Cricket

న్యూజిలాండ్‌తో శుక్ర‌వారం మౌంట్ మాంగ‌నూయ్‌లోని బే ఓవ‌ల్ వేదిక‌గా టీమిండియా నాలుగో వ‌న్డే మ్యాచ్ ఆడ‌నుంది. టెస్టు సిరీస్ స‌న్నాహ‌కాల కోసం రెగ్యుల‌ర్ కెప్టెన్ శుబ్‌మ‌న్ గిల్‌తో పాటు వికెట్ కీప‌ర్ కేఎల్ రాహుల్ జ‌ట్టును వీడ‌డంతో శ్రేయ‌స్ అయ్య‌ర్ కెప్టెన్సీ బాధ్య‌త‌లు తీసుకోనున్నాడు. వ‌న్డే కెప్టెన్‌గా తొలి మ్యాచ్ ఆడ‌నున్న శ్రేయ‌స్ ఏ మేర‌కు స‌ఫ‌ల‌మ‌వుతాడ‌నేది చూడాలి. గిల్‌, రాహుల్ స్థానాల్లో ఇషాన్ కిష‌న్‌, రుతురాజ్ లేదా తిల‌క్ వ‌ర్మ‌ల్లో ఒక‌రు ఆడే అవ‌కాశ‌ముంది. ఓపెనింగ్ స్లాట్‌లో రోహిత్ శ‌ర్మ‌తో ఇషాన్ కిష‌న్ జ‌త క‌ట్ట‌నుండ‌గా, రుతురాజ్ లేదా తిల‌క్‌లో ఒక‌రు ఐదో స్థానంలో బ్యాటింగ్‌కు రానున్నారు. ఇక రోహిత్ శ‌ర్మ‌కు బే ఓవ‌ల్‌లో మంచి రికార్డు ఉంది. ఆడిన రెండు మ్యాచ్‌ల్లోనూ అర్థ‌సెంచ‌రీలు చేసిన రోహిత్ శ‌ర్మ 74.5 స‌గ‌టుతో 149 ప‌రుగులు సాధించాడు. మొత్తంగా కివీస్ గ‌డ్డ‌పై 17 మ్యాచ్‌లాడిన రోహిత్ 460 ప‌రుగులు సాధించాడు. 2019లో బే ఓవ‌ల్ వేదిక‌గా కివీస్‌తో జ‌రిగిన వ‌న్డేలో రోహిత్ శ‌ర్మ 96 బంతుల్లో 87 ప‌రుగులు సాధించాడు. మ‌రో ఓపెన‌ర్ శిఖ‌ర్ ధ‌వ‌న్ కూడా 66 బంతుల్లో 67 ప‌రుగులు సాధించాడు. ఫ‌లితంగా టీమిండియా 4 వికెట్ల న‌ష్టానికి 324 ప‌రుగులు చేసింది. అనంత‌రం న్యూజిలాండ్‌ను 40.2 ఓవ‌ర్ల‌లో 234 ప‌రుగ‌లుకు ఆలౌట్ చేసి 90 ప‌రుగుల తేడాతో విజ‌యాన్ని అందుకుంది. ఇదే సిరీస్‌లో మూడో వ‌న్డే కూడా బే ఓవ‌ల్ వేదిక‌గానే జ‌రిగింది. ఈ మ్యాచ్‌లోనూ రోహిత్ శ‌ర్మ (77 బంతుల్లో 62) అర్థ‌సెంచ‌రీ సాధించ‌గా, కెప్టెన్ విరాట్ కోహ్లి (60 నాటౌట్‌) రాణించాడు. దీంతో భార‌త్ మ్యాచ్‌లో ఏడు వికెట్ల తేడాతో విజ‌యం సాధించింది.ఇక తాజా సిరీస్‌లో రోహిత్ శ‌ర్మ రెండు మ్యాచ్‌లు క‌లిపి 23 ప‌రుగులు సాధించాడు. ఇందులో ఒక డ‌కౌట్ ఉంది. మూడో వ‌న్డే వ‌ర్షార్ప‌ణం కావ‌డంతో నాలుగో వ‌న్డేలో రోహిత్ మెరుస్తాడేమో చూడాలి. అస‌లే త‌న‌కు అచ్చొచ్చిన మైదానం కావ‌డంతో కివీస్ బౌల‌ర్ల‌కు చుక్కలు చూపిస్తాడేమో చూడాలి.ఇదీ చదవండి: డెబ్యూ మ్యాచ్‌లో చెలరేగిన పాక్‌ బౌలర్‌.. లంకపై స్వల్ప ఆధిక్యంటీమిండియాకు గుడ్‌ న్యూస్‌.. విధ్వంసక ప్లేయర్ వచ్చేస్తున్నాడు

న్యూజిలాండ్‌తో కీలక టెస్టు సిరీస్‌కు ముందు టీమిండియాకు గుడ్‌న్యూస్‌ అందింది. పక్కటెముకల గాయంతో సతమవుతున్న స్టార్‌ వికెట్‌ కీపర్‌ బ్యాటర్‌ రిషబ్‌ పంత్‌.. ఇప్పుడు పూర్తి ఫిట్‌నెస్‌ సాధించాడు. నవంబర్ 10, 11 తేదీల్లో వైద్య బృందం నిర్వహించిన రెండు కఠినమైన ఫిట్‌నెస్, సిమ్యులేషన్ పరీక్షలను పంత్ విజయవంతంగా పూర్తి చేశాడు. దీంతో బెంగళూరులోని బీసీసీఐ సెంటర్ ఆఫ్ ఎక్సలెన్స్ నుంచి అతడికి ఫిట్‌నెస్ క్లియరెన్స్ లభించింది. ఈ నేపథ్యంలో అతడు ఒకట్రెండు రోజుల్లో న్యూజిలాండ్‌కు పయనం కానున్నాడు.కాగా న్యూజిలాండ్‌తో టెస్టు సిరీస్‌కు ప్రకటించిన భారత జట్టులో పంత్‌కు చోటు దక్కినప్పటికి.. తన ఫిట్‌నెస్‌ను మాత్రం నిరూపించుకోవాలని సెలక్టర్లు కండీషన్‌ పెట్టారు. అదేవిధంగా రెడ్-బాల్ ప్రాక్టీస్ కోసం ఇండియా-ఎ జట్టుకు కూడా అతడిని ఎంపిక చేశారు. కానీ కివీస్‌-ఎతో జరిగిన మూడు అనధికారిక టెస్టులకు పంత్ సమయానికి కోలుకోలేకపోయాడు.అయితే ప్రధాన టెస్టు సిరీస్ ఆరంభానికి ముందే పూర్తి ఫిట్‌నెస్ సాధించడం భారత బ్యాటింగ్ లైనప్‌కు పెద్ద బలంగా మారనుంది. కాగా భారత్-న్యూజిలాండ్ జట్ల మధ్య తొలి టెస్టు నవంబర్ 19న వెల్లింగ్టన్‌లో ప్రారంభం కానుండగా, రెండో టెస్టు నవంబర్ 27 నుంచి క్రైస్ట్‌చర్చ్ వేదికగా జరగనుంది. డబ్ల్యూటీసీ 2027 ఫైనల్‌ రేసులో భారత్‌ ఉండాలంటే కచ్చితంగా గెలవాల్సిందే.చదవండి: జట్టు ప్రకటన.. ఇషాన్‌ కిషన్‌కు నో ఛాన్స్‌! కెప్టెన్‌గా అతడే

రావల్పిండి వేదిక‌గా పాకిస్తాన్‌, శ్రీలంక మధ్య జ‌రుగుతున్న తొలి టెస్టు డ్రా దిశ‌గా ప‌య‌నిస్తోంది. నాలుగో రోజు ఆట ముగిసే స‌మ‌యానికి పాకిస్తాన్ త‌మ రెండో ఇన్నింగ్స్‌లో 21.2 ఓవ‌ర్ల‌లో వికెట్ న‌ష్టానికి 57 ప‌రుగులు చేసింది. అజాన్ అవైస్ (22), మొహ‌మ్మ‌ద్ తాహా (24) క్రీజులో ఉన్నారు. ప్ర‌స్తుతం పాకిస్తాన్ 45 ప‌రుగుల స్వ‌ల్ప ఆధిక్యం సాధించింది. అంత‌క‌ముందు శ్రీలంక త‌మ తొలి ఇన్నింగ్స్‌లో 446 ప‌రుగుల‌కు ఆలౌటైంది. ధ‌నంజ‌య డిసిల్వా (167), కెప్టెన్ కుశాల్ మెండిస్ (119) శ‌త‌కాల‌తో చెల‌రేగారు. ఈ ఇద్ద‌రు ఐదో వికెట్‌కు 249 ప‌రుగులు జోడించారు. మిగ‌తా బ్యాట‌ర్ల‌లో క‌మిందు మెండిస్ (58) అర్థ‌సెంచ‌రీ చేయ‌గా, లాహిరు ఉదార (42) ప‌ర్వాలేద‌నిపించాడు. డెబ్యూ మ్యాచ్‌లోనే ఏడు వికెట్లు..పాక్ బౌల‌ర్ల‌లో స‌కిబ్ ఖాన్ ఏడు వికెట్ల‌తో చెల‌రేగ‌గా, మొహ‌మ్మ‌ద్ అబ్బాస్ రెండు వికెట్లు తీశాడు. ఈ క్ర‌మంలో స‌కిబ్ ఖాన్ ఒక అరుదైన రికార్డును త‌న ఖాతాలో వేసుకున్నాడు. కెరీర్‌లో తొలి టెస్టు ఆడుతున్న స‌కిబ్ ఖాన్ డెబ్యూ మ్యాచ్‌లో ఒక ఇన్నింగ్స్‌లో ఏడు వికెట్లు (34-5-130-7) తీసిన నాలుగో పాకిస్తాన్ బౌల‌ర్‌గా నిలిచాడు. ఇక టెస్టుల్లో అరంగేట్రం మ్యాచ్‌లోనే ఏడు వికెట్లు ప‌డ‌గొట్టిన తొలి పాక్ బౌల‌ర్‌గా మ‌హ‌మ్మ‌ద్ న‌జీర్ నిలిచాడు. అత‌డు 1969లో క‌రాచీ వేదిక‌గా న్యూజిలాండ్‌తో జ‌రిగిన మ్యాచ్‌లో 30.1 ఓవ‌ర్లు వేసి 99 ప‌రుగులిచ్చి ఏడు వికెట్లు ప‌డ‌గొట్టాడు. న‌జీర్ త‌ర్వాత 1996లో రావ‌ల్పిండి వేదిక‌గా న్యూజిలాండ్‌తో జ‌రిగిన టెస్టులో ఫాస్ట్ బౌల‌ర్ మ‌హ‌మ్మ‌ద్ జాహిద్ 20 ఓవ‌ర్లలో 66 పరుగులిచ్చి ఏడు వికెట్లు తీశాడు. టెస్టు అరంగేట్రంలో పాక్ త‌ర‌ఫున అత్యుత్తమ బౌలింగ్ గ‌ణాంకాల రికార్డు ఇప్ప‌టికీ మ‌హ‌మ్మ‌ద్ జాహిద్ పేరిట ఉంది. 2022లో ముల్తాన్ వేదిక‌గా ఇంగ్లండ్‌తో టెస్టులో అబ్రార్ అహ్మ‌ద్ 22 ఓవ‌ర్లు బౌలింగ్ వేసి 114 ప‌రుగులిచ్చి ఏడు వికెట్లు ప‌డ‌గొట్టాడు. తాజాగా వీరి ముగ్గురి స‌ర‌స‌న స‌కిబ్ ఖాన్ చేరాడు.ఓవ‌రాల్‌గా టెస్టుల్లో అరంగేట్రం మ్యాచ్‌లో అత్యుత్త‌మ బౌలింగ్ గ‌ణాంకాల రికార్డు ఆస్ట్రేలియా బౌల‌ర్ ఆల్బ‌ర్ట్ ట్రాట్ పేరిట ఉంది. అడిలైడ్ వేదిక‌గా ఇంగ్లండ్‌తో మ్యాచ్‌లో ట్రాట్ 27 ఓవ‌ర్లు వేసి 43 ప‌రుగులిచ్చి 8 వికెట్లు ప‌డ‌గొట్టాడు. మ‌రో ఆస్ట్రేలియా బౌల‌ర్ బాబ్ మాసీ 27.2 ఓవ‌ర్లు వేసి 53 ప‌రుగులిచ్చి 8 వికెట్లు తీసి రెండో స్థానంలో కొన‌సాగుతున్నాడు. టీమిండియాకు చెందిన న‌రేంద్ర హిర్వాణి 18.3 ఓవ‌ర్ల‌లో 61 ప‌రుగులిచ్చి 8 వికెట్లు తీసి మూడో స్థానంలో ఉండ‌గా, లాన్స్ క్లుసేన‌ర్ (8 వికెట్లు- ద‌క్షిణాఫ్రికా) నాలుగో స్థానంలో కొన‌సాగుతున్నాడు.🚨 HISTORY FOR SAQIB KHAN. 🚨 - Saqib Khan becomes the only Pakistani fast bowler to take 7 wickets on Test debut in this century. 🇵🇰🔥 - I hope, PCB keeps him in Tests only and don't waste him by rushing him in all formats like other youngsters. https://t.co/CxGTSJOi6T— Salman. (@TsMeSalman1_) November 12, 2026ఇదీ చదవండి: NPL 2026: చరిత్ర సృష్టించిన నేపాల్‌ స్టార్‌ క్రికెటర్‌

ఏసీసీ మెన్స్‌ అండర్‌-19 ఆసియా కప్‌-2026 వన్డే టోర్నమెంట్లో భారత జట్టు ఫైనల్లో అడుగుపెట్టింది. అల్‌ ఎమిరెట్‌ వేదికగా గురువారం జరిగిన రెండో సెమీస్‌ మ్యాచ్‌లో అఫ్గానిస్తాన్‌ను ఎనిమిది వికెట్ల తేడాతో చిత్తు చేసింది. తద్వారా వరుసగా రెండోసారి టైటిల్‌ పోరుకు అర్హత సాధించింది.ఈ టోర్నీలో గ్రూప్‌-‘ఎ’ నుంచి తలపడ్డ భారత్‌.. నేపాల్‌, యూఏఈలపై గెలిచింది. కానీ పాకిస్తాన్‌ చేతిలో ఓడిపోయింది. ఇక పాక్‌ మూడింట మూడు మ్యాచ్‌లు గెలిచి.. టాపర్‌గా నిలవగా.. భారత్‌ రెండో స్థానంతో నిలిచింది. ఈ క్రమంలో తొలి సెమీ ఫైనల్లో బంగ్లాదేశ్‌ను ఓడించి పాక్‌ ఫైనల్‌కు చేరుకుంది.227 పరుగులు ఇక రెండో సెమీస్‌లో అఫ్గానిస్తాన్‌తో తలపడ్డ భారత్‌ టాస్‌ ఓడి తొలుత బౌలింగ్‌ చేసింది. ఈ క్రమంలో బ్యాటింగ్‌కు దిగిన అఫ్గాన్‌ నిర్ణీత 50 ఓవర్లలో ఎనిమిది వికెట్ల నష్టానికి 227 పరుగులు చేసింది. ఓపెనర్లు అబీదుల్లా నదార్జన్‌ (14), ఫరీదుల్లా ఇన్హాస్‌ (13) విఫలమైనా.. వన్‌డౌన్‌ బ్యాటర్‌ సుభాన్‌ జఖైల్‌ 31 పరుగులతో ఫర్వాలేదనిపించాడు.ఇషాన్‌ సూద్‌కు మూడు వికెట్లువికెట్‌ కీపర్‌ బ్యాటర్‌ నొమన్‌ సలార్జాయ్‌ (51), షా ఫైసల్‌ రహీమీ (51) అర్ధ శతకాలతో ఆకట్టుకున్నారు. కెప్టెన్‌ సొహైల్‌ 36 పరుగులతో అజేయంగా నిలిచాడు. భారత బౌలర్లలో ఇషాన్‌ సూద్‌ మూడు వికెట్లతో సత్తా చాటగా.. ఆర్యన్‌ సస్వాని రెండు, కావ్యా పటేల్‌, యశ్‌వర్దన్‌ చౌహాన్‌, అర్జున్‌ రాజ్‌పుత్‌ తలా ఒక వికెట్‌ పడగొట్టారు.లక్ష్య 93.. ఆర్యవీర్‌ 51అనంతరం లక్ష్య ఛేదనకు దిగిన భారత్‌కు ఓపెనర్లు కెప్టెన్‌ లక్ష్య రాయ్‌ చందాని, ఆర్యవీర్‌ సెహ్వాగ్‌ అర్ధ శతకాలతో అదిరిపోయే ఆరంభం అందించారు. లక్ష్య 93 పరుగులు చేయగా.. ఆర్యవీర్‌ 51 పరుగులు సాధించారు. వన్‌డౌన్‌ బ్యాటర్‌ వీకే వినీత్‌ అజేయ అర్ధ శతకం (57)తో మెరవగా.. యశ్‌వర్దన్‌ చౌహాన్‌ (16 నాటౌట్‌) అతడికి సహకరించాడు.ఈ క్రమంలో 36.5 ఓవర్లలో కేవలం రెండు వికెట్లు నష్టపోయి భారత్‌ 230 పరుగులు సాధించింది. తద్వారా ఎనిమిది వికెట్ల తేడాతో గెలిచి ఫైనల్లో అడుగుపెట్టింది. గత ఎడిషన్‌లో ఫైనల్లో పాక్‌తో తలపడ్డ భారత యువ జట్టు ఓటమిపాలైంది. అందుకు ఈసారి బదులు తీర్చుకోవాలని పట్టుదలగా ఉంది.ఇదీ చదవండి: Asia Cup: ఫైనల్‌కు దూసుకెళ్లిన పాకిస్తాన్‌

నేపాల్ స్టార్ లెగ్ స్పిన్న‌ర్ సందీప్ ల‌మిచానే నేపాల్ ప్రీమియ‌ర్ లీగ్ (ఎన్‌పీఎల్‌)లో హ్యాట్రిక్‌తో మెరిశాడు. ఈ సీజ‌న్‌లో సందీప్ లమిచానే బిరాట్‌నగర్ కింగ్స్ జ‌ట్టుకు కెప్టెన్‌గా ప్రాతినిధ్యం వ‌హిస్తున్నాడు. గురువారం కీర్తిపూర్‌లోని టీయూ ఇంటర్నేష‌న‌ల్ మైదానంలో పొఖారా అవెంజర్స్ జట్టుతో జ‌రిగిన మ్యాచ్‌లో సందీప్ ఈ ఫీట్‌ను సాధించాడు. ఇన్నింగ్స్ 15వ ఓవర్‌లో మూడు, నాలుగు, ఐదు బంతుల్లో మూడు వరుస వికెట్లు ప‌డ‌గొట్టి హ్యాట్రిక్ పూర్తి చేశాడు. ఓవ‌రాల్‌గా మ్యాచ్‌లో నాలుగు ఓవ‌ర్లు వేసి 27 ప‌రుగులిచ్చి 6 వికెట్లు ప‌డ‌గొట్టి నేపాల్ ప్రీమియ‌ర్ లీగ్ త‌న బెస్ట్ గ‌ణాంకాల‌ను న‌మోదు చేశాడు. తొలి స్పెల్‌లో అర్జున్ ఘాత్రి, స‌న్నీ బీకే, ర‌మేశ్ మెండిస్‌ల‌ను ఔట్ చేసిన సందీప్ మ‌రుస‌టి స్పెల్‌లో బౌలింగ్‌కు వ‌చ్చి యువ‌రాజ్ స‌మ్రాను వెన‌క్కి పంపాడు. ఆ త‌ర్వాత వ‌రుస బంతుల్లో చ‌మికా క‌రుణ‌ర‌త్నే, కిర‌ణ్ త‌గున్నాల‌ను గోల్డెన్ డ‌కౌట్లుగా పెవిలియ‌న్ చేర్చి సందీప్‌ హ్యాట్రిక్‌ను పూర్తి చేశాడు. ఎన్‌పీఎల్‌ చరిత్రలో హ్యాట్రిక్ సాధించిన నాలుగో బౌలర్‌గా (ప్రతీష్ జీసీ, షాహాబ్ ఆలం, రోహిత్ పౌడెల్ తర్వాత) రికార్డు సృష్టించాడు.ఈ నేప‌థ్యంలో టీ20 క్రికెట్‌లో త‌న బెస్ట్ ఎవ‌ర్ బౌలింగ్ ఫిగ‌ర్స్‌ను కూడా న‌మోదు చేశాడు. 2022 ఆగ‌స్టులో కెన్యాతో మ్యాచ్‌లో సందీప్ ల‌మిచానే (5-9) త‌న రికార్డును స‌వ‌రించాడు. ఇప్ప‌టికే సందీప్ ల‌మిచానే టీ20 క్రికెట్‌లో గ్రేటెస్ట్ స్పిన్న‌ర్స్ ఆఫ్ ఆల్‌టైమ్‌లో ఒక‌డిగా ఉన్నాడు. అంతర్జాతీయ టీ20 క్రికెట్‌లో సందీప్ ల‌మిచానే ఇప్ప‌టివ‌ర‌కు 80 మ్యాచ్‌ల్లో 142 వికెట్లు తీశాడు. ఇటీవ‌లే టీ20ఐల్లో 200 వికెట్లు పూర్తి చేసుకున్న ర‌షీద్ ఖాన్ కంటే కూడా ల‌మిచానే బౌలింగ్ స‌గ‌టు త‌క్కువ‌గా ఉండ‌డం విశేషం. అంతేకాదు టీ20 క్రికెట్‌లో అత్యంత వేగంగా వంద వికెట్ల మార్క్ పూర్తి చేసిన రెండో బౌల‌ర్‌గా ల‌మిచానే నిలిచాడు. లమిచానే ఈ ఫీట్‌ణు 54 మ్యాచ్‌ల్లో పూర్తి చేశాడు. ఓవ‌రాల్‌గా టీ20 క్రికెట్‌లో సందీప్ ల‌మిచానే ఇప్ప‌టివ‌ర‌కు 182 మ్యాచ్‌ల్లో 262 వికెట్లు ప‌డ‌గొట్టాడు.మ్యాచ్ విష‌యానికొస్తే బిరాట్‌న‌గ‌ర్ కింగ్స్ 4 వికెట్ల తేడాతో పోఖారా అవెంజ‌ర్స్‌పై విజయాన్ని అందుకుంది. తొలుత బ్యాటింగ్‌ చేసిన పొఖారా అవెంజ‌ర్స్ 17.5 ఓవ‌ర్ల‌లో 132 ప‌రుగుల‌కు ఆలౌటైంది. యువ‌రాజ్ స‌మ్రా (84) అర్థ‌సెంచ‌రీతో రాణించాడు. సందీప్ ల‌మిచానే ఆరు వికెట్లు తీయ‌గా, ఏంజెలో మాథ్యూస్‌, చ‌రిత్ అస‌లంక‌, రూపేశ్ సింగ్‌లు త‌లా ఒక వికెట్ తీశారు. అనంత‌రం బ్యాటింగ్ చేసిన బిరాట్‌న‌గ‌ర్ కింగ్స్ 19.2 ఓవ‌ర్ల‌లో 6 వికెట్లు కోల్పోయి 136 ప‌రుగులు చేసి గెలుపొందింది. బ‌సీర్ అహ‌మ‌ద్ (37), లోకేశ్ బామ్ (33) రాణించ‌గా, ఆఖ‌ర్లో ఇసురు ఉడాన (25 నాటౌట్‌) కీల‌క ఇన్నింగ్స్‌తో జ‌ట్టును గెలిపించాడు.ఇదీ చదవండి: సెహ్వాగ్ కొడుకు విధ్వంసం.. వణకిపోయిన బౌలర్లు

అండర్‌-19 ఆసియాకప్‌లో వీరేంద్ర సెహ్వాగ్ తనయుడు, భారత ఓపెనర్‌ ఆర్యవీర్‌ సెహ్వాగ్ తన సూపర్‌ ఫామ్‌ను కొనసాగిస్తున్నాడు. ఈ టోర్నీలో భాగంగా అల్ అమెరాత్ క్రికెట్ గ్రౌండ్ వేదికగా అఫ్గానిస్తాన్‌తో జరుగుతున్న సెమీఫైనల్‌-2లో ఆర్యవీర్‌ అద్భుతమైన హాఫ్‌ సెంచరీతో చెలరేగాడు. 228 పరుగుల లక్ష్య చేధనలో కాస్త ఆచితూచి ఆడిన ఆర్యవీర్‌.. క్రీజులో నిలదొక్కున్నాక తనదైన శైలిలో ప్రత్యర్ధి బౌలర్లపై విరుచుకుపడ్డాడు. ఈ జూనియర్‌ సెహ్వాగ్ 57 బంతుల్లో 4 ఫోర్లు, 4 సిక్స్‌లతో 51 పరుగులు చేసి ఔటయ్యాడు. అంతకుముందు యూఏఈతో జరిగిన లీగ్‌ మ్యాచ్‌లో ఆర్యవీర్‌(160) భారీ సెంచరీతో కదం తొక్కిన సంగతి తెలిసిందే.ఇక సెమీస్‌ విషయానికి వస్తే.. తొలుత బ్యాటింగ్‌ చేసిన అఫ్గానిస్తాన్‌ నిర్ణీత 50 ఓవర్లలో 8 వికెట్ల నష్టానికి 227 పరుగులకే పరిమితమైంది. అఫ్గాన్‌ బ్యాటర్లలో నొమన్‌ సలార్జాయ్‌ (51), షా ఫైసల్‌ (51) అర్ద సెంచరీలతో రాణించారు. భారత బౌలర్లలో ఇషాన్‌ సూద్‌ 3, ఆర్యన్‌ సవ్సని 2, కావ్య పటేల్‌, యశ్‌వర్దన్‌ చౌహాన్‌, అర్జున్‌ రాజ్‌పుత్‌ తలో వికెట్‌ తీశారు. స్వల్ప లక్ష్యంతో బరిలోకి దిగిన భారత జట్టు దూకుడుగా ఆడుతోంది. టీమిండియా 23 ఓవర్లకే కేవలం వికెట్‌ నష్టానికి 148 పరుగులు చేసింది.చదవండి: జట్టు ప్రకటన.. ఇషాన్‌ కిషన్‌కు నో ఛాన్స్‌! కెప్టెన్‌గా అతడే

ఏసీసీ మెన్స్‌ అండర్‌-19 ఆసియా కప్‌-2026 వన్డే టోర్నమెంట్లో డిఫెండింగ్‌ చాంపియన్‌ పాకిస్తాన్‌ మరోసారి ఫైనల్‌కు దూసుకు వెళ్లింది. అల్‌ ఎమిరెట్‌లో బంగ్లాదేశ్‌తో జరిగిన తొలి సెమీస్‌ మ్యాచ్‌లో ఘన విజయం సాధించి.. వరుసగా మూడోసారి టైటిల్‌ పోరుకు అర్హత సాధించింది.గురువారం నాటి మ్యాచ్‌లో టాస్‌ గెలిచిన బంగ్లాదేశ్‌ తొలుత బ్యాటింగ్‌కు దిగింది. పాకిస్తాన్‌ బౌలర్ల విజృంభణ కారణంగా 31.4 ఓవర్లలో కేవలం 138 పరుగులు మాత్రమే చేసి ఆలౌట్‌ అయింది. ఓపెనర్‌ అబ్దుల్లా అల్‌ మూహి హాఫ్‌ సెంచరీ (45 బంతుల్లో 50) చేయగా.. మిగతా వారి నుంచి అతడికి పెద్దగా సహకారం అందలేదు.టాపార్డర్‌లో మరో ఓపెనర్‌ ఎస్‌కే జారిఫ్‌ సియామ్‌ (1) పూర్తిగా విఫలం కాగా.. వన్‌డౌన్‌లో వచ్చిన కవ్సర్‌ అహ్మద్‌ (9) కూడా నిరాశపరిచాడు. కెప్టెన్‌, వికెట్‌ కీపర్‌ బ్యాటర్‌ ఎండీ ఫరీద్‌ హసన్‌ ఫైసల్‌ 17 పరుగులు చేయగా.. అల్‌ రఫీ 20, రకీబుల్‌ హొసన్‌ 26 పరుగులతో ఫర్వాలేదనిపించారు. మిగిలిన వాళ్లంతా సింగిల్‌ డిజిట్‌ స్కోర్లకే పెవిలియన్‌ చేరారు.పాక్‌ బౌలర్లలో రిజ్వానుల్లా ఐదు వికెట్లతో చెలరేగి బంగ్లాదేశ్‌ బ్యాటింగ్‌ ఆర్డర్‌ పతనాన్ని శాసించాడు. మిగిలిన వాళ్లలో మహ్మద్‌ సయ్యాం రెండు వికెట్లు పడగొట్టగా.. అలీ రెజా, హస్నైన్‌ అబ్బాస్‌ దర్‌, అహ్మద్‌ హుసేన్‌ తలా ఒక వికెట్‌ తమ ఖాతాలో వేసుకున్నారు.ఇక నామమాత్రపు లక్ష్యంతో బరిలోకి దిగిన పాకిస్తాన్‌ ఆడుతూ పాడుతూ లక్ష్యాన్ని ఛేదించింది. కేవలం 21.5 ఓవర్లలోనే వికెట్‌ నష్టానికి 141 పరుగులు చేసి.. తొమ్మిది వికెట్ల తేడాతో జయభేరి మోగించింది. ఓపెనర్లు ఉస్మాన్‌ ఖాన్‌ (54 బంతుల్లో 64 నాటౌట్‌), హయామ్‌ ఖాన్‌ (69) అర్ధ శతకాలతో సత్తా చాటారు. వన్‌డౌన్‌ బ్యాటర్‌ అబ్దుల్‌ ఖాదిర్‌ 8 పరుగులతో అజేయంగా నిలిచి.. ఉస్మాన్‌తో కలిసి జట్టును విజయతీరాలకు చేర్చాడు.

సయ్యద్ ముస్తాక్ అలీ ట్రోఫీ 2026 సీజన్ కోసం జార్ఖండ్ క్రికెట్ అసోసియేషన్ 15 మంది సభ్యులతో కూడిన తమ జట్టును ప్రకటించింది. ఈ ఏడాది సీజన్‌కు కెప్టెన్‌ ఇషాన్‌ కిషన్‌తో పాటు స్టార్‌ వికెట్‌ కీపర్‌ బ్యాటర్‌ కుమార్‌ కుశాగ్ర దూరమయ్యారు. ఇషాన్ కిషన్ ప్రస్తుతం న్యూజిలాండ్ పర్యటనలో భారత జాతీయ జట్టు తరపున ఆడుతుండగా, కుమార్ కుశాగ్ర ఈ నెలలో జరగనున్న 'ఆసియా కప్ రైజింగ్ స్టార్స్ 2026' టోర్నీకి ఎంపికయ్యాడు. దీంతో జార్ఖండ్ కెప్టెన్‌గా కోల్‌కతా నైట్ రైడర్స్ ఆల్‌రౌండర్ అనుకుల్ రాయ్‌ను సెలక్టర్లు అప్పగించారు. అనుకుల్‌ ప్రస్తుతం అద్భుతమైన ఫామ్‌లో ఉన్నాడు. రంజీ ట్రోఫీతో పాటు ఆస్ట్రేలియా-ఏ జట్టుపై బ్యాట్, బంతితో అతడు రాణించాడు. ఈ పేపథ్యంలోనే అతడికి జట్టు పగ్గాలను సెలక్టర్లు అప్పగించారు.ఈ దేశవాళీ టీ20 టోర్నీలో అనుకుల్‌ రాయ్‌కు డిప్యూటీగా యువ ఆటగాడు శిఖర్ మోహన్‌ వ్యవహరించనున్నాడు. 21 ఏళ్ల శిఖర్‌ మోహన్‌ రంజీ ట్రోఫీ 2026-27 సీజన్‌ ఫస్ట్‌ హాప్‌లో వరుసగా రెండు సెంచరీలతో ఆకట్టుకున్నాడు. అదేవిధంగా జార్ఖండ్ టీ20 లీగ్‌లో సత్తాచాటిన ఆఫ్ స్పిన్నర్ హర్ష్ రాజ్‌కు కూడా ఈ జట్టులో సెలెక్టర్లు అవకాశం కల్పించారు. హర్ష్‌ రాజ్‌ 8 మ్యాచ్‌లలో 11 వికెట్లు పడగొట్టి సత్తా చాటాడు.సయ్యద్‌ ముస్తాక్‌ అలీ ట్రోఫీ కోసం జార్ఖండ్ జట్టు: అనుకుల్ రాయ్ (కెప్టెన్‌), విరాట్ సింగ్, శిఖర్ మోహన్ (వైస్‌ కెప్టెన్‌), ఉత్కర్ష్ సింగ్, రాబిన్ మింజ్, రాజన్‌దీప్ సింగ్, పంకజ్ కుమార్, మహ్మద్‌ కౌనైన్ ఖురైషి, శుభ్ శర్మ, అమిత్ కుమార్, ప్రతీక్ రంజన్, ప్రత్యూష్ కుమార్, సుశాంత్ మిశ్రా, హర్ష్ రాజ్, సౌరభ్ శేఖర్

న్యూజిలాండ్‌తో జరుగుతున్న వన్డే సిరీస్‌లో టీమిండియా కీలక మార్పులకు సిద్ధమవుతోంది. ఇప్పటికే టెస్టు సిరీస్ సన్నాహకాల్లో భాగంగా కెప్టెన్ శుబ్‌మన్ గిల్, వికెట్ కీపర్ బ్యాటర్ కేఎల్ రాహుల్ చివరి రెండు వన్డేలకు దూరమైన సంగతి తెలిసిందే. తాజాగా ఈ జాబితాలోకి యువ ఫాస్ట్ బౌలర్ గుర్నూర్ బ్రార్ కూడా చేరనున్నట్లు తెలుస్తోంది.నాలుగో వన్డేకు గుర్నూర్ అందుబాటులో ఉన్నప్పటికీ, సిరీస్‌లోని ఆఖరి మ్యాచ్‌కు అతడికి విశ్రాంతి ఇవ్వాలని టీమ్ మేనేజ్‌మెంట్ భావిస్తోంది. కివీస్‌తో జరగనున్న రెండు మ్యాచ్‌ల టెస్టు సిరీస్‌కు ప్రకటించిన 15 మంది సభ్యుల ప్రధాన జట్టులో అతడికి చోటు దక్కలేదు. అయినప్పటికీ టెస్టు బృందంతో కలిసి నెట్స్‌లో ప్రాక్టీస్ చేసేందుకు బ్రార్‌ను వన్డే జట్టు నుంచి విడుదల చేయాలని నిర్ణయించినట్లు సమాచారం.గంభీర్ ప్రత్యేక వ్యూహంన్యూజిలాండ్ టెస్టు జట్టులో ఎత్తైన ఫాస్ట్ బౌలర్లు ఉండటంతో వారి బౌన్స్, పేస్‌ను ఎదుర్కొనేందుకు భారత బ్యాటర్లకు ప్రత్యేక ప్రాక్టీస్ అవసరమని హెడ్‌కోచ్ గౌతమ్ గంభీర్ భావిస్తున్నాడు. 6 అడుగుల 5 అంగుళాల ఎత్తు ఉండే గుర్నూర్ బ్రార్ బౌలింగ్ శైలి కూడా కివీస్ పేసర్లను పోలి ఉంటుంది. ఈ నేపథ్యంలోనే భారత బ్యాటర్లకు మెరుగైన ప్రాక్టీస్‌ కల్పించేందుకు అతడిని వెల్లింగ్టన్‌లో ఉన్న టెస్టు జట్టుతో కలపాలని మేనేజ్‌మెంట్ యోచిస్తోంది.కాగా 26 ఏళ్ల పంజాబ్ పేసర్ గుర్నూర్ బ్రార్, ఈ ఏడాది జూన్‌లో ధర్మశాల వేదికగా అఫ్గానిస్థాన్‌తో జరిగిన ఏకైక టెస్టు మ్యాచ్ ద్వారా అంతర్జాతీయ క్రికెట్‌లోకి అరంగేట్రం చేశాడు. ఆడిన తొలి మ్యాచ్ నుంచే తన అద్భుత ప్రదర్శనతో అందరినీ ఆకట్టుకున్నాడు. ప్రస్తుతం వన్డే జట్టులో స్టార్ పేసర్ జస్ప్రీత్ బుమ్రా లేని లోటును తీరుస్తున్న బ్రార్‌.. భవిష్యత్తులో పరిమిత ఓవర్ల జట్టులోనూ రెగ్యులర్ సభ్యుడిగా మారే అవకాశాలు మెండుగా ఉన్నాయి. ఇక భారత్-న్యూజిలాండ్ జట్ల మధ్య నాలుగో వన్డే శుక్రవారం మౌంట్ మౌంగనుయి వేదికగా జరగనుంది.

ఏసీసీ మెన్స్‌ అండర్‌ 19 ఆసియా కప్‌లో భాగంగా ఇవాళ జరుగుతున్న రెండో సెమీఫైనల్లో భారత్‌, ఆఫ్ఘనిస్తాన్‌ తలపడుతున్నాయి. ఈ మ్యాచ్‌లో ఆఫ్ఘనిస్తాన్‌ టాస్‌ గెలిచి తొలుత బ్యాటింగ్‌ ఎంచుకుంది. భారత బౌలర్లు సమిష్టిగా రాణించడంతో ఆఫ్ఘనిస్తాన్‌ నిర్ణీత 50 ఓవర్లలో 8 వికెట్ల నష్టానికి 227 పరుగులకే పరిమితమైంది.ఇషాన్‌ సూద్‌ 3, ఆర్యన్‌ సవ్సని 2, కావ్య పటేల్‌, యశ్‌వర్దన్‌ చౌహాన్‌, అర్జున్‌ రాజ్‌పుత్‌ తలో వికెట్‌ తీశారు. ఆఫ్ఘన్‌ ఆటగాళ్లలో నొమన్‌ సలార్జాయ్‌ (51), షా ఫైసల్‌ (51) అర్ద సెంచరీలతో రాణించగా.. ఆఖర్లో కెప్టెన్‌ సొహైల్‌ ఖాన్‌ (36 నాటౌట్‌) విలువైన ఇన్నింగ్స్‌ ఆడాడు. మిగతా ప్లేయర్లలో సుభాన్‌ 31 పరుగులతో పర్వాలేదనిపించగా.. అబీదుల్లా 14, ఫరీదుల్లా 13, తాహిర్‌ 1, మొహమ్మద్‌ అలీ 8, నూర్‌ అలీ 8 (నాటౌట్‌) పరుగులు చేశారు. భారత్‌ 228 పరుగుల టార్గెట్‌ను ఛేదించాల్సి ఉంది. ఇదీ చదవండి: సెమీ ఫైనల్లో చెలరేగిన పాక్‌ బౌలర్లు.. బంగ్లా 138 ఆలౌట్‌

ఏసీసీ మెన్స్‌ అండర్‌-19 ఆసియా కప్‌-2026 సెమీ ఫైనల్లో పాకిస్తాన్‌ బౌలర్లు ఆకాశమే హద్దుగా చెలరేగారు. బంగ్లాదేశ్‌ను 138 పరుగులకే ఆలౌట్‌ చేశారు. కాగా అల్‌ ఎమిరెట్‌ వేదికగా ఈ వన్డే టోర్నీలో గురువారం నాటి తొలి సెమీ ఫైనల్లో భాగంగా పాక్‌- బంగ్లాదేశ్‌ బరిలోకి దిగాయి.టాస్‌ గెలిచిన బంగ్లాదేశ్‌ తొలుత బ్యాటింగ్‌ ఎంచుకుంది. ఓపెనర్‌ అబ్దుల్లా అల్‌ మూహి అర్ధ శతకం (50)తో ఆకట్టుకోగా.. మిగిలిన వారిలో అల్‌ రఫీ (20), రకీబుల్‌ హసన్‌ (26) మాత్రమే కాస్త చెప్పుకోదగ్గ స్కోర్లు చేశారు. పాక్‌ బౌలర్ల ధాటికి మిగిలిన వారంతా ఇలా వచ్చి అలా పెవిలియన్‌కు తిరిగి వెళ్లిపోయారు. దీంతో కేవలం 31.4 ఓవర్లలో కేవలం 138 పరుగులు మాత్రమే చేసి బంగ్లాదేశ్‌ ఆలౌట్‌ అయింది.పాక్‌ యువ పేసర్‌ రిజ్వానుల్లా ఐదు వికెట్లతో చెలరేగి బంగ్లాదేశ్‌ బ్యాటింగ్‌ ఆర్డర్‌ను కుదేలు చేశాడు. మిగితా వారిలో మహ్మద్‌ సయ్యాం రెండు వికెట్లు తీయగా.. అలీ రెజా, హస్నైన్‌ అబ్బాస్‌ దర్‌, అహ్మద్‌ హుసేన్‌ తలా ఒక వికెట్‌ దక్కించుకున్నారు. కాగా గ్రూప్‌ దశలో ‘ఎ’ విభాగం నుంచి పోటీపడిన పాకిస్తాన్‌.. యూఏఈ, భారత్‌, నేపాల్‌ జట్లను ఓడించింది. తద్వారా మూడింట మూడు మ్యాచ్‌లు గెలిచి టాపర్‌గా నిలిచి సెమీ ఫైనల్లో అడుగుపెట్టింది.ఇక ఇదే గ్రూపు నుంచి సెమీస్‌కు అర్హత సాధించిన భారత్‌.. అఫ్గానిస్తాన్‌తో అమీతుమీ తేల్చుకుంటుంది. యూఏఈ, నేపాల్‌తో పాటు.. శ్రీలంక, మలేషియా ఇప్పటికే టోర్నీ నుంచి నిష్క్రమించాయి.ఇదీ చదవండి: IND vs NZ: నాలుగో వన్డేకు భారత తుదిజట్టు ఇదే!.. ఓపెనర్లుగా వీరే

న్యూజిలాండ్ యువ బ్యాటర్ బెవాన్ జాకబ్స్ మరోసారి వార్తల్లో నిలిచాడు. ఇటీవల భారత్‌తో జరిగిన టీ20 సిరీస్‌లో తన బ్యాటింగ్‌తో ఆకట్టుకున్న జాకబ్స్‌.. తాజాగా దేశవాళీ క్రికెట్‌లో సంచలనం సృష్టించాడు. ఫోర్డ్ ట్రోఫీలో భాగంగా ఆక్లాండ్ తరఫున ఆడుతూ డబుల్ సెంచరీతో చెలరేగాడు. అంతేకాదు, లిస్ట్-ఏ క్రికెట్‌లో ఒక ఇన్నింగ్స్‌లో అత్యధిక సిక్సర్లు బాదిన ఆటగాళ్ల జాబితాలో రెండో స్థానానికి చేరుకున్నాడు.నవంబర్ 12న ఆక్లాండ్‌లోని ఈడెన్ పార్క్ ఔటర్ ఓవల్ వేదికగా ఒటాగోతో జరిగిన మ్యాచ్‌లో జాకబ్స్ ఈ ఘనత సాధించాడు. నాలుగో స్థానంలో బ్యాటింగ్‌కు వచ్చి ప్రత్యర్థి బౌలర్లపై విరుచుకుపడ్డాడు. కేవలం 137 బంతుల్లోనే అజేయంగా 202 పరుగులు చేశాడు. అతడి ఇన్నింగ్స్‌లో 21 సిక్సర్లు, 7 ఫోర్లు ఉన్నాయి. లిస్ట్-ఏ క్రికెట్‌లో జాకబ్స్‌కు ఇదే తొలి సెంచరీ, తొలి డబుల్ సెంచరీ కావడం విశేషం.లిస్ట్-ఏ క్రికెట్‌లో ఒక ఇన్నింగ్స్‌లో అత్యధిక సిక్సర్లు కొట్టిన బ్యాటర్లులిస్ట్‌-ఏ క్రికెట్‌లో ఒక ఇన్నింగ్స్‌లో అత్యధిక సిక్సర్లు బాదిన క్రికెటర్ల జాబితాలో జాకబ్స్ రెండో స్థానంలో నిలిచాడు. ఈ జాబితాలో డార్సీ షార్ట్ టాప్‌ ప్లేస్‌లో ఉన్నాడు. - 23 సిక్సర్లు - డార్సీ షార్ట్ (క్వీన్స్‌లాండ్‌పై, 2018)- 21 సిక్సర్లు - బెవాన్ జాకబ్స్ (ఒటాగోపై, 2026)- 17 సిక్సర్లు - గెర్రీ స్నైమన్ (యూఏఈపై, 2007)- 17 సిక్సర్లు - ఇయాన్ మోర్గాన్ (ఆఫ్ఘనిస్థాన్‌పై, 2019)మ్యాచ్‌ విషయానికొస్తే.. జాకబ్స్‌ విధ్వంసం సృష్టించడంతో తొలుత బ్యాటింగ్‌ చేసిన ఆక్లాండ్‌ 334 పరుగుల భారీ స్కోర్‌ చేసింది. అయితే ఆక్లాండ​్‌ నిర్దేశించిన లక్ష్యాన్ని ఒటాగో మరో 5 బంతులు మిగిలుండగానే ఛేదించడం విశేషం.ఇదీ చదవండి: IPL 2027: కెప్టెన్సీ నుంచి తప్పుకోనున్న అక్షర్..?

జేమ్స్‌ ఆండర్సన్‌.. క్రికెట్‌ ప్రేమికులకు ఈ పేరు సుపరిచితమే. ఇంగ్లండ్‌ తరఫున మాత్రమే కాకుండా ప్రపంచవ్యాప్తంగా టెస్టుల్లో అత్యుత్తమ ఫాస్ట్‌ బౌలర్‌గా పేరొందిన ఘనుడు. తన అంతర్జాతీయ కెరీర్‌లో 188 టెస్టులు ఆడిన ఆండర్సన్‌ ఏకంగా 704 వికెట్లు కూల్చాడు. తద్వారా టెస్టుల్లో అత్యధిక వికెట్ల పేసర్‌గా కొనసాగుతున్నాడు.సచిన్‌ను కాదని..తాజాగా ఓ ఇంటర్వ్యూకు హాజరైన జేమ్స్‌ ఆండర్సన్‌ వివిధ దేశాల నుంచి తన అభిమానల క్రికెటర్ల పేర్లను ఎంచుకున్నాడు. అయితే, భారత్‌ నుంచి టీమిండియా దిగ్గజం సచిన్‌ టెండుల్కర్‌ను కాకుండా.. మరో లెజెండ్‌ను ఆండర్సన్‌ ఎంచుకోవడం విశేషం. అతడు మరెవరో కాదు.. వన్డే రారాజు విరాట్‌ కోహ్లి.జాబితాలో బాబర్‌ ఆజం కూడాఇక ఆస్ట్రేలియా నుంచి షేన్‌ వార్న్‌, ఇంగ్లండ్‌ నుంచి జో రూట్‌, పాకిస్తాన్‌ నుంచి బాబర్‌ ఆజం, న్యూజిలాండ్‌ నుంచి టిమ్‌ సౌతీ, సౌతాఫ్రికా నుంచి ఏబీ డివిలియర్స్‌, శ్రీలంక నుంచి సనత్‌ జయసూర్య తన ఫేవరెట్‌ క్రికెటర్లు అని జేమ్స్‌ ఆండర్సన్‌ గతంలో టీఎన్‌టీ స్పోర్ట్స్‌ వీడియోలో పేర్కొన్నాడు. ఇపుడు ఈ వీడియో మరోసారి తెరమీదకు రాగా వైరల్‌గా మారింది.టెండుల్కర్‌ వర్సెస్‌ కోహ్లి: ఇద్దరిలో ఆండర్సన్‌ను ఇబ్బందిపెట్టింది ఎవరు?సచిన్‌ను కాదని ఆండర్సన్‌ కోహ్లిని ఎంచుకోవడం క్రికెట్‌ వర్గాల్లో చర్చనీయాంశమైంది. అయితే, టెస్టుల్లో సచిన్‌ను ఆండర్సన్‌ తొమ్మిదిసార్లు అవుట్‌ చేయగా.. ఆండర్సన్‌ బౌలింగ్‌లో టెస్టుల్లో కేవలం ఏడుసార్లే అవుటయ్యాడు.ఇక ఆండర్సన్‌తో సచిన్‌ 23 ఇన్నింగ్స్‌లో ముఖాముఖి తలపడి.. 350 బంతులు ఎదుర్కొని 208 పరుగులు చేశాడు. మరోవైపు కోహ్లి 36 ఇన్నింగ్స్‌లో ఆండర్సన్‌ బౌలింగ్‌లో 710 బంతులు ఎదుర్కొని 305 పరుగులు సాధించాడు. ఇదీ చదవండి: IND vs NZ: నాలుగో వన్డేకు భారత తుదిజట్టు ఇదే!.. ఓపెనర్లుగా వీరేJames Anderson picks Virat Kohli as the favourite Indian Cricketer 🐐 [TNT Sports] https://t.co/jJfDHqncrF— Johns. (@CricCrazyJohns) November 12, 2026

ఆస్ట్రేలియా క్రికెట్‌ జట్టు కెప్టెన్‌ ప్యాట్‌ కమిన్స్‌కు సంబంధించిన ఓ వీడియో వైరల్‌గా మారింది. ఇందులో కమిన్స్‌, అతడి భార్య రెబెక జేన్‌ కమిన్స్‌ తీవ్రస్థాయిలో గొడవపడినట్లుగా ఉంది. కాగా ఆసీస్‌ మాజీ క్రికెటర్‌ ఉస్మాన్‌ ఖవాజా పుస్తకం ‘సబర్‌’ కంగారూ క్రికెట్‌లో ప్రకంపనలు సృష్టిస్తున్న సంగతి తెలిసిందే.బాంబు పేల్చిన ఖవాజాసౌతాఫ్రికాతో కేప్‌టౌన్‌ టెస్టు సందర్భంగా జరిగిన ‘సాండ్‌పేపర్‌గేట్‌’ వివాదాన్ని ఖవాజా తన పుస్తకంలో ప్రస్తావించాడు. సాండ్‌పేపర్‌ వాడటం గురించి ప్రస్తుత కెప్టెన్‌ కమిన్స్‌ సహా జట్టులో అందరికీ తెలుసునని.. అయినా కొందరు బలిపశువులు అయ్యారని అతడు పేర్కొన్నాడు. అంతేకాదు అంతకుముందు టెస్టులో కూడా తాము సాండ్‌పేపర్‌తో బంతి ఆకారాన్ని మార్చేందుకు ప్రయత్నించామని బాంబు పేల్చాడు.కమిన్స్‌తో గొడవపడిన భార్యఈ నేపథ్యంలో కమిన్స్‌- అతడి భార్య బహిరంగంగా గొడవపడినట్లుగా ఉన్న దృశ్యాలు వైరల్‌ అయ్యాయి. ఖవాజా చేసిన ఆరోపణల గురించే వారి మధ్య తీవ్రస్థాయిలో చర్చ జరిగిందనే వార్తలు వినిపించాయి. ఈ క్రమంలో కమిన్స్‌ ‘ఎక్స్‌’ వేదికగా ఓ పోస్టు పెట్టాడు. ‘‘నేను సెంట్రల్‌ క్రికెట్‌లో ప్రాక్టీస్‌ చేస్తున్నా.కచ్చితంగా మాట్లాడతానుషీల్డ్‌ మ్యాచ్‌కు ముందు బ్లూస్‌ కోసం ప్రాక్టీస్‌లో ఉన్నా. ఈ వారంలో నేను మీడియాతో మాట్లాడతాను. అన్ని విషయాల గురించి చెప్తాను. ఉజ్జీ (ఉస్మాన్‌ ఖవాజా) చేసిన అన్ని ఆరోపణల గురించి, అతడి ఆరోపణల జాబితా గురించి పూర్తిగా అర్థం చేసుకోవడానికి నాకు కొంతసమయం పడుతుంది. ఆ తర్వాత కచ్చితంగా నేను క్రికెట్‌ ఆస్ట్రేలియాతో మాట్లాడి తప్పక మీ ముందుకు వస్తాను’’ అని కమిన్స్‌ పేర్కొన్నాడు.మరోవైపు.. తామిద్దరం గొడవపడి విడిపోయే స్థాయికి చేరుకున్నామంటూ వచ్చిన వదంతులపైన రెబెక కమిన్స్‌ కూడా స్పందించింది. భర్త కమిన్స్‌, కూతురుతో ఉన్న ఫొటోను ఇన్‌స్టా స్టోరీలో షేర్‌ చేస్తూ.. ‘‘మై లవ్స్‌’’ అని క్యాప్షన్‌ ఇచ్చింది. ఇదే స్టోరీని కమిన్స్‌ కూడా రీషేర్‌ చేశాడు. తద్వారా తమ మధ్య ప్రేమ అలాగే ఉందంటూ గాసిప్‌రాయుళ్ల కథనాలకు చెక్‌ పెట్టారు. ఇదీ చదవండి: IND vs NZ: నాలుగో వన్డేకు భారత తుదిజట్టు ఇదే!.. ఓపెనర్లుగా వీరే Sandpaper Crisis! Pat Cummins and his wife Becky look so animated. Something is not good in between them. #patcummins #CricketNews https://t.co/naj4yPz179— Nadir Emaan (@NadirEmaanz) November 12, 2026

రావల్పిండి వేదికగా పాకిస్తాన్‌తో జరుగుతున్న తొలి టెస్ట్‌లో శ్రీలంక 12 పరుగుల స్వల్ప ఆధిక్యం​ సాధించింది. ధనంజయ డిసిల్వ (167), కెప్టెన్‌ కుసాల్‌ మెండిస్‌ (119) సెంచరీలతో కదంతొక్కడంతో ఆ జట్టు తొలి ఇన్నింగ్స్‌లో 446 పరుగులకు ఆలౌటైంది. పాక్‌ బౌలర్లలో సాకిబ్‌ ఖాన్‌ 7 వికెట్లతో చెలరేగగా.. మహమ్మద్‌ అబ్బాస్‌ 2, రజావుల్లా ఓ వికెట్‌ పడగొట్టారు. మిగతా లంక బ్యాటర్లలో లహీరు ఉదార 42, కమిందు మెండిస్‌ 58, చండీమల్‌ 1, సూరియబండార డకౌట్‌, సోనల్‌ దినుషా 20, మిలన్‌ రత్నాయకే 12, లహీరు కుమార డకౌట్‌, అసిత ఫెర్నాండో 4 పరుగులు చేయగా.. మధుషంక (0) నాటౌట్‌గా నిలిచాడు.అంతకుముందు పాక్‌ తొలి ఇన్నింగ్స్‌ను 434-9 స్కోర్‌ వద్ద డిక్లేర్‌ చేసింది. తయ్యబ్‌ ఆరిఫ్‌ (57), మొహమ్మద్‌ తాహా (51), కెప్టెన్‌ బాబర్‌ ఆజం (50), అరాఫత్‌ మిన్హాస్‌ (52) అర్ద సెంచరీలతో రాణించారు. సౌద్‌ షకీల్‌ (93) ఏడు పరుగుల తేడాతో సెంచరీ చేసే అవకాశాన్ని కోల్పోయాడు.వికెట్‌ కీపర్‌ ఘాజీ ఘోరీ (48) అర్ద సెంచరీ మిస్‌ కాగా.. అజాన్‌ అవైస్‌ 30, సల్మాన్‌ అఘా 16, రజావుల్లా 10 పరుగులకు ఔటయ్యారు. లంక బౌలర్లలో దిల్షన్‌ మధుషంక, అసిత ఫెర్నాండో చెరో 3 వికెట్లు పడగొట్టగా.. లహీరు కుమార, మిలన్‌ రత్నాయకే, సోనల్‌ దినుష తలో వికెట్‌ దక్కించుకున్నారు.కాగా, శ్రీలంక జట్టు టీ20, టెస్ట్‌ సిరీస్‌ల కోసం పాక్‌లో పర్యటిస్తుంది. ఈ సిరీస్‌లో తొలుత జరిగిన 3 మ్యాచ్‌ల టీ20 సిరీస్‌ను పాక్‌ 2-1 తేడాతో కైవసం చేసుకుంది.ఇదీ చదవండి: IPL 2027: కెప్టెన్సీ నుంచి తప్పుకోనున్న అక్షర్..?

న్యూజిలాండ్‌- టీమిండియా మధ్య నాలుగు వన్డేకు రంగం సిద్ధమైంది. మౌంట్‌ మౌంగనూయ్‌లో శుక్రవారం జరిగే ఈ మ్యాచ్‌కు బే ఓవల్‌ మైదానం వేదిక. కాగా ఐదు మ్యాచ్‌ల వన్డే సిరీస్‌లో భారత జట్టు ఇప్పటికే రెండు విజయాలతో 2-0తో ఆధిక్యంలో ఉన్న సంగతి తెలిసిందే.శ్రేయస్‌ అ‍య్యర్‌ సారథ్యంలోఇరుజట్ల మధ్య మూడో వన్డే వర్షం వల్ల రద్దైపోయింది. ఇదిలా ఉంటే.. తొలి మూడో వన్డేలకు రెగ్యులర్‌ కెప్టెన్‌ శుబ్‌మన్‌ గిల్‌ టీమిండియాను ముందుకు నడిపించగా.. చివరి రెండు వన్డేల్లో శ్రేయస్‌ అ‍య్యర్‌ సారథిగా వ్యవహరిస్తాడు. ఇక కేఎల్‌ రాహుల్‌ టెస్టు సన్నాహకాల్లో భాగంగా వన్డే జట్టుకు దూరమయ్యాడు. వీటితో పాటు వన్డే జట్టులో పలుమార్పులు కూడా ఉన్నాయి.ఓపెనర్లుగా వీరేఈ నేపథ్యంలో న్యూజిలాండ్‌తో నాలుగు వన్డేకు టీమిండియా మాజీ క్రికెటర్‌ ఆకాశ్‌ చోప్రా చేసిన వ్యాఖ్యలు వైరల్‌గా మారాయి. ‘‘ఇషాన్‌ కిషన్‌ను ఓపెనర్‌గా పంపాలా? లేదంటే మిడిలార్డర్‌లో ఆడించాలా? టీమిండియా సెలక్టర్ల ముందున్న కఠిన ప్రశ్న ఇదే.నేనైతే రోహిత్‌ శర్మతో కలిసి ఇషాన్‌ను ఓపెనర్‌గానే ఆడిస్తా. అప్పుడు లెఫ్ట్‌-రైట్‌ కాంబినేషన్‌ కుదురుతుంది. ఇదే జరిగితే రుతురాజ్‌ గైక్వాడ్‌ను నాలుగు లేదంటే ఐదో స్థానంలో పంపవచ్చు. గతంలో రుతును నాలుగో స్థానంలో ఆడించారు.నబీని రెండు మ్యాచ్‌లలో ఆడిస్తాఅప్పుడు అతడు శతక్కొట్టాడు కూడా!.. కానీ ఆ తర్వాత రుతుకు పెద్దగా అవకాశాలే రావడం లేదు. అయితే, ఈసారి మాత్రం కచ్చితంగా అతడిని ఆడించే ఆస్కారం ఉంది. నిజానికి అతడు ఓపెనింగ్‌ బ్యాటర్‌. కానీ మిడిలార్డర్‌లో ఆడే అవకాశమే ఎక్కువగా ఉంది.నా తుదిజట్టులో రోహిత్‌ శర్మ, ఇషాన్‌ కిషన్‌ ఓపెనర్లు. ఆ తర్వాతి స్థానాల్లో విరాట్‌ కోహ్లి, శ్రేయస్‌ అయ్యర్‌, రుతురాజ్‌ గైక్వాడ్‌, నమన్‌ ధీర్‌, అక్షర్‌ పటేల్‌, ఆకిబ్‌ నబీ, గుర్నూర్‌ బ్రార్‌, అర్ష్‌దీప్‌ సింగ్‌ ఆడతారు. కుల్దీప్‌ యాదవ్‌ లేదంటే మహ్మద్‌ సిరాజ్‌లలో ఒకరికి చోటు దక్కుతుంది. నేనైతే నబీని మిగిలిన రెండు వన్డేల్లోనూ ఆడిస్తాను’’ అని ఆకాశ్‌ చోప్రా చెప్పుకొచ్చాడు.న్యూజిలాండ్‌తో నాలుగో వన్డేకు ఆకాశ్‌ చోప్రా ఎంచుకున్న భారత తుదిజట్టురోహిత్‌ శర్మ, ఇషాన్‌ కిషన్‌, విరాట్‌ కోహ్లి, శ్రేయస్‌ అయ్యర్‌, రుతురాజ్‌ గైక్వాడ్‌, నమన్‌ ధీర్‌, అక్షర్‌ పటేల్‌, ఆకిబ్‌ నబీ, గుర్నూర్‌ బ్రార్‌, అర్ష్‌దీప్‌ సింగ్‌, కుల్దీప్‌ యాదవ్‌/మహ్మద్‌ సిరాజ్‌.ఇదీ చదవండి: భారత్‌తో చివరి రెండు వన్డేలు.. న్యూజిలాండ్‌ జట్ల ప్రకటన

ఐపీఎల్ 2027 సీజన్‌కు ముందు ఢిల్లీ క్యాపిటల్స్‌లో కెప్టెన్సీ మార్పుపై చర్చ మొదలైంది. ప్రస్తుత కెప్టెన్ అక్షర్ పటేల్ నాయకత్వ బాధ్యతల నుంచి తప్పుకోవాలని భావిస్తున్నట్లు సమాచారం. గత రెండు సీజన్లలో జట్టు ఆశించిన స్థాయిలో రాణించకపోవడం, కెప్టెన్సీ ఒత్తిడి నేపథ్యంలో అక్షర్ ఈ నిర్ణయం తీసుకున్నట్లు తెలుస్తోంది.ఓ ప్రముఖ వెబ్‌సైట్‌ కథనం ప్రకారం.. అక్షర్ కెప్టెన్‌గా కొనసాగడానికి ఆసక్తిగా లేడు. ఈ విషయాన్ని ఇప్పటికే ఫ్రాంచైజీ యాజమాన్యానికి తెలియజేశాడు. అయితే, అక్షర్‌ను కెప్టెన్‌గా కొనసాగించేందుకు ఒప్పించాలని మేనేజ్‌మెంట్ భావిస్తున్నట్లు సమాచారం.కాగా, ఢిల్లీ క్యాపిటల్స్‌కు అక్షర్ చాలా కీలకమైన ఆటగాడు. ఈ సీజన్‌లో అతడి కోసం వచ్చిన పలు భారీ ట్రేడ్ ఆఫర్లను ఆ ఫ్రాంచైజీ తిరస్కరించింది. దీని బట్టి చూస్తే ఢిల్లీ అక్షర్‌ను వదులుకోకూడదనుకుంటున్న విషయం స్పష్టంగా తెలుస్తోంది. 2019 నుంచి ఢిల్లీ క్యాపిటల్స్‌తో కొనసాగుతున్న అక్షర్ పటేల్ ప్రస్తుతం రూ.16.5 కోట్ల వార్షిక పారితోషికం అందుకుంటున్నాడు. తొలుత అతడిని రూ.5 కోట్లకు జట్టు సొంతం చేసుకుంది. అక్షర్ పటేల్ నాయకత్వంలో ఢిల్లీ 27 మ్యాచ్‌ల్లో కేవలం 12 విజయాలు సాధించింది.ఒకవేళ అక్షర్‌ తప్పుకుంటే..?అక్షర్ కెప్టెన్సీ నుంచి తప్పుకుంటే ఢిల్లీ క్యాపిటల్స్‌కు రెండు ప్రధాన ప్రత్యామ్నాయాలు కనిపిస్తున్నాయి. వారిద్దరు కేఎల్ రాహుల్, రిషభ్ పంత్.అనుభవం, సీనియారిటీ పరంగా కేఎల్ రాహుల్ ఢిల్లీకి మొదటి ఎంపిక కావచ్చు. అయితే, గతంలో కెప్టెన్సీ బాధ్యతలను స్వీకరించేందుకు వచ్చిన అవకాశాలను అతడు తిరస్కరించిన విషయాన్ని పరిగణలోకి తీసుకోవాలి.మరోవైపు పంత్ కూడా ఢిల్లీ క్యాపిటల్స్‌కు బలమైన ప్రత్యామ్నాయంగా కనిపిస్తున్నాడు. లక్నో సూపర్ జెయింట్స్‌తో రెండేళ్ల ప్రయాణం తర్వాత అతడు తిరిగి ఢిల్లీ జట్టులోకి వచ్చాడు. గతంలో పంత్ నాయకత్వంలో ఢిల్లీ పలుమార్లు ప్లేఆఫ్స్‌కు చేరింది. 2021 సీజన్‌లో పాయింట్ల పట్టికలో అగ్రస్థానంలో నిలిచింది.ఇదీ చదవండి: మరోసారి ఐపీఎల్‌ వేలంలో ముస్తాఫిజుర్‌

ఏసీసీ మెన్స్‌ అండర్‌ 19 ఆసియా కప్‌లో భాగంగా ఇవాళ జరుగుతున్న రెండో సెమీఫైనల్లో భారత్‌, ఆఫ్ఘనిస్తాన్‌ తలపడుతున్నాయి. ఈ మ్యాచ్‌లో ఆఫ్ఘనిస్తాన్‌ టాస్‌ గెలిచి తొలుత బ్యాటింగ్‌ ఎంచుకుంది. తొలి సెమీఫైనల్లో ఇవాళే పాకిస్తాన్‌-బంగ్లాదేశ్‌ తలపడుతున్నాయి. ఆ మ్యాచ్‌లో బంగ్లాదేశ్‌ టాస్‌ గెలిచి బ్యాటింగ్‌ ఎంచుకుంది.తుది జట్లు..ఆఫ్ఘనిస్తాన్: అబిదుల్లా నదర్జన్, ఫరీదుల్లా ఇహ్సాస్, సుభాన్ జఖాయిల్, నోమన్ సలార్జాయ్(w), షా ఫైసల్ రహీమి, తాహిర్ సర్వరీ, అమీర్ హంజా, సోహైల్ ఖాన్(c), మహ్మద్ అలీ, బిలాల్ సలీమంఖిల్, నూర్ అలీ నియాజీభారత్‌: లక్ష్య రాజేష్ రైచందానీ(సి), ఆర్యవీర్ సెహ్వాగ్, వికె వినీత్, అర్జున్ రాజ్‌పుత్, యశ్‌బర్ధన్ చౌహాన్, అన్వయ్ ద్రవిడ్(w), మనల్ చౌహాన్, మోహిత్ ఉల్వా, ఆర్యన్ సావ్సాని, కావ్య పటేల్, ఇషాన్ సూద్ఇదీ చదవండి: భారత్‌తో చివరి రెండు వన్డేలు.. న్యూజిలాండ్‌ జట్ల ప్రకటన

స్వదేశంలో ఇంగ్లండ్‌ మహిళల ఏ జట్టుతో జరుగబోయే మల్టీ ఫార్మాట్‌ సిరీస్‌ కోసం వేర్వేరు భారత మహిళల ఏ జట్లను ప్రకటించారు. టీ20, వన్డే జట్లకు అనుష్క శర్మ కెప్టెన్‌గా వ్యవహరించనుండగా.. మల్టీ డే మ్యాచ్‌కు మిన్నూ మణి నాయకత్వం వహించనుంది.ఈ జట్లలో టీమిండియా ఆల్‌రౌండర్‌ శ్రేయాంక పాటిల్‌కు అవకాశం దక్కింది.మూడు ఫార్మాట్ల జట్లలో చోటు దక్కించుకున్న ఐదుగురు ఆటగాళ్లలో శ్రేయాంక ఒకరు. మిన్ను మణి, షిప్రా గిరి, తనిషా సింగ్, సైమా ఠాకూర్ కూడా టీ20, వన్డే, మల్టీ డే జట్లలో స్థానం సంపాదించారు.వైస్‌ కెప్టెన్లు వీరే..!ఇంగ్లండ్-ఏతో జరిగే మూడు టీ20లు, మూడు వన్డేల్లో ఇండియా-ఏ జట్టుకు అనుష్క శర్మ నాయకత్వం వహించనుంది. మిన్ను మణి వైస్ కెప్టెన్‌గా వ్యవహరిస్తుంది. ఇక మల్టీడే మ్యాచ్‌లో మిన్ను మణి కెప్టెన్‌గా, తేజల్ హసబ్నిస్ వైస్ కెప్టెన్‌గా బాధ్యతలు చేపట్టనున్నారు.టీ20లకు ఇండియా-ఏ జట్టు:అనుష్క శర్మ (కెప్టెన్), మిన్ను మణి (వైస్ కెప్టెన్), వృందా దినేశ్, తనిషా సింగ్, సనికా చాల్కే, నికీ ప్రసాద్, జి. కమలిని, షిప్రా గిరి, అమన్‌జోత్ కౌర్, శ్రేయాంక పాటిల్, వైష్ణవి శర్మ, ప్రేమ రావత్, సైమా ఠాకూర్, మోనికా పటేల్, కాశ్వీ గౌతమ్.వన్డేలకు ఇండియా-ఏ జట్టు:అనుష్క శర్మ (కెప్టెన్), మిన్ను మణి (వైస్ కెప్టెన్), వృందా దినేశ్, తనిషా సింగ్, ప్రియా పునియా, నికీ ప్రసాద్, జి. కమలిని, షిప్రా గిరి, తేజల్ హసబ్నిస్, శ్రేయాంక పాటిల్, అమిషా బహుకండి, షబ్నమ్ షకీల్, సైమా ఠాకూర్, అక్షితా భగత్, కాశ్వీ గౌతమ్.మల్టీ డే మ్యాచ్‌కు ఇండియా-ఏ జట్టు:మిన్ను మణి (కెప్టెన్), తేజల్ హసబ్నిస్ (వైస్ కెప్టెన్), శుభ సతీష్, ప్రియా పునియా, తనిషా సింగ్, పూర్వజా వెర్లేకర్, హెన్రియెట్టా పెరేరా, షిప్రా గిరి, ఉమా ఛేత్రి, శ్రేయాంక పాటిల్, సైమా ఠాకూర్, అక్షితా భగత్, అమిషా బహుకండి, హ్యాపీ కుమారి, షబ్నమ్ షకీల్.ఇంగ్లండ్-ఏ సిరీస్ పూర్తి షెడ్యూల్- టీ20 మ్యాచ్‌లు: నవంబర్ 30, డిసెంబర్ 3, డిసెంబర్ 5. వేదిక: పూణే- వన్డే మ్యాచ్‌లు: డిసెంబర్ 8, 11, 14. వేదిక: ముంబైలోని వాంఖడే స్టేడియం- మల్టీ డే మ్యాచ్: డిసెంబర్ 19 నుంచి. వేదిక: వాంఖడే స్టేడియంఇదీ చదవండి: మరోసారి ఐపీఎల్‌ వేలంలో ముస్తాఫిజుర్‌

బంగ్లాదేశ్‌ స్టార్‌ బౌలర్‌ ముస్తాఫిజుర్‌ రహ్మాన్‌ మరోసారి ఐపీఎల్‌ వేలంలో తన పేరును నమోదు చేసుకున్నాడు. గత ఎడిషన్‌లో ఎదురైన చేదు అనుభవం మరువకముందే అతడితో సహా మొత్తం ఏడుగురు ఆటగాళ్లు (ముస్తాఫిజుర్ రహ్మాన్‌, నహిద్ రాణా, రిషద్ హొస్సేన్, హసన్ మహ్మద్, తౌహిద్ హృదయ్, తస్కిన్ అహ్మద్, షోరిఫుల్ ఇస్లాం) ఐపీఎల్‌ వేలంలో తమ అదృష్టాన్ని పరీక్షించుకోనున్నారు. ఈ విషయాన్ని బంగ్లాదేశ్‌ క్రికెట్‌ బోర్డు అధికారి ఒకరు ధృవీకరించారు.గతంలో ఏం జరిగింది..?2025 డిసెంబర్‌లో జరిగిన ఐపీఎల్ మినీ వేలంలో కోల్‌కతా నైట్‌రైడర్స్ (KKR) ముస్తాఫిజుర్ రహ్మాన్‌ను రూ.9.20 కోట్ల భారీ ధరకు కొనుగోలు చేసింది. చెన్నై సూపర్ కింగ్స్, ఢిల్లీ క్యాపిటల్స్ మధ్య పోటీ తర్వాత కేకేఆర్‌ అతడిని సొంతం చేసుకుంది. అతడి కనీస ధర రూ.2 కోట్లు కాగా, ఐపీఎల్ చరిత్రలో అత్యధిక ధర పలికిన బంగ్లాదేశ్ ఆటగాడిగా నిలిచాడు.అయితే, బంగ్లాదేశ్‌లో హిందూ సమాజంపై దాడులు, హింసకు సంబంధించిన వార్తలు వెలువడిన నేపథ్యంలో ముస్తాఫిజుర్‌ను జట్టులో కొనసాగించడంపై విమర్శలు వచ్చాయి. ఈ పరిణామాల మధ్య బీసీసీఐ సూచనల మేరకు 2026 జనవరిలో కేకేఆర్ అతడిని విడుదల చేసింది. అతడి స్థానంలో మరో ఆటగాడిని తీసుకునేందుకు ఫ్రాంచైజీకి అనుమతి లభించింది.టీ20 ప్రపంచకప్ సమయంలోనూ వివాదంముస్తాఫిజుర్‌ను విడుదల చేయాలన్న బీసీసీఐ నిర్ణయంపై బంగ్లాదేశ్ క్రికెట్ బోర్డు తీవ్ర అసంతృప్తి వ్యక్తం చేసింది. భద్రతా కారణాలను చూపుతూ భారత్‌లో జరిగిన 2026 టీ20 ప్రపంచకప్‌ మ్యాచ్‌లను శ్రీలంకకు మార్చాలని కోరింది. అయితే, ఐసీసీ ఆ విజ్ఞప్తిని తిరస్కరించడంతో బంగ్లాదేశ్ టోర్నీ నుంచి తప్పుకుంది. ఆ జట్టు స్థానంలో స్కాట్లాండ్‌కు అవకాశం లభించింది.ఈ పరిణామాల నేపథ్యంలో ఐపీఎల్ 2027 వేలంలో ఏడుగురు బంగ్లాదేశ్ ఆటగాళ్లు పేర్లు నమోదు చేసుకున్నారన్న వార్త ఆసక్తికరంగా మారింది. అయితే, వేలంలో పాల్గొనేందుకు పేర్లు నమోదు చేసుకోవడం ఒక దశ మాత్రమే. ఫ్రాంచైజీలు వారిని కొనుగోలు చేస్తాయా, తుది జాబితాలో చోటు దక్కుతుందా అన్నది వేచి చూడాలి.ఇదీ చదవండి: ఐపీఎల్‌లో సంచలన ట్రేడ్‌ పూర్తి

ఐదు మ్యాచ్‌ల సిరీస్‌లో భాగంగా భారత్‌తో జరుగనున్న చివరి రెండు వన్డేల (4, 5) కోసం వేర్వేరు న్యూజిలాండ్‌ జట్లను ఇవాళ ప్రకటించారు. ఈ జట్లలో పలు కీలక మార్పులు చోటుచేసుకున్నాయి. ఈ రెండు జట్లలో 31 ఏళ్ల పేసర్ బ్రెట్ రాండెల్‌కు చోటు దక్కింది. అతడు తొలిసారి జాతీయ జట్టుకు ఎంపికయ్యాడు. కేవలం ఐదో వన్డే కోసం ఆల్‌రౌండర్ జోష్ క్లార్క్‌సన్‌ జట్టులోకి వచ్చాడు. మిచెల్‌ సాంట్నర్‌ కెప్టెన్‌గా కొనసాగనున్నాడు.తదుపరి భారత్‌తో జరుగబోయే టెస్ట్‌ సిరీస్‌ కోసం​ సన్నద్దమయ్యేందుకు పలువురు సీనియర్‌ ఆటగాళ్లు (టామ్‌ లాథమ్‌, డారిల్‌ మిచెల్‌, హెన్రీ నికోల్స్‌, గ్లెన్‌ ఫిలిప్స్‌, నాథన్‌ స్మిత్‌) జట్టు నుంచి తప్పుకున్నారు. గాయపడిన బ్లెయిర్‌ టిక్నర్‌ స్థానంలో క్రిస్టియన్‌ క్లార్క్‌ జట్టులోకి వచ్చాడు. అలాగే గాయం నుంచి కోలుకుని మ్యాట్‌ హెన్రీ జట్టులో చేరాడు. గాయం కారణంగా లోకీ ఫెర్గూసన్‌ జట్టు నుంచి నిష్క్రమించాడు.మరోవైపు నాలుగు, ఐదు వన్డేల కోసం భారత జట్టులోనూ పలు కీలక మార్పులు జరిగాయి. టెస్ట్‌ సిరీస్‌ సన్నద్దత కోసం కెప్టెన్‌ శుభ్‌మన్‌ గిల్‌ సహా పలువురు జట్టు నుంచి తప్పుకున్నారు. గిల్‌ స్థానంలో ఈ రెండు మ్యాచ్‌లకు శ్రేయస్‌ అయ్యర్‌ నాయకత్వం​ వహించనున్నాడు. అతడికి డిప్యూటీగా ఇషాన్‌ కిషన్‌ వ్యవహరించనున్నాడు.ఈ సిరీస్‌లో భారత్మ ఇప్పటికే 2-0తో ఆధిక్యంలో ఉంది. హామిల్టన్‌లో జరగాల్సిన మూడో వన్డే టాస్ అనంతరం వర్షం కారణంగా రద్దయింది. నాలుగు, ఐదు వన్డేలు మౌంట్‌ మాంగనూయ్‌ వేదికగా నవంబర్‌ 15, 19 తేదీల్లో జరుగనున్నాయి.నాలుగో వన్డేకు న్యూజిలాండ్ జట్టు:మిచెల్ సాంట్నర్ (కెప్టెన్), ఫిన్ అలెన్, మైఖేల్ బ్రేస్‌వెల్, క్రిస్టియన్ క్లార్క్, జాకబ్ డఫీ, మాట్ ఫిషర్, డీన్ ఫాక్స్‌క్రాఫ్ట్, మిచ్ హే (వికెట్ కీపర్), మాట్ హెన్రీ, కైల్ జేమీసన్, నిక్ కెల్లీ, బ్రెట్ రాండెల్, టిమ్ సీఫర్ట్ (వికెట్ కీపర్), విల్ యంగ్.ఐదో వన్డేకు న్యూజిలాండ్ జట్టు:మిచెల్ సాంట్నర్ (కెప్టెన్), ఫిన్ అలెన్, మైఖేల్ బ్రేస్‌వెల్, క్రిస్టియన్ క్లార్క్, జోష్ క్లార్క్‌సన్, జాకబ్ డఫీ, మాట్ ఫిషర్, డీన్ ఫాక్స్‌క్రాఫ్ట్, మిచ్ హే (వికెట్ కీపర్), నిక్ కెల్లీ, బ్రెట్ రాండెల్, టిమ్ సీఫర్ట్ (వికెట్ కీపర్), బ్లెయిర్ టిక్నర్, విల్ యంగ్.ఇదీ చదవండి: న్యూజిలాండ్‌తో చివరి 2 వన్డేలు.. టీమిండియాలో కీలక మార్పులు

ఐపీఎల్‌లో కీలక ఆటగాళ్ల ట్రేడింగ్‌ వ్యవహారం క్రికెట్‌ వర్గాల్లో ఆసక్తి రేపుతోంది. ముంబై ఇండియన్స్‌ మాజీ కెప్టెన్‌ హార్దిక్‌ పాండ్యా పంజాబ్‌ కింగ్స్‌ జట్టులోకి మారనున్న నేపథ్యంలో ఆ జట్టు కెప్టెన్‌ శ్రేయస్‌ అయ్యర్‌కు బలమైన సందేశం పంపించాడు. కెప్టెన్‌ శ్రేయస్‌, కోచ్‌ రికీ పాంటింగ్‌ సహా పంజాబ్‌ జట్టు మొత్తానికి తాను అండగా ఉంటానని స్పష్టం చేశాడు. పంజాబ్‌ జెర్సీతో ఉన్న ఫొటోను కూడా పంచుకున్నాడు.రెండుసార్లు ఐపీఎల్‌ ఫైనల్‌కు చేరిన పంజాబ్‌ కింగ్స్‌తో కలిసి పనిచేయడం పట్ల హార్దిక్‌ ఉత్సాహం వ్యక్తం చేశాడు. ఈ సందర్భంగా ఇన్‌స్టాగ్రామ్‌లో ‘నా కెప్టెన్‌ శ్రేయస్‌.. నా కోచ్‌ రికీ.. నా జట్టు.. పంజాబ్‌ మొత్తం.. మీ వెనక నేనున్నా’ అంటూ పోస్ట్‌ చేశాడు. తన ఆల్‌రౌండ్‌ నైపుణ్యాలతో జట్టుకు ఉపయోగపడతాననే సంకేతాలిచ్చాడు.ఐపీఎల్‌ చరిత్రలోనే కీలకమైన ఆటగాళ్ల మార్పిడిలో భాగంగా పంజాబ్‌ కింగ్స్‌కు హార్దిక్‌ వెళ్లనున్నాడు. అతడి స్థానంలో భారత టీ20 బౌలర్‌ అర్ష్‌దీప్‌ సింగ్‌ ముంబై ఇండియన్స్‌లో చేరనున్నాడు. ఈ ట్రేడింగ్‌లో హార్దిక్‌ పారితోషికం రూ.16.35 కోట్ల నుంచి రూ.18 కోట్లకు పెరగనుంది. అర్ష్‌దీప్‌ మాత్రం తన ప్రస్తుత రూ.18 కోట్ల పారితోషికంతోనే ముంబై జట్టుకు మారనున్నాడు.హార్దిక్‌కు ముంబై ఇండియన్స్‌తో సుదీర్ఘ అనుబంధం ఉంది. 2015లో ఆ జట్టులో చేరిన అతడు 2015, 2017, 2019, 2020 సీజన్లలో టైటిళ్లు గెలిచిన జట్టులో సభ్యుడిగా ఉన్నాడు. ఏడు సీజన్ల తర్వాత గుజరాత్‌ టైటాన్స్‌కు మారి, తొలి సీజన్‌లోనే కెప్టెన్‌గా టైటిల్‌ అందించాడు. 2023లోనూ ఆ జట్టును ఫైనల్‌కు చేర్చాడు. 2024లో తిరిగి ముంబైకి వచ్చి కెప్టెన్సీ బాధ్యతలు చేపట్టాడు.మొత్తం 162 ఐపీఎల్‌ మ్యాచ్‌ల్లో హార్దిక్‌ 2,955 పరుగులు చేయడంతోపాటు 82 వికెట్లు పడగొట్టాడు. అయితే ముంబైతో రెండో విడత మూడేళ్ల ప్రయాణంలో ఆశించిన స్థాయిలో రాణించలేకపోయాడు. 39 మ్యాచ్‌ల్లో 647 పరుగులు, 29 వికెట్లు సాధించాడు. అతడి కెప్టెన్సీలో ముంబై 2025లో ప్లేఆఫ్స్‌కు చేరగా, 2024, 2026 సీజన్లలో తొమ్మిదో స్థానంలో నిలిచింది.మరోవైపు అర్ష్‌దీప్‌ 2019లో పంజాబ్‌ తరఫున ఐపీఎల్‌ అరంగేట్రం చేశాడు. ఆ జట్టు తరఫున 96 మ్యాచ్‌ల్లో 111 వికెట్లు తీసి అత్యధిక వికెట్లు సాధించిన బౌలర్‌గా నిలిచాడు. 2025 సీజన్‌లో 21 వికెట్లు, 2026లో 14 వికెట్లు పడగొట్టాడు. కొత్త బంతితో వికెట్లు తీయడంతోపాటు డెత్‌ ఓవర్లలోనూ బౌలింగ్‌ చేయగల సామర్థ్యం అతడికి ప్రత్యేక గుర్తింపు తెచ్చింది.ఇదీ చదవండి: కావ్య, అనిరుధ్‌ల రిసెప్ష‌న్‌కు ఇషాన్, అభిషేక్‌!

