Chittoor

సాక్షి టాస్క్‌ఫోర్స్‌: పలమనేరు నియోజకవర్గంలోని బైరెడ్డిపల్లి మండలం కై గల్లు గ్రామం వద్ద ఫుడ్‌ పార్కు ఏర్పాటు చేయడానికి కంపెనీకి భూములు కేటాయింపుపై జోరుగా చర్చ సాగుతోంది. అనుభవం లేని కంపెనీకి రూ.కోట్ల విలువైన భూములు ఎందుకు ఇస్తున్నారన్న విషయం చర్చనీయాంశమైంది. ఇప్పటి వరకు ఫుడ్‌ పార్కు ద్వారా వేలాది మందికి ఉపాధి లభిస్తుందని ఇక్కడి రైతులు ఆనందపడ్డారు. పదినెలల క్రితం రూ.9 లక్షలతో ప్రారంభించిన కంపెనీకి రాష్ట్ర ప్రభుత్వం 40 ఎకరాల భూమిని పైసా తీసుకోకుండా ఉచితంగా ఎందుకిచ్చిందనే మాట జనం నోట వినిపిస్తోంది. ఇలాంటి డొల్ల కంపెనీ రూ.1,388.14 కోట్ల ప్రాజెక్టును చేపట్టేనా అనే అనుమానాలను వ్యక్తం చేస్తున్నారు. గతంలో ఈ కంపెనీకి ఫుడ్‌ ప్రొసెసింగ్‌పై అనుభవం లేకపోవడం గందరగోళానికి గురిచేస్తోంది. రైతుల నుంచి సేకరించిన భూములను ఏపీఐఐసీ ఉచితంగా ఎలా ఇస్తుందని ప్రశ్నిస్తున్నారు. ఇక్కడ ఫుడ్‌ పార్కు వస్తుందో లేదో గాని రూ.కోట్ల భూములను మాత్రం సులభంగా తీసుకున్నారనే మాట వినిపిస్తోంది. మొత్తం మీద కై గల్లు భూముల మీద కన్నేసిన అధికార పార్టీలోని ముఖ్యనేతలే పక్కాగా స్కెచ్‌వేసి ఇక్కడి భూములను కొట్టేశారనే విమర్శలు గట్టిగా వినిపిస్తున్నాయి. దీనిపై సాక్షి దినపత్రిక కథనాన్ని ప్రచురించడం వల్ల అనేక విషయాలు వెలుగులోకి వచ్చాయని స్థానికులు చెబుతున్నారు.

చిత్తూరు కలెక్టరేట్‌ : 2018 నుంచి రావాల్సిన పెండింగ్‌ డీఏ అరియర్స్‌ బిల్లుల నమోదుకు నిధి పోర్టల్‌లో వెంటనే సీఎఫ్‌ఎంఎస్‌ టైల్స్‌ ఓపెన్‌ చేయాలని యూటీఎఫ్‌ రాష్ట్ర కార్యదర్శి జీవీ రమణ డిమాండ్‌ చేశారు. యూటీఎఫ్‌ జిల్లా కార్యాలయంలో ఆదివారం జిల్లా కమిటీ సమావేశం నిర్వహించారు. ఆయన మాట్లాడుతూ 2018 జూలై నుంచి విడుదల చేసిన డీఏల అరియర్‌ బిల్లులు దాఖలు చేయడానికి సీఎఫ్‌ఎంఎస్‌లో టైల్స్‌ ఓపెన్‌ చేయకపోవడం వల్ల ఉద్యోగ, ఉపాధ్యాయులు ఇబ్బందులు పడుతున్నట్టు తెలిపారు. సీపీఎస్‌, పదవీ విరమణ చేసిన ఉద్యోగులు తీవ్రంగా నష్టపోతున్నారని ఆవేదన వ్యక్తం చేశారు. వెంటనే వారికి రావలసిన డీఏ బకాయిల చెల్లింపులకు వీలుగా టైల్స్‌ అందుబాటులోకి తీసుకురావాలని కోరారు. అలాగే పదవీ విరమణ పొందిన ఎయిడెడ్‌ ఉపాధ్యాయులకు ఎన్‌క్యాష్‌మెంట్‌, ఈఎల్స్‌, గ్రాట్యూటీ బకాయిలను విడుదల చేయాలని విజ్ఞప్తి చేశారు. లోకల్‌ క్యాడర్‌ ఆర్గనైజేషన్‌ ఉత్తర్వుల అమలులో విడుదల చేసిన సమగ్ర సీనియారిటీ జాబితాలోని లోపాలను సవరించి, పారదర్శకంగా సిబ్బంది కేటాయింపులు చేపట్టాలన్నారు. ఈ సమావేశంలో జిల్లా అధ్యక్షులు రెడ్డెప్పనాయుడు, ప్రధాన కార్యదర్శి మణిగండన్‌, నాయకులు సదాశివరెడ్డి, రహనాబేగం, ఏకాంబరం, దీనావతి, సోమశేఖర్‌నాయుడు, ఈశ్వర తదితరులు పాల్గొన్నారు.

చిత్తూరు కలెక్టరేట్‌ : గ్రామీణ ఉపాధి హామీ పథకంలో పేద కూలీలకు ఉపాధి కల్పించాల్సి ఉండగా, క్షేత్రస్థాయిలో నిబంధనలు విచ్చలవిడిగా ఉల్లంఘిస్తున్నారు. జిల్లాలోని వి.కోట మండలం నేర్నిపల్లి పంచాయతీ పైపల్లి చెరువులో ఆదివారం ఉదయం ఫీల్డ్‌ అసిస్టెంట్‌ ఆధ్వర్యంలో జేసీబీతో మట్టి తవ్వకాలు జరిపారని, ఆ తర్వాత కూలీలతో పనులు చేయిస్తున్నట్లు కలరింగ్‌ ఇస్తున్నారని స్థానికులు ఆరోపిస్తున్నారు. ఈ నిబంధనల ఉల్లంఘనపై డ్వామా పీడీ రవికుమార్‌కు ఫిర్యాదు చేశారు. ముందుగా యంత్రాలతో పనులు పూర్తి చేసి, అనంతరం ఉపాధి కూలీలను రంగంలోకి దించి మస్టర్లు నమోదు చేస్తూ బిల్లులు చేసుకుంటున్నారని పేర్కొన్నారు. దీనికి సంబంధించిన ఫొటో, ఆధారాలతో సహా పీడీకి అందజేశారు. డ్వామా పీడీ తక్షణమే స్పందించి సమగ్ర విచారణకు ఆదేశించాలని కోరారు.

విజయపురం (నగరి) : జిల్లా ఎస్పీ తుషార్‌ డూడీ ఆదేశాల మేరకు, నగరి డీఎస్పీ చంద్రశేఖర్‌ సూచనలతో పోలీసులు ఆదివారం సారా తయారీ స్థావరాలపై దాడులు చేశారు. నగరి రూరల్‌ సర్కిల్‌ ఇన్‌స్పెక్టర్‌ వి.భాస్కర్‌ ఆధ్వర్యంలో విజయపురం పోలీస్‌ స్టేషన్‌ సిబ్బంది కోసలనగరం రెవెన్యూ పరిధిలోని అటవీ ప్రాంతంలో తనిఖీలు చేపట్టారు. అక్కడ సారా తయారీకి సిద్ధంగా ఉంచిన సుమారు 200 లీటర్ల ఊటను ధ్వంసం చేశారు. నాటుసారా తయారీ, విక్రయాలపై నిఘా కొనసాగిస్తామని పోలీసులు తెలిపారు. కారు ఢీకొని వ్యక్తికి తీవ్ర గాయాలు గుడిపాల: మండలంలోని మరకాలకుప్పం గ్రామం వద్ద ఆదివారం కారు ఢీకొనడంతో వ్యక్తి తీవ్రంగా గాయపడ్డాడు. పోలీసుల కథనం మేరకు.. రాణిపేటకు చెందిన సురేష్‌(40) ఆదివారం సొంత పనుల నిమిత్తం ద్విచక్ర వాహనంలో వెళ్తున్నాడు. మరకాలకుప్పం వద్ద ఎదురుగా వచ్చిన కారు ఢీకొంది. తీవ్రంగా గాయపడిన అతన్ని స్థానికులు 108 ద్వారా చీలాపల్లె సీఎంసీ ఆస్పత్రికి తరలించారు. గుడిపాల పోలీసులు కేసు నమోదు చేసి దర్యాప్తు చేస్తున్నారు. జింకపై కుక్కల దాడి కుప్పం రూరల్‌ : కుప్పం – కంగుంది రోడ్డులో ఆదివారం మధ్యాహ్నం శిలకాల వంక వద్ద కుక్కల దాడిలో జింక గాయపడింది. ఒక జింక తాగునీటి కోసం అడవి నుంచి బయటికి వచ్చింది. దీన్ని గమనించిన కుక్కలు దాడి చేశాయి. రోడ్డు పక్కన గాయాలతో పడి ఉన్న జింకను ప్రయాణికులు గమనించి అటవీ అధికారులకు అప్పగించారు. వారు దానికి చికిత్స చేసి అడవిలో వదిలిపెట్టారు. బైక్‌ దొంగల ముఠా అరెస్ట్‌ తిరుపతి క్రైమ్‌ : ముగ్గురు బైక్‌ దొంగలను అరెస్టు చేసినట్టు ఏఎస్పీలు రవి మనోహరాచారి, శ్రీనివాసులు తెలిపారు. నిందితుల నుంచి 24 బైక్‌లను స్వాధీనం చేసుకున్నట్లు వెల్లడించారు. వారు ఆదివారం విలేకరులతో మాట్లాడుతూ యాదమరి మండలానికి చెందిన వినోద్‌కుమార్‌, చెర్లోపల్లెకి చెందిన గోవిందరాజులు, గోవిందస్వామి మురళి చోరీలకు పాల్పడుతున్నట్టు తెలిపారు. వినోద్‌కుమార్‌పై 21, గోవిందరాజులుపై 14, మురళిపై 17 కేసులు ఉన్నట్లు వివరించారు. స్వాధీనం చేసుకున్న వాహనాల్లో తిరుపతికి చెందిన ఐదు బైక్‌లు, ఎస్సార్‌పురం పోలీస్‌ స్టేషన్‌న్‌ పరిధిలో మరో బైక్‌ ఉన్నట్లు గుర్తించామన్నారు. మిగిలిన వాహనాల యజమానులను గుర్తించే ప్రక్రియ కొనసాగుతోందని చెప్పారు. చెడ్డీ గ్యాంగ్‌ కదలికలపై నిఘా తిరుపతిలో చెడ్డీ గ్యాంగ్‌ కదలికలు కనిపిస్తున్న నేపథ్యంలో పోలీసులు అప్రమత్తమయ్యారు. జిల్లా వ్యాప్తంగా బీట్‌ వ్యవస్థను మరింత బలోపేతం చేశారు. అనుమానాస్పద కదలికలపై ప్రత్యేక నిఘా పెట్టడంతో పాటు లాడ్జీలు, వాహనాల తనిఖీలను ముమ్మరం చేశారు. తనిఖీల ఫ్రీక్వెన్సీని పెంచి.. బీట్‌ సిబ్బంది ద్వారా నిరంతరం నిఘా కొనసాగిస్తున్నట్లు అదనపు ఎస్పీ రవి మనోహర ఆచారి తెలిపారు. వ్యభిచార గృహంపై దాడి తిరుపతి క్రైమ్‌ : తిరుపతి శివజ్యోతినగర్‌లోని వ్యభిచారం గృహంపై శనివారం రాత్రి అలిపిరి పోలీసులు దాడి చేశారు. గెస్ట్‌హౌస్‌ మేనేజర్‌ శంకర్‌ జీవితం(37)తో పాటు విటులుగా అనుమానిస్తున్న చింత కదిరయ్య (35), సుంకర లక్ష్మీపతి (29), మాదిరి హరి (31)ని అదుపులోకి తీసుకున్నారు. డీఎస్పీ ఆదేశాల మేరకు పోలీసులు శ్రీనివాస గెస్ట్‌హౌస్‌లో దాడులు చేశారు. మొదటి అంతస్తులోని మూడు గదుల్లో అనుమానాస్పద స్థితిలో ఉన్న ముగ్గురు పురు షులు, నలుగురు మహిళలను అదుపులోకి తీసుకుని విచారించారు. గెస్ట్‌హౌస్‌ మేనేజర్‌ వివిధ ప్రాంతాల నుంచి మహిళలను తీసుకువచ్చి వ్యభిచార చేయిస్తున్నట్లు విచారణలో వెల్లడైందని పోలీసులు తెలిపారు. నిందితుల నుంచి రూ.28 వేల నగదును స్వాధీనం చేసుకున్నారు. మేనేజర్‌ వద్ద రూ.22 వేలు, ముగ్గురు విటుల వద్ద రూ.6 వేలు ఉన్నట్లు పోలీసులు వివరించారు. పట్టుబడిన మహిళలను బాధితులుగా గుర్తించి వైద్య పరీక్షలు నిర్వహిస్తున్నట్లు వెల్లడించారు. వారికి చట్టప్రకారం అవసరమైన రక్షణ కల్పించామన్నారు. ఈ వ్యవహారంలో సంతోషి అలియాస్‌ లక్ష్మీకాంతం అనే మహిళ పాత్రపై కూడా దర్యాప్తు కొనసాగుతోందని తెలిపారు. వ్యభిచార కార్యకలాపాలకు వేదికగా ఉపయోగించిన శ్రీనివాస రెసిడెన్సీ అండ్‌ గెస్ట్‌హౌస్‌ను మూసివేసేందుకు ఆదేశాలు ఇవ్వాలని తిరుపతి ఆర్‌డీఓకు లేఖ రాయనున్నట్లు వెల్లడించారు. గెస్ట్‌హౌస్‌లు, లాడ్జీలు, ఇతర వాణిజ్య ప్రాంగణాలను అసాంఘిక కార్యకలాపాలకు వినియోగించే వారిపై కఠిన చర్యలు తీసుకుంటామని అలిపిరి పోలీసులు హెచ్చరించారు.

