● అన్నం వండుకోవడానికే ఆసక్తి చూపుతున్న లబ్ధిదారులు ● పలు రేషన్‌ షాపుల పరిధిలో నిర్ణీత కోటా మించి డిమాండ్‌ ● అక్కడక్కడా కొంత మేర నూకలు.. ముద్దగా అన్నం ● దొడ్డు బియ్యంతో పోల్చితే పరవాలేదంటున్న వినియోగదారులు ● సరైన సమయంలో గంజి వార్చితే బాగుంటుందంటున్న మహిళలు ● ‘రేషన్‌ దుకాణాల్లో ఇదివరకు దొడ్డు బియ్యం ఇచ్చేవారు. అన్నం సరిగ్గా కాకపోయేది. వాటిని పిండి పట్టించి దోశలు ఇతర పిండి పదార్థాల తయారీకి ఉపయోగించేటోళ్లం. ఇప్పుడు సన్న బియ్యం ఇస్తున్నారు. కొంత మేర నూకలు ఉన్నాయి. అన్నం ముద్దగా అవుతోంది. అయినా దొడ్డు బియ్యంతో పోల్చితే నయమే కదా. ఈ సన్న బియ్యంతో అన్నమే వండుకుంటున్నాం. సరైన సమయంలో గంజి వార్చితే అన్నం పుల్లలు పుల్లలుగా ఉంటుంది.’ అని రేషన్‌ లబ్ధిదారులు తమ అభిప్రాయాలను వ్యక్తం చేస్తున్నారు. ● దొడ్డుబియ్యం పంపిణీ సమయంలో ఆసక్తి చూపని లబ్ధిదారులు, కిలో రూ.9, రూ.10 అంటూ బేరసారాలకు దిగే వారు.. సన్న బియ్యం వచ్చాయా.. తీసుకోవడానికి వస్తున్నాం అంటూ డీలర్లకు ఫోన్‌ చేసి మరీ చెబుతున్నారు... సర్కారు ఉగాది కానుకగా అమలు చేస్తున్న సన్నబియ్యం పంపిణీపై ప్రజా స్పందనకు ఇవి అద్దం పడుతున్నాయి. లబ్ధిదారులు అన్నం వండుకుని తినేందుకే ప్రాధాన్యం ఇస్తున్నట్లు స్పష్టమవుతోంది. – సాక్షి ప్రతినిధి, మహబూబ్‌నగర్‌ ఉమ్మడి పాలమూరులోని మహబూబ్‌నగర్‌, జోగుళాంబ గద్వాల, నారాయణపేట, నాగర్‌కర్నూల్‌, వనపర్తి జిల్లాల పరిధిలో 2,024 రేషన్‌ దుకాణాలు ఉన్నాయి. 9,67,639 రేషన్‌ కార్డులు ఉండగా.. ఏప్రిల్‌ కోటాకు సంబంధించి రేషన్‌ దుకాణాలకు సుమారు 20,469 మెట్రిక్‌ టన్నుల బియ్యాన్ని సరఫరా చేయాల్సి ఉంది. ఇప్పటివరకు 21,064 మెట్రిక్‌ టన్నులు సరఫరా కాగా.. రేషన్‌షాపుల ద్వారా లబ్ధిదారులకు శనివారం వరకు 12,521 మెట్రిక్‌ టన్నులు పంపిణీ చేశారు. ఉమ్మడి జిల్లాలో సుమారు 2.60 లక్షల మంది వలస కూలీలు ఉన్నారు. ఇందులో మెజార్టీ సంఖ్యలో ముంబై, పూణే వంటి ప్రాంతాల్లో కూలీలుగా పనిచేస్తున్నారు. వీరు కాకుండా హైదరాబాద్‌, నగర శివారు ప్రాంతాల్లో 80 వేల మంది వరకు భవన నిర్మాణ రంగంలో మేసీ్త్రలు, అడ్డా కూలీలు, డైలీ కూలీలుగా బతుకీడుస్తున్నారు. ప్రస్తుతం హైదరాబాద్‌లో ఎమ్మెల్సీ ఎన్నికల కోడ్‌ కారణంగా సన్న బియ్యం పంపిణీ వాయిదా పడింది. అక్కడ దొడ్డు బియ్యమే పంపిణీ చేస్తున్నారు. ఈ క్రమంలో జిల్లాకు చెందిన వలస కూలీలు సొంత ప్రాంతాలకు వచ్చి రేషన్‌షాపుల్లో తమ కోటా సన్న బియ్యం తీసుకెళ్తున్నారు. దీంతో వనపర్తి జిల్లా అమరచింత, ఆత్మకూర్‌, మదనాపురం, కొత్తకోట, పెబ్బేరుతో పాటు మహబూబ్‌నగర్‌ జిల్లా గండేడ్‌, మహమ్మదాబాద్‌, హన్వాడా, కోయిల్‌కొండ, మహబూబ్‌నగర్‌, దేవరకద్ర, నారాయణపేట జిల్లా కోస్గి, మద్దూర్‌, దౌల్తాబాద్‌ మండలాల పరిధిలోని పలు రేషన్‌ దుకాణాలకు నిర్ణీత కోటాకు మించి సరఫరా చేయాలని డీలర్లు కోరుతున్నారు. ఈ మేరకు అధికారులు రేషన్‌ కోటా పెంచేలా ఉన్నతాధికారులకు సమాచారం అందించారు. వనపర్తి జిల్లాలో ఇప్పటివరకే కోటాకు మించి 594.478 మెట్రిక్‌ టన్నుల బియ్యం అదనంగా పంపిణీ చేసినట్లు గణాంకాలు స్పష్టం చేస్తున్నాయి. ● వనపర్తి జిల్లా ఆత్మకూర్‌ మండలంలో మొత్తం 9,673 రేషన్‌ కార్డులు ఉన్నాయి. రేషన్‌ షాపులు 21 ఉండగా.. లబ్ధిదారులు 34,629 మంది ఉన్నారు. ఫిబ్రవరిలో చౌక దుకాణాలకు 203.929 మెట్రిక్‌ టన్నుల బియ్యం సరఫరా అయ్యాయి. అదే ఏప్రిల్‌ నెలకు సంబంధించి ఇప్పటివరకు సుమారు నాలుగు మెట్రిక్‌ టన్నులు అధికంగా సరఫరా చేశారు. వలస కూలీలు వచ్చి సన్నబియ్యం తీసుకెళ్లడంతో కోటాకు మించి అధికంగా కావాల్సి వచ్చినట్లు డీలర్లు చెబుతున్నారు. సన్నవి ఇస్తుండడంతో ఊరికొచ్చి తీసుకున్నాం.. నా భార్య, పిల్లలతో సహా 15 ఏళ్లుగా హైదరాబాదులో నివాసం ఉంటున్నాం. మేం మొత్తం ఐదుగురం. ప్రతి నెల 35 కిలోల బియ్యం వస్తాయి. ఈ సారి సన్న బియ్యం ఇస్తున్న కారణంగా మా ఊరిలో తీసుకున్నాం. సన్న బియ్యంలో కొంత నూక ఉంది. అయినా బాగానే ఉన్నాయి. – స్వామి, వలస కూలీ, దుప్పల్లి, మదనాపురం, వనపర్తి అన్నం బాగానే అయింది.. గతంలో వేసే లావు బియ్యం తినటానికి కొంచెం ఇబ్బందిగా ఉండేది. అయితే ప్రభుత్వం ఉచితంగా సన్న బియ్యం ఇస్తుండగా.. మొన్ననే తెచ్చుకున్నాం. అవే తింటున్నాం. అన్నం చాలా బాగా అయ్యింది. కాకపోతే కొత్త బియ్యం కావడంతో మెత్తగా అయింది. ఇదే బియ్యం బయట అంగట్లో కొంటే కిలో రూ.53 పలుకుతోంది. మా లాంటి పేదోళ్లు అంత ధర పెట్టి కొనలేం. – వెంకటేష్‌, నల్లకుంట, గద్వాల నాణ్యతపై రాజీ పడొద్దు.. మేము కూలీ పని చేస్తూ జీవనం సాగిస్తున్నాం. కుటుంబంలో నలుగురికి కలిపి వచ్చే 24 కేజీల రేషన్‌ బియ్యమే మాకు కడుపు నింపుతోంది. సన్నబియ్యం ఇవ్వడం సంతోషం. అన్నం బాగానే అయింది. ప్రతి నెలా నాణ్యమైన బియ్యం పంపిణీ చేసేలా అధికారులు చొరవ తీసుకోవాలి. ఎక్కడా రాజీ పడొద్దు. – కాసింబీ, గోప్లాపూర్‌, దేవరకద్ర 3 రోజుల్లోనే అయిపోయాయి.. రేషన్‌ షాపుల్లో సన్న బియ్యం పంపిణీ చేపట్టడంతో ఎప్పుడూ లేని విధంగా మూడు రోజుల్లోనే నా షాప్‌నకు వచ్చిన కోటా 171.33 క్వింటాళ్లు అయిపోయాయి. మిగతా రెండు షా పుల్లో కూడా మూడు రోజుల్లోనే బియ్యం స రఫరా జరిగిపోయింది. గతంలో బియ్యం పంపిణీకి 15 రోజులు పట్టేది. కోటా అయిపోయి న కూడా లబ్ధిదారులు వస్తున్నారు. అదనపు కోటా కోసం అధికారులకు తెలియజేశాం. – సంజీవరెడ్డి, రేషన్‌ డీలర్‌, మద్దూరుఅవసరమైతే గడువు పెంపు.. ఉమ్మడి పాలమూరులోని ఐదు జిల్లాల పరిధిలో శనివారం నాటికి 65 శాతం మంది లబ్ధిదారులకు సన్నబియ్యం సరఫరా చేశారు. మరో మూడు రోజుల్లో పంపిణీ పూర్తి చేసేలా అధికారులు ముందుకు సాగుతున్నారు. ఈ మేరకు వేగం పెంచాలని డీలర్లను ఆదేశించారు. నిర్దేశిత గడువు ముగిసిన తర్వాత ఇంకా ఎవరైనా లబ్ధిదారులు మిగిలి ఉన్నట్లయితే.. వారికి ఈ నెల 20వ తేదీ వరకు గడువు పెంచి అందజేయనున్నట్లు సివిల్‌ సప్లయ్‌ అధికారులు చెబుతున్నారు. జిల్లాల వారీగా సన్న బియ్యం పంపిణీ వివరాలు (మెట్రిక్‌ టన్నుల్లో).. జిల్లా రే.షా రే.కా ఏప్రిల్‌ కోటా రే.షా.ప.అ(మె) ల.ప.అ మహబూబ్‌నగర్‌ 506 2,53,229 5,228.000 5,129.000 3,471 జోగుళాంబ గద్వాల 335 1,63,693 3,591.429 3,591.428 2,500 నారాయణపేట 301 1,44,472 3,382.916 3,382.916 1,745 నాగర్‌కర్నూల్‌ 558 2,43,107 4,946.455 4,500.000 2,813 వనపర్తి 324 1,63,138 3,321.066 4,461.000 1,992 మొత్తం 2,024 9,67,639 20,469.866 21,064.344 12,521 రే.షా: రేషన్‌షాపులు, రే.కా: రేషన్‌కార్డులు, రే.షా.ప.అ(మె): రేషన్‌ షాపులకు పంపిణీ అయింది (మెట్రిక్‌ టన్నుల్లో) , ల.ప.అ: లబ్ధిదారులకు పంపిణీ అయింది నిర్ణీత కోటాకు మించి డిమాండ్‌..

వీరభద్రుడి రథోత్సవంవైభవంగా నిర్వహిస్తున్న శ్రీ వీరభద్రుడి రథోత్సవం కోయిల్‌కొండ మండలంలో ప్రసిద్ధి చెందిన శ్రీ వీరభద్రస్వామి ఆలయంలో బ్రహ్మోత్సవాలు అంగరంగ వైభవంగా జరుగుతున్నాయి. శనివారం అర్ధరాత్రి భక్తుల కోలాటాలు, నందికోళ్ల సేవ భజనలతో స్వామివారి రథోత్సవాన్ని ఘనంగా నిర్వహించారు. నేత్రపర్వంగా సాగిన ఈ వేడుకను తిలకించేందుకు మహబూబ్‌నగర్‌, నారాయణపేట జిల్లాలతో పాటు రంగారెడ్డి, హైదరాబాద్‌, కర్ణాటక రాష్ట్రం నుంచి అధిక సంఖ్యలో భక్తులు హాజరై తమ మొక్కులు చెల్లించుకున్నారు. రథోత్సవం అనంతరం ఆదివారం స్వామివారి దర్శనం కోసం కొండపై వేలాది మంది భక్తులు బారులుతీరారు. పలువురు రుద్రాభిషేకం చేయించారు. రాత్రి అగ్నిగుండ ప్రవేశం నిర్వహించారు. కాగా సోమవారం భద్రకాళిదేవి వీరభద్రస్వామి కల్యాణం, పూర్ణాహుతి కార్యక్రమాలను నిర్వహించనున్నట్లు ఆలయ వ్యవస్థాపక అధ్యక్షుడు తమళి విజయ్‌కుమార్‌శర్మ తెలిపారు. – కోయిల్‌కొండ

మహబూబ్‌నగర్‌ క్రీడలు: జిల్లా కేంద్రంలోని మెయిన్‌ స్టేడియంలో నిర్వహించిన ఇన్విటేషన్‌ ఫుట్‌బాల్‌ టోర్నమెంట్‌లో చాంపియన్‌గా విశాఖపట్నం జట్టు నిలిచింది. జిల్లా ఫుట్‌బాల్‌ అసోసియేషన్‌ నిర్వహించిన ఇన్విటేషన్‌ ఫుట్‌బాల్‌ టోర్నమెంట్‌ ఆదివారం ఉత్సాహంగా ముగిసింది. ఈ టోర్నీలో నాలుగు జట్లు పాల్గొనగా రాబిన్‌ రౌండ్‌ లీగ్‌ పద్దతిలో ఆరు మ్యాచ్‌లు నిర్వహించారు. విశాఖపట్నం జట్టు వరుసగా మూడు మ్యాచ్‌లు గెలుపొంది 9 పాయింట్లు సాధించి విన్నర్‌గా, నెల్లూర్‌ జట్టు రెండు మ్యాచ్‌ల్లో విజయం సాధించి 6 పాయింట్లతో రన్నరప్‌గా నిలిచింది. ఆతిథ్య మహబూబ్‌నగర్‌ జట్టు 3 పాయింట్లు దక్కించుకొని తృతీయస్థానంలో నిలిచింది. అంతకుముందు జరిగిన లీగ్‌ మ్యాచుల్లో మహబూబ్‌నగర్‌ జట్టు 2–0 గోల్స్‌ తేడాతో ఏపీ స్పోర్ట్స్‌ స్కూల్‌ పూర్వ విద్యార్థుల జట్టుపై, విశాఖపట్నం జట్టు 1–0 గోల్‌ తేడాతో నెల్లూర్‌ జట్లపై విజయాలు నమోదు చేసుకున్నాయి. ట్రోఫీలు అందజేసిన ఎన్‌పీ వెంకటేశ్‌ ఇన్విటేషన్‌ ఫుట్‌బాల్‌ టోర్నమెంట్‌లో విన్నర్‌ విశాఖపట్నం జట్టు, రన్నరప్‌ నెల్లూర్‌ జట్లకు జిల్లా ఫుట్‌బాల్‌ అసోసియేషన్‌ అధ్యక్షులు, ఉమ్మడి జిల్లా ఒలింపిక్‌ సంఘం అధ్యక్షులు ఎన్‌పీ.వెంకటేశ్‌ ట్రోఫీలు, మెడల్స్‌ అందజేశారు. అనంతరం ఆయన మాట్లాడుతూ ఇన్విటేషన్‌ టోర్నమెంట్‌లో నాలుగు జట్లు పాల్గొని తమ ప్రతిభచాటడం అభినందనీయమని అన్నారు. ఈ వయస్సులో కూడా సీనియర్‌ క్రీడాకారులు ఫుట్‌బాల్‌ ఆటపై తమనకున్న అభిమానంతో ఇన్విటేషన్‌ టోర్నమెంట్‌లో పాల్గొనడం సంతోషంగా ఉందన్నారు. కార్యక్రమంలో జిల్లా ఫుట్‌బాల్‌ సంఘం ఉపాధ్యక్షులు టీఎస్‌.రంగారావు, శంకర్‌లింగం, ప్రధాన కార్యదర్శి భానుకిరణ్‌, ఇన్విటేషన్‌ ఫుట్‌బాల్‌ టోర్నమెంట్‌ ఆర్గనైజింగ్‌ సెక్రటరీ ఇమ్మాన్యుయెల్‌ జేమ్స్‌, గజానంద్‌కుమార్‌, నందకిషోర్‌, రామేశ్వర్‌, నగేశ్‌, రామకృష్ణ పాల్గొన్నారు. రన్నరప్‌గా నిలిచిన నెల్లూరు జట్టు ముగిసిన ఇన్విటేషన్‌ ఫుట్‌బాల్‌ టోర్నమెంట్‌

అచ్చంపేట: ఎస్‌ఎల్‌బీసీ సొరంగం ప్రమాదంలో చిక్కుకున్న కార్మికుల ఆచూకీ కోసం సహాయక చర్యలను ముమ్మరం చేశారు. శిథిలాల కింద చిక్కుకున్న వారిని గుర్తించి బయటకు తెచ్చేందుకు సహాయక సిబ్బంది విశ్వ ప్రయత్నాలు చేస్తున్నారు. ఆదివారం సొరంగం ప్రమాద ప్రదేశం నుంచి పెద్ద పెద్ద బండరాళ్లను ఎస్కవేటర్ల సాయంతో విచ్చిన్నం చేసి లోకో ట్రైన్‌ ద్వారా బయటకు తరలించారు. ప్రమాద ప్రదేశానికి చేరుకునేందుకు మార్గం ఏర్పాటు పనులను వేగవంతం చేశారు. సహాయక చర్యలు అత్యంత సమగ్రంగా, ప్రణాళికా బద్ధంగా కొనసాగుతున్నా యి. అయితే కన్వేయర్‌ బెల్టు తెగిపోతుండటంతో పనులకు ఆటంకంగా మారుతోంది. ఎప్పటికప్పుడు కన్వేయర్‌ బెల్టును పునరుద్ధరిస్తూ ఎస్కవేటర్ల సాయంతో మట్టిని బయటకు తరలిస్తున్నారు. కొనసాగుతున్న బండరాళ్ల తొలగింపు.. నిర్దేశిత గడువులోగా సొరంగం ప్రమాద ప్రదేశంలో పనులు పూర్తిచేసేందుకు సహాయక బృందాలు శ్రమిస్తున్నాయని ప్రత్యేకాధికారి శివశంకర్‌ లోతేటి అన్నారు. సొరంగం ఇన్‌లేట్‌ వద్ద జేపీ కార్యాలయంలో సహాయక బృందాల ఉన్నతాధికారులతో ఆయన సమీక్ష నిర్వహించారు. సొరంగం లోపల చేపడుతున్న సహాయక చర్యలను ఉన్నతాధికారులు ప్రత్యేకాధికారికి వివరించారు. ఈ సందర్భంగా ఆయన మాట్లాడుతూ.. సొంరగం లోపల కన్వేయర్‌ బెల్టు మరమ్మతు, వెంటిలేషన్‌ పొడిగింపు పనులతో పాటు మట్టి తవ్వకాలు చేపడుతున్నట్లు తెలిపారు. సొరంగం కూలిన ప్రదేశం నుంచి ఉబ్చికి వస్తున్న నీటి ఊటను ఎప్పటికప్పుడు బారీ మోటార్ల సాయంతో బయటకు పంపింగ్‌ చేస్తున్నామని చెప్పారు. సమావేశంలో ఆర్మీ అధికారులు వికాస్‌సింగ్‌, విజయ్‌కుమార్‌, జేపీ కంపెనీ సీనియర్‌ ప్రాజెక్టు ఇంజినీర్‌ సంజయ్‌కుమార్‌ సింగ్‌, సింగరేణి మైన్స్‌ రెస్క్యూ జనరల్‌ మేనేజర్‌ బైద్య, ఎన్‌డీఆర్‌ఎఫ్‌ అధికారి గిరిధర్‌రెడ్డి, హైడ్రా అధికారి, దక్షిణమధ్య రైల్వే అధికారి రవీంద్రనాథ్‌ తదితరులు ఉన్నారు. మరో 10 రోజుల్లో శిథిలాల తొలగింపు పూర్తిచేసేందుకు ప్రయత్నాలు నిపుణుల సూచనల మేరకు.. సొరంగంలో నిపుణులు, అనుభవజ్ఞులైన వారి సూచనలు, సలహాల మేరకు సహాయక చర్యలు చేపడుతున్నారు. ప్రధానంగా జియోగ్రాఫికల్‌ సర్వే ఆఫ్‌ ఇండియాకు చెందినశాస్త్రవేత్తలు, నీటిపారుదల నిపుణులు, సొరంగం నిర్మాణంలో అనుభవం కలిగిన ఇంజినీర్లతో పాటు సంబంధిత శాఖల నిపుణుల సూచనలు, సలహాలు అనుసరించి సహాయక చర్యలు కొనసాగిస్తున్నారు. సొరంగంలో వాతావరణం, మట్టి నిల్వలు, నీటి ప్రవాహం తదితర అంశాలపై నిత్యం పరిశీలనలు చేపడుతూ.. వీటి ఆధారంగా తదుపరి చర్యలు వేగవంతం చేసేందుకు ప్రయత్నాలు చేస్తున్నారు.

అచ్చంపేట రూరల్‌: ఉమ్మడి పాలమూరు జిల్లా నీటి ప్రాజెక్టులపై పాలకుల దోపిడీ విధానం కొనసాగుతోందని, ఇక్కడి రైతాంగ భూములను నిండా ముంచి నల్లగొండ జిల్లాకు నీరు తరలించుకుపోతున్నారని.. ప్రతి ఒక్కరూ ఎండగట్టాలని పాలమూరు అధ్యయన వేదిక కన్వీనర్‌ రాఘవాచారి పిలుపునిచ్చారు. ఆదివారం అచ్చంపేటలో జల వనరుల సాధన సదస్సు నిర్వహించారు. ఈ సందర్భంగా రాఘవాచారి మాట్లాడుతూ.. పాలకుల స్వార్థ బుద్ధి, మన ప్రాంత ప్రజా ప్రతినిధుల బాధ్యతారాహిత్యం వలన దశాబ్దాలుగా ఉమ్మడి జిల్లా అనేక విధాలా నష్టపోతుందన్నారు. జిల్లా జల వనరుల సమస్యలపై ఇతర సమస్యలు తెలియజేస్తూ జిల్లా వాసి అయిన ముఖ్యమంత్రి రేవంత్‌రెడ్డికి లేఖ అందజేయగా.. ఒక్కసామస్య పరిష్కరించలేదన్నారు. పోరాడి సాధించుకున్న పీఆర్‌ఎస్‌ఐ పథకం నీళ్లు నల్లగొండ జిల్లాకు తరలించుకుపోవడానికి ఆగమేఘాల మీద క్యాబినెట్‌ ఏర్పాటు, తీర్మానం చేసి, జనవరి 22న ఏకంగా జీవో 11 విడుదల చేశారన్నారు. ఏదుల నుంచి సొరంగం ద్వారా నీటిని బయటికి తీసి మన జిల్లా రైతాంగ భూములను ముంచి నల్లగొండ జిల్లాకు నీరు తరలించుకుపోవడానికి యుద్ధ ప్రాతిపదికన సన్నాహాలు చేస్తున్నారని ఆరోపించారు. ప్రతి ఒక్కరూ సంఘటితమవ్వాలి ఇలాంటి కుట్రలు, అన్యాయాన్ని, జల దోపిడీని అడిగి నిలదీసే స్థానిక ప్రజాప్రతినిధులు లేకుండా పోయారని, నల్లగొండ జిల్లాకు నీళ్ల తరలింపు కోసం పెడుతున్న శ్రద్ధ మన ఎత్తిపోతల పథకాలపై ఎందుకుండటం లేదన్నారు. గత ప్రభుత్వం ఎన్నికల జాతరలో ఉమామహేశ్వర చెన్నకేశవ రిజర్వాయర్లు నిర్మిస్తామని, అమ్రాబాద్‌ ఎత్తిపోతల పథకం పూర్తి చేస్తామని వాగ్దానం చేసి సరైన విధానం ఏది లేక ప్రజలను గందరగోళంలో ముంచి చేతులెత్తేసిందన్నారు. అమ్రాబాద్‌ ఎత్తిపోతల కోసం ఉమామహేశ్వర బ్యాలెన్సింగ్‌ రిజర్వాయర్‌ నిర్మించ తలపెట్టిన ప్రాంత గ్రామాల రైతులు తమ భూములు పూర్తిగా మునిగిపోతున్నాయని ఆందోళన వ్యక్తం చేస్తున్నారన్నారు. జలవనరుల సాధన కోసం ప్రతి ఒక్కరూ సంఘటితమవ్వాల్సిన అవరసరం ఉందన్నారు. కార్యక్రమంలో వివిధ సంఘాల నాయకులు లక్ష్మీనారాయణ, రామస్వామి, గోపాల్‌, వెంకటేష్‌, బాలస్వామి, నారాయణ, నాగయ్య, ఇంద్రారెడ్డి, సీతారాంరెడ్డి, భాస్కర్‌ పాల్గొన్నారు. నీటి ప్రాజెక్టులపై పాలకుల దోపిడీ విధానాన్ని ఎండగడుదాం పాలమూరు అధ్యయన వేదిక కన్వీనర్‌ రాఘవాచారి

జెడ్పీసెంటర్‌(మహబూబ్‌నగర్‌): జిల్లాకేంద్రంలోని 11 కేవీ వీఐపీ ఫీడర్‌తో పాటు 11 కేవీ నవాబ్‌పేట ఫీడర్‌ పరిధిలో చెట్ల కొట్టివేత కారణంగా సోమవారం పలు ప్రాంతాల్లో ఉదయం 7 గంటల నుంచి 10 గంటల వరకు విద్యుత్‌ సరఫరా ఉండదని ట్రాన్స్‌కో ఏడీ తవుర్యనాయక్‌, టు ఏఈ ఆదిత్య ఆదివారం వేర్వేరు ప్రకటనల్లో తెలిపారు. దీంతో రామయ్యబౌలి, వేపురివేగిరి, హబీబ్‌నగర్‌, గోల్‌మజీద్‌, రాంనగర్‌, గణేష్‌నగర్‌, హన్మాన్‌పుర, రైమానియా మజీద్‌, పాతపాలమూరు, ఫరీద్‌ మజీద్‌ ప్రాంతం, సంజయ్‌నగర్‌, బోయపల్లిగేట్‌, మోతీనగర్‌, కొత్తగంజ్‌, నవాబ్‌పేట రోడ్డు ప్రాంతాల్లో విద్యుత్‌ సరఫరా ఉండదని పేర్కొన్నారు. ఈ అసౌకర్యానికి ప్రజలు సహకరించాలని కోరారు. వచ్చే నెల నుంచి వృద్ధులకు ప్రత్యేక ప్రజావాణి మహబూబ్‌నగర్‌ మున్సిపాలిటీ: వయోవృద్ధులకు వచ్చే నెల నుంచి ‘ప్రత్యేక ప్రజావాణి’ నిర్వహించేందుకు జిల్లా అధికారులు అంగీకరించారని సీనియర్‌ సిటిజన్స్‌ ఫోరం అధ్యక్షుడు జగపతిరావు చెప్పారు. ఆదివారం స్థానిక మెట్టుగడ్డలోని ‘ఫోరం’ కార్యాలయంలో నిర్వహించిన సమావేశంలో ఆయన మాట్లాడారు. ప్రతి సోమవారం కలెక్టరేట్‌లో జరిగే ‘ప్రజావాణి’కి జిల్లా నుంచి వయోవృద్ధులు రావడానికి తీవ్ర ఇబ్బందులు ఎదుర్కొంటున్నారని కలెక్టర్‌ విజయేందిర బోయి దృష్టికి తీసుకెళ్లామన్నారు. దీంతో ఆమె స్పందించి అందరికీ అనుకూలమైన జిల్లా కోర్టు పక్కనున్న తహసీల్దార్‌ అర్బన్‌ మండల కార్యాలయంలో ప్రతినెలా మొదటి బుధవారం నిర్వహించేందుకు ఆదేశాలు జారీ చేశారని పేర్కొన్నారు. 1,075 క్వింటాళ్ల రేషన్‌ బియ్యం పట్టివేత కల్వకుర్తి రూరల్‌: రేషన్‌ దుకాణాల ద్వారా పంపిణీ చేస్తున్న సన్నబియ్యం సైతం పక్కదారి పట్టిన సంఘటన కల్వకుర్తి మండలంలో వెలుగుచూసింది. సన్నబియ్యంతోపాటు దొడ్డు బియ్యం నిల్వ ఉంచినట్లు పక్కా సమాచారం రావడంతో రాష్ట్ర ఎన్‌ఫోర్స్‌మెంట్‌ ఏఎస్పీ వెంకటేశ్వర్లు ఆధ్వర్యంలో జిల్లా అధికారులు ఆదివారం మార్చాల సమీపంలో ఉన్న శ్రీకృష్ణ రైస్‌మిల్‌పై ఆకస్మికంగా దాడులు నిర్వహించగా.. 1,075 క్వింటాళ్ల బియ్యం పట్టుబడినట్లు అధికారులు తెలిపారు. మిల్లర్లు ఇవి రేషన్‌ బియ్యం కావని బుకాయించగా.. ఈ మిల్లుకు నాలుగేళ్లుగా సీఎమ్మార్‌ వడ్లు ఇవ్వలేదని అధికారులు చెప్పారు. కాగా.. వారు ఈ బియ్యం ఎక్కడి నుంచి వచ్చాయో ఆరా తీసే పనిలో పడ్డారు. రాత్రి 10 గంటల వరకు.. రైస్‌ మిల్లులో రేషన్‌ బియ్యం నిల్వ ఉంచినట్లు సమాచారం రావడంతో అధికారులు మిల్లుకు చేరుకున్నారు. ఆ సమయంలో మిల్లు మూసి ఉండగా సంబంధిత యజమాని గుమాస్తాలతో మిల్లు తెరిపించారు. దీంతో ఏఎస్పీ వెంకటేశ్వర్లు టెక్నికల్‌ సిబ్బందితోపాటు జిల్లాలో పనిచేస్తున్న ఎన్‌ఫోర్స్‌మెంట్‌ డీటీలు, డీఎం రాజేందర్‌ను మిల్లు వద్దకు రప్పించారు. ఉదయం 8 గంటల నుంచి రాత్రి 10 గంటల వరకు నిర్విరామంగా సోదాలు నిర్వహించారు. మిల్లులో ఉన్న రేషన్‌ బియ్యాన్ని వివిధ వాహనాల ద్వారా వేరే మిల్లుకు తరలించారు. మిల్లు గుమాస్తాలను అదుపులోకి తీసుకున్నారు. చట్ట ప్రకారం చర్యలు తీసుకుంటామని ఏఎస్పీ చెప్పారు. మిల్లు యజమాని సంబు రమణపై పోలీసులకు ఫిర్యాదు చేశామని డీఎం రాజేందర్‌ తెలిపారు.

పెరిగిన బందోబస్తు గత ఉత్సవాల అనుభవాలను దృష్టిలో ఉంచుకొని పోలీస్‌, అటవీ శాఖలు సమన్వయంతో బందోబస్తు ఏర్పాట్లు చేశారు. అయితే అంచనాలకు మించి వాహనాలు, భక్తులు రావడంతో వారి సేవలు ఎంతగానో ఉపయోగపడ్డాయి. ముందుస్తుగా అడవిలో చెత్త తొలగింపు, వాహనాలు, లోయ వద్ద భక్తుల రద్దీ నియంత్రణ, బారీకేడ్లు, భద్రత నిర్వహణను పోలీస్‌, అటవీ శాఖ సంయుక్తంగా చేపట్టింది. భక్తుల రద్దీకి అనుగుణంగా అధికార యంత్రాంగం ఏర్పాట్లు చేసింది. ఉత్సవాలు సజావుగా ముగియడంతో అధికార యంత్రాంగం ఊపిరి పీల్చుకుంది. గతంలో మాదిరిగా ఎలాంటి అపశ్రుతి చోటు చేసుకోలేదు. ● ముగిసిన సలేశ్వరం బ్రహ్మోత్సవాలు ● మూడురోజుల్లో లింగమయ్య దర్శించుకున్న 2 లక్షల మంది భక్తులు ● ఫర్హాబాద్‌ చెక్‌పోస్టులు మూసివేత అచ్చంపేట: నల్లమలలోని లోతట్టు ప్రాంతం సలేశ్వర క్షేత్రంలో వెలసిన లింగమయ్య ఉత్సవాలు ఆదివారం ముగిశాయి. మూడు రోజులపాటు నల్లమల కొండలు జనసంద్రంతో కిక్కిరిసి కనిపించాయి. మూడు రోజుల సెలవు దినాలు రావడంతో సలేశ్వరం దర్శనం కోసం భక్తులు బారులుదీరారు. దట్టమైన అటవీ ప్రాంతంలో కొలువైన సలేశ్వరం క్షేత్రం దర్శనానికి రాష్ట్రం నలుమూలల నుంచే కాక ఆంధ్రప్రదేశ్‌, కర్ణాటక, మహరాష్ట్ర నుంచి భక్తులు తరలివచ్చారు. చివరిరోజు ఆదివారం సాయంత్రం 6 గంటల నుంచి వాహనాలు అడవిలోకి వెళ్లకుండా అటవీశాఖ నిలిపివేసింది. ఈసారి పోలీస్‌, అటవీ శాఖలు సమన్వయంతో ఇచ్చిన మూడు రోజుల వ్యవధిలో 24 గంటలపాటు సలేశ్వరం దర్శనానికి అనుమతించడంతో భక్తులకు ఎలాంటి ఇబ్బందులు కలగలేదు. రాత్రివేళ ఎక్కువ మంది లింగమయ్య దర్శనం చేసుకోవడం ఎంతో అనుభూతి ఇచ్చింది. అయితే ప్రతిఏటా చైత్రశుద్ధ పౌర్ణమి సందర్భంగా వర్షం కురిసేది. దీంతో వాహనదారులు, భక్తులు తీవ్ర ఇబ్బందులు పడేవారు. అయితే రెండేళ్లుగా ఎలాంటి వర్షం కురవకపోవడంతో ఎలాంటి ఆటంకాలు ఎదురుకాలేదు. చివరిరోజు వస్తున్నాం.. లింగమయ్యా.. వెళ్లొస్తాం.. లింగమయ్యా అంటూ భక్తి పారవశ్యంలో మునిగితేలారు. చెక్‌పోస్టుల మూసివేత హైదరాబాద్‌– శ్రీశైలం జాతీయ రహదారిలోని ఫర్హాబాద్‌, లింగాల మండలం అప్పాయిపల్లి ప్రాంతంలోని చెక్‌పోస్టులను అటవీశాఖ అధికారులు మూసివేశారు. ఈసారి అంచనాలకు మించి వాహనాలు రావడంతో ట్రాఫిక్‌ నియంత్రణలో పోలీస్‌, అటవీ శాఖలు తీవ్ర ఇబ్బందులు ఎదుర్కొన్నారు. శనివారం రాత్రి నుంచి ఆదివారం సాయంత్రం వరకు వాహనాల రద్దీ ఏమాత్రం తగ్గలేదు. శనివారం రాత్రి వాహనాలు భారీగా నిలిచిపోవడంతో టోల్‌చార్జీలు సైతం తీసుకోకుండానే లోపలికి అనుమతించారు. దీంతో ట్రాఫిక్‌ నియంత్రణ కొంత అదుపులోకి వచ్చింది. గతంలో మాదిరిగానే శ్రీశైలం వెళ్లే యాత్రికులకు మన్ననూర్‌ చెక్‌పోస్టును రాత్రి 9 గంటల వరకు అనుమతిస్తారు. సలేశ్వరం వెళ్లాలనుకునే భక్తులను మాత్రం అటవీ ప్రాంతంలోకి అనుమతించరు. అచ్చంపేట ఆర్టీసీ మొదటి రోజు 30, రెండో రోజు 36, మూడోజు16 ట్రిప్పుల చొప్పున బస్సులు నడిపించారు. అటవీ ప్రాంతంలో ట్రాఫిక్‌ను దృష్టిలో ఉంచుకుని చివరి రోజు ఆదివారం మధ్యాహ్నం 2 గంటలకే బస్సులను నిలిపివేశారు. చిన్న పిల్లలతో కలిసి.. స్వచ్ఛంద సంస్థలు, దాతల సేవలు.. స్వచ్ఛంద సంస్థలు, దాతలు ఏర్పాటు చేసిన అన్నదానం, అంబలి కేంద్రాలు, తాగునీటి వసతి భక్తులకు ఎంతగానో ఉపకరించాయి. సలేశ్వరం ఉత్సవాలతో అటవీశాఖ ముక్కుపిండి టోల్‌ ేరుసుం వసూలు చేసింది. సలేశ్వరం ఉత్సవాలు మాత్రం అటవీ శాఖకు మంచి ఆదాయ వనరుగా నిలిచిపోయిందనే చర్చ సాగుతోంది. ప్రతిఏటా రూ.లక్షలాది ఆదాయం సమకూరుతున్న అటవీశాఖ సరైన ఏర్పాట్లు చేయలేకపోతోంది.

కోయిల్‌కొండ: ఛత్రపతి శివాజీ జీవితాన్ని స్ఫూర్తిగా తీసుకోవాలని ఎంపీ డీకే అరుణ పేర్కొన్నారు. ఆదివారం కోయిలకొండ మండలం రాంపూర్‌లో హిందువాహిణి ఆధ్వర్యంలో ఏర్పాటు చేసిన ఛత్రపతి శివాజీ విగ్రహాన్ని నారాయఫేట ఎమ్మెల్యే చిట్టెం పర్ణికారెడ్డితో కలిసి ఆవిష్కరించారు. ఈ సందర్భంగా ఆమె మాట్లాడుతూ అలుపెరగని పోరాటయోధుడు ఛత్రపతి శివాజీ అని కొనిడాయారు. ఆదిత్యపరాశ్రీ స్వామిజీ, విగ్రహ దాత మాజీ సర్పంచ్‌ కల్పన బచ్చిరెడ్డి, కుమ్మరి రాములు, రవీందర్‌, రవీందర్‌రెడ్డి, వై.విద్యాసాగర్‌, విజయ్‌భాస్కర్‌రెడ్డి పాల్గొన్నారు.

అమ్రాబాద్‌: వరుస సెలవుల కారణంగా శ్రీశైలం ప్రధాన రహదారి భక్తులతో రద్దీగా మారింది. సలేశ్వరానికి వెళ్లేందుకు భక్తులు బారులు తీరారు. దీంతో, సలేశ్వరానికి వెళ్లే మన్ననూర్‌ చెక్‌పోస్టు వద్ద వాహనాల తాకిడి ఎక్కువైంది. టోల్‌గేట్‌ వద్ద ఛార్జీల చెల్లింపు ప్రక్రియ ఆలస్యం కావడంతో చెక్‌పోస్టు నుంచి సుమారు 6 కిలోమీటర్ల మేర వాహనాలు నిలిచిపోయాయి.వివరాల ప్రకారం.. నాగర్‌కర్నూల్‌ జిల్లా అమ్రాబాద్‌ మండలంలోని సలేశ్వరానికి వెళ్లేందుకు భక్తులు భారీ సంఖ్యలో​ బయలుదేరారు. ఒక్కసారిగా వాహనాల సంఖ్య పెరగడంతో మన్ననూర్‌ చెక్‌పోస్టు వద్ద చార్జీల చెల్లింపు ప్రక్రియ ఆలస్యమవుతోంది. దీంతో, 6 కిలోమీటర్ల మేర వాహనాలు నిలిచిపోయాయి. సిద్ధాపూర్‌ క్రాస్‌ వరకు రద్దీ నెలకొంది. దీంతో ప్రయాణికులు రాకపోకలకు ఇబ్బందులు పడుతున్నారు.Situation at saleshwaram jathara pic.twitter.com/37j3IcqLjf— 🚘 𝐊𝐂𝐑_𝐒𝐭𝐚𝐥𝐰𝐚𝐫𝐭 🌈™🚘 (@KCR_Vidheyudu) April 13, 2025ఇదిలా ఉండగా.. ఏటా చైత్రపౌర్ణమి సందర్భంగా మూడు రోజుల పాటు సలేశ్వరం లింగమయ్య స్వామి జాతర నిర్వహిస్తుంటారు. ఈ ఉత్సవానికి తెలుగు రాష్ట్రాల నుంచి భక్తులు పెద్దఎత్తున తరలివచ్చారు. వరుస సెలవుల నేపథ్యంలో శ్రీశైలానికి కూడా భక్తులు భారీగా తరలివస్తున్నారు. దీనికి సంబంధించిన వీడియోలు, ఫొటోలను భక్తులు సోషల్‌ మీడియాలో షేర్‌ చేస్తున్నారు. Yesterday #Saleshwaram was crowded with devotees. If you’re planning to visit, please plan accordingly. I’d suggest avoiding taking kids along, if possible. https://t.co/QckyDl4udO pic.twitter.com/TWHB1i9Wqo— Rudra🚩 (@Mee_Rudra) April 13, 2025

ఎండలో విధులు.. వడగాలుల నడుమ ట్రాఫిక్‌ పోలీసుల విధులు ఒకవైపు పోటెత్తిన వాహనాలు.. మరోవైపు నిప్పులు కురిసేలా ఎండ.. ఒక్క క్షణం ఆదమరిచినా ముంచుకొచ్చే ప్రమాదాలు. ఎండల్లో ట్రాఫిక్‌ పోలీసుల విధి నిర్వహణ కత్తిమీద సామే. నిప్పుల కుంపటిపై నిల్చొని పని చేస్తున్నట్లు ఉన్నా.. వేడి గాలులు వీస్తున్నా.. వడదెబ్బలు తగులుతున్నా.. విధి నిర్వహణలో అప్రమత్తంగా ఉంటున్నారు. – మహబూబ్‌నగర్‌ క్రైం ఉదయం 8 గంటల నుంచే ఎండ దంచికొడుతోంది. ప్రస్తుతం దాదాపు 41 డిగ్రీల సెల్సియస్‌ ఉష్ణోగ్రతలు నమోదవుతున్నాయి. భానుడి భగభగకు బయటకు రావాలంటే భయపడే పరిస్థితి.. కానీ ట్రాఫిక్‌ పోలీసులకు సెగలు కక్కుతున్న ఎండలో విధులు కొనసాగిస్తున్నారు. రోజురోజుకు పెరిగిపోతున్న ఎండలతో రోడ్లపై విధులు నిర్వహించే పోలీసులకు ఇబ్బందులు ఎదురవుతున్నా సమర్థవంతంగా వారి బాధ్యతలు పూర్తి చేస్తున్నారు. ఉమ్మడి జిల్లాలో ఏకై క ట్రాఫిక్‌ పోలీస్‌స్టేషన్‌ మహబూబ్‌నగర్‌లో ఉండగా.. ఇక్కడ మొత్తం 55 మంది పోలీస్‌ సిబ్బంది పని చేస్తున్నారు. ఇందులో ఒక సీఐతో పాటు ఇద్దరూ ఎస్‌ఐలు, ఒక ఏఎస్‌ఐ, 12 మంది హెడ్‌కానిస్టేబుల్స్‌, 32 మంది కానిస్టేబుల్స్‌, ఏడుగురు హోంగార్డులు ఉన్నారు. మిగతా జిల్లాలో ట్రాఫిక్‌ పోలీస్‌స్టేషన్‌ లేనప్పటికీ ట్రాఫిక్‌ కోసం ప్రత్యేకంగా సిబ్బందిని కేటాయించారు. వనపర్తి జిల్లాలో ఏఆర్‌ ఎస్‌ఐ, ఏఎస్‌ఐ,12 మంది కానిస్టేబుల్స్‌, నలుగురు హోంగార్డులు, గద్వాల జిల్లాలో ఒక ఏఆర్‌ ఎస్‌ఐ, ఇద్దరు కానిస్టేబుళ్లు, ఎనిమిది మంది హోంగార్డులు, నాగర్‌కర్నూల్‌లో ఒక ఎస్‌ఐ, ఒక ఏఎస్‌ఐ, నలుగురు హోంగార్డులు, ఆరుగురు కానిస్టేబుల్స్‌ విధులు నిర్వహిస్తున్నారు.ఉమ్మడి జిల్లాలో ట్రాఫిక్‌ విభాగంలో 102 మంది సిబ్బంది పనిచేస్తున్నారు. వీరిని ఆయా ప్రాంతాల్లో ట్రాఫిక్‌ను బట్టి రెండు షిఫ్ట్‌లుగా విభజించి విధులు కేటాయిస్తున్నారు. మొదటి షిప్ట్‌ ఉదయం 8 గంటల నుంచి మధ్యాహ్నం 2 గంటల వరకు, రెండో షిప్ట్‌ మధ్యాహ్నం 2 గంటల నుంచి రాత్రి 8 గంటల వరకు విధులు నిర్వహించాల్సి ఉంటుంది. మహబూబ్‌నగర్‌లోని పిస్తాహౌస్‌, మెట్టుగడ్డ, న్యూటౌన్‌, సుభాష్‌ చంద్రబోస్‌ సర్కిల్‌,, బస్టాండ్‌, అంబేద్కర్‌ చౌరస్తా, అశోక్‌ టాకీస్‌, పాత బస్టాండ్‌, వన్‌టౌన్‌ చౌరస్తా, తెలంగాణ కూడలి, పాన్‌చౌరస్తా, గాంధీచౌక్‌ ప్రాంతాల్లో వాహనాల రద్దీ ఉంటుంది. వనపర్తిలో ఇందిరాపార్క్‌, రాజీవ్‌ చౌరస్తా, కొత్త బస్టాండ్‌, గాంధీ చౌక్‌, నారాయణపేటలోని సత్యనారాయణ చౌరస్తా, ఓల్డ్‌ బస్టాండ్‌, మెయిన్‌ చౌక్‌, నాగర్‌కర్నూల్‌ జిల్లాకేంద్రంలో బస్టాండ్‌ ఇన్‌గేట్‌, ఔట్‌గేట్‌ వద్ద, శ్రీపురం చౌరస్తా, రవీంద్రటాకీస్‌ చౌరస్తా, గద్వాలో పాత బస్టాండ్‌, కృష్ణవేణి చౌరస్తా, పాత కూరగాయల మార్కెట్‌, గాంధీ చౌక్‌, సుంకులమ్మ మెట్టు వద్ద ట్రాఫిక్‌ ఎక్కువగా ఉంటుంది. అధిక వేడి వల్ల వడదెబ్బకు గురయ్యే అవకాశం ఆరోగ్యంపై జాగ్రత్తలు అవసరం అంటున్న వైద్యులు పాలమూరులో క్యాప్‌లు, కూలింగ్‌ అద్దాలు, వాటర్‌ బాటిల్స్‌ పంపిణీ

స్టేషన్‌ మహబూబ్‌నగర్‌: జిల్లాకేంద్రంలో హనుమన్‌ జయంతిని పురస్కరించుకొని శనివారం విశ్వహిందూ పరిషత్‌, భజరంగ్‌దళ్‌ ఆధ్వర్యంలో వైభవంగా హనుమాన్‌ విజయయాత్ర నిర్వహించారు. స్థానిక రామమందిరం నుంచి మేళతాళాలతో స్వామివారి ఊరేగింపుతో విజయయాత్ర క్లాక్‌టవర్‌, అశోక్‌టాకీస్‌ చౌరస్తా, అంబేద్కర్‌ చౌరస్తా, న్యూటౌన్‌ చౌరస్తా మీదుగా టీటీడీ కల్యాణ మండపం వరకు నిర్వహించారు. అనంతరం హనుమంతుడి విగ్రహానికి పూజలు నిర్వహించారు. విశ్వహిందు పరిషత్‌, ఆర్‌ఎస్‌ఎస్‌, భజరంగ్‌దళ్‌, హిందువాహిని తదితర ధార్మిక సంస్థల నేతలు, కార్యకర్తలు కాషాయ ధ్వజాలను చేతబూని ఈ విజయయాత్రలో ముందుకు కదిలారు. ఈ సందర్భంగా ఎమ్మెల్యే యెన్నం శ్రీనివాస్‌రెడ్డి మాట్లాడుతూ హనుమంతుడి జీవిత చరిత్ర మనకందరికీ ఆదర్శమని అన్నారు. ఆ దివ్య హనుమంతుడి ఆశీస్సులు మనందరిపై ఉండాలని ఆకాంక్షించారు. మాజీ మంత్రి వి.శ్రీనివాస్‌గౌడ్‌ విజయయాత్రలో పాల్గొని హనుమంతుడి విగ్రహానికి పూజలు నిర్వహించారు. కార్యక్రమంలో ముడా చైర్మన్‌ లక్ష్మణ్‌యాదవ్‌, జిల్లా గ్రంథాలయ చైర్మన్‌ మల్లు నర్సింహారెడ్డి, మార్కెట్‌ కమిటీ చైర్‌పర్సన్‌ బెక్కరి అనిత, మాజీ మున్సిపల్‌ చైర్మన్‌ ఆనంద్‌గౌడ్‌, నాయకులు ఏపీ మిథున్‌రెడ్డి, సిరాజ్‌ఖాద్రీ, సాయిబాబా, మనోహర్‌తో పాటు బీజేపీ జిల్లా అధ్యక్షుడు శ్రీనివాస్‌రెడ్డి, వీహెచ్‌పీ జిల్లా అధ్యక్షుడు మద్ది యాదిరెడ్డి, లక్ష్మినారాయణ పాల్గొన్నారు.

మహబూబ్‌నగర్‌ రూరల్‌: మన్యంకొండ శ్రీలక్ష్మీ వేంకటేశ్వరస్వామి దేవస్థానంలో శనివారం స్వామివారి కల్యాణ మహోత్సవం అంగరంగ వైభవంగా జరిగింది. ప్రతినెల పౌర్ణమి రోజు స్వామివారి కల్యాణ మహోత్సవాన్ని నిర్వహిస్తారు. ఈ సందర్భంగా శోభాయమానంగా అలంకరించిన పల్లకిలో స్వామి దంపతులను గర్భగుడి నుంచి దేవస్థానం సమీపంలోని మండపం వరకు ఊరేగింపుగా తీసుకొచ్చారు. సన్నాయి వాయిద్యాలు, పురోహితుల వేదమంత్రాల మధ్య ఈ ఊరేగింపు ముందుకు కదిలింది. అనంతరం స్వామివారి కల్యాణ మహోత్సవాన్ని ప్రారంభించారు. వివిధ ప్రాంతాల నుంచి తరలివచ్చిన ఆశేష భక్తులు తిలకిస్తుండగా పురోహితుల మంత్రోచ్ఛరణలు, సన్నాయి వాయిద్యాల మధ్య అమ్మవారి మంగళసూత్రధారణ కనులపండువగా సాగింది. అనంతరం తలంబ్రాల కార్యక్రమాన్ని నిర్వహించారు. రకరకాల పూలు, వివిధ ఆభరణాల అలంకరణలో స్వామివారి దంపతులు ధగధగ మెరిసిపోతూ భక్తకోటికి దర్శనమిచ్చారు. దేవస్థానం చైర్మన్‌ అళహరి మధుసూదన్‌కుమార్‌, ఈఓ శ్రీనివాసరాజు, సూపరింటెండెంట్‌ నిత్యానందచారి పాల్గొన్నారు.

స్టేషన్‌ మహబూబ్‌నగర్‌: హజ్‌యాత్రికులు ఆరోగ్యంపై ప్రత్యేక శ్రద్ధ తీసుకోవాలని రాష్ట్ర హజ్‌ కమిటీ చైర్మన్‌ సయ్యద్‌ గులాం అఫ్జల్‌ బియాబాని అన్నారు. జిల్లాకేంద్రంలోని వైట్‌ హౌజ్‌ కన్వెన్షన్‌లో జిల్లా హజ్‌ సొసైటీ ఆధ్వర్యంలో శనివారం హజ్‌యాత్రికులకు మెగా డిజిటల్‌ ట్రైనింగ్‌ క్యాంపు నిర్వహించారు. ముఖ్య అతిథిగా హాజరైన రాష్ట్ర కమిటీ చైర్మన్‌ మాట్లాడుతూ మన దగ్గర వాతావరణానికి, అక్కడి వాతావరణానికి ఎంతో వ్యత్యాసం ఉందన్నారు. అక్కడ ఎండలు మన కంటే ఎక్కువగా ఉన్నాయని, హజ్‌యాత్రికులు తగిన ఆరోగ్య జాగ్రత్తలు తీసుకోవాలని సూచించారు. హజ్‌యాత్రలో ఎక్కువగా నడవాల్సి వస్తుందని, అందువల్ల యాత్రికులు ఈ సమయంలో ఎక్కువగా నడవడానికి ప్రాక్టీస్‌ చేయాలని కోరారు. సీఎం రేవంత్‌రెడ్డి హజ్‌ హౌస్‌, ఉర్దూఘర్‌ నిర్మాణానికి నిధులు కేటాయించడం సంతోషంగా ఉందన్నారు. రాష్ట్ర మైనార్టీ ఫైనాన్స్‌ కార్పొరేషన్‌ చైర్మన్‌ ఒబేదుల్లా కొత్వాల్‌ మాట్లాడుతూ హజ్‌యాత్రికులు ప్రజల క్షేమం, ఈ ప్రాంత అభివృద్ధి కోసం దువా చేయాలన్నారు. జిల్లా హజ్‌ సొసైటీ రూపొందించిన హజ్‌యాత్ర గైడ్‌లను చైర్మన్లు ఆవిష్కరించారు. ఢిల్లీకి చెందిన మోనిస్‌ఖాన్‌ డిజిటల్‌ ట్రైనింగ్‌ నిర్వహించగా మౌలానా తస్లీం అన్సారీ, ముఫ్తి ఆసిఫ్‌, ఖలీల్‌ అహ్మద్‌ హజ్‌యాత్రపై శిక్షణ అందజేశారు. ఎస్‌హెచ్‌సీ ఎగ్జిక్యూటివ్‌ అధికారులు మహ్మద్‌ సజ్జాద్‌ అలీ, ఇర్ఫాన్‌ షరీఫ్‌, జిల్లా హజ్‌ సొసైటీ అధ్యక్ష, కార్యదర్శులు మహమూద్‌ అలీ, ఎండీ మేరాజుద్దీన్‌, రవూఫ్‌పాష, సత్తార్‌, సులేమాన్‌, యూసుఫ్‌, సుల్తాన్‌, ఫైజొద్దీన్‌ పాల్గొన్నారు. రాష్ట్ర హజ్‌ కమిటీ చైర్మన్‌ అఫ్జల్‌ బియాబాని

రోడ్లపై విధులు నిర్వహించే పోలీస్‌ సిబ్బంది వీలైనంత ఎక్కువగా నీరు తాగుతూ ఉండాలి. ఉప్పు కలిపిన మజ్జిగ, గ్లూకోజ్‌ కలిపిన నీటిని సైతం తీసుకోవాలి. ఎండలోనే ఎక్కువ సమయం నిలబడి ఉండే వారు నిమ్మరసం, కొబ్బరి నీళ్లు సైతం మేలు చేస్తాయి. చెమటలో నీటితో పాటు లవణాలు ఉంటాయి. వీటిలో సోడియం, క్లోరైడ్‌ ముఖ్యమైనవి. రోజుకు ఐదు లీటర్ల నీటిని తీసుకోవడంతో పాటు పండ్ల రసాలు, ద్రవ పదార్థాలు తీసుకుంటే మంచిది. – డాక్టర్‌ ఏజీ శంకర్‌, జనరల్‌ మెడిసిన్‌, మహబూబ్‌నగర్‌ జాగ్రత్తలు పాటిస్తున్నాం జిల్లా ఎస్పీ సూచన మేరకు ఆరోగ్య జాగ్రత్తలు పాటించడంతో పాటు ఇటీవల ఎస్పీ ట్రాఫిక్‌ సిబ్బందికి కూలింగ్‌ వాటర్‌ బాటిల్స్‌, క్యాప్‌లు, కూలింగ్‌ గ్లాస్‌లు అందజేశాం. అలాగే ఆరోగ్య పరీక్షలు సైతం చేయించారు. నిత్యం సిబ్బందికి ఆరోగ్యపరంగా తీసుకోవాల్సిన జాగ్రత్తలపై సూచనలు ఇస్తున్నాం. – భగవంతురెడ్డి, ట్రాఫిక్‌ సీఐ, మహబూబ్‌నగర్‌ ఎక్కడ సమస్య ఉంటే అక్కడికి.. పట్టణంలో ఉన్న ట్రాఫిక్‌ పాయింట్లు మొత్తం తిరుగుతూ తనిఖీలు చేస్తుంటాను. ధర్నాలు, ర్యాలీలు, ఇతర ట్రాఫిక్‌ సమస్యలు వస్తే ఘటన స్థలానికి వెళ్తుంటాను. ఇటీవల ఉన్నతాధికారులు అద్దాలు, టోపీలు, వాటర్‌బాటిల్స్‌ ఇవ్వడం వల్ల సిబ్బందికి ఉపయోగకరంగా మారాయి. మా వ్యక్తిగతంగా కూడా ఆరోగ్యపరంగా రక్షణ చర్యలు తీసుకుంటున్నాం. – లక్ష్మయ్య, ఏఎస్‌ఐ, మహబూబ్‌నగర్‌ అద్దాలు, టోపీలతో మేలు దాదాపు ఆరు గంటల పాటు రోడ్లపై విధులు నిర్వహించడానికి అవసరమైన జాగ్రత్తలు తీసుకుంటున్నాం. ప్రధానంగా నీరు అధికంగా తాగుతున్నాం. ఉన్నతాధికారులు ఇచ్చిన టోపీలు, అద్దాలు ఉపయోగపడుతున్నాయి. కొన్ని సందర్భాల్లో తలనొప్పి వంటి సమస్య వస్తే మజ్జిగ, ఇతర ద్రవ పదార్థాలు తీసుకుంటాం. ఉన్నతాధికారుల నుంచి కావాల్సిన సహాయం అందుతుంది. – రాఘవేందర్‌, ట్రాఫిక్‌ కానిస్టేబుల్‌, మహబూబ్‌నగర్‌ ఎండతో ఇబ్బందికరం.. ట్రాఫిక్‌ నియత్రించేందుకు ఎండలో నిలబడటం వల్ల ఎండవేడిమితో ఇబ్బందికరంగా ఉంది. షిఫ్ట్‌ల వారీగా విధులు ఉండటంతో కొంత ఉపశమనంగా ఉంది. ఎండవేడిమి నుంచి రక్షణ పొందేందుకు జిల్లా పోలీసు శాఖ ఆధ్వర్యంలో కూలింగ్‌ గ్లాసెస్‌తో పాటు టోపీలను అందజేశారు. ఎండలో ట్రాఫిక్‌ డ్యూటీలో ఉండే సిబ్బంది వడదెబ్బకు గురికాకుండా ఉండటంకోసం ఓఆర్‌ఎస్‌ ప్యాకెట్లు అందజేస్తున్నారు. – శ్రీనివాస్‌, ట్రాఫిక్‌ కానిస్టేబుల్‌, నాగర్‌కర్నూల్‌ ●

మహబూబ్‌నగర్‌ మున్సిపాలిటీ: జిల్లా కేంద్రంలో నడిబొడ్డున ఉన్న మినీ ట్యాంక్‌బండ్‌ వద్ద కొనసాగుతున్న సుందరీకరణ పనులను శనివారం మున్సిపల్‌ కార్పొరేషన్‌ కమిషనర్‌ డి.మహేశ్వర్‌రెడ్డి పరిశీలించారు. ఇటీవల ఎమ్మెల్యే యెన్నం ఇక్కడి కట్టపై ఎల్‌ఈడీ బల్బుల ఏర్పాటుకు శంకుస్థాపన చేశారు. ఈ సందర్భంగా ఆయన మొత్తం రూ.రెండు కోట్లు ముడా నుంచి కేటాయించామని వివరించిన విషయం విదితమే. ముఖ్యంగా ఉదయం, సాయంత్రం వేళ నగర ప్రజలు వచ్చి ఆహ్లాదకర వాతావరణాన్ని ఆస్వాదించడానికి వివిధ పనులు చేపడుతున్నారు. తాజాగా అక్కడి విభిన్నమైన ఆకృతిలో తీర్చిదిద్దిన పెద్ద డోమ్‌కు జాతీయ భావం పెంపొందించేలా మూడు రంగులతో పెయింటింగ్‌ వేస్తున్నారు. పీయూలో ప్రాంగణ ఎంపికలు మహబూబ్‌నగర్‌ మున్సిపాలిటీ: పాలమూరు యూనివర్సిటీ (పీయూ)లోని సెమినార్‌ హాల్‌లో శనివారం ఎంఎస్‌ఎన్‌ లేబరేటరీ నిర్వాహకులు క్యాంపస్‌ సెలక్షన్స్‌ నిర్వహించారు. కాగా క్యూసీ, క్యూఏ, ప్రొడక్షన్‌ పోస్టుల కోసం యూజీ, పీజీ రసాయన శాస్త్రం విద్యార్థులు 60 మందికి పైగా పాల్గొన్నారు. ఈ సందర్భంగా ప్లేస్‌మెంట్‌ ఆఫీసర్‌ డా.ఎస్‌ఎన్‌ అర్జున్‌కుమార్‌ మాట్లాడుతూ మొదటి దశలో రాత పరీక్ష ఉంటుందన్నారు. ఇందులో అర్హత సాధించిన ఉద్యోగార్థ్లుకు తర్వాత ముఖాముఖి ఇంటర్వ్యూలు ఉంటాయన్నారు. త్వరలోనే తుది జాబితాను ప్రకటిస్తామన్నారు. కార్యక్రమంలో పీయూ పీజీ కళాశాల ప్రిన్సిపాల్‌ డా.మధుసూదన్‌రెడ్డి, హెచ్‌ఆర్‌ సుబ్బారావుతో పాటు క్యూసీ మేనేజర్లు పాల్గొన్నారు. హనుమాన్‌ జయంతికి భారీ బందోబస్తు మహబూబ్‌నగర్‌ క్రైం: హనుమాన్‌ జయంతి సందర్భంగా శనివారం జిల్లా పోలీస్‌శాఖ పాల మూరులో భారీ బందోబస్తు ఏర్పాటు చేసింది. దాదాపు 200 మంది బలగాలతో ప్రధాన కూడళ్లు, ర్యాలీ వెంట విధులు నిర్వహించారు. బందోబస్తు విధానాన్ని జోగుళాంబ జోన్‌–7 డీఐజీ ఎల్‌ఎస్‌ చౌహాన్‌, ఎస్పీ డి.జానకి పరిశీలించారు. ఈ సందర్భంగా డీఐజీ మాట్లాడు తూ ఎలాంటి ఇబ్బంది కలగకుండా ప్రతి ప్రాంతాన్ని పరిశీలించే విధంగా సీసీ కెమెరాల సహాయంతో పర్యవేక్షిస్తున్నట్లు చెప్పారు. సీసీ కెమెరాల నిఘా ఏర్పాటు చేయడంతో పాటు అన్ని విభాగాల మధ్య సమన్వయం ఉండేలా చర్యలు తీసుకున్నట్లు పేర్కొన్నారు. ఉమ్మడి జిల్లాలో ఎక్కడా ఇబ్బందులు లేకుండా బందోబస్తు ఏర్పాటు చేసినట్లు తెలిపారు. ఎస్పీ జానకి మాట్లాడుతూ బందోబస్తులో మహిళ సిబ్బంది, ప్రత్యేక విభాగాలు, క్యూఆర్‌టీ బలగాలు, ట్రాఫిక్‌ పోలీసులు కలిసి సమన్వయంతో పని చేసినట్లు తెలిపారు. ర్యాలీ మార్గంలో ట్రాఫిక్‌ డైవర్షన్‌ చేసి ఇతర వాహనదారులకు ఇబ్బందులు రాకుండా చూసినట్లు తెలిపారు.

● మహబూబ్‌నగర్‌, కొడంగల్‌లోని ప్రభుత్వ డిగ్రీ కళాశాలల్లోపైలట్‌ ప్రాజెక్టు అమలు ● వచ్చే విద్యా సంవత్సరం నుంచి విద్యార్థులకు ప్రత్యేక తరగతులు ● తాజాగా జిల్లాలోని ప్రిన్సిపాళ్లతో సమావేశమైన వైఐఎస్‌యూ వీసీ మహబూబ్‌నగర్‌ మున్సిపాలిటీ: ‘మాస్టర్‌’పై విద్యార్థులకు ప్రత్యేక శిక్షణ ఇచ్చేందుకు ఉమ్మడి మహబూబ్‌నగర్‌ జిల్లాలోని రెండు ప్రభుత్వ డిగ్రీ–పీజీ కళాశాలలు ఎంపికయ్యాయి. వీటిలో మహబూబ్‌నగర్‌లోని ఎంవీఎస్‌ డిగ్రీ–పీజీ కళాశాల, కొడంగల్‌లోని ప్రభుత్వ డిగ్రీ కళాశాల ఉన్నాయి. తెలంగాణ రాష్ట్రంలోనే మొదటిసారిగా 2025–26 విద్యా సంవత్సరం నుంచి ‘మాస్టర్‌’ (మహబూబ్‌నగర్‌ స్కిల్‌ ట్రెయినింగ్‌ ఫర్‌ ఎంప్లాయ్‌మెంట్‌ రెడీనెస్‌) ను పైలట్‌ ప్రాజెక్టు కింద అమలు చేయనున్నారు. ప్రతి ప్రభుత్వ డిగ్రీ కళాశాలలో చివరి సంవత్సరం చదివిన విద్యార్థులకు వృత్తిపరమైన, దైనందిన జీవితంలో అవసరమయ్యే అన్ని నైపుణ్యాలను నేర్పిస్తారు. ముఖ్యంగా విద్యార్థులను భవిష్యతులో అన్ని రంగాలలో రాణించేలా తీర్చిదిద్దనున్నారు. అవగాహన కల్పించేందుకు ట్రైనర్లు ఇందులో భాగంగా తాజాగా శనివారం యంగ్‌ ఇండియా స్కిల్‌ యూనివర్సిటీ (వైఐఎస్‌యూ) వైస్‌ చాన్స్‌లర్‌ వీఎస్‌వీఎస్‌ఎస్‌ సుబ్బారావు అధ్యక్షతన శనివారం జిల్లాలోని ప్రభుత్వ డిగ్రీ కళాశాలల ప్రిన్సిపాళ్లతో స్థానిక ఎంవీఎస్‌ ప్రభుత్వ డిగ్రీ–పీజీ కళాశాలలో సమావేశం నిర్వహించారు. ఈ సందర్భంగా ఆయన మాట్లాడుతూ ‘మాస్టర్‌’పై డిగ్రీ కళాశాలల్లో విద్యార్థులకు పూర్తిస్థాయిలో అవగాహన కల్పించేందుకు గాను నిష్ణాతులైన ట్రైనర్లను పంపిస్తామన్నారు. విద్యార్థులకు ఖచ్చితంగా హాజరు శాతాన్ని, అవగాహన సామర్థ్యాలను బేరీజు వేస్తూ వారిని రెండు తరగతులుగా విభజిస్తామన్నారు. మొదటిది ‘బేసిక్‌’లోగల విద్యార్థులకు కిందిస్థాయి నుంచి సాఫ్ట్‌ స్కిల్స్‌, ప్రొఫెషనల్‌ స్కిల్స్‌ వృద్ధి చేస్తారన్నారు. రెండో కేటగిరీ కింద ‘బేసిక్‌ ప్లస్‌’లో విద్యార్థులకు కోర్‌ సబ్జెక్టులలో లోతుగా అవగాహన కల్పిస్తారన్నారు. ఈ అవకాశాన్ని అర్హులందరూ సద్వినియోగం చేసుకోవాలని ఆయన సూచించారు. కార్యక్రమంలో వైఐఎస్‌యూ రిజిస్ట్రార్‌ చమన్‌ మెహతా, విషయ నిపుణురాలు సౌమ్య నటరాజన్‌, ప్రొఫెసర్‌ జె.సుధాకర్‌, ఎంవీఎస్‌ డిగ్రీ కళాశాల, ఎన్టీఆర్‌ డిగ్రీ కళాశాల డాక్టర్‌ బీఆర్‌ఆర్‌ డిగ్రీ కళాశాల (మహబూబ్‌నగర్‌), గద్వాల, కొడంగల్‌ కళాశాలల ప్రిన్సిపాళ్లు డా.కె.పద్మాతి, ప్రొఫెసర్‌ రాజేంద్రప్రసాద్‌, డా.జి.సుకన్య, డా.బి.శ్రీనివాస్‌రెడ్డి తదితరులు పాల్గొన్నారు.

