Telangana

హైదరాబాద్‌: తెలంగాణ విద్యుత్‌ వినియోగదారులపై మరో ఆర్థిక భారం పడనుంది. 2022-23, 2023-24 ఆర్థిక సంవత్సరాలకు సంబంధించిన విద్యుత్‌ కొనుగోలు, ఆదాయ ట్రూ-అప్‌ మొత్తాల్లో రూ.7,635.22 కోట్లను టీజీఎస్‌పీడీసీఎల్‌, టీజీఎన్‌పీడీసీఎల్‌ ద్వారా వసూలు చేసేందుకు తెలంగాణ విద్యుత్‌ నియంత్రణ మండలి (టీజీఈఆర్సీ) మార్గాన్ని ఖరారు చేసింది. ఇందులో వ్యవసాయ రంగానికి సంబంధించిన రూ.2,214.99 కోట్లను రైతుల నుంచి వసూలు చేయకుండా ప్రభుత్వం నుంచి రాబట్టాలని ఆదేశించింది. మిగిలిన రూ.5,420.23 కోట్లను ఇతర అర్హత కలిగిన విద్యుత్‌ కనెక్షన్ల నుంచి వసూలు చేయాలని నిర్ణయించింది.టీజీఈఆర్సీ చైర్మన్‌ డాక్టర్‌ జస్టిస్‌ దేవరాజు నాగార్జున, సభ్యులు రఘు కంచర్ల, చెరుకూరి శ్రీనివాసరావులతో కూడిన కమిషన్‌ సోమవారం ఈ ఉత్తర్వులు జారీ చేసింది. 2026 మార్చి 30న ఇచ్చిన ఉత్తర్వుల్లో వసూలు విధానాన్ని తరువాత నిర్ణయిస్తామని పేర్కొన్న కమిషన్‌.. తాజా ఉత్తర్వులతో ఆ విధానాన్ని ఖరారు చేసింది.రూ.7,635 కోట్ల ట్రూ-అప్‌2022-23 సంవత్సరానికి విద్యుత్‌ కొనుగోలు ట్రూ-అప్‌ కింద రూ.5,186.29 కోట్లు నిర్ణయించారు. ఇందులో టీజీఎస్‌పీడీసీఎల్‌ వాటా రూ.3,329.97 కోట్లు, టీజీఎన్‌పీడీసీఎల్‌ వాటా రూ.1,856.32 కోట్లు. 2023-24 సంవత్సరానికి ఆదాయ ట్రూ-అప్‌ రూ.2,448.93 కోట్లు కాగా.. టీజీఎస్‌పీడీసీఎల్‌కు రూ.2,335.45 కోట్లు, టీజీఎన్‌పీడీసీఎల్‌కు రూ.113.48 కోట్లు ఉన్నాయి. మొత్తంగా రెండు డిస్కంలకు కలిపి రూ.7,635.22 కోట్లుగా తేలింది.రైతులపై భారం లేదువ్యవసాయ రంగానికి సంబంధించి రెండు ఆర్థిక సంవత్సరాల్లో కలిపి రూ.2,214.99 కోట్ల ట్రూ-అప్‌ ఉన్నట్లు కమిషన్‌ గుర్తించింది. ఇందులో టీజీఎస్‌పీడీసీఎల్‌ పరిధిలో రూ.1,442.49 కోట్లు, టీజీఎన్‌పీడీసీఎల్‌ పరిధిలో రూ.772.50 కోట్లు ఉన్నాయి. ఉచిత విద్యుత్‌ విధానాన్ని దృష్టిలో పెట్టుకుని ఈ మొత్తాన్ని రైతుల నుంచి వసూలు చేయకూడదని స్పష్టం చేసింది. బదులుగా ఈ మొత్తాన్ని ప్రభుత్వం నుంచి రాబట్టేందుకు డిస్కంలు చర్యలు చేపట్టాలని ఆదేశించింది.నవంబర్‌ నుంచే వసూళ్లుఇతర కేటగిరీల వినియోగదారుల నుంచి వసూలు చేయాల్సిన రూ.5,420.23 కోట్లలో టీజీఎస్‌పీడీసీఎల్‌ వాటా రూ.4,222.93 కోట్లు, టీజీఎన్‌పీడీసీఎల్‌ వాటా రూ.1,197.30 కోట్లు. ఈ వసూళ్లు 2026 నవంబర్‌లో జారీ చేసే కరెంట్‌ బిల్లుల నుంచే ప్రారంభం కానున్నాయి.మొదటి నెలలో యూనిట్‌కు 30 పైసలు, ఆ తర్వాత నెలల నుంచి యూనిట్‌కు 50 పైసలు చొప్పున ట్రూ-అప్‌ రికవరీ చేయాలని కమిషన్‌ నిర్ణయించింది. వినియోగదారుడి 2022-23, 2023-24 సంవత్సరాల వినియోగాన్ని ఆధారంగా చేసుకుని నెలవారీ బిల్లింగ్‌ పరిమాణాన్ని నిర్ణయిస్తారు.29 నెలలు.. 26 నెలలుటీజీఎస్‌పీడీసీఎల్‌ పరిధిలో 29 బిల్లింగ్‌ నెలలు, టీజీఎన్‌పీడీసీఎల్‌ పరిధిలో 26 బిల్లింగ్‌ నెలల్లో ఈ మొత్తాన్ని రాబట్టేలా కమిషన్‌ వ్యవధిని నిర్దేశించింది. అయితే ఏ వినియోగదారుడి నుంచి అయినా అతని 2022-23, 2023-24 సంవత్సరాల వినియోగానికి సంబంధించిన ట్రూ-అప్‌ మొత్తాన్ని మించి వసూలు చేయరాదని స్పష్టం చేసింది. బిల్లులో ప్రత్యేకంగా చూపాలిట్రూ-అప్‌ ఛార్జీని సాధారణ విద్యుత్‌ బిల్లులో కలిపేయకుండా ప్రత్యేక అంశంగా చూపించాలని టీజీఈఆర్సీ ఆదేశించింది. ఏ ఆర్థిక సంవత్సరానికి సంబంధించిన మొత్తం, ఎంత నెలవారీ వినియోగంపై లెక్కించారో, ఏ రేటును వర్తింపజేశారో బిల్లులో స్పష్టంగా పేర్కొనాలి. ఒక బిల్లింగ్‌ నెలలో రెండు ఆర్థిక సంవత్సరాల రికవరీ ఉంటే.. రెండింటినీ విడివిడిగా చూపాలి.మొదటి ట్రూ-అప్‌ ఛార్జీ బిల్లు జారీకి ముందు టీజీడిస్కంలు తెలుగు, ఇంగ్లిష్‌, ఉర్దూ భాషల్లో ఒక్కో విస్తృత ప్రచారం ఉన్న దినపత్రికలో నోటీసు ఇవ్వాలని కూడా కమిషన్‌ ఆదేశించింది. వసూలు విధానం, రేటు, వ్యవధిని అందులో వివరించాలి.సుప్రీంకోర్టు మార్గదర్శకాల నేపథ్యంలో..ట్రూ-అప్‌ వసూళ్ల నిర్ణయం తీసుకునేటప్పుడు సుప్రీంకోర్టు, ఏపిటీఈఎల్‌ ఇచ్చిన మార్గదర్శకాలను కమిషన్‌ పరిగణనలోకి తీసుకుంది. టారిఫ్‌ సాధ్యమైనంత వరకు వ్యయానికి అనుగుణంగా ఉండాలని, రెగ్యులేటరీ ఆస్తుల భారం పరిమితంగా ఉండాలని, ఇప్పటికే ఉన్న రెగ్యులేటరీ ఆస్తులను గరిష్ఠంగా నాలుగేళ్లలో పరిష్కరించాల్సిన అవసరం ఉందని ఆదేశాలను ఉత్తర్వుల్లో ప్రస్తావించింది.మొత్తానికి.. నవంబర్‌ నుంచి కరెంట్‌ బిల్లుల్లో కొత్త ట్రూ-అప్‌ ఛార్జీ కనిపించనుంది. వ్యవసాయ వినియోగదారులకు మాత్రం ప్రత్యక్ష భారం లేకుండా రూ.2,214.99 కోట్లను ప్రభుత్వం నుంచి రాబట్టే విధానాన్ని కమిషన్‌ ఖరారు చేసింది. మిగిలిన రూ.5,420.23 కోట్ల భారం ఇతర అర్హత కలిగిన వినియోగదారులపై పడనుందిఇదీ చదవండి: సింగరేణి కార్మికులకు గుడ్‌న్యూస్‌

సాక్షి, హైదరాబాద్: సింగరేణి కార్మికులకు కేంద్రమంత్రి కిషన్‌ రెడ్డి గుడ్‌న్యూస్‌ తెలిపారు. ఈ ఏడాది కార్మికులకు రూ. 1,10,250 చొప్పున బోనస్‌ ఇస్తున్నట్లు ప్రకటించారు. సింగరేణి తెలంగాణకు కొంగుబంగారమని బొగ్గు ఉత్పత్తి పెంచేందుకు సరైన ప్రణాళికలు రూపొందించాలని తెలిపారు. కార్మికుల సంక్షేమం, ఉద్యోగ భద్రతకు తగిన ప్రాధాన్యం ఇస్తున్నట్లు కేంద్రమంత్రి పేర్కొన్నారు.ఇదీ చదవండి: ఏసీబీకి చిక్కిన అధికారిణి

సాక్షి, హైదరాబాద్‌: ఏసీబీ వలలో మరో అవినీతి అధికారిణి చిక్కింది. రూ. 4 లక్షలు లంచం తీసుకుంటూ మోహదీపట్నం టౌన్‌ ప్లానింగ్ అధికారిణి టి.సునీత పట్టుబడింది. దీంతో పోలీసులు కేసు నమోదు చేశారు. మోహదీపట్నం జీహెచ్‌ఎంసీ ఆఫీసులో జరిగిన సోదాలలో సునీత ఏసీబీకి పట్టుబడింది.ఇదీ చదవండి: ఏసీబీ వలలో డీఎంహెచ్‌ఓ

సాక్షి,హైదరాబాద్‌: ఖైరతాబాద్‌ రాజకీయాల్లో పరిణామాలు వేగంగా మారుతున్నాయి. ఎమ్మెల్యే పదవిపై అనర్హత వేటు, విజయారెడ్డి ఎన్నికల పిటిషన్‌, ఉపఎన్నికల చర్చల నేపథ్యంలో దానం నాగేందర్ తాజాగా స్పందించారు.అఫిడవిట్ అంశం కారణంగా నేను డిస్‌క్వాలిఫై కాలేదు. మరో పార్టీ తరఫున పోటీ చేయడం వల్లే అనర్హత వేటు పడింది. ఇలాంటి పరిణామాలు వస్తాయని నాకు ముందే తెలుసు. పార్టీ నిర్ణయం మేరకే పోరాటం చేశా. విజయారెడ్డి వేసిన పిటిషన్‌పై గతంలోనే కోర్టులో అఫిడవిట్ దాఖలు చేసినట్లు గుర్తు చేశారు. గతంలో జరిగిన అసెంబ్లీ ఎన్నికల్లో ఖైరతాబాద్‌ నుంచి బీఆర్‌ఎస్‌ తరఫున గెలుపొందిన దానం నాగేందర్, ఆ తర్వాత మారిన రాజకీయ పరిణామాల నేపథ్యంలో వేరే పార్టీ తరఫున పోటీ చేయడం తదితర పరిణామాలతో ఆయనపై అనర్హత వేటు పడింది. ఈ క్రమంలోనే ఖైరతాబాద్‌ స్థానం ఖాళీ అయినట్లు అసెంబ్లీ సెక్రటేరియట్ గెజిట్ నోటిఫికేషన్ విడుదల చేసింది.మరోవైపు, ఎన్నికల సమయంలో దానం నాగేందర్ అఫిడవిట్‌లో సరైన సమాచారం ఇవ్వలేదంటూ విజయారెడ్డి గతంలోనే హైకోర్టులో ఎన్నికల పిటిషన్ దాఖలు చేశారు. దానం ఎన్నిక రద్దయితే తనను ఖైరతాబాద్‌ ఎమ్మెల్యేగా ప్రకటించాలని ఆమె కోరుతున్నారు.ఈ పిటిషన్‌పై తీర్పు వచ్చే వరకు ఉపఎన్నిక నిర్వహించ వద్దని కోర్టును ఆశ్రయించారు. దీనిపై రాజకీయంగా ఎంతో ఉత్కంఠ నెలకొన్న వేళ.. దానం నాగేందర్ చేసిన తాజా వ్యాఖ్యలు ఆసక్తికరంగా మారాయి.ఇదీ చదవండి : మరోసారి దానం నాగేందర్‌ సంచలన వ్యాఖ్యలు

హైదరాబాద్: హెచ్‌ఐవీ/ఎయిడ్స్‌పై అవగాహన పెంచడంతో పాటు వ్యాధి నివారణ, ముందస్తు పరీక్షలు, సామాజిక బాధ్యతపై విద్యార్థుల్లో చైతన్యం కల్పించేందుకు కిమ్స్‌ కాలేజ్‌ ఆఫ్‌ నర్సింగ్‌, రెడ్‌ రిబ్బన్‌ క్లబ్‌ అవగాహన కార్యక్రమాన్ని నిర్వహించారు. కిమ్స్‌ ఆసుపత్రి సికింద్రాబాద్‌ 15వ అంతస్తులోని ఆడిటోరియంలో జాతీయ సేవా పథకం (ఎన్‌ఎస్‌ఎస్‌) విభాగం ఆధ్వర్యంలో తెలంగాణ స్టేట్‌ ఎయిడ్స్‌ కంట్రోల్‌ సొసైటీ (టీజీఎస్‌ఏసీఎస్‌) సహకారంతో ఈ కార్యక్రమం జరిగింది.ఈ కార్యక్రమానికి ముఖ్య అతిథిగా హాజరైన టీజీఎస్‌ఏసీఎస్‌ ప్రాజెక్ట్‌ డైరెక్టర్‌ డా. కె. విద్యాసాగర్‌ మాట్లాడుతూ హెచ్‌ఐవీ/ఎయిడ్స్‌పై అవగాహన కల్పించాల్సిన అవసరం ఎంతైన ఉందన్నారు. తెలంగాణతో పాటు దేశంలో హెచ్‌ఐవీ పరిస్థితి, గణాంకాలు, వ్యాధి నివారణకు తీసుకోవాల్సిన జాగ్రత్తలు, ముందస్తుగా వ్యాధిని గుర్తించడం వల్ల కలిగే ప్రయోజనాలను వివరించారు. హెచ్‌ఐవీతో జీవిస్తున్న వ్యక్తుల పట్ల వివక్ష, అపోహలను తొలగించాల్సిన అవసరాన్ని వివరించారు. ప్రజల్లో అవగాహన కల్పించడంలో నర్సింగ్‌ విద్యార్థులు పీర్‌ ఎడ్యుకేటర్లుగా కీలక పాత్ర పోషించాలని సూచించారు.కార్యక్రమంలో గౌరవ అతిథిగా పాల్గొన్న కిమ్స్‌ హాస్పిటల్స్‌ డైరెక్టర్‌ ఆఫ్‌ మెడికల్‌ ఎడ్యుకేషన్‌ (అకడమిక్స్‌) డా. ఎస్‌. మణిమాలారావు మాట్లాడుతూ హెచ్‌ఐవీతో జీవిస్తున్న వారికి సేవలందించేటప్పుడు నర్సింగ్‌ విద్యార్థులు మానవతా దృక్పథం, వృత్తి నైపుణ్యం, నైతిక విలువలను పాటించాలని సూచించారు. ఆరోగ్య అవగాహన, వ్యాధి నివారణ, కౌన్సెలింగ్‌, రోగుల హక్కుల పరిరక్షణలో నర్సుల పాత్ర ఎంతో కీలకమని తెలిపారు.ఈ సందర్భంగా నర్సింగ్‌ విద్యార్థులు వివిధ అవగాహన కార్యక్రమాలను నిర్వహించారు. పోస్టర్‌ ప్రదర్శనలు, స్కిట్‌, క్విజ్‌ పోటీల ద్వారా హెచ్‌ఐవీ నివారణ, అవగాహన, సామాజిక బాధ్యతకు సంబంధించిన ముఖ్య సందేశాలను ప్రజలకు చేరేలా వివరించారు.కార్యక్రమంలో కిమ్స్‌ కాలేజ్‌ ఆఫ్‌ నర్సింగ్‌ ప్రిన్సిపాల్‌, వైస్‌ ప్రిన్సిపాల్‌, అధ్యాపకులు, టీజీఎస్‌ఏసీఎస్‌ ప్రతినిధులు, ఎన్‌ఎస్‌ఎస్‌ వాలంటీర్లు, నర్సింగ్‌ విద్యార్థులు పాల్గొన్నారు. విద్యార్థుల ఉత్సాహభరితమైన భాగస్వామ్యంతో కార్యక్రమం విజయవంతంగా ముగిసింది.హెచ్‌ఐవీ/ఎయిడ్స్‌ నివారణలో అవగాహన, అపోహల తొలగింపు, వివక్షకు తావులేని మానవతా దృక్పథం ఎంతో అవసరమని కార్యక్రమంలో వక్తలు పేర్కొన్నారు. భవిష్యత్‌ నర్సులు ఆరోగ్య అవగాహన రాయబారులుగా సమాజంలో కీలక పాత్ర పోషించాలని పిలుపునిచ్చారు.

సాక్షి, రంగారెడ్డి: జిల్లాలో ఓ అవినీతి అధికారిణి ఏసీబీ వలకు చిక్కింది. జిల్లా డీఎంహెచ్‌ఓ స్వర్ణకుమారి రూ. లక్ష లంచం తీసుకుంటుండగా అధికారులు రెడ్‌ హ్యాండెడ్‌గా పట్టుకున్నారు. దీంతో వివరాలు తెలుసుకున్న అధికారులు కేసు నమోదు చేశారు. ఇదీ చదవండి: రెండేళ్ల పసికందుపై కసాయి తండ్రి దారుణం

హైదరాబాద్‌: తెలంగాణ రాష్ట్రంలో ఎస్‌ఐర్‌(ఓటర్ల జాబితా ప్రత్యేక సమగ్ర సవరణ) అంశానికి సంబంధించి చీఫ్ ఎలక్టోరల్ ఆఫీసర్(సీఈవో) సుదర్శన్ రెడ్డి హెచ్చరికలు జారీ చేశారు. ఫారం-6, 6A, 7, 8లో తప్పుడు ప్రకటనలు చేస్తే చర్యలు తప్పవంటూ హెచ్చరించారు. ప్రధానంగా ఫారం-7లో బల్క్‌ దరఖాస్తుల అంశానికి సంబంధింది ఎన్నికల కమిషన్‌ దృష్టి పెట్టినట్లు ఆయన పేర్కొన్నారు. ఆ దరఖాస్తులు నిజమైనవి కావంటూ ఆరోపణలు ఉన్నాయని, తప్పుడు సమాచారం ఇచ్చిన వారిపై చర్యలు తప్పవన్నారు. తప్పుడు ప్రకటనలపై RP Act, 1950లోని సెక్షన్ 31 ప్రకారం చర్యలు తీసుకుంటామన్నారు. ఈ మేరకు జీహెచ్‌ఎంసీ కమిషనర్, హైదరాబాద్‌ డీఈఓతో పాటు అన్ని జిల్లాల కలెక్టర్లు, డీఈఓలకు ఆదేశాలు జారీ చేశారు. చర్యలకు ముందు రూల్-20 ప్రకారం విచారణ తప్పనిసరిగా ఉండాలని సీఈఓ సూచించారు. బల్క్‌ దరఖాస్తులు అంటే ఏమిటి..?సాధారణంగా ఒక వ్యక్తి తనకు తెలిసిన ఒకరిద్దరి ఓట్లపై (మరణించినా లేదా ఇల్లు మారినా) స్వయంగా ఫిర్యాదు చేస్తారు. కానీ రాజకీయ లబ్ధి కోసమో లేదా ఇతర వ్యూహాలతోనో కొన్ని సంస్థలు లేదా వ్యక్తులు ఒక నిర్దిష్ట ప్రాంతంలో (ఉదాహరణకు ఒక నియోజకవర్గం లేదా బూత్ పరిధిలో) పెద్ద మొత్తంలో ఓట్లను తొలగించాలని ఇలాంటి బల్క్ దరఖాస్తులు ఇస్తుంటారు. ఇప్పుడు దీనిపై తెలంగాణ రాష్ట్ర ఎన్నికల కమిషన్‌ దృష్టి సారించింది. కాగా, తెలంగాణలో ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌) గడువును పొడిగించిన సంగతి తెలిసిందే. అభ్యంతరాలను స్వీకరించే గడువు గత షెడ్యూల్‌ ప్రకారం గత నెల సెప్టెంబరు 16 వరకు ఉంది. అయితే, దీన్ని ఇప్పుడు అక్టోబరు 7 వరకు పొడిగించారు. తుది జాబితాను గత షెడ్యూల్‌ ప్రకారం.. అక్టోబరు 19న ప్రకటించాల్సి ఉండగా, రివైజ్డ్‌ షెడ్యూల్‌ ప్రకారం ఇప్పుడు నవంబరు 9న ప్రకటిస్తారు. ఇదీ చదవండి: తెలంగాణ సెక్రటేరియెట్‌లో మంచి నీటి కష్టాలు?

సాక్షి, ములుగు: ప్రఖ్యాత దేవాలయం రామప్పకు సమీపంలో ఓపెన్‌ కాస్ట్‌ గని ఏర్పాటు చేయడంపై బీఆర్ఎస్‌ వర్కింగ్‌ ప్రెసిడెంట్‌ కేటీఆర్‌ ఆగ్రహం వ్యక్తం చేశారు. ఆలయం పరిసరాల్లో బొగ్గుగని ప్రతిపాదన వెంటనే వెనక్కు తీసుకోవాలన్నారు. లేకపోతే రామప్ప వారసత్వ సంపదకు ముప్పుు వాటిల్లే అవకాశం ఉందన్నారు. ఒకవేళ ప్రభుత్వం ఈ మాటలు పట్టించుకోకుండా ఆలయానికి హాని చేసే ప్రయత్నాలు చేస్తే పెద్దఎత్తున ఉద్యమం చేపడతామని కేటీఆర్‌ ప్రభుత్వానికి హెచ్చరికలు జారీ చేశారు.కాగా ములుగు జిల్లా, వెంకటాపూర్ గ్రామ పరిధిలో ఓపెన్ కాస్ట్ఏర్పాటు చేయడానికి సింగరేణి సంస్థ ప్రణాళికలు సిద్ధం చేసింది. ఈ గని ద్వారా దాదాపు 300 మీటర్ల లోతు వరకు తవ్వకాలు జరపాలని నిర్ణయించారు. దీనివల్ల రామప్ప దేవాలయం ప్రత్యేకమైన 'శాండ్‌బాక్స్' (ఇసుక) ఫౌండేషన్‌కు, రామప్ప చెరువు నీటి నిల్వలకు తీవ్ర ముప్పు వాటిల్లుతుందని నిపుణులు, కాకతీయ హెరిటేజ్ ట్రస్ట్ (KHT) ఆందోళన వ్యక్తం చేస్తున్నాయి.సుమారు 5 కిలోమీటర్ల దిగువన ఉండే ఈ మైనింగ్ కారణంగా భూగర్భ జలాల ప్రవాహం మారి, చెరువు నుంచి నీరు కారే ప్రమాదం ఉందని జియోలాజికల్ సర్వే ఆఫ్ ఇండియా (GSI) నివేదికలు హెచ్చరించాయి. ఈ ప్రాజెక్ట్‌ను నిలిపివేయాలని కోరుతూ కాకతీయ హెరిటేజ్ ట్రస్ట్ సభ్యులు కేంద్ర బొగ్గు, గనుల శాఖ మంత్రి జి. కిషన్‌రెడ్డిని కలిసి వినతిపత్రం అందజేశారు. అలాగే స్థానిక గ్రామాల ప్రజలతో కలిసి పెద్ద ఎత్తున ఆందోళనలకు సన్నాహాలు చేస్తున్నారు. ఈ నేపథ్యంలో దీనిపై కేటీఆర్‌ స్పందించారు. ఇదీ చదవండి: స్పెయిన్‌ ప్రధాని సంచలన నిర్ణయం!

ఖమ్మం: భర్త, కుమార్తె మృతి చెందగా.. కుమారుడైనా బతుకుతాడని భావించిన తల్లి ఆశలు కూడా నెరవేరలేదు. ఆస్పత్రిలో 18రోజుల పాటు చికిత్స చేయించినా ఫలితం దక్కగా బాలుడు మృతి చెందాడు. నేలకొండపల్లి మండలం అప్పలనరసింహాపురం గ్రామానికి చెందిన పుసులూరి శ్రీనివాస్‌ (44) గతనెల 16న అప్పుల బాధ తట్టుకోలేక కుమార్తె లాస్య(14), కుమారుడు నిఖిల్‌(11)ను ఏపీలోని ఎన్‌టీఆర్‌ జిల్లా గండ్రాయిలోని పొలం వద్దకు తీసుకెళ్లి కలుపు మందు తాగడమే కాక పిల్లలకు తాగించాడు. అదేరోజు శ్రీనివాస్, లాస్య మృతి చెందగా నిఖిల్‌కు హైదరాబాద్‌లో చికిత్స చేయిస్తున్నారు. రెండు రోజుల క్రితం పరిస్థితి విషమంగా మారడంతో ఖమ్మంలోని ప్రైవేట్‌ ఆస్పత్రికి తీసుకొచి్చన ఫలితం దక్కగా ఆదివారం మృతి చెందాడు. భర్త, కుమార్తె మృతి ఆవేదన తీరకముందే కుమారుడు కన్నుమూయడంతో శ్రీనివాస్‌ భార్య, ఆయన తల్లిదండ్రులను ఓద్చారడం ఎవరి వల్లా కాలేదు. ఈమేరకు బాలుడి అంత్యక్రియలను స్వగ్రామంలో పూర్తిచేశారు.నేనొస్తా అంటివిగా కొడుకా...తండ్రి, కూతురు కన్నుమూశాక హైదరాబాద్‌లో చికిత్స పొందుతున్న నిఖిల్‌తో వీడియో కాల్‌ చేయించారు. అప్పుడు బాలుడు ‘నాకేం కాలేదు.. బాగానే ఉన్నా.. త్వరగా ఇంటికి వస్తా’అని చెప్పాడు. కానీ ఇప్పుడు మృతి చెందడంతో ఆయన మృతదేహం వద్ద తల్లి, కుటుంబ సభ్యులు ‘నేనొస్తా అంటివి కదా కొడుకా’అంటూ రోదించడం స్థానికులను కంటతడి పెట్టించింది. ఇదీ చదవండి: తెలంగాణ సెక్రటేరియెట్‌లో మంచి నీటి కష్టాలు?

మరి మనమూ గెలిచాం కదా!

సాక్షి, హైదరాబాద్‌: తెలంగాణ సచివాలయంలో ఉద్యోగులకు కొన్ని రోజులుగా మంచి నీటి కష్టాలు తప్పడం లేదు. సెక్రటేరియెట్‌లో ఉద్యోగులు, సిబ్బందికి తాగునీటిని సరఫరా చేసే ఏజెన్సీలు నీటి సరఫరాను నిలిపివేయడంతో ఇబ్బందులు ఎదురవుతున్నాయి. భారీగా బిల్లులు పెండింగ్‌లో ఉండటంతోనే ఏజెన్సీలు సరఫరా ఆపినట్లు తెలుస్తోంది.సెక్రటేరియెట్‌లో తాగునీటి సరఫరా కోసం నాలుగు ఏజెన్సీలు పనిచేస్తున్నాయి. అయితే ఆయా ఏజెన్సీలకు చెల్లించాల్సిన బిల్లులు పెద్ద మొత్తంలో (రూ.50 లక్షలు)పెండింగ్‌లో ఉండటంతో నీటి సరఫరాపై ప్రభావం పడింది. ఒక్కో డిపార్ట్‌మెంట్‌ నుంచి లక్షల్లో బిల్లులు పెండింగ్‌లో ఉండిపోయాయట. ఇలా బకాయిలు చెల్లించకపోవడంతో కొన్ని ఏజెన్సీలు ఇప్పటికే సరఫరాను నిలిపివేశాయి.దీనికి తోడు సెక్రటేరియెట్‌లోని మంచి నీటి ఫిల్డర్లు పని చేయడం ఆగిపోయాయి. దీంతో ఉద్యోగులు బయట నుంచి నీటిని తెచ్చుకోవాల్సిన పరిస్థితి ఏర్పడింది. కొన్ని రోజులుగా నీటి సమస్య కొనసాగుతుండటంతో ఉద్యోగులు ఇబ్బందులు పడుతున్నారు. చివరకు ఉద్యోగులు తమ ఇళ్ల నుంచే తాగునీటి బాటిళ్లు తెచ్చుకోవాలని అధికారులు సూచించినట్లు సమాచారం. ఈ వ్యవహారంపై సెక్రటేరియట్‌ అధికారులు స్పందించాల్సి ఉంది.మరోవైపు.. సెక్రటేరియెట్‌లో ఉద్యోగులకు అందించే మధ్యాహ్న భోజనం విషయంలోనూ ఇప్పటికే ఇబ్బందులు ఎదురవుతున్నాయి. పెండింగ్‌ బిల్లులు, ఇతర సమస్యల నేపథ్యంలో లంచ్‌ బంద్‌ చేసేశారు. ఇప్పుడు తాగునీటి సరఫరా కూడా నిలిచిపోవడంతో ఉద్యోగుల్లో అసంతృప్తి వ్యక్తమవుతోంది.భారీ స్థాయిలో బిల్లులు పెండింగ్‌లో ఉండటంతోనే ఈ పరిస్థితి తలెత్తిందన్న చర్చ సెక్రటేరియెట్‌లో జరుగుతోంది.బకాయిలు ఎప్పుడు చెల్లిస్తారు? నీటి సరఫరా ఎప్పటిలోగా పూర్తిస్థాయిలో పునరుద్ధరిస్తారన్నది ఇప్పుడు ప్రశ్నగా మారింది. ఉన్నతాధికారులు ఈ సమస్యపై వెంటనే దృష్టి సారించి పరిష్కరించాలని ఉద్యోగులు కోరుతున్నారు. దీనిపై అధికారుల నుంచి స్పందన రావాల్సి ఉంది.

సాక్షి, హైదరాబాద్‌: పేదల సొంతింటి కలను నిజం చేసే లక్ష్యంతో ప్రభుత్వం చేపట్టిన ఇందిరమ్మ ఎల్‌ఐజీ గృహాల పథకానికి ఎంపికైన లబ్ధిదారుల నుంచి ఆదిలోనే ఊహించని షాక్‌ తగులుతోంది. రూ.5 లక్షల మేర సబ్సిడీని భరించి కేవలం రూ.6 లక్షలు లబ్ధిదారుడి వాటాకు అందించడానికి సిద్ధమైంది. అర్హత సాధించిన వారిలో లక్కీ డ్రా ద్వారా లబ్ధిదారులను ఎంపిక చేసి తాత్కాలిక కేటాయింపు ప్రతం జారీ చేసింది. మొదటి విడుత కింద రూ. లక్ష చెల్లించాలని వారం రోజులు గడువు విధించినప్పటికీ అందులో 59.46 శాతం మాత్రమే చెల్లించారు. దీంతో చేసేదేమీలేక మొదటి విడత చెల్లింపునకు హౌసింగ్‌ శాఖ చివరి అవకాశం కల్పించింది. ఈ నెల 9 వరకు గడువు పొడిగించినట్లు హౌసింగ్‌ బోర్డు వైస్‌ చైర్మన్‌ ఎండీ వీపీ గౌతమ్‌ ఆదివారం ఒక ప్రకటన తెలిపారు. గడువులోగా చెల్లించని పక్షంలో సంబంధిత లబి్ధదారు పేరున జారీ చేసిన ప్రొవిజనల్‌ కేటాయింపును రద్దు చేస్తామని వెల్లడించారు. రద్దు కారణంగా ఖాళీ అయ్యే ఫ్లాట్లను వెయిటింగ్‌ లిస్టులోని ఇతర అర్హులైన దరఖాస్తుదారులకు కేటాయించేందుకు పరిశీలిస్తామని పేర్కొన్నారు.

సాక్షి, హైదరాబాద్‌: తెలంగాణ వ్యాప్తంగా బార్‌అండ్‌ రెస్టారెంట్లను సోమవారం మూసివేయనున్నట్టు రాష్ట్ర బార్‌ అండ్‌ రెస్టారెంట్స్‌ అసోసియేషన్‌ ప్రకటించింది. రాష్ట్ర ప్రభుత్వం తమపై అనుసరిస్తున్న వైఖరికి నిరసనగా సోమవారం బార్ల బంద్‌కు పిలుపునిస్తున్నామని తెలిపింది. అవసరమైతే నిరవధిక బంద్‌కు కూడా వెనుకాడేది లేదని స్పష్టం చేసింది. ఇప్పటికే రూ.4 లక్షల మేరకు లైసెన్సు ఫీజు పెంచిన ప్రభుత్వం మళ్లీ ప్రివిలేజ్‌ ఫీజు పేరుతో 10 శాతం అదనంగా వసూలు చేయాలని నిర్ణయించిందని పేర్కొంది. ఈ నిర్ణయాన్ని వెంటనే ఉపసంహరించుకోవాలనే డిమాండ్‌తో బంద్‌ నిర్వహిస్తున్నామని వెల్లడించింది. ఇప్పటికే నష్టాల్లో నడుస్తున్న బార్లపై ప్రివిలేజ్‌ ఫీజు నిర్ణయం అదనపు భారం మోపనుందని అసోసియేషన్‌ అధ్యక్షుడు దామోదర్‌గౌడ్‌ తెలిపారు. ఈ విషయంలో ప్రభుత్వ పెద్దలను కలిసి విన్నవించినా ఫలితం లేనందునే ఆందోళనకు దిగాలని నిర్ణయించామని చెప్పారు. ఇదీ చదవండి: అమెరికాలో రోడ్డు ప్రమాదం..

హైదరాబాద్‌ : ఖైరతాబాద్‌ ఎమ్మెల్యే దానం నాగేందర్‌ ఎమ్మెల్యే ఎన్నిక రద్దయినట్లు కోర్టులు తీర్పులు వెలువడించిన నేపథ్యంలో ఖైరతాబాద్‌ నియోజక వర్గంలో పొలిటికల్‌ హీట్‌ రాజుకుంది. ఆదివారం బంజారాహిల్స్‌లోని బంజారా ఫంక్షన్‌ హాల్‌లో ఖైరతాబాద్‌ సీనియర్‌నేత, భాగ్యనగర్‌ ఉత్సవ సమితి కార్యదర్శి పల్లపు గోవర్ధన్‌ నిర్వహించిన భారీ ఆత్మీయ సమ్మేళనం కార్యక్రమం అన్ని పార్టీల నేతలను ఆకర్షించింది.సుమారు 2 వేలమందికిపైగా వివిధ పార్టీలకు చెందిన నేతలు, కార్యకర్తలు, మహిళలు, యువత పెద్ద సంఖ్యలో ఈ కార్యక్రమంలో పాల్గొన్నారు. ఈ సందర్భంగా వారిని ఉద్దేశించి పల్లపు గోవర్ధన్‌ మాట్లాడుతూ ఖైరతాబాద్‌ నియోజక వర్గం అభివృద్ధిలో వెనుకబడిందని బస్తీలను ఏ మాత్రం పట్టించుకోవడం లేదని ఎంతో మంది ఉద్దండులు ఈ నియోజక వర్గాన్ని పాలించినప్పటికీ కనీసం మెటర్నిటి ఆస్పత్రి, జూనియర్‌ కాలేజీ కూడా కట్టలేదని మండిపడ్డారు.హైందవ శక్తులను ఒక్కతాటిపైకి తీసుకురావడంతో పాటు సమస్యల పరిష్కారానికై తన కార్యచరణ ప్రణాళిక ఉండబోతుందని తెలిపారు. త్వరలోనే నియోజక వర్గంలోని ముఖ్య నేతలు, కార్యకర్తలు, తన అభిమానులతో ప్రత్యేక సమావేశం నిర్వహించి రాజకీయంగా తన అడుగులు ఎటువైపు ఉండబోతున్నాయో చెప్తానని వెల్లడించారు.

సాక్షి, హైదరాబాద్‌: రాష్ట్రంలో బీజేపీని మరింత బలోపేతం చేయడంపై పార్టీ అధిష్టానం దృష్టి సారించింది. రాష్ట్ర రాజకీయాల్లో చోటుచేసుకుంటున్న తాజా పరిణామాలతోపాటు రానున్న ఎన్నికలను దృష్టిలో పెట్టుకొని పార్టీ సంస్థాగతంగా మరింత పటిష్టం కావాల్సిన అవసరాన్ని గుర్తించిన అధిష్టానం.. రాష్ట్ర వ్యవహారాల ఇన్‌చార్జ్‌గా సునీల్‌బన్సల్‌కు ఆ బాధ్యతలు అప్పగించింది. సహ ఇన్‌చార్జ్‌లుగా అభయ్‌ పాటిల్, రేఖాశర్మను నియమించింది. వీరు వచ్చిరాగానే తమ వ్యూహరచనను అమలు చేసేలా ప్రణాళికలు సిద్ధం చేసే పనిలో పడ్డారు.వారితోపాటు సంస్థాగత కార్యదర్శి మధుకర్, సంయుక్త కార్యదర్శి దశరథ్‌ కూడా రంగంలోకి దిగనున్నట్టు సమాచారం. రాష్ట్ర కార్యాలయంలో సోమవారం నిర్వహించే బీజేపీ రాష్ట్ర పదాధికారుల సమావేశంలో కీలక నిర్ణయాలు తీసుకునే అవకాశాలున్నాయి. పార్టీ రాష్ట్ర అధ్యక్షుడు రాంచందర్‌రావు అధ్యక్షతన జరిగే ఈ మీటింగ్‌లో మధుకర్, దశరథ్, అభయ్‌పాటిల్‌ ఉంటారు. బీజేపీ రాష్ట్ర పదాధికారులు, జిల్లా అధ్యక్షులు, ఇన్‌చార్జ్‌లతో సమావేశమవుతారు. ఎమ్మెల్సీ ఎన్నికలు, సేవా సంకల్ప్‌ అభియాన్, పార్టీ సంస్థాగత, తాజా రాజకీయ పరిణామాలపై చర్చించే అవకాశాలున్నట్టు తెలుస్తోంది. శ్రేణులతో సమన్వయం చేసుకుంటూ క్షేత్రస్థాయిలో బీజేపీ బలాన్ని పెంచేలా ఈ సమావేశంలో కార్యాచరణ రూపొందించనున్నట్టు సమాచారం. ఖైరతాబాద్‌ ఉపపోరుపై .. వచ్చే ఏడాది ఉమ్మడి వరంగల్‌–ఖమ్మం–నల్లగొండ, ఉమ్మడి రంగారెడ్డి–హైదరాబాద్‌–మహబూబ్‌నగర్‌ పట్టభద్రుల ఎమ్మెల్సీ స్థానాలకు ఎన్నికలు జరగనున్నాయి. ఈ రెండు పట్టభద్రుల ఎమ్మెల్సీ ఎన్నికలను బీజేపీ ప్రతిష్టాత్మకంగా తీసుకుంది. రెండు స్థానాలను కైవసం చేసుకునేలా ఇప్పటి నుంచే ప్రణాళికలు రచిస్తున్నారు. పట్టభద్ర ఓటర్ల నమోదు నుంచి ప్రచారం, అభ్యర్థుల ఎంపిక, నియోజకవర్గాల వారీగా పార్టీ యంత్రాంగాన్ని సమన్వయం చేయడం వరకు సమగ్ర కార్యాచరణ రూపొందించే అవకాశముంది. ఎమ్మెల్యే దానం నాగేందర్‌పై అనర్హత వేటు పడటంతో ఖైరతాబాద్‌ అసెంబ్లీ నియోజకవర్గానికి ఉపఎన్నిక అనివార్యంగా మారింది. దీంతో ఖైరతాబాద్‌ను కూడా బీజేపీ నాయకత్వం కీలక రాజకీయ అవకాశంగా చూస్తున్నట్టు తెలుస్తోంది. ఉప ఎన్నిక ఎప్పుడు జరిగినా పార్టీ శ్రేణులు పూర్తిస్థాయిలో సిద్ధంగా ఉండేలా ఇప్పటి నుంచే వ్యూహ రచన చేస్తున్నారు. స్థానికంగా పార్టీ బలాబలాలు, సామాజిక సమీకరణాలు, గత ఎన్నికల ఫలితాలు, ప్రత్యర్థి పార్టీల పరిస్థితిపై సమగ్రంగా అధ్యయనం చేసి అభ్యర్థి ఎంపిక నుంచి ప్రచార వ్యూహం వరకు కార్యాచరణ రూపొందించనున్నట్టు సమాచారం.వచ్చే సాధారణ ఎన్నికలే లక్ష్యంగా.. తెలంగాణలో బీజేపీలో ఇన్నాళ్లుగా సంస్థాగతంగా ఎదురవుతున్న సమస్యలను చక్కదిద్దడంపైనా ప్రత్యేక దృష్టి పెట్టనున్నట్టు తెలుస్తోంది. జిల్లాలు, నియోజకవర్గాల స్థాయిలో నాయకుల మధ్య సమన్వయం, పార్టీ కార్యక్రమాల అమలు, కీలక పదవుల భర్తీ, అసంతృప్తి నేతలను సమన్వయం చేయడం వంటి అంశాలను అధిష్టానం పరిశీలించనున్నట్టు సమాచారం. పార్టీ బలోపేతానికి అడ్డుగా మారుతున్న అంశాలను గుర్తించి వాటికి పరిష్కారం చూపే దిశగా ఇన్‌చార్జ్‌ల కార్యాచరణ ఉంటుందని పార్టీ వర్గాలు చెబుతున్నాయి. వచ్చే సాధారణ ఎన్నికలను దృష్టిలో పెట్టుకొని పార్టీ యంత్రాంగాన్ని ఇప్పటి నుంచే ఎన్నికల మోడ్‌లోకి తీసుకెళ్లేలా నాయకత్వం దిశానిర్దేశం చేయనున్నట్టు తెలుస్తోంది. మొత్తంగా.. తెలంగాణలో బీజేపీని కేవలం ఎన్నికల సమయంలో మాత్రమే కాకుండా నిరంతరం ప్రజల్లో ఉండే రాజకీయ శక్తిగా తీర్చిదిద్దడమే లక్ష్యంగా అధిష్టానం కార్యాచరణకు సిద్ధమవుతున్నట్లు పార్టీ వర్గాల్లో చర్చ జరుగుతోంది.

సాక్షి, హైదరాబాద్‌: జిల్లా కాంగ్రెస్‌ అధ్యక్షులకు అధికారిక ప్రొటోకాల్‌ లభించే దిశగా అడుగులు పడుతున్నాయి. వారిని ఇందిరమ్మ కమిటీలకు జిల్లా చైర్మన్లుగా నియమించే యోచనలో ప్రభుత్వ పెద్దలున్నట్టు తెలుస్తోంది. ఇందిరమ్మ ఇళ్ల నిర్మాణ కార్యక్రమంలో భాగంగా లబ్ధిదారుల ఎంపికతో సహా అనేక దశల్లో ఎదురయ్యే సమస్యలను పరిష్కరించేందుకు గాను అసెంబ్లీ నియోజకవర్గాల స్థాయిలో ఇందిరమ్మ కమిటీలు ఏర్పాటైన సంగతి తెలిసిందే. ఈ కమిటీలకు ఎమ్మెల్యేలు చైర్మన్లుగా వ్యవహరిస్తున్నారు.తాజాగా ఈ కమిటీలను జిల్లా స్థాయికి విస్తరించి డీసీసీ అధ్యక్షులను వాటికి చైర్మన్లుగా ప్రకటించేందుకు రంగం సిద్ధమవుతోంది. ఇక ఈ కమిటీల్లో.. ఆయా జిల్లాల్లోని ఎమ్మెల్యేలు, ఎమ్మెల్సీలు, ఎంపీలను సభ్యులుగా నియమించున్నారు. జిల్లా స్థాయిలో ఇందిరమ్మ ఇళ్ల నిర్మాణ కార్యక్రమాన్ని పర్యవేక్షించనున్న ఈ కమిటీల ఏర్పాటుకు సంబంధించిన ఫైలు డిప్యూటీ సీఎం భట్టి విక్రమార్క వద్ద పరిశీలనలో ఉందని, త్వరలోనే ఉత్తర్వులు వెలువడే అవకాశముందని ప్రభుత్వ వర్గాల సమాచారం. అటు ప్రొటోకాల్‌.. ఇటు ప్రాధాన్యత ఇందిరమ్మ కమిటీల జిల్లా చైర్మన్లుగా డీసీసీ అధ్యక్షులను నియమించడం ద్వారా స్వామి కార్యం, స్వకార్యం నెరవేరుతుందనే భావనతో ప్రభుత్వం ఉంది. వారికి ప్రభుత్వ పరంగా ప్రొటోకాల్‌కు అవకాశం లభించడంతో పాటు ఇటు పార్టీలో డీసీసీ అధ్యక్షుల ప్రాధాన్యతా పెరగనుంది. నిజానికి జిల్లా కాంగ్రెస్‌ అధ్యక్షులకు పార్టీ పరంగా విస్తృతస్థాయిలో అధికారాలివ్వాలని ఏఐసీసీ నిర్ణయించింది. అసెంబ్లీ, పార్లమెంటు ఎన్నికల్లో టికెట్ల ఖరారు కోసం నియమించే కమిటీల్లో కూడా వారికి స్థానం కల్పించాలని, భవిష్యత్తులో జిల్లా పార్టీ అధ్యక్షులే ఆయా జిల్లాల్లోని పార్టీ యంత్రాంగానికి సుప్రీం కావాలనేది అధిష్టానం ఆలోచన.అదే కోణంలో రాష్ట్రంలోనూ సంఘటన సృజన్‌ అభియాన్‌ అనే కార్యక్రమం ద్వారా ఏఐసీసీ నుంచి వచ్చిన పరిశీలకుల సిఫారసు మేరకు డీసీసీ అధ్యక్షులను నియమించారు. కానీ చాలాచోట్ల వీరికి ఆశించిన ప్రాధాన్యత లభించడం లేదు. ఇన్‌చార్జి మంత్రులు జిల్లాలకు వెళ్లినప్పుడు కనీస సమాచారం ఇవ్వడం లేదు. మంత్రులు, ఎమ్మెల్యేలు పాల్గొనే కార్యక్రమాలకు కూడా వీరికి ఆహా్వనం అందడం లేదు. మరికొన్ని చోట్ల అయితే కనీసం పార్టీ తరఫున ఏర్పాటు చేసే ఫ్లెక్సీల్లో కూడా జిల్లా కాంగ్రెస్‌ అధ్యక్షుల ఫోటోలను పెట్టడం లేదు. ఈ నేపథ్యంలో డీసీసీ అధ్యక్షులకు పారీ్టలో ప్రాధాన్యత పెంచడమే కాకుండా రాష్ట్ర ప్రభుత్వం ఏర్పాటు చేసే అధికారిక కార్యక్రమాల్లో కూడా పాల్గొనేందుకు వీలుగా వారిని ఇందిరమ్మ కమిటీలకు జిల్లా చైర్మన్లుగా నియమించాలని పీసీసీ చీఫ్‌ మహేశ్‌గౌడ్‌ ప్రతిపాదించినట్టు సమాచారం. కాగా ఈ ప్రతిపాదనకు కార్యరూపం ఇవ్వాలని ప్రభుత్వం భావిస్తున్నట్టు తెలిసింది.

సాక్షి, హైదరాబాద్‌: తెలంగాణలో ఖేలో ఇండియా యూత్‌ గేమ్స్‌–2026 డిసెంబర్‌ 11 నుంచి 22 వరకు జరగనున్నాయి. హైదరాబాద్, వరంగల్, హనుమకొండ, కరీంనగర్, నిజామాబాద్, మహబూబ్‌నగర్‌ నగరాల్లో మొత్తం 27 క్రీడాంశాల్లో ఈ పోటీలు నిర్వహించనున్నారు. దేశవ్యాప్తంగా 7,500 మందికి పైగా యువ క్రీడాకారులు ఈ పోటీల్లో పాల్గొననున్నారు. తెలంగాణను ప్రపంచస్థాయి క్రీడా కేంద్రంగా మార్చడంతోపాటు యువతను క్రీడల వైపు ఆకర్షించేందుకు ఈ పోటీలు దోహదం చేస్తాయని ప్రభుత్వం భావిస్తోంది.ఆధునిక క్రీడా మైదానాలు, మెరుగైన శిక్షణ సదుపాయాలు, డిజిటల్‌ ఫిట్‌నెస్‌ కార్యక్రమాలతో క్రీడారంగాన్ని కొత్త దిశలో తీసుకెళ్లేందుకు ప్రభుత్వం చర్యలు చేపడుతోంది. ఇందులో భాగంగా యంగ్‌ ఇండియా ఫిజికల్‌ ఎడ్యుకేషన్‌ అండ్‌ స్పోర్ట్స్‌ యూనివర్సిటీ (వైఐపీఈఎస్యూ) వంటి సంస్థలకు ప్రాధాన్యం ఇస్తోంది. ముఖ్య అతిథిగా ప్రధాని హాజరయ్యే అవకాశం డిసెంబర్‌లో జరిగే ఖేలో ఇండియా యూత్‌ గేమ్స్‌కు ప్రధానమంత్రి నరేంద్రమోదీ ముఖ్య అతిథిగా హాజరయ్యే అవకాశం ఉందని అధికార వర్గాలు వెల్లడించాయి. తెలంగాణకు రోయింగ్‌ను ఆతిథ్య క్రీడగా ఎంపిక చేశారు. సెయిలింగ్‌ను ప్రదర్శన క్రీడగా నిర్వహించనున్నారు. హనుమకొండలో అథ్లెటిక్స్, కరీంనగర్‌లో జూడో, ఖమ్మంలో ఆర్చరీ, మహబూబ్‌నగర్‌లో కబడ్డీ, నిజామాబాద్‌లో టేబుల్‌ టెన్నిస్‌ పోటీలు నిర్వహిస్తారు. మిగిలిన పోటీలు హైదరాబాద్‌లో జరిగేందుకు ఏర్పాట్లు సాగుతున్నాయి.గచ్చిబౌలి స్టేడియం, ఎల్‌బీ స్టేడియం, సరూర్‌నగర్, జేఎన్‌టీయూహెచ్, సికింద్రాబాద్‌లోని ఇండోర్‌ స్టేడియాలు, యూసుఫ్‌గూడలోని కోట్ల విజయభాస్కర్‌రెడ్డి స్టేడియాలను పోటీలకు వినియోగించేందుకు ప్రణాళికలు సిద్ధం చేశారు. రాబోయే రెండు నెలలు ఏర్పాట్లు పూర్తి చేయనున్నారు. హుస్సేన్‌సాగర్‌ వాటర్‌ స్పోర్ట్స్‌ కేంద్రంలో రోయింగ్, కయాకింగ్, కానోయింగ్‌ పోటీలు నిర్వహించడం ప్రత్యేక ఆకర్షణగా నిలవనుంది. ఐదు కమిటీల ఏర్పాటు రాష్ట్రంలో ఘనంగా క్రీడలు నిర్వహించేందుకు ఐదు రాష్ట్రస్థాయి కమిటీలను ఏర్పాటు చేశారు. ఆర్గనైజింగ్‌ కమిటీకి సీఎం రేవంత్‌రెడ్డి చైర్మన్‌గా, కేంద్రమంత్రి డాక్టర్‌ మన్సుఖ్‌ మాండవీయ కో–చైర్మన్‌గా వ్యవహరించనున్నారు. క్రీడాకారులు, అతిథుల వసతి, భోజనం, రవాణా ఏర్పాట్ల కోసం ప్రత్యేక ఉన్నతస్థాయి కమిటీని ఏర్పాటు చేశారు. హైదరాబాద్‌తోపాటు మూడు జిల్లాల్లోని 10 క్రీడా వేదికల్లో 12 అభివృద్ధి, ఆధునీకరణ పనులు చేపట్టనున్నారు. క్రీడాకారుల గదులు, ప్రేక్షకుల సౌకర్యాలు, మరుగుదొడ్లు, స్విమ్మింగ్‌ పూల్స్, సైక్లింగ్‌ ట్రాక్‌లు, షూటింగ్‌ రేంజ్‌లను మెరుగుపరచనున్నారు. గచ్చిబౌలిలో ప్రారంభం.. డిసెంబర్‌ 11న గచ్చిబౌలి స్టేడియంలో ప్రారంబోత్సవం నిర్వహించే అవకాశముంది. డిసెంబర్‌ 22న ఎల్‌బీ స్టేడియంలోని టెన్నిస్‌ కాంప్లెక్స్‌లో ముగింపు కార్యక్రమం నిర్వహించేలా ఏర్పాట్లు చేస్తున్నారు. యువ క్రీడాకారులకు పెద్ద వేదిక దేశవ్యాప్తంగా యువ క్రీడా ప్రతిభను వెలికితీయడం, గ్రామీణ స్థాయి నుంచి క్రీడాకారులను ప్రోత్సహించడం ఖేలో ఇండియా క్రీడల ప్రధాన ఉద్దేశం. రాష్ట్రాల మధ్య జరిగే ఈ పోటీల్లో క్రీడాకారులు సాధించే పతకాలు ఆయా రాష్ట్రాల ఖాతాలో చేరతాయి. అత్యధిక స్వర్ణ పతకాలు సాధించిన రాష్ట్రం విజేతగా నిలుస్తుంది. 2024, 2025 క్రీడల్లో మహారాష్ట్ర విజేతగా నిలిచింది.ప్రధాన క్రీడాంశాలు.. ఆర్చరీ, అథ్లెటిక్స్, బ్యాడ్మింటన్, బాస్కెట్‌బాల్, బా క్సింగ్, సైక్లింగ్, జిమ్నాస్టిక్స్, ఫెన్సింగ్, ఫుట్‌బాల్, హాకీ, జూడో, ఖో–ఖో, కబడ్డీ, షూటింగ్, స్విమ్మింగ్, టేబుల్‌ టెన్నిస్, టెన్నిస్, వాలీబాల్, వెయిట్‌లిఫ్టింగ్, రెజ్లింగ్‌. సాంప్రదాయ క్రీడలు: గట్కా, మల్లఖంబ్, కలరిపయట్టు, థాంగ్‌–టా, యోగాసన. తెలంగాణ ఆతిథ్య క్రీడ: రోయింగ్‌ ఎడిషన్‌ క్రీడ: సాఫ్ట్‌బాల్‌ ప్రదర్శన క్రీడ: సెయిలింగ్‌.

ఖమ్మం రూరల్‌/మరిపెడ: ఖమ్మం జిల్లా ఏదులాపురం మున్సిపాలిటీ పరిధి సింహాద్రినగర్‌ నివాసి దారం సుప్రియ (30) అమెరికాలో జరిగిన రోడ్డు ప్రమాదంలో మృతి చెందారు. మహబూబాబాద్‌ జిల్లా మరిపెడ బంగ్లాకు చెందిన దారం శ్రీనివాస్, జ్యోతి దంపతులు కుటుంబంతో కలిసి సింహ్రాద్రినగర్‌లో నివాసముంటున్నాడు. ఆయనకు ఇద్దరు కుమార్తెలు. పెద్ద కుమార్తె సుప్రియకు మహబూబాబాద్‌కు చెందిన సాఫ్ట్‌వేర్‌ ఉద్యోగి రంజిత్‌తో వివాహం జరిగింది. వీరు అమెరికాలోని ముస్సోరి రాష్ట్రంలో నివాసం ఉంటుండగా, మూడేళ్ల కుమారుడు ఉన్నాడు.సుప్రియ శనివారం తన స్నేహితురాలితో కలిసి కారులో రెస్టారెంట్‌కు వెళ్లి వస్తుండగా ఎదురుగా వచి్చన టిప్పర్‌ బలంగా ఢీకొట్టింది. ఈ ప్రమాదంలో సుప్రియ అక్కడికక్కడే మృతి చెందగా ఆమె స్నేహితురాలు తీవ్రంగా గాయపడింది. భారత కాలమానం ప్రకారం శనివారం అర్ధరాత్రి రెండు గంటలకు ఆమె మృతి వార్త తెలియడంతో తండ్రి శ్రీనివాస్, కుటుంబీకులు కన్నీరుమున్నీరయ్యారు. కాగా, సుప్రియ కుటుంబ సభ్యులను సీపీఐ జిల్లా కార్యదర్శి దండి సురేష్‌ తదితరులు పరామర్శించారు. సుప్రియ మృతదేహం అమెరికా నుంచి మంగళవారం వచ్చే అవకాశం ఉంది.

సాక్షి ప్రతినిధి, మహబూబ్‌నగర్‌: కర్ణాటక నుంచి తెలంగాణకు కృష్ణా నీటి విడుదలలో అనిశ్చితి నెలకొంది. ఇరు రాష్ట్రాల్లో చోటుచేసుకుంటున్న పరిణామాలు, ఊగిసలాటల మధ్య జూరాల ఆయకట్టులో లక్ష ఎకరాల్లో ఖరీఫ్‌ సాగుపై సందిగ్ధత కొనసాగుతోంది. ఉమ్మడి పాలమూరులోని జూరాల ఆయకట్టు రైతులు సాగు నీటి కోసం ఆందోళనలకు దిగిన క్రమంలో రాష్ట్ర మంత్రులు జూపల్లి కృష్ణారావు, వాకిటి శ్రీహరి బృందం గత నెల 22న కర్ణాటకలో పర్యటించిన విషయం తెలిసిందే.ఈ క్రమంలో తెలంగాణకు 3 టీఎంసీల నీటిని విడుదల చేసేందుకు అక్కడి ప్రభుత్వం సూత్రప్రాయంగా అంగీకరించింది. ఇంతవరకు బాగానే ఉన్నా.. అర్ద్ధాంతరంగా నీటి విడుదల ఆగిపోయింది. కర్ణాటకలో వ్యతిరేకత.. తెలంగాణకు సాగునీటిని విడుదల చేయడాన్ని కర్ణాటకలోని కృష్ణా బేసిన్‌ జిల్లాల్లోని రైతు సంఘాలు వ్యతిరేకిస్తున్నాయి. ఆల్మట్టి డ్యాం ఎత్తును 519 మీటర్ల నుంచి 524 మీటర్లకు పెంచే గెజిట్‌ నోటిఫికేషన్‌కు తెలంగాణ ప్రభుత్వం అడ్డంకులు సృష్టిస్తున్న అంశాన్ని అక్కడి పెద్దల దృష్టికి తీసుకొచ్చినట్టు సమాచారం.మానవతా దృక్పథంతో పరిమితంగా నీటిని విడుదల చేయడానికి ఆ రాష్ట్ర మంత్రి ఒకరు మద్దతు తెలపగా.. రైతు సంఘాల నేతలు సాగునీటికి సరఫరా చేస్తే ప్రతిఘటిస్తామని చెప్పినట్టు తెలిసింది. కర్ణాటకలో ఇది వరకే వారబందీ పద్ధతిన సాగునీరు ఇస్తున్నారని, అలాంటప్పుడు తెలంగాణకు ఎలా ఇస్తారని ప్రశ్నించినట్టు సమాచారం. మళ్లీ మొదటికి.. రైతుల బెంబేలు కర్ణాటకలో ప్రస్తుత పరిస్థితుల్లో జూరాలకు నీటి విడుదలపై మీమాంస కొనసాగుతుండగా.. జూరాల ఆయకట్టు రైతుల్లో ఆందోళన నెలకొంది. ఈ క్రమంలో ఉమ్మడి పాలమూరులోని పలు రైతు సంఘాల నేతలు మండిపడుతున్నారు. అధికారిక రికార్డుల్లో పేర్కొన్న గణాంకాలే వారి నాటకాలకు నిదర్శనమని ఉదహరిస్తున్నారు. గత నెల 24 నుంచి ఈ నెల ఒకటో తేదీ వరకు నారాయణపూర్‌ నుంచి జూరాలకు 27,600 క్యూసెక్కుల నీరు విడుదలైనట్టు రికార్డుల్లో చూపిస్తున్నారని వివరించారు.నారాయణపూర్‌ గేట్లు ఎత్తనేలేదని.. ఎగువన రెండు, మూడు రోజులు వర్షాలు కురవడంతో జూరాలకు వరద వచ్చిందని చెబుతున్నారు. గత నెల 23న జూరాలలో నీటి మట్టం 9.214 టీంఎంసీలు కాగా.. ప్రస్తుత నీటి మట్టం 8.51 టీఎంసీలు. గత నెల 24 నుంచి ఇప్పటివరకు జూరాల నుంచి ఔట్‌ఫ్లో 28,300. ఈ లెక్కన ఇన్‌ఫ్లో, ఔట్‌ ఫ్లో దాదాపు సమానం.అలాంటప్పుడు నిల్వ ఉన్న నీటిమట్టంలో ఐదారు రోజుల్లోనే అంత తేడా ఎందుకు ఉంటుందని ప్రశి్నస్తున్నారు. కాగా, జూరాల ఆయకట్టులో పంటలు చేతికి రావాలంటే ఐదు నుంచి ఆరు టీఎంసీల నీరు అవసరం. ప్రస్తుతం ప్రాజెక్ట్‌లో లైవ్‌ స్టోరేజీ 4.5 టీఎంసీలే. దీంతో కర్ణాటక నుంచి నీటి విడుదల అనివార్యం. కానీ కర్ణాటక నుంచి నీటి విడుదలపై ప్రస్తుతం డైలమా నెలకొనడం జూరాల ఆయకట్టు రైతులను బెంబేలెత్తిస్తోంది.

సాక్షి, హైదరాబాద్‌: శ్రీశైలం ఎడమగట్టు కాల్వ (ఎస్‌ఎల్‌బీసీ) సొరంగం పనుల్లో అత్యంత క్లిష్టమైన భూగర్భ పరిస్థితులను అధిగమించి కీలక ముందడుగు వేశామని రాష్ట్ర నీటిపారుదల శాఖ మంత్రి ఎన్‌. ఉత్తమ్‌ కుమార్‌రెడ్డి తెలిపారు. గతంలో ప్రమాదం జరిగిన ప్రాంతంలోని బలహీన శిలల జోన్‌ను దాటి ముందుకు వెళ్లడంతో పనుల వేగం పెంచేందుకు మార్గం సుగమమైందన్నారు. అదనపు యంత్రాలను రంగంలోకి దించాలని, తవ్విన రాళ్లు, మట్టిని బయటకు తరలించే వ్యవస్థను మెరుగుపరచాలని అధికారులను ఆదేశించారు.పనుల్లో వేగంతో పాటు కార్మీకుల భద్రతకు అత్యంత ప్రాధాన్యం ఇవ్వాలని స్పష్టం చేశారు. ఉమ్మడి నల్లగొండ జిల్లా కీలక నీటిపారుదల ప్రాజెక్టులపై ఆదివారం ఆయన సమీక్షించారు. గత ఐదారు నెలల్లో 700 మీటర్ల మేర సొరంగం తవ్వకాలు జరిగాయని ప్రాజెక్టు అధికారులు మంత్రికి వివరించారు.అవుట్‌లెట్‌ వైపు నుంచి 450 మీటర్లు, ఇన్‌లెట్‌ వైపు నుంచి 250 మీటర్ల మేర తవ్వకాలు జరిగాయని చెప్పారు. మొత్తం 43.968 కిలోమీటర్ల సొరంగానికి గాను 79 శాతం పనులు పూర్తయ్యాయని, తవ్వకాలు మరో 9.1 కిలోమీటర్ల మేర మిగిలి ఉన్నాయని తెలియజేశారు. క్లిష్ట పరిస్థితుల్లో పనిచేసిన అధికారులు, కార్మీకులను ఈ సందర్భంగా మంత్రి అభినందించారు. ఇకపై సాధారణంగా పనులు సొరంగాల నిపుణుడు కల్నల్‌ పరీక్షిత్‌ మెహ్రా ఇన్‌లెట్‌ వద్ద ఎదురైన పరిస్థితులను వివరించారు. బలహీనమైన మట్టి, రాళ్లు ఒక్కసారిగా విరిగిపడే రాక్‌ బర్ట్స్‌ వంటి ప్రమాదకర పరిస్థితుల్లో మరో ప్రమాదం జరగకుండా ప్రారంభంలో తవ్వకాల వేగాన్ని ఉద్దేశపూర్వకంగానే తగ్గించినట్లు తెలిపారు. టన్నెల్‌ బోరింగ్‌ మెషీన్‌ (టీబీఎం) చిక్కుకుపోయిన ప్రాంతాన్ని చుట్టి వెళ్లేలా చేపట్టిన మళ్లింపు తవ్వకాల్లో మరింత బలహీనమైన శిలల మండలాన్ని సురక్షితంగా దాటేందుకు 140 మిల్లీమీటర్ల సీమ్‌లెస్‌ పైపులతో తవ్వకాలు జరిగే భాగానికి ముందుగా గొడుగు మాదిరి రక్షణ కవచాన్ని ఏర్పాటు చేసినట్లు తెలిపారు.బలమైన రిబ్‌లను అమర్చడం, దశలవారీగా తవ్వడం, ముందున్న శిలల పరిస్థితిని తెలుసుకునేందుకు డ్రిల్లింగ్‌ పరీక్షలు చేయడం, అదనపు రక్షణ ఏర్పాట్లతో ప్రమాదాలను నియంత్రిస్తూ ముందుకు సాగినట్లు చెప్పారు. ప్రస్తుతం శిలల పరిస్థితి మెరుగుపడుతుండటంతో సాధారణంగా పనులు సాగించే అవకాశం ఏర్పడుతోందని తెలిపారు. 2028లో ప్రధాన సొరంగం అనుసంధానం లక్ష్యం టన్నెల్‌–1లో రెండు వైపుల నుంచి సాగుతున్న తవ్వకాలు 2028 మే–జూన్‌ నాటికి కలిసే దశకు చేరుకుంటాయని మంత్రి ఉత్తమ్‌ ఆశాభావం వ్యక్తం చేశారు. ప్రధాన సొరంగం, టన్నెల్‌–2, బ్యాలెన్సింగ్‌ రిజర్వాయర్, ఇతర అనుబంధ పనులను సకాలంలో పూర్తి చేయాలని ఆదేశించారు. సమీక్షలో ఎంపీలు కె. రఘువీర్‌రెడ్డి, చామల కిరణ్‌కుమార్‌రెడ్డి, ఎమ్మెల్యేలు మందుల సామేల్, కె. జైవీర్‌రెడ్డి, వేముల వీరేశం, అనిల్‌ కుమార్‌రెడ్డి, ఎమ్మెల్సీ శంకర్‌ నాయక్‌ తదితరులు పాల్గొన్నారు.రోజుకు 8 మీటర్ల మేర.. ప్రస్తుతం రెండు వైపులా కలిపి రోజుకు సుమారు 8 మీటర్ల మేర సొరంగం తవ్వాలు జరిపినట్టు ప్రాజెక్టు బృందం తెలిపింది. ఒకట్రెండు రోజులు అది పది మీటర్లకు కూడా చేరిందని వివరించింది. అవుట్‌లెట్‌ వద్ద మూడు డ్రిల్లింగ్‌ భుజాలున్న బూమర్‌ యంత్రం ఇప్పటికే పనిచేస్తోందని, అక్కడి పనులు అవసరమైన వేగానికి చేరువలో ఉన్నాయని తెలిపింది.ఇన్‌లెట్‌ వద్ద ఇదే తరహా మరో యంత్రం అక్టోబర్‌లో అందుబాటులోకి రానుందని చెప్పింది. జర్మనీ నుంచి తెప్పిస్తున్న రైలు ఇంజిన్‌ (లోకోమోటివ్‌) అక్టోబర్‌ నెలాఖరుకు చేరుకునే అవకాశం ఉందని అధికారులు తెలిపారు. అక్టోబర్‌ చివరి లేదా నవంబర్‌ ప్రారంభం నుంచి పనుల వేగం మరింత పెరిగే అవకాశం ఉందని తెలిపింది.

సాక్షి, హైదరాబాద్‌: ఎల్‌ నినో ప్రభావం మరింత తీవ్రరూపం దాల్చనుండటంతో దేశ ఆహార భద్రతపై నీలినీడలు కమ్ముకుంటున్నాయి. ఇప్పటికే బలహీనమైన నైరుతి రుతుపవనాలు ఖరీఫ్‌ పంటల సాగు, దిగుబడులపై ప్రభావం చూపుతుండగా.. తగ్గిన జలాశయాల నిల్వలు రబీ పంటలకు నీటి లభ్యతను ప్రశ్నార్థకం చేస్తున్నాయి. మరోవైపు కొలంబియా విశ్వవిద్యాలయానికి చెందిన ఇంటర్నేషనల్‌ రీసెర్చ్‌ ఇన్‌స్టిట్యూట్‌ ఫర్‌ క్లైమేట్‌ అండ్‌ సొసైటీ అంచనాలు రాబోయే శీతాకాలంలో ఎల్‌ నినో మరింత బలపడే అవకాశం ఉందని హెచ్చరిస్తున్నాయి.దీంతో ఈ ఏడాది ఖరీఫ్‌ దిగుబడులతోపాటు రబీ ఉత్పత్తులపైనా తీవ్ర ఒత్తిడి పెరిగే అవకాశం ఉందని ఆహార నిపుణులు హెచ్చరిస్తున్నారు. ఆహారధాన్యాల ఉత్పత్తిలో కీలకమైన రాష్ట్రాలు దెబ్బతింటే దాని ప్రభావం మొత్తం దేశ ఆహార సరఫరా వ్యవస్థపై పడుతుంది. తెలంగాణలో ఖరీఫ్, రబీ పంటలకు దెబ్బ నైరుతి రుతుపవనాలు ఈసారి దేశాన్ని తీవ్రంగా నిరాశపరిచాయి. జూన్‌–సెపె్టంబర్‌ మధ్య దేశవ్యాప్తంగా 759.4 మి.మీ. వర్షపాతం మాత్రమే నమోదైంది. దీర్ఘకాలిక సగటు 868.6 మి.మీ.తో పోలిస్తే ఇది 87.4 శాతం మాత్రమే. 1901 తర్వాత నమోదైన అత్యల్ప రుతుపవనాల్లో ఇది 13వ స్థానం కాగా.. 2001 తర్వాత నాలుగో అత్యల్ప వర్షపాతంగా నమోదైంది. దేశవ్యాప్తంగా ఖరీఫ్‌ సాగు విస్తీర్ణం కూడా గత ఏడాదితో పోలిస్తే తగ్గింది. ముఖ్యంగా వరి సాగు విస్తీర్ణం 16.32 లక్షల హెక్టార్లు తగ్గడం ఆహార భద్రత కోణంలో కీలక పరిణామంగా మారింది.రాష్ట్రంలో నైరుతి సీజన్‌లో 17 శాతం లోటు ఏర్పడింది. రాష్ట్ర సగటు ఐఎండీ ప్రమాణాల ప్రకారం సాధారణ కేటగిరీలోనే ఉన్నప్పటికీ.. 33 జిల్లాల్లో 18 జిల్లాలు లోటు వర్షపాతాన్ని ఎదుర్కొన్నాయి. దీంతో ఈ సీజన్‌లో వరి సాగు 54.26 లక్షల ఎకరాలకే పరిమితమైంది. సాధారణ సాగు 65.96 లక్షల ఎకరాలు ఉండగా.. 12 లక్షల ఎకరాల మేర తక్కువగా ఉంది.రబీలో 50.20 లక్షల ఎకరాల్లో మాత్రమే వరి సాగయ్యే అవకాశం ఉందని వ్యవసాయ శాఖ అంచనా వేసింది. రబీలో తెలంగాణలో దొడ్డు వడ్లనే సాగు చేస్తారు. దీంతో డిమాండ్‌ ఎక్కువగా ఉన్న సన్న బియ్యం లోటు మరింత పెరుగుతుంది. రాష్ట్ర అవసరాలకు కూడా సరిపోని పరిస్థితి ఏర్పడుతుంది. సెంట్రల్‌ పూల్‌కు వెళ్లే బియ్యం తగ్గనుండటంతో ఈ ప్రభావం దేశవ్యాప్తంగా ఉండనుంది. పప్పులు, నూనెలపైనా ప్రభావం ఆహార భద్రత అంటే పప్పుధాన్యాలు, నూనెగింజలు, చక్కెర, కూరగాయల ఉత్పత్తి కూడా కీలకమే. దేశవ్యాప్తంగా పంటల దిగుబడులపై వర్షాభావం ప్రభావం చూపితే.. పంట ఉత్పత్తి తగ్గుతుంది. సరఫరా తగ్గితే బియ్యం, పప్పులు, నూనెలు, కూరగాయల ధరలపై ఒత్తిడి పెరుగుతుంది. ఇప్పటికే ఆహార ద్రవ్యోల్బణం పెరుగుతున్న నేపథ్యంలో.. పంటల దిగుబడి మరింత తగ్గితే పరిస్థితి కఠినంగా మారే అవకాశం ఉంది.దేశ ఆహార నిల్వలపై ప్రభావంవరి సాగు తగ్గితే ఆహార భద్రతలో కీలకమైన ఉచిత బియ్యం పంపిణీలో లోటు ఏర్పడనుంది. ఇప్పటికే నిజామా­బాద్‌ ఉమ్మడి జిల్లాలో ఖరీఫ్‌ పంట కోతలు ప్రారంభం కాగా, ప్రైవేటు వ్యాపారులు, మిల్లర్లు రైతుల వద్దకు వచ్చి పచ్చి ధాన్యాన్నే కొనుగోలు చేస్తున్నారు. ఎంఎస్‌పీ రూ.2,461 ఉండగా, అంత కన్నా ఎక్కువగా సన్న ధాన్యానికి క్వింటాలుకు రూ.3,200 వరకు చెల్లిస్తున్నారు.దేశంలోని పేదలకు రేషన్‌ బియ్యం, సంక్షేమ పథకాలకు అవసరమైన ధాన్యం, మార్కెట్‌లో ధరలను నియంత్రించేందుకు అవసరమైన బఫర్‌ నిల్వలు.. అన్నింటికీ ప్రభుత్వానికి తగినంత ధాన్యం అవసరం. అందువల్ల ఒకటి రెండు ప్రధాన వరి ఉత్పత్తి రాష్ట్రాల్లో ఉత్పత్తి తగ్గినా.. దాని ప్రభావం కేంద్ర నిల్వలపై పడుతుంది. ఖరీఫ్, రబీ రెండు సీజన్లలో వరి సాగు తగ్గితే, రెండు సీజన్ల ఉత్పత్తిపై ఒకేసారి ప్రభావం పడుతుంది. ఇది దేశ ధాన్యం సేకరణ వ్యవస్థకూ సమస్యగా మారుతుంది.

శంషాబాద్‌: ‘ఘంటా పథంగా ఎప్పుడూ చెబుతుంటాను.. మళ్లీ ఇప్పుడు కూడా చెబుతున్నా. ఈ రాష్ట్రానికి బీసీ ముఖ్యమంత్రి అయి తీరతాడు. ఇందుకు రాహుల్‌గాంధీ మద్దతు ఇస్తారు. రేవంత్‌రెడ్డి కూడా మద్దతు ఇస్తారు. ఇంత ధైర్యంగా చెప్పడానికి కారణం రాహుల్‌గాందీ, మల్లిఖార్జున ఖర్గే ఇచ్చే ధైర్యమే..’ అని పీసీసీ అధ్యక్షుడు మహేశ్‌కుమార్‌ గౌడ్‌ అన్నారు. శంషాబాద్‌ తొండుపల్లిలో ఆదివారం టీపీసీసీ ఓబీసీ చైర్మన్, షాద్‌నగర్‌ ఎమ్మెల్యే వీర్లపల్లి శంకర్‌ ఆధ్వర్యంలో ఏర్పాటు చేసిన కాంగ్రెస్‌ ఓబీసీ గర్జన సభలో ఆయన ముఖ్యఅతిథిగా పాల్గొని మాట్లాడారు. బీజేపీ దద్దమ్మలు మాట్లాడరు.. ‘అన్ని వర్గాల మద్దతుతో మాకు రావాల్సిన హక్కులను సాధిస్తాం.. అవసరమైతే లాక్కుంటాం. ఆనాడు పీవీ నర్సింహారావు, చెన్నారెడ్డి లాగా చరిత్రలో నిలిచిపోయేలా సీఎం రేవంత్‌రెడ్డి కులగణన చేపట్టి అసెంబ్లీలో ఆమోదించి కేంద్రానికి పంపారు. కానీ రాష్ట్రంలో బీజేపీ దద్దమ్మలు మాత్రం బీసీ రిజర్వేషన్లపై ఏనాడూ నోరు మెదపరు. కామారెడ్డి డిక్లరేషన్‌ ఆధారంగా ఇటీవల జరిగిన సర్పంచ్, మున్సిపల్‌ ఎన్నికల్లో పార్టీ పరంగా 57% శాతం సీట్లు బీసీలకు ఇచ్చాం. రానున్న రోజుల్లో మంత్రి మున్సిపల్, కార్పొరేషన్, మంత్రి పదవుల్లో కూడా బీసీ రిజర్వేషన్‌ పెంచుతాం. రానున్న ఎన్నికల్లో రాహుల్‌ ప్రధాని కావడం ఖాయం. అప్పుడు బీసీ రిజర్వేషన్‌ కోసం పోరాడాల్సిన అవసరం కూడా లేదు. బీసీ పోరాట యోధుడు రాహుల్‌గాం«ధీ..’ అని మహేశ్‌గౌడ్‌ అన్నారు. ఓబీసీలు ఉద్యమించాలి.. బీసీల సంక్షేమం కోసం కాంగ్రెస్‌ తీసుకున్న నిర్ణయాలను ఎవరూ తీసుకోలేదని మాజీ ఎంపీ వి. హన్మంతరావు అన్నారు. జనగణనలో కులగణన కూడా చేసేలా ఓబీసీలు ఉద్యమించాలని చెప్పారు. గ్రామ స్థాయి నుంచి ఓబీసీ రిజర్వేషన్లపై తీర్మానం చేయాల్సిన అవసరముందని మంత్రి పొన్నం ప్రభాకర్‌ అన్నారు. ఎంపీ మల్లు రవి, మాజీ ఎంపీలు మధుయాష్కీ, అంజన్‌కుమార్‌ యాదవ్, సురేష్‌ షెట్కార్, సీడబ్ల్యూసీ సభ్యుడు వంశీచందర్‌రెడ్డి తదితరులు మాట్లాడారు. ప్రభుత్వ విప్‌ బీర్ల ఐలయ్య, ఎమ్మెల్యే రాజ్‌ఠాకూర్‌ తదితరులు పాల్గొన్నారు. హాజరుకాని ఫిరాయింపుదారులు బీసీ గర్జన సభకు బీఆర్‌ఎస్‌ నుంచి కాంగ్రెస్‌ పార్టీకి ఫిరాయించిన ఎమ్మెల్యేలు గైర్హాజరయ్యారు. కానీ ఇటీవల హైకోర్టు అనర్హత వేటు వేసిన దానం నాగేందర్‌ సభకు హాజరై మాట్లాడారు.