కాణిపాకం: ప్రత్యేక బ్రహ్మోత్సవాల్లో భాగంగా కాణిపాకంలోని శ్రీవరసిద్ధి వినాయకస్వామి దేవస్థానంలో ఆదివారం తెప్పోత్సవం నేత్రానందంగా సాగింది. ఉదయం మూలవిరాట్‌కు ప్రత్యేక అభిషేకం చేశారు. అనంతరం చందనాలంకారం చేసి ధూపదీప నైవేద్యాలు సమర్పించారు. తదుపరి భక్తులకు దర్శనం కల్పించారు. రాత్రి సిద్ధిబుద్ధి సమేత స్వామివారి ఉత్సవమూర్తులను అన్వేటి మండపంలో ఉంచి ప్రత్యేక అలంకరణ చేశారు. వేదపండితుల మంత్రోచ్ఛరణల మధ్య స్వామి వారిని పుష్కరిణి వద్దకు వేంచేపు చేశారు. మంగళవాయిద్యాలు, మేళతాళాల మధ్య సర్వాంగసుందరంగా అలంకరించిన తెప్పపై కొలువుదీర్చారు. ఈ క్రమంలో స్వామి తెప్పపై విహరిస్తూ భక్తులకు అభయమిచ్చారు. తెప్సోత్సవాన్ని తిలకించేందుకు భక్తులు అధిక సంఖ్యలో తరలివచ్చారు. స్వామి దర్శనం కోసం క్యూలైన్లు నిండాయి. భకుల రద్దీ దృష్ట్యా ఆలయ అధికారులు ముందస్తు చర్యలు చేపట్టారు.

పుత్తూరు: ఏరు దాటాక తెప్ప తగలేసిన చందాన సీఎం చంద్రబాబు వ్యవహార శైలి ఉందని వలంటీర్లు నిప్పులు చెరుగుతున్నారు. ఎన్నికలకు ముందు వలంటీర్లను కొనసాగిస్తామని, గౌరవ వేతనాన్ని రూ.10 వేలు ఇస్తామని చెప్పి తమను వీధిన పడేశారని మండిపడుతున్నారు. అన్ని రంగాల ప్రజలను మోసం చేశారని, తమ తప్పులను కప్పిపుచ్చుకునేందుకు తెలుగు తమ్ముళ్ల ద్వారా సొంత డబ్బా కొట్టుకునేందుకు రంగం సిద్ధం చేసుకున్నారని ఆరోపిస్తున్నారు. ఇందుకు సోషల్‌ మీడియా ఇన్‌ఫ్లుయెన్సర్‌ పాలసీని తీసుకువచ్చారని, ప్రజల సోమ్మును తమ పార్టీ కార్యకర్తలకు దోచి పెట్టడానికి సిద్ధమయ్యారని దుయ్యబడుతున్నారు. ఈ దుర్మార్గపు నిర్ణయాన్ని తక్షణం ఉపసంహరించుకోవాలని, లేనిపక్షంలో రాష్ట్ర వ్యాప్త ఆందోళనకు సిద్ధమని వలంటీర్లు హెచ్చరిస్తున్నారు. నిరుద్యోగభృతి ఎక్కడ? అధికారంలోకి వచ్చి రెండున్నరేళ్లు గడిచినా నిరుద్యోగ భృతి హామీ గురించి పట్టించుకోలేదు. ఇప్పుడు సొంత ప్రచారాల కోసం సోషల్‌ మీడియా ఇన్‌ఫ్లుయెన్సర్‌ పాలసీని తీసుకువచ్చి ప్రజాధనాన్ని దుర్వినియోగం చేయడానికి చంద్రబాబు సిద్ధమయ్యారు. ఇలా చేయడం ఏ ప్రభుత్వాలకూ అధికారం లేదు. ప్రజావ్యతిరేక విధానాలకు పాల్పడితే ప్రజా ఉద్యమం తప్పదు. – టి.రాజేష్‌, మాజీ వలంటీరు, ఎన్జీఓ కాలనీ, పుత్తూరు నమ్మించి గొంతు కోశారు వలంటీర్లకు రూ.10 వేలు జీతం ఇస్తామని ఎన్నికల్లో చంద్రబాబు, పవన్‌కళ్యాణ్‌ నమ్మించారు. అధికారంలోకి వచ్చాక వలంటీర్ల వ్యవస్థనే తొలగించి మా గొంతుకోశారు. కనీసం నిరుద్యోగులకు ఇస్తామన్న రూ.3 వేలు అయినా ఇస్తున్నారా అంటే అదీ లేదు. అన్నింటిని గమనిస్తున్న ప్రజలు కూటమి ప్రభుత్వానికి తగిన బుద్ధి చెప్పడం ఖాయం. – ఎ.జయలక్ష్మీ, మాజీ వలంటీరు, ఆరేటమ్మకాలనీ, పుత్తూరు బాబుకు వెన్నుపోటు అలవాటే గతంలో వలంటీర్ల వ్యవస్థ వృథా అని చంద్రబాబు, అమ్మాయిలను మాయం చేస్తున్నారంటూ పవన్‌కళ్యాణ్‌ ఊదరగొట్టారు. ఓటమికి భయపడి ప్లేటు ఫిరాయించి వలంటీర్లకు రూ.10 వేలు జీతం ఇస్తామని నమ్మించారు. అధికారంలోకి రాగానే వలంటీర్ల వ్యవస్థను తొలగించారు. ఇలా వెన్నుపోటు పొడవడం చంద్రబాబుకు వెన్నతో పెట్టిన విద్య. – టి.రోహిణికుమార్‌, మాజీ వలంటీరు, అంబేడ్కర్‌ సర్కిల్‌, పుత్తూరు మోసానికి బ్రాండ్‌ అంబాసిడర్‌ చంద్రబాబు ప్రజలను మోసం చేయడంలో బ్రాండ్‌ అంబాసిడర్‌గా చంద్రబాబు కీర్తి గడించారు. కూటమి ప్రభుత్వం అధికారంలోకి వచ్చిన వెంటనే వలంటీర్ల వేతనాన్ని రూ.10 వేలకు పెంచడం నాదీ బాధ్యత అంటూ ఆనాడు ఎన్నికల్లో హామీ ఇచ్చారు. కొండ నాలిక్కి మందేస్తే ఉన్న నాలిక పోయినట్లు చంద్రబాబుకు ఓటేయడం ద్వారా తమ ఉద్యోగం ఊడింది. – పి.హరికృష్ణ, మాజీ వలంటీరు, తొరూరు గ్రామం, పుత్తూరు

చిత్తూరు రూరల్‌ (కాణిపాకం): చిత్తూరు నగరంలోని వన్‌టౌన్‌ పక్కన్న ఉన్న ఆర్ముడు రిజర్వు కార్యాలయంలో సోమవారం ప్రజా ఫిర్యాదుల పరిష్కార వేదిక కార్యక్రమాన్ని నిర్వహిస్తున్నామని ఎస్పీ తుషార్‌ డూడి తెలిపారు. ప్రజలు ఉదయం 10.30 గంటల నుంచి నేరుగా తనను కలిసి సమస్యలు తెలియజేయవచ్చని పేర్కొన్నారు. వాటిని పరిశీలించి పరిష్కారానికి చర్యలు చేపడతామని తెలిపారు. నేడు డయల్‌ యువర్‌ ఎస్‌ఈ చిత్తూరు కార్పొరేషన్‌: విద్యుత్‌ వినియోగదారుల సమస్యల పరిష్కారం కోసం సోమ వారం డయల్‌ యువర్‌ ఎస్‌ఈ కార్యక్రమం నిర్వహించనున్నట్లు ట్రాన్స్‌కో ఎస్‌ఈ అమర్‌బాబు తెలిపారు. విద్యుత్‌ వినియోగదారులు ఉదయం 8.30–9.30 గంటల మధ్య 7993147979 నంబర్‌కు ఫోన్‌ చేసి సమస్యలు తెలియజేయాలని వివరించారు. వాటిని పరిశీలించి పరిష్కారానికి చర్యలు తీసుకుంటామని పేర్కొన్నారు. నేడు కలెక్టరేట్‌లో ప్రజాసమస్యల పరిష్కార వేదిక చిత్తూరు కలెక్టరేట్‌ : కలెక్టరేట్‌లో సోమవారం ప్రజా సమస్యల పరిష్కార వేదిక నిర్వహించనున్నట్లు కలెక్టర్‌ సుమిత్‌ కుమార్‌ గాంధీ తెలిపారు. ఆయన ఆదివారం విలేకరులతో మా ట్లాడుతూ ఉదయం 9.30 నుంచి మధ్యాహ్నం ఒంటి గంట వరకు ప్రజల నుంచి ఫిర్యాదులు స్వీకరిస్తామని చెప్పారు. ఈ సమావేశానికి అన్ని శాఖల జిల్లా అధికారులు తప్పక హాజరుకావాలన్నారు. గైర్హాజరయ్యే వారిపై శాఖాపరంగా చర్యలుంటాయని కలెక్టర్‌ హెచ్చరించారు. నేటి నుంచి బీఈడీ ప్రవేశాలకు రిజిస్ట్రేషన్‌ తిరుపతి సిటీ: ఏపీ ఎడ్‌సెట్‌–2026 కౌన్సెలింగ్‌లో భాగంగా బీఈడీ కోర్సులో తొలివిడత ప్రవేశాలకు సోమవారం నుంచి రిజిస్ట్రేషన్‌ ప్రక్రియ ప్రారంభం కానున్నట్లు కమిషనరేట్‌ ఆఫ్‌ హైయ్యర్‌ ఎడ్యుకేషన్‌ అధికారులు ఒక ప్రటనలో తెలిపారు. ఎడ్‌సెట్‌లో అర్హత సాధించిన విద్యార్థులు ఈనెల 12 తేదీలోపు ఆన్‌లైన్‌లో రిజిస్ట్రేషన్‌ చేసుకోవాలని సూచించారు. మూడు నెలలుగా బీఈడీ ప్రవేశాల కోసం ఎదురు చూస్తున్న విద్యార్థులకు కాస్త ఊరట లభించింది. ఆరోగ్య భద్రత అవసరం తిరుపతి అర్బన్‌: వసతి గృహాల్లోని విద్యార్థుల కు ఆరోగ్య భద్రత అవసరమని మంత్రి డోలా బాల వీరాంజనేయస్వామి స్పష్టం చేశారు. ఆదివారం తిరుపతి పద్మావతి అతిథిగృహంలో ఆయన తిరుపతి, చిత్తూరు, అన్నమయ్య జిల్లాల అధికారులతో సమీక్షించారు. మంత్రి మాట్లాడుతూ మెనూ ప్రకారం నాణ్యమైన భోజన వసతి కల్పించాలని ఆదేశించారు. దుస్తు లు, ఇతర సామగ్రి ప్రతి విద్యార్థికీ తప్పనిసరిగా అందేలా చర్యలు తీసుకోవాలని కోరారు. హాస్టళ్లలో మెరుగైన వసతులు కల్పించాలని స్పష్టం చేశారు. వందశాతం ఉత్తీర్ణత సాధించేలా ఇప్పటి నుంచే ప్రణాళికలు సిద్ధం చేసు కోవాలని సూచించారు. స్వర్ణ గ్రామ, వార్డు జిల్లా అధికారి విజయలక్ష్మి, అడిషనల్‌ అధికారి జగదీష్‌, సాంఘిక సంక్షేమశాఖ జిల్లా అధికారి యశ్వంత్‌, డీసీఓ పద్మావతి తదితరులు పాల్గొన్నారు. నేడు డయల్‌ యువర్‌ సీఎండీ తిరుపతి రూరల్‌: విద్యుత్‌ వినియోగదారుల సమస్యలను నేరుగా సీఎండీ దృష్టికి తీసుకెళ్లేందుకు ఏపీఎస్పీడీసీఎల్‌ ఆధ్వర్యంలో సోమ వారం ‘డయల్‌ యువర్‌ సీఎండీ’ కార్యక్రమం నిర్వహించనున్నారు. ఉదయం 10 నుంచి మధ్యాహ్నం 12.30 గంటల వరకు జరిగే ఆ కార్యక్రమంలో తిరుపతి, చిత్తూరు, నెల్లూరు, కడప, అన్నమయ్య, కర్నూలు, నంద్యాల, అనంతపురం, శ్రీసత్యసాయి జిల్లాల వినియోగదారులు 8977716661కు ఫోన్‌ చేసి తమ సమస్యలను తెలియజేయవచ్చు. ఘనంగా సంజ్ఞా భాషా దినోత్సవం తిరుపతి అర్బన్‌ : కలెక్టరేట్‌లో ఆదివారం అంతర్జాతీయ సంజ్ఞా భాషా దినోత్సవం నిర్వహించారు. విభిన్న ప్రతిభావంతులు, హిజ్రాలు, వయోవృద్ధుల సంక్షేమ శాఖ సహాయ సంచాలకుడు పుల్లారెడ్డి ఆధ్వర్యంలో జ్యోతి ప్రజ్వలన చేశారు. సంజ్ఞా భాషలో ప్రత్యేక గుర్తింపు సాధించిన పలువురు ప్రముఖులను గుర్తు చేసుకున్నారు. అధికారులు గంఽగాధరం, రవణప్ప, కృష్ణారెడ్డి, నేతలు మనోజ్‌కుమార్‌, రెడ్డెప్ప, నిర్మల, ధనంజయులు, కల్యాణ్‌చక్రవర్తి, బాబు పాల్గొన్నారు.