నిషేధిత ప్రదేశంలో.. సొరంగం పైకప్పు కూలిన 13.936 కిలోమీటరు డీ–1 వద్ద సుమారు 40 మీటర్ల వరకు సహాయక సిబ్బంది వెళ్లలేని ప్రదేశాన్ని నిషేధిత(డేంజర్‌ జోన్‌) ప్రాంతంగా గుర్తించారు. నిషేధిత ప్రదేశం దాటి ముందుకు వెళ్లకుండా కంచె ఏర్పాటు చేశారు. ఈ ప్రదేశం వరకు మట్టి తవ్వకాలు పూర్తయితే మిగిలిన 40 మీటర్ల ప్రాంతం పరిస్థితి ఏమిటన్న ప్రశ్న ఉత్పన్నమవుతుంది. సొరంగం ప్రమాద ధాటికి 125 మీటర్ల పొడవు 1,500 టన్నుల బరువు కలిగిన టన్నెల్‌ బోరింగ్‌ మిషన్‌ సుమారు 50 మీటర్ల వెనక్కి వచ్చింది. సొరంగం తవ్వకాలకు అడ్డంగా ఉన్న టీబీఎం స్టీల్‌ భాగాలను దక్షిణమధ్య రైల్వే సిబ్బంది ప్లాస్మా కట్టర్‌తో కట్‌ చేసి లోకో ట్రైన్‌ ద్వారా బయటకు తరలిస్తున్నారు. మట్టి తవ్వకాలు, బురద, టీబీఎం భాగాల తొలగింపు, డీవాటరింగ్‌ ప్రక్రియ సమాంతరంగా కొనసాగుతోంది. నిషేధిత ప్రదేశం వరకు యుద్ధ ప్రాతిపదికన మట్టి, బురద తొలగింపు పనులు త్వరితగతిన ముగించాలని సహాయక సిబ్బంది ప్రయత్నిస్తున్నారు. నిపుణుల సలహాల మేరకు ప్రమాద ప్రదేశం వద్ద చేపట్టే పనులపై ప్రభుత్వం నిర్ణయం తీసుకోవాల్సి ఉంటుంది. ● కార్మికుల ఆచూకీ కోసం సహాయక సిబ్బంది నిరంతరం ప్రయత్నాలు చేస్తున్నారని ప్రత్యేకాధికారి శివశంకర్‌ లోతేటి అన్నారు. శనివారం సొరంగం ఇన్‌లెట్‌ వద్ద జేపీ కార్యాలయంలో సహాయక బృందాల ఉన్నతాధికారులతో సమీక్ష నిర్వహించారు. ఈ సందర్భంగా ఆయన మాట్లాడుతూ.. తవ్వకాలకు ఆటంకంగా ఉన్న సమస్యలను అధి గమిస్తూ వేగంగా సహాయక చర్యలు చేపడుతున్నట్లు చెప్పారు. మట్టి తవ్వకాలు జరుపుతూ కన్వేయర్‌ బెల్టు ద్వారా, టీబీఎం భాగాలను లోకో ట్రైన్‌ ద్వారా సొరంగం బయటకు చేరవేస్తున్నామన్నారు. నిరంతరాయంగా వస్తున్న నీటి ఊటను అత్యధిక సామర్థ్యం కలిగిన పంపుల ద్వారా పంపింగ్‌ చేస్తూ బయటకు తోడేస్తున్నామన్నారు. అచ్చంపేట: శ్రీశైలం ఎడమగట్టు కాల్వ సొరంగం పైకప్పు కూలిన ఘటనలో గల్లంతైన కార్మికులను గుర్తించేందుకు చేపడుతున్న సహాయక చర్యలు 50 రోజులకు చేరాయి. ఎస్‌ఎల్‌బీసీ సొరంగంలో టన్నెల్‌ బోరింగ్‌ మిషన్‌ (టీబీఎం) ద్వారా తవ్వకాలు చేపడుతున్న క్రమంలో ఫ్రిబవరి 22న జరిగిన ప్రమాదంలో ఎనిమిది మంది కార్మికులు చిక్కుకోగా.. మార్చి 9న టీబీఎం ఆపరేటర్‌ గురుప్రీత్‌సింగ్‌, 25న ప్రాజెక్టు ఇంజినీర్‌ మనోజ్‌కుమార్‌ మృతదేహాలను గుర్తించారు. శిథిలాల కింద చిక్కుకున్న మరో ఆరుగురి ఆచూకీ కోసం సహాయక చర్యలు కొనసాగుతున్నాయి. సహాయక చర్యలకు ఎన్ని ఆటంకాలు ఎదురైనా రెస్క్యూ సిబ్బంది వాటిని అధిగమిస్తూ తవ్వకాలు చేపడుతున్నారు. ఈ ప్రక్రియ ఇలాగే కొనసాగితే ప్రభుత్వం నిర్ధేశించిన గడువులోగా మిగిలిన వారి ఆచూకీ లభ్యమయ్యే అవకాశం ఉంది. రోబోల సేవలు ఎక్కడ? సొరంగం లోపల అత్యంత ప్రమాదకరమైన ప్రదేశంలో రెస్క్యూ ఆపరేషన్‌ చేపట్టేందుకు గత నెల 11న తీసుకొచ్చిన రోబోల సేవలు అందుబాటులోకి రాలేదు. మానవులు చేయలేని పనులను రోబోలు చేస్తాయని, వీటిని ఉపయోగించుకోవాలని రాష్ట్ర ప్రభుత్వం భావించింది. ఈ నేపథ్యంలో రూ.4 కోట్లు వెచ్చించి తీసుకొచ్చిన రోబోలు నెలరోజులు దాటినా ఇంత వరకు కనీసం సొరంగం లోపలికి కూడా వెళ్లలేకపోయాయి. రోబో యంత్రాలు సొరంగం ఇన్‌లెట్‌ వద్ద వృథాగా పడి ఉన్నాయి. ఐదురోజుల పాటు ప్రయత్నించిన అటానమస్‌ పవర్డ్‌ హైడ్రాలిక్‌ రోబోల అనుసంధానంగా వ్యాక్యూమ్‌ పంపు, వ్యాక్యూమ్‌ ట్యాంకు సాంకేతిక సమస్యల కారణంగా వాటి పనితీరు నిలిచింది. మట్టి, రాళ్లు, బురద తొలగించేందుకు తీసుకొచ్చిన రోబో యంత్రం పనితీరు ప్రశ్నార్థకంగా మారింది. టీబీఎం స్టీల్‌ భాగాలు అడ్డుగా ఉండటంతోనే వీటి సేవలకు అంతరాయం కలుగుతున్నట్లు తెలుస్తోంది. వాటిని పూర్తిగా తొలగిస్తే తప్ప అత్యంత ప్రమాద ప్రదేశానికి రోబోలు వెళ్లలేవనే అభిప్రా యం వ్యక్తమవుతోంది. హైడ్రాలిక్‌ వ్యవస్థతో పనిచే సే రోబో ముందు భాగంలో ఉన్న గ్రైండర్‌ పెద్ద పె ద్ద రాళ్లు, శిథిలాలను ముక్కలు చేయడంతోపాటు బురద, మట్టిని వ్యాక్యూమ్‌ పంపు సాయంతో నేరు గా కన్వేయర్‌ బెల్టుపై వేస్తోంది. ప్రస్తుతం ఐ దు ఎస్కవేటర్లు (హిటాచీలు) సహాయంతో రెస్క్యూ బృందాలు సహాయక చర్యలు చేపడుతున్నారు. టన్నెల్‌లో కొనసాగుతున్న సహాయక చర్యలు నేటికీ లభించని ఆరుగురి కార్మికుల ఆచూకీ

గోపాల్‌పేట: తన పిల్లలకు ఈత నేర్పేందుకు వెళ్లి ఓ తండ్రి మృతి చెందిన ఘటన వనపర్తి జిల్లా గోపాల్‌పేట మండలంలోని బుద్దారం గ్రామంలో మధ్యాహ్నం చోటుచేసుకుంది. గోపాల్‌పేట ఏఎస్‌ఐ రాములు తెలిపిన వివరాలు.. బుద్దారం గ్రామానికి చెందిన ఏర్పుల శ్రీశైలం(41) భార్య ఏర్పుల మంగమ్మతో కలిసి ఇద్దరు కుమారులకు శనివారం మధ్యాహ్నం మూడు గంటల ప్రాంతంలో బుద్దారం పెద్దచెరువు వద్ద పెద్దతూము, నడింతూము మధ్య ప్రాంతంలో ఈత నేర్పేందుకు వెళ్లారు. మంగమ్మ ఇద్దరు పిల్లలకు నీటిలో మునిగిపోకుండా ఉండేందుకు ప్లాస్టిక్‌ క్యాన్లు కడుతుండగా శ్రీశైలం ఒక్కసారిగా నీటిలోకి దూకాడు. అనంతరం బయటకు తేలలేదు. ఈ నేపథ్యంలో భార్యాపిల్లలు కేకలు వేయగా స్థానికులు నీటిలోకి దిగి వెతకగా, సుమారు నాలుగు గంటల ప్రాంతంలో మృతదేహం బయటపడింది. బురదలో ఇరుక్కోవ డంతో శ్రీశైలం మృతి చెందినట్లు గుర్తించారు. మృతుడి భార్య మంగమ్మ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఏఎస్‌ఐ పేర్కొన్నారు. రోడ్డు ప్రమాదంలో వ్యక్తి దుర్మరణం ఎర్రవల్లి: గుర్తుతెలియని వాహనం ఢీకొన్న ప్రమాదంలో ఓ వ్యక్తి మృతిచెందిన ఘటన మండలంలోని మునగాల శివారులో చోటు చేసుకుంది. ఇటిక్యాల ఎస్‌ఐ వెంకటేశ్‌ వివరాల మేరకు.. గద్వాల పట్టణానికి చెందిన కళ్యాణ్‌ కుమార్‌ (27) బైక్‌పై శుక్రవారం రాత్రి తమ బంధువు వివాహం నిమిత్తం వల్లూరుకు బయలుదేరాడు. మార్గమధ్యంలోని మునుగాల శివారులో జాతీయ రహదారిపై గుర్తుతెలియని వాహనం బైక్‌ను ఢీకొట్టడంతో అతడికి తీవ్రగాయాలై అక్కడికక్కడే మృతిచెందాడు. సమాచారం అందుకున్న పోలీసులు ఘటనా స్థలానికి చేరుకొని మృతదేహాన్ని పోస్టుమార్టం నిమిత్తం జిల్లా ఆస్పత్రికి తరలించారు. మృతునికి భార్య సరోజతో పాటు కుమారుడు ఉన్నాడు. మృతుడి భార్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. విద్యుత్‌ వైర్లు తగిలి డీసీఎం దగ్ధం గట్టు: మండలంలోని లింగాపురం సమీపంలో శనివారం విద్యుత్‌ వైర్లు తగిలి డీసీఎం దగ్ధమైంది. స్థానికుల వివరాల మేరకు.. లింగాపురం గ్రామానికి చెందిన కుమ్మరి లింగన్న, పెద్దన్న పండించిన పొప్పాయి పండ్లను మార్కెట్‌కు తరలించేందుకు డీసీఎం వచ్చింది. అయితే పొప్పాయి తోట వద్ద డీసీఎంను వెనక్కి తీసుకుంటున్న క్రమంలో హైటెన్షన్‌ విద్యుత్‌ వైర్లు తగలడంతో మంటలు చెలరేగాయి. పక్కనే ఉన్న రైతులు డీసీఎం డ్రైవర్‌ను అప్రమత్తం చేయడంతో ప్రాణాలతో బయటపడ్డాడు. డీసీఎంకు అంటుకున్న మంటలు డీజిల్‌ ట్యాంక్‌ వరకు వ్యాపించడంతో వాహనం మొత్తం అగ్నికి ఆహుతి అయ్యింది. సమాచారం అందుకున్న అధికారులు విద్యుత్‌ సరఫరాను నిలిపివేశారు. ఈ ఘటనతో రైతులు ఆందోళనకు గురయ్యారు. ప్రాణనష్టం జరగకపోవడంతో ఊపిరి పీల్చుకున్నారు. ఒకరిపై కేసు నమోదు మహబూబ్‌నగర్‌ క్రైం: రెండు నెలల కరెంట్‌ బిల్లు కట్టలేదని.. మీటర్‌ కట్‌ చేసిన లైన్‌మన్‌ను అసభ్యపదజాలంతో దూషించిన వ్యక్తిపై కేసు నమోదైంది. టూటౌన్‌ ఎస్‌ఐ ఓబుల్‌రెడ్డి వివరాల మేరకు.. విద్యుత్‌శాఖ అసిస్టెంట్‌ లైన్‌మన్‌ శివకిషోర్‌ స్థానిక న్యూటౌన్‌లో ఉన్న మనోజ్‌ రియల్‌ ఎస్టేట్‌ ఆఫీస్‌కు సంబంధించిన రెండు నెలల కరెంట్‌ బిల్లు కట్టాలని యజమానికి సూచించారు. అయినప్పటికీ బిల్లు కట్టకపోవడంతో ఈ నెల 10న ఆఫీస్‌కు సంబంధించిన విద్యుత్‌ మీటర్‌ కనెక్షన్‌ కట్‌ చేశారు. దీంతో ఆఫీస్‌ యజమాని మనోజ్‌కుమార్‌ 11న మధ్యాహ్నం లైన్‌మన్‌కు ఫోన్‌చేసి అసభ్యకర పదజాలంతో దూషించడంతో పాటు అదే రోజు సాయంత్రం జెడ్పీ కార్యాలయానికి వచ్చి దాడి చేయడానికి ప్రయత్నించాడు. ఈ మేరకు బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ వెల్లడించారు.

మహబూబ్‌నగర్‌ క్రీడలు: జిల్లాకేంద్రంలో ఇన్విటేషన్‌ ఫుట్‌బాల్‌ టోర్నమెంట్‌ నిర్వహించడం అభినందనీయమని ఉమ్మడి జిల్లా ఒలింపిక్‌ సంఘం అధ్యక్షుడు ఎన్‌పీ వెంకటేశ్‌ అన్నారు. జిల్లాకేంద్రంలోని మెయిన్‌ స్టేడియంలో ఇన్విటేషన్‌ ఫుట్‌బాల్‌ టోర్నమెంట్‌ శనివారం ప్రారంభమైంది. ఈ సందర్భంగా ఆయన ఆటగాళ్లను పరిచయం చేసుకొని మాట్లాడారు.ఈ వయసులో కూడా సీనియర్‌ క్రీడాకారులు ఇన్విటేషన్‌ ఫుట్‌బాల్‌ టోర్నమెంట్‌లో పాల్గొనడం చాలా సంతోషంగా ఉందన్నారు. టోర్నమెంట్‌లో పాల్గొంటున్న సీనియర్‌ క్రీడాకారులందరికీ శుభాకాంక్షలు తెలిపారు. కార్యక్రమంలో జిల్లా ఫుట్‌బాల్‌ సంఘం ఉపాధ్యక్షులు టీఎస్‌.రంగారావు, రమేశ్‌, ప్రధాన కార్యదర్శి భానుకిరణ్‌, గజానంద్‌కుమార్‌, నందకిషోర్‌, వడెన్న, నగేశ్‌తోపాటు విశాఖపట్నం కోచ్‌ శ్రీనివాసరావు తదితరులు పాల్గొన్నారు. ● ఈ టోర్నీలో విశాఖపట్నం, నెల్లూర్‌, ఏపీ స్పోర్ట్స్‌ స్కూల్‌ పూర్వ విద్యార్థుల జట్టు, మహబూబ్‌నగర్‌ జట్లు పాల్గొన్నాయి. తొలి రోజు మ్యాచుల్లో విశాఖపట్నం 4–2 గోల్స్‌ తేడాతో ఆతిథ్య మహబూబ్‌నగర్‌ జట్టుపై విజయం సాధించింది. నెల్లూరు జట్టు 1–0 గోల్స్‌ తేడాతో ఏపీ స్పోర్ట్స్‌ స్కూల్‌ పూర్వ విద్యార్థులపై గెలుపొందింది. విశాఖపట్నం 1–0 గోల్స్‌ తేడాతో ఏపీ స్పోర్ట్స్‌ స్కూల్‌ పూర్వ విద్యార్థులపై, నెల్లూరు జట్టు 4–1 గోల్స్‌ తేడాతో మహబూబ్‌నగర్‌పై విజయం సాధించాయి. ఆదివారం కూడా ఇన్విటేషన్‌ ఫుట్‌బాల్‌ టోర్నీ కొనసాగనుంది. టోర్నీలో ఆరు మ్యాచ్‌ల్లో ఎక్కువ పాయింట్లు సాధించిన జట్లు విన్నర్‌, రన్నరప్‌గా నిలుస్తాయి. ఉమ్మడి జిల్లా ఒలింపిక్‌ సంఘం అధ్యక్షుడు ఎన్‌పీ వెంకటేశ్‌

అడ్డాకుల: మండలంలోని పొన్నకల్‌ చెరువులో ఆటో బోల్తాపడగా అందులో ఉన్న ఐదుగురికి ప్రాణాపాయం తప్పింది. ఘటనకు సంబంధించిన వివరాలిలా.. రాచాలకు చెందిన దాసరి ఆంజనేయులు తన ఆటోలో దాసరి కురుమూర్తి, దాసరి నర్సింహులు, దాసరి వెంకటేశ్వరమ్మ, మడిగెల రవిశంకర్‌ను జాతీయ రహదారి వద్ద దింపేందుకు ఊళ్లో ఆటో ఎక్కించుకున్నాడు. దుబ్బపల్లి స్టేజీ దాటిన తర్వాత పొన్నకల్‌ నల్ల చెరువుకట్టపై మేకలు అడ్డువచ్చాయి. వాటిని తప్పించేందుకు డ్రైవర్‌ ఆంజనేయులు ఆటోను పక్కకు తిప్పగా ఆటో అదుపు తప్పి.. చెరువు కట్ట లోపలికి దూసుకెళ్లి బోల్తాపడింది. ఆటోలో ఉన్న కొందరు ఆటో నీళ్లలో పడేలోపే వెంటనే అందులోంచి పక్కకు దూకగా.. డ్రైవర్‌ ఆంజనేయులు, మరొకరు ఆటోతోపాటు నీళ్లలో మునిగిపోయారు. ఎలాగోలా ప్రయత్నించి ఆటోలోంచి బయటకు వచ్చి ఈదుతూ ఒడ్డుకు చేరుకున్నారు. డ్రైవర్‌ ఆంజనేయులు, మరొకరికి స్వల్ప గాయాలు కావడంతో స్థానికులు అంబులెన్స్‌లో జిల్లా కేంద్రానికి తరలించారు. అటుగా వెళ్తున్న కలెక్టర్‌ విజయేందిర ఘటనా స్థలం వద్ద ఆగి ప్రమాద వివరాలు తెలుసుకున్నారు. తర్వాత స్థానికులు తాళ్ల సాయంతో ఆటోను బయటకు తీశారు. ఇదిలా ఉండగా.. అదుపు తప్పిన ఆటో చెరువు లోపలికి దూసుకెళ్లడంతో ప్రమాదం తప్పింది. చెరువుకు మరోవైపు దూసుకెళ్తే లోతైన పొలాల్లో పడి పెద్ద ప్రమాదం సంభవించేదని స్థానికులు తెలిపారు. త్రుటిలో ప్రాణాపాయం నుంచి తప్పించుకున్న ప్రయాణికులు

వనపర్తి: కృష్ణానదిలో నీటి వాటా తేల్చే కృష్ణా ట్రిబ్యునల్‌ కేంద్రం జేబులో ఉందని మాజీ మంత్రి సింగిరెడ్డి నిరంజన్‌రెడ్డి ఆరోపించారు. శుక్రవారం మధ్యాహ్నం జిల్లాకేంద్రంలోని తన నివాసంలో నిర్వహించిన విలేకరుల సమావేశంలో ఆయన మాట్లాడారు. తెలుగు రాష్ట్రాలు విడిపోయి పదేళ్లు గడుస్తున్నా.. నేటికీ కృష్ణానదిలో నీటి వాటా తేల్చకుండా నిర్లక్ష్యం చేస్తోందన్నారు. ఇటీవల శ్రీశైలం కుడి ప్రధాన కాల్వ లైనింగ్‌ పనులు చేస్తున్న ఏపీ ప్రభుత్వం తెలంగాణకు సాగునీటి కష్టాలు తెచ్చిపెట్టనుందని.. లైనింగ్‌ పనులతో కాల్వ సామర్థ్యం 44 వేల క్యూసెక్కుల నుంచి 89,762 క్యూసెక్కులకు పెరుగుతుందని వివరించారు. తెలంగాణ ప్రాజెక్టులు నాగార్జునసాగర్‌, కేఎల్‌ఐ, పాలమూరు ఎత్తిపోతల పథకాలకు నీటి లభ్యత తగ్గించే ప్రమాదం పొంచి ఉందని హెచ్చరించారు. ఏపీలోని టీడీపీ ప్రభుత్వం రాయలసీమ ప్రాంతంలో రాజకీయంగా బలపడటానికి నీటి లభ్యతను పెంచే ప్రాజెక్టులను వేగవంతం చేయాలని భావిస్తోందని.. ఏపీలోని చంద్రబాబు ప్రభుత్వం జలదోపిడీకి పాల్పడుతోందని మండిపడ్డారు. కేంద్రం చేతిలో కీలుబొమ్మగా ఉన్న కేఆర్‌ఎంబీ ఏపీ ప్రయత్నాలను నిలువరించడం లేదని, తెలంగాణలోని కాంగ్రెస్‌ ప్రభుత్వం ఈ విషయంలో నిమ్మకు నీరెత్తినట్లు వ్యవహరిస్తోందని ఆరోపించారు. రూ.100 కోట్లతో వట్టెం రిజర్వాయర్‌ నుంచి సిర్సవాడ కాల్వతో నల్లగొండ ప్రాంతానికి సాగునీటిని అందించవచ్చని.. కానీ ప్రస్తుత కాంగ్రెస్‌ ప్రభుత్వం రిజర్వాయర్‌ నుంచి టన్నెల ద్వారా నీరు తరలించే ప్రయత్నం చేస్తోందన్నారు. ఇందుకుగాను మొదటి విడతగా రూ.1,300 కోట్లకు టెండర్‌ సైతం నిర్వహించారని.. తక్కువ ఖర్చుతో అయ్యే పనికి రూ.వందల కోట్లు వెచ్చించడం సీఎం బంధువులను ఆర్థికంగా బలోపేతం చేసేందుకేనని ఆరోపించారు. వట్టెం రిజర్వాయర్‌ నుంచి నల్గొండకు నీరు తరలించేందుకు ప్రస్తుత మంత్రి జూపల్లి కృష్ణారావు, తనతో పాటు ఎంపీ సైతం సంతకం చేసి అప్పటి ముఖ్యమంత్రికి లేఖలు రాశామని గుర్తుచేశారు. సమావేశంలో బీఆర్‌ఎస్‌ పార్టీ జిల్లా అధ్యక్షుడు గట్టుయాదవ్‌, జిల్లా అధికార ప్రతినిధి వాకిటి శ్రీధర్‌, నాయకులు తిరుమల్‌, రహీం, గులాం ఖాదర్‌, కురుమూర్తి యాదవ్‌, నందిమళ్ల అశోక్‌, సునీల్‌ తదితరులు పాల్గొన్నారు. పాలమూరు–రంగారెడ్డిని నిర్లక్ష్యం చేస్తున్న ప్రభుత్వం మాజీ మంత్రి సింగిరెడ్డి నిరంజన్‌రెడ్డి

మహబూబ్‌నగర్‌ ఎడ్యుకేషన్‌: విద్యాశాఖలో టాస్‌ (తెలంగాణ ఓపెన్‌ స్కూల్‌ సొసైటీ) ఉమ్మడి జిల్లా కోఆర్డినేటర్‌ పోస్టు కేటాయింపు విషయంలో రెండు సంఘాల మధ్య ఫిర్యాదుల పర్వం కొనసాగుతుంది. మొదట జీటీఏ (గవర్నమెంట్‌ టీచర్స్‌ అసోసియేషన్‌) నాయకులు టాస్‌ కోఆర్డినేటర్‌ నియామకం అక్రమం అని, 1972లో విడుదల చేసిన జీఓ 1214 ప్రకారం కేవలం గవర్నమెంట్‌ టీచర్స్‌కే కేటాయించాలని స్పష్టంగా ఉన్నప్పటికీ గత డీఈఓ నిబంధనలను పట్టించుకోకుండా అడ్డగోలుగా కేటాయించారని నాయకులు పలుమార్లు కలెక్టర్‌, డీఈఓకు సైతం ఫిర్యాదు చేశారు. కామన్‌ సర్వీస్‌ రూల్స్‌ లేనందున లోకల్‌ బాడీ వారికి లోకల్‌ బాడీలో, గవర్నమెంట్‌ వారికి గవర్నమెంట్‌లో మాత్రమే కేటాయించాలని, డీఈఓ కార్యాలయం పూర్తిగా గవర్నమెంట్‌ పరిధిలో ఉంటుంది కాబట్టి లోకల్‌ బాడీలో ఉన్న ఉపాద్యాయుడికి టాస్‌ కోఆర్డినేటర్‌ పోస్టు కేటాయించవద్దని పేర్కొంటున్నారు. ● ఇదిలా ఉండగా వివిధ సంఘాల ఆధ్వర్యంలో ఏర్పడిన జేఏసీ నాయకులు డీఈఓ ప్రవీణ్‌కుమార్‌కు శుక్రవారం వినతిపత్రం అందజేశారు. ఈ సందర్భంగా వారు మాట్లాడుతూ 1214 జీఓ ప్రకారం లోకల్‌ బాడీ, గవర్నమెంట్‌ బాడీలో వారు ఎవరైనా కూడా ఆ పోస్టుకు అర్హులేని, ఎవరినైనా ఆ పోస్టులో నియమించవచ్చని పేర్కొన్నారు. కొంతమంది కావాలనే ఈ విషయాన్ని వివాదంగా మార్చుతున్నారని, త్వరలోనే దీనికి పరిష్కారం చూపాలని డిమాండ్‌ చేస్తున్నారు. ● ఈ విషయమై డీఈఓ ప్రవీణ్‌కుమార్‌ను వివరణ కోరగా గత జీఓలో గవర్నమెంట్‌ టీచర్స్‌ అని ఉందని, అయితే కోఆర్డినేటర్‌ నియామకంపై గత డీఈఓ విద్యాశాఖ కమిషనర్‌ సూచన మేరకు పోస్టును కేటాయించామని ఉత్తర్వుల్లో పేర్కొన్నారన్నారు. దీనిపై ఒక వర్గం గవర్నమెంట్‌ బాడీకి ఇవ్వాలని, మరో వర్గం లోకల్‌ బాడీకి ఇవ్వాలని ఫిర్యాదులు చేస్తున్నారని, ఈ విషయమై కమిషనర్‌కు ఫైల్‌ పంపించామన్నారు. అక్కడి నుంచి స్పష్టత వస్తే ఎవరిని కేటాయించాలనేది తెలుస్తుందని చెప్పారు. అక్రమంగా కేటాయించారని జీటీఏ సంఘం నాయకుల ఆరోపణ ఎవరికై నా ఇవ్వొచ్చని జేఏసీ నాయకుల వాదన స్పష్టత కోసం విద్యాశాఖ కమిషనర్‌కు ఫైల్‌ పంపిన డీఈఓ

అలంపూర్‌: పూర్వం సేంద్రియ ఎరువులతోనే వ్యవసాయం జరిగేది. అప్పట్లో రసాయన ఎరువులు, పురుగు మందులు వినియోగించకుండా సేంద్రియ ఎరువులతో పంటలు పండించే వారు. కాలక్రమేణ పెరుగుతున్న జనాభాకు అనుగుణంగా ఆహార దిగుబడులు పెంచడానికి ఆధునిక వంగడాలతో పాటు రసాయనాలు వినియోగించుకోవాల్సిన అవసరం నెలకొంది. రసాయన ఎరువులు, పురుగు మందులు అధికంగా వాడుతూ.. దిగుబడులు పెంచుకునే ప్రయత్నాలు చేస్తున్నారు. ఈ పరిస్థితులను అధిగమించి సేంద్రియ ఎరువులతో పంటల సాగు రైతులకు లాభదాయకంగా ఉంటుందని జిల్లా వ్యవసాయశాఖ అధికారి సక్రియ నాయక్‌ సూచించారు. వీటి వల్ల కలిగే లాభాలను రైతులకు వివరించారు. రసాయనాల వాడకంతో కలిగే నష్టాలు.. పంటల సాగులో విచక్షణరహితంగా బస్తాల కొద్దీ రసాయన ఎరువులను కుమ్మరించడంతో ఆ మందులను తట్టుకునే స్థాయి పంటలకు ఆశించే పురుగుకు పెరుగుతుంది. కాలక్రమేణ పురుగులు, తెగుళ్ల బెడద అధికమవుతుంది. మరోవైపు సాగు ఖర్చు విపరీతంగా పెరుగుతుంది. ఆహార ఉత్పత్తుల నాణ్యత తగ్గిపోతుంది. సరైన అవగాహన లేకుండా రసాయనాల వాడకం వల్ల వాటి అవశేషాలు నీటిలో, సాగు నేలలో కలిసి కలుషితమవుతాయి. మిత్ర కీటకాలు నశించి పర్యావరణంలో వాతావరణ కాలుష్యం ఏర్పడుతుంది. వీటి నివారణ కోసం వ్యవసాయంలో పురుగు మందులు, రసాయనాలు లేకుండా చూసుకోవాలి. ప్రపంచ ఆరోగ్య సంస్థ వ్యవసాయ ఒప్పందాల ప్రకారం మార్కెట్‌లో పోటీకి మన ప్రాంత రైతులు నిలవాలంటే నాణ్యమైన వ్యవసాయ ఉత్పత్తులకే ప్రాధాన్యం ఇవ్వాలి. సేంద్రియ విధానం.. సాగులో లింగాకర్షన బుట్టలు వాడాలి. పరిమితులకు లోబడి బీటీ వైరస్‌ శిలీంధ్రాన్ని వాడాలి. అందుకు గంధకం, రాగి ఉత్పత్తులు వాడవచ్చు. వృక్ష సంబంధ నూనెలను కొన్ని జాగ్రత్తలతో వినియోగించవచ్చు. వేప సంబంధిత ఉత్పత్తులు, పచ్చిరొట్ట, వర్మీ కంపోస్టు ఎరువులపై దృష్టిపెట్టాలి. పంటల నుంచి వచ్చే బూడిద, జీవన ఎరువులు, జిప్సం పంటల్లో వాడుకోవచ్చు. తక్కువ ఖర్చు.. జిల్లాలోని కొన్ని ప్రాంతాల్లో తక్కువ ఖర్చుతో వ్యవసాయం చేసే దిశగా రైతులు అడుగులు వేస్తున్నారు. అందులో భాగంగా సేంద్రియ వ్యవసాయంపై దృష్టి సారించారు. వానపాములు, పశువులు, కోళ్ల ఎరువుతో పాటు పచ్చి ఆకులు, పిండి చెక్కలు వినియోగిస్తున్నారు. తద్వారా నాణ్యమైన, రుచికరమైన ఉత్పత్తులను పండించి దేశానికి అందించాల్సిన అవసరం ఉంది. వ్యవసాయశాఖ ద్వారా చిన్న, సన్నకారు రైతులకు సైతం అందుబాటులో ఉండే వర్మీ కంపోస్టు బెడ్స్‌ను రూ. 5వేల సబ్సిడీపై రైతులు పొందవచ్చు. వ్యవసాయశాఖ పచ్చిరొట్ట విత్తనాలైన జీలుగు, జనుము, పిల్లి పెసర విత్తనాలను 5శాతం సబ్సిడీపై అందిస్తున్నారు. పాడి–పంట

అచ్చంపేట: శ్రీశైలం ఎడమగట్టు కాలువ(ఎస్‌ఎల్‌బీసీ) సొరంగం లోపల కన్వేయర్‌ బెల్టు పొడిగింపు పనులు దాదాపు పూర్తి అయ్యాయి. సొరంగం ప్రమాదం జరిగి శుక్రవారం నాటికి 49 రోజులు అవుతోంది. ప్రభుత్వ విపత్తు నిర్వహణ విభాగం, రెస్క్యూ టీములు, టన్నెల్‌ నిపుణుల సమన్వయంతో అత్యాధునిక సాంకేతిక పరిజ్ఞానం వినియోగించి సహాయక చర్యలు కొనసాగిస్తున్నారు. సహాయక బృందాలు నాలుగు రోజులు శ్రమించి 13.730 కిలోమీటరు నుంచి 13.800 కిలోమీటరు వరకు కన్వేయర్‌ బెల్టు జాయింట్‌ చేసి పొడిగించారు. మట్టి, బురద, రాళ్లు, టీబీఎం భాగాలు తొలగింపు పనులు వేగవంతంగా కొనసాగుతున్నాయి. తొలగించిన మట్టి ఎస్కవేటర్లతో కన్వేయర్‌ బెల్టుపై ఎత్తిపోస్తున్నారు. ఐదు ఎస్కవేటర్లతో సొరంగం లోపల తవ్వకాలు జరుగుతున్నాయి. తవ్వకాలకు ఆటంటకంగా మారిన నీటి ఊటను ఎప్పటికప్పుడు భారీ మోటార్ల సహాయంతో సొరంగం బయటకు పంపింగ్‌ చేస్తున్నారు. మిగిలిన 70 మీటర్ల ప్రదేశంలో శిథిలాలను పూర్తిగా తొలగించే పనిలో నిమగ్నమయ్యారు. సొరంగం పైకప్పు కూలిన అత్యంత ప్రమాదకరమైన 13.936 కిలోమీటరు ప్రదేశంలో ఇప్పట్లో తవ్వకాలు జరిపే అవకాశం లేదని సహాయక సిబ్బంది చెబుతున్నారు. ప్రభుత్వం నిర్దేశించిన గడువులో ఈ పనులు పూర్తి చేసి ప్రభుత్వానికి నివేదిక ఇవ్వనున్నట్లు తెలుస్తోంది. సొరంగం ప్రమాద ప్రదేశంలో మట్టి, బురద తవ్వకాలు కొనసాగుతున్నాయని, సహాయక చర్యలు ముమ్మరం చేశామని ప్రత్యేక అధికారి శివశంకర్‌ లోతేటి అన్నారు. శుక్రవారం సొరంగం ఇన్‌లెట్‌ వద్ద జేపీ కార్యాలయంలో సహాయక బృందాల ఉన్నతాధికారులతో సమీక్ష నిర్వహించారు. ఈసందర్భంగా వారు మాట్లాడుతూ ప్రమాద ప్రదేశంలో చిక్కుకున్న వారి ఆచూకీ కొనుకొనేందుకు సహాయక బృందాలు ఎంతో శ్రమిస్తున్నాయన్నారు. సొరంగం లోపల భారీగా పేరుకపోయిన మట్టి, బురద, రాళ్లు, టీబీఎం భాగాలను కత్తిరించే పనులు నిరాంతరాయంగా కొనసాగుతున్నాయని, తవ్వకాలు చేపట్టి ప్రదేశం నుంచి మట్టిని కన్వేయర్‌ బెల్టు ద్వారా సొరంగం బయటకు తరలిస్తున్నామన్నారు. ఉబికి వస్తున్న నీటి ఊటను భారీ మోటార్లతో పంపింగ్‌ చేస్తూ బయటకు తరలించే పనులు వేగంగా జరుగుతున్నాయని చెప్పారు. సమావేశంలో ఆర్మీ అధికారులు వికాస్‌సింగ్‌, విజయ్‌కుమార్‌, జేపీ కంపెనీ సీనియర్‌ ప్రాజెక్టు ఇంజినీర్‌ సంజయ్‌కుమార్‌ సింగ్‌, సింగరేణి మైన్స్‌ రెస్క్యూ జనరల్‌ మేనేజర్‌ బైద్య, ఎన్‌డీఆర్‌ఎఫ్‌ అధికారి గిరిధర్‌రెడ్డి, హైడ్రా అధికారి, దక్షిణ మధ్య రైల్వే అధికారి రవీంద్రనాథ్‌ పాల్గొన్నారు. 49 రోజులుగా శ్రమిస్తున్నా.. లభ్యం కాని ఆరుగురి ఆచూకీ

మహమ్మదాబాద్‌: ఉపాధి హామీ పథకం పనులకు వెళ్తూ ఓ మహిళా కూలీ మృతిచెందిన సంఘటన చోటు చేసుకుంది. వివరాల్లోకి వెళ్తే.. మహమ్మదాబాద్‌కు చెందిన మాల జయమ్మ(55) ఉపాధి కూలీకి వెళ్లి కుటుంబాన్ని పోషించుకునేది. ఈ క్రమంలో శుక్రవారం సైతం పాంపాండ్‌ పనుల కోసం ట్రాక్టర్‌పై వెళ్లేందుకు సిద్ధమయ్యారు. అయితే అకస్మాత్తుగా జయమ్మ సొమ్మ సిల్లిపడిపోగా.. వెంటనే ప్రాథమిక ఆస్పత్రికి తీసుకెళ్లగా అప్పటికే మృతిచెందినట్లు వైద్యులు నిర్ధారించారు. ఈమె వడదెబ్బ కారణంగా మృతిచెందిందా.. లేక అనారోగ్యంతో మృతిచెందిందా అన్నది తేలాల్సి ఉంది. జయమ్మకు భర్త జయప్రకాశ్‌, ఒక కుమారుడు ఉన్నారు. అధికారులు వివరాలు సేకరించి తగిన సహాయం చేసేందుకు ప్రయత్నిస్తామన్నారు. కాంక్రీట్‌ మిషన్‌ ఢీకొని వ్యక్తి దుర్మరణం గద్వాల క్రైం: కాంక్రీట్‌ మిషన్‌ ఢీకొని ఒకరు మృతిచెందిన ఘటన శుక్రవారం చోటు చేసుకుంది. గ్రామస్తుల కథనం మేరకు.. గద్వాల మండలం కొండపల్లికి చెందిన రైతు తెలుగు వెంకటన్న (53) మహిళా రైతు లక్ష్మితో కలిసి శుక్రవారం ఉదయం బ్యాంకు పని నిమిత్తం ద్విచక్ర వాహనంపై పూడూరుకు బయలుదేరారు. 99వ ప్యాకేజీ కాల్వ వద్ద సీసీ పనులకు వినియోగిస్తున్న కాంక్రీట్‌ వాహనం వెనుక నుంచి వచ్చి ఢీకొట్టడంతో వెంకటన్నకు తీవ్ర గాయాలయ్యాయి. దీంతో వెంటనే చికిత్స నిమిత్తం జిల్లా ప్రభుత్వ ఆస్పత్రికి తరలించారు. పరిస్థితి విషమంగా ఉండటంతో వైద్యుల సూచన మేరకు కర్నూలు ఆస్పత్రికి తరలిస్తుండగా మార్గమధ్యంలో మృతిచెందాడు. మహిళకు ఎలాంటి గాయాలు కాలేదు. ఈ ఘటనపై రూరల్‌ పోలీసులు కేసు నమోదు చేసుకొని విచారణ చేపట్టారు. యువకుడి బలవన్మరణం మల్దకల్‌: ఉరేసుకొని ఓ యువకుడు ఆత్మహత్య చేసుకున్న ఘటన మండల కేంద్రంలో శుక్రవారం చోటు చేసుకుంది. కుటుంబ సభ్యులు, పోలీసుల కథనం మేరకు.. మండల కేంద్రానికి చెందిన కుర్వ రామకృష్ణ (24)కు ఆరేళ్ల కిందట కృష్ణవేణితో వివాహం జరిగింది. వీరికి ముగ్గురు సంతానం. గ్రామంలో కూలీ పనులు చేసుకుంటూ కుటుంబాన్ని పోషించుకునేవాడు. ఈ క్రమంలో గద్వాలకు చెందిన ట్రాన్స్‌జెండర్‌ శ్రీవాణితో పరిచయం ఏర్పడింది. ఇటీవల వారి మధ్య మనస్పర్థలు రావడంతో శుక్రవారం తెల్లవారుజామున శ్రీవాణితో పాటు మరో ముగ్గురు ట్రాన్స్‌జెండర్లు ఇంటికి వెళ్లారు. అప్పటికే రామకృష్ణ ఉరేసుకొని వేలాడుతూ కనిపించడంతో వెంటనే ప్రత్యేక వాహనంలో చికిత్స నిమిత్తం గద్వాల ప్రభుత్వ ఆస్పత్రికి తరలించారు. అక్కడ వైద్యులు పరీక్షించి అప్పటికే మృతి చెందినట్లు నిర్ధారించారు. ట్రాన్స్‌జెండర్‌ వేధింపులతోనే తమ కుమారుడు ఆత్మహత్య చేసుకున్నాడని.. మృతికి కారణమైన వారిపై కఠిన చర్యలు తీసుకోవాలంటూ తల్లిదండ్రులు, కుటుంబ సభ్యులు గద్వాల ప్రభుత్వ ఆస్పత్రి ఎదుట ఆందోళన చేపట్టారు. గతంలో జిల్లాకేంద్రంలో ట్రాన్స్‌జెండర్‌ వేధింపులతో ఓ వ్యక్తి మృతిచెందిన ఘటన మరువక ముందే మల్దకల్‌లో మరో సంఘటన చోటు చేసుకోవడం చర్యనీయాంశమైంది. తల్లిదండ్రుల ఫిర్యాదు మేరకు అనుమానాస్పద మృతిగా కేసు నమోదు చేసుకొని దర్యాప్తు చేపడుతున్నట్లు ఎస్‌ఐ నందికర్‌ వివరించారు. ఇల్లు దగ్ధం.. త్రుటిలో తప్పిన ప్రమాదం మక్తల్‌: వంట గ్యాస్‌ లీకేజీతో మంటలు చెలరేగి ఇల్లు దగ్ధమైన ఘటన మండలంలోని కర్నిలో శుక్రవారం సాయంత్రం చోటు చేసుకుంది. గ్రామస్తుల కథనం మేరకు.. గ్రామంలో జరుగుతున్న బీరప్ప ఉత్సవాల సందర్భంగా గ్రామానికి చెందిన రాంపూర్‌ నర్సింహులు తన ఇంట్లో కొంత భాగాన్ని బీరప్ప భక్తులకు అద్దెకిచ్చాడు. శుక్రవారం ఇంట్లో వంట చేస్తుండగా గ్యాస్‌ లీకేజీ ఏర్పడి మంటలు చెలరేగగా చుట్టుపక్కల వారు గమనించి ఆర్పివేశారు. అప్పటికే ఫ్యాన్‌, బీరువా, నిత్యావసర సరుకులతో పాటు ఇంటి పైకప్పు రేకులు కాలిపోయాయి. విద్యుదాఘాతంతో వ్యక్తి మృతి మాగనూర్‌: విద్యుత్‌ షాక్‌తో వ్యక్తి మృతి చెందిన సంఘటన మాగనూరు మండలంలోని అడవిసత్యారంలో చోటు చేసుకుంది. గ్రామస్తులు తెలిపిన వివరాల ప్రకారం.. కర్ణాటక రాష్ట్రం సింధనూర్‌కు లక్ష్మణ్‌ (40) కొంతకాలంగా కృష్ణ మండలం చెక్‌పోస్టు ప్రాంతానికి చెందిన ఓ వ్యక్తి దగ్గర వరికోత మిషన్‌కు డ్రైవర్‌గా పని చేస్తున్నాడు. ప్రస్తుతం యాసంగి వరి కోతల నేపథ్యంలో అడవిసత్యారం గ్రామ శివారులో వరికోత పనులు సాగిస్తుండగా.. పొలంలోని విద్యుత్‌ వైర్లు మిషన్‌కు తాకడంతో దానిపై ఉన్న లక్ష్మణ్‌ విద్యుదాఘాతానికి గురై.. అక్కడికక్కడే మృతి చెందాడు. ముందుగా ఈ విషయాన్ని గోప్యంగా ఉంచే ప్రయత్నం చేసినా.. గ్రామంలో ఆనోటా ఈ నోటా పడి.. అందరికి తెలిసింది. దీంతో మృతదేహాన్ని మక్తల్‌ ప్రభుత్వ ఆస్పత్రికి తరలించారు. ఈ ఘటనపై తమకు ఎలాంటి ఫిర్యాదు అందలేదని పోలీసులు తెలిపారు.

మహబూబ్‌నగర్‌ క్రీడలు: జిల్లా కేంద్రంలో శనివా రం, ఆదివారాల్లో ఇన్విటేషన్‌ ఫుట్‌బాల్‌ టోర్నీ నిర్వహించనున్నారు. స్థానిక మెయిన్‌ స్టేడియంలో ఫుట్‌బాల్‌ మ్యాచ్‌లు జరగనున్నాయి. ఏపీ, తెలంగాణ రాష్ట్రాల నుంచి నాలుగు జట్లు పాల్గొంటున్నాయి. విశాఖపట్నం, నెల్లూరు, ఏపీ స్పోర్ట్స్‌ స్కూల్‌ పూర్వ విద్యార్థులు, మహబూబ్‌నగర్‌ జట్లు టోర్నీకి హాజరవుతున్నాయి. 40 ఏళ్లకు పైబడి క్రీడాకారులు ఫుట్‌బాల్‌ మ్యాచులు ఆడనున్నారు. రౌండ్‌రాబిన్‌ లీగ్‌ పద్ధతిలో ఈ మ్యాచ్‌లు జరగనున్నాయి. టోర్నీలో ఆరు మ్యాచ్‌లు జరగనున్నాయి. ఎక్కువ పాయింట్లు సాధించిన జట్లు విన్నర్‌, రన్నరప్‌గా నిలుస్తాయి. మొదటిసారిగా జిల్లా కేంద్రంలో ఇన్విటేషన్‌ ఫుట్‌బాల్‌ టోర్నమెంట్‌ నిర్వహిస్తుండడంగా విజయవంతం కోసం ఫుట్‌బాల్‌ సంఘం ప్రతినిధులు అన్ని ఏర్పాట్లు చేస్తున్నారు. మెయిన్‌ స్టేడియంలో ఫుట్‌బాల్‌ ఇన్విటేషన్‌ టోర్నీ ఏర్పాట్లను శుక్రవారం జిల్లా ఫుట్‌బాల్‌ సంఘం ప్రధాన కార్యదర్శి భానుకిరణ్‌, ఇన్విటేషన్‌ ఫుట్‌బాల్‌ టోర్నమెంట్‌ ఆర్గనైజింగ్‌ సెక్రటరీ ఇమ్మాన్యుయెల్‌ జేమ్స్‌, రామకృష్ణ, శశిధర్‌, రాజశేఖర్‌, నాగేశ్‌, కె.రాజేందర్‌ పరిశీలించారు. ఇన్విటేషన్‌ ఫుట్‌బాల్‌ టోర్నమెంట్‌ కోసం అన్ని ఏర్పాట్లు చేస్తున్నట్లు తెలిపారు. టోర్నీ విజయవంతంగా నిర్వహిస్తామని అన్నారు. టోర్నీ ప్రారంభోత్సవంలో జిల్లా ఫుట్‌బాల్‌ సంఘం అధ్యక్షులు, సీనియర్‌ క్రీడాకారులు ఎన్‌పీ వెంకటేశ్‌, ఉపాధ్యక్షులు టీఎస్‌.రంగారావు, శంకర్‌లింగం, రాయల రమేష్‌, ప్రేమ్‌రాజ్‌ తదితరులు ముఖ్య అతిథులుగా హాజరవుతారని తెలిపారు. తెలుగు రాష్ట్రాల నుంచి నాలుగు జట్ల హాజరు రౌండ్‌రాబిన్‌ లీగ్‌ పద్ధతిలో మ్యాచ్‌లు

స్టేషన్‌ మహబూబ్‌నగర్‌: మహాత్మా జ్యోతిరావు పూలే ఆశయాలను కొనసాగిస్తామని ఎమ్మెల్యే యెన్నం శ్రీనివాస్‌రెడ్డి అన్నారు. జ్యోతిబాఫూలే జయంతి సందర్భంగా శుక్రవారం స్థానిక పద్మావతీకాలనీలోని పూలే విగ్రహానికి ఎమ్మెల్యే యెన్నం శ్రీనివాస్‌రెడ్డి, కలెక్టర్‌ విజయేందిర, అధికారులు, బీసీ సంఘాల నాయకులు పూలమాలలు ఘనంగా నివాళులర్పించారు. ఈ సందర్భంగా ఎమ్మెల్యే మాట్లాడుతూ ఇంట్లో ఒక్క మహిళ చదువుకుంటే ఆ ఇంట్లో వాళ్లందరూ విద్యావంతులు అవుతారని నమ్మిన వ్యక్తి పూలే అని అన్నారు. బ్రిటీష్‌ వారి కాలంలోనే చదువు అంటే ఎవరికి తెలియని సమయంలో మన పిల్లలు చదువుకోవాలని, ముఖ్యంగా మహిళల కోసం ఎన్నో పాఠశాలలు ఏర్పాటు చేసిన విద్యను అందించిన ఘనత ఆ మహనీయుడిదని అని కొనియాడారు. ఆయన ఆలోచనా విధానాన్ని అందిపుచ్చుకొని జిల్లాలో కలెక్టర్‌ సహకారంతో విద్య మీద ప్రత్యేక దృష్టి పెట్టి పేద వర్గాలు, బడుగు బలహీన వర్గాల పిల్లలకు అత్యుత్తమమైన విద్యను అందించే కార్యక్రమంతో ఇప్పుడు ముందుకు సాగుతున్నట్లు తెలిపారు. వెజ్‌, నాన్‌వెజ్‌ మార్కెట్‌ను లర్నింగ్‌ సెంటర్‌గా మార్పు చేసి, మున్సిపల్‌ కార్పొరేషన్‌కు అప్పగించే జీఓ త్వరలో రాబోతుందన్నారు. దానికి అంబేద్కర్‌ లర్నింగ్‌ సెంటర్‌ అని నామకరణ చేయనున్నట్లు తెలిపారు. కలెక్టర్‌ మాట్లాడుతూ అంటరాని తనం నిర్మూలన, కులవివక్ష, మహిళ విద్యకు కృషి చేసిన మహానీయుడని అన్నారు. బీసీ స్టడీ సర్కిల్‌లో శిక్షణ పొంది గ్రూప్‌–1లో ఎంపికైన నాగర్‌కర్నూల్‌ జిల్లాకు చెందిన శ్రీకాంత్‌ను సన్మానం చేశారు. కార్యక్రమంలో ముడా చైర్మన్‌ లక్ష్మణ్‌యాదవ్‌, మార్కెట్‌ కమిటీ చైర్‌పర్సన్‌ బెక్కరి అనిత, మాజీ మున్సిపల్‌ చైర్మన్‌ ఆనంద్‌గౌడ్‌, నాయకులు వినోద్‌కుమార్‌, సంజీవ్‌ ముదిరాజ్‌, ఎన్‌పీ వెంకటేశ్‌, జహీర్‌ అక్తర్‌, చంద్రకుమార్‌గౌడ్‌, సిరాజ్‌ఖాద్రీ, బీసీ సంక్షేమశాఖ అధికారి ఇందిర, డీపీఆర్‌ఓ శ్రీనివాస్‌, తదితరులు పాల్గొన్నారు.

అడ్డాకుల: వరి ధాన్యం కొనుగోలు కేంద్రాలకు ధాన్యం తీసుకొచ్చే రైతులకు ఎలాంటి ఇబ్బందులు రాకుండా అధికారులు కొనుగోళ్లు చేపట్టాలని కలెక్టర్‌ విజయేందిర బోయి సూచించారు. అడ్డాకుల మండలం పొన్నకల్‌లో ఐకేపీ ద్వారా ఏర్పాటు చేసిన వరి ధాన్యం కొనుగోలు కేంద్రాన్ని శుక్రవారం ఆమె పరిశీలించారు. ధాన్యం కొనుగోళ్లకు సరిపడే విధంగా గన్నీ బ్యాగులు అందుబాటులో ఉన్నాయా అని ఆరా తీశారు. కొనుగోళ్లకు సరిపడే విధంగా పౌర సరఫరాల సంస్థ ద్వారా గన్నీ బ్యాగులను తెచ్చి సిద్ధంగా ఉంచుకోవాలని చెప్పారు. కొనుగోలు కేంద్రం ద్వారా ఇప్పటి వరకు జరిపిన వివరాలను తెలుసుకున్నారు. కొనుగోలు కేంద్రం వద్ద ఉన్న సౌకర్యాలను పరిశీలించారు. రైతులు ఆరబెట్టిన ధాన్యాన్ని తెచ్చి మద్దతు ధర పొందాలని చెప్పారు. తేమ 17శాతానికి మించకుండా ధాన్యా న్ని కొనుగోలు కేంద్రాలకు తెచ్చేలా అధికారులు రైతులను చైతన్యం చేయాలని సూచించారు. తగిన విధంగా తేమ శాతం ఉండేలా రైతులు జాగ్రత్తలు తీసుకుంటే కొనుగోలు కేంద్రాలు, రైస్‌ మిల్లుల వద్ద ఇబ్బందులు తలెత్తవన్నారు. సన్న వడ్లు క్వింటాల్‌కు రూ.500 బోనస్‌ ఇస్తున్నట్లు వివరించారు. పెద్దవాగులో ఇసుక రీచ్‌ పరిశీలన పొన్నకల్‌ శివారులోని పెద్దవాగును కలెక్టర్‌ విజయేందిర పరిశీలించారు. ఇందిరమ్మ ఇళ్ల లబ్ధిదారులకు స్థానిక ఇసుక రీచ్‌ల నుంచి మన ఇసుక వాహనం ద్వారా ఉచితంగా ఇసుక తరలించేలా అధికారులు తగిన ఏర్పాట్లు చేయాలని ఆదేశించారు. దీనిపై స్థానిక మండల అధికారులతో కలెక్టర్‌ మాట్లాడి తగిన సూచనలు చేశారు. కలెక్టర్‌ వెంట తహసీల్దార్‌ శేఖర్‌, ఎంపీడీఓ శ్రీనివాస్‌, ఏపీఎం సుధీర్‌కుమార్‌ తదితరులు ఉన్నారు.

దేవరకద్ర: మండలంలోని బల్సుపల్లిలో గురువారం రాత్రి కురిసిన వడగండ్ల వర్షానికి దాదాపు 180 ఎకరాల్లో వరిపంటకు నష్టం వాటిల్లింది. దెబ్బతిన్న పంటను శుక్రవారం ఏఓ రాజేందర్‌ అగర్వాల్‌ పరిశీలించారు. వడగండ్ల వర్షానికి జరిగిన పంటనష్టంపై అధికారులకు నివేదిక అందిస్తామన్నారు. తడిచిన ధాన్యం పరిశీలన దేవరకద్ర రూరల్‌: అకాల వర్షంతో దేవరకద్ర మార్కెట్‌ యార్డులో తడిచిన ధాన్యాన్ని తహసీల్దార్‌ కృష్ణయ్య పరిశీలించారు. గురువారం రాత్రి కురిసిన వర్షానికి తడిసిన ధాన్యాన్ని ఉన్నతాధికారుల అదేశాల మేరకు తహసీల్దార్‌ పరిశీలించి.. రైతుల వివరాలు నమోదు చేసుకున్నారు. నష్టపోయిన రైతులను ఆదుకుంటామని తెలిపారు.

జెడ్పీసెంటర్‌(మహబూబ్‌నగర్‌):జిల్లాలోని పరిశ్రమల స్థాపనకు వివిధ శాఖల నుంచి అనుమతులను గడువులోగా మంజూరు చేయాలని కలెక్టర్‌ విజయేందిర ఆదేశించారు. శుక్రవారం కలెక్టరేట్‌లోని తన చాంబర్‌లో పరిశ్రమలపై సమీక్ష నిర్వహించారు. ఈ సందర్భంగా ఆమె మాట్లాడుతూ టీజీ ఐ–పాస్‌ కింద వివిధ శాఖల ద్వారా మంజూరు చేయాల్సిన అనుమతులను సమీక్షించి, నిర్దేశిత గడువు లోగా జారీ చేయాలన్నారు. వివిధ శాఖల ద్వారా చేయవలసిన పనులు మరియు మంజూరులను త్వరితగతిన పూర్తయ్యేలా చూడాలన్నారు. టీ ప్రైడ్‌ పథకం కింద షెడ్యూల్‌ కులాలకు చెందిన వారికి 4, షెడ్యూల్‌ ట్రైబ్‌ చెందిన వారికి 2 చొప్పున వాహన పెట్టుబడి సబ్సిడీ మంజూరుకు కమిటీ ఆమోదం తెలిపింది. కార్యక్రమంలో జిల్లా పరిశ్రమల జనరల్‌ మేనేజర్‌ పి.ప్రతాప్‌రెడ్డి, జిల్లా పంచాయతీ అధికారి పార్థసారథి, భూగర్భజల వనరులశాఖ డీడీ రమాదేవి, ఎల్‌డీఎం భాస్కర్‌ పాల్గొన్నారు. ఆర్టీసీ డిప్యూటీ ఆర్‌ఎంగా భవానీప్రసాద్‌ స్టేషన్‌ మహబూబ్‌నగర్‌: మహబూబ్‌నగర్‌ ఆర్టీసీ డిప్యూటీ ఆర్‌ఎం(ఎం)గా ఎస్‌.భవానీప్రసాద్‌ బదిలీపై వచ్చారు. ఖమ్మం రీజి యన్‌లో డిప్యూటీ ఆర్‌ఎంగా పనిచేస్తున్న ఇత ను ఇటీవల బదిలీపై ఇక్కడికి వచ్చి బాధ్యతలు చేపట్టారు. డిప్యూటీ ఆర్‌ఎం(ఎం)గా పనిచేసిన శ్యామల హైదరాబాద్‌లోని మియాపూర్‌కు బదిలీపై వెళ్లారు. ముగిసిన జాబ్‌మేళా మహబూబ్‌నగర్‌ మున్సిపాలిటీ: జిల్లా కేంద్రంలోని ఎన్టీఆర్‌ ప్రభుత్వ మహిళా డిగ్రీ కళాశాలలో రెండు రోజుల పాటు నిర్వహించిన జాబ్‌మేళాకు 380 మంది విద్యార్థులు హాజరయా ్యరు. టీఎస్‌కేసీ, సైంట్‌ ఫౌండేషన్‌ ఆధ్వర్యంలో చేపట్టిన ఈ జాబ్‌మేళాలో 120 మందిని ఉద్యోగాలకు ఎంపిక చేశారు. ఈ సందర్భంగా కళాశాల ప్రిన్సిపాల్‌ ప్రొఫెసర్‌ వి.రాజేంద్రప్రసాద్‌ మాట్లాడుతూ ఇలాంటి అవకాశాలు మరిన్ని వస్తాయని, అందరూ ఉపయోగించుకోవాలన్నారు. కార్యక్రమంలో ఐక్యూసీ కో–ఆర్డినేటర్‌ డా.జె.శ్రీదేవి, టీఎస్‌కేసీ కో–ఆర్డినేటర్‌ డా.హరిబాబు, మెంటర్‌ పి.స్వరూప, సైంట్‌, టీఎంఐ ప్రాజెక్టు మేనేజర్‌ వికాస్‌, ఐసీఐసీఐ బ్యాంకు హెచ్‌ఆర్‌ కిరణ్‌ పాల్గొన్నారు. వైభవంగా అయ్యప్పస్వామి పంబ ఆరట్టు స్టేషన్‌ మహబూబ్‌నగర్‌: అఖిలభారత అయ్యప్పదీక్ష ప్రచార సమితి పాలమూరు ఆధ్వర్యంలో శుక్రవారం అయ్యప్పస్వామి పంబ ఆరట్టు (చక్రస్నానం) వేడుకలు వైభవంగా నిర్వహించారు. ఈ సందర్భంగా ఇరువింటి శ్రవణ్‌కుమార్‌ శర్మ, మోనేష్‌, పవన్‌ ఆధ్వర్యంలో స్థానిక చెలిమేశ్వర శివాలయం ఊటబావిలో ప్రత్యేక పూజలు చేశారు. అనంతరం గురుస్వామి రఘుపతిశర్మ ఆధ్వర్యంలో అయ్యప్ప పడిపూజ నిర్వహించారు. ప్రచార సమితి అధ్యక్షుడు సీమ నరేందర్‌, రామేశ్వర్‌, సతీష్‌, సంతోష్‌, శ్రీనుస్వామి, యుగంధర్‌, సత్యం, రఘురాంగౌడ్‌, కొండల్‌, కురుమయ్య పాల్గొన్నారు. హక్కులు ఎంత ముఖ్యమో.. విధులు అంతే ముఖ్యం హన్వాడ: రాజ్యాంగంలోని చట్టాల ప్రకారం హక్కులు ఎంత ముఖ్యమో విధులు సైతం అంతే ముఖ్యమని, ఇవి ప్రతి పౌరుడికి వర్తిస్తాయని జిల్లా న్యాయసేవ అధికారి సంస్థ కార్యదర్శి సీనియర్‌ సివిల్‌ జడ్జి డి.ఇందిర అన్నారు. శుక్రవారం పల్లెమోని కాలనీ పంచాయతీలోని గురుకుల పాఠశాలలో అంబేద్కర్‌ జయంతిని నిర్వహించారు. అనంతరం ఆమె ఉపాధ్యాయులకు, విద్యార్థులకు చట్టాలపై అవగాహన కల్పించారు. ప్రతి ఒక్కరూ ప్రాథమిక హక్కులు, విధుల పట్ల బాధ్యతగా మెలగాలని సూచించారు. బాలకార్మిక వ్యవస్థ నిర్మూలన, బాల్యవివాహాల నిర్మూలన, మాన వ అక్రమ రవాణా అరికట్టడం, వెట్టిచాకిరి విముక్తి వంటి చర్యలపై అవగాహన కల్పించారు. కార్యక్రమంలో తహసీల్దార్‌ కృష్ణనాయక్‌, ఎంపీడీఓ యశోదమ్మ, పాఠశాల ప్రిన్సిపాల్‌ స్రవంతి తదితరులు పాల్గొన్నారు.

మహబూబ్‌నగర్‌/నాగర్‌ కర్నూల్‌: శ్రీశైలం ఎడమగట్టు కాలువ (ఎస్‌ఎల్‌బీసీ) సొరంగం ప్రమాద ఘటనలో చిక్కుకున్న వారి ఆచూకీ కోసం అధికారుల ప్రయత్నాలు కొనసాగుతున్నాయి. ప్రమాదం జరిగి గురువారం నాటికి 48 రోజులు అవుతోంది. సొరంగం పైకప్పు కూలిన ప్రదేశంలో సహాయక సిబ్బంది నిరంతరాయంగా పనులు చేపడుతున్నారు. నిత్యం సహాయక సిబ్బంది 20 మీటర్ల మేర తవ్వకాలు చేపడుతూ శిథిలాలను బయటకు తరలిస్తున్నారు.సొరంగం పైకప్పు కూలిన ఘటనలో ఎనిమిది మంది కారి్మకులు చిక్కుకోగా, మార్చి 9న టీబీఎం ఆపరేటర్‌ గురుప్రీత్‌సింగ్‌ మృతదేహాన్ని డీ2 ప్రదేశంలో వెలికితీశారు. మార్చి 25న ప్రాజెక్టు ఇంజనీర్‌ మనోజ్‌కుమార్‌ మృతదేహాన్ని కనుగొన్నారు. ప్రస్తుతం శిథిలాల కింద చిక్కుకున్న ఆరుగురి అచూకీ కోసం సహాయక చర్యలు కొనసాగుతున్నాయి.సొరంగం లోపల 13.73 కిలోమీటరు నుంచి 13.8 కిలోమీటరు వరకు కన్వేయర్‌ బెల్టును పొడిగించేందుకు గురువారం లోకో ట్రైన్‌ ద్వారా కన్వేయర్‌ బెల్టు, ఇతర సామగ్రిని సొరంగం లోపలికి తరలించారు. ప్రమాద స్థలం వరకు కన్వేయర్‌ బెల్టును పొడిగిస్తూ మట్టిని తవ్వే ప్రక్రియను మరింత వేగవంతం చేశారు. వారం రోజుల్లో శిథిలాల తొలగింపును పూర్తి చేసేందుకు సహాయక సిబ్బంది కృషి చేస్తున్నారు.

మహబూబ్‌నగర్‌ క్రైం: మొబైల్‌ ఫోన్లు చోరీకి గురైన వారితో పాటు పలు సందర్భాల్లో జారవిడుచుకున్న ప్రతి ఒక్కరి ఫోన్లు సీఈఐఆర్‌ పోర్టల్‌ ద్వారా ట్రాక్‌ చేసి తిరిగి పొందే అవకాశం ఉందని ఎస్పీ డి.జానకి అన్నారు. టూటౌన్‌ పోలీస్‌స్టేషన్‌ పరిధిలో దొంగతనానికి గురైన ఫోన్లతో పాటు జారవిడుచుకున్న వంద మంది బాధితుల సెల్‌ఫోన్‌లను గురువారం జిల్లా పరేడ్‌ మైదానంలో ఎస్పీ అందించారు. ఈ సందర్భంగా ఆమె మాట్లాడుతూ చోరీ జరిగిన వెంటనే సీఈఐఆర్‌ పోర్టల్‌ ద్వారా ఫిర్యాదు చేయడం వల్ల చోరీకి గురైన ఫోన్లు సాంకేతిక పరిజ్ఞానం ద్వారా గుర్తించవచ్చునని తెలిపారు. ఇది ప్రభుత్వం ప్రవేశపెట్టిన ప్రగతిశీల టెక్నాలజీపై ఆధారపడిన ఒక గొప్ప సాధనమని తెలిపారు. అలాగే సైబర్‌ నేరాల్లో డిజిటల్‌ అరెస్ట్‌, ఓటీపీ మోసాలు, బ్యాంకింగ్‌ మోసాలపై అప్రమత్తంగా ఉండాలని సూచించారు. ఈ సందర్భంగా ఉత్తమ పనితీరు కనబరిచిన సిబ్బందిని ఎస్పీ నగదు రివార్డుతో సత్కరించారు. కార్యక్రమంలో ఏఎస్పీలు రాములు, సురేష్‌కుమార్‌, డీఎస్పీలు రమణారెడ్డి, శ్రీనివాసులు, టూటౌన్‌ సీఐ ఇజాజుద్దీన్‌, ఎస్‌ఐ విజయ్‌భాస్కర్‌, తదితరులు పాల్గొన్నారు.

దేవరకద్ర/అడ్డాకుల: జిల్లాలో పలు ప్రాంతాల్లో ఓ మోస్తరు వర్షం కురవగా.. దేవరకద్ర మార్కెట్‌లో ధాన్యం తడిసింది. గురువారం సాయంత్రం ఈదురుగాలులతో కూడిన భారీ వర్షం కురవడంతో మార్కెట్‌ యార్డులో కుప్పలుగా పోసిన ధాన్యం తడిసి ముద్దయింది. వరి కోతలు ప్రారంభం కావడంతో దాదాపు నాలుగు వేల బస్తాల ధాన్యం మార్కెట్‌ వచ్చింది. మధ్యాహ్నం వరకు టెండర్ల ప్రక్రియ పూర్తి చేశారు. తూకాలు వేసిన ధాన్యం బస్తాలపై తాట్‌పాల్‌ కవర్లు కప్పినప్పుటికీ ఆలస్యంగా అమ్మకానికి తెచ్చిన ధాన్యం కుప్పలు మార్కెట్‌ యార్డు ఆవరణలోనే ఉండడంతో వర్షానికి ధాన్యం తడిపోయింది. నీటిలో కొట్టుకుపోకుండా రైతులు చాలా ప్రయత్నాలు చేశారు. దాదాపు 400 బస్తాల ధాన్యం తడిసిపోయిందని, ఎంతో ఆశతో అమ్ముకుందామని తెస్తే.. వర్షం ముంచేసిందని రైతులు ఆందోళన వ్యక్తం చేశారు. మూసాపేట మండలంలోని మూసాపేట, జానంపేట, చక్రాపూర్‌, వేముల, సంకలమద్ది, నిజాలాపూర్‌, కొమిరెడ్డిపల్లి, దాసర్‌పల్లి, నందిపేట, అడ్డాకుల మండలంలోని శాఖాపూర్‌, గుడిబండ, పొన్నకల్‌, రాచాల గ్రామాల్లో వర్షం కురిసింది. సర్వీస్‌ రోడ్లపై రైతులు ఆరబోసుకున్న ధాన్యం తడిసిపోయింది. మహబూబ్‌నగర్‌ పట్టణంతో పాటు జడ్చర్ల, భూత్పూర్‌ మండలాల్లో 15 నిమిషాల పాటు ఈదురుగాలులతో కూడిన వర్షం కురిసింది.

