Other Sports

భార‌త పురాణాల్లో బంగారాన్ని ల‌క్ష్మీదేవీతో పోల్చ‌డం ఆన‌వాయితీ. అలాంటిది మ‌హాల‌క్ష్మీకి ఇష్ట‌మైన శుక్ర‌వారం రోజున ఆసియా గేమ్స్‌లో భార‌త అథ్లెట్లు ప‌త‌కాల మోత మోగించారు. ఈసారి క్రీడ‌లు ప్రారంభ‌మైన మొద‌టి రోజు నుంచి చూసుకుంటే శుక్ర‌వారం వ‌చ్చిన‌న్ని ప‌త‌కాలు ఏరోజు రాలేదు. అందునా 13వ రోజైన నేడు భార‌త్ ఖాతాలో 10 ప‌త‌కాలు వ‌చ్చి చేరితే.. అందులో ఆరు స్వ‌ర్ణాలు ఉండ‌డం విశేషం. శుక్ర‌వారం ఒక్కోరోజే ఇన్ని స్వ‌ర్ణాలు రావ‌డంతో భార‌త చిత్ర‌ప‌టం బంగారు వ‌ర్ణంతో మెరిసిపోయింది. దేశ చిత్ర‌ప‌టంలోని చాలా రాష్ట్రాల నుంచి అథ్లెట్లు ఇవాళ ప‌త‌కాలు తీసుకురావ‌డం మ‌రో విశేషం. ఇక శుక్ర‌వారం భార‌త్‌కు వ‌చ్చిన 10ప‌త‌కాల్లో.. ఆరు స్వ‌ర్ణాలు, రెండు ర‌జ‌తాలు, రెండు కాంస్యాలు ఉన్నాయి. ఇందులో ఆర్చ‌రీలో మ‌హిళ‌ల రిక‌ర్వ్ టీమ్ 5-3తో సౌత్ కొరియాను ఓడించి స్వ‌ర్ణం గెలుచుకోగా, 44 ఏళ్ల త‌ర్వాత మ‌హిళ‌ల హాకీ జ‌ట్టు 1-0తో చైనాను మ‌ట్టిక‌రిపించి ప‌సిడి ప‌త‌కం తీసుకొచ్చింది. ఇక బాక్సింగ్‌లో ల‌వ్లీనా, ప‌ర్వీన్ హుడా, అంకుశ్ పంఘ‌ల్‌లు స్వ‌ర్ణాల‌తో మెర‌వగా, రెజ్లింగ్‌లో సుజీత్ క‌ల్క‌ల్ త‌న ఉడుం ప‌ట్టుతో ప‌సిడి ప‌త‌కం గెలిచాడు. వీరితో పాటు ఆర్చ‌రీలో రిక‌ర్వ్ మిక్స్‌డ్ టీంతో పాటు పురుషుల రిక‌ర్వ్ టీమ్ ర‌జ‌తాల‌తో మెర‌వ‌గా, సెయిలింగ్‌లో నేత్ర కుమార‌న్, సెప‌క‌ట్‌టక్రాలో మెన్స్ క్వాండ్రాంట్ టీమ్ కాంస్యాలు సాధించాయి. దీంతో భార‌త్ ఖాతాలో ప్ర‌స్తుతం 76 ప‌త‌కాలు ఉండ‌గా.. ఇందులో 16 స్వ‌ర్ణాలు, 25 ర‌జ‌తాలు, 35 కాంస్యాలున్నాయి. ప‌త‌కాల ప‌ట్టిక‌లో టాప్‌-5లో కొన‌సాగుతోంది.ఒకేరోజు ఆరు స్వ‌ర్ణాలు సాధించ‌డం ద్వారా మ‌న అథ్లెట్లు ఒక‌ రికార్డును కూడా న‌మోదు చేశారు. అదేంటంటే.. 2023 ఆసియా క్రీడ‌ల్లోనూ ఒకేరోజు ఆరు స్వ‌ర్ణాలు రావ‌డం విశేషం. ఆనాడు అక్టోబ‌ర్ 7న‌.. ఆర్చ‌రీ కాంపౌండ్ మ‌హిళ‌ల జ‌ట్టు, ఆర్చ‌రీ కాంపౌండ్ మ‌హిళ‌ల, పురుషుల‌ వ్య‌క్తిగ‌త విభాగాలు, బ్యాడ్మింట‌న్ పురుషుల డ‌బుల్స్‌, క‌బ‌డ్డీ పురుషుల జ‌ట్టు, క్రికెట్ పురుషుల జ‌ట్లు స్వ‌ర్ణాల‌తో మెరిశాయి.ఇక శ‌నివారం ఆసియా క్రీడ‌ల‌కు చివ‌రి రోజు పురుషుల హాకీ జ‌ట్టు ఫైన‌ల్ (భార‌త్ వ‌ర్సెస్ మ‌లేషియా)తో పాటు, క్రికెట్ ఫైన‌ల్ (భార‌త్ వ‌ర్సెస్ పాకిస్తాన్‌) స‌హా మిగతా ఈవెంట్లు ఉండ‌డంతో భార‌త్ 80 ప‌త‌కాల మార్క్ అందుకుంటుందా అన్న‌ది చూడాలి.ఇదీ చదవండి: 44 ఏళ్ల నిరీక్ష‌ణ‌కు తెర‌.. భారత మ‌హిళ‌ల హాకీ జ‌ట్టుకు స్వ‌ర్ణం

ఆసియా గేమ్స్‌లో భార‌త మ‌హిళ‌ల హాకీ జ‌ట్టు అద‌ర‌గొట్టింది. 44 ఏళ్ల నిరీక్ష‌ణ‌కు తెర‌దించుతూ మ‌న అమ్మాయిలు హాకీలో స్వ‌ర్ణంతో మెరిశారు. శుక్ర‌వారం జ‌రిగిన ఫైన‌ల్లో భార‌త్ 1-0 తేడాతో ప‌టిష్టమైన‌ చైనాను ఓడించి ప‌సిడి ప‌త‌కాన్ని అందుకోగా, డిఫెండింగ్‌ చాంపియన్‌ రజతానికే పరిమితమైంది.మ్యాచ్‌లో ఏకైక గోల్ ఆట 10వ నిమిషంలో భార‌త ప్లేయ‌ర్ లాల్‌రెమ్‌సియామి లెఫ్ట్ సైడ్ సర్కిల్ నుంచి బంతిని నెట్‌లోకి పంపించి భార‌త్‌కు ఆధిక్యాన్ని అందించింది. ఆ త‌ర్వాత చైనా ప్లేయ‌ర్ల అటాకింగ్ గేమ్‌ను స‌మ‌ర్థంగా అడ్డుకుంది. చైనా ఆటగాళ్లు సంధించిన పెనాల్టీ స్ట్రోక్‌లను కూడా భారత ఆటగాళ్లు నిర్వీర్యం చేయడంలో సఫలమయ్యారు.స్వ‌ర్ణంతో 2028 ఒలింపిక్స్‌కు అర్హతగ‌తంలో 1982లో ఢిల్లీ వేదిక‌గా జ‌రిగిన ఆసియా గేమ్స్‌లో మ‌హిళ‌ల హాకీ ఫైన‌ల్లో భార‌త్ 22-0తో హాంకాంగ్‌పై ఏకప‌క్ష విజ‌యంతో స్వ‌ర్ణం ఎగ‌రేసుకుపోయింది. ప్ర‌స్తుతం మ‌హిళ‌ల హాకీ ర్యాంకింగ్స్‌లో నాలుగో స్థానంలో కొన‌సాగుతున్న భార‌త్ లీగ్ ద‌శ‌లో అన్ని మ్యాచ్‌ల్లోనూ విజ‌యం సాధించి మంచి ఆత్మ‌విశ్వాసాన్ని కూడ‌గ‌ట్టుకుంది. ఇదే జోరును తాజాగా ఫైనల్లో చైనాపై కూడా ప్రదర్శించిన భారత మహిళల హాకీ జట్టు స్వర్ణ పతకాన్ని ఎగరేసుకుపోయింది. అంతేకాదు ఆసియా గేమ్స్‌లో స్వర్ణ పతకం గెలవడం ద్వారా భారత మహిళల హాకీ జట్టు 2028 లాస్‌ ఏంజిల్స్‌ ఒలింపిక్స్‌కు కూడా అర్హత సాధించడం విశేషం.ఒక్కరోజే ఆరు స్వర్ణాలు..ఈసారి ఆసియా గేమ్స్‌లో భారత్‌కు ఇది 16వ స్వర్ణం కాగా.. శుక్రవారం ఒక్కరోజే భారత్‌కు ఆరు స్వర్ణాలు రావడం విశేషం. ఆర్చరీలో ఒకటి, బాక్సింగ్‌లో మూడు, రెజ్లింగ్‌లో ఒకటి రాగా.. తాజాగా మహిళల హాకీ జట్టు కూడా స్వర్ణం సాధించడంతో భారత్‌ పతకాల సంఖ్య 76కు పెరిగింది. ఇందులో 16 స్వర్ణాలు, 25 రజతాలు, 35 కాంస్యాలు ఉన్నాయి. పట్టికలో ఐదో స్థానంలో కొనసాగుతుంది. Indian Women Hockey Team won #GoldMedal in #AsianGames2026 after 44 years. India beat China 1-0, ending the wait since 1982 and earned entry to the #LosAngelesOlympics2028@TheHockeyIndia pic.twitter.com/hIDa35ev4U— Neel Kamal (@NeelkamalPb) October 2, 2026 𝗧𝗛𝗘 𝟰𝟰-𝗬𝗘𝗔𝗥 𝗪𝗔𝗜𝗧 𝗜𝗦 𝗢𝗩𝗘𝗥, 𝗧𝗛𝗘 𝗜𝗡𝗗𝗜𝗔𝗡 𝗪𝗢𝗠𝗘𝗡'𝗦 𝗧𝗘𝗔𝗠 𝗜𝗦 𝗔𝗦𝗜𝗔𝗡 𝗚𝗔𝗠𝗘𝗦 𝟮𝟬𝟮𝟲 𝗚𝗢𝗟𝗗 𝗠𝗘𝗗𝗔𝗟𝗟𝗜𝗦𝗧𝗦! 🇮🇳🥇A 1-0 victory over World No. 4 China in the final seals a historic gold medal for the Indian Women’s Team, securing… pic.twitter.com/ZiQP1PSYaD— Hockey India (@TheHockeyIndia) October 2, 2026ఇదీ చదవండి: బాక్సర్ల పసిడి పంచ్‌.. భార‌త్ ఖాతాలో 75వ ప‌త‌కం

ఆసియా క్రీడలు-2026 టోర్నీలో అథ్లెటిక్స్‌లో భారత్‌కు మంగళవారం స్వర్ణం అందించింది మహిళల రిలే జట్టు. కిరణ్‌ మహల్‌, ఎంఆర్‌ పూవమ్మ, ప్రాచీ ఛౌదరి, విత్య రామ్‌రాజ్‌ 4*400 మీటర్ల రిలే పరుగును 3 నిమిషాల 29.9 సెకన్లలో పూర్తి చేసి.. పసిడి పతకాన్ని ముద్దాడారు.మూడో లెగ్‌ ముగిసే సమయానికి భారత్‌ మూడో స్థానంలోనే ఉన్నా.. ఆఖరి లెగ్‌లో అద్భుతంగా పరిగెత్తి విత్య జట్టును అగ్రస్థానంలో నిలిపింది. ఏషియాడ్‌ అథ్లెటిక్స్‌ చరిత్రలో మహిళల 4*400 మీటర్ల రిలే పరుగులో భారత్‌కు ఇది ఏడో పసిడి పతకం.గోల్డ్‌ గెలిచినా పట్టించుకోలేదు.. ఈ నేపథ్యంలో కిరణ్‌, పూవమ్మ, ప్రాచీ, విత్యలపై ప్రశంసల వర్షం కురిసింది. అయితే, వీరిలో 36 ఏళ్ల పూవమ్మకు గోల్డ్‌ గెలిచినా సొంత రాష్ట్రం నుంచి కనీసం అభినందించే వారు లేక చేదు అనుభవం చవిచూడాల్సి వచ్చింది. సీఎన్‌ఎన్‌-న్యూస్‌18తో మాట్లాడుతూ.. పూవమ్మ స్వయంగా ఈ విషయాన్ని వెల్లడించింది.రెండ్రోజుల తర్వాత సీఎం ఫోన్‌‘‘బంగారు పతకం గెలిచిన రెండు రోజుల తర్వాత మా ముఖ్యమంత్రి డీకే శివకుమార్‌, ఉప ముఖ్యమంత్రి జి. పరమేశ్వర నాకు కాల్‌ చేసి.. మెడల్‌ సాధించినందుకు అభినందించారు. నన్ను ఎవరూ పట్టించుకోలేదని మీడియాలో వార్తలు వచ్చిన తర్వాతే వాళ్లు నాకు ఫోన్‌ చేశారు.అయితే, పతకాలు గెలిచిన అథ్లెట్లకు ఇచ్చే ప్రైజ్‌మనీని త్వరలోనే పెంచుతామని సీఎం నాతో చెప్పారు. నన్ను సత్కరిస్తామని కూడా అన్నారు’’ అని కర్ణాటకలోని దక్షిణ కన్నడ ప్రాంతానికి చెందిన పూవమ్మ తెలిపింది.చదవండి: త్వరలోనే టీమిండియా టీ20 వైస్‌ కెప్టెన్‌గా అతడు! View this post on Instagram A post shared by Indiantrackandfield (@indiantrackandfield)

రెజ్లింగ్‌లోనూ భార‌త్‌కు స్వ‌ర్ణ ప‌త‌కం ద‌క్కింది. భార‌త రెజ్లర్ 23 ఏళ్ల సుజీత్ క‌ల్క‌ల్ త‌న ఉడుం ప‌ట్టుతో ప‌సిడి ద‌క్కించుకున్నాడు. పురుషుల‌ 65 కేజీల ఫ్రీస్టైల్ విభాగం ఫైన‌ల్లో సుజీత్ 10-9తో త‌జ‌కిస్తాన్‌కు చెందిన అబ్దుల్‌మ‌హ్‌జిద్ కుదీవ్‌ను మ‌ట్టిక‌రిపించాడు. కాగా ఈసారి ఆసియా గేమ్స్‌లో రెజ్లింగ్‌లో భార‌త్‌కు ఇదే తొలి స్వ‌ర్ణం కావడం విశేషం.ఓవ‌రాల్‌గా ఆసియా గేమ్స్‌లో గ‌తంలో స్వ‌ర్ణాలు సాధించిన రెజ్ల‌ర్లు యోగేశ్వ‌ర్ ద‌త్‌, భ‌జ‌రంగ్ పూనియా స‌ర‌స‌న సుజీత్ క‌ల్క‌ల్ చేరాడు. ఈ ఆసియా గేమ్స్‌లో ఇప్ప‌టివ‌ర‌కు భార‌త్ 75 ప‌త‌కాలు గెలుచుకోగా.. ఇందులో 15 స్వ‌ర్ణాలు, 25 ర‌జ‌తాలు, 35 కాంస్య ప‌త‌కాలు ఉన్నాయి. ప్ర‌స్తుతం భార‌త్ ప‌త‌కాల ప‌ట్టిక‌లో ఐదో స్థానానికి చేరుకుంది.Sujeet Kalkal Wins Gold medal for India🔥🔥🔥He defeats Tajikistan wrestler in a close bout 10-9 🔥🔥🔥 in his 65 kg category wrestling Final boutSujeet loses 9 points early on and then climbs back up to win 10-9Also Ankush wins gold in his bout against Korean in 80 kg… pic.twitter.com/n9Rl8VZlzn— XUnfiltered (@XUnfiltere69061) October 2, 2026ఇదీ చదవండి: బాక్సర్ల పసిడి పంచ్‌.. భార‌త్ ఖాతాలో 75వ ప‌త‌కం

ఆసియా క్రీడల్లో భారత బాక్సర్లు స్వర్ణాల పంచ్‌ కురిపిస్తున్నారు. ఇప్పటికే లవ్లీనా స్వర్ణంతో మెరవగా, తాజాగా పర్వీన్‌ హుడాతో పాటు అంకుశ్‌ బంగారు పతకాలు సాధించారు. మహిళల 65 కేజీల బాక్సింగ్ విభాగంలో భారత బాక్సర్ పర్వీన్ హుడా పసిడి పతకం ముద్దాడింది. ఫైనల్​లో చైనీస్ తైపీకి చెందిన చెన్ నిన్ చెన్​ను పర్వీన్ 3-2 తేడాతో థ్రిల్లింగ్ విక్టరీ కొట్టింది. దీంతో ఆసియా క్రీడల చరిత్రలో బాక్సింగ్ విభాగంలో పసిడి సాధించిన భారత మూడో అథ్లెట్​గా పర్విన్ అరుదైన ఘనత సాధించింది. పురుషుల 80 కేజీల విభాగం ఫైనల్లో‌ అంకుశ్‌ 4-0 తేడాతో కొరియా బాక్సర్‌ కిమ్‌ మిన్‌సోంగ్‌పై గెలిచి స్వర్ణం కైవసం చేసుకున్నాడు. కాగా తాజా స్వర్ణాలతో 2026 ఆసియా గేమ్స్​లో భారత్ ఖాతాలో 14 గోల్డ్ మెడల్స్ చేరాయి. ఉదయం బాక్సింగ్ 75 కేజీల విభాగంలో లవ్లీనా బోర్గొహెయిన్​ కూడా పసిడి ముద్దాడింది. దీంతో ఆసియా గేమ్స్​లో 12ఏళ్ల తర్వాత బాక్సింగ్​లో పసిడి పతకం నెగ్గిన భారత మహిళా అథ్లెట్​గా లవ్లీనా రికార్డు కొట్టింది. ఈ విభాగంలో భారత్​కు మొట్టమొదటి గోల్డ్ మెడల్ 2014లో వచ్చింది. 51 కేజీల ఈవెంట్​లో మెరీకోమ్ స్వర్ణ పతకం దక్కించుకుంది. ఇక 12ఏళ్ల తర్వాత ఒకేరోజు బాక్సింగ్​లో మూడు గోల్డ్ మెడల్స్ రావడంతో ఫ్యాన్స్ సంబరాలు చేసుకుంటున్నారు.ఇక రెజ్లింగ్‌లో సుజీత్‌ 65 కేజీల ఫ్రీస్టైల్‌ విభాగంలో స్వర్ణం సాధించాడు. దీంతో శుక్రవారం ఒక్కరోజే భారత్‌ ఖాతాలో 5 స్వర్ణాలు చేరగా.. ఆసియా గేమ్స్‌లో భార‌త్ ఖాతాలో 75 ప‌త‌కాలు చేరాయి. ఇందులో 15 స్వ‌ర్ణాలు, 25 ర‌జ‌తాలు, 35 కాంస్య ప‌త‌కాలు ఉన్నాయి. ప్ర‌స్తుతం భార‌త్ ప‌త‌కాల ప‌ట్టిక‌లో ఐదో స్థానానికి చేరుకుంది. భారత్ కంటే ముందు చైనా (311 పతకాలు), జపాన్ (234), కొరియా (134), ఉజ్బెకిస్తాన్ (63) వరుసగా తొలి నాలుగు స్థానాల్లో కొనసాగుతున్నాయి.THREE FINALS. THREE GOLDS. INDIA JUST WENT 3-FOR-3 IN BOXING. 🇮🇳🥇🥇🥇🔥And Ankush Panghal delivered the final punch.The Indian boxer defeated South Korea’s Kim Minseong 4-0 in the men’s 80kg final to claim GOLD at Aichi-Nagoya.But look at what happened today:🥇 Final 1 —… pic.twitter.com/B564MyVxM6— Anil Bansal (@dilseanilbansal) October 2, 2026ఇదీ చదవండి: Asian Games 2026: రెజ్లింగ్‌లో భార‌త్‌కు తొలి స్వ‌ర్ణం

జపాన్ వేదికగా జరుగుతున్న ఆసియా క్రీడలు 2026లో భారత స్టార్ బాక్సర్ లవ్లీనా బొర్గోహైన్ అద్భుత ప్రదర్శనతో పసిడి పతకాన్ని కైవసం చేసుకుంది. శుక్రవారం జరిగిన మహిళల 75 కేజీల బాక్సింగ్ ఫైనల్లో చైనాకు చెందిన బావో జియీపై 5-0 తేడాతో సంచలన విజయం సాధించి తొలి ఏషియ‌డ్ గోల్డ్‌మెడల్‌ను లవ్లీనా ముద్దాడింది.ల‌వ్లీనా బంగారు ప‌త‌కంతో పాటు ఓ అరుదైన రికార్డును కూడా త‌న పేరిట లిఖించుకుంది. ఏషియన్ గేమ్స్‌లో గోల్డ్ మెడ‌ల్‌ గెలిచిన రెండో భారత మహిళా బాక్సర్‌గా లవ్లీనా నిలిచింది. అంత‌కుముందు 2014 ఆసియా క్రీడల్లో దిగ్గజ బాక్సర్ మేరీకోమ్ స్వ‌ర్ణం ప‌త‌కం సాధించింది.మ‌ళ్లీ ఇప్పుడు 12 ఏళ్ల తర్వాత మళ్లీ లవ్లీనా చ‌రిత్ర‌ను తిరగరాసింది. లవ్లీనా తన పుట్టినరోజున ఈ ఫీట్‌ సాధించడం విశేషం. ఈ స్వర్ణంతో భారత్‌ పతకాల సంఖ్య 68కు చేరింది. శుక్రవారం భారత్‌కు ఇది రెండో గోల్డ్‌మెడల్‌. అంతకుముందు భారత మహిళల రీకర్వ్ ఆర్చరీ జట్టు బంగారు పతకం కైవసం చేసుకుంది.

ఆసియా క్రీడలు 2026లో భారత మహిళల రీకర్వ్ ఆర్చరీ జట్టు సరికొత్త చరిత్ర సృష్టించింది. శుక్రవారం జరిగిన ఫైనల్ పోరులో దక్షిణ కొరియాపై 5-3 తేడాతో సంచలన విజయం సాధించిన భార‌త జ‌ట్టు..ఈ విభాగంలో మొట్టమొద‌టి ఏషియ‌డ్‌ ప‌స‌డి ప‌త‌కాన్ని ముద్దాడింది. సెమీఫైనల్లో చైనాను 5-1తో చిత్తు చేసిన అంకితా భకత్, కీర్తి శర్మ, కుమ్‌కుమ్ మొహద్‌లతో కూడిన భార‌త బృందం.. తుది పోరులోనూ అదే జోరును కొనసాగించింది.ఈ చారిత్రాత్మక విజయంతో భారత్ పతకాల పట్టికలో తన స్థానాన్ని మరింత మెరుగుపరుచుకుంది. ఇప్పటివరకు ఈ ఏషియన్ గేమ్స్‌లో మొత్తం 67 పతకాలు సాధించింది. అందులో 11 బంగారు పతకాలతో పాటు 23 సిల్వర్‌,33 బ్రాంజ్ మెడల్స్ ఉన్నాయి.చదవండి: వన్డే వరల్డ్‌కప్‌ షెడ్యూల్‌ విడుదల.. భారత్‌-పాక్‌ మ్యాచ్‌ ఎప్పుడంటే?

ఆసియా క్రీడల్లో భారత్‌ పతకాల వేట కొనసాగుతోంది. 12వ రోజు గురువారం భారత్‌ ఖాతాలో మరో ఆరు పతకాలు చేరాయి. పురుషుల గ్రీకో–రోమన్‌ రెజ్లింగ్‌లో నితేశ్‌ సివాచ్‌ రజతంతో మెరవగా...సెయిలింగ్‌లో ఒక రజతం, ఒక కాంస్యం దక్కాయి. మరోవైపు సెమీఫైనల్లో ఓడిన భారత పురుషుల, మహిళల స్క్వాష్‌ జట్లు కాంస్య పతకాలతో సంతృప్తి చెందాయి. ఆంధ్రప్రదేశ్‌ కాంపౌండ్‌ ఆర్చర్‌ తిరుమూరు గణేశ్‌ మణిరత్నం నిలకడైన ప్రదర్శనతో కాంస్యాన్ని తన ఖాతాలో వేసుకున్నాడు. బుధవారం స్వర్ణాల సందడితో పోలిస్తే గురువారం ప్రదర్శన కాస్త నిరాశాజనకమే అయినా... మొత్తం 66 పతకాలతో భారత్‌ 8వ స్థానం పదిలంగానే ఉంది. 1962 ఆసియా క్రీడల తర్వాత... ఆసియా క్రీడల రెజ్లింగ్‌ గ్రీకో–రోమన్‌ విభాగంలో 64 ఏళ్ల తర్వాత ఫైనల్‌ చేరిన తొలి భారతీయుడిగా గుర్తింపు పొందిన నితేశ్‌ సివాచ్‌ దురదృష్టవశాత్తూ స్వర్ణాన్ని మాత్రం అందుకోలేకపోయాడు. గురువారం జరిగిన 97 కేజీల ఫైనల్లో నితేశ్‌ 0–4 స్కోరుతో యూరీ నకజాటో (జపాన్‌) చేతిలో ఓటమి పాలయ్యాడు. దాంతో అతనికి రజత పతకం దక్కింది. 1962 ఆసియా క్రీడల్లో మారుతి మానే రజతం సాధించిన తర్వాత ఈ ఈవెంట్‌లో మళ్లీ రజతం గెలుచుకున్న తొలి భారత రెజ్లర్‌గా నితేశ్‌ ఘనత వహించాడు. ఫైనల్లో జపాన్‌ ప్రత్యర్థి భారత ఆటగాడికి ఎలాంటి అవకాశమూ ఇవ్వలేదు. ఆరంభంలోనే నితీశ్‌ను పడగొట్టి 2–0తో ముందంజ వేసిన నకజాటో...నితేశ్‌ బలహీన డిఫెన్స్‌ అదే ప్రదర్శనను పునరావృతం చేసి పూర్తిగా పైచేయి సాధించాడు. మహిళల 62 కేజీల కాంస్య పతక మ్యాచ్‌లో భారత రెజ్లర్‌ మాన్సి 1–3తో అల్ట్‌జిన్‌ (మంగోలియా) చేతిలో ఓడిపోయింది.పాలు అమ్ముతూ... పట్టు పడుతూ...హరియాణా రాష్ట్రం పానిపట్‌ జిల్లాలోని జాగ్సీ గ్రామం నితేశ్‌ స్వస్థలం. పాలవ్యాపారి అయిన తండ్రి ఆనంద్‌ సివాచ్‌ పానిపట్‌లో డెయిరీ నడిపిస్తుంటాడు. జాగ్సీ గ్రామంలో పెద్ద సంఖ్యలో రెజ్లర్లు ఉన్నారు. ప్రతీ ఇంటి నుంచి ఒక పహిల్వాన్‌ వస్తాడంటూ వారు తమ ఊరి గురించి చెప్పుకుంటారు. ఆనంద్‌ సివాచ్‌ స్వయంగా రెజ్లర్‌ కాకపోయినా... ఆ ఆటపై అతనికి ప్రత్యేక అభిమానం ఉంది. అందుకే కొడుకు రెజ్లింగ్‌పై ఆసక్తి చూపిస్తే కాదనలేదు.ఆరంభంలో ఇంటి వద్ద ఉన్న అఖాడాలోనే ప్రాథమికాంశాలు నేర్చుకున్న నితేశ్‌ 15 ఏళ్ల వయసు వచ్చేవరకు అటు మట్టిలో, ఇటు మ్యాట్‌పై కూడా సాధన చేశాడు. అయితే ఈ క్రమంలో మోకాలి గాయంతో ఆటకు దూరమయ్యాడు. దాంతో తండ్రికి పాల వ్యాపారంలో సహకరించడం మినహా మరో పని లేకపోయింది. ఈ దశలో ఆట వద్దని తండ్రి చెప్పినా అప్పటికే అభిమానం పెంచుకున్న నితేశ్‌ రెజ్లింగ్‌కు దూరం కాలేకపోయాడు. ఒకవైపు రెజ్లింగ్‌ చేయాలి, మరోవైపు మోకాలును కాపాడుకోవాలి. దాంతో అతను గ్రీకో–రోమన్‌ స్టయిల్‌ను ఎంచుకున్నాడు.ఫ్రీస్టయిల్‌లో శరీరంలోని ఏ భాగంపైనైనా దాడి చేయవచ్చు. కానీ గ్రీకో రోమన్‌ శైలిలో అలా చేయడం కుదరదు. కొడుకు ఒత్తిడితో రాష్ట్ర ప్రభుత్వానికి చెందిన రెజ్లింగ్‌ శిక్షణా కేంద్రంలో అతడిని ఆనంద్‌ చేర్పించాడు. ఆ తర్వాత జిల్లా స్థాయి, రాష్ట్ర స్థాయి పోటీల్లో విజయాలతో మొదలైన పరంపర నితేశ్‌ను అంతర్జాతీయ స్థాయి వరకు చేర్చింది. 2018లో అండర్‌–17 స్థాయిలో తొలిసారి భారత జట్టుకు ప్రాతినిధ్యం వహించిన అతను, తర్వాతి ఏడాది రజతం నెగ్గాడు. 2022లో అండర్‌–23 వరల్డ్‌ చాంపియన్‌షిప్‌లో కాంస్యం నెగ్గాడు. గత ఏడాది ఆసియా చాంపియన్‌షిప్‌లో అతనికి సీనియర్‌ విభాగం తొలి అంతర్జాతీయ పతకం (కాంస్యం) దక్కగా, ఈ ఏడాది అదే పోటీల్లో అతను రజతం గెలుచుకోవడం విశేషం. ఇప్పుడు ఆసియా క్రీడల పతకంతో అతని స్థాయి మరింత పెరిగింది. ‘ఫైనల్‌కు చేరినందుకు సంతోషంగా ఉన్నా. మరింత మెరుగైన ప్రదర్శన ఇవ్వాలని అనుకున్నా అది సాధ్యం కాలేదు. సరిగ్గా నా ఓటమికి కారణం ఏమిటో అర్థం కాలేదు. ఇక నా ఆటలో మరింత పట్టు సాధించి రాబోయే ప్రపంచ చాంపియన్‌షిప్, 2028 ఒలింపిక్స్‌ క్వాలిఫయింగ్‌పై దృష్టి పెడతా’ అని నితీశ్‌ చెప్పాడు.గణేశ్‌ ఖాతాలో మరొకటి... పురుషుల ఆర్చరీ కాంపౌండ్‌ టీమ్‌ విభాగంలో స్వర్ణం గెలిచిన జట్టులో సభ్యుడైన ఆంధ్రప్రదేశ్‌ ఆర్చర్‌ తిరుమూరు గణేశ్‌ మణిరత్నం వ్యక్తిగత విభాగంలో కాంస్యాన్ని సొంతం చేసుకున్నాడు. మూడో స్థానం జరిగిన పోరులో గణేశ్‌ 149–144తో డాంగ్‌ కాంగ్‌ డక్‌ (వియత్నాం)పై విజయం సాధించాడు. ఐదు సిరీస్‌లలో నాలుగు సార్లు 30/30 స్కోరు నమోదు చేసిన గణేశ్‌ మరో సిరీస్‌లో 29 స్కోర్‌ చేశాడు. వియత్నాం ఆర్చరీ పేలవ ప్రదర్శనతో 29, 29, 30, 28, 28 పాయింట్లు మాత్రమే స్కోరు చేసి ఓటమిపాలయ్యాడు. అంతకుముందు సెమీఫైనల్లో గణేశ్‌ 144–148తో కిమ్‌ జోంగో (కొరియా) చేతిలో పరాజయంపాలై ఫైనల్‌ చేరే అవకాశాలు కోల్పోయాడు. మరోవైపు బుధవారం మహిళల కాంపౌండ్‌ టీమ్, మిక్స్‌డ్‌ టీమ్‌ విభాగాల్లో స్వర్ణ పతకాలు సాధించిన తెలంగాణ ఆర్చర్‌ తానిపర్తి చికితకు నిరాశ ఎదురైంది. వ్యక్తిగత విభాగంలో చికిత క్వార్టర్‌ ఫైనల్లోనే వెనుదిరిగింది. నూరీసా (ఇండోనేసియా)తో జరిగిన క్వార్టర్‌ ఫైనల్లో చికిత 143–144తో ఓడిపోయింది.షూటింగ్‌లో తడబాటు... చివరిరోజు షూటింగ్‌ ఈవెంట్‌లో భారత్‌కు నిరాశ తప్పలేదు. పురుషుల 25 మీటర్ల ర్యాపిడ్‌ ఫైర్‌ పిస్టల్‌ ఈవెంట్‌లో అనీశ్‌ భన్వాలా ఫైనల్‌కు చేరుకున్నా పతకం నెగ్గలేకపోయాడు. ఎనిమిది మంది షూటర్ల మధ్య ఎలిమినేషన్‌ పద్ధతిలో జరిగిన ఫైనల్లో అనీశ్‌ 11 పాయింట్లతో ఏడో స్థానంతో సరిపెట్టుకున్నాడు. 2023 ఆసియా క్రీడల్లో భారత షూటర్లు 7 స్వర్ణాలు, 9 రజతాలు, 6 కాంస్యాలతో కలిపి 22 పతకాలు నెగ్గగా... ఈసారి 3 స్వర్ణాలు, 8 రజతాలు, 4 కాంస్యాలతో కలిపి 15 పతకాలే గెలిచింది.

సెయిలింగ్‌లో భారత్‌ రెండు పతకాలు గెలుచుకోవడంలో సఫలమైంది. ‘స్కిఫ్‌’ ఓపెనింగ్‌ రేస్‌–9 ఈవెంట్‌ పురుషుల విభాగంలో భారత్‌కు రజతం, మహిళల విభాగంలో కాంస్యం దక్కాయి. పురుషుల విభాగంలో మొత్తం 9 రేస్‌లలో కలిపి 23 పాయింట్లు సాధించిన భారత ద్వయం ప్రిన్స్‌ నోబుల్‌ కురిసిన్‌కల్‌–మను ఫ్రాన్సిస్‌ రెండో స్థానంలో నిలిచారు. నిబంధనల ప్రకారం తక్కువ పాయింట్లు సాధించిన జట్టు విజేతగా నిలుస్తుంది. చైనా 16 పాయింట్లతో స్వర్ణం గెలుచుకోగా, హాంకాంగ్‌కు కాంస్యం లభించింది. మహిళల విభాగంలో భారత్‌ 24 పాయింట్లతో మూడో స్థానంలో నిలిచి కాంస్యం అందుకుంది. హర్షిత తోమర్, శీతల్‌ వర్మ ఇందులో సభ్యులుగా ఉన్నారు. జపాన్‌ (11)కు స్వర్ణం దక్కగా, హాంకాంగ్‌ (15)కు రజతం లభించింది. బాల్యమిత్రుల కథ ఒకరికి 20 ఏళ్లు, మరొకరికి 21 ఏళ్లు... ఊహ తెలిసిన దగ్గరి నుంచి ఇద్దరూ కలిసి పడవల్లోనే ప్రయాణిస్తూ పోటీ పడుతున్నారు. పేరుకు వారి మధ్య సోదరసంబంధం (కజిన్స్‌) ఉంది. కానీ తామిద్దరం అత్యంత ఆత్మీయ స్నేహితులమని వారు చెప్పుకుంటారు. సెయిలింగ్‌లో ప్రదర్శనతో భారత ఆర్మీలో ఉద్యోగం దక్కించుకున్న వీరిద్దరు ఉద్యోగం కూడా ఒకే చోట కలిసి చేస్తున్నారు. ఇప్పుడు ఆసియా క్రీడల్లో కలిసి డబుల్స్‌ జోడీగా రజత పతకం సొంతం చేసుకున్నారు. వారిద్దరే కేరళలోని కొచ్చికి చెందిన ప్రిన్స్‌ నోబుల్, మను ఫ్రాన్సిస్‌. చేపలు పట్టే వృత్తిలో ఉన్న ప్రిన్స్‌ తండ్రి చిన్నతనంలోనే వరదల్లో చనిపోయాడు. అయినా సరే అతను నీటితో అనుబంధాన్ని వదులుకోలేదు. వారి ఇంటికి సమీపంలోనే అరేబియన్‌ సముద్రం ఉండటంతో అతను వాటర్‌ స్పోర్ట్స్‌ వైపు ఆకర్షితుడయ్యాడు. నోబుల్‌కు సోదర మిత్రుడు ఫ్రాన్సిస్‌ జత కలిశాడు. వీరిద్దరు కలిసి ముందుగా కేరళ బ్యాక్‌ వాటర్స్‌లో సెయిలింగ్‌ మొదలు పెట్టగా, గత పదేళ్లుగా పూర్తి స్థాయిలో ప్రొఫెషనల్‌ ప్రాక్టీస్‌ చేస్తున్నారు. తామిద్దరి మధ్య ప్రత్యేక అనుబంధం ఉందని, ఇద్దరూ మాటలకంటే కూడా ఒకరిని మరొకరు అర్థం చేసుకుంటూనే రేస్‌లో సత్తా చాటుతామని ఇద్దరూ చెబుతున్నారు. ఇప్పటికే ఆసియా చాంపియన్‌షిప్‌లో పతకాలు సాధించిన వీరికి ఆసియా క్రీడల్లో ఇదే తొలి మెడల్‌. మున్ముందు మరిన్ని విజయాలు సాధించాలనే లక్ష్యంతో నోబుల్, ఫ్రాన్సిస్‌ ఉన్నారు.

గత ఆసియా క్రీడల్లో భారత పురుషుల స్క్వాష్‌ జట్టు స్వర్ణ పతకం సాధించగా... ఈసారి మాత్రం కాంస్యంతో సరిపెట్టుకుంది. అభయ్‌ సింగ్, వీర్‌ చోత్రాని, సెంథిల్‌ కుమార్, సూరజ్‌ చంద్‌లతో కూడిన భారత పురుషుల జట్టు సెమీఫైనల్లో 1–2తో మలేసియా చేతిలో ఓడిపోయింది. తొలి మ్యాచ్‌లో అభయ్‌ 8–11, 8–11, 8–11తో ఎన్జీ ఇయాన్‌ యో చేతిలలో ఓటమి చవిచూశాడు. రెండో మ్యాచ్‌లో వీర్‌ చోత్రాని 11–4, 11–8, 11–5తో సంజయ్‌ జీవాపై గెలిచాడు. మూడో మ్యాచ్‌లో సెంథిల్‌ 12–10, 6–11, 8–11, 9–11తో అమీషెన్‌రాజ్‌ చందారన్‌ చేతిలో పరాజయం పాలయ్యాడు. భారత మహిళల జట్టు గత ఫలితాన్ని పునరావృతం చేసింది. అనాహత్‌ సింగ్, జోష్నా చినప్ప, తన్వీ ఖన్నా, షమీనా రియాజ్‌లతో కూడిన భారత జట్టు సెమీఫైనల్లో 1–2తో హాంకాంగ్‌ చేతిలో ఓడిపోయి కాంస్య పతకాన్ని దక్కించుకుంది. తొలి మ్యాచ్‌లో అనాహత్‌ 11–9, 11–8, 6–11, 11–13, 10–12తో చాన్‌ సిన్‌ యుక్‌ చేతిలో ఓడింది. రెండో మ్యాచ్‌లో తన్వీ 4–11, 13–11, 11–9, 13–11తో లీ కా యిపై నెగ్గింది. మూడో మ్యాచ్‌లో జోష్నా 4–11, 7–11, 9–11తో హో జె లోక్‌ చేతిలో ఓడిపోయింది.

జపాన్ వేదికగా జరుగుతున్న ఆసియా క్రీడలు-2026లో తెలంగాణ ఆర్చర్ తానిపర్తి చికిత అద్భుతం చేసింది. ఎలాంటి అంచనాలు లేకుండా బరిలోకి దిగిన చికిత.. మహిళల కాంపౌండ్, మిక్స్‌డ్ టీమ్ ఈవెంట్లలో బంగారు పతకాలు సాధించి చరిత్ర సృష్టించింది. స్వర్ణ పతకాలతో పాటు 2028 ఒలింపిక్స్ కోటా కూడా ఆమె దక్కించుకుంది.అయితే ఈ చారిత్రాత్మక విజయం వెనుక హైదరాబాద్‌కు చెందిన హ్యూమన్ పర్ఫార్మెన్స్ అండ్ ట్రాన్స్‌ఫార్మేషన్ కోచ్ వివేక్ తేజా కృషి ఎంతో ఉంది. భారత ఆర్చరీ బృందంలో అధికారిక సపోర్ట్ స్టాఫ్ కాకపోయినప్పటికీ.. అతడి గైడెన్సే చికితను ఛాంపియన్‌గా నిలిపింది. తాజాగా ‘తెలంగాణ టుడే’కు ఇచ్చిన ఇంటర్వ్యూలో వివేక్ తేజా పలు ఆసక్తికర విషయాలను పంచుకున్నాడు."10 నెలల క్రితం పెద్దపల్లి జిల్లాకు చెందిన చికిత నన్ను ఫోన్‌లో సంప్రదించింది. 'సార్.. నాకు ఆసియా క్రీడల కోసం సరైన గైడెన్స్, మెంటరింగ్ అవసరం' అని చెప్పింది. దాంతో అప్పటి నుంచే ఆమెతో కోచ్‌గా నా ప్రయాణం మొదలైంది. చికిత సాధనలో భాగంగా శారీరక దృఢత్వం, పోషకాహారం, మానసిక స్థైర్యాన్ని మెరుగుపరచడంపైనే నేను ప్రధానంగా దృష్టి పెట్టాను. ముఖ్యంగా ఆమె కోర్ స్ట్రెంగ్త్‌పై ప్రత్యేకంగా శిక్షణ ఇచ్చాను. అలాగే సరైన పోషకాహారం తీసుకునేలా చూశాను.విల్లును ఎక్కువ సమయం కదలకుండా స్థిరంగా పట్టుకోవడానికి, పోటీ పూర్తయ్యే వరకు ఒకే పొజిషన్‌లో నిలబడటానికి ఇవి ఆర్చర్‌కు ఎంతగానో అవసరం. శిక్షణ మొదట్లో ఆమెకు కావాల్సినంత శారీరక దృఢత్వం లేదు. దాంతో ప్రత్యేక 'స్ట్రెంగ్త్ అండ్ కండిషనింగ్' ప్రోగ్రామ్ ద్వారా ఆమె బలాన్ని మెరుగుపరిచాం.చికిత కూడా కఠోర సాధన చేసింది. ఆసియా క్రీడలే ప్రధాన లక్ష్యంగా మేము ఎంతో శ్రమించాం. రెండు స్వర్ణ పతకాలు సాధించడం నిజంగా గొప్ప విజయం. ఆమె సక్సెస్‌లో నావంతు పాత్ర పోషించినందుకు సంతోషంగా ఉంది" అని వివేక్ తేజా పేర్కొన్నాడు.

ఆసియా క్రీడలు-2026 టోర్నీలో భారత పురుషుల హాకీ జట్టు అద్భుత విజయం సాధించింది. పాకిస్తాన్‌తో గురువారం నాటి సెమీ ఫైనల్లో ఆఖరి నిమిషంలో గోల్‌ కొట్టి ఫైనల్‌కు దూసువెళ్లింది. దాయాదిని 4-3 గోల్స్‌ తేడాతో చిత్తు చేసిన డిఫెండింగ్‌ చాంపియన్‌ భారత్‌.. స్వర్ణ పతక ఆశల్ని సజీవం చేసుకుంది. ఆదిలో ఆధిపత్యంజపాన్‌ వేదికగా పాక్‌తో సెమీస్‌లో... కెప్టెన్‌, పెనాల్టీ కార్నర్‌ స్పెషలిస్టు హర్మన్‌ప్రీత్‌ సింగ్‌ తొలి గోల్‌ కొట్టడంతో భారత్‌ ఖాతా తెరిచింది. హర్మన్‌ మరోసారి విజృంభించి తొలి క్వార్టర్‌ ముగిసేసరికి భారత్‌ ఆధిక్యాన్ని 2-0కు తీసుకువెళ్లాడు.మారిన సీన్‌ఇక సుఖ్‌జీత్‌ సింగ్‌ మూడో గోల్‌ కొట్టగా భారత్‌ 3-0తో ముందంజ వేసింది. అయితే, ఆ తర్వాత పాకిస్తాన్‌ కెప్టెన్‌ అబూ మహమూద్‌ గోల్‌ కొట్టి జట్టును తిరిగి పోటీలో నిలిపాడు. దీంతో రెండో అర్ధ భాగం మొదలయ్యేసరికి స్కోరు 3-1గా మారింది. ఆ తర్వాత హనన్‌ షాహిద్‌ భారత డిఫెన్స్‌ను బోల్తా కొట్టించి తెలివిగా గోల్‌ కొట్టాడు.తీవ్రమైన ఒత్తిడిఅనంతరం వహీద్‌ రాణా కూడా గోల్‌ కొట్టగా స్కోరు 3-3తో సమమైంది. దీంతో భారత శిబిరం తీవ్ర ఒత్తిడిలో కూరుకుపోయింది. ఈ క్రమంలో గోల్‌ కీపర్‌ మోహిత్‌ను తప్పించి.. అతడి స్థానంలో సూరజ్‌ కర్కేరాను తీసుకువచ్చింది. ఇలాంటి దశలో పాక్‌కు రెండు పెనాల్టీ కార్నర్‌లు లభించినా వాటిని గోల్‌గా మలచలేకపోయింది. దీంతో భారత జట్టు ఊపిరి పీల్చుకుంది.ఆఖరి నిమిషంలో అద్భుతం ఈ క్రమంలో ఆటకు ఇంకా నలభై సెకండ్ల వ్యవధి మాత్రమే ఉన్న సమయంలో అభిషేక్‌ అనూహ్య రీతిలో గోల్‌ కొట్టి భారత్‌కు చిరస్మరణీయ విజయాన్ని అందించాడు. దీంతో భారత్‌ పాక్‌ను 4-3తో ఓడించి టైటిల్‌ పోరుకు అర్హత సాధించింది.ఇదిలా ఉంటే.. భారత మహిళా హాకీ జట్టు కూడా ఫైనల్‌కు చేరిన సంగతి తెలిసిందే. ఆసియా క్రీడల్లో ఇలా ఒకే ఎడిషన్‌లో భారత హాకీ మహిళల, పురుషుల జట్లు ఫైనల్‌కు చేరడం 1998 తర్వాత ఇదే తొలిసారి.

ఏషియన్‌ గేమ్స్ 2026లో 12వ రోజు (అక్టోబర్‌ 1) భారత్‌కు మిశ్రమ ఫలితాలు ఎదురయ్యాయి. వాలీబాల్‌, ఆర్చరీ, స్క్వాష్‌లో భారత అథ్లెట్లు నిరాశపరిచారు. సెపక్‌తక్రాలో మాత్రం భారత్‌కు పతకం ఖాయమైంది.పాకిస్తాన్ చేతిలో ఓటమిపురుషుల వాలీబాల్ క్వార్టర్‌ఫైనల్లో భారత్‌ పాకిస్తాన్ చేతిలో పరాజయంపాలైంది. 20-25, 27-29, 15-25 వరుస సెట్లలో ఓడి 0-3తో మ్యాచ్‌ను చేజార్చుకుంది. ఈ పరాజయంతో భారత్ టోర్నీ నుంచి నిష్క్రమించగా.. పాక్‌ సెమీఫైనల్‌కు చేరుకుంది.ఆర్చరీలో నిరాశమహిళల వ్యక్తిగత కాంపౌండ్ ఈవెంట్ క్వార్టర్‌ఫైనల్లో భారత్‌కు చెందిన చికితా తనిపర్తి ఓటమి చవిచూసింది. ఇండోనేషియాకు చెందిన నురిసా దియాన్ అష్రిఫా చేతిలో 143-144 తేడాతో ఓడిపోయింది. టీమ్ ఈవెంట్లలో ఇప్పటికే రెండు స్వర్ణ పతకాలు సాధించిన చికితా వ్యక్తిగత విభాగంలో ముందుకు వెళ్లలేకపోయింది.స్క్వాష్‌లో షాక్స్క్వాష్‌లోనూ భారత్‌కు షాక్ తగిలింది. మహిళల టీమ్ సెమీఫైనల్లో అనాహత్ సింగ్‌కు నిరాశ ఎదురైంది. హాంకాంగ్‌తో జరిగిన పోరులో ఆమె ఓటమి పాలైంది. దీంతో ఈ విభాగంలో భారత స్వర్ణ పతక ఆశలకు ఎదురుదెబ్బ తగిలింది.సెపక్‌తక్రాలో పతకం ఖాయంసెపక్‌తక్రాలో భారత్ చారిత్రాత్మక ప్రదర్శన చేసింది. పురుషుల క్వాడ్రంట్ గ్రూప్-ఏ మ్యాచ్‌లో వియత్నాంపై భారత్ 2-0తో విజయం సాధించి సెమీఫైనల్‌కు చేరుకుంది. సెమీఫైనల్ బెర్త్ ఖరారు కావడంతో భారత్‌కు ఈ విభాగంలో కనీసం ఒక పతకం ఖాయమైంది.కాగా, ఇవాళ పతకాల ఖాతా తెరవని భారత్‌, ఇప్పటివరకు సాధించిన 60 పతకాలతో (10 గోల్డ్‌, 21 సిల్వర్‌, 29 బ్రాంజ్‌) పట్టికలో ఎనిమిదో స్థానంలో కొనసాగుతుంది. ఇదీ చదవండి: గురితప్పని బంగారు బాణం

ఆసియా క్రీడల్లో బుధవారం భారత్‌కు స్వర్ణాల పంట పండింది. ఒకేరోజు మన బృందం నాలుగు బంగారు పతకాలతో మెరిసింది. వీటిలో మూడు ఒక్క కాంపౌండ్‌ ఆర్చరీలోనే రావడం విశేషం కాగా, షూటింగ్‌లో మరో గోల్డ్‌ మన ఖాతాలో చేరింది. రెండు స్వర్ణ పతకాలతో తెలంగాణ ఆర్చర్‌ తానిపర్తి చికిత ప్రదర్శన హైలైట్‌గా నిలవగా, ఆంధ్రప్రదేశ్‌కు చెందిన సీనియర్‌ ఆర్చర్‌ వెన్నం జ్యోతి సురేఖ కూడా పసిడిని సొంతం చేసుకుంది. హైదరాబాదీ షూటర్‌ కైనన్‌ చెనాయ్‌తో కలిసి నీరూ ధండా మరో బంగారాన్ని భారత్‌కు అందించింది.బాక్సింగ్‌లో మూడు కాంస్యాలు, రెజ్లింగ్‌లో ఒక కాంస్యం కూడా మన ఖాతాలో చేరాయి. బుధవారం ఆర్చరీ ప్రదర్శన మరో అరుదైన అవకాశాన్ని కల్పించింది. 2028 లాస్‌ ఏంజెలిస్‌ ఒలింపిక్స్‌లో తొలిసారి ఆర్చర్‌ కాంపౌండ్‌ విభాగంలో మిక్స్‌డ్‌ టీమ్‌ ఈవెంట్‌ను ప్రవేశపెట్టగా...చికిత–సాహిల్‌ స్వర్ణంతో భారత్‌కు ఆ బెర్త్‌ లభించింది.ఒకరితో పోటీ పడుతూ మరొకరు... మహిళల కాంపౌండ్‌ విభాగంలో భారత బృందానికి స్వర్ణం లభించింది. తానిపర్తి చికిత, వెన్నం జ్యోతి సురేఖ, ప్రీతిక ప్రదీప్‌ (మహారాష్ట్ర) సభ్యులుగా ఉన్న టీమ్‌ ఫైనల్లో 238–234 స్కోరుతో చైనా జట్టుపై విజయం సాధించింది. భారత బృందం నాలుగు సిరీస్‌లలో కలిపి మొత్తం 240 పాయింట్లకుగాను 238 పాయింట్లు (వరుసగా 60, 59, 59, 60) స్కోరు చేసింది. 2023 ఆసియా క్రీడల్లో కూడా ఈ ఈవెంట్‌లో స్వర్ణం గెలిచిన భారత జట్టు ఈసారి దానిని నిలబెట్టుకుంది. గత క్రీడల్లో కూడా జ్యోతి సురేఖ జట్టులో భాగంగా ఉండగా, తొలిసారి ఆసియా క్రీడల్లో పాల్గొన్న చికిత అద్భుత ప్రదర్శనతో చెలరేగింది. కాంపౌండ్‌ మిక్స్‌డ్‌ టీమ్‌ ఈవెంట్‌లో చికిత, సాహిల్‌ జాధవ్‌ (మహారాష్ట్ర) కలిసి పసిడి పతకాన్ని గెలుచుకున్నారు. ఫైనల్లో భారత ద్వయం ‘షూటాఫ్‌’లో కొరియాను ఓడించింది. నాలుగు సిరీస్‌ల తర్వాత ఇరు జోడీలు 157–157తో సమంగా నిలిచాయి. దాంతో ‘షూటాఫ్‌’ అవసరమైంది. ఇందులో భారత్‌ 20 పాయింట్లు స్కోర్‌ చేయగా, కొరియా 19 పాయింట్లే సాధించగలిగింది. దాంతో 1–0తో భారత్‌ పైచేయి సాధించి స్వర్ణాన్ని అందుకుంది. తెలంగాణలోని పెద్దపల్లి జిల్లాకు చెందిన 21 ఏళ్ల చికిత 2025లో ప్రపంచ యూత్‌ చాంపియన్‌గా నిలిచింది. ప్రపంచకప్‌లలో టీమ్‌ విభాగంలో రెండు రజతాలు సాధించింది. కాంపౌండ్‌ పురుషుల విభాగంలో కూడా భారత్‌ మరో స్వర్ణాన్ని గెలుచుకుంది. భారత్‌ 238–237 పాయింట్ల తేడాతో చైనాపై గెలుపొందింది. ఈ టీమ్‌లో సాహిల్‌ జాధవ్, కుశాల్‌ దలాల్‌ (హరియాణా)లతో పాటు ఆంధ్రప్రదేశ్‌కు చెందిన తిరుమూరు గణేశ్‌ మణిరత్నం కూడా ఉన్నాడు. నాలుగు సిరీస్‌లలో వరుసగా 58, 60, 60, 60 స్కోరు చేసిన భారత బృందం పాయింట్‌ తేడాతో ప్రత్యర్థిపై పైచేయి సాధించింది. సీనియర్‌ ‘స్టార్‌‘ జ్యోతిసురేఖ విజయవాడకు చెందిన వెన్నం జ్యోతిసురేఖ దశాబ్దన్నర కాలంగా భారత మహిళల కాంపౌండ్‌ ఆర్చరీకి పర్యాయపదంగా నిలిచింది. 2011లో తొలిసారి భారత సీనియర్‌ జట్టు తరఫున సురేఖ బరిలోకి దిగింది. ఇతర ఆర్చర్లు ఎవరికీ సాధ్యం కాని రికార్డులు, ఘనతలెన్నో ఆమె ఖాతాలో ఉన్నాయి. 2014 నుంచి వరుసగా నాలుగు ఆసియా క్రీడల్లో పాల్గొన్న ఆమె మొత్తంగా 4 స్వర్ణాలు, ఒక రజతం, ఒక కాంస్యం నెగ్గింది. ప్రతిష్టాత్మక వరల్డ్‌ చాంపియన్‌ప్‌లో మూడేళ్ల క్రితం స్వర్ణం నెగ్గిన సురేఖ మరో 5 రజతాలు, 3 కాంస్యాలు కూడా సాధించింది. షూటింగ్‌ ప్రపంచకప్‌లలోనైతే ఏకంగా 11 స్వర్ణాలు గెలిచిన అద్భుత ప్రదర్శన సురేఖ సొంతం. ఆమె కెరీర్‌లో మిగిలిపోయిన ఏకైక లక్ష్యం ఒలింపిక్‌ పతకమే. 2028 క్రీడల్లో కాంపౌండ్‌ మిక్స్‌డ్‌ టీమ్‌ ఈవెంట్‌ను తొలిసారి చేర్చడంతో ఆమె ఒలింపిక్‌ పతకంపై గురి పెట్టింది. యూత్‌ ఆర్చరీతో మొదలు... తిరుపతి జిల్లా నాయుడుపేట గణేశ్‌ స్వస్థలం. పదేళ్ల వయసులో తండ్రి హరిప్రసాద్‌ ఇచ్చిన ప్రోత్సాహంతో అతను ఆర్చరీలో ఓనమాలు నేర్చుకున్నాడు. మూడేళ్ల క్రితం వరల్డ్‌ యూత్‌ ఆర్చరీ చాంపియన్‌షిప్‌లో రజతం గెలిచిన భారత జట్టులో భాగం కావడంతో అతనికి గుర్తింపు లభించింది. 2026లో ఇదే ఈవెంట్‌లో స్వర్ణం సాధించిన టీమ్‌లోనూ గణేశ్‌ ఉన్నాడు. ఆసియా గ్రాండ్‌ప్రి సర్క్యూట్‌లో అతను ఒక్కో స్వర్ణం, రజతం, కాంస్యం నెగ్గాడు. 2025లో భారత్‌ స్వర్ణం సాధించడంలో గణేశ్‌ కీలక పాత్ర పోషించాడు. ప్రస్తుతం హరియాణా రాష్ట్రం సోనిపట్‌లోని స్పారో ఆర్చరీ అకాడమీలో గణేశ్‌ శిక్షణ పొందుతున్నాడు. సత్తా చాటిన కైనన్‌–నీరూ షూటింగ్‌లో భారత్‌కు మరో స్వర్ణం దక్కింది. ట్రాప్‌ మిక్స్‌డ్‌ టీమ్‌ ఈవెంట్‌లో కైనన్‌ చెనాయ్‌–నీరూ ధండా జోడీ అగ్రస్థానంలో నిలిచి పసిడి పతకాన్ని అందుకుంది. నాలుగు సిరీస్‌లలో (6, 10, 10, 8) కలిపి వీరిద్దరు 34 పాయింట్లు సాధించారు. ఖతర్‌ (32) జంటకు రజత పతకం దక్కగా, చైనా జోడీకి (23) కాంస్యం సాధించింది. నీరూ ధండాకు ఈ ఆసియా క్రీడల్లోనే ఇది మూడో పతకం కావడం విశేషం. ట్రాప్‌ వ్యక్తిగత, మిక్స్‌డ్‌ ఈవెంట్లలో స్వర్ణం గెలిచిన ఆమె...టీమ్‌ ఈవెంట్‌లో రజతాన్ని గెలుచుకుంది. 2023 ఆసియా క్రీడల్లో కైనన్‌ టీమ్‌ విభాగంలో స్వర్ణం, వ్యక్తిగత విభాగంలో ఒక కాంస్యం నెగ్గాడు.నాన్న గన్‌తో కైనన్‌ గోల్డ్‌...నాన్న రెండుసార్లు జాతీయ చాంపియన్‌... చాలా మంది తండ్రుల్లాగే ఆయన కూడా తన కొడుకు తనకంటే రెండు మెట్లు పైన ఉండాలని కోరుకున్నాడు. తండ్రిగా ఆరంభంలో ఆటలో దారి చూపించి ఆపై మరింత ఎత్తుకు ఎదిగేందుకు సరైన రీతిలో సహకారం అందిస్తూ అండగా నిలిచాడు. కొడుకు కూడా ఆయన ఆశలను సరిగ్గా నెరవేరుస్తూ తాను ఎంచుకున్న ఆటలో పెద్ద స్థాయికి చేరుకొని తనకంటూ ప్రత్యేక గుర్తింపు తెచ్చాడు. ఆ తండ్రి డేరియస్‌ చెనాయ్‌ అయితే కొడుకు కైనన్‌ చెనాయ్‌. 2023 ఆసియా క్రీడల ట్రాప్‌లో రెండు పతకాలు గెలుచుకున్న కైనన్‌... ఇప్పుడు మిక్స్‌డ్‌ టీమ్‌ ఈవెంట్‌లో స్వర్ణంతో సత్తా చాటాడు. హైదరాబాద్‌లో పుట్టిన కైనన్‌ దేశంలోని అత్యుత్తమ పాఠశాల్లో ఒకటైన ఊటీలోనే హెబ్రాన్‌ స్కూల్‌లో చదువుకున్నాడు. అక్కడే స్విమ్మింగ్, ఫుట్‌బాల్, హాకీవంటి ఆటలు ఆడినా... సహజంగానే ఇంట్లో వాతావరణంతో షూటింగ్‌పై కొత్తగా ఆసక్తి కలిగింది. 12 ఏళ్ల వయసు ఉన్న తన కుమారుడి ఇష్టాన్ని కాదనలేని డేరియస్‌ తానే స్వయంగా షూటింగ్‌లో ప్రాథమికాంశాలతో శిక్షణ ఇచ్చాడు. ఆ తర్వాత ప్రముఖ షూటర్‌ మన్షేర్‌ సింగ్‌ వద్ద కోచింగ్‌తో పూర్తి స్థాయిలో కైనన్‌ ట్రాప్‌ ఈవెంట్‌పై దృష్టి పెట్టాడు. 2008 కామన్వెల్త్‌ యూత్‌ గేమ్స్‌లో స్వర్ణంతో తొలిసారి అతను అందరి దృష్టిలో పడ్డాడు. ఆ తర్వాత నిలకడైన ప్రదర్శనతో సీనియర్‌ స్థాయిలోనూ తన స్థానాన్ని పటిష్టం చేసుకున్న కైనన్‌ 2016 రియో ఒలింపిక్స్‌లో కూడా బరిలోకి దిగాడు. గత ఏడాది ప్రపంచకప్‌ మిక్స్‌డ్‌ టీమ్‌ ఈవెంట్‌లో కాంస్యం సాధించిన కైనన్‌ ఖాతాలో ఇంతకుముందే రెండు ఆసియా క్రీడల పతకాలు ఉన్నాయి. తాజాగా సాధించిన ఏషియాడ్‌ స్వర్ణంలో వాడిన గన్‌ వెనక ఆసక్తికర కథనం ఉంది. అతని తండ్రి డేరియస్‌ 30 ఏళ్ల క్రితం వాడిన గన్‌ బ్యారెల్‌నే కైనన్‌ ఇప్పుడు ఉపయోగించాడు. ఈ గన్‌తో డేరియస్‌ రెండుసార్లు జాతీయ చాంపియన్‌గా నిలవగా, ఇప్పుడు కొడుకు తండ్రి గన్‌లో స్వల్ప మార్పుతో బరిలోకి దిగాడు. నా తొలి ఆసియా క్రీడల్లోనే రెండు స్వర్ణాలు లభించాయి. ఇంతకంటే ఆనందం ఏముంటుంది. మహిళల టీమ్‌ ఈవెంట్‌ ముగియగానే మిక్స్‌డ్‌లో పాల్గొనాల్సి వచ్చిం ది. సన్నద్ధతకు తగినంత సమయం లేకపోయినా అత్యుత్తమ ప్రదర్శన ఇచ్చాను. షూటౌట్‌లో నేను ‘10’ స్కోర్‌ చేసినా లక్ష్యానికి ఆశించినంత దగ్గరగా రాకపోవడంతో కొంత ఉత్కంఠకు లోనైనా చివరకు పసిడి పతకం దక్కింది. –చికిత, భారత ఆర్చర్‌

నగోయా: వరుసగా రెండు ఆసియా క్రీడల్లో ఫైనల్‌కు చేరిన తొలి భారతీయ మహిళా బాక్సర్‌గా లవ్లీనా బొర్గోహైన్‌ గుర్తింపు పొందింది. బుధవారం జరిగిన 75 కేజీల విభాగం సెమీఫైనల్లో లవ్లీనా 3–2తో నటాల్యా బొగ్డనోవా (కజకిస్తాన్‌)పై గెలిచింది. శుక్రవారం జరిగే ఫైనల్లో జియి బావో (చైనా)తో లవ్లీనా ఆడుతుంది. 2023 హాంగ్జౌ ఆసియా క్రీడల్లో లవ్లీనా రజతం గెలిచింది. మరోవైపు ప్రియా ఘంఘాస్‌ (60 కేజీలు), కపిల్‌ (90 కేజీలు) సెమీఫైనల్లో ఓడిపోయి కాంస్య పతకాలు దక్కించుకున్నారు. ప్రియ 1–4తో యాఆంగ్‌ చెంగ్యూ (చైనా) చేతిలో, కపిల్‌ 1–4తో తురాబెక్‌ ఖాబిబులయెవ్‌ (ఉజ్బెకిస్తాన్‌) చేతిలో ఓటమి పాలయ్యారు. మంగళవారం జరిగిన ప్లస్‌ 90 కేజీల సెమీఫైనల్లో నరేందర్‌ పరాజయం పాలయ్యాడు. బుధవారంతో బాక్సింగ్‌ సెమీఫైనల్స్‌ ముగియడంతో ఓడిన వారికి కాంస్య పతకాలను అధికారికంగా ఖరారు చేశారు. లవ్లీనాతోపాటు అంకుశ్‌ పంఘాల్‌ (80 కేజీలు), పర్వీన్‌ హుడా (65 కేజీలు) కూడా స్వర్ణ పతకాల కోసం పోటీపడతారు.

రెజ్లింగ్‌లో పురుషుల గ్రీకో రోమన్‌ 87 కేజీల విభాగంలో సునీల్‌ కుమార్‌ కాంస్య పతకం గెలుపొందాడు. కాంస్య పతక బౌట్‌లో సునీల్‌ 9–0తో రాబర్ట్స్‌ కాలమ్‌ జాన్‌స్టన్‌ (ఫిలిప్పీన్స్‌)పై గెలుపొందాడు. తొలి రౌండ్‌లో ‘బై’ పొందిన సునీల్‌ క్వార్టర్‌ ఫైనల్లో 4–0తో సుల్తాన్‌జోదా (తజికిస్తాన్‌)పై గెలిచాడు. సెమీఫైనల్లో సునీల్‌ 0–4తో తైజో యోషిదా (జపాన్‌) చేతిలో ఓడిపోయాడు. 2023 హాంగ్జౌ ఆసియా క్రీడల్లోనూ సునీల్‌కు కాంస్యం దక్కింది. తద్వారా ఆసియా క్రీడల్లో రెండు పతకాలు గెలిచిన తొలి భారతీయ గ్రీకో రోమన్‌ రెజ్లర్‌గా సునీల్‌ ఘనత వహించాడు. అంతకుముందు 2010 ఆసియా క్రీడల్లో రవీందర్‌ సింగ్, సునీల్‌ కుమార్‌ రాణా కాంస్య పతకాలు నెగ్గారు. మరోవైపు మహిళల 68 కేజీల విభాగంలో నిషా దహియా రిక్తహస్తాలతో వెనుదిరిగింది.

ఆసియా గేమ్స్‌లో భార‌త మ‌హిళ‌ల హాకీ జ‌ట్టు ఫైన‌ల్లో అడుగుపెట్టింది. బుధ‌వారం ద‌క్షిణ కొరియాపై 2-0తో విజ‌యం సాధించిన భార‌త్ తుది పోరుకు అర్హ‌త సాధించింది. శ‌నివారం (అక్టోబ‌ర్ 3న‌) జ‌ర‌గ‌నున్న‌ స్వ‌ర్ణ ప‌త‌కం కోసం ఫైన‌ల్లో చైనాతో అమీతుమీకి సిద్ధ‌మైంది. తొలి రెండు క్వార్ట‌ర్స్‌లో ఇరుజ‌ట్లు ఒక్క గోల్ కూడా చేయ‌లేక‌పోయాయి. అయితే మూడో క్వార్ట‌ర్‌లో (ఆట 44వ నిమిసం) ఇషికా గోల్ కొట్ట‌డంతో భార‌త్ 1-0తో ఆధిక్యంలోకి వెళ్లింది. మ‌రుక్ష‌ణ‌మే కెప్టెన్ స‌లీమా టిటే అద్భుతంగా స్పందించి, బంతిని వెన‌క్కి క‌ట్ చేసింది. ఆ త‌ర్వాత ప్ర‌త్య‌ర్థిని బోల్తా కొట్టించి నేరుగా బంతిని నెట్‌లోకి పంపించి భార‌త్ ఆధిక్యాన్ని 2-0కు పెంచింది. ఈ నేప‌థ్యంలో 44 ఏళ్ల త‌ర్వాత ఆసియా గేమ్స్‌లో స్వ‌ర్ణ ప‌త‌కం సాధించేందుకు భార‌త మ‌హిళ‌ల హాకీ జ‌ట్టు ఒక్క అడుగు దూరంలో నిలిచింది. గ‌తంలో 1982లో ఢిల్లీ వేదిక‌గా జ‌రిగిన ఆసియా గేమ్స్‌లో మ‌హిళ‌ల హాకీ ఫైన‌ల్లో భార‌త్ 22-0తో హాంకాంగ్‌పై ఏకప‌క్ష విజ‌యంతో స్వ‌ర్ణం ఎగ‌రేసుకుపోయింది. ప్ర‌స్తుతం మ‌హిళ‌ల హాకీ ర్యాంకింగ్స్‌లో నాలుగో స్థానంలో కొన‌సాగుతున్న భార‌త్ లీగ్ ద‌శ‌లో అన్ని మ్యాచ్‌ల్లోనూ విజ‌యం సాధించి మంచి ఆత్మ‌విశ్వాసాన్ని కూడ‌గ‌ట్టుకుంది.ఫైనల్లో లవ్లీనా.. సునీల్‌కు క్యాంసంరెజ్లింగ్‌లో సునీల్ కుమార్ కాంస్యం సాధించాడు. గ్రీకో రోమన్ పురుషుల 87 కిలోల విభాగంలో ఉడుంపట్టుతో పతకం పట్టేశాడు సునీల్. కల్లమ్ రాబర్ట్స్ జాన్‌స్టన్‌ను ఉక్కిరిబిక్కిరి చేసిన భారత రెజ్లర్ 5-0తో జయకేతనం ఎగురవేశాడు. గత ఎడిషన్‌లోనూ సునీల్ కంచుమోత మోగించిన విషయం తెలిసిందే.ఇక మ‌హిళ‌ల బాక్సింగ్ 75 కేజీల విభాగంలో భార‌త బాక్స‌ర్ లవ్లీనా బొర్గొహైన్ ఫైనల్లో ప్ర‌వేశించింది. ఆసియా గేమ్స్‌లో వ‌రుస‌గా రెండోసారి ఫైన‌ల్ చేరిన ల‌వ్లీనా గ‌త ఆసియా గేమ్స్‌లో ర‌జ‌తంతో మెరిసింది. ఈసారి స్వ‌ర్ణంపై గురి పెట్టిన ల‌వ్లీనా త‌న ఫైన‌ల్ అక్టోబ‌ర్ 2న ఆడ‌నుంది. ఇక సెమీస్‌లో ల‌వ్లీనా 3-2తో క‌జ‌కిస్తాన్‌కు చెందిన న‌టాలియా బొగ్డనోవాపై విజ‌యం సాధించింది.

తాడేపల్లి : ఆసియా క్రీడల్లో సత్తాచాటిన భారత ఆర్చరీ క్రీడాకారులను వైఎస్సార్‌సీపీ అధ్యక్షులు, మాజీ సీఎం వైఎస్‌ జగన్‌మోహన్‌రెడ్డి అభినందించారు. ఆసియా క్రీడల్లో ఆర్చరీ విభాగంలో స్వర్ణపతకాలు సాధించడంపై వైఎస్‌ జగన్‌ హర్షం వ్యక్తం చేశారు. క్రీడల్లో అద్భుతమైన ప్రతిభ చూపారనీ, భారతదేశ కీర్తిని మరింత పెంచారని వైఎస్‌ జగన్‌ కొనియాడారు. ఆర్చరీ ఈవెంట్‌లో భాగంగా పురుషులు కాంపౌండ్‌ టీమ్‌ విభాగంలో కుశాల్‌ దలాల్‌, సాహిల్‌ రాజేశ్‌ జాధవ్‌, గణేశ్‌ మణిరత్నంలతో కూడిన భారత జట్టు స్వర్ణం కైవసం చేసుకుంది. ప్రత్యర్థి చైనాను 238-237 తేడాతో ఓడించిన భారత్‌.. పసిడిని అందుకుంది. వీరి విజయాన్ని స్ఫూర్తిగా తీసుకుని దేశంలోని యువ క్రీడాకారులు ముందుకు సాగాలని వైఎస్‌ జగన్‌ ఆకాంక్షించారు. గణేష్ మణిరత్నం ఏపీకి చెందిన క్రీడాకారుడు కావటం మనందరికీ గర్వకారణమన్నారు వైఎస్‌ జగన్‌. ఇదీ చదవండి: ఆర్చరీలో హ్యాట్రిక్.. భారత్‌ ఖాతాలో 10వ స్వర్ణం

ఆసియా క్రీడలు-2026 ఆర్చరీలో భారత అథ్లెట్లు హ్యాట్రిక్‌ స్వర్ణాలతో మెరిశారు. తొలుత మహిళల టీమ్ కాంపౌండ్ విభాగంలో చైనాను ఓడించి పసిడి పతకం గెలిచిన భారత్.. అనంతరం కాంపౌండ్ మిక్స్‌డ్ టీమ్ ఈవెంట్‌లో దక్షిణ కొరియాను ఓడించి మరో స్వర్ణం సాధించింది.తాజాగా పురుషులు కాంపౌండ్‌ టీమ​ ఈవెంట్లోనూ బంగారు పతకంతో మెరిసింది భారత్‌. కుశాల్‌ దలాల్‌, సాహిల్‌ రాజేశ్‌ జాధవ్‌, గణేశ్‌ మణిరత్నంలతో కూడిన జట్టు చైనాను 238-237 తేడాతో ఓడించి స్వర్ణం కైవసం చేసుకుంది.ఈ పతకంతో భారత్‌ ఖాతాలో 10వ స్వర్ణం చేరింది (మొత్తం 59 పతకాలు). ఇవాళ ఒక్క రోజే భారత్‌ నాలుగు స్వర్ణ పతాకలు సాధించింది. ఆర్చరీతో పాటు మహిళల షూటింగ్‌ ట్రాప్ మిక్స్‌డ్ టీమ్ ఈవెంట్‌లో నీరూ ధండా, కైనన్ చెనాయ్ జోడీ కూడా స్వర్ణం సాధించింది.మహిళల టీమ్, మిక్స్‌డ్ టీమ్ తర్వాత పురుషుల టీమ్ కూడా బంగారు పతకం సాధించడంతో భారత్‌కు ఆర్చరీలో "గోల్డెన్ హ్యాట్రిక్" పూర్తయింది.మరోవైపు ఇవాళే మహిళల బాక్సింగ్‌లో ప్రియ ఘంఘాస్ (60 కేజీలు), పురుషుల 90 కేజీల విభాగంలో కపిల్ పొఖరియా సెమీఫైనల్లో ఓడి కాంస్యంతో సరిపెట్టుకున్నారు. మహిళల బాక్సింగ్‌లో లవ్లీనా బోర్గొహైన్ 75 కేజీల విభాగంలో ఫైనల్‌కు చేరి భారత్‌కు కనీసం రజతాన్ని ఖాయం చేసింది. స్క్వాష్‌లో భారత పురుషుల, మహిళల జట్లు కూడా సెమీఫైనల్‌కు చేరి పతకాలను ఖాయం చేసుకున్నాయి.ఇదీ చదవండి: ‘పసిడి’ పరుగుల రాణి..