వెదురుకుప్పం: సత్యవేడులోని శ్రీసిటీకి ప్రపంచ ఖ్యాతి రావడం దివంగత ముఖ్యమంత్రి వైఎస్‌.రాజశేఖరరెడ్డి చలవేనని మాజీ ఉప ముఖ్యమంత్రి నారాయణస్వామి తెలిపారు. ఆయన ఆదివారం వెదురుకుప్పం మండలం ధర్మాచెరువు గ్రామంలో విలేకరుల తో మాట్లాడారు. సెజ్‌ల ఏర్పాటుతో యువతకు ఉపాఽ ది కల్పించడంతోపాటు ప్రాజెక్టుల నిర్మాణంతో రైతులకు వెన్నుదన్నుగా నిలిచిన యుగపురుషుడు వైఎస్సార్‌ అని కొనియాడారు. సత్యవేడులో శ్రీసిటీని ఏర్పాటు చేసి అన్ని రకాల వసతులు కల్పించి అనేక పరిశ్రమలు తీసుకువచ్చారని గుర్తు చేశారు. ఇప్పుడు అక్కడ వేలాది మంది ఉపాధి పొందుతున్నారని తెలిపారు. శ్రీసిటీ ఉన్నంత వరకూ వైఎస్సార్‌ గుర్తుకువస్తారన్నారు. అలాంటి చోట ప్రమాదంలో ఐదుగురు దు ర్మరణం చెందడం బాధాకరమన్నారు. వారిని ప్రభు త్వం అన్ని విధాలా ఆదుకోవాలని డిమాండ్‌ చేశారు. జలయజ్ఞంతో అండగా... వైఎస్‌.రాజశేఖరరెడ్డి ఆనాడు ఉమ్మడి ఆంధ్రప్రదేశ్‌లో రైతులకు సాగునీరు అందించేందుకు జలయజ్ఞం పేరు తో సుమారు 78 ప్రాజెక్టులు తీసుకువచ్చారని నారాయణస్వామి గుర్తు చేశారు. అందులో 20 ప్రాజెక్టులను పూర్తి చేశారని, మిగిలిన ప్రాజెక్టులు 80 శాతం పనులు పూర్తి చేశారని తెలిపారు. రుణమాఫీ చేసి అప్పుల్లో కూరుకుపోయిన అన్నదాతలకు ఊపిరి పోసి న ఘన చరిత్ర వైఎస్‌.రాజశేఖరరెడ్డికి దక్కుతుందన్నారు. ఆర్థిక సమానత్వం జగన్‌కే సాధ్యం సమాజంలో ఆర్థిక సమానత్వం వైఎస్‌.జగన్‌తోనే సాధ్యమని నారాయణ స్వామి తెలిపారు. ఇప్పుడున్న కూటమి ప్రభుత్వం ప్రజా ప్రభుత్వం కాదని, పెత్తందార్లు, కోటీశ్వరులకు కొమ్ముకాసేదని విమర్శించారు. చంద్రబాబు ఏనాడూ మంచి చేయరన్న నగ్న సత్యా న్ని గడిచిన రెండున్నరేళ్లలో ప్రజలు గ్రహించారని చెప్పారు. మంచి చేసిన నాయకుడికి ఓట్లు వేయాలన్న ఆలోచన ప్రజలకు వచ్చినప్పుడే అందరికీ న్యాయం జరుగుతుందని స్పష్టం చేశారు. తమిళనాడులో విజయ్‌కి మద్దతు ఇచ్చినట్టు ఇక్కడ కూడా వైఎస్‌.జగన్‌మోహన్‌రెడ్డికి ఓట్లు వేస్తే అందరికీ న్యాయం జరుగుతుందన్నారు. కార్యక్రమంలో మాజీ జెడ్పీటీసీ సుకుమార్‌, మాజీ సర్పంచ్‌ హేమశేఖర్‌ రెడ్డి, విద్యార్థి విభాగం మండల అధ్యక్షుడు జగదీశ్‌రెడ్డి, ముదిరాజ్‌ విభాగం గంగాధరనెల్లూరు నియోజకవర్గ అధ్యక్షుడు శ్రీనివాసులు, నాయకులు చెంగల్రాయులు, వడివేలు, పొన్నయ్య, వెంకటాచలం పాల్గొన్నారు.

సాక్షి, చిత్తూరు: చిత్తూరు కూటమి పార్టీలో అనుకోని అతిథి వచ్చి పడ్డారు. బెంగళూరులో ఉంటున్న దివంగత టీటీడీ చైర్మన్‌ ఆదికేశవులు నాయుడు మనవరాలైన చైతన్య లలితాంబిక చిత్తూరు రాజకీయాల్లోకి రావాలనుకుంటున్నారు. దీంతో ఇప్పటి వరకు జెండాలు మోసి పలువురి విజయానికి కృషి చేసిన తమ పరిస్థితి ఏమిటని చిత్తూరులోని రెండు సామాజిక వర్గాలు అంతర్మథనంలో పడ్డాయి. చైతన్య స్థానిక సంస్థల ఎన్నికల్లో భాగంగా చిత్తూరు నగర మేయర్‌ పదవి ఆశిస్తుండడం కూటమి పార్టీ లో చిచ్చు రేపుతోంది. ఎవరికేమి చేశారని? కూటమి ప్రభుత్వం అధికారంలోకి వచ్చిన 28 నెలల కాలంలో జిల్లాలో ఎన్నో నామినేటెడ్‌ పదవులు భర్తీ చేశారు. ఇందులో కాణిపాకం వినాయక స్వామి ఆల య బోర్డు చైర్మన్‌, చిత్తూరు అర్బన్‌ డెవలప్‌మెంట్‌ అథారిటీ (చుడా), ఏపీ వన్నెకుల క్షత్రియ కో–ఆపరేటివ్‌ ఫైనాన్స్‌ కార్పొరేషన్‌ చైర్మన్‌, జిల్లా వ్యవసాయ మార్కెట్‌ కమిటీ చైర్మన్‌, జిల్లా కో–ఆపరేటివ్‌ సెంట్రల్‌ బ్యాంకు (డీసీసీబీ) చైర్మన్‌, ఆర్టీసీ చైర్మన్‌, కుప్పం రెస్కో, కుప్పం గంగమ్మ ఆలయ కమిటీ చైర్మన్‌, చిత్తూ రు ప్రభుత్వ ఆస్పత్రి అభివృద్ధి కమిటీ, పెనుమూరు, కుప్పం వ్యవసాయ మార్కెట్‌ కమిటీ చైర్మన్‌ తదితర నామినేటెడ్‌ పదవులన్నీ టీడీపీ నేతలకే దక్కింది. పేరుకు కూటమి ప్రభుత్వమని చెప్పుకుంటున్నా, పదవుల భర్తీలో తమను ఏ మాత్రం గుర్తించడం లేదని కూటమి లోని బీజేపీ, జనసేన నేతలు పలు సందర్భాల్లో సామాజిక మాధ్యమాల వేదికగా బహిరంగంగా పోస్టులు పెట్టారు. ఇలాంటి తరుణంలో స్థానిక సంస్థల ఎన్నికలు సమీపిస్తుండడంతో చిత్తూరు మేయర్‌ స్థానంపై కూటమిలోని మిగిలిన రెండు పార్టీలు పట్టుగా ఉన్నాయి. మేయర్‌ కుర్చీ జనసేనదే! 2024 సార్వత్రిక ఎన్నికల్లో చిత్తూరు ఎమ్మెల్యేగా గెలుపొందిన గురరజాల జగన్‌మోహన్‌ నాయుడు అందర నీ ఆశ్చర్యపరిచారు. అసలు గెలుపు వరిస్తుందనే విష యం ఆయన కూడా ఉహించి ఉండరు. అప్పటి వరకు ఎమ్మెల్యే సీటు కోసం చిత్తూరు టీడీపీలోని బలిజ (కాపు) సామాజికవర్గ నేతలు తీవ్రంగా ప్రయత్నించి విఫలమయ్యారు. అప్పటికే జనసేన పార్టీలో చేరిన ఆదికేశవులు నాయుడు మనవరాలు చైతన్య లలితాంబిక కూడా జనసేన పార్టీ తరపున చిత్తూరు ఎమ్మెల్యే టికెట్టు ఆశించి భంగపడ్డారు. ఇప్పుడు మునిసిపల్‌ ఎన్నికల సమీపిస్తున్న తరుణంలో చిత్తూరు మేయర్‌ సీటుపై ఆమె ఆసక్తి చూపిస్తున్నారు. ఇందులో భాగంగా ఇటీవల చిత్తూ రు నగరంలో కాజూరు చెరువు అభివృద్ధిపై స్థానిక ఎమ్మెల్యే జగన్‌మోహన్‌తో కలిసి పర్యటించి మేయర్‌ పోటీలో తాను కూడా ఉన్నట్లు సంకేతాలిచ్చారు. రెండు రోజుల క్రితం పూతలపట్టు ఎమ్మెల్యే మురళీమోహన్‌ను కలిసిన ఈమె.. మేయర్‌ సీటు కోసం మురళీమోహన్‌ మద్దతు కోరినట్లు ప్రచారం సాగుతోంది. ఎట్టి పరిస్థితుల్లోనూ చిత్తూరు సీటు జనసేన పార్టీకే దక్కాలని ఇప్పటికే స్థానిక జనసేన సైనికులు పట్టుబడుతున్నారు. తమ నాయకుడి మాట కోసం సర్వం ఒడ్డి, టీడీపీ ఎమ్మెల్యే, ఎంపీ గెలుపులో కీలక పాత్ర పోషించిన తమకు చిత్తూరు మేయర్‌ కుర్చీ ఇవ్వాల్సిందేనని కోరుతున్నారు. ఆశా..? నిరాశ..? ఆదికేశవులు కుటుంబం నుంచి చిత్తూరు మేయర్‌ కోసం తన తాత పేరుతో పాటు, జనసేన కార్డు వా డుతుండడం చైతన్య రాజకీయ భవిష్యత్తుకు చావో, రేవో తేల్చనుంది. ఇదే సమయంలో చైతన్య రాకతో చిత్తూరులో ఇప్పటికే మేయర్‌ కుర్చీ ఆశిస్తు న్న రెండు సామాజిక వర్గాల్లోని ప్రధాన నాయకులు కారాలు– మిరియాలు నూరుతున్నారు. ఆదికేశవులు నాయు డు, ఆయన సతీమణి సత్యప్రభతోనే చిత్తూరులో ఆ కుటుంబం రాజకీయ పయణం ముగిసిందని చెబుతున్నారు. ఇప్పుడు వస్తున్న వాళ్లంతా కాలక్షేప రాజకీయాలు, ఆర్థిక హోదాకు ఓ పదవి కావాలని చూస్తున్నారని, సేవ చేయడానికి కాదని బహిరంగంగానే ప్రకటిస్తున్నారు. అది ముమ్మాటికీ చైతన్యకు అడ్డు కట్ట వేయడానికేనని స్పష్టమవుతోంది. కూటమి కుంపటిలో చైతన్య రాక చిచ్చురేపుతున్నా, ఇన్నాళ్లు పలు నామినేటెడ్‌ పదవులను వదులుకున్నట్లు చిత్తూరు మేయర్‌ కుర్చీని సైతం టీడీపీ నేతలకు జనసేన–బీజేపీ నేతలు త్యాగం చేస్తారో..? పోటీలో తమ తరువాతేనని కాలుదువ్వుతారో వేచి చూడాల్సి ఉంది.