వనపర్తి/కొత్తకోట రూరల్‌: బంగారు షాపుల్లో నగలు కొనుగోలు చేసేందుకు వచ్చినట్టు గుంపుగా వచ్చి షాపులోని వారిని మాటల్లో పెట్టి బంగారు చోరీకి పాల్పడుతున్న దొంగల ముఠాను కొత్తకోట పోలీసులు అరెస్ట్‌ చేశారు. ఈ నెల 3న కొత్తకోట పట్టణంలోని శివ హనుమాన్‌ జూవెలర్స్‌లో మధ్యాహ్నం షాపు యజమాని లేని సమయంలో ముగ్గురు ఆడవాళ్లు ముగ్గురు చిన్నారులతో కలిసి బంగారు కొనుగోలు చేసేందుకు వచ్చారు. షాపులో పనిచేసే వాళ్లను మాటల్లో పెట్టి రూ.6లక్షల విలువ చేసే బంగారు బిస్కెట్‌ను దొంగిలించారు. షాపులోని సీసీ కెమెరాల్లో దొంగతనం జరిగినట్టు తెలుసుకుని షాపు యజమాని విశ్వమోహన్‌ అదేరోజు కొత్తకోట పోలీస్‌ స్టేషన్‌లో ఫిర్యాదు చేశాడు. దీంతో కొత్తకోట ఎస్‌ఐ ఆనంద్‌, సీఐ రాంబాబు ఆధ్వర్యంలో రెండు పోలీస్‌ బృందాలను ఏర్పాటు చేసి దొంగలను పట్టుకునే పనిలో పడ్డారు. గురువారం పట్టణంలో అనుమానంగా తిరుగుతున్న మహిళలను పట్టుకుని తమదైన శైలీలో విచారించగా, చేసిన దొంగతనం ఒప్పుకున్నారు. నేరస్తుల వివరాలను జిల్లా కేంద్రంలో డీఎస్పీ వెంకటేశ్వర్‌రావు మీడియాకు వెల్లడించారు. మహారాష్ట్రకు చెందిన నందకిషోర్‌ పవార్‌, రోహిత్‌ మచ్చీంద్ర, ఆకాష్‌ అంకూష్‌ పదుల్కర్‌ అలియాస్‌ అజయ్‌, సోనాలి, నిర్మలబాయితో పాటు ఇద్దరు బాలికలు ముఠాగా ఏర్పడి ఈనెల కొత్తకోటకు వచ్చి ఓ లాడ్జిలో రూంను తీసుకున్నారు. 3న ఉదయం పట్టణంలోని బంగారు షాపులను రెక్కి నిర్వహించారు. షాపులో యజమాని లేకపోవడం, పనిచేసే అబ్బాయి ఉన్నాడని చూసుకుని శివహనుమాన్‌ జూవెలర్స్‌ షాపులో బంగారు కొనేందుకు వెళ్లారు. షాపులో పనిచేసే అబ్బాయికి అడ్డంగా మహిళలు నిలబడి మాటల్లో పెట్టగా షాపులోని కౌంటర్‌లో గల రూ.6లక్షల విలువ చేసే బంగారు బిస్కెట్‌ను ముఠాలోని బాలిక దొంగతనం చేసింది. పథకం ప్రకారం పని పూర్తయిందని గమనించిన ముఠా సభ్యులు బయటకు వచ్చి అక్కడి నుంచి ఆటోలో కొద్ది దూరం వెళ్లారు. ముఠాలోని మగవారు వారికోసం కారును పెట్టుకొని ఎదురు చూస్తుండగా ఆటోలో వచ్చిన ఆడవాళ్లు కారులో ఎక్కి కర్నూల్‌ వైపు వెళ్లిపోయారు. కేసు నమోదు చేసి త్వరగా ఛేదించినందుకు ఎస్‌ఐ ఆనంద్‌ను, పట్టుకునేందుకు బృందాలుగా ఏర్పాటు చేసిన సీఐ రాంబాబును, సీసీఎస్‌ ఎస్‌ఐ రామరాజు, కానిస్టేబుల్స్‌ యుగంధర్‌గౌడ్‌, సత్యనారాయణయాదవ్‌, మురళి, మహిళా కానిస్టేబుళ్లు ప్రవళికతో పాటు సిబ్బందిని డీఎస్పీ అభినందించారు. ప్రతి షాపుల్లో సీసీ కెమెరాలు ఏర్పాటు చేసుకోవాలని షాపు యజమానులకు డీఎస్పీ సూచించారు. రూ.6 లక్షల బంగారు, కారు స్వాధీనం

● అంగరంగ వైభవంగా పెద్ద తేరు మహోత్సవం ● జనసంద్రమైన సిర్సనగండ్ల ● మార్మోగిన శ్రీరామ నామం చారకొండ: వేదపండితుల మంత్రోచ్ఛరణాలు.. భక్తుల జయజయ ధ్వానాల మధ్య అపరభద్రాద్రి సిర్సనగండ్ల సీతారామచంద్రస్వామి రథ చక్రాలు ముందుకు కదిలాయి. శ్రీరామ నవమిని పురస్కరించుకొని నిర్వహించిన బ్రహ్మోత్సవాలు అంగరంగ వైభవంగా కొనాసాగుతున్నాయి. ఇందులో భాగంగా గురువారం తెల్లవారుజామున నిర్వహించిన రథోత్సవం (పెద్ద తేరు) కనుల పండువగా సాగింది. రంగురంగుల పూలతో శోభాయమానంగా అలంకరించిన రథంపై సీతారామలక్ష్మణ ఉత్సవ విగ్రహాలను ఉంచి అర్చకులు ప్రత్యేక పూజలు చేశారు. ఆలయ చైర్మన్‌ రామశర్మ, ఈఓ ఆంజనేయులు రథాన్ని లాగి ప్రారంభించారు. ప్రధాన ఆలయం నుంచి ముక్కిండి పోచమ్మ, దత్తాత్రేయ మందిరం వరకు లాగి తిరిగి ఆలయానికి తీసుకొచ్చారు. పెద్ద తేరు వేడుక అర్ధరాత్రి 2 నుంచి ఉదయం 6 గంటల వరకు చూడముచ్చటగా సాగగా.. ఆలయ ప్రాంగణం శ్రీరామ నామంతో మార్మోగింది. వివిధ ప్రాంతాల నుంచి తరలివచ్చిన భక్తులతో ఆలయ పరిసరాలు జనసంద్రంగా మారాయి. రథోత్సవంలో కళాకారుల కోలాటాలు, ఆటపాటలు అలరించారు. రాత్రికి స్వామివారికి నాగబలి, పూర్ణాహుతి, గజవాహన సేవ, దీపోత్సవం కార్యక్రమాలు నిర్వహిస్తామని చైర్మన్‌, ఈఓ తెలిపారు. స్వామివారి దర్శనం కోసం క్యూలైన్‌లో భక్తులు బారులుదీరారు. స్వామివారి దర్శనం అనంతరం అమ్మవారు, శివదత్తాత్రేయ ఆలయాలను దర్శించుకొని మొక్కులు తీర్చుకున్నారు. భక్తులు కుటుంబ సమేతంగా తరలివచ్చి జాతరలో ఉత్సాహంగా గడిపారు. రథోత్సవం సందర్భంగా ఎలాంటి అవాంఛనీయ ఘటనలు చోటు చేసుకోకుండా డీఎస్పీ వెంకటేశ్వర్లు, సీఐ విష్ణువర్ధన్‌రెడ్డి, ఎస్‌ఐ శంషొద్దీన్‌ ఆధ్వర్యంలో బందోబస్తు నిర్వహించారు. కార్యక్రమంలో ఆలయ మేనేజర్‌ నిరంజన్‌, అర్చకులు మురళీధర్‌శర్మ, లక్ష్మణ్‌, కోదండరా మ, వేణు, రఘు, ప్రవీణ్‌, సీతారామశర్మ, భక్తులు పాల్గొన్నారు.

గద్వాల క్రైం: పెళ్లి కుమారుడి స్నేహితులు, డీజే నిర్వాహకుడి మధ్య జరిగిన ఘర్షణలో 10 మందికిపైగా గాయపడిన ఘటన గురువారం తెల్లవారుజామున పట్టణంలో చోటు చేసుకుంది. స్థానికులు, పోలీసుల కథనం మేరకు.. జిల్లాకేంద్రంలోని గజ్జెలమ్మవీధికి చెందిన కుర్వ రామచంద్రి, సత్యమ్మ కుమారుడు అమృత్‌కు ధరూర్‌ మండలం చింతరేవులకు చెందిన యువతితో బుధవారం ఉదయం పట్టణంలోని చెన్నకేశవస్వామి దేవాలయంలో జరిగింది. రాత్రి పెళ్లి కుమారుడి ఇంటి వద్ద ఊరేగింపు నిర్వహించారు. డీజే పాటలకు పెళ్లి కుమారుడి స్నేహితులు మద్యం తాగి చిందులు వేస్తూ సౌండ్‌ బాక్స్‌లను కిందకు నెట్టడంతో పాటు డీజే నిర్వాహకుడిపై దాడి చేశారు. దీంతో అతను తన జేబులో ఉన్న కత్తితో విచక్షణ రహితంగా దాడి చేయడంతో యువకుల తల, శరీర భాగాలకు గాయాలయ్యాయి. అక్కడున్న పలువురు వారిని నియంత్రించేందుకు యత్నించినా ఫలితం లేకపోయింది. డయల్‌ 100కు ఫిర్యాదు చేయడంతో.. స్థానికులు డయల్‌ 100కు ఫిర్యాదు చేయడంతో డీఎస్పీ మొగిలయ్య, సీఐ శ్రీను, గద్వాల, ధరూర్‌, కేటీదొడ్డి ఎస్‌ఐలు, సిబ్బంది ఘటనా స్థలానికి చేరుకొని క్షతగాత్రులను చికిత్స నిమిత్తం జిల్లా ప్రభుత్వ ఆస్పత్రికి తరలించారు. పోలీసులు క్షణాల్లో స్పందించడంతో పెను ప్రమాదం తప్పిందని స్థానికులు చెబుతున్నారు. ఘర్షణకు దారి తీసిన అంశాలపై పోలీసులు ఆరా తీస్తున్నారు. దాడి జరిగిన తీరును చూసి స్థానికులు భయాందోళనకు గురయ్యారు. వస్తువులు, సామగ్రి ధ్వంసం కావడంతో అక్కడి నుంచి పరుగులు తీశారు. ఘటనపై పట్టణ ఎస్‌ఐ కళ్యాణ్‌కుమార్‌ కేసు నమోదు చేసుకొని అనుమానితులను అదుపులోకి తీసుకున్నారు. కత్తితో దాడి.. 10 మందికి గాయాలు

గోపాల్‌పేట: ఇంటి నుంచి వెళ్లిపోయిన వ్యక్తి చెరువులో మృతదేహం లభ్యమైన సంఘటన గురువారం మండలంలో చోటుచేసుకుంది. ఎస్‌ఐ నరేష్‌కుమార్‌ వివరాల ప్రకారం.. మండలంలోని పొలికెపాడు గ్రామానికి చెందిన జమ్మయ్య కుమారుడు మిద్దె చిన్నరాములు(45) మంగళవారం ఇంటి నుంచి పొలంవద్దకు వెళ్తున్నానని చెప్పి వెళ్లాడు. రాత్రి వరకు తిరిగి రాకపోయేసరికి బుధవారం కుటుంబ సభ్యులు వెతికారు. పొలానికి ఆనుకుని ఉన్న పెద్దచెరువు వద్ద చెప్పులు, బీడీ కట్ట ఉండటంతో బుధవారం చెరువులో వెతికారు అయినా ఆచూకీ లభించలేదు. గురువారం ఉదయం ఆరుగంటల ప్రాంతంలో చెరువులో మృతదేహం కనిపించగా బయటికి తీయించారు. మిద్దె చిన్నరాములుకు అప్పుడప్పుడు ఫిట్స్‌ వచ్చేది. చేపలకోసం చెరువులోకి దిగగా ఫిట్స్‌ వచ్చి మరణించాడని భార్య మంజుల ఫిర్యాదులో పేర్కొంది. ఆమె ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. అతనికి భార్య, కూతురు, కుమారుడు ఉన్నారు.

అచ్చంపేట: శ్రీశైలం ఎడమగట్టు కాల్వ (ఎస్‌ఎల్‌బీసీ) సొరంగంలో చిక్కుకున్న 8 మందిలో ఇద్దరి మృతదేహాలు లభ్యం కాగా.. ఆరుగురి ఆచూకీ కోసం సహాయక సిబ్బంది 48 రోజులుగా శ్రమిస్తున్నాయి. సొరంగం లోపల 13.730 కిలోమీటరు నుంచి 13.800 కిలోమీటరు వరకు కన్వేయర్‌ బెల్టు పొడిగింపునకు గురువారం లోకో ట్రైన్‌లో కన్వేయర్‌ బెల్టు, ఇతర సామగ్రిని తరలించారు. అత్యంత ప్రమాదకరమైన 13.936 కిలోమీటరు ప్రదేశంలో 45 మీటర్ల వరకు కంచె నిర్మించారు. ఈ ప్రదేశంలో టీబీఎం ఎర్త్‌ కట్టర్‌ శిథిలాల కింద కూరుకుపోయింది. 13.800 మీటర్ల వద్ద సహాయక సిబ్బంది తవ్వకాలు చేపడుతున్నారు. ఇక్కడి వరకు కన్వేయర్‌ బెల్టు పొడిగించి మట్టి, బురద, రాళ్లు బయటకు తరలించే ఏర్పాట్లు చేస్తున్నారు. మట్టి, బురద తొలగించే క్రమంలో నీరు ఉబికి వస్తోంది. నిమిషానికి 10 వేల లీటర్ల నీరు వస్తుండటంలో భారీ మోటార్లతో బయటకు పంపింగ్‌ చేస్తున్నారు. శిథిలాల కింద టన్నుల కొద్ది స్టీల్‌, కూలిన కాంక్రీట్‌ సెగ్మెంట్లు సహాయక చర్యలకు ఆటంకంగా మారుతున్నా.. సహాయక సిబ్బంది వాటిని అధిగమిస్తూ పనులు కొనసాగిస్తున్నారు. వారంలో శిథిలాల తొలగింపు పూర్తి చేసేందుకు కృషి చేస్తున్నారు. కన్వేయర్‌ బెల్టు పొడిగిస్తున్నాం.. సొరంగ ప్రమాద ప్రదేశంలో సహాయక చర్యలు కొనసాగుతున్నాయని ప్రత్యేక అధికారి శివశంకర్‌ లోతేటి తెలిపారు. గురువారం సొరంగం ఇన్‌లెట్‌ వద్ద జేపీ కార్యాలయంలో సహాయక చర్యల పురోగతిపై ఉన్నతాధికారులతో సమీక్ష నిర్వహించారు. అనంతరం మాట్లాడుతూ.. ప్రమాద ప్రదేశం వరకు కన్వేయర్‌ బెల్టు పొడిగింపు పనులు కొనసాగుతున్నాయని చెప్పారు. ప్రమాదంలో చిక్కుకున్న వారిని గుర్తించేందుకు సహాయక బృందాలు అవిశ్రాంతంగా కృషి చేస్తున్నాయని చెప్పారు. నిరంతరాయంగా వస్తున్న నీటి ఊటను అత్యధిక సామర్యం కలిగిన మోటార్లతో బయటకు తరలిస్తున్నామని, సహాయక బృందాలు పూర్తిస్థాయిలో సమన్వయంతో పనులు చేస్తున్నారని చెప్పారు. సమావేశంలో ఆర్మీ అధికారులు వికాస్‌సింగ్‌, విజయ్‌కుమార్‌, జేపీ కంపెనీ సీనియర్‌ ప్రాజెక్టు ఇంజినీర్‌ సంజయ్‌కుమార్‌ సింగ్‌, సింగరేణి మైన్స్‌ రెస్క్యూ జనరల్‌ మేనేజర్‌ బైద్య, ఎన్డీఆర్‌ఎఫ్‌ అధికారి గిరిధర్‌రెడ్డి, హైడ్రా అధికారి, దక్షిణ మధ్య రైల్వే అధికారి రవీంద్రనాథ్‌ పాల్గొన్నారు. ఆటంకాల నడుమ కొనసాగుతున్న సహాయక చర్యలు వారంలో శిథిలాల తొలగింపునకు యత్నిస్తున్న సిబ్బంది

పాలమూరు: దేశంలో ఫ్రీ మెచ్యూర్‌, బర్త్‌ వెయిట్‌ ద్వారా 40 శాతం పిల్లలు పుట్టడం జరుగుతుందని ఇలాంటి వారికి ఈ మిల్క్‌ బ్యాంక్‌ ఉపయోగకరంగా ఉంటుందని మహబూబ్‌నగర్‌ ఎంపీ డీకే అరుణ అన్నారు. ప్రభుత్వ జనరల్‌ ఆస్పత్రిలోని ఎంసీహెచ్‌ భవనంలో సుషేనా ఫౌండేషన్‌ సహకారంతో ఏర్పాటు చేసిన ధాత్రి సమగ్ర లాక్టేషన్‌ మేనేజ్‌మెంట్‌ సెంటర్‌–మదర్‌ మిల్క్‌ బ్యాంక్‌ను గురువారం ఎంపీతో పాటు ఎమ్మెల్యే యెన్నం శ్రీనివాస్‌రెడ్డి, కలెక్టర్‌ విజయేందిర బోయి ప్రారంభించారు. ఈ సందర్భంగా ఎంపీ మాట్లాడుతూ తల్లిపాల సేకరణ చేయడానికి అవసరమైన అంబులెన్స్‌ను ఎంపీ నిధుల కింద మంజూరు చేస్తానని హామీ ఇచ్చారు. పిల్లలకు తల్లి పాలను మించిన ఔషధం లేదని, తల్లి పాల ప్రాముఖ్యతపై అవగాహన పెంచాలన్నారు. ఈ సెంటర్‌ ద్వారా ఏడాదికి 2,500 మంది పిల్లల ప్రాణాలు కాపాడవచ్చని పేర్కొన్నారు. ఈ సెంటర్‌ వినియోగంతో పాటు ఉపయోగాలను ప్రజల్లోకి తీసుకెళ్లాల్సిన బాధ్యత వైద్యాధికారులపై ఉందన్నారు. తల్లులకు పోషకాహార లోపం, తల్లి పాల విషయంలో అవగాహన, సలహాలు అవసరమన్నారు. ఎమ్మెల్యే యెన్నం శ్రీనివాస్‌రెడ్డి మాట్లాడుతూ హైదరాబాద్‌ తర్వాత మిల్క్‌ బ్యాంక్‌ సెంటర్‌ ఉన్న మొదటి ఆస్పత్రి మహబూబ్‌నగర్‌ జనరల్‌ ఆస్పత్రి అని తెలిపారు. ఈ కార్యక్రమం ఉమ్మడి జిల్లావ్యాప్తంగా వ్యాప్తి చేసి డోనర్స్‌ నుంచి పాలు సేకరించాలన్నారు. కలెక్టర్‌ విజయేందిర మాట్లాడుతూ ఇలాంటి మిల్క్‌ బ్యాంక్‌ జిల్లాకు రావడం సంతోషకరమని, ఎలాంటి నిర్వాహణ లోపం లేకుండా విజయవంతంగా అమలు చేయాలన్నారు. కార్యక్రమంలో డీఎంహెచ్‌ఓ డాక్టర్‌ కృష్ణ, ఆస్పత్రి సూపరింటెండెంట్‌ డాక్టర్‌ సంపత్‌కుమార్‌ సింగ్‌, డాక్టర్‌ జలాలం, ధరణికోట సుయోధన, శ్రీనివాస్‌, సంతోష్‌, శంకర్‌రాజు, రమేష్‌ తదితరులు పాల్గొన్నారు. జనరల్‌ ఆస్పత్రిలో మదర్‌ మిల్క్‌ బ్యాంక్‌ ప్రారంభం

జెడ్పీసెంటర్‌(మహబూబ్‌నగర్‌): ఇందిరమ్మ ఇళ్ల నిర్మాణానికి మన ఇసుక వాహనం ద్వారా ఉచితంగా ఇసుక సరఫరా చేయాలని కలెక్టర్‌ విజయేందిర ఆదేశించారు. గురువారం కలెక్టరేట్‌లోని మీటింగ్‌హాల్‌లో నిర్వహించిన సమావేశంలో ఆమె మాట్లాడుతూ ఇందిరమ్మ ఇళ్ల నిర్మాణానికి ఇసుక సరఫరా రెండు పడక గదుల లబ్ధిదారులకు కేటాయింపు, రేషన్‌కార్డుల దరఖాస్తుల వెరిఫికేషన్‌, సీఎం ప్రజావాణి దరఖాస్తుల పరిష్కారం తదితర అంశాలను సమీక్షించారు. ఇందిరమ్మ ఇంటి నిర్మాణం కోసం ఉచిత ఇసుక సరఫరా సంబంధిత పంచాయతీ కార్యదర్శి ధ్రువీకరించి తహసీల్దార్‌కు ఇసుక సరఫరా కేటాయింపు నివేదికను పంపించాలన్నారు. చిన్నచింతకుంట మండలంలోని నెల్లికొండి, చిన్నవడ్డెమాన్‌, అప్పంపల్లి, గూడూరు, ముసాపేట మండలంలోని పొల్కంపల్లి, అడ్డాకుల మండలం కన్మనూరు, పొన్నకల్‌, రాచర్ల రీచ్‌ల నుంచి ఉచిత ఇసుక సరఫరా చేయాలని అధికారులను ఆదేశించారు. అక్రమ ఇసుక రవాణ అరికట్టేందుకు రెవె న్యూ, పోలీస్‌ అధికారులు సమన్వయంతో పటిష్ట చర్యలు తీసుకోవాలన్నారు. ఫిల్టర్‌ ఇసుక తయారీ అరికట్టేందుకు గట్టి చర్యలు తీసుకోవాలని సూచించారు. రేషన్‌కార్డులకు వచ్చిన దరఖాస్తును వెరిఫికేషన్‌ చేయాలన్నారు. అదనపు కలెక్టర్లు మోహన్‌రావు, ఏఎస్పీ రాములు, గనుల శాఖ ఏడీలు సంజయ్‌కుమార్‌, వెంకటరమణ, ఆర్‌డీఓ నవీన్‌, హౌజింగ్‌పీడీ వైద్యం భాస్కర్‌, సివిల్‌ సప్లయ్‌ అధికారి వెంకటేశ్‌ పాల్గొన్నారు.

బల్మూర్‌: మండలంలోని కొండనాగుల గ్రామానికి చెందిన యువకుడు ఉరేసుకొని ఆత్మహత్యకు పాల్పడిన సంఘటన గురువారం మండలంలో చోటు చేసుకుంది. గ్రామానికి చెందిన ముడావత్‌ శ్రీను కుమారుడు రాము(22) కుటుంబ సభ్యులు ఇంట్లో లేని సమయంలో ఉరేసుకున్నాడు. దీన్ని గమనించిన ఇరుగు పొరుగు వారు అతన్ని అచ్చంపేట ఆస్పత్రికి తరలించే ఏర్పాటు చేస్తుండగా మృతి చెందాడు. రాము ఆత్మహత్యకు గల కారణాలు తెలియరాలేదు. ఈ సంఘటనపై తమకు ఎలాంటి ఫిర్యాదు అందలేదని పోలీసులు తెలిపారు. చిరుతదాడిలో మేకలు మృత్యువాత కోస్గి రూరల్‌: చిరుతదాడిలో మేకలు మృత్యువాత పడిన సంఘటన బుధవారం గుండుమాల్‌ మండలంలో చోటుచేసుకుంది. గుండుమాల్‌ గ్రామానికి చెందిన పాతారి వెంకటయ్య ఎప్పటిలాగే తమ వ్యవసాయపొలం దగ్గర మూడు మేకలను కట్టేసి ఇంటికి వచ్చాడు. గురువారం ఉదయం వెళ్లి చూసే సరికి రెండు చనిపోగా, మరొకటి ప్రాణపాయ స్థితిలో ఉంది. చిరుతదాడి చేసిందని ఫారెస్టు అధికారి లక్ష్మణ్‌నాయక్‌కు సమాచారం అందించగా, సంఘటనా స్థలానికి చేరుకోని పంచనామా చేశారు. మండలంలో వరుసగా చిరుతదాడి ఘటనలు జరుగుతుండటంతో రైతులు ఆందోళన వ్యక్తం చేస్తున్నారు. చిరుతను పట్టుకునేందుకు ఫారెస్టు అధికారులు చర్యలు చేపట్టాలని పలువురు రైతులు కోరుతున్నారు. మరికల్‌లో ఆవుదూడ.. మరికల్‌: మండలంలోని పల్లెగడ్డ గ్రామంలో చిరుత దాడి చేయడంతో ఆవు మృత్యువాత పడిన సంఘటన గురువారం చోటు చేసుకుంది. గ్రామానికి చెందిన రైతు శ్రీరామ్‌ తన ఆవును పొలం వద్ద కటేశాడు. అర్ధరాత్రి సమయంలో చిరుత దాడి చేసి చంపినట్లు రైతు పేర్కొన్నాడు. ఈ విషయంపై ఫారెస్ట్‌ శాఖ అధికారులకు ఫిర్యాదు చేసినట్లు తెలిపాడు.

మద్దూరు/కొత్తపల్లి: గిరిజనుల ఆరాధ్య దైవం గురులోకామాసంద్‌ ప్రభు(బావాజీ)జయంతి (చైత్ర శుద్ధ పౌర్ణమి) ఉత్సవాలకు నిర్వాహకులు సర్వం సిద్ధం చేశారు. కొత్తపల్లి మండంలోని తిమ్మారెడ్డిపల్లిపల్లిలోని గురులోకామాసంద్‌ ప్రభు ఆలయంలో ఈనెల 11 నుంచి 14 వరకు చైత్ర శుద్ధ చతుర్ధశి నుంచి చైత్ర బహుళ విదియ వరకు ఉత్సవాలు వైభవంగా నిర్వహించనున్నారు. ఉత్సవాలకు కర్ణాటక, ఒడిషా, ఆంధ్రప్రదేశ్‌, మహారాష్ట్ర, తమిళనాడు నుంచి గిరిజన భక్తులు పెద్దఎత్తున హాజరై మొక్కులు చెల్లించుకోనున్నారు. మొదటి రోజు ప్రభోత్సవం, బంజారాల సంస్కృతి కార్యక్రమాలు, 12న రఽథోత్సవం, 13న మహాభోగ్‌, ప్రభువారి పల్లకీసేవ, కాళికాదేవి మొక్కుల చెల్లింపు, 14న కాళికాదేవి పల్లకీ సేవ, హోమం, పూర్ణాహుతి, మంగళహారతి తదితర క్రతువులు జరిపిస్తారు. ఏర్పాట్లు పర్యవేక్షించిన జిల్లా అధికారులు ఉత్సవాల ఏర్పాట్లపై కలెక్టర్‌ సిక్తా పట్నాయక్‌, ఎస్పీ యోగేష్‌కుమార్‌ బుధవారం సమీక్ష నిర్వహించగా, గురువారం కడా ప్రత్యేకాధికారి వెంకట్‌రెడ్డి వివిధ శాఖల అధికారులతో ప్రత్యేకంగా సమావేశమై దిశానిర్దేశం చేశారు. ఉత్సవాల ఏర్పాట్లు, నిర్వహణకు అడిషనల్‌ కలెక్టర్‌ సంచిత్‌ గంగ్వార్‌ను నోడల్‌ అధికారిగా నియమించిన విషయం తెలిసిందే. నోడల్‌ అధికారి పర్యవేక్షణలో అన్ని శాఖల అధికారులు ఉత్సవాల ఏర్పాట్లు చురుగ్గా నిర్వహిస్తున్నారు. పారిశుద్ధ్య పనులు, తాగునీటి సరఫరా తదితర ఏర్పాట్ల కోసం 450 మంది సిబ్బందిని నియమించినట్లు డీపీఓ కృష్ణ తెలిపారు. జాతరను 12 సెక్టార్లుగా విభజించి ఒక్కో సెక్టార్‌ ఇన్‌చార్జ్‌గా ఎంపీఓ వ్యవహరించనున్నారు. ఫిర్యాదులకు 2 కంట్రోల్‌ రూమ్‌లు ఏర్పాటు చేసినట్లు కోస్గి సీఐ సైదులు పేర్కొన్నారు. అదే విధంగా షీటీంలు, మఫ్టీలో పోలీసులు, పెట్రోలింగ్‌, ట్రాఫిక్‌, ఇతర బందోబస్తుకు పోలీసులను నియమించినట్లు ఆయన తెలిపారు. నారాయణపేట డీఎస్సీ లింగయ్య పర్యవేక్షణలో 10 సీఐలు, 15 ఎస్‌ఐలు, 36 హెడ్‌కానిస్టేబుల్స్‌, 150 మంది పోలీసులు, 53 మంది హోంగార్డులు విధులు నిర్వహించనున్నారు. కోస్గి, మహబూబ్‌నగర్‌ డిపో నుంచి అదనంగా బస్సులు నడిపిస్తామని డిపో మేనేజర్‌ తెలిపారు. నేటి నుంచి 14 వరకు ప్రత్యేక పూజాలు 6 రాష్ట్రాల నుంచి తరలిరానున్న గిరిజనులు ఏర్పాట్లు పరిశీలించిన జిల్లా అధికారులు

మెట్టుగడ్డ: సబ్‌ రిజిస్ట్రార్‌ కార్యాలయాల్లో ప్రజలకు మరింత సులువుగా, వేగవంతంగా రిజిస్ట్రేషన్‌ ప్రక్రియ జరిగేందుకు ప్రభుత్వం చర్యలు చేపట్టింది. ఇందులో భాగంగా రాష్ట్రవ్యాప్తంగా 19 సబ్‌ రిజిస్ట్రార్‌ కార్యాలయాల్లో స్లాట్‌ బుకింగ్‌ సేవలు ప్రారంభించగా.. పైలెట్‌ ప్రాజెక్టు కింద ఉమ్మడి పాలమూరు జిల్లాలోని మహబూబ్‌నగర్‌, నాగర్‌కర్నూల్‌ సబ్‌ రిజిస్ట్రార్‌ కార్యాలయాల్లో ఈ సేవలు గురువారం ప్రారంభమయ్యాయి. అయితే ఈ నూతన విధానంపై ప్రజలకు పెద్దగా అవగాహన లేకపోవడంతో మొదటిరోజు అంతంత మాత్రంగానే స్పందన లభించింది. మహబూబ్‌నగర్‌ కార్యాలయంలో స్లాట్‌ ద్వారా 74 దస్తావేజులు, వాక్‌ ఇన్‌ ద్వారా 10, నాగర్‌కర్నూల్‌లో స్లాట్‌ ద్వారా 8 దస్తావేజులు మాత్రమే రిజిస్ట్రేషన్‌ అయ్యాయి. స్లాట్‌ సేవలు పరిశీలన.. మహబూబ్‌నగర్‌ సబ్‌ రిజిస్ట్రార్‌ కార్యాలయంలో ప్రారంభమైన స్లాట్‌ బుకింగ్‌ సేవలను జిల్లా స్టాంప్స్‌, రిజిస్ట్రేషన్ల శాఖ అధికారి రవీందర్‌ ఆకస్మికంగా తనిఖీ చేశారు. స్లాట్‌ ద్వారా జరుగుతున్న రిజి స్ట్రేషన్‌ ప్రక్రియను పరిశీలించారు. స్లాట్‌ బుక్‌ చేసుకుని సమయానికి వచ్చే ప్రజలకు ఎలాంటి ఇబ్బంది కలగకుండా, వేగవంతంగా రిజిస్ట్రేషన్‌ ప్రక్రియ పూర్తి చేయాలని కార్యాలయంలోని సిబ్బందిని ఆదేశించారు. స్లాట్‌ బుకింగ్‌ సేవలపై ప్రజలకు పూర్తిస్థాయిలో అవగాహన కల్పించాలని సబ్‌ రిజిస్ట్రార్‌లకు సూచించారు. స్లాట్‌ బుకింగ్‌ పద్ధతిలో రిజిస్ట్రేషన్‌ జరుగుతున్నా ఆఫీసులో ఇష్టారాజ్యంగా దస్తావేజులేఖరుల దగ్గర పనిచేసేవారు, ప్రజలు గుమిగూడి ఉండటంతో ఆగ్రహం వ్యక్తం చేశారు. స్లాట్‌ బుకింగ్‌ ద్వారా జరుగుతున్న రిజిస్ట్రేషన్‌ ప్రక్రియను పరిశీలిస్తున్న జిల్లా రిజిస్ట్రార్‌ రవీందర్‌ సీన్‌ రివర్స్‌.. మహబూబ్‌నగర్‌ సబ్‌ రిజిస్ట్రార్‌ కార్యాలయంలో గురువారం సీన్‌ రివర్స్‌ అయ్యింది. సాధారణంగా సబ్‌ రిజిస్ట్రార్‌ కార్యాలయాల దగ్గర దస్తావేజుల రిజిస్ట్రేషన్‌ కోసం ప్రజలు గంటల తరబడి వేచి ఉండే పరిస్థితి ఉండేది. కానీ, నూతన విధానం అమలులోకి రావడంతో.. స్లాట్‌ బుక్‌ చేసుకున్న దస్తావేజుల అమ్మకం, కొనుగోలుదారుల కోసం సుమారు గంట సేపు కార్యాలయ సిబ్బంది వేచిచూడటం గమనార్హం. సద్వినియోగం చేసుకోవాలి.. ప్రభుత్వం తీసుకువచ్చిన స్లాట్‌ బుకింగ్‌ ద్వారా రిజిస్ట్రేషన్‌ సేవలను గురువారం మహబూబ్‌నగర్‌, నాగర్‌కర్నూల్‌ కార్యాలయాల్లో అందుబాటులోకి తీసుకువచ్చాం. ప్రజలు పారదర్శకంగా, వేగంగా స్లాట్‌ బుకింగ్‌ ద్వారా రిజిస్ట్రేషన్‌ సేవలు పొందవచ్చు. ప్రజలు ఈ సేవలను సద్వినియోగం చేసుకోవాలి. – రవీందర్‌, జిల్లా స్టాంపులు, రిజిస్ట్రేషన్‌ అధికారి, మహబూబ్‌నగర్‌ సబ్‌ రిజిస్ట్రార్‌ కార్యాలయాల్లో స్లాట్‌ బుకింగ్‌ సేవలు ప్రారంభం పైలెట్‌ ప్రాజెక్టు మహబూబ్‌నగర్‌, నాగర్‌కర్నూల్‌లో అమలు మొదటిరోజు అంతంత మాత్రమే స్పందన మహబూబ్‌నగర్‌లో ప్రక్రియను పరిశీలించిన జిల్లా అధికారి

ప్రతి బిడ్డకు తల్లిపాలు అందించాలనే లక్ష్యంతో ఈ తల్లి పాల బ్యాంకు ఏర్పాటు చేస్తున్నాం. దీని ద్వారా ఎంతో మంది తల్లిలేని పిల్లలు, పాలు సక్రమంగా ఉత్పత్తి కానీ తల్లులకు ఉపయోగకరంగా ఉంటుంది. ఉమ్మడి జిల్లాలో పాలు ఉత్పత్తి కానీ తల్లులు ధాత్రి పాల బ్యాంకు ఉపయోగించుకోవాలి. పాలు ఉత్పత్తి చేసే విధంగా అన్ని రకాల చర్యలు తీసుకోవడం పాటు సేకరించిన పాలకు అన్ని పరీక్షలు పూర్తి చేసిన తర్వాత చిన్నారులకు అందిస్తాం. – రమేష్‌ లక్కర్స్‌, పాల బ్యాంకు ప్రోగ్రామ్‌ అధికారి నవజాత శిశువులకు మేలు.. చాలా మంది బాలింతలు, తల్లులకు హార్మోన్లతో పాటు అనారోగ్య సమస్యల వల్ల పాలు ఉత్పత్తి జరగవు. అలాగే నెలల నిండకముందే ప్రసవం అయిన తల్లులకు సైతం పాలు సకాలంలో రావు. ఇలాంటి వారి కోసం పాల బ్యాంకు నుంచి తల్లిపాలు సేకరించి అందిస్తాం. ఇది నవజాత చిన్నారులకు ఎంతో ఉపయోకరంగా ఉంటుంది. ప్రతి శిశువుకు తల్లిపాలు ఇవ్వడం వల్ల రోగనిరోధక శక్తి పెరుగుతుంది. ఆస్పత్రిలో నేడు ప్రారంభం చేయడానికి కలెక్టర్‌ విజయేందిర, ఎంపీ డీకే అరుణ, ఎమ్మెల్యే యెన్నం శ్రీనివాస్‌రెడ్డి హాజరవుతారు. – డాక్టర్‌ సంపత్‌కుమార్‌ సింగ్‌, జనరల్‌ ఆస్పత్రి సూపరింటెండెంట్‌ ●

దేవరకద్ర: ఇందిరమ్మ ఇళ్ల నిర్మాణం యూనిట్‌ కాస్ట్‌లో నిర్మించుకునే విధంగా లబ్ధిదారులకు అవగాహన కలిగించాలని గృహ నిర్మాణ శాఖ అధికారులకు కలెక్టర్‌ విజయేందిర బోయి ఆదేశించారు. బుధవారం దేవరకద్ర మున్సిపాలిటీ పరిధిలోని మినుగోనిపల్లిలో ఇందిరమ్మ ఇళ్ల నిర్మాణ పనులను కలెక్టర్‌ తనిఖీ చేశారు. గ్రామంలో ఐదు ఇళ్లు బేస్‌మెంట్‌ లెవల్‌ వరకు పూర్తికాగా, 14 ఇళ్లు మార్కింగ్‌ వేసినట్లు అధికారులు వివరించారు. ఈ సందర్భంగా బేస్‌మెంట్‌ పూర్తయిన లబ్ధిదారురాలు మాసమ్మ ఇంటి వద్దకు కలెక్టర్‌ వెళ్లి పనులను పరిశీలించారు. బేస్‌మెంట్‌ కట్టడానికి ఎంతయిందని ఆమె ప్రశ్నించగా రూ.95 వేలు ఖర్చు అయినట్లు మాసమ్మ తెలిపింది. అనంతరం కలెక్టర్‌ మాట్లాడుతూ ప్రభుత్వ డిజైన్‌ ప్రకారం యూనిట్‌ కాస్ట్‌లో తక్కువ ఖర్చుతో ఇంటిని అందంగా కట్టుకోవచ్చని వివరించారు. ఇందిరమ్మ ఇళ్ల నిర్మాణాలకు ఉచిత ఇసుక సరాఫరాకు ఎలాంటి ఇబ్బంది లేకుండా చర్యలు తీసుకోవాలని కలెక్టర్‌ తహసీల్దార్‌ను ఆదేశించారు. గ్రామంలోని అంగన్‌వాడీ, ఆశావర్కర్లవి ఏమైనా సమస్యలు ఉన్నాయా అని కలెక్టర్‌ అడిగారు. కలెక్టర్‌ పర్యటిస్తున్న సమయంలో అక్కడిి నుంచి వస్తున్న విద్యార్థులతో మాట్లాడారు. ఆమె వెంట గృహ నిర్మాణ పీడీ వైద్యం భాస్కర్‌, ఎల్‌డీఎం భాస్కర్‌, డీఆర్‌డీఓ నర్సింహులు, తహసీల్దార్‌ కృష్ణయ్య, ఎంపీడీఓ శ్రీనివాసరావు పాల్గొన్నారు. ప్రతి ఒక్కరూ పోషకాహారం తీసుకోవాలి జెడ్పీసెంటర్‌(మహబూబ్‌నగర్‌): ప్రతి ఒక్కరూ ఆరోగ్యంగా ఉండాలంటే పోషకాహారం తీసుకోవాలని కలెక్టర్‌ విజయేందిర సూచించారు. బుధవారం తన చాంబర్‌లో పోషణ పక్షం వాల్‌ పోస్టర్‌ను విడుదల చేశారు. ఈ సందర్భంగా ఆమె మాట్లాడుతూ పోషణ పక్షంలో భాగంగా ఈ నెల 22 వరకు పోషణ అభియాన్‌ కార్యక్రమాన్ని నిర్వహిస్తున్నట్లు తెలిపారు. ముఖ్యంగా పోషకాహార లోపం అధిగమించడానికి గ్రామస్థాయిలో విస్తృతంగా అవగాహన కార్యక్రమాలు నిర్వహిస్తూ లబ్ధిదారులతో పాటు వారి కుటుంబసభ్యులు పాల్గొని విజయవంతం చేయాలని అన్నారు. కార్యక్రమంలో అడిషనల్‌ కలెక్టర్‌ మోహన్‌రావు, మహిళ శిశు సంక్షేమాధికారి జరీనాబేగం, డీఎంహెచ్‌ఓ కృష్ణ, అదనపు డీఆర్‌డీఓ జోజప్ప తదితరులు పాల్గొన్నారు.

మహబూబ్‌నగర్‌ మున్సిపాలిటీ: త్వరలో స్థానిక నవాబుపేట రోడ్డులోని వానగట్టు టూరిజం స్పాట్‌ గా మారనుంది. ఇక్కడ అందుబాటులో ఉన్న సు మారు ఆరు ఎకరాల విస్తీర్ణంలో పర్యాటక, అటవీ, మున్సిపల్‌ కార్పొరేషన్‌ శాఖల ఆధ్వర్యంలో వివిధ అభివృద్ధి పనులు చేపట్టనున్నారు. ఇప్పటికే జిల్లా కేంద్రం శివారులో పిల్లలమర్రి, మయూరి పార్కు, మినీ ట్యాంక్‌బండ్‌, శిల్పారామం తదితర ప్రాంతాలు టూరిజం స్పాట్‌గా కొనసాగుతున్నాయి. తాజాగా వానగట్టు సైతం చేరింది. ఇది ఎత్తయిన ప్రదేశం కావడంతో నగరం మొత్తం ఇక్కడి నుంచి చూసే అవకాశం ఉంటుంది. ఆహ్లాదకరంగా ఉండేందుకు విరివిగా మొక్కల పెంపకం చేపట్టనున్నారు. ఇందులో భాగంగా అక్కడ వ్యూ పాయింట్‌ ఏర్పాటుకు బుధవారం స్థల పరిశీలన చేశారు. కాగా, ఇప్పటికే అప్పన్నపల్లి రిజర్వ్‌ ఫారెస్ట్‌కు సంబంధించి మయూరి నర్సరీ ఆవరణలో వ్యూ పాయింట్‌ ఉంది. కార్యక్రమంలో స్థానిక సంస్థల అడిషనల్‌ కలెక్టర్‌ శివేంద్రప్రతాప్‌, డీఎఫ్‌ఓ సత్యనారాయణ, మహబూబ్‌నగర్‌ మున్సిపల్‌ కార్పొరేషన్‌ కమిషనర్‌ డి.మహేశ్వర్‌రెడ్డి పాల్గొన్నారు. వ్యూ పాయింట్‌ కోసం స్థల పరిశీలన 3 శాఖల ఆధ్వర్యంలో అభివృద్ధి పనులు

మహబూబ్‌నగర్‌ మున్సిపాలిటీ: తెలంగాణ గిరిజన సంక్షేమ గురుకుల డిగ్రీ కళాశాల (మహిళలు– మహబూబ్‌నగర్‌), (పురుషులు–నాగర్‌కర్నూల్‌)లలో విద్యార్థులకు బోధించడానికి అతిథి అధ్యాపక పోస్టులకు దరఖాస్తు చేసుకోవాలని టీడబ్ల్యూ గురుకులం మహబూబ్‌నగర్‌ రీజియన్‌ కో–ఆర్డినేటర్‌ పీఎస్‌ కల్యాణి బుధవారం ఒక ప్రకటనలో తెలిపారు. కెమిస్ట్రీలో నాలుగు, ఫిజిక్స్‌లో రెండు, హిస్టరీ, కామర్స్‌, తెలుగు, ఇంగ్లిష్‌, కంప్యూటర్‌ సైన్స్‌, ఎకనామిక్స్‌, లైబ్రేరియన్‌ ఒక్కో పోస్టు ఖాళీగా ఉన్నాయని పేర్కొన్నారు. అభ్యర్థులు సంబంధిత సబ్జెక్టులో 55 శాతం మార్కులతో పీజీ ఉత్తీర్ణత సాధించి ఉండాలని, అలాగే ఆయా సబ్జెక్టులలో సెట్‌, నెట్‌, పీహెచ్‌డీ చేసిన వారికి ప్రాధాన్యత ఇస్తామని తెలిపారు. ఆసక్తిగల వారు ఈనెల 16వ తేదీలోగా మహబూబ్‌నగర్‌ శివారు తిరుమల హిల్స్‌లోని తెలంగాణ ట్రైబల్‌ వెల్ఫేర్‌ రెసిడెన్షియల్‌ డిగ్రీ కాలేజీ (మహిళలు) ప్రిన్సిపాల్‌కు పూర్తి చేసిన దరఖాస్తులు అందజేయాలని సూచించారు. ఈనెల 17వ తేదీ ఉదయం పది గంటలకు ఇదే కళాశాలలో నిర్వహించే డెమోకు తప్పక హాజరు కావాల్సి ఉంటుందని, పూర్తి వివరాలకు సెల్‌ నం.7901097704, 9848616564లను సంప్రదించ వచ్చని పేర్కొన్నారు. ఈద్గానిపల్లి గ్రామాన్ని ఆదర్శంగా తీసుకోవాలి మహబూబ్‌నగర్‌ క్రైం: సీసీ కెమెరాల ఏర్పాటులో ప్రతి గ్రామం ఈద్గానిపల్లిని ఆదర్శంగా తీసుకోవాలని ఎస్పీ డి.జానకి అన్నారు. రాజాపూర్‌ మండలం ఈద్గానిపల్లిలో సీసీ కెమెరాలు ఏర్పాటు చేయాలని గ్రామస్తులు బుధవారం ఎస్పీ కార్యాలయంలో రూ.4 లక్షల చెక్కును ఎస్పీకి అందజేశారు. ఈ సందర్భంగా ఆమె మాట్లాడుతూ ప్రజల భద్రతను పెంపొందించుకోవడానికి, గ్రామంలో శాంతి భద్రతలను మెరుగుపరుచుకోవడానికి, దొంగతనాలు, అసాంఘీక కార్యకలాపాలను అరికట్టడానికి గ్రామస్తులు ముందుకు రావడం సంతోషకరమన్నారు. కార్యక్రమంలో జడ్చర్ల రూరల్‌ సీఐ నాగార్జునగౌడ్‌, రాజాపూర్‌ ఎస్‌ఐ శివానందంగౌడ్‌, గ్రామ పెద్దలు పంభాక్షరి, నరేందర్‌రెడ్డి, బాలగౌడ్‌, శ్రీనివాసులు, జగన్‌మోహన్‌రెడ్డి, రఘువీరారెడ్డి, శేఖర్‌గౌడ్‌ పాల్గొన్నారు. బెట్టింగ్‌పై కఠినంగా వ్యవహరిస్తాం జిల్లాలో ఆన్‌లైన్‌, ఆఫ్‌లైన్‌ బెట్టింగ్‌ ఆడినా, వాటిని ప్రోత్సాహించిన వారి పట్ల కఠినంగా వ్యవహారిస్తామని ఎస్పీ డి.జానకి బుధవారం ఒక ప్రకటనలో తెలిపారు. ఇటీవల ఈజీమనీ కోసం యువత అలవాటుపడి అధికంగా క్రికెట్‌ బెట్టింగ్‌ ఆడుతున్నారని, దీనివల్ల బంగారు భవిష్యత్‌ అంధకారంగా మారుతుందని పేర్కొన్నారు. బెట్టింగ్‌ భూతాన్ని కట్టడి చేయాల్సిన బాధ్యత అందరిపై ఉందని, ప్రధానంగా తల్లిదండ్రులు పిల్లల ప్రవర్తనపై నిఘా పెట్టాలని సూచించారు. బెట్టింగ్‌ ఆడుతున్నట్లు తెలిస్తే 8712659360 నంబర్‌కు, డయల్‌ 100కు ఫిర్యాదు చేయాలన్నారు. బడ్జెట్‌లో క్రీడల అభివృద్ధికి రూ.465 కోట్లు మహబూబ్‌నగర్‌ క్రీడలు: రాష్ట్రంలో క్రీడల అభివృద్ధికి గతంలో ఎన్నడూ లేని విధంగా రూ.465 కోట్లు కేటాయించినట్లు రాష్ట్ర ప్రభుత్వ క్రీడల వ్యవహారాల సలహాదారులు ఏపీ జితేందర్‌రెడ్డి అన్నారు. జిల్లాకేంద్రంలోని జితేందర్‌రెడ్డి నివాసంలో బుధవారం లాక్రోస్‌ క్రీడాకారులు, రాష్ట్ర సంఘం ప్రతినిధులు ఆయనను మర్వాదపూర్వకంగా కలిశారు. ఈ సందర్భంగా ఆయన మాట్లాడుతూ బడ్జెట్‌లో క్రీడలకు కేటాయించిన నిధులతో రాష్ట్రంలో మరుగున పడిన క్రీడా మైదానాలను అభివృద్ధి చేస్తామన్నారు. యువత మాదక ద్రవ్యాల వైపు మరలకుండా ఏదో ఓ క్రీడలో పాలుపంచుకోవాలని సూచించారు. లాక్రోస్‌ క్రీడను రాష్ట్రంలో అభివృద్ధి పరిచి గుర్తింపు తీసుకొస్తామని తెలిపారు. లాక్రోస్‌ క్రీడ అభివృద్ధి చెందిన అమెరికా, కెనడా లాంటి దేశాల్లో ముఖ్య క్రీడగా ఉందని, ఇండియాలో ఇప్పుడిప్పుడే ప్రాచుర్యంలోకి వస్తుందని లాక్రోస్‌ ఇండియా టీమ్‌ కెప్టెన్‌ అనుదీప్‌రెడ్డి తెలిపారు. త్వరలో ఆగ్రాలో లాక్రోస్‌ క్రీడ నేషనల్స్‌ నిర్వహిస్తున్నారని చెప్పారు. కార్యక్రమంలో తెలంగాణ లాక్రోస్‌ అకాడమీ అధ్యక్షుడు భానుచందర్‌, ప్రధాన కార్యదర్శి శేఖర్‌, కోచ్‌, క్రీడాకారులు పాల్గొన్నారు.

దామరగిద్దలోని మీసేవ కేంద్రంలో దరఖాస్తు చేసుకుంటున్న యువకులునేడు జనరల్‌ ఆస్పత్రిలో ధాత్రి మదర్స్‌ మిల్క్‌ బ్యాంక్‌ ప్రారంభం ● ఎస్‌ఎన్‌సీయూలో చికిత్స పొందేనవజాత శిశువులకు ఉపయోగకరం ● అత్యాధునిక పద్ధతిలో ఉత్పత్తి ● దాతల ద్వారా తల్లిపాల సేకరణ పాలమూరు: జిల్లా జనరల్‌ ఆస్పత్రిలోని ఎంసీహెచ్‌ భవనంలో గురువారం సుషేనా హెల్త్‌ ఫౌండేషన్‌–జనరల్‌ ఆస్పత్రి సంయుక్త ఆధ్వర్యంలో ఏర్పాటు చేస్తున్న ధాత్రి మదర్స్‌ మిల్క్‌ బ్యాంక్‌– కంప్రహెన్సివ్‌ లాక్టేషన్‌ మేనేజ్‌మెంట్‌ సెంటర్‌ ప్రారంభం చేయనున్నారు. తల్లి పాలు నిల్వ చేయడంతో పాటు లాక్టేషన్‌ సపోర్ట్‌ సర్వీస్‌, బరువు తక్కువగా చిన్నారులకు, నెలలు నిండకముందే ప్రసవం అయిన చిన్నారులకు, తల్లిపాలు లేని చిన్నారుల కోసం తల్లి పాలను సేకరించి.. అవసరమైనన వారికి అందించడమే ఈ బ్యాంకు ముఖ్య ఉద్దేశం. ప్రసవం తర్వాత పాలు ఉత్పత్తి కాని తల్లులకు సైతం బ్రెస్ట్‌ పంప్‌ వంటి ప్రత్యేక పద్ధతి ద్వారా వారి నుంచి పాలు ఉత్పత్తి అయ్యే విధంగా చర్యలు చేపడతారు. అలాంటి తల్లులు మొదట వారి పిల్లలకు పాలు ఇచ్చిన తర్వాత మిగిలిన పాలను బ్యాంకులో వితరణ చేయాల్సి ఉంటుంది. అలాగే స్వచ్ఛందంగా ముందుకు వచ్చి పాలు వితరణ చేసిన తల్లుల పాలను సేకరించి అన్ని రకాల పరీక్షలు పూర్తి చేసి చిన్నారులకు అందిస్తారు. ● ఉమ్మడి జిల్లాకు పెద్ద దిక్కుగా ఉన్న జనరల్‌ ఆస్పత్రిలో ప్రతి రోజు 30 నుంచి 35 ప్రసవాలు అవుతాయి. ఇందులో ముగ్గురి నుంచి నలుగురు శిశువులకు ఆరోగ్య సమస్యలతో పాటు తల్లిపాలు సక్రమంగా ఉత్పత్తి కాకపోవడం వల్ల ఇబ్బంది పడుతుంటారు. ఈక్రమంలో ఇలాంటి నవజాత శిశువులను ఎస్‌ఎన్‌సీయూలో అడ్మిట్‌ చేసి చిన్న పిల్లల వైద్యుల పర్యవేక్షణలో చికిత్స అందిస్తుంటారు. ప్రతి నెల జనరల్‌ ఆస్పత్రిలో ఎస్‌ఎన్‌సీయూలో 350 చిన్నారులు చేరుతుంటే.. ఇందులో బయటి ఆస్పత్రుల నుంచి రెఫర్‌ మీద దాదాపు వంద కేసులు వస్తుంటాయి. వీరందరికీ తల్లి పాలు ఉండవు. ఈ క్రమంలో ఇలాంటి శిశువులు అందరికీ తల్లి పాల బ్యాంకు వల్ల మేలు జరగనుంది. ● పాల బ్యాంకు ద్వారా పెస్టరైజ్‌ చేసిన డోనర్‌ బ్రెస్ట్‌ మిల్క్‌ను అందించడం జరుగుతుంది. సేకరించిన పాలలో 10ఎంఎల్‌ కల్చర్‌ పరీక్షలు పూర్తి చేసిన త ర్వాత వచ్చిన రిపోర్ట్‌ ఆధారంగా పెస్టరైజ్‌ డోనర్‌ వ్యూమన్‌ మిల్క్‌ను జిల్లా జనరల్‌ ఆస్పత్రిలోని ఎస్‌ఎన్‌సీయూలో చికిత్స పొందుతున్న నవజాత శిశువులకు వైద్యుల సలహా, సూచన మేరకు ఉచితంగా అందిస్తారు. సాధారణంగా పౌడర్‌, డబ్బా పాలు, గేదె, ఆవు పాలు తాగించడం వల్ల నవజాత శిశువు ల జీర్ణక్రియ అరిగించే సామర్థ్యం చాలా తక్కువగా ఉండటం వల్ల కొత్త రకం ఆరోగ్య సమస్యలు వస్తా యి. ఈ పద్ధతి ద్వారా సేకరించిన తల్లి పాలు దాదా పు ఏడాది పాటు నిల్వ చేసుకునే అవకాశం ఉంది. ● జిల్లా జనరల్‌ ఆస్పత్రిలోని ఎంసీహెచ్‌ భవనంలో ధాత్రి మదర్‌ మిల్క్‌ బ్యాంకులో అత్యంత ఖరీదైన పరికరాలు ఏర్పాటు చేశారు. పెస్టరైజ్‌ ఫ్రీజర్లు, –20 డిగ్రీ ఫ్రిజ్‌లు, బ్రెస్ట్‌ పంప్‌లు మూడు, ప్రత్యేక ఆర్‌ఓ ప్లాంట్‌, ప్రత్యేక మిషనరీ ఏర్పాటు చేశారు. రాష్ట్రంలో నిలోఫర్‌ ఆస్పత్రి తర్వాత అత్యంత పెద్ద తల్లిపాల బ్యాంకుగా పాలమూరు జనరల్‌ ఆస్పత్రి నిలిచిపోనుంది. ప్రీటర్మ్‌, బరువు తక్కువగా ఉన్న పిల్లలు సాధారణ పాలు మింగలేరు. దీంతో డోనర్‌ పాల ద్వారా వారికి ముఖ్యమైన పోషకాలు, యాంటీబాడీస్‌, వృద్ధికారకాలను అందించడానికి ఉపయోగపడుతుంది.

జెడ్పీసెంటర్‌(మహబూబ్‌నగర్‌): పదేళ్ల బీఆర్‌ఎస్‌ హయాంలోనే తెలంగాణ అన్ని రంగాల్లో అభివృద్ధి సాధించిందని బీఆర్‌ఎస్‌ మాజీ మంత్రి శ్రీనివాస్‌గౌడ్‌ అన్నారు. బుధవారం స్థానిక పార్టీ కార్యాలయంలో బీఆర్‌ఎస్‌ రజతోత్సవ సభ వాల్‌పోస్టర్‌ను విడుదల చేశారు. ఈ సందర్భంగా ఆయన మాట్లాడుతూ మహబూబ్‌నగర్‌ ఎంపీగా ఉన్న సమయంలో కేసీఆర్‌ తెలంగాణ రాష్ట్రాన్ని సాధించారన్నారు. కాంగ్రెస్‌ పార్టీ మోసపూరిత హామీలతో అధికారంలోకి వచ్చిందని విమర్శించారు. ప్రజలకు ఇచ్చిన హమీలు అమలు చేయడంలో పూర్తిగా విఫలమైందన్నారు. ప్రతిపక్ష పార్టీగా ప్రజల సమస్యలపైన బీఆర్‌ఎస్‌ నిరంతరం పోరాటం చేస్తుందన్నారు. పార్టీ ఏర్పడి 25ఏళ్లు అవుతున్న సందర్భంగా ఈనెల 27న వరంగల్‌లోజరిగే రజతోత్సవ సభ జరుగుతుందని తెలిపారు. కార్యక్రమంలో షాద్‌నగర్‌ మాజీ ఎమ్మెల్యే అంజయ్యయాదవ్‌, గ్రంథాలయ సంస్థ మాజీ చైర్మన్‌రాజేశ్వర్‌గౌడ్‌, నాయకులు నర్సిములు, వెంకటన్న, ఆంజనేయులు, గణేష్‌, దేవేందర్‌రెడ్డి, శివరాజు, సాయిలు, శ్రీనివాస్‌రెడ్డి, నవకాంత్‌, శ్రీకాంత్‌రెడ్డి, శరత్‌, వర్థభాస్కర్‌, తదితరులు పాల్గొన్నారు.

రాజీవ్‌ యువవికాస్‌ పథకం కింద దరఖాస్తు చేసుకునేందుకు వెళితే రేషన్‌కార్డు అడిగారు. మాకు రేషన్‌కార్డు రాకపోవడంతో దరఖాస్తు చేసుకోలేకపోయాను. ఇప్పటి వరకు ఎలాంటి ప్రభుత్వ పథకం తీసుకోలేదు. కొత్త ప్రభుత్వంలోనైన రేషన్‌కార్డు వస్తుందనుకుంటే కొందరికి ఇచ్చి కొందరికి ఇవ్వడంలేదు. – రాజు, గద్వాల పట్టణం మా గ్రామానికి సంబంధం లేని బ్యాంక్‌ చూపిస్తోంది.. రాజీవ్‌ యువ వికాసం పథకానికి దరఖాస్తు చేసుకునేందుకు వారం రోజులుగా ప్రయత్నిస్తున్నా. మండల కేంద్రంలో కావడం లేదని మహబూబ్‌నగర్‌కు రెండుసార్లు వచ్చాను.వెబ్‌సైట్‌లో గ్రామం పేరు ఎంపిక చేసుకుంటే.. ఎస్‌బీఐ ఐఎఫ్‌ఎస్‌సీ కోడ్‌ చూపించడం లేదు. హెచ్‌డీఎఫ్‌సీ చూపిస్తోంది. నాకు అందులో ఖాతా లేదు. ఇలా కాదని ఎస్‌బీఐ ఐఎఫ్‌ఎస్‌సీ కోడ్‌ ఎంపిక చేసుకుంటే కంచంపల్లి గ్రామం పేరు చూపిండం లేదు. పలుమార్లు ప్రయత్నించినా ఫలితం లేదు. నా సమస్యను పరిష్కరించాలి. – రమేష్‌, కంచంపల్లి, మహమ్మదాబాద్‌ టెక్నికల్‌ సమస్యలను పరిష్కరిస్తాం యువ వికాసం పథకం దరఖాస్తులకు సంబంధించి పలు టెక్నికల్‌ సమస్యలు మా దృష్టికి వచ్చాయి. కొన్నింటిని పరిష్కరించాం. కొత్త మండలాల్లో బ్యాంకులు, గ్రామాలు తదితర సమస్యలు వస్తున్నట్లు తెలుస్తోంది. బీసీ లోన్‌ కింద దరఖాస్తు చేసుకునే వారు మహబూబ్‌నగర్‌లోని బీసీ సంక్షేమ శాఖ కార్యాలయానికి వస్తే వెంటనే పరిష్కరిస్తాం. ఎవరూ ఇబ్బందిపడాల్సిన అవసరం లేదు. కార్యాలయంలో ఎడిట్‌ ఆప్షన్‌కు అవకాశం ఉంది. – ఇందిర, బీసీ సంక్షేమ శాఖ అధికారి, మహబూబ్‌నగర్‌ ●

ఉద్యోగాలు సృష్టించాలి.. విద్యార్థులు ఉద్యోగం కోసం చదవకుండా సాంకేతికతను ఉపయోగించుకుని ఉద్యోగాలను సృష్టించేందుకు సిద్ధం కావాలి. అందుకోసం ఆర్టిఫిషియల్‌ టెక్నాలజీని అవకాశంగా మార్చుకోవాలి. సమాజానికి ఉపయోగపడేలా సైన్స్‌, కామర్స్‌, ఇంజినీరింగ్‌తో పాటు అన్ని కోర్సుల సిలబస్‌లో మార్పులు తీసుకువస్తున్నాం. ప్రభుత్వ కళాశాలల్లో చదివే విద్యార్థులు గ్రామీణ ప్రాంత, మధ్యతరగతికి చెందిన వారే అధికం. వారందరికీ సాంకేతికతను అందించేందుకు కృషిచేస్తున్నాం. ఆర్టిఫిషియల్‌ ఇంటెలిజెన్స్‌ భవిష్యత్‌లో అనేక మార్పులు తీసుకురానుంది. ఆ దిశగా మనం మారాలి. ఇలాంటి సదస్సుల్లో విద్యార్థులు, అధ్యాపకులు, పరిశోధకులు తమ అభిప్రాయాలు పంచుకుని సాంకేతికంగా ముందుకెళ్లాలి. సెమినార్‌లలో జ్ఞానం పంచుకోవటం అందరికీ ఉపయోగకరం. – జీఎన్‌ శ్రీనివాస్‌, వైస్‌ చాన్స్‌లర్‌, పాలమూరు యూనివర్సిటీ ●● ప్రపంచంలో భారతదేశం కీలకం కాబోతుంది.. ● ఒక్క సముద్ర రంగంలోనే 20లక్షల ఉద్యోగాలు ● కళాశాల సిలబస్‌లోనూ మార్పులు తెచ్చేందుకు వీసీలతో చర్చలు ● జాతీయ సెమినార్‌లో ఉన్నత విద్యామండలి చైర్మన్‌ బాలకిష్టారెడ్డి కృత్రిమ మేఽధా పనితనం ప్రశంసనీయం.. వాణిజ్య నిర్వహణలో కృత్రిమ మేధా పనితనం ప్రశంసనీయం. కృత్రిమ మేధ నుంచి మెరుగైన ఫలితాలు రాబట్టడానికి సంఖ్యాకశాస్త్రం, సంభావ్యత శాస్త్రం విద్యార్థులు తమ నైపుణ్యాలను పెంపొందించుకోవాల్సిన అవసరం ఉంది. ఇదంతా ఒకవైపు అయితే.. మరోవైపు కృత్రిమ మేధ నుంచి అనేక దుష్పరిణామాలు సైతం ఎదుర్కొబోతున్నాం. వాటిపై అవగాహన కలిగి ఉండాల్సిన అవసరం ఉంది. పెరిగిన సాంకేతికత అభివృద్ధికి సోపానం కావాలి. – యలమంచిలి రామకృష్ణ, ఐపీఈ కళాశాల ప్రొఫెసర్‌

బ్యాంకింగ్‌ రంగంలోనూ కృత్రిమ మేధ ప్రభావం చూపనుంది. రోజు జరిగే అన్ని వ్యవహారాలపై రిజర్వు బ్యాంక్‌ ప్రత్యక్ష నియంత్రణ కలిగి ఉంటుంది. ప్రజల డిపాజిట్లు కాపాడి.. వారికి మెరుగైన సేవలు అందించేందుకు ప్రతి స్థాయిలో నియంత్రణ అవసరం అవుతుంది. ఈ నియమాలు కచ్చితంగా అమలు చేయడం కోసం బ్యాంకులు ఆటోమేషన్‌ సాంకేతికతను వినియోగిస్తున్నాయి. దాన్ని రెగ్‌ టెక్‌ అని పిలుస్తాం. రెగ్‌ టెక్‌ పనితీరు మరింత మెరుగుపర్చడానికి కృత్రిమ మేధను బ్యాంకింగ్‌ రంగం వినియోగిస్తుంది. – సురేష్‌, అధ్యాపకుడు, ఇబ్రహీంపట్నం ప్రభుత్వ కళాశాల

మెట్టుగడ్డ: రాష్ట్రంలోని సబ్‌ రిజిస్ట్రార్‌ కార్యాలయాల్లో రిజిస్ట్రేషన్లకు స్లాట్‌ బుకింగ్‌ సేవలు అందుబాటులోకి రానున్నాయి. ఉమ్మడి జిల్లాలో 12 సబ్‌ రిజిస్ట్రార్‌ కార్యాలయాలు ఉండగా అందులో పైలట్‌ ప్రాజెక్ట్‌ కింద మొదటగా మహబూబ్‌నగర్‌, నాగర్‌కర్నూల్‌, కార్యాలయాల్లో మాత్రమే ఈ సేవలు ప్రారంభం కానున్నాయి. గంటల తరబడి నిరీక్షణకు ముగింపు సబ్‌ రిజిస్ట్రార్‌ కార్యాలయాల్లో ప్రజలు గంటల తరబడి వేచి యుండే పరిస్థితి ఉండేది. ముఖ్యంగా కొన్ని కార్యాలయాల్లో ఉదయం వస్తే సాయంత్రంకు కూడా డాక్యుమెంట్‌ ప్రక్రియ కొనసాగుతుండేది. ఇందులో భాగంగానే దస్తావేజుల రిజిస్ట్రేషన్‌ ప్రక్రియ మరింత సులువుగా, వేగంగా పూర్తయ్యేందుకు ఈ స్లాట్‌ బుకింగ్‌ సేవలను అందుబాటులోకి తీసుకవస్తుంది. ఈ స్లాట్‌ బుకింగ్‌ ప్రక్రియలో ఒక్క దస్తావేజు రిజిస్ట్రేషన్‌కు 10నుంచి 15 నిమిషాలలో పూర్తయ్యేలా ఈ కొత్త విధానంలో తేనున్నారు. కొన్ని కార్యాలయాల్లో 80 నుండి 100 దస్తావేజులు వచ్చేవి. దీనితో రిజిస్ట్రేషన్‌ ప్రక్రియ మందకొడిగా సాగి, ప్రజలు తీవ్ర ఇబ్బందులు ఎదుర్కొనేవారు. కొందరు దళారులను ఆశ్రయించి డబ్బులు ఇచ్చి పనులు చేయించుకునేవారు. వీటన్నింటికీ చెక్‌ పెడుతూ ప్రతి కార్యాలయంలో పని వేళల్లో 48 స్లాట్స్‌గా విభజించారు. రోజుకు కేవలం 48 దస్తావేజులు మాత్రమే రిజిస్ట్రేషన్‌ జరిగేలా అందుబాటులోకి తేనున్నారు. ప్రజలే దస్తావేజులను తయారు చేసుకునేలా మాడ్యుల్‌ రిజిస్ట్రేషన్‌ చేసుకునే ప్రజలు మధ్యవర్తులపై, దస్తావేజు లేఖరులపై, ఆధారపడకుండా సొంతంగా దస్తావేజులను తయారు చేసుకోవడానికి వెబ్‌సైట్‌ లో ఒక మాడ్యుల్‌ను అందుబాటులోకి తెచ్చారు. కేవలం సేల్‌డీడ్‌ దస్తావేజులు మాత్రమే చేసుకునేలా అవకాశం కల్పించారు. నూతన విధానానికి శ్రీకారం స్లాట్‌ బుకింగ్‌తో ప్రజలకు మేలు రాష్ట్ర ప్రభుత్వం తీసుకువచ్చిన స్లాట్‌ బుకింగ్‌ సేవలతో ప్రజలకు మేలు జరుగుతుంది. దస్తావేజుల రిజిస్ట్రేషన్‌ ప్రక్రియ మరింత సులువుగా, వేగంగా కానుంది. ప్రజలు మధ్యవర్తులు, దస్తావేజు లేఖరులపై ఆధారపడకుండా స్వంతంగా దస్తావేజులు తయారు చేసుకునేలా మాడ్యు ల్‌ కూడా అందుబాటులోకి వచ్చింది.. – మొహమ్మద్‌ హమీద్‌, జాయింట్‌ సబ్‌ రిజిస్ట్రార్‌–1, మహబూబ్‌నగర్‌ రోజుకు 48 మాత్రమే ప్రజలకు మరింత సులువుగా, వేగవంతంగా 10–15 నిమిషాల్లో రిజిస్ట్రేషన్‌ ప్రక్రియ పూర్తి పైలట్‌ ప్రాజెక్ట్‌గా మహబూబ్‌నగర్‌, నాగర్‌కర్నూలు ఎంపిక నేటి నుంచి ప్రారంభం స్లాట్‌ బుకింగ్‌ విధానం ఇలా రిజిస్ట్రేషన్ల శాఖ అధికారిక వెబ్‌ సైట్‌ registration.telangana.gov.in లోని పబ్లిక్‌ డేటా ఎంట్రీ ద్వారా తమకు అనుకూలమైన తేదీ, సమయానికి స్లాట్‌ బుక్‌ చేసుకొని, ఆ రోజు నిర్దేశించిన సమయానికి నేరుగా విచ్చేసి రిజిస్ట్రేషన్‌ పూర్తి చేసుకునే వెసులుబాటు కల్పించారు. స్లాట్‌ బుక్‌ చేసుకొని వారి కోసం ఏదైనా అత్యవసర సమయాల్లో ప్రతి రోజు సాయంత్రం 5 నుంచి 6 గంటల వరకు, ఐదు వాక్‌ ఇన్‌ రిజిస్ట్రేషన్లు జరిపేలా, నేరుగా కార్యాలయానికి వచ్చిన వారికి ఫస్ట్‌ కం ఫస్ట్‌ సర్వ్‌ పద్ధతిలో దస్తావేజులు స్వీకరించేలా మరో నూతన పద్ధతికి శ్రీకారం చుట్టారు.