స‌న్‌రైజ‌ర్స్ హైద‌రాబాద్ య‌జమాని కావ్యా మార‌న్ వివాహం గ్రీస్ వేదిక‌గా బుధ‌వారం ప్ర‌ముఖ సంగీత ద‌ర్శ‌కుడు అనిరుధ్ ర‌విచంద‌ర్‌తో జ‌రిగింది. గ్రీస్‌లో బంధువులు, సెలెబ్రిటీల స‌మ‌క్షంలో వీరిద్ద‌రు డెస్టినేష‌న్ వెడ్డింగ్ చేసుకున్నారు. వివాహ‌బంధంతో ఒక్కటైన ఈ జంట‌కు సంబంధించిన ఫొటోను అనిరుధ్ త‌న ఇన్‌స్టాగ్రామ్‌లో పంచుకున్నాడు. 'నా జీవితంలో ఒక్కసారి మాత్ర‌మే వ‌చ్చే అవ‌కాశం, జీవితాంతం నిలిచిపోయేది. 11.11 ఫ‌ర్ ఎవ‌ర్‌' అని పోస్టు చేశాడు. కాగా కావ్యా మార‌న్‌, అనిరుధ్ ర‌విచందర్‌ల రిసెప్ష‌న్ న‌వంబ‌ర్ 21న చెన్నైలో ఘ‌నంగా జ‌ర‌గ‌నుంది. కావ్యా మార‌న్ ఐపీఎల్‌లో స‌న్‌రైజ‌ర్స్ ఫ్రాంచైజీకి యాజ‌మానిగా ఉండ‌డంతో ఆమెకు క్రికెట‌ర్ల‌తో స‌త్ససంబంధాలున్నాయి. దీంతో వీరిద్ద‌రి రిసెప్ష‌న్ వేడుక‌కు ఎస్ఆర్‌హెచ్‌ క్రికెట‌ర్లు కూడా త‌ర‌లిరానున్నారు. ముఖ్యంగా ఎస్ఆర్‌హెచ్ జ‌ట్టులో కీల‌క ఆట‌గాళ్లుగా ఉన్న ఇషాన్‌ కిష‌న్‌, అభిషేక్ శ‌ర్మ రిసెప్ష‌న్‌కు హాజ‌ర‌య్యే అవ‌కాశ‌ముంది. ఇప్ప‌టికే అభిషేక్ శ‌ర్మ ఇండియాకు తిరిగి రాగా, న్యూజిలాండ్‌తో వ‌న్డే సిరీస్ ముగిసిన త‌ర్వాత ఇషాన్ కూడా భార‌త్‌కు రానున్నాడు. వీరితో పాటు స‌చిన్ టెండూల్క‌ర్‌, ఎంఎస్ ధోని కూడా హాజ‌ర‌య్యే అవ‌కాశాలున్నాయి.Wishing Kaviya and Anirudh all the happiness and love as they begin this new journey together! #KAVIYAandANIRUDH https://t.co/fCcowMqz49— SunRisers Hyderabad (@SunRisers) November 11, 2026ఇదీ చదవండి: వివాహబంధంలోకి అనిరుధ్ రవిచందర్, కావ్యా మారన్కివీస్ గ‌డ్డ‌పై గ‌ర్ల్‌ఫ్రెండ్‌తో అర్ష‌దీప్ నిశ్చితార్థం

టీమిండియా స్టార్ క్రికెట‌ర్ అర్ష‌దీప్ సింగ్ ఒకేరోజున‌ రెండు శుభవార్త‌లు విన్నాడు. సంచ‌ల‌న ట్రేడింగ్‌లో ముంబై ఇండియ‌న్స్ గూటికి అర్ష‌దీప్ చేర‌డం మొద‌టిదైతే, రెండోది అత‌డు వివాహ‌బంధంలోకి అడుగుపెట్ట‌బోతున్నాడు. ఈ నేప‌థ్యంలో బుధ‌వారం న్యూజిలాండ్ గ‌డ్డ‌పై త‌న గ‌ర్ల్‌ఫ్రెండ్ స‌మ్రీన్ కౌర్ చేతికి రింగు తొడిగి నిశ్చితార్థం చేసుకున్నాడు. మౌంట్ మాంగ‌నూయ్‌లోని అంద‌మైన ప్ర‌దేశంలో మోకాళ్ల‌పై నిల‌బ‌డి స‌మ్రీన్ కౌర్‌కు ప్ర‌పోజ్ చేసిన అర్ష‌దీప్ ఆ త‌ర్వాత ఆమె చేతికి రింగును తొడిగాడు. ఆ త‌ర్వాత స‌మ్రీన్ త‌న చేతి వేలికి అర్ష‌దీప్ తొడిగిన రింగును చూపిస్తూ ఫొటోల‌కు ఫోజివ్వ‌డాన్ని ముంబై ఇండియ‌న్స్ షేర్ చేసుకుంది.ఈ విషయాన్ని సమ్రీన్ కౌర్‌ సోషల్ మీడియా వేదికగా అభిమానులతో పంచుకుంది. "జీవితం మనకిచ్చిన అత్యంత అద్భుతమైన కానుక.. మనమిద్దరం కలవడమే. ఇకపై మన జర్నీ జీవితాంతం కలిసి సాగుతుంది. హాయ్ ఫియాన్సీ" అంటూ సమ్రీన్ కౌర్ భావోద్వేగమైన క్యాప్షన్ రాసుకొచ్చింది. దీంతో ఈ జంటకు క్రికెట్ అభిమానులు, నెటిజన్ల నుంచి శుభాకాంక్షలు వెల్లువెత్తుతున్నాయి. అర్ష్‌దీప్ సహచర ఆటగాళ్లు గుర్నూర్ బ్రార్, నమన్ ధీర్ కూడా అభినంద‌నలు తెలిపిన వారిలో ఉన్నారు.ఇక అర్ష‌దీప్ ప్ర‌స్తుతం కివీస్ ప‌ర్య‌ట‌న‌లో బిజీగా ఉన్న సంగ‌తి తెలిసిందే. టీ20 సిరీస్‌లో ఆడిన అర్ష‌దీప్ ప్ర‌స్తుతం వ‌న్డేల్లోనూ కీల‌క బౌల‌ర్‌గా కొన‌సాగుతున్నాడు.2018 అండర్-19 ప్రపంచ కప్ గెలిచిన భారత జట్టులో సభ్యుడైన అర్ష్‌దీప్ సింగ్‌.. 2022లో అంతర్జాతీయ క్రికెట్లోకి అరంగేట్రం చేశాడు. ప్రస్తుతం టీ20 అంతర్జాతీయ క్రికెట్లో భారత్ తరఫున అత్యధిక వికెట్లు తీసిన బౌలర్ గా రికార్డు సృష్టించడమే కాకుండా రెండు సార్లు టీ20 ప్రపంచ కప్ విజేతగా నిలిచిన భారత జట్టులోనూ భాగస్వామిగా ఉన్నాడు.ఎవరీ సమ్రీన్‌ కౌర్‌?జమ్మూ కాశ్మీర్‌కు చెందిన సమ్రీన్ కౌర్ ప్రముఖ మోడల్, నటి. ఆమె 2018లో జరిగిన ఫెమినా మిస్ ఇండియా పోటీల్లో జమ్మూ కాశ్మీర్ తరఫున ప్రాతినిధ్యం వహించి ఫైనలిస్ట్‌గా నిలిచారు. కబీర్ ఖాన్ దర్శకత్వంలో వచ్చిన స్పోర్ట్స్ డ్రామా చిత్రం '83'తో ఆమె బాలీవుడ్ అరంగేట్రం చేశారు.ఇలా టీమిండియా స్టార్‌ అర్ష్‌దీప్ సింగ్ జీవితంలో ఒకేరోజు రెండు శుభవార్తలు జరిగాయి. ఐపీఎల్‌లో పంజాబ్ కింగ్స్ నుంచి ముంబై ఇండియన్స్ జట్టులోకి ట్రేడ్ అయిన కొద్ది గంటల్లోనే.. ఆయన తన ప్రియురాలు సమ్రీన్ కౌర్‌తో ఎంగేజ్‌మెంట్ చేసుకోవడం విశేషం. ఇక కివీస్‌తో వన్డే సిరీస్‌లో భారత్‌ 2-0తో ఆధిక్యంలో ఉంది. ఇరుజట్ల మధ్య నాలుగో వన్డే శుక్రవారం మౌంట్‌ మాంగనూయ్‌ వేదికగా జరగనుంది. ఇదీ చదవండి: శతకాలతో పాక్‌ను చితక్కొట్టారు.. లంక కెప్టెన్ ప్ర‌పంచ రికార్డు

రావ‌ల్పిండి వేదిక‌గా పాకిస్తాన్‌తో జ‌రుగుతున్న తొలి టెస్టులో శ్రీలంక ఆధిప‌త్యం ప్ర‌ద‌ర్శిస్తోంది. మూడో రోజు ఆట ముగిసే స‌మ‌యానికి శ్రీలంక 102 ఓవ‌ర్ల‌లో 4 వికెట్ల న‌ష్టానికి 404 ప‌రుగుల భారీ స్కోరు చేసింది. ధ‌నంజ‌య డిసిల్వా (167 నాటౌట్‌, 20 ఫోర్లు), కెప్టెన్ కుశాల్ మెండిస్ (117 నాటౌట్‌; 10 ఫోర్లు, 4 సిక్స‌ర్లు) శ‌త‌కాల‌తో చెల‌రేగారు. ఈ ఇద్ద‌రు క‌లిసి ఐదో వికెట్‌కు అజేయంగా 360 బంతుల్లో 249 ప‌రుగులు జోడించారు. క‌మిందు మెండిస్ (58) అర్థ‌సెంచ‌రీ చేశాడు. పాక్ బౌల‌ర్ల‌లో మొహ‌మ్మ‌ద్ అబ్బాస్, స‌కిబ్‌ఖాన్‌లు చెరో 2 వికెట్లు ప‌డ‌గొట్టారు.ఈ నేప‌థ్యంలో కెప్టెన్‌గా కుశాల్ మెండిస్ ఒక అరుదైన రికార్డును త‌న ఖాతాలో వేసుకున్నాడు. లంక త‌ర‌ఫున టెస్టుల్లో కెప్టెన్‌గా ప్రాతినిధ్యం వ‌హిస్తున్న‌ తొలి మ్యాచ్‌లోనే సెంచ‌రీ సాధించిన బ్యాట‌ర్‌గా రికార్డుల‌కెక్కాడు. అంతేకాదు, కెప్టెన్‌గా త‌న తొలి టెస్టులోనే శ‌త‌కం సాధించిన 37వ క్రికెట‌ర్‌గా కుశాల్ మెండిస్ నిలిచాడు. దీంతో పాటు ఈ మ్యాచ్‌లో మ‌రిన్ని రికార్డులు కూడా బ‌ద్ద‌ల‌య్యాయి.👉కెప్టెన్‌గా తన తొలి టెస్టులోనే పాకిస్తాన్‌పై సెంచ‌రీ సాధించిన రెండో ఆట‌గాడిగా కుశాల్ మెండిస్ నిలిచాడు. 2006లో లార్డ్స్ వేదిక‌గా పాక్‌తో జ‌రిగిన టెస్టులో ఆండ్రూ స్ట్రాస్ (128 ప‌రుగులు) సెంచ‌రీ సాధించిన తొలి ఆట‌గాడిగా ఉన్నాడు.👉మ్యాచ్‌లో ధ‌నంజ‌య డిసిల్వా, కుశాల్ మెండిస్ ఐదో వికెట్‌కు నెల‌కొల్పిన 249 ప‌రుగుల అజేయ భాగ‌స్వామ్యం నెల‌కొల్పారు. ఈ క్ర‌మంలో టెస్టుల్లో పాకిస్తాన్‌పై శ్రీలంకకు ఐదో వికెట్‌కు అత్య‌ధిక భాగ‌స్వామ్యంగా నిలిచింది. 2009లో లాహోర్ వేదిక‌గా శ్రీలంక బ్యాట‌ర్లు ఐదో వికెట్‌కు జోడించిన 207 ప‌రుగుల మునుప‌టి రికార్డును కూడా ఈ జోడీ అధిగ‌మించింది.👉1984లో ఫైసలాబాద్‌లో భారత ఆటగాళ్లు సందీప్ పాటిల్, రవిశాస్త్రి 200 పరుగుల భాగస్వామ్యాన్ని నెలకొల్పగా, 2006లో ముల్తాన్‌లో వెస్టిండీస్ దిగ్గజాలు డ్వేన్ బ్రావో, బ్రియాన్ లారా కూడా ఐదో వికెట్‌కు 200 పరుగులు జోడించారు.

అఫ్గానిస్తాన్ కెప్టెన్ ర‌హ్మ‌త్ షా ఆ దేశ క్రికెట్ చ‌రిత్ర‌లోనే స‌రికొత్త చ‌రిత్ర‌ను లిఖించాడు. ఐసీసీ పురుషుల టెస్టు ర్యాంకింగ్స్‌లో తొలిసారి టాప్‌-10లో చోటు ద‌క్కించుకున్న ర‌హ్మ‌త్ షా అఫ్గానిస్తాన్ త‌ర‌ఫున ఈ ఫీట్ సాధించిన తొలి బ్యాట‌ర్‌గా రికార్డుల‌కెక్కాడు. బుధ‌వారం ఐసీసీ టెస్టు ర్యాంకింగ్స్ వివ‌రాల‌ను అప్‌డేట్ చేసింది. షార్జా వేదిక‌గా జింబాబ్వేతో జ‌రిగిన తొలి టెస్టులో ర‌హ్మ‌త్ షా (173 ప‌రుగులు) భారీ శ‌త‌కంతో చెల‌రేగాడు. ఈ నేప‌థ్యంలో తాజాగా విడుద‌లైన టెస్టు బ్యాటింగ్ ర్యాంకింగ్స్‌లో 735 పాయింట్ల‌తో ఏడో స్థానంలో నిలిచి కెరీర్ బెస్ట్ ర్యాంక్ అందుకున్నాడు. ఈ నేప‌థ్యంలో భార‌త కెప్టెన్‌ శుబ్‌మ‌న్ గిల్‌, మార్క‌ర‌మ్‌, క‌మిందు మెండిస్‌ల‌ను ర‌హ్మ‌త్ షా అధిగ‌మించ‌డం విశేషం. ఇదే మ్యాచ్‌లో సెంచ‌రీతో మెరిసిన మ‌రో ఆఫ్గ‌న్ బ్యాట‌ర్ సెదికుల్లా అట‌ల్ కూడా ర్యాంకింగ్స్‌లో గ‌ణనీయ పురోగ‌తిని సాధించాడు. ఏకంగా 14 స్థానాలు ఎగ‌బాకిన సెదికుల్లా అట‌ల్ 414 పాయింట్ల‌తో 81వ స్థానంలో నిలిచాడు. ఇక డెబ్యూ సెంచ‌రీ సాధించిన ర‌హ‌మ‌నుల్లా 83వ స్థానంలో నిలిచాడు.ఇక జింబాబ్వే బ్యాట‌ర్లు కూడా ర్యాంకింగ్స్‌లో అద‌ర‌గొట్టారు. 41 ఏళ్ల వ‌య‌సులో డ‌బుల్ సెంచ‌రీ బాదిన క్రెయిగ్ ఎర్విన్ తొమ్మిది స్థానాలు ఎగ‌బాకి 48వ స్థానంలో నిల‌వ‌గా, సెంచ‌రీ సాధించిన కెప్టెన్ బ్రియాన్ బెన్నెట్ 10 స్థానాలు ఎగ‌బాకి 75వ స్థానానికి చేరుకున్నాడు. ఇక మ‌రో సీనియ‌ర్ బ్రెండ‌న్ టేల‌ర్ 103వ స్థానానికి ఎగ‌బాకాడు. ఇరుజ‌ట్లు క‌లిపి దాదాపు వెయ్యికి పైగా ప‌రుగులు న‌మోదు చేసిన ఈ టెస్టు మ్యాచ్ డ్రాగా ముగిసింది.ఇక బంగ్లాదేశ్‌, వెస్టిండీస్ మ‌ధ్య జ‌రిగిన రెండో టెస్టు కూడా డ్రాగా ముగిసిన‌ప్ప‌టికీ, ఈ మ్యాచ్‌లోనూ బ్యాట‌ర్లు సెంచ‌రీలు బాదారు. ఈ క్ర‌మంలో ఇరుజ‌ట్ల ఆట‌గాళ్లు ర్యాంకింగ్స్‌లో ఎగ‌బాకారు. డ‌బుల్ సెంచ‌రీతో మెరిసిన‌ బంగ్లాదేశ్ బ్యాట‌ర్ తౌహిద్ హృదోయ్ ఏకంగా 175వ స్థానం నుంచి 60వ స్థానానికి రావ‌డం విశేషం. ఇక విండీస్ బ్యాట‌ర్ క‌వెమ్ హ‌డ్జ్ 52వ ర్యాంకు సాధించిన కెరీర్ బెస్ట్ అందుకున్నాడు.ఇదీ చదవండి: 'నోరు మూయ్‌.. నువ్వొక పాకిస్తానీ'

ఆస్ట్రేలియా మాజీ క్రికెట‌ర్ ఉస్మాన్ ఖ‌వాజా త‌న కొత్త ఆత్మ‌క‌థ 'సబర్' (Sabr)లో ఒక్కొక్క‌టిగా సంచ‌ల‌న విష‌యాలు బ‌య‌ట‌పెడుతూ వ‌స్తున్నాడు. సాండ్‌పేప‌ర్ గేట్ వివాదం మ‌రవ‌క ముందే 2023లో యాషెస్ సిరీస్ స‌మ‌యంలో లార్డ్స్ మైదానంలో త‌న‌కు ఎదురైన జాతి వివ‌క్ష అనుభ‌వాన్ని తాజాగా ఉస్మాన్ ఖ‌వాజా పంచుకున్నాడు. ఒక ఎంసీసీ స‌భ్యుడు వ‌చ్చి "నోరు మూయ్.. నువ్వొక పాకిస్తానీ" (Shut up, you Paki) అని గ‌ట్టిగా అరిచాడ‌ని పేర్కొన్నాడు. అలా త‌న‌పై జాతివివ‌క్ష వ్యాఖ్య‌ల‌కు పాల్పాడ్డార‌ని ఖవాజా చెప్పుకొచ్చాడు.విష‌యంలోకి వెళితే.. 2023లో ఇంగ్లండ్‌తో జరిగిన రెండో టెస్ట్ ఐదో రోజున, ఇంగ్లండ్ బ్యాటర్ జానీ బెయిర్‌స్టోను ఆస్ట్రేలియా వికెట్ కీపర్ అలెక్స్ కారీ స్టంపౌట్ చేయడం తీవ్ర వివాదాస్పదమైంది. లంచ్ విరామ స‌మ‌యంలో ఆస్ట్రేలియా ఆటగాళ్లు లార్డ్స్ పెవిలియన్‌లోని 'లాంగ్ రూమ్' గుండా వెళ్తుండగా, మెరిల్‌బోన్ క్రికెట్ క్లబ్ (MCC) సభ్యులు ఆటగాళ్లపై తీవ్ర స్థాయిలో దూషణలకు దిగారు. ఆ సమయంలో ఒక ఎంసీసీ సభ్యుడు తన చెవిలో గట్టిగా అరిచాడని, దానికి తాను అభ్యంతరం చెప్ప‌బోగా, మరొకరు తనను ఉద్దేశించి "నోరు మూయ్.. నువ్వొక పాకిస్తానీ" అంటూ జాతి వివక్షపూరిత దూషణ చేశాడ‌ని ఖవాజా తన పుస్తకంలో పేర్కొన్నాడు. ఆ మాట వినగానే తాను తీవ్ర ఆగ్రహానికి గురై, భద్రతా సిబ్బందికి ఫిర్యాదు చేసినట్లు వివ‌రించారు. ఈ ఘటనపై విచారణ జరిపిన మెరిల్‌బోన్ క్రికెట్ క్లబ్ (ఎంసీసీ) ఆస్ట్రేలియా జట్టుకు క్షమాపణలు చెప్పింది. దోషులుగా తేలిన ముగ్గురు సభ్యులపై కఠిన చర్యలు తీసుకుంటూ ఒకరిని శాశ్వతంగా బహిష్కరించింది, మరో ఇద్దరిపై సస్పెన్షన్ విధించింది.ఇటీవల విడుదలైన 'సబర్' (Sabr) ఆత్మకథలో ఖవాజా కేవలం లార్డ్స్ ఘటన మాత్రమే కాకుండా, 2018లో దక్షిణాఫ్రికాతో జరిగిన టెస్ట్ సిరీస్‌లోని బాల్ ట్యాంపరింగ్ (Sandpapergate) వివాదం గురించి సంచలన విషయాలు వెల్లడించారు. కేవలం స్టీవ్ స్మిత్, డేవిడ్ వార్నర్, కామెరాన్ బెన్‌క్రాఫ్ట్‌లకు మాత్రమే కాకుండా, ఆ విషయం జట్టులోని అందరికీ తెలుసని పేర్కొనడం క్రీడా వర్గాల్లో చర్చనీయాంశమైంది.ఇదీ చదవండి: ఒక్క సెంచ‌రీతో డ‌బుల్ రికార్డులు కొల్ల‌గొట్టిన లంక బ్యాట‌ర్‌యూఏఈ తరఫున కమ్‌బ్యాక్‌ ఇచ్చే ప్రయత్నం చేస్తున్న టీమిండియా మాజీ క్రికెటర్‌

పాకిస్తాన్‌తో జ‌రుగుతున్న తొలి టెస్టులో శ్రీలంక బ్యాట‌ర్ ధ‌నంజ‌య డిసిల్వా కెరీర్‌లో 14వ సెంచ‌రీతో మెరిశాడు. ఇన్నింగ్స్ 70వ ఓవ‌ర్లో అరాఫ‌త్‌ మిన్హాస్ బౌలింగ్‌లో ధ‌నంజ‌య ఈ ఫీట్‌ను అందుకున్నాడు.151 బంతుల్లో సెంచ‌రీ మార్క్ అందుకున్న ధ‌నంజ‌య ఖాతాలో 12 బౌండ‌రీలున్నాయి. ఈ క్ర‌మంలో ధ‌నంజ‌య డిసిల్వా లంక దిగ్గ‌జ బ్యాట‌ర్ స‌న‌త్ జ‌య‌సూర్య రికార్డును సమం చేశాడు. లంక త‌ర‌ఫున టెస్టుల్లో అత్య‌ధిక సెంచ‌రీలు చేసిన బ్యాట‌ర్ల జాబితాలో జ‌య‌సూర్య‌, థిల్లాన్ స‌మ‌ర‌వీరతో క‌లిసి ధ‌నంజ‌య సంయుక్తంగా తొమ్మిదో స్థానంలో నిలిచాడు. ఓవ‌రాల్ జాబితాలో లంక త‌ర‌ఫున కుమార సంగ‌క్క‌ర (134 మ్యాచ్‌ల్లో 38 సెంచ‌రీలు) తొలి స్థానంలో కొన‌సాగుతున్నాడు.అంతేకాదు, పాకిస్తాన్‌పై త‌న‌కున్న ఘ‌న‌మైన రికార్డును ధ‌నంజ‌య విజ‌య‌వంతంగా కొన‌సాగిస్తున్నాడు. ఇప్ప‌టివ‌ర‌కు పాక్‌పై 12 ఇన్నింగ్స్‌ల్లో ఇది నాలుగో సెంచ‌రీ. ఈ విష‌యంలో ధ‌నంజ‌య జ‌య‌సూర్య‌ను అధిగ‌మించాడు. జ‌య‌సూర్య పాకిస్తాన్‌పై నాలుగు సెంచ‌రీలు చేసిన‌ప్ప‌టికీ, అవి 30 ఇన్నింగ్స్‌ల్లో వ‌చ్చాయి. పాక్‌పై అత్య‌ధిక సెంచ‌రీలు చేసిన‌ జాబితాలో సంగ‌క్క‌ర (10), అరంవిద డిసిల్వాలు (8) వ‌రుస‌గా తొలి రెండు స్థానాల్లో ఉన్నారు.మ్యాచ్ విష‌యానికొస్తే, 92 ఓవ‌ర్లు ముగిసేస‌రికి శ్రీలంక 4 వికెట్ల న‌ష్టానికి 366 ప‌రుగులు చేసింది. కుశాల్ మెండిస్ (101), ధ‌నంజ‌య డిసిల్వా (147) క్రీజులో ఉన్నారు. అంత‌క‌ముందు క‌మిందు మెండిస్ (58) అర్థ‌సెంచ‌రీ సాధించాడు. పాక్ బౌల‌ర్ల‌లో మొహ‌మ్మ‌ద్ అబ్బాస్, స‌కిబ్ ఖాన్‌లు చెరో 2 వికెట్లు ప‌డ‌గొట్టారు.ఇదీ చదవండి: సెంచరీతో కదంతొక్కిన ధనంజయ.. పాక్‌కు ధీటుగా బదులిస్తున్న శ్రీలంకరాజస్థాన్‌-లక్నో మధ్య ఆసక్తికర ట్రేడ్‌ డీల్‌..!

రావల్పిండి వేదికగా పాకిస్తాన్‌తో జరుగుతున్న తొలి టెస్ట్‌లో శ్రీలంక మిడిలార్డర్‌ బ్యాటర్‌ ధనంజయ డిసిల్వ సెంచరీతో కదంతొక్కాడు. 151 బంతుల్లో మూడంకెల మార్కును అందుకున్నాడు. అతడికి టెస్ట్‌ల్లో ఇది 14వ శతకం. ప్రత్యేకించి రావల్పిండి మైదానంలో రెండవది.ఈ మ్యాచ్‌లో ధనంజయ జట్టు కష్టాల్లో ఉన్నప్పుడు బరిలోకి కమిందు మెండిస్‌ (58), కుసాల్‌ మెండిస్‌ సహకారంతో ఇన్నింగ్స్‌ను తీర్చిదిద్దుతున్నాడు. మూడో రోజు రెండో సెషన్‌ సమయానికి శ్రీలంక తొలి ఇన్నింగ్స్‌ స్కోర్‌ 311-4గా ఉంది. ధనంజయ 120, కుసాల్‌ మెండిస్‌ 75 పరుగులతో క్రీజ్‌లో ఉన్నారు. మిగతా బ్యాటర్లలో లహీరు ఉదార 42, కమిందు మెండిస్‌ 58 పరుగులు చేయగా..చండీమల్‌ 1, సూరియబండార డకౌటయ్యారు. పాక్‌ బౌలర్లలో అబ్బాస్‌, సాకిబ్‌ ఖాన్‌ తలో వికెట్లు పడగొట్టారు. పాక్‌ తొలి ఇన్నింగ్స్‌ స్కోర్‌కు శ్రీలంక ఇంకా 123 పరుగులు వెనుకపడి ఉంది. లంక బ్యాటర్లు పాక్‌ తొలి ఇన్నింగ్స్‌ స్కోర్‌కు ధీటుగా జవాబిస్తున్నారు.అంతకుముందు పాక్‌ తొలి ఇన్నింగ్స్‌ను 434-9 స్కోర్‌ వద్ద డిక్లేర్‌ చేసింది. తయ్యబ్‌ ఆరిఫ్‌ (57), మొహమ్మద్‌ తాహా (51), కెప్టెన్‌ బాబర్‌ ఆజం (50), అరాఫత్‌ మిన్హాస్‌ (52) అర్ద సెంచరీలతో రాణించారు. సౌద్‌ షకీల్‌ (93) ఏడు పరుగుల తేడాతో సెంచరీ చేసే అవకాశాన్ని కోల్పోయాడు. వికెట్‌ కీపర్‌ ఘాజీ ఘోరీ (48) అర్ద సెంచరీ మిస్‌ కాగా.. అజాన్‌ అవైస్‌ 30, సల్మాన్‌ అఘా 16, రజావుల్లా 10 పరుగులకు ఔటయ్యారు. లంక బౌలర్లలో దిల్షన్‌ మధుషంక, అసిత ఫెర్నాండో చెరో 3 వికెట్లు పడగొట్టగా.. లహీరు కుమార, మిలన్‌ రత్నాయకే, సోనల్‌ దినుష తలో వికెట్‌ దక్కించుకున్నారు.కాగా, శ్రీలంక జట్టు టీ20, టెస్ట్‌ సిరీస్‌ల కోసం పాక్‌లో పర్యటిస్తుంది. ఈ సిరీస్‌లో తొలుత జరిగిన 3 మ్యాచ్‌ల టీ20 సిరీస్‌ను పాక్‌ 2-1 తేడాతో కైవసం చేసుకుంది.ఇదీ చదవండి: రాజస్థాన్‌-లక్నో మధ్య ఆసక్తికర ట్రేడ్‌ డీల్‌..!

ఐపీఎల్ 2027 సీజన్‌కు చాలా ముందే ఫ్రాంచైజీల మధ్య ఆసక్తికర ట్రేడింగ్ డీల్స్‌ జరుగుతున్నాయి. కొద్ది రోజుల కిందట రిషబ్‌ పంత్‌, కుల్దీప్‌ యాదవ్‌, లియామ్‌ లివింగ్‌స్టోన్‌, జాక్‌ ఎడ్వర్డ్స్‌, ఖలీల్‌ అహ్మద్‌, నాథన్‌ ఇల్లిస్‌, టి నటరాజన్‌, జీషన్‌ అ​న్సారీ స్వాపింగ్‌ ద్వారా ఫ్రాంచైజీలు మారగా.. తాజాగా హార్దిక్‌ పాండ్యా, అర్షదీప్‌ సింగ్‌ ముంబై నుంచి పంజాబ్‌ కింగ్స్‌కు పరస్పర బదలీ అయ్యారు.ఇవే కాక ఇంకా చాలా స్వాపింగ్‌ డీల్స్‌ చర్యల్లో ఉన్నట్లు సమాచారం. ఈ నేపథ్యంలో తాజాగా మరో ఆసక్తికర డీల్‌కు సంబంధించిన వార్త తెరపైకి వచ్చింది.ఓ స్పోర్ట్స్‌ జర్నలిస్ట్‌ కథనం ప్రకారం.. రాజస్థాన్ రాయల్స్ స్టార్ ఓపెనర్ యశస్వి జైస్వాల్‌ను జట్టులోకి తీసుకోవాలని లక్నో సూపర్ జెయింట్స్ ప్రయత్నిస్తుంది. అయితే రాయల్స్ పెట్టిన రెండు కీలక డిమాండ్లతో ఈ డీల్ ముందుకు సాగడం లేదని సమాచారం.జైస్వాల్ కోసం ఇద్దరు బౌలర్లను అడిగిన రాజస్థాన్జైస్వాల్‌ కోసం రాయల్స్‌ లక్నో కీలక పేసర్లైన మహమ్మద్ షమీ, మొహ్సిన్ ఖాన్‌ను అడిగినట్లు తెలుస్తోంది. ఈ ప్రతిపాదనకు లక్నో ప్రస్తుతానికి సిద్దంగా లేదని సమాచారం. మరోవైపు జైస్వాల్‌ కోసం కేకేఆర్‌, ముంబై ఇండియన్స్‌ కూడా పోటీ పడినట్లు పలు నివేదికలు చెబుతున్నాయి.డిసెంబర్ 10 వరకు ట్రేడ్ విండో అందుబాటులో ఉండటంతో ఐపీఎల్ 2027 వేలానికి ముందు మరిన్ని కీలక బదిలీలు జరిగే అవకాశముంది. ఇదీ చదవండి: ఐపీఎల్‌లో సంచలన ట్రేడ్‌ పూర్తి

టీమిండియా మాజీ వికెట్‌కీపర్‌ బ్యాటర్‌ కేఎస్‌ భరత్‌ అంతర్జాతీయ క్రికెట్‌లోకి మళ్లీ అడుగుపెట్టాలని భావిస్తున్నట్లు తెలుస్తోంది. అయితే ఈసారి టీమిండియా తరఫున కాకుండా యూఏఈ జట్టు ద్వారా తన అదృష్టాన్ని పరీక్షించుకోవాలని చూస్తున్నట్లు సమాచారం.భారత్ తరఫున ఏడు టెస్టులు ఆడిన 33 ఏళ్ల భరత్.. యూఏఈ జాతీయ జట్టుకు ప్రాతినిధ్యం వహించడమే తన తదుపరి లక్ష్యమని వెల్లడించినట్లు పలు కథనాలు పేర్కొన్నాయి.సదరు కథనాల ప్రకారం భరత్‌ ఇలా అన్నాడు."దేశం తరఫున టెస్ట్ క్రికెట్ ఆడటం అనేది అత్యంత గొప్ప అనుభూతి. దానికి మించినది ఏదీ ఉండదు. అయితే ఒక క్రికెటర్‌గా ఎప్పుడూ ఆటలో కొనసాగాలని, మంచి ప్రదర్శన చేయాలని కోరుకుంటాం. గత కొన్నేళ్లుగా దేశవాళీ క్రికెట్‌లో నేను నిలకడగా రాణిస్తున్నాను. నాలో ఇంకా అంతర్జాతీయ స్థాయిలో ఆడే సత్తా ఉందని భావించాను. అందుకే జూన్‌లో కఠినమైన రిటైర్మెంట్ నిర్ణయం తీసుకున్నాను" అని పేర్కొన్నాడు.ప్రస్తుతం దుబాయ్‌లో నివసిస్తున్న భరత్.. యూఏఈ తరఫున అంతర్జాతీయ క్రికెట్‌లోకి తిరిగి రావాలని ప్రణాళికలు సిద్ధం చేసుకుంటున్నాడు. అయితే ఇందుకోసం అవసరమైన కూలింగ్ ఆఫ్ పీరియడ్ పూర్తికావాల్సి ఉంది."నిజం చెప్పాలంటే అదే నా ప్రణాళిక. ప్రస్తుతం కూలింగ్ ఆఫ్ పీరియడ్ పూర్తి చేయాల్సి ఉంది. ఫిబ్రవరిలో అది ముగుస్తుంది. ఆ తర్వాత నా భవిష్యత్ ప్రణాళికల గురించి మరింత స్పష్టంగా చెప్పగలను" అని వెల్లడించాడు.కాగా, భరత్ ఈ ఏడాది జూన్‌లో అంతర్జాతీయ క్రికెట్‌కు రిటైర్మెంట్ ప్రకటించాడు. దీంతో ప్రపంచవ్యాప్తంగా జరిగే టీ20 లీగ్‌లలో ఆడేందుకు అతడికి అవకాశం లభించింది. ప్రస్తుతం అతడు అబుదాబి టీ10 లీగ్‌లో ఎమిరేట్స్ ఈగిల్స్ జట్టుకు ప్రాతినిధ్యం వహిస్తున్నాడు.ఇదీ చదవండి: ఐపీఎల్‌లో సంచలన ట్రేడ్‌ పూర్తి

ఐపీఎల్ 2027 సీజన్‌కు ముందే ముంబై ఇండియన్స్, పంజాబ్ కింగ్స్ ఫ్రాంచైజీలు సంచలన ట్రేడ్‌ను పూర్తి చేశాయి. టీమిండియా స్టార్ ఆల్‌రౌండర్ హార్దిక్ పాండ్యా ముంబై ఇండియన్స్ నుంచి పంజాబ్ కింగ్స్‌కు మారగా.. పంజాబ్ పేసర్ అర్ష్‌దీప్ సింగ్ ముంబై ఇండియన్స్ జట్టులోకి చేరాడు. ఈ ఇద్దరు ఆటగాళ్ల బదిలీకి ఐపీఎల్ అధికారికంగా ఆమోదం తెలిపింది.ఈ ట్రేడ్‌లో భాగంగా హార్దిక్ పాండ్యా రూ.18 కోట్ల ధరకు పంజాబ్ కింగ్స్‌కు వెళ్లనున్నాడు. గతంలో ముంబై ఇండియన్స్ తరఫున అతడికి రూ.16.35 కోట్ల పారితోషికం లభించేది. మరోవైపు అర్ష్‌దీప్ సింగ్ తన ప్రస్తుత పారితోషికమైన రూ.18 కోట్లకే ముంబై ఇండియన్స్‌లో చేరనున్నాడు.ముంబైకి కొత్త కెప్టెన్ అవసరం2024 నుంచి ముంబై ఇండియన్స్ కెప్టెన్‌గా వ్యవహరిస్తున్న హార్దిక్ పాండ్యా నిష్క్రమణతో ఆ జట్టుకు కొత్త నాయకుడిని ఎంపిక చేయాల్సిన పరిస్థితి ఏర్పడింది. 2024లో హార్దిక్ నాయకత్వంలో ముంబై పాయింట్ల పట్టికలో చివరి స్థానంలో నిలిచింది. అయితే 2025లో ప్లేఆఫ్స్‌కు చేరుకుంది. 2026లో మాత్రం తొమ్మిదో స్థానంతో సరిపెట్టుకుంది.2024 నుంచి ముంబై కెప్టెన్‌గా 39 మ్యాచ్‌ల్లో వ్యవహరించిన హార్దిక్ 15 విజయాలు అందించగా, 24 మ్యాచ్‌ల్లో జట్టు ఓటమి పాలైంది.హార్దిక్‌కు ఇది మూడో ఐపీఎల్ ఫ్రాంచైజీ కానుంది. 2015లో ముంబై ఇండియన్స్ తరఫున ఐపీఎల్‌లో అరంగేట్రం చేసిన అతడు.. 2022లో గుజరాత్ టైటాన్స్‌కు మారాడు. ఆ జట్టుకు రెండు సీజన్ల పాటు కెప్టెన్‌గా వ్యవహరించాడు. తిరిగి 2024లో ముంబై ఇండియన్స్‌కు చేరాడు. ఇప్పటివరకు ఐదుసార్లు ఐపీఎల్ టైటిల్ గెలిచిన జట్లలో సభ్యుడిగా ఉన్నాడు. ఇందులో నాలుగు టైటిళ్లు ముంబైతో, ఒకటి గుజరాత్ టైటాన్స్‌తో సాధించాడు.బుమ్రాతో అర్ష్‌దీప్పంజాబ్ కింగ్స్‌ తరఫున 2019లో ఐపీఎల్ అరంగేట్రం చేసిన అర్ష్‌దీప్ సింగ్.. ఎనిమిది సీజన్ల పాటు ఆ ఫ్రాంచైజీకే ప్రాతినిధ్యం వహించాడు. మొత్తం 96 మ్యాచ్‌ల్లో 111 వికెట్లు పడగొట్టాడు. పంజాబ్ కింగ్స్ చరిత్రలో అత్యధిక వికెట్లు తీసిన బౌలర్‌గా అర్ష్‌దీప్ కొనసాగుతున్నాడు.ఇప్పుడు ముంబై ఇండియన్స్‌లో చేరడంతో జస్‌ప్రీత్ బుమ్రాతో కలిసి బౌలింగ్ చేసే అవకాశం అతడికి దక్కనుంది. ఈ ఇద్దరు భారత స్టార్ పేసర్లు కొత్త సీజన్‌లో ప్రత్యర్థి బ్యాటర్లకు సవాల్ విసిరే అవకాశం ఉంది.ఇదీ చదవండి: కెప్టెన్‌గా సంజూ శాంసన్

న్యూజిలాండ్‌తో వన్డే సిరీస్‌లో మిగిలిన రెండు మ్యాచ్‌లకు భారత జట్టులో కీలక మార్పులు చోటు చేసుకున్నాయి. టెస్ట్ సిరీస్‌కు సిద్ధమయ్యేందుకు పలువురు టెస్ట్ స్పెషలిస్టులు వన్డే జట్టు నుంచి తప్పుకోనున్నారు. దీంతో ఆ మ్యాచ్‌లలో కొత్త ఆటగాళ్లకు అవకాశాలు దక్కనున్నాయి.శుభ్‌మన్ గిల్ స్థానంలో కెప్టెన్‌గా శ్రేయస్ అయ్యర్చివరి రెండు వన్డేల్లో భారత జట్టుకు శ్రేయస్ అయ్యర్ నాయకత్వం వహించనున్నాడు. రెగ్యులర్ కెప్టెన్ శుభ్‌మన్ గిల్ టెస్ట్ సిరీస్ సన్నాహాల కోసం వన్డే జట్టుకు దూరం కావడంతో అయ్యర్‌కు కెప్టెన్సీ బాధ్యతలు అప్పగించారు.వైస్ కెప్టెన్‌గా ఇషాన్ కిషన్చివరి రెండు వన్డేల్లో శ్రేయస్ అయ్యర్ కెప్టెన్‌గా వ్యవహరించనుండటంతో ఇషాన్ కిషన్‌కు వైస్ కెప్టెన్సీ బాధ్యతలు అప్పగించారు. కేఎల్ రాహుల్ టెస్ట్ సన్నాహాల కోసం వన్డే జట్టుకు దూరం కావడంతో వికెట్ కీపింగ్ బాధ్యతలు కూడా ఇషాన్‌కే దక్కనున్నాయి. గిల్ లేకపోవడంతో ఇషాన్ ఓపెనర్‌గా బరిలోకి దిగే అవకాశం కూడా ఉంది.కేఎల్ రాహుల్ స్థానంలో కుమార్ కుషాగ్రాయువ వికెట్ కీపర్ బ్యాటర్ కుమార్ కుషాగ్రాకు వన్డే జట్టులో చోటు దక్కింది. దేశవాళీ క్రికెట్‌తో పాటు భారత్-ఏ తరఫున నిలకడగా రాణించడం అతడికి కలిసొచ్చింది. ఇషాన్ కిషన్‌కు బ్యాకప్ వికెట్ కీపర్‌గా కుషాగ్రా వ్యవహరించనున్నాడు.ఫినిషర్‌గా తిలక్ వర్మకు అవకాశంభారత యువ బ్యాటర్ తిలక్ వర్మకు కూడా వన్డే జట్టులో చోటు కల్పించారు. చివరి రెండు మ్యాచ్‌లకు బ్యాటింగ్ విభాగంలో ఖాళీలు ఏర్పడటంతో తిలక్‌కు అవకాశం లభించింది. టీ20ల్లో ఫినిషర్‌గా రాణిస్తున్న అతడిని ఐదు లేదా ఆరో స్థానంలో ఆడించే అవకాశం ఉంది.అన్షుల్ కాంబోజ్ స్థానంలో యశ్ ఠాకూర్బౌలింగ్ విభాగంలోనూ భారత్ మార్పులు చేసింది. టెస్ట్ జట్టుకు వెళ్లనున్న అన్షుల్ కాంబోజ్ స్థానంలో యశ్ ఠాకూర్‌కు అవకాశం కల్పించింది. 2025-26 విజయ్ హజారే ట్రోఫీలో విదర్భ తరఫున యశ్ ఠాకూర్ అద్భుతంగా రాణించాడు. తొమ్మిది మ్యాచ్‌ల్లో 19 వికెట్లు పడగొట్టాడు.న్యూజిలాండ్‌తో చివరి రెండు వన్డేలకు భారత జట్టు:శ్రేయస్ అయ్యర్ (కెప్టెన్), రోహిత్ శర్మ, విరాట్ కోహ్లీ, తిలక్ వర్మ, ఇషాన్ కిషన్ (వైస్ కెప్టెన్, వికెట్ కీపర్), అక్షర్ పటేల్, నమన్ ధీర్, ఔకిబ్ నబీ, గుర్నూర్ బ్రార్, రుతురాజ్ గైక్వాడ్, అర్ష్‌దీప్ సింగ్, కుమార్ కుశాగ్ర (వికెట్ కీపర్), యశ్ ఠాకూర్, కుల్దీప్ యాదవ్.కాగా, ఇప్పటికే ఐదు మ్యాచ్‌ల వన్డే సిరీస్‌లో భారత్ 2-0తో ఆధిక్యంలో ఉంది. హామిల్టన్‌లో జరగాల్సిన మూడో వన్డే టాస్ అనంతరం వర్షం కారణంగా రద్దయింది. నాలుగు, ఐదు వన్డేలు మౌంట్‌ మాంగనూయ్‌ వేదికగా నవంబర్‌ 15, 19 తేదీల్లో జరుగనున్నాయి. ఇదీ చదవండి: భారత్‌తో టెస్ట్ సిరీస్‌కు న్యూజిలాండ్ జట్టు ప్రకటన

టీమిండియా డాషింగ్‌ బ్యాటర్‌ సంజూ శాంసన్‌కు మరో కీలక బాధ్యత దక్కింది. 2026 సయ్యద్ ముస్తాక్ అలీ ట్రోఫీ కోసం అతడిని కేరళ జట్టు కెప్టెన్‌గా నియమించారు. ఈ టోర్నీలో పాల్గొనే 18 మంది సభ్యులతో కూడిన జట్టును కేరళ క్రికెట్ అసోసియేషన్ తాజాగా ప్రకటించింది.గతేడాది కూడా సంజూ శాంసన్ కేరళ జట్టుకు నాయకత్వం వహించాడు. అయితే ఆ టోర్నీలో ఎలైట్ గ్రూప్-ఏలో కేరళ నాలుగో స్థానంతో సరిపెట్టుకుంది. సూపర్ లీగ్‌కు అర్హత సాధించలేకపోయింది. వ్యక్తిగతంగా సంజూ మాత్రం మంచి ప్రదర్శన చేశాడు. ఆరు ఇన్నింగ్స్‌ల్లో 137.86 స్ట్రైక్‌రేట్‌తో 233 పరుగులు సాధించాడు. జట్టులో రోహన్ కున్నుమ్మల్ తర్వాత అత్యధిక పరుగులు చేసిన ఆటగాడిగా నిలిచాడు.అనుభవజ్ఞులకు చోటుఈసారి కేరళ జట్టులో పలువురు అనుభవజ్ఞులకు అవకాశం కల్పించారు. రెడ్‌బాల్ జట్టు కెప్టెన్ విష్ణు వినోద్‌తో పాటు అతడి కంటే ముందు జట్టుకు నాయకత్వం వహించిన మహమ్మద్ అజరుద్దీన్ కూడా చోటు దక్కించుకున్నారు. ఇటీవల రంజీ ట్రోఫీకి ముందు జట్టులోకి తిరిగి వచ్చిన వెటరన్ స్పిన్నర్ జలజ్ సక్సేనా కూడా జట్టుకు ఎంపికయ్యాడు.ఐపీఎల్‌లో ముంబై ఇండియన్స్, రాజస్థాన్ రాయల్స్ జట్లకు ప్రాతినిధ్యం వహించిన విఘ్నేశ్ పుత్తూర్‌కు కూడా చోటు లభించింది. 2018, 2021లో చెన్నై సూపర్ కింగ్స్ టైటిల్ విజేతగా నిలిచిన జట్లలో సభ్యుడిగా ఉన్న కేఎం ఆసిఫ్‌ను కూడా ఎంపిక చేశారు.నవంబర్ 14 నుంచి ప్రారంభం కానున్న ఈ టోర్నీలో కేరళ తమ తొలి మ్యాచ్‌లో మధ్యప్రదేశ్‌తో తలపడనుంది.సయ్యద్ ముస్తాక్ అలీ ట్రోఫీ 2026లో కేరళ జట్టు:సంజూ వి. శాంసన్ (కెప్టెన్, వికెట్ కీపర్), రోహన్ ఎస్. కున్నుమ్మల్, మహమ్మద్ అజరుద్దీన్ (వికెట్ కీపర్), అహమ్మద్ ఇమ్రాన్, గోవింద్ దేవ్ డి. పై, కృష్ణ దేవన్ ఆర్.జె., విష్ణు వినోద్ (వికెట్ కీపర్), సల్మాన్ నిజార్, అఖిల్ స్కారియా, నిఖిల్ ఎం., విఘ్నేశ్ పుత్తూర్, బిజు నారాయణన్ ఎన్., కార్తీక్ బి. నాయర్, వైశాఖ్ చంద్రన్, ఆసిఫ్ కేఎం, నిధీష్ ఎం.డి., షరఫుద్దీన్ ఎన్.ఎం, జలజ్ సక్సేనా.ఇదీ చదవండి: భారత్‌తో టెస్ట్ సిరీస్‌కు న్యూజిలాండ్ జట్టు ప్రకటన

స్వదేశంలో భారత్‌తో జరగనున్న రెండు మ్యాచ్‌ల టెస్ట్ సిరీస్‌ కోసం న్యూజిలాండ్‌ జట్టును ఇవాళ ప్రకటించారు. ఈ జట్టుకు కెప్టెన్‌గా టామ్‌ లాథమ్‌ వ్యవహరించనున్నాడు. చీలమండ గాయం కారణంగా బెన్ సియర్స్, తుంటి గాయంతో జాక్ ఫౌల్క్స్, రిటర్న్ టు ప్లే కార్యక్రమంలో ఉన్న విల్ ఓ రూర్కే జట్టుకు దూరమయ్యారు. వీరి స్థానంలో జాకబ్ డఫీ జట్టులోకి వచ్చాడు.మరోవైపు టామ్ బ్లండెల్, డెవాన్ కాన్వే, రచిన్ రవీంద్ర గాయాలతో బాధపడుతున్నా, తొలి టెస్ట్‌ సమయానికంతా కోలుకుంటారని జట్టులోకి ఎంపిక చేశారు. ఈ మార్పులు మినహా ఇంగ్లండ్‌ పర్యటనలో ఆడిన జట్టునే దాదాపుగా కొనసాగించారు.2024లో భారత్‌పై 3-0తో చారిత్రాత్మక టెస్ట్ సిరీస్ విజయాన్ని నమోదు చేసిన న్యూజిలాండ్.. మరోసారి అదే ఫలితాన్ని పునరావృతం చేయాలని లక్ష్యంగా పెట్టుకుంది. భారత్‌తో రెండు మ్యాచ్‌ల టెస్ట్‌ సిరీస్‌ నవంబర్‌ 19న ప్రారంభం కానుంది. తొలి టెస్ట్‌ వెల్లింగ్టన్‌ వేదికగా, రెండో టెస్ట్‌ క్రైస్ట్‌చర్చ్‌ వేదికగా నవంబర్‌ 27న ప్రారంభం కానున్నాయి.భారత్‌తో టెస్ట్ సిరీస్‌కు న్యూజిలాండ్ జట్టు:టామ్ లాథమ్ (కెప్టెన్), టామ్ బ్లండెల్ (వికెట్ కీపర్), డెవాన్ కాన్వే, జాకబ్ డఫీ, మాట్ హెన్రీ, కైల్ జేమీసన్, డారిల్ మిచెల్, హెన్రీ నికోల్స్, గ్లెన్ ఫిలిప్స్, రచిన్ రవీంద్ర, మిచెల్ సాంట్నర్, నాథన్ స్మిత్, బ్లెయిర్ టిక్నర్, విల్ యంగ్.ఇదిలా ఉంటే, ప్రస్తుతం భారత్‌-న్యూజిలాండ్ జట్లు వైట్‌బాల్ సిరీస్‌లలో తలపడుతున్నాయి. ఐదు మ్యాచ్‌ల టీ20 సిరీస్‌ను భారత్ 3-2తో కైవసం చేసుకోగా.. ఐదు మ్యాచ్‌ల వన్డే సిరీస్‌లో ప్రస్తుతం భారత్‌ 2-0 ఆధిక్యంలో కొనసాగుతోంది. తాజాగా మూడో వన్డే వర్షం​ కారణంగా రద్దు కాగా.. నాలుగో వన్డే మౌంట్‌ మాంగనూయ్‌ వేదికగా నవంబర్‌ 13న జరుగనుంది. ఇదీ చదవండి: గిల్ రికార్డును స‌మం చేసిన ఆర్య‌వీర్ సెహ్వాగ్‌

హామిల్టన్‌: భారత్, న్యూజిలాండ్‌ సిరీస్‌ను మొదటి నుంచి వెంటాడుతున్న వాన ఈసారి పూర్తి స్థాయిలో ప్రభావం చూపించింది. ఇరు జట్ల మధ్య మంగళవారం జరగాల్సిన మూడో వన్డే భారీ వర్షం కారణంగా రద్దయింది. ఉదయం నుంచి వర్షం కారణంగా మైదానంలోకి దిగే పరిస్థితి కనిపించలేదు. అయితే కాస్త తెరిపినివ్వడంతో నిరీ్ణత సమయం కంటే రెండు గంటలు ఆలస్యంగా (భారత కాలమానం ప్రకారం గం. ఉ.9:30 నుంచి) 40 ఓవర్ల మ్యాచ్‌ను నిర్వహించాలని అంపైర్లు నిర్ణయించారు. వరుసగా మూడో మ్యాచ్‌లో టాస్‌ నెగ్గిన శుబ్‌మన్‌ గిల్‌ మరోసారి ఫీల్డింగ్‌ ఎంచుకున్నాడు. అయితే సరిగ్గా మ్యాచ్‌ సమయానికి వాన మళ్లీ మొదలైంది. మరో గంటన్నర పాటు వర్షం తగ్గకపోవడంతో అంపైర్లు మ్యాచ్‌ను రద్దు చేస్తున్నట్లు ప్రకటించారు. తొలి రెండు మ్యాచ్‌లు నెగ్గి 2–0లో ఆధిక్యంలో నిలిచిన భారత్‌ ఇక సిరీస్‌ ఓడిపోయే అవకాశం లేదు. మరోవైపు స్వదేశంలో వరుసగా 11 వన్డే సిరీస్‌లు గెలిచిన న్యూజిలాండ్‌ జోరుకు బ్రేక్‌ పడింది. ఇరు జట్ల మధ్య శుక్రవారం మౌంట్‌ మాంగనుయ్‌లో నాలుగో వన్డే జరుగుతుంది. వన్డేలు వదిలి టెస్టు సన్నాహాలకు... భారత్, న్యూజిలాండ్‌ మధ్య తొలి టెస్టు నవంబర్‌ 19 నుంచి వెలింగ్టన్‌లో జరగనుంది. మిగిలిన రెండు వన్డేలతో పోలిస్తే భారత్‌కు వరల్డ్‌ టెస్టు చాంపియన్‌షిప్‌ (డబ్ల్యూటీసీ) పాయింట్లు కీలకం. కివీస్‌ గడ్డపై టెస్టుల్లో పరిస్థితులు, వాతావరణం, బంతి భిన్నంగా స్పందించే తీరువంటి అంశాలను చూస్తే మన ఆటగాళ్లకు ప్రత్యేక సన్నద్ధత అవసరం. దీనిని దృష్టిలో ఉంచుకొని కెపె్టన్‌ శుబ్‌మన్‌గిల్, కేఎల్‌ రాహుల్‌ టెస్టు మ్యాచ్‌ ప్రాక్టీస్‌పై దృష్టి పెట్టారు. అందుకే మ్యాచ్‌కు 10 రోజుల ముందే వెలింగ్టన్‌కు బయల్దేరారు. వీరిద్దరితో పాటు టెస్టు జట్టులో ఉన్న బౌలర్లు సిరాజ్, కుల్దీప్‌ యాదవ్, అన్షుల్‌ కంబోజ్‌ కూడా వెళ్లారు. బ్యాటింగ్‌ కోచ్‌ సితాన్షు కొటక్, పేస్‌ బౌలింగ్‌ కోచ్‌ మోర్నీ మోర్కెల్‌ టెస్టు ఆటగాళ్ల సాధనను పర్యవేక్షిస్తారు. ముందుగా అనుకున్న విధంగా చివరి రెండు వన్డేలకు గిల్‌ దూరం కానుండగా, శ్రేయస్‌ అయ్యర్‌ కెప్టెన్‌గా వ్యవహరిస్తాడు. హెడ్‌ కోచ్‌ గంభీర్, స్పిన్‌ బౌలింగ్‌ కోచ్‌ సాయిరాజ్‌ బహుతులే మాత్రం వన్డే టీమ్‌తో పాటు ఉంటారు. మరోవైపు టెస్టు జట్టులో లేని పేసర్లు అర్‌‡్షదీప్, గుర్నూర్, ఆఖిబ్‌ నబీ కూడా న్యూజిలాండ్‌లోనే ఉండనున్నారు. మిగిలిన రెండు వన్డేలు ముగిసిన తర్వాత వీరు వెలింగ్టన్‌కు వెళ్లి భారత బ్యాటర్ల నెట్‌ ప్రాక్టీస్‌కు సహకరిస్తారు.

క్రికెట్ చ‌రిత్ర‌లోనే అత్యంత వింతైన ఔట్ నేపాల్ ప్రీమియ‌ర్ లీగ్ (ఎన్‌పీఎల్-2026)లో చోటుచేసుకుంది. క‌ర్నాలీ యాక్స్ కెప్టెన్ సోంపాల్ కామి ‘అబ్‌స్ట్రక్టింగ్ ద ఫీల్డ్’ (బంతిని ఉద్దేశ‌పూర్వ‌కంగా కొట్టడం)గా అవుట్ అయ్యాడు. ఈ లీగ్ చరిత్రలో ఈ విధంగా అవుట్ అయిన మొదటి ఆటగాడిగా సోంపాల్ కామి రికార్డుకెక్కాడు. విష‌యంలోకి వెళితే.. 2026 నవంబర్ 9న కీర్తిపూర్‌లోని త్రిభువన్ యూనివర్సిటీ గ్రౌండ్‌లో కర్నాలీ యాక్స్, పోఖారా అవెంజర్స్ జట్ల మధ్య జ‌రిగిన మ్యాచ్‌లో ఇది చోటుచేసుకుంది. 218 పరుగుల భారీ లక్ష్యాన్ని ఛేదించే క్రమంలో, 15వ ఓవర్ చివరి బంతిని పోఖారా స్పిన్నర్ బిపిన్ ఖత్రి ఆఫ్-స్టంప్ వెలుపల విసిరాడు. షాట్ ఆడటానికి ప్రయత్నించిన సోంపాల్ కామి బ్యాట్‌కు బంతి ఇన్‌సైడ్ ఎడ్జ్ తీసుకుని అతని కాళ్ల దగ్గరే ఆగిపోయింది. షాట్ సరిగ్గా కనెక్ట్ కాకపోవడంతో అసహనానికి గురైన సోంపాల్, బంతి ఇంకా ఆటలో ఉండగానే తన బ్యాట్‌తో ఆ బంతిని రెండోసారి ఆఫ్-సైడ్ వైపు కొట్టాడు. పోఖారా అవెంజర్స్ ఫీల్డర్లు వెంటనే అప్పీల్ చేయడంతో, ఆన్-ఫీల్డ్ అంపైర్లు నిర్ణయాన్ని థర్డ్ అంపైర్‌కు నివేదించారు. రీప్లేలను పరిశీలించిన టీవీ అంపైర్ మసూదుర్ రెహమాన్ అతడిని అవుట్‌గా ప్రకటించారు. అప్పటికి సోంపాల్ 19 బంతుల్లో 21 పరుగులు చేసి ఉన్నాడునిబంధ‌నలు ఏం చెబుతున్నాయంటే?ఎంసీసీ (MCC) క్రికెట్ నిబంధనలలోని లా 37.1 (Law 37.1) ప్రకారం, బంతి ఆటలో ఉన్నప్పుడు బ్యాటర్ ఉద్దేశపూర్వకంగా బంతిని రెండోసారి బ్యాట్‌తో గానీ, శరీరంతో గానీ తాకితే 'అబ్‌స్ట్రక్టింగ్ ద ఫీల్డ్' కింద అవుట్ ఇస్తారు. (గతంలో 'హిట్ ద బాల్ ట్వైస్' అనే ప్రత్యేక నిబంధన ఉండేది, ఇప్పుడు దీనిని ఈ నిబంధనలోనే విలీనం చేశారు).కేవలం బంతి స్టంప్స్‌ను తాకకుండా వికెట్లను రక్షించుకునే ఉద్దేశంతో మాత్రమే బ్యాటర్ బంతిని రెండోసారి ఆపే అవకాశం ఉంటుంది. సోంపాల్ కొట్టిన బంతి వికెట్లకు ఎలాంటి ప్రమాదం కలిగించే స్థితిలో లేకపోవడంతో, అంపైర్లు అతడిని అవుట్‌గా ప్రకటించారు.Ever seen this dismissal 👀 🤯 #Cricket https://t.co/XPGyHzHGdu— CREX (@Crex_live) November 10, 2026ఇదీ చదవండి: గిల్ రికార్డును స‌మం చేసిన ఆర్య‌వీర్ సెహ్వాగ్‌శతక్కొట్టిన ఆర్యవీర్‌.. యూఏఈని చిత్తుచేసి సెమీస్‌కు భారత్‌

అండ‌ర్‌-19 ఆసియా క‌ప్‌లో భార‌త బ్యాట‌ర్ ఆర్య‌వీర్ సెహ్వాగ్ స‌రికొత్త చ‌రిత్ర సృష్టించాడు. మంగ‌ళ‌వారం యూఏఈతో జ‌రిగిన మ్యాచ్‌లో ఆర్య‌వీర్ భారీ శ‌త‌కంతో చెల‌రేగిన సంగ‌తి తెలిసిందే. 168 బంతుల్లో 160 ప‌రుగులు చేసిన ఆర్య‌వీర్ ఖాతాలో 17 ఫోర్లు, 7 సిక్స‌ర్లు ఉన్నాయి. తాజాగా చేసిన సెంచ‌రీతో ఆర్య‌వీర్‌.. యూత్ వ‌న్డేల్లో అత్య‌ధిక స్కోరు సాధించిన భార‌త క్రికెట‌ర్ల జాబితాలో చోటు ద‌క్కించుకున్నాడు. ఈ జాబితాలో అంబ‌టి రాయుడు (177 నాటౌట్‌) తొలి స్థానంలో ఉండ‌గా, వైభ‌వ్ సూర్య‌వంశీ (175) రెండో స్థానంలో కొన‌సాగుతున్నాడు. ఇక రాజ్ బ‌వా (162 నాటౌట్‌) మూడో స్థానంలో ఉన్నాడు. ఈ నేప‌థ్యంలో ఇవాళ్టి మ్యాచ్‌లో 160 ప‌రుగులు చేసిన ఆర్య‌వీర్‌.. మ‌యాంక్ అగ‌ర్వాల్ (160), గిల్ (160) సాధించిన ప‌రుగుల రికార్డును స‌మం చేశాడు. 2017లో వాంఖ‌డే వేదిక‌గా ఇంగ్లండ్‌తో జ‌రిగిన యూత్ వ‌న్డేలో గిల్ 160 ప‌రుగులు సాధించ‌గా, 2009లో హోబ‌ర్ట్ వేదిక‌గా ఆస్ట్రేలియాతో జ‌రిగిన యూత్ వ‌న్డేలో మ‌యాంక్ అగ‌ర్వాల్‌160 ప‌రుగులు సాధించాడు.ఇక ఆర్య‌వీర్ శ‌త‌కానికి తోడు వీకే వినీత్ అర్థ‌సెంచ‌రీ చేయ‌డంతో తొలుత బ్యాటింగ్ చేసిన ఇండియా 50 ఓవ‌ర్ల‌లో 7 వికెట్ల న‌ష్టానికి 309 ప‌రుగులు చేసింది. యూఏఈఏ బౌల‌ర్ల‌లో నసీమ్ ఖాన్ 4 వికెట్లు తీయగా, హదయతుల్లా ఖాన్‌, నూరుల్లా అయోబి, అయాన్ మిస్బా త‌లా ఒక వికెట్ ప‌డ‌గొట్టారు. 310 ప‌రుగుల లక్ష్యంతో బ‌రిలోకి దిగిన యూఏఈ జ‌ట్టు నిర్ణీత 50 ఓవ‌ర్ల‌లో 239 ప‌రుగుల‌కు ఆలౌటయ్యింది.యూఏఈ బ్యాట‌ర్ల‌లో అహ్మ‌ద్ ఖుదాదాద్ (74) అర్థ‌సెంచ‌రీ సాధించ‌గా, నూరుల్లా అయోబి (39), య‌యిన్ రాయ్ (29) ప‌ర్వాలేద‌నిపించారు. భార‌త బౌల‌ర్ల‌లో ఇషాన్ సూద్ 4 వికెట్లతో మెరిశాడు. ఈ విజ‌యంతో ఆసియా క‌ప్‌లో భార‌త్ సెమీస్‌కు దూసుకెళ్లింది.ఇదీ చదవండి: శతక్కొట్టిన ఆర్యవీర్‌.. యూఏఈని చిత్తుచేసి సెమీస్‌కు భారత్‌చ‌రిత్ర సృష్టించిన శ్రీలంక బౌల‌ర్‌

ఆసియా క‌ప్ అండ‌ర్‌-19 టోర్నీలో భాగంగా భార‌త యువ జ‌ట్టు అద్భుత విజ‌యాన్ని అందుకుంది. అల్ అమెర‌త్ వేదిక‌గా జ‌రిగిన మ్యాచ్‌లో యూఏఈని టీమిండియా 70 ప‌రుగుల తేడాతో చిత్తుగా ఓడించింది. 310 ప‌రుగుల లక్ష్యంతో బ‌రిలోకి దిగిన యూఏఈ జ‌ట్టు నిర్ణీత 50 ఓవ‌ర్ల‌లో 239 ప‌రుగుల‌కు ఆలౌటయ్యింది. యూఏఈ బ్యాట‌ర్ల‌లో అహ్మ‌ద్ ఖుదాదాద్ (74) అర్థ‌సెంచ‌రీ సాధించ‌గా, నూరుల్లా అయోబి (39), య‌యిన్ రాయ్ (29) ప‌ర్వాలేద‌నిపించారు. భార‌త బౌల‌ర్ల‌లో ఇషాన్ సూద్ 4 వికెట్లు తీయ‌గా, మోహిత్ ఉల్వా, మ‌నాల్ చౌహాన్, కావ్యా ప‌టేల్‌, య‌శ్‌బ‌ర్ద‌న్ చౌహాన్ , ఆర్య‌న్ స‌వ్సానీ, అర్జున్ రాజ్‌పుత్ త‌లా ఒక వికెట్ ప‌డ‌గొట్టారు.అంత‌క‌ముందు తొలుత బ్యాటింగ్ చేసిన ఇండియా 50 ఓవ‌ర్ల‌లో 7 వికెట్ల న‌ష్టానికి 309 ప‌రుగులు చేసింది. ఆర్య‌వీర్ సెహ్వాగ్ (160) భారీ శ‌త‌కంతో చెల‌రేగ‌గా, వీకే వినీత్ (67) అర్థ‌సెంచ‌రీ సాధించాడు. యూఏఈఏ బౌల‌ర్ల‌లో నసీమ్ ఖాన్ 4 వికెట్లు తీయగా, హదయతుల్లా ఖాన్‌, నూరుల్లా అయోబి, అయాన్ మిస్బా త‌లా ఒక వికెట్ ప‌డ‌గొట్టారు. సెమీస్‌లో భారత్‌..మూడు మ్యాచ్‌ల్లో రెండు విజయాలు సాధించిన భారత్‌ సెమీస్‌కు దూసుకెళ్లింది. ఇప్పటికే పాకిస్తాన్‌ మూడు విజయాలతో గ్రూప్‌ టాపర్‌గా సెమీస్‌లో అడుగుపెట్టింది. నవంబర్‌ 12న జరగనున్న తొలి సెమీస్‌లో పాకిస్తాన్‌తో బంగ్లాదేశ్‌, రెండో సెమీస్‌లో అఫ్గానిస్తాన్‌తో భారత్‌ తలపడనున్నాయి.ఇదీ చదవండి: IND vs NZ: వర్షం వల్ల ఆట రద్దు.. మ్యాచ్‌ డ్రా చ‌రిత్ర సృష్టించిన శ్రీలంక బౌల‌ర్‌

రావ‌ల్పిండి వేదిక‌గా పాకిస్తాన్‌తో జ‌రుగుతున్న తొలి టెస్టులో శ్రీలంక బౌల‌ర్ అసిత‌ ఫెర్నాండో చ‌రిత్ర సృష్టించాడు. 29 ఏళ్ల ఫెర్నాండో మ్యాచ్‌లో త‌యాబ్ ఆరిఫ్‌, స‌ల్మాన్ అగా వికెట్లు తీసి వంద వికెట్ల మార్క్‌ను పూర్తి చేసుకున్నాడు. ఈ నేప‌థ్యంలో అసిత‌ ఫెర్నాండో లంక దిగ్గ‌జ బౌల‌ర్ ల‌సిత్ మ‌లింగ రికార్డును బ‌ద్ద‌లుకొట్ట‌డం విశేషం. శ్రీలంక త‌ర‌ఫున టెస్టుల్లో అత్యంత వేగంగా వంద వికెట్లు పూర్తి చేసుకున్న ఫాస్టెస్ట్ బౌల‌ర్‌గా అసితా ఫెర్నాండో నిలిచాడు. కేవ‌లం 29 మ్యాచ్‌ల్లోనే ఈ ఫీట్ సాధించిన ఫెర్నాండో ఒక్క మ్యాచ్ త‌క్కువ తేడాతో మ‌లింగను (30 మ్యాచ్‌లు) అధిగ‌మించ‌డం విశేషం. ఇక లంక త‌ర‌ఫున టెస్టుల్లో వేగంగా వంద వికెట్ల మైలురాయిని చేరుకున్న‌ జాబితాలో మాత్రం అసిత‌ ఫెర్నాండో.. మ‌రో స్పిన్న‌ర్ రంగ‌నా హెరాత్ (29 మ్యాచ్‌లు)తో క‌లిసి నాలుగో స్థానంలో కొన‌సాగుతున్నాడు. ఇక లంక తరఫున టెస్టుల్లో వంద వికెట్ల మార్క్‌ దాటిన పదో బౌలర్‌గా, ఐదో ఫాస్ట్‌ బౌలర్‌గా అసిత ఫెర్నాండో నిలిచాడు.లంక త‌ర‌ఫున వేగంగా 100 వికెట్ల మార్క్ అందుకున్న బౌల‌ర్లు17 - ప్రబాత్ జయసూర్య25 - దిల్‌రువాన్ పెరీరా27 - ముత్తయ్య మురళీధరన్29 - రంగనా హెరాత్, అసిత ఫెర్నాండో*30 - లసిత్ మలింగ2021లో సౌతాఫ్రికాతో జ‌రిగిన టెస్టు మ్యాచ్ ద్వారా అంత‌ర్జాతీయ టెస్టు క్రికెట్‌లో అరంగేట్రం చేసిన అసిత ఫెర్నాండో అన‌తికాలంలోనే లంక ప్ర‌ధాన పేస‌ర్‌గా ఎదిగాడు. 2024లో 9 మ్యాచ్‌ల్లోనే 37 వికెట్లు ప‌డ‌గొట్టి బెస్ట్ ప్ర‌ద‌ర్శ‌న న‌మోదు చేసిన ఫెర్నాండో.. 29 మ్యాచ్‌ల్లో 48 ఇన్నింగ్స్‌ల్లో 3.48 ఎకాన‌మీ రేటుతో 100 వికెట్ల మార్క్‌ను చేరుకున్నాడు.ఇక మ్యాచ్ విష‌యానికొస్తే.. రెండో రోజు ఆట ముగిసే స‌మ‌యానికి శ్రీలంక జ‌ట్టు 27.1 ఓవ‌ర్ల‌లో 3 వికెట్ల న‌ష్టానికి 114 ప‌రుగులు చేసింది. క‌మిందు మెండిస్ (40), ధ‌నంజ‌య డిసిల్వా (22) క్రీజులో ఉన్నారు. పాక్ బౌల‌ర్ల‌లో స‌కీబ్ ఖాన్ రెండు వికెట్లు తీశాడు. ప్ర‌స్తుతం లంక 320 ప‌రుగులు వెనుక‌బ‌డి ఉంది. అంత‌క‌ముందు పాకిస్తాన్ త‌మ తొలి ఇన్నింగ్స్‌ను 9 వికెట్ల న‌ష్టానికి 434 ప‌రుగుల వ‌ద్ద డిక్లేర్ చేసింది. సాద్ ష‌కీల్ (93) స‌హా ఐదుగురు పాక్ బ్యాట‌ర్లు అర్థ‌సెంచ‌రీల‌తో మెరిశారు.💯 Test Wickets in the Lion’s jersey! 🇱🇰⚡ Massive congratulations to Asitha Fernando on achieving this major milestone in Rawalpindi! 🙌🔥 #PAKvSL #SriLankaCricket https://t.co/x7aQO6xHki— Sri Lanka Cricket 🇱🇰 (@OfficialSLC) November 10, 2026 Asitha Fernando becomes the tenth Sri Lanka bowler to a century of Test wickets 👏 #WTC27 | 📝: https://t.co/gCTbicB831 https://t.co/xDCqHjJsVg— ICC (@ICC) November 10, 2026ఇదీ చదవండి: కెప్టెన్‌గా ఫిక్స్‌!.. హింట్ ఇచ్చిన న్యూజిలాండ్‌ కెప్టెన్‌పెళ్లి తర్వాత మా తొలి దీపావళి

న్యూజిలాండ్‌- భారత్‌ ‘ఎ’ జట్ల మధ్య మూడో అనధికారిక టెస్టులో ఆఖరిదైన నాలుగో రోజు ఆట ఒక్క బంతి కూడా పడకుండానే రద్దైపోయింది. వర్షం వల్ల మంగళవారం నాటి ఆట తుడిచిపెట్టుకుపోవడంతో ఈ మ్యాచ్‌ కూడా డ్రా అయింది. కాగా న్యూజిలాండ్‌తో రెండు టెస్టుల సిరీస్‌ ఆడేందుకు టీమిండియా అక్కడికి వెళ్లగా.. ఇందుకు సన్నాహకంగా భారత్‌- కివీస్‌ ‘ఎ’ జట్లు ముందుగా మూడు మ్యాచ్‌ల అనధికారిక టెస్టు సిరీస్‌లో పాల్గొన్నాయి.భారత్‌ భారీ స్కోరుతొలి రెండు మ్యాచ్‌లు డ్రా కాగా.. ఇరుజట్ల మధ్య లిన్‌కోన్‌ వేదికగా శనివారం మూడో అనధికారిక టెస్టు మొదలైంది. టాస్‌ గెలిచిన ఆతిథ్య న్యూజిలాండ్‌ జట్టు తొలుత బౌలింగ్‌ ఎంచుకోగా.. భారత్‌ బ్యాటింగ్‌ చేసింది. ఓపెనర్లలో యశ​స్వి జైస్వాల్‌ మరోసారి శతకం (102)తో అలరించగా.. సాయి సుదర్శన్‌ భారీ హాఫ్‌ సెంచరీ (88) సాధించాడు. వన్‌డౌన్ బ్యాటర్‌ దేవదత్‌ పడిక్కల్‌ (15) నిరాశపరచగా.. కెప్టెన్‌ ధ్రువ్‌ జురెల్‌ (71), తిలక్‌ వర్మ (81 నాటౌట్‌) హాఫ్‌ సెంచరీలతో రాణించారు.ఇక రవీంద్ర జడేజా 25 పరుగులతో ఫర్వాలేదనిపించగా.. వాషింగ్టన్‌ సుందర్‌ అర్ధ శతకం (50)తో నాటౌట్‌గా నిలిచాడు. ఈ క్రమంలో ఐదు వికెట్ల నష్టానికి 464 పరుగుల భారీ స్కోరు వద్ద భారత జట్టు తమ మొదటి ఇన్నింగ్స్‌ డిక్లేర్‌ చేసింది. న్యూజిలాండ్‌ బౌలర్లలో జాక్‌ గిబ్సన్‌ రెండు వికెట్లు పడగొట్టగా.. జారోడ్‌ మెకాయ్‌, కామెరాన్‌ పాల్‌, డనురు ఫెర్న్స్‌ తలా ఒక వికెట్‌ తమ ఖాతాలో వేసుకున్నారు. అనంతరం కివీస్‌ తమ మొదటి ఇన్నింగ్స్‌ మొదలుపెట్టగా.. భారత పేసర్‌ ప్రసిద్‌ కృష్ణ ఆదిలోనే దెబ్బకొట్టాడు.రెండు వికెట్ల నష్టానికి 36 పరుగులుఓపెనర్లలో రైస్‌ మరియును డకౌట్‌ చేసిన ప్రసిద్‌ కృష్ణ.. కర్టిస్‌ హీపీని 19 పరుగుల వ్యక్తిగత స్కోరు ఉండగా వికెట్ల ముందు దొరకబుచ్చుకున్నాడు. దీంతో ఆదివారం నాటి రెండో రోజు ఆట పూర్తయ్యేసరికి న్యూజిలాండ్‌ 14 ఓవర్లలో రెండు వికెట్ల నష్టానికి 36 పరుగులు చేసింది. డీన్‌ ఫాక్స్‌క్రాఫ్ట్‌ 10, జాక్‌ గిబ్సన్‌ ఒక పరుగుతో క్రీజులో నిలిచారు. అయితే, సోమవారం నాటి మూడో రోజు ఆట వర్షం వల్ల రద్దైపోయింది. మంగళవారం కూడా వాన తెరిపినివ్వకపోవడంతో ఒక్క బంతి కూడా పడకుండానే మ్యాచ్‌ డ్రాగా ముగిసిపోయింది.జడ్డూ, బుమ్రాకు ప్రాక్టీస్‌ఇదిలా ఉంటే.. గాయం నుంచి కోలుకుని రీఎంట్రీ ఇచ్చిన ప్రసిద్‌ కృష్ణ రెండు వికెట్లతో సత్తా చాటగా.. సీనియర్‌ ఆల్‌రౌండర్‌ రవీంద్ర జడేజా, ప్రధాన పేసర్‌ జస్‌ప్రీత్‌ బుమ్రాకు కాస్త మ్యాచ్‌ ప్రాక్టీస్‌ దొరికింది. బుమ్రా ఆరు ఓవర్ల బౌలింగ్‌లో పదకొండు పరుగులు ఇచ్చి వికెట్‌ తీయలేకపోయాడు. జడ్డూ ఆరో స్థానంలో బ్యాటింగ్‌కు వచ్చి 25 పరుగులు చేయగలిగాడు.ఇదీ చదవండి: జట్టు ప్రకటన.. కెప్టెన్‌గా పృథ్వీ షా!.. మరి రుతురాజ్‌?