● కత్తులతో ద్విచక్ర వాహనదారులను బెదిరిస్తున్న దుండగులు ● నగలు, సెల్‌ఫోన్లు, నగదు లాక్కుంటున్న వైనం గుడిపాల: మండలంలో దొంగల ముఠా హల్‌చల్‌ చేస్తోంది. నెల క్రితం చిత్తూరు–వేలూరు రహదారిలో ఓ యువకుడు ద్విచక్ర వాహనంలో తిరువణ్ణామలై వెళ్లి వస్తుండగా ఇద్దరు వ్యక్తులు కత్తులు చూపించి సెల్‌ఫోన్‌ను లాక్కున్నారు. గుడిపాలలో మరో వ్యక్తి వద్ద డబ్బులు డిమాండ్‌ చేశారు. అతని వద్ద డబ్బులు లేకపోవడంతో సెల్‌ఫోన్‌ను అడిగారు. బటన్‌ ఫోన్‌ ఉండడంతో అక్కడి నుంచి వెళ్లిపోయారు. రెండురోజుల క్రితం వసంతాపురం గ్రామానికి చెందిన 30 మంది మహిళలు కోలాటం నేర్చుకుని ఇంటికి వస్తుండగా ఇద్దరు వ్యక్తులు కత్తులతో వారిని బెదిరించారు. మెడలో ఉన్న బంగారు చైన్లను లాక్కునేందుకు ప్రయత్నించగా వారు తిరగబడడంతో దొంగలు వెనక్కు తగ్గారు. వసంతాపురం గ్రామంలో ఉన్న ఓ సీసీ కెమెరాలో ఇదంతా రికార్డు అయ్యింది. జాతీయ రహదారే టార్గెట్‌ చైన్నె–బెంగళూరు జాతీయ రహదారిలో నిత్యం వేలాది వాహణాలు ప్రయాణిస్తుంటాయి. దీంతో పాటు ద్విచక్ర వాహనదారులు కూడా ప్రయాణాలు సాగిస్తుంటారు. దొంగలు వీటిని ఆసరాగా తీసుకుని దాడులు చేస్తున్నారు. ఒంటరిగా వెళ్తున్న వారిని ఆపి కత్తులు చూపించి నగదు, బంగారాన్ని దోచుకుంటున్నారు. కొంతమంది ఈ విషయాలను అవమానంగా భావించి పోలీసులకు ఫిర్యాదు చేయడం లేదు. ఇకనైనా పోలీసు శాఖ నిఘా పెట్టి దొంగలపై చర్యలు తీసుకోవాలని మండల ప్రజలు కోరుతున్నారు.

– కాలు పోగొట్టుకున్న యువకుడు పుత్తూరు: ఒక యువకుడు ఆత్మహత్య చేసుకోవా లని రైల్వే పట్టాలపైకి వెళ్లాడు. చివరి క్షణంలో మనసు మార్చుకున్నాడు. ఇంతలో వేగంగా వచ్చిన రైలు కాలు మీదుగా వెళ్లడంతో కాలు తెగి పడింది. ఈ సంఘటన ఆదివారం పుత్తూరు పట్టణ పరిధిలోని బొజ్జనెత్తం గ్రామం వద్ద చోటు చేసుకుంది. రైల్వే పోలీసుల కథనం మేరకు.. పుత్తూరు మున్సిపాలిటీ 27వ వార్డులోని బొజ్జనెత్తం గ్రామానికి చెందిన నాగరాజు, అంజలి దంపతుల కుమారుడు చందు(23) తిరుపతి ఇస్కాన్‌ ఆలయంలో సూపర్‌వైజర్‌గా పనిచేస్తున్నాడు. కొంత కాలంగా ఆన్‌లైన్‌ గేమ్స్‌కు అలవాటుపడ్డాడు. అప్పు చేసి గేమ్స్‌ ఆడి రూ.5 లక్షల వరకు నష్ట పోయాడు. అప్పులు ఇచ్చిన వారి నుంచి ఒత్తిడి పెరగడంతో ఆత్మహత్య చేసుకోవాలని గ్రామానికి సమీపంలోని రైల్వే ట్రాక్‌పైకి చేరుకున్నాడు. చివరి క్షణంలో మనసు మార్చుకున్నాడు. ఆ సమయంలో వేగంగా వచ్చిన రైలు ఢీకొనడంతో కాలు తెగిపడిపోయింది. స్థానికులు గుర్తించి తల్లిదండ్రులకు సమాచారం ఇవ్వడంతో వారు తిరుపతిలోని ప్రైవేటు ఆస్పత్రికి తరలించారు. రైల్వే పోలీసులు కేసు దర్యాప్తు చేస్తున్నారు.

తిరుమల: తిరుమలలో ఆదివారం భక్తుల రద్దీ ఎక్కువగా ఉంది. క్యూకాంప్లెక్స్‌లోని కంపార్ట్‌మెంట్లు భక్తులతో నిండిపోయాయి. క్యూ శిలాతోరణం వద్దకు చేరింది. శనివారం అర్ధరాత్రి వరకు 91,296 మంది స్వామివారిని దర్శించుకున్నారు. 32,805 మంది భక్తులు తలనీలాలు అర్పించారు. స్వామివారికి కానుకల రూపంలో హుండీలో రూ.5.06 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కెట్లు లేని వారు స్వామిని దర్శించుకోవడానికి 18 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు. ముక్కంటి సేవకు పోటెత్తిన భక్తులు శ్రీకాళహస్తి : శ్రీకాళహస్తీశ్వరస్వామి ఆలయానికి ఆదివారం భక్తులు పోటెత్తారు. సుమారు 30 వేల మందికి పైగా భక్తులు స్వామివారిని దర్శించుకున్నారు. రాహు–కేతు పూజలు 4,520 జరిపించగా, రూ.36.93 లక్షల ఆదా యం సమకూరింది. వివిధ దర్శనాల ద్వారా 6,600 మంది భక్తులు స్వామివారిని దర్శించుకోగా రూ.9.25 లక్షలు ఆదాయం వచ్చింది. సేవలు, ప్రసాదాల విక్రయాలు, కల్యాణకట్ట తదితరాల ద్వారా వచ్చిన ఆదాయంతో కలిపి సాయంత్రం వరకు మొత్తం రూ.51,31,884 ఆదాయం వచ్చినట్లు ఆలయ అధికారులు వెల్లడించారు.

బైక్‌ దొంగల ముఠా అరెస్ట్‌ ముగ్గురు దొంగలను అరెస్టు చేసి 24 ద్విచక్ర వాహనాలను స్వాధీనం చేసుకున్నట్టు ఏఎస్పీలు తెలిపారు. చిత్తూరు జిల్లాలో ఆ‘గని’ దందా సోమవారం శ్రీ 5 శ్రీ అక్టోబర్‌ శ్రీ 2026చిత్తూరు జిల్లాలో ప్రకృతి వనరుల దోపిడీ పరాకాష్టకు చేరింది. అధికారం అండను చూసుకుని పచ్చనేతలు నిబంధనలకు నీళ్లు వదులుతున్నారు. కొండలు, గుట్టలను పిండిచేసి రూ.కోట్లు కొల్లగొడుతున్నారు. అన్ని అనుమతులతో నిర్వహిస్తున్న క్వారీల నిర్వాహకులనూ వదలడం లేదు. వ్యాపారం సాఫీగా సాగాలంటే నెలకు రూ.25 లక్షల వరకు ముడుపులు సమర్పించుకోవాల్సిందేనంటూ హుకుం జారీ చేస్తున్నారు. అంతటితో ఆగకుండా వాగులు, వంకలు, పొలాల నుంచి ఇంటి నిర్మాణం కోసం గుప్పెడు మట్టి లేదా ట్రాక్టర్‌ ఇసుక తోలుకుంటున్న పేదల నుంచి కప్పం వసూలు చేస్తున్నారు. ఈ విషయాలు తెలిసినా మైనింగ్‌, రెవెన్యూ, పోలీసు అధికారులు నిమ్మకునీరెత్తినట్లు వ్యవహరిస్తుండడంపై విమర్శలు వెల్లువెత్తుతున్నాయి. చిత్తూరు జిల్లాలో జరుగుతున్న మైనింగ్‌ దోపిడీపై సాక్షి గ్రౌండ్‌ రిపోర్ట్‌. నరిగపల్లిలో గుట్టను తవ్వేస్తున్న స్థానిక టీడీపీ నేతలు సాక్షి ప్రతినిధి, తిరుపతి: చిత్తూరు జిల్లాలో కూటమి నేతలు అధికారాన్ని అడ్డు పెట్టుకుని అక్రమాలకు పాల్పడుతున్నారు. ప్రకృతి వనరులను సొంత సంపదగా దోచుకంటున్నారు. చిత్తూరుకు చెందిన టీడీపీ నేతలు దొంగ జీఎస్టీ బిల్లులు వేసి అక్రమంగా గ్రానైట్‌ స్లాబ్‌లను అమ్మేస్తున్నారు. ప్రభుత్వానికి రూ.లక్షల్లో జీఎస్టీ కట్టాల్సి వస్తోందని.. టీడీపీ నేతలు, అక్రమార్కులు, వ్యాపారులు దొంగబిల్లులకు అలవాటు పడిపోయారు. చిత్తూరుకు చెందిన టీడీపీ నేతలకు రూ.30 వేలు ఇస్తే.. దొంగ జీఎస్టీ బిల్లులు ఇట్టే ఇచ్చేస్తున్నారు. తద్వారా ప్రభుత్వ ఆదాయానికి గండికొడుతున్నారు. ఈ విషయం తెలిసినా అధికారులు చూసీ చూడనట్లు వదిలేస్తున్నారు. ప్రాంతాల వారిగా అక్రమ తవ్వకాలు ఇలా..

బైరెడ్డిపల్లె: స్థానిక సంస్థల ఎన్నికలకు పార్టీ శ్రేణులంతా సన్నద్ధం కావాలని వైఎస్సార్‌ సీపీ రీజనల్‌ కోఆర్డినేటర్‌ పెద్దిరెడ్డి రామచంద్రారెడ్డి పిలుపునిచ్చారు. ఆయన ఆదివారం బైరెడ్డిపల్లె లో పార్టీ నాయకులు, కార్యకర్తలతో సమావేశమై త్వర లో జరిగే స్థానిక సంస్థల ఎన్నికలపై దిశా నిర్దేశం చేశా రు. ఆయన మాట్లాడుతూ ప్రతి ఒక్కరూ సమన్వయంతో ముందుకు వెళ్లాలని, అన్ని వర్గాల ఓటర్ల మద్దతు కూడగట్టుకోవాలన్నారు. చంద్రబాబు అండ్‌ కో ప్రజలకు చేసే మోసాలు, రాష్ట్రంలో కొనసాగిస్తున్న అరాచ క పాలనను ప్రజల్లోకి తీసుకువెళ్లాలని సూచించారు. గతంలో వైఎస్సార్‌ సీపీ హయాంలో జరిగిన అభివృద్ధి, సంక్షేమాన్ని ప్రజలకు వివరించాలని తెలిపారు. సంపద సృష్టిస్తానని చెప్పిన చంద్రబాబు ప్రజల సొమ్ముతో జల్సాలు చేస్తున్నారని విమర్శించారు. విద్య, వైద్య రంగాలతో పాటు సంక్షేమాన్ని గాలికి వదిలేశారని ఆరోపించారు. యూట్యూబర్లకు డబ్బులు ఇచ్చి డబ్బా కొట్టించుకునే దుస్థితిలో కూటమి ప్రభు త్వం ఉందన్నారు. ప్రతి చోటా వైఎస్సార్‌ సీపీ అభ్య ర్థిని బరిలో నిలవాలని, పోటీ చేసి అన్ని చోట్లా గెలవాలన్నారు. సంస్థాగతంగా పార్టీ మరింత బలోపేతానికి, సాధారణ ఎన్నికల్లో పార్టీ విజయానికి స్థానిక పోరులో విజయం దోహదపడుతుందన్నారు. పార్టీ పరిష్టత కోసం పాటుపడే ప్రతి ఒక్కరికీ సముచిత స్థానం ఉంటుందన్నారు. పార్టీ శ్రేణుల్లో ఎవరి మధ్య అయినా అభిప్రాయ బేధాలున్నా కలిసి మెలిసి పనిచేయాలన్నా రు. పార్టీ కార్యకర్తలే అంతిమమనే సత్యాన్ని తెలుసుకోవాలన్నారు. జగనన్న మళ్లీ ముఖ్యమంత్రి అయితేనే ప్రజలకు మేలు జరుగుతుందన్న నమ్మకాన్ని ప్రజల్లో బలంగా నాటాలని తెలిపారు. బైరెడ్డిపల్లె క్రిష్ణమూర్తి, దయానందగౌడు, మురళీక్రిష్ణ, కొండవీటి నాగభూషణం, పీఎన్‌ఎన్‌ నాగరాజు, మహబూబ్‌ఖాన్‌, తబ్రాజ్‌భాష, మహేష్‌, వెంకటేష్‌ పాల్గొన్నారు.