ఏషియన్‌ గేమ్స్ 2026లో ఇవాళ (11వ రోజు) భారత్ పతకాల వేటలో దూసుకెళ్తోంది. ఆర్చరీలో రెండు స్వర్ణాలు సాధించిన భారత్.. తాజాగా షూటింగ్‌లోనూ బంగారు పతకం గెలిచింది. దీంతో ఇవాళ భారత్ ఖాతాలో ఇప్పటివరకు మూడు స్వర్ణాలు చేరాయి.మహిళల ట్రాప్ మిక్స్‌డ్ టీమ్ ఈవెంట్‌లో నీరూ ధండా, కైనన్ చెనాయ్ జోడీ అద్భుత ప్రదర్శనతో స్వర్ణం సాధించింది. ప్రారంభంలో భారత్ 10 టార్గెట్లలో కేవలం 6 మాత్రమే ఛేదించి పతకాల పట్టికలో చివరి స్థానంలో నిలిచింది. అయితే ఆ తర్వాత ధండా, చెనాయ్ ఒక్క టార్గెట్ కూడా మిస్ కాకుండా అద్భుతంగా పుంజుకున్నారు.చివరి వరకు ఉత్కంఠగా సాగిన పోరులో భారత్ ఒక్క పాయింట్ తేడాతో అగ్రస్థానంలో నిలిచింది. ఖతార్ రజతం, చైనా కాంస్య పతకాలను సాధించాయి.ఈ విజయంతో భారత్ మొత్తం 34 పాయింట్లు సాధించి ఆసియా రికార్డును కూడా బద్దలు కొట్టింది. నీరూ ధండాకు ఇది రెండు రోజుల్లో రెండో స్వర్ణ పతకం. అంతకుముందు మహిళల ట్రాప్ వ్యక్తిగత విభాగంలో ఆమె పసిడి సాధించింది.ఇదిలా ఉంటే, ఇవాళ ఆర్చరీలో భారత జట్లు ఇప్పటికే రెండు స్వర్ణాలు సాధించాయి. మహిళల టీమ్ కాంపౌండ్ విభాగంలో చైనాను ఓడించి స్వర్ణం గెలిచిన భారత్.. అనంతరం కాంపౌండ్ మిక్స్‌డ్ టీమ్ ఈవెంట్‌లో దక్షిణ కొరియాను ఓడించి మరో పసిడి పతకం సాధించింది. మిక్స్‌డ్ టీమ్ స్వర్ణంతో భారత్ 2028 లాస్ ఏంజెల్స్ ఒలింపిక్స్‌కు అర్హత కూడా సాధించింది.ఘంఘాస్‌కు కాంస్యంబాక్సింగ్‌లో ప్రియ ఘంఘాస్ మహిళల 60 కేజీల సెమీఫైనల్లో చైనా బాక్సర్ చేతిలో ఓడి కాంస్య పతకంతో సరిపెట్టుకుంది. మరోవైపు లవ్లీనా బోర్గొహైన్ మహిళల 75 కేజీల విభాగంలో ఫైనల్‌కు చేరి భారత్‌కు కనీసం రజత పతకాన్ని ఖాయం చేసింది.మహిళల టీమ్ స్క్వాష్‌లో తన్వి ఖన్నా, అనాహత్ సింగ్ సింగపూర్‌పై 2-0తో విజయం సాధించి భారత్‌కు మరో పతకాన్ని ఖాయం చేశారు.ఇదీ చదవండి: Asian Games 2026: భారత్‌ ఖాతాలో ఎనిమిదో స్వర్ణం​

ఏషియన్‌ గేమ్స్ 2026లో ఇవాళ భారత ఆర్చర్లు చెలరేగిపోతున్నారు. ఉదయం మహిళల టీమ్ కాంపౌండ్ విభాగంలో స్వర్ణం సాధించిన భారత్‌, కొద్దిసేపటికే కాంపౌండ్ మిక్స్‌డ్ టీమ్ కూడా పసిడి పతకం గెలిచింది. ఫైనల్లో భారత్ దక్షిణ కొరియాను ఓడించింది. ఈ విజయంతో భారత్ 2028 లాస్ ఏంజెల్స్ ఒలింపిక్స్‌కు కూడా అర్హత సాధించింది.మిక్స్‌డ్ టీమ్ ఈవెంట్‌లో పసిడి సాధించిన భారత జట్టులో చికితా తానిపర్తి, సాహిల్ కీలకంగా రాణించారు. చికితా మన తెలుగు అమ్మాయే. ఈమె స్వస్థలం తెలంగాణలోని పెద్దపల్లి జిల్లా. చికితా ఇవాళే స్వర్ణం గెలిచిన మహిళల టీమ్ కాంపౌండ్ జట్టులోనూ సభ్యురాలు. ఆ ఈవెంట్‌లో చికితా.. ప్రితిక ప్రదీప్ (మహారాష్ట్ర), జ్యోతి సురేఖ వెన్నం (విజయవాడ)తో కలిసి స్వర్ణం​ సాధించింది.ఆ ఈవెంట్‌ ఫైనల్లో భారత్‌ చైనాను 238-234తో ఓడించి, వరుసగా రెండోసారి ఆసియా గేమ్స్ టైటిల్‌ను నిలబెట్టుకుంది.మరోవైపు మహిళల టీమ్ స్క్వాష్‌లో తన్వి ఖన్నా, అనాహత్ సింగ్ సింగపూర్‌పై 2-0 విజయం సాధించి భారత్‌కు కనీసం కాంస్య పతకాన్ని ఖాయం చేశారు.ఇప్పటివరకు 8 స్వర్ణాలు, 21 రజతాలు, 25 కాంస్యాలు (మొత్తం 54) సాధించిన భారత్‌ పతకాల పట్టికలో టాప్-10లోకి (9వ స్థానం) దూసుకొచ్చింది.ఇదీ చదవండి: ఏషియన్‌ గేమ్స్‌లో భారత్‌కు మరో స్వర్ణం

ఏషియన్‌ గేమ్స్ 2026లో భారత్‌కు మరో స్వర్ణ పతకం లభించింది. మహిళల టీమ్ కాంపౌండ్ ఆర్చరీలో చికితా రావు తానిపర్తి, ప్రితిక ప్రదీప్, జ్యోతి సురేఖ వెన్నంతో కూడిన భారత త్రయం, ఫైనల్లో చైనాను 238-234 తేడాతో ఓడించి స్వర్ణం సాధించింది. ఈ విభాగంలో భారత్‌ ఛాంపియన్‌గా నిలవడం ఇది వరుసగా రెండోసారి.స్వర్ణం గెలిచిన భారత జట్టులో ఇద్దరు తెలుగువారు కావడం విశేషం. జ్యోతి సురేఖ స్వస్థలం విజయవాడ (ఆంధ్రప్రదేశ్‌) కాగా.. చికితా రావు తానిపర్తిది పెద్దపల్లి జిల్లా (తెలంగాణ). మరో అమ్మాయి ప్రితికది మహారాష్ట్ర.తాజా పతకంతో భారత్‌ ఖాతాలో ఏడో స్వర్ణ పతకం చేరినట్లైంది. ఇప్పటివరకు 7 స్వర్ణాలు, 21 రజతాలు, 25 కాంస్యాలు సాధించిన భారత్‌ పతకాల పట్టికలో టాప్-10లోకి (9వ స్థానం) దూసుకొచ్చింది. ఇదీ చదవండి: నీరూ బంగారు ‘ట్రాప్‌’

ఆసియా క్రీడల అథ్లెటిక్స్‌ విభాగంలో భారత్‌ను ఊరిస్తూ వచ్చిన స్వర్ణం ఎట్టకేలకు పోటీల ఆఖరి రోజు వచ్చింది. మహిళల 4x400 బృందం స్వర్ణంతో మెరిసి సంతోషాన్ని నింపగా... మరో నాలుగు కాంస్యాలు కూడా మన ఖాతాలో చేరాయి. తమిళనాడు అథ్లెట్‌ విత్య రామ్‌రాజ్, యూపీ అథ్లెట్‌ గుల్వీర్‌ సింగ్‌ ఈ క్రీడల్లో తమ మూడో పతకాలను గెలుచుకోవడం విశేషం. అయితే 2023 హాంగ్జౌ ఆసియా క్రీడల్లో 6 స్వర్ణాలతో మెరిసిన భారత అథ్లెటిక్స్‌ బృందం ఈసారి ఒకే ఒక గోల్డ్‌కే పరిమితం కాగా... గత 29 పతకాలతో పోలిస్తే ఈసారి కాస్త తక్కువగా 24 పతకాలతో ముగించింది. ఏషియాడ్‌లో ఏడోసారి...2026 ఏషియాడ్‌ అథ్లెటిక్స్‌లో భారత్‌ ఏకైక స్వర్ణ పతకాన్ని గెలుచుకుంది. మంగళవారం జరిగిన మహిళల 4x400 మీటర్ల రిలే పరుగులో భారత్‌ మొదటి స్థానంలో నిలిచింది. కిరణ్‌ పహల్, ఎంఆర్‌ పూవమ్మ, ప్రాచీ చౌధరీ, విత్య రామ్‌రాజ్‌ సభ్యులుగా ఉన్న మన బృందం రేసును 3 నిమిషాల 29.69 సెకన్లలో పూర్తి చేసింది. బహ్రెయిన్‌ (3 నిమిషాల 30.21 సెకన్లు) బృందం రజత పతకం సాధించగా, చైనా బృందం (3 నిమిషాల 31.02 సెకన్లు) కాంస్యం గెలుచుకుంది. మూడో లెగ్‌ ముగిసే సమయానికి భారత్‌ మూడో స్థానంలోనే ఉన్నా... చివరి లెగ్‌లో అద్భుతంగా పరుగెత్తిన విత్య జట్టును అగ్రస్థానంలో నిలిపింది. ఆసియా క్రీడల చరిత్రలో మహిళల 4x400 మీటర్ల పరుగులో భారత్‌కు ఇది ఏడో స్వర్ణం కావడం విశేషం. గతంలో 1986, 2002, 2006, 2010, 2014, 2018లలో కూడా మన జట్టు పసిడి పతకాలు నెగ్గింది. 2023లో భారత్‌కు రజతం లభించింది. 36 ఏళ్ల పూవమ్మ గతంలో రెండుసార్లు స్వర్ణాలు నెగ్గిన జట్లలో సభ్యురాలిగా ఉంది.మిక్స్‌డ్‌లో కంచు మోత... 4్ఠ100 మీటర్ల మిక్స్‌డ్‌ రిలేలో కూడా భారత్‌ కాంస్యాన్నే గెలుచుకుంది. అనిమేశ్‌ కుజుర్, గురీందర్‌వీర్‌ సింగ్, స్నేహ సత్యనారాయణ, హరిత భద్ర సభ్యులుగా ఉన్న జట్టు రేస్‌ను 41.06 సెకన్లలో ముగించి మూడో స్థానం దక్కించుకుంది. చైనా (40.78 సెకన్లు) స్వర్ణం గెలుచుకోగా, థాయ్‌లాండ్‌ (40.87 సెకన్లు) రజతం నెగ్గింది. జట్టులోని నలుగురు భారత అథ్లెట్లకు కూడా ఇదే తొలి ఆసియా పతకం.పురుషుల జట్టుకు కాంస్యం... 4x400 మీటర్ల పరుగులో మహిళల జట్టు స్వర్ణం సాధించగా, పురుషుల బృందం కాంస్యంతో ముగించింది. ధరమ్‌వీర్‌ చౌధరీ, మను తెక్కినలిల్, జై కుమార్, విశాల్‌ తెన్నరసు సభ్యులుగా ఉన్న మన జట్టు రేస్‌ను 3 నిమిషాల 01.61 సెకన్లలో పూర్తి చేసి మూడో స్థానంలో నిలిచింది. జపాన్‌ (3 నిమిషాల 00.75 సెకన్లు), ఖతర్‌ (3 నిమిషాల 00.93 సెకన్లు) స్వర్ణ, రజతాలు నెగ్గాయి. ఈ నలుగురికి కూడా ఇదే తొలి ఆసియా క్రీడల పతకం కావడం విశేషం.గుల్వీర్‌ మళ్లీ...10,000 మీటర్లు, 1500 మీటర్ల రేస్‌లలో ఇప్పటికే 2 రజతాలు నెగ్గిన గుల్వీర్‌ సింగ్‌ ఇప్పుడు కాంస్యాన్ని తన ఖాతాలో వేసుకున్నాడు. పురుషుల 5,000 మీటర్ల పరుగులో మూడో స్థానంలో నిలిచాడు. గుల్వీర్‌ ఈ పరుగును 13 నిమిషాల 32.75 సెకన్లలో పూర్తి చేయగా... బిర్హాను బాలే (బహ్రెయిన్‌–13 నిమిషాల 30.79 సెకన్లు) స్వర్ణం, తొమొనొరి యమగూచి (జపాన్‌–13 నిమిషాల 31.43 సెకన్లు) రజతాలు నెగ్గారు. మరోవైపు మరో నాలుగు ఈవెంట్‌లలో భారత అథ్లెట్లు నిరాశపరిచారు. పురుషుల పోల్‌వాల్ట్‌లో దేవ్‌కుమార్‌ మీనా (5.50 మీటర్లు) ఏడో స్థానంలో, కుల్దీప్‌ కుమార్‌ (5.35 మీటర్లు) పదో స్థానంలో నిలిచారు. మహిళల హ్యామర్‌త్రో ఫైనల్లో తాన్యా చౌధరీ (65.35 మీటర్లు), అనుష్క యాదవ్‌ (64.56 మీటర్లు) వరుసగా నాలుగు, ఐదు స్థానాలతో సరిపెట్టుకున్నారు. మహిళల 800 మీటర్ల ఫైనల్లో పూజ (2ని:06.72 సెకన్లు) ఏడో స్థానంతో సంతృప్తి పడింది. పురుషుల 800 మీటర్ల ఫైనల్లో అఫ్సల్‌ (1ని:48.27 సెకన్లు) చివరిదైన ఎనిమిదో స్థానంలో నిలిచాడు.5 ఒకే ఆసియా క్రీడల్లో అథ్లెటిక్స్‌లో మూడు లేదా అంతకంటే ఎక్కువ పతకాలు గెలిచిన ఆటగాళ్ల జాబితాలో గుల్వీర్‌ సింగ్‌ (3), విత్య రామ్‌రాజ్‌ (3) చేరారు. గతంలో పీటీ ఉష (4 పతకాలు; 1986), లేవీ పింటో (3 పతకాలు; 1951), కేఎం బీనామోల్‌ (3 పతకాలు; 2002) ఈ ఘనత సాధించారు.పూజ పైపైకి...మహిళల హైజంప్‌లో భారత్‌కు కాంస్యం లభించింది. 19 ఏళ్ల పూజా సింగ్‌ 1.84 మీటర్ల ఎత్తుకు ఎగిరి మూడో స్థానంతో కంచు పతకాన్ని అందుకుంది. తన ఐదో ప్రయత్నంలో పూజా ఈ మార్క్‌ను అందుకుంది. అయితే మరింత మెరుగైన ప్రదర్శన ఇచ్చే క్రమంలో చివరి ప్రయత్నంలో 1.87 మీటర్లను లక్ష్యంగా పెట్టుకున్నా... దానిని అందుకోవడంలో విఫలమైంది. సైఫులెవా (ఉజ్బెకిస్తాన్‌; 1.90 మీటర్లు) స్వర్ణం గెలుచుకోగా, క్రిస్టినా ఒచినికోవా (కజకిస్తాన్‌; 1.87 మీటర్లు) రజతం సాధించింది.

ఆసియా క్రీడల షూటింగ్‌లో మంగళవారం పోటీలకు పదో రోజు... ఇప్పటి వరకు ఎన్నో అంచనాలు పెట్టుకున్న టాప్‌ షూటర్లంతా విఫలం కావడంతో మన దేశానికి ఒక్క వ్యక్తిగత స్వర్ణం కూడా దక్కలేదు. కానీ పదో రోజు ఎట్టకేలకు ఆ సంబరం తీరింది. మహిళల ట్రాప్‌ ఈవెంట్‌లో నీరూ ధండా సత్తా చాటి బంగారు పతకాన్ని తన ఖాతాలో వేసుకుంది. ఆసియా క్రీడల చరిత్రలో కూడా ఈ ఈవెంట్‌లో ఇదే తొలి పసిడి పతకం కావడం విశేషం. మరోవైపు నీరూ అత్యుత్తమ ప్రదర్శన కారణంగానే టీమ్‌ ఈవెంట్‌లో కూడా భారత్‌కు రజతం లభించింది. ఈ పతకంలో నీరూకు ఆషిమా ఆహ్లావత్, మనీషా కీర్‌ తోడుగా నిలిచారు. మొత్తంగా ఇప్పటివరకు 14 పతకాలు గెలుచుకున్న మన షూటింగ్‌ బృందం మిగిలిన రెండు రోజుల్లో మరిన్ని పతకాలపై గురి పెట్టింది.నగోయా: ఆసియా క్రీడల షూటింగ్‌లో భారత్‌ ఖాతాలో తొలి వ్యక్తిగత స్వర్ణం చేరింది. మహిళల ట్రాప్‌ ఈవెంట్‌లో భారత షూటల్‌ నీరూ ధండా అగ్రస్థానంలో నిలిచి పసిడిని సొంతం చేసుకుంది. మొత్తం 30 టార్గెట్‌లలో ఆమె 28 టార్గెట్‌లను విజయవంతంగా ఛేదించగలిగింది. సున్‌ యునాంగ్‌ (చైనా; 26) రజత పతకం గెలుచుకోగా, హాజర్‌ అబ్దుల్‌ మాలిక్‌ (కువైట్‌; 21)కు కాంస్యం దక్కింది. మొత్తం ఆరు సిరీస్‌లలో రెండో, ఐదో సిరీస్‌లలో 4 చొప్పున టార్గెట్‌లను కొట్టిన నీరూ... మిగిలిన నాలుగు సిరీస్‌లలో 5 చొప్పున పూర్తి స్కోర్‌ను ఛేదించింది. ఆసియా క్రీడల పురుషుల ట్రాప్‌లో భారత్‌ తరఫున 1978లో రణ్‌దీర్‌ సింగ్, 2010లో రంజన్‌ సోధి స్వర్ణాలు గెలిచారు. నీరూ ప్రదర్శన ఆమెకు వ్యక్తిగత స్వర్ణాన్ని అందించడంతో పాటు భారత జట్టు రజతం గెలవడంలో కూడా కీలకపాత్ర పోషించింది. మహిళల ట్రాప్‌ టీమ్‌ ఈవెంట్‌లో నీరూ, ఆషిమా, మనీషా సభ్యులుగా ఉన్న జట్టు రెండో స్థానంలో నిలిచింది. క్వాలిఫయింగ్‌లో నీరూ 118 పాయింట్లతో అగ్రస్థానంలో నిలవగా... ఆషిమా 106 పాయింట్లతో 16వ స్థానంతో, మనీషా 104 పాయింట్లతో 23వ స్థానంతో ముగించారు. అయితే ఈ ముగ్గురు కలిసి సాధించిన మొత్తం 328 పాయింట్లతో భారత్‌కు రజతం దక్కింది. చైనా (346 పాయింట్లు) స్వర్ణం సాధించగా, కువైట్‌ (325 పాయింట్లు)కు కాంస్యం లభించింది.అనారోగ్యం నుంచి ఆసియా పతకం వరకు..రెండు నెలల క్రితమే షూటింగ్‌ ప్రపంచకప్‌లో నీరూ ధండా స్వర్ణం గెలిచింది. ట్రాప్‌లో ఈ ఘనత సాధించిన తొలి భారత షూటర్‌గా నిలవడంతోనే ఆమెపై అంచనాలు పెరిగాయి. అయితే ఆ తర్వాత అనూహ్యంగా పరిస్థితి మారిపోయింది. ఆసియా క్రీడల కోసం జపాన్‌ చేరడానికి పది రోజుల ముందు నీరూ తీవ్ర అనారోగ్యంతో బాధపడింది. తీవ్రమైన జ్వరంతో హెచ్‌1ఎన్‌1 వ్యాధి లక్షణాలతో ఆమె భోపాల్‌ ఆస్పత్రిలో చికిత్స పొందుతూ ఐదు రోజుల పాటు ఏమీ తినలేకపోయింది. అసలు ఆసియా క్రీడలకు వెళతానా లేదా అనే సందేహాలు వచ్చాయి.దాదాపు నాలుగు వారాలు పూర్తిగా శిక్షణకు దూరమైంది. అయితే ఇలాంటి స్థితిలో కోచ్‌ మన్షేర్‌ సింగ్‌ నీరూను ఎంతో ప్రోత్సహించాడు. నువ్వు లక్ష్యం నుంచి దృష్టి మరల్చవద్దు అంటూ స్ఫూర్తిని నింపే ప్రయత్నం చేశాడు. దాంతో అన్నీ వెనక్కి తోసి ఆమె శక్తిని కూడదీసుకుంది. హరియాణాలోని జింద్‌ జిల్లాలో పుట్టినా ... కుటుంబం మధ్యప్రదేశ్‌లోని శివపురికి వలస వెళ్లడంతో నీరూ అక్కడే పెరిగింది. ఆమె కెరీర్‌ కూడా మధ్యప్రదేశ్‌లోనే మొదలైంది. 2018 ఆసియా క్రీడల్లో ట్రాప్‌లో రజతం సాధించిన ఆమె కజిన్‌ లక్షయ్‌ షెరాన్‌ ప్రేరణతో నీరూ పూర్తి స్థాయిలో ఆటపై దృష్టి పెట్టింది. లక్షయ్‌ తండ్రి ఇచ్చిన గన్‌తోనే ఆమె ప్రాక్టీస్‌ మొదలు పెట్టింది. ఆ తర్వాత 2019లో భోపాల్‌కు చేరి మధ్యప్రదేశ్‌ స్టేట్‌ షూటింగ్‌ అకాడమీలో శిక్షణతో తన ఆటకు మెరుగులు దిద్దుకుంటూ నీరూ దూసుకుపోయింది. రైతు అయిన తండ్రి షూటింగ్‌లాంటి ఖరీదైన క్రీడకు అండగా నిలిచే పరిస్థితి లేకపోయింది. ఇలాంటి స్థితిలో ప్రభుత్వం అందించిన గన్, ఇతర ఎక్విప్‌మెంట్‌తోనే ఆమె సాధన చేయగలిగింది. ప్రస్తుతం ఆర్మీలో ఆమె నాయబ్‌ సుబేదార్‌గా పని చేస్తోంది. ‘ఈ విజయం సరిహద్దులోని సైనికులకు అంకితం. వారితో పోలిస్తే నా ఘనత గొప్పదేమీ కాదు. అందరి లక్ష్యం కూడా ఒలింపిక్‌ పతకమే. అయితే ఈ విజయాలు వాటి వైపు సాగేందుకు పునాదిరాళ్లుగా ఉపకరిస్తాయి’ అని నీరూ వ్యాఖ్యానించింది.‘ట్రాప్‌’ అంటే...సామాన్యుల భాషలో చెప్పాలంటే ‘ట్రాప్‌’ ఈవెంట్‌ సరిగ్గా పక్షులను వేటాడటంలాంటిదే! ఇప్పుడు షూటింగ్‌ ఈవెంట్‌లో కూడా లక్ష్యాలను బర్డ్స్‌ లేదా పీజియాన్స్‌ అనే పిలుస్తారు. పాత కాలంలో పంజరాల నుంచి పక్షులను విడిచి పెట్టగానే తుపాకీతో వాటిని వేటాడేవారు. ఇప్పుడు మెకానికల్‌ పద్ధతిలో లక్ష్యాలను నిర్దేశిస్తారు. ట్రాప్‌ హౌస్‌లో నిలిచి ఉండే షూటర్‌ సిద్ధం కాగానే... డిస్క్‌ ఆకారంలో ఉండే మట్టితో తయారు చేసిన ఒక ‘బర్డ్‌’ దూసుకొస్తుంది. దీనిని షూటర్‌ కొట్టాల్సి ఉంటుంది. ప్రస్తుత పోటీల్లో ఐదేసి టార్గెట్‌ల చొప్పున ఆరు సిరీస్‌లు (మొత్తం 6్ఠ5 = 30 పాయింట్లు) ఉంటాయి. ‘డబుల్‌ ట్రాప్‌’లో ఒకేసారి రెండు బర్డ్స్‌లను కొట్టాల్సి ఉంటుంది. ట్రాప్, డబుల్‌ ట్రాప్, స్కీట్‌లను ‘షాట్‌గన్‌’ ఈవెంట్లుగా వ్యవహరిస్తారు. ప్రస్తుతం ఒలింపిక్స్‌లో ట్రాప్, స్కీట్‌ మాత్రమే ఉన్నాయి. 2020 టోక్యో ఒలింపిక్స్‌ నుంచే డబుల్‌ ట్రాప్‌ను తప్పించారు. భారత ఆటగాడు రాజ్యవర్ధన్‌ సింగ్‌ రాథోడ్‌ 2004 ఏథెన్స్‌ ఒలింపిక్స్‌లో డబుల్‌ ట్రాప్‌లోనే రజతం గెలిచాడు.

ఆసియా క్రీడలు-2026లో భారత అథ్లెట్ల జోరు కొనసాగుతోంది. ఐచీ నగోయా వేదికగా భారత మహిళల రిలే జట్టు అద్భుత ప్రదర్శనతో ఆకట్టుకుంది. కిరణ్‌ పహల్‌, మచెట్టిర పూవమ్మ, ప్రాచీ, విద్య రామ్‌రాజ్‌లతో కూడిన జట్టు 4*400 మీటర్ల రిలేలో స్వర్ణ పతకం సాధించింది.మంగళవారం నాటి పోటీలో 3:29.69 నిమిషాల వ్యవధిలో భారత మహిళలు ఈవెంట్‌ను పూర్తి చేసి అగ్రస్థానంలో నిలిచారు. బహ్రెయిన్‌ అథ్లెట్లు 3:30.21, చైనా బృందం 3:31.02 సెకన్ల వ్యవధిలో పరుగు పూర్తి చేసి వరుసగా రజత, కాంస్య పతకాలు అందుకున్నారు. ఇదిలా ఉంటే.. రిలే మహిళల స్వర్ణంతో తాజా ఏషియన్‌ గేమ్స్‌లో భారత్‌ పసిడి పతకాల సంఖ్య ఆరుకు చేరింది.హాఫ్‌ సెంచరీ దాటేశాముమరోవైపు.. 4*400 మీటర్ల రిలే ఫైనల్స్‌లో భారత పురుషుల జట్టు కాంస్యంతో సరిపెట్టుకుంది. ఈ క్రమంలో తాజా ఆసియా క్రీడల్లో భారత్‌ మొత్తం పతకాల సంఖ్య ఇప్పటికి 52 (6 స్వర్ణాలు, 21 రజతాలు, 25 కాంస్యాలు)కి చేరింది.విద్య రామ్‌రాజ్‌కు మూడో పతకంవిద్యా రామ్‌రాజ్‌ ఇప్పటికే మిక్స్‌డ్‌ 4*400 మీటర్ల రిలేలో వెండి, 400 మీటర్ల హార్డిల్స్‌లో కాంస్య పతకాలు గెలిచింది. తాజాగా మహిళల 4*400 రిలేలో ఏకంగా స్వర్ణం సాధించింది. ఇప్పటి వరకు భారత్‌ ఖాతాలో ఆరు పసిడి పతకాలు👉మహిళల క్రికెట్‌ జట్టు👉పురుషుల కబడ్డీ జట్టు👉మహిళల కబడ్డీ జట్టు👉నీరూ ధండా- షూటింగ్‌ (ట్రాప్‌ వుమెన్‌ సింగిల్‌)👉10 మీటర్ల ఎయిర్‌ పిస్టల్‌ మిక్స్‌డ్‌ టీమ్‌- షూటింగ్‌👉4*400 మీటర్ల రిలే (మహిళలు)చదవండి: చరిత్ర సృష్టించిన గుల్వీర్‌

ఆసియా గేమ్స్‌లో భార‌త లాంగ్ డిస్టెన్స్ ర‌న్న‌ర్ గుల్వీర్ సింగ్ హ్యాట్రిక్ ప‌త‌కాలు సాధించాడు. ఇప్ప‌టికే ప‌దివేల మీట‌ర్లు, 1500 మీట‌ర్ల రేసులో ర‌జ‌తాలు సాధించిన గుల్వీర్‌.. తాజాగా మంగ‌ళ‌వారం 5వేల మీట‌ర్ల రేసులో కాంస్యం గెలుచుకున్నాడు. గుల్వీర్ 13:32.75 సెక‌న్ల‌లో గ‌మ్యాన్ని చేరి కాంస్యం ఒడిసిప‌ట్టగా, బ‌హ్రెయిన్‌కు చెందిన బిర్హాను బాలే (13:30.79 సెక‌న్లు) స్వ‌ర్ణం గెలుచుకోగా, జ‌పాన్ అథ్లెట్ య‌మాగుచి టొమొనొరి (13:31.43 సెక‌న్లు) ర‌జ‌తం అందుకున్నాడు.ఇక ఆసియా క్రీడల్లో భారత బాక్సర్లు దూకుడు కనబరుస్తున్నారు. సూపర్ పంచ్‌తో ప్రత్యర్థులను మట్టికరిపిస్తూ పసిడి వేటకు సిద్ధమయ్యారు. సెమీఫైనల్లో అదిరే విజయంతో ప్రవీణ్ హుడా(65 కిలోలు), అంకుశ్ పంఘల్‌(80 కిలోలు)లు ఫైనల్‌కు దూసుకెళ్లారు. తద్వారా కనీసం రజతం ఖాయం చేశారిద్దరు. పురుషుల 90 ప్లస్ క్వార్టర్స్‌లో విఫలమైన నరేందర్ బెర్వాల్‌ కాంస్యంతో సరిపెట్టుకున్నాడు.సెమీఫైనల్‌ చేరి కనీసం కాంస్యం ఖ‌రారు చేసిన ఆరుగురు భార‌త బాక్స‌ర్ల‌లో ఇద్దరు ఫైనల్లో అడుగుపెట్టారు. మహిళల విభాగంలో ప్రవీణ్ హుడా(65 కిలోలు), పురుషుల విభాగంలో అంకుశ్ పంఘల్‌(80 కిలోలు)లు ఫైన‌ల్ చేరుకున్నారు. మంగళవారం ఏకపక్ష పోరులో చైనా బాక్సర్‌ లీ షుపై 5-0తో గెలుపొందిన హుడా స్వ‌ర్ణంపై గురి పెట్టింది.పురుషుల‌ క్వార్టర్స్‌లో దుమ్మురేపిన అంకుశ్ సెమీస్‌లోనూ పంజా విసిరాడు. అతడి ధాటికి వరల్డ్ ఛాంపియన్ ఫజ్లిద్దిన్ ఎర్కిన్‌బొయెవ్‌(ఉబ్జెకిస్థాన్‌) చేతులెత్తేశాడు. దీంతో ఎనిమిదేళ్ల తర్వాత ఆసియా గేమ్స్‌లో ఫైనల్ చేరిన భారత బాక్సర్‌గా అంకుశ్ రికార్డు నెలకొల్పాడు. మరో బౌట్‌లో.. నరేందర్ బెర్వాల్ కంగుతిన్నాడు. పురుషుల 90 ప్లస్ విభాగంలో ఆశలు రేపిన అతడు వరల్డ్ ఛాంపియన్ ఐబెక్ ఒరల్‌బే చేతిలో ఊహించని ఓటమితో కాంస్యం అందుకున్నాడు.WATCH HISTORY IN THE MAKING.🇮🇳 GULVEER SINGH IS AN INSPIRATION TO MILLIONS OF ATHLETES.THREE RACES. THREE MEDALS.🥈 10,000m — 28:29.38🥈 1500m — 3:36.72 PB🥉 5000m — 13:32.75From 1500m to 10,000m, Gulveer has finished on the podium in EVERY DISTANCE he raced in Nagoya.…— nnis Sports|Asian GamesAthletics (@nnis_sports) September 29, 2026ఇదీ చదవండి: 'బ‌తికుండ‌గానే చంపేశారు'.. పాక్ క్రికెట‌ర్ ఆవేద‌న‌!

ఏషియన్‌ గేమ్స్‌ 2026లో భారత్‌ 10వ రోజు పతకాల వేటను రజతంతో ప్రారంభించింది. మహిళల టీమ్‌ ట్రాప్‌ షూటింగ్‌లో భారత జట్టు (నీరూ ధండ, అషిమ అహ్లావత్‌, మనీష కీర్‌) రజత పతకం సాధించింది. దీంతో భారత్‌ 50 పతకాల (46) మార్క్‌కు మరింత చేరువైంది.మరోవైపు నీరూ ధాండా మహిళల వ్యక్తిగత షూటింగ్‌ విభాగంలో అదరగొట్టింది. ఆమె 118 పాయింట్లతో సంయుక్తంగా అగ్రస్థానంలో నిలిచి వ్యక్తిగత ఫైనల్‌కు అర్హత సాధించింది.పురుషుల ట్రాప్‌ టీమ్‌ విభాగంలో భారత్‌కు పతకం దక్కలేదు. అయితే శపత్‌ భరద్వాజ్‌ వ్యక్తిగత ఫైనల్‌కు అర్హత సాధించాడు.భారత ఆర్చర్ల జోరుపురుషుల రికర్వ్‌ వ్యక్తిగత విభాగంలో ధీరజ్‌ బొమ్మదేవర ఫిలిప్పీన్స్‌కు చెందిన గిర్విన్‌ గార్సియాను 6-0తో ఓడించి రౌండ్‌ ఆఫ్‌ 16కు చేరాడు. అనంతరం చైనీస్‌ తైపీకి చెందిన చెంగ్‌ హ్సియాంగ్‌-హుయ్‌పై 6-2తో విజయం సాధించాడు.నీరజ్‌ చౌహాన్‌ కూడా అద్భుత ప్రదర్శన చేశాడు. ఇండోనేషియాకు చెందిన రియావు ఎగా అగత సల్సబిల్లాపై 6-4తో గెలిచిన అతడు, ఆ తర్వాత దక్షిణ కొరియాకు చెందిన కిమ్‌ జె-డియోక్‌ను కూడా 6-4తో ఓడించి రౌండ్‌ ఆఫ్‌ 16కు చేరాడు.స్క్వాష్‌లో విజయంమహిళల టీమ్‌ స్క్వాష్‌ పూల్‌-సి మ్యాచ్‌లో భారత్‌ 2-0తో ఇరాన్‌ను ఓడించింది. తాన్వీ ఖన్నా, అనాహత్‌ సింగ్‌ భారత విజయానికి కారణమయ్యారు.బాక్సింగ్‌, అథ్లెటిక్స్‌పై దృష్టిబాక్సింగ్‌లో పర్వీన్‌, అంకుష్‌ పాంగల్‌, నరేందర్‌ సెమీఫైనల్స్‌లో బరిలోకి దిగనున్నారు. వీరు ఫైనల్‌కు చేరితే భారత్‌కు కనీసం మరో మూడు రజతాలు ఖాయమవుతాయి.అథ్లెటిక్స్‌లో గుల్వీర్‌ సింగ్‌, అవినాశ్‌ సేబుల్‌, గురిందర్‌వీర్‌ సింగ్‌, అనిమేశ్‌ కుజూర్‌, హరితా భద్ర తదితర భారత అథ్లెట్లు పతకాల కోసం పోటీ పడనున్నారు.సైక్లింగ్‌లో మిశ్రమ ఫలితాలుపురుషుల టీమ్‌ స్ప్రింట్‌లో రోజిత్‌ సింగ్‌, డేవిడ్‌ బెక్హమ్‌, రొనాల్డ్‌ సింగ్‌ 44.895 సెకన్లతో ఏడో స్థానంలో నిలిచారు. తొలి రౌండ్‌లో రెండో సీడ్‌ చైనాతో తలపడనున్నారు.మహిళల టీమ్‌ స్ప్రింట్‌లో సెలెస్టినా, సరితా కుమారి, కీర్తి రంగస్వామి చిక్కా 50.414 సెకన్లతో ఆరో స్థానంలో నిలిచారు. తొలి రౌండ్‌లో చైనీస్‌ తైపీతో పోటీ పడనున్నారు.మహిళల టీమ్‌ పర్స్యూట్‌లో హర్షితా ఝాకర్‌, పూజా దనోలే, మీనాక్షి, స్వస్తి సింగ్‌ల బృందం ఐదో స్థానంలో నిలిచి హెడ్‌-టు-హెడ్‌ హీట్స్‌కు అర్హత సాధించింది.ఇదీ చదవండి: Asian Games Cricket: మరో చిన్న జట్టుకు అన్యాయం

ఎనిమిది పతకాలు... ఆసియా క్రీడల్లో సోమవారం భారత్‌ ఖాతాలో ఒకేరోజు అత్యధిక పతకాలు చేరాయి. వీటిలో ఆరు పతకాలతో అథ్లెటిక్స్‌ విభాగంలో అంచనాలను అందుకుంది. తెలంగాణ షూటర్‌ ఇషా సింగ్‌ ఎట్టకేలకు రజత రూపంలో ఈసారి క్రీడల్లో తన తొలి పతకాన్ని అందుకోగా, కురాష్ లో పింకీ బల్హారా కంచు మోత మోగించింది. జావెలిన్‌ త్రోలో యశ్విర్‌ సింగ్, రోహిత్‌ యాదవ్‌ సత్తా చాటగా... లాంగ్‌జంప్‌లో శ్రీశంకర్‌ మురళీ, 1500 మీటర్లలో గుల్వీర్‌ సింగ్, 5000 మీటర్లలో పారుల్, 400 మీటర్ల హర్డిల్స్‌లో విత్య పతకధారులుగా నిలిచారు. మొత్తంగా ఎనిమిది రజతాలు, ఎనిమిది కాంస్యాలు దక్కినా... ఏషియాడ్‌లో వ్యక్తిగత పసిడి పతకం మాత్రం భారత్‌కు అందనంత దూరంగా నిలిచిపోయింది. దాంతో పతక జాబితాలో మన జట్టు ప్రస్తుతం 12వ స్థానంలోనే కొనసాగుతోంది.ఈసారీ జావెలిన్‌లో రెండు... పురుషుల జావెలిన్‌ త్రోలో గత ఆసియా క్రీడల తరహాలోనే ఈసారి కూడా భారత్‌ రెండు పతకాలు సొంతం చేసుకోవడం విశేషం. అయితే 2023 క్రీడల్లో నీరజ్‌ చోప్రా స్వర్ణం అందించగా... ఈసారి మన త్రోయర్లు రజత, కాంస్యాలను అందుకున్నారు. యశ్వీర్‌ సింగ్‌ జావెలిన్‌ను 85.72 మీటర్లు విసిరి రజతం సాధించగా, 84.35 మీటర్లతో రోహిత్‌ యాదవ్‌కు కాంస్యం లభించింది. ఈ సీజన్‌లో అసాధారణ ఫామ్‌లో ఉన్న శ్రీలంక త్రోయర్‌ రుమేశ్‌ పతిరగే (88.55 మీటర్లు) ఊహించినట్లుగానే స్వర్ణ పతకాన్ని గెలుచుకున్నాడు. పారిస్‌ ఒలింపిక్స్‌ చాంపియన్‌ అర్షద్‌ నదీమ్‌ (పాకిస్తాన్‌; 80.29 మీటర్లు) నాలుగో స్థానానికే పరిమితమయ్యాడు. 2023 హాంగ్జౌ ఆసియా క్రీడల్లో నీరజ్‌ పసిడి గెలవగా, కిషోర్‌ జెనాకు రజతం లభించింది. ఇటీవలి కామన్వెల్త్‌ క్రీడల్లో కాంస్యం గెలిచిన యశ్విర్‌కు ఆసియా క్రీడల్లో ఇదే తొలి పతకం కాగా, రోహిత్‌ యాదవ్‌కు సీనియర్‌ స్థాయిలో ఇదే తొలి అంతర్జాతీయ పతకం.గాయంతో తప్పుకొని...భారత లాంగ్‌జంపర్‌ శ్రీశంకర్‌ మురళీ వరుసగా రెండో ఆసియా క్రీడల్లో రజత పతకాన్ని గెలుచుకున్నాడు. సోమవారం జరిగిన ఈవెంట్‌లో 8.07 మీటర్లు దూకిన మురళీ రెండో స్థానంతో ముగించాడు. చైనాకు చెందిన షి యుహావో (8.17 మీటర్లు) స్వర్ణం గెలుచుకోగా, అన్వరోవ్‌ (ఉజ్బెకిస్తాన్‌–8.06 మీటర్లు)కు కాంస్యం దక్కింది. మరో భారత జంపర్‌ డేవిడ్‌ సొలొమన్‌ (7.70 మీటర్లు)కు ఏడో స్థానం దక్కింది. తన రెండో ప్రయత్నంలో 8.07 మీటర్లు నమోదు చేసిన శ్రీశంకర్‌ నాలుగో ప్రయత్నంలో గాయపడ్డాడు. మడమకు గాయంతో తప్పుకున్న అతను తర్వాతి రెండు ప్రయత్నాలు చేయకుండానే నిష్క్రమించినా రజతం మాత్రం దక్కించుకోగలిగాడు. కేరళలోని పాలక్కాడ్‌కు చెందిన శ్రీశంకర్‌కు 2023 ఆసియా క్రీడల్లోనూ రజతమే దక్కింది. ఇషా ‘షూటాఫ్‌’ క్షణాలను దాటి...మహిళల 25 మీటర్ల పిస్టల్‌ వ్యక్తిగత విభాగంలో తెలంగాణ షూటర్‌ ఇషా సింగ్‌ రజత పతకం గెలుచుకుంది. ఫైనల్లో ఇషా సింగ్‌ (38 పాయింట్లు) సాధించగా, చైనాకు చెందిన జియోవో జియా రిగ్జిన్‌ కూడా 38 పాయింట్లే స్కోర్‌ చేసింది. అయితే హోరాహోరీగా సాగిన ఈ పోరులో రెండు ‘షూటాఫ్‌’లతో ఫలితం తేలింది. తొలిసారి ఇద్దరూ 4 పాయింట్లే సాధించడంతో స్కోరు సమమై మళ్లీ ‘షూటాఫ్‌’ అవసరమైంది. ఈసారి చైనా ప్లేయర్‌ 3 పాయింట్లు సాధించగా, 2 పాయింట్లకు పరిమితమైన ఇషాకు రజతం లభించింది. కిమ్‌ హ్యోన్‌ సుక్‌ (ఉత్తర కొరియా; 34 పాయింట్లు) కాంస్యం గెల్చుకుంది. టాప్‌–2కు వెళ్లే క్రమంలో హ్యోన్‌ సుక్‌తో కూడా ఇషా సింగ్‌ 3 ‘షూటాఫ్‌’లలో తలపడి చివరకు పైచేయి సాధించింది. అంతకుముందు క్వాలిఫయింగ్‌లో ఆరంభంలో ఇషా బాగా తడబడింది. ‘ప్రిసిషన్‌’ రౌండ్‌ల తర్వాత ఆరో స్థానానికి పడిపోయిన ఆమె, ర్యాపిడ్‌ రౌండ్‌ తర్వాత ఎనిమిదో స్థానానికి దిగజారిపోయింది. అయితే ఓవరాల్‌గా ఆమె సాధించిన 580 పాయింట్లు ఆఖరి స్థానంతో ఫైనల్‌కు అర్హత సాధించేందుకు సరిపోయాయి. 9వ స్థానంలో నిలిచిన చైనీస్‌ తైపీ షూటర్‌ చెంగ్‌ చింగ్‌ కూడా 580 పాయింట్లే స్కోర్‌ చేసినా...ఎక్కువ ‘ఇన్నర్‌ 10’ పాయింట్లతో ఇషా ముందంజ వేసింది. ఇదే ఈవెంట్‌లో 579 పాయింట్లతో అగ్రశ్రేణి భారత షూటర్‌ మనూ భాకర్‌ 11వ స్థానానికే పరిమితమై ఫైనల్‌కు క్వాలిఫై కాలేకపోయింది. మరో భారత షూటర్‌ రాహీ 30వ స్థానంతో ముగించింది.తల్లి చేసిన ఫోన్‌ కాల్‌తో..10 మీటర్ల ఎయిర్‌ పిస్టల్‌ టీమ్, 25 మీటర్ల పిస్టల్‌ టీమ్‌... రెండు ఈవెంట్లలోనూ వైఫల్యంతో ఇషా సింగ్‌ పతకాలకు దూరమైంది. అంచనాలు అందుకోవడంలో విఫలమైన షూటింగ్‌ బృందంపై ఇప్పటికే అన్ని వైపుల నుంచి విమర్శలు వస్తున్న నేపథ్యంలో ఇషాపై కూడా తీవ్ర ఒత్తిడి పెరిగింది. సోమవారం పోటీకి ముందు రోజు రాత్రి కూడా ఆమె నిద్రపోకుండా మానసికంగా బాగా ఇబ్బందికర పరిస్థితిలో నిలిచింది. ఈ సమయంలో ఆమె తల్లి చేసిన ఫోన్‌ కాల్‌ ఇషాకు కొత్త ప్రేరణను అందించింది. ప్రేమగానే అయినా ఇషాను ఆమె గట్టిగా తిట్టేసింది! తాను ఏదో చెప్పబోయినా... అనవసరంగా అతిగా ఆలోచించకుండా నోరు మూసుకొని పడుకోమంటూ గట్టిగా చెప్పేసింది. దాంతో మౌనంగా ఉండిపోయిన ఇషా అసలు ఈవెంట్‌ సమయంలో ప్రశాంతంగా ఆటపై దృష్టి పెట్టింది. వేర్వేరు కారణాలతో ఈవెంట్‌ సుదీర్ఘంగా సాగడంతో చేతికి, భుజానికి తీవ్రంగా నొప్పి బాధించినా ఇషా తొణకలేదు. పైగా ఏకంగా ఐదు ‘షూటాఫ్‌’ షాట్‌లు ఆమెను మానసికంగా మరింత తీవ్రంగా అలసిపోయేలా చేశాయి. అయితే సరే వాటిని అధిగమించి రజతంతో వెనుదిరగడం విశేషం. ఆసియా క్రీడల్లో ఇషాకు ఇది ఐదో పతకం. 2023 క్రీడల్లో ఆమె నాలుగు పతకాలు సాధించింది.గుల్వీర్‌కు రెండో రజతం... ఆసియా క్రీడల్లో ఈసారి ఇప్పటికే 10,000 మీటర్ల పరుగులో రజతం గెలుచుకున్న గుల్వీర్‌ సింగ్‌ ఇప్పుడు మరో వెండి పతకాన్ని తన ఖాతాలో వేసుకున్నాడు. సోమవారం జరిగిన పురుషుల 1500 మీటర్ల పరుగును 3 నిమిషాల 36.72 సెకన్లలో పూర్తి చేసిన గుల్వీర్‌ రెండో స్థానంలో నిలిచాడు. జపాన్‌కు చెందిన ఇజావా కజుటో (3 నిమిషాల 36.35 సెకన్లు) స్వర్ణం అందుకోగా, మోరి నగియా (జపాన్‌; 3 నిమిషాల 37.92 సెకన్లు) కాంస్యం దక్కించుకున్నాడు. ఇదే ఈవెంట్‌లో బరిలోకి దిగిన మరో భారత అథ్లెట్‌ యూనుస్‌ షా (3 నిమిషాల 43.88 సెకన్లు) 9వ స్థానంతో ముగించాడు. మహిళల డిస్కస్‌త్రోలో సీమా (59.88 మీటర్లు) నాలుగో స్థానంలో, సాన్యా యాదవ్‌ (49.90 మీటర్లు) ఎనిమిదో స్థానంలో నిలిచారు. పురుషుల 400 మీటర్ల హర్డిల్స్‌లో సంతోష్‌ కుమార్‌ (49.95 సెకన్లు) ఏడో స్థానానికి పరిమితమయ్యాడు. పురుషుల 3000 మీటర్ల స్టీపుల్‌ఛేజ్‌ ఫైనల్లో అవినాశ్‌ సాబ్లే (8ని:21.67 సెకన్లు) నాలుగో స్థానంతో సరిపెట్టుకున్నాడు. మహిళల 4్ఠ100 మీటర్ల రిలే ఫైనల్లో భారత బృందం (అభినయ, స్నేహ, సుదేష్ణ, తమన్నా) 43.57 సెకన్లతో నాలుగో స్థానం సాధించింది.పీటీ ఉష రికార్డును బద్దలుకొట్టి...మహిళల 400 మీటర్ల హర్డిల్స్‌లో భారత అథ్లెట్‌ విత్య రామ్‌రాజ్‌కు కాంస్యం లభించింది. పరుగును 54.75 సెకన్లలో పూర్తి చేసిన విత్య 3వ స్థానంలో నిలిచింది. ఈ క్రమంలో 42 ఏళ్ల క్రితం 1984 లాస్‌ఏంజెలిస్‌ ఒలింపిక్స్‌లో భారత అథ్లెటిక్స్‌ దిగ్గజం పీటీ ఉష నెలకొల్పిన 55.42 సెకన్ల టైమింగ్‌ జాతీయ రికార్డును బద్దలు కొట్టింది. ఈ ఈవెంట్‌లో మరియమ్‌ కరీమ్‌ (యూఏఈ; 54.31 సెకన్లు) స్వర్ణం గెలుచుకోగా, అడెలినా జెమ్స్‌ (కజకిస్తాన్‌; 54.58 సెకన్లు) రజతం సాధించింది. బరిలో నిలిచిన మరో భారత అథ్లెట్‌ అను రాఘవన్‌ (55.88 సెకన్లు) ఐదో స్థానానికే పరిమితమైంది. తమిళనాడుకు చెందిన విత్యకు ఈ క్రీడల్లో ఇది రెండో పతకం. 4్ఠ400 మిక్స్‌డ్‌ రిలేలో రజతం గెలిచిన భారత జట్టులో ఆమె సభ్యురాలు.పారుల్‌ వరుసగా రెండో రోజు... భారత అథ్లెట్‌ పారుల్‌ చౌధరీ వరుసగా రెండో రోజు ఆసియా క్రీడల పతకాన్ని గెలుచుకోవడం విశేషం. ఆదివారం మహిళల 3000 మీటర్ల స్టీపుల్‌ఛేజ్‌లో కాంస్యం నెగ్గిన ఆమె... సోమవారం మహిళల 5000 మీటర్లు పరుగులో కూడా కాంస్య పతకాన్ని సొంతం చేసుకుంది. ఈ పరుగును పారుల్‌ 15 నిమిషాల 14.61 సెకన్లలో పూర్తి చేసి మూడో స్థానంలో నిలిచింది. విన్‌ఫ్రెడ్‌ యావి (బహ్రెయిన్‌; 15 నిమిషాల 10.18 సెకన్లు) స్వర్ణం గెలుచుకోగా, నొజొమి తనకా (జపాన్‌; 15 నిమిషాల 14.61 సెకన్లు)కు కాంస్యం దక్కింది. 2023 ఆసియా క్రీడల్లో ఇదే ఈవెంట్‌లో పారుల్‌ స్వర్ణ పతకాన్ని గెలుచుకుంది. ‘కురాష్ ’లో ఖుషీ... మార్షల్‌ ఆర్ట్స్‌ను పోలి ఉండే యుద్ధ క్రీడ కురాష్ కు ఉజ్బెకిస్తాన్‌ తదితర మధ్య ఆసియా దేశాల్లో ఎక్కువ గుర్తింపు ఉంది. జాకెట్‌లు ధరించి బరిలోకి దిగే ఆటగాళ్లు ప్రత్యర్థిని పడగొట్టడంతో పాయింట్లు లభిస్తాయి. ఈ ఆటలో దశాబ్దకాలానికి జూనియర్, సీనియర్‌ విభాగాల్లో తనదైన ముద్ర వేసి సాగుతున్న పింకీ బల్హారా ఆసియా క్రీడల్లో తన రెండో పతకాన్ని అందుకుంది. మహిళల 78 కేజీల విభాగంలో ఆమె సెమీఫైనల్లో ఓడి కాంస్యం గెలుచుకుంది. దక్షిణ కొరియాకు చెందిన సుమిమ్‌ మో చేతిలో 0–5తో పరాజయంపాలై పింకీ కంచు పతకాన్ని అందుకుంది. ఢిల్లీకి చెందిన పింకీ 2018 ఆసియా క్రీడల కురాష్‌లో 52 కేజీల కేటగిరీలో రజతపతకం సాధించింది.

హైదరాబాద్: జపాన్‌లో జరుగుతున్న 2026 ఆసియా క్రీడల్లో భారత మహిళల కబడ్డీ జట్టును స్వర్ణ పతకం వైపు నడిపించిన కోచ్, అర్జున అవార్డు గ్రహీత నీతా దడ్వే సోమవారం సాయంత్రం హైదరాబాద్‌కు చేరుకున్నారు. ఈ సందర్భంగా శంషాబాద్ అంతర్జాతీయ విమానాశ్రయంలో తెలంగాణ స్పోర్ట్స్ అథారిటీ అధికారులు, తెలంగాణ కబడ్డీ అసోసియేషన్ ప్రతినిధులు, కబడ్డీ క్రీడాకారులు ఘనంగా స్వాగతం పలికారు.భారత మహిళల కబడ్డీ జట్టు అద్భుత ప్రదర్శనతో స్వర్ణ పతకం సాధించడంలో నీతా దడ్వే అందించిన సమర్థవంతమైన మార్గదర్శకత్వాన్ని ఈ సందర్భంగా అధికారులు, కబడ్డీ అసోసియేషన్ ప్రతినిధులు అభినందించారు. ఆమె శిక్షణ, వ్యూహాత్మక మార్గదర్శకత్వం భారత జట్టు విజయానికి కీలకంగా నిలిచిందని ప్రశంసించారు.ఈ కార్యక్రమంలో తెలంగాణ కబడ్డీ అసోసియేషన్ కార్యదర్శి మహేందర్ రెడ్డి, సలహాదారులు జగదీశ్‌ యాదవ్, తెలంగాణ స్పోర్ట్స్ అథారిటీ డిప్యూటీ డైరెక్టర్ అశోక్ కుమార్, పీఆర్‌ఓ కాలేరు సురేశ్‌, తెలంగాణ కబడ్డీ అసోసియేషన్ ప్రతినిధులు, కబడ్డీ క్రీడాకారులు, తదితరులు పాల్గొన్నారు.

ఆసియా గేమ్స్‌కు భారత స్టార్ జావెలిన్ త్రోయర్ నీరజ్ చోప్రా దూరమైనప్పటికీ, ఈ విభాగంలో అథ్లెట్లు మన దేశానికి పతకాలు అందించారు. సోమవారం జరిగిన పురుషుల జావెలిన్ త్రో ఈవెంట్‌లో భారత అథ్లెట్లు యశ్ వీర్ సింగ్‌, రోహిత్ యాదవ్‌లు రజత, కాంస్యాలతో మెరిశారు. శ్రీలంక స్టార్ రుమేశ్ తరంగ పతిరగె మరోసారి స్వర్ణం చేజెక్కించుకున్నాడు. ఫైనల్లో రుమేశ్ తరంగ ఈటెను చివరి ప్రయత్నంలో 88.55 మీటర్ల దూరం విసిరి పసిడి నెగ్గగా.. యశ్‌వీర్ సింగ్ తన పర్సనల్ బెస్ట్ (85.72 మీటర్లు) నమోదు చేయడమే గాక రెండో స్థానంలో నిలిచి రజతం కైవసం చేసుకున్నాడు. ఇక తొలి ప్రయత్నంలో ఈటెను 83.56 మీటర్ల దూరం విసిరిన రోహిత్ మూడో ప్రయత్నంలో 84.35 మీటర్లు విసిరి కాంస్యం దక్కించుకున్నాడు. ఈసారి నీరజ్ చోప్రా ఆసియా క్రీడలకు దూరంగా ఉన్న నేపథ్యంలో యశ్ వీర్‌, రోహిత్‌లపై అంచనాలు పెరిగాయి. వారిపై పెట్టుకున్న అంచనాలను నిజం చేస్తూ యశ్ వీర్‌, రోహిత్‌లు పతకాలు సాధించారు. దీంతో భారత్ పతకాల సంఖ్య 45కు పెరిగింది. ఇందులో 4 స్వర్ణాలు, 20 రజతాలు, 21 కాంస్యాలున్నాయి. పాకిస్తాన్ స్టార్ అర్షద్ నదీమ్ 80.29 మీటర్ల దూరం విసిరి నాలుగో స్థానానికి పరిమితమయ్యాడు.ఇదీ చదవండి: Asian Games: పీటీ ఉష రికార్డు బ్రేక్‌.. ప‌త‌కాల మోత మోగించిన భార‌త్‌

Benjamin Satterley ప్రముఖ ప్రొఫెషనల్ రెజ్లర్ , ఇంగ్లాండ్‌కు చెందిన బెంజమిన్ సాటర్లీ (40) హఠాన్మరణం అభిమానులను తీవ్ర దిగ్బ్రాంతికి గురి చేసింది. ఆల్ ఎలైట్ రెజ్లింగ్ (AEW) స్టార్, WWE లో 'నెవిల్లే' (Neville) గా సుపరిచితుడైన బెంజమిన్ సాటర్లీ మృతిని AEW అధికారికంగా ధృవీకరించింది. అద్భుతమైన రింగ్ సామర్థ్యం, హై-ఫ్లయింగ్ రెజ్లింగ్ శైలితో ప్రపంచవ్యాప్తంగా మిలియన్ల మంది అభిమానులను సంపాదించు కున్నాడు. తమ అభిమాన రెజ్లర్‌ అకాల మరణం పట్ల రెజ్లింగ్ పరిశ్రమ అభిమానులు తీవ్ర దిగ్భ్రాంతిని, సంతాపాన్ని వ్యక్తం చేస్తున్నారు.అయితే బెంజమిన్ మరణానికి గల కారణాలుపై ఎలాంటి అధికారిక ప్రకటన వెలువడలేదు. అభిమానులు సోషల్ మీడియాలో గుండెపోటు కావచ్చని ఊహాగానాలు చేస్తున్నప్పటికీ, దీనిపై స్పష్టత లేదు. ఆయన మరణించడానికి కేవలం 24 గంటల ముందు (సెప్టెంబర్ 26న) చికాగోలో జరిగిన AEW 'ఆల్ అవుట్' (All Out) పే-పర్-వ్యూ ఈవెంట్లో పాల్గొన్నారు. ఆ కార్యక్రమంలో ఆండ్రే ఎల్ ఇడోలోతో జరిగిన నేషనల్ ఛాంపియన్‌షిప్ ఓపెనింగ్ మ్యాచ్‌లో ఆయన తలపడ్డారు. అంత బాగా ఆడిన రెజ్లర్ ఒక్కసారిగా మరణించడంతో రెజ్లింగ్ ప్రపంచం దిగ్భ్రాంతికి గురైంది. RIP PAC (Benjamin Satterley) 💔🖤My favorite moment of his was, when him and Seth Rollins faced each other for the WWE Championship, after Seth won it the night before at Wrestlemaina. we all thought Neville had it, one of the greatest near falls ever. pic.twitter.com/ByHq1YJDXX— Terry “TBONE” Williams (@YOUNGBLACK_MAN) September 28, 2026 ఇదీ చదవండి: రూ. 336 కోట్ల స్కామ్‌ : భారతీయుడికి 11 ఏళ్ల శిక్షఎవరీ బెంజమిన్ సాటర్లీ ఇంగ్లండ్‌లోని న్యూకాజిల్‌కు చెందిన సాటర్లీ, 2004లో తన రెజ్లింగ్ కెరీర్‌ను ప్రారంభించారు. పాక్ అనే రింగ్ పేరుతో సుప్రసిద్ధుడైన బెంజమిన్ శాటర్లీ 'గ్రావిటీ మరువని మనుషుడు' (The Man That Gravity Forgot) గా పేరుగాంచాడు. WWE లో 'నెవిల్లే' పేరుతో NXT ఛాంపియన్‌షిప్, క్రూయిజర్‌వెయిట్ ఛాంపియన్‌షిప్‌లను గెలుచుకున్నారు. 2019లో AEW లో చేరి, ఇంటర్నేషనల్ ఛాంపియన్‌గా, వరల్డ్ ట్రియోస్ ఛాంపియన్‌గా సత్తా చాటారు. RIP PAC (Benjamin Satterley) 💔🖤My favorite moment of his was, when him and Seth Rollins faced each other for the WWE Championship, after Seth won it the night before at Wrestlemaina. we all thought Neville had it, one of the greatest near falls ever. pic.twitter.com/ByHq1YJDXX— Terry “TBONE” Williams (@YOUNGBLACK_MAN) September 28, 2026 ఇదీ చదవండి: 100 ఏళ్ల వయసులో మాజీ ప్రధాని సతీమణి కన్నుమూతనిన్న రాత్రి PPVలో రెజ్లింగ్ చేశారు, ఇప్పుడు 24 గంటలకే మనల్ని విడిచి వెళ్ళిపోయారు. ఇది అస్సలు న్యాయం కాదు. RIP PAC అంటూ సోషల్‌ మీడియాలో అభిమానుల సంతాప సందేశాలు వెల్లువెత్తాయి.

ఆసియా క్రీడ‌ల్లో భార‌త అథ్లెట్లు ప‌త‌కాల పంట పండిస్తున్నారు. సోమ‌వారం భార‌త్ ఖాతాలో 13 ప‌త‌కాలు వ‌చ్చి చేరాయి. స్వ‌ర్ణం రాక‌పోయిన‌ప్ప‌టికీ, మన అథ్లెట్లు ర‌జ‌తాలు, కాంస్యాల‌తో ప‌త‌కాల సంఖ్య‌ను పెంచుకుంటూ పోతున్నారు. ఇక జావెలిన్‌ త్రోలో రజతం, కాంస్యం రావడంతో ఇప్ప‌టివ‌ర‌కు భార‌త్ 45 ప‌త‌కాలు గెలుచుకోగా.. ఇందులో 4 స్వ‌ర్ణాలు, 20 ర‌జ‌తాలు, 21 కాంస్యాలున్నాయి.గుల్వీర్‌కు మ‌రో ర‌జ‌తంభార‌త లాండ్ డిస్టెన్స్ ర‌న్న‌ర్ గుల్వీర్ సింగ్ ఆసియా గేమ్స్‌లో రెండో ర‌జ‌తంతో మెరిశాడు. ఇప్ప‌టికే 10వేల మీట‌ర్ల ప‌రుగులో ర‌జ‌తం గెలిచిన గుల్వీర్ సోమ‌వారం జ‌రిగిన 1500 మీట‌ర్ల ఫైన‌ల్‌లో రెండో స్థానంలో వెండి ప‌త‌కాన్ని కొల్ల‌గొట్టాడు. 1500 మీట‌ర్ల‌ రేసును గుల్వీర్ 3:36.72 నిమిషాల్లో పూర్తి చేసి రెండో స్థానంలో నిలిచాడు. 𝐆𝐔𝐋𝐕𝐄𝐄𝐑 𝐒𝐈𝐍𝐆𝐇 𝐎𝐍 𝐓𝐇𝐄 𝐏𝐎𝐃𝐈𝐔𝐌! 🥈A strong 1500m run sees him finish second and add another medal to India’s tally! ✨Watch the 20th Asian Games Aichi-Nagoya 2026, LIVE on Sony Sports Network TV channels & Sony LIV.#SonySportsNetwork #SonyLIV #AsianGames… pic.twitter.com/wsYKwYJlWl— Sony Sports Network (@SonySportsNetwk) September 28, 2026చివ‌రి నిమిషం వ‌ర‌కు టాప్‌లో ఉన్న గుల్వీర్‌కు.. జ‌పాన్ అథ్లెట్‌ క‌జుటో ఇజావా ఊహించ‌ని షాక్ ఇచ్చాడు. ఫినిష్ లైన్ స‌మీపిస్తున్న త‌రుణంలో క‌జుటో ఇజావా పుంజుకుని కేవ‌లం 0.37 సెక‌న్ల తేడాతో గుల్వీర్‌ను వెన‌క్కి నెట్టి స్వ‌ర్ణ ప‌త‌కాన్ని ఖాతాలో వేసుకున్నాడు. ఇక జ‌పాన్‌కే చెందిన‌ జ‌పాన్‌కు చెందిన న‌గియా మోరీ 3:37.92 నిమిషాల్లో రేసును పూర్తి చేసి కాంస్యం కైవ‌సం చేసుకున్నాడు.పీటీ ఊష రికార్డు బ్రేక్..అంత‌క‌ముందు మ‌హిళ‌ల 400 మీట‌ర్ల హార్డిల్స్‌లో భార‌త అథ్లెట్ విథ్యా రామ్‌రాజ్ దిగ్గ‌జం పీటీ ఉష రికార్డును బ్రేక్ చేయ‌డ‌మే గాక కాంస్య ప‌త‌కంతో మెరిసింది. 400 మీట‌ర్ల హార్డిల్స్‌ను విథ్యా రామ్‌రాజ్ 54.75 సెక‌న్ల‌లో పూర్తి చేసి మూడో స్థానంలో నిలిచి కాంస్యం ఒడిసిప‌ట్టింది. PC: Twitterకాగా 1984 లాస్ ఏంజిల్స్ ఒలింపిక్స్‌లో 400 మీట‌ర్ల హార్డిల్స్‌లో పీటీ ఉష నెల‌కొల్పిన 55.42 సెక‌న్ల టైమింగ్‌ను 0.67 సెకన్ల వ్య‌వ‌ధిలో బ‌ద్ద‌లుకొట్టిన విథ్యా రామ్‌రాజ్ త‌న పేరును లిఖించుకుంది. ఇక యూఏఈకి చెందిన మ‌రియ‌మ్ క‌రీమ్ (54.31 సెక‌న్లు) స్వ‌ర్ణం గెలుచుకోగా, క‌జ‌కిస్తాన్‌కు చెందిన అడెలినా జెమ్స్ (54.58 సెక‌న్లు) ర‌జ‌తం కైవ‌సం చేసుకుంది.🥉 कांस्य पदक विथ्या रामराजने AsianGames2026 में महिलाओं की 400 मीटर हर्डल्स में कांस्य पदक जीती —उन्होंने पी.टी. उषा के पिछले राष्ट्रीय रिकॉर्ड को तोड़ा!#AsianGames2026 #VithyaRamraj #Athletics pic.twitter.com/IhEvgTaBL9— @p2- चंद्रवंशी 🇮🇳 (@pra1366) September 28, 2026లాంగ్ జంప్‌లో ముర‌ళీకి ర‌జ‌తంభార‌త అథ్లెట్ ముర‌ళీ శ్రీశంక‌ర్ స‌త్తా చాటాడు. పురుషుల లాంగ్ జంప్ విభాగంలో ముర‌ళీ 8.07 మీట‌ర్ల దూరం దూకి ర‌జ‌తం సొంతం చేసుకున్నాడు. గ‌త ఆసియా గేమ్స్‌లోనూ ర‌జ‌తమే సాధించిన ముర‌ళీ ఈసారి స్వ‌ర్ణం కోసం ప్ర‌య‌త్నించాడు. అయితే చీల‌మండ గాయంతో చివ‌రి రెండు ప్ర‌య‌త్నాలు విర‌మించుకోవ‌డంతో ముర‌ళీ శ్రీ శంక‌ర్ ర‌జతంతో స‌రిపెట్టుకోవాల్సి వ‌చ్చింది. అయితే చివ‌రి రెండు ప్ర‌య‌త్నాల్లో ముర‌ళీ పాల్గొన‌న‌ప్ప‌టికీ త‌న బెస్ట్ (8.07 మీట‌ర్లు)ను ఎవ‌రు అధిగ‌మించ‌క‌పోవ‌డం విశేషం. కొరియాకు చెందిన లిన్ యూ టోంగ్ (8.05 మీట‌ర్లు) స్వ‌ర్ణం గెలుచుకోగా.. అన్వ‌రోవ్ అన్వోర్ (8.06 మీట‌ర్లు) దూకి ర‌జ‌తం గెలుచుకున్నాడు.పారుల్ చౌద‌రీకి కాంస్యం..భార‌త స్టార్ స్ప్రింట‌ర్ పారుల్ చౌద‌రీ ఆసియా గేమ్స్‌లో రెండో ప‌త‌కం సాధించింది. ఇప్ప‌టికే 3వేల మీట‌ర్ల స్టీపుల్ చేజ్‌లో కాంస్యం సాధించిన పారుల్ చౌద‌రీ సోమ‌వారం 5వేల మీట‌ర్ల స్టీపుల్‌చేజ్‌ రేసులో కాంస్యం ఒడిసిప‌ట్టింది. ఆమె గ‌మ్యాన్ని 15:14.61 సెకన్లలో పరుగు పూర్తి చేసింది. త‌న‌ అత్యుత్తమ వ్యక్తిగత ప్రదర్శన కంటే 10 సెకన్లు ఆలస్యంగా పరుగెత్తిన పారుల్ కాంస్యంతో స‌రిపెట్టుకుంది. అయితే గత ఆసియా గేమ్స్‌లో స్వర్ణ పతకం పట్టేసిన పారుల్ ఈసారి కంచుమోతతోనే సరిపెట్టుకుంది. ఇక బహ్రెయిన్‌ అథ్లెట్ విన్‌ఫ్రెడ్ యవి 15:10.18 సెక‌న్ల‌లో గ‌మ్యాన్ని చేరి ప‌సిడి ప‌త‌కం నెగ్గగా.. జ‌పాన్ అథ్లెట్ న‌జోమి ట‌న‌క (15:11.65 సెక‌న్లు) ర‌జ‌తం సొంతం చేసుకుంది.Congratulations to Parul Chaudhary on once again, winning the Bronze Medal in the Women’s 5000m at the #AsianGames2026! #Cheer4Bharat pic.twitter.com/E0DrL8leUb— Kiren Rijiju (@KirenRijiju) September 28, 2026ఇదీ చదవండి: ఆసీస్‌తో తొలి టెస్టు.. భార‌త ఓపెన‌ర్ డ‌బుల్ సెంచ‌రీ

ఆసియా గేమ్స్‌లో ఆర్చ‌రీ మ‌హిళ‌ల కాంపౌండ్ వ్య‌క్తిగ‌త విభాగంలో భార‌త స్టార్, డిఫెండింగ్ చాంపియ‌న్ జ్యోతి సురేఖ‌కు ఊహించ‌ని షాక్ ఎదురైంది. వ్య‌క్తిగ‌త విభాగంలో దేశానికి క‌చ్చితంగా ప‌తకం తెస్తుంద‌ని భావించిన‌ప్ప‌టికీ, జ్యోతి సురేఖ ప్రిక్వార్ట‌ర్స్‌లోనే ఇంటిబాట ప‌ట్టి నిరాశ ప‌రిచింది. అయితే ద‌క్షిణ కొరియాకు చెందిన 14 ఏళ్ల కాంగ్ యోన్సియో చేతిలో సురేఖ ఓట‌మి పాల‌వ్వ‌డం అభిమానుల‌ను షాక్‌కు గురి చేసింది. ప్రిక్వార్ట‌ర్స్‌లో కాంగ్ యోన్సియో చేతిలో 150-146 తేడాతో సురేఖ ఓట‌మి చ‌విచూసింది. ఆరు సెట్ల సిరీస్‌గా జ‌రిగిన మ‌హిళ‌ల ఆర్చ‌రీ వ్య‌క్తిగ‌త కాంపౌండ్ ఈవెంట్లో 14 ఏళ్ల కాంగ్ యోన్సియో ఆరు సెట్లు క‌లిపి 150 స్కోరు సాధించ‌గా.. జ్యోతి సురేఖ 146కే ప‌రిమిత‌మైంది. రెండో సిరీస్‌లో జ్యోతి సురేఖ మూడుసార్లు 10 పాయింట్లు సాధించ‌గా.. కాంగ్ ఆమెను స‌మం చేసింది. ఇక మూడో సిరీస్‌లోనూ కాంగ్ మూడుసార్లు ప‌ది పాయింట్లు స్కోరు చేయ‌గా, సురేఖ త‌న చివ‌రి సెట్‌లో 9 పాయింట్లే న‌మోదు చేసి పోటీలో వెనుక‌బ‌డిపోయింది. 2011 న‌వంబ‌ర్ 1న జ‌న్మించిన కాంగ్ యోన్సియో ద‌క్షిణ కొరియా జాతీయ జ‌ట్టుకు ఎంపికైన అత్యంత పిన్న వ‌య‌స్కురాలైన ఆర్చ‌ర్‌గా చ‌రిత్ర సృష్టించింది.కాంగ్ యోన్సియో 701 పాయింట్లు సాధించి ర్యాంకింగ్ రౌండ్‌లో నాలుగో స్థానంలో నిలిచింది. ఆమె ప్రదర్శనతో దక్షిణ కొరియా మహిళల టీమ్ పోటీలో 2,096 పాయింట్లు సాధించి, చైనా, భారత్‌ల తర్వాత మూడో స్థానంలో నిలిచింది. కాంగ్ యోన్సియో అదే ఫామ్‌ను వ్యక్తిగత డ్రాలోనూ కొనసాగించింది. రౌండ్ ఆఫ్ 32లో మంగోలియాకు చెందిన ఒట్గోన్‌బయార్ డాగ్డ్జావ్‌ను 150-133 తేడాతో సునాయాసంగా ఓడించిన కాంగ్, తాజాగా రౌండ్ ఆఫ్ 16లో డిఫెండింగ్ చాంపియ‌న్‌ సురేఖ‌కు షాక్ ఇచ్చి క్వార్ట‌ర్స్‌కు దూసుకెళ్లింది. ఇక వ్య‌క్తిగ‌త విభాగంలో జ్యోతి సురేఖ నిరాశ‌ప‌రిచిన‌ప్ప‌టికీ, గ్రూప్ ఈవెంట్‌లో మాత్రం భార‌త పురుషుల‌, మ‌హిళ‌ల కాంపౌండ్ జ‌ట్లు సెమీస్‌లోకి ప్ర‌వేశించి ప‌త‌కం రేసులో నిలిచాయి. జ్యోతి సురేఖ‌, తానిప‌ర్తి చికిత‌, ప్ర‌తీక‌ల‌తో కూడిన భార‌త జ‌ట్టు క్వార్ట‌ర్ ఫైన‌ల్లో 233-230 తేడాతో క‌జ‌కిస్తాన్‌ను ఓడించింది. ఇక పురుషుల కాంపౌండ్ విభాగంలో కుశాల్ ద‌లాల్‌, సాహిల్ జాద‌వ్‌, గ‌ణేశ్‌ల‌తో కూడిన జ‌ట్టు 235-232 తో భూటాన్‌ను ఓడించింది.ఇదీ చదవండి: అప్పుడు ప‌త‌కం అందిస్తే.. ఇప్పుడు ఇంటికి సాగ‌నంపింది!