సాక్షి, హైదరాబాద్‌: బాలికలపై లైంగిక వేధింపులు..వారి సామాజిక జీవితం..మానసిక స్థైర్యంపైనా తీవ్ర ప్రభావం చూపుతున్నాయి. ధైర్యంగా ఎదుర్కొనే శక్తి చిన్నారులకు ఉన్నా, సమాజం వెక్కిరింతలు వారిని విద్యకు దూరం చేస్తున్నాయి. తెలంగాణ పోలీసులు ఈ అంశంపై వెల్లడించిన అంశాలు తీవ్ర ఆందోళన కలిగించేలా ఉన్నాయి. గడచిన మూడేళ్లలో లైంగిక దాడులకు గురైన పిల్లల్లో 1,220 మంది కొన్నేళ్ల పాటు విద్యా సంస్థల మొహం చూసేందుకే సాహసించలేదు. వారి తల్లిదండ్రులూ ఆ చిన్నారులను స్కూళ్లకు పంపేందుకు ఇష్టపడలేదు. ఇలాంటి వారిని గుర్తించి సామాజిక వేత్తలు, పోలీసులు కౌన్సిలింగ్‌ ఇచ్చినా ప్రయోజనం అంతంత మాత్రంగానే ఉంటోంది. లైంగిక వేధింపులు లేదా లైంగిక దాడులకు గురైన పిల్లల కేసులను సమీక్షించిన అనంతరం, వారి విద్యా స్థితిని ఒక్కొక్క కేసు ఆధారంగా పోలీసులు పరిశీలించారు. చాలా మంది విద్యారి్థనులు ఏదో తప్పు జరిగినట్టుగా, సమాజంలో తలెత్తుకొని ఎలా తిరగాలి అన్నట్టుగా బాధపడటం కనిపించింది. ఊరు దాటని నిజం గ్రామీణ పాఠశాలల్లోనే విద్యార్థినులు ఎక్కువగా విద్యకు దూరమవుతున్నారు. ప్రభుత్వ పాఠశాలల్లో విద్యార్థుల సంఖ్య తగ్గిపోవడం, సమన్వయం, పర్యవేక్షణ లోపాలు ఉండటం పరిస్థితిని మరింత పెంచుతోంది. మౌలిక వసతులు కూడా లేని పాఠశాలల్లో శౌచాలయానికి వెళ్లే క్రమంలోనే ఎక్కువ లైంగిక వేధింపులు చోటు చేసుకుంటున్నాయి. ప్రైవేటు పాఠశాలల్లో రక్షణ లేని రవాణా వ్యవస్థ, బస్సు, ఆటో డ్రైవర్లు మద్యం సేవించడం వంటి సందర్భాల్లో లైంగిక దాడులకు పాల్పడుతున్నారు.తోటి విద్యార్థుల నుంచి ఇలాంటి పరిస్థితి ఎదురైనా వాటిని ఊరులోనే పరిష్కరించుకోవాలనే ధోరణిని స్థానికులు అలవాటు చేస్తున్నారు. గడిచిన మూడేళ్లల్లో కనీసం 3 వేలకుపైగా ఇలాంటి ఘటనలు చోటు చేసుకున్నా, అవి పోలీస్‌స్టేషన్ల స్థాయికి కూడా చేరుకోలేదు. ఎవరో ఒకరు రంగంలోకి దిగడం రాజీ కుదర్చడంతోనే సరిపోతోంది. ఆ తర్వాత బాలికను పెళ్లి చేసి పంపిస్తే సరిపోతుందని గ్రామీణ ప్రాంత తల్లిదండ్రులు ఆలోచిస్తున్నట్టు మహిళా సమాఖ్యలు చెబుతున్నాయి. ఏటా పెరుగుదల లైంగిక వేధింపులు ఏటా పెరుగుతూనే ఉన్నాయి. పోలీసుల వివరాల ప్రకారం 2024లో 300 మంది బాధిత పిల్లలు చదువుకు దూరమయ్యారు. 2025లో ఈ సంఖ్య 515కు పెరిగింది. 2026లో ఇప్పటివరకు 405 మంది విద్యకు దూరమైనట్టు గణాంకాలు చెబుతున్నాయి. అంటే మూడు సంవత్సరాల్లో మొత్తం 1,220 మంది. ఇదే కాలంలో 2024లో 148 మంది, 2025లో 191 మంది, 2026లో 256 మంది తిరిగి విద్యలో చేరారు. మొత్తం 595 మంది తిరిగి బడిబాట పట్టారు. అయినా 449 మంది ఇంకా పాఠశాల వెలుపలే ఉన్నారు. ఇవన్నీ అధికారికంగా నమోదైన వివరాలు మాత్రమే.ఇంతకు మూడు రెట్లు వాస్తవ డేటా నమోదు అవుతున్నట్టు సమాచారం. 9వ తరగతి నుంచి ఆపైన చదివే బాలికల విషయంలో జరిగిన ఘటనను బయటకు చెప్పేందుకు కూడా తల్లిదండ్రులు ముందుకు రావడం లేదని పోలీసు అధికారులు చెబుతున్నారు. లైంగిక దాడి తర్వాత బాలికల మనసులో ఏర్పడే భయం, అవమాన భావన, సామాజిక ముద్ర, ఒంటరితనం చదువు కొనసాగించడంలో ప్రధాన అడ్డంకులుగా అధికారులు గుర్తించారు. గత మూడేళ్లలో సుమారు 7,695 మంది లైంగిక దాడి బాధితులకు భరోసా కేంద్రాల ద్వారా సహాయం అందినట్టు పోలీసుల సమాచారం. కౌన్సెలర్లు, పోలీసులు బాధితులతో క్రమం తప్పకుండా మాట్లాడటం, వారి మానసిక స్థితిని పర్యవేక్షించడం, కేసు విచారణ పూర్తయ్యే వరకు ఫాలోఅప్‌ చేయడం వంటి చర్యలు చేపడుతున్నారు. విశ్వాసం పెంచాలి లైంగిక దాడి జరిగిన బాలికల్లో ముందుగా ఆత్మవిశ్వాసం పెంచాలి. సమాజంలో ఎదురయ్యే ఘటనలను ఎదుర్కొనేలా చేయాలి. తప్పు తనది కాదని, ఎవరో చేసిన దానికి తామెందుకు శిక్ష అనుభవించాలనే భావన వారిలో తేవాలి. వీధి వెంట వెళుతుంటే కుక్క కాటేస్తుంది. మందు తీసుకొని తిరిగి జీవనం సాగిస్తాం. ఇదే అంతే అనే భావన తేవాలి. – : డాక్టర్‌ అనితా అరె, సైకాలజిస్ట్‌ సామాజిక కౌన్సిలింగ్‌ అవసరమే బాధిత బాలికల్లో నూన్యత భావం లేకుండా చేయడం ఒక ఎత్తు. అసలీ ఘటనలు లేకుండా చేయడానికి ఎలాంటి చర్యలు తీసుకుంటున్నామనేది ముఖ్యమైన అంశం. లైంగిక దాడిని సీరియస్‌గా తీసుకోవాలి. ఇలాంటి ఘటనలకు పాల్పడితే కఠిన శిక్షలు ఉంటాయనే వాస్తవాన్ని ప్రజల్లోకి తీసుకెళ్లాలి. సామాజిక కౌన్సిలింగ్‌ అతి ముఖ్యం. – కల్వకుంట్ల శ్రీలతారావు, టీచర్, వినాయకగూడెం, కరీంనగర్‌

సాక్షి, హైదరాబాద్‌: తెలుగు రాష్ట్రాల్లో ఉన్న, యునెస్కో గుర్తింపు పొందిన ఏకైక ప్రపంచ వారసత్వ హోదా కలిగిన రామప్ప గుడి, వేల ఎకరాలకు సాగునీరందిస్తున్న రామప్ప చెరువు ఉనికికి భవిష్యత్‌లో ముప్పు తెచ్చే పరిణామం వేగంగా చోటు చేసుకుంటోంది. వీటికి కేవలం ఐదు కిలోమీటర్ల దూరంలో భారీ ఓపెన్‌కాస్ట్‌ బొగ్గు గని ప్రారంభించేందుకు సింగరేణి సంస్థ సిద్ధమవుతోంది. వాస్తవానికి ఈ గని కేటాయింపు ప్రతిపాదన దశాబ్దం క్రితమే వచ్చినా, రామప్పకు ముప్పు అనే కారణంతోనే నిలిచిపోయింది.రామప్పకు ప్రపంచ వారసత్వ హోదా ఇచ్చేందుకు యునెస్కో సిద్ధమైన వేళ, బొగ్గుగని ఏర్పాటు వల్ల అది దక్కకుండా పోతుందన్న ఆందోళనలు అప్పట్లో వ్యక్తమయ్యాయి. దీంతో ఆ ప్రతిపాదన అటకెక్కింది. ఆ తర్వాత 2021లో యునెస్కో దీనికి ప్రపంచ వారసత్వ హోదా గుర్తింపు ఇచ్చింది. అయితే మళ్లీ ఇప్పుడు సింగరేణి సంస్థ బొగ్గు గనిపై దృష్టి పెట్టడం చర్చనీయాంశమవుతోంది. గని ప్రతిపాదనపై ఆందోళనలు వేల ఎకరాల విస్తీర్ణంతో కూడిన ఈ గని అందుబాటులోకి వస్తే దాదాపు వెయ్యి అడుగుల లోతు వరకు బ్లాస్టింగ్స్‌తో తవ్వకాలు సాగనున్నాయి. ఈ గని 19 ఏళ్ల పాటు కొనసాగుతుందన్న వార్తల నేపథ్యంలో, ఆ పేలుళ్ల ప్రకంపనలతో రామప్ప నిర్మాణం దెబ్బతిని కూలిపోయే ప్రమాదం ఉందని, యునెస్కో కూడా తన గుర్తింపును రద్దు చేసే పరిస్థితి ఉంటుందన్న ఆందోళనలు వ్యక్తమవుతున్నాయి.30 వేల ఎకరాలకు సాగునీటిని అందించే రామప్ప చెరువు కూడా ధ్వంసం అవటంతో పాటు, అందులోని నీళ్లు సునామీ తరహాలో ఎగసి రామప్ప నిర్మాణంతో పాటు చుట్టు పక్కల ఊళ్లను ముంచెత్తే ప్రమాదం కూడా ఉంటుందని ఆందోళనలు వ్యక్తమవుతున్నాయి. అయితే ఇప్పటికే ఈ బొగ్గు గనికి ఎన్‌ఓసీలు లభించిన నేపథ్యంలో.. రామప్పకు యునెస్కో గుర్తింపు రావటంలో అన్నీ తానై వ్యవహరించిన కాకతీయ హెరిటేజ్‌ ట్రస్టు న్యాయ పోరాటానికి సిద్ధమవుతోంది. మరోవైపు కేంద్ర ప్రభుత్వం ఈ ఓపెన్‌ కాస్ట్‌ గనికి ప్రత్యామ్నాయంగా వేరే ప్రాంతంలో గనులు కేటాయిస్తానని పేర్కొన్నట్టు తెలిసింది. దీంతో ఇది కేంద్ర, రాష్ట్రాల మధ్య వివాదానికీ తెర తీసేలా కనిపిస్తోంది. ఎన్‌ఓసీలు వచ్చిన తర్వాత వేగంగా చర్యలు ములుగు జిల్లా పాలంపేటలోని 800 ఏళ్లనాటి కాకతీయ అద్భుత నిర్మాణం రామప్ప గుడికి ఐదు కిలోమీటర్ల దూరంలో ఉన్న వెంకటాపూర్‌ వద్ద పీవీఎన్‌ఆర్‌ ఓపెన్‌ కాస్ట్‌ బొగ్గు గనిని సింగరేణి గతంలోనే ప్రతిపాదించింది. అక్కడ దాదాపు 40 మిలియన్‌ టన్నుల బొగ్గును వెలికి తీసే అవకాశం ఉందని సంస్థ అంచనా కొచ్చింది. ఇది కార్యరూపం దాలిస్తే 300 మీటర్ల లోతు వరకు తవ్వకాలు జరిపి బొగ్గు నిల్వలను వెలికి తీస్తారు.కాగా దీనిపై సింగరేణి కాలుష్య నియంత్రణ మండలి, జీఎస్‌ఐ, ఎన్‌ఐటీ సూరత్కల్, నేషనల్‌ ఇన్‌స్టిట్యూట్‌ ఆఫ్‌ హైడ్రాలజీలను సింగరేణి సంప్రదించింది. కొన్నేళ్ల ప్రయత్నం తర్వాత బొగ్గు గనికి ఎన్‌ఓసీలు వచ్చాయి. దీంతో వేగంగా చర్యలు చేపట్టింది. రామప్ప ఉన్న పాలంపేట డెవలప్‌మెంట్‌ అథారిటీ తాజాగా సమావేశమై సానుకూలంగా వ్యవహరించింది. అయితే ఆ అథారిటీలో మెంబర్‌గా ఉన్న, రామప్పకు యునెస్కో గుర్తింపు కోసం తీవ్రంగా కృషి చేసిన కాకతీయ హెరిటేజ్‌ ట్రస్ట్‌ మరోసారి ఈ ప్రతిపాదనకు వ్యతిరేకంగా పోరాటం ప్రారంభించింది. నిపుణులతో కాకతీయ ట్రస్ట్‌ సంప్రదింపులు కాకతీయ హెరిటేజ్‌ ట్రస్ట్‌ నిపుణులను సంప్రదిస్తూ, ఈ బొగ్గు గనితో రామప్ప కట్టడానికి, రామప్ప చెరువుకు ఉన్న ప్రమాదాలపై అంచనాలు రూపొందిస్తోంది. ప్రతిపాదిత గని ప్రాంతం ప్రాణహిత–గోదావరి బేసిన్‌లో భాగంగా ఉంది. ఇక్కడ పాఖాల్, సుల్లవాయి, లోయర్, అప్పర్‌ గోండ్వానాల ఇసుకరాయి, షేల్, కాంగ్లొమెరేట్స్, బొగ్గు పొరలు విస్తారంగా ఉన్నాయి.ఈ ప్రాంతం నిర్మాణపరంగా అనేక భారీ, సూక్ష్మ ఫాల్ట్సŠ, లీనియమెంట్లు (ఆకృతులు), జాయింట్లు, ఫ్రాక్చర్ల (పగుళ్లు)తో విభజితమై ఉందని జియాలాజికల్‌ సర్వే ఆఫ్‌ ఇండియా నివేదికలోని వివరాలను ఉటంకిస్తూ ఆ ట్రస్టు ప్రతినిధులు చెబుతున్నారు. ఈ లీనియమెంట్లు, ఫాల్ట్సŠ, బెడ్డింగ్‌ జాయింట్ల ద్వారానే భూగర్భ జలాల ప్రవాహం సాగుతుంది. 300 మీటర్ల లోతున ఓపె¯న్‌ కాస్ట్‌ తవ్వకాలు జరిగితే రామప్ప చెరువు నీటిమట్టం–గని ప్రాంతం మధ్య హైడ్రాలిక్‌ గ్రేడియంట్‌ (నీటి ప్రవాహ మార్గంలో రెండు పాయింట్ల మధ్య ఉండే వాలు)లో మార్పులు రావొచ్చని విశ్లేషింస్తున్నారు. నీళ్లు వేగంగా లీక్‌ అయ్యే చాన్స్‌ సుమారు 3 టీఎంసీల నీటి నిల్వ సామర్థ్యం కలిగిన రామప్ప చెరువు రెండు భారీ గుట్టలను కలుపుతూ నిర్మించిన మట్టి కట్ట ఆధారంగా ఏర్పడింది. ఈ కట్టకు కట్‌ ఆఫ్‌ ట్రెంచ్‌ (గాడి/కందకం)లాంటిది ఏమీ లేదని సాంకేతిక విశ్లేషణలో భాగంగా ప్రస్తావించారు. ఇలాంటి పరిస్థితిలో గని తవ్వకాలతో అధిక హైడ్రాలిక్‌ గ్రేడియంట్‌ ఏర్పడితే.. చెరువులోని నీరు భూగర్భంలోని లీనియమెంట్లు, ఫాల్ట్సŠ, పగుళ్ల ద్వారా వేగంగా లీక్‌ అయ్యే అవకాశం ఉంటుంది. అదే జరిగితే భారీగా నీరు బయటకు ఎగసి చెరువు కట్టకు నష్టం కలగడంతోపాటు దిగువ ప్రాంతాల్లోని గ్రామాలు, ప్రజలు, ఆస్తులకు తీవ్ర ముప్పు చోటుచేసుకునే అవకాశం ఉందని విశ్లేషించారు. ఇక రామప్ప దేవాలయం అలనాటి ఇసుక పునాది సాంకేతికత ఆధారంగా నిర్మించారు. ఇప్పటికే రంగ మండపంలోని భారీ ఫ్లోర్‌ బీముల్లో పెద్ద పగుళ్లు ఉన్నాయి. బొగ్గు కోసం గనిలో జరిపే వరుస పేలుళ్లతో ఆలయం తీవ్ర ప్రమాదంలో పడుతుందనే ఆందోళనలు వ్యక్తమవుతున్నాయి. పేలుళ్లతో పైకి ఎగసే బొగ్గు పొడి నిర్మాణంపై రసాయన చర్యకు కూడా కారణమవుతాయని అంటున్నారు.

సాక్షి, హైదరాబాద్‌: భారతీయ పౌరుడి ఓటుహక్కు రాజ్యాంగ ప్రాథమిక నిర్మా­ణ­ంలో అంతర్భాగమని, కోట్లాది మంది ఓట్లను దూరం చేసే ఏ ప్రక్రియ అయినా పూర్తిగా ఏకపక్షమేనని సుప్రీంకోర్టు న్యాయమూర్తి జస్టిస్‌ ఉజ్జల్‌ భూయాన్‌ స్పష్టం చేశారు. అటువంటి చర్యలు రాజ్యాంగంలోని ఆర్టికల్‌ 14 (సమానత్వపు హక్కు), 326 (వయోజన ఓటు హక్కు)లను స్పష్టంగా ఉల్లంఘించడమే అవుతుందన్నారు. ఆదివారం హైదరాబాద్‌లో జరిగిన 19వ నల్సార్‌–జస్టిస్‌ బీఆర్‌ సాహ్ని మెమోరియల్‌ మూట్‌ కోర్టు పోటీల ముగింపు కార్యక్రమంలో ఆయన ప్రసంగించారు. భారత రాజ్యాంగం పౌరులను ఓటు హక్కు ఉన్నవారు, లేనివారు అంటూ రెండు వర్గాలుగా విభజించడాన్ని అంగీకరించదని జస్టిస్‌ భూయాన్‌ అన్నారు. ‘ఏదైనా ఒక ప్రక్రియ కారణంగా దేశంలోని కోట్లాది మంది పౌరులు తమ ఓటు హక్కును కోల్పోయి, సొంత దేశంలోనే ద్వితీయ శ్రేణి పౌరులుగా మిగిలిపోతే, అలాంటి ప్రక్రియ సహజంగానే అత్యంత ఏకపక్షమైనది. ఎలాంటి సాకులు లేదా ఏ ఇతర వాదనలు దీన్ని సమర్థించలేవు. ఇది రాజ్యాంగ మూలాలనే దెబ్బతీస్తుంది’ అని వ్యాఖ్యానించారు. ఓటు హక్కు,.. పౌరసత్వానికి అసలైన ప్రాణం ‘నిజానికి, ఓటు హక్కు అనేది పౌరసత్వానికి అసలైన ప్రాణం. దేశ పాలనా వ్యవస్థలో ఒక సామాన్య పౌరుడు భాగస్వామి కావడానికి ఉన్న ఏకైక మార్గం ఇదే. ఆర్టికల్‌ 326ను ఎవరూ మార్చలేరు. ఏ అధికార సంస్థ కూడా ఇలా చేయలేదు. ఏ కోర్టు కూడా దీన్ని క్షమించదు. రాజ్యాంగానికి అతీతులు ఎవరూ లేరు’ అని జస్టిస్‌ భూయాన్‌ స్పష్టం చేశారు. గతంలో కొన్ని తీర్పుల్లో ఓటు హక్కు ప్రాథమిక హక్కు కాదని సుప్రీంకోర్టు పేర్కొన్నప్పటికీ, ’పీపుల్స్‌ యూనియన్‌ ఫర్‌ సివిల్‌ లిబర్టీస్‌ వర్సెస్‌ యూనియన్‌ ఆఫ్‌ ఇండియా’ కేసు తీర్పు ప్రకారం ఓటు హక్కు కచ్చితంగా రాజ్యాంగబద్ధమైన హక్కు అని, అది ఆర్టికల్‌ 326 ద్వారానే లభిస్తుందని జస్టిస్‌ భూయాన్‌ స్పష్టం చేశారు. పరిపాలనాపరమైన ప్రక్రియల ద్వారా పౌరుల ఓటు హక్కును హేతుబద్ధత లేకుండా హరించకూడదన్నారు. ప్రజా ప్రాతినిధ్య చట్టం–1950 ప్రకారం ఓటర్ల జాబితా నుంచి పేర్లను తొలగించే ముందు సదరు ఓటరుకు తగిన వివరణ ఇచ్చుకునే అవకాశం కల్పించాలన్నారు. ‘ఓటరు మరణించిన సందర్భంలో తప్ప, ఒకసారి ఓటర్ల జాబితాలో చేరిన పేరును సదరు వ్యక్తికి నోటీసు ఇవ్వకుండా, వారి వివరణ వినకుండా తొలగించడానికి వీల్లేదు. ఒక భారతీయ పౌరుడి గుర్తింపు నుంచి ఓటు హక్కును లేదా ఓటర్ల జాబితాలో ఉండే హక్కును వేరు చేయలేం. అది శరీరం నుండి ఆత్మను తీసేయడంతో సమానం’ అని జస్టిస్‌ భూయాన్‌ వ్యాఖ్యానించారు.స్వాగతించిన కాంగ్రెస్, తృణమూల్‌ జస్టిస్‌ భూయాన్‌ వ్యాఖ్యలను కాంగ్రెస్‌ నేత జైరాం రమేష్‌ స్వాగతించారు. ‘పర్యావరణ పరిరక్షణ కోసం నిరంతరం గళమెత్తే సుప్రీంకోర్టు సిట్టింగ్‌ జడ్జి జస్టిస్‌ ఉజ్జల్‌ భూయాన్, ఇప్పుడు ఓటు హక్కు అనేది రాజ్యాంగ ప్రాథమిక నిర్మాణంలో ఒక భాగమని అత్యంత ధైర్యంగా తన అభిప్రాయాన్ని వ్యక్తం చేశారు. రాజ్యాంగబద్ధమైన పదవిలో ఉండి కూడా సీఈసీ స్వయంగా రాజ్యాంగాన్ని ఉల్లంఘించారని ఇది నిరూపిస్తోంది’ అని జైరాం రమేశ్‌ పేర్కొన్నారు.జస్టిస్‌ భుయాన్‌ సీఈసీ జ్ఞానేశ్‌ కుమార్‌ వైఫల్యాలను పూర్తిగా ఎండగట్టారని, జ్ఞానేశ్‌కు ఆ పదవిలో కొనసాగే నైతిక హక్కు ఎంతమాత్రం లేదన్నారు. తృణమూల్‌ కాంగ్రెస్‌ ఎంపీ మహువా మొయిత్రా సైతం జస్టిస్‌ భూయాన్‌ను అభినందించారు. ‘పదవీ విరమణ చేసిన రోజున న్యాయమూర్తులు ధైర్యంగా మాట్లాడటం చాలా సులువు. కానీ, పదవిలో ఉన్న ఒక సిట్టింగ్‌ జడ్జి అధికార పీఠాన్ని ప్రశ్నిస్తూ నిజాన్ని నిర్భయంగా చెప్పడం ఇదే మొదటిసారి. జస్టిస్‌ భూయాన్‌కు నా అభినందనలు’ అని ఆమె పేర్కొన్నారు.

సూర్యాపేట: జిల్లాలోని 1,029 ప్రభుత్వ పాఠశాలలు, జూనియర్‌ కళాశాలల్లో చదువుతున్న సుమారు 60 వేల మంది విద్యార్థులకు ప్రతిరోజూ అల్పాహారం అందించేందుకు మునగాల మండలంలో రూ. 9.60 కోట్లతో అత్యాధునిక కమ్యూనిటీ కిచెన్‌ ఏర్పాటు చేయనుంది ప్రభుత్వం. ఈ ప్రాజెక్టుకు అక్టోబర్‌ 6న మధ్యాహ్నం 12 గంటలకు ఉప ముఖ్యమంత్రి భట్టి విక్రమార్క, రాష్ట్ర నీటిపారుదల, పౌరసరఫరాల శాఖ మంత్రి ఎన్‌. ఉత్తమ్‌ కుమార్‌ రెడ్డి శంకుస్థాపన చేయనున్నారు.మునగాల మండలంలో జాతీయ రహదారి పక్కన, మునగాల–మాధారం మధ్య ఎంపిక చేసిన స్థలంలో ఈ కేంద్రీకృత వంటశాలను నిర్మించనున్నారు. పెద్ద సంఖ్యలో విద్యార్థులకు ఒకే కేంద్రం నుంచి ఆహారం తయారు చేసి, ప్యాకింగ్‌, రవాణా, పంపిణీ చేసే విధంగా ప్రాజెక్టును రూపొందిస్తున్నారు. దేశంలోనే అత్యాధునిక సదుపాయాలతో ఈ వంటశాలను అభివృద్ధి చేయనున్నట్లు మంత్రి ఉత్తమ్‌ కుమార్‌ రెడ్డి తెలిపారు.ఈ కమ్యూనిటీ కిచెన్‌ నిర్మాణానికి సింగరేణి కంపెనీ రూ. 9.60 కోట్ల విరాళం అందించింది. మంత్రి ఉత్తమ్‌ కుమార్‌ రెడ్డి, కోదాడ ఎమ్మెల్యే పద్మావతి చేసిన విజ్ఞప్తుల మేరకు సింగరేణి ఈ నిధులను సమకూర్చినట్లు మంత్రి తెలిపారు. విద్యార్థులకు నేరుగా ప్రయోజనం చేకూర్చే ఈ కార్యక్రమానికి సహకరించిన ఉప ముఖ్యమంత్రి భట్టి విక్రమార్క, సింగరేణి కంపెనీకి మంత్రి ఉత్తమ్‌ కుమార్‌ రెడ్డి, ఎమ్మెల్యే పద్మావతి కృతజ్ఞతలు తెలిపారు.

ఏక్తానగర్, గుజరాత్: కేంద్ర–రాష్ట్ర ప్రభుత్వాల సమన్వయంతోనే వేగవంతమైన అభివృద్ధి సాధ్యమని తెలంగాణ రాష్ట్ర రోడ్లు, భవనాల శాఖ మంత్రి కోమటి రెడ్డి వెంకట్ రెడ్డి పేర్కొన్నారు. చింతన్ శివిర్‌- 2026కు హాజరయ్యేందుకు గుజరాత్ చేరుకున్న సందర్భంగా మంత్రి కోమటిరెడ్డి వెంకట్‌రెడ్డి స్థానిక మీడియాతో మాట్లాడుతూ.. దేశంలో రహదారుల అభివృద్ధికి కేంద్రమంత్రి నితిన్ గడ్కరీ ప్రత్యేక శ్రద్ధ తీసుకుంటున్నారని అన్నారు. భవిష్యత్ అవసరాల దూరదృష్టితోనే జాతీయ రహదారుల నిర్మాణం వేగంగా జరుగుతోందని చెప్పారు.దేశంలో భారీ మౌలిక వసతుల ప్రాజెక్టులు విజయవంతంగా పూర్తి కావాలంటే కేంద్ర, రాష్ట్ర ప్రభుత్వాల మధ్య సమన్వయం అత్యంత కీలకమని, అదే చింతన్ శివిర్ ప్రధాన ఉద్దేశమని మంత్రి పేర్కొన్నారు. రాష్ట్ర అవసరాలను కేంద్రం దృష్టికి తీసుకెళ్లడంతో పాటు, కేంద్రం చేపడుతున్న కొత్త విధానాలు, పథకాలను రాష్ట్రంలో సమర్థవంతంగా అమలు చేయడానికి ఈ సమావేశం ఉపయోగపడుతుందని తెలిపారు.తెలంగాణ భవిష్యత్ అవసరాలకు అనుగుణంగా రహదారి మౌలిక వసతులను అభివృద్ధి చేయడమే ప్రజా ప్రభుత్వ లక్ష్యమని, ఇందుకోసం కేంద్రంతో సమన్వయం చేసుకుంటూ రాష్ట్రానికి అవసరమైన అన్ని కీలక ప్రాజెక్టులను సాధించేందుకు కృషి చేస్తామని మంత్రి కోమటిరెడ్డి వెంకట్‌రెడ్డి స్పష్టం చేశారు.

హైదరాబాద్‌: తెలంగాణ రాష్ట్రానికి బీసీ సీఎం కచ్చితంగా అవుతారని పీసీసీ చీఫ్‌ మహేష్‌ గౌడ్‌ తేల్చిచెప్పారు. బీసీల హక్కుల కోసం మాట్లాడే ధైర్యం రాహుల్‌ గాంధీ ఇచ్చారని, తెలంగాణ రాష్ట్రానికి బీసీ ముఖ్యమంత్రి అవుతాడని ఘంటాపదంగా చెబుతున్నానన్నారు. మహేష్‌ గౌడ్‌ ఢిల్లీకి వెళ్లే క్రమంలో శంషాబాద్‌లో మీడియాతో మాట్లాడారు.‘రాహుల్ గాంధీ, ఖర్గే ఇచ్చిన ధైర్యంతో బీసీ ముఖ్యమంత్రి అవుతాడని చెబుతున్నా. రాహుల్ భారత్ జోడో యాత్రతో ఎవరు వాటా ఎంతో వారికి అంత అనేది రాహుల్ గాంధీ నినాదం. బీసీలకు రావాల్సిన వాటా తీసుకుంటాం. కుల సర్వే సాకారం అయి ఉంటే యావద్దేశానికి తెలంగాణ రోల్ మోడల్‌గా ఉండేది. ప్రధాని మోదీ బీసీలను వంచనకు గురి చేస్తున్నారు. తెలంగాణ పిలుపు కేంద్రానికి కనువిప్పు కావాలి. స్థానిక సంస్థల ఎన్నికల్లో 55 శాతానికి పైగా సర్పంచ్‌లను చేశాం. మున్సిపల్ ఎన్నికల్లో 58 శాతం బీసీలకు సీట్లు ఇచ్చిన ఘనత కాంగ్రెస్ పార్టీది. మంత్రివర్గంలో, ఎమ్మెల్సీల్లో, కార్పొరేషన్లలో బీసీల సంఖ్యను పెంచుతాం. సీఎం రేవంత్ రెడ్డి, డిప్యూటీ సీఎం బట్టివిక్రమార్క, మంత్రుల సహకారంతో కుల సర్వే నిర్వహించి డాక్యుమెంట్ ఇచ్చాం. మోదీ గద్దె దిగే టైం వచ్చింది. రాహుల్ ప్రధాని కావడం తథ్యం. కేంద్రంలో కాంగ్రెస్ అధికారంలోకి రాగానే దేశవ్యాప్తంగా కుల సర్వే నిర్వహిస్తాం. కులాలను పక్కనపెట్టి బీసీలు ఏకం కావాలి. పోరాడితే పోయేదేమీ లేదు. భవిష్యత్ తరాల కోసం పోరాటం చేయాల్సిన అవసరం ఉంది’ అని పేర్కొన్నారు. ఇదీ చదవండి: CECని తొలగించాలని రాష్ట్ర వ్యాప్త నిరసనలు

సాక్షి, హైదరాబాద్‌: సీపీఎం ఆఫీసులో ఇండి కూటమి నేతలు కీలక భేటీ నిర్వహించారు. ఎన్నికల నిర్వహణపై వివాదాల నేపథ్యంలో CEC జ్ఞానేష్‌ కుమార్‌ను తొలగించాలని డిమాండ్‌ చేస్తూ నిరసన చేపట్టనున్నట్లు తెలిపారు. ఈ నేపథ్యంలో ఇండి కూటమి ఆధ్వర్యంలో ఈనెల 6న రాష్ట్రవ్యాప్తంగా కలెక్టరేట్ల ఎదుట ధర్నా నిర్వహించనున్నామని తదనంతరం 8వ తేదీన ఛలో లోక్‌భవన్‌ కార్యక్రమం చేపట్టనున్నట్లు తెలిపారు. నవంబర్‌ 1వ తేదీన ఛలో ఢిల్లీ కార్యక్రమం నిర్వహించాలని నేతలంతా నిర్ణయించినట్లు పేర్కొన్నారు.ఎస్‌ఐఆర్‌తో పాటు ఎన్నికల నిర్వహణకు సంబంధించిన పలు కీలక వ్యవహారాల్లో చీఫ్ ఎలక్షన్ కమిషనర్ జ్ఞానేశ్‌‌ కుమార్‌ రాజీనామా చేయాలంటూ ప్రతిపక్షాలు డిమాండ్ చేస్తున్నాయి. ఈ నేపథ్యంలో సీఈసీకీ మరోషాక్‌ తగిలింది. సుమారు రెండు దశాబ్దాల క్రితం (2006లో) ఆయనపై నమోదైన ఓ ఆత్మహత్య కేసుకు సంబంధించి కేరళ ప్రభుత్వం సంచలన నిర్ణయం తీసుకుంది. నాటి కేసుపై సమగ్ర దర్యాప్తు జరపాలని కేరళ హోం మంత్రి రమేష్ చెన్నితాలా విజిలెన్స్ విచారణకు ఆదేశాలు జారీ చేశారు.

సాక్షి, హైదరాబాద్‌: బాలీవుడ్‌ నటీ జాన్వీకపూర్‌ మార్ఫింగ్‌ వీడియోపై హైదరాబాద్‌ పోలీసులు సీరియసయ్యారు. ఈ నేపథ్యంలో ఈ వీడియో వ్యవహారంపై కేసు నమోదు చేశారు. ఇటువంటి పనులు చేస్తే తీవ్రపరిణామాలుంటాయని హెచ్చరించారు. కాగా ప్రస్తుతం సోషల్‌ మీడియాలో ఎక్కడ చూసినా ‘చుట్టమల్లే’(దేవర సినిమా) పాట సెగ కనిపిస్తోంది. ఏఐ ద్వారా అత్యంత నీచంగా ఎడిట్‌ చేసిన ఈ వీడియోని కొంతమంది సోషల్‌ మీడియాలో షేర్‌ చేస్తున్నారు. దీనిపై ఎన్టీఆర్‌తో పాటు హీరోయిన్ జాన్వీ కపూర్‌ స్పందించారు.చుట్టమల్లే పాటను ఏఐ టెక్నాలజీతో అసభ్యకరంగా మార్ఫింగ్ చేయడంపై హీరోయిన్ జాన్వీ కపూర్ తీవ్రంగా స్పందించారు. ఇలాంటి నకిలీ వీడియోలను క్రియేట్ చేయడం, షేర్ చేయడం ఏఐ దుర్వినియోగమేనని తెలిపారు.ఇలాంటి చేష్టలకు పాల్పడిన వారిపై తప్పకుండా తీవ్రమైన చట్టపరమైన చర్యలు ఉంటాయని ఆమె గట్టిగా హెచ్చరించారు. ఈమేరకు ట్విటర్‌లో పోస్ట్‌ చేశారు.కాగా ఇప్పటికే ఈ ఏఐ వీడియోపై మ్యాన్ ఆఫ్ మాసెస్ ఎన్టీఆర్ రియాక్ట్ అయ్యారు. ఇలాంటి దుశ్చర్యకు పాల్పడిన వారిని వదిలిపెట్టేది లేదని హెచ్చరించారు. ఇప్పుడు ఈ వివాదం పై హీరోయిన్ జాన్వీ కపూర్ సైతం స్పందించింది. ఏఐ టెక్నాలజీని ఇలా దుర్వినియోగం చేయడం కలవరపాటుకు గురిచేస్తోందని తీవ్ర అసహనం వ్యక్తం చేశారద్నె‌ఫైఫైరవుతున్న నెటిజన్లు ఇలాంటి చర్యల వల్ల సెలబ్రిటీల వ్యక్తిగత ప్రతిష్ట, గౌరవానికి తీవ్ర భంగం వాటిల్లుతోందని అభిమానులు మండిపడుతున్నారు. క్రియేటివిటీ పేరుతో నటీనటులు చేయని పనులను చేసినట్లుగా ఏఐ ద్వారా చూపించడం క్షమించరాని నేరమని మండిపడుతున్నారు. టెక్నాలజీని కొత్త ప్రయోగాలకు, విజ్ఞానానికి ఉపయోగించాలని సెలబ్రెటీల వ్యక్తిత్వాన్ని దిగజార్చడానికి కాదని హితవు పలుకుతున్నారు. బాధ్యులైన వారిని తక్షణమే గుర్తించి అరెస్ట్ చేసి జైలుకు పంపాలని పెద్ద ఎత్తున డిమాండ్లు వెల్లువెత్తుతున్నాయి.

సాక్షి, హైదరాబాద్‌: ఎస్‌ఐఆర్‌ ప్రక్రియపై ఎంపీ అసదుద్దీన్‌ ఓవైసీ సంచలన వ్యాఖ్యలు చేశారు. ఫాం-7ను అడ్డుపెట్టుకొని ముస్లిం ఓట్లను తొలగించే యత్నం చేస్తున్నారన్నారు. ముషీరాబాద్‌, గోషామహల్‌ ప్రాంతాలలో పెద్దఎత్తున ముస్లిం ఓట్లను తొలిగించే ప్రయత్నం జరుగుతుందని ఓట్లు తొలగిస్తే ఎట్టిపరిస్థితుల్లో చూస్తూ ఊరుకోం అని హైదరాబాద్‌ ఎంపీ హెచ్చరించారు.కాగా రాష్ట్రంలో ఎస్‌ఐఆర్‌ ప్రక్రియ అభ్యంతరాలను స్వీకరించే గడువు గత షెడ్యూల్‌ ప్రకారం సెప్టెంబరు 16నే ముగియాల్సి ఉండగా దానిని ఈ నెల (అక్టోబరు 7) వరకు పొడిగించారు. తుది జాబితాను గత షెడ్యూల్‌ ప్రకారం.. అక్టోబరు 19న ప్రకటించాల్సి ఉండగా, రివైజ్డ్‌ షెడ్యూల్‌ ప్రకారం ఇప్పుడు నవంబరు 9న ప్రకటిస్తారు. ఈ నేపథ్యంలో అసదుద్దీన్‌ వ్యాఖ్యలు ఇప్పుడు తీవ్ర దుమారం రేపుతున్నాయి.

సాక్షి, హైదరాబాద్: సికింద్రాబాద్‌ కంటోన్మెంట్‌ పరిధిలో ఓ కస్టమర్‌ బరితెగించి ప్రవర్తించారు. ఫుడ్‌ డెలివరీ ఆలస్యమయ్యిందని సదరు డెలివరి బాయ్‌పై ఏకంగా దాడికి దిగాడు. వివరాల్లోకి వెళితే.. సికింద్రాబాద్‌ కంటోన్మెంట్‌ పరిధిలో ఓ భార్యభర్తలు ఫుడ్‌ డెలివరీకి ఆర్డర్‌ ఇచ్చారు. అయితే ఆ సమయంలో లొకేషన్‌ తప్పుగా పెట్టారు. దీంతో ఆ డెలివరీ ఆలస్యమయ్యింది.దీంతో ఆగ్రహం చెందిన భార్యభర్తలు ఫుడ్‌ డెలివరీ ఆలస్యమయ్యిందని సదరు డెలివరీ బాయితో వాగ్వాదానికి దిగారు. అంతటితో ఆగకుండా అతనిపై దాడి చేశారు. ఈ చిత్రాలు అక్కడి సీసీటీవీలో రికార్డయ్యాయి.

ఏదో మేమే కొత్తగా తీసుకుంటున్నట్లు అంటారేం! పక్కరాష్ట్రం కూడా మస్తు అప్పులు చేస్తుంది!

సాక్షి,హైదరాబాద్‌: ప్రివిలేజ్‌ ఫీజు పేరుతో ప్రభుత్వం తమపై విపరీతమైన ఆర్థిక భారం మోపుతోందని మండిపడుతూ తెలంగాణ రాష్ట్ర రెస్టారెంట్‌, బార్‌ ఓనర్స్‌ అసోసియేషన్‌ కీలక నిర్ణయం తీసుకుంది. రేపటి నుంచి తెలంగాణలో బార్లు బంద్‌ పాటించేందుకు పిలుపునిచ్చాయి. ప్రభుత్వం తన నిర్ణయాన్ని వెనక్కి తీసుకునే వరకు ఆందోళనలు ఉధృతం చేయాలని నిశ్చయించుకున్న బార్ల యజమానులు, సోమవారం (అక్టోబర్ 5) నుంచి రాష్ట్ర వ్యాప్తంగా బార్‌ అండ్‌ రెస్టారెంట్లను పూర్తిగా మూసి వేయనున్నట్లు ప్రకటించారు. ఈ బంద్‌ పిలుపుతో తెలంగాణ వ్యాప్తంగా ఉన్న దాదాపు 1,200లకు పైగా బార్‌ అండ్‌ రెస్టారెంట్లు మూతపడనున్నాయి.ఇటీవల జరిగిన కేబినెట్‌ సమావేశంలో బార్‌ స్లాబ్స్‌‌ ప్రకారం ప్రివిలేజ్‌ ఫీజును 8 శాతం నుంచి ఏకంగా 20 శాతానికి పెంచుతూ ప్రభుత్వం నిర్ణయం తీసుకోవడం బార్‌ యజమానుల్లో తీవ్ర ఆగ్రహానికి కారణమైంది. ఇప్పటికే లైసెన్సు ఫీజుల రూపేణా ఏటా రూ.33 లక్షల నుంచి రూ.56 లక్షల వరకు చెల్లిస్తున్నామని, ఇప్పుడు కొత్తగా తెచ్చిన ప్రివిలేజ్‌ ఫీజు వల్ల ఒక్కో బార్‌పై అదనంగా మరో రూ.30 లక్షల వరకు భారం పడుతుందని యజమనులు ఆవేదన వ్యక్తం చేస్తున్నారు. ఈ సమస్యపై స్పందించిన తెలంగాణ రాష్ట్ర రెస్టారెంట్‌, బార్‌ ఓనర్స్‌ అసోసియేషన్‌ ప్రతినిధులు నేరుగా ఆబ్కారీ శాఖ మంత్రి జూపల్లి కృష్ణారావును కలిసి తమ గోడును వెళ్లగక్కారు. బార్ల నిర్వహణ నిబంధనలు, లైసెన్స్‌ ఫీజులు మరియు అడ్డగోలుగా పెంచిన ప్రివిలేజ్‌ ఫీజు జీవోను తక్షణమే రద్దు చేయాలని కోరుతూ మంత్రికి వినతిపత్రం అందజేశారు. ప్రభుత్వం నుంచి స్పందన వచ్చే వరకు బంద్‌ కొనసాగుతుందని, డిమాండ్లు నెరవేరకపోతే నిరాహార దీక్షలతో పాటు భవిష్యత్తులో మరింత ఉధృతమైన ఆందోళన కార్యక్రమాలకు దిగుతామని అసోసియేషన్ స్పష్టం చేసింది.

ఖమ్మం రూరల్‌/మరిపెడ: ఖమ్మం జిల్లా ఏదులాపురం మున్సిపాలిటీ పరిధి సింహాద్రినగర్‌ నివాసి దారం సుప్రియ (30) అమెరికాలో జరిగిన రోడ్డు ప్రమాదంలో మృతి చెందారు. మహబూబాబాద్‌ జిల్లా మరిపెడ బంగ్లాకు చెందిన దారం శ్రీనివాస్, జ్యోతి దంపతులు కుటుంబంతో కలిసి సింహ్రాద్రినగర్‌లో నివాసముంటున్నాడు. ఆయనకు ఇద్దరు కుమార్తెలు.పెద్ద కుమార్తె సుప్రియకు మహబూబాబాద్‌కు చెందిన సాఫ్ట్‌వేర్‌ ఉద్యోగి రంజిత్‌తో వివాహం జరిగింది. వీరు అమెరికాలోని ముస్సోరి రాష్ట్రంలో నివాసం ఉంటుండగా, మూడేళ్ల కుమారుడు ఉన్నాడు. సుప్రియ శనివారం తన స్నేహితురాలితో కలిసి కారులో రెస్టారెంట్‌కు వెళ్లి వస్తుండగా ఎదురుగా వచ్చిన టిప్పర్‌ బలంగా ఢీకొట్టింది. ఈ ప్రమాదంలో సుప్రియ అక్కడికక్కడే మృతి చెందగా ఆమె స్నేహితురాలు తీవ్రంగా గాయపడింది.భారత కాలమానం ప్రకారం శనివారం అర్ధరాత్రి రెండు గంటలకు ఆమె మృతి వార్త తెలియడంతో తండ్రి శ్రీనివాస్, కుటుంబీకులు కన్నీరుమున్నీరయ్యారు. కాగా, సుప్రియ కుటుంబ సభ్యులను సీపీఐ జిల్లా కార్యదర్శి దండి సురేష్‌ తదితరులు పరామర్శించారు. సుప్రియ మృతదేహం అమెరికా నుంచి మంగళవారం వచ్చే అవకాశం ఉంది. ఇదీ చదవండి: రెండు ఇళ్ల గోడల మధ్య ఇరుక్కున్న వృద్ధుడు

వికారాబాదు జిల్లా: అదృశ్యమైన మహిళ విగతజీవిగా కనిపించింది. ఇంటి నుంచి బయటకు వెళ్లిన ఆమె హత్యకు గురైంది. ప్రియుడి మోజులో పడి తిరిగిరానిలోకాలకు చేరింది. పోలీసులు తెలిపిన వివరాల ప్రకారం.. మండల పరిధిలోని చెల్లాపూర్‌ గ్రామానికి చెందిన అమృతమ్మ(34)కు కుల్కచర్లకు చెందిన గంధం భీమయ్యతో వివాహం జరిగింది. రెండేళ్ల క్రితం భర్త చనిపోవడంతో ఇద్దరు పిల్లలతో కలిసి చెల్లాపూర్‌లోని పుట్టింట్లో ఉంటోంది. అప్పుడప్పుడూ కుల్కచర్లలోని అత్తవారింటికి వచ్చి వెళ్తోంది. ఈక్రమంలో అదేగ్రామానికి చెందిన మంగలి ఆనంద్‌(28)తో పరిచయం వివాహేతర సంబంధానికి దారితీసింది. ఇల్లు చూసి వస్తానని.. కుల్కచర్లలోని ఇల్లును చూసి వస్తానని చెప్పిన అమృతమ్మ గత నెల 18న చెల్లాపూర్‌ నుంచి బయల్దేరింది. మూడు రోజులు గడిచినా తిరిగి రాకపోవడంతో కుటుంబ సభ్యులు తెలిసిన వారిని వాకబు చేసినా ఫలితం కనిపంచలేదు. దీంతో 29న కుల్కచర్ల పోలీసులకు ఫిర్యాదు చేశారు. కేసు నమోదు చేసిన ఎస్‌ఐ రమేష్‌ కేసును దర్యాప్తు ప్రారంభించారు. ఆమెతో సన్నిహితంగా ఉంటున్న పలువురిని అదుపులోకి తీసుకుని విచారించగా అమృతమ్మతో వివాహేతర సంబంధం కొనసాగిస్తున్న మంగలి ఆనంద్‌ ఆమెను హత్యచేసినట్లుగా గుర్తించారు. ఆభరణాలు అడగడంతోనే.. ఆనంద్‌తో సన్నిహితంగా ఉంటున్న అమృత అతని అవసరాల నిమిత్తం బంగారు, వెండి ఆభరణాలను ఇచ్చింది. వీటిని తనఖా పెట్టిన ఆనంద్‌ రూ.2 లక్షలు తీసుకుని వాడుకున్నాడు. తన నగలు ఇవ్వాలని పదేపదే అడుగుతుండటంతో అమృతమ్మను చంపాలని నిర్ణయించుకున్నాడు. సెపె్టంబర్‌ 18న కొత్తపల్లిలో ఆమెను కారు ఎక్కించుకున్నాడు. మహబూబ్‌నగర్‌ జిల్లా గండేడ్‌ మండలం వెన్నాచెడ్‌ చెరువు కట్ట వద్దకు తీసుకెళ్లి చీరకొంగును మెడకు బిగించి హత్యచేశాడు. చనిపోయిందని నిర్ధారించుకున్న అనంతరం ముందస్తు పథకం ప్రకారం తెచ్చుకున్న డీజిల్‌ పోసి నిప్పంటించాడు. మృతదేహం కాలకపోవడం, అప్పటికే ఎక్కువ సమయం కావడంతో ఆందోళనకు గురై బాడీని మూట కట్టి కారులో పెట్టుకుని తెలంగాణ రాష్ట్ర సరిహద్దు ప్రాంతమైన కృష్ణ జిల్లా తుంగభద్ర నదీ పరీవాహక అటవీ ప్రాంతంలో పడేశాడు. విచారణ అనంతరం మృతదేహం మూటను పోలీసులు గుర్తించారు. శవపంచనామా నిర్వహించారు. అదృశ్యం కేసును హత్యకేసుగా మార్చి తదుపరి విచారణ చేపట్టనున్నట్లు ఎస్‌ఐ తెలిపారు.

ఉదయం లేవగానే ఓ కప్పు చాయ్‌ పడాల్సిందే.. ఆఫీస్‌ పనిలో అలసటైనా, స్నేహితులతో సరదా కబుర్లయినా, చలిగాలులైనా తేనీరుతోనే కిక్‌ వస్తుంది. ఒకప్పుడు సింగిల్‌ చాయ్, హాఫ్‌ చాయ్‌లకే పరిమితమైన టీ కొట్లు.. ఇప్పుడు సరికొత్త రుచులకు కేరాఫ్‌ అడ్రస్‌గా మారాయి. మారుతున్న టీ ప్రియుల అభిరుచులకు తగ్గట్లుగా రకరకాల ఫ్లేవర్లు అందుబాటులోకి తెచ్చారు.రామగిరి(నల్లగొండ): చక్కెర వాడకం వల్ల ఆరోగ్యానికి కలిగే నష్టాలను దృష్టిలో ఉంచుకుని.. చాలామంది ఇప్పుడు బెల్లం టీ వైపు మొగ్గు చూపుతున్నారు. కస్టమర్ల ఆసక్తికి అనుగుణంగా సాధారణ బెల్లం టీతో పాటు స్పెషల్‌ బెల్లం టీ, బెల్లం–అల్లం టీ, బెల్లం–లెమన్‌ టీ, బెల్లం–గ్రీన్‌ టీలను నిర్వాహకులు అందుబాటులోకి తెచ్చారు. అంతేకాకుండా బెల్లంతో చేసే హాట్‌ కాఫీ, బ్లాక్‌ కాఫీలతో పాటు బూస్ట్, హార్లిక్స్, బాదం పాలు వంటి పానీయాలకు సైతం గిరాకీ పెరిగింది.ఆరోగ్యదాయక ఫ్లేవర్లు..మరోవైపు ప్రత్యేక టీ స్టాళ్లలో మూలికలు, సుగంధ ద్రవ్యాలతో కూడిన ఫ్లేవర్డ్‌ టీలకు మంచి ఆదరణ లభిస్తోంది. ముఖ్యంగా ఆరోగ్య రీత్యా లెమన్‌ టీ, అల్లం టీ, గ్రీన్‌ టీ, జీరా టీ, బ్లాక్‌ టీ వంటి వాటిని బెస్ట్‌ ఆప్షన్లుగా ఎంచుకుంటున్నారు. ఏదేమైనా మారుతున్న కాలానికి అనుగుణంగా టీ వ్యాపారం కొత్త పుంతలు తొక్కుతోంది.పేరులో స్పెషల్‌చౌటుప్పల్‌ : ప్రయాణికులను ఆకర్షించేలా హోటళ్లకు ఇంటి వంట, అమ్మచేతి వంట ఇలా వినూత్నమైన పేర్లు పెడుతున్నారు. ఇప్పుడు ఆ ట్రెండ్‌ టీ స్టాళ్లకు సైతం పాకింది. హైవేలపై ఆగే వాహనదారుల దృష్టిని ఆకర్షించేలా.. రకరకాల విలక్షణమైన పేర్లతో చాయ్‌ స్టాళ్లు వెలుస్తున్నాయి. చౌటుప్పల్‌ మండల పరిధిలోని ఎల్లగిరి గ్రామ శివారులో హైవే వెంట కొయ్యలగూడెం గ్రామానికి చెందిన వర్కాల ప్రదీప్‌ ఫ్రాంచైజీ పద్ధతిలో ‘ఇంటి చాయ్‌’ పేరుతో ఓ టీస్టాల్‌ ఏర్పాటు చేసి అన్ని రకాల చాయ్‌లు అందిస్తున్నాడు.రుచి మారకుండా ప్రత్యేక యంత్రం ఫ్రాంచైజర్‌ సరఫరా చేసే టీ పౌడర్‌తో చాయ్‌ తయారు చేసుకుని ఇక్కడ ఓ ప్రత్యేకమైన బాక్స్‌లో నిల్వ చేస్తారు. ఆ విద్యుత్‌ బాక్స్‌లో కింది భాగంలో నీరు, పై భాగంలో పాలు నిల్వ చేసుకునే సదుపాయం ఉంటుంది. బాక్స్‌కు ఉన్న నియంత్రణ బటన్‌ ద్వారా చాయ్‌కి కింది బాక్సులో ఉన్న నీరు మనకు కావాలి్సన మోతాదులో వేడి అవుతుంది. వాతావరణం ఎలా ఉన్నా.. వేడి స్థిరంగా ఉండటంతో బాక్సులోని చాయ్‌ రుచిలో ఏమాత్రం తేడాలు లేకుండా కస్టమర్లకు అందుతోంది. ఫిల్టర్‌ కాఫీకి ఫిదా పుర్రెకో బుద్ధి.. జిహ్వకో రుచి అన్నారు పెద్దలు. జనాల ఆలోచనకు తగ్గట్లు కొన్ని సంస్థలు దక్షిణ భారతీయ సంప్రదాయ రుచులకు ఆధునిక హంగులను మేళవించి సరికొత్త పానీయాలను అందిస్తున్నాయి. ప్రపంచవ్యాప్తంగా పేరుగాంచిన ఫిల్టర్‌ కాఫీ ఘుమఘుమల స్టాళ్లు ఇప్పుడు ఫ్రాంచైజీల సాయంతో ఏర్పాటు చేసి జనాలను ఆకర్షిస్తున్నారు. – కోదాడకాఫీకి ఘనమైన చరిత్ర..17వ శతాబ్దంలో బాబా బుడాన్‌ అనే సూఫీ ప్రవక్త ఝెమెన్‌ దేశం నుంచి కాఫీ గింజలను తీసుకొచ్చి కర్ణాటక రాష్ట్రంలోని చిక్‌మగళూరు, చంద్రగిరి కొండల్లో నాటినట్లు తెలుస్తోంది. 18వ శతాబ్దంలో బ్రిటిష్‌వారి రాకతో కాఫీ వినియోగం పెరిగింది. కర్ణాటకలో కాఫీ పంట పండుతున్నప్పటికీ బ్రిటిష్‌ వారు ఎక్కువగా మద్రాస్‌లో నివసించేవారు. ఈ ఫిల్టర్‌ కాఫీ తయారీ వారికి నచ్చడంతో విరివిగా హోటళ్లు పెరిగాయి. క్రమేణా ఈ కాఫీకి మద్రాస్‌ కాఫీ అని.. దీని తయారీలో రంధ్రాలు గల ఫిల్టర్‌ను వాడుతుండడంతో ‘మద్రాస్‌ ఫిల్టర్‌ కాఫీ’ అని పేరు వచ్చినట్లు తెలుస్తుంది. తయారీలో గిన్నె, గ్లాస్‌దే ప్రత్యేకత..ఫిల్టర్‌ కాఫీ తయారీలో నాణ్యమైన కాఫీ గింజలతో పాటు నురగలు తెప్పించడానికి వాడే గిన్నె, గ్లాస్‌ ముఖ్యమైనవి. కాఫియా అరబికా, రొబస్టా అనే కాఫీ మొక్కల నుంచి వచ్చే విత్తనాలను వేయించి పొడి చేస్తారు. దీనికి సువాసన రావడానికి చికోరి మొక్క నుంచి వచ్చే పొడి కలుపుతారు. ఫిల్టర్‌ గల పాత్ర ద్వారా డికాషన్‌ తయారుచేసి, దాన్ని వేడి పాలతో కలుపుతారు. అనంతరం గిన్నె, గ్లాస్‌ తీసుకుని ఒకదాని నుంచి మరొక దానిలోకి ఎత్తు నుంచి పోస్తూ నురగలు తెప్పిస్తారు. ఎంత ఎక్కువ నురగ వస్తే అది అంత మంచి ఫిల్టర్‌ కాఫీ అన్నమాట.ఆకట్టుకుంటున్న ఫ్రాంచైజీలువిజయవాడ– హైదరాబాద్‌ జాతీయ రహదారి వెంట పదుల సంఖ్యలో మద్రాస్‌ ఫిల్టర్‌ కాఫీ, చెన్నపట్నం, అరకు ఫిల్టర్‌ కాఫీల ఇలా.. పలు రకాల పేర్లతో కాఫీ కేంద్రాలు ఏర్పాటు చేస్తున్నారు. కాఫీ తయారీకి కావాలి్సన సామగ్రిని ఫ్రాంచేజీకి అనుమతి ఇచ్చే సంస్థే సమకూరుస్తుంది. అదేవిధంగా కాఫీ తయారీ కోసం కొంత మంది సిబ్బందికి ప్రత్యేక శిక్షణ కూడా ఇస్తారు. ప్రయాణికులు కూడా ఖర్చుకు వెనుకాడకుండా ఈ సరికొత్త రుచులను ఆస్వాదిస్తున్నారు.

నస్పూర్‌/మందమర్రిరూరల్‌: మంచిర్యాల జిల్లా నస్పూర్‌ గేట్‌ వద్ద గతనెల 28న జరిగిన రోడ్డు ప్రమాదంలో మందమర్రి మండలం పొ న్నారం గ్రామానికి చెందిన చింతకుంట్ల లక్ష్మి, వెంకటాపూర్‌కు చెందిన అగ్గు సౌందర్య, తొగరి సుమలత, కాసిపేట మండలం ధర్మరావుపేటకు చెందిన సోనీ మృతి చెందారు. తీవ్రంగా గాయపడి కోమాలోకి వెళ్లిన వెంకటాపూర్‌కు చెందిన దివ్యవాణి 29న మృతి చెందగా సల్లూరి అనూష (20) శనివారం మృతిచెందింది. దీంతో ప్రమాదంలో మృతుల సంఖ్య ఆరు చేరుకుంది. తీవ్రంగా గాయపడిన నారుమళ్ల లక్ష్మి వరంగల్‌ ఎంజీఎంలో చికిత్స పొందుతుండగా, ఆటోడ్రైవర్‌ ప్రశాంత్‌ శనివారం కరీంనగర్‌ ఆసుపత్రి నుంచి డిశ్చార్జ్‌ అయ్యాడు.పనికెళ్లిన మూడు రోజులకే ప్రమాదం వెంకటాపూర్‌కు చెందిన మల్లేశ్‌–ప్రమీల దంపతులకు మణిరాజ్, అనూష ఉన్నారు. తండ్రి, కుమారుడు వ్యవసాయ కూలీ పనులు చేసుకుంటున్నారు. వాళ్లకు చేదోడువాదోడుగా అ నూష మంచిర్యాలలో నూతనంగా ఓ షాపింగ్‌ మాల్‌ ఏర్పాటు చేస్తున్నారని తెలుసుకుని మూ డురోజుల క్రితం నుంచి పనికి వెళ్తుంది. 28న పనికి వెళ్లేక్రమంలో ప్రమాదం జరుగగా మృత్యువుతో పోరాడి మృతిచెందింది. ఒకే గ్రామంలో నలుగురిమృతితో విషాదం అలుముకుంది. పోరాడి ఓడిన అనూషప్రమాదంలో గాయపడిన అనూషను వైద్యులు మె రుగైన వైద్యం కో సం కరీంనగర్‌లో ని ఓ ప్రైవేట్‌ ఆసుపత్రికి తరలించా రు. కోమాలోకి వె ళ్లడం, మెదడులో బ్లడ్‌క్లాట్‌ కావడం, ఊపిరితిత్తుల్లోకి నీరు, బ్లడ్‌ చేరి శరీరమంతా ఇన్‌ఫెక్షన్‌ అయిందని రిపోర్ట్‌లో గుర్తించారు. చికిత్స చేసినా ఫలితం లేకపోయింది. మృతదేహాన్ని మంచిర్యాల ప్రభుత్వ ఆసుపత్రికి తరలించి పోస్టుమార్టం నిర్వహించి మృతదేహాన్ని బంధువులకు అప్పగించినట్లు సీసీసీ నస్పూర్‌ ఎస్సై తహసినొద్దీన్‌ తెలిపారు. స్వగ్రామంలో అంత్యక్రియలు నిర్వహించారు.

సాక్షి, హైదరాబాద్‌: ఎల్‌నినో కారణంగా గ్రేటర్‌ ఉడికి పోతోంది. సెప్టెంబర్, అక్టోబర్‌ మాసాల్లో సాధారణంగా 28 నుంచి 30 డిగ్రీలలోపు పగటి ఉష్ణోగ్రతలు నమోదవుతుంటాయి. కానీ ఈ సారి 34 డిగ్రీలకుపైగా నమోదవుతోంది. పగలు, రాత్రి తేడా లేకుండా ఉక్కపోత గ్రేటర్‌ వాసులను ఉక్కిరిబిక్కిరి చేస్తోంది. ఉపశమనం కోసం ఏసీలు, కూలర్లు, ఫ్యాన్లు వాడుతుండడంతో ఇంట్లోని కరెంట్‌ మీటర్‌ గిర్రున తిరుగుతోంది. సాధారణంగా పగటిపూట ఉష్ణోగ్రతలు ఎక్కువ. ఈ సమయంలో అత్యధిక విద్యుత్‌ డిమాండ్‌ నమో దు కావడం సర్వసాధారణమే. అయితే ఇందుకు భిన్నంగా ప్రస్తుతం అర్ధరాత్రి అత్యధిక డిమాండ్‌ నమోదవుతుండటం ఆందోళన కలిగిస్తోంది. ఈ సమయంలో లైట్లు ఆఫ్‌ చేసినప్పటికీ ఏసీలు ఆన్‌లో ఉండటంతో ఫీక్‌ డిమాండ్‌ నమోదవుతోంది. గతంలో ఎన్నడూ లేనంతగా సబ్‌స్టేషన్లు తీవ్ర ఒత్తిడికి గురవుతున్నాయి.ఓవర్‌లోడు కారణంగా అర్ధరాత్రి ఫీడర్లు ట్రిప్పవుతూ సరఫరాలో అంతరాయాలకు కారణమవుతోంది. ఇప్పుడే ఇలా ఉంటే వచ్చే మార్చి, ఏప్రిల్, మే మాసాల్లో ఎలా ఉంటుందో ఊహించడం కష్ట మవుతోంది. రికార్డుస్థాయిలో డిమాండ్‌.. గత ఏడాది సెపె్టంబర్‌ 25న ఉదయం 9.41 గంటలకు గ్రేటర్‌లో గరిష్ట విద్యుత్‌ డిమాండ్‌ 3,281 మెగావాట్లు నమోదు కాగా, అదే 2026 సెపె్టంబర్‌ 25న ఏకంగా 3,783 మెగావాట్లు నమోదైంది. అదే విధంగా గత ఏడాది 26న 3,200 మెగావాట్లు నమోదు కాగా, ఈ ఏడాది ఇదే రోజున 3,904 మెగావాట్లు నమోదైంది. 2025 అక్టోబర్‌ 1న 3,069 మెగావాట్లు నమోదు కాగా, ఈ ఏడాది ఏకంగా 4,114 మెగా వాట్లుగా నమోదైంది. గత ఏడాదితో పోలిస్తే ఈ సారి ఏకంగా వెయ్యి మెగావాట్లకుపైగా విద్యుత్‌ డిమాండ్‌ నమోదవడం విశేషం. సాధారణంగా మార్చి, ఏప్రిల్, మే మాసాల్లో మాత్రమే ఈ తరహా విద్యుత్‌ డిమాండ్‌ నమోదువుతుంది. కానీ ఎల్‌నినో కారణంగా ఈ సారి సెపె్టంబర్, అక్టోబర్‌లోనే నమోదవుతుండటం ఆందోళన కలిగిస్తోంది. నిరంతరాయ విద్యుత్‌ సరఫరాలో భాగంగా దక్షిణ తెలంగాణ విద్యుత్‌ పంపిణీ సంస్థ గ్రేటర్‌ పరిధిలో ఏటా లైన్ల పునరుద్ధరణ పనులు సహా ఏటా పెరుగుతున్న డిమాండ్‌ను దృష్టిలో పెట్టుకుని ఓవర్‌లోడుతో తీవ్రమైన ఒత్తిడికి గురవుతున్న 33/11 కేవీ సబ్‌స్టేషన్లు, పవర్‌ ట్రాన్స్‌ఫార్మర్లు, డి్రస్టిబ్యూషన్‌ ట్రాన్స్‌ఫార్మర్ల సామర్థ్యం పెంచారు.అయితే ట్రాన్స్‌కో తన పరిధిలోని 132 కేవీ, 200 కేవీ,400 కేవీ సబ్‌స్టేషన్ల నిర్వహణ బాధ్యతను విస్మరించింది. దీంతో ఆ సంస్థ పరిధిలోని కీలకమైన సబ్‌స్టేషన్లన్నీ తీవ్ర ఒత్తిడికి లోనై.. ట్రిప్పవుతున్నాయి. ట్రాన్స్‌కో పరిధిలోని ఒక సబ్‌స్టేషన్‌/డెడికేటెడ్‌ ఫీడర్‌లో ఏదైనా సాంకేతిక సమస్య తలెత్తితే దాని పరిధిలోని 5 నుంచి పది 33/11 కేవీ సబ్‌స్టేషన్లకు సరఫరా నిలిచిపోతోంది.

(కె. రాహుల్‌) భారతదేశపు మొట్టమొదటి స్వదేశీ సాంకేతికతతో కూడిన ఎమ్‌ఆర్‌ఎన్‌ఏ వ్యాక్సిన్‌ ప్లాట్‌ఫామ్‌ను హైదరాబాద్‌లోని అటల్‌ ఇన్‌క్యుబేషన్‌ సెంటర్‌–సెంటర్‌ ఫర్‌ సెల్యులార్‌ అండ్‌ మాలిక్యులర్‌ బయాలజీ (ఏఐసీ–సీసీఎంబీ) బృందం పూర్తిస్థాయిలో అభివృద్ధి చేసింది. ఇది కరోనాకే కాకుండా భవిష్యత్తులో వచ్చే డెంగ్యూ, మలేరియా, టీబీ వ్యాక్సిన్ల తయారీకి కేవలం కొన్ని వారాల వ్యవధిలోనే సరికొత్త టీకాలను డిజైన్‌ చేసే సామర్థ్యాన్ని ఇచి్చంది. సంప్రదాయ ఆయుర్వేద మందుల్లోని యాంటీ–వైరల్‌ గుణాలను సీసీఎంబీలోని ప్రత్యేక ’వైరల్‌ సెల్‌ కల్చర్‌ సిస్టమ్‌’ లో పరీక్షించి, వాటి సామర్థ్యాన్ని శాస్త్రీయంగా ధ్రువీకరిస్తున్నారు.ఒకప్పుడు కొత్త వైరస్‌ వస్తే దానికి వ్యాక్సిన్‌ లేదా మందు తయారీకి ఏళ్లు పట్టేది. కానీ, ఇప్పుడు సీసీఎంబీ సాధించిన ఎండ్‌–టు–ఎండ్‌ ఎంఆర్‌ఎన్‌ఏ టెక్నాలజీ వల్ల ఎలాంటి కొత్త వైరస్‌ వ్యాపించినా, కొద్ది నెలల్లోనే క్లినికల్‌ ట్రయల్స్‌ దశకు వెళ్లే మౌలిక సదుపాయాలు దేశంలో అందుబాటులోకి వచ్చాయి. ఈ నేపథ్యంలో సీఎస్‌ఐఆర్‌–సీసీఎంబీ డైరెక్టర్‌ డాక్టర్‌ వినయ్‌ కుమార్‌ నందికూరితో ‘సాక్షి’ ఇంటర్వ్యూ విశేషాలు... సాక్షి: భారతీయుల జన్యువులు మధుమేహం, గుండె జబ్బుల వంటి వ్యాధుల ప్రమాదం గురించి ఏం చెబుతున్నాయి? డాక్టర్‌: భారత్‌ ఒకే రకమైన జనాభా కాదు. మన దేశంలో వేలా ది సమాజాలు, వంశ సమూహాలున్నాయి. తరతరాలుగా కొన్ని సమాజాల్లోనే వివాహాలు జరగడం వల్ల కొన్ని జన్యు మార్పు లు నిర్దిష్ట సమూహాల్లో ఎక్కువగా కనిపిస్తాయి. అందుకే పాశ్చాత్య దేశాల జన్యు సమాచారంతో తయారు చేసిన రిస్క్‌ స్కోర్‌లను భారతీయులందరికీ నేరుగా వర్తింపజేయడం సరైనది కాకపోవచ్చు. భారతీయ జనాభాలో జన్యు వైవిధ్యాన్ని అర్థం చేసుకోవడం ద్వారా మన ప్రజలకు సరిపోయే రిస్క్‌ మో డళ్లను తయారు చేయొచ్చు. కొంతమంది మందులకు ఎందుకు భిన్నంగా స్పందిస్తున్నారో అర్థం చేసుకోవడం వంటి విషయాల్లో సహాయం లభించవచ్చు. మందులు, పరీక్షలతోపాటు వ్యర్థజలాల నిఘా భవిష్యత్‌ మహమ్మారులను గుర్తించడంలో ఉపయోగపడుతుందా? డాక్టర్‌: ప్రతి ఒక్కరూ టాయిలెట్‌ ఉపయోగిస్తారు. అనారోగ్యంగా ఉన్నవారే కాదు.. డాక్టర్‌ వద్దకు వెళ్లని వారు కూడా. అందువల్ల నగరంలోని మురుగునీరు ఆ ప్రాంత ప్రజల నుంచి సేకరించిన ఒక పెద్ద, సమష్టి నమూనా లాంటిది. ఎవరికి లక్షణాలు లేకపోయినా.. ఎవరూ ఆసుపత్రికి వెళ్లకపోయినా వారి నుంచి వైరస్‌ సంబంధిత ఆనవాళ్లు మురుగునీటిలో కనిపించవచ్చు. వ్యర్థజలాల్లో వైరస్‌ పరిమాణం పెరుగుతున్నట్లు కనిపిస్తే.. ఆసుపత్రుల్లో కేసులు పెరగకముందే వ్యాధి వ్యాప్తి పెరుగుతోందని సంకేతం రావచ్చు. కొన్ని రోజులు లేదా వారాల ముందే వైరస్‌ వ్యాప్తి పెరుగుతోందనే సంకేతం లభించవచ్చు. ఇలా చూస్తే వ్యాధి వ్యాప్తికి ముందే ప్రభుత్వానికి ఒక హెచ్చరిక అందించే అవకాశం ఉంటుంది. ఇది రోగ నిర్ధారణకు ప్రత్యామ్నాయం కాదు. కానీ ఎక్కడ ఎక్కువగా పరిశీలించానే విషయాన్ని ముందుగానే చెప్పే ‘అలారం’ లాంటిది. టీబీ బ్యాక్టీరియా మన శరీరంలో ఎలా దాక్కుంటుంది? టీబీకి కారణమయ్యే మైకోబ్యాక్టీరియం ట్యూబర్‌క్యులోసిస్‌ చాలా తెలివిగా ప్రవర్తించే బ్యాక్టీరియా. దాన్ని చంపాల్సిన మన రోగనిరోధక కణాల్లోనే అది జీవించగలదు. కొన్నిసార్లు ఏళ్ల తరబడి నిద్రాణంగా కూడా ఉండగలదు. బ్యాక్టీరియా లోపల కొన్ని రసాయన సంకేత వ్యవస్థలు ఉంటాయి. వాటిలో కినేస్‌ అనే ఎంజైమ్‌లు ఇతర ప్రొటీన్లకు ఫాస్ఫేట్‌ అనే రసాయన గుర్తును జత చేస్తాయి. ఇది ఒక స్విచ్‌లా పనిచేస్తుంది. దీంతో బ్యాక్టీరియా ఎప్పుడు పెరగాలి, తన రక్షణ గోడను ఎలా నిర్మించుకోవాలి, ఎప్పుడు నిశ్శబ్దంగా ఉండాలి వంటి విషయాలను నియంత్రించుకుంటుంది. మా పరిశోధన ఈ స్విచ్‌లను అర్థం చేసుకోవడంపై దృష్టి పెడుతోంది. ఈ వ్యవస్థను అడ్డుకోగలిగితే బ్యాక్టీరియా మన శరీరంలో బతకడం కష్టమవుతుంది. మందులకు లొంగని టీబీపై మీ పరిశోధన ఎలా ఉపయోగపడుతుంది? ఇప్పటివరకు పెద్ద సంఖ్యలో టీబీ నమూనాల జీనోమ్‌ సీక్వెన్సింగ్‌ చేసే ఇన్‌టీజీఎస్‌ అనే కన్సారి్టయంలో కూడా మేము భాగంగా ఉన్నాం. మొత్తం 32 వేల క్లినికల్‌ జీనోమ్‌లను సీక్వెన్స్‌ చేయాలనే లక్ష్యంతో ఈ కార్యక్రమం జరుగుతోంది. దీంతో భారత్‌లో ఉన్న టీబీ బ్యాక్టీరియా రకాలు ఏమిటి? ఇతర దేశాల్లో ఉన్నవాటితో వాటి తేడా ఏమిటి? ఏ జన్యు మార్పుల వల్ల మందులకు నిరోధకత వస్తోంది? వాటిని త్వరగా ఎలా గుర్తించాలి? వంటి ప్రశ్నలకు సమాధానాలు దొరకవచ్చు. అయితే టీబీ చికిత్సలో మందుల వ్యవధి కూడా చాలా ముఖ్యం. ఎక్కువకాలం చికిత్స తీసుకోవాల్సి వస్తే మధ్యలో మందులు మానేసే అవకాశం పెరుగుతుంది. అది మందుల నిరోధకత పెరగడానికి దారితీస్తుంది. అరుదైన జన్యు వ్యాధులతో బాధపడుతున్న కుటుంబాలకు జన్యు పరీక్ష, కౌన్సెలింగ్‌ కేంద్రం ఎలా సహాయపడుతోంది? అరుదైన జన్యు వ్యాధి ఉన్న కుటుంబాలు ఎన్నో సంవత్సరాలు ఒక ఆసుపత్రి నుంచి మరో ఆసుపత్రికి తిరుగుతూ.. చాలా డబ్బు ఖర్చు చేసి కూడా వ్యాధి పేరు తెలుసుకోలేకపోవచ్చు. దీనినే ‘డయాగ్నస్టిక్‌ ఒడిస్సీ’ అంటాం. మా కేంద్రం ఈ ప్రక్రియను తగ్గించడానికి ప్రయతి్నస్తుంది. వ్యాధి ఏమిటి? అది కుటుంబంలో ఎలా సంక్రమిస్తుంది? వంటి విషయాలను వివరించడంతోపాటు క్యారియర్‌ పరీక్షలు, ప్రీ–నేటల్, ప్రీ–మారిటల్‌ కౌన్సెలింగ్‌ వంటి సేవలు అందిస్తాం. ప్రతి వ్యాధికి వెంటనే మందు దొరకకపోయినా సరైన నిర్ధారణ చాలా విలువైనది. కుటుంబానికి ఎన్నో ఏళ్లుగా ఉన్న అనిశ్చితి తొలగుతుంది. లాకోన్స్‌ (లా»ొరేటరీ ఫర్‌ ద కన్జర్వేషన్‌ ఆఫ్‌ ఎన్‌డేంజర్డ్‌ స్పీషీస్‌) వన్యప్రాణుల సంరక్షణలో జన్యు, కణ సాంకేతికతలను ఎలా ఉపయోగిస్తోంది? లాకోన్స్‌ వన్యప్రాణుల సంరక్షణ కోసం కణ, జన్యు, పునరుత్పత్తి సాంకేతికతలను ఉపయోగించే ప్రత్యేక ప్రయోగశాల. ఇక్కడ అంతరించిపోతున్న జంతువుల కణాలు, అండాలు, వీర్యకణాలు, పిండాలను సురక్షితంగా నిల్వ చేసే జెనెటిక్‌ రిసోర్స్‌ బ్యాంక్‌ ఉంది. ఒక జంతువు చనిపోయినా దాని జన్యు వారసత్వం పూర్తిగా కోల్పోకుండా ఇది ఉపయోగపడుతుంది. చిన్న సంఖ్యలో మిగిలిన జంతు సమూహాల్లో కృత్రిమ పునరుత్పత్తి, కణజాల పరిశోధనలు, డీఎన్‌ఏ ఆధారిత గుర్తింపు, వంశవృక్ష విశ్లేషణ వంటి పనులు జరుగుతున్నాయి. క్లోనింగ్‌ ఒక సాధ్యమైన సాంకేతికత మాత్రమే. కానీ సంరక్షణలో అసలు లక్ష్యం ఒకే రకమైన జంతువులను తయారు చేయడం కాదు.. జన్యు వైవిధ్యాన్ని కాపాడటం. సీసీఎంబీకి చెందిన డాక్టర్‌ జి. ఉమాపతి జంతువులను పట్టుకోకుండానే వాటి మలం, మూత్రం ద్వారా హార్మోన్లను పరీక్షించే విధానాన్ని అభివృద్ధి చేశారు. ఇది ఇప్పుడు సుమారు 30 జాతుల్లో ఉపయోగకరంగా ఉంది. సాధారణ ప్రజలకు, ముఖ్యంగా గ్రామీణ ప్రాంతాలకు సీసీఎంబీ పరిశోధన ఎలా ప్రయోజనం వ్యర్థజలాల నిఘా ఒక పట్టణంలోని ప్రజలను కాపాడవచ్చు. జన్యు సలహా ఒక కుటుంబానికి మరోసారి తీవ్రమైన జన్యు వ్యాధి వచ్చే ప్రమాదాన్ని అర్థం చేసుకునేలా చేయొచ్చు. సికిల్‌ సెల్‌ అనీమియా గుర్తింపు, కొత్త డయాగ్నొస్టిక్‌ పరీక్షల అభివృద్ధి వంటి కార్యక్రమాలు గ్రామీణ ప్రాంతాల్లోని ప్రజలకు నేరుగా ఉపయోగపడొచ్చు.వైరస్‌ను పరీక్షించడానికి ఇప్పటివరకు ఉపయోగిస్తున్న కణ నమూనాలను మరింత మెరుగుపరుస్తున్నారా వెరో కణాలు వంటి ప్రయోగశాల కణాలు పరిశోధనకు చాలా ఉపయోగకరమైనవి. కానీ అవి కోతి మూత్రపిండ కణాల నుంచి వచి్చనవి. అందువల్ల అవి మానవ శ్వాసకోశంలో వైరస్‌ ప్రవర్తనను పూర్తిగా చూపించలేవు. ఇప్పుడు మానవుల శ్వాసకోశాన్ని మరింత దగ్గరగా అనుకరించే ఎయిర్‌వే ఎపితీలియల్‌ కణాలు, ఆర్గనాయిడ్‌ తరహా నమూనాలపై పనిచేస్తున్నాం. వీటిలో శ్వాసనాళాల్లో ఉండే కణాల పొర, మ్యూకస్‌ వంటి లక్షణాలు ఉంటాయి. అంటే ఒక మందు నిజమైన మానవ శరీరంలో ఎలా పనిచేసే అవకాశం ఉందో జంతు పరీక్షలకు ముందే కొంత మెరుగ్గా అర్థం చేసుకోవచ్చు.వైరస్‌ సోకిందని త్వరగా గుర్తించడం కూడా అంతే ముఖ్యం. ఈ దిశలో ఏం చేస్తున్నారు వైరస్‌ను ఎంత త్వరగా గుర్తిస్తే అంత త్వరగా చికిత్స ప్రారంభించవచ్చు. సీఎస్‌ఐఆర్‌–ఐజీఐబీ అభివృద్ధి చేసిన ఫెలుదా ఇందుకు ఒక మంచి ఉదాహరణ. ఇది సీఆర్‌ఐఎస్‌పీఆర్‌ ఆధారిత కరోనా పరీక్ష. నిర్దిష్ట జన్యు భాగాన్ని గుర్తించి పేపర్‌ స్ట్రిప్‌ ద్వారా ఫలితాన్ని చూపించగలదు. భవిష్యత్తులో ఒకే నమూనాతో ఒకేసారి అనేక వ్యాధులను గుర్తించే పరీక్షలు అవసరం. ఉదాహరణకు జ్వరం వచి్చన వ్యక్తికి డెంగ్యూ, చికున్‌గున్యా, ఇన్‌ఫ్లుయెంజా వంటి కారణాల్లో ఏది ఉందో ఒకే పరీక్షలో గుర్తించగలిగితే వైద్యం వేగంగా ప్రారంభించవచ్చు. ఇలాంటి పరీక్షలు పెద్ద నగరాల్లోని అత్యాధునిక ల్యాబ్‌లకే పరిమితం కాకుండా ప్రాథమిక ఆరోగ్య కేంద్రాల్లో కూడా పనిచేసేలా ఉండాలి.

సాక్షి, హైదరాబాద్‌: కేంద్ర హోంమంత్రి అమిత్‌ షా రాష్ట్ర పర్యటన రద్దయింది. మధ్యప్రదేశ్‌లోని భోపా­ల్‌ నుంచి శనివారం రాత్రి హైదరాబాద్‌కు చేరుకుని ఆదివారం మెదక్‌ జిల్లా తూప్రాన్‌లో డెయిరీ పరిశ్రమకు సంబంధించిన కార్యక్రమాలు, కరీంనగర్‌లో ఓ ప్రైవేట్‌ కార్యక్రమంలో ఆయన పాల్గొనాల్సింది. అయితే అనివార్య కారణాల వల్ల ఈ పర్యటన రద్దయినట్టుగా శనివారం సాయంత్రం రాష్ట్రపార్టీ నేతలకు సమాచారం అందింది.ఇదిలా ఉంటే భారత ప్రధాన ఎన్నికల కమిషనర్‌ జ్ఞానేశ్‌కుమార్‌ రాజీనామా కోరుతూ కాక్రోచ్‌ జనతా పార్టీ (సీజేపీ) ఆందోళన తీవ్రతరం చేయడం, కాంగ్రెస్‌–ఇండిపక్షాల మద్దతు ఇవ్వడం వంటి పరిణామాలతో దేశరాజకీయ వాతావరణం వేడెక్కింది. ఈ కీలక పరిణామాల నేపథ్యంలో ఆదివారం ఢిల్లీలో ఉన్నతస్థాయి సమావేశంలో అమిత్‌ షా పాల్గొనాల్సి ఉన్నందున తెలంగాణ పర్యటన రద్దయినట్లుగా చెబుతున్నారు.దాదాపు రెండున్నరేళ్ల కాలంలో అమిత్‌ షా తెలంగాణ పర్యటన నాలుగుసార్లు ఖరారై ఆ తర్వాత రద్దయింది. 2023 డిసెంబర్‌ అసెంబ్లీ ఎన్నికల్లో గెలిచి కాంగ్రెస్‌ ప్రభుత్వం ఏర్పడ్డాక 2024 మేలో జరిగిన లోక్‌సభ ఎన్నికల ప్రచార నిమిత్తం ఆయన రాష్ట్రానికి వచ్చారు. ఆ తర్వాత నాలుగు వివిధ సందర్భాల్లో తెలంగాణకు అమిత్‌ షా రావాల్సి ఉండగా అనివార్య కారణాల వల్ల రద్దయ్యాయి. వరంగల్‌ జిల్లాలో ఓ కార్యక్రమానికి, ఖమ్మం జిల్లాలో కార్యకర్తలతో సమావేశానికి, కరీంనగర్‌లో ఓ ప్రైవేట్‌ మెడికల్‌ కాలేజీ రజతోత్సవాల్లో పాల్గొనే కార్యక్రమం రెండుసార్లు ఖరారైనా చివరకు వాటిని రద్దు చేశారు.

రామకృష్ణాపూర్‌/గోదావరిఖని/రుద్రంపూర్‌: సింగరేణి కార్మికులకు ఈ ఏడాది దీపావళి కానుకగా రూ.1,10,250 పీఎల్‌ఆర్‌ బోనస్‌ అందనుంది. కోల్‌కతాలో శనివారం జరిగిన జేబీసీసీఐ అపెక్స్‌ జేసీసీ సమావేశంలో 2025–26 ఆర్థిక సంవత్సరానికి సంబంధించిన పీఎల్‌ఆర్‌ (పర్ఫార్మెన్స్‌ లింక్డ్‌ రివార్డ్‌)పై చర్చించి రూ.1,10,250 చెల్లించేందుకు అంగీకారం కుదిరినట్లు సింగరేణి కాలరీస్‌ వర్కర్స్‌ యూనియన్‌ అధ్యక్షుడు వాసిరెడ్డి సీతారామయ్య తెలిపారు. గతేడాది కోలిండియా, అనుబంధ సంస్థలతోపాటు సింగరేణి కారి్మకులకు రూ.1,03,000 పీఎల్‌ఆర్‌ అందించారు. ఈ నేపథ్యంలో ఈసారి కాస్త పెరిగి అంగీకారం కుదరడంతో కార్మికుల్లో హర్షం వ్యక్తమవుతోంది. కాగా, కోల్‌కతాలో జరిగిన అపెక్స్‌ జేసీసీ సమావేశంలో యాజమాన్యం, కార్మిక సంఘాల ప్రతినిధుల మధ్య పీఎల్‌ఆర్‌ మొత్తంపై సుదీర్ఘంగా చర్చ జరిగినట్లు సమాచారం. వృత్తి, భద్రతా పరమైన, కార్మికుల ఆరోగ్యానికి సంబంధించిన అంశాలపై చర్చించారు. భోజన విరామం అనంతరం పీఎల్‌ఆర్‌పై చర్చలు జరిగాయి. యూనియన్‌ ప్రతినిధులు రూ.1.20 లక్షల పీఎల్‌ఆర్‌ డిమాండ్‌ చేయగా.. యాజమాన్యం ప్రతిపాదనలతో చర్చలు కొనసాగించింది. చివరకు రూ.1,10,250 పీఎల్‌ఆర్‌పై ఏకాభిప్రాయం కుదిరినట్లు కార్మిక సంఘాలు వెల్లడించాయి. ఇదిలా ఉండగా పీఎల్‌ఆర్‌కు సంబంధించి సింగరేణి యాజమాన్యం అధికారిక ఉత్తర్వులు, చెల్లింపు తేదీ ప్రకటించాల్సి ఉంది.

సాక్షి, హైదరాబాద్‌: తెలంగాణ సంస్కృతికి అద్దం పట్టే బతుకమ్మ పండుగను ఈ నెల 10 నుంచి 18 వరకు అత్యంత వైభ­వంగా నిర్వహించేందుకు ఏర్పాట్లు చేస్తున్నట్టు రాష్ట్ర ప్రభుత్వ ప్రధాన కార్యదర్శి సంజయ్‌ జాజు వెల్లడించారు. వేడుకల ఏర్పాట్లపై శనివారం ఉన్నతస్థాయి సమీక్ష సమావేశం నిర్వహించారు. ఈ సమావేశంలో వివిధ శాఖల కార్యదర్శులు, పోలీస్‌ అధికారు­లు పాల్గొన్నారు. 18న ట్యాంక్‌బండ్‌పై సద్దుల బతుకమ్మను ఘనంగా నిర్వహిస్తున్నట్టు సీఎస్‌ తెలిపారు.ఆరోజు సాయంత్రం 4 గంటలకు సచివాలయం ఎదురుగా ఉన్న అమరవీరుల స్మారక కేంద్రంనుంచి వేలాది మంది మహిళలు బతుకమ్మలతో ఊరేగింపుగా వచ్చి ట్యాంక్‌బండ్‌ చేరుకుంటారని చెప్పారు. వీరితోపాటు వంద­లాది మంది కళాకారులు తమ కళారూపాలతో ర్యాలీగా వస్తారని వివరించారు. ట్యాంక్‌బండ్‌­పై ఏర్పాటు చేసే ప్రత్యేక వేదిక వద్ద జరిగే ఈ బతుకమ్మ ఉత్సవాలకు ప్రజాప్రతినిధులు సై­తం హాజరవుతారన్నారు. పండుగ శోభ సంతరించేలా నగరంలోని ప్రధాన కూడళ్లలో బతుకమ్మలను ఏర్పాటు చేయడమే కాకుండా.. పలు జంక్షన్లు, అన్ని ప్రధాన కార్యాలయాల వద్ద వి­ద్యుద్దీపాలతో అలంకరించాలని అధికారుల­ను సీఎస్‌ ఆదేశించారు.

అంగస్తంభన సమస్య చికిత్సకు వాడే టాడలఫిల్‌ మందును దీర్ఘకాలం వాడితే కంట్లోని ఆప్టిక్‌ నరం దెబ్బతిని చూపు కోల్పోయే (గ్లకోమా) ముప్పు పెరిగే అవకాశం ఉందని తైవాన్‌ పరిశోధకులు గుర్తించారు. అలాగే వృద్ధుల్లో ప్రోస్టేట్‌ గ్రంథి సమస్యల చికిత్సలో భాగంగా వాడే టాడలఫిల్‌ మందు వల్ల కొందరిలో మూత్రం తరచుగా రావడం, అకస్మాత్తుగా మూత్ర విసర్జన చేయాలనిపించడం వంటి సమస్యలు తలెత్తుతున్నాయని అధ్యయనంలో తెలుసుకున్నారు. టాడలఫిల్‌ను దీర్ఘకాలంపాటు వాడటం వల్ల గ్లకోమా ముప్పు పెరుగుతుందా అనే విషయాన్ని తెలుసుకోవడానికి పరిశోధకులు 40 ఏళ్లు పైబడిన 78,364 మంది పురుషుల హెల్త్‌ రిపోర్టులను విశ్లేషించారు. వారిలో సగం మందికి మూత్ర సంబంధిత సమస్యల చికిత్స కోసం ఐదేళ్ల వరకు టాడలఫిల్‌ లేదా ఇతర పీడీఈ5 ఇన్‌హిబిటర్‌ మందులను వాడాలని వైద్యులు సూచించారు. ఈ మందులు వాడని వారితో పోలిస్తే టాడలఫిల్‌ వాడిన వారిలో గ్లకోమా ముప్పు 22 శాతం ఎక్కువగా, కంట్లో ఒత్తిడి పెరగడం (ఆక్యులర్‌ హైపర్‌టెన్షన్‌) 32 శాతం అధికంగా, ప్రైమరీ ఓపెన్‌ యాంగిల్‌ గ్లకోమా 33 శాతం ఎక్కువగా వచ్చే అవకాశం ఉన్నట్లు తైవాన్‌ పరిశోధకులు గుర్తించారు.అలాగే అంగస్తంభన సమస్యకు మందులు వాడుతున్న వారిలో గ్లకోమా చికిత్స మొదలుపెట్టాల్సిన అవసరం ఏర్పడే అవకాశం కూడా 33 శాతం ఎక్కువగా ఉన్నట్లు ఈ అధ్యయనంలో వెల్లడైంది. అయితే ఇప్పటికే గ్లకోమా లేదా కంట్లోని ద్రవంలో ఒత్తిడి సమస్యలు ఉన్నవారు, కుటుంబంలో ఎవరికైనా గ్లకోమా ఉన్నవారు, మయోపియా (దగ్గరివి స్పష్టంగా కనిపిస్తూ దూరాన ఉన్నవి అంత స్పష్టంగా కనిపించని నియర్‌సైటెడ్‌ సమస్య) ఎక్కువగా ఉన్నవారు, దీర్ఘకాలం ఈ మందులు వాడాల్సిన వారు ప్రత్యేక జాగ్రత్తలు తీసుకోవాలని పరిశోధకులు సూచించారు. ఈ మందులు వాడేవారు ముందుగానే కంటి పరీక్షలు చేయించుకోవడంతోపాటు వైద్యుల సూచన మేరకు క్రమం తప్పకుండా కంటి పరీక్షలు చేయించుకోవడం అవసరమని కూడా తెలిపారు. ఈ అధ్యయనం బ్రిటిష్‌ జర్నల్‌ ఆఫ్‌ ఫార్మకాలజీలో ప్రచురితమైంది.

రోజంతా టీవీ చూసే మధ్య వయస్కుల్లో జ్ఞాపకశక్తి, ఆలోచనలకు కారణమయ్యే మెదడులోని కొన్ని భాగాల పరిమాణం తక్కువగా ఉంటున్నట్లు అమెరికా పరిశోధకులు తాజా అధ్యయనంలో గుర్తించారు. ఈ అధ్యయనంలో భాగంగా సగటున 53 ఏళ్ల వయసున్న 1,712 మందికి చెందిన ఆరోగ్య సమాచారాన్ని విశ్లేషించారు. ఖాళీ సమయాల్లో వారు ఎంత తరచూ టీవీ చూస్తారో, ఉద్యోగ సమయాల్లో ఎంతసేపు కూర్చుంటారో వారిని అడిగి తెలుసుకున్నారు. దాదాపు 20 ఏళ్ల తర్వాత వారి మెదడులకు మళ్లీ స్కానింగ్‌ పరీక్షలు చేయగా ఎప్పుడూ టీవీ చూడని లేదా చాలా అరుదుగా చూసే వారితో పోలిస్తే తరచూ టీవీ చూసే వారి మెదడులోని చాలా భాగాల్లో గణనీయమైన మార్పులు కనిపించాయి.వారి జ్ఞాపకశక్తి, ఆలోచనలు, నిర్ణయాలు తీసుకోవడం, కళ్ల ద్వారా వచ్చే సమాచారాన్ని అర్థం చేసుకోవడం వంటి పనులకు ఉపయోగపడే మెదడులోని కొన్ని భాగాల పరిమాణం తక్కువగా ఉన్నట్లు గుర్తించారు. అలాగే మెదడులోని వైట్‌ మ్యాటర్‌ కొంత దెబ్బతిన్నట్లు తెలిపే సంకేతాలూ ఎక్కువగానే కనిపించాయి. అయితే బద్ధకంగా టీవీ చూస్తూ కూర్చొనేవారితో పోలిస్తే ఉద్యోగాల్లో భాగంగా ఎక్కువసేపు కూర్చొనే వారి మెదడు స్కాన్లలో కొంత మెరుగైన ఫలితాలే కనిపించాయి.వారి మెదడు పరిమాణం ఎక్కువగా ఉండటంతోపాటు వైట్‌ మ్యాటర్‌ దెబ్బతిన్న సూచనలూ తక్కువేగానే ఉన్నాయి. ఉద్యోగులు విధి నిర్వహణలో భాగంగా వివిధ సమస్యలకు పరిష్కారాల గురించి ఆలోచించడం, ఏకాగ్రతతో పనిచేయడం వంటి మెదడు సంబంధ కారణాల వల్ల ఆ పనులు మెదడుపై టీవీ చూడటం కంటే భిన్నమైన ప్రభావాన్ని చూపే అవకాశం ఉండవచ్చని పరిశోధకులు అభిప్రాయపడ్డారు. టీవీ చూడటంతో వచ్చే మెదడు మార్పులు పురుషుల్లో మరింత ఎక్కువగా కనిపించినట్లు ఎమ్మారై స్కాన్లలో వెల్లడైంది.

సాక్షి, హైదరాబాద్‌: గ్రామీణ తెలంగాణ తాగి ఊగుతోంది... దేశంలోని పలు రాష్ట్రాలు, తెలంగాణలోని పట్టణ ప్రాంతాలతో పోలిస్తే తెలంగాణలోని గ్రామీణ ప్రాంతాల్లో మద్యం వినియోగం ఎక్కువగా ఉందని జాతీయ కుటుంబ ఆరోగ్య సర్వే–6 నివేదిక వెల్లడించింది. ఇటీవల విడుదలైన ఈ నివేదిక ప్రకారం 2023–24 సంవత్సరాలకుగాను దేశంలోని ఎంపిక చేసిన రాష్ట్రాల్లో పలు ఆరోగ్య సూచీలు ఎలా ఉన్నాయన్న వివరాలు వెల్లడయ్యాయి. అందులో మద్యం వినియోగానికి సంబంధించిన పలు ఆసక్తికర విషయాలు ఉండడం గమనార్హం. ముఖ్యంగా దేశంలోనే సగటున అత్యధికంగా మద్యం సేవిస్తున్న రాష్ట్రాల్లో తెలంగాణ రెండో స్థానంలో నిలిచింది. అదే పెద్ద రాష్ట్రాల జాబితాలో మనమే ముందుండం విశేషం. అరుణాచల్‌ ప్రదేశ్‌లో మద్యం వినియోగం 50 శాతానికి మించగా, ఆ తర్వాత తెలంగాణలోనే అత్యధికంగా 43.9 శాతం నమోదైంది. అంటే తెలంగాణలోని ప్రతి 100 మందిలో దాదాపు 44 మంది మద్యం వినియోగిస్తున్నారన్న మాట. ఈ గణాంకాలు గత ఎన్‌ఎఫ్‌హెచ్‌ఎస్‌–5 సర్వేతో పోల్చినా కొంత మేరకు పెరిగాయి. 2019–21 సంవత్సరాల కాలంలో తెలంగాణలో 43.4శాతం మందికి మద్యం అలవాటు ఉండగా, ఆ తర్వాతి కాలంలో మరో 0.5 శాతానికి పెరిగింది. అదే జాతీయ సగటును పరిశీలిస్తే 2019–21లో 18.7 శాతం మందికి మద్యం అలవాటు ఉండగా, 2023–24 సంవత్సరాల కాలంలో అది కేవలం 0.2 శాతం మాత్రమే పెరిగి 18.9 శాతానికి చేరుకుంది. అంటే గతంతో పోలిస్తే మద్యం వినియోగం పెరగడంలోనూ జాతీయ సగటు కంటే రెట్టింపు కంటే ఎక్కువగా తెలంగాణ రికార్డు సృష్టించడం గమనార్హం.పట్టణ ప్రాంతాల్లోనే తక్కువ పట్టణ ప్రాంతాల్లో కంటే తెలంగాణ గ్రామీణ ప్రాంతాల్లోనే ఎక్కువ శాతం మంది మద్యం సేవిస్తున్నారని ఎన్‌ఎఫ్‌హెచ్‌ఎస్‌–6 గణాంకాలు వెల్లడిస్తున్నాయి. ఈ లెక్కల ప్రకారం పట్టణ ప్రాంతాల్లోని 15 ఏళ్ల కంటే ఎక్కువ వయసున్న పురుషుల్లో 36.3 శాతం మందికి ఈ అలవాటు ఉండగా, గ్రామీణ ప్రాంతాల్లోని 46.6 శాతం మంది మద్యం వినియోగిస్తున్నారు. అంటే దాదాపు 10 శాతం కంటే ఎక్కువ మంది గ్రామీణ పురుషులు పట్టణ ప్రాంతాల్లోని పురుషుల కంటే ఎక్కువగా మందు తాగుతున్నారన్నమాట. ఇక స్త్రీల విషయానికి వస్తే గ్రామీణ ప్రాంతాల్లో 8.6శాతం మంది మద్యం తీసుకుంటుంటే, పట్టణ ప్రాంతాల్లో కేవలం 2.8 శాతం మంది మహిళలు మాత్రమే మద్యం అలవాటు చేసుకున్నారని గణాంకాలు చెబుతున్నాయి. ఇక, అనూహ్యంగా తెలంగాణలో హైదరాబాద్‌ దిగువ నుంచి మూడో స్థానంలో నిలిచింది. అంటే హైదరాబాద్‌ కంటే మరో రెండు జిల్లాల్లో మాత్రమే తక్కువగా మద్యం తాగుతున్నారని ఈ సర్వే నివేదిక వెల్లడించింది. ఆ జాబితాలో ఆదిలాబాద్, ఆసిఫాబాద్‌ జిల్లాలున్నాయి.

ప్రపంచవ్యాప్తంగా ఏటా సుమారు రెండు కోట్ల మంది గుండె, రక్తనాళాల సంబంధిత వ్యాధుల కారణంగా మరణిస్తున్నారు. రక్తనాళాల్లో కొవ్వు పేరుకుపోవడం కూడా అందుకు ప్రధాన కారణాల్లో ఒకటి. గుండె జబ్బులు బయటపడటానికి కొన్నేళ్ల ముందు నుంచే దేహంలో వాటికి సంబంధించిన మార్పులు మొదలుకావచ్చని రెండు వేర్వేరు అధ్యయనాలు వెల్లడించాయి. చాలా చిన్నవయసు నుంచే గుండె ఆరోగ్యంపై శ్రద్ధ పెట్టాల్సిన అవసరాన్ని ఈ అధ్యయనాలు నొక్కి చెబుతున్నాయి. ఒక అధ్యయనం ప్రకారం రక్తనాళాల్లో కొవ్వు పేరుకొని గట్టిపడి అథెరోస్క్లెరోసిస్ అనే కండిషన్‌ను గుర్తించడానికి గుండె జబ్బులేవీ లేని 16,808 మంది వ్యక్తులకు స్కానింగ్‌ పరీక్షలు నిర్వహించారు.ఈ పరీక్షల్లో 57 శాతం మందిలో అప్పటికే ఈ సమస్యకు సంబంధించిన తొలిదశ లక్షణాలు కనిపించాయి. 18 నుంచి 29 ఏళ్ల వయసున్న వారిలో సైతం ప్రతి 13 మందిలో ఒకరికి రక్తనాళాల్లో కొవ్వు పేరుకుపోవడం మొదలైనట్లు గుర్తించారు. ఇక 60 నుంచి 70 ఏళ్ల వారిలో దాదాపు 90 శాతం మందికి ఈ సమస్య ఉన్నట్లు తేలింది. ఈ సమస్య మొదలయ్యే తీరులో పురుషులు, మహిళల్లో తేడాలున్నట్లు పరిశోధకులు గుర్తించారు. పురుషుల్లో రక్తనాళాల్లో కొవ్వు పేరుకుపోవడం చాలా ముందే మొదలవుతుండగా మహిళల్లో మాత్రం రుతుక్రమం ఆగిపోయే దశలో ఈ సమస్య వేగంగా పెరుగుతున్నట్లు గుర్తించారు.ఈ అధ్యయన ఫలితాలు ‘న్యూ ఇంగ్లండ్‌ జర్నల్‌ ఆఫ్‌ మెడిసిన్‌’లో ప్రచురితమయ్యాయి. ఇక సర్క్యులేషన్‌: పాపులేషన్‌ హెల్త్‌ అండ్‌ అవుట్‌కమ్స్‌ అనే జర్నల్‌లో ప్రచురితమైన మరో అధ్యయనంలో సగటున 23 ఏళ్ల వయసున్న 1,283 మంది యువతీ యువకులను పరిశీలించగా వారిలో దాదాపు 80 శాతం మందిలో గుండె, మూత్రపిండాలు, జీవక్రియలకు సంబంధించిన సమస్యలు తొలిదశలో ఉన్నట్లు బయటపడింది. అలాగే వారిలో దాదాపు మూడు శాతం మందికి అప్పటికే రక్తనాళాలు దెబ్బతిన్నట్లు తెలిపే లక్షణాలు కనిపించాయి. పౌష్టికాహారం, వ్యాయామం, పొగాకు దూరంగా ఉండటం, బరువు నియంత్రణ, తగినంత నిద్ర ద్వారా గుండె ఆరోగ్యాన్ని కాపాడుకోవచ్చని వైద్య నిపుణులు పేర్కొన్నారు.

సాక్షి, హైదరాబాద్‌: శాసన మండలిలో పట్టభద్రుల కోటాలో ఖాళీ అవుతున్న రెండు స్థానాలకు ఎన్నికల నిర్వహణలో భాగంగా ఓటరు నమోదు ప్రక్రియ ప్రారంభమైంది. దీంతో రాష్ట్రంలో అధికార కాంగ్రెస్‌ ఇప్పటికే అభ్యర్థులను ప్రకటించగా, ప్రధాన ప్రతిపక్షం బీఆర్‌ఎస్‌ కూడా ‘మండలి గ్రాడ్యుయేట్‌’ఎన్నికల సన్నద్ధతను వేగవంతం చేస్తోంది. హైదరాబాద్‌– రంగారెడ్డి– మహబూబ్‌నగర్‌తోపాటు వరంగల్‌– ఖమ్మం– నల్లగొండ మండలి గ్రాడ్యుయేట్‌ నియోజకవర్గాల్లో బలమైన అభ్యర్థులను బరిలోకి దించాలని బీఆర్‌ఎస్‌ నిర్ణయించింది. కాంగ్రెస్, బీజేపీ నుంచి బరిలోకి దిగే వారిని కూడా దృష్టిలో పెట్టుకుని అభ్యర్థులను ఎంపిక చేసే దిశగా కసరత్తు చేస్తోంది. ఒక స్థానాన్ని ఓసీ, రెండో సీటును బీసీ సామాజికవర్గానికి కేటాయించాలని సూత్రప్రాయంగా నిర్ణయించింది. దీంతో ఆయా సామాజికవర్గాల్లో బలమైన అభ్యర్థుల కోసం అంతర్గతంగా పార్టీ నాయకత్వం అన్వేషిస్తోంది. ఇప్పటికే రాకేశ్‌రెడ్డికి గ్రీన్‌ సిగ్నల్‌ వరంగల్‌– ఖమ్మం– నల్లగొండ మండలి గ్రాడ్యుయేట్‌ నియోజకవర్గం నుంచి 2024 మేలో జరిగిన ఉప ఎన్నికలో పోటీ చేసిన ఏనుగుల రాకేశ్‌రెడ్డిని మరోమారు బరిలోకి దించాలని బీఆర్‌ఎస్‌ నిర్ణయించింది. లక్షకు పైగా పట్టభద్రుల ఓట్లు సాధించి చివరి నిమిషం వరకు గట్టిపోటీ ఇచ్చినందునే రాకేశ్‌రెడ్డికి మరోమారు అవకాశం ఇవ్వాలని పార్టీ భావిస్తోంది. ఇటీవల ఉమ్మడి వరంగల్, ఖమ్మం, నల్లగొండ జిల్లా ముఖ్య నేతలతో జరిగిన భేటీలో బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ ఈ మేరకు రాకేశ్‌రెడ్డి అభ్యర్థిత్వంపై సంకేతాలు ఇచ్చినట్లు తెలిసింది. అయితే హైదరాబాద్‌– రంగారెడ్డి– మహబూబ్‌నగర్‌ స్థానం నుంచి పోటీ చేసే అభ్యర్థి ఎవరనేది తేలిన తర్వాతే అధికారికంగా ఇద్దరి అభ్యర్థుల పేర్లను ప్రకటించాలని పార్టీ అధిష్టానం భావిస్తోంది. ఇదిలా ఉంటే హైదరాబాద్‌– రంగారెడ్డి– మహబూబ్‌నగర్‌ స్థానం నుంచి బీసీ సామాజికవర్గానికి చెందిన బలమైన అభ్యర్థిని దించాలని పార్టీ నిర్ణయించింది. చేవెళ్ల ఎంపీ అభ్యర్థిగా బీఆర్‌ఎస్‌ నుంచి పోటీ చేసి ఓటమి పాలైన కాసాని జ్ఞానేశ్వర్‌ కుమారుడు వీరేశ్, ఉద్యమ సమయం నుంచి పార్టీలో కొనసాగుతున్న నాగేందర్‌ గౌడ్‌తోపాటు షాద్‌నగర్‌ మాజీ ఎ మ్మెల్యే కుమారుడు కూడా టికెట్‌ ఆశిస్తున్న వారి జాబితాలో ఉన్నారు. అయితే మహబూబ్‌నగర్‌ జిల్లాలో బీసీ సామాజికవర్గానికి చెందిన మాజీ మంత్రి శ్రీనివాస్‌గౌడ్‌ను బరిలోకి దించితే ఎలా ఉంటుందనే చర్చ కూడా సాగుతోంది. ఓటరు నమోదు కోసం క్షేత్రస్థాయికి.. హైదరాబాద్‌– రంగారెడ్డి– మహబూబ్‌నగర్, వరంగల్‌– ఖమ్మం– నల్లగొండ గ్రాడ్యుయేట్‌ స్థానాల్లో ఎన్నిక జరుగుతున్న నేపథ్యంలో అసెంబ్లీలోని మూడింట రెండు వంతు స్థానాల్లో ఎన్నికల సందడి నెలకొంది. 119 అసెంబ్లీ నియోజక వర్గాలకు గాను 78 సెగ్మెంట్ల పరిధిలో పట్టభద్రుల ఓటరు నమోదు కార్యక్రమం ప్రారంభమైంది. ఎన్నికలు జరిగే ఆరు ఉమ్మడి జిల్లాలకు చెందిన ఎమ్మెల్యేలు, నియోజకవర్గ ఇన్‌చార్జీలతో ఇటీవల కేటీఆర్‌ సమావేశమయ్యారు. ప్రతీ వంద మంది ఓటర్లకు ఒకరు చొప్పున ఇన్‌చార్జీలను నియమించి ఓటరు నమోదుపై దృష్టి సారించాలని ఆదేశించారు. దసరా తర్వాత పార్టీ అధినేత కేసీఆర్‌ కూడా పార్టీ ముఖ్య నేతలతో సమావేశమవుతారని బీఆర్‌ఎస్‌ వర్గాలు వెల్లడించాయి. ఖైరతాబాద్‌ పరిణామాలపై నజర్‌ ఖైరతాబాద్‌ ఎమ్మెల్యేగా దానం నాగేందర్‌ను అనర్హుడిగా ప్రకటించిన నేపథ్యంలో జరుగుతున్న పరిణామాలను బీఆర్‌ఎస్‌ నిశితంగా గమనిస్తోంది. న్యాయపరమైన అంశాలు అడ్డుగా ఉన్నందున ఖైరతాబాద్‌కు ఇప్పట్లో ఉప ఎన్నిక నిర్వహించలేమని ఎన్నికల సంఘం చెప్పింది. అయితే, ఎమ్మెల్సీ దాసోజు శ్రవణ్‌కు పార్టీ కేడర్‌ను సమన్వయం చేసే బాధ్యతను ప్రస్తుతానికి అప్పగించారు. మాజీ మంత్రి తలసాని శ్రీనివాస్‌ యాదవ్‌ తన కుమారుడు సాయికిరణ్‌ను ఈ స్థానంలో పోటీ చేయించేందుకు ఆసక్తి చూపుతున్నట్టు తెలుస్తోంది.

మహబూబ్‌నగర్‌ క్రైం: భూ వివాదంతో మనస్తాపానికి గురైన ఓ రైతు తహసీల్దార్‌ కార్యాలయ ఆవరణలో బలవన్మరణానికి పాల్పడ్డాడు. నాలుగు రోజుల కిందట నలుగురు వ్యక్తులు భూమిలో ఏర్పాటు చేసిన హద్దు రాళ్లు తొలగించడంతో పాటు పంట నష్టం చేశారు. ఊర్లో పెద్దమనుషుల మధ్య పంచాయితీ పెట్టినా రాజీ కుదరకపోగా.. తిరిగి అతడిపైనే దాడి చేయడంతో.. తీవ్ర మనస్తాపానికి గురై లావప్ప (54) ఆత్మహత్య చేసుకున్నాడు. ఈ ఘటన మహబూబ్‌నగర్‌ జిల్లా కోయిలకొండ తహసీల్దార్‌ కార్యాలయ ఆవరణలో శనివారం చోటుచేసుకుంది. కోయిలకొండ ఎస్‌ఐ నాగరాజు తెలిపిన వివరాల ప్రకారం.. పారుపల్లి శివారులోని సర్వే నంబర్‌ 211లో మొత్తం 18 ఎకరాల 39 గుంటల భూమి ఉంది. ఇందులో ఎకరం 7 గుంటల భూమి మిస్సింగ్‌ సర్వే నంబర్‌ కింద ఉన్నట్లు తెలుస్తోంది. ఈ భూమి లావప్ప సోదరి లక్ష్మమ్మ పేరుపై ఉన్నట్లు సమాచారం. ఆమె భర్త మృతి చెందడంతో లావప్ప వద్దే ఉంటుండగా, ఆ భూమిని ఆయనే సాగుచేస్తున్నాడు. ఈ భూమి విషయంలో లావప్పకు, ఆయన బంధువులు లక్ష్మయ్య, చంద్రశేఖర్, విష్ణు, రామకృష్ణకు మధ్య సుమారు 20 ఏళ్లుగా వివాదం కొనసాగుతోంది. ఈ వ్యవహారంపై ఇరువర్గాలు కోర్టును ఆశ్రయించగా ప్రస్తుతం కేసు విచారణలో ఉంది. ఎకరం 7 గుంటల భూమిని తన పేరుపై రిజిస్ట్రేషన్‌ చేయాలని లావప్ప కొంతకాలంగా తహసీల్దార్‌ కార్యాలయం చుట్టూ తిరుగుతున్నాడు. నాలుగు రోజుల క్రితం లక్ష్మయ్య, చంద్రశేఖర్, విష్ణు, రామకృష్ణలు కలిసి ఆ పొలంలోని హద్దు రాళ్లు తొలగించి, పంటకు నష్టం చేశారని లావప్ప ప్రశ్నించడంతో అతడిపై దాడికి యత్నించారని ఆయన కుమారుడు కుర్మయ్య పోలీసులకు ఫిర్యాదు చేశాడు. ఈ ఘటనలతో తీవ్ర మనస్తాపానికి గురైన లావప్ప శనివారం ఉదయం 6.30 గంటల సమయంలో తహసీల్దార్‌ కార్యాలయ ఆవరణలో చెట్టుకు ఉరి వేసుకుని ఆత్మహత్య చేసుకున్నాడు. మృతుడి కుమారుడి ఫిర్యాదు మేరకు లక్ష్మయ్య, చంద్రశేఖర్, విష్ణు, రామకృష్ణలపై కేసు నమోదు చేసి దర్యాప్తు చేస్తున్నట్లు ఎస్‌ఐ నాగరాజు తెలిపారు. కాగా, సర్వే నంబర్‌ 211లోని భూమిపై క్షేత్రస్థాయిలో పరిశీలన జరిపినట్లు కోయిలకొండ తహసీల్దార్‌ శ్రీధర్‌రావు తెలిపారు. ఈ భూమితో లావప్పకు ఎలాంటి సంబంధం లేదని స్పష్టం చేశారు. మంత్రి పరామర్శ లావప్ప ఆత్మహత్య విషయం తెలుసుకున్న రాష్ట్ర రెవెన్యూ శాఖ మంత్రి పొంగులేటి శ్రీనివాస్‌రెడ్డి శనివారం ఆయన కుమారుడు కుర్మయ్యతో ఫోన్‌లో మాట్లాడి వివరాలు తెలుసుకున్నట్లు సమాచారం. సమస్యపై వెంటనే విచారణ జరిపి బాధిత కుటుంబానికి న్యాయం జరిగేలా చూడాలని మహబూబ్‌నగర్‌ ఆర్‌డీవోను మంత్రి ఆదేశించినట్లు తెలుస్తోంది.

సాక్షి, హైదరాబాద్‌: ‎సమగ్ర ప్రజారవాణా వ్యవస్థ ద్వారా నగరంలో ప్రయాణం సులభతరమవుతుందని, ప్రజారవాణా సంస్థలను ఒకే ప్లాట్‌ఫామ్‌పైకి తీసుకురావడం వల్ల ప్రయాణికులు తమకు అనువైన వ్యవస్థను ఎంపిక చేసుకొనేందుకు అవకాశం ఉంటుందని ఉపముఖ్యమంత్రి భట్టి విక్రమార్క పేర్కొన్నారు. ప్రభుత్వం కొత్తగా ప్రవేశపెట్టిన ఆర్టీసీ–మెట్రో కామన్‌ పాస్‌ సదుపాయాన్ని, ప్రయాణికుల అభిప్రాయాలను స్వయంగా తెలుసుకొనేందుకు మంత్రులు పొన్నం ప్రభాకర్, వివేక్‌ వెంకటస్వామి, అజహరుద్దీన్, ఎంపీ చామల కిరణ్‌కుమార్‌రెడ్డి, ఎమ్మెల్యేలు గణేష్, నవీన్‌ యాదవ్‌లు అధికారులతో కలిసి శనివారం మెట్రోరైల్, సిటీబస్సులో ప్రయాణం చేశారు. మొదట బేగంపేట్‌ మెట్రో స్టేషన్‌ నుంచి జూబ్లీహిల్స్‌ చెక్‌పోస్ట్‌ వరకు మెట్రోలో పయనించారు.‎ఈ సందర్భంగా కామన్‌పాస్‌ వినియోగంపైన ఆయన ప్రయాణికులతో మాట్లాడారు. మెట్రో ప్రయాణం అనంతరం గమ్యస్థానానికి చేరుకునేందుకు ఆర్టీసీబస్సు సేవలు అందుబాటులో ఉండడంవల్ల సమయం ఆదా అవుతుందని, కానీ అన్ని చోట్ల లాస్ట్‌మైల్‌ కనెక్టివిటీ లేకపోవడంవల్ల ఇబ్బందిగా ఉంటోందని పలువురు ప్రయాణికులు డిఫ్యూటీ సీఎం దృష్టికి తెచ్చారు. రెండు సార్లు టిక్కెట్‌ తీసుకోవలసిన ఇబ్బంది తప్పిందని, కామన్‌పాస్‌ చార్జీలు మాత్రం చాలా ఎక్కువగా ఉన్నట్లు పలువురు ప్రయాణికులు తెలిపారు.అనంతరం జూబ్లీహిల్స్‌ చెక్‌పోస్ట్‌ నుంచి భట్టి విక్రమార్క సహచర మంత్రులతో కలిసి సిటీబస్సులో సెక్రటేరియట్‌ వరకు పయనించారు. బస్సులోనూ ప్రయాణికులతో ముచ్చటించారు. ఒకే పాస్‌తో మెట్రో, సిటీ బస్సులను వినియోగించుకోవడం వల్ల ఎలాంటి గందరగోళానికి తావు ఉండదని ఈ సందర్భంగా భట్టి అభిప్రాయపడ్డారు. ప్రస్తుతం మెట్రో–ఆర్టీసీ సేవలను అనుసంధానం చేశామని, భవిష్యత్తులో ఆటోలు, ఊబర్‌ వంటి ఇతర రవాణా సేవలను కూడా అనుసంధానం చేసే దిశగా ప్రభుత్వం ఆలోచిస్తోందని చెప్పారు. రవాణాశాఖ మంత్రి పొన్నం ప్రభాకర్‌ మాట్లాడుతూ, హైదరాబాద్‌లో ప్రజారవాణా వ్యవస్థను మరింత సౌకర్యవంతంగా, సమర్థవంతంగా మార్చే లక్ష్యంతో కామన్‌ పాస్‌ను అందుబాటులోకి తీసుకొచ్చామన్నారు. ప్రజలను వ్యక్తిగత వాహనాల నుంచి ప్రజా రవాణా వైపు ఆకర్షించాలంటే ఆర్టీసీ, మెట్రో సేవలను సమన్వయంతో, సౌకర్యవంతంగా అందించాల్సిన అవసరముందన్నారు. ప్రయాణికుల నుంచి వచ్చే ఫీడ్‌బ్యాక్‌ను పరిగణనలోకి తీసుకుని కామన్‌ పాస్‌ సేవలను మరింత మెరుగుపరుస్తామని పొన్నం తెలిపారు. ఈ కార్యక్రమంలో రవాణా శాఖ ప్రత్యేక ప్రధాన కార్యదర్శి వికాస్‌రాజ్, ప్రభుత్వ సలహాదారు (అర్బన్‌ ట్రాన్స్‌పోర్ట్‌–మెట్రో) ఎన్‌వీఎస్‌ రెడ్డి, మెట్రో ఎండీ సర్ఫరాజ్‌ అహ్మద్, మెట్రో అదనపు మేనేజింగ్‌ డైరెక్టర్‌ అజిత్‌రెడ్డి, ఆర్టీసీ ఎండీ నాగిరెడ్డి, తదితరులు పాల్గొన్నారు.

సాక్షి, హైదరాబాద్‌: బొల్లారం ఆర్మీ ఆయుధాల చోరీలో ఎలాంటి ఉగ్రకోణాలు లేవని, ఆయుధాలతో బెదిరించి చోరీలు చేయాలనే ఉద్దేశంతోనే దొంగతనం చేశారని మల్కాజ్‌గిరి కమిషనర్‌ సుమతి వెల్లడించారు. ఇక్కడి నుంచి ఎత్తుకెళ్లిన ఆయుధాలను బ్యాంకులు, జ్యువెల్లరీ షాపులలో చోరీలకు వాడాలనుకున్నారని, ధనవంతులను బెదిరించి దోపిడీ చేయాలని నిందితులు కుట్ర చేసినట్లు సీపీ తెలిపారు. ప్రధాన నిందితుడు మాజీ హవల్దార్‌ ఉప్పుతోళ్ల మల్లేష్‌ కస్టడీ విచారణలో తెలిపిన వివరాల ఆధారంగా మల్లేష్‌ అన్న మల్లిఖార్జున్, స్నేహితుడు నిరంజన్, పశ్చిమ బెంగాల్‌కు చెందిన అక్రమ ఆయుధాల వ్యాపారులు ఆవి డే అలియాస్‌ ఓబీ, బీర్బల్‌ షా, ప్రకాశం జిల్లా మర్కాపురానికి చెందిన సిపాయి కొండూరి శేషులు, నాయక్‌ వినోద్‌ కుమార్, మహబూబ్‌నగర్‌ జిల్లా జడ్చర్లకు చెందిన హవల్దార్‌ ప్రవీణ్‌లను అరెస్ట్‌ చేసి, జ్యూడీషియల్‌ రిమాండ్‌కు తరలించారు. వివరాలను కమిషనర్‌ శనివారం మీడియాకు వెల్లడించారు. మల్లేశ్‌ది ముందు నుంచి నేర స్వభావమే. ఆర్థిక ఇబ్బందుల నేపథ్యంలో తన అన్న మల్లికార్జున్, స్నేహితుడు నిరంజన్‌లతో కలిసి పెద్దమొత్తంలో డబ్బు సంపాదించాలని పథకం వేశాడు. బ్యాంక్‌లు, జ్యువెల్లరీ షాపులు, ధనవంతుల ఇళ్లపై దాడి చేసి దోపిడీలు చేయాలని నిర్ణయించుకున్నారు.అయితే భయాందోళనలు సృష్టించేందుకు ఆయుధాలు అవసరమని భావించిన మల్లేష్‌.. తాను పనిచేసే బొల్లారం ఆర్మీ క్యాంపస్‌ నుంచే చోరీ చేయాలని నిర్ణయించుకున్నాడు. తనతో కలిసి పనిచేసిన సహచరులు సిపాయి కొండూరి శేషులు, నాయక్‌ వినోద్‌ కుమార్, హవిల్దార్‌ ప్రవీణ్‌లను సంప్రదించాడు. వారి సహకారంతో కోట్, మేగజైన్‌ తాళాలు పగలగొట్టి ఆయుధాలు, తూటా లు చోరీ చేశారు. పశి్చమ బెంగాల్‌కు చెందిన ఆయుధ వ్యాపారి ఓబీకి విక్రయించేందుకు ప్రయత్నించారు. అయితే అప్పటికే మల్లేష్‌ పోలీసులకు దొరికిపోవడంతో డీల్‌ కుదరలేదు.

సాక్షి, హైదరాబాద్‌: రాష్ట్ర ఆరోగ్య పరిస్థితిలో ఒకవైపు మెరుగుదల కనిపిస్తుండగా.. మరోవైపు కొత్త సవాళ్లు పెరుగుతున్నాయి. పిల్లల్లో పోషకాహార లోపం కొంత తగ్గడం, ప్రసూతి సేవలు మెరుగుపడటం, ఆరోగ్య బీమా పరిధి పెరగడం వంటి సానుకూల పరిణామాలతోపాటు పెద్దల్లో మధుమేహం, అధిక బరువు, రక్తపోటు పెరుగుతున్నట్లు తాజాగా వెలువడిన 2023–24 జాతీయ కుటుంబ ఆరోగ్య సర్వే–6 (ఎన్‌ఎఫ్‌హెచ్‌ఎస్‌–6) వెల్లడించింది. సిజేరియన్‌ ఆపరేషన్లలో తెలంగాణ దేశంలోనే అత్యధిక వాటా గల దేశంగా ఉంది. రాష్ట్రంలో ప్రైవేటు ఆసుపత్రుల్లో జరిగే ప్రసవాలలో 97.7 శాతం సిజేరియన్‌ ఆపరేషన్లే కావడం గమనార్హం. 2023–24 సర్వే గణాంకాలను 2019–21 ఎన్‌ఎఫ్‌హెచ్‌ఎస్‌–5తో పోలిస్తే రాష్ట్ర ఆరోగ్య రంగంలో చోటుచేసుకున్న మార్పులు స్పష్టంగా కనిపిస్తున్నాయి. ప్రసూతి సేవల్లో భేష్‌.. ప్రసూతి సేవల్లో తెలంగాణ గణనీయమైన పురోగతి సాధించింది. గర్భం తొలి మూడు నెలల్లో వైద్య పరీక్షలు చేయించుకున్న మహిళలు 88.5 నుంచి 89.6 శాతానికి , కనీసం నాలుగు ప్రసవ పూర్వ పరీక్షలు పొందిన వారు 70.4 నుంచి 80.3 శాతానికి పెరిగారు. గర్భిణుల్లో కనీసం 100 రోజులు ఐరన్‌–ఫోలిక్‌ యాసిడ్‌ మాత్రలు తీసుకున్న వారి వాటా 57.9 నుంచి 81 శాతానికి , 180 రోజులు తీసుకున్న వారు 34.4 నుంచి 55.7 శాతానికి పెరిగారు. సంస్థాగత ప్రసవాలు 97 నుంచి 98.8 శాతానికి , నైపుణ్యం కలిగిన వైద్య సిబ్బంది సమక్షంలో జరిగిన ప్రసవాలు 93.6 నుంచి 97.7 శాతానికి పెరిగాయి. అయితే సిజేరియన్‌ ప్రసవాలు 60.7 నుంచి 62.2 శాతానికి పెరగడం ఆందోళన కలిగించే అంశం. ప్రైవేటు ఆసుపత్రుల్లో సిజేరియన్ల వాటా 83.9 శాతం, ప్రభుత్వ ఆసుపత్రుల్లో 48.1 శాతం గా ఉంది. పిల్లల పోషణలో మెరుగుదల 5 ఏళ్లలోపు పిల్లల్లో ఎదుగుదల లోపం (స్టంటింగ్‌) గత సర్వేలో 33.1 శాతం ఉండగా తాజా సర్వేలో 27 శాతానికి తగ్గింది. బరువుకు తగ్గ ఎత్తు లోపం (వేస్టింగ్‌) 21.7 నుంచి 16.9 శాతానికి తగ్గింది. తక్కువ బరువు పిల్లలు 31.8 నుంచి 27.8 శాతానికి తగ్గారు. పిల్లల్లో అధిక బరువు కూడా 1.3 నుంచి 1.2 శాతానికి తగ్గింది. అయితే చిన్నారులకు సరైన ఆహారం అందించడంలో పరిస్థితి ఇంకా ఆందోళనకరంగానే ఉంది. 6–23 నెలల పిల్లల్లో తగిన ఆహారం పొందుతున్న వారి వాటా 15.3 శాతం మాత్రమే. తల్లిపాలు ఇచ్చే పిల్లల్లో ఇది 15.8 శాతం , తల్లిపాలు ఇవ్వని పిల్లల్లో 12.4 శాతం గా ఉంది. మధుమేహం, ఊబకాయం పెరుగుదల రాష్ట్రంలో అసంక్రమిత వ్యాధుల భారం పెరుగుతున్నట్లు గణాంకాలు సూచిస్తున్నాయి. అధిక రక్తచక్కెర లేదా మధుమేహ నియంత్రణ మందులు వాడుతున్న మహిళలు 19.6 శాతం ఉండగా, గత కుటుంబ సర్వేలో ఇది 14.7 శాతం. పురుషుల్లో ఈ వాటా 18.1 నుంచి 24.5 శాతానికి పెరిగింది. అత్యధిక రక్తచక్కెర స్థాయి ఉన్న పురుషులు 13.3 శాతం , మహిళలు10 శాతంగా నమోదయ్యారు. అధిక బరువు లేదా ఊబకాయం ఉన్న మహిళలు 30.1 నుంచి 36.3 శాతానికి , పురుషులు 32.4 నుంచి 35.5 శాతానికి పెరిగారు. మరోవైపు సాధారణం కంటే తక్కువ బీఎంఐ(బాడీమాస్‌ ఇండెక్స్‌) ఉన్న మహిళలు 18.8 నుంచి 17.7 శాతానికి , పురుషులు 16.3 నుంచి 14.9 శాతానికి తగ్గారు. అధిక రక్తపోటు లేదా దానికి మందులు వాడుతున్న మహిళలు 24.2 శాతం, పురుషులు 28.2 శాతంగా ఉన్నారు. మహిళల్లో పెరిగిన విద్య, ఆర్థిక సాధికారత 10 లేదా అంతకంటే ఎక్కువ సంవత్సరాలు చదివిన మహిళలు 45.5 నుంచి 51.1 శాతానికి, పురుషులు 61.2 నుంచి 65 శాతానికి పెరిగినట్లు కుటుంబసర్వే చెబుతోంది. ఇంటర్నెట్‌ ఉపయోగించిన మహిళల వాటా 26.5 నుంచి 64.8 శాతానికి పెరగడం గణనీయమైన మార్పు. స్వయంగా ఉపయోగించే బ్యాంకు ఖాతా ఉన్న మహిళలు 84.4 నుంచి 92.3 శాతానికి , గత ఏడాదిలో పని చేసి నగదు రూపంలో పారితోషికం పొందిన మహిళలు 45.1 నుంచి 53.2 శాతానికి పెరిగారు. 18–49 ఏళ్ల వివాహిత మహిళల్లో జీవిత భాగస్వామి నుంచి హింసను ఎప్పుడైనా ఎదుర్కొన్న వారి వాటా 37.2 నుంచి 30.8 శాతానికి తగ్గింది. 15 ఏళ్లు పైబడిన పురుషుల్లో పొగాకు వినియోగం 36.3 నుంచి 21.1 శాతానికి తగ్గగా, మహిళల్లో 5.6 నుంచి 5.9 శాతానికి మారింది. రాష్ట్రంలో ఆరోగ్య బీమా లేదా ఆరోగ్య ఆర్థిక రక్షణ పరిధిలో ఉన్న కుటుంబాలు 69.2 నుంచి 82.2 శాతానికి పెరిగాయి. విద్యుత్‌ సౌకర్యం ఉన్న కుటుంబాల వాటా 99.6 నుంచి 98.6 శాతానికి , మెరుగైన తాగునీటి వనరు ఉన్న కుటుంబాలు 98.7 నుంచి 98.2 శాతానికి స్వల్పంగా మారాయి. అయోడైజ్డ్‌ ఉప్పు వినియోగించే కుటుంబాలు 95.8 నుంచి 98.7 శాతానికి పెరిగాయి.

సాక్షి, హైదరాబాద్‌: రాష్ట్రంలో విద్య, వైద్య రంగాల్లో క్షేత్రస్థాయి పరిస్థితులను నిరంతరం పర్యవేక్షించాలని సీఎం రేవంత్‌రెడ్డి అధికారులను ఆదేశించారు. నిర్మాణంలో ఉన్న ప్రధాన ఆస్పత్రుల పనులను వేగవంతం చేయడంతోపాటు, అవి అందుబాటులోకి వచ్చే నాటికి వైద్యులు, వైద్య సిబ్బంది, అత్యాధునిక పరికరాలు సిద్ధంగా ఉండేలా చర్యలు తీసుకోవాలని స్పష్టంచేశారు. శనివారం సీఎంవో అధికారులతో నిర్వహించిన సమీక్షలో విద్య, వైద్యం, సీజనల్‌ వ్యాధులు, తెలంగాణ గ్లోబల్‌ సమ్మిట్‌–2026 ఏర్పాట్లపై సీఎం చర్చించారు. ఎల్బీనగర్, అల్వాల్, వరంగల్, ఉస్మానియా ఆస్పత్రుల నిర్మాణ పనుల పురోగతిని సీఎం అధికారులను అడిగి తెలుసుకున్నారు.ఆస్పత్రుల నిర్మాణం పూర్తయిన తర్వాత వైద్య సేవలు ప్రారంభించేందుకు అవసరమైన ఏర్పాట్లు చేపట్టడంలో ఆలస్యం జరగకూడదని ఆదేశించారు. ఇందుకోసం ఆయా ఆస్పత్రుల్లో అవసరమయ్యే వైద్యులు, నర్సులు, పారామెడికల్, ఇతర సిబ్బంది సంఖ్యను ముందుగానే గుర్తించాలన్నారు. సిబ్బంది నియామక ప్రక్రియ ను ఇప్పటి నుంచే ప్రారంభించాలని ప్రభుత్వ ప్రధాన కార్యదర్శి ని సీఎం ఆదేశించారు. అలాగే ఆస్పత్రులకు అవసరమైన అత్యాధునిక వైద్య పరికరాలను ముందుగానే కొనుగోలు చేయాలని చెప్పారు. నిర్మాణం పూర్తయ్యేనాటికి అన్ని విభాగాల్లో అవసరమైన వైద్య సేవలు అందుబాటులో ఉండేలా సమగ్ర ప్రణాళిక రూపొందించాలని అధికారులను ఆదేశించారు.కలెక్టర్లు క్షేత్రస్థాయికి వెళ్లాలి జిల్లా కలెక్టర్లు కేవలం కార్యాలయాలకే పరిమితం కాకుండా క్షేత్రస్థాయిలో పర్యటించేలా చూడాలని ముఖ్యమంత్రి సూచించారు. కలెక్టర్లతోపాటు సంబంధిత అధికారులు ప్రభుత్వ పాఠశాలలు, సోషల్‌ వెల్ఫేర్‌ హాస్టళ్లు, ప్రభుత్వ ఆస్పత్రులను తప్పనిసరిగా సందర్శించాలని స్పష్టంచేశారు. ప్రజలు, విద్యార్థులు, రోగులు ఎదుర్కొంటున్న సమస్యలను నేరుగా తెలుసుకుని పరిష్కరించేలా అధికారులు పనిచేయాలన్నారు. ప్రతి జిల్లాలో పాఠశాలలు, హాస్టళ్లు, ఆస్పత్రుల పరిస్థితిపై వారానికోసారి సమీక్ష నిర్వహించాలని సీఎం ఆదేశించారు. సీజనల్‌ వ్యాధుల వ్యాప్తిపై అధికారులు అప్రమత్తంగా ఉండాలని సూచించారు. వర్షాకాలంలో వ్యాధుల నియంత్రణకు అవసరమైన ముందస్తు చర్యలు చేపట్టాలన్నారు. ప్రభుత్వ పాఠశాలల్లో అవసరమైన చోట మరమ్మతు పనులను వెంటనే చేపట్టి, విద్యార్థులకు ఇబ్బందుల్లేకుండా చూడాలని ఆదేశించారు. డిసెంబర్‌లో భారత్‌ ఫ్యూచర్‌ సిటీలో నిర్వహించనున్న తెలంగాణ గ్లోబల్‌ సమ్మిట్‌–2026 ఏర్పాట్లపైనా సమావేశంలో చర్చించారు. సమ్మిట్‌ను విజయవంతంగా నిర్వహించేందుకు శాఖలవారీగా చేపట్టాల్సిన కార్యక్రమాలపై సమగ్ర కార్యాచరణ సిద్ధం చేయాలని చెప్పారు. ఏర్పాట్లను త్వరలోనే తాను స్వయంగా పరిశీలిస్తానన్నారు. సమావేశంలో ఎంపీ వేం నరేందర్‌రెడ్డి, ప్రభుత్వ సలహాదారు రామకృష్ణారావు, ప్రభుత్వ ప్రధాన కార్యదర్శి సంజయ్‌ జాజు, డీజీపీ సీవీ ఆనంద్, సీఎంవో ఉన్నతాధికారులు పాల్గొన్నారు.

సాక్షి, హైదరాబాద్‌: పర్యాటక రంగంలో పెట్టుబడులు. హిల్ట్‌–పిపై ప్రత్యేక దృష్టి పెట్టాలని డిప్యూటీ సీఎం భట్టి విక్రమార్క అధికారులను ఆదేశించారు. రాష్ట్రంలో అందుబాటులో ఉన్న వనరులను సమర్థవంతంగా వినియోగించుకుని, ప్రభుత్వానికి ఆదాయం పెంచేందుకు సమగ్ర కార్యాచరణ చేపట్టాలని సూచించారు. రాష్ట్ర సచివాలయంలో శనివారం ఉప ముఖ్యమంత్రి భట్టి విక్రమార్క అధ్యక్షతన వనరుల సమీకరణపై ఉన్నతస్థాయి సమీక్షా సమావేశం జరిగింది. పౌరసరఫరా, నీటిపారుదల శాఖ మంత్రి ఎన్‌.ఉత్తమ్‌కుమార్‌రెడ్డి, ప్రభుత్వ ప్రధాన కార్యదర్శి సంజయ్‌ జాజు, పలువురు ఉన్నతాధికారులు పాల్గొన్నారు. ఈ సందర్భంగా భట్టి విక్రమార్క మాట్లాడుతూ, రాష్ట్ర ఆర్థిక వ్యవస్థను మరింత బలోపేతం చేసేలా ప్రభుత్వ భూములను సమర్థవంతంగా వినియోగించుకోవడం, వాటి విలువను పెంచడం, పెట్టుబడులకు అనుకూల వాతావరణాన్ని కల్పించడం, పర్యాటక రంగంలో ప్రైవేట్‌ భాగస్వామ్యాన్ని ప్రోత్సహించడం వంటి అంశాలపై అధికారులకు దిశానిర్దేశం చేశారు. అదనపు ఆదాయ వనరులను గుర్తించడంతోపాటు పెట్టుబడులను ఆకర్షించే ప్రాజెక్టులను వేగంగా కార్యరూపంలోకి తీసుకురావాలని సూచించారు. హిల్ట్‌–పిలో ఎలాంటి అభ్యంతరాలు లేని పార్కులకు సంబంధించిన దరఖాస్తులకు త్వరితగతిన క్లియరెన్స్‌ ఇవ్వాలని ఆదేశించారు. పారిశ్రామిక వేత్తలకు మరింత అవగాహన కల్పించేందుకు ఆరు పార్కుల్లో మంత్రుల ఆధ్వర్యంలో రోడ్‌షోలు నిర్వహించాలని సీఎస్‌ సంజయ్‌ జాజు సూచించారు. గ్లోబల్‌ సమ్మిట్‌కు 70–80 పర్యాటక ప్రాజెక్టులు పర్యాటక రంగంలో భారీ పెట్టుబడులను ఆకర్షించేలా ప్రాజెక్టులను సిద్ధం చేయాలని భట్టి విక్రమార్క అధికారులను ఆదేశించారు. రాబోయే గ్లోబల్‌ సమ్మిట్‌లో దేశ, విదేశీ పెట్టుబడిదారులకు తెలంగాణ పర్యాటక రంగంలోని అవకాశాలను సమగ్రంగా ప్రదర్శించేందుకు 70–80 డీపీఆర్‌లు సిద్ధం చేయాలని సీఎస్‌కి సూచించారు. కోటలు, టైగర్‌ టూరిజంపై ప్రత్యేక దృష్టి రాష్ట్రంలోని చారిత్రక కోటలను పర్యాటక కేంద్రాలుగా అభివృద్ధి చేసేందుకు ప్రభుత్వ ప్రైవేట్‌ భాగస్వామ్యంతో (పీపీపీ) 11 కోటలకు బిడ్లు ఆహ్వానించినట్లు అధికారులు తెలిపారు. టైగర్‌ టూరిజం కార్యక్రమాలను వెంటనే ప్రారంభించాలని భట్టి ఆదేశించారు. నిజాంసాగర్‌లోని నిజాం గెస్ట్‌హౌస్‌ను పర్యాటక అవసరాలకు వినియోగించే అంశాన్ని పరిశీలించాలని మంత్రి ఉత్తమ్‌ సూచించారు. సమావేశంలో స్పెషల్‌ చీఫ్‌ సెక్రటరీ వాణి ప్రసాద్‌ ఫైనాన్స్‌ ప్రిన్సిపల్‌ సెక్రటరీ సందీప్‌ కుమార్‌ సుల్తానియా తదితర అధికారులు పాల్గొన్నారు.

సాక్షి, హైదరాబాద్‌: రాష్ట్రంలోని పలు కార్పొరేషన్లకు చైర్మన్లతో పాటు ఇతర నామినేటెడ్‌ పోస్టులను దసరాలోపు పూర్తి చేస్తామని టీపీసీసీ అధ్యక్షుడు, ఎమ్మెల్సీ బి.మహేశ్‌కుమార్‌గౌడ్‌ వెల్లడించారు. కచి్చతంగా దసరాలోపు ఇవ్వాలన్న ఆలోచనతో ముందుకెళుతున్నామని, ఒకవేళ సాధ్యం కాకపోతే ఆ తర్వాత పదిరోజుల్లో భర్తీ చేస్తామని ఆయన చెప్పినట్టు సమాచారం. గ్రాడ్యుయేట్‌ ఎమ్మెల్సీ టికెట్లు ఆశించి దక్కకపోవడంతో అసంతృప్తితో ఉన్న పార్టీ యువ నాయకులతో శనివారం ఆయన గాం«దీభవన్‌లో భేటీ అయ్యారు. రంగారెడ్డి, హైదరాబాద్, మహబూబ్‌నగర్‌ జిల్లాల గ్రాడ్యుయేట్స్‌ స్థానం నుంచి టికెట్‌ ఆశించిన గౌరి సతీశ్, చరణ్‌కౌశిక్‌ యాదవ్, బోదనపల్లి వేణుగోపాల్‌రెడ్డి, నల్లగొండ, ఖమ్మం, వరంగల్‌ స్థానం నుంచి టికెట్‌ ఆశించిన డాక్టర్‌ లోకేశ్‌యాదవ్, చనగాని దయాకర్‌లతో సమావేశమైన ఆయన పలు అంశాలపై వారితో మాట్లాడారు. ఈ సందర్భంగా మహేశ్‌గౌడ్‌ మాట్లాడుతూ సామాజిక న్యాయం కాంగ్రెస్‌ పార్టీతోనే సాధ్యమవుతుందని చెప్పారు. అన్ని సమీకరణాలను బేరీజు వేసుకున్న అనంతరం అనివార్య పరిస్థితుల్లోనే గ్రాడ్యుయేట్‌ ఎమ్మెల్సీ టికెట్లు ఒకే సామాజిక వర్గానికి ఇవ్వాల్సి వచ్చిందని అన్నారు. గవర్నర్‌ కోటాలో భర్తీ చేసే ఎమ్మెల్సీ స్థానాల్లో రెండింటిని కచ్చితంగా బీసీలకు కేటాయిస్తామని హామీ ఇచ్చారు. ఈ సందర్భంగా పలువురు ఆశావహులు మాట్లాడుతూ ఇప్పటివరకు ప్రాధాన్యత ఇవ్వని కులాలు, జిల్లాల నుంచి ఈసారి అవకాశం కల్పించాలని, ఎమ్మెల్సీలుగా యువ బీసీ నాయకులకు ప్రాధాన్యమివ్వాలని కోరారు. అదే విధంగా నామినేటెడ్‌ పోస్టుల్లో బీసీలకు 42 శాతం పోస్టులివ్వాలని విజ్ఞప్తి చేశారు. అన్ని అంశాలపై పార్టీలో చర్చించి నిర్ణయం తీసుకుంటామని మహేశ్‌గౌడ్‌ హామీ ఇచ్చారు. సమావేశం అనంతరం టీపీసీసీ ప్రధాన కార్యదర్శి చనగాని దయాకర్‌ మీడియాతో మాట్లాడుతూ పట్టభద్రుల ఎమ్మెల్సీ టికెట్ల విషయంలో పార్టీ అధిష్టానం తీసుకున్న నిర్ణయాన్ని గౌరవిస్తామని చెప్పారు.

సాక్షి, హైదరాబాద్‌: క్యూర్‌’చట్టం అమల్లోకి రావడంతో ఇళ్ల రిజిస్ట్రేషన్ల ప్రక్రియ పూర్తి స్థాయిలో ప్రక్షాళన జరుగనుంది. దశాబ్దాలుగా అనుమతుల్లేని ఆస్తుల విక్రయాలతో నష్టపోతున్న సామాన్య గృహ కొనుగోలుదారులకు రక్షణ కల్పిస్తూనే, చట్టవిరుద్ధ నిర్మాణాల బదిలీకి ఈ చట్టం చెక్‌ పెట్టనుంది.అనుమతి ఉన్న ఇళ్లకు రిజిస్ట్రేషన్‌ ఆటంకాలు ఎదురైతే మాత్రం పరిష్కారం కోసం ప్రత్యేక సమస్యల పరిష్కార వ్యవస్థ అందుబాటులోకి రానుంది. సబ్‌–రిజి్రస్టార్‌ ఆఫీసుల చుట్టూ తిరగాల్సిన అవసరం లేకుండా, మానవ ప్రమేయాన్ని తగ్గించి పారదర్శకత పెంచేందుకు ప్రత్యేక డిజిటల్‌ వేదికను రూపొందించింది. రిజిస్ట్రేషన్‌ కోసం ఆన్‌లైన్‌లో దరఖాస్తు చేయగానే, సదరు గృహం మున్సిపల్‌ కార్పొరేషన్‌ అనుమతి పొందిందో? లేదో? సాఫ్ట్‌వేర్‌ సిస్టమ్‌లోనే స్కాన్‌ అవుతుంది. సబ్‌–రిజిస్ట్రార్‌ ఆఫీసులను క్యూర్‌ పోర్టల్‌తో అనుసంధానించడం ద్వారా స్లాట్‌ బుకింగ్, వెరిఫికేషన్, నాలా భూమార్పిడి రుసుముల చెల్లింపులు ఆటోమేటిక్‌గా జరిగిపోతాయి. దీనివల్ల కొనుగోలుదారులకు సమయం, డబ్బు ఆదా కావడంతో పాటు దళారీల ప్రమేయం తగ్గుతుందని ప్రభుత్వం భావిస్తోంది. ఆక్యుపెన్సీ సర్టిఫికెట్‌ తప్పనిసరి క్యూర్‌ పరిధిలో భవన నిర్మాణ నిబంధనలు పాటించని ఇళ్లకు క్యూర్‌ చట్టం ద్వారా కఠినమైన నిబంధనలు అమలు కానున్నాయి. ఇకపై కొత్తగా నిర్మించిన, విక్రయించే ఇళ్లకు ఆక్యుపెన్సీ సర్టిఫికెట్‌ ఉండటం తప్పనిసరి. అనుమతులు లేని, అనుమతి పొందిన లేఅవుట్‌ ప్లాన్‌కు విరుద్ధంగా అదనపు అంతస్తుల అక్రమ నిర్మాణాలకు జీహెచ్‌ఎంసీ పరిధిలో రిజిస్ట్రేషన్లతో పాటు టైటిల్‌ బదిలీలను పూర్తిగా నిషేధించారు. ఓసీ(ఆక్యుపెన్సీ సర్టిఫికెట్‌) లేని భవనాలకు విద్యుత్, తాగునీటి సరఫరా కనెక్షన్లు కూడా నిలిచిపోనుంది. నిబంధనలు ఉల్లంఘించిన భవనాలపై 300 శాతం వరకు జరిమానాలు విధించేలా అవకాశాలు ఉంటాయి. ఉదాహరణకు చందానగర్‌లో అనుమతి లేని లేఅవుట్‌లో ఐదో అంతస్తులో ఒక ఫ్లాట్‌ కొనుగోలు చేసేందుకు అడ్వాన్స్‌ చెల్లించిన కొనుగోలుదారుడికి పాత పద్ధతిలో రిజిస్ట్రేషన్‌ జరిగేది. కానీ కొత్త ’క్యూర్‌’విధానంలో బిల్డర్‌ ఓసీ పత్రాన్ని పోర్టల్‌లో అప్‌లోడ్‌ చేయకపోతే, సిస్టమ్‌ ఆటోమేటిక్‌గా రిజిస్ట్రేషన్‌ స్లాట్‌ను బ్లాక్‌ చేస్తుంది. ఆటోమ్యాపింగ్‌ క్యూర్‌ పరిధిలోని చెరువులు, నాలాల ఎఫ్‌టీఎల్, బఫర్‌ జోన్లలోని ఇళ్లతో పాటు, రిజిస్ట్రేషన్ల చట్టం సెక్షన్‌ 22ఏ పరిధిలోకి వచ్చే నిషేధిత ఆస్తుల రిజిస్ట్రేషన్లు ఇకపై ఆటోమేటిక్‌గా నిలిచిపోతాయి. ‘హైడ్రా’గుర్తించిన నిషేధిత భూముల విశ్లేషణ డేటాను రిజిస్ట్రేషన్‌శాఖ సాఫ్ట్‌వేర్‌కు ఆటో మ్యాపింగ్‌ ప్రక్రియ కానుంది. అనుమతి లేని సర్వే నంబర్లు క్యూర్‌ డిజిటల్‌ నెట్‌వర్క్‌లో రెడ్‌ఫ్లాగ్‌ అవ్వడంవల్ల అక్రమ ఆస్తుల దస్తావేజులు సబ్‌ రిజిస్ట్రార్‌ లాగిన్‌లోనే ఆటోమేటిక్‌గా తిరస్కరణకు గురవుతాయి. ఈ చట్టం అమలుతో దస్తావేజుల్లో నమోదు చేసే ఆస్తి విలువను దాచే ప్రయత్నాలకు ఇది చెక్‌ పెడుతుంది. మరోవైపు సక్రమమైన అనుమతులు ఉన్నప్పటికీ సాంకేతిక లోపాల వల్ల రిజిస్ట్రేషన్లు నిలిచిపోతే, కొనుగోలుదారులు కోర్టుల చుట్టూ తిరగాల్సిన అవసరం లేకుండా సమస్యల పరిష్కారానికి ప్రత్యేక అప్పిలేట్‌ అథారిటీని అందుబాటులోకి తీసుకొని వస్తున్నారు.

సాక్షి, హైదరాబాద్‌: డిజిటల్‌ యుగంలో చిన్నారుల భద్రతకు కుటుంబాలు, పాఠశాలలు, ప్రభుత్వ సంస్థలు, న్యాయ సేవా సంస్థలు, టెక్నాలజీ సంస్థలు సమష్టిగా పనిచేయాల్సిన అవసరం ఉందని సుప్రీంకోర్టు న్యాయమూర్తి, నేషనల్‌ లీగల్‌ సర్వీసెస్‌ అథారిటీ (నల్సా) ఎగ్జిక్యూటివ్‌ చైర్మన్‌ జస్టిస్‌ విక్రమ్‌నాథ్‌ పిలుపునిచ్చారు. చిన్నారులపై సైబర్‌ వేధింపులు, ఆన్‌లైన్‌ బెట్టింగ్, లైంగిక వేధింపులు, బ్లాక్‌మెయిల్‌ వంటి ముప్పులు పెరుగుతున్న నేపథ్యంలో వారికి సురక్షితమైన వాతావరణం కల్పించాల్సిన బాధ్యత అందరిపైనా ఉందన్నారు. ‘పిల్లలు తమపై జరిగిన వేధింపులను వెల్లడించినప్పుడు మొదటి స్పందన అత్యంత కీలకం. ఓపికగా వినాలి.. గౌరవంగా చూడాలి. ఇకపై ఏం జరుగుతుందో వారికి అర్థమయ్యే భాషలో వివరించాలి’అని చెప్పారు. సైబర్‌ ప్రపంచంలో పిల్లలపై జరుగుతున్న లైంగిక దోపిడీని అరికట్టడం, బాలల హక్కులకు రక్షణ కల్పించడం, వారికి స్నేహపూర్వక న్యాయవ్యవస్థను అందుబాటులోకి తీసుకురావడమే లక్ష్యంగా నల్సా నిర్వహిస్తున్న దక్షిణ ప్రాంతీయ సదస్సు శనివారం హైదరాబాద్‌లో ప్రారంభమైంది. తెలంగాణ రాష్ట్ర న్యాయ సేవాధికార సంస్థ (టీఎస్‌ఎల్‌ఎస్‌ఏ) ఆధ్వర్యంలో రెండు రోజులపాటు ఈ సదస్సు జరగనుంది. ప్రారంభ కార్యక్రమంలో సుప్రీంకోర్టు న్యాయమూర్తులు జస్టిస్‌ విక్రమ్‌నాథ్, జస్టిస్‌ పమిడిఘంటం శ్రీ నరసింహా, జస్టిస్‌ ఆర్‌.మహదేవన్, జస్టిస్‌ అలోక్‌ అరాధే, తెలంగాణ హైకోర్టు ప్రధాన న్యాయమూర్తి జస్టిస్‌ అపరేశ్‌కుమార్‌ సింగ్, రాష్ట్ర లీగల్‌ సర్వీసెస్‌ అథారిటీ ఎగ్జిక్యూటివ్‌ చైర్మన్‌ జస్టిస్‌ శామ్‌ కోషి, కేంద్ర న్యాయ మంత్రి అర్జున్‌ మేఘ్‌వాల్, సీఎం ఎ.రేవంత్‌రెడ్డి పాల్గొని మాట్లాడారు. ఈ కార్యక్రమంలో పలు హైకోర్టుల ప్రధాన న్యాయమూర్తులు, న్యాయమూర్తులు, తెలంగాణ ఏజీ ఎ.సుదర్శన్‌రెడ్డి, ఏఎస్‌జీ నరసింహ శర్మ, ఏఏజీలు ఇమ్రాన్‌ఖాన్, తేరా రజనీకాంత్‌రెడ్డి, పీపీ పల్లె నాగేశ్వర్‌రావు, రాష్ట్ర లీగల్‌ సర్వీసెస్‌ అథారిటీ సభ్య కార్యదర్శి సీహెచ్‌ పంచాక్షరీ, రిజిస్ట్రార్లు తదితరులు పాల్గొన్నారు. వారి స్వేచ్ఛకు భద్రత కల్పించాలి: జస్టిస్‌ విక్రమ్‌నాథ్‌ చార్మినార్, గోల్కొండ వంటి చారిత్రక కట్టడాలతోపాటు హైటెక్‌ సిటీ వంటి సాంకేతిక కేంద్రానికి హైదరాబాద్‌ ప్రతీకగా నిలుస్తోంది. బాలల భవిష్యత్తును సాంకేతికత ఎలా సురక్షితంగా తీర్చిదిద్దగలదో చర్చించేందుకు నగరం సరైన వేదిక. హైదరాబాద్‌లోనే జన్మించిన ప్రముఖ కవయిత్రి సరోజినీ నాయుడు రచించిన ‘టు మై చిల్డ్రన్‌’కవితలోని భావాల ప్రకారం.. ప్రతి తల్లీదండ్రి కోరుకునేది పిల్లలు నవ్వుతూ, బాధలకు దూరంగా ఎదగడమే. పిల్లలకు నేర్చుకునే, ఆడుకునే ప్రపంచాన్ని భయం లేకుండా అన్వేషించే స్వేచ్ఛ ఉండాలి. ఆ స్వేచ్ఛకు భద్రత కల్పించడం సమాజం బాధ్యత. సోషల్‌ మీడియా, మెసేజింగ్‌ యాప్స్, ఆన్‌లైన్‌ గేమ్స్‌ పిల్లల జీవితంలో భాగమయ్యాయి. వాటి ద్వారా విద్య, స్నేహం వంటి ప్రయోజనాలతోపాటు అనేక ప్రమాదాలు కూడా ఎదురవుతున్నాయి. ఆన్‌లైన్‌ బెట్టింగ్, సైబర్‌ మోసాలు, లైంగిక వేధింపులు చిన్నారులను తీవ్రంగా ప్రభావితం చేస్తున్నాయి. నకిలీ ప్రొఫైళ్ల ద్వారా పిల్లలతో పరిచయం పెంచుకుని లైంగికంగా వేధించడం, వ్యక్తిగత ఫొటోలు పంపేలా ఒత్తిడి చేయడం, అనంతరం వాటితో బ్లాక్‌మెయిల్‌ చేయడం వంటి ఘటనలు ఆందోళనకరం. కృత్రిమ మేధ (ఏఐ) విస్తృత వినియోగం కూడా బాలల భద్రతకు కొత్త సవాళ్లు విసురుతోంది. చిన్నారుల సాధారణ ఫొటోలను మార్ఫింగ్‌ చేసి లైంగికంగా అసభ్యకరమైన నకిలీ చిత్రాలుగా రూపొందించడం, వాటిని సోషల్‌ మీడియా, మెసేజింగ్‌ గ్రూపుల్లో ప్రచారం చేయడం లేదా బ్లాక్‌మెయిల్‌కు ఉపయోగిస్తున్నారు. ఇలాంటి ఘటనలతో పిల్లల చదువు, ఆత్మవిశ్వాసం దెబ్బతినడంతోపాటు వారు ఇతరులకు దూరమయ్యే ప్రమాదం ఉంది. పిల్లలు బెదిరింపు సందేశాలు వచ్చినప్పుడు భయపడకుండా తల్లిదండ్రులు, ఉపాధ్యాయులకు చెప్పేలా ప్రోత్సహించాలి. లైంగిక బ్లాక్‌మెయిల్‌కు గురైన చిన్నారి.. ధైర్యంగా తమ సమస్యను చెప్పుకునే వ్యవస్థ అవసరం. జీవితాన్ని నిలబెట్టడమే న్యాయం: సీఎం రేవంత్‌రెడ్డి.. మహాత్మాగాంధీ ఒక న్యాయవాది. ఆయన న్యాయాన్ని కేవలం వృత్తిగా చూడలేదు. పేదలు, బలహీనుల కోసం న్యాయాన్ని ఒక ఆయుధంగా ఉపయోగించారు. అదే స్ఫూర్తితో న్యాయ సేవా సంస్థలు కూడా పనిచేస్తున్నాయి. ప్రతి ఒక్కరికీ న్యాయం అందాలి. డబ్బు లేక ఎవరికీ న్యాయం దూరం కాకూడదు. ఈ రోజుల్లో పిల్లలు ఎక్కువసేపు ఆన్‌లైన్‌లో గడుపుతున్నారు. వారు ఇంటర్నెట్‌లో ఏం చేస్తున్నారనేది తల్లిదండ్రులకు తెలియడం లేదు. ఇంటర్నెట్, ఏఐ, మన జీవితాలను ఎంతో సులభం చేశాయి. కానీ.. ఏది నిజం? ఏది అబద్ధం? ఏది మంచి? ఏది చెడు? అన్నది పిల్లలు వెంటనే గుర్తించలేరు. తెలియక చేసే చిన్న పొరపాటు పెద్ద సమస్యకు దారితీయొచ్చు. దాని ప్రభావం పిల్లలపైనే కాదు... వారి కుటుంబాలపై, సమాజంపైనా పడుతోంది. తెలంగాణలో మహిళలు, పిల్లల రక్షణకు ప్రభుత్వం అత్యున్నత ప్రాధాన్యతనిస్తోంది. పోలీసులు, భరోసా కేంద్రాలు, చైల్డ్‌ ప్రొటెక్షన్‌ యూనిట్లు, చైల్డ్‌ వెల్ఫేర్‌ కమిటీలు, ప్రత్యేక కోర్టులు, న్యాయ సేవా సంస్థలు.. సమన్వయంతో పనిచేయాలి. న్యాయం.. అంటే నేరస్తుడికి శిక్ష పడటమే కాదు. బాధితుడి జీవితాన్ని తిరిగి నిలబెట్టడం. సైబర్‌ నేరాల కోసం–1930, చైల్డ్‌ హెల్ప్‌లైన్‌ కోసం–1098 నంబర్లు అంతా తప్పక గుర్తుంచుకోవాలి. భవిష్యత్‌ భద్రతతో ముడిపడిన అంశం –కేంద్ర న్యాయ మంత్రి అర్జున్‌ మేఘ్‌వాల్‌ నేడు మనం బాలలకు ఎలాంటి సురక్షిత వాతావరణం, విద్య, విశ్వాసం, న్యాయం కల్పిస్తామో.. అది రేపు దేశ భవితవ్యాన్ని నిర్దేశిస్తుంది. సాంకేతిక యుగంలో చదువుతోపాటే డిజిటల్‌ వ్యవస్థ కూడా చిన్నారులకు చేరువవుతోంది. సోషల్‌ మీడియా, ఆన్‌లైన్‌ గేమింగ్‌తోపాటు ఇతర ప్లాట్‌ఫామ్‌లు చాలామంది చిన్నారుల భవిష్యత్‌ను దెబ్బతీస్తున్నాయి. ఈ సవాళ్లను ఎదుర్కొనేందుకు న్యాయ వ్యవస్థ, లీగల్‌ ఎయిడ్‌ మరింత చేరువ కావాలి. న్యాయ వ్యవస్థను సంప్రదించడం సులభతరంగా చేయాలి. పిల్లలే అత్యంత విలువైన ‘ఆస్తి’: జస్టిస్‌ పీఎస్‌ నరసింహా ఆధునిక జీవన విధానం, పని ఒత్తిళ్లు, సైబర్‌ ప్రపంచం కారణంగా తల్లిదండ్రులు పిల్లలకు తగినంత సమయం కేటాయించలేకపోతున్నారు. మానవ సమాజానికి అత్యంత విలువైన ఆస్తి పిల్లలే. అయితే, ఈ విషయాన్ని మన నాగరికత, సంస్కృతి తగినంత ప్రాధాన్యంతో గుర్తించలేదు. దేశ భవిష్యత్తును భద్రపరచాలంటే ముందుగా పిల్లల భవిష్యత్తును భద్రపరచాలి. తల్లిదండ్రులు పిల్లలతో గడపాల్సిన సమయాన్ని కూడా సైబర్‌ ప్రపంచమే ఆక్రమిస్తోంది. తల్లిదండ్రులు పిల్లలకు సమయం కేటాయించేలా రాష్ట్రం ముందడుగు వేసి చట్టాన్ని తీసుకురావాలి. దేశంలో రోజురోజుకు పడిపోతున్న సంతానోత్పత్తి నేపథ్యంలో చిన్నారుల సంక్షేమానికి ప్రభుత్వాలు అత్యంత ప్రాధాన్యం ఇవ్వాలి. బాలలకు ఉచిత న్యాయసేవలు: జస్టిస్‌ అలోక్‌ అరాధే డిజిటల్‌ వాతావరణంలో పిల్లలను రక్షించడం కేవలం విధానపరమైన అంశం కాదు. అది రాజ్యాంగపరమైన బాధ్యత. సంప్రదాయ నేరాలకు భిన్నంగా ఆన్‌లైన్‌ లైంగిక నేరాల్లో అజ్ఞాత ఖాతాలు, ఎన్‌క్రిపె్టడ్‌ సందేశాలు, వివిధ డిజిటల్‌ వేదికలు, వేర్వేరు దేశాలు లేదా న్యాయ పరిధులు దాటి పనిచేసే నిందితులు ఉండే అవకాశం ఉంది. డిజిటల్‌ ఆధారాలను తొలగించడం లేదా మార్చడం సాధ్యమవుతున్నందున వాటిని సరైన విధానంలో భద్రపరచడం, పరిశీలించడం, విశ్లేషించడం అత్యంత కీలకం. బాలలకు ఉచిత న్యాయ సేవలు అందించడం చట్టబద్ధ హక్కు. చిన్నారులు హక్కుదారులు: జస్టిస్‌ ఆర్‌.మహదేవన్‌ సాంకేతికత పిల్లల అభ్యాసం, సృజనాత్మకత, భావ వ్యక్తీకరణకు ఉపయోగపడే సాధనంగా ఉండాలి తప్ప వారి దోపిడీకి సాధనంగా మారకూడదు. పిల్లల భద్రత, సాంకేతికతలో ఏదో ఒకదాన్ని ఎంచుకోవాల్సిన అవసరం లేదు. సాంకేతికత బాల్యానికి ఉపయోగపడేలా చూడటమే ముందున్న ప్రధాన సవాల్‌. పిల్లలను రక్షణ అవసరమైన వ్యక్తులుగానే కాకుండా ‘హక్కుదారులు’గా చూడాలి. గోప్యతను కాపాడాలి: చీఫ్‌ జస్టిస్‌ అపరేశ్‌కుమార్‌ సింగ్‌ సాంకేతికతతో బాలలపై నేరాలు జరిగే విధానం మారుతున్నా, వారిని రక్షించాల్సిన రాజ్యాంగ బాధ్యత మాత్రం మారదు. డిజిటల్‌ ప్రపంచంలో బాలల రక్షణ, న్యాయానికి అందుబాటు కోసం న్యాయవ్యవస్థ, ప్రభుత్వం, పోలీసు, న్యాయ సేవా సంస్థలు, బాలల రక్షణ సంస్థలు సమన్వయంతో పనిచేయాలి. తరగతి గదికి పిల్లలను అనుసంధానించే సాంకేతికతే.. గుర్తు తెలియని వ్యక్తులతోనూ వారిని అనుసంధానించే అవకాశం కల్పిస్తోంది. సృజనాత్మకతకు ఉపయోగపడే వేదికలను దుర్వినియోగపర్చి పిల్లలను మోసం, ప్రలోభపెట్టడం, వేధించడం వంటి చర్యలకు పాల్పడే ప్రమాదం ఉంది. తల్లిదండ్రులు, ఉపాధ్యాయులు, పోలీసులు, కౌన్సెలర్లు పిల్లల మాటలను నిందించకుండా, సానుభూతితో వినాలి. లైంగిక నేరాల బాధిత బాలల గౌరవం, గోప్యత, వ్యక్తిగత గుర్తింపును కాపాడాల్సిన అవసరం ఎంతైనా ఉంది. న్యాయ రథం ప్రారంభం బాలల రక్షణకు ‘ఫ్రీడమ్‌ ఫ్రమ్‌ బాండెడ్‌ లేబర్‌’పథకాన్ని ముఖ్యమంత్రి రేవంత్‌రెడ్డి ప్రారంభించారు. బానిస కార్మిక వ్యవస్థ నుంచి విముక్తి, న్యాయ సాయం, బాధితుల రక్షణ, పునరావాసం, తిరిగి సమాజంలో కలిసేలా చేయడమే దీని లక్ష్యం. బాలల భద్రత, గౌరవం, రక్షణకు అన్ని వర్గాలూ సమష్టిగా కట్టుబడి పనిచేయాలన్న సంకల్పానికి ప్రతీకగా ఏర్పాటు చేసిన ‘కమిట్‌మెంట్‌ వాల్‌’ను కూడా ఆయన ఆవిష్కరించారు. ‘న్యాయ రథం’పేరుతో మొబైల్‌ లోక్‌ అదాలత్‌ వాహనాన్ని జస్టిస్‌ విక్రమ్‌నాథ్‌ జెండా ఊపి ప్రారంభించారు. న్యాయ సేవలను ప్రజల చెంతకే తీసుకెళ్లడం, న్యాయ వ్యవస్థను ఆశ్రయించడంలో ఇబ్బందులు ఎదుర్కొంటున్న వారికి అందుబాటులో, తక్కువ ఖర్చుతో, వేగవంతమైన న్యాయం అందించడం ఈ మొబైల్‌ లోక్‌ అదాలత్‌ ప్రధాన ఉద్దేశం.

సాక్షి, హైదరాబాద్‌: వచ్చే ఎన్నికల్లో పోటీపై మంత్రి ఉత్తమ్‌ కుమార్‌రెడ్డి కీలక ప్రకటన చేశారు. డీలిమిటేషన్‌ జరిగితే తుంగతుర్తిలో పోటీ చేస్తారనే ప్రచారాన్ని ఖండించిన మంత్రి ఉత్తమ్‌.. హుజూర్‌నగర్‌ నుంచే వచ్చే ఎన్నికల్లో పోటీ చేస్తానని తేల్చి చెప్పారు. సోషల్ మీడియా ప్రచారాన్ని నమ్మొద్దన్నారు.తుంగతుర్తిలోని తాను పుట్టిన సొంత గ్రామం తాటి పాములలో అభివృద్ధి పనులు చేస్తున్నట్లు ఉత్తమ్ పేర్కొన్నారు. కాళేశ్వరం మూడు బ్యారేజిలలో మొత్తం డిజైన్ సమస్య అయితే ప్రభుత్వమే ఖర్చు భరిస్తుందన్నారు. నిర్మాణ సంస్థలు పరిధిలో ఏదైనా సమస్యలు ఉంటే వాళ్లే నిదులు ఖర్చు చేస్తారని ఉత్తమ్ కుమార్ రెడ్డి అన్నారు.ఇదీ చదవండి: గులాబీ ‘పట్టా’దార్‌ ఎవరో?

హైదరాబాద్: బతుకమ్మ పండగను ఈ నెల 10వ తేదీ నుంచి 18వ తేదీ వరకు అత్యంత వైభవంగా నిర్వహించేందుకు ఏర్పాట్లు చేస్తున్నట్టు రాష్ట్ర ప్రభుత్వ ప్రధాన కార్యదర్శి సంజయ్ జాజు వెల్లడించారు. బతుకమ్మ వేడుకల ఏర్పాట్లపై శనివారం డాక్టర్ బి.ఆర్.అంబేద్కర్ రాష్ట్ర సచివాలయంలో ఉన్నతస్థాయి సమీక్ష సమావేశం నిర్వహించారు. ఈ సమావేశంలో వివిధ శాఖల కార్యదర్శులు, పోలీస్ అధికారులు హాజయ్యారు. ఈ సందర్భంగా ఈనెల 18వ తేదీన సద్దుల బతుకమ్మను పురస్కరించుకొని ట్యాంక్ బండ్ పై వేలాది మంది మహిళలతో ఉత్సవాన్ని అత్యంత వైభవంగా నిర్వహిస్తున్నట్టు సంజయ్ జాజు తెలిపారు. 18వ తేదీ సాయంత్రం 4 గంటలకు సచివాలయం ఎదురుగా ఉండే అమరవీరుల స్మారక కేంద్రం నుంచి వేలాది మంది మహిళలు బతుకమ్మలతో ఊరేగింపుగా వచ్చి ట్యాంక్ బండ్ పైకి చేరుకుంటారని, వీరితోపాటు వందలాది మంది కళాకారులు తమ కళారూపాలతో ర్యాలీగా వస్తారని వివరించారు. ట్యాంక్ బండ్ పై ఏర్పాటు చేసే ప్రత్యేక వేదిక వద్ద జరిగే ఈ బతుకమ్మ ఉత్సవాలకు ప్రజాప్రతినిధులు హాజరవుతారని అన్నారు.ఈ బతుకమ్మ ఉత్సవాలను పురస్కరించుకొని పండగ శోభ వచ్చేలా నగరంలోని ప్రధాన కూడళ్లలో బతుకమ్మలను ఏర్పాటు చేయడమే కాకుండా పలు జంక్షన్ల కేంద్రాల వద్ద విధ్యుత్ దీపాలతో అలంకరించాలని ఆదేశించారు. నగరంలోని అన్ని ప్రధాన కార్యాలయాలను కూడా విద్యుత్ దీపాలతో అలంకరించాలని సంబంధిత శాఖల అధికారులను ఆదేశించారు. ట్యాంక్ బండ్ పై బతుకమ్మ ఆడేందుకు సమీపంలోని వాడలు, కాలనీలు, బస్తీల నుంచి పెద్ద ఎత్తున మహిళలు వచ్చే అవకాశం ఉండడంతో వారికి ఏ విధమైన ఇబ్బందులూ లేకుండా చర్యలు చేపట్టాలని ఆదేశించారు. నెక్లెస్ రోడ్డులో బతుకమ్మల నిమజ్జన ఏర్పాట్లు అదే విధంగా, ట్యాంక్ బండ్ చిల్డ్రన్స్ పార్క్ లో ఉన్న బతుకమ్మ ఘాట్ తో పాటు నెక్లెస్ రోడ్డులో బతుకమ్మల నిమజ్జనానికి ప్రత్యేక ఏర్పాట్లు చేయాలని హెచ్ఎండీఏ, జీహెచ్ ఎంసీ అధికారులను సీఎస్ ఆదేశించారు. సాయంత్రం 5 గంటల నుంచి రాత్రి 10 గంటల మధ్య ట్యాంకు బండ్ పై బతుకమ్మ ఉత్సవాలు జరుగుతుండడంతో ట్రాఫిక్ డైవర్షన్, బారికేడింగ్, కనీస సౌకర్యాల ఏర్పాట్లను చేపట్టాలని తెలిపారు. అమరవీరుల స్మారక కేంద్రం నుంచి ట్యాంక్ బండ్ వరకు ప్రత్యేకంగా బారికేడింగ్, లైటింగ్ సౌకర్యాలను కల్పించాలని సూచించారు. బతుకమ్మ జరిగే పది రోజుల పాటు రవీంద్ర భారతిలో బతుకమ్మ ఉత్సవాలను నిర్వహిస్తుండడంతో అక్కడ కూడా ప్రత్యేక ఏర్పాట్లు చేపట్టాలని అన్నారు. రాష్ట్రంలోని అన్ని టూరిజం కేంద్రాలు, ప్రముఖ ప్రాంతాల్లోనూ బతుకమ్మ ఉత్సవాలు నిర్వహించాలని అన్నారు. బతుకమ్మ ఉత్సవాలను ప్రతిబింబించేలా ఈ సారి ప్రత్యేక లోగోను రూపొందిస్తున్నామని వెల్లడించారు. డిసెంబర్‌లో జరుగనున్న తెలంగాణ గ్లోబల్ సమ్మిట్‌ను కూడా ఈ లోగోలో తెలియచేసే విధంగా రూపొందించనున్నట్టు తెలిపారు.

సాక్షి, హైదరాబాద్‌: నగరంలో అక్రమంగా ఉంటున్న విదేశీయులపై పోలీసుల నిఘా ముమ్మరమైంది. వీసా గడువు ముగిసినా నగరంలో కొనసాగుతున్న వారిని గుర్తించేందుకు స్పెషల్ బ్రాంచ్, ఎఫ్‌ఆర్‌ఆర్‌ఓ, స్థానిక పోలీసులు, ఐటీ సెల్ సంయుక్తంగా ప్రత్యేక తనిఖీలు చేపట్టారు. ఇప్పటికే 49 మంది అక్రమంగా ఉంటున్న విదేశీయులను గుర్తించి హోల్డింగ్ సెంటర్లకు తరలించగా.. 12 మందిని స్వదేశాలకు పంపించారు. తనిఖీల్లో నకిలీ కరెన్సీ, డ్రగ్స్, మోసాలు, వ్యభిచారం వంటి పలు అక్రమ కార్యకలాపాలు వెలుగులోకి రావడంతో పోలీసులు మరింత అప్రమత్తమయ్యారు.టౌలిచౌకి పోలీస్ స్టేషన్-30, లంగర్ హౌస్‌-6, మెహదీపట్నం-6, రాజేంద్రనగర్-3, బంజారాహిల్స్-2, సైఫాబాద్-1, గుడిమల్కాపూర్-1 విదేశీయుల వివరాలు నమోదయ్యాయి. స్టూడెంట్ వీసాపై ఇండియాకు వచ్చి, వీసా గడువు ముగిసిన తర్వాత కొందరు విదేశీయులు ఆసుపత్రులకు వచ్చే విదేశీ రోగులకు అనువాదకులుగా (ట్రాన్స్‌లేటర్లు), మధ్యవర్తులుగా పనిచేస్తున్నట్లు తేలింది. వీరు రోగుల నుండి భారీగా రుసుము వసూలు చేయడమే కాకుండా, ఆసుపత్రి బిల్లులో దాదాపు 15 శాతం వరకు కమిషన్ పొందుతున్నట్లు గుర్తించారు.కొందరు విదేశీ మహిళలు వ్యభిచార కార్యకలాపాల్లో పాల్గొంటున్నట్లు వెల్లడైంది. టూరిస్ట్ వీసాపై వచ్చి గడువు ముగిసిన తర్వాత కూడా ఉంటున్న ఒక కెన్యా దేశస్తురాలు వ్యభిచారం చేస్తున్నట్లు గుర్తించారు. ఇళ్లు, ఫ్లాట్లు, హోటళ్లు, గెస్ట్ హౌస్‌లు, సర్వీస్ అపార్ట్‌‌మెంట్లు.. విదేశీయులకు వసతి కల్పించే వారందరూ తప్పనిసరిగా నిబంధనలను పాటించాలని పోలీసులు సూచించారు. వసతి కల్పించే ముందే విదేశీయుల పాస్‌పోర్ట్, వీసా, ఇతర పత్రాలను క్షుణ్ణంగా పరిశీలించాలని.. విదేశీయుల నివాస సమాచారాన్ని అధికారులకు తప్పనిసరిగా సమర్పించాలన్నారు.ఇదీ చదవండి: హైదరాబాద్‌ ప్రయాణికులకు గుడ్‌న్యూస్‌

హైదరాబాద్‌: కేంద్ర హోం మంత్రి అమిత్ షా ఆదివారం (అక్టోబర్ 4న) తెలంగాణలో పర్యటించాల్సి ఉండగా దాన్ని రద్దు చేసుకున్నారు. ముందుగా ప్రకటించాల్సిన షెడ్యూల్‌ ప్రకారం కరీంనగర్‌లోని ఓ ప్రైవేట్ కార్యక్రమంలో అమిత్‌ షా ముఖ్య అతిథిగా హాజరుకావాల్సి ఉంది ఆ తర్వాత హైదరాబాద్‌కు వస్తారని బీజేపీ వర్గాలు భావించాయి. ఇటీవల తెలంగాణకు కొత్తగా నియమితులైన ఇన్‌ఛార్జ్‌లతో భేటీ అయ్యే ఛాన్స్ ఉందని బీజేపీ నేతలు అనుకున్నారు. అమిత్‌ షా ఆదివారం తూప్రాన్‌ మండలంలోని బ్రహ్మణపల్లిలో పర్యటించనున్నారన్న సమాచారం నేపథ్యంలో భద్రతా ఏర్పాట్లపై ఇప్పటికే తూప్రాన్‌ మున్సిపల్‌ కార్యాలయంలో ఏఎస్‌ఎల్‌ సమావేశం నిర్వహించారు. అమిత్‌ షా పర్యటనకు సంబంధించిన భద్రతా ప్రణాళిక వేసుకున్నారు. చివరకు అమిత్ షా పర్యటన రద్దయింది.

సాక్షి, హైదరాబాద్‌: కులం, మ‌తం ప‌ట్టింపులేని వారి వివరాలు కూడా జ‌నగ‌ణ‌న‌లో ప‌రిగ‌ణ‌న‌లోకి తీసుకోవాల‌ని హైదరాబాద్‌కు చెందిన సీనియర్‌ జర్నలిస్టులు కేంద్ర ప్రభుత్వానికి విజ్ఞప్తి చేశారు. 2027 జ‌నగ‌ణ‌న‌లో కుల‌, మ‌త ర‌హితుల వివ‌రాలు సేక‌రించాల‌ని కోరారు. ఈ మేర‌కు తెలంగాణ హైకోర్టులో పిటిషన్‌ దాఖలు చేశారు. తమ అస్తిత్వ ప్రకటన ప్రతి పౌరుడి ప్రాథమిక హక్కు అని దీన్ని గుర్తించి, గౌరవించాలని హైకోర్టు ద్వారా కేంద్రానికి విజ్ఞప్తి చేశారు.మనదేశంలో వివిధ మత విశ్వాసాలు కలిగిన ప్రజలు మాత్రమే కాకుండా ఎటువంటి మతవిశ్వాసాలు లేని హేతువాదులు, నాస్తికులు, భౌతిక వాదులు, మానవతావాదులతో సహా కమ్యూనిస్టులూ ఉన్నారనీ.. వ్యక్తులుగా, సమూహాలుగా అనేక మంది వారి నిత్య జీవిత ఆచరణలో కుల రహిత, మత రహిత అస్తిత్వంతో ఉన్నారని పిటిషనర్లు సి. వనజ, డీవీ రామకృష్ణా రావు పేర్కొన్నారు.ఇటీవల తెలంగాణ రాష్ట్ర ప్రభుత్వం సామాజిక, ఆర్థిక సర్వేలో భాగంగా బీసీ కులగణన చేసిన నేపథ్యంలో హైకోర్టు ఆదేశాల మేరకు కుల రహితులను, మత రహితులను కూడా గణించింది. రాష్ట్రంలో 11.96 లక్షల మంది తమని తాము కుల రహితులుగా, మత రహితులుగా ప్రకటించుకున్నారు. రాష్ట్రంలో స్కూలు, కాలేజీ విద్యా స్థాయిలో డీవీ రామకృష్ణారావు, ఎస్ క్లారెన్స్ కృపాళిని దంపతులు 2010, 2017 లలో కోర్టు మెట్లు ఎక్కారు. తమ పిల్లవాడి బర్త్ సర్టిఫికెట్ కోసం డేవిడ్, రూపా దంపతులు కూడా కోర్టులో పోరాటం చేశారు.తెలంగాణలో కుల గణన సందర్భంలో కుల నిర్మూలన సంఘం వేసిన పిటిషన్‌పై వెలువడిన తీర్పు నేపథ్యంలో రాష్ట్ర ప్రభుత్వం కుల రహితులను, మత రహితులను గణించింది. అదేవిధంగా కేంద్ర ప్రభుత్వం జనాభా లెక్కల్లోనూ కుల రహితులను, మత రహితులను గణించమని కోరుతూ 12 మంది వేసిన రిట్ పిటిషన్ 1420/2026, కుల నిర్మూలన సంఘం వేసిన పిటిషన్ 40062/2025 లు హైకోర్టు బెంచ్ ముందుకు రానున్నాయి. ఈ నేపథ్యంలో జనాభా లెక్కల్లో కుల, మత రహితులను గణించమని హైకోర్టు ద్వారా కేంద్ర ప్రభుత్వాన్ని పిటిషనర్లు కోరారు.

సాక్షి, హైదరాబాద్‌: నగరంలో ఆటో చార్జీల మోత మోగనుంది. ఈ మేరకు ప్రభుత్వం ఆటోరిక్షా చార్జీలను పెంచుతూ ఉపముఖ్యమంత్రి భట్టి విక్రమార్క శుక్రవారం జీఓ విడుదల చేశారు. గతంలో మొదటి 1.6 కి.మీ దూరానికి రూ.20, ఆ తర్వాత ప్రతి కి.మీ.కు రూ.11 చొప్పున చార్జీలు ఉండగా, కొత్తగా పెంచిన చార్జీల ప్రకారం మొదటి 1.6 కి.మీ దూరానికి రూ.30, ఆ తర్వాత ప్రతి కి.మీ.కు రూ.14 చార్జీ ఉంటుంది. ఆటో నిరీక్షణ చార్జీలు ప్రతి నిమిషానికి 75 పైసల చొప్పున వసూలు చేస్తారు. రాత్రి 11 నుంచి ఉదయం 5 గంటల వరకు సాధారణ చార్జీలపై ఒకటిన్నర రెట్లు అధికంగా ఉంటుంది. లగేజీపైనా భారం పెంచారు. ఒక్కో ప్యాకేజీపై 50 పైసల చొప్పున చెల్లించాల్సి ఉంటుంది. గరిష్టంగా 100 కిలోల వరకు అనుమతిస్తారు. కొత్త చార్జీలకు అనుగుణంగా ఆటోడ్రైవర్లను డిజిటల్‌ మీటర్‌లను ఏర్పాటు చేసుకోవాలని రవాణా కమిషనర్‌ ఇలంబర్తి తెలిపారు. ఇందుకోసం 3 నెలల గడువు విధిస్తున్నట్లు పేర్కొన్నారు. కాగా.. నగరంలో రవాణా శాఖ లెక్కల ప్రకారం సుమారు 1.4 లక్షల ఆటోలున్నాయి. పెంచిన చార్జీల ప్రకారం సుమారు 8 లక్షల మంది ప్రయాణికులు రోజుకు కనిష్టంగా 3 కి.మీ ప్రయాణిస్తారని భావిస్తే.. రోజుకు రూ.1.14 కోట్ల అదనపు భారం పడనుందని అంచనా.

సాక్షి,హైదరాబాద్‌: పట్టభద్రుల ఎమ్మెల్సీ సమరానికి సమయం సమీపిస్తుండటంతో రాజకీయ పార్టీలు దృష్టి సారించాయి. అధికార కాంగ్రెస్‌ పార్టీ ఇప్పటికే హైదరాబాద్‌–రంగారెడ్డి–మహబూబ్‌నగర్‌ స్థానానికి సామ రామ్మోహన్‌రెడ్డిని, వరంగల్‌–నల్గొండ–ఖమ్మం అభ్యర్థిగా రాంరెడ్డి సర్వోత్తం రెడ్డిని ఖరారు చేసింది. కాంగ్రెస్‌ ఆనవాయితీకి భిన్నంగా ఈసారి అందరికంటే ఎంతో ముందస్తుగా అభ్యర్థులను ప్రకటించగా, ఈ ఎన్నికల్లో సత్తా చూపుతామంటున్న ప్రధాన ప్రతిపక్షం బీఆర్‌ఎస్‌ మాత్రం ఇప్పటివరకు అభ్యర్థుల ఎంపికపై స్పష్టత ఇవ్వకపోవడం రాజకీయ వర్గాల్లో తీవ్ర ఉత్కంఠకు దారితీస్తోంది. ఎలాంటి లీకులు కూడా ఇవ్వకపోవడం చర్చనీయాంశంగా మారింది. అధిష్టానం దృష్టిలో..? బీఆర్‌ఎస్‌ వర్గాల సమాచారం ప్రకారం.. ఈ సీటుపై పార్టీ సామాజిక సమీకరణాల తర్జనభర్జనలో ఉంది. కాంగ్రెస్‌ రెండు గ్రాడ్యుయేట్‌ సీట్లకూ రెడ్డి (ఓసీ) సామాజికవర్గానికి చెందిన నేతలకే అవకాశమివ్వడంతో, దీనిని ప్రధాన ఆయుధంగా మలుచుకోవాలనే యోచనలో పార్టీ ఉన్నట్లు తెలుస్తోంది. అందులో భాగంగానే హైదరాబాద్‌–రంగారెడ్డి–మహబూబ్‌నగర్‌ స్థానాన్ని బీసీ వర్గాలకు ఇచ్చే యోచనలో ఉన్నట్లు సమాచారం. అధిక సంఖ్యలో ఉన్న బీసీ ఓటర్లను ఆకట్టుకోవడానికి బలమైన ఆ వర్గం నాయకుడిని లేదా బీఆర్‌ఎస్‌ యువజన/విద్యార్థి విభాగం (గ్రేటర్‌ హైదరాబాద్‌) నాయకులను బరిలోకి దించాలనే ఆలోచనలో కేసీఆర్, కేటీఆర్‌ ఉన్నారనే ప్రచారం కూడా మొదలైంది. మరోవైపు, గత అసెంబ్లీ ఎన్నికల్లో ఓటమి పాలైన రంగారెడ్డి, ఉమ్మడి మహబూబ్‌నగర్‌ జిల్లాలకు చెందిన మాజీ ఎమ్మెల్యేలు, మాజీ మంత్రులు కూడా ఈ స్థానంపై కన్నేసి తమ ప్రయత్నాలు ప్రారంభించినట్లు చెబుతున్నారు. వీరితోపాటు నగర విద్యావంతులను ప్రభావితం చేయగల విద్యావేత్తలు, కార్పొరేట్‌ రంగానికి చెందిన పారిశ్రామికవేత్తల పేర్లు కూడా చర్చల్లో ఉన్నాయి. వ్యూహాత్మకమా..? ఓటర్ల జాబితా పూర్తయ్యాకే అభ్యరి్థని ప్రకటిస్తారని చెబుతున్న వారితో పాటు.. కాంగ్రెస్‌ ఈ సీటును ఓసీలకిచి్చనందున తాముకూడా ఓసీకే ఇచ్చి ఎదుర్కోవాలా? లేక బీసీని బరిలో దింపి కాంగ్రెస్‌కు బీసీలంటే చిన్నచూపనే ప్రచారంతో నెగ్గాలా? అనే మీమాంసలో బీఆర్‌ఎస్‌ ఉన్నట్లు తెలుస్తోంది. కాంగ్రెస్‌ ఇప్పటికే ప్రచారం దిశగా అడుగులు వేస్తుండగా, బీఆర్‌ఎస్‌ ఆశావహులు మాత్రం అయోమయంలో ఉన్నారు. బీజేపీ కూడా గట్టి పట్టుదలతో ఉన్నందున త్రిముఖ పోటీ అనివార్యమైనందున నగర పట్ట భద్రులను ఆకట్టుకునేందుకు బీఆర్‌ఎస్‌ ఏదైనా ఆశ్చర్యకరమైన నిర్ణయం తీసుకోవచ్చని అంటున్న వారూ ఉన్నారు. గత ఎన్నికల్లో వాణీదేవిని ఎంపిక చేయడాన్ని ప్రస్తావిస్తున్నారు.రేసులో వీరుఏదేమైనా కొన్ని పేర్లు మాత్రం ప్రచారంలో ఉన్నాయి. వారిలో కాసాని వీరేశ్, నాగేందర్‌గౌడ్, కాసాని వీరేశం, రవియాదవ్‌లతో పాటు ఆర్‌ఎస్‌ ప్రవీణ్‌ కుమార్, ఎ.వెంకటేశ్వర్‌రెడ్డి తదితరులు వీరిలో ఉన్నారు. బీజేపీ కూడా దాదాపుగా అగ్ర కులాల అభ్యరి్థనే బరిలో దించుతుందనే ప్రచారం నేపథ్యంలో బీఆర్‌ఎస్‌ బలహీనవర్గాల అభ్యరి్థని పోటీలో దింపడం ద్వారా సామాజిక సమీకరణలను అనుకూలంగా మలుచుకోవాలని యోచిస్తోంది. ఈ క్రమంలో బీసీలవైపే గులాబీ మొగ్గు చూపుతున్నట్లు పార్టీ వర్గాలు చెబుతున్నాయి.

హైదరాబాద్‌లోని ఓయో (OYO) మరియు బడ్జెట్ హోటళ్లలో వరుసగా మహిళలు హత్యకు గురవుతుండటం తీవ్ర కలకలం రేపుతోంది. ముఖ్యంగా ఓయో పేరుతో బుకింగ్‌ జరిగే హోటల్‌ గదుల్లో ఇలాంటి ఘటనలు వెలుగుచూడటంతో భద్రతా ప్రమాణాలపై ప్రశ్నలు తలెత్తుతున్నాయి. సెప్టెంబర్‌ 21న మాదాపూర్‌లో షారోన్‌ నిఖిత, సెప్టెంబర్‌ 29న ఎస్‌ఆర్‌ నగర్‌లో బి. శిరీష, అక్టోబర్‌ 2న మియాపూర్‌లో పీజీ వైద్య విద్యార్థిని కోమటి సృజన హోటల్‌ గదుల్లో మృతిచెందారు. అయితే ఈ మూడు ఘటనలూ ఒకే తరహాలో ఉన్నాయని చెప్పేందుకు దర్యాప్తు పూర్తికావాల్సి ఉంది.సెప్టెంబర్ 21 – షారోన్ నిఖిత (మాదాపూర్ ఓయో)విశాఖపట్నానికి చెందిన షారోన్ నిఖిత, తన స్నేహితుడు రవి తేజతో కలిసి మాదాపూర్ సిద్దిక్ నగర్‌లోని ఒక ఓయో హోటల్ గదిలోకి చెక్-ఇన్ అయ్యారు. గదిలో ఇద్దరి మధ్య గొడవ జరగడంతో రవి తేజ దాడి చేసి ఆమెను హత్య చేశాడు. అనంతరం ఆస్పత్రికి తరలించి అక్కడ నుంచి పరారయ్యాడు. పోలీసులు నిందితుడిని వైజాగ్ సమీపంలో అదుపులోకి తీసుకున్నారు.సెప్టెంబర్ 29 – బి. శిరీష (ఎస్‌ఆర్ నగర్ ఓయో)బ్యాంక్ ఉద్యోగిగా పనిచేస్తున్న శిరీష, ఎస్‌ఆర్ నగర్‌లోని ఓయో హోటల్‌లో శవమై కనిపించింది. పరిశీలించగా, శ్రీనివాస్ అనే వ్యక్తితో కలిసి నకిలీ ఆధార్ కార్డులు (గణేష్, దుర్గ పేర్లతో) సమర్పించి హోటల్‌లో గది పొందినట్లు వెల్లడైంది. రాత్రి సమయంలో గొడవ జరగడంతో ఆమెను హత్య చేసి, తెల్లవారుజామున నిందితుడు పరారయ్యాడు.అక్టోబర్ 2 – కోమటి సృజన (మియాపూర్ హోటల్)మియాపూర్ పరిధిలోని హోటల్‌‌లో సృజన అనే యువతి అనుమానాస్పద స్థితిలో మృతి చెందింది. సమాచారం అందుకున్న పోలీసులు సంఘటనా స్థలానికి చేరుకుని క్లూస్ టీమ్ ద్వారా ఆధారాలు సేకరించారు. హత్య కేసుగా నమోదు చేసుకుని విచారణ వేగవంతం చేశారు.

సాక్షి, వికారాబాద్‌/నల్లగొండ: తెలంగాణలో ఇవాళ జరిగిన రెండు వేర్వేరు రోడ్డు ప్రమాదాల్లో ఏడుగురు మృతి చెందారు. అనంతగిరి ఘాట్‌రోడ్డులో ఓ ప్రైవేట్‌ ట్రావెల్స్‌ బస్సు అదుపు తప్పి పడిపోయింది. ఈ ఘటనలో ఐదుగురు మృతి చెందగా.. 12 మందికి పైగా గాయాలయ్యాయి. క్షతగాత్రుల్లో పలువురికి తీవ్ర గాయాలైనట్లు తెలుస్తోంది.శనివారం ఉదయం ఓ ప్రైవేట్‌ బస్సు అనంతగిరి ఘాట్‌ రోడ్డు వద్ద అదుపు తప్పి పక్కకి పడిపోయింది. క్షతగాత్రుల్ని రక్షించేందుకు స్థానికులు, పోలీసులు రంగంలోకి దిగారు. ప్రమాదంలో నలుగురు అక్కడికక్కడే మరణించారు. గాయపడ్డ వాళ్లను చికిత్స కోసం ఆస్పత్రికి తరలించారు. చికిత్స పొందుతూ మరొకరు కన్నుమూశారు. పటాన్‌చెరులోని కేసారంలో ఓ వ్యక్తి మరణించాడు. అతని అంత్యక్రియలు చింతకుంటలో నిర్వహించాల్సి ఉంది. ఈ కార్యక్రమం కోసం హాజరయ్యేందుకు 50 మంది ప్రైవేట్‌ బస్సులో బయల్దేరారు. బస్సు అంతగిరి కొండల్లో బస్సు అదుపు తప్పి బోల్తా పడింది. మృతుల్లో ముగ్గురు మహిళలు ఉన్నారు.సీఎం రేవంత్‌ దిగ్భ్రాంతివికారాబాద్‌ బస్సు ప్రమాదంపై ముఖ్యమంత్రి రేవంత్‌రెడ్డి దిగ్భ్రాంతి వ్యక్తం చేశారు. మృతుల కుటుంబాలకు ప్రగాఢ సానుభూతి తెలియజేసిన ఆయన.. క్షతగాత్రులను మెరుగైన వైద్యం అందేలా చూడాలని అధికారుల్ని ఆదేశించారు.చౌటుప్పల్‌లో మరొకటిఇటు చౌటుప్పల్‌ మండలం తుప్రాన్‌పేట వద్ద మరో ప్రమాదం జరిగింది. ఆగి ఉన్న డీసీఎంను వేగంగా వచ్చిన కారు వెనుక నుంచి ఢీ కొట్టింది. ఈ ప్రమాదంలో ఇద్దరు అక్కడికక్కడే మరణించారు. మరో వ్యక్తి పరిస్థితి విషమంగా ఉండడంతో.. ఆస్పత్రికి తరలించారు. మృతుల వివరాలు తెలియాల్సి ఉంది.ఇదీ చదవండి: పాతిక కోట్ల ఆస్తిపై కన్నేసి..

హైదరాబాద్‌: దిల్‌సుఖ్‌నగర్‌ బస్‌డిపో సమీపంలో సంతోషిమాత దేవాలయంలోకి చొరబడిన డుండగుడు కర్రతో అమ్మవారి విగ్రహాన్ని ధ్వంసం చేయటంతో స్థానికంగా ఉద్రిక్తత చోటు చేసుకుంది. చైతన్యపురి పోలీసులు తెలిపిన మేరకు.. శుక్రవారం ఉదయం ఆలయంలో భక్తులు పూజలు చేస్తున్న సమయంలో ఓ అగంతకుడు గర్భగుడిలోకి వెళ్లి కర్రతో అమ్మవారి విగ్రహాన్ని ధ్వంసం చేశాడు. పూజారి, భక్తులు వెంటనే నిందితుడిని పట్టుకొని తాళ్లతో కట్టివేసి పోలీసులకు సమాచారం అందజేశారు. ఇన్‌స్పెక్టర్‌ సైదులు సిబ్బందితో వచ్చి నిందితుడిని అదుపులోకి తీసుకుని స్టేషన్‌కు తరలించారు. స్థానికుల ఆందోళనలు, రాస్తారోకో ఈ విషయం తెలుసుకున్న బీజేపి, వీహెచ్‌పి, బజరంగ్‌దల్‌ నాయకులు, కాలనీవాసులు దేవాలయం వద్దకు చేరుకుని ఆందోళనకు దిగారు. అనంతరం దిల్‌సుఖ్‌నగర్‌ రాజీవ్‌ చౌక్‌ వద్ద జాతీయ రహదారిపై బైటాయించి దర్నా నిర్వహించారు. ట్రాఫిక్‌జాం కావడంతో పోలీసులు వారిని అదుపులోకి తీసుకొని వివిధ పోలీస్‌ స్టేషన్లకు తరలించారు. మెట్రో స్టేషన్, చైతన్యపురి పోలీస్‌ స్టేషన్‌ వద్ద కూడా ఆందోళనకు దిగారు. చర్యలు తీసుకుంటాం ఆలయ చైర్మన్‌ శ్రీనివాసయాదవ్‌ ఇచ్చిన పిర్యాదు మేరకు కేసు నమోదు చేశామని ఎల్‌బీనగర్‌ ఇంచార్జి ఏసీపీ రవీందర్‌రెడ్డి తెలిపారు. నిందితుడు సంగారెడ్డికి చెందిన వ్యక్తిగా గుర్తించామని, దిల్‌సుఖ్‌నగర్‌లో కుటుంబంతో నివసిస్తున్నట్లు గుర్తించామన్నారు. సంతోíÙమాత ఆలయాన్ని శుక్రవారం రాత్రి రాష్ట్ర బీజేపీ అధ్యక్షుడు రాంచందర్‌రావు సందర్శించి సంఘటనగురించి ఆరా తీశారు. నిందితుడిని కఠినంగా శిక్షించాలని డిమాండ్‌ చేశారు.

నల్లగొండ: ఉన్నత విద్య కోసం అమెరికా వెళ్లిన వేములపల్లి మండలానికి చెందిన యువతి క్యాన్సర్‌ బారిన పడి మృతి చెందింది. ఉన్నత చదువులు పూర్తిచేసి తమకు అండగా నిలుస్తుందనుకున్న కూతురు హఠాన్మరణంతో ఆ కుటుంబం తీవ్ర విషాదంలో మునిగిపోయింది. వేములపల్లి మండలం మొల్కపట్నం గ్రామానికి చెందిన కందిమళ్ల లక్ష్మారెడ్డి గతంలో సల్కునూరు పీఏసీఎస్‌ చైర్మన్‌గా, జిల్లా కాంగ్రెస్‌ కమిటీ ప్రధాన కార్యదర్శిగా పనిచేశారు. పిల్లల చదువుల కోసం పదేళ్ల క్రితం లక్ష్మారెడ్డి, పద్మ దంపతులు హైదరాబాద్‌కు వెళ్లి అక్కడే స్థిరపడ్డారు. వీరికి ఇద్దరు కుమార్తెలు కాగా.. పెద్ద కుమార్తె మాలతి బీటెక్‌ పూర్తిచేసి సాఫ్ట్‌వేర్‌ ఉద్యోగం చేస్తుండగానే వివాహం చేశారు. చిన్న కుమార్తె మాన్వితరెడ్డి(25) 2023లో బీఫార్మసీ పూర్తి చేసింది. అనంతరం ఆమె కోరిక మేరకు ఉన్నత విద్య కోసం తల్లిదండ్రులు ఎంతో కష్టపడి అమెరికాకు పంపించారు. అక్కడ ఎంఎస్‌ పూర్తిచేసుకున్న మాన్విత.. హెచ్‌1–బీ వీసా పొంది ఉద్యోగ ప్రయత్నాల్లో ఉంది.నెల రోజులుగా ఆస్పత్రిలో పోరాటం..సెప్టెంబర్‌ 4న మాన్విత అకస్మాత్తుగా గొంతు నొప్పితో అనారోగ్యానికి గురికాగా.. స్నేహితులు సమీపంలోని ఆస్పత్రికి తీసుకెళ్లారు. పరీక్షలు నిర్వహించిన వైద్యులు క్యాన్సర్‌ స్టేజ్‌–4గా నిర్ధారించారు. దీంతో మెరుగైన చికిత్స కోసం సెప్టెంబర్‌ 13న ఆమె ఆస్పత్రిలో చేరి చికిత్స పొందుతూ గురువారం మృతిచెందింది. చేతికొచ్చిన కూతురు మృతితో తల్లిదండ్రులు శోకసంద్రంలో మునిగిపోయారు.రేపు హైదరాబాద్‌కు మృతదేహం..మాన్వితరెడ్డి మృతదేహాన్ని స్వదేశానికి తరలించేందుకు అమెరికా తెలుగు సంఘం ప్రతినిధులు కృషి చేస్తున్నట్లు తెలిసింది. ఆదివారం నాటికి మృతదేహం హైదరాబాద్‌కు చేరుకుంటుందని బంధువులు తెలిపారు.

నిండు గర్భిణిని ప్రసవానికి ఒక ఆస్పత్రిలో చేర్పించారు. అక్కడ ఒక బిడ్డకు జన్మనివ్వగానే పరిస్థితి విషమించడంతో మరో ఆస్పత్రికి తరలించగా ఇంకో శిశువుకు జన్మనిచ్చింది. గంటన్నర వ్యవధిలో వేర్వేరు ఆస్పత్రుల్లో కవలలకు జన్మనివ్వగా.. రెండు ఆస్పత్రుల వైద్యులు సమన్వయంతో వ్యవహరించగా తల్లీబిడ్డలు క్షేమంగా ఉన్నారు. ఈ ఘటనకు సంబంధించి వివరాలిలా ఉన్నాయి. భద్రాద్రి కొత్తగూడెం జిల్లా మణుగూరు మండలం పగిడేరుకు చెందిన గుత్తికోయ మహిళ భీమమ్మకు పురిటినొప్పులు రావడంతో గురువారం రాత్రి 10 గంటలకు మణుగూరు ప్రభుత్వ ఆస్పత్రికి తీసుకొచ్చారు. అయితే, ఆమె గర్భం దాల్చినప్పటి నుంచి వైద్య పరీక్షలు చేయించుకోలేదు. దీంతో వైద్యులు పరీక్షించగా హిమోగ్లోబిన్‌ లోపించడమే కాక తీవ్ర రక్తహీనత, రక్తపోటు ఉండడంతో చికిత్స ప్రారంభించగా రాత్రి 11 గంటలకు 1.6 కిలోల బరువుతో మగబిడ్డ సాధారణ ప్రసవంలో జన్మించాడు. ఆమె కడుపులో ఇంకో బిడ్డ ఉండడంతో అరగంట పర్యవేక్షించినా ఫలితం లేక శస్త్రచికిత్స అవసరం కావడం, ఆస్పత్రిలో ఆమెకు అవసరమైన బీ–పాజిటివ్‌ రక్తం పూర్తిగా లేక భద్రాచలం ఏరియా ఆస్పత్రికి తరలించారు. ముందస్తు సమాచారంతో భద్రాచలం వైద్యులు సిద్ధమై గురువారం అర్ధరాత్రి దాటాక 12.30 గంటలకు శస్త్రచికిత్స చేయగా 2.2 కిలోల బరువుతో ఆడబిడ్డ జన్మించింది. ఇలా తొలి బిడ్డ పుట్టాక పరిస్థితి క్లిష్టంగా మారడంతో మణుగూరు వైద్యులు సకాలంలో భద్రాచలం పంపించడం, ఈ ఆస్పత్రి వైద్యులు సమయానికి శస్త్రచికిత్స చేయడంతో ప్రస్తుతం తల్లీబిడ్డలు క్షేమంగా ఉన్నారు. కాగా, మణుగూరు, భద్రాచలం ఆస్పత్రుల్లో వైద్యులు శ్రీనిధి, వంశీ, సుప్రియ, పూజ, మల్లేష్‌ డాక్టర్‌ విజయరావు, సాయికిషోర్‌ చికిత్సలో పాలుపంచుకోగా, పాల్గొన్న సిబ్బంది ఇందిర, ఆదిలక్ష్మి, స్రవంతి, లలిత, శైలజ, ఖాజా, శివ తదితరులను భద్రాద్రి జిల్లా డీసీహెచ్‌ఎస్‌ జి.రవిబాబు అభినందించారు.భద్రాచలం అర్బన్‌/మణుగూరు రూరల్‌:

సాక్షి, హైదరాబాద్‌: నగరంలోని మియాపూర్‌లో ఓ వైద్య విద్యార్థిని లాడ్జిలో అనుమానాస్పద స్థితిలో మృతి చెందడం కలకలం రేపింది. వరంగల్‌లో పీజీ వైద్య విద్య అభ్యసిస్తున్న సృజన.. మూడు రోజుల కిందట క్యాబ్‌ డ్రైవర్‌ రవితో కలిసి మియాపూర్‌లోని ఓ లాడ్జిలో దిగినట్లు సమాచారం. ప్రస్తుతం సృజన మృతిపై కేసు నమోదు చేసిన పోలీసులు.. రవి ఆచూకీ కోసం గాలిస్తున్నారు.మియాపూర్‌ ఎస్‌హెచ్‌వో జయరాం తెలిపిన వివరాల ప్రకారం... సంగారెడ్డి జిల్లా శాంతినగర్‌కు చెందిన కోమటి భూమయ్య రెండవ కుమార్తె కోటమి సృజన(27) మహబూబ్‌నగర్‌లోని ప్రభుత్వ మెడికల్‌ కళాశాలలో ఎంబీబీఎస్‌ వైద్య విద్యను పూర్తిచేసుకుని వరంగల్‌ హనుమకొండలో పీజీ చేస్తోంది. హనుమకొండలో తన స్నేహితులతో కలిసి ఉంటూ ఓ ఆస్పత్రిలో పీడియాట్రీషన్‌గా పనిచేస్తోంది. సృజన మహబూబ్‌నగర్‌లో ఎంబీబీఎస్‌ చదువుతున్న సమయంలో మహబూబ్‌నగర్‌ అమరచింతల్‌కు చెందిన క్యాబ్‌డ్రైవర్‌ రవి కుమార్‌(30)తో ఇన్‌స్ట్రాగామ్‌లో పరిచయం ఏర్పడి అది ప్రేమగా మారింది. గత కొన్ని సంవత్సరాలుగా రవికుమార్‌ సరిగ్గా పనిచేయకుండా జులాయిగా తిరుగుతూ అప్పులు చేశాడు. అప్పులు తీర్చుతానని చెప్పి సృజన వద్ద నుంచి బంగారం తీసుకున్నాడు.బంగారు ఆభరణాలు ఇస్తానని చెప్పి రవికుమార్‌ గతనెల 29న తన స్నేహితుడుతో కలిసి మియాపూర్‌ న్యూ హఫీజ్‌పేటలోని మార్తాండనగర్‌లోని గ్రాండ్‌ బ్రోహోలిక్‌ లగ్జరీ హోటల్‌లో రూమ్‌ తీసుకున్నారు. ఆ రాత్రి ఉన్న స్నేహితుడు మరుసటి రోజు వెళ్లిపోయాడు. అదేరోజు సృజనకు ఫోన్‌ చేసి మాట్లాడుకుందామని.. బంగారు ఆభరణాలు ఇస్తానని చెప్పి హైదరాబాద్‌కు రమ్మన్నాడు. దీంతో సృజన 30న హైదరాబాద్‌ వచ్చి రవికుమార్‌తోపాటు హోటల్‌కు వెళ్లింది. ఆరోజు రాత్రి వారి మధ్య గొడవ జరిగి ఉంటుందని, నిద్రిస్తున్న సమయంలో సృజనను రవికుమార్‌ హత్యచేసి ఉంటాడని పోలీసులు భావిస్తున్నారు. ఈ క్రమంలో బంగారు ఆభరణాలు తీసుకురావడానికి హైదరాబాద్‌కు వెళ్తున్నానని చెప్పిందని, ఫోన్‌ చేసినా స్పందించడం లేదని స్నేహితులు సృజన తండ్రి భూమయ్యకు చెప్పడంతో ఆయన హనుమకొండలోని పోలీస్‌ స్టేషన్‌లో ఫిర్యాదు చేశారు. పోలీసులు సెల్‌ఫోన్‌ లొకేషన్‌ ఆధారంగా మార్తాండనగర్‌ కాలనీలో ఉన్నట్లు గుర్తించారు. దీంతో శుక్రవారం హనుమకొండ పోలీసులు మియాపూర్‌ పోలీసులకు సమాచారం అందించారు. వారు వెళ్లి చూడగా హోటల్‌ గది బయటనుంచి తాళం వేసి ఉంది. మరో తాళంతో తలుపులు తెరిచి చూసేసరికి సృజన బెడ్‌పై విగతజీవిగా పడిఉంది. సీసీ కెమెరాలు పరిశీలించగా సృజనతో పాటు రవికుమార్‌ కూడా వచ్చి వెళ్లినట్లు గుర్తించారు. రవికుమార్‌ సృజనను హత్యచేసి పరారై ఉంటాడని పోలీసులు అనుమానం వ్యక్తం చేస్తున్నారు. మృతదేహాన్ని మియాపూర్‌ పోలీసులు స్వాధీనం చేసుకుని పోస్టుమార్టం నిమిత్తం గాంధీ ఆసుపత్రికి తరలించారు.

సాక్షి, హైదరాబాద్‌: బొల్లారంలోని మద్రాస్‌ రెజిమెంట్‌ ఆర్మీ ఆయుధాల చోరీ కేసులో సంచలన విషయాలు వెలుగులోకి వచ్చాయి. ప్రధాన నిందితుడు ఉప్పుతోళ్ల మల్లేశ్‌ను 10 రోజుల పాటు కస్టడీకి తీసుకున్న పోలీసులు కీలక సమాచారాన్ని రాబట్టారు. రాష్ట్రానికి చెందిన మల్లేశ్‌కు 2022లో కోల్‌కతాలో బ్యారక్‌పూర్‌ కంటోన్మెంట్‌లో విధులు నిర్వహిస్తున్న సమయంలో యూనిట్‌ సమీపంలోని స్థానిక దుకాణదారుడు బీర్బల్‌ షాతో పరిచయం ఏర్పడింది. ఈ బీర్బల్‌ అక్రమంగా తుపాకులు విక్రయించే అవల్‌ దెయ్‌ అలియాస్‌ ఓబీ అనే వ్యక్తిని మల్లేశ్‌కు పరిచయం చేశాడు. అయితే ముందునుంచీ నేర ప్రవృత్తి ఉన్న మల్లేశ్‌.. తుపాకీతో అమాయకులను బెదిరించి దారి దోపిడీలు చేయాలని భావించాడు. ఈ క్రమంలో ఓబీ నుంచి రూ.10 వేలకు ఓ తుపాకీని కొనుగోలు చేశాడు. అయితే క్రమశిక్షణారాహిత్యం కారణంగా మల్లేశ్‌ను ఆర్మీ ఉన్నతాధికారులు కోల్‌కతా నుంచి హైదరాబాద్‌లోని మద్రాస్‌ రెజిమెంట్‌కు బదిలీ చేశారు. దీంతో మల్లేశ్‌కు కొనుగోలు చేసిన తుపాకీని తన స్వగ్రామంలో దాచిపెట్టేశాడు. చోరీ చేసిన ఆయుధాలు అమ్మేందుకు ఒప్పందం మద్రాస్‌ రెజిమెంట్‌లో ఆయుధాలు చోరీ చేసిన తర్వాత మల్లేశ్‌.. కోల్‌కతాలో ఉన్న బీర్బల్‌ షాను సంప్రదించాడు. ఇతని ద్వారా ఓబీకి చోరీ చేసిన ఆయుధాలు సరఫరా చేసేందుకు ఒప్పందం కుదుర్చుకున్నాడు. నాలుగు ఏకే–47లకు రూ.5 లక్షలు, పిస్టళ్లకు రూ.3 లక్షలు ఇచ్చేలా డీల్‌ కుదిరింది. మల్లేశ్‌ పలుమార్లు వాట్సాప్‌ వీడియో కాల్స్‌ ద్వారా ఆయుధాలు, తూటాలను చూపించి ఒప్పందం ఖరారు చేసుకున్నాడు. అయితే మల్లేశ్‌ను పోలీసులు పట్టుకోవడంతో డీల్‌కు బ్రేక్‌ పడింది. మరోవైపు బీర్బల్‌ షా, ఓబీ కోసం పోలీసులు ఆరు ప్రత్యేక బృందాలను రంగంలోకి దించారు. బీర్బల్‌ షా బంగ్లాదేశ్‌ నుంచి కోల్‌కతాకు వచి్చనట్లు పోలీసులు గుర్తించారు. ఆయుధాలు విక్రయించి సొమ్ము చేసుకోవాలని.. కోల్‌కతా నుంచి బొల్లారం ఆర్మీ క్యాంపస్‌కు బదిలీ అయ్యాక మల్లేశ్‌ తన కుటుంబంతో కలిసి యాప్రాల్‌లో అద్దె ఇంట్లో నివసించాడు. రిటైర్మెంట్‌ బెనిఫిట్స్‌ వస్తాయన్న అంచనాతో అప్పులు చేసి నాగర్‌కర్నూల్‌లో తనకు ఉన్న ఖాళీ స్థలంలో ఇంటి నిర్మాణం మొదలుపెట్టాడు. అయితే క్రమశిక్షణారాహిత్యం కారణంగా ఆర్మీ ఉన్నతాధికారులు మల్లేశ్‌ను మరో మూడేళ్ల సర్వీస్‌ ఉండగానే ఉద్యోగం నుంచి తొలగించారు. దీంతో ఆర్థిక ఇబ్బందుల్లో కూరుకుపోయాడు. మరోవైపు ఇంటి నిర్మాణం సగంలోనే ఆగిపోయింది. దీంతో ఆర్మీ ఉన్నతాధికారులపై ఆగ్రహం పెంచుకున్న మల్లేశ్‌ వారిపై ప్రతీకారం తీర్చుకోవడంతో పాటు తనకు రావాల్సిన సొమ్మును ఆయుధాలను చోరీ చేసి విక్రయించడం ద్వారా భర్తీ చేసుకోవాలని భావించాడు.ఈ క్రమంలోనే ఆర్మీ ఆయుధాల చోరీకి పథకం వేశాడు. తొలుత తన చిన్ననాటి స్నేహితులైన నిరంజన్, మల్లికార్జున్‌లతో కలిసి చోరీకి ప్లాన్‌ చేశాడు. బ్యాంకులు, బంగారు దుకాణాల్లో దొంగతనాలకు సంబంధించిన వెబ్‌ సిరీస్‌లు, వీడియోలు చూసి వాటిని స్నేహితులకు పంపినట్లు పోలీసుల విచారణలో వెల్లడైంది. అయితే అకస్మాత్తుగా నిరంజన్, మల్లిఖార్జున్‌లు చోరీకి అంగీకరించకపోవడంతో మద్రాస్‌ రెజిమెంట్‌లోనే పని చేస్తున్న శేషు, ప్రవీణ్‌లను సంప్రదించాడు. అక్కడే పనిచేస్తున్న వినోద్‌ను కూడా చోరీకి సహకరించాలని కోరాడు.ఇందుకోసం శేషు ద్వారా వినోద్‌కు అడ్వాన్స్‌గా రూ.లక్ష ఇచ్చాడు. చోరీకి వారం రోజుల ముందే వినోద్‌ సీసీ కెమెరాలు పనిచేయకుండా చేశాడు. చోరీ జరిగిన రోజు కెమెరాలపై మల్లేశ్‌ తెల్లటి ఫోమ్‌ను చల్లాడు. ప్రవీణ్, శేషులు వీధిదీపాలు ఆరి్పవేశారు. మల్లేశ్‌ ఆయుధాలు తరలిస్తున్న సమయంలో అక్కడున్న ఇతర జవాన్లను శేషు, ప్రవీణ్‌లు మాటలతో మభ్యపెట్టి డైవర్ట్‌ చేశారు. చోరీ తర్వాత మల్లేశ్‌ ఆయుధాలు, మందుగుండు సామగ్రి నాగర్‌కర్నూల్‌లోని తన ఇంటికి తీసుకెళ్లి దాచిపెట్టాడు.

సాక్షి, హైదరాబాద్‌: ‘బ్రేక్‌ఫాస్ట్‌ స్కీమ్‌ జీవితకాలం కొనసాగే కార్యక్రమం. కాబట్టి అత్యంత జాగ్రత్త వహించాలి’అని ముఖ్యమంత్రి రేవంత్‌ రెడ్డి స్పష్టం చేశారు. బ్రేక్‌ఫాస్ట్‌ వల్ల విద్యార్థులు సమయానికి పాఠశాలకు చేరుకుంటారని అభిప్రాయపడ్డారు. అందుకే ఆహార నాణ్యత విషయంలో జాగ్రత్తలు పాటించా­లని సూచించారు. ప్రభుత్వ పాఠశాల విద్యార్థుల బ్రేక్‌ఫాస్ట్‌ స్కీమ్‌ కోసం హరేకృష్ణ ఫౌండేషన్‌తో సీఎం సమక్షంలో జున్నా సోలార్‌ సిస్టమ్స్, చైన్‌ ల్యాబ్స్‌ ఇండియా శుక్రవారం ఒప్పందం చేసుకున్నాయి. ఆధునిక సెంట్రలైజ్డ్‌ కమ్యూనిటీ కిచెన్ల ఏర్పాటుకు ఈ సంస్థలు సహకారం అందిస్తున్నాయి. నాగర్‌కర్నూ­ల్‌లో కిచెన్‌ కోసం రూ.5.17 కోట్ల చెక్కును జున్నా సోలార్‌ సిస్టమ్స్‌ సీఎండీ శేఖర్‌రెడ్డి, సీఈవో అనిల్‌బాబు, వికారాబాద్‌లో కిచెన్‌ నిర్మాణం కోసం రూ.4 కోట్ల చెక్కును చైన్‌ ల్యాబ్స్‌ ఇండియా ప్రతినిధి సుమంత డే, వైస్‌ ప్రెసిడెంట్‌ బుగత సంతోష్ కుమార్‌ సీఎం చేతుల మీదుగా హరేకృష్ణ ఫౌండేషన్‌కు అందించారు. ప్రాంతాల వారీగా విద్యార్థుల అలవాట్లకు అనుగుణంగా బ్రేక్‌ఫాస్ట్‌ తయారు చేయాలని సీఎం సూచించారు. ప్రభుత్వ పాఠశాలల్లో చదువుకునే విద్యార్థుల ట్రాక్‌ రికార్డును నిర్వహించాలని, విద్యార్థుల శారీరక పెరుగుదల, విద్యా పురోగతి వంటి అంశాలను ఎప్పటికప్పుడు రికార్డు చేయాలన్నారు. ఆహారంలో ఇచ్చే పదార్థాల క్యాలరీలను లెక్కించడానికి యాప్‌లను ఉపయోగించుకోవాలని సూచించారు. సెంట్రల్‌ కిచెన్లను కమాండ్‌ కంట్రోల్‌ సెంటర్‌కు అనుసంధానం చేస్తామని తెలిపారు. నవంబర్‌ 30లోగా సెంట్రల్‌ కిచెన్లు పూర్తి కావాలని స్పష్టంచేశారు. డిసెంబర్‌ 9న రాష్ట్రవ్యాప్తంగా ఒకేసారి సెంట్రల్‌ కిచెన్లను ప్రారంభిస్తామని చెప్పారు. ఈ కిచెన్లను విద్యార్థులు సందర్శించేలా ఏర్పాట్లు చేయాలన్నారు. కార్యక్రమంలో మంత్రి పొంగులేటి శ్రీనివాస్‌రెడ్డి, రాజ్యసభ సభ్యుడు వేం నరేందర్‌రెడ్డి, సీఎం ప్రిన్సిపల్‌ సెక్రటరీ శ్రీధర్, హరేకృష్ణ ఫౌండేషన్‌ ప్రతినిధి సత్య గౌర చంద్రదాస్‌ స్వామీజీ పాల్గొన్నారు.

సాక్షి, హైదరాబాద్‌: గ్రేటర్‌ హైదరాబాద్‌ పరిధి పట్టణ పాలన­­లో కీలక మార్పులకు దారితీసే కోర్‌ అర్బన్‌ రీజియన్‌ (క్యూర్‌ ఇంటిగ్రేటెడ్‌ గవర్నెన్స్‌) చట్టం–2026 అమల్లోకి వచి్చంది. తెలంగాణ ప్రభుత్వం శుక్రవారం విడుదల చేసిన గెజిట్‌లో ఈ మేరకు చట్టం నంబర్‌ (26 ఆఫ్‌ 2026)ను ప్రకటించింది. సెప్టెంబర్‌ 22న ఇందుకు గవర్నర్‌ ఆమోదం లభించగా.. శుక్రవారం గెజిట్‌లో ప్రచురించారు. ఈ చట్టాన్ని క్యూర్‌లో పాలనకు సంబంధించిన చట్టాలను సమీకరించేందుకు రూపొందించారు. అయితే ఇది వెంటనే అమల్లోకి వస్తుందని పేర్కొన్నారు.ఇప్పటివరకు హైదరాబాద్‌ మహానగర పాలనకు ప్రధాన ఆధారంగా ఉన్న పాత చట్టానికి బదులుగా క్యూర్‌ చట్టం రానుంది. క్యూర్‌ పరిధిలోని ప్రాంతాలను జీహెచ్‌ఎంసీ, సీఎంసీ, ఎంఎంసీగా నిర్వహించే కొత్త వ్యవస్థకు చట్టబద్ధత కల్పించింది. కొత్త చట్టంలో పట్టణ పాలనతో పాటు ఆస్తి పన్ను, అక్రమ నిర్మాణాల నియంత్రణ, పౌర సేవలు, సరస్సులు–నాలాల పరిరక్షణ, రోడ్లు, మౌలిక వసతుల సమన్వయం వంటి అనేక అంశాలకు సంబంధించి కొత్త నిబంధనలు ఉన్నాయి. క్యాపిటల్‌ వాల్యూ సిస్టమ్‌ (సీవీఎస్‌) ఆధారంగా ఆస్తి పన్ను విధానానికి కూడా మార్గం ఏర్పడింది. గ్రేటర్‌ హైదరాబాద్‌ నగర పాలనలో నూతనాధ్యాయానికి ఇది అధికారికంగా నాంది పలికింది. ఆస్తి పన్ను లెక్కింపు విధానంలో మార్పు.. ఇప్పటివరకు ఉన్న వార్షిక అద్దె విలువ (ఏఆర్‌వీ) ఆధారిత విధానం స్థానంలో ఆస్తి విలువ ఆధారంగా పన్ను లెక్కించే విధానం అమల్లోకి వస్తుంది. అయితే పాత ఇళ్లపై కొత్త పన్ను ఒక్కసారే పూర్తిగా పడదు. ప్రస్తుత పన్ను నుంచి కొత్త విధానంలో లెక్కించే పన్నుకు చేరే వరకు దశలవారీగా పెంచే విధానం ఉంటుంది. ఏటా అంతకుముందు ఏడాది చెల్లించిన పన్నులో గరిష్టంగా 10 శాతానికి మించకుండా చూస్తారు. ఉదాహరణ­కు ప్రస్తుతం ఒక ఇంటికి ఏడాదికి రూ.10 వేల పన్ను ఉంద­నుకుంటే.. కొత్త విధానం ప్రకారం ఆ ఆస్తికి ఎక్కువ పన్ను పడ్డా, అది ఒక్కసారే పెరగదు.గరిష్టంగా 10శాతం పెంపుతో అంటే, రూ.11,000 వరకు మాత్రమే పెంచవచ్చు. తదుపరి ఏడాది కూ­డా రూ.11,000పై గరిష్టంగా 10 శాతం అంటే రూ.12,100 వరకు పెరుగుతుంది. ఇలా కొత్త విధానంలో ఆ ఆస్తికి నిర్ణయించే ‘బెంచ్‌మార్క్‌’పన్ను స్థాయికి చేరుకునే వరకు ఈ దశల వారీ పెంపు కొనసాగుతుంది. బెంచ్‌మార్క్‌ పన్ను అంటే కొత్త సీవీఎస్‌ ప్రకారం లెక్కిస్తే రావాల్సిన పన్నుమొత్త­మన్న మాట. ఆ స్థాయికి చేరుకున్న తర్వాత ఆస్తి పూర్తిస్థాయి­లో కొత్త పన్ను విధానంలోకి వెళ్తుంది. ఒకవేళ ఆస్తి విలువ భవి­ష్యత్తులో పెరిగితే పన్ను కూడా మారే అవకాశం ఉంటుంది.

సాక్షి, హైదరాబాద్‌: రాష్ట్రవ్యాప్తంగా పరిశ్రమల స్థాపనకు అనుకూలంగా ఉన్న ప్రాంతాలను గుర్తించి భారీఎత్తున భూ సేకరణకు ప్రభుత్వం కసరత్తు చేస్తోంది. మొత్తం 22 జిల్లాల్లో భూసేకరణ ప్రక్రియను ప్రారంభించింది. తెలంగాణ పారిశ్రామిక మౌలిక సదుపాయాల సంస్థ (టీజీఐఐసీ) 2023 డిసెంబర్‌ నుంచి 2026 జూన్‌ మధ్య రాష్ట్రవ్యాప్తంగా మొత్తం 27,500 ఎకరాలకుపైగా భూమి కావాలంటూ రెవెన్యూ శాఖకు ప్రతిపాదించింది. ఈ రెండున్నరేళ్ల కాలంలో టీజీఐఐసీ మొత్తం 8,080 పైచిలుకు ఎకరాలను సేకరించింది. డిమాండ్‌ హైదరాబాద్‌ చుట్టూ.. హైదరాబాద్‌ చుట్టుపక్కల ఉన్న ప్రాంతాల్లో పరిశ్రమల స్థాపనకు పెద్దఎత్తున భూములకు డిమాండ్‌ పెరిగింది. ఖరీదైనప్పటికీ ఈ ప్రాంతాల్లో స్థలం కోసం తయారీ, ఈ–కామర్స్, టెక్నాలజీ కంపెనీలు పోటీపడుతున్నాయి. డిఫెన్స్, ఏరోస్పేస్‌ సంస్థలకు విడిభాగాలను సరఫరా చేస్తున్న కంపెనీలతోపాటు ఫార్మా, ప్లాస్టిక్, ఎఫ్‌ఎంసీజీ రంగ సంస్థల నుంచి సైతం పెట్టుబడులు వెల్లువెత్తుతున్నాయి.ఈ–కామర్స్‌ కంపెనీలు భారీ స్థాయిలో గిడ్డంగులను నెలకొల్పుతున్నాయి. మరోవైపు డేటా సెంటర్ల స్థాపనకు దిగ్గజ సంస్థలు క్యూ కడుతున్నాయి. దీంతో రాష్ట్రంలో ఇతర జిల్లాలతో పోలిస్తే హైదరాబాద్‌కు చుట్టుపక్కల ఉన్న, రాజధానికి సమీపంలోని జిల్లాల్లో అధిక మొత్తంలో భూసేకరణకు టీజీఐఐసీ ప్రయత్నిస్తోంది. వికారాబాద్, రంగారెడ్డి జిల్లాల్లో కలిపి 10,000కుపైగా ఎకరాలను సేకరిస్తోందంటే ఈ ప్రాంతంలో ఉన్న డిమాండ్‌ను అర్థం చేసుకోవచ్చు. కంపెనీలకు 2,400 ఎకరాలు అప్పగింత తెలంగాణలో 2023 డిసెంబర్‌ నుంచి 2026 జూన్‌ వరకు 1,140కిపైగా కంపెనీలు పరిశ్రమల స్థాపనకు ముందుకొచ్చాయి. ఇవి మొత్తం రూ.94 వేల కోట్లకుపైగా పెట్టుబడి ప్రతిపాదనలు చేశాయి. ఈ కంపెనీలకు 2,400 ఎకరాలను టీజీఐఐసీ అప్పగించింది. ప్రభుత్వం నుంచి భూమి పొంది­న ఈ సంస్థలు 85 వేల మందికి ఉపాధి అవకాశాలను కల్పిస్తామని తమ పెట్టుబడి ప్రణాళికల్లో రాష్ట్రానికి ప్రతిపాదించాయి. పారిశ్రామిక పెట్టుబడులలో రంగారెడ్డి జిల్లా అగ్రస్థానంలో ఉంది. నల్లగొండ, సంగారెడ్డి, మేడ్చల్, భద్రాద్రి కొత్తగూడెం ఆ తర్వాతి స్థానాల్లో ఉన్నాయి. ఫార్మాస్యూటికల్స్, కెమికల్స్‌ రంగంలో అధిక పెట్టుబడులు వచ్చాయి. ఆ తర్వాత సోలార్, ఇతర పునరుత్పాదక ఇంధనం, ఇండ్రస్టియల్‌ పార్కులు, ఐటీ భవనాలు, ఫుడ్‌ ప్రాసెసింగ్, ఇంజనీరింగ్‌ రంగం పోటీపడుతున్నాయి. యూనిట్‌కు మూడింతలు గత ఆర్థిక సంవత్సరంలో రాష్ట్రానికి రూ.10,237 కోట్ల పెట్టుబడి ప్రతిపాదనలు వచ్చాయి. ఈ ఏడాది ఏప్రిల్‌–సెపె్టంబర్‌ మధ్య ఏకంగా రూ.16,384 కోట్ల విలువైన ప్రతిపాదనలను ప్రభుత్వం ఆమోదించింది. ఈ ఏడాది ఇప్పటివరకు గరిష్టంగా 1,172 పారిశ్రామిక యూనిట్లు ఆమోదం పొందాయి. వీటి ద్వారా 30,511 మందికి ఉపాధి అవకాశాలు రానున్నాయి. ⇒ 2025–26లో 2,163 యూనిట్లకు గ్రీన్‌సిగ్నల్‌ లభించింది. వాటి ద్వారా 51,029 మందికి ఉపాధి లభించింది. ⇒ గత ఏడాది యూనిట్‌కు సగటు పెట్టుబడి రూ.4.7 కోట్లు ఉండగా, ఈ ఏడాది దాదాపు మూడింతలై రూ.13.9 కోట్లకు పెరిగింది. కాగా, మొత్తం రూ.79,032 కోట్ల పెట్టుబడులతో కూడిన మరో 1,178 ప్రతిపాదనలను తెలంగాణ స్వీకరించింది. వీటికి ప్రభుత్వం నుంచి ఇంకా ఆమోదం రాలేదు. ఇవి 87,863 మందికి ఉపాధి కల్పించే అవకాశం ఉంది.

లంగర్‌హౌస్‌ (హైదరాబాద్‌): జాతిపిత మహాత్మా­గాంధీ జయంతి పురస్కరించుకుని శుక్రవారం లంగర్‌హౌస్‌లోని బాపూఘాట్‌లో ప్రముఖులు నివాళులర్పించారు. రాష్ట్ర గవర్నర్‌ శివప్రతాప్‌ శుక్లా, ముఖ్యమంత్రి రేవంత్‌రెడ్డి.. బాపు సమాధిపై పుష్పగుచ్ఛం ఉంచి శ్రద్ధాంజలి ఘటించారు. అనంతరం బాపు ధ్యాన మందిరంలో సర్వమత ప్రార్థనల్లో పాల్గొన్నారు. అక్కడ ఉన్న పాఠశాలల విద్యార్థులతో ముచ్చటించారు. తర్వాత బాపూఘాట్‌ ప్రాంగణంలోని గాంధీ విగ్రహానికి పూలమాల వేసి రెండు నిమిషాలు మౌనం పాటించారు. డిజిటల్‌ మ్యూజియం బాపుఘాట్‌లోని బాపు ధ్యాన మందిరంలో ఓ వైపు హాల్‌ ఏర్పాటుచేసి అందులో డిజిటల్‌ మ్యూజియం ఏర్పాటుచేశారు. గతంలో ఓ ప్రైవేట్‌ సంస్థ ఈ మ్యూ­జియం ఏర్పాటుకోసం ప్రయత్నించి విఫలమయ్యింది. కాగా గండిపేట్‌ వెల్ఫేర్‌ అసోసియేషన్‌ వారు బాపు­ఘాట్‌ పరిరక్షణ బాధ్యతలు తీసుకుని మ్యూజి­యాన్ని అభివృద్ధి చేశారు. ఈ మ్యూజియాన్ని కూడా గవర్నర్, సీఎం ప్రారంభించారు. గాం«దీజీకి నివాళులర్పించిన వారిలో డిప్యూటీ సీఎం భట్టి విక్రమార్క, పీసీసీ అధ్యక్షుడు మహేశ్‌కుమార్‌ గౌడ్, మంత్రులు పొంగులేటి శ్రీనివాస్‌రెడ్డి, అజహరుద్దీన్, పొన్నం ప్రభాకర్, ఎంపీ వేం నరేందర్‌ రెడ్డి, నేతలు వి.హన్మంతరావు, షబ్బీర్‌ అలీ, అద్దంకి దయాకర్, రాంచంద్ర నాయక్, నవీన్‌ యాదవ్, గద్వాల విజయలక్ష్మి, రోహిణ్‌రెడ్డి తదితరులు ఉన్నారు.