యాదమరి: మండలంలోని గుట్టకిందఊరులో వినాయక నిమజ్జనం రోజున ఏం జరిగింది.. యాదృచ్ఛికంగా జరిగిన దాడి ఆ యువకుడి ప్రాణం బలిగొందా? అంటే అవుననే అనుమానాలు వ్యక్తమవుతున్నాయి. గుట్టుచప్పుడు కాకుండా కాలగర్భంలో కలిసిపోయిన ఆ యువకుడు మరణం ఇప్పుడు యాదమరి మండలంలో కలకలం రేపుతోంది. ఆరిమాకులపల్లె గ్రామానికి చెందిన ఉల్లాసబోయుడు కుమారుడు శేఖర్‌(32) మృతిపై అతడి తల్లి ఫిర్యాదు చేయడంతో అధికార యంత్రాంగం కదిలింది. శనివారం ఈ మేరకు ఎస్‌ఐ ఈశ్వర్‌ ఆధ్వర్యంలో సిబ్బంది రంగంలోకి దిగి పూడ్చిపెట్టిన శేఖర్‌ మృతదేహాన్ని వెలికితీసారు. తహసీల్దార్‌ పార్థసారథి సమక్షంలో వైద్య బృందం పోస్టుమార్టం నిర్వహించింది. భయపడి అపస్మారకస్థితిలోకి.. పోలీసులు, స్థానికులు కథనం మేరకు.. సెప్టెంబర్‌ 16వ తేదీన గుట్టకిందఊరు గ్రామంలో జరిగిన వినాయక నిమజ్జనోత్సవానికి తిరుపతిలోని ఓ హోటల్‌లో పనిచేసే శేఖర్‌ వెళ్లాడు. నిమజ్జనం అనంతరం ఇంటికి తిరిగి వచ్చిన తర్వాత భయాందోళనతో కనిపించాడు. ఈ క్రమంలోనే అనారోగ్యం బారిన పడి 24వ తేదీన అపస్మారక స్థితిలోకి వెళ్లిపోయాడు. దీంతో కుటుంబ సభ్యులు వెంటనే చిత్తూరు ప్రభుత్వాస్పత్రికి తరలించారు. అయితే అప్పటికే శేఖర్‌ మృతి చెందినట్లు వైద్యులు నిర్ధారించారు. 25న వారి సొంత పొలంలోనే మృతదేహాన్ని ఖననం చేసారు. స్థానికుల సమాచారంతో గుట్టురట్టు ఇదంతా అనారోగ్యంతోనే మృతి చెందాడని భావించిన తరుణంలో..గ్రామస్తుల ద్వారా అసలు విషయం శేఖర్‌ తల్లి యశోదమ్మకు తెలిసింది. నిమజ్జనం రోజు శేఖర్‌ మద్యం మత్తులో అగ్గిపెట్టె కోసం ఓ ఇంటికి వెళ్లి అక్కడి మహిళను అడిగాడు. ఆమె తన సెల్‌ఫోన్‌ను గోడపై ఉంచి అగ్గిపెట్టె ఇవ్వడానికి లోపలికి వెళ్లి వచ్చింది. ఆ తర్వాత ఆ మహిళ ఫోన్‌ కనిపొంచకపోవడంతో శేఖర్‌పై అనుమానం వచ్చి తన భర్తకు జరిగిన విషయం చెప్పింది. దీంతో ఆమె భర్త నిమజ్జనం జరుగుతున్న చోటుకు వెళ్లి శేఖర్‌ను తనిఖీ చేయగా, సెల్‌ ఫోన్‌న్‌ కనిపించడంతో ఆవేశంతో దాడికి చేశాడు. ఈ అవమానంతో నొప్పులకు తాళలేక శేఖర్‌ ఇంటికి వచ్చేశాడు. ఆ గాయాల వల్లే తన కొడుకు చనిపోయాడని తెలుసుకున్న ఆ తల్లి గుండె చలించిపోయింది. తన కొడుకు మృతికి కారణమైన వారిపై చర్యలు తీసుకోవాలంటూ శనివారం స్థానిక పోలీసు స్టేషన్‌లో ఫిర్యాదు చేసింది. ఎస్‌ఐ స్పందించి యశోదమ్మ ఫిర్యాదు మేరకు అనుమానాస్పద మృతిగా కేసుగా నమోదు చేశారు. దర్యాప్తులో భాగంగా తహసీల్దార్‌ సమక్షంలో శేఖర్‌ మృతదేహాన్ని వెలికితీసి పంచనామా, పోస్టుమార్టం నిర్వహించారు. నివేదికల ఆధారంగా తదుపరి చర్యలు తీసుకుంటామని ఎస్‌ఐ ఈశ్వర్‌ తెలిపారు.

దివంగత ముఖ్యమంత్రి వైఎస్‌ రాజశేఖరరెడ్డికి వారు వీరాభిమానులు. ప్రతి ఏడాది మహాలయ పక్షాల్లో తమ అభిమాన నేతకు పిండ ప్రదానం చేస్తుంటారు. అందులో భాగంగా శనివారం ఈ మేరకు వైఎస్సార్‌సీపీ వి.కోట మండల మహిళా అధ్యక్షులు శశికళ, ఆమె భర్త కుమార్‌రాజా సంప్రదాయబద్ధంగా వైఎస్సార్‌కు పిండ ప్రదానం చేశారు. కుమార్‌రాజా మాట్లాడుతూ గత 17 ఏళ్లుగా వైఎస్సార్‌కు పిండ ప్రదానం చేస్తున్నట్లు తెలిపారు. వైఎస్‌ రాజశేఖరరెడ్డి ఫొటో పెట్టి పురోహితుడితో శాస్త్రోక్తంగా పూజలు చేయించి శ్రద్ధాంజలి ఘటించారు. – వి.కోట

తిరుపతి ఎడ్యుకేషన్‌ : స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) ఆధ్వర్యంలో శనివారం తిరుపతిలోని మంగళం ట్రెండ్స్‌ హైస్కూల్‌ ఆవరణలో ఉమ్మడి చిత్తూరు జిల్లా జూడో అండర్‌–14, 19 బాలబాలికల జిల్లా జట్ల ఎంపిక పోటీలను నిర్వహించారు. ఆయా విభాగాల్లో ప్రతిభ కనబరచిన క్రీడాకారులను జిల్లా జట్లుకు ఎంపిక చేశారు. ఎంపికై న క్రీడాకారులు ఈ నెల 12 నుంచి 14వ తేదీ వరకు తిరుపతి జిల్లాలో నిర్వహించే ఎస్‌జీఎఫ్‌ రాష్ట్ర స్థాయి జూడో పోటీల్లో పాల్గొననున్నట్లు ఎస్‌జీఎఫ్‌ కార్యదర్శులు సాంబశివరావు, అమ్ములు తెలిపారు. హెచ్‌ఎం మురళి, జూడో కోచ్‌లు, పీడీలు, క్రీడాకారులు పాల్గొన్నారు.

చిత్తూరు కలెక్టరేట్‌ : జిల్లా గ్రామీణాభివృద్ధి శాఖలోని వీబీజీ రామ్‌జీ ఉద్యోగుల సమస్యలను పరిష్కరించాలని రాష్ట్ర జేఏసీ అధ్యక్షుడు సుబ్రమణ్యం, జిల్లా జేఏసీ అధ్యక్షుడు గుణశేఖర్‌ కోరారు. శనివారం ఈ మేరకు డీఆర్‌ఓ మోహన్‌కుమార్‌, డ్వామా పీడీ రవికుమార్‌కు వినతిపత్రాలు అందించారు. అనంతరం వారు మాట్లాడుతూ వీబీజీ రామ్‌జీలో పనిచేస్తున్న ఉద్యోగుల దీర్ఘకాలిక సమస్యలను తక్షణమే పరిష్కరించాలన్నారు. గత ఏడేళ్లుగా జీతభత్యాలలో ఎలాంటి పెంపుదల లేకపోవడంతో నిత్యావసరాల ధరలు పెరిగిన నేపథ్యంలో తీవ్రంగా ఇబ్బంది పడుతున్నారని ఆవేదన వ్యక్తం చేశారు. గత పీఆర్సీ ప్రకారం వేతనాలు పెంచాలన్నారు. ఉద్యోగులందరికీ క్యాష్‌లెస్‌ హెల్త్‌కార్డులు మంజూరు చేయాలని డిమాండ్‌ చేశారు. అర్హులైన సిబ్బందికి తక్షణమే ఉద్యోగోన్నతులు కల్పించడంతో పాటు గ్రాట్యుటీ సౌకర్యం వర్తింపజేయాలని స్పష్టం చేశారు. గతంలో కమిటీలు వేసి చర్చించినప్పటికీ ఇప్పటివరకు సమస్యలకు తుది పరిష్కారం లభించలేదన్నారు. తమ న్యాయపరమైన డిమాండ్లను ఈనెల 10వ తేదీలోగా పరిష్కరించాలని, లేకుంటే అన్ని ఉద్యోగ సంఘాల ఆధ్వర్యంలో పోరాట కార్యాచరణను ప్రజాస్వామ్యబద్ధంగా ప్రకటిస్తామని వెల్లడించారు. కార్యక్రమంలో జిల్లా జేఏసీ నేతలు ఎస్‌. శ్రీనివాసులు, సంధ్యారాణి, వెంకట రమణారెడ్డి, పరమశివ, ధనుంజయులు, కిరణ్‌ పాల్గొన్నారు.

పుత్తూరు: ఉమ్మడి చిత్తూరు జిల్లా స్కూల్‌ గేమ్స్‌ అండర్‌–19 బాల బాలికల ఫుట్‌బాల్‌ జట్లను శనివారం పుత్తూరులో ఎంపిక చేశారు. స్థానిక ఎస్‌ఆర్‌ఎస్‌ ప్రభుత్వ డిగ్రీ కళాశాల క్రీడా మైదానంలో ఎంపిక పోటీలను డీవైఈవో ఉమామహేశ్వర్‌ ప్రారంభించారు. ఆయన మాట్లాడుతూ జిల్లా జట్లకు ఎంపిక కోసం జిల్లా నలుమూలల నుంచి 150 మంది క్రీడాకారులు పాల్గొనడం సంతోషకరమన్నారు. ఎంపికై న క్రీడాకారులు రాష్ట్ర, జాతీయ స్థాయి పోటీల్లోనూ రాణించాలని ఆకాంక్షించారు. ఎంపికై న వారు ఈనెల 24 నుంచి మూడు రోజుల పాటు పుత్తూరులోని ఎస్‌ఆర్‌ఎస్‌ డిగ్రీ కళాశాలలో జరిగే రాష్ట్రస్థాయిలో పాల్గొంటారని వెల్లడించారు. ఎస్‌జీఎఫ్‌ ఆర్గనైజింగ్‌ కార్యదర్శులు, ఎంఈఓలు, పీడీలు పాల్గొన్నారు.