ఏషియన్‌ గేమ్స్‌ 2026లో తొమ్మిదో రోజు భారత్‌కు షూటింగ్‌లో మరో పతకం లభించింది. మహిళల 25 మీటర్ల పిస్టల్‌ వ్యక్తిగత విభాగంలో ఈషా సింగ్‌ రజత పతకం సాధించింది. ఫైనల్లో ఈషా సింగ్‌ అద్భుతంగా పోరాడినప్పటికీ రజతంతో సరిపెట్టుకోవాల్సి వచ్చింది. ఈ ఈవెంట్‌లో చైనాకు చెందిన షియావో జియారుయ్‌షువాన్‌ స్వర్ణం గెలిచింది. ఈ పతకంతో భారత్‌ పతకాల సంఖ్య 39కి చేరింది.ఇక ఇతర విభాగాల్లోనూ భారత్‌ పతకాల వేట కొనసాగుతోంది. ఇవాళే కురాష్‌ మహిళల 78 కేజీల విభాగంలో పింకీ బల్హారా కాంస్యం సాధించింది. బాక్సింగ్‌లో లవ్లీనా బోర్గోహెయిన్‌ 75 కేజీల సెమీఫైనల్‌కు చేరి మరో పతకాన్ని ఖాయం చేసుకుంది.పురుషుల క్రికెట్‌లోనూ భారత్‌ సెమీఫైనల్‌కు చేరింది. ఆఫ్ఘనిస్తాన్‌తో క్వార్టర్‌ఫైనల్‌ మ్యాచ్‌ వర్షం కారణంగా రద్దవడంతో భారత్‌ నేరుగా సెమీఫైనల్‌కు అర్హత సాధించింది.అథ్లెటిక్స్‌లో పారుల్‌ చౌధరి మహిళల 5000 మీటర్ల ఫైనల్‌లో బరిలోకి దిగనుంది. ఇప్పటికే ఒక పతకం సాధించిన పారుల్‌ మరో పతకంపై దృష్టి పెట్టింది.ఇదీ చదవండి: Asian Games Cricket: సెమీఫైనల్‌కు టీమిండియా

సమర్‌కండ్‌ (ఉజ్బెకిస్తాన్‌): చెస్‌ ఒలింపియాడ్‌లో భారత పురుషుల, మహిళల జట్లు టైటిల్‌ నిలబెట్టుకోవడంలో విఫలమయ్యాయి. తెలంగాణ గ్రాండ్‌మాస్టర్‌ ఇరిగేశి అర్జున్, ప్రజ్ఞానంద, నిహాల్‌ సరీన్, దొమ్మరాజు గుకేశ్, విదిత్‌లతో కూడిన భారత పురుషుల జట్టు రన్నరప్‌గా నిలిచి రజత పతకం దక్కించుకుంది. నిర్ణీత 11 రౌండ్ల తర్వాత భారత పురుషుల జట్టు 18 మ్యాచ్‌ పాయింట్లతో రెండో స్థానంలో నిలిచింది. 20 పాయింట్లతో ఉజ్బెకిస్తాన్‌ జట్టు విజేతగా అవతరించింది. మరోవైపు ఆంధ్రప్రదేశ్‌ గ్రాండ్‌మాస్టర్‌ కోనేరు హంపి, వైశాలి, దివ్య దేశ్‌ముఖ్, వంతిక అగర్వాల్, సవితాశ్రీలతో కూడిన భారత మహిళల జట్టు కాంస్యం సొంతం చేసుకుంది. నిర్ణీత 11 రౌండ్ల తర్వాత భారత మహిళల జట్టు 17 మ్యాచ్‌ పాయింట్లతో మూడో స్థానంలో నిలిచింది. 20 మ్యాచ్‌ పాయింట్లతో చైనా జట్టు చాంపియన్‌గా నిలిచింది. పురుషుల వ్యక్తిగత విభాగంలో బోర్డు–1పై ప్రజ్ఞానంద కాంస్యం... బోర్డు–4పై గుకేశ్‌ రజతం గెల్చుకున్నారు. మహిళల వ్యక్తిగత విభాగంలో బోర్డు–1పై కోనేరు హంపి కాంస్యం... బోర్డు–3పై దివ్య దేశ్‌ముఖ్‌ రజతం... బోర్డు–4పై వంతిక అగర్వాల్‌ కాంస్యం..బోర్డు–5పై సవితాశ్రీ స్వర్ణం సొంతం చేసుకున్నారు. బ్యాడ్మింటన్‌లో భారత షట్లర్లకు నిరాశ నగోయా: ఆసియా క్రీడల బ్యాడ్మింటన్‌ వ్యక్తిగత విభాగంలో భారత షట్లర్లు ఖాళీ చేతులతో వస్తున్నారు. మహిళల సింగిల్స్‌లో పీవీ సింధు, ఉన్నతి హుడా.. మహిళల డబుల్స్‌లో పుల్లెల గాయత్రి–ట్రెసా జాలీ... మిక్స్‌డ్‌ డబుల్స్‌లో తనీషా క్రాస్టో–ధ్రువ్‌ కపిల క్వార్టర్‌ ఫైనల్లో ఓడిపోయారు. సింధు 21–11, 18–21, 10–21తో చెన్‌ యుఫె (చైనా) చేతిలో, ఉన్నతి 16–21, 21–14, 17–21తో అకానె యామగుచి (జపాన్‌) చేతిలో ఓటమి పాలయ్యారు. గాయత్రి–ట్రెసా ద్వయం 18–21, 19–21తో పియర్లీ టాన్‌–థినా మురళీధరన్‌ (శ్రీలంక) జంట చేతిలో... తనీషా–ధ్రువ్‌ జోడీ 14–21, 21–18, 18–21తో ఫెంగ్‌ యాన్‌ జె–హువాఆంగ్‌ డాంగ్‌పింగ్‌ (చైనా) ద్వయం చేతిలో ఓడిపోయాయి.

నగోయా: ఆసియా క్రీడల ఆర్చరీలో భారత పురుషుల, మహిళల కాంపౌండ్‌ జట్లు సెమీఫైనల్లోకి ప్రవేశించి పతకం రేసులో నిలిచాయి. వెన్నం జ్యోతి సురేఖ, తానిపర్తి చికిత, ప్రతీకలతో కూడిన భారత మహిళల జట్టు క్వార్టర్‌ ఫైనల్లో 233–230తో కజకిస్తాన్‌ జట్టును ఓడించింది. కుశాల్‌ దలాల్, సాహిల్‌ జాధవ్, గణేశ్‌ మణిరత్నంలతో కూడిన భారత పురుషుల జట్టు క్వార్టర్‌ ఫైనల్లో 235–232తో భూటాన్‌ జట్టుపై గెలిచింది. పురుషుల రికర్వ్‌ టీమ్‌ విభాగంలో బొమ్మదేవర ధీరజ్, యశ్‌దీప్, నీరజ్‌లతో కూడిన భారత జట్టు సెమీఫైనల్‌కు చేరింది. మిక్స్‌డ్‌ టీమ్‌ కాంపౌండ్‌ విభాగంలో చికిత–సాహిల్‌ జోడీ... మిక్స్‌డ్‌ టీమ్‌ రికర్వ్‌ విభాగంలో ధీరజ్‌–కుమ్‌కుమ్‌ జోడీ కూడా సెమీఫైనల్లోకి ప్రవేశించాయి.

అంచనాలను అందుకుంటూ ఆసియా క్రీడల్లో భారత అథ్లెట్లు అదరగొడుతున్నారు. పసిడి పతకం ఇంకా గెలవకపోయినా మన అథ్లెట్లు రజత, కాంస్యాలతో మెరిపిస్తున్నారు. ఎనిమిదో రోజు ఆదివారం భారత్‌ ఖాతాలో మొత్తం ఏడు పతకాలు చేరగా... అందులో ఐదు అథ్లెటిక్స్‌లోనే వచ్చాయి. మహిళల లాంగ్‌జంప్‌లో అన్సీ సోజన్‌ ఎడిపిల్లి... పురుషుల హైజంప్‌లో సర్వేశ్‌ కుశారే రజత పతకాలు గెలిచారు. పది క్రీడాంశాల సమాహారమైన డెకాథ్లాన్‌లో తేజస్విన్‌ శంకర్‌... మహిళల 200 మీటర్ల స్ప్రింట్‌ రేసులో హరిత భద్ర... మహిళల 3000 మీటర్ల స్టీపుల్‌ఛేజ్‌లో పారుల్‌ చౌధరీ కాంస్య పతకాలు సొంతం చేసుకున్నారు. స్క్వాష్‌లో అనాహత్‌ సింగ్, అభయ్‌ సింగ్‌ పసిడి పోరులో ఓటమి పాలై రజత పతకాలతో తమ అత్యుత్తమ ప్రదర్శన ఇచ్చారు. బాక్సింగ్‌లో మూడు పతకాలు ఖాయం కాగా... ఆర్చరీలో భారత కాంపౌండ్‌ టీమ్‌ విభాగంలో పురుషుల, మహిళల జట్లు సెమీఫైనల్‌కు చేరుకొని పతకం బరిలో నిలిచారు. బ్యాడ్మింటన్‌ వ్యక్తిగత విభాగంలో భారత్‌ షట్లర్లు ఈసారి రిక్తహస్తాలతో తిరిగిరానున్నారు. సెమీఫైనల్‌ చేరితే నాలుగు పతకాలు ఖాయమయ్యే పరిస్థితిలో భారత షట్లర్లందరూ క్వార్టర్‌ ఫైనల్లోనే వెనుదిరిగారు. నగోయా: పసిడి అందకపోయినా పతకాల వేటలో భారత అథ్లెట్లు దూసుకుపోతున్నారు. ఆసియా క్రీడల ఎనిమిదో రోజు భారత్‌కు త్రుటిలో రెండు స్వర్ణాలు చేజారిపోయాయి. మహిళల లాంగ్‌జంప్‌లో ఆఖరి ప్రయత్నంలో చైనా అథ్లెట్‌ దెబ్బకొట్టగా... పురుషుల హైజంప్‌లో కౌంట్‌బ్యాక్‌లో బంగారు పతకాలు దూరమయ్యాయి. మహిళల లాంగ్‌జంప్‌లో కేరళకు చెందిన 26 ఏళ్ల అన్సీ సోజన్‌ వరుసగా రెండో ఆసియా క్రీడల్లో రజత పతకంతో సంతృప్తి పడింది. 2023 హాంగ్జౌ ఆసియా క్రీడల్లోనూ అన్సీ రెండో స్థానంలో నిలిచింది. ఈసారి ఆసియా క్రీడల్లో స్వర్ణమే లక్ష్యంగా కామన్వెల్త్‌ గేమ్స్‌కు కూడా దూరమైన అన్సీ కేవలం రెండు సెంటీమీటర్ల వ్యత్యాసంతో పసిడి పతకాన్ని కోల్పోయింది. అన్సీ 6.53 మీటర్ల దూరం గెంతగా... చైనా ప్లేయర్‌ అమ్మాయి యింగ్‌యింగ్‌ హువాంగ్‌ 6.55 మీటర్లతో స్వర్ణాన్ని ఎగురేసుకపోయింది. ఐదో ప్రయత్నంలో అన్సీ 6.53 మీటర్ల దూరం గెంతి అగ్రస్థానంలో ఉండగా... యింగ్‌యింగ్‌ చివరిదైన ఆరో ప్రయత్నంలో 6.55 మీటర్ల దూరం గెంతి విజేతగా నిలిచింది. మెంగీ టాన్‌ (చైనా; 6.46 మీటర్లు) కాంస్యం దక్కించుకోగా... మరో భారత లాంగ్‌జంపర్‌ శైలి సింగ్‌ 6.42 మీటర్లతో నాలుగో స్థానంలో నిలిచింది. 56 ఏళ్ల నిరీక్షణకు తెర...గత జూలైలో జరిగిన గ్లాస్గో కామన్వెల్‌ గేమ్స్‌లో రజతం గెల్చుకున్న సర్వేశ్‌ కుశారే అదే ప్రదర్శనను ఆసియా క్రీడల్లో పునరావృతం చేశాడు. తద్వారా 1970 తర్వాత ఆసియా క్రీడల పురుషుల హైజంప్‌లో భారత్‌కు పతకాన్ని అందించిన అథ్లెట్‌గా 31 ఏళ్ల సర్వేశ్‌ గుర్తింపు పొందాడు. స్వర్ణ పతకం సాధించిన ఫు చావో సువాన్‌ (చైనీస్‌ తైపీ), రజతం గెలిచిన సర్వేశ్‌ 2.25 మీటర్ల ఎత్తుకు ఎగిరారు. తదుపరి 2.28 మీటర్ల మార్క్‌ను దాటేందుకు ప్రయత్నించి ఇద్దరూ నిర్ణీత మూడు ప్రయత్నాల్లోనూ విఫలమయ్యారు. దాంతో నిబంధనల ప్రకారం 2.25 మీటర్ల ఎత్తును తొలి ప్రయత్నంలోనే దాటిన ఫు చావో సువాన్‌కు స్వర్ణం ఖరారైంది.తొలి ప్రయత్నంలో విఫలమై, రెండో ప్రయత్నంలో 2.25 మీటర్ల ఎత్తును దాటిన సర్వేశ్‌కు రజతం దక్కింది. సాంగ్‌హైక్‌ వూ (దక్షిణ కొరియా; 2.22 మీటర్లు) కాంస్య పతకం అందుకున్నాడు. 1970 బ్యాంకాక్‌ ఆసియా క్రీడల హైజంప్‌లో భీమ్‌ సింగ్‌ భారత్‌కు కాంస్యం రూపంలో చివరిసారి పతకం గెలుచుకోగా... 56 ఏళ్ల నిరీక్షణకు తెరదించుతూ సర్వేశ్‌ మళ్లీ హైజంప్‌లో భారత్‌కు రజతం రూపంలో పతకాన్ని అందించాడు.హరిత.. అరంగేట్రంలోనే...అంతర్జాతీయస్థాయిలో భారత్‌కు ప్రాతినిధ్యం వహించిన తొలి ప్రయత్నంలోనే స్ప్రింటర్‌ హరిత భద్ర పతకంతో మెరిసింది. మహిళల 200 మీటర్ల ఫైనల్‌ రేసును హరిత 23.20 సెకన్లలో పూర్తి చేసి మూడో స్థానంలో నిలిచి కాంస్య పతకాన్ని సాధించింది. మహారాష్ట్రకు చెందిన హరిత గత ఏడాది లండన్‌లోని లాఫ్‌బరా యూనివర్సిటీ నుంచి బీఎస్సీ స్పోర్ట్స్‌ సైన్స్‌లో గ్రాడ్యుయేషన్‌ పూర్తిచేసి అథ్లెటిక్స్‌ కెరీర్‌పై పూర్తి దృష్టి కేంద్రీకరించింది. ఈ ఏడాది ఇంటర్‌స్టేట్‌ చాంపియన్‌షిప్‌లో 23.14 సెకన్లతో స్వర్ణం గెలిచిన హరిత ఆసియా క్రీడలకు అర్హత సాధించింది. అదే జోరును ఆసియా క్రీడల్లోనూ కొనసాగించి తన మెడలో కాంస్య పతకాన్ని వేసుకుంది. ఒకవైపు అథ్లెటిక్స్‌లో కొనసాగుతూ మరోవైపు సొంతంగా నగలను డిజైన్‌ చేసి ఆన్‌లైన్‌లో విక్రయించే హరిత స్పెయిన్‌ టెన్నిస్‌ స్టార్‌ రాఫెల్‌ నాదల్‌ను ఆదర్శంగా తీసుకుంటానని తెలిపింది. తేజస్విన్‌ శంకర్‌ కొత్త చరిత్ర ఆసియా క్రీడల డెకాథ్లాన్‌ ఈవెంట్‌లో రెండుసార్లు పతకాలు గెలిచిన తొలి భారతీయ డెకాథ్లెట్‌గా తేజస్విన్‌ శంకర్‌ రికార్డు నెలకొల్పాడు. 2023 హాంగ్జౌ ఆసియా క్రీడల్లో రజతం నెగ్గిన తేజస్విన్‌ ఈసారి కాంస్య పతకం అందుకున్నాడు. పది క్రీడాంశాల (100 మీటర్లు, లాంగ్‌జంప్, షాట్‌పుట్, హైజంప్, 400 మీటర్లు, 110 మీటర్ల హర్డిల్స్, డిస్కస్‌ త్రో, పోల్‌వాల్ట్, జావెలిన్‌ త్రో, 1500 మీటర్లు) సమాహారమైన డెకాథ్లాన్‌లో తేజస్విన్‌ 7934 పాయింట్లు స్కోరు చేసి మూడో స్థానంలో నిలిచాడు. యుమా మారుయామ (జపాన్‌; 8123 పాయింట్లు) స్వర్ణం, జింగ్‌హువా చెన్‌ (చైనా; 8012 పాయింట్లు) రజతం సాధించారు. భారత్‌కే చెందిన తౌఫీక్‌ నౌషాద్‌ ఐదు ఈవెంట్స్‌ తర్వాత వైదొలిగాడు. గతంలో భారత్‌ తరఫున ఆసియా క్రీడల డెకాథ్లాన్‌లో ఖుర్షీద్‌ అహ్మద్‌ (1951; కాంస్యం), రోనీ ఒబ్రెయిన్‌ (1954; కాంస్యం), గుర్‌బచన్‌సింగ్‌ రణ్‌ధావా (1962; స్వర్ణం), ఎంజీ శెట్టి (1970; రజతం), సురేశ్‌ బాబు (1974; కాంస్యం) ఒక్కోసారి పతకం గెలిచారు.పారుల్‌... ఈసారి కాంస్యం... ఆసియా క్రీడల్లో 2010లో ప్రవేశపెట్టిన మహిళల 3000 మీటర్ల స్టీపుల్‌ఛేజ్‌లో వరుసగా ఐదోసారి భారత్‌ ఖాతాలో పతకం చేరింది. 2023 హాంగ్జౌ ఆసియా క్రీడల్లో రజత పతకంతో మెరిసిన పారుల్‌ చౌధరీ ఈసారి కాంస్య పతకాన్ని సొంతం చేసుకుంది. పారుల్‌ 9 నిమిషాల 08.67 సెకన్లతో తన అత్యుత్తమ వ్యక్తిగత ప్రదర్శన నమోదు చేసి మూడో స్థానంలో నిలిచింది. 2010 గేమ్స్‌ 3000 మీటర్ల స్టీపుల్‌ఛేజ్‌లో సుధా సింగ్‌ స్వర్ణం, 2014 గేమ్స్‌లో లలిత కాంస్యం... 2018 గేమ్స్‌లో సుధా సింగ్‌ రజతం గెలిచారు. మరోవైపు మహిళల 100 మీటర్ల హర్డిల్స్‌ ఫైనల్లో భారత అథ్లెట్‌ నందిని ఆరో స్థానంలో నిలువగా... పురుషుల లాంగ్‌జంప్‌లో శ్రీశంకర్‌ మురళీ, డేవిడ్‌ సాల్మన్‌ ఫైనల్‌కు అర్హత సాధించారు. మహిళల 400 మీటర్ల హర్డిల్స్‌లో విత్య రామరాజ్, అను రాఘవన్‌... పురుషుల 400 మీటర్ల హర్డిల్స్‌లో తమిళ్‌రాసన్‌ సంతోష్‌ కుమార్‌ కూడా ఫైనల్లోకి ప్రవేశించారు. అనాహత్, అభయ్‌లకు రజతాలునగోయా: ఆసియా క్రీడల్లో స్వర్ణ పతకాలు సాధించి లాస్‌ ఏంజెలిస్‌ ఒలింపిక్స్‌కు నేరుగా అర్హత సాధించాలని ఆశించిన భారత స్క్వాష్‌ స్టార్స్‌ అనాహత్‌ సింగ్, అభయ్‌ సింగ్‌లకు నిరాశ ఎదురైంది. ఆదివారం జరిగిన సింగిల్స్‌ ఫైనల్స్‌లో అనాహత్, అభయ్‌ ఓడిపోయి రజత పతకాలు గెల్చుకున్నారు. మహిళల సింగిల్స్‌ ఫైనల్లో డిఫెండింగ్‌ చాంపియన్, ప్రపంచ ఐదో ర్యాంకర్‌ శివసంగరి సుబ్రమణియం (మలేసియా) 11–4, 11–4, 11–7తో అనాహత్‌ను ఓడించి స్వర్ణం సొంతం చేసుకుంది. లాస్‌ ఏంజెలిస్‌ ఒలింపిక్స్‌కు అర్హత సాధించింది. పురుషుల సింగిల్స్‌ ఫైనల్లో డిఫెండింగ్‌ చాంపియన్‌ ఎన్జీ ఇయాన్‌ యో (మలేసియా) 11–9, 11–5, 11–5తో అభయ్‌పై గెలిచి పసిడి పతకంతోపాటు లాస్‌ ఏంజెలిస్‌ ఒలింపిక్స్‌ బెర్త్‌ దక్కించుకున్నాడు.

ఆసియా గేమ్స్‌లో ప‌త‌కం సాధిస్తుంద‌నుకున్న భార‌త స్టార్ ష‌ట్ల‌ర్ పీవీ సింధు నిరాశ‌ప‌రిచింది. ఆదివారం జ‌రిగిన మ‌హిళ‌ల సింగిల్స్ క్వార్ట‌ర్ ఫైన‌ల్లో చైనాకు చెందిన చెన్ యుఫెయ్ చేతిలో సింధు ఓట‌మి చ‌విచూసింది. అయితే మ్యాచ్ ముగిసిన అనంత‌రం ఆసియా గేమ్స్ నిర్వాహ‌కుల‌పై పీవీ సింధు అసంతృప్తి వ్య‌క్తం చేసింది. అడ్డ‌దిడ్డంగా మ్యాచ్‌ల‌ను నిర్వ‌హించ‌డంపై నిర్వాహ‌కుల‌ను ఏకిపారేసింది."24 గంట‌ల వ్య‌వ‌ధిలో మూడు సింగిల్స్ మ్యాచ్‌లు ఆడాల్సి వ‌చ్చింది. మేము మ‌నుషుల‌మే.. రోబోలు కాదు. సుదీర్ఘమైన మ్యాచ్‌లు జ‌రిగిన‌ప్పుడు క‌చ్చితంగా కోలుకోవ‌డం అవ‌స‌రం. ఆట‌లో మంచి స్థితిలో ఉన్న‌ప్పుడు స‌హ‌జంగానే ముందుకు క‌ద‌లాల‌నిపిస్తుంది, కానీ అల‌స‌ట‌తో కాళ్లు క‌ద‌ల‌వు.అసలు మ్యాచ్‌ల షెడ్యూల్ ప్ర‌ణాళిక‌ను స‌రిగ్గా నిర్వ‌హించ‌లేదు. దీంతో స‌రైన విశ్రాంతి లేకుండానే మ్యాచ్‌లు ఆడాల్సి వ‌స్తుంద‌ని, దీనివ‌ల్ల పూర్తిగా అల‌సిపోతున్నాం. నా ఓటమికి కార‌ణాలు వెత‌క‌ను. ఇక్కడ కెమెరాలు లేవు. ఇది నిజంగా దురదృష్టకరం. కొన్ని 2-3 షాట్లు లైన్ పై ఉన్నాయని నాకు అనిపించింది. ఏషియన్ గేమ్స్ క్వార్టర్ ఫైనల్‌లో కెమెరా ఉండాలి" అని సింధు ఆవేద‌న వ్య‌క్తం చేసింది.కాగా పీవీ సింధులాగే మ‌రో భార‌త ష‌ట్ల‌ర్ ఉన్న‌తి హుడా కూడా మ్యాచ్‌ల నిర్వ‌హ‌ణ‌పై అసంతృప్తి వ్య‌క్తం చేసింది. ఇక పీవీ సింధు శ‌నివారం రెండు సింగిల్స్ మ్యాచ్‌లు ఆడింది. ఆ త‌ర్వాత ఆదివారం మ‌రో మ్యాచ్ ఆడాల్సి వ‌చ్చింది. క‌నీస విశ్రాంతి లేకుండానే బ‌రిలోకి దిగ‌డం వ‌ల్ల సింధు కోర్టులో అల‌స‌ట‌గా క‌నిపించడం గ‌మ‌నార్హం.ఆదివారం ఆసియా గేమ్స్‌లో భారత్‌కు మరో మూడు పతకాలు వచ్చి చేరాయి. స్వ్కాష్‌లో అనాహత్‌, అభయ్‌లు రజతం నెగ్గగా, మహిళల 200 మీటర్ల రేసులో హరిత కాంస్యం దక్కించుకుంది. ఇప్పటివరకు భారత్‌ ఖాతాలో 33 పతకాలు చేరగా, ఇందులో 4 స్వర్ణాలు, 14 రజతాలు, 15 కాంస్యాలున్నాయి.ఇదీ చదవండి: ఏడాది త‌ర్వాత బ‌రిలోకి.. కుమ్ముతాడనుకుంటే ఇలా బుక్కయ్యాడు!

రజతంతో సరిపెట్టుకున్న భారత స్క్వాష్‌ స్టార్‌భారత స్క్వాష్‌ స్టార్‌ అభయ్‌ సింగ్‌ రజత పతకంతో సరిపెట్టుకున్నాడు. ఫైనల్లో యోవ్‌ చేతిలో ఓటమి పాలై స్వర్ణ పతకాన్ని చేజార్చుకున్నాడు.తొలి రెండు గేమ్‌లను కోల్పోయి 0-2తో వెనుకబడిన అభయ్‌.. మూడో గేమ్‌లో అద్భుతంగా పుంజుకున్నాడు. వరుస పాయింట్లు సాధిస్తూ 4-2 ఆధిక్యంలోకి వెళ్లాడు. అయితే యోవ్‌ తన అనుభవాన్ని ఉపయోగించి తిరిగి పుంజుకుని స్కోరును 4-4తో సమం చేశాడు.ఆ తర్వాత ఇద్దరూ హోరాహోరీగా తలపడ్డారు. స్కోరు 5-5తో సమమైన సమయంలో యోవ్‌ కీలక పాయింట్లు సాధించి ఆధిక్యంలోకి వచ్చాడు. అక్కడి నుంచి దూకుడుగా ఆడి గేమ్‌ను 11-5తో ముగించాడు. దీంతో యోవ్‌ స్వర్ణ పతకం సాధించగా, అభయ్‌ సింగ్‌ రజత పతకంతో సంతృప్తి చెందాల్సి వచ్చింది.నిరాశపరిచిన సింధు.. క్వార్టర్‌ఫైనల్లోనే నిష్క్రమణభారత స్టార్‌ షట్లర్‌ పీవీ సింధుకు ఏషియన్‌ గేమ్స్‌లో నిరాశ ఎదురైంది. మహిళల సింగిల్స్‌ క్వార్టర్‌ఫైనల్లో చైనాకు చెందిన చెన్‌ యూఫీ చేతిలో మూడు గేమ్‌ల పోరులో ఓటమి పాలైంది.తొలి గేమ్‌లో సింధు అద్భుతంగా ఆడి 21-11తో విజయం సాధించింది. అయితే ఆ తర్వాత చెన్‌ యూఫీ పుంజుకుంది. రెండో గేమ్‌ను 21-18తో, నిర్ణయాత్మక మూడో గేమ్‌ను 21-10తో గెలుచుకుంది. సింధు ఓటమితో భారత్‌కు ఈ విభాగంలో పతకం దక్కే అవకాశం చేజారింది.ఆర్చరీలో భారత్‌ వరల్డ్‌ రికార్డు సమం.. పతకాల వేటలో మను బాకర్‌ఏషియన్‌ గేమ్స్‌ 2026లో భారత్‌ ఇవాళ (ఎనిమిదో రోజు) మరిన్ని పతకాలపై కన్నేసింది. స్క్వాష్‌లో అబయ్‌ సింగ్‌, అనాహత్‌ సింగ్‌ తమ సింగిల్స్‌ ఫైనల్‌ మ్యాచ్‌లు ఆడనున్నారు. ఇప్పటికే వీరిద్దరూ రజత పతకాలు ఖాయం చేసుకున్నారు. ఫైనల్లో విజయం సాధిస్తే ఆ పతకాలు స్వర్ణంగా మారనున్నాయి.డెకాథ్లాన్‌లో తేజస్విన్‌ శంకర్‌ చివరి ఐదు ఈవెంట్లలో పోటీ పడనున్నాడు. అథ్లెటిక్స్‌లోనూ భారత్‌ పతకాలపై ఆశలు పెట్టుకుంది.10 మీటర్ల ఎయిర్ పిస్టల్ విభాగంలో నిరాశపరిచిన తర్వాత, మహిళల 25 మీటర్ల పిస్టల్ విభాగంలో పతకాలు సాధించాలని మను బాకర్, ఈషా సింగ్ ఆసక్తిగా ఉన్నారు.ఆర్చరీలో భారత పురుషుల, మహిళల జట్లు సెమీఫైనల్‌కు చేరాయి. మహిళల జట్టు ప్రపంచ రికార్డును సమం చేయడం విశేషం. పురుషుల జట్టు రౌండ్‌ ఆఫ్‌ 16లో యూఏఈని, క్వార్టర్‌ఫైనల్లో భూటాన్‌ను ఓడించి సెమీస్‌కు చేరింది. మహిళల జట్టు రౌండ్‌ ఆఫ్‌ 16లో మంగోలియాను, క్వార్టర్‌ఫైనల్లో కజకిస్థాన్‌ను ఓడించింది.మహిళల బ్యాడ్మింటన్‌ డబుల్స్‌ క్వార్టర్‌ఫైనల్లో గాయత్రి గోపీచంద్‌-ట్రీసా జాలీ జోడీ ఓటమి పాలైంది.ఇదీ చదవండి: వైభవ్‌ రూపంలో వారికి ప్రమాదం​ పొంచి ఉంది..!

భారత కబడ్డీ జట్లు నిరాశపర్చలేదు...ఆసియా క్రీడల్లో తమ స్థాయిని మళ్లీ చూపిస్తూ పురుషుల, మహిళల కబడ్డీ టీమ్‌లు తమ స్వర్ణాలను నిలబెట్టుకున్నాయి. అథ్లెటిక్స్‌లో కూడా భారత్‌ మూడు పతకాలతో మెరిసింది. మారథాన్‌ సావన్‌ అనూహ్యంగా రజతాన్ని అందించగా, షాట్‌పుటర్‌ తజీందర్‌ కూడా సిల్వర్‌ను తన ఖాతాలో వేసుకున్నాడు. మరో వైపు ప్రాచి కూడా ఏషియాడ్‌లో వరుసగా రెండో పతకాన్ని అందుకోగా...సీనియర్‌ స్క్వాష్‌ స్టార్‌ జోష్న తన భాగస్వామి సెంథిల్‌తో కలిసి కంచు మోత మోగించింది. ఓవరాల్‌గా ఏడో రోజు 7 పతకాలతో భారత బృందం మురిపించగా... బ్యాడ్మింటన్, బాక్సింగ్‌లలో మిశ్రమ ఫలితాలు వచ్చాయి.హోరాహోరీ పోరులో... మహిళల కబడ్డీలో భారత జట్టు తమ స్వర్ణ పతకాన్ని నిలబెట్టుకుంది. చివరి వరకు ఉత్కంఠభరితంగా సాగిన ఫైనల్లో భారత్‌ 37–34 పాయింట్ల తేడాతో ఇరాన్‌పై విజయం సాధించింది. ఈ క్రీడల్లో ఇప్పటి వరకు ఆడిన అన్ని మ్యాచ్‌లలో ఏకపక్ష విజయాలు సాధించిన భారత్‌కు తుది పోరులో మాత్రం పోటీ ఎదురైంది. తొలి అర్ధ భాగం ముగిసేసరికి భారత్‌ 22–16తో ఆధిక్యంలో నిలిచింది. వీటిలో 16 రెయిడ్‌ పాయింట్లు సాధించిన జట్టు 3 బోనస్‌ పాయింట్లు, ఒక ఆలౌట్‌ను స్కోర్‌ చేసింది. అయితే రెండో అర్ధ భాగంలో కోలుకొని వరుసగా పాయింట్లు సాధించిన ఇరాన్‌ గట్టి పోటీనిస్తూ స్కోరును దాదాపు సమంగా 26–27 వద్దకు తీసుకొచ్చింది. అయితే ఈ దశలో ఒత్తిడిని అధిగమిస్తూ సంజు దేవి సూపర్‌ రైడ్‌తో మన జట్టు మళ్లీ ముందంజ వేసింది. ఆ తర్వాత కెప్టెన్‌ పుష్ప రాణా ప్రత్యర్థిని ఆలౌట్‌ చేయడంలో కీలక పాత్ర పోషించడంతో జట్టుకు పట్టు చిక్కింది. ఈ దశలో ఇరాన్‌ సూపర్‌ టాకిల్‌తో కొంత పోరాడినా... చివరకు భారత మహిళలదే పైచేయి అయింది. 2010 ఆసియా క్రీడల్లో మహిళల కబడ్డీని మొదటి సారి ప్రవేశపెట్టిన తర్వాత భారత్‌కు ఇది నాలుగో స్వర్ణం కావడం విశేషం. 2010, 2014, 2022, 2026లలో భారత్‌ పసిడి గెలవగా, 2018లో మాత్రం ఇరాన్‌కు బంగారు పతకం దక్కింది.పురుషులకు తొమ్మిదో స్వర్ణం... కబడ్డీలో భారత పురుషుల జట్టు మరోసారి తమ ఆధిపత్యాన్ని ప్రదర్శించింది. ఆసియా క్రీడల చరిత్రలో ఏకంగా 9వ స్వర్ణాన్ని తమ ఖాతాలో వేసుకుంది. శనివారం జరిగిన ఫైనల్లో భారత్‌ 40–34 పాయింట్ల తేడాతో ఇరాన్‌ను ఓడించింది. జట్టులో అత్యంత అనుభవజ్ఞుడైన పవన్‌ సెహ్రావత్‌ లేకుండానే తుది పోరులో బరిలోకి దిగిన భారత్‌ ఆరంభంలో తడబడింది. అయితే అర్జున్‌ దేశ్వాల్, దేవాంక్‌ వరుస పాయింట్లు రాబట్టడంతో కోలుకుంది. అర్ధభాగం ముగిసే సరికి భారత్‌ 17–18తో వెనుకబడింది. అయితే రెండో అర్ధభాగంలో జట్టు మెరుగైన ప్రదర్శన కనబర్చింది. కీలక దశలో ప్రత్యర్థిని ఆలౌట్‌ చేయడంతో ఆధిక్యం 29–24కు పెరిగింది. సమయం దగ్గరవుతుండటంతో భారత్‌ దూకుడు తగ్గించి జాగ్రత్తపడింది. ఈ దశలో ఇరాన్‌ ఎంత ప్రయత్నించినా పాయింట్లు రాబట్టడంలో విఫలమైంది. 1990 ఆసియా క్రీడల్లో పురుషుల కబడ్డీని ప్రవేశపెట్టిన తర్వాత వరుసగా 7 స్వర్ణాలు గెలుచుకున్న భారత్‌ 2018 క్రీడల్లో కాంస్యానికి పరిమితమైంది. అయితే 2022లో మళ్లీ పసిడిని అందుకున్న మన బృందం ఈ సారి దానిని నిలబెట్టుకుంది.తజీందర్‌ వెండి వెలుగులు... ఆసియా క్రీడల్లో వరుసగా మూడో స్వర్ణం సాధించే లక్ష్యంతో బరిలోకి దిగిన భారత అథ్లెŠట్‌ తజీందర్‌పాల్‌ సింగ్‌ తూర్‌ కల నెరవేరలేదు. శనివారం జరిగిన పురుషుల షాట్‌పుట్‌ ఈవెంట్‌లో తజీందర్‌ రజత పతకాన్ని సొంతం చేసుకున్నాడు. గుండును అతను 20.64 మీటర్ల దూరం విసిరాడు. ఇరాన్‌ అథ్లెట్‌ మొహమ్మద్‌ రెజా (20.81 మీటర్లు) స్వర్ణం గెలుచుకోగా, మొహమ్మద్‌ తొలు (సౌదీ అరేబియా–20.48 మీటర్లు) కాంస్యం అందుకున్నాడు. పంజాబ్‌కు చెందిన తూర్‌ 2018, 2022 ఆసియా క్రీడల్లో స్వర్ణ పతకాలు సాధించాడు. ప్రాచి చౌదరికి కాంస్యం గత ఆసియా క్రీడల్లో మహిళల 4్ఠ400 మీటర్ల రిలేలో రజతం సాధించిన భారత అథ్లెట్‌ ప్రాచి చౌదరి ఈ సారి వ్యక్తిగత విభాగంలో పతకాన్ని తన ఖాతాలో వేసుకుంది. మహిళల 400 మీటర్ల పరుగులో ప్రాచి కాంస్య పతకాన్ని గెలుచుకుంది. 53.21 సెకన్లలో పరుగు పూర్తి చేసిన ఉత్తరప్రదేశ్‌ అథ్లెట్‌ ప్రాచి మూడో స్థానంలో నిలిచింది. ఈ ఈవెంట్‌లో సల్వా నాసర్‌ (బహ్రెయిన్‌–49.29 సెకన్లు) స్వర్ణం సాధించగా, జెహ్రీ జరీ (ఇరాన్‌–52.38 సెకన్లు) రజత పతకాన్ని సొంతం చేసుకుంది. ఈ పోటీల బరిలోకి నిలిచిన మరో భారత అథ్లెట్‌ కిరణ్‌ పహల్‌ ఐదో స్థానంతో ముగించింది. సిల్వర్‌ సావన్‌పురుషుల మారథాన్‌ రేస్‌లో భారత్‌కు 44 ఏళ్ల తర్వాత పతకం లభించింది. అద్భుత ప్రదర్శనతో సత్తా చాటిన సావన్‌ బర్వాల్‌ రజత పతకం గెలుచుకున్నాడు. 42.195 కిలోమీటర్ల దూరాన్ని సావన్‌ 2 గంటల 11 నిమిషాల 37 సెకన్లలో పూర్తి చేసి రెండో స్థానంలో నిలిచాడు. జపాన్‌కు చెందిన ఇచిటకా యమషిత (2 గంటల 10 నిమిషాల 49 సెకన్లు) స్వర్ణం గెలుచుకోగా, ప్యూ ఫెంగ్‌ (చైనా – 2 గంటల 12 నిమిషాల 13 సెకన్లు)కు కాంస్యం దక్కింది. 1982 ఆసియా క్రీడల్లో హోసూర్‌ కుక్కప్ప సీతారన్‌ కాంస్యం గెలిచిన తర్వాత మారథాన్‌కు మళ్లీ ఇప్పుడే పతకం దక్కడం విశేషం. అంతకు ముందు 1951 ఆసియా క్రీడల్లో భారత అథ్లెట్లు ఛోటా సింగ్, సూరత్‌ సింగ్‌ మారథాన్‌లో స్వర్ణ, కాంస్యాలు నెగ్గారు. పతకాన్ని గెలిచే క్రమంలో సావన్‌ కొత్త జాతీయ రికార్డును కూడా నెలకొల్పాడు. గత ఏప్రిల్‌లోనే తానే నెలకొల్పిన 2 గంటల 11 నిమిషాల 58 సెకన్ల టైమింగ్‌ను అతను బద్దలు కొట్టాడు. ఈ రేస్‌లో పాల్గొన్న మరో భారత అథ్లెట్‌ కార్తీక్‌ కర్కేరా 17వ స్థానంతో ముగించాడు. హిమాచల్‌ప్రదేశ్‌లోని మండీ జిల్లా జోగీందర్‌ నగర్‌ సావన్‌ స్వస్థలం. అతని తండ్రి కుల్దీప్‌ ఢిల్లీలో డ్రైవర్‌గా పని చేశాడు. స్కూల్‌ గ్రౌండ్‌లో పరుగెడుతూ ఆసక్తి పెంచుతున్న సావన్‌ 14 ఏళ్ల వయసులోనే 1500 మీటర్ల పరుగులో శిక్షణ పొందాడు. 2015లో అండర్‌–18 కేటగిరీలో తొలిసారి జాతీయ స్థాయి పోటీల్లో పాల్గొన్న అతను మరో మూడేళ్ల తర్వాత ఫెడరేషన్‌ కప్‌లో 5000 మీటర్ల పరుగుతో తన సీనియర్‌ ప్రస్థానాన్ని మొదలు పెట్టాడు. లాంగ్‌ డిస్టెన్స్‌ రన్నింగ్‌లోనూ తనకంటూ ప్రత్యేక గుర్తింపు తెచ్చుకున్న సావన్‌... 2023లో దుబాయ్‌లో జరిగిన ఆసియా హాఫ్‌ మారథాన్‌ చాంపియన్‌షిప్‌లో కాంస్యం గెలిచి అందరి దృష్టినీ ఆకర్షించాడు. గత ఏడాది జాతీయ క్రీడల్లో 5,000 మీటర్లు, 10,000 మీటర్లలో స్వర్ణం సాధించిన సావన్‌ స్పోర్ట్స్‌ కోటాలో ఆర్మీలో ఉద్యోగం దక్కించుకున్నాడు. ప్రస్తుతం అమెరికాలోని కొలరాడో స్ప్రింగ్స్‌లో అతను శిక్షణ పొందుతున్నాడు.షూటింగ్‌లో మరో రజతం భారత్‌కు షూటింగ్‌ మరో పతకాన్ని అందించింది. మహిళల 50 మీటర్ల 3 పొజిషన్స్‌ టీమ్‌ ఈవెంట్‌లో మన జట్టు రజత పతకాన్ని గెలుచుకుంది. తిలోత్తమ సేన్, విదర్స వినోద్, ఆషి చోక్సీలతో కూడిన భారత జట్టు మొత్తం 1763 పాయింట్ల స్కోరుతో రెండో స్థానంలో నిలిచింది. ఈ పోరులో చైనా (1773 పాయింట్లు) స్వర్ణం సాధించగా, కజకిస్తాన్‌ (1754 పాయింట్లు) కాంస్యం సొంతం చేసుకుంది. ఇదే ఈవెంట్‌ వ్యక్తిగత విభాగంలోనూ మెరుగైన ప్రదర్శనే కనబర్చినా... భారత షూటర్లకు అదృష్టం కలిసి రాలేదు. తిలోత్తమ నాలుగో స్థానంతో విదర్స ఐదో స్థానంతో ముగించారు. ఈ ఆసియా క్రీడల మహిళల 10 మీ. ఎయిర్‌ రైఫిల్‌ టీమ్‌ ఈవెంట్‌లో రజతం సాధించిన విదర్సకు ఇది రెండో పతకం కాగా... ఆషి 2022 ఆసియా క్రీడల్లో ఒక రజతం, ఒక కాంస్యం నెగ్గింది.స్క్వాష్‌లో కాంస్య పతకంస్క్వాష్‌ మిక్స్‌డ్‌ డబుల్స్‌లో భారత్‌ కాంస్య పతకంతో సరిపెట్టుకుంది. భారత జోడి జోష్నా చిన్నప్ప–వెలవన్‌ సెంథిల్‌ కుమార్‌ శనివారం జరిగిన సెమీఫైనల్లో పరాజయంపాలైంది. హాంకాంగ్‌కు చెందిన టాంగ్‌ మింగ్‌ హాంగ్‌–లీ కా యి చేతిలో భారత ద్వయం 1–2 (10–11, 11–2, 10–11) స్కోరుతో ఓటమిని ఎదుర్కొంది. అయితే ఈ పోరు స్వల్ప వివాదంతో ముగిసింది. చెరో గేమ్‌ గెలిచిన తర్వాత మూడో గేమ్‌ కూడా హోరాహోరీగా సాగింది. 10–10తో స్కోరు సమంగా ఉన్న సమయంలో భారత్‌ పాయింట్‌ సాధించి సంబరాలు చేసుకుంది. అయితే భారత ద్వయం అరుస్తూ ప్రత్యర్థి ఏకాగ్రతను దెబ్బ తీశారంటూ రిఫరీ ఈ పాయింట్‌ను అనుమతించకుండా మళ్లీ ఆడించారు. ఈ సారి హాంకాంగ్‌ది పైచేయి కావడం జోష్నా–సెంథిల్‌ జోడి నిరాశగా వెనుదిరిగింది. నిజానికి 10–7తో ఆధిక్యంలో నిలిచిన భారత్‌ 3 మ్యాచ్‌ పాయింట్లు చేజార్చుకుంది. ఆసియా క్రీడల చరిత్రలో జోష్నాకు ఇది 6వ పతకం కావడం విశేషం. వరుసగా 2010, 2014, 2018, 2022, 2026లలో కలిపి ఆమె 2 రజతాలు, 4 కాంస్యాలు నెగ్గింది. సెంథిల్‌కు ఆసియా క్రీడల్లో ఇదే తొలి పతకం.

భారత టాప్‌ స్క్వాష్‌ ప్లేయర్‌ అనాహత్‌ సింగ్‌ సెమీఫైనల్‌ మ్యాచ్‌... సటోమీ వతనబె (జపాన్‌)తో జరుగుతున్న పోరులో తొలి రెండు గేమ్‌లు చేజారిపోయాయి. మూడో గేమ్‌లో కూడా 8–10తో ఓటమికి చేరువగా నిలిచింది. ఈ దశలో ఒక్కసారిగా చెలరేగి వరుసగా నాలుగు పాయింట్లు సాధించిన అనాహత్‌ ఆపై మరింత మెరుగైన ప్రదర్శనతో మ్యాచ్‌ను సొంతం చేసుకొని ఫైనల్లోకి అడుగు పెట్టింది.చివరకు 3–2 (9–11, 11–13, 12–10, 11–6, 11–3)తో అనాహత్‌ విజేతగా నిలిచింది. పురుషుల విభాగంలో భారత ఆటగాడు అభయ్‌ సింగ్‌ కూడా ఫైనల్‌కు చేరాడు. సెమీస్‌లో అభయ్‌ 3–0 (11–3, 12–10, 11–6)తో పాకిస్తాన్‌కు చెందిన ముహమ్మద్‌ ఇర్ఫాన్‌ను ఓడించాడు. స్క్వాష్‌ పురుషుల, మహిళల విభాగాల్లో విజేతలు 2028 ఒలింపిక్స్‌కు నేరుగా క్వాలిఫై అవుతారు. లక్ష్యసేన్‌ నిష్క్రమణ... బ్యాడ్మింటన్‌ మహిళల విభాగంలో పీవీ సింధు, ఉన్నతి హుడా క్వార్టర్‌ ఫైనల్లోకి ప్రవేశించారు. ప్రిక్వార్టర్స్‌లో సింధు 21–9, 21–13తో టొమొకా మియకాజి (జపాన్‌)ను ఓడించగా, ఉన్నతి హుడా కూడా ప్రిక్వార్టర్స్‌లో 21–19, 21–13తో వరల్డ్‌ నంబర్‌ 6 పుత్రి కుసుమ (ఇండోనేసియా)పై సంచలన విజయం సాధించింది. మహిళల డబుల్స్‌లో కూడా భారత జంట పుల్లెల గాయత్రి గోపీచంద్‌–ట్రెసా జాలీ 24–22, 21–18తో వరల్డ్‌ నంబర్‌ 3 మయు మట్సుమొటొ–యుకీ ఫుకుషిమాపై గెలుపొంది క్వార్టర్స్‌ చేరింది. అయితే పురుషుల విభాగంలో ఇద్దరు భారత ఆటగాళ్లు లక్ష్య సేన్, ఆయుశ్‌ శెట్టి కూడా పరాజయంతో నిష్క్రమించారు. లక్ష్యసేన్‌ 12–21, 21–15, 14–21తో లో కీన్‌ యు (సింగపూర్‌) చేతిలో, ఆయుశ్‌ 16–21, 21–19, 17–21తో చో టిన్‌ చెన్‌ (చైనీస్‌ తైపీ) చేతిలో పరాజయంపాలయ్యారు.

ఆసియా క్రీడల్లో జపాన్‌కు చెందిన 11 ఏళ్ల యుకీ కురిహారా సంచలనం ఆసియా క్రీడల్లో జపాన్‌కు చెందిన 11 ఏళ్ల యుకీ కురిహారా సంచలనం సృష్టించాడు. ఈ ఈవెంట్‌లో పాల్గొంటున్న అతి పిన్న వయస్కుడైన అతను ఇ స్పోర్ట్స్‌లో స్వర్ణ పతకం గెలుచుకున్నాడు. ఇ స్పోర్ట్స్‌లో భాగంగా ఉన్న ‘పుయో పుయో చాంపియన్స్‌’ ఈవెంట్‌లో అతను ఈ పసిడిని సొంతం చేసుకున్నాడు. ఫైనల్లో కురిహారా 10–2తో తనరక్‌ వాంగ్‌ (థాయిలాండ్‌)ను ఓడించాడు. పుయో పుయో చాంపియన్స్‌ ఒక రకమైన పజిల్‌ వీడియో గేమ్‌. ప్లే స్టేషన్‌ 4పై దీనిని ఆడవచ్చు. ప్రాధమిక పాఠశాలలో చదువుతున్న కురిహారా ఫైనల్లో ఓడించిన ప్రత్యర్థి వయసు 28 ఏళ్లు. దాంతో ఈ గెలుపు తర్వాత అతను కనీసం నవ్వలేదు కూడా! తన విజయాన్ని కూడా ఆస్వాదించలేకపోతున్నానని, దాదాపు మూడు రెట్లు ఎక్కువ వయసు ఉన్న వ్యక్తిపై గెలవడం తనకూ బాగా ఇబ్బందికరంగా ఉందని కురిహారా వ్యాఖ్యానించాడు. అయితే పతకం, దాంతో పాటు జ్ఞాపికగా ఇచ్చిన బొమ్మ చాలా బాగున్నాయని అతను సంతోషం ప్రకటించాడు. ‘పుయో పుయో’లో ఈ ఏడాది ఏప్రిల్‌లో ప్రొఫెషనల్‌ లైసెన్స్‌ అందుకున్న కురిహారా అప్పటినుంచే తనకంటే వయసులో ఎంతో పెద్దవాళ్లయిన ప్రత్యర్థులను వరుసగా ఓడిస్తూ వస్తున్నాడు. చదువును, ఆటలను సమన్వయం చేసుకోవడం చాలా కష్టంగా ఉందని ఈ జపాన్‌ అబ్బాయి చెప్పాడు.

హైదరాబాద్, సెప్టెంబర్ 26: ఆసియా క్రీడలు–2026లో పురుషుల బ్యాడ్మింటన్ విభాగంలో కాంస్య పతకం సాధించి తెలంగాణతో పాటు దేశానికి గర్వకారణంగా నిలిచిన యువ బ్యాడ్మింటన్ క్రీడాకారుడు తరుణ్ మానేపల్లిని తెలంగాణ క్రీడా ప్రాధికార సంస్థ (SATG) వైస్ చైర్‌పర్సన్, మేనేజింగ్ డైరెక్టర్ డాక్టర్ ఎ. సోనీబాలా దేవి, ఐఎఫ్‌ఎస్ శనివారం ఘనంగా సన్మానించారు. ఈ సందర్భంగా డాక్టర్ సోనీబాలా దేవి మాట్లాడుతూ, ఆసియా క్రీడల్లో పతకం సాధించడం తరుణ్ మానేపల్లి కృషి, అంకితభావం, పట్టుదలకు నిదర్శనమని పేర్కొన్నారు. సరూర్‌నగర్ స్టేడియంలో తన క్రీడా ప్రస్థానాన్ని ప్రారంభించిన తరుణ్, నేడు ఆసియా క్రీడల పతక విజేతగా ఎదిగి తెలంగాణకు అంతర్జాతీయ స్థాయిలో గుర్తింపు తీసుకురావడం గర్వకారణమని అన్నారు. తెలంగాణ యువ క్రీడాకారులు అంతర్జాతీయ వేదికలపై సాధిస్తున్న విజయాలు రాష్ట్రంలో ఉన్న అపారమైన క్రీడా ప్రతిభకు నిదర్శనమని ఆమె తెలిపారు. క్రీడాకారులు జాతీయ, అంతర్జాతీయ స్థాయిల్లో మరింత రాణించేలా ప్రపంచ స్థాయి శిక్షణ, ఆధునిక క్రీడా మౌలిక వసతులు, అవసరమైన అన్ని విధాల సహాయ సహకారాలను అందించేందుకు తెలంగాణ క్రీడా ప్రాధికార సంస్థ నిరంతరం కట్టుబడి పనిచేస్తోందని స్పష్టం చేశారు. ఈ సందర్భంగా తరుణ్ మానేపల్లికి తెలంగాణ క్రీడా ప్రాధికార సంస్థ తరఫున హృదయపూర్వక అభినందనలు తెలియజేస్తూ, భవిష్యత్తులో మరిన్ని విజయాలు సాధించి దేశానికి, రాష్ట్రానికి మరింత కీర్తి తీసుకురావాలని ఆకాంక్షించారు. ఇప్పటివరకు భారత్ ఖాతాలో 30 పతకాలు చేరగా, ఇందులో 4 స్వర్ణాలు, 12 రజతాలు, 14 కాంస్యాలున్నాయి. ఇదీ చ‌ద‌వండి: 'కోహ్లితో నాకేంటి?.. నా ఆటయితే పూర్తి కాలేదు'

జపాన్‌లోని నగోయా వేదికగా జరుగుతున్న ఆసియా క్రీడల్లో భారత్ 30 పతకాల మార్క్‌ను టచ్ చేసింది. గత ఆసియా క్రీడల్లో సెంచరీ మార్క్‌ను దాటిన భారత్ ఈసారి అన్ని పతకాలు సాధించడం కష్టమే అనిపిస్తోంది. ఈ నేపథ్యంలోనే అథ్లెటిక్స్‌లో భారీగా పతకాలు వస్తాయనే ఆశలను మన అథ్లెట్లు నెరవేరుస్తూ వస్తున్నారు. ఇప్పటివరకు భారత్ ఖాతాలో 30 పతకాలు చేరగా, ఇందులో 4 స్వర్ణాలు, 12 రజతాలు, 14 కాంస్యాలున్నాయి. శ‌నివారం క‌బ‌డ్డీలో రెండు స్వ‌ర్ణాలు రాగా, అథ్లెటిక్స్ విభాగం నుంచి మూడు ప‌త‌కాలు వ‌చ్చి చేరాయి. కాగా స్వ్కాష్‌లో మ‌హిళ‌ల విభాగంలో అనాహ‌త్, పురుషుల విభాగంలో అభ‌య్ సింగ్‌లు ఫైన‌ల్లో అడుగుపెట్టి ప‌త‌కాలు ఖాయం చేశారు. ఇక హాకీలో భారత పురుషుల జట్టు శనివారం ఆతిథ్య జపాన్‌ను ఓడించి సెమీస్‌ బెర్తు ఖరారు చేసుకుంది.షాట్‌పుట్‌లో రజతంమహిళల షాట్‌పుట్‌లో మన్‌ప్రీత్ కౌర్ కాంస్యం నెగ్గగా.. తాజాగా పురుషుల షాట్‌పుట్ ఈవెంట్‌లో భారత అథ్లెట్ తజిందర్‌పాల్ సింగ్ తూర్ రజతం గెలుచుకున్నాడు. ఇవాళ జరిగిన పురుషుల షాట్‌పుట్ ఫైనల్లో తజిందర్ తన ఐదో ప్రయత్నంలో షాట్‌పుట్‌ను 20.64 మీటర్ల దూరం విసిరి బెస్ట్ ప్రదర్శన నమోదు చేయడంతో పాటు రజతం ఖాయం చేసుకున్నాడు. ఇరాన్‌కు చెందిన మొహమ్మద్రెజా తయబైస్ 20.81 మీటర్ల దూరం విసిరి పసిడి పతకం సాధించాడు.ప్రాచీకి కాంస్యంమహిళల 400 మీటర్ల ఫైనల్లో భారత అథ్లెట్ ప్రాచీ చౌదరీ కాంస్యం ఒడిసిపట్టింది. నగోయా వేదికగా జరిగిన ఫైనల్ రేసులో ప్రాచీ 53.21 సెకన్లలో గమ్యాన్ని చేరింది. బహ్రెయిన్‌కు చెందిన సాల్వా నాస‌ర్ 49.20 సెక‌న్ల‌లో గ‌మ్యాన్ని చేరి స్వ‌ర్ణం గెలుచుకోగా, ఇరాన్‌కు చెందిన జ‌హ్రా జ‌రేయి 52.38సెకన్ల‌లో గ‌మ్యాన్ని చేరి ర‌జ‌తం సాధించింది. మ‌రో భార‌త అథ్లెట్ కిర‌ణ్ ప‌హాల్ 53.41 సెక‌న్ల‌లో గ‌మ్యాన్ని చేరి ఐదో స్థానంతో స‌రిపెట్టుకుంది.Heartiest congratulations to Prachi Choudhary on winning the Bronze Medal in the Women’s 400m at the Asian Games 2026.#Cheer4Bharat pic.twitter.com/wXXhElJ2ux— Dr Mansukh Mandaviya (@mansukhmandviya) September 26, 2026REDEMPTION FOR TOOR!Tajinderpal Singh Toor fights back to win Asian Games SILVER with a best throw of 20.64m.Down in third after Round 4, he delivered when it mattered most — 20.64m in Round 5 to climb onto the podium.Just 17cm off GOLD.And now: THREE STRAIGHT ASIAN GAMES…— nnis Sports|Asian GamesAthletics (@nnis_sports) September 26, 2026ఇదీ చదవండి: విండీస్‌తో తొలి వ‌న్డే.. రోహిత్‌ను ఊరిస్తున్న‌ ప్ర‌పంచ రికార్డు

ఆసియా గేమ్స్‌లో భార‌త్ ఖాతాలో మరో స్వ‌ర్ణం వ‌చ్చి చేరింది. ఇప్ప‌టికే మ‌హిళ‌ల క‌బ‌డ్డీ జ‌ట్టు స్వ‌ర్ణంతో మెర‌వ‌గా, తాజాగా డిఫెండింగ్ చాంపియ‌న్ భార‌త‌ పురుషుల క‌బ‌డ్డీ జ‌ట్టు కూడా ప‌సిడి ప‌త‌కం గెలుచుకుంది. శ‌నివారం జ‌రిగిన ఫైన‌ల్లో భార‌త్ 40-34 తేడాతో ఇరాన్‌ను చిత్తు చేసి స్వ‌ర్ణం ఒడిసిప‌ట్టింది. తొలి హాఫ్‌లో భార‌త్‌కు ఇరాన్ గ‌ట్టి పోటీనిచ్చింది. ఒక ద‌శ‌లో 18-17తో స‌మానంగా నిలిచాయి. అయితే రెండో సగంలో భార‌త రైడ‌ర్లు విజృంభించి వ‌రుస టాకిల్ పాయింట్లతో భార‌త్ ఆధిక్యాన్ని అంత‌కంతకూ పెంచుకుంటూ పోయారు. ఆట‌ చివ‌రి నిమిషాల్లో కాస్త హైడ్రామా నెల‌కొంది. చివ‌ర్లో ఇరాన్ మ‌రో 5 పాయింట్లు సాధించి ఆధిక్యాన్ని త‌గ్గించ‌గ‌లిగిందే కానీ భార‌త్ చేతిలో ఓట‌మి త‌ప్పించుకోలేక‌పోయింది. పురుషుల క‌బ‌డ్డీలో ఆసియా గేమ్స్‌లో భార‌త్ చాంపియ‌న్స్‌గా నిల‌వ‌డం ఇది వ‌రుస‌గా తొమ్మిదో సారి కావ‌డం విశేషం. 1990 నుంచి వ‌రుస‌గా 9 సార్లు భార‌త పురుషుల క‌బడ్డీ జ‌ట్టు స్వ‌ర్ణ ప‌త‌కాలు గెలుస్తూ వ‌స్తోంది. ఆసియా గేమ్స్‌లో భారత్‌కు ఇది నాలుగో స్వర్ణం కాగా, ఇప్పటివరకు 4 స్వర్ణాలు, 11 రజతాలు, 13 కాంస్యాలు కలిపి మొత్తం 28 పతకాలు సాధించింది. పతకాల పట్టికలో భారత్‌ ప్రస్తుతం పదో స్థానంలో కొనసాగుతోంది. అంతకముందు మహిళల కబడ్డీ జట్టు కూడా స్వర్ణం సాధించిన సంగతి తెలిసిందే. హోరాహోరీగా సాగిన ఫైనల్లో భారత్ 37-34 తేడాతో ఇరాన్‌ను చిత్తు చేసింది.INDIA BEATS IRAN TWICE IN KABADDI FINALS AT ASIAN GAMES 2026! 🤩🔥- Indian Men’s Team win the Gold 🥇- Indian Women’s Team win the Gold 🥇BOTH TEAM SUCCESSFULLY DEFENDS TITLE! pic.twitter.com/l2O4aO4rqb— The Khel India (@TheKhelIndia) September 26, 2026 INDIAN MEN KABADDI AT ASIAN GAMES!1990 🥇1994 🥇1998 🥇2002🥇2006🥇2010 🥇2014 🥇2018 🥉2022 🥇2026 🥇INDIA ARE NOW 9 TIMES CHAMPIONS! 🏆 pic.twitter.com/zBFc99cMUl— The Khel India (@TheKhelIndia) September 26, 2026 India are Asian Games Kabaddi champions! 🇮🇳Indian men's Kabaddi team beats Iran 40-34 in a thriller to win record-extending ninth gold medal at Asian Games.2nd Gold of the day after Indian Women team hit the Golden glory 🫡🙌 pic.twitter.com/undO5ttwsJ— Megh Updates 🚨™ (@MeghUpdates) September 26, 2026ఇదీ చదవండి: కబడ్డీ బాటలోనే హాకీ జట్లు.. డబుల్‌ స్వర్ణాలపై గురి!

ఆసియా గేమ్స్‌లో భార‌త పురుషుల హాకీ జ‌ట్టు సెమీఫైన‌ల్లో అడుగుపెట్టింది. పూల్‌-ఎలో శ‌నివారం జ‌రిగిన చివ‌రి మ్యాచ్‌లో భార‌త్ 2-0తో ఆతిథ్య జ‌పాన్‌ను మ‌ట్టికరిపించింది. త‌ద్వారా పూల్‌-ఎలో ఆడిన నాలుగు మ్యాచ్‌ల్లోనూ విజ‌యాలు సాధించిన భార‌త జ‌ట్టు 12 పాయింట్ల‌తో గ్రూప్ టాప‌ర్‌గా సెమీస్‌కు చేరుకుంది. తొలుత ఇండోనేషియాను (13-1తో), శ్రీలంక‌ను (16-1తో), ద‌క్షిణ కొరియాను (8-2తో) చిత్తు చేసిన భార‌త్ తాజాగా జ‌పాన్‌ను కూడా ఓడించి స్వ‌ర్ణం గెలుచుకునేందుకు రెండు అడుగుల దూరంలో నిలిచింది.సెమీస్ చేరిన మ‌హిళ‌ల జ‌ట్టు మ‌రోవైపు భార‌త మ‌హిళ‌ల హాకీ జ‌ట్టు కూడా సెమీస్ బెర్తు ఖ‌రారు చేసుకుంది. శుక్ర‌వారం ఆతిథ్య జపాన్‌ జట్టుతో శుక్రవారం జరిగిన పూల్‌ ‘బి’ మ్యాచ్‌లో టీమిండియా 3–1 గోల్స్‌ తేడాతో గెలిచింది. 12 పాయింట్లతో అగ్రస్థానాన్ని ఖాయం చేసుకుంది. ఆదివారం జరిగే తమ చివరి లీగ్‌ మ్యాచ్‌లో సింగపూర్‌తో భారత్‌ ఆడుతుంది. 𝗗𝗘𝗙𝗘𝗡𝗗𝗜𝗡𝗚 𝗖𝗛𝗔𝗠𝗣𝗜𝗢𝗡𝗦 𝗜𝗡𝗧𝗢 𝗧𝗛𝗘 𝗦𝗘𝗠𝗜𝗦! 🇮🇳🔥The Indian Men’s Team continues its winning run at the Asian Games 2026, beating Japan 2-0 to make it four wins from four and book a place in the Semi-Finals! 🏑💪The hunt for another Asian Games gold heads… pic.twitter.com/7tPrb7WIhv— Hockey India (@TheHockeyIndia) September 26, 2026ఇదీ చదవండి: Asian Games 2026: బుల్లెట్ ట్రైన్‌లో టీమిండియా ప్రయాణం

ఏషియన్‌ గేమ్స్‌ 2026లో స్వర్ణ పతకం గెలిచిన మహిళల కబడ్డీ జట్టుకు వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి అభినందనలు తెలిపారు. ఫైనల్లో ఇరాన్‌పై ఉత్కంఠభరిత విజయంతో స్వర్ణం గెలిచి దేశం గర్వించేలా చేశారని ప్రశంసించారు. Heartiest congratulations to India’s women’s kabaddi team on winning gold at the #AsianGames2026! Your thrilling victory over Iran has made the entire nation proud. From Sanju Devi’s outstanding contribution to the team’s composure in the closing minutes, every player showed… pic.twitter.com/9uRPo94w0h— YS Jagan Mohan Reddy (@ysjagan) September 26, 2026సంజు దేవి అద్భుత ప్రదర్శనతో పాటు చివరి నిమిషాల్లో జట్టు ప్రదర్శించిన సమయస్ఫూర్తి ఆకట్టుకుందని కొనియాడారు. దేశంలోని మరింత మంది యువతులు క్రీడల వైపు అడుగులు వేయడానికి ఈ విజయం స్ఫూర్తినివ్వాలని ఆకాంక్షించారు.కాగా, హోరాహోరీగా సాగిన ఫైనల్లో భారత్‌ ఇరాన్‌ను 37-34తో ఓడించి, వరుసగా రెండో ఆసియా క్రీడల్లో ఛాంపియన్‌గా నిలిచింది. ఓవరాల్‌గా ఆసియా క్రీడల మహిళల కబడ్డీలో భారత్‌కు ఇది నాలుగో స్వర్ణం.మరోవైపు ఇవాళే పురుషుల కబడ్డీ జట్టు కూడా ఇరాన్‌తో స్వర్ణం​ కోసం పోటీపడనుంది.మహిళల కబడ్డీలో పతకంతో భారత్‌ ఖాతాలో మూడో స్వర్ణం, మొత్తంగా 27వ పతకం చేరింది. ప్రస్తుతం భారత్‌ పతకాల పట్టికలో 12వ స్థానంలో కొనసాగుతోంది. చైనా 169 పతకాలతో అగ్రస్థానంలో దూసుకుపోతుంది. ఇదీ చదవండి: ఏషియన్‌ గేమ్స్‌లో భారత్‌కు మరో గోల్డ్‌

ఏషియన్‌ గేమ్స్‌ 2026లో భారత్‌ ఖాతాలో మరో స్వర్ణం చేరింది. మహిళల కబడ్డీలో భారత జట్టు గోల్డ్‌ మెడల్‌ సాధించింది. హోరాహోరీగా సాగిన ఫైనల్ భారత్‌ ఇరాన్‌ను 37-34తో ఓడించి, వరుసగా రెండో ఆసియా క్రీడల్లో ఛాంపియన్‌గా నిలిచింది.ఫైనల్లో భారత జట్టు తొలి అర్ధభాగంలో ఆధిపత్యం ప్రదర్శించింది. విరామ సమయానికి 22-16తో ఆధిక్యంలో నిలిచింది. రెండో అర్ధభాగంలో ఇరాన్‌ గట్టిగా పోరాడింది. ఆ దశలో ఇరాన్‌ 18-15తో ఆధిక్యం సాధించినప్పటికీ.. తొలి అర్ధభాగంలో భారత్‌ సాధించిన ఆరు పాయింట్ల ఆధిక్యం కీలకంగా మారింది.చివరి నిమిషాల్లో ఇరాన్‌ వరుసగా పాయింట్లు సాధిస్తూ భారత్‌పై ఒత్తిడి పెంచింది. అయితే భారత డిఫెన్స్‌ కీలక సమయంలో పట్టు కోల్పోకుండా మ్యాచ్‌ను ముగించింది. చివరికి 37-34తో విజయం సాధించి స్వర్ణాన్ని కైవసం చేసుకుంది.ఈ విజయంతో ఆసియా క్రీడల మహిళల కబడ్డీలో భారత్‌ నాలుగో స్వర్ణ పతకం సాధించింది. 2018 జకార్తా ఆసియా గేమ్స్‌లో మాత్రమే భారత్‌ స్వర్ణాన్ని కోల్పోయింది. ఆ ఏడాది ఇరాన్‌ చేతిలో ఓడి రజతంతో సరిపెట్టుకుంది. 2023 హాంగ్‌జౌ ఆసియా క్రీడల్లోనూ భారత్‌ స్వర్ణం సాధించింది. తాజాగా ఇరాన్‌ను ఓడించి టైటిల్‌ను విజయవంతంగా నిలబెట్టుకుంది.విజయం అనంతరం భారత క్రీడాకారిణులు విజయోత్సవ ర్యాలీ నిర్వహించి ‘వందే మాతరం’ నినాదాలతో సంబరాలు చేసుకున్నారు.కాగా, మహిళల కబడ్డీలో పతకంతో భారత్‌ ఖాతాలో మూడో స్వర్ణం, మొత్తంగా 27వ పతకం చేరింది. ప్రస్తుతం భారత్‌ పతకాల పట్టికలో 12వ స్థానంలో కొనసాగుతోంది. చైనా 169 పతకాలతో అగ్రస్థానంలో దూసుకుపోతుంది. ఇదీ చదవండి: ఏషియన్‌ గేమ్స్‌ క్వార్టర్‌ ఫైనల్లో టీమిండియా ప్రత్యర్ది ఖరారు

ఏషియన్‌ గేమ్స్‌ 2026లో భారత్‌ పతకాల వేట నిదానంగా కొనసాగుతోంది. ఏడో రోజు ఉదయానికి భారత్‌ ఖాతాలో కేవలం 25 పతకాలు మాత్రమే ఉన్నాయి. ఈ ఎడిషన్‌ మరో ఎనిమిది రోజుల్లో (అక్టోబర్‌ 4) ముగియనున్న నేపథ్యంలో భారత్‌ గత ఎడిషన్‌ పతకాల రికార్డును తాకగలుగుతుందా అన్న చర్చ మొదలైంది.2022 హాంగ్‌జౌ ఆసియా క్రీడల్లో భారత్‌ రికార్డు స్థాయిలో 107 పతకాలు సాధించింది. భారత్‌ ఆసియా క్రీడల చరిత్రలోనే ఇదే అత్యధికం (పతకాల పరంగా). అయితే ఈసారి భారత్‌ మళ్లీ 100 పతకాల మార్క్‌ను దాటగలదా అన్నది ప్రస్తుతం ప్రశ్నార్థకంగా మారింది.భారత్‌ క్రితంసారి రికార్డును సమం చేయాలంటే ఇంకా 82 పతకాలు సాధించాలి. 100 మార్క్‌ను దాటాలంటే కనీసం 76 పతకాలు రావాలి. ప్రస్తుత పరిస్థితుల్లో పై రెండు లక్ష్యాలను చేరుకోవడం అంత సులభం కాదనే అనిపిస్తుంది. పలు వ్యక్తిగత, టీమ్‌ ఈవెంట్లలో భారత్‌ ఇప్పటికే పలు పతకాలు చేజార్చుకోవడం​ ఇందుకు కారణంగా తెలుస్తోంది. ఇకపై పతక అవకాశమున్న ప్రతి ఈవెంట్లో సత్తా చాటినా, భారత్‌ 107 పతకాల మార్కును తాకడం​ కష్టంగా కనిపిస్తుంది. అయితే ఇది అసాధ్యమైతే కాదు. ఎందుకంటే భారత్‌కు ఆ మార్కును దాటడానికి ఇంకా వీలైనన్ని అవకాశాలు ఉన్నాయి.కొన్ని ఈవెంట్లలో ఇంకా క్వాలిఫికేషన్‌ దశనే నడుస్తుండటం భారత్‌ పతకాల వేగం నిదానించడానికి కారణం​. తర్వాతి దశలో భారత్‌ షూటింగ్‌, ఆర్చరీ, అథ్లెటిక్స్‌, రెజ్లింగ్‌, బాక్సింగ్‌, బ్యాడ్మింటన్‌, స్క్వాష్‌, కబడ్డీ, హాకీ వంటి విభాగాల్లో మరిన్ని పతకాలు సాధించే అవకాశాలు ఉన్నాయి.ఎక్కడి నుంచి ఎక్కువ పతకాలు రావొచ్చు..?గత ఎడిషన్‌లో భారత్‌కు అత్యంత ఫలవంతమైన విభాగాల్లో షూటింగ్‌ ప్రధానమైంది. ఈసారి కూడా భారత్‌ ఈ క్రీడపై చాలా ఆశలు పెట్టుకుంది. అందుకు అనుగుణంగానే ఇప్పటికే పలు పతకాలు కూడా సాధించింది. మిగిలిన రోజుల్లో షూటింగ్‌లో భారత్‌ మరిన్ని పతకాలు సాధించవచ్చు.అథ్లెటిక్స్‌:సావన్‌ బర్వాల్‌ రజతం (మారథాన్‌) ఇప్పటికే భారత్‌ ఖాతాలో చేరింది. ట్రాక్‌ అండ్‌ ఫీల్డ్‌లో ఇంకా పలు ఈవెంట్లు మిగిలి ఉన్నాయి. గత ఎడిషన్‌లో భారత్‌ అథ్లెటిక్స్‌లో ఏకంగా 29 పతకాలు సాధించింది.ఆర్చరీ: కంపౌండ్‌, రికర్వ్‌ విభాగాల్లో భారత్‌కు వ్యక్తిగత, టీమ్‌ ఈవెంట్లలో అవకాశాలు ఉన్నాయి. ఏడో రోజు నుంచే క్వాలిఫికేషన్‌ రౌండ్లు కొనసాగుతున్నాయి.కబడ్డీ: పురుషులు, మహిళల జట్లు రెండూ పతక పోటీలో ఉన్నాయి. ఇవాళే (సెప్టెంబర్‌ 26) ఈ రెండు ఫైనల్స్‌ జరగనున్నాయి. ఈ రెండు ఈవెంట్లలో భారత్‌ స్వర్ణ పతకాలు ఆశిస్తుంది.స్క్వాష్‌, బాక్సింగ్‌, బ్యాడ్మింటన్‌, రెజ్లింగ్‌, హాకీ: నాకౌట్‌ దశల్లో భారత్‌కు మరిన్ని పతక అవకాశాలు ఉన్నాయి.ఇదీ చదవండి: షూటింగ్‌లో మరొకటి.. 25కు చేరిన భారత్‌ పతకాల సంఖ్య

ఏషియన్‌ గేమ్స్‌ 2026లో ఏడో రోజు భారత్‌కు శుభారంభం లభించింది. ఒకే రోజు రెండు ఖాతాలో రజత పతకాలు చేరాయి. తొలుత పురుషుల మారథాన్‌లో సావన్‌ బర్వాల్‌ రజతం సాధించగా.. ఆతర్వాత మహిళల షూటింగ్‌ జట్టు కూడా సిల్వర్‌ మెడల్‌ గెలుచుకుంది.మారథాన్‌లో సావన్‌ బర్వాల్‌ చరిత్రపురుషుల మారథాన్‌లో సావన్‌ బర్వాల్‌ వ్యక్తిగత అత్యుత్తమ టైమింగ్‌ 2:11:37తో రజత పతకం సాధించాడు. దీంతో ఏషియన్‌ గేమ్స్‌ పురుషుల మారథాన్‌లో భారత్‌కు 44 ఏళ్ల తర్వాత పతకం లభించింది.షూటింగ్‌లో మహిళల జట్టుకు రజతంమహిళల 50 మీటర్ల రైఫిల్‌ 3 పొజిషన్స్‌ టీమ్‌ ఈవెంట్‌లో తిలోత్తమ సేన్‌, విదర్సా వినోద్‌, ఆశి చౌక్సేతో కూడిన భారత జట్టు రజత పతకం సాధించింది. ఇదే ఈవెంట్‌లో తిలోత్తమ సేన్‌, విదర్సా వినోద్‌ వ్యక్తిగత ఫైనల్‌కు కూడా అర్హత సాధించారు.25కు చేరిన భారత్‌ పతకాల సంఖ్యఏడో రోజు రెండు రజతాలు రావడంతో ప్రస్తుత ఏషియన్‌ గేమ్స్‌లో భారత్‌ పతకాల సంఖ్య 25కు చేరింది.ఇదీ చదవండి: భారత ఫుట్‌బాల్‌ జట్టు అద్భుత ప్రదర్శన