ఐపీఎల్ 2027 సీజ‌న్‌కు సంబంధించి ముంబై ఇండియ‌న్స్ కెప్టెన్‌గా రోహిత్ శ‌ర్మ తిరిగి ఎంపిక‌వ్వ‌నున్నాడంటూ కొంత‌కాలంగా రూమ‌ర్లు వ‌స్తున్నాయి. ఇప్ప‌టికే హార్దిక్ పాండ్యా ట్రేడింగ్‌లో వేరే జ‌ట్టుకు వెళ్ల‌నుండ‌డంతో ముంబై కెప్టెన్సీ స్లాట్ ఖాళీ కానుంది. ఈ నేప‌థ్యంలో గ‌తంలో ముంబై ఇండియన్స్‌ను ఐదుసార్లు చాంపియ‌న్‌గా నిలిపిన హిట్‌మ్యాన్‌కే మ‌రోసారి ప‌గ్గాలు అప్ప‌జెప్పాల‌ని ముంబై ఇండియన్స్ ఒక ఆలోచ‌న చేస్తున్న‌ట్లు స‌మాచారం. ఇప్ప‌టివ‌ర‌కు ముంబై కెప్టెన్ ఎవ‌ర‌న్న‌ది జ‌ట్టు యాజ‌మాన్యం అధికారిక ప్ర‌క‌ట‌న చేయ‌న‌ప్ప‌టికీ, న్యూజిలాండ్ కెప్టెన్ మిచెల్ సాంట్న‌ర్ రోహిత్‌కు కెప్టెన్సీ హింట్ ఇచ్చిన‌ట్లు తెలుస్తోంది. దీనికి సంబంధించిన వీడియో సోష‌ల్ మీడియాలో వైర‌ల్‌గా మారింది. ప్ర‌స్తుతం కివీస్ ప‌ర్య‌ట‌న‌లో ఉన్న టీమిండియా వ‌న్డే సిరీస్ ఆడుతోంది. ఇవాళ హామిల్ట‌న్ వేదిక‌గా జ‌ర‌గాల్సిన మూడో వ‌న్డే వ‌ర్ష‌ర్ప‌ణ‌మ‌యిన సంగ‌తి తెలిసిందే. ఒక్క బంతి కూడా ప‌డ‌కుండానే మ్యాచ్ ర‌ద్ద‌యిన‌ట్లు అంపైర్లు ప్ర‌క‌టించారు. దీంతో డగౌట్‌లో ఇరుజ‌ట్ల ఆట‌గాళ్లు సంప్ర‌దాయంగా షేక్ హ్యాండ్స్‌ ఇచ్చుకున్నారు. ఈ క్ర‌మంలో రోహిత్ శ‌ర్మ కివీస్ కెప్టెన్ మిచెల్ సాంట్న‌ర్ వ‌ద్ద‌కు రాగానే.. హిట్‌మాన్‌తో చేతులు క‌లిపిన సాంట్న‌ర్‌.. ‘‘హ‌లో కెప్టెన్’’ అని ప‌ల‌కరించాడు. దీనికి రోహిత్ బ‌దులుగా ‘‘థ్యాంక్స్ మ్యాన్’’ అని పేర్కొన‌డం ఆస‌క్తి క‌లిగించింది. ఐపీఎల్‌లో మిచెల్ సాంట్న‌ర్ కూడా ముంబై ఇండియ‌న్స్‌కు ఆడుతున్న సంగ‌తి తెలిసిందే. దీంతో ముంబై ఇండియన్స్ అధికారిక ప్ర‌క‌ట‌న చేయ‌న‌ప్ప‌టికీ, సాంట్న‌ర్ మాత్రం ముంబై కెప్టెన్ రోహిత్ శ‌ర్మేనంటూ హింట్ ఇవ్వ‌డం ఆలోచ‌న‌లో ప‌డేసింది. అయితే కొంతమంది మాత్రం వారిద్దరు మాట్లాడిన మాటలను వాయిస్‌ మార్ఫింగ్‌ చేశారని తమ అభిప్రాయాన్ని వెల్లడించారు.ఇందులో నిజ‌మెంత అనేది ప‌క్క‌న‌బెడితే, సాంట్న‌ర్ హింట్‌తో రోహిత్ అభిమానులు మాత్రం ఉబ్బిత‌బ్బిబ‌వుతున్నారు. ఎలాగూ 2027 వ‌న్డే ప్ర‌పంచ‌క‌ప్ అనంత‌రం రోహిత్ శ‌ర్మ అంత‌ర్జాతీయ కెరీర్‌కు వీడ్కోలు ప‌ల‌క‌నుండ‌డంతో, ఐపీఎల్‌కు కూడా గుడ్‌బై చెబుతాడ‌ని ప్ర‌చారం జ‌రుగుతోంది. అన్నీ కుదిరితే మాత్రం రోహిత్ శ‌ర్మ తన చివ‌రి ఐపీఎల్ సీజ‌న్‌లో ముంబై ఇండియ‌న్స్‌కు కెప్టెన్సీ నిర్వ‌హిస్తే చూడాల‌ని ఉంద‌ని అభిమానులు కామెంట్లు చేశారు.ఇక న్యూజిలాండ్‌తో జ‌ర‌గనున్న వ‌న్డే సిరీస్‌లో రోహిత్ శ‌ర్మ పెద్ద‌గా ఆక‌ట్టుకోలేదు. తొలి వ‌న్డేలో డకౌట్ అయిన రోహిత్ రెండో వ‌న్డేలో 23 ప‌రుగులు చేసి ఔట‌య్యాడు. కివీస్‌తో సిరీస్ ముగిసిన త‌ర్వాత రోహిత్ స్వ‌దేశంలో లంక‌తో వ‌న్డే సిరీస్ ఆడ‌నున్నాడు. వ‌చ్చే ఏడాది జ‌న‌వ‌రిలో జింబాబ్వేతో వ‌న్డే సిరీస్‌కు ముందు రోహిత్ దేశ‌వాళీ టోర్నీ విజ‌య్ హ‌జారే ట్రోఫీలో ముంబై త‌ర‌ఫున ప్రాతినిధ్యం వ‌హించ‌నున్నాడు.Rohit Sharma: “Mitchi” Mitchell Santner: “Hello, skipper” Rohit: “Thanks, man” It’s now almost confirmed that Rohit Sharma will be leading Mumbai Indians. Feel for that one fanbase that will now claim Santner is also Rohit’s PR just because he called him “skipper.” 😭 https://t.co/CWlqateOvr— Rohan💫 (@rohann__45) November 10, 2026ఇదీ చదవండి: లంకతో తొలి టెస్టు.. పాక్ బ్యాట‌ర్ చెత్త రికార్డుధోని రికార్డు బ‌ద్ద‌లుకొట్టిన కోహ్లి

భారత క్రికెట్‌ దిగ్గజం సచిన్‌ టెండుల్కర్‌ ఇంట దీపావళి సంబరాలు ఘనంగా జరిగాయి. భార్య అంజలితో కలిసి సచిన్‌ లక్ష్మీ పూజ చేశాడు. ఇందుకు సంబంధించిన వీడియోను అభిమానులతో పంచుకున్నాడు.మరోవైపు.. సచిన్‌- అంజలిల కుమారుడు అర్జున్‌ తన భార్య సానియాతో కలిసి పండుగ సెలబ్రేట్‌ చేసుకున్నాడు. పెళ్లైన తర్వాత మా తొలి దీపావళి అంటూ అర్జున్‌ సతీమణి సానియా ఇన్‌స్టాగ్రామ్‌ వేదికగా ఫొటోలు షేర్‌ చేయగా.. వైరల్‌గా మారాయి.ఇక సచిన్‌ కుమార్తె సారా టెండుల్కర్‌ స్నేహితులతో పండుగ చేసుకున్న ఫొటోలను పంచుకుంది. ఇదిలా ఉంటే.. నవంబరు 10న తన సతీమణి అంజలి పుట్టినరోజును పురస్కరించుకుని.. ఆమెతో కలిసి దిగిన ఫొటోను పంచుకున్న సచిన్‌ భావోద్వేగ క్యాప్షన్‌ జతచేశాడు.‘‘ఇల్లంటే కాస్త ఎక్కువ ఇష్టం ఉంటుంది. అందులో నువ్వు ఉంటావు కాబట్టే ఇలా!.. హ్యాపీ బర్త్‌డే అంజలి’’ అని సచిన్‌ భార్యకు శుభాకాంక్షలు తెలియజేశాడు. ఇక సారా సైతం.. ‘‘నా ఆత్మబంధువుకు పుట్టినరోజు శుభాకాంక్షలు. నేను చేసే ప్రతీ పనిలో నువ్వు నా భాగస్వామివే. నీవల్లే నేనున్నా’’ అని తల్లికి విషెస్‌ చెప్పింది.కాగా ప్రేమించి పెళ్లిచేసుకున్న సచిన్‌- అంజలి దంపతులకు కుమార్తె సారా, కుమారుడు అర్జున్‌ సంతానం. ఈ ఏడాదే ముంబైలోని సంపన్న వ్యాపార కుటుంబానికి చెందిన సానియా చందోక్‌ను వివాహమాడాడు. అయితే, అర్జున్‌ అక్క సారా మాత్రం ఎంటర్‌ప్రెన్యూర్‌గా రాణిస్తూ పెళ్లి ఊసెత్తడం లేదు.Laxmi Pujan at our home. An evening of prayers, traditions and blessings. 🙏🏻 🪔 https://t.co/kFwtSO22da— Sachin Tendulkar (@sachin_rt) November 8, 2026

రావల్పిండి వేదికగా శ్రీలంకతో జరుగుతున్న తొలి టెస్టు మ్యాచ్‌లో పాకిస్తాన్ బ్యాటర్ సాద్ షకీల్ చెత్త రికార్డును నమోదు చేశాడు. మ్యాచ్‌లో 93 పరుగులు చేసిన షకీల్ ఏడు పరుగుల తేడాతో సెంచరీ చేజార్చుకున్నాడు. టెస్టుల్లో సాద్ షకీల్ తొంబైల్లో ఔటవ్వడం ఇది మూడోసారి. ఈ నేపథ్యంలో కెప్టెన్ బాబర్ ఆజం రికార్డును సమం చేశాడు. బాబ‌ర్ ఆజం కూడా టెస్టుల్లో మూడుసార్లు నెర్వ‌స్ నైంటీస్ కేట‌గిరీలో నిలిచాడు. ఇక పాక్ త‌ర‌ఫున మాజీ కెప్టెన్ ఇంజమామ్ ఉల్ హ‌క్ టెస్టుల్లో ఏకంగా 8సార్లు తొంబైల్లో ఔట‌వ్వ‌గా, మ‌రో మాజీ ఆట‌గాడు మిస్బా ఉల్ హ‌క్ ఐదుసార్లు నెర్వ‌స్ నైంటీస్ బారిన ప‌డ్డాడు.ఇక 2022లో పాకిస్తాన్ త‌ర‌ఫున టెస్టుల్లో అరంగేట్రం చేసిన సాద్ ష‌కీల్ బెస్ట్ బ్యాట‌ర్‌గా నిలిచాడు. 2022 డిసెంబ‌ర్ నుంచి సాద్ ష‌కీల్ 51 ఇన్నింగ్స్‌ల్లో 43.72 స‌గ‌టుతో 2,099 ప‌రుగులు సాధించాడు. అత‌డి ఖాతాలో నాలుగు సెంచ‌రీలున్నాయి. ఆ త‌ర్వాత బాబ‌ర్ ఆజం (1699 ప‌రుగులు), స‌ల్మాన్ అగా (1641 ప‌రుగులు), షాన్ మ‌సూద్ (1548 ప‌రుగులు) ఉన్నారు.ఇక మ్యాచ్ విష‌యానికొస్తే, పాకిస్తాన్ త‌మ తొలి ఇన్నింగ్స్‌ను 9 వికెట్ల న‌ష్టానికి 434 ప‌రుగుల వ‌ద్ద డిక్లేర్ చేసింది. సాద్ ష‌కీల్ స‌హా ఐదుగురు పాక్ బ్యాట‌ర్లు (త‌యాబ్ ఆరిఫ్‌, మొహ‌మ్మ‌ద్ త‌హా, బాబ‌ర్ ఆజం, అరాఫ‌త్ మిన్హాస్‌లు) అర్థ‌శ‌త‌కాల‌తో మెరిశారు. లంక బౌల‌ర్ల‌లో దిల్షాన్ మ‌దుషంక‌, అసితా ఫెర్నాండో చెరో 3 వికెట్లు తీయ‌గా, లాహిరు కుమారా, మిల‌న్ ప్రియాంత్‌, సోనాల్ దినూష త‌లా ఒక వికెట్ ప‌డ‌గొట్టారు.ఇదీ చదవండి: ధోని రికార్డు బ‌ద్ద‌లుకొట్టిన కోహ్లిజట్టు ప్రకటన.. కెప్టెన్‌గా పృథ్వీ షా!

హామిల్ట‌న్ వేదిక‌గా న్యూజిలాండ్‌, భార‌త్ మ‌ధ్య జ‌ర‌గాల్సిన మూడో వ‌న్డే మ్యాచ్ ఒక్క బంతి ప‌డ‌కుండానే వ‌ర్షంతో ర‌ద్ద‌యింది. ఉద‌యం నుంచి ఎడ‌తెరిపి లేకుండా వ‌ర్షం కుర‌వ‌డంతో మ్యాచ్ ర‌ద్దుకే అంపైర్లు మొగ్గు చూపారు. దీంతో ఐదు మ్యాచ్‌ల వ‌న్డే సిరీస్‌లో భార‌త్ ప్ర‌స్తుతం 2-0తో ఆధిక్యంలో నిలిచింది. అయితే మ్యాచ్ జ‌ర‌గ‌నప్ప‌టికీ, టీమిండియా స్టార్ విరాట్ కోహ్లి మాత్రం ఒక అరుదైన రికార్డును త‌న ఖాతాలో వేసుకున్నాడు. అదేంటంటే, న్యూజిలాండ్ గ‌డ్డ‌పై ఎక్కువ వ‌న్డేలు ఆడిన భార‌త క్రికెట‌ర్ల జాబితాలో కోహ్లి మాజీ కెప్టెన్ ఎంఎస్ ధోనిని అధిగ‌మించాడు. ధోని ఇప్ప‌టివ‌ర‌కు కివీస్ గ‌డ్డ‌పై 15 వ‌న్డేలు ఆడ‌గా.. తాజాగా హామిల్ట‌న్ వేదిక‌గా ర‌ద్ద‌యిన వ‌న్డే కోహ్లికి న్యూజిలాండ్‌లో 16వ వ‌న్డే మ్యాచ్‌. ఓవ‌రాల్‌ జాబితాలో కోహ్లి నాలుగో స్థానంలో ఉన్నాడు. కోహ్లి కంటే ముందు జ‌వ‌గ‌ళ్ శ్రీనాథ్ (22 వ‌న్డేలు), మ‌హ్మ‌ద్ అజారుద్దీన్ (19 వ‌న్డేలు), రోహిత్ శ‌ర్మ (17 వ‌న్డేలు) తొలి మూడు స్థానాల్లో ఉన్నారు. మ‌రో రెండు మ్యాచ్‌లు మిగిలి ఉన్న‌ప్ప‌టికీ కోహ్లి నాలుగో స్థానంలోనే ఉండ‌నున్నాడు. టీమిండియా మ‌రోసారి కివీస్ ప‌ర్య‌ట‌న‌కు వ‌చ్చిన‌ప్పటికీ, అప్ప‌టివ‌ర‌కు కోహ్లి ఆడ‌డం అనుమాన‌మే. వ‌చ్చే ఏడాది వ‌న్డే ప్ర‌పంచ‌క‌ప్ అనంత‌రం కోహ్లి అంత‌ర్జాతీయ కెరీర్‌కు పూర్తిగా వీడ్కోలు ప‌లికే అవ‌కాశాలున్నాయి. దీంతో కోహ్లి కివీస్ గ‌డ్డ‌పై 18 వ‌న్డేల‌తో నిల‌వ‌నున్నాడు. మ‌రోవైపు రోహిత్ శ‌ర్మ మాత్రం 19 వ‌న్డేల‌తో అజారుద్దీన్‌తో క‌లిసి సంయుక్తంగా నిల‌వ‌నున్నాడు. ఇరుజ‌ట్ల మ‌ధ్య నాలుగో వ‌న్డే శుక్ర‌వారం జ‌ర‌గ‌నుంది.మిగిలిన రెండు వన్డేలకు కెప్టెన్‌గా శ్రేయస్‌ అయ్యర్‌సిరీస్‌లో మిగిలిన రెండు వన్డేలు నవంబర్‌ 13, 15 తేదీల్లో జరుగనున్నాయి. ఈ రెండు మ్యాచ్‌లకు వైస్‌ కెప్టెన్‌ శ్రేయస్‌ అయ్యర్‌ నాయకత్వం వహించనున్నాడు. రెగ్యులర్‌ కెప్టెన్‌ శుభ్‌మన్‌ గిల్‌ తదుపరి జరుగబోయే టెస్ట్‌ సిరీస్‌కు సన్నద్దం కావాల్సి ఉండటంతో ముందుగానే ఈ మార్పును ప్రకటించారు.నవంబర్‌ 19 నుంచి టెస్టు సిరీస్‌వన్డే సిరీస్‌ ముగిసిన తర్వాత భారత్‌, న్యూజిలాండ్‌ మధ్య రెండు మ్యాచ్‌ల టెస్టు సిరీస్‌ ప్రారంభం కానుంది. నవంబర్‌ 19న వెల్లింగ్టన్‌లోని బేసిన్‌ రిజర్వ్‌ వేదికగా తొలి టెస్టు మొదలవుతుంది. చివరి టెస్టు నవంబర్‌ 27 నుంచి క్రైస్ట్‌చర్చ్‌లోని హాగ్లీ ఓవల్‌లో జరగనుంది.ఇదీ చదవండి: షకీల్‌ సెంచరీ మిస్‌.. పాక్‌ భారీ స్కోర్‌శతకంతో చెలరేగిన సెహ్వాగ్‌.. వినీత్‌ ఫిఫ్టీ.. భారత్‌ భారీ స్కోరు

రెండు మ్యాచ్‌ల సిరీస్‌లో భాగంగా రావల్పిండి వేదికగా శ్రీలంకతో జరుగుతున్న తొలి టెస్ట్‌లో పాకిస్తాన్‌ భారీ స్కోర్‌ చేసింది. టాస్‌ ఓడి శ్రీలంక ఆహ్వానం మేరకు తొలుత బ్యాటింగ్‌ చేసిన ఆతిథ్య జట్టు తొలి ఇన్నింగ్స్‌ను 434-9 స్కోర్‌ వద్ద డిక్లేర్ చేసింది. పాక్‌ ఇన్నింగ్స్‌లో ఐదుగురు అర్ద సెంచరీలతో రాణించారు. మిడిలార్డర్‌ బ్యాటర్‌ సౌద్‌ షకీల్‌ సెంచరీ చేజార్చుకున్నాడు. లంక బౌలర్లలో దిల్షన్‌ మధుషంక, అసిత ఫెర్నాండో చెరో 3 వికెట్లు పడగొట్టగా.. లహీరు కుమార, మిలన్‌ రత్నాయకే, సోనల్‌ దినుష తలో వికెట్‌ దక్కించుకున్నారు.ఐదుగురు హాఫ్‌ సెంచరీలుపాక్‌ ఇన్నింగ్స్‌లో తయ్యబ్‌ ఆరిఫ్‌ (57), మొహమ్మద్‌ తాహా (51), కెప్టెన్‌ బాబర్‌ ఆజం (50), అరాఫత్‌ మిన్హాస్‌ (52) అర్ద సెంచరీలతో రాణించారు. సౌద్‌ షకీల్‌ (93) ఏడు పరుగుల తేడాతో సెంచరీ చేసే అవకాశాన్ని కోల్పోయాడు. వికెట్‌ కీపర్‌ ఘాజీ ఘోరీ (48) అర్ద సెంచరీ మిస్‌ కాగా.. అజాన్‌ అవైస్‌ 30, సల్మాన్‌ అఘా 16, రజావుల్లా 10 పరుగులకు ఔటయ్యారు. సాకిబ్‌ ఖాన్‌ ఖాతా తెరవనప్పటికీ నాటౌట్‌గా నిలవగా.. మొహమ్మద్‌ అబ్బాస్‌ బ్యాటింగ్‌కు దిగలేదు. పాక్‌ అప్పటికే 106.3 ఓవర్లు ఆడటంతో బాబర్‌ ఆజం హుటాహుటిన సాకిబ్‌ ఖాన్‌ను పెవిలియన్‌కు పిలిచి ఇన్నింగ్స్‌ను డిక్లేర్‌ చేశాడు.కాగా, శ్రీలంక జట్టు టీ20, టెస్ట్‌ సిరీస్‌ల కోసం పాక్‌లో పర్యటిస్తుంది. ఈ సిరీస్‌లో తొలుత జరిగిన 3 మ్యాచ్‌ల టీ20 సిరీస్‌ను పాక్‌ 2-1 తేడాతో కైవసం చేసుకుంది.ఇదీ చదవండి: న్యూజిలాండ్‌ను భారీ దెబ్బేసిన టీమిండియా

ఏసీసీ మెన్స్‌ అండర్‌-19 ఆసియా కప్‌-2026 వన్డే టోర్నమెంట్‌లో తప్పక గెలవాల్సిన మ్యాచ్‌లో భారత్‌ భారీ స్కోరు సాధించింది. అల్‌ ఎమిరెట్‌ వేదికగా ఈ టోర్నీలో గ్రూప్‌-‘ఎ’ నుంచి తొలుత నేపాల్‌తో తలపడ్డ భారత్‌ భారీ విజయం సాధించింది. అనంతరం దాయాది పాకిస్తాన్‌ చేతిలో అనూహ్య రీతిలో ఓటమిపాలైంది.తాజాగా మంగళవారం నాడు యునైటెడ్‌ అరబ్‌ ఎమిరేట్స్‌తో తప్పక గెలవాల్సిన మ్యాచ్‌లో మాత్రం భారత బ్యాటర్లు సత్తా చాటారు. టాస్‌ ఓడి తొలుత బ్యాటింగ్‌కు దిగిన భారత జట్టుకు ఆదిలోనే ఎదురుదెబ్బ తగిలింది. ఓపెనర్లలో కెప్టెన్‌ లక్ష్య రాయ్‌చందాని (32 బంతుల్లో 17) నిరాశపరిచాడు.ఆర్యవీర్‌ సెహ్వాగ్‌ భారీ శతకంఅయితే, మరో ఓపెనర్‌ ఆర్యవీర్‌ సెహ్వాగ్‌, వన్‌డౌన్‌ బ్యాటర్‌ వీకే వినీత్‌ నిలకడగా ఆడుతూ స్కోరు బోర్డును ముందుకు నడిపించారు. ఈ క్రమంలో జూనియర్‌ సెహ్వాగ్‌ 131 బంతుల్లో శతకం పూర్తి చేసుకున్నాడు. మొత్తంగా 168 బంతులు ఎదుర్కొన్న ఈ కుడిచేతి వాటం బ్యాటర్‌ పదిహేడు ఫోర్లు, ఏడు సిక్సర్లు బాది ఏకంగా 160 పరుగులు సాధించాడు.Aaryavir Sehwag celebrates his landmark 150 with a towering six. 🥵 Watch #INDvUAE in the DP World Men's U19 Asia Cup, LIVE NOW on Sony Sports Network TV channels & Sony LIV. #SonySportsNetwork #SonyLIV https://t.co/kkBShecWuh— Sony Sports Network (@SonySportsNetwk) November 10, 2026వినీత్‌ హాఫ్‌ సెంచరీఅయితే, నసీం ఖాన్‌ బౌలింగ్‌లో ఉద్దీశ్‌ సూరికి క్యాచ్‌ ఇవ్వడంతో ఆర్యవీర్‌ భారీ ఇన్నింగ్స్‌ ముగిసిపోయింది. ఇక వీకే వినీత్‌ అర్ధ శతకం (69 బంతుల్లో 67; 3 ఫోర్లు, 3 సిక్స్‌లు)తో రాణించాడు. ఆర్యవీర్‌తో కలిసి రెండో వికెట్‌కు 193 పరుగుల భారీ భాగస్వామ్యం నెలకొల్పాడు.VK Vineeth knows how to make a statement! 💥 Watch #INDvUAE in the DP World Men's U19 Asia Cup, LIVE NOW on Sony Sports Network TV channels & Sony LIV. #SonySportsNetwork #SonyLIV https://t.co/PpDKMmzgQV— Sony Sports Network (@SonySportsNetwk) November 10, 2026వీరిద్దరు అవుటైన తర్వాత భారత్‌ వరుస విరామాల్లో వికెట్లు కోల్పోయింది. పాక్‌తో మ్యాచ్‌లో శతక్కొట్టిన అర్జున్‌ రాజ్‌పుత్‌ (4) పూర్తిగా విఫలం కాగా.. యశ్‌వర్దన్‌ చౌహాన్‌ 17, వికెట్‌ కీపర్‌ బ్యాటర్‌ అన్వయ్‌ ద్రవిడ్‌ 12 పరుగులు మాత్రమే చేసి నిష్క్రమించారు. లోయర్‌ ఆర్డర్‌లో మనాల్‌ చౌహాన్‌ (1) తేలిపోగా.. మోహిత్‌ ఉల్వా 7, ఆర్యర్‌ సస్వాని 2 పరుగులతో అజేయంగా నిలిచారు.నసీం ఖాన్‌కు 4 వికెట్లుఫలితంగా నిర్ణీత 50 ఓవర్లలో భారత్‌ ఏడు వికెట్ల నష్టానికి 309 పరుగులు సాధించింది. యూఏఈ బౌలర్లలో నసీం ఖాన్‌ నాలుగు వికెట్లతో చెలరేగగా.. హదాయతుల్లా ఖాన్‌, నూరుల్లా అయోబి, కెప్టెన్‌ అయాన్‌ మిస్బా తలా ఒక వికెట్‌ దక్కించుకున్నారు.ఇదీ చదవండి: జట్టు ప్రకటన.. కెప్టెన్‌గా పృథ్వీ షా!.. మరి రుతురాజ్‌?

దేశవాళీ టీ20 టోర్నమెంట్‌ సయ్యద్‌ ముస్తాక్‌ అలీ ట్రోఫీ-2026 ఎడిషన్‌కు సంబంధించి మహారాష్ట్ర క్రికెట్‌ బోర్డు తమ జట్టును ప్రకటించింది. పద్దెనిమిది మంది సభ్యులతో కూడిన ఈ జట్టులో టీమిండియా స్టార్‌ రుతురాజ్‌ గైక్వాడ్‌కు చోటు దక్కింది. అదే విధంగా పృథ్వీ షా కూడా ఈ జట్టులో ఉన్నాడు.అయితే, వీరిద్దరిలో కెప్టెన్‌ ఎవరన్న అంశంపై మాత్రం మహారాష్ట్ర క్రికెట్‌ స్పష్టతనివ్వలేదు. అనుభవజ్ఞులైన ఆటగాళ్లతో పాటు యువ ప్లేయర్లకు కూడా ఈసారి జట్టులో అవకాశం దక్కింది. సీనియర్‌ రాహుల్‌ త్రిపాఠితో పాటు.. యువ స్టార్‌ ఆల్‌రౌండర్‌ అర్షిన్‌ కులకర్ణికి సెలక్టర్లు చోటిచ్చారు.కాగా 2009-2010 సీజన్‌లో మహారాష్ట్ర దేశీ టీ20 టోర్నీలో ట్రోఫీ గెలిచింది. ఇక ఈసారి నవంబరు 14- 26 మధ్య సయ్యద్‌ ముస్తాక్‌ అలీ ట్రోఫీ గ్రూప్‌ దశలో భాగంగా మహారాష్ట్ర జట్టు మొహాలీ, చండీగఢ్‌లో మ్యాచ్‌లు ఆడుతుంది.ఇక ఈసారి కెప్టెన్‌ విషయంలో మాత్రం మహారాష్ట్ర ఇంత వరకు క్లారిటీ ఇవ్వకపోయినా.. పృథ్వీ షా లేదంటే రుతురాజ్‌ సారథిగా వ్యవహరించడం తెలిసిన విషయమే. రుతు భారత్‌-ఎ, టీమిండియాలో చోటు దక్కించుకోవడంతో ఇటీవల రంజీ ట్రోఫీ 2026-27 మ్యాచ్‌లలో పృథ్వీ షా కెప్టెన్‌గా వ్యవహరించాడు.ఇదిలా ఉంటే సయ్యద్‌ ముస్తాక్‌ అలీ ట్రోఫీలో ఎలైట్‌ గ్రూప్‌-‘సి’లో ఉన్న మహారాష్ట్ర.. తమ తొలి మ్యాచ్‌లో భాగంగా నవంబరు 14న పుదుచ్చేరితో తలపడుతుంది. ఆ తర్వాత కేరళ, హిమాచల్‌ ప్రదేశ్‌, అసోం, మధ్యప్రదేశ్‌, త్రిపుర, ఆంధ్ర జట్లతో మ్యాచ్‌లు ఆడుతుంది.కాగా ఆరంభ మ్యాచ్‌లలో పృథ్వీ షా కెప్టెన్‌గా వ్యవహరించే అవకాశం ఉంది. ఎందుకంటే రుతురాజ్‌ ప్రస్తుతం భారత వన్డే జట్టుతో కలిసి న్యూజిలాండ్‌ పర్యటనలో ఉన్నాడు. కివీస్‌తో వన్డే సిరీస్‌ నవంబరు 15తో ముగుస్తుంది.సయ్యద్‌ ముస్తాక్‌ అలీ ట్రోఫీ-2026 టోర్నీకి మహారాష్ట్ర జట్టుపృథ్వీ షా, రుతురాజ్‌ గైక్వాడ్‌, అర్షిన్‌ కులకర్ణి, సాహిల్‌ పరేఖ్‌, రాహుల్‌ త్రిపాఠి, సూరజ్‌ షిండే, రామకృష్ణ ఘోష్‌, ముకేశ్‌ చౌదరి, తనయ్‌ సంఘ్వీ, విక్కీ ఓస్త్వాల్‌, కిరణ్‌ చర్మోలే, రంజిత్‌ నికమ్‌, ప్రదీప్‌ దాధే, రుషికేశ్‌ సొనావ్నే, వికేక్‌ షెలార్‌, హితేశ్‌ వలుంజ్‌, ప్రశాంత్‌ సోలంకి, సిద్ధేశ్‌ వీర్‌.

భారత క్రికెట్‌ జట్టు న్యూజిలాండ్‌ గడ్డపై అంచనాలకు మించి రాణిస్తుంది. ప్రస్తుత పర్యటనలో ఇప్పటికే టీ20 సిరీస్‌ కైవసం (3-2తో) చేసుకున్న టీమిండియా.. ఐదు మ్యాచ్‌ల వన్డే సిరీస్‌ను గెలుపు లేదా సమం చేసుకోనుంది.హ్యామిల్టన్‌ వేదికగా ఇవాళ జరగాల్సిన మూడో వన్డే వర్షం కారణంగా ఒక్క బంతి కూడా పడకుండానే రద్దు కావడంతో సిరీస్‌లో భారత్‌ తమ ఆధిక్యాన్ని 2-0తో కొనసాగిస్తోంది. చివరి రెండు మ్యాచ్‌ల్లో భారత్‌ ఒక్క మ్యాచ్‌ గెలిచినా లేక మరో మ్యాచ్‌ ఏదైనా కారణం​ చేత రద్దైనా వన్డే సిరీస్‌ కూడా భారత్‌ ఖాతాలో చేరుతుంది.11 ఏళ్ల విజయపరంపరకు బ్రేక్‌ మూడో వన్డే రద్దైనా భారత్‌ న్యూజిలాండ్‌ను భారీ దెబ్బేసింది. సొంతగడ్డపై ఆ జట్టు 11 ఏళ్ల విజయపరంపరకు బ్రేక్‌ వేసింది. 2018-19 సీజన్‌ నుంచి న్యూజిలాండ్‌ స్వదేశంలో జరిగిన ప్రతి వన్డే సిరీస్‌లోనూ విజయం సాధించింది. తాజాగా భారత్‌తో జరగాల్సిన మూడో వన్డే రద్దు కావడంతో న్యూజిలాండ్‌ ఈ సిరీస్‌ గెలిచే అవకాశం కోల్పోయింది. ఒకవేళ చివరి రెండు వన్డేలు గెలిచినా సిరీస్‌ సమమవుతుంది తప్ప, న్యూజిలాండ్‌ గెలవలేదు.దీంతో భారత్‌ సొంతగడ్డపై వరుస వన్డే సిరీస్‌ విజయాలతో దూసుకుపోతున్న న్యూజిలాండ్‌కు అడ్డుకట్ట వేసింది. చివరిగా న్యూజిలాండ్‌కు సొంతగడ్డపై వన్డే సిరీస్‌ ఓటమి రుచి చూపించింది కూడా టీమిండియానే కావడం విశేషం​. నాటి నుంచి న్యూజిలాండ్‌.. బంగ్లాదేశ్‌, భారత్‌, నెదర్లాండ్స్‌, శ్రీలంక, పాకిస్తాన్‌, ఇంగ్లండ్‌, వెస్టిండీస్‌ జట్లపై స్వదేశంలో వన్డే సిరీస్‌లు గెలుచుకుంది.మిగిలిన రెండు వన్డేలకు కెప్టెన్‌గా శ్రేయస్‌ అయ్యర్‌సిరీస్‌లో మిగిలిన రెండు వన్డేలు నవంబర్‌ 13, 15 తేదీల్లో జరుగనున్నాయి. ఈ రెండు మ్యాచ్‌లకు వైస్‌ కెప్టెన్‌ శ్రేయస్‌ అయ్యర్‌ నాయకత్వం వహించనున్నాడు. రెగ్యులర్‌ కెప్టెన్‌ శుభ్‌మన్‌ గిల్‌ తదుపరి జరుగబోయే టెస్ట్‌ సిరీస్‌కు సన్నద్దం కావాల్సి ఉండటంతో ముందుగానే ఈ మార్పును ప్రకటించారు.నవంబర్‌ 19 నుంచి టెస్టు సిరీస్‌వన్డే సిరీస్‌ ముగిసిన తర్వాత భారత్‌, న్యూజిలాండ్‌ మధ్య రెండు మ్యాచ్‌ల టెస్టు సిరీస్‌ ప్రారంభం కానుంది. నవంబర్‌ 19న వెల్లింగ్టన్‌లోని బేసిన్‌ రిజర్వ్‌ వేదికగా తొలి టెస్టు మొదలవుతుంది. చివరి టెస్టు నవంబర్‌ 27 నుంచి క్రైస్ట్‌చర్చ్‌లోని హాగ్లీ ఓవల్‌లో జరగనుంది.ఇదీ చదవండి: IND VS NZ 3rd ODI: వర్షం కారణంగా మ్యాచ్‌ రద్దు

టీమిండియా విధ్వంసకర ఓపెనర్‌ వీరేందర్‌ సెహ్వాగ్‌ పెద్ద కుమారుడు ఆర్యవీర్‌ సెహ్వాగ్‌ తొలిసారి భారత్‌ తరఫున శతక్కొట్టాడు. ఏసీసీ మెన్స్‌ అండర్‌-19 ఆసియా కప్‌-2026 వన్డే టోర్నీలో భాగంగా యునైటెడ్‌ అరబ్‌ ఎమిరేట్స్‌తో మ్యాచ్‌లో సెంచరీ సాధించాడు. అల్‌ ఎమిరెట్‌ వేదికగా గ్రూప్‌-‘ఎ’ నుంచి భారత్‌- యూఏఈ అండర్‌-19 జట్లు మంగళవారం బరిలోకి దిగాయి. ఆది నుంచే నిలకడగా ఆడుతూటాస్‌ గెలిచిన యూఏఈ తొలుత బౌలింగ్‌ ఎంచుకుని భారత్‌ను బ్యాటింగ్‌కు ఆహ్వానించింది.ఈ క్రమంలో భారత ఓపెనర్లలో, కెప్టెన్‌ లక్ష్య రాయ్‌చందాని 17 పరుగుల వ్యక్తిగత స్కోరు వద్ద నిష్క్రమించగా.. మరో ఓపెనర్‌ ఆర్యవీర్‌ సెహ్వాగ్‌ ఆది నుంచే నిలకడగా ఆడాడు. ఈ క్రమంలో ఈ కుడిచేతి వాటం బ్యాటర్‌ 69 బంతుల్లో అర్ధ శతకం పూర్తి చేసుకున్నాడు. The Sehwag way of celebrating milestones! 🫣 Aaryavir gets to his half-century with a maximum. 👏 Watch #INDvUAE in the DP World Men's U19 Asia Cup, LIVE NOW on Sony Sports Network TV channels & Sony LIV. #SonySportsNetwork #SonyLIV https://t.co/xLMygPLVsL— Sony Sports Network (@SonySportsNetwk) November 10, 2026ఆ తర్వాత కూడా నిలకడగానే ముందుకు సాగిన ఆర్యవీర్‌.. 131 బంతుల్లో 13 ఫోర్లు, రెండు సిక్సర్లు బాది వంద పరుగుల మార్కు అందుకున్నాడు. వన్‌డౌన్‌ బ్యాటర్‌ వీకే వినీత్‌తో కలిసి వంద పరుగుల భాగస్వామ్యం పూర్తి చేసుకున్నాడు. ఈ క్రమంలో 36 ఓవర్ల ఆట పూర్తయ్యేసరికి భారత్‌ వికెట్‌ నష్టానికి 175 పరుగులు స్కోరు చేసింది.The pitch had its challenges, but Aaryavir Sehwag had all the answers. ✨ Watch #INDvUAE in the DP World Men's U19 Asia Cup, LIVE NOW on Sony Sports Network TV channels & Sony LIV. #SonySportsNetwork #SonyLIV https://t.co/wDk1jkO1Pn— Sony Sports Network (@SonySportsNetwk) November 10, 2026ఆసీస్‌తో సిరీస్‌ సందర్భంగా భారత్‌ తరఫున అరంగేట్రంఈ ఏడాది స్వదేశంలో ఆస్ట్రేలియా అండర్‌-19 జట్టుతో జరిగిన వన్డే సిరీస్‌ సందర్భంగా ఆర్యవీర్‌ భారత అండర్‌-19 జట్టు తరఫున అరంగేట్రం చేశాడు. ఆసీస్‌తో సిరీస్‌లో మూడు మ్యాచ్‌లలో కలిపి 109 పరుగులు చేశాడు.ఈ క్రమంలో ఇటీవల ఆసియా అండర్‌-19 కప్‌ టోర్నీకి ఎంపిక చేసిన భారత జట్టులో ఆర్యవీర్‌ చోటు దక్కించుకున్నాడు. ఈ టోర్నీలో భాగంగా భారత్‌ తొలుత నేపాల్‌ జట్టుతో తలపడగా.. జూనియర్‌ సెహ్వాగ్‌ 52 బంతుల్లో 70 పరుగులతో అజేయంగా నిలిచి జట్టు గెలుపులో కీలక పాత్ర పోషించాడు.అయితే, రెండో మ్యాచ్‌లో భాగంగా పాకిస్తాన్‌తో తలపడగా.. ఆర్యవీర్‌ కేవలం 22 పరుగులే చేయగలిగాడు. ఈ మ్యాచ్‌లో భారత్‌ ఓడిపోయింది. ఈ క్రమంలో సెమీస్‌ బరిలో ఉండాలంటే యూఏఈతో మంగళవారం యూఏఈతో తప్పక గెలవాల్సిన మ్యాచ్‌లో ఆర్యవీర్‌ ఓపికగా ఆడుతూ సెంచరీ పూర్తి చేసుకున్నాడు. భారత్‌ అండర్‌-19 జట్టు తరఫున అతడికి ఇదే తొలి శతకం. ఈ మ్యాచ్‌లో మొత్తంగా 168 బంతులు ఎదుర్కొన్న సెహ్వాగ్‌.. 17 ఫోర్లు, 7 సిక్సర్లు బాది 160 పరుగులు సాధించాడు. నసీం ఖాన్‌ బౌలింగ్‌లో ఉద్దీశ్‌ సూరికి క్యాచ్‌ ఇవ్వడంతో అతడి ఇన్నింగ్స్‌కు తెరపడింది. ఇవీ చదవండి: ఫ్లాట్‌ వికెట్లకు అలవాటుపడ్డారు.. వీళ్లేం బౌలింగ్‌ చేస్తారనుకున్నా!దక్షిణాఫ్రికా పర్యటనకు భారత జట్ల ప్రకటన

న్యూజిలాండ్‌- టీమిండియా మధ్య మంగళవారం జరగాల్సిన మూడో వన్డే వర్షం వల్ల రద్దైపోయింది. హామిల్టన్‌లో వాన వల్ల తొలుత టాస్‌ ఆలస్యమైంది. వర్షం కాస్త తెరిపినివ్వడంతో టాస్‌ గెలిచిన టీమిండియా తొలుత బౌలింగ్‌ ఎంచుకుంది.2-0తో ఆధిక్యంలో భారత్‌అయితే, మళ్లీ వరుణుడు ఎంట్రీ ఇవ్వడంతో కనీసం 20 ఓవర్ల ఆట అయినా సాధ్యమవుతుందని అంతా భావించారు. కానీ అంతకంతకూ వాన పెరగడంతో అధికారికంగా ఈ మ్యాచ్‌ను రద్దు చేస్తున్నట్లు అంపైర్లు ప్రకటించారు. కాగా ఐదు మ్యాచ్‌ల వన్డే సిరీస్‌లో ఇప్పటికే భారత్‌ 2-0తో ఆధిక్యంలో ఉన్న విషయం తెలిసిందే.ఇక మూడో వన్డే వర్షార్పణం కావడంతో భారత్‌ నాలుగు లేదంటే ఐదో వన్డేలో గెలిచి సిరీస్‌ కైవసం చేసుకోవచ్చు. లేదంటే మిగిలిన రెండు మ్యాచ్‌లలో ఆతిథ్య కివీస్‌ గెలిచినా సిరీస్‌ 2-2తో సమం అవుతుంది. కాబట్టి ఎలా చూసిన వన్డే సిరీస్‌లో టీమిండియాకు ఓటమి ఎదురయ్యే పరిస్థితి మాత్రం లేదు. కాగా ఇంతకుముందు కివీస్‌తో టీ20 సిరీస్‌ను భారత్‌ 3-2తో గెలిచిన సంగతి తెలిసిందే. కాగా న్యూజిలాండ్‌లో భారత్‌తో వన్డేలు వర్షార్పణం కావడం ఇదే తొలిసారి కాదు.న్యూజిలాండ్‌ వేదికగా వర్షం వల్ల రద్దైన వన్డేల జాబితాజనవరి 14, 1999- వెల్లింగ్‌టన్‌లో వర్షం వల్ల మ్యాచ్‌ రద్దుమార్చి 6, 2009- వెల్లింగ్‌టన్‌లో వర్షం వల్ల మ్యాచ్‌ రద్దునవంబరు 27, 2022- హామిల్టన్‌లో వర్షం వల్ల మ్యాచ్‌ రద్దునవంబరు 30, 2022- క్రైస్ట్‌చర్చ్‌లో వర్షం వల్ల మ్యాచ్‌ రద్దునవంబరు 10, 2026- హామిల్టన్‌లో వర్షం వల్ల మ్యాచ్‌ రద్దు.ఇదీ చదవండి: కెప్టెన్‌గా రీఎంట్రీ.. ‘ట్రోఫీని ఇంటికి తీసుకొస్తా’

ఇండియన్ ప్రీమియర్ లీగ్ (IPL)లో కొత్తగా రెండు జట్లు చేరే అవకాశాలు కనిపిస్తున్నాయి. 2028 సీజన్‌ నుంచి లీగ్‌ను మరింత విస్తరించేందుకు బీసీసీఐ కసరత్తు ప్రారంభించినట్లు తెలుస్తోంది. కొత్త ఫ్రాంచైజీలకు ఆతిథ్య నగరాలుగా పుణే, వడోదర పేర్లు ప్రముఖంగా వినిపిస్తున్నాయి. ఈ అంశంపై చర్చలు ఇంకా ప్రాథమిక దశలోనే ఉన్నట్లు సమాచారం.పెరుగుతున్న ఫ్రాంచైజీల విలువలుఇటీవల ఐపీఎల్‌ ఫ్రాంచైజీల విలువ గణనీయంగా పెరిగింది. రెండు కీలక యాజమాన్య లావాదేవీలు కూడా ఫ్రాంచైజీల విలువల పెరుగుదలకు దోహదపడ్డాయి. ఈ నేపథ్యంలో మరో రెండు జట్లను ప్రవేశపెట్టడం ద్వారా లీగ్‌ ఆదాయం, వాణిజ్య అవకాశాలను మరింత పెంచుకోవచ్చని బీసీసీఐ భావిస్తున్నట్లు తెలుస్తోంది.2028 నుంచి ఐపీఎల్‌లో పది జట్లకు బదులు 12 జట్లు పాల్గొంటే బీసీసీఐ ఆదాయం మరింత పెరుగుతుంది. ప్రస్తుతం ఐపీఎల్‌లో సీఎస్‌కే, ముంబై ఇండియన్స్‌, ఆర్సీబీ, గుజరాత్‌ టైటాన్స్‌, లక్నో సూపర్‌ జెయింట్స్‌, కేకేఆర్‌, ఢిల్లీ, పంజాబ్‌, సన్‌రైజర్స్‌ హైదరాబాద్‌ జట్లు కొనసాగుతున్న విషయం తెలిసిందే. ఇదీ చదవండి: క్రికెట్‌ స్కాట్లాండ్‌ సంచలన నిర్ణయం

క్రికెట్‌ స్కాట్లాండ్‌ సంచలన నిర్ణయం తీసుకుంది. ఆస్ట్రేలియా, ఇంగ్లండ్‌ తరహాలో ఆఫ్ఘనిస్తాన్‌లోని తాలిబన్‌ ప్రభుత్వ వైఖరికి నిరసనగా ఆ దేశ క్రికెట్‌ జట్టుతో ద్వైపాక్షిక క్రికెట్ సిరీస్‌లు ఆడకూడదని నిర్ణయించుకుంది. ఈమేరకు ఓ ప్రకటన విడుదల చేసింది.ఆఫ్ఘనిస్తాన్‌లో తాలిబన్‌ ప్రభుత్వం స్థానిక మహిళలు, బాలికలపై విధిస్తున్న ఆంక్షలకు నిరసనగా ఈ నిర్ణయం తీసుకున్నట్లు వెల్లడించింది. అయితే ఐసీసీ టోర్నీల్లో మాత్రం నిబంధనల ప్రకారం ఆఫ్ఘనిస్తాన్‌తో తలపడేందుకు అభ్యంతరాలు లేవని తెలిపింది. మానవ హక్కులు, మహిళల క్రికెట్‌ విషయంలో గణనీయమైన మార్పు వస్తేనే ఈ నిర్ణయంపై పునరాలోచన చేస్తామని స్పష్టం చేసింది.ఆ ఒక్కడికి మినహాయింపుఅయితే ఫ్రాంచైజీ క్రికెట్‌లో ఆడే స్కాట్లాండ్ ఆటగాళ్ల ఒప్పందాలకు మాత్రం క్రికెట్ స్కాట్లాండ్ గౌరవం ఇవ్వనుంది. ఆఫ్ఘనిస్తాన్ ప్రీమియర్ లీగ్ (ఏపీఎల్) డ్రాఫ్ట్‌లో ఎంపికైన ఏకైక స్కాటిష్ ఆటగాడు జార్జ్ మున్సీకి నో అబ్జెక్షన్ సర్టిఫికెట్ (ఎన్‌ఓసీ) ఇచ్చేందుకు సిద్ధంగా ఉంది. మున్సీ లేదా ఇతర స్కాటిష్ ఆటగాళ్లు ఆఫ్ఘనిస్తాన్ ప్రీమియర్ లీగ్ పాల్గొనడాన్ని తాలిబన్ ప్రభుత్వానికి మద్దతుగా పరిగణించకూడదని స్పష్టం చేసింది.కాగా, 2021లో తాలిబన్లు ఆఫ్ఘనిస్తాన్‌లో అధికారంలోకి వచ్చినప్పటి నుంచి అక్కడి మహిళలు, బాలికలపై అనేక ఆంక్షలు విధించారు. ముఖ్యంగా విద్య, ఉద్యోగాలు, ప్రజాజీవితంలో భాగస్వామ్యంపై పరిమితులు విధించారు. అంతేకాకుండా ఆ దేశంలో ఇప్పటికీ గుర్తింపు పొందిన మహిళల జాతీయ క్రికెట్ జట్టు లేదు.ఇదీ చదవండి: చరిత్ర సృష్టించిన జింబాబ్వే

త్వరలో సౌతాఫ్రికాతో జరగనున్న మూడు మ్యాచ్‌ల టెస్ట్‌ సిరీస్ కోసం 15 మంది సభ్యుల ఇంగ్లండ్‌ జట్టును ప్రకటించారు. ఈ జట్టుకు కెప్టెన్‌గా జో రూట్ నియమించబడగా.. స్టార్‌ ప్లేయర్‌ జేకబ్‌ బేతెల్‌ రీఎంట్రీ ఇచ్చాడు. మరోవైపు యువ స్పిన్నర్ షోయబ్ బషీర్‌కు మాత్రం సెలక్టర్లు మొండిచేయి చూపించారు. ఇటీవల పాకిస్తాన్‌తో టెస్టు సిరీస్ కోసం జట్టులో ఉన్నప్పటికీ ఒక్క మ్యాచ్ కూడా ఆడని ఓలీ పోప్‌కు కూడా జట్టులో చోటు దక్కలేదు. ఈ పర్యటన ఇంగ్లండ్ నూతన ప్రధాన కోచ్ స్టీఫెన్ ఫ్లెమింగ్‌కు తొలి అసైన్‌మెంట్ కానుంది.బేతెల్‌కు పునరాగమనం.. బషీర్‌పై వేటుభారత్‌తో జరిగిన వన్డే సిరీస్ సందర్భంగా మోకాలి గాయానికి గురైన జేకబ్ బేతెల్.. పూర్తిగా కోలుకోవడంతో తిరిగి టెస్టు జట్టులోకి వచ్చాడు. అతడి రాకతో ఇంగ్లండ్ బ్యాటింగ్ విభాగానికి మరింత బలం చేకూరనుంది.అయితే స్పిన్నర్ షోయబ్ బషీర్‌కు మాత్రం ఈసారి జట్టులో చోటు దక్కలేదు. అతడి స్థానంలో ఇప్పటివరకు అంతర్జాతీయ క్రికెట్‌లో అరంగేట్రం చేయని ఎడమచేతి వాటం స్పిన్నర్ లియామ్ ప్యాటర్సన్-వైట్‌కు సెలక్టర్లు అవకాశం కల్పించారు.ఇటీవల కౌంటీ ఛాంపియన్‌షిప్‌లో ప్యాటర్సన్-వైట్ అద్భుతంగా రాణించాడు. డివిజన్-1లో స్పిన్నర్లలో అత్యధికంగా 42 వికెట్లు పడగొట్టాడు. ఫస్ట్ క్లాస్ క్రికెట్‌లో ఇప్పటివరకు 75 మ్యాచ్‌లు ఆడిన ప్యాటర్సన్‌ 33.40 సగటుతో 184 వికెట్లు పడగొట్టాడు.దక్షిణాఫ్రికా టెస్ట్‌లకు ఇంగ్లండ్ జట్టు: జో రూట్ (సి), జోఫ్రా ఆర్చర్, గుస్ అట్కిన్సన్, సోనీ బేకర్, జాకబ్ బెథెల్, హ్యారీ బ్రూక్, సామ్ కుక్, జోర్డాన్ కాక్స్, బెన్ డకెట్, ఎమిలియో గే, డాన్ లారెన్స్, లియామ్ ప్యాటర్సన్-వైట్, ఓలీ రాబిన్సన్‌, జేమీ స్మిత్‌, జోష్‌ టంగ్‌కాగా, ఇంగ్లండ్‌ జట్టు సౌతాఫ్రికా పర్యటనలో టెస్ట్‌ సిరీస్‌తో పాటు 3 మ్యాచ్‌ల వన్డే సిరీస్‌ కూడా ఆడనుంది. టెస్ట్‌ సిరీస్‌కు ముందు ఓ వార్మప్‌ మ్యాచ్‌ కూడా ఆడనుంది. ఈ పర్యటనకు సం​బంధించిన పూర్తి షెడ్యూల్‌ ఇలా ఉంది.సౌతాఫ్రికా-ఇంగ్లండ్‌ టెస్ట్‌ సిరీస్‌ షెడ్యూల్‌డిసెంబర్‌ 9,10- క్రికెట్‌ సౌతాఫ్రికా ఇన్విటేషన్‌ ఎలెవెన్‌తో 2 రోజుల వార్మప్‌ మ్యాచ్‌డిసెంబర్‌ 17 నుంచి- తొలి టెస్ట్‌- జోహన్నెస్‌బర్గ్‌డిసెంబర్‌ 26 నుంచి- రెండో టెస్ట్‌- సెంచూరియన్‌జనవరి 3 నుంచి- మూడో టెస్ట్‌- కేప్‌టౌన్‌జనవరి 10- తొలి వన్డే- పార్ల్‌జనవరి 13- రెండో వన్డే- బ్లోంఫాంటీన్‌జనవరి 15- మూడో వన్డే- బ్లోంఫాంటీన్‌ఇదీ చదవండి: దక్షిణాఫ్రికా పర్యటనకు భారత జట్ల ప్రకటన

దక్షిణాఫ్రికా పర్యటన కోసం భారత మహిళల క్రికెట్‌ జట్లను ప్రకటించారు. డిసెంబర్‌లో జరిగే ఈ ఆల్‌ ఫార్మాట్ టూర్ కోసం బీసీసీఐ మూడు వేర్వేరు జట్లను ప్రకటించింది. ఈ పర్యటనలో భారత్ ఒక టెస్టు, మూడు వన్డేలు, మూడు టీ20లు ఆడనుంది.మూడు ఫార్మాట్లలో స్మృతి మంధన భారత జట్టు కెప్టెన్‌గా వ్యవహరించనుంది. టెస్టు, వన్డేల్లో దీప్తి శర్మ వైస్ కెప్టెన్‌గా ఉండగా.. టీ20ల్లో షఫాలీ వర్మకు వైస్ కెప్టెన్సీ బాధ్యతలు అప్పగించారు. తాజా మాజీ కెప్టెన్‌ హర్మన్‌ప్రీత్‌ కౌర్‌ మూడు ఫార్మాట్లలో సాధారణ ప్లేయర్‌గా కొనసాగనుంది.టెస్ట్ జట్టు: స్మృతి మంధాన (C), షఫాలీ వర్మ, ప్రతీకా రావల్, హర్మన్‌ప్రీత్ కౌర్, జెమిమా రోడ్రిగ్స్, హర్లీన్ డియోల్, రిచా ఘోష్ (WK), యాస్తికా భాటియా (WK), దీప్తి శర్మ (VC), శ్రీ చరణి, స్నేహ రాణా, క్రాంతి గౌడ్, నందిని శర్మ, జింటమణి కలిత, సయాలీ సత్ఘరేవన్డే జట్టు: స్మృతి మంధాన (C), షఫాలీ వర్మ, ప్రతీకా రావల్, హర్మన్‌ప్రీత్ కౌర్, జెమిమా రోడ్రిగ్స్, హర్లీన్ డియోల్, రిచా ఘోష్ (WK), యాస్తికా భాటియా (WK), దీప్తి శర్మ (VC), శ్రీ చరణి, వైష్ణవి శర్మ, క్రాంతి గౌడ్‌, నందిని శర్మ, జింటమణి కలిత, సయాలి సత్ఘరేటీ20 జట్టు: స్మృతి మంధాన (C), షఫాలీ వర్మ (VC), జెమిమా రోడ్రిగ్స్, హర్మన్‌ప్రీత్ కౌర్, నికి ప్రసాద్, రిచా ఘోష్ (WK), G. కమలిని (WK), అనుష్క శర్మ, దీప్తి శర్మ, శ్రీ చరణి, ప్రేమ రావత్, అమంజోత్ కౌర్,క్రాంతి గౌడ్‌, నందిని శర్మ, రేణుకా సింగ్‌, అరుంధతి రెడ్డి, సయాలి సత్ఘరేషెడ్యూల్డిసెంబర్ 9న ఏకైక టెస్టుతో ఈ పర్యటన ప్రారంభం కానుంది. అనంతరం మూడు వన్డేలు, మూడు టీ20 మ్యాచ్‌లు జరగనున్నాయి.డిసెంబర్ 9- ఏకైక టెస్టు- గ్కెబెర్హాడిసెంబర్ 16- తొలి వన్డే- పార్ల్ డిసెంబర్ 19- రెండో వన్డే- కేప్‌టౌన్డిసెంబర్ 22- మూడో వన్డే- బ్లూమ్‌ఫోంటెయిన్డిసెంబర్ 26- తొలి టీ20- బెనోనిడిసెంబర్ 29- రెండో టీ20- పోట్చెఫ్‌స్ట్రూమ్డిసెంబర్ 30- మూడో టీ20- పోట్చెఫ్‌స్ట్రూమ్ఇదీ చదవండి: చరిత్ర సృష్టించిన జింబాబ్వే

టెస్టు క్రికెట్‌లో జింబాబ్వే జట్టు సరికొత్త చరిత్ర సృష్టించింది. ఒకే టెస్టు మ్యాచ్‌లో రెండు ఇన్నింగ్స్‌ల్లోనూ 500కు పైగా పరుగులు చేసిన తొలి జట్టుగా ప్రపంచ రికార్డు నెలకొల్పింది. టెస్ట్‌ క్రికెట్‌ చరిత్రలో ఏ జట్టు ఇప్పటివరకు ఈ ఘనత సాధించలేదు. షార్జా వేదికగా ఆఫ్ఘనిస్తాన్‌తో జరిగిన తొలి టెస్టులో జింబాబ్వే ఈ అరుదైన ఘనత సాధించింది. ఐదు రోజుల పాటు సాగిన ఈ మ్యాచ్ డ్రాగా ముగిసింది.రెండు ఇన్నింగ్స్‌ల్లోనూ భారీ స్కోర్లుఈ టెస్టులో తొలుత బ్యాటింగ్ చేసిన జింబాబ్వే తొలి ఇన్నింగ్స్‌లో 504 పరుగులు చేసింది. అనంతరం ఆఫ్ఘనిస్తాన్ 514 పరుగులు సాధించి 10 పరుగుల స్వల్ప ఆధిక్యం సంపాదించింది.రెండో ఇన్నింగ్స్‌లోనూ జింబాబ్వే బ్యాటర్లు అద్భుతంగా ఆడారు. ఏకంగా 523/5 పరుగులు చేసి ఇన్నింగ్స్‌ను డిక్లేర్ చేశారు. దీంతో టెస్టు చరిత్రలో ఒకే మ్యాచ్‌లో రెండు ఇన్నింగ్స్‌ల్లోనూ 500కు పైగా పరుగులు చేసిన తొలి జట్టుగా నిలిచింది.ఎర్విన్ డబుల్ సెంచరీ.. మదెవెరె తొలి టెస్టు శతకంజింబాబ్వే రెండో ఇన్నింగ్స్‌లో కెప్టెన్ క్రెయిగ్ ఎర్విన్ అజేయ డబుల్ సెంచరీతో చెలరేగాడు. 279 బంతుల్లో 206 పరుగులు చేసి అజేయంగా నిలిచాడు. మరోవైపు వెస్లీ మదెవెరె 100 పరుగులతో నాటౌట్‌గా నిలిచి తన తొలి టెస్టు శతకాన్ని నమోదు చేశాడు.41 ఏళ్ల 82 రోజుల వయసులో డబుల్ సెంచరీ సాధించిన ఎర్విన్.. టెస్టు చరిత్రలో ఈ ఘనత అందుకున్న మూడో పెద్ద వయస్కుడైన ఆటగాడిగా నిలిచాడు.డ్రాగా ముగిసిన తొలి టెస్టుభారీ స్కోర్లు నమోదైన ఈ మ్యాచ్ చివరకు డ్రాగా ముగిసింది. తొలి ఇన్నింగ్స్‌లో జింబాబ్వే తరఫున బ్రెండన్ టేలర్ 131 పరుగులు, బ్రియాన్ బెన్నెట్ 128 పరుగులతో రాణించారు. ఆఫ్ఘనిస్తాన్ తరఫున రహ్మత్ షా 173 పరుగులు చేయగా.. సెదిఖుల్లా అటల్, రహ్మానుల్లా జద్రాన్ కూడా సెంచరీలు సాధించారు.కాగా, ఆఫ్ఘనిస్తాన్‌-జింబాబ్వే జట్టు షార్జా వేదికగా రెండు మ్యాచ్‌ల సిరీస్‌లో తలపడుతున్నాయి. ఈ సిరీస్‌లోని రెండో టెస్టు నవంబర్ 13 నుంచి 17 వరకు షార్జాలోనే జరగనుంది. ఇదీ చదవండి: డ‌బుల్ సెంచ‌రీతో చ‌రిత్ర సృష్టించిన జింబాబ్వే బ్యాట‌ర్‌

వర్షం కారణంగా మ్యాచ్‌ రద్దుభారత్‌-న్యూజిలాండ్‌ మధ్య ఇవాళ జరగాల్సిన మూడో వన్డే మ్యాచ్‌ వర్షం కారణంగా ఒక్క బంతి కూడా పడకుండానే (భారత్‌ టాస్‌ గెలిచి బౌలింగ్‌ ఎంచుకుంది) రద్దైంది. దీంతో ఐదు మ్యాచ్‌ సిరీస్‌లో భారత్‌ ఇంకా తమ 2-0 ఆధిక్యాన్ని కొనసాగిస్తుంది. నాలుగో వన్డే మౌంట్‌ మాంగనూయ్‌ వేదికగా నవంబర్‌ 13న జరుగనుంది. కొనసాగుతున్న వర్షం.. 10 గంటలకు ఇన్స్‌పెక్షన్‌వర్షం ఇంకా కొనసాగుతూనే ఉందని సమాచారం. పిచ్‌పై కవర్లు ఇంకా తొలగించలేదు. అంపైర్లు 10 గంటలకు ఇన్స్‌పెక్షన్‌ జరిపి తదుపరి అప్‌డేట్‌ ఇచ్చే అవకాశం ఉంది. టీమిండియా బౌలింగ్‌.. తుది జట్లు ఇవేటీమిండియా టాస్‌ గెలిచి తొలుత బౌలింగ్‌ ఎంచుకుంది. టాస్‌ వేసే సమయంలోనే మరోసారి వర్షం​ మొదలైంది. ప్రస్తుతానికి 40 ఓవర్ల మ్యాచ్‌గా కొనసాగుతోంది. వర్షం కొనసాగితే మ్యాచ్‌ మరింత ఆలస్యమయ్యే అవకాశం ఉంది. తుది జట్లు..న్యూజిలాండ్: విల్ యంగ్, టిమ్ సీఫెర్ట్, హెన్రీ నికోల్స్, డారిల్ మిచెల్, టామ్ లాథమ్(వికెట్‌కీపర్‌), గ్లెన్ ఫిలిప్స్, మిచెల్ సాంట్నర్(కెప్టెన్‌), నాథన్ స్మిత్, కైల్ జామీసన్, జాకబ్ డఫీ, మాథ్యూ ఫిషర్భారత్: రోహిత్ శర్మ, శుభ్‌మన్ గిల్ (కెప్టెన్‌), విరాట్ కోహ్లీ, శ్రేయాస్ అయ్యర్, అక్షర్ పటేల్, కెఎల్ రాహుల్ (వికెట్‌కీపర్‌), నమన్ ధీర్, అన్షుల్ కాంబోజ్, ఔకిబ్ నబీ, గుర్నూర్ బ్రార్, అర్ష్‌దీప్ సింగ్9 గంటలకు టాస్‌.. 40 ఓవర్ల మ్యాచ్‌ప్రస్తుమందుతున్న సమాచారం ప్రకారం టాస్‌ 9 గంటలకు పడనుంది. మ్యాచ్‌ 9:30 గంటలకు ప్రారంభమవుతుంది. షెడ్యూల్‌ సమయం దాటిపోయినుందున మ్యాచ్‌ను 40 ఓవర్లకు కుదించారు. Good news from Hamilton Toss at 4.30 PM Local (9.00 AM IST) Play begins at 5.00 PM Local (9.30 AM IST) 40 overs per side game #TeamIndia | #NZvIND— BCCI (@BCCI) November 10, 20268:05 గంటలు- వర్షం తగ్గుముఖం​ పట్టడంతో పిచ్‌పై నుంచి కవర్లు తొలగిస్తున్నారు. మరి కాసేపట్లో టాస్‌పై సమాచారం రావచ్చు.భారత్‌-న్యూజిలాండ్‌ మధ్య ఇవాళ హ్యామిల్టన్‌ వేదికగా మూడో వన్డే జరగాల్సి ఉంది. అయితే ఈ మ్యాచ్‌కు కూడా వరుణుడు అడ్డంగా మారాడు. తొలి రెండు వన్డేలకు కూడా వర్షం​ కారణంగా అంతరాయాలు ఏర్పడిన విషయం తెలిసిందే. అయితే ఆ మ్యాచ్‌ల్లో ఫలితాలు భారత్‌కు అనుకూలంగా రావడంతో ఐదు మ్యాచ్‌ల ఈ సిరీస్‌లో భారత్‌ ప్రస్తుతం 2-0 ఆధిక్యంలో ఉంది.ఇవాల్టి ఈ మ్యాచ్‌కు వరుణ గండం మరింత ఎక్కువగా ఉందని వాతావరణ శాఖ నివేదించింది. మ్యాచ్‌కు ముందే వర్షం​ పలకరించడంతో టాస్‌ కూడా పడలేదు. భారతకాలమానం ప్రకారం టాస్‌ ఉదయం 7 గంటలకు పడాల్సి ఉండింది. అయితే 7:10కి కూడా టాస్‌ సమాచారం లేదు. దీనికి ముందే వర్షం​ రావడంతో అప్పుడు టాస్‌ 7:32కు పడుతుందని క్రిక్‌బజ్‌ నివేదించింది. ప్రస్తుతానికి టాస్‌పై ఎలాంటి సమాచారం లేదు. వర్షం కురుస్తుండటంతో పిచ్‌పై కవర్లు ఉంచారు. ఇదీ చదవండి: డ‌బుల్ సెంచ‌రీతో చ‌రిత్ర సృష్టించిన జింబాబ్వే బ్యాట‌ర్‌

న్యూజిలాండ్‌ పర్యటనలో తొలి మూడు మ్యాచ్‌లు గెలిచి టి20 సిరీస్‌ సొంతం చేసుకున్న భారత్‌ అదే తరహాలో ఇప్పుడు వన్డే సిరీస్‌పై కూడా గురి పెట్టింది. గత రెండు మ్యాచ్‌లు నెగ్గి పైచేయి సాధించిన టీమ్‌ మరో విజయాన్ని అందుకొని పరిమిత ఓవర్లలో తమ ఆధిపత్యాన్ని ప్రదర్శించేందుకు సై అంటోంది. చివరి రెండు మ్యాచ్‌లకు అందుబాటులో ఉండని కెప్టెన్‌ శుబ్‌మన్‌ గిల్‌ సిరీస్‌ను అందించాలని పట్టుదలగా ఉన్నాడు. మరోవైపు స్వదేశంలో గత 11 వన్డే సిరీస్‌లు కూడా నెగ్గిన న్యూజిలాండ్‌ ఆ రికార్డు కాపాడుకోవాలని భావిస్తోంది.హామిల్టన్‌: భారత్, న్యూజిలాండ్‌ మధ్య మూడో వన్డేకు రంగం సిద్ధమైంది. సెడాన్‌ పార్క్‌ మైదానంలో నేడు జరిగే పోరులో ఇరు జట్లు తలపడనున్నాయి. ఇప్పటికే తొలి రెండు మ్యాచ్‌లు గెలిచి జోరు మీదున్న భారత్‌ మరో విజయాన్ని అందుకొని సిరీస్‌ను సొంతం చేసుకోవాలని పట్టుదలగా ఉంది. మరోవైపు మెరుగైన ప్రదర్శనతో సిరీస్‌ను కివీస్‌ కాపాడుకోగలదా అనేది ఆసక్తికరం. ఇరు జట్లు కూడా మార్పుల్లేకుండా బరిలోకి దిగే అవకాశం ఉంది. ఈ ఏడాది ఆరంభంలో స్వదేశంలో కివీస్‌కు వన్డే సిరీస్‌ కోల్పోయిన భారత్‌ గెలిస్తే సరైన రీతిలో ప్రతీకారం తీర్చుకున్నట్లు అవుతుంది. బ్యాటింగ్‌పై దృష్టి... తొలి రెండు మ్యాచ్‌లలో భారత్‌కు బౌలింగ్‌ బలంతోనే విజయాలు దక్కాయనేది వాస్తవం. ఈ నేపథ్యంలో మూడో వన్డేలోనైనా మన బ్యాటర్లు మెరుగైన ప్రదర్శన కనబర్చాలని టీమ్‌ మేనేజ్‌మెంట్‌ కోరుకుంటోంది. గిల్, రోహిత్‌ శర్మ ఒక్కో మ్యాచ్‌లో డకౌట్‌ కావడంతో గత రెండు మ్యాచ్‌లలో సరైన ఆరంభం లభించలేదు. తర్వాతి రెండు వన్డేలకు అందుబాటులో ఉండని గిల్‌ బ్యాటింగ్‌లో సత్తా చాటాలని భావిస్తుండగా... రోహిత్‌ కూడా చెప్పుకోదగ్గ ఇన్నింగ్స్‌ ఆడాల్సి ఉంది. మిడిలార్డర్‌లో శ్రేయస్‌ అయ్యర్‌ కూడా పెద్ద స్కోరు చేయలేదు. ఐదో స్థానంలో కేఎల్‌ రాహుల్‌కు బదులుగా అక్షర్‌ను పంపిన ప్రయోగం ఫలించలేదు కాబట్టి వ్యూహం మళ్లీ మారవచ్చు. ఆల్‌రౌండర్‌గా నమన్‌ ధీర్‌ స్థానానికి ఢోకా లేకపోగా, ఏకైక స్పిన్నర్‌గా అక్షర్‌ పటేల్‌ మెరుగ్గానే ఆడుతున్నాడు. అన్నింటికి మించి నలుగురు పేసర్లు కూడా మంచి ప్రదర్శన ఇస్తుండటం జట్టుకు సానుకూలాంశం. అర్‌‡్షదీప్‌ సింగ్, గుర్నూర్‌ బ్రార్, ఆకిబ్‌ నబీ, అన్షుల్‌ కంబోజ్‌ ఒకరితో మరొకరు పోటీ పడి వికెట్లు తీస్తున్నారు. మైదానంలో అనుకూలంగా పరిస్థితులను వీరు సమర్థంగా ఉపయోగించుకున్నారు. తుది జట్టులో మార్పులకు అవకాశం లేదు కాబట్టి సిరాజ్‌ ఇక టెస్టులకు సిద్ధం కావాల్సిందే. గెలిపించేదెవరు!సొంతగడ్డపై న్యూజిలాండ్‌కు ఏదీ అనుకూలించడం లేదు. బ్యాటర్లు సమష్టిగా విఫలమవుతుండగా, స్వల్ప లక్ష్యాలను కాపాడుకోవడం సహజంగానే బౌలర్ల వల్ల కావడం లేదు. టి20 సిరీస్‌లో కూడా ఇదే ప్రదర్శనతో తొలి మూడు మ్యాచ్‌లు ఓడి జట్టు సిరీస్‌ కోల్పోయింది. భారత్‌తో పోరుకు ముందు, సిరీస్‌ సమయంలో పలువురు కీలక ఆటగాళ్ల గాయాలు జట్టును బాగా ఇబ్బంది పెట్టాయి. ఈ స్థితిలో కివీస్‌ అందుబాటులో ఉన్న ఆటగాళ్లతో కోలుకొని సిరీస్‌ను ప్రస్తుతానికి ఎలా కాపాడుకుంటుందనేదే ముఖ్యం. వన్డే వరల్డ్‌ కప్‌ జట్టులో స్థానం దక్కించుకోవాలంటే తప్పనిసరిగా రాణించాల్సిన స్థితిలో బ్యాటర్లు యంగ్, సీఫెర్ట్, నికోల్స్, లాథమ్‌ నిలిచారు. ఇలాంటి ఒత్తిడిలోనైనా వీరు బాగా ఆడితే జట్టుకు విజయావకాశం ఉంటుంది. భారత్‌పై ఘనమైన రికార్డు ఉన్న మిచెల్‌ను మినహా ఎవరిపై నమ్మకం ఉంచే పరిస్థితి కనిపించడం లేదు. ఫిలిప్స్‌ కూడా వన్డేల్లో ప్రభావం చూపలేదు. ఆల్‌రౌండర్‌గా సాంట్నర్‌ ఒంటరి పోరు చేస్తున్నా ఫలితం ఉండటం లేదు. ముగ్గురు పేసర్లు జేమీసన్, డఫీ, స్మిత్‌ ఖాయం కాగా...గాయపడిన టిక్నర్‌కు బదులుగా ‘కన్‌కషన్‌ సబ్‌స్టిట్యూట్‌’గా వచి్చన ఫిషర్‌కు ఈ మ్యాచ్‌లో మరో అవకాశం దక్కవచ్చు.పిచ్, వాతావరణం సీమ్‌కు అనుకూలించే పిచ్‌. పేసర్లు మంచి ప్రభావం చూపించగలరు. గత రెండు మ్యాచ్‌ల తరహాలో ముందుగా బ్యాటింగ్‌ చేసిన జట్టు పిచ్‌ను అంచనా వేయడం కష్టంగా మారింది కాబట్టి టాస్‌ గెలిచిన జట్టు ఫీల్డింగ్‌ ఎంచుకోవచ్చు. మ్యాచ్‌ రోజున వర్షసూచన ఉంది. ఆటకు అంతరాయం కలగవచ్చు.తుది జట్లు (అంచనా)భారత్‌: గిల్‌ (కెపె్టన్‌), రోహిత్, కోహ్లి, శ్రేయస్, రాహుల్, అక్షర్, నమన్, కంబోజ్, నబీ, అర్‌‡్షదీప్, గుర్నూర్‌. న్యూజిలాండ్‌: సాంట్నర్‌ (కెపె్టన్‌), యంగ్, సీఫెర్ట్, నికోల్స్, మిచెల్, ఫిలిప్స్, లాథమ్, స్మిత్, జేమీసన్, ఫిషర్, డఫీ.