సాక్షి, హైదరాబాద్‌: భారత్‌ త్వరలో బుల్లెట్‌ రైలు వసతి ఉన్న దేశాల జాబితాలో చేరనుంది. దేశంలో తొలి బుల్లెట్‌ రైలు కారిడార్‌ అహ్మదాబాద్‌–ముంబై మధ్య వేగంగా సిద్ధమవుతోంది. 95 కి.మీ. నిడివి కలిగిన ఈ కారిడార్‌లో సరిగ్గా మరో పది నెలల్లో బుల్లెట్‌ రైలు పరుగులెట్టనుంది. అయితే బుల్లెట్‌ రైళ్లు గంటకు 350 కి.మీ. వేగంతో దూసుకెళతాయని, ప్రతిపాదిత కారిడార్లు సిద్ధమైతే హైదరాబాద్‌ నుంచి ముంబై, చెన్నై, బెంగళూరు నగరాలకు కేవలం రెండు గంటల్లోనే చేరుకోవచ్చని అంటున్నా.. ప్రస్తుత వాస్తవ పరిస్థితి ఇందుకు భిన్నంగా ఉంది. త్వరలో పట్టాలెక్కనున్న బుల్లెట్‌ రైలు గంటకు 250 కి.మీ. వేగంతో మాత్రమే ప్రయాణించనుంది. దీంతో అటు బుల్లెట్‌ రైలుకు తక్కువ...ఇటు వందే భారత్‌కు ఎక్కువ అన్న తరహాలో ‘భారత్‌ బుల్లెట్‌’పట్టాలెక్కబోతోంది. హైదరాబాద్‌కు మంజూరైన కారిడార్లు సిద్ధమయ్యేందుకు మరో పదేళ్ల సమయం పట్టనుంది. అప్పటి పరిస్థితిని అంచనా వేయటం ఇప్పుడే సాధ్యం కాదు, కానీ 2032 వరకు మాత్రం మన బుల్లెట్‌ రైలు వేగం 250 కిలోమీటర్లేనని అంటున్నారు. జపాన్‌ రైళ్లు వద్దనుకోవడంతో.. దేశంలో బుల్లెట్‌ రైళ్ల యుగం మొదలవుతున్న వేళ.. ‘దేశీ’హైస్పీడ్‌ రైలు ప్రాజెక్టును కేంద్రం స్లో అండ్‌ స్టడీ సూత్రంతో ప్రారంభిస్తోంది. తొలుత 350 కి.మీ. వేగంతో దూసుకెళ్లే రైళ్లను పట్టాలెక్కించాలని భావించినా, పరిస్థితులు కళ్లెం వేశాయి. భారీ వ్యయంతో కూడిన జపాన్‌ రైళ్లకు బదులు సొంతంగా బుల్లెట్‌ రైళ్లను తయారు చేసుకోవాలని కేంద్రం భావిస్తోంది. దేశంలో తొలి హైస్పీడ్‌ రైలు ప్రాజెక్టు అయిన ముంబై–అహ్మదాబాద్‌ కారిడార్‌ నిర్మాణంలో జపాన్‌ సాంకేతిక సహాయం అందిస్తోంది. ఈ కారిడార్‌తో పాటు దేశంలోని మిగతా ప్రాంతాల్లో చేపట్టబోయే కారిడార్లలో జపాన్‌ రైళ్లను నడపాలని, ఈ మేరకు రైళ్లను కొనుగోలు చేయాలని కేంద్రం తొలుత భావించింది. మనకు సరఫరా చేసేందుకు ఆ దేశం ప్రత్యేకంగా షింకన్సెన్‌–ఈ 10 రైళ్లను తయారీ చేయనున్నట్టు ప్రకటించింది. దీని గరిష్ట వేగం గంటకు 350 కి.మీ.లు కాగా ఆపరేషనల్‌ వేగం 320 కి.మీ.గా ఉంటుందని పేర్కొంది. అయితే మనం ఒక్కో రైలు సెట్‌ను కొనాలంటే దాదాపు రూ.750 కోట్లు ఖర్చు చేయాల్సి ఉంటుంది. మరోవైపు దేశంలో వందేభారత్‌ రైళ్లు సూపర్‌ సక్సెస్‌ అయ్యాయి. దీంతో కేంద్రం మనసు మార్చుకుంది. వందేభారత్‌ ఇచ్చిన నమ్మకంతో.. వందేభారత్‌ పనితీరు ఇచ్చిన నమ్మకంతో సొంతంగా బుల్లెట్‌ రైళ్ల తయారీ ఆలోచనకొచ్చింది. చెన్నై ఇంటిగ్రల్‌ కోచ్‌ ఫ్యాక్టరీ, బెంగుళూరు భారత్‌ ఎర్త్‌ మూవర్స్‌ లిమెటెడ్‌లు సంయుక్తంగా ఈ ప్రాజెక్టును తీసుకున్నాయి. ఇటీవలే రైలు డిజైన్‌కు ఆమోదం రాగా, వచ్చే సంవత్సరం ప్రథమార్థంలో తొలి ప్రొటోటైప్‌ రైలు సిద్ధమై ట్రయల్స్‌ ప్రారంభించనుంది. ఈ రైలు తయారీకి ఒక్కో సెట్‌కు రూ.435 కోట్లు ఖర్చవుతుందని అంచనా. ఈ రైలు గరిష్ట వేగం 280 కి.మీ. కాగా ఆపరేషనల్‌ స్పీడ్‌ 250 కి.మీ.గా తేలింది. తదుపరి ఐదారేళ్ల పాటు ఈ రైళ్లే సేవలందించే అవకాశం ఉంది. ఆ తర్వాత 350 కి.మీ. వేగంతో దూసుకెళ్లే బీ35 రకం రైళ్లను కూడా తయారు చేయాలన్నది ఆలోచన. వందేభారత్‌ విషయంలో మన ప్రయోగం విజయవంతమైనా, అనుకున్న గడువులోపు తయారు చేయటంలో మాత్రం విఫలమయ్యాం. ఇదే పరిస్థితి బుల్లెట్‌ రైళ్ల విషయంలోనూ జరిగితే, మరికొన్నేళ్లపాటు 250 కి.మీ. వేగంతో ప్రయాణం చేయాల్సిందేనన్న అభిప్రాయం వ్యక్తమవుతోంది. భారత్‌ రైలుతో పెరగనున్న ప్రయాణ సమయం హైదరాబాద్‌ కేంద్రంగా హైదరాబాద్‌–ముంబై వయా పుణె, హైదరాబాద్‌–బెంగళూరు, హైదరాబాద్‌–చెన్నై కారిడార్లు సిద్ధం కావాల్సి ఉంది. ఈ పనుల్లో వేగం అనుకున్నదానికంటే ఎక్కువగా ఉంటే ప్రాజెక్టులు తొందరగానే సిద్ధమవుతాయి. అదే సమయంలో రైళ్ల తయారీ వేగంగా జరగకుంటే, మన కారిడార్లలో కూడా 250 కి.మీ. రైళ్లే పరుగుపెడతాయి. జపాన్‌ రైళ్లు వస్తాయన్న అంచనాతో ఇప్పటికే ప్రకటించిన ప్రయాణ సమయాలను బేరీజు వేసుకుంటే, హైదరాబాద్‌–ముంబై సమయం 2.40 గంటలు కాగా భారత్‌ రైలుతో అది 3.25 గంటలు కానుంది. హైదరాబాద్‌– బెంగుళూరుకు జపాన్‌ రైలు ప్రకారం 2 గంటలు అయితే భారత్‌ రైలు ప్రకారం 2.45 గంటలుగా అవుతుంది. చెన్నై విషయంలో అది 2.15 గంటల నుంచి 2.55 గంటలకు పెరగనుంది. అయితే కారిడార్లు సిద్ధమవటానికి ఇంకా చాలా ఏళ్ల సమయం పట్టనున్నందున ఈ విషయంలో స్పష్టత రావటానికి సమయం పట్టనుంది.

సాక్షి, హైదరాబాద్‌: గవర్నర్‌ కోటాలో పెద్దల సభకు ఎవరిని పంపాలన్న దానిపై కసరత్తు మొదలయింది. త్వరలో ఖాళీ కానున్న మూడు గవర్నర్‌ కోటా ఎమ్మెల్సీలను నామినేట్‌ చేసే ప్రక్రియ నవంబర్‌ 15వ తేదీ కల్లా పూర్తయి గవర్నర్‌ ఆమోదం కూడా పొందాల్సి ఉండడంతో వీలున్నంత త్వరగా ఈ అభ్యర్థిత్వాలు ఖరారయ్యే అవకాశాలు కనిపిస్తున్నాయి. కాగా సామాజిక సమీకరణలను ప్రాతిపదికగా తీసుకుని ఈ అభ్యర్థిత్వాలను ఖరారు చేయాలని ప్రభుత్వ పెద్దలు యోచిస్తున్నట్టు తెలుస్తోంది.రాష్ట్రంలో కాంగ్రెస్‌ పార్టీ అధికారంలోకి వచ్చిన తర్వాత ఇప్పటివరకు మండలికి పంపని సామాజిక వర్గాలపై ప్రత్యేకంగా దృష్టి పెట్టాలని, వీలును బట్టి మూడింటిలో రెండు బీసీలకు, ఒకటి ఎస్సీలకు లేదంటే ఎస్సీ, బీసీ, ఓసీలకు ఒక్కొక్కటి చొప్పున కేటాయించే ఆలోచనలో ఉన్నట్టు సమాచారం. అనూహ్యంగా మూడు స్థానాలూ బీసీ వర్గాలకు కేటాయించినా ఆశ్చర్యం లేదని పార్టీ వర్గాలు చెబుతున్నాయి.రాష్ట్రంలో కాంగ్రెస్‌ అధికారం చేపట్టిన తర్వాత మాల, లంబాడీ, ముస్లిం, గౌడ్, ఎంబీసీ, వెలమ సామాజిక వర్గాలకు చెందిన నేతలకు ఎమ్మెల్సీలుగా అవకాశం లభించింది. దీంతో ఈ దఫా ఆ వర్గాలు కాకుండా మిగిలిన వర్గాల నుంచి గవర్నర్‌ కోటా ఎమ్మెల్సీలను ఎంపిక చేసే అవకాశాలు ఎక్కువగా కనిపిస్తున్నాయి. ముఖ్యంగా వెనుకబడిన వర్గాల నేతలకు ప్రాధాన్యమిస్తారని తెలుస్తోంది. సమీకరణలను బట్టి రెండు, లేదంటే మూడింటికి మూడు స్థానాలూ ఈ వర్గాలకు కేటాయించే అవకాశం ఉందని సమాచారం. యాదవ సామాజిక వర్గం నుంచి.. బీసీల్లోని ప్రధాన సామాజికవర్గమైన పద్మశాలీలను ఈసారి పెద్దల సభకు పంపుతామని ఇటీవల సీఎం రేవంత్‌రెడ్డి ప్రకటించిన నేపథ్యంలో ఈ వర్గానికి ఒక స్థానం దక్కడం ఖాయంగా కనిపిస్తోంది. ఈ సామాజిక వర్గం నుంచి ఆచార్య కొండా లక్ష్మణ్‌ బాపూజీ కుమార్తె డాక్టర్‌ పవిత్ర వాణి పేరు ప్రముఖంగా వినిపిస్తోంది. ఆమెతో పాటు పున్నా కైలాశ్‌ నేత, ఈరవత్రి అనిల్, సంగీతం శ్రీనివాస్, సంగిశెట్టి జగదీశ్వరరావుల పేర్లు కూడా పరిశీలనలో ఉన్నట్టు తెలుస్తోంది. ఇక యాదవ సామాజిక వర్గానికి గత మూడేళ్ల కాలంలో రాజకీయ పదవుల్లో పెద్దగా ప్రాధాన్యం దక్కలేదు. ఈ కోణంలో టీపీసీసీ అధికార ప్రతినిధి డాక్టర్‌ లోకేశ్‌యాదవ్, టీజీఎల్‌డీసీ చైర్మన్‌ డాక్టర్‌ చరణ్‌కౌశిక్‌ యాదవ్‌లతో పాటు మాజీ ఎంపీ అంజన్‌కుమార్‌ యాదవ్, తోటకూర వజ్రేశ్‌ యాదవ్‌ల పేర్లు పరిగణనలోకి తీసుకోనున్నట్టు తెలుస్తోంది. దానంను ఏం చేద్దాం? బీసీల్లో మరో ప్రధాన వర్గమైన మున్నూరు కాపులకు ఈసారి ప్రాధాన్యత లభించే అవకాశం ఎక్కువగానే ఉన్నట్టు సమాచారం. ఈ కోటాలో మాజీ మంత్రి దానం నాగేందర్‌తో పాటు డాక్టర్‌ పుంజాల వినయ్‌కుమార్, సత్తు మల్లేశం, జి.నిరంజన్‌ల పేర్లు వినిపిస్తున్నాయి. అయితే ఖైరతాబాద్‌ ఉప ఎన్నిక ఇప్పట్లో వచ్చే అవకాశముందా లేదా అన్నదాన్ని పరిగణనలోకి తీసుకుని దానంను గవర్నర్‌ కోటాలో నామినేట్‌ చేయాలా లేదా ఎమ్మెల్యే కోటాలో మండలికి పంపి మంత్రిని చేయాలా? లేదంటే ఉప ఎన్నికల్లో కాంగ్రెస్‌ పార్టీ అభ్యర్థిగా బరిలోకి దింపాలా అన్న దానిపై ఇంకా నిర్ణయం తీసుకోవాల్సి ఉంది.ముదిరాజ్‌ సామాజిక వర్గం నుంచి మహిళా కాంగ్రెస్‌ మాజీ అధ్యక్షురాలు ఎం.సునీతా ముదిరాజ్‌ పేరు కూడా వినినిస్తుండగా వచ్చే నెలలో పదవీకాలం పూర్తి కానున్న ఎమ్మెల్సీ బస్వరాజు సారయ్య (ఎంబీసీ) అభ్యర్థిత్వాన్ని రెన్యువల్‌ చేసే అంశమూ ప్రభుత్వ పెద్దల పరిశీలనలో ఉన్నట్టు తెలుస్తోంది. మొత్తం మీద ఇతర బీసీ వర్గాల నుంచి కూడా వీలున్నన్ని పేర్లను పరిశీలించి ఈసారి గవర్నర్‌ కోటాలో కనీసం ఇద్దరు బీసీ నేతలను మండలికి పంపేందుకు ప్రభుత్వ పెద్దలు కసరత్తు చేస్తున్నారనే చర్చ జరుగుతోంది. ఎస్సీల్లో మాదిగలకు ప్రాధాన్యం! బీసీలతో పాటు ఎస్సీలకు కూడా ఈసారి అవకాశం లభించే అవకాశాలు కనిపిస్తున్నాయి. రెండు స్థానాలు బీసీలకు ఇచ్చినా, ఒకటి ఎస్సీలకు ఇవ్వాలని, అందులోనూ మాదిగ సామాజిక వర్గానికి ప్రాధాన్యం ఇవ్వాలనే యోచనలో సీఎం రేవంత్‌ ఉన్నారనే చర్చ జరుగుతోంది. ఈ సామాజిక వర్గం నుంచి ఎస్‌.సంపత్‌ కుమార్, దొమ్మాటి సాంబయ్య, నమిళ్ల శ్రీనివాస్, కొండ్రు పుష్పలీల, చారకొండ వెంకటేశ్, ప్రీతం, సింగాపురం ఇందిర, వక్కలగడ్డ చంద్రశేఖర్‌ల పేర్లు వినిపిస్తున్నాయి. ఎస్సీల్లోనే మాల సామాజిక వర్గానికి ఇవ్వాలనుకుంటే డాక్టర్‌ జె.గీతారెడ్డి, సంభాని చంద్రశేఖర్, కోటూరి మానవతారాయ్‌ల పేర్లను పరిశీలించే అవకాశాలున్నాయి.ఇక బీసీ, ఎస్సీలతో పాటు ఓసీలకు కూడా అవకాశం ఇవ్వాల్సి వస్తే కమ్మ, బ్రాహ్మణ సామాజికవర్గాల నేతల పేర్లను పరిగణనలోకి తీసుకోనున్నారు. ఈ కోటాలో జెట్టి కుసుమకుమార్‌ (కమ్మ), హర్కర వేణుగోపాల్‌రావు, దయాసాగర్‌రావు (బ్రాహ్మణ)ల పేర్లు వినిపిస్తున్నాయి. హైలైట్‌ కోసం.. మొదటి పేరాలో.. రాష్ట్రంలో కాంగ్రెస్‌ పార్టీ అధికారంలోకి వచ్చిన తర్వాత ఇప్పటివరకు మండలికి పంపని సామాజిక వర్గాలపై ప్రత్యేకంగా దృష్టి పెట్టాలని, వీలును బట్టి మూడింటిలో రెండు బీసీలకు, ఒకటి ఎస్సీలకు లేదంటే ఎస్సీ, బీసీ, ఓసీలకు ఒక్కొక్కటి చొప్పున కేటాయించే ఆలోచనలో ఉన్నట్టు సమాచారం. దానంను ఏం చేద్దాం పేరాలో.. దానంను గవర్నర్‌ కోటాలో నామినేట్‌ చేయాలా లేదా ఎమ్మెల్యే కోటాలో మండలికి పంపి మంత్రిని చేయాలా? లేదంటే ఉప ఎన్నికల్లో కాంగ్రెస్‌ పార్టీ అభ్యర్థిగా బరిలోకి దింపాలా అన్న దానిపై ఇంకా నిర్ణయం తీసుకోవాల్సి ఉంది. ఎస్సీల్లో మాదిగలకు ప్రాధాన్యం పేరాలో.. రెండు స్థానాలు బీసీలకు ఇచ్చినా, ఒకటి ఎస్సీలకు ఇవ్వాలని, అందులోనూ మాదిగ సామాజిక వర్గానికి ప్రాధాన్యం ఇవ్వాలనే యోచనలో సీఎం రేవంత్‌ ఉన్నారనే చర్చ జరుగుతోంది.

న్యూఢిల్లీ: దేశంలో డేటా సెంటర్ల ఏర్పాటుకు అత్యంత ఆకర్షణీయమైన పాలసీని అమలు చేస్తున్న రాష్ట్రాల్లో తెలంగాణ టాప్‌లో నిలిచింది. ముఖ్యంగా విద్యుత్‌ రాయితీలు ఇతరత్రా నియంత్రణపరమైన ప్రోత్సాహకాల కల్పనలో ముందంజలో ఉంది. అంతర్జాతీయ రేటింగ్‌ ఏజెన్సీ ఎస్‌అండ్‌పీ గ్లోబల్‌ ఎనర్జీ తాజా నివేదిక ‘ఇండియా ఫార్వార్డ్‌: రీఇమేజినింగ్‌ గ్రోత్‌’లో ఈ విషయాన్ని వెల్లడించింది. మౌలిక వసతులు, మూలధనం, నియంత్రణ యంత్రాంగాల రూపంలో విస్తృత ప్యాకేజీలను అందిస్తున్న మహారాష్ట్ర, ఉత్తరప్రదేశ్‌ తర్వాత స్థానాల్లో ఉన్నాయి. ఇక గుజరాత్‌ ఊరించే విద్యుత్‌ ప్రోత్సాహకాలు, సులభతరమైన వ్యాపార విధానాల (ఈజ్‌ ఆఫ్‌ డూయింగ్‌ బిజినెస్‌–ఈఓడీబీ)పై ఫోకస్‌ చేస్తూ పెద్దయెత్తున క్లౌడ్‌ కంప్యూటింగ్‌ దిగ్గజాలను (హైపర్‌స్కేలర్స్‌) ఆకర్షిస్తోంది. మొత్తంమీద డేటా సెంటర్‌ పాలసీ అట్రాక్టివ్‌నెస్‌ ఇండియా (డీసీపీఏఐ) ఇండెక్స్‌లో ముందంజలో ఉన్న ఈ నాలుగు రాష్ట్రాలు 50–100 మధ్యలో స్కోర్‌ చేశాయి. ఐటీ, ఐటీఈఎస్, డేటా సెంటర్లు, గ్లోబల్‌ కేపబిలిటీ సెంటర్ల (జీసీసీలు)కు సంబంధించి 19 రాష్ట్రాల విధానాలను మదింపు చేసి ఈ ఇండెక్స్‌ను రూపొందించారు. ప్రధానంగా విద్యుత్, భూమి, మూలధనం (క్యాపిటల్‌), నిర్వహణ–సాంకేతికపరమైన మద్దతు, నియంత్రణపరమైన, ఈఓడీబీ కార్యాచరణ.. ఈ నాలుగు అంశాలను ర్యాంకింగ్స్‌ కోసం పరిగణనలోకి తీసుకున్నారు. 42–45 మధ్య స్కోర్‌ చేసిన రెండో అంచె రాష్ట్రాల్లో ఒడిశా, హరియాణా, ఆంధ్రప్రదేశ్, కర్ణాటక ఉన్నాయి. 30–40 స్కోర్‌తో మూడో అంచెలో రాజస్తాన్, తమిళనాడు, పశి్చమబెంగాల్‌ నిలిచాయి.నివేదికలో ఇతర ముఖ్యాంశాలివీ... → డేటా సెంటర్ల పరిశ్రమ భారీ విస్తరణ నేపథ్యంలో రాష్ట్రాల మధ్య తీవ్రమైన పోటీ నెలకొంది. → ప్రస్తుతం భారత్‌లో డేటా సెంటర్ల సామర్థ్యం 1.5 గిగావాట్లు (జీడబ్ల్యూ) కాగా.. వచ్చే దశాబ్దకాలంలో 5 జీడబ్ల్యూ సామర్థ్యం గల డేటాసెంటర్లు ఏర్పాటు కానున్నాయి. అదనంగా మరో 6–7 జీడబ్ల్యూ సామర్థ్యాన్ని జోడించేందుకు కంపెనీలు కసరత్తు చేస్తున్నాయి. → మొత్తంమీద చూస్తే 2031–32 నాటికి దేశంలో డేటా సెంటర్ల సామర్థ్యం 26.3 జీడబ్ల్యూకు చేరే అవకాశం ఉంది. → దీనిప్రకారం హీటింగ్, వెంటిలేషన్, ఎయిర్‌ కండిషనింగ్, ఆపరేషనల్‌ లోడ్స్‌ సహా డేటా సెంటర్ల నుంచి మొత్తం విద్యుత్‌ డిమాండ్‌ 2025–35 మధ్యలో వార్షికంగా (సీఏజీఆర్‌) 18 శాతం చొప్పున పెరుగుతుందని అంచనా.

సాక్షి, హైదరాబాద్: దిల్‌సుఖ్‌ నగర్‌లోని సంతోషీమాత ఆలయంపై జరిగిన దాడిని బీజేపీ రాష్ట్ర అధ్యక్షుడు రాంచందర్ రావు ఖండించారు. సంతోషీమాత ఆలయాన్ని సందర్శించిన ఆయన పూజారులు, భక్తులతో మాట్లాడి ఘటన వివరాలను తెలుసుకున్నారు.ఈ సందర్భంగా ఆయన మాట్లాడుతూ ‘పూజలు జరుగుతున్న సమయంలో ఓ వ్యక్తి ఆలయంలోకి చొరబడి అమ్మవారి విగ్రహంపై కర్రతో దాడి చేశాడు. హైదరాబాద్‌తో పాటు తెలంగాణలో ఆలయాలపై వరుస దాడులు జరుగుతున్నాయి. ఈ ఘటనల వెనుక ఒకే తరహా ప్యాటర్న్ కనిపిస్తోంది. పూర్తి స్థాయిలో దర్యాప్తు చేయాలి. నిందితులకు మతిస్థిమితం లేదంటూ కేసులను పక్కదారి పట్టించొద్దు’ పోలీసులను హెచ్చరించారు.నిజంగా మతిస్థిమితం లేకపోతే ఆలయాలనే ఎందుకు లక్ష్యంగా చేసుకుంటున్నారో తేల్చాలన్నారు. ఆలయాల భద్రతపై ప్రభుత్వం మరింత అప్రమత్తంగా వ్యవహరించాలని, అన్ని ఆలయాల వద్ద పటిష్టమైన పోలీస్ బందోబస్తు, సీసీటీవీ నిఘా ఏర్పాటు చేయాలని ప్రభుత్వాన్ని కోరారు. ఇలాంటి ఘటనలు పునరావృతం కాకుండా తగిన జాగ్రత్తలు తీసుకోవాలని, వెంటనే బాధ్యునిపై కఠిన చర్యలు తీసుకోవాలని డిమాండ్‌ చేశారు.

సాక్షి,హైదరాబాద్‌: నగరంలో ప్రజా రవాణా వ్యవస్థను మరింత పటిష్టం చేసి, ప్రయాణికులకు మెరుగైన సౌకర్యాలు కల్పించేందుకు తగిన చర్యలు చేపడుతున్నామని తెలంగాణ ప్రభుత్వ ప్రధాన కార్యదర్శి సంజయ్‌ జాజు తెలిపారు. నగరంలో ప్రజా రవాణాను ప్రోత్సహించడం ద్వారా ట్రాఫిక్‌ సమస్యలు, కాలుష్యాన్ని తగ్గించడంతో పాటు ప్రజల జీవన ప్రమాణాలను మెరుగుపరిచే చర్యలు చేపడుతున్నామని చెప్పారు.ప్రజాభవన్‌లో శుక్రవారం నిర్వహించిన తెలంగాణ ఆర్టీసీ,మెట్రో రైల్‌ కామన్‌ పాస్‌ ప్రారంభోత్సవ కార్యక్రమంలో ఉప ముఖ్యమంత్రి భట్టి విక్రమార్క మల్లు, రోడ్డు రవాణా శాఖ మంత్రి పొన్నం ప్రభాకర్‌తో కలిసి సీఎస్‌ సంజయ్‌ జాజు పాల్గొన్నారు.ఈ సందర్భంగా సంజయ్‌ జాజు మాట్లాడుతూ.. నగర ప్రయాణికుల ఇబ్బందులను తగ్గించేందుకు ఆర్టీసీ బస్సులు, మెట్రో రైల్‌కు కామన్‌ పాస్‌ విధానాన్ని ప్రారంభించడం శుభ పరిణామమన్నారు. ముఖ్యమంత్రి, ఉప ముఖ్యమంత్రి ఆదేశాల మేరకు హైదరాబాద్‌లో ప్రజా రవాణా వ్యవస్థను మరింత బలోపేతం చేసే దిశగా తొలి దశలో ఆర్టీసీ, మెట్రో రైల్‌ సేవలను కామన్‌ పాస్‌ పరిధిలోకి తీసుకొచ్చినట్లు తెలిపారు.రోజూ 35 లక్షల మంది ప్రయాణంహైదరాబాద్‌లో ప్రతిరోజూ దాదాపు 30 లక్షల మంది ఆర్టీసీ బస్సుల్లో, మరో 5 లక్షల మంది మెట్రో రైళ్లలో ప్రయాణిస్తున్నారని సీఎస్‌ తెలిపారు. చాలామంది ప్రయాణికులు ఇంటి నుంచి మెట్రో స్టేషన్‌కు, అక్కడి నుంచి తమ గమ్యస్థానానికి సమీపంలోని స్టేషన్‌కు, ఆపై అక్కడి నుంచి కార్యాలయం లేదా ఇతర గమ్యస్థానానికి చేరుకోవాల్సి వస్తోందన్నారు. ఇలా ఒకే ప్రయాణంలో పలుమార్లు రవాణా మారాల్సి రావడంతో ప్రయాణికులకు అదనపు వ్యయంతో పాటు సమయం, శ్రమ కూడా పెరుగుతున్నాయని పేర్కొన్నారు. ఈ సమస్యను తగ్గించేందుకు సాంకేతిక పరిజ్ఞానాన్ని వినియోగిస్తూ ఆర్టీసీ,మెట్రో కామన్‌ పాస్‌ విధానాన్ని అందుబాటులోకి తీసుకొచ్చినట్లు వివరించారు.కామన్‌ పాస్‌లోకి ఆటో సేవలుభవిష్యత్తులో ఆటో రిక్షా సేవలను కూడా కామన్‌ పాస్‌ పరిధిలోకి తీసుకొచ్చే ప్రయత్నాలు చేస్తున్నామని సంజయ్‌ జాజు తెలిపారు. ఆర్టీసీ, హైదరాబాద్‌ మెట్రో సేవలను మరింత విస్తరించి, సమన్వయంతో పనిచేసేలా చర్యలు చేపడతామని చెప్పారు. ప్రజా రవాణా వ్యవస్థను బలోపేతం చేయడం ద్వారా వ్యక్తిగత వాహనాల వినియోగాన్ని తగ్గించి, నగరంలో ట్రాఫిక్‌ రద్దీ, కాలుష్యాన్ని నియంత్రించేందుకు అవకాశం ఉంటుందని ఆయన పేర్కొన్నారు.మీ-సేవ ద్వారా కామన్‌ పాస్‌2011లో ప్రారంభమైన మీ-సేవ కేంద్రాల ద్వారా ప్రస్తుతం దాదాపు 400 రకాల సేవలను అందిస్తున్నామని సీఎస్‌ తెలిపారు. ఇకపై మీ-సేవ కేంద్రాల ద్వారా కూడా మెట్రో,ఆర్టీసీ కామన్‌ పాస్‌లను జారీ చేసే సదుపాయం కల్పించనున్నట్లు వెల్లడించారు. హైదరాబాద్‌ నగర ప్రజలకు ప్రజా రవాణా మరింత సులభంగా, అందుబాటులో ఉండేలా ఆర్టీసీ, మెట్రో రైల్‌ సంస్థలు సమన్వయంతో ముందుకు సాగుతాయని సంజయ్‌ జాజు తెలిపారు.

హైదరాబాద్, శివరాంపల్లిలో టీజీ ఆయిల్‌ఫెడ్ ఆధ్వర్యంలో ఏర్పాటు చేసిన విజయ మెగా ఆయిల్ ప్యాకింగ్ కేంద్రాన్ని, మినరల్ వాటర్ ప్లాంట్‌ను మంత్రి శ్రీధర్ బాబుతో కలిసి మంత్రి తుమ్మల నాగేశ్వరరావు ప్రారంభించారు. విజయ వంట నూనెల విక్రయ కేంద్రానికి శంకుస్థాపన చేశారు.ఈ సందర్భంగా మంత్రి మాట్లాడుతూ.. ఉమ్మడి ఆంధ్రప్రదేశ్‌లో 20 మెట్రిక్ టన్నుల సామర్థ్యంతో ప్రారంభమైన విజయ ఆయిల్ ప్యాకింగ్ కేంద్రం నేడు రోజుకు 200 మెట్రిక్ టన్నుల సామర్థ్యానికి ఎదగడం గర్వకారణమని మంత్రి తుమ్మల అన్నారు. విజయ ఆయిల్‌ను ఈ స్థాయికి తీసుకువచ్చిన ప్రతి ఒక్కరినీ అభినందించారు. ప్రైవేట్ ఆయిల్ బ్రాండ్ల ఆధిపత్యాన్ని తగ్గించి, ప్రజలకు నాణ్యమైన వంట నూనెలను సరసమైన ధరలకు అందించడంతో పాటు ధరల స్థిరీకరణ లక్ష్యంతో విజయ ఆయిల్ ప్యాకింగ్ కేంద్రాన్ని ఏర్పాటు చేసినట్లు తెలిపారు.విజయ ఆయిల్ తొలినాళ్లలో వేరుశనగ, పొద్దుతిరుగుడు, పామాయిల్ వంటి మూడు రకాల వంట నూనెలను అందించగా, ప్రస్తుతం రైస్ బ్రాన్, నువ్వుల, దీపం, కొబ్బరి తదితర ఆరు రకాల వంట నూనెలను వినియోగదారులకు అందిస్తున్నదని మంత్రి పేర్కొన్నారు. విజయ్ బ్రాండ్ అంటే నాణ్యతకు గుర్తింపు అని, ప్రజల్లో ఉన్న ఈ నమ్మకాన్ని మరింత బలోపేతం చేయాలని అన్నారు. నాణ్యత విషయంలో ఎట్టి పరిస్థితుల్లోనూ రాజీ పడకుండా వినియోగదారుల విశ్వాసాన్ని కాపాడుకోవాలని సూచించారు.శివరాంపల్లిలో ఏర్పాటు చేసిన మెగా ఆయిల్ ప్యాకింగ్ కేంద్రం పూర్తిగా ఆటోమేటెడ్ విధానంలో, పరిశుభ్రమైన, హైజెనిక్ వాతావరణంలో వంట నూనెలను ప్యాకింగ్ చేసేలా రూపొందించామని మంత్రి తెలిపారు. ఆధునిక సాంకేతిక పరిజ్ఞానాన్ని వినియోగించుకుని ఉత్పత్తి సామర్థ్యంతో పాటు నాణ్యతను మరింత పెంచాలని సూచించారు. మినరల్ వాటర్ ప్లాంట్ ప్రారంభంతో ప్యాకేజ్డ్ డ్రింకింగ్ వాటర్ మార్కెట్‌లోకి విజయ అడుగుపెట్టిందని తెలిపారు.విజయ ఆయిల్ ఉత్పత్తులు తెలంగాణకే పరిమితం కాకుండా దేశవ్యాప్తంగా అందుబాటులోకి రావాలని మంత్రి తుమ్మల అన్నారు. ఇతర రాష్ట్రాల్లోనూ విజయ్ బ్రాండ్‌కు మంచి మార్కెట్‌ను సృష్టించి, విజయ బ్రాండ్‌ను జాతీయ స్థాయి బ్రాండ్‌గా తీర్చిదిద్దాలని సూచించారు. విజయ ఆయిల్ ఉత్పత్తుల తయారీ, పంపిణీ, విక్రయ వ్యవస్థను మరింత బలోపేతం చేసి రాష్ట్రంలోని ప్రతి మారుమూల ప్రాంత వినియోగదారుడికి ఉత్పత్తులు సులభంగా అందేలా చర్యలు తీసుకోవాలని అన్నారు.ఆయిల్‌పామ్ సాగుకు తెలంగాణలో అపారమైన అవకాశాలు ఉన్నాయని మంత్రి తుమ్మల తెలిపారు. ప్రస్తుతం రాష్ట్రంలో సుమారు మూడున్నర లక్షల ఆయిల్‌పామ్ సాగు అవుతుందని, రానున్న రోజుల్లో రాష్ట్రంలో ఆయిల్‌పామ్ సాగును 10 లక్షల ఎకరాలకు తీసుకెళ్లడమే లక్ష్యంగా ప్రభుత్వం పనిచేస్తోందని చెప్పారు. ప్రతి ఉమ్మడి జిల్లాలో కనీసం లక్ష ఎకరాల మేర ఆయిల్‌పామ్ సాగు విస్తరించాలని ఆకాంక్షించారు.ఆయిల్‌పామ్ దీర్ఘకాలిక పంట అయినందున రైతులకు స్థిరమైన ఆదాయం కల్పించే విధంగా మార్కెట్ వ్యవస్థను బలోపేతం చేయాల్సిన అవసరం ఉందని మంత్రి పేర్కొన్నారు. రైతులు పండించిన ఆయిల్‌పామ్ గెలలను సేకరణ కేంద్రాల ద్వారా ఫ్యాక్టరీలకు తరలించి, సకాలంలో క్రషింగ్ చేసి రైతుల ఖాతాల్లో చెల్లింపులు జమ చేసే విధంగా వ్యవస్థను బలోపేతం చేయాలని ఆదేశించారు. రాష్ట్రంలో ఇప్పటికే పలు ఆయిల్‌పామ్ ఫ్యాక్టరీల ఏర్పాటుకు చర్యలు చేపట్టామని తెలిపారు.ఆయిల్‌పామ్ సాగుకు అవసరమైన మొక్కలు, డ్రిప్ సకాలంలో రైతులకు అందించాలని అధికారులను మంత్రి ఆదేశించారు. ముఖ్యంగా రంగారెడ్డి జిల్లాలో భూగర్భ జలాల పరిస్థితిని దృష్టిలో ఉంచుకుని డ్రిప్ ఇరిగేషన్‌పై ప్రత్యేకంగా దృష్టి సారించాలని సూచించారు. చిన్న, సన్నకారు రైతులకు కూడా డ్రిప్ సదుపాయం అందేలా చర్యలు తీసుకోవాలని అన్నారు.ఆయిల్‌పామ్ దిగుమతులపై విధిస్తున్న దిగుమతి సుంకం విషయంలో కేంద్ర ప్రభుత్వం పునరాలోచించాలని మంత్రి తుమ్మల కోరారు. దేశంలో వంటనూనెల అవసరాలను తీర్చే సామర్థ్యం తెలంగాణ రైతులకు ఉందని, రాష్ట్రంలో ఆయిల్‌పామ్ సాగును మరింత విస్తరిస్తే దేశానికి అవసరమైన వంటనూనెల ఉత్పత్తిలో తెలంగాణ కీలక పాత్ర పోషించగలదని అన్నారు. రైతులకు గిట్టుబాటు ధర లభించే విధంగా దిగుమతి విధానాలను రూపొందించాలని కోరారు.ప్రకృతి వైపరీత్యాలు, వాతావరణ మార్పుల నేపథ్యంలో రైతులు అప్రమత్తంగా ఉండాలని మంత్రి సూచించారు. ప్రస్తుత పరిస్థితుల్లో భూగర్భ జలాలపై ఆధారపడి వరి సాగు చేయడం పట్ల జాగ్రత్త వహించాలని, రబీ సీజన్‌లో నీటి లభ్యతను దృష్టిలో ఉంచుకుని తక్కువ నీటితో పండే పంటలను ఎంపిక చేసుకోవాలని రైతులకు సూచించారు. నీటి వనరులను సమర్థవంతంగా వినియోగించుకోవాలని అన్నారు.భూగర్భ జలాలను సంరక్షించేందుకు ఫామ్‌పాండ్ల నిర్మాణాన్ని ప్రోత్సహిస్తున్నామని మంత్రి తెలిపారు. వర్షపు నీటిని ఫామ్‌పాండ్లలోకి మళ్లించడం ద్వారా భూగర్భ జలాల రీచార్జ్‌కు అవకాశం ఉంటుందని చెప్పారు. రైతులు నీటి సంరక్షణ చర్యలను చేపట్టి భవిష్యత్ అవసరాలకు అనుగుణంగా వ్యవసాయాన్ని కొనసాగించాలని సూచించారు.రైతుల ప్రయోజనాలే ప్రభుత్వానికి అత్యంత ప్రాధాన్యమని మంత్రి తుమ్మల స్పష్టం చేశారు. రైతులు పండించిన పంటకు మార్కెట్, ప్రాసెసింగ్, విక్రయ సదుపాయాలు కల్పించే విధంగా వ్యవస్థలను బలోపేతం చేస్తున్నామని తెలిపారు. ఆయిల్‌పామ్ రైతులకు ప్రభుత్వం అన్ని విధాలుగా అండగా ఉంటుందని, తెలంగాణను దేశంలోనే ప్రధాన ఆయిల్‌పామ్ ఉత్పత్తి రాష్ట్రంగా తీర్చిదిద్దేందుకు చర్యలు కొనసాగుతాయని మంత్రి పేర్కొన్నారు.విజయ్ బ్రాండ్‌పై ప్రజల్లో ఉన్న నమ్మకాన్ని కాపాడుకుంటూ నాణ్యమైన ఉత్పత్తులను అందుబాటులోకి తీసుకురావాలని, విజయ ఉత్పత్తులను రాష్ట్ర సరిహద్దులు దాటి దేశవ్యాప్తంగా విస్తరించాలని మంత్రి తుమ్మల సూచించారు.ఈ కార్యక్రమంలో రాజేంద్రనగర్ ఎమ్మెల్యే ప్రకాశ్ గౌడ్, వ్యవసాయశాఖ కార్యదర్శి సురేంద్రమోహన్, ఆయిల్ ఫెడ్ ఎండీ యాస్మిన్ బాషా, రిటైర్డ్ ఐ.పి.ఎస్ శ్రీనివాస్ రెడ్డి మరియు రైతులు పాల్గొన్నారు.ఇదీ చదవండి: కెప్టెన్‌ స్మిత్‌ మచ్చర్‌ తెగువకు టీజీ గవర్నర్‌ ప్రశంసలు

హైదరాబాద్‌: ప్రమాదకర పరిస్థితుల్లో ప్రాణాలను లెక్కచేయకుండా 174 మంది ప్రయాణికుల ప్రాణాలను కాపాడిన కెప్టెన్‌ స్మిత్‌ మచ్చర్‌ ధైర్యసాహసాలను తెలంగాణ గవర్నర్‌ శివప్రతాప్‌ శుక్లా అభినందించారు.శుక్రవారం లోక్‌భవన్‌లో మాట్లాడుతూ..విమానం ప్రమాదానికి గురయ్యే అవకాశం ఉన్న క్షణాల్లోనూ కెప్టెన్‌ అప్రమత్తత, సమయస్ఫూర్తితో వ్యవహరించారని గవర్నర్‌ పేర్కొన్నారు. కేవలం 30 సెకన్లు ఆలస్యమైనా పరిస్థితి మరింత విషమంగా మారేదన్నారు. అసాధ్యమనుకున్న పరిస్థితిని తన ధైర్యంతో సాధ్యంగా మార్చి ప్రయాణికుల ప్రాణాలను కాపాడారని ప్రశంసించారు.కెప్టెన్‌ స్మిత్‌ మచ్చర్‌ చూపిన తెగువ, మానవతా దృక్పథం భారతదేశానికి గర్వకారణమని గవర్నర్‌ అన్నారు. ఆయన కుటుంబ సభ్యులను అభినందిస్తూ.. కెప్టెన్‌ సంపూర్ణ ఆరోగ్యంతో మరింత కాలం సేవలందించాలని ఆకాంక్షించారు.ఇదీ చదవండి: ఆ చిన్నారి లేకపోతే ఎంత ఘోరం జరిగేదో?

హైదరాబాద్‌: ఏఐసీసీ నేత రాహుల్‌ గాంధీకి మాజీ మంత్రి, బీఆర్‌ఎస్‌ ఎమ్మెల్యే హరీష్‌రావు లేఖ రాశారు. ప్రభుత్వ రంగ సంస్థల ప్రైవేటీకరణ అంశానికి సంబంధించి రాహుల్‌ గాంధీకి హరీష్‌ లేఖ రాశారు. ఈ ప్రైవేటీకరణ అంశంపై రాహుల్‌ వెంటనే జోక్యం చేసుకోవాలని కోరారు. టీజీ-ట్రాన్స్‌కో, టీజీ-జెన్‌కో, సింగరేణి, డిస్కంల ప్రైవేటీకరణకు తెలంగాణ కాంగ్రెస్‌ ప్రభుత్వం చేస్తున్న ప్రయత్నాలను అడ్డుకోవాలన్నారు. కాంగ్రెస్‌ జాతీయ విధానం ఢిల్లీలో ఒకలా.. తెలంగాణలో మరోలా ఎందుకు? అని ప్రశ్నించారు హరీష్‌, కాంగ్రెస్‌ మేనిఫెస్టో, రాయ్‌పూర్‌ ఆర్థిక తీర్మానాలను తెలంగాణ ప్రభుత్వం పాటిస్తుందా? స్పష్టం చేయాలని డిమాండ్‌ చేశారు. దశాబ్దాలుగా ప్రభుత్వాలు నిర్మించిన ప్రజా ఆస్తులను రేవంత్‌ ప్రైవేటీకరించడం దుర్మార్గమన్నారు.ఇదీ చదవండి: ఖైరతాబాద్‌లో వందశాతం మేమే గెలుస్తాం..

హైదరాబాద్‌: ఖైరతాబాద్‌ అసెంబ్లీ నియోజవర్గం ఉప ఎన్నికల్లో కచ్చితంగా తామే గెలుస్తామని మాజీ మంత్రి, బీఆర్‌ఎస్‌ నేత తలసాని శ్రీనివాస్‌ యాదవ్‌ ధీమా వ్యక్తం చేశారు. వందకు వందశాతం తామే గెలుస్తామన్నారు. ఉప ఎన్నికల్లో ప్రభుత్వ పార్టీకి కొంత అడ్వాన్స్‌ ఉంటుదనే మాట వాస్తవమే కావొచ్చు కానీ తాము ఇక్కడ గెలిచి చూపెడాతామన్నారు తలసాని. అక్కడ ఎమ్మెల్యేపై అనర్హత వేటు పడిన సందర్బంలో ఓటర్లు కూడా ప్రతిపక్ష పార్టీ పట్టం కడతారన్నారు. ఖైరతాబాద్‌ నియోజవర్గం అనేది ప్రత్యేకమైన నియోజకవర్గమన్నారు తలసాని. మీడియాతో చిట్‌చాట్‌లో భాగంగా తలసాని మాట్లాడుతూ.. సీఎం రేవంత్‌ సిరిసిల్ల పర్యటన ద్వారా ప్రభుత్వంపై చాలా వ్యతిరేకత వచ్చిందన్నారు. ‘సీఎం రేవంత్‌ సిరిసిల్ల పోయాడు.. సిద్దిపేట పోత అంటున్నాడు.. తర్వాత మేము కొడంగల్‌లో సభ పెడతాం. రానున్న రోజుల్లో కరెంట్ కోతలు తీవ్రంగా రానున్నాయి.దేశ రాజకీయాల్లో సెంటిమెంట్ చాలా పని చేస్తోంది. మొన్న మాక్ అసెంబ్లీ పెడితే ఏం జరిగింది చూశాం. మాజీ ముఖ్యమంత్రి ఇంటి మీదకు భూ సర్వే కు పంపిస్తారా?, కేసీఆర్ వ్యవసాయ క్షేత్రానికి ఎంపీలు వెళతారా?’ అని ప్రశ్నించారు. ఇదీ చదవండి: దానం ఎపిసోడ్‌.. విజయారెడ్డి కీలక వ్యాఖ్యలు

సాక్షి, హైదరాబాద్‌: సంచలనం సృష్టించిన బొల్లారం ఆయుధాల చోరీ కేసులో షాకింగ్‌ విషయాలు వెలుగులోకి వస్తున్నాయి. ప్రధాన నిందితుడు మాజీ హవల్దార్‌ ఉప్పుతోళ్ల మల్లేశ్‌ నుంచి పోలీసులు కీలక విషయాలు రాబట్టారు. 2009లో ఆర్మీలో చేరిన నిందితుడు మల్లేశ్‌.. ఆయుధాలపై ప్రత్యేక శిక్షణ తీసుకోగా, విధుల్లో నిర్లక్ష్యం కారణంగా పలుమార్లు మల్లేశ్‌పై అధికారులు చర్యలు తీసుకున్నారు. 2025లో ఆర్థిక ఇబ్బందులు కారణంగా ఆయుధాల చోరీకి ప్లాన్‌చేశాడు.కాగా, ఈ కేసులో మరో ఇద్దరి పాత్రను పోలీసులు గుర్తించిన సంగతి తెలిసిందే. మల్లేశ్‌కు ఆయుధాలు భద్రపరిచే ఇద్దరు గోడౌన్‌ కీపర్లు ప్రత్యక్షంగా సహకరించినట్లు ఆధారాలు లభించడంతో ఆయుధాల గోడౌన్‌ కీపర్లు వినోద్, శేషులను పోలీసులు అదుపులోకి తీసుకున్నారు. మల్లేశ్‌కు, వీరిద్దరికీ మధ్య భారీగా ఆర్థిక లావాదేవీలు జరిగినట్లు తేలింది. మల్కాజ్‌గిరి పోలీసులు మల్లేశ్‌ను ఘటనా స్థలానికి తీసుకెళ్లి సీన్‌ రీకన్‌స్ట్రక్షన్‌ చేశారు. పది రోజుల పోలీసు కస్టడీలో ఉన్న మల్లేశ్‌ను విచారించగా ఈ చోరీ వెనుక ఉన్న అంతర్గత సంబంధాలు, పక్కా వ్యూహం బయటపడ్డాయి.ఆయుధాల చోరీకి మల్లేశ్‌ నాలుగు నెలల క్రితమే స్కెచ్‌ వేసినట్లు తేలింది. మల్లేశ్‌ సెక్యూరిటీ డ్యూటీలో ఉన్న నలుగురు ఆర్మీ సిబ్బందితో నిరంతరం సంప్రదింపులు జరిపేవాడు. ఆదివారం రాత్రి 8 గంటలకే అక్కడి సీసీటీవీ కెమెరాలు నిలిపివేస్తారని, అలాగే ఆ రోజు గార్డుల పహారా కూడా తక్కువగా ఉంటుందని వారి ద్వారా మల్లేశ్‌ సమాచారం సేకరించాడు. జూన్‌ 30న ఉద్యోగ విరమణ పొందిన మల్లేశ్, తనపై క్రమశిక్షణా చర్యలు తీసుకున్న ఉన్నతాధికారులను ఇబ్బందుల్లోకి నెట్టాలనే కక్షతోనే ఆగస్టు 30వ తేదీ రాత్రి 11 గంటల సమయంలో ఈ చోరీకి పాల్పడ్డాడు.ఆర్మీలో చేరకముందే మల్లేశ్‌కు నేరచరిత్ర ఉన్నట్లు పోలీసుల పరిశీలనలో తేలింది. 2005లో అచ్చంపేట పోలీస్‌ స్టేషన్‌లో ఒక దొంగతనం కేసు, అలాగే 2007లో అమ్రాబాద్‌ పరిధిలో బంగారం, వెండి దొంగతనం కేసులో అతను నిందితుడిగా ఉన్నాడు. అయినప్పటికీ, 2010లో అతను ఆర్మీ ఉద్యోగానికి ఎలా ఎంపికయ్యాడనే కోణంలో మిలిటరీ ఇంటెలిజెన్స్, స్థానిక పోలీసులు విడివిడిగా లోతైన దర్యాప్తు జరుపుతున్నారు.ఇదీ చదవండి: నర్సింగ్ విద్యార్థిని కేసులో సంచలన ట్విస్ట్‌

సాక్షి, హైదరాబాద్‌: మెట్రో-ఆర్టీసీ కామన్ పాస్‌లను డిప్యూటీ సీఎం భట్టి విక్రమార్క ప్రారంభించారు. ఈ కార్యక్రమంలో మంత్రులు పొన్నం ప్రభాకర్, వివేక్ వెంకట్ స్వామి, అజారుద్దీన్ పాల్గొన్నారు. అనంతరం ఆటో ఛార్జీల సవరణ చేస్తూ డిప్యూటీ సీఎం భట్టి విక్రమార్క జీవో విడుదల చేశారు. ప్రజాభవన్‌లో నిర్వహించిన కార్యక్రమంలో కామన్‌ పాస్, ‘మీ టికెట్‌’ మొబైల్‌ యాప్‌లను లాంఛనంగా డిప్యూటీ సీఎం భట్టి విక్రమార్క ప్రారంభించారు. రేపు ఉదయం(శనివారం) 10 గంటలకు బేగంపేట నుంచి ఆర్టీసీ - మెట్రో కామన్ పాస్ ద్వారా మెట్రోలో డిప్యూటీ సీఎం భట్టి విక్రమార్క, మంత్రులు ప్రయాణం చేయనున్నారు. ఈ సందర్భంగా భట్టి విక్రమార్క మాట్లాడుతూ.. హైదరాబాద్‌లో వేల కోట్లతో అభివృద్ధి పనులు చేపడుతున్నామన్నారు. హైదరాబాద్‌ను ప్రపంచలోనే తలమానికంగా ఉండేలా తీర్చి దిద్దుతున్నాం. హైదరాబాద్ దేశానికి దశదిశలా మారేలా చేస్తున్నామన్నారు.కాగా, ఉమ్మడి పాస్‌లు అన్ని మెట్రో స్టేషన్‌లలో లభించనున్నాయి. ఈ పాస్‌లతో పుష్పక్‌ మినహా ఔటర్‌రింగ్‌ లోపల నడిచే అన్ని ఏసీ, నాన్‌ ఏసీ బస్సుల్లో, మెట్రో రైళ్లలో వినియోగించుకోవచ్చు. నగర బస్సుల్లో నిత్యం సుమారు 25 లక్షలు, మెట్రో రైళ్లలో 4.50 లక్షల మంది ప్రయాణం చేస్తున్నారు. రోజువారీ ప్రయాణాలకు చాలామంది బస్సు, మెట్రో రెండింటినీ ఉపయోగిస్తున్నారు. ఈ రెండు సేవల మధ్య సులభంగా మారే సౌకర్యం ఉమ్మడి పాస్‌లతో లభించనుంది.రెండు రకాలుగా.. కార్డుకు అదనంగా రూ.వంద రెండు రకాల ఉమ్మడి పాస్‌లు ఉంటాయి. రోజువారీ పాస్‌ ధర రూ.400, నెలవారీ పాస్‌ ధర రూ.8500 చొప్పున ఉంటుంది. ఈ చార్జీల్లో డెయిలీ పాస్‌పై రూ.100, నెలవారీ పాస్‌పై రూ.1500 చొప్పున ఆర్టీసీ ఖాతాలో జమ అవుతాయి. మెట్రోకు డెయిలీపై రూ.300, మంత్లీ పాస్‌పై రూ.7,000 చొప్పున లభిస్తాయి. మొదటిసారి ఉమ్మడి పాస్‌ను కొనుగోలు చేసినప్పుడు కార్డు ధర రూ.100 అదనంగా చెల్లించాలి. దీనిని తిరిగి ఇచ్చేటప్పుడు రూ.వంద వాపస్‌ ఇస్తారు.సిటీ బస్సుల్లో టికెట్‌ లెస్‌ జర్నీ.. మరోవైపు సిటీ బస్సుల్లోలో టికెట్‌లెస్‌ జర్నీ సదుపాయాన్ని ఆర్టీసీ ప్రవేశపెట్టింది. కాగితపు టికెట్లకు బదులు మీ టికెట్‌ మొబైల్‌ యాప్‌ ద్వారా బుక్‌ చేసుకోవచ్చు. ఈ యాప్‌లో ప్రయాణికులు బస్సు ఎక్కే ప్రదేశం, గమ్యస్థానాలను ఎంపిక చేసుకొని డిజిటల్‌ విధానంలో సులభంగా చార్జీలను చెల్లించవచ్చు. చెల్లింపు పూర్తయిన వెంటనే యాప్‌లో డైనమిక్‌ క్యూఆర్‌ కోడ్‌తో కూడిన డిజిటల్‌ టికెట్‌ వస్తుంది. ప్రయాణ సమయంలో దీనిని కండక్టర్‌కు చూపిస్తే సరిపోతుంది. డిజిటల్‌ వీక్లీ బస్‌ పాస్‌ రూ.600 మీ టికెట్‌ మొబైల్‌ యాప్‌ ద్వారా ప్రయాణికులు రూ.600 చెల్లించి డిజిటల్‌ వీక్లీ బస్‌ పాస్‌ కూడా తీసుకోవచ్చు. బస్‌పాస్‌ కౌంటర్‌లకు వెళ్లాల్సిన అవసరం లేకుండా యాప్‌లోనే వీక్లీ పాస్‌లను కొనుగోలు చేయవచ్చు. ఈ పాస్‌తో వారం పాటు అన్ని బస్సుల్లో అపరిమిత ప్రయాణం చేసే అవకాశం ఉంటుంది. గడువు ముగిసిన వెంటనే మొబైల్‌ యాప్‌లోనే అప్పటికప్పుడు రెన్యూవల్‌ చేసుకోవచ్చు. ఇదీ చదవండి: ప్రయాణికులకు బిగ్‌ షాక్‌..

సాక్షి,హైదరాబాద్: తెలంగాణలో ఆటో రిక్షా ప్రయాణికులకు రాష్ట్ర ప్రభుత్వం షాక్ ఇచ్చింది. చాలా కాలంగా డిమాండ్ చేస్తున్న ఆటో ఛార్జీల పెంపుపై ఎట్టకేలకు ప్రభుత్వం స్పష్టంచేసింది. ఆటో రిక్షా కొత్త ఛార్జీలను అధికారికంగా ఖరారు చేస్తూ జీవో నంబర్ 46ను జారీ చేసింది. ఈ మేరకు తక్షణమే తదుపరి చర్యలు తీసుకోవాలని తెలంగాణ రవాణా శాఖను ప్రభుత్వం ఆదేశించింది.ఆటోలో ప్రయాణం ప్రారంభించిన తొలి 1.6 కిలోమీటర్లకు గాను కనీస ఛార్జీని రూ.30గా ప్రభుత్వం నిర్ణయించింది. తొలి 1.6 కిలోమీటర్ల తర్వాత ప్రయాణించే ప్రతి అదనపు కిలోమీటర్‌కు రూ.14 చొప్పున వసూలు చేయనున్నారు. ప్రయాణ సమయంలో ట్రాఫిక్ లేదా ఇతర కారణాల వల్ల ఆటో ఆగి ఉన్నప్పుడు నిమిషానికి 75 పైసల చొప్పున వెయిటింగ్ ఛార్జీని ఖరారు చేశారు. రాత్రి 11 గంటల నుంచి ఉదయం 5 గంటల వరకు ప్రయాణించే ప్రయాణికులు సాధారణ ఛార్జీపై అదనంగా 50 శాతం అదనపు ఛార్జీ చెల్లించాల్సి ఉంటుంది.లగేజీ నిబంధనలు ఇవే ఆటోలో ప్రయాణిం చేటప్పుడు వెంట ఉండే లగేజీకి సంబంధించి ప్రభుత్వం ప్రత్యేక నిబంధనలను పొందుపరిచింది. ప్రయాణికుడు తన వెంట సాధారణంగా ఉండే బ్రీఫ్‌కేస్, హ్యాండ్‌ బ్యాగ్‌లను ఉచితంగా తీసుకెళ్లవచ్చు. వీటి మినహా ఇతర పెద్ద ప్యాకేజీలు, లగేజీ ఉంటే వాటికి కిలోమీటరుకు 50 పైసల చొప్పున అదనపు ఛార్జీ వర్తిస్తుంది.ఆటోలో తీసుకెళ్లే లగేజీ గరిష్ఠ పరిమితిని 100 కిలోలుగా పరిమితం చేశారు.డిజిటల్ మీటర్ల సవరణకు గడువు ప్రభుత్వం ఖరారు చేసిన ఈ కొత్త ఛార్జీలకు అనుగుణంగా ఆటోల్లోని డిజిటల్ మీటర్లను సవరించు కోవడానికి ఆటో డ్రైవర్లు,యజమానులకు మూడు నెలల గడువు ఇచ్చారు. అలాగే ప్రయాణికులకు పాత, కొత్త ఛార్జీల వివరాలు స్పష్టంగా తెలిసేలా ఆటోల్లో విధిగా ఫేర్ కార్డులను ప్రదర్శించాలని అధికారులు స్పష్టం చేశారు.

సాక్షి, హైదరాబాద్‌: ’’దానం నాగేందర్ ఎన్నికల చెల్లకపోతే నన్నే ఎమ్మెల్యేగా ప్రకటించే అవకాశం ఉంది’’ అని కాంగ్రెస్‌ నాయకురాలు విజయారెడ్డి కీలక వ్యాఖ్యలు చేశారు. శుక్రవారం ఆమె సాక్షి మీడియా మాట్లాడుతూ.. దానం నాగేందర్‌పై అసెంబ్లీ ఎన్నికలు పూర్తయిన 45 రోజుల లోపే ఎన్నికల పిటిషన్ వేశానని.. కోర్టుపై నాకు పూర్తి నమ్మకముందన్నారు.’’దానం నాగేందర్ ఎన్నికల చెల్లకపోతే నన్నే ఎమ్మెల్యేగా ప్రకటించే అవకాశముంది. నా వాదనను కోర్టు అంగీకరిస్తుందని భావిస్తున్నాను. ఎన్నికల పిటిషన్‌పై తీర్పు రాకుండా ఉప ఎన్నికలు చేయకూడదని సుప్రీం కోర్టు తీర్పు ఉంది. నా పిటిషన్ పక్కన పెడితే కారణాలు ఏంటని మళ్ళీ కోర్టుకు వెళ్తాను. ఉప ఎన్నిక వస్తే అధిష్టానం ఏం చేస్తుందో చూడాలి. మాది జాతీయ పార్టీ... అభ్యర్థి ఎవరనేది అధిష్టానం డిసైడ్ చేస్తుంది’’ అని విజయారెడ్డి పేర్కొన్నారు.ఇదీ చదవండి: ‘దానం వికెట్‌ పడింది.. రెండో వికెట్‌ ఎవరంటే..?’ఏం జరుగుతుందో?ఖైరతాబాద్‌ అసెంబ్లీ స్థానానికి ఉప ఎన్నిక నిర్వహణకు బ్రేక్‌ పడనుంది. తాను దాఖలు చేసిన ఎన్నికల పిటిషన్‌ తేలే వరకు ఉప ఎన్నిక నోటిఫికేషన్‌ ఇవ్వొద్దని 2023 ఎన్నికల నాటి కాంగ్రెస్‌ అభ్యర్థి విజయారెడ్డి హైకోర్టును ఆశ్రయించారు. ఈ పిటిషన్‌పై విచారణ ఇంకా పెండింగ్‌లో ఉంది. ఈ పిటిషన్‌పై తుది తీర్పు వెలువడే వరకు ఉప ఎన్నిక ఆపేలా ఎన్నికల సంఘాన్ని ఆదేశించాలని ఆమె కోరారు. ఎన్నికల నిర్వహణకు న్యాయపరమైన చిక్కులు ఉన్నాయని ఈసీ కూడా అంగీకరించడంతో ఉప ఎన్నిక ఇప్పట్లో జరిగే అవకాశం కనిపించడంలేదని నిపుణులు అంటున్నారు.2023 అసెంబ్లీ ఎన్నికల్లో కాంగ్రెస్‌ అభ్యర్థిగా విజయారెడ్డి, బీఆర్‌ఎస్‌ అభ్యర్థి దానం నాగేందర్‌పై పోటీ చేశారు. ఈ ఎన్నికల్లో దానం విజయం సాధించారు. అనంతరం ఎన్నికల అఫిడవిట్‌లో భార్యతోపాటు తనపై ఆధారపడిన వారి ఆస్తుల వివరాలను పూర్తిగా వెల్లడించలేదని, ఓటర్లను ప్రలోభపెట్టేందుకు నగదు పంపిణీ చేశారని ఆరోపిస్తూ విజయారెడ్డి 2024, జనవరి 20న ఎన్నికల పిటిషన్‌ దాఖలు చేశారు. విచారణ చేపట్టిన జస్టిస్‌ బి.విజయ్‌సేన్‌రెడ్డి ధర్మాసనం.. నాగేందర్‌కు నోటీసులు కూడా జారీ చేసింది. ఈ పిటిషన్‌ 2024, డిసెంబర్‌ తర్వాత విచారణకు రాలేదు.నాగేందర్‌పై ఇటీవల వచ్చిన అనర్హత తీర్పు, విజయారెడ్డి దాఖలు చేసిన ఎన్నికల పిటిషన్‌ వేర్వేరు న్యాయ ప్రక్రియలు. పార్టీ ఫిరాయింపుల నేపథ్యంలో నాగేందర్‌ ఎమ్మెల్యేగా కొనసాగడానికి అనర్హుడని ఓ కేసులో తేలింది. హైకోర్టు సెప్టెంబర్ 18న నాగేందర్‌ను అనర్హుడిగా ప్రకటించగా, సుప్రీంకోర్టులోనూ ఆయనకు ఉపశమనం లభించలేదు. అనంతరం ఖైరతాబాద్‌ స్థానం ఖాళీ అయినట్లు శాసనసభ కార్యదర్శి సెప్టెంబర్‌ 26న గెజిట్‌ నోటిఫికేషన్‌ జారీ చేశారు.దీంతో ఉపఎన్నికకు మార్గం సుగమమైందని అంతా భావించారు. ఈ నేపథ్యంలో తాజా పిటిషన్‌తో ఉప ఎన్నికపై సందిగ్ధత ఏర్పడింది. మరోవైపు, 2023లో ఆయన సాధించిన ఎన్నిక చట్టబద్ధంగా జరిగిందా? లేదా? అన్నది ఎన్నికల పిటిషన్‌లో తేలాల్సి ఉంది. ఈ రెండు అంశాలపై సుప్రీంకోర్టు, హైకోర్టు గత తీర్పులు ఏమిచ్చాయో పరిశీలించాల్సి ఉంది. ఎన్నికల సంఘం వర్సెస్‌ తెలంగాణ రాష్ట్ర సమితి (టీఆర్‌ఎస్‌) కేసులో.. ఎన్నికల పిటిషన్‌ పెండింగ్‌లో ఉన్న సందర్భంలో ఖాళీ అయిన అసెంబ్లీ స్థానానికి ఉప ఎన్నిక నిర్వహణకు సంబంధించిన అంశాన్ని కోర్టు పరిశీలించింది. ప్రజాప్రాతినిధ్య చట్టంలోని సెక్షన్‌ 151ఏ ప్రకారం సాధారణంగా ఖాళీ అయిన స్థానానికి ఆరు నెలల్లోపు ఉప ఎన్నిక నిర్వహించాల్సి ఉన్నా, ఎన్నికను సవాల్‌ చేస్తూ దాఖలైన ఎన్నికల పిటిషన్‌ ఇంకా తుది పరిష్కారం కాకపోతే ఆ ఖాళీని వెంటనే భర్తీ చేయడానికి అందుబాటులో ఉన్న ఖాళీ (క్యాజువల్‌ వేకెన్సీ)గా పరిగణించలేమని పేర్కొంది.ఎన్నికల పిటిషన్‌లో గెలిచిన అభ్యర్థి ఎన్నికను రద్దు చేయాలని మాత్రమే కాకుండా, పిటిషనర్‌ లేదా మరో అభ్యరి్థని విజేతగా ప్రకటించాలని కూడా కోరితే.. ఈ పిటిషన్‌ పెండింగ్‌లో ఉండగా.. అదే స్థానానికి ఉపఎన్నిక నిర్వహిస్తే, ఒకే నియోజకవర్గానికి ఇద్దరు వ్యక్తులు ఎన్నికయ్యే పరిస్థితి ఉత్పన్నమవ్వొచ్చని పేర్కొంది. అందువల్ల అటువంటి పిటిషన్‌ పెండింగ్‌లో ఉన్న స్థానాన్ని సాధారణ ఖాళీగా పరిగణించి ఉపఎన్నిక నిర్వహించలేమనే న్యాయ సూత్రాన్ని స్పష్టం చేసింది. ప్రమోద్‌ లక్ష్మణ్‌ గుడాధే వర్సెస్‌ ఎన్నికల సంఘం కేసులోనూ ఇదే న్యాయ సూత్రాన్ని ప్రస్తావించింది.ఖైరతాబాద్‌ వ్యవహారంలోనూ ఇది కీలకంగా మారనుంది. విజయారెడ్డి దాఖలు చేసిన ఎన్నికల పిటిషన్‌లో దానం ఎన్నికను రద్దు చేయడంతోపాటు తనను శాసనసభ్యురాలిగా ప్రకటించాలని కోరారు. సుప్రీంకోర్టు నిర్దేశించిన న్యాయ సూత్రాన్ని ఇక్కడ కూడా వర్తింపజేసే అంశాన్ని పరిశీలించాల్సి ఉంటుందని న్యాయ నిపుణులు చెబుతున్నారు. సుప్రీంకోర్టు తీర్పుల్లో చర్చించిన అంశాలు, ప్రస్తుత ఖైరతాబాద్‌ స్థానంలో ఖాళీ ఏర్పడిన విధానం, విజయారెడ్డి పాత ఎన్నికల పిటిషన్‌.. అన్ని అంశాలను హైకోర్టు విడిగా పరిశీలించాల్సి ఉంటుందని అంటున్నారు.ప్రస్తుతం ఖైరతాబాద్‌ స్థానాన్ని ఖాళీగా ప్రకటించినందున ఉపఎన్నిక నిర్వహణకు ఎన్నికల సంఘం చర్యలు తీసుకోవాల్సి ఉన్నా.. విజయారెడ్డి తాజా పిటిషన్‌ నేపథ్యంలో ఎన్నికలు నిలిచినట్లేనని చెబుతున్నారు. కాగా, రిట్‌ పిటిషన్‌ విచారణ తర్వాత సీజే ధర్మాసనం ఏ తీర్పునిస్తుందా అనేది తీవ్ర ఉత్కంఠగా మారింది.

కరీంనగర్‌ : పూర్వ విద్యార్థులు గురుభక్తి చాటుకున్నారు. తమకు విద్యాబుద్ధులు నేర్పించిన ఉపాధ్యాయుడికి ఉద్యోగ విరమణ సందర్భంగా ఖరీదైన కారు బహూకరించారు. కరీంనగర్‌ జిల్లా తిమ్మాపూర్‌ డైట్‌ లెక్చరర్‌ గుర్రాల మహేశ్వర్‌రెడ్డి గతనెల 30న ఉద్యోగ విరమణ చేశారు. గురువారం తోటి అధ్యాపకులు, విద్యార్థులు వీడ్కోలు వేడుక నిర్వహించారు. ఈ సందర్భంగా శిషు్యలు, పూర్వవిద్యార్థులు మహేశ్వర్‌రెడ్డికి టాటా టియాగో ఈవీ కారును అందజేశారు. కార్యక్రమానికి ఎస్‌సీఈఆర్టీ డైరెక్టర్‌ గాజర్ల రమేశ్‌ ముఖ్యఅతిథిగా హాజరై మాట్లాడారు. ఉపాధ్యాయ వృత్తి పవిత్రమైనదని, ఎంతటి ఉన్నత స్థానానికి ఎదిగాలన్నా గురువు ఉండాలని, ఉపాధ్యాయుడే తరగతి గది సైనికుడని అన్నారు. నిరంతరం విద్యార్థుల గురించి ఆలోచిస్తూ గొప్పగొప్ప ఆలోచనలు చేస్తూ వాళ్ల పురోగతికి కృషి చేస్తాడో ఆ ఉపాధ్యాయుడు విద్యార్థుల మనసుల్లో సుస్థిరస్థానాన్ని సంపాదించుకుంటాడన్నారు. వేలాది మంది శిష్యప్రశిషు్యలను సంపాదించుకున్న గొప్పగురువు మహేశ్వర్‌రెడ్డి అని కొనియాడారు. మహేశ్వర్‌ రెడ్డి సేవలను స్మరిస్తూ కళాశాల ప్రిన్సిపాల్‌ శ్రీరామ్‌ మొండయ్య ఆటవెలదులలో గురుమహేశ్వరం పేరుతో ఒక శతకాన్ని వెలువరించడం గొప్ప విషయమన్నారు. డైట్‌ ను చూస్తే నందనవనం గుర్తుకు వస్తుందని పిల్లల క్రమశిక్షణ నడవడిక తెలంగాణలోని అన్ని డైట్లకు ఆదర్శంగా ఉందని తెలంగాణలో ఉన్న పది డైట్లలో కరీంనగర్‌ డైట్‌ ప్రథమ స్థానంలో ఉందని, ఇది ఒక సంస్కార కేంద్రమని, వివిధ కళాప్రదర్శనల నిలయమని కొనియాడారు. కవి, అవధాని డాక్టర్‌ గండ్ర లక్ష్మణ్‌రావు మాట్లాడారు. డైట్‌ ప్రిన్సిపాల్‌ శ్రీరామ్‌ మొండయ్య అధ్యక్షతన జరిగిన ఈ కార్యక్రమంలో పూర్వ ప్రిన్సిపాల్‌ జయధీర్‌ రెడ్డి, నిజామాబాద్‌ ప్రిన్సిపాల్‌ శ్రీనివాస్, వరంగల్‌ ఇన్‌చార్జి ప్రిన్సిపాల్‌ సంపత్‌ కుమార్‌ హాజరయ్యారు. రెండు తెలుగు రాష్ట్రాలకు చెందిన పూర్వ విద్యార్థులు పాల్గొన్నారు. ఇదీ చదవండి: Samantha: సమంతకు బిగ్ రిలీఫ్.. బాంబే హైకోర్టు కీలక ఉత్తర్వులు

సాక్షి, భద్రాద్రి కొత్తగూడెం జిల్లా: పదేళ్ల ప్రేమకు మధ్యలో ఓ సారి బ్రేక్‌ పడింది. ఆ తర్వాత కలిసినా యువకుడు దురలవాట్లకు బానిసయ్యాడని తెలిసిన నర్సింగ్‌ విద్యార్థిని దూరం పెట్టింది. దీంతో కక్ష పెంచుకున్న యువకుడు ఆమెను హతమార్చాడు. జూలూరుపాడు మండలం వెంకన్నపాలెంలో గతనెల 22న జరిగిన హత్య కేసును పోలీసులు ఛేదించగా వివరాలను జూలూరుపాడులో సీఐ శ్రీలక్ష్మి, ఎస్‌ఐలు ఎన్‌.జీనత్‌కుమార్, విజయసింహారెడ్డితో కలిసి గురువారం కొత్తగూడెం డీఎస్పీ ఆదినారాయణ వెల్లడించారు.2016–2017 నుంచి వెంగన్నపాలెంకు చెందిన బీఎస్సీ నర్సింగ్‌ విద్యార్థి హరిణి, పక్కింటికి చెందిన దేవరకొండ పవన్‌కుమార్‌ ప్రేమలో ఉన్నారు. కొన్నాళ్లు ప్రేమ వ్యవహారం సాఫీగానే కొనసాగగా, 2020లో గ్రామపెద్దల సమక్షాన పంచాయతీ జరగగా వేర్వేరుగా ఉండాలని నిర్ణయించుకున్నారు. కానీ కొన్నాళ్లకు పవన్‌ ఆమె వెంట పడి ఒప్పించి ప్రేమ కొనసాగిస్తున్నాడు. ఇటీవల పవన్‌ దురలవాట్లకు బానిసయ్యాడని ఆమె తిరస్కరిస్తూ వచ్చింది. అంతేకాక గతనెల 4వ తేదీన ఆయన ఫోన్‌ నంబర్‌ను బ్లాక్‌ చేయడమే కాక ఇన్‌స్టాలో అడ్రస్‌ మార్చింది. ఈక్రమాన హరిణి తనకు దూరమవుతుందని పవన్‌ ఆమెపై కక్ష పెంచుకున్నాడు.ఈ క్రమంలో ఇంటికి వచ్చిన ఆమెతో గతనెల 22న మాట్లాడేందుకు ప్రయత్నించాడు. ఆపై ఆమె తల్లి బయటకు వెళ్లడాన్ని ఆసరగా చేసుకుని మాట్లాడతానంటూ హరిణి ఇంటికి వెళ్లాడు. అప్పటికే అనుమానం వచ్చిన తల్లి మరో యువతిని పంపించగా ఇంటి తలుపులు వేసి ఉన్నాయి. ఈక్రమాన తల్లి వచ్చేలోగా బాత్‌రూమ్‌ వద్ద హరిణి మృతదేహం ఉండడంతో పోలీసులకు ఫిర్యాదు చేయగా విచారణ చేపట్టారు. ఆమె గొంతుపై వైరుతో బిగించి ఉండడం, నుదుటిపై గాయాలు ఉండడం.. ఘటన జరిగిన రోజు నుంచి పవన్‌ కనిపించకుండా పోవడమే కాక ఫోన్‌ స్విచాఫ్‌ కావడంతో ఆయనపైనే అనమానాలు వచ్చాయి.ఇదీ చదవండి: ప్రకాశం జిల్లాలో ‘ఇరుముడి’ సీన్‌ రిపీట్‌!హరిణిని హత్య చేశాక బైక్‌ను సీతారామ కాల్వ వద్ద పెట్టిన పవన్‌ బస్సులో వైజాగ్‌ వెళ్లిపోయాడు. అక్కడి నుంచి తిరుపతికి, బుధవారం ఖమ్మం రాగా, గురువారం జూలూరుపాడు చేరుకున్నాడు. అప్పటికే నిఘా వేసిన పోలీసులు ఆయన ఫోన్‌ లొకేషన్‌ ఆధారంగా అరెస్ట్‌ చేశారు. ఈ మేరకు విచారించగా.. హరిణితో మాట్లాడే క్రమాన ఘర్షణ జరిగిందని, దీంతో తన వద్ద ఉన్న బ్రేక్‌ బైర్‌తో గొంతు బిగించి హతమార్చినట్లు అంగీకరించాడని డీఎస్పీ తెలిపారు. నిందితుడి నుంచి బైక్, హరిణితో పాటు ఆయన ఫోన్‌ స్వాధీనం చేసుకుని కోర్టులో హాజరుపరచనున్నట్లు పేర్కొన్నారు. కాగా, కేసును ఛేదించిన సీఐ శ్రీలక్ష్మి, ఎస్సైలు జీనత్‌కుమార్, విజయ సింహారెడ్డి, సిబ్బందిని డీఎస్పీ ఆదినారాయణ అభినందించారు.