భారత ఫుట్‌బాల్‌ జట్టు అద్భుత ప్రదర్శన కనబర్చింది. బెంగళూరులోని శ్రీ కంఠీరవ స్టేడియంలో పనామాతో జరిగిన అంతర్జాతీయ ఫ్రెండ్లీ మ్యాచ్‌ను 1-1తో డ్రా చేసుకుంది. పనామా భారత్‌ కంటే చాలా మెరుగైన జట్టు. ఫిఫా ర్యాంకింగ్స్‌లో ఆ జట్టు 44వ స్థానంలో ఉండగా.. భారత్‌ 138వ ర్యాంక్‌లో ఉంది. పైగా పనామా ఫిఫా ప్రపంచకప్‌లో పాల్గొంది. తమకంటే అన్ని విభాగాల్లో చాలా మెరుగైన జట్టు కావడంతో ఈ మ్యాచ్‌ భారత్‌కు చాలా ప్రత్యేంగా నిలిచింది. ఈ మ్యాచ్‌ను డ్రా చేసుకోవడం భారత్‌కు ఘనతగా చెప్పుకోవాలి.ఈ మ్యాచ్‌ ఆరంభం నుంచే భారత్‌ దూకుడుగా ఆడింది. రియాన్‌ విలియమ్స్‌ తొలి అర్ధభాగంలో గోల్‌ చేసి భారత్‌కు ఆధిక్యాన్ని అందించాడు. లాంగ్‌ పాస్‌ను అందుకున్న రియాన్‌ బాక్స్‌లోకి దూసుకెళ్లి గోల్‌కీపర్‌తో వన్‌-ఆన్‌-వన్‌ పరిస్థితిని సృష్టించాడు. అనంతరం ఎలాంటి తడబాటు లేకుండా బంతిని నెట్‌లోకి పంపి అద్భుతమైన గోల్‌గా మలిచాడు.రెండో అర్ధభాగంలో పనామా పుంజుకుంది. ఒమర్‌ వాలెన్సియా అద్భుతమైన గోల్‌తో స్కోరును సమం చేశాడు. బాక్స్‌ వెలుపల నుంచి ఎడమ కాలితో కొట్టిన అతడి షాట్‌ నేరుగా టాప్‌ కార్నర్‌లోకి దూసుకెళ్లింది. ఆ తర్వాత ఇరు జట్లు విజయం కోసం ఎంత ప్రయత్నించినా మరో గోల్‌ నమోదు కాలేదు. దీంతో మ్యాచ్‌ డ్రాగా ముగిసింది.ఇదీ చదవండి: ఏషియన్‌ గేమ్స్‌ మారథాన్‌లో భారత్‌కు రతజం

ఆసియా క్రీడల్లో భారీ సంఖ్యలో పతకాలు వస్తాయని ఆశించిన షూటింగ్‌లో ఒక్కో రోజు గడుస్తున్నకొద్దీ నిరాశ పెరుగుతూ వచ్చింది. అంచనాలు పెట్టుకున్న స్టార్లంతా విఫలం కావడంతో గత క్రీడల 22 పతకాలకు దరిదాపుల్లోకి కూడా వచ్చే పరిస్థితి కనిపించలేదు. ఎట్టకేలకు రజత, కాంస్యాలు దక్కినా... పసిడి మాత్రం దూరంగా ఉండిపోయింది. కానీ శుక్రవారం భారత్‌కు ఆ లోటు తీరింది. సురుచి సింగ్‌–కమల్‌జీత్‌ జోడీ షూటింగ్‌లో స్వర్ణ పతకాన్ని అందించి ఊరటనిచ్చింది. దీనికి తోడు మరో రజతం కూడా షూటర్ల ఖాతాలో చేరింది. మరోవైపు అథ్లెటిక్స్‌లో లాంగ్‌డిస్టెన్స్‌ రన్నర్‌ గుల్వీర్‌ సింగ్‌ తనపై ఉన్న నమ్మకాన్ని నిలబెట్టుకుంటూ 10 వేల మీటర్ల విభాగంలో వెండి పతకంతో మెరిశాడు. మహిళా పోల్‌వాల్టర్‌ బరానికా ఇలంగోవన్, షాట్‌పుటర్‌ మన్‌ప్రీత్‌ కౌర్‌ కూడా కాంస్యాలు అందించారు. టేబుల్‌ టెన్నిస్‌ మిక్స్‌డ్‌ డబుల్స్‌ విభాగంలో మనుశ్‌ షా–దియా చిటాలె ద్వయం కాంస్యం గెలవడంతో ఆసియా క్రీడల ఆరో రోజును భారత్‌ ఆరు పతకాలతో ముగించింది. నగోయా: ఆసియా క్రీడల్లో భారత్‌ రెండో స్వర్ణ పతకాన్ని సొంతం చేసుకుంది. ఇప్పటి వరకు మహిళల టి20 క్రికెట్‌లో ఏకైక పసిడి దక్కగా, ఇప్పుడు షూటింగ్‌ ఆ జాబితాలో చేరింది. 10 మీటర్ల ఎయిర్‌ పిస్టల్‌ మిక్స్‌డ్‌ టీమ్‌ ఈవెంట్‌లో భారత్‌కు చెందిన సురుచి సింగ్‌–కమల్‌జీత్‌ ద్వయం స్వర్ణం గెలుచుకుంది. ఫైనల్లో భారత జంట మొత్తంగా 484.6 పాయింట్లు సాధించి అగ్రస్థానంలో నిలిచింది. సురుచి 245.7 పాయింట్లు స్కోర్‌ చేయగా, కమల్‌జీత్‌ 238.9 పాయింట్లు నమోదు చేశాడు. క్వాలిఫయింగ్‌లో తొలి స్థానంతో ఫైనల్స్‌కు అర్హత సాధించిన భారత జంట చివరి వరకు అదే జోరును కనబర్చడంలో సఫలమైంది. దక్షిణ కొరియా (478.0 పాయింట్లు) రజతం సాధించగా, ఇరాన్‌ (415.8)కు కాంస్యం దక్కింది. ఆధిక్యం కోల్పోయి... షూటింగ్‌లో భారత్‌ మరో స్వర్ణం గెలుచుకునే ప్రయత్నంలో హోరాహోరీగా తలపడినా... చివరకు రెండో స్థానానికే పరిమితమైంది. పురుషుల 50 మీటర్ల రైఫిల్‌ త్రీ పొజిషన్‌ టీమ్‌ ఈవెంట్‌లో భారత్‌కు రజతం లభించింది. మన త్రయం ఐశ్వర్య ప్రతాప్‌ సింగ్‌ తోమర్, రుద్రాంక్ష్ పాటిల్, నీరజ్‌ కుమార్‌ ఓవరాల్‌గా 1762 పాయింట్లు సాధించారు. వీటిలో ఐశ్వర్య ప్రతాప్‌ 589, నీరజ్‌ 588, రుద్రాంక్ష్ 585 పాయింట్లు స్కోర్‌ చేశారు. చైనా (1766 పాయింట్లు) స్వర్ణం గెలుచుకోగా, దక్షిణ కొరియాకు (1751 పాయింట్లు) కాంస్యం లభించింది. ఒకదశలో ఇక్కడి ప్రదర్శనను బట్టే వ్యక్తిగత విభాగంలో ఫైనల్స్‌కు కూడా షూటర్లు అర్హత సాధిస్తారు. దాంతో మూడో స్థానంతో ఐశ్వర్య ప్రతాప్, నాలుగో స్థానంతో నీరజ్‌ ఫైనల్‌ చేరారు. 9వ స్థానంతో నిలిచిన రుద్రాంక్ష్ ముందంజ వేయడంలో విఫలమయ్యాడు. అయితే వ్యక్తిగత ఫైనల్లో భారత షూటర్లు నిరాశపర్చారు. క్వాలిఫయింగ్‌లో ప్రదర్శనను పునరావృతం చేయలేక నీరజ్‌ 8వ స్థానంలో, ఐశ్వర్య ప్రతాప్‌ ఐదో స్థానంలో నిలిచి నిష్క్రమించారు. కమల్‌ కా కమాల్‌... కమల్‌జీత్‌ విజయం కూడా సరిగ్గా ఇదే తరహాలో రెండు ఓటముల తర్వాతే వచ్చింది. 10 మీటర్ల ఎయిర్‌ పిస్టల్‌ వ్యక్తిగత విభాగంలో 9వ స్థానంతో ఫైనల్‌ అవకాశాలు చేజారగా, టీమ్‌ ఈవెంట్‌లో జట్టు నాలుగో స్థానానికి పరిమితమైంది. తొలిసారి పాల్గొన్న ఆసియా క్రీడల్లో పతకం లేకుండానే నిష్క్రమిస్తానని భయపడ్డానని, అయితే తన ఆటకు తోడు అదృష్టం కూడా కలిసొచ్చిందని కమల్‌జీత్‌ చెప్పాడు. నిజానికి మిక్స్‌డ్‌ ఈవెంట్‌లో సురుచితో పాటు కేదార్లింగ్‌ బరిలోకి దిగాల్సి ఉంది. కానీ చివరి నిమిషంలో అతడిని తప్పించి కమల్‌జీత్‌కు కోచ్‌ సమరేశ్‌ జంగ్‌ అవకాశం ఇచ్చాడు. దాంతో తనను తాను కచ్చితంగా నిరూపించుకోవాల్సిన స్థితిలో అతను నిలిచాడు.హరియాణాలోని రేవారికి చెందిన 23 ఏళ్ల కమల్‌జీత్‌ మెరుగ్గానే ఆరంభించినా... చివరికొచ్చేసరికి కాస్త తడబడ్డాడు. అయితే సురుచి స్కోరు కారణంగా ఇద్దరికీ స్వర్ణం దక్కింది. ఏడేళ్ల క్రితం షూటింగ్‌ మొదలు పెట్టిన కమల్‌జీత్‌ 2023లో భారత జట్టులో అవకాశం దక్కించుకున్నాడు. అదే ఏడాది తాను ప్రయాణిస్తున్న ఆటోకు ప్రమాదం జరగడంతో కాలుకు తీవ్ర గాయమైన అతను కోలుకునేందుకు చాలా సమయం పట్టింది. ఇటీవలే ఆర్మీలో హవల్దార్‌గా చేరిన అతను ఇప్పుడు పసిడి పతకంతో వెనుదిరుగుతున్నాడు. స్వర్ణం ‘సురుచి’కరం... 10 మీటర్ల ఎయిర్‌ పిస్టల్‌ వ్యక్తిగత విభాగంలో 26వ స్థానం... టీమ్‌ విభాగంలో త్రుటిలో పతకం చేజారి నాలుగో స్థానంతో సరి... ఈ ఆసియా క్రీడల్లో రెండు వైఫల్యాల తర్వాత శుక్రవారం తీవ్ర ఒత్తిడి మధ్య సురుచి బరిలోకి దిగింది. 20 ఏళ్ల వయసులో ఆమె ఖాతాలో ఇప్పటికే వరల్డ్‌ చాంపియన్‌షి ప్‌ రజతం, వరల్డ్‌ కప్‌ ఫైనల్‌ స్వర్ణం, 5 వరల్డ్‌ కప్‌ స్వర్ణాలు, గత ఏడాదే వరల్డ్‌ నంబర్‌వన్‌ ర్యాంక్‌లాంటివి ఉన్నాయి. ఇలాంటి రికార్డు కారణంగా భారీ అంచనాలతో బరిలోకి దిగిన సురుచి రెండు ఈవెంట్ల వైఫల్యంతో భారత షూటింగ్‌ మేనేజ్‌మెంట్‌ నుంచి కూడా విమర్శలు ఎదుర్కొంది. కానీ ఇప్పుడు తన ప్రదర్శనతోనే ఆమె వాటికి సమాధానం ఇచ్చింది. ఈ క్రీడల షూటింగ్‌లో భారత్‌కు తొలి స్వర్ణం అందించిన ప్లేయర్‌గా సురుచి నిలిచింది. క్వాలిఫికేషన్‌లో 295 పాయింట్ల లక్ష్యంతో బరిలోకి దిగిన 296 పాయింట్లు స్కోర్‌ చేసిన ఆమె... ఫైనల్లో 246 పాయింట్ల లక్ష్యంతో గురి పెట్టి అతి చేరువగా 245.7 పాయింట్లు సాధించగలిగింది. అయితే స్వర్ణం గెలుచుకోవడానికి ఇది సరిపోయింది. హరియాణాలోని ఝఝర్‌ జిల్లాకు చెందిన సురుచి తన ప్రదర్శనపై సంతోషం వ్యక్తం చేసింది. ‘ఎలాగైనా స్వర్ణమే సాధించాలని బరిలోకి దిగాను. నా ప్రదర్శన పట్ల చాలా ఆనందంగా ఉన్నా. గత రెండు వైఫల్యాలను నా మనసులోంచి చెరిపేసి కొత్తగా మొదలు పెట్టా. నీకు మరో అవకాశం ఉందంటూ కోచ్‌లు స్ఫూర్తి నింపే ప్రయత్నం చేశారు. ఇప్పుడు ఆ ఫలితం కనిపించింది’ అని సురుచి వ్యాఖ్యానించింది. కాంస్యం నుంచి రజతానికి...భారత లాంగ్‌ డిస్టెన్స్‌ రన్నర్‌ గుల్వీర్‌ సింగ్‌ గత ఆసియా క్రీడల్లో కాంస్యం గెలిచాడు. ఈసారి అంతకంటే మెరుగైన ప్రదర్శనతో అతను రజతాన్ని తన ఖాతాలో వేసుకోవడం విశేషం. గత రెండేళ్లుగా అద్భుతమైన ఫామ్‌లో ఉన్న గుల్వీర్‌ అంచనాలను అందుకోవడంలో సఫలమయ్యాడు. 10 వేల మీటర్ల పరుగును గుల్వీర్‌ 28 నిమిషాల 28.38 సెకన్లలో పూర్తి చేసి రెండో స్థానంలో నిలిచాడు. బిర్హాను బలెవ్‌ (బహ్రెయిన్‌; 28 నిమిషాల 27.51 సెకన్లు) స్వర్ణ పతకం సాధించగా, ఆల్బర్టో కిప్టో (బహ్రెయిన్‌; 28 నిమిషాల 34.18 సెకన్లు)కు కాంస్యం దక్కింది. ఇటీవల జరిగిన కామన్వెల్త్‌ క్రీడల్లో కూడా గుల్వీర్‌ 10 వేల మీటర్ల పరుగులో రజతం, 5 వేల మీటర్ల పరుగులో కాంస్యం అందుకున్నాడు. ఆర్మీలో నాయబ్‌ సుబేదార్‌గా పని చేస్తున్న గుల్వీర్‌ పేరిటే ఈ రెండు ఈవెంట్లలో జాతీయ రికార్డులు ఉన్నాయి. 5 వేల మీటర్ల పరుగును 13 నిమిషాల్లోపు పూర్తి చేసిన తొలి భారత అథ్లెట్‌గా అతను గుర్తింపు పొందాడు. 36 ఏళ్ల వయసులో... రెండు దశాబ్దాల క్రితం ఆసియా జూనియర్‌ చాంపియన్‌షి ప్‌తో అంతర్జాతీయ కెరీర్‌ మొదలు... కానీ షాట్‌పుటర్‌ మన్‌ప్రీత్‌ కౌర్‌కు విజయాల పరంగా ఎలాంటి గుర్తింపూ రాలేదు. ప్రతిష్టాత్మక కామన్వెల్త్‌ క్రీడల్లో మూడుసార్లు పాల్గొంటే 9వ, 7వ, 4వ స్థానాలు మాత్రమే దక్కాయి. గత ఆసియా క్రీడల్లో 5వ స్థానం లభిస్తే ఒలింపిక్స్‌లో 23వ స్థానం మాత్రమే! పైగా డోపింగ్‌ వివాదంతో నాలుగేళ్లపాటు నిషేధం కూడా ఎదుర్కొంది. కానీ పట్టువదలకుండా పోరాడిన ఆమె ఇప్పుడు ఆసియా క్రీడల్లో కాంస్యంతో మెరిసింది. శుక్రవారం జరిగిన మహిళల షాట్‌పుట్‌ ఫైనల్స్‌లో ఇనుప గుండును 17.17 మీటర్లు విసిరి మన్‌ప్రీత్‌ మూడో స్థానంలో నిలిచింది. సంగ్‌ జియాయున్‌ (చైనా; 19.40 మీటర్లు) పసిడి పతకాన్ని అందుకోగా, జాంగ్‌ లిన్రు (చైనా; 18.14 మీటర్లు) రజత పతకం సాధించింది. జాతీయ ఇంటర్‌ స్టేట్‌ అథ్లెటిక్స్‌ చాంపియన్‌షి ప్‌లో ఆసియా క్రీడల అర్హత మార్క్‌ను అందుకొని ఈ పోటీలకు వచ్చిన మన్‌ప్రీత్‌ తన అత్యుత్తమ ప్రదర్శనతో పతకం సాధించి సగర్వంగా నిలిచింది. బార్బరా వెబ్‌స్టర్‌ (1951), కిరణ్‌ బలియాన్‌ (2023) తర్వాత ఆసియా క్రీడల మహిళల షాట్‌పుట్‌లో పతకం నెగ్గిన భారత అథ్లెట్‌గా ఆమె నిలిచింది. బరానిక కొత్త చరిత్రభారత అథ్లెటిక్స్‌ చరిత్రలో శుక్రవారం కొత్త ఘనత నమోదైంది. ఆసియా క్రీడల చరిత్రలో పురుషుల, మహిళల విభాగాల్లో ఒక్కసారి కూడా పతకం లభించని పోల్‌వాల్ట్‌లో ఈసారి భారత క్రీడాకారిణి పోడియంపై నిలిచింది. తమిళనాడుకు చెందిన 29 ఏళ్ల బరానిక ఇలంగోవన్‌ ఈ ఘనత సాధించిన అథ్లెట్‌గా తన పేరును లిఖించుకుంది. మహిళల పోల్‌వాల్ట్‌ ఈవెంట్‌లో 4.15 మీటర్ల ఎత్తుకు ఎగిరిన బరానిక కాంస్యం సొంతం చేసుకుంది. కజకిస్తాన్‌కు చెందిన పొలీనా ఇవనోవా కూడా 4.15 మీటర్లు ఎగిరి భారత అథ్లెట్‌తో సమంగా నిలిచింది. ఇద్దరూ కూడా సరిగ్గా 4.25 మీటర్ల ప్రయత్నంలోనే విఫలమయ్యారు. దాంతో ఇద్దరికీ కాంస్యాన్ని ప్రకటించారు. ఈ ఈవెంట్‌లో మిసాకి మొరోటా (జపాన్‌; 4.55 మీటర్లు) స్వర్ణాన్ని అందుకోగా, చుంగే నియు (చైనా; 4.50 మీటర్లు) రజతం గెలుచుకుంది. ఈ ఏడాది జాతీయ ఇండోర్‌ ఓపెన్‌ ఈవెంట్‌లో బరానిక 4.23 మీటర్లతో తన అత్యుత్తమ ప్రదర్శనను నమోదు చేసింది. దీనిని అధిగమించలేకపోయినా... పతకం మాత్రం గెలుచుకోవడంలో ఆమె సఫలమైంది. ఆరేళ్ల క్రితం ఏసీఎల్‌ గాయంతో చాలా కాలం ఆటకు దూరమై కెరీర్‌ ప్రమాదంలో పడినా... 2023లో రిలయన్స్‌ హైపర్ఫార్మెన్స్‌ సెంటర్‌లో చేరడం ఆమెకు కొత్త ఊపిరి పోసింది. గత మూడేళ్ల కఠోర సాధన తర్వాత ఇప్పుడు ఏషియాడ్‌లో పతకం నెగ్గిన తొలి భారతీయురాలిగా బరానిక సగర్వంగా నిలిచింది. ‘మిక్స్‌డ్‌ డబుల్స్‌’ టీటీలో మనుశ్‌–దియాలకు కాంస్యంగత ఆసియా క్రీడల్లో ఏకైక పతకం అందించిన టేబుల్‌ టెన్నిస్‌ (టీటీ)లో శుక్రవారం తొలి పతకం చేరింది. మిక్స్‌డ్‌ డబుల్స్‌లో భారత జోడీ మనుశ్‌ షా–దియా చిటాలె సెమీఫైనల్లో ఓడి కాంస్యంతో ముగించింది. సెమీఫైనల్లో భారత జంట 8–11, 5–11, 8–11, 2–11తో చైనాకు చెందిన వాంగ్‌చుక్‌–సున్‌ యింగ్‌షా జోడీ చేతిలో ఓటమి పాలైంది. అంతకుముందు క్వార్టర్‌ ఫైనల్లో మనుశ్‌–దియా 11–6, 13–15, 11–9, 11–5తో ప్రపంచ నాలుగో ర్యాంక్‌ హాంకాంగ్‌ జోడీ వాంగ్‌ టున్‌ టింగ్‌–డూ హోయ్‌ కిమ్‌పై సంచలన విజయంతో సెమీఫైనల్‌కు చేరి పతకాన్ని ఖాయం చేసుకున్నారు.స్క్వాష్ లో 3 పతకాలు ఖాయంఆసియా క్రీడల స్క్వాష్ లో భారత్‌కు మూడు పతకాలు ఖాయమయ్యాయి. మహిళల సింగిల్స్‌లో అనాహత్‌ సింగ్, పురుషుల సింగిల్స్‌లో అభయ్‌ సింగ్, మిక్స్‌డ్‌ డబుల్స్‌లో జోష్నా చినప్ప–సెంథిల్‌ కుమార్‌ జోడీ సెమీఫైనల్‌కు చేరుకొని కనీసం కాంస్య పతకాలను ఖరారు చేసుకున్నారు. రికార్డు స్థాయిలో ఏడోసారి ఆసియా క్రీడల్లో పాల్గొంటున్న జోష్న ఇప్పటికే ఐదు పతకాలు సాధించింది. 2018 ఆసియా క్రీడల్లో మహిళల సింగిల్స్‌లో కాంస్యం నెగ్గిన జోషా్న... 2014, 2018 క్రీడల్లో టీమ్‌ విభాగాల్లో రజత పతకాలు గెలుచుకుంది. 2010, 2023లో టీమ్‌ విభాగంలో కాంస్యాలు దక్కించుకుంది. శుక్రవారం మిక్స్‌డ్‌ డబుల్స్‌ క్వార్టర్‌ ఫైనల్లో జోషా్న–సెంథిల్‌ జోడీ 11–3, 11–5తో డేవిడ్‌ పెలినో–జెమికా అరిబాడో (ఫిలిప్పీన్స్‌) ద్వయంపై గెలుపొందింది. మహిళల సింగిల్స్‌ క్వార్టర్స్‌లో అనాహత్‌ 11–2, 11–5, 11–3తో భారత్‌కే చెందిన తన్వీ ఖన్నాపై గెలిచింది. పురుషుల సింగిల్స్‌ క్వార్టర్‌ ఫైనల్లో అభయ్‌ 11–4, 11–3, 11–6తో ర్యోనోసుకె సుకువే (జపాన్‌)పై గెలిచాడు. మరో క్వార్టర్స్‌ మ్యాచ్‌లో వీర్‌ చోత్రాని 11–6, 8–11, 3–11, 3–11తో ఇర్ఫాన్‌ (పాకిస్తాన్‌) చేతిలో పరాజయం పాలయ్యాడు.

కాకామిగహారా: వరుసగా నాలుగో విజయం సాధించిన భారత మహిళల హాకీ జట్టు సెమీఫైనల్‌ బెర్త్‌ను ఖరారు చేసుకుంది. ఆతిథ్య జపాన్‌ జట్టుతో శుక్రవారం జరిగిన పూల్‌ ‘బి’ మ్యాచ్‌లో టీమిండియా 3–1 గోల్స్‌ తేడాతో గెలిచింది. 12 పాయింట్లతో అగ్రస్థానాన్ని ఖాయం చేసుకుంది. భారత్‌ తరఫున లాల్‌రెమ్‌సియామి (5వ ని.లో), ఇషిక (30వ ని.లో), నవ్‌నీత్‌ కౌర్‌ (36వ ని.లో) ఒక్కో గోల్‌ చేశారు. జపాన్‌ జట్టుకు షిహో కొబయాకవా (46వ ని.లో) ఏకైక గోల్‌ అందించింది. ఆదివారం జరిగే తమ చివరి లీగ్‌ మ్యాచ్‌లో సింగపూర్‌తో భారత్‌ ఆడుతుంది.

నగోయా: ఆసియా క్రీడల్లో అరంగేట్రం చేస్తూనే చైనా టీనేజ్‌ స్విమ్మర్‌ జాంగ్‌ జాన్‌షువో రికార్డు పుటల్లోకి ఎక్కాడు. శుక్రవారం జరిగిన పురుషుల 400 మీటర్ల ఫ్రీస్టయిల్‌లో జాంగ్‌ స్వర్ణం సాధించాడు. దాంతో ఒకే ఆసియా క్రీడల్లో అత్యధికంగా 7 స్వర్ణాలు గెలిచిన క్రీడాకారుడిగా ఉత్తర కొరియా షూటర్‌ సో గిల్‌ సాన్‌ (1982 న్యూఢిల్లీలో 7 స్వర్ణాలు) పేరిట ఉన్న రికార్డును 19 ఏళ్ల జాంగ్‌ జాన్‌షువో సమం చేశాడు. అంతేకాకుండా ఒకే ఆసియా క్రీడల్లో అత్యధిక పసిడి పతకాలు గెలిచిన స్విమ్మర్‌గా రికార్డుసృష్టించాడు. తాజా గేమ్స్‌లో జాంగ్‌ 200, 400, 800, 1500 మీటర్ల ఫ్రీస్టయిల్‌ ఈవెంట్స్‌లో, 4్ఠ100 మీటర్ల రిలే, 4్ఠ200 మీటర్ల రిలే, 4్ఠ100 మీటర్ల రిలే ఈవెంట్లలో స్వర్ణ పతకాలు గెలిచాడు.

భారత లాంగ్ డిస్టెన్స్ రన్నర్ గుల్వీర్ సింగ్ (Gulveer Singh) చ‌రిత్ర సృష్టించాడు. జపాన్‌లోని నగోయా వేదికగా జరుగుతున్న 2026 ఆసియా క్రీడల్లో (Asian Games) పురుషుల 10,000 మీటర్ల పరుగు పందెంలో గుల్వీర్‌ రజత పతకం సాధించాడు.శుక్ర‌వారం జరిగిన ఫైనల్ రేసును గుల్వీర్‌ 28:29.38 నిమిషాల్లో పూర్తి చేసి రెండో స్థానంలో నిలిచాడు. గత హాంగ్‌జౌ (2022) ఆసియా క్రీడల్లో కాంస్యం గెలిచిన గుల్వీర్, ఈసారి తన ప్రదర్శనను మెరుగుపరుచుకుని వెండిని కొల్ల‌గొట్టాడు. బహ్రెయిన్‌కు చెందిన బిర్హాను బలేవ్ (28:27.51 నిమిషాలు) బంగారు పతకాన్ని గెలుచుకోగా.. బ‌హ్రెయిన్‌కే చెందిన ఆల్బ‌ర్ట్ కిప్టో (28:34.18 నిమిషాలు) కాంస్యం సొంతం చేసుకున్నాడు. కాగా ఈ ఏడాది కామ‌న్‌వెల్త్ గేమ్స్‌లో 5వేల మీట‌ర్ల ప‌రుగు పందెంలో గుల్వీర్ కాంస్యం గెలుచుకున్న సంగతి తెలిసిందే. ఇండియ‌న్ ఆర్మీలో నాయ‌బ్ సుబేదార్ అయిన గుల్వీర్ సింగ్ కొంత‌కాలంగా సూప‌ర్ ఫామ్ క‌న‌బ‌రుస్తున్నాడు. 2025 ఏషియ‌న్ అథ్లెటిక్స్ చాంపియ‌న్‌షిప్‌లో గుల్వీర్ సింగ్ 5వేల మీట‌ర్లతో పాటు 10వేల మీట‌ర్ల రేసులో స్వ‌ర్ణ ప‌త‌కాలు కైవ‌సం చేసుకున్నాడు. 5వేల మీట‌ర్ల రేసును 12:59.77 నిమిషాల్లో పూర్తి చేసిన గుల్వీర్ ఆసియా నుంచి 13 నిమిషాల బారియ‌ర్‌ను బ్రేక్ చేసిన మొద‌టి అథ్లెట్‌గా రికార్డుల‌కెక్కాడు.పోల్‌వాల్ట్‌లో తొలిసారి ప‌త‌కంఆసియా గేమ్స్‌కు పోల్‌వాల్ట్‌లో భార‌త్‌కు తొలిసారి ప‌తకం ల‌భించింది. భార‌త అథ్లెట్ బ‌రానికా ఎల‌న్‌గోవ‌న్ మ‌హిళ‌ల పోల్‌వాల్ట్‌లో కాంస్య ప‌త‌కం సాధించింది. త‌న ఐదో ప్ర‌య‌త్నంలో పోల్‌వాల్ట్‌తో 4.15 మీట‌ర్ల ఎత్తు ఎగిరిన బ‌రానికా త‌న బెస్ట్ ప్ర‌ద‌ర్శ‌న‌ను న‌మోదు చేసి కాంస్యం ఒడిసిప‌ట్టింది. తొలి ప్ర‌య‌త్నంలో 3.45 మీట‌ర్లు, రెండో ప్ర‌య‌త్నంలో 3.65 మీట‌ర్లు, మూడో ప్ర‌య‌త్నంలో 3.85 మీట‌ర్లు, నాలుగో ప్ర‌య‌త్నంలో 4 మీట‌ర్లు, ఐదో ప్ర‌య‌త్నంలో 4.15 మీట‌ర్ల ఎత్తు ఎగిరింది.షాట్‌పుట్‌లో కాంస్యంమహిళల షాట్‌పుట్ విభాగంలో భారత అథ్లెట్ మన్‌ప్రీత్ కౌర్ కాంస్యం గెలుచుకుంది. ఆమె షాట్‌పుట్‌ను 17.17 మీటర్ల దూరం విసిరి కాంస్యం ఒడిసిపట్టింది. చైనాకు చెందిన సోంగ్ జియాహున్ (19.40 మీటర్లు), జాంగ్ లిన్రు (18.14 మీటర్లు) స్వర్ణ, రజతాలు కైవసం చేసుకున్నారు. ఓవరాల్‌గా ఆసియా గేమ్స్‌లో భార‌త్‌కు ఇది 23వ ప‌త‌కం కాగా, ఇందులో రెండు స్వ‌ర్ణాలు, 9 ర‌జ‌తాలు, 12 కాంస్యాలు ఉన్నాయి.ఇదీ చదవండి: సెంచ‌రీ బాదిన ఆసీస్ బ్యాట‌ర్‌.. భార‌త్ ముంగిట భారీ ల‌క్ష్యం

ఆసియా గేమ్స్ 2026లో భార‌త్ ఖాతాలో 20వ ప‌త‌కం వ‌చ్చి చేరింది. టేబుల్ టెన్నిస్ మిక్స‌డ్‌ డ‌బుల్స్ విభాగంలో మానుష్ షా-దియా చితాలే జోడీ కాంస్య ప‌త‌కం గెలుచుకుంది. సెమీస్‌లో చైనాకు చెందిన స‌న్ ఇంగ్‌షా-వాంగ్ చుయిన్ చేతిలో 4-0 (8-11, 5-11, 8-11, 2-11) తేడాతో మానుష్-దియా జోడీ ఓట‌మి చ‌విచూసింది. సెమీఫైన‌ల్లో ప్ర‌త్య‌ర్థి చేతిలో వ‌రుస గేముల్లో ఓట‌మిపాలైన‌ప్ప‌టికీ, కాంస్యం ద‌క్కించుకుంది. దీంతో భార‌త్ ఇప్ప‌టివ‌ర‌కు 20 ప‌త‌కాలు సొంతం చేసుకోగా, ఇందులో రెండు స్వ‌ర్ణాలు, 8 ర‌జ‌తాలు, 10 కాంస్యాలున్నాయి. ప‌త‌కాల ప‌ట్టిక‌లో భార‌త్ 12వ స్థానంలో కొన‌సాగుతుంది. ఇక అథ్లెటిక్స్ విభాగంలో భార‌త ప్లేయ‌ర్లు దాదాపు 9 ప‌త‌కాలు ఖాయం చేసుకున్నారు. ఉద‌యం షూటింగ్ విభాగంలో ఒక స్వ‌ర్ణం, ర‌జ‌తం వ‌చ్చిన సంగ‌తి తెలిసిందే. 10 మీటర్ల ఎయిర్ పిస్టల్ మిక్స్‌డ్ టీమ్‌ ఫైనల్‌లో కమల్‌జీత్ - సురుచి సింగ్ జోడీ అగ్రస్థానంలో నిలిచి బంగారు పతకాన్ని కైవసం చేసుకుంది. పురుషుల 50 మీటర్ల రైఫిల్‌ 3 పొజిషన్స్‌ టీమ్‌ ఈవెంట్‌లో ఐశ్వరీ ప్రతాప్‌ సింగ్‌ తోమర్‌, నీరజ్‌ కుమార్‌, రుద్రాంక్ష్‌ పాటిల్‌ త్రయం రజత పతకాన్ని సొంతం చేసుకుంది. 🥉 BRONZE FOR INDIA! 🇮🇳🔥Manush Shah & Diya Chitale win BRONZE in the Mixed Doubles event at #AsianGames2026! 🏓Another medal for Team India! 🇮🇳👏#TeamIndia #TableTennis #AsianGames2026 #IndiaSportsHub pic.twitter.com/niG1gMQJ8O— IndiaSportsHub (@IndiaSportsHub) September 25, 2026ఇదీ చ‌ద‌వండి: 24 ఏళ్ల త‌ర్వాత‌ సౌతాఫ్రికా స్పిన్న‌ర్ అరుదైన ఫీట్‌

ఆసియా గేమ్స్‌లో క‌చ్చితంగా ప‌త‌కం సాధిస్తారనుకున్న భార‌త డ‌బుల్స్ స్టార్ జోడీ సాత్విక్ సాయిరాజ్‌-చిరాగ్ శెట్టి నిరాశ‌ప‌రిచారు. జ‌పాన్ వేదిక‌గా జ‌రుగుతున్న గేమ్స్‌లో డిఫెండింగ్ చాంపియ‌న్లయిన సాత్విక్‌-చిరాగ్ జోడీ తొలి రౌండ్‌లోనే ఓట‌మిపాలయ్యి టోర్నీ నుంచి నిష్క్ర‌మించింది. శుక్రవారం జరిగిన పురుషుల బ్యాడ్మింటన్‌ డబుల్స్‌ తొలి రౌండ్‌లో థాయ్‌లాండ్‌కు చెందిన ప‌క్కాపోన్ తీరాతర‌త్సాకుల్‌-పీర‌ట్చాయ్ సుక్‌ఫున్ జోడీ 12-21, 21-19, 21-14 తేడాతో సాత్విక్‌-చిరాగ్ జోడీ ఓట‌మి చ‌విచూసింది. గంటా 8 నిమిషాల పాటు సాగిన పోరులో తొలి గేమ్‌ను సునాయాసంగా కైవ‌సం చేసుకున్న సాత్విక్ జంట రెండో గేమ్‌ను ప్ర‌త్య‌ర్థికి కోల్పోయింది. అయితే కీల‌క‌మైన మూడో గేమ్‌లో పూర్తిగా ఒత్తిడికి లోనైన భార‌త ద్వయానికి ఓట‌మి త‌ప్ప‌లేదు. గ‌త ఆసియా గేమ్స్‌లో సాత్విక్‌-చిరాగ్ జోడీ స్వ‌ర్ణ ప‌త‌కం సాధించిన సంగ‌తి తెలిసిందే. టీమ్ విభాగంలో కాంస్యం గెలిచిన భార‌త్‌కు సాత్విక్‌-చిరాగ్ జోడీ డ‌బుల్స్ విభాగంలో ప‌క్కాగా ప‌త‌కం తెస్తార‌ని ఆశించ‌గా, ఈ ఓట‌మి అభిమానుల‌ను షాక్‌కు గురి చేసింద‌ని చెప్పొచ్చు. మిగిలిన మ్యాచ్‌ల విష‌యానికొస్తే.. మిక్స్‌డ్ డ‌బుల్స్ విభాగంలో త‌నిషా-ధ్రువ్ క‌పిల జంట తొలి రౌండ్‌లో విజ‌యాన్నిసాధించింది. ఈ జోడీ 21-8, 21-7తో మాల్దీవ్స్‌కు చెందిన నిబ‌ల్ అహ్మ‌ద్‌-అబినాథ్ జోడీపై 21 నిమిషాల్లోనే విజ‌యం సాధించి ప్రిక్వార్ట‌ర్స్‌కు దూసుకెళ్లింది. ఇక మ‌హిళ‌ల సింగిల్స్‌లో ఉన్న‌తి హుడా రెండో రౌండ్‌కు చేరుకుంది. తొలి రౌండ్‌లో ఉన్న‌తి 21-9, 21-10తో నార్త్ కొరియాకు చెందిన మి సోంగ్ యును చిత్తు చేసింది.ఇదీ చ‌ద‌వండి: SA vs AUS: చరిత్ర సృష్టించిన సౌతాఫ్రికా ఆల్‌రౌండర్‌

జపాన్‌ వేదికగా జరుగుతున్న ఆసియా క్రీడలు 2026లో భారత్‌ రెండో పసిడి పతకాన్ని తన ఖాతాలో వేసుకుంది. 6 వరోజు భారత షూటర్లు సంచలన ప్రదర్శన కనబరిచారు. శుక్రవారం జరిగిన 10 మీటర్ల ఎయిర్ పిస్టల్ మిక్స్‌డ్ టీమ్‌ ఫైనల్‌లో కమల్‌జీత్ - సురుచి సింగ్ జోడీ అగ్రస్థానంలో నిలిచి బంగారు పతకాన్ని కైవసం చేసుకుంది. ఫైనల్ పోరు ఆరంభం నుంచే కమల్‌జీత్ - సురుచి జోడీ ప్ర‌త్య‌ర్ధుల‌కు చుక్క‌లు చూపించింది. మొత్తంగా ఈ భారత ద్వ‌యం 484.6 పాయింట్ల‌తో గోల్డ్‌మెడ‌ల్‌ను సొంతం చేసుకుంది. కమల్‌జీత్ - సురుచి జోడీ భార‌త్‌కు పసిడి పతకాన్ని అందించడమే కాకుండా 10 మీటర్ల ఎయిర్ పిస్టల్ మిక్స్‌డ్ టీమ్ విభాగంలో స‌రికొత్త రికార్డును నెల‌కొల్పారు. ఈ విభాగం ఫైనల్‌లో అత్య‌ధిక పాయింట్లు సాధించిన ఏషియ‌న్ జంట‌గా వారు నిలిచారు. ఇంత‌కుముందు ఈ రికార్డు ఉజ్బెకిస్థాన్‌కు చెందిన ముహమ్మద్ కమాలోవ్ - నిగినా సైద్‌కులోవా(481.3 పాయింట్లు) పేరిట ఉండేది. తాజా ప్ర‌ద‌ర్శ‌న‌తో వారిని కమల్‌జీత్ - సురుచి అధిగ‌మించారు.మరోవైపు పురుషుల 50 మీటర్ల రైఫిల్‌ 3 పొజిషన్స్‌ టీమ్‌ ఈవెంట్‌లో ఐశ్వరీ ప్రతాప్‌ సింగ్‌ తోమర్‌, నీరజ్‌ కుమార్‌, రుద్రాంక్ష్‌ పాటిల్‌ త్రయం రజత పతకాన్ని సొంతం చేసుకుంది. దీంతో భారత్‌ పతకాల సంఖ్య 19కు చేరింది.చదవండి: Asian Games: 'అంతా మోసం.. నా నుంచి గోల్డ్ మెడల్ లాగేసుకున్నారు'

ఆసియా మిక్స్‌డ్ మార్షల్ ఆర్ట్స్ ఛాంపియన్‌షిప్‌లో భారత్‌కు పతకం అందించిన సుచికా తరియాల్ స్వదేశానికి చేరుకుంది. ఢిల్లీ విమానాశ్రయంలో ఆమెకు ఘన స్వాగతం లభించింది. ఈ సందర్భంగా సుచికా సంచలన వ్యాఖ్యలు చేసింది. విచిత్రమైన బరువు నిబంధనల కారణంగా తనకు దక్కాల్సిన స్వర్ణ పతకాన్ని లాక్కున్నారని ఆమె తీవ్ర ఆవేదన వ్యక్తం చేసింది."నేను సెమీఫైనల్ బౌట్‌లో స్పష్టమైన ఆధిక్యంలో ఉన్నాను. కానీ రిఫరీలు ఆ మ్యాచ్‌ను 'డ్రా'గా ప్రకటించారు. నిబంధనల ప్రకారం డ్రా అయినప్పుడు మరో రౌండ్ పోటీ నిర్వహించాలి. కానీ అలా చేయకుండా అత్యంత విచిత్రమైన బరువు నిబంధనలను వర్తింపజేశారు. దీంతో నాకు దక్కాల్సిన స్వర్ణపతకం చేజారింది. వెయిట్-ఇన్ రూల్ ఒక చెత్త నిబంధన. నన్ను మరో రౌండ్ ఆడటానికి అనుమతించి ఉండాల్సింది. ఒకవేళ ఆ రౌండ్‌లో ఓడిపోయినా నేను దాన్ని అంగీకరించేదాన్ని. కానీ ఇలా అర్ధాంతరంగా ముగించడాన్ని జీర్ణించుకోలేకపోతున్నాను. అయితే ఈ ప్రతిష్టాత్మక పోటీల్లో పతకం సాధించినందుకు సంతోషంగా ఉంది. కానీ నావరకు అయితే కచ్చితంగా స్వర్ణ పతకం గెలుస్తాననిపించింది. తీవ్రంగా శ్రమించి సెమీఫైనల్ స్థాయికి చేరుకున్నాను. అక్కడ ఇలా జరుగుతుందని అనుకోలేదు.అదనంగా కేటాయించిన ఆ ఒక్క నిమిషం రౌండ్‌లో కూడా నేను ఆమెపై ఆధిపత్యం ప్రదర్శించాను. ప్రత్యర్థి వెనక్కి పారిపోతుంటే నేను దాడి చేస్తూనే ఉన్నాను. ఈ క్రీడా సమాఖ్య సింగపూర్‌కు చెందినదే కావడం వల్ల, బహుశా ఆమెను గెలిపించాల్సి వచ్చిందేమో" అని పీటీఐతో మాట్లాడుతూ సుచికా ఆరోపించింది.అసలు ఏమి జరిగిందంటే?జపాన్ వేదికగా జరుగుతున్న ఏషియడ్‌ మిక్స్‌డ్ మార్షల్ ఆర్ట్స్ 60 కేజీల విభాగంలో సుచికా తరియాల్ కాంస్య పతకం సాధించింది. సింగపూర్‌కు చెందిన టీ హుయ్ హూన్‌తో జరిగిన సెమీఫైనల్లో సుచికా అద్భుత ప్రదర్శన చేసినా 'వెయిట్ రూల్' కారణంగా రజతం/పసిడి పోరుకు దూరమై కాంస్యంతోనే సరిపెట్టుకోవాల్సి వచ్చింది. కేవలం 700 గ్రాముల బరువు వ్యత్యాసంతో ఫైనల్‌కు చేరే అవకాశాన్ని కోల్పోయింది.ఈ సెమీస్ పోరులో తొలి రౌండ్‌లో సుచికా కాస్త వెనకబడినప్పటికీ, రెండో రౌండ్‌లో అద్భుతమైన పునరాగమనం చేసింది. దీంతో మ్యాచ్ ఓవర్ టైమ్‌కు వెళ్లింది. ఓవర్ టైమ్‌ పూర్తయ్యాక కూడా ఫలితం తేలకపోవడంతో మ్యాచ్ 'డ్రా'గా ముగిసింది.అయితే మరో రౌండ్ నిర్వహించకుండా రిఫరీలు "వెయిట్-బేస్డ్ టైబ్రేకర్" నిబంధనను అమలు చేశారు. ఉదయం జరిగిన వెయిట్-ఇన్ లెక్కల ప్రకారం సుచికా కంటే సింగపూర్ అథ్లెట్ కేవలం 700 గ్రాములు తక్కువ బరువు ఉంది. ఆ నిబంధన ప్రకారమే తక్కువ బరువు ఉన్న సింగపూర్ క్రీడాకారిణిని విజేతగా ప్రకటించి ఫైనల్‌కు పంపారు.

సమర్‌కండ్‌ (ఉజ్బెకిస్తాన్‌): చెస్‌ ఒలింపియాడ్‌లో డిఫెండింగ్‌ చాంపియన్స్‌ భారత పురుషుల, మహిళల జట్లు తొలి ‘డ్రా’ నమోదు చేసుకున్నాయి. ఎనిమిదో రౌండ్‌లో కజకిస్తాన్‌తో మ్యాచ్‌ను భారత మహిళల జట్టు 2–2తో సమంగా ముగించింది. బోర్డు–1పై కోనేరు హంపి–బీబీసారా అసబయేవా గేమ్‌ 36 ఎత్తుల్లో ‘డ్రా’ అయింది. బోర్డు–2పై వైశాలి 46 ఎత్తుల్లో అలువా నుర్మాన్‌ చేతిలో ఓడిపోయింది. బోర్డు–3పై దివ్య దేశ్‌ముఖ్‌–కమలిదెనోవా గేమ్‌ 31 ఎత్తుల్లో ‘డ్రా’గా ముగిసింది. బోర్డు–4పై సవితా శ్రీ 62 ఎత్తుల్లో ఎల్నాజ్‌ కలియక్‌మెత్‌పై గెలిచింది. మరోవైపు అజర్‌బైజాన్‌తో జరిగిన ఎనిమిదో రౌండ్‌ మ్యాచ్‌ను భారత పురుషుల జట్టు 2–2తో ‘డ్రా’ చేసుకుంది. బోర్డు–1పై ప్రజ్ఞానంద–షఖిర్యారఱ్‌ మమెదైరోవ్‌ గేమ్‌ 36 ఎత్తుల్లో... బోర్డు–2పై అర్జున్‌–సులెమాన్లీ గేమ్‌ 37 ఎత్తుల్లో... బోర్డు–3పై గుకేశ్‌–మెహమూద్‌ మురాద్లీ గేమ్‌ 56 ఎత్తుల్లో... బోర్డు–4పై విదిత్‌–రవూఫ్‌ మమెదోవ్‌ గేమ్‌ 30 ఎత్తుల్లో ‘డ్రా’గా ముగిశాయి. ఎనిమిదో రౌండ్‌ తర్వాత భారత పురుషుల జట్టు ఏడో స్థానంలో... భారత మహిళల జట్టు ఐదో స్థానంలో ఉన్నాయి. నేడు జరిగే తొమ్మిదో రౌండ్‌లో ఉజ్బెకిస్తాన్‌తో భారత మహిళల జట్టు; జర్మనీతో భారత పురుషుల జట్టు తలపడతాయి.

భారత స్క్వాష్‌ స్టార్‌ అనాహత్‌ సింగ్‌ క్వార్టర్‌ ఫైనల్‌కు దూసుకెళ్లింది. అనాహత్‌తో పాటు తన్వీ, అభయ్, వీర్‌ చొత్రాని కూడా క్వార్టర్స్‌లో అడుగు పెట్టారు. మిక్స్‌డ్‌ డబుల్స్‌లో జోష్నా చినప్ప–సెంథిల్‌ కూడా క్వార్టర్‌ ఫైనల్‌కు చేరుకున్నారు. ప్రిక్వార్టర్‌ ఫైనల్లో అనాహత్‌ 11–4, 11–5, 11–7తో వై ఇయాన్‌ యోంగ్‌ (సింగపూర్‌) పై విజయం సాధించింది. మహిళా బాక్సర్‌ సాక్షి 51 కేజీల ప్రిక్వార్టర్‌ ఫైనల్లో 2–3తో బల్కిబెకోవా (కజకిస్తాన్‌) చేతిలో ఓడింది. పురుషుల 70 కేజీల ప్రిక్వార్టర్‌ ఫైనల్లో భారత బాక్సర్‌ సుమిత్‌ గాయం కారణంగా తప్పుకున్నాడు. మహిళల జిమ్నాస్టిక్స్‌ వాల్ట్‌ ఫైనల్లో ప్రణతి నాయక్‌ ఆరో స్థానంలో నిలిచింది.

ఆసియా క్రీడల్లో భారీగా అంచనాలు పెట్టుకున్న అథ్లెటిక్స్‌లో బరిలోకి దిగిన తొలి రోజే రెండు పతకాలతో భారత్‌ బోణీ చేసింది. గత ఆసియా క్రీడల్లో మన దేశానికి అత్యధికంగా 29 పతకాలు అందించిన అథ్లెటిక్స్‌లో గురువారం రజత, కాంస్యాలు దక్కాయి. 4x400 మీటర్ల మిక్స్‌డ్‌ రిలేలో వెండి దక్కగా, 10 వేల మీటర్ల పరుగులో సీమా కుమారికి కాంస్యం లభించింది. ఆసియా క్రీడల రోయింగ్‌ చరిత్రలో తొలిసారి భారత్‌కు సత్నామ్‌ సింగ్‌–సల్మాన్‌ ఖాన్‌ జోడీ పతకం అందించగా... షూటింగ్‌ స్కీట్‌లో కూడా అనంత్‌జీత్‌–పరీనాజ్‌ ద్వయం తొలిసారి కాంస్యం గెలుచుకుంది. వుషు ఫైనల్‌ ఫైట్‌లో ఓడిన రోషిబీనా దేవి చివరకు రజతంతో సంతృప్తి చెందింది. మొత్తంగా పోటీల ఐదో రోజు మన ఖాతాలో ఐదు పతకాలు చేరాయి. మరోవైపు బాక్సింగ్, జిమ్నాస్టిక్స్‌లలో నిరాశాజనక ఫలితాలు రాగా... హాకీ, కబడ్డీ, టేబుల్‌ టెన్నిస్, స్క్వాష్ లలో తమ ఆధిపత్యాన్ని ప్రదర్శిస్తూ భారత్‌ దూసుకుపోతోంది. స్కీట్‌లో గురి కుదిరె...భారత్‌కు షూటింగ్‌లో మరో పతకం దక్కింది. స్కీట్‌ మిక్స్‌డ్‌ టీమ్‌ ఈవెంట్‌లో అనంత్‌జీత్‌ సింగ్‌–పరీనాజ్‌ ధలివాల్‌ ద్వయం మూడో స్థానంలో నిలిచి కంచు పతకాన్ని సొంతం చేసుకుంది. ఫైనల్లో భారత జోడీ 44 పాయింట్లు సాధించింది. బుధవారం కాంస్యాలు గెలిచిన పురుషుల, మహిళల స్కీట్‌ టీమ్‌ ఈవెంట్లలో భాగంగా ఉన్న అనంత్‌జీత్, పరీనాజ్‌లకు ఈ క్రీడల్లో ఇది రెండో పతకం కావడం విశేషం. మరోవైపు పురుషుల 10 మీటర్ల ఎయిర్‌ పిస్టల్‌ విభాగంలో భారత షూటర్లు కమల్‌జీత్‌ (9వ స్థానం), ఆకాశ్‌ భరద్వాజ్‌ (11వ స్థానం), కేదార్లింగ్‌ (35వ స్థానం) క్వాలిఫయింగ్‌లోనే వెనుదిరిగారు. టీమ్‌ విభాగంలో భారత్‌ 1727 పాయింట్లతో నాలుగో స్థానంలో నిలిచింది. తాత, ముత్తాతల స్ఫూర్తితో...పంజాబ్‌లో పటియాలాకు చెందిన 24 ఏళ్ల పరీనాజ్‌ ధలివాల్‌ ఆసియా క్రీడల్లో వరుసగా రెండో రోజు పతకాన్ని గెలుచుకుంది. గత ఆసియా క్రీడల్లో భారత జట్టులో ఉన్నా... త్రుటిలో పతకం చేజారగా, ఇప్పుడు ఆమె తన కల నెరవేర్చుకుంది. మిత్రులు, సన్నిహితులంతా ఆతీ్మయంగా పరీ (దేవకన్య) అని పిలుచుకునే ఈ అమ్మాయికి చిన్నప్పటి నుంచి షూటింగ్‌పై ఆసక్తి ఉంది. తన తాత, ముత్తాతలు ఇంట్లో గన్స్‌ ఉంచుకునేవారని, వారు జంతువులను వేటాడిన కథలను వింటూ వచ్చిన ఆమె కూడా అటు వైపు ఆకర్షితురాలైంది. తన ముత్తాత గుర్‌కీరత్‌పాల్‌ సింగ్‌ ధలివాల్‌ ఈ విషయంలో ఆమెకు స్ఫూర్తిగా నిలిచారు. అజ్మీర్‌లోని ప్రతిష్టాత్మక మాయో స్కూల్‌లోని చదువుతున్నప్పుడే 14 ఏళ్ల వయసులో పరీనాజ్‌ ఎయిర్‌ రైఫిల్‌ షూటింగ్‌ మొదలు పెట్టింది. తన ఆటకు పదును పెట్టుకున్న ఆమె జూనియర్, సీనియర్‌ విభాగాల్లో నిలకడగా రాణిస్తూ జాతీయ స్థాయికి ఎదిగింది. గ్రాడ్యుయేషన్‌ పూర్తి చేసుకున్న తర్వాత పరీనాజ్‌ ముందు రెండు ప్రత్యామ్నాయాలు కనిపించాయి. షూటింగ్‌పై పూర్తి స్థాయిలో దృష్టి పెట్టడం లేదా ఉన్నత విద్య కోసం విదేశాలకు వెళ్లడం ఆమె ముందున్నాయి. అయితే తనకు నచ్చి న పనే చేస్తానంటూ ఆమె చదువును పక్కన పెట్టి షూటింగ్‌ వైపు మొగ్గింది. 2019లో స్కీట్‌లో జాతీయ జూనియర్‌ చాంపియన్‌గా నిలిచిన ఆమె అదే ఏడాది ఆసియా షాట్‌గన్‌ చాంపియన్‌షిప్‌లో కాంస్యం నెగ్గిన భారత జట్టులో సభ్యురాలిగా ఉంది. 2021 ప్రపంచకప్‌లోనూ పాల్గొన్న పరీనాజ్‌... తర్వాతి ఏడాది జూనియర్‌ ప్రపంచకప్‌లో కాంస్యం సాధించిన టీమ్‌లో ఉంది. ఇప్పుడు రెండు ఆసియా క్రీడల పతకాలు ఆమె స్థాయిని పెంచాయి. సత్తా చాటిన సీమా...మహిళల 10,000 మీటర్ల పరుగులో భారత అథ్లెట్‌ సీమా కుమారి కాంస్యంతో మెరిసింది. సీమా 32 నిమిషాల 50.05 సెకన్లలో పరుగును పూర్తి చేసి మూడో స్థానంతో ముగించింది. ఈ ఈవెంట్‌లో భారత్‌కు 16 ఏళ్ల తర్వాత పతకం దక్కడం విశేషం. బహ్రెయిన్‌కు చెందిన యావి విన్‌ఫ్రెడ్‌ (32 నిమిషాల 39.18 సెకన్లు) స్వర్ణం గెలుచుకోగా, తనకా నొజొమి (జపాన్‌; 32 నిమిషాల 41.54 సెకన్లు) రజత పతకాన్ని అందుకుంది.రజతం నిలబెట్టుకున్నారు...నగోయా: ఆసియా క్రీడల అథ్లెటిక్స్‌లో భారత్‌కు మిక్స్‌డ్‌ టీమ్‌ తొలి రజతాన్ని అందించింది. 4్ఠ400 మీటర్ల మిక్స్‌డ్‌ రిలే ఈవెంట్‌లో భారత్‌ రెండో స్థానంలో నిలిచింది. మను తెక్కినలిల్, విశాల్‌ తెన్నరసు, విత్య రామ్‌రాజ్, పూవమ్మ రాజు సభ్యులుగా ఉన్న మన బృందం 3 నిమిషాల 14.46 సెకన్లలో పరుగు పూర్తి చేసింది. చివరి లెగ్‌లో విత్య దూసుకుపోయి భారత్‌కు పతకం అందించడంలో కీలకపాత్ర పోషించింది. 2023 ఆసియా క్రీడల్లో కూడా ఈ ఈవెంట్‌లో భారత్‌కు రజతమే దక్కింది. బహ్రెయిన్‌ (3 నిమిషాల 12.87 సెకన్లు) స్వర్ణ పతకం గెలుచుకోగా, వియత్నాం జట్టు (3 నిమిషాల 14.54 సెకన్లు) కాంస్యం గెలుచుకుంది.‘చంబా’కీ రాణిపేదరిక నేపథ్యం... 12 ఏళ్ల వయసులో తండ్రి చనిపోయాడు. వ్యవసాయం, పశువుల పెంపకంపై ఆధారపడిన కుటుంబం. ఇలాంటి స్థితిలో ఒక అమ్మాయి అథ్లెటిక్స్‌ గురించి ఆలోచించడం కష్టం. కానీ ఆటలపై ఉన్న ఆసక్తి సీమా కుమారిని ముందుకు తీసుకెళ్లాయి. హిమాచల్‌ ప్రదేశ్‌లోని చంబా జిల్లా రీటా గ్రామం ఆమె స్వస్థలం. స్పోర్ట్స్‌లో రాణించి జిల్లా స్థాయికి చేరడంతో ఆమె గురించి స్థానికులకు తెలిసింది. అప్పుడు ‘పరుగుల రాణి’ పీటీ ఉషతో పోలుస్తూ ‘చంబా’కీ రాణి అంటూ అందరూ పిలవడం మొదలు పెట్టారు. ఈ క్రమంలో స్పోర్ట్స్‌ అథారిటీ ఆఫ్‌ ఇండియా (సాయ్‌) హాస్టల్‌లో సీటు లభించడం ఆమె అథ్లెటిక్స్‌ కెరీర్‌కు పునాది వేసింది. 14 ఏళ్ల వయసులో రాంచీలో జాతీయ జూనియర్‌ అథ్లెటిక్స్‌ చాంపియన్‌షిప్‌లో స్వర్ణం గెలుచుకోవడంతో సీమా అందరి దృష్టిలో పడింది. భారత అథ్లెటిక్స్‌లో లాంగ్‌ డిస్టెన్స్‌ రన్నర్‌గా గుర్తింపు తెచ్చుకోవడం అంత సులువు కాదు. ప్రాక్టీస్, క్రమశిక్షణ మాత్రమే కాకుండా ఫిట్‌నెస్‌ మన ఆటగాళ్ల స్థాయిని నిర్దేశిస్తాయి. మహిళల విభాగంలో అయితే మరింత కష్టంగా మారిపోతుంది. కానీ సీమా ఇక్కడే తన సత్తా చూపించింది. జూనియర్‌ స్థాయిలో 2 వేల మీటర్లు, 3 వేల మీటర్ల పరుగులో పలు జాతీయ రికార్డులు నెలకొల్పుతూ వచ్చి ఆపై సీనియర్‌ స్థాయిలో 5000 మీటర్లు, 10,000 మీటర్లకు అనుగుణంగా తన పరుగును మార్చుకుంది. 2017లో బ్యాంకాక్‌లో జరిగిన ఆసియా యూత్‌ పోటీల్లో పాల్గొనేందుకు డబ్బులు లేకపోవడంతో ఆమె తల్లి తన ఫిక్స్‌డ్‌ డిపాజిట్‌ నుంచి విత్‌డ్రా చేసి ఆమెను పంపించింది. ఇక్కడ సాధించిన కాంస్యం ఆమె భవిష్యత్తుకు పునాది వేసింది. 25 ఏళ్ల సీమా గత కొంత కాలంగా లాంగ్‌ డిస్టెన్స్‌ రన్నర్‌గా నిలకడగా రాణిస్తూ భారత అథ్లెటిక్స్‌లో తనకంటూ ప్రత్యేక చోటు సంపాదించుకుంది. 2026లో జాతీయ చాంపియన్‌గా నిలిచిన సీమా... ఈ ఏడాదే 5 వేల మీటర్లు, 10 వేల మీటర్ల పరుగులో తన అత్యుత్తమ టైమింగ్‌ను నమోదు చేసి ఆసియా క్రీడలకు సిద్ధమైంది. ఇప్పుడు గెలిచిన పతకం ఆమె కెరీర్‌ను మరో మెట్టు ఎక్కించింది. పతకం అందించిన రోయింగ్‌...గత నాలుగు ఆసియా క్రీడల నుంచి భారత్‌కు పతకాలు అందిస్తున్న రోయర్లు ఈసారి కూడా ఖాతా తెరిచారు. పురుషుల డబుల్స్‌ స్కల్స్‌ ఈవెంట్‌లో భారత్‌కు సత్నామ్‌ సింగ్‌–సల్మాన్‌ ఖాన్‌ కాంస్య పతకాన్ని గెలుచుకున్నారు. వీరిద్దరు రేస్‌ను 6 నిమిషాల 13.25 సెకన్లలో పూర్తి చేశారు. ఆసియా క్రీడల ఈ ఈవెంట్‌లో భారత్‌కు ఇదే మొదటి పతకం కావడం గమనార్హం. తొలి 1500 మీటర్ల వరకు రెండో స్థానంలో ఉన్న భారత జోడీ చివరి 500 మీటర్లలో వెనుకబడి మూడో స్థానానికి పరిమితమైంది. యి యుది–నీ యిడ్‌ (చైనా; 6 నిమిషాల 09.77 సెకన్లు) స్వర్ణం గెలుచుకోగా, మెక్రోబెక్‌–సోరిన్‌ (ఉజ్బెకిస్తాన్‌; 6 నిమిషాల 10.49 సెకన్లు) ద్వయం రజతాన్ని అందుకుంది. సత్నామ్‌ గత ఆసియా క్రీడల్లో కూడా కాంస్యం గెలిచాడు. ఫైనల్లో ఓటమితో...వుషులో భారత ప్లేయర్‌ రోషిబీనా దేవి వరుసగా మూడో ఏషియాడ్‌లోనూ పతకం గెలుచుకుంది. అయితే ఫైనల్‌కు చేరి స్వర్ణంపై గురి పెట్టిన ఆమెకు తుది మెట్టుపై నిరాశే ఎదురైంది. మహిళల 60 కేజీల ఫైనల్లో రోషిబీనా చైనాకు చెందిన జాంగ్‌ జియోయు చేతిలో 0–2తో పరాజయంపాలైంది.

జపాన్ వేదికగా జరుగుతున్న ఆసియా క్రీడల్లో భారత అథ్లెట్ల పతకాల వేట కొనసాగుతోంది. తాజాగా మహిళల 10,000 మీటర్ల పరుగు పందెంలో భారత స్ప్రింటర్ సీమా కుమారి కాంస్య పతకాన్ని కైవసం చేసుకుంది. రేసును 32:50.05 నిమిషాల్లో ముగించిన సీమా మూడో స్థానంలో నిలిచి బ్రాంజ్ మెడల్‌ను తన ఖాతాలో వేసుకుంది.ఈ విభాగంలో బహ్రెయిన్‌కు చెందిన విన్‌ఫ్రెడ్ యావి 32:39.18 సమయంతో ప్రథమ స్థానంలో నిలిచి స్వర్ణ పతకం సాధించగా.. జపాన్ అథ్లెట్ నోజోమి తనకా (32:41.54) రజత పతకాన్ని గెలుచుకుంది. మరోవైపు మిక్స్డ్ 4x400 మీటర్ల రిలే రేసులో భారత బృందం రజత పతకాన్ని కైవసం చేసుకుంది. రేసు ప్రారంభంలో భారత్ కాస్త వెనుకబడినప్పటికీ.. చివరిలో విశాల్ తెన్నరసు, విత్య రామ్‌రాజ్‌లు అద్భుతమైన కమ్‌బ్యాక్‌ ఇవ్వడంతో 3:14.46 నిమిషాల్లో పూర్తి చేసి సిల్వర్‌ మెడల్‌ను దక్కించుకుంది. ఈ రజతంతో కలిపి ప్రస్తుతం ఆసియా క్రీడల్లో భారత్ మొత్తం పతకాల సంఖ్య 17కు చేరింది.

ఏషియన్‌ గేమ్స్‌ పురుషుల హాకీలో భారత జట్టు అజేయ జైత్రయాత్ర కొనసాగుతోంది. దక్షిణ కొరియాతో ఇవాళ జరిగిన మ్యాచ్‌లో భారత్‌ 8-2తో గెలిచి పూల్‌-ఏలో అగ్రస్థానాన్ని మరింత పటిష్ఠం చేసుకుంది. ప్రస్తుత క్రీడల్లో భారత్‌కు వరుసగా ఇది మూడో గెలుపు.భారత్‌ తరఫున దిల్‌ప్రీత్‌ సింగ్‌, అభిషేక్‌ చెరో రెండు గోల్స్‌ చేశారు. షిలానంద్‌ లక్రా, సుఖ్‌జీత్‌ సింగ్‌, హర్మన్‌ప్రీత్‌ సింగ్‌, రాజిందర్‌ సింగ్‌ ఒక్కో గోల్‌ సాధించారు. ఆసియా గేమ్స్‌ చరిత్రలో దక్షిణ కొరియాపై భారత్‌కు ఇదే అతిపెద్ద విజయం. తదుపరి మ్యాచ్‌లో భారత్‌ ఆతిథ్య జపాన్‌తో (శనివారం) తలపడనుంది.ఇదిలా ఉంటే, ఆసియా క్రీడల్లో భారత్‌ ఇప్పటివరకు 15 పతకాలు ఖాతాలో వేసుకుంది. ఇవాళ వుషు మహిళల 60 కేజీల విభాగంలో రోషిబినా దేవి రజత పతకం సాధించింది. ఆతర్వాత డబుల్‌ స్కల్స్‌ రోయింగ్‌ విభాగంలో సత్నామ్‌ సింగ్‌, సల్మాన్‌ ఖాన్‌ కాంస్య పతకం గెలిచారు. స్కీట్‌ షూటింగ్‌ మిక్స్‌డ్‌ పెయిర్‌ ఈవెంట్లో భారత షూటర్లు అనంత్‌జీత్‌ సింగ్‌ నరూకా, పరినాజ్‌ ధలీవాల్‌ కాంస్యం సొంతం చేసుకున్నారు.ఇదీ చదవండి: పదిహేనుకు చేరిన పతకాల సంఖ్య

బీజింగ్‌: నాలుగంటే నాలుగే సెకన్లు... ఇంత తక్కువ సయయంలో రూబిక్‌ క్యూబ్‌పైని రంగులు సరి చేసి ఆరేళ్ల చైనా బాలిక లియాన్‌ యూంగ్జీ సరికొత్త రికార్డు సృష్టించింది. ఈ క్రమంలోనే ఈ అమ్మాయి ఈ నెల మొదట్లో నెలకొల్పిన రికార్డును బద్దలు కొట్టడం విశేషం. చైనాలోని వూహాన్‌ నగరంలో వరల్డ్‌ క్యూబ్‌ అసోసియేషన్‌ సర్టిఫై చేసిన పోటీల్లో లియాన్‌ ముందు 4.52 సెకన్లతో రూబిక్‌ క్యూబ్‌ను పరిష్కరించింది. ఆ తరువాత గాంగ్‌జౌలో జరిగిన ఇంకో పోటీలో మరింత తక్కువ సమయం అంటే 4.27 సెకన్లలోనే పూర్తి చేసిందని చైనా అధికారిక ప్రసార సంస్థ సీసీటీవీ తెలిపింది. A six-year-old Chinese girl has set a new women's world record by solving Rubik’s cubes at an average pace of just over four seconds per cube.It was the second time in three days Lian Yunzhi set a new record, having first done with an average time of 4.52 seconds. pic.twitter.com/8q0sdaCm29— ABC News (@ABC) September 23, 2026 రూబిక్‌ క్యూబ్‌ను పరిష్కరించడంలో సగటున 4.5 సెకన్ల కంటే తక్కువ సమయం మాత్రమే తీసుకున్న మొదటి స్పీడ్‌ క్యూబర్‌ లియాన్‌ అని తెలిపింది. వూహాన్‌ పోటీల్లో తలకు ఎర్రటి పట్టీ కట్టుకుని చిట్టి చేతులతో రూబిక్‌ క్యూబ్‌ను పట్టుకున్న లియాన్‌ను చూస్తే చాలా సీరియస్‌గా కనిపించింది కానీ.. ఒకానొక ప్రయత్నంలో 3.54 సెకన్లలోనే క్యూబ్‌ను పరిష్కరించడంతో ఆ బాలిక పెదవులపై చిరునవ్వు తొణికిస లాడింది. నాలుగేళ్ల వయసుండగానే లియాన్‌ రూబిక్‌ క్యూబ్‌ను పరిష్కరించడం మొదలుపెట్టిందని, తొలినాళ్లలో ఇందుకు 90 సెకన్ల సమయం పట్టేదని సీసీటీవీ తెలిపింది. రోజూ రెండు మూడు గంటలపాటు ప్రాక్టీస్‌ చేస్తూ, సుమారు 1300 ఫార్ములాలపై లియాన్‌ పట్టు సాధించినట్లు సీసీటీవీ తెలిపింది. గతంలో పోటీల్లో పాల్గొనేందుకు సంశయించిన లియాన్‌ ఇప్పుడు చాలా ధీమాగా కనిపిస్తోందని తల్లి లిన్‌ యాంగ్జీ తెలిపారు. లియాన్‌కు మంచి శిక్షణ ఇప్పించేందుకు తల్లిదండ్రులు ఆమెను షాంఘైకి కూడా తీసుకెళ్లారట. ఇదీ చదవండి: సీఈసీ జ్ఞానేష్‌ కుమార్‌ జైలుకెళ్లాల్సిందే : సంజయ్ రౌత్ ఆగ్రహం

జపాన్‌ వేదికగా ఆసియా క్రీడలు-2026 టోర్నమెంట్లో భారత్‌ ఖాతాలో మరో రెండు కాంస్యాలు చేరాయి. తద్వారా పతకాల సంఖ్య పదిహేనుకు చేరింది. కాగా గురువారం తొలుత వుషు అథ్లెట్‌ రోషిబినా దేవి భారత్‌కు పతకాన్ని అందించింది.రోషిబినాకు రజతంమహిళల అరవై కిలోల విభాగం ఫైనల్లో చైనాకు చెందిన జియాయు ఝాంగ్‌తో తలపడ్డ రోషిబినా.. దురదృష్టవశాత్తూ 2-0 తేడాతో ఓటమిపాలైంది. ఈ క్రమంలో ఆమె రజత పతకం సాధించింది. కాగా ఆఖరి నిమిషంలో రోషిబినా ఆసియా క్రీడల బృందంలోకి వచ్చిన సంగతి తెలిసిందే.కాగా దివ్యాంశి చౌదరి స్థానంలో ఆమె వచ్చి చేరగా.. దివ్యాంశి తీవ్రమైన ఆరోపణలు చేసింది. అయితే, ఆఖరికి ఆమె వెనక్కి తగ్గగా.. రోషిబినా పతకంతో మెరిసి తన ఎంపిక సరైందేనని నిరూపించుకుంది. మరో రెండు కాంస్యాలుఇక డబుల్‌ స్కల్స్‌ రోయింగ్‌ విభాగంలో సత్నామ్‌ సింగ్‌, సల్మాన్‌ ఖాన్‌ కాంస్య పతకం గెలిచారు. మరోవైపు.. స్కీట్‌ షూటింగ్‌ మిక్స్‌డ్‌ పెయిర్‌ ఈవెంట్లో భారత షూటర్లు అనంత్‌జీత్‌ సింగ్‌ నరూకా, పరినాజ్‌ ధలీవాల్‌ కాంస్యం సొంతం చేసుకున్నారు.ఈ క్రమంలో ఆసియా క్రీడల తాజా ఎడిషన్‌లో పతకాల సంఖ్య పదిహేనుకు చేరింది. ఇప్పటి వరకు భారత్‌కు మహిళల క్రికెట్‌లో స్వర్ణంతో పాటు.. ఆరు రజతాలు, ఎనిమిది కాంస్య పతకాలు లభించాయి. పట్టికలో భారత్‌ ప్రస్తుతానికి పద్నాలుగో స్థానంలో నిలిచింది.చదవండి: చైనా చేతిలో ఓటమి.. కాంస్యంతో సరిపెట్టుకున్న భారత జట్టు

ఆసియా క్రీడల్లో భారత్ పతకాల వేట కొనసాగుతోంది. ఐదో రోజు (సెప్టెంబర్‌ 24) పోటీల్లో భారత వుషూ స్టార్ నౌరెమ్ రోషిబినా దేవి రజత పతకాన్ని సాధించింది. మహిళల 60 కేజీల విభాగం ఫైనల్లో చైనాకు చెందిన జియాయు ఝాంగ్ చేతిలో ఓటమి పాలైనప్పటికీ.. వరుసగా మూడో ఆసియా గేమ్స్‌లోనూ పతకం సాధించి అరుదైన ఘనతను అందుకుంది.రోయింగ్‌లో రజతంమరోవైపు, పురుషుల డబుల్ స్కల్స్ రోయింగ్ విభాగంలో సత్నామ్ సింగ్, సల్మాన్ ఖాన్ జోడీ కాంస్య పతకాన్ని కైవసం చేసుకుంది.నాలుగో రోజు వెయిట్‌లిఫ్టింగ్‌లో భారత్‌కు చాలా కాలం తర్వాత పతకం (మీరాబాయ్‌ చాను) లభించగా.. అదే జోరును ఐదో రోజూ కొనసాగించాలని భారత అథ్లెట్లు పట్టుదలతో ఉన్నారు. ఇవాల్టి నుంచి అథ్లెటిక్స్ పోటీలు ప్రారంభం కానుండగా.. షూటింగ్, హాకీ, కబడ్డీ ఈవెంట్లలోనూ భారత క్రీడాకారులు బరిలోకి దిగనున్నారు.ఇప్పటివరకు భారత్‌ మహిళల క్రికెట్‌లో స్వర్ణం, 5 రజతాలు, 7 కాంస్య పతకాలతో (మొత్తం 13) పట్టికలో 13వ స్థానంలో కొనసాగుతుంది. చైనా మొత్తం 80 పతకాలతో పట్టికలో అగ్రస్థానంలో దూసుకుపోతుంది.ఇదీ చదవండి: మీరా కల నెరవేరె...

ఆసియా క్రీడల మహిళల హాకీ ఈవెంట్‌లో భారత జట్టు ఒకవైపు గోల్స్‌ వర్షం కురిపిస్తూ... మరోవైపు తమ విజయపరంపర కొనసాగిస్తోంది. పూల్‌ ‘బి’లో భాగంగా బుధవారం జరిగిన మూడో లీగ్‌ మ్యాచ్‌లో సలీమా టెటె సారథ్యంలోని భారత జట్టు 20–1 గోల్స్‌ తేడాతో థాయ్‌లాండ్‌ను చిత్తుగా ఓడించింది. భారత స్టార్‌ ‘డ్రాగ్‌ ఫ్లికర్‌’ దీపిక సెహ్రావత్‌ ఈసారి 9 గోల్స్‌తో చెలరేగిపోయింది. ఉజ్బెకిస్తాన్‌తో తొలి మ్యాచ్‌లో 8 గోల్స్‌ కొట్టిన దీపిక... ఇండోనేసియాతో మ్యాచ్‌లో 3 గోల్స్‌ సాధించింది. థాయ్‌లాండ్‌తో మ్యాచ్‌లో దీపిక చేసిన 9 గోల్స్‌ (2వ, 8వ, 9వ, 24వ, 33వ, 36వ, 39వ, 51వ, 57వ ని.లో) పెనాల్టీ కార్నర్‌ల ద్వారానే రావడం విశేషం. ఈ క్రమంలో దీపిక ఒకే మ్యాచ్‌లో అత్యధిక గోల్స్‌ చేసిన మహిళా హాకీ ప్లేయర్‌గా రికార్డు నెలకొల్పింది. 8 గోల్స్‌తో తన పేరిటే ఉన్న రికార్డును దీపిక సవరించింది. నవ్‌నీత్‌ కౌర్‌ (4వ, 29వ, 35వ, 51వ ని.లో) నాలుగు గోల్స్‌... రుతుజా (10వ, 11వ, 47వ ని.లో మూడు గోల్స్‌ చేశారు. నేహా (19వ ని.లో), లాల్‌రెమ్‌సియామి (26వ ని.లో), సాక్షి (29వ ని.లో), సలీమా టెటె (45వ ని.లో) ఒక్కో గోల్‌ చేశారు. మ్యాచ్‌ మొత్తంలో భారత్‌కు 23 పెనాల్టీ కార్నర్‌లు రాగా... పదింటిని గోల్స్‌గా మలిచింది. శుక్రవారం జరిగే నాలుగో లీగ్‌ మ్యాచ్‌లో జపాన్‌తో భారత్‌ ఆడుతుంది.

ఒలింపిక్స్‌ స్వర్ణం, పసిడి సహా ప్రపంచ చాంపియన్‌షిప్‌లో మూడు మెడల్స్, కామన్వెల్త్‌ క్రీడల్లో మూడు బంగారు పతకాలు... వీటికి తోడు ఆసియా చాంపియన్‌ షిప్, కామన్వెల్త్‌ చాంపియన్‌షిప్‌లలో కూడా మరో ఆరు పతకాలు... కానీ ఇన్నేళ్లపాటు ఆసియా క్రీడల పతకం మాత్రం ఆమె మెడను వరించలేదు... కానీ ఇప్పుడు ఆ లోటు కూడా తీరిపోయింది. భారత టాప్‌ వెయిట్‌లిఫ్టర్‌ మీరాబాయి చాను ఆసియా క్రీడల్లో రజత పతకంతో తొలిసారి ఈ పోటీల్లో పోడియంపై నిలిచి సంబరం చేసుకుంది. ఏషియాడ్‌లో పోటీల నాలుగో రోజు బుధవారం భారత్‌ మొత్తం ఐదు పతకాలను ఖాతాలో వేసుకుంది. షూటింగ్‌ పురుషుల, మహిళల స్కీట్‌ టీమ్‌ ఈవెంట్లలో కాంస్యాలు దక్కగా... పురుషుల బ్యాడ్మింటన్‌ టీమ్‌ ఈవెంట్‌ సెమీస్‌లో ఓడిన భారత బృందం కాంస్యంతో సరిపెట్టుకుంది. సాఫ్ట్‌ టెన్నిస్‌లో తొలిసారి కాంస్యం రూపంలో పతకం లభించగా... కచ్చితంగా పతకాలు సాధిస్తారని భావించిన మహిళా పిస్టల్‌ షూటర్ల వైఫల్యం భారత బృందాన్ని షాక్‌కు గురి చేసింది. నగోయా: భారత టాప్‌ వెయిట్‌లిఫ్టర్‌ మీరాబాయి చాను కల నెరవేరింది. తన అద్భుత కెరీర్‌లో లోటుగా ఉన్న ఆసియా క్రీడల పతకాన్ని గెలుచుకొని ఆమె తన ఘనతను పరిపూర్ణం చేసుకుంది. బుధవారం జరిగిన మహిళల 49 కేజీల ఈవెంట్‌లో మీరాబాయి రజత పతకాన్ని సొంతం చేసుకుంది. స్నాచ్‌లో 87 కేజీలు, క్లీన్‌ అండ్‌ జర్క్‌లో 111 కేజీల బరువెత్తిన మీరా మొత్తం 198 కేజీలతో రెండో స్థానంలో నిలిచింది. ఉత్తర కొరియాకు చెందిన రీ సంగ్‌ గుమ్‌ (మొత్తం 215 కేజీలు) స్వర్ణం, విజయాన లులుక్‌ (ఇండోనేసియా; 191 కేజీలు) కాంస్యం దక్కించుకున్నారు. 1998 బ్యాంకాక్‌ ఆసియా క్రీడల్లో కరణం మల్లీశ్వరి రజతం గెలుచుకున్న తర్వాతి వెయిట్‌లిఫ్టింగ్‌లో భారత్‌కు ఇదే మొదటి పతకం కావడం విశేషం. తన చిరకాల స్వప్నం నెరవేర్చుకునే క్రమంలో మీరాబాయి ఈసారి ఎలాంటి ఒత్తిడికి లోను కాకుండా ప్రశాంతంగా బరువెత్తింది. స్నాచ్‌లో తన ప్రదర్శనను మెరుగుపర్చుకుంటూ మూడు ప్రయత్నాల్లో వరుసగా 83 కేజీలు, 85 కేజీలు, 87 కేజీల బరువెత్తింది. ఆ తర్వాత క్లీన్‌ అండ్‌ జర్క్‌లో తొలి ప్రయత్నంలో 107 కేజీలు ఎత్తిన ఆమె తన రెండో ప్రయత్నంలో మరింత మెరుగ్గా 111 కేజీలతో ముగించింది. వెండి పతకం ఖాయం కావడంతో ఆమె మూడో ప్రయత్నం చేయలేదు. మరోవైపు రెండుసార్లు ప్రపంచ చాంపియన్‌ అయిన రీ సంగ్‌ గుమ్‌ తనపై ఉన్న అంచనాలకు అనుగుణంగా సత్తా చాటి మూడు కొత్త ప్రపంచ రికార్డులు బద్దలు కొట్టి మరీ పసిడి గెలుచుకుంది. విడిగా స్నాచ్‌లో 94 కేజీలు, క్లీన్‌ అండ్‌ జర్క్‌లో 121 కేజీలతో పాటు ఓవరాల్‌గా 215 కేజీలతో ఆమె ప్రపంచ రికార్డులు నెలకొల్పడం విశేషం. 2018, 2022 ఆసియా క్రీడల్లో కూడా పసిడి పతకం గెలుచుకున్న ఆమెకు ఇది వరుసగా మూడో స్వర్ణం కావడం గమనార్హం.పుష్కర కాలపు పతకం 2014 ఆసియా క్రీడల్లో 9వ స్థానం... 2018లో వెన్ను గాయం కారణంగా పోటీల నుంచి ముందే తప్పుకున్న పరిస్థితి... 2023 క్రీడల్లో మెరుగైన ప్రదర్శనే ఇచ్చినా కీలక సమయంలో గాయంతో చేజారిన పతకం... నాలుగో స్థానంతో సరి! భారత వెయిట్‌లిఫ్టర్‌ మీరాబాయి చాను ఆసియా క్రీడల ప్రదర్శన ఇది. 12 ఏళ్ల క్రితం తొలిసారి ఈ క్రీడల బరిలోకి దిగిన ఆమె గత మూడు అవకాశాల్లోనూ పతకాన్ని అందుకోలేకపోయింది. 2020 టోక్యో ఒలింపిక్స్‌లో రజతం గెలుచుకొని తన స్థాయిని పెంచుకున్న మీరాపై తర్వాతి క్రీడల్లోనే భారీ అంచనాలు ఏర్పడ్డాయి.అయితే దురదృష్టవశాత్తూ ఆమె వాటిని అందుకోలేకపోయింది. అయితే ఇప్పుడు తన స్థాయికి తగిన ప్రదర్శనతో ఆసియా క్రీడల పతకం గెలుచుకొని ఈ మణిపూర్‌ బిడ్డ సగర్వంగా నిలిచింది. ఆరుగురు పిల్లల కుటుంబంలో అందరికంటే చిన్నది అయినా... తనకంటే పెద్దయిన అన్నలకూ సాధ్యంకాని రీతిలో కట్టెల మోపులను అలవోకగా ఎత్తుతూ ఆశ్చర్యపర్చిన ఈ అమ్మాయి ఇప్పుడు బరువులెత్తడంలో ప్రపంచాన్ని గెలిచి చూపించింది. ప్రస్తుతం మణిపూర్‌ పోలీసు విభాగంలో మీరాబాయి అడిషనల్‌ సూపరింటెండెంట్‌ ఆఫ్‌ పోలీస్‌గా పనిచేస్తోంది. ఒలింపిక్‌ రింగ్స్‌ నమూనాతో అమ్మ ప్రత్యేకంగా తయారు చేయించి ఇచ్చిన చెవి రింగులు, మూడు రంగుల రిబ్బన్‌తో జుట్టుకు ముడి, గుండెల నిండా ఆత్మవిశ్వాసంతో మీరా స్టేజ్‌ మీదకు వచ్చింది. స్నాచ్‌లో ఇండోనేసియా ప్రత్యర్థికంటే ఒక కేజీ వెనుకబడిన మీరాకు క్లీన్‌ అండ్‌ జర్క్‌లో ఆధిపత్యం ప్రదర్శించాల్సిన అవసరం కలిగింది. దాంతో రెండో ప్రయత్నంలో 111 కేజీలకు గురి పెట్టిన ఆమె ఈ బరువునెత్తడంలో సఫలమైంది. తన సాధనను సరైన రీతిలో ప్రదర్శిస్తూ పతకంతో ముగించింది. ప్రస్తుతం 32 ఏళ్ల వయసు ఉన్న తనకు ఇంతకంటే మంచి అవకాశం రాదని మీరాకు బాగా తెలుసు. అందుకే ఈసారి అన్ని రకాలుగా పోటీకి సన్నద్ధమై ఆమె వచ్చింది. కోచ్‌ విజయ్‌ శర్మ మరోసారి ఈ ప్రయాణంలో మీరాకు అండగా నిలిచారు. ఇటీవలే కామన్వెల్త్‌ క్రీడల్లో స్వర్ణం సాధించిన తర్వాత ఆమె అసలు విశ్రాంతి తీసుకోలేదు. మరుసటి రోజునుంచే తన ప్రాక్టీస్‌ మొదలు పెట్టడం ఆమె ఏషియాడ్‌ పతకం విషయంలో ఎంత పట్టుదలగా ఉందో చూపించింది. వెయిట్‌లిఫ్టింగ్‌లో కరణం మల్లీశ్వరి తర్వాత ఒలింపిక్స్, వరల్డ్‌ చాంపియన్‌షిప్, ఆసియా క్రీడల్లో పతకాలు సాధించిన రెండో భారతీయురాలిగా ఇప్పుడు మీరాబాయి తన పేరుకు శాశ్వత కీర్తిని తెచ్చుకుంది. 20 ఏళ్ల వయసులో కామన్వెల్త్‌ క్రీడల్లో తన తొలి పతకం (రజతం) సాధించి భారత్‌ తరఫున అంతర్జాతీయ స్థాయిలో తన గెలుపు ప్రస్థానాన్ని మొదలు పెట్టిన మీరా... పుష్కర కాలం తర్వాత తన విజయయాత్రలో శిఖరానికి చేరింది. గత 12 ఏళ్లుగా ఈ పతకం కోసం ప్రయత్నిస్తున్నా. వేర్వేరు కారణాలతో అది దక్కలేదు. కానీ ఇప్పుడు నా కల తీరింది. తాజా ఫలితంతో నా మనసు తేలికపడింది. ఇక్కడికి వచ్చే ముందు ఎలాగైనా గెలవాలని లక్ష్యంగా పెట్టుకున్నా. ఇక్కడ నా అత్యుత్తమ ప్రదర్శన ఇచ్చేందుకు ప్రయత్నించా. నా నుంచి చాలా మంది పతకాన్ని ఆశించారు. కాబట్టి కొంత ఒత్తిడి ఉన్నా నా బలాన్ని నమ్ముకున్నాను. ప్రపంచ వెయిట్‌లిఫ్టింగ్‌లో ఆసియా నుంచే పెద్ద ప్లేయర్లు ఉన్నారు కాబట్టి ఇక్కడి పతకం కూడా దాదాపుగా ఒలింపిక్‌తో సమానం. క్లీన్‌ అండ్‌ జర్క్‌లో 111 కేజీలకంటే తక్కువ బరువు ఎత్తినా రజతం దక్కుతుందని నాకు అర్థమైంది. అయినా సరే ఎలాంటి అవకాశం ఇవ్వరాదని ఆ మొత్తానికి ప్రయత్నించా. ప్రస్తుతం ఈ విజయాన్ని ఆస్వాదిస్తా. నాకిష్టమైన పిజ్జా తింటా... ఆ తర్వాతే 2028 లాస్‌ ఏంజెలిస్‌ ఒలింపిక్స్‌ సన్నాహాల గురించి ఆలోచిస్తా. డిసెంబర్‌లో జరిగే క్వాలిఫయింగ్స్‌ నుంచి నా సన్నద్ధత మొదలవుతుంది. –మీరాబాయి చాను

టేబుల్‌ టెన్నిస్‌ (టీటీ) టీమ్‌ ఈవెంట్స్‌లో భారత జట్లకు నిరాశ ఎదురుకాగా... మిక్స్‌డ్‌ డబుల్స్‌లో రెండు భారత జోడీలు యశస్విని–హర్మీత్‌ దేశాయ్, దివ్య చిటాలె–మనుశ్‌ షా క్వార్టర్‌ ఫైనల్‌ చేరుకున్నాయి. పతకాలకు విజయం దూరంలో నిలిచాయి. ప్రిక్వార్టర్‌ ఫైనల్స్‌లో యశస్విని–హర్మీత్‌ జంట 11–6, 11–5, 10–12, 11–7తో వింగ్‌ లామ్‌ ఎన్జీ–క్వాన్‌ టో యుయి (హాంకాంగ్‌) జోడీపై... దివ్య–మనుశ్‌ ద్వయం 11–0, 11–7, 11–6తో మూసా అహ్మద్‌–ఐషాత్‌ నజీమ్‌ (మాల్దీవులు) జంటపై గెలుపొందాయి. శుక్రవారం జరిగే క్వార్టర్‌ ఫైనల్స్‌లో భారత జోడీలు నెగ్గి సెమీఫైనల్‌ చేరుకుంటే కనీసం కాంస్య పతకాలు ఖాయమవుతాయి.కబడ్డీలో ‘హ్యాట్రిక్‌’డిఫెండింగ్‌ చాంపియన్స్‌ భారత పురుషుల, మహిళల కబడ్డీ జట్లు వరుస విజయాలతో సెమీఫైనల్‌కు చేరువయ్యాయి. భారత పురుషుల జట్టు 48–25తో బంగ్లాదేశ్‌పై... భారత మహిళల జట్టు 37–23తో మాజీ చాంపియన్‌ ఇరాన్‌పై గెలిచాయి. నేడు జరిగే తమ చివరి లీగ్‌ మ్యాచ్‌ల్లో చైనీస్‌ తైపీతో భారత పురుషుల జట్టు... జపాన్‌తో భారత మహిళల జట్టు తలపడతాయి. బాక్సింగ్‌ క్వార్టర్స్‌లో అంకుశ్‌ భారత యువ బాక్సర్‌ అంకుశ్‌ పంఘాల్‌ క్వార్టర్‌ ఫైనల్‌కు దూసుకెళ్లాడు. బుధవారం పురుషుల 80 కేజీల ప్రిక్వార్టర్‌ ఫైనల్లో అంకుశ్‌ 5–0తో బహ్రెయిన్‌ బాక్సర్‌ హమ్సా వోగెల్‌పై విజయం సాధించాడు. కామన్వెల్త్‌ గేమ్స్‌ పసిడి పతక విజేత అయిన 21 ఏళ్ల అంకుశ్‌ జోరు ముందు బహ్రెయిన్‌ బాక్సర్‌ నిలవలేకపోయాడు. క్వార్టర్స్‌లో సలిమోవ్‌ (తజకిస్తాన్‌)తో అంకుశ్‌ తలపడనున్నాడు. అభయ్‌ సింగ్‌ శుభారంభం ఆసియా క్రీడల స్క్వాష్ లో భారత ప్లేయర్లు అభయ్‌ సింగ్, వీర్‌ చోత్రాని, తన్వీ ఖన్నా ప్రిక్వార్టర్స్‌కు చేరుకున్నారు. పురుషుల సింగిల్స్‌ తొలి రౌండ్‌ మ్యాచ్‌లో బుధవారం రెండో సీడ్‌ అభయ్‌ సింగ్‌ 11–1, 11–0, 11–2తో అర్కరాడెట్‌ అర్కరాహిరుణ్య (థాయ్‌లాండ్‌)పై ఏకపక్ష విజయం సాధించాడు. వీర్‌ 11–8, 11–3, 11–3తో షమిల్‌ వకీల్‌ (శ్రీలంక)పై గెలిచాడు. మహిళల సింగిల్స్‌లో తన్వీ ఖన్నా 11–5, 11–7, 11–5తో దామి కిమ్‌ (దక్షిణ కొరియా)పై గెలిచింది. భారత నంబర్‌వన్‌ ర్యాంకర్‌ అనాహత్‌ సింగ్‌ నేడు నేరుగా ప్రిక్వార్టర్స్‌ బరిలో దిగనుంది.

ఆసియా క్రీడల సాఫ్ట్‌ టెన్నిస్‌ క్రీడాంశంలో పతకం అందించిన తొలి భారతీయ ప్లేయర్‌గా జై మీనా చరిత్ర సృష్టించాడు. బుధవారం జరిగిన పురుషుల సింగిల్స్‌ సెమీఫైనల్లో మధ్యప్రదేశ్‌కు చెందిన 26 ఏళ్ల జై మీనా 2–4 (3–5, 1–4, 1–4, 4–1, 6–4, 1–4)తో జపాన్‌ ప్లేయర్‌ టకుయా కురోసాకా చేతిలో ఓడిపోయాడు. సాఫ్ట్‌ టెన్నిస్‌లో సెమీఫైనల్లో ఓడిన వారికి కాంస్య పతకం లభిస్తుంది. 1994 హిరోషిమా ఆసియా క్రీడల నుంచి సాఫ్ట్‌ టెన్నిస్‌ మెడల్‌ ఈవెంట్‌గా ఉంది. వరుసగా మూడో ఆసియా క్రీడల్లో పోటీపడుతున్న జై మీనా 2018 జకార్తా గేమ్స్‌లో లీగ్‌ దశలోనే వెనుదిరగ్గా... 2023 హాంగ్జౌ క్రీడల్లో క్వార్టర్‌ ఫైనల్లో ఓడిపోయాడు. ‘నాకిది ఒలింపిక్‌ పతకంలాంటిది. గతంలో కీలకదశలో తడబడ్డా.. ఈసారి ఒత్తిడిని అధిగమించి పతకాన్ని సాధించాను’ అని 2024 ప్రపంచ చాంపియన్‌షిప్‌ మిక్స్‌డ్‌ డబుల్స్‌లో కాంస్యం, 2024 ఆసియా చాంపియన్‌షిప్‌ సింగిల్స్‌ విభాగంలో కాంస్యం గెలిచిన జై మీనా వ్యాఖ్యానించాడు.

గత ఆసియా క్రీడల ఫైనల్లో చైనా చేతిలో ఓడిపోయి రజత పతకం సాధించిన భారత పురుషుల బ్యాడ్మింటన్‌ జట్టు ఈసారి కాంస్య పతకంతో సంతృప్తి పడింది. డిఫెండింగ్‌ చాంపియన్‌ చైనా జట్టుతో బుధవారం జరిగిన సెమీఫైనల్లో భారత జట్టు 1–3తో పరాజయం పాలైంది. తొలి మ్యాచ్‌లో లక్ష్య సేన్‌ 16–21, 18–21తో ప్రపంచ ఆరో ర్యాంకర్‌ షి యుకీ చేతిలో ఓడిపోయాడు. రెండో మ్యాచ్‌లో సాత్విక్‌ సాయిరాజ్‌–చిరాగ్‌ శెట్టి జోడీ 21–11, 22–20తో లియాంగ్‌ వె కెంగ్‌–వాంగ్‌ చాంగ్‌ జంటను ఓడించి స్కోరును 1–1తో సమం చేసింది. మూడో మ్యాచ్‌లో ఆయుశ్‌ శెట్టి 19–21, 13–21తో ప్రపంచ 12వ ర్యాంకర్‌ లీ షి ఫెంగ్‌ చేతిలో ఓటమి చవిచూశాడు. నాలుగో మ్యాచ్‌లో హరిహరన్‌–ఎంఆర్‌ అర్జున్‌ జోడీ 16–21, 21–17, 9–21తో చెన్‌ బొయాంగ్‌–లియు యి జంట చేతిలో ఓడిపోవడంతో భారత పరాజయం ఖరారైంది. కాంస్య పతకం గెలిచిన భారత జట్టులో కిడాంబి శ్రీకాంత్, ప్రణయ్, తరుణ్‌ మన్నేపల్లి, ధ్రువ్‌ కపిల కూడా సభ్యులుగా ఉన్నారు.

జ‌పాన్ వేదిక‌గా జ‌రుగుతున్న ఆసియా క్రీడ‌లు-2026లో చైనా యువ స్విమ్మ‌ర్ 13 ఏళ్ల యు జిడి త‌న అద్భుత ప్రదర్శనతో అద‌ర‌గొడుతోంది. ఈ చిచ్చ‌ర‌పిడుగు తన అసాధారణ ప్రతిభతో ఏకంగా మూడు స్వర్ణ పతకాలు సాధించి ప్రపంచ దృష్టిని ఆకర్షించింది. బుధవారం జరిగిన మహిళల 400 మీటర్ల వ్యక్తిగత మెడ్లే రేసును యు జిదీ కేవలం 4 నిమిషాల 28.56 సెకన్లలో పూర్తి చేసి పసిడి పతకాన్ని ముద్దాడింది. తన తోటి క్రీడాకారిణి కెవెన్‌క్సి కంటే 3.95 సెకన్ల ముందుగా ముగించి ఆమె విజయం సాధించింది. యుజిడి గోల్డ్‌మెడ‌ల్‌తో పాటు గత ఆసియా క్రీడల రికార్డును 4.5 సెకన్ల వ్యత్యాసంతో బద్దలు కొట్టింది. ఓవ‌రాల్‌గా వ‌ర‌ల్డ్‌లో అత్యంత వేగవంతమైన రేసర్ల జాబితాలో జ‌డి నాలుగో స్థానంలో నిలిచింది. ఈ జాబితాలో మొదటి మూడు అత్యుత్తమ టైమింగ్స్ ప్రపంచ రికార్డు కెనడా స్టార్ స్విమ్మర్ 'సమ్మర్ మెకింటోష్' పేరిటే ఉన్నాయి. యుజిడి అంత‌కుముందు 200 మీటర్ల బటర్‌ఫ్లై, 200 మీట‌ర్ల వ్యక్తిగత మెడ్లే విభాగాల్లో బంగారు ప‌త‌కం సాధించింది.

భారత స్టార్ వెయిట్‌లిఫ్టర్ మీరాబాయి చాను తన అద్భుత కెరీర్‌లో లోటుగా ఉన్న ఆసియా క్రీడల పతకాన్ని ఎట్టకేలకు సొంతం చేసుకుంది. జపాన్ వేదికగా జరుగుతున్న 2026 ఆసియా గేమ్స్‌లో మహిళల 49 కేజీల విభాగంలో ఆమె రజత పతకం సాధించడంతో సుదీర్ఘ నిరీక్షణకు తెరపడింది. అంతేకాకుండా 28 ఏళ్ల తర్వాత ఆసియా క్రీడల వెయిట్‌లిఫ్టింగ్‌లో భారత్‌కు పతకం అందించిన తొలి అథ్లెట్‌గా మీరాబాయి రికార్డు సృష్టించింది. ఈ నేపథ్యంలో ఇప్పటివరకు అంతర్జాతీయ వేదికలపై మీరాబాయి చాను సాధించిన విజయాలు, అందుకున్న పురస్కారాలు, బహుమతుల వివరాలను తెలుసుకుందాం.కష్టానికి దక్కిన ప్రతిఫలంమీరాబాయిఆదాయంలో ప్రధాన భాగం అంతర్జాతీయ వేదికలపై పతకాలు సాధించినప్పుడు లభించిన నగదు బహుమతుల నుంచే వచ్చిందే కావడం గమనార్హం. ముఖ్యంగా టోక్యో ఒలింపిక్స్‌లో రజత పతకం గెలుచుకున్న తర్వాత ఆమెకు అత్యధిక మొత్తంలో ఆర్థిక ప్రోత్సాహకాలు లభించాయి.టోక్యో ఒలింపిక్స్‌లో రజత పతకం సాధించడంతో వచ్చిన నగదు బహుమతులు ఇవేభారతీయ రైల్వేస్: రూ. 2 కోట్లుఉత్తరప్రదేశ్ ప్రభుత్వం: రూ. 1.5 కోట్లుమణిపూర్ ప్రభుత్వం: రూ. 1 కోటిబైజూస్ : రూ. 1 కోటిబీసీసీఐ : రూ. 50 లక్షలుభారత ఒలింపిక్ సంఘం: రూ. 40 లక్షలుజెఎస్‌డబ్ల్యూ గ్రూప్ : రూ. 20 లక్షలు👉మొత్తంగా టోక్యో ఒలింపిక్స్ అనంతరం ఆమెకు మొత్తంగా రూ. 6.6 కోట్లు లభించాయి.అలాగే ఈ ఏడాది గ్లాస్గోలో జరిగిన కామన్‌వెల్త్ క్రీడల్లో స్వర్ణ పతకం సాధించిన మీరాబాయిని మణిపూర్ ముఖ్యమంత్రి యుమ్నం ఖేమ్‌చంద్ సింగ్ సన్మానించారు. ఈ సందర్భంగా ఆమెకు రూ. 20 లక్షల నగదు బహుమతితో పాటు గుర్తింపు పత్రం కూడా అందజేశారు. కేంద్ర క్రీడల శాఖ మంత్రి మన్సుఖ్ మాండవియా కూడా ఆమెను సన్మానించడంతో పాటురూ. 30 లక్షల నగదు బహుమతిని ప్రకటించారు. ఇప్పుడు ఏషియన్ గేమ్స్‌లో రజత పతకం సాధించడంతో మరిన్ని నగదు పురష్కారాలు లభించే ఛాన్స్ ఉంది.హోదాలు- ఉద్యోగాలుటోక్యో ఒలింపిక్స్ అనంతరం అప్పటికే ఈశాన్య రైల్వేలో పనిచేస్తున్న మీరాబాయ్‌ను 'ఆఫీసర్ ఆన్ స్పెషల్ డ్యూటీ' గా ప్రమోట్ చేశారు. అప్పటి మణిపూర్ ముఖ్యమంత్రి ఎన్. బీరెన్ సింగ్ ఆమెను సూపరింటెండెంట్ ఆఫ్ పోలీస్‌గా నియమించారు. అప్పట్లో రైల్వే ఉద్యోగాన్ని వదిలి మణిపూర్ పోలీస్ శాఖలో చేరేందుకు మీరాబాయి ఆసక్తి చూపినట్లు వార్తలు వచ్చాయి.బ్రాండ్ ఎండార్స్‌మెంట్‌లుఅంతర్జాతీయ స్థాయిలో గుర్తింపు పొందిన మీరాబాయి చాను.. అడిడాస్, అమ్‌వే - న్యూట్రిలైట్‌, స్టార్ సిమెంట్, అమృతాంజన్, డొమినోస్ వంటి పలు కార్పొరేట్ బ్రాండ్లకు ప్రచారకర్తగా వ్యవహరిస్తోంది.క్రీడారంగంలో మీరాబాయి చేసిన కృషికి గాను భారత ప్రభుత్వం అనేక అత్యున్నత పౌర, క్రీడా పురస్కారాలతో గౌరవించింది. పద్మశ్రీ, మేజర్ ధ్యాన్ చంద్ ఖేల్ రత్న వంటి అవార్డ్‌లను సొంతం చేసుకుంది.

ఆసియా క్రీడలు-2026 టోర్నీ పురుషుల బ్యాడ్మింటన్‌ టీమ్‌ ఈవెంట్లో భారత్‌కు చుక్కెదురైంది. సెమీ ఫైనల్లో భారత జట్టు చైనా చేతిలో ఓడిపోయింది. తద్వారా కాంస్య పతకంతో సరిపెట్టుకోవాల్సి వచ్చింది.సెమీస్‌లో డిఫెండింగ్‌ చాంపియన్‌ చైనాతో తలపడ్డ భారత జట్టు ఆరంభంలో అలరించినా ఆ తర్వాత ప్రత్యర్థి ముందు తలొగ్గింది. సింగిల్స్‌లో షి యు కీ చేతిలో లక్ష్య సేన్‌ 21-16, 21-18 పాయింట్ల తేడాతో ఓడిపోగా.. డబుల్స్‌లో సాత్విక్‌ సాయిరాజ్‌- చిరాగ్‌ శెట్టి.. లియాండ్‌ వెయ్‌ కెంగ్‌, వాంగ్‌ చాంగ్‌లపై 21-11, 22-20 తేడాతో గెలిచారు.ఇక మూడో మ్యాచ్‌లో లి షి ఫెంగ్‌ ఆయుశ్‌ శెట్టిని 21-19, 21-13 తేడాతో ఓడించగా.. నాలుగో మ్యాచ్‌లో హి ఝి టింగ్‌, లియూ యీ- హరిహరన్‌ అమ్సకరుణన్‌, ఎంఆర్‌ అర్జున్‌లపై 21-16, 18-21, 21-9 తేడాతో విజయం సాధించారు. దీంతో భారత బ్యాడ్మింటన్‌ జట్టు చైనా చేతిలో 3-1 తేడాతో ఓటమిపాలైంది. దీంతో భారత్‌ కాంస్యానికి పరిమితమైంది.ఇప్పటి వరకు లభించిన పతకాలు ఇవేకాగా ఆసియా క్రీడల తాజా ఎడిషన్‌లో భారత్‌ ఇప్పటి వరకు ఒకే ఒక్క స్వర్ణం గెలిచింది. భారత మహిళల క్రికెట్‌ జట్టు ఫైనల్లో శ్రీలంకను ఓడించి పసిడి పతకం సాధించింది. ఇక మహిళల 10 మీటర్ల ఎయిర్‌ రైఫిల్‌ టీమ్‌ విభాగంలో రజతం, మహిళల 10 మీటర్ల ఎయిర్‌ రైఫిల్‌ విభాగంలో ఇలవేణిల్‌ వలరివన్‌ రజతం గెలవగా.. పురుషుల 10 మీటర్ల ఎయిర్‌ రైఫిల్‌ టీమ్‌ విభాగంలో రజతం, పురుషుల 10 మీటర్ల ఎయిర్‌ రైఫిల్‌ విభాగంలో హిమాన్షు ధిల్లాన్‌ రజతం వచ్చాయి.ఇక మహిళల 49 కిలోల వెయిట్‌లిఫ్టింగ్‌ విభాగంలో మీరా బాయి చాను వెండి పతకం గెలవగా.. రుద్రాంక్ష్‌ పాటిల్‌ (షూటింగ్‌), సుచిక తరియాల్‌ (మిక్స్‌డ్‌ మార్షల్‌ ఆర్ట్స్‌) కాంస్యం కైవసం చేసుకున్నారు. మహిళల, పురుషుల స్కీట్‌ టీమ్‌లో కాంస్యాలు వచ్చాయి. ఇక మెన్స్‌ సింగిల్స్‌ సాఫ్ట్‌ టెన్నిస్‌లో జై మీనా కాంస్యం గెలిచాడు.

2026 ఆసియా క్రీడల్లో భారత్‌ పతకాల పరంపర కొనసాగుతోంది. తొలి మూడు రోజులు షూటర్లు ఆధిపత్యం చలాయించగా.. ఇప్పుడిప్పుడే ఇతర క్రీడల అథ్లెట్లు పతకాలు సొంతం చేసుకుంటున్నారు. నాలుగో రోజు కూడా షూటర్లే బోణీ కొట్టినప్పటికీ.. ఈ రోజుకి అతి పెద్ద పతకం మాత్రం వెయిట్‌ లిఫ్టింగ్‌లో దక్కింది.భారత స్టార్‌ వెయిట్‌లిఫ్టర్‌, ఒలింపిక్‌ పతక విజేత మీరాబాయి చాను, మహిళల 49 కేజీల విభాగంలో రజత పతకం సొంతం చేసుకుని చరిత్ర సృష్టించింది. ఆసియా క్రీడల్లో చానుకు ఇదే తొలి పతకం. దీంతో ఎన్నాళ్లుగానో కొనసాగుతున్న ఏషియన్‌ గేమ్స్‌ పతక నిరీక్షణకు ఆమె తెరదించింది.సాఫ్ట్‌ టెన్నిస్‌లో భారత్‌కు తొలి పతకంపురుషుల సింగిల్స్‌ సాఫ్ట్‌ టెన్నిస్‌లో జయ్‌ మీనా సెమీఫైనల్‌కు చేరి భారత్‌కు చారిత్రాత్మక పతకాన్ని ఖాయం చేశాడు. అయితే సెమీఫైనల్‌ మ్యాచ్‌లో గాయం కారణంగా పోటీ నుంచి వైదొలగాల్సి వచ్చింది. దీంతో జయ్‌ మీనాకు కాంస్యంతో సరిపెట్టుకున్నాడు. ఆసియా క్రీడల సాఫ్ట్‌ టెన్నిస్‌లో భారత్‌కు ఇదే తొలి పతకం.స్కీట్‌లో డబుల్‌ బ్రాంజ్‌అంతకుముందు షూటింగ్‌లో భారత జట్టు మరో రెండు పతకాలు సాధించింది. మహిళల స్కీట్‌ టీమ్‌ విభాగంలో రైజా ధిల్లాన్‌, పరినాజ్‌ ధలివాల్‌, మహేశ్వరి చౌహాన్‌ కాంస్య పతకం గెలిచారు.పురుషుల స్కీట్‌ టీమ్‌ విభాగంలో అనంత్‌జీత్‌ సింగ్‌ నరూకా, మైరాజ్‌ అహ్మద్‌ ఖాన్‌, భవ్‌తేజ్‌ సింగ్‌ గిల్‌ కాంస్యం సాధించారు. అనంత్‌జీత్‌ సింగ్‌ వ్యక్తిగత స్కీట్‌ ఫైనల్‌కు కూడా అర్హత సాధించాడు.మను బాకర్‌కు నిరాశమహిళల 10 మీటర్ల ఎయిర్‌ పిస్టల్‌లో భారత్‌కు ఆశించిన ఫలితం దక్కలేదు. టీమ్‌ విభాగంలో మను బాకర్‌, సురుచి ఇందర్‌ సింగ్‌, ఇషా సింగ్‌ల భారత జట్టు నాలుగో స్థానంతో పతకాన్ని చేజార్చుకుంది. వ్యక్తిగత ఫైనల్లోనూ మను బాకర్‌ ఐదో స్థానంలో నిలిచి పతకం లేకుండానే ముగించింది.కబడ్డీలో భారత్‌ విజయంమహిళల కబడ్డీలో భారత జట్టు గ్రూప్‌-ఎ మ్యాచ్‌లో ఇరాన్‌పై 37-23తో విజయం సాధించింది. మరోవైపు రోయింగ్‌, కెనో స్ప్రింట్‌, టేబుల్‌ టెన్నిస్‌, సెపక్‌తక్రా విభాగాల్లోనూ భారత క్రీడాకారులు తదుపరి రౌండ్లకు పురోగమించారు. ఇప్పటివరకు భారత్‌ ఖాతాలో 11 పతకాలు (1 స్వర్ణం, 5 రజతాలు, 5 కాంస్యాలు) చేరాయి. ప్రస్తుతం పట్టికలో భారత్‌ 10వ స్థానంలో కొనసాగుతోంది.ఇదీ చదవండి: మను బాకర్‌కు నిరాశ.. షూటింగ్‌లో భారత్‌కు డబుల్‌ బ్రాంజ్‌

2026 ఆసియా క్రీడల నాలుగో రోజు భారత షూటర్లకు మిశ్రమ ఫలితాలు వచ్చాయి. స్వర్ణం ఖాయమనుకున్న స్టార్‌ షూటర్‌ మనూ బాకర్‌ 10 మీటర్ల ఎయిర్‌ పిస్టల్‌ ఈవెంట్‌లో కనీసం కాంస్య కూడా సాధించలేకపోగా.. స్కీట్‌ ఈవెంట్‌లో మహిళలు, పురుషుల జట్లు కాంస్య పతకాలు సాధించాయి. తొలుత మహిళల స్కీట్‌ టీమ్‌ ఈవెంట్‌లో రైజా ధిల్లాన్, మహేశ్వరి చౌహాన్, పరినాజ్ ధలివాల్‌తో కూడిన భారత జట్టు.. ఆతర్వాత పురుషుల స్కీట్‌ టీమ్‌ అనంత్‌జీత్‌ సింగ్‌ నరూకా, మైరాజ్‌ ఖాన్‌, భవ్‌తేజ్‌ సింగ్‌ గిల్‌తో కూడిన భారత జట్టు కాంస్య పతకాలు సొంతం చేసుకున్నాయి. అనంత్‌జీత్‌ సింగ్‌ వ్యక్తిగత విభాగంలోనూ ఫైనల్‌కు అర్హత సాధించాడు.సాఫ్ట్‌ టెన్నిస్‌లో చరిత్ర.. జయ్‌ మీనాకు పతకం ఖాయంపురుషుల సాఫ్ట్‌ టెన్నిస్‌ సింగిల్స్‌లో భారత ఆటగాడు జయ్‌ మీనా సెమీఫైనల్‌కు చేరుకుని చరిత్ర సృష్టించాడు. ఈ విజయంతో ఆసియా గేమ్స్‌ చరిత్రలో సాఫ్ట్‌ టెన్నిస్‌లో భారత్‌కు తొలి పతకం ఖాయమైంది.మహిళల కబడ్డీలో భారత్‌ ఘన విజయంమహిళల కబడ్డీలో భారత జట్టు అదరగొట్టింది. గ్రూప్‌-ఎ మ్యాచ్‌లో ఇరాన్‌ను 37-23తో ఓడించింది. మరోవైపు, వెయిట్‌లిఫ్టింగ్‌ మహిళల 49 కేజీల విభాగంలో మీరాబాయి చాను పతకంపై ఆశలు పెట్టుకుంది. ఆసియా గేమ్స్‌లో తన తొలి పతకం సాధించడమే లక్ష్యంగా ఆమె బరిలోకి దిగనుంది.ఇదీ చదవండి: టీమిండియా క్రికెటర్‌కు తమిళనాడు సీఎం విజయ్‌ భారీ నజరానా

జపాన్‌లో జరుగుతున్న 2026 ఆసియా క్రీడల్లో భారత షూటర్లు మరో పతకాన్ని తమ ఖాతాలో వేసుకున్నారు. మహిళల స్కీట్‌ టీమ్‌ ఈవెంట్‌లో రైజా ధిల్లాన్, మహేశ్వరి చౌహాన్, పరినాజ్ ధలివాల్‌తో కూడిన భారత జట్టు కాంస్య పతకాన్ని సాధించింది. ఈ ఈవెంట్‌లో చైనా స్వర్ణం సాధించగా.. కజ​కిస్తాన్‌ రజతంతో సరిపెట్టుకుంది. షూటింగ్‌లో భారత్‌కు ఇది ఆరో పతకం కాగా.. మొత్తంగా ఎనిమిదో పతకం (ఒక గోల్డ్‌, 4 సిల్వర్‌, 3 బ్రాంజ్‌).ప్రస్తుతం భారత్‌ పతకాల పట్టికలో ఎనిమిదో స్థానంలో ఉంది. పీపుల్స్‌ రిపబ్లిక్‌ ఆఫ్‌ చైనా 58 పతకాలతో అగ్రస్థానంలో దూసుకుపోతుంది.కాగా, నాలుగో రోజు భారత క్రీడాకారులు పలు విభాగాల్లో సత్తా చాటుతున్నారు. ఇప్పటకే షూటింగ్‌లో మహిళల స్కీట్‌ టీమ్‌ కాంస్య పతకాన్ని సాధించగా, స్టార్‌ షూటర్‌ మను భాకర్‌ మహిళల 10 మీటర్ల ఎయిర్‌ పిస్టల్‌ వ్యక్తిగత విభాగంలో ఫైనల్‌కు అర్హత సాధించింది. మరోవైపు, సాఫ్ట్‌ టెన్నిస్‌లో జయ్‌ మీనా సెమీఫైనల్‌కు చేరడంతో భారత్‌కు ఆ క్రీడలో ఆసియా గేమ్స్‌ చరిత్రలో తొలి పతకం ఖాయమైంది.ఇదీ చదవండి: 'మన బంగారం' మహిళా క్రికెటర్లు

ఆసియా గేమ్స్‌లో తొలిసారి ప్రవేశ పెట్టిన మిక్స్‌డ్‌ మార్షల్‌ ఆర్ట్స్‌(ఎంఎంఏ)లో మహిళల 60కేజీల విభాగంలో సుచికా తరియాల్‌ కాంస్య పతకం గెలుచుకుంది. జపాన్‌ వేదికగా జరుగుతున్న ఆసియా క్రీడల్లో మిక్స్‌డ్‌ మార్షల్‌ ఆర్ట్స్‌లో పతకం సాధించిన తొలి భారత అథ్లెట్‌గా చరిత్ర సృష్టించింది. అయితే ఫైనల్స్‌లో అడుగు పెట్టేందుకు సింగపూర్‌కు చెందిన హుయ్‌ హూన్‌ టియోతో సుచిక తలపడింది .హుయ్‌ను విజేతగా ప్రకటించిన తరువాత తీవ్ర దుఃఖంలో మునిగిపోయిన సుచిక తన ప్రత్యర్థితో కరచాలనం చేయడానికి నిరాకరించింది. రిఫరీ, టియో చేతిని పైకి ఎత్తగానే మ్యాట్‌పై మోకాళ్లపై కూలబడి విలపించింది సుచిక. ఫలితాలు ప్రకటించిన తీరు ఆమెకు తీవ్రమైన నిరాశను కలిగించింది. ఇద్దరు ఫైటర్‌లు హోరాహోరీ తల పడిన ఆ పోరులో, నిర్ణీత సమయంలో విజేత ఎవరనేదీ స్పష్టంగా తెలియలేదు.రిఫరీలు మొదట సింగపూర్‌ క్రీడాకారిణిని విజేతగా ప్రకటించడంతో భారత బృందం తీవ్ర నిరాశకు గురైంది. ‘జడ్జ్‌ల నిర్ణయంతో నేను ఎంత మాత్రం ఏకీభవించలేదు. వారి నిర్ణయం న్యాయంగా లేదు. మా అంతర్జాతీయ ఫెడరేషన్‌ సింగపూర్‌కు చెందింది. ఆమె కూడా సింగపూర్‌కు చెందిన అమ్మాయే’ అని సుచిక ఓట‌మి అనంత‌రం పేర్కొంది.రిఫరీ నిర్ణయాన్ని భారత బృందం సవాలు చేయగా, ఆ ఫైట్‌ను డ్రాగా ప్రకటించారు. దీంతో బరువు నిబంధనల ప్రకారం టియోను విజేతగా ప్రకటించారు. సుచిక తన ప్రత్యర్థి కంటే 700 గ్రాములు ఎక్కువ బరువు ఉంది. దీంతో టియో ఫైనల్‌కు చేరుకోగా, సుచిక కాంస్యంతోనే సరిపెట్టుకోవాల్సి వచ్చింది. బరువు నిబంధనల కారణంగా ఆమె ఫైనల్‌లోకి అడుగు పెట్టే అపూర్వమైన అవకాశాన్ని కోల్పోయింది. సుచిక దుఃఖం సంగతి ఎలా ఉన్నప్పటికీ ప్రత్యర్థి క్రీడాకారిణితో కరచాలనం చేయకపోవడంపై మిశ్రమ స్పందన వచ్చింది. జాతీయ జెండాను మెడలో వేసుకొని సుచిక తరియాల్‌ ఇలా ప్రవర్తించడం ద్వారా భారతదేశాన్ని అవమానించినట్లేనని కొందరు అభిప్రాయం వ్యక్తం చేశారు. అయితే మరికొందరు మాత్రం సుచిక చర్యను సమర్థించారు. మిక్స్‌డ్‌ మార్షల్‌ ఆర్ట్స్‌ ఫెడరేషన్‌ సింగపూర్‌కు చెందినది కావడం, ప్రత్యర్థి కూడా అదే దేశానికి చెందడంతో, బరువు పేరు చెప్పి సుచికకు అన్యాయం చేశారన్నది వారి వాదన. ఇది ఎలా ఉన్నా ఆసియా క్రీడల్లో మిక్స్‌డ్‌ మార్షల్‌ ఆర్ట్స్‌లో ఇదే మొట్టమొదటి పతకం కావడం విశేషంగా మారింది.Indian Semi-Finalist Suchika refuses to accept loss in MMA at Asian Games 2026 against Singaporean PlayerSuchika lost a dramatic semifinal to Singapore’s Tiffany Teo after regulation time ended in a draw.The 1-minute overtime was initially awarded 2–1 to Teo. India protested,… pic.twitter.com/nOU2HkrGBd— Mogambo (@Netajinonsense1) September 22, 2026 🚨 SUCHIKA TARIYAL - ASIAN GAMES BRONZE🥉MEDALISTSuchika Bags Bronze in Traditional 60kg MMA 🇮🇳She felt she was robbed of the victory & it felt unacceptable (check video). Score 0-2 vs 🇸🇬But keep your head high. A historical medal 🇮🇳pic.twitter.com/KRn9DGG8bo— SPORTS ARENA🇮🇳 (@SportsArena1234) September 21, 2026ఇదీ చదవండి: స్పాట్‌ ఫిక్సింగ్ ఆరోపణలు.. ‘నన్ను ఇరికించే ప్రయత్నం’

నగోయా: ఆసియా క్రీడల వుషు క్రీడాంశంలో భారత్‌కు తొలి పతకం ఖాయమైంది. మహిళల సాండా ఈవెంట్‌ 60 కేజీల విభాగంలో భారత స్టార్‌ ఫైటర్‌ నరోమ్‌ రోషిబీనా దేవి సెమీఫైనల్లోకి దూసుకెళ్లింది. తద్వారా వరుసగా మూడో ఆసియా క్రీడల్లోనూ కనీసం కాంస్య పతకాన్ని ఖరారు చేసుకుంది. చు మాన్‌ సిన్‌ (మకావ్‌)తో మంగళవారం జరిగిన క్వార్టర్‌ ఫైనల్లో రోషిబీనా 5–0తో గెలిచింది. మణిపూర్‌కు చెందిన 25 ఏళ్ల రోషిబీనా 2023 హాంగ్జౌ ఆసియా క్రీడల్లో రజతం... 2018 జకార్తా ఆసియా క్రీడల్లో కాంస్యం సాధించింది. మరోవైపు పురుషుల సాండా 56 కేజీల క్వార్టర్‌ ఫైనల్లో భారత ఫైటర్‌ ఆర్యన్‌ 1–2తో అబురషితోవ్‌ (ఉజ్బెకిస్తాన్‌) చేతిలో ఓడిపోయాడు.

నగోయా: ఆతిథ్య జపాన్‌ జట్టుకు షాక్‌ ఇస్తూ భారత పురుషుల బ్యాడ్మింటన్‌ జట్టు ఆసియా క్రీడల్లో పతకాన్ని ఖాయం చేసుకుంది. మంగళవారం జరిగిన టీమ్‌ ఈవెంట్‌ క్వార్టర్‌ ఫైనల్లో భారత పురుషుల జట్టు 3–0తో జపాన్‌ జట్టును బోల్తా కొట్టించి సెమీఫైనల్లోకి దూసుకెళ్లింది. తద్వారా కనీసం కాంస్య పతకాన్ని ఖాయం చేసుకుంది. నేడు జరిగే సెమీఫైనల్లో డిఫెండింగ్‌ చాంపియన్‌ చైనా జట్టుతో భారత్‌ తలపడుతుంది. జపాన్‌తో జరిగిన పోరులో తొలి సింగిల్స్‌లో భారత నంబర్‌వన్, ప్రపంచ 14వ ర్యాంకర్‌ లక్ష్య సేన్‌ 66 నిమిషాల్లో 11–21, 21–5, 21–19తో ప్రపంచ 7వ ర్యాంకర్, రెండుసార్లు ప్రపంచ చాంపియన్‌షిప్‌ రన్నరప్‌ కొడాయ్‌ నరోకాను ఓడించి సంచలనం సృష్టించాడు.రెండో మ్యాచ్‌గా జరిగిన డబుల్స్‌ సమరంలో సాత్విక్‌ సాయిరాజ్‌–చిరాగ్‌ శెట్టి ద్వయం 56 నిమిషాల్లో 21–18, 24–22తో ప్రపంచ మాజీ చాంపియన్స్‌ హోకి టకురో–కొబయాషి యుగో జంటను బోల్తా కొట్టించింది. మూడో మ్యాచ్‌లో ప్రపంచ 20వ ర్యాంకర్‌ ఆయుశ్‌ శెట్టి 21–10, 21–19తో ప్రపంచ 16వ ర్యాంకర్‌ కొకి వతనాబెపై గెలిచి భారత్‌కు 3–0తో విజయాన్ని కట్టబెట్టాడు. ఫలితం తేలిపోవడంతో మిగతా రెండు మ్యాచ్‌లు నిర్వహించలేదు. భారత మహిళల జట్టుకు నిరాశ మరోవైపు భారత మహిళల జట్టు వరుసగా మూడో ఆసియా క్రీడల్లోనూ పతకం సాధించలేకపోయింది. జపాన్‌ జట్టుతో జరిగిన క్వార్టర్‌ ఫైనల్లో భారత్‌ 1–3తో పరాజయం పాలైంది. తొలి మ్యాచ్‌లో పీవీ సింధు 72 నిమిషాల్లో 23–21, 18–21, 11–21తో ప్రపంచ 3వ ర్యాంకర్‌ అకానె యామగుచి చేతిలో పోరాడి ఓడిపోయింది.రెండో మ్యాచ్‌లో ఉన్నతి హుడా 16–21, 18–21తో ప్రపంచ 7వ ర్యాంకర్‌ టొమోకా మియజాకి చేతిలో ఓటమి పాలైంది.. మూడో మ్యాచ్‌లో పుల్లెల గాయత్రి–ట్రెసా జాలీ ద్వయం 21–17, 21–16తో యూకీ ఫుకుషిమా–మయు మత్సుమోటో జంటపై గెలిచింది. అయితే నాలుగో మ్యాచ్‌లో తన్వీ శర్మ 12–21, 10–21తో ప్రపంచ 10వ ర్యాంకర్‌ నొజోమి ఒకుహారా చేతిలో ఓడిపోవడంతో భారత పరాజయం ఖరారైంది.

ఆసియా క్రీడల్లో భారత హాకీ జట్లు (పురుషులు, మహిళలు) వరుస భారీ విజయాలతో దుమ్మురేపుతున్నాయి. జపాన్‌లోని కకమిగహారా వేదికగా జరుగుతున్న ఈ టోర్నీలో భారత జట్లు ప్రత్యర్థులపై గోల్స్ వర్షం కురిపిస్తూ టోర్నమెంట్‌లో దూసుకుపోతున్నాయి. పురుషుల విభాగంలో మంగళవారం గ్రూప్‌-ఏలో భారత్ 16-1 తేడాతో శ్రీలంకను చిత్తు చేసింది. మ్యాచ్‌లో జుగ్‌రాజ్ సింగ్ 4 గోల్స్ చేయగా, అభిషేక్, దిల్ప్రీత్ సింగ్ చెరో హ్యాట్రిక్ సాధించారు. అంతకముందు తాము ఆడిన తొలి మ్యాచ్‌లో భారత్ 13-1తో ఇండోనేషియాపై ఏకపక్ష విజయాన్ని నమోదు చేసింది.ఇక మహిళల విభాగంలో ఇవాళే జరిగిన పూల్‌-బి మ్యాచ్‌లో భారత మహిళల జట్టు 17-1తో ఇండోనేషియాను మట్టికరిపించింది. దీపికా సెహ్రావత్, రుతుజా పిసల్ హ్యాట్రిక్‌లతో చెలరేగారు. అంతకముందు ఉజ్బెకిస్తాన్‌పై అమ్మాయిల జట్టు 19-0 తేడాతో ఇందులో దీపికా ఒక్కరే ఏకంగా 8 గోల్స్ చేయడం విశేషం. ఇక భారత పురుషుల జట్టు తమ తదుపరి మ్యాచ్‌లో సెప్టెంబర్ 24న బలమైన సౌత్ కొరియాతో తలపడనుంది.ఇక మంగ‌ళ‌వారం భార‌త్ ఖాతాలో మ‌రో ప‌త‌కం వ‌చ్చి చేరింది. క్రికెట్‌లో భార‌త మహిళ‌ల జ‌ట్టు స్వ‌ర్ణం సాధించింది. హ‌ర్మ‌న్‌ప్రీత్ సేన‌కు ఆసియా క్రీడ‌ల్లో ఇది వ‌రుస‌గా రెండో స్వ‌ర్ణం కావ‌డం విశేషం. దీంతో భార‌త్ త‌మ ప‌త‌కాలు సంఖ్య‌ను ఏడుకు పెంచుకుంది. ఇందులో ఒక స్వ‌ర్ణం, రెండు ర‌జ‌తాలు, నాలుగు కాంస్యాలున్నాయి. మిగిలిన క్రీడ‌ల విభాగానికొస్తే బ్యాడ్మింట‌న్‌, వుశు క్రీడ‌ల్లో భార‌త్‌కు ప‌త‌కాలు ఖాయ‌మ‌య్యాయి. క‌బ‌డ్డీ పురుషుల జ‌ట్టు 63-31తో సౌత్ కొరియాను చిత్తు చేసింది. ఇక షూటింగ్‌లో తొలిరోజు రెండు ర‌జ‌తాలు రాగా, సోమ‌వారం రెండు ర‌జ‌తాలు, ఒక కాంస్యం వ‌చ్చి చేరాయి.ఇదీ చదవండి: జపాన్‌పై విజయం.. త‌క్కువ మార్జిన్‌తో భారత్‌ గ‌ట్టెక్కిన సంద‌ర్భాలు!

కాకామిగహారా: ఆసియా క్రీడల హాకీ ఈవెంట్‌లో భారత మహిళల జట్టు వరుసగా రెండో మ్యాచ్‌లోనూ గోల్స్‌ వర్షం కురిపించింది. పూల్‌ ‘బి’లో భాగంగా సోమవారం ఇండోనేసియాతో జరిగిన రెండో లీగ్‌ మ్యాచ్‌లో భారత జట్టు 17–1 గోల్స్‌ తేడాతో ఘనవిజయం అందుకుంది. ఆదివారం ఉజ్బెకిస్తాన్‌తో జరిగిన తొలి మ్యాచ్‌లో భారత్‌ 19–0తో గెలిచిన సంగతి తెలిసిందే. ఇండోనేసియాతో పోరులో భారత్‌కు ఎలాంటి ప్రతిఘటన ఎదురుకాలేదు. భారత్‌ తరఫున రుతుజా పిసాల్‌ (15వ, 20వ, 38వ ని.లో), దీపిక సెహ్రావత్‌ (8వ, 28వ, 40వ ని.లో), నవ్‌నీత్‌ కౌర్‌ (35వ, 56, 57వ ని.లో) మూడు గోల్స్‌ చొప్పున సాధించి ‘హ్యాట్రిక్‌’ నమోదు చేశారు. సునెలితా టొప్పో (11వ, 30వ ని.లో), లాల్‌రెమ్‌సియామి (12, 16వ ని.లో), సాక్షి రాణా (25, 57వ ని.లో) రెండు గోల్స్‌ చొప్పున చేశారు. కెపె్టన్‌ సలీమా టెటె (35వ ని.లో), ఇషిక (36వ ని.లో) ఒక్కో గోల్‌ సాధించారు. భారత జట్టుకు 11 పెనాల్టీ కార్నర్‌లు లభించగా...ఏడింటిని గోల్స్‌గా మలిచింది. ఇండోనేసియా జట్టుకు అదితియా ఇనెస్‌ (32వ ని.లో) ఏకైక గోల్‌ అందించింది. బుధవారం జరిగే తమ తదుపరి మ్యాచ్‌లో థాయ్‌లాండ్‌తో భారత్‌ తలపడుతుంది. సవితా పూనియా రికార్డు ఈ మ్యాచ్‌తో అత్యధిక అంతర్జాతీయ మ్యాచ్‌లు ఆడిన భారత మహిళా హాకీ క్రీడాకారిణిగా సీనియర్‌ గోల్‌కీపర్‌ సవితా పూనియా రికార్డు నెలకొలి్పంది. 320 మ్యాచ్‌లతో వందన కటారియా పేరిట ఉన్న ఈ రికార్డున 321 మ్యాచ్‌లతో సవితా సవరించింది. వరల్డ్‌ చాంపియన్‌ ఖాతాలో మరొకటి... రెండు సార్లు ప్రపంచ చాంపియన్‌... వరల్డ్‌ కప్‌లలో 2 స్వర్ణాలు, 2 రజతాలు, 2 కాంస్యాలు, ఆసియా చాంపియన్‌షిప్‌లో 5 స్వర్ణాలు, 2 కాంస్యాలు, 2022 ఆసియా క్రీడల్లో స్వర్ణం... జపాన్‌లో పోటీలకు ముందే రుద్రాంష్ పాటిల్‌ పతకాల జాబితా ఇది. ఇప్పుడు వీటికి తోడు సోమవారం మరో రజతం, కాంస్యం అతని ఖాతాలో చేరాయి. గత కొన్నేళ్లుగా అంతర్జాతీయ స్థాయిలో నిలకడగా రాణిస్తున్న షూటర్‌గా 23 ఏళ్లు రుద్రాంష్ గుర్తింపు పొందాడు. నాలుగేళ్ల క్రితమే వరల్డ్‌ చాంపియన్‌షిప్‌లో విజేతగా నిలిచిన అతను అభినవ్‌ బింద్రా తర్వాత ఈ ఘనత సాధించిన రెండో భారత్‌ రైఫిల్‌ షూటర్‌గా నిలిచాడు. మహారాష్ట్రలోని థానేకు చెందిన రుద్రాంష్ గత ఆసియా క్రీడల్లో వరల్డ్‌ రికార్డు స్కోరు కూడా నమోదు చేశాడు. అయితే ఇన్ని రికార్డుల తర్వాత కూడా రుద్రాంష్ కు కనీసం ‘అర్జున అవార్డు’ కూడా దక్కలేదు. గత మూడేళ్లుగా దరఖాస్తు చేస్తున్నా తనను ఎంపిక చేయలేదంటూ నిరాశ వ్యక్తం చేసిన అతను... తాజా ఆసియా క్రీడల ప్రదర్శనతోనైనా అవార్డు వరిస్తుందని ఆశిస్తున్నాడు. రెజ్లింగ్‌ నుంచి షూటింగ్‌ వైపు... జూనియర్‌ ఆసియా చాంపియన్‌షిప్‌లో విజేతగా నిలిచిన హిమాన్షు ఢిల్లాన్‌కు సీనియర్‌ స్థాయిలో ఇదే తొలి అంతర్జాతీయ పతకం కావడం విశేషం. ఈ నెల 29న తన 21వ పుట్టిన రోజు జరుపుకోనున్న హిమాన్షు వారం రోజుల ముందు తనకు తానే ప్రత్యేక కానుక ఇచ్చుకున్నాడు. హరియాణాలోని కైథల్‌ అతని స్వస్థలం. చిన్నప్పుడు క్రమశిక్షణ తప్పుతున్నాడని అతని తల్లిదండ్రులు గురుకుల పాఠశాలకు పంపించి చదివించారు. మరోవైపు 2016 రియో ఒలింపిక్స్‌ రెజ్లింగ్‌లో బరిలోకి దిగిన అతని బాబాయ్‌ హర్దీప్‌ సింగ్‌ ఢిల్లాన్‌ ప్రోత్సాహంతో హిమాన్షుకు రెజ్లింగ్‌ కూడా నేర్పించే ప్రయత్నం చేశారు. అయితే ఈ క్రీడ చాలా కష్టంగా ఉందని, తన వల్ల కాదంటూ అతను తప్పుకున్నాడు. ఆ తర్వాత కోవిడ్‌ సమయంలో షూటింగ్‌పై ఆసక్తి కలిగి అతను గన్‌ పట్టుకున్నాడు. ఇక్కడ మాత్రం ఉదాసీనత కనబర్చలేదు. కోచ్, కుటుంబ సభ్యుల అండదండలతో తీవ్రంగా శ్రమించిన అతను దూసుకుపోయాడు. జూనియర్‌ స్థాయి నుంచి ఒక్కో మెట్టు ఎక్కుతూ ఆసియా క్రీడల పతకం వరకు చేరాడు.మరో కొత్త కెరటం... భారత షూటింగ్‌లో 19 ఏళ్ల పార్థ్‌ మానే కూడా కొత్తగా దూసుకొచ్చాడు. సరిగ్గా రెండేళ్ల క్రితం జూనియర్‌ వరల్డ్‌ చాంపియన్‌లో చాంపియన్‌గా నిలిచి వెలుగులోకి వచి్చన అతను అదే జోరును సీనియర్‌ స్థాయిలోనూ కొనసాగించాడు. ఈ క్రమంలో ఆసియా క్రీడల్లో పాల్గొనే భారత జట్టులోకి ఎంపికైన పార్థ్‌ తనపై ఉన్న అంచనాలను నిలబెట్టుకుంటూ టీమ్‌ ఈవెంట్‌లో భారత్‌ రజత విజయంలో తన పాత్ర పోషించాడు. మహారాష్ట్రలోని షోలాపూర్‌కు చెందిన పార్థ్‌... పోలీసు అయిన తండ్రి ప్రోత్సాహంతో షూటింగ్‌లోకి వచ్చాడు. ముంబైలో ఒలింపియన్‌ సుమా శిరూర్‌ వద్ద శిక్షణ తీసుకుంటూ తన ఆటకు మరింత మెరుగులు దిద్దుకున్న అతను ఇప్పుడు తొలి ప్రయత్నంలోనే ఏషియాడ్‌ పతకం గెలుచుకున్నాడు. త్వరలో ఖతర్‌లో జరిగే వరల్డ్‌ చాంపియన్‌షిప్‌కు, ఆపై 2028 ఒలింపిక్స్‌కు అర్హత సాధించడమే తన ప్రస్తుత లక్ష్యమని పార్థ్‌ వెల్లడించాడు.

నిషిన్‌: ఆసియా క్రీడల్లో తొలి రెండు రోజులు రజత, కాంస్యాలకే పరిమితమైన భారత్‌కు మంగళవారం తొలి స్వర్ణం గెలుచుకునే చాన్స్‌ ఉంది. మహిళల క్రికెట్‌లో స్వర్ణపతకం కోసం జరిగే ఫైనల్‌ పోరులో నేడు శ్రీలంకతో భారత్‌ తలపడనుంది. గత ఆసియా క్రీడల ఫైనల్లోనూ శ్రీలంకనే ఓడించి హర్మన్‌ప్రీత్‌ కౌర్‌ బృందం పసిడి పతకాన్ని సొంతం చేసుకుంది. ఇటీవల ఫామ్‌ ప్రకారం చూస్తే టీమిండియాదే పైచేయిగా కనిపిస్తోంది. ఇటీవలే ఆసియా కప్‌ ఫైనల్లో కూడా లంకను చిత్తు చేసి విజేతగా నిలిచిన భారత్‌... అదే ప్రదర్శనను పునరావృతం చేయాలని పట్టుదలగా ఉంది. ఆసియా క్రీడల్లో రెండు టీమ్‌లూ ప్రత్యర్థులపై అలవోక విజయాలతో ఫైనల్‌కు చేరాయి. ఓపెనర్లుగా చెలరేగుతున్న షఫాలీ వర్మ, స్మృతి మంధానలను నిలువరించడం లంకకు సాధ్యం కాకపోవచ్చు. మిడిలార్డర్‌లో హర్మన్‌ తదితరులు కొంత తడబడుతున్నా... రిచా ఘోష్‌ దూకుడు భారత్‌కు సానుకూలాంశం. బౌలింగ్‌లో శ్రీచరణి ఒంటి చేత్తో మ్యాచ్‌లను గెలిపిస్తోంది. క్రాంతి, నందని, దీప్తి శర్మ కూడా బ్యాటర్లపై ఆధిపత్యం ప్రదర్శించగలరు. మరోవైపు లంక ఆశలన్నీ కెపె్టన్‌ చమరి అటపట్టుపైనే ఉన్నాయి. ఆమె బాగా ఆడితేనే జట్టుకు విజయావకాశాలు ఉన్నాయి. పాక్‌తో జరిగిన సెమీఫైనల్లో ఆడిన తరహాలోనే ఆమె నుంచి జట్టు మరో మంచి ప్రదర్శనను ఆశిస్తోంది. హర్షిత, కవీషా దిల్హారీ, సుగంధిక ఇతర కీలక ప్లేయర్లు. భారత్‌తో ఆడిన గత 7 మ్యాచ్‌లలోనూ శ్రీలంక ఓడింది. అయితే ఈ మ్యాచ్‌కు కూడా వర్షం అంతరాయం కలిగించే అవకాశం ఉంది. అదే జరిగి మ్యాచ్‌ రద్దయితే మాత్రం మెరుగైన సీడింగ్‌ ఉన్న జట్టు (భారత్‌) విజేతగా ఖరారవుతుంది.

ఆసియా క్రీడల్లో వరుసగా రెండో రోజు భారత షూటర్ల జోరు కొనసాగింది. షూటింగ్‌ తొలి రోజు రెండు రజతాలు అందించగా... సోమవారం మన ఖాతాలో మరో రెండు రజతాలు, ఒక కాంస్యం చేరాయి. వీటికి తోడు మిక్స్‌డ్‌ మార్షల్‌ ఆర్ట్స్‌ (ఎంఎంఎ)లో భారత్‌కు కాంస్యం దక్కింది. భారత్‌ తరఫున రుద్రాంష్ పాటిల్, హిమాన్షు ఢిల్లాన్, పార్థ్‌ మానే, సుచిక పతకధారులుగా నిలిచారు. ఎప్పటిలాగే అంచనాలకు అనుగుణంగా బ్యాడ్మింటన్, కబడ్డీ, హాకీలతో పాటు టేబుల్‌ టెన్నిస్‌లో భారత ఆటగాళ్లు కీలక విజయాలు సాధించి పతక రేసులో మరో అడుగు ముందుకు వేశారు.నగోయా: అంచనాలను అందుకుంటూ షూటింగ్‌లో మరోసారి తమ ఆధిపత్యాన్ని ప్రదర్శిస్తూ భారత్‌ రెండు రజత పతకాలు సొంతం చేసుకుంది. పురుషుల 10 మీటర్ల ఎయిర్‌ రైఫిల్‌ టీమ్‌ ఈవెంట్‌లో భారత్‌ రెండో స్థానంలో (1890.1 పాయింట్లు) నిలిచింది. రుద్రాంష్ పాటిల్, హిమాన్షు ఢిల్లాన్, పార్థ్‌ మానే ఈ జట్టులో సభ్యులుగా ఉన్నారు. ఈ ముగ్గురి వ్యక్తిగత స్కోర్లు మొత్తం కలిపి వచ్చిన మొత్తం పాయింట్లతో భారత్‌కు రజతం దక్కింది. రుద్రాంష్ 631.8 పాయింట్లు, హిమాన్షు 630 పాయింట్లు, పార్థ్‌ 628.3 పాయింట్లు స్కోర్‌ చేశారు. ఈ ఈవెంట్లో చైనా స్వర్ణం (1899 పాయింట్లు) గెలుచుకోగా, దక్షిణ కొరియాకు కాంస్యం (1884.2 పాయింట్లు) లభించింది. పురుషుల 10 మీటర్ల ఎయిర్‌ రైఫిల్‌ వ్యక్తిగత విభాగంలోనూ హిమాన్షు, రుద్రాంష్ సత్తా చాటారు. హిమాన్షు (252.4 పాయింట్లు) రజతం గెలుచుకోగా, రుద్రాంష్ (230.9 పాయింట్లు)కు కాంస్యం దక్కింది. ఈ ఈవెంట్‌లో లిహోవా షెంగ్‌ (చైనా–254.2 పాయింట్లు) స్వర్ణ పతకం గెలుచుకున్నాడు. అయితే రజతం నెగ్గిన భారత జట్టులో ఉన్న మూడో షూటర్‌ పార్థ్‌ మానేకు మాత్రం వ్యక్తిగత ఈవెంట్‌ కలిసి రాలేదు. క్వాలిఫయింగ్‌లో 11వ స్థానంలో నిలిచిన అతను ఫైనల్స్‌కు అర్హత సాధించలేకపోయాడు.700 గ్రామ్‌ల తేడాతో... మిక్స్‌డ్‌ మార్షల్‌ ఆర్ట్స్‌ (ఎంఎంఎ) మహిళల 60 కేజీల విభాగంలో భారత ఫైటర్‌ సుచిక తరియాల్‌ను దురదృష్టం వెంటాడింది. సోమవారం జరిగిన సెమీఫైనల్‌ పోరులో సింగపూర్‌కు చెందిన హుయ్‌ హూన్‌ టియో చేతిలో సుచిక పరాజయం పాలైంది. దాంతో ఆమె కాంస్య పతకానికే పరిమితమైంది. ఫైనల్‌ చేరే లక్ష్యంతో సోమవారం బరిలోకి దిగిన సుచిక పైచేయి సాధించినట్లు కనిపించినా... చివరకు 0–2తో ఓటమిపాలైంది. ముగ్గురు జడ్జీల సమక్షంలో రెండేసి నిమిషాల పాటు జరిగిన తొలి రెండు రౌండ్‌ల తర్వాత ఇద్దరు ప్లేయర్లు 1–1తో సమంగా నిలిచారు. ఒక జడ్జీ 19–19తో సమంగా పాయింట్లు ఇవ్వగా, మరొకరు సుచితకు 20–19తో ఆధిక్యం అందించారు. మూడో జడ్జీ సింగపూర్‌ ప్లేయర్‌కు అనుకూలంగా 20–19 పాయింట్లు ఇచ్చారు. అయితే అదనపు నిమిషంలో ఇద్దరు జడ్జీలు 10 చొప్పున పాయింట్లు ఇవ్వడంతో సింగపూర్‌ ప్లేయర్‌ విజేతగా నిలిచింది. కానీ ఈ ఫలితాన్ని భారత బృందం సవాల్‌ చేసింది. నిబంధనల ప్రకారం ఇందుకు 1000 డాలర్లు (సుమారు రూ. 96 వేలు) ఆర్బిటేషన్‌ ఫీజు కూడా చెల్లించింది. దాంతో అదనంగా మరో ముగ్గురు జడ్జీలను కేటాయించి వీడియో రీప్లేల ద్వారా మళ్లీ స్కోరింగ్‌ చేయించారు. అన్ని పరిశీలించిన తర్వాత ఈ న్యాయ నిర్ణేతల బృందం ఈ పోరు సమంగా సాగిందంటూ ‘డ్రా’గా ప్రకటించింది. అయితే ఇలాంటి స్థితిలో నిబంధనలను అనుసరించి తక్కువ బరువు ఉన్న ఫైటర్‌ను విజేతగా ప్రకటించారు. సుచిక (59.20 కేజీలు)తో పోలిస్తే టియో (58.50 కేజీలు) 700 గ్రామ్‌లు తక్కువ బరువు ఉంది. దాంతో టియో ఫైనల్‌కు చేరగా, భారత ప్లేయర్‌ ఆవేదనతో ని్రష్కమించింది.