అచ్చంపేట/మన్ననూర్‌: చారిత్రాక ప్రాశస్త్‌య్రం కలిగి ప్రకృతి రమణీయ ప్రదేశంలో పబ్బతి ఆంజనేయస్వామి కొలువుదీరారు. కష్టాలను కడతేర్చే ఇష్టదైవంగా ఇక్కడి ప్రజలు ఆరాధిస్తారు. అమ్రాబాద్‌ మండలం నల్లమల అటవీ ప్రాంతంలోని మద్దిమడుగులో ఉన్న ఈ ఆలయం దినదినాభివృద్ధి చెందుతోంది. గిరిజనులనేగాక నాగరీకులు, పర్యాటకులను సైతం విశేషంగా ఆకట్టుకుంటోంది. ఈ ఆలయానికి జిల్లా నలుమూలల నుంచేగాక నల్గొండ, ప్రకాశం, గుంటూరు, కర్నూలు, హైదరాబాద్‌ ప్రాంతాల నుంచి భక్తులు తరలి వస్తుంటారు. నల్లమల కొండల్లో కృష్ణానది పశ్చిమ భాగాన దుంధుబి నది సంఘమించే రెండు నదుల కలయిక నడుమ శ్రీశైలం పుణ్య క్షేత్రానికి ఉత్తర దిశలో ఉంది. ఈ ఆలయాన్ని క్రీ.శ. 1120లో గుర్తించినట్లు.. పురాతన దేవాలయం కనుగొని ఓ చెట్టు కింద విగ్రహ ప్రతిష్ఠ చేసినట్లు చారిత్రక ఆధారాలున్నాయి. ఏటా రెండు పర్యాయాలు.. మద్దిమడుగు అభయాంజనేయస్వామి ఉత్సవా లు ఏటా రెండు పర్యాయాలు పవిత్ర కార్తీక మాసం, చైత్రమాసంలో జరుగుతాయి. ఈ సందర్భంగా భక్తులు ఆంజనేయస్వామి మాలలు ధరిస్తారు. మాలధారుల సంఖ్య ప్రతి సంవత్సరం ఊహకందని విధంగా పెరిగిపోయింది. ఉత్సవాల సందర్భంగా మాచర్ల, మిర్యాలగూడ, దేవరకొండ, నాగార్జునసాగర్‌, హైదరాబాద్‌, నల్గొండ, నాగర్‌కర్నూల్‌ నుంచి ప్రత్యేక బస్సులు నడుపుతున్నారు. చైత్రమాసం బ్రహ్మోత్సవాలు 10 నుంచి 12వ తేదీ వరకు వైభవంగా నిర్వహించనున్నట్లు ఆలయ కమిటీ చైర్మన్‌ దేశావత్‌ రాములునాయక్‌, ఈఓ నర్సింహులు తెలిపారు. కోట మైసమ్మ ఆలయం.. ఆంజనేయస్వామి ఆలయ ప్రదేశంలోనే కోట మైసమ్మ అమ్మవారు వెలిశారు. స్వామి వారిని దర్శించుకున్న భక్తులు అమ్మవారికి మొక్కులు చెల్లించుకుంటారు. చాలామంది భక్తులు ఇక్కడ కోళ్లు, మేకలు సమర్పిస్తారు. భక్తుల ప్రగాడ విశ్వాసం.. స్వామివారిని దర్శించుకొని ఆలయం ఎదుట ఉన్న చెట్టుకు ఉయ్యాల కడితే సంతానప్రాప్తి కలుగుతుందని భక్తుల ప్రగాడ విశ్వాసం. అలాగే కోరిన కోర్కెలు తీరాలని ముడుపులు కట్టి.. తీరగానే ఆ ముడుపులను వారే స్వయంగా విప్పుతారు. ఆవు పాలు, నెయ్యి, బెల్లం, తేనె, గోధుమ రొట్టెలతో తయారు చేసిన పదార్థాలను నైవేద్యంగా సమర్పిస్తారు. కార్యక్రమాలు ఇలా.. 10న గురువారం అగ్ని ప్రతిష్ఠాపన, ధ్వజారోహణం, రాత్రి 8 గంటలకు అశ్వవాహనసేవ, శివపార్వతుల కల్యాణం 11న శుక్రవారం గవ్యాంతపూజ, ద్వాదశ వాస్తుపూజ, హోమం, రుద్రహోమం, మన్యసూక్తి హోమం, బలిహరణం, సహస్ర నామార్చన, రాత్రి 8 గంటలకు స్వామివారి వాహనసేవ, సీతారాముల కల్యాణం 12న శనివారం హన్‌మాన్‌ జయంతి రోజున ఉదయం 9 గంటలకు స్వామివారికి మహాకుంభాభిషేకం, శ్రీ హనుమాన్‌ గాయత్రి మహాయజ్ఞంలో పూర్ణాహుతి, హనుమాన్‌ దీక్షదారుల మాల విరమణ. మూడు రోజులు సమయానుకూలంగా సాంస్కృతిక కార్యక్రమాలు నేటి నుంచి ఉత్సవాలు ప్రారంభం నల్లమల కొండల్లో కొలువుదీరిన స్వామివారు వేలాదిగా తరలిరానున్న భక్తులు

బిజినేపల్లి: ప్రస్తుత పరిస్థితుల్లో ఆరోగ్య సమాజ నిర్మాణానికి పప్పు దినుసులు, తృణధాన్యాల సాగు పెంచాలని ప్రొ. జయశంకర్‌ వ్యవసాయ విశ్వవిద్యాలయం పరిశోధన సంచాలకుడు డా. బలరాం కోరారు. వానాకాలం, యాసంగి సాగులో అతివృష్టి, అనావృష్టి, చీడపీడలను తట్టుకునే వంగడాలను అందుబాటులోకి తీసుకురావాలన్నారు. మండలంలోని పాలెం ప్రాంతీయ వ్యవసాయ పరిశోధన స్థానంలో బుధవారం రెండోరోజు జెడ్‌ఈఆర్‌ఏసీ సమావేశం జరగగా ఆయన పాల్గొని మాట్లాడారు. సేంద్రియ సాగు, సమగ్ర వ్యవసాయం, వాణిజ్య పంటల్లో దిగుబడుల పెంపు, చీడపీడల నివారణపై దృష్టి సారించాలని శాస్త్రవేత్తలకు సూచించారు. శాస్త్రవేత్తలు, అధికారులు పెద్ద రైతులను ఎంపిక చేసుకొని వారితో విప్లవాత్మక ప్రయోగాలు చేయించాలన్నారు. క్షేత్రస్థాయిలో రైతులకు నష్టం వాటిల్లకుండా తగిన జాగ్రత్తలు తీసుకొని సరైన సూచనలు, సలహాలిస్తూ పంటల సాగులో దిగుబడుల్ని పెంచాలని కోరారు. రెండోరోజు ఆయా విభాగాల ప్రధాన శాస్త్రవేత్తలు, విస్తరణ శాస్త్రవేత్తలు, అధికారులు ప్రత్యేక బృందాలుగా ఏర్పడి పంటల సాగులో వాతావరణ పరిస్థితులు, సస్యరక్షణ చర్యలు, సమగ్ర వ్యవసాయం, సాంకేతిక పద్ధతుల్లో విత్తనోత్పత్తి, విస్తరణ అంశాలు, చీడపీడలు, దిగుబడులు, నేలలు తదితర వాటిపై చర్చాగోష్ఠి నిర్వహించారు. కార్యక్రమంలో విశ్వవిద్యాలయం విస్తరణ సంచాలకుడు డా. ఎం.యాకాద్రి, ఆర్‌ఏఆర్‌ఎస్‌ ఏడీఆర్‌ డా. సుధాకర్‌, ప్రధాన శాస్త్రవేత్తలు, వ్యవసాయశాఖ అధికారులు, రైతులు పాల్గొన్నారు.

అచ్చంపేట: శ్రీశైలం ఎడమగట్టు కాలువ(ఎస్‌ఎల్‌బీసీ)సొరంగం లోపల చిక్కుకున్న కార్మికుల అచూకీ కనుకొనేందుకు సహాయక చర్యలు ముమ్మరం చేశారు. ప్రమాదం జరిగిన ప్రదేశంలో రెస్క్యూ సిబ్బంది నిరంతరాయంగా పనులు చేపడుతున్నారు. సహాయక సిబ్బంది నిత్యం 20మీటర్ల వరకు మట్టి తవ్వకాలు చేపడుతూ శిథిలాలను బయటకు పంపిస్తున్నారు. ప్రభుత్వం విధించిన గడువులోగా సహాయక చర్యలు పూర్తి చేసేందుకు వేగం పెంచారు. అన్ని విభాగాల ఉన్నతాధికారులు సలహాలు,సూచనల మేరకు రెస్క్యూ బృందాలు ముందుకు సాగుతున్నారు. ఉబికి వస్తున్న నీటి ప్రవాహంతో సహాయక చర్యలకు ఆటంకాలు కలుగుతున్నాయని సహాయక సిబ్బంది చెబుతున్నారు. సొరంగం ప్రమాదానికి ప్రధాన కారణం నీటి ఊటేనని జీఎస్‌ఐ,సీఎస్‌ఐ,ఎన్‌జీఆర్‌ఐలు నిర్థారించారు. వారి పర్యవేక్షణలో ప్రస్తుతం సహాయక చర్యలు కొనసాగుతున్నాయి. అత్యంత ప్రమాదకరమైన ప్రదేశం మినహా మిగిలిన ప్రదేశాల్లో తవ్వకాలు చేపడుతూ వెంటిలేషన్‌, కన్వేయర్‌ బెల్టు పొడిగింపు, టీబీఎం స్టీల్‌ భాగాల కత్తిరింపు వంటి పనులు నిరంతరాయంగా జరుగుతున్నాయి. ఫిబ్రవరి 22న సొరంగం పైకప్పు కూలిన ఘటనలో ఎనిమిది మంది కార్మికులు చిక్కుకోగా ఇద్దరి మృతదేహాలు వెలికి తీశారు. మిగిలిన ఆరుగురి కోసం కేంద్ర, రాష్ట్ర ప్రభుత్వాలకు చెందిన 12 రకాల సహాయక బృందాలకు చెందిన సిబ్బంది 47రోజులుగా గాలిస్తున్నా వారి అచూకీ నేటికీ లభ్యం కాలేదు.బుధవారం సొరంగం లోపల కన్వేయర్‌ బెల్టు పొడిగింపు పనులతో పాటు ఎస్కవేటర్ల సహాయంతో మట్టి, బురద,రాళ్లను కన్వేయర్‌ బెల్టు ద్వారా బయటకు తరలిస్తున్నారు. మట్టి త వ్వకాలు పూర్తి అయిన ప్రదేశం వరకు లోకో ట్రైన్‌ వెళ్లే విధంగా ట్రైన్‌ ట్రాక్‌ పొడగించే పనిలో నిమగ్నమయ్యారు. నేషనల్‌ ఇన్‌స్టిట్యూట్‌ ఆఫ్‌ రాక్‌ మైన్స్‌ సీనియర్‌ శాస్త్రవేత్త జీసీ నవీన్‌, నీటిపారుదలశాఖ డీఈ శ్రీ నివాసులు,కంపెనీ సీనియర్‌ ఇంజనీర్‌ సంజయ్‌ కు మార్‌సింగ్‌ ప్రమాద ప్రదేశంలో పరిస్థితులను క్షుణంగా పరిశీలించి సూచనలు, సలహాలు చేస్తున్నారు. లోకో ట్రాక్‌ పునరుద్ధరణ ప్రమాద ప్రదేశం సమీపం వరకు లోకో ట్రైన్‌ ట్రాక్‌ పునరుద్ధరణ పనులు కొనసాగుతున్నాయని ప్రత్యేక అధికారి శివశంకర్‌ లోతేటి అన్నారు. బుధవారం సొరంగం ఇన్‌లేట్‌ వద్ద జేపీ కార్యాలయంలో సహాయక చర్యల పురోగతిపై ఉన్నతాధికారులతో సమీక్షా నిర్వహించారు. ఆయన మాట్లాడుతూ మట్టి తవ్వకాలకు అనుగుణంగా లోకో ట్రైన్‌ ట్రాక్‌ వెళ్లేవిధంగా మార్గం చేస్తున్నారని చెప్పారు. టీబీఎం స్టీల్‌ బాగాలు కత్తరింపు పనులు,డీవాటరింగ్‌ ప్రక్రియ సమాంతరంగా కొనసాగతుందన్నారు. కన్వేయర్‌ బెల్టు, వెంటిలేషన్‌ ప్రక్రియ ముందుకు కొనసాగిస్తున్నామని, సహాయక బృందాలు నిరంతరం శ్రమిస్తూ సహాయక చర్యలు ముమ్మరం చేశారన్నారు.అర్మీ అధికారులు వికాస్‌సింగ్‌, విజయ్‌కుమార్‌, జేపీ కంపెనీ సీనియర్‌ ప్రాజెక్టు ఇంజనీర్‌ సంజయ్‌కుమార్‌ సింగ్‌, సింగరేణి మైన్స్‌ రెస్క్యూ జనరల్‌ మేనేజర్‌ బైద్య,ఎన్‌డీఆర్‌ఎఫ్‌ అధికారి గిరిధర్‌రెడ్డి, హైడ్రా అధికారి, దక్షిణ మధ్య రైల్వే అధికారి రవీంద్రనాథ్‌ పాల్గొన్నారు. ఉబికి వస్తన్న నీటితో ఆటంకం 47రోజలుగా కొనసాగుతన్న సహాయక చర్యలు

గోపాల్‌పేట: మోటారు బాగుచేసేందుకు కుంటలోకి దిగిన ఓ రైతు ప్రమాదవశాత్తు నీటిలో మునిగి మృతిచెందిన ఘటన మండలంలోని బుద్ధారం లక్ష్మీతండాలో వెలుగుచూసింది. ఎస్‌ఐ నరేష్‌ కుమార్‌ వివరాల మేరకు.. బుద్ధారం లక్ష్మీతండాకు చెందిన కోటయ్య చిన్న కుమారుడు కిషన్‌ (39), అతడి భార్యకు చిన్నచిన్న గొడవలు జరగడంతో పుట్టింటికి వెళ్లిపోయింది. ఐదారు నెలలుగా కిషన్‌ లక్ష్మీతండాలో ఉంటూ వ్యవసాయ పనులు చేసుకుంటున్నాడు. గ్రామ సమీపంలోని కొత్తకుంటలో తన చిన్నాన్న బోరుమోటారు పనిచేయకపోవడంతో మంగళవారం సరిచేసేందుకు వెళ్లిన అతడు తిరిగి రాలేదు. అతడి కోసం స్థానికులు గాలించినప్పటికీ ఫలితం లేకపోయింది. బుధవారం కుంటలో అతడి మృతదేహం లభ్యమైంది. మృతుడి తల్లి కోటమ్మ ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్‌ఐ తెలిపారు. చికిత్స పొందుతూ యువకుడు.. రాజోళి: పురుగు మందు తాగి చికిత్స పొందుతున్న యువకుడు మంగళవారం రాత్రి మృతిచెందినట్లు ఏఎస్‌ఐ ప్రేమ్‌కుమార్‌ తెలిపారు. వివరాలు.. రాజోళికి చెందిన వీరన్న(23)కు మద్యం అలవాటు ఉంది. ఈ క్రమంలో ఏడాది కిత్రం ఆయనకు పచ్చకామెర్లు వచ్చాయి. అయినా కూడా మద్యం సేవిస్తుండటంతో తల్లి ఎన్నో సార్లు మందలించింది. క్రమేణా తన ఆరోగ్యం కూడా దెబ్బతినడంతో ఈ నెల 5న పురుగుమందు తాగాడు.చికిత్స నిమిత్తం కర్నూల్‌ ప్రభుత్వ ఆసుపత్రికి తరలించగా చికిత్స పొందుతూ మంగళవారం రాత్రి మృతిచెందాడు. మృతుడి తల్లి చంద్రకళ ఫిర్యాదు మేరకు బుధవారం కేసు నమోదు చేసినట్లు ఏఎస్‌ఐ తెలిపారు. విద్యుదాఘాతంతో వ్యక్తి.. గోపాల్‌పేట: విద్యుదాఘాతానికి గురై ఓ వ్యక్తి మృతిచెందిన ఘటన ఏదుల మండలం చెన్నారం గ్రామంలో బుధవారం చోటు చేసుకుంది. రేవల్లి హెడ్‌ కానిస్టేబుల్‌ చంద్రశేఖర్‌ కథనం మేరకు.. గ్రామానికి చెందిన అబ్దుల్‌ అలీం (35) ఇంట్లోనే చికెన్‌ విక్రయిస్తూ జీవనం సాగించేవాడు. బుధవారం ఎప్పటిలాగే చికెన్‌ డ్రెస్సింగ్‌ మిషన్‌ను ఆన్‌ చేస్తుండగా ప్రమాదవశాత్తు విద్యుదాఘాతానికి గురై అక్కడే పడిపోయాడు. గుర్తించిన కుటుంబ సభ్యులు వెంటనే కారులో వనపర్తి ఆస్పత్రికి తరలించగా పరీక్షించిన వైద్యులు అప్పటికే మృతి చెందినట్లు నిర్ధారించారు. అలీంకు భార్య ఫర్జానాబేగం, ఇద్దరు కుమార్తెలు, కుమారుడు ఉన్నారు. తండ్రి అబ్దుల్‌ రహీం ఫిర్యాదు మేరకు కేసు నమోదు చేసి దర్యాప్తు చేస్తున్నట్లు హెడ్‌కానిస్టేబుల్‌ వివరించారు.

సబ్సిడీ చేపల నాణ్యతపై అనుమానాలు ● చెరువుల్లో వదిలిన చేపపిల్లల వృద్ధిపై మత్స్యకారుల్లో ఆందోళన ● పావు కేజీ నుంచి అర కేజీ వరకే పెరిగిన వైనం ● జిల్లాలో గతేడాది 93.68 లక్షల చేప పిల్లల పంపిణీ మహబూబ్‌నగర్‌ న్యూటౌన్‌: ప్రతి ఏడాది చెరువులు నిండగానే రాష్ట్ర ప్రభుత్వం మత్స్య పారిశ్రామిక సహకార సంఘాలకు పంపిణీ చేస్తున్న చేపపిల్లల నాణ్యతపై అనుమానాలు రేకెత్తుతున్నాయి. గతేడాది చెరువుల్లో వదిలిన చేపపిల్లల సైజులో పెద్దగా వృద్ధి కనిపించకపోవడంతో మత్స్యకారులను ఆందోళనకు గురి చేస్తోంది. గత వర్షాకాలంలో చెరువులు నిండడం, ఉచిత చేపపిల్లల పంపిణీతో మత్స్యకారుల సంతోషానికి అవధుల్లేకుండా పోయాయి. తీరా.. చేపపిల్లల పంపిణీ సగానికి తగ్గించడం, ప్రైవేటు హేచరీలలో కొందామంటే అందుబాటులో లేకపోవడం వల్ల వారు నిరాశపడాల్సి వచ్చింది. చాలీచాలని చేపపిల్లలు చెరువుల్లో వదిలి ఉత్పత్తి కోసం ఎదురుచూసిన మత్స్యకారులకు మండుతున్న ఎండలతో నీరు పూర్తిగా అడుగంటిపోవడం, చేపల సైజు రాకపోవడం వల్ల వారి జీవనంపై ప్రభావాన్ని చూపింది. గతేడాది అక్టోబర్‌ నెలలో పంపిణీ చేసిన చేపపిల్లలు కనీసం అర కేజీ కూడా పెరగకపోవడంపై విమర్శలు వస్తున్నాయి. టెండర్ల సమయంలో కొనుగోలు కమిటీ హేచరీలను సందర్శించి నాణ్యతపై సముఖత వ్యక్తం చేసిన తర్వాతే చేపపిల్లల పంపిణీకి టెండర్‌ ఫైనల్‌ చేస్తారు. ఆ సమయంలో నాణ్యతను పరిశీలించాల్సిన సంబంధిత శాఖ అధికారులు హడావుడిగా పంపిణీ చేయడం, వాటిలో కూడా సగం వరకు కోత విధించడం వల్ల మత్స్యకారులకు తీరని అన్యాయం జరిగింది. ● మహబూబ్‌నగర్‌ జిల్లాలో 234 మత్స్య పారిశ్రామిక సహకార సంఘాల్లో 12,496 మంది సభ్యులున్నారు. జిల్లావ్యాప్తంగా 1,091 చెరువులు, కుంటలు ఉండగా.. గత వర్షాకాలం సీజన్‌లో 993 చెరువుల్లో చేపపిల్లలను వదలాలని అధికారులు నిర్ణయించారు. ఇందుకోసం 1.92 కోట్ల చేపపిల్లలు అవసరమవుతాయని అంచనా వేయగా.. సగానికి కుదించి పంపిణీ చేశారు. పథకాల అమలులోనూ జాప్యం మత్స్యకారుల సంక్షేమానికి కేంద్ర, రాష్ట్ర ప్రభుత్వాలు తీసుకుంటున్న చర్యలు క్షేత్రస్థాయికి ఆశించిన స్థాయిలో చేరడం లేదు. ఎన్నో సంక్షేమ పథకాలున్నా అమలులో తీవ్ర జాప్యం జరుగుతోంది. పథకాలపై అవగాహన కల్పించాల్సిన అధికార యంత్రాంగం పట్టనట్లుగా వ్యవహరిస్తోంది. ఏదైనా ప్రభుత్వ కార్యక్రమాలు ఉంటే హడావుడి చేయడమే గానీ.. మిగతా సమయాల్లో నిర్లక్ష్యం వ్యవహరిస్తున్నారే విమర్శలున్నాయి.

జడ్చర్ల టౌన్‌: డా.బీఆర్‌ఆర్‌ ప్రభుత్వ డిగ్రీ కళాశాల వాణిజ్యశాస్త్రం విభాగం ఆధ్వర్యంలో బుధవారం ఆర్టిఫిషియల్‌ ఇంటలిజెన్స్‌(ఏఐ)పై జాతీయ సెమినార్‌ నిర్వహిస్తున్నట్లు ప్రిన్సిపాల్‌ డా.సుకన్య తెలిపారు. మంగళవారం కళాశాలలో ఆమె మాట్లాడారు. ‘వాణిజ్య రంగంలో ఏఐ ప్రభావం’ అన్న అంశంపై ఒకరోజు సెమినార్‌ కొనసాగుతుందని దేశంలోని వివిధ డిగ్రీ కళాశాలల నుంచి సెమినార్‌ కోసం ఆన్‌ లైన్‌ ద్వారా ఇప్పటికే 130 జనరల్స్‌ వచ్చాయ న్నారు. త్వరలోనే విద్యార్థులకు పాఠ్యాంశంగా తేబోతున్న ఏఐతో విప్లవాత్మక మార్పులు రాబోతున్నాయని అన్నారు. సరైన మార్గంలో వినియోగించుకుంటే ఎన్నో ప్రయోజనాలున్నాయని, దానివల్ల కలిగే అనర్థాలను అదే తరహా లో వివిధ కళాశాలల నుంచి ప్రతినిధులు తమ అభిప్రాయాలను వెల్లడించనున్నారన్నారు. సెమినార్‌కు రాష్ట్ర ఉన్నత విద్య కౌన్సిల్‌ చైర్మన్‌ వి.బాలకిష్టారెడ్డి, పీయూ వైస్‌ చాన్స్‌లర్‌ జీఎన్‌ శ్రీనివాస్‌, సీసీఈ జేడీ జి.యాదగిరి, రాజేందర్‌సింగ్‌, ఏజీఓ బాల భాస్కర్‌, ముఖ్యవక్త యలమంచిలి రామకృష్ణ, రీసోర్స్‌ పర్సన్‌ డా.కె.రాజ్‌కుమార్‌ హాజరుకానున్నారని తెలిపారు. వైస్‌ప్రిన్సిపాల్‌ డా.నర్మద, మీడియా కన్వీనర్‌ రాఘవేందర్‌, సభ్యులు సతీష్‌ పాల్గొన్నారు. రేపు జాబ్‌మేళా జెడ్పీసెంటర్‌(మహబూబ్‌నగర్‌): జిల్లా ఎంప్లాయిమెంట్‌ శాఖ ఆధ్వర్యంలో ఈ నెల 10వ తేదీన పద్మావతి కాలనీలోని నిర్మల్‌ ఆర్గనైజేషన్‌ నియర్‌ రెడ్‌ బక్కెట్‌, మన్నార్‌ ట్రైడర్స్‌ బిల్డింగ్‌లో జాబ్‌మేళా నిర్వహిస్తున్నట్లు ఆ శాఖ అధికారి మైత్రిప్రియ మంగళశారం ఓ ప్రకటనలో తెలిపారు. ఎనిమిది రకాల ప్రైవేట్‌ రంగ సంస్థల్లో వివిధ రకాల ఉద్యోగాల భర్తీ కోసం జాబ్‌మేళా నిర్వహిస్తున్నట్లు ఆసక్తి గల అభ్యర్థులు ఈ అవకాశాన్ని సద్వినియోగం చేసుకో వాలని సూచించారు. వివరాల కోసం 99485 68830 నంబర్‌కు సంప్రదించాలని కోరారు. నగర పరిశుభ్రతపై ప్రత్యేక దృష్టి మహబూబ్‌నగర్‌ మున్సిపాలిటీ: నగరంలో పరిశుభ్రతపై ప్రత్యేక దృష్టి సారించాలని మున్సిపల్‌ కార్పొరేషన్‌ కమిషనర్‌ డి.మహేశ్వర్‌రెడ్డి ఆదేశించారు. మంగళవారం మున్సిపల్‌ కౌన్సిల్‌ సమావేశ మందిరంలో స్వచ్ఛ ఆటో డ్రైవర్లు, పారిశుద్ధ్య సిబ్బందితో సమీక్షించారు. ఈ సందర్భంగా ఆయన మాట్లాడుతూ ఇంటింటికీ వెళ్లే స్వచ్ఛ ఆటోలు, ట్రాక్టర్లకు ప్రతి యజమాని వేరు చేసిన చెత్తను ఇవ్వాలని సూచించారు. ఎవరూ బహిరంగ ప్రదేశాల్లో, ఓపెన్‌ ప్లాట్లలో, కూడళ్లలో చెత్త పారవేయొద్దన్నారు. ఇప్పటికీ ఎక్కడైనా చెత్త ఇవ్వని వారు ఉంటే వెంటనే గుర్తించి తమకు సమాచారం అందజేయాలన్నారు. ఈ విషయంలో ఎవరితోనూ ఘర్షణ పడొద్దని, సామరస్యంగా వ్యవహరించాలని, అలాంటి వారిలో మార్పు వచ్చేందుకు యత్నించాలన్నారు. ఇక డంపింగ్‌ యార్డుకు సిల్ట్‌ తప్పా మిగతా చెత్తను వేరు చేసి డీఆర్‌సీసీకి అప్పగించాలన్నారు. అక్కడ గుట్టలు గుట్టలుగా చెత్త పోగు కాకుండా చూడాలన్నారు. అంతకుముందు డంపింగ్‌ యార్డులోని సెగ్రిగేషన్‌ షెడ్లు, బయో మైనింగ్‌, డీఆర్‌సీసీలను పరిశీలించారు. శానిటరీ ఇన్‌స్పెక్టర్లు గురులింగం, రవీందర్‌రెడ్డి, వజ్రకుమార్‌రెడ్డి, ఎన్విరాన్‌మెంటల్‌ ఇంజినీర్‌ చరణ్‌, ఎస్‌బీఎం కన్సల్టెంట్‌ సుమిత్‌రాజ్‌ పాల్గొన్నారు. ‘దాడులపై ప్రభుత్వంస్పందించాలి’ పాలమూరు: రాష్ట్రంలో దశలవారీగా న్యాయవాదులపై దాడులు, హత్యలు జరగడం అత్యంత బాధాకరమని జిల్లా బార్‌ అసోసియేషన్‌ అధ్యక్షుడు అనంతరెడ్డి అన్నారు. హైదరాబాద్‌ సిటీ సివిల్‌ కోర్టులో న్యాయవాది సయ్యద్‌ ముస్తాబా అలీపై జరిగిన దాడిని నిరసిస్తూ మంగళవారం బార్‌ అసోసియేషన్‌ ఆధ్వర్యంలో న్యాయవాదులు విధులు బహిష్కరించారు. న్యాయవాదులతో పాటు మహిళా జూనియర్‌ న్యాయవాదులు నల్లబ్యాడ్జీలు ధరించి కోర్టుకు నుంచి బయటకు ర్యాలీగా వెళ్లి ముఖద్వారం వద్ద నిరసన తెలిపారు. ఆ తర్వాత కోర్టు నుంచి ర్యాలీగా తెలంగాణ కూడలి వరకు నినాదాలు చేస్తూ నిరసన ర్యాలీ నిర్వహించారు. న్యాయవాదులపై దాడులు చేసిన వ్యక్తులను కఠినంగా శిక్షించాలన్నారు. బార్‌ అసోసియేషన్‌ కార్యదర్శి శ్రీధర్‌రావు, ఉపాధ్యక్షుడు వెంకటయ్య, వెంకట్‌రావు, నాగోజీ, ఎన్‌పీ వెంకటేష్‌, ఉమామహేశ్వరి, సీనియర్‌, జూనియర్‌ న్యాయవాదులు పాల్గొన్నారు.

మహబూబ్‌నగర్‌ రూరల్‌: పేదల కడుపు నింపేందుకు ప్రభుత్వం సన్న బియ్యం పంపిణీ చేస్తోందని కలెక్టర్‌ విజయేందిర బోయి అన్నారు. మంగళవారం కోడూర్‌లోని ఎస్సీ కాలనీలో రేషన్‌కార్డు లబ్ధిదారుడు హెచ్‌.గోపాల్‌, సత్యమ్మ ఇంట్లో కలెక్టర్‌ విజయేందిర, అదనపు కలెక్టర్లు శివేంద్ర ప్రతాప్‌, మోహన్‌రావు ప్రభుత్వం ఉచితంగా అందించిన సన్నబియ్యంతో తయారు చేసిన భోజనం చేశారు. జిల్లాలో మొత్తం 506 చౌకధర దుకాణాల ద్వారా 5,228 మెట్రిక్‌ టన్నుల సన్న బియ్యం ఉచితంగా పంపిణీ చేస్తున్నట్లు తెలిపారు. కోడూర్‌లో 761 రేషన్‌కార్డులు కలిగిన కుటుంబాలకు సన్న బియ్యం సరఫరా చేస్తున్నట్లు తెలిపారు. జిల్లాలో చౌకధర దుకాణాల ద్వారా అర్హత గల లబ్ధిదారులకు సన్న బియ్యం పంపిణీ చేసేందుకు చర్యలు చేపడుతున్నామని, ఈ కార్యక్రమం నిరంతరం కొనసాగుతుందని తెలిపారు. జిల్లా పౌర సరఫరాల శాఖ అధికారి టి.వెంకటేష్‌, జిల్లా పౌర సరఫరాల సంస్థ మేనేజర్‌ రవినాయక్‌, తహసీల్దార్‌ సుందర్‌రాజ్‌, ఎంపీడీఓ కరుణశ్రీ ఉన్నారు. సన్న బియ్యం బాగుంది.. సన్న బియ్యం ఎలా ఉందని కలెక్టర్‌ అడగగా.. బాగుంది మేడం అని గోపాల్‌ చెప్పాడు. కుటుంబసభ్యుల వివరాలు అడిగి తెలుసుకున్నారు. తాను తన భార్య, ముగ్గురు కుమారులు, ఒక కూతురు ఉన్నారని గోపాల్‌ కలెక్టర్‌కు తెలిపాడు. ప్రభుత్వం పంపిణీ చేస్తున్న సన్న బియ్యం ప్రతి ఒక్కరూ రేషన్‌షాపుల ద్వారా తీసుకుని సద్వినియోగం చేసుకోవాలన్నారు. గోపాల్‌ కుమారుడితో మాట్లాడుతూ ‘రాజీవ్‌ యువ వికాసం’ ద్వారా స్వయం ఉపాధి పొందడానికి నిరుద్యోగ యువత దరఖాస్తు చేసుకోవాలని సూచించారు. కాగా.. ‘కలెక్టర్‌ తన ఇంట్లో భోజనం చేయడం చాలా సంతోషంగా ఉంది. కలెక్టర్‌తో పాటు అదనపు కలెక్టర్లు భోజనం చేయడం ఆ నందంగా ఉందని, మా జీవితంలో మర్చిపోలేం.’ అని లబ్ధిదారుడు గోపాల్‌ తెలిపారు. కలెక్టర్‌ విజయేందిర బోయి

బిజినేపల్లి : వ్యవసాయ శాస్త్రవేత్తలు తమ పరిశోధనల ద్వారా రైతులకు రెట్టింపు లాభాలు అందించేలా పరిశోధనలు చేయాలని కలెక్టర్‌ బదావత్‌ సంతోష్‌ అన్నారు. మంగళవారం పాలెం ప్రాంతీయ వ్యవసాయ పరిశోధన సంస్థలో దక్షిణ తెలంగాణ మండల వ్యవసాయ పరిశోధనలు, విస్తరణ సలహా సంఘం చర్చా కార్యక్రమం ఏర్పాటు చేశారు. ఈ కార్యక్రమానికి ముఖ్య అతిథిగా హజరైన కలెక్టర్‌ బదావత్‌ సంతోష్‌ మాట్లాడారు. పరిశోధనల ద్వారా సత్ఫలితాలిచ్చిన మేలు రకం పంటలను రైతులకు అందించాలని, సరైన యాజమాన్య పద్ధతులను వారికి సకాలంలో వివరించి దిగుబడులు పెంచాలన్నారు. వాణిజ్య పంటలనే కాకుండా ధాన్యం పంటలను రైతులు సాగు చేసేలా చూడాలన్నారు. పీజేటీఏయూ పరిశోధన సంచాలకులు డా.ఎం.బలరాం మాట్లాడుతూ దక్షిణ తెలంగాణ ప్రాంతంలో ఆహార పంటలు, పప్పు దినుసులు, నూనెగింజల పంటలు అధికంగా పండిస్తారని అన్నారు. గత సంవత్సరం సాగులో ఎదురైన సమస్యలను దృష్టిలో ఉంచుకొని వ్యవసాయ విశ్వ విద్యాలయం అధిక దిగుబడుల్ని, చీడపీడలను తట్టుకునే వంగడాలను సృష్టించాలన్నారు. స్వల్పకాల పరిమితి రకాలను వృద్ధి చేయాలన్నారు. విస్తరణ సంచాలకులు డా.యం.యాకాద్రి మాట్లాడుతూ క్షేత్రస్థాయిలో వస్తున్న మార్పులకు అనుగుణంగా సాంకేతిక పద్ధతులను, సమాచారాన్ని వివిధ రకాల వినూత్న కార్యక్రమాలను చేపడుతూ రైతులకు సమయానుసారంగా వివరించాలన్నారు. కార్యక్రమంలో పాలెం ఆర్‌ఏఆర్‌ఎస్‌ ఏడీఆర్‌ డా.సుధాకర్‌, శాస్త్రవేత్తలు సూచరిత, రామాంజనేయులు, ప్రభాకర్‌రెడ్డి, వ్యవసాయశాఖ అధికారులు, రైతులు పాల్గొన్నారు. నాగర్‌కర్నూల్‌ కలెక్టర్‌ బదావత్‌ సంతోష్‌ దక్షిణ తెలంగాణలో పప్పు దినుసులు, నూనెగింజల సాగు అధికం: పీజేటీఏయూ పరిశోధన సంచాలకులు డా.ఎం.బలరాం

అచ్చంపేట: శ్రీశైలం ఎడమగట్టు కాల్వ (ఎస్‌ఎల్‌బీసీ) సొరంగం లోపల సహాయక చర్యలు ముమ్మరంగా కొనసాగుతున్నాయి. సొరంగం పైకప్పు కూలిన ఘటన జరిగి మంగళవారం నాటికి 46 రోజులు గడవగా.. సొరంగం లోపల మట్టి, బురద, రాళ్లు, టీబీఎం బాగాల తొలగింపు పనులు వేగవంతమయ్యాయి. అలాగే ఎప్పటికప్పుడు వెంటిలేషన్‌ పనులు చేపడుతున్నారు. మంగళవారం రాత్రి షిఫ్ట్‌కు వెళ్లిన సహాయక సిబ్బంది కన్వేయర్‌ బెల్టు పొడిగింపు పనులు చేపడుతున్నారు. ప్రస్తుతం 13.730 కి.మీ., వరకు కన్వేయర్‌ బెల్టు ఉండగా మరో 70 మీటర్ల మేర దీనిని పొడిగించనున్నారు. ఈ నెల 11 వరకు నాలుగు రోజుల పాటు కన్వేయర్‌ బెల్టు పొడిగింపు పనులు కొనసాగనుండగా.. ఈ సమయంలో మట్టి, బురద బయటకు తరలించడం సాధ్యం కాదు. కన్వేయర్‌ బెల్టు పొడిగింపు ఇదే చివరి అవకాశంగా అధికారులు చెబుతున్నారు. తొలగించిన టీబీఎం బాగాలు, రాళ్లు, శిథిలాలను లోకో ట్రైన్‌ ప్లాట్‌ఫాం ద్వారా బయటకు తరలిస్తారు. మిగిలిన 70 మీటర్ల వరకు ఉన్న శిథిలాలను ఈ నెల 16 వరకు పూర్తి చేయాలనే లక్ష్యంతో సహాయక బృందాలు చర్యలు చేపడుతున్నాయి. సొరంగం పైకప్పు కూలిన 13.938 కి.మీ., ప్రదేశం అత్యంత ప్రమాదకరమైనదిగా నిర్ధారించి 45 మీటర్ల వరకు కంచె ఏర్పాటు చేశారు. అక్కడ తవ్వకాలు చేపట్టే అవకాశం లేకపోవడంతో మిగిలిన 70 మీటర్ల వరకు ఉన్న మట్టి, బురద, రాళ్లు, టీబీఎం బాగాలను తొలగించే ప్రక్రియ కొనసాగిస్తున్నారు. వెంటిలేషన్‌ కొనసాగింపు.. సొరంగం లోపల మట్టి తవ్వకాలకు అనుగుణంగా వెంటిలేషన్‌ పనులు కొనసాగిస్తున్నారని ప్రత్యేకాధికారి శివశంకర్‌ లోతేటి అన్నారు. మంగళవారం ఎస్‌ఎల్‌బీసీ సొరంగం వద్ద జేపీ కార్యాలయంలో సహాయక బృందాల ఉన్నతాధికారులతో సమీక్షా నిర్వహించి సహాయక చర్యలపై ఆరా తీశారు. ఈ సందర్భంగా ఆయన మాట్లాడుతూ ప్రమాద ప్రదేశంలో ఎలాంటి చర్యలు చేపట్టకుండా మిగిలిన ప్రదేశంలో సహాయక చర్యలు చేపడుతున్నామని చెప్పారు. ఐదు ఎస్కవేటర్ల సహాయంతో మట్టి తవ్వకాలు చేపడుతూ కన్వేయర్‌ బెల్టు ద్వారా మట్టి బయటకు తరలిస్తున్నామని చెప్పారు. సొరంగంలో నిరంతరాయంగా వస్తున్న నీటి ఊటను అత్యధిక సామర్థ్యం కలిగిన పంపుల ద్వారా బయటకు పంపింగ్‌ చేస్తున్నామన్నారు. మరోసారి కన్వేయర్‌ బెల్టు పొడిగింపు పనులు ప్రారంభం ఈ నెల 16 వరకు 70 మీటర్ల శిథిలాలు తొలగించేలా ముందుకు.. ఎస్‌ఎల్‌బీసీలో ముమ్మరంగా సహాయక చర్యలు

జెడ్పీసెంటర్‌ (మహబూబ్‌నగర్‌): పెంచిన వంట గ్యాస్‌ ధరలు వెంటనే తగ్గించాలని భారత మహిళా సమాఖ్య జిల్లా కార్యదర్శి పద్మావతి డిమాండ్‌ చేశారు. మంగళవారం పట్టణంలో చేపట్టిన నిరసన కార్యక్రమంలో ఆమె పాల్గొని మాట్లాడారు. ఓ వైపు నిత్యావసరాల ధరలు పెరిగి సామాన్యుడు బతకలేని స్థాయిలో ఉంటే మరోవైపు గ్యాస్‌ ధరలు పెంచడం ఏమిటని ప్రశ్నించారు. పేదలకు అందించే ఉజ్వల గ్యాస్‌ సిలిండర్‌పై కూడా రూ.50 పెంపు మోయలేని భారమేనన్నారు. అంబానీ, అదానీలకు ఆదాయం కట్టబెట్టడానికే ధరల పెంపని తేట తెల్లమవుతుందని చెప్పారు. ప్రపంచ వ్యాప్తంగా క్రూడాయిల్‌ ధరలు పడిపోతే.. దేశంలో మాత్రమే పెరిగిందని సాకు చూపుతూ ధరల పెంపు ఏ మాత్రం సమంజసం కాదన్నారు. కార్యక్రమంలో వనపర్తి జిల్లా కార్యదర్శి గీత, కమిటీ సభ్యులు మాధవి, సత్యమ్మ, సింధు, పద్మ, మహిళలు పాల్గొన్నారు.

ప్రభుత్వం మత్స్యకారుల కోసం ఉచితంగా పంపిణీ చేస్తున్న చేపపిల్లలను నాణ్యతగా సరఫ రా చేయాలి. అధికారుల నిర్లక్ష్యం కారణంగానే తీవ్రంగా నష్టపోతున్నాం. గత సంవత్సరం పంపిణీ చేసిన చేప విత్తనా ల సైజు రాలేదు. పావు కేజీ నుంచి అర కేజీ మాత్రమే వచ్చింది. చేపపిల్లలను ఎ ప్పటికప్పుడు పరిశీలించిన తర్వాత పంపిణీ చేస్తే బాగుంటుంది. – జిల్లెల శేఖర్‌, మత్స్యకారుడు, పెద్దదర్పల్లి, హన్వాడ నాణ్యతపరిశీలించేపంపిణీ చేశాం చెరువుల్లో పంపిణీ చేసే సమయంలో పరిశీలించి తీసుకోమని చెబుతున్నాం. నాణ్యత చూసుకొని సంతృప్తి చెందాకే చేప పిల్లలు పంపిణీ చేశాం. టెండర్‌ ప్రక్రియ ద్వారా చేపపిల్లలు పంపిణీ చేశాం. – రాధారోహిణి, జిల్లా మత్స్యశాఖ అధికారి అర కేజీ కూడా పెరగలేదు.. గత సంవత్సరం చెరువుల్లో ప్రభుత్వం వదిలిన ఉచిత చేపపిల్లలు పెరగలేదు. సైజు రాక తీవ్ర ఇబ్బందులు పడుతున్నాం. మా చెరువులో పావు కేజీ నుంచి అర కేజీ లోపే చేపల సైజులో వృద్ధి వచ్చింది. చేప పిల్లలు నాణ్యతపై అనుమానాలున్నాయి. ప్రభుత్వం అందజేస్తున్న చేపపిల్లలను నాణ్యతగా సరఫరా చేయాలి. – వెంకటయ్య, కొత్తపేట మత్స్యపారిశ్రామిక సహకార సంఘం అధ్యక్షుడు తీవ్రంగా నష్టపోతున్నాం.. చెరువుల్లో ప్రతి సంవత్సరం ఉచితంగా వదిలే చేప విత్తనాల నాణ్యతపై నిర్లక్ష్యం వహించడం సరికాదు. బాధ్యత కలిగిన ప్రభుత్వ యంత్రాంగం పట్టనట్లుగా వ్యవహరిస్తోంది. గత సంవత్సరం వదిలిన చేప విత్తనాలు సైజు రాకపోవడంతో మత్స్యకారులు తీవ్రంగా నష్టపోతున్నారు. – శ్రీకాంత్‌, హజిలాపూర్‌, నవాబ్‌పేట మండలం

మన్ననూర్‌: రాష్ట్రంలోని గిరిజన కోఆపరేటివ్‌ సంస్థల (జీసీసీ) ఆధ్వర్యంలో నిర్వహిస్తున్న డీఆర్‌ డిపోలకు పూర్వ వైభవం తీసుకువస్తామని సంస్థ రాష్ట్ర చైర్మన్‌ కోట్నావత్‌ తిరుపతి అన్నారు. మంగళవారం మన్ననూర్‌లోని జీసీసీ కార్యాలయాన్ని సందర్శించిన ఆయన అక్కడి పరిస్థితులను జీసీసీ మేనేజర్‌ సంతోష్‌కుమార్‌, చెంచు సంఘాల నాయకులను అడిగి తెలుసుకున్నారు. అనంతరం గిరిజన సంఘాలు, కాంగ్రెస్‌ పార్టీ నాయకులతో ఇష్టాగోష్టిగా మాట్లాడారు. ఈ ప్రాంతంలోని చెంచులు కనీస జీవనోపాదులు లేక తీవ్ర ఇబ్బందులతో జీవనం కొనసాగిస్తున్నారన్నారు. గతంలో జీసీసీ ఈ ప్రాంతంతోపాటు పరిసర జిల్లాల్లో కూడా ఎంతో ప్రాధాన్యతలో కార్యక్రమాలు ఉండేవని వివరించారు. కొంతకాలంగా అటవీ ఉత్పత్తులు లేక చెంచులు జీవనోపాధి కోల్పోయి ప్రభుత్వం కల్పిస్తున్న ఉపాధి హామీ పథకం, ఇతర ఉచిత పథకాలపై ఆధారపడి జీవనం గడుపుతున్నారని వాపోయారు. దక్షిణ తెలంగాణ అమరనాథ్‌ యాత్రగా చెప్పుకునే సలేశ్వరం ఉత్సవాలను కనీసం 5 రోజులు నిర్వహించుకునే విధంగా అవకాశం కల్పించాలని స్థానికులు కోరారు. అదేవిధంగా సంస్థలో ఉద్యోగాలు చేసి పదవీ విరమణ చేసిన ఉద్యోగులకు రావాల్సిన బెనిఫిట్స్‌ త్వరగా ఇప్పించాలని రిటైర్డ్‌ ఉద్యోగులు వినతిపత్రం అందజేశారు. అనంతరం చెంచు సేవా సంఘం నాయకులు శంకరయ్య, రాజేంద్రప్రసాద్‌, కాంగ్రెస్‌ నాయకులు ఎంఏ రహీం, వెంకటరమణ, గోపాల్‌నాయక్‌ శాలువా, పూలబోకెతో ఆయనను ఘనంగా సన్మానించారు.

చారకొండ: మండలంలోని సిర్సనగండ్ల సీతారామచంద్రస్వామి బ్రహ్మోత్సవాల్లో భాగంగా సోమవారం రాత్రి ప్రత్యేక పూజలు నిర్వహించారు.మంగళవారం తెల్లవారుజామునా పూల రఽథోత్సవం(చిన్నతేరు) కనులపండువగా సాగింది. ఆలయ చైర్మన్‌ రామశర్మ, ఈఓ అంజనేయులు, మేనేజర్‌ నిరంజన్‌ అర్చకులు, ఆయా గ్రామాల ప్రజా ప్రతినిథులు, భక్తులు కార్యక్రమాన్ని ప్రారంభించారు. అంతకు ముందు ఉత్సవ విగ్రహాలకు అర్చకులు ప్రత్యేక పూజలు చేశారు. గుట్టపై దత్తాత్రేయ గుడి, ముక్కిండి పోచమ్మ, మైసమ్మ దేవాలయాలను దర్శించుకొని నైవేద్యం సమర్పించారు. మేళతాళాలు, భజనలు, భక్తుల శ్రీరామనామస్మరణతో రథం ముందుకు సాగింది. రథోత్సవానికి భక్తులు పోటెత్తారు. మంగళవారం స్వామివారి దర్శనం అనంతరం ప్రత్యేక పూజలు నిర్వహించారు. భక్తులు క్యూలైన్‌ద్వార స్వామివారిని దర్శించుకున్నారు. కార్యక్రమాల్లో ఆలయ అర్చకులు మురళిధర్‌ శర్మ, లక్ష్మణ్‌ శర్మ,వేణు శర్మ, ఆనంద్‌ శర్మ, గోపి శర్మ, భాస్కర్‌ శర్మ, ప్రవీణ్‌ శర్మ భక్తులు పాల్గొన్నారు. నేటి రాత్రి పెద్ద రథోత్సవం బుధవారం అర్ధరాత్రి దాటాక పెద్ద రథోత్సవం ప్రారంభమవుతుందని భక్తులు అధిక సంఖ్యలో హాజరై రథోత్సవాన్ని విజయవంతం చేయాలని ఆలయ చైర్మన్‌ డేరం రామశర్మ, ఆలయ ఈఓ ఆంజనేయులు తెలిపారు. అర్చకుల ప్రత్యేక పూజలు పోటెత్తిన భక్తులు

మహబూబ్‌నగర్‌ రూరల్‌: ఒక్కసారిగా గ్యాస్‌ సిలిండర్‌ ధర పెంపుతో వినియోగదారులు ఆందోళన వ్యక్తం చేస్తున్నారు. ప్రస్తుతం గృహవసరాలకు వినియోగించే 14.2 కేజీల ఎల్‌పీజీ సిలిండర్‌ ధర రూ.858.50 ఉండగా, రూ.50 పెంపుతో ఇక రూ.908.50కు చేరనుంది. జిల్లావ్యాప్తంగా ఐఓసీఎల్‌, బీపీసీఎల్‌, హెచ్‌పీసీఎల్‌ ఆయిల్‌ కంపెనీలకు చెందిన 18 ఎల్‌పీజీ డిస్ట్రిబ్యూటర్లు ఉన్నాయి. వీటి పరిధిలో 2,55,837 వంటగ్యాస్‌ కనెక్షన్లు ఉన్నాయి. సగటున ప్రతి నెల ఒక్కో సిలిండర్‌ తీసుకున్నా.. పెంచిన గ్యాస్‌ సిలిండర్‌ ధర వల్ల జిల్లా వినియోగదారులపై దాదాపు రూ.1,27,91,850 అదనపు భారం పడనుంది. ఏడాదికి రూ.15.35 కోట్ల అదనపు భారం పడుతుంది. మరోవైపు జిల్లాలో గ్యాస్‌ ఏజెన్సీలు రవాణా చార్జీల పేరిట వినియోగదారులను నిలువు దోపిడీ చేస్తున్నారు. ప్రభుత్వ నిబంధనల ప్రకారం గ్యాస్‌ ఏజెన్సీలు 5 కిలోమీటర్ల పరిధిలో ఉచితంగా డోర్‌ డెలివరీ చేయాలి. 30 కిలోమీటర్ల లోపు రూ.10 వసూలు చేయాలి. కానీ డెలవరీ బాయ్‌ సిలిండర్‌కు అదనంగా రూ.20 నుంచి రూ.50 వరకు వసూలు చేస్తున్నారు. ప్రస్తుతం ప్రభుత్వం పెంచిన ధరల ప్రకారం ఎల్‌పీజీ గ్యాస్‌ ధర రూ.908.50 డెలవరీ బాయ్‌ చార్జీలు కలుపుకుంటే రూ.950కి చేరుతుంది. గ్యాస్‌ సబ్సిడీ సిలిండర్‌పై రూ.50 పెంపు రవాణా చార్జీల పేరిట అదనపు దోపిడీ జిల్లా వినియోగదారులపై ప్రతినెలా రూ.1.27 కోట్ల భారం

బల్మూర్‌: మండలంలోని బల్మూర్‌ సమీపంలో నిర్మించనున్న ఉమామహేశ్వర ప్రాజెక్టు సర్వే పనులను మంగళవారం రైతులు అడ్డుకున్నారు. రైతుల అభిప్రాయ సేకరణ లేకుండా తమకు నష్టం కలిగించే ప్రాజెక్టుపై ఏడాదిగా పోరాటం చేస్తున్న తమతో అధికారులు, ప్రజాప్రతినిధులు ఏమాత్రం చర్చించకుండా పరిహారాలు ఇవ్వకుండానే భూసర్వే చేయడం ఏమిటని వారు సర్వే సిబ్బందితో వాగ్వాదానికి దిగారు. ఈసందర్భంగా మైలారం–అంబగిరి రోడ్డుపై నిరసన తెలిపారు. ప్రాజెక్టు నిర్మాణంపై కోర్టులో కేసు ఉన్న కూడా నిబంధనలు పాటించకుండా సర్వే చేయడంపై రైతులు మండిపడ్డారు. గతంలో రెండు సార్లు సర్వే పనులను అడ్డుకున్నా మళ్లీ సర్వే చేయడం తగదని, మరోసారి సర్వేకు వస్తే దాడులు తప్పవని రైతులు సర్వే సిబ్బందిని హెచ్చరించారు. దీంతో సర్వే సిబ్బంది వెనుదిరిగారు. కార్యక్రమంలో రైతు నాయకులు తిరుపతయ్య, శివశంకర్‌, కృష్ణయ్య, రాజేష్‌, కాగుల మల్లయ్య, శ్రీశైలం,తో పాటు బల్మూర్‌, అనంతవరం గ్రామానికి చెందిన భూనిర్వాసిత రైతులు పాల్గొన్నారు. సర్వే సిబ్బందితో వాగ్వాదం మరో సర్వేకు వస్తే దాడులు తప్పవు: రైతులు

స్టేషన్‌ మహబూబ్‌నగర్‌: నియోజకవర్గంలో విద్య, స్కిల్‌ డెవలప్‌మెంట్‌కు అత్యంత ప్రాధాన్యత ఇస్తున్నట్లు ఎమ్మెల్యే యెన్నం శ్రీనివాస్‌రెడ్డి అన్నారు. జిల్లాకేంద్రంలోని ఎమ్మెల్యే క్యాంపు కార్యాలయంలో మంగళవారం రాష్ట్ర గ్రంథాలయ సంస్థ చైర్మన్‌ మహ్మద్‌ రియాజ్‌తో కలిసి ఎమ్మెల్యే విలేకరుల సమావేశంలో మాట్లాడారు. మహబూబ్‌నగర్‌ను అన్ని రంగాల్లో ప్రథమస్థానంలో ఉంచాలనే ఉద్దేశంతో ‘మహబూబ్‌నగర్‌ ఫస్ట్‌’ పేరుతో నిరుద్యోగ యువతకు ప్రభుత్వ ఉద్యోగాలకు ఉచిత శిక్షణ ఇస్తున్నట్లు తెలిపారు. ప్రజాప్రభుత్వం అధికారంలోకి రాగానే జాబ్‌ క్యాలెండర్‌ ప్రకటించిందని, తక్కువ సమయంలో 60 వేల ప్రభుత్వ ఉద్యోగాలు ఇచ్చినట్లు తెలిపారు. త్వరలో వేలాది ప్రభుత్వ ఉద్యోగాలు పబ్లిక్‌ సర్వీస్‌ కమిషన్‌ ద్వారా వస్తాయన్నారు. మహబూబ్‌నగర్‌ ఫస్ట్‌ ఆధ్వర్యంలో ఈనెల 16 నుంచి ఎస్‌ఐ, పోలీస్‌ కానిస్టేబుల్‌ ఉద్యోగాల కోసం పోటీ పడుతున్న అభ్యర్థులకు ఉచిత శిక్షణ అందజేస్తామని తెలిపారు. టెట్‌, డీఎస్సీ, వీఆర్‌ఏ, వీఆర్‌ఓ, గ్రూప్స్‌ ఉద్యోగాలకు ఉచిత శిక్షణ నిరంతర ప్రక్రియగా కొనసాగిస్తామన్నారు. రాష్ట్ర గ్రంథాల య సంస్థ చైర్మన్‌ రియాజ్‌ మాట్లాడుతూ ఎమ్మెల్యే యెన్నం శ్రీనివాస్‌రెడ్డి నిరుద్యోగ యువతకు ఉద్యోగ నియామకాలకు ఉచిత శిక్షణ ప్రారంభించేందుకు కృషి చేయడం అభినందనీయమన్నారు. మహబూబ్‌నగర్‌ ఫస్ట్‌ నవరత్నాలు ద్వారా 250 మంది మహిళలకు నైపుణ్య శిక్షణ నిర్వహించడం, మొదటి బ్యాచ్‌ శిక్షణ పూర్తి చేసుకొని, రెండో బ్యాచ్‌ శిక్షణ ప్రారంభించడం సంతోషంగా ఉందన్నారు. అనంతరం మహబూబ్‌నగర్‌ ఫస్ట్‌ కోచింగ్‌ సెంటర్‌ అడ్మిషన్‌ దరఖాస్తులను ఆవిష్కరించారు. సమావేశంలో ముడా చైర్మన్‌ లక్ష్మణ్‌యాదవ్‌, జిల్లా గ్రంథాలయ చైర్మన్‌ మల్లు నర్సింహారెడ్డి, మాజీ మున్సిపల్‌ చైర్మన్‌ ఆనంద్‌గౌడ్‌, టీపీసీసీ ప్రధాన కార్యదర్శి వినోద్‌కుమార్‌, డీసీసీ ప్రధాన కార్యదర్శి సిరాజ్‌ ఖాద్రీ, కోచింగ్‌ ఫ్యాకల్టీ రవికుమార్‌, గాలి బాల్‌రాజు, నాని యాదవ్‌, రాజేంద్రచారి పాల్గొన్నారు.

వీపనగండ్ల: మండల కేంద్రం సమీపంలో ఉన్న ఊరచెరువులో మొసలి సంచరిస్తుండటంతో గ్రామస్తులు భయాందోళనకు గురవుతున్నారు. తరచూ బయటకు వస్తుండటంతో అటువైపు వెళ్లేందుకు జంకుతున్నారు. అధికారులు స్పందించి చెరువు నుంచి తరలించడంతో పాటు హెచ్చరిక బోర్డు ఏర్పాటుచేయాలని కోరుతున్నారు. కారులో మంటలు గద్వాల క్రైం: ప్రమాదవశాత్తు కారులో మంటలు చెలరేగిన ఘటన మంగళవారం ఉదయం పట్టణంలో చోటు చేసుకుంది. ఫైర్‌ సిబ్బంది, బాధితుడి కథనం మేరకు.. పట్టణంలోని వీవర్స్‌కాలనీకి చెందిన కిరణ్‌కుమార్‌రెడ్డి ఉదయం కారును బయటకు తీసే క్రమంలో ఇంజిన్‌ నుంచి మంటలు వచ్చా యి. గుర్తించిన యజమాని మంటలను అ దుపు చేసేందుకు యత్నించినా ఫలితం లేకపోవడంతో అగ్నిమాపక కేంద్రానికి సమాచా రం ఇచ్చారు. దీంతో ఘటనస్థలికి చేరుకున్న ఫైర్‌ సిబ్బంది మంటలను అదుపులోకి తీసు కొచ్చారు. షార్ట్‌సర్క్యూట్‌తోనే ప్రమా దం జరిగి ఉండొచ్చని ఫైర్‌సిబ్బంది తెలిపారు. పంటకు పురుగు మందు కొట్టి.. రైతు మృతి నవాబుపేట: పంటకు పురుగు మందు కొట్టిన అస్వస్థతకు గురైన ఓ రైతు మృతిచెందాడు. ఈ ఘటనకు సంబంధించి వివరాలిలా.. మండలంలోని లోకిరేవు గ్రామానికి చెందిన రైతు కావలి సత్తయ్య(46) ఈ నెల 3న తన ిపొలంలో పంటకు పురుగు మందు పిచికారీ చేశాడు. రోజంతా పురుగు మందు కొట్టి అస్వస్థతకు గురై పొలం చెంతనే పడిపోయాడు. దీంతో చుట్టుపక్కల రైతులు గమనించి కుటుంబ సభ్యులతో కలిసి 108 వాహనంలో జిల్లా ఆస్పత్రికి తరలించారు. అక్కడ చికిత్స పొంది కోలుకోవడంతో 5న ఆస్పత్రి నుంచి డిశ్చార్జి అయ్యి ఇంటికి వచ్చాడు. అయితే మరుసటి రోజు మరోసారి అనారోగ్యానికి గురవడంతో ఆస్పత్రికి తరలించగా.. చికిత్స ిపొందుతూ మంగళవారం మృతిచెందాడు. ఈ ఘటనపై సత్తయ్య కుమారుడు ప్రవీణ్‌ ఫిర్యాదు మేరకు కేసు నమోదు చేసినట్లు ఎస్‌ఐ విక్రమ్‌ తెలిపారు. వ్యక్తి మృతదేహం లభ్యం అలంపూర్‌: పట్టణంలోని వంతెన సమీపంలో తుంగభద్ర నది ఒడ్డున నంద్యాల జిల్లా బనగానపల్లికి చెందిన ఆదిత్య శశాంక్‌ (33) మృతదేహం మంగళవారం లభ్యమైందని ఎస్‌ఐ వెంకటస్వామి తెలిపారు. స్థానికులు గుర్తించి సమాచారం ఇవ్వడంతో ఘటనా స్థలానికి చేరుకొని పరిశీలించామన్నారు. తల్లి అనాథ శరణాలయంలో ఉందని.. ఇద్దరు అక్కలు ఉపాధ్యాయులుగా విధులు నిర్వర్తిస్తున్నారని చెప్పారు. ఘటన స్థలాన్ని సీఐ రవిబాబు పరిశీలించారు.

దేవరకద్ర: స్థానిక వ్యవసాయ మార్కెట్‌యార్డులో మంగళవారం ఉల్లి విక్రయాలు జోరుగా సాగాయి. బుధవారం ఈశ్వర వీరప్పయ్యస్వామి రథోత్సవం ఉండటంతో మార్కెట్‌కు సెలవు ప్రకటించగా.. ఒకరోజు ముందుగానే ఉల్లి వేలం నిర్వహించారు. సుమారు మూడు వేల బస్తాల ఉల్లి మార్కెట్‌కు రాగా.. నాణ్యమైన ఉల్లి ఎక్కడ ఉంటే అక్కడ కొనుగోలుదారుల సందడి కనిపించింది. ఇతర మార్కెట్ల నుంచి వచ్చిన వ్యాపారులు కూడా ఉల్లిని తక్కువ మొత్తంలోనే కొనుగోలు చేశారు. నిలకడగా ధరలు.. మంగళవారం జరిగిన వేలంలో ఉల్లి ధరలు నిలకడగానే ఉన్నాయి. ఉదయం 10 గంటలకే వేలం ప్రారంభం కాగా క్వింటా గరిష్టంగా రూ.1,800.. కనిష్టంగా రూ.1,200 ధర పలికింది. మార్కెట్‌ నిబంధనలు సడలించిన తర్వాత బస్తా 50 కిలోలుగా నిర్ణయించారు. బస్తా ధర గరిష్టంగా రూ.900.. కనిష్టంగా రూ.600 వరకు విక్రయించారు. క్వింటా గరిష్టంగా రూ.1,800.. కనిష్టంగా రూ.1,200

వెల్దండ: మండలంలోని పెద్దాపూర్‌ స్టేజీ వద్ద హైదరాబాద్‌–శ్రీశైలం జాతీయ రహదారిపై మంగళవారం బస్సు, బైక్‌ ఢీకొని ఓ వ్యక్తి మృతి చెందినట్లు ఎస్‌ఐ కురుమూర్తి తెలిపారు. ఆయన కథనం మేరకు.. రంగారెడ్డి జిల్లా బడంగ్‌పేటకు చెందిన కింగ్లీకార్‌ ప్రవీణ్‌ కుమార్‌(40), అతడి స్నేహితుడు గోపికృష్ణ పెద్దాపూర్‌లో ఉన్న స్వామి గురూజీని కలవడానికి బైక్‌పై వస్తున్నారు. కల్వకుర్తి నుంచి హైదరాబాద్‌ వెళ్తున్న అచ్చంపేట డిపోకు చెందిన బస్సు పెద్దాపూర్‌ స్టేజీ వద్ద నిలిచిన బస్సును దాటే క్రమంలో ఎదురుగా వస్తున్న బైక్‌ను ఢీకొంది. ఈ ప్రమాదంలో ప్రవీణ్‌కుమార్‌, గోపికృష్ణకు గాయాలు కాగా వెంటనే చికిత్స నిమిత్తం 108 వాహనంలో మండల కేంద్రంలోని ఓ ప్రైవేటు ఆస్పత్రికి తరలించారు. అక్కడ చికిత్స పొందుతూ ప్రవీణ్‌కుమార్‌ మృతిచెందాడు. భార్య అక్షర ఫిర్యాదు మేరకు కేసు నమోదు చేసుకొని మృతదేహాన్ని పోస్టుమార్టం నిమిత్తం కల్వకుర్తి ప్రభుత్వ ఆస్పత్రికి తరలించినట్లు ఎస్‌ఐ వివరించారు. గోపీకృష్ణ మిఠాయి దుకాణంలో పనిచేస్తుండగా.. ప్రవీణ్‌కుమార్‌ బడంగ్‌పేటలో మటన్‌ వ్యాపారం చేసుకుంటూ జీవనం సాగించేవాడు. మహిళ బలవన్మరణం రాజోళి: కుటుంబ సమస్యలతో ఓ మహిళ పురుగుమందు తాగి ఆత్మహత్య చేసుకున్నట్లు ఎస్‌ఐ జగదీశ్‌ తెలిపారు. ఆయన కథనం మేరకు.. మండల కేంద్రానికి చెందిన కటిక లలితాబాయి (58)కి ఇద్దరు కుమా ర్తెలు, ముగ్గురు కుమారులు ఉన్నారు. భర్త చంద్రారావు మానసికంగా సక్రమంగా లేకపోవడం, కుమారులకు వివాహాలు కాక పోవడం, వ్యాపారాలు సాగకపోవడంతో మనోవేదనకు గురై సోమవారం రాత్రి పురుగుమందు తాగింది. గుర్తించిన కుటుంబసభ్యులు వెంటనే కర్నూలు ప్రభుత్వ ఆస్పత్రికి తరలించగా పరీక్షించిన వైద్యులు అప్పటికే మృతి చెందినట్లు నిర్ధారించారు. పెద్ద కుమారుడు కిషోర్‌ ఫిర్యాదు మేరకు కేసు నమోదు చేసు కొని దర్యాప్తు చేస్తున్నట్లు ఎస్‌ఐ వివరించారు. చికిత్స పొందుతూ వ్యక్తి మృతి మదనాపురం: తల్లి గొడ్డలితో దాడి చేయగా గాయపడ్డ కొడుకు చికిత్స పొందుతూ కోలుకోలేక మృతి చెందినట్లు సీఐ శివకుమార్‌ తెలిపారు. వివరాలు.. మండలంలోని అజ్జకొల్లు గ్రామానికి చెందిన కోటకొండ బాలకృష్ణ (35) పంచాయతీలో పారిశుద్ధ్య కార్మికుడిగా పనిచేస్తున్నాడు. ఆరోగ్యం బాగా లేకపోవడంతో ఏడాదిగా బాలకృష్ణ బదులు తల్లి లక్ష్మి పనిచేస్తుంది. ఈ నెల జీతం కుమారుడు ఖాతాలో పడింది. 3వ తేదీన డబ్బులు ఇవ్వమని లక్ష్మి కొడుకును కోరింది. దీంతో తల్లీకొడుకుల మధ్య గొడవ జరిగింది. లక్ష్మి గొడ్డలితో కొడుకుపై దాడి చేసింది. చిన్నకుమారుడు రవి హుటాహుటిన బాలకృష్ణను వనపర్తి ప్రభుత్వాస్పత్రికి తరలించారు. మెరుగైన వైద్య కోసం గాంధీ ఆస్పత్రిలో చేర్పించగా చికిత్స పొందుతూ మంగళవారం మృతిచెందాడు. రవి ఫిర్యాదు మేరకు కేసు నమోదు చేసినట్లు సీఐ తెలిపారు. ఖిల్లాఘనపురంలో బాలిక.. ఖిల్లాఘనపురం: మండల కేంద్రానికి చెందిన సుష్మ(10) చికిత్స పొందుతూ సోమవారం రాత్రి మృతి చెందినట్లు ఎస్‌ఐ సురేశ్‌గౌడ్‌ తెలిపారు. ఆయన కథనం మేరకు.. గ్రామానికి చెందిన అక్కి శ్రీశైలంకు సుష్మ (10), నిశిత కుమార్తెలు. వీరిద్దరు ఈ నెల 6న గొర్రెలు మేపుతుండగా.. సుష్మ అకస్మాత్తుగా కూలిపడి నోటిలో నుంచి నురగ వచ్చింది. గుర్తించిన నిశిత వెంటనే తండ్రికి సమాచారం ఇచ్చింది. ఆయన వెంటనే మండల కేంద్రంలోని ప్రభుత్వ ఆస్పత్రికి అటు నుంచి మహబూబ్‌నగర్‌, హైదరాబాద్‌లోని నిలోఫర్‌ ఆస్పత్రికి తరలించారు. అక్కడ చికిత్స పొందుతూ సోమవారం రాత్రి మృతిచెందింది. విష పురుగు కరిచి తమ కుమార్తె మృతి చెందిందని తండ్రి ఫిర్యాదు మేరకు కేసునమోదు చేసుకొని దర్యాప్తు చేపడుతున్నట్లు ఎస్‌ఐ వివరించారు. గుర్తుతెలియని జంతువు దాడిలో ఆవు మృతి ధరూరు : మండలంలోని మార్లబీడుకి చెందిన రైతు బాయిదొడ్డి రాజుకు చెందిన ఆవుపై ఓ గుర్తు తెలియని జంతువు దాడి చేయగా మృతిచెందింది. బాధితుడు తెలిపిన వివరాలు.. మార్లబీడుకి చెందిన రైతు బాయిదొడ్డి రాజు పొలం ధరూరు గట్టు శివారులో ఉంటుంది. పశువులను అక్కడే కట్టేసిన రైతు మంగళవారం ఉదయం పొలం వద్దకు వెళ్లి చూడగా.. ఆవు గొంతు భాగం రక్తగాయాలతో కనిపించింది. దీంతో రైతు అటవీ శాఖాధికారులకు సమాచారం అందించగా వారు రాలేదని ఆవేదన వ్యక్తం చేశారు. కొనఊపిరితో ఉన్న ఆవు మధ్యాహ్నం మృతిచెందింది. బాధిత రైతును ప్రభుత్వం ఆర్థికంగా ఆదుకోవాలని రైతులు రాఘవేంద్ర, మార్లబీడు గ్రామస్తులు కోరారు.