షార్జా వేదిక‌గా జింబాబ్వే, అఫ్గానిస్తాన్ మ‌ధ్య జ‌రిగిన తొలి టెస్టు డ్రాగా ముగిసింది. అయితే రెండు జ‌ట్లు మాత్రం ఈ మ్యాచ్‌లో ప‌రుగుల పండ‌గ చేసుకున్నాయి. తొలి ఇన్నింగ్స్‌లో 500 ప‌రుగుల మార్క్ దాటిన జింబాబ్వే రెండో ఇన్నింగ్స్‌లోనూ 500 ప‌రుగులను దాట‌డం విశేషం. చివ‌రిరోజు ఆట ముగిసే స‌మ‌యానికి జింబాబ్వే రెండో ఇన్నింగ్స్‌లో 122.1 ఓవ‌ర్ల‌లో 5 వికెట్ల న‌ష్టానికి 523 ప‌రుగులు చేసింది. సీనియ‌ర్ బ్యాట‌ర్ క్రెయిగ్ ఎర్విన్ (279 బంతుల్లో 206 నాటౌట్‌) అజేయ డబుల్ సెంచ‌రీ సాధించాడు అత‌డి ఇన్నింగ్స్‌లో 23 ఫోర్లు, 2 సిక్స‌ర్లు ఉన్నాయి. కాగా క్రెయిగ్ ఎర్విన్‌కు టెస్టుల్లో ఇదే తొలి డ‌బుల్ సెంచ‌రీ కావ‌డం విశేషం. ఎర్విన్ ద్విశ‌తకానికి తోడు ఆల్‌రౌండ‌ర్ వెస్లే మెద‌వ‌రె కూడా శ‌త‌కం (108 బంతుల్లో 100)తో చెల‌రేగాడు. ఆఫ్గ‌న్ బౌల‌ర్ల‌లో జియావుర్ అక్బ‌ర్ రెండు వికెట్లు తీయ‌గా, మొహ‌మ్మ‌ద్ స‌లీమ్‌, అబ్దుల్ మాలిక్ చెరొక వికెట్ ప‌డ‌గొట్టారు. బ్రెండ‌న్ టేల‌ర్‌కు ప్లేయ‌ర్ ఆఫ్ ది మ్యాచ్ అవార్డు ద‌క్కింది. ఇరుజ‌ట్ల మ‌ధ్య రెండో టెస్టు ఇదే షార్జా వేదిక‌గా న‌వంబ‌ర్ 13 నుంచి ప్రారంభం కానుంది. ఇక అఫ్గానిస్తాన్ తొలి ఇన్నింగ్స్‌లో 514 ప‌రుగుల‌కు ఆలౌటైంది. కెప్టెన్ ర‌హ్మ‌త్ షా (173), సెదికుల్లా అట‌ల్ (105) సెంచ‌రీలు సాధించారు. అంత‌క‌ముందు జింబాబ్వే త‌మ తొలి ఇన్నింగ్స్‌లో 504 ప‌రుగుల‌కు ఆలౌటైంది. బ్రెండ‌న్ టేల‌ర్ (131), బ్రాయాన్ బెన్నెట్ (128) శ‌త‌కాలు చేశారు. ఇక మ్యాచ్‌లో డ‌బుల్ సెంచ‌రీ సాధించిన క్రెయిగ్ ఎర్విన్ అరుదైన ఫీట్ సాధించాడు. జింబాబ్వే త‌ర‌ఫున‌ టెస్టుల్లో డబుల్ సెంచ‌రీ సాధించిన అతిపెద్ద వ‌య‌స్కుడిగా క్రెయిగ్ ఎర్విన్ నిలిచాడు. క్రెయిగ్ ఎర్విన్ ప్ర‌స్తుత వ‌య‌సు 41 ఏళ్ల 82 రోజులు. ఓవ‌రాల్ జాబితాలో క్రెయిగ్ ఎర్విన్ మూడో స్థానంలో ఉన్నాడు. తొలి స్థానంలో సౌతాఫ్రికా బ్యాట‌ర్ ఎరిక్ రోవ‌న్ (42 ఏళ్ల 6 రోజులు) 1951లో ఇంగ్లండ్‌తో టెస్టులో 236 ప‌రుగులు సాధించాడు. ఇక రెండో స్థానంలో ఇంగ్లండ్ ప్లేయ‌ర్ జాక్ హాబ్స్ 211 ప‌రుగులు (41 ఏళ్ల 195 రోజులు) 1924లో సౌతాఫ్రికాపై, క్రెయిగ్ ఎర్విన్ మూడో స్థానంలో ఉండ‌గా, ఇంగ్లండ్ బ్యాట‌ర్ పాస్తీ హెండ్రెన్ (40 ఏళ్ల 361 రోజులు) 1930లో వెస్టిండీస్‌తో మ్యాచ్‌లో 205 ప‌రుగులు నాటౌట్ సాధించ‌గా, ఇంగ్లండ్ దిగ్గ‌జ బ్యాట‌ర్ గ్ర‌హం గూచ్ (40 ఏళ్ల 314 రోజులు) న్యూజిలాండ్‌పై 210 ప‌రుగుల‌తో ఐదో స్థానంలో ఉన్నాడు.కోహ్లితో మాట్లాడిన తర్వాతే రిటైర్మెంట్ ప్రకటించా!

న్యూజిలాండ్ మాజీ స్టార్ క్రికెటర్ కేన్ విలియమ్సన్ తన రిటైర్మెంట్ వెనుక దాగున్న విషయాన్ని పంచుకున్నాడు. ఆటకు వీడ్కోలు పలకడానికి ముందు టీమిండియా స్టార్ క్రికెటర్ విరాట్ కోహ్లితో చర్చించినట్లు తెలిపాడు. కోహ్లితో మాట్లాడిన తర్వాతే రిటైర్మెంట్ ప్రకటించినట్లు వెల్లడించాడు. తమ ఇద్దరి మధ్య జరిగిన ఆ సంభాషణ అద్దంలో చూసుకున్నట్టుగా అనిపించిందని పేర్కొన్నాడు. 'Between the Two Beers' పాడ్‌కాస్ట్‌కు ఇంటర్వ్యూ ఇచ్చిన విలియమ్సన్ ఈ విషయాలు పేర్కొన్నాడు. కేన్ విలియమ్సన్ మాట్లాడుతూ.. ‘అండర్-19 రోజుల నుంచీ ఇద్దరి మధ్య మంచి స్నేహబంధం ఉంది. నేను ఎంతో నమ్మే, నాకు చాలా దగ్గరగా ఉండే కొంతమందితో ఈ విషయంపై మాట్లాడాను. రిటైర్మెంట్ ప్రకటించడానికి ఒక రోజు ముందు విరాట్‌తో కూడా చాలా మంచి సంభాషణ జరిగింది. ఇన్నేళ్లుగా క్రికెట్‌లో మేమిద్దరం ఎదుర్కొన్న అనుభవాలను ఒకరితో ఒకరం పంచుకున్నాం. విరాట్‌ను చూస్తే నన్ను నేను అద్దంలో చూసుకున్నట్లు అనిపించింది. విరాట్ కూడా తన కెరీర్‌లో కొన్ని కీలక నిర్ణయాలు తీసుకున్నాడు. నా పరిస్థితిని అర్థం చేసుకోగల వ్యక్తుల్లో విరాట్ ఒకడు. కొన్నిసార్లు సొంత జట్టులోని ఆటగాళ్లు కూడా మనం ఎదుర్కొంటున్న పరిస్థితిని పూర్తిగా అర్థం చేసుకోలేరు. కానీ మా ఇద్దరి ప్రయాణంలో చాలా పోలికలు ఉన్నాయి. ఇద్దరం కెప్టెన్లుగా పనిచేశాం. దాదాపు ఒకే సమయంలో పిల్లలకు తండ్రుల మయ్యాం. మా జీవితాలు రెండు సమాంతర మార్గాల్లో సాగినట్లు అనిపించేది. ప్రపంచాలు వేరైనా మా మధ్య చాలా ప్రత్యేకమైన అనుబంధం ఉంది.రిటైర్మెంట్ నిర్ణయం గురించి కోహ్లీతో మనసు విప్పి మాట్లాడటం నాకు ఎంతో ప్రశాంతతను ఇచ్చింది. మనసులో ఉన్న వ్యక్తిగత విషయాలను, భావోద్వేగాలను ఎలాంటి సంకోచం లేకుండా పంచుకోగలగడం చాలా గొప్ప విషయం. ఆ సంభాషణ తర్వాత నాకు ఎంతో స్పష్టత వచ్చింది. ఫోన్‌లో మాట్లాడటం ముగించుకుని బయటకు వచ్చిన తర్వాత హోటల్ గదిలోకి నా భార్య వచ్చింది. అప్పుడు నేను ఆమెతో.. ఇక ఇదే సరైన సమయం అని చెప్పాను. ఆ వెంటనే ఆటకు వీడ్కోలు పలికా’ అంటూ ఆ క్షణాలను గుర్తు చేసుకున్నాడు.న్యూజిలాండ్ తరఫున 16 ఏళ్ల పాటు అద్భుతమైన కెరీర్‌ను కొనసాగించిన 35 ఏళ్ల కేన్ విలియమ్సన్, ఈ ఏడాది జూన్‌లో అంతర్జాతీయ క్రికెట్‌కు రిటైర్మెంట్ ప్రకటించాడు. 16 ఏళ్ల కెరీర్‌లో విలియమ్సన్ 110 టెస్టుల్లో 9,515 పరుగులు, 175 వన్డేల్లో 7,256 పరుగులు, 93 టీ20ల్లో 2,575 పరుగులు చేశాడు. అన్ని ఫార్మాట్లు కలిపి 48 సెంచరీలు ఖాతాలో వేసుకున్నాడు.ఇదీ చదవండి: కెప్టెన్‌గా రీఎంట్రీ.. ‘ట్రోఫీని ఇంటికి తీసుకొస్తా’సిరీస్ పోతే పోయింది.. బంగ్లా బ్యాటర్ ఖాతాలో ఆల్‌టైమ్ రికార్డు

సొంతగడ్డపై టెస్టు సిరీస్‌ను 0-1తో వెస్టిండీస్‌కు కోల్పోయిన బంగ్లాదేశ్ రెండో టెస్టులో మాత్రం రికార్డులు కొల్లగొట్టింది. ఈ క్రమంలో బంగ్లాదేశ్ బ్యాటర్ తౌహిద్ హృదోయ్ ఒక అరుదైన రికార్డును తన ఖాతాలో వేసుకున్నాడు. రెండో టెస్టులో తొలి ఇన్నింగ్స్‌లో అజేయ డబుల్ సెంచరీ (242 నాటౌట్‌), రెండో ఇన్నింగ్స్‌లో 82 పరుగులు చేశాడు. ఓవరాల్‌గా రెండు ఇన్నింగ్స్‌లు కలిపి 324 పరుగులు చేశాడు. బంగ్లాదేశ్ తరఫున ఒక టెస్టు మ్యాచ్‌లో అత్యధిక పరుగులు చేసిన బ్యాటర్‌గా తౌహిద్ హృదోయ్ తొలి స్థానంలో నిలిచాడు. గతంలో ఈ రికార్డు మోమినుల్ హక్ పేరిట ఉండేది. 2018లో శ్రీలంకతో టెస్టు మ్యాచ్‌లో మోమినుల్ హక్ తొలి ఇన్నింగ్స్‌లో 176 పరుగులు, రెండో ఇన్నిం‍గ్స్‌లో 105 పరుగులు సాధించాడు. ఓవరాల్‌గా రెండు ఇన్నింగ్స్‌ల్లోనూ సెంచరీలు చేసిన మోమినుల్ 281 పరుగులు సాధించాడు. ఇదే ఇప్పటివరకు బంగ్లా తరఫున అత్యుత్తమంగా ఉండేది. తాజాగా ఆ రికార్డును తౌహిద్ సవరించడంతో మోమినుల్ రెండో స్థానానికి పడిపోయాడు. ఇక మూడో స్థానంలో నజ్ముల్ హసన్ షాంటో 273 పరుగులు (తొలి ఇన్నింగ్స్‌లో 148, రెండో ఇన్నింగ్స్‌లో 125 నాటౌట్‌) సాధించాడు.ఇక 2021లో బంగ్లాదేశ్ పర్యటనకు వచ్చిన వెస్టిండీస్ అప్పుడు కూడా టెస్టు సిరీస్‌ను ఎగరేసుకుపోయింది. తాజాగా మరోసారి టెస్టు సిరీస్‌ను నెగ్గిన విండీస్ జట్టు.. బంగ్లాదేశ్ డబ్ల్యూటీసీ ఫైనల్ అవకాశాలను మరింత క్లిష్టతరం చేసింది. విండీస్‌తో సిరీస్ ముగించుకున్న బంగ్లాదేశ్ తర్వాత సౌతాఫ్రికాలో పర్యటించనుంది. రెండు టెస్టు మ్యాచ్‌ల సిరీస్‌లో భాగంగా ఇరుజట్ల మధ్య తొలి టెస్టు సెంచూరియన్ వేదికగా నవంబర్ 15 నుంచి ప్రారంభం కానుంది.ఇదీ చదవండి: కెప్టెన్‌గా రీఎంట్రీ.. ‘ట్రోఫీని ఇంటికి తీసుకొస్తా’Asia Cup: శ్రీలంకను చిత్తుగా ఓడించిన అఫ్గానిస్తాన్‌

టీమిండియా స్టార్ ఆటగాడు సూర్యకుమార్ యాదవ్‌కు ప్రమోషన్ లభించింది. 2026 సయ్యద్ ముస్తాక్ అలీ టీ20 ట్రోఫీలో ముంబై జట్టుకు సూర్యకుమార్ యాదవ్ సారథ్యం వహించనున్నాడు. రెండు రోజుల కిందటే సూర్యకు కెప్టెన్సీ బాధ్యతలు తిరిగి అప్పగించనున్నట్లు ఊహాగానాలు వ్యక్తమయిన వేళ ముంబై క్రికెట్ అసోసియేషన్ (ఎంసీఏ) సోమవారం అధికారిక ప్రకటన విడుదల చేసింది. ఇక సూర్యకుమార్ ఐపీఎల్ 2026 సీజన్‌లో చివరిసారిగా ఆడాడు. అంతకముందు అతడి కెప్టెన్సీలో టీమిండియా 2026 టీ20 ప్రపంచకప్ గెలిచిన సంగతి తెలిసిందే. కెప్టెన్‌గా సక్సెస్ అయినప్పటికీ, బ్యాటర్‌గా విఫలం కావడంతో జట్టులో చోటు కోల్పోయాడు. అప్పటినుంచి భారత జట్టులోకి రీఎంట్రీ ఇచ్చేందుకు సూర్యకుమార్ కష్టపడుతూనే ఉన్నాడు.తాజాగా ముంబైకి కెప్టెన్‌గా ఎంపికవ్వడంపై సూర్యకుమార్ స్పందించాడు. ‘‘ముంబైకి ప్రాతినిధ్యం వహించడం ఎల్లప్పుడూ గౌరవంగానే భావిస్తాను. కెప్టెన్సీ బాధ్యతలు అప్పజెప్పి దానికి మరింత బాధ్యత తీసుకొచ్చారు. అనుభవజ్ఞులైన ఆటగాళ్లు, యువ ప్రతిభావంతులతో జట్టు సమతుల్యంగా కనిపిస్తోంది. ప్రతీ మ్యాచ్‌లోనూ జట్టుగా అత్యుత్తమ ప్రదర్శన ఇస్తామన్న నమ్మకంతో ఉన్నాం. అంతిమంగా ట్రోఫీని ఇంటికి తీసుకురావడమే మా లక్ష్యం’’ అని చెప్పుకొచ్చాడు.సూర్యకుమార్ యాదవ్‌, అంగ్‌క్రిష్ రఘువంశీ, సర్ఫరాజ్ ఖాన్‌, శార్దూల్ ఠాకూర్‌, తుషార్ దేశ్‌పాండేలతో పటిష్టంగా కనిపిస్తున్న ముంబై జట్టులోకి శివమ్ దూబే రాకతో జట్టు మరింత బలోపేతమైంది. అయితే ఈ సీజన్‌లో రంజీ ట్రోఫీలో ముంబై కెప్టెన్‌గా వ్యవహరించిన సిద్దేశ్ లాడ్‌కు చోటు దక్కకపోవడం గమనార్హం. ఇక సయ్యద్ ముస్తాక్ అలీ టీ20 టోర్నీలో ముంబై నవంబర్ 14న హైదరాబాద్‌తో తమ తొలి మ్యాచ్‌ను ఆడనుంది.ముంబై జట్టు: సూర్యకుమార్ యాదవ్ (కెప్టెన్‌), అంగ్‌క్రిష్ రఘువంశీ (వికెట్ కీపర్‌), దివ్యాన్ష్ సక్సేనా, సువేద్ పార్కర్‌, ముషీర్ ఖాన్‌, సర్ఫరాజ్ ఖాన్‌, సాయిరాజ్ పాటిల్‌, శివమ్ దూబే, అథర్వ అంకోలేకర్‌, శార్దూల్ ఠాకూర్‌, తుషార్ దేశ్‌పాండే, షామ్స్ ములానీ, మాక్స్‌వెల్ స్వామినాథన్‌, మోహిత్ అవస్తి, సిల్వెస్టర్ డిసౌజా, హార్దిక్ టమోర్ (వికెట్ కీపర్‌)ఇదీ చదవండి: విండీస్ స్పిన్న‌ర్ అరుదైన ఫీట్‌.. బంగ్లాపై టెస్టు సిరీస్ కైవ‌సం క్రేజ్‌ ఉంది కదా!.. అతడు ముంబై జట్టును వీడాలనుకోవడం లేదు!

ఏసీసీ మెన్స్‌ ఆసియా అండర్‌-19 కప్‌-2026 వన్డే టోర్నమెంట్లో అఫ్గానిస్తాన్‌ జట్టు అద్భుత విజయం సాధించింది. శ్రీలంకను ఏకంగా 106 పరుగుల తేడాతో చిత్తుగా ఓడించింది. అల్‌ ఎమిరేట్‌ వేదికగా సోమవారం నాటి మ్యాచ్‌లో గ్రూప్‌-‘బి’ నుంచి అఫ్గానిస్తాన్‌- శ్రీలంక యువ జట్లు తలపడ్డాయి.శతకంతో చెలరేగిన సుభాన్‌టాస్‌ గెలిచిన శ్రీలంక తొలుత బౌలింగ్‌ ఎంచుకోగా.. అఫ్గాన్‌ బ్యాటింగ్‌కు దిగింది. ఓపెనర్లలో అబీదుల్లా నదర్జాన్‌ అర్ధ శతకం (55)తో ఆకట్టుకోగా.. ఫరీదుల్లా ఇన్సాస్‌ (10) మాత్రం విఫలమయ్యాడు. ఇక వన్‌డౌన్‌లో వచ్చిన సుభాన్‌ జఖైల్‌ శతకం (107తో చెలరేగగా.. మిగిలిన వారిలో షా ఫైసల్‌ రహీమీ (33, తాహిర్‌ సర్వారి (32) చెప్పుకోదగిన స్కోర్లు చేశారు.ఫలితంగా అఫ్గాన్‌ జట్టు 49.5 ఓవర్లలో 275 పరుగులు చేసి ఆలౌట్‌ అయింది. శ్రీలంక బౌలర్లలో సెత్మిక సెనెవిరత్నె మూడు వికెట్లతో సత్తా చాటగా.. విఘ్నేశ్వరన్‌ ఆకాశ్‌ రెండు వికెట్లు కూల్చాడు. గిమ్హాన్‌ మెండిస్‌, కెప్టెన్‌ విరేన్‌ చముదిత, కిత్మ వితనపతిరణ తలా ఒక వికెట్‌ దక్కించుకున్నారు.169 పరుగులకే లంక ఆలౌట్‌అనంతరం లక్ష్య ఛేదనకు దిగిన శ్రీలంక.. అఫ్గాన్‌ బౌలర్ల విజృంభణకు తాళలేక 34.1 ఓవర్లలో కేవలం 169 పరుగులే చేసి ఆలౌట్‌ అయింది. టాపార్డర్‌లో ఓపెనర్‌ లిత్మ పెరీరా, వన్‌డౌన్‌ బ్యాటర్‌ సెనుజ వెకునగొడ డకౌట్‌ కాగా.. మరో ఓపెనర్‌ రెహాన్‌ పెరీస్‌ 12 పరుగులు చేయగలిగాడు.మిగిలిన వారిలో కిత్మ వితరపతిరణ అర్ధ శతకం (58)తో ఆకట్టుకోగా.. చముదిత (17), సెత్మిక (23), మెండిస్‌ (16) మాత్రమే డబుల్‌ డిజిట్‌ స్కోర్లు చేశారు. అఫ్గాన్‌ బౌలర్లలో నూర్‌ అలీ నియాజి నాలుగు వికెట్లతో చెలరేగి లంక బ్యాటింగ్‌ ఆర్డర్‌ పతనాన్ని శాసించగా.. ఆమిర్‌ హంజా, కెప్టెన్‌ సొహైల్‌ ఖాన్‌, మహ్మద్‌ అలీ తలా రెండు వికెట్లు పడగొట్టారు. ఇక ఈ విజయంతో గ్రూప్‌-‘బి’ నుంచి మూడింట మూడు మ్యాచ్‌లు గెలిచిన అఫ్గానిస్తాన్‌ ఆరు పాయింట్లతో టాపర్‌గా నిలిచింది. ఇవీ చదవండి: ఫ్లాట్‌ వికెట్లకు అలవాటుపడ్డారు.. వీళ్లేం బౌలింగ్‌ చేస్తారనుకున్నా!IND vs NZ ODIs: న్యూజిలాండ్‌కు భారీ ఎదురుదెబ్బ!

ఐపీఎల్‌ ఫ్రాంఛైజీ ముంబై ఇండియన్స్‌ కెప్టెన్‌గా వచ్చిన నాటి నుంచి టీమిండియా స్టార్‌ ఆల్‌రౌండర్‌ హార్దిక్‌ పాండ్యాకు ఏదీ కలిసి రావడం లేదు. దిగ్గజ కెప్టెన్‌ రోహిత్‌ శర్మను తప్పించి పాండ్యాకు పగ్గాలు అప్పగించడాన్ని ముంబై అభిమానులు సైతం జీర్ణించుకోలేకోయారు. అతడిని మైదానం లోపల, వెలుపల ట్రోల్స్‌తో ఏడిపించేశారు.వేలానికి ముందేఅందుకు తగ్గట్లుగానే 2024లోనూ ముంబై ఇండియన్స్‌ వరుస వైఫల్యాలతో పాయింట్ల పట్టికలో అట్టడుగున నిలిచింది. ఇక గతేడాది ప్లే ఆఫ్స్‌ చేరినప్పటికీ.. ఈ ఏడాది మరోసారి పాత కథే పునరావృతమైంది. జట్టులోని రోహిత్‌ శర్మ, జస్‌ప్రీత్‌ బుమ్రా, సూర్యకుమార్‌ యాదవ్‌ వంటి సీనియర్లకు పాండ్యాతో పడటం లేదని.. అందుకే జట్టు రెండుగా చీలిందనే వార్తలు వచ్చాయి.ఈ నేపథ్యంలో 2027 వేలానికి ముందే హార్దిక్‌ పాండ్యా ముంబైని వీడనున్నాడనే ఊహాగానాలు ఊపందుకున్నాయి. తొలుత అతడు చెన్నై సూపర్‌ కింగ్స్‌లో చేరతాడనే వార్తలు రాగా.. తర్వాత కోల్‌కతా నైట్‌ రైడర్స్‌లోకి వెళ్తాడనే ప్రచారం జరిగింది. తాజాగా అర్ష్‌దీప్‌ సింగ్‌ను తీసుకుని హార్దిక్‌ను పంజాబ్‌ కింగ్స్‌కు ముంబై ట్రేడ్‌ చేస్తుందనే వార్తలు వినిపిస్తున్నాయి.భారీ ధర పలుకుతాననే నమ్మకంఈ విషయంపై టీమిండియాకు దూరమైన క్రికెటర్‌ హనుమ విహారి స్పందించాడు. తన యూట్యూబ్‌ చానెల్‌ వేదికగా మాట్లాడుతూ.. ‘‘మరొక కొత్త వార్త. హార్దిక్‌ పాండ్యా ముంబై ఇండియన్స్‌ను ఈ ఏడాది వీడివెళ్లాలనుకోవడం లేదట. ఎందుకంటే.. వచ్చే ఏడాది తర్వాత ఐపీఎల్‌ మెగా వేలం ఉంటుంది.అప్పుడు నేరుగా వేలంలోకి వెళ్తే.. తనకున్న లైమ్‌లైట్‌ కారణంగా భారీ ధర పలుకుతాననే నమ్మకంతో అతడు ఉన్నాడట. నిజంగానే హార్దిక్‌ పాండ్యా ఎంతటి విలువైన ఆటగాడో అందరికీ తెలిసిందే. కాబట్టి అతడి కోసం ఫ్రాంఛైజీలు ఎక్కువ మొత్తంలో ఖర్చు చేసేందుకు సిద్ధంగానే ఉంటాయి.అయితే, ఇటు ముంబై ఇండియన్స్‌ గానీ.. అటు హార్దిక్‌ గానీ ఈ ఊహాగానాలపై నేరుగా స్పందించేంత వరకు ఈ విషయంపై స్పష్టత రాదు. అయితే, అప్పటిదాకా ఈ ఊహాగానాలకు కూడా తెరపడదు. అయితే, ముంబై కోరుకుంటే హార్దిక్‌ పాండ్యా పంజాబ్‌ కింగ్స్‌లో చేరకతప్పదు’’ అని హనుమ విహారి అభిప్రాయపడ్డాడు. కాగా వివిధ గాయాల కారణంగా చాలా కాలంగా హార్దిక్‌ పాండ్యా కాంపిటేటివ్‌ క్రికెట్‌కు దూరంగా ఉన్నాడు.ఇదీ చదవండి: ఫ్లాట్‌ వికెట్లకు అలవాటుపడ్డారు.. వీళ్లేం బౌలింగ్‌ చేస్తారనుకున్నా!

బంగ్లాదేశ్‌తో జ‌రిగిన రెండు మ్యాచ్‌ల టెస్టు సిరీస్‌ను వెస్టిండీస్ 1-0తో సొంతం చేసుకుంది. ఇరుజ‌ట్ల మ‌ధ్య సోమ‌వారం ముగిసిన రెండో టెస్టు డ్రాగా ముగిసింది. 369 ప‌రుగుల ల‌క్ష్యంతో బ‌రిలోకి దిగిన బంగ్లాదేశ్ ఐదోరోజు ఆట ముగిసే స‌మ‌యానికి 4 వికెట్లు కోల్పోయి 184 ప‌రుగులు చేసింది. తొలి ఇన్నింగ్స్‌లో డ‌బుల్ సెంచ‌రీతో మెరిసిన తౌహిద్ హృదోయ్ రెండో ఇన్నింగ్స్‌లో 82 ప‌రుగుల‌తో ఆక‌ట్టుకోగా, ముష్ఫిక‌ర్ ర‌హీమ్ (49) రాణించాడు. వెస్టిండీస్ బౌల‌ర్లలో జోమెల్ వ‌ర్రిక‌న్ మూడు వికెట్లు తీయ‌గా, ష‌మ‌ర్ జోసెఫ్ ఒక వికెట్ తీశాడు. అంత‌క‌ముందు వెస్టిండీస్ త‌మ రెండో ఇన్నింగ్స్‌ను 6 వికెట్ల న‌ష్టానికి 398 ప‌రుగుల వ‌ద్ద డిక్లేర్ చేసింది. క‌వెమ్ హ‌డ్జ్ (142) భారీ సెంచ‌రీ సాధించ‌గా, కెవిన్ విక్‌హ‌మ్ (78) అర్థ‌సెంచ‌రీ చేశాడు. ఇక బంగ్లాదేశ్ తొలి ఇన్నింగ్స్‌లో 386 ప‌రుగుల‌కు ఆలౌట్ కాగా, విండీస్ త‌మ తొలి ఇన్నింగ్స్‌లో 356 ప‌రుగులు చేసింది.వంద వికెట్ల మార్క్‌..తొలి ఇన్నింగ్స్‌లో అజేయ డ‌బుల్ సెంచ‌రీ, రెండో ఇన్నింగ్స్‌లో అర్థ‌సెంచ‌రీ సాధించిన తౌహిద్ హృదోయ్ 'ప్లేయ‌ర్ ఆఫ్ ది మ్యాచ్‌' అవార్డు ద‌క్కించుకోగా, సిరీస్‌లో 16 వికెట్లు ఖాతాలో వేసుకున్న జోమెల్ వర్రిక‌న్ 'ప్లేయ‌ర్ ఆఫ్ ది సిరీస్' అవార్డు గెలుచుకున్నాడు. ఇక టెస్టుల్లో వంద వికెట్ల మార్క్ చేరుకున్న‌ జోమెల్ వ‌ర్రిక‌న్ విండీస్ త‌ర‌ఫున ఈ ఫీట్ సాధించిన ఎనిమిదో స్పిన్న‌ర్‌గా రికార్డుల‌కెక్కాడు. వ‌ర్రిక‌న్ కంటే ముందు లాన్స్ గిబ్స్‌, గార్‌ఫీల్డ్ సోబ‌ర్స్‌, సోని రామ్‌దిన్‌, అల్ఫ్ వాలంటైన్‌, దేవేంద్ర బిషువో, కార్ల్ హూప‌ర్‌, రోస్ట‌న్ చేజ్‌లు టెస్టుల్లో వంద వికెట్ల ఫీట్‌ను సాధించారు. అయితే ఎకాన‌మీ ప‌రంగా మాత్రం వ‌ర్రిక‌న్ బెస్ట్ ప్ర‌ద‌ర్శన (27.72) న‌మోదు చేయ‌డం విశేషం.ఇదీ చదవండి: అతడికి చెప్పే దమ్ముందా? కోచ్‌లకు భయం.. అది డేంజర్‌!ఆఫ్గన్‌తో టెస్టు.. చ‌రిత్ర సృష్టించిన జింబాబ్వే బ్యాట‌ర్‌

ప్రపంచంలోని అత్యుత్తమ బ్యాటర్లలో విరాట్‌ కోహ్లి ఒకడు. మూడు ఫార్మాట్లలోనూ తనదైన ముద్ర వేసిన ఈ కుడిచేతి వాటం బ్యాటర్‌.. సారథిగానూ టీమిండియాను ముందుకు నడిపించాడు. టెస్టుల్లో జట్టును అగ్రస్థానంలో నిలిపిన ఘనత అతడిది.విదేశీ గడ్డ మీద ముఖ్యంగా ఆస్ట్రేలియాలో బోర్డర్‌- గావస్కర్‌ ట్రోఫీ (BGT)ని టీమిండియా సొంతం చేసుకోవడంలో కోహ్లి పాత్ర కీలకం. అయితే, 2024-25 బీజీటీలో ఈ మాజీ సారథి బాగా ఇబ్బందిపడ్డాడు. ముఖ్యంగా ఆఫ్‌ సైడ్‌ బంతులను ఎదుర్కోలేక పదే పదే వికెట్‌ పారేసుకున్నాడు.కోహ్లి ఇబ్బందిపడ్డాడుఇలాంటి తరుణంలో కోహ్లితో పాటు కోచింగ్‌ సిబ్బందిపై కూడా విమర్శలు వెల్లువెత్తాయి. అతడికి సరైన సలహాలు ఇచ్చే వారే లేరా? అంటూ కామెంట్లు వచ్చాయి. ఈ విషయంపై నాటి టీమిండియా అసిస్టెంట్‌ కోచ్‌ ర్యాన్‌ డష్కటే తాజాగా స్పందించాడు.టాక్‌స్పోర్ట్‌ క్రికెట్‌ పాడ్‌కాస్ట్‌లో మాట్లాడుతూ.. ‘‘ఆఫ్‌సైడ్‌ బంతుల్ని ఎదుర్కొనే క్రమంలో విరాట్‌ కోహ్లి ఆస్ట్రేలియాలో ఎదుర్కొన్న ఇబ్బందుల గురించి ఓ గొప్ప కథ చెబుతాను. నాలుగో టెస్టు సమయంలో అనుకుంటా. నేను అతడితో ఈ విషయంలో జోక్యం చేసుకుంటూ అతడితో మాట్లాడాను.అది చాలా డేంజర్‌అందుకు కోహ్లి కూడా బాగా స్పందించాడు. నిజానికి అతడు కూడా ఈ విషయం గురించి చర్చించేందుకు ఓ వ్యక్తి కోసం చూస్తున్నాడని నాకు అనిపించింది. అయితే, విరాట్‌ కోహ్లి వంటి దిగ్గజ ఆటగాడు ఫామ్‌లేమితో ఇబ్బంది పడుతున్న వేళ.. కోచ్‌ జోక్యం చేసుకోవడం.. నిజంగా సదరు కోచ్‌కు చాలా ప్రమాదకరం అని నా ఉద్దేశం.ఏం మాట్లాడితే.. ఏం జరుగుతుందోనని చాలా మంది కోచ్‌లు నాలాగే భయపడతారు. అయితే, నేను మాత్రం ఆరోజు అతడితో ఎలాంటి ఘర్షణకు తావులేకుండా మాట్లాడాలని నిర్ణయించుకున్నాను. అందుకు తగ్గట్లే కోహ్లి చాలా బాగా స్పందించాడు. అంతేకాదు.. నా మాటలు పూర్తైన తర్వాత.. తాను ఎందుకు అదే షాట్‌ ఎంచుకున్నాడో కూడా చెప్పాడు.ఆటగాళ్లే పవర్‌ఫుల్‌కోచ్‌లు చెప్పిన విషయాలన్నింటినీ ఆటగాళ్లు పాటించాలని లేదు. అయితే, కొన్నిసార్లు చర్చల ద్వారా ఎంతో కొంత ఫలితం ఉంటుంది. అయితే, ఆధునిక యుగంలో పవర్‌ షిఫ్ట్‌ మొత్తం ఆటగాళ్లకు మరలింది. కాబట్టే ఇలాంటి విషయాల గురించి ఆటగాళ్లతో మాట్లాడాలంటే కోచ్‌లు జంకుతున్నారు’’ అని డష్కటే చెప్పుకొచ్చాడు.ఇవీ చదవండి: ఫ్లాట్‌ వికెట్లకు అలవాటుపడ్డారు.. వీళ్లేం బౌలింగ్‌ చేస్తారనుకున్నా!IND vs NZ ODIs: న్యూజిలాండ్‌కు భారీ ఎదురుదెబ్బ!

జింబాబ్వే సీనియ‌ర్ ఆట‌గాడు క్రెయిన్ ఎర్విన్ టెస్టు క్రికెట్‌లో అరుదైన ఫీట్ సాధించాడు. షార్జా వేదిక‌గా అఫ్గానిస్తాన్‌తో జ‌రుగుతున్న తొలి టెస్టులో క్రెయిగ్ ఎర్విన్ 161 బంతుల్లో సెంచ‌రీ మార్క్ చేరుకున్నాడు. త‌ద్వారా టెస్టు క్రికెట్ చ‌రిత్ర‌లో సెంచ‌రీ చేసిన రెండో అతిపెద్ద వయ‌స్కుడిగా నిలిచాడు. ప్ర‌స్తుతం క్రెయిగ్ ఎర్విన్ వ‌య‌స్సు 41 ఏళ్ల 82 రోజులు. ఈ జాబితాలో పాకిస్తాన్ మాజీ క్రికెట‌ర్ మిస్బా ఉల్‌-హ‌క్ (42 ఏళ్ల 47 రోజులు) తొలి స్థానంలో కొన‌సాగుతున్నాడు. ఎర్విన్ ఈ రికార్డు అందుకోకముందు విండీస్ దిగ్గ‌జం శివ‌న‌రైన్ చంద‌ర్‌పాల్ (40 ఏండ్ల 31 రోజులు) రెండో స్థానంలో ఉండ‌గా, తాజాగా ఎర్విన్ చంద‌ర్‌పాల్‌ను అధిగ‌మించాడు. ఇక మ‌రో జింబాబ్వే సీనియ‌ర్ బ్రెండ‌న్ టేల‌ర్ (40 ఏళ్ల 272 రోజులు) మూడో స్థానంలో ఉన్నాడు.👉ఇదే టెస్టులో మ‌రో రికార్డు కూడా న‌మోదైంది. ఒక టెస్టు మ్యాచ్‌లో 40 లేదా అంత‌కంటే ఎక్కువ వ‌య‌సున్న బ్యాట‌ర్లు సెంచ‌రీలు న‌మోదు చేయ‌డం ఇది మూడోసారి. ఆఫ్గ‌న్‌తో మ్యాచ్‌లో సెంచ‌రీలు చేసిన బ్రెండ‌న్ టేల‌ర్ వ‌య‌సు 40 ఏళ్ల 272 రోజులు కాగా, తాజాగా సెంచ‌రీతో మెరిసిన క్రెయిన్ ఎర్విన్ వ‌య‌సు 41 ఏళ్ల 82 రోజులు.👉గ‌తంలో 2014లో ఆస్ట్రేలియాతో టెస్టులో పాకిస్తాన్ బ్యాట‌ర్ మిస్బా ఉల్‌-హ‌క్ ఒకే టెస్టులో రెండు ఇన్నింగ్స్‌ల్లోనూ సెంచ‌రీలు బాద‌డం విశేషం. 1926లో లార్డ్స్ వేదిక‌గా ఆస్ట్రేలియాతో జ‌రిగిన మ్యాచ్‌లో 40 ప్ల‌స్ వ‌య‌సు ఉన్న‌ ముగ్గురు ఇంగ్లండ్ బ్యాట‌ర్లు సెంచ‌రీలు బాదారు. వీరిలో జాక్ హాబ్స్‌, వారెన్ బార్డ్స్‌లీ 40 ఏళ్లు ఉండ‌గా, చార్లెస్ మెకార్త‌నే (39 ఏళ్ల 364 రోజులు) ఒక్క‌రోజు త‌క్కువ తేడాతో ఉన్నాడు.👉ఇక మ్యాచ్ విష‌యానికొస్తే.. ఇప్ప‌టికే ఆట‌కు చివ‌రి రోజు కావ‌డంతో తొలి టెస్టు డ్రాగా ముగియ‌నుంది. టీ విరామ స‌మ‌యానికి జింబాబ్వే త‌మ రెండో ఇన్నింగ్స్‌లో 5 వికెట్ల న‌ష్టానికి 372 ప‌రుగుల‌తో ఆడుతున్న‌ది. క్రెయిగ్ ఎర్విన్ (146 నాటౌట్‌; 16 ఫోర్లు, 2 సిక్స‌ర్లు), వెస్లే మదెవెరె (15 నాటౌట్‌) క్రీజులో ఉన్నారు. మిగిలిన బ్యాట‌ర్ల‌లో బ్రెండ‌న్ టేల‌ర్ (82), కెప్టెన్ బ్రియాన్ బెన్నెట్ (58), అంటుమ్ న‌ఖ్వి (61) అర్థ‌సెంచ‌రీల‌తో అల‌రించారు. ఆఫ్గ‌న్ బౌల‌ర్లలో జియా ఉర్ అక్బ‌ర్ రెండు వికెట్లు తీయ‌గా, మొహ‌మ్మ‌ద్ స‌లీమ్, అబ్దుల్ మాలిక్‌లు చెరొక వికెట్ తీశారు. ప్ర‌స్తుతం జింబాబ్వే 362 ప‌రుగుల ఆధిక్యంలో కొన‌సాగుతోంది.The feeling of scoring a Test century...Craig Ervine 😍 #AFGvZIM 📝:https://t.co/FkxGtToFdu https://t.co/7KO2mEW2D6— Zimbabwe Cricket (@ZimCricketv) November 9, 2026 ⚡️HISTORY MADE⚡️ Brendan Taylor, aged 40 years and 272 days scored a century on Day 1. Craig Ervine, aged 41 years and 82 days scored a 💯 today in the same Test. This is just the third instance in history where multiple players aged over 40 slammed tons in the same Test.— Cricbuzz (@cricbuzz) November 9, 2026ఇదీ చదవండి: రేపు మూడో వ‌న్డే; గెలిస్తే చ‌రిత్ర సృష్టించనున్న టీమిండియా!తిరుగులేని ముష్ఫికర్‌ రహీం.. తొలి ప్లేయర్‌గా సరికొత్త చరిత్ర

బంగ్లాదేశ్‌ దిగ్గజ బ్యాటర్‌ ముష్ఫికర్‌ రహీం సరికొత్త చరిత్ర లిఖించాడు. బంగ్లా జట్టు తరఫున టెస్టుల్లో ఏడు వేల పరుగుల మైలురాయిని చేరుకున్న తొలి క్రికెటర్‌గా రికార్డు సాధించాడు. తిరుగులేని ఆధిక్యం కొనసాగిస్తూ సహచర ఆటగాళ్లకు అందనంత ఎత్తులో నిలిచాడు.వెస్టిండీస్‌తో రెండో టెస్టులో సోమవారం నాటి ఐదో రోజు ఆట సందర్భంగా ముష్పికర్‌ రహీం ఈ ఘనత సాధించాడు. సెల్హైట్‌ వేదికగా గురువారం మొదలైన రెండో టెస్టులో టాస్‌ గెలిచిన విండీస్‌ తొలుత బ్యాటింగ్‌ చేసింది. ఆమిర్‌ జాంగో శతక్కొట్టగా (133).. తొలి ఇన్నింగ్స్‌లో 356 పరుగులకు ఆలౌట్‌ అయింది.హృదోయ్‌ అజేయ ద్విశతకంఇందుకు బంగ్లాదేశ్‌ ధీటుగానే బదులిచ్చింది. తొలి ఇన్నింగ్స్‌లో 386 పరుగులు చేసి.. 30 పరుగుల ఆధిక్యం సంపాదించింది. తౌహీద్‌ హృదోయ్‌ అజేయ ద్విశతకం (242 నాటౌట్‌) కారణంగా ఇది సాధ్యమైంది. అనంతరం రెండో ఇన్నింగ్స్‌ ఆరంభించిన వెస్టిండీస్‌.. 398 పరుగులకు ఆలౌట్‌ అయి.. ఆతిథ్య బంగ్లా జట్టుకు 368 పరుగుల లక్ష్యాన్ని నిర్దేశించింది.అయితే, ఐదో రోజు ఆటలో భాగంగా 59 ఓవర్లలో నాలుగు వికెట్ల నష్టానికి 184 పరుగుల వద్ద ఉండగా.. వెలుతురు లేమి వల్ల ఆటకు ఇబ్బంది తలెత్తింది. ఆట కొనసాగించే పరిస్థితి లేకపోవడంతో ఇరుజట్లు ‘డ్రా’కు అంగీకరించాయి.49 పరుగులుఇదిలా ఉంటే.. వెస్టిండీస్‌ రెండో టెస్టులో తొలి ఇన్నింగ్స్‌లో 34 పరుగులు చేసిన ముష్ఫికర్‌ రహీం.. రెండో ఇన్నింగ్స్‌లో 123 బంతులు ఎదుర్కొని 49 పరుగులు సాధించాడు. తద్వారా టెస్టుల్లో ఏడు వేల పరుగుల మైలురాయిని చేరుకున్నాడు. బంగ్లాదేశ్‌ తరఫున ఈ ఘనత సాధించిన ఏకైక క్రికెటర్‌గా ముష్ఫికర్‌ నిలిచాడు. అతడి దరిదాపుల్లో కూడా ప్రస్తుతానికి మరో ఆటగాడు లేడు. ‍ఇదిలా ఉంటే.. చూపుడు వేలికి గాయం కారణంగా విండీస్‌తో తొలి టెస్టుకు దూరమయ్యాడు ముష్ఫికర్‌. తదుపరి సౌతాఫ్రికా పర్యటనకు వెళ్లే జట్టుకు అతడు ఎంపికయ్యాడు.టెస్టుల్లో బంగ్లాదేశ్‌ తరఫున అత్యధిక పరుగులు చేసిన క్రికెటర్లు👉ముష్ఫికర్‌ రహీం- 7040 పరుగులు👉మొమినుల్‌ హక్‌- 5393 పరుగులు👉తమీమ్‌ ఇక్బాల్‌- 5134 పరుగులు👉షకీబ్‌ అల్‌ హసన్‌- 4609 పరుగులు👉లిటన్‌ దాస్‌- 3549 పరుగులు. ఇవీ చదవండి: IND vs NZ ODIs: న్యూజిలాండ్‌కు భారీ ఎదురుదెబ్బ!ఫ్లాట్‌ వికెట్లకు అలవాటుపడ్డారు.. వీళ్లేం బౌలింగ్‌ చేస్తారనుకున్నా!

న్యూజిలాండ్‌, భార‌త్ మ‌ధ్య మూడో వ‌న్డే మ్యాచ్‌కు హామిల్ట‌న్‌లోని సెడాన్ పార్క్ వేదిక కానుంది. తొలి రెండు వ‌న్డేల్లో విజ‌యాలు సాధించిన భార‌త్ ఐదు మ్యాచ్‌ల సిరీస్‌లో 2-0తో ఆధిక్యంలో నిలిచింది. రేపు జ‌ర‌గ‌నున్న మూడో వ‌న్డేలోనూ గెలిచి సిరీస్‌ను చేజెక్కించుకోవాల‌ని భార‌త్ భావిస్తోంది. ఈ నేప‌థ్యంలో రేప‌టి వ‌న్డేలో టీమిండియా గెలిస్తే మాత్రం న్యూజిలాండ్ గ‌డ్డ‌పై చ‌రిత్ర సృష్టించ‌నుంది. అదేంటంటే, స్వ‌దేశంలో 2019 నుంచి వ‌రుస‌గా న్యూజిలాండ్ ఓటమ‌న్న‌దే ఎరుగ‌కుండా వ‌రుస‌గా 11 వ‌న్డే సిరీస్‌లు నెగ్గింది. ఆఖ‌రిసారి అంటే 2019లో న్యూజిలాండ్ త‌మ సొంత‌గ‌డ్డ‌పై వ‌న్డే సిరీస్‌ను భార‌త్‌కు కోల్పోయింది. ఏడేళ్ల త‌ర్వాత మ‌ళ్లీ కివీస్‌ను వారి గ‌డ్డ‌పైనే ఓడించి వ‌న్డే సిరీస్‌ను కైవ‌సం చేసుకునే స‌ద‌వకాశం టీమిండియా ముంగిట నిలిచింది.కివీస్‌కు గాయాల బెడద..ఒక‌ప‌క్క వ‌రుస గాయాలు కివీస్‌ను ఇబ్బంది పెడుతున్న వేళ, ఇప్పుడు సొంత‌గ‌డ్డ‌పై వ‌న్డే సిరీస్‌ను కోల్పోయే ప్ర‌మాదం ఆ జ‌ట్టును ఒత్తిడిలోకి నెట్టేసింది. కివీస్ పిచ్‌లు బౌలింగ్‌కు విప‌రీతంగా అనుకూలిస్తున్న వేళ‌, మూడో వ‌న్డేలోనూ భార‌త్ జాగ్ర‌త్త‌గా ఆడి విజ‌యం సాధించి సిరీస్ కైవ‌సం చేసుకోవాల‌ని భావిస్తోంది.మ్యాచ్‌కు వర్షం ముప్పు..కానీ రేప‌టి వ‌న్డేకు వ‌రుణుడు ఆటంకం క‌లిగించే అవ‌కాశ‌ముంది. సోమ‌వారం కూడా హామిల్ట‌న్‌లో భారీ వ‌ర్షం కుర‌వ‌డంతో ఇరుజ‌ట్ల ఆట‌గాళ్లు ఇండోర్ ప్రాక్టీస్‌కే ప‌రిమిత‌మ‌య్యారు. ఈ సంద‌ర్భంగా బీసీసీఐ భార‌త ఆట‌గాళ్లు ఇండోర్ నెట్స్‌లో సాధ‌న చేస్తున్న ఫొటోల‌ను ప్ర‌త్యేకంగా పంచుకుంది. 'ఎడతెరిపి లేని వర్షాల కార‌ణంగా భారత జ‌ట్టు శిక్ష‌ణ‌ను ఔట్‌డోర్ నుంచి ఇండోర్‌కు మారింది' అని క్యాప్ష‌న్ జ‌త చేసింది. ఇక టెస్టు సిరీస్‌కు స‌న్నాహకాల్లో భాగంగా భార‌త వ‌న్డే కెప్టెన్ శుబ్‌మ‌న్ గిల్ మూడో వ‌న్డే అనంత‌రం జ‌ట్టును వీడ‌నున్నాడు. అత‌డి స్థానంలో శ్రేయ‌స్ అయ్య‌ర్ సార‌థ్య బాధ్య‌త‌లు తీసుకోనున్నాడు.న్యూజిలాండ్ తుదిజ‌ట్టు అంచనా: విల్ యంగ్, టిమ్ సీఫెర్ట్, హెన్రీ నికోల్స్, డారిల్ మిచెల్, గ్లెన్ ఫిలిప్స్, టామ్ లాథమ్ (వికెట్ కీపర్), మిచెల్ సాంట్నర్ (కెప్టెన్), నాథన్ స్మిత్, కైల్ జేమీసన్, మాట్ ఫిషర్/క్రిస్టియన్ క్లార్క్, జాకబ్ డఫీభారత్ తుదిజ‌ట్టు అంచ‌నా: రోహిత్ శర్మ, శుభ్‌మన్ గిల్ (కెప్టెన్), విరాట్ కోహ్లి, శ్రేయ‌స్ అయ్యర్, కేఎల్‌ రాహుల్ (వికెట్ కీప‌ర్‌), నమన్ ధీర్, అక్షర్ పటేల్, అన్షుల్ కాంబోజ్, అకిబ్ నబీ, గుర్నూర్ బ్రార్‌, అర్ష‌దీప్ సింగ్‌𝙎𝙤𝙪𝙣𝙙𝙩𝙧𝙖𝙘𝙠 𝙛𝙧𝙤𝙢 𝙩𝙧𝙖𝙞𝙣𝙞𝙣𝙜 🔊 #TeamIndia's outdoor training session was curtailed due to incessant rains and moved indoors. A glimpse of our training ahead of the 3rd ODI 🏏 #NZvIND https://t.co/s1vOiYsZ9U— BCCI (@BCCI) November 9, 2026ఇదీ చదవండి: ‘జట్టు కోసం వాళ్లు బలిపశువులయ్యారు’.. ఇది వంద శాతం నిజం!ఫ్లాట్‌ వికెట్లకు అలవాటుపడ్డారు.. వీళ్లేం బౌలింగ్‌ చేస్తారనుకున్నా!

సౌతాఫ్రికాతో టెస్టు సిరీస్‌లో భాగంగా 2018లో ఆస్ట్రేలియా క్రికెట్ జట్టు బాల్ టాంపరింగ్‌కు పాల్పడడం క్రికెట్ ప్రపంచాన్ని కుదిపేసింది. దీనినే అందరూ ‘సాండ్ పేపర్ గేట్’ వివాదంగా పిలుస్తుంటారు. ఇది జరిగి ఎనిమిదేళ్లు కావొస్తున్నా ఇప్పటికీ ‘సాండ్ పేపర్ గేట్’ వివాదం ఆసీస్ క్రికెట్‌లో మాయని మచ్చుతునకగా మిగిలిపోయింది. తాజాగా ఆ జట్టు మాజీ ఓపెనర్ ఉస్మాన్ ఖవాజా 2018 బాల్ టాంపరింగ్ వివాదాన్ని తన ఆత్మకథ (Sabr)లో ప్రస్తావిస్తూ సంచలన వ్యాఖ్యలు చేశాడు.సాండ్‌పేపర్ వాడకం గురించి కేవలం ముగ్గురికే (స్మిత్, వార్నర్, బాంక్రాఫ్ట్) తెలుసన్న క్రికెట్ ఆస్ట్రేలియా వాదన అబద్ధమని, ఆ సిరీస్‌లోని ఆస్ట్రేలియా జట్టు మొత్తానికి సాండ్‌పేపర్ వాడుతున్న విషయం ముందే తెలుసని ఖవాజా తన పుస్తకంలో పేర్కొన్నాడు. ఆ ముగ్గురు ఆటగాళ్లను జట్టు మొత్తాన్ని కాపాడడం కోసం 'బలిపశువులను' చేశారంటూ బాంబు పేల్చాడు. దీంతో సాండ్ పేపర్ గేట్ ఉదంతం మరోసారి చర్చనీయాంశంగా మారింది.ఈ నేపథ్యంలో బాల్ టాంపరింగ్ వివాదంలో భాగమైన మాజీ క్రికెటర్ డేవిడ్ వార్నర్ ఎనిమిదేళ్ల తర్వాత మౌనం వీడాడు. ఖవాజా చేసిన వ్యాఖ్యలపై స్పందిస్తూ ఇన్‌స్టాగ్రామ్‌లో ఒక వీడియో విడుదల చేశాడు. "ఖవాజా చెప్పిన విషయాలు 100 శాతం నిజం, ఇప్పుడు అందరికీ నిజం తెలిసింది. అప్పట్లో క్రికెట్ ఆస్ట్రేలియా జరిపిన దర్యాప్తు లోపభూయిష్టంగా జరిగింది. ఆ సమయంలో డ్రెస్సింగ్ రూమ్‌లోనే ఉన్న ఖవాజాను కనీసం ప్రశ్నించలేదు. నిజాలు దాచిపెట్టేందుకు కొందరిని మాత్రమే టార్గెట్ చేసి వారిని బలిపశువులను చేశారు. ఇన్నాళ్లు మౌనంగా ఉండడానికి నాకు వేరే కారణాలున్నాయి. కనీసం ఖవాజా ఆత్మకథ ద్వారానైనా ప్రజలు నిజం తెలుసుకున్నారు. నా కుటుంబంలో కూడా రెండు రోజులుగా ఇదే విషయాల గురించి చర్చ జరుగుతుంది. మేం (నేను, స్టీవ్ స్మిత్‌) కోల్పోవాల్సింది కోల్పోయాం. చేతులు కాలాకా ఆకులు పట్టుకొని ప్రయోజనం లేదు. ఇప్పటికైనా నిజం బయటకొచ్చింది. దానిని బయటపెట్టిన ఉజ్జీ (ఉస్మాన్ ఖవాజా)కు నేను మద్దతు ఇస్తున్నాను’ ’అని వార్నర్ చెప్పుకొచ్చాడు.ఏమిటీ బాల్ టాంపరింగ్ వివాదం?మార్చి, 2018లో కేప్‌టౌన్ వేదికగా దక్షిణాఫ్రికాతో జరిగిన మూడో టెస్ట్ మ్యాచ్‌లో ఆస్ట్రేలియా ఆటగాడు కామెరూన్ బెన్‌క్రాఫ్ట్ సాండ్‌పేపర్ (ఉప్పు కాగితం) సహాయంతో బంతి రూపాన్ని మార్చడానికి (బాల్ ట్యాంపరింగ్) ప్రయత్నిస్తూ టీవీ కెమెరాలకు చిక్కాడు. అప్పటి కెప్టెన్ స్టీవ్ స్మిత్‌కు ఈ విషయం ముందే తెలిసినప్పటికీ దీనిని ఆపలేదని ఆరోపణలు వచ్చాయి. అంతేకాదు అప్పటి జట్టు వైస్ కెప్టెన్‌గా ఉన్న డేవిడ్ వార్నర్ ఈ ప్రణాళికను రూపొందించి, బెన్‌క్రాఫ్ట్‌ను అలా చేయమని ప్రోత్సహించినట్లు క్రికెట్ ఆస్ట్రేలియా (CA) దర్యాప్తులో తేలింది. దీనిపై తీవ్ర ఆగ్రహం వ్యక్తం చేసిన క్రికెట్ ఆస్ట్రేలియా.. డేవిడ్ వార్నర్, స్టీవ్ స్మిత్‌లపై ఏడాది పాటు, కామెరున్ బెన్‌క్రాఫ్ట్‌పై 9 నెలల పాటు అంతర్జాతీయ క్రికెట్ ఆడకుండా నిషేధం విధించింది. అలాగే, వార్నర్‌పై జీవితకాల కెప్టెన్సీ నిషేధాన్ని విధించినప్పటికీ, అక్టోబర్ 2024లో వార్నర్‌పై ఉన్న ఈ జీవితకాల కెప్టెన్సీ నిషేధాన్ని క్రికెట్ ఆస్ట్రేలియా ఎత్తివేయడం గమనార్హం.ఇదీ చదవండి: ఫ్లాట్‌ వికెట్లకు అలవాటుపడ్డారు.. వీళ్లేం బౌలింగ్‌ చేస్తారనుకున్నా!చరిత్ర సృష్టించిన పాక్‌ యువ ఓపెనర్‌

పాకిస్తాన్‌- శ్రీలంక మధ్య రావల్పిండి వేదికగా సోమవారం తొలి టెస్టు మొదలైంది. టాస్‌ గెలిచిన శ్రీలంక జట్టు తొలుత బౌలింగ్‌ ఎంచుకోగా.. ఆతిథ్య పాక్‌ బ్యాటింగ్‌కు దిగింది. ఈ మ్యాచ్‌ సందర్భంగా పాకిస్తాన్‌ జట్టు యాజమాన్యం నలుగురు కొత్త ఆటగాళ్లను తుదిజట్టుకు ఎంపిక చేసింది.తయ్యబ్‌ ఆరిఫ్‌, అరాఫత్‌ మిన్హాస్‌, మహ్మద్‌ తాహా, సాకిబ్‌ ఖాన్‌ పాక్‌ తరఫున టెస్టుల్లో అరంగేట్రం చేశారు. ఇక వీరిలో తయ్యబ్‌ ఆరిఫ్‌ ఓపెనర్‌గా బరిలోకి దిగి సరికొత్త చరిత్ర సృష్టించాడు. పాకిస్తాన్‌ తరఫున అరంగేట్రంలోనే అత్యంత పిన్న వయసులో ఫాస్టెస్ట్‌ ఫిఫ్టీ సాధించిన క్రికెటర్‌గా రికార్డు నెలకొల్పాడు. ఓవరాల్‌గా పాక్‌ తరఫున టెస్టుల్లో తొలి మ్యాచ్‌లో ఫాస్టెస్ట్‌ ఫిఫ్టీ బాదిన రెండో క్రికెటర్‌గా నిలిచాడు.శ్రీలంకతో తొలి టెస్టులో తయ్యబ్‌ కేవలం 46 బంతుల్లోనే అర్ద శతకం పూర్తి చేసుకున్నాడు. మొత్తంగా 51 బంతులు ఎదుర్కొన్న ఈ కుడిచేతి వాటం బ్యాటర్‌.. తొమ్మిది ఫోర్లు, ఒక సి​క్సర్‌ సాయంతో 57 పరుగులు సాధించాడు. కాగా తయ్యబ్‌ ఆరిఫ్‌ ఇరవై ఏళ్ల వయసులోనే ఈ ఘనత సాధించాడు. అయితే, 21 ఏళ్ల రజావుల్లా ఇటీవల బర్మింగ్‌హామ్‌ వేదికగా ఇంగ్లండ్‌తో టెస్టు మ్యాచ్ అరంగేట్రంలో 43 బంతుల్లోనే హాఫ్‌ సెంచరీ చేశాడు.ఇక మ్యాచ్‌ విషయానికొస్తే.. శ్రీలంకతో తొలి టెస్టులో మరో ఓపెనర్‌ అజాన్‌ ఆవైస్‌ 30 పరుగులు చేయగా.. కెప్టెన్‌ బాబర్‌ ఆజం అర్ధ శతకం (50) సాధించాడు. ఈ క్రమంలో 35 ఓవర్ల ఆట ముగిసేసరికి పాక్‌ మూడు వికెట్ల నష్టానికి 159 పరుగులు చేసింది.

న్యూజిలాండ్‌తో తొలి రెండు వన్డేల్లో టీమిండియా బౌలర్లు అదరగొట్టారు. ముఖ్యంగా పేసర్లు ఆకాశమే హద్దుగా చెలరేగుతూ ఆతిథ్య కివీస్‌ బ్యాటర్లకు చుక్కలు చూపించారు. ఆక్లాండ్‌ వేదికగా మొదటి వన్డేలో న్యూజిలాండ్‌ను 185 పరుగులకే ఆలౌట్‌ చేసిన భారత బౌలర్లు.. రెండో వన్డేలో 134 పరుగులకే చాపచుట్టేలా చేశారు.ఈ రెండు మ్యాచ్‌లలో కలిపి పేసర్లు అర్ష్‌దీప్‌ సింగ్‌, ఆకిబ్‌ నబీ, అన్షుల్‌ కాంబోజ్‌, గుర్నూర్‌ బ్రార్‌ కలిసి.. ఇరవైకి గానూ ఏకంగా 17 వికెట్లు తమ ఖాతాలో వేసుకున్నారు. ఈ నేపథ్యంలో న్యూజిలాండ్‌ బ్యాటింగ్‌ కోచ్‌ ల్యూక్‌ రోంచి భారత పేస్‌ బౌలింగ్‌ విభాగంపై ప్రశంసలు కురిపించాడు. ఉపఖండంలో ఫ్లాట్‌గా ఉండే వికెట్లపై బౌలింగ్‌ చేసే వీరు.. ఇక్కడ ఇంత గొప్పగా ఆడతారని ఊహించలేదన్నాడు.ఫ్లాట్‌ వికెట్లకు అలవాటుపడ్డారు‘‘భారత పేసర్లు అద్భుతంగా ఆడుతున్నారు. వాళ్ల అస్త్రాల ముందు మా బ్యాటర్ల దగ్గర సమాధానాలే లేకుండా పోయాయి. పిచ్‌ కొద్గిగా సహకరించినా సరే వాళ్లు చెలరేగిపోతున్నారు. నిజానికి వాళ్లు ఫ్లాట్‌ పిచ్‌లపై ఆడేందుకు బాగా అలవాటు పడిపోయారు.వీళ్లేం బౌలింగ్‌ చేస్తారనుకున్నా!అలాంటిది ఇక్కడ మాత్రం సరైన లైన్‌ అండ్‌ లెంగ్త్‌తో అదరగొడుతున్నారు. బంతి కాస్త స్వింగ్‌ అయినా.. బ్యాటర్ల పని పడుతున్నారు. గత రెండు మ్యాచ్‌లలో మా బ్యాటర్లకు వాళ్లు కఠిన సవాలు విసిరారు. సులువుగా వికెట్లు కూల్చారు. భారత యువ పేస్‌ బౌలింగ్‌ దళాన్ని చూసి సంతోషంగా ఉంది.టెస్టులకు కూడా సన్నద్ధమైనట్లేఅనుభవం గడిస్తున్న కొద్దీ వాళ్లు మరింతగా రాటుదేలతారు. నిజానికి రెండో వన్డే జరిగిన వెల్లింగ్‌టన్‌ పిచ్‌ పూర్తిగా టెస్టు వికెట్‌ మాదిరే ఉంటుంది. కాబట్టి వీళ్లు సాంకేతికంగా టెస్టులకు కూడా పూర్తి స్థాయిలో ప్రస్తుతం సిద్ధంగా ఉన్నట్లే’’ అని మూడో వన్డేకు ముందు విలేకరులతో మాట్లాడుతూ రోంచి భారత పేసర్లను కొనియాడాడు. కాగా తొలి రెండు వన్డేల్లో టీమిండియా చేతిలో ఓడిన న్యూజిలాండ్‌ మంగళవారం మూడో వన్డేలో తలపడుతుంది. ఇందుకు హామిల్టన్‌ వేదిక.ఇవీ చదవండి: IND vs NZ: వర్షం వల్ల ఆట ‘రద్దు’.. ఊపిరి పీల్చుకున్న కివీస్‌!IND vs NZ ODIs: న్యూజిలాండ్‌కు భారీ ఎదురుదెబ్బ!