కాణిపాకం: కాణిపాకంలోని స్వయంభు శ్రీ వరసిద్ధి వినాయక స్వామి వారి దేవస్థానంలో నిర్వహిస్తున్న నిత్య అన్నదాన ట్రస్టుకు వైఎస్సార్‌ కడప జిల్లా ప్రొద్దుటూరుకు చెందిన గిరిధర్‌ రెడ్డి, రాజీవ్‌ కుటుంబ సభ్యులు శనివారం రూ.లక్ష నగదును విరాళంగా సమర్పించారు. ఈ సందర్భంగా దాతల కుటుంబానికి ఆలయ అధికారులు ప్రత్యేక దర్శన ఏర్పాట్లు కల్పించారు. అనంతరం కాణిపాకం దేవస్థానం ఈవో పెంచల కిషోర్‌, ఆలయ అధికారులు స్వామివారి శేషవస్త్రాలు, తీర్థప్రసాదాలు అందజేసి వేదాశీర్వచనం అందించారు. మద్యం దుకాణాల దరఖాస్తుకు 6 వరకు గడువు సాక్షి, చిత్తూరు: జిల్లాలోని 19 మద్యం దుకాణాల నిర్వహణకు దరఖాస్తు చేసుకోవడానికి గడువును ఈనెల 6వ తేదీ వరకు పొడిగిస్తున్నట్లు జిల్లా ప్రొబేషన్‌ అధికారి శ్రీనివాస్‌ శనివారం ఓ ప్రకటనలో తెలిపారు. జిల్లాలోని 113 మద్యం దుకాణాల్లో, 95 దుకాణాల నిర్వాహకులు ఇప్పటికే లైసెన్సును రెన్యూవల్‌ చేసుకున్నారు. మిగిలిన 18 దుకాణాల రెన్యూవల్‌కు ఎవరూ ముందుకు రాకపోవడంతో 2026–27 సంవత్సరానికి లైసెన్సులు జారీ చేయడానికి ఫలితంగా చిత్తూరు కార్పొరేషన్‌లో 9, యాదమరి 1, పూతలపట్టు 2, నిండ్ర 1, వి.కోట 3, బైరెడ్డిపల్లె 1, శాంతిపురంలో ఒక దుకాణం చొప్పున.. మొత్తం 18 దుకాణాలకు, అలాగే పెద్ద పంజాణి మండలంలో కల్లుగీత సామాజిక వర్గంలోని గౌండ్లకు ఓ మద్యం దుకాణ నిర్వాహణకు ఆసక్తి ఉన్న వాళ్లు ఈనెల 6వ తేదీ అర్ధరాత్రి 12 గంటల్లోపు దరఖాస్తు చేసుకోవాలని కోరారు. వచ్చిన దరఖాస్తులను ఈనెల 8వ తేదీ చిత్తూరు కలెక్టరేట్‌ కార్యాలయంలోని డీఆర్‌డీఏ కార్యాలయంలో ఉదయం 8 గంటలకు లక్కీడిప్‌ ద్వారా లైసెన్సులు కేటాయిస్తామన్నారు. రూ.3 లక్షల నాన్‌–రీఫండబుల్‌ దరఖాస్తు రుసుం, అలాగే ప్రతి దుకాణానికి నాలుగు దరఖాస్తులు తప్పనిసరిగా దాఖలు కావాలనే నిబంధన పాటిస్తామన్నారు. కాగా ఇప్పటివరకు 19 దుకాణాల్లో 16 షాపులకు 45 దరఖాస్తులు పడ్డాయి. జానపద కళారూపాలతో అవగాహన చిత్తూరు కలెక్టరేట్‌ : నగరంలోని పలు ప్రాంతాల్లో జానపద కళారూపాలతో ఏపీ ఓపెన్‌ స్కూల్‌ ఉపయోగాలపై అవగాహన కల్పించినట్లు జిల్లా కో ఆర్డినేటర్‌ జయప్రకాష్‌నాయుడు తెలిపారు. శనివారం నగరంలోని ఎంఎస్‌ఆర్‌ సర్కిల్‌, గిరింపేట, పలు ప్రాంతాల్లో జానపద కళారూపాలతో అవగాహన కల్పించారు. అనంతరం ఆయన విలేకరులతో మాట్లాడారు. ఏపీ ఓపెన్‌ స్కూల్‌ విద్యా విధానం, ప్రవేశాల నమోదు ప్రక్రియపై కళాబృందంతో అవగాహన కల్పించినట్లు చెప్పారు. జిల్లాలో వివిధ కారణాలతో విద్యకు దూరమైన వారికి ఏపీ ఓపెన్‌ స్కూల్‌ ఒక గొప్ప అవకాశమని తెలిపారు. చదువును మధ్యలోనే నిలిపివేసిన వారు వెంటనే ఏపీ ఓపెన్‌ స్కూల్‌లో చేరి తమ విద్యాభ్యాసాన్ని కొనసాగించాలని సూచించారు. పది, ఇంటర్మీడియట్‌ పూర్తి చేసే అవకాశం ఉందన్నారు. ఇతర వివరాలకు డీఈవో కార్యాలయంలోని ఏపీ ఓపెన్‌ స్కూల్‌ విభాగంలో సంప్రదించాలన్నారు. ఈ కార్యక్రమంలో కళాకారులు వెంకటాచారి, ప్రకాష్‌, నాగరాజు, గీత పలువురు సిబ్బంది పాల్గొన్నారు. జిల్లా స్థాయి ఘట్కా ఎంపిక పోటీలు పుత్తూరు: స్థానిక జెడ్పీ బాలుర ఉన్నత పాఠశాలలో శనివారం ఎస్‌జీఎఫ్‌ జిల్లా స్థాయి అండర్‌–17 ఘట్కా (కర్ర, కత్తిసాము) ఎంపిక పోటీలు నిర్వహించారు. ఉమ్మడి చిత్తూరు జిల్లా నలుమూలల నుంచి విచ్చేసిన 130 మంది క్రీడాకారులు పోటీల్లో పాల్గొన్నారు. ఇందులో 12 మంది బాలికలు, 12 మంది బాలురులతో మొత్తం 24 మందిని ఎంపిక చేశారు. ఈ సందర్భంగా జిల్లా స్కూల్‌ గేమ్స్‌ ఆర్గనైజింగ్‌ కార్యదర్శి సాంబశివరావు, అమ్ములు మాట్లాడుతూ ఎంపికై న క్రీడాకారులు ఈనెల 9, 10 తేదీల్లో ఎస్టీఆర్‌ జిల్లా జగ్గయ్యపేటలో జరగనున్న 70వ రాష్ట్ర స్థాయి ఎస్‌జీఎఫ్‌ అండర్‌–17 చాంపియన్‌షిప్‌ ఘట్కా పోటీల్లో చిత్తూరు జిల్లా తరఫున ప్రాతినిధ్యం వహిస్తారని తెలిపారు. ఎంపిక పోటీలను పాఠశాల పీడీ రేఖారాణి, గోవిందయ్య, ప్రభాకర్‌, సుబ్రమణ్యం, ప్రేమ్‌, పద్మావతి, శకుంతల, సురేంద్రరెడ్డి పర్యవేక్షించారు.

పుష్పపల్లకీపై ఊరేగుతున్న వినాయకస్వామివారుకాణిపాకం: ప్రత్యేక బ్రహ్మోత్సవాల్లో భాగంగా కాణిపాకంలోని శ్రీవరసిద్ధి వినాయకస్వామి ఆలయంలో శనివారం పుష్పపల్లకి సేవ అంగరంగ వైభవంగా నిర్వహించారు. ఈసేవను తిలకించేందుకు భక్తులు పోటెత్తారు. వేకువజామున స్వామిని మేల్కొలిపి నిత్య పూజలు చేశారు. అనంతరం ప్రత్యేక అభిషేకాలు, అర్చనలు చేసి భక్తులకు దర్శనభాగ్యం కల్పించారు. రాత్రి పుష్పమాలికలతో పుష్పపల్లకిని ముస్తాబు చేశారు. ఉభయదారులు సంప్రదాయబద్ధంగా స్వామికి పూజ సామాగ్రి, పట్టు వస్త్రాలను సమర్పించారు. తర్వాత ఉత్సవమూర్తిని పుష్పపల్లకిలో అధిష్టింపజేశారు. గణనాథుడు పుష్ప పల్లకిలో విహరిస్తూ భక్తులకు అభయమిచ్చారు. నేడు తెప్పోత్సవం ప్రత్యేక బ్రహ్మోత్సవాల్లో భాగంగా కాణిపాకంలోని శ్రీవరసిద్ధి వినాయకస్వామి దేవస్థానంలో ఆదివారం తెప్పోత్సవం అత్యంత వైభవంగా జరగనున్నట్లు ఈవో పెంచల కిషోర్‌ తెలిపారు. ఉదయం అభిషేకం, విశేష పూజలు జరుగుతాయన్నారు. రాత్రికి తెప్పోత్సవంతో ఉత్సవాలు పరిసమాప్తమవుతాయని ఆయన పేర్కొన్నారు.

చిత్తూరు కలెక్టరేట్‌ : కరోనా వంటి విపత్కర పరిస్థితుల్లోనూ విశేష సేవలందించి, ఇంటింటికీ సంక్షేమ పథకాలను అందజేసిన గ్రామ, వార్డు సచివాలయ వలంటీర్లను దారుణంగా అవమానించారు. ప్రజాధనం దుర్వినియోగం చేస్తున్నారంటూ గతంలో గగ్గోలు పెట్టారు. నేడు ఆ వ్యవస్థనే లేకుండా చేశారు. అదే చంద్రబాబు ప్రస్తుతం సోషల్‌మీడియా ఇన్‌ఫ్లూయన్సర్ల పేరుతో కొత్త వ్యవస్థను తీసుకొచ్చి భారీగా పంపకాలకు పూనుకున్నారు. భజన బృందానికి జనం డబ్బును వాడేందుకు కూటమి సర్కారు సిద్ధమైంది. దీనిపై అన్ని వర్గాలతో పాటు మాజీ వలంటీర్లు, నిరుద్యోగులు తీవ్రంగా మండిపడుతున్నారు. హామీ నెరవేర్చాలి ఎన్నికల హామీలను చంద్రబాబు ప్రభుత్వం తుంగలో తొక్కేసింది. వలంటీర్లకు ఇచ్చిన హామీలను నెరవేర్చకుండా నట్టేట ముంచేసింది. గౌరవ వేతనాన్ని పెంచుతామని చెప్పి తొలగించేసింది. ఇప్పుడేమో సోషల్‌మీడియా ఇన్‌ప్ల్యూన్సర్‌లకు రూ.లక్షలు ఇచ్చేందుకు సిద్ధమైంది. ఇప్పటికై నా చంద్రబాబు స్పందించి ఎన్నికల సమయంలో ఇచ్చిన హామీలను నెరవేర్చాలి. మాకు ఉద్యోగ భద్రత కల్పించి విధుల్లోకి తీసుకోవాలి. ప్రజాధనం దుర్వినియోగం చేస్తున్న తీరును మార్చుకోవాలి. – నాని, మాజీ వలంటీర్‌, చిత్తూరు ప్రజాధనం దుర్వినియోగం చంద్రబాబు ప్రభుత్వం ప్రజాధనాన్ని దుర్వినియోగం చేస్తోంది. డబ్బా కొట్టించుకునేందుకు జనం డబ్బును ఖర్చు చేయడం సబబు కాదు. ఎన్నికల సమయంలో నిరుద్యోగులకు ఇచ్చిన హామీలను వెంటనే అమలు చేయాలి. అధికారంలోకి వచ్చినప్పటి నుంచి నిరుద్యోగ భృతి ఇవ్వాలి. ఖజానాలో డబ్బులు లేవని ఒక పక్క చెబుతూ.. పొగుడుతూ రీల్స్‌ చేసే వారికి రూ.లక్షలు మాత్రం ఎలా చెల్లించాలని అనుకుంటున్నారో అర్థం కావడం లేదు. నిస్వార్థంగా గ్రామాల్లో, నగరాల్లో సేవలందించిన వలంటీర్లతోపాటు నిరుద్యోగులకు న్యాయం చేయాలి. – ప్రసాద్‌, నిరుద్యోగి, చిత్తూరు