మహబూబ్‌నగర్‌ క్రీడలు: రాష్ట్ర క్రీడాప్రాధికారిక సంస్థ, జిల్లా యువజన, క్రీడల శాఖ ఆధ్వర్యంలో జిల్లాలోని గ్రామీణ ప్రాంతాల్లో వచ్చేనెల 1 నుంచి 31వ తేదీ వరకు వివిధ క్రీడాంశాల్లో వేసవి క్రీడా శిక్షణ శిబిరాలు నిర్వహించనున్నట్లు డీవైఎస్‌ఓ ఎస్‌.శ్రీనివాస్‌ సోమవారం ఓ ప్రకటనలో తెలిపారు. క్రీడా శిక్షణా శిబిరాల ను నిర్వహించేందుకు వ్యాయామ ఉపాధ్యాయులు, సీనియర్‌ క్రీడాకారుల నుంచి దరఖాస్తులు ఆహ్వానిస్తున్నట్లు పేర్కొన్నారు. సీనియర్‌ క్రీడాకారులైతే కనీసం జాతీయస్థాయి పోటీల్లో పాల్గొని ఉండాలని తెలిపారు. ఆసక్తిగలవారు తమ దరఖాస్తులను ఈనెల 22వ తేదీ వరకు జిల్లాకేంద్రంలోని యువజన, క్రీడాశాఖ కార్యాలయంలో వ్యక్తిగతంగా లేదా పోస్టు ద్వారా అందజేయాలని కోరారు. మిగతా వివరాల కోసం 9440656162, 9912564056 నంబర్లను సంప్రదించాలని సూచించారు. సరైన ఆహారంతోనే ఆరోగ్యం కాపాడుకోవాలి పాలమూరు: ప్రతి ఒక్కరూ ఆరోగ్యంపై అవగాహన పెంచుకోవడంతో పాటు సరైన ఆహారం తీసుకోవడం వల్ల జీవన ప్రమాణం పెరుగుతుందని జిల్లా వైద్యారోగ్యశాఖ అధికారి డాక్టర్‌ కృష్ణ అన్నారు. ప్రపంచ ఆరోగ్య దినోత్సవం సందర్భంగా జిల్లా వైద్యారోగ్యశాఖ ఆధ్వర్యంలో సోమవారం ఎదిర ప్రాథమిక ఆరోగ్య కేంద్రం దగ్గర ఏర్పాటు చేసిన ర్యాలీని డీఎంహెచ్‌ఓ ప్రారంభించారు. ఈ సందర్భంగా ఆయన మాట్లాడుతూ ఈ ఏడాది ఆరోగ్యకరమైన ఆరంభాలు–ఆశాజనక భవితవ్యాలు అనే అంశంపై అవగాహన పెంచాలని ప్రపంచ ఆరోగ్య సంస్థ సూచిస్తుందని తెలిపారు. తల్లి గర్భంలో ఉండే శిశువు దగ్గరి నుంచి పుట్టిన శిశువు వరకు ఆరోగ్యంపై తీసుకోవాల్సిన జాగ్రత్తలపై తల్లిదండ్రులకు తెలియ చెప్పాలన్నారు. నవజాత శిశువులకు తప్పక టీకాలు ఇప్పించాలని, పరిశుభ్రత, పోషకాహారం, ఎదుగుదల వంటి అంశాలపై వివరించాలన్నారు. దీర్ఘకాలిక రోగాల బారినపడకుండా ఉండటానికి ఆకుకూరలు, తాజా పండ్లు వంటివి అధికంగా తీసుకోవాలన్నారు. ప్రధానంగా నిత్యం వాకింగ్‌ చేయడం వల్ల కొత్త రోగాలు శరీరంలోకి వచ్చే అవకాశం చాలా తక్కువగా ఉంటుందన్నారు. అనంతరం క్షయ బాధితులకు పోషక కిట్లను అందజేశారు. కార్యక్రమంలో డాక్టర్‌ భాస్కర్‌ నాయక్‌, మంజుల, శరత్‌చంద్ర, ప్రవీణ్‌, రాజగోపాలచారి పాల్గొన్నారు. సమతుల్య ఆహారంతో సంపూర్ణ ఆరోగ్యం జడ్చర్ల: సమతుల్య ఆహారంతో సంపూర్ణ ఆరోగ్యం పొందే అవకాశం ఉందని జిల్లా న్యాయ సేవాధికార సంస్థ చైర్మన్‌, జిల్లా కోర్టు ప్రధాన న్యాయమూర్తి బి.పాపిరెడ్డి పేర్కొన్నారు. సోమవారం స్థానిక సీనియర్‌ సిటిజన్‌ కార్యాలయంలో ఏర్పాటు చేసిన ఉచిత వైద్య శిబిరాన్ని ఆయన ప్రారంభించారు. ఈ సందర్భంగా ఆయన మాట్లాడుతూ సీనియర్‌ సిటిజన్లు ఆరోగ్యంగా ఉండేందుకు పౌష్టికాహారంతో పాటు యోగా, వాకింగ్‌ అలవర్చుకోవాలని సూచించారు. ఎప్పటికప్పడు వైద్య పరీక్షలు చేయించుకుంటూ వైద్యుల సలహాలు తీసుకుంటూ కుటుంబసభ్యులు, స్నేహితులు, ఆత్మీయులతో కలిసి ఆహ్లాదకరంగా జీవితాన్ని గడపాలని కోరారు. జిల్లా న్యాయసేవాధికార సంస్థ కార్యదర్శి, న్యాయమూర్తి ఇందిర, జనరల్‌ ఆస్పత్రి సూపరింటెండెంట్‌ సంపత్‌కుమార్‌, డాక్టర్‌ శ్వేత,డాక్టర్‌ సౌమ్య, పాల్గొన్నారు. అండర్‌–19 క్రికెట్‌ చాంపియన్‌షిప్‌ రద్దు? మహబూబ్‌నగర్‌ క్రీడలు: అండర్‌–19 క్రికెట్‌ చాంపియన్‌షిప్‌ రద్దయినట్లు సమాచారం. స్కూల్‌ గేమ్స్‌ ఫెడరేషన్‌ ఆఫ్‌ ఇండియా జాతీయ ఎస్‌జీఎఫ్‌ అండర్‌–19 బాలుర క్రికెట్‌ చాంపియన్‌షిప్‌ను మహబూబ్‌నగర్‌లో ఈనెల 25వ తేదీ నుంచి 29 వరకు నిర్వహించేలా నిర్ణయించారు. అయితే అనివార్య కారణాల వల్ల టోర్నీని రద్దు చేస్తూ ఎస్‌జీఎఫ్‌ఐ సీఈఓ ఉత్తర్వులు జారీ చేసినట్లు తెలిసింది. జిల్లాకేంద్రంలో వర్షం మహబూబ్‌నగర్‌ మున్సిపాలిటీ: జిల్లాకేంద్రంలో సోమవారం మధ్యాహ్నం అరగంట పాటు ఓ మోస్తరు వర్షం కురిసింది. ఉదయం నుంచి మధ్యాహ్నం 2 గంటల వరకు ఎండ.. ఉక్కపోతతో జనం అల్లాడిపోయారు. ఒక్కసారిగా వర్షం రావడంతో వాతావరణం చల్లబడింది. కొన్ని ప్రాంతాల్లో వడగండ్లు పడ్డాయి.

జెడ్పీసెంటర్‌(మహబూబ్‌నగర్‌): మండల ప్రత్యేకాధికారులు ఇందిరమ్మ ఇళ్ల గ్రౌండింగ్‌ వేగవంతం చేయాలని కలెక్టర్‌ విజయేందిర అధికారులను ఆదేశించారు. సోమవారం స్థానిక కలెక్టరేట్‌లోని మీటింగ్‌హాల్‌లో జరిగిన సమావేశంలో కలెక్టర్‌ మాట్లాడుతూ తాగునీటికి సంబంధించి ఎక్కడైనా సమస్యలు, నిధుల అవసరం ఉంటే ప్రతిపాదనలు సమర్పించాలని సూచించారు. పంటల పరిస్థితి, విద్యుత్‌ సరఫరాపై కూడా దృష్టి పెట్టాలని ఆదేశించారు. రేషన్‌దుకాణాల ద్వారా ప్రభుత్వం పేదలకు సన్న బియ్యం సరఫరా చేస్తోంది, మండల ప్రత్యేక అధికారులు రేషన్‌షాపులను పర్యవేక్షించాలని, లబ్ధిదారులతో మాట్లాడి వారి అభిప్రాయాలు తెలుసుకోవాలన్నారు. దొడ్డు బియ్యం బదులు సన్నబియ్యం సరఫరా చేస్తున్నందున పేదలు పూర్తిగా సద్వినియోగం చేసుకునేలా చూడాలన్నారు. దిశ సమావేశం ఈనెల 16న మహబూబ్‌ నగర్‌ ఎంపీ డీకే అరుణ అధ్యక్షతన నిర్వహించనున్నందున కేంద్ర పథకాలు అమలుపై ఆయా శాఖలు పథకాలు ప్రగతిపై నోట్స్‌ అంద చేయాలని సూచించారు. జిల్లా వైద్య ఆరోగ్యశాఖ అధికారి కృష్ణ, ప్రపంచ ఆరోగ్య దినోత్సవం సందర్భంగా మాట్లాడుతూ ఈ ఏడాది ఆరోగ్యకర ఆరంభం ఆశాజనక భవిష్యత్‌ అనే అంశంపై నిర్వహిస్తున్నట్లు తెలిపారు. తల్లి గర్భంలో పుట్ట బోయే శిశువు నుంచి శిశువు పుట్టే వరకు తల్లి, శిశువు ఆరోగ్యంపై శ్రద్ధ పెట్టాలన్నారు. మాతా, శిశు మరణాలను నివారించాలన్నారు.

మహబూబ్‌నగర్‌ మున్సిపాలిటీ: జిల్లాకేంద్రంలోని మినీ ట్యాంక్‌బండ్‌ వద్ద అన్ని సౌకర్యాలు కల్పి స్తామని ఎమ్మెల్యే యెన్నం శ్రీనివాస్‌రెడ్డి అన్నారు. ముడా ఆధ్వర్యంలో సుమా రు రూ.50 లక్షలతో ఏర్పాటుచేసే విద్యుత్‌ దీపాలకు సోమవారం శంకుస్థాపన చేశారు. అనంతరం విలేకరులతో ఆయన మాట్లాడుతూ మినీ ట్యాంక్‌బండ్‌ను రూ.రెండు కోట్లతో అభివృద్ధి చేస్తున్నామన్నారు. ఇందులో సైకిల్‌ట్రాక్‌, నడక దారి, గ్రీనరీకి రూ.1.50 కోట్లు కేటాయించామన్నారు. రెండు నెలలలోగా మినీ ట్యాంక్‌బండ్‌ను అన్ని హంగులతో అందుబాటులోకి తెస్తామన్నారు. ఆహ్లాదకరమైన వాతావరణంలో నగర ప్రజలకు విజిటింగ్‌ స్పాట్‌గా మారుస్తామన్నారు. గత బీఆర్‌ఎస్‌ హయాంలో నిధుల లేమితో అభివృద్ధి మధ్యలోనే ఆగిపోయిందన్నారు. సాయంత్రం వేళ ఇక్కడికి వచ్చి సేదతీరే వారికి, రాత్రివేళ ఈ దారిలో వెళ్లే బాటసారులు, వాహనదారులకు ఇబ్బందులు తలెత్తకుండా ఉండేందుకు విద్యుత్‌ దీపాలను ఏర్పాటు చేస్తున్నామన్నారు. ఈ ప్రాంతానికి వచ్చే ప్రజలు ముఖ్యంగా పరిసరాలు పరిశుభ్రంగా ఉండేలా చూసుకోవాలన్నారు. కార్యక్రమంలో మున్సిపల్‌ కార్పొరేషన్‌ కమిషనర్‌ డి.మహేశ్వర్‌రెడ్డి, జిల్లా గ్రంథాలయ సంస్థ అధ్యక్షుడు మల్లు నర్సింహారెడ్డి, ముడా చైర్మన్‌ కె.లక్ష్మణ్‌యాదవ్‌, మున్సిపల్‌ మాజీ చైర్మన్‌ ఎ.ఆనంద్‌కుమార్‌గౌడ్‌, వ్యవసాయ మార్కెట్‌ కమిటీ చైర్మన్‌ బెక్కరి అనిత, నాయకులు సిరా జ్‌ఖాద్రీ, సీజే బెన్‌హర్‌, అవేజ్‌, అజ్మత్‌అలీ, శా ంతయ్యయాదవ్‌, ఖాజాపాషా, మునీరొద్దీన్‌, మోసిన్‌, ఉమర్‌ ఫరూఖ్‌, అంజద్‌, తదితరులు పాల్గొన్నారు.

పీయూలో జీఓ 21 లొల్లి●మాకు న్యాయం చేయాలి.. ప్రభుత్వం జీఓ నంబర్‌ 21ని వెంటనే రద్దు చేయాలి. ఇచ్చిన హామీలో భాగంగా డిగ్రీ, జూనియర్‌ కళాశాలల్లో పనిచేస్తున్న అధ్యాపకులను ప్రభుత్వం క్రమబద్ధీకరించింది. కానీ పాలమూరు యూనివర్సిటీలో పనిచేస్తున్న వారిని క్రమబద్ధీకరించలేదు. ఇదెక్కడి న్యాయం? ప్రభుత్వం ఇప్పటికై నా పీయూలో కాంట్రాక్ట్‌ లెక్చరర్లను క్రమబద్ధీకరించాలి. అర్హులైన ప్రతి ఒక్కరికి ఉద్యోగ భద్రత కల్పించేలా న్యాయం చేయాలి. ఆ తర్వాత మిగిలిన పోస్టులను రెగ్యులర్‌ ప్రతిపాదికన భర్తీ చేయాలి. – రవికుమార్‌, పీయూ టీచర్స్‌ అసోసియేషన్‌ అధ్యక్షుడు ఆందోళనలు తీవ్రతరం చేస్తాం.. యూనివర్సిటీ ప్రారంభం నుంచి పీయూలో లెక్చరర్లుగా విధులు నిర్వర్తిస్తున్నాం. అయినా ఎలాంటి ఉద్యోగ భద్రత లేకుండా పోయింది. 2016లో రెగ్యులర్‌ పోస్టుల్లో సీనియర్లను పక్కన బెట్టి భర్తీ చేశారు. ఉద్యోగ విరమణకు దగ్గరగా వస్తున్నాం. వెంటనే ప్రభుత్వం జీఓ 21ను రద్దు చేసి క్రమబ ద్ధీకరించాలి. లేని పక్షంలో రాష్ట్రవ్యాప్తంగా అన్ని యూనివర్సిటీల్లో నిరసనలు తీవ్రతరం చేస్తాం. – భూమయ్య, పీయూ టీచర్స్‌ అసోసియేషన్‌ గౌరవ అధ్యక్షుడు ప్రభుత్వం దృష్టికి తీసుకెళ్తా.. కాంట్రాక్ట్‌ అధ్యాపకుల సమస్యను ప్రభుత్వం దృష్టికి తీసుకెళ్తాం. ఒకవేళ తొలగించాల్సిన పరిస్థితి వస్తే కొత్త కోర్సులు, పీజీ సెంటర్లలో సర్దుబాటు చేస్తాం. ఎవరిని తొలగించాలనే ఉద్దేశం లేదు. కాంట్రాక్ట్‌ అధ్యాపకులందరికీ న్యాయం చేసేలా నా వంతు కృషి చేస్తా. – శ్రీనివాస్‌, వీసీ, పాలమూరు యూనివర్సిటీ సాక్షి ప్రతినిధి, మహబూబ్‌నగర్‌ : పాలమూరు యూనివర్సిటీలో లొల్లి రాజుకుంది. విశ్వవిద్యాలయంలో అధ్యాపక పోస్టుల శాశ్వత భర్తీకి సంబంధించి ప్రభుత్వం ఇటీవల జారీ చేసిన జీఓ 21 కాంట్రాక్ట్‌, పార్ట్‌ టైం లెక్చరర్లలో అలజడి సృష్టిస్తుండగా.. రగడ మొదలైంది. దశలవారీగా తమను తొలగించేందుకు రంగం సిద్ధమవుతోందని.. ఎట్టి పరిస్థితుల్లోనూ ఊరుకునేది లేదని.. తమను క్రమబద్ధీకరించిన తర్వాతే శాశ్వత నియామకాలు చేపట్టాలంటూ సోమవారం వారు ప్రత్యక్ష పోరుకు శ్రీకారం చుట్టారు. గత తొలగింపుల నేపథ్యంలో.. పీయూలో చివరిసారిగా 2014లో రెగ్యులర్‌ అధ్యాపక పోస్టుల భర్తీకి నోటిఫికేషన్‌ ఇచ్చారు. అయితే భర్తీ ప్రక్రియలో అనేక అవాంతరాలు ఎదురయ్యాయి. ఎట్టకేలకు 2016లో రెగ్యులర్‌ అధ్యాపకుల నియామకాలు జరిగాయి. ఆంగ్ల విభాగంలో ఇద్దరు, తెలుగులో ముగ్గురు, కెమిస్ట్రీ, కామర్స్‌, పొలిటికల్‌ సైన్స్‌, మైక్రోబయాలజీ విభాగాల్లో ఒక్కొక్కరిని చొప్పున మొత్తం తొమ్మిది మంది అధ్యాపకులను తీసుకున్నారు. ఈ క్రమంలో ఎనిమిది మంది కాంట్రాక్ట్‌ అధ్యాపకులను తొలగించారు. దీంతో సీనియర్‌ కాంట్రాక్ట్‌ అధ్యాపకుడు భూమయ్య తదితరులు ఆందోళనలు చేపట్టారు. అనంతరం వారు తమకు న్యాయం చేయాలని కోరుతూ కోర్టును సైతం ఆశ్రయించారు. ప్రస్తుతం రెగ్యులర్‌ ప్రాతిపాదికన అధ్యాపక పోస్టుల భర్తీకి రంగం సిద్ధమవుతుండడం.. గతంలో జరిగిన తొలగింపుల నేపథ్యంలో కాంట్రాక్ట్‌ లెక్చరర్లు అభద్రతా భావానికి లోనవుతున్నట్లు తెలుస్తోంది. అనుభవానికి వెయిటేజీ ఇస్తున్నా.. నూతనంగా నియామకాలను మూడు దశల్లో చేపట్టనున్నారు. మొదటి దశలో 50 మార్కులు.. వీసీ, ఉన్నత విద్యామండలి సభ్యుడు, బోర్డు ఆఫ్‌ స్డడీస్‌ చైర్మన్‌, హెచ్‌ఓడీ కన్వీనర్‌గా ఉండే స్క్రూట్నీ కమిటీ పలు కొలమానాల ఆధారంగా మార్కులు కేటాయించనుంది. రెండో దశలో మొత్తం 30 మార్కులు.. ఇందులో బోధనానుభవం ఉన్న వారికి ఒక్క సంవత్సరానికి ఒక్క మార్కు చొప్పున గరిష్టంగా 10 మార్కులు, డెమోకు 10 మార్కులు, పుస్తక రచన, రీసెర్చ్‌ ఫెల్లోషిప్‌ ఇలా మొత్తం 10 మార్కులు కేటాయించనున్నట్లు సమాచారం. మూడో దశలో ఇంటర్వ్యూకు 20 మార్కులు కేటాయించనున్నారు. మొత్తంగా 100 మార్కులకు సంబంధించి అత్యధిక మార్కులు సాధించిన వారికి మాత్రమే ఉద్యోగం పొందే అవకాశం ఉంది. నియామకాల్లో అనుభవానికి వెయిటేజీ ఇస్తున్న క్రమంలో ప్రస్తుతం పనిచేస్తున్న కాంట్రాక్ట్‌ అధ్యాపకులకు మేలు జరిగే అవకాశం ఉంది. అయితే అంతా సవ్యంగా జరుగుతుందా? గతంలో ఏం జరిగిందో అందరికీ తెలుసని.. తమకు న్యాయం జరిగే వరకు పోరాటం చేస్తామన్నారు. తమను క్రమబద్ధీకరించిన తర్వాతే మిగిలిన పోస్టులను రెగ్యులర్‌ ప్రాతిపదికన భర్తీ చేయాలని డిమాండ్‌ చేస్తున్నారు. త్వరలో 22 పోస్టులకు నోటిఫికేషన్‌.. యూనివర్సిటీలో ప్రస్తుతం 16 మంది రెగ్యులర్‌ అధ్యాపకులు పనిచేస్తున్నారు. వీరితో పాటు 93 మంది కాంట్రాక్ట్‌, 60 మంది పార్ట్‌టైం ప్రాతిపదికన విధులు నిర్వర్తిస్తున్నారు. వీరిలో చాలా మంది ఉద్యోగ విరమణకు దగ్గరగా ఉన్నారు. పీయూలో మొత్తం 58 రెగ్యులర్‌ పోస్టులు కాగా.. గతంలో 16 భర్తీ చేశారు. ఇవి పోను 42 రెగ్యులర్‌ పోస్టులను భర్తీ చేయాల్సి ఉంది. ఇందులో కనీసం 22 పోస్టులకు త్వరలో నోటిఫికేషన్‌ ఇచ్చి.. భర్తీ చేసే అవకాశం ఉన్నట్లు సమాచారం. పీయూలో ప్రభుత్వం రెగ్యులర్‌ అధ్యాపకులను నియమిస్తే.. ఆయా విభాగాల్లో కొన్ని సంవత్సరాలుగా పనిచేస్తున్న కాంట్రాక్ట్‌ లెక్చరర్లను తొలగించే అవకాశం ఉన్నట్లు ప్రచారం జోరుగా సాగుతోంది. శాశ్వత నియామకాలపై కాంట్రాక్ట్‌, పార్ట్‌ టైం అధ్యాపకుల్లో ఆందోళన దశల వారీగా తమను తొలగిస్తారని బెంబేలు.. పోరుబాటకు శ్రీకారం వీసీకి వినతి.. యూనివర్సిటీ ప్రాంగణంలో ప్రభుత్వ ఉత్తర్వు కాపీల దహనం డిగ్రీ, ఇంటర్‌ కాలేజీల్లో క్రమబద్ధీకరణ తమకు వర్తించదా అంటూ నిరసన గళం ఎన్నో ఏళ్లుగా విధులు నిర్వర్తిస్తున్నాం.. ఉద్యోగ భద్రత కల్పించాలని డిమాండ్‌ మేమెందుకు అర్హులం కాదు ? ఇటీవల డిగ్రీ, జూనియర్‌ కళాశాలల్లో అర్హత ఉన్న అధ్యాపకులను ప్రభుత్వం రెగ్యులర్‌ చేసిన విషయం తెలిసిందే. పీయూ ఏర్పాటైనప్పటి నుంచి లెక్చరర్లుగా పనిచేస్తున్నామని.. అయినా తమను క్రమబద్ధీకరించపోవడం అన్యాయమని కాంట్రాక్ట్‌, పార్ట్‌ టైం లెక్చరర్లు ఆవేదన వ్యక్తం చేస్తున్నారు. మేమెందుకు అర్హులం కాదో చెప్పాలని డిమాండ్‌ చేశారు. ఈ మేరకు సోమవారం పీయూ వైస్‌చాన్స్‌లర్‌ శ్రీనివాస్‌, నూతన రిజిస్ట్రార్‌ రమేష్‌బాబును కలిసి వినతిపత్రం అందజేశారు. తాము ఎన్నో ఏళ్లుగా కాంట్రాక్ట్‌, పార్ట్‌ టైం ప్రాతిపదికన లెక్చరర్లుగా చేస్తున్నామని.. తమను రెగ్యులర్‌ చేసిన తర్వాత మాత్రమే మిగిలిన పోస్టుల భర్త్తీ ప్రక్రియ చేపట్టాలని కోరారు. తమకు ఉద్యోగ భద్రత కల్పించాలని విజ్ఞప్తి చేశారు. అనంతరం పీయూలోని అడ్మినిస్ట్రేషన్‌ భవనం వద్ద జీఓ 21 ప్రతులను దహనం చేశారు. సమస్యను పరిష్కరించకపోతే ఆందోళనను తీవ్రతరం చేస్తామని హెచ్చరించారు.

పాలమూరు: క్షేత్రస్థాయిలో పార్టీ ఎంతో బలపడటంతోపాటు తెలంగాణలో అధికారంలోకి రావడమే లక్ష్యంగా ముందుకెళ్లాల్సిన అవసరం ఉందని ఎంపీ డీకే అరుణ అన్నారు. ఆదివారం బీజేపీ 45వ ఆవిర్భావ దినోత్సవం సందర్భంగా మొదట ఎంపీ నివాసంలో నాయకులతో కలిసి పార్టీ జెండా ఆవిష్కరించి అక్కడి నుంచి పార్టీ కార్యాలయానికి చేరుకున్నారు. అక్కడ జిల్లా అధ్యక్షుడు శ్రీనివాస్‌రెడ్డితో కలిసి పార్టీ జెండా ఆవిష్కరించి.. పార్టీ వ్యవస్థాపకుల చిత్రపటాలకు ఘనంగా నివాళులర్పించారు. ఈ సందర్భంగా కార్యకర్తలతో ఏర్పాటు చేసిన సమావేశంలో ఎంపీ మాట్లాడుతూ కేంద్ర కమిటీ పిలుపు మేరకు ఈ నెల 25 వరకు చేపట్టబోయే కార్యక్రమాల్లో నాయకులు, కార్యకర్తలు ప్రతిఒక్కరూ పాల్గొనాలని సూచించారు. కేంద్ర ప్రభుత్వం అమలు చేస్తున్న అన్ని సంక్షేమ పథకాలను ప్రజల్లోకి తీసుకువెళ్లాలన్నారు. వారం రోజుల పాటు జరిగే కార్యక్రమాల్లో భాగంగా ప్రతి కార్యకర్త ఇంటిపై బీజేపీ జెండా ఎగురవేయాలని పిలుపునిచ్చారు. గాంవ్‌ చలో– బస్తీ చలో పేరుతో ఊరూరా ప్రత్యేక కార్యక్రమం, ఈ నెల 13 నుంచి 25 వరకు అంబేడ్కర్‌ సంయాన్‌ అభియాన్‌ పేరుతో ప్రత్యేక కార్యక్రమాలు చేపట్టాలన్నారు. ఈ నెల 13న ప్రతి గ్రామంలోని అంబేడ్కర్‌ విగ్రహాన్ని శుభ్రం చేయడం, 14న విగ్రహాల దగ్గర కొవ్వొత్తుల ప్రదర్శన చేయాలన్నారు. దేశ చరిత్రలో కీలక ఘట్టం వక్ఫ్‌ సవరణ బిల్లు చట్టరూపం దాల్చడం దేశ చరిత్రలో మరో కీలక ఘట్టమని, దేశంలో వేలాది మంది వక్ఫ్‌ బాధితులకు న్యాయం జరుగుతుందని ఎంపీ డీకే అరుణ అన్నారు. పార్టీ కార్యాలయం దగ్గర ఆమె మీడియాతో మాట్లాడారు. దేశంలో వక్ఫ్‌ పేరుతో లిటిగేషన్‌లో ఉన్న వేలాది ఎకరాల భూములకు రిలీఫ్‌ రాబోతుందన్నారు. వక్ఫ్‌ సవరణ బిల్లుతో మైనార్టీల ఆస్తులు, మసీద్‌లు, కబ్రస్తాన్‌లు తీసుకుంటారని జరిగిన ప్రచారం పూర్తిగా అవాస్తవం అని స్పష్టం చేశారు. వక్ఫ్‌ పేరుతో జరిగిన మోసాలకు ఈ చట్టం చెక్‌ పెడుతుందన్నారు. ఇకపై అసలైన మైనార్టీ మహిళలు, వితంతువులకు సరైన న్యాయం జరుగుతుందన్నారు. కార్యక్రమంలో బీజేపీ నేతలు పద్మజారెడ్డి, జయశ్రీ, పాండురంగారెడ్డి, కృష్ణవర్ధన్‌రెడ్డి, రాజేందర్‌రెడ్డి, బాలరాజు పాల్గొన్నారు.

స్టేషన్‌ మహబూబ్‌నగర్‌: శ్రీరామనవమిని పురస్కరించుకొని ఆదివారం పాలమూరు పట్టణంలోని పలు ఆలయాల్లో సీతారాముల కల్యాణ మహోత్సవాన్ని భక్తిశ్రద్ధలతో నిర్వహించారు. ఆయా ఆలయాల్లో కల్యాణ ఘట్టాలతో పాలమూరు పరవశించిపోయింది. అర్చకులు, వేదపండితులు సీతారాముల వివాహ ఘట్టాలను కళ్లకు కట్టినట్లు వర్ణిస్తూ కల్యాణతంతు జరిపించగా భక్తులు ఆధ్యాత్మిక భావనలో మునిగి తేలారు. ప్రధానంగా జిల్లాకేంద్రం టీచర్స్‌కాలనీలోని రామాలయం, బీకేరెడ్డి (శేషాద్రినగర్‌)లోగల శివాంజనేయస్వామి, లక్ష్మీనగర్‌కాలనీలోని అభయాంజనేయస్వామి, పంచముఖి ఆంజనేయస్వామి, ద్వారకామాయి షిరిడీసాయి, రాంమందిర్‌ చౌరస్తా, తూర్పు కమాన్‌ వద్ద సీతారామాంజనేయస్వామి, సింహగిరి శ్రీలక్ష్మీనృసింహస్వామి దేవస్థానంలో సీతారాముల కల్యాణం జరిపించారు. ఏనుగొండలోని సాగర్‌కాలనీ, టీడీగుట్ట తిరుమలనాథస్వామి, రామాంజనేయాలయం, బాలాజీనగర్‌, నాగేంద్రనగర్‌, షాసాబ్‌గుట్ట, న్యూమోతీనగర్‌ ఆంజనేయస్వామి ఆలయాల్లో, వెంకటేశ్వరకాలనీ హయగ్రీవాలయంలో కల్యాణోత్సవాలు వైభవంగా జరిగాయి. సీతారాముల కల్యాణానికి హాజరైన భక్తులు

దేవరకద్ర: పట్టణంలోని వ్యవసాయ మార్కెట్‌లో సోమవారం యథావిధిగా లావాదేవీలు కొనసాగుతాయని అధికారులు తెలిపారు. శని, ఆదివారాల్లో సెలవుల కారణంగా మార్కెట్‌ బంద్‌ చేశారు. సోమవారం మధ్యాహ్నం మార్కెట్‌ కార్యాలయంలో ధాన్యం టెండర్లు వేసి ధరలు నిర్ణయిస్తారు. ప్రస్తుతం వరి కోతలు ప్రారంభం కావడంతో రైతులు పెద్దఎత్తున వరి ధాన్యం అమ్మకానికి తెస్తున్నారు. రేపు సర్వసభ్య సమావేశం మహబూబ్‌నగర్‌ మున్సిపాలిటీ: జిల్లాకేంద్రంలోని పద్మావతికాలనీ ఆంజనేయస్వామి ఆలయ ఆవరణలోని తమ కార్యాలయంలో మంగళవారం సర్వసభ్య సమావేశం నిర్వహించనున్నట్టు ఎన్జీవోల కోఆపరేటివ్‌ హౌస్‌ బిల్డింగ్‌ సొసైటీ అధ్యక్షుడు లక్ష్మీనర్సింహులు ఆదివారం ఒక ప్రకటనలో తెలిపారు. ఉదయం 10.30 గంటలకు ప్రారంభమయ్యే సమావేశానికి పద్మావతికాలనీ, శ్రీనివాసకాలనీలలో ఉంటున్న గృహ, ప్లాట్ల యజమానులు తప్పక హాజరు కావాలని ఆయన విజ్ఞపి చేశారు. హ్యాండ్‌బాల్‌ పోటీలకు జిల్లా క్రీడాకారులు మహబూబ్‌నగర్‌ క్రీడలు: ఒడిశా రాష్ట్రంలో మంగళవారం నుంచి శనివారం వరకు జరిగే జాతీయ సబ్‌ జూనియర్‌ హ్యాండ్‌బాల్‌ పోటీలకు జిల్లాకు చెందిన ఇద్దరు క్రీడాకారులు ఎంపికయ్యారు. సాయి వివేక్‌, ఎండీ నవాజ్‌ తెలంగాణ రాష్ట్ర జట్టులో చోటు దక్కించుకున్నారు. వీరి ఎంపికపై సంఘం సభ్యులు రజనీకాంత్‌రెడ్డి, ఎండీ జియావుద్దీన్‌, ఎండీ అహ్మద్‌ హుస్సేన్‌, కోచ్‌ ప్రదీప్‌కుమార్‌, పీఈటీ ప్రణయ్‌ హర్షం వ్యక్తం చేశారు. జాతీయస్థాయి పోటీల్లో ప్రతిభచాటి పేరు, ప్రఖ్యాతులు తీసుకురావాలని వారు ఆకాంక్షించారు. ఆరోగ్యమే.. ఆనందం ● జిల్లాలో పెరుగుతున్న దీర్ఘకాలిక వ్యాధిగ్రస్తులు ● 35 నుంచి 50 ఏళ్లలోపు వారే అధికం ● జీవన విధానం, ఆహారంలో మార్పులే కారణం ● నేడు ప్రపంచ ఆరోగ్య దినోత్సవం

మహబూబ్‌నగర్‌ (వ్యవసాయం): జిల్లాలో ధాన్యం కొనుగోళ్లకు అధికార యంత్రాంగం సిద్ధమైంది. మహబూబ్‌నగర్‌ నియోజకవర్గంలో ఇప్పటికే వరి కోతలు మొదలయ్యాయి. మొదట కోసిన రైతులు ధాన్యాన్ని వ్యాపారులకు అమ్మకాలు చేస్తుండగా.. సన్నరకం వేసిన రైతులు మాత్రం కొనుగోలు కేంద్రాల కోసం వేచి చూస్తున్నారు. ప్రభుత్వం దొడ్డు ర కం ధాన్యం కంటే సన్న రకాలకు ప్రాధాన్యం ఇస్తూ క్వింటాల్‌కు అదనంగా రూ.500 బోనస్‌ ఇస్తుండటంతో యాసంగి సీజన్‌లోనూ సన్నాలే సేద్యం చేశారు. అయితే ఈసారి యాసంగి ధాన్యం కొనుగోళ్లలో మహిళా గ్రూపులకు ప్రాధాన్యం ఇస్తున్నారు. అన్ని మండలాల పరిధిలో సహకార సంఘాల మా దిరిగానే మహిళా గ్రూపులతో కొనుగోలు చేయించేందుకు ఏర్పాట్లు చేస్తున్నారు. ధాన్యం కొనుగోళ్లలో వారికి అవకాశం కల్పించి సంఘాలను మరింత బలోపేతం చేయనున్నారు. దీనికితోడు పీఏసీఎస్‌ల ద్వారా కొనుగోలు చేయడం వల్ల ప్రతి సీజన్‌లో ఇబ్బందులు ఎదురుకావడంతోపాటు క్వింటాల్‌కు ఎక్కువ మొత్తంలో తరుగు తీస్తున్నారనే ఆరోపణలు రావడం కూడా ఒక కారణంగా తెలుస్తోంది. ఈసారి కూడా.. ధాన్యం కొనుగోళ్లకు రంగం సిద్ధం చేసిన ప్రభుత్వ యంత్రాంగం రైతుల వద్ద నుంచి ఏ– గ్రేడ్‌ ధాన్యం మద్దతు ధర క్వింటాల్‌కు రూ.2,320, సాధారణ రకానికి రూ.2,300 నిర్ణయించారు. గత సీజన్‌లో ప్రభుత్వం చెల్లించే ధర కంటే వ్యాపారులే అధిక ధర కల్పించడంతో వానాకాలం ధాన్యాన్ని ఎక్కువగా రైతులు వారికే విక్రయించారు. యాసంగిలో సైతం ధర ఎక్కువగా చెల్లించే వారికే రైతులు వరి ధాన్యాన్ని విక్రయించేందుకు సిద్ధంగా ఉన్నట్లు తెలుస్తుంది. వాతావరణ మార్పులకు అనుగుణంగా.. అకాల వర్షాలు వస్తే ధాన్యం తడిచి మద్దతు ధర పలకదేమోనని రైతులు ఆందోళన చెందుతున్నారు. రోజురోజుకూ వాతావరణ పరిస్థితులు ప్రతికూలంగా మారుతుండటంతో కొనుగోలు కేంద్రాల్లో అదనంగా టార్ఫాలిన్లు నిల్వ చేస్తున్నారు. కేంద్రాల్లో ఎక్కువగా ధాన్యం నిల్వలు ఉండకుండా ఎప్పటికప్పుడు రవాణా చేసేందుకు వీలుగా సరిపడా వాహనాలను ఏర్పాటు చేశారు. రైతులకు, కొనుగోలు కేంద్రాల నిర్వాహకులకు నష్టం వాటిల్లకుండా ఎప్పటికప్పుడు చర్యలు తీసుకునేందుకు అధికారులు అన్ని ఏర్పాట్లు ఇప్పటికే మొదలుపెట్టారు. సద్వినియోగం చేసుకోవాలి.. జిల్లాలో 188 కొనుగోలు కేంద్రాలు ఏర్పాటు చేసి.. 1.47 లక్షల మెట్రిక్‌ టన్నుల ధాన్యం సేకరించాలని నిర్ణయించాం. సోమవారం నుంచి కొనుగోలు కేంద్రాలు ప్రారంభించేందుకు చర్యలు చేపడుతున్నాం. అలాగే అన్ని కేంద్రాల్లో మౌలిక వసతులు కల్పిస్తున్నాం. ప్రభుత్వ ఆదేశాల మేరకు ధాన్యం కొనుగోళ్లు చేస్తాం. రైతులు కొనుగోలు కేంద్రాలను సద్వినియోగం చేసుకోవాలి. – రవినాయక్‌, మేనేజర్‌, జిల్లా పౌర సరఫరాల సంస్థ బోనస్‌ కోసం.. ఆరు ఎకరాల పొలంలో ఆర్‌ఎన్‌ఆర్‌ సన్న రకం వరి పంట సాగు చేశా. పది రోజుల క్రితం కురిసిన వడగండ్ల వానకు చాలామంది రైతుల పొలాల్లో వరి గింజలు నేలరాలి నష్టపోయారు. అకాల వర్షాలు, మబ్బులు భయపెడుతుండటంతో రైతులు కోతలు మొదలుపెట్టారు. ఇప్పటికే కొంతమంది వ్యాపారులకు అమ్మకాలు చేస్తుండగా.. మరికొంత మంది కొనుగోలు కేంద్రాల కోసం ఎదురుచూస్తున్నారు. చాలా మంది రైతులు బోనస్‌ కోసం కొనుగోలు కేంద్రాల్లో అమ్మేందుకు ఆగాం. – పెద్దబావి కుర్మయ్య, రైతు, చౌదర్‌పల్లి, మహబూబ్‌నగర్‌ రూరల్‌జిల్లాలో 1.25 లక్షల ఎకరాల్లో వరిపంట సాగు నేటి నుంచి ధాన్యం సేకరణ ప్రారంభం ఈసారి కొనుగోళ్లలో మహిళా సంఘాలకు ప్రాధాన్యం ఇప్పటికే మొదలైన కోతలు.. వ్యాపారులకు అమ్మకం గతేడాది అత్యధికంగా ప్రైవేట్‌లోనే విక్రయం

పాలమూరు: జిల్లాలో 0– 6 ఏళ్లలోపు చిన్నారుల్లో కంటిచూపు సమస్యలు తెలుసుకోవడానికి సోమవారం నుంచి 70రోజుల పాటు ప్రత్యేక కంటి పరీక్షల క్యాంపులు నిర్వహించడానికి వైద్య, ఆరోగ్యశాఖ నుంచి ప్రత్యేక బృందాలు సిద్ధమవుతున్నాయి. జిల్లాలోని 1,163 అంగన్‌వాడీ కేంద్రాల పరిధిలో ఆరేళ్లలోపు బాలబాలికలు 51,772 మంది ఉన్నట్లు నిర్ధారించారు. గుర్తించిన చిన్నారులందరికీ కంటి పరీక్షలు పూర్తి చేయడానికి ఆరోగ్య శాఖ ప్రత్యేక యాక్షన్‌ ప్లాన్‌ సిద్ధం చేసింది. ఇందులో భాగంగా ఆర్‌బీఎస్‌కే నుంచి ఏడు మొబైల్‌ హెల్త్‌ టీంల ద్వారా ప్రతిరోజు బృందాలు అంగన్‌వాడీ కేంద్రాలు సందర్శించి స్థానికంగా ఉండే చిన్నారులకు కంటి పరీక్షలు చేయనున్నారు. ఒక్కో బృందం ప్రతిరోజు 120 మంది చిన్నారులకు కంటి పరీక్షలు చేయాలనే లక్ష్యం కేటాయించారు. ప్రత్యేక పీఎంఓ టెక్నీషియన్స్‌ పరికరాల ద్వారా చిన్నారుల కళ్లను పరీక్షించనున్నారు. దీంట్లో కంటి సమస్యలు ఉన్నవారితోపాటు కంటి ఆపరేషన్‌ అవసరం ఉన్న చిన్నారులను గుర్తించి హైదరాబాద్‌ సరోజినిదేవి రాములమ్మ ఆస్పత్రిలో చికిత్స చేయనున్నారు. గతేడాది రెండు దశల్లో.. వైద్య, ఆరోగ్యశాఖ చేస్తున్న కంటి పరీక్షల విధానం వల్ల జిల్లాలో ఉన్న నిరుపేద చిన్నారులకు ఉపయోగకరంగా మారనుంది. ఆరేళ్లలోపు బాల, బాలికల్లో సాధారణంగా కంటి సమస్యలు వస్తుంటాయి. అలాంటి చిన్నారులను గుర్తించడానికి ఈ శిబిరాలు ఉపయోగపడనున్నాయి. గతేడాది 2024లో రెండు దశల్లో కంటి పరీక్షల విధానం నిర్వహించారు. మొదటి దశలో 12,674 మందికి పరీక్షలు చేసి 786 మందికి సమస్య ఉన్నట్లు గుర్తించారు. ఇక రెండో దశలో 46,415 మంది చిన్నారులకు కంటి పరీక్షలు నిర్వహించి 1,486 మందికి కంటి సమస్య ఉన్నట్లు నిర్ధారించారు. ఎనిమిది రకాల సమస్యలు సాధారణంగా కంటికి సోకే వ్యాధుల జాబితాను సిద్ధం చేశారు. ఈ జాబితా ఆధారంగా వ్యాధి లక్షణాలపై సిబ్బందికి శిక్షణ ఇచ్చారు. ఈ లక్షణాలతో ఏ వ్యాధితో బాధపడుతున్నారు అనే విషయం ఈ శిబిరాలలో తెలుస్తోంది. దీంట్లో మోతిబిందు, కార్నియల్‌ అంధత్వం, డయాబెటిక్‌ రెటినోపతి, గ్లుకోమా (నీటి కాసులు), మెల్లకన్ను దృష్టి మాంధ్యం, కండ్లకలక, విటమిన్‌ ఏ లోపం వంటి వాటిని గుర్తించి అవసరం అయిన వారికి చికిత్స లేకపోతే ఆపరేషన్‌ చేస్తారు. జిల్లాలోని 1,163 అంగన్‌వాడీల పరిధిలో 51,772 మంది గుర్తింపు నేటి నుంచి 70 రోజుల్లో స్క్రీనింగ్‌ పూర్తిచేయాలని యాక్షన్‌ ప్లాన్‌

అచ్చంపేట: ఎస్‌ఎల్‌బీసీ సొరంగంలో ప్రమాదానికి గురైన కార్మికుల ఆచూకీ కోసం 44 రోజులుగా సహాయక చర్యలు కొనసాగుతూనే ఉన్నాయి. సొరంగం పైకప్పు కూలిన ఘటనలో ఎనిమిది మంది కార్మికులు చిక్కుకోగా.. ఇద్దరి మృతదేహాలను వెలికి తీసిన విషయం తెలిసిందే. మిగతా ఆరుగురి ఆచూకీ కోసం అన్వేషణ కొనసాగుతూనే ఉంది. జీఎస్‌ఐ, నీటిపారుదలశాఖ అధికారులు సొరంగ ప్రదేశం వద్ద ఉంటూ సహాయక సిబ్బందికి అవసరమైన సలహాలు, సూచనలు అందిస్తున్నారు. అయితే సొరంగంలో ఎస్కవేటర్లు, సహాయక సిబ్బంది సేవలే ప్రధానంగా ఉపయోగపడుతున్నాయి. సింగరేణి మైన్స్‌ రెస్క్యూ, ఎన్‌డీఆర్‌ఎఫ్‌, ఎస్‌డీఆర్‌ఎప్‌, ర్యాట్‌ హోల్‌ మైనర్స్‌, దక్షిణమధ్య రైల్వే, ఆర్మీ, హైడ్రా వంటి 12 రకాల సహాయక బృందాలు నిరంతరాయంగా పనిచేస్తున్నాయి. వీటికి తోడు ఐదు ఎస్కవేటర్లతో మట్టి, రాళ్లు, బురద, టీబీఎం భాగాలను తొలగించే పనులను ముమ్మరం చేశారు. రోజుకు 20 మీటర్ల మట్టి తొలగింపు.. సొరంగం లోపల పైకప్పు కూలిన ప్రదేశంలో రోజు 20 మీటర్ల మేర మట్టిని తొలగిస్తున్నారు. తవ్విన మట్టి, బురద, రాళ్లను కన్వేయర్‌ బెల్టు ద్వారా, టీబీఎం భాగాలను లోకో ట్రైన్‌ ద్వారా బయటకు పంపిస్తున్నారు. సొరంగం కూలిన ప్రదేశంలో సహాయక చర్యలకు ఆటంకంగా మారిన నీటి ఊటను ఎప్పటికప్పుడు బయటకు పంపింగ్‌ చేస్తున్నారు. నిమిషానికి 10వేల లీటర్ల చొప్పున వస్తున్న నీటి ఊటను 150 హెచ్‌పీ మోటార్ల సహాయంతో తోడేస్తున్నారు. ఎస్‌ఎల్‌బీసీలో 44 రోజులుగా కొనసాగుతున్న సహాయక చర్యలు

జడ్చర్ల టౌన్‌: రంగారెడ్డి జిల్లా కడ్తాల్‌ కౌన్సిల్‌ ఫర్‌ గ్రీన్‌ రెవెల్యూషన్‌ ఎర్త్‌ సెంటర్‌లో నిర్వహించిన తెలంగాణ విత్తనాల పండుగలో జడ్చర్ల డాక్టర్‌ బీఆర్‌ఆర్‌ ప్రభుత్వ డిగ్రీ కళాశాల ఎన్‌ఎస్‌ఎస్‌ యూనిట్‌–3 వలంటీర్లు రవీందర్‌, భరత్‌ పాల్గొన్నారు. ప్రోగ్రాం ఆఫీసర్‌ డా.సదాశివయ్య ఆధ్వర్యంలో 530 రకాల విత్తనాలను ప్రదర్శించారు. మూడు రోజులపాటు జరిగిన విత్తనాల పండుగలో దేశ నలమూలల నుంచి రైతులు, రైతు సంఘాలు, ఇతర సంస్థలు స్టాల్స్‌ ఏర్పాటు చేయగా.. ప్రభుత్వరంగం నుంచి ఒక జడ్చర్ల డిగ్రీ కళాశాల మాత్రమే పాల్గొనట్లు సదాశివయ్య తెలిపారు. అందరూ పంట మొక్కల విత్తనాలు ప్రదర్శిస్తే.. ఎన్‌ఎస్‌ఎస్‌ వలంటీర్లు గత మూడేళ్ల నుంచి అనేక అటవీ ప్రాంతాల్లో సేకరించిన 530 రకాల విత్తనాలను ప్రదర్శించగా.. సినీ నటుడు నాగినీడు, నాగర్‌కర్నూల్‌ ఎంపీ డా.మల్లు రవి అభినందించారు. డబ్ల్యూఈపీఎల్‌లో సత్తాచాటాలి మహబూబ్‌నగర్‌ క్రీడలు: జిల్లా క్రికెట్‌ క్రీడాకారుడు గణేష్‌ ఇంగ్లాండ్‌లో జరిగే డబ్ల్యూఈపీఎల్‌ లీగ్‌లో పాల్గొంటుండడం సంతోషంగా ఉందని ఎండీసీఏ ప్రధాన కార్యదర్శి రాజశేఖర్‌ అ న్నారు. గణేష్‌ను ఆదివారం జిల్లాకేంద్రం పిల్లలమర్రి రోడ్డు లోని ఎండీసీఏ మైదానంలో ఘనంగా సత్కరించారు. ఈ సందర్భంగా రాజశేఖర్‌ మాట్లాడుతూ వెస్ట్‌ ఆఫ్‌ ఇంగ్లాండ్‌ ప్రీమియర్‌ లీగ్‌ (డబ్ల్యూఈపీఎల్‌) ప్రీమ్‌ 2 డివిజన్‌, వరిష్ట చెల్టినహమ్‌ ప్రీమియర్‌ టీ–20, డబ్ల్యూఈపీఎల్‌ టీ–20, నేషనల్‌, కంట్రీకప్‌ టోర్నమెంట్‌ల్లో ఆరునెలలపాటు గణేష్‌ ఆడనున్నాడని పేర్కొన్నారు. భవిష్యత్‌లో రంజీ జట్టుకు ఎంపికకావాలని ఆయన ఆకాంక్షించారు. ఎండీసీఏ ఉపాధ్యక్షుడు సురేష్‌కుమార్‌, సభ్యులు చంద్రకుమార్‌గౌడ్‌, కోచ్‌లు గోపాలకృష్ణ, అబ్దుల్లా, సీనియర్‌ క్రీడాకారుడు ముఖ్తార్‌అలీ పాల్గొన్నారు.

నవాబుపేట: చేపల వేటకు వెళ్లి వ్యక్తి మృతిచెందిన ఘటన మండలంలోని కాకర్లపహాడ్‌లో చోటుచేసుకున్నట్లు ఎస్‌ఐ విక్రమ్‌ తెలిపారు. వివరాలు.. గ్రామానికి చెందిన మరిపల్లి కేశవులు(47) అనే వ్యక్తి శనివారం గ్రామ సమీపంలోని ఉంగరం చెరువులో చేపలు పట్టేందుకు వెళ్లాడు. ఎంతకీ ఇంటికి తిరిగి రాకపోవడంతో కుటుంబీకులు, గ్రామస్తులు చెరువులో, చుట్టుపక్కల వెతికినా ఆచూకీ లభించలేదు. ఆదివారం అతడు చెరువులో శవమై కనిపించాడు. మృతుడి కుమారుడు వెంకటేష్‌ ఫిర్యాదుతో కేసు నమోదుచేసినట్లు ఎస్‌ఐ తెలిపారు. చికిత్స పొందుతూ మహిళ.. ధన్వాడ: మండల కేంద్రంలోని మోడల్‌ పాఠశాల సమీపంలో శనివారం జరిగిన రోడ్డు ప్రమాదంలో గాయపడిన గౌడపోళ్ల అంజమ్మ(45) చికిత్స పొందుతూ మృతిచెందింది. స్థానికులు తెలిపిన వివరాలు.. మరికల్‌ మండలానికి చెందిన అంజమ్మ తన కుమారుడితో కలిసి బైక్‌పై వస్తుండగా ధన్వాడలోని మోడల్‌ పాఠశాల సమీపంలో ఎదురుగా ఇంకో బైక్‌ను ఢీకొట్టింది. ఈ ఘటనలో ముగ్గురు గాయపడ్డారు. వీరిని చికిత్స నిమిత్తం మహబూబ్‌నగర్‌ జిల్లా కేంద్రంలోని ఆస్పత్రికి తరలించారు. అక్కడ చికిత్స పొందుతూ కోలుకోలేక అంజమ్మ ఆదివారం సుపత్రికి తరలించగా అక్కడ చికిత్స పొందుతూ ఆదివారం మృతిచెందిందని ఎస్‌ఐ రమేష్‌ తెలిపారు. మురుగు కాల్వలో పడి యువకుడు.. కోడేరు: మురుగు కాల్వలో పడి ఓ యువకుడు మృతిచెందిన ఘటన మండల కేంద్రంలో చోటుచేసుకొంది. స్థానికులు తెలిపిన వివరాలు.. గ్రామానికి చెందిన హరిజన మిద్దె మహేష్‌(18) ఆదివారం ఉదయం బయటికెళ్తుండగా పక్కన ఉన్న మురుగు కాల్వలో ప్రమాదవశాత్తు కాలుజారి పడటంతో అక్కడికక్కడే మృతిచెందాడు. పేకాట రాయుళ్ల అరెస్టు కల్వకుర్తి టౌన్‌: పట్టణంలోని హానుమాన్‌నగర్‌లోని ఓ ఇంట్లో పేకాటాడుతున్న ఆరుగురిని అరెస్టు చేసినట్లుగా ఎస్‌ఐ మాధవరెడ్డి తెలిపా రు. వివరాలు.. పట్టణంలోని హానుమాన్‌ నగర్‌లోని ఓ వ్యక్తి ఆదివారం ఇంట్లో పేకాట ఆడుతున్నట్లుగా సమాచారం అందింది. తనిఖీలు చేసి పేకాట ఆడుతున్న ఆరుగురిని అరెస్ట్‌ చేసి వారి వద్ద నుంచి రూ.96,250 నగదు, ఆరు సెల్‌ఫోన్లు, పేక ముక్కలను సీజ్‌ చేశారు. కేసు నమోదు చేసినట్లు ఎస్‌ఐ తెలిపారు. పోలీస్‌స్టేషన్‌కు చేరిన ప్రేమ వ్యవహరం పాన్‌గల్‌: ప్రేమ వ్యవహారం పోలీసుస్టేషన్‌కు చేరిన ఘటన ఆదివారం రాత్రి పాన్‌గల్‌లో చోటుచేసుకుంది. పోలీసులు తెలిపిన వివరాలు.. మండలంలోని రేమద్దులకు చెందిన నందిని(22), మహేందర్‌(29) ఇరువురు రెండేళ్ల నుంచి ప్రేమించుకుంటన్నారు. అమ్మాయి హైదరాబాదులో ఫామ్‌–డి చదువుతుండటం, అబ్బాయి డిగ్రీ పూర్తిచేసి గ్రామంలోనే ఉంటున్నాడు. ఇరువురు కులాలు వేరుకావడంతో పెద్దలు పెళ్ళికి అంగీకరించలేదు. శనివారం అమ్మాయి పోలీస్‌స్టేషన్‌లో ఫిర్యాదు చేసింది. ఇద్దరు మేజర్లు కావడంతో పోలీసులు ఇరు కుటుంబ సభ్యులను, గ్రామ పెద్దలను స్టేషన్‌కు పిలిచి మాట్లాడారు. పోలీసులు, పెద్దల సమక్షంలో వారు పెళ్లికి ఒప్పుకున్నారు. మంచి ముహూర్తం చూసి అందరి సమక్షంలో కొల్లాపూర్‌ సమీపంలో సింగోటం దేవాలయంలో పెళ్లికి చేయనున్నట్లు పోలీసులు తెలిపారు.

అలంపూర్‌: వ్యవసాయం.. వ్యవసాయ ఉత్పత్తులు ముఖ్యంగా నేల స్వభావం వాతావరణ పరిస్థితులపై ఆధారపడి ఉంటాయి. విత్తనం వేసే సమయం నుంచి పంట చేతికి వచ్చే వరకు వాతవరణ ప్రభావం ఉంటుంది. ప్రస్తుత పరిస్థితుల్లో ఆకాల వర్షాలు విపరీతమైన ఎండలు వర్షాభావ పరిస్థితులు వరదలు, తుఫాన్‌లు రావడం సర్వ సాధరణమైపోయింది. ఇటువంటి విపత్కర పరిణామాల వల్ల రైతులు తీవ్రంగా నష్టపోతారని జిల్లా వ్యవసాయ శాఖ అధికారి సక్రియా నాయక్‌ రైతులు సూచించారు. వీటిని ముందుగా తెలుసుకోగలిగితే కొంత వరకై నా జాగ్రత్తలు తీసుకొని నష్టాలను తగ్గించే అవకాశం కలుగుతుంది చెబుతున్నారు. వాతవరణాన్ని బట్టి పురుగులు తెగుళ్ల తాకిడిపై ముందస్తు సమాచారం తెలుసుకోని చర్యలు చేపట్టవచ్చు. తుఫాను సమయం మబ్బులు, తేమ వాతవరణం, ఉష్ణోగ్రతలు తగ్గడం వంటివి బూజు తెగుళ్ల ఉధృతికి తోడ్పతాయి. వాతవరణం పొడిగా ఉంటే ఆకుముడత రసం పీల్చే పురుగుల తీవ్రత ఎక్కువగా ఉంటుంది. ఉధృతమయ్యే చీడపీడలు వాతావరణ పరిస్థితులు లద్దె పురుగు చురుకవుతుంది పచ్చ దీపపు పురుగులు వృద్ధి చెందుతాయి చెరకు, మిర్చి, జొన్న, పత్తిలో రసం పీల్చే పురుగుల్లో ముఖ్యంగా నల్లి వరిలో కాండం తొలిచే పురుగుల ఉధృతి తగ్గుతుంది.వరి ఈగ ఉధృతి పెరుగుతుంది. వరిలో కంప నల్లి .వరిలో పొట్ట కుళ్లు తెగుళ్లు, అగ్గి తెగుళ్లు ప్యుజేరియం విల్టు, కూరగాయలు, పత్తి మొదలైన పైర్ల మీద ఆముదంపై కాయ కుళ్లు, బూజు తెగుళ్లు పత్తిలో తెల్ల దోమ పత్తిలో కాయకుళ్లు పగటి ఉష్ణోగ్రత తక్కువ..మేఘావృతమైన ఆకాశం గాలిలో తేమ అధికంగా ఉండి.. పగటి ఉష్ణోగ్రత ఎక్కువగా ఉంటే ఎక్కువ కాలం పొడి వాతావరణం ఎక్కువ ఉష్ణోగ్రత ఎడతెరిపి లేని వర్షాలు పడితే పూతదశలో వెచ్చని వాతావరణం.. మబ్బులు కమ్మిన ఆకాశం, తరుచు జల్లులు రాత్రి ఉష్ణోగ్రత 20 డిగ్రీల కంటే తక్కువ, గాలిలో తేమ ఎక్కువ, చల్లగా ఉండటం, మంచు పడటం. నీటి ఎద్దడి ఎక్కువ కాలం ఉంటే.. వర్షాలు ఎక్కువ పడి గాలిలో తేమ ఎక్కువగా ఉంటే.. సుదీర్ఘమైన బెట్ట, మధ్య మధ్య జల్లులు వర్షం పడుతున్నప్పుడు, తేమ అధికంగా ఉన్నప్పుడుపాడి–పంట

చిన్నచింతకుంట: మండలంలోని పల్లమరి గ్రామ సమీపంలోని ఎర్రగుట్ట నుంచి కొందరు ఎలాంటి అనుమతుల్లేకుండా ఎర్రమట్టిని ట్రాక్టర్లు, టిప్పర్ల ద్వారా ఆదివారం తరలించారు. సమాచారం అందుకున్న పోలీసులు అక్కడికి చేరుకోగా అప్పటికే టిప్పర్లు, ట్రాక్టర్లు వెళ్లిపోయాయి. అక్కడే ఉన్న హిటాచీ డ్రైవర్‌ భరత్‌రెడ్డిని పోలీస్‌స్టేషన్‌కు తీసుకువచ్చారు. సోమవారం తహసీల్దార్‌ ఎదుట బైండోవర్‌ చేయనున్నట్లు ఎస్‌ఐ రామ్‌లాల్‌నాయక్‌ తెలిపారు. అక్రమార్కులు పగలు ఎర్రమట్టిని తరలిస్తూ రాత్రి సమయంలో గ్రామ సమీపంలోని ఊక చెట్టు వాగునుంచి ఇసుకను తరలిస్తున్నారన్న ఆరోపణలు వెల్లువెత్తుతున్నాయి. అకాల వర్షానికి నేలరాలిన మామిడి కాయలు పెద్దకొత్తపల్లి : మండలంలో అదివారం సాయంత్రం కురిసిన అకాల వర్షానికి మామిడి కాయలు నేలరాలినట్లు కౌలురైతులు తెలిపారు. మండలంలో సుమారు 1000 ఎకరాల్లో మామిడి కాయలు నేలపాలయ్యాయి. కల్వకోలు, తీరునాంపలి, చెన్నపురావు పల్లి, జోన్నలబోగుడ, పెద్దకొత్లపల్లి దేవుని తిరుమలాపూర్‌ ,చంద్రకల్‌, ముష్టిపల్లి, మరికల్‌ మామిడి తోటల్లో కాయలు వర్షానికి రాలిపోవడంతో రైతులు నష్టపోయారు.

మహబూబ్‌నగర్‌ రూరల్‌: మన్యంకొండ శ్రీ లక్ష్మీ వేంకటేశ్వరస్వామి దేవస్థానంలో ఆదివారం సీతారాముల కల్యాణం అంగరంగ వైభవంగా నిర్వహించారు. ఈ సందర్భంగా శోభాయమానంగా అలంకరించిన పల్లకీలో స్వామి దంపతులను గర్భగుడి నుంచి దేవస్థానం సమీపంలోని రామసదనం వరకు ఊరేగింపుగా తీసుకొచ్చారు. మహిళల మంగళ హారతులు, సన్నాయి వాయిద్యాలు, పురోహితుల వేదమంత్రాల మధ్య ఈ ఊరేగింపు ముందుకు కదిలింది. ప్రత్యేక పూజల అనంతరం జీలకర్ర, బెల్లం కార్యక్రమాన్ని నిర్వహించారు. వివిధ ప్రాంతాల నుంచి తరలివచ్చిన ఆశేష భక్తజనావళి తిలకిస్తుండగా పురోహితుల మంత్రోచ్చరణలు, సన్నాయి వాయిద్యాల మధ్య అమ్మవారి మంగళసూత్రధారణ కార్యక్రమం కన్నుల పండువగా సాగింది. కల్యాణం అనంతరం స్వామి దంపతులను మళ్లీ పల్లకీలో గర్భగుడి వద్దకు తీసుకెళ్లి పూజలు చేశారు. వివిధ ప్రాంతాల నుంచి భక్తులు మన్యంకొండకు తరలిరాగా జనసంద్రమైంది. రకరకాల పూలు, వివిధ ఆభరణాల అలంకరణలో స్వామిదంపతులు ధగధగ మెరిసిపోతూ భక్తకోటికి దర్శనమిచ్చారు. భక్తులు భక్తిపారవశ్యంతో పులకించిపోయారు. కార్యక్రమంలో జిల్లా గ్రంథాలయ సంస్థ చైర్మన్‌ మల్లు నర్సింహారెడ్డి, దేవస్థానం చైర్మన్‌ ఆళహరి మధుసూదన్‌కుమార్‌, ఈఓ శ్రీనివాసరాజు, సూపరింటెండెంట్‌ నిత్యానందచారి, పాలక మండలి సభ్యులు పాల్గొన్నారు. జనసంద్రమైన మన్యంకొండ లక్ష్మీవేంకటేశ్వరస్వామి ఆలయంలో కల్యాణోత్సవం శ్రీరామకొండ క్షేత్రంలో ఘనంగా వేడుకలు పాల్గొన్న నారాయణపేట ఎమ్మెల్యే చిట్టెం దంపతులు భక్తులకు అన్నదానాలు బీచుపల్లిలో ప్రత్యేకపూజలు బీచుపల్లి కోదండరామస్వామి ఆలయంలో ఎర్రవల్లి: బీచుపల్లి పుణ్యక్షేత్రంలోని కోదండరామస్వామి ఆలయంలో సీతారాముల కల్యాణ వేడుకలను అర్చకులు అంగరంగ వైభవంగా నిర్వహించారు. ఆలయ ప్రధాన అర్చకులు ఉదయం ఆలయంలో సుప్రభాతసేవ, అభిషేకములను నిర్వహించి సీతారాములకు ప్రత్యేక అలంకరణతో ముస్తాబు చేశారు. వేదమంత్రాల నడుమ మంగళ వాయిద్యాలతో సీతారాములకు వైభవంగా కల్యాణాన్ని జరిపారు. జిల్లా నలుమూలల నుంచి భక్తులు అధిక సంఖ్యలో తరలివచ్చారు. గద్వాల జిల్లా జడ్జి కుష కుటుంబ సమేతంగా రాములోరి కల్యాణంలో పాల్గొని ప్రత్యేక పూజలు చేశారు. ఆలయ మేనేజర్‌ సురేందర్‌రాజు, డీఎస్పి మొగులయ్య, సిఐ రవిబాబు, అర్చకులు, పాలక మండలి సభ్యులు, సిబ్బంది, భక్తులు పాల్గొన్నారు.

చిన్నచింతకుంట: పేదల సంక్షేమమే కాంగ్రెస్‌ ప్రభుత్వ ధ్యేయమని రాష్ట బాలల హక్కుల పరిరక్షణ కమిటీ చైర్‌పర్సన్‌ సీతాదయాకర్‌ రెడ్డి అన్నారు. శనివారం మండలంలోని దమగ్నాపురంలో ఎమ్మెల్యే జి.మధుసూదన్‌రెడ్డితో కలిసి సన్నబియ్యం పంపిణీ చేశారు. అనంతరం రేషన్‌ లబ్ధిదారుల ఇంట్లో సన్నబియ్యం వండించి భోజనం చేశారు. జైబాపు, జైబీమ్‌, జైసంవిధాన్‌ కార్యక్రమంలో భాగంగా చేపట్టిన ర్యాలీ లో వారు పాల్గొన్నారు. ఈ సందర్భంగా సీతాదయాకర్‌రెడ్డి మాట్లాడుతూ పేదల కోసం సీఎం రేవంత్‌రెడ్డి ఎన్నో సంక్షేమ పథకాలను అమలు చేస్తున్నారన్నారు. కార్యక్రమంలో టీపీసీసీ ఆర్గనైజింగ్‌ సెక్రెటరీ అరవింద్‌కుమార్‌రెడ్డి, నాయకులుు నరేందర్‌రెడ్డి, రాఘవేందర్‌రెడ్డి, పశాంత్‌కుమార్‌, కథలప్ప, సురేందర్‌రెడ్డి, వట్టెం శివ, రవికుమార్‌గౌడ్‌ ఉన్నారు. రేషన్‌ డీలర్ల ఖాళీల భర్తీకి దరఖాస్తుల స్వీకరణ మహబూబ్‌నగర్‌ రూరల్‌: జిల్లాలోని హన్వాడ, కౌకుంట్ల, మహబూబ్‌నగర్‌ అర్బన్‌, రూరల్‌, మిడ్జిల్‌ మండలాల్లో ఖాళీగా ఏర్పడిన ఆరు రేషన్‌ డీలర్‌ భర్తీకి అర్హులైన వారి నుంచి దరఖాస్తులు స్వీకరిస్తున్న ఆర్డీఓ నవీన్‌ శనివారం ఒక ప్రకటనలో తెలిపారు. విద్యావంతులైన నిరుద్యోగులు 18–40 ఏళ్ల మధ్య వయసు గల అభ్యర్థులు దరఖాస్తులు చేసుకోవాలని పేర్కొన్నారు. ఈనెల 26వ తేదీ సాయంత్రం 5 గంటల లోగా ప్రభుత్వ పని దినాలలో సంబంధిత తహసీల్దార్‌ కార్యాలయంలో దరఖాస్తులు చేసుకోవాలని సూచించారు. అయితే రిజర్వేషన్ల ప్రకారం చూస్తే హన్వాడ మండలం గొండ్యాల–2 బీసీ–ఈ, చిన్నదర్పల్లి బీసీ–ఈ, కౌకుంట్ల మండలం అప్పంపల్లి బీసీ, మహబూబ్‌నగర్‌ అర్బన్‌ మండలం అస్లాంఖాన్‌ స్ట్రీట్‌ ఓసీ, మహబూబ్‌నగర్‌ రూరల్‌ మండలం ఫతేపూర్‌ఎస్టీ, మిడ్జిల్‌ మండలం సింగందొడ్డి ఓసీ అభ్యర్థుల నుంచి దరఖాస్తులు స్వీకరిస్తున్నట్లు పేర్కొన్నారు. పండుగలు శాంతియుతంగా నిర్వహించుకోవాలి మహబూబ్‌నగర్‌ క్రైం: జిల్లాలో ఇప్పటి వరకు ఉగాది, రంజాన్‌ పండుగలు ఎంతో ప్రశాంతమైన వాతావరణంలో నిర్వహించుకోవడం జరిగిందని, రాబోయో అన్ని మతాల పండుగలను అదే పద్ధతిలో జరుపుకోవాలని డీఎస్పీ వెంకటేశ్వర్లు అన్నారు. జిల్లా కేంద్రంలోని డీఎస్పీ కార్యాలయంలో అన్ని మతాల పెద్దలతో శనివారం శాంతి కమిటీ సమావేశం నిర్వహించారు. మతాల మధ్యన స్నేహాభావం పెంపొందించి శాంతి భద్రతలను కాపాడుకోవడంలో ప్రతి ఒక్కరూ సహకరించాలన్నారు. సంఘంలో సమగ్ర అభివృద్ధికి శాంతి అవసరమని, పోలీస్‌శాఖ ఎప్పుడూ ప్రజల కలిసి పని చేసేందుకు సిద్ధంగా ఉంటుందన్నారు. సీఐలు ఇజాజుద్దీన్‌, అప్పయ్య పాల్గొన్నారు. ఇసుక మాఫియా ఆగడాలపై చర్యలు తీసుకోవాలి జెడ్పీసెంటర్‌(మహబూబ్‌నగర్‌): జిల్లాలోని మూసాపేట మండలంలో ఇసుక మాఫియా చేస్తున్న ఆగడాలపై చర్యలు తీసుకోవాలని తహసీల్దార్ల సంఘం నాయకుడు ఘన్సిరాం డిమాండ్‌ చేశారు. ఈ మేరకు శుక్రవారం కలెక్టర్‌ క్యాంపు కార్యాలయంలో ఉద్యోగ సంఘాల జేఏసీ, టీఎన్‌జీఓ, టీజీఓ, తహసీల్దార్ల సంఘం, నాలుగో తరగతి ఉద్యోగుల సంఘం నాయకులు కలెక్టర్‌ను కలిసి వినతిపత్రం సమర్పించారు. ఈ సందర్భంగా ఆయన మాట్లా డుతూ మూసాపేట తహసీల్దార్‌ రాజునాయక్‌, కార్యాలయంలో విధులు నిర్వహిస్తు న్న రికార్డ్‌ అసిస్టెంట్‌పైన అనుచిత వ్యాఖ్యలు చేసి దుర్భాషలాడిన ఇసుక మాఫియా నాయకుడిపై వెంటనే కేసు నమోదు చేసి అరెస్టు చేయాలని కోరారు. ప్రభుత్వ ఉద్యోగులపై ఇలాంటి సంఘటనలు జరిగితే విధులు నిర్వహించలేని పరిస్థితి ఉంటుందన్నారు. ఇలాంటి వాటిని మొగ్గలోని తొలగించాలని కోరారు. విధి నిర్వహణలో ఉన్న ఉద్యోగులకు రక్షణ లేకుండా పోయిందని వాపోయారు. కార్యక్రమంలో టీజీఓ జిల్లా అధ్యక్షుడు విజయ్‌కుమార్‌, జిల్లా కార్యదర్శి వరప్రసాద్‌, టీజీఎస్‌ఏ జిల్లా అధ్యక్షుడు శ్రీనివాసులు, నాయకులు శ్యాంసుందర్‌ రెడ్డి, దేవేందర్‌, చైతన్య, సుదర్శన్‌రెడ్డి, రవికుమార్‌ పాల్గొన్నారు.

స్టేషన్‌ మహబూబ్‌నగర్‌: శ్రీరామ నవమి పురస్కరించుకొని ఆదివారం జిల్లాకేంద్రంలో సీతారామ కల్యాణ మహోత్సవాలు వైభవంగా నిర్వహించనున్నారు. ఆలయాలతో పాటు పలు వీధుల్లో కల్యాణ వేడుకలు జరగనున్నాయి. లక్ష్మీనగర్‌కాలనీలోనిల శ్రీ అభయాంజనేయస్వామి దేవాలయం, న్యూగంజ్‌లోగల శ్రీలక్ష్మినరసింహస్వామి దేవాలయం, బస్టాండ్‌ సమీపంలోని ద్వారకామాయి షిరిడీసాయి ఆలయం, టీచర్స్‌ కాలనీ శ్రీసీతారామచంద్రస్వామి దేవాలయం (రామాలయం), రామమందిరం, తూర్పుకమాన్‌ వద్దనున్న సీతారామాంజనేయస్వామి దేవాలయం, శ్రీనివాస కాలనీలోని పంచముఖాంజనేయస్వామి దేవాలయం, టీడీ గుట్ట తిరుమలనాథస్వామి ఆలయం, గణేష్‌నగర్‌లోని షిరిడీసాయిబాబా దేవాలయం, రామాంజనేయస్వామి ఆలయం, సంజయ్‌నగర్‌లోని వీరాంజనేయస్వామి ఆలయం, బాలాజీనగర్‌, నాగేంద్రనగర్‌, న్యూమోతీనగర్‌ ఆంజనేయాలయాల్లో, బీకే రెడ్డి కాలనీలోని శివాంజనేయస్వామి ఆలయం, వెంకటేశ్వరకాలనీ హయగ్రీవాలయంలో ప్రత్యేక ఏర్పాట్లు చేశారు. కల్యాణ మహోత్సవానికి హాజరు కావాలని ఆయా ఆలయాల కమిటీ నిర్వాహకులు పిలుపునిచ్చారు.

రెండేళ్ల క్రితం బాక్స్‌ క్రికెట్‌ కోర్టును ఏర్పాటు చేశాం. మొదట్లో కొన్ని నెలలు చాలా తక్కువ మంది వచ్చేవారు. ఆరేడు నెలలుగా బాక్స్‌ క్రికెట్‌కు మంచి స్పందన ఉంది. చిన్నా, పెద్ద తేడా లేకుండా అందరూ వచ్చి ఆడేందుకు ఇష్టపడుతున్నారు. వేసవిలో, వీకెండ్స్‌ సెలవు రోజుల్లో ఎక్కువ మంది వస్తున్నారు. – షేక్‌ వజాహత్‌ అలీ, బ్రదర్‌ హుడ్‌ బాక్స్‌ క్రికెట్‌ ఏరినా, నిర్వాహకుడు వారంలో ఒకసారి క్రికెట్‌ ఆడుతా.. చిన్నప్పటి నుంచి క్రికెట్‌ అంటే ఎంతో ఇష్టం. రాజకీయాల్లో ఉన్నప్పటి నుంచి క్రికెట్‌ ఆడడానికి తీరిక లేకుండా పోయింది. అయితే జిల్లాకేంద్రంలో బాక్స్‌ క్రికెట్‌ కోర్టు ఏర్పాటు చేసినప్పటి నుంచి సమయం చూసుకొని క్రికెట్‌ ఆడుతాను. ఫిట్‌నెస్‌ కోసం వారంలో ఒకసారి బాక్స్‌ క్రికెట్‌ ఆడుతా. – ఇంతియాజ్‌ ఇసాక్‌, రాష్ట్ర ఎంఎఫ్‌సీ మాజీ చైర్మన్‌, మహబూబ్‌నగర్‌ ఫిట్‌నెస్‌ కోసం.. ఫిట్‌నెస్‌ కోసం స్నేహితులతో కలిసి బాక్స్‌ క్రికెట్‌ ఆడుతాం. ఏడాదిన్నర నుంచి వీకెండ్స్‌, సెలవుల్లో బాక్స్‌ క్రికెట్‌ ఆడుతాం. ఫ్లడ్‌లైట్ల వెలుతురులో బాక్స్‌ క్రికెట్‌లో ఆడుతుంటే చాలా సరదాగా ఉంటుంది. పని ఒత్తిడి ఉండే మాకు ఈ బాక్స్‌ క్రికెట్‌ ఆడితే ఒక ప్రశాంతమైన అనుభూతి కలుగుతుంది. – రాజేష్‌, రిజిస్ట్రేషన్‌ శాఖ అధికారి, మహబూబ్‌నగర్‌ సౌకర్యంగా ఉంది.. స్నేహితుల మధ్య అనుబంధానికి బాక్స్‌ క్రికెట్‌ ఒక వేదికలా నిలుస్తుంది. ఎంత బిజీగా ఉన్న వారంలో రెండుసార్లు ఫ్లడ్‌లైట్ల వెలుతురులో బాక్స్‌ క్రికెట్‌ ఆడుతాం. చిన్నపాటి మైదానంలో ఎక్కువ దూరం పరుగెత్తాల్సిన అవసరం ఉండదు. బ్యాటింగ్‌, బౌలింగ్‌ చేయడానికి ఎంతో సౌకర్యంగా ఉంటుంది. అందువల్ల బాక్స్‌ క్రికెట్‌ ఆడటానికి నేను ఎక్కువ ఆసక్తి కనబరుస్తాను. – ఎండీ రియాజ్‌, ఐటీ ఉద్యోగి, మహబూబ్‌నగర్‌

మా వీధికి నాలుగుగైదు రోజులకోసారి మిషన్‌ భగీరథ పథ కం ద్వారా తాగునీరు వదులుతున్నారు. ఈ ప్రాంతం ఎత్తుగా ఉన్నందున ప్రెషర్‌ తక్కువగా వస్తుండటంతో సరపోవడం లేదు. సీడబ్ల్యూసీ గోదాం చౌర స్తా నుంచి బోయపల్లి రోడ్డులో కొన్ని చోట్ల నల్లాలకు ఆన్‌ఆఫ్‌ లేకపోవడంతో వృథాగా పోతోంది. ఇక్కడి మెకానిక్‌ షాపు వద్ద పైపు లీకేజీ ఉన్నా ఎవరూ పట్టించుకోవడం లేదు. – కిశోర్‌కుమార్‌, మోతీనగర్‌ రోడ్డు వెంట వృథా అవుతోంది మా కాలనీలోని మ హేంద్రనగర్‌ వైపు వెళ్లే మార్గంలో గేట్‌వాల్వ్‌ వద్ద కొన్ని నెలలుగా లీకేజీ ఉన్నా మున్సిపల్‌ సిబ్బంది మరమ్మతు చేయడం లేదు. దీంతో మిషన్‌ భగీరథ పథకం ద్వారా తాగునీరు వదిలినప్పుడు కొన్ని గంటల పాటు సుమారు 200 మీటర్ల వరకు రోడ్డు వెంట వృథాగా పారుతోంది. ముఖ్యంగా బైక్‌లు, కార్లు వెళ్తున్నప్పుడు ఈ నీరు మొత్తం పాదచారులపై పడుతోంది. – పగడం మల్లేష్‌, పద్మావతికాలనీ

జెడ్పీసెంటర్‌(మహబూబ్‌నగర్‌): మహనీయుల ఆశయసాధనకు కృషిచేయాలని కలెక్టర్‌ విజయేందిర బోయి అన్నారు. శనివారం బాబు జగ్జీవన్‌రాం 118వ జయంతిని పురస్కరించుకొని తెలంగాణ చౌరస్తాలో ఎస్పీ డి.జానకి, అడిషనల్‌ కలెక్టర్‌ శివేంద్రప్రతాప్‌లతో కలిసి ఆయన విగ్రహానికి పూలమాలలు వేసి నివాళులర్పించారు. అనంతరం స్థానిక అంబేద్కర్‌ ఆడిటోరియంలో నిర్వహించిన కార్యక్రమానికి కలెక్టర్‌ ముఖ్య అతిథిగా పాల్గొని మాట్లాడారు. జగ్జీవన్‌రాం కేంద్ర మంత్రిగా కార్మిక, రవాణా, ఆహార, వ్యవసాయ, రక్షణ, రైల్వే శాఖ, భారత ఉప ప్రధానిగా కీలక పదవులు నిర్వహించారన్నారు. ఎస్సీ కుల సంఘాలు నాయకులు సమావేశంలో తెలిపిన సమస్యలను ఎస్పీ, జిల్లా యంత్రాంగం ద్వారా పరిష్కారానికి కృషిచేస్తామని తెలిపారు. విద్యార్థులు జగ్జీవన్‌రాం, మహనీయుల జీవితాలను ఆదర్శంగా తీసుకోవాలని వారి జీవిత చరిత్రలు, సాహిత్యం, మంచి పుస్తకాలను కూడా అధ్యయనం చేయాలన్నారు. సమాజ నిర్మాణానికి కృషి... బాబు జగ్జీవన్‌రాం సమ సమాజ నిర్మాణానికి కృషి చేసిన సామాజిక విప్లవ నాయకుడు అని రాష్ట్ర మైనార్టీ ఆర్థిక సంస్థ చైర్మన్‌ ఒబేదుల్లా కొత్వాల్‌ అన్నారు. రాష్ట్ర ప్రభుత్వం జగ్జీవన్‌రాం అడుగుజాడల్లో అనేక కార్యక్రమాలు చేపట్టినట్లు ఆయన తెలిపారు. కార్యక్రమంలో జిల్లా గ్రంథాలయ సంస్థ చైర్మన్‌ మల్లు నరసింహారెడ్డి ముడా చైర్మన్‌ లక్ష్మణ్‌ యాదవ్‌, పీసీసీ కార్యదర్శి వినోద్‌కుమార్‌, సంజీవ్‌ ముదిరాజ్‌, మంత్రి నరసింహయ్య, మల్లెపోగు శ్రీనివాస్‌, నరసింహులు, గోపాల్‌మాదిగ, శామ్యూల్‌, లక్ష్మణ్‌, కుర్మయ్య, యాదయ్య, డీఆర్డీఓ నర్సింహులు, షెడ్యూల్‌ కులాల సేవా సహకార సంస్థ ఇన్‌చార్జ్‌ ఎగ్జిక్యూటివ్‌ డైరెక్టర్‌ వెంకటరెడ్డి, జిల్లా షెడ్యూల్‌ కులాల అభివద్ధి అధికారి సుదర్శన్‌, ఆర్‌డీఓ నవీన్‌ పాల్గొన్నారు. బాబు జగ్జీవన్‌రాంను ఆదర్శంగా తీసుకోవాలి కలెక్టర్‌ విజయేందిర బోయి తెలంగాణచౌరస్తాలో ఆయన విగ్రహానికి పూలమాల వేసి ఘన నివాళి

మహబూబ్‌నగర్‌ మున్సిపాలిటీ: నగరంలోని వివిధ ప్రాంతాల్లో తాగునీరు వృథాగా రోడ్లపై పారుతున్నా ఎవరూ పట్టించుకోవడం లేదు. ఒకవైపు పలు చోట్ల పైపులైన్‌, గేట్‌వాల్వ్‌ల వద్ద లీకేజీలు ఉన్నా మున్సిపల్‌ అధికారులు మరమ్మతు చేయించడం లేదు. మరోవైపు కొందరు ఇంటి యజమానులు తమ అవసరాలకు సరిపడా వాడుకున్నాక నల్లాలను బంద్‌ చేయకుండా పైపులతో ఆవరణలను కడగడం, మోరీలలో వదలడం వంటి పనుల కారణంగా వృథా అవుతోంది. వాస్తవానికి జిల్లా కేంద్రంలో రెండు రోజుల కోసారి మొత్తం 28 ఓవర్‌హెడ్‌ ట్యాంకుల నుంచి మిషన్‌ భగీరథ పథకం ద్వారాతాగునీరు సరఫరా అవుతోంది. అసలే వేసవికాలం కావడంతో వినియోగం అధికంగా ఉంటోంది. కొన్ని ప్రాంతాల్లో సుమారు గంట పాటు, మరికొన్ని ప్రాంతాల్లో అరగంట మాత్రమే అందుతుండటంతో ఇబ్బందులు తప్పడం లేదు. నగరంలో ఇదీ పరిస్థితి.. మహబూబ్‌నగర్‌ కార్పొరేషన్‌ పరిధిలోని 60 డివిజన్ల పరిధిలో 3,36,647 మంది జనాభా ఉన్నారు. అందరికీ కలిపి తాగునీరు కనీసం 40 ఎంఎల్‌డీ (మిలియన్‌ లీటర్‌ పర్‌ డే) అవసరం. అయితే ప్రస్తుతం 33.5 ఎంఎల్‌డీ మాత్రమే సరఫరా అవుతోంది. ఇక ఒక్కొక్కరికి కనీసం 135 ఎల్‌పీసీడీ (లీటర్‌ పర్‌ కెపాసిటీ డైలీ) నీరు అవసరం. కాగా, మిషన్‌ భగీరథ పథకం ద్వారా 100 ఎల్‌పీసీడీ మాత్రమే అందుతోంది. ఇలాంటి పరిస్థితుల్లోనూ తాగునీటిని పట్టుకున్నాక చాలా వరకు ఇంటి యజమానులు తమ ఆవరణను శుభ్రం చేసేందుకని, వాహనాలు కడగడానికి పైపులతో వృథాగా వదులుతున్నారు. ఇది కాస్తా రోడ్ల వెంట ఏరులై పారుతూ ఇతరులకు ఇబ్బందులు కలుగుతున్నాయి. దాదాపు అన్ని గల్లీలలోనూ ఇలాంటి దృశ్యాలే కనిపిస్తున్నాయి. మరోవైపు వివిధ చోట్ల పైపులైన్లు, గేట్‌వాల్వ్‌ల వద్ద లీకేజీలున్నా మున్సిపల్‌ అధికారులు మరమ్మతు చేసిన దాఖలాలు లేవు. ముఖ్యంగా జడ్చర్ల–రాయచూర్‌ రోడ్డు (ఎన్‌హెచ్‌– 167)పై డిస్లేరిగడ్డ (హనుమాన్‌పురా) వద్ద, హెచ్‌పీ పెట్రోల్‌ పంపు సమీపంలో, న్యూటౌన్‌చౌరస్తాలో, జీజీహెచ్‌కు ఎదురుగా, మెట్టుగడ్డ వద్ద, అలాగే తెలంగాణ చౌరస్తా నుంచి రైల్వే స్టేషన్‌ వరకు రెండు చోట్ల, కలెక్టర్‌బంగ్లా చౌరస్తా నుంచి బోయపల్లిగేట్‌ (నవాబుపేట రోడ్డు వెంట) మోతీనగర్‌ వరకు మూడు చోట్ల, పద్మావతికాలనీలోని ఓ ఫంక్షన్‌ హాలు వద్ద, భూత్పూర్‌ రోడ్డులో మైత్రీనగర్‌ వద్ద లీకేజీలు ఏర్పడ్డాయి. దీంతో ఈ ప్రాంతాల్లో రోడ్ల వెంట తాగునీరు వృథాగా పారుతోంది. అసలే వేసవి కాలం.. వినియోగం అధికం నగరంలో రెండు రోజులకోసారి సరఫరా ఎక్కడబడితే అక్కడ పైపులైన్‌ లీకేజీలు పట్టించుకోని మున్సిపల్‌ అధికారులు

మహబూబ్‌ నగర్‌ న్యూటౌన్‌: కార్మిక, కర్షక వ్యతిరేక విధానాలను అనుసరిస్తున్న ఎన్‌డీఏ నేతృత్వంలోని కేంద్ర ప్రభుత్వాన్ని గద్దె దించే వరకు పోరాడుతామని ఏఐటీయూసీ రాష్ట్ర అధ్యక్షుడు ఎండీ యూసుఫ్‌ అన్నారు. జిల్లా కేంద్రంలోని రెడ్‌క్రాస్‌ సొసైటీ భవన్‌లో రెండు రోజుల పాటు జరిగిన ఏఐటీయూసీ 12వ జిల్లా మహాసభలు శనివారం ముగిశాయి. ఈ సందర్భంగా యూసుఫ్‌ మాట్లాడుతూ మోదీ సర్కార్‌ రాజ్యాంగం, పార్లమెంటరీ వ్యవస్థ ద్వారా కల్పించబడిన చట్టబద్ధ హక్కులను హరిస్తున్నదని ఆవేదన వ్యక్తంచేశారు. కార్మిక కర్షక ఫాసిస్ట్‌ విధానాలపై మే రెండో వారంలో దేశవ్యాప్త సార్వత్రిక సమ్మెకు పిలుపునిస్తున్నామని తెలిపారు. కేంద్ర రాష్ట్ర ప్రభుత్వాలు కార్మికులను చిన్న చూపు చూస్తే పుట్టగతులు ఉండవని హెచ్చరించారు. నూతన కమిటీ ఎన్నిక మహబూబ్నగర్‌ జిల్లా నూతన కమిటీని ఏకగ్రీవంగా ఎన్నుకున్నారు. జిల్లా అధ్యక్షుడిగా భాగి కృష్ణయ్యయాదవ్‌, వర్కింగ్‌ ప్రెసిడెంట్గా కోట కదిర నరసింహ, జిల్లా ప్రధానకార్యదర్శిగా పి.సురేష్‌, డిప్యూటీ జనరల్‌ సెక్రెటరీగా ఆంజనేయులు, కోశాధికారిగా ఎం.మధుసూదన్‌ రెడ్డి. మెడికల్‌ ఎంప్లాయీస్‌ యూనియన్‌ జిల్లా ఉపాధ్యక్షులుగా అమరజ్యోతి, బి.చెన్నయ్య, రంగన్న, పద్మ, జిల్లా సహాయ కార్యదర్శులుగా జి.మొగులన్న, దేవానంద్‌, జే.నరసింహ, యాదయ్య, జిల్లా కార్యవర్గ సభ్యులుగా నరసింహ, గోపాల్నాయక్‌, సాయి ప్రకాష్‌, శ్రీనివాసులు, రాములు, నరసింహ, ఆంజనేయులు, హరితో పాటు మరో ఏడుగురు సభ్యులను ఎన్నుకున్నారు. ఏఐటీయూసీ రాష్ట్ర అధ్యక్షుడు ఎండీ యూసుఫ్‌ ముగిసిన 12వ జిల్లా మహాసభలు

చారకొండ: అపర భద్రాద్రి సిర్సనగండ్ల సీతారామచంద్రస్వామి బ్రహ్మోత్సవాలు శనివారం అంగరంగ వైభవంగా ప్రారంభమయ్యాయి. ముందుగా సిర్సనగండ్ల నుంచి భక్తులు, గ్రామస్తులు ఉత్సవ విగ్రహాలను పల్లకీలో ఊరేగింపుగా గుట్టపైనున్న ఆలయానికి తీసుకొచ్చారు. మధ్యాహ్నం 12 గంటల ప్రాంతంలో సీతారాముల మాస కల్యాణం ప్రారంభం కాగా.. ఈ వేడుక 3 గంటల పాటు అర్చకుల వేద మంత్రోచ్ఛారణల నడుమ కొనసాగింది. వివిధ ప్రాంతాల భక్తులు అధికసంఖ్యలో తరలివచ్చి వేడుకను తిలకించారు. ఆలయ చైర్మన్‌ రామశర్మ, ఈఓ ఆంజనేయులు, రాష్ట్ర రైతు కమిషన్‌ సభ్యుడు కేవీఎన్‌ రెడ్డి దంపతులు, మాజీ ఎంపీ రాములు, తహసీల్దార్‌ సునీత దంపతులు, బీజేపీ నాయకులు భరత్‌ప్రసాద్‌, మండల నాయకులు వెంకట్‌గౌడ్‌, బాల్‌రాంగౌడ్‌, కల్లు సురేందర్‌రెడ్డి, నర్సింహారెడ్డి, సందీప్‌రెడ్డి, వివిధ గ్రామాల ప్రజాప్రతినిధులు, అధికారులు పాల్గొన్నారు. కల్యాణం అనంతరం భక్తులకు సిర్సనగండ్లకు చెందిన పిన్నపురెడ్డి వెంకట్‌రెడ్డి అన్నదానం చేశారు. కార్యక్రమంలో అర్చకులు లక్ష్మణ్‌శర్మ, వేణుశర్మ, మురళీధర్‌శర్మ, కోదండరామశర్మ, రఘుశర్మ తదితరులు పాల్గొన్నారు. కల్యాణ వేడుకకు సర్వం సిద్ధం.. శ్రీరామనవమిని పురస్కరించుకొని ఆదివారం మధ్యాహ్నం 12 గంటలకు సీతారాముల కల్యాణ వేడుకను కనులపండువగా నిర్వహించేందుకు అన్ని ఏర్పాట్లు పూర్తి చేశారు. రాష్ట్ర ఎకై ్సజ్‌శాఖ మంత్రి జూపల్లి కృష్ణారావు ప్రభుత్వం తరుఫున స్వామి, అమ్మవార్లకు పట్టువస్త్రాలు, ముత్యాల తలంబ్రాలు అందించనున్నారు. కల్వకుర్తి ఎమ్మెల్యే కసిరెడ్డి నారాయణరెడ్డి, నాగర్‌కర్నూల్‌ ఎంపీ మల్లు రవి వేడుకలో పాల్గొననున్నారు. వేడుకకు హాజరయ్యే భక్తులకు ఎలాంటి ఇబ్బందులు కలగకుండా ఆలయ కమిటీ ఆధ్వర్యంలో చలువ పందిళ్లు, అవసరమైన చోట టెంట్లు, నీటివసతి, విద్యుత్‌ తదితర సౌకర్యాలు కల్పించారు. అలాగే కల్యాణ మండపం ఎదురుగా సుమారు 10 వేల మంది భక్తులు కూర్చొనేల, కల్యాణ మండపం చుట్టూ 20 వేల మంది భక్తులు తిలకించేలా ఏర్పాట్లు చేశారు. వీఐపీల వాహనాల పార్కింగ్‌కు గుట్టపై స్థలాలు చదును చేశారు. వృద్ధులు, మెట్లపై నుంచి రాలేని వారి కోసం ఆలయం ఆధ్వర్యంలో గుట్టపైకి ఉచిత బస్సు సౌకర్యం కల్పిస్తున్నట్లు చైర్మన్‌ ఢేరం రామశర్మ చెప్పారు.సిర్సనగండ్లలో ప్రారంభమైన బ్రహ్మోత్సవాలు నేడు సీతారాముల కల్యాణ వేడుక మొదటిరోజు ముగిసిన మాస కల్యాణం ఏర్పాట్లు పూర్తి చేసిన నిర్వాహకులు

గద్వాల టౌన్‌: పుస్తకాల్లో రామకోటి రాయాలంటేనే ఎంతో ఓపిక కావాలి.. కానీ, జోగుళాంబ గద్వాల జిల్లా కేంద్రానికి చెందిన భక్తురాలు ఇల్లూరి శ్రీలక్ష్మి బియ్యపు గింజలపై శ్రీనామనామం రాస్తూ రికార్డు సృష్టిస్తున్నారు. పట్టణంలోని వెంకటరమణ కాలనీకి చెందిన ఇల్లూరి శ్రీలక్ష్మి 15,116 బియ్యపు గింజలపై జెల్‌ పెన్నుతో ‘శ్రీరామ’ అనే అక్షరాలు రాశారు. ఈ బియ్యపు గింజలలో అయోధ్యకు 5 వేలు, భద్రాచలానికి 3 వేలు, బీచుపల్లికి 5 వేలు, స్థానికంగా రామాలయాలకు 2 వేల బియ్యపు గింజలు అందజేశారు. రామనామం జపిస్తూ భక్తితో రాసిన ఈ బియ్యపు గింజలను ఆయా ఆలయాల్లో జరిగే ఉత్సవాలకు అక్షింతలుగా పంపినట్లు పేర్కొన్నారు. 2015 నుంచి శ్రీరామ నామాలు రాస్తూ శ్రీరామ నవమి వేడుకలకు తలంబ్రాలుగా అందిస్తున్నారు. ఈమె గతంలోనూ మహాశివరాత్రి సందర్భంగా కూడా బియ్యపు గింజలపై ఓం నమఃశివాయ అనే పంచాక్షరి మంత్రం రాసి భక్తిని చాటుకున్నారు. ఇల్లూరి శ్రీలక్ష్మి భక్తిని జిల్లా ప్రజలు ప్రశంసిస్తున్నారు. 15,116 బియ్యపు గింజలపై రామనామం అయోధ్య, భద్రాచలం ఉత్సావాలకు అక్షింతలు

స్టేషన్‌ మహబూబ్‌నగర్‌: ఈద్‌మిలాప్‌లతో సోదరభావం పెంపొందుతుందని టీజీఎంఎఫ్‌సీ చైర్మన్‌ ఒబేదుల్లా కొత్వాల్‌ అన్నారు. జమాతే ఇస్లామి హింద్‌ మహబూబ్‌నగర్‌ ఆధ్వర్యంలో స్థానిక అల్మాస్‌ ఫంక్షన్‌హాల్‌లో శనివారం రాత్రి ఘనంగా ఈద్‌మిలాప్‌ కార్యక్రమం నిర్వహించారు. ముఖ్య అతిథిగా పాల్గొన్న కొత్వాల్‌ మాట్లాడుతూ ఈద్‌మిలాప్‌ కార్యక్రమం మనలోని ఐక్యతను చాటుతుందన్నారు. రంజాన్‌ ఈదుల్‌ ఫితర్‌ పండుగ తర్వాత ఈద్‌మిలాప్‌ నిర్వహిస్తుండడం ఆనవాయితీగా వస్తోందన్నారు. జమాతే ఇస్లామి హింద్‌ ఆధ్వర్యంలో గత కొన్నేళ్ల నుంచి ఈద్‌మిలాప్‌ నిర్వహిస్తుండడం అభినందనీయమన్నారు. ఎంపీజే తెలంగాణ అధ్యక్షుడు అబ్దుల్‌ అజీజ్‌, మౌలానా అబ్దుల్‌ నాసర్‌ మజహరి తదితరులు ప్రసంచి ఈద్‌మిలాప్‌ ప్రాముఖ్యతను వివరించారు.

మహబూబ్‌నగర్‌ క్రీడలు: ఉమ్మడి జిల్లా మరికల్‌ మండలం వెంకటాపూర్‌కు చెందిన గణేష్‌ క్రికెట్‌లో మెరుగైన ప్రతిభ కనబరుస్తున్నాడు. వెస్ట్‌ ఆఫ్‌ ఇంగ్లాండ్‌ ప్రీమియర్‌ లీగ్‌ (డబ్ల్యూఈపీఎల్‌) ప్రేమ్‌ 2 డివిజన్‌, వరిష్ట చెల్టినహమ్‌ ప్రీమియర్‌ టీ–20, డబ్ల్యూఈపీఎల్‌ టీ–20, నేషనల్‌, కంట్రీకప్‌ టోర్నమెంట్‌ల్లో అతడు ఆడనున్నాడు. గణేష్‌ ప్రతిభను గుర్తించిన అక్కడి నిర్వాహకులు టోర్నీల్లో ఆడడానికి అవకాశం కల్పించారు. మంగళవారం ఇంగ్లాండ్‌కు బయలుదేరుతున్న అతడు ఆరునెలల పాటు అక్కడి క్రికెట్‌ పోటీల్లో పాల్గొననున్నాడు. డబ్ల్యూఈపీఎల్‌ క్రికెట్‌ టోర్నీలకు వెళ్తున్నందుకు చాలా సంతోషంగా ఉందని గణేష్‌ తన అభిప్రాయాన్ని వ్యక్తం చేశాడు. హెచ్‌సీఏ టోర్నీల్లో సత్తా గణేష్‌ ఎండీసీఏ, హెచ్‌సీఏ క్రికెట్‌ అసోసియేషన్‌ టోర్నీల్లో సత్తా చాటుతున్నాడు. హెచ్‌సీఏ అండర్‌–16, అండర్‌–19, అండర్‌–23 జట్లకు పలుసార్లు జిల్లా నుంచి ప్రాతినిథ్యం వహించాడు. హెచ్‌సీఏ కంబైన్‌ జిల్లా జట్టుకు ఎంపికై రాణించాడు. 2019–20లో హైదరాబాద్‌లో జరుగుతున్న హైదరాబాద్‌ క్రికెట్‌ అసోసియేషన్‌ ఎ–2 డివిజన్‌ లీగ్‌ మ్యాచ్‌లో గణేష్‌ అద్భుతమైన బ్యాటింగ్‌తో తన అత్యధిక వ్యక్తిగత స్కోర్‌ నమోదు చేశాడు. రాజు క్రికెట్‌ క్లబ్‌ జట్టుతో జరిగిన మ్యాచ్‌లో గణేష్‌ ట్రిపుల్‌ సెంచరీ చేసి సీజన్‌లో తొలి ట్రిపుల్‌ సెంచరీ నమోదు చేశాడు. మ్యాచ్‌లో 200 బంతుల్లో 42 ఫోర్లు, 7 సిక్స్‌లతో 318 పరుగులు చేసి నాటౌట్‌గా నిలిచాడు. ఇదే సీజన్‌లో మరో ట్రిపుల్‌ సెంచరీ (329పరుగులు) చేశాడు. జింఖానా మైదానంలో జరిగిన సీనియర్‌ జోనల్‌ క్రికెట్‌ టోర్నీలో కంబైన్డ్‌ జట్టు తరపున రెండు మ్యాచుల్లో కలిపి 350 పరుగులు చేశాడు. ఇంగ్లాండ్‌లో నాలుగు టోర్నీల్లో పాల్గొననున్న జిల్లా క్రీడాకారుడు 8న ఇంగ్లాండ్‌కు పయనం సన్మానించిన జితేందర్‌రెడ్డి, ఎండీసీఏ ప్రతినిధులు గణేష్‌కు సన్మానం డబ్ల్యూఈపీల్‌ టోర్నీలకు వెళ్తున్న గణేష్‌ను హైదరాబాద్‌లో శనివారం రాష్ట్ర ప్రభుత్వ క్రీడల వ్యవహారాల సలహాదారులు, ఎండీసీఏ అధ్యక్షులు ఏపీ జితేందర్‌రెడ్డి శాలువా, పూలమాలలతో సత్కరించి అభినందించారు. టోర్నీలో మెరుగైన ప్రతిభ కనబరచి జిల్లాకు, రాష్ట్రానికి పేరు ప్రతిష్ట తీసుకురావాలని ఆకాంక్షించారు. కార్యక్రమంలో ఎండీసీఏ ప్రధాన కార్యదర్శి ఎం.రాజశేఖర్‌, ఉపాధ్యక్షులు సురేష్‌కుమార్‌, కోచ్‌ అబ్దుల్లా, సీనియర్‌ క్రీడాకారుడు ఆబిద్‌ అలీ పాల్గొన్నారు.

ఉత్సవాల్లో ఎలాంటి అవాంచనీయ ఘటనలు చోటు చేసుకోకుండా గట్టి బందోబస్తు ఏర్పాటు చేస్తున్నట్లు కల్వకుర్తి డీఎస్పీ వెంకటేశ్వర్లు తెలిపారు. శనివారం మండల కేంద్రంలోని ఓ ఫంక్షన్‌హాల్‌లో సీఐలు, ఎస్‌ఐలు, సిబ్బందితో నిర్వహించిన సమావేశంలో ఆయన మాట్లాడారు. ఇద్దరు డీఎస్పీలు, నలుగురు సీఐలు, 17 మంది ఎస్‌ఐలు, 350 పోలీసులతో బందోబస్తు నిర్వహిస్తున్నామని చెప్పారు. ఆలయ ఆవరణలో 22 సీసీ కెమెరాలతో నిఘా ఏర్పాట్లు చేసినట్లు వివరించారు. సమావేశంలో సీఐ విష్ణువర్ధన్‌రెడ్డి, ఎస్‌ఐ శంషోద్దీన్‌ తదితరులు పాల్గొన్నారు.

భూత్పూర్‌: బీసీలకు 42 శాతం రిజర్వేషన్‌ కల్పించిన కాంగ్రెస్‌ ప్రభుత్వానికి మద్దతు తెలుపాలని, ముఖ్యమంత్రి రేవంత్‌రెడ్డి, రాష్ట్ర ప్రభుత్వానికి బీసీల తరుఫున ప్రత్యేక ధన్యవాదాలని యాదవ విద్యావంతుల వేదిక రాష్ట్ర అధ్యక్షుడు వెంకట్‌యాదవ్‌ అన్నారు. శనివారం పట్టణంలోని ఓ ఫంక్షన్‌ హాల్‌లో దేవరకద్ర నియోజకవర్గస్థాయి యాదవ విద్యావంతుల వేదిక ఆధ్వర్యంలో నిర్వహించిన కార్యక్రమానికి ఆయన ముఖ్యఅతిథిగా హాజరై మాట్లాడారు. కేంద్రంలోని బీజేపీ ప్రభుత్వానికి చిత్తశుద్ధి ఉంటే పార్లమెంట్‌లో బీసీ రిజర్వేషన్‌ బిల్లును ఆమోదింపజేయాలని డిమాండ్‌ చేశారు. జనాభా దామాషా ప్రకారం సామాజిక, ఆర్థిక, రాజకీయరంగాల్లో యాదవుల వాటా కోసం ఉద్యమిస్తామని, ఇందుకు వేదిక రాష్ట్రస్థాయిలో పని చేస్తుందని వివరించారు. జనాభాలో 10 నుంచి 15 శాతం ఉన్న అగ్రకులాలు ఈడబ్ల్యూఎస్‌ పేరన 10 శాతం రిజర్వేషన్లు తీసుకోవడం శోచనీయమన్నారు. కార్యక్రమంలో ముడా చైర్మన్‌ లక్ష్మణ్‌ యాదవ్‌, అఖిల భారత యాదవ మహాసభ రాష్ట్ర నాయకుడు వెంకటనర్సయ్య, విద్యావంతుల వేదిక జిల్లా అధ్యక్షుడు అంజన్నయాదవ్‌, జిల్లా వర్కింగ్‌ ప్రెసిడెంట్‌ జుర్రు నారాయణ యాదవ్‌, బత్తుల మల్లేష్‌ యాదవ్‌, ఊషన్న యాదవ్‌, కృష్ణయ్య యాదవ్‌, రెడ్డికుంట వెంకటేష్‌ యాదవ్‌, చందు యాదవ్‌, నరేందర్‌ యాదవ్‌, మందడి ఆంజనేయులు తదితరులు పాల్గొన్నారు.

అచ్చంపేట: శ్రీశైలం ఎడమగట్టు కాల్వ (ఎస్‌ఎల్‌బీసీ) సొరంగం పైకప్పు కూలిన ప్రదేశంలో పనులు వేగవంతమయ్యాయి. అధికారులు అదనంగా మరో మూడు ఎస్కవేటర్లు ఏర్పాటు చేసి పనులు చేపడుతున్నారు. సొరంగం లోపల కట్‌ చేసిన టీబీఎం భాగాలు, మట్టి, బురద, రాళ్లను బయటకు తరలిస్తున్నారు. కన్వేయర్‌ బెల్టు పనులు వంద మీటర్ల ముందుకు పొడిగించడంతో సొరంగంలో తవ్విన మట్టిని కన్వేయర్‌ బెల్టు ద్వారా బయటకు పంపిస్తున్నారు. కేంద్ర, రాష్ట్ర ప్రభుత్వాలకు చెందిన 12 రకాల బృందాలు మూడు షిఫ్ట్‌లలో 24 గంటలపాటు సహాయక చర్యలు కొనసాగిస్తున్నాయి. కంచె ఏర్పాటు చేసిన నిషేధిత ప్రదేశం సమీపంలో సహాయక సిబ్బంది పనులు చేపడుతున్నారు. సొరంగం పైకప్పు కూలిన ప్రదేశం నుంచి భారీగా వస్తున్న నీటి ఊటను 150 హెచ్‌పీ మోటార్లతో 2.5 కిలోమీటర్లకు ఒకటి, రెండు ఏర్పాటు చేసి నీటిని బయటకు తోడేస్తున్నారు. నీటి పారుదల, జీఎస్‌ఐ అధికారులు నిరంతరం సొరంగం ప్రమాద ప్రదేశం వద్ద ఉంటూ తగిన సలహాలు, సూచనలు చేస్తున్నారు. మట్టి తవ్వకాలు వేగవంతం సొరంగం లోపల మట్టి తవ్వకాలు వేగవంతం చేశామని, వెంటిలేషన్‌ పనులు కొనసాగిస్తున్నామని ప్రత్యేకాధికారి శివశంకర్‌ లోతేటి అన్నారు. శనివారం సొరంగం జేపీ కార్యాలయం వద్ద సహాయక బృందాల ఉన్నతాధికారులతో సహాయక చర్యలను పర్యవేక్షించారు. అనంతరం సమీక్షా సమావేశం నిర్వహించి సొరంగం లోపల చేపడుతున్న సహాయక చర్యలను తెలుసుకున్నారు. ఈ సందర్భంగా ఆయన మాట్లాడుతూ డీవాటరింగ్‌ ప్రక్రియ కొనసాగుతుందని, సొరంగంలో చిక్కుకున్న ఆరుగురి కోసం సహాయక సిబ్బంది నిర్విరామంగా గాలింపు చేస్తూ అనుమానిత ప్రదేశాల్లో తవ్వకాలు చేపడుతున్నారని వివరించారు. సహాయక చర్యలకు ఆటంకంగా ఉన్న అన్ని పరిస్థితులను అధిగమిస్తూ ముందుకు సాగుతున్నామన్నారు. సమావేశంలో ఆర్మీ అధికారులు వికాస్‌సింగ్‌, విజయ్‌కుమార్‌, జేపీ కంపెనీ సీనియర్‌ ప్రాజెక్టు ఇంజినీర్‌ సంజయ్‌కుమార్‌ సింగ్‌, సింగరేణి మైన్స్‌ రెస్క్యూ జనరల్‌ మేనేజర్‌ బైద్య, ఎన్‌డీఆర్‌ఎఫ్‌ అధికారి గిరిధర్‌రెడ్డి, దక్షిణమధ్య రైల్వే అధికారి రవీంద్రనాథ్‌ తదితరులు పాల్గొన్నారు. ఎస్‌ఎల్‌బీసీలో కొనసాగుతున్నసహాయక చర్యలు 43 రోజులుగా చిక్కని కార్మికుల ఆచూకీ

స్టేషన్‌ మహబూబ్‌నగర్‌: ఉమ్మడి జిల్లాలో బీసీలకు కాంగ్రెస్‌ పార్టీలో సముచిత స్థానం దక్కడం లేదని బీసీ సమాజ్‌ ఉమ్మడి జిల్లా అధ్యక్షుడు ఎం.శ్రీనివాస్‌సాగర్‌ అన్నారు. స్థానిక బీసీ సమాజ్‌ ఉమ్మడి జిల్లా కార్యాలయంలో శనివారం ఆయన విలేకరుల సమావేశంలో మాట్లాడారు. కాంగ్రెస్‌ పార్టీ అధికారంలోకి వచ్చిన తర్వాత నామినేటెడ్‌ పోస్టుల విషయంలో ఇప్పటివరకు బీసీలకు ఉమ్మడి జిల్లావ్యాప్తంగా తీవ్ర అన్యాయం జరిగిందన్నారు. ఉమ్మడి జిల్లాలో వివిధ నియోజకవర్గాల నుంచి అగ్రవర్ణాల వారే కార్పొరేషన్‌ చైర్మన్లుగా ఉన్నారని అన్నారు. ఉమ్మడి జిల్లాలో బీసీల పరిస్థితి ప్రశ్నార్థకంగా మారింది అనడంలో ఎలాంటి సందేహం లేదన్నారు. ఉమ్మడి జిల్లాలో బీసీలు దాదాపు 65 శాతం ఉన్నప్పటికీ కాంగ్రెస్‌ పార్టీ బీసీలను పూర్తిగా విస్మరించినట్లు కనిపిస్తుందన్నారు. సీఎం రేవంత్‌రెడ్డి జిల్లాకు చెందిన వ్యక్తి కావడంతో ఉమ్మడి జిల్లావ్యాప్తంగా చాలా మంది బీసీలకు కాస్త అయినా న్యాయం జరుగుతుందని భావించిన బీసీ సమాజానికి అన్యాయమే జరిగిందన్నారు. సమావేశంలో పద్మశాలి సంఘం రాష్ట్ర ఉపాధ్యక్షులు సారంగి లక్ష్మికాంత్‌, నాయి బ్రాహ్మణ సంఘం పట్టణ అధ్యక్షులు అశ్విని సత్యం, బీసీ సమాజ్‌ భూత్పూర్‌ మండల కన్వీనర్‌ ఆంజనేయులు, నవీన్‌గౌడ్‌, భీమేష్‌ ముదిరాజ్‌ పాల్గొన్నారు.

గట్టు: దారితప్పి వచ్చిన ఓ వ్యక్తి నిర్మాణంలో ఉన్న భారత్‌ మాల రోడ్డుపై పడి దుర్మరణం పాలయ్యాడు. ఈ ఘటనకు సంబంధించి వివరాలిలా.. కర్ణాటకలోని యరగెరకు చెందిన వికలాంగుడు కర్లీ శ్రీనివాసులు(55) శుక్రవారం గద్వాలలో శుభకార్యానికి హాజరై సాయంత్రం ఆరగిద్దలో ఉన్న కూతురికి దగ్గరకు బయలుదేరాడు. మూడు చక్రాల ద్విచక్రవాహనంపై తాటికుంట, తప్పెట్లమొర్సు మీదుగా ఆరగిద్దకు వెళ్తుండగా.. గొర్లఖాన్‌దొడ్డి– ఆరగిద్ద గ్రామాల మధ్య నిర్మాణంలో ఉన్న భారత్‌మాల రోడ్డుపైకి దారి తప్పి వెళ్లాడు. కొంత దూరం వెళ్లిన తర్వాత అదుపు తప్పి పడిపోయి తీవ్రంగా గాయపడ్డాడు. గమనించిన గొర్లఖాన్‌దొడ్డి గ్రామానికి చెందిన ఓ రైతు శ్రీనివాసులు మొబైల్‌ ఫోన్‌లోని కాల్‌ లిస్టు ఆధారంగా ఆరగిద్దకు చెందిన కూతురు, అల్లుడికి సమాచారం అందించారు. ఆరగిద్ద గ్రామస్తుల సహకారంతో 108లో గద్వాల ఆస్పత్రికి తరలించారు. అక్కడి నుంచి మెరుగైన వైద్యం కోసం కర్నూలుకు తీసుకెళ్లగా అక్కడే చికిత్స పొందుతూ మృతి చెందాడు. శ్రీనివాసులుకు భార్య లక్ష్మితోపాటు నలుగురు కుమార్తెలున్నారు. ఈ ఘటనతో ఆ కుటుంబంలో విషాదం చోటు చేసుకుంది. ఈ మేరకు కేసు నమోదు చేసినట్లు గట్టు పోలీసులు తెలిపారు. యువకుడి బలవన్మరణం గద్వాల క్రైం: తల్లిదండ్రులు మందలించడంతో కుమారుడు ఉరేసుకొని మృతిచెందిన ఘటన శనివారం ఉదయం మండలంలో చోటు చేసుకుంది. పట్టణ ఎస్‌ఐ కళ్యాణ్‌కుమార్‌ కథనం మేరకు.. మండలంలోని చేనుగోనిపల్లికి చెందిన ఖాజా (20) హైదరాబాద్‌లో ఓ ప్రవేట్‌ కంపెనీలో ఉద్యోగం చేసేవాడు. రంజాన్‌ పండుగకు గ్రామానికి వచ్చి తిరిగి వెళ్లకపోవడంతో తల్లిదండ్రులు మందలించారు. దీంతో మనస్థాపానికి గురై ఇంట్లో ఎవరూ లేని సమయంలో ఫ్యాన్‌కు ఉరేసుకున్నాడు. గుర్తించిన కుటుంబ సభ్యులు చికిత్స నిమిత్తం వెంటనే జిల్లా ప్రభుత్వ ఆస్పత్రికి తరలించగా.. పరీక్షించిన వైద్యులు అప్పటికే మృతి చెందినట్లు నిర్ధారించారు. తండ్రి దౌలత్‌ ఫిర్యాదు మేరకు కేసు నమోదు చేసినట్లు ఎస్‌ఐ వివరించారు. బస్సు ఎక్కబోయిన మహిళకు తీవ్ర గాయాలు మహమ్మదాబాద్‌: డ్రైవర్‌ నిర్లక్ష్యం కారణంగా బస్సు ఎక్కబోయిన మహిళ కింద పడటంతో తీవ్ర గాయాలయ్యాయి. స్థానికులు తెలిపిన వివరాలు. మండలంలోని జూలపల్లికి చెందిన సత్యమ్మ(48) తన కూతురు రాధికతో కలిసి శనివారం జుంటిపల్లిలో జరిగే రామస్వామి ఉత్సవాలకు వెళ్లేందుకు బయలు దేరింది. సాయంత్రం నంచర్ల బస్టాండుకు చేరుకున్న వారు బస్సు కోసం చాలాసేపు వేచి చూశారు. ఎట్టకేలకు వచ్చిన బస్సు రద్దీగా ఉండటంతో ముందుగా కూతురు రాధిక బస్స ఎక్కింది. తల్లి సత్యమ్మ బస్సు ఎక్కుతుండగా డ్రైవర్‌ నిర్లక్ష్యంగా బస్సు నడపడటంతో ఆమె అదుపు తప్పి కిందపడింది. ప్రయాణికులు కేకలు వేయడంతో డ్రైవర్‌ బస్సు నిలిపివేశాడు. దీంతో రెండు కాళ్లకు తీవ్ర గాయాలయ్యాయి. స్థానికులు వెంటనే 108 అంబులెన్స్‌కు సమాచారమిచ్చారు. అంబులెన్సు అక్కడికి చేరుకొని ఆమెను మహబూబ్‌నగర్‌ ఆస్పత్రికి తరలించారు. ఫోన్‌పే నుంచి నగదు చోరీ నాగర్‌కర్నూల్‌ క్రైం: గుర్తుతెలియని వ్యక్తి ఫోన్‌ పే నుంచి నగదును చోరీకి పాల్పడినట్లు ఎస్‌ఐ గోవర్దన్‌ తెలిపారు. వివరాలు.. మండలంలోని వెంకటాపూర్‌కి చెందిన బాషమోని భాస్కర్‌ వ్యవసాయం చేస్తూ జీవనం సాగిస్తున్నాడు. అతడు ఈనెల 4న హైదరాబాద్‌లో మిర్చి విక్రయించేందుకు వెళ్లాడు. తిరిగి వస్తుండగా ఫోన్‌ పడిపోవడంతో గుర్తుతెలియని వ్యక్తి భాస్కర్‌ ఫోన్‌ ద్వారా ఫోన్‌పే నుంచి రూ.లక్షను విడతలవారీగా చోరీ చేశాడు. బాధితుడు బ్యాంక్‌ అకౌంట్‌ను చెక్‌ చేసుకోవడంతో నగదు చోరీ జరిగిట్లు గుర్తించాడు. శనివారం స్థానిక పోలీస్‌స్టేషన్‌లో ఫిర్యాదు చేయగా కేసు నమోదు చేసినట్లు ఎస్‌ఐ తెలిపారు. విద్యార్థి కిడ్నాప్‌నకు యత్నం అచ్చంపేట రూరల్‌: పట్టణంలోని ఓ హాస్టల్‌లో ఉంటున్న ఓ విద్యార్థిని గుర్తు తెలియని వ్యక్తులు కిడ్నాప్‌నకు ప్రయత్నించారు. ఈ ఘటనకు సంబంధించి సీఐ రవీందర్‌ కథనం ప్రకారం... శుక్రవారం రాత్రి 9 గంటల సమయంలో హాస్టల్‌ బయట ఉన్న 8వ తరగతి చదువుతున్న మహేష్‌ను ఇద్దరు గుర్తు తెలియని వ్యక్తులు పట్టుకుని వెళ్లారు. తోటి విద్యార్థులు విషయాన్ని హాస్టల్‌ వార్డెన్‌కు చెప్పడంతో సిబ్బందితో పట్టణంలో వెతికారు. పట్టణంలోని లింగాల రోడ్డులో విద్యార్థిని గమనించి వెంటనే హాస్టల్‌కు తీసుకొచ్చారు. శనివారం ఉదయం విద్యార్థి తల్లిదండ్రులకు సమాచారం అందించి హాస్టల్‌ వద్దకు పిలిపించారు. ఈ ఘటనపై విద్యార్థి తండ్రి కుర్మయ్య ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు సీఐ తెలిపారు. విద్యార్థితో గుర్తు తెలియని వ్యక్తులు అసభ్యకరంగా ప్రవర్తించారని, వారిని గుర్తించి చర్యలు తీసుకుంటామని చెప్పారు.

నారాయణపేట: కార్మికులు తమ హక్కుల కోసం పోరాడాలని టీయూసీఐ రాష్ట్ర ప్రధాన కార్యదర్శి సూర్యం పిలుపునిచ్చారు. శనివారం స్థానిక మెట్రో గార్డెన్‌లో జరిగిన తెలంగాణ ప్రగతిశీల గ్రామ పంచాయతీ వర్కర్స్‌ యూనియన్‌(టీయూసీఐ) రాష్ట్ర అధ్యక్షుడు కొత్తపల్లి రవి అధ్యక్షతన రాష్ట్ర రెండో మహసభలు నిర్వహించారు. ఈ సందర్భంగా ఆయన మాట్లాడుతూ కార్మికులు పోరాడకుండా ఏ హక్కులు సాధించలేదన్నారు. కాంగ్రెస్‌ పార్టీ అధికారంలోకి వచ్చి పదహారు నెలలు గడుస్తున్నా సమ్మె అప్పుడు కార్మికులను ఇచ్చిన హామీలను విస్మరించిందన్నారు. నాయకులు హనుమేష్‌, అరుణ్‌కుమార్‌, కిరణ్‌, నర్సిములు, కాశీనాథ్‌, ఎదిరింటి నర్సిములు, బోయిన్‌పల్లి రాము, వెంకట్‌ రాములు, సాంబశివుడు. ఎదుట్ల కుర్మయ్య, బోయిన్‌పల్లి గణేష్‌. చంద్రం, కృష్ణ, వెంకట్‌ ప్రసంగించారు. అనంతరం మెట్రో గార్డెన్‌ నుంచి కార్మిక ప్రదర్శన ప్రారంభమై అంబేడ్కర్‌ చౌక్‌, కొత్త బస్టాండ్‌ మీదుగా నర్సిరెడ్డి చౌక్‌కు చేరుకున్నారు. టీయూసీఐ రాష్ట్ర ప్రధాన కార్యదర్శి సూర్యం

మహబూబ్‌నగర్‌ రూరల్‌: సంకీర్తన సాంప్రదాయమే సనాతన ధర్మానికి ఊపిరనే లక్ష్యంతో సోమవారం హైదరాబాద్‌లోని ఇందిరాపార్క్‌ వద్ద హైందవ భక్త కళా సమ్మేళనం నిర్వహించనున్నామని.. భజన కళాకారులు అధికసంఖ్యలో పాల్గొని విజయవంతం చేయాలని అన్నమయ్య కళాక్షేత్రం పీఠాధిపతి విజయశంకర స్వామిజీ కోరారు. శనివారం మన్యంకొండ లక్ష్మీ వేంకటేశ్వరస్వామి ఆలయ ప్రాంగణంలో నిర్వహించిన ఉమ్మడి పాలమూరు జిల్లా భజన కళాబృందం గురువులు, ప్రతినిధుల హరినామ సంకీర్తనకు ఆయన ముఖ్యఅతిథిగా హాజరై సమ్మేళనానికి సంబంధించిన వాల్‌పోస్టర్లను ఆవిష్కరించి మాట్లాడారు. తిరుమల తిరుపతి దేవస్థానం మాదిరిగా యాదాద్రి లక్ష్మీ నారసింహస్వామి ఆలయ సన్నిధిలో నిత్య అఖండ హరినామ సంకీర్తన జరిపించాల్సిన అవసరం ఉందన్నారు. గ్రామాల్లో వేల సంఖ్యలో జానపద, భజన కళాబృందాలు, కళాకారులు ఉన్నారని.. హరినామ సంకీర్తనలో పాల్గొనేందుకు సిద్ధంగా ఉన్నారని వివరించారు. భజన గురువులకు గుర్తింపు కార్డులిచ్చి కళారంగాన్ని ప్రోత్సహించేందుకు ప్రభుత్వాలు, దేవాదాయశాఖ ముందుకురావాలని కోరారు. ఈ సందర్భంగా మహబూబ్‌నగర్‌, నారాయణపేట, జోగుళాంబ గద్వాల, నాగర్‌కర్నూల్‌, వనపర్తి జిల్లాల కళాకారులు రెండుగంటల పాటు ఆలపించిన భక్తిగీతాలు ఆకట్టుకున్నాయి. సంకీర్తన అనంతరం స్వామివారిని దర్శించుకొని అన్నప్రసాదాలు స్వీకరించారు. ఆలయ చైర్మన్‌ అళహరి మధుసూదన్‌కుమార్‌ సంకీర్తనలో పాల్గొన్న భజన గురువులను అభినందించారు. ప్రత్యేక దినాలు, ఉత్సవాల సమయంలో భజన గురువులు పాల్గొని హనుమద్దాసుని సంకీర్తన చేయాలని కోరారు. కార్యక్రమంమలో హిందూ ఫర్‌ ఫ్లూరాలిటీ అండ్‌ ఈక్వాలిటీ ప్రతినిధి మల్లికా వల్లభ, జై భారత్‌ తెలంగాణ రాష్ట్ర కార్యదర్శి రాజు తదితరులు పాల్గొన్నారు.

సిద్దిపేట: మళ్లీ ఎన్నికలు వస్తే అధికారం తమదేనని అంటున్నారు బీఆర్ఎస్ అధినేత, మాజీ ముఖ్యమంత్రి కేసీఆర్. పార్టీ ఆవిర్భవించి 25 ఏళ్లు పూర్తి చేసుకుంటున్న తరుణంలో రజతోత్సవ సంబరాలకు బీఆర్ఎస్(టీఆర్ఎస్) సిద్ధమవుతోంది. ఈ నేపథ్యంలో వరుసగా జిల్లాల ముఖ్య నేతలతో కేసీఆర్ సమావేశమవుతున్నారు. దీనిలోభాగంగా ఈరోజు(శనివారం) ఉమ్మడి మహబూబ్ నగర్, నల్గొండ, ఖమ్మం జిల్లా నేతలతో కేసీఆర్ భేటీ అయ్యారు. సిద్ధిపేట జిల్లా ఎర్రవల్లి ఫాంహౌస్ లో ఈ మూడు జిల్లాల నేతలతో కేసీఆర్ సమావేశం నిర్వహించారు.ఈ సందర్భంగా వారితో కేసీఆర్ మాట్లాడుతూ.. ‘ కాంగ్రెస్ అధికారంలోకి వచ్చాక రాష్ట్రం అన్ని రంగాల్లో వెనుకబడిపోయింది. రాష్ట్రంలో జీఎస్టీ వసూళ్ల కూడా తగ్గిపోయాయి. రైతులకు ఎలాంటి మేలు జరగడం లేదు. కాంగ్రెస్ సర్కార్ పై ప్రజల్లో తీవ్ర వ్యతిరేకత వచ్చింది. మళ్లీ ఎన్నికల్లో అధికారం మనదే’ అని కేసీఆర్ శ్రేణులకు ధైర్యం నూరిపోశారు. వరంగల్‌ జిల్లా ఎల్కతుర్తిలో నిర్వహించే భారీ బహిరంగ సభకు ఎలా సన్నద్ధం కావడంపై కేసీఆర్‌ పార్టీ నాయకులకు వివరించినట్లు తెలుస్తోంది. పార్టీ నాయకులతో పాటు ప్రజలను బహిరంగ సభకు తరలించే అంశాలను ప్రధానంగా చర్చించినట్లు సమాచారం.