ఆసియా గేమ్స్‌లో భార‌త పురుషుల క‌బ‌డ్డీ జ‌ట్టు శుభారంభం చేసింది. గ్రూప్‌-ఏలో భాగంగా సోమ‌వారం జ‌రిగిన మ్యాచ్‌లో భార‌త్ 49-24తో ఆతిథ్య జ‌పాన్‌ను చిత్తుగా ఓడించింది. ఎనిమిది సార్లు క‌బ‌డ్డీ చాంపియ‌న్ అయిన భార‌త్ ముందు జ‌పాన్ ఆట‌లు సాగ‌లేదు. హాఫ్ టైమ్ ముగిసేస‌రికే భార‌త్ 31-9తో జ‌పాన్‌పై స్ప‌ష్ట‌మైన ఆధిక్యంలో నిలిచింది. రెండో హాఫ్‌లోనూ 40-12తో దూకుడు క‌న‌బ‌రిచింది. ఆశూ మాలిక్‌, దేవాంక్ ద‌లాల్ త‌మ ప్ర‌ద‌ర్శ‌న‌తో ఆకట్టుకున్నారు. అయితే ఈ మ్యాచ్‌లో సీనియ‌ర్లు ప‌వ‌న్ సెహ్రావ‌త్‌, అర్జున్ దేశ్వాల్‌, అస్లామ్ ఇనామ్‌దార్‌లు కొద్దిసేపు మాత్ర‌మే పాల్గొన్నప్ప‌టికీ, బ‌ల‌మైన ఇంపాక్ట్ చూపించారు. ఆశూ సూప‌ర్ రైడ్‌తో మూడు టాకిల్ పాయింట్లు సాధించాడు. ఇక భార‌త్ సాధించిన 49 పాయింట్ల‌లో 36 పాయింట్ల‌ను నేరుగా పొంద‌గా, జ‌పాన్ మాత్రం తాను సాధించిన మొత్తం పాయింట్ల‌లో మూడో వంతు బోనస్ లైన్ నుంచే రాబ‌ట్టడం గ‌మ‌నార్హం. గ్రూప్‌-ఏలో ఉన్న భార‌త్ త‌మ త‌ర్వాతి మ్యాచ్‌లో ఇదే వేదిక‌పై రిప‌బ్లిక్ ఆఫ్ కొరియాతో త‌ల‌ప‌డ‌నుంది. 2018 జ‌క‌ర్తా ఆసియా గేమ్స్‌లో ఇరాన్ స్వర్ణం మిన‌హా మిగ‌తా అన్ని ఎడిష‌న్ల‌లో భార‌త్ స్వ‌ర్ణ ప‌తకాలు సాధించింది. ఇక ప్ర‌పంచ‌క‌ప్‌లో భార‌త పురుషుల జ‌ట్టు రికార్డు స్థాయిలో ఎనిమిది సార్లు చాంపియ‌న్‌గా నిలిచింది.క్వార్ట‌ర్స్‌లో భార‌త్‌ఇక బ్యాడ్మింట‌న్ విభాగంలో భార‌త పురుషుల జ‌ట్టు క్వార్ట‌ర్ ఫైన‌ల్లో అడుగుపెట్టింది. బంగ్లాదేశ్‌తో జ‌రిగిన ప్రిక్వార్ట‌ర్స్‌లో భార‌త్ 3-0తో విజ‌యం సాధించింది. తొలి మ్యాచ్‌లో ల‌క్ష్య‌సేన్ 21-4, 21-12తో జ‌మాన్ అయ్‌మ‌న్‌పై, రెండో మ్యాచ్‌లో ఆయుశ్ శెట్టి 21-4, 21-13తో గౌర‌బ్ సింఘాపై, చివ‌రి మ్యాచ్‌లో కిడాంబి శ్రీకాంత్ 21-15, 21-9తో జుమ‌ర్ అల్ అమిన్‌పై విజ‌యాలు సాధించారు. సెప్టెంబ‌ర్ 22న జ‌పాన్ జ‌ట్టుతో భార‌త్‌ త‌ల‌ప‌డ‌నుంది. ఈ మ్యాచ్‌లో గెలిస్తే భార‌త్ ఖాతాలో క‌నీసం కాంస్యం ఖాయ‌మ‌వుతుంది.ఇదీ చదవండి: IND vs JPN T20I: జట్లు, టైమింగ్‌, ప్రత్యక్ష ప్రసారం.. వివరాలు ఇవే

ఏషియన్‌ గేమ్స్‌ 2026లో రెండో రోజు భారత్‌కు పతకాల పంట పండింది. షూటింగ్‌లో భారత షూటర్లు సత్తా చాటారు. పురుషుల 10 మీటర్ల ఎయిర్‌ రైఫిల్‌ వ్యక్తిగత విభాగంలో హిమాంశు ధిల్లాన్‌ రజతం, రుద్రాంక్ష్‌ పాటిల్‌ కాంస్యం సాధించారు.ఇదే ఈవెంట్‌లో అంతకుముందు వీరిద్దరూ పార్త్‌ మానే‌తో కలిసి టీమ్‌ విభాగంలో రజతం గెలుచుకున్నారు. దీంతో రెండో రోజు భారత్‌ ఖాతాలో మూడు షూటింగ్‌ పతకాలు చేరాయి.తొలి రోజు కూడా భారత్‌ ఖాతాలో రెండు షూటింగ్‌ పతకాలు చేరాయి. మహిళల 10 మీటర్ల ఎయిర్‌ రైఫిల్‌ వ్యక్తిగత విభాగంలో ఎలావెనిల్‌ వలరివన్‌.. మహిళల 10 మీటర్ల ఎయిర్‌ రైఫిల్‌ టీమ్‌ విభాగంలో సోనమ్‌ మస్కర్‌, విదర్సా వినోద్‌, ఎలావెనిల్‌ వలరివన్‌ రజత పతకాలు సాధించారు. ఇప్పటివరకు భారత్‌ ఖాతాలో కేవలం షూటింగ్‌లోనే ఐదు పతకాలు చేరాయి. ఇప్పటివరకు భారత్‌ మొత్తం 6 పతకాలు గెలిచింది.ఇవాళే మిక్స్‌డ్‌ మార్షల్‌ ఆర్ట్స్‌ మహిళల సంప్రదాయ 60 కేజీల విభాగంలో సుచికా తరియాల్‌ కాంస్య పతకం సాధించింది. ఏషియన్‌ గేమ్స్‌ చరిత్రలో ఎంఎంఏలో భారత్‌కు ఇదే తొలి పతకం.మరోవైపు ఇవాళ జరిగిన మహిళల టేబుల్‌ టెన్నిస్‌లో భారత జట్టు పాకిస్తాన్‌ను 3-0తో చిత్తు చేసి, క్వార్టర్‌ఫైనల్‌కు దూసుకెళ్లింది.ఇదీ చదవండి: Asian Games 2026: మహిళల ఎంఎంఏలో భారత్‌కు తొలి పతకం

ఏషియన్‌ గేమ్స్‌లో భారత మిక్స్‌డ్‌ మార్షల్‌ ఆర్ట్స్‌ (ఎంఎంఏ) అథ్లెట్‌ సుచికా తరియాల్‌ చరిత్ర సృష్టించింది. మహిళల సంప్రదాయ 60 కేజీల విభాగంలో కాంస్య పతకం సాధించి, ఏషియన్‌ గేమ్స్‌ ఎంఎంఏలో భారత్‌కు తొలి పతకాన్ని అందించింది.సెమీఫైనల్లో ఓటమిసుచికా తరియాల్‌ సెమీఫైనల్లో సింగపూర్‌కు చెందిన హుయ్‌ హూన్‌ టియో చేతిలో 0-2తో ఓటమి పాలైనప్పటికీ.. భారత్‌కు ఈ క్రీడలో తొలి పతకాన్ని అందించి చరిత్రలో నిలిచింది.ఆదివారం జరిగిన క్వార్టర్‌ఫైనల్‌లో సుచికా.. మంగోలియాకు చెందిన ఆల్టాన్‌చిమెగ్‌ బైగల్‌మాను ఓడించి సెమీఫైనల్‌కు చేరుకుంది. ఈ విజయంతోనే భారత్‌కు ఏషియన్‌ గేమ్స్‌ ఎంఎంఏలో తొలి పతకం ఖాయమైంది.ఇదీ చదవండి: ఏషియన్‌ గేమ్స్‌లో భారత్‌కు మూడో పతకం

ఆసియా క్రీడల్లో భారత మహిళల టేబుల్‌ టెన్నిస్‌ జట్టు సత్తా చాటింది. గ్రూప్‌-ఎఫ్‌ రెండో మ్యాచ్‌లో చిరకాల ప్రత్యర్థి పాకిస్తాన్‌ను 3-0తో చిత్తు చేసింది. వరుసగా రెండు విజయాలతో క్వార్టర్‌ ఫైనల్‌ బెర్త్‌ ఖరారు చేసుకుంది. ఆదివారం సింగపూర్‌పై హోరాహోరీ పోరులో 3-2తో గెలిచిన భారత్‌.. తాజాగా పాక్‌పై ఏకపక్ష విజయాన్ని నమోదు చేసింది.పాకిస్తాన్‌తో మ్యాచ్‌లో భారత్‌ తమ బెంచ్‌ బలాన్ని పరీక్షించుకుంది. స్టార్‌ ప్లేయర్లు దియా చితాలే, యశస్విని ఘోర్పడేలకు విశ్రాంతినిచ్చి సుతీర్థ ముఖర్జీ, సిండ్రెలా దాస్‌లకు అవకాశం కల్పించింది.తొలి మ్యాచ్‌లో సుతీర్థ ముఖర్జీ 11-3, 11-3, 11-4తో అలీనా ఖాన్‌ను చిత్తు చేసి భారత్‌కు 1-0 ఆధిక్యాన్ని అందించింది. రెండో మ్యాచ్‌లో సిండ్రెలా దాస్‌ 11-6, 11-7, 11-5తో కల్సూమ్‌ ఖాన్‌పై విజయం సాధించింది. దీంతో భారత్‌ 2-0తో ఆధిక్యంలోకి వెళ్లింది.ఇక మూడో మ్యాచ్‌లో ఆకుల శ్రీజ 11-4, 11-4, 11-5తో ఫాతిమా ఖాన్‌ను ఓడించి భారత విజయాన్ని ఖరారు చేసింది. దీంతో భారత్‌ 3-0తో పాక్‌ను ఓడించి క్వార్టర్‌ ఫైనల్‌కు దూసుకెళ్లింది.సింగపూర్‌పై ఉత్కంఠ విజయంఆదివారం సింగపూర్‌తో జరిగిన తొలి మ్యాచ్‌లో భారత ప్లేయర్లు అద్భుతంగా పోరాడారు. ఒక దశలో 1-2తో వెనుకబడిన భారత్‌.. ఓటమి అంచు నుంచి తిరిగి వచ్చింది. ఆకుల శ్రీజ, యశస్విని ఘోర్పడే కీలక మ్యాచ్‌ల్లో విజయాలు సాధించడంతో భారత్‌ 3-2తో గెలుపొందింది.ఇదీ చదవండి: ఏషియన్‌ గేమ్స్‌లో భారత్‌కు మూడో పతకం

జపాన్‌లో జరుగుతున్న ఆసియా క్రీడలు-2026లో భారత అథ్లెట్లు పతకాల వేట కొనసాగిస్తున్నారు. రెండో రోజు పోటీల్లో పురుషుల 10 మీటర్ల ఎయిర్‌ రైఫిల్‌ టీమ్‌ ఈవెంట్‌లో భారత్‌కు మరో రజత పతకం లభించింది. హిమాంశు ధిల్లాన్‌, పార్థ్‌ మానే, రుద్రాంక్ష్‌ పాటిల్‌తో కూడిన భారత జట్టు రెండో స్థానంలో నిలిచి రజతంతో సరిపెట్టుకుంది. ఈ ఈవెంట్‌లో చైనా ప్రపంచ రికార్డు నెలకొల్పి స్వర్ణం​ గెలిచింది.తాజా పతకంతో ఆసియా క్రీడల్లో భారత్‌ పతకాల సంఖ్య మూడుకు చేరింది. పోటీల తొలి రోజు కూడా భారత్‌ ఖాతాలో రెండు రజత పతకాలే చేరాయి. అవి కూడా షూటింగ్‌లోనే రావడం విశేషం. మహిళల 10 మీటర్ల ఎయిర్‌ రైఫిల్‌ వ్యక్తిగత విభాగంలో ఎలావెనిల్‌ వలరివన్‌.. మహిళల 10 మీటర్ల ఎయిర్‌ రైఫిల్‌ టీమ్‌ విభాగంలో సోనమ్‌ మస్కర్‌, విదర్సా వినోద్‌, ఎలావెనిల్‌ వలరివన్‌ రజత పతకాలు సాధించారు.కాగా, ఇదే ఈవెంట్‌ వ్యక్తిగత విభాగంలోనూ భారత షూటర్లు ఫైనల్‌కు అర్హత సాధించారు. దీంతో షూటింగ్‌లో భారత్‌ పతకాల సంఖ్య మరింత పెరిగే అవకాశం ఉంది.ఇదీ చదవండి: ఏషియన్ గేమ్స్‌లో స్టార్ హీరో తనయుడు.. ఎవరో తెలుసా?

ఆసియా క్రీడల్లో తొలి స్వర్ణ పతకం ఆతిథ్య జపాన్‌కే లభించింది. మూడు క్రీడాంశాల సమాహారమైన పురుషుల ట్రయాథ్లాన్‌ (స్విమ్మింగ్, సైక్లింగ్, రన్నింగ్‌)లో జపాన్‌ ట్రయాథ్లెట్‌ టకుమి హోజో పసిడి పతకం సాధించాడు. టకుమి హోజో (750 మీటర్లు స్విమ్మింగ్, 20 కిలోమీటర్ల సైక్లింగ్, 5 కిలోమీటర్ల రన్నింగ్‌) మూడు ఈవెంట్స్‌ను 52 నిమిషాల 56 సెకన్లలో ముగించి విజేతగా నిలిచాడు. బంగారు పతకం సాధించిన టకుమి హోజో 2028 లాస్‌ ఏంజెలిస్‌ ఒలింపిక్స్‌ బెర్త్‌ను కూడా సంపాదించాడు. జిరుయ్‌ జాంగ్‌ (చైనా; 53ని:05 సెకన్లు) రజతం, అర్లాన్‌ (కజకిస్తాన్‌; 53ని:11 సెకన్లు) కాంస్యం సాధించారు.

కాకామిల్‌గహారా: లాస్‌ ఏంజెలిస్‌ ఒలింపిక్స్‌ బెర్త్‌ లక్ష్యంగా ఆసియా క్రీడల్లో బరిలోకి దిగిన భారత మహిళల, పురుషుల జట్లు తమ తొలి మ్యాచ్‌లో గోల్స్‌ వర్షం కురిపించారు. పూల్‌ ‘బి’లో భారత మహిళల జట్టు ఏకంగా 19–0 గోల్స్‌ తేడాతో ఉజ్బెకిస్తాన్‌ను చిత్తు చేసింది. భారత స్టార్‌ డ్రాగ్‌ ఫ్లికర్‌ దీపిక సెహ్రావత్‌ 8 గోల్స్‌తో (8వ, 22, 25వ, 33వ, 36వ, 38వ, 41వ, 54వ నిమిషాల్లో) హడలెత్తించింది. ఈ క్రమంలో ఆసియా క్రీడల ఒకే మ్యాచ్‌లో అత్యధిక గోల్స్‌ చేసిన భారత మహిళా క్రీడాకారిణిగా దీపిక రికార్డు నెలకొలి్పంది. ఇషిక (11వ, 42వ, 54వ నిమిషాల్లో) మూడు గోల్స్‌... లాల్‌థాన్‌లువాంగి (43వ, 51వ నిమిషాల్లో), నవ్‌నీత్‌ కౌర్‌ (23వ, 45వ నిమిషాల్లో) రెండు గోల్స్‌ చొప్పున చేశారు. లాల్‌రెమ్‌సియామి (7వ ని.లో), బల్జీత్‌ కౌర్‌ (12వ ని.లో), నేహా (18వ ని.లో), సాక్షి రాణా (43వ ని.లో) ఒక్కో గోల్‌ సాధించారు. ఈ మ్యాచ్‌తో సీనియర్‌ గోల్‌కీపర్‌ సవితా పూనియా భారత్‌ తరఫున అత్యధిక మ్యాచ్‌లు (320) ఆడిన ప్లేయర్‌గా వందన కటారియా పేరిట ఉన్న రికార్డును సమం చేసింది. నేడు జరిగే రెండో లీగ్‌ మ్యాచ్‌లో ఇండోనేసియాతో భారత్‌ ఆడుతుంది.దిల్‌ప్రీత్‌ నాలుగు గోల్స్‌... మరోవైపు భారత పురుషుల జట్టు పూల్‌ ‘ఎ’ తొలి లీగ్‌ మ్యాచ్‌లో 13–1 గోల్స్‌ తేడాతో ఇండోనేసియాను ఓడించింది. భారత్‌ తరఫున దిల్‌ప్రీత్‌ సింగ్‌ (18వ, 19వ, 37వ, 49వ నిమిషాల్లో) నాలుగు గోల్స్‌తో మెరిశాడు. శిలానంద్‌ లాక్రా (6వ, 35వ ని.లో), సుఖ్‌జీత్‌ సింగ్‌ (38వ, 48వ ని.లో) రెండు గోల్స్‌ చొప్పున చేశారు. అభిõÙక్‌ (12వ ని.లో), మన్‌దీప్‌ సింగ్‌ (21వ ని.లో), కెపె్టన్‌ హర్మన్‌ప్రీత్‌ సింగ్‌ (28వ ని.లో), జుగ్‌రాజ్‌ సింగ్‌ (47వ ని.లో) ఒక్కో గోల్‌ నమోదు చేశారు. ఇండోనేసియా జట్టుకు ఆలియా అల్‌ అర్ధ్‌ (33వ ని.లో) ఏకైక గోల్‌ అందించాడు. భారత జట్టుకు ఏడు పెనాల్టీ కార్నర్‌లు రాగా... మూడింటిని మాత్రమే సద్వినియోగం చేసుకుంది. మంగళవారం జరిగే రెండో మ్యాచ్‌లో శ్రీలంకతో భారత్‌ తలపడుతుంది.

నగోయా: ఆసియా క్రీడల్లో తొలిసారి నిర్వహిస్తున్న టెక్‌బాల్‌ క్రీడాంశంలో ఒకేరోజు భారత్‌కు రెండు కాంస్య పతకాలు త్రుటిలో చేజారాయి. మహిళల వ్యక్తిగత కాంస్య పతక మ్యాచ్‌లో భారత ప్లేయర్‌ క్విమ్సీ డిసౌజా 11–12, 11–12తో యునా సాకామోటో (జపాన్‌) చేతిలో ఓడిపోయింది. మిక్స్‌డ్‌ డబుల్స్‌ కాంస్య పతక మ్యాచ్‌లో క్విమ్సీ డిసౌజా–అనస్‌ బేగ్‌ (భారత్‌) జోడీ 9–12, 6–12తో హోంగ్‌ మిన్‌ టాన్‌ నుగుయెన్‌–గియా ట్రిన్‌ (వియత్నాం) జంట చేతిలో పరాజయం పాలైంది. భారత టీటీ జట్లకు మిశ్రమ ఫలితాలుటేబుల్‌ టెన్నిస్‌ (టీటీ) టీమ్‌ ఈవెంట్‌లో భారత మహిళల జట్టు తొలి మ్యాచ్‌లో 3–0తో ఇండోనేసియాపై, రెండో మ్యాచ్‌లో 3–2తో సింగపూర్‌పై గెలిచింది. ఇండోనేసియాతో జరిగిన గ్రూప్‌ ‘ఎఫ్‌’ తొలి లీగ్‌ మ్యాచ్‌లో భారత పురుషుల జట్టు 3–0తో గెలిచి...ఇరాన్‌తో జరిగిన మ్యాచ్‌లో 0–3తో ఓటమి చవిచూసింది. వుషులో నిరాశ: మార్షల్‌ ఆర్ట్స్‌లో భాగమైన వుషు క్రీడాంశంలో భారత్‌కు నిరాశ ఎదురైంది. పురుషుల చాంగ్‌క్వాన్‌ ఈవెంట్‌లో భారత ప్లేయర్‌ సూరజ్‌ సింగ్‌ 11వ స్థానంతో సరిపెట్టుకున్నాడు. సాండా ఈవెంట్‌లో భారత ప్లేయర్లు అపర్ణ దహియా (52 కేజీలు)... విక్రాంత్‌ (75 కేజీలు) ప్రిక్వార్టర్‌ ఫైనల్లో వెనుదిరిగారు. స్విమ్మర్‌ రిషభ్‌కు ఆరో స్థానం పురుషుల స్విమ్మింగ్‌లో తొలిరోజు భారత్‌ ఆశించిన ఫలితం లభించలేదు. 100 మీటర్ల బ్యాక్‌స్ట్రోక్‌లో భారత స్విమ్మర్‌ రిషభ్‌ దాస్‌ ఫైనల్‌ చేరినా పతకానికి సుదూరంలో నిలిచాడు. ఫైనల్లో రిషభ్‌ 54.77 సెకన్లలో గమ్యానికి చేరి ఆరో స్థానంతో సరిపెట్టుకున్నాడు.

పన్నెండేళ్ల వయసులో కుర్రాళ్లు ఏడిపిస్తుంటే... వారికి తగిన బుద్ధి చెప్పాలని ఆత్మరక్షణ విద్య నేర్చుకున్న ఆ చిన్నది... ఇప్పుడు 36 ఏళ్ల వయసులో ఆసియా క్రీడల్లో దేశానికి పతకం ఖాయం చేసింది. ‘ఆడపిల్లలు లేడి పిల్లలుగా కాకుండా... పులి పిల్లలుగా మారాలని’ బలంగా నమ్మి ఏళ్ల పాటు దాని కోసం కృషి చేసిన హరియాణాకు చెందిన సుచికా తరియాల్‌... ఏషియన్‌ గేమ్స్‌లో కనీసం కాంస్య పతకం ఖరారు చేసుకుంది.వేధింపులు ఎదురైతే మౌనంగా ఉండిపోకుండా... పోరాడటం నేర్చుకోవాలని కరాటేలో శిక్షణ తీసుకున్న సుచికా... తాజా ఆసియా క్రీడల్లో సాంప్రదాయ మిక్స్‌డ్‌ మార్షల్‌ ఆర్ట్స్‌ (ఎంఎంఏ) 60 కేజీల విభాగంలో సెమీఫైనల్‌కు అర్హత సాధించి కనీసం కాంస్య పతకాన్ని ఖాయం చేసుకుంది. ‘దేశానికి పతకం అందించబోతుండటం ఆనందంగా ఉంది. సోమవారం స్వర్ణ పతకం కోసం పోరాడతా. చిన్నప్పటి నుంచి ఏదో ఒక రకమైన ఫైటింగ్‌ నేర్చుకోవాలనే కల ఉండేది. అందుకే తొలుత జూడోను ఎంచుకున్నా. ఆ ప్రయాణం నన్ను ఇక్కడి వరకు తీసుకొచ్చింది. మాది సంప్రదాయ కుటుంబం కావడంతో మొదట ఎన్నో ఇబ్బందులు ఎదుర్కొన్నా... ఆ తర్వాత నా పట్టుదల చూసి అంతా సహకరించారు. ఇక్కడి వరకు చేరుకోవడానికి చాలా సమయం పట్టింది. దీని వెనక కఠోర శ్రమ దాగి ఉంది’ అని సుచిక వెల్లడించింది. ఆసియా క్రీడల్లో తొలిసారి ఎంఎంఏ క్రీడాంశాన్ని ప్రవేశ పెట్టారు. ఇందులో స్ట్రైకింగ్, టేక్‌డౌన్, గ్రాప్లింగ్, గ్రౌండ్‌ ఫైటింగ్‌ ఆధారంగా పాయింట్లు కేటాయించి విజేతను ప్రకటిస్తారు. జూడో నుంచి మొదలై... రోహ్‌తక్‌కు చెందిన సుచిక మొదట జూడోలో శిక్షణ తీసుకుంది. అక్కడి నుంచి జు–జుట్సుకు మారిన ఆమె... ఇప్పుడు ఎంఎంఏలో సత్తా చాటింది. భోపాల్‌ ‘సాయ్‌’ కేంద్రంలో రాటుదేలిన సుచిక... ఇప్పటి వరకు 20కి పైగా అంతర్జాతీయ ఈవెంట్లలో పోటీపడింది. ఎనిమిదిసార్లు జాతీయ చాంపియన్‌గా నిలవడంతో పాటు పలు పతకాలు ఖాతాలో వేసుకుంది. 2019 కామన్వెల్త్‌ జూడో చాంపియన్‌షిప్, 2019 దక్షిణాసియా గేమ్స్‌లో పసిడి పతకాలు సాధించిన ఈ హరియాణా ఫైటర్‌... 2018 కామన్వెల్త్‌ జూడో చాంపియన్‌షిప్‌లో రజతం గెలిచింది. 2022 కామన్వెల్త్‌ క్రీడల్లో త్రుటిలో పతకం సాధించే అవకాశం కోల్పోయిన సుచిక... ఎట్టకేలకు తాజా ఆసియా క్రీడల్లో పోడియంపై నిలవనుంది. జూడో నుంచి జు–జుట్సుకు మారిన అనంతరం... 2024 ప్రపంచ చాంపియన్‌షిప్‌లో పసిడి పతకం నెగ్గింది. 2017లోనే ఎంఎంఏలో అరంగేట్రం చేసిన ఆమె జూడో మీద దృష్టి పెట్టేందుకు ఏడేళ్ల పాటు ఎంఎంఏకు దూరమైంది. 2024లో ఎంఎంఏలో పునరాగమనం చేసిన సుచిక... బహ్రెయిన్‌లో జరిగిన బ్రేవ్‌ సీఎఫ్‌ 92లో విజయం సాధించింది. సీఐఎస్‌ఎఫ్‌లో హెడ్‌ కానిస్టేబుల్‌గా సేవలందించిన సుచికా... ప్రస్తుతం హరియాణా క్రీడా శాఖలో జూనియర్‌ కోచ్‌గా వ్యవహరిస్తోంది.

మరోసారి ‘శతక’ పతకాల మైలురాయిని అందుకోవాలనే లక్ష్యంతో ఆసియా క్రీడల బరిలోకి దిగిన భారత్‌కు శుభారంభం లభించింది. తొలి రోజే భారత్‌ ఖాతాలో రెండు రజత పతకాలు చేరాయి. మరో రెండు పతకాలు ఖరారయ్యాయి. షూటింగ్‌లో భారత మహిళా షూటర్‌ ఇలవేనిల్‌ వలారివన్‌ రెండు రజత పతకాలతో మెరిసింది. ముందుగా సోనమ్, విదర్శలతో కలిసి ఇలవేనిల్‌ 10 మీటర్ల ఎయిర్‌ రైఫిల్‌ టీమ్‌ విభాగంలో భారత్‌కు రజత పతకాన్ని అందించింది. ఆ తర్వాత వ్యక్తిగత విభాగంలో ఇలవేనిల్‌ రజత పతకాన్ని సొంతం చేసుకుంది. మిక్స్‌డ్‌ మార్షల్‌ ఆర్ట్స్‌లో మహిళా ఫైటర్‌ సుచిక తరియాల్‌ 60 కేజీల విభాగంలో సెమీఫైనల్లోకి దూసుకెళ్లి కనీసం కాంస్య పతకాన్ని ఖాయం చేసుకుంది. భారత మహిళల క్రికెట్‌ జట్టు ఫైనల్లోకి ప్రవేశించి స్వర్ణం లేదా రజత పతకాన్ని అందుకోనుంది. హాకీలో భారత జట్లు ఘనవిజయాలతో బోణీ కొట్టగా... టేబుల్‌ టెన్నిస్‌లో మనోళ్లకు మిశ్రమ ఫలితాలు ఎదురయ్యాయి. బ్యాడ్మింటన్‌లో భారత మహిళల జట్టు క్వార్టర్‌ ఫైనల్‌కు చేరింది. నగోయా: పసిడి ఖాతా తెరువకపోయినా... ఆసియా క్రీడల తొలి రోజే భారత్‌ రెండు రజత పతకాలు సాధించింది. అంచనాలకు అనుగుణంగా రాణించిన భారత షూటర్లు ఈ రెండు పతకాలను అందించారు. మహిళల 10 మీటర్ల ఎయిర్‌ రైఫిల్‌ టీమ్‌ విభాగంలో ఇలవేనిల్‌ వలారివన్, సోనమ్‌ మస్కర్, విదర్శ వినోద్‌లతో కూడిన భారత జట్టు 1898 పాయింట్లతో రెండో స్థానంలో నిలిచి రజత పతకం దక్కించుకుంది. 1904.2 పాయింట్లతో చైనా జట్టుకు స్వర్ణం దక్కగా... 1897.1 పాయింట్లతో జపాన్‌కు కాంస్యం లభించింది. క్వాలిఫయింగ్‌లో భారత షూటర్లు సోనమ్‌ మస్కర్‌ 634.1 పాయింట్లతో మూడో స్థానంలో, ఇలవేనిల్‌ వలారివన్‌ 633.5 పాయింట్లతో ఏడో స్థానంలో నిలిచి ఫైనల్‌కు అర్హత సాధించారు. భారత్‌కే చెందిన మరో షూటర్‌ విదర్శ వినోద్‌ 640.4 పాయింట్లతో 12వ స్థానంలో నిలిచింది. క్వాలిఫయింగ్‌లో టాప్‌–8లో నిలిచిన వారు మాత్రమే ఫైనల్స్‌కు అర్హత పొందుతారు. క్వాలిఫయింగ్‌లో ఆయా దేశాల షూటర్లు సాధించిన పాయింట్ల ఆధారంగా టీమ్‌ ఈవెంట్‌ పతకాలను ఖరారు చేశారు. ఎలిమినేషన్‌ పద్ధతిలో జరిగిన 10 మీటర్ల ఎయిర్‌ రైఫిల్‌ వ్యక్తిగత ఫైనల్లో ఇలవేనిల్‌ 252.4 పాయింట్లు స్కోరు చేసి రెండో స్థానంలో నిలిచి రజత పతకాన్ని అందుకుంది. హినాటా తైచీ (జపాన్‌; 253 పాయింట్లు) బంగారు పతకం నెగ్గగా... హైజిన్‌ బాన్‌ (దక్షిణ కొరియా; 230.4 పాయింట్లు) కాంస్య పతకాన్ని సాధించింది. భారత షూటర్‌ సోనమ్‌ 167 పాయింట్లతో ఆరో స్థానంతో సంతృప్తి పడింది. మరోవైపు మహిళల మిక్స్‌డ్‌ మార్షల్‌ ఆర్ట్స్‌ 60 కేజీల విభాగం క్వార్టర్‌ ఫైనల్లో భారత ఫైటర్‌ సుచిక తరియాల్‌ 2–0తో బైగల్మా అల్తాన్‌చిమెగ్‌ (మంగోలియా)పై నెగ్గి సెమీఫైనల్‌కు చేరింది. మిక్స్‌డ్‌ మార్షల్‌ ఆర్ట్స్‌లో సెమీఫైనల్లో ఓడిన వారికి కాంస్య పతకాలు ఖాయమవుతాయి.

జపాన్ వేదికగా జరుగుతున్న ఆసియా గేమ్స్ 2026లో భారత మహిళల బ్యాడ్మింటన్ జట్టు శుభారంభం చేసింది. ఆదివారం జరిగిన రౌండ్ ఆఫ్ 16 (ప్రీక్వార్టర్స్) పోరులో భారత్ 3-0తో కజకిస్థాన్‌ను చిత్తు చేసి క్వార్టర్ ఫైనల్స్‌కు దూసుకెళ్లింది. ఈ మ్యాచ్‌లో భారత షట్లర్లు పి.వి. సింధు, ఉన్నతి హుడా, తన్వి శర్మలు అద్భుత ప్రదర్శనతో ప్రత్యర్థి జట్టుకు చెమటలు పట్టించారు. వీరి ధాటికి కజకిస్థాన్ ఆటగాళ్లు చేతులెత్తేశారు.మొదటి సింగిల్స్‌లో కామిలా స్మాగులోవాపై 21-7, 21-9 తేడాతో పి.వి. సింధు ఘనవిజయం సాధించింది. అనంతరం రెండో సింగిల్స్‌లో అలెస్సా కులేషోవాను 21-7, 21-10 తేడాతో ఉన్నతి హుడా ఓడించి భారత ఆధిక్యాన్ని 2-0కి పెంచింది. ఇక మూడో సింగిల్స్‌తో డయానా నమేనోవాపై 21-5, 21-10 తేడాతో తన్వి శర్మ విజయం సాధించి 3-0తో క్లీన్ స్వీప్‌ పూర్తి చేసింది. ఈ భారత త్రయం కేవలం 65 నిమిషాల్లోనే ప్రత్యర్థులను మట్టికరిపించడం విశేషం. మంగళవారం రోజున క్వార్టర్‌ఫైనల్లో ఆతిథ్‌య జపాన్ జట్టుతో భారత బృందం తలపడనుంది. మొదటి రౌండ్‌లో 'బై' పొందిన జపాన్, క్వార్టర్స్‌లో భారత జట్టుకు గట్టి పోటీనిచ్చేందుకు సిద్ధంగా ఉంది.చదవండి: IND vs NZ: టీమిండియాకు కొత్త కెప్టెన్‌?

ఏషియన్‌ గేమ్స్‌ 2026లో భారత అథ్లెట్లు పతకాల వేట కొనసాగుతోంది. తొలి రోజే షూటింగ్‌లో భారత్‌కు మరో పతకం దక్కింది. మహిళల 10 మీటర్ల ఎయిర్‌ రైఫిల్‌ వ్యక్తిగత విభాగంలో ఎలావెనిల్‌ వలరివన్‌ రజతం సాధించింది. దీంతో ఈ ఏషియన్‌ గేమ్స్‌లో భారత్‌ పతకాల సంఖ్య రెండుకు చేరింది.ఇప్పటికే సోనమ్‌ మస్కర్‌, విదర్సా వినోద్‌తో కలిసి మహిళల 10 మీటర్ల ఎయిర్‌ రైఫిల్‌ టీమ్‌ విభాగంలో రజతం గెలిచిన ఎలావెనిల్‌.. వ్యక్తిగత విభాగంలోనూ సత్తా చాటింది. ఎనిమిది మంది షూటర్ల మధ్య జరిగిన ఫైనల్లో రాణించి మరోసారి పోడియంపై నిలిచింది.మరో పతకం ఖాయంషూటింగ్‌లో రెండు రజత పతకాలు కైవసం చేసుకున్న భారత్‌.. మిక్స్‌డ్‌ మార్షల్‌ ఆర్ట్స్‌ (ఎంఎంఏ)లోనూ మరో పతకం ఖాయం చేసుకుంది. మహిళల సంప్రదాయ 60 కేజీల విభాగం క్వార్టర్‌ ఫైనల్లో మంగోలియా క్రీడాకారిణి ఆల్టాంచిమెగ్‌ బైగల్మాను ఓడించిన సుచికా తరియాల్‌ సెమీఫైనల్‌కు చేరింది. దీంతో భారత్‌కు ఈ క్రీడలో తొలి పతకం ఖాయమైంది.తొలి రోజు భారత అథ్లెట్ల ఫలితాలువుషు: పురుషుల చాంగ్‌క్వాన్‌ ఫైనల్లో సూరజ్‌ సింగ్‌ మయాంగ్లంబం 11వ స్థానంతో సరిపెట్టుకున్నాడు.టెక్‌బాల్‌: మహిళల సింగిల్స్‌ కాంస్య పతక పోరులో జపాన్‌ క్రీడాకారిణి యుయినా సకమోటో చేతిలో క్విమ్సీ డిసౌజా ఓడిపోయింది. మిక్స్‌డ్‌ డబుల్స్‌ కాంస్య పతక పోరులోనూ క్విమ్సీ డిసౌజా, మహమ్మద్‌ అనస్‌ బేగ్‌ జోడీకి నిరాశ ఎదురైంది. వియత్నాం జోడీ చేతిలో ఓటమి పాలైంది.స్విమ్మింగ్‌: పురుషుల 100 మీటర్ల బ్యాక్‌స్ట్రోక్‌ హీట్స్‌లో రిషబ్‌ దాస్‌ ఐదో స్థానంలో నిలిచి ఫైనల్‌కు అర్హత సాధించాడు. ఉత్కర్ష్‌ పాటిల్‌ 12వ స్థానంలో నిలిచాడు. పురుషుల 100 మీటర్ల ఫ్రీస్టైల్‌ హీట్స్‌లో బెనెడిక్షన్‌ బెనిస్టన్‌ 12వ స్థానంలో, ఆకాష్‌ మణి 23వ స్థానంలో నిలిచారు.టేబుల్‌ టెన్నిస్‌: మహిళల టీమ్‌ గ్రూప్‌ ఎఫ్‌ మ్యాచ్‌లో ఇండోనేషియాపై భారత్‌ 3-0తో విజయం సాధించింది. పురుషుల టీమ్‌ గ్రూప్‌ ఎఫ్‌ మ్యాచ్‌లోనూ భారత్‌ 3-0తో ఇండోనేషియాను ఓడించింది.ఎంఎంఏ: మహిళల సంప్రదాయ 60 కేజీల క్వార్టర్‌ ఫైనల్లో సుచికా తరియాల్‌ విజయం సాధించి భారత్‌కు పతకం ఖాయం చేసింది.హాకీ: ఉజ్బెకిస్థాన్‌తో జరిగిన పూల్‌ మ్యాచ్‌లో భారత మహిళల జట్టు 19-0తో ఘన విజయం సాధించింది. దీపికా సెహ్రావత్‌ ఏకంగా 9 గోల్స్‌ చేసి టోర్నీలో ఒకే మ్యాచ్‌లో అత్యధిక గోల్స్‌ చేసిన క్రీడాకారిణిగా రికార్డు సృష్టించింది.మహిళల క్రికెట్‌: సెమీఫైనల్లో బంగ్లాదేశ్‌తో భారత్‌ తలపడుతోంది. ఫైనల్‌ బెర్త్‌ కోసం భారత జట్టు పోరాడుతోంది.ఇదీ చదవండి: Asian Games 2026: షూటింగ్‌ 'సిల్వర్‌'తో ఖాతా తెరిచిన భారత్‌

జపాన్‌లో జరుగుతున్న 2026 ఏషియన్‌ గేమ్స్‌లో భారత్‌ పతకాల వేట ప్రారంభమైంది. క్రీడల తొలి రోజే మహిళల 10 మీటర్ల ఎయిర్ రైఫిల్ టీమ్ ఈవెంట్‌లో ఎలావెనిల్ వలరివన్, సోనం మస్కర్, విదర్సా వినోద్ రజత పతకం సాధించారు. ఈ ఈవెంట్‌లో చైనా స్వర్ణం సాధించగా.. ఆతిథ్య జపాన్‌ కాంస్యంతో సరిపెట్టుకుంది.మరో పతకం ఖాయంమహిళల ట్రెడిషనల్ MMA (మిక్సడ్‌ మార్షల్‌ ఆర్ట్స్‌) 60 కేజీల విభాగంలో సుచికా తరియాల్ సెమీఫైనల్‌కు చేరుకోవడంతో భారత్‌కు మరో పతకం ఖాయమైంది.హాకీ జట్టుకూ అదిరిపోయే ఆరంభం​భారత మహిళల హాకీ జట్టుకు అదిరిపోయే అరంభం లభించింది. ఉజ్బెకిస్తాన్‌పై టీమిండియా 19-0 గోల్స్‌ తేడాతో ఘన విజయం సాధించింది. దీపిక 9 గోల్స్‌తో చెలరేగగా.. ఇషిక హ్యాట్రిక్‌ సాధించింది.టేబుల్‌ టెన్నిస్‌లోనూ ఘనంగా బోణీమహిళల టేబుల్‌ టెన్నిస్‌ ఈవెంట్‌లోనూ భారత్‌ ఘనంగా బోణీ కొట్టింది. ఆకుల శ్రీజ, సుతిర్థ ముఖర్జీ, సిండ్రెల దాస్‌ జోడీ ఇండోనేషియా జోడీపై 3-0తో విజయం సాధించింది.నేడు భారత్‌ కీలక ఈవెంట్లుమహిళల క్రికెట్: బంగ్లాదేశ్‌తో సెమీఫైనల్పురుషుల హాకీ: ఇండోనేషియాతో తొలి మ్యాచ్షూటింగ్: మహిళల 10 మీటర్ల ఎయిర్ రైఫిల్ వ్యక్తిగత ఫైనల్బ్యాడ్మింటన్: కజకిస్థాన్‌తో మహిళల టీమ్ మ్యాచ్వుషు: భారత్‌ ఆటగాళ్లకు నాకౌట్ పోటీలుఇదీ చదవండి: మరో ముగ్గురికి టీమిండియా నుంచి పిలుపు

సియోల్‌: డేవిస్‌కప్‌ పురుషుల ప్రపంచ టీమ్‌ టెన్నిస్‌ టోర్నమెంట్‌లో ఫైనల్స్‌కు చేరాలనుకున్న భారత ఆశలు నెరవేరలేదు. దక్షిణ కొరియాతో క్వాలిఫయర్‌ రెండో రౌండ్‌లో భారత జట్టు 1–3 తేడాతో పరాజయం పాలైంది. కొత్త ఫార్మాట్‌లో నిర్వహిస్తున్న డేవిస్‌ కప్‌లో ఫైనల్‌కు చేరిన తొలి ఆసియా దేశంగా నిలిచే అవకాశాన్ని భారత్‌ చేజార్చుకుంది. శుక్రవారం తొలి రోజు ఆడిన రెండు సింగిల్స్‌లోనూ పరాజయం పాలై వెనుకబడిన భారత్‌ ఆ తర్వాత కోలుకోలేకపోయింది. రెండో రోజు శనివారం పురుషుల డబుల్స్‌లో విజయం సాధించినా... రివర్స్‌ సింగిల్స్‌లో సుమిత్‌ నగాల్‌ ఏమాత్రం ప్రభావం చూపలేకపోవడంతో భారత జట్టుకు ఓటమి తప్పలేదు. డబుల్స్‌ మ్యాచ్‌లో శ్రీరామ్‌ బాలాజీ–దక్షిణేశ్వర్‌ 6–3, 3–6, 6–3తో జిసుంగ్‌ నామ్‌–యుసింగ్‌ పార్క్‌పై విజయం సాధించారు. తప్పక గెలవాల్సిన రివర్స్‌ సింగిల్స్‌ పోరులో భారత నంబర్‌వన్‌ సుమిత్‌ నగాల్‌ 1–6, 2–6తో సూన్‌వూ క్వోన్‌ చేతిలో ఓడాడు. దీంతో కొరియా 3–1తో విజయం సాధించడంతో చివరి సింగిల్స్‌ మ్యాచ్‌ నిర్వహించలేదు. ఈ విజయంతో కొరియా జట్టు వరల్డ్‌ ఫైనల్స్‌ టోర్నమెంట్‌కు అర్హత సాధించింది. ఇక భారత జట్టు వచ్చే ఏడాది జరగనున్న క్వాలిఫయర్‌ రౌండ్‌–1లో పాల్గొననుంది.

నగోయా: ఆసియా క్రీడల్లో వరుసగా రెండో సారి క్రికెట్‌ భాగమైంది. అయితే చైనాలో జరిగిన గత క్రీడల తరహాలోనే ఈ సారి జపాన్‌లో కూడా ఆటపై పెద్దగా అవగాహన లేదు. జపాన్‌ జట్టు ఇప్పటికే ఐసీసీ గుర్తింపు పొంది 61 అంతర్జాతీయ టి20 మ్యాచ్‌లు ఆడినా... సగటు క్రీడాభిమానికి అది ఇంకా చేరువ కాలేదు. ఇలాంటి స్థితిలో జపాన్‌లో ఆసియా క్రీడల్లో క్రికెట్‌ మ్యాచ్‌లు కూడా జరుగుతున్నాయి. ఈ మెగా ఈవెంట్‌లో వేర్వేరు క్రీడలను ప్రత్యక్షంగా చూసేందుకు సిద్ధమైన జపాన్‌ అభిమానులు క్రికెట్‌ మ్యాచ్‌లకు కూడా వెళుతున్నారు. ఈ నేపథ్యంలో ఫ్యాన్స్‌కు ఆటపై మరింత అవగాహన కలి్పంచాలని నిర్వాహకులు భావించారు. ఆటకు సంబంధించి ప్రాధమిక అంశాలను వివరిస్తూ ప్రత్యేకంగా బుక్‌లెట్‌లు తయారు చేశారు. క్రికెట్‌ మ్యాచ్‌లు జరుగుతున్న కరోగీ స్పోర్ట్స్‌ పార్క్‌లో వీటిని పంచుతున్నారు. జట్టులోని ఆటగాళ్ల సంఖ్య, ఫీల్డింగ్‌ స్థానాలు, పరుగుల లెక్క, అవుటయ్యే తీరు... ఇలా అంపైర్ల సైగలతో సహా ఈ బుక్‌లెట్‌లో ముద్రించారు. ఇవన్నీ కూడా స్థానిక జపానీ భాషలోనే ఉండటం విశేషం.

ఆసియా క్రీడల ఆరంభం సంబరం అద్భుతంగా సాగింది... తమ దేశ సంస్కృతి ప్రదర్శన మాత్రమే కాకుండా పారిశ్రామిక ప్రగతిలో తమ ఘనతను చూపిస్తూ జపాన్‌ ఈ క్రీడల ప్రారంభోత్సవ వేడుకలను ఘనంగా ప్రదర్శించింది. ప్రముఖ దర్శకుడు యుకిహికు సుసుమి నేతృత్వంలో రూపొందిన ఈ ప్రత్యేక కార్యక్రమం అన్ని రకాలుగా అలరించింది. రంగులు, హంగులతో మిరుమిట్లుగొలిపిన కార్యక్రమాలు ప్రత్యేకంగా నిలిచాయి. క్రీడల్లో పాల్గొంటున్న వేర్వేరు దేశాల ఆటగాళ్ల మధ్య బంధాన్ని చూపేలా ‘హృదయాన్ని’ నేపథ్యంగా ఎంచుకున్న నిర్వాహకులు కార్యక్రమం ఆసాంతం దాన్ని ప్రతిఫలిస్తూ వినూత్న తరహాలో వేడుకలను ప్రపంచం ముందు ఉంచడం విశేషం. శనివారం మిజుహో పార్క్‌ అథ్లెటిక్‌ స్టేడియంలో సుమారు రెండు గంటల పాటు సాగిన ప్రారంభోత్సవ కార్యక్రమంలో హైలైట్స్‌ను చూస్తే...అలా సాగింది... ప్రారంభోత్సవ కార్యక్రమం జపాన్‌ జాతీయగీతంతో మొదలైంది. ఆ తర్వాత ఆ దేశ రక్షణ దళానికి చెందిన సైనికులు జపాన్‌ జాతీయ పతాకాన్ని స్టేడియంలోకి తీసుకొచ్చారు. ఐషీ రాష్ట్రంలో పర్యాటకపరంగా ఎంతో గుర్తింపు ఉన్న ‘నగోయా క్యాజిల్‌’ నమూనాను స్టేడియం మధ్యలో ప్రదర్శిస్తూ కార్యక్రమాలను నిర్వహించారు. ఆతిథ్య దేశానికి చెందిన ప్రముఖ వయోలినిస్ట్‌ టారో హకాసే తన సంగీత ప్రావీణ్యాన్ని ప్రదర్శించగా, నాలుగు భిన్నమైన రంగులతో 240 మంది డాన్సర్లు చేసిన ప్రత్యేక సంగీత కార్యక్రమం అందరిని ఆకట్టుకుంది. జపాన్‌ చారితక్ర, సాంస్కృతిక ‘కబూకీ’ ప్రదర్శన సమయంలో ప్రేక్షకుల నుంచి మంచి స్పందన వచి్చంది. ప్రఖ్యాత మ్యూజిక్‌ బ్యాండ్‌ ‘ఐఎన్‌ఐ మ్యూజిక్‌ గ్రూప్‌’ కూడా తమ ప్రదర్శనతో అలరించింది. ఈ క్రీడల్లో పోటీలు నిర్వహిస్తున్న 43 క్రీడాంశాలకు చెందిన ఆడియో విజువల్‌ షోను కూడా ప్రదర్శించారు. కుటుంబ సమేతంగా హాజరైన జపాన్‌ రాజు నరుహిటో అధికారికంగా క్రీడలను ప్రారంభిస్తున్నట్లు ప్రకటించారు. ఈ కార్యక్రమంలో అంతర్జాతీయ ఒలింపిక్‌ కౌన్సిల్‌ అధ్యక్షురాలు క్రిస్టీ కొవెంట్రీ తదితరులు పాల్గొన్నారు.తండ్రీ కొడుకులు కలిసి... ఆసియా క్రీడల జ్యోతిని ఇద్దరు జపాన్‌ స్టార్‌ ఆటగాళ్లు కలిసి వెలిగించారు. 2004 ఏథెన్స్‌ ఒలింపిక్‌ క్రీడల హ్యామర్‌ త్రోలో స్వర్ణం సాధించిన మురోఫుషు కోజి, అతని తండ్రి షిగెనొబు కలిసి ఈ లాంఛనం పూర్తి చేశారు. షిగెనొబు కూడా హ్యామర్‌త్రోలనే ఆసియా క్రీడల్లో ఐదు స్వర్ణాలు గెలుచుకున్నాడు. 46 జట్ల పరేడ్‌... ప్రారంభోత్సవంలో జరిగిన మార్చ్‌పాస్ట్‌లో మొత్తం 45 దేశాలకు చెందిన అథ్లెట్లు పాల్గొన్నారు. వీటితో పాటు నలుగురు సభ్యుల ఆసియా రెఫ్యూజీ టీమ్‌ కూడా పరేడ్‌లో భాగమైంది. ఆసియా క్రీడల్లో రెఫ్యూజీ జట్టు పాల్గొనడం ఇదే తొలిసారి. అక్షర క్రమంలో అఫ్గానిస్తాన్‌ జట్టు అందరికంటే ముందుగా రాగా, సంప్రదాయాన్ని అనుసరించి ఆతిథ్య జట్టు జపాన్‌ అన్నింటికంటే ఆఖరిగా వచి్చంది. జపాన్‌ తరఫున 900 మందికి పైగా అథ్లెట్లు పోటీల్లో పాల్గొంటుండటం విశేషం. అంతా హృదయమయం...ఆసియా క్రీడల థీమ్‌ హార్మోనిక్‌ ‘హార్ట్‌’ బీట్‌... వేదికపై పెద్ద సైజులో ‘హార్ట్‌’ నమూనా ఏర్పాటు...స్వాగత సంగీతం పేరు అవేకనింగ్‌ ఆఫ్‌ ద స్పేస్‌ అండ్‌ రెజొనేటింగ్‌ ‘హార్ట్‌’ బీట్‌... మార్చ్‌పాస్ట్‌లో వివిధ దేశాల పేర్ల ప్లకార్డ్‌లు కూడా ‘హార్ట్‌’ రూపంలోనే...సంగీత కచేరీ చేస్తున్న వయోలినిస్ట్‌ వేసుకున్న దుస్తులపై కూడా గుండె గుర్తులే... డ్రోన్‌ షోలో ఏంజెల్స్‌ రెక్కలూ అదే ఆకారంలో... ఇలా ఆసియా క్రీడల నిర్వాహక బృందం అన్ని చోట్లా హృదయాన్ని నింపేసింది. కబుకీ ప్రదర్శనలోనూ ‘హార్ట్‌’ బీట్‌ ఆఫ్‌ ట్రెడిషన్‌ అంటూ పరిచయం జరిగింది. ఆటగాళ్ల మధ్య అనుబంధం, ఏకత్వం, స్నేహం పెంపొందించడమే క్రీడల లక్ష్యమంటూ పదే పదే గుర్తు చేసేలా ఈ కార్యక్రమ రూపకల్పన జరగడం విశేషం.సాంకేతిక సత్తా చూపిస్తూ... ప్రఖ్యాత మోటో కార్ప్‌ కంపెనీ టయోటా ప్రధాన కార్యాలయం ఈ క్రీడలు జరుగుతున్న ఐషీ రాష్ట్రంలోనే ఉంది. అలాంటప్పుడు దాని ప్రాధాన్యతను గురించి చెప్పకపోతే ఎలా! క్రీడల నిర్వాహకులు కూడా అదే తరహాలో ఆలోచించారు. అందుకే ‘హార్మొనీ కనెక్టింగ్‌ టు ద ఫ్యూచర్‌’ పేరుతో తమ సాంకేతిక పురోగతిని ప్రదర్శించారు. ఐషీలో ఉన్న ఉత్పాదక కంపెనీలు, అవి తయారు చేసే వస్తువులువంటి అంశాలను తీసుకుంటూ ఈ కార్యక్రమాన్ని రూపొందించారు. ఎన్నో ఏళ్ల క్రితం ప్రారంభమైన తమ ఇండస్ట్రియల్‌ టెక్నాలజీ అంచెలంచెలుగా ఎలా ఎదిగిందో, ఎప్పటికిప్పుడు కొత్త ఉత్పాదనలతో భవిష్యత్తు కోసం ఎలా తాము దూసుకు పోతున్నామో ఇందులో వివరించారు.మనూ, పవన్‌ పతాకధారులుగా...మార్చ్‌పాస్ట్‌లో భారత బృందానికి యువ షూటర్‌ మనూ భాకర్, కబడ్డీ ఆటగాడు పవన్‌ సెహ్రావత్‌ నేతృత్వం వహించారు. ఈ క్రీడల ప్రారంభోత్సవ కార్యక్రమం కోసం ప్రత్యేకంగా రూపొందించిన నీలం రంగు డిజైనర్‌ డ్రెస్‌లలో భారత అథ్లెట్లు మెరిశారు. బంద్‌గలాతో కూడిన ఆకర్షణీయమైన చీరలను మహిళా అథ్లెట్లు ధరించగా, అదే తరహాలో సిద్ధం చేసిన జోధ్‌పురి డ్రెస్‌లో పురుష క్రీడాకారులు పాల్గొన్నారు. పతాకధారుల విషయంలో చివరి నిమిషంలో అనూహ్య మార్పు చోటు చేసుకుంది. మనూ భాకర్‌తో పాటు షాట్‌పుటర్‌ తజీందర్‌పాల్‌ సింగ్‌ ఫ్లాగ్‌ బేరర్‌గా వ్యవహరించాల్సి ఉండగా...అతని స్థానంలో పవన్‌ వచ్చాడు. ఓపెనింగ్‌ సెరెమనీ కోసం ప్రత్యేకంగా రూపొందించిన డ్రెస్‌ తజీందర్‌కు అందకపోవడంతో మార్పు తప్పలేదు. తజీందర్‌ మాత్రమే కాకుండా భారత అథ్లెటిక్స్‌ బృందంలో ఎవరికీ ప్రారంభోత్సవ కిట్‌ అందలేదు. దాంతో 75 మంది భారత ఆటగాళ్లు కూడా ఈ కార్యక్రమానికి దూరమయ్యారు!

జపాన్‌ వేదికగా ఆసియా క్రీడలు- 2026 ఘనంగా మొదలయ్యాయి. ఈ ఆరంభ వేడుకల్లో ఒలింపిక్‌ పతకాల విజేత, షూటర్‌ మనూ భాకర్‌తో పాటు.. కబడ్డీ ఆటగాడు పవన్‌ సెహ్రావత్‌ ఫ్లాగ్‌ బేరర్లుగా వ్యవహరించారు. నిజానికి తొలుత మనూ భాకర్‌తో కలిసి షాట్‌పుటర్‌ తజిందర్‌ పాల్‌ సింగ్‌ తూర్‌ ఫ్లాగ్‌ బేరర్‌గా ఎంపికయ్యాడు.ఊహించని అవకాశంఅయితే, కిట్‌ ఆలస్యంగా రావడం వల్ల మనూకు జతగా ఉన్న మరో భారత పతాకధారిని మార్చాల్సి వచ్చింది. ఈ నేపథ్యంలో పవన్‌ సెహ్రావత్‌కు ఊహించని విధంగా ఫ్లాగ్‌ బేరర్‌గా అవకాశం వచ్చింది. మనూ భాకర్‌తో కలిసి అతడు భారత పతాకధారిగా వ్యవహరించాడు.రాత్రి అసలు నిద్రపోనేలేదుఈ నేపథ్యంలో పవన్‌ సెహ్రావత్‌ మాట్లాడుతూ.. ‘‘నాకిది అత్యంత గర్వించదగ్గ క్షణం. నిజానికి మాకు ప్రాక్టీస్‌ షెడ్యూల్‌ ఉంది. అందుకు తగినట్లుగానే మేమంతా ప్రాక్టీస్‌కు సిద్ధమయ్యాము. రాత్రి అసలు నిద్రపోనేలేదు.పొద్దునే జిమ్‌కు వెళ్లి నేరుగా స్టేడియానికి వచ్చేశాను. రాత్రంతా నేను మేల్కొనే ఉన్నాను. అయినా సరే జాతీయ పతాకాధారిగా వస్తున్నానని తెలిసి ఎక్కడా లేని ఉత్సాహం, శక్తి వచ్చాయి. నిజంగా నాకు ఇది గర్వకారణం.ఆమె ఒక స్ఫూర్తిదాయక అథ్లెట్‌నిజానికి నాకు ఫ్లాగ్‌ బేరర్‌గా అవకాశం వచ్చిందని ఈరోజు ఉదయమే అందరికీ చెప్పాను. అయితే, మా అన్నయ్య అంకుర్‌కు మాత్రం గత రాత్రే మెసేజ్‌ చేశాను. ఇక మనూ భాకర్‌ గురించి ప్రత్యేకంగా నేను చెప్పాల్సింది ఏమీ లేదు.ఆమె ఒక స్ఫూర్తిదాయక అథ్లెట్‌. ఇంతకు ముందే ఆమెను ఓసారి కలిశాను. ఒలింపిక్‌ పతక విజేతతో కలిసి ఫ్లాగ్‌ బేరర్‌గా ఉండటం గర్వించదగ్గ విషయం. మా జట్టును ఉద్దేశించి మనూ గతంలో స్ఫూర్తిదాయక ప్రసంగం ఇచ్చారు. ఇప్పుడిలా ఆమెతో కలిసి నేను పతాకధారిగా ఉండటం ఊహించని విషయం’’ అని పేర్కొన్నాడు. ఈ మేరకు భారత ఒలింపిక్‌ సంఘం పవన్‌ సెహ్రావత్‌కు సంబంధించిన వీడియోను విడుదల చేసింది.POV : You’re walking out along with our flag bearers at the Opening Cermony. 🥹🥹The incredible moments as our contingent marches during the Opening Ceremony! As the @asiangames_2026 are officially open, here’s wishing our contingent the very best on a successful games ahead.… pic.twitter.com/Kipe4elYGv— Team India (@WeAreTeamIndia) September 19, 2026చదవండి: Asian Games 2026: ఎవరీ క్వి మ్సీ డిసౌజా?

ఆసియా క్రీడలు-2026లో భారత టెక్‌బాల్‌ స్టార్‌ క్విమ్సీ డిసౌజాకు చేదు అనుభవం ఎదురైంది. మహిళల సింగిల్స్‌లో ఆది నుంచి అద్భుత ప్రదర్శనతో ఆకట్టుకున్న ఈ ముంబైకర్‌ సెమీ ఫైనల్లో మాత్రం ఓటమిపాలైంది.ఇండోనేషియాకు చెందిన ఇమా సుమయతో సెమీస్‌లో తలపడ్డ క్విమ్సీ తొలి సెట్‌ను 12-7తో గెలుచుకుంది. అయితే, సుమయ అనూహ్య రీతిలో పుంజుకుని రెండో సెట్‌ను 12-9తో సొంతం చేసుకుంది. ఇక నిర్ణయాత్మక మూడో సెట్‌లో పట్టువదలని సుమయ 12-7తో క్విమ్సీపై పైచేయి సాధించింది.ఫలితంగా సుమయా ఫైనల్‌కు అర్హత సాధించింది. అయితే, సెమీస్‌లో ఓడినప్పటికీ క్విమ్సీకి పతకం గెలిచేందుకు మరో అవకాశం ఉంది. ఆదివారం జరిగే కాంస్య పతక పోరులో ఆమె జపాన్‌కు చెందిన యియునా సకామొటోతో అమీతుమీ తేల్చుకుంటుంది. ఎవరీ క్విమ్సీ డిసౌజా?ముంబైకి చెందిన క్విమ్సీ పదమూడేళ్ల వయసులో మిడిల్‌ డిస్టాన్స్‌ రన్నర్‌గా తన క్రీడా ప్రయాణం మొదలుపెట్టింది. ఆ తర్వాత ఫుట్‌బాల్‌పై మక్కువ పెంచుకున్న 24 ఏళ్ల ఈ అమ్మాయి ఏజ్‌ గ్రూప్‌లో మహారాష్ట్రకు ప్రాతినిథ్యం వహించింది.అయితే, ఆశించిన రీతిలో కెరీర్‌ కొనసాగే పరిస్థితి లేకపోవడంతో క్విమ్సీ.. చదువు మీద శ్రద్ధ పెట్టింది. స్పోర్ట్స్‌ మేనేజ్‌మెంట్‌లో డిగ్రీ చేసి.. క్రీడా వస్తువుల రీటైలర్‌ డెకథ్లాన్‌లో ఉద్యోగంలో చేరింది. అక్కడే ఆమెకు టెక్‌బాల్‌ పరిచయమైంది.బ్రెజిల్‌ ఫుట్‌బాల్‌ దిగ్గజం రినాల్డిన్హో ఇన్‌స్టాగ్రామ్‌ వీడియోలో టెక్‌బాల్‌ ఆటను వీక్షించిన క్విమ్సీకి ఆసక్తి పెరిగింది. ఈ క్రమంలో కఠోర శ్రమతో క్రమక్రమంగా భారత టెక్‌బాల్‌ స్టార్‌గా ఎదిగింది. అంతర్జాతీయ స్థాయిలో టెక్‌బాల్‌లో భారత్‌కు ప్రాతినిథ్యం వహించిన తొలి మహిళా టెకర్‌గా నిలిచింది.ఏడుసార్లు జాతీయ చాంపియన్‌గా నిలిచిన క్విమ్సీ.. బెంగళూరులో టెక్‌బాల్‌ క్లబ్‌ స్థాపించి.. క్రీడను ప్రోత్సహిస్తోంది. ఇటీవల రొమేనియాలో జరిగిన టెక్‌బాల్‌ ప్రపంచ చాంపియన్‌షిప్స్‌లో క్విమ్సీ తొమ్మిదో స్థానంలో నిలిచింది.ఇక తాజాగా ఆసియా క్రీడల్లో మహిళల సింగిల్స్‌లో గ్రూప్‌-ఎ నుంచి తలపడ్డ క్విమ్సీ.. తొలుత జపాన్‌ టెకర్‌ యియునా సకామొటోపై 2-1తో గెలిచింది. ఆ తర్వాత కాంబోడియా టెకర్‌ కొయెమైయన్‌ను ఓడించింది. ఈ క్రమంలో గ్రూప్‌-ఎ టాపర్‌గా నిలిచి సెమీస్‌కు అర్హత సాధించింది. అయితే, సెమీస్‌లో మాత్రం ఓటమి ఎదురైనప్పటికీ.. కాంస్య పతక పోరులో నిలవగలిగింది.ఏమిటీ టెక్‌బాల్‌?ఫుట్‌బాల్‌, టేబుల్‌ టెన్నిస్‌ల కలయికే ఈ గేమ్‌. వాలుగా ఉన్న టేబుల్‌ పైనున్న నెట్‌ మీదుగా.. ఆటగాళ్లు తమ పాదాలు, కాళ్లు, ఛాతీ, తలతో ఫుట్‌బాల్‌ను కొడుతుంటారు. చేతులు, భుజాలు కాకుండా శరీరంలోని ఏ భాగంతోనైనా ఫుట్‌బాల్‌ను హిట్‌ చేయొచ్చు. సింగిల్స్‌, డబుల్స్‌ ఫార్మాట్లలో దీనిని నిర్వహిస్తారు. హంగేరీలో 2014లో ఈ క్రీడను కనుగొన్నారు.

సమర్‌కండ్‌ (ఉజ్బెకిస్తాన్‌): చెస్‌ ఒలింపియాడ్‌లో భారత మహిళల, పురుషుల జట్లు వరుసగా మూడో విజయం నమోదు చేసి ‘హ్యాట్రిక్‌’ సాధించాయి. భారత మహిళల జట్టు 3.5–0.5తో గ్రీస్‌ను ఓడించింది. బోర్డు–1పై ఆంధ్రప్రదేశ్‌ గ్రాండ్‌మాస్టర్‌ కోనేరు హంపి 46 ఎత్తుల్లో స్టావ్‌రూలా సొలాకిడూపై గెలిచింది. బోర్డు–2పై దివ్యదేశ్‌ముఖ్, అనస్తాసియా అవ్రామిడూ గేమ్‌ 49 ఎత్తుల్లో ‘డ్రా’ అయింది. బోర్డు–3పై వంతిక అగర్వాల్‌ 44 ఎత్తుల్లో ఎకతెరీని పావ్లిడూపై... బోర్డు–4పై సవితా శ్రీ 66 ఎత్తుల్లో అంటోనియా క్రిస్టోడులాకీపై గెలుపొందారు. భారత పురుషుల జట్టు 3–1తో ఇటలీపై నెగ్గింది. బోర్డు–1పై ప్రజ్ఞానంద, లొరెంజో లోడికి గేమ్‌ 41 ఎత్తుల్లో... బోర్డు–2పై ఇరిగేశి అర్జున్‌–లుకా మొరోని గేమ్‌ 64 ఎత్తుల్లో ‘డ్రా’ అయ్యాయి. బోర్డు–3పై నిహాల్‌ సరీన్‌ 40 ఎత్తుల్లో ఫ్రాన్సెస్కో సోనిస్‌పై... బోర్డు–4పై దొమ్మరాజు గుకేశ్‌ 33 ఎత్తుల్లో సబీనో బ్రునెల్లోపై గెలుపొందారు. నేడు జరిగే నాలుగో రౌండ్‌ మ్యాచ్‌ల్లో స్పెయిన్‌తో భారత పురుషుల జట్టు; మంగోలియాతో భారత మహిళల జట్టు తలపడతాయి.

46 దేశాలు... 43 వేర్వేరు క్రీడలు... 71 క్రీడాంశాలు... 469 మెడల్‌ ఈవెంట్లు... 17 వేలకు పైగా అథ్లెట్లు, క్రీడాధికారులు... ఆటగాళ్ల సంఖ్యాపరంగా చూస్తే ఒలింపిక్స్‌కంటే పెద్ద క్రీడా సంబరం... రెండు వారాల పాటు ఉత్కంఠభరిత పోటీలు... నాలుగేళ్లకు ఒకసారి వచ్చే ప్రతిష్టాత్మక ఆసియా క్రీడలకు నేటితో తెర లేవనుంది. 75 ఏళ్ల చరిత్ర కలిగిన ఈ పోటీల్లో 20వ సారి ఈ ఆటల సంబరాల నిర్వహణకు రంగం సిద్ధమైంది. మూడోసారి ఆసియా క్రీడలకు ఆతిథ్యం ఇస్తున్న జపాన్‌... ఆరంభ విఘ్నాలను దాటి అద్భుతంగా నిర్వహిస్తామని హామీ ఇస్తోంది. నగోయా: ఆసియా ఖండపు క్రీడాకారుల సత్తాకు పరీక్షగా నిలిచే క్రీడా పోటీలకు విజిల్‌ మోగింది. అధికారికంగా నేటి నుంచి 20వ ఆసియా క్రీడలు జరగనున్నాయి. ప్రారంభోత్సవ కార్యక్రమాన్ని కూడా శనివారమే నిర్వహిస్తారు. అక్టోబర్‌ 4న పోటీలు ముగుస్తాయి. ఐషీ రాష్ట్ర రాజధాని నగోయా నగరంతో పాటు నగోయా శివార్లలోని ఇతర ప్రాంతాల్లో వేర్వేరు వేదికల్లో పోటీలు జరుగుతాయి. ఆసియా క్రీడల కోసం సుమారు 2.4 బిలియన్‌ డాలర్ల బడ్జెట్‌ కేటాయించారు. అయితే సాధ్యమైనంత తక్కువ ఖర్చులో క్రీడలను నిర్వహించే క్రమంలో శాశ్వత కట్టడాలేమీ ఎక్కువగా లేకుండా జపాన్‌ ప్రభుత్వం జాగ్రత్త పడింది. దాంతో ప్రత్యేకంగా ఆటగాళ్ల కోసం ‘గేమ్స్‌ విలేజ్‌’ ఏర్పాటు చేయకుండా అందుబాటులో ఉన్న సౌకర్యాలలోనే వసతి, ఇతర ఏర్పాట్లు చేసింది. ఈ విషయంలో ఆటగాళ్ల నుంచి కొంత అసంతృప్తి కనిపిస్తున్నా... నిర్వాహకులు మాత్రం తమ ప్రణాళికలకే కట్టుబడి గేమ్స్‌ను విజయవంతం చేసేందుకు సిద్ధమయ్యారు. ఆర్చరీ, హాకీ, టెన్నిస్, స్క్వాష్ లలో ఆసియా క్రీడల ప్రదర్శన ఆధారంగా 2028 లాస్‌ ఏంజెలిస్‌ ఒలింపిక్స్‌కు క్వాలిఫై అయ్యేందుకు అవకాశం ఉంది. భారత జెండా ఎగిరింది... ఆసియా క్రీడల సాంప్రదాయాన్ని అనుసరించి శుక్రవారం ప్రధాన వేదిక వద్ద వివిధ దేశాల జాతీయ పతాకాలను ఎగురవేశారు. ఆసియా ఒలింపిక్‌ కౌన్సిల్, క్రీడల నిర్వహణ కమిటీ మధ్య సమన్వయ లోపం కారణంగా ఈ కార్యక్రమం షెడ్యూల్‌కంటే ఆలస్యంగా జరిగింది. జపాన్‌ సాంప్రదాయ శైలి సాంస్కృతిక కార్యక్రమాల మధ్య వేడుకను నిర్వహించారు. త్రివర్ణ పతాకాన్ని ఎగురవేసే సమయంలో భారత చెఫ్‌ డి మిషన్‌ సహదేవ్‌ యాదవ్‌తో పాటు నలుగురు డిప్యూటీ చెఫ్‌ డి మిషన్‌లు శరత్‌ కమల్, తోటన్, అలకనంద, అంజలి భగవత్‌ హాజరయ్యారు.ఫ్లాగ్‌ బేరర్లుగా తజీందర్, మనూ... ప్రారంభోత్సవ వేడుకల్లో భారత్‌ తరఫున ఇద్దరు ఆటగాళ్లు ఫ్లాగ్‌ బేరర్లుగా వ్యవహరించనున్నారు. షాట్‌పుట్‌ డిఫెండింగ్‌ చాంపియన్‌ తజీందర్‌ పాల్‌ సింగ్‌ తూర్, షూటర్‌ మనూ భాకర్‌ ఈ బాధ్యతలు నిర్వర్తిస్తారు. మను భాకర్‌ 2024 పారిస్‌ ఒలింపిక్స్‌లో రెండు పతకాలు గెలుచుకుంది. ఆసియాడ్‌లో ఎక్కువ పతకాలు సాధించే క్రీడాంశాలైన షూటింగ్, అథ్లెటిక్స్‌ ప్రతినిధులుగా వీరిద్దరు ఈ కార్యక్రమంలో పాల్గొంటున్నారు.భారత్‌ నుంచి 501 మంది బరిలో...ఆసియా క్రీడల్లో భారత్‌కు ఇన్నేళ్లుగా మంచి రికార్డు ఉంది. 1951 నుంచి 2023 వరకు జరిగిన 19 ఏషియాడ్‌లలో పాల్గొన్న భారత్‌ ఓవరాల్‌గా ఆల్‌టైమ్‌ పతకాల జాబితాలో ఐదో స్థానంలో ఉంది. భారత్‌ ఇప్పటి వరకు 183 స్వర్ణాలు, 238 రజతాలు, 357 కాంస్యాలు కలిపి మొత్తం 778 పతకాలు గెలుచుకుంది. చైనా, జపాన్, దక్షిణ కొరియా, ఇరాన్‌ మన కంటే ముందున్నాయి. చైనాలోని హాంగ్జూలో జరిగిన గత ఆసియా క్రీడల్లో 106 పతకాలతో నాలుగో స్థానంలో నిలిచిన (28 స్వర్ణాలు, 38 రజతాలు, 40 కాంస్యాలు) భారత్‌ ఈసారి అంతకంటే మెరుగైన ప్రదర్శన కనబర్చాలనే లక్ష్యంతో సిద్ధమైంది. 2018 క్రీడలతో పోలిస్తే ఏకంగా 36 పతకాలు ఎక్కువ గెలిచి తొలిసారి సెంచరీ దాటిన మన దేశం ఈసారి మరింత పెద్ద లక్ష్యంతో బరిలోకి దిగుతోంది. ఎప్పటిలాగే అథ్లెటిక్స్, షూటింగ్‌లలో భారత్‌కు ఎక్కువ పతకాలు లభించే అవకాశం ఉంది. మొత్తం 501 మంది సభ్యుల బృందంతో భారత్‌ సత్తా చాటాలని పట్టుదలగా ఉంది. వీరిలో 267 మంది పురుష అథ్లెట్లు, 234 మంది మహిళా అథ్లెట్లు ఉన్నారు. ఆసియా క్రీడల్లో 43 వేర్వేరు క్రీడలు ఉండగా... భారత్‌ 36 క్రీడల్లో పాల్గొంటోంది. తెలంగాణ, ఆంధ్రప్రదేశ్‌ రాష్ట్రాల నుంచి 21 మంది ఆటగాళ్లు ఏషియాడ్‌లో పోటీ పడుతున్నారు. మన ఆటగాళ్ల శిక్షణ, ఎక్విప్‌మెంట్, కోచ్‌లు, ఆర్థిక సహకారం తదితర అంశాలు కలిపి ఆసియా క్రీడల సన్నద్ధత కోసం రూ. 703 కోట్లు ఖర్చు చేసినట్లు కేంద్ర ప్రభుత్వం ప్రకటించింది. ఇది ఎలాంటి ఫలితాన్ని ఇస్తుందనేది ఆసక్తికరం.సమస్యలు సహజమే: నిర్వాహకులుపెద్ద క్రీడా ఈవెంట్ల నిర్వహణలో పలు సవాళ్లు ఉంటాయని, కొన్ని సమస్యలు సహజంగానే వస్తాయని ఆసియా క్రీడల నిర్వహణ కమిటీ స్పష్టం చేసింది. గత కొన్ని రోజులుగా వసతి, ఇతర సౌకర్యాల విషయంలో తీవ్ర విమర్శలు వస్తున్న నేపథ్యంలో కమిటీ చైర్మన్‌ తయ్యబ్‌ ఇక్రమ్‌ వివరణ ఇచ్చారు. ‘క్రీడల్లో కలి్పంచే సౌకర్యాల విషయంలో కొన్ని సమస్యలు ఉన్న మాట వాస్తవమే. అయితే వీటిని రాజకీయం చేయవద్దు. కొందరు ప్రతీ విషయంలో ఫిర్యాదు చేస్తున్నారు. ఏ క్రీడల్లో సమస్యలు లేకుండా ఉంటాయి. వాటిని మేం ఎలా పరిష్కరిస్తామనేది ముఖ్యం. గేమ్స్‌ విలేజ్‌ ఏర్పాటు చేయాల్సిందనే వాదన వినిపించింది. అయితే మనం వాస్తవిక దృష్టితో ఆలోచించాలి. ఖర్చు తగ్గించుకోవాలి కదా. ఆటల తర్వాత దానిని ఏం చేస్తాం. 2030, 2034 ఆసియా క్రీడల్లో గేమ్స్‌ విలేజ్‌లు ఉంటాయి’ అని ఆయన వివరించారు. మరోవైపు 2038 ఆసియా క్రీడలకు భారత్‌ ఆతిథ్యం ఇచ్చే అంశంపై 2028లోనే స్పష్టత వస్తుందని ఒలింపిక్‌ కౌన్సిల్‌ ఆసియా (ఓసీఏ) పేర్కొంది. ఈ క్రీడల కోసం భారత్‌తో పాటు మరో ఐదు దేశాలు కూడా పోటీ పడుతున్నాయని, ఇప్పుడే దీనిపై ఏమీ చెప్పలేమని ఓసీఏ అధికారులు చెప్పారు.

2026 ఆసియా క్రీడల కోసం జపాన్‌లోని నగోయాకు చేరుకున్న భారత బృందానికి వసతి సంబంధిత సమస్యలు కొనసాగుతున్నాయి. తాజాగా జిమ్నాస్ట్ ప్రణతి నాయక్, ఆమె కోచ్ అశోక్ మిశ్రాకు ఎదురైన ఘటన కలకలం రేపింది. అధికారిక వసతి కోసం క్రూయిజ్ షిప్‌కు చేరుకున్న సమయంలో నిర్వాహకులు వారిద్దరికీ ఒకే గదిని కేటాయించారు. అథ్లెట్, కోచ్ ఒకే గదిలో ఉండేలా ఏర్పాట్లు చేయడంపై ఇద్దరూ అసంతృప్తి వ్యక్తం చేశారు. వెంటనే ఈ విషయాన్ని ఉన్నతాధికారుల దృష్టికి తీసుకెళ్లారు. స్థానిక నిర్వాహకులు, భారత బృందం అధికారులతో సంప్రదింపులు జరిపినప్పటికీ సమస్య పరిష్కారం కావడానికి గంటల సమయం పట్టింది.భారత ఒలింపిక్ సంఘం (IOA) జోక్యంతో చివరకు ప్రత్యామ్నాయ వసతి ఏర్పాట్లు చేసినట్లు సమాచారం. తెల్లవారుజామున 1:30 గంటల ప్రాంతంలో ప్రణతి, అశోక్ మిశ్రాకు వేర్వేరు గదులు కేటాయించినట్లు తెలుస్తోంది. అయితే కోచ్ అశోక్ మిశ్రాకు మరో సమస్య ఎదురైంది. తనకు కేటాయించిన గది తాళాలు తీసుకునేందుకు వెళ్లగా, హోటల్ రిజిస్టర్‌లో తన బుకింగ్ కనిపించలేదని సిబ్బంది తెలిపారు. రికార్డుల్లో ఆయన పేరులోని ‘I’ అక్షరం తప్పిపోవడంతో ఈ సమస్య తలెత్తినట్లు గుర్తించారు.అధికారిక రికార్డుల్లో జరిగిన పొరపాటును సరిచేసి, అశోక్ మిశ్రా అక్రిడిటేషన్‌ను ధృవీకరించేందుకు మరో 45 నిమిషాలు పట్టింది. దీంతో ఆయన తెల్లవారుజామున 2 గంటలు దాటిన తర్వాతే గదికి చేరుకుని విశ్రాంతి తీసుకోగలిగారు. ఈ ఘటనను ప్రణతి నాయక్ కూడా ధృవీకరించారు.ఇదీ చదవండి: వ్య‌భిచారం చేసినందుకు మ‌హిళ‌కు వంద కొర‌డా దెబ్బ‌లు!

సియోల్‌: డేవిస్‌కప్‌ కొత్త ఫార్మాట్‌లోకి మారాక భారత పురుషుల టెన్నిస్‌ జట్టు తొలిసారి వరల్డ్‌ ఫైనల్స్‌ టోర్నీ బెర్త్‌పై గురి పెట్టింది. దక్షిణ కొరియా జట్టుతో రెండు రోజులపాటు జరిగే క్వాలిఫయర్‌లో భారత జట్టు తలపడనుంది. ఈ మ్యాచ్‌లో గెలిచిన జట్టు ఈ ఏడాది నవంబర్‌లో ఇటలీ వేదికగా ఎనిమిది జట్ల మధ్య నిర్వహించే డేవిస్‌కప్‌ వరల్డ్‌ ఫైనల్స్‌కు అర్హత సాధిస్తుంది. తొలి రోజు శుక్రవారం రెండు సింగిల్స్‌ మ్యాచ్‌లు జరుగుతాయి. తొలి మ్యాచ్‌లో కొరియా నంబర్‌వన్, ప్రపంచ 150వ ర్యాంకర్‌ సూన్‌వూ క్వోన్‌తో ప్రపంచ 367వ ర్యాంకర్‌ దక్షిణేశ్వర్‌ సురేశ్‌ ఆడతాడు. రెండో మ్యాచ్‌లో ప్రపంచ మాజీ 19వ ర్యాంకర్‌ హైన్‌ చుంగ్‌తో భారత నంబర్‌వన్‌ సుమిత్‌ నగాల్‌ తలపడతాడు. 2018లో హైన్‌ చుంగ్‌ ఆ్రస్టేలియన్‌ ఓపెన్‌ గ్రాండ్‌స్లామ్‌ టోర్నిలో అలెగ్జాండర్‌ జ్వెరెవ్‌ (జర్మనీ), నొవాక్‌ జొకోవిచ్‌ (సెర్బియా)లను ఓడించి సెమీఫైనల్‌ చేరుకున్నాడు. రోజర్‌ ఫెడరర్‌ (స్విట్జర్లాండ్‌)తో జరిగిన సెమీఫైనల్లో హైన్‌ చుంగ్‌ గాయంతో రెండో సెట్‌ మధ్యలో వైదొలిగాడు. శనివారం మూడు మ్యాచ్‌లు జరుగుతాయి. మొదట డబుల్స్‌ మ్యాచ్, ఆ తర్వాత రెండు రివర్స్‌ సింగిల్స్‌ మ్యాచ్‌లు నిర్వహిస్తారు.

నగోయా: అంతా బాగుంది అంటూ ఆసియా క్రీడల్లో ఏర్పాట్లు, వసతి సౌకర్యాలపై గత రెండు రోజులుగా ఆటగాళ్లు, అధికారులు కొంత సంతృప్తి చెందినట్లుగా వార్తలు వచ్చాయి. కానీ వాస్తవ పరిస్థితి చూస్తే అంతా మొదటికొచ్చినట్లు కనిపిస్తోంది. ఇరుకైన గదులు, ఇద్దరికే కష్టమైన చోట మూడో వ్యక్తికి చోటు, బయట ఉండేందుకు ఆసక్తి చూపిస్తున్న అధికారులు... ఇలా అన్ని వైపుల నుంచి సమస్యలు కనిపిస్తున్నాయి. రేపు ఆసియా క్రీడల్లో ప్రారంభోత్సవం జరగనున్న నేపథ్యంలో ఆటగాళ్లు ప్రత్యామ్నాయ ఏర్పాట్లపై దృష్టి పెట్టినట్లు తెలుస్తోంది. ఎంతో గొప్పగా చెప్పుకున్న ‘కోస్టా సెరెనా క్రూజ్‌ షిప్‌’లో వసతి ఏమాత్రం బాగా లేదని ఆటగాళ్లు చెబుతున్నారు. సమన్వయ లోపంతో పురుష, మహిళా ఆటగాళ్లకు కలిపి ఒకే గదిలో వసతి కల్పించినట్లుగా కూడా వినిపిస్తోంది. వీరిలో జపాన్‌ అథ్లెట్లు కూడా ఉండటం విశేషం. ‘కోచ్‌లు, టీమ్‌ అధికారులు, అథ్లెట్లకు కలిపి ఒకే గది ఇచ్చారు. పురుషులు, మహిళలకు కలిపి ఒకే గది ఇస్తూ పది మంది ఆటగాళ్లకు కలిపి ఐదు రూమ్‌లు కేటాయించిన పరిస్థితి కూడా ఉంది. ఇక్కడ వాళ్లు అంకె మాత్రమే చూశారు. వాస్తవికంగా చూస్తే ఇలా వాడుకోవడం అసాధ్యం. ఎంతో భారీ సామగ్రి ఉండే ట్రైనర్లు, మెడికల్‌ సిబ్బందికి కూడా ఆటగాళ్లతో కలిపి ఇస్తే ఎలా సరిపోతుంది’ అని వారు ప్రశ్నిస్తున్నారు. మరోవైపు భారత వుషు, రోయింగ్, టేబుల్‌ టెన్నిస్‌ ప్లేయర్లు ఇప్పటికే క్రూజ్‌ షిప్‌లోకి చేరుకున్నారు. వారు కూడా తమ సమస్యను చెప్పుకున్నారు. గది కోసం భారత రోయర్లు 12 గంటల పాటు వేచి చూడాల్సి వచ్చింది. థాయ్‌లాండ్‌ సెపెక్‌తక్రా ప్లేయర్లయితే గది లభించకపోవడంతో వెల్‌కమ్‌ సెంటర్‌లో నేలపైనే పడుకున్నారు. ‘ఇద్దరికే కేటాయించాల్సిన ఒక గదిలో ముగ్గురిని పంపించారు. అసలే అవి చిన్నవి కాగా, ఇప్పుడు మరింత సమస్యగా మారింది. తమ అత్యుత్తమ ప్రదర్శన ఇవ్వాల్సిన అథ్లెట్లను ఇలాంటివి ఇబ్బంది పెడతాయి. అయితే ఇప్పటికిప్పుడు ఫిర్యాదు చేయాలనే ఆలోచన లేదు. వాటికి అనుగుణంగా సర్దుకునే ప్రయత్నం చేస్తున్నాం’ అని భారత క్రీడాకారులు స్పందించారు. నిర్వాహకులు సరైన ఏర్పాట్లు చేయలేకపోవడంతో ఇబ్బందులు ఎదురవుతున్నాయని, వాటిని పరిష్కరించే ప్రయత్నం చేస్తున్నామని భారత చెఫ్‌ డి మిషన్‌ సహదేవ్‌ యాదవ్‌ వివరణ ఇచ్చారు. సాధారణంగా ఇలాంటి మెగా ఈవెంట్లలో వసతికి దగ్గర్లోనే ప్రాక్టీస్‌ ఏర్పాట్లు కూడా ఉంటాయి. కానీ నగోయాలో పరిస్థితి చాలా భిన్నంగా ఉంది. అథ్లెటిక్స్‌ విలేజ్‌ లేకపోవడంతో 17 వేల మందికి వేర్వేరు చోట్ల వసతి సౌకర్యం కల్పించారు. ఇవన్నీ ప్రాక్టీస్‌ మైదానాలకు చాలా దూరంగా ఉన్నాయి. దాంతో సుదీర్ఘ ప్రయాణం తర్వాతే తమ ప్రాక్టీస్‌ వేదికలకు అథ్లెట్స్‌ వెళ్లగలుగుతున్నారు. ఆటగాళ్లు ఉన్న క్రూజ్‌ షిప్‌ నుంచి రోయర్లు, వుషు, టేబుల్‌ టెన్నిస్‌ ప్లేయర్లు 30 కిలోమీటర్ల దూరం వెళ్లాల్సి వస్తుండగా, మార్షల్‌ ఆర్ట్స్‌ హాల్‌ 10 కిలోమీటర్ల దూరంలో ఉంది. మరోవైపు ఇప్పటికే బాగా ప్రాచుర్యంలోకి వచ్చిన కంటెయినర్‌ తరహాలో వసతి గృహాల్లో భారత ఆటగాళ్లు ఉండటానికి ఇష్టపడటం లేదు. ఫుట్‌బాల్, బాస్కెట్‌బాల్, బేస్‌బాల్, సాఫ్ట్‌బాల్, కురా‹Ùవంటి క్రీడాంశాల్లో పాల్గొనే అథ్లెట్ల కోసం ప్రధానంగా ఈ ఏర్పాట్లు ఉండగా...ఒక్క కురాష్‌ ఆటగాళ్లు మాత్రమే కంటెయినర్లలో ఉంటున్నారు.

ఫుట్‌బాల్‌ దిగ్గజం లియోనల్‌ మెస్సీ మరో ఘనత సాధించాడు. ఇంటర్ మయామీ తరఫున 100 గోల్స్‌ సాధించిన తొలి ఆటగాడిగా చరిత్ర సృష్టించాడు. కాంపియోన్స్ కప్ ఫైనల్లో గోల్‌ చేయడంతో ఈ మైలురాయిని తాకాడు. మెస్సీ గోల్‌తో పాటు కాసెమిరో హెడర్‌తో మరో గోల్‌ చేయడంతో ఇంటర్ మయామీ 2-0తో క్రజ్ అజుల్‌పై విజయం సాధించి, ఐదోసారి కాంపియోన్స్ కప్ టైటిల్‌ను సొంతం చేసుకుంది.LIONEL MESSI LIFTING HIS 49th CAREER TROPHY 🥹❤️- The Greatest in Sporting history. pic.twitter.com/U21ZbYXbjI— Johns. (@CricCrazyJohns) September 17, 20262023లో ఇంటర్ మయామీలో చేరిన మెస్సీ ఇప్పటివరకు నాలుగు సీజన్లలో కలిపి 115 మ్యాచ్‌లు ఆడి 100 గోల్స్ చేశాడు. 2023లో 11, 2024లో 23, 2025లో 43, 2026లో 23 గోల్స్ సాధించాడు. మెస్సీ కెప్టెన్‌గా ఇంటర్‌ మయామీకి అందించిన ఐదో టైటిల్‌ ఇది. ఓవరాల్‌గా మెస్సీ కెరీర్‌లో ఇది 49వ టైటిల్‌గా నిలిచింది. కాగా, ఈ ఏడాది ఆగస్ట్‌ 31న మెస్సీ తన అంతర్జాతీయ కెరీర్‌కు వీడ్కోలు పలికిన విషయం తెలిసిందే. ఇదీ చదవండి: రిటైర్మెంట్‌పై మెస్సీ యూటర్న్‌!

న్యూఢిల్లీ: నాలుగేళ్లకోసారి జరిగే ప్రతిష్టాత్మక ఆసియా క్రీడల్లో సత్తా చాటేందుకు భారత అథ్లెట్లు సిద్ధంగా ఉన్నారని ఏషియన్‌ గేమ్స్‌ డిప్యూటీ చెఫ్‌ డి మిషన్, టేబుల్‌ టెన్నిస్‌ (టీటీ) దిగ్గజం ఆచంట శరత్‌ కమల్‌ వెల్లడించాడు. జపాన్‌ వేదికగా జరుగుతున్న ఆసియా క్రీడల్లో... అథ్లెట్ల వసతి కోసం కంటైనర్‌లను సిద్ధం చేయగా... దీనిపై పెద్ద ఎత్తున చర్చ జరిగిన నేపథ్యంలో శరత్‌ కమల్‌ వ్యాఖ్యలు ప్రాధాన్యం సంతరించుకున్నాయి. కంటైనర్‌ రూమ్‌లు, క్రూయిజ్‌షిప్‌ వసతులకు భారత అథ్లెట్లు సులువుగా అలవాటు పడతారని... వారి ప్రదర్శనపై ఇది ఎలాంటి ప్రభావం చూపదని ఆశాభావం వ్యక్తం చేశాడు. శనివారం ప్రారంభం కానున్న ఏషియన్‌ గేమ్స్‌లో భారత్‌ నుంచి 501 మంది అథ్లెట్లు బరిలోకి దిగుతున్నారు. వీరితో పాటు 265 మంది అధికారులు కూడా జపాన్‌కు చేరుకున్నారు. వీరిని షిప్పింగ్‌ కంటైనర్లు, క్రూయిజ్‌ షిప్‌లు, హోటల్స్‌లో వసతి ఏర్పాటు చేశారు. దీనిపై దక్షిణ కొరియాతో పాటు ఆసియా క్రికెట్‌ కౌన్సిల్‌లోని పలు సభ్య దేశాలు గతంలో అభ్యంతరాలు వ్యక్తంచేసినట్లు వార్తలు వచ్చాయి. ఈ నేపథ్యంలో శరత్‌ కమల్‌ మాట్లాడుతూ... ‘ఇలాంటి వసతి ఏర్పాట్లతో భారత అథ్లెట్లకు ఎలాంటి ఇబ్బంది లేదు. అలాంటి పరిస్థితులకు అలవాటు పడేందుకు అథ్లెట్లకు ప్రత్యేక శిక్షణ సైతం అందించాం. స్పోర్ట్స్‌ అథారిటీ ఆఫ్‌ ఇండియాకు చెందిన పలు కేంద్రాల్లో కంటైనర్‌ రూమ్‌లు ఏర్పాటు చేసి అథ్లెట్‌లకు అందులో వసతి ఏర్పాటు చేశాం. దీంతో వారు పరిస్థితులకు త్వరగా అలవాటు పడతారు. జపాన్‌కు వచి్చంది ఏషియన్‌ గేమ్స్‌లో అత్యుత్తమ ప్రదర్శన కనబర్చడానికి. అథ్లెట్ల అందరి లక్ష్యం అదే’ అని వివరించాడు. ఐదు ఒలింపిక్స్‌లో దేశానికి ప్రాతినిధ్యం వహించిన శరత్‌ కమల్‌... నాలుగుసార్లు ఆసియా క్రీడల్లో పాల్గొని రెండు పతకాలు గెలిచాడు. 2018 జకార్తా ఆసియా క్రీడల్లో పురుషుల టీమ్, మిక్స్‌డ్‌ డబుల్స్‌ విభాగాల్లో కాంస్య పతకాలు నెగ్గాడు. గతేడాది ఆటకు రిటైర్మెంట్‌ ప్రకటించిన శరత్‌... ప్రస్తుతం క్రీడా పరిపాలన అంశాల్లో చురుకుగా వ్యవహరిస్తున్నాడు. ‘ఈసారి ఆసియా క్రీడల్లో భారత టేబుల్‌ టెన్నిస్‌ (టీటీ) జట్టు తప్పక పతకాలు గెలుస్తుంది. పురుషుల డబుల్స్‌ జోడీ మానవ్‌ ఠక్కర్‌–మనుశ్‌ షా... మిక్సడ్‌ డబుల్స్‌లో మనుశ్‌ షా–దియా జోడీలపై భారీ అంచనాలు ఉన్నాయి’ అని శరత్‌ వివరించాడు. ఏషియన్‌ గేమ్స్‌ టేబుల్‌ టెన్నిస్‌ విభాగంలో భారత్‌ తరఫున ఐదుగురు మహిళా ప్లేయర్లు, ఐదుగురు పురుష ప్లేయర్లు బరిలోకి దిగనున్నారు. ఈ నెల 20 నుంచి 28 వరకు టీటీ పోటీలు జరగనున్నాయి.

న్యూఢిల్లీ: ప్రతిష్టాత్మక ఆసియా క్రీడల్లో పాల్గొంటున్న భారత క్రీడాకారులకు స్పోర్ట్స్‌ అథారిటీ ఆఫ్‌ ఇండియా (సాయ్‌) ప్రత్యేక మార్గదర్శకాలు జారీ చేసింది. ఈ నెల 19 నుంచి అక్టోబర్‌ 4 వరకు జపాన్‌ వేదికగా ఏషియన్‌ గేమ్స్‌ జరుగుతుండగా... ఇప్పటికే భారత క్రీడాకారులు క్రీడా వేదికకు చేరుకున్నారు. ఈ నేపథ్యంలో జపాన్‌లో వ్యవహరించాల్సిన తీరుతెన్నులపై ‘సాయ్‌’ మన అథ్లెట్లకు అవగాహన కల్పించింది. జపాన్‌ సంస్కృతి సంప్రదాయాలను గౌరవించడంతో పాటు అక్కడ నడుచుకోవాల్సిన తీరును వీడియో ద్వారా అథ్లెట్లకు వివరించింది. జపాన్‌ వీధుల్లో ఎక్కడ పడితే అక్కడ చెత్త వేయకూడదు... అపరిచిత వ్యక్తులను ఆలింగనం చేసుకోకూడదు... రహదారులపై బిగ్గరగా మాట్లాడకూడదు... లిఫ్ట్‌లో స్నేహితులతో కలిసి నవ్వకూడదు... ప్రయాణ సమయంలో తోటివారిని ఇబ్బంది పెట్టేవిధంగా సంగీతం వినకూడదని ‘సాయ్‌’ అథ్లెట్లకు సూచించింది. ‘మీరు కేవలం ఒక అథ్లెట్‌గా జపాన్‌లో పర్యటించడం లేదు. మీరు భారత దేశానికి ప్రాతినిధ్యం వహిస్తున్నారు. ఇలాంటి సమయంలో మరింత జాగ్రత్తగా వ్యవహరించాలి. నిబంధనలను పాటిస్తూ... స్థానికులను గౌరవిస్తూ ముందుకు సాగండి’ అని ‘సాయ్‌’ ప్రత్యేక వీడియోలో పేర్కొంది. ఏషియన్‌ గేమ్స్‌లో భారత బృందానికి డిప్యూటీ చెఫ్‌ డి మిషన్‌గా వ్యవహరిస్తున్న టేబుల్‌ టెన్నిస్‌ దిగ్గజం ఆచంట శరత్‌ కమల్‌ కూడా... జపాన్‌లో వ్యవహరించాల్సిన తీరుపై అథ్లెట్లకు కొన్ని సూచనలు చేశాడు. ‘జపాన్‌లో క్రమశిక్షణకు అత్యధిక ప్రాధాన్యత ఇస్తారు. శరీరంపై పెద్ద పెద్ద టాటూలు కనిపించకూడదు. వస్త్రాధారణ కూడా హుందాగా ఉండాలి. రోడ్లపై ఎక్కువ డస్ట్‌బిన్‌లు ఉండవు అయినా... చెత్తను ఎక్కడ పడితే అక్కడ పడేయకూడదు. డస్ట్‌బిన్‌ కనిపించేంత వరకు చెత్తను మీ దగ్గరే పెట్టుకోవాలి. లైంగిక వేధింపుల వంటివైతే ఇక అంతే. అపరిచిత వ్యక్తిని ఏ కారణంతో అయినా తాకకూడదు. ఈ అంశంపై అథ్లెట్లకు తగిన సూచనలు ఇచ్చాం’ అని శరత్‌ కమల్‌ వెల్లడించాడు. ఇప్పటికే జపాన్‌లో వ్యవహరించాల్సిన తీరుపై అథ్లెట్లకు ఒక అంచనా ఏర్పడిందని... అయినప్పటికీ క్రీడల ఆరంభానికి ముందే అథ్లెట్లకు మరిన్ని సూచనలు చేస్తామని శరత్‌ కమల్‌ తెలిపాడు. భారత క్రీడాకారులకు మార్గదర్శకాల జాబితా → జపాన్‌ ప్రజల జీవనశైలిని గౌరవిస్తూ నడుచుకోవాలి. రోడ్లపై చెత్త వేయడం పూర్తిగా నిషిద్ధం. డస్ట్‌బిన్‌ కనిపించేంత వరకు చెత్తను తమ వద్దే ఉంచుకోవాలి. అవసరమైతే దానికి తగ్గ ఏర్పాట్లు ముందే చేసుకోవాలి. → బహిరంగ ప్రదేశాల్లో ఉన్నప్పుడు శరీరంపై ఉన్న టాటూలు కనిపించకుండా దుస్తులు ధరించాలి. ఏ ప్రదేశంలో అయినా ‘క్యూ’ పద్ధతిని పాటించాలి. ఫోన్‌ మాట్లాడే సమయంలో స్పీకర్‌ ఆన్‌ చేయడం, బిగ్గరగా మాట్లాడటం వంటివి చేయకూడదు. → ప్రజా రవాణ వసతులను వినియోగిస్తున్నప్పుడు పెద్ద శబ్దంతో సంగీతం వినకూడదు. ఇయర్‌ఫోన్‌లు తప్పక వాడాలి. → రహదారులపై నడుస్తున్నప్పుడు సైతం హుందాగా ప్రవర్తించాలి. అపరిచిత వ్యక్తులను తాకడం, కౌగిలించుకోవడం వంటివి చేయకూడదు. → స్థల పరిమితి కారణంగా అథ్లెట్ల కోసం ఓడరేవులోని నౌకలు, ప్రత్యేక కంటైనర్లలో వసతి ఏర్పాటు చేశారు. మన అథ్లెట్లు దీనికి అలవాటు పడేందుకు జపాన్‌ వెళ్లడానికి ముందే బెంగళూరు, పాటియాలా జాతీయ శిక్షణ శిబిరాల్లో అచ్చం ఇలాంటి పరిస్థితుల్లోనే అథ్లెట్లకు బస కల్పించారు. → అన్నీ పోటీలు ఒకే చోట కాకుండా వేర్వేరు ప్రదేశాల్లో జరుగుతుండటంతో అథ్లెట్లు వేర్వేరు హోటళ్లలో ఉండాల్సిన అవసరం ఏర్పడింది. అందుకు తగ్గట్లే వైద్యులు, ఫిజియోలను బృందాలుగా విభజించారు. → మన అథ్లెట్ల సౌకర్యం కోసం శాఖాహార భోజన వసతి సైతం ఏర్పాటు చేయాలని నిర్వాహకులను భారత ఒలింపిక్‌ కమిటీ కోరింది. అలాగే క్రీడలు జరిగే సమీప ప్రాంతాల్లోని భారతీయ రెస్టారెంట్ల వివరాలను అథ్లెట్లకు అందించారు.

సమర్‌కండ్‌ (ఉజ్బెకిస్తాన్‌): చెస్‌ ఒలింపియాడ్‌లో డిఫెండింగ్‌ చాంపియన్స్‌గా బరిలోకి దిగిన భారత పురుషుల, మహిళల జట్లు గెలుపు బోణీ కొట్టాయి. బుధవారం మొదలైన ఈ మెగా టోర్నీ తొలి రౌండ్‌లో భారత మహిళల జట్టు 4–0తో డొమినికన్‌ రిపబ్లిక్‌ జట్టును ఓడించింది. బోర్డు–1పై ఆంధ్రప్రదేశ్‌ గ్రాండ్‌మాస్టర్‌ కోనేరు హంపి 31 ఎత్తుల్లో ఫ్రాంచెస్కా రమిరెజ్‌పై... బోర్డు–2పై వైశాలి 31 ఎత్తుల్లో మిగెలినా డెలారోసాపై... బోర్డు–3పై వంతిక అగర్వాల్‌ 50 ఎత్తుల్లో మేరీ గొంజాలెజ్‌పై... బోర్డు–4పై సవితాశ్రీ 38 ఎత్తుల్లో కార్లా నునెజ్‌ దియాపై గెలుపొందారు. మరోవైపు భారత పురుషుల జట్టు 3–1తో థాయ్‌లాండ్‌ జట్టుపై విజయం సాధించింది. బోర్డు–1పై తెలంగాణ గ్రాండ్‌మాస్టర్‌ ఇరిగేశి అర్జున్‌ 54 ఎత్తుల్లో ప్రిన్‌ లావోహవిరాపాప్‌ చేతిలో అనూహ్యంగా ఓడిపోగా... బోర్డు–2పై నిహాల్‌ సరీన్‌ 28 ఎత్తుల్లో థానాడోన్‌ కుల్‌ప్రథనోన్‌పై... బోర్డు–3పై దొమ్మరాజు గుకేశ్‌ 37 ఎత్తుల్లో ఫారిస్‌ రషీద్‌పై... బోర్డు–4పై విదిత్‌ గుజరాతి 30 ఎత్తుల్లో తుఫా ఖుమ్నోరఖెవ్‌పై గెలిచారు.

న్యూఢిల్లీ: ప్రపంచ ప్రసిద్ధ ఫార్ములావన్‌ (ఎఫ్‌1) కారు రేసింగ్‌ను మన దేశంలో తిరిగి ప్రారంభించేందుకు కేంద్ర ప్రభుత్వం సన్నాహాలు చేస్తోంది. ఈ రేసు పునరుద్ధరణకు ఉన్న అవకాశాలు, ఎదురయ్యే సవాళ్లు, సాధ్యాసాధ్యాలను పరిశీలించేందుకు 10 మంది సభ్యులతో కూడిన ప్రత్యేక టాస్క్‌ఫోర్స్‌ను ఏర్పాటు చేస్తున్నట్లు కేంద్ర క్రీడా మంత్రి మన్‌సుఖ్‌ మాండవీయ మంగళవారం వెల్లడించారు. ఈ టాస్క్‌ఫోర్స్‌కు నీతి ఆయోగ్‌ ప్రోగ్రామ్‌ డైరెక్టర్‌ యుగల్‌ కిషోర్‌ జోషి అధ్యక్షత వహించనున్నారు. ఇందులో క్రీడా శాఖ సంయుక్త కార్యదర్శి కునాల్‌తో పాటు భారత మోటార్‌ స్పోర్ట్స్‌ సంఘం అధ్యక్షుడు అరిందమ్‌ ఘోష్‌ కూడా ఉన్నారు. అలాగే సెంట్రల్‌ బోర్డ్‌ ఆఫ్‌ డైరెక్ట్‌ టాక్సెస్‌ (సీబీడీటీ), పరోక్ష పన్నుల బోర్డు (సీబీఐసీ) అధికారులకు కూడా ఈ టాస్క్‌ఫోర్స్‌లో చోటు దక్కింది. ‘దేశంలో మోటార్‌ స్పోర్ట్స్‌ పునరుద్ధరణలో ఎదురయ్యే సవాళ్లను ఇది క్షుణ్ణంగా అంచనా వేస్తుంది. దానికి అనుగుణంగా విధానపరమైన చర్యలు గుర్తిస్తుంది. పన్ను సంబంధిత సమస్యలతో పాటు పబ్లిక్‌–ప్రైవేట్‌ పార్ట్‌నర్‌షిప్‌ నమూనాల అవకాశాలను కూడి పరిశీలిస్తాము. 2028 నాటికి దేశంలో ఫార్ములావన్‌ రేసును మళ్లీ నిర్వహించడమే మా లక్ష్యం’అని మాండవీయ తెలిపారు.గ్రేటర్‌ నోయిడాలోని బుధ్ధ ఇంటర్నేషనల్‌ సర్క్యూట్‌ వేదికగా మనదేశంలో చివరిసారిగా 2013లో ఫార్ములావన్‌ రేసు జరిగింది. ఆ తర్వాత పరిపాలన, పన్ను సంబంధిత సమస్యలతో రేసు నిలిచిపోయింది. గతేడాది ఎఫ్‌1 విడుదల చేసిన ప్రకటన ప్రకారం భారత దేశంలో దాదాపు 10 కోట్ల మంది మోటార్‌ స్పోర్ట్స్‌ క్రీడాభిమానులు ఉన్నప్పటికీ... ఎఫ్‌1 నిర్వహణ చాలా ఖర్చుతో కూడుకుంది. మౌలిక సదుపాయాలు, భద్రతా వంటి పలు కోణాలను పరిశీలించిన తర్వాతే వేదిక ఖరారు చేయనున్నారు.

న్యూఢిల్లీ: ఈ నెల 19 నుంచి జపాన్‌ వేదికగా ప్రారంభం కానున్న ఆసియా క్రీడల కోసం ఒలింపిక్‌ కౌన్సిల్‌ ఆఫ్‌ ఆసియా (ఓసీఏ) ప్రత్యేక ‘సేఫ్‌ గార్డింగ్‌ కోడ్‌ ఆఫ్‌ కండక్ట్‌’ను తీసుకొచ్చింది. క్రీడాకారులు, అధికారుల భద్రత, క్రమశిక్షణకు సంబంధించిన వివరాలను ఈ నియమావళిలో పొందుపరిచింది. నిబంధనలను ఉల్లంఘిస్తే క్రీడల నుంచి సస్పెండ్‌ చేయడమే కాకుండా... మరిన్ని కఠిన చర్యలు ఉంటాయని ఆసియా ఒలింపిక్‌ కౌన్సిల్‌ ముందే హెచ్చరిస్తోంది. భారత సాఫ్ట్‌బాల్‌ సంఘం అధ్యక్షురాలు నీతల్‌ నారంగ్‌... ఈ క్రీడల్లో మన అథ్లెట్ల బృందానికి ‘సేఫ్‌ గార్డింగ్‌ ఆఫీసర్‌’గా వ్యవహరించనున్నారు. ఆసియా క్రీడల సందర్భంగా ఎలాంటి ఆధిపత్యం, అధికార దుర్వినియోగానికి తావులేకుండా నియామావళిని రూపొందించారు. హోదాను ఉపయోగించి వేధింపులకు గురిచేయడంపై తీవ్ర ఆంక్షలు విధించారు. క్రీడాకారులు, అధికారులు అవమానకరమైన, అసభ్యకరమైన భాషను ఉపయోగించకుండా నిషేధం విధించారు. కేవలం మైదానంలో అథ్లెట్ల ప్రదర్శననే కాకుండా... వారి సోషల్‌ మీడియాను సైతం ఆసియా ఒలింపిక్‌ కౌన్సిల్‌ ఓ కంట కనిపెడుతూ ఉండనుంది. క్రీడల సందర్భంగా అథ్లెట్లు, సహాయక సిబ్బంది సామాజిక మాధ్యమాల్లో పెట్టే పోస్టులు ఇతరుల గౌరవాని భంగం కలిగించకుండా బాధ్యతాయుతంగా ఉండేలా చూసుకోవాలని సూచించింది. ఆసియా క్రీడల్లో పాల్గొంటున్న ప్రతీ అథ్లెట్, అధికారి ఈ నియామావళిపై సంతకం చేయడం తప్పనిసరి కాగా... వీటి గురించి భారత అథ్లెట్లకు ఇదివరకే వర్క్‌ షాప్‌ నిర్వహించారు. అక్టోబర్‌ 4తో ఏషియన్‌ గేమ్స్‌ ముగియనుండగా... హాకీ, స్క్వాష్‌ విభాగాల్లో ఇక్కడ పసిడి పతకాలు సాధించిన వారు 2028 లాస్‌ ఏంజెలిస్‌ ఒలింపిక్స్‌కు నేరుగా అర్హత సాధిస్తారు.

అర్జెంటీనా ఫుట్‌బాల్‌ దిగ్గజం లియోనల్‌ మెస్సీ ఇటీవలే అంతర్జాతీయ కెరీర్‌కు వీడ్కోలు పలికాడు. గత నెల (ఆగష్టు) 31న తన రిటైర్మెంట్‌ నిర్ణయాన్ని వెల్లడించాడు. అయితే, మెస్సీ మనసు మార్చుకున్నట్లు తెలుస్తోంది. జాతీయ జట్టు తరఫున మరోసారి ఆడేందుకు ఈ దిగ్గజ ఫుట్‌బాలర్‌ సిద్ధమైనట్లు అర్జెంటీనా ఫుట్‌బాల్‌ అసోసియేషన్‌ (AFA) వెల్లడించింది.దిగ్గజానికి వీడ్కోలు మ్యాచ్‌బెనిన్‌తో అక్టోబరు 6న జరిగే మ్యాచ్‌కు ఎంపిక చేసిన జట్టులో AFA మెస్సీకి చోటిచ్చింది. ఈ మేరకు.. ‘‘మా జాతీయ జట్టు కోచ్‌ లియోనల్‌ స్కలోనీతో చర్చించిన తర్వాత ప్రపంచ అత్యుత్తమ ఆటగాడు, మా జట్టు ఐకాన్‌.. మా కెప్టెన్‌ లియోనల్‌ మెస్సీ.. సెండాఫ్‌ మ్యాచ్‌కు అతడు అన్ని విధాలా అర్హుడు. అందుకే అక్టోబరు 6న అతడికి సెండాఫ్‌ ఇస్తున్నామని చెప్పేందుకు సంతోషిస్తున్నాము’’ అని AFA తన ప్రకటనలో పేర్కొంది. ఈ నేపథ్యంలో మెస్సీ ఫేర్‌వెల్‌ మ్యాచ్‌ చూడవచ్చని అభిమానులు హర్షం వ్యక్తం చేస్తున్నారు. అయితే, అదే సమయంలో ఫ్రెండ్లీ మ్యాచ్‌లో కాకుండా.. బ్రెజిల్‌ లేదంటే జర్మనీ వంటి మేటి జట్లతో మెస్సీ ఫేర్‌వెల్‌ మ్యాచ్‌ ప్లాన్‌ చేసి ఉంటే బాగుండేదని పెదవి విరుస్తున్నారు.ఇది మూడోసారికాగా 2007లో తన తొలి అంతర్జాతీయ మ్యాచ్‌ ఆడిన మెస్సీ.. 2016లో రిటైర్మెంట్‌ ప్రకటించాడు. 2016 కోపా అమెరికా కప్‌ చిలీతో ఫైనల్లో పెనాల్టీ కిక్‌ను స్కోర్‌ చేయలేకపోవడంతో.. ఎదురైన ఓటమితో తీవ్రంగా కుంగిపోయిన మెస్సీ.. ఆవేశంలో రిటైర్మెంట్‌ ప్రకటించాడు.ఆ తర్వాత మనసు మార్చుకుని రిటైర్మెంట్‌ వెనక్కి తీసుకున్నాడు. ఈ క్రమంలో అర్జెంటీనాను మరింత ఉన్నత శిఖరాలకు తీసుకువెళ్లిన మెస్సీ.. 2022లో ఫిఫా ప్రపంచకప్‌ అందించాడు. ఇక 2026 వరల్డ్‌కప్‌లో రన్నరప్‌గా అర్జెంటీనా సరిపెట్టుకోగా.. ఇటీవలే రిటైర్మెంట్‌ ప్రకటించాడు. అయితే, ఫ్రెండ్లీ మ్యాచ్‌ కోసం మరోసారి యూటర్న్‌ తీసుకుని.. చివరగా జాతీయ జట్టు తరఫున బరిలో దిగేందుకు సిద్ధమైనట్లు తెలుస్తోంది.చదవండి: ‘నువ్వెంతగా కష్టపడ్డావో చూశాను.. మన పిల్లలకు నువ్వే హీరో’

న్యూఢిల్లీ: ప్రతిష్టాత్మక ఆసియా క్రీడల్లో పాల్గొనే భారత క్రీడాకారుల కోసం రూ. 702 కోట్లకు పైగా ఖర్చు చేసినట్లు కేంద్ర క్రీడా మంత్రిత్వ శాఖ మంగళవారం వెల్లడించింది. ఈ నెల 19 నుంచి జపాన్‌ వేదికగా ఆసియా క్రీడలు ప్రారంభం కానున్నాయి. వీటి కోసం అథ్లెట్లకు ప్రత్యేక శిక్షణ, క్రీడాసామాగ్రి కొనుగోలు, కోచ్‌ల నియామకం వంటి అన్నీ వసతులు కల్పించినట్లు మంత్రిత్వ శాఖ తెలిపింది. కాగా... ఏషియన్‌ గేమ్స్‌లో పాల్గొంటున్న భారత బృందంలో 310 మంది కొత్త ఈవెంట్లలో అరంగేట్రం చేయనున్నారు. టార్గెట్‌ ఒలింపిక్‌ పోడియం స్కీమ్‌ (టాప్స్‌) సీఈఓ ఎన్‌ఎస్‌ జోహల్‌ మాట్లాడుతూ... ‘గత ఆసియా క్రీడల్లో భారత అథ్లెట్లు 106 పతకాలు సాధించారు. ఈసారి అంతకుమించి పతకాలు సాధిస్తారనే నమ్మకముంది. మంచి ప్రదర్శన కనబర్చగల సత్తా ఈ బృందంలో ఉంది. ఈ క్రీడల్లో ఎంతో మంది కొత్త అథ్లెట్లు బరిలోకి దిగుతున్నారు. యువ అథ్లెట్లు త్వరగా అంతర్జాతీయ స్థాయి పోటీలకు అర్హత సాధించండం దేశ క్రీడా భవిష్యత్తుకు మంచి సంకేతం’ అని అన్నారు. 65 మంది ఖేలో ఇండియా వీరులు... భారత క్రికెట్‌ జట్టు ఓపెనర్, 15 ఏళ్ల వైభవ్‌ సూర్యవంశీ, యువ షట్లర్‌ ఆయుష్‌ శెట్టి, స్క్వాష్‌ జూనియర్‌ ప్రపంచ చాంపియన్‌ అనాహత్‌ సింగ్, జూడో ప్లేయర్‌ అస్మితా డే వంటి పలువురు ప్రతిభవంతమైన క్రీడాకారులు ప్రభుత్వం నుంచి ఎలాంటి ఆర్థిక సహాయం పొందకుండా... కేవలం తమ ప్రతిభతోనే ఆసియా క్రీడల బరిలో దిగనున్నారు. ‘ఆసియా క్రీడల సన్నాహాల్లో భాగంగా ఈ ఏడాది ఆరంభం నుంచి ఇప్పటి వరకు టార్గెట్‌ ఏషియన్‌ గేమ్స్‌ గ్రూప్‌ తొమ్మిది సమావేశాలు నిర్వహించాం. దేశంలోని వివిధ ఫేడరేషన్లలో పరిపాలన సమస్యలు ఉన్నప్పటికీ... వాటి వల్ల అథ్లెట్లకు ఇబ్బందులు ఎదురుకాకుండా అత్యుత్తమ శిక్షణ అందించాం. ఖేలో ఇండియా ద్వారా వెలుగులోకి వచి్చన 65 మంది క్రీడాకారులు ప్రస్తుతం ఆసియా క్రీడల్లో పాల్గొనే బృందంలో ఉన్నారు’ అని జోహల్‌ వెల్లడించాడు. 2022 హాంగ్జౌ ఆసియా క్రీడల్లో భారత్‌ 28 స్వర్ణాలు, 38 రజతాలు, 40 కాంస్యాలు సాధించింది. 234 మంది మహిళా అథ్లెట్లు.. ఆసియా క్రీడల్లో 36 క్రీడాంశాల్లో భారత్‌ పోటీ పడుతోంది. ఇందులో భారత్‌ తరఫున 501 మంది అథ్లెట్లు బరిలోకి దిగుతున్నారు. ఇందులో 234 మంది మహిళలు, 267 మంది పురుషులు ఉన్నారు. తొలుత 503 మందిని ఆసియా క్రీడలకు ఎంపిక చేయగా... డోపింగ్‌ ఉల్లంఘనల కారణంగా ఇద్దరి పేర్లను జాబితా నుంచి తొలగించారు. ‘బరిలోకి దిగి సత్తా చాటాల్సిన బాధ్యత అథ్లెట్లదే. మా వంతు ప్రయత్నం మేం చేశాం. అథ్లెట్లందరికీ అత్యున్నత శిక్షణ అందించేందుకు కృషి చేశాం. ఇప్పుడు ఇక పతకాలు సాధించడమే బాకీ ఉంది. అథ్లెట్లతో పాటు ఫిజియోలు, నిపుణులు, మానసిక ఆరోగ్య నిపుణులు, వైద్యలు కూడా ఈ బృందంలో ఉన్నారు. ప్రతీ జట్టులో మహిళా సహాయక సిబ్బంది ఉంటారు’ అని జోహల్‌ వెల్లడించారు. ఆసియా క్రీడల్లో పాల్గొనే భారత బృందంతో పాటు వెళ్తున్న 265 మంది సభ్యుల సహాయ బృందంలో 56 మంది మహిళల ఉన్నారు.

కొలంబో: శ్రీలంకకు చెందిన జావెలిన్‌ త్రోయర్‌ రమేశ్‌ పతిరాగెకు ఆసియా క్రీడలకు ముందు అనూహ్య పరిణామం ఎదురైంది. విమాన ప్రయాణంలో అతడి జావెలిన్‌లు దెబ్బతిన్నాయి. సెప్టెంబర్ 13న బుడాపెస్ట్‌లో జరిగిన వరల్డ్‌ అథ్లెటిక్స్‌ అల్టీమేట్‌ చాంపియన్‌షిప్‌లో విజేతగా నిలిచిన తర్వాత తిరిగి స్వదేశానికి వెళ్లే క్రమంలో ఈ ఘటన చోటు చేసుకుంది. టర్కిష్‌ ఎయిర్‌లైన్స్‌లో ప్రయాణిస్తున్న సమయంలో ఇది జరగగా... 23 ఏళ్ల జావెలిన్‌ త్రోయర్‌ వెంటనే ఫిర్యాదు చేశాడు. ‘నా ఐదు జావెలిన్‌లు విమాన ప్రయాణంలో దెబ్బతిన్నాయి. ఆసియా క్రీడలతో పాటు 2028 ఒలింపిక్స్, ప్రపంచ చాంపియన్‌షిప్‌లలో వీటిని వినియోగించాలని అనుకున్నా’ అని పతిరాగె అన్నాడు.ఈ ఏడాది అత్యుత్తమ ఫామ్‌లో ఉన్న పతిరాగె మూడుసార్లు 90 మీటర్ల మార్క్‌ను అధిగమించాడు. గ్లాస్గో వేదికగా జరిగిన కామన్వెల్త్‌ గేమ్స్‌తో పాటు డైమండ్‌ లీగ్‌లో పతిరాగె... భారత స్టార్‌ జావెలిన్‌ త్రోయర్‌ నీరజ్‌ చోప్రాను ఓడించడం విశేషం. ఇటీవల బ్రస్సెల్స్‌ డైమండ్‌ లీగ్‌ ఫైనల్‌తో సహా... ఈ శ్రీలంక అథ్లెట్‌ తాను పాల్గొన్న చివరి 12 అంతర్జాతీయ పోటీల్లో 11 టైటిల్స్‌ సాధించాడు. జపాన్‌ వేదికగా ఈ నెల 19 నుంచి జరగనున్న ఆసియా క్రీడల్లోనూ అతడే ఫేవరెట్‌గా బరిలోకి దిగుతున్నాడు. గాయం కారణంగా నీరజ్‌ చోప్రా ఏషియన్‌ గేమ్స్‌ నుంచి తప్పుకున్నాడు.

న్యూయార్క్‌: టాప్‌ సీడ్‌ హోదాకు తగ్గ ప్రదర్శన కనబరిచిన జర్మనీ టెన్నిస్‌ స్టార్‌ అలెగ్జాండర్‌ జ్వెరెవ్‌ తన కెరీర్‌లో రెండో గ్రాండ్‌స్లామ్‌ టైటిల్‌ను గెల్చుకున్నాడు. సీజన్‌ చివరి గ్రాండ్‌స్లామ్‌ టోర్నీ యూఎస్‌ ఓపెన్‌లో ప్రపంచ రెండో ర్యాంకర్‌ జ్వెరెవ్‌ తొలిసారి చాంపియన్‌గా అవతరించాడు. తొమ్మిదో సీడ్‌ బెన్‌ షెల్టన్‌ (అమెరికా)తో జరిగిన పురుషుల సింగిల్స్‌ ఫైనల్లో జ్వెరెవ్‌ 6–3, 7–6 (7/2), 5–7, 6–2తో విజయం సాధించాడు. జ్వెరెవ్‌కు 55 లక్షల డాలర్లు (రూ. 52 కోట్ల 76 లక్షలు), షెల్టన్‌కు 28 లక్షల డాలర్లు (రూ. 26 కోట్ల 86 లక్షలు) ప్రైజ్‌మనీగా లభించాయి. గంటల 33 నిమిషాలపాటు జరిగిన ఈ మ్యాచ్‌లో జ్వెరెవ్‌కు గట్టిపోటీనే ఎదురైనా కీలకదశలో పాయింట్లు నెగ్గి పైచేయి సాధించాడు. 2020లో యూఎస్‌ ఓపెన్‌లో రన్నరప్‌గా నిలిచిన 29 ఏళ్ల జ్వెరెవ్‌ ఈసారి మాత్రం టైటిల్‌ను వదల్లేదు. ఈ ఏడాది ఫ్రెంచ్‌ ఓపెన్‌లో విజేతగా నిలిచి జ్వెరెవ్‌ తన కెరీర్‌లో తొలి గ్రాండ్‌స్లామ్‌ టైటిల్‌ను అందుకున్నాడు. బోరిస్‌ బెకర్‌ (1989లో వింబుల్డన్, యూఎస్‌ ఓపెన్‌) తర్వాత ఒకే ఏడాది రెండు గ్రాండ్‌స్లామ్‌ టైటిల్స్‌ గెలిచిన రెండో జర్మన్‌ ప్లేయర్‌గా జ్వెరెవ్‌ గుర్తింపు పొందాడు.

పోర్చుగల్‌ ఫుట్‌బాల్‌ దిగ్గజం క్రిస్టియానో రొనాల్డో సారథిగా ఉన్న ఆల్‌ నసర్‌ క్లబ్‌ సరికొత్త చరిత్ర సృష్టించింది. వరుసగా అత్యధిక మ్యాచ్‌లలో గోల్స్‌ కొట్టిన జట్టుగా నిలిచింది. ఈ క్రమంలో అర్జెంటీనాకు చెందిన రివర్‌ ప్లేట్‌ క్లబ్‌ పేరిట ఉన్న 87 ఏళ్ల ప్రపంచ రికార్డును బద్దలు కొట్టింది.చారిత్రక గోల్‌ కొట్టింది ఇతడేసౌదీ ప్రొ లీగ్‌లో భాగంగా అల్‌ నసర్‌ తమ తాజా మ్యాచ్‌లో అల్‌ ఖలీజ్‌ జట్టుతో తలపడింది. ఈ మ్యాచ్‌లో అనూహ్య రీతిలో 72వ నిమిషంలో అల్‌ నసర్‌ ఫార్వర్డ్‌ ప్లేయర్‌, 27 ఏళ్ల అబ్దుల్లా అల్‌ హమ్దాన్‌ గోల్‌ కొట్టాడు. దీంతో అల్‌ నసర్‌ ఈ మ్యాచ్‌ను 1-1తో డ్రా చేసుకుంది.2023లో మొదలైన ప్రయాణంఈ క్రమంలో అబ్దుల్లా గోల్‌ కారణంగా.. సౌదీ ప్రొ లీగ్‌లో అల్‌ నసర్‌ జట్టు వరుసగా 94వ మ్యాచ్‌లో గోల్‌ కొట్టిన జట్టుగా నిలిచింది. కాగా 2023లో అల్‌ హిలాల్‌ జట్టు చేతిలో (3-0) ఓటమితో లీగ్‌ను మొదలుపెట్టిన అల్‌ నసర్‌.. ఆ తర్వాత అల్‌ రియాద్‌పై 4-1తో గెలిచి.. విజయాల ఖాతా తెరిచింది.అప్పటి నుంచి తాజాగా అల్‌ ఖలీజ్‌తో మ్యాచ్‌ దాకా.. వరుసగా 94 మ్యాచ్‌లలో అల్‌ నసర్‌ కనీసం ఒక్క గోల్‌ అయినా కొట్టింది. తద్వారా ప్రపంచంలోనే అత్యంత నిలకడగా గోల్స్‌ సాధించిన జట్టుగా చరిత్రకెక్కింది.87 ఏళ్ల ప్రపంచ రికార్డు బద్దలుకాగా 1936 -1939 మధ్య అర్జెంటీనాకు చెందిన రివర్‌ ప్లేట్‌ క్లబ్‌ వరుసగా 93 మ్యాచ్‌లలో గోల్స్‌ సాధించి ప్రపంచ రికార్డు నెలకొల్పింది. తాజాగా ఈ రికార్డును అల్‌ నసర్‌ బద్దలు కొట్టింది. ఇదిలా ఉంటే.. 2023లో అల్‌ నసర్‌ క్లబ్‌లో చేరిన రొనాల్డో ఇప్పటి వరకు సౌదీ ప్రొ లీగ్‌లో 113 మ్యాచ్‌లు పూర్తి చేసుకుని.. 105 గోల్స్‌ కొట్టాడు. ఓవరాల్‌గా అన్ని అధికారిక మ్యాచ్‌లలో కలిపి రొనాల్డో 979 గోల్స్‌ పూర్తి చేసుకున్నాడు. అధికారికంగా వెయ్యి గోల్స్‌ క్లబ్‌లో చేరిన మొదటి ఆటగాడిగా నిలిచేందుకు ఇంకా 21 గోల్స్‌ దూరంలో ఉన్నాడు. ఇక సౌదీ ప్రొ లీగ్‌ మ్యాచ్‌ విషయానికొస్తే.. అల్‌ ఖలీజ్‌తో మ్యాచ్‌ను డ్రా చేసుకున్నప్పటికీ అల్‌ నసర్‌ పాయింట్ల పట్టికలో మూడో స్థానానికి పడిపోయింది. అల్‌ హిలాల్‌, అల్‌ ఇతిహాద్‌ టాప్‌-2లో కొనసాగుతున్నాయి.చదవండి: ట్రిపుల్‌ సెంచరీతో కదం తొక్కిన పాక్‌ టీ20 కెప్టెన్‌

యూఎస్ ఓపెన్ 2026 టైటిల్‌ను ప్ర‌పంచ నంబర్‌వ‌న్ అలెగ్జాండ‌ర్ జ్వెరెవ్ సొంతం చేసుకున్నాడు. బెన్ షెల్ట‌న్‌తో జ‌రిగిన ఉత్కంఠ పోరులో విజేత‌గా నిలిచిన జ్వెరెవ్ ఈ ఏడాది రెండో గ్రాండ్‌స్లామ్ టైటిల్‌ను త‌న ఖాతాలో వేసుకున్నాడు. ఈ ఏడాది ఫ్రెంచ్ ఓపెన్‌ను కూడా జ్వెరెవ్ నెగ్గిన సంగ‌తి తెలిసిందే. మ్యాచ్ అనంతరం మాట్లాడిన జ్వెరెవ్.. తన టెన్నిస్ జీవితంలో, వ్యక్తిగత జీవితంలో అత్యంత ముఖ్యమైన వ్యక్తి తన తల్లేనని చెప్పాడు. తన మ్యాచ్‌ల‌ను ఆమె సాధారణంగా ప్రత్యక్షంగా చూడకపోయినా, తాను ఈ స్థాయికి చేరుకోవడంలో ఆమె పాత్ర ఎంతో కీలకమని పేర్కొన్నాడు. నాలుగేళ్ల కుమారుడికి డయాబెటిస్ ఉన్నట్లు వైద్యులు చెప్పిన సమయంలో ఒక తల్లి ఎంతో బలంగా నిలబడాల్సి ఉంటుందని జ్వెరెవ్ చెప్పాడు. తన తల్లి అప్పుడే “నా కొడుకు ఎక్కడికి వెళ్లాలనుకుంటే అక్కడికి వెళ్తాడు. టెన్నిస్ ఆటగాడు కావాలనుకుంటే టెన్నిస్ ఆటగాడే అవుతాడు. ఈ అనారోగ్యం మనల్ని నిర్వచించదు" అనే ధైర్యాన్ని తనకు ఇచ్చిందని గుర్తుచేసుకున్నాడు.నాలుగేళ్ల వయసులో తనకు టైప్-1 డయాబెటిస్ ఉన్నట్లు నిర్ధారణ అయినప్పుడు వైద్యులు తన భవిష్యత్తులో జీవితం, క్రీడలకు అనేక పరిమితులు ఉంటాయని వివ‌రించారు. ఈ పరిస్థితిలో అత‌డి శరీరం తగినంత ఇన్సులిన్ను ఉత్పత్తి చేయదు. దీంతో రక్తంలో గ్లూకోజ్ స్థాయిలను క్రమం తప్పకుండా పర్యవేక్షిస్తూ జీవితాంతం నిర్వహణ అవసరం ఉంటుంది. తన అనారోగ్యాన్ని జ్వెరెవ్ చాలా సంవత్సరాల పాటు వ్యక్తిగతంగానే ఉంచుకున్నాడు. 2022లో తొలిసారి బహిరంగంగా ఈ విషయం గురించి మాట్లాడాడు. ఆ తర్వాత తన పేరుతో ఉన్న ఫౌండేషన్ ద్వారా డయాబెటిస్‌తో జీవిస్తున్న చిన్నారుల్లో అవగాహన పెంచేందుకు, వారికి మద్దతు అందించేందుకు కృషి చేస్తున్నాడు.మ్యాచ్‌ల‌ సమయంలోనూ జ్వెరెవ్ తన గ్లూకోజ్ స్థాయిలను పర్యవేక్షిస్తుంటాడు. అవసరమైనప్పుడు ఇన్సులిన్ పెన్ ద్వారా ఇన్సులిన్ తీసుకుంటాడు. గ్రాండ్ స్లామ్ వంటి అత్యున్నత స్థాయి మ్యాచ్లలో ఒత్తిడి నడుమ కూడా మార్పుల సమయంలో ఇన్సులిన్ తీసుకున్న సందర్భాలు ఉన్నాయి. టెన్నిస్ కోర్టులో ప్రత్యర్థులతో హోరాహోరీగా తలపడుతూనే డయాబెటిస్ ను కూడా సమర్థంగా నిర్వహిస్తున్న జ్వెరెవ్ ప్రయాణం ఎంతో మందికి స్ఫూర్తిగా నిలుస్తోంది. యూఎస్ ఓపెన్ టైటిల్ అనంతరం తల్లికి అతడు ఇచ్చిన ఈ భావోద్వేగ నివాళి అంద‌రిని కంట‌త‌డి పెట్టించింది.For every kid who was told “you can’t.” ❤️ pic.twitter.com/N5pZamAb88— US Open Tennis (@usopen) September 13, 2026ఇదీ చ‌ద‌వండి: దిగ్గ‌జ ఫ్యాషన్‌ డిజైన‌ర్ బాబ్ మాకీ క‌న్నుమూత‌

సాక్షి, తాడేపల్లి: భారత క్రీడారంగానికి ఈ వారం స్వర్ణమయమైనదని ఆంధ్రప్రదేశ్‌ మాజీ ముఖ్యమంత్రి, వైఎస్సార్‌సీపీ అధినేత వైఎస్‌ జగన్‌మోహన్‌ రెడ్డి హర్షం వ్యక్తం చేశారు. అంతర్జాతీయ వేదికలపై మన క్రీడాకారులు సాధించిన విజయాలు ప్రతి భారతీయుడికీ గర్వకారణమని పేర్కొన్నారు. హృదయపూర్వక అభినందనలుఈ సందర్భంగా.. అద్భుతమైన ప్రదర్శనతో ఆసియా కప్‌ను కైవసం చేసుకున్న భారత మహిళల క్రికెట్ జట్టుకు వైఎస్‌ జగన్‌ హృదయపూర్వక అభినందనలు తెలిపారు. అదే విధంగా.. రికర్వ్ ఆర్చరీ ప్రపంచకప్‌ను గెలుచుకున్న తొలి భారత పురుష ఆర్చర్‌గా చరిత్ర సృష్టించిన ఏపీకి చెందిన ధీరజ్ బొమ్మదేవరను వైఎస్‌ జగన్‌ ప్రత్యేకంగా అభినందించారు. ఇక AHF జూనియర్ ఆసియా కప్ 2026 టైటిళ్లను గెలుచుకుని దేశ కీర్తిని చాటిన భారత జూనియర్ పురుష, మహిళల హాకీ జట్లకు కూడా శుభాకాంక్షలు తెలియజేశారు.ఈ మేరకు ‘మన క్రీడాకారుల పట్టుదల, కఠోర శ్రమ, అంకితభావం కోట్లాది మంది యువతకు స్ఫూర్తినిస్తున్నాయి. భవిష్యత్తులోనూ మరెన్నో అంతర్జాతీయ విజయాలు సాధించాలి. భారతదేశ కీర్తిపతాకాన్ని మరింత ఎత్తుకు తీసుకెళ్లాలని మనస్ఫూర్తిగా కోరుకుంటున్నాను’ అని వైఎస్‌ జగన్‌ సోషల్‌ మీడియా వేదికగా భారత క్రీడాకారులకు అభినందనలు తెలిపారు.ఆసియా కప్‌ మనదేకాగా దుబాయ్‌ వేదికగా ఆదివారం జరిగిన మహిళల ఆసియా టీ20 కప్‌-2026 ఫైనల్లో భారత జట్టు.. శ్రీలంకను 72 పరుగుల తేడాతో చిత్తుగా ఓడించింది. తద్వారా ఎనిమిదోసారి ఆసియా కప్‌ టైటిల్‌ను సొంతం చేసుకుంది.ఇక అంతకుముందు చైనా వేదికగా సాయంత్రం జరిగిన జూనియర్‌ హాకీ ఆసియా కప్‌ ఫైనల్లో భారత మహిళల జట్టు చైనాపై.. పురుషుల జట్టు సౌత్‌ కొరియాపై గెలిచి చాంపియన్‌గా హ్యాట్రిక్‌ విజయాలు సాధించాయి. మరోవైపు.. ఆర్చరీ సీజన్‌ ముగింపు టోర్నీ వరల్డ్‌కప్‌ ఫైనల్స్‌లో ఆంధ్రప్రదేశ్‌కు చెందిన ధీరజ్‌ బొమ్మదేవర స్వర్ణం సాధించాడు.

సాల్టిలో (మెక్సికో): ఆర్చరీ సీజన్‌ ముగింపు టోర్నీ వరల్డ్‌కప్‌ ఫైనల్స్‌లో భారత స్టార్, ఆంధ్రప్రదేశ్‌కు చెందిన బొమ్మ దేవర ధీరజ్‌ స్వర్ణ పతకం సాధించాడు. ఆదివారం జరిగిన పురుషుల రికర్వ్‌ ఫైనల్లో ధీరజ్‌ 6–5తో జున్యా నకనిషి (జపాన్‌)పై గెలిచి విజేతగా అవతరించాడు. క్వార్టర్‌ ఫైనల్లో ధీరజ్‌ 7–1తో బెర్కిమ్‌ తుమెర్‌ (టరీ్క)పై, సెమీఫైనల్లో 7–1తో జీన్‌ వాలాడోంట్‌ (ఫ్రాన్స్‌)పై నెగ్గాడు. డోలా బెనర్జీ (2007లో) తర్వాత వరల్డ్‌కప్‌ ఫైనల్స్‌లో విజేతగా నిలిచిన రెండో భారతీయ ఆర్చర్‌గా ధీరజ్‌ గుర్తింపు పొందాడు.

ఎన్నో ఏళ్లుగా అందని ద్రాక్షలా ఊరిస్తున్న యూఎస్‌ ఓపెన్‌ టైటిల్‌ను జర్మనీ టెన్నిస్‌ స్టార్‌ అలెగ్జాండర్‌ జ్వెరెవ్‌ సొంతం చేసుకున్నాడు. అమెరికా యువ ఆటగాడు బెన్‌ షెల్టన్‌పై నాలుగు సెట్లలో విజయం సాధించి తొలిసారి ఫ్లషింగ్‌ మెడోస్‌లో ఛాంపియన్‌గా నిలిచాడు. ఆర్థర్‌ యాష్‌ స్టేడియంలో జరిగిన ఫైనల్లో జ్వెరెవ్‌ 6-3, 7-6(2), 5-7, 6-2తో షెల్టన్‌ను ఓడించాడు. దీంతో 2026లో అతడి ఖాతాలో రెండో గ్రాండ్‌స్లామ్‌ టైటిల్‌ చేరింది.ఫైనల్‌ను జ్వెరెవ్‌ దూకుడుగా ప్రారంభించాడు. బేస్‌లైన్‌ నుంచి పదునైన షాట్లతో షెల్టన్‌పై ఒత్తిడి పెంచాడు. అమెరికా ఆటగాడి డబుల్‌ ఫాల్ట్‌లు కూడా జ్వెరెవ్‌కు కలిసొచ్చాయి. ఆరంభంలోనే సర్వీస్‌ బ్రేక్‌ సాధించిన అతడు ఆధిక్యాన్ని నిలబెట్టుకున్నాడు. 6-3తో తొలి సెట్‌ను సొంతం చేసుకున్నాడు. రెండో సెట్‌లో షెల్టన్‌ పోరాటం పెంచాడు. సర్వీస్‌తో పాటు ర్యాలీల్లోనూ జ్వెరెవ్‌కు గట్టి పోటీ ఇచ్చాడు. ఇద్దరూ తమ సర్వీస్‌లను కాపాడుకోవడంతో సెట్‌ టైబ్రేక్‌కు వెళ్లింది. అయితే కీలక సమయంలో జ్వెరెవ్‌ తన స్థాయిని చూపించాడు. 5-0 ఆధిక్యంలోకి దూసుకెళ్లి టైబ్రేక్‌ను 7-2తో గెలుచుకున్నాడు. దీంతో మ్యాచ్‌లో 2-0తో ముందంజ వేశాడు.మూడో సెట్‌ అతడిదేరెండు సెట్లు కోల్పోయినా షెల్టన్‌ వెనక్కి తగ్గలేదు. మూడో సెట్‌లో మరింత దూకుడుగా ఆడుతూ జ్వెరెవ్‌ రిథమ్‌ను దెబ్బతీశాడు. 3-3 వద్ద జ్వెరెవ్‌ సర్వీస్‌పై తొలి బ్రేక్‌పాయింట్‌ అవకాశాన్ని సృష్టించాడు. దానిని జర్మన్‌ ఆటగాడు కాపాడుకున్నప్పటికీ.. షెల్టన్‌కు నమ్మకం పెరిగింది. 5-5 తర్వాత షెల్టన్‌ కీలక సమయంలో పుంజుకున్నాడు. జ్వెరెవ్‌ సర్వీస్‌పై వరుసగా మూడు సెట్‌ పాయింట్లు సాధించాడు. ఒకదాన్ని కోల్పోయినా రెండో అవకాశంలో జ్వెరెవ్‌ ఫోర్‌హ్యాండ్‌ వాలీ బయటకు వెళ్లడంతో బ్రేక్‌ సాధించాడు. చివరకు 7-5తో మూడో సెట్‌ను గెలిచి మ్యాచ్‌లో ఉత్కంఠ పెంచాడు.నాలుగో సెట్‌లో ఛాంపియన్‌ గేమ్‌ఇక్కడే జ్వెరెవ్‌ తన కాన్ఫిడెన్స్‌ను ప్రదర్శించాడు. గతంలో యూఎస్‌ ఓపెన్‌ ఫైనల్లో ఆధిక్యాన్ని కోల్పోయిన అనుభవం ఉన్నా ఈసారి ఆ తప్పును పునరావృతం చేయలేదు. నాలుగో సెట్‌ ఆరంభంలోనే షెల్టన్‌ సర్వీస్‌ను బ్రేక్‌ చేసి 2-0 ఆధిక్యంలోకి వెళ్లాడు. షెల్టన్‌ పోరాడుతున్నా జ్వెరెవ్‌ కంట్రోల్‌ తప్పలేదు. 4-2 వద్ద మరోసారి సర్వీస్‌ బ్రేక్‌ సాధించి టైటిల్‌కు మరింత చేరువయ్యాడు. 5-2 వద్ద ఛాంపియన్‌షిప్‌ కోసం సర్వ్‌ చేస్తూ ఒక డబుల్‌ ఫాల్ట్‌ చేసినా వెంటనే ఏస్‌, ఫోర్‌హ్యాండ్‌ విన్నర్‌తో పుంజుకున్నాడు. చివరకు షెల్టన్‌ ఫోర్‌హ్యాండ్‌ బయటకు కొట్టడంతో మ్యాచ్‌ ముగిసింది.టైటిల్‌ గెలిచిన అనంతరం జ్వెరెవ్‌ తన తల్లికి ప్రత్యేకంగా కృతజ్ఞతలు తెలిపాడు. ఆమె ప్రొత్సాహం వల్లే తాను ఈ స్థాయిలో ఉన్నానని భావోద్వేగానికి గురయ్యాడు.ఆరేళ్ల తర్వాత నెరవేరిన కల2020 యూఎస్‌ ఓపెన్‌ ఫైనల్లో రెండు సెట్ల ఆధిక్యంలో ఉన్న జ్వెరెవ్‌ డొమినిక్‌ థీమ్‌ చేతిలో ఓడిపోయాడు. ఆ చేదు జ్ఞాపకాన్ని అధిగమిస్తూ ఆరేళ్ల తర్వాత అదే వేదికపై టైటిల్‌ అందుకున్నాడు. మరోవైపు షెల్టన్‌ 2003లో ఆండీ రాడిక్‌ తర్వాత గ్రాండ్‌స్లామ్‌ సింగిల్స్‌ టైటిల్‌ గెలిచిన తొలి అమెరికా మెన్స్‌ విన్నర్‌గా నిలవాలన్న లక్ష్యంతో బరిలోకి దిగినా ఆ కల నెరవేరలేదు.ఇప్పుడు.. ఈ విజయంతో జ్వెరెవ్‌ 2026లో రెండో గ్రాండ్‌స్లామ్‌ టైటిల్‌ సాధించాడు. అంతకుముందు ఫ్రెంచ్‌ ఓపెన్‌లో తన తొలి గ్రాండ్‌స్లామ్‌ను గెలుచుకున్నాడు. యూఎస్‌ ఓపెన్‌ విజయం అతడి కెరీర్‌లో 26వ టైటిల్‌గా నిలిచింది. 1989లో బోరిస్‌ బెకర్‌ తర్వాత యూఎస్‌ ఓపెన్‌ పురుషుల సింగిల్స్‌ టైటిల్‌ గెలిచిన తొలి జర్మన్‌ ఆటగాడిగా కూడా జ్వెరెవ్‌ రికార్డు సృష్టించాడు. అంతేకాదు.. యూఎస్‌ ఓపెన్‌ టైటిల్‌తో జ్వెరెవ్‌ తన గ్రాండ్‌స్లామ్‌ ప్రయాణంలో మరో పెద్ద అడ్డంకిని అధిగమించాడు. ఇక 2026 సీజన్‌ను రెండు మేజర్‌ టైటిళ్లతో ముగించే దిశగా దూసుకెళ్తున్నాడు.ఇదీ చదవండి: యూఎస్‌ విమెన్‌ సింగిల్స్‌ విజేతగా రిబాకినా

న్యూయార్క్‌: యూఎస్‌ ఓపెన్‌ మహిళల సింగిల్స్‌ విభాగంలో రెండో సీడ్‌ రిబాకినా (కజకిస్తాన్‌) చాంపియన్‌గా అవతరించింది. టాప్‌ సీడ్, డిఫెండింగ్‌ చాంపియన్‌ సబలెంకా (బెలారూస్‌)తో జరిగిన ఫైనల్లో రిబాకినా 2 గంటల 21 నిమిషాల్లో 6–4, 5–7, 6–2తో గెలుపొందింది. రిబాకినా కెరీర్‌లో ఇది మూడో గ్రాండ్‌స్లామ్‌ టైటిల్‌కాగా...తొలిసారి ఆమె యూఎస్‌ ఓపెన్‌లో విజేతగా నిలిచింది. నేడు తొలిసారి నంబర్‌వన్‌ ర్యాంక్‌ అందుకోనున్న రిబాకినా 2022లో వింబుల్డన్, 2026లో ఆ్రస్టేలియన్‌ ఓపెన్‌ టైటిల్స్‌ సాధించింది. 2024, 2025 చాంపియన్‌ సబలెంకా ‘హ్యాట్రిక్‌’ సాధించాలని ఆశించినా రిబాకినా అద్భుత ఆటతీరుతో బెలారూస్‌ స్టార్‌ ఆశలను వమ్ము చేసింది. విజేత రిబాకినాకు 55 లక్షల డాలర్లు (రూ. 52 కోట్ల 49 లక్షలు), రన్నరప్‌ సబలెంకాకు 28 లక్షల డాలర్లు (రూ. 26 కోట్ల 72 లక్షలు) ప్రైజ్‌మనీగా లభించాయి.

పురుషుల జూనియర్‌ హాకీ ఆసియా కప్‌-2026 టోర్నమెంట్లో భారత్‌ చాంపియన్‌గా నిలిచింది. సౌత్‌ కొరియాతో ఆదివారం జరిగిన ఫైనల్లో అన్మోల్‌ ఎక్కా బృందం.. 4-1 గోల్స్‌ తేడాతో ఘన విజయం సాధించింది. తద్వారా టైటిల్‌ను నిలబెట్టుకున్న భారత జట్టు.. వరుసగా నాలుగోసారి చాంపియన్‌గా నిలిచిన ఘనత సాధించింది. మొత్తంగా ఆరుసార్లు టైటిల్‌ గెలిచిన జట్టుగా నిలిచింది. సెమీస్‌లో మలేషియాపై గెలుపుయూత్‌ ర్యాంకింగ్స్‌లో నాలుగో స్థానంలో భారత జట్టు.. ఆసియా కప్‌ గ్రూప్‌ దశలో మూడు గెలిచి.. ఒక మ్యాచ్‌ డ్రా చేసుకుంది. తద్వారా టాపర్‌గా నిలిచింది. ఇక సెమీ ఫైనల్లో మలేషియాను 3-1 గోల్స్‌ తేడాతో ఓడించిన భారత్‌.. ఫైనల్లో సౌత్‌ కొరియాతో తలపడింది. చైనాలోని మోకీ వేదికగా ఆదివారం జరిగిన టైటిల్‌ పోరులో ఆధిపత్యం కనబరిచిన భారత జట్టు.. ప్రత్యర్థిని 4-1 తేడాతో ఓడించింది. తద్వారా ఆసియా టైటిల్‌ గెలవడంతో పాటు.. జూనియర్‌ హాకీ ప్రపంచప్‌ బెర్తును ఖరారు చేసుకుంది. గోల్స్‌ కొట్టింది వీరేభారత్‌ తరఫున అజిత్‌ యాదవ్‌ తొమ్మిదో నిమిషంలో.. అన్మోల్‌ ఎక్కా 13వ నిమిషంలో.. ప్రభ్‌దీప్‌ సింగ్‌ 21వ నిమిషంలో.. అషూ మౌర్య 50వ నిమిషంలో గోల్స్‌ కొట్టారు. సౌత్‌ కొరియా తరఫున లీ మిన్హెయోక్‌ (54వ నిమిషం)లో ఏకైక గోల్‌ కొట్టాడు. అంతకు ముందు మహిళల జూనియర్‌ ఆసియా కప్‌ ఫైనల్‌లో భారత జట్టు.. చైనాపై 1-0 గోల్స్‌ తేడాతో గెలుపొందింది. ఫైనల్లో భారత జట్టుహర్పాల్‌, సంజిత్‌ టిర్కీ, సుఖ్‌విందర్‌, ప్రభ్‌దీప్‌ సింగ్‌, ఆర్యన్‌ ఎక్స్‌, వివేక్‌ లక్రా (గోల్‌ కీపర్‌), అజిత్‌ యాదవ్‌, జీత్‌పాల్‌, అన్మోల్‌ ఎక్కా (కెప్టెన్‌), అషూ మౌర్య, అద్రోహిత్‌ ఎక్కా.సబ్‌స్టిట్యూట్స్‌చిరాగ్‌, గుర్సేవక్‌ సింగ్‌, రోహిత్‌ కుల్లు, మన్మీత్‌ సింగ్‌ రాయ్‌, లవ్‌నూర్‌ సింగ్‌, కునాల్‌ తెవాటియా, అర్జున్‌ సంతోష్‌ హర్గూడే.చదవండి: పిల్లాడి చేష్టలు.. మా మధ్య మంచి అనుబంధం: సంజీవ్‌ గోయెంకా

జూనియర్‌ మహిళల హాకీ ఆసియా కప్‌ టోర్నమెంట్లో భారత్‌ హ్యాట్రిక్‌ విజయం సాధించింది. వరుసగా మూడోసారి ఈ మెగా ఈవెంట్లో చాంపియన్‌గా అవతరించింది. చైనాలోని మోకీ వేదికగా ఆదివారం జరిగిన ఫైనల్లో ఆతిథ్య జట్టుపై 1-0 గోల్స్‌ తేడాతో విజయం సాధించి.. టైటిల్‌ను సొంతం చేసుకుంది.పాక్‌ను మట్టికరిపించికాగా గ్రూప్‌ దశలో టాపర్‌గా నిలిచిన భారత మహిళల జట్టు.. క్వార్టర్‌ ఫైనల్లో పాకిస్తాన్‌ను 19-0తో మట్టికరిపించి సెమీస్‌లో అడుగుపెట్టింది. ఈ క్రమంలో దక్షిణ కొరియాతో శనివారం జరిగిన ఫైనల్లో 5-1 గోల్స్‌ తేడాతో గెలిచిన భారత్‌.. సెమీ ఫైనల్లో చైనాతో తలపడింది.ఏకైక గోల్‌ ఎవరిదంటే?మోకీలో జరిగిన టైటిల్‌ పోరులో సనికా చంద్రకాంత్‌ పదిహేడో నిమిషంలో గోల్‌ కొట్టి భారత్‌కు శుభారంభం అందించింది. ఈ క్రమంలో ఆధిక్యంలో వెళ్లిన భారత జట్టు.. ఆ తర్వాత చైనాకు గోల్‌ కొట్టే అవకాశం ఇవ్వకుండా నిలువరించింది. తద్వారా 1-0 తేడాతో గెలిచి స్వర్ణ పతకం గెలుచుకుంది.ఇక ఈ విజయంతో భారత మహిళల జూనియర్‌ జట్టు.. ప్రపంచకప్‌-2027 టోర్నీకి అర్హత సాధించింది. ఇక భారత్‌తో పాటు పాయింట్ల పట్టికలో టాప్‌-4లో నిలిచిన చైనా, జపాన్‌, సౌత్‌ కొరియా కూడా వరల్డ్‌కప్‌ బెర్తు ఖరారు చేసుకున్నాయి. ఇదిలా ఉంటే.. 2023, 2024 సీజన్లలో ఆసియా కప్‌ విజేతగా నిలిచిన భారత జట్టు.. తాజాగా జరిగిన ఎడిషన్‌లోనూ పతకాన్ని కైవసం చేసుకుంది. నజరానామహిళల జూనియర్‌ హాకీ జట్టుకు హాకీ ఇండియా నజరానా ప్రకటించింది. జట్టులోని ప్రతీ ప్లేయర్‌కు రూ. 3 లక్షల చొప్పున.. కోచింగ్‌, సహాయక సిబ్బందికి రూ. 1.5 లక్షల చొప్పున రివార్డు అందజేయనుంది.చదవండి: పంత్‌వి పిల్లాడి చేష్టలు.. సంజీవ్‌ గోయెంకా కామెంట్లు వైరల్‌ 𝗧𝗛𝗘 𝗠𝗢𝗠𝗘𝗡𝗧 𝗜𝗧 𝗔𝗟𝗟 𝗦𝗜𝗡𝗞𝗦 𝗜𝗡. 🇮🇳🏆From tears to laughter, hugs to unforgettable celebrations, the Indian Junior Women’s Team let it all out after being crowned AHF Junior Asia Cup 2026 champions! 🥇💙#HockeyIndia #IndiaKaGame #JuniorAsiaCup pic.twitter.com/NC2OR6Se9k— Hockey India (@TheHockeyIndia) September 13, 2026

యూఎస్ ఓపెన్-2026లో పోలాండ్ టెన్నిస్ స్టార్ అరీనా సబలెంకాకు తీవ్ర నిరాశ ఎదురైంది. వరుసగా మూడోసారి ఛాంపియన్‌గా నిలిచి హ్యాట్రిక్ కొట్టాలనుకున్న ఆమె కల నెరవేరలేదు. ఆర్థర్ యాష్ స్టేడియం వేదికగా జరిగిన మహిళల సింగిల్స్ ఫైనల్లో ఎలెనా రిబాకినా చేతిలో 6-4, 5-7, 6-2 తేడాతో సబలెంకా ఓటమి పాలైంది. అయితే ఈ పరాజయం అనంతరం సబలెంకా తీవ్ర అసహనానికి గురైంది. తన సొంత తప్పిదాల కారణంగా ఓటమి పాలవ్వడాన్ని ఆమె జీర్ణించుకోలేకపోయింది. విజేతగా నిలిచిన రిబాకినాను అభినందించిన తర్వాత సబలెంకా బెంచ్ వద్దకు వెళ్లి తన రాకెట్‌ను నేలకేసి బలంగా కొట్టింది. కొట్టి ముక్కలు చేసింది. అంతటితో ఆగకుండా ప్రజెంటేషన్ సమయంలో తనను చిత్రీకరిస్తున్న కెమెరామెన్‌పై కూడా తీవ్ర స్థాయిలో విరుచుకుపడింది. ఇందుకు సంబంధించిన వీడియో ప్ర‌స్తుతం సోష‌ల్ మీడియాలో వైర‌ల‌వుతోంది.చదవండి: టీమిండియా నుంచి తీసేశారు.. క‌ట్ చేస్తే! వెస్టిండీస్‌లో?Luego del episodio con Coco Gauff en el Australian Open 2026, se prohibieron las cámaras en los vestuarios de los Grand Slams.Tranquilamente esta podría ser Aryna Sabalenka en este momento. pic.twitter.com/qZFFGWAzFZ— Tiempo De Tenis (@Tiempodetenis1) September 12, 2026Sealed with a kiss 💋 pic.twitter.com/Awu53dRWEC— US Open Tennis (@usopen) September 12, 2026

యూఎస్ ఓపెన్ మహిళల సింగిల్స్ ఛాంపియన్‌గా వ‌ర‌ల్డ్ నంబ‌ర్ 2 ఎలెనా రిబాకినా నిలిచింది. రిబాకినా శ‌నివారం అర్ధ‌రాత్రి జ‌రిగిన ఫైన‌ల్లో బెలారస్ స్టార్ అరీనా సబలెంకాను 6-4, 5-7, 6-2 తేడాతో ఓడించి తొలి యూఎస్ ఓపెన్ టైటిల్‌ను ముద్దాడింది.ఈ మ్యాచ్ ఆరంభంలో ప్రత్యర్ధి సర్వీస్‌ను ఒకసారి బ్రేక్ చేసిన రిబాకినా 6-4తో సెట్‌ను గెలుచుకుని శుభారంభం చేసింది. ఆ తర్వాత డిఫెండింగ్ ఛాంపియన్ అరినా సబలెంకా అద్భుతమైన కమ్‌బ్యాక్ ఇచ్చింది. తొలుత రెండు సెట్ పాయింట్లను కాపాడుకున్న సబలెంకా.. అనంతరం రిబాకినా సర్వీస్‌ను బ్రేక్ చేసి 7-5తో రెండో సెట్‌ను కైవసం చేసుకుంది. ఇక నిర్ణయాత్మక మూడో సెట్‌లో కజకిస్థాన్ స్టార్‌ రిబాకినా విజృంభించింది. సబలెంకా సర్వీస్‌ను రెండుసార్లు బ్రేక్ చేస్తూ 6-2తో సెట్‌తో పాటు గ్రాండ్‌స్లామ్ టైటిల్‌ను ఖాయం చేసుకుంది.ఇది రిబాకినాకు మూడవ గ్రాండ్ స్లామ్ టైటిల్. ఈ విజయంతో ఆమె మహిళల టెన్నిస్ అసోసియేషన్ సింగిల్స్ ర్యాంకింగ్స్‌లో అగ్రస్థానాన్ని కైవసం చేసుకుంది. ఈ ఘనత సాధించిన మొదటి కజకిస్థాన్‌ క్రీడాకారిణిగా రికార్డులకెక్కింది.చదవండి: హారిసన్‌–స్కప్‌స్కీ జోడీకి పురుషుల డబుల్స్‌ టైటిల్‌The winning moment 🏆Elena Rybakina is the 2026 US Open CHAMPION!#USOpen pic.twitter.com/2a8mGJ742E— wta (@WTA) September 12, 2026

యూఎస్‌ ఓపెన్‌ పురుషుల డబుల్స్‌ టైటిల్‌ను ఐదో సీడ్‌ క్రిస్టియాన్‌ హారిసన్‌ (అమెరికా) – నీల్‌ స్కప్‌స్కీ (యూకే) జంట సొంతం చేసుకున్నారు. శనివారం జరిగిన ఫైనల్లో హారిసన్‌–స్కప్‌స్కీ 6–4, 7–6 (8/6) స్కోరుతో ఆరో సీడ్‌ కెవిన్‌ క్రావిట్జ్‌ (జర్మనీ) – టిమ్‌ పుయెట్జ్‌ (జర్మనీ) ద్వయాన్ని ఓడించారు. 1 గంటా 39 నిమిషాల పాటు సాగిన పోరులో హారిసన్‌–స్కప్‌స్కీ జోడి 9 ఏస్‌లు సంధించి 38 విన్నర్లు కొట్టింది. 2026 ఆ్రస్టేలియన్‌ ఓపెన్‌ గ్రాండ్‌స్లామ్‌ ట్రోఫీని కూడా వీరిద్దరే గెలుచుకున్నారు.

హో చి మిన్హ్‌ సిటీ (వియత్నాం): భారత యువ షట్లర్‌ ఇషారాణి బారువా వియత్నాం ఓపెన్‌ సూపర్‌–100 బ్యాడ్మింటన్‌ టోర్నీ ఫైనల్‌కు దూసుకెళ్లింది. శనివారం జరిగిన సెమీఫైనల్లో మూడో సీడ్‌ ఇషారాణి 21–10, 21–18తో భారత్‌కే చెందిన ఆరో సీడ్‌ రక్షితశ్రీపై విజయం సాధించింది. మరో సెమీఫైనల్లో టాప్‌ సీడ్, భారత యువ షట్లర్‌ తన్వీ శర్మ 19–21, 20–22తో సరునాక్‌ వితిద్‌సర్ణ్‌ (థాయ్‌లాండ్‌) చేతిలో ఓడింది. ఆదివారం జరగనున్న ఫైనల్లో సరునాక్‌తో ఇషారాణి తలపడనుంది. మరోవైపు పురుషుల సెమీఫైనల్లో ప్రణయ్‌ 13–21, 8–21తో జియా హెంగ్‌ చేతిలో ఓడాడు.

న్యూయార్క్‌: టెన్నిస్‌ సీజన్‌ చివరి గ్రాండ్‌స్లామ్‌ టోర్నీ యూఎస్‌ ఓపెన్‌ పురుషుల సింగిల్స్‌లో కొత్త విజేత ఎవరో నేడు తేలనుంది. తొలి టైటిల్‌ సాధించాలని పట్టుదలగా ఉన్న టాప్‌ సీడ్‌ అలెగ్జాండర్‌ జ్వెరెవ్‌ (జర్మనీ), 8వ సీడ్‌ బెన్‌ షెల్టన్‌ (అమెరికా) నేడు జరిగే ఫైనల్‌ పోరులో తలపడనున్నారు. జ్వెరెవ్‌ ఫైనల్‌ చేరడం ఇది రెండో సారి. 2020లో ఆఖరి మెట్టుపై అతని డొమినిక్‌ థీమ్‌ చేతిలో ఓడి రన్నరప్‌గా నిలవగా, షెల్టన్‌ ఫైనల్‌కు అర్హత సాధించడం ఇదే మొదటిసారి. ఈ ఏడాది ఫ్రెంచ్‌ ఓపెన్‌ గెలిచి, వింబుల్డన్‌ ఫైనల్లో ఓడిన జ్వెరెవ్‌ అద్భుత ఫామ్‌లో ఉన్నాడు. శుక్రవారం అర్ధరాత్రి దాటాక జరిగిన తొలి సెమీఫైనల్లో జ్వెరెవ్‌ 6–3, 7–6 (9/7), 7–6 (8/6) స్కోరుతో కరెన్‌ ఖచనోవ్‌ (రష్యా)పై విజయం సాధించాడు. ఆ తర్వాత జరిగిన రెండో సెమీస్‌లో షెల్టన్‌ 4–6, 6–3, 6–3, 7–5తో అమెరికాకే చెందిన ఫ్రాన్సిస్‌ టియాఫోను ఓడించాడు. సెమీస్‌ మ్యాచ్‌కు ముందు ఖచనోవ్‌తో ఆడిన 9 మ్యాచ్‌లలో 6–3తో ఆధిక్యంలో ఉన్న జ్వెరెన్‌ ఈ సారి కూడా తన పైచేయిని ప్రదర్శించాడు. తొలి సెట్‌లో 3–3 తర్వాత తన సర్వీస్‌ను నిలబెట్టుకున్న జ్వెరెవ్‌ ఆ తర్వాత ప్రత్యర్థి సర్వీస్‌ను బ్రేక్‌ చేసి 5–3తో ఆధిక్యంలోకి వెళ్లాడు. మరో గేమ్‌ కూడా అలవోకగా జ్వెరెవ్‌ ఖాతాలో చేరింది. తర్వాతి రెండు సెట్‌లలో మాత్రం టాప్‌ సీడ్‌కు గట్టి పోటీ ఎదురైంది. ఇద్దరూ హోరాహోరీగా పోరాడటంతో స్కోరు టైబ్రేక్‌కు చేరింది. ఈ దశలో ఖచనోవ్‌ పైచేయి సాధించినా దానిని నిలబెట్టుకోలేకపోయాడు. మూడో సెట్‌ కూడా దాదాపు ఇదే తరహాలో సాగింది. టైబ్రేక్‌లో 2–5తో వెనుకబడినా జ్వెరెవ్‌ పట్టుదలగా తన స్థాయికి తగ్గ ఆటతీరుతో మ్యాచ్‌ను సొంతం చేసుకున్నాడు. జ్వెరెవ్‌ 15 ఏస్‌లతో విరుచుకుపడటం విశేషం. టియాఫోతో జరిగిన రెండో సెమీస్‌లో షెల్టన్‌ తొలి సెట్‌ చేజార్చుకున్నా... కోలుకొని ఆ తర్వాత ప్రత్యర్థిపై చెలరేగుతూ దూసుకుపోయాడు. ఈ సెట్‌లో ఏకంగా 14 అన్‌ఫోర్స్‌డ్‌ ఎర్రర్స్‌ చేసిన షెల్టన్‌ సహచర అమెరికన్‌కు అవకాశం కల్పించాడు. రెండో సెట్‌లో ఎనిమిదో గేమ్‌ను బ్రేక్‌ చేసి ముందంజ వేసిన షెల్టన్‌ సునాయాసంగా సెట్‌ను ముగించాడు. మూడో సెట్‌ కూడా అతని నియంత్రణలోనే సాగింది. ఈ సెట్‌లోనే అతను 12 విన్నర్స్‌ కొట్టడం షెల్టన్‌ ఆధిపత్యాన్ని చూపించింది. 1972 తర్వాత యూఎస్‌ ఓపెన్‌ ఫైనల్‌ చేరిన తొలి నల్లజాతి అమెరికన్‌గా షెల్టన్‌ గుర్తింపు పొందాడు. అతను గెలిస్తే ఆండీ రాడిక్‌ (2003) తర్వాత గ్రాండ్‌స్లామ్‌ నెగ్గిన మొదటి అమెరికా ఆటగాడిగా నిలుస్తాడు.

18 ఏళ్ల భారత వుషు క్రీడాకారిణి దివ్యాంశి సంచలన వ్యాఖ్యలు చేసింది. ఆసియా క్రీడల జట్టు నుంచి చివరి నిమిషంలో తప్పించడంపై తీవ్ర ఆవేదన వ్యక్తం చేసింది. ఈ పరిస్థితుల్లో తనకు ఆత్యహత్యే శరణ్యమంటూ ఓ వీడియోను ఎక్స్‌లో పోస్ట్‌ చేసింది.भारतीय खिलाड़ी दिव्यांशी चौधरी ने आत्महत्या करने की बात कही है।वुशु खिलाड़ी दिव्यांशी चौधरी का नाम जापान एशियन गेम्स 2026 से आखिरी वक्त में काट दिया गया। जून में टीम में जगह और जर्सी मिलने के बाद 11 सितंबर के अपडेट में जगह नाओरेम रोशिबीना देवी को दे दी गई। टीम से गलत तरीके से… pic.twitter.com/kXXGhv3qzH— Madan Mohan Soni (@madanmohansoni) September 11, 2026తొలుత 60 కేజీల సాండా విభాగంలో దివ్యాంశి ఆసియా క్రీడలకు ఎంపికైంది. అయితే చివరి నిమిషంలో ఆమెను జట్టు నుంచి తొలగించి, ఆమె స్థానంలో అనుభవజ్ఞురాలైన రోషిబినా దేవిని ఎంపిక చేశారు. రోషిబినా.. ఎంపిక ట్రయల్స్‌లో దివ్యాంశి చేతిలో ఓడిపోయింది.దివ్యాంశిని తొలగించి రోషిబినాను జట్టులోకి తీసుకోవడంపై ఆమె కోచ్ అశోక్ గౌతమ్ తీవ్ర అభ్యంతరం వ్యక్తం చేశారు. దివ్యాంశి గత ఏడాది కాలంలో జరిగిన ఐదు ఎంపిక ట్రయల్స్‌లోనూ మొదటి స్థానంలో నిలిచిందని ఆయన తెలిపారు. రోషిబినా తన పలుకుబడిని ఉపయోగించి జట్టులో చోటు సంపాదించిందని ఆరోపించారు.ఈ ఉదంతంలో వుషు ఫెడరేషన్‌ వాదన మరోలా ఉంది. దివ్యాంశిని జట్టు నుంచి తొలగించడానికి కారణం ఆమె ఫిట్‌నెస్ అని ఫెడరేషన్ తెలిపింది. దివ్యాంశి మోకాలి గాయాన్ని దాచిపెట్టిందని, ఏషియన్ గేమ్స్‌కు ముందు సరిగా శిక్షణ కూడా తీసుకోలేదని పేర్కొంది. అందుకే ఆమె స్థానంలో రోషిబినా దేవిని ఎంపిక చేసినట్లు వివరించింది. ఇదీ చదవండి: వైభవ్‌ సూర్యవంశీకి భారీ షాక్‌!

క్రీడల్లో విచిత్రాలు అరుదుగా జరుగుతుంటాయి. అయితే ఫుట్‌బాల్ ఆటలో తాజాగా జరిగిన ఒక సంఘటనకు తప్పకుండా ఆ విచిత్రాల్లో చోటు ఇవ్వాల్సిందే. సాధారణంగా ఫుట్‌బాల్‌లో ఆటగాళ్లు గోల్ కొట్టే ప్రయత్నం చేస్తే గోల్‌కీపర్లు వాటిని సమర్థంగా అడ్డుకోవడం చూస్తుంటాం. బ్రెజిల్ సెకండ్ డివిజన్ ఫుట్‌బాల్ లీగ్‌లో భాగంగా స్పోర్ట్ రెసిఫే, నోవోరిజోంటినో జట్ల మధ్య మ్యాచ్ జరిగింది. ఈ మ్యాచ్‌లో నోవోరిజోంటినో జట్టు బంతిని తాకకుండానే ఆట మొదలైన తొలి నిమిషానికే 1-0 ఆధిక్యంలోకి దూసుకెళ్లింది. బంతిని తమ ఆధీనంలో ఉంచుకోవడానికి రెసిఫే డిఫెండర్ అలిసన్ కాసియానో, గోల్ కీపర్ కైక్ ఫ్రాంకాకు పాస్ ఇచ్చాడు.కానీ గోల్ కీపర్ తన పొజిషన్‌లో లేకపోవడంతో బంతి నేరుగా గోల్‌పోస్ట్‌లోకి దూసుకెళ్లింది. దీంతో చేసేదేం లేక నోవోరిజోంటినో జట్టుకు గోల్ ఇవ్వాల్సి వచ్చింది. వాస్తవానికి ఇది పాత మ్యాచ్ అయినప్పటికీ అభిమానులు సోషల్ మీడియాలో షేర్ చేయడంతో​ తాజాగా మరోసారి వెలుగులోకి వచ్చినట్లు మార్కా పత్రిక తెలిపింది. దీనికి సంబంధించిన వీడియోను ఒకసారి చూసేయండి.ఇక అక్టోబర్ 3న భారత్‌, బ్రెజిల్ మధ్య స్నేహపూర్వక మ్యాచ్ జరగనుంది. ఈ మ్యాచ్‌కు కోల్‌కతాలోని సాల్ట్‌లేక్ స్టేడియం ఆతిథ్యమివ్వనుంది. ఐదుసార్లు ఫిఫా చాంపియన్ అయిన బ్రెజిల్‌తో మ్యాచ్ కావడంతో భారత ఫుట్‌బాల్ అభిమానులు ఎంతో ఆసక్తిగా ఎదురుచూస్తున్నారు. అందుకే ఆన్‌లైన్‌లో టికెట్లు పెట్టిన కొద్ది గంటల్లోనే అన్నీ అమ్ముడైపోయాయి.మ్యాచ్‌కు సంబంధించి టికెట్ల ధరలు రూ.999 నుంచి రూ 15 వేల వరకు ఉన్నాయి. స్టేడియం సామర్థ్యం 67వేలు కాగా.. అందులో 70 శాతం సీట్లను అమ్మకానికి పెట్టినట్లు తెలుస్తోంది. బ్రెజిల్‌తో మ్యాచ్‌కు ముందే భారత్ సెప్టెంబర్ 26న బెంగళూరులోని కంఠీరవ స్టేడియంలో పనామాతో మ్యాచ్ ఆడనుంది. బ్రెజిల్‌తో మ్యాచ్ అనంతరం అక్టోబర్ 6న ఇదే కోల్‌కతా వేదికగా ఉరుగ్వేతో తలపడనుంది.Meanwhile in Brazil a team took the lead without even touching the ball 😂 pic.twitter.com/rJlab2tUY2— Pulse Sports Nigeria (@PulseSportsNG) September 11, 2026Read: రేపు ఫైనల్‌.. ఎనిమిదో టైటిల్‌పై కన్నేసిన భారత్‌

చైనాలో జరుగుతున్న మహిళల జూనియర్ ఆసియా కప్ హాకీలో భారత్‌ ఫైనల్‌కు దూసుకెళ్లింది. శనివారం జరిగిన సెమీఫైనల్లో భారత్‌ దక్షిణ కొరియాపై 5-1 గోల్స్‌ తేడాతో ఘన విజయం సాధించి, వరుసగా మూడో ఎడిషన్‌లో ఫైనల్‌కు చేరింది.భారత్ తరఫున సుప్రియా హ్యాట్రిక్ సాధించి జట్టు విజయంలో ప్రధానపాత్ర పోషించింది. ఆమెతో పాటు మధు సిదార్, సుఖ్‌వీర్ కౌర్ చెరో గోల్ చేసి భారత్‌కు భారీ ఆధిక్యాన్ని అందించారు. దక్షిణ కొరియా తరఫున యూరి జియోంగ్ ఏకైక గోల్ చేసింది.ఈ టోర్నీలో భారత్‌ అద్భుతమైన ప్రదర్శన కొనసాగించింది. క్వార్టర్‌ఫైనల్లో పాకిస్తాన్‌ను ఏకంగా 19-0 గోల్స్‌తో చిత్తు చేసిన టీమిండియా.. సెమీఫైనల్లోనూ అదే దూకుడును ప్రదర్శించింది. ఫైనల్లో భారత్.. చైనా, జపాన్ మధ్య జరిగే రెండో సెమీఫైనల్ విజేతతో తలపడనుంది.మహిళల జూనియర్ ఆసియా కప్‌లో వరుసగా 2023, 2024 ఎడిషన్లలో టైటిళ్లు సాధించిన భారత్‌, ఈసారి కూడా టైటిల్‌ గెలిచి హ్యాట్రిక్‌ సాధించాలని పట్టుదలగా ఉంది.చదవండి: పాకిస్తాన్‌ను మట్టికరిపించి సెమీ ఫైనల్లో భారత్‌

యూఎస్ ఓపెన్ గ్రాండ్‌స్లామ్ టోర్నీలో అమెరికాకు చెందిన బెన్ షెల్ట‌న్ తొలిసారి ఫైన‌ల్లో అడుగుపెట్టాడు. భార‌త కాల‌మాన ప్ర‌కారం శ‌నివారం తెల్ల‌వారుజామున పురుషుల సింగిల్స్ సెమీఫైన‌ల్లో బెన్ షెల్ట‌న్ 4-6, 6-3, 6-3, 7-5తో త‌న దేశానికే చెందిన ఫ్రాన్సెస్ టియాఫోను మ‌ట్టిక‌రిపించాడు. తొలి సెట్‌ను ఓట‌మితో ప్రారంభించిన‌ప్ప‌టికీ, ఆ త‌ర్వాత ఫుంజుకున్న షెల్ట‌న్ రెండు వ‌రుస సెట్ల‌లో విజ‌యాన్ని అందుకున్నాడు. ఇక నాలుగో సెట్‌లో ఇరువురు హోరాహోరీగా త‌ల‌ప‌డిన‌ప్ప‌టికీ, చివ‌ర‌కు షెల్ట‌న్‌నే విజ‌యం వ‌రించింది. రేపు జ‌ర‌గ‌నున్న ఫైన‌ల్లో ప్ర‌పంచ నంబ‌ర్‌వ‌న్ అలెగ్జాండ‌ర్ జ్వెరెవ్‌తో షెల్ట‌న్ అమీతుమీ తేల్చుకోనున్నాడు. క్వార్ట‌ర్స్‌లో అల్క‌రాజ్‌ను చిత్తు చేసిన షెల్ట‌న్ సెమీస్‌లోనూ టియాఫోపై అదే జోరును ప్ర‌ద‌ర్శించి విజ‌యం అందుకున్నాడు. ఇప్ప‌టివ‌ర‌కు యూఎస్ ఓపెన్‌లో సెమీస్ చేర‌డమే షెల్ట‌న్‌కు అత్యుత్త‌మంగా ఉండేది. తొలి బ్లాక్‌ అమెరికన్‌గాతాజాగా ఆ రికార్డును స‌వ‌రించిన షెల్ట‌న్ టైటిల్ అందుకోవ‌డానికి అడుగు దూరంలో నిలిచాడు. 1972 త‌ర్వాత యూఎస్ ఓపెన్‌లో ఫైన‌ల్ చేరిన తొలి బ్లాక్ అమెరిక‌న్‌గా బెన్ షెల్ట‌న్ రికార్డుల‌కెక్కాడు. అంతేకాదు షెల్ట‌న్ టైటిల్ సాధిస్తే మ‌రో రికార్డు కూడా అందుకోనున్నాడు. ఆండీ రాడిక్ (2003) త‌ర్వాత యూఎస్ ఓపెన్ గెలిచిన అమెరిక‌న్‌ ప్లేయ‌ర్‌గా షెల్ట‌న్ నిల‌వ‌నున్నాడు. ఆనాటి యూఎస్ ఓపెన్ ఫైన‌ల్లో ఆండీ రాడిక్.. జువాన్ కార్లోస్ ఫెర్రోరోను ఓడించి గ్రాండ్‌స్లామ్ టైటిల్ అందుకున్నాడు. 23 సంవ‌త్స‌రాల త‌ర్వాత ఒక అమెరిక‌న్‌గా షెల్ట‌న్‌కు టైటిల్ గెలిచే అవ‌కాశ‌మొచ్చింది. ఇక మ్యాచ్ అనంత‌రం షెల్ట‌న్ మాట్లాడుతూ.. ఈ విజ‌యాన్ని త‌న నాన‌మ్మ‌కు అంకితం చేస్తున్న‌ట్లు తెలిపాడు. ఆ త‌ర్వాత‌ 9/11 దాడుల్లో ప్రాణాలు కోల్పోయిన బాధితుల‌కు నివాళి అర్పించాడు. అమ్మమ్మకు అంకితం"ఇది చాలా భావోద్వేగభ‌రిత‌మైన‌ది. ఇవాళ నేను ఈ స్థాయిలో ఉండ‌టానికి మా అమ్మ‌, నాన్న చాలా త్యాగాలు చేశారు. ఈ ఏడాది నా త‌ల్లిని పోగొట్టుకున్నాను. నిజానికి ఆమె వ‌ల్ల ఇవాళ నేను టెన్నిస్ ఆడ‌గ‌లుగుతున్నా. ఆమె లేక‌పోయుంటే బెన్ షెల్ట‌న్ అనేవాడు ఇక్క‌డ ఉండేవాడు కాదేమో. ఇదంతా ఆమె కోస‌మే. విజ‌యాన్ని నాకెంతో ఇష్ట‌మైన‌ మా అమ్మ‌మ్మ‌కు అంకితం చేస్తున్నా." అని క‌న్నీటిప‌ర్యంత మ‌య్యాడు.మ‌రో సెమీఫైన‌ల్లో ప్ర‌పంచ నంబ‌ర్‌వ‌న్ జ్వెరెవ్ 6-3, 7-6 (9-7), 7-6 (8-6)తో క‌చ‌నోవ్‌పై క‌ష్ట‌ప‌డి విజ‌యం సాధించాడు. జ్వెరెవ్ యూఎస్ ఓపెన్ ఫైన‌ల్ చేర‌డం ఇది రెండోసారి. ఈ ఏడాది ఫ్రెంచ్ ఓపెన్ నెగ్గిన జ్వెరెవ్ రెండో గ్రాండ్‌స్లామ్‌పై క‌న్నేశాడు. జ్వెరెవ్ చేతిలో షెల్ట‌న్ ఐదుసార్లు ఓడిపోవ‌డం గ‌మ‌నార్హం. మ‌రి యూఎస్ ఓపెన్ ఫైన‌ల్లో షెల్ట‌న్ ఆ రికార్డును బ్రేక్ చేస్తాడా లేక జ్వెరెవ్‌కు దాసోహ‌మంటాడా అనేది చూడాలి.Ben recognizes his family's sacrifices and hard work it took to get here 👇 pic.twitter.com/yZXKG27APp— US Open Tennis (@usopen) September 12, 2026 Ben's biggest moment has arrived! pic.twitter.com/kBUBCxJV6U— US Open Tennis (@usopen) September 12, 2026First Grand Slam final and it's at home! pic.twitter.com/tY8WskcvZ5— US Open Tennis (@usopen) September 12, 2026చదవండి: శ్రీలంక జ‌ట్టు ప్ర‌క‌ట‌న‌.. కెప్టెన్ ఎవ‌రో తెలీదు

బుడాపెస్ట్‌: అథ్లెటిక్స్‌పై మరింత ఆసక్తిని పెంపొందించేందుకు వరల్డ్‌ ఆథ్లెటిక్స్‌ చర్యలకు నడుం బిగించింది. సంప్రదాయ పద్ధతులకు స్వస్తి పలుకుతూ ట్రాక్‌ అండ్‌ ఫీల్డ్‌ అథ్లెటిక్స్‌కు కొత్త సొబగులు అద్దుతూ సరికొత్త ‘అల్టిమేట్‌ చాంపియన్‌షిప్‌ మీట్‌కు శ్రీకారం చుట్టింది. ప్రతి రెండేళ్లకోసారి నిర్వహించ తలపెట్టిన ఈ చాంపియన్‌షిప్‌ తొలి ఎడిషన్‌కు హంగేరి రాజధాని బుడాపెస్ట్‌ వేదిక అయింది. ఒలింపిక్స్, వరల్డ్‌ చాంపియన్‌షిప్స్‌కు భిన్నంగా ‘అల్టిమేట్‌ చాంపియన్‌షిప్‌’ ఆరంభ వేడుకలు... సినిమా అవార్డుల మాదిరిగా అట్టహాసంగా జరిగాయి. రెడ్‌ కార్పెట్‌ స్వాగతం... అథ్లెట్ల రంగురంగుల దుస్తులు... అధునాతన ఫ్యాషన్‌తో ఈ ఈవెంట్‌ అభిమానులను కట్టిపడేసింది. మూడు రోజుల పాటు బుడాపెస్ట్‌లో జరగనున్న ఈ చాంపియన్‌షిప్‌లో మొత్తం 400 మంది ప్రపంచస్థాయి అథ్లెట్లు పోటీ పడుతున్నారు. ఈ టోర్నమెంట్‌లో గెలిచిన వారికి ఎలాంటి పతకాలు లభించవు. మెడల్స్‌కు బదులుగా ప్రతీ ఈవెంట్‌ విజేతకు ట్రోఫీతో పాటు 1,50,000 డాలర్లు (సుమారు రూ. 1 కోటీ 43 లక్షలు) బహుమతిగా అందించనున్నారు. ఈ పోటీలో భాగస్వాములైన ప్రతివారికి ప్రదర్శన ఆధారంగా తక్షణమే నగదు పురస్కారాలు దక్కనున్నాయి. ఆరంభం అదుర్స్‌ రెడ్‌ కార్పెట్‌పై జరిగిన ఈ ఆరంభోత్సవ కార్యక్రమంలో అథ్లెట్లు ప్రత్యేక దుస్తువుల్లో మెరిశారు. డుప్లాంటిస్, గాబీ థామస్, మెలిస్సా జెఫర్సన్, యారోస్లావ్‌ మహుచిఖ్‌ వంటి వారు భిన్నమైన వ్రస్తాధరణతో ఆకట్టుకున్నారు. ఈ సందర్భంగా పలువురు స్టార్‌ ప్లేయర్లు మాట్లాడుతూ... ట్రాక్‌ అండ్‌ ఫీల్డ్‌ను కెరీర్‌గా ఎంచుకునే ఎంతోమంది అథ్లెట్లు పేద వారేనని... కనీసం షూస్‌ కొనలేని పరిస్థితుల్లో ఉన్నవారెందరో కఠోర శ్రమతో చాంపియన్‌లుగా ఎదిగారని గుర్తుచేసుకున్నారు. అలాంటి వారికి ఇతం పెద్ద మొత్తంలో నగదు బహుమతి ఎంతో ప్రోత్సాహంగా ఉంటుందని పేర్కొన్నారు. కాగా ఈ చాంపియన్‌షిప్‌లో ఒలింపిక్‌ చాంపియన్‌లు, ప్రపంచ చాంపియన్‌షిప్‌ విజేతలు, వరల్డ్‌ నంబర్‌వన్‌ అథ్లెట్లు బరిలోకి దిగనుండటంతో పోటీ రసవత్తరంగా సాగనుంది. » వరల్డ్‌ అథ్లెటిక్స్‌ అల్టిమేట్‌ చాంపియన్‌షిప్‌ నిర్వహించాలని 2024 జూన్‌లో ప్రపంచ అథ్లెటిక్స్‌ సంఘం నిర్ణయించింది. » తొలి సెషన్‌కు హంగేరిలోని బుడాపెస్ట్‌ వేదిక కానుండగా... ఇక మీద ప్రతి రెండేళ్లకోసారి ఈ పోటీలను నిర్వహించనున్నారు. » ప్రపంచ అథ్లెటిక్స్‌ చాంపియన్‌షిప్‌ జరగని ఏడాదిలో డైమండ్‌ లీగ్‌ ఫైనల్‌ అనంతరం ఈ అల్టిమేట్‌ చాంపియన్‌షిప్‌ జరుగుతుంది. » మిగిలిన అన్నీ పోటీల తరహాలో ఇందులో పతకాలకు బదులు నగదు బహుమతి అందించనున్నారు. పోటీల్లో అగ్రస్థానంలో నిలిచిన వారికి లక్షన్నర అమెరికా డాలర్లు (సుమారు రూ. 1. 43 లక్షలు) అందించనున్నారు. ఓవరాల్‌గా ఈ చాంపియన్‌షిప్‌లో మొత్తం 10 మిలియన్‌ అమెరికా డాలర్లు (సుమారు రూ. 95 కోట్లు) విజేతలకు ఇవ్వనున్నారు. » అల్టిమేట్‌ చాంపియన్‌షిప్‌ తొలి ఎడిషన్‌ పోటీలకు జమైకా దిగ్గజం ఉసేన్‌ బోల్ట్, స్వీడన్‌ పోల్‌వాల్ట్‌ స్టార్‌ డుప్లాంటిస్‌ అంబాసిడర్‌లుగా వ్యవహరిస్తున్నారు. వీరిద్దరూ ‘అల్టిమేట్‌ స్టార్‌’, ‘అల్టిమేట్‌ లెజెండ్‌’గా ఎంపికయ్యారు.» ఈ చాంపియన్‌షిప్‌నకు ఒక్కో విభాగం నుంచి 16 మందిని ఎంపిక చేస్తారు. తాజా ఒలింపిక్స్‌ చాంపియన్స్, వరల్డ్‌ చాంపియన్‌షిప్స్‌ విజేతలు, డైమండ్‌ లీగ్‌ ఫైనల్లో టైటిల్‌ గెలిచిన అథ్లెట్లను ఎంపిక చేస్తారు. మిగిలిన వారిని ప్రపంచ అథ్లెటిక్స్‌ ర్యాంకింగ్స్‌ ఆధారంగా తీసుకుంటారు. » ఈ చాంపియన్‌షిప్‌లో ఒకే విభాగంలో ఒక దేశంలో నుంచి ఎంత మంది అథ్లెట్లు పాల్గొనాలి అనే విషయంలో ఎలాంటి నిబంధన లేదు. ఒకే దేశంలో నుంచి ఒకరికి మించి అథ్లెట్లు ఈ అర్హత ప్రమాణాలు సాధిస్తే వారంతా పోటీలో పాల్గొనవచ్చు. » అథ్లెటిక్స్‌ను మరింత ఆసక్తికరంగా మార్చేందుకు అల్టిమేట్‌ చాంపియన్‌షిప్‌లో అత్యధికంగా ఫీల్డ్‌ ఈవెంట్‌లకు ప్రాధాన్యత ఇచ్చారు. 10,000 మీటర్ల పరుగు, స్టీపుల్‌ఛేజ్‌ వంటి వాటిని ఈ టోర్నీలో నిర్వహించడం లేదు. మొత్తంగా 28 విభాగాల్లో పోటీలు జరుగుతాయి. » పురుషుల విభాగంలో 100 మీటర్లు, 200 మీటర్లు, 400 మీటర్లు, 800 మీటర్లు, 1500 మీటర్లు, 5000 మీటర్ల పరుగుతో పాటు 110 మీటర్ల హర్డిల్స్, 400 మీటర్ల హర్డిల్స్, పోల్‌వాల్ట్, హైజంప్, లాంగ్‌జంప్, హ్యామర్‌ త్రో, జావెలిన్‌ త్రోలో పోటీలు జరుగుతాయి. » మహిళల విభాగంలో వీటిలో 110 మీటర్ల హర్డిల్స్‌ స్థానంలో 100 మీటర్ల హర్డిల్స్‌... హ్యామర్‌ త్రో స్థానంలో ట్రిపుల్‌ జంప్‌ నిర్వహిస్తారు. » 4x100, 4x400 మీటర్ల పరుగులో మిక్స్‌డ్‌ జట్లు పరుగు తీయనున్నాయి. అప్పట్లో ఇది లేదు: బోల్ట్‌ పోటీల ప్రారంభానికి ముందు నిర్వహించిన ప్రత్యేక కార్యక్రమంలో జమైకా దిగ్గజ అథ్లెట్‌ ఉసేన్‌ బోల్ట్‌ ప్రత్యేక ఆకర్షణగా నిలిచాడు. ఈ సందర్భంగా బోల్ట్‌ మాట్లాడుతూ... ‘నా కెరీర్‌లో ఎన్నో ప్రపంచ చాంపియన్‌షిప్‌లు గెలిచాను. కానీ ఈ స్థాయి నగదు బహుమతిని ఎప్పుడూ చూడలేదు. ఇది క్రీడాకారుకు గొప్ప ప్రోత్సాహాన్నిస్తుంది. నా హయాంలో ఇలాంటి అవకాశం లేకపోయినందుకు కాస్త విచారంగా ఉన్నా... ఇప్పటి తరం అథ్లెట్లకు ఇది సదావకాశం’ అని అన్నాడు. ఒలింపిక్స్‌లో 8 స్వర్ణాలు, ప్రపంచ అథ్లెటిక్స్‌ చాంపియన్‌షిప్‌లో 11 పసిడి పతకాలు గెలిచిన బోల్ట్‌... అథ్లెట్ల ఆర్థిక ఇబ్బందులు తొలగించేందుకు ఈ చాంపియన్‌షిప్‌ ఉపయోగపడుతుందని పేర్కొన్నాడు.

న్యూయార్క్‌: యూఎస్‌ ఓపెన్‌ గ్రాండ్‌స్లామ్‌ టెన్నిస్‌ టోర్నీ మహిళల డబుల్స్‌ విభాగంలో టాప్‌ సీడ్‌ కాటరీనా సినియకోవా (చెక్‌ రిపబ్లిక్‌)–టేలర్‌ టౌన్‌సెండ్‌ (అమెరికా) జోడీ టైటిల్‌ గెల్చుకుంది. శుక్రవారం జరిగిన ఫైనల్లో సినియకోవా–టేలర్‌ టౌన్‌సెండ్‌ ద్వయం 5–7, 6–0, 6–2తో రోబిన్‌ మోంట్‌గోమేరీ–యాష్లిన్‌ క్రుయెజెర్‌ (అమెరికా) జంటను ఓడించింది. సినియకోవా–టౌన్‌సెండ్‌ జోడీకి 10 లక్షల డాలర్లు (రూ. 9 కోట్ల 55 లక్షలు) ప్రైజ్‌మనీగా లభించాయి. సినియకోవా కెరీర్‌లో ఇది 12వ గ్రాండ్‌స్లామ్‌ డబుల్స్‌ టైటిల్‌కాగా... టౌన్‌సెండ్‌ కెరీర్‌లో ఇది నాలుగో గ్రాండ్‌స్లామ్‌ డబుల్స్‌ టైటిల్‌. తాజా విజయంతో టౌన్‌సెండ్‌ మహిళల డబుల్స్‌లో నాలుగు గ్రాండ్‌స్లామ్‌ టైటిల్స్‌నూ సాధించి ‘కెరీర్‌ గ్రాండ్‌స్లామ్‌’ ఘనతను పూర్తి చేసుకుంది. మరోవైపు సినియకోవా డబుల్స్‌ డబుల్‌ ‘కెరీర్‌ గ్రాండ్‌స్లామ్‌’ (ఒక్కో గ్రాండ్‌స్లామ్‌ను రెండుసార్లు చొప్పున సాధించడం) ఘనతను సాధించింది. సినియకోవా భాగ స్వామిగా టౌన్‌సెండ్‌ 2024లో వింబుల్డన్, 2025లో ఆ్రస్టేలియన్‌ ఓపెన్, 2026లో ఫ్రెంచ్‌ ఓపెన్, యూఎస్‌ ఓపెన్‌ డబుల్స్‌ టైటిల్స్‌ను సాధించింది.

న్యూఢిల్లీ: ఆసియా క్రీడల్లో పాల్గొనే భారత అథ్లెటిక్స్‌ బృందంలో కీలక మార్పు చోటు చేసుకుంది. గురువారం ముగిసిన ఇండియన్‌ అథ్లెటిక్స్‌ సిరీస్‌లో ప్రదర్శనను బట్టి ముగ్గురు ఆటగాళ్లపై భారత అథ్లెటిక్స్‌ సమాఖ్య (ఏఎఫ్‌ఐ) వేటు వేసింది. గతంలో ప్రకటించిన 77 మంది బృందంలో ముగ్గురిని తప్పించి 74 మందిని మాత్రమే ఆసియా క్రీడలకు పంపనున్నారు. తెలంగాణకు చెందిన స్ప్రింటర్‌ నిత్య గంధె, లాంగ్‌జంపర్‌ షానవాజ్‌ ఖాన్‌తో పాటు గత ఆసియా క్రీడల్లో స్వర్ణం సాధించిన జావెలిన్‌ త్రోయర్‌ అన్నూరాణిని కూడా తప్పించడం చర్చనీయాంశంగా మారింది. శుక్రవారమే దీనిపై నిర్ణయం తీసుకున్న ఏఎఫ్‌ఐ కారణం వెల్లడిస్తూ వివరణ ఇచ్చింది. ‘ఫైనల్‌ ట్రయల్స్‌లో ఏఎఫ్‌ఐ నిర్దేశించిన అర్హతా ప్రమాణాన్ని అన్ను అందుకోలేకపోయింది. పేలవ ప్రదర్శనతో పాటు వైద్యపరమైన కారణాలతో నిత్య, షానవాజ్‌లను కూడా ఆసియా క్రీడలకు పంపించడం లేదు’ అని ఏఎఫ్‌ఐ అధ్యక్షుడు, సెలక్షన్‌ కమిటీ చైర్మన్‌ ఆదిల్‌ సుమరివాలా వెల్లడించారు.

సాక్షి, హైదరాబాద్: కర్ణాటకలోని బెలగావిలో జరిగిన ఆల్ ఇండియా టెన్నిస్ అసోసియేషన్ (ఏఐటీఏ) పురుషుల టెన్నిస్ టోర్నమెంట్‌లో తెలంగాణకు చెందిన గణగామ నైశిక్ రెడ్డి స‌త్తా చాటాడు. డబుల్స్ విభాగంలో త‌న భాగ‌స్వామి ప్ర‌బీర్ చావ్డాతో క‌లిసి ర‌న్న‌ర‌ప్‌గా నిలిచాడు. ఫైన‌ల్లో రెండో సీడ్ ఓగేష్ జయప్రకాశ్–సూరజ్ ప్రబోధ్ జోడీ చేతిలో 3–6, 0–6తో నైశిక్–ప్రబీర్ జోడీ ఓటమి పాల‌య్యింది. అంత‌క‌ముందు సెమీఫైన‌ల్లోఈ జంట 6–2, 6–1తో ఆయుష్ శర్మ–ఆదిత్య మోర్ జోడీపై విజ‌యం సాధించి ఫైన‌ల్‌కు చేరుకుంది. ఇక ప్రీ క్వార్టర్ ఫైనల్లో ప్రబీర్ చావ్డా-నైశిక్‌రెడ్డి జోడీ 7–5, 6–2తో సోమ సుహాస్–కౌశిక్ అరుణ్‌కుమార్ జోడీపై విజయం సాధించిన సంగ‌తి తెలిసిందే.నైశిక్ రెడ్డి ప్రస్తుతం సురేష్ కృష్ణ టెన్నిస్ అకాడమీలో శిక్షణ పొందుతున్నారు. మాజీ ఒలింపియన్, డేవిస్ కప్ క్రీడాకారుడు విష్ణువర్ధన్ మార్గదర్శకత్వంలో తన ఆటతీరును మరింత మెరుగుపరుచుకుంటున్నాడు. బెలగావి టోర్నమెంట్‌లో రన్నరప్‌గా నిలవడం ద్వారా నైశిక్ మరోసారి తన సత్తాను చాటాడు.Read: 'అత‌డో క్రికెట్ పిచ్చోడు; ద్ర‌విడ్ య‌జ‌మానిలా ఫీల‌వుతున్నాడు'

భారత మ‌హిళా స్టార్ రెజ్ల‌ర్ వినేశ్ ఫోగ‌ట్‌కు ఢిల్లీ హైకోర్టు ఊహించ‌ని షాక్ ఇచ్చింది. 2026 సీనియ‌ర్ వ‌ర‌ల్డ్ రెజ్లింగ్ చాంపియ‌న్‌షిప్ పోటీల‌కు సంబంధించి సెలెక్ష‌న్ ట్ర‌య‌ల్స్‌లో పాల్గొనేందుకు వినేశ్ దాఖ‌లు చేసిన తాత్కాలిక పిటిష‌న్‌ను ఢిల్లీ న్యాయ‌స్థానం కొట్టేసింది.డ‌బ్ల్యూఎఫ్ఐ నిర్దేశించిన అర్హ‌త ప్ర‌మాణాల‌ను సాధించ‌ని అథ్లెట్‌కు కేవ‌లం ఒక‌రి కోస‌మే నిబంధ‌న‌లు స‌వ‌రించి అనుమ‌తి ఇవ్వ‌డం నిబంధ‌న‌ల‌కు విరుద్ధ‌మ‌ని హైకోర్టు అభిప్రాయ‌ప‌డింది. నిబంధనలు పాటించిన మిగతా క్రీడాకారులకు ఇది తీవ్ర అన్యాయం చేయడమే అవుతుందని, ప్రత్యేక మినహాయింపు ఇస్తే ఇదొక పండోరా బాక్స్ గా మారుతుందని జస్టిస్ స్వ‌ర్ణ‌కాంత్ శ‌ర్మ పేర్కొన్నారు.వినేశ్ వాద‌న ఇలా.. గర్భధారణ, ప్రసవం, పోస్ట్-పార్టమ్ రికవరీ కారణంగా తాను గత కొన్ని పోటీలకు దూరంగా ఉండాల్సి వచ్చిందని వినేష్ కోర్టుకు తెలిపింది. తాను నేరుగా వరల్డ్ ఛాంపియన్‌షిప్‌కు ఎంపిక చేయాలని కోరడం లేదని, కేవలం ట్రయల్స్‌లో పోటీపడే అవకాశం మాత్రమే ఇవ్వాలని విజ్ఞప్తి చేసింది. డబ్ల్యూఎఫ్ఎ తనపై జారీ చేసిన షోకాజ్ నోటీసుల వల్ల కూడా కొన్ని టోర్నీల్లో పాల్గొనలేకపోయానని పేర్కొంది.విచార‌ణ 29కి వాయిదా..డబ్ల్యూఎఫ్ఎ జారీ చేసిన సర్క్యులర్ అథ్లెట్లందరికీ సమానంగా వర్తిస్తుందని, ఒకరి కోసం నిబంధనలు మార్చలేమని చెప్పిన కోర్టు వినేష్ విజ్ఞప్తిని తోసిపుచ్చింది. కానీ, ప్రసవం తర్వాత మహిళా అథ్లెట్లు తిరిగి మైదానంలోకి అడుగుపెట్టేటప్పుడు స్పోర్ట్స్ పాలసీల్లో సరైన మినహాయింపులు ఉండాలా లేదా అనే ప్రధాన అంశాన్ని తేల్చేందుకు ఈ కేసు తుది విచారణను సెప్టెంబర్ 29వ తేదీకి వాయిదా వేసింది.

యూఎస్ ఓపెన్ గ్రాండ్‌స్లామ్ టోర్నీలో మ‌హిళ‌ల సింగిల్స్ విభాగంలో బెలార‌స్ స్టార్ అరీనా స‌బ‌లెంకా ఫైన‌ల్‌కు దూసుకెళ్లింది. భార‌త కాల‌మాన ప్ర‌కారం శుక్ర‌వారం తెల్ల‌వారుజామున జ‌రిగిన మ‌హిళ‌ల సింగిల్స్ సెమీఫైన‌ల్లో స‌బ‌లెంకా 7-5, 6-2తో అమెరికాకు చెందిన జెస్సికా పెగులాపై సునాయాస విజ‌యాన్ని అందుకుంది. కేవ‌లం రెండు సెట్ల‌లోనే ప్ర‌త్య‌ర్థిని చిత్తు చేసిన స‌బ‌లెంకా నాలుగోసారి యూఎస్ ఓపెన్ ఫైన‌ల్లో అడుగుపెట్టింది. ఇప్ప‌టికే 2024, 2025 యూఎస్‌ ఓపెన్ టైటిల్స్ నెగ్గిన స‌బ‌లెంకా హ్యాట్రిక్‌పై క‌న్నేసింది. అంతేకాదు హార్డ్‌కోర్ట్‌పై వ‌రుస‌గా మూడో టైటిల్ అందుకునేందుకు స‌బ‌లెంకా అడుగు దూరంలో నిలిచింది. మ‌రో సెమీస్‌లో అమెరికా స్టార్ కోకో గాఫ్‌ను ఓడించిన రిబాకినా టైటిల్ పోరుకు అర్హ‌త సాధించింది. రేపు జ‌ర‌గ‌నున్న మ‌హిళ‌ల సింగిల్స్ ఫైన‌ల్లో డిపెండింగ్ చాంపియ‌న్ స‌బ‌లెంకాతో రిబాకినా అమీతుమీ తేల్చుకోనుంది. ఇక‌ గ‌తంలో రెండుసార్లు (2024, 2025 యూఎస్ ఓపెన్‌) ఫైన‌ల్లో పెగులాను ఓడించి టైటిల్ అందుకున్న స‌బ‌లెంకా ఈసారి పెగులాను సెమీస్‌లోనే చిత్తు చేయ‌డం విశేషం.మ్యాచ్‌లో 29 విన్నర్లతో స్పష్టమైన ఆధిక్యం కనబరిచిన సబలెంకా మ్యాచ్ విజయం అనంతరం మాట్లాడుతూ.. ‘నా ప్రదర్శన పట్ల చాలా సంతృప్తిగా ఉన్నా. గత రెండు యూఎస్ ఓపెన్ టోర్నీల్లో పెగులాను ఫైనల్లో చిత్తు చేసి టైటిల్ అందుకుంటే, ఈసారి మాత్రం ఆమెతో పోటీ సెమీస్‌లోనే ఎదురైంది. ఇదే హార్డ్‌కోర్టుపై నెల రోజుల క్రితం పెగులా నన్ను సెమీస్‌లో ఓడించింది. ఇప్పుడు ఆ ఓటమికి బదులు తీర్చుకున్నా (నవ్వుతూ). అయితే పెగులాను మ్యాచ్‌లో మాత్రమే ప్రత్యర్థిగా చూస్తాను. బయటం మేం మంచి స్నేహితులం. ఇక న్యూయార్క్ నగరం నాకు చాలా ఇష్టం. వరుసగా మూడో యూఎస్ ఓపెన్ టైటిల్ సాధించేందుకు అడుగు దూరంలో నిలిచిన నాకు మీ మద్దతు ఉంటుందని ఆశిస్తున్నా.’ అని చెప్పుకొచ్చింది.THREE-PEAT: STILL ON 🗽Aryna Sabalenka defeats Pegula 7-5, 6-2 and will once again compete in the US Open championship match on Saturday! pic.twitter.com/1mLbWR0HXG— US Open Tennis (@usopen) September 11, 2026 Del 2023 al 2026, Aryna Sabalenka he llegado a la Final del US Open. Dominante 🤯 pic.twitter.com/Eo2kpEZ2av— US Open Tennis (@usopen) September 11, 2026Read: నన్నే పక్కన పెడతారా? 10 వికెట్లతో విరుచుకుపడ్డ టీమిండియా స్టార్!

యుఎస్ ఓపెన్ 2026 మహిళల సింగిల్స్‌లో అమెరికన్ టెన్నిస్ స్టార్ కోకో గాఫ్ పోరాటం ముగిసింది. శుక్రవారం వరల్డ్ నంబర్ 2 ఎలెనా రైబాకినాతో జరిగిన సెమీఫైనల్లో 3-6, 6-4, 6-4 తేడాతో గాఫ్ ఓటమి పాలైంది. ఈ ఓటమితో గాఫ్ ఇంటి ముఖం పట్టగా.. రైబాకినా ఫైనల్‌కు దూసుకెళ్లింది. సెప్టెంబ‌ర్ 12న జ‌ర‌గ‌నున్న తుది పోరులో డిఫెండింగ్ ఛాంపియన్ అరినా సబాలెంకాతో రైబాకినా త‌ల‌ప‌డ‌నుంది.ఇక సెమీస్ విషయానికి వ‌స్తే.. ఆరంభంలో గాఫ్ ఆధిపత్యం ప్రదర్శించి ఆరో గేమ్‌లో సర్వీస్ బ్రేక్ చేసి మొదటి సెట్‌ను 3-6తో సొంతం చేసుకుంది. అయితే రెండో సెట్‌లో గాఫ్ వరుస తప్పిదాలు చేయడంతో రైబాకినా తిరిగి పుంజుకుంది. ఈ కజకిస్తాన్ టెన్నిస్ స్టార్‌ రెండో సెట్‌ను 6-4తో గెలుచుకుని మ్యాచ్‌ను సమం చేసింది. అనంత‌రం నిర్ణ‌యాత్మ‌క మూడో సెట్ కూడా చివ‌రివ‌ర‌కు ఉత్కంఠ భ‌రితంగా సాగింది. ఆరంభంలోనే రైబాకినా 5-3 ఆధిక్యంలోకి వెళ్లగా.., గాఫ్ మళ్లీ బ్రేక్ సాధించింది. అయితే చివరికి సర్వీస్‌ను నిలబెట్టుకున్న 6-4 తేడాతో రైబాకినా విజయాన్ని ఖాయం చేసుకుంది.

న్యూయార్క్‌: యూఎస్‌ ఓపెన్‌ గ్రాండ్‌స్లామ్‌ టోర్నీలో అమెరికా యువ తార, 2023 చాంపియన్‌ కోకో గాఫ్‌ రెండోసారి సెమీఫైనల్లోకి దూసుకెళ్లింది. ఈ ఏడాది ఫ్రెంచ్‌ ఓపెన్‌ చాంపియన్, ఐదో సీడ్‌ మిరా ఆండ్రీవా (రష్యా)తో 2 గంటల 19 నిమిషాలపాటు జరిగిన మహిళల సింగిల్స్‌ చివరి క్వార్టర్‌ ఫైనల్లో నాలుగో సీడ్‌ కోకో గాఫ్‌ 2–6, 7–6 (9/7), 6–2తో గెలిచింది. రెండో సెట్‌ టైబ్రేక్‌లో కోకో గాఫ్‌ 5–6తో, 6–7తో ఓటమి ప్రమాదాన్ని ఎదుర్కొంది. అయితే ఈ రెండుసార్లు కోకో పాయింట్లు గెలిచి స్కోరును సమం చేసింది. ఆ తర్వాత టైబ్రేక్‌లో పైచేయి సాధించి మ్యాచ్‌లో నిలిచింది. నిర్ణాయక మూడో సెట్‌లో మాత్రం కోకో గాఫ్‌ పూర్తి ఆధిపత్యం చలాయించి ఆండ్రీవా ఆట కట్టించింది. నేడు జరిగే సెమీఫైనల్స్‌లో పెగూలా (అమెరికా)తో సబలెంకా (బెలారూస్‌); రిబాకినా (కజకిస్తాన్‌)తో కోకో గాఫ్‌ తలపడతారు. సెమీస్‌లో జ్వెరెవ్, ఖచనోవ్‌ పురుషుల సింగిల్స్‌లో టాప్‌ సీడ్‌ జ్వెరెవ్‌ (జర్మనీ), అన్‌సీడెడ్‌ ఖచనోవ్‌ (రష్యా) సెమీఫైనల్లోకి ప్రవేశించారు. జాండ్‌షుల్ప్‌ (నెదర్లాండ్స్‌)తో జరిగిన క్వార్టర్‌ ఫైనల్లో జ్వెరెవ్‌ 6–2, 7–5, 6–1తో గెలుపొందాడు. మరో క్వార్టర్‌ ఫైనల్లో ఖచనోవ్‌ 6–2, 7–5, 3–2తో ఆధిక్యంలో ఉన్న దశలో అతని ప్రత్యర్థి అలెగ్జాండర్‌ బ్లాక్స్‌ (బెల్జియం) గాయం కారణంగా వైదొలిగాడు.

న్యూఢిల్లీ: భారత యువ స్క్వాష్‌ ప్లేయర్‌ అనాహత్‌ సింగ్‌ ఆసియా క్రీడల్లో ఫేవరెట్‌గా బరిలోకి దిగనుంది. ఇటీవలి కాలంలో అంతర్జాతీయ స్థాయిలో నిలకడగా రాణిస్తూ వరుస టైటిల్స్‌ సాధిస్తున్న 18 ఏళ్ల అనాహత్‌ .. జపాన్‌ వేదికగా జరగనున్న ఆసియా క్రీడల్లో పసిడి పతకం సాధించాలని కృత నిశ్చయంతో ఉంది. తద్వారా 2028 లాస్‌ ఏంజెలిస్‌ ఒలింపిక్స్‌కు అర్హత సాధించడమే లక్ష్యంగా పెట్టుకుంది. ఈ నెల 19 నుంచి జరగనున్న ఆసియా క్రీడల మహిళల స్క్వాష్‌ సింగిల్స్‌లో అనాహత్‌కు మూడో సీడ్‌ దక్కింది. ఇక పురుషుల సింగిల్స్‌లో భారత ప్లేయర్‌ అభయ్‌ సింగ్‌ రెండో సీడ్‌గా బరిలోకి దిగనున్నాడు. ఈ ఏడాది జూలై 13 నాటి ర్యాంకింగ్‌ల ఆధారంగా ఆసియా క్రీడల నిర్వాహకులు గురువారం ‘సీడ్‌’లు కేటాయించారు. ఆసియా క్రీడల్లో భారత్‌ ఇప్పటి వరకు మూడు స్వర్ణ పతకాలు సాధించింది. ఏషియన్‌ గేమ్స్‌లో బంగారు పతకం గెలిచిన ప్లేయర్లు 2028 ఒలింపిక్స్‌కు నేరుగా అర్హత సాధించనున్నారు. దీంతో ఈ గేమ్స్‌లో పోటీ మరింత తీవ్రతరం కానుంది. జూనియర్‌ ప్రపంచ చాంపియన్‌ టైటిల్‌ నెగ్గిన తొలి భారత ప్లేయర్‌గా రికార్డు సృష్టించిన అనాహత్‌... ప్రస్తుతం ప్రపంచ ర్యాంకింగ్స్‌లో 20వ స్థానంలో కొనసాగుతోంది. ఇటీవలి కాలంలో వరుస విజయాలతో దూసుకెళ్తున్న అనాహత్‌కు ఏషియన్‌ గేమ్స్‌లో మలేసియా ప్లేయర్, ప్రపంచ ఐదో ర్యాంకర్, డిఫెండింగ్‌ చాంపియన్‌ శివసంగరి సుబ్రమణియం, జపాన్‌కు చెందిన ఆరో ర్యాంకర్‌ సతోమి వతనాబెతో ప్రధాన పోటీ ఎదురయ్యే అవకాశం ఉంది. ఇటీవల జరిగిన లండన్‌ క్లాసిక్‌ క్వార్టర్‌ ఫైనల్లో శివసంగరి చేతిలో అనాహత్‌ ఓటమి పాలైంది. కాగా... అనాహత్‌ ప్రస్తుత ఫామ్‌ కొనసాగిస్తే సింగిల్స్‌లో ఇప్పటి వరకు భారత్‌కు అందని ద్రాక్షలా ఊరిస్తున్న పసిడి పతకం ఈసారి దరిచేరే అవకాశాలున్నాయి. ఇక మహిళల సింగిల్స్‌లో పోటీ పడుతున్న మరో భారత ప్లేయర్‌ తన్వీ ఖన్నాకు ఏడో సీడ్‌ లభించింది. పురుషుల సింగిల్స్‌లో అభయ్‌కు రెండో సీడ్‌ దక్కగా... వీర్‌ చొత్రాని నాలుగో సీడ్‌గా బరిలోకి దిగనున్నాడు. వరుసగా ఏడోసారి ఆసియా క్రీడల్లో పాల్గొంటున్న సీనియర్‌ ప్లేయర్‌ జోష్నా చినప్ప... మిక్స్‌డ్‌ డబుల్స్, మహిళల టీమ్‌ ఈవెంట్లలో పోటీపడనుంది. అభయ్, వీర్, సెంథిల్‌కుమార్, సూరజ్‌ కుమార్‌ చంద్‌లతో కూడిన భారత పురుషుల జట్టుకు టాప్‌ సీడ్‌ దక్కగా... అనాహత్‌ నేతృత్వంలోని భారత మహిళల జట్టు మూడో సీడ్‌గా బరిలోకి దిగనుంది. 2022 హాంగ్జౌ ఆసియా క్రీడల్లో భారత పురుషుల జట్టు, మిక్స్‌డ్‌ డబుల్స్‌ జోడీ పసిడి పతకాలు గెలిచాయి.

టోక్యో: నాలుగేళ్లకోసారి జరిగే ప్రతిష్టాత్మక ఆసియా క్రీడలు అధికారికంగా ప్రారంభం కాకపోయినా... కొన్ని క్రీడాంశాల్లో పోటీలు మొదలయ్యాయి. జపాన్‌ వేదికగా ఈ నెల 19 నుంచి ఏషియన్‌ గేమ్స్‌ ప్రారంభం కావాల్సి ఉండగా... బాస్కెట్‌బాల్, ఫుట్‌బాల్, క్రికెట్, హాకీ, మోడర్న్‌ పెంటాథ్లాన్‌ క్రీడల్లో పోటీలు ముందే మొదలవుతున్నాయి. ప్రధాన పోటీల ప్రారంభానికి తొమ్మిది రోజుల ముందు గురువారం పురుషుల బాస్కెట్‌బాల్‌లో ఖతార్‌ జట్టు ఇరాన్‌పై విజయం సాధించింది. గ్రూప్‌ ‘బి’లో భాగంగా జరిగిన ఈ పోరులో ఖతార్‌ 59–35 పాయింట్ల తేడాతో ఇరాన్‌ను చిత్తు చేసింది. ఒలింపిక్స్‌ కన్నా ఎక్కువ మంది అథ్లెట్లు ఆసియా క్రీడల్లో పాల్గొంటున్నారు. 43 క్రీడాంశాల్లో 17 వేల మందికి పైగా అథ్లెట్లు, క్రీడాధికారులు భాగస్వాములు కానున్నారు. సెపె్టంబర్‌ 19న క్రీడల ఆరం¿ోత్సవం నిర్వహించనుండగా... మరుసటి రోజు నుంచి పతక పోటీలు జరుగుతాయి. 1994 తర్వాత తొలిసారి జపాన్‌ ఈ క్రీడలకు ఆతిథ్యమిస్తుండగా... అనేక క్రీడాంశాల్లో 2028 లాస్‌ ఏంజెలిస్‌ ఒలింపిక్స్‌కు ఈ పోటీలు అర్హత ప్రమాణాలు కానున్నాయి. అయితే ప్రస్తుతం జపాన్‌లో భారీ వర్షాలు కురుస్తుండటంతో అథ్లెట్లకు ఇబ్బందులు తప్పేలాలేవు. మంగళవారం భారీ వర్షం కారణంగా అథ్లెట్ల ప్రాక్టీస్‌కు తీవ్ర అంతరాయం వాటిల్లింది. అక్టోబర్‌ 4 వరకు ఆసియా క్రీడలు కొనసాగనున్నాయి. భారత యువ ఓపెనర్, 15 ఏళ్ల వైభవ్‌ సూర్యవంశీ, చైనాకు చెందిన 13 ఏళ్ల స్విమ్మర్‌ యూ జిది, ఫిలిప్పైన్‌ టెన్నిస్‌ సంచలనం అలెగ్జాండ్రా ఇయాలా ఈ క్రీడల్లో ప్రధాన ఆకర్షణగా నిలవనున్నారు.

న్యూఢిల్లీ: వచ్చే నెలలో భారత్‌లో భారత జట్టుతో జరిగే అంతర్జాతీయ ఫ్రెండ్లీ మ్యాచ్‌లో పాల్గొనే బ్రెజిల్‌ ఫుట్‌బాల్‌ జట్టును ప్రకటించారు. 26 మంది సభ్యులతో కూడిన బ్రెజిల్‌ జట్టులో స్టార్‌ ఆటగాళ్లు వినిసియస్‌ జూనియర్, రఫినా, మార్కినోస్‌లను ఎంపిక చేయడం విశేషం. ఇటీవల జరిగిన ప్రపంచకప్‌లో వినిసియస్‌ నాలుగు గోల్స్‌ సాధించి బ్రెజిల్‌ టాప్‌ స్కోరర్‌గా నిలిచాడు. కోల్‌కతాలోని సాల్ట్‌లేక్‌ స్టేడియం వేదికగా అక్టోబర్‌ 3న భారత్, బ్రెజిల్‌ సీనియర్‌ జట్ల మధ్య తొలిసారి ఫుట్‌బాల్‌ మ్యాచ్‌ జరగనుంది. భారత్‌తో మ్యాచ్‌కు ముందు బ్రెజిల్‌ జట్టు ఆ్రస్టేలియాలో పర్యటిస్తుంది. బ్రెజిల్, ఆ్రస్టేలియా జట్ల మధ్య సెప్టెంబర్‌ 25న తొలి మ్యాచ్, సెపె్టంబర్‌ 29న రెండో మ్యాచ్‌ జరుగుతుంది.

మహిళల జూనియర్‌ ఆసియా కప్‌ టోర్నీలో భారత హాకీ జట్టు సంచలన విజయం సాధించింది. దాయాది పాకిస్తాన్‌ను ఏకంగా 19-0 గోల్స్‌ తేడాతో మట్టికరిపించింది. తద్వారా ఆసియా కప్‌ టోర్నీ సెమీ ఫైనల్‌కు దూసుకువెళ్లింది. ఆది నుంచే భారత్‌ ఆధిపత్యంచైనాలోని మోకీ వేదికగా గురువారం నాటి క్వార్టర్‌ ఫైనల్‌ మ్యాచ్‌లో భారత్‌- పాక్‌ యువ జట్లు తలపడ్డాయి. ఆట మొదలైన ఏడో నిమిషంలోనే పూజా సాహూ గోల్‌ కొట్టడంతో భారత్‌ ఖాతా తెరిచింది. ఆ తర్వాత రోషిణి ఐంద్‌, తనుశ్రీ దినేశ్‌ కదూ, సుఖ్‌వీర్‌ కౌర్‌, సనికా చంద్రకాంత్‌ మనే కూడా గోల్స్‌ సాధించారు.దీంతో ఆది నుంచే భారత్‌ ఆధిపత్యం కొనసాగించింది. ఇక 23వ నిమిషంలో మనే తన రెండో గోల్‌ కొట్టగా.. తనూజ తొప్పూ, పూజా మాలిక్‌, పూర్ణిమా యాదవ్‌ కూడా గోల్స్‌ సాధించారు. ఫలితంగా ఆట తొలి అర్ధ భాగంలోనే భారత్‌ 10-0తో తిరుగులేని ఆధిక్యం సంపాదించింది.ఇక రెండో అర్ధ భాగంలోనూ భారత మహిళా జట్టు జోరు కొనసాగించింది. మాలిక్‌ హ్యాట్రిక్‌ గోల్స్‌తో దుమ్ములేపగా.. సుప్రియా రెండుసార్లు గోల్‌ కొట్టింది. క్రిష్ణా శర్మ, బినిమా ధన్‌, రోషిణి కూడా అద్భుత ఆట తీరు కనబరుస్తూ పాకిస్తాన్‌ను మరింత కష్టాల్లోకి నెట్టారు. ఏకపక్ష విజయంఆఖరి నిమిషంలో రోషిణి మరోసారి గోల్‌ కొట్టడంతో భారత్‌ పాక్‌పై 19-0 గోల్స్‌ తేడాతో ఏకపక్ష విజయం సాధించింది. తద్వారా భారత మహిళా హాకీ జూనియర్‌ జట్టు ఆసియా కప్‌ సెమీ ఫైనల్లోకి దూసుకువెళ్లింది. కాగా మహిళల జూనియర్‌ హాకీ ఆసియా కప్‌ 2023, 2024 ఎడిషన్లలో భారత జట్టు విజేతగా నిలిచింది. తాజా ఎడిషన్‌లోనూ చాంపియన్‌గా నిలిచి హ్యాట్రిక్‌ కొట్టాలనే పట్టుదలతో ఉంది. కాగా తాజా సెమీ ఫైనల్లో భారత్‌... సౌత్‌ కొరియా- మలేషియా మధ్య మ్యాచ్‌ విజేతతో తలపడుతుంది. ఇక గ్రూప్‌ దశలో భారత్‌ ఇప్పటికే జపాన్‌, మలేషియా, సౌత్‌ కొరియాలను ఓడించి టాపర్‌గా నిలిచింది.పాకిస్తాన్‌తో మ్యాచ్‌లో గోల్స్‌ కొట్టిన భారత ప్లేయర్లుపూజా సాహూ (7వ నిమిషం), రోషిణి ఐంద్‌ (9, 60+ నిమిషం), తనుశ్రీ దినేశ్‌ కదూ (11వ నిమిషం), సుఖ్‌వీర్‌ కౌర్‌ (13వ నిమిషం), సనికా చంద్రకాంత్‌ మనే (13, 23వ నిమిషం), మధూ సిదార్‌ (16, 39వ నిమిషం), గీతా యాదవ్‌ 18వ (నిమిషం), తనూజ తొప్పూ (25వ నిమిషం), పూజా మాలిక్‌ (27, 49, 51వ నిమిషం), పూర్ణిమా యాదవ్‌ (33వ నిమిషం), సుప్రియ (40, 54వ నిమిషం), క్రిష్ణ శర్మ (48వ నిమిషం), బినిమా ధన్‌ (55వ నిమిషం).చదవండి: చరిత్ర సృష్టించిన ఇషాన్‌ కిషన్‌!

న్యూఢిల్లీ: వరల్డ్‌ టేబుల్‌ టెన్నిస్‌ (డబ్ల్యూటీటీ) మకావ్‌ చాంపియన్స్‌ లెవెల్‌ టోర్నీలో భారత క్రీడాకారుల పోరాటం ముగిసింది. తొలి రోజు మంగళవారం భారత నంబర్‌వన్‌ ర్యాంకర్‌ మనుశ్‌ షా తొలి రౌండ్‌లోనే ఇంటిముఖం పట్టగా... బుధవారం భారత రెండో ర్యాంకర్, ప్రపంచ 47వ ర్యాంకర్‌ మానవ్‌ ఠక్కర్‌ కూడా మొదటి రౌండ్‌లోనే ఓటమి చవిచూశాడు. ప్రపంచ తొమ్మిదో ర్యాంకర్‌ అలెక్స్‌ లెబ్రున్‌ (ఫ్రాన్స్‌)తో జరిగిన మ్యాచ్‌లో మానవ్‌ 12–14, 4–11, 11–9, 3–11తో పరాజయం పాలయ్యాడు. 24 నిమిషాల్లో ముగిసిన ఈ మ్యాచ్‌లో మానవ్‌ తన సర్వీస్‌లో 18 పాయింట్లు, ప్రత్యర్థి సర్వీస్‌లో 12 పాయింట్లు సాధించాడు. తొలి రౌండ్‌లో ఓడిన మానవ్‌కు 8,000 డాలర్ల (రూ. 7 లక్షల 58 వేలు) ప్రైజ్‌మనీతోపాటు 15 ర్యాంకింగ్‌ పాయింట్లు లభించాయి. చాంపియన్స్‌ లెవెల్‌ టోర్నీని కేవలం సింగిల్స్‌ విభాగాల్లోనే నిర్వహిస్తారు.

మోకి (చైనా): డిఫెండింగ్‌ చాంపియన్‌ హోదాకు తగ్గట్టు ఆడుతోన్న భారత పురుషుల హాకీ జట్టు ఆసియా కప్‌ జూనియర్‌ టోర్నీలో సెమీఫైనల్లోకి ప్రవేశించింది. బుధవారం జరిగిన పూల్‌ ‘ఎ’ చివరి లీగ్‌ మ్యాచ్‌లో భారత్‌ 15–0 గోల్స్‌ తేడాతో చైనీస్‌ తైపీపై ఘనవిజయం సాధించింది. భారత్‌ తరఫున కెపె్టన్‌ అన్‌మోల్‌ ఎక్కా ఆరు గోల్స్‌ (25వ, 29వ, 32వ, 33వ, 45వ, 51వ నిమిషాల్లో)... ఆర్యన్‌ మూడు గోల్స్‌ (17వ, 52వ, 53వ నిమిషాల్లో), హర్పాల్‌ రెండు గోల్స్‌ (48వ, 53వ నిమిషాల్లో) చేశారు. గురుసేవక్‌ సింగ్‌ (22వ ని.లో), ప్రభ్‌దీప్‌ సింగ్‌ (18వ ని.లో), అజీత్‌ యాదవ్‌ (35వ ని.లో), అర్జున్‌ సంతోష్‌ హర్గుడె (28వ ని.లో) ఒక్కో గోల్‌ సాధించారు. ఐదు జట్లున్న పూల్‌ ‘ఎ’లో భారత్‌ మూడు మ్యాచ్‌ల్లో గెలిచి, ఒక మ్యాచ్‌ను ‘డ్రా’ చేసుకొని 10 పాయింట్లతో టాప్‌ ర్యాంక్‌లో... దక్షిణ కొరియా 9 పాయింట్లతో రెండో స్థానంలో నిలిచాయి. పూల్‌ ‘బి’ నుంచి పాకిస్తాన్, మలేసియా జట్లు సెమీఫైనల్‌ చేరుకున్నాయి. శుక్రవారం జరిగే సెమీఫైనల్స్‌లో మలేసియాతో భారత్‌; పాకిస్తాన్‌తో దక్షిణ కొరియా తలపడతాయి. మరోవైపు భారత మహిళల జట్టు చైనాతో జరిగిన తమ చివరి లీగ్‌ మ్యాచ్‌ను 0–0తో ‘డ్రా’ చేసుకుంది. నేడు జరిగే క్వార్టర్‌ ఫైనల్స్‌లో పాకిస్తాన్‌తో భారత్‌; హాంకాంగ్‌తో చైనీస్‌ తైపీ; బంగ్లాదేశ్‌తో జపాన్‌; మలేసియాతో దక్షిణ కొరియా పోటీపడతాయి.

వరల్డ్ ఆర్చరీ పారా సిరీస్ స్టేజ్-3లో భారత ఆర్చర్లు అదరగొట్టారు. ప్రపంచ ఛాంపియన్ శీతల్ దేవి కాంపౌండ్ మహిళల వ్యక్తిగత విభాగంలో స్వర్ణ పతకం సాధించింది. చివరి వరకు నువ్వా నేనా అన్నట్లుగా సాగిన ఫైనల్లో శీతల్‌, కజకిస్థాన్‌కు చెందిన ఐజాడా సెయ్దాన్‌ను షూట్‌ఆఫ్‌లో ఓడించి పసిడి పతకాన్ని సొంతం చేసుకుంది.ఈ టోర్నీలో శీతల్‌కు ఇది రెండో పతకం. టోమన్ కుమార్‌తో కలిసి కాంపౌండ్ మిక్స్‌డ్ టీమ్ విభాగంలో ఆమె ఇప్పటికే కాంస్య పతకం సాధించింది. కాంస్య పతక పోరులో భారత జోడీ ఇరాక్‌కు చెందిన సారా అల్ హమీద్, అబ్బాస్ కదిమ్ జోడీని 157-145తో ఓడించింది.మరోవైపు పారాలింపిక్ ఛాంపియన్ హర్విందర్ సింగ్ కూడా భారత్‌కు స్వర్ణ పతకం అందించాడు. భావనతో కలిసి రికర్వ్ మిక్స్‌డ్ టీమ్ ఫైనల్లో చైనాకు చెందిన లియాంగ్ కియురోంగ్, షియా లెయ్ జోడీని 6-0తో ఓడించారు.భావన రికర్వ్ మహిళల వ్యక్తిగత విభాగంలో మరో కాంస్య పతకం సాధించింది. కాంపౌండ్ మహిళల వ్యక్తిగత విభాగంలో సరిత చైనాకు చెందిన వాంగ్ హ్యూటింగ్‌పై 141-140తో విజయం సాధించి కాంస్యం గెలిచింది.కాంపౌండ్ పురుషుల వ్యక్తిగత విభాగంలో టోమన్ కుమార్ కూడా కాంస్య పతకం సాధించాడు.ఈ టోర్నీలో టోమన్‌కు ఇది రెండో పతకం.మొత్తంగా చివరి రోజున భారత్ రెండు స్వర్ణాలు, నాలుగు కాంస్య పతకాలు సాధించి, టోర్నీలో పతకాల సంఖ్యను 13కు పెంచుకుంది.చదవండి: అల్‌కరాజ్‌కు ఊహించని షాక్‌.. సెమీస్‌ చేరకుండానే అవుట్‌