చిత్తూరు కార్పొరేషన్‌: జెడ్పీటీసీ, ఎంపీటీసీ ఎన్నికలకు సంబంధించిన సామగ్రి జిల్లా పరిషత్‌ కార్యాలయానికి శనివారం చేరింది. తెలుపు, గులాబీ రంగు బ్యాలెట్‌ పేపర్స్‌, మాన్యువల్‌ బుక్స్‌, ఎలక్షన్‌ లా బుక్స్‌, రిటర్నింగ్‌ ఆఫీసర్స్‌ బుక్స్‌, నిబంధనల పుస్తకం, అభ్యర్థుల వివరాల నమోదు పుస్తకాలు, పోస్టల్‌ చాలెంజ్‌ , ఓటర్‌, అంధ ఓటర్ల కవర్లు తదితర మొత్తం 20 రకాల సామగ్రి వచ్చింది. ఈ మేరకు సామగ్రిని జెడ్పీ సీఈఓ రవికుమార్‌నాయుడు పరిశీలించారు. వేగంగా ఆర్‌డీఎస్‌ఎస్‌ పనులు చిత్తూరు కార్పొరేషన్‌: జిల్లాలో ఆర్‌డీఎస్‌ఎస్‌ పనులు వేగంగా పూర్తి చేయాలని ట్రాన్స్‌కో ఎస్‌ఈ అమర్‌బాబు తెలిపారు. శనివారం ఎస్‌ఈ కార్యాలయంలో నిర్మాణ, ఎంఆర్‌టీ విభాగాల అధికారులతో వేర్వేరుగా సమావేశం నిర్వహించారు. ఈ ఏడాది డిసెంబర్‌లోపు ఆర్‌డీఎస్‌ఎస్‌ పనులు పూర్తి చేయాలని ఆదేశించారు. నెలకు 30 ఫీడర్ల చొప్పున పనులను కచ్చితంగా చేయాలని నిర్దేశించారు. పనులు త్వరగా పూర్తయితే గ్రామీణ ప్రాంతాల్లో త్రీఫేజ్‌ విద్యుత్‌ సరఫరా వస్తుందన్నారు. ప్రతి గ్రామంలో పాడైన, పాతబడిన కరెంటు స్తంభాలను మార్చాలని సూచించారు. పల్లెల్లో విద్యుత్‌ అంతరాయం, లో ఓల్టేజీ సమస్యలు లేకుండా తగు చర్యలు తీసుకోవాలన్నారు. పాడైన ట్రాన్స్‌ఫార్మర్లను సకాలంలో బాగుచేసి ఇవ్వాలని కోరారు. అవసరమైన మెటరీయల్స్‌ కోసం ప్రతిపాదన పెట్టి తెప్పించుకోవాలని స్పష్టం చేశారు. ఎండలు తగ్గకపోవడంతో ఫెయిల్యూర్‌ శాతంలో పెద్దగా మార్పులేదని తెలిపారు. సమావేశంలో ఈఈలు భాస్కర్‌నాయుడు, బాబు పాల్గొన్నారు. తపాలా బీమాతో భరోసా చిత్తూరు కార్పొరేషన్‌: తపాలా బీమా కుటుంబానికి భరోసాగా ఉంటుందని పోస్టల్‌ సూపరింటెండెంట్‌ కిరణ్‌, తపాలా బ్యాంక్‌ మేనేజర్‌ నాగార్జున తెలిపారు. శనివారం వారు మాట్లాడుతూ ఇటీవల ప్రమాదవశాత్తు కుప్పం, తవణంపల్లెకు చెందిన శ్రీనివాసులు(57), వెంకటేశులు(49) మరణించారన్నారు. వారు ప్రమాదబీమా చెల్లించడంతో నామినీలకు మొత్తం రూ.12 లక్షలకు చెక్కులను అందజేశామన్నారు. పీఎం జీవన్‌జ్యోతి బీమా యోజన కింద గ్రూప్‌ యాక్సిడెంటల్‌ ఇన్సూరెన్స్‌ పాలసీ రూ.565, రూ.436 ఏడాదికి చెల్లించారన్నారు. వారు ప్రమాదవశాత్తు చనిపోవడంతో శ్రీనివాసులకు వచ్చిన రూ.10 లక్షలను ఆయన భార్య మంజులకు, వెంకటేశులకు వచ్చిన రూ.2 లక్షల బీమా సొమ్మును ఆయన భార్య సుజాతకు అందజేశామన్నారు. వినియోగదారులు చెల్లించే చిన్న మొత్తం ఆపదకాలంలో వారు లేని సమయంలో కుటుంబసభ్యులకు భరోసాగా ఉంటుందని తెలిపారు. బీమాపై అవగాహన పెంపొందించుకుని సద్వినియోగించుకోవాలని సూచించారు. కార్యక్రమంలో తపాలాశాకఽ అధికారులు భాస్కర్‌, కార్తీక్‌ పాల్గొన్నారు. స్వల్పంగా పెరిగిన టమాట వి.కోట: వి.కోట మార్కెట్‌లో శనివారం టమాట 18 కిలోల బాక్సు రూ.200 నుంచి అత్యధికంగా రూ.500 ధర పలికింది. స్వల్పంగా రేటు పెరిగినప్పటికీ కూలీలు, ఆటో బాడుగ కలిపితే కొంత గిట్టుబాటు అవుతున్నట్లు రైతులు చెబుతున్నారు. రాబోయే రోజుల్లో ధరలు మరింత పెరిగే ఆవకాశమున్నట్లు రైతులు, మండీ యాజమానులు ఆశా భావం వ్యక్తం చేస్తున్నారు. టమాటాకు డిమాండ్‌ పెరగడంతో కొన్నిరోజులుగా ధరలు నిలకడగా ఉన్నట్లు మండీ యాజమానులు వెల్లడిస్తున్నారు.

ఒకే ఏడాదిలో రెండో గ్రీష్మం వచ్చినట్టు ఎండల ప్రభావం చూపిస్తోంది. ఈ ఏడాది సగటు కంటే తక్కువగానే వర్షపాతం నమోదైంది. భానుడి ప్రతాపానికి 20 ఏళ్ల మామిడి చెట్టు కూడా ఎండుముఖం పడుతోంది. వేరుశనగ చుక్క నీరందక వడలిపోతోంది. దీంతో రైతాంగం పంటల సాగుకు సాహసించలేక దిగాలుపడుతోంది. ఈ నేపథ్యంలో జిల్లా లోని 24 మండలాలను మాత్రమే కరువు ప్రాంతాలుగా ప్రభుత్వం ప్రకటించింది. వాటిలోని రైతులకు సకాలంలో పరిహారం చెల్లిస్తుందా అనేది అనుమానంగానే కనిపిస్తోంది. సాక్షి, చిత్తూరు : ఈ ఏడాది ఖరీఫ్‌ సీజన్‌లో జిల్లా వ్యాప్తంగా ఆశించిన స్థాయిలో వర్షాలు పడలేదు. జూన్‌ 1 నుంచి అక్టోబర్‌ 1వ తేదీ వరకు జిల్లాలో సాధారణ వర్షపాతం 424.7 మి.మీ ఉండాలి. కానీ, నమోదైన వర్షపాతం మాత్రం 197.9 మి.మీ. అంటే 232.8 మి.మీ వర్షపాతం లోటుగా ఉంది. 54 శాతం లోటు వర్షపాతం నమోదవడం ప్రమాద ఘటింకలను మోగిస్తోంది. ఇప్పటికే ఎల్‌నినో ప్రభావంతో భూగర్భ జలాలు రోజు రోజుకు పడిపోతున్నాయి. ఎండల వేడిమి ఎక్కువవుతోంది. భవిష్యత్తులో పంటల సాగు, తాగునీటికి ప్రమాదం పొంచి ఉంది. ఇటీవల జిల్లాలో చెదురుమదురు వర్షాలు పడినప్పటికీ ఖరీఫ్‌ సీజన్‌లో పంటలకు సరిపడా నీరందని పరిస్థితి. ఈ తరుణంలో జిల్లాలోని 28 మండలాలను కరువుగా ప్రకటించకుండా.. నాలుగు మండలాలను మినహాయించడంపై రైతులు ఆగ్రహం వ్యక్తం చేస్తున్నారు. వాటికి చోటులేదేం..? ప్రభుత్వం ప్రకటించిన కరువు మండలాల్లో కుప్పం, గుడుపల్లె, శాంతిపురం, రామకుప్పం, చిత్తూరు అర్బన్‌, చిత్తూరు రూరల్‌, గుడిపాల, పూతలపట్టు, తవణంపల్లె, ఐరాల, బంగారుపాళ్యం, యాదమరి, పలమనేరు, బైరెడ్డిపల్లె, పెద్ద పంజాణి, వి.కోట, గంగవరం, గంగాధరనెల్లూరు, వెదురుకుప్పం, పెనుమూరు, శ్రీరంగరాజపురం, కార్వేటినగరం, పులిచెర్ల, రొంపిచెర్ల ఉన్నాయి. కానీ నగరి నియోజకవర్గంలోని నిండ్ర, విజయపురం, నగరి మండలాలతోపాటు జీడీ నెల్లూరు నియోజకవర్గంలోని పాలసముద్రం మండలాన్ని కరువు జాబితాలో చేర్చలేదు. ఈ మూడు మండలాల్లోనూ కనీస వర్షపాతం నమోదుకాలేదు. సాయం అందిస్తారా..? కరువు మండలాలను ప్రకటించిన తర్వాత ఎన్‌డీఆర్‌ఎఫ్‌, ఎస్‌డీఆర్‌ఎఫ్‌ నిబంధనల ప్రకారం జిల్లా వ్యవసాయశాఖ పంట నష్టం అంచనా తయారు చేయడం, అనంతరం కరువు పరిస్థితులను కేంద్ర ప్రభుత్వ ప్రత్యేక బృందం పరిశీలించి వెళ్లడం ఆనవాయితీగా వస్తోంది. పంట నష్టం కింద కేంద్రం 40 శాతం, రాష్ట్రం 60 శాతం ఇన్‌పుట్‌ సబ్సిడీ రూపంలో రైతులకు అందించాల్సి ఉంటుంది. ఇప్పటికే మండలాలను ప్రకటించడంతో త్వరలోనే కేంద్ర బృందం పర్యటన ఖరారు కావాల్సి ఉంది. ఇందులో ఒక్కో రైతుకు గరిష్టంగా రెండు హెక్టార్లకు మాత్రమే పెట్టుబడి రాయితీ (ఇన్‌పుట్‌ సబ్సిడీ) ఇస్తారు. పంట నష్ట ఉపశమనం (స్కేల్‌ ఆఫ్‌ రిలీఫ్‌) ప్రకారం వరి, వేరుశనగకు హెక్టారుకు రూ.25 వేలు, కంది, మొక్కజొన్న, కంది, రాగి, జొన్న లాంటి పంటలకు హెక్టారుకు రూ.15 వేలు ఇవ్వాలి. అయితే 2024 ఖరీఫ్‌లో చంద్రబాబు ప్రభుత్వం 3 తీవ్ర, 13 మండలాలు మధ్యస్థ కరువు మండలాలుగా ప్రకటించినా.. ఇప్పటికీ పరిహారం అందకపోవడం గమనార్హం. కుప్పం నుంచి నగరి వరకు కరువు విలయతాండవం అన్ని మండలాలను ప్రకటించాలి ఎల్‌నినో ప్రభావంతో జిల్లాలో అంతటా కరువు తాండవిస్తోంది. ఈసారి అసలు వర్షాలు ఎక్కడ పడ్డాయి. భూ గర్భ జలాలు పూర్తిగా అడుగంటి పో యి పశువులకు మేత లేదు. నీరు లేక వ్యవసాయ బోర్లు చెరువులు, కుంటలు పూర్తిగా ఎండిపోతున్నాయి. రైతులు వేసిన కొద్దిపాటి పంటలు కూడా నిలబడలేదు. రైతాంగం అప్పుల ఊబిలో చిక్కుకున్నారు. ప్రభు త్వం 24 మండలాలను మాత్రమే కరువు ప్రాంతాలుగా ప్రకటించడం తగదు. మిగిలిన నాలుగు మండలాలను కూడా కరువు జాబితాలో చేర్చాలి. – ఉమాపతి నాయుడు, అఖిల భారత రైతు సంఘం జిల్లా అధ్యక్షుడు మేము ఏం పాపం చేశాం ప్రభుత్వం వేరుశనగ విత్తన కాయలు పంపిణీ చేయకపోయినా భూమి బీడుగా ఉండకూడదనుకున్నాం. అప్పులు చేసి 2.30 ఎకరాల్లో వేరుశనగ పంట వేశాను. కానీ, వర్షాల సక్రమంగా పడకపోవడంతో కళ్ల ముందే పంట పోతా ఉండాది. మండలం మొత్తం వర్షాల సరిగా కురవలేదు. రైతులు సాగు చేసిన అన్ని పంటలు పోయినాయి. కానీ, మా మండలాన్ని కరువు ప్రాంతంగా ప్రకటించలేదు. ఇది చాలా బాధగా ఉండాది. మేము ఏం పాపం చేశాం. వెంటనే పాలసముద్రం మండలాన్ని కూడా కరువు ప్రాంతంగా ప్రకటించాలి. రైతులకు సాయం అందించాలి. – అలీ భాయ్‌, రైతు, పాలసముద్రం