టీమిండియాతో వన్డే సిరీస్‌తో బిజీగా ఉన్న న్యూజిలాండ్‌కు భారీ ఎదురుదెబ్బ తగిలింది. వెటరన్‌ పేసర్‌ లాకీ ఫెర్గూసన్‌ ఈ సిరీస్‌ మొత్తానికి దూరమయ్యాడు. మిగిలిన మూడు మ్యాచ్‌లకు అతడు అందుబాటులో లేకుండా పోయాడు. ఈ విషయాన్ని న్యూజిలాండ్‌ క్రికెట్‌ బోర్డు సోమవారం ధ్రువీకరించింది.అందుకే మిగిలిన మ్యాచ్‌లకూ దూరంకాగా టీమిండియాతో రెండో టీ20 సందర్భంగా 35 ఏళ్ల బౌలర్‌ లాకీ ఫెర్గూసన్‌ గాయపడ్డాడు. అయితే, ఇప్పటికీ అతడు మోకాలి గాయం నుంచి కోలుకోలేదు. దీంతో భారత్‌తో మిగిలిన మూడు వన్డేలకు కూడా అతడు దూరమైనట్లు కివీస్‌ బోర్డు ప్రకటించింది.ఏడు రోజులు దూరంగానే..మరోవైపు.. రెండో వన్డే సందర్భంగా కంకషన్‌కు గురైన బ్లెయిర్‌ టిక్నర్‌ కూడా టీమిండియాతో మూడు, నాలుగు వన్డేలకు అందుబాటులో ఉండటం లేదు. వైద్య పరీక్షల్లో అతడి ఆరోగ్యం బాగానే ఉన్నట్లు తేలినప్పటికీ.. ఐసీసీ మ్యాండెటరీ స్టాండ్‌డౌన్‌ పీరియడ్‌ నిబంధన ప్రకారం.. ఏడు రోజుల (కంకషన్‌కు గురైన నాటి నుంచి) పాటు ఆటకు దూరంగా ఉండాలి. ఈ క్రమంలో ఐదో వన్డేకు అతడు అందుబాటులోకి వచ్చే అవకాశం ఉంది.ఇక లాకీ ఫెర్గూసన్‌, బ్లెయిర్‌ టిక్నర్‌ జట్టుకు దూరమైన నేపథ్యంలో క్రిస్టియన్‌ కార్క్‌ను కివీస్‌ యాజమాన్యం జట్టులోకి తీసుకుంది. కాగా ఈ ఏడాది వెస్టిండీస్‌తో సిరీస్‌ సందర్భంగా క్రిస్టియర్‌ క్లార్క్‌ కివీస్‌ తరఫున చివరగా బరిలోకి దిగాడు. వాళ్లంతా వెళ్లిపోతారుఇండియా-ఎ జట్టుతోనూ మ్యాచ్‌లు ఆడాడు. ఇక టీమిండియాతో టెస్టు సన్నాహకాల్లో భాగంగా.. టామ్‌ లాథమ్‌, డారిల్‌ మిచెల్‌, హెన్రీ నికోల్స్‌, గ్లెన్‌ ఫిలిప్స్‌, నాథన్‌ స్మిత్‌ నాలుగో వన్డేకు ముందే జట్టును వీడనున్నారు.ఇదిలా ఉంటే.. సొంతగడ్డపై ఐదు మ్యాచ్‌ల టీ20 సిరీస్‌ను 2-3తో భారత్‌కు కోల్పోయిన న్యూజిలాండ్‌.. ఐదు మ్యాచ్‌ల వన్డే సిరీస్‌లో 0-2తో వెనుకబడి ఉంది. ఇరుజట్ల మధ్య మంగళవారం నాటి మూడో వన్డేకు హామిల్టన్‌ వేదిక.టీమిండియాతో మూడో వన్డేకు న్యూజిలాండ్‌ జట్టుమిచెల్‌ సాంట్నర్‌ (కెప్టెన్‌), మైకేల్‌ బ్రేస్‌వెల్‌, క్రిస్టియన్‌ క్లార్క్‌, జేకబ్‌ డఫీ, మ్యాట్‌ ఫిషర్‌, కైలీ జెమీషన్‌, నిక్‌ కెల్లీ, టామ్‌ లాథమ్‌ (వికెట్‌ కీపర్‌), డారిల్‌ మిచెల్‌, హెన్రీ నికోల్స్‌, గ్లెన్‌ ఫిలిప్స్‌, టిమ్‌ సీఫర్ట్‌, నాథన్‌ స్మిత్‌, విల్‌ యంగ్‌.టీమిండియాతో నాలుగో వన్డేకు న్యూజిలాండ్‌ జట్టుమిచెల్‌ సాంట్నర్‌ (కెప్టెన్‌), ఫిన్‌ అలెన్‌, మైకేల్‌ బ్రేస్‌వెల్‌, క్రిస్టియన్‌ క్లార్క్‌, జేకబ్‌ డఫీ, మ్యాట్‌ ఫిషర్‌, డాన్‌ ఫాక్స్‌క్రాఫ్ట్‌, మిచెల్‌ హే (వికెట్‌ కీపర్‌), మ్యాట్‌ హెన్రీ, కైలీ జెమీషన్‌, నిక్‌ కెల్లీ, టిమ్‌ సీఫర్ట్‌ (వికెట్‌ కీపర్‌), విల్‌ యంగ్‌.ఇవీ చదవండి: IND vs NZ: వర్షం వల్ల ఆట ‘రద్దు’.. ఊపిరి పీల్చుకున్న కివీస్‌!వైభవ్ సూర్యవంశీకి కారు.. ఫొటో అదిరింది

పట్నా: భారత యువ క్రికెట్ సంచలనం వైభవ్ సూర్యవంశీకి మ‌రో బ‌హుమ‌తి ద‌క్కింది. ఇండియ‌న్ ప్రీమియ‌ర్ లీగ్ (ఐపీఎల్‌)లో బ్యాట్‌తో అద‌ర‌గొట్టిన వైభవ్‌.. టాటా సియెర్రా ఎస్‌యూవీ కారును ఇప్పుడు అందుకున్నాడు. ఐపీఎల్‌ 2026లో అద్భుత ప్రదర్శనతో ‘సూపర్ స్ట్రైకర్ ఆఫ్ ది సీజన్’ అవార్డు గెలుచుకోవ‌డంతో అత‌డికి ఈ కారు సొంత‌మైంది.ఇటీవల వైభవ్ తన కుటుంబ సభ్యులతో కలిసి ప‌ట్నాలోని టాటా షోరూమ్‌కు వెళ్లి, కొత్త టాటా సియెర్రా కారును అందుకున్నాడు. తల్లిదండ్రులు, సోదరులతో కలిసి పసుపు రంగు సియెర్రా ఎస్‌యూవీ ముందు దిగిన ఫొటోలు ప్రస్తుతం సోషల్ మీడియాలో వైరల్‌గా మారాయి.ఐపీఎల్‌ 2026లో టాప్ స్కోర‌ర్‌వైభవ్ సూర్యవంశీ ఈ ఏడాది ఐపీఎల్ సీజ‌న్‌లో అత్య‌ధిక ప‌రుగుల‌తో ఆరెంజ్ క్యాప్‌ను అందుకున్న సంగ‌తి తెలిసిందే. 16 మ్యాచ్‌లు ఆడిన ఈ బిహార్ యువ క్రికెట‌ర్ ఐదు అర్ధ సెంచరీలు, ఒక సెంచరీతో 776 పరుగులు సాధించి టోర్నీ టాప్‌ స్కోరర్‌గా నిలిచాడు. ఇందులో 63 ఫోర్లు, 72 సిక్సర్లు ఉండ‌డం విశేషం.చిన్న వ‌య‌సులో కెప్టెన్సీ రికార్డు15 ఏళ్లకే అంతర్జాతీయ క్రికెట్‌లో అరంగ్రేటం చేసిన వైభవ్ సూర్యవంశీ ఖాతాలో తాజాగా మ‌రో రికార్డు కూడా చేరింది. సయ్యద్ ముస్తాక్ అలీ ట్రోఫీలో బిహార్ పురుషుల సీనియర్ క్రికెట్ జట్టుకు కెప్టెన్‌గా ఎంపిక‌య్యాడు. పిన్న వ‌య‌సులోనే ఈ ఘ‌న‌త సాధించిన క్రికెట‌ర్‌గా అత‌డు చ‌రిత్ర సృష్టించాడు. అంతేకాదు అతిచిన్న వ‌య‌సులో టీ20 క్రికెట్‌ జట్టుకు కెప్టెన్‌గా ఎంపికైన ఆట‌గాడిగా ప్రపంచ రికార్డు లిఖించాడు. ఇదీ చ‌ద‌వండి: వైభవ్‌ సూర్యవంశీ ప్రపంచ రికార్డు

దేశవ్యాప్తంగా దీపావళి సంబరాలు అంబరాన్నంటాయి. ఇంటింటా దీపాల వెలుగు జిలుగులతో పాటు.. టపాసుల మోత కూడా మోగింది. ఇక భారత బ్యాడ్మింటన్‌ దిగ్గజం పీవీ సింధు కూడా దీపావళి పండుగను ఘనంగా సెలబ్రేట్‌ చేసుకుంది.హార్దిక్‌ పాండ్యాతో కలిసి సంబరాలుభర్త వెంకట దత్తసాయితో పాటు టీమిండియా స్టార్‌ క్రికెటర్‌ హార్దిక్‌ పాండ్యాతో కలిసి సంబరాలు చేసుకుంది. కాగా అరుదైన పేస్‌ బౌలింగ్‌ నైపుణ్యాలున్న హార్దిక్‌ పాండ్యా గత కొంతకాలంగా గాయాల వల్ల వరుస సిరీస్‌లకు దూరమవుతున్న సంగతి తెలిసిందే.ఇప్పటికీ అతడు ఇంకా కోలుకోలేదు. ఈ క్రమంలో బెంగళూరులోని బీసీసీఐ సెంటర్‌ ఆఫ్‌ ఎక్సలెన్స్‌లో పునరావాసం పొందుతున్నట్లు సమాచారం. ఈ క్రమంలో ముంబై నుంచి అతడు బెంగళూరుకు మకాం మార్చినట్లు గతంలో వార్తలు వచ్చాయి. ఇక పీవీ సింధు దంపతులు కూడా బెంగళూరులోనే ఉంటున్నట్లు సమాచారం.హార్దిక్‌తో పాటు మహీక, అగస్త్యఈ క్రమంలో హార్దిక్‌ పాండ్యాతో కలిసి సింధు- దత్త దీపావళి సెలబ్రేట్‌ చేసుకున్నట్లు తెలుస్తోంది. హార్దిక్‌ ప్రేయసి మహీక శర్మ, కుమారుడు అగస్త్య పాండ్యా కూడా ఈ వేడుకలో పాల్గొన్నారు. ఈ విషయాన్ని ధ్రువీకరిస్తూ సింధు ఇన్‌స్టాలో పోస్టు పెట్టింది.ఈసారి HPతో సెలబ్రేషన్స్‌‘‘ఈసారి దీవాళి HP(హార్దిక్‌ పాండ్యా), మహీక, చిన్నారి ఆగులతో కలిసి చేసుకుంటున్నాము. HPలోని మరో కోణం నన్ను నవ్వించింది. మహీక అంతరంగికంగానూ అందమైనది. ఎంతో మంచిది కూడా’’ అంటూ సింధు ఫొటోలు పంచుకుంది.కాగా భార్య నటాషా స్టాంకోవిక్‌కు విడాకులు ఇచ్చిన కొన్నిరోజులకే బోల్డ్‌ మోడల్‌ మహీకతో డేటింగ్‌ చేస్తున్నట్లు హార్దిక్‌ పాండ్యా ప్రకటించాడు. అప్పటి నుంచి సహజీవనం చేస్తున్న వీరు.. జంటగా తిరుగుతున్నారు. అప్పుడపుడు తన కుమారుడు అగస్త్యను కూడా హార్దిక్‌ వెంట తీసుకువెళ్తాడు. వీరంతా కలిసి చోటీ దీపావళి (నరక చతుర్ధశి) చేసుకున్నారు. ఇవీ చదవండి: IND vs NZ: వర్షం వల్ల ఆట ‘రద్దు’.. ఊపిరి పీల్చుకున్న కివీస్‌!వైభవ్ సూర్యవంశీకి కారు.. ఫొటో అదిరింది

న్యూజిలాండ్‌- భారత్‌ ‘ఎ’ జట్ల మధ్య మూడో అనధికారిక టెస్టులో మూడో రోజు ఆట ఒక్క బంతి కూడా పడకుండానే రద్దైపోయింది. దీంతో ఆతిథ్య కివీస్‌కు ఊరట లభించినట్లయింది. లిన్‌కోన్‌ వేదికగా ఇరుజట్ల మధ్య శనివారం మూడో అనధికారిక టెస్టు మొదలైన సంగతి తెలిసిందే.జైస్వాల్‌ శతకం.. సాయి, జురెల్‌, తిలక్‌, సుందర్‌ అర్ధ శతకాలుటాస్‌ గెలిచిన న్యూజిలాండ్‌ జట్టు తొలుత బౌలింగ్‌ ఎంచుకోగా.. భారత్‌ బ్యాటింగ్‌కు దిగింది. ఓపెనర్లలో యశ​స్వి జైస్వాల్‌ శతక్కొట్టగా (102).. సాయి సుదర్శన్‌ అద్భుత అర్ధ శతకం (88)తో ఆకట్టుకున్నాడు. వన్‌డౌన్‌లో వచ్చిన దేవదత్‌ పడిక్కల్‌ (15) విఫలమైనా.. కెప్టెన్‌ ధ్రువ్‌ జురెల్‌ (71), తిలక్‌ వర్మ (81 నాటౌట్‌) అర్ధ శతకాలతో అదరగొట్టారు.భారత్‌ భారీ స్కోరుస్పిన్‌ బౌలింగ్‌ ఆల్‌రౌండర్లలో సీనియర్‌ రవీంద్ర జడేజా 25 పరుగులు చేయగా.. వాషింగ్టన్‌ సుందర్‌ అర్ధ శతకం (50)తో అజేయంగా నిలిచాడు. ఫలితంగా ఐదు వికెట్ల నష్టానికి 464 పరుగుల భారీ స్కోరు వద్ద భారత్‌ తమ తొలి ఇన్నింగ్స్‌ డిక్లేర్‌ చేసింది.కివీస్‌ బౌలర్లలో జాక్‌ గిబ్సన్‌ రెండు వికెట్లు తీయగా.. జారోడ్‌ మెకాయ్‌, కామెరాన్‌ పాల్‌, డనురు ఫెర్న్స్‌ తలా ఒక వికెట్‌ పడగొట్టారు. అనంతరం న్యూజిలాండ్‌ తమ మొదటి ఇన్నింగ్స్‌ మొదలుపెట్టగా.. గాయం నుంచి కోలుకుని రీఎంట్రీ ఇచ్చిన భారత పేసర్‌ ప్రసిద్‌ కృష్ణ కివీస్‌కు చుక్కలు చూపించాడు.రెండు వికెట్లు తీసిన ప్రసిద్‌ఓపెనర్లు రైస్‌ మరియును డకౌట్‌ చేసిన ప్రసిద్‌.. కర్టిస్‌ హీపీని 19 పరుగుల వ్యక్తిగత స్కోరు వద్ద వికెట్ల ముందు దొరకబుచ్చుకున్నాడు. ఈ క్రమంలో రెండో రోజు ఆట పూర్తయ్యేసరికి న్యూజిలాండ్‌ 14 ఓవర్లలో రెండు వికెట్ల నష్టానికి 36 పరుగులు చేసింది. డీన్‌ ఫాక్స్‌క్రాఫ్ట్‌ 10, జాక్‌ గిబ్సన్‌ ఒక పరుగుతో క్రీజులో నిలిచారు.మూడో రోజు ఆట రద్దుఈ క్రమంలో తొలి ఇన్నింగ్స్‌లో న్యూజిలాండ్‌ భారత్‌ కంటే 428 పరుగుల వెనుకబడి ఉంది. అయితే, మూడో రోజు ఆటకు వర్షం పదే పదే ఆటంకం కలిగించింది. వాన ఎంతకూ తెరిపినివ్వకపోవడంతో ఒక్క బంతి కూడా పడకుండానే మ్యాచ్‌ను ముగిసిస్తున్నట్లు అంపైర్లు ప్రకటించారు. ఫలితంగా కివీస్‌ ఇంకా 428 పరుగులు వెనుకబడే ఉంది.ఇదీ చదవండి: IND vs PAK: సెహ్వాగ్‌ కొడుకుపై పాక్ బౌలర్ ఓవరాక్షన్.. నెక్ట్స్ మనోడు చూసుకుంటాడులే!

బంగ్లాదేశ్‌తో జరుగుతున్న రెండో టెస్టులో వెస్టిండీస్ మిడిలార్డర్ బ్యాటర్ కేవమ్ హాడ్జ్ అద్భుతమైన సెంచ‌రీతో చెల‌రేగాడు. నాలుగువ‌ రోజు నాటి ఆటలో మూడో స్థానంలో బ్యాటింగ్‌కు దిగిన 33 ఏళ్ల హాడ్జ్ త‌న సూప‌ర్ బ్యాటింగ్‌తో విండీస్‌ను ప‌టిష్ట‌ స్థితిలో నిలిపాడు. 189 బంతుల్లో17 ఫోర్లు, ఒక సిక్స‌ర్‌తో 140 ప‌రుగులు చేసి ఇంకా క్రీజులో ఉన్నాడు. అత‌డికి ఇది మూడో టెస్టు సెంచ‌రీ కావ‌డం గ‌మ‌నార్హం. ఈ క్ర‌మంలో కేవమ్ హాడ్జ్ ఓ అరుదైన రికార్డును త‌న పేరిట లిఖించుకున్నాడు.బంగ్లాదేశ్ గడ్డపై టెస్టుల్లో అత్య‌ధిక వ్య‌క్తిగ‌త స్కోర్ సాధించిన వెస్టిండీస్ టాపార్డర్‌ బ్యాట‌ర్‌గా కేవమ్ హాడ్జ్ నిలిచాడు. ఇంత‌కుముందు ఈ రికార్డు డారెన్ బ్రావో పేరిట ఉండేది. 2012లో ఖుల్నా వేదికగా జరిగిన టెస్టులో డారెన్ బ్రావో 127 పరుగులు సాధించాడు. తాజా మ్యాచ్‌తో బ్రావో ఆల్‌టైమ్ రికార్డును హాడ్జ్ బ్రేక్ చేశాడు.బంగ్లాదేశ్‌లో విండీస్ టాప్-ఆర్డర్ బ్యాటర్ల అత్యధిక టెస్టు స్కోర్లు:కేవమ్ హాడ్జ్: 140* వ‌ర్సెస్‌ బంగ్లాదేశ్ (సిల్హెట్, 2026)డారెన్ బ్రావో: 127 వ‌ర్సెస్‌ బంగ్లాదేశ్ (ఖుల్నా, 2012)కిర్క్ ఎడ్వర్డ్స్: 121 వ‌ర్సెస్‌ బంగ్లాదేశ్ (మీర్పూర్, 2011)రామ్‌నరేష్ సర్వాన్: 119 వ‌ర్సెస్ బంగ్లాదేశ్ (ఢాకా)కియారన్ పొవెల్: 117 వ‌ర్సెస్ బంగ్లాదేశ్ (మీర్పూర్, 2012)

టీమిండియా స్టార్ బ్యాటర్ కేఎల్ తన మంచి మనసు చాటుకున్నాడు. న్యూజిలాండ్‌తో రెండో టీ20లో తనకు లభించిన 'గేమ్ ఛేంజర్ ఆఫ్ ది మ్యాచ్' స్మార్ట్‌ఫోన్ అవార్డును అక్కడ విధులు నిర్వర్తిస్తున్న ఒక మహిళా అధికారికి బహుమతిగా ఇచ్చాడు. ఇందుకు సంబంధించిన వీడియోను బీసీసీఐ ఎక్స్‌లో షేర్ చేసింది. రాహుల్ ఇచ్చిన ఈ బహుమతిపై సదరు మహిళా ఆఫీషియల్ సంతోషం వ్యక్తం చేసింది."నాకు రాహుల్ ఫోన్ గిప్ట్‌గా ఇచ్చారు. నిజంగా నేను షాక్ అయ్యాను. అతడిది ఎంతో మంచి మనసు. ఇలా జరుగుతుందని నేను అస్సలు ఊహించలేదు" అని ఆమె పేర్కొంది. ఈ వీడియోకు ‘‘ గొప్ప ప్లేయర్.. అంతకంటే గొప్ప మనసు. క్లాస్‌’’ అని బీసీసీఐ ఈ వీడియోకు క్యాప్షన్ ఇచ్చింది. కాగా కివీస్‌తో జరిగిన లోస్కోరింగ్ గేమ్‌లో రాహుల్ కీలక ఇన్నింగ్స్ ఆడాడు.135 పరుగుల లక్ష్యంతో బరిలోకి దిగిన భారత్ ఒకానొక దశలో 47 పరుగులకే 4 వికెట్లు కోల్పోయి కష్టాల్లో పడింది. శ్రేయస్ అయ్యర్ (30), కేఎల్ రాహుల్ (26 నాటౌట్) ఇన్నింగ్స్‌ను చక్కదిద్దారు. ఆ తర్వాత భారత్ 113/7 వద్ద ఉన్నప్పుడు వర్షం ప్రారంభమైంది. ఆ సమయానికి డీఎల్‌ఎస్‌ పార్ స్కోరు కంటే 4 పరుగులు ముందంజలో ఉండటంతో విజయం భారత్‌ను వరించింది.Big player. Bigger heart 💙 🎥 An act of kindness and pure 𝙆𝙇𝙖𝙨𝙨 🙌 #TeamIndia | #NZvIND | @klrahul https://t.co/BgT005WZlp— BCCI (@BCCI) November 8, 2026

అండ‌ర్‌-19 వ‌న్డే ఆసియా క‌ప్ 2026లో భారత యువ జట్టుకు తొలి ఓటమి ఎదురైంది. అల్ అమెరాట్ క్రికెట్ గ్రౌండ్ వేదికగా దాయాది పాకిస్తాన్‌తో జరిగిన ఉత్కంఠ పోరులో భారత అండర్‌-19 జట్టు 3 వికెట్ల తేడాతో పరాజయం పాలైంది.ఒంటరి పోరాటం చేసిన అర్జున్ రాజ్‌పుత్ఈ మ్యాచ్‌లో టాస్ ఓడి ముందుగా బ్యాటింగ్‌కు దిగిన భారత జట్టు 46.3 ఓవర్లలో 208 పరుగులకే ఆలౌటైంది. ఒకానొక దశలో భారత్ 86 పరుగులకే 5 వికెట్లు కోల్పోయి పీకల్లోతు కష్టాల్లో పడింది. ఈ సమయంలో క్రీజులోకి వచ్చిన అర్జున్ రాజ్‌పుత్ (85 బంతుల్లో 107 పరుగులు; 11 ఫోర్లు, 5 సిక్సర్లు) అద్భుత సెంచరీతో చెలరేగి జట్టును ఆదుకున్నాడు. అయితే అతడికి ఇతర బ్యాటర్ల నుంచి సరైన సహకారం లభించకపోవడంతో భారత్ స్వల్ప స్కోరుకే పరిమితమైంది. పాకిస్తాన్ బౌలర్లలో అలీ రజా, రిజ్వానుల్లా, నికాబ్‌ షఫీక్‌ తలో 3 వికెట్లు పడగొట్టగా, మొహమ్మద్‌ సయ్యమ్‌ ఒక వికెట్ దక్కించుకున్నాడు.చెమటోడ్చి గెలిచిన పాక్.. 209 పరుగుల లక్ష్యంతో బరిలోకి దిగిన పాకిస్తాన్‌కు భారత బౌలర్లు ఆరంభంలోనే బిగ్ షాక్ ఇచ్చారు. నిప్పులు చెరిగే బౌలింగ్‌తో పాక్ జట్టును 61 పరుగులకే 5 వికెట్లు తీసి తీవ్ర ఒత్తిడిలోకి నెట్టారు. అయితే ఈ దశలో క్రీజులోకి వచ్చిన హమ్జా జహూర్ (108 బంతుల్లో 100 నాటౌట్) బాధ్యతాయుతమైన ఇన్నింగ్స్‌తో మ్యాచ్‌ను మలుపు తిప్పాడు. హస్నైన్ అబ్బాస్ దార్ (38)తో కలసి కీలక భాగస్వామ్యాన్ని నెలకొల్పాడు.ఆ తర్వాత హస్నైన్ అబ్బాస్‌ను స్పిన్నర్ మనల్ చౌహాన్, వెంటనే వచ్చిన మొహమ్మద్ సయ్యమ్‌ను మోహిత్ ఉల్వా అవుట్ చేయడంతో భారత్ తిరిగి మ్యాచ్‌లోకి వచ్చినట్లే కనిపించింది. కానీ ఒకవైపు వికెట్లు పడుతున్నా మరో ఎండ్‌లో క్రీజులో పాతుకుపోయిన హమ్జా జహూర్ అజేయ సెంచరీతో జట్టును విజయతీరాలకు చేర్చాడు. దీంతో పాకిస్తాన్ 48 ఓవర్లలో 7 వికెట్లు కోల్పోయి లక్ష్యాన్ని ఛేదించింది.

సిల్హెట్ మైదానం వేదికగా బంగ్లాదేశ్‌తో జరుగుతున్న రెండో టెస్టులో వెస్టిండీస్ పట్టు బిగించింది. నాలుగో రోజు ఆట ముగిసే సమయానికి విండీస్ 3 వికెట్ల నష్టానికి 345 పరుగుల భారీ స్కోర్ సాధించింది. కరేబియన్ జట్టు ప్రస్తుతం 315 పరుగుల ఆధిక్యంలో కొనసాగుతోంది.క్రీజులో కావెమ్ హాడ్జ్(140), అమీర్ జంగూ(20) ఉన్నారు. ఐదో రోజు తొలి సెషన్‌లో విండీస్ డిక్లేర్ చేసే అవకాశముంది. అంతకుముందు బంగ్లాదేశ్ తమ తొలి ఇన్నింగ్స్‌లో 386 పరుగులకు ఆలౌటైంది. బంగ్లాదేశ్ ఒకానొక దశలో 184 పరుగులకే 7 వికెట్లు కోల్పోయి పీకల్లోతు కష్టాల్లో పడింది.ఈ సమయంలో బంగ్లా బ్యాటర్ తౌహిద్ హృదోయ్ (242 నాటౌట్) భారీ డబుల్ సెంచరీతో జట్టును ఆదుకున్నాడు. అతడి ఇన్నింగ్స్‌లో ఏకంగా 11 సిక్సర్లు ఉన్నాయి. టెస్టుల్లో బంగ్లాదేశ్ తరఫున ఒకే ఇన్నింగ్స్‌లో అత్యధిక సిక్సర్లు కొట్టిన ప్లేయర్‌గా హృదోయ్‌ రికార్డు నెలకొల్పాడు.తొలి ఇన్నింగ్స్‌లో విండీస్ 356 పరుగులుఇక టాస్ గెలిచి బ్యాటింగ్ ఎంచుకున్న వెస్టిండీస్ తమ తొలి ఇన్నింగ్స్‌లో 356 పరుగులకు ఆలౌట్ అయింది. విండీస్ ఇన్నింగ్స్‌లో అమీర్ జంగూ (133) సెంచరీతో సత్తాచాటగా.. కేవిన్ విక్‌హామ్ (61), జస్టిన్ గ్రీవ్స్ (51) హాఫ్ సెంచరీలతో జట్టుకు మంచి స్కోరు అందించారు. బంగ్లాదేశ్ బౌలర్లలో హసన్ మహమూద్ 6 వికెట్లతో చెలరేగగా, మెహిదీ హసన్ మీరాజ్ 2 వికెట్లు పడగొట్టాడు.

అల్ అమెరాట్ క్రికెట్ గ్రౌండ్ వేదికగా భారత్‌తో జరుగుతున్న అండర్-19 ఆసియా కప్ మ్యాచ్‌లో పాకిస్తాన్ యువ స్పిన్నర్ నిఖాబ్ షఫీక్ క్రీడాస్ఫూర్తికి విరుద్ధంగా ప్రవర్తించాడు. భారత ఓపెనర్ ఆర్యవీర్ సెహ్వాగ్‌ను ఔట్ అయ్యాక షఫీక్ సెల‌బ్రేష‌న్స్ ప్రస్తుతం చర్చనీయాంశమైంది.ఏమి జరిగిందంటే?ఈ మ్యాచ్‌లో టాస్ గెలిచి బ్యాటింగ్‌కు దిగిన భారత జట్టుకు ఆరంభంలోనే పాక్ బౌలర్లు గట్టి షాకిచ్చారు. కేవలం 22 పరుగులకే 3 వికెట్లు కోల్పోయి కష్టాల్లో పడిన జట్టును క్రీజులో కుదురుకున్న ఆర్యవీర్ సెహ్వాగ్ ఆదుకుంటాడని అంతా భావించారు. అయితే ఆర్యవీర్ కూడా ఎక్క‌వసేపు త‌న ఇన్నింగ్స్‌ను కొన‌సాగించ‌లేక‌పోయాడు.ఇన్నింగ్స్ 17వ ఓవర్ వేసిన నిఖాబ్ షఫీక్ బౌలింగ్‌లో ఆర్యవీర్ (22 పరుగులు, 40 బంతులు) లెగ్ సైడ్ మీదుగా స్లాగ్ స్వీప్ ఆడేందుకు ప్రయత్నించాడు. అయితే బంతి సరిగ్గా కనెక్ట్ కాకపోవడంతో డీప్ స్క్వేర్ లెగ్‌లో ఉన్న ఫీల్డర్ చేతికి చిక్కింది.ఆర్యవీర్ వికెట్ పడగానే షఫీక్ సంయమనం కోల్పోయి అగ్రెసీవ్‌గా సెలబ్రేట్ చేసుకున్నాడు. నేరుగా ఆర్యవీర్ వైపు చూస్తూ కోపంతో పెవిలియన్ వైపు వెళ్లాలని దూకుడుగా సైగలు చేస్తూ ఫైరీ సెండ్ ఆఫ్ ఇచ్చాడు. ఇందుకు సంబంధించిన వీడియో ప్రస్తుతం సోషల్ మీడియాలో వైరల్ అవుతుండటంతో, నెటిజన్లు అతడి ప్రవర్తనపై తీవ్ర విమర్శలు గుప్పిస్తున్నారు. అంత ఓవ‌రాక్ష‌న్ ఎందుకు.. నెక్ట్స్ మ్యాచ్‌లో నీ ప‌ని ఉందిలే అని ఓ యూజ‌ర్ కామెంట్ చేశాడు. కాగా ఈ మ్యాచ్‌లో భారత యువ జట్టు నిర్ణీత ఓవర్లలో 208 పరుగులకు ఆలౌటైంది. ఓపెనర్ అర్జున్ రాజ్‌పూత్ అద్భుతమైన శతకం (107 పరుగులు) సాధించి జట్టును ఆదుకోగా, మిగతా బ్యాటర్లంతా విఫలమయ్యారు.చదవండి: BAN vs WI: చరిత్ర సృష్టించిన వెస్టిండీస్‌ ప్లేయర్‌.. 48 ఏళ్ల తర్వాతhttps://t.co/y4FEXDPvnW— crictalk (@crictalk7) November 8, 2026

వెస్టిండీస్ యువ ఆట‌గాడు కెవిన్ విక్‌హామ్ త‌న అరంగేట్ర టెస్టు మ్యాచ్‌లో అద‌ర‌గొట్టాడు. బంగ్లాదేశ్‌తో సిల్హెట్ వేదికగా జరుగుతున్న రెండో టెస్టులో 23 ఏళ్ల విక్‌హామ్ అద్భుత‌మైన ప్ర‌ద‌ర్శ‌న క‌న‌బ‌రిచాడు. రెండు ఇన్నింగ్స్‌లోనూ హాఫ్ సెంచ‌రీలు సాధించి అంద‌రిని ఆక‌ట్టుకున్నాడు. తొలి ఇన్నింగ్స్‌లో 61 పరుగులు చేసిన విక్‌హామ్, రెండో ఇన్నింగ్స్‌లోనూ 78 ర‌న్స్‌తో కీల‌క నాక్ ఆడాడు. ఈ క్ర‌మంలో విక్‌హామ్ ఓ అరుదైన ఘ‌న‌త‌ను త‌న పేరిట లిఖించుకున్నాడు. అరంగేట్ర టెస్టులో రెండు ఇన్నింగ్స్‌ల‌లోనూ ఓ విండీస్ ప్లేయ‌ర్ హాఫ్ సెంచ‌రీలు సాధించడం 48 ఏళ్ల త‌ర్వాత ఇదే తొలిసారి కావ‌డం విశేషం. చివ‌రిగా విండీస్ లెజెండ్ సౌదత్ శివ్‌నారాయణ్ ఈ ఫీట్ సాధించాడు. 1978లో ఆస్ట్రేలియాపై శివ్‌నార‌య‌న్ త‌న అరంగేట్ర టెస్టులో రెండు ఇన్నింగ్స్‌లోనూ ఫిప్టీలు సాధించాడు. ఓవ‌రాల్‌గా ఈ ఫీట్ సాధించిన 8వ విండీస్ బ్యాట‌ర్‌గా విక్‌హామ్ రికార్డులకెక్కాడు.అరంగేట్ర టెస్టులోనే రెండు ఇన్నింగ్స్‌ల్లోనూ ఫిప్టీలు చేసిన విండీస్‌ బ్యాటర్ల జాబితాఫ్రాంక్ డి కైరెస్ – 80 & 70 (వర్సెస్ ఇంగ్లాండ్, 1930)జార్జ్ గ్రాంట్ – 53* & 71* (వర్సెస్ ఆస్ట్రేలియా, 1930)బ్రెయిన్ డేవిస్ – 54 & 58 (వర్సెస్ ఆస్ట్రేలియా, 1965)క్లైవ్ లాయిడ్ – 82 & 78* (వర్సెస్ భారత్, 1966)లారెన్స్ రోవ్ – 214 & 100* (వర్సెస్ న్యూజిలాండ్, 1972)గోర్డాన్ గ్రీనిడ్జ్ – 93 & 107 (వర్సెస్ భారత్, 1974)సౌదత్ శివ్‌నారాయణ్ – 53 & 63 (వర్సెస్ ఆస్ట్రేలియా, 1978)కెవిన్ విక్‌హామ్ – 61 & 57* (వర్సెస్ బంగ్లాదేశ్, 2026)*కాగా ఈ మ్యాచ్‌ సెకెండ్‌ ఇన్నింగ్స్‌లో విండీస్‌ భారీ స్కోర్‌ దిశగా దూసుకుపోతుంది. రెండో ఇన్నింగ్స్‌లో మూడు వికెట్ల నష్టానికి 339 పరుగులు చేసింది. విండీస్ ప్రస్తుతం 309 పరుగుల ఆధిక్యంలో కొనసాగుతోంది.

అండ‌ర్‌-19 వ‌న్డే ఆసియా క‌ప్‌లో పాకిస్తాన్‌తో జ‌రుగుతున్న మ్యాచ్‌లో భార‌త యువ బ్యాట‌ర్ అర్జున్ రాజ్‌పూత్ అద్భుత‌మైన ఇన్నింగ్స్‌తో ఆకట్టుకున్నాడు. భారత జట్టు 42 పరుగులకే 4 వికెట్లు కోల్పోయి కష్టాల్లో పడిన సమయంలో క్రీజులోకి వచ్చిన అర్జున్.. ప్రత్యర్థి బౌలర్లపై విరుచుకుపడ్డాడు. ఓ వైపు క్ర‌మం తప్పకుండా వికెట్లు ప‌డుతున్నా, అర్జున్ మాత్రం ఒంటరి పోరాటం సాగించాడు.ఈ క్ర‌మంలో కేవ‌లం 80 బంతుల్లోనే తొలి యూత్ వ‌న్డే సెంచరీని పూర్తి చేసుకున్నాడు. ఓవ‌రాల్‌గా 85 బంతులు ఎదుర్కొన్న అర్జున్‌.. 11 ఫోర్లు, 5 సిక్సర్లతో 107 ప‌రుగులు చేసి ఔట‌య్యాడు. అతడి రాణించడంతో తొలుత బ్యాటింగ్ చేసిన టీమిండియా 46.3 ఓవ‌ర్ల‌లో 208 ప‌రుగుల‌కు ఆలౌటైంది. పాకిస్తాన్‌పై వీరోచిత సెంచ‌రీతో చెల‌రేగిన అర్జున్ గురించి తెలుసుకోవ‌డానికి క్రికెట్ అభిమానులు ప్రస్తుతం ఎంతో ఆస‌క్తి చూపుతున్నారు.ఎవరీ అర్జున్ రాజ్‌పుత్?పంజాబ్‌లోని జలంధర్‌కు చెందిన అర్జున్ రాజ్‌పుత్ కూచ్ బెహార్, వినూ మన్కడ్ ట్రోఫీలలో అద్భుత ప్రదర్శనతో వెలుగులోకి వచ్చాడు. వినూ మన్కడ్ ట్రోఫీలో ఏకంగా 695 పరుగులు చేయడమే కాకుండా 11 వికెట్లు తీసి పంజాబ్ జట్టు ఛాంపియన్‌గా నిలవడంలో కీలక పాత్ర పోషించాడు. ఫైనల్ మ్యాచ్‌లోనూ అర్ధసెంచరీతో మెరిసాడు. ఎడమచేతి వాటం బ్యాటింగ్, స్పిన్ బౌలింగ్ చేసే ఈ యువ సంచలనం దిగ్గజ ఆల్‌రౌండర్ యువరాజ్ సింగ్‌ను గుర్తుచేస్తుంటాడు.ఈ ఏడాది జరిగిన పంజాబ్ టీ20 లీగ్‌లోనూ అత‌డు అద‌ర‌గొట్టాడు. 7 ఇన్నింగ్స్‌ల్లో 57.60 సగటుతో రెండు హాఫ్ సెంచ‌రీల సాయంతో 288 పరుగులు సాధించాడు. ఈ క్రమంలో డిసెంబర్ 16న గోవాలో జరగనున్న ఐపీఎల్-2027 వేలంలో ఈ యువ ఆల్‌రౌండ‌ర్ కోసం ఫ్రాంచైజీలు పోటీ ప‌డే అవ‌కాశ‌ముంది. ఇప్పటివరకు 6 యూత్ వన్డేలు ఆడిన అర్జున్‌.. 43.60 సగటుతో 218 పరుగులు సాధించాడు. ఇందులో పాక్‌పై చేసిన ఈ సెంచరీతో పాటు శ్రీలంకపై చేసిన ఒక హాఫ్ సెంచరీ కూడా ఉంది.

ఏసీసీ మెన్స్‌ అండర్‌-19 ఆసియా కప్‌ 2026 టోర్నీలో భాగంగా పాకిస్తాన్‌తో ఇవాళ జరుగుతున్న మ్యాచ్‌లో భారత్‌ స్వల్ప స్కోర్‌కే (46.3 ఓవర్లలో 208 పరుగులు) ఆలౌటైంది. మిడిలార్డర్‌ బ్యాటర్‌ అర్జున్‌ రాజ్‌పుత్‌ (85 బంతుల్లో 107; 11 ఫోర్లు, 5 సిక్సర్లు) మెరుపు శతకంతో కదంతొక్కినా, ఓ మోస్తరు స్కోరైనా సాధించలేకపోయింది.అతడికి మరో ఎండ్‌లో ఎవరి సహకారం​ లభించలేదు. స్టార్‌ బ్యాటర్లు ఆర్యవీర్‌ సెహ్వాగ్‌ (22), ఆన్వయ్‌ ద్రవిడ్‌ (10) తక్కువ స్కోర్లకే ఔటై నిరాశపరిచారు. కెప్టెన్‌ లక్ష్య రాజేశ్‌ రాయ్‌చందని డకౌట్‌ కాగా.. వీకే వినీత్‌ 8, యశ్‌వర్దన్‌ చౌహాన్‌ 1, మనల్‌ చౌహాన్‌ 11, యశ్‌వీర్‌ గౌడ్‌ 4, మోహిత్‌ ఉల్వ 7 పరుగులకు ఔటయ్యారు. ఆఖర్లో కావ్య పటేల్‌ (23) బాధ్యతాయుతంగా ఆడటంతో భారత్‌ 200 పరుగుల మార్కు దాటింది.పాక్‌ బౌలర్లలో అలీ రజా, రిజ్వానుల్లా, నికాబ్‌ షఫీక్‌ తలో 3 వికెట్లు పడగొట్టగా.. మొహమ్మద్‌ సయ్యమ్‌ ఓ వికెట్‌ దక్కించుకున్నాడు. ఇదీ చదవండి: ఆసియా కప్‌కు భారత స్టార్‌ బ్యాటర్‌ దూరం

ఏసీసీ మెన్స్‌ అండర్‌-19 ఆసియా కప్‌ 2026 టోర్నీలో ఇవాళ అత్యంత​ కీలకమైన మ్యాచ్‌ జరుగుతుంది. అల్‌ అమీరట్‌ వేదికగా జరుగుతున్న ఈ మ్యాచ్‌లో చిరకాల ప్రత్యర్దులు భారత్‌-పాకిస్తాన్‌ తలపడుతున్నాయి. ఈ మ్యాచ్‌లో యంగ్‌ ఇండియా టాస్‌ గెలిచి తొలుత బ్యాటింగ్‌ ఎంచుకుంది.ఆదిలోనే షాక్‌తొలుత బ్యాటింగ్‌కు దిగిన భారత్‌కు రెండో బంతికే భారీ షాక్‌ తగిలింది. కెప్టెన్‌ లక్ష్య రాజేశ్‌ రాయ్‌చందని 2 బంతులు ఎదుర్కొని ఖాతా కూడా తెరవకుండానే అలీ రజా బౌలింగ్‌లో క్లీన్‌ బౌల్డ్‌ అయ్యాడు.ఆర్యవీర్‌ సెహ్వాగ్‌, అన్వయ్‌ ద్రవిడ్‌ విఫలంఅనంతరం భారత్‌ బ్యాటింగ్‌ దిగ్గజాలైన రాహుల్‌ ద్రవిడ్‌, వీరేంద్ర సెహ్వాగ్‌ తనయులు అన్వయ్‌ ద్రవిడ్‌ (10), ఆర్యవీర్‌ సెహ్వాగ్‌ (22) తక్కువ స్కోర్లకే ఔటయ్యారు. వీరికి తోడు వీకే వినీత్‌ (8), యశ్‌వర్దన్‌ చౌహాన్‌ (1) కూడా విఫలమయ్యారు. దీంతో భారత్‌ 86 పరుగులకే సగం వికెట్లు కోల్పోయి కష్టాల్లో పడింది.ఈ దశలో అర్జున్‌ రాజ్‌పుత్‌ భారత్‌ ఇన్నింగ్స్‌ను సరిదిద్దే ప్రయత్నం చేస్తున్నాడు. అర్జున్‌.. మనల్‌ చౌహాన్‌ సహకారంతో ఇన్నింగ్స్‌ను ముందుకు తీసుకెళ్తున్నాడు. 28 ఓవర్లు ముగిసే సమయానికి భారత్‌ స్కోర్‌ 121-5గా ఉంది. అర్జున్‌ 74, మనల్‌ చౌహాన్‌ 3 పరుగులతో క్రీజ్‌లో ఉన్నారు. పాక్‌ బౌలర్లలో అలీ రజా, నికాబ్‌ షఫీక్‌ తలో 2 వికెట్లు తీయగా.. రిజ్వానుల్లా ఓ వికెట్‌ దక్కించుకున్నాడు. ఇదీ చదవండి: ఆసియా కప్‌కు భారత స్టార్‌ బ్యాటర్‌ దూరం

రైజింగ్ స్టార్స్ ఆసియా కప్‌కు ముందు భారత్-ఏ జట్టులో కీలక మార్పు చోటుచేసుకుంది. ఈ టోర్నీ కోసం తొలుత ఎంపికైన రజత్ పాటిదార్ వ్యక్తిగత కారణాలతో తప్పుకున్నాడు. తనకు ఉన్న గాయాల సమస్యలను దృష్టిలో పెట్టుకుని 50 ఓవర్ల ఫార్మాట్‌కు తనను పరిగణనలోకి తీసుకోవద్దని బీసీసీఐకి విజ్ఞప్తి చేశాడు. దీంతో పాటిదార్‌ స్థానంలో యువ ఆల్‌రౌండర్ ఆయుష్ బదోనిని ఎంపిక చేశారు.రింకూ సింగ్‌కు వైస్ కెప్టెన్సీ రైజింగ్ స్టార్స్ ఆసియా కప్‌ కోసం ఎంపిక చేసిన భారత-ఏ జట్టుకు పాటిదార్‌ వైస్‌ కెప్టెన్‌ కూడా. ఇప్పుడు అతడు తప్పుకోవడంతో రింకూ సింగ్‌కు వైస్ కెప్టెన్సీ బాధ్యతలు అప్పగించారు. ఈ టోర్నీలో తిలక్ వర్మ భారత-ఏ జట్టుకు కెప్టెన్‌గా వ్యవహరించనున్నాడు. ఈ టోర్నీలో భారత-ఏ జట్టు తరఫున టీ20 స్టార్స్‌ అభిషేక్‌ శర్మ, వైభవ్‌ సూర్యవంశీ తదితరులు ఆడుతున్నారు.ఏసీసీ పురుషుల ఆసియా కప్‌ రైజింగ్‌ స్టార్స్‌ వన్డే టోర్నీ దోహా వేదికగా నవంబర్‌ 19 నుంచి జరుగనుంది. ఈ టోర్నీలో భారత్‌-ఏ జట్టుతో పాటు బంగ్లాదేశ్‌, పాకిస్తాన్‌, శ్రీలంక, ఆఫ్ఘనిస్తాన్‌ ఏ జట్లు, హాంగ్‌కాంగ్‌, యూఏఈ, నేపాల్‌ రెగ్యులర్‌ జట్లు పాల్గొంటాయి. ఈ టోర్నీలో భారత్‌-పాక్‌ మ్యాచ్‌ నవంబర్‌ 22న జరుగనుంది.రైజింగ్ స్టార్స్ ఆసియా కప్‌కు సవరించిన భారత్-ఏ జట్టు..అభిషేక్ శర్మ, వైభవ్ సూర్యవంశీ, ప్రభ్‌సిమ్రాన్ సింగ్ [WK], తిలక్ వర్మ [C], రింకు సింగ్ [VC], కుమార్ కుషాగ్రా [WK], సూర్యాంశ్ షెడ్గే, షహబాజ్ అహ్మద్, విప్రజ్ నిగమ్, హర్ష్ దూబే, తనుష్ కోటియన్, హర్షిత్ రాణా, ప్రిన్స్ యాదవ్‌, అర్షద్‌ ఖాన్‌, ఆయుష్‌ బదోనిఇదీ చదవండి: అత్యంత చెత్త రికార్డు మూటగట్టుకున్న న్యూజిలాండ్‌

టీమిండియా చేతిలో వరుస పరాజయాలతో నేపథ్యంలో న్యూజిలాండ్ క్రికెట్‌ జట్టు ఓ చెత్త రికార్డును మూటగట్టుకుంది. ఆ జట్టు 2026లో ఇప్పటివరకు అన్ని ఫార్మాట్లలో కలిపి భారత్‌ చేతిలో ఏకంగా 11 మ్యాచ్‌ల్లో ఓడిపోయింది.తద్వారా 21 ఏళ్లుగా చెక్కుచెదరకుండా ఉన్న తమ పేలవ రికార్డును బద్దలు కొట్టుకుంది. ఒకే క్యాలెండర్ ఇయర్‌లో ఒక ప్రత్యర్థి చేతిలో అత్యధిక ఓటములు ఎదుర్కొన్న తమ చెత్త రికార్డును అధిగమించింది. 2005లో ఆస్ట్రేలియా చేతిలో 10 ఓటములు (మూడు ఫార్మాట్లు) ఎదుర్కొన్న న్యూజిలాండ్‌.. ఈ ఏడాది ఇప్పటికే భారత్‌ చేతిలో 11 ఓటములు ఎదుర్కొంది. భారత్‌ చేతిలో రెండో వన్డేలో ఓటమితో ఈ ఘోర అపవాదును మూటగట్టుకుంది.ఒక ఏడాదిలో ఒకే ప్రత్యర్థి చేతిలో న్యూజిలాండ్ అత్యధిక ఓటములు- 11 ఓటములు: భారత్‌పై, 2026- 10 ఓటములు: ఆస్ట్రేలియాపై, 2005- 9 ఓటములు: ఇంగ్లండ్‌పై, 2008నాలుగు సిరీస్‌లలో భారత్ ఆధిపత్యం2026లో ఇప్పటివరకు భారత్‌తో న్యూజిలాండ్ నాలుగు సిరీస్‌లు లేదా టోర్నీల్లో తలపడింది. జనవరిలో జరిగిన వన్డే సిరీస్‌లో కివీస్ 2-1తో విజయం సాధించి శుభారంభం చేసింది.అయితే ఆ తర్వాత భారత్ పుంజుకుంది. ఐదు మ్యాచ్‌ల టీ20 సిరీస్‌ను 4-1తో కైవసం చేసుకుంది. అనంతరం టీ20 ప్రపంచకప్ ఫైనల్లోనూ న్యూజిలాండ్‌ను ఓడించి టైటిల్ అందుకుంది.ఇటీవల జరిగిన టీ20 సిరీస్‌లోనూ భారత్ మూడు విజయాలు సాధించింది. తాజాగా వన్డే సిరీస్‌లో వరుసగా రెండు మ్యాచ్‌ల్లో ఓడిపోవడంతో కివీస్ ఖాతాలో పరాజయాల సంఖ్య 11కు పెరిగింది.కాగా, ఐదు మ్యాచ్‌ల సిరీస్‌లో భాగంగా నిన్న వెల్లింగ్టన్‌ వేదికగా జరిగిన రెండో వన్డేలో భారత్‌ డీఎల్ఎస్ పద్ధతిలో 4 పరుగుల తేడాతో విజయం సాధించింది. ఈ సిరీస్‌లోని మూడో వన్డే హ్యామిల్టన్‌ వేదికగా నవంబర్‌ 10న జరుగనుంది. ఇదీ చదవండి: బంగ్లాదేశ్‌కు భారీ షాక్

బంగ్లాదేశ్ క్రికెట్ జట్టుకు భారీ షాక్‌ తగిలింది. ఆ జట్టు ఓపెనర్ షాద్‌మన్ ఇస్లాం గాయం కారణంగా దక్షిణాఫ్రికా పర్యటనకు దూరమయ్యాడు. వెస్టిండీస్‌తో జరుగుతున్న రెండో టెస్టులో గాయపడిన అతడు రాబోయే సిరీస్‌కు అందుబాటులో ఉండటం లేదని బంగ్లాదేశ్ సెలక్షన్ కమిటీ వెల్లడించింది.సిల్హెట్ వేదికగా వెస్టిండీస్‌తో జరుగుతున్న రెండో టెస్టు రెండో రోజు షాద్‌మన్ ఇస్లాం చీలమండకు గాయమైంది. అతడి చీలమండ మెలిక పడటంతో ఆసుపత్రికి తరలించారు. గాయం తీవ్రత ఎక్కువగా ఉండటంతో షాద్‌మన్‌ విండీస్‌తో రెండో టెస్టుతో పాటు దక్షిణాఫ్రికా పర్యటనకు దూరమయ్యాడు.మహ్‌ఫిజుల్ ఇస్లాం రాబిన్‌కు అవకాశం..?దక్షిణాఫ్రికా పర్యటనకు షాద్‌మన్ ఇస్లాం స్థానంలో యువ ఓపెనర్ మహ్‌ఫిజుల్ ఇస్లాం రాబిన్‌కు అవకాశం దక్కే సూచనలు కనిపిస్తున్నాయి. ప్రస్తుతం మంచి ఫామ్‌లో ఉన్న రాబిన్.. సిల్హెట్‌లోనే జాతీయ జట్టుతో ఉన్నాడు. నెట్స్‌లో జాతీయ కోచ్‌ల పర్యవేక్షణలో సాధన చేస్తున్నాడు. దక్షిణాఫ్రికా పర్యటన కోసం అతడిని టెస్టు జట్టులోకి ఎంపిక చేసే అవకాశం ఉందని క్రిక్‌బజ్ పేర్కొంది.నవంబర్ 15 నుంచి తొలి టెస్టుబంగ్లాదేశ్ జట్టు నవంబర్ 10న ఢాకా నుంచి దక్షిణాఫ్రికాకు బయలుదేరనుంది. ఈ పర్యటనలో ఇరు జట్లు రెండు టెస్టులు, మూడు వన్డేలు, మూడు టీ20లు ఆడనున్నాయి.- తొలి టెస్టు: నవంబర్ 15 నుంచి 19 వరకు, వాండరర్స్ స్టేడియం.- రెండో టెస్టు: నవంబర్ 23 నుంచి 27 వరకు, సూపర్‌స్పోర్ట్ పార్క్.ఇదీ చదవండి: సత్తా చాటిన తిలక్‌.. టీమిండియా భారీ స్కోర్‌

ఏసీసీ మెన్స్‌ అండర్‌-19 ఆసియా కప్‌ 2026లో భాగంగా ఇవాళ బిగ్‌ ఫైట్‌ జరుగనుంది. దాయాదులు భారత్‌, పాకిస్తాన్‌ అల్‌ అమీరట్‌ వేదికగా అమీతుమీ తేల్చుకోనున్నాయి. ఈ మ్యాచ్‌లో యంగ్‌ ఇండియా టాస్‌ గెలిచి బ్యాటింగ్‌ ఎంచుకుంది.ఈ టోర్నీలో భారత్‌, పాక్‌ గ్రూప్‌-ఏలో పోటీపడుతున్నాయి. ఇరు జట్లు ఇప్పటివరకు ఆడిన తలో మ్యాచ్‌లో విజయం సాధించి గ్రూప్‌ టాపర్లుగా కొనసాగుతున్నాయి. భారత్‌ తొలి మ్యాచ్‌లో నేపాల్‌పై 10 వికెట్ల తేడాతో ఘన విజయం సాధించి మొదటి స్థానంలో ఉండగా.. పాక్‌ తమ తొలి మ్యాచ్‌లో యూఏఈపై 9 వికెట్ల తేడాతో గెలుపొంది రెండో స్థానంలో కొనసాగుతోంది.హెడ్‌ టు హెడ్‌ రికార్డు: భారత్‌-పాక్‌ ఇప్పటివరకు 30 మ్యాచ్‌లలో తలపడగా.. భారత్ 17, పాకిస్తాన్‌ 12 మ్యాచ్‌ల్లో విజయం సాధించాయి. ఒక మ్యాచ్‌లో ఫలితం తేలలేదు. అయితే, 2021 నుంచి జరిగిన 6 మ్యాచ్‌లలో భారత్ కేవలం రెండుసార్లు మాత్రమే విజయం సాధించింది.తుది జట్లు..పాకిస్తాన్‌: ఉస్మాన్ ఖాన్, జహంగీర్ బిలాల్, అబ్దుల్ ఖాదిర్, అహ్మద్ హుస్సేన్, అలీ రజా, హమ్జా జహూర్(w), హస్నైన్ అబ్బాస్ దార్, మహ్మద్ సయ్యామ్, ఫర్హాన్ యూసఫ్(c), నికాబ్ షఫీక్, రిజ్వానుల్లాభారత్‌: లక్ష్య రాజేష్ రాయచందానీ(సి), ఆర్యవీర్ సెహ్వాగ్, అన్వయ్ ద్రవిడ్(w), అర్జున్ రాజ్‌పుత్, ఇషాన్ సూద్, కావ్య పటేల్, మనల్ చౌహాన్, మోహిత్ ఉల్వా, యశ్వీర్ గౌడ్, వీకే వినీత్, యశ్‌బర్ధన్ చౌహాన్ఇదీ చదవండి: షమీకి టీమిండియా కోచింగ్ బాధ్యతలు..?

లింకన్‌ వేదికగా న్యూజిలాండ్‌-ఏతో జరుగుతున్న మూడో అనధికారిక టెస్ట్‌ మ్యాచ్‌లో భారత-ఏ జట్టు భారీ స్కోర్‌ చేసింది. ఈ మ్యాచ్‌లో టాస్‌ ఓడి, న్యూజిలాండ్‌ ఆహ్వానం మేరకు తొలుత బ్యాటింగ్‌కు దిగిన టీమిండియా రెండో రోజు మూడో సెషన్‌ వరకు బ్యాటింగ్‌ చేసి 464-5 స్కోర్‌ వద్ద తొలి ఇన్నింగ్స్‌ డిక్లేర్‌ చేసింది.రిషబ్‌ పంత్‌ స్థానంలో జట్టులోకి వచ్చిన తిలక్‌ వర్మ (81 నాటౌట్‌) సత్తా చాటగా.. వాషింగ్టన్‌ సుందర్‌ (50 నాటౌట్‌) అర్ద సెంచరీతో రాణించాడు.అంతకుముందు ఓపెనర్‌ యశస్వి జైస్వాల్‌ (102) వరుసగా రెండో మ్యాచ్‌లో సెంచరీతో కదంతొక్కగా.. మరో ఓపెనర్‌ సాయి సుదర్శన్‌ (88) సెంచరీకి చేరువలో ఔటయ్యాడు.నాలుగో స్థానంలో బ్యాటింగ్‌కు దిగిన ధృవ్‌ జురెల్‌ 71 పరుగుల వద్ద ఔట్‌ కాగా.. ఆల్‌రౌండర్‌ రవీంద్ర జడేజా 25 పరుగులు చేసి పెవిలియన్‌కు చేరాడు. న్యూజిలాండ్‌ బౌలర్లలో జాక్‌ గిబ్సన్‌ 2, మెక్‌కే, డన్రు, పాల్‌ తలో వికెట్‌ పడగొట్టారు. కాగా, మూడు మ్యాచ్‌ల ఈ సిరీస్‌లో తొలి రెండు టెస్ట్‌లు డ్రాగా ముగిసిన విషయం తెలిసిందే.ఇదిలా ఉంటే, ఈ సిరీస్‌ అనంతరం నవంబర్‌ 19 నుంచి​ టీమిండియా న్యూజిలాండ్‌తో రెండు మ్యాచ్‌ల టెస్ట్‌ సిరీస్‌ ఆడనుంది. టీమిండియా ఆటగాళ్లకు న్యూజిలాండ్‌లో పరిస్థితులు అలవాటు పడేందుకు ఈ సిరీస్‌ ఉపయోగపడనుంది. భారత టెస్ట్‌ జట్టులోని చాలామంది ఆటగాళ్లు ఈ సిరీస్‌లో పాల్గొంటున్నారు. ప్రస్తుతం భారత్‌, న్యూజిలాండ్‌ మధ్య ఐదు మ్యాచ్‌ల వన్డే సిరీస్‌ జరుగుతుంది. ఈ సిరీస్‌లో భారత్‌ ఇప్పటికే తొలి రెండు మ్యాచ్‌లు గెలిచి 2-0 ఆధిక్యంలో కొనసాగుతుంది. మూడో వన్డే హ్యామిల్టన్‌ వేదికగా నవంబర్‌ 10న జరుగనుంది. ఇదీ చదవండి: షమీకి టీమిండియా కోచింగ్ బాధ్యతలు..?

టీమిండియా స్టార్ పేసర్ మొహమ్మద్ షమీ టెస్టు క్రికెట్‌కు రిటైర్మెంట్ ప్రకటించిన నేపథ్యంలో ఆయనకు మరో కీలక బాధ్యత అప్పగించాలని భారత మాజీ కెప్టెన్ మొహమ్మద్ అజారుద్దీన్ సూచించారు. షమీ తన అపారమైన బౌలింగ్ అనుభవాన్ని యువ క్రికెటర్లకు పంచాలని, బీసీసీఐ అతడికి కోచింగ్ బాధ్యతలు అప్పగించాలని కోరారు.తాజాగా అజారుద్దీన్‌ ఏఎన్ఐతో మాట్లాడుతూ.. కపిల్ దేవ్ తర్వాత భారత్ చూసిన అత్యుత్తమ ఫాస్ట్ బౌలర్లలో షమీ ఒకడని కొనియాడారు. కపిల్ దేవ్‌తో షమీని నేరుగా పోల్చలేమని, అయినా అతడి బౌలింగ్ ప్రతిభ అదే స్థాయిలో ఉంటుందని వ్యాఖ్యానించారు.భారత్‌లో ప్రతిభావంతులైన యువ ఫాస్ట్ బౌలర్లకు కొరత లేదని, వారి భవిష్యత్తును మరింత బలోపేతం చేయడానికి షమీ అనుభవం ఉపయోగపడుతుందని అజారుద్దీన్ అభిప్రాయపడ్డారు.కాగా, 36 ఏళ్ల వయసులో టెస్టు క్రికెట్‌కు రిటైర్మెంట్ ప్రకటించిన షమీ, వన్డే, టీ20 క్రికెట్‌లో మాత్రం కొనసాగాలని భావిస్తున్నాడు. వచ్చే ఏడాది దక్షిణాఫ్రికాలో జరగనున్న వన్డే ప్రపంచకప్‌కు ముందు భారత జట్టులోకి తిరిగి రావడమే అతడి లక్ష్యంగా కనిపిస్తోంది.ఈ దశగా అతడు దేశవాలీ క్రికెట్‌లో సత్తా చాటుతున్నాడు. ఫార్మాట్లకతీతంగా అతడు రాణిస్తున్నప్పటికీ, భారత జట్టు నుంచి మాత్రం అతడికి పిలుపు రావడం లేదు. మరి షమీ వన్డే, టీ20 జట్టులో స్థానం కోసం ప్రయత్నిస్తూనే ఉంటాడా.. లేక అజారుద్దీన్‌ ప్రతిపాదన ప్రకారం కోచింగ్‌ అవకాశం వస్తే వెళ్తాడా అనేది చూడాలి. ఇదీ చదవండి: హార్దిక్‌ పాండ్యా ఔట్‌.. ముంబై ఇండియన్స్‌ కెప్టెన్‌గా రోహిత్‌ శర్మ!

సాక్షి, హైదరాబాద్‌: బీసీసీఐ సీనియర్‌ మహిళల టి20 టోర్నీలో పాల్గొనే సౌత్‌జోన్‌ జట్టును ప్రకటించారు. ఎన్‌. గీత చైర్మన్‌గా ఉన్న సెలక్షన్‌ కమిటీ 15 మంది సభ్యుల టీమ్‌ను ఎంపిక చేసింది. ఈ జట్టుకు హైదరాబాద్‌ బ్యాటర్‌ ప్రణవి చంద్ర కెప్టెన్‌గా వ్యవహరించనుండగా, శుభ సతీశ్‌ వైస్‌ కెప్టెన్‌గా ఎంపికైంది. భారత లెఫ్టార్మ్‌ స్పిన్నర్‌ ఎన్‌.శ్రీచరణి రెడ్డి, ఆఫ్‌ స్పిన్నర్‌ శ్రేయాంక పాటిల్‌ కూడా సౌత్‌ జోన్‌ తరఫున బరిలోకి దిగనున్నారు. ఈ టీమ్‌లో హైదరాబాద్‌ నుంచి ప్రణవిచంద్రతో పాటు వంకా పూజకు చోటు లభించగా, ఆంధ్ర నుంచి హెన్రిటా పెరీరా, షబ్నమ్‌ షకీల్, రంగలక్ష్మి ఎంపికయ్యారు. సౌత్‌జోన్‌ జట్టు వివరాలు: ప్రణవి చంద్ర (కెప్టెన్‌), శుభ సతీశ్‌ (వైస్‌ కెప్టెన్‌), ఎన్‌.శ్రీచరణి, జి.కమలిని, డి.హేమలత, నిక్కీ ప్రసాద్, హెన్రిటా పెరీరా, వంకా పూజ, శ్రేయ పరాబ్, షబ్నమ్‌ షకీల్, నియా నాజీన్, శ్రేయాంక పాటిల్, మోనికా పాటిల్, రంగలక్ష్మి, ఈసీ కవీషా.

ఆస్ట్రేలియాతో జరగనున్న పరిమిత ఓవర్ల సిరీస్‌కు ముందు ఇంగ్లండ్‌ జట్టుకు భారీ షాక్ తగిలింది. ఆ జట్టు స్టార్ ఫాస్ట్ బౌలర్ జోష్ టంగ్ గాయం కారణంగా ఆసీస్ టూర్‌ మొత్తానికి దూరమయ్యాడు. నవంబర్ 13 నుంచి ప్రారంభం కానున్న ఈ సుదీర్ఘ పర్యటనలో ఇంగ్లండ్‌ జట్టు మూడు వన్డేలు, ఐదు టీ20 మ్యాచ్‌లు ఆడనుంది.ఈ విషయాన్ని ఇంగ్లండ్ క్రికెట్ బోర్డు శనివారం అధికారికంగా ప్రకటించింది. సిరీస్ సన్నాహకాల్లో భాగంగా ప్రాక్టీస్ చేస్తుండగా టంగ్ కాలి వేలికి గాయమైనట్లు ఈసీబీ తెలిపింది. ఇప్పటికే ఆస్ట్రేలియా చేరుకున్న టంగ్‌.. తన గాయం నుంచి కోలుకునేందుకు తిరిగి యూకేకు పయనం కానున్నాడు. టంగ్ ప్రస్తుతం అద్భుతమైన ఫామ్‌లో ఉన్నాడు. ఇటీవల పాకిస్తాన్ వేదికగా జరిగిన వన్డే త్రైపాక్షిక సిరీస్‌లో రాణించాడు.కాగా 2025 మధ్య నాటి వరకు ఇంగ్లండ్‌ బెంచ్ కే పరిమితమైన జోష్ టంగ్.. ఆ తర్వాత ఊహించని రీతిలో రాణించాడు. భారత్‌తో జరిగిన సిరీస్ మధ్యలో జట్టులోకి వచ్చి అత్యధిక వికెట్లు తీసిన రెండో బౌలర్‌గా నిలిచాడు. ఆ తర్వాత 2025-26 యాషెస్ సిరీస్‌లో కేవలం 3 టెస్టుల్లోనే 20.11 సగటుతో 18 వికెట్లు పడగొట్టి సంచలనం సృష్టించాడు.ఇంగ్లండ్ వన్డే జట్టుహ్యారీ బ్రూక్ (కెప్టెన్), జోఫ్రా ఆర్చర్, గస్ అట్కిన్సన్, సోనీ బేకర్, టామ్ బాంటన్, జాకబ్ బెతెల్, జోర్డాన్ కాక్స్, హెన్రీ క్రోకోంబ్, సామ్ కరన్, లియామ్ డాసన్, బెన్ డకెట్, విల్ జాక్స్, జేమీ ఓవర్టన్, ఆదిల్ రషీద్, జో రూట్,ఇంగ్లండ్ టీ20 జట్టుహ్యారీ బ్రూక్ (కెప్టెన్), టామ్ బాంటన్, జాకబ్ బెతెల్, జేమ్స్ కోల్స్, జోర్డాన్ కాక్స్, హెన్రీ క్రోకోంబ్, సామ్ కరన్, లియామ్ డాసన్, అన్యూరిన్ డొనాల్డ్, ఎడ్డీ జాక్, విల్ జాక్స్, జేమీ ఓవర్టన్, ఆదిల్ రషీద్, థామస్ ర్యూ, ఫిల్ సాల్ట్, ల్యూక్ వుడ్.

ఐపీఎల్‌ 2027 సీజన్‌కు ముందు ముంబై ఇండియన్స్ ఫ్రాంచైజీ ఒక సంచలన నిర్ణయం తీసుకోనున్నట్లు తెలుస్తోంది. జట్టు సీనియర్ ఓపెనర్, దిగ్గజ ప్లేయర్ రోహిత్ శర్మకు తిరిగి కెప్టెన్సీ బాధ్యతలు అప్పగించేందుకు యాజమాన్యం సిద్ధమైనట్లు వార్తలు వస్తున్నాయి. ఈ నెలలో రిటెన్షన్ విండో ముగిసేలోపే రోహిత్ శర్మను తిరిగి సారథిగా నియమిస్తూ ముంబై ఫ్రాంచైజీ అధికారిక ప్రకటన చేసే అవకాశం ఉందని జాతీయ మీడియా కథనాలు పేర్కొంటున్నాయి.హార్దిక్ పాండ్యా - అర్ష్‌దీప్ సింగ్ ట్రేడింగ్ డీల్!గత మూడు సీజన్లుగా ముంబై ఇండియన్స్ కెప్టెన్‌గా వ్యవహరించిన స్టార్ ఆల్‌రౌండర్ హార్దిక్ పాండ్యా పంజాబ్ కింగ్స్ ఫ్రాంచైజీకి ట్రేడ్ కానున్నట్లు 'ఇండియా టుడే' జర్నలిస్ట్ రాహుల్ రావత్ సోషల్ మీడియా వేదికగా వెల్లడించారు.ఈ ట్రేడింగ్ ఒప్పందంలో భాగంగా పంజాబ్ కింగ్స్ తమ స్టార్ పేసర్ అర్ష్‌దీప్ సింగ్స్‌ ముంబై ఇండియన్స్‌కు ఇచ్చి, హార్దిక్ పాండ్యాను తమ జట్టులోకి తీసుకోనున్నట్లు సమాచారం. ఇరు జట్ల యాజమాన్యాలు ఇప్పటికే దీనికి సంబంధించిన పత్రాలను బీసీసీఐకి పంపినట్లు తెలుస్తోంది.కాగా రోహిత్ శర్మ 2013 నుండి 2023 వరకు ముంబై ఇండియన్స్‌కు సారథ్యం వహించి ఏకంగా 5 ఐపీఎల్ ట్రోఫీలు అందించాడు. అయితే 2024 సీజన్‌లో రోహిత్ స్థానంలో అనూహ్యంగా హార్దిక్ పాండ్యాకు కెప్టెన్సీ అప్పగించడం క్రికెట్ వర్గాల్లో తీవ్ర చర్చనీయాంశమైంది.హార్దిక్ నాయకత్వంలో ముంబై జట్టు ఆశించిన స్థాయిలో రాణించలేకపోయింది. గత మూడు సీజన్లలో ఒక్కసారి కూడా ఫైనల్‌కు చేరుకోలేకపోయింది. ఈ క్రమంలో జట్టును మళ్లీ విజయాల బాట పట్టించేందుకు, పాత వైభవాన్ని తెచ్చేందుకు రోహిత్ శర్మకే తిరిగి నాయకత్వ బాధ్యతలు అప్పగించాలని ముంబై ఇండియన్స్ భావిస్తోంది.

వెల్లింగ్టన్ వేదికగా టీమిండియాతో జరిగిన రెండో వన్డేలో న్యూజిలాండ్ 4 ప‌రుగుల తేడాతో (డక్వర్త్ లూయిస్ పద్ధతి ప్రకారం) ఓటమిపాలైంది. ఈ మ్యాచ్‌ను వర్షం కారణంగా 47 ఓవర్లకు కుదించారు. తొలుత బ్యాటింగ్ చేసిన కివీస్.. భారత బౌలర్ల ధాటికి 134 పరుగులకే ఆలౌటైంది. అనంతరం లక్ష్య ఛేదనలో టీమిండియా 26 ఓవర్లలో 7 వికెట్ల నష్టానికి 113 పరుగులు చేసింది.ఈ సమయంలో వర్షం కురవడంతో ఆట నిలిచిపోయింది. డీఎల్ఎస్ పద్ధతి ప్రకారం అప్పటికి 4 పరుగులు ఆధిక్యంలో ఉన్న భారత్‌ను విజేతగా ప్రకటించారు. ఈ ఓటమిపై మ్యాచ్ అనంతరం న్యూజిలాండ్ కెప్టెన్ మిచెల్ శాంట్నర్ స్పందిస్తూ.. బ్యాటింగ్ వైఫల్యం వల్లే ఓడిపోయామని వెల్లడించారు."వెల్లింగ్టన్ పిచ్ బ్యాటింగ్‌కు చాలా కష్టంగా ఉంది. మ్యాచ్ చూసిన ప్రతీ ఒక్కరికీ ఆ విషయం అర్థమై ఉంటుంది. భారత బౌలర్లు ఆరంభంలో అద్భుతంగా బౌలింగ్ చేసి మాకు కఠిన సవాల్ విసిరారు. పవర్‌ప్లేలోనే వికెట్లు కోల్పోవడం మా కొంపముంచింది. ఇన్నింగ్స్ సగం పూర్తయ్యేసరికి మేము చాలా వెనకబడిపోయాం. కనీసం 160-180 పరుగులు సాధించి ఉంటే బాగుండేది.అయినప్పటికీ పిచ్ నుంచి బౌలర్లకు మంచి సహకారం లభించింది. అందుకు తగ్గట్టే మా బౌలర్లు కూడా అద్భుతంగా రాణించారు. తక్కువ స్కోరును కాపాడుకోవాలంటే ఆరంభంలోనే వికెట్లు తీయడమే ఏకైక మార్గం. ఆ పని మా బౌలర్లు విజయవంతంగా చేశారు. వన్డే క్రికెట్‌లో భాగస్వామ్యాలను బ్రేక్ చేయడం చాలా కీలకం. నేను కూడా బౌలింగ్ కోసం వార్మప్ అయ్యాను, కానీ మా బౌలర్లు వరుసగా వికెట్లు తీస్తుండటంతో వారినే కొనసాగించాను. సెకండ్ ఇన్నింగ్స్‌లోనూ పిచ్ బ్యాటింగ్‌కు కష్టంగా ఉంటుందని మాకు ముందే తెలుసు. ఇది చాలా కఠినమైన వికెట్. దాన్ని దాచాల్సిన అవసరం లేదు. ఇక, కంకషన్‌కు గురైన టిక్నర్ ప్రస్తుతం హోటల్‌లో విశ్రాంతి తీసుకుంటున్నాడు. అతడు త్వరగా కోలుకుని తిరిగి మైదానంలో అడుగుపెడతాడని ఆశిస్తున్నాను" అని శాంట్నర్ పేర్కొన్నారు.

షార్జా వేదిక‌గా అఫ్గానిస్తాన్‌, జింబాబ్వే మ‌ధ్య జ‌రుగుతున్న తొలి టెస్టు ర‌స‌కందాయంలో ప‌డింది. మూడో రోజు ఆట ముగిసే స‌మ‌యానికి అఫ్గానిస్తాన్ 125 ఓవ‌ర్ల‌లో 7 వికెట్ల న‌ష్టానికి 402 ప‌రుగులు చేసింది. కెప్టెన్‌ రహ‌మ‌త్ షా (94 నాటౌట్‌) సెంచరీకి ఆరు పరుగుల దూరంలో నిలవగా, అతడితో పాటు జియా ఉర్‌ అక్బర్‌ క్రీజులో ఉన్నారు. ప్ర‌స్తుతం అఫ్గానిస్తాన్ తొలి ఇన్నింగ్స్‌లో మరో 102 ప‌రుగులు వెనుక‌బ‌డి ఉంది.మ్యాచ్‌కు మ‌రో రెండు రోజులు స‌మ‌యం మిగిలి ఉండ‌డంతో మ్యాచ్ దాదాపు డ్రా అయ్యే అవ‌కాశాలే ఎక్కువ‌గా ఉన్నాయి. ఆఫ్గ‌న్ బ్యాట‌ర్ల‌లో ఓపెన‌ర్ సెదికుల్లా అట‌ల్ (213 బంతుల్లో 105; 6 ఫోర్లు, 3 సిక్స‌ర్లు), ర‌హ‌మ‌నుల్లా (188 బంతుల్లో 113; 12 ఫోర్లు, ఒక సిక్స‌ర్‌) సెంచరీల‌తో చెల‌రేగారు. ఆఖ‌ర్లో వికెట్‌కీప‌ర్ ఇక్ర‌మ్ అలికిల్ (40) ప‌ర్వాలేద‌నిపించాడు. జింబాబ్వే బౌల‌ర్ల‌లో న్యుమ‌న్ నైమూరి మూడు వికెట్లు తీయ‌గా, గ్రేమీ క్రీమ‌ర్ రెండు వికెట్లు ప‌డ‌గొట్టాడు. అంతకముందు జింబాబ్వే తమ తొలి ఇన్నింగ్స్‌లో 504 పరుగులకు ఆలౌటైంది. కెప్టెన్ బ్రియాన్ బెన్నెట్ (128), బ్రెండన్ టేలర్ (131) శతకాలతో అదరగొట్టగా, ఆఖర్లో గ్రేమీ క్రీమర్ (34 నాటౌట్) మెరవడంతో జింబాబ్వే 500 పరుగుల మార్క్‌ను దాటింది. అఫ్గానిస్తాన్ బౌలర్లలో మొహమ్మద్ సలీమ్‌, ఖయాస్ అహ్మద్‌లు చెరో 3 వికెట్లు తీయగా, జియావుర్ రెహ్మాన్ రెండు వికెట్లు పడగొట్టాడు.A calm and composed innings from the skipper gets him to an 8th half-century in Test cricket! 👏 #AfghanAtalan | #AFGvZIM | #GloriousNationVictoriousTeam https://t.co/n2lNA2DAOB— Afghanistan Cricket Board (@ACBofficials) November 7, 2026ఇదీ చదవండి: ‘అతడి విషయంలో తొండి చేశారు.. మా శాపం ఫలించింది’జట్టు ప్రకటన.. కెప్టెన్‌గా రజత్‌ పాటిదార్‌

దేశవాళీ టీ20 టోర్నమెంట్‌ సయ్యద్‌ ముస్తాక్‌ అలీ ట్రోఫీకి మధ్యప్రదేశ్‌ తమ జట్టును ప్రకటించింది. పదిహేను మంది సభ్యులతో కూడిన జట్టుకు తమ స్టార్‌ ప్లేయర్‌ రజత్‌ పాటిదార్‌ కెప్టెన్‌గా వ్యవహరిస్తాడని తెలిపింది. కాగా ఈ జట్టులో అనుభవజ్ఞులైన ఆటగాళ్లతో పాటు యువ ప్లేయర్లకు మధ్యప్రదేశ్‌ క్రికెట్‌ అసోసియేషన్‌ చోటిచ్చింది.నవంబరు 14 నుంచి మొదలుఐపీఎల్‌ స్టార్లు అనికేత్‌ వర్మ, ఆవేశ్‌ ఖాన్‌, టీమిండియా ఆటగాడు సారాంశ్‌ జైన్‌ తదితరులు ఈ జట్టులో ఉన్నారు. ఇక ఈ దేశీ టోర్నీ నవంబరు 14 నుంచి మొదలుకానుంది. గతంలో రజత్‌ పాటిదార్‌ సారథ్యంలోనే మధ్యప్రదేశ్‌ సయ్యద్‌ ముస్తాక్‌ అలీ ట్రోఫీ సొంతం చేసుకుంది.తొలి మ్యాచ్‌ ఆ జట్టుతోనేమరోసారి ఆ ఫలితాన్ని పునరావృతం చేయాలని పట్టుదలగా ఉంది. ఇక ఈసారి మధ్యప్రదేశ్‌ ఎలైట్‌ గ్రూప్‌-‘సి’లో ఉండగా.. చండీగఢ్‌ వేదికగా తమ తొలి మ్యాచ్‌లో కేరళతో తలపడుతుంది.కాగా రజత్‌ పాటిదార్‌ ఐపీఎల్‌లో రాయల్‌ చాలెంజర్స్‌ బెంగళూరు జట్టుకు 2025లో తొలిసారి టైటిల్‌ అందించిన సంగతి తెలిసిందే. ఈ ఏడాది కూడా అతడి సారథ్యంలోనే ఆర్సీబీ మరోసారి ట్రోఫీని ముద్దాడింది. మధ్యప్రదేశ్‌కు టైటిల్‌ అందించడం ద్వారా ఆర్సీబీ కెప్టెన్‌గా పాటిదార్‌ అవకాశాన్ని అందిపుచ్చుకున్న సంగతి తెలిసిందే.ఇదిలా ఉంటే.. గత సీజన్‌లో ఇషాన్‌ కిషన్‌ కెప్టెన్సీలో జార్ఖండ్‌ తొలిసారి సయ్యద్‌ ముస్తాక్‌ అలీ ట్రోఫీలో చాంపియన్‌గా నిలిచింది. ఈ క్రమంలో టీమిండియాలో రీఎంట్రీ ఇచ్చిన ఇషాన్‌.. టీ20 జట్టులో పాతుకుపోయాడు. వన్డేల్లో కూడా చోటు దక్కించుకుంటున్నాడు.సయ్యద్‌ ముస్తాక్‌ అలీ ట్రోఫీ -2026 టోర్నీకి మధ్యప్రదేశ్‌ జట్టుఅంకుశ్‌ సింగ్‌, అక్షత్‌ రఘువన్షీ, హర్ష్‌ గావిల్‌ (వికెట్‌ కీపర్‌), రజత్‌ పాటిదార్‌ (కెప్టెన్‌), అనికేత్‌ వర్మ, రితిక్‌ టడా, అపూర్వ్‌ ద్వివేది (వికెట్‌ కీపర్‌), సారాంశ్‌ జైన్‌, కుమార్‌ కార్తికేయ సింగ్‌, శివం శుక్లా, శివాంగ్‌ కుమార్‌, ఆవేశ్‌ ఖాన్‌, త్రిపురేశ్‌ సింగ్‌, రాహుల్‌ బతామ్‌, మంగేశ్‌ యాదవ్‌.ఇవీ చదవండి: వైభవ్‌ సూర్యవంశీ ప్రపంచ రికార్డు

వెల్లింగ్టన్ వేదికగా భారత్,న్యూజిలాండ్ మధ్య రెండో వన్డే మ్యాచ్‌లో భారత ఆల్ రౌండర్ నమన్ ధీర్ ఔటైన తీరు వివాదంగా నిలిచింది. భారత ఇన్నింగ్స్ 25వ ఓవర్లో నమన్ ధీర్ కొట్టిన షాట్‌ను బౌండరీ లైన్ వద్ద ఉన్న టిమ్‌ సీఫెర్ట్ అద్భుతంగా క్యాచ్ అందుకున్నాడు. బెనిఫిట్ ఆఫ్ డౌట్ కింద అంపైర్ థర్డ్ అంపైర్‌ను ఆశ్రయించాడు. చాలా రిప్లేలతో పాటు సీఫెర్ట్ అందుకున్న క్యాచ్‌ను వివిధ యాంగిల్స్‌లో పరిశీలించిన తర్వాత క్యాచ్ అందుకోవడంలో ఎలాంటి పొరపాటు జరగలేదని తేలడంతో నమన్ ధీర్ ఔట్ అని అంపైర్‌ ప్రకటించాడు. అయితే దీనిపై సోషల్ మీడియాలో మాత్రం వివాదం చెలరేగింది. రీప్లేలలో సీఫర్ట్ క్యాచ్ పట్టుకునే సమయంలో అతని కాళ్లు బౌండరీ రోప్‌కు చాలా దగ్గరగా ఉన్నాయని, అలాగే బౌండరీ కుషన్స్ కూడా వెనక్కి జరిగాయని సోషల్ మీడియాలో అభిమానులు అనుమానం వ్యక్తం చేశారు.థర్డ్ అంపైర్ క్షుణ్ణంగా పరిశీలించకుండానే, స్పష్టమైన ఆధారం లేకుండానే నమన్ ఔటైనట్లు ప్రకటించడంపై కేఎల్ రాహుల్ కూడా అసంతృప్తి వ్యక్తం చేయడం చర్చనీయాంశమైంది. కొందరు అభిమానులు మాత్రం ‘నమన్ ధీర్ ఔట్ విషయంలో కివీస్ తొండి చేసింది. బౌండరీ రోప్‌ను వెనక్కి జరిపి మరీ సీఫెర్ట్ క్యాచ్ తీసుకున్నాడు’.. ‘దేవుడు మనవైపే ఉన్నాడు.. మా శాపం ఫలించింది.. అందుకే వర్షం వచ్చినా విజయం మనల్నే వరించింది’ అని కామెంట్లు పెట్టారు.ఇక మ్యాచ్ విషయానికొస్తే.. మొదట బ్యాటింగ్ చేసిన కివీస్‌.. 41 ఓవర్లలో కేవలం 134 పరుగులకే కుప్పకూలింది. భారత బౌలర్ల దెబ్బకు టాపార్డర్‌ కుదేలు కాగా.. నాలుగో స్థానంలో వచ్చిన డారిల్‌ మిచెల్‌ అర్ధ శతకం (104 బంతుల్లో 55)తో జట్టును ఆదుకున్నాడు. అతడికి తోడుగా కెప్టెన్‌ మిచెల్‌ సాంట్నర్‌ 31 పరుగులతో రాణించాడు.టీమిండియా బౌలర్లలో గుర్నూర్‌ బ్రార్‌ నాలుగు వికెట్లతో చెలరేగగా.. ఆకిబ్‌ నబీ, అన్షుల్‌ కాంబోజ్‌, అక్షర్‌ పటేల్‌ తలా రెండు వికెట్లు కూల్చారు. అనంతరం టీమిండియా 26 ఓవర్లలో ఏడు వికెట్ల నష్టానికి 113 పరుగుల వద్ద ఉన్న వేళ వర్షం ఆటకు అంతరాయం కలిగించింది.భారత్‌ విజయానికి 22 పరుగులు అవసరమైన వేళ వాన మొదలైంది. అప్పటికే డక్‌వర్త్ లూయిస్‌ పద్ధతి ప్రకారం టీమిండియా నిర్ణీత లక్ష్యం (109) కంటే నాలుగు పరుగులు ముందంజలో ఉండడంతో విజయం సాధించినట్లు అంపైర్లు ప్రకటించారు. శ్రేయస్ అయ్యర్ (30), కేఎల్ రాహుల్ (26 నాటౌట్‌) రాణించారు. ఇరుజట్ల మధ్య మూడో వన్డే మంగళవారం జరగనుంది.OUT or NOT OUT? The third umpire has no conclusive evidence to overturn the on-field decision. Naman Dhir departs with India in trouble. Is there a twist in the tale? 📸: Sony LIV https://t.co/CGbE1biMYd— CricTracker (@Cricketracker) November 7, 2026 Out or not out Naman Dhir indvsnz https://t.co/1EcdKfFjiG— Akshyamvk (@Akshya18lu) November 7, 2026ఇదీ చదవండి: 'చేజింగ్ అంత సులువు కాదు.. అతడి వల్లే విజయం'మనీష్ పాండే రీఎంట్రీ.. రెండేళ్ల తర్వాత పిలుపు

శ్రీలంక‌తో టెస్టు సిరీస్‌కు ఎంపిక చేసిన పాకిస్తాన్ జ‌ట్టులో కీల‌క మార్పులు చోటు చేసుకున్నాయి. దేశ‌వాళీ క్రికెట్‌లో అద్బుతంగా రాణించిన న‌లుగురు ప్లేయ‌ర్లును ఈ జ‌ట్టులోకి పాక్ సెల‌క్ష‌న్ క‌మిటీ చేర్చింది. ఆల్‌రౌండ‌ర్ ఆమిర్ జమాల్‌తో పాటు అలీ ష‌బ్బీర్‌, మ‌హ్మ‌ద్ త‌యాబ్‌, స‌కీబ్ ఖాన్‌ల‌కు సెల‌క్ట‌ర్లు పిలుపునిచ్చారు. జ‌మాల్ మిన‌హా మిగితా ముగ్గురు ఇంకా పాక్ త‌ర‌పున అంత‌ర్జాతీయ అరంగేట్రం చేయలేదు. ఈ క్ర‌మంలో తొలుత ఎంపికైన అబ్దుల్ ఫ‌జ‌ల్‌, అలీ ఉస్మాన్ త‌మ స్ధానాల‌ను కోల్పోయారు.అమీర్ జ‌మాల్ ఇప్ప‌టికే పాక్ త‌ర‌పున 9 టెస్టు మ్యాచ్‌లు ఆడాడు. అయితే అత‌డు త‌న ఫామ్‌ను కోల్పోవ‌డంతో జ‌ట్టు నుంచి ప‌క్క‌న పెట్టారు. కానీ ఇటీవల ప్రెసిడెంట్స్ ట్రోఫీ గ్రేడ్-I ఫైనల్లో మార్ఖోర్ ఐటీ సొల్యూషన్స్ జట్టు త‌ర‌పున అత‌డు సంచ‌ల‌న ప్ర‌ద‌ర్శ‌న చేశాడు. బౌలింగ్‌లో కేవ‌లం 32 పరుగులిచ్చి 7 వికెట్లు తీయడంతో పాటు బ్యాటింగ్‌లో 55 పరుగులు చేశాడు. ముహమ్మద్ తయ్యబ్ ఆరిఫ్ కూడా డొమాస్టిక్ క్రికెట్‌లో దుమ్మురేపాడు. డిపార్ట్‌మెంటల్ ఫస్ట్-క్లాస్ టోర్నీలో కింగ్స్‌మెన్ అకాడమీకి ప్రాతినిధ్యం వహించిన త‌య్య‌బ్‌.. 7 మ్యాచ్‌ల్లో 66.09 సగటుతో 727 పరుగులు సాధించి తొలిసారి పిలుపు అందుకున్నాడు. మ‌రోవైపు 19 ఏళ్ల అలీ ష‌బ్బీర్ త‌న ఫాస్ట్ బౌలింగ్ స్కిల్స్‌తో ఆక‌ట్టుకున్నాడు. ఇప్పటివరకు 8 ఫస్ట్-క్లాస్ మ్యాచ్‌లలో 22 వికెట్లు పడగొట్టి జాతీయ జట్టులోకి ఎంపికయ్యాడు. కాగా పాకిస్తాన్, శ్రీలంక జట్ల మధ్య తొలి టెస్టు మ్యాచ్ నవంబర్ 9 నుంచి రావల్పిండిలో జరగనుంది. పాక్‌ అప్‌డేటడ్‌ జట్టు: బాబర్ ఆజం (కెప్టెన్), అమీర్ జమాల్, అలీ షబ్బీర్, అరాఫత్ మిన్హాస్, అజాన్ అవాయిస్, మహ్మద్ అబ్బాస్, మహ్మద్ ఘాజీ ఘోరీ (వికెట్), మహ్మద్ సులేమాన్, మహ్మద్ తాహా, ముహమ్మద్ తయ్యబ్ ఆరిఫ్, రజావుల్లా, సాద్ బేగ్ , సామీబ్ ఖాన్, సామీబ్ ఖాన్, సమీబ్ ఖాన్, సమీబ్ ఖాన్, సమీబ్ ఖాన్.

వెల్లింగ్టన్ వేదికగా జరిగిన రెండో వన్డేలో న్యూజిలాండ్‌పై డక్‌వర్త్ లూయిస్ పద్దతిలో 4 పరుగుల తేడాతో టీమిండియా విజయం సాధించింది. తద్వారా ఐదు మ్యాచ్‌ల వన్డే సిరీస్‌లో భారత్ 2-0తో ఆధిక్యంలోకి దూసుకెళ్లింది. మ్యాచ్ ముగిసిన అనంతరం పోస్ట్ ప్రజంటేషన్ కార్యక్రమంలో టీమిండియా కెప్టెన్ శుబ్‌మన్ గిల్ మాట్లాడాడు. మ్యాచ్ ఏ పరిస్థితుల్లో ముగిసినా, చివరికి విజయం ఎవరికి దక్కిందన్నది అత్యంత ముఖ్యమైన విషయమని స్పష్టం చేశాడు. గిల్ మాట్లాడుతూ.. "వెల్లింగ్టన్ పిచ్‌పై ఛేజింగ్ అంత సులువు కాదు. న్యూజిలాండ్‌ను 134 పరుగులకే ఆలౌట్ చేసిన తర్వాత ఈ లక్ష్యాన్ని సులువుగానే ఛేదించవచ్చని భావించాము. కానీ అంచనాలకు భిన్నంగా మా బ్యాటింగ్ సాగింది. దీంతో ఇక్కడి పిచ్‌పై బ్యాటింగ్ చేయడం అంత సులభం కాదని అర్థమైపోయింది. అయినప్పటికీ జట్టు విజయం సాధించడం కాస్త సంతోషాన్ని ఇచ్చింది. ఈ మ్యాచ్‌లో మా బౌలర్లందరూ మంచి ప్రదర్శన కనబరిచారు. ముఖ్యంగా గుర్నూర్ బ్రార్ అంచనాలకు అనుగుణంగా రాణిస్తున్నాడు. తొలి వన్డేలో కూడా మంచి బౌలింగ్ ప్రదర్శించిన గుర్నూర్‌.. రెండో వన్డేలో కెరీర్ బెస్ట్ ఫిగర్స్ నమోదు చేశాడు. మంచి లైన్ అండ్ లెంగ్త్‌తో బంతులు వేస్తున్న గుర్నూర్ ఇలాగే స్థిరత్వాన్ని ప్రదర్శిస్తే మ్యాచ్‌లు ఆడుతున్న కొద్ది మరింత అనుభవాన్ని గడిస్తాడనిపిస్తుంది. అతడు తన అద్భుత ప్రదర్శనతో విజయానికి కారణమయ్యాడు. కోచ్ గౌతమ్ గంభీర్ యువ బౌలర్లకు ఇచ్చిన సందేశాన్ని ఇక్కడ ప్రస్తావించాలనుకుంటున్నా. ప్రస్తుతం భారత జట్టుకు కావాల్సిన నైపుణ్యాలన్నీ ప్రస్తుత జట్టులో ఉన్న యువ బౌలర్లలో ఉన్నాయి. బ్యాటింగ్‌లో మెరుగవ్వాల్సిన అవసరముంది. మా ఇన్నింగ్స్ సమయంలో వర్షం వస్తుందని ఊహించాం. ఒకవేళ ఈ మ్యాచ్‌ను డీఆర్‌ఎస్ పద్దతిలో నాలుగు లేదా ఐదు పరుగుల తేడాతో ఓడిపోయుంటే, మాకు ఘోర ఓటమి కిందే లెక్క. ఈ పిచ్‌పై ప్రత్యర్థిని తక్కువ స్కోరుకే కట్టడి చేయాలంటే ప్రారంభంలోనే వికెట్లు తీయడం ఒక్కటే మార్గం. మన బౌలర్లు ప్రతి స్పెల్‌లోనూ పట్టుదలతో బౌలింగ్ చేస్తూ వికెట్లు పడగొట్టడం నాకు సంతోషాన్ని ఇచ్చింది." అని చెప్పుకొచ్చాడు.ఇదీ చదవండి: ‘ప్రయోగాలు ఆపండి.. ఆ స్థానంలో అతడు అన్‌ఫిట్‌’వైభవ్‌ సూర్యవంశీ ప్రపంచ రికార్డు

స‌య్య‌ద్ ముస్తాక్ అలీ టీ20 టోర్నీలో తొలి మూడు మ్యాచ్‌ల‌ కోసం 15 మంది స‌భ్యుల‌తో కూడిన త‌మ జ‌ట్టును కర్ణాటక క్రికెట్ అసోసియేషన్ ప్ర‌క‌టించింది. ఈ జట్టు కెప్టెన్ స్మ‌ర‌ణ్ ర‌విచంద్ర‌న్ ఎంపిక‌య్యాడు. ఈ జ‌ట్టులో సీనియ‌ర్ బ్యాట‌ర్ మనీష్ పాండేకు చోటు ద‌క్కింది.పాండే దాదాపు రెండేళ్ల విరామం త‌ర్వాత తిరిగి క‌ర్ణాట‌క టీ20 జ‌ట్టుకు తిరిగి ఎంపిక‌య్యాడు. ఈ ఏడాది మహారాజా టీ20 ట్రోఫీ పాండే అద్భుత‌మైన ప్ర‌ద‌ర్శ‌న క‌న‌బ‌రిచాడు. 9 ఇన్నింగ్స్‌ల్లో 58.20 సగటు, 177.44 స్రైక్ రేట్‌తో 291 పరుగులు చేశాడు.ఈ కార‌ణంగానే అత‌డికి సెల‌క్ట‌ర్ల నుంచి పిలుపు వ‌చ్చింది. అయితే సీనియర్ ఆటగాళ్లు మయాంక్ అగర్వాల్, శ్రేయస్ గోపాల్‌లకు తొలి మూడు మ్యాచ్‌ల జట్టులో చోటు లభించలేదు. ఈ టోర్నీలో మిగిలిన మ్యాచ్‌ల‌కు వారిద్ద‌రిని ఎంపిక చేసే అవ‌కాశ‌ముంది. క‌ర్ణాట‌క జ‌ట్టు త‌మ తొలి మ్యాచ్‌లో నవంబర్ 14న వాంఖ‌డే వేదిక‌గా బెంగాల్‌తో త‌ల‌ప‌డ‌నుంది.కర్ణాటక జట్టు ఇదే: స్మరన్ (కెప్టెన్), రోహన్ ఎ పాటిల్, లవ్నిత్ సిసోడియా, మనీష్ పాండే, కరుణ్ నాయర్, అభినవ్ మనోహర్, మన్వంత్ కుమార్ ఎల్, శిఖర్ శెట్టి, ప్రవీణ్ దూబే, వైశాఖ్ విజయ్‌కుమార్, విద్వత్ కావేరప్ప, అభిలాష్ శెట్టి, శ్రీజిత్ కేఎల్, అనీశ్వర్ గౌతమ్, రితేష్ భట్కల్.చదవండి: IND vs NZ: చ‌రిత్ర సృష్టించిన టీమిండియా పేసర్‌.. 23 ఏళ్ల జహీర్‌ ఖాన్‌ రికార్డ్ బ్రేక్‌

బంగ్లాదేశ్‌ యువ బ్యాటర్‌ తౌహీద్‌ హృదోయ్‌ సరికొత్త చరిత్ర సృష్టించాడు. టెస్టుల్లో ఇంతవరకు బంగ్లా క్రికెటర్లకు ఎవరికీ సాధ్యం కాని రికార్డు సాధించాడు. రెండు టెస్టు మ్యాచ్‌లు ఆడేందుకు వెస్టిండీస్‌ క్రికెట్‌ జట్టు బంగ్లాదేశ్‌ పర్యటనకు వెళ్లింది.356 పరుగులు చేసి ఆలౌట్‌ఇందులో భాగంగా ఢాకా వేదికగా తొలి టెస్టులో విండీస్‌ జట్టు ఆతిథ్య బంగ్లాను ఎనిమిది వికెట్ల తేడాతో చిత్తు చేసింది. ఈ క్రమంలో ఇరుజట్ల మధ్య గురువారం రెండో టెస్టు మొదలైంది. సైలెట్‌ వేదికగా టాస్‌ గెలిచిన వెస్టిండీస్‌ తొలుత బ్యాటింగ్‌ ఎంచుకుంది. తొలి ఇన్నింగ్స్‌లో 356 పరుగులు చేసి ఆలౌట్‌ అయింది.ఆమిర్‌ జాంగో శతక్కొట్టగావికెట్‌ కీపర్‌ బ్యాటర్‌ ఆమిర్‌ జాంగో శతక్కొట్టగా (133).. కెవిన్‌ విక్‌హామ్‌ (61), జస్టిన్‌ గ్రీవ్స్‌ (51) అర్ధ శతకాలతో రాణించారు. బంగ్లా బౌలర్లలో హసన్‌ మహమూద్‌ ఆరు వికెట్లతో చెలరేగగా.. టస్కిన్‌ అహ్మద్‌, మెహిదీ హసన్‌ మిరాజ్‌ చెరో రెండు వికెట్లు పడగొట్టారు.బంగ్లాదేశ్‌ను ఆదుకున్న హృదోయ్‌అనంతరం తొలి ఇన్నింగ్స్‌ మొదలుపెట్టిన బంగ్లాదేశ్‌ 386 పరుగులు చేసి ఆలౌట్‌ అయింది. నాలుగో స్థానంలో వచ్చిన తౌహీద్‌ హృదోయ్‌ అజేయ డబుల్‌ సెంచరీ కారణంగానే బంగ్లాకు ఈ స్కోరు సాధ్యమైంది. మొత్తంగా 359 బంతులు ఎదుర్కొన్న హృదోయ్‌.. 22 ఫోర్లు, 11 సిక్సర్లు బాది 242 పరుగులతో అజేయంగా నిలిచాడు.మిగిలిన వారిలో సీనియర్‌ బ్యాటర్‌ ముష్ఫికర్‌ రహీం మాత్రమే చెప్పుకోగదగిన స్కోరు (34) చేశాడు. హృదోయ్‌ ఇన్నింగ్స్‌ కారణంగా బంగ్లా తొలి ఇన్నింగ్స్‌లో 30 పరుగుల స్వల్ప ఆధిక్యం సంపాదించగలిగింది.ఇదిలా ఉంటే.. విండీస్‌తో రెండో టెస్టు సందర్భంగా హృదోయ్‌ సరికొత్త చరిత్ర సృష్టించాడు. బంగ్లాదేశ్‌ తరఫున టెస్టుల్లో ఓ ఇన్నింగ్స్‌లో అత్యధిక స్కోరు (242 నాటౌట్‌) సాధించిన క్రికెటర్‌గా రికార్డు సాధించాడు.బంగ్లాదేశ్‌ తరఫున టెస్టుల్లో అత్యధిక వ్యక్తిగత స్కోరు సాధించిన క్రికెటర్లుతౌహీద్‌ హృదోయ్‌- 2026లో వెస్టిండీస్‌పై సెలైట్‌ వేదికగా 242*ముష్ఫికర్‌ రహీం- 2018లో జింబాబ్వేపై మిర్పూర్‌ వేదికగా 219*షకీబ్‌ అల్‌ హసన్‌- 2017లో న్యూజిలాండ్‌పై వెల్లింగ్‌టన్‌ వేదికగా 217తమీమ్‌ ఇక్బాల్‌- 2015లో పాకిస్తాన్‌పై ఖుల్నా వేదికగా 206ముష్ఫికర్‌ రహీం- 2020లో జింబాబ్వేపై మిర్పూర్‌ వేదికగా 203*ముష్ఫికర్‌ రహీం- 2013లో శ్రీలంకపై గాలె వేదికగా 200.ఇవీ చదవండి: IND vs NZ: చ‌రిత్ర సృష్టించిన టీమిండియా పేసర్‌.. 23 ఏళ్ల జహీర్‌ ఖాన్‌ రికార్డ్ బ్రేక్‌Power and precision on full display! Relive the massive sixes from Tawhid Hridoy's magnificent double-century innings against West Indies. https://t.co/PuyI4bMbhW— Bangladesh Cricket (@BCBtigers) November 7, 2026

న్యూజిలాండ్‌తో జ‌రుగుతున్న వ‌న్డే సిరీస్‌లో టీమిండియా ఆల్‌రౌండ‌ర్ అక్ష‌ర్ ప‌టేల్ ఐదో స్థానంలో బ్యాటింగ్‌కు వ‌స్తున్న సంగతి తెలిసిందే. అయితే కివీస్ పిచ్‌ల‌పై అక్ష‌ర్ ప‌టేల్ పూర్తిగా తేలిపోతున్నాడు. తొలి వ‌న్డేలో డ‌కౌట్ అయిన అక్ష‌ర్ ప‌టేల్ రెండో వ‌న్డేలోనూ 7 ప‌రుగులు మాత్ర‌మే చేసి దారుణంగా విఫ‌ల‌మ‌య్యాడు. దీంతో అక్ష‌ర్ ప‌టేల్‌పై విమ‌ర్శలు వ‌స్తున్నాయి. వ‌న్డేల్లో భార‌త్ త‌ర‌ఫున ఐదో స్థానంలో రెగ్యుల‌ర్‌గా బ్యాటింగ్‌కు వ‌చ్చే కేఎల్ రాహుల్‌ను కాద‌ని, అక్ష‌ర్ ప‌టేల్‌కు ప్ర‌మోష‌న్ ఇచ్చి బ్యాటింగ్ ఆర్డ‌ర్‌లో ముందుకు పంపడంపై భార‌త మాజీ క్రికెట‌ర్ దొడ్డ గ‌ణేశ్ త‌ప్పుబ‌ట్టాడు. ఆయన మాట్లాడుతూ.. ‘అక్షర్ ప‌టేల్ వ‌న్డేల్లో ఐదో స్థానంలో స్వ‌దేశంలో బ్యాటింగ్ చేయ‌గ‌ల‌డు. కానీ సేనా దేశాల్లో (SENA-సౌతాఫ్రికా, ఇంగ్లండ్‌, న్యూజిలాండ్‌, ఆస్ట్రేలియా) బ్యాటింగ్ చేయ‌లేడు. ఐదో స్థానానికి అక్ష‌ర్ అన్‌ఫిట్‌. అత‌డు అప్పుడ‌ప్పుడు మెర‌వ‌గ‌ల‌డే త‌ప్ప సుదీర్ఘ ఇన్నింగ్స్‌లు ఆడ‌లేడు. వన్డే ప్రపంచకప్‌కు సమయం దగ్గరపడుతుండడంతో ఇప్ప‌టికైనా ప్రయోగాల‌కు సెల‌విచ్చి కేఎల్ రాహుల్‌ను ఐదో స్థానంలో బ్యాటింగ్‌కు పంపితే బాగుంటుంది’’ అని అభిప్రాయ‌ప‌డ్డాడు.అక్ష‌ర్ హిట్‌.. రాహుల్ సూప‌ర్‌హిట్‌ఇక టీమిండియా త‌ర‌ఫున వ‌న్డే క్రికెట్‌లో అక్షర్ పటేల్ ఐదో స్థానంలో 13 సార్లు బ్యాటింగ్‌కు వ‌చ్చి హిట్‌గా మాత్ర‌మే నిలిచాడు. అతను 87.11 స్ట్రైక్ రేట్‌తో, 30.41 సగటుతో 365 పరుగులు చేశాడు. ఇందులో గంభీర్ కోచ్‌గా ఉన్న స‌మ‌యంలోనే 11సార్లు అక్ష‌ర్ ఐదో స్థానంలో బ్యాటింగ్‌కు వ‌చ్చాడు. మరోవైపు, కేఎల్ రాహుల్ మాత్రం ఐదో స్థానంలో సూప‌ర్ హిట్ అయ్యాడు. ఐదో స్థానంలో బ్యాటింగ్‌కు వ‌చ్చి రాహుల్‌ నాలుగు సెంచరీలు, 10 హాఫ్ సెంచరీలు చేయ‌డంతో పాటు 68.58 సగటుతో 1646 పరుగులు సాధించాడు. అయితే, గంభీర్ హెడ్‌కోచ్‌గా బాధ్యతలు స్వీకరించిన త‌ర్వాత రాహుల్ వ‌న్డేల్లో ఎక్కువగా ఆరో స్థానంలోనే బ్యాటింగ్‌కు వ‌స్తున్నాడు. రాహుల్ గత‌ 17 ఇన్నింగ్స్‌లలో 37.10 సగటుతో 371 పరుగులు చేశాడు.I say it again: Axar Patel can’t be your no 5 in SENA countries. He could play a cameo here and there but he’s definitely not a long term solution. You are denying KL Rahul the game time #NZvIND— Dodda Ganesh | ದೊಡ್ಡ ಗಣೇಶ್ (@doddaganesha) November 7, 2026ఇదీ చదవండి: కాంబోజ్‌ పదునైన బౌన్సర్‌.. కంకషన్‌కు గురైన కివీస్ స్టార్‌చరిత్ర సృష్టించిన రోహిత్‌ శర్మ

సయ్య‌ద్ ముస్తాక్ అలీ ట్రోఫీ-2026 కోసం బిహార్ కెప్టెన్‌గా యువ సంచ‌ల‌నం వైభ‌వ్ సూర్య‌వంశీ ఎంపికైన సంగ‌తి తెలిసిందే. అయితే ఇక్క‌డే అసలు ట్విస్ట్ ఉంది. ఈ టోర్నీలో వైభ‌వ్ కేవ‌లం ఒక్క మ్యాచ్‌లో మాత్ర‌మే బిహార్ కెప్టెన్‌గా వ్య‌వ‌హ‌రించ‌నున్నాడు. ఈ విష‌యాన్ని బీహార్ చీఫ్ సెలెక్టర్ హర్విందర్ సింగ్ ధ్రువీక‌రించాడు. తొలి మ్యాచ్ ముగిసిన అనంత‌రం రైజింగ్ స్టార్స్ ఎమర్జింగ్ ఆసియా కప్ కోసం ఖ‌తార్‌కు సూర్య‌వంశీ ప‌య‌న‌మ‌వుతాడు. ఈ టోర్న‌మెంట్‌లో వైభ‌వ్ తిల‌క్ వ‌ర్మ సార‌థ్యంలోని ఇండియా 'ఎ' జట్టు తరపున అతడు ఆడనున్నాడు."వైభవ్ మొదటి మ్యాచ్‌లో జట్టును నడిపించడానికి అంగీకరించడంతో అతనికి కెప్టెన్సీ ఇవ్వాలని నిర్ణయించాం. అయితే ఆ తర్వాత మ్యాచ్‌లకు అతను అందుబాటులో ఉండడు" అని హర్విందర్ సింగ్ పేర్కొన్నాడు. అయితే వైభవ్ సూర్యవంశీ అందుబాటులో లేని మ్యాచ్‌ల్లో వైస్ కెప్టెన్‌గా ఎంపికైన సూరజ్ కశ్యప్ బీహార్ జట్టును నడిపిస్తాడు.ఎలైట్ గ్రూప్ బి లో ఉన్నబిహార్ జట్టు, నవంబర్ 14న ఇండోర్ వేదికగా సౌరాష్ట్రతో జరిగే తమ తొలి మ్యాచ్‌లో తలపడనుంది. కాగా సయ్యద్ ముస్తాక్ అలీ ట్రోఫీ సూపర్ లీగ్ నవంబర్ 30 నుండి ప్రారంభమై, డిసెంబర్ 6న ఫైనల్ మ్యాచ్‌తో ముగుస్తుంది.వైభవ్ సూర్యవంశీ సరికొత్త చరిత్ర15 ఏళ్ల వైభవ్ సూర్యవంశీ బిహార్ సీనియర్ జట్టుకు నాయకత్వం వహించడం ఇదే తొలిసారి. ఈ క్రమంలో టీ20 క్రికెట్‌లో ఒక జట్టుకు కెప్టెన్‌గా ఎంపికైన అత్యంత పిన్న వయస్కుడిగా వైభవ్ ప్రపంచ రికార్డు సృష్టించాడు.చదవండి: IND vs NZ: చ‌రిత్ర సృష్టించిన టీమిండియా పేసర్‌.. 23 ఏళ్ల జహీర్‌ ఖాన్‌ రికార్డ్ బ్రేక్‌

న్యూజిలాండ్‌తో వన్డే సిరీస్‌లో టీమిండియా విజయపరంపర కొనసాగుతోంది. వెల్లింగ్‌టన్‌ వేదికగా ఉత్కంఠగా సాగిన లో స్కోరింగ్‌ మ్యాచ్‌లో.. చెమటోడ్చి మరీ భారత్‌ ఎట్టకేలకు గెలుపొందింది. తద్వారా ఐదు మ్యాచ్‌ల సిరీస్‌లో 2-0తో ఆధిక్యంలో నిలిచింది. హెన్రీ స్టేడియంలో శనివారం వర్షం అంతరాయం వల్ల టాస్‌ ఆలస్యమైంది. దీంతో మ్యాచ్‌ను 47 ఓవర్లకు కుదించగా.. టాస్‌ గెలిచిన టీమిండియా తొలుత బౌలింగ్‌ ఎంచుకుంది.134 పరుగులకేఈ క్రమంలో బ్యాటింగ్‌కు దిగిన కివీస్‌.. 41 ఓవర్లలో కేవలం 134 పరుగులకే కుప్పకూలింది. భారత బౌలర్ల దెబ్బకు టాపార్డర్‌ కుదేలు కాగా.. నాలుగో స్థానంలో వచ్చిన డారిల్‌ మిచెల్‌ అర్ధ శతకం (104 బంతుల్లో 55)తో జట్టును ఆదుకున్నాడు. అతడికి తోడుగా కెప్టెన్‌ మిచెల్‌ సాంట్నర్‌ 31 పరుగులతో రాణించాడు.Glenn Phillips is the latest to fall, and Brar has every reason to celebrate! 🥳 Watch the HERO VIDA India Tour of New Zealand, 2nd ODI, LIVE NOW on Sony Sports Network TV channels, Sony Vizha & Sony LIV. #SonySportsNetwork #SonyVizha #SonyLIV #NZvIND https://t.co/XwmQR7XE4X— Sony Sports Network (@SonySportsNetwk) November 7, 2026ఫలితంగా న్యూజిలాండ్‌ గౌరవప్రదమైన స్కోరు చేయగలిగింది. టీమిండియా బౌలర్లలో గుర్నూర్‌ బ్రార్‌ నాలుగు వికెట్లతో చెలరేగగా.. ఆకిబ్‌ నబీ, అన్షుల్‌ కాంబోజ్‌, అక్షర్‌ పటేల్‌ తలా రెండు వికెట్లు కూల్చారు. అనంతరం స్వల్ప లక్ష్యంతో బరిలోకి దిగిన భారత్‌ ఆరంభంలో తడబడింది.గిల్‌, కోహ్లి విఫలమైనాఓపెనర్‌, కెప్టెన్‌ శుబ్‌మన్‌ గిల్‌ వన్డే కెరీర్‌లో తొలిసారి గోల్డెన్‌ డకౌట్‌గా వెనుదిరిగాడు. జేకబ్‌ డఫీ బౌలింగ్‌లో ఎదుర్కొన్న తొలి బంతికే నికోల్స్‌కు క్యాచ్‌ ఇచ్చి పెవిలియన్‌ చేరాడు. ఇక వన్‌డౌన్‌ బ్యాటర్‌ విరాట్‌ కోహ్లి ఏడు పరుగులకే నిష్క్రమించాడు.రాణించిన శ్రేయస్‌ఇలాంటి తరుణంలో మరో ఓపెనర్‌ రోహిత్‌ శర్మ, వైస్‌ కెప్టెన్‌ శ్రేయస్‌ అయ్యర్‌, ​‍కేఎల్‌ రాహుల్‌ కాస్త ఓపికగా ఆడారు. అయితే, రోహిత్‌ 28 బంతుల్లో 23 పరుగులు చేసి కైలీ జెమీషన్‌​ బౌలింగ్‌లో అవుటయ్యాడు. శ్రేయస్‌ 46 బంతులు ఎదుర్కొని నాలుగు ఫోర్లు, ఒక సిక్సర్‌ సాయంతో 30 పరుగులు చేశాడు.Shreyas Iyer with the kind of stroke that deserves a second, third and fourth watch! 😮‍💨 Watch the HERO VIDA India Tour of New Zealand, 2nd ODI, LIVE NOW on Sony Sports Network TV channels, Sony Vizha & Sony LIV. #SonySportsNetwork #SonyVizha #SonyLIV #NZvIND https://t.co/p8IWZdeBFm— Sony Sports Network (@SonySportsNetwk) November 7, 2026 రోహిత్‌- శ్రేయస్‌ కలిసి మూడో వికెట్‌కు 30 బంతుల్లో 22 పరుగులు జోడించగా.. రాహుల్‌- శ్రేయస్‌ ఈ మ్యాచ్‌లో అత్యధికంగా 39 పరుగుల భాగస్వామ్యం నెలకొల్పారు. మిగిలిన వారిలో స్పిన్‌ బౌలింగ్‌ ఆల్‌రౌండర్లు అక్షర్‌ పటేల్‌ (7), నమన్‌ ధీర్‌ (12) నిరాశపరచగా.. అన్షుల్‌ ఒక్క పరుగు చేసి అవుటయ్యాడు. 113 పరుగుల వద్ద ఉన్న వేళఇలాంటి తరుణంలో టీమిండియా 26 ఓవర్లలో ఏడు వికెట్ల నష్టానికి 113 పరుగుల వద్ద ఉన్న వేళ వర్షం ఆటకు అంతరాయం కలిగించింది. భారత్‌ విజయానికి 22 పరుగులు అవసరమైన వేళ వాన మొదలైంది. అప్పటికి కేఎల్‌ రాహుల్‌ 26, ఆకిబ్‌ నబీ ఒక పరుగుతో ఉన్నారు.డీఎల్‌ఎస్‌ పద్ధతి ప్రకారంఅయితే, అప్పటికే డీఎల్‌ఎస్‌ పద్ధతి ప్రకారం టీమిండియా నిర్ణీత లక్ష్యం (109) కంటే నాలుగు పరుగులు ముందంజలో నిలిచింది. ఈ క్రమంలో కాస్త వర్షం తెరిపినివ్వగా భారత్‌ లక్ష్యాన్ని 37 ఓవర్లలో 133 పరుగులుగా నిర్దేశించారు. ఆ తర్వాత మళ్లీ జల్లులు కురిశాయి. దీంతో మ్యాచ్‌ కొనసాగే పరిస్థితి లేకపోవడంతో డీఎల్‌ఎస్‌ పద్ధతి ప్రకారం టీమిండియా నాలుగు పరుగుల తేడాతో గెలుపొందినట్లు ప్రకటన వెలువడింది.KL Rahul finds another way to make the ball disappear! Watch the HERO VIDA India Tour of New Zealand, 2nd ODI, LIVE NOW on Sony Sports Network TV channels, Sony Vizha & Sony LIV. #SonySportsNetwork #SonyVizha #SonyLIV #NZvIND https://t.co/hs19CUkbw5— Sony Sports Network (@SonySportsNetwk) November 7, 2026ఇవీ చదవండి: IND VS NZ 2nd ODI: విరాట్‌ కోహ్లి వరల్డ్‌ రికార్డుIND vs NZ: నిప్పులు చెరిగిన భారత బౌలర్లు.. న్యూజిలాండ్‌ చెత్త రికార్డు

సయ్యద్ ముస్తాక్ అలీ ట్రోఫీ-2026 కోసం 15 మంది సభ్యులతో కూడిన తమ జట్టును బరోడా క్రికెట్ అసోసియేషన్ ప్రకటించింది. ఈ జట్టు కెప్టెన్ ఆల్‌రౌండర్ కృనాల్ పాండ్యా ఎంపికయ్యాడు. అతడి డిప్యూటీగా అతీత్ షేత్‌ను సెల‌క్ట‌ర్లు ఎంపిక చేశారు. కాగా సయ్యద్ ముస్తాక్ అలీ ట్రోఫీలో కృనాల్ పాండ్యా బరోడా జట్టుకు నాయకత్వం వహించడం ఇది నాలుగోసారి.కానీ ఈ ఐపీఎల్ స్టార్ బరోడాకు ఇప్పటివరకు సయ్యద్ ముస్తాక్ అలీ ట్రోఫీని అందించలేకపోయాడు. 2023లో జట్టును ఫైనల్ వరకు తీసుకెళ్లినప్పటికీ రన్నరప్‌తో సరిపెట్టుకోవాల్సి వచ్చింది. కానీ ఓవ‌రాల్‌గా మాత్రం బ‌రోడా రెండుసార్లు (2011, 2013) ఈ టీ20 ట్రోఫీని గెలుచుకుంది.ఇక ఈ 15 మంది సభ్యుల జ‌ట్టులో సీనియర్ ఆటగాళ్లు దీపక్ హుడా, జీతేష్ శర్మలతో పాటు పేసర్ రసిక్ దార్ కూడా చోటు ద‌క్కింది. ప్రియాన్షు మోలియా, చింతల్ గాంధీని స్టాంబ్ బై ప్లేయ‌ర్ల‌గా ఎంపిక చేశారు. అయితే వెన్ను గాయంతో బాధపడుతున్న హార్దిక్‌కు చోటు దక్కలేదు. కాగా సయ్యద్ ముస్తాక్ అలీ ట్రోఫీ 19వ ఎడిషన్ నవంబర్ 14 నుంచి ప్రారంభం కానుంది. బరోడా జట్టు తన తొలి మ్యాచ్‌లో చండీగఢ్‌తో తలపడనుంది.సయ్యద్ ముస్తాక్ అలీ ట్రోఫీ 2026 కోసం బరోడా జట్టుకృనాల్ పాండ్యా (కెప్టెన్), అతీత్ షేత్ (వైస్ కెప్టెన్), దీపక్ హుడా, శివాలిక్ శర్మ, శాశ్వత్ రావత్, అమిత్ పాస్సీ (వికెట్ కీపర్), జీతేష్ శర్మ (వికెట్ కీపర్), భాను పానియా, మహేష్ పిథియా, పరిక్షిత్ పటీదార్, హేమంత్ పుండే, రాజ్ లింబానీ, రసిక్ దార్, ధ్రువ్ బి. పటేల్, సఫ్వాన్ పటేల్.స్టాండ్‌బై ఆటగాళ్లు: ప్రియాన్షు మోలియా, చింతల్ గాంధీ.చదవండి: IND vs NZ: చ‌రిత్ర సృష్టించిన టీమిండియా పేసర్‌.. 23 ఏళ్ల జహీర్‌ ఖాన్‌ రికార్డ్ బ్రేక్‌

వెల్టింగ్టన్ వేదికగా న్యూజిలాండ్‌తో జరుగుతున్న రెండో వన్డేలో టీమిండియా పేసర్ గుర్నూర్ బ్రార్ అద్భుతమైన ప్రదర్శన కనబరిచాడు. వర్షం కారణంగా 47 ఓవర్లకు కుదించిన మ్యాచ్‌లో గుర్నూర్ నిప్పులు చెరిగాడు. ఈ పంజాబ్ పేసర్ తన సంచలన బౌలింగ్‌తో కివీస్ టాపార్డర్‌ను దెబ్బతీశాడు. గుర్నూర్ మొత్తంగా తన పది ఓవర్ల కోటాలో కేవలం 30 పరుగులు మాత్రమే ఇచ్చి నాలుగు వికెట్లు పడగొట్టాడు. ఇది అతడి వన్డే కెరీర్‌లో బెస్ట్ బౌలింగ్ ప్రదర్శన కావడం గమనార్హం. ఈ నేపథ్యంలో గుర్నూర్ ఓ అరుదైన ఘనతను తన పేరిట లిఖించుకున్నాడు. వెల్లింగ్టన్ గ్రౌండ్‌లో వన్డే మ్యాచ్‌లో అత్యుత్తమ బౌలింగ్ గణాంకాలు నమోదు చేసిన భారత బౌలర్‌గా బ్రార్ చరిత్ర సృష్టించాడు.ఇంతకుముందు ఈ రికార్డు భారత లెజెండరీ పేసర్ జహీర్ ఖాన్ పేరిట ఉండేది. 2003లో వెల్లింగ్టన్ వేదికగా న్యూజిలాండ్‌తో జరిగిన మ్యాచ్‌లో జహీర్ ఖాన్ 30 పరుగులిచ్చి 3 వికెట్లు తీశాడు. తాజా మ్యాచ్‌లో 4 వికెట్లు పడగొట్టిన గుర్నూర్‌.. 23 ఏళ్ల జహీర్ ఆల్‌టైమ్ రికార్డును బ్రేక్ చేశాడు.వన్డేల్లో గుర్నూర్ బ్రార్ అత్యుత్తమ బౌలింగ్ గణాంకాలు ఇవే4/30 వర్సెస్‌ న్యూజిలాండ్, వెల్లింగ్టన్ (2026)3/27 వర్సెస్‌ అఫ్గానిస్థాన్, ధర్మశాల (2026)3/44 వర్సెస్ న్యూజిలాండ్, ఆక్లాండ్ (2026)3/60 వర్సెస్‌ అఫ్గానిస్థాన్, లక్నో (2026)134 పరుగులకే కుప్పకూలిన కివీస్‌ఇక భారత బౌలర్ల ధాటికి తొలుత బ్యాటింగ్ చేసిన న్యూజిలాండ్ కేవలం 134 పరుగులకే కుప్పకూలింది. మొదటి వన్డేలో కూడా ఆ జట్టు 40.2 ఓవర్లలో 185 పరుగులకే పరిమితమైంది. దీంతో ఒకే వన్డే సిరీస్‌లో న్యూజిలాండ్ వరుసగా రెండు మ్యాచ్‌ల్లో 200 కంటే తక్కువ పరుగులకు ఆలౌట్ కావడం 2001 తర్వాత (శ్రీలంకపై) ఇదే తొలిసారి.చదవండి: IND vs NZ: ‘అదరగొడుతున్నాడు.. వన్డే వరల్డ్‌కప్‌ జట్టులో అతడికి చోటు ఖాయం’

హిట్‌మ్యాన్‌ రోహిత్‌ శర్మ మరో చరిత్ర సృష్టించాడు. న్యూజిలాండ్‌తో ఇవాళ జరుగుతున్న రెండో వన్డేలో రెండు సిక్సర్లు బాదిన అతడు.. న్యూజిలాండ్‌పై వన్డేల్లో అత్యధిక సిక్సర్లు బాదిన ఆటగాడిగా రికార్డు నెలకొల్పాడు. ఈ క్రమంలో పాకిస్తాన్ మాజీ షాహిద్ అఫ్రిది రికార్డును బద్దలుకొట్టాడు.వన్డేల్లో న్యూజిలాండ్‌పై అత్యధిక సిక్సర్లు బాదిన ఆటగాళ్లు51 - రోహిత్ శర్మ (భారత్‌)50 - షాహిద్ అఫ్రిది (పాకిస్తాన్)45 - క్రిస్ గేల్ (వెస్టిండీస్)41 - సనత్ జయసూర్య (శ్రీలంక)ఓవరాల్‌గా రోహిత్ తన వన్డే కెరీర్‌లో 383 సిక్సర్లు బాదాడు. అందులో 13.3 శాతం సిక్సర్లు న్యూజిలాండ్‌పైనే సాధించడం విశేషం. వన్డేలతో (381) పాటు అంతర్జాతీయ క్రికెట్‌ మొత్తంలో (674) అత్యధిక సిక్సర్లు బాదిన ఆటగాడిగా హిట్‌మ్యాన్ కొనసాగుతున్నాడు.మ్యాచ్‌ విషయానికొస్తే.. వెల్లింగ్టన్‌ వేదికగా రెండో వన్డేలో టాస్‌ గెలిచి తొలుత బౌలింగ్‌ చేసిన భారత్‌ న్యూజిలాండ్‌ను 134 పరుగులకే (41 ఓవర్లు) కుప్పకూల్చింది. గుర్నూర్‌ బ్రార్‌ 4,అక్షర్‌ పటేల్‌, అన్షుల్‌ కంబోజ్‌, ఆకిబ్‌ నబీ తలో 2 వికెట్లు తీసి న్యూజిలాండ్‌ను దారుణంగా దెబ్బ కొట్టారు. న్యూజిలాండ్‌ తరఫున డారిల్‌ మిచెల్‌ (55) మాత్రమే అర్ద సెంచరీతో రాణించాడు.అనంతరం స్వల్ప లక్ష్య ఛేదనలో భారత్‌ కూడా తడబడుతున్నా, విజయం దిశగా సాగుతోంది. 22.2 ఓవర్ల తర్వాత 5 వికెట్ల నష్టానికి 96 పరుగులు చేసిన భారత్‌, గెలుపుకు మరో 39 పరుగుల దూరంలో ఉంది. శుభ్‌మన్‌ గిల్‌ గోల్డెన్‌ డకౌట్‌, విరాట్‌ కోహ్లి 7, రోహిత్‌ శర్మ 23, అక్షర్‌ పటేల్‌ 7, శ్రేయస్‌ అయ్యర్‌ 30 పరుగులకు ఔట్‌ కాగా.. కేఎల్‌ రాహుల్‌ (17), నమన్‌ ధిర్‌ (6) క్రీజ్‌లో ఉన్నారు.ఇదీ చదవండి: IND VS NZ 2nd ODI: విరాట్‌ కోహ్లి వరల్డ్‌ రికార్డు

వెల్లింగ్టన్ వేదికగా టీమిండియాతో జరుగుతున్న రెండో వన్డేలో న్యూజిలాండ్ బౌలర్ బ్లెయిర్ టిక్నర్ కంకషన్‌కు గురయ్యాడు. కివీస్ బ్యాటింగ్ సమయంలో అన్షుల్ కాంబోజ్ వేసిన బౌన్సర్‌ టిక్నర్ హెల్మెట్‌కు బలంగా తగిలింది. గంటకు 130 కిలోమీటర్ల వేగంతో వచ్చిన బంతిని లెగ్‌సైడ్ ఆడే ప్రయత్నంలో మిస్ అయ్యాడు. దీంతో బంతి నేరుగా టిక్నర్ కుడి చెవి కింద భాగంలో తగిలి ఆపై భుజానికి తాకింది. దీంతో పిచ్‌పైనే కిందపడిన టిక్నర్ దగ్గరకు వేగంగా పరిగెత్తుకొచ్చిన వికెట్ కీపర్ కేఎల్ రాహుల్‌, కాంబోజ్‌లు అతడిని పైకి లేపారు. అయితే కామెంటరీ సమయంలో ఇయాన్ స్మిత్ మాట్లాడుతూ.. ‘టిక్నర్ చెవిలో నుంచి రక్తం రావడం నేను గమనించాను. అతడు ఓకే కదా’ అని పేర్కొన్నాడు. Photo Credit: Twitterఅయితే అదే ఓవర్ చివరి బంతికి టిక్నర్ బౌల్డ్ కావడంతో కివీస్ ఇన్నింగ్స్ ముగిసింది. ఇన్నింగ్స్ గ్యాప్ సమయంలో టిక్నర్‌ను వైద్య పరీక్షల నిమిత్తం ఆసుపత్రికి తరలించారు. దీంతో టిక్నర్ స్థానంలో మాథ్యూ ఫిషర్ కంకషన్ సబ్‌స్టిట్యూట్‌గా బౌలింగ్ చేయనున్నట్లు న్యూజిలాండ్ క్రికెట్ బోర్డు తెలిపింది.అయితే తొలి వన్డేకు ముందు న్యూజిలాండ్ ఓపెనర్ డెవాన్ కాన్వే కూడా కంకషన్‌కు గురైన సంగతి తెలిసిందే. ప్రాక్టీస్ సమయంలో ఫీల్డింగ్ చేస్తూ మాట్ హెన్రీని బలంగా ఢీకొనడంతో కాన్వే తలకు గాయమైంది. గాయం తీవ్రత ఎక్కువగా ఉండడంతో కాన్వే వన్డే సిరీస్ మొత్తానికే దూరమైనట్లు కివీస్ బోర్డు తెలిపింది. తాజాగా టిక్నర్ గాయం తీవ్రత కూడా ఎక్కువగానే ఉందని ప్రాథమికంగా తేలడంతో ప్రస్తుతం రెండో వన్డేకు దూరమయ్యాడు. మరి సిరీస్‌లో మిగిలిన మ్యాచ్‌లు ఆడతాడా లేదా అన్నది తుది రిపోర్టు బట్టి తేలనుంది.ఇదీ చదవండి: జింబాబ్వేతో టెస్టు.. శతకాలతో చెలరేగిన ఆఫ్గన్ బ్యాటర్లుIND VS NZ 2nd ODI: విరాట్‌ కోహ్లి వరల్డ్‌ రికార్డు

షార్జా వేదిక‌గా జింబాబ్వేతో జ‌రుగుతున్న తొలి టెస్టులో అఫ్గానిస్తాన్ బ్యాట‌ర్లు శ‌త‌కాలతో చెల‌రేగారు. ఓపెన‌ర్ అబ్దుల్ మాలిక్ (2) విఫ‌ల‌మైన‌ప్ప‌టికీ, మ‌రో ఓపెన‌ర్ సెదికుల్లా అట‌ల్‌తో పాటు వ‌న్‌డౌన్‌లో వ‌చ్చిన ర‌హ‌మ‌నుల్లా శ‌త‌కాల‌తో చెల‌రేగ‌డంతో అఫ్గానిస్తాన్ 64 ఓవ‌ర్ల‌లో వికెట్ కోల్పోయి 216 ప‌రుగులు చేసిన భారీ స్కోరు దిశ‌గా ప‌య‌నిస్తోంది. ముందుగా ర‌హ‌మ‌నుల్లా 157 బంతుల్లో సెంచ‌రీ పూర్తి చేసుకోగా, అత‌డి ఇన్నింగ్స్‌లో 12 ఫోర్లు, ఒక సిక్స‌ర్ ఉన్నాయి. ఆ వెంట‌నే ఓపెన‌ర్ సెదికుల్లా అట‌ల్ 197 బంతుల్లో 6 ఫోర్లు, 3 సిక్స‌ర్ల సాయంతో శ‌త‌కం మార్క్‌ను అందుకున్నాడు. ఈ ఇద్ద‌రు రెండో వికెట్‌కు అజేయంగా 200 ప‌రుగుల‌కు పైగా జోడించారు. ఇది మూడోసారి..ఒక టెస్టు మ్యాచ్‌లో అఫ్‌గానిస్తాన్ తరఫున ఇద్దరు లేదా ఎక్కువ మంది బ్యాటర్లు సెంచరీలు చేయడం ఇది మూడోసారి. గతంలో 2024లో ఇదే జింబాబ్వేతో జరిగిన టెస్టులో హష్మతుల్లా షహిదీ (246), రహమత్ షా (234 పరుగులు)ఏకంగా డబుల్ సెంచరీలు సాధించడం విశేషం. ఇదే మ్యాచ్‌లో అఫ్సర్ జజయ్ (113) సెంచరీ చేశాడు. ఇక 2021లో అబుదాబి వేదికగా జింబాబ్వేతో జరిగిన టెస్టులో హష్మతుల్లా షహిదీ (200 నాటౌట్‌) డబుల్‌సెంచరీ చేయగా, అస్గర్ అఫ్గాన్ (164 పరుగులు) సెంచరీ సాధించాడు.అంతకముందు జింబాబ్వే తమ తొలి ఇన్నింగ్స్‌లో 504 పరుగులకు ఆలౌటైంది. కెప్టెన్ బ్రియాన్ బెన్నెట్ (128), బ్రెండన్ టేలర్ (131) శతకాలతో అదరగొట్టగా, ఆఖర్లో గ్రేమీ క్రీమర్ (34 నాటౌట్) మెరవడంతో జింబాబ్వే 500 పరుగుల మార్క్‌ను దాటింది. అఫ్గానిస్తాన్ బౌలర్లలో మొహమ్మద్ సలీమ్‌, ఖయాస్ అహ్మద్‌లు చెరో 3 వికెట్లు తీయగా, జియావుర్ రెహ్మాన్ రెండు వికెట్లు పడగొట్టాడు.𝐁𝐀𝐂𝐊-𝐓𝐎-𝐁𝐀𝐂𝐊 𝐓𝐄𝐒𝐓 𝐂𝐄𝐍𝐓𝐔𝐑𝐈𝐄𝐒 𝐅𝐎𝐑 𝐀𝐓𝐀𝐋! 💯💯 Sediqullah Atal continues his remarkable run with the bat and brings up a magnificent century in the first Test against Zimbabwe! 🙌 The talented batter has now registered hundreds in consecutive Test matches, following his brilliant century in the fourth innings of the Bangladesh Test. 👏 #AfghanAtalan | #AFGvZIM | #GloriousNationVictoriousTeam— Afghanistan Cricket Board (@ACBofficials) November 7, 2026𝐇𝐔𝐍𝐃𝐑𝐄𝐃 𝐎𝐍 𝐓𝐄𝐒𝐓 𝐃𝐄𝐁𝐔𝐓 𝐅𝐎𝐑 𝐑𝐀𝐇𝐌𝐀𝐍𝐔𝐋𝐋𝐀𝐇 𝐙𝐀𝐃𝐑𝐀𝐍! 💯 @Rahmanzadran66 has etched his name into Afghanistan’s cricket history, as he becomes only the second Afghan player to score a century on Test debut! 👏👏 The talented young middle-order batter produced a magnificent display of batting to reach the three-figure mark in the first Test against Zimbabwe. 🙌 #AfghanAtalan | #AFGvZIM | #GloriousNationVictoriousTeam— Afghanistan Cricket Board (@ACBofficials) November 7, 2026ఇదీ చదవండి: కివీస్ గ‌డ్డ‌పై చ‌రిత్ర సృష్టించిన భార‌త‌ బౌల‌ర్‌శుభ్‌మన్‌ గిల్‌కు చేదు అనుభవం​.. కెరీర్‌లో తొలిసారి..!

టీమిండియా కెప్టెన్‌ శుభ్‌మన్‌ గిల్‌కు చేదు అనుభవం ఎదురైంది. వన్డే కెరీర్‌లో అతడు తొలిసారి గోల్డెన్‌ డకౌటయ్యాడు (ఎదుర్కొన్న తొలి బంతికే). ఐదు మ్యాచ్‌ల సిరీస్‌లో భాగంగా న్యూజిలాండ్‌తో ఇవాళ జరుగుతున్న మ్యాచ్‌లో ఇది జరిగింది. ఈ మ్యాచ్‌లో గిల్‌ ఒక్క పరుగు కూడా చేయకుండానే జేకబ్ డఫీ బౌలింగ్‌లో ఔటయ్యాడు.ఓవరాల్‌గా గిల్‌ వన్డే కెరీర్‌లో ఇది రెండో డకౌట్‌ మాత్రమే. 2023లో విశాఖపట్నంలో ఆస్ట్రేలియాతో జరిగిన మ్యాచ్‌లో అతడు ఖాతా తెరవకుండానే ఔటయ్యాడు. అయితే ఆ మ్యాచ్‌లో అతడు ఎదుర్కొన్న తొలి బంతికే వికెట్ కోల్పోలేదు.రికార్డు అద్భుతం, కానీ..!వన్డేల్లో గిల్‌కు న్యూజిలాండ్‌పై అద్భుతమైన రికార్డు ఉంది. ఇప్పటివరకు ఆడిన 17 మ్యాచ్‌ల్లో 56.78 సగటుతో 795 పరుగులు సాధించాడు. అతడి స్ట్రైక్ రేట్ 100.12గా ఉంది. 2023లో తన తొలి వన్డే డబుల్ సెంచరీని కూడా న్యూజిలాండ్‌పైనే నమోదు చేశాడు. ఇలాంటి రికార్డు ఉన్న గిల్‌ ఈ మ్యాచ్‌లో గోల్డెన్ డక్‌గా వెనుదిరగడం భారత అభిమానులకు నిరాశ కలిగించింది.మ్యాచ్‌ విషయానికొస్తే.. వెల్లింగ్టన్‌ వేదికగా రెండో వన్డేలో టాస్‌ గెలిచి తొలుత బౌలింగ్‌ చేసిన భారత్‌ న్యూజిలాండ్‌ను 134 పరుగులకే (41 ఓవర్లు) కుప్పకూల్చింది. గుర్నూర్‌ బ్రార్‌ 4,అక్షర్‌ పటేల్‌, అన్షుల్‌ కంబోజ్‌, ఆకిబ్‌ నబీ తలో 2 వికెట్లు తీసి న్యూజిలాండ్‌ను దారుణంగా దెబ్బ కొట్టారు. న్యూజిలాండ్‌ తరఫున డారిల్‌ మిచెల్‌ (55) మాత్రమే అర్ద సెంచరీతో రాణించాడు.అనంతరం స్వల్ప లక్ష్య ఛేదనలో భారత్‌ కూడా తడబడుతోంది. 39 పరుగులకే మూడు ప్రధాన వికెట్లు కోల్పోయింది. శుభ్‌మన్‌ గిల్‌ గోల్డెన్‌ డకౌట్‌ కాగా.. విరాట్‌ కోహ్లి 7, రోహిత్‌ శర్మ 23 పరుగులకే నిష్క్రమించారు. రెండు వికెట్లు డఫీకి, ఓ వికెట్‌ జేమీసన్‌కు దక్కింది. 10 ఓవర్ల తర్వాత జట్టు స్కోర్‌ 40-3గా ఉంది. ఈ మ్యాచ్‌లో గెలవాలంటే మరో 37 ఓవర్లలో 97 పరుగులు చేయాలి. శ్రేయస్‌ అయ్యర్‌ (9), అక్షర్‌ పటేల్‌ క్రీజ్‌లో ఉన్నారు. ఇదీ చదవండి: IND VS NZ 2nd ODI: విరాట్‌ కోహ్లి వరల్డ్‌ రికార్డు

న్యూజిలాండ్‌తో రెండో వన్డేలో భారత బౌలర్లు అద్భుత ప్రదర్శనతో ఆకట్టుకున్నారు. ఫలితంగా ఆతిథ్య కివీస్‌ జట్టు కేవలం 134 పరుగులకు ఆలౌట్‌ అయింది. ఈ క్రమంలో భారత్‌తో మ్యాచ్‌లో గతంలో ఎన్నడూ లేని విధంగా తేలిపోయి.. చెత్త రికార్డు మూటగట్టుకుంది.ఆది నుంచే భారత పేసర్లు నిప్పులు చెరుగుతూఐదు మ్యాచ్‌ల సిరీస్‌లో భాగంగా వెల్లింగ్‌టన్‌ వేదికగా రెండో వన్డేకు వర్షం అంతరాయం కలిగిచింది. దీంతో టాస్‌ ఆలస్యం కాగా.. మ్యాచ్‌ను 47 ఓవర్లకు కుదించారు. హెన్రీ స్టేడియంలో టాస్‌ గెలిచిన భారత్‌ తొలుత బౌలింగ్‌ ఎంచుకోగా కివీస్‌ బ్యాటింగ్‌కు దిగింది.అయితే, ఆది నుంచే భారత పేసర్లు నిప్పులు చెరుగుతూ కివీస్‌ టాపార్డర్‌ను కకావికలం చేశారు. ఓపెనర్లలో టిమ్‌ సీఫర్ట్‌ను డకౌట్‌ చేసిన ఆకిబ్‌ నబీ.. విల్‌ యంగ్‌ను ఆరు పరుగుల వ్యక్తిగత స్కోరు వద్ద పెవిలియన్‌కు పంపాడు. ఇక వన్‌డౌన్‌ బ్యాటర్‌ హెన్రీ నికోల్స్‌ను అన్షుల్‌ కాంబోజ్‌ బౌల్డ్‌ చేశాడు.డారిల్‌ మిచెల్‌ ఫిఫ్టీటామ్‌ లాథమ్‌ (7), గ్లెన్‌ ఫిలిప్స్‌ (0), కెప్టెన్‌ మిచెల్‌ సాంట్నర్‌ (31), నాథన్‌ స్మిత్‌ (3)లను అవుట్‌ చేసి గుర్నూర్‌ బ్రార్‌ సత్తా చాటాడు. ఇక శుబ్‌మన్‌ గిల్‌ క్యాచ్‌ వదిలేయడంతో లైఫ్‌ పొందిన అర్ధ శతక వీరుడు డారిల్‌ మిచెల్‌ (55)ను అవుట్‌ చేసిన అక్షర్‌ పటేల్‌.. కైలీ జెమీషన్‌ (7) వికెట్‌ను కూడా తన ఖాతాలో వేసుకున్నాడు. ఆఖర్లో పదో వికెట్‌గా బ్లెయిర్‌ టిక్నర్‌ (2)ను అన్షుల్‌ వెనక్కి పంపాడు.కివీస్‌తో రెండో వన్డేలో ఆకిబ్‌ నబీ, అన్షుల్‌ కాంబోజ్‌, అక్షర్‌ పటేల్‌ తలా రెండు వికెట్లు తీయగా.. గుర్నూర్‌ నాలుగు వికెట్లతో చెలరేగాడు. అయితే, అర్ష్‌దీప్‌ సింగ్‌ పొదుపుగా బౌలింగ్‌ చేసినప్పటికీ వికెట్‌ తీయలేకపోయాడు. ఏడు ఓవర్ల బౌలింగ్‌లో అర్ష్‌ కేవలం 16 పరుగులే ఇచ్చాడు.ఇక భారత బౌలర్ల ధాటికి 134 పరుగులకే కుప్పకూలిన సాంట్నర్‌ బృందం చెత్త రికార్డు నమోదు చేసింది. సొంతగడ్డపై భారత్‌తో వన్డేల్లో తొలిసారి అత్యల్ప స్కోరుకు అవుటైన న్యూజిలాండ్‌ జట్టుగా నిలిచింది.సొంతగడ్డపై భారత్‌తో వన్డేల్లో న్యూజిలాండ్‌కు అత్యల్ప స్కోర్లు ఇవే👉2026లో వెల్లింగ్‌టన్‌ వేదికగా 134 ఆలౌట్‌👉1994లో ఆక్లాండ్‌ వేదికగా 142 ఆలౌట్‌ (ఏడు వికెట్ల తేడాతో ఓటమి)👉2019లో నేపియర్‌ వేదికగా 157 ఆలౌట్‌ (ఎనిమిది వికెట్ల తేడాతో ఓటమి)👉2003లో వెల్లింగ్‌టన్‌ వేదికగా 168 ఆలౌట్‌ (రెండు వికెట్ల తేడాతో ఓటమి)👉2026లో ఆక్లాండ్‌ వేదికగా 185 ఆలౌట్‌ (ఐదు వికెట్ల తేడాతో ఓటమి).ఇవీ చదవండి: IND vs NZ: భారత జట్టుకు భారీ షాక్‌!IND vs NZ: ‘అదరగొడుతున్నాడు.. వన్డే వరల్డ్‌కప్‌ జట్టులో అతడికి చోటు ఖాయం’

రికార్డుల రారాజు విరాట్‌ కోహ్లి మరో ప్రపంచ రికార్డు తన ఖాతాలో వేసుకున్నాడు. న్యూజిలాండ్‌తో ఇవాళ జరుగుతున్న రెండో వన్డేలో అతడు 7 పరుగులకే ఔటైనప్పటికీ.. న్యూజిలాండ్‌పై వన్డేల్లో అత్యధిక పరుగులు చేసిన బ్యాటర్‌గా వరల్డ్‌ రికార్డు నెలకొల్పాడు. ఈ క్రమంలో ఆసీస్‌ దిగ్గజం రికీ పాంటింగ్‌ను అధిగమించాడు.న్యూజిలాండ్‌పై వన్డేల్లో అత్యధిక పరుగులువిరాట్‌ కోహ్లి- 1976రికీ పాంటింగ్‌- 1971సచిన్‌ టెండూల్కర్‌- 1750కుమార సంగక్కర- 1568సనత్‌ జయసూర్య- 1519జాక్‌ కల్లిస్‌- 1449మ్యాచ్‌ విషయానికొస్తే.. వెల్లింగ్టన్‌ వేదికగా రెండో వన్డేలో టాస్‌ గెలిచి తొలుత బౌలింగ్‌ చేసిన భారత్‌ న్యూజిలాండ్‌ను 134 పరుగులకే (41 ఓవర్లు) కుప్పకూల్చింది. గుర్నూర్‌ బ్రార్‌ 4,అక్షర్‌ పటేల్‌, అన్షుల్‌ కంబోజ్‌, ఆకిబ్‌ నబీ తలో 2 వికెట్లు తీసి న్యూజిలాండ్‌ను దారుణంగా దెబ్బ కొట్టారు. న్యూజిలాండ్‌ తరఫున డారిల్‌ మిచెల్‌ (55) మాత్రమే అర్ద సెంచరీతో రాణించాడు.అనంతరం స్వల్ప లక్ష్య ఛేదనలో భారత్‌ కూడా తడబడుతోంది. 17 పరుగులకే రెండు ప్రధాన వికెట్లు కోల్పోయింది. శుభ్‌మన్‌ గిల్‌ డకౌట్‌ కాగా.. విరాట్‌ కోహ్లి 7 పరుగులకే నిష్క్రమించాడు. 2 వికెట్లు జేకబ్‌ డఫీకే దక్కాయి. 5 ఓవర్ల తర్వాత భారత్‌ స్కోర్‌ 20-2గా ఉంది. రోహిత్‌ శర్మ 10, శ్రేయస్‌ అయ్యర్‌ 2 పరుగులతో క్రీజ్‌లో ఉన్నారు. ఇదీ చదవండి: టీమిండియాకు గుడ్‌ న్యూస్‌

వెల్లింగ్ట‌న్ వేదిక‌గా న్యూజిలాండ్‌తో జ‌రుగుతున్న రెండో వ‌న్డేలో టీమిండియా పేస‌ర్ గుర్నూర్ బ్రార్ బౌలింగ్‌లో కెరీర్ బెస్ట్ ఫిగ‌ర్స్ (10-2-30-4) న‌మోదు చేశాడు. మ్యాచ్‌లో 10 ఓవ‌ర్లు వేసిన గుర్నూర్ 30 ప‌రుగులిచ్చి 4 వికెట్లు ప‌డ‌గొట్టాడు. ఇందులో రెండు మెయిడెన్ ఓవ‌ర్లు ఉండ‌డం విశేషం. ఈ క్ర‌మంలోనే గుర్నూర్ బ్రార్ కివీస్ గ‌డ్డ‌పై అరుదైన ఫీట్ సాధించి చరిత్ర సృష్టించాడు.న్యూజిలాండ్ పిచ్‌ల‌పై వ‌న్డేల్లో బెస్ట్ ఫిగ‌ర్స్ న‌మోదు చేసిన రెండో భార‌త‌ క్రికెట‌ర్‌గా గుర్నూర్ నిలిచాడు. తొలి స్థానంలో భార‌త మాజీ బౌల‌ర్ జవగళ్ శ్రీనాథ్ (4/23, 2003లో ఆక్లాండ్ వేదిక‌గా) ఉన్నాడు. మూడో స్థానంలోనూ మ‌రోసారి జవగళ్ శ్రీనాథ్ (4/52, 1995 నేపియ‌ర్ వేదిక‌గా), నాలుగో స్థానంలో మ‌హ్మ‌ద్ ష‌మీ (4/55 , 2014లో నేపియ‌ర్ వేదిక‌గా), అర్ష‌దీప్ సింగ్ (4/70, 2026 ఆక్లాండ్ వేదిక‌గా) ఐదో స్థానంలో కొన‌సాగుతున్నాడు. 👉ఇక న్యూజిలాండ్ వ‌న్డేల్లో వ‌రుస‌గా రెండొంద‌ల్లోపూ ఆలౌట్ కావ‌డం 2001 త‌ర్వాత మళ్లీ ఇదే. 2001 జ‌న‌వరి-ఫిబ్ర‌వరిలో శ్రీలంక‌తో జ‌రిగిన వ‌న్డే సిరీస్‌లో కివీస్ వరుస‌గా రెండు వ‌న్డేల్లో 200 ప‌రుగుల లోపే ఆలౌటైంది. ఇక ఈ సిరీస్‌లో భార‌త బౌల‌ర్లు షార్ట్‌బాల్స్ వేసి తొమ్మిది వికెట్లు తీయ‌గా, అందులో గుర్నూర్ బ్రార్ ఒక్క‌డివే ఐదు వికెట్లు ఉన్నాయి.👉మ్యాచ్ విష‌యానికొస్తే.. వ‌ర్షం అంత‌రాయంతో మ్యాచ్‌ను 47 ఓవ‌ర్ల‌కు కుదించారు. టాస్ ఓడి బ్యాటింగ్‌కు దిగిన న్యూజిలాండ్ 41 ఓవ‌ర్ల‌లో 134 ప‌రుగుల‌కు కుప్ప‌కూలింది. డారిల్ మిచెల్ (55) అర్థ‌శ‌త‌కం సాధించ‌గా, మిచెల్ సాంట్న‌ర్ (31) ప‌ర్వాలేద‌నిపించాడు. భార‌త బౌల‌ర్ల‌లో గుర్నూర్ బ్రార్ 4 వికెట్లు తీయ‌గా, అకిబ్ న‌బీ, అన్షుల్ కాంబోజ్‌, అక్ష‌ర్ ప‌టేల్ త‌లా రెండు వికెట్లు ప‌డ‌గొట్టారు.జహీర్ రికార్డు బద్దలుఈ నేపథ్యంలో గుర్నూర్ భారత మాజీ బౌలర్ జహీర్ ఖాన్ రికార్డును కూడా బద్దలుకొట్టడం విశేషం. ఇదే వెల్లింగ్టన్ వేదికగా జరిగిన వన్డేల్లో గతంలో జహీర్ ఖాన్ (3/30)దే ఇప్పటివరకు భారత్ తరఫున బెస్ట్ బౌలింగ్ ఫిగర్స్‌గా ఉండేవి. తాజాగా 30 పరుగులిచ్చి 4 వికెట్లు పడగొట్టిన గుర్నూర్ ఆ రికార్డును సవరించాడు. గుర్నూర్‌, జహీర్‌ తర్వాత యజ్వేంద్ర చాహల్‌ (3/41), జవగళ్‌ శ్రీనాథ్‌ (2/24) తర్వాతి స్థానాల్లో ఉన్నారు.Wellington brought the clouds. Gurnoor brought the lightning! ⚡ Watch the HERO VIDA India Tour of New Zealand, 2nd ODI, LIVE NOW on Sony Sports Network TV channels, Sony Vizha & Sony LIV. #SonySportsNetwork #SonyVizha #SonyLIV #NZvIND https://t.co/BJG2qbMuRV— Sony Sports Network (@SonySportsNetwk) November 7, 2026 Glenn Phillips is the latest to fall, and Brar has every reason to celebrate! 🥳 Watch the HERO VIDA India Tour of New Zealand, 2nd ODI, LIVE NOW on Sony Sports Network TV channels, Sony Vizha & Sony LIV. #SonySportsNetwork #SonyVizha #SonyLIV #NZvIND https://t.co/XwmQR7XE4X— Sony Sports Network (@SonySportsNetwk) November 7, 2026ఇదీ చదవండి: ఇబ్బందికి గురైన రాహుల్‌.. క్ష‌ణాల్లో ప‌రిష్క‌రించిన కోహ్లి!

భారత క్రికెట్ జట్టుకు శుభవార్త అందింది. స్టార్ వికెట్ కీపర్ బ్యాటర్ రిషబ్ పంత్ పూర్తి ఫిట్‌నెస్ సాధించాడు. న్యూజిలాండ్‌తో జరగనున్న టెస్టు సిరీస్‌లోని తొలి మ్యాచ్‌తో పాటు మొత్తం సిరీస్‌కు అందుబాటులో ఉండనున్నట్లు సమాచారం. తొలుత గాయం కారణంగా తొలి టెస్టుకు దూరమవుతాడని వార్తలు వచ్చాయి. తాజాగా అతడు కోలుకొని ఫిట్‌నెస్‌ సాధించడం టీమిండియాకు భారీ ఊరట కలిగించే అంశం.నివేదికల ప్రకారం.. పంత్ వచ్చే వారం న్యూజిలాండ్‌కు బయలుదేరనున్నాడు. తొలి టెస్టులో ఆడేందుకు అతడికి ఫిట్‌నెస్ క్లియరెన్స్ లభించింది. బెంగళూరులోని సెంటర్ ఆఫ్ ఎక్సలెన్స్ (CoE)లో మ్యాచ్ సిమ్యులేషన్‌లో పాల్గొన్న పంత్.. ఎలాంటి అసౌకర్యం లేకుండా బ్యాటింగ్ చేశాడు.ఇరానీ కప్‌ సందర్భంగా గాయంపంత్‌ ఇరానీ కప్‌ సందర్భంగా సైడ్ స్ట్రెయిన్ గాయానికి గురయ్యాడు. తొలుత భావించిన దానికంటే గాయం తీవ్రంగా ఉండటంతో.. న్యూజిలాండ్-ఏతో భారత్-ఏ ఆడిన తొలి రెండు అనధికారిక టెస్టులకు అతడు దూరమయ్యాడు. ప్రస్తుతం పంత్‌ పూర్తి ఫిట్‌నెస్ సాధించినప్పటికీ మూడో అనధికారిక టెస్టులోనూ ఆడటం లేదు. అతడి స్థానంలో తిలక్ వర్మ భారత్-ఏ జట్టులోకి చేరాడు.ఇవాళే ప్రారంభమైన మూడో టెస్ట్‌న్యూజిలాండ్‌-ఏతో మూడో అనధికారిక టెస్ట్‌ మ్యాచ్‌ లింకన్‌ వేదికగా ఇవాళే ప్రారంభమైంది. ఈ మ్యాచ్‌లో గాయం నుంచి కోలుకున్న ప్రసిద్ద్‌ కృష్ణతో పాటు స్టార్‌ పేసర్‌ జస్ప్రీత్‌ బుమ్రా, రవీంద్ర జడేజా ఆడుతున్నారు.జైస్వాల్‌ సెంచరీ.. భారీ స్కోర్‌ దిశగా భారత్‌-ఏన్యూజిలాండ్‌-ఏతో మూడో అనధికారిక టెస్ట్‌ మ్యాచ్‌లో తొలుత బ్యాటింగ్‌ చేస్తున్న భారత్‌-ఏ భారీ స్కోర్‌ దిశగా సాగుతోంది. తొలి రోజు ఆట ముగిసే సమయానికి జట్టు స్కోర్‌ 227-2గా ఉంది. రెండో టెస్ట్‌లో సెంచరీ చేసిన యశస్వి జైస్వాల్‌ (102) ఈ మ్యాచ్‌లోనూ సెంచరీ చేశాడు. సాయి సుదర్శన్‌ 77 పరుగులతో క్రీజ్‌లో ఉన్నాడు. పడిక్కల్‌ (15) తక్కువ స్కోర్‌కే ఔట్‌ కాగా.. సాయితో పాటు జురెల్‌ (12) క్రీజ్‌లో ఉన్నాడు. ఇదీ చదవండి: టెస్ట్‌లో షమీ అత్యుత్తమ ప్రదర్శనలు ఇవే..!

వెల్లింగ్ట‌న్ వేదిక‌గా న్యూజిలాండ్‌, భార‌త్ మ‌ధ్య రెండో వ‌న్డే ప్రారంభానికి ముందు ఒక ఆస‌క్తిక‌ర ఘ‌ట‌న చోటుచేసుకుంది. ఇటీవ‌ల 38వ పుట్టిన‌రోజు జ‌రుపుకున్న విరాట్ కోహ్లి ప్ర‌వ‌ర్తించిన తీరు సోష‌ల్ మీడియాలో వైర‌ల్‌గా మారింది. వ‌ర్షం అంత‌రాయం కార‌ణంగా టాస్ ఆల‌స్య‌మైన వేళ‌, కోహ్లి, రాహుల్ మ‌ధ్య ఒక ఫ‌న్నీ సంఘ‌ట‌న చోటు చేసుకుంది.కేఎల్‌ రాహుల్ త‌న జెర్సీపైన మ‌రో ష‌ర్ట్ ధరించాడు. కానీ అది స‌రిగ్గా కుద‌రక‌పోవ‌డంతో రాహుల్ ఇబ్బంది ప‌డ్డాడు. డ్రెస్సింగ్‌రూమ్ నుంచి ప‌రిగెత్తుకుంటూ వ‌చ్చిన సిబ్బంది ఒక‌రు త‌న‌తో పాటు తెచ్చిన క‌త్తెర‌తో రాహుల్ మెడ ద‌గ్గ‌ర ష‌ర్ట్ నెక్ కాల‌ర్‌ను కాస్త క‌ట్ చేశాడు. ఇది గ‌మ‌నించిన కోహ్లి వారి మ‌ధ్య‌లో దూరి రాహుల్ స‌మ‌స్య‌ను క్ష‌ణాల్లో ప‌రిష్క‌రించాడు. రాహుల్ ధ‌రించిన ఓవ‌ర్ ష‌ర్ట్‌ను వెన‌క్కి లాగి లోప‌ల ఉన్న ష‌ర్ట్ కాల‌ర్‌ను స‌రిగ్గా సెట్ చేశాడు. ఈ స‌మ‌యంలో కోహ్లి, రాహుల్ మ‌ధ్య జ‌రిగిన ఫ‌న్నీ సంభాష‌ణ హైలైట్‌గా నిలిచింది. దీనికి సంబంధించిన వీడియో క్ష‌ణాల్లో సోష‌ల్ మీడియాలో వైర‌ల్‌గా మారింది.ఇక మ్యాచ్ ప్రారంభ‌మైన కాసేప‌టికే ఓపెన‌ర్ విల్ యంగ్ ఇచ్చిన క్యాచ్‌ను రాహుల్ అద్బుతంగా అందుకున్నాడు. దీంతో అకిబ్ న‌బీ ఖాతాలో రెండో వికెట్ చేరింది. అంత‌క‌ముందు ఓపెన‌ర్ టిమ్ సీఫెర్ట్‌ను డ‌కౌట్ చేసిన అకిబ్ న‌బీ తొలి అంత‌ర్జాతీయ వికెట్‌ను త‌న ఖాతాలో వేసుకున్నాడు.ఇక విరాట్ కోహ్లి బ్యాటింగ్‌లో మంచి ఫామ్ క‌న‌బ‌రుస్తున్నాడు. ఆక్లాండ్ వేదిక‌గా జ‌రిగిన తొలి వ‌న్డేలో కోహ్లి 51 బంతుల్లో 74 ప‌రుగులు బాది జ‌ట్టు గెల‌వ‌డంలో కీల‌క‌పాత్ర పోషించాడు. రెండో వ‌న్డేలో టీమిండియా బౌల‌ర్లు మ‌రోసారి చెల‌రేగ‌డంతో న్యూజిలాండ్ 41 ఓవ‌ర్ల‌లో 134 ప‌రుగుల‌కు ఆలౌటైంది. డారిల్ మిచెల్ (55) అర్థ‌శ‌త‌కం సాధించ‌గా, మిచెల్ సాంట్న‌ర్ (31) ప‌ర్వాలేద‌నిపించాడు. భార‌త బౌల‌ర్ల‌లో గుర్నూర్ బ్రార్ 4 వికెట్లు తీయ‌గా, అకిబ్ న‌బీ, అన్షుల్ కాంబోజ్‌, అక్ష‌ర్ ప‌టేల్ త‌లా రెండు వికెట్లు ప‌డ‌గొట్టారు.King Kohli looking out for his boys! 🥹🤌 Watch #NZvIND 2nd ODI LIVE now on #SonySportsNetwork & #SonyLIV! https://t.co/WXid8tdvKl— Sony LIV (@SonyLIV) November 7, 2026ఇదీ చదవండి: శతక్కొట్టిన జైస్వాల్‌.. అదరగొట్టిన సాయి.. భారత్‌ భారీ స్కోరు!IND vs NZ: భారత జట్టుకు భారీ షాక్‌!

న్యూజిలాండ్‌తో తొలి వన్డేలో అదరగొట్టిన టీమిండియా పేసర్‌ అన్షుల్‌ కాంబోజ్‌.. రెండో వన్డేలోనూ రాణించాడు. ఆక్లాండ్‌ వేదికగా తొలి మ్యాచ్‌లో పది ఓవర్ల కోటా పూర్తి చేసిన ఈ రైటార్మ్‌ పేసర్‌.. కేవలం 22 పరుగులే ఇచ్చి రెండు వికెట్లు పడగొట్టాడు.మరోసారి అద్భుత ప్రదర్శనతద్వారా తొలి వన్డేలో భారత్‌ విజయంలో కీలక పాత్ర పోషించి.. ‘ప్లేయర్‌ ఆఫ్‌ ది మ్యాచ్‌’గా నిలిచాడు పాతికేళ్ల అన్షుల్‌. తాజాగా శనివారం నాటి రెండో వన్డేలోనూ ఈ హర్యానా బౌలర్‌ మరోసారి మెరుగైన ప్రదర్శనతో ఆకట్టుకున్నాడు. వెల్లింగ్‌టన్‌లో 8 ఓవర్లు బౌలింగ్‌ చేసిన అన్షుల్‌ కేవలం 25 పరుగులే ఇచ్చి.. రెండు వికెట్లు కూల్చాడు.కివీస్‌ వన్‌డౌన్‌ బ్యాటర్‌ హెన్రీ నికోల్స్‌ (11) రూపంలో కీలక వికెట్‌ తీసిన అన్షుల్‌.. ఆఖర్లో బ్లెయిర్‌ టిక్నర్‌ (2)ను బౌల్డ్‌ చేశాడు. ఈ నేపథ్యంలో టీమిండియా స్పిన్‌ దిగ్గజం రవిచంద్రన్‌ అశ్విన్‌.. అన్షుల్‌ కాంబోజ్‌పై ప్రశంసలు కురిపించాడు. కివీస్‌ పిచ్‌లపై అద్భుతంగా రాణిస్తున్న ఈ రైటార్మ్‌ పేసర్‌.. కచ్చితంగా వన్డే వరల్డ్‌కప్‌-2027 జట్టులో చోటు సంపాదించగలడని అంచనా వేశాడు.వరల్డ్‌కప్‌ జట్టులో చోటు ఖాయమే!ఈ మేరకు.. ‘‘మెరుగైన పిచ్‌లపై.. కాంబోజ్‌ తన విజయవంతమైన ప్రదర్శనను కొనసాగిస్తున్నాడు. వచ్చే వరల్డ్‌కప్‌ టోర్నీ కోసం టీమిండియాలో చోటు ఖాయం చేసుకునేందుకు అతడు ముందు వరుసలోకి దూసుకువస్తున్నాడు’’ అని అశ్విన్‌ మ్యాచ్‌ మధ్యలోనే ట్వీట్‌ చేశాడు. కాగా వచ్చే ఏడాది జరిగే వన్డే వరల్డ్‌కప్‌ టోర్నీకి సౌతాఫ్రికా వేదిక. అక్కడి పిచ్‌లు కూడా కివీస్‌ పిచ్‌ల మాదిరే ఉంటాయి. ఈ నేపథ్యంలోనే అశూ ఈ మేరకు అన్షుల్‌ బౌలింగ్‌ను కొనియాడటం విశేషం.చెలరేగిన భారత బౌలర్లు.. కివీస్‌ 134 పరుగులకే ఆలౌట్‌ఇక మ్యాచ్‌ విషయానికొస్తే.. వర్షం వల్ల టాస్‌ ఆలస్యం కాగా న్యూజిలాండ్‌- టీమిండియా మధ్య రెండో వన్డేను 47 ఓవర్లకు కుదించారు. టాస్‌ గెలిచిన భారత్‌ తొలుత బౌలింగ్‌ ఎంచుకోగా.. కివీస్‌ బ్యాటింగ్‌కు దిగింది.అయితే, భారత బౌలర్ల విజృంభణకు తాళలేక కేవలం 41 ఓవర్లలో 134 పరుగులు మాత్రమే చేసి ఆలౌట్‌ అయింది. డారిల్‌ మిచెల్‌ అర్ధ శతకం (55) సాధించగా.. కెప్టెన్‌ మిచెల్‌ సాంట్నర్‌ (31) ఓ మోస్తరుగా రాణించాడు. టీమిండియా బౌలర్లలో గుర్నూర్‌ బ్రార్‌ నాలుగు వికెట్లతో చెలరేగగా.. అక్షర్‌ పటేల్‌, ఆకిబ్‌ నబీ, అన్షుల్‌ కాంబోజ్‌ తలా రెండు వికెట్లు కూల్చారు.​Straight into the action, Anshul Kamboj makes an impact! 👊 Watch the HERO VIDA India Tour of New Zealand, 2nd ODI, LIVE NOW on Sony Sports Network TV channels, Sony Vizha & Sony LIV. #SonySportsNetwork #SonyVizha #SonyLIV #NZvIND https://t.co/4mFDJ3hkC2— Sony Sports Network (@SonySportsNetwk) November 7, 2026ఇవీ చదవండి: IND vs NZ: శతక్కొట్టిన జైస్వాల్‌.. అదరగొట్టిన సాయి.. భారత్‌ భారీ స్కోరు!కెప్టెన్‌గా వైభ‌వ్ సూర్య‌వంశీ.. అధికారిక ప్ర‌క‌ట‌న‌

భారత స్టార్ పేసర్ మొహమ్మద్ షమీ నిన్న (శుక్రవారం) టెస్టు క్రికెట్‌కు రిటైర్మెంట్ ప్రకటించిన విషయం తెలిసిందే. 36 ఏళ్ల షమీ చాలాకాలంగా అవకాశాలు రాక, తప్పనిసరి పరిస్థితుల్లో సుదీర్ఘ ఫార్మాట్‌ నుంచి తప్పుకున్నాడు. దీంతో 10 ఏళ్ల అతడి అద్భుత కెరీర్‌కు తెరపడింది.2013లో టెస్ట్‌ అరంగేట్రం చేసిన 64 మ్యాచ్‌ల్లో 229 వికెట్లు పడగొట్టిన షమీ.. తన పేస్, స్వింగ్, కచ్చితమైన బౌలింగ్‌తో ప్రపంచవ్యాప్తంగా గుర్తింపు పొందాడు. టీమిండియా తరఫున ఎన్నో చిరస్మరణీయ ప్రదర్శనలు చేసిన షమీ.. ఇంటాబయటా అసాధారణ బౌలింగ్‌తో ప్రత్యర్థి బ్యాటర్లను ముప్పుతిప్పలు పెట్టాడు. ఈ నేపథ్యంలో షమీ కెరీర్‌లో ఐదు అత్యుత్తమ ప్రదర్శనలపై ఓ లుక్కేద్దాం.దక్షిణాఫ్రికాపై 5/44 (సెంచూరియన్, 2021)2021లో సెంచూరియన్ వేదికగా దక్షిణాఫ్రికాతో జరిగిన టెస్టులో షమీ అద్భుత ప్రదర్శన చేశాడు. తొలి ఇన్నింగ్స్‌లో 44 పరుగులిచ్చి ఐదు వికెట్లు పడగొట్టాడు. తన వేగం, కచ్చితత్వంతో సొంతగడ్డపై దక్షిణాఫ్రికా బ్యాటర్లకు చుక్కలు చూపించాడు.ఈ మ్యాచ్‌లోనే షమీ 200 టెస్టు వికెట్ల మైలురాయిని కూడా అందుకున్నాడు. అతడి బౌలింగ్ ధాటికి దక్షిణాఫ్రికా తొలి ఇన్నింగ్స్‌లో 197 పరుగులకే ఆలౌటైంది. చివరకు భారత్ 113 పరుగుల తేడాతో విజయం సాధించింది. సెంచూరియన్‌లో భారత జట్టుకు ఇదే తొలి టెస్టు విజయం కావడం విశేషం.దక్షిణాఫ్రికాపై 5/35 (విశాఖపట్నం, 2019)2019లో విశాఖపట్నంలో దక్షిణాఫ్రికాతో జరిగిన టెస్టులో షమీ చెలరేగిపోయాడు. తన రివర్స్ స్వింగ్‌తో ప్రత్యర్థి బ్యాటర్లను బెంబేలెత్తించాడు. రెండో ఇన్నింగ్స్‌లో కేవలం 35 పరుగులిచ్చి ఐదు వికెట్లు పడగొట్టి భారత్ విజయంలో కీలక పాత్ర పోషించాడు. షమీ ధాటికి చివరి రోజు దక్షిణాఫ్రికా 191 పరుగులకే కుప్పకూలింది. దీంతో భారత్ 203 పరుగుల భారీ తేడాతో గెలుపొందింది.వెస్టిండీస్‌పై 5/47 (కోల్‌కతా, 2013)2013లో వెస్టిండీస్‌తో కోల్‌కతాలోని ఈడెన్ గార్డెన్స్ వేదికగా జరిగిన మ్యాచ్‌తో షమీ టెస్టుల్లో అరంగేట్రం చేశాడు. తొలి ఇన్నింగ్స్‌లోనే నాలుగు వికెట్లు తీసిన అతడు.. రెండో ఇన్నింగ్స్‌లో ఐదు వికెట్లతో చెలరేగాడు. మొత్తంగా ఈ మ్యాచ్‌లో తొమ్మిది వికెట్లు పడగొట్టి తన అరంగేట్రాన్ని చిరస్మరణీయం చేసుకున్నాడు.షమీ అద్భుత బౌలింగ్‌తో వెస్టిండీస్ రెండో ఇన్నింగ్స్‌లో 168 పరుగులకే ఆలౌటైంది. దీంతో భారత్ ఇన్నింగ్స్ 51 పరుగుల తేడాతో ఘన విజయం సాధించింది.దక్షిణాఫ్రికాపై 5/28 (జోహన్నెస్‌బర్గ్, 2018)2018లో జోహన్నెస్‌బర్గ్ వేదికగా దక్షిణాఫ్రికాతో జరిగిన టెస్టు భారత క్రికెట్ చరిత్రలో చిరకాలం గుర్తుండిపోయే విజయాల్లో ఒకటి. 241 పరుగుల లక్ష్యంతో బరిలోకి దిగిన దక్షిణాఫ్రికా ఒక దశలో 124/1తో పటిష్ట స్థితిలో నిలిచింది.అయితే షమీ తన పదునైన బౌలింగ్‌తో మ్యాచ్ స్వరూపాన్నే మార్చేశాడు. కేవలం 28 పరుగులిచ్చి ఐదు వికెట్లు పడగొట్టడంతో దక్షిణాఫ్రికా బ్యాటింగ్ కుప్పకూలింది. ఆ జట్టు 177 పరుగులకే ఆలౌటైంది. దీంతో భారత్ 63 పరుగుల తేడాతో విజయం సాధించింది. ఈ మ్యాచ్‌లో షమీ ప్రదర్శన భారత విజయంలో కీలకంగా నిలిచింది.ఆస్ట్రేలియాపై 6/56 (పెర్త్, 2018)షమీ కెరీర్‌లో అత్యుత్తమ బౌలింగ్ ప్రదర్శన 2018లో పెర్త్ వేదికగా ఆస్ట్రేలియాతో జరిగిన మ్యాచ్‌లో నమోదైంది. ఆ మ్యాచ్‌లో అతడు 6/56తో విశ్వరూపం ప్రదర్శించాడు. పేస్‌కు అనుకూలించిన పిచ్‌పై షమీ చెలరేగిపోయాడు. వేగం, కచ్చితత్వంతో ఆసీస్ బ్యాటర్లను తీవ్ర ఇబ్బందులకు గురి చేశాడు.ఈ మ్యాచ్‌లో షమీ చెలరేగినప్పటికీ భారత్ విజయాన్ని అందుకోలేకపోయింది. అయితే కఠినమైన పరిస్థితుల్లో షమీ ప్రదర్శన అతడి టెస్టు కెరీర్‌లో అత్యుత్తమ ప్రదర్శనల్లో ఒకటిగా నిలిచిపోయింది.ఇదీ చదవండి: టెస్ట్ క్రికెట్‌కు మహ్మద్ షమీ గుడ్ బై

న్యూజిలాండ్‌- ‘ఎ’ జట్టుతో మూడో అనధికారిక టెస్టులో భారత్‌- ‘ఎ’ జట్టు శుభారంభం అందుకుంది. తొలి రోజు ఆట ముగిసేసరికి రెండు వందల పరుగుల మార్కు దాటేసి పటిష్ట స్థితిలో నిలిచింది. కాగా మూడు అనధికారిక టెస్టు సిరీస్‌లో భాగంగా.. కివీస్‌-భారత్‌ ‘ఎ’ జట్ల మధ్య తొలి రెండు మ్యాచ్‌లు ఫలితం తేలకుండా (డ్రా)నే ముగిశాయి.ఈ క్రమంలో ఇరుజట్ల మధ్య శనివారం లిన్‌కోన్‌ వేదికగా మూడో టెస్టు ఆరంభమైంది. ఈ మ్యాచ్‌లో టాస్‌ గెలిచిన ఆతిథ్య కివీస్‌ తొలుత బౌలింగ్‌ ఎంచుకోగా.. భారత్‌ బ్యాటింగ్‌కు దిగింది. ఓపెనర్లు యశస్వి జైస్వాల్‌- సాయి సుదర్శన్‌ జట్టుకు శుభారంభం అందించారు.జైస్వాల్‌ మరోసారి శతక్కొట్టాడుయశస్వి జైస్వాల్‌ మరోసారి శతక్కొట్టాడు. మొత్తంగా 138 బంతులు ఎదుర్కొన్న ఈ లెఫ్టాండర్‌ బ్యాటర్‌ పదహారు ఫోర్లు, రెండు సిక్సర్ల సాయంతో 102 పరుగులు సాధించాడు. అయితే, ఫెర్న్స్‌ బౌలింగ్‌లో కామెరాన్‌ పాల్‌కు క్యాచ్‌ ఇవ్వడంతో జైస్వాల్‌ శతక ఇన్నింగ్స్‌కు తెరపడింది.సాయి అదుర్స్‌.. పడిక్కల్‌ విఫలంఇక వన్‌డౌన్‌లో వచ్చిన దేవదత్‌ పడిక్కల్‌ 53 బంతులు ఎదుర్కొని కేవలం 15 పరుగులే చేసి జారోడ్‌ మెకాయ్‌ బౌలింగ్‌లో రెండో వికెట్‌గా వెనుదిరిగాడు. వర్షం వల్ల ఆటకు అంతరాయం వల్ల.. తొలి రోజు ఆటను అరగంట ముందుగానే ముగించారు. ఈ క్రమంలో శనివారం నాటి పూర్తయ్యేసరికి భారత జట్టు 69.3 ఓవర్లలో రెండు వికెట్ల నష్టానికి 227 పరుగులు చేసింది. ఓపెనర్‌ సాయి సుదర్శన్‌ 77, కెప్టెన్‌ ధ్రువ్‌ జురెల్‌ 12 పరుగులతో క్రీజులో నిలిచారు. కివీస్‌ బౌలర్లలో మెకాయ్‌, ఫెర్న్స్‌ చెరో వికెట్‌ దక్కించుకున్నారు.న్యూజిలాండ్‌ ‘ఎ’తో మూడో అనధికారిక టెస్టుకు భారత తుదిజట్టుయశస్వి జైస్వాల్‌, సాయి సుదర్శన్‌, దేవదత్‌ పడిక్కల్‌, ధ్రువ్‌ జురెల్‌ (కెప్టెన్‌, వికెట్‌ కీపర్‌), తిలక్‌ వర్మ, రవీంద్ర జడేజా, వాషింగ్టన్‌ సుందర్‌, ప్రసిద్‌ కృష్ణ, జస్‌ప్రీత్‌ బుమ్రా, ముకేశ్‌ కుమార్‌, ముకేశ్‌ చౌదరి.ఇదీ చదవండి: IND vs NZ: భారత జట్టుకు భారీ షాక్‌!Back-to-back tons! Jaiswal is making all the right noises ahead of the Tests. 💥 Watch him in action in the #NZvIND Test series, starting November 19, on #SonySportsNetwork & #SonyLIV https://t.co/Uu1YXSiWQ1— Sony LIV (@SonyLIV) November 7, 2026

న్యూజిలాండ్‌- ‘ఎ’ జట్టుతో మూడో అనధికారిక టెస్టుకు భారత యువ ఆల్‌రౌండర్‌ నితీశ్‌ కుమార్‌ రెడ్డి దూరమయ్యాడు. అనారోగ్యం కారణంగా మ్యాచ్‌కు అందుబాటులో లేకుండా పోయాడు. కాగా టీమిండియా, భారత్‌- ‘ఎ’ జట్లు ప్రస్తుతం న్యూజిలాండ్‌ పర్యటనలో ఉన్న సంగతి తెలిసిందే.ఐదు టీ20ల సిరీస్‌ను 3-2తో కైవసం చేసుకున్న టీమిండియా.. ప్రస్తుతం వన్డే సిరీస్‌తో బిజీగా ఉంది. తదుపరి కివీస్‌తో రెండు టెస్టులు ఆడాల్సి ఉంది. మరోవైపు.. ఈ సిరీస్‌ సన్నాహకాల్లో భాగంగా న్యూజిలాండ్‌- భారత్‌ ‘ఎ’ జట్లు మూడు మ్యాచ్‌ల అనధికారిక టెస్టు సిరీస్‌ ఆడుతున్నాయి.వైరల్‌ ఫీవర్‌ వల్లనేఇప్పటికి రెండు టెస్టులు పూర్తి కాగా.. రెండూ ‘డ్రా’గానే ముగిశాయి. ఇక శనివారం మూడో అనధికారిక టెస్టు మొదలైంది. ఇదిలా ఉంటే.. ఐదు మ్యాచ్‌ల వన్డే సిరీస్‌లో నితీశ్‌ రెడ్డిని తొలి వన్డేకు మాత్రమే ఎంపిక చేసిన సెలక్టర్లు.. కివీస్‌-‘ఎ’తో మూడో అనధికారిక టెస్టుకు అందుబాటులో ఉండేలా చూసుకున్నారు.టెస్టు సిరీస్‌కు ముందు మ్యాచ్‌ ప్రాక్టీస్‌ కోసం నితీశ్‌ను ఈ మ్యాచ్‌కు ఎంపిక చేశారు. అయితే, ఈ పేస్‌ బౌలింగ్‌ ఆల్‌రౌండర్‌ కివీస్‌-‘ఎ’తో మూడో అనధికారిక టెస్టు తుదిజట్టులో చోటు దక్కించుకోలేకపోయాడు. ఈ విషయం గురించి అతడి మేనేజర్‌ ‘క్రెక్స్‌’తో మాట్లాడుతూ.. వైరల్‌ ఫీవర్‌ కారణంగానే జట్టుకు దూరమైనట్లు తెలిపాడు.వర్షం వల్ల ఆటంకంటెస్టు జట్టులో కీలకమైన నితీశ్‌ రెడ్డి గనుక త్వరగా కోలుకోకపోతే.. కివీస్‌తో సిరీస్‌కు ముందు టీమిండియాకు గట్టి ఎదురుదెబ్బ తగిలినట్లే!!.. కాగా నవంబరు 19- 30 మధ్య టీమిండియా- న్యూజిలాండ్‌ మధ్య రెండు టెస్టుల నిర్వహణకు షెడ్యూల్‌ ఖరారైంది.ఇదిలా ఉంటే.. భారత్‌- న్యూజిలాండ్‌ ‘ఎ’ జట్ల మధ్య మూడో అనధికారిక టెస్టుకు వర్షం వల్ల ఆటంకం కలిగింది. ఈ మ్యాచ్‌లో టాస్‌ గెలిచిన కివీస్‌ తొలుత బౌలింగ్‌ ఎంచుకోగా.. తొలి రోజు ఆట ముగిసేసరికి భారత జట్టు రెండు వికెట్ల నష్టానికి 227 పరుగులు చేసింది.న్యూజిలాండ్‌ ‘ఎ’తో మూడో అనధికారిక టెస్టుకు భారత తుదిజట్టుయశస్వి జైస్వాల్‌, సాయి సుదర్శన్‌, దేవదత్‌ పడిక్కల్‌, ధ్రువ్‌ జురెల్‌ (కెప్టెన్‌, వికెట్‌ కీపర్‌), తిలక్‌ వర్మ, రవీంద్ర జడేజా, వాషింగ్టన్‌ సుందర్‌, ప్రసిద్‌ కృష్ణ, జస్‌ప్రీత్‌ బుమ్రా, ముకేశ్‌ కుమార్‌, ముకేశ్‌ చౌదరి.ఇవీ చదవండి: Asia Cup: సెహ్వాగ్‌ ధనాధన్‌, లక్ష్య మెరుపులు.. బోణీ కొట్టిన భారత్‌కెప్టెన్‌గా వైభ‌వ్ సూర్య‌వంశీ.. అధికారిక ప్ర‌క‌ట‌న‌

న్యూజిలాండ్‌ గడ్డపై భారత యువ ఓపెనర్‌ యశస్వి జైస్వాల్‌ చెలరేగిపోతున్నాడు. వరుసగా రెండో అనధికారిక టెస్ట్‌ మ్యాచ్‌లో సెంచరీతో కదంతొక్కాడు. లింకన్‌ వేదికగా భారత్‌-ఏ, న్యూజిలాండ్‌-ఏ మధ్య ఇవాళ మూడో అనధికారిక టెస్ట్‌ మ్యాచ్‌ మొదలైంది.ఈ మ్యాచ్‌ తొలి ఇన్నింగ్స్‌లో జైస్వాల్‌ శతక్కొట్టాడు. 138 బంతుల్లో 16 ఫోర్లు, 2 సిక్సర్ల సాయంతో 102 పరుగులు చేసి ఔటయ్యాడు. ఈ మ్యాచ్‌లో న్యూజిలాండ్‌ టాస్‌ గెలిచి భారత్‌ను బ్యాటింగ్‌కు ఆహ్వానించింది.మరో ఓపెనర్‌ సాయి సుదర్శన్‌తో కలిసి జైస్వాల్‌ తొలి వికెట్‌కు 175 పరుగులు జోడించాడు. జైస్వాల్‌ ఔటయ్యాక సాయికి దేవ్‌దత్‌ పడిక్కల్‌ జతకలిశాడు. రెండో సెషన్‌ సమయానికి భారత్‌ స్కోర్‌ 52 ఓవర్లలో 185-1గా ఉంది. సాయి 61, పడిక్కల్‌ 5 పరుగులతో బ్యాటింగ్‌ కొనసాగిస్తున్నారు.కాగా, భారత-ఏ జట్టు మూడు మ్యాచ్‌ల అనధికారిక టెస్ట్‌ సిరీస్‌ కోసం న్యూజిలాండ్‌లో పర్యటిస్తుంది. ఈ పర్యటనలో భాగంగా జరిగిన తొలి రెండు మ్యాచ్‌లు డ్రాగా ముగిశాయి. ఈ సిరీస్‌ భారత రెగ్యులర్‌ జట్టు ఆటగాళ్ల కోసం ప్రత్యేకంగా రూపొందించబడింది. ఈ సిరీస్‌ అనంతరం​ టీమిండియా న్యూజిలాండ్‌తో టెస్ట్‌ సిరీస్‌ ఆడనుంది. టీమిండియా ఆటగాళ్లకు న్యూజిలాండ్‌లో పరిస్థితులు అలవాటు పడేందుకు ఈ సిరీస్‌ ఉపయోగపడనుంది. భారత టెస్ట్‌ జట్టులోని చాలామంది ఆటగాళ్లు ఈ సిరీస్‌లో పాల్గొంటున్నారు. యశస్వి జైస్వాల్‌ కూడా అందులో ఒకడు. ఇదీ చదవండి: కెప్టెన్‌గా వైభ‌వ్ సూర్య‌వంశీ.. అధికారిక ప్ర‌క‌ట‌న‌

వెల్లింగ్టన్‌ వేదికగా న్యూజిలాండ్‌తో జరిగిన రెండో వన్డేలో భారత్‌ 4 పరుగుల తేడాతో భారత్‌ విజయం సాధించింది. పదేపదే వర్షం అంతరాయం కలిగించిన మ్యాచ్‌లో డక్‌ వర్త్‌ లూయిస్‌ పద్దతి ప్రకారం టీమిండియాను విజేతగా నిర్ణయించారు. దీంతో ఐదు మ్యాచ్‌ల సిరీస్‌లో 2-0 ఆధిక్యంలోకి భారత్‌ దూసుకెళ్లింది.UPDATESటీమిండియా రివైజ్డ్‌ టార్గెట్‌: 37 ఓవర్లలో 133 పరుగులు చేయాలి. అయితే, మరోసారి జల్లులు కురుస్తుండటం గమనార్హంఏడో వికెట్‌ కోల్పోయిన భారత్‌.. వరుణుడి ఆటంకం25.3వ ఓవర్‌- జేమీసన్‌ బౌలింగ్‌లో డఫీకి క్యాచ్‌ ఇచ్చి అన్షుల్‌ కంబోజ్‌ ఔటయ్యాడు. భారత్‌ విజయానికి ఇంకా 22 పరుగులు కావాలి. కేఎల్‌ రాహుల్‌ (26), నబీ (1) క్రీజ్‌లో ఉన్నారు. 26 ఓవర్ల తర్వాత భారత్‌ స్కోర్‌ 113-7గా ఉంది. వర్షం కారణంగా మ్యాచ్‌ నిలిచిపోయింది. ఆరో వికెట్‌ కోల్పోయిన భారత్‌24.4వ ఓవర్‌- 108 పరుగుల వద్ద భారత్‌ ఆరో వికెట్‌ కోల్పోయింది. డఫీ బౌలింగ్‌లో నమన్‌ ధిర్‌ (12) ఔటయ్యాడు. ఈ మ్యాచ్‌లో భారత్‌ గెలవాలంటే మరో 25 పరుగులు చేయాలి. ఐదో వికెట్‌ కోల్పోయిన టీమిండియా19.6వ ఓవర్‌- 86 పరుగుల వద్ద భారత్‌ ఐదో వికెట్‌ కోల్పోయింది. జేమీసన్‌ బౌలింగ్‌లో శ్రేయస్‌ అయ్యర్‌ (30) ఔటయ్యాడు. ఈ మ్యాచ్‌లో భారత్‌ గెలవాలంటే మరో 49 పరుగులు చేయాలి. అక్షర్‌ పటేల్‌ ఔట్‌అక్షర్‌ పటేల్‌(7) రూపంలో భారత్‌ 47 పరుగుల వద్ద నాలుగో వికెట్‌ కోల్పోయింది. శ్రేయస్‌ అయ్యర్‌ (9) క్రీజులో ఉన్నాడు. భారత్‌ విజయానికి 88 పరుగులు అవసరం.కష్టాల్లో భారత్‌.. మూడో వికెట్‌ డౌన్‌8.4వ ఓవర్‌- స్వల్ప లక్ష్య ఛేదనలో భారత్‌ కూడా తడబడుతోంది. 39 పరుగులకే మూడు ప్రధాన వికెట్లు కోల్పోయింది. తాజాగా రోహిత్‌ శర్మ 23 పరుగులు చేసి జేమీసన్‌ బౌలింగ్‌లో ఔటయ్యాడు. కోహ్లి ఔట్‌3.4వ ఓవర్‌- 17 పరుగుల వద్ద భారత్‌ రెండో వికెట్‌ కోల్పోయింది. డఫీ బౌలింగ్‌లో విరాట్‌ కోహ్లి (7) ఔటయ్యాడు. తొలి వికెట్‌ కోల్పోయిన భారత్‌.. గిల్‌ ఔట్‌1.1వ ఓవర్‌- స్వల్ప లక్ష్యఛేదనలో భారత్‌ 4 పరుగులకే తొలి వికెట్‌ కోల్పోయింది. జేకబ్‌ డఫీ బౌలింగ్‌లో శుభ్‌మన్‌ గిల్‌ డకౌటయ్యాడు.134 పరుగులకే కుప్పకూలిన న్యూజిలాండ్‌టాస్‌ ఓడి తొలుత బ్యాటింగ్‌కు దిగిన న్యూజిలాండ్‌ భారత బౌలర్ల ధాటికి 41 ఓవర్లలో 134 పరుగులకే కుప్పకూలింది. గుర్నూర్‌ బ్రార్‌ 4,అక్షర్‌ పటేల్‌, అన్షుల్‌ కంబోజ్‌, ఆకిబ్‌ నబీ తలో 2 వికెట్లు తీసి న్యూజిలాండ్‌ను మట్టికరిపించారు. న్యూజిలాండ్‌ తరఫున డారిల్‌ మిచెల్‌ (55) మాత్రం అర్ద సెంచరీతో రాణించాడు. తొమ్మి‍దో వికెట్‌ కోల్పోయిన న్యూజిలాండ్‌39.5వ ఓవర్‌- 132 పరుగుల వద్ద న్యూజిలాండ్‌ తొమ్మిదో వికెట్‌ కోల్పోయింది. బ్రార్‌ బౌలింగ్లో నాథన్‌ స్మిత్‌ (3) ఔటయ్యాడు. ఎనిమిదో వికెట్‌ డౌన్‌38.2వ ఓవర్‌- 127 పరుగుల వద్ద ఎనిమిదో వికెట్‌ పడింది. అక్షర్‌ పటేల్‌ బౌలింగ్‌లో జేమీసన్‌ (7) క్లీన్‌ బౌల్డ్‌ అయ్యాడు.ఏడో వికెట్‌ కోల్పోయిన న్యూజిలాండ్‌35.5వ ఓవర్‌- 119 పరుగుల వద్ద న్యూజిలాండ్‌ ఏడో వికెట్‌ కోల్పోయింది. బ్రార్‌ బౌలింగ్‌లో సాంట్నర్‌ (31) ఔటయ్యాడు. ఆరో వికెట్‌ కోల్పోయిన న్యూజిలాండ్‌34.6వ ఓవర్‌- 112 పరుగుల వద్ద న్యూజిలాండ్‌ ఆరో వికెట్‌ కోల్పోయింది. అక్షర్‌ పటేల్‌ బౌలింగ్‌లో డారిల్‌ మిచెల్‌ (55) ఔటయ్యాడు.31 ఓవర్ల తర్వాత న్యూజిలాండ్‌ స్కోర్‌ 99-531 ఓవర్ల తర్వాత న్యూజిలాండ్‌ స్కోర్‌ 99-5గా ఉంది. డారిల్‌ మిచెల్‌ 44, మిచెల్‌ సాంట్నర్‌ 23 పరుగులతో క్రీజ్‌లో ఉన్నారు.25 ఓవర్లలో న్యూజిలాండ్‌ స్కోరు: 73-5డారిల్‌ మిచెల్‌ 33, సాంట్నర్‌ 10 పరుగులతో ఉన్నారు.53 పరుగులకే సగం వికెట్లు కోల్పోయిన న్యూజిలాండ్‌టాస్‌ ఓడి తొలుత బ్యాటింగ్‌కు దిగిన న్యూజిలాండ్‌ పీకల్లోతు కష్టాల్లో ఉంది. 53 పరుగులకే ఆ జట్టు 5 వికెట్లు కోల్పోయింది. గుర్నూర్‌ బ్రార్‌ ఒకే ఓవర్‌లో (20) రెండు వికెట్లు (లాథమ్‌ (7), ఫిలిప్స్‌ (0)) తీసి న్యూజిలాండ్‌ను దారుణంగా దెబ్బకొట్టాడు. 20 ఓవర్ల తర్వాత ఆ జట్టు స్కోర్‌ 53-5గా ఉంది. డారిల్‌ మిచెల్‌ (24), మిచెల్‌ సాంట్నర్‌ (0) క్రీజ్‌లో ఉన్నారు. మూడో వికెట్‌ కోల్పోయిన న్యూజిలాండ్‌8.4వ ఓవర్‌- అన్షుల్‌ కంబోజ్‌ బౌలింగ్‌లో నికోల్స్‌ (11) క్లీన్‌ బౌల్డ్‌ అయ్యాడు.రెండో వికెట్‌ కోల్పోయిన న్యూజిలాండ్‌5.4వ ఓవర్‌- 11 పరుగుల వద్ద న్యూజిలాండ్‌ రెండో వికెట్‌ కోల్పోయింది. ఆకిబ్‌ నబీ బౌలింగ్‌లో రాహుల్‌కు క్యాచ్‌ ఇచ్చి విల్‌ యంగ్‌ (6) ఔటయ్యాడు. తొలి వికెట్‌ కోల్పోయిన న్యూజిలాండ్‌1.5వ ఓవర్‌- పరుగుల ఖాతా తెరవకుండానే న్యూజిలాండ్‌ తొలి వికెట్‌ కోల్పోయింది. ఆకిబ్‌ నబీ బౌలింగ్‌లో టిమ్‌ సీఫర్ట్‌ డకౌటయ్యాడు. టాస్‌ గెలిచి బౌలింగ్‌ ఎంచుకున్న భారత్‌.. 47 ఓవర్ల మ్యాచ్భారత కెప్టెన్‌ శుభ్‌మన్‌ గిల్‌ టాస్‌ గెలిచి తొలుత బౌలింగ్‌ ఎంచుకున్నారు. తడి ఔట్‌ ఫీల్డ్‌ కారణంగా ఆలస్యం కావడంతో మ్యాచ్‌ను 47 ఓవర్లకు కుదించారు. తుది జట్లు..న్యూజిలాండ్: విల్ యంగ్, టిమ్ సీఫెర్ట్, హెన్రీ నికోల్స్, డారిల్ మిచెల్, టామ్ లాథమ్(w), గ్లెన్ ఫిలిప్స్, మిచెల్ సాంట్నర్(c), నాథన్ స్మిత్, కైల్ జామీసన్, జాకబ్ డఫీ, బ్లెయిర్ టిక్నర్భారత్: రోహిత్ శర్మ, శుభ్‌మన్ గిల్(సి), విరాట్ కోహ్లీ, శ్రేయాస్ అయ్యర్, కేఎల్ రాహుల్(w), అక్షర్ పటేల్, నమన్ ధీర్, అన్షుల్ కాంబోజ్, ఔకిబ్ నబీ, గుర్నూర్ బ్రార్, అర్ష్‌దీప్ సింగ్7:47 AM- భారత్‌, న్యూజిలాండ్‌ మధ్య వెల్లింగ్టన్‌ వేదికగా ఇవాళ జరగాల్సిన రెండో వన్డే మ్యాచ్‌ ఆలస్యమవుతుంది. తడి ఔట్‌ ఫీల్డ్‌ కారణంగా ఇంకా టాస్‌ కూడా పడలేదు. భారతకాలమానం ప్రకారం మ్యాచ్‌ ఉదయం 7:30 గంటలకు ప్రారంభం కావాల్సి ఉండింది.ప్రస్తుతం అందుతున్న సమాచారం ప్రకారం టాస్‌ 8 గంటలకు పడుతుంది. మ్యాచ్‌ 8:30 గంటలకు ప్రారంభమయ్యే అవకాశం ఉంది. ఓవర్ల కోత ఉంటుందో లేదో తెలియాల్సి ఉంది.కాగా, ఐదు మ్యాచ్‌ల ఈ వన్డే సిరీస్‌లో భారత్‌ తొలి మ్యాచ్‌ గెలిచి 1-0 ఆధిక్యంలో కొనసాగుతోంది. ఆక్లాండ్‌ వేదికగా జరిగిన తొలి మ్యాచ్‌లో భారత్‌ 5 వికెట్ల తేడాతో గెలుపొందింది. ఇదీ చదవండి: టెస్ట్ క్రికెట్‌కు మహ్మద్ షమీ గుడ్ బై

వెలింగ్టన్‌: తొలి వన్డేలో పదునైన పేస్‌ బౌలింగ్‌తో పైచేయి సాధించిన భారత జట్టు ఇప్పుడు మరో గెలుపుపై గురి పెట్టింది. నేడు హెన్రీ స్టేడియంలో జరిగే రెండో వన్డేలో భారత్, న్యూజిలాండ్‌ తలపడనున్నాయి. గత మ్యాచ్‌లో విజయాన్ని అందించిన జట్టునే టీమిండియా కొనసాగించే అవకాశం ఉండగా... గాయంతో కాన్వే పూర్తిగా సిరీస్‌కు దూరం కావడంతో కివీస్‌ వద్ద కూడా మరో ప్రత్యామ్నాయం లేదు. ప్రపంచంలో ‘అత్యంత వేగంగా గాలులు వీచే నగరం’గా గుర్తింపు ఉన్న వెలింగ్టన్‌లో ఇప్పుడు గాలికి తోడు మ్యాచ్‌ సమయంలో వర్షం అంతరాయం కలిగించే అవకాశం ఉంది. భారీ వర్షంతో శుక్రవారం ఇరు జట్ల ప్రాక్టీస్‌ ఇండోర్‌కు మారింది. దీంతో పాటు గత మ్యాచ్‌తో పోలిస్తే ఇక్కడి మైదానంలో వికెట్‌కు ఇరు వైపులా చిన్న బౌండరీలు, నేరుగా ఉండే బౌండరీలు చాలా పెద్దవి. కాబట్టి ఈ అంశాలన్నింటినీ దృష్టిలో పెట్టుకుంటూ బౌలర్లు తమ వ్యూహాలు మార్చుకోవాల్సి ఉంది. శ్రేయస్‌ సత్తా చాటేనా! శుక్రవారం తన 38వ పుట్టిన రోజు జరుపుకున్న విరాట్‌ కోహ్లి ఎప్పటిలాగే అమితోత్సాహంతో మరో మ్యాచ్‌కు సిద్ధమయ్యాడు. గత మ్యాచ్‌ తరహాలోనే అతను తన స్థాయిని ప్రదర్శిస్తే జట్టుకు తిరుగుండదు. కెపె్టన్‌ శుబ్‌మన్‌ గిల్‌ కూడా మెరుగైన ప్రదర్శన కనబర్చగా, రోహిత్‌ తొలి మ్యాచ్‌ వైఫల్యాన్ని మరచి మెరుగైన ప్రదర్శన ఇవ్వాల్సి ఉంది. అయితే అన్నింటికి మించి నాలుగో స్థానంలో శ్రేయస్‌ బ్యాటింగ్‌ జట్టుకు ఆందోళన కలిగిస్తోంది. గత 10 వన్డేల్లో ఒక అర్ధసెంచరీనే చేసిన అతను తొలి వన్డేలో షార్ట్‌ బంతులకు పూర్తిగా తడబడ్డాడు.సుదీర్ఘ కాలంగా ఈ బలహీనతను అతను అధిగమించలేకపోతున్నాడు. వన్డే వరల్డ్‌ కప్‌ దాదాపు ఇలాంటి పరిస్థితుల్లోనే జరిగే నేపథ్యంలో అతను సత్తా చాటాల్సి ఉంది. మిడిలార్డర్‌లో రాహుల్‌తో పాటు ఆల్‌రౌండర్లు అక్షర్‌ పటేల్, నమన్‌ ధీర్‌ కీలకం కానున్నారు. తుది జట్టులో నలుగురు పేసర్లు కంబోజ్, గుర్నూర్, అర్‌‡్షదీప్, ఆకిబ్‌ నబీ ఖాయం. భారత్‌ ‘ఎ’ మ్యాచ్‌ పూర్తి కావడంతో సిరాజ్‌ అందుబాటులో వచి్చనా...ఇతర పేసర్ల బ్యాటింగ్‌ కారణంగా ప్రాధాన్యతా క్రమంలో అతను వెనుకబడినట్లుగా కనిపిస్తోంది. మార్పుల్లేకుండా... ఆక్లాండ్‌ వన్డేలో కివీస్‌ పేలవమైన బ్యాటింగ్‌ ప్రదర్శన కనబర్చింది. ఏ ఒక్కరూ కూడా పట్టుదలగా నిలిచి స్కోరు సాధించలేకపోయారు. సిరీస్‌లో 0–2తో వెనుకబడకుండా ఉండాలంటే జట్టు బ్యాటింగ్‌ ఎంతో మెరుగవ్వాల్సి ఉంది. ఓపెనర్లు యంగ్, సీఫెర్ట్‌ శుభారంభం అందిస్తే తర్వాతి బ్యాటర్లపై భారం తగ్గుతుంది. కాన్వే లేకపోవడంతో అవకాశం దక్కించుకున్న నికోల్స్‌ ఈసారి ఎలా ఆడతాడో చూడాలి. భారత్‌పై మంచి రికార్డు ఉన్న మిచెల్, లాథమ్‌ల నుంచి పెద్ద ఇన్నింగ్స్‌లను మేనేజ్‌మెంట్‌ ఆశిస్తోంది. ఇటీవలి ప్రదర్శనతో ఫిలిప్స్‌పై మరింత బాధ్యత పెరిగింది. సొంతగడ్డపై పేస్, స్వింగ్‌తో రాణించగలరని నలుగురు పేసర్లు స్మిత్, జేమీసన్, డఫీ, టిక్నర్‌లపై జట్టు నమ్మకం ఉంచింది. వీరు భారత్‌ బలమైన బ్యాటింగ్‌ను ఎలా నిలువరిస్తారనేది ఆసక్తికరం.

న్యూ చండీగఢ్‌: భారత జట్టు సభ్యురాలు... మధ్యప్రదేశ్‌ లెఫ్టార్మ్‌ స్పిన్నర్‌ వైష్ణవి శర్మ దేశవాళీ సీనియర్‌ మహిళల టి20 టోర్నీలో సత్తా చాటింది. శుక్రవారం ఆంధ్ర తో జరిగిన గ్రూప్‌ ‘బి’ చివరి లీగ్‌ మ్యాచ్‌లో వైష్ణవి ‘హ్యాట్రిక్‌’ సహా వరుసగా 4 బంతుల్లో 4 వికెట్లు పడగొట్టడం విశేషం. ఆంధ్ర ఇన్నింగ్స్‌ 20వ ఓవర్‌ చివరి 4 బంతుల్లో వైష్ణవి వరుసగా హెన్రిటా పెరీరా, అంజలి శర్వాణి, అఖిల పావని, షబ్నమ్‌ షకీల్‌లను అవుట్‌ చేసింది. మొత్తంగా వైష్ణవి 4 ఓవర్లలో 22 పరుగులిచ్చి 6 వికెట్లు పడగొట్టింది. ఆమె పదునైన బౌలింగ్‌కు ఆంధ్ర 20 ఓవర్లలో 8 వికెట్లకు 129 పరుగులే చేయగలిగింది. హెన్రిటా పెరీరా (41 బంతుల్లో 59; 7 ఫోర్లు) అర్ధ సెంచరీ సాధించింది. ఆ తర్వాత మధ్యప్రదేశ్‌ 15.1 ఓవర్లలో వికెట్‌ నష్టానికి 133 పరుగులు చేసి విజయాన్నందుకుంది. ‘ప్లేయర్‌ ఆఫ్‌ ద మ్యాచ్‌’ అనుష్క శర్మ (53 బంతుల్లో 81 నాటౌట్‌; 5 ఫోర్లు, 6 సిక్స్‌లు) దూకుడుకు తోడు ఆయుషి శుక్లా (29 బంతుల్లో 37; 2 ఫోర్లు, 2 సిక్స్‌లు) రాణించడంతో మధ్యప్రదేశ్‌ మరో 28 బంతులు మిగిలి ఉండగానే గెలిచింది.6 మహిళల టి20 క్రికెట్‌లో 4 బంతుల్లో 4 వికెట్లు తీసిన ఆరో బౌలర్‌గా వైష్ణవి శర్మ గుర్తింపు పొందింది. గతంలో అనురాధా దొడ్డబళ్లాపూర్‌ (జర్మనీ; ఆ్రస్టియాపై 2020లో), హుమైరా కాజీ (ముంబై; సౌరాష్ట్రపై 2022లో), హెన్రిటె ఇషిమ్‌వి (రువాండా; జింబాబ్వేపై 2023లో), తిపచ పుతావోంగ్‌ (థాయ్‌లాండ్‌; నెదర్లాండ్స్‌పై 2023లో), అహిల్యా చండేల్‌ (జపాన్‌; చైనాపై 2024లో) ఈ ఘనత సాధించారు.

సయ్యద్ ముస్తాక్ అలీ ట్రోఫీ 2026-27లో తొలి రెండు మ్యాచ్‌ల‌కు 17 మంది స‌భ్యులతో కూడిన త‌మ జ‌ట్టును బిహార్ క్రికెట్ అసోసియేషన్ శుక్ర‌వారం ప్ర‌క‌టించింది. ఈ జ‌ట్టు కెప్టెన్‌గా టీమిండియా యువ సంచ‌ల‌నం వైభవ్ సూర్యవంశీ ఎంపిక‌య్యాడు. అత‌డి డిప్యూటీగా సూరజ్ కశ్యప్‌ను నియమించారు. గత సీజన్‌లో సకీబుల్ గని నాయకత్వంలో బరిలోకి దిగిన బిహార్ జట్టు తీవ్ర నిరాశపరిచింది. గ్రూప్-బి పాయింట్ల పట్టికలో ఒకే ఒక్క గెలుపు, ఆరు ఓటములతో ఆఖరి స్థానంలో నిలిచింది. ఈ క్ర‌మంలోనే గ‌నీపై వేటు వేసి వైభ‌వ్‌కు జ‌ట్టు ప‌గ్గాల‌ను క‌ట్ట‌బెట్టారు. కేవ‌లం 15 ఏళ్ల వ‌య‌స్సులోనే ఒక రాష్ట్ర స్ధాయి జ‌ట్టుకు కెప్టెన్‌గా ఎంపికై వైభ‌వ్ స‌రికొత్త చ‌రిత్ర సృష్టించాడు.సూర్యవంశీ సార‌థ్యంలోని బీహార్ జట్టు ఇండోర్ వేదికగా నవంబర్ 14న సౌరాష్ట్రతో తమ తొలి మ్యాచ్‌ను ఆడనుంది. ఆ తర్వాత నవంబర్ 16న రైల్వేస్‌తో రెండో మ్యాచ్‌ ఆడనుంది. అయితే, ఈ రెండు మ్యాచ్‌లు పూర్తయిన తర్వాత వైభవ్ సూర్యవంశీ బీహార్ జట్టును వీడి ఖతార్‌ వేదికగా జరగనున్న '2026 మెన్స్ రైజింగ్ స్టార్స్ ఆసియా కప్' టోర్నీ కోసం ఇండియా 'ఎ' జట్టులో చేరనున్నాడు.తొలి రెండు మ్యాచ్‌లకు బీహార్ జట్టు: వైభవ్ సూర్యవంశీ (కెప్టెన్), సూరజ్ కశ్యప్ (వైస్ కెప్టెన్), అలోక్ కుమార్, ఆయుష్ లోహరుకా (వికెట్ కీపర్), అల్తమష్ అష్రఫ్, పరమ్ కుమార్ సింగ్, అన్మోల్ కుమార్ (వికెట్ కీపర్), రిత్విక్ రాజ్, మయాంక్ కుమార్, రాఘవేంద్ర ప్రతాప్, ఆశిష్ కుమార్, వాసుదేవ్ ప్రతాప్ సింగ్, మహమ్మద్ ఇజార్, అమోద్ యాదవ్, ప్రశాంత్ సింగ్, నవాజ్ ఖాన్, హిమాన్షు సింగ్.

టీమిండియా స్టార్ మహిళా క్రికెటర్ జెమీమా రోడ్రిగ్స్ గాయం నుంచి కోలుకుని రీఎంట్రీ ఇచ్చిన తొలి మ్యాచ్‌లోనే అద‌ర‌గొట్టింది. సీనియర్ మహిళల టీ20 ట్రోఫీ-2026లో ముంబై జ‌ట్టుకు ప్రాతినిథ్యం వ‌హిస్తున్న జెమీమా.. శుక్ర‌వారం పాండిచ్చేరి మహిళలతో జ‌రిగిన మ్యాచ్‌లో విధ్వంస‌క‌ర సెంచ‌రీతో చెల‌రేగింది. మూడో స్ధానంలో బ్యాటింగ్‌కు దిగిన జెమీమా త‌నదైన శైలిలో పాండిచ్చేరి బౌల‌ర్ల‌ను ఉతికిపారేసింది. కేవలం 49 బంతుల్లోనే 16 ఫోర్లు, 2 భారీ సిక్సర్ల సహాయంతో అజేయంగా 107 పరుగులు సాధించింది. ఓపెన‌ర్ హుమైరా కాజీతో కలిసి రెండో వికెట్‌కు కేవలం 86 బంతుల్లోనే 166 పరుగుల భారీ భాగస్వామ్యాన్ని నెలకొల్పింది. దీంతో నిర్ణీత 20 ఓవర్లలో ముంబై జట్టు 2 వికెట్ల నష్టానికి 213 పరుగుల భారీ స్కోరు సాధించింది.కాగా ది హండ్రెడ్ 2026 టోర్నీలో భాగంగా జెమీమీ హ్యామ్‌స్ట్రింగ్ గాయానికి గురైంది. దీంతో ఆమె గత మూడు నెలలుగా ఆటకు దూరంగా ఉంటూ ఇప్పుడు పూర్తి ఫిట్‌నెస్ సాధించింది. ఈ గాయం కార‌ణంగానే మ‌హిళ‌ల ఆసియాక‌ప్‌-2026, ఆసియా క్రీడలకు (జపాన్) దూరమవ్వాల్సి వచ్చింది. అదేవిధంగా జింబాబ్వేతో వైట్ బాల్ సిరీస్‌ల‌కు కూడా జెమీమా అందుబాటులో లేదు. అయితే ఈ ఏడాది డిసెంబ‌ర్‌లో భార‌త మ‌హిళ‌ల జ‌ట్టు సౌతాఫ్రికా ప‌ర్య‌ట‌న‌కు వెళ్లనుంది. ఈ టూర్‌లో భాగంగా ఆతిథ్య జ‌ట్టుతో ఒక టెస్ట్‌, మూడు వ‌న్డేలు, మూడు టీ20ల్లో భార‌త్ త‌ల‌ప‌డ‌నుంది. ఈ టూర్‌తో జెమీమా తిరిగి పున‌రాగ‌మ‌నం చేసే అవ‌కాశ‌ముంది.చదవండి: చరిత్ర సృష్టించిన బంగ్లాదేశ్‌ పేసర్‌

సిల్హెట్ వేదిక‌గా వెస్టిండీస్‌తో జ‌రుగుతున్న రెండో టెస్టులో బంగ్లాదేశ్ పేస‌ర్ హ‌స‌న్ మ‌హ‌మూద్ నిప్పులు చెరిగాడు. 27 ఏళ్ల హసన్‌ మ‌హ‌మూద్ తన సంచలన బౌలింగ్‌తో విండీస్‌ టాపార్డర్‌ను దెబ్బతీశాడు. మొత్తంగా తొలి ఇన్నింగ్స్‌లో హసన్‌ 6 వికెట్లతో సత్తాచాటాడు.ఈ క్రమం‍లో అతడు ఓ అరుదైన ఘనతను తన పేరిట లిఖించుకున్నాడు. టెస్టుల్లో అత్యధికసార్లు ఫైవ్ వికెట్ హాల్స్ నమోదు చేసిన తొలి బంగ్లాదేశ్ ఫాస్ట్ బౌలర్‌గా హసన్ చరిత్ర సృష్టించాడు. హసన్ టెస్టు కెరీర్‌లో ఇది ఐదో ఐదు వికెట్ల ప్రదర్శన కావడం విశేషం. ఇంతకుముందు ఈ రికార్డు మాజీ పేసర్ షాహాదత్ హొసేన్ పేరిట ఉండేది. అతడు నాలుగు సార్లు టెస్టుల్లో ఐదు వికెట్ల ఘనత సాధించాడు. తాజా మ్యాచ్‌తో అతడి ఆల్‌టైమ్ రికార్డును హసన్ బ్రేక్ చేశాడు. కాగా హసన్ మహమూద్‌ స్వదేశంలో ఐదు వికెట్లు తీయడం ఇదే తొలిసారి కావడం గమనార్హం.ఇక ఈ మ్యాచ్ విషయానికి వస్తే.. వెస్టిండీస్ తొలి ఇన్నింగ్స్‌లో 356 పరుగులకు ఆలౌటైంది. విండీస్ అమీర్ జంగూ (133) భారీ సెంచరీతో కదం తొక్కగా.. కెవిన్ విక్‌హామ్(61) హాఫ్‌ సెంచరీ రాణించాడు. బంగ్లా బౌలర్లలో హసన్‌తో పాటు టాస్కిన్‌ అహ్మద్‌, మెహాది హసన్‌ మిరాజ్‌ తలా రెండు వికెట్లు చొప్పున పడగొట్టారు. అనంతరం తొలి ఇన్నింగ్స్‌లో రెండో రోజు ఆట ముగిసే సమయానికి బంగ్లా దేశ్‌ మొదటి ఇన్నింగ్స్‌లో 3 వికెట్ల నష్టానికి 88 పరుగులు చేసింది. క్రీజులో తౌహిద్ హ్రిదోయ్(29), ముష్ఫికర్ రహీమ్(19) ఉన్నారు.చదవండి: అఫ్గాన్‌ బౌలర్లకు చుక్కలు.. జింబాబ్వే 504 పరుగుల భారీ స్కోర్‌

ఆస్ట్రేలియా క్రికెట్ దిగ్గజం, 'మిస్టర్ క్రికెట్'గా పేరుగాంచిన మైఖేల్ హస్సీకి క్రికెట్ ఆస్ట్రేలియా కీలక బాధ్యతలు అప్పగించింది. జట్టు కన్సల్టెంట్ కోచ్‌తో పాటు T20 సలహాదారుడిగా ఆయనను నియమిస్తున్నట్లు బోర్డు శుక్రవారం అధికారికంగా ప్రకటించింది.వచ్చే ఏడాది జరగనున్న యాషెస్ సిరీస్, వన్డే ప్రపంచకప్‌తో పాటు 2028 లాస్ ఏంజెల్స్ ఒలింపిక్స్‌ను దృష్టిలో ఉంచుకుని ఆస్ట్రేలియా క్రికెట్ బోర్డు ఈ నిర్ణయం తీసుకుంది. త్వరలో ఇంగ్లండ్‌తో ప్రారంభం కానున్న టీ20 సిరీస్ నుంచి మైక్ హస్సీ తన నూతన బాధ్యతలను స్వీకరించనున్నాడు.ఇటీవల సౌతాఫ్రికాతో జరిగిన టెస్టు సిరీస్‌ను ఆస్ట్రేలియా 1-2 తేడాతో కోల్పోయిన సంగతి తెలిసిందే. ఈ నేపథ్యంలో హస్సీని కోచింగ్ సెటప్‌లోకి తీసుకురావడం ప్రాధాన్యత సంతరించుకుంది. రాబోయే న్యూజిలాండ్ టెస్టు సిరీస్‌లో ప్రధాన కోచ్ ఆండ్రూ మెక్‌డొనాల్డ్‌కు సహకారంగా హస్సీ కోచింగ్ సేవలందించనున్నాడు.తన నియామకంపై మైక్ హస్సీ సంతోషం వ్యక్తం చేస్తూ .. "ఆస్ట్రేలియా జట్టులో కీలకమైన పాత్ర పోషించబోతున్నందుకు చాలా ఉత్సాహంగా ఉంది. ఇటీవలి కాలంలో మా జట్టు అద్భుతమైన విజయాలు సాధించింది. రాబోయే సవాళ్లతో కూడిన సిరీస్‌లలో ఆటగాళ్లకు, కోచింగ్ సిబ్బందికి నా వంతు సహాయపడతానని భావిస్తున్నాను" అని పేర్కొన్నాడు.కాగా హస్సీ మొన్నటివర​కు ఐపీఎల్‌లో చెన్నై సూపర్ కింగ్స్ బ్యాటింగ్ కోచ్‌గా సేవలిందించాడు. అయితే ఐపీఎల్‌-2027కు ముందు తన బాధ్యతలను నుంచి హస్సీ తప్పుకొన్నాడు. ఇదే సమయంలో హస్సీకి ఇంగ్లండ్ టెస్టు కోచింగ్ బృందంలో చేరాలని హెడ్ కోచ్ స్టీపెన్‌ ఫ్లెమింగ్ నుండి ఆఫర్ వచ్చింది. కానీ ఆస్ట్రేలియా క్రికెట్‌కే సేవలు అందించాలనే ఉద్దేశంతో హస్సీ దానిని తిరస్కరించాడు.చదవండి: మీ అమ్మ చచ్చిపోతుంది!.. వాళ్లంతా మూర్ఖులు, టాక్సిక్‌!

పాకిస్తాన్‌ క్రికెటర్‌ ఆజం ఖాన్‌కు విమర్శలు కొత్త కాదు. సొంత జట్టు అభిమానులే అతడిని బాడీషేమింగ్‌ చేస్తూ ఉంటారు. లావుగా ఉన్నాడని హేళన చేయడంతో.. ఇతర ఆటగాళ్లు విఫలమైనా జట్టు ఓటమికి అతడిని బాధ్యుడిని చేసి తిట్టడం గతంలో చాలాసార్లు జరిగింది.ఇటీవల ఆజం ఖాన్‌ ఈ విషయాన్ని స్వయంగా వెల్లడించాడు. ఇక తాజాగా ఓ పాడ్‌కాస్ట్‌లో మాట్లాడుతూ.. పాక్‌ స్టార్‌ క్రికెటర్‌ బాబర్‌ ఆజం అభిమానులు విషపూరితమైన మనస్తత్వం కలవారని మండిపడ్డాడు. తన తల్లిని, తండ్రిని సైతం దూషించారని ఆవేదన వ్యక్తం చేశాడు.ఈ మేరకు.. ‘‘మా సోషల్‌ మీడియాలో మూర్ఖులు ఎక్కువగా ఉంటారు. ఓసారి ఐర్లాండ్‌లో నేను బాబర్‌ ఆజంతో కలిసి బ్యాటింగ్‌ చేస్తున్నాను. అప్పుడు అతడు బహుశా 75 పరుగుల వ్యక్తిగత స్కోరు వద్ద ఉన్నాడనుకుంటా.మీ అమ్మ చచ్చిపోతుంది లేదంటే మీ నాన్నకు క్యాన్సర్‌మా విజయానికి అప్పుడు 40 పరుగులు అవసరం. ఆ తర్వాత ఇన్‌స్టాగ్రామ్‌లో నా ఫొటో చూసిన ఓ వ్యక్తి.. ‘ఒకవేళ నువ్వు గనుక బాబర్‌ శతకం చేయకుండా అడ్డుపడ్డావంటే.. మీ అమ్మ చచ్చిపోతుంది లేదంటే మీ నాన్నకు క్యాన్సర్‌ వస్తుంది’ అన్నటుల్గా ఏదో కామెంట్‌ చేశాడు.అతడి అభిమానులు మాత్రం టాక్సిక్‌నిజానికి మా క్రికెటర్ల ఫ్యాన్‌బేస్‌ అంతా మూర్ఖులే. బాబర్‌తో నాకు ఎలాంటి గొడవ లేదు. కానీ అతడి అభిమానులు మాత్రం టాక్సిక్‌. అసలు నా గురించి, మా అమ్మానాన్నల గురించి అలా మాట్లాడాల్సిన అవసరం ఏమిటి?’’ అని ఆజం ఖాన్‌ ఆవేదన వ్యక్తం చేశాడు.కాగా పాకిస్తాన్‌ మాజీ కెప్టెన్‌ మొయిన్‌ ఖాన్‌ కుమారుడైన ఆజం ఖాన్‌. పాకిస్తాన్‌ తరఫున 2021లో అరంగేట్రం చేశాడు. 28 ఏళ్ల ఈ వికెట్‌ కీపర్‌ బ్యాటర్‌.. ఇప్పటికి అంతర్జాతీయ క్రికెట్‌లో 14 టీ20 మ్యాచ్‌లు ఆడి 88 పరుగులు మాత్రమే చేశాడు. అయితే, లీగ్‌ క్రికెట్‌లో మాత్రం ఆజం ఖాన్‌కు మంచి రికార్డే ఉంది.ఇదీ చదవండి: Asia Cup: సెహ్వాగ్‌ ధనాధన్‌, లక్ష్య మెరుపులు.. బోణీ కొట్టిన భారత్‌

ఏసీసీ మెన్స్ అండ‌ర్‌-19 ఆసియాక‌ప్‌లో పాకిస్తాన్ యువ జ‌ట్టు బోణీ కొట్టింది. ఈ టోర్నీలో భాగంగా అల్ అమీరత్ వేదిక‌గా శుక్ర‌వారం యూఏఈతో జ‌రిగిన మ్యాచ్‌లో 9 వికెట్ల తేడాతో పాక్ ఘ‌న విజ‌యం సాధించింది. ఈ మ్యాచ్‌లో తొలుత బ్యాటింగ్‌ చేసిన యూఏఈ.. పాక్‌ బౌలర్ల ధాటికి నిర్ణీత 50 ఓవర్లలో 224 పరుగులు చేసి ఆలౌటైంది. యూఏఈ బ్యాటర్లలో నూరుల్లా అయోబీ(70) టాప్‌ స్కోరర్‌గా నిలవగా.. యయిన్ రాయ్(47) కాస్త ఫర్వాలేదన్పించాడు. పాక్‌ బౌలర్లలో మొహమ్మద్ సయ్యమ్ మూడు వికెట్లు పడగొట్టగా అలీ రజా, హస్నైన్ అబ్బాస్ దార్, రిజ్వానుల్లా తలా రెండు వికెట్లు చొప్పున సాధించారు.ఉస్మాన్‌ ఖాన్‌ భారీ సెంచరీఅనంతరం 226 పరుగుల లక్ష్యాన్ని పాకిస్తాన్‌ కేవలం ఒక్క వికెట్‌ మాత్రమే కోల్పోయి 37.3 ఓవర్లలో ఊదిపడేసింది. ఓపెనర్‌ ఉస్మాన్‌ ఖాన్‌(120 బంతుల్లో 21 ఫోర్లు, ఒక సిక్సర్‌తో 139) భారీ సెంచరీతో కదం తొక్కగా.. జహంగీర్ బిలాల్(60) హాఫ్‌ సెంచరీతో రాణించాడు. పాక్‌ తమ తదుపరి మ్యాచ్‌లో ఆదివారం భారత్‌ అండర్‌-19 టీమ్‌తో తలపడనుంది. మరో వైపు భారత జట్టు కూడా తమ తొలి మ్యాచ్‌లో నేపాల్‌పై గెలిచి శుభారంభం చేసింది.చదవండి: Babar azam: అంత ఫ్రస్ట్రేషన్ ఎందుకు బ్రో.. రిటైర్ అయిపోవచ్చు కదా!

పాకిస్తాన్ టెస్టు జట్టు కెప్టెన్ బాబర్ ఆజమ్ ఆటతీరులో మార్పు రావడం లేదు. శ్రీలంకతో జరగబోయే టెస్ట్ సిరీస్‌కు ముందు తిరిగి ఫామ్‌లోకి రావాలనే లక్ష్యంతో బాబర్ ప్రస్తుతం దేశవాళీ క్రికెట్ టోర్నీ 'క్వాయిడ్-ఎ-అజమ్ ట్రోఫీ'లో ఆడుతున్న సంగతి తెలిసిందే. అయితే అక్కడ కూడా అతడు నిలకడలేమితో సతమతమవుతున్నాడు. ఈ టోర్నీలో లాహోర్ వైట్స్‌కు ప్రాతినిధ్యం వహిస్తున్న బాబర్.. ఆశించిన స్థాయిలో రాణించలేకపోతున్నాడు.తాజాగా ఫటాతో జరిగిన మ్యాచ్‌లోనూ బాబర్ అదే పేలవ ప్రదర్శనను కొనసాగించాడు. ఈ మ్యాచ్‌లోని రెండు ఇన్నింగ్స్‌లలో వరుసగా 28, 42 పరుగులు మాత్రమే చేసి నిరాశపరిచాడు. ముఖ్యంగా రెండో ఇన్నింగ్స్‌లో 42 పరుగుల వ్యక్తిగత స్కోరు వద్ద అనవసర షాట్ ఆడి ఔటైన బాబర్.. తీవ్ర అసహనానికి గురై తన బ్యాట్‌ను గ్రౌండ్‌పై గట్టిగా కొట్టాడు.ఇందుకు సంబంధించిన వీడియో ప్రస్తుతం సోషల్‌ మీడియాలో వైరల్‌ అవుతోంది. ఇది చూసిన నెటిజన్లు, "అంత ఫ్రస్ట్రేషన్ ఎందుకు బ్రో.. కావాలంటే రిటైర్ అయిపోవచ్చు కదా!" అంటూ వ్యంగ్యంగా కామెంట్లు చేస్తున్నారు.మ్యాచ్ విషయానికి వస్తే.. ఈ మ్యాచ్‌లో తొలుత బ్యాటింగ్ చేసిన ఫటా జట్టు ఫవాద్ అర్షద్ (115) సెంచరీతో రాణించడంతో తొలి ఇన్నింగ్స్‌లో 362 పరుగులు సాధించింది. అనంతరం బరిలోకి దిగిన లాహోర్ వైట్స్ 234 పరుగులకే ఆలౌట్ అయింది. లాహోర్ జట్టులో అలీ జర్యాబ్ (51) మాత్రమే పర్వాలేదనిపించాడు.నవంబర్ 9 నుంచి రావల్పిండి వేదికగా శ్రీలంకతో తొలి టెస్టు ప్రారంభం కానున్న నేపథ్యంలో.. బాబర్ ఆజమ్ ఇలా పేలవ ఫామ్‌ను కొనసాగిస్తుండటం పాకిస్తాన్‌ టీమ్ మేనేజ్‌మెంట్‌ను తీవ్రంగా కలవరపెడుతోంది.Babar Azam keeps getting dismissed in the same manner. Not a good sign! 😬 https://t.co/dLXh35ST7S— Sheri. (@CallMeSheri1_) November 6, 2026

షార్జా వేదిక‌గా అఫ్గానిస్తాన్‌తో జ‌రుగుతున్న తొలి టెస్టులో జింబాబ్వే బ్యాటర్లు అదరగొట్టారు. తొలి ఇన్నింగ్స్‌లో జింబాబ్వే ఏకంగా 504 పరుగుల భారీ స్కోర్ చేసి ఆలౌటైంది. ఖైస్ అహ్మద్ తొలుత ఓపెనర్లు ఇనోసెంట్‌ కియా(34), బెన్‌ కుర్రాన్‌(42) మంచి ఆరంభం ఇవ్వగా.. ఆ తర్వాత మిడిలార్డర్‌ బ్యాటర్‌ బ్రెండన్‌ టేలర్‌(131), కెప్టెన్‌ బ్రియన్‌ బెన్నెట్‌(128) భారీ సెంచరీలతో కదం తొక్కారు.అదేవిధంగా లోయార్డర్‌ బ్యాటర్లు వెస్లీ మాధవేరే(54), సిగా(44),క్రీమర్‌(34) రాణించారు. అఫ్గాన్‌ బౌలర్లలో మహ్మద్‌ సలీమ్‌, ఖైస్ అహ్మద్ తలా మూడు వికెట్లు పడగొట్టగా.. జియూర్‌ రెహ్మన్‌, హస్మతుల్లా షాహిది తలా వికెట్‌ చొప్పున సాధించారు. జింబాబ్వేకు టెస్టుల్లో ఇది ఐదో అత్యధిక స్కోర్ కావడం గమనార్హం.తుది జట్లుఆఫ్ఘనిస్తాన్ : సెడిఖుల్లా అటల్, అబ్దుల్ మాలిక్, షాహిదుల్లా కమల్, రహమత్ షా(కెప్టెన్‌), హష్మతుల్లా షాహిదీ, ఇక్రమ్ అలీఖిల్(వికెట్ కీపర్‌), రహ్మానుల్లా, కైస్ అహ్మద్, జియా-ఉర్-రెహ్మాన్ అక్బర్, జియా ఉర్ రహ్మాన్ షరీఫీ, మహ్మద్ సలీమ్ సఫీమ్జింబాబ్వే: బెన్ కుర్రాన్, ఇన్నోసెంట్ కైయా, బ్రియాన్ బెన్నెట్ (కెప్టెన్‌), బ్రెండన్ టేలర్, క్రెయిగ్ ఎర్విన్, అంటుమ్ నఖ్వీ, వెస్లీ మాధవెరే, తఫద్జ్వా త్సిగా (వికెట్ కీపర్‌), గ్రేమ్ క్రీమర్, న్యూమాన్ న్యామ్‌హురి, బ్లెస్సింగ్ ముజారబానీ

టీమిండియా మాజీ కెప్టెన్‌ సూర్యకుమార్‌ యాదవ్‌ భారత ప్రధాని నరేంద్ర మోదీని మర్యాదపూర్వకంగా కలిశాడు. దీపావళి పర్వదినాన్ని పురస్కరించుకుని కుటుంబంతో కలిసి ఈ ముంబైకర్‌ ఢిల్లీకి వెళ్లి పీఎం మోదీతో భేటీ అయ్యాడు.రిద్ధిమ ఫేస్‌ రివీల్‌ఈ సందర్భంగా ప్రధాని మోదీ సూర్య కుటుంబానికి చెందిన చిన్నారులతో సరదాగా సమయం గడిపారు. అంతేకాదు.. సూర్య-దేవిశాల చిన్నారి కూతురు రిద్ధిమను ఎత్తుకుని ముద్దుచేశారు. ఈ సందర్భంగా రిద్ధిమ ఫేస్‌ తొలిసారి రివీల్‌ చేసినట్లయింది.ఇందుకు సంబంధించిన వీడియోను ప్రధాని మోదీ సోషల్‌ మీడియాలో షేర్‌ చేశారు. ‘‘దీపావళితో పాటు రామ్‌, సరయూ కూడా వచ్చేశారు. ఈ దీపావళి ఈసారి వాతావరణాన్ని మరింత పవిత్రంగా, దైవికంగా మార్చింది’’ అని మోదీ పేర్కొన్నారు. ఇక మోదీతో సూర్య కుటుంబం ఆహ్లాదంగా గడిపిన దృశ్యాలు వైరల్‌గా మారాయి.విజయవంతమైన కెప్టెన్‌కాగా టీ20 ప్రపంచకప్‌-2024లో టీమిండియా చాంపియన్‌గా నిలిచిన తర్వాత రోహిత్‌ శర్మ.. అంతర్జాతీయ పొట్టి ఫార్మాట్‌కు గుడ్‌బై చెప్పిన సంగతి తెలిసిందే. ఈ క్రమంలో టీ20 జట్టు పగ్గాలు చేపట్టిన సూర్య.. అద్భుత విజయాలు అందించాడు. అతడి సారథ్యంలో టీమిండియా ఒక్క ద్వైపాక్షిక సిరీస్‌ కూడా ఓడిపోలేదు.అంతేకాదు.. 2025లో ఆసియా టీ20 కప్‌ అందించిన సూర్య.. సొంతగడ్డపై టీ20 ప్రపంచకప్‌-2026 టోర్నీలో భారత్‌ను చాంపియన్‌గా నిలిపాడు. అయితే, ఒకప్పుడు ఐసీసీ నంబర్‌ వన్‌ టీ20 బ్యాటర్‌గా వెలుగొందిన సూర్య.. కెప్టెన్‌ అయిన తర్వాత వ్యక్తిగత ప్రదర్శనలో వైఫల్యాలతో విమర్శల పాలయ్యాడు.అనూహ్య రీతిలో వేటుఈ క్రమంలో వరల్డ్‌కప్‌ గెలిచిన తర్వాత టీమిండియా ఆడిన మరుసటి సిరీస్‌ నుంచే సూర్యను కెప్టెన్సీ నుంచి తప్పించిన బీసీసీఐ.. జట్టులోనూ అతడికి స్థానం లేకుండా చేసింది. ప్రస్తుతం దేశీ క్రికెట్‌పై దృష్టి సారించాడు. పదేళ్ల కలల పంటఇదిలా ఉంటే.. ప్రధాని మోదీని కలిసిన సందర్భంగా టీ20 ప్రపంచకప్‌-2026 మెడల్‌ను ఆయనకు చూపించి మురిసిపోయాడు సూర్య. క దేవిశాను ప్రేమించి పెళ్లి చేసుకున్నాడు సూర్య. వీరికి వివాహమైన దాదాపు పదేళ్ల తర్వాత తొలి సంతానంగా.. ఈ ఏడాది మే 7న కుమార్తె రిద్ధిమ జన్మించింది. ఇదీ చదవండి: Asia Cup: సెహ్వాగ్‌ ధనాధన్‌, లక్ష్య మెరుపులు.. బోణీ కొట్టిన భారత్‌ दीपावली के माहौल में राम और सरयू का आगमन हुआ है। इससे दीपावली का वातावरण और भी पावन एवं दिव्य हो गया है। @surya_14kumar https://t.co/B6vwr35Iwm— Narendra Modi (@narendramodi) November 6, 2026

న్యూజిలాండ్‌తో వన్డే సిరీస్‌ ప్రపంచకప్‌-2027 టోర్నీకి గొప్ప సన్నాహకంగా ఉపయోగపడుతుందని టీమిండియా కెప్టెన్‌ శుబ్‌మన్‌ గిల్‌ అన్నాడు. సౌతాఫ్రికా మాదిరి పిచ్‌లపై ఆడటం తమకు ఉపకరిస్తుందని అభిప్రాయపడ్డాడు. కాగా కివీస్‌తో​ ఐదు టీ20లు, ఐదు వన్డేలు, రెండు టెస్టులు ఆడేందుకు టీమిండియా న్యూజిలాండ్‌ పర్యటనకు వెళ్లింది.ఇందులో భాగంగా తొలుత టీ20 సిరీస్‌ జరుగగా శ్రేయస్‌ అయ్యర్‌ సేన.. కివీపై 3-2 తేడాతో గెలిచింది. ఇక తొలి వన్డేలో శుబ్‌మన్‌ గిల్‌ కెప్టెన్సీలో భారత్‌ విజయం సాధించింది. ఇరుజట్ల మధ్య శనివారం నాటి రెండో వన్డేకు వెల్లింగ్‌టన్‌ వేదిక. ఈ నేపథ్యంలో గిల్‌ బీసీసీఐతో మాట్లాడుతూ.. తొలి వన్డేలో రాణించిన పేస్‌ బౌలింగ్‌ విభాగంపై ప్రశంసలు కురిపించాడు.శ్రేయస్‌ అయ్యర్‌పై ప్రశంసలుఅన్షుల్‌ కాంబోజ్‌, ఆకిబ్‌ నబీ, గుర్నూర్‌ బ్రార్‌, అర్ష్‌దీప్‌ సింగ్‌లు తొలి వన్డేలో అద్భుతంగా రాణించారని కొనియాడాడు. అదే సమయంలో టీ20 కెప్టెన్‌ శ్రేయస్‌ అయ్యర్‌పై ప్రశంసలు కురిపించాడు. ‘‘శ్రేయస్‌ అద్భుతంగా జట్టును ముందుకు నడిపించాడు.అంత సులువేమీ కాదున్యూజిలాండ్‌ లాంటి కఠినమైన పిచ్‌లపై వరుసగా మ్యాచ్‌లు గెలవడం అంత సులువేమీ కాదు. ముఖ్యంగా తొలి రెండు టీ20లలో ముందుగా జట్టు అంత గొప్ప స్థితిలో లేదు. కానీ ఆ తర్వాత పుంజుకుని విజయం సాధించింది. ఇలాంటి విజయాలు జట్టులో ఆత్మవిశ్వాసాన్ని నింపుతాయి. ఈ సిరీస్‌ గెలవడం ద్వారా ఎన్నో ప్రశ్నలకు సమాధానాలు దొరికాయి’’ అని గిల్‌ అన్నాడు.కాగా భారత టీ20 జట్టు సారథిగా సూర్యకుమార్‌ యాదవ్‌ స్థానాన్ని శ్రేయస్‌ అయ్యర్‌ భర్తీ చేయగా.. వన్డే, టెస్టు జట్లకు గిల్‌ నాయకుడిగా ఉన్నాడు. టీ20 ప్రపంచకప్‌-2026కు ముందే గిల్‌ టీ20 జట్టులో స్థానం కోల్పోయాడు.ఇవీ చదవండి: Asia Cup: సెహ్వాగ్‌ ధనాధన్‌, లక్ష్య మెరుపులు.. బోణీ కొట్టిన భారత్‌Asia Cup: బంగ్లాదేశ్‌ను చిత్తు చేసిన అఫ్గానిస్తాన్‌

ఏసీసీ పురుషుల అండర్‌-19 ఆసియా కప్‌-2026 వన్డే టోర్నమెంట్లో భారత యువ జట్టు సత్తా చాటింది. సమష్టి ప్రదర్శనతో పసికూన నేపాల్‌ను ఓ ఆట ఆడుకుంది. అల్‌ ఎమిరెట్‌లో జరుగుతున్న ఈ యాభై ఓవర్ల ఫార్మాట్‌ టోర్నీలో శుక్రవారం నాటి మ్యాచ్‌లో గ్రూప్‌-‘ఎ’ నుంచి భారత్‌- నేపాల్‌ తలపడ్డాయి.128 పరుగులకే ఆలౌట్‌టాస్‌ గెలిచిన భారత జట్టు కెప్టెన్‌ లక్ష్య రాయ్‌చందాని తొలుత బౌలింగ్‌ ఎంచుకున్నాడు. ఈ క్రమంలో బ్యాటింగ్‌కు దిగిన నేపాల్‌ 42.3 ఓవర్లలో 128 పరుగులకే కుప్పకూలింది. భారత యువ పేసర్లు ఇషాన్‌ సూద్‌, అర్జున్‌ రాజ్‌పుత్‌ ఆకాశమే హద్దుగా చెలరేగి చెరో మూడు వికెట్లు కూల్చి.. నేపాల్‌ బ్యాటింగ్‌ ఆర్డర్‌ పతనాన్ని శాసించారు.Ishan Sood is ripping through Nepal U19's top order with a three-wicket burst! 💥 Watch #INDvNEP in the #DPWorldMensU19AsiaCup2026, LIVE NOW on Sony Sports Network TV channels & Sony LIV. #SonySportsNetwork #SonyLIV https://t.co/TcYlEo7yXp— Sony Sports Network (@SonySportsNetwk) November 6, 2026మిగిలిన వారిలో యశ్‌వీర్‌ రెండు వికెట్లు దక్కించుకోగా.. కావ్యా పటేల్‌, మనాల్‌ చౌహాన్‌ తలా ఒక వికెట్‌ పడగొట్టారు. నేపాల్‌ బ్యాటర్లలో దర్ష్‌ సోనార్‌ 43 పరుగులతో ఫర్వాలేదనిపించాడు. అనంతరం నామమాత్రపు లక్ష్యంతో బరిలోకి దిగిన భారత్‌ ఆడుతూ పాడుతూ పని పూర్తి చేసింది.A milestone brought up with a six! The Sehwag signature is hard to miss! 😮‍💨 Watch #INDvNEP in the #DPWorldMensU19AsiaCup2026, LIVE NOW on Sony Sports Network TV channels & Sony LIV. #SonySportsNetwork #SonyLIV https://t.co/kuzIO94f5x— Sony Sports Network (@SonySportsNetwk) November 6, 2026ఆర్యవీర్‌ సెహ్వాగ్‌ విధ్వంసకర ఇన్నింగ్స్‌ఓపెనర్లలో.. మాజీ క్రికెటర్‌ వీరేందర్‌ సెహ్వాగ్‌ పెద్ద కుమారుడు ఆర్యవీర్‌ సెహ్వాగ్‌ విధ్వంసకర ఇన్నింగ్స్‌తో విరుచుకుపడ్డాడు. నేపాల్‌ బౌలర్లకు చుక్కలు చూపిస్తూ కేవలం కేవలం 34 బంతుల్లోనే అర్ధ శతకం పూర్తి చేసుకున్నాడు. మొత్తంగా 52 బంతులు ఎదుర్కొన్న ఆర్యవీర్‌.. ఏడు ఫోర్లు, నాలుగు సిక్సర్ల సాయంతో 70 పరుగులతో అజేయంగా నిలిచాడు. మరో ఓపెనర్‌, కెప్టెన్‌ లక్ష్య సైతం హాఫ్‌ సెంచరీతో అదరగొట్టాడు. మొత్తంగా 63 బంతుల్లో నాలుగు ఫోర్లు బాది 53 పరుగులతో నాటౌట్‌గా నిలిచాడు. వీరిద్దరి విజృంభణ కారణంగా భారత్‌ కేవలం 19.1 ఓవర్లలోనే 129 పరుగులు చేసి.. పది వికెట్ల తేడాతో జయభేరి మోగించింది. ఇవీ చదవండి: బంగ్లాదేశ్‌ను చిత్తు చేసిన అఫ్గానిస్తాన్‌

అండర్‌-19 ఆసియాకప్‌లో భాగంగా అల్ అమీరత్ వేదికగా నేపాల్‌తో జరిగిన మ్యాచ్‌లో వీరేంద్ర సెహ్వాగ్ తనయుడు, భారత అండర్-19 జట్టు ఓపెనర్ ఆర్యవీర్ సెహ్వాగ్ విధ్వంసం సృష్టించాడు. ఆర్యవీర్‌ 129 పరుగుల లక్ష్య చేధనలో ఆకాశమే హద్దుగా చెలరేగిపోయాడు. మైదానం నలుమూలల షాట్లు ఆడుతూ ప్రత్యర్ధి బౌలర్లను ఉతికారేశాడు. ఈ జూనియర్‌ సెహ్వాగ్ తన తండ్రి బ్యాటింగ్‌ను తలపిస్తూ సిక్సర్‌తో తన తొలి అండర్‌-19 హాఫ్‌ సెంచరీని పూర్తి చేసుకున్నాడు. కేవలం 34 బంతుల్లోనే ఈ ఫీట్‌ను అందుకున్నాడు. ఓవరాల్‌గా 52 బంతులు మాత్రమే ఎదుర్కొన్న ఆర్యవీర్‌.. 7 ఫోర్లు, 4 సిక్స్‌లతో 70 పరుగులు చేసి అజేయంగా నిలిచాడు.అతడితో పాటు కెప్టెన్‌ లక్ష్య రాజేష్ రాయచందాని(53) అజేయ హాఫ్‌ సెంచరీతో మెరిశాడు. ఫలితంగా ఈ స్వల్ప లక్ష్యాన్ని భారత్‌ కేవలం 19.1 ఓవర్లలోనే వికెట్‌ నష్టపోకుండా చేధించింది. అంతకుముందు భారత బౌలర్లు చెలరేగడంతో నేపాల్‌ జట్టు 42.3 ఓవర్లలో 128 పరుగులకే ఆలౌటైంది.భారత బౌలర్లలో ఇషాన్‌ సూద్‌ మూడు వికెట్లతో చెలరేగగా.. అర్జున్‌ రాజ్‌పుత్‌ సైతం మూడు వికెట్లు కూల్చాడు. కావ్యా పటేల్‌, మనాల్‌ చౌహాన్‌ చెరో వికెట్‌ దక్కించుకోగా.. యశ్‌వీర్‌ గౌడ్‌ రెండు వికెట్లతో సత్తా చాటాడు. నేపాల్‌ బ్యాటర్లలో దర్ష్‌ సోనార్‌ 43 పరుగులతో టాప్‌ రన్‌ స్కోరర్‌గా నిలిచాడు.చదవండి: చ‌రిత్ర సృష్టించిన జింబాబ్వే కెప్టెన్‌.. గావ‌స్క‌ర్‌, కోహ్లి స‌ర‌స‌న!A milestone brought up with a six! The Sehwag signature is hard to miss! 😮‍💨 Watch #INDvNEP in the #DPWorldMensU19AsiaCup2026, LIVE NOW on Sony Sports Network TV channels & Sony LIV. #SonySportsNetwork #SonyLIV https://t.co/kuzIO94f5x— Sony Sports Network (@SonySportsNetwk) November 6, 2026

సిల్హెట్ వేదికగా వెస్టిండీస్‌తో జరుగుతున్న రెండో టెస్టులో బంగ్లాదేశ్ జట్టుకు ఊహించని షాక్ తగిలింది. మ్యాచ్ రెండో రోజు ఆటలో భాగంగా ఆ జట్టు స్టార్ ఓపెనర్ షాద్మాన్ ఇస్లాం తీవ్రంగా గాయపడ్డాడు. ఫీల్డింగ్ చేస్తున్న సమయంలో అతడి ఎడమ కాలి మడమ మడతపడటంతో (యాంకిల్ ట్విస్ట్) తీవ్రమైన నొప్పితో విలవిల్లాడు. కనీసం నడవలేని పరిస్థితి నెలకొనడంతో వైద్య సిబ్బంది అతడిని స్ట్రెచర్‌పై మైదానం వెలుపలికి తీసుకువెళ్లారు. వెస్టిండీస్ ఇన్నింగ్స్ 78వ ఓవర్‌లో ఈ ఘటన చోటుచేసుకుంది. ఏమి జరిగిందంటే?మెహిదీ హసన్ మిరాజ్ వేసిన బంతిని విండీస్ బ్యాటర్ జస్టిన్ గ్రీవ్స్ షార్ట్ ఫైన్ లెగ్ దిశగా ఆడాడు. బంతిని ఆపేందుకు వేగంగా పరుగెత్తిన షాద్మాన్ ఇస్లామ్ యాంకిల్ ట్విస్ట్ కావ‌డంతో అత‌డు కింద ప‌డిపోయాడు. వెంటనే స్పందించిన బంగ్లాదేశ్ ఫిజియో మైదానంలోనే ప్రథమ చికిత్స అందించినప్పటికీ నొప్పి తీవ్రత తగ్గలేదు. కాలు కదిపేందుకు కూడా ఇబ్బంది పడుతుండటంతో ఫిజియో సాయంతో స్ట్రెచర్‌పై మైదానం బయటకు తరలించారు.నయీమ్ హసన్‌కు ఓపెనింగ్ బాధ్యతలుఅతడి గాయం తీవ్రత తెలుసుకునేందుకు వెంటనే ఆసుపత్రికి తరలించి స్కాన్లు నిర్వహించనున్నారు. స్కాన్ రిపోర్టులు వచ్చిన తర్వాతే షాద్మాన్ గాయంపై బంగ్లాదేశ్ క్రికెట్ బోర్డు అధికారిక ప్రకటన చేసే అవకాశం ఉంది. షాద్మాన్ ఇస్లామ్ గాయం కారణంగా రెండో ఇన్నింగ్స్‌లో బ్యాటింగ్‌కు దిగలేకపోవడంతో, అతడి స్థానంలో నయీమ్ హసన్ ఓపెనర్‌గా ఇన్నింగ్స్ ప్రారంభించాడు.

ఏసీసీ మెన్స్‌ అండర్‌-19 ఆసియా కప్‌-2026 వన్డే టోర్నమెంట్లో భారత బౌలర్లు అదరగొట్టారు. నేపాల్‌ జట్టును 42.3 ఓవర్లలో 128 పరుగులకే ఆలౌట్‌ చేశారు. గ్రూప్‌- ‘ఎ’లో భాగంగా అల్‌ ఎమిరెట్‌ వేదికగా శుక్రవారం నాటి మ్యాచ్‌లో టాస్‌ గెలిచిన భారత యువ జట్టు తొలుత బౌలింగ్‌ ఎంచుకుంది.ఇషాన్‌ సూద్‌ విశ్వరూపం భారత యువ పేసర్‌ ఇషాన్‌ సూద్‌ నేపాల్‌ బ్యాటింగ్‌ ఆర్డర్‌ను కకావికలం చేశాడు. నేపాల్‌ ఓపెనర్‌ ప్రసిద్ధ జైషీ (1), వన్‌డౌన్‌ బ్యాటర్‌ సూర్యాంశు కొయిరాలా (5).. నాలుగో స్థానంలో వచ్చిన నిశ్చల్‌ ఛెత్రీ (0)లను సింగిల్‌ డిజిట్‌ స్కోర్లకే పరిమితం చేశాడు.Ishan Sood is ripping through Nepal U19's top order with a three-wicket burst! 💥 Watch #INDvNEP in the #DPWorldMensU19AsiaCup2026, LIVE NOW on Sony Sports Network TV channels & Sony LIV. #SonySportsNetwork #SonyLIV https://t.co/TcYlEo7yXp— Sony Sports Network (@SonySportsNetwk) November 6, 2026ఈ క్రమంలో మరో ఓపెనర్‌ నీరజ్‌ కుమార్‌ యాదవ్‌ 20 పరుగులతో రాణించగా.. దర్ష్‌ సోనార్‌ 43 పరుగులతో టాప్‌ రన్‌ స్కోరర్‌గా నిలిచాడు. మిగిలిన వారిలో వికెట్‌ కీపర్‌ బ్యాటర్‌ ఆశిష్‌ లుహార్‌ 29 పరుగులతో ఫర్వాలేదనిపించాడు.భారత బౌలర్లలో ఇషాన్‌ సూద్‌ మూడు వికెట్లతో చెలరేగగా.. అర్జున్‌ రాజ్‌పుత్‌ సైతం మూడు వికెట్లు కూల్చాడు. కావ్యా పటేల్‌, మనాల్‌ చౌహాన్‌ చెరో వికెట్‌ దక్కించుకోగా.. యశ్‌వీర్‌ గౌడ్‌ రెండు వికెట్లతో సత్తా చాటాడు.A milestone brought up with a six! The Sehwag signature is hard to miss! 😮‍💨 Watch #INDvNEP in the #DPWorldMensU19AsiaCup2026, LIVE NOW on Sony Sports Network TV channels & Sony LIV. #SonySportsNetwork #SonyLIV https://t.co/kuzIO94f5x— Sony Sports Network (@SonySportsNetwk) November 6, 2026భారత్‌ వర్సెస్‌ నేపాల్‌ తుదిజట్లుభారత్‌ఆర్యవీర్‌ సెహ్వాగ్‌, అన్వయ్‌ ద్రవిడ్‌ (వికెట్‌ కీపర్‌), అర్జున్‌ రాజ్‌పుత్‌, ఇషాన్‌ సూద్‌, కావ్యా పటేల్‌, లక్ష్యా రాజేశ్‌ రాయ్‌చందాని (కెప్టెన్‌), మనాల్‌ చౌహాన్‌, మోహిత్‌ ఉల్వా, యశ్‌వీర్‌ గౌడ్‌, వీకే వినీత్‌, యశ్‌వర్దన్‌ చౌహాన్‌నేపాల్‌ఆశిష్‌ లుహార్‌ (వికెట్‌ కీపర్‌), అభయ్‌ యాదవ్‌, బిపిన్‌ శర్మ (కెప్టెన్‌), దర్ష్‌ సోనార్‌, నీరజ్‌ కుమార్‌ యాదవ్‌, నిశ్చల్‌ ఛెత్రి, నితేశ్‌ పటేల్‌, ప్రసిద్ధ జైషీ, సచిన్‌ భట్‌, సుశీల్‌ రావల్‌, సూర్యాంశు కొయిరాలా.ఇవీ చదవండి: Asia Cup: పసికూనపై ప్రతాపం.. బోణీ కొట్టిన శ్రీలంక‘అతడిని డ్రెసింగ్‌రూమ్‌లోనే కూర్చోబెడతా.. ఇంటికి కూడా వెళ్లనివ్వను’

అఫ్గానిస్తాన్‌తో జ‌రుగుతున్న తొలి టెస్టులో జింబాబ్వే బ్యాట‌ర్లు శ‌త‌కాల‌తో చెల‌రేగుతున్నారు. ఇప్ప‌టికే బ్రెండ‌న్ టేల‌ర్ (168 బంతుల్లో 131) సెంచ‌రీ చేయ‌గా, తాజాగా కెప్టెన్ బ్రియాన్ బెన్నెట్ కూడా అజేయ శ‌త‌కంతో చెల‌రేగాడు. త‌ద్వారా జింబాబ్వే 400 ప‌రుగుల మార్క్‌ను దాటి భారీ స్కోరు దిశ‌గా ప‌రిగెడుతోంది. 105 ఓవర్లు ముగిసేస‌రికి జింబాబ్వే 6 వికెట్ల న‌ష్టానికి 407 ప‌రుగులు చేసింది. క్రీజులో బ్రియాన్ బెన్నెట్ (115 బ్యాటింగ్‌), తఫాద్జ్వా త్సిగా (7) ఉన్నారు. అంత‌క‌ముందు వెస్లే మ‌దెవెరె (54) అర్థ‌శ‌త‌కం సాధించాడు. బ్రియాన్ బెన్నెట్‌, మదెవెరె క‌లిసి ఆరో వికెట్‌కు 94 ప‌రుగులు జోడించి జింబాబ్వే స్కోరు పెర‌గ‌డంలో కీల‌క‌పాత్ర పోషించారు. ఈ నేప‌థ్యంలో కెప్టెన్‌గా టెస్టుల్లో తొలి సెంచ‌రీ సాధించిన బ్రియాన్ బెన్నెట్‌కు ఓవ‌రాల్‌గా టెస్టుల్లో ఇది మూడో శ‌త‌కం. వ‌న్డే, టీ20ల్లోనూ బ్రియాన్ బెన్నెట్ ఖాతాలో ఒక్కో సెంచ‌రీ ఉండ‌డం విశేషం. అఫ్గానిస్తాన్ బౌల‌ర్ల‌లో జియా ఉర్ అక్బ‌ర్‌ రెండు వికెట్లు తీయ‌గా, మొహ‌మ్మ‌ద్ స‌లీమ్‌, జియావుర్ రెహ్మాన్‌, ఖ‌యాస్ అహ్మ‌ద్‌, హ‌ష్మ‌తుల్లా త‌లా ఒక వికెట్ ప‌డ‌గొట్టారు.Photo Credit: Twitterగావ‌స్క‌ర్‌, కోహ్లి స‌ర‌స‌న..టెస్టుల్లో కెప్టెన్‌గా ప్రాతినిధ్యం వ‌హిస్తున్న తొలి మ్యాచ్‌లోనే సెంచ‌రీ బాదిన ఆట‌గాళ్ల జాబితాలో బ్రియాన్ బెన్నెట్ చోటు సంపాదించాడు. ఇప్ప‌టివ‌ర‌కు 35 మంది ప్లేయ‌ర్లు ఈ రికార్డు సాధించారు. కోహ్లి, విజ‌య్ హ‌జారే, గావ‌స్క‌ర్‌, గిల్ వంటి దిగ్గ‌జాల స‌ర‌స‌న బ్రియాన్ బెన్నెట్ నిలిచాడు.ఇందులో కోహ్లి, గ్రెగ్ చాపెల్ మాత్రం డెబ్యూ కెప్టెన్‌గా రెండు ఇన్నింగ్స్‌ల్లోనూ సెంచ‌రీలు బాదిన క్రికెట‌ర్లుగా రికార్డుల‌కెక్కారు. అయితే జింబాబ్వే త‌ర‌ఫున కెప్టెన్‌గా డెబ్యూ సెంచ‌రీ బాదిన నాలుగో ప్లేయ‌ర్‌గా బ్రియాన్ బెన్నెట్ నిలిచాడు. గ‌తంలో 1992లో డీఎల్ హూగ్‌ట‌న్ (121 ప‌రుగులు వ‌ర్సెస్ టీమిండియా), 2011లో బ్రెండ‌న్ టేల‌ర్ (105 నాటౌట్ వ‌ర్సెస్ బంగ్లాదేశ్‌), 2020లో బంగ్లాదేశ్‌తో టెస్టులో క్రెయిగ్ ఎర్విన్ (107) సెంచ‌రీలు బాదారు.A captain's knock from Brian Bennett! 💯👏 #AFGvZIM https://t.co/xlRz0FjFIK— Zimbabwe Cricket (@ZimCricketv) November 6, 2026ఇదీ చదవండి: విండీస్‌తో టెస్టు.. బొక్కబోర్లా పడిన బంగ్లా బౌలర్‌!Asia Cup: బంగ్లాదేశ్‌ను చిత్తు చేసిన అఫ్గానిస్తాన్‌

ఏసీసీ మెన్స్‌ అండర్‌-19 ఆసియా కప్‌-2026 వన్డే టోర్నమెంట్లో అఫ్గానిస్తాన్‌ యువ జట్టు సంచలన విజయం సాధించింది. బంగ్లాదేశ్‌ను ఏకంగా 113 పరుగుల తేడాతో మట్టికరిపించింది. అల్‌ ఎమిరట్‌ వేదికగా గురువారం మొదలైన ఈ టోర్నీలో తొలి మ్యాచ్‌లో మలేషియాపై శ్రీలంక గెలిచింది.టాపార్డర్‌ కుదేలైనా..ఇక రెండో మ్యాచ్‌లో బంగ్లాదేశ్‌- అఫ్గానిస్తాన్‌ తలపడ్డాయి. టాస్‌ గెలిచిన అఫ్గాన్‌ జట్టు తొలుత బ్యాటింగ్‌ ఎంచుకుంది. బంగ్లా బౌలర్ల ధాటికి టాపార్డర్‌ కుదేలు కాగా.. మిడిలార్డర్‌లో షా ఫైసల్‌ రహీమీ అద్భుత అర్ధ శతకం (83)తో జట్టును ఆదుకున్నాడు.231 పరుగులుఅతడికి తోడుగా తాహిర్‌ సర్వారి (37) కూడా రాణించాడు. ఈ క్రమంలో 49 ఓవర్లలో అఫ్గాన్‌ అండర్‌-19 జట్టు 231 పరుగులు చేసి ఆలౌట్‌ అయింది. బంగ్లా బౌలర్లలో తాఫుల్‌ అలామ్‌ తమీమ్‌ నాలుగు వికెట్లతో చెలరేగగా.. రుబే ఇస్లాం రిజాన్‌, షేక్‌ అతీకర్‌ రహ్మాన్‌, అల్‌ రఫీ తలా ఒక వికెట్‌ దక్కించుకున్నారు.118 పరుగులకే కుప్పకూలిన బంగ్లాఅనంతరం లక్ష్య ఛేదనకు దిగిన బంగ్లాదేశ్‌ అఫ్గాన్‌ బౌలర్ల విజృంభణ కారణంగా 25.5 ఓవర్లలో కేవలం 118 పరుగులు మాత్రమే చేసి ఆలౌట్‌ అయింది. ఓపెనర్‌ ఎస్‌కే జారిఫ్‌ సియామ్‌ 41 పరుగులతో టాప్‌ రన్‌ స్కోరర్‌గా నిలిచాడు. మిగతా వారిలో రాబిఉల్‌ హసన్‌ అనీక్‌ 33, రుబే ఇస్లాం రిజాన్‌ 21 పరుగులు చేయగలిగారు. మిగిలిన వారంతా సింగిల్‌ డిజిట్‌ స్కోర్లకే పెవిలియన్‌ చేరారు.ముగ్గురు మొనగాళ్లుఅఫ్గానిస్తాన్‌ యువ బౌలర్లలో నూర్‌ అలీ నియాజి (Noor Ali Niazi), ఆమిర్‌ హంజా, సమీ ముబారేజ్‌ తలా మూడు వికెట్లు కూల్చగా.. కెప్టెన్‌ సొహైల్‌ అలీ ఖాన్‌ ఒక వికెట్‌ తన ఖాతాలో వేసుకున్నాడు. కాగా ఆసియా పురుషుల అండర్‌-19 ఆసియా కప్‌ వన్డే టోర్నీ-2026లో గ్రూప్‌-ఎ నుంచి భారత్‌, నేపాల్‌, పాకిస్తాన్‌, యూఏఈ తలపడుతుండగా.. గ్రూప్‌-బి నుంచి శ్రీలంక, అఫ్గానిస్తాన్‌, బంగ్లాదేశ్‌, మలేషియా పోటీలో ఉన్నాయి. గ్రూప్‌-బిలో శ్రీలంక, అఫ్గాన్‌ చెరో విజయంతో పాయింట్ల పట్టికలో వరుసగా ఒకటి, రెండు స్థానాల్లో నిలిచాయి.ఇవీ చదవండి: ‘అతడిని డ్రెసింగ్‌రూమ్‌లోనే కూర్చోబెడతా.. ఇంటికి కూడా వెళ్లనివ్వను’రేపు రెండో వన్డే.. సిరీస్ మొత్తానికి దూరమైన కివీస్ స్టార్‌

సిల్హెట్ వేదిక‌గా బంగ్లాదేశ్‌, వెస్టిండీస్‌ల మ‌ధ్య జ‌రుగుతున్న రెండో టెస్టులో ఆస‌క్తిక‌ర ఘ‌ట‌న చోటుచేసుకుంది. మ్యాచ్‌లో ఆరు వికెట్లతో చెల‌రేగిన బంగ్లా బౌల‌ర్ హ‌స‌న్ మ‌హ్ముద్ తృటిలో హ్యాట్రిక్ చేజార్చుకున్నాడు. అయితే తాను హ్యాట్రిక్ సాధించానన్న సంతోషాన్ని హ‌స‌న్ మ‌హ్ముద్ ముందే సెల‌బ్రేట్ చేసుకోగా, డీఆర్ఎస్ పుణ్య‌మా అని హ‌స‌న్ మ‌హ్ముద్‌కు ఆ సంతోష క్ష‌ణాలు కాసేమే మిగిలాయి. విష‌యంలోకి వెళితే.. రెండోరోజు ఆట‌లో లంచ్ విరామ స‌మ‌యం వ‌ర‌కు హ‌స‌న్ మ‌హ్ముద్ 22 ఓవ‌ర్లు బౌలింగ్ వేసి 5 వికెట్లు ప‌డ‌గొట్టాడు. అయితే ఇన్నింగ్స్ 82వ ఓవ‌ర్లో రెండు వ‌రుస బంతుల్లో విండీస్ బ్యాట‌ర్ల‌ను పెవిలియ‌న్ చేర్చాడు. మొద‌ట సెంచ‌రీ బాదిన అమీర్ జాంగోను క్లీన్‌బౌల్డ్ చేసిన హ‌స‌న్ మ‌హ్ముద్ మ‌రుస‌టి బంతికి రోస్ట‌న్ చేజ్‌ను క్యాచ్ ఔట్‌గా పెవిలియన్ చేర్చాడు. దీంతో వెస్టిండీస్ 264 ప‌రుగుల వ‌ద్ద‌ ఆరు వికెట్లు కోల్పోయింది. హ్యాట్రిక్ ఫీట్‌పై క‌న్నేసిన హ‌స‌న్ మ‌హ్ముద్ విసిరిన బంతిని జోషువా బిష‌ప్ ఆడే ప్ర‌య‌త్నంలో లెగ్‌సైడ్ వెళ్లి అత‌డి ప్యాడ్ల‌ను తాకింది. హ‌స‌న్ మ‌హ్ముద్ వెంట‌నే ఎల్బీకి అప్పీల్ చేయ‌గా, అంపైర్ ఔటిచ్చాడు. దీంతో హ్యాట్రిక్ వికెట్ త‌న ఖాతాలో చేరింద‌న్న సంతోషంతో హ‌స‌న్ మ‌హ్ముద్ సెల‌బ్రేష‌న్ చేసుకున్నాడు. అయితే విండీస్ బ్యాట‌ర్ జోషువా రివ్యూ కోర‌డంతో నాటౌట్ కాదంటూ ఫ‌లితం వ‌చ్చింది. దీంతో షాక్ తిన్న హ‌స‌న్ మ‌హ్ముద్ హ్యాట్రిక్ మిస్ అయిపోయాన‌ని తెగ బాధ‌ప‌డిపోయాడు. దీనికి సంబంధించిన వీడియో సోష‌ల్ మీడియాలో వైర‌ల్‌గా మారింది.విండీస్ 356 ఆలౌట్‌..మ్యాచ్ విష‌యానికొస్తే వెస్టిండీస్ తొలి ఇన్నింగ్స్‌లో 106.4 ఓవ‌ర్ల‌లో 356 ప‌రుగుల‌కు ఆలౌటైంది. అమీర్ జాంగో (212 బంతుల్లో 133; 13 ఫోర్లు, 2 సిక్స‌ర్లు) సెంచ‌రీ చేయ‌గా, జ‌స్టిన్ గ్రీవ్స్ (51), కెవిన్ విక్‌హ‌మ్ (61) అర్థ‌శ‌త‌కాల‌తో మెరిశారు. ఆఖ‌ర్లో జోషువా బిష‌ప్ (23), జోమెల్ వ‌రిక‌న్ (27) ప‌ర్వాలేద‌నిపించారు. బంగ్లాదేశ్ బౌల‌ర్ల‌లో హ‌స‌న్ మ‌హ్ముద్ ఆరు వికెట్ల‌తో చెల‌రేగ‌గా, త‌స్కిన్ అహ్మ‌ద్‌, మెహిది హ‌స‌న్ చెరో 2 వికెట్లు ప‌డ‌గొట్టారు.So close to a hat-trick! 😱🔥 Hasan Mahmud strikes twice in two balls but narrowly misses out on a hat-trick! What a thrilling moment in Sylhet! 🇧🇩🎯 Dutch-Bangla Bank Bangladesh 🆚 West Indies Test Series 2026, Powered by Rocket, Co-sponsor: NexusPay Official Transportation Partner: Garibook #BCB #Bangladesh #HasanMahmud #WestIndies #Day2 #TestCricket— Bangladesh Cricket (@BCBtigers) November 6, 2026 Six wickets. One sensational spell! 🔥🎯 Hasan Mahmud tears through the West Indies batting lineup with a magnificent six-wicket haul! Take a bow! 🇧🇩👏 #BCB #Bangladesh #HasanMahmud #WestIndies #2ndTest #TestCricket https://t.co/yhv06MGEnp— Bangladesh Cricket (@BCBtigers) November 6, 2026ఇదీ చదవండి: ఒకే ఏడాది దిగ్గజాల వీడ్కోలు.. సాకర్‌పై చెరగని ముద్ర‘అతడిని డ్రెసింగ్‌రూమ్‌లోనే కూర్చోబెడతా.. ఇంటికి కూడా వెళ్లనివ్వను’

టీమిండియా దిగ్గజం విరాట్‌ కోహ్లి గురించి ప్రత్యేక పరిచయం అక్కర్లేదు. ఢిల్లీ నుంచి మొదలైన ఈ కుడిచేతి వాటం బ్యాటర్‌ ప్రయాణం.. అంతర్జాతీయ క్రికెట్‌లో ‘కింగ్‌’ స్థాయికి చేరింది. మూడు ఫార్మాట్లలోనూ తనదైన ముద్ర వేసిన కోహ్లి.. వన్డేల్లో మాత్రం రారాజుగా.. ముఖ్యంగా ఛేజింగ్‌ కింగ్‌గా ఉన్నత శిఖరాలకు చేరుకున్నాడు.ఏకైక క్రికెటర్‌గాఇప్పటికే వన్డేల్లో 55 శతకాలు బాది.. అంతర్జాతీయ కెరీర్‌లో ఈ ఘనత సాధించిన ఏకైక క్రికెటర్‌గా కోహ్లి కొనసాగుతున్నాడు. ఇక ఇప్పటికే అంతర్జాతీయ టీ20, టెస్టు ఫార్మాట్లకు రిటైర్మెంట్‌ ప్రకటించిన ఈ రన్‌మెషీన్‌ వన్డేల్లో మాత్రమే కొనసాగుతున్నాడు. ప్రస్తుతం న్యూజిలాండ్‌ పర్యటనలో కోహ్లి బిజీగా ఉన్నాడు.దేశీ క్రికెట్‌ బరిలో దిగితేఇలాంటి తరుణంలో భారత మాజీ క్రికెటర్‌, ఢిల్లీ జట్టు హెడ్‌కోచ్‌ విజయ్‌ దహియా.. వన్డే ప్రపంచకప్‌-2027 ఆడటమే లక్ష్యంగా ముందుకు సాగుతున్న కోహ్లిని ఉద్దేశించి ఆసక్తికర వ్యాఖ్యలు చేశాడు. డిసెంబరులో దేశీ వన్డే టోర్నీ విజయ్‌ హజారే ట్రోఫీ 2026-27 సీజన్‌లో కోహ్లి ఢిల్లీ తరఫున బరిలోకి దిగుతాడని ఆశిస్తున్నట్లు తెలిపాడు. అతడిని డ్రెసింగ్‌రూమ్‌లోనే కూర్చోబెడతా.. ఒకవేళ నిజంగానే కోహ్లి గనుక మరోసారి దేశీ క్రికెట్‌ బరిలో దిగితే.. తాను అతడిని గంటల కొద్దీ డ్రెసింగ్‌రూమ్‌లోనే కూర్చోబెడతానని విజయ్‌ దహియా అన్నాడు. యువ ఆటగాళ్లకు కోహ్లి ఇచ్చే ఒక్క ప్రసంగం చాలునని.. అందుకే అతడు మైదానంలో దిగకపోయినా డ్రెసింగ్‌రూమ్‌లో ఉన్నా చాలని పేర్కొన్నాడు.ఇంటికి కూడా వెళ్లనివ్వనురంజీ ట్రోఫీ తాజా ఎడిషన్‌లో భాగంగా పాలెం వేదికగా సర్వీసెస్‌తో మ్యాచ్‌ను ఢిల్లీ గురువారం డ్రా చేసుకుంది. ఈ మ్యాచ్‌ అనంతరం టైమ్స్‌ ఆఫ్‌ ఇండియాతో మాట్లాడుతూ.. ‘‘ఒకవేళ కోహ్లి గనుక విజయ్‌ హజారే ట్రోఫీ ఆడేందుకు వస్తే.. డ్రెసింగ్‌రూమ్‌లో అతడిని చూడటం కంటే గొప్ప విషయం మరొకటి ఉండదు.ఊరికే అలా కూర్చుని యువ ఆటగాళ్లతో కోహ్లి మాట్లాడితే చాలు. నేనైతే కోహ్లిని ఇంటికి కూడా వెళ్లనివ్వకుండా అక్కడే ఉండమని చెప్తాను (సరదాగా). డ్రెసింగ్‌రూమ్‌లో కోహ్లిని కూర్చోబెట్టి.. తన ప్రయాణం, కఠిన శ్రమ, తను పాటించే విలువలు.. దేశానికి ఆడటంలో ఉండే గర్వం.. ఇలా అన్నింటి గురించి మా ఆటగాళ్లతో మాట్లాడమని చెప్తాను. ప్రతీ దశను నేను చూశానుకోహ్లి కెరీర్‌లోని ప్రతీ దశను నేను చూశాను. ఎక్కడి నుంచి మొదలై.. ఎక్కడిదాకా చేరాడో నాకూ తెలుసు. అయితే, ప్రతీ ఆటగాడు విరాట్‌ కాలేకపోవచ్చు. అయితే, తనకంటూ ప్రత్యేక గుర్తింపు తెచ్చుకునేందుకు విరాట్‌ కచ్చితంగా స్ఫూర్తిదాయకం అవుతాడు’’ అని విజయ్‌ దహియా చెప్పుకొచ్చాడు. కాగా కోహ్లి గతేడాది ఢిల్లీ తరఫున విజయ్‌ హజారే ట్రోఫీ బరిలో దిగిన సంగతి తెలిసిందే.ఇవీ చదవండి: ‘ఇంకెన్నాళ్లు బెంచ్‌ మీదే ఉంటాడు.. టీమిండియాకు మంచిది కాదు’#HBD Kohli: 10 రోజుల ప‌నిలో 626 ప‌రుగులు

పురుషుల అండ‌ర్‌-19 ఆసియా క‌ప్‌లో భాగంగా నేపాల్‌తో జ‌రుగుతున్న మ్యాచ్‌లో ఇండియా యువ బౌల‌ర్ ఇషాన్ సూద్ బంతితో నిప్పులు చెరిగాడు. ఫ‌లితంగా నేపాల్ టాపార్డ‌ర్ క‌కావిక‌ల‌మైంది. తొలుత నేపాల్ ప్ర‌సిద్ధా జైషీ (1)ని క్యాచ్ ఔట్‌గా పెవిలియ‌ర్ చేర్చిన ఇషాన్ సూద్ ఆ వెంట‌నే సూర్యాన్షు కోయిరాలా (5)ను పెవిలియ‌న్ చేర్చాడు. అనంత‌రం త‌న‌ మ‌రుస‌టి ఓవ‌ర్లో నిశ్చ‌ల్ ఛెత్రీ డ‌కౌట్‌గా పెవిలియ‌న్ చేర్చాడు. ఈ నేపథ్యంలో ఇషాన్‌ సూద్‌ కేవలం ఆరు పరుగులిచ్చి మూడు వికెట్లు తీయడం విశేషం. దీంతో నేపాల్ 27 ప‌రుగుల‌కే మూడు వికెట్లు కోల్పోయి పీక‌ల్లోతూ క‌ష్టాల్లో ప‌డింది. ప్ర‌స్తుతం 12 ఓవ‌ర్లు ముగిసేస‌రికి నేపాల్ 3 వికెట్ల న‌ష్టానికి 36 ప‌రుగులు చేసింది. ఓపెన‌ర్ నీర‌జ్‌కుమార్ యాద‌వ్ (16), ద‌ర్శ్ సోనార్ (6) క్రీజులో ఉన్నారు.PC: Twitterఇక టాస్ గెలిచిన భార‌త్ బౌలింగ్ ఎంచుకుంది. టీమిండియా దిగ్గ‌జ క్రికెట‌ర్లు సెహ్వాగ్‌, ద్ర‌విడ్ కుమారులు ఆర్య‌వీర్ సెహ్వాగ్‌, అన్వ‌య్ ద్ర‌విడ్‌లు ఇద్ద‌రు తుదిజ‌ట్టులో చోటు ద‌క్కించుకోవ‌డం ప్ర‌ధాన ఆక‌ర్ష‌ణ‌గా నిలిచింది.ఇదీ చదవండి: ఒకే ఏడాది దిగ్గజాల వీడ్కోలు.. సాకర్‌పై చెరగని ముద్రరేపు రెండో వన్డే.. సిరీస్ మొత్తానికి దూరమైన కివీస్ స్టార్‌

టీమిండియాతో జరిగిన తొలి వన్డేలో ఓటమితో నైరాశ్యంలో ఉన్న న్యూజిలాండ్‌కు భారీ ఎదురుదెబ్బ తగిలింది. కంకషన్(తలకు గాయం)కు గురైన ఆ జట్టు స్టార్ ఓపెనర్ డెవాన్ కాన్వే తొలి వన్డేకు దూరమైన సంగతి తెలిసిందే. తాజాగా గాయం తీవ్రత ఎక్కువగా ఉన్న కారణంగా కాన్వే టీమిండియాతో వన్డే సిరీస్ మొత్తానికే దూరమైనట్లు న్యూజిలాండ్ క్రికెట్ బోర్డు శుక్రవారం అధికారిక ప్రకటన విడుదల చేసింది. గాయపడిన కాన్వే స్థానంలో నిక్ కెల్లీ శనివారం వెల్లింగ్టన్‌లో జరగనున్న రెండో వన్డేకు జట్టుతో కలవనున్నాడని కివీస్ బోర్డు తెలిపింది. కాగా నిక్ కెల్లీ ఇప్పటికే నాలుగు, ఐదు వన్డేలకు జట్టులో చోటు దక్కించుకున్నాడు. అయితే కాన్వే దూరమవ్వడంతో రెండో వన్డే నుంచి జట్టుకు అందుబాటులోకి రానున్నాడు.అసలేం జరిగిందంటే..తొలి వన్డే ప్రారంభానికి ముందు ప్రాక్టీస్ సెషన్‌లో కాన్వే, మాట్ హెన్రీ ఫీల్డింగ్ చేస్తూ పరస్పరం ఢీకొన్నారు. ఈ నేపథ్యంలో కాన్వే తలకు బలమైన గాయమయ్యింది. దీంతో కాన్వేను వెంటనే ఆక్లాండ్‌లోని ప్రముఖ ఆసుపత్రికి తరలించారు. వైద్య పరీక్షల అనంతరం కాన్వే గాయంలో తీవ్రత ఉందని, అతడు కోలుకునేందుకు సమయం పడుతుందని వైద్యులు ధ్రువీకరించారు. దీంతో కాన్వే భారత్‌తో వన్డే సిరీస్‌కు పూర్తిగా దూరమైనట్లు కివీస్ బోర్డు ప్రకటించింది. కాన్వే స్థానాన్ని నిక్ కెల్లీతో భర్తీ చేస్తున్నట్లు కివీస్ బోర్డు తెలిపింది. ప్రస్తుతం నిక్ కెల్లీ న్యూజిలాండ్‌-ఏ తరఫున భారత్‌తో అనధికారిక టెస్టు సిరీస్‌లో ఆడుతున్నాడు. జాతీయ జట్టుకు పిలుపు రావడంతో నిక్ కెల్లీ స్థానంలో ఆక్లాండ్ ఏసెస్ బ్యాటర్ డేల్ ఫిలిప్స్‌ను న్యూజిలాండ్‌-ఏ జట్టుకు ఎంపిక చేశారు. ఇక ప్రాక్టీస్ సమయంలో కాన్వేను ఢీకొన్న మాట్ హెన్రీ కంకషన్ నుంచి పూర్తిగా కోలుకొని ఎంపికకు అందుబాటులో ఉన్నట్లు తెలుస్తోంది. ఇప్పటికే రచిన్ రవీంద్ర, మార్క్ చాప్‌మన్ గాయాలతో వన్డే సిరీస్‌కు దూరమవ్వగా, తాజాగా కాన్వే కూడా ఈ లిస్ట్‌లో చేరిపోయాడు.Devon Conway has been ruled out of the rest of the ODI series against India having sustained a concussion while fielding ahead of the first game. Nick Kelly, who was picked for the last two ODIs, will join the squad for the second and third matches too. https://t.co/t7dWSGJxH4— Cricbuzz (@cricbuzz) November 6, 2026ఇదీ చదవండి: ఐపీఎల్ ఫ్రాంచైజీలకు స్టార్ ఆటగాళ్ల ఊహించని షాక్!‘అతడొక సాధారణ ప్లేయర్‌.. సీఎస్‌కే డీల్‌ నచ్చలేదు

ఇండియన్ ప్రీమియర్ లీగ్ (ఐపీఎల్) చరిత్రలోనే తొలిసారి కొంతమంది స్టార్ ఆటగాళ్లు 2028 మెగా వేలానికి ముందు తమను రిటైన్ చేసుకోవాలంటే రూ.40 కోట్ల ఫీజును డిమాండ్ చేస్తున్నట్లు వార్తలు వస్తున్నాయి. మెగా వేలం జరగడానికి మరో ఏడాది (డిసెంబర్‌ 2027) సమయం ఉన్నప్పటికీ, ఆటగాళ్ల నుంచి ఈ విధమైన డిమాండ్‌ రావడం ఆయా ఫ్రాంచైజీలను ఉక్కిరిబిక్కిరి చేస్తోంది. ఈ వార్తల్లో నిజమెంత అనేది పక్కనబెడితే, మెగావేలంలోనే ఆటగాళ్లకు ఇంత ధర ఎప్పుడు పెట్టింది లేదు. అలాంటిది రిటెన్షన్ కింద తమను అట్టిపెట్టుకోవడానికి సదరు ఆటగాళ్లు రూ. 40 కోట్లు డిమాండ్ చేయడం హాస్యాస్పదంగా అనిపిస్తోంది. అయితే ఐపీఎల్ 2025 మెగా వేలంలో రిషబ్ పంత్‌ను లక్నో సూపర్‌జెయింట్స్ రూ. 27 కోట్లకు, శ్రేయస్ అయ్యర్‌ను పంజాబ్ కింగ్స్ రూ.26.75 కోట్లకు కొనుగోలు చేశాయి. దీంతో ఈసారి తాము మెగా వేలంలోకి వెళ్తే ఇంతకంటే ఎక్కువ ధర లభిస్తుందనే నమ్మకంతోనే కొందరు స్టార్ ఆటగాళ్లు రిటెన్షన్ కింద రూ. 40 కోట్లు డిమాండ్ చేస్తున్నారని తెలుస్తోంది.ఫ్రాంచైజీల ఆందోళన..ప్రస్తుతం ఒక జట్టుకు అందుబాటులో ఉన్న మొత్తం పర్స్ వాల్యూ రూ. 120 కోట్లు. వచ్చే ఏడాది మెగా వేలం జరిగే సమయానికి ఈ పర్సు విలువ సుమారు రూ. 150 కోట్లకు పెరగవచ్చని నివేదికలు పేర్కొంటున్నాయి. ఇప్పుడు ఒక్క ఆటగాడికే రూ. 40 కోట్లు కేటాయిస్తే, మొత్తం బడ్జెట్‌లో నాలుగో వంతు వారికే వెచ్చించాల్సి వస్తుంది. ఇది జట్టు సమతుల్యతను దెబ్బతీస్తుందని, ఇతర నాణ్యమైన ఆటగాళ్లను కొనుగోలు చేయడం కష్టమవుతుందని ఫ్రాంచైజీలు ఆందోళన చెందుతున్నాయి.ఇక వచ్చే ఏడాది మెగా వేలానికి ముందు వచ్చే నెలలో ఐపీఎల్ 2027 మినీ వేలం జరగనుంది. డిసెంబర్ 16, 2026న గోవాలో ఆటగాళ్లను మినీ వేలంలో ఆయా ఫ్రాంచైజీలు దక్కించుకోనున్నాయి. ఇక ఆటగాళ్ల రిటెన్షన్, రిలీజ్ జాబితాలను సమర్పించే గడువును భీసీసీఐ నవంబర్ 15 నుంచి నవంబర్ 17కు పొడిగించిన సంగతి తెలిసిందే. ఆటగాళ్ల ట్రేడింగ్‌..అయితే మినీ వేలానికి ముందు ఆటగాళ్ల ట్రెడింగ్ కొనసాగుతుంది. ఇప్పటికే ఢిల్లీ క్యాపిటల్స్ రిషబ్ పంత్‌ను తీసుకొని.. ట్రేడింగ్‌లో కుల్దీప్ యాదవ్‌ను లక్నోకు పంపించింది. ఇక ఫాస్ట్ బౌలర్ టి.నటరాజన్ సన్‌రైజర్స్ గూటికి చేరుకోగా, బదులుగా ఢిల్లీ క్యాపిటల్స్ లెగ్ స్పిన్నర్ జీషన్ అన్సారీని ట్రేడింగ్ చేసుకుంది. ఇక సీఎస్‌కే కూడా లివింగ్‌స్టోన్‌, జాక్ ఎడ్‌వర్డ్స్‌లను తీసుకోగా..ఖలీల్ అహ్మద్‌, నాథన్ ఎల్లిస్‌లు సీఎస్‌కే నుంచి ఎస్‌ఆర్‌హెచ్‌కు ట్రేడ్ అయ్యారు.ఇదీ చదవండి: ముగిసిన నిషేధం.. విధ్వంస‌క‌ర వీరుడి రీఎంట్రీ!‘అతడొక సాధారణ ప్లేయర్‌.. సీఎస్‌కే డీల్‌ నచ్చలేదు’

ఆస్ట్రేలియా టీ20 స్పెష‌లిస్ట్ బ్యాట‌ర్ క్రిస్ లిన్ నిషేధం నుంచి విముక్తి పొందాడు. ఈ ఏడాది జూలైలో నిషేధిత కొకైన్ వాడినందుకు క్రిస్ లిన్‌పై నెల‌పాటు నిషేధం ప‌డింది. తాజాగా అది పూర్త‌యింద‌ని, త్వ‌ర‌లో జ‌ర‌గ‌బోయే బిగ్‌బాష్ లీగ్‌లో ఆడుకోవ‌చ్చ‌ని ఇంగ్లండ్ క్రికెట్ రెగ్యులేట‌రీ వెల్ల‌డించింది. బిగ్‌బాష్ లీగ్‌లో క్రిస్ లిన్ అత్య‌ధిక ప‌రుగులు చేసిన ఆట‌గాడిగా కొన‌సాగుతున్నాడు.అస‌లేం జ‌రిగిందంటే?జూలై 18, 2026న ఇంగ్లాండ్‌లో జరిగిన 'టీ20 బ్లాస్ట్ ఫైనల్స్ డే' (T20 Blast Finals) మ్యాచ్‌ల సందర్భంగా క్రిస్ లిన్‌కు సాధారణ యాంటీ-డోపింగ్ పరీక్ష నిర్వహించారు. ఈ పరీక్షలో అతని యూరిన్ శాంపిల్‌లో కొకైన్‌కు సంబంధించిన 'బెంజోయిల్‌ఎక్గోనైన్' (benzoylecgonine) అనే పదార్థం ఉన్నట్లు నిర్ధారణ అయింది. ఆ సమయంలో అతను నార్తాంప్టన్‌షైర్ జట్టు తరఫున ఆడుతున్నాడు. అయితే క్వార్టర్ ఫైనల్ మ్యాచ్‌లో గాయపడిన తర్వాత, తాను జూలై 15 రాత్రి, 16న తెల్ల‌వారుజామున‌ కొకైన్ తీసుకున్నట్లు క్రిస్ లిన్ అంగీకరించాడు. అయితే, ఇది ఆటలో మెరుగైన ప్రదర్శన చేయడం కోసం కాదని, వ్యక్తిగత కారణాలతో తీసుకోవాల్సి వ‌చ్చింద‌ని ఇంగ్లండ్ రెగ్యులేట‌రీ బోర్డుకు క్రిస్ లిన్ వివ‌రించాడు.అయితే క్రికెట్ రెగ్యులేటర్ మొదట అతనిపై మూడు నెలల సస్పెన్షన్ విధించాలని భావించింది. కానీ, క్రిస్ లిన్ ఒక పునరావాస కార్యక్రమాన్ని విజయవంతంగా పూర్తి చేయడంతో ఈ నిషేధాన్ని ఒక నెలకు తగ్గించారు. క్రిస్ లిన్ తనపై విధించిన నిషేధాన్ని జూలై 31 నుంచి ఆగస్టు 30 మధ్య కాలంలోనే పూర్తి చేసుకున్నాడు.మ్యాచ్‌లు జ‌రుగుతున్న స‌మ‌యంలో కాకుండా సాధార‌ణ స‌మ‌యంలో క్రిస్ లిన్ కొకైన్ తీసుకున్న‌ట్లు నిపుణులు తేల్చ‌డంతో క‌ఠిన చ‌ర్య‌ల నుంచి అత‌డికి ఉప‌శ‌మ‌నం ల‌భించిన‌ట్ల‌యింది. క్రికెట్ రెగ్యులేట‌ర్ త‌న‌పై విధించిన నెల నిషేధ కాలం ముగిసిపోవ‌డంతో క్రిస్ లిన్ క్రికెట్ ఆడేందుకు రెడీ అవుతున్నాడు. ఆస్ట్రేలియాలో జ‌ర‌గ‌బోయే బిగ్ బాష్ లీగ్‌(బీబీఎల్ 2026-27) టోర్నీలో మెల్‌బోర్న్ రెనెగేడ్స్ త‌ర‌ఫున క్రిస్ లిన్ బ‌రిలోకి దిగేందుకు సిద్ధ‌మ‌వుతున్నాడు.ఆస్ట్రేలియా త‌ర‌ఫున 4 వ‌న్డేలు, 18 టీ20లు ఆడిన క్రిస్ లిన్ ఐపీఎల్‌లో ముంబై ఇండియ‌న్స్‌కు ప్రాతినిధ్యం వ‌హించాడు. ఐపీఎల్‌లో 42 మ్యాచ్‌లాడిన క్రిస్ లిన్ 1329 ప‌రుగులు సాధించాడు. ఇక బీబీఎల్‌లో 137 మ్యాచ్‌లాడిన క్రిస్ లిన్ 4,133 ప‌రుగులు సాధించాడు. బీబీఎల్ చ‌రిత్ర‌లో 4వేల ప‌రుగులు పూర్తి చేసుకున్న తొలి ఆట‌గాడిగా క్రిస్ లిన్ నిలిచాడు.ఇదీ చదవండి: ‘అతడొక సాధారణ ప్లేయర్‌.. సీఎస్‌కే డీల్‌ నచ్చలేదు’రొనాల్డో (పోర్చుగల్‌) ఆట ముగిసె!

ఐపీఎల్ 2027 వేలానికి ముందు చెన్నై సూపర్ కింగ్స్ (CSK), సన్‌రైజర్స్ హైదరాబాద్ (SRH) ఆటగాళ్ల మధ్య జరిగిన ట్రేడింగ్‌పై టీమిండియా మాజీ క్రికెటర్ క్రిష్ణమాచారి శ్రీకాంత్ అసంతృప్తి వ్యక్తం చేశాడు. ముఖ్యంగా ఆసీస్ ఆల్‌రౌండర్ జాక్ ఎడ్‌వర్డ్స్‌ను సీఎస్‌కే ట్రేడింగ్‌లో దక్కించుకోవడాన్ని తప్పుబట్టాడు. జాక్ ఎడ్‌వర్డ్స్ ఒక సాధారణ ఆటగాడని, అతడి గణాంకాలు కూడా అంత గొప్పగా ఏం లేవని, చెన్నై అతడిని ఎందుకు తీసుకుందో అర్థం కావడం లేదని చెప్పుకొచ్చాడు. అంతేకాదు ఐపీఎల్‌లో ఇప్పటిదాకా ఒక్క మ్యాచ్ కూడా ఆడని జాక్ ఎడ్‌వర్డ్స్‌ను ఎస్‌ఆర్‌హెచ్ నుంచి రూ.3 కోట్లకు కొనుగోలు చేయడం తనకు నచ్చలేదని తెలిపాడు. ఖలీల్ అహ్మద్‌ను సీఎస్‌కే వదులుకోవడం పట్ల తనకు ఎలాంటి అభ్యంతరం లేదని, ఎందుకంటే అతనేమీ గొప్ప ఆటగాడు కాదని అభిప్రాయపడ్డాడు. ఈ ట్రేడింగ్ వల్ల చెన్నై సూపర్ కింగ్స్ కంటే ఎస్‌ఆర్‌హెచ్‌కే ఎక్కువ లాభం చేకూరినట్లుగా తనకు అనిపిస్తోందని పేర్కొన్నాడు.ఇక జాక్ ఎడ్‌వర్డ్స్‌తో పాటు లియామ్ లివింగ్‌స్టోన్‌ను ట్రేడింగ్ చేసుకోవడం సీఎస్‌కేకు మంచిదే అయినప్పటికీ, తుదిజట్టులో అతడిని ఎక్కడ ఆడిస్తారనేది ప్రశ్నార్థకంగా మారిందన్నాడు. వ్యక్తిగతంగా చూసుకుంటే లివింగ్‌స్టోన్ ప్రమాదకర బ్యాటర్ కావడంతో సీఎస్‌కే అతడిని ఉపయోగించుకుంటుందని తాను అనుకుంటున్నట్లు స్పష్టం చేశాడు. సీఎస్‌కేకు పెద్దగా ఉపయోగపడని మాథ్యూ షార్ట్‌ను వదిలేసుకొని అతడి స్థానంలో లివింగ్‌స్టోన్‌ను తీసుకోవాల్సిందని వెల్లడించాడు.సీఎస్‌కేకు ట్రేడ్ అయిన ఆటగాళ్లు: లియామ్ లివింగ్‌స్టోన్ (రూ. 6 కోట్లు), జాక్ ఎడ్వర్డ్స్ (రూ. 3 కోట్లు)ఎస్‌ఆర్‌హెచ్‌కు ట్రేడ్ అయిన ఆటగాళ్లు: ఖలీల్ అహ్మద్ (రూ. 4.8 కోట్లు), నాథన్ ఎల్లిస్ (రూ. 2 కోట్లు)ఇక 26 ఏళ్ల ఆస్ట్రేలియా పేస్-బౌలింగ్ ఆల్‌రౌండర్ అయిన జాక్ ఎడ్వర్డ్స్ బిగ్ బాష్ లీగ్ (BBL)లో సిడ్నీ సిక్సర్స్ తరఫున ఆడి మంచి గుర్తింపు తెచ్చుకున్నాడు. ఐపీఎల్ 2026 సీజన్ ముందే సన్‌రైజర్స్ హైదరాబాద్ ఇతనిని రూ. 3 కోట్లకు కొనుగోలు చేసినప్పటికీ, పాదాల గాయం కారణంగా అతను ఆ సీజన్ మొత్తానికి దూరమయ్యాడు. దీంతో అతను ఇప్పటివరకు ఐపీఎల్‌లో ఒక్క మ్యాచ్ కూడా ఆడలేదు. ఇప్పుడు ట్రేడింగ్ ద్వారా నేరుగా సీఎస్‌కే గూటికి చేరుకున్నాడు.ఇదీ చదవండి: IPL 2027: రూ.7 కోట్ల న‌ష్టంతో సీఎస్‌కేలోకి విధ్వంస‌క‌ర ప్లేయ‌ర్‌

ముంబై: దేశవాళీ ప్రతిష్టాత్మక ‘ఫస్ట్‌క్లాస్‌’ టోర్నమెంట్‌ రంజీ ట్రోఫీలో ముంబై జట్టు జోరు కొనసాగుతోంది. ప్రత్యర్థులకు ఏమాత్రం అవకాశం ఇవ్వకుండా చెలరేగుతున్న ముంబై జట్టు... తాజా సీజన్‌లో వరుసగా నాలుగో విజయం ఖాతాలో వేసుకుంది. ఎలైట్‌ గ్రూప్‌ ‘డి’లో భాగంగా గురువారం ముగిసిన పోరులో 42 సార్లు చాంపియన్‌ ముంబై జట్టు 106 పరుగుల తేడాతో రైల్వేస్‌ను మట్టికరిపించింది. ప్రస్తుతం ముంబై 27 పాయింట్లతో పట్టిక అగ్రస్థానంలో ఉంది. ఓవర్‌నైట్‌ స్కోరు 174/4తో గురువారం చివరిరోజు రెండో ఇన్నింగ్స్‌ కొనసాగించిన ముంబై జట్టు 42.5 ఓవర్లలో 234/4 వద్ద ఇన్నింగ్స్‌ డిక్లేర్‌ చేసింది. ఓపెనర్‌ దివ్యాన్ష్ సక్సేనా (136 బంతుల్లో 100 నాటౌట్‌; 8 ఫోర్లు, 1 సిక్స్‌) అజేయ శతకంతో సత్తా చాటాడు. సర్ఫరాజ్‌ ఖాన్‌ (29 నాటౌట్‌; 3 ఫోర్లు) అతడికి అండగా నిలిచాడు. అనంతరం 372 పరుగుల విజయ లక్ష్యంతో బరిలోకి దిగిన రైల్వేస్‌ జట్టు చివరకు 77.2 ఓవర్లలో 265 పరుగులు చేసింది. ఇషాన్‌ గోయల్‌ (201 బంతుల్లో 103; 11 ఫోర్లు, 1 సిక్స్‌), జుబైర్‌ అలీ (117 బంతుల్లో 115; 14 ఫోర్లు, 5 సిక్స్‌లు) సెంచరీలతో కదంతొక్కారు. వీరిద్దరు తప్ప మిగిలిన వాళ్లంతా విఫలం కావడంతో రైల్వేస్‌కు పరాజయం తప్పలేదు. ముంబై బౌలర్లను సమర్థవంతంగా ఎదుర్కొన్న ఈ జంట ఆరో వికెట్‌కు 167 పరుగులు జోడించి కలవరపెట్టింది. అయితే మైదానంలో పాదరసంలా కదిలిన సర్ఫరాజ్‌ ఖాన్‌ ఈ జోడీని విడదీయడంలో కీలక పాత్ర పోషించాడు. సోదరుడు ముషీర్‌ ఖాన్‌ బౌలింగ్‌లో ఇషాన్‌ గోయల్‌ స్వీప్‌ షాట్‌ ఆడే ప్రయత్నం చేయగా... ఫస్ట్‌ స్లిప్‌లో ఫీల్డింగ్‌ చేస్తున్న సర్ఫరాజ్‌ లెగ్‌ స్లిప్‌ వైపు డైవ్‌ చేస్తూ అద్భుత క్యాచ్‌ అందుకున్నాడు. దీంతో భారీ భాగస్వామ్యానికి తెరపడింది. ఆ తర్వాత రైల్వేస్‌ ఇన్నింగ్స్‌ ముగియడానికి ఎక్కువ సమయం పట్టలేదు. ఆట చివరి గంటలో ముంబై మెరుపు ఫీల్డింగ్‌తో ఆకట్టుకోవడంతోనే ఈ మ్యాచ్‌లో విజయం సాధ్యమైంది. ముంబై బౌలర్లలో షమ్స్‌ ములానీ 4 వికెట్లు పడగొట్టగా... ముషీర్‌ ఖాన్‌ 3 వికెట్లు తీశాడు. తొలి ఇన్నింగ్స్‌లో 7 వికెట్లు తీసిన ‘ప్లేయర్‌ ఆఫ్‌ ద మ్యాచ్‌’ తనుశ్‌ కొటియాన్‌ రెండో ఇన్నింగ్స్‌లో రెండు వికెట్లు ఖాతాలో వేసుకున్నాడు. అంతకుముందు ముంబై తొలి ఇన్నింగ్స్‌లో 396 పరుగులు చేయగా... రైల్వేస్‌ 259 పరుగులు చేసింది. రంజీ ట్రోఫీ తాజా సీజన్‌లో తొలి దశ పోటీలు ముగియగా... తిరిగి వచ్చే ఏడాది జనవరి 17 నుంచి రెండో విడత ప్రారంభం కానుంది. తదుపరి మ్యాచ్‌లో ఉత్తరాఖండ్‌తో ముంబై తలపడనుంది. అజిత్‌ రామ్‌కు 7 వికెట్లు... రంజీ ట్రోఫీ ఎలైట్‌ గ్రూప్‌ ‘డి’లో తమిళనాడు జట్టు ‘హ్యాట్రిక్‌’ విజయం నమోదు చేసుకుంది. చండీగఢ్‌ వేదికగా జరిగిన పోరులో తమిళనాడు ఇన్నింగ్స్‌ 259 పరుగుల తేడాతో చండీగఢ్‌ను ఓడించింది. ఓవర్‌నైట్‌ స్కోరు 189/7తో ఆఖరి రోజు గురువారం రెండో ఫాలోఆన్‌లో రెండో ఇన్నింగ్స్‌ కొనసాగించిన చండీగఢ్‌ చివరకు 64.5 ఓవర్లలో 218 పరుగులకు ఆలౌటైంది. తమిళనాడు బౌలర్లలో అజిత్‌ రామ్‌ 7 వికెట్లు పడగొట్టాడు. తొలి ఇన్నింగ్స్‌లో చక్కటి బ్యాటింగ్‌తో అజేయ శతకం బాదిన ఈ లెఫ్టార్మ్‌ స్పిన్నర్‌ బంతితోనూ సత్తా చాటాడు. అంతకుముందు తమిళనాడు 571/7 వద్ద తొలి ఇన్నింగ్స్‌ డిక్లేర్‌ చేయగా... చండీగఢ్‌ తొలి ఇన్నింగ్స్‌లో 94 పరుగులకే ఆలౌటైంది. డబుల్‌ సెంచరీ సాధించిన తమిళనాడు బ్యాటర్‌ ప్రదోశ్‌ రంజన్‌ పాల్‌కు ‘ప్లేయర్‌ ఆఫ్‌ ద మ్యాచ్‌’ అవార్డు దక్కింది. ఇదే గ్రూప్‌లో భాగంగా ధర్మశాల వేదికగా హిమాచల్‌ ప్రదేశ్, రాజస్తాన్‌ మధ్య జరిగిన మ్యాచ్‌ ‘డ్రా’గా ముగిసింది. దీంతో తొలి ఇన్నింగ్స్‌ ఆధిక్యం సాధించిన హిమాచల్‌ ప్రదేశ్‌కు 3 పాయింట్లు, రాజస్తాన్‌కు ఒక పాయింట్‌ దక్కాయి. త్రిపుర సంచలనం పెద్దగా అంచనాలు లేకుండా బరిలోకి దిగిన త్రిపుర జట్టు రంజీ ట్రోఫీ ఎలైట్‌ గ్రూప్‌ ‘బి’లో సంచలన విజయం నమోదు చేసుకుంది. అగర్తలా వేదికగా జరిగిన పోరులో త్రిపుర 133 పరుగుల తేడాతో మాజీ చాంపియన్‌ సౌరాష్ట్రపై గెలుపొందింది. 342 పరుగుల లక్ష్యఛేదనలో ఓవర్‌నైట్‌ స్కోరు 131/7తో చివరి రోజు రెండో ఇన్నింగ్స్‌ కొనసాగించిన సౌరాష్ట్ర 77.3 ఓవర్లలో 208 పరుగులకు ఆలౌటైంది. సీనియర్‌ బ్యాటర్‌ అర్పిత్‌ వసవాడా (189 బంతుల్లో 89; 9 ఫోర్లు) ఒంటరి పోరాటం చేసినా ఫలితం లేకపోయింది. త్రిపుర బౌలర్లలో సందీప్‌ సర్కార్‌ 4, అభిజిత్‌ సర్కార్‌ మూడు వికెట్లు పడగొట్టారు. గత మూడు మ్యాచ్‌ల్లోనూ పరాజయాలు ఎదుర్కొన్న త్రిపురకు ఈ సీజన్‌లో ఇదే తొలి విజయం కాగా... రెండు ఇన్నింగ్స్‌ల్లోనూ అర్ధశతకాలు చేసిన స్రీదమ్‌ పాల్‌కు ‘ప్లేయర్‌ ఆఫ్‌ ద మ్యాచ్‌’అవార్డు దక్కింది. పృథ్వీ షా కెపె్టన్‌ ఇన్నింగ్స్‌... కోల్‌కతా వేదికగా ఎలైట్‌ గ్రూప్‌ ‘సి’లో భాగంగా జరిగిన పోరులో మహారాష్ట్ర జట్టు విజయం సాధించింది. బౌలర్ల జోరు సాగిన ఈ మ్యాచ్‌లో మహారాష్ట్ర 10 వికెట్ల తేడాతో బెంగాల్‌ను ఓడించింది. ఓవర్‌నైట్‌ స్కోరు 76/4తో ఆఖరి రోజు రెండో ఇన్నింగ్స్‌ కొనసాగించిన బెంగాల్‌ జట్టు చివరకు 54.4 ఓవర్లలో 186 పరుగులకు ఆలౌటైంది. అభిõÙక్‌ పొరెల్‌ (65; 5 ఫోర్లు, 1 సిక్స్‌), సుమంత గుప్తా (59; 5 ఫోర్లు, 1 సిక్స్‌) అర్ధశతకాలతో ఆకట్టుకున్నారు. మహారాష్ట్ర బౌలర్లలో ప్రదీప్‌ దఢే, హితేశ్‌ వాలుంజ్‌ చెరో 4 వికెట్లు పడగొట్టారు. అనంతరం 112 పరుగుల విజయ లక్ష్యంతో రెండో ఇన్నింగ్స్‌ ప్రారంభించిన మహారాష్ట్ర 19.4 ఓవర్లలో వికెట్‌ నష్టపోకుండా 114 పరుగులు చేసింది. కెపె్టన్‌ పృథ్వీ షా (50 బంతుల్లో 53 నాటౌట్‌; 3 ఫోర్లు, 4 సిక్స్‌లు), సచిన్‌ దాస్‌ (68 బంతుల్లో 61 నాటౌట్‌; 10 ఫోర్లు) అజేయ హాఫ్‌సెంచరీలతో జట్టును గెలిపించారు. ఆల్‌రౌండ్‌ ప్రదర్శనతో ఆకట్టుకున్న మహారాష్ట్ర ప్లేయర్‌ తనయ్‌ సాంఘ్వీకి ‘ప్లేయర్‌ ఆఫ్‌ ద మ్యాచ్‌’ అవార్డు దక్కింది. ఈ విజయంతో బోనస్‌ పాయింట్‌ ఖాతాలో వేసుకున్న మహారాష్ట్ర జట్టు 19 పాయింట్లతో గ్రూప్‌లో అగ్రస్థానానికి చేరింది. బెంగాల్‌ (18 పాయింట్లు) రెండో స్థానంలో ఉంది. గుజరాత్‌ ఘనవిజయం అహ్మదాబాద్‌ వేదికగా ఎలైట్‌ గ్రూప్‌ ‘సి’లో భాగంగా జరిగిన మ్యాచ్‌లో గుజరాత్‌ ఘనవిజయం సాధించింది. గురువారం ముగిసిన పోరులో గుజరాత్‌ ఇన్నింగ్స్‌ 64 పరుగుల తేడాతో కేరళను ఓడించింది. ఓవర్‌నైట్‌ స్కోరు 41/1తో చివరి రోజు రెండో ఇన్నింగ్స్‌ కొనసాగించిన కేరళ... చివరకు 88 ఓవర్లలో 191 పరుగులకు ఆలౌటైంది. సచిన్‌ బేబీ (52; 5 ఫోర్లు, 1 సిక్స్‌) టాప్‌ స్కోరర్‌. గుజరాత్‌ బౌలర్లలో అర్జాన్‌ నాగ్‌వస్వల్లా 4 వికెట్లు పడగొట్టాడు. తాజా సీజన్‌లో గుజరాత్‌కు ఇది రెండో విజయం కాగా... కేరళకు వరుసగా రెండో ఓటమి. ఇదే గ్రూప్‌లో భాగంగా సర్వీసెస్, ఢిల్లీ మధ్య జరిగిన మ్యాచ్‌ ‘డ్రా’ అయింది. తొలి ఇన్నింగ్స్‌ ఆధిక్యం సాధించిన ఢిల్లీకి 3 పాయింట్లు, సర్వీసెస్‌కు ఒక పాయింట్‌ దక్కాయి. భువనేశ్వర్‌ వేదికగా జార్ఖండ్, ఒడిశా మధ్య జరిగిన మ్యాచ్‌ ‘డ్రా’గా ముగిసింది. జార్ఖండ్‌కు తొలి ఇన్నింగ్స్‌ ఆధిక్యం కారణంగా 3 పాయింట్లు లభించాయి. ఎలైట్‌ గ్రూప్‌ ‘ఎ’లో భాగంగా కాన్‌పూర్‌లో బరోడా, ఉత్తరప్రదేశ్‌ మధ్య జరిగిన మ్యాచ్‌ ‘డ్రా’ కాగా... పుదుచ్చేరి, జమ్మూకశ్మీర్‌ మ్యాచ్‌ కూడా ‘డ్రా’గా ముగిసింది. ప్లేట్‌ గ్రూప్‌లో భాగంగా షిల్లాంగ్‌లో జరిగిన మ్యాచ్‌లో నాగాలాండ్‌ జట్టు 122 పరుగుల తేడాతో మేఘాలయపై గెలుపొందింది. సిక్కీం 201 పరుగుల తేడాతో మణిపూర్‌పై నెగ్గగా... మిజోరాం ఇన్నింగ్స్‌ 29 పరుగుల తేడాతో అరుణాచల్‌ ప్రదేశ్‌ను ఓడించింది.

వెస్టిండీస్ మాజీ ఆల్‌రౌండర్ కీరన్ పొలార్డ్ మరో కీలక నిర్ణయం తీసుకోనున్నట్లు తెలుస్తోంది. ఇంగ్లండ్‌లో జరిగే 'ది హండ్రెడ్' టోర్నీలో ఎంఐ లండన్ జట్టు ప్రధాన కోచ్ బాధ్యతల నుంచి తప్పుకోనున్నట్లు పలు నివేదికలు వెల్లడించాయి. కొంతకాలం విశ్రాంతి తీసుకోవాలనే ఉద్దేశంతోనే పొలార్డ్ ఈ నిర్ణయం తీసుకున్నట్లు సమాచారం.ఈ ఏడాది జరిగిన 2026 సీజన్‌తో పొలార్డ్ ఎంఐ లండన్ కోచ్‌గా బాధ్యతలు చేపట్టాడు. అతడి పర్యవేక్షణలో సామ్ కరన్ నాయకత్వంలోని జట్టు ఎనిమిది మ్యాచ్‌ల్లో ఐదు విజయాలు సాధించింది. పాయింట్ల పట్టికలో 20 పాయింట్లతో సన్‌రైజర్స్ లీడ్స్‌తో సమంగా నిలిచినా.. నెట్ రన్‌రేట్ తక్కువగా ఉండటంతో ప్లేఆఫ్స్‌కు అర్హత సాధించలేకపోయింది. ఎనిమిది జట్ల పట్టికలో నాలుగో స్థానంతో సరిపెట్టుకుంది.ముంబై ఇండియన్స్ కోచ్‌గా కొత్త బాధ్యతలుమరోవైపు ఐపీఎల్ 2027 సీజన్‌కు ముందు పొలార్డ్‌కు ముంబై ఇండియన్స్ యాజమాన్యం కీలక బాధ్యతలు అప్పగించింది. జట్టు ప్రధాన కోచ్‌గా నియమించింది. గతంలో ముంబై తరఫున ఆటగాడిగా 13 సీజన్లలో 189 మ్యాచ్‌లు ఆడిన పొలార్డ్.. ఐదు టైటిల్ విజయాల్లో భాగమయ్యాడు. గతంలో జట్టు బ్యాటింగ్ కోచ్‌గానూ పనిచేశాడు.ఐపీఎల్ ముగిసిన కొద్దికాలానికే ఇంగ్లండ్‌లో ది హండ్రెడ్ టోర్నీ ప్రారంభమవుతుంది. దీంతో వరుసగా రెండు టోర్నీల బాధ్యతలు నిర్వహించడం కష్టమవుతుందని భావించి పొలార్డ్ ఎంఐ లండన్ కోచ్ పదవి నుంచి తప్పుకోవాలని నిర్ణయించుకున్నట్లు తెలుస్తోంది.పొలార్డ్ స్థానంలో కొత్త కోచ్‌ను నియమించేందుకు సర్రే క్రికెట్ క్లబ్ ప్రకటన విడుదల చేయనున్నట్లు సమాచారం. రిలయన్స్ ఇండస్ట్రీస్‌తో కలిసి సర్రే క్లబ్ ఎంఐ లండన్ ఫ్రాంచైజీని నిర్వహిస్తోంది.ఇదీ చదవండి: మూడో టెస్టుకూ పంత్ దూరం.. ప్రత్యామ్నాయంగా తిలక్ వర్మ..!

టీమిండియా వికెట్ కీపర్ బ్యాటర్ రిషబ్‌ పంత్ మైదానంలోకి తిరిగి రావడానికి మరికొంత సమయం పట్టేలా కనిపిస్తోంది. న్యూజిలాండ్-ఏతో జరుగుతున్న అనధికారిక టెస్టు సిరీస్‌లో తొలి రెండు మ్యాచ్‌లకు దూరమైన పంత్.. మూడో టెస్టులోనూ ఆడటం లేదని ఓ నివేదిక వెల్లడించింది. అతడి స్థానంలో తిలక్ వర్మను ఎంపిక చేసినట్లు సమాచారం.ఇరానీ కప్ సందర్భంగా పక్కటెముకల పక్కన కండరాల గాయానికి గురైన పంత్ ఇంకా పూర్తిస్థాయి ఫిట్‌నెస్ సాధించలేదు. దీంతో అతడికి మరోసారి ఫిట్‌నెస్ పరీక్షలు నిర్వహించాల్సి ఉంది. ప్రస్తుతం బెంగళూరులోని సెంటర్ ఆఫ్ ఎక్సలెన్స్‌లో పంత్ పునరావాస చికిత్స తీసుకుంటున్నాడు.కాగా, ధ్రువ్ జురెల్ నాయకత్వంలోని భారత్-ఏ జట్టు న్యూజిలాండ్‌-ఏతో జరిగిన తొలి రెండు అనధికారిక టెస్టులను డ్రా చేసుకున్న విషయం తెలిసిందే.తిలక్ వర్మకు మంచి రికార్డుతిలక్ వర్మకు ఫస్ట్ క్లాస్ క్రికెట్‌లో మంచి రికార్డు ఉంది. ఇప్పటివరకు 25 మ్యాచ్‌లు ఆడిన అతడు 38 ఇన్నింగ్స్‌ల్లో 57.12 సగటుతో 1,828 పరుగులు చేశాడు. ఇందులో 8 సెంచరీలు, 7 అర్ధసెంచరీలు ఉన్నాయి.జట్టులోకి బుమ్రా, జడేజామరోవైపు టెస్టు సిరీస్‌కు సన్నద్ధమయ్యేందుకు స్టార్ ఆటగాళ్లు జస్ప్రీత్ బుమ్రా, రవీంద్ర జడేజా భారత్-ఏ జట్టుతో చేరారు. లింకన్ వేదికగా జరగనున్న మూడో అనధికారిక టెస్టులో వీరిద్దరూ ఆడనున్నారు. న్యూజిలాండ్ పరిస్థితులకు అలవాటు పడేందుకు ఈ మ్యాచ్ ఉపయోగపడనుంది.ఇదీ చదవండి: భారత్‌-శ్రీలంక తొలి వన్డే వేదిక మార్పు