హైదరాబాద్‌: శంషాబాద్‌ ఎయిర్‌పోర్టులో ఒక్కసారిగా టెన్షన్‌ వాతావరణం నెలకొంది. ఎయిర్‌పోర్టు నుంచి కడపకు బయలుదేరిన ఇండిగో విమానం టేకాఫ్‌ అవుతున్న సమయంలో ఓ ప్రయాణికుడు హల్‌చల్‌ చేశాడు. ఎమర్జెన్సీ డోర్‌ తెరిచేందుకు ప్రయత్నించాడు. దీంతో తోటి ప్రయాణికులలో భయానక పరిస్థితి ఏర్పడింది. ఇది గమనించిన విమాన సిబ్బంది వెంటనే అతడిని అడ్డుకుని అదుపులోకి తీసుకున్నారు. దీంతో ప్రయాణీకులు కాస్త ఊపిరిపీల్చుకున్నారు.అలాగే, ఈ సమాచారాన్ని విమాన సిబ్బంది పోలసులకు చేరవేయగా, పోలీసులు ఆ వ్యక్తిని అదుపులోకి తీసుకున్నట్లుగా తెలుస్తోంది. అయితే, అతడు ఎమర్జెన్సీ డోర్‌ తెరిచేందుకు ఎందుకు ప్రయత్నించాడనే విషయం, అలాగే, ఈ ఘటనకు సంబంధించిన పూర్తి వివరాలు ఇంకా తెలియాల్సి ఉంది.ఇదీ చదవండి: గచ్చిబౌలిలో విదేశీ యువతులతో వ్యభిచారం

సాక్షి, హైదరాబాద్‌: హైదరాబాద్‌ ప్రాంతం చరిత్ర, సంస్కృతి, సంప్రదాయాలకు నిలువెత్తు నిదర్శనం. ఏ ప్రాంతానికి వెళ్లినా చారిత్రక నేపథ్యం ఉంటుంది. శివరాంపల్లిలోని బుమ్‌–రుక్న్‌–ఉద్‌–దౌలా చెరువుకు 356 ఏళ్ల చరిత్ర ఉంది. చెరువు కింది భాగంలో 1.50 ఎకరాల విస్తీర్ణంలో ఉన్న ఊట బావికి కూడా అంతే చారిత్రక నేపథ్యం ఉంది. ఇప్పటికే చెరువును పునరుద్ధరించిన హైడ్రా.. ఇప్పుడు ఆ ఊట బావికి కూడా జీవం పోయాలని నిర్ణయించింది. రెండు మూడు నెలల్లో పనులు పూర్తయి.. ఊటబావిలోకి పుష్కలంగా నీరు రానుంది. సీఎం దృష్టికి తీసుకెళ్లడంతో.. బుమ్‌–రుక్న్‌–ఉద్‌–దౌలా చెరువును ముఖ్యమంత్రి రేవంత్‌రెడ్డి గత మార్చి 8న ప్రారంభించి ప్రజలకు అందుబాటులోకి తెచ్చారు. అప్పుడే ఈ చారిత్రక బావి విషయాన్ని హైడ్రా కమిషనర్‌ ఏవీ రంగనాథ్‌ సీఎం దృష్టికి తెచ్చారు. సీఎం ఆదేశాల మేరకు చెరువు పనులను పర్యవేక్షించిన విమోస్‌ టెక్నోక్రాట్స్‌ సంస్థనే ఈ చారిత్రక బావి పునరి్నర్మాణాన్ని కూడా చేపట్టింది. నిజాంలు నీళ్లు తాగిన బావి మూడో నిజాం సికందర్‌ జా పాలనా కాలం 1770లో ఈ సరస్సును నిర్మించినట్లు చరిత్ర చెబుతోంది. అప్పుడు ప్రధానమంత్రిగా ఉన్న నవాబ్‌ రుక్న్‌–ఉద్‌–దౌలా పేరు మీదుగా ఈ సరస్సుకు పేరు వచ్చినట్లు సమాచారం. దాదాపు 100 ఎకరాల విస్తీర్ణంలో ఉన్న ఈ సరస్సు కట్ట, పరిసరాల్లోని ఔషధ మొక్కల ద్వారా నీరు సహజంగా వడపోతకు గురై బౌలిలోకి చేరేది. ఔషధ గుణాలున్న ఈ నీటిని నిజాం పాలకులు తాగేవారని చెబుతుంటారు. ఎడ్ల బండ్ల ద్వారా సుదూర ప్రాంతాలకు తరలించేవారని, లండన్‌ వరకు కూడా ఈ నీటి ప్రయాణం జరిగినట్లు కథనాలు ఉన్నాయి. ఒక సరస్సును కాపాడటమంటే నీరు, ప్రకృతి, వైద్యం, నిజాం రాజవంశ చరిత్రతో ముడిపడిన శతాబ్దాల నాటి వారసత్వాన్ని పరిరక్షించడంగా హైడ్రా భావిస్తోంది. ఇదీ చదవండి: పోలీసులను ఆశ్రయించిన ప్రేమ జంట

సాక్షి, హైదరాబాద్‌: ఒకే టికెట్‌పై సిటీ బస్సులు, మెట్రో రైళ్లలో ప్రయాణం చేసే సదుపాయం అందుబాటులోకి వచ్చింది. ఆర్టీసీ, మెట్రో రోజువారీ, నెలవారీ ఉమ్మడి పాస్‌లు శుక్రవారం నుంచి ప్రారంభం కానున్నాయి. ప్రజాభవన్‌లో నిర్వహించనున్న కార్యక్రమంలో డిప్యూటీ సీఎం భట్టి విక్రమార్క కామన్‌ పాస్, ‘మీ టికెట్‌’ మొబైల్‌ యాప్‌లను లాంఛనంగా ప్రారంభించనున్నారు.ఉమ్మడి పాస్‌లు అన్ని మెట్రో స్టేషన్‌లలో లభించనున్నాయి. ఈ పాస్‌లతో పుష్పక్‌ మినహా ఔటర్‌రింగ్‌ లోపల నడిచే అన్ని ఏసీ, నాన్‌ ఏసీ బస్సుల్లో, మెట్రోరైళ్లలో వినియోగించుకోవచ్చు. నగర బస్సుల్లో నిత్యం సుమారు 25 లక్షలు, మెట్రో రైళ్లలో 4.50 లక్షల మంది ప్రయాణం చేస్తున్నారు. రోజువారీ ప్రయాణాలకు చాలామంది బస్సు, మెట్రో రెండింటినీ ఉపయోగిస్తున్నారు. ఈ రెండు సేవల మధ్య సులభంగా మారే సౌకర్యం ఉమ్మడి పాస్‌లతో లభించనుంది.రెండు రకాలుగా.. కార్డుకు అదనంగా రూ.వందరెండు రకాల ఉమ్మడి పాస్‌లు ఉంటాయి. రోజువారీ పాస్‌ ధర రూ.400, నెలవారీ పాస్‌ ధర రూ.8500 చొప్పున ఉంటుంది. ఈ చార్జీల్లో డెయిలీ పాస్‌పై రూ.100, నెలవారీ పాస్‌పై రూ.1500 చొప్పున ఆర్టీసీ ఖాతాలో జమ అవుతాయి. మెట్రోకు డెయిలీపై రూ.300, మంత్లీ పాస్‌పై రూ.7,000 చొప్పున లభిస్తాయి. మొదటిసారి ఉమ్మడి పాస్‌ను కొనుగోలు చేసినప్పుడు కార్డు ధర రూ.100 అదనంగా చెల్లించాలి. దీనిని తిరిగి ఇచ్చేటప్పుడు రూ.వంద వాపస్‌ ఇస్తారు.సిటీ బస్సుల్లో టికెట్‌ లెస్‌ జర్నీ..మరోవైపు సిటీ బస్సుల్లోలో టికెట్‌లెస్‌ జర్నీ సదుపాయాన్ని ఆర్టీసీ ప్రవేశపెట్టింది. కాగితపు టికెట్లకు బదులు మీ టికెట్‌ మొబైల్‌ యాప్‌ ద్వారా బుక్‌ చేసుకోవచ్చు. ఈ యాప్‌లో ప్రయాణికులు బస్సు ఎక్కే ప్రదేశం, గమ్యస్థానాలను ఎంపిక చేసుకొని డిజిటల్‌ విధానంలో సులభంగా చార్జీలను చెల్లించవచ్చు. చెల్లింపు పూర్తయిన వెంటనే యాప్‌లో డైనమిక్‌ క్యూఆర్‌ కోడ్‌తో కూడిన డిజిటల్‌ టికెట్‌ వస్తుంది. ప్రయాణ సమయంలో దీనిని కండక్టర్‌కు చూపిస్తే సరిపోతుంది. డిజిటల్‌ వీక్లీ బస్‌ పాస్‌ రూ.600మీ టికెట్‌ మొబైల్‌ యాప్‌ ద్వారా ప్రయాణికులు రూ.600 చెల్లించి డిజిటల్‌ వీక్లీ బస్‌ పాస్‌ కూడా తీసుకోవచ్చు. బస్‌పాస్‌ కౌంటర్‌లకు వెళ్లాల్సిన అవసరం లేకుండా యాప్‌లోనే వీక్లీ పాస్‌లను కొనుగోలు చేయవచ్చు. ఈ పాస్‌తో వారం పాటు అన్ని బస్సుల్లో అపరిమిత ప్రయాణం చేసే అవకాశం ఉంటుంది. గడువు ముగిసిన వెంటనే మొబైల్‌ యాప్‌లోనే అప్పటికప్పుడు రెన్యూవల్‌ చేసుకోవచ్చు.ఇదీ చదవండి: చదువు.. ఉపాధి

హైదరాబాద్‌: కొత్తగా దుకాణం ప్రారంభమైనా.. కారు కొనుగోలు చేసినా హిజ్రాలు వచ్చి డబ్బు డిమాండ్‌ చేయడం చూస్తుంటాం.. అయితే ఇపుడు నగరంలో అసలు హిజ్రాలు కాకుండా సిటీలో నకిలీ హిజ్రాలు రెచ్చిపోతున్నారు. బెదిరించి.. బలవంతపెట్టి డబ్బు వసూలు చేస్తున్నారు. ఇలా వసూళ్లకు పాల్పడుతున్న నలుగురిని డీజీపీ ఆదేశాల మేరకు జూబ్లీహిల్స్‌ పోలీసులు గురువారం అరెస్టు చేశారు. జూబ్లీహిల్స్‌ అదనపు ఇన్‌స్పెక్టర్‌ సత్యనారాయణ తెలిపిన మేరకు.. జూబ్లీహిల్స్‌ రోడ్‌ నెంబర్‌–45లోని ట్రూ బ్లాక్‌ కాఫీ షాపునకు గత ఆగస్టు 21న ఓ యువకుడు తాను కొత్తగా కొనుగోలు చేసిన బీఎండబ్ల్యూ కారులో వచ్చాడు. కాఫీ తాగిన తర్వాత బయటకు వచ్చి కారు తీస్తుండగా నలుగురు హిజ్రాలు అడ్డుపడి రూ.5 వేలు డిమాండ్‌ చేశారు. అక్కడే ఉన్న ఓ యూట్యూబర్‌ ఈ దృశ్యాలను వీడియో తీసి ‘ఎక్స్‌’లో పోస్ట్‌ చేశారు.డీజీపీ సీవీ ఆనంద్‌ స్పందించి దర్యాప్తు చేయాలని జూబ్లీహిల్స్‌ పోలీసులను ఆదేశించారు. పోలీసులు సీసీ ఫుటేజీల ఆధారంగా నెల రోజుల పాటు జూబ్లీహిల్స్‌ నుంచి బోడుప్పల్‌ దాకా సుమారు 500 సీసీ కెమెరాలను పరిశీలించారు. టాస్క్‌ఫోర్స్‌ పోలీసుల సహాయంతో నిందితులను బోడుప్పల్‌లో గుర్తించి అదుపులోకి తీసుకున్నారు. బోడుప్పల్‌ కాకతీయ కాలానగర్‌కు చెందిన డైలీ వర్కర్‌ రమేష్‌ (40), సత్యనారాయణ (41), రమేష్‌ (42), యాదగిరి (44)లుగా గుర్తించారు.వీరంతా కొంతకాలంగా హిజ్రాల వేషాలు వేస్తూ దారిలో వెళ్తున్న వారిని అడ్డగించడంతో పాటు గృహప్రవేశం చేస్తున్న ఇళ్ల వద్దకు, కొత్తగా ప్రారంభిస్తున్న షాపుల వద్దకు వెళ్లి డబ్బు డిమాండ్‌ చేస్తున్నట్లుగా తేలింది. మగవాళ్లే హిజ్రాలుగా వేషాలు వేసి ఈ బెదిరింపులకు, బలవంతపు వసూళ్లకు పాల్పడుతున్నట్లుగా గుర్తించారు. ఈ నలుగురిని అరెస్టు చేసి రిమాండ్‌కు తరలించినట్లు డీఐ సత్యనారాయణ తెలిపారు.ఇదీ చదవండి: క్రికెట్‌ బ్యాట్‌తో తలపై కొట్టి.. వడ్డీ వ్యాపారి దారుణ హత్య!

హైదరాబాద్‌: ఓ వ్యక్తిని క్రికెట్‌ బ్యాట్‌తో తలపై కొట్టి దారుణంగా హత్య చేసి కోకాపేటలో పడేశారు. శేరిలింగంపల్లి డీసీపీ శ్రీనివాస్‌ తెలిపిన మేరకు.. కోకాపేటలోని కురుమ సంఘం భవనం ముందు గురువారం ఉదయం ఓ మృతదేహం ఉందని వాకింగ్‌కు వచ్చిన వ్యక్తి గుర్తించి పోలీసులకు సమాచారం ఇచ్చాడు.పోలీసులు పరిశీలించగా అతను ఖమ్మం జిల్లాకు చెందిన వెంకన్న (45) అని గుర్తించామని, అతను డబ్బును వడ్డీలకు ఇచ్చి కార్లు, ద్విచక్ర వాహనాలను తాకట్టు పెట్టుకుంటాడని తేలిందన్నారు. అతని మృతదేహంతో పాటు సంఘటనా స్థలంలో ఉన్న కారు నంబర్‌ ప్లేట్‌ లేకుండా ఉందని, అది శ్రీకాంత్‌ అనే వ్యక్తిదని, మూడు నెలల క్రితం డబ్బు అవసరం ఉండి వెంకన్న వద్ద తాకట్టు ఉంచినట్లు తేలిందన్నారు. మృతుడు భార్య, పిల్లలతో భేదాభిప్రాయాలు వచ్చి పది సంవత్సరాలుగా దూరంగా ఉంటున్నాడన్నారు.మృతుని సోదరి గాందీనగర్‌లో ఉంటుందని తెలిపారు. ఉస్మానియా యూనివర్సిటీ పక్కన ప్రైవేటు హాస్టల్‌లో ఉంటూ పీహెచ్‌డీ చేస్తున్నాడని తేలిందన్నారు. వెంకన్నను వేరే చోట హత్య చేసి తెచ్చి మృతదేహాన్ని ఇక్కడ పడేశారా.. లేక ఇక్కడికే తీసుకువచ్చి హత్య చేశారా.. హత్యకు వడ్డీ వ్యాపార లావాదేవీలే కారణమా.. లేక ఇతర కారణాలు ఏమైనా ఉన్నాయా అనే కోణంలో దర్యాప్తు చేస్తున్నామని డీసీపీ తెలిపారు. త్వరలోనే నిందితులను అరెస్టు చేస్తామన్నారు.ఇదీ చదవండి: ఉద్యోగం రాలేదనే మనస్తాపంతో విషాదం!

హైదరాబాద్‌: ఉద్యోగం రాలేదన్న మనస్తాపంతో ఓ గృహిణి ఆత్మహత్య చేసుకుంది. కుషాయిగూడ పోలీసులు తెలిపిన మేరకు.. స్వాతి మహాజన్‌ (35), గోపాలకృష్ణ తులసీదాస్‌ వాఘలేకు పదేళ్ల క్రితం వివాహం జరిగింది. వీరికి కుమారుడు స్వరూప్‌ (6) ఉన్నాడు. దంపతులు యూకేకు వెళ్లి ఇద్దరూ ఉద్యోగం చేశారు. రెండేళ్ల క్రితం తిరిగి వచ్చి కాప్రాలో నివసిస్తున్నారు. గోపాలకృష్ణకు ఉద్యోగం రాగా స్వాతికి లభించలేదు. దీంతో ఆమె ఇంటి వద్దే ఉండేది.గత నెల 30న పక్కింటి వ్యక్తి మధ్యాహ్నం స్కూల్‌ నుంచి స్వరూప్‌ను తీసుకువచ్చి ఇంటి డోర్‌ కొట్టాడు. స్వాతి ఎంతకీ స్పందించకపోవడంతో విషయాన్ని భర్త గోపాలకృష్ణకు తెలియజేశాడు. ఇంటికి చేరుకున్న గోపాలకృష్ణ తలుపులు బద్దలుగొట్టి లోనికి వెళ్లి చూడగా సీలింగ్‌ ఫ్యాన్‌కు ఉరివేసుకుంది. కేసు నమోదు చేసి దర్యాప్తు జరుపుతున్నట్లు ఎస్‌ఐ సుధాకర్‌ రెడ్డి తెలిపారు.ఇదీ చదవండి: షాకింగ్‌ : 70 ఏళ్ల మహిళను చంపి డ్రమ్‌లో, ట్రిపుల్ మర్డర్స్‌

విద్యార్థి దశలోనే ఉద్యోగంపై అవగాహన కల్పించే దిశగా కేంద్ర ప్రభుత్వం ప్రణాళికలు సిద్ధం చేస్తోంది. దీనిపై అభిప్రాయాలు చెప్పాలని రాష్ట్రాల విద్యాశాఖను కోరింది. నేషనల్‌ ఎడ్యుకేషన్‌ పాలసీ (ఎన్‌ఈపీ)లోనూ ఈ తరహా ప్రతిపాదనలు ఉన్నాయి. మార్పునకు తాము సిద్ధమేనని, ప్రభుత్వ పాఠశాలల్లో మౌలిక వసతుల కల్పన, విద్యార్థుల కౌన్సెలింగ్‌కు అవసరమైన అధ్యాపకులపైనే స్పష్టత ఉండాలని తెలంగాణ విద్యాశాఖ చెబుతోంది. ఆర్థికపరమైన చేయూత ఇవ్వడానికి కేంద్రం సహకరిస్తే తమ వైపు అభ్యంతరం ఉండబోదని ఓ సీనియర్‌ అధికారి తెలిపారు.కార్మిక, విద్యాశాఖల మధ్య సమన్వయం ..: విద్యార్థులను విద్య, నైపుణ్యాభివృద్ధి నుంచి నేరుగా ఉద్యోగాల వైపు తీసుకెళ్లే దిశగా కార్మిక, విద్యా మంత్రిత్వ శాఖలు కలిసి పలు అంశాలను పరిశీలిస్తున్నాయి. విద్యార్థుల విద్యా వివరాలు, నైపుణ్యాలు, ఉద్యోగ అవకాశాలను అనుసంధానించడం, పాఠశా­ల స్థాయిలోనే కెరీర్‌ కౌన్సెలింగ్‌ ఇస్తారు. ఈ విధానంలో ఆటోమేటెడ్‌ పర్మనెంట్‌ అకడమిక్‌ అకౌంట్‌ రిజిస్ట్రీ (అపార్‌) ఐడీలను ఈ–శ్రమ్, నేషనల్‌ కెరీర్‌ సర్వీస్‌ డేటాబేస్‌లతో అనుసంధానించే అంశాన్ని పరిశీలిస్తున్నారు. 11, 12 తరగతుల్లో విద్యార్థులకు నైపుణ్యాలు, ఉద్యోగ అవకాశాలపై ప్రత్యేక కౌన్సెలింగ్‌ అందించాలని భావిస్తున్నారు. వృత్తి విద్య, శిక్షణ అవకాశాలను విద్యార్థులకు ముందుగానే పరిచయం చేస్తారు. ప్రస్తుతం పాఠశాలల్లో కెరీర్‌ మార్గదర్శకత్వం ప్రధానంగా ఉన్నతవిద్య వైపే కేంద్రీకృతమవుతోంది. దీన్ని విస్తరించి వృత్తి విద్య, నైపుణ్య శిక్షణ, ఉద్యోగ అవకాశాలపై అవగాహన కల్పించేందుకు ప్రభుత్వం ప్రయత్నిస్తోంది. 17–18 ఏళ్ల విద్యార్థులకు పాఠశాల స్థాయిలోనే ఉద్యోగ ప్రపంచానికి సంబంధించిన సమాచారం అందించాలని యోచిస్తోంది.డిజిటల్‌తో అడుగులుఅపార్‌ వంటివి విద్యార్థులకు డిజిటల్‌ అకడమిక్‌ గుర్తింపుగా పనిచేస్తుండగా, ఈ–శ్రమ్‌ అసంఘటిత రంగ కార్మికుల డేటాబేస్‌ను నిర్వహిస్తోంది. దీని ద్వారా ఉద్యోగ ఖాళీ­లు, కెరీర్‌ మార్గదర్శకత్వం వంటి సేవలు అందుతున్నా­యి. ఈ వ్యవస్థలను అనుసంధానించ­డం ద్వారా విద్యార్థుల విద్య, నైపుణ్యా­లు, శిక్షణ, ఉద్యోగ సమాచారాన్ని ఒకే డిజిటల్‌ వ్యవస్థలోకి తీసుకురావాలన్నది కేంద్ర ప్రభుత్వ ప్రతిపాదన. 11, 12 తరగతుల్లో నైపుణ్య ఆధారిత, ఉద్యోగం ఏది సాధించుకోవాలి, దానికి ఎలాంటి విద్య నేర్చుకోవాలనే కౌన్సెలింగ్‌తోపాటు వృత్తి శిక్షణకు విద్యార్థులను పరిచయం చేయాలని అధికారులు భావిస్తున్నారు. విద్య, నైపుణ్య శిక్షణ, ఉద్యోగ అవసరాల మధ్య ప్రస్తుతమున్న అంతరాన్ని తగ్గించాల్సిన అవసరం ఉందని ప్రభు త్వ పరిశోధనలు సూచిస్తున్నాయి. మార్చి 2026లో నీతి ఆయోగ్‌ విడుదల చేసిన పత్రం కూడా పాఠశాలలు, కళాశాలలు, నైపుణ్య శిక్షణ సంస్థల్లో అందించే అభ్యాసానికి ఉద్యోగ మార్కెట్‌ అవసరాలతో తగిన అనుసంధానం లేదని పేర్కొంది. ఉన్నత విద్యలోని 50 శాతం మంది విద్యార్థులు ప్రాక్టికల్‌ అనుభవం, పరిశ్రమతో అనుసంధానం కొరవడటాన్ని ప్రధాన సమస్యగా పేర్కొన్నారు. అందువల్ల విద్యార్థులకు ముందుగానే వృత్తి మార్గాలను పరిచయం చేయడం, నైపుణ్య శిక్షణతోపాటు అపార్‌ వంటి వ్యవస్థల ద్వారా వారి విద్యా, నైపుణ్య, పని అనుభవ వివరాలను అనుసంధానించడం ప్రతిపాదనలో కీలక అంశాలుగా ఉన్నాయి. పాఠశాల దశలోనే విద్యార్థులకు వృత్తి రంగాలపై అవగాహన కల్పిస్తే భవిష్యత్‌లో ఉద్యోగ ఎంపికలకు ఉపయోగపడుతుందని అధికారులు చెబుతున్నారు. ప్లంబింగ్, ఎలక్ట్రికల్‌ పనులు వంటి వృత్తి నైపుణ్యాలను కూడా విద్యార్థులకు పరిచయం చేయాలని యోచిస్తున్నారు. విద్యార్థులు ఉన్నత విద్యకు వెళ్లాలా, లేక నైపుణ్య శిక్షణ ద్వారా ఉద్యోగ రంగంలోకి ప్రవేశించాలా అనే విషయంపై ముందుగానే అవగాహన కల్పించడమే లక్ష్యంగా ఈ చర్యలు చేపడుతున్నారు.

సాక్షి, న్యూఢిల్లీ: దేశంలో వస్తు, సేవల పన్ను (జీఎస్టీ) వసూళ్లు సెప్టెంబర్‌ నెలలో సరికొత్త రికార్డును నమోదు చేశాయి. గతేడాది సెప్టెంబర్‌తో పోలిస్తే తెలంగాణ 18 శాతం వృద్ధితో దూసుకెళ్లింది. జాతీయస్థాయిలో స్థూల జీఎస్టీ రాబడి తొలిసారిగా రూ.2 లక్షల కోట్ల మైలురాయిని దాటి కేంద్ర, రాష్ట్ర ఖజానాలకు భారీగా నిధులు సమకూర్చింది. దేశవ్యాప్తంగా సెప్టెంబర్‌ 2026లో స్థూల జీఎస్టీ ఆదాయం రూ.2,03,521 కోట్లకు చేరింది. 2025 సెప్టెంబర్‌ వసూళ్లు రూ.1,77,365 కోట్లతో పోలిస్తే 14.7 శాతం పెరిగింది. తెలంగాణ వసూళ్ల జోరు సెప్టెంబర్‌ 2026 నెలకుగాను తెలంగాణలో మొత్తం రూ.5,327 కోట్ల స్థూల జీఎస్టీ వసూళ్లు నమోదయ్యాయి. గతేడాది సెప్టెంబర్‌లో వచ్చిన రూ.4,512 కోట్లతో పోలిస్తే ఇది 18 శాతం పెరుగుదల. రాష్ట్రాల వారీగా ఎస్జీఎస్టీ, ఐజీఎస్టీ సెటిల్‌మెంట్‌ లెక్కలను పరిశీలిస్తే సెప్టెంబర్‌లో తెలంగాణకు ప్రీ–సెటిల్‌మెంట్‌ ఎస్జీఎస్టీ రూపంలో రూ.2,002 కోట్లు సమకూరాయి. ఐజీఎస్టీ సర్దుబాటు తర్వాత (పోస్ట్‌–సెటిల్‌మెంట్‌) ఈ మొత్తం రూ.4,402 కోట్లకు చేరింది.గతేడాది సెప్టెంబర్‌ పోస్ట్‌–సెటిల్‌మెంట్‌ రాబడి రూ.3,870 కోట్లతో పోలిస్తే ఇది 14 శాతం అధికం. ప్రస్తుత ఆర్థిక సంవత్సరం మొదటి అర్ధభాగంలో (ఏప్రిల్‌–సెప్టెంబర్‌) రాష్ట్రంలో మొత్తం దేశీయ వసూళ్లు 13.8 శాతం వృద్ధితో రూ.33,765 కోట్లకు పెరిగాయి. ఇందులో కేంద్ర పరిధిలోని పన్నుల నుంచి రూ.16,618 కోట్లు, రాష్ట్ర పరిధిలోని పన్నుల నుంచి రూ.17,147 కోట్లు వచ్చాయి. ఆరు నెలల కాలానికి పోస్ట్‌–సెటిల్‌మెంట్‌ ఆదాయం 18 శాతం వృద్ధితో రూ.22,231 కోట్లుగా నమోదైంది.

సాక్షి, హైదరాబాద్‌: సంక్షేమ గురుకుల విద్యా సంస్థలు, సంక్షేమ వసతి గృహాలు, కేజీబీవీ (కస్తూర్బా గాంధీ బాలికల విద్యాలయాలు)లకు నిత్యావసర సరుకుల సరఫరా ప్రశ్నార్థకంగా మారింది. సరుకుల పంపిణీకి ప్రభుత్వం కొత్త కాంట్రాక్టర్‌ను ఎంపిక చేసి, సరఫరా బాధ్యతలు అప్పగించింది. ఇందులో భాగంగా క్షేత్రస్థాయిలో విద్యాసంస్థల డిమాండ్‌కు తగినట్టుగా ఇండెంట్లు ఇచ్చినా, సరుకుల జాడ లేదు. ఆయా విద్యా సంస్థల నిర్వాహకులు ఆగస్టు నెలాఖరులోనే ఇండెంట్లు సమర్పించారు. వాటి ఆధారంగా సెప్టెంబర్‌ నెల మొదటివారంకల్లా సరుకులు సరఫరా చేయాలి. కానీ అక్టోబర్‌ నెల ప్రారంభమైనా, ఇప్పటికీ సరుకులు అందలేదు. దీంతో విద్యార్థుల భోజనానికి ఇబ్బందులు తలెత్తే ప్రమాదం ఉండడంతో అత్యవసర పరిస్థితిలో విద్యాసంస్థల ప్రిన్సిపాల్స్, వార్డెన్లు పాత కాంట్రాక్టర్‌ను ఆశ్రయించి సరుకులు తీసుకున్నారు. తొలి నెలలోనే బాధ్యత­లు తీసుకున్న కాంట్రాక్టరు తొలి నెల కోటాకే కోత పెట్టాడు. 10 లక్షల మంది విద్యార్థులు..: రాష్ట్రవ్యాప్తంగా 1,080 గురుకుల విద్యా సంస్థలు, కేజీబీవీలున్నాయి. ఇవిగాకుండా 2 వేల సంక్షేమ వసతి గృహాలున్నాయి. సంక్షేమ గురుకులాల్లో 6.3 లక్షల మంది విద్యార్థులుండగా, కేజీబీవీల్లో 1.25 లక్షల మంది, వసతి గృహాల్లో 2 లక్షల మంది.. మొత్తంగా 10 లక్షల మందికి విద్యార్థులున్నారు.గురుకులాలు, హాస్టళ్లు, కేజీబీవీలకు 2026–27 విద్యా సంవత్సరానికి అవసరమైన నిత్యావసర వస్తువుల సరఫరా కోసం ప్రభుత్వం ఈ ఏడాది మే నెలలో టెండర్లు పిలిచింది. మొత్తం 88 రకాల వస్తువులను మూడు కేటగిరీలుగా విభజించింది. ఈ టెండర్‌ ప్రక్రియలో నేషనల్‌ ఫెడరేషన్‌ ఆఫ్‌ ఫార్మర్స్‌ ప్రొక్యూర్‌మెంట్‌ ప్రాసెసింగ్‌ అండ్‌ రిటైలింగ్‌ కోఆపరేటివ్స్‌ ఆఫ్‌ ఇండియా లిమిటెడ్‌ సంస్థ అర్హత సాధించడంతో ప్రభుత్వం సరఫరా బాధ్యతలు అప్పగించింది. కేటగిరీ–ఏలో 27, కేటగిరీ–బీలో 28, కేటగిరీ–సీలో 33 రకాల సరుకులను సరఫరా చేయాల్సి ఉంది.15 రోజుల్లో సరఫరా చేయాలనే నిబంధన నిర్దేశించిన విద్యా సంస్థల డిమాండ్‌కు తగినట్టుగా సరు­కు­ల ఇండెంట్‌ తక్షణమే ఇవ్వాలని ఎస్సీ గురుకుల సొసైటీ కార్యదర్శి/ప్రాజెక్టు మానిటరింగ్‌ యూనిట్‌­(పీఎంయూ) చైర్మన్‌ ఆగస్టు నెలాఖరులో ఆదేశాలు జారీ చేసింది. ఇందులో భాగంగా అధికారులు ఈ–మెయిల్, అనంతరం యాప్‌ ద్వారా ఇండెంట్లు స్వీకరించారు. వేగంగా సరఫరా చేసేందుకు రాష్ట్రంలోని 33 జిల్లాలను మూడు జోన్లుగా విభజించింది. అయితే ఆర్డర్‌ ఇచ్చిన 15 రోజుల్లోగా సరుకులు సరఫరా చేయాల్సి ఉండగా, గడువు దాటినా సరుకులు చేరలేదు. కాంట్రాక్టరు సరుకుల సరఫరాకు సిద్ధంగా ఉన్నాడని, తొలుత అధికారులు చెప్పినా, ఆచరణలో జాడలేదు. సరుకులు అందకపోవడంతో క్షేత్రస్థాయిలో ప్రిన్సిపాల్స్, వార్డెన్లు తీవ్ర ఆందోళన వ్యక్తం చేశారు. విద్యార్థుల భోజనాలకు తీవ్ర ఇబ్బందులు ఎదురయ్యే పరిస్థితి ఏర్పడింది. మైనార్టీ గురుకుల సొసైటీలోని సంస్థల్లో తీవ్ర ఇబ్బందులు ఎదురయ్యాయి. ఎస్సీ, ఎస్టీ గురుకుల సొసైటీలోనూ పరిస్థితి దారుణంగా మారింది. సంక్షేమ వసతిగృహాలు, కేజీబీవీల్లో కూడా సరుకులు నిండుకోవడంతో ఆందోళన తీవ్రమైంది. దీంతో ఆర్‌సీఓలు, ప్రత్యేక అధికారులు క్షేత్రస్థాయి సిబ్బందికి పాత కాంట్రాక్టర్‌ నుంచే తాత్కాలికంగా సరుకులు సమీకరించాలని మౌఖిక ఆదేశాలు ఇచ్చారు. ఈ మేరకు సరుకులు తెచ్చుకున్నారు. బీసీ గురుకుల సొసైటీ ముందుగా తేరుకొని సరుకుల నిల్వలు సిద్ధం చేసుకుంది. నిబంధనలు పాటించని కాంట్రాక్టు సంస్థపై ప్రభుత్వం కూడా ఇప్పటివరకు ఎలాంటి చర్యలు తీసుకోకపోవడం కొసమెరుపు.

సాక్షి, హైదరాబాద్‌: ఖైరతాబాద్‌ అసెంబ్లీ నియోజకవర్గానికి ఉప ఎన్నిక నిర్వహిస్తారా.. లేదా.. అనే దానిపై సమగ్ర అఫిడవిట్‌ దాఖలు చేయాలని ఎన్నికల కమిషన్‌(ఈసీ)ను హైకోర్టు ఆదేశించింది. తదుపరి విచారణ వచ్చే మంగళవారానికి వాయిదా వేసింది. ఖైరతాబాద్‌ నియోజకవర్గ ఉప ఎన్నిక ఆపాలని కోరుతూ కాంగ్రెస్‌ తరఫున పోటీ చేసిన అభ్యర్థి విజయారెడ్డి హైకోర్టులో పిటిషన్‌ దాఖలు చేశారు. 2023, నవంబర్‌లో జరిగిన ఖైరతాబాద్‌ అసెంబ్లీ ఎన్నికకు సంబంధించి దాఖలైన ఎన్నికల పిటిషన్‌ (ఈపీ) పెండింగ్‌లో ఉన్న నేపథ్యంలో ఉప ఎన్నిక ప్రకటించేందుకు ఎన్నికల సంఘానికి అధికారం లేదన్నారు. గురువారం ఉదయం ఈ పిటిషన్‌ విచారణకు విజ్ఞప్తి చేయడంతో.. మధ్యాహ్నం విచారణకు సీజే ధర్మాసనం అనుమతించింది. మధ్యాహ్నం 2.30 గంటలకు ప్రధాన న్యాయమూర్తి జస్టిస్‌ అపరేశ్‌కుమార్‌ సింగ్, జస్టిస్‌ వాకిటి రామకృష్ణారెడ్డి ధర్మాసనం విచారణ చేపట్టింది. ఈపీ ఫలితం తేలే వరకు.. పిటిషనర్‌ తరఫున సీనియర్‌ న్యాయవాది వేదుల వెంకటరమణ వాదనలు వినిపిస్తూ.. 2023 సాధారణ అసెంబ్లీ ఎన్నికల్లో ఖైరతాబాద్‌ ఎమ్మెల్యేగా ఎన్నికైన దానం నాగేందర్‌.. పార్టీ మారడంతో రాజ్యాంగంలోని పదో షెడ్యూల్‌ కింద అనర్హతకు గురయ్యారని చెప్పారు. దీంతో ఏర్పడిన ఖాళీని ‘క్యాజువల్‌ వేకెన్సీ’గా పరిగణించరాదన్నారు. ఎన్నికల పిటిషన్‌ (ఈపీ) ఇప్పటికే హైకోర్టు పరిధిలో పెండింగ్‌లో ఉన్నందున, దాని తుది ఫలితం వెలువడే వరకు ఖైరతాబాద్‌ నియోజకవర్గానికి ఉప ఎన్నిక ప్రకటించకూడదని కోరారు. ప్రజాప్రాతినిధ్య చట్టంలోని సెక్షన్లు 84, 98, 101 నిబంధనలను ప్రస్తావిస్తూ.. ఈపీలో ఫలితం తేలే వరకు ఉప ఎన్నికకు నోటిఫికేషన్‌ జారీ చేయకుండా ఎన్నికల సంఘాన్ని ఆదేశించాలని అభ్యర్థించారు. దీనికి సంబంధించి సుప్రీంకోర్టు, హైకోర్టు తీర్పులను సమర్పించారు. ఎన్నికల సంఘం తరఫున అవినాశ్‌ దేశాయ్‌ వాదనలు వినిపిస్తూ.. ఖాళీ ఏర్పడిన నేపథ్యంలో ఎన్నికల నిర్వహణకు సంబంధించిన న్యాయపరమైన అంశాలను వివరించారు. పెండింగ్‌లో ఉన్న ఎన్నికల పిటిషన్‌ ఫలితం తేలే వరకు ఎలక్షన్‌ నిర్వహణ సాధ్యం కాదన్నారు. దీంతో అఫిడవిట్‌ దాఖలు చేయాలని ఎన్నికల సంఘాన్ని ధర్మాసనం ఆదేశించింది.

సాక్షి, హైదరాబాద్‌ : గ్రామ పంచాయతీల్లో చెక్కుల చెల్లింపులకు అడ్డంకులు లేకుండా రాష్ట్ర ప్రభుత్వం కీలక ఆదేశాలు జారీచేసింది. అభివృద్ధి పనులు, పారిశుధ్యం, తాగునీటి సరఫరా వంటి అత్యవసర సేవలకు సంబంధించిన బిల్లుల చెల్లింపులు నిలిచిపోకుండా చర్యలు చేపట్టింది. చెక్కులపై సంతకాలు చేయడం లేదా వ్యయాన్ని డిజిటల్‌ సిగ్నేచర్‌ కీ ద్వారా ఆమోదించడంలో ఉప సర్పంచ్‌లు అనవసరంగా జాప్యం చేస్తే చర్యలు తీసుకునేలా జిల్లా కలెక్టర్లకు పంచాయతీరాజ్, గ్రామీణాభివృద్ధి శాఖ ఆదేశాలు జారీ చేసింది. పీఆర్‌ మంత్రి సీతక్క సూచనలకు అనుగుణంగా గురువారం పీఆర్‌ఆర్‌డీ కమిషనర్‌ దివ్య దేవరాజన్‌ మెమో జారీ చేశారు. ఈ ఆదేశాలను వెంటనే అమలు చేసేలా చర్యలు చేపట్టాలని జిల్లా కలెక్టర్లు ఆదేశించారు. పలు గ్రామ పంచాయతీల్లో కొంతమంది ఉప సర్పంచ్‌లు సరైన కారణం లేకుండా చెక్కులపై సంతకాలు చేయకపోవడం వంటి ఫిర్యాదులు రాష్ట్ర ప్రభుత్వానికి అందాయి. కొన్ని గ్రామాల్లో సర్పంచ్‌లు ఉప సర్పంచ్‌ల మధ్య ఆధిపత్య, రాజకీయ, ఇతర కారణాల వల్ల బిల్లుల చెల్లింపు ఆలస్యం అవుతోందని, సర్పంచ్‌ చెక్‌పై సంతకాలు చేసినా, ఉప సర్పంచ్‌లు సంతకాలు చేయడం లేదని పలువురు సర్పంచ్‌లు ప్రభుత్వానికి ఫిర్యాదు చేశారు. దీంతో పంచాయతీల్లో ఆయా పనులకు సంబంధించిన వ్యయాన్ని డిజిటల్‌ సిగ్నేచర్‌ ద్వారా ఆమోదించకపోవడం వల్ల చెల్లింపులు ఆలస్యం అవుతున్నట్టు ప్రభుత్వం దృష్టికి వచ్చింది. సర్పంచ్‌ సంఘాలు మంత్రి సీతక్కను పలుమార్లు కలిసి, ఉప సర్పంచ్‌ల వల్ల గ్రామ అభివృద్ధి కుంటుపడుతోందని, జాయింట్‌ చెక్‌ పవర్‌ను రద్దుచేయాలని విజ్ఞప్తి చేశారు. అయితే ప్రభుత్వం ఉపసర్పంచ్‌లు సంతకం చేసేందుకు ఏడు రోజుల గడువు విధిస్తూ మెమో జారీ చేసింది. కలెక్టర్లకు విచారణ అధికారం బిల్లులకు సంబంధించిన చెక్కులపై సంతకం చేయాలని లేదా డిజిటల్‌ సిగ్నేచర్‌ కీ ద్వారా వ్యయాన్ని ఆమోదించాలని ఉప సర్పంచ్‌కు సమర్పించిన తేదీ నుంచి ఏడు పనిదినాల్లోగా సరైన కారణం లేకుండా సంతకం చేయకపోతే.. దీనిపై జిల్లా కలెక్టర్‌ విచారణ చేపట్టాలని ప్రభుత్వం ఆదేశించింది. సంతకం చేయకపోవడానికి లేదా వ్యయాన్ని ఆమోదించకపోవడానికి నిజమైన కారణం ఉందా లేదా అనే అంశాన్ని విచారణలో పరిశీలించనున్నారు. ఒకవేళ ఉప సర్పంచ్‌ ఉద్దేశపూర్వకంగా చెక్కులపై సంతకం చేయకుండా లేదా డిజిటల్‌ సిగ్నేచర్‌ ద్వారా వ్యయాన్ని ఆమోదించకుండా జాప్యం చేసినట్టు తేలితే తెలంగాణ పంచాయతీరాజ్‌ చట్టం, 2018 ప్రకారం తగిన చర్యలు తీసుకోవాలని జిల్లా కలెక్టర్లకు ఆదేశాలు జారీ అయ్యాయి. మరొకరికి చెక్‌ డ్రాయింగ్‌ పవర్‌ ఉప సర్పంచ్‌ సరైన కారణం లేకుండా చెక్కులపై సంతకం చేయడం లేదా వ్యయాన్ని డిజిటల్‌ సిగ్నేచర్‌ ద్వారా ఆమోదించడంలో జాప్యం చేసినట్టు విచారణలో తేలితే, చెక్కులను డ్రా చేసే అధికారాన్ని మరో చట్టబద్ధమైన అధికారికి అప్పగించేలా జిల్లా కలెక్టర్లు చర్యలు తీసుకోవాలని ప్రభుత్వం ఆదేశించింది. ఈ అధికారాన్ని పంచాయతీ కార్యదర్శి, ఎంపీఓ, ఎంపీడీఓ తదితర చట్టబద్ధ అధికారుల్లో తగిన వారికి అప్పగించే అవకాశం కల్పించారు.చట్టబద్ధమైన అభ్యంతరాలు ఉంటే వాటిని పరిశీలించేందుకు అవకాశం ఉంటుంది. కానీ సరైన కారణం లేకుండా చెల్లింపులను నిలిపివేయడం మాత్రం అనుమతించబోమని తాజా ఆదేశాలు స్పష్టం చేస్తున్నాయి. జిల్లా కలెక్టర్లు, అదనపు కలెక్టర్లు, జిల్లా పంచాయతీ అధికారులు ఈ ఆదేశాల మేరకు అవసరమైన చర్యలు తీసుకోవాలని ఈ ఉత్తర్వుల్లో పంచాయతీరాజ్‌ శాఖ సూచించింది.

సాక్షి, హైదరాబాద్‌: ఖైరతాబాద్‌ అసెంబ్లీ స్థానానికి ఉప ఎన్నిక నిర్వహణకు బ్రేక్‌ పడనుంది. తాను దాఖలు చేసిన ఎన్నికల పిటిషన్‌ తేలే వరకు ఉప ఎన్నిక నోటిఫికేషన్‌ ఇవ్వొద్దని 2023 ఎన్నికల నాటి కాంగ్రెస్‌ అభ్యర్థి విజయారెడ్డి హైకోర్టును ఆశ్రయించారు. ఈ పిటిషన్‌పై విచారణ ఇంకా పెండింగ్‌లో ఉంది. ఈ పిటిషన్‌పై తుది తీర్పు వెలువడే వరకు ఉప ఎన్నిక ఆపేలా ఎన్నికల సంఘాన్ని ఆదేశించాలని ఆమె కోరారు. ఎన్నికల నిర్వహణకు న్యాయపరమైన చిక్కులు ఉన్నాయని ఈసీ కూడా అంగీకరించడంతో ఉప ఎన్నిక ఇప్పట్లో జరిగే అవకాశం కనిపించడంలేదని నిపుణులు అంటున్నారు. 2023 అసెంబ్లీ ఎన్నికల్లో కాంగ్రెస్‌ అభ్యర్థిగా విజయారెడ్డి, బీఆర్‌ఎస్‌ అభ్యర్థి దానం నాగేందర్‌పై పోటీ చేశారు. ఈ ఎన్నికల్లో దానం విజయం సాధించారు. అనంతరం ఎన్నికల అఫిడవిట్‌లో భార్యతోపాటు తనపై ఆధారపడిన వారి ఆస్తుల వివరాలను పూర్తిగా వెల్లడించలేదని, ఓటర్లను ప్రలోభపెట్టేందుకు నగదు పంపిణీ చేశారని ఆరోపిస్తూ విజయారెడ్డి 2024, జనవరి 20న ఎన్నికల పిటిషన్‌ దాఖలు చేశారు. విచారణ చేపట్టిన జస్టిస్‌ బి.విజయ్‌సేన్‌రెడ్డి ధర్మాసనం.. నాగేందర్‌కు నోటీసులు కూడా జారీ చేసింది. ఈ పిటిషన్‌ 2024, డిసెంబర్‌ తర్వాత విచారణకు రాలేదు. 2 న్యాయపర అంశాలు.. 2 వేర్వేరు కేసులు నాగేందర్‌పై ఇటీవల వచ్చిన అనర్హత తీర్పు, విజయారెడ్డి దాఖలు చేసిన ఎన్నికల పిటిషన్‌ వేర్వేరు న్యాయ ప్రక్రియలు. పార్టీ ఫిరాయింపుల నేపథ్యంలో నాగేందర్‌ ఎమ్మెల్యేగా కొనసాగడానికి అనర్హుడని ఓ కేసులో తేలింది. హైకోర్టు సెప్టెంబర్ 18న నాగేందర్‌ను అనర్హుడిగా ప్రకటించగా, సుప్రీంకోర్టులోనూ ఆయనకు ఉపశమనం లభించలేదు. అనంతరం ఖైరతాబాద్‌ స్థానం ఖాళీ అయినట్లు శాసనసభ కార్యదర్శి సెప్టెంబర్‌ 26న గెజిట్‌ నోటిఫికేషన్‌ జారీ చేశారు.దీంతో ఉపఎన్నికకు మార్గం సుగమమైందని అంతా భావించారు. ఈ నేపథ్యంలో తాజా పిటిషన్‌తో ఉప ఎన్నికపై సందిగ్ధత ఏర్పడింది. మరోవైపు, 2023లో ఆయన సాధించిన ఎన్నిక చట్టబద్ధంగా జరిగిందా? లేదా? అన్నది ఎన్నికల పిటిషన్‌లో తేలాల్సి ఉంది. ఈ రెండు అంశాలపై సుప్రీంకోర్టు, హైకోర్టు గత తీర్పులు ఏమిచ్చాయో పరిశీలించాల్సి ఉంది. సుప్రీంకోర్టు సూత్రం ప్రకారం ఎన్నికల సంఘం వర్సెస్‌ తెలంగాణ రాష్ట్ర సమితి (టీఆర్‌ఎస్‌) కేసులో.. ఎన్నికల పిటిషన్‌ పెండింగ్‌లో ఉన్న సందర్భంలో ఖాళీ అయిన అసెంబ్లీ స్థానానికి ఉప ఎన్నిక నిర్వహణకు సంబంధించిన అంశాన్ని కోర్టు పరిశీలించింది. ప్రజాప్రాతినిధ్య చట్టంలోని సెక్షన్‌ 151ఏ ప్రకారం సాధారణంగా ఖాళీ అయిన స్థానానికి ఆరు నెలల్లోపు ఉప ఎన్నిక నిర్వహించాల్సి ఉన్నా, ఎన్నికను సవాల్‌ చేస్తూ దాఖలైన ఎన్నికల పిటిషన్‌ ఇంకా తుది పరిష్కారం కాకపోతే ఆ ఖాళీని వెంటనే భర్తీ చేయడానికి అందుబాటులో ఉన్న ఖాళీ (క్యాజువల్‌ వేకెన్సీ)గా పరిగణించలేమని పేర్కొంది. ఎన్నికల పిటిషన్‌లో గెలిచిన అభ్యర్థి ఎన్నికను రద్దు చేయాలని మాత్రమే కాకుండా, పిటిషనర్‌ లేదా మరో అభ్యరి్థని విజేతగా ప్రకటించాలని కూడా కోరితే.. ఈ పిటిషన్‌ పెండింగ్‌లో ఉండగా.. అదే స్థానానికి ఉపఎన్నిక నిర్వహిస్తే, ఒకే నియోజకవర్గానికి ఇద్దరు వ్యక్తులు ఎన్నికయ్యే పరిస్థితి ఉత్పన్నమవ్వొచ్చని పేర్కొంది. అందువల్ల అటువంటి పిటిషన్‌ పెండింగ్‌లో ఉన్న స్థానాన్ని సాధారణ ఖాళీగా పరిగణించి ఉపఎన్నిక నిర్వహించలేమనే న్యాయ సూత్రాన్ని స్పష్టం చేసింది. ప్రమోద్‌ లక్ష్మణ్‌ గుడాధే వర్సెస్‌ ఎన్నికల సంఘం కేసులోనూ ఇదే న్యాయ సూత్రాన్ని ప్రస్తావించింది. ఖైరతాబాద్‌ విషయంలోనూ.. ఖైరతాబాద్‌ వ్యవహారంలోనూ ఇది కీలకంగా మారనుంది. విజయారెడ్డి దాఖలు చేసిన ఎన్నికల పిటిషన్‌లో దానం ఎన్నికను రద్దు చేయడంతోపాటు తనను శాసనసభ్యురాలిగా ప్రకటించాలని కోరారు. సుప్రీంకోర్టు నిర్దేశించిన న్యాయ సూత్రాన్ని ఇక్కడ కూడా వర్తింపజేసే అంశాన్ని పరిశీలించాల్సి ఉంటుందని న్యాయ నిపుణులు చెబుతున్నారు. సుప్రీంకోర్టు తీర్పుల్లో చర్చించిన అంశాలు, ప్రస్తుత ఖైరతాబాద్‌ స్థానంలో ఖాళీ ఏర్పడిన విధానం, విజయారెడ్డి పాత ఎన్నికల పిటిషన్‌.. అన్ని అంశాలను హైకోర్టు విడిగా పరిశీలించాల్సి ఉంటుందని అంటున్నారు.ప్రస్తుతం ఖైరతాబాద్‌ స్థానాన్ని ఖాళీగా ప్రకటించినందున ఉపఎన్నిక నిర్వహణకు ఎన్నికల సంఘం చర్యలు తీసుకోవాల్సి ఉన్నా.. విజయారెడ్డి తాజా పిటిషన్‌ నేపథ్యంలో ఎన్నికలు నిలిచినట్లేనని చెబుతున్నారు. కాగా, రిట్‌ పిటిషన్‌ విచారణ తర్వాత సీజే ధర్మాసనం ఏ తీర్పునిస్తుందా అనేది తీవ్ర ఉత్కంఠగా మారింది.

సాక్షి, హైదరాబాద్‌: ఓటర్ల జాబితా ప్రత్యేక విస్తృత సవరణ (సర్‌)–2026 ప్రక్రియలో భాగంగా ఓటర్ల తొలగింపు కోసం వచ్చే ఫారం–7 దరఖాస్తులపై బూత్‌ స్థాయి అధికారులు(బీఎల్‌ఓలు), ఎలక్టోరల్‌ రిజిస్ట్రేషన్‌ అధికారుల (ఈఆర్వోలు) ఆధ్వర్యంలో సమగ్ర విచారణ జరిపిన తర్వాతే నిర్ణయం తీసుకుంటారని రాష్ట్ర ఎన్నికల ప్రధాన అధికారి (సీఈఓ) సి.సుదర్శన్‌ రెడ్డి స్పష్టం చేశారు. కర్ణాటక తరహాలో రాష్ట్రంలో సైతం గంపగుత్తగా ముస్లిం ఓటర్ల పేర్లతో ముద్రించిన ఫారం–7 దరఖాస్తులను సమర్పించి భారీ సంఖ్యలో వారి ఓట్లను తొలగించేందుకు ప్రయత్నాలు జరుగుతున్నాయని కాంగ్రెస్‌ పార్టీ చేసిన ఆరోపణలపై ఆయన గురువారం తన కార్యాలయంలో నిర్వహించిన విలేకరుల సమావేశంలో వివరణ ఇచ్చారు. ముషీరాబాద్‌ అసెంబ్లీ నియోజకవర్గంలోని బూత్‌ నంబర్‌ 210 పరిధిలో ఓ ముస్లిం కుటుంబంలోని 30 మంది ఓటర్లను తొలగించాలని కోరుతూ వారి పేర్లతో ప్రింట్‌ చేసిన ఫారం–7 దరఖాస్తులను గంపగుత్తగా బీజేపీ బూత్‌స్థాయి ఏజెంట్‌ సమర్పించిన అంశంపై టీపీసీసీ ఎన్నికల సమన్వయ కమిటీ అంతకుముందు సీఈఓకు ఫిర్యాదు చేసింది. ఎలక్షన్‌ మాన్యువల్‌–2023 ప్రకారం ఓటరు కుటుంబ సభ్యులు, స్థానిక ఓటరు, బీఎల్‌ఓ నుంచి ఫారం–7 దరఖాస్తును స్వీకరిస్తే ఈఆర్వో కార్యాలయ నోటీసు బోర్డుపై 7 రోజులపాటు నోటీసును ప్రదర్శిస్తారని సుదర్శన్‌ రెడ్డి తెలిపారు. ఆ సమయం ముగిశాక ఈఆర్వో దరఖాస్తు/అభ్యంతరాన్ని పరిశీలించి సంతృప్తి చెందితే తదుపరి విచారణ అవసరం లేకుండా ఓటరు పేరు తొలగింపునకు నిర్ణయం తీసుకుంటారన్నారు. ఈఆర్వో సంతృప్తి చెందకుంటే ఫారం–7 దరఖాస్తు చేసిన వ్యక్తితోపాటు సంబంధిత ఓటరుకు వ్యక్తిగతంగా/రిజిస్టర్‌ పోస్టు ద్వారా నోటీసు జారీ చేసి లేదా వారి ఇంటి వద్ద నోటీసు అంటించి విచారణకు పిలుస్తారని తెలిపారు. విచారణలో ఓటరు అనర్హుడని నిర్థారిస్తేనే పేరు తొలగించాలని నిర్ణయిస్తారన్నారు. ఈసీ నుంచి ఫోన్‌కు సందేశం ఫారం–7 దాఖలు చేసినంత మాత్రాన ఓటర్లను తొలగించరని, బీఎల్‌ఓలు క్షేత్రస్థాయిలో విచారణ, ఈఆర్వోల ఆధ్వర్యంలో దరఖాస్తుదారులు, సంబంధిత ఓటర్ల విచారణ తర్వాతే ఓటరు పేరు తొలగింపుపై నిర్ణయం జరుగుతుందని సీఈఓ చెప్పారు. ఓటర్ల జాబితాతో తన ఫోన్‌ నంబర్‌ను అనుసంధానం చేసుకున్న ఓటర్ల పేర్లను తొలగించడానికి ఎవరైనా ఫారం–7 సమర్పిస్తే సంబంధిత ఓటరు ఫోన్‌కు ఎన్నికల సంఘం నుంచి సందేశం అందుతుందని తెలిపారు. ఒకవేళ ఫోన్‌ నంబర్‌ అనుసంధానమై ఉండకపోయినా, పైన పేర్కొన్న విధానంలో చర్యలు తీసుకుంటారని ఓటర్లకు భరోసా కల్పించారు. ఓటరు చనిపోయారనే కారణంతో అతడి పేరును తొలగించాలని ఎవరైనా ఫారం–7 సమర్పిస్తే బీఎల్‌ఓ తప్పనిసరిగా క్షేత్రస్థాయిలో విచారణ జరిపి మరణ ధ్రువీకరణ పత్రాన్ని కుటుంబ సభ్యుల నుంచి తీసుకున్న తర్వాతే ఆ ఓటరు పేరును తొలగిస్తారని తెలిపారు. ఓటరు శాశ్వతంగా చిరునామా మారడంతో అతడి పేరును తొలగించాలని ఫారం–7 దాఖలు చేస్తే సంబంధిత ఓటరుకు నోటీసులు జారీ చేయడంతోపాటు క్షేత్రస్థాయిలో బీఎల్‌ఓ విచారణ అనంతరమే నిర్ణయం ఉంటుందన్నారు.ఇక ఓటర్ల ఇళ్లకు బీఎల్‌ఓలునోటీసులు అందుకున్న ఓటర్లు ఈఆర్వోల కార్యాలయాలకు ఇకపై విచారణకు వెళ్లాల్సిన అవసరం లేదని సుదర్శన్‌ రెడ్డి తెలిపారు. స్థానిక బీఎల్‌ఓలు ఓటర్ల ఇళ్లకు వెళ్లి వారి నుంచి ధ్రువీకరణ పత్రాలు తీసుకుని ఈసీఐ నెట్‌ పోర్టల్‌లో అప్‌లోడ్‌ చేస్తారన్నారు. ఈ పత్రాలను పరిశీలించి ఈఆర్వోలు/అదనపు ఈఆర్వోలు నిర్ణయం తీసుకుంటారని చెప్పారు. ఈ మేరకు సాఫ్ట్‌వేర్‌లో మార్పులు చేశామన్నారు. ప్రత్యేక కేసుల్లోనే ఓటర్లను విచారణకు పిలుస్తారని, ఓటరుకు బదులు కుటంబ సభ్యులు హాజరు కావచ్చన్నారు. నైట్‌ షెల్టర్లు, కూలీలు, పేదలు, నిరాశ్రయులకు సహకరించేందుకు ప్రత్యేక హెల్ప్‌ డెస్క్‌లను ఏర్పాటు చేశామన్నారు. సర్‌లో భాగంగా కొత్త ఓటరుగా నమోదుకు ఫారం–6తోపాటు స్వీయధ్రువీకరణ సమర్పించాల్సి ఉంటుందని, ఆ తర్వాత కాలంలో అవసరం ఉండదన్నారు. సమావేశంలో అదనపు సీఈఓ వాసం వెంకటేశ్వర్‌ రెడ్డి, డిప్యూటీ సీఈఓ జీఎస్‌ చారి పాల్గొన్నారు.

సాక్షి, హైదరాబాద్‌: రాష్ట్రంలో వర్షాభావ పరిస్థితులు నెలకొన్న ప్రాంతాలను గుర్తించి కరువు మండలాలుగా ప్రకటించేందుకు కసరత్తు ప్రారంభమైంది. వర్షపాతం లోటు, సాగు విస్తీర్ణం తగ్గడం తదితర అంశాలను పరిగణనలోకి తీసుకుని మండలాల వారీగా పరిస్థితిని అంచనా వేయాలని మంత్రి తుమ్మల నాగేశ్వరరావు అధికారులను ఆదేశించారు. గురువారం సచివాలయంలో వ్యవసాయశాఖ కార్యదర్శి సురేంద్రమోహన్, మార్కెటింగ్‌ ఎండీ రాహుల్‌రాజ్, హార్టికల్చర్‌ ఎండీ యాస్మిన్‌ బాషా తదితర అధికారులతో మంత్రి సమీక్షించారు. కేంద్ర వ్యవసాయశాఖ రూపొందించిన కరువు నిర్వహణ మార్గదర్శకాల ప్రకారం కరువు పరిస్థితులను గుర్తించాల్సి ఉంటుందన్నారు. కేవలం వర్షపాతం లోటును ప్రాతిపదికగా తీసుకోకుండా.. వర్షపాతం వ్యత్యాసం, ప్రామాణిక వర్షపాత సూచీ (ఎస్‌పీఐ), పొడి కాలం, విత్తిన విస్తీర్ణం, మొక్కల ఆరోగ్య సూచీలు (ఎన్‌డీవీఐ/ఎన్‌డబ్ల్యూఐ), వృక్ష కవచ సూచీ (వీసీఐ), నేల తేమ వంటి అంశాలను పరిశీలించాల్సి ఉంటుందని చెప్పారు. రిజర్వాయర్లలో నీటి నిల్వలు, భూగర్భజలాల పరిస్థితి, ప్రవాహ జలాలు, పశుగ్రాసం లభ్యత, తాగునీటి పరిస్థితి, ఉపాధి అవకాశాలు, ప్రజల వలసలు వంటి అంశాలను పరిగణనలోకి తీసుకోవాలన్నారు. ఈ అంశాల ఆధారంగా వ్యవసాయశాఖ వద్ద ఉన్న సమాచారాన్ని రెవెన్యూ అధికారులకు అందించి కరువు మండలాల ప్రతిపాదనలు సిద్ధం చేయాలని ఆదేశించారు. ఎల్‌నినో పరిస్థితులు, వాతావరణ మార్పుల నేపథ్యంలో కేంద్రం మద్దతు ధర ప్రకటించిన పంటలన్నింటినీ 100 శాతం మద్దతు ధరకు కొనుగోలు చేయాలని మంత్రి తుమ్మల కోరారు.

సాక్షి, సిద్దిపేట: సుమారు 50 ఏళ్ల క్రితం సిద్దిపేటలోని చేనేత కార్మికులు ప్రత్యేకంగా నేసిన చీరల్లో ‘ముత్యంపేట’కు ఓ ప్రత్యేక స్థానం ఉండేది. సిద్దిపేట చేనేతకు ప్రత్యేక గుర్తింపుగా నిలిచిన ‘ముత్యంపేట’చీరలు సరైన గిట్టుబాటు ధర, మార్కెటింగ్‌ లేక కాలగమనంలో కనుమరుగయ్యాయి. అప్పటి నేతన్నల చేతుల్లో రూపుదిద్దుకున్న ఆ ప్రత్యేక అల్లికను ఇప్పుడు మరోసారి మగ్గంపైకి తీసుకొస్తున్నారు. పాత చీరల నమూనాలను ఆధారంగా చేసుకుని.. వాటి ప్రత్యేకతను చెక్కుచెదరకుండా కాపాడుతూ కొత్తగా ముత్యంపేట చీరలను నేసి పూర్వవైభవాన్ని సిద్దిపేట చేనేత కార్మికుడు ఆకుబత్తిని నర్సింహులు తీసుకువస్తున్నారు. ముత్యాలు పొదిగినట్టుగా.. ‘ముత్యంపేట’చీరకు అసలు ప్రత్యేకత దాని అల్లికలోని డిజైన్‌ చీరను చూస్తే నూలుపోగుల మధ్య ముత్యాలు పొదిగినట్టుగా ఆకృతులు కనిపిస్తాయి. రంగుల కలయిక, అంచుల డిజైన్, కొంగులోని ప్రత్యేక అల్లిక చీరకు మరింత అందాన్ని తెస్తాయి. ఒక్కో పోగును జాగ్రత్తగా అమర్చి.. డిజైన్‌ చెక్కుచెదరకుండా మగ్గంపై నేయాల్సి ఉంటుంది. అందుకే సాధారణ చీరతో పోలిస్తే దీనికి ఎక్కువ సమయం తీసుకుంటుంది. 2,800 నిలువు దారాలతో, అడ్డానికి డిజైన్‌ను బట్టి దారం మిలితమై వివిధ రంగుల్లో తయారు చేస్తున్నారు. ఈ మగ్గానికి అనుబంధంగా ప్రత్యేకంగా స్మాల్‌ భీమ్‌ బిగించి చీరలో ఎంబ్రాయిడరీ థ్రెడ్‌(చెక్స్‌)తో ఆకర్షించేలా తీర్చిదిద్దుతుండటం ప్రత్యేకత. ముత్యాలు పొదిగినట్లుగా చుక్కలు ఉండటంతో ముత్యంపేట చీరగా పేరొచ్చిందని చేనేత కార్మికులు చెబుతున్నారు. శ్రమ అవసరం. మగ్గంపై నూలుపోగులు కదులుతున్న ప్రతిసారీ ఓ పాత జ్ఞాపకం కొత్త రూపం దాల్చుతోంది. ఒక తరం నేతన్నల చేతుల్లో పుట్టిన డిజైన్‌ మరో తరం నేతన్నల చేతుల్లో మళ్లీ ప్రాణం పోసుకుంటోంది. సంప్రదాయాన్ని తిరిగి తీసుకువచ్చేలా.. పాత డిజైన్‌ యథాతథంగా పునరావృతం చేయడంతో పాటు.. నేటితరం మహిళల అభిరుచికి తగ్గట్టుగా రంగులు, అల్లికలో స్వల్ప మార్పులు చేస్తూ చీరలను రూపొందిస్తున్నారు. ముత్యంపేట చీర తయారీలో ప్రతి దశలోనూ నైపుణ్యం అవసరం. నూలును సిద్ధం చేయడం నుంచి మగ్గంపై అల్లిక పూర్తయ్యే వరకు నేతన్నలు ఎంతో శ్రద్ధ తీసుకుంటున్నారు. ఒక్క చీరకు దాదాపు మూడు రోజుల వరకు సమయం పడుతోంది. మార్కెటింగ్‌తోనే.. మగ్గానికి కొత్త ఊపు! పాత చేనేత కళకు పునర్జీవం పోసినా.. దాన్ని నిలబెట్టేది మాత్రం మార్కెట్‌. నేతన్నలు తయారు చేసిన చీరలకు సరైన ప్రచారం, ఎగ్జిబిషన్లు, మార్కెటింగ్‌ సౌకర్యం, గిట్టుబాటు ధర లభిస్తే మరిన్ని పాత డిజైన్లను తిరిగి మగ్గంపైకి తీసుకురావచ్చని చేనేత వర్గాలు చెబుతున్నాయి. ప్రభుత్వం, చేనేత శాఖ, సహకార సంఘాలు ప్రత్యేకంగా దృష్టి సారించి ఇలాంటి అరుదైన సిద్దిపేట చేనేత ఉత్పత్తులకు బ్రాండింగ్, ప్రదర్శనలు, మార్కెటింగ్, యారన్‌ పై రాయితీలు కల్పిస్తే నేతన్నలకు అండగా నిలవడంతో పాటు పాత చేనేత సంపదను భావితరాలకు అందించవచ్చు అని నేతన్నలు అభిప్రాయపడుతున్నారు. మా తాతలు ఈ చీరలు నేశారు...మా తాతల కాలంలో ముత్యంపేట చీరనేశారు. చీరలో ముత్యాలు పొదిగినట్టుగా చుక్కలు ఉండటంతో ముత్యంపేట చీరగా పేరు పెట్టారు. రా మెటీరియల్‌ను ప్రభుత్వం సబ్సిడీ ద్వారా అందిస్తే ఎంతో సాయం చేసినవారు అవుతారు. ఒక్కో చీరను మూడు రోజుల పాటు నేస్తాం. దీనిని రూ1,500లకు పైగా విక్రయిస్తున్నా. ప్రభుత్వం ముత్యంపేట చీరలను ప్రోత్సహించాలి. – ఆకుబత్తిని నర్సింహులు, చేనేత కార్మికుడు

సాక్షి, హైదరాబాద్‌: ఎల్‌నినో వాతావరణ పరిస్థితుల ప్రభావం కారణంగా రాష్ట్రంలో మూడు నెలలపాటు ఉష్ణోగ్రతలు సాధారణం కంటే ఎక్కువగా నమోదవుతాయని భారత వాతావరణ శాఖ (ఐఎండీ) తెలిపింది. అలాగే ఈశాన్య రుతుపవనాల సీజన్‌లోనూ వర్షాలు తక్కువగా కురుస్తాయని పేర్కొంది. ఈ మేరకు అక్టోబర్‌ నుంచి డిసెంబర్‌ వరకు వర్షాలు, ఉష్ణోగ్రతల పరిస్థితులపై తాజాగా అంచనాలు విడుదల చేసింది. నైరుతి రుతుపవనాల సీజన్‌లో రాష్ట్రంలో 17 శాతం లోటు వర్షపాతం నమోదైంది. ఇది జాతీయస్థాయిలో నమోదైన 13 శాతం లోటు కంటే ఎక్కువ. దీంతో తెలంగాణలోని చాలా ప్రాంతాల్లో ఇప్పటికే కరువు ఛాయలు కనిపిస్తున్నాయి. ప్రస్తుతం నైరుతి రుతుపవనాల సీజన్‌ ముగిసినప్పటికీ... ఎల్‌నినో ప్రభావం ఫిబ్రవరి దాకా కొనసాగే అవకాశం ఉన్నందువల్ల ఈశాన్య రుతుపవనాల్లోనూ వర్షాభావ పరిస్థితులుంటాయని అంచనా వేసింది. ఇప్పటికే వేసవిని తలపిస్తున్న ఉష్ణోగ్రతలు.. సాధారణంగా నైరుతి సీజన్‌ చివర్లోనే∙ఉష్ణోగ్రతలు చల్లబడటం, చలి ప్రభావం మొదలవడం కనిపిస్తుంది. కానీ ప్రస్తుత వాతావరణం వేసవి సీజన్‌ను తలపిస్తోంది. రాష్ట్రంలో సగటున 34–38 డిగ్రీల సెల్సియస్‌ మధ్య పగటి ఉష్ణోగ్రతలు నమోదవుతున్నాయి. దీనికితోడు పగటిపూట ఉక్కపోత కూడా అధికంగానే ఉంటోంది. ఈశాన్య రుతుపవనాల సీజన్‌లో రాష్ట్రంలో సగటున 11.02 సెం.మీ. సాధారణ వర్షపాతం నమోదు కావాల్సి ఉందని.. కానీ ఐఎండీ అంచనాల ప్రకారం కనీసం 30 శాతం తక్కువగా వర్షాలు కురవచ్చని నిపుణులు చెబుతున్నారు. ఈ నెలలో రెండు తుపాన్లు ఏర్పడే అవకాశం ఉన్నప్పటికీ కేవలం ఏపీ, తమిళనాడుపైనే వాటి ప్రభావం ఉంటుందని.. తెలంగాణలో వర్షాలు కురిసే అవకాశంతక్కువని విశ్లేషిస్తున్నారు. అక్టోబర్, నవంబర్‌ నెలల్లో గరిష్ట, కనిష్ట ఉష్ణోగ్రతలు సాధారణం కంటే అధికంగా నమోదవుతాయని.. దీంతో చలి తీవ్రత పెద్దగా ఉండదని చెబుతున్నారు.

సాక్షి, హైదరాబాద్‌: అధికారాన్ని అడ్డం పెట్టుకుని సీఎం రేవంత్‌రెడ్డి, ఆయన అన్నదమ్ములు, బావమరిది సాగిస్తున్న దోపిడీని బయట పెట్టినందుకే తనపై ఆక్రోశం వెళ్లగక్కుతున్నారని బీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ విమర్శించారు. సిరిసిల్లలో తనపై, కేసీఆర్‌పై సీఎం నిరాధార ఆరోపణలు చేసి వ్యక్తిత్వ హననానికి పాల్పడ్డారని మండిపడ్డారు. ‘రేవంత్‌రెడ్డి నల్లమల పులి కాదు.. చంద్రబాబు దగ్గర పిల్లి’అని వ్యాఖ్యానించారు. గురువారం తెలంగాణ భవన్‌లో ఆర్మూర్‌ మాజీ ఎమ్మెల్యే ఆశన్నగారి జీవ¯న్‌రెడ్డి ఆధ్వర్యంలో కాంగ్రెస్, బీజేపీకి చెందిన పలువురు నేతలు బీఆర్‌ఎస్‌లో చేరిన సందర్భంగా ఆయన మాట్లాడారు.ఏదో కొత్తగా కనుగొన్నట్టు చెబుతున్నడు.. తన ఆస్తులపై సీఎం చేసిన వ్యాఖ్యలకు కేటీఆర్‌ ఘాటుగా స్పందించారు. అమెరికాలో ఆరు సంవత్సరాలు ఉద్యోగం చేసి సంపాదించిన డబ్బుతో 2006లో హోటల్‌ వ్యాపారం ప్రారంభించానని, ప్రస్తుతం మూడు హోటళ్లుగా అభివృద్ధి చెందాయని చెప్పారు. 2009 ఎన్నికల అఫిడవిట్‌లోనే తన ఆస్తులు, వ్యాపార వివరాలు వెల్లడించానని తెలిపారు. ‘నేను అఫిడవిట్‌లో పెట్టిన విషయాన్నే మళ్లీ కొలంబస్‌ కొత్తగా కనుగొన్నట్టు చెబుతున్నడు..’అని ఎద్దేవా చేశారు. ‘వ్యాపారం చేసుకోవడం తప్పా? నా భార్యా పిల్లలను కూడా పోషించాలి కదా’అని అన్నారు. తన ఆస్తులు, రేవంత్‌ కుటుంబ ఆస్తులపై సుప్రీంకోర్టు సిట్టింగ్‌ జడ్జితో విచారణ జరపాలని సవాల్‌ చేశారు. ‘మా తాతల ఆస్తుల నుంచి మీ తాతల ఆస్తుల వరకు విచారణ చేయండి’అని అన్నారు. 4 వేల పోలీసులతో పర్యటన ఎందుకు? సిరిసిల్లలో సీఎం పర్యటన ప్రజల మధ్య జరిగినట్లు లేదని కేటీఆర్‌ విమర్శించారు. బీఆర్‌ఎస్‌ కార్యకర్తలను ముందుగానే అరెస్టు చేసి, దుకాణాలు మూసివేయించి పర్యటించారని విమర్శించారు. చేనేత కార్మికుల సమస్యలపై సీఎం సమాధానం చెప్పలేదని, బతుకమ్మ చీరలు, పాఠశాలల దుస్తుల ఆర్డర్లు నిలిచిపోయాయన్నారు. నేతన్న బీమా పరిస్థితి ఏమిటని ప్రశ్నించారు. కాంగ్రెస్‌ అధికారంలోకి వచ్చిన తర్వాత సిరిసిల్లలో 35 మంది చేనేత కార్మికులు ఆత్మహత్య చేసుకున్నారని చెప్పారు.అటెన్షన్‌ డైవర్షన్‌ చేస్తున్నడు.. కాళేశ్వరం, విద్యుత్‌ కొనుగోళ్లు, ఫార్ములా ఈ రేసు, ఫోన్‌ ట్యాపింగ్‌ తదితర అంశాలపై మూడేళ్లుగా ఆరోపణలు చేస్తూ ఏమి తేల్చారని కేటీఆర్‌ ప్రశ్నించారు. ‘ప్రజల మనసు ఖాళీగా ఉంటే 420 హామీలు, ఆరు గ్యారెంటీలు గుర్తుకొస్తయి.. అందుకే అటెన్ష¯న్‌ డైవర్షన్‌ చేస్తున్నడు’అని విమర్శించారు. ఆదిలాబాద్‌ నుంచి ఆలంపూర్‌ వరకు రైతులు కరెంటు,రైతుబంధు కోసం ఇబ్బందులు పడుతున్నారన్నారు. దళితబంధు, బీసీలకు రూ.లక్ష కోట్లు, మైనారిటీలకు రూ.4 వేల కోట్ల హామీలపై ప్రభుత్వం సమాధానం చెప్పాలని డిమాండ్‌ చేశారు. సమావేశంలో ఎమ్మెల్యేలు చింత ప్రభాకర్, మాణిక్‌రావు, ఎమ్మెల్సీ ఎల్‌.రమణ పాల్గొన్నారు.సీఎం రేవంత్‌కు ఉప ఎన్నికంటే భయం అందుకే విజయారెడ్డితో హైకోర్టులో పిటిషన్‌ వేయించారు: కేటీఆర్‌సాక్షి, హైదరాబాద్‌: ఖైరతాబాద్‌ ఉప ఎన్నిక అంటే ముఖ్యమంత్రి రేవంత్‌రెడ్డి భయపడుతున్నారని బీఆర్‌ఎస్‌ వర్కింగ్‌ ప్రెసిడెంట్‌ కేటీ రామారావు ఆరోపించారు. దానం నాగేందర్‌ పార్టీ మారడంతో ఆయనను ఎమ్మెల్యేగా అనర్హుడిగా ప్రకటిస్తూ హైకోర్టు, సుప్రీంకోర్టులు తీర్పులు ఇచ్చిన తరువాత.. ఆ స్థానం ఖాళీ అయిందంటూ అసెంబ్లీ సచివాలయం నోటిఫికేషన్‌ జారీ చేసిన తరువాత ఆ స్థానానికి ఎన్నిక రావొద్దనే ఉద్దేశంతోనే రేవంత్‌రెడ్డి తన పార్టీకి చెందిన విజయారెడ్డితో కోర్టులో పిటిషన్‌ వేయించారని విమర్శించారు. ఎన్నికలంటే రేవంత్‌రెడ్డి భయపడుతున్నారని అందుకే పిటిషన్‌ దాఖలు చేయించారని కేటీఆర్‌ ఆరోపించారు. ఖైరతాబాద్‌ ఉప ఎన్నికతోపాటు... పార్టీ మారిన తొమ్మిది మంది ఎమ్మెల్యేలతో రాజీనామా చేయించి ఎన్నికలకు రావాలని సవాల్‌ విసిరారు.

సాక్షి, హైదరాబాద్‌: భవిష్యత్తులో పెరగనున్న విద్యుత్‌ డిమాండ్‌కు అనుగుణంగా విద్యుదుత్పత్తి, సరఫరా సామర్థ్యం పెంచడంలో భాగంగా రాష్ట్రంలో 7,800 మెగావాట్ల పునరుత్పాదక విద్యుదుత్పత్తి కేంద్రాల ఏర్పాటుకు సత్వరమే టెండర్లను నిర్వహించాలని రాష్ట్ర మంత్రివర్గం నిర్ణయించింది. 3,000 మెగావాట్ల సోలార్, 4,000 మెగావాట్ల బ్యాటరీ ఎనర్జీ స్టోరేజ్‌ సిస్టమ్, 800 మెగావాట్ల పవన విద్యుదుత్పత్తి కేంద్రాల ఏర్పాటు ప్రతిపాదనలపై కేబినెట్‌ చర్చించి ఆమోదించింది. కేంద్ర నిబంధనల మేరకు బిడ్డింగ్‌ విధానంలో ఈ ప్రాజెక్టులు చేపట్టడానికి అనుమతించింది. ముఖ్యమంత్రి ఎ.రేవంత్‌రెడ్డి అధ్యక్షతన గురువారం సచివాలయంలో సమావేశమైన రాష్ట్ర మంత్రివర్గం పలు అంశాలపై చర్చించి కీలక నిర్ణయాలు తీసుకుంది. రాష్ట్ర సమాచార, ప్రజాసంబంధాల శాఖ మంత్రి పొంగులేటి శ్రీనివాస్‌రెడ్డి సచివాలయంలో సహచర మంత్రులు పొన్నం ప్రభాకర్, అడ్లూరి లక్ష్మణ్‌తో కలిసి విలేకరులకు వివరాలను వెల్లడించారు. భారీగా పెరిగిన విద్యుత్‌ వినియోగం ‘ఎల్‌ నినో పరిస్థితులతో రాష్ట్రంలో విద్యుత్‌ వినియోగం గణనీయంగా పెరిగింది. రోజూ సగటున 15,000 మెగావాట్ల వరకు గరిష్ట విద్యుత్‌ డిమాండ్‌ ఉంటుండగా, బుధవారం అది రికార్డు స్థాయిలో 19,892 మెగావాట్లకు చేరింది. గత ఏడాది అత్యధికంగా 16,613 మెగావాట్ల గరిష్ట విద్యుత్‌ డిమాండ్‌ రికార్డు అయింది. ఈ నేపథ్యంలో భవిష్యత్తులో పెరగనున్న డిమాండ్‌ను తీర్చడానికి 7,800 మెగావాట్ల విద్యుత్‌ కోసం టెండర్లను నిర్వహించాలని కేబినెట్‌ నిర్ణయించింది. మరోవైపు రాష్ట్రంలోని ప్రభుత్వ ఉద్యోగులకు, పెన్షనర్లకు రెండు డీఏలు ఇచ్చేందుకు ఆమోదం తెలిపింది. ఇటీవల ఉద్యోగులకు ఇచ్చిన హామీ మేరకు 2024 నుంచి పెండింగ్‌లో ఉన్న డీఏలలో రెండు డీఏలను వెంటనే మంజూరు చేయాలని నిర్ణయం తీసుకుంది. అప్పటి నుంచి ఉన్న బకాయిలను వాయిదాల్లో చెల్లిస్తారు. దీనివల్ల రాష్ట్ర ప్రభుత్వంపై ఏటా రూ.2,500 కోట్ల భారం పడనుంది. ఎల్‌ నినోపై సుదీర్ఘ చర్చ రాష్ట్రంలో ఎల్‌ నినో పరిస్థితులపై కేబినెట్‌లో సుదీర్ఘ చర్చ జరిగింది. రాష్ట్రంలో ఈ వానాకాలంలో దాదాపు 17 శాతం వర్షపాతం లోటు ఉంది. దాదాపు 235 మండలాల్లో తీవ్ర వర్షభావంతో కరువు పరిస్థితులు నెలకొన్నాయి. బుధవారంతో రుతుపవనాల సీజన్‌ కూడా ముగిసింది. తుపానులు ఉంటే తప్ప మళ్లీ వర్షాలు కురిసే అవకాశం లేదు. ఈ నేపథ్యంలో కరువు, ఉపశమన చర్యలపై చర్చించిన కేబినెట్‌ నివేదిక సమర్పించాలని మంత్రివర్గ ఉప సంఘాన్ని ఆదేశించింది. నివేదిక వచ్చాక అఖిల పక్ష సమావేశం ఏర్పాటు చేయాలని సీఎం రేవంత్‌ ఆదేశించారు. శాస్త్రవేత్తలు, మేధావులు, రైతు సంఘాలతో పాటు వివిధ రంగాల నిపుణులతో భేటీలు ఏర్పాటు చేయాలని సూచించారు. అనంతరం ప్రత్యేక మంత్రివర్గ సమావేశం నిర్వహించి మంత్రివర్గ ఉప సంఘం సిఫారసులపై చర్చించి కార్యాచరణను ఖరారు చేస్తాం. కరువు మండలాల ప్రకటనతో పాటు రాష్ట్రానికి విద్యుత్, ఇతర అంశాల్లో తగిన సాయం అందించాలని కేంద్ర ప్రభుత్వానికి విజ్ఞప్తి చేస్తాం. ఈ మేరకు త్వరలోనే మంత్రుల బృందం ఢిల్లీకి వెళ్లి కేంద్ర మంత్రులను కలిసి రాష్ట్రంలో పరిస్థితిని నివేదిస్తుంది. ధాన్యం కొనుగోళ్లకు ఓకే.. ఖరీఫ్‌ సీజన్‌లో పండించిన ధాన్యం కొనుగోళ్లకు ఏర్పాట్లు చేయాలని మంత్రివర్గం నిర్ణయించింది. కొనుగోళ్ల ప్రక్రియ సాఫీగా జరిగేందుకు అవసరమైన అన్ని చర్యలు చేపట్టాలని అధికారులకు సూచించింది. త్వరలోనే ధాన్యం కొనుగోలు కేంద్రాలు ప్రారంభిస్తారు. ఈ సీజన్‌లో దాదాపు 65 లక్షల మెట్రిక్‌ టన్నుల ధాన్యం కొనుగోలు చేయాల్సి ఉంటుందని పౌర సరఫరాల విభాగం అంచనా వేసింది. ఇలావుండగా రంగారెడ్డి జిల్లా అబ్దుల్లాపూర్‌మెట్‌ మండలం కోహెడలో ప్రపంచ స్థాయి సమీకృత పండ్ల మార్కెట్‌ ఏర్పాటు పనులను వేగవంతం చేయాలని మంత్రివర్గం నిర్ణయించింది. తొలి దశ కింద రూ.650 కోట్లను మంజూరు చేసింది. పెండింగ్‌లో ఉన్న ప్రాజెక్టులపై పునఃసమీక్ష దీర్ఘకాలంగా పెండింగ్‌లో ఉన్న సాగునీటి ప్రాజెక్టులను పునః సమీక్షించాలని కేబినెట్‌ నిర్ణయం తీసుకుంది. ఇప్పటికే ఇచ్చిన ఆదేశాల ప్రకారం ఈపీసీ విధానంలో చేపట్టిన ప్రాజెక్టులు అసంపూర్తిగా ఉంటే రద్దు చేయాలని అధికారులను ఆదేశించింది. ఇందులో భాగంగా ఈపీసీ విధానంలో 2006–07 మధ్యలో జరిగిన 10 సాగునీటి ప్రాజెక్టుల ఒప్పందాలను రద్దు చేసి మళ్లీ కొత్తగా టెండర్లు ఆహ్వానించడానికి అనుమతినిచ్చింది. కల్వకుర్తి ఎత్తిపోతల కింద 14–15 వేల ఎకరాల పెండింగ్‌ ఆయకట్టుకు సాగునీరు అందించాలని మంత్రివర్గం నిర్ణయించింది. తదుపరి మంత్రివర్గ సమావేశంలో 22ఏ (నిషేధిత భూములు), యూఎల్సీ పెండింగ్‌ దరఖాస్తులు, హెచ్‌ఎండీఏ, జీహెచ్‌ఎంసీ, ఇతర మున్సిపాలిటీలు అనుమతిచ్చిన లేఅవుట్లు, జీవో 118, జీవో 76ల కింద కొత్త దరఖాస్తుల స్వీకరణ తదితర అంశాలపై విస్తృతంగా చర్చించి నిర్ణయం తీసుకోవాలని కేబినెట్‌ తీర్మానించింది. రాష్ట్రంలో డిజిటల్‌ మీడియా అడ్వర్టైజింగ్‌ పాలసీకి ఆమోదం తెలిపింది..’ అని మంత్రి పొంగులేటి తెలిపారు.

సాక్షి, హైదరాబాద్‌: తెలంగాణ జీవవైవిధ్యంలో మరో రెండు కొత్త సరీసృపాలు చేరాయి. నల్లగొండ, వరంగల్‌ జిల్లాల్లో రెండు కొత్త రకాల బల్లి (హెమిడాక్టైలస్‌) జాతులను హైదరాబాద్‌లోని జూలాజికల్‌ సర్వే ఆఫ్‌ ఇండియా (జెడ్‌ఎస్‌ఐ) శాస్త్రవేత్తల బృందం కనుగొంది. ఐరోపాకు చెందిన ప్రతిష్టాత్మక ‘యూరోపియన్‌ జర్నల్‌ ఆఫ్‌ టాక్సానమీ’లో ఈ వివరాలు ప్రచురితమయ్యాయి. నల్లగొండ జిల్లా వర్ధమాని గూడెం బస్‌ షెల్టర్, గుంటు మడుగు ప్రాంతంలో హెమిడాక్టైలస్‌ కేర్నికాలా బల్లిని కనుగొన్నారు. స్థానికంగా రాళ్ల కుప్పల మధ్య నివసించే అలవాటు ఉండటం వల్ల దీనికి కేర్నికాలా అని శాస్త్రవేత్తలు నామకరణం చేశారు. ఇది గరిష్టంగా 49 మి.మీ. పొడవుతో వెనుక భాగంలో ముదురు చుక్కలు, నలుపు రంగు రాళ్లపై కనిపించకుండా దాక్కునేలా రంగు కలయిక ఉంటుంది. ఇది రాత్రి వేళల్లో మాత్రమే సంచరిస్తుంది. ఇక, వరంగల్‌ జిల్లా పాకాల్‌ వన్యప్రాణి అభయారణ్యం పరిసరాల్లో హెమిడాక్టైలస్‌ కోయాఒరమ్‌ బల్లిని శాస్త్రవేత్తలు గుర్తించారు. ఈ ప్రాంత అడవులు, కొండలను సంరక్షిస్తున్న స్థానిక కోయ, గిరిజన తెగ గౌరవార్థం ఈ జాతి బల్లికి కోయాఒరమ్‌ అని నామకరణం చేశారు. గరిష్టంగా 55.6 మిమీ పొడవుతో ఉండే ఈ బల్లికి బూడిద రంగు శరీరంపై తెల్లటి పువ్వు ఆకారంలో ఉండే నాలుగు ప్రత్యేకమైన మచ్చలు ఉన్నాయి. ఈ రెండు కొత్త జాతుల కలయికతో తెలంగాణ రాష్ట్రానికే పరిమితమైన (ఎండెమిక్‌) సరీసృపాల సంఖ్య ఆరుకు చేరింది.

సాక్షి, హైదరాబాద్‌: ద్విచక్ర వాహనాలు, కార్ల విషయంలో తెలంగాణ ఈవీ పాలసీ మెరుగైన ఫలితాలనిస్తున్నా, వాణిజ్య విభాగం, ఈవీ చార్జింగ్‌ ఇన్‌ఫ్రా విషయంలో బాగా వెనుకబాటుతో ఉందని నీతి ఆయోగ్‌ తేల్చింది. ఈ విషయంలో రాష్ట్ర ప్రభుత్వం మెరుగైన చర్యలు తీసుకోవటం ద్వారా లోపాలను సరిదిద్దుకొని పర్యావరణ అనుకూల వాహనాల సంఖ్యను పెంచుకోవాలని సూచించింది. దేశవ్యాప్తంగా ఎలక్ట్రిక్‌ వాహనాల విషయంలో ఆయా రాష్ట్రాలకు రేటింగ్‌ పాయింట్లు జారీ చేసింది. కేంద్ర ప్రభుత్వ థింక్‌ట్యాంక్‌ నీతి ఆయోగ్‌ తాజాగా విడుదల చేసిన ‘ఇండియా ఎలక్ట్రిక్‌ మొబిలిటీ ఇండెక్స్‌ 2025’గణాంకాలు తెలంగాణ ఈవీ ప్రయాణానికి రెండు భిన్నమైన ముఖాలను చూపిస్తున్నాయి. మొత్తం 100కు 51 పాయింట్లతో తెలంగాణ దేశవ్యాప్తంగా 10వ స్థానంలో నిలిచింది. 17 పెద్ద రాష్ట్రాలను పరిగణనలోకి తీసుకుంటే 7వ స్థానంలో ఉంది. 2024తో పోలిస్తే రాష్ట్ర స్కోర్‌ 46 నుంచి 51కి పెరిగింది. తెలంగాణకు అత్యంత బలమైన విభాగం ఈవీ పరిశోధన, ఆవిష్కరణలు. ఈ విభాగంలో 71 స్కోర్‌తో పెద్ద రాష్ట్రాల్లో ఐదో స్థానంలో నిలిచింది. మహారాష్ట్ర 85, కర్ణాటక 82, తమిళనాడు 77, హర్యానా 74 తర్వాత తెలంగాణ ఉంది. రాష్ట్రంలో ఈవీ స్టార్టప్‌ ఎకోసిస్టమ్‌ బలంగా ఉందని నివేదిక సూచిస్తోంది. అయితే పరిశోధన ఫలితాలను పేటెంట్లుగా మార్చడంలో ఇంకా మెరుగుకావాల్సిన అవసరం ఉందని నీతి ఆయోగ్‌ పేర్కొంటోంది. స్టార్టప్‌ ఉంది.. పరిశోధన ఉంది.. కానీ ఆ పరిశోధనను మేధో సంపత్తిగా మార్చే దశలో మరింత వేగం అవసరం అన్నది గణాంకాల నుంచి కనిపిస్తున్న చిత్రం. కమర్షియల్‌ వాహనాల్లో వెనుకంజ స్కూటర్లు, కార్లు... ఇలా వ్యక్తిగత వాహనాల్లో తెలంగాణ మెరుగ్గా కనిపిస్తోంది. కానీ వాణిజ్య ఎలక్ట్రిక్‌ వాహనాల విషయంలో మరీ వెనుకంజలో ఉంది. వ్యక్తిగత ఈవీ రిజిస్ట్రేషన్ సూచికలో రాష్ట్రానికి 96 స్కోర్‌ వచ్చింది. అదే సమయంలో కమర్షియల్‌ ఈవీ రిజిస్ట్రేషన్ల సూచికలో కేవలం 15 స్కోర్‌తోనే సరిపుచ్చకుంది. వీటి కొనుగోలు ప్రోత్సాహకాల సూచికలో సున్నా స్కోర్‌ నమోదైంది. చార్జింగ్‌ వసతి.. అసలు గ్యాప్‌ ఇక్కడే తెలంగాణ ఈవీ కథలో అత్యంత కీలకమైన బలహీనత చార్జింగ్‌ మౌలిక వసతులే. ఈ విభాగంలో రాష్ట్ర స్కోర్‌ 43. పెద్ద రాష్ట్రాల్లో తెలంగాణ 12వ స్థానంలో ఉంది. కర్ణాటక 97, మహారాష్ట్ర 91, హర్యానా 91, తమిళనాడు 73, రాజస్థాన్‌64, ఆంధ్రప్రదేశ్‌ 62తో తెలంగాణ కంటే ముందున్నాయి. తెలంగాణలో విద్యుత్‌ లభ్యతకు 100 స్కోర్‌ రావడం మరో ఆసక్తికరమైన అంశం. చార్జర్‌–వాహన నిష్పత్తి కూడా 12.6గా ఉంది. అయినా, పబ్లిక్‌ చార్జింగ్‌ మౌలిక వసతుల అభివృద్ధికి అవసరమైన పెట్టుబడులు, ప్రోత్సాహకాలు, భవన నిబంధనల్లో చార్జింగ్‌ సదుపాయాల విస్తరణ వంటి అంశాల్లో ఇంకా మెరుగుదల ఉండాలని నివేదిక సూచిస్తోంది. ఉద్యోగులకు 20% వరకు ఈవీ రాయితీ తెలంగాణ ప్రత్యేకతగా నివేదిక మరో అంశాన్ని ప్రస్తావించింది. రాష్ట్ర ప్రభుత్వ ఉద్యోగులు ఎలక్ట్రిక్‌ ద్విచక్ర, ఫోర్‌ వీలర్‌ కొనుగోలు చేస్తే 20 శాతం వరకు రాయితీ అందించే రాష్ట్ర స్థాయి కార్యక్రమాన్ని తెలంగాణ ప్రవేశపెట్టింది. ఇలాంటి చర్యలు వ్యక్తిగత ఈవీ వినియోగాన్ని పెంచుతున్నా, కమర్షియల్‌ వాహనాల వైపు కూడా ఇలాంటి ప్రోత్సాహకాలు విస్తరించాల్సిన అవసరాన్ని నీతి ఆయోగ్‌ గణాంకాలు సూచిస్తున్నాయి.

సాధారణంగా ఎముకల బలానికి, గట్టితనానికి విటమిన్‌–డి కావాలని అందరికీ తెలుసు. అయితే శరీరంలో విటమిన్‌–డి తక్కువగా ఉంటే, అది నేరుగా గుండె ఆరోగ్యాన్ని కణాల స్థాయిలో దెబ్బతీస్తుందని తేలింది. ఈ విటమిన్‌ స్థాయిలు తగినంతగా లేకపోవడం వల్ల గుండెను కాపాడే సహజ రక్షణ వ్యవస్థ పూర్తిగా పాడైపోతుందని హైదరాబాద్‌కు చెందిన భారతీయ వైద్య పరిశోధన మండలి–జాతీయ పోషకాహార సంస్థ (ఐసీఎంఆర్‌–ఎన్‌ఐఎన్‌) శాస్త్రవేత్తలు తమ పరిశోధన ద్వారా కనుగొన్నారు. విటమిన్‌–డి తగినంత లేకపోతే గుండె కణాల్లో హానికరమైన ఒత్తిడి పెరిగిపోయి, అవి దెబ్బతినడమే కాకుండా కణాలు అకాలంగా చనిపోయే ప్రమాదం కూడా ఉందని శాస్త్రవేత్తలు గుర్తించారు. ఈ వివరాలు స్టెరాయిడ్స్‌ అనే ప్రముఖ అంతర్జాతీయ పత్రికలో ప్రచురితమయ్యాయి. – సాక్షి, హైదరాబాద్‌/లాలాపేటపరిశోధన ఇలా..శాస్త్రవేత్తలు ఈ పరిశోధన కోసం ల్యాబ్‌లో ఎలుకలపై రకరకాల ప్రయోగాలు చేశారు. సాధారణ ఆహారం తీసుకునే, తక్కువ విటమిన్‌–డి ఉన్న ఆహారం తీసుకునే, అలాగే, విటమిన్‌–డి పూర్తిగా లేని ఆహారం తీసుకునే ఎలుకల గుండెల్లో జరుగుతున్న మార్పులను చాలారోజుల పాటు గమనించారు. దీనితోపాటు ప్రయోగశాలలో ప్రత్యేకంగా పెంచిన గుండె కణాలపైనా పరిశోధనలు జరిపారు.విటమిన్‌–డి లోపించిన ఆహారాన్ని తీసుకున్న ఎలుకల గుండెల్లో చెడు ఒత్తిడి, ఆక్సీకరణ నష్టం చాలా ఎక్కువగా ఉన్నట్లు శాస్త్రవేత్తలు గుర్తించారు. మన శరీరంలో కణాలను రక్షించడంలో కీలక పాత్ర పోషించే ’గ్లుటాథియోన్‌’ అనే ముఖ్యమైన రసాయన నిల్వలు వాటిలో పూర్తిగా అడుగంటాయి. గుండెను కాపాడే ఇతర రక్షణ ఎంజైముల పనితీరు కూడా బాగా తగ్గిపోయింది. కణాలను ఒత్తిడి నుండి కాపాడే ప్రధాన అంతర్గత రక్షణ మార్గమైన ’ఎన్‌ఆర్‌ఎఫ్‌–2’ కూడా ఈ విటమిన్‌–డి లోపం కారణంగా తీవ్రంగా దెబ్బతిన్నట్లు పరిశోధకులు నిరూపించారు.ఒత్తిడిని తట్టుకుని సురక్షితంగా...శరీరంలో విటమిన్‌–డి తగినంతగా లేకపోవడం వల్ల సుదీర్ఘకాలం పాటు కొనసాగే ఒత్తిడి కారణంగా గుండె కణాలపై భారం పెరిగిపోతుందని ఈ పరిశోధనా బృందానికి నాయకత్వం వహించిన సీనియర్‌ శాస్త్రవేత్త డాక్టర్‌ ఆయేషా ఇస్మాయిల్‌ చెప్పారు. దీనివల్ల కణాలు తీవ్రంగా గాయపడతాయని, కణాలు తమను తాము నాశనం చేసుకునే ప్రక్రియ మొదలవుతుందని వివరించారు. అయితే గుండె కణాలకు ముందే విటమిన్‌–డి అందించినప్పుడు, అవి ఆ ఒత్తిడిని తట్టుకుని చనిపోకుండా సురక్షితంగా ఉన్నట్లు ల్యాబ్‌లో రుజువైందని తెలిపారు. శరీరంలో తగినంత మోతాదులో విటమిన్‌–డి ఉండటం వల్ల గుండె కణాలు ఒత్తిడి పరిస్థితులను సమర్థవంతంగా తట్టుకోగలవని ఎన్‌ఐఎన్‌ డైరెక్టర్‌ డాక్టర్‌ భారతి కులకర్ణి పేర్కొన్నారు.

హైదరాబాద్: తెలంగాణ ముఖ్యమంత్రి రేవంత్‌ రెడ్డి అధ్యక్షతన గురువారం జరిగిన క్యాబినెట్‌ సమావేశంలో కీలక నిర్ణయాలు తీసుకు‍న్నారు. త్వరలోనే అఖిలపక్ష సమావేశం ఏర్పాటు చేయాలని సీఎం ఆదేశించారు. ఉద్యోగులు, పెన్షనర్ల రెండు డీఏలకు తెలంగాణ క్యాబినెట్‌ ఆమోదముద్ర వేసింది.గట్టు ప్రాజెక్టు నిర్మాణానికి క్యాబినెట్‌ పచ్చజెండా ఊపింది. ఇందిరా సాగర్‌ ఫ్లడ్‌ ఫ్లో కెనాల్‌ నిర్మాణానికి ఆమోదం తెలిపింది. బాచారం హైలెవల్‌ కెనాల్‌ నిర‍్మాణానికి గ్రీన్‌ సిగ్నల్‌ ఇచ్చింది. చిన్న కాళేశ్వరం ప్రాజెక్ట్‌కు క్యాబినెట్‌ ఆమోదం తెలిపింది. 2జీ బార్లలో అడిషనల్‌ ప్రివిలేజ్‌ ఫీజు పెంచాలని క్యాబినెట్‌ నిర్ణయం తీసుకుంది. గతంలో ఉన్న నిబంధనలను సడలించాలని నిర్ణయించింది. వైన్‌ తయారీ కంపెనీల నుంచి వెయ్యి రూపాయల ఫీజు వసూలు చేసేందుకు సన్నాహాలు చేసుకోవాలని నిర్ణయం తీసకుంది. ఫారెన్‌ లిక్కర్‌ బేస్‌ ప్రైస్‌ కమిటీ 2023 రిపోర్టు అమలు చేయాలని నిర్ణయం తీసుకుంది.పూర్తి వివరాలుప్రభుత్వ ఉద్యోగులు, పెన్షనర్లకు రెండు డీఏలు..2024 నుంచి బకాయి ఉన్న డీఏల్లో రెండు డీఏలకు కేబినెట్ ఆమోదం..ఎరియర్స్‌ను వాయిదాల్లో చెల్లించాలని నిర్ణయం..డీఏలతో రాష్ట్ర ఖజానాపై 2,500 కోట్ల భారం..కరువు పరిస్థితులపై కేబినెట్ కీలక నిర్ణయాలు..రాష్ట్రంలో 17 శాతం వర్షపాతం లోటు.. 235 మండలాల్లో తీవ్ర వర్షాభావ పరిస్థితులు ఉన్నట్లు కేబినెట్ చర్చ.కరువుపై అఖిలపక్ష సమావేశం..కరువు ప్రాంతాల్లో చేపట్టాల్సిన చర్యలపై కేబినెట్ సబ్‌కమిటీ చర్చ..రైతు సంఘాలు, నిపుణులతో సమావేశాలు నిర్వహించాలని నిర్ణయం.కరువు సాయంపై కేంద్రానికి విజ్ఞప్తికరువు మండలాలను ప్రకటించడంతో పాటు రాష్ట్రానికి తగిన సాయం అందించాలని కేంద్రాన్ని కోరిన తెలంగాణ కేబినెట్..త్వరలో మంత్రుల బృందం ఢిల్లీ పర్యటన.65 లక్షల మెట్రిక్ టన్నుల ధాన్యం కొనుగోలుకు ఏర్పాట్లు..ఖరీఫ్ ధాన్యం కొనుగోళ్లకు కేంద్రాల ఏర్పాటు..రాష్ట్రంలో విద్యుత్ పీక్ డిమాండ్ 19,892 మెగావాట్లకు చేరిక.. కోతలు లేకుండా విద్యుత్ సరఫరాపై ప్రత్యేక దృష్టి...7,800 మెగావాట్ల విద్యుత్ ఉత్పత్తి యూనిట్లకు ఆమోదం..3,000 మెగావాట్ల సోలార్, 4,000 మెగావాట్ల బ్యాటరీ ఎనర్జీ స్టోరేజ్, 800 మెగావాట్ల పవన విద్యుత్ ప్రాజెక్టులకు ప్రతిపాదనలు.రంగారెడ్డి జిల్లా కోహెడలో ఇంటిగ్రేటెడ్ ఫ్రూట్ మార్కెట్ పనులను వేగవంతం చేయాలని కేబినెట్ నిర్ణయం..10 ఈపీసీ సాగునీటి ప్రాజెక్టుల నిలిపివేతకు ఆమోదం..దీర్ఘకాలంగా పెండింగ్‌లో ఉన్న ప్రాజెక్టులపై పునఃసమీక్ష..అసంపూర్తిగా ఉన్న 10 ఈపీసీ సాగునీటి ప్రాజెక్టులను నిలిపివేసేందుకు కేబినెట్ ఆమోదం..

హైదరాబాద్‌: ఖైరతాబాద్ అసెంబ్లీ నియోజకవర్గానికి ఉపఎన్నిక నోటిఫికేషన్‌ను ఇప్పట్లో జారీ చేయబోమని తెలంగాణ హైకోర్టుకు కేంద్ర ఎన్నికల సంఘం తెలిపింది. కాంగ్రెస్ నేత పి.విజయారెడ్డి దాఖలు చేసిన ఎన్నికల పిటిషన్‌పై తుది నిర్ణయం వెలువడే వరకు నోటిఫికేషన్ ఇవ్వబోమని ఈసీ స్పష్టం చేసింది. దానం నాగేందర్ అనర్హతకు గురికావడంతో ఖైరతాబాద్ అసెంబ్లీ స్థానం ఖాళీగా ఉన్న విషయం తెలిసిందే.తన ఎన్నికల పిటిషన్‌పై విచారణ పూర్తయ్యే వరకు ఉపఎన్నిక నోటిఫికేషన్ జారీ చేయకుండా ఈసీకి ఆదేశాలు ఇవ్వాలని కోరుతూ విజయారెడ్డి హైకోర్టును ఆశ్రయించారు. ఈ పిటిషన్‌కు సమాధానంగా ఈసీ తన వైఖరిని కోర్టుకు వెల్లడించింది. ఎన్నికల పిటిషన్‌పై తుది తీర్పు వచ్చే వరకు ఖైరతాబాద్ స్థానానికి ఉపఎన్నిక నిర్వహణ ప్రక్రియను ముందుకు తీసుకెళ్లబోమని తెలిపింది.కాగా, 2024 అసెంబ్లీ ఎన్నికల్లో ఆ నియోజక వర్గం నుంచి కాంగ్రెస్‌ అభ్యర్థిగా విజయారెడ్డి బరిలోకి దిగారు. ఆ సమయంలో దానం నాగేందర్‌ ఎన్నికను సవాల్‌ చేస్తూ విజయారెడ్డి హైకోర్టులో ఎలక్షన్‌ పిటిషన్‌ దాఖలు చేశారు. దానం నాగేందర్‌ అఫిడవిట్‌లో ఫారం-26కు సంబంధించిన వివరాలు పూర్తిగా పేర్కొనలేదని ఆమె చెప్పారు. దానం నాగేందర్‌ ఎన్నిక చెల్లదని అన్నారు.

సాక్షి, హైదరాబాద్‌: పాకిస్థాన్‌ నుంచి అక్రమంగా దిగుమతి అయిన కాస్మెటిక్‌ ఉత్పత్తులను విక్రయిస్తున్న షాపులపై టాస్క్‌ఫోర్స్‌, సీడీఎస్‌సీఓ అధికారులు మెరుపు దాడులు చేశారు. నాంపల్లి, హబీబ్‌నగర్‌లోని పలు షాపులు, గోడౌన్‌లలో నిర్వహించిన తనిఖీల్లో రూ.7 లక్షల విలువైన అనధికారిక కాస్మెటిక్స్‌ను స్వాధీనం చేసుకున్నారు. అనుమతులు, రిజిస్ట్రేషన్‌ లేకుండా విక్రయిస్తున్న ఈ ఉత్పత్తుల్లో హానికరమైన భారలోహాలు ఉండే అవకాశం ఉందన్న హెచ్చరికలతో అధికారులు అప్రమత్తమయ్యారు. ఈ అక్రమ సరఫరా వెనుక ఉన్న ముంబై డీలర్‌ నుంచి హైదరాబాద్‌ వరకు సాగుతున్న నెట్‌వర్క్‌పై దర్యాప్తు చేపట్టారు.నాంపల్లి, హబీబ్ నగర్‌లోని బ్యూటీ లేడీస్ ఎంపోరియం, బ్యూటీ క్వీన్ షాప్, ఎస్.జె. మెడికల్ షాపుల్లో అధికారులు తనిఖీలు చేపట్టారు. నిషేధిత, అనధికారిక కాస్మెటిక్ ఉత్పత్తుల జాబితాలో ఇవి ఉన్నాయని.. భారత్‌లో దిగుమతి చేసుకోవడానికి సంబంధిత అధికారుల నుంచి ఎలాంటి అవసరమైన రిజిస్ట్రేషన్ సర్టిఫికేట్ పొందలేదని అధికారులు స్పష్టం చేశారు. గుర్తించిన ఉత్పత్తులలో చర్మ కాంతి కోసం విక్రయిస్తున్న బ్యూటీ క్రీములు, సబ్బులు ఉన్నాయని.. ఇవి పాకిస్తాన్‌లో తయారయ్యాయని.. ఎలాంటి ముందస్తు అనుమతులు, రిజిస్ట్రేషన్ లేకుండా భారత్‌లోకి అక్రమంగా దిగుమతి చేసుకున్నట్లు తేలింది.ప్రాథమిక విచారణలో ఈ కాస్మెటిక్ ఉత్పత్తులను ముంబైకి చెందిన ఓ డీలర్ నుంచి కొనుగోలు చేసినట్లు తెలిసింది. అతను విదేశాల నుండి ఈ ఉత్పత్తులను తెప్పించి హైదరాబాద్‌లోని డీలర్లకు సరఫరా చేస్తున్నట్లు అధికారులు అనుమానం వ్యక్తం చేస్తున్నారు. స్థానిక విక్రేతలు ఈ పాకిస్తాన్ ఆధారిత ఉత్పత్తుల కొనుగోలుకు సంబంధించి ఎలాంటి సరైన బిల్లులు, ఇన్వాయిస్‌లు, రసీదులు నిర్వహించడం లేదని ప్రాథమిక విచారణలో వెల్లడైంది.ఇదే తరహాలో హైదరాబాద్, సంతోష్‌ నగర్‌లోని మదీనా కాస్మెటిక్‌ యజమాని సయ్యద్ ఇస్మాయిల్ కూడా తన షాపులో ఇటువంటి అనధికార కాస్మెటిక్ ఉత్పత్తులను విక్రయాలు జరుపుతున్నట్లు అధికారులు గుర్తించారు. ఈ సరుకు ఎక్కడి నుండి వస్తుందనే విషయంపై పోలీసులు ఆరా తీస్తున్నారు. షాపులలో లభించిన సరుకుతో పాటు, అదనపు స్టాక్‌ను ఒక గోడౌన్‌లో భద్రపరిచినట్లు అదికారులు గుర్తించారు. ఎస్.జె. మెడికల్ యజమాని, ఫార్మాసిస్ట్‌గా పనిచేస్తున్న సయ్యద్ ఆబిద్ అలీ కూడా ఈ కాస్మెటిక్ ఉత్పత్తుల విక్రయాలు జరుపుతున్నట్లు విచారణలో తేలింది. అదే ప్రాంతంలో వ్యాపారం చేస్తున్న రియాజుద్దీన్ అనే మరో వ్యక్తి కూడా ఈ విక్రయాల్లో భాగస్వామిగా ఉన్నట్లు అధికారులు గుర్తించారు.ఇదీ చదవండి: ఈసీ కార్యాలయం తగలబడిపోతుంది..!

సాక్షి,హైదరాబాద్: సీనియర్‌ విద్యార్థుల ర్యాంగింగ్‌కు బలైన సిద్ధార్థ ఇంజినీరింగ్ కాలేజీకి చెందిన బీటెక్ విద్యార్థి సాయి తేజ కేసుపై జాతీయ మానవ హక్కుల కమిషన్ తీవ్రంగా స్పందించింది. ఈ కేసు విచారణలో భాగంగా తెలంగాణ ఉన్నత విద్యాశాఖ ముఖ్య కార్యదర్శి యోగితా రాణాకు ఎన్‌హెచ్‌ఆర్‌సీ సమన్లు జారీ చేసింది.ఈ ఘోర ఘటనపై గతంలో నివేదిక సమర్పించాలని ఆదేశించినప్పటికీ, ఇప్పటివరకు ఎలాంటి నివేదికను పంపకపోవడంపై ఎన్‌హెచ్‌ఆర్‌‌సీ తీవ్ర ఆగ్రహం వ్యక్తం చేసింది. ఈ క్రమంలో అక్టోబర్ 28న ఢిల్లీలోని మానవ్ అధికార్ భవన్‌లో స్వయంగా కమిషన్ ముందు హాజరై, ఈ కేసులో తీసుకున్న చర్యలపై ‘యాక్షన్ టేకెన్ రిపోర్ట్’ సమర్పించాలని అధికారులను ఆదేశించింది.గతేడాది సెప్టెంబర్‌ నెలలో హైదరాబాద్‌లోని సిద్ధార్థ ఇంజినీరింగ్ కాలేజీకి చెందిన బీటెక్ విద్యార్థి సాయి తేజను సీనియర్ విద్యార్థులు తీవ్రంగా ర్యాగింగ్ చేస్తూ వేధింపులకు గురిచేశారు. ఈ వేధింపులు తాళలేక సాయి తేజ సెల్ఫీ వీడియో రికార్డ్ చేసి తన ప్రాణాలు తీసుకున్నాడు. ఈ ఘటన రాష్ట్రవ్యాప్తంగా తీవ్ర కలకలం రేపింది.ఈ దారుణ ఘటనపై లా విద్యార్థి సభావట్ కళ్యాణ్ జాతీయ మానవ హక్కుల కమిషన్‌కు ఫిర్యాదు చేశారు. సాయి తేజ మృతి వెనుక ఉన్న వాస్తవ పరిస్థితులను సమగ్రంగా పరిశీలించాలి. ఈ ఘటనకు బాధ్యులైన వారిపై చట్టప్రకారం కఠిన చర్యలు తీసుకోవాలి. విద్యాసంస్థల్లో యాంటీ-ర్యాగింగ్’ నిబంధనలను పటిష్టంగా అమలు చేసి, విద్యార్థుల ప్రాణాలను కాపాడాలని తన ఫిర్యాదులో కోరారు. తాజాగా ఈ కేసు విచారణపై తెలంగాణ ఉన్నత విద్యాశాఖ ముఖ్య కార్యదర్శి యోగితా రాణాకు ఎన్‌హెచ్‌ఆర్‌సీ సమన్లు జారీ చేసింది.

సాక్షి,హైదరాబాద్: సీఎం రేవంత్ రెడ్డికి బీఆర్‌ఎస్ వర్కింగ్ ప్రెసిడెంట్ కేటీఆర్ సవాల్ విసిరారు. తెలంగాణ భవన్‌లో ఆర్మూర్‌ నియోజకవర్గ నేతలతో కేటీఆర్‌ భేటీ అయ్యారు. ఈ సందర్భంగా కేసీఆర్ కుటుంబం, రేవంత్ రెడ్డి ఆస్తులపై సుప్రీంకోర్టు,హైకోర్టు సిట్టింగ్ జడ్జితో సమగ్ర విచారణ జరిపించే దమ్ముందా అని ప్రశ్నించారు. నా ఆస్తులు, మీ ఆస్తులు పుట్టిన కాడి నుంచి తీద్దాం. కేసీఆర్ పుట్టినప్పటి నుంచి ఇప్పటివరకు, అలాగే మీరు (రేవంత్ రెడ్డి) పుట్టినప్పటి నుంచి నేటి వరకు కూడబెట్టిన ఆస్తులపై సిట్టింగ్ జడ్జితో విచారణకు లేఖ రాయడానికి మీకు దమ్ముందా? అని నిలదీశారు. విచారణలో తమ తప్పుందని తేలితే జడ్జి ఏ శిక్ష వేసినా సిద్ధమని స్పష్టం చేశారు. కమల్ హాసన్,రజనీకాంత్ కంటే సీఎం రేవంత్ గొప్పగా నటిస్తున్నారని ఎద్దేవా చేశారు. ప్రజా సమస్యల నుంచి దృష్టి మళ్లించేందుకే రేవంత్ నిరాధార ఆరోపణలు చేస్తున్నారని మండిపడ్డారు. తాను 2006లోనే హోటల్ వ్యాపారం ప్రారంభించానని, అది ఇప్పుడు మూడు హోటల్స్ అయ్యాయని, ఆ వివరాలన్నీ ఎన్నికల అఫిడవిట్లోనే స్పష్టంగా పేర్కొన్నట్లు తెలిపారు. వ్యాపారం చేయడం తప్పా అని ప్రశ్నించారు.కాంగ్రెస్ ప్రభుత్వం అధికారంలోకి వచ్చిన తర్వాత సిరిసిల్లలో 33 మంది చేనేత కార్మికులు ఆత్మహత్య చేసుకుని చనిపోయినా ప్రభుత్వానికి పట్టడం లేదని ఆరోపించారు. రాష్ట్రంలో ప్రజా పాలన అస్తవ్యస్తంగా మారిందని విమర్శించారు.ఇదీ చదవండి : అసెంబ్లీ కంటే జైలుకే ఎక్కువ సార్లు వెళ్లా : సీఎం రేవంత్‌ నాకు హోటల్ ఉందని 2009లోనే అఫిడవిట్‌లో పెట్టాను రేవంత్ రెడ్డి నాకు హోటల్ ఉంది అంటున్నాడు.. నేనే చెప్పినదాన్ని నువ్వు చెప్పేదేంది? కొలంబస్‌లాగా! వాస్కోడిగామా కనుక్కున్నట్లు నువ్వు కొత్తగా కనుక్కున్నదేంది? - కేటీఆర్ https://t.co/UEyF6nZaeY— Telugu Scribe (@TeluguScribe) October 1, 2026

హైదరాబాద్ : నాణ్యమైన వైద్య సేవలను ప్రజలకు మరింత చేరువ చేయాల్సిన అవసరం ఉందని తెలంగాణ రాష్ట్ర ఫైనాన్స్‌ అండ్‌ ప్లానింగ్‌ కమిషన్‌ సెక్రటరీ గౌరవ్‌ ఉప్పల్‌ అన్నారు. బంజారాహిల్స్‌ రోడ్‌ నెం 12లోని ఎమ్మెల్యే కాలనీలో ఉచ్వాస్‌ రిహాబిలిటేషన్‌ సెంటర్‌లో ‘జస్‌ ఆంకో’ పేరుతో నూతనంగా ఏర్పాటు చేసిన క్యాన్సర్‌ కేర్‌ సెంటర్‌ను గురువారం ఆయన సంస్థ వ్యవస్థాపకురాలు డైరెక్టర్‌ డాక్టర్‌ విజయలక్ష్మి బాలకృష్ణన్‌తో కలిసి హాజరై ప్రారంభించారు.ఈ సందర్భంగా ఆయన మాట్లాడుతూ క్యాన్సర్‌ చికిత్సకు ప్రభుత్వం నుంచి పలు సేవలు అందిస్తున్నప్పటికీ ప్రైవేట్‌ సంస్థలు కూడా రోగులకు అందుబాటు ధరల్లో వైద్యాన్ని అందించాలని, ఇలాంటి కేంద్రాలు మరిన్ని రావాలని సూచించారు. జస్‌ ఆంకో ఫౌండర్‌ డాక్టర్‌ విజయలక్ష్మి మాట్లాడుతూ తమిళనాడు కేంద్రంగా కొనసాగుతున్న తమ సంస్థ కార్యకలాపాలు దేశ వ్యాప్తంగా విస్తరిస్తున్నామని అందులో భాగంగానే తొలి కేంద్రాన్ని హైదరాబాద్‌లో ఏర్పాటు చేశామని రోజుల తరబడి ఆస్పత్రుల్లో ఇన్‌పేషంట్‌గా ఉండాల్సిన అవసరం లేకుండానే ఎన్నో రకాల క్యాన్సర్‌ వ్యాధులకు డే కేర్‌ ప్రొసీజర్‌లో వైద్యం అందించనున్నట్లు ఆమె వెల్లడించారు.రోగులపై ఆర్ధిక భారం తగ్గించే విధంగా తాము వైద్య చికిత్సా విధానలను అవలంభిస్తున్నట్లు వెల్లడించారు. ఈ డేకేర్‌ సెంటర్‌లో కీమోథెరపి, ఇమ్యునో థెరపి, టార్గెటెడ్‌ థెరపి వంటి వైద్య సేవలు అందిస్తున్నట్లు వెల్లడించారు. ఈ కార్యక్రమంలో ఉచ్వాస్‌ రిహాబిలిటేషన్‌ సెంటర్స్‌ చైర్మన్‌ డాక్టర్‌ అంబటి రాంపాపారావు, ఎంఎన్‌జే ఇనిస్టిట్యూట్‌ ఆఫ్‌ అంకాలజీ రీజినల్‌ సెంటర్‌ మాజీ డైరెక్టర్‌ డాక్టర్‌ ముక్త శ్రీనివాసులు తదితరులు పాల్గొన్నారు.

న్యూఢిల్లీ: తెలంగాణ‌లో బీఆర్ఎస్ పార్టీతో పొత్తుపై బీజేపీ సీనియ‌ర్ నాయ‌కుడు, కేంద్రమంత్రి జి. కిష‌న్‌రెడ్డి కీలక వ్యాఖ్యలు చేశారు. గురువారం ఢిల్లీలో ఆయ‌న మీడియాతో మాట్లాడుతూ.. తెలంగాణ‌లో బీఆర్ఎస్ పార్టీతో బీజేపీ ఎటువంటి పొత్తు పెట్టుకోద‌ని స్ప‌ష్టం చేశారు. బీఆర్ఎస్ పార్టీ ముందుకు వ‌చ్చినా తాము సిద్ధంగా లేమ‌ని చెప్పారు. ఖైర‌తాబాద్ ఉప ఎన్నిక‌ల్లో త‌మ పార్టీ విజ‌యం సాధిస్తుంద‌ని ఆయ‌న విశ్వాసం వ్య‌క్తం చేశారు.''తెలంగాణలో బీఆర్ఎస్‌తో బీజేపీ పొత్తు ఉండదు. బీఆర్ఎస్‌తో పొత్తు ఉంటుందని ఎవరు అంటున్నారు? బీఆర్ఎస్‌తో పొత్తు ఎవరు కోరుకోవడం లేదు. మొదట కేటీఆర్ ఆయ‌న‌ చెల్లెలు కవితతో కలిసి ఉండాలి. కేసీఆర్ కుటుంబ‌మంతా ఐక్యంగా ఉంటే చాలు. మేము వాళ్ల‌తో క‌ల‌వాల్సిన అవ‌స‌రం లేదు. ఖైర‌తాబాద్‌లో లాస్ట్ టైం పొర‌పాటున ఓడిపోయాం. ఈసారి వంద‌కు వంద శాతం సీటు నిల‌బెట్టుకుంటాం. బీజేపీని గెలిపించాల‌ని ఖైర‌తాబాద్ ప్ర‌జ‌లు ఇప్ప‌టికే మెంట‌ల్‌గా ప్రిపేరైపోయారు. కాంగ్రెస్ పార్టీ ఫిరాయింపుల‌ను ప్రోత్స‌హించి ప్ర‌జ‌ల తీర్పును కాల‌రాసింద''ని కిష‌న్‌రెడ్డి వ్యాఖ్యానించారు. రేవంత్‌.. సోనియా బానిస‌తెలంగాణ ముఖ్య‌మంత్రి రేవంత్ రెడ్డి చేసిన వ్యాఖ్య‌ల‌పై కిష‌న్‌రెడ్డి విమ‌ర్శ‌లు చేశారు. తెలంగాణ ప్ర‌జ‌ల ఆశీస్సుల‌తో అధికారంలోకి వ‌చ్చిన రేవంత్‌రెడ్డి.. సోనియా గాంధీ కుటుంబానికి బానిస‌గా ఉంటాన‌ని చెప్ప‌డాన్ని ఆక్షేపించారు. 'రేవంత్‌.. ఢిల్లీలో సోనియా కుటుంబానికి బానిస‌. హైద‌రాబాద్‌లో మ‌జ్లిస్ కుటుంబానికి బానిస' అని వ్యాఖ్యానించారు. మ‌హిళ‌ల రిజ‌ర్వేష‌న్లు, పార్ల‌మెంట్‌ సీట్ల పెంపు విష‌యంలో రేవంత్‌రెడ్డి అబ‌ద్దాలు చెబుతున్నార‌ని ధ్వ‌జ‌మెత్తారు. సీట్ల పెంపు విష‌యంలో అబ‌ద్దాల‌తో విషం చిమ్ముతూ, ప్ర‌జ‌ల‌ను త‌ప్పుదారి ప‌ట్టించే ప్ర‌య‌త్నం చేస్తున్నార‌ని దుయ్య‌బ‌ట్టారు. ముఖ్య‌మంత్రి స్థానంలో ఉండి అవ‌గాహ‌న లేకుండా మాట్లాడుతున్నార‌ని విమ‌ర్శించారు.ఇదీ చ‌ద‌వండి: ఖైర‌తాబాద్ ఉప ఎన్నిక ఆపాల‌ని పీజేఆర్ కుమార్తె పిటిష‌న్‌రేవంత్ వ్యాఖ్య‌ల‌ను ఖండిస్తున్నారేవంత్‌రెడ్డి త‌న వైఫ‌ల్యాల‌ను క‌ప్పిపుచ్చుకోవ‌డానికి స‌నాత‌న ధ‌ర్మం, రాజ్యాంగ‌బ‌ద్ధ సంస్థ‌ల‌పై విమ‌ర్శలు చేస్తున్నార‌ని ఆరోపించారు. ఎన్నిక‌ల్లో ఇచ్చిన హామీలు అమ‌లు చేయ‌కుండా.. మ‌తం, దేవుడి పేరుతో ప్ర‌జ‌ల దృష్టిని మ‌ళ్లించే ప్ర‌య‌త్నం చేస్తున్నార‌ని అన్నారు. రోజుకే కొత్త అంశాన్ని తెర మీద‌కు తెచ్చి నాట‌కాలు ఆడుతున్నార‌ని మండిప‌డ్డారు. రేవంత్‌రెడ్డి చేసిన వ్యాఖ్య‌ల‌ను తీవ్రంగా ఖండిస్తున్న‌ట్టు చెప్పారు. ప్ర‌జ‌ల‌ను అన్ని ర‌కాలుగా విభ‌జించే అలవాటు కాంగ్రెస్ పార్టీకి ఎప్ప‌టి నుంచో ఉంద‌ని కిష‌న్‌రెడ్డి పేర్కొన్నారు. Live: Press Meet, 6, Ashoka Road, New Delhi.https://t.co/z7uuGYvRgC— G Kishan Reddy (@kishanreddybjp) October 1, 2026

సాక్షి, హైదరాబాద్‌: ‘‘తన నియోజకవర్గంలో 20 వేల ఓట్లు తొలగించారని.. ఈసీ అధికారులు బీజేపీతో కుమ్మక్కై వారికి అనుబంధంగా పనిచేస్తున్నారంటూ మాజీ ఎమ్మెల్యే దానం నాగేందర్‌ వివాదాస్పద వ్యాఖ్యలు చేశారు. గురువారం ఆయన మీడియాతో మాట్లాడుతూ.. హైదరాబాద్‌లో మాత్రం మామూలుగా ఉండదు. ఎన్నికల కమిషనర్‌ కార్యాలయం తగలబడిపోతుంది’’ ఆయన అంటూ వ్యాఖ్యానించారు.ఢిల్లీ కేంద్రంగా బీజేపీ నేతలు వ్యవస్థీకృతమైన ఓట్‌ చోరీకి పాల్పడుతున్నారని.. ఈసీ తక్షణమే స్పందించి, తొలగించిన ఓట్లను యథావిధిగా పునరుద్ధరించాలని దానం డిమాండ్‌ చేశారు. ఇదిలా ఉండగా.. ఖైరతాబాద్‌ ఉప ఎన్నిక నోటిఫికేషన్‌ జారీ చేయకుండా ఎన్నికల సంఘాన్ని ఆదేశించాలని కోరుతూ కాంగ్రెస్‌ నాయకురాలు, పీజేఆర్‌ కుమార్తె విజయారెడ్డి తెలంగాణ హైకోర్టును ఆశ్రయించిన సంగతి తెలిసిందే. అయితే ఈ పిటిషన్‌పై అత్యవసర విచారణ జరపాలంటూ ఆమె దాఖలు చేసిన లంచ్‌ మోషన్‌ పిటిషన్‌ను హైకోర్టు తిరస్కరించింది. దీంతో, పిటిషన్‌ తదుపరి విచారణ ఎప్పుడు జరుగుతుంది? అనేది ఆసక్తికరంగా మారింది.ఇదీ చదవండి: ‘దానం వికెట్‌ పడింది.. రెండో వికెట్‌ ఎవరంటే..?’

సాక్షి, కరీంనగర్‌: తెలంగాణ ముఖ్యమంత్రి రేవంత్‌ రెడ్డిపై మాజీ మంత్రి, ఎమ్మెల్సీ జీవన్‌ రెడ్డి ఆగ్రహం వ్యక్తం చేశారు. బీఆర్‌ఎస్‌ అధినేత, మాజీ సీఎం కేసీఆర్‌, కేటీఆర్‌పై ద్వేషంతో రేవంత్‌ రెడ్డి మాట్లాడారు. ఇంగితజ్ఞానం ఉన్నవాళ్లు ఎవరూ ఇలా మాట్లాడరు అంటూ మండిపడ్డారు.మాజీ మంత్రి జీవన్‌ రెడ్డి కరీంనగర్‌లో మీడియాతో మాట్లాడుతూ..‘కేసీఆర్‌ ఆస్తులపై రేవంత్‌ రెడ్డి తప్పుడు ప్రచారం చేస్తున్నారు. పదేళ్ల బీఆర్‌ఎస్‌ పాలనలో రాష్ట్రాన్ని కేసీఆర్‌ ఆదర్శంగా నిలిపారు. ఎక్కడా లేని విద్యాసంస్థలను కేటీఆర్‌ సిరిసిల్లలో ఏర్పాటు చేశారు. కాంగ్రెస్‌ పాలన మూడేళ్లలో సిరిసిల్ల కార్మికులకు రేవంత్‌ ఏం చేశాడు? అని ప్రశ్నించారు. కేసీఆర్‌, కేటీఆర్‌పై ద్వేషంతో రేవంత్‌ రెడ్డి మాట్లాడారు’ అని చెప్పుకొచ్చారు.ఇదీ చదవండి: ఖైరతాబాద్‌ ఉప ఎన్నిక నోటిఫికేషన్‌ ఆపండి: పీజేఆర్‌ కూతురు పిటిషన్‌

సాక్షి, ఖైరతాబాద్‌: ఖైరతాబాద్‌ ఉప ఎన్నిక నోటిఫికేషన్‌ జారీ చేయకుండా ఎన్నికల సంఘాన్ని ఆదేశించాలని కోరుతూ కాంగ్రెస్‌ నాయకురాలు, పీజేఆర్‌ కుమార్తె విజయారెడ్డి తెలంగాణ హైకోర్టును ఆశ్రయించారు. అయితే ఈ పిటిషన్‌పై అత్యవసర విచారణ జరపాలంటూ ఆమె దాఖలు చేసిన లంచ్‌ మోషన్‌ పిటిషన్‌ను హైకోర్టు తిరస్కరించింది. దీంతో, పిటిషన్‌ తదుపరి విచారణ ఎప్పుడు జరుగుతుంది? అనేది ఆసక్తికరంగా మారింది.అయితే, 2024 అసెంబ్లీ ఎన్నికల్లో ఖైరతాబాద్‌ నుంచి కాంగ్రెస్‌ అభ్యర్థిగా విజయారెడ్డి పోటీ చేశారు. బీఆర్‌ఎస్‌ అభ్యర్థిగా దానం నాగేందర్‌ బరిలో నిలిచారు. ఎన్నికల్లో దానం నాగేందర్‌ విజయం సాధించారు. ఈ నేపథ్యంలో దానం నాగేందర్‌ ఎన్నికను సవాల్‌ చేస్తూ విజయారెడ్డి 2024లోనే హైకోర్టులో ఎలక్షన్‌ పిటిషన్‌ దాఖలు చేశారు. దానం నాగేందర్‌ ఎన్నికల అఫిడవిట్‌లో ఫారం-26కు సంబంధించిన వివరాలు పూర్తిగా పేర్కొనలేదని, అందువల్ల ఆయన ఎన్నిక చెల్లదని పేర్కొంటూ ఆమె ఈ పిటిషన్‌ దాఖలు చేశారు.ఈ ఎలక్షన్‌ పిటిషన్‌ ప్రస్తుతం హైకోర్టులో పెండింగ్‌లో ఉంది. దీనిపై తుది తీర్పు వెలువడే వరకు ఖైరతాబాద్‌ నియోజకవర్గానికి ఉప ఎన్నిక నోటిఫికేషన్‌ జారీ చేయకుండా ఎన్నికల సంఘాన్ని ఆదేశించాలని తాజాగా విజయారెడ్డి కోరారు. ఎలక్షన్‌ పిటిషన్‌ తేలకముందే ఉప ఎన్నిక నిర్వహిస్తే తదుపరి న్యాయపరమైన సమస్యలు తలెత్తే అవకాశం ఉందన్న అభిప్రాయంతోనే నోటిఫికేషన్‌ను నిలిపివేయాలని ఆమె కోర్టును ఆశ్రయించినట్లు తెలుస్తోంది. ఈ పిటిషన్‌పై అత్యవసరంగా విచారణ చేపట్టాలని చీఫ్‌ జస్టిస్‌ ఎదుట లంచ్‌ మోషన్‌ పిటిషన్‌ కూడా విజయారెడ్డి దాఖలు చేశారు. అయితే హైకోర్టు అత్యవసర విచారణకు నిరాకరించింది. దీంతో ఖైరతాబాద్‌ ఉప ఎన్నిక నోటిఫికేషన్‌పై విజయారెడ్డి దాఖలు చేసిన పిటిషన్‌ తదుపరి విచారణ ఎప్పుడు జరుగుతుంది? కోర్టు ఎలాంటి ఆదేశాలు ఇస్తుంది? అన్నది ఆసక్తికరంగా మారింది.ఇదీ చదవండి: రేవంత్‌ మాటలు.. బీజేపీకి వరంగా మారుతున్నాయా?

తెలంగాణ ముఖ్యమంత్రి రేవంత్ రెడ్డి తనంతట తాను కొన్ని అనవసర అంశాలను ప్రస్తావిస్తున్నారా? లేక సలహాదారులు , పీఆర్‌ టీమ్ రాసి ఇస్తున్న వాటిని పాలో అవుతున్నారో తెలియదు. కాని ఆయన చేస్తున్న ప్రసంగాలు కొన్నిసార్లు వివాదాస్పదం అవుతున్నాయి. కొన్ని వ్యాఖ్యలు హేతుబద్దంగా కనిపించడం లేదు. ఇటీవల ఢిల్లీలో అస్సాం చెందిన ఒక మీడియా నిర్వహించిన సదస్సులో ఆయన మాట్లాడారు. ఈ సందర్భంగా ఆయన ఒటర్ల జాబితా ప్రత్యేక సవరణను బ్రిటిష్ హయాం నాటి సైమన్ కమిషన్‌తో పోల్చారు. ఉత్తరాది, దక్షిణాది అంటూ తన అభిప్రాయాలు వ్యక్తం చేస్తూ శ్రీరాముడు ఉత్తరాది దేవుడు, ఉన్నవారి దేవుడు, శివుడు దక్షిణాది దేవుడు అంటూ చిత్రమైన వ్యాఖ్యలు చేశారు. నిజానికి ఇలాంటి విషయాలు మాట్లాడడానికి ముందు ఆయన పూర్తి స్థాయిలో అధ్యయనం చేస్తే బాగుంటుంది. అలాకాకపోతే ఆయన విమర్శలకు గురి అవుతారు. ఎన్నికల సంఘం దేశంలో ఎన్నికలను నిర్వహిస్తున్న తీరుపై , ఓటర్ల జాబితా ప్రత్యేక విస్తృత సవరణ అంశంలో అనుసరిస్తున్న విధానాలపై పలు ఆరోపణలు వస్తున్నాయి. ఇండియన్ ఎక్స్ ప్రెస్ ఈసీలో జరిగిన పరిణామాలపై ఇచ్చిన సంచలన కధనంతో ఆ సంస్థ ఆత్మరక్షణలో పడింది. ప్రధాన ఎన్నికల కమిషనర్ జ్ఞానేశ్ కుమార్ రాజీనామాకు ఆందోళనలు సాగుతున్నాయి. కాంగ్రెస్ పార్టీ కూడా ఈ నిరసనలలో పాల్టొంటోంది. హైదరాబాద్ లో పీసీసీ అద్యక్షుడు మహేష్ కుమార్ గౌడ్, ఉప ముఖ్యమంత్రి మల్లు భట్టి విక్రమార్క తదితరులు నిరసనలు నిర్వహించారు. ఓటర్ల జాబితా సవరణపై గత కొన్ని నెలలుగా రేవంత్ కాని, కాంగ్రెస్ నేతలు కాని పలు అనుమానాలు వ్యక్తం చేస్తున్నారు. ఆయా రాష్ట్రాలలో దీని పరిస్థితిపై లోక్ సభలో విపక్ష నేత రాహుల్ గాంధీ తీవ్రంగా స్పందిస్తున్నారు. ఈసీ పనితీరును ఉతికి ఆరేస్తున్నారు. దానికి ప్రతిగా బీజేపీ జవాబు ఇస్తోంది. ఇదంతా వేరే కధ. తాజాగా ఢిల్లీలో రేవంత్ చేసిన వ్యాఖ్యలు బహుశా దేశవ్యాప్త దృష్టిని ఆకర్షించడానికి చేశారా అన్న సందేహం కలుగుతుంది.ఆనాటి భారత ప్రభుత్వ చట్టాన్ని సమీక్షించడానికి, రాజ్యాంగ సంస్కరణలు చేపట్టడానికి సైమన్ కమిషన్ ఏర్పడింది. ఆ రోజుల్లో బ్రిటిష్ వారికి వ్యతిరేకంగా పోరాటం చేస్తున్న కాంగ్రెస్ పార్టీ ఈ కమిషన్ పై ఆందోళనకు పిలుపు ఇచ్చింది. సైమన్ కమిషన్ లో భారతీయులకు ప్రాతినిధ్యం కల్పించలేదన్నది ఈ నిరసనకు ప్రధాన కారణం. దీనిని ప్రస్తుత భారత ఎన్నికల సంఘం చేపట్టిన ఎస్ఐఆర్‌కు పోలిక ఏమిటో తెలియదు. ఓటర్ల జాబితా సవరణ లో వివక్ష జరుగుతోందని, విపక్షం అదికారంలో ఉన్న రాష్ట్రాలలో లక్షల సంఖ్యలో ఓట్లు గల్లంతు అవుతున్న వైనంపై పలు అభియోగాలు వచ్చాయి.అసలు చట్టం లేకుండానే ఈ ఎస్ఐఆర్ ప్రక్రియను చేపట్టడం, ఓటర్ నమోదుకు అవసరమయ్యే ఫామ్ 6 లో పలు మార్పులు పార్లమెంటుతో సంబంధం లేకుండా చేయడం, ఓట్ల తొలగింపు ప్రక్రియను డిల్లీ లో కేంద్రీకృత విధానంలో చేయడం వంటివాటిపై అనుమానాలు వచ్చాయి. ఈ విషయాలను వివరించడం తప్పు కాదు.కాని తెలిసి,తెలియని రీతిలో ముఖ్యమంత్రి స్థాయిలో ఉన్న వ్యక్తి ప్రసంగం చేస్తే అది ఆయనకు అంత ప్రతిష్టనివ్వదు. 13 కోట్ల ఓట్లను తొలగించిన వైనం, జనాభా పెరుగుతుంటే, ఓట్లు ఎలా తగ్గుతున్నాయని ప్రశ్నించడం వంటివి సమంజసమే. తమాషా అంశం ఏమిటంటే దేవుళ్లకు కూడా ఉత్తరాది, దక్షిణాది అని పేర్లు పెట్టడం. బహుశా దేశంలో ఏ రాజకీయ నేత ఇలాంటి విశ్లేషణ గతంలో చేసి ఉండరు.పైగా శివుడు పేదల దేవుడని, రాముడు సంపన్నుల దేవుడని ఆయన వర్గీకరించారు. దీనిపై కేంద్ర మంత్రి, బీజేపీ నేత బండి సంజయ్,బీజేపీ అధ్యక్షుడు ఎన్.రామచంద్రరావు తదితరులు దేవుళ్లను కూడా చీల్చుతారా? అని విమర్శిస్తూ కాంగ్రెస్ ది ఎప్పుడూ విభజించే విధానమే అని ధ్వజమెత్తారు.ఆ రకంగా బీజేపీకి ఈయన అవకాశం ఇచ్చినట్లయింది కదా! రేవంత్ చేసిన ఈ వాదనలో హేతుబద్దత కూడా కనిపించదు. నిజానికి ఉత్తరాది, దక్షిణాది అన్న తేడా లేకుండా భక్తులు శ్రీరాముడు, శివుడులను కొలుస్తారు. శ్రీరామ నవమి వస్తే శ్రీరాముడిని, శివరాత్రి వస్తే శివుడికి అభిషేకాలు నిర్వహిస్తుంటారు. తెలుగు రాష్ట్రాలలో రాముడి గుడి లేని గ్రామం ఉండదంటే ఆశ్యర్యం కాదు. అదే విధంగా శ్రీశైలంతో సహా పలు చోట్ల శివాలయాలు ఉంటాయి. భద్రాద్రిలో అదికారికంగా శ్రీరామనవమి చేస్తారు. ఎపీలో ఒంటిమింట, రామతీర్ధంలలో ప్రభుత్వం కార్యక్రమాలు చేస్తుంది. ఉత్తరాదిలో శివాలయాలు పెద్ద ఎత్తునే కనిపిస్తాయి. ఉదాహరణకు వారణాసిలో ఉన్నది శివలింగమే కదా! కేదార్ నాద్, బదరీనాద్, అమరనాద్ వంటి ప్రముఖ క్షేత్రాలలో శివార్చనలు జరుగుతుంటాయి. అంతేకాదు.. లక్షల సంఖ్యలో ఉండే దేవుళ్లను ఆయా ప్రాంతాలలో ఆచారాలను బట్టి పూజిస్తారు. దీనికి ప్రాంతీయత ఆపాదించడం ఏమిటో! అయోధ్యలో రాముడికి బీజేపీ ప్రభుత్వ ఆధ్వర్యంలో బ్రహ్మండమైన రీతిలో గుడి కట్టించిన నేపధ్యంలో ఆయన సంపన్నుల దేవుడని అన్నారో, లేక బీజేపీ సంపన్నుల పార్టీ అని చెప్పడానికి ఈ ఉపమానం వాడారో తెలియదు కాని అంత అర్దవంతంగా కనిపించదు.ఇదీ చదవండి: గతాన్ని మరిచిన బాబు.. ఈసీపై డబుల్‌ టాక్‌!?సాధారణంగా ఒక మాట చెబుతారు. విష్ణువు ధనికుడుగాను, శివుడు తిరిపమెత్తే దేవుడుగాను ప్రాచుర్యంలో ఉంటారు. బహుశా దానిని దృష్టిలో ఉంచుకుని రేవంత్ అన్నారేమో కాని, దానిని సరిగా చెప్పలేకపోయారనిపిస్తుంది. ధనిక, పేద తేడా లేకుండా హిందూ భక్తులు అంతా ఈ దేవుళ్లను పూజిస్తుంటారు. బీజేపీ వారు హరహర మహాదేవ అనరని రేవంత్ వ్యాఖ్యానించగానే, ప్రధాని మోడీ శివరాత్రినాడు అవే పదాలు వాడుతూ ప్రార్దనలుచేసిన వీడియోలు వచ్చేశాయి. అంటే సి.ఎమ్. స్థాయిలో ఉన్న వ్యక్తి ఎంత జాగ్రత్తగా ఉండాలో తెలియచేస్తుంది. తన గురువు చంద్రబాబు మాదిరే ఏది పడితే అది మాట్లాడితే రేవంత్ కే నష్టం అని కాంగ్రెస్ వర్గాలు వ్యాఖ్యానిస్తుంటాయి. ప్రధాని మోడీ తెలంగాణతో పాటు, బీజేపీ పాలిత రాష్ట్రాలకు కూడా అన్యాయం చేస్తున్నారని, అంతా గుజరాత్ కే చేసుకుంటున్నారని రేవంత్ ఆరోపించడం విచిత్రమే. బీజేపీ పాలిత రాష్ట్రాల తరపున ఈయన వకల్తా తీసుకోవడం ఏమిటో తెలియదు. అందుకు ఏమైనా ఉదహరణలు ఇచ్చారా అంటే అదీ కనబడదు. తాను కాంగ్రెస్ లోకి ఎందుకు రావల్సి వచ్చింది తదితర విశేషాలు చెప్పారు. వాటిలో అభ్యంతరాలు ఏమి లేవు. సహజంగానే బీఆర్ఎస్ పైన, కేసీఆర్‌పైన విమర్శనాస్త్రాలు సంధించారు. అయితే ఆంధ్రవాళ్ల పెత్తనంపై పోరాడి తెలంగాణ సాధించుకున్నామని రేవంత్ చెబుతున్నారు. మరి ఇప్పటికీ ఆయన ఆంధ్రా నాయకుడైన చంద్రబాబు నాయుడుకే శిష్యుడుగా ఉంటున్నారన్న విమర్శ ఎందుకు వస్తోంది? టీడీపీ ఎంపీ ఒకరు డ్రగ్స్ కేసులో పట్టుబడ్డా, అలాగే మరో ఎంపీ కుమారుడు చేసిన కారు ప్రమాదంలో ఒక మహిళ మరణించినా అరెస్టు చేయకపోవడం, ఏపీకి చెందిన కొందరు నేతలపై భూ కబ్జా ఆరోపణలు వచ్చినా చట్టాన్ని అమలు చేయకుండా, చూసిచూడనట్లు పోవడం వంటివాటిని గమనిస్తే ఇంకా వారి పెత్తనానికి రేవంత్ ప్రభుత్వం తలొగ్గి పనిచేస్తున్నదన్న భావన కలగదా! ఏది ఏమైనా రేవంత్ జాతీయ స్థాయిలో ప్రొజెక్టు కావాలన్న ఆలోచనలో తప్పు లేదు. కాని ఆ క్రమంలో చేసే ప్రసంగాలు, వ్యాఖ్యల పట్ల మరిన్ని జాగ్రత్తలు తీసుకుంటే మంచిది కదా!.-కొమ్మినేని శ్రీనివాసరావు, సీనియర్‌ జర్నలిస్ట్‌, రాజకీయ వ్యవహారాల వ్యాఖ్యాత.

మంచిర్యాల టౌన్‌: తన తల్లికి అనారోగ్యం ఉందని మంచిర్యాల ప్రభుత్వ జనరల్‌ ఆస్పత్రికి తీసుకు వస్తే, వైద్యులు, వైద్య సిబ్బంది పట్టించుకోకుండా నిర్లక్ష్యంగా వ్యవహరించారని ఓ వ్యక్తి ఆవేదన వ్యక్తం చేశాడు. అనంతరం ఆసుపత్రి వీల్‌చైర్‌లోనే తన తల్లిని రెండు కిలోమీటర్ల దూరంలో ఉన్న ఎమ్మెల్యే కొక్కిరాల ప్రేమ్‌సాగర్‌రావు నివాసానికి తీసుకెళ్లాడు. ఈ ఘటన మంగళవారం అర్ధరాత్రి దాటిన తర్వాత జరిగింది. బాధితుడు తెలిపిన వివరాల ప్రకారం.. మందమర్రి మండలం పులిమడుగు గ్రామానికి చెందిన భూక్య బుజ్జి కొంతకాలంగా కిడ్నీ వ్యాధితో బాధపడుతోంది.ఇతర ఆరోగ్య సమస్యలు తలెత్తడంతో కొడుకు రాజ్‌కుమార్‌ మంగళవారం రాత్రి మంచిర్యాల ప్రభుత్వ ఆస్పత్రికి వైద్యం కోసం తెచ్చారు. సిబ్బంది, వైద్యులు వీల్‌చైర్‌లోనే కూర్చోబెట్టి ఇంజక్షన్‌ ఇచ్చి వదిలేశారు. కనీసం బెడ్‌ ఇవ్వకపోగా, వైద్యం అందించడంలో వైద్యులు నిర్లక్ష్యంగా వ్యవహరించారంటూ తన తల్లిని అదే వీల్‌చైర్‌లో తీసుకుని అర్థరాత్రి 12:30 గంటల సమయంలో ఎమ్మెల్యే నివాసానికి చేరుకున్నాడు. పోలీసులు నచ్చజెప్పేందుకు ప్రయత్నించినా వినకుండా ఎమ్మెల్యే ఇంటి ముందు తన తల్లికి వైద్యం అందించాలని ఆందోళన చేశాడు. ప్రభుత్వ జనరల్‌ ఆస్పత్రి ఆర్‌ఎంవో డాక్టర్‌ శ్రీధర్‌ ఎమ్మెల్యే ఇంటికి చేరుకుని ఆస్పత్రిలో వైద్యం అందిస్తామని నచ్చజెప్పి తీసుకెళ్లారు. నెఫ్రాలజిస్టు లేకపోవడంవల్లే..: ఆస్పత్రి సూపరింటెండెంట్‌ అశోక్‌ ఈ ఘటనపై స్పందిస్తూ.. బుజ్జి ఆయాసం, ముఖం వాపు సమస్యలతో క్యాజువాలిటీకి మంగళవారం రాత్రి వచ్చిందని తెలిపారు. దీర్ఘకాలిక మూత్రపిండాల వ్యాధి, కుడివైపు పక్షవాతంతో బాధపడుతుంటే ఉస్మానియా జనరల్‌ హాస్పిటల్‌లో ఫిస్టులా ఆపరేషన్‌ చేయించుకోవాలని గతంలోనే సూచించామని తెలిపారు. కానీ ఆమె చేయించుకోలేదని పేర్కొన్నారు. నెఫ్రాలజిస్ట్‌ అందుబాటులో లేకపోవడంతో వరంగల్‌ ఎంజీఎంకు పంపించామన్నారు. ఆస్పత్రికి మద్యం మత్తులో వచ్చి, సెక్యూరిటీ సిబ్బందిపై దాడి చేసి రోగిని వీల్‌చైర్‌పై కావాలనే ఎమ్మెల్యే నివాసానికి తీసుకెళ్లారని తెలిపారు.

సంగారెడ్డి జిల్లా: ఆస్తులు పంచి ఇచ్చినా కుమారులు పోషించడం లేదని వృద్ధ దంపతులు బావిలో దూకి బలవన్మరణానికి పాల్పడ్డారు. ఈ సంఘటన సంగారెడ్డి జిల్లా నారాయణఖేడ్‌ మండలం చాప్టా(కె) గ్రామంలో చోటుచేసుకుంది. ఖేడ్‌ సీఐ శ్రీనివాస్‌రెడ్డి, గ్రామస్తులు తెలిపిన వివరాల ప్రకారం.. గ్రామానికి చెందిన ముంగె నర్సారెడ్డి (88), అంజమ్మ (85) దంపతులకు ముగ్గురు కుమారులు సిద్దారెడ్డి, కిష్టారెడ్డి, సంగారెడ్డి.ఇద్దరు కుమారులు గ్రామంలో వ్యవసాయం చేస్తుండగా రెండో కుమారుడు హైదరాబాద్‌కు వలస వెళ్లాడు. గ్రామంలో ఉన్న 30 ఎకరాల వ్యవసాయ భూమి ఇద్దరు కుమారులకు పంచి ఇచ్చినా తమను సాకక పోవడంతో మనస్తాపానికి గురయ్యారు. కొడుకుల తీరుతో అవమానంగా భావించిన దంపతులు గ్రామ శివారులోని తమ వ్యవసాయ భూమిలోని బావిలో దూకి ఆత్మహత్యకు పాల్పడ్డారు.

హైదరాబాద్‌: మున్సిపాలిటీలోని అవినీతి చేపలు ఏసీబీ వలకు చిక్కాయి. అక్రమ నిర్మాణాన్ని కూల్చివేయవద్దంటే డబ్బులు ఇవ్వాలని డిమాండ్‌ చేసి, రూ.75 వేలు తీసుకుంటుండగా ఏసీబీ అధికారులు పట్టుకున్నారు. ఏసీబీ డీఎస్పీ శ్రీధర్‌ తెలిపిన వివరాల ప్రకారం.. మొయినాబాద్‌లో ఇల్లు నిర్మించుకుంటున్న ఓ వ్యక్తి వద్ద టౌన్‌ ప్లానింగ్‌ అధికారి వాణి, సీనియర్‌ అసిస్టెంట్‌ సుదర్శన్‌ డబ్బులు డిమాండ్‌ చేశారు. అక్రమ నిర్మాణం చేపడుతున్నారని.. కూల్చివేయవద్దంటే రూ. లక్ష ఇవ్వాలని డిమాండ్‌ చేశారు. అంత ఇవ్వలేనని బాధితుడు చెప్పడంతో రూ.75 వేలకు ఒప్పందం కుదుర్చుకున్నారు. దీనిపై బాధితుడు మూడు రోజుల క్రితం ఏసీబీ అధికారులకు ఫిర్యాదు చేశాడు. బుధవారం సాయంత్రం అజీజ్‌నగర్‌లోని మొయినాబాద్‌ మున్సిపల్‌ కార్యాలయంలో సుదర్శన్‌కు రూ.75 వేలు ఇస్తుండగా, అక్కడే మాటు వేసిన ఏసీబీ అధికారులు దాడి చేసి పట్టుకున్నారు. ఆ తర్వాత టౌన్‌ప్లానింగ్‌ అధికారి వాణిని అరెస్టు చేశారు. ఇదే సమయంలో అత్తాపూర్‌లోని ఆమె ఇంట్లో సోదాలు నిర్వహిస్తున్నారు. కేసు దర్యాప్తు కొనసాగుతోందని.. ఇద్దరు నిందితులను గురువారం హైదరాబాద్‌లోని నాంపల్లి ప్రత్యేక ఏసీబీ కోర్టులో హాజరుపరుస్తామని ఏసీబీ అధికారులు తెలిపారు. ఐదు చోట్ల ఒక్కరే.. మొయినాబాద్‌లో ఏసీబీకి చిక్కిన టౌన్‌ ప్లానింగ్‌ అధికారి వాణి ఐదు మున్సిపాలిటీలకు ఇన్‌ఛార్జ్‌గా కొనసాగుతున్నారు. వికారాబాద్‌ టౌన్‌ ప్లానింగ్‌ అధికారి పోస్టులో ఉంటూ మొయినాబాద్, చేవెళ్ల, శంకర్పల్లితో పాటు నార్సింగి సర్కిల్‌లో ఇన్‌ఛార్జ్‌గా వ్యవహరిస్తున్నారు. ఈమె పనితీరు మొదటి నుంచీ వివాదాస్పదంగానే ఉందని తెలుస్తోంది. కొత్తగా ఏర్పడిన మొయినాబాద్‌ మున్సిపాలిటీలోనూ పెద్ద ఎత్తున అక్రమ వసూళ్లకు పాల్పడినట్లు ఆరోపణలు ఉన్నాయి.

సాక్షి, హైదరాబాద్‌: మహాత్మా గాంధీ జయంతిని పురస్కరించుకుని శుక్రవారం మాంసం, బీఫ్‌ దుకాణాలను, కబేళాలను మూసివేయాలని, జీహెచ్‌ఎంసీ ఆదేశాలు జారీ చేసింది. స్టాండింగ్‌ కమిటీ తీర్మానం మేరకు ఈ నిర్ణయం తీసుకున్నట్లు కమిషనర్‌ కర్ణన్‌ పేర్కొన్నారు. అలాగే.. మద్యం షాపులను కూడా బంద్‌ చేయాలని ఎక్సైజ్‌ శాఖ అధికారులు ఆదేశించారు.

సాక్షి,హైదరాబాద్‌: దాదాపు 35 ఏళ్లుగా పోలీసు కళ్లుగప్పి తప్పించుకుని తిరుగుతున్న రౌడీషీటర్‌ ఇల్యాస్‌ బిన్‌ హుస్సేన్‌ యాఫైని చార్మినార్‌ జోన్‌ టాస్క్‌ఫోర్స్‌ పోలీసుల చాకచక్యంగా పట్టుకున్నారు. ఈ మేరకు ఇన్‌చార్జి అదనపు డీసీపీ కేఎస్‌ రావు బుధవారం ఓ ప్రకటన విడుదల చేశారు. బార్కస్‌ సలాలాలకు చెందిన హుస్సేన్‌ యాఫై వృత్తిరీత్యా వాల్‌ పెయింటర్‌. 1991లో చంద్రాయణగుట్ట పరిధిలో జరిగిన హత్యాయత్నం కేసులో నిందితుడిగా ఉన్నాడు. ఈ నేపథ్యంలోనే ఇతనిపై రౌడీషీట్‌ తెరిచారు. ఈ విషయం తెలిసిన హుస్సేన్‌ యాఫై పోలీసుల నుంచి తప్పించుకోవడానికి ఉపాధి కోసమంటూ విదేశాలకు వెళ్లి కొన్నాళ్లు తలదాచుకున్నాడు. తిరిగి వచ్చిన తర్వాత కూడా వివిధ రాష్ట్రాల్లో పెయింటింగ్‌ పనులు చేస్తూ తప్పించుకుని తిరుగుతున్నాడు. ఇతడి కదలికలపై సమాచారం అందుకున్న ఇన్‌స్పెక్టర్‌ ఎస్‌.సైదాబాబు నేతృత్వంలో ఎస్‌ఐలు కె.రామారావు, ఎం.మహేష్, ఎం.మధులతో కూడిన బృందం వలపన్ని బుధవారం పట్టుకుంది. తదుపరి చర్యల నిమిత్తం చంద్రాయణగుట్ట పోలీసులకు అప్పగించింది.

సాక్షి, హైదరాబాద్‌: ఎలక్టాన్రిక్స్‌ ఇంజనీరింగ్‌ విద్యకు సరికొత్త సవాల్‌ ఎదురైంది. కీలకమైన సెమీ కండక్టర్ల తయారీలో విద్యార్థులు ప్రాక్టికల్‌ నాలెడ్జ్‌ కోల్పోతున్నారు. దేశంలో సెమీ కండక్టర్ల పరిశ్రమ విస్తరించకపోవడం, ఏఐ ఆధారిత మార్పులకు తగ్గట్టుగా అవసరమైన డిజైనింగ్‌పై దృష్టి పెట్టకపోవడం ప్రధాన సమస్యగా మారింది. దీనివల్ల ఎలక్ట్రానిక్స్‌ ఇంజనీరింగ్‌ విద్య పూర్తి చేసిన విద్యార్థులు బహుళ జాతి సంస్థల్లో సులువుగా స్కిల్డ్‌ ఉద్యోగాలు పొందలేని పరిస్థితి. ప్రపంచవ్యాప్తంగా చిప్‌ డిజైన్, తయారీ, టెస్టింగ్, ప్యాకేజింగ్‌ వంటి విభాగాల్లో నిపుణుల అవసరం పెరుగుతున్నప్పటికీ, ఇంజినీరింగ్‌ విద్యార్థులకు పరిశ్రమ అవసరాలకు సరిపోయే ప్రాక్టికల్‌ శిక్షణ కొరవడుతోందని దేశంలోని ఎన్‌ఐటీలు, ఐఐటీలు కేంద్ర ప్రభు త్వం దృష్టికి తెచ్చాయి. తాజాగా జరిపిన అధ్యయనంలో వెల్లడైన అంశాలతో ఓ నివేదిక సమరి్పంచాయి. ఎల్రక్టానిక్స్‌ బ్రాంచీ విద్యార్థులు తగిన నైపుణ్యం సంపాదించేలా సెమీ కండక్టర్‌ స్మార్ట్‌ చిప్‌ డిజైనింగ్‌పై పరిశోధన కేంద్రాలు పెంచాలని సూచించాయి.ఆ మార్పులు ఏ మూలకు?దేశవ్యాప్తంగా ఏటా దాదాపు 1.60 లక్షల మంది నేరుగా ఎలక్ట్రానిక్స్‌ ఇంజనీరింగ్‌లో చేరుతున్నారు. మరో లక్ష మంది వరకూ ఎల్రక్టానిక్స్, ఎలక్ట్రికల్‌ కోర్సుల్లో ప్రవేశాలు పొందుతున్నారు. ఎల్రక్టానిక్స్‌లో కీలకమైన విభాగం చిప్‌డిజైనింగ్‌. ఇంకా చెప్పాలంటే సెమీ కండక్టర్‌ చిప్స్‌ తయారీ. వీటిని ఇప్పటికీ మనం విదేశాల నుంచే దిగుమతి చేసుకుంటున్నాం. ఐఐటీలు, ఎన్‌ఐటీల్లో సామర్థ్యం ఉన్న విద్యార్థులు ఇతర దేశాలకు పరిశోధన కోసం వెళ్తున్నారు. దేశంలో ఉన్న విద్యార్థులకు పరిశోధన అవకాశాలు తక్కువగా ఉంటున్నాయనేది ఐఐటీల అధ్యయనం. వాస్తవానికి ఎలక్ట్రానిక్స్‌ కోర్సును రీడిజైన్‌ చేశారు. సెమీకండక్టర్‌ రంగానికి అనుగుణంగా వీఎల్‌ఎస్‌ఐ డిజైన్‌ అండ్‌ టెక్నాలజీ, ఐసీ మాన్యూఫ్యాక్చరింగ్‌పై ప్రత్యేక సబ్జెక్టులను జోడించారు. డిప్లొమా, మైనర్‌ డిగ్రీ కోర్సులు కూడా అందుబాటులోకి తెచ్చారు. థియరీ పరంగా బోధన ప్రణాళికను బలోపేతం చేసినప్పటికీ, ఆత్యాధునిక టూల్స్‌ వినియోగం ప్రాక్టికల్‌గా పెరగలేదని అధ్యయనంలో వెల్లడైంది. చిప్‌ టు స్టార్టప్‌ (సీ2ఎస్‌) వంటి కార్యక్రమాల ద్వారా విద్యా సంస్థలకు ఎల్రక్టానిక్స్‌ డిజైన్‌ ఆటోమేషన్‌ (ఈడీఏ) టూల్స్‌ను అందిస్తున్నారు. 2026 నాటికి 315 విద్యాసంస్థల్లో ఈ టూల్స్‌ అందుబాటులో ఉండగా, 68 వేల మందికి పైగా శిక్షణ పొందినట్లు కేంద్ర ప్రభుత్వం తెలిపింది. విద్యార్థులు చిప్‌ డిజైన్‌ నుంచి ఫ్యాబ్రికేషన్, ప్యాకేజింగ్, టెస్టింగ్‌ వరకు అనుభవం పొందేలా కార్యక్రమాలు కొనసాగుతున్నాయని వివరించింది. అయితే, వీటిని పరిశ్రమల్లో వాడే అనుభవం మాత్రం విద్యార్థులు పొందలేకపోతున్నారని ఐఐటీలు అంటున్నాయి.కాలేజీల సమస్యేంటి..? కేవలం వీఎల్‌ఎస్‌ఐ సబ్జెక్టులను సిలబస్‌లో చేర్చడం ద్వారా పరిశ్రమకు అవసరమైన నైపుణ్యాలు రావనేది ఐఐటీల వాదన. ఈడీఏ టూల్స్, సెమీకండక్టర్‌ ల్యాబ్‌లు, టేప్‌అవుట్, ఫ్యాబ్రికేషన్, అడ్వాన్స్‌డ్‌ ప్యాకేజింగ్, టెస్టింగ్‌పై విద్యార్థులకు ప్రత్యక్ష అనుభవం అవసరం. నీతి అయోగ్‌ కూడా సాధారణ వీఎల్‌ఎస్‌ఐ నైపుణ్యాలను దాటి ప్రాసెస్‌ ఇంటిగ్రేషన్, అడ్వాన్స్‌డ్‌ ప్యాకేజింగ్, మెటీరియల్స్‌ ఇంజనీరింగ్, రిలయబులిటీ, ప్యాకేజీ అవేర్‌ డిజైన్‌ వంటి ప్రత్యేక నైపుణ్యాలు కావాలని సూచించింది. అయితే, ఇంజనీరింగ్‌ కాలేజీలు మాత్రం ఆ స్థాయిలో బోధించే అధ్యాపకుల కొరతను ఎదుర్కొంటున్నాయి. ఎలక్ట్రానిక్స్‌ బోధన రంగంలో అనుభవం ఉన్నప్పటికీ మారిన స్మార్ట్‌ డిజైన్‌ చిప్‌లపై మరింత శిక్షణ అవసరమంటున్నారు. ఈ దిశగా అధ్యాపకులకు ప్రత్యేక ఓరియంటేషన్‌ కూడా కావాలని సూచిస్తున్నారు. కాలేజీలు దీన్ని భరించేందుకు ముందుకు రావడం లేదు. దేశంలో సెమీ కండక్టర్ల రంగం బలంగా లేకపోవడం వల్ల విదేశీ నిపుణులతో శిక్షణ తీసుకోవాలి. దీనికి అయ్యే ఖర్చు విద్యార్థుల నుంచి వసూలు చేసే అవకాశం ఇవ్వానేది కాలేజీల వాదన. పరిశ్రమ–వర్సిటీ భాగస్వామ్యాలు, ఇంటర్న్‌షిప్‌లు, లైవ్‌ చిప్‌ డిజైన్‌ ప్రాజెక్టులు, ఫ్యాబ్‌ సంస్థలతో శిక్షణ కార్యక్రమాలను పెంచడం కూడా ఖర్చుతో కూడుకున్నదేనని చెబుతున్నాయి. అయితే, సెమీ కండక్టర్‌ రంగం భవిష్యత్‌లో కేవలం ఈసీఈ విద్యార్థులకే పరిమితం కాదని నిపుణులు అంటున్నారు. మెకానికల్, కెమికల్, మెటీరియల్‌ సైన్స్, కంప్యూటర్‌ సైన్స్‌ విద్యార్థులకూ చిప్‌ తయారీ, ప్యాకేజింగ్, పరికరాల నిర్వహణ, ఆటోమేషన్, డేటా విశ్లేషణ వంటి విభాగాల్లో అవకాశాలు ఉంటాయని చెబుతున్నారు. పరిశోధనలు పెంచితేనే ఈ తరహా విద్యకు అర్థం ఉంటుందని ఐఐటీలు, ఎన్‌ఐటీలు కేంద్రానికి చేసిన ప్రతిపాదనల్లో పేర్కొన్నాయి.

సాక్షి, హైదరాబాద్‌: తెలంగాణ సంస్కృతికి ప్రతీక, రాష్ట్ర పక్షి అయిన పాలపిట్ట (ఇండియన్‌ రోలర్‌) రాష్ట్రంలో క్రమంగా మాయమవుతోంది. గత దశాబ్ద కాలంలో వీటి జనాభా 30 నుంచి 35 శాతం వరకు పడిపోయింది. దస రా పండుగ రోజు పాలపిట్టను చూడటం శుభమే, కానీ దాన్ని బోనులో బంధించి చూడటం పాపం, చట్టరీత్యా నేరం. వన్యప్రాణి సంరక్షణ చట్టం 1972 ప్రకారం పాలపిట్టలను పట్టుకోవడం శిక్షార్హం. ఒకప్పుడు దసరా వచ్చిందంటే చాలు పల్లెల్లో, పట్టణాల్లో పొలాల గట్ల వెంబడో, విద్యుత్‌ తీగలపైనో నీలిరంగు రెక్కల పాలపిట్టలు విరివిగా కనిపించేవి. కానీ ఈ ఏడాది దసరా సీజన్‌ నాటికి క్షేత్రస్థాయి పరిస్థితులు ఆందోళనకరంగా మారాయి.అంతర్జాతీయ ప్రకృతి పరిరక్షణ సమితి (ఐయూసీఎన్‌) పాలపిట్టను మునుపటి ‘కనిష్ట ఆందోళన’(లీస్ట్‌ కన్సర్న్‌) విభాగం నుంచి ‘సమీప ముప్పు’(నియర్‌ త్రెటెన్డ్‌) విభాగానికి మార్చింది.హైదరాబాద్‌ బర్డ్‌ అట్లాస్‌ సర్వే ప్రకారం నగర శివార్లలో, రాష్ట్రవ్యాప్తంగా జరిగిన పక్షుల గుర్తింపు సర్వేల్లో పాలపిట్టల లభ్యత అత్యంత అరుదుగా మారింది. 70 వేలకు పైగా పక్షులను సర్వే చేయగా కేవలం వేళ్ల మీద లెక్కించదగిన సంఖ్యలోనే పాలపిట్టల ఉనికి బయటపడింది. వేటగాళ్లు దసరా సమయంలో ఈ పక్షులను బంధించి గుడుల వద్ద ప్రదర్శనకు ఉంచడాన్ని అరికట్టేందుకు తెలంగాణ అటవీ శాఖ ఇతర స్వచ్ఛంద సంస్థలతో కలిసి 2026 దసరా వేళ ముమ్మర తనిఖీలు, కఠిన చర్యలు చేపట్టింది. గతేడాది దసరా సమయంలో 28 పాలపిట్టలను రక్షించి అడవుల్లోకి వదిలారు. సంఖ్య క్రమంగా తగ్గడానికి ప్రధాన కారణాలు » పాలపిట్టలు అంతరించిపోవడానికి మానవ తప్పిదాలు, పర్యావరణ మార్పులే ప్రధాన కారణాలని పక్షి శాస్త్రవేత్తలు హెచ్చరిస్తున్నారు. » విచక్షణారహితంగా పురుగుల మందుల వాడకం: పాలపిట్టలు ప్రాథమికంగా కీటకాలను ఆహారంగా తీసుకుంటాయి. వ్యవసాయంలో కెమికల్స్, పెస్టిసైడ్స్‌ విపరీతంగా వాడటం వల్ల ఇవి తినే కీటకాలు నశించిపోతున్నాయి. విషపూరితమైన ఆహారం వల్ల పాలపిట్టల సంతానోత్పత్తి సామర్థ్యం కూడా తగ్గుతోంది » ఆవాసాల విధ్వంసం (హాబిటాట్‌ లాస్‌): పట్టణీకరణ వేగంగా పెరగడం వల్ల చెట్లు, మైదానాలు మాయమవుతున్నాయి. పాలపిట్టలు సాధారణంగా తాటిచెట్లు లేదా పాత వృక్షాల తొర్రల్లో గూళ్లు పెట్టుకుంటాయి. తాటిచెట్ల నరికివేత వల్ల వీటికి నివాసాలు కరువయ్యాయి » దసరా వేళ అక్రమ వేట: దసరా పండుగ సందర్భంగా ప్రజల మూఢనమ్మకాలను ఆసరాగా చేసుకుని వేటగాళ్లు వీ టిని జిగురు పెట్టి పట్టుకుంటారు. చిన్న బోనుల్లో బంధించడం వల్ల, వాటి రెక్కలు కత్తిరించడం వల్ల తీవ్రమైన ఒత్తిడికి గురై, ఆహారం తీసుకోలేక సగానికి పైగా పక్షులు చనిపోతున్నాయి. » చైనా మాంజా ముప్పు: పతంగుల సీజన్‌లో వాడే పదునైన చైనా మాంజా దారాలు తగిలి ఎన్నో పాలపిట్టలు ప్రాణాలు కోల్పోతున్నాయి » దసరా సందర్భంగా పాలపిట్టకున్న ప్రాధాన్యం: తెలంగాణ సంస్కృతిలో పాలపిట్టకు విజయదశమికి విడదీయరాని బంధం ఉంది » పురాణ నేపథ్యం: మహాభారత చరిత్ర ప్రకారం, పాండవులు అజ్ఞాతవాసం ముగించుకుని, జమ్మిచెట్టుపై దాచిన తమ ఆయుధాలను తిరిగి తీసుకునే సమయంలో పాలపిట్ట రూపంలోనే దేవుడు దర్శనమిచ్చాడని పురాణాలు చెబుతున్నాయి. అలాగే శ్రీరాముడు రావణ వధకు తరలివెళ్లే ముందు పాలపిట్టను చూసి విజయం సాధించాడని నమ్ముతారు. » శుభ సూచకం: దసరా రోజు సాయంత్రం జమ్మి పూజ ముగించుకుని ఊరి పొలిమేరల్లో పాలపిట్టను దర్శించుకుంటే కష్టాలన్నీ తీరి, అంతా శుభం జరుగుతుందని, ఏటా విజయాలు సిద్ధిస్తాయని తెలంగాణ ప్రజల బలిష్టమైన నమ్మకం » రైతు నేస్తం: కేవలం ఆధ్యాత్మికంగానే కాకుండా, పాలపిట్ట పంటలను నాశనం చేసే పురుగులు, కీటకాలను తింటూ రైతుకు మేలు చేస్తుంది. అందుకే దీన్ని వ్యవసాయ శ్రేయస్సుకు, సమృద్ధికి చిహ్నంగా భావిస్తారురాష్ట్రప్రభుత్వం, సమాజం, వ్యక్తుల పరంగా వాటి పరిరక్షణకు వెంటనే కచ్చితమైన చర్యలు చేపట్టాలి. పర్యావరణ పరిరక్షణకు సంబంధించిన అన్నివర్గాల ప్రజల్లో అవగాహన, చైతన్యం పెంపొందించాలి. ఈ పక్షులు గతంలో యాప్రాల్‌ చెరువు, అమీన్‌పూర్‌ లేక్, కిష్టారెడ్డిపేట, కొడకంచి, అనంతగిరి ఇలా ప్రతీచోటా విరివిగా కనిపించేవి. ఇప్పుడు పాలపిట్ట కనబడితేనే దసరా అన్నట్టుగా పరిస్థితులు తయారయ్యాయి. వాటి ఫ్రీక్వెన్సీ 60, 70 శాతం పడిపోయింది. హైదరాబాద్‌ చుట్టుపక్కల పొలాలు లేక, చెట్లు లేక టౌన్‌షిప్‌లు, గేటెడ్‌ కమ్యూనిటీల్లో ఇక్కడి వాతావరణ పరిస్థితులకు తగ్గట్టుగా చెట్లు పెట్టలేకపోవడంతో పాలపిట్టలే కాకుండా పక్షులే గూడుపెట్టుకోలేక పోతున్నాయి. జీవవైవిధ్యం మెరుగుపరిచే చర్యలేవీ చేపట్టడం లేదు. రోజురోజుకూ కాలుష్యం పెరుగుతోంది. చెరువులు కలుషితమవుతున్నాయి. ఒక్క పాలపిట్టనే కాకుండా అన్ని పక్షుల సంరక్షణకు వెంటనే అత్యవసర చర్యలు తీసుకోవాల్సిన అవసరం ఉంది. – హరికృష్ణ ఆడెపు, అధ్యక్షుడు, హైదరాబాద్‌ బర్డింగ్‌ పాల్స్‌

పెనుబల్లి: స్కూల్‌ పిల్లలకు ఉదయం 8.30 గంటలకు పెట్టాల్సిన అల్పాహారం 10.30 గంటలకు వడ్డించారు. అంతేకాక మెగా కిచెన్‌లో తెల్లవారుజామున సిద్ధమైన టిఫిన్‌ పాఠశాలకు వచ్చేసరికి చల్లారిపోయింది. ఈ క్రమాన టిఫిన్‌ తిన్న విద్యార్థులు అస్వస్థతకు గురైన ఘటన ఖమ్మం జిల్లా పెనుబల్లి మండలం ఉప్పలచెలక ప్రాథమిక పాఠశాలలో బుధవారం చోటుచేసుకుంది. పాఠశాలకు చెందిన విద్యార్థులు 25 మందికి ఉదయం అల్పాహారంగా ఉప్మా, చట్నీ అందజేశారు. అయితే, ఆలస్యంగా టిఫిన్‌ సమకూర్చగా, ఆ కాసేపటికి మధ్యాహ్నం భోజనం కూడా పెట్టారు. అనంతరం నాలుగు, ఐదు తరగతులకు చెందిన ఆరుగురు విద్యార్థులు వాంతులు చేసుకోవడంతో పెనుబల్లి ప్రభుత్వ ఆస్పత్రిలో చికిత్స అందించారు. టిఫిన్‌ తయారుచేశాక ఆలస్యంగా రావడంతో అది తిన్న విద్యార్థులు అస్వస్థతకు గురై ఉండొచ్చని భావిస్తున్నారు. ప్రస్తుతం విద్యార్థుల ఆరోగ్య పరిస్థితి నిలకడగానే ఉందని వైద్యులు తెలిపారు. మధిరలో ఉన్న మెగా కిచెన్‌నుంచి 50 కిలోమీటర్ల దూరంలో ఉన్న పెనుబల్లికి టిఫిన్‌ చేరవేసేందుకు ఆలస్యమవుతోందని చెబుతున్నారు.

సాక్షి, హైదరాబాద్‌: నైరుతి రుతుపవనాల సీజన్‌ ముగిసింది. ప్రస్తుతం రుతుపవనాల ఉపసంహరణ ప్రక్రియ కొనసాగుతోంది. గురుదాస్‌పూర్, చండీగఢ్, ముజఫర్‌ నగర్, అలీఘర్, ధోల్‌పూర్, ఉదయ్‌పూర్, దీసా, నలియా నుంచి రుతుపవనా ల ఉపసంహరణ కొనసాగుతోందని వాతావరణ శాఖ తెలిపింది. ఈనెల రెండోవారం చివరికల్లా ఉపసంహరణ ప్రక్రియ దేశవ్యాప్తంగా ముగిసే అవకాశం ఉన్నట్లు వాతావరణ శాఖ వెల్లడించింది. నైరుతి రుతుపవనాల సీజన్‌ ఈసారి తీవ్ర నిరాశకు గురిచేసింది. రాష్ట్రంలో సాధారణ వర్షపాతంకంటే తక్కువగా వానలు కురిశాయి. ఈ సీజన్‌లో సగటున 74.06 సెంటీమీటర్ల వర్షపాతం నమోదు కావాల్సి ఉండగా... కేవలం 61.55 సెంటీమీటర్ల వర్షం మాత్రమే కురిసింది. సాధారణం కంటే 12.51 సెంటీమీటర్ల తక్కువ వర్షపాతం నమోదైంది. సీజన్‌ ముగిసే నాటికి రాష్ట్రంలో 17 శాతం లోటు నమోదు కావడం గమనార్హం. పదేళ్లలో అతి తక్కువ వర్షాలు ఈసారి నమోదయ్యాయి. రాష్ట్రవ్యాప్తంగా 15 జిల్లాల్లో సాధారణ వర్షపాతం నమోదైందని, 18 జిల్లాల్లో లోటు పరిస్థితి ఉందని రాష్ట్ర ప్రణాళిక శాఖ గణాంకాలు చెబుతున్నాయి. మండలాల వారీగా వర్షపాతం పరిస్థితిని చూస్తే... ఒక మండలంలో అత్యధిక వర్షపాతం నమోదు కాగా, 36 మండలాల్లో అధికం, 259 మండలాల్లో సాధారణం, 320 మండలాల్లో లోటు, 5 మండలాల్లో అత్యధిక లోటు నమోదైంది.

సాక్షి, సిటీబ్యూరో : రహదారి భద్రతను మెరుగు పరిచి, ట్రాఫిక్‌ సమస్యల పరిష్కారానికి ప్రభుత్వం ప్రత్యేకంగా టీ–మార్స్‌ పేరుతో విభాగాన్ని ఏర్పాటు చేసింది. కానీ.. ఏళ్లుగా పెండింగ్‌లో ఉన్న ప్రతిపాదనలు యంత్రాంగాల నిర్లక్ష్యం కారణంగా నగర జీవికి నరకం చూపిస్తున్నాయి. అంతర్జాతీయ ప్రమాణాల ప్రకారం నగర విస్తీర్ణంలో కనిష్టంగా 12 శాతం రోడ్లు ఉండాలి. హైదరాబాద్‌ పురాతన నగరం కావడం, అన్‌ప్లాన్డ్‌గా విస్తరించడం తదితర కారణాలతో కేవలం 9 శాతం మాత్రమే రోడ్లు విస్తరించి ఉన్నాయి. ప్రణాళికాబద్ధంగా ఫ్లై ఓవర్లను నిర్మిస్తే ఈ రోడ్ల పరిమాణాన్ని పెంచుకునే అవకాశం ఉంది. తీవ్ర ఇబ్బందులు కలిగిస్తున్న కొన్ని అడ్డంకులు తొలగిస్తే ట్రాఫిక్‌ కష్టాలు చాలావరకు తగ్గుతాయి. నగర రోడ్ల సమస్యలను గుర్తించేది ట్రాఫిక్‌ పోలీసులే అయినప్పటికీ వాటికి పరిష్కారం చూపాల్సింది మాత్రం మున్సిపల్‌ అధికారులే. ట్రాఫిక్‌ ఇబ్బందులను తొలగించడానికి కొన్ని కీలకమైన మౌలిక వసతులు ఏర్పాటు చేయాల్సిందిగా కోరుతూ అనేకసార్లు ట్రాఫిక్‌ పోలీసులు నివేదికలు పంపారు. ఇప్పటికీ ఇవి పూర్తిస్థాయిలో అమలులోకి రాలేదు. పెండింగ్‌ ప్రతిపాదనలిలా.. ట్రక్‌ టెర్మినల్స్‌ నగరంలోకి మృత్యుశకటాలుగా దూసుకువస్తున్న లారీల కారణంగా అనేక ప్రమాదాలు చోటు చేసుకోవడంతో పాటు తీవ్రమైన ట్రాఫిక్‌ ఇబ్బందులు తలెత్తుతున్నాయి. ఈ సమస్యకు పరిష్కారంగా నగర శివార్లలో ట్రక్‌ టెర్మినల్స్‌ ఏర్పాటు ప్రతిపాదన ఏళ్లుగా పెండింగ్‌లోనే ఉండిపోయింది. ప్రైవేట్‌ బస్టాండ్లు నగరం నుంచి బయటకు వెళ్తున్న, నగరానికి వస్తున్న ప్రైవేటు బస్సులు ప్రాంతాల్లో రోడ్లపై పార్క్‌ అవుతున్నాయి. నిర్దేశిత సమయం కంటే ముందే నగరంలోకి ‘చొచ్చుకువసున్నాయి’. దీంతో ప్రమాదాలు, ట్రాఫిక్‌ జామ్స్‌ పెరుగుతున్నాయి. నలువైపులా ప్రైవేట్‌ బస్టాండ్ల ఏర్పాటుకు అనువైన ప్రాంతాల్ని గుర్తించాలి. ప్రణాళికబద్ధంగా ఫ్లైఓవర్లు నగరంలో ప్రస్తుత ఫ్లైఓవర్లకు తోడు అదనంగా మరి అవసరమని ట్రాఫిక్‌ అధికారుల అభిప్రాయం. ప్రస్తుతం ఉన్న సీతాఫల్‌మండి, జామై ఉస్మానియా, బేగంపేట, తెలుగుతల్లి, డబిర్‌పుర, గ్రీన్‌లాండ్స్, లాలాపేట్‌ ఫ్లైఓవర్లకు ప్రత్యామ్నాయ మార్గాలు లేక ఇబ్బందులు వస్తున్నాయి.ఎఫ్‌ఓబీలతోనే పాదచారుల భద్రత నిత్యం రోడ్డు ప్రమాదాల బారిన పడతున్న వారిలో ద్విచక్ర వాహనచోదకుల తర్వాతి స్థానం పాదచారులదే. దీనికి పరిష్కారంగా ప్రస్తుతం హైదరాబాద్‌ కమిషనరేట్‌ పరిధిలోని ఫుట్‌ ఓవర్‌ బ్రిడ్జిలకు తోడు మరో 37 చోట్ల వీటిని నిర్మించి పాదచారులు ప్రమాదాల బారిన పడకుండా చూడాలన్నది ఏళ్ల క్రితం నాటి ప్రతిపాదన.

సాక్షి, రంగారెడ్డి జిల్లా: అర్బన్‌ ల్యాండ్‌ సీలింగ్‌ (యూఎల్‌సీ) భూముల్లోని ప్లాట్లు, ఫాట్లు, ఇళ్ల నిర్మాణాలను రిజిస్టర్‌ చేయడానికి రిజిష్ట్రేషన్‌ శాఖ అధికారులు ససేమిరా అంటున్నారు. తమకు వీటికి సంబంధించి స్పష్టమైన ఆదేశాలు లేవంటూ దాటవేస్తున్నారు. వాస్తవానికి నిషేధిత జాబితా (22ఏ) ఉన్నా హెచ్‌ఎండీఏ, డీటీసీపీ, జీహెచ్‌ఎంసీలు అనుమతులున్న లే అవుట్‌లు లేదా నిర్మాణాల రిజిస్ట్రేషన్‌కు ప్రభుత్వం గ్రీన్‌సిగ్నల్‌ ఇచ్చింది. తద్వారా లక్షలాది మందికి ఉపశమనం కలుగుతుందని స్పష్టం చేసింది. కానీ యూఎల్‌సీ భూముల విషయంలో స్పష్టత ఇవ్వలేదంటూ సబ్‌ రిజిస్ట్రార్‌లు రిజిష్ట్రేషన్లు చేయడానికి నిరాకరిస్తున్నారు. యూఎల్‌సీ భూముల క్రమద్ధీకరణకు సంబంధించి పెండింగ్‌లో ఉన్న దరఖాస్తులను పరిశీలించి పరిష్కరించాలని రెవెన్యూ అధికారులకు ఆదేశాలు ఉన్నాయి తప్ప...రిజిష్ట్రేషన్‌ చేయాలంటూ తమకు ఎలాంటి ఆదేశాలు రాలేదని వారు చెబుతున్నారు. 2016కు ముందు యూఎల్‌సీ భూమల క్రమబద్దీకరణ చేసుకున్న దరఖాస్తులు మాత్రమే పరిశీలించాలంటూ కలెక్టర్‌కు ప్రభుత్వం ఉత్తర్వులు జారీ చేసిందని అంటున్నారు. అయితే ఈ పది సంవత్సరాల కాలంలో యూఎల్‌సీ భూముల్లో వేలాది కాలనీలు, నిర్మాణాలు వెలిశాయి. ఆయా కాలనీల్లోని భవనాలు, ఫ్లాట్ల రిజిస్ట్రేషన్ల గురించి ఎలాంటి స్పష్టత ఇవ్వకుండా ప్రభుత్వం దాటవేత ధోరణి ప్రదర్శించడం లక్షలాది మంది తీవ్ర ఇబ్బందులను ఎదుర్కోవాల్సి వస్తోంది. యూఎల్‌సీ భూముల్లో పురపాలక సంస్థలు అనుమతులు ఇచ్చినా.. ఆ భూములకు లింక్‌ డాక్యుమెంట్లు ఉన్నా అలాంటి వాటికి సంబంధించి ప్రజలకు మాత్రం ఎలాంటి ఉపశమనం లేదని వారు తీవ్ర అందోళన వ్యక్తం చేస్తున్నారు. 2016 సంవత్సరంలోనే యూఎల్‌సీ భూములను క్రమబద్ధం చేస్తామని ప్రభుత్వం ఉత్తర్వులు జారీ చేయడంతో.. దాదాపు 14 వేలకు పైగా దరఖాస్తులు వచ్చాయి. కానీ వాటిపై పదేళ్లపాటు ఎలాంటి నిర్ణయాలు తీసుకోకుండా కాలాయాపన చేశారు. ఆ తర్వాత కూడా వందలాది కాలనీలు వెలిశాయని, అందుకు సంబంధించి రిజిష్ట్రేషన్‌ డాక్యుమెంట్లు ఉన్నా.. ఇప్పుడు యూఎల్‌సీ భూములంటూ వాటికి రిజిస్ట్రేషన్‌లు చేయడం లేదనే విమర్శలు వ్యక్తమవుతున్నాయి. అత్యవసరానికి విక్రయించుకోవాలన్నా కూడా రిజిష్ట్రేషన్‌ వెసులుబాటు లేకుండా పోయిందని వాపోతున్నారు. మంత్రి ఆదేశాలు బేఖాతర్‌ హెచ్‌ఎండీఏ, డీటీసీపీ, జీహెచ్‌ఎంసీలు అనుమతి ఇచ్చిన లే అవుట్లలోని ప్లాట్లు, ఇళ్లను రిజిష్ట్రేషన్‌ చేయాలని సెప్టెంబర్ 24న ఆ శాఖ మంత్రి పొంగులేటి శ్రీనివాసరెడ్డి సంబంధిత అధికారులకు ఆదేశాలు జారీ చేసిన విషయం తెలిసిందే. ఈ నేపథ్యంలో సరూర్‌నగర్‌ మండలం రోషన్‌దౌలాకు చెందిన ఓ బాధితుడు తన ఆస్తిని రిజిష్ట్రేషన్‌ చేయాలని ఇటీవల ఎల్బీనగర్‌ సబ్‌ రిజిస్ట్రార్‌ జ్యోతిని ఆశ్రయించగా, ఇందుకు ఆమె నిరాకరించారు. ‘మీ ఆస్తి ఇప్పటికీ నిషేధిత జాబితాలోనే ఉంది. కలెక్టర్‌ నుంచి ఎన్‌ఓసీ తెచ్చుకోవాలి’అని చెప్పి డాక్యుమెంట్‌ రిజిష్ట్రేషన్‌ ప్రక్రియను దాటవేశారు. దీంతో సదరు బాధితుడు ఆ శాఖ ఐజీకి ఫిర్యాదు చేశారు. యూఎల్‌సీ భూముల రిజిస్ట్రేషన్లు ఆపొద్దంటూ 2026 జూన్‌ 6న హైకోర్టు జారీ చేసిన ఉత్తర్వులను బాధితుడు సదరు ఎస్‌ఆర్‌ఓకు చూపించినా అంగీకరించకపోవడం గమనార్హం. మంత్రి సహా ఉన్నతాధికారుల మౌఖిక ఆదేశాలు ఉన్నా..అధికారుల వైఖరిలో మార్పులేకుండా పోయిందనే విమర్శలు విన్పిస్తున్నాయి. పెద్ద అంబర్‌పేటలో డబుల్‌ రిజిష్ట్రేషన్‌ అబ్దుల్లాపూర్‌మెట్‌ మండలం పెద్ద అంబర్‌పేట్‌ పరిధిలోని తట్టి అన్నారంలో ఒకే ప్లాట్‌కు డబుల్‌ రిజిస్ట్రేషన్‌ కలకలం రేపింది. కోర్టు కేసు ఉన్న ఖాళీ స్థలానికి సదరు సబ్‌ రిజిస్ట్రార్‌ మళ్లీ రిజిష్ట్రేషన్‌ చేయడం వివాదాస్పదమైంది. మూడు రోజుల క్రితం బాధితులు ఏకంగా పెద్ద అంబర్‌పేట సబ్‌రిజిస్ట్రార్‌ ఆఫీసు ముందు ఆందోళనకు దిగారు. ఆరు నెలల క్రితమే కోర్టు జారీ చేసిన ఉత్తర్వుల కాపీని సబ్‌ రిజిస్ట్రార్‌కు అందజేసినప్పటికీ..ఆయన ఉద్దేశపూర్వకంగానే తొక్కిపెట్టారని బాధితులు ఆరోపిస్తున్నారు.

సాక్షి, హైదరాబాద్‌: బ్యాలెట్‌ పేపర్‌తో ఎన్నికలు జరగాలని డిప్యూటీ సీఎం భట్టి విక్రమార్క డిమాండ్‌ చేశారు. ఈ విషయంలో ప్రజల డిమాండ్లను పరిగణనలోకి తీసుకోవాలని అన్నారు. ఎన్నికల సంఘం పక్షపాత వైఖరిపై ప్రజల్లో అనుమానాలున్నాయని చెప్పారు. బుధవారం కేరళలోని కొచ్చిలో జరిగిన ‘ఇండియా టుడే సౌత్‌ కాన్‌క్లేవ్‌’లో ఆయన మాట్లాడారు. పార్టీలు గెలవొచ్చు.. ఓడిపోవచ్చు.. కానీ వ్యవస్థపై నమ్మకం ముఖ్యమని భట్టి అన్నారు. ‎‎ఎన్నికలు స్వేచ్ఛగా, నిష్పాక్షికంగా, పారదర్శకంగా జరగాలని చెప్పారు. ఎస్‌ఐఆర్‌పై ప్రజలకున్న అనుమానాలను ఈసీ నివృత్తి చేయాలని కోరారు. ఓట్ల తొలగింపుపై పారదర్శకంగా సమాధానం చెప్పాలని డిమాండ్‌ చేశారు. ‎‎వేలాది ఓట్ల తొలగింపు ఎన్నికల ఫలితాలపై ప్రభావం చూపుతుందని ఆవేదన వ్యక్తం చేశారు. ఎన్నికల వ్యవస్థపై ప్రజల్లో విశ్వాసం కల్పించడం ఈసీ బాధ్యత అని అభిప్రాయపడ్డారు. దక్షిణాది రాష్ట్రాలకు సమాఖ్య స్ఫూర్తితో కేంద్రం న్యాయం చేయాలని డిమాండ్‌ చేశారు. రాష్ట్రాలు దేశానికి అందిస్తున్న సహకారాన్ని పరిగణనలోకి తీసుకోవాలన్నారు. ఉచితాలుగా చూడొద్దు..తెలంగాణలో అమలవుతున్న సంక్షేమ పథకాల ను ఉచితాలుగా చూడొద్దని భట్టి‎‎ అన్నారు. సం క్షేమ పథకాలు మానవ వనరులపై పెట్టుబడులని వ్యాఖ్యానించారు. ఇందిరమ్మ ఇళ్ల పథకం వేగంగా అమలు చేస్తున్నామని, ఆరోగ్యశ్రీ పరిమితిని రూ. 10 లక్షలకు పెంచామని, ‎‎మహాలక్ష్మి పథకం కింద మహిళలకు ఉచితబస్సు ప్రయాణం అమలులో ఉందని చెప్పారు. 200 యూ నిట్ల వరకు ఉచిత విద్యుత్‌తో 53 లక్షల కుటుంబాలకు లబ్ధి‎‎ చే కూరుతోందని తెలిపారు. పేదలకు ఇళ్లు, విద్య, ఆరోగ్యం అందించడం రాష్ట్ర ఆర్థికాభివృద్ధికి దోహదం‎ చేస్తుందని పేర్కొన్నారు. వైఎస్సార్‌ మార్గనిర్దేశం బలపరిచింది.. పెట్టుబడులకు హైదరాబాద్‌లో ప్రపంచ స్థాయి మౌలిక వసతులు ఉన్నాయని డిప్యూటీ సీఎం అన్నారు. ‎‎ఓఆర్‌ఆర్, అంతర్జాతీయ విమానాశ్రయం, ఫైనాన్షియల్‌ సిటీ, హైటెక్‌ సిటీ తెలంగాణకు బలం‎‎‎ అని గుర్తు చేశారు. వైఎస్‌ రాజశేఖరరెడ్డితో కలిసి పనిచేసిన అనుభవం ఎప్పటికీ గుర్తుండిపోతుందని, వైఎస్సార్‌ మార్గనిర్దేశం కాంగ్రెస్‌ సిద్ధాంతాలపై తనకు ఉన్న నమ్మకాన్ని బలపరిచిందని చెప్పారు. సీఎం రేవంత్‌రెడ్డితో 100 శాతం సఖ్యతతో కలిసి పనిచేస్తున్నామని అన్నారు.

సాక్షి, హైదరాబాద్‌: తెలంగాణలో రాబోయేది బీఆర్‌ఎస్‌ ప్రభుత్వమేనని, బీఆర్‌ఎస్‌ అధినేత కె.చంద్రశేఖర్‌రావు మరోసారి ముఖ్యమంత్రి అవుతారని ఆ పార్టీ వర్కింగ్‌ ప్రెసిడెంట్‌ కేటీఆర్‌ ధీమా వ్యక్తంచేశారు. బీజేపీతో బీఆర్‌ఎస్‌కు ఎలాంటి పొత్తు ఉండదన్నారు. గత 26 ఏళ్లలో ఒక్కసారి కూడా బీజేపీతో బీఆర్‌ఎస్‌ పొత్తు పెట్టుకోలేదని, 2014, 2018, 2023 ఎన్నికల్లో ఒంటరిగానే పోటీ చేసిందని గుర్తుచేశారు. భావజాలపరంగా, సైద్ధాంతికంగా బీఆర్‌ఎస్‌ బీజేపీకి వ్యతిరేకమని, అలాంటప్పుడు ఆ పార్టీతో ఎందుకు పొత్తు పెట్టుకుంటామని ప్రశ్నించారు. కేరళంలోని కొచ్చిలో బుధవారం జరిగిన ఇండియా టుడే సౌత్‌ కాంక్లేవ్‌లో ‘తెలంగాణ తదుపరి దశాబ్దం’అనే అంశంపై కేటీఆర్‌ మాట్లాడారు. కేంద్రం ప్రతిపాదిస్తున్న డీలిమిటేషన్‌ విధానంపై కేటీఆర్‌ తీవ్ర అభ్యంతరం వ్యక్తం చేశారు.జనాభా ఆధారంగా డీలిమిటేషన్‌ చేపడితే జనాభా నియంత్రణను సమర్థంగా అమలు చేసిన దక్షిణాది రాష్ట్రాలు నష్టపోయే ప్రమాదం ఉందన్నారు. దేశ జనాభాలో దక్షిణాది రాష్ట్రాల వాటా గతంలో సుమారు 24 శాతం ఉండగా 19 శాతానికి తగ్గిందని తెలిపారు. పార్లమెంట్‌ సీట్లు పెంచాలనుకుంటే అసెంబ్లీ స్థానాలను ఎందుకు పెంచడం లేదని ప్రశ్నించారు. దామాషా ప్రకారం సీట్లు పెంచితేనే మద్దతు ఇస్తామని చెప్పారు. అస్సాం, జమ్మూకశ్మీర్‌లో అసెంబ్లీ స్థానాలు పెంచినప్పుడు ఏపీ, తెలంగాణలో ఎందుకు పెంచలేదన్నారు. తెలుగు రాష్ట్రాల్లో బీజేపీ రాజకీయ ప్రభావం తక్కువగా ఉండటమే దీనికి కారణమన్న అనుమానాలు ఉన్నాయని పేర్కొన్నారు. డీలిమిటేషన్‌తో ఏ రాష్ట్రానికీ అన్యాయం జరగదన్న కేంద్ర హోంమంత్రి అమిత్‌ షా హామీలపై తమకు నమ్మకం లేదని కేటీఆర్‌ వ్యాఖ్యానించారు. కాంగ్రెస్‌పై ‘ఆర్‌ఆర్‌ఆర్‌’విమర్శలు తెలంగాణలో కాంగ్రెస్‌ ప్రభుత్వంపై ప్రజల్లో అసంతృప్తి పెరుగుతోందని కేటీఆర్‌ అన్నారు. 2023 ఎన్నికల్లో 420కి పైగా హామీలు ఇచ్చి అధికారంలోకి వ చ్చిన కాంగ్రెస్‌ వాటిలో ఒక్కదానినీ పూర్తిగా అమలు చేయలేదని ఆరోపించారు. రాష్ట్రంలో ఆర్‌ఆర్‌ఆర్‌ (రికాల్, రిగ్రెట్, రివోల్ట్‌) పరిస్థితి కనిపిస్తోందన్నారు. కాంగ్రెస్‌కు ఓటేసినందుకు ప్రజలు పునరాలోచిస్తున్నారని, ఆ అసంతృప్తి తిరుగుబాటు దిశగా మారుతోందని చెప్పారు. రేవంత్‌రెడ్డి తెలంగాణ ప్రజల ప్రయోజనాల కంటే ఢిల్లీ నాయకత్వానికి విధేయత ఇవ్వడానికే ప్రాధాన్యం ఇస్తున్నారని ఆరోపించారు. రేవంత్‌రెడ్డి చేసిన రాముడు– శివుడు వ్యాఖ్యలను ప్రస్తావిస్తూ.. బీజేపీ మతం పేరుతో దేశాన్ని విభజించాలనుకుంటే, కాంగ్రెస్‌ ముఖ్యమంత్రి దేవుళ్ల ప్రాతిపదికన విభజించేలా మాట్లాడుతున్నారని దుయ్యబట్టారు. ఈసీ, ఎస్‌ఐఆర్‌పై అభ్యంతరాలు ఎన్నికల సంఘం విశ్వసనీయతపై కూడా ప్రశ్నలు తలెత్తుతున్నాయని కేటీఆర్‌ అన్నారు. ఎన్నికల సంఘంలో జరుగుతున్న పరిణామాలపై సుప్రీంకోర్టు న్యాయమూర్తితో స్వతంత్ర దర్యాప్తు చేయించాలని కోరారు. ప్రధాన ఎన్నికల కమిషనర్‌పై ఆరోపణలు వ చ్చిన నేపథ్యంలో నైతిక బాధ్యత వహించి పదవి నుంచి తప్పుకోవాల్సిందని వ్యాఖ్యానించారు. ఎస్‌ఐఆర్‌పై మాట్లాడుతూ.. ఓటర్ల జాబితాను ఎప్పటికప్పుడు ప్రక్షాళన చేయడం అవసరమేనని, అయితే మొత్తం ప్రక్రియ పారదర్శకంగా ఉండాలన్నారు.బీఆర్‌ఎస్‌ గెలిచిన 39 నియోజకవర్గాల్లోనే అత్యధిక ఓట్లు తొలగించారని ఆరోపించారు. దేశంలో నెలకొన్న పరిస్థితులపై యువత, ముఖ్యంగా జెన్‌జీ తీవ్ర ఆగ్రహంతో ఉందని చెప్పారు. యువత ఉద్యోగాలు, ఉపాధి గురించి ప్రశ్నిస్తుంటే కేంద్ర ప్రభుత్వం దృష్టి మళ్లించే ప్రయత్నం చేస్తోందని ఆరోపించారు. ‘ఇంకెంతకాలం మతం పేరుతో దేశాన్ని విభజిస్తారు?’అని ప్రశ్నించారు. యువతకు ఉద్యోగాలు, భవిష్యత్తు, అవకాశాలపై సమాధానాలు ఇవ్వాల్సిన అవసరం ఉందని పేర్కొన్నారు.

సిరిసిల్ల/సాక్షి ప్రతినిధి, కరీంనగర్‌: ఆర్థికంగా విధ్వంసమైన రాష్ట్రాన్ని వికాసం వైపు నడిపిస్తున్నామని ముఖ్యమంత్రి రేవంత్‌రెడ్డి చెప్పారు. సిరిసిల్ల అంటే సిరులకు నిలయమని, అయితే పదేళ్ల టీఆర్‌ఎస్‌ (బీఆర్‌ఎస్‌) హయాంలో సిరిసిల్ల ఉరిసిల్లగా మారిందని విమర్శించారు. సిరిసిల్ల ఓట్లను కేసీఆర్‌ కుటుంబం పచ్చనోట్లుగా మలచుకుని రూ.లక్షల కోట్ల ఆస్తులను సంపాదించుకుందని, గోదావరి నీళ్లు, మానేరు ఇసుక, చివరికి ఆడబిడ్డల బతుకమ్మల చీరల్లోనూ కమీషన్లకు కక్కుర్తి పడ్డారని ఆరోపించారు. తాము రాష్ట్రంలోని పేదలకు రేషన్‌కార్డులిచ్చి సన్న బియ్యం ఇస్తున్నామని, 200 యూనిట్ల వరకు ఉచిత విద్యుత్, మహిళలకు ఉచిత బస్సు సౌకర్యం అమలు చేస్తున్నామని అన్నారు. రూ.20,617 కోట్ల రుణమాఫీ చేశామని, ఉద్యోగులకు ఒకటో తేదీనే జీతాలిస్తూ.. అప్పులకు వడ్డీలు కడుతూ.. ఇందిరమ్మ ఇళ్లు, ఇందిరా మహిళా శక్తి చీరలు అందిస్తున్నామని చెప్పారు. బీఆర్‌ఎస్‌ అమలు చేసిన ఏ ఒక్క పథకాన్ని కూడా రద్దు చేయకుండా కొనసాగిస్తున్నామని సీఎం చెప్పారు. కాంగ్రెస్‌ కార్యకర్తల దెబ్బకు గజ్వేల్‌ గడీ కూలిందని, ఇప్పుడు సిరిసిల్ల గడీని కూల్చేందుకు ఫిరంగులై పేలుదామన్నారు. రానున్న ఎన్నికలలో సిరిసిల్లలో కాంగ్రెస్‌ అభ్యర్థిని గెలిపిస్తే ఢిల్లీ హైకమాండ్‌ను ఒప్పించి మంత్రివర్గంలోకి తీసుకుంటామని హామీ ఇచ్చారు. సిరిసిల్ల అభివృద్ధి తన బాధ్యత అని అన్నారు. బుధవారం కరీంనగర్‌లో రూ.51 కోట్లతో నిర్మించిన నూతన కలెక్టరేట్‌ భవనాన్ని ఆయన ప్రారంభించారు. ప్రజా ప్రతినిధులు, అధికారులతో సమీక్ష నిర్వహించారు. సాయంత్రం రాజన్న సిరిసిల్ల జిల్లా కేంద్రంలో పలు అభివృద్ధి పనులకు ఆయన శంకుస్థాపన, ప్రారం¿ోత్సవాలు చేశారు. మంత్రులు, ఎమ్మెల్యేలు, ఎమ్మెల్సీలు, విప్‌లు, పలు కార్పొరేషన్ల చైర్మన్లతో కలిసి 3 కి.మీ పాదయాత్రగా వెళ్లి, బైపాస్‌ రోడ్డులో ఏర్పాటు చేసిన ప్రజా పాలన బహిరంగ సభలో మాట్లాడారు. ఆరు సార్లు గెలిచినా ఆత్మహత్యలు ఎందుకు ఆపలేదు? ‘2009 నుంచి 2023 వరకు ఆరుసార్లు కేటీఆర్‌ గెలిచినప్పటికీ చేనేత కార్మికుల ఆత్మహత్యలను ఎందుకు ఆపలేదు? కార్మికుల గల్ఫ్‌ వలసలు ఎందుకు ఆగలేదని ప్రజలు ఆలోచించాలి. గల్ఫ్‌ దేశాలకు వెళ్లిన కార్మికులు ప్రమాదవశాత్తు మరణించినప్పుడు కనీసం వారి మృతదేహాలను స్వస్థలాలకు తీసుకురాలేని పరిస్థితి గత పాలనలో ఉండేది. గల్ఫ్‌ కార్మికుల కోసం ప్రత్యేక పాలసీ రూపొందించాలని స్థానిక నాయకులు కోరగా, విదేశాల్లో వలస కార్మికులు మరణిస్తే మృతదేహాన్ని స్వస్థలానికి తీసుకురావడంతో పాటు సంబంధిత కుటుంబానికి రూ.5 లక్షల ఆర్థిక సహాయం అందించేలా ప్రజా ప్రభుత్వం చర్యలు చేపట్టింది. వెయ్యి రోజుల ప్రజాపాలనలో నేత కార్మికుల కోసం రూ.1,741 కోట్లు ఖర్చు చేశాం. రాజన్న సిరిసిల్ల జిల్లాకు రూ.1,700 కోట్ల నిధులు మంజూరు చేశాం. వేములవాడలో నూలు డిపో ఏర్పాటు చేశాం. వేములవాడ ఆలయ అభివృద్ధికి చర్యలు తీసుకున్నాం. ఈ పండుగకు ప్రభుత్వం చిలక పచ్చ చీరలను పంపిణీ చేస్తుంది. సిరిసిల్లలో మార్పు రాబోతోంది. రాబోయే శాసనమండలి ఎన్నికల్లో ఒక పద్మశాలి బిడ్డను శాసనమండలికి పంపించాలి. మానేరు ఇసుకను దోచుకున్నారు.. 2004, 2006, 2008 ఎన్నికల్లో మూడుసార్లు కరీంనగర్‌ జిల్లా ప్రజలు కేసీఆర్‌ను ఎంపీగా గెలిపించినప్పటికీ 2009లో కేసీఆర్‌ పాలమూరుకు వలస వెళ్లారు. కరీంనగర్, పాలమూరు ప్రజలను మోసం చేస్తూ గజ్వేల్‌కు వెళ్లారు. కల్వకుంట్ల కుటుంబం రూ.లక్ష కోట్ల అవినీతికి పాల్పడింది. గోదావరి జలాలను అడ్డం పెట్టుకుని మానేరు ఇసుకను దోచుకున్నారు. నేరెళ్ల బాధితులు ఇందుకు సజీవ సాక్ష్యం. ఇసుక దోపిడీని అడ్డుకున్న నేరెళ్ల దళితులను లారీలతో తొక్కించి చంపించింది వాస్తవం కదా? ఆనాడు మీరాకుమార్, పొన్నం ప్రభాకర్, శ్రీధర్‌బాబులను నిర్బంధించిన మాట వాస్తవం కాదా? మానేరు నదిపై నిర్మించిన చెక్‌డ్యాంలు కొట్టుకుపోయి కేసీఆర్‌ ఇంట్లో నోట్ల కట్టలుగా తేలాయి. కేసీఆర్‌ కాళేశ్వరంలో రూ.లక్ష కోట్లు సంపాదిస్తే.. కేటీఆర్, రవీందర్‌రావు, సంతోష్‌రావు మానేరు ఇసుక దొంగలు. మిడ్‌ మానేరులో నిర్వాసితుల రూపంలో సంతోష్‌రావు, సౌమ్యారావు, రవీందర్‌రావు, 2015లో ఇళ్ల పట్టాలు, ముంపు బాధితుల ప్యాకేజీలు తీసుకున్నారు. ఈ రోజు సంతోష్‌రావు రూ.10 వేల కోట్లు ఎలా సంపాదించాడు? వేములవాడ శివయ్య, భద్రాచలం రామయ్యను మోసం చేసిన వ్యక్తి కేసీఆర్‌ ఒక్కరే. మిడ్‌ మానేరు డ్యాం ముంపులో ఇళ్లు కోల్పోయిన కేసీఆర్‌ కుటుంబ సభ్యులు ఇళ్ల స్థలాలు పొందలేదా? కేటీఆర్‌ శ్వేతపత్రం విడుదల చేయాలి.. అమెరికాలో ఎన్ని బాత్రూంలు కడిగారో, వేల కోట్లు ఎలా సంపాదించారో కేటీఆర్‌ వెల్లడించాలి. హైటెక్‌ సిటీలో డెక్కన్‌ సరాయి పేరిట ఉన్న ఫైవ్‌స్టార్‌ హోటళ్లు, ఎట్‌ హోం పేరిట ఉన్న అపార్ల్‌మెంట్లు కేటీఆర్‌ కుటుంబానికి ఎలా వచ్చాయి? ఈ చిట్టా నాడు అసెంబ్లీలో చెప్పకుండా దాచాను. ఇంకా పార్ట్‌ –2 ఉంది. అసెంబ్లీలో కూర్చోబెట్టి కడిగేస్తా. కేసీఆర్, కేటీఆర్, హరీశ్‌రావు, సంతోష్‌రావు ఆక్రమించిన భూముల మీద కేటీఆర్‌ శ్వేత పత్రం విడుదల చేయాలి. కేసీఆర్‌ సీఎం అయ్యి..ఆయన కుమారుడు, అల్లుడు, కొడుకు, తోడల్లుడి కుమారుడు, వారి కుటుంబ సభ్యులకు మంత్రి పదవులు వస్తే.. మేం పొన్నం, అడ్లూరిలని మంత్రులను చేసుకున్నం. సామాజిక న్యాయం పాటించాం. దళితుడు కుర్చీలో కుర్చుంటే ఓర్వలేని కేసీఆర్‌ అసెంబ్లీకి రావడం లేదు. కుటుంబ పాలన కావాలో, ప్రజాపాలన కావాలో ప్రజలు ఆలోచించుకోవాలి. వైఎస్‌–డీఎస్‌ల కాంబో తరహాలోనే రేవంత్‌–మహేశ్‌ కాంబోలో మళ్లీ గెలుస్తాం..’ అని రేవంత్‌ అన్నారు. ఎన్నిసార్లైనా కేంద్రాన్ని కలవాల్సిందే.. ‘తాము ఎన్నికలపుడే రాజకీయాలు చేస్తామని అభివృద్ధి కోసం కేంద్రంతో ఇచ్చిపుచ్చుకునే ధోరణిలో సాగుతామని ముఖ్యమంత్రి అన్నారు. రూ.వందల కోట్లు ఖర్చు పెట్టి ప్రాజెక్టులు నిర్మించినా కేంద్రం అనుమతులు ఇవ్వకపోతే ప్రయోజనం ఉండదు. కానీ కొందరు మా పర్యటనలను లెక్కేస్తున్నారు. సమస్యలు పరిష్కరించుకునేందుకు ఎన్నిసార్లైనా కేంద్రాన్ని కలవాల్సిందే. సిద్ధాంతాలు వేరైనా అభివృద్ధి కోసం ఒకరికొకరం సహకరించుకుంటాం అని చెప్పారు. ‘రాష్ట్ర ప్రభుత్వ ఉద్యోగుల సమస్యలు పరిష్కరించేందుకు కృషి చేస్తున్నాం. ఈ రోజు రాష్ట్రంలో 10.50 లక్షల మంది పర్మినెంట్, కాంట్రాక్ట్, ఔట్‌సోర్సింగ్‌ ఉద్యోగులు 4 కోట్ల మందికి సేవలందిస్తున్నారు. 3% ఉద్యోగులు 97% మందికి సేవలందిస్తున్నారు. మీరంతా కష్టపడితేనే పేదలకు న్యాయం జరుగుతుంది..’ అని అన్నారు. ప్రజాపాలన–2 వస్తుంది: పీసీసీ చీఫ్‌ పీసీసీ చీఫ్‌ మహేశ్‌కుమార్‌ గౌడ్‌ మాట్లాడుతూ.. వేములవాడ రాజన్న సాక్షిగా ప్రజాపాలన–2 తెలంగాణ రాష్ట్రంలో తప్పనిసరిగా వస్తుందని అన్నారు. సిరిసిల్ల నుంచి ప్రాతినిధ్యం వహిస్తున్న నాయకుడి ఆస్తులు ప్రతి ఎన్నికకు పెరుగుతున్నాయని, ఏ వ్యాపారం చేస్తే ఆస్తులు పెరిగాయో చెప్పాలని ప్రశ్నించారు. రూ.కోట్ల జీతాలు తీసుకుంటున్న ప్రతిపక్ష నాయకుడు ఫామ్‌హౌస్‌కే పరిమితమయ్యారని విమర్శించారు. ఈ కార్యక్రమాల్లో మంత్రులు పొంగులేటి శ్రీనివాస్‌ రెడ్డి, శ్రీధర్‌బాబు, తుమ్మల నాగేశ్వర్‌రావు, పొన్నం ప్రభాకర్, అడ్లూరి లక్ష్మణ్‌కుమార్, ప్రభుత్వ విప్‌ ఆది శ్రీనివాస్‌ మాట్లాడారు. మంత్రి అజహరుద్దీన్, ప్రభుత్వ సలహాదారు సుదర్శన్‌ రెడ్డి, వేణుగోపాల్, ఎంపీలు వేం నరేందర్‌ రెడ్డి, మల్లు రవి, చామల కిరణ్‌ కుమార్‌ రెడ్డి, పలువురు ప్రభుత్వ విప్‌లు, ఎమ్మెల్యేలు, ఎమ్మెల్సీలు, కార్పొరేషన్ల చైర్మన్లు, ఇతర నేతలు, అధికారులు పాల్గొన్నారు. కరీంనగర్‌లో నిర్వహించిన సమీక్షలో రాష్ట్ర మంత్రులతో కలిసి కేంద్ర హోంశాఖ సహాయ మంత్రి బండి సంజయ్‌ కూడా పాల్గొన్నారు.

సాక్షి, హైదరాబాద్‌: తెలంగాణ ప్రభుత్వం క్రీడా రంగ అభివృద్ధిపై ప్రత్యేక దృష్టి సారించింది. ఇందులో భాగంగా రాష్ట్ర ప్రభుత్వ ప్రతినిధి బృందం ఆరు రోజుల పర్యటన కోసం జపాన్‌కు బయలుదేరింది. మంత్రి వాకిటి శ్రీహరి నేతృత్వంలో ఈ బృందం జపాన్‌లో పర్యటించనుంది.ఈ ప్రతినిధి బృందంలో మంత్రి వాకిటి శ్రీహరితో పాటు ప్రభుత్వ ప్రతినిధి ఏపీ జితేందర్‌రెడ్డి, ప్రభుత్వ ప్రత్యేక ప్రధాన కార్యదర్శి జయేష్‌ రంజన్‌, స్పోర్ట్స్‌ అథారిటీ మాజీ చైర్మన్‌ శివసేన రెడ్డి, వీసీ, ఎండీ సోనీ బాలాదేవి ఉన్నారు.జపాన్‌లో జరుగుతున్న ఆసియా క్రీడలను వీక్షించడంతో పాటు అంతర్జాతీయ స్థాయి క్రీడా పోటీల నిర్వహణ విధానాలను బృందం పరిశీలించనుంది. ముఖ్యంగా ఆధునిక క్రీడా మౌలిక సదుపాయాలు, క్రీడా వేదికల నిర్వహణ, క్రీడాకారులకు అందిస్తున్న శిక్షణ, పోటీల నిర్వహణలో అనుసరిస్తున్న సాంకేతికత తదితర అంశాలపై అధ్యయనం చేయనుంది.జపాన్‌లో అమలు చేస్తున్న క్రీడా అభివృద్ధి విధానాలను పరిశీలించి, వాటిలో తెలంగాణకు అనువైన అంశాలను రాష్ట్రంలో అమలు చేసే అవకాశాలను ప్రతినిధి బృందం పరిశీలించనుంది. రాష్ట్రంలో క్రీడా మౌలిక సదుపాయాలను మరింత అభివృద్ధి చేయడంతో పాటు తెలంగాణ క్రీడాకారులకు అంతర్జాతీయ స్థాయిలో మెరుగైన అవకాశాలు కల్పించేందుకు ఈ పర్యటన దోహదపడుతుందని ప్రభుత్వం భావిస్తోంది.

హైదరాబాద్‌: కుషాయిగూడలో ఓ కారు బీభత్సం సృష్టించింది. అతి వేగంతో పాదచారులపైకి దూసుకెళ్లింది. మొత్తం తొమ‍్మిది మందిని ఢీకొట్టింది. వారందరికీ తీవ్రగాయాలయ్యాయి. వారిలో ముగ్గురి పరిస్థితి విషమంగా ఉంది. గాయాలపాలైన తొమ్మిది మందిని ఆసుపత్రికి తరలించారు. కారుతో ఢీ కొట్టిన తర్వాత దాన్ని ఆపకుండా పరారయ్యాడు డ్రైవర్‌. అతడి కోసం పోలీసులు గాలిస్తున్నారు. వారిని ఢీ కొట్టిన కారు నంబరు ఏపీ10ఏయూ1232గా గుర‍్తించారు. ఈసీఐఎల్‌ న్యూ చైతన్య కాలేజ్‌ సమీపంలో ఈ హిట్‌ అండ్‌ రన్‌ చోటుచేసుకుంది.

సిరిసిల్ల: గత పదేళ్ల బీఆర్‌ఎస్‌ పాలనలో సిరిసిల్ల ఉరిసిల్లగా మారిందని సీఎం రేవంత్‌రెడ్డి ఆరోపించారు. సిరిసిల్ల అంటే సిరులకు నిలయమని, అటువంటి సిరిసిల్లను సమస్యల వలయంగా మార్చేశారని రేవంత్‌ ధ్వజమెత్తారు. ఈ రోజు(బుధవారం, సెప్టెంబర​ 30వ తేదీ) సిరిసిల్ల పర్యటనలో భాగంగా బీఆర్‌ఎస్‌పై తీవ్రస్థాయిలో విరుచుకుపడ్డారు సీఎం రేవంత్‌. చేనేత కార్మికుల నైపుణ్యానికి సిరిసిల్ల పెట్టింది పేరు. అగ్గిపెట్టె చీరతో నేతన్నలు ప్రపంచ వ్యాప్తంగా గుర్తింపు తెచ్చారు. సిరిసిల్ల సీటు కోసం అమెరికా నుంచి కొడుకును దింపారు. మహేందర్‌రెడ్డికి టికెట్‌ ఇవ్వకుండా కేటీఆర్‌కు ఇచ్చారు. ఉద్యమాన్ని అడ్డంపెట్టుకుని వేలకోట్ల ఆస్తులు సంపాదించుకున్నారు. గల్ఫ్‌ వలసలను కేసీఆర్‌ ఎందుకు ఆపలేకపోయారు. గల్ఫ్‌ కార్మికులు చనిపోతే కనీసం మృతదేహాలు తీసుకొచ్చేందుకు సహకరించలేదు. ఒక్కరోజు కూడా గల​్ఫ్‌ బాధితుల గురించి కేసీఆర్‌ కుటుంబం పట్టించుకోలేదు. మా ప్రభుత్వం గల్ఫ్‌ బాధిత కుటుంబాలకు రూ. 5 లక్షల సాయం చేస్తోంది. తండ్రీ-కొడుకులను గెలిపిస్తే లక్ష కోట్లు సంపాదించుకున్నారు’ అని విమర్శించారు సీఎం రేవంత్‌.ఇదీ చదవండి: మానవ నమ్మకాలతోనే సైబర్ దాడి!

సైబర్ నేరాలు ఇక కేవలం సాంకేతిక పరిజ్ఞానాల మధ్య పోరాటం కాదని, అవి మానవ నమ్మకం, ఆలోచనా సరళి, మన ప్రవర్తనను లక్ష్యంగా చేసుకుని జరుగుతున్న దాడిగా మారాయని నిపుణులు హెచ్చరిస్తున్నారు. మాదాపూర్‌లోని ఓ హోటల్‌లో తెలంగాణ సైబర్ సెక్యూరిటీ బ్యూరో, తెలంగాణ పోలీసు శాఖల భాగస్వామ్యంతో సైబర్ సెక్యూరిటీకి సంబంధించి మానవ నమ్మకాలు ఎలా ప్రభావితం చేస్తాయనే అంశంపై ప్రత్యేక సదస్సు నిర్వహించారు.ఈ సదస్సులో తెలంగాణ రాష్ట్ర హోం శాఖ ముఖ్య కార్యదర్శి, టీజీసీఎస్బీ డైరెక్టర్ శిఖా గోయల్ ముఖ్య అతిథిగా ప్రసంగించారు. తెలంగాణలో నమోదవుతున్న సైబర్ నేరాల ఆర్థిక నష్టాల్లో దాదాపు 60 శాతం నష్టాలు స్టాక్ మార్కెట్, ఇన్వెస్ట్‌మెంట్ ఫ్రాడ్స్ వల్లే జరుగుతున్నాయని ఆమె వెల్లడించారు. బాధితుల ప్రవర్తనను అధ్యయనం చేస్తూ వారిలో నమ్మకం కలిగించి డబ్బులు బదిలీ చేసేలా వియత్నాం, మయన్మార్, కాంబోడియా వంటి విదేశాల నుంచి ఈ సైబర్ ముఠాలు కాల్ సెంటర్ల ద్వారా నెట్‌వర్క్ నడుపుతున్నాయని స్పష్టం చేశారు. అయితే, అప్రమత్తతే అతిపెద్ద రక్షణ అని, గత రెండేళ్లలో తెలంగాణ పోలీసు శాఖ రూ.455 కోట్ల బాధితుల సొమ్మును రికవరీ చేయగలిగిందని తెలిపారు. ‘ఏమీ తెలియదనే అమాయకత్వం మిమ్మల్ని కాపాడదు. ఆలోచించి, అన్ని అంశాలు సరిచూసుకున్నాకే ముందడుగు వేయాలి’ అని సూచించారు.సుప్రీంకోర్టు సీనియర్ న్యాయవాది, సైబర్ లా నిపుణులు పవన్ దుగ్గల్ మాట్లాడుతూ.. కృత్రిమ మేధపై అతిగా ఆధారపడటం మానవ మేధస్సును క్షీణింపజేస్తుందని ఆందోళన వ్యక్తం చేశారు. ప్రతీ చిన్న విషయానికి ఏఐని సంప్రదించి మానవ ఆలోచనా శక్తిని తగ్గించుకోకూడదని హెచ్చరించారు. ఏఐ డీప్‌‌ఫేక్‌ల నిరోధానికి దేశంలో తక్షణమే ప్రత్యేక చట్టాలు తీసుకురావాల్సిన అవసరం ఉందన్నారు. ఇప్పటికే సుప్రీంకోర్టు ‘కోర్టుల్లో ఏఐ వినియోగంపై డ్రాఫ్ట్ నిబంధనలు - 2026’ రూపొందించిందని గుర్తుచేశారు.డీఎస్‌సీఐ అడ్వైజర్ ఎయిర్ వైస్ మార్షల్ దేవేష్ వత్స మాట్లాడుతూ.. రామాయణంలోని లక్ష్మణ రేఖయే ప్రపంచంలో మొదటి ఫైర్‌వాల్ అని వ్యాఖ్యానించారు. సైబర్ నిపుణులు జితేన్ జైన్ మాట్లాడుతూ.. ఫోన్ నంబర్లను షాపింగ్ మాల్స్‌లో ఇవ్వొద్దని, ఇది సోషల్ ఇంజినీరింగ్ దాడులకు మార్గం సుగమం చేస్తుందన్నారు. ఈ కార్యక్రమంలో తెలంగాణ పోలీస్ విభాగం ఆధ్వర్యంలో రూపొందించిన సైబర్ అవగాహన వీడియోలు, పోస్టర్లను ఆవిష్కరించారు. 2.95 లక్షల మంది పెన్షనర్లు, మూడు లక్షల మంది ప్రభుత్వ ఉద్యోగులకు వీటి ద్వారా అవగాహన కల్పించనున్నట్లు నిర్వాహకులు తెలిపారు.ఇదీ చదవండి: ఈరోజు పెరిగినా రూ.లక్షన్నర కిందే బంగారం!

తెలంగాణ: కుటుంబ కలహాలతో వివాహిత ఆత్మహత్యకు పాల్పడింది. ఘటన మంగళవారం మహబూబాబాద్‌ జిల్లా తొర్రూరులో చోటు చేసుకుంది. ఎస్సై మహేందర్‌రెడ్డి కథనం ప్రకారం.. నర్సంపేటకు చెందిన చిన్నపల్లి అంకిత (25) తొర్రూరు పట్టణంలో నివాసముంటోంది. కొడకండ్ల మండల కేంద్రంలోని పోస్టల్‌ శాఖలో ఏడీ డీఏ(ఎక్స్‌ట్రా డిపార్ట్‌మెంటల్‌ డెలివరీ ఏజెంట్‌)గా ఉద్యోగం చేస్తోంది.ఆమె భర్త మందుల శశికాంత్‌ నర్సంపేట మున్సిపాలిటీలో ఔట్‌ సోర్సింగ్‌ పద్ధతిలో కంప్యూటర్‌ ఆపరేటర్‌గా విధులు నిర్వర్తిస్తున్నాడు. ఆర్థిక ఇబ్బందులతో తరుచూ దంపతుల మధ్య గొడవలు జరుగుతున్నాయి. కొడకండ్లలో అంకిత విధులు నిర్వర్తిస్తున్న సమయంలో ఫోన్‌లో ఇరువురు గొడవపడ్డారు. దీంతో అంకిత మంగళవారం మధ్యాహ్న విధులు ముగించుకుని ఇంటికి వచ్చింది.గొడవలతో మనస్తాపం చెందిన ఆమె తొర్రూరులో అద్దెకు ఉండే నివాసంలో ఫ్యాన్‌కు ఉరేసుకుని ఆత్మహత్యకు పాల్పడింది. ఈ దంపతులకు కుమార్తె ఉండగా కొన్నేళ్ల క్రితం మృతి చెందింది. ఘటనా స్థలికి అదనపు ఎస్సై ఖాదర్‌పాషా చేరుకుని వివరాలు సేకరించారు. మృతురాలి తల్లి లలిత ఫిర్యాదు మేరకు కేసు నమోదు చేసినట్లు ఎస్సై తెలిపారు. మృతదేహాన్ని పోస్టుమార్టం నిమిత్తం వర్ధన్నపేట ఏరియా ఆస్పత్రికి తరలించారు.గమనిక..మనిషికి ఉండేది ఒక్కటే జీవితం. ఆత్మహత్య అన్ని సమస్యలకు పరిష్కారం కాదు.. ఒక్క క్షణం ఆలోచించండి, రోషిణి కౌన్సెలింగ్‌ సెంటర్‌ను ఆశ్రయించి సాయం పొందండి. ఫోన్‌ నెంబర్లు: 040-66202000/040-66202001; మెయిల్: roshnihelp@gmail.comఇదీ చదవండి: నేను ముందు వెళ్తున్నాను.. తాను ఉదయం వెళ్తుందని చెప్పి...

సాక్షి ఎడ్యుకేష‌న్: తెలంగాణాలో పోలీస్‌ రిక్రూట్‌మెంట్‌ బోర్డు ఎస్‌ఐ, కానిస్టేబుల్‌ ఉద్యోగాల భర్తీకి నోటిఫికేషన్లు విడుదల చేసిన విషయం తెలిసిందే. పోలీస్‌ ఉద్యోగాలకు యువతలో ఎప్పటి నుంచో భారీ డిమాండ్‌ ఉంది. దీంతో ఈ పోస్టులకు పోటీ కూడా తీవ్రంగానే ఉంటుంది. ప్రతిభ, పట్టుదల ఉన్నప్పటికీ.. సరైన మార్గదర్శకత్వం, ప్రణాళికాబద్ధమైన ప్రిపరేషన్‌, తగినంత ప్రాక్టీస్‌ లేక చాలామంది అభ్యర్థులు ఆశించిన ఫలితాలను సాధించలేకపోతున్నారు. ముఖ్యంగా సిలబస్‌ను అర్థం చేసుకుని, ప్రతి అంశంపై పట్టు సాధించడంతో పాటు, పరీక్ష విధానానికి అనుగుణంగా నిరంతరం ప్రాక్టీస్‌ చేయడం విజయానికి కీలకం.ఈ నేపథ్యంలో.. గత కొన్నేళ్లుగా వేలాది మంది విద్యార్థులు, నిరుద్యోగులకు ప్రభుత్వ ఉద్యోగాల ప్రిపరేషన్‌లో మార్గనిర్దేశం చేస్తున్న సాక్షి ఎడ్యుకేషన్‌.. ఎస్‌ఐ, కానిస్టేబుల్‌ ఉద్యోగార్థుల కోసం ప్రత్యేక ఆన్‌లైన్‌ ప్రిపరేషన్‌ అందుబాటులోకి తీసుకొచ్చింది. అభ్యర్థులకు అవసరమైన సమగ్ర ప్రిపరేషన్‌ను అందించేందుకు.. ప్రముఖ సబ్జెక్ట్‌ నిపుణులతో ఎస్‌ఐ, కానిస్టేబుల్‌ పరీక్షల సిలబస్‌కు అనుగుణంగా Subject-wise Online Classes, Test Series, Previous Question Papers-Solutions ను రూపొందించింది.తెలుగు, ఇంగ్లిష్‌ మీడియాల్లో అందుబాటులో ఉండే ఈ ప్రిపరేషన్‌ ద్వారా.. సిలబస్‌పై అవగాహన, కాన్సెప్ట్‌లపై పట్టు, ప్రశ్నలను సాధించే వేగం, పరీక్షా విధానంపై స్పష్టత పెంపొందించుకునే అవకాశం అభ్యర్థులకు లభిస్తుంది. సరైన మార్గదర్శకత్వం.. క్రమబద్ధమైన ప్రిపరేషన్‌.. నిరంతర ప్రాక్టీస్‌తో ఎస్‌ఐ, కానిస్టేబుల్‌ ఉద్యోగాల లక్ష్యాన్ని చేరుకోవాలనుకునే అభ్యర్థులకు సాక్షి ఎడ్యుకేషన్‌ అండగా నిలుస్తోంది. మీ లక్ష్యం ఎస్‌ఐ, కానిస్టేబుల్‌ ఉద్యోగం సాధించడమే అయితే.. ప్రిపరేషన్‌లో ఇక ఆలస్యం చేయకండి. ఇప్పుడే Sakshi Education Appను డౌన్‌లోడ్‌ చేసుకుని.. SI, Constable Test Series 2026ను పొందండి.పరీక్షకు మరింత సమర్థవంతంగా సిద్ధమయ్యేందుకు.. సబ్జెక్ట్‌పై పట్టు సాధించడంతో పాటు, ప్రశ్నలను వేగంగా, కచ్చితంగా సాధించేలా నిరంతర ప్రాక్టీస్‌ చేయండి. SI, Constable Test Series 2026ను onlineclasses.sakshieducation.com ద్వారా కూడా పొందవచ్చు. అలాగే Sakshi Education Appను డౌన్‌లోడ్‌ చేసుకోండి.

నిరుపేద కుటుంబం.. ఆటోడ్రైవర్‌ తండ్రి.. కూలీ పనులు చేసే తల్లి.. అయినా లక్ష్యం విషయంలో వెనక్కి తగ్గలేదు. కష్టాలను అధిగమి స్తూ అథ్లెటిక్స్‌లో అంచెలంచెలుగా ఎదిగింది. రాష్ట్ర, జాతీయ స్థాయిలో పతకాలు సాధిస్తూ ఇప్పుడు అంతర్జాతీయ వేదికపై సత్తా చాటేందుకు పరుగులు తీస్తోంది నాగర్‌కర్నూల్‌ జిల్లా తిమ్మాజిపేట మండలం పుల్లగిరి గ్రామపంచాయతీ పరిధిలోని కొడావత్‌ తండాకు చెందిన కొడావత్‌ స్వప్న.హనుమకొండలో ఈ నెల 26, 27న జరిగిన 12వ తెలంగాణ రాష్ట్ర అథ్లెటిక్స్‌ చాంపియన్‌షిప్‌లో స్వప్న రెండు స్వర్ణ పతకాలు సాధించింది. 1500 మీటర్ల పరుగును 5 నిమిషాల 4 సెకన్లలో పూర్తి చేసి బంగారు పతకం దక్కించుకోగా.. 3000 మీటర్ల పరుగును 11 నిమిషాల 18 సెకన్లలో పూర్తి చేసి మరో స్వర్ణం సాధించింది. ఈ ప్రదర్శనతో 41వ జూనియర్‌ చాంపియన్‌షిప్‌ పోటీలకు అర్హత సాధించింది.జాతీయ స్థాయిలోనూ స్వర్ణం ఇటీవల పుదుచ్చేరిలో జరిగిన జాతీయ స్థాయి అథ్లెటిక్స్‌ చాంపియన్‌షిప్‌లో అండర్‌–20 బాలికల 3000 మీటర్ల స్టీపుల్‌చేజ్‌లో స్వప్న స్వర్ణ పతకం సాధించింది. దీంతో జాతీయ స్థాయిలో తనకంటూ ప్రత్యేక గుర్తింపు తెచ్చుకుంది. తదుపరి జూనియర్‌ చాంపియన్‌షిప్‌లోనూ సత్తా చాటి.. అంతర్జాతీయ పోటీల్లో దేశానికి ప్రాతినిధ్యం వహించాలన్నది ఆమె లక్ష్యం.హనుమకొండలో బంగారు పతకం అందుకుంటున్న స్వప్నబాబాయ్‌ ప్రోత్సాహంతో.. చిన్నతనంలో బాబాయ్‌ కొడావత్‌ రవి రాంచో ప్రతి రోజూ రన్నింగ్‌కు వెళ్లడాన్ని చూసిన స్వప్నకు పరు గు పందెంపై ఆసక్తి పెరిగింది. ఆమె ప్రతిభను గు ర్తించిన రవి శిక్షణ ఇవ్వడం ప్రారంభించాడు. నాలు గో తరగతిలోనే స్పోర్ట్స్‌ స్కూల్‌లో చేరి్పంచాడు. పదో తరగతి వరకు కరీంనగర్‌ స్పోర్ట్స్‌ స్కూల్‌లో చదువుతోపాటు అథ్లెటిక్స్‌లో శిక్షణ పొందింది. అక్కడి నుంచి రాష్ట్ర, జాతీయ స్థాయికి ఎదిగింది.ఎస్‌ఏఐలో శిక్షణ స్పోర్ట్స్‌ అథారిటీ ఆఫ్‌ ఇండియా (ఎస్‌ఏఐ)లో ఎంపికైన స్వప్నకు అక్కడ శిక్షణ పొందే అవకాశం లభించింది. కోచ్‌ సుబ్బారావు మార్గదర్శకత్వంలో నిరంతరం సాధన చేస్తూ తన ప్రతిభను మెరుగుపరుచుకుంది. క్రమశిక్షణ, పట్టుదల, నిరంతర సాధనతో పలు రాష్ట్ర, జాతీయ స్థాయి పోటీల్లో పతకాలు సాధించింది.ఆటోడ్రైవర్‌ తండ్రి.. కూలీ తల్లిస్వప్న తండ్రి కొడావత్‌ మాన్య నాయక్‌ ఆటో నడుపుతూ కుటుంబాన్ని పోషిస్తున్నారు. తల్లి కొడావత్‌ నీల రోజు వారీ కూలీ పనులు చేస్తోంది. ఆర్థిక ఇబ్బందులు ఉన్నప్పటికీ కూతురిలోని క్రీడా ప్రతిభను గుర్తించిన తల్లిదండ్రులు ప్రోత్సహించారు. వారి సహకారంతో స్వప్న సాధన కొనసాగించింది.అంతర్జాతీయ వేదికే లక్ష్యం‘‘భవిష్యత్‌లో అంతర్జాతీయ పోటీల్లో భారత్‌ కు ప్రాతినిధ్యం వహించి దేశానికి మంచి పేరు తీసుకురావడమే నా లక్ష్యం’’ అని స్వప్న చెబుతోంది. కొడావత్‌ తండా నుంచి జాతీయస్థాయి వరకు సాగిన ఆమె విజయ ప్రస్థానం గ్రామీణ ప్రాంతాల యువ క్రీడాకారులకు స్ఫూర్తిగా నిలుస్తోంది.ఇదీ చదవండి: శెభాష్‌.. కానిస్టేబుల్‌ సురేంద్రకుమార్‌!

సాక్షి,హైదరాబాద్‌ : అభివృద్ధి ఎలా చేయాలో బీఆర్‌ఎస్ వర్కింగ్ ప్రెసిడెంట్ కేటీఆర్‌ను చూసి సీఎం రేవంత్ రెడ్డి నేర్చుకోవాలని హుజురాబాద్ ఎమ్మెల్యే పాడి కౌశిక్ రెడ్డి హితవు పలికారు. ఇవాళ తెలంగాణ అసెంబ్లీలో ఎథిక్స్ కమిటీ సమావేశం కొనసాగుతోంది. సభలో పాడి కౌశిక్ రెడ్డి వ్యవహారశైలిపై ఈ కమిటీ విచారణ జరుపుతోంది. దీనికి సంబంధించి ఆయన కోరిన గడువు, వీడియో ఫుటేజీల అంశాలపై సమావేశంలో చర్చ జరుగుతోంది. ఎథిక్స్ కమిటీ విచారణకు హాజరయ్యే క్రమంలో పాడి కౌశిక్ రెడ్డి మీడియాతో మాట్లాడారు. కేసీఆర్ ఆనవాళ్లు లేకుండా చేస్తానన్న రేవంత్ రెడ్డి.. ఇప్పుడు కేసీఆర్ కట్టిన కలెక్టర్ కార్యాలయాలను ప్రారంభిస్తున్నారు. కేసీఆర్ ఆనవాళ్లను ఎవరూ చెరపలేరు. కేసీఆర్ కట్టిన బిల్డింగ్‌ల ముందు ‘కాంగ్రెస్ తల్లి’ విగ్రహాన్ని పెట్టి రిబ్బన్ కట్ చేస్తున్నారు. మేం అధికారంలోకి వచ్చాక ఆ కాంగ్రెస్ తల్లిని గాంధీభవన్‌కు పార్శిల్ చేస్తాం. సీఎం రేవంత్ రెడ్డి కేవలం రిబ్బన్ కటింగ్ సీఎంగానే మిగిలిపోతారు. కరీంనగర్‌లో రూపాయి ఖర్చు పెట్టకుండా రేవంత్ రెడ్డి ఓపెనింగ్‌లు చేస్తున్నారు.సిరిసిల్ల నుంచి జనం రాకపోతే, పక్క జిల్లాల నుంచి కాంగ్రెస్ సభకు జనాలను తరలిస్తున్నారు. సిరిసిల్లలో కేటీఆర్ చేసిన అభివృద్ధిలో కనీసం సగమైనా కొడంగల్‌‌లో రేవంత్ రెడ్డి చేసి చూపించాలి. కేటీఆర్ చేసిన అభివృద్ధిని చూసైనా సీఎం నేర్చుకోవాలి. 2009 నుంచి కేటీఆర్‌కు ఓటమి తెలియదు.. కేటీఆర్‌కు రేవంత్ రెడ్డి అసలు పోటీ కానేకాదు. కరీంనగర్ జిల్లా రైతులకు 24 గంటల కరెంటు ఇవ్వాలని డిమాండ్ చేస్తున్నా. నా హుజురాబాద్ నియోజకవర్గ దళితులకు రెండో విడత రైతు బంధు అందించాలి. అలాగే నా నియోజకవర్గ అభివృద్ధికి వెయ్యి కోట్లు ప్రకటించాలని సీఎంను కోరుతున్నా’ అని పాడి కౌశిక్ రెడ్డి అన్నారు.