అచ్చంపేట: శ్రీశైలం ఎడమగట్టు కాలువ(ఎస్‌ఎల్‌బీసీ)సొరంగంలో చిక్కుకున్న వారి ఆచూకీ నేటికీ లభ్యం కాలేదు. సొరంగంలో చిక్కుకున్న వారిని బయటకు తెచ్చేందుకు ముమ్మర ప్రయత్నాలు చేస్తున్నారు. ఫిబ్రవరి 22న సొరంగం పైకప్పు కూలిన ప్రమాదంలో ఎనిమిది మంది కార్మికులు ప్రమాదవశాత్తు చిక్కుకోగా ఇద్దరి మృతదేహాలను వెలికితీశారు. 42 రోజులుగా మిగిలిన ఆరుగురు కార్మికుల కోసం సొరంగంలో అణువణువునా వెతుకులాట కొనసాగిస్తున్నారు. సొరంగం లోపల త్వవకాలు చేపడుతూ టీబీఎం భాగాలు స్టీల్‌, మట్టి, బురద, రాళ్లును వెలికితీసి బయటకు తరలిస్తున్నారు. టీబీఎం భాగాలను దక్షిణ మధ్య రైల్వే సిబ్బంది ప్లాస్మా కట్టర్‌తో కట్‌చేసి లోకో ట్రైన్‌ ద్వారా బయటకు పంపిస్తున్నారు. నాలుగు ఎస్కవేటర్లు సహాయంతో మట్టిని తవ్వి కన్వేయర్‌ బెల్టు ద్వారా బయటికి తీసుకువస్తున్నారు. సహాయక చర్యలు వేగవంతం సహాయక బృందాలకు కేటాయించిన పనిని పూర్తిస్థాయిలో చేపడుతూ సహాయక చర్యలు వేగవంతం చేశామని ప్రత్యేకాధికారి శివశంకర్‌ లోతేటి అన్నారు. శుక్రవారం జేపీ కంపెనీ కార్యాలయంలో ఉన్నతాధికారులు, ఆర్మీ అధికారులు వికాస్‌సింగ్‌, విజయ్‌కుమార్‌, ఎస్‌డీఆర్‌ఎఫ్‌ అధికారి గిరిధర్‌రెడ్డి, ిహైడ్రా అధికారి సుదర్శన్‌రెడ్డి, సింగరేణి మైన్స్‌ రెస్క్యూ జనరల్‌ మేనేజర్‌ బైద్య, దక్షిణ మధ్య రైల్వే అధికారి నేటి చంద్రం, జేపీ కంపెనీ ప్రతినిధులతో సహాయక చర్యలపై సమీక్ష నిర్వహించారు. ఈ సందర్భంగా శివశంకర్‌ మాట్లాడుతూ కన్వేయర్‌ బెల్టు పనులు పునరుద్ధరణ పనులు పూర్తయ్యాయి. సొరంగం లోపల 24గంటలు ఐదు ఎస్కవేటర్ల స్టీల్‌ భాగాలను, ప్రమాద ప్రదేశంలో భారీగా ఉన్న రాళ్లను లోకో ట్రైన్‌ ప్లాట్‌ ఫాం పైకి తరలించి మట్టి త్వవకాలు చేపడుతున్నామన్నారు. సొంరగం లోపల నీటిఊటను నిరంతరం బయటకు పంపింగ్‌ చేస్తున్నామని చెప్పారు. సహాయక బృందాలకు అవసరమైన వసతులు కల్పిస్తూ ఆహారం, ఆరోగ్యంపై ప్రత్యేక శ్రద్ధ తీసుకుంటున్నామని తెలిపారు. ఎస్‌ఎల్‌బీసీ సొరంగంలో 42 రోజులుగా కొనసాగుతున్న సహాయక చర్యలు టీబీఎం భాగాలను లోకో ట్రైన్‌ ద్వారా బయటికి పూర్తైన కన్వేయర్‌ బెల్టు పునరుద్ధరణ పనులు

స్థానికంగా ఉన్న 20 ఎకరాల ప్రభుత్వ సీలింగ్‌ భూమిని పరిశీలించిన కలెక్టర్‌.. అక్కడ ఆలయాలకు వచ్చే వాహనాల పార్కింగ్‌తోపాటు భక్తుల వసతుల కల్పన కోసం, పబ్లిక్‌ టాయిలెట్లు, సమాచార కేంద్రంగా మార్చాలని, స్థలంలో అవెన్యూ ప్లాంటేషన్‌ చేపట్టి, పచ్చదనాన్ని పెంపొందించాలని ఆర్‌అండ్‌బీ అధికారులను ఆదేశించారు. ఆలయ పరిసరాల్లో ఎప్పటికప్పుడు పారిశుద్ధ్య పనులు చేయాలని మున్సిపల్‌ కమిషనర్‌కు చెప్పారు. అనంతరం సంగమేశ్వర ఆలయాన్ని సందర్శించి పరిసరాల్లో పచ్చదనాన్ని పెంచాలని, మొక్కల సంరక్షణ కోసం నీటి సరఫరాపై ప్రత్యేక దృష్టిపెట్టాలన్నారు. జోగుళాంబ, బాలబ్రహ్మేశ్వరస్వామి దేవస్థాన ప్రవేశ ద్వారాన్ని మరింత ఆకర్షణీయంగా తీర్చిదిద్దాలన్నారు. భక్తులు పరిశుభ్రమైన వాతావరణంలో దైవదర్శనం చేసుకునేలా, స్థానిక వీధుల్లో పారిశుద్ధ్య చర్యలు చేపట్టి, పార్కింగ్‌ నిర్వహణ సక్రమంగా ఉండేలా చూసుకోవాలన్నారు. అనంతరం పాపనాశనం ఆలయంలో ప్రత్యేక పూజలు చేశారు. కార్యక్రమంలో ఆర్డీఓ శ్రీనివాసరావు, ఆలయ చైర్మన్‌ నాగేశ్వర్‌రెడ్డి, దేవాదాయ శాఖ రీజినల్‌ జాయింట్‌ కమిషనర్‌ రామకృష్ణ, ఆర్కిటెక్టు సూర్యనారాయణమూర్తి, శ్రీలేఖ, కేంద్ర పురావస్తు శాఖ అధికారి రోహిణి పాండే, ఆర్కియాలజీ ఏడీ నాగలక్ష్మి, ఈఓ పురేందర్‌, డీపీఓ నాగేంద్రం, తహసీల్దార్లు ప్రభాకర్‌, మంజుల, ఇరిగేషన్‌ ఈఈ శ్రీనివాస్‌, ఆర్‌అండ్‌బీ ఈఈ కిరణ్‌ తదితరులు పాల్గొన్నారు. అలంపూర్‌: దక్షిణకాశీ అలంపూర్‌ను మరింత సుందరంగా తీర్చిదిద్ది.. పర్యాటకపరంగా అభివృద్ధి చేయాలని కలెక్టర్‌ బీఎం సంతోష్‌ అన్నారు. శుక్రవారం అదనపు కలెక్టర్లు లక్ష్మీనారాయణ, నర్సింగ్‌రావు, ఆలయ కమిటీ సభ్యులతో కలిసి అలంపూర్‌ ఆలయాలను సందర్శించారు. పరిసరాలు, పర్యాటకరంగంగా చేయాల్సిన అభివృద్ధి, భక్తులకు సౌకర్యాలు, వసతి కల్పన తదితర అంశాలపై కూలంకుషంగా చర్చించారు. జోగుళాంబ, బాలబ్రహ్మేశ్వరస్వామి దేవస్థానానికి దిశానిర్దేశంగా జాతీయ రహదారి నుంచి ఏర్పాటు చేసిన సూచిక బోర్డులను ఆయన పరిశీలించారు. జాతీయ రహదారిపై గల ఇటిక్యాలపాడు, మానవపాడు, అలంపూర్‌ క్రాస్‌రోడ్ల వద్ద ఏర్పాటు చేసిన సూచిక బోర్డులను పరిశీలించి.. వాటి ఎత్తును పెంచడంతోపాటు, బోర్డులను ఆకర్షణీయంగా, సృజనాత్మకంగా రూపకల్పన చేయాలని సూచించారు. హైదరాబాద్‌ నుంచి ఎర్రవల్లి, ఎర్రవల్లి నుంచి అలంపూర్‌ మార్గంలోని కీలక ప్రదేశాల్లో సూచిక బోర్డులకు ప్రాధాన్యత ఇవ్వాలన్నారు. ఆయా బోర్డుల్లో అలంపూర్‌ చరిత్ర, ఆలయ విశిష్టతను తెలియజేసే విధంగా చిత్రలేఖనాలు, ఆలయ సంస్కృతి ప్రతిబింబించేలా బొమ్మలు గీయించాలన్నారు. అలంపూర్‌ అండర్‌పాస్‌ ఫ్‌లైవర్‌ను పరిశీలించారు. ఆలయానికి వచ్చే భక్తులకు మార్గంలోనే ఆధ్యాత్మిక భావన వచ్చేలా ప్రధాన కూడళ్లలో ఆకర్షణీయమైన చిత్రాలను ఏర్పాటు చేయాలన్నారు. అలంపూర్‌ రైల్వే గేట్‌ వద్ద నిర్మాణంలో ఉన్న ఆలయ ఆర్చిని పరిశీలించి త్వరగా పనులు పూర్తి చేయాలన్నారు. 20 ఎకరాల్లో పార్కింగ్‌.. జోగుళాంబ ఆలయంలో భక్తులకు సౌకర్యాలు కల్పించేందుకు కృషి 20 ఎకరాల్లో పార్కింగ్‌, ఇతర వసతుల ఏర్పాటుకు చర్యలు ఆలయ విశిష్టత, చరిత్ర తెలియచేసే విధంగా చిత్రాలు గద్వాల కలెక్టర్‌ బీఎం సంతోష్‌ వెల్లడి

కోస్గి: అక్రమంగా నిల్వ చేసిన ఇసుక డంపును శుక్రవారం రెవెన్యూ అధికారులు గుర్తించి స్వాధీనం చేసుకున్నారు. మండలంలోని కడంపల్లి వాగులో 100 ట్రిప్పులకు పైగా ఇసుక నిల్వ చేసినట్లు సమాచారం అందడంతో తహసీల్దార్‌ శ్రీనివాసులు సిబ్బందితో కలిసి దాడులు నిర్వహించారు. పట్టుబడిన ఇసుకను చంద్రవంచలో కొనసాగుతున్న ఇందిరమ్మ ఇళ్ల నిర్మాణానికి తరలించనున్నట్లు తహసీల్దార్‌ తెలిపారు. సిబ్బందికి షిఫ్టుల వారీగా విధులు కేటాయించి ఇసుక అక్రమ రవాణాను అడ్డుకుంటామని వివరించారు. ఆర్‌ఐలు సుభాష్‌రెడ్డి, లింగారెడ్డి, జేఏ హన్మంతు, సిబ్బంది వెంకట్రాములు, బుగ్గప్ప, వెంకటయ్య, పోలీస్‌ సిబ్బంది ఉన్నారు. ప్రేమించాడని యువకుడిపై దాడి నవాబుపేట: యువతిని ప్రేమించాడన్న కారణంతో యువకుడిపై యువతి కుటుంబీకులు దాడిచేసి గాయపర్చిన ఘటన మండలంలో శుక్రవారం చోటు చేసుకుంది. ఎస్‌ఐ విక్రమ్‌ కథనం మేరకు.. మండలంలోని పల్లెగడ్డకు చెందిన అరవింద్‌ జిల్లాకేంద్రంలోని పాత పాలమూర్‌కు చెందిన యువతిని ప్రేమిస్తున్నట్లు యువతి కుటుంబ సభ్యులు, సన్నిహితులకు తెలిసింది. దీంతో శుక్రవారం యువతికి సంబంధించిన వ్యక్తులు పల్లెగడ్డకు వచ్చి మాట్లాడదాం రమ్మంటూ అరవింద్‌ను గ్రామం బయటకు తీసుకొచ్చి మూకుమ్మడిగా దాడి చేశారు. తీవ్ర గాయాలతో స్పృహతప్పి పడిపోగా అక్కడ ఉన్న కొందరు డయల్‌ 100కు సమాచారం అందించారు. దీంతో పోలీసు వాహనం అక్కడికి చేరుకోగా దాడిచేసిన వ్యక్తులు పరారయ్యారు. వాహనాలను ఘటన స్థలంలో వదిలిపోవడంతో పోలీస్‌స్టేషన్‌కు తరలించి బాధితుడి ఫిర్యాదు మేరకు కేసునమోదు చేసినట్లు ఎస్‌ఐ వివరించారు.

కోస్గి: అక్రమంగా నిల్వ చేసిన ఇసుక డంపును శుక్రవారం రెవెన్యూ అధికారులు గుర్తించి స్వాధీనం చేసుకున్నారు. మండలంలోని కడంపల్లి వాగులో 100 ట్రిప్పులకు పైగా ఇసుక నిల్వ చేసినట్లు సమాచారం అందడంతో తహసీల్దార్‌ శ్రీనివాసులు సిబ్బందితో కలిసి దాడులు నిర్వహించారు. పట్టుబడిన ఇసుకను చంద్రవంచలో కొనసాగుతున్న ఇందిరమ్మ ఇళ్ల నిర్మాణానికి తరలించనున్నట్లు తహసీల్దార్‌ తెలిపారు. సిబ్బందికి షిఫ్టుల వారీగా విధులు కేటాయించి ఇసుక అక్రమ రవాణాను అడ్డుకుంటామని వివరించారు. ఆర్‌ఐలు సుభాష్‌రెడ్డి, లింగారెడ్డి, జేఏ హన్మంతు, సిబ్బంది వెంకట్రాములు, బుగ్గప్ప, వెంకటయ్య, పోలీస్‌ సిబ్బంది ఉన్నారు. ప్రేమించాడని యువకుడిపై దాడి నవాబుపేట: యువతిని ప్రేమించాడన్న కారణంతో యువకుడిపై యువతి కుటుంబీకులు దాడిచేసి గాయపర్చిన ఘటన మండలంలో శుక్రవారం చోటు చేసుకుంది. ఎస్‌ఐ విక్రమ్‌ కథనం మేరకు.. మండలంలోని పల్లెగడ్డకు చెందిన అరవింద్‌ జిల్లాకేంద్రంలోని పాత పాలమూర్‌కు చెందిన యువతిని ప్రేమిస్తున్నట్లు యువతి కుటుంబ సభ్యులు, సన్నిహితులకు తెలిసింది. దీంతో శుక్రవారం యువతికి సంబంధించిన వ్యక్తులు పల్లెగడ్డకు వచ్చి మాట్లాడదాం రమ్మంటూ అరవింద్‌ను గ్రామం బయటకు తీసుకొచ్చి మూకుమ్మడిగా దాడి చేశారు. తీవ్ర గాయాలతో స్పృహతప్పి పడిపోగా అక్కడ ఉన్న కొందరు డయల్‌ 100కు సమాచారం అందించారు. దీంతో పోలీసు వాహనం అక్కడికి చేరుకోగా దాడిచేసిన వ్యక్తులు పరారయ్యారు. వాహనాలను ఘటన స్థలంలో వదిలిపోవడంతో పోలీస్‌స్టేషన్‌కు తరలించి బాధితుడి ఫిర్యాదు మేరకు కేసునమోదు చేసినట్లు ఎస్‌ఐ వివరించారు.

కొత్తకోట రూరల్‌: ముందు వెళ్తున్న లారీని వెనుక నుంచి డీసీఎం ఢీకొనడంతో లారీ బోల్తా పడింది. ఈ ఘటన శుక్రవారం తెల్లవారుజామున జాతీయ రహదారి 44పై చోటుచేసుకొంది. లారీ డ్రైవర్‌ శివ తెలిపిన వివరాలు.. బెంగుళూర్‌ నుంచి ద్రాక్ష పండ్లను లోడ్‌ చేసుకొని కశ్మీర్‌కు వెళ్తున్నారు. వనపర్తి జిల్లా కొత్తకోట మండలం కనిమెట్ట సమీపంలోకి రాగానే కర్నూల్‌ వైపు నుంచి హైదరాబాద్‌ వైపు వెళ్తున్న డీసీఎం లారీని వెనుక నుంచి బలంగా ఢీకొట్టాడు. లారీ రోడ్డు కిందకు దూసుకెళ్లి బోల్తా పడింది. లారీలో ఉన్న డ్రైవర్లు శివ, కృష్ణతో పాటు ద్రాక్షపండ్ల యజమాని స్వామికి ఎలాంటి గాయాలు కాకపోవడంతో పెనుప్రమాదం తప్పింది. ప్రమాదం జరిగిన విషయం తెలుసునని, ఎలాంటి ఫిర్యాదు అందలేదని ఎస్‌ఐ ఆనంద్‌ తెలిపారు.

చారకొండ: మండలంలోని సిర్సనగండ్ల, చారకొండ, అగ్రహారం తండా, ఎకై ్సజ్‌ శాఖ, ఎన్‌ఫోర్స్‌మెంట్‌ బృందాలు శుక్రవారం సారా స్థవరాలపై విస్తృతంగా దాడులు నిర్వహించారు. ఈదాడుల్లో అగ్రహరంతండాలో అక్రమంగా నిల్వ ఉంచిన 20 బస్తాలు దాదాపుగా 6 క్వింటాళ్ల నల్లబెల్లం, 30 కిలోల పటిక, 20 లీటర్ల సారాను స్వాధీనం చేసుకున్నట్లు ఎకై ్సజ్‌ సీఐ వెంకట్‌రెడ్డి తెలిపారు. అదే తండాకు చెందిన ఇద్దరిపై కేసు నమోదు చేశామన్నారు. ఈసందర్భంగా సీఐ మాట్లాడుతూ సిర్సనగండ్ల జాతర సందర్భంగా గ్రామాల్లో కాని, జాతర సమీపంలో నాటుసారా, మద్యం నిషేధించినట్లు పేర్కొన్నారు. ఎవరైనా నిబంధనలు ఉల్లంఘిస్తే చర్యలు తీసుకుంటామన్నారు. ఎన్‌ఫొర్స్‌మెంట్‌ సీఐ శారద, సిబ్బంది రామకృష్ణ, రఘు, మహేష్‌, భీమమ్మ, నార్య ఉన్నారు.

చారకొండ: రాష్ట్రంలో ప్రసిద్ధిగాంచిన సిర్సనగండ్ల సీతారామచంద్రస్వాముల బ్రహ్మోత్సవాలు శనివారం నుంచి 11వ తేదీ వరకు వారం పాటు అంగరంగ వైభవంగా జరగనున్నాయి. ఈ పుణ్యక్షేత్రం నాగర్‌కర్నూల్‌ జిల్లా చారకొండ మండలం సిర్సనగండ్ల గ్రామపంచాయతీ పరిధిలోని అయోధ్యనగర్‌ (గుట్ట)పైన 300 అడుగుల ఎతైన ఏకశిలపై సుమారు 60 ఎకరాల్లో ఉంది. బ్రహ్మోత్సవాలకు ఉమ్మడి జిల్లాతో పాటు రంగారెడ్డి, నల్గొండ, హైదరాబాద్‌ తదితర జిల్లాల నుంచి లక్షలాది మంది భక్తులు హాజరై స్వామివారిని దర్శించుకొని మొక్కు లు తీర్చుకుంటారు. శ్రీరామనవమి రోజున భద్రాచలం మాదిరిగానే ఇక్కడ కూడా ప్రభుత్వ లాంఛనాలతో సీతారాముల కల్యాణం జరగనుంది. ఆలయ చరిత్ర.. సిర్సనగండ్ల గుట్టపై సీతారామచంద్రస్వామి ఆలయం ఏర్పడకముందే ముక్కిడి పోచమ్మ, దత్తాత్రేయ దేవాలయాలు ఉండేవని.. గ్రామానికి చెందిన ఢేరం రామయాజ్వీ నిత్యం పోచమ్మకు పూజలు చేసి అనంతరం దత్తాత్రేయ దేవాలయంలో తపస్సు చేసేవాడని చరిత్ర చెబుతోంది. ఒకరోజు అతనికి కలలో స్వామివారు దర్శనమిచ్చి ఖమ్మం జిల్లా పాల్వంచ రావిచేడు గ్రామంలో భాస్కరుడు అనే బ్రహ్మణుడి ఇంటి పేరటిలో కాకార పాదుకింద విగ్రహాలు ఉన్నాయని.. తీసుకొచ్చి రోకలి శబ్ధం కూడా వినిపించని పవిత్ర స్థలం సిర్సనగండ్ల గుట్టపై ప్రతిష్టించాలని చెప్పారని ప్రతీతి. ఆయనతో పాటు గ్రామపెద్దలు ఎద్దుల బండ్లపై అక్కడికి వెళ్లి రాజుగారికి వివరించి భటులతో కలిసి కాకరపాదులో తవ్వగా సీతారామచంద్రస్వామి, లక్ష్మణుడు, ఆంజనేయస్వామి విగ్రహాలు బయటపడ్డాయని.. వాటిని తీసుకొస్తుండగా గ్రామస్తులు అడ్డుకోవడంతో ఆంజనేయస్వామి విగ్రహాన్ని అప్పజెప్పి సీతారామ లక్ష్మణుల విగ్రహాలు తీసుకొచ్చారని పెద్దలు చెబుతారు. వాటిని గుట్టపై ప్రతిష్టించే సమయంలో పోచమ్మ తల్లి ప్రత్యక్షమై వద్దని చెప్పడంతో సీతారామచంద్రస్వామి ప్రత్యక్షమై అమ్మవారిని శాంతించి భక్తులు నీ దర్శనం చేసుకున్న తర్వాతే మమ్ముల్ని దర్శించుకుంటారని అభయం ఇవ్వడంతో అభయ రాముడిగా, క్షత్రీయ వంశానికి చెందినవారు కావడంతో రాజా రాముడిగా భక్తులకు దర్శనమిస్తున్నారని పురాణాలు చెబుతున్నాయి. నైరుతి భాగంలో పోచమ్మతల్లి, తూర్పుదిశలో సీతారామచంద్రస్వామి నిత్యం భక్తులకు దర్శనమిస్తున్నారు. 14వ శతాబ్దంలో రాచకొండ పద్మనాయకుల కాలంలో ఆలయాన్ని నిర్మించినట్లు దేవాలయంలోని ఒక స్తంభంపై అప్పటి లిపిలో చెక్కినట్లు నేటికీ ఆనవాళ్లు కనిపిస్తున్నాయి. ప్రత్యేక బస్సులు.. బ్రహ్మోత్సవాలకు మహబూబ్‌నగర్‌, నల్గొండ, హైదరాబాద్‌, రంగారెడ్డి ప్రాంతాల నుంచి వచ్చే భక్తుల కోసం కల్వకుర్తి, అచ్చంపేట, దేవరకొండ నుంచి ప్రత్యేక బస్సులు నడపనున్నారు. నేటి నుంచి 11వ తేదీ వరకు బ్రహ్మోత్సవాలు ఏకశిలపై వెలిసిన సీతారామచంద్రస్వామి దేవాలయం ప్రభుత్వ లాంఛనాలతో సీతారాముల కల్యాణం ఏర్పాట్లు పూర్తిచేసిన పాలక వర్గం కార్యక్రమాలు ఇలా.. మొదటిరోజు శనివారం మధ్యాహ్నం మాస కల్యాణం ఆదివారం మధ్యాహ్నం 12 గంటలకు కల్యాణం సోమవారం ఉదయం కుంకుమార్చన, రాత్రి చిన్న రథం (పూల తేరు) మంగళవారం శివదత్తాత్రేయ పరశురామ, పోచమ్మ ఆలయాల్లో ప్రత్యేక పూజలు బుధవారం ప్రత్యేక పూజలు, రాత్రి పెద్ద తేరు (రథోత్సవం) గురువారం పల్లకీసేవ, ఏకాంతసేవ తదితర కార్యక్రమాలు ఉంటాయని ఆలయ చైర్మన్‌ ఢేరం రామశర్మ, ఈఓ స్వర్గం ఆంజనేయులు తెలిపారు. వెండి కిరీటం బహూకరణ సిర్సనగండ్ల సీతారామచంద్రస్వామి ఆలయంలోని సీతమ్మ తల్లికి శుక్రవారం చారకొండ గ్రామానికి చెందిన బొడ్డు స్వాతి, నవీన్‌ దంపతులు రూ.40 వేల విలువైన 40 తులాల వెండి కిరీటాన్ని బహూకరించారు.

నాగర్‌కర్నూల్‌ క్రైం: ఇంట్లో ఉరేసుకొని యువకుడు బలవన్మరణానికి పాల్పడిన ఘటన జిల్లా కేంద్రంలో చోటుచేసుకొంది. స్థానికులు తెలిపిన వివరాలు.. స్థానిక బీసీ కాలనీకి చెందిన సాయికుమార్‌(20) డ్రైవింగ్‌ చేస్తూ జీవనం సాగిస్తున్నాడు. శుక్రవారం మధ్యాహ్నం ఇంట్లో ఉరేసుకొని ఆత్మహత్యకు పాల్పడ్డాడు. గమనించిన కుటుంబసభ్యులు కాపాడే ప్రయత్నం చేసినా అప్పటికే మృతిచెందాడు. ఆత్మహత్యకు గల కారణాలు తెలియాల్సి ఉంది. ఈఘటనకు సంబంధించి ఎస్‌ఐ గోవర్ధన్‌ను వివరణ కోరగా తమకు ఎలాంటి ఫిర్యాదు అందలేదని తెలిపారు. చికిత్స పొందుతూ యువకుడు మృతి లింగాల: మండలంలోని కొత్తకుంటపల్లికి చెందిన సౌడమోని మధు(22) చికిత్స పొందుతూ గురువారం రాత్రి మృతి చెందినట్లు ఎస్‌ఐ నాగరాజు తెలిపారు. ఈ నెల 2వ తేదీన ద్విచక్ర వాహనంపై వరికోత మిషన్‌ కోసం అంబట్‌పల్లి వైపు తమ్ముడు సాయితో కలిసి వెళ్లాడు. ప్రమాదవశాత్తు బైక్‌ అదుపు తప్పి చెట్టుకు ఢీకొనడంతో మధు తలకు బలమైన గాయం కాగా, సాయికి స్వల్ప గాయాలయ్యాయి. మధును నిమ్స్‌కు తరలించగా కోలుకోలేక చికిత్స పొందుతూ మృతి చెందాడు. శుక్రవారం మృతుడి తండ్రి సౌడమోని శ్రీను ఫిర్యాదు మేరకు కేసు నమోదు చేసినట్లు ఎస్‌ఐ తెలిపారు. రైలు నుంచి పడి వ్యక్తి.. ఎర్రవల్లి: రైలులో ప్రయాణిస్తున్న ఓ వ్యక్తి ప్రమాదవశాత్తు కిందపడి మృతి చెందినట్లు రైల్వే కానిస్టేబుల్‌ అశోక్‌కుమార్‌ తెలిపారు. ఆయన కథనం మేరకు.. ఇటిక్యాల మండలం పూడూరు–ఇటిక్యాల రైల్వేస్టేషన్‌ మధ్యలో కి.మీ. 204/2–3 వద్ద 45 ఏళ్ల వయసున్న ఓ వ్యక్తి గురువారం రాత్రి రైలులో నుంచి కిందపడి మృతి చెందినట్లు చెప్పారు. గుర్తించిన స్థానికులు సమాచారం ఇవ్వగా ఘటనా స్థలాన్ని పరిశీలించి మృతదేహాన్ని గద్వాల మార్చురీకి తరలించినట్లు వివరించారు. మరిన్ని వివరాలకు గద్వాల రైల్వే పోలీస్‌ నంబర్‌ 83412 52529 సంప్రదించాలని సూచించారు. డిగ్రీ విద్యార్థి బలవన్మరణం బల్మూర్‌: మండలంలోని తుమ్మెన్‌పేట గ్రామంలో అరవింద్‌(20) అనే డిగ్రీ విద్యార్థి ఉరివేసుకొని ఆత్మహత్యకు పాల్పడిన సంఘటన శుక్రవారం రాత్రి చోటు చేసుకుంది. ఇందుకు సంబంధించి కుటుంబ సభ్యులు తెలిపిన వివరాలు.. గ్రామానికి చెందిన తోకల తిరుపతయ్య కుమారుడు అరవింద్‌ హైదరా బాద్‌లోని ఓ ప్రైవేట్‌ కళాశాలలో డిగ్రీ మొదటి సంవత్సరం చదువుతున్నాడు. ఈ క్రమంలో వారం రోజుల క్రితం ఉగాది పండుగకు ఇంటికి వచ్చిన అరవింద్‌ ఇక్కడే ఉంటున్నాడు. ఈ క్రమంలోనే శుక్రవారం రాత్రి వ్యవసాయ పొలం వద్ద ఎవరూ లేని సమయంలో చెట్టుకు ఉరివేసుకొని మృతి చెందినట్లు తెలిపారు. కాగా విద్యార్థి ఆత్మహత్యకు గల కారణాలు తెలియాల్సి ఉంది. ఈ ఘటనపై ఎలాంటి ఫి ర్యాదు అందలేదని ఎస్‌ఐ రమాదేవి తెలిపారు. చెరువులో మృతదేహం లభ్యం పాన్‌గల్‌: మండల కేంద్రంలోని పొల్కి చెరువులో శుక్రవారం 40 ఏళ్ల వయసున్న గుర్తు తెలియని వ్యక్తి మృతదేహం లభ్యమైనట్లు ఎస్‌ఐ శ్రీనివాసులు తెలిపారు. మూడురోజుల కిందట చనిపోయి ఉంటాడని.. ఘటన స్థలంలో చెప్పులు, శాలువా, కల్లు ప్యాకెట్‌ కనిపించినట్లు పేర్కొన్నారు. ప్రమాదవశాత్తు చెరువులో పడిపోయాడా.. లేక ఆత్మహత్య చేసుకున్నాడా అనే కోణంలో దర్యాప్తు చేస్తున్నామని చెప్పారు. మృతదేహాన్ని జిల్లా ఏరియా ఆస్పత్రి మార్చురీలో భద్రపర్చామని.. మరిన్ని వివరాలకు సెల్‌నంబర్లు 87126 70616, 87125 83613 సంప్రదించాలని సూచించారు. వృద్ధురాలిపై దాడిలో ఇద్దరిపై కేసు నమోదు పాన్‌గల్‌: వృద్ధురాలిపై దాడిచేసి గాయపర్చిన ఘటనపై శుక్రవారం ఇద్దరిపై కేసు నమోదు చేసినట్లు ఎస్‌ఐ శ్రీనివాసులు తెలిపారు. వివరాలు.. మండలంలోని చింతకుంట గ్రామానికి చెందిన ఆవుల బాలమ్మ అనే వృద్ధురాలికి కూతురు, కుమారుడు ఉన్నారు. వీరిద్దరికి పెళ్లిళ్లు కావడంతో వృద్ధురాలు ఆమె భర్త బాలస్వామి ఇద్దరు వేరుగా నివాసం ఉంటున్నారు. కుమారుడితో కుటుంబ విషయంలో కొంతకాలంగా గొడవలు జరుగుతున్నాయి. ఇదేక్రమంలో గతనెల 29వ తేదీన ఇంటి దగ్గరిలోని నల్లా వద్ద వృద్ధురాలు నీళ్లు పడుతున్న క్రమంలో కోడలు అనిత బిందెను పక్కకు తోసేసి దుర్భాషలాడింది. కుమారుడు ఆంజనేయులు వచ్చి ఇనుప రాడ్‌తో వృద్ధురాలి తలపై దాడి చేయగా రక్తగాయాలయ్యాయి. అనిత, ఆంజనేయులుపై చర్యలు తీసుకోవాలని బాలమ్మ శుక్రవారం ఫిర్యాదు చేసింది. ఈమేరకు కేసు నమోదు చేసినట్లు ఎస్‌ఐ తెలిపారు.

ఖిల్లాఘనపురం: మండలంలోని మామిడిమాడ శివారులో జరుగుతున్న ఫిల్టర్‌ ఇసుక తయారీ ప్రదేశాన్ని తహసీల్దార్‌ సుగుణ, పంచాయతీరాజ్‌ ఏఈ రమేష్‌నాయుడు పోలీసులతో కలిసి పరిశీలించారు. ఈ సందర్భంగా తహసీల్దార్‌ మాట్లాడుతూ అక్రమంగా ఫిల్టర్‌ ఇసుక తయారు చేసి విక్రయిస్తున్న వారిపై చట్టరీత్యా చర్యలు తీసుకుంటామన్నారు. మామిడిమాడ శివారులోని నేరెడు చెరువులో పెద్ద ఎత్తున ఫిల్టర్‌ ఇసుక దందా జరిగినట్లు అక్కడి పరిస్థితులను చూస్తే తెలుస్తుందని తెలిపారు. అధికారుల హెచ్చరికలు బేఖాతర్‌ డబుల్‌ బెడ్‌రూం ఇళ్ల నిర్మాణాలకు ఫిల్టర్‌ ఇసుక ఉపయోగిస్తున్నట్లు సమాచారం రావడంతో తహసీ ల్దార్‌, పీఆర్‌ ఏఈ రమేష్‌నాయుడు అక్కడికి వెళ్లి పరిశీలించారు. అది ఫిల్టర్‌ ఇసుకగా గుర్తించి దానిని ఇళ్ల నిర్మాణాలకు ఉపయోగించరాదని అక్కడ నిర్మాణాలు చేస్తున్న వారిని ఆదేశించారు. అధికారులు అ క్కడి నుంచి వెళ్లిన కొంతసేపటికే యథావిధిగా ఫి ల్టర్‌ ఇసుకతోనే ఇళ్ల నిర్మాణాలు సాయంత్రం వరకు కొనసాగించారు. ఈ విషయమై పీఆర్‌ ఏఈ రమేష్‌నాయుడును వివరణ కోరగా ఫిల్టర్‌ ఇసుకతో నిర్మాణాలు చేపట్టొదని సూచించామని, వారు అలాగే ని ర్మాణాలు చేపడితే ఎంబీ చేయకుండా నిలిపివేస్తామన్నారు.

అచ్చంపేట: శ్రీశైలం ఎడమగట్టు కాలువ(ఎస్‌ఎల్‌బీసీ)సొరంగంలో చిక్కుకున్న వారి ఆచూకీ నేటికీ లభ్యం కాలేదు. సొరంగంలో చిక్కుకున్న వారిని బయటకు తెచ్చేందుకు ముమ్మర ప్రయత్నాలు చేస్తున్నారు. ఫిబ్రవరి 22న సొరంగం పైకప్పు కూలిన ప్రమాదంలో ఎనిమిది మంది కార్మికులు ప్రమాదవశాత్తు చిక్కుకోగా ఇద్దరి మృతదేహాలను వెలికితీశారు. 42 రోజులుగా మిగిలిన ఆరుగురు కార్మికుల కోసం సొరంగంలో అణువణువునా వెతుకులాట కొనసాగిస్తున్నారు. సొరంగం లోపల త్వవకాలు చేపడుతూ టీబీఎం భాగాలు స్టీల్‌, మట్టి, బురద, రాళ్లును వెలికితీసి బయటకు తరలిస్తున్నారు. టీబీఎం భాగాలను దక్షిణ మధ్య రైల్వే సిబ్బంది ప్లాస్మా కట్టర్‌తో కట్‌చేసి లోకో ట్రైన్‌ ద్వారా బయటకు పంపిస్తున్నారు. నాలుగు ఎస్కవేటర్లు సహాయంతో మట్టిని తవ్వి కన్వేయర్‌ బెల్టు ద్వారా బయటికి తీసుకువస్తున్నారు. సహాయక చర్యలు వేగవంతం సహాయక బృందాలకు కేటాయించిన పనిని పూర్తిస్థాయిలో చేపడుతూ సహాయక చర్యలు వేగవంతం చేశామని ప్రత్యేకాధికారి శివశంకర్‌ లోతేటి అన్నారు. శుక్రవారం జేపీ కంపెనీ కార్యాలయంలో ఉన్నతాధికారులు, ఆర్మీ అధికారులు వికాస్‌సింగ్‌, విజయ్‌కుమార్‌, ఎస్‌డీఆర్‌ఎఫ్‌ అధికారి గిరిధర్‌రెడ్డి, ిహైడ్రా అధికారి సుదర్శన్‌రెడ్డి, సింగరేణి మైన్స్‌ రెస్క్యూ జనరల్‌ మేనేజర్‌ బైద్య, దక్షిణ మధ్య రైల్వే అధికారి నేటి చంద్రం, జేపీ కంపెనీ ప్రతినిధులతో సహాయక చర్యలపై సమీక్ష నిర్వహించారు. ఈ సందర్భంగా శివశంకర్‌ మాట్లాడుతూ కన్వేయర్‌ బెల్టు పనులు పునరుద్ధరణ పనులు పూర్తయ్యాయి. సొరంగం లోపల 24గంటలు ఐదు ఎస్కవేటర్ల స్టీల్‌ భాగాలను, ప్రమాద ప్రదేశంలో భారీగా ఉన్న రాళ్లను లోకో ట్రైన్‌ ప్లాట్‌ ఫాం పైకి తరలించి మట్టి త్వవకాలు చేపడుతున్నామన్నారు. సొంరగం లోపల నీటిఊటను నిరంతరం బయటకు పంపింగ్‌ చేస్తున్నామని చెప్పారు. సహాయక బృందాలకు అవసరమైన వసతులు కల్పిస్తూ ఆహారం, ఆరోగ్యంపై ప్రత్యేక శ్రద్ధ తీసుకుంటున్నామని తెలిపారు. ఎస్‌ఎల్‌బీసీ సొరంగంలో 42 రోజులుగా కొనసాగుతున్న సహాయక చర్యలు టీబీఎం భాగాలను లోకో ట్రైన్‌ ద్వారా బయటికి పూర్తైన కన్వేయర్‌ బెల్టు పునరుద్ధరణ పనులు

పెట్టుబడి సాయం రాకపోవడంపై రైతన్నల అసంతృప్తి ● ఎకరా భూమి ఉన్న రైతులకు కూడా జమకాని డబ్బులు ● కార్యాలయాల చుట్టూ ప్రదక్షిణలు చేస్తున్న వైనం ● ప్రభుత్వం ప్రకటించిన గడువు సైతం పూర్తి ● జిల్లాలో 25,895 మంది రైతులకు అందని రైతు భరోసా రైతు భరోసా వివరాలు కేటాయించిన బడ్జెట్‌ (రూ.కోట్లలో) 229.732,14,800

నాకు రెండెకరాల 28 గుంటల భూమి ఉంది. ఆ పొలంలో వరి సాగు చేశాను. ప్రభుత్వం సీజన్‌ ప్రారంభంలో రైతు భరోసా డబ్బులు ఇవ్వకపోవడంతో వడ్డీ వ్యాపారితో నూటికి మూడు రూపాయల చొప్పున అప్పు తెచ్చి పంట సాగు చేసుకున్నాం. ఎకరాకు రూ.35 వేల పెట్టుబడి అయింది. యాసంగి సీజన్‌ ముగింపు దశకు వచ్చినా ఇంకా పెట్టుబడి డబ్బు పడలేదు. ప్రభుత్వం పెట్టుబడి సాయం అందిస్తే కోతలు, కూలీల అవసరాలకు ఉపయోగపడతాయి. – బొక్క దేవన్న, రైతు, తాటికొండ, భూత్పూర్‌ మండలం

● టీఎన్‌జీఓ జిల్లా అధ్యక్షుడు రాజీవ్‌రెడ్డి జెడ్పీసెంటర్‌(మహబూబ్‌నగర్‌): రాష్ట్ర ప్రభుత్వ ఉద్యోగుల పెండింగ్‌ సమస్యలను పరిష్కరించాలని, లేకుంటే ఉద్యమం తప్పదని టీఎన్‌జీఓ జిల్లా అధ్యక్షుడు రాజీవ్‌రెడ్డి అన్నారు. శుక్రవారం స్థానిక టీఎన్‌జీఓ భవన్‌లో జరిగిన కార్యవర్గ సమావేశంలో ఆయన మాట్లాడుతూ తమకు రావల్సిన బిల్లులు అందక ఉద్యోగులు ఆయోమయంలో ఉన్నారన్నారు. తమ జీతం డబ్బు నుంచి నెలనెల దాచుకున్న జీపీఎఫ్‌ అకౌంట్‌ నుంచి తమ అవసరం కోసం లోన్‌ రూపంలో దరఖాస్తు చేసుకొని ఏడాది గడుస్తున్నా బిల్లులు పాస్‌ కాకపోవడం భాదాకరమన్నారు. మెడికల్‌ బిల్స్‌, పదవీ విరమణ చేసిన ఉద్యోగులకు రావాల్సిన బకాయిలను వెంటనే చెల్లించలని కోరారు. పెరిగిన ధరలకు అనుగుణంగా జీతాలు ఇవ్వాలని డిమాండ్‌ చేశారు. కార్యక్రమంలో టీఎన్‌జీఓ జిల్లా కార్యదర్శ చంద్రనాయక్‌, జిల్లా కోశాధికారి కృష్ణమోహన్‌, ఇతర నాయకులు పాల్గొన్నారు.

ప్రభుత్వం ప్రకటించిన రైతు భరోసా డబ్బులు నేటికీ బ్యాంకు ఖాతాలో జమ కాలేదు. మా గ్రామంలో సొంతంగా ఎకరా భూమి ఉంది. అందులో వరి పంట వేసిన. ఇంతవరకు రైతు భరోసా పడలేదు.. రుణమాఫీ కూడా కాలేదు. రైతు భరోసా ఎప్పుడు పడుతుందోనని బ్యాంకు చుట్టూ.. అధికారుల చుట్టూ తిరుగుడు అవుతుంది. నా లాంటి రైతులకు భరోసా డబ్బులు జమ చేస్తే కోతలకు పనికి వస్తాయి. – హరిజన ఆశన్న, రైతు, కోడూర్‌, మహబూబ్‌నగర్‌ రూరల్‌ రైతులందరికీ పెట్టుబడి సాయం ప్రభుత్వ మార్గదర్శకాలకు అనుగుణంగా రైతు భరోసాను రైతుల బ్యాంకు ఖాతాల్లో అవుతున్నాయి. ప్రభుత్వం యాసంగి సీజన్‌కు సంబంధించి ఇప్పటి వరకు 1.88,905 మంది రైతుల ఖాతాల్లో ఎకరాకు రూ.6 వేల చొప్పున రూ.160.81 కోట్లు జమ చేసింది. మిగిలిన రైతులందరికీ కూడా పెట్టుబడి సాయం త్వరలో అందుతుంది. – బి.వెంకటేష్‌, జిల్లా వ్యవసాయశాఖ అధికారి

పాలమూరు: మూసాపేట మండల కాంగ్రెస్‌ పార్టీ అధ్యక్షుడు శెట్టిశేఖర్‌ ఇటీవల రెవెన్యూ ఉద్యోగితో ఫోన్‌లో మాట్లాడిన తిట్ల దండకం ఆడియో శుక్రవారం సోషల్‌ మీడియాలో వైరల్‌గా మారింది. వారం క్రితం నిజాలాపూర్‌లో సీసీరోడ్లు వేయడానికి ట్రాక్టర్లతో స్థానిక పెద్దవాగు నుంచి ఇసుకను తరలించుకోవడానికి కాంగ్రెస్‌ నాయకులు తహసీల్దార్‌ కార్యాలయం ద్వారా అనుమతి పొందారు. 10 ట్రిప్పులకు అనుమతి ఉండటంతో సమయం దాటిపోయిన తర్వాత అదే గ్రామానికి చెందిన రెవెన్యూ ఉద్యోగి చందు అక్కడికి వెళ్లి ట్రాక్టర్లను ఆపాడు. గ్రామస్తులు పార్టీ మండల అధ్యక్షుడు శెట్టిశేఖర్‌కు ఫోన్‌ చేసి విషయాన్ని చెప్పడంతో ఆయన చందుకు ఫోన్‌ చేసి తిట్టాడు. వాహనాలను ఆపడానికి నువ్వెవరు అంటూ బూతు పురాణం అందుకున్నాడు. అంతటితో ఆగకుండా నౌకరి చేయాలనుకుంటే అక్కడి నుంచి వెళ్లిపోవాలని హుకుం జారీ చేశాడు. ‘తహసీల్దార్‌ ఆఫీసుకు వచ్చి మీ అందరినీ లోపల వేసి తంతా..’ అంటూ తిట్టిన మాటలు సోషల్‌ మీడియాలో వైరల్‌ కావడం మండల వ్యాప్తంగా చర్చనీయాంశమైంది. ఇదిలా ఉంటే ఘటన జరిగిన మరుసటి రోజు దీనిపై మండల అధికారులు రాజీ చేశారని తెలిసింది. తాజాగా ఆడియో లీకై సోషల్‌ మీడియాలో వైరల్‌ అయింది. దీనిపై తహసీల్దార్‌ రాజును ఫోన్‌లో సంప్రదించేందుకు ప్రయత్నించగా ఆయన అందుబాటులోకి రాలేదు. రెవెన్యూ ఉద్యోగిపై కాంగ్రెస్‌ నాయకుడి తిట్ల దండకం సోషల్‌ మీడియాలో వైరల్‌

మహబూబ్‌నగర్‌ రూరల్‌: రాష్ట్ర ప్రభుత్వం ప్రతిష్టాత్మకంగా ప్రారంభించిన సన్న బియ్యం పంపిణీని చౌకధర దుకాణాల ద్వారా పేద కుటుంబాల కార్డుదారులకు ఎలాంటి ఫిర్యాదులకు ఆస్కారం లేకుండా అందించాలని కలెక్టర్‌ విజయేందిర బోయి ఆదేశించారు. శుక్రవారం ధర్మాపూర్‌లో చౌకధర దుకాణాన్ని కలెక్టర్‌ తనిఖీ చేశారు. లబ్ధిదారులకు సన్న బియ్యం పంపిణీ చేస్తున్న తీరును పరిశీలించారు. మొత్తం ఎన్ని కుటుంబాలు ఆహార భద్రత కార్డులు కలిగి ఉన్నాయి.. ఇప్పటి వరకు ఎంత మందికి బియ్యం పంపిణీ పూర్తయింది.. తదితర వివరాలను రేషన్‌డీలర్‌ను అడిగి తెలుసుకున్నారు. చౌకధర దుకాణంలోని బియ్యం నిల్వలు, వాటి నాణ్యతను పరిశీలించారు. సన్నబియ్యం లబ్ధిదారులతో కలెక్టర్‌ మాట్లాడి సన్న బియ్యం పంపిణీపై వారి అభిప్రాయం తెలుసుకున్నారు. ప్రభుత్వం పేదలకు రేషన్‌ షాపుల ద్వారా సన్న బియ్యం పంపిణీ చేస్తోందని, లబ్ధిదారులు సద్వినియోగం చేసుకోవాలన్నారు. రేషన్‌దుకాణాల్లో సమయపాలన పాటించాలని, రైతులు పనులకు వెళ్లి ఉదయం రాలేని వారికి సాయంత్రం కూడా పంపిణీ చేయాలని డీలర్‌కు సూచించారు. కలెక్టర్‌ వెంట తహసీల్దార్‌ సుందర్‌రాజ్‌ ఉన్నారు. సన్న బియ్యం రవాణా వేగవంతం చేయాలి జెడ్పీసెంటర్‌(మహబూబ్‌నగర్‌): రేషన్‌షాపులకు సన్న బియ్యం రవాణా వేగవంతం చేయాలని రాష్ట్ర పౌర సరఫరాలశాఖ మంత్రి ఉత్తమ్‌ కుమార్‌రెడ్డి ఆదేశించారు. శుక్రవారం హైదరాబాద్‌ నుంచి ఆయన కలెక్టర్లతో వీసీ నిర్వహించారు. సన్న బియ్యం సరఫరా పంపిణీ విజయవంతం అవుతుందని, పేదలు బియ్యాన్ని సంతోషంగా స్వీకరిస్తున్నారని పేర్కొన్నారు. రవాణా కాంట్రాక్టర్లతో సమావేశం నిర్వహించి బియ్యం రవాణాపై కలెక్టర్లు ప్రత్యేక శ్రద్ధ వహించాలన్నారు. రేషన్‌ దుకాణాల్లో అవసరమైన మేర బియ్యం అందుబాటులో ఉండేలా చూడాలన్నారు. కార్యక్రమంలో కలెక్టర్‌ విజయేందిర, అదనపు కలెక్టర్లు శివేంద్ర ప్రతాప్‌, మోహన్‌రావు, జిల్లా పౌర సరఫరాల అధికారి వెంకటేష్‌, జిల్లా పౌర సరఫరాల సంస్థ డీఎం రవినాయక్‌ తదితరులు పాల్గొన్నారు

మహబూబ్‌నగర్‌ ఎడ్యుకేషన్‌: విద్యార్థులు జీవితంలో ఉన్నత స్థాయికి ఎదగాలని మెల్‌బోర్న్‌లోని బియాండ్‌ యువర్‌ మైండ్స్‌ సంస్థ వ్యవస్థాపకురాలు సరోజ గుల్లపల్లి పేర్కొన్నారు. శుక్రవారం పీయూలో శుక్రవారం ఇంటిగ్రేటెడ్‌ కెమిస్ట్రీ డిపార్ట్‌మెంట్‌ ఆధ్వర్యంలో విద్యార్థులకు ఆన్‌లైన్‌లో అవగాహన కార్యక్రమం నిర్వహించారు. ఈ సందర్భంగా ఆమె మాట్లాడు తూ పక్షుల ఎదుగుదల, జీవితంతో పోరాటం తదితర అంశాలపై ఆమె విద్యార్థులకు వివరించారు. వ్యక్తి అభిరుచికి అనుగుణంగా స్వేచ్ఛను అనుభవించాలని, ఎంత కష్టపడితే అంత పైకి ఎదుగుతారని పేర్కొన్నారు. నూతన ఆవిష్కరణలపై విద్యార్థులు దృష్టి సారించాలని, సామాజిక నిబంధనలతో సంబంధం లేకుండా పూర్తిస్థాయిలో కొత్త అంశాలపై దృష్టి సారించాల్సిన అవసరం ఉందన్నారు. కార్యక్రమంలో అధ్యాపకులు రవికుమార్‌, సిద్ధరామాగౌడ్‌, తదితరులు పాల్గొన్నారు. ఆర్‌ఎన్‌ఆర్‌ ధాన్యం ధర రూ.2,259 దేవరకద్ర: స్థానిక మార్కెట్‌ యార్డులో శుక్రవారం జరిగిన టెండర్లలో ఆర్‌ఎన్‌ఆర్‌ ధాన్యం ధర క్వింటాల్‌కు గరిష్టంగా రూ.2,259, కనిష్టంగా రూ.1,809గా నమోదయ్యాయి. హంస ధాన్యం గరిష్టంగా రూ.1,800, కనిష్టంగా రూ.1,666గా ధరలు లభించాయి. సీజన్‌ ప్రారంభం కావడం వల్ల మార్కెట్‌కు నాలుగు వేల బస్తాల ధాన్యం అమ్మకానికి వచ్చింది. కాగా.. మార్కెట్‌కు శనివారం, ఆదివారం సెలవులు ఉంటాయని మార్కెట్‌ కార్యదర్శి జయలక్ష్మి పేర్కొన్నారు. తిరిగి సోమవారం మార్కెట్‌లో ధాన్యం కొనుగోలు ప్రారంభం అవుతుందని, రైతులు ఈ విషయం గుర్తించుకొని సహకరించాలని కోరారు. స్థానిక ఎన్నికలపై కార్యాచరణ సిద్ధం చేయండి పాలమూరు: జిల్లాలో ఈనెల 6 నుంచి 13 వరకు ప్రతి బూత్‌స్థాయిలో బీజేపీ పార్టీ ఆవిర్భావ దినోత్సవ వేడుకలు ఘనంగా నిర్వహించుకోవాలని ఆ పార్టీ రాష్ట్ర ప్రధాన కార్యదర్శి ప్రదీప్‌కుమార్‌ అన్నారు. జిల్లా పార్టీ కార్యాలయంలో శుక్రవారం ముఖ్య నాయకులతో సమావేశం నిర్వహించారు. ఈ సందర్భంగా ఆయన మాట్లాడుతూ ఈనెల 14 నుంచి 25 వరకు అంబేద్కర్‌ జయంతి వేడుకలు చేపట్టాలన్నారు. వక్ఫ్‌బోర్డు సవరణ, జనగణన అంశాలను ప్రజల్లోకి పూర్తిస్థాయిలో తీసుకెళ్లాలన్నారు. మాజీ ప్రధాని వాజ్‌పేయి శత జయంతి ఉత్సవాలు ఎక్కడిక్కడ ఘనంగా చేపట్టాలన్నారు. వచ్చే స్థానిక ఎన్నికలపై కార్యాచరణ తయారు చేసుకోవాలని సూచించారు. జిల్లాలో రైతులు ప్రజలు ఎదుర్కొంటున్న సమస్యలపై ప్రత్యేక దృష్టి పెట్టాలని చెప్పారు. బూత్‌ కమిటీలు, మండల కమిటీలు లేని చోట్ల కొత్తగా ఏర్పాటు చేయాలన్నారు. కార్యక్రమంలో జిల్లా అధ్యక్షుడు శ్రీనివాస్‌రెడ్డి, నాయకులు పద్మజారెడ్డి, వీర బ్రహ్మచారి, బాలరాజు, ఎగ్గని నర్సింహులు, రవీందర్‌రెడ్డి, నాగేశ్వర్‌రెడ్డి, జయశ్రీ తదితరులు పాల్గొన్నారు. కార్మికుల జీతాలు పెంచకపోవడం సిగ్గుచేటు మహబూబ్‌నగర్‌ న్యూటౌన్‌: దేశ సంపదకు కారకులైన కార్మికులు, శ్రామికుల జీతాలు పెంచకుండా ఎంపీల జీతాలు పెంచుకోవడం సిగ్గుచేటని ఏఐటీయూసీ రాష్ట్ర అధ్యక్షుడు యండీ యూసుఫ్‌ అన్నారు. శుక్రవారం జిల్లాకేంద్రంలో ఏఐటీయూసీ జిల్లా 12వ మహాసభల సందర్భంగా సీపీఐ కార్యాలయం ఎదుట జెండా ఎగురవేసి, అక్కడి నుంచి తెలంగాణ చౌరస్తా వరకు కార్మిక ప్రదర్శన నిర్వహించారు. అనంతరం ఇండియన్‌ రెడ్‌క్రాస్‌ సొసైటీ భవన్‌లో మహాసభలను ప్రారంభించి, మాట్లాడారు. కేంద్రంలోని మోదీ ప్రభుత్వం కుట్రపూరిత విధానాల ఫలితంగా దేశ కార్మిక వర్గం తీవ్రమై న శ్రమదోపిడీకి గురవుతుందన్నారు. బ్రిటీష్‌ కాలం నుంచి పోరాడి సాధించుకున్న 44 కార్మిక చట్టాలను సవరణల పేరుతో పెట్టుబడిదారులకు అనుకూలంగా కార్మికుల సంక్షేమానికి సమాధి కడుతున్నారని ఆరోపించారు. అసంఘటిత కార్మికుల సంక్షేమ నిధికి భారీగా కోత లు విధించారని మండిపడ్డారు. సీపీఐ జిల్లా కార్యదర్శి బాలకిషన్‌ మాట్లాడుతూ కార్మిక వర్గం లేకుంటే దేశ అభివృద్ధి శూన్యమన్నారు. కార్మికులు రాజకీయ చైతన్యవంతులు మారా లని పిలుపునిచ్చారు. నాయకులు సత్యనారాయణ, పి.సురేష్‌, బాగి కృష్ణయాదవ్‌, కోటకదిర నర్సింహ, ఆంజనేయులు పాల్గొన్నారు.

నాకు రెండెకరాల 28 గుంటల భూమి ఉంది. ఆ పొలంలో వరి సాగు చేశాను. ప్రభుత్వం సీజన్‌ ప్రారంభంలో రైతు భరోసా డబ్బులు ఇవ్వకపోవడంతో వడ్డీ వ్యాపారితో నూటికి మూడు రూపాయల చొప్పున అప్పు తెచ్చి పంట సాగు చేసుకున్నాం. ఎకరాకు రూ.35 వేల పెట్టుబడి అయింది. యాసంగి సీజన్‌ ముగింపు దశకు వచ్చినా ఇంకా పెట్టుబడి డబ్బు పడలేదు. ప్రభుత్వం పెట్టుబడి సాయం అందిస్తే కోతలు, కూలీల అవసరాలకు ఉపయోగపడతాయి. – బొక్క దేవన్న, రైతు, తాటికొండ, భూత్పూర్‌ మండలం

పాలమూరు: జిల్లాలో ఈ నెల 7 నుంచి 0–6 ఏళ్ల ఉన్న చిన్నారులకు కంటి పరీక్షలు చేయడానికి కార్యాచరణ సిద్ధం చేశామని, మొత్తం 1,163 అంగన్‌వాడీల పరిధిలో 51,772 మంది చిన్నారులను గుర్తించినట్లు డీఎంహెచ్‌ఓ డాక్టర్‌ కృష్ణ వెల్లడించారు. జిల్లా జనరల్‌ ఆస్పత్రిలో శుక్రవారం సూపరింటెండెంట్‌ డాక్టర్‌ సంపత్‌కుమార్‌ సింగ్‌తో కలిసి ఇతర అధికారులతో సమావేశం నిర్వహించారు. జిల్లాలో ప్రతి చిన్నారికి కంటి పరీక్ష నిర్వహించి ఏదైనా సమస్య ఉంటే చికిత్స చేయాల్సిన అవసరం ఉందన్నారు. 2024లో 12,674మంది చిన్నారులకు కంటి పరీక్షలు చేసి 786 మందికి సమస్య ఉన్నట్లు గుర్తించినట్లు తెలిపారు. రెండో దశ 2024 ఆగస్టులో 46,415 మందికి పరీక్షలు చేయగా 1,486 మందికి కంటి సమస్య ఉన్నట్లు నిర్ధారించినట్లు తెలిపారు. ఈ ఏడాది ఎంపిక చేసిన లక్ష్యంలో ప్రతి ఒక్కరికి పరీక్షలు నిర్వహించి సర్జరీ అవసరమైన చిన్నారులతో పాటు చికిత్స కావాల్సిన వారికి అందించనున్నట్లు పేర్కొన్నారు. డీఐఓ డాక్టర్‌ పద్మజ, జిల్లా మాస్‌మీడియా అధికారిని మంజుల, ప్రవీణ్‌కుమార్‌, సుభాష్‌ చంద్రబోస్‌, దేవిదాస్‌ పాల్గొన్నారు.

పాలమూరు: జిల్లాలో ఈ నెల 7 నుంచి 0–6 ఏళ్ల ఉన్న చిన్నారులకు కంటి పరీక్షలు చేయడానికి కార్యాచరణ సిద్ధం చేశామని, మొత్తం 1,163 అంగన్‌వాడీల పరిధిలో 51,772 మంది చిన్నారులను గుర్తించినట్లు డీఎంహెచ్‌ఓ డాక్టర్‌ కృష్ణ వెల్లడించారు. జిల్లా జనరల్‌ ఆస్పత్రిలో శుక్రవారం సూపరింటెండెంట్‌ డాక్టర్‌ సంపత్‌కుమార్‌ సింగ్‌తో కలిసి ఇతర అధికారులతో సమావేశం నిర్వహించారు. జిల్లాలో ప్రతి చిన్నారికి కంటి పరీక్ష నిర్వహించి ఏదైనా సమస్య ఉంటే చికిత్స చేయాల్సిన అవసరం ఉందన్నారు. 2024లో 12,674మంది చిన్నారులకు కంటి పరీక్షలు చేసి 786 మందికి సమస్య ఉన్నట్లు గుర్తించినట్లు తెలిపారు. రెండో దశ 2024 ఆగస్టులో 46,415 మందికి పరీక్షలు చేయగా 1,486 మందికి కంటి సమస్య ఉన్నట్లు నిర్ధారించినట్లు తెలిపారు. ఈ ఏడాది ఎంపిక చేసిన లక్ష్యంలో ప్రతి ఒక్కరికి పరీక్షలు నిర్వహించి సర్జరీ అవసరమైన చిన్నారులతో పాటు చికిత్స కావాల్సిన వారికి అందించనున్నట్లు పేర్కొన్నారు. డీఐఓ డాక్టర్‌ పద్మజ, జిల్లా మాస్‌మీడియా అధికారిని మంజుల, ప్రవీణ్‌కుమార్‌, సుభాష్‌ చంద్రబోస్‌, దేవిదాస్‌ పాల్గొన్నారు.

ఉన్న 1.34 ఎకరాల పొలంలో వరి వేసిన. ఇప్పటి దాక దుక్కులు, దమ్ము, నాట్లకు, మందులకు రూ.40 వేల వరకు పెట్టుబడి ఖర్చులయ్యాయి. రైతు భరోసా డబ్బులు రాగానే ఇస్త అని చెప్పి తెలిసిన కాడ అప్పు తెచ్చిన. రెండునెలల నుంచి ఎదురుచూస్తున్న. రూపాయి రాలే. రైతు భరోసా డబ్బుల కోసం రోజుల బ్యాంకుల చుట్టూ తిరుగుడైతున్నది. మూడెకరాలు ఉన్నోళ్లకు రైతు భరోసా డబ్బులు పడ్డాయట. నాకు 1.34 ఎకరాలే ఉంది. మరి మేమేం పాపం చేసినం. మేము కూడా రైతులమే కదా. మాకెందుకు సాయం చేస్తలేరు. గతంలో గిట్ల లేకుండే. అందరిని సమానంగా చూసిండ్రు. – నరేష్‌, రైతు, మాచన్‌పల్లి, మహబూబ్‌నగర్‌ రూరల్‌

అమరచింత/గద్వాల క్రైం: సీసీ కెమెరాలను వినియోగించి నేరాలను ఛేదించడంలో దేశంలోనే తెలంగాణ అగ్రస్థానంలో ఉందని, నిఘా నేత్రాల ఏర్పాటుపై విస్తృతంగా ప్రజలకు అవగాహన కల్పించడంలోనూ ముందున్నామని డీజీపీ డా.జితేందర్‌ అన్నారు. శుక్రవారం ఆయన జోగుళాంబ గద్వాల, వనపర్తి జిల్లాల్లో పర్యటించారు. అమరచింత మండలంలోని మస్తీపురంలో ఏర్పాటుచేసిన సీసీ కెమెరాలను, వనపర్తిలోని సాయుధదళ పోలీస్‌ కార్యాలయాన్ని ప్రారంభించడంతో పాటు పలు పోలీస్‌ష్టేషన్ల భవన నిర్మాణాలకు భూమి పూజ చేశారు. అనంతరం ఆయా జిల్లాల్లో పోలీసు అధికారులతో సమావేశమై దిశానిర్దేశం చేశారు. ఈ సందర్భంగా ఆయన మాట్లాడుతూ ఒక్క సీసీ కెమెరా వంద మంది పోలీసులతో సమానమనే విషయాన్ని ప్రతి ఒక్కరూ గుర్తించాలన్నారు. జూరాలప్రాజెక్టు ఎడమ కాల్వ సమీపంలో పోలీస్‌ అవుట్‌పోస్టు ఏర్పాటుతో అంతర్రాష్ట్ర అక్రమ రవాణాను నియంత్రించే అవకాశం ఉందని తెలిపారు. గద్వాల, అలంపూర్‌ సెగ్మెంట్‌లలో ఆన్‌లైన్‌ బెట్టింగ్‌ కేసులపై ప్రత్యేక బృందం విచారణకు శ్రీకారం చుట్టిందన్నారు. యువ త బెట్టింగ్‌ యాప్‌ల ద్వారా తమ భవిష్యత్‌ను నాశనం చేసుకుంటున్న ఘటనలు ప్రతి చోట వెలుగులోకి వస్తున్నాయని.. ఈ కేసుల విచారణకు సీట్‌ దర్యాప్తు చేస్తుందన్నారు. నడిగడ్డలో నమోదైన బెట్టింగ్‌ కేసుల నివేదికలను అందించాలని డీజీపీ ఆదేశించారు. రెండు రాష్ట్రాల సరిహద్దు కావడంతో నిషేధిత మత్తు పదార్థాలు, ఇసుక, రేషన్‌ బియ్యం, మట్టి, నకిలీ విత్తనాలు, గంజాయి, గుట్కా తదితర మాదకద్రవ్యాల అక్రమ రవాణా జరిగే అవకాశం ఉందన్నారు. కృష్ణా, తుంగభద్ర నదీ తీర ప్రాంతాల్లో ఇసుక అక్రమ రవాణాను కట్టడి చేసేందుకు నిఘా పెంచాలన్నారు. జాతీయ రహదారిపై ప్రమాదాల నివారణకు పటిష్ట చర్యలు చేపట్టాలన్నారు. ఆయా కార్యక్రమాల్లో పోలీస్‌ హౌసింగ్‌ కార్పొరేషన్‌ చైర్మన్‌ గుర్నాథ్‌రెడ్డి, ఎమ్మెల్యే వాకిటి శ్రీహరి, మేఘారెడ్డి, బండ్ల కృష్ణమోహన్‌రెడ్డి, పోలీస్‌ హౌసింగ్‌ కార్పొరేషన్‌ ఎండీ ఎం.రమేష్‌, ఐజీ సత్యనారాయణ, జోగుళాంబ జోన్‌ డీఐజీ ఎల్‌ఎస్‌ చౌహాన్‌, ఎస్పీలు పాల్గొన్నారు. డీజీపీ డా.జితేందర్‌

ఉన్న 1.34 ఎకరాల పొలంలో వరి వేసిన. ఇప్పటి దాక దుక్కులు, దమ్ము, నాట్లకు, మందులకు రూ.40 వేల వరకు పెట్టుబడి ఖర్చులయ్యాయి. రైతు భరోసా డబ్బులు రాగానే ఇస్త అని చెప్పి తెలిసిన కాడ అప్పు తెచ్చిన. రెండునెలల నుంచి ఎదురుచూస్తున్న. రూపాయి రాలే. రైతు భరోసా డబ్బుల కోసం రోజుల బ్యాంకుల చుట్టూ తిరుగుడైతున్నది. మూడెకరాలు ఉన్నోళ్లకు రైతు భరోసా డబ్బులు పడ్డాయట. నాకు 1.34 ఎకరాలే ఉంది. మరి మేమేం పాపం చేసినం. మేము కూడా రైతులమే కదా. మాకెందుకు సాయం చేస్తలేరు. గతంలో గిట్ల లేకుండే. అందరిని సమానంగా చూసిండ్రు. – నరేష్‌, రైతు, మాచన్‌పల్లి, మహబూబ్‌నగర్‌ రూరల్‌

ప్రభుత్వం కళాశాలలు మూసివేయాలని ఆదేశాలు జారీ చేసినా వాటిని పట్టించుకోకుండా నిబంధనలకు విరుద్ధంగా ఇంటర్మీడియట్‌ కళాశాలల్లో ఐఐటీ, నీట్‌ కోచింగ్‌ సెంటర్లు నిర్వహిస్తున్న యాజమాన్యాలపై తక్షణమే చర్యలు తీసుకోవాలి. అన్ని తెలిసి ఇంటర్మీడియట్‌ శాఖ అధికారులు ఎందుకు అటువైపు వెళ్లడం లేదు. కలెక్టర్‌ వెంటనే స్పందించి చర్యలు తీసుకోవాలి. – సతీష్‌, ఏబీవీపీ, జిల్లా కన్వీనర్‌ కళాశాలలు మూసివేయాలి.. జిల్లాలోని అన్ని కళాశాలల్లో చదువుతున్న విద్యార్థులకు సెలవులు ఇవ్వాలని, ఎలాంటి తరగతులు నిర్వహించరాదని కమిషనర్‌ నుంచి స్పష్టమైన ఆదేశాలు ఉన్నాయి. ఈ క్రమంలో అనుమతులు లేకుండా తరగతులు నిర్వహిస్తున్న కళాశాలలపై చర్యలు తీసుకుంటాం. నేటి నుంచి ఏ కళాశాలలో అయినా విద్యార్థులకు తరగతులు నిర్వహిస్తే కఠినచర్యలు తీసుకుంటాం. ఓ కళాశాలలో తరగతులు నిర్వహిస్తున్నట్లు విద్యార్థి సంఘాల నుంచి ఫిర్యాదులు వచ్చాయి. – కౌసర్‌ జహాన్‌, డీఐఈఓ, మహబూబ్‌నగర్‌ గుర్తింపు రద్దు చేయాలి.. జిల్లాకేంద్రంలోని తిరుమల హిల్స్‌లో ఉన్న ప్రైవేటు కళాశాలలు ఎలాంటి గుర్తింపు లేకుండా ఎంసెట్‌, నీట్‌ వంటి శిక్షణ తరగతులు నిర్వహిస్తున్నారు. ఈ కళాశాలల గుర్తింపును తక్షణమే రద్దు చేయాలి. అన్ని తెలిసి తమకు ఏమీ తెలియనట్లు వ్యవహరిస్తున్న డీఐఈఓ అధికారులపై ఉన్నతాధికారులు చర్యలు తీసుకోవాలి. కళాశాల యాజమాన్యాలు తరగతులు నిర్వహిస్తుంటే ఇంటర్మీడియట్‌ అధికారులు ఏం చేస్తున్నారు. – ప్రశాంత్‌, ఎస్‌ఎఫ్‌ఐ జిల్లా కార్యదర్శి●

స్టేషన్‌ మహబూబ్‌నగర్‌: పాలమూరు జిల్లాలో యువజన కాంగ్రెస్‌ విభాగాన్ని బలోపేతం చేయాలని రాష్ట్ర యువజన కాంగ్రెస్‌ ప్రధాన కార్యదర్శి, జిల్లా ఇన్‌చార్జి అరవింద్‌కుమార్‌ యాదవ్‌ అన్నారు. జిల్లాకేంద్రంలోని కాంగ్రెస్‌ పార్టీ కార్యాలయంలో గురువారం ఏర్పాటు చేసిన విలేకరుల సమావేశంలో ఆయన మాట్లాడారు. ఏఐసీసీ దేశవ్యాప్తంగా జైబాపు, జైభీమ్‌, జైసంవిధాన్‌ కార్యక్రమం నిర్వహిస్తున్నదని, దీనిని యువజన కాంగ్రెస్‌ ముందుకు తీసుకెళ్లాలని కోరారు. రాజ్యాంగ పరిరక్షణ కోసం ఏఐసీసీ ఎంతో ప్రతిష్టాత్మకంగా చేపడుతున్న ఈ కార్యక్రమాన్ని క్షేత్రస్థాయికి తీసుకెళ్లి విజయవంతం చేయాలని కోరారు. హెచ్‌సీయూ విషయంలో ప్రతిపక్షాలు రాజకీయ కుట్రలకు పాల్పడుతున్నారని ఆరోపించారు. సీఎం రేవంత్‌రెడ్డిని అప్రతిష్టపాలు చేయడానికి ప్రయత్నిస్తున్నారని విమర్శించారు. ● అంతకుముందు పార్టీ కార్యాలయంలో జిల్లా యువజన కాంగ్రెస్‌ అధ్యక్షులు అవేజ్‌ అహ్మద్‌ అధ్యక్షతన జిల్లా ఎగ్జిక్యూటివ్‌ సమావేశం నిర్వహించారు. ఆయా కార్యక్రమాల్లో టీపీసీసీ అధికార ప్రతినిధి జహీర్‌ అఖ్తర్‌, రాష్ట్ర యువజన కాంగ్రెస్‌ ప్రధాన కార్యదర్శులు శివంత్‌రెడ్డి, కృష్ణవర్ధన్‌రెడ్డి, మాజీ జిల్లా యువజన కాంగ్రెస్‌ అధ్యక్షుడు వాసుయాదవ్‌, ఆయా అసెంబ్లీ అధ్యక్షులు సల్మాన్‌, శ్రీకాంత్‌రెడ్డి, లక్ష్మికాంత్‌రెడ్డి, నాయకులు శ్రీనివాస్‌యాదవ్‌, సంజీవరెడ్డి, సలావుద్దీన్‌ ఫైజాన్‌ తదితరులు పాల్గొన్నారు. రాష్ట్ర యువజన కాంగ్రెస్‌ ప్రధాన కార్యదర్శి అరవింద్‌కుమార్‌ యాదవ్‌

లింగాల: నాగర్‌కర్నూల్‌ జిల్లా లింగాల మండలంలోని సూరాపూర్‌కు చెందిన రైతు దేశ పర్వతాలు(40) విద్యుదాఘాతంతో మృతిచెందిన సంఘటన గురువారం చోటు చేసుకుంది. పోలీసులు, కుటుంబ సభ్యుల కథనం ప్రకారం.. తన సొంత వ్యవసాయ పొలంలో సాగు చేసిన మొక్కజొన్న పంటకు నీరు పెట్టడానికి గురువారం తెల్లవారుజామున పొలం దగ్గరకు వెళ్లాడు. అయితే బోరు మోటార్‌ ఆన్‌ చేసే సమయంలో స్టార్టర్‌ దగ్గర తేలి ఉన్న వైరు తగిలి షాక్‌తో అక్కడికక్కడే మృతిచెందినట్లు తెలిపారు. పర్వతాలుకు భార్య చిట్టెమ్మ, కుమారుడు, కూతురు ఉన్నారు. ఈ ఘటనపై భార్య ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఏఎస్‌ఐ శ్రీనివాసులు తెలిపారు.

జెడ్పీసెంటర్‌(మహబూబ్‌నగర్‌): ధాన్యం కొనుగోలు కేంద్రాల వద్ద వ్యవసాయశాఖ అధికారులతో పాటు, సిబ్బంది ఎల్లప్పుడూ అందుబాటులో ఉండాలని కలెక్టర్‌ విజయేందిర బోయి ఆదేశించారు. గురువారం కలెక్టరేట్‌లోని సమావేశ మందిరంలో ఐకేపీ కొనుగోలు కేంద్రాల ఇన్‌చార్జిలు, ఏపీఎంలతో ఏర్పాటు చేసిన సమావేశంలో ఆమె మాట్లాడారు. ఈ నెల 7వ తేదీ నుంచి వడ్ల కొనుగోలు కేంద్రాలను తెరవాలని అన్నారు. ఈ యాసంగిలో వరి పంటకు కేంద్ర, రాష్ట్ర ప్రభుత్వాలు గ్రేడ్‌ ఏ రకానికి రూ.2,320, సాధారణ రకానికి రూ.2,300 మద్దతు ధరను ప్రకటించాయన్నారు. సన్నధాన్యానికి ప్రోత్సాహకంగా క్వింటాల్‌కు రూ.500లు ప్రభు త్వం బోనస్‌ ప్రకటించినట్లు తెలిపారు. గత ఖరీఫ్‌ ధాన్యం కొనుగోలులో గుర్తించిన లోపాలను రబీ ధాన్యం సేకరణ సందర్భంగా సరి చేసుకోవాలని ఆదేశించారు. కొనుగోలు కేంద్రంలో సన్నరకం ధాన్యం నింపే గోనె సంచులను ఎర్ర దారంతో, దొడ్డు రకం ధాన్యం నింపు సంచులను ఆకు పచ్చదారంతో కుట్టాలని సూచించారు. కార్యక్రమంలో అదనపు కలెక్టర్‌ మోహన్‌రావు, డీఎస్‌ఓ వెంకటేష్‌, డీఆర్డీఓ నర్సింహులు, అడిషనల్‌ డీఆర్డీఓ జోజప్ప, అధికారులు, ఐకేపీ మహిళలు హాజరయ్యారు. రూ.4 లక్షల వరకు రుణాలు రాజీవ్‌ యువ వికాసం పథకం కింద రూ.50 వేల నుంచి రూ.4 లక్షల వరకు రుణాలు ఇవ్వనున్నట్లు కలెక్టర్‌ విజయేందిర తెలిపారు. కలెక్టరేట్‌లోని సమావేశ మందిరంలో ఆమె మాట్లాడారు. రాష్ట్ర ప్రభుత్వం రాజీవ్‌ యువ వికాసం పథకం అమలుకు మార్గదర్శకాలను విడుదల చేసిందని, జిల్లాలోని నిరుద్యోగ యువత ఆన్‌లైన్‌ దరఖాస్తులను ఏప్రిల్‌ 14వ తేదీలోగా సమర్పించాలన్నారు. గ్రామీణ ప్రాంతాలకు చెందిన వారి వార్షికాదాయం రూ.1.50 లక్షలు, పట్టణ ప్రాంతాల వారికి రూ.2 లక్షలు మించకూడదని సూచించారు. ఆధార్‌, రేషన్‌ కార్డు, ఆదాయ ధ్రువీకరణ పత్రం, కాస్ట్‌, డ్రైవింగ్‌ లైసెన్స్‌, పాన్‌కార్డ్‌ తప్పనిసరి అని తెలిపారు. దరఖాస్తు హార్డ్‌ కాపీని ఎంపీడీఓ కార్యాలయంలో లేదా మున్సిపల్‌ కమిషనర్‌ కార్యాలయంలో సమర్పించాలన్నారు. స్థానిక సంస్థల అదనపు కలెక్టర్‌ శివేంద్ర ప్రతాప్‌, జెడ్పీ సీఈఓ వెంకటరెడ్డి, జిల్లా గిరిజన అభివృద్ధి శాఖ అధికారి ఛత్రునాయక్‌, బీసీ వెల్ఫేర్‌ అధికారి ఇందిర, లీడ్‌ బ్యాంక్‌ మేనేజర్‌ భాస్కర్‌, ఎంపీడీఓలు, తదితరులు పాల్గొన్నారు. అధికారులు, సిబ్బంది అందుబాటులోఉండాలి కలెక్టర్‌ విజయేందిర బోయి

● జిల్లా న్యాయ సేవాధికార సంస్థ కార్యదర్శి ఇందిర హన్వాడ: బాలల సంరక్షణపై నిర్లక్ష్యం వీడాలని జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి ఇందిర అన్నారు. గురువారం స్థానిక కేజీబీవీలో చైల్డ్‌ ఫ్రెండ్లీ కమిటీ ఆధ్వర్యంలో న్యాయ అవగాహన సదస్సు నిర్వహించారు. ఈ సందర్భంగా జడ్జి బాల్యవివాహాల నివారణ, బాలకార్మిక వ్యవస్థ నిర్మూలన, బాలల చట్టాలపై పలు సూచనలు సలహాలు ఇచ్చారు. ఉచిత న్యాయ సహాయంతో పాటు బాలలు, మహిళలకు ప్రాథమిక హక్కులను తెలియజేసేందుకు జిల్లా న్యాయసేవాధికార సంస్థ పని చేస్తుందన్నారు. బాలలు ఏదైనా సమస్య వస్తే 1098కు ఫోన్‌ చేయాలని సూచించారు. తహసీల్దార్‌ కిష్ట్యనాయక్‌, పారా లీగల్‌ వలంటీర్‌ యాదయ్య, నాగభూషణం, శివన్న పాల్గొన్నారు. బ్యాంకింగ్‌, ఫైనాన్స్‌లో ఉచిత శిక్షణ జెడ్పీసెంటర్‌(మహబూబ్‌నగర్‌): ఉమ్మడి జిల్లాలోని నిరుద్యోగ బీసీ యువతకు స్కూల్‌ ఆఫ్‌ బ్యాకింగ్‌ అండ్‌ ఫైనాన్స్‌ శిక్షణ సంస్థ ఆధ్వర్యంలో బ్యాంకింగ్‌, ఫైనాన్స్‌ రంగాల్లో ఉచితంగా శిక్షణ ఇవ్వనున్నట్లు జిల్లా ఎంప్లాయిమెంట్‌ శాఖ అధికారి మైత్రి ప్రియ గురువారంఓ ప్రకటనలో తెలిపారు. ఈనెల 8వ తేదీ నుంచి ఆన్‌లైన్‌లో దరఖాస్తు చేసుకోవాలని, ఈ నెల 12వ తేదీన ఉమ్మడి జిల్లా ఎంప్లాయిమెంట్‌ కార్యాలయంలో ఆన్‌లైన్‌ స్క్రీనింగ్‌ పరీక్ష నిర్వహించనున్నట్లు పేర్కొన్నారు. ఇతర సమాచారం కోసం 040–29303130 నంబర్‌ను సంప్రదించాలని సూచించారు. పదోన్నతి పొందినఉపాధ్యాయులకు శిక్షణ మహబూబ్‌నగర్‌ ఎడ్యుకేషన్‌: ఉమ్మడి జిల్లావ్యాప్తంగా ఇటీవల ఎస్జీటీల నుంచి స్కూల్‌ అసిస్టెంట్లుగా పదోన్నతి పొందిన ఉపాధ్యాయులకు జిల్లాకేంద్రంలోని డైట్‌ కళాశాలలో శిక్షణ నిర్వహించారు. ఈ సందర్భంగా డీఈఓ ప్రవీణ్‌కుమార్‌ మాట్లాడుతూ విద్యార్థుల అభ్యసనా సామర్థ్యాలను పెంచేందుకు ఉపాధ్యాయులు కృషి చేయాలన్నారు. ఇటీవల పాఠశాలల్లో ఏఐ ఆధారిత కంప్యూటర్‌లను కూడా అందుబాటులోకి తీసుకువచ్చామని, వాటిని కూడా విద్యార్థులకు పూర్తిస్థాయిలో వినియోగించుకునే విధంగా చర్యలు తీసుకోవాలని సూచించారు. కార్యక్రమంలో రీసోర్స్‌పర్సన్లు చక్రవర్తి గౌడ్‌, గిరిజారమణ, బాలుయాదవ్‌, దుంకుడు శ్రీనివాస్‌ తదితరులు పాల్గొన్నారు. నాగర్‌కర్నూల్‌ కలెక్టరేట్‌కు బాంబు బెదిరింపు ● తనిఖీ చేసి.. ఫేక్‌ మెసేజ్‌ అని తేల్చిన పోలీసులు నాగర్‌కర్నూల్‌: జిల్లా కలెక్టరేట్‌కు బాంబు బెదిరింపు మెసేజ్‌ రావడం కలకలం రేగింది. గురు వారం ఉదయం 7:24 గంటలకు జిల్లా కలెక్టర్‌ మెయిల్‌కు ఈడీ బేస్డ్‌ పైప్‌ బాంబ్‌తో సాయంత్రం 3.20 గంటలకు కలెక్టర్‌ కార్యాలయాన్ని పేల్చేస్తామని మెసేజ్‌ వచ్చింది. ప్రతి రోజు ఉద్యోగులు వచ్చిన వెంటనే కలెక్టర్‌కు వచ్చిన మెయిల్స్‌ చెక్‌ చేయడం సర్వసాధారణం. కాగా గురువారం వచ్చిన ఈ బెదిరింపు మెసేజ్‌ను గమనించిన సెక్షన్‌ ఉద్యోగులు విషయాన్ని కలెక్టరేట్‌ ఏఓ చంద్రశేఖర్‌ దృష్టికి తీసుకెళ్లారు. వెంటనే అప్రమత్తమైన ఏఓ ఈ విషయాన్ని ఉదయం 11 గంటలకు ఎస్పీ వైభవ్‌ గైక్వాడ్‌, అదనపు ఎస్పీ రామేశ్వర్‌ దృష్టికి తీసుకెళ్లారు. దీంతో నాగర్‌కర్నూల్‌ డీఎస్పీ శ్రీనివాసులు, సీఐ కనకయ్యలు బాంబ్‌స్క్వాడ్‌, డాగ్‌ స్క్వాడ్‌లతో అక్కడికి చేరుకొని క్షుణ్ణంగా తనిఖీలు నిర్వహించారు. బాంబుకు సంబంధించి ఎలాంటి ఆధారాలు, ఆనవాళ్లు లేకపోవడంతో ఫేక్‌ మెసేజ్‌గా పోలీసులు తేల్చారు. అయితే ముప్పల లక్ష్మణ్‌రావు పేరుతో వచ్చిన ఈ మెసే జ్‌ చివరి అల్లాహూ అక్బర్‌ అని రాయడం గమ నార్హం. బాంబు బెదిరింపు రావడంతో ఉద్యోగులు సైతం బయటికి వెళ్లిపోయారు. విచారణ చేస్తున్నాం: శ్రీనివాసులు, డీఎస్పీ కలెక్టరేట్‌కు బాంబు బెదిరింపు విషయంలో విచారణ చేస్తున్నాం. ఇది ఫేక్‌ మెసేజే. కలెక్టరేట్‌లో తనిఖీలు కూడా చేపట్టాం. మెయిల్‌ ఐడీ ఎక్కడి నుంచే వచ్చిందనే విషయం కనుగోనేందుకు ఐపీ అడ్రస్‌ కోసం ఐటీ సిబ్బంది ద్వారా విచారణ చేస్తున్నాం.

అచ్చంపేట రూరల్‌: వ్యవసాయ పొలంలోని పాంపాండ్‌లో ఉన్న బోరు మోటారును సరిచేసే క్రమంలో విద్యుదాఘాతానికి గురై ఇద్దరు యువరైతులు మృతి చెందారు. నాగర్‌కర్నూల్‌ జిల్లా అచ్చంపేట మండలంలోని చేదురుబావితండాకు చెందిన కాట్రావత్‌ లోక అలియాస్‌ లోకేష్‌(30) తన వ్యవసాయ పొలంలో (పాంపాండ్‌) బోరు మోటారు రెండు రోజుల నుంచి పనిచేయడం లేదు. దీంతో సమీప పొలంలోని ముడావత్‌ కుమార్‌(28) విషయం చెప్పి బుధవారం సాయంత్రం 4 గంటల ప్రాంతంలో సాయంగా తీసుకెళ్లాడు. బోరు మోటారు సరి చేస్తుండగా.. ఒక్కసారిగా విద్యుదాఘాతానికి గురై అక్కడికక్కడే మృతిచెందారు. ఇద్దరు యువ రైతులు పొలం వద్ద మృతి చెందిన సంఘటన ఎవరికీ తెలియలేదు. బుధవారం సాయంత్రం అయినా ఇళ్లకు తిరిగి రాకపోవడంతో ఆందోళన చెందిన కుటుంబీకులు.. అర్ధరాత్రి వరకు ఇద్దరికి ఫోన్‌ చేయగా రింగ్‌ అయినప్పటికీ ఎత్తలేదు. దీంతో కుటుంబసభ్యులు, తండావాసులు తండా, చుట్టుపక్కల ప్రాంతాల్లో వెతికారు. గురువారం తెల్లవారుజామున 2 గంటల ప్రాంతంలో లోకేష్‌ పొలం వద్ద ఓ చెట్టు కింద బైక్‌ను గమనించారు. అక్కడికి వెళ్లిన కొందరు ఫోన్‌ చేయగా పాంపాండ్‌ వద్ద సెల్‌ఫోన్‌ రింగ్‌ కాగా అక్కడికి వెళ్లి చూడగా ఇద్దరూ శవమై కనిపించారు. దీంతో కుటుంబ సభ్యులు బోరున విలపించారు. పాంపాండ్‌ నుంచి ఇద్దరి మృతదేహాలను తండాకు తరలించారు. ఈ ఘటనపై లోక తండ్రి హన్యా ఫిర్యాదు మేరకు సిద్దాపూర్‌ ఎస్‌ఐ పవన్‌కుమార్‌ కేసు నమోదు చేసుకుని దర్యాప్తు చేస్తున్నారు. మృతదేహాలకు అచ్చంపేట ప్రభుత్వ ఆస్పత్రిలో పోస్టుమార్టం నిర్వహించి కుటుంబ సభ్యులకు అప్పగించారు. లోకకు భార్య సరితతోపాటు కుమారుడు, కుమార్తె ఉన్నారు. అలాగే కుమార్‌కు భార్య వినోజితో పాటు కుమార్తె, కుమారుడు ఉన్నారు. బాధిత కుటుం సభ్యులను పలువురు నాయకులు పరామర్శించారు.

అచ్చంపేట: పదర గ్రామ శివారులో గురువారం మధ్యాహ్నం పిడుగు పడి ఇద్దరు మహిళా కూలీలు అక్కడికక్కడే మృతిచెందగా మరొకరు తీవ్రంగా గాయపడ్డారు. వివరాల్లోకి వెళ్తే.. నాగర్‌కర్నూల్‌ జిల్లా పదర మండలం కోడోనిపల్లి గ్రామానికి చెందిన 10 మంది కూలీలు పదర గ్రామానికి చెందిన రైతు పోగుల వినోద్‌ పొలంలో వేరుశనగ పంట తీసేందుకు వచ్చారు. మధ్యాహ్నం ఒంటిగంట ప్రాంతంలో ఉరుములు, మెరుపులతో కూడిన అకాల వర్షం కురిసింది. దీంతో కూలీలు కొంత మంది చెట్ల కింద తలదాచుకోగా.. చెట్ల కింద పిడుగులు పడుతాయనే ఉద్దేశంతో వర్షంలోనే ఒకే దగ్గర నిల్చున్న సుంకరి సైదమ్మ(45), గాజుల వీరమ్మ(55), సుంకరి లక్ష్మమ్మలపై అకస్మాత్తుగా పిడుగుపడింది. ఈ ఘటనలో సైదమ్మ, వీరమ్మ అక్కడికక్కడే మృతిచెందగా.. తీవ్రంగా గాయపడిన లక్ష్మమ్మను వెంటనే పదర ప్రభుత్వ ఆస్పత్రికి తరలించారు. అనంతరం మెరుగైన వైద్యం కోసం అచ్చంపేట ఏరియా ఆస్పత్రికి తీసుకెళ్లారు. గ్రామానికి చెందిన ఇద్దరు మహిళలు మృతి చెందడంతో కోడోనిపల్లిలో విషాధచాయలు అలుముకున్నాయి. పదర ఎస్‌ఐ సర్దామ్‌, ఆర్‌ఐ శేఖర్‌ పంచనామా నిర్వహించి మృతదేహాలను పోస్టుమార్టం నిమిత్తం అమ్రాబాద్‌ ఆస్పత్రికి తరలించారు. గేదెలు మేపేందుకు వెళ్లి.. మానవపాడు: పిడుగుపాటుకు వ్యక్తి మృతిచెందిన సంఘటన గద్వాల జిల్లా మానవపాడు మండలంలోని చంద్రశేఖర్‌నగర్‌లో గురువారం చోటుచేసుకుంది. స్థానికుల కథనం ప్రకారం.. గ్రామానికి చెందిన బోయ చిన్న వెంకటేశ్వర్లు(41) గేదెలను మేపేందుకు గురువారం వెళ్లాడు. ఈ క్రమంలో అకస్మాత్తుగా ఉరుములు, మెరుపులతో వర్షం కురవగా అదే సమయంలో పిడుగు పడి అక్కడికక్కడే మృతిచెందాడు. వెంకటేశ్వర్లుకు భార్య లక్ష్మీదేవి, కూతురు, కుమారుడు ఉన్నారు. ఈ ఘటనపై ఎస్‌ఐ చంద్రకాంత్‌ను సంప్రదించగా ఫిర్యాదు అందలేదని చెప్పారు. తుంగభద్ర తీరంలో మరొకరు.. శాంతినగర్‌: వడ్డేపల్లి మండలంలోని బుడమర్సు గ్రామానికి చెందిన మాదిగ రాజు, తిమ్మక్కల చిన్న కుమారుడు మహేంద్ర(21) గురువారం గేదెలు మేపడానికి తుంగభద్ర నదీతీరానికి వెళ్లాడు. ఈ క్రమంలో మధ్యాహ్నం ఉరుములు, మెరుపులతో కూడిన వర్షంతోపాటు మహేంద్ర సమీపంలో పిడుగు పడటంతో అక్కడికక్కడే మృతిచెందాడు. గేదెలు ఇంటికి వచ్చినా మహేంద్ర రాకపోవడంతో కుంటుంబ సభ్యులు తుంగభద్ర నదితీరానికి వెళ్లి చూడగా విగతజీవుడై కనిపించడంతో బోరున విలపించారు.

జిల్లాకేంద్రంతో పాటు వివిధ మండలాల్లో సైతం కోచింగ్‌ సెంటర్లు వెలుస్తున్నాయి. గురువారం జిల్లాకేంద్రంలోని ఓ ప్రైవేటు కళాశాలలో విద్యార్థులకు నిబంధనలకు విరుద్ధంగా ఐఐటీ, నీట్‌ తరగతులు నిర్వహిస్తున్నారని ఎస్‌ఎఫ్‌ఐ ఆధ్వర్యంలో విద్యార్థులు నిరసన చేపట్టారు. గతంలో పలు కోచింగ్‌ సెంటర్లలో విద్యార్థుల నుంచి డబ్బులు తీసుకుని, ఇవ్వాల్సిన మెటీరియల్‌ ఇవ్వలేదని, సరిగా తరగతులు చెప్పలేదని పలువురు విద్యార్థులు విద్యాశాఖతో పాటు పోలీస్‌ అధికారులకు సైతం ఫిర్యాదు చేసినా చర్యలు తీసుకోలేదు.

జెడ్పీసెంటర్‌ (మహబూబ్‌నగర్‌): ఆప్షన్ల ద్వారా రెవెన్యూశాఖలోకి వస్తున్న జీపీఓ (గ్రామ పరిపాలన అధికారి)లు సర్వీసుపరమైన అభద్రతకు గురి కావాల్సిన అవసరం లేదని తెలంగాణ రాష్ట్ర ఉద్యోగ జేఏసీ చైర్మన్‌ లచ్చిరెడ్డి అన్నారు. గురువారం జిల్లాకేంద్రంలోని ఓ కన్వెన్షన్‌ హాల్‌లో జరిగిన ఉమ్మడి పాలమూరు జిల్లా రెవెన్యూ ఉద్యోగుల ఆత్మీయ సమ్మేళనానికి ఆయన ముఖ్యఅతిథిగా హాజరై మాట్లాడారు. గ్రామస్థాయిలోనే రెవెన్యూ సేవలు అందించాలనే సంకల్పంతో ప్రభుత్వం 10,954 మంది గ్రామ పాలన అధికారులను వ్యక్తిగత ఆప్షన్ల ద్వారా నియమిస్తోందన్నారు. ప్రభుత్వం తీసుకొచ్చిన భూ భారతి చట్టంతో రెవెన్యూ వ్యవస్థ బలోపేతం అవుతుందన్నారు. రైతులకు మెరుగైన సేవలు అందడంతో పాటు రెవెన్యూ ఉద్యోగులకు భారీఎత్తున పదోన్నతులు ఉంటాయని చెప్పారు. భూ భారతి ద్వారా రాష్ట్ర రాజధానిలోని సీసీఎల్‌ఏ నుంచి గ్రామ పరిపాలన అధికారి వరకు అధికారాల వికేంద్రీకరణ జరగడంతో భూ సమస్యలు సత్వరం పరిష్కారమవుతాయన్నారు. జీఓ నంబర్‌ 317 ఉద్యోగులను చిన్నాభిన్నం చేసిందని.. ఉద్యోగులుగా ఉన్న భార్యాభర్తలకు సైతం చెట్టుకొక్కరికి, పుట్టకొక్కరికి పోస్టింగ్‌లు ఇచ్చారన్నారు. పదేళ్ల తర్వాత 330 మందిని అధికారికంగా అవుట్‌ సోర్సింగ్‌ టైపిస్ట్‌ కం కంప్యూటర్‌ ఆపరేటర్లుగా గుర్తించిందని తెలిపారు. కార్యక్రమంలో అదనపు కలెక్టర్‌ మోహన్‌రావు, నారాయణపేట అడిషనల్‌ కలెక్టర్‌ బెంజ్‌శాలం, ఆర్డీఓ నవీన్‌, డిప్యూటీ కలెక్టర్లు రామకృష్ణ, వెంకట్‌రెడ్డి, రాములు, రమేశ్‌ పాక, రాంరెడ్డి, బిక్షం, రాధ, పాల్‌సింగ్‌, ఉపేందర్‌రావు, డిప్యూటీ కలెక్టర్‌ అరుణారెడ్డి తదితరులు పాల్గొన్నారు.

మహబూబ్‌నగర్‌ క్రైం: దివిటిపల్లి సమీపంలో జాతీయ రహదారిపై గురువారం సాయంత్రం లారీ డివైడర్‌ను ఢీకొట్టి రోడ్డుకు అడ్డుగా నిలిచిపోవడంతో ట్రాఫిక్‌ సమస్య ఏర్పడింది. దివిటిపల్లి దగ్గర బ్రిడ్జి నిర్మాణ పనులు జరుగుతున్న క్రమంలో వాహనాలు ఒక వైపు నుంచి పంపిస్తున్నారు. ఈక్రమంలో కర్నూల్‌ నుంచి హైదరాబాద్‌ వెళ్తున్న లారీ బ్రిడ్జి సమీపంలో డివైడర్‌కు ఢీకొట్టి రోడ్డుకు అడ్డుగా నిలిచిపోయింది. దీంతో పోలీసులు దాదాపు రెండుగంటల పాటు కర్నూల్‌ నుంచి హైదరాబాద్‌ వెళ్లే వాహనాలను భూత్పూర్‌ బ్రిడ్జి దగ్గర దారి మళ్లించారు. మహబూబ్‌నగర్‌ బైపాస్‌ మీదుగా జడ్చర్ల నుంచి హైదరాబాద్‌ వైపు డైవర్షన్‌ చేశారు. దీంతో భూత్పూర్‌ నుంచి బైపాస్‌ మీదుగా వాహనాలు అధికంగా రావడంతో మహబూబ్‌నగర్‌ పిస్తాహౌజ్‌ సమీపంలో ట్రాఫిక్‌ రద్దీ నెలకొంది. దాదాపు రెండు గంటల తర్వాత రోడ్డుకు అడ్డుగా ఉన్న లారీ తొలగించడంతో వాహనాలను జాతీయ రహదారిపై అనుమతి ఇచ్చారు. తలుపులు పగలగొట్టి ఇంట్లో చోరీ వెల్దండ: మండలంలోని చల్లపల్లికి చెందిన బండ్ల రాములు ఇంట్లో గుర్తు తెలియని వ్యక్తులు చోరీ చేసి బంగారం అభరణాలు, నగదు ఎత్తుకెళ్లిన ఘటన బుధవారం రాత్రి చోటుచేసుకుంది. బాధితుడు గురువారం ఫిర్యాదు చేయడంతో కేసు నమోదు చేసినట్లు ఎస్‌ఐ కురుమూర్తి తెలిపారు. పోలీసులు తెలిపిన వివరాల ప్రకారం.. బండ్ల రాములు గ్రామ సమీపంలోని వ్యవసాయ పొలంలో ఇళ్లు కట్టుకొని అక్కడే నివాసం ఉంటున్నాడు. చల్లపల్లిలో బుధవారం రాత్రి సోదరుడి ఎంగేజ్మెంట్‌ ఉండడంతో వెళ్లి, అక్కడే భోజనం చేసి తిరిగి అర్ధరాత్రి సమయంలో ఇంటికి వచ్చారు. అప్పటికే గుర్తు తెలియని వ్యక్తులు ఇంటి తలుపులు ధ్వంసం చేసి ఉండడాన్ని చూశారు. ఇంటి లోపలికి వెళ్లి చూడగా.. బంగారు నల్లపూసలదండ, గొట్టాలు, మ్యాట్నీలు కలిపి రెండున్నర తులాల బంగారం, కేజీ వెండి, సుమారు రూ.30వేల నగదు ఎత్తుకెళ్లినట్లు గుర్తించారు. గురువారం బాధితుల ఫిర్యాదు చేయడంతో కేసు నమోదు చేసి దర్యాప్తు జరుపుతున్నట్లు ఎస్‌ఐ పేర్కొన్నారు.

అచ్చంపేట: శ్రీశైలం ఎడమగట్టు కాల్వ (ఎస్‌ఎల్‌బీసీ) సొరంగంలో ప్రమాదం జరిగి 41 రోజులు అవుతున్నా.. ఇంకా ఆరుగురు కార్మికుల జాడ లభించలేదు. ప్రమాదంలో రూ.కోట్ల విలువైన టీబీఎం ధ్వంసం కావడంతో పాటు ఎనిమిది మంది కార్మికులు గల్లంతయ్యారు. ఇప్పటి వరకు ఇద్దరి మృతదేహాలు లభ్యమయ్యాయి. సొరంగంలో చిక్కుకున్న వారి ఆచూకీ కనుగొనేందుకు అత్యంత ఆధునిక సాంకేతిక పరిజ్ఞానాన్ని వినియోగిస్తున్నారు. కన్వేయర్‌ బెల్టు పొడిగింపు, వెంటిలేషన్‌ పనులు వేగవంతంగా కొనసాగుతున్నాయి. ఆర్మీకి చెందిన బాబ్‌కాట్‌ మెషిన్లు, నాలుగు ఎస్కవేటర్లతో మట్టిని తొలగించి కన్వేయర్‌ బెల్టు ద్వారా బయటకు తరలిస్తున్నారు. నిమిషానికి 10 వేల లీటర్ల నీటి ఊటను 150 హెచ్‌పీ మోటార్ల సాయంతో బయటకు పంపుతున్నారు. 15 రోజుల్లో పూర్తయ్యేనా.. సొరంగంలో కూరుకుపోయిన టీబీఎం శకలాలు, మట్టి, బురద, రాళ్లు ఇతర శిథిలాల తొలగింపు 15 రోజుల్లో పూర్తవుతుందని ప్రభుత్వం గడువు విధించింది. కేంద్ర, రాష్ట్ర ప్రభుత్వాలకు చెందిన 560 మంది సహాయక సిబ్బంది మూడు, ఐదు షిఫ్టుల్లో పనిచేస్తున్నారు. అత్యంత క్లిష్టమైన డీ1, డీ2 ప్రదేశంలోని 30 మీటర్ల వరకు శిథిలాలను తొలగించారు. మరో 110 మీటర్ల మేర మట్టి, బురద, రాళ్లను తొలగిస్తే కార్మికుల ఆచూకీ లభ్యమయ్యే అవకాశం ఉందని సహాయక సిబ్బంది చెబుతున్నారు. ప్రభుత్వం నిర్ధేశించిన గడువులోగా పనులు పూర్తవడం గగనమే అనిపిస్తోంది. ఎస్‌ఎల్‌బీసీలో కార్మికుల కోసం 41 రోజులుగా గాలింపు

మహబూబ్‌నగర్‌ రూరల్‌: కేంద్ర ప్రభుత్వం బీసీ కులగణన చేపట్టి జనాభా నిష్పత్తి ప్రకారం రిజర్వేషన్లు కల్పించాలని బీసీ జాగృతి సేన రాష్ట్ర అధ్యక్షుడు బూర్గుపల్లి కృష్ణయాదవ్‌ డిమాండ్‌ చేశారు. గురువారం స్థానిక బీసీ సంఘం కార్యాలయంలో ఏర్పాటుచేసిన సమావేశంలో ఆయన మాట్లాడారు. బీసీ జనాభా నిష్పత్తి ప్రకారం రిజర్వేషన్లు కల్పించాలని గల్లీ నుంచి ఢిల్లీ వరకు ఆరు దశాబ్దాలుగా బీసీలు పోరాడుతున్నా కేంద్రంలో ఏ పార్టీ అధికారంలో ఉన్నా పట్టించుకోవడం లేదన్నారు. తెలంగాణలో అధికారంలోకి వస్తే బీసీని సీఎంని చేస్తామని 2023 అసెంబ్లీ ఎన్నికల్లో ప్రకటించిన బీజేపీకి బీసీలపై చిత్తశుద్ధి ఉంటే ప్రస్తుత పార్లమెంట్‌ సమావేశాల్లో కేంద్రం బీసీ రిజర్వేషన్‌ బిల్లును ప్రవేశపెట్టి ఆమోదించాలని డిమాండ్‌ చేశారు. లేనిపక్షంలో వచ్చే ఎన్నికల్లో తగిన గుణపాఠం చెప్పడానికి బీసీలు సిద్ధంగా ఉన్నారని హెచ్చరించారు. బీసీ జాగృతి సేన ఉమ్మడి జిల్లా అధ్యక్షుడు వెంకటేష్‌యాదవ్‌, నాయకులు తిరుమలేష్‌, అంజిలప్ప, రవి, తిమ్మయ్య పాల్గొన్నారు. బీసీ జాగృతిసేన రాష్ట్ర అధ్యక్షుడు కృష్ణయాదవ్‌

డయాగ్నోస్టిక్‌ సెంటర్‌ ఏర్పాటుకు పాలమూరు: మహబూబ్‌నగర్‌ రెడ్‌క్రాస్‌ సోసైటీ ఆధ్వర్యంలో నూతనంగా డయాగ్నోస్టిక్‌ సెంటర్‌ ఏర్పాటు చేయడానికి భూమి కేటాయించడంతో పాటు భవనం నిర్మాణానికి సహకరించాలని మహబూబ్‌నగర్‌ ఎమ్మెల్యే యెన్నం శ్రీనివాస్‌రెడ్డి, రెడ్‌క్రాస్‌ చైర్మన్‌ నటరాజ్‌ గురువారం హైదరాబాద్‌లోని రాజ్‌భవన్‌లో గవర్నర్‌ జిష్ణుదేవ్‌వర్మను కలిసి వినతిపత్రం అందించారు. ఈ సందర్భంగా ఎమ్మెల్యే మాట్లాడుతూ కొన్నేళ్ల నుంచి ఎలాంటి లాభాపేక్ష లేకుండా అపత్కాలంలో పేదలకు సేవ చేస్తున్న రెడ్‌క్రాస్‌కు డయాగ్నోస్టిక్‌ సెంటర్‌ ఏర్పాటు చేయడం వల్ల పేదలకు మరింత మేలు జరుగుతుందని తెలిపారు. అనంతరం గవర్నర్‌ మాట్లాడుతూ డయాగ్నొస్టిక్‌ సెంటర్‌ ఆధునాతన భవన నిర్మాణానికి అవసరమైన భూమి కేటాయింపు చేయడానికి సహకరిస్తానని హామీ ఇచ్చారు.

మల్దకల్‌: పంట పొలంలో మొక్కజొన్న కోసే హార్వెస్టర్‌లో ప్రమాదవశాత్తు ఓ బాలుడు పడి మృతి చెందినట్లు ఎస్‌ఐ నందికర్‌ తెలిపారు. వివరాలు.. మండలంలోని నీలిపల్లికి చెందిన అఖిల, రాజు దంపతుల కొడుకు జీవన్‌కుమార్‌(7). తల్లిదండ్రులు వ్యవసాయ పనులు చేస్తూ జీవనం సాగిస్తున్నారు. గురువారం రాజు సాగు చేస్తున్న మొక్కజొన్న పంటను కోసేందుకు హార్వెస్టర్‌ రావడంతో కుటుంబసభ్యులతో కలసి వెళ్లాడు. అక్కడ హార్వెస్టర్‌ డ్రైవర్‌ సుభాష్‌రెడ్డి మొక్కజొన్న కోసే క్రమంలో అక్కడే ఆడుకుంటున్న జీవన్‌కుమార్‌ను గమనించలేదు. బాలుడు ప్రమాదవశాత్తు పడిపోయాడు. గమనించిన డ్రైవర్‌ హార్వెస్టర్‌లో పడిన బాలుడిని కాపాడే ప్రయత్నం చేసినా ఫలితం దక్కలేదు. అప్పటికే బాలుడు మృతిచెందాడు. తల్లిదండ్రుల ఫిర్యాదు మేరకు కేసు నమోదు చేసినట్లు ఎస్‌ఐ తెలిపారు. వ్యక్తి బలవన్మరణం మల్దకల్‌: ఆర్థిక, ఆరోగ్య సమస్యలతో ఓ వ్యక్తి పురుగుమందు తాగి ఆత్మహత్య చేసుకున్న ఘటన మండలంలోని అడివిరావల్‌చెర్వులో గురువారం చోటు చేసుకుంది. గ్రామస్తుల కథనం మేరకు.. గ్రామానికి చెందిన బోయ నాగరాజు (34) ఉన్న కొద్దిపాటి పొలంలో వ్యవసాయంతో పాటు కూలీ పనులు చేసుకుంటూ జీవనం సాగించేవాడు. ఇటీవల కడుపునొప్పితో పాటు ఆర్థిక ఇబ్బందులు అధికం కావడంతో గురువారం మధ్యాహ్నం ఇంట్లో ఎవరూలేని సమయంలో పురుగుమందు తాగాడు. గుర్తించిన కుటుంబసభ్యులు వెంటనే చికిత్స నిమిత్తం గద్వాల ఆస్పత్రికి తరలించగా అక్కడ చికిత్స పొందుతూ మృతిచెందాడు. నాగరాజుకు భార్య జయలక్ష్మి, ఇద్దరు సంతానం ఉన్నారు. కుటుంబ సభ్యుల ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు పోలీసులు వివరించారు. గుర్తుతెలియని వాహనం ఢీకొని వ్యక్తి మృతి మహమ్మదాబాద్‌: రోడ్డు పక్కన నడుచుకుంటూ వెళ్తున్న వ్యక్తిని గుర్తుతెలియని వాహనం ఢీకొట్టడంతో తీవ్రంగా గాయపడి మృతిచెందాడు. పోలీసుల కథనం ప్రకారం.. గండేడ్‌ మండలంలోని కొంరెడ్డి గ్రామానికి చెందిన వెంకటయ్య(58) పొలం పనులు ముగించుకుని రోడ్డు పక్కన నడుచుకుంటూ ఇంటికి వెళ్తున్నాడు. ఈ క్రమంలో వెనక నుంచి వచ్చిన గుర్తుతెలియని వాహనం ఢీకొనడంతో తీవ్ర గాయాలపాలయ్యాడు. గమనించిన గ్రామస్తులు ప్రభుత్వ ఆస్పత్రికి తరలించగా అప్పటికే మృతిచెందినట్లు వైద్యులు నిర్ధారించారు. ఈ ఘటనపై వెంకటయ్య కుమారుడు మల్లేష్‌ ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. విద్యుత్‌ వైర్లకు నిచ్చెన తాకడంతో.. వనపర్తి రూరల్‌: విద్యుదాఘాతంతో వ్యక్తి మృతిచెందిన ఘటన మండలంలోని చిమనగుంటపల్లిలో చోటుచేసుకొంది. స్థానికులు తెలిపిన వివరాలు.. చిమనగుంటపల్లికి చెందిన శివయ్య(50) శ్రీరామనవమి సందర్భంగా గ్రామంలోని రామాలయంలో పనులు చేస్తున్నాడు. ఇనుప నిచ్చెనను తీసుకెళ్తున్న క్రమంలో ఆలయంలో వేలాడుతున్న కరెంట్‌ వైర్లకు నిచ్చెన తాకడంతో విద్యుదాఘాతానికి గురై మృతిచెందాడు. ఈ విషయంపై వనపర్తి రూరల్‌ ఎస్‌ఐ జలెందర్‌రెడ్డిని వివరణ కోరగా మాకు ఎలాంటి ఫిర్యాదు అందలేదని తెలిపారు. ఆలయంలో కరెంటు వైర్లు కిందికి వేలాడుతున్నాయని అధికారులకు గ్రామస్తులు విన్నవించగా కొత్త కరెంటు స్తంభాలు నిలబెట్టారు. కానీ వైర్లు పైకి లాగకపోవడంతో ఈ ప్రమాదం జరిగిందని గ్రామస్తులు ఆరోపిస్తున్నారు. చికిత్స పొందుతూ మరొకరు.. అచ్చంపేట రూరల్‌: పట్టణంలోని ప్రభు త్వాస్పత్రిలో చికిత్స పొందుతూ గురువా రం గుర్తు తెలియని వ్యక్తి(65) మృతిచెందాడు. అచ్చంపేట ఎస్‌ఐ రమేష్‌ కథనం ప్రకారం.. గత నెల 31న పట్టణంలోని ఆర్టీసీ బస్టాండు సమీపంలో అపస్మారక స్థితిలో పడి ఉన్న వ్యక్తిని గమనించిన ప్రయాణికులు అచ్చంపేట ప్రభుత్వ ఆస్పత్రిలో చేర్పించారు. చికిత్స పొందుతూ గురువారం మృతి చెందడంతో ఆస్పత్రి సిబ్బంది పోలీసులకు సమాచారమిచ్చారు. వ్యక్తిని ఎవరైనా గుర్తు పడితే పోలీస్‌స్టేషన్‌లో సంప్రదించాలని ఎస్‌ఐ కోరారు. రూ.1.50 లక్షలు చోరీ మక్తల్‌: గుర్తుతెలియని వ్యక్తులు రూ.1.50 లక్షలు చోరీ చేసిన ఘటన గురువారం పట్టణంలో చోటు చేసుకుంది. ఎస్‌ఐ భాగ్యలక్ష్మిరెడ్డి కథనం మేరకు.. మాగనూర్‌ మండలం నేరెడుగాం గ్రామానికి చెందిన సంకానూర్‌ నాగప్ప పట్టణంలోని బ్యాంకులో రూ.1.50 లక్షలు డ్రా చేసుకొని తన సొంత ద్విచక్ర వాహనం పెట్రోల్‌ ట్యాంకు కవరులో పెట్టాడు. పక్కనే ఉన్న జిరాక్స్‌ సెంటర్‌కు వెళ్లి వచ్చేలోగా డబ్బులు కనిపించపోవడంతో వెంటనే పోలీసులకు సమాచారం అందించారు. అక్కడికి చేరుకున్న పోలీసులు పరిశీలించి బాధితుడి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ వివరించారు.

మహబూబ్‌నగర్‌ ఎడ్యుకేషన్‌: కొత్త పరిశ్రమలకు ఎంస్‌ఎంఈ(మైక్రో స్మాల్‌ అండ్‌ మీడియం ఎంటర్‌ప్రైజెస్‌)లు ఎంతో సహకరిస్తాయని పీయూ రిజిస్త్రార్‌ మధుసూదన్‌రెడ్డి అన్నారు. గురువారం జిల్లాకేంద్రంలోని ఎంవీఎస్‌ డిగ్రీ కళాశాలలో కామర్స్‌ విభాగం ఆధ్వర్యంలో ‘ఆర్థికవృద్ధిలో చిన్న, మధ్య తరహా పరిశ్రమ పాత్ర అవకాశాలు మరియు సవాళ్లు’ అనే అంశంపై ఏర్పాటు చేసిన ఒక్కరోజు జాతీయ సెమినార్‌ కార్యక్రమానికి ఆయన ముఖ్య అతిథిగా హాజరై ప్రసంగించారు. కేంద్ర ప్రభుత్వం ఉద్యోగ, ఉపాధి కల్పన కోసం తీసుకొచ్చిన ఎంఎస్‌ఎంఈలు ఉపాధి కేంద్రాలుగా వ్యవహరించొవచ్చన్నారు. ఎంఎస్‌ఎంఈల ఏర్పాటుపై విద్యార్థి దశ నుంచి పూర్తిస్థాయిలో అవగాహన ఉండాల్సిన అవసరం ఉందన్నారు. ప్రిన్సిపాల్‌ పద్మావతి మాట్లాడుతూ ఉద్యోగం కోసం వేచి చూడకుండా ఎంస్‌ఎంఈలలో ఒక పరిశ్రమను స్థాపించడంతో పలువురకి ఉపాధి అవకాశాలు కల్పించవచ్చన్నారు. అనంతపూర్‌ సెంట్రల్‌ యూనివర్సిటీ అధ్యాపకుడు కేశవరెడ్డి, ఎంటర్‌ప్రెన్యూర్‌షిప్‌ ట్రైనర్‌ సుధీర్‌, మంజూల, కల్వకోల్‌ భాస్కర్‌, నాగరాజు, వినోద్‌కుమార్‌, ఆరీఫ్‌ పాల్గొన్నారు. బంగారు దుకాణంలో చోరీ కొత్తకోట రూరల్‌: పట్టణంలోని హనుమాన్‌ జ్యువెలరీ దుకాణంలో మహిళలు చోరీకి పాల్పడిన ఘటన గురువారం చోటు చేసుకుంది. బాధితుడి కథనం మేరకు.. దుకాణ యజమాని మధ్యాహ్న భోజనానికి వెళ్లగా అందులో పనిచేసే అబ్బాయి ఒక్కడే ఉన్నాడు. దీనిని గమనించిన ఐదుగురు మహిళలు దుకాణంలోకి వచ్చి బంగారు వస్తువులు చూపాలంటూ మాటల్లో పెట్టగా.. అందులో ఓ యువతి బంగారు బిస్కెట్‌ను దొంగిలించింది. యజమాని వచ్చిన తర్వాత ఆర్డర్‌ ఇచ్చిన వ్యక్తి వచ్చి బిస్కెట్‌ కావాలని అడగగా కనిపించకపోవడంతో అవాకై ్క వెంటనే సీసీ టీవీ ఫుటేజీని పరిశీలించారు. వచ్చిన వారిలో ఓ యువతి బంగారు బిస్కెట్‌ దొంగిలించిందని నిర్ధారించుకొని పోలీస్‌స్టేషన్‌లో ఫిర్యాదు చేశారు. బిస్కెట్‌ 6 తులాల బరువు ఉంటుందని, దాని విలువ సుమారు రూ.5 లక్షలని యజమాని వివరించారు. పీయూ రిజిస్త్రార్‌ మధుసూదన్‌రెడ్డి

అద్దె వాహనదారులకు అందని బిల్లులు ●ఇళ్లకు పోలేకుపోతున్నాం.. నెలల తరబడి బిల్లులు రాలేకపోవడంతో ఇళ్లకు పోలేకపోతున్నాం. అఽధికారులను ఎన్ని సార్లు కలిసినా బిల్లులు చేశామని చెబుతున్నారే తప్ప బిల్లులు మాత్రం రావడం లేదు. రెండు మూడు నెలలంటే ఏమో కాని 12, 15 నెలల నుంచి బిల్లులు రాకుంటే ఎట్ల బతకాలి. ఉన్నతాధికారులు చొరవ చూపి జిల్లా వ్యాప్తంగా ఉన్న బిల్లులను వెంటనే చేయించాలి. – అబ్దుల్‌ ఖాదర్‌, జిల్లా అధ్యక్షుడు, ఫోర్‌ వీలర్స్‌ డ్రైవర్స్‌ హైర్‌ వెహికిల్స్‌ అసోసియేషన్‌, మహబూబ్‌నగర్‌ వినతిపత్రాలు ఇచ్చినా ప్రయోజనం లేదు బిల్లులు చెల్లించాలని ఉన్నతాధికారులకు ఎన్నిసార్లు వినతిపత్రాలు ఇచ్చినా ప్రయోజనం లేకుండాపోయింది. రెండేళ్ల నుంచి బిల్లులు రాకుంటే బతికేది ఎలా. – సయ్యద్‌ సలీం హుసేనీ, కార్యవర్గ సభ్యుడు, మహబూబ్‌నగర్‌ దుర్భర జీవితాన్ని అనుభవిస్తున్నాం పెండింగ్‌లో ఉన్న బిల్లులు చెల్లించేందుకు చర్యలు తీసుకోవాలి. బిల్లులు నెల నెల రాకపోవడంతో వాహనాలు నడిపిచేందుకు అప్పులు చేస్తున్నాం. నెలల తరబడి వాహనాలకు చెందిన బిల్లులు రాకపోవడంతో దుర్భర జీవితాన్ని అనుభవిస్తున్నాం. –ధర్మానాయక్‌, జిల్లా ప్రధాన కార్యదర్శి 34 నెలలుగా పెండింగ్‌... నా వాహనానికి చెందిన 34 నెలల నుంచి బిల్లులు పెండింగ్‌లో ఉన్నాయి. ఒక్క నెల బిల్లు రాకపోతేనే ఇబ్బంది పడాల్సిన పరిస్థితి ఏకంగా 34 నెలలుగా బిల్లులు రాకపోతే మేము ఎలా జీవించాలి. అధికారులు స్పందించి నా తోపాటు పెండింగ్‌లో ఉన్న వాహనదారులు బిల్లులను వెంటనే చెల్లించాలి. – నిరంజన్‌, వాహనదారుడు జెడ్పీసెంటర్‌(మహబూబ్‌నగర్‌): వివిధ ప్రభుత్వ శాఖల్లో నడుస్తున్న అద్దె వాహనదారులకు బిల్లుల కోసం ఎదురుచూపులు తప్పడం లేదు. ఈ ఆర్థిక సంవత్సరం పూర్తి కావడంతో తమకు బిల్లులు రావేమోననే ఆందోళన అద్దె వాహనదారుల్లో నెలకొంది. 12 నెలలుగా వారికి రావాల్సిన బిల్లులు పెండింగ్‌లో ఉండటంతో వారు ఆర్థికంగా నలిగిపోతున్నారు. బిల్లులు మంజూరు చేయాలని ప్రభుత్వాన్ని వేడుకుంటున్నారు. అద్దె వాహనాలను సమకూర్చుకోవాలి.. మండల స్థాయి నుంచి ఆపై స్థాయి అధికారులకు ప్రభుత్వం వాహన సౌకర్యం కల్పిస్తోంది. ప్రభుత్వ నిబంధనల ప్రకారం అద్దె వాహనాలను సమకూర్చుకోవాలి. దీంతో నిరుద్యోగ యువతకు ఉపాధి కల్పించాలనేది ప్రభుత్వ ఉద్దేశం. ప్రభుత్వం ప్రతి నెలా ఒక్కో వాహనానికి రూ.33 వేలు చెల్లిస్తుంది. ఇదిలా ఉండగా చాలా మంది అధికారులు అద్దె వాహనాల స్థానంలో తమ సొంత వాహనాలను వాడుకుంటూ అడ్డదారిలో బిల్లులు నొక్కేస్తున్నారనే ఆరోపణలు కూడా ఉన్నాయి. అలా చేయడం ద్వారా ఎంతో యువత ఉపాధిని కోల్పోతున్నారు. కొందరికే ప్రభుత్వ అధికారుల వద్ద వాహనాలు పెట్టుకునే అవకాశం దొరుకుతోంది. వారికి సైతం బిల్లులు సకాలంలో రావడం లేదు. సొంత పనులకు ఈ వాహనాలే దిక్కు.. కేవలం ప్రభుత్వ కార్యకలాపాలకు మాత్రమే ఉపయోగించాల్సిన వాహనాలను కొంత మంది అధికారులు సొంత పనులకు సైతం వాడుతున్నారని వాహనదారులు వాపోతున్నారు. ఇది ఏమిటని ప్రశ్నించలేని పరిస్థితి నెలకొందని, ప్రశ్నిస్తే తమ వాహనాలను తొలగిస్తారేమోనని పలువురు ఆవేదన వ్యక్తం చేశారు. మొత్తం వాహనదారులకు సుమారుగా రూ. 40 లక్షల దాకా బిల్లులు రావాల్సి ఉంది. బిల్లులు చెల్లించాలని ఇటీవల పంచాయతీ రాజ్‌, గ్రామీణాబివృద్ధి శాఖ డైరెక్టర్‌ సృజనను కలిసి వినతిపత్రం సమర్పించారు. రూ.40 లక్షలకు పైగా పెండింగ్‌ ఇబ్బందులు పడుతున్న వాహన యజమానులు సొంత వాహనాలను వాడుతున్న పలువురు అధికారులు ఉపాధి కోల్పోతున్న యువత ఎన్నో నెలల నుంచి పెండింగ్‌.. నిబంధనల ప్రకారం నిరుద్యోగులు ఆయా సంక్షేమ శాఖల ద్వారా కొనుగోలు చేసే వాహనాలను ప్రభుత్వ అధికారుల వద్ద అద్దెకు పెట్టుకోవాలి. ఇలా జిల్లాలోని అన్ని ప్రభుత్వ శాఖల్లో మండల, డివిజన్‌, జిల్లా అధికారుల వద్ద దాదాపు 150 వరకు వాహనాలు నడుస్తున్నాయి. వాటికి సంబంధించి 15 నెలలుగా బిల్లులు రావడం లేదని వాహనాల యజమానులు చెబుతున్నారు. జిల్లాకు సంబంధించి రూ.40 లక్షలకు పైగా ఉన్న బకాయిలు విడుదల కావాల్సి ఉంది. డీఆర్‌డీఓ శాఖలో 26 నెలలు, సమాచార పౌర సరఫరాల శాఖ 9 నెలలు, మత్స్య శాఖ 4 నెలలు, గిరిజన సంక్షేమ శాఖ 24 నెలల నుంచి, జిల్లా పరిశ్రమల 5 నెలలు, ఆర్‌అండ్‌బీ 12 నెలలు, ఇరిగేషన్‌ 10 నెలలు, హెల్త్‌ డిపార్ట్‌మెంట్‌ 10 నెలలు, ఎస్సీ అభివృద్ధి శాఖలో ఏకంగా 34 నెలలు, మిషన్‌భగీరథ (ఇంట్రా) లో 16నెలల నుంచి బిల్లులు పెండింగ్‌లో ఉన్నాయి. దీంతో పాటు వివిద ప్రభుత్వ శాఖల్లో కూడా నెలల తరబడి బిల్లులు రాక అద్దెవాహనదారులు ఇబ్బందులు పతున్నారు. 16 నెలలుగా పెండింగ్‌లో బిల్లులు... నా వాహనం మిషన్‌ భగీరథ శాఖలో నడుస్తుంది. 16 నెలలకు చెందిన బిల్లులు రావాల్సి ఉంది. ఏమిటని ప్రశ్నిస్తే ఏం చేసుకుంటారోచేసుకోండని అధికారులు తేల్చి చెబుతున్నారు. మీరు కాకుంటే వేరే వాళ్ల వాహనం పెట్టుకుంటామని బెదిరిస్తున్నారు. – చెన్నయ్య, వాహనదారుడు

దేవరకద్ర: స్థానిక మార్కెట్‌కు బుధవారం వినియోగదారులు పోటెత్తారు. వివిధ గ్రామాల నుంచి వందలాది మంది వినియోగదారులు ఉల్లిని కొనడానికి పోటీ పడ్డారు. మార్కెట్‌లో ఎక్కడ నాణ్యంగా ఉన్న ఉల్లి కుప్ప కనిపిస్తే అక్కడ వినియోగదారులు గుమికూడి ఉల్లిని కొనుగోలు చేశారు. ఉగాది తరువాత దిగుబడిగా వచ్చే ఉల్లి నిల్వ చేసుకోవడానికి అవకాశం ఉండడంతో చాలా మంది వినియోగదారులు ఉల్లిని కొనడానికి రావడంతో మార్కెట్‌ అంతా సందడిగా కనిపించింది. మార్కెట్‌కు దాదాపు ఆరు వేల బస్తాల ఉల్లి అమ్మకానికి వచ్చింది. మధ్యాహ్నం వరకు వచ్చిన ఉల్లిలో సగం కుప్పలకు కూడా వేలం జరగలేదు. దీంతో వ్యాపారులే వేలం వేయని మిగతా ఉల్లి కుప్పలకు నేరుగా ధరలు నిర్ణయించి కొనుగోలు చేశారు. కొందరు రైతులు వ్యాపారులను మధ్యవర్తులుగా చేసుకొని ఉల్లి బస్తాలు చేసి అమ్ముకున్నారు. ఇక వివిధ ప్రాంతాల నుంచి వచ్చిన వ్యాపారులు వేలం ద్వారా ఉల్లిని కొనుగోలు చేయగా చిరు వ్యాపారులు కూడా స్థానిక వ్యాపారుల నుంచి ఉల్లిని కొన్నారు. ఉదయం నుంచి సాయంత్రం వరకు మార్కెట్లో ఉల్లి వ్యాపారమే కొనసాగింది. ఒక పక్క వినియోగదారులు, మరో పక్క వ్యాపారులతో మార్కెట్‌ కళ కళలాడింది. ఆర్‌ఎన్‌ఆర్‌ ధర రూ. 2139.. దేవరకద్ర మార్కెట్‌లో మధ్యాహ్నం జరిగిన ఈ టెండర్లలో ఆర్‌ఎన్‌ఆర్‌ ధాన్యం ధర క్వింటాల్‌కు గరిష్టంగా రూ. 2139, కనిష్టంగా రూ.1869 గా ధరలు లభించాయి. హంస ధాన్యం ధర గరిష్టంగా రూ. 1809, కనిష్టంగా రూ. 1739 గా ధరలు నమోదు అయ్యావి. అముదాల ధర గరిష్టంగా రూ. 6011 గా ఒకే ధర లభించంది. కోయిల్‌సాగర్‌ ఆయకట్టు కింద యాసంగిలో వేసిన వరి పంటలు కోతకు రావడంతో రైతులు వరి ధాన్యం అమ్మకానికి తెస్తున్నారు. బుధవారం మార్కెట్‌కు దాదాపు మూడు వేల బస్తాల ధాన్యం అమ్మకానికి వచ్చింది. దేవరకద్ర మార్కెట్లో జోరుగా ఉల్లి వ్యాపారం దాదాపు ఆరు వేల బస్తాల అమ్మకం నిలకడగా ఉల్లి ధరలు.. దేవరకద్ర మార్కెట్‌లో బుధవారం జరిగే వేలంలో ఉల్లి ధరలు నిలకడగానే ఉన్నాయి. రెండు వారాలుగా దిగి వచ్చిన ధరలే ఈ వారం వచ్చాయి. ఉదయం 10గంటలకే ఉల్లి వేలం ప్రారంభం కాగా క్వింటాల్‌ ఉల్లి గరిష్టంగా రూ.1800 వరకు పలికింది. కనిష్టంగా రూ.1200 వరకు ధర వచ్చింది. మార్కెట్‌ నిబంధనలు సడలించిన తరువాత ఉల్లి బస్తా 50 కేజీలుగా నిర్ణయించారు. బస్తా ధర గరిష్టంగా రూ.900 వరకు విక్రయించగా, కనిష్టంగా రూ.600 వరకు అమ్మకాలు సాగించారు. మధ్యస్త ధరలు పలికిన ఉల్లి బస్తా ధర రూ.700 నుంచి రూ.800 వరకు విక్రయించగా చిన్నసైజు ఉల్లి బస్తా ధర రూ. 500 వరకు పలికింది.

జడ్చర్ల/ నవాబుపేట: బాదేపల్లి వ్యవసాయ మార్కెట్‌ యార్డులో బుధవారం వేరుశనగ క్వింటాల్‌ గరిష్టంగా రూ.6,739, కనిష్టంగా రూ.4,891 ధరలు లభించాయి. అలాగే కందులు గరిష్టంగా రూ.6,895, కనిష్టంగా రూ.5,200, మొక్కజొన్న గరిష్టంగా రూ.2,289, కనిష్టంగా రూ.1,951, జొన్నలు గరిష్టంగా రూ.4,201, కనిష్టంగా రూ.3,600, ఆముదాలు రూ.6,331, పెబ్బర్లు గరిష్టంగా రూ.5,301, కనిష్టంగా రూ.4,851, ధాన్యం హంస గరిష్టంగా రూ.2,151, కనిష్టంగా రూ.1,869, ఆర్‌ఎన్‌ఆర్‌ గరిష్టంగా రూ.2,080, కనిష్టంగా రూ.2,041, రాగులు రూ.3,777, చింతగింజలు రూ.3,319 చొప్పున వచ్చాయి. చింతపండు క్వింటాల్‌ రూ.12,308 నవాబుపేట మార్కెట్‌ యార్డుకు బుధవారం 82 క్వింటాళ్ల చింతపండు రాగా గరిష్టంగా రూ.12,308, కనిష్టంగా రూ.6,680 ధర పలికిందని మార్కెట్‌ కార్యదర్శి రమే్‌ష్‌ తెలిపారు. కాగా వేరుశనగ 220 క్వింటాళ్లు రాగా.. క్వింటాల్‌ సరాసరిగా రూ.6,265 పలికిందని వివరించారు. వరకట్న వేధింపులపై కేసు నమోదు అచ్చంపేట రూరల్‌: అదనపు కట్నం కోసం వేధిస్తున్న భర్త, అత్తామామలపై బుధవారం అచ్చంపేట పోలీస్‌స్టేషన్‌లో కేసు నమోదైంది. ఎస్‌ఐ రమేష్‌ కథనం ప్రకారం.. అచ్చంపేటకు చెందిన ఈశ్వరమ్మకు మండలంలోని నడింపల్లికి చెందిన మల్లేష్‌తో వివాహమైంది. గత కొన్ని రోజులుగా అదనపు కట్నం తీసుకురావాలని ఈశ్వరమ్మను భర్తతోపాటు అత్త, మామ, మరిది వేధింపులకు గురిచేస్తున్నారు. ఈ విషయమై బాధితురాలు బుధవారం ఫిర్యాదు చేయడంతో కేసు నమోదు చేసి దర్యాప్తు చేస్తున్నామని ఎస్‌ఐ తెలిపారు.

గద్వాల క్రైం: ప్రమాదవశాత్తు విద్యుదాఘాతానికి గురైన కార్మికుడు మృతిచెందిన ఘటన మండలంలోని వీరాపురంలో చోటుచేసుకుంది. స్థానికులు తెలిపిన వివరాలు.. వెంకటోనిపల్లికి చెందిన నవీన్‌(35) సెంట్రింగ్‌ పనులు చేస్తూ జీవనం సాగిస్తున్నాడు. బుధవారం ఉదయం వీరాపురంలో ఓ ప్రైవేటు భవన నిర్మాణానికి కొంత మంది కార్మికులతో కలసి సెంట్రింగ్‌ పనులు చేస్తున్నాడు. ఈ క్రమంలో ఆకస్మాత్తుగా ఐరన్‌ రేకులు విద్యుత్‌ వైర్లపై పడ్డాయి. అక్కడే పనులు చేస్తున్న నవీన్‌కు విద్యుదాఘాతానికి గురై అక్కడికక్కడే మరణించాడు. స్థానికులు విద్యుత్‌ సరఫరాను నిలిపేసి రక్షించే ప్రయత్నం చేయగా ఫలితం లేకుండాపోయింది. మృతుడి భార్య జయశ్రీ ఫిర్యాదు మేరకు కేసు నమోదు చేసినట్లు ఎస్‌ఐ శ్రీకాంత్‌ తెలిపారు.విద్యుత్‌ మోటార్‌ నాచును తొలగిస్తుండగా..పాన్‌గల్‌: విద్యుత్‌ షాక్‌తో రైతు మృతిచెందిన సంఘటన బుధవారం పాన్‌గల్‌ మండలంలో చోటు చేసుకుంది. ఎస్‌ఐ శ్రీనివాసులు తెలిపిన వివరాల ప్రకారం రేమద్దుల గ్రామానికి చెందిన కిల్లె పర్వతాలు(47)కు ఐదు ఎకరాల పొలం ఉంది. ఆ పొలం అంచున కేఎల్‌ఐ డీ–8 కాల్వ ఉండగా.. ఆ కాల్వలో విద్యుత్‌ మోటార్‌ వేసి పొలానికి సాగునీరు పారిస్తున్నాడు. ఇదే క్రమంలో మంగళవారం రోజు సాయంత్రం పొలానికి వెళ్లి కరెంట్‌ లేదనుకొని కాల్వలోని విద్యుత్‌ మోటార్‌కు పట్టిన నాచు తొలగిస్తుండగా.. విద్యుదాఘాతంతో కాల్వలోనే పడిపోయాడు. పరిసరాల రైతులు గమనించి.. కాల్వలో పడిపోయిన పర్వతాలను బయటికి తీయగా అప్పటికే చనిపోయాడు. ఈ ఘటనపై మృతుడి తండ్రి బాలపీరు ఇచ్చిన ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఎస్‌ఐ పేర్కొన్నారు.నీటి సంపులో పడి బాలుడు మృతిమద్దూరు: ఆడుకుంటూ వెళ్లి ఇంటి ముందు ఏర్పాటుచేసిన నీటి సంపులో పడి నాలుగేళ్ల బాలుడు మృతిచెందిన ఘటన మండలంలోని దమ్‌గాన్‌పూర్‌లో బుధవారం చోటుచేసుకున్నట్లు ఎస్‌ఐ విజయ్‌కుమార్‌ తెలిపారు. వివరాలు.. గ్రామానికి చెందిన ఎర్రి మానస్‌(4) బాలుడు ఇంటి ముందు అడుకుంటూ నీటి సంప్‌లో పడిపోయాడు. ఇంట్లో పనిలో ఉన్న తల్లి, నాయనమ్మ ఆలస్యంగా బాలుడు సంపులో పడిపోయిన విషయం గ్రహించి వెంటనే మద్దూరు ప్రభుత్వాసుపత్రికి తరలించారు. అప్పటికే మృతిచెందినట్లు వైద్యులు నిర్ధారించారు. మృతుడి తండ్రి ఎర్రి మహిపాల్‌ ఫిర్యాదు మేరకు కేసు నమోదు చేసి మృతదేహాన్ని పోస్టుమార్టం నిర్వహించి కుటుంబ సభ్యులకు అందజేసినట్లు ఎస్‌ఐ తెలిపారు.అవసరాలకు డబ్బు ఇవ్వలేదని యువకుడి ఆత్మహత్యఅడ్డాకుల: మూసాపేట మండలం కొమిరెడ్డిపల్లి శివారులో ఓ యువకుడు చెట్టుకు ఉరేసుకుని ఆత్మహత్యకు పాల్పడ్డాడు. ఎస్‌ఐ ఎం.వేణు కథనం ప్రకారం.. అడ్డాకుల మండలం పొన్నకల్‌ గ్రామానికి చెందిన గొల్ల శివ(32) కూలీ పనులు చేసి జీవనం సాగించేవాడు. అప్పుడప్పుడు తన అవసరాల కోసం తల్లితో డబ్బులు తీసుకునేవాడు. ఈక్రమంలో ఇదే విషయంలో మంగళవారం రాత్రి తల్లితో గొడవపడి మనస్తాపానికి గురయ్యాడు. అదే రోజు రాత్రి 44వ నంబర్‌ జాతీయ రహదారి సమీపంలోని సోలార్‌ గేట్‌ వద్ద క్షణికావేశంలో చెట్టుకు ఉరేసుకుని ఆత్మహత్యకు పాల్పడ్డాడు. బుధవారం ఉదయం స్థానికులు గుర్తించి కుటుంబసభ్యులకు సమాచారం అందజేశారు. పోలీసులకు ఫిర్యాదు అందడంతో మృతదేహాన్ని జిల్లాకేంద్రంలోని మార్చురీకి తరలించారు. మృతుడికి భార్య, ఇద్దరు పిల్లలు ఉన్నారు. దీనిపై కేసు నమోదు చేసి ధర్యాప్తు చేస్తున్నట్లు ఎస్‌ఐ ఎం.వేణు తెలిపారు.సారా స్థావరాలపై దాడిఊర్కొండ: మండలంలోని ఠాగూర్తండా, అమ్మపల్లితండా, మఠంతండాల్లో సారా తయారీ, అమ్మకం స్థావరాలపై బుధవారం ఎక్సైజ్‌ అధికారులు దాడులు జరిపారు. ఈ క్రమంలో సుమారు 300 లీటర్ల బెల్లం పాకం ధ్వంసం చేసి, 10 లీటర్ల సారా స్వాధీనం చేసుకుని ఠాగూర్‌ తండాకు చెందిన రమావత్‌ రవిపై కేసు నమోదు చేశారు. అక్రమంగా సారా తయారు చేసినా, అమ్మినా, అక్రమంగా మద్యం అమ్మకాలు నిర్వహించినా కఠిన చర్యలు తీసుకుంటామని హెచ్చరించారు. దాడుల్లో ఎక్సైజ్‌ సీఐ వెంకటరెడ్డి, ఎన్‌ఫోర్స్‌మెంట్‌ సీఐ బాలకృష్ణారెడ్డి, సిబ్బంది యాదగిరి, రఘు, నార్య, మాధవి, పరశురాం తదితరులు పాల్గొన్నారు.

నాగర్‌కర్నూల్‌ రూరల్‌: రాష్ట్రంలో కాగ్రెస్‌ పార్టీ అధికారంలోకి వచ్చాక మహిళలపై దాడులు, అత్యాచారాలు పెరిగాయని బీఎస్పీ రాష్ట్ర అధ్యక్షుడు మంద ప్రభాకర్‌ అన్నారు. సీఎం రేవంత్‌రెడ్డి సొంత జిల్లాలో ఇలాంటి ఘటనలు చోటు చేసుకోవడం సిగ్గుచేటు అన్నారు. బుధవారం నాగర్‌కర్నూల్‌లో నిర్వహించిన విలేకరుల సమావేశంలో ఆయన మాట్లాడారు. కీలకమైన పదవులు సీఎం వద్ద ఉన్నప్పటికీ రాష్ట్రంలో లా అండ్‌ ఆర్డర్‌ క్షీణించిందన్నారు. తక్షణమే రాష్ట్రంలో హోంమంత్రిని నియమించాలని డిమాండ్‌ చేశారు. కమీషన్లపై ఉన్న ఆశ శాంతిభద్రతలను కాపాడటంలో లేదని ఎద్దేవా చేశారు. రాష్ట్రంలో యువతకు ఉపాధి కల్పించడంలో పూర్తిగా విఫలమైందని, ఫలితంగా యువకులు వ్యసనాలకు బానిసలై నేరాలకు పాల్పడుతున్నారని ఆరోపించారు. సీఎం రేవంత్‌రెడ్డి నిద్రావస్థలో ఉన్నారని, అగ్రకుల కబంధ హస్తాల్లో రాష్ట్రం నాశనం అవుతుందని ఆవేదన వెలిబుచ్చారు. భూముల పరిరక్షణ కోసం విద్యార్థి నాయకులు చేస్తున్న పోరాటాలకు బీఎస్పీ అండగా ఉంటుందని, ప్రత్యక్ష పోరాటాలకు తాము సహకరిస్తామన్నారు. సమావేశంలో నాయకులు రామచందర్‌, దయానంద్‌, శివరామకృష్ణ, ధర్మేంద్ర, చంద్రశేఖర్‌, పృథ్వీరాజ్‌, నాగన్న, యూసుఫ్‌, కుమార్‌, హర్ష కల్యాణ్‌ పాల్గొన్నారు.

మహబూబ్‌నగర్‌ ఎడ్యుకేషన్‌: హెచ్‌సీయూ భూములను ప్రభుత్వం వేలం వేయడాన్ని నిరసిస్తూ పాలమూరు యూనివర్సిటీలో ఏబీవీపీ ఆధ్వర్యంలో తరగతులు బహిష్కరించారు. ఈ సందర్భంగా యూనివర్సిటీ అధ్యక్షుడు నగేష్‌ మాట్లాడుతూ రాష్ట్రానికే తలమానికమైన హెచ్‌సీయూలో భూములను ప్రభుత్వం లాక్కోవడం దారుణమైన విషయమన్నారు. 1,800 ఎకరాల భూమి వందలాది రకాల పక్షులు, జంతువులకు నివాసంగా ఉందని, చెరువులు, ఇతర జీవజాతులు ఉన్నాయని, అలాంటి భూములను ప్రభుత్వం అమ్మడం బాధాకరం అన్నారు. ప్రభుత్వం తీసుకున్న చర్య భవిష్యత్‌లో విద్యను అంధకారం చేయడం ఖాయమన్నారు. వెంటనే ప్రభుత్వం భూముల అమ్మకం నిర్ణయాన్ని వెనక్కి తీసుకోవాలని డిమాండ్‌ చేశారు. కార్యక్రమంలో నాయకులు ప్రకాష్‌, విష్ణు, సతీష్‌, రవికుమార్‌, వేణు, నందిని తదితరులు పాల్గొన్నారు.