తిరుమల శ్రీవారిని ఈ ఏడాది దర్శించుకున్న భక్తుల సంఖ్య సుమారు 2 కోట్లు దాటినట్లు టీటీడీ వెల్లడించింది.ఏరోనాటికల్‌ ఇంజినీర్‌ కావాలి మాది మధ్యతరగతి కుటుంబం. నాన్న విజయ్‌ కుమార్‌ చిన్న వ్యాపారం చేస్తుంటారు, అమ్మ కల్పన. నేత్రగణిత అవధానం నా జీవితాన్ని పెద్ద మలుపు తిప్పింది. దీంతో ఎన్నో కొత్త విషయాలు తెలుసుకోవడమే కాకుండా గణితంపై ఆసక్తి పెరిగింది. గత సంవత్సరం నిర్వహించిన జాతీయ ఉపకార వేతన పరీక్షలో జిల్లా స్థాయిలో ప్రథమ స్థానం సాధించడం నాకు ఎంతో సంతోషాన్నిచ్చింది. భవిష్యత్తులో ఏరోనాటికల్‌ ఇంజినీరింగ్‌ కావాలన్నదే నా ఆశయం. – శర్వాన్‌, 9వ తరగతి విద్యార్థి నర్సింగ్‌ చదివి సేవ చేస్తా మాది చాలా పేద కుటుంబం. నాన్న ఎం.మణికంఠ ఆటో డ్రైవర్‌గా, అమ్మ సి.విజయలక్ష్మి పాఠశాలలో మధ్యాహ్న భోజన కార్మికురాలిగా పనిచేస్తున్నారు. మొదట్లో నేత్రగణిత అవధానం నేర్చుకోవడానికి, వేదికపై ప్రదర్శించడానికి చాలా భయపడేదాన్ని. నూతన ప్రదర్శనలకు మా నాన్న వద్దని కూడా చెప్పారు. కానీ, పట్టుదలతో కుటుంబ సభ్యులను ఒప్పించి మా గురువుగారి వద్ద శిక్షణ పొందా. ఇప్పుడు ఎలాంటి భయం, స్టేజ్‌ ఫియర్‌ లేకుండా కొత్త ప్రదేశాల్లో సైతం సులభంగా కనుబొమ్మల సైగలతో కోడింగ్‌ చేస్తూ అవధానం చేస్తున్నా. ప్రేక్షకుల అభినందనలు, తల్లిదండ్రుల సంతోషం నాకు ఎంతో స్ఫూర్తినిస్తున్నాయి. భవిష్యత్తులో నర్సింగ్‌ చదివి సేవ చేయాలన్నదే నా కోరిక. – ఎం.జ్ఞానప్రియ, 9వ తరగతి విద్యార్థినిఆత్మవిశ్వాసం నింపింది మా నాన్న చిట్టిబాబు మేస్త్రి పని చేస్తుంటారు, అమ్మ నదియా గృహిణి. మాది పేద కుటుంబం. గత సంవత్సరం మా ఉపాధ్యాయుడు అరుణ శివప్రసాద్‌ సార్‌ వద్ద గణిత అవధానం నేర్చుకున్నా. ప్రస్తుతం మాటలు లేకుండా కేవలం కనుబొమ్మల కదలికలతో సమాచారాన్ని గ్రహించి చెప్పే ఈ నేత్రగణిత అవధానం నాలో ఎంతో ఆత్మవిశ్వాసాన్ని నింపింది. ఉన్నతంగా చదివి మా గ్రామానికి సేవ చేయడమే నా జీవిత లక్ష్యం. – పి.చాముండి, 8వ తరగతి

సాక్షి, మదనపల్లె: రైతాంగానికి కేంద్రప్రభుత్వం వివిధ పథకాల ద్వారా చేయూత ఇస్తోందని కేంద్ర ఆర్థిక శాఖ మంత్రి నిర్మలా సీతారామన్‌ చెప్పారు. స్వదేశీ–స్వరాజ్యం అన్న గాందీజీ, జై జవాన్‌– జైకిసాన్‌ అని పిలుపునిచ్చిన లాల్‌ బహదూర్‌ శాస్త్రి జయంతి సందర్భంగా రాయలసీమలో గ్లోబల్‌ హార్టికల్చర్‌ హబ్‌కు శంకుస్థాపన చేస్తున్నట్లు చెప్పారు. శుక్రవారం అన్నమయ్య జిల్లా మదనపల్లె బీకేపల్లి గ్రామంలో నిర్వహించిన సభలో రాయలసీమ హార్టికల్చర్‌ హబ్, రిలయన్స్‌ సంస్థ ఇండియన్‌ స్కూల్‌ ఆఫ్‌ అగ్రికల్చర్‌ శిలా ఫలకాన్ని కేంద్ర మంత్రి నిర్మలా సీతారామన్‌ డిజిటల్‌ బటన్‌ నొక్కి ఆవిష్కరించారు. ఈ సందర్భంగా ఆమె మాట్లాడుతూ ఇండియన్‌ స్కూల్‌ ఆఫ్‌ అగ్రికల్చర్‌ను ఏర్పాటు చేస్తున్న రిలయన్స్‌ సంస్థ ఇండియన్‌ స్కూల్‌ ఆఫ్‌ బిజినెస్‌ మాదిరిగా దేశానికి ఉపయోగపడేలా రైతులకు సహకారం అందిస్తోందని తెలిపారు. ప్రధాని మోదీ రైతాంగానికి ఎరువుల కొరత లేకుండా చూస్తున్నారని తెలిపారు. యూరియా బస్తా ధర అంతర్జాతీయంగా రూ.3వేలు ఉంటే రైతులపై భారం పడకుండా రూ.300కే అందిస్తున్నామని, బస్తాకు కేంద్రం రూ.2,700 సబ్సిడీని భరిస్తోందన్నారు. వాతావరణాన్ని తట్టుకునేలా కొత్త వంగడాలు తెచ్చామన్నారు. మదనపల్లె పర్యటనలో మొక్కలు నాటి నీరుపోస్తున్న నిర్మలా సీతారామన్, చంద్రబాబు, అనంత్‌ అంబానీ, పవన్‌ కళ్యాణ్‌ గోబర్ధన్‌ విధానం ద్వారా బయోగ్యాస్, పీఎం కుసుమ్‌ యోజన ద్వారా సోలార్‌ పంపుసెట్లు ఇస్తున్నామన్నారు. రైతులకు పంట నష్టం రాకుండా కిసాన్‌ ఇన్సూరెన్స్‌ స్కీమ్‌ అమలు చేస్తున్నట్టు చెప్పారు. ఆక్వా రైతులకు, పశువుల పెంపకానికి సంయుక్తంగా పథకాలు అందిస్తున్న ట్టు తెలిపారు. కాగా నిర్మలా సీతారామన్‌ ప్రసంగిస్తుండగా టీడీపీ కూటమి శ్రేణులు తీవ్ర గందరగోళం సృష్టించారు. ‘ఒక్క నిమిషం నా మాట వినండి’ అంటూ ఆమె పదే పదే వేడుకొన్నా కూటమి శ్రేణులు అల్లరి మానకపోవడంతో ఆమె తీవ్ర అసహనానికి గురై రెండు చేతులూ జోడించారు. వాటర్‌మేన్‌ అంటుంటే ఆనందంగా ఉంది: సీఎం రాష్ట్రంలో రూ.35 వేల కోట్లతో 36 ప్రాధాన్యతా ప్రాజెక్టులను రానున్న మూడేళ్లలో పూర్తి చేయడంతోపాటు పోలవరం పూర్తి చేసి ప్రధాని ద్వారా జాతికి అంకితమిస్తామని సీఎం చంద్రబాబు చెప్పారు. మదనపల్లెలో ఏర్పాటు చేస్తున్న ఇండియన్‌ స్కూల్‌ ఆఫ్‌ అగ్రికల్చర్‌ (ఐఎస్‌ఏ) ఉద్యాన రంగానికి కీలకం అవుతుందన్నారు. గ్లోబల్‌ హార్టీకల్చర్‌ హబ్‌తో మరో రూ.లక్ష కోట్ల జీడీపీ పెరిగే అవకాశం ఉందన్నారు. వాటర్‌ మాన్‌ అంటుంటే తన మనసుకు ఎంతో ఆనందాన్నిస్తోందన్నారు. పల్లె పండుగ కార్యక్రమం ద్వారా రాయలసీమలో గత రెండేళ్లలో రూ.8 వేల కోట్లకు పైగా అభివృద్ధి పనులు చేపట్టినట్టు ఉప ముఖ్యమంత్రి పవన్‌కళ్యాణ్‌ అన్నారు. సభలో బీజేపీ రాష్ట్ర అధ్యక్షుడు పీవీఎన్‌ మాధవ్, మంత్రులు నారా లోకేశ్, కింజరాపు అచ్చెన్నాయుడు, పయ్యావుల కేశవ్, నిమ్మల రామానాయుడు, ఎమ్మెల్యేలు, ఎమ్మెల్సీలు తదితరులు పాల్గొన్నారు. వ్యవసాయ రంగంలో నూతన మార్పులకు వేదిక...అనంత్‌ అంబానీ, రిలయన్స్‌ ఇండస్ట్రీస్‌ ఎగ్జిక్యూటివ్‌ డైరెక్టర్‌ అన్నదాతల ఆదాయాన్ని పెంచుతూ, వ్యవసాయాన్ని లాభసాటిగా మార్చే లక్ష్యంతో మదనపల్లెలో ఏర్పాటు కానున్న ‘ఇండియన్‌ స్కూల్‌ ఆఫ్‌ అగ్రికల్చర్‌’ (ఐఎస్‌ఏ) భారత వ్యవసాయ రంగంలో కీలక మైలురాయిగా నిలవనుందని రిలయన్స్‌ ఇండస్ట్రీస్‌ ఎగ్జిక్యూటివ్‌ డైరెక్టర్‌ అనంత్‌ అంబానీ పేర్కొన్నారు. మదనపల్లెలో రాయలసీమ హార్టికల్చర్, ఇండియన్‌ స్కూల్‌ ఆఫ్‌ అగ్రికల్చర్‌ (రిలయన్స్‌ భాగస్వామ్యంతో) శంకుస్థాపన కార్యక్రమం అనంతరం జరిగిన సభలో ఆయన మాట్లాడుతూ ఆధునిక సాంకేతిక పరిజ్ఞానాన్ని రైతుల సంప్రదాయ అనుభవంతో అనుసంధానించి, వ్యవసాయ రంగంలో నూతన మార్పులకు ఈ విద్యాసంస్థ వేదిక కానుందని తెలిపారు. మదనపల్లెలో అంతర్జాతీయ ప్రమాణాలతో, అత్యాధునిక సాంకేతిక సదుపాయాలతో ఈ విద్యాసంస్థను ఏర్పాటు చేయడం చారిత్రాత్మక పరిణామమని అభివర్ణించారు. సుమారు పాతికేళ్ల క్రితం హైదరాబాద్‌లో ఇండియన్‌ స్కూల్‌ ఆఫ్‌ బిజినెస్‌ (ఐఎస్‌బీ) ఏర్పాటును ప్రస్తావిస్తూ ఇప్పుడు భారతీయ రైతులకు కూడా అదే తరహాలో ప్రత్యేక విద్యాసంస్థ అందుబాటులోకి రావడం విశేషమన్నారు. ప్రపంచానికి భారత్‌ అనేకమంది ప్రతిభావంతులైన సీఈఓలను అందించిందని, అదే స్ఫూర్తితో ఇండియన్‌ స్కూల్‌ ఆఫ్‌ అగ్రికల్చర్‌ రైతులను తమ సొంత పొలాలకు సీఈఓలుగా తీర్చిదిద్దే దిశగా పనిచేస్తుందని అన్నారు. వ్యవసాయాన్ని కేవలం సంప్రదాయ వృత్తిగా కాకుండా, ఆధునిక సాంకేతికత, సమర్థవంతమైన నిర్వహణ, మార్కెట్‌ అవగాహనతో కూడిన లాభదాయక రంగంగా అభివృద్ధి చేయడమే ఈ సంస్థ ప్రధాన ఉద్దేశమని వివరించారు.జై జవాన్‌.. జై కిసాన్‌.. జై విజ్ఞాన్‌.. జై అనుసంధాన్‌లాల్‌ బహదూర్‌ శాస్త్రి పిలుపు ఇచ్చిన జై జవాన్‌.. జై కిసాన్‌ నినాదానికి, అటల్‌ బిహారీ వాజ్‌పేయి జై విజ్ఞాన్‌ను, ప్రధానమంత్రి నరేంద్ర మోదీ జై అనుసంధాన్‌ను జోడించిన విషయాన్ని ప్రస్తావించారు. ఈ నాలుగు నినాదాల స్ఫూర్తిని ఒకే వేదికపైకి తీసుకువచ్చేలా ఇండియన్‌ స్కూల్‌ ఆఫ్‌ అగ్రికల్చర్‌ పనిచేయనుందని పేర్కొన్నారు.వ్యవసాయాన్ని గర్వంగా ఎంచుకునే వృత్తిగా మారుద్దాం.. తాను ఒక పశు సేవకుడిని అనంత్‌ అంబానీ తెలిపారు. మన రైతులు పశుసంపద విలువను అర్థం చేసుకుంటారన్నారు. జామ్‌నగర్‌లోని తమ ’వంతార’ కేంద్రం హై–టెక్‌ పశుసంవర్ధక, వన్యప్రాణి సంరక్షణ సాంకేతికతను ఇక్కడ కూడా అమలు చేస్తామని చెప్పారు. వ్యవసాయాన్ని యువత గర్వంగా ఎంచుకునే వృత్తిగా మారుద్దాం.. వారికి నైపుణ్యాలు, సాంకేతికత కల్పిస్తే, వారు తమ గ్రామాల్లోనే ఉజ్వల భవిష్యత్తