షేత్రస్థాయిలో పరిశీలించాలన్నారు. ఇందిరమ్మ ఆత్మీయ భరోసా పథకానికి ‘ఉపాధిహామీ’లో నమోదు చేసుకున్న భూమి లేని వ్యవసాయ కూలీ కుటుంబాలే అర్హులుగా పరిగణించాలన్నారు. వారు 2023–24లో కనీసం 20 రోజులైనా పనిచేసి ఉండాలన్నారు. ఇందిరమ్మ ఇళ్లకు సంబంధించి ‘ప్రజాపాలన’లో దరఖాస్తు చేసుకున్న వారి నుంచి ఇందిరమ్మ ఇళ్ల సర్వే ద్వారా జాబితా రూపొందించామన్నారు. దీనిని రెండు రోజుల్లో మరోసారి క్షుణ్ణంగా తనిఖీ చేయాలన్నారు. లబ్ధిదారుల ఎంపిక పారదర్శకంగా ఉండాలని, క్షేత్రస్థాయి పరిశీలనకు సంబంధించి ముందుగానే ఆయా గ్రామాలు, వార్డుల్లో టాంటాం చేయించాలన్నారు. సమావేశంలో స్థానిక సంస్థలు, రెవెన్యూ అడిషనల్‌ కలెక్టర్లు శివేంద్రప్రతాప్‌, మోహన్‌రావుతో పాటు ఆయా శాఖల జిల్లా అధికారులు పాల్గొన్నారు. కలెక్టర్‌ విజయేందిర

కొల్లాపూర్‌ రూరల్‌: సింగోటం శ్రీలక్ష్మీనరసింహస్వామి బ్రహ్మోత్సవాల్లో భాగంగా బుధవారం రాత్రి కల్యాణోత్సవం వైభవంగా నిర్వహించారు. ఉదయం అభిషేక మహోత్సవం, బ్రహ్మోత్సవ సంకల్పం, గణపతి పుణ్యవాహచన, బుత్విక్‌వరణం, అఖండ స్థాపన, నవగ్రహ, అంకురారోహణ, ధ్వజ రోహణ కార్యక్రమాలు చేపట్టారు. సాయంత్రం ఆశ్వవాహనంపై స్వామివారికి ఊరేగింపు నిర్వహించారు. రాత్రి స్వామివారి ఉత్సవమూర్తులను నగ లు, పూలతో ముస్తాబు చేసి ఆలయ సమీపంలో ఉన్న మండలంలో ఆసీనులు చేశారు. వందలాది మంది భక్తుల సమక్షంలో వేదపండితులు స్వామివారి కల్యాణం వైభవంగా నిర్వహించారు. 20 వరకు ఉత్సవాలు శ్రీలక్ష్మీనరసింహస్వామి బ్రహ్మోత్సవాలు ప్రత్యేక పూజలతో మంగళవారం ప్రారంభమయ్యాయి. ఈ నెల 20వ తేదీ వరకు ఉత్సవాలు జరగనున్నాయి. 16న స్వామి వారికి ప్రభోత్సవం ఉండగా.. ప్రధాన ఘట్టం రథోత్సవాన్ని శుక్రవారం (17వ తేదీ)న నిర్వహిస్తారు. ఈ వేడుకను తిలకించేందుకు తెలంగాణ, ఆంధ్రప్రదేశ్‌ రాష్ట్రాల నుంచి దాదాపు 50వేల మంది భక్తులు హాజరవుతారు. 18న స్వామి వారికి తెప్పోత్సవం, 20 హంసవాహన సేవ కార్యక్రమాలు నిర్వహించనున్నారు.

భూత్పూర్‌: మండలంలోని మద్దిగట్ల, కొత్తూర్‌ గ్రామాల్లో అసంపూర్తి ఉన్న డబుల్‌ బెడ్‌రూం ఇళ్ల నిర్మాణం పనులు వెంటనే పూర్తి చేయాలని కాంట్రాక్టర్‌ బాబును ఎమ్మెల్యే జి. మధుసుదన్‌రెడ్డి ఆదేశించారు. మంగళవారం మద్దిగట్లలోని డబుల్‌బెడ్‌రూం ఇళ్లను ఎమ్మెల్యే పరిశీలించారు. ఇటీవల మద్దిగట్లలో డబుల్‌ బెడ్‌రూం ఇళ్లకు సంబంధించి రూ.2.60 కోట్ల పెండింగ్‌ బిల్లులు చెల్లించినట్లు తెలిపారు. రెండు గ్రామాల్లో పెండింగ్‌ పనులు పూర్తి చేస్తే వాటి బిల్లులు ఇప్పిస్తామని ఎమ్మెల్యే పేర్కొన్నారు. ఆయన వెంట కేసిరెడ్డి శ్రీనివాస్‌రెడ్డి, తమ్మన్న గౌడ్‌, వెంకటేష్‌, లక్ష్మికాంత్‌రెడ్డి, వడ్డె శ్రీను, నారాయణరెడ్డి, తదితరులు ఉన్నారు. దరఖాస్తుల ఆహ్వానం జడ్చర్ల టౌన్‌: తెలంగాణ సాంఘిక సంక్షేమ గురుకుల విద్యాసంస్థలో ఐదో తరగతిలో ప్రవేశం కోసం ఆన్‌లైన్‌లో దరఖాస్తులు చేసుకోవాలని చిట్టెబోయిన్‌పల్లి పాఠశాల ప్రిన్సిపాల్‌ అనిత్‌ బుధవారం ఓ ప్రకటనలో సూచించారు. ఈ నెల ఒకటో తేదీ వరకు కులం, ఆదాయం, ఆధార్‌నంబర్‌, బర్త్‌ సర్టిఫికెట్‌, పాస్‌ఫొటోతో ఆన్‌లైన్‌లో దరఖాస్తు చేసుకోవాలని సూచించారు. ‘వ్యవసాయ కార్మికులకు రూ.12 వేలు ఇవ్వాలి’ మహబూబ్‌నగర్‌ న్యూటౌన్‌: భూమిలేని వ్యవసాయ కార్మికులందరికీ రూ.12 వేలు వెంటనే విడుదల చేయాలని తెలంగాణ వ్యవసాయ కార్మిక సంఘం రాష్ట్ర ప్రధాన కార్యదర్శి ఆర్‌.వెంకట్రాములు డిమాండ్‌ చేశారు. బుధవారం జిల్లా కమిటీ ఆధ్వర్యంలో ముద్రించిన క్యాలెండర్‌ను ఆవిష్కరించిన అనంతరం మాట్లాడారు. రాష్ట్రప్రభుత్వం ఎన్నికల్లో ఇచ్చిన హామీ ని అమలు చేయాలన్నారు. ఉపాధి హామీ పథకం ద్వారా వంద రోజులు పనిపొందిన కుటుంబాల ఆధార్‌కార్డు, పట్టాదారు పాస్‌బుక్‌ ఆధారంగా రూ.12 వేలు ఇవ్వాలన్నారు. గ్రామసభల ద్వారా లబ్ధిదారులను ఎంపిక చేయాలని కోరారు. ఎవరెవరికి ఎలా ఇస్తారనే దానిపై విధివిధానాలు ప్రకటించాలన్నారు. కార్యక్రమంలో సంఽఘం జిల్లా ప్రధానకార్యదర్శి కడియాల మోహన్‌, జిల్లా ఉపాద్యక్షుడు హనుమంతు, నాయకులు రఘు, రాములు, తదితరులు పాల్గొన్నారు. పథకాలపై క్షేత్రస్థాయి పరిశీలన: ఆర్‌డీఓ మహబూబ్‌నగర్‌ మున్సిపాలిటీ: రాష్ట్ర ప్రభుత్వం త్వరలోనే అమలు చేయనున్న వివిధ పథకాలపై పట్టణ పరిధిలోని 49 వార్డులలో ఈనెల 16 నుంచి 20వ తేదీ వరకు క్షేత్రస్థాయి పరిశీలన చేపట్టాలని ఆర్‌డీఓ నవీన్‌ ఆదేశించారు. బుధవారం రాత్రి స్థానిక మున్సిపల్‌ కౌన్సిల్‌ సమావేశ మందిరంలో వార్డు ఆఫీసర్లు, మున్సిపల్‌ అధికారులు, సిబ్బందికి శిక్షణ ఇచ్చారు. ఈ సందర్భంగా ఆయన మాట్లాడుతూ ఐదు రోజుల పాటు కొత్త రేషన్‌ కార్డుల జారీ, ఇందిరమ్మ ఇళ్ల పథకాలకు సంబంధించిన లబ్ధిదారుల వివరాలను మరోసారి క్షుణ్ణంగా తనిఖీ చేయాలన్నారు. ఈ పథకాలకు అర్హుల జాబితాను జాగ్రత్తగా రూపొందించాలన్నారు. సమావేశంలో మహబూబ్‌నగర్‌ అర్బన్‌ తహసీల్దార్‌ ఘాన్సీరాంనాయక్‌, మున్సిపల్‌ కమిషనర్‌ డి.మహేశ్వర్‌ రెడ్డి, ఆర్‌ఓ మహమ్మద్‌ఖాజా తదితరులు పాల్గొన్నారు. విజయంతో తిరిగి రావాలి మహబూబ్‌నగర్‌ మున్సిపాలిటీ: చైన్నెలో ఆరు రోజుల పాటు కొనసాగే అఖిల భారత దక్షిణ ప్రాంత పోటీలకు పీయూ క్రికెట్‌ జట్టు (పురుషుల) బుధవారం బయలుదేరింది. అంతకుముందు క్రీడాకారులకు వైస్‌ చాన్స్‌లర్‌ జి.ఎన్‌.శ్రీనివాస్‌ ట్రాక్‌సూట్‌, క్రికెట్‌ యూనిఫాం అందజేశారు. ఈ సందర్భంగా ఆయన మాట్లాడుతూ ఈనెల 16 నుంచి 21వ తేదీ వరకు తమిళనాడులోని యూనివర్సిటీ ఆఫ్‌ మద్రాస్‌ ఆధ్వర్యంలో జరిగే ఈ పోటీల్లో ప్రతిభ కనబరిచి విజయంతో తిరిగి రావాలని, పాలమూరు యూనివర్సిటీకి పేరు ప్రతిష్టలు తీసుకురావాలని సూచించారు. కార్యక్రమంలో కాలేజీ ఆఫ్‌ ఎడ్యుకేషన్‌ ప్రిన్సిపాల్‌ డా.బషీర్‌అహ్మద్‌, సీనియర్‌ అధ్యాపకులు డా.అర్జున్‌కుమార్‌, పీడీలు వెంకట్‌రెడ్డి, శ్రీనివాస్‌, క్రికెట్‌ అసోసియేషన్‌ కార్యదర్శి సురేష్‌, కోచ్‌లు అబ్దుల్లా, అబిద్‌ తదితరులు పాల్గొన్నారు.

మహబూబ్‌నగర్‌ (వ్యవసాయం): ‘రైతు భరోసా’తో రాష్ట్ర ప్రభుత్వం రైతులకు పంట పెట్టుబడి సాయం అందించేందుకు సన్నాహాలు చేస్తుంది. ఎకరానికి రూ.12వేల చొప్పున రెండు విడతలుగా పెట్టుబడి సాయం అందజేస్తామని ప్రకటించింది. భూమి లేని రైతు కూలీలకు ఏటా రూ.12వేల చొప్పున ఆర్థిక సహాయం చేస్తామని చెప్పింది. ఈసారి సాగు యోగ్యమైన భూములకు మాత్రమే సాయం అందించడానికి అధికారులు పకడ్బందీగా చర్యలు చేపట్టనున్నారు. పట్టాదారు పాస్‌పుస్తకం ప్రతీ రైతుకు రైతు భరోసా విడుదల చేస్తామని ఈనెల 26న ప్రభుత్వం ప్రకటించింది. ఏడాదికి రూ. 12 వేల చొప్పున అందించనున్నారు. పథకం పక్కదారి పట్టకుండా వ్యవసాయేతర భూములను గుర్తించేందుకు అవసరమైన కార్యాచరణను రూపొందిస్తూ ప్రభుత్వం మార్గదర్శకాలను విడుదల చేసింది. ఇప్పటివరకు గత ప్రభుత్వం రైతుబంధు పథకం కింద పెట్టుబడి సాయాన్ని అందించింది. జిల్లాలో గత వానాకాలం సీజన్‌లో రూ.220.13 కోట్లు రైతుల ఖాతాల్లో జమ చేసింది. రైతుల ఆశలన్నీ ‘రైతు భరోసా’పైనే జిల్లాలో రైతు భరోసాపైనే రైతులు ఆశలు పెట్టకున్నారు. సంక్రాంతి నుంచి ఈ సాయాన్ని రైతుల ఖాతాల్లో జమ చేస్తామని ప్రభుత్వం ఇది వరకే ప్రకటించింది. ఇందులో భాగంగా ఈనెల 26 నుంచి అర్హులైన రైతులకు ప్రతి ఏడాది ఎకరానికి రూ.12వేల చొప్పున నగదు జమ చేసే ప్రక్రియ మొదలుపెట్టనుంది. ఇందుకు సంబంధించిన మార్గదర్శకాలను ప్రభుత్వం జారీ చేసింది. వానాకాలం, యాసంగి సీజన్లలో రూ.6వేల చొప్పున నగదు అందించనుంది. ప్రస్తుతం ప్రభుత్వం రూపొందించిన విధి విధానాల ప్రకారం ఎందరికి భరోసా దక్కుతుందో ఈనెల 26వ తేదీన తేలనుంది. గతంలో రైతుబంధు పేరిట వ్యవసాయేతర భూములకు సైతం రైతుబంధు అందింది. ఇప్పుడు మాత్రం సాగులో ఉన్న, సాగుకు యోగ్యమైన భూములకు భరోసా ఉంటుందని ఇప్పటికే ప్రభుత్వం ప్రకటించింది. భూ భారతి పోర్టల్‌లో నమోదై ఉన్న సాగు భూములకు పెట్టుబడి సాయాన్ని ప్రభుత్వం అందించనుంది. జిల్లాలో 3.50లక్షల ఎకరాల్లో సాగు భూములున్నాయి. ఇందులో 2,19,237మంది రైతులు రైతుబంధు కింద పెట్టుబడి సాయాన్ని పొందుతూ వచ్చారు. గ్రామ నక్షా, గూగుల్‌ మ్యాప్‌తో సర్వే గురువారం నుంచి ఈ నెల 20వ తేదీ వరకు జిల్లావ్యాప్తంగా సాగు యోగ్యం కాని భూములను పక్కాగా గుర్తించేందుకు అధికారులు క్షేత్రస్థాయిలో పర్యటించనున్నారు. తహసీల్దార్‌, ఏఓ, ఏఈఓ, రెవెన్యూ ఇన్‌స్పెక్టర్‌తో కూడిన బృందాలు గ్రామ నక్షా, గూగుల్‌ మ్యాప్‌తో భూభారతి భూముల వివరాలతో సర్వేలో పాల్గొంటారు. అనంతరం సర్వేలో అర్హులుగా గుర్తించిన రైతుల జాబితాను 21 నుంచి 24 వరకు జరిగే గ్రామసభల్లో ప్రదర్శిస్తారు. సాగుకు పనికిరాని భూముల వివరాలను పోర్టల్‌లో నిక్షిప్తం చేస్తారు. సర్వే పక్కాగా నిర్వహిస్తే లబ్ధిదారుల సంఖ్య తగ్గే అవకాశమున్నట్లు అధికారులు చెబుతున్నారు. యాసంగికి పెట్టుబడి సాయం గ్రామసభల్లో సాగుభూముల వివరాలు నేటి నుంచి క్షేత్రస్థాయిలో అధికారుల సర్వే

పాలమూరు జనరల్‌ ఆస్పత్రిలో తగ్గిన సాధారణ ప్రసవాలు ప్రసవ కోతలతో దీర్ఘకాలిక ఇబ్బందులు.. ● కడుపు కోత కారణంగా శరీర సహజత్వాన్ని కోల్పోవాల్సి వస్తోంది. ● మునుపటిలా శరీరం అన్ని పరిస్థితులను తట్టుకునేందుకు సహకరించదు. కనీసం ఇంట్లో పనులు చేసుకోవడంతోనూ నొప్పులు వేధిస్తుంటాయి. ● హెర్నియా వంటి దీర్ఘకాల సమస్యలు ఉత్పన్నమవుతాయి. ● రెండో కాన్పు తప్పకుండా సిజేరియన్‌ చేయాల్సి ఉంటుంది. ● సిజేరియన్‌ జరిగే సమయంలో గర్భాశయ పక్కన భాగాలపై గాయాలవడంతో పాటు ఇన్‌ఫెక్షన్లకు దారితీస్తాయి. ● మత్తు మందుతో ఒక్కోసారి ప్రాణాంతక సమస్యలు తలెత్తే ప్రమాదముంటుంది. ● రక్తస్రావంతో అదనపు రక్తాన్ని అందించాల్సిన పరిస్థితులు వస్తాయి. ● రెండో కాన్పు సమయంలో తొమ్మిదో నెలలో గర్భ సంచికి గతంలో వేసిన కుట్లు విడిపోయే ప్రమాదం ఉంది. ● గర్భసంచికి గాట్లు పెట్టి కుట్లు వేసిన ప్రాంతంలో మాయ అతక్కుపోయే అవకాశాలుంటాయి. తద్వారా భవిష్యత్‌లో అప్పుడప్పుడు తీవ్ర కడుపునొప్పి వచ్చే అవకాశాలుంటాయి. పాలమూరు: జనరల్‌ ఆస్పత్రిలో సిజేరియన్‌ కాన్పులు విపరీతంగా పెరిగిపోతున్నాయి. పురుడు అంటేనే పునర్జన్మ లాంటిది. అలాంటిది కాన్పు.. కోతగా మారింది. శస్త్ర చికిత్సలతో చిన్నారులకు జన్మనిస్తున్న తల్లులు బిడ్డలను చూసుకొని తాత్కాలికంగా మురిసిపోతున్నారు. అనంతరం వారు వివిధ రకాల రుగ్మతలతో ఇబ్బందులు పడుతున్నారు. కొంతమేర మాత్రమే సాధారణ కాన్పులు చేస్తున్నారు. చాలా వరకు వైద్యులు సాధారణ ప్రసవం చేయడానికి సాహసించడం లేదు. గర్భిణులకు సాంకేతిక కారణాలు చెప్పి మాయచేస్తున్నారు. ఉమ్మడి జిల్లాకు పెద్ద దిక్కుగా ఉన్న పాలమూరు జనరల్‌ ఆస్పత్రిలో 2023తో పొల్చితే 2024లో ప్రసవాల సంఖ్య చాలా వరకు తగ్గుముఖం పట్టాయి. వైద్యుల సమయపాలన, సిబ్బంది వ్యవహారశైలి, వసతులు సక్రమంగా లేకపోవడం వల్ల గర్భిణులు రావడం తగ్గిపోయారనే విమర్శలు ఉన్నాయి. 2024లో 58,150 మంది గర్భిణులకు ఓపీ చూడగా.. 9,240 మంది ఆస్పత్రిలో చేరగా 8,154 మందికి కాన్పులు చేశారు. ఇందులో 4,895 మంది గర్భిణులకు ఆపరేషన్‌ చేయగా 3,259 మందికి సాధారణ కాన్పులు చేశారు. 2023లో 8,774 ప్రసవాలు అయితే 4,991 మంది గర్భిణులకు సిజేరియన్‌ ద్వారా కాన్పులు చేశారు. 2023తో పొల్చితే 2024లో 620 కాన్పులు తగ్గాయి. ఏడాది మొత్తంలో జరిగిన కాన్పుల లెక్కల ప్రకారం చూస్తే 70 శాతం ఆపరేషన్‌ ద్వారా కాన్పులు అవుతున్నట్లు తెలుస్తోంది. జిల్లా జనరల్‌ ఆస్పత్రి గైనిక్‌ విభాగం సరిగా పనిచేయడం లేదనే విమర్శలు ఎక్కువగా వస్తున్నాయి. గైనిక్‌ హెచ్‌ఓడీ అధికంగా సెలవులో ఉండటం, విభాగంపై సరైన పర్యవేక్షణ లేకపోవడం వల్ల సమస్యలు ఉత్పన్నం అవుతున్నాయి. గతంలో గైనిక్‌ హెచ్‌ఓడీ డాక్టర్‌ రాధ నిత్యం విభాగంలో ఉంటూ వైద్యులను, సిబ్బందిని సమన్వయం చేసుకుంటూ వెళ్లడం వల్ల కొంత మెరుగైన ప్రదర్శన కన్పించింది. ప్రస్తుతం గైనిక్‌ విభాగంలో ఆ పరిస్థితి లేదు. ● గైనిక్‌ విభాగంలో పని చేసే వైద్యులకు చాలా వరకు బయట క్లినిక్‌లు ఉండటం వల్ల కొంతమంది సరైన సమయపాలన పాటించడం లేదనే విమర్శలు ఉన్నాయి. దీనికి తోడు అక్కడ పని చేసే సిబ్బంది వ్యవహారశైలికూడా సరిగా ఉండడం లేదని ఆరోపణలున్నాయి. ఇటీవల ఓ గర్భిణి ప్రసవం అయిన తర్వాత మృతి చెందడం కలకలం రేపింది. ఈ విషయంలో వైద్య సిబ్బంది నిర్లక్ష్యం ఉందని మృతురాలి కుటుంబసభ్యులు ఆరోపించారు. నిత్యం చిన్నపాటి ఘటనలు ఆస్పత్రిలో జరగడం పరిపాటిగా మారింది. కొంతమంది దురుసు ప్రవర్తన వల్ల కూడా భయంతో గర్భిణులు ఆస్పత్రికి రావడం లేదు. గాడి తప్పుతున్న గైనిక్‌ విభాగం వైద్య సిబ్బంది దురుసు ప్రవర్తనపై విమర్శలు దృష్టి పెట్టని వైద్యారోగ్యశాఖ

మహబూబ్‌నగర్‌ మున్సిపాలిటీ: ఎస్సీ వర్గీకరణ అమలుపై వచ్చే నెల 2న స్థానిక అంబేద్కర్‌ కళాభవన్‌లో మాదిగ, మాదిగేతర మేధావులతో సంఘీభావ సభ ఉంటుందని ఎంఈఎఫ్‌ జాతీయ నాయకుడు వెంకటస్వామి అన్నారు. మంగళవారం టీఎన్‌జీఓ భవన్‌లో మాదిగ ఉద్యోగుల అత్యవసర సమావేశం జరిగింది. ఈ సందర్భంగా ఆయన మాట్లాడుతూ ఆరోజు అందరితో సలహాలు, సూచనలు తీసుకుంటామన్నారు. ఈ సభను విజయవంతం చేయాలని విజ్ఞప్తి చేశారు. జిల్లా అధ్యక్షుడు తగువుల ప్రభాకర్‌, గాలి యాదయ్య, ఎం.వెంకటేశ్‌, కావలి కృష్ణయ్య, ఆకేపోగు రాములు, బాలపీర్‌, బోరెల్లి కొండయ్య, బోయపల్లి ఆంజనేయులు, అనుముల యాదయ్య పాల్గొన్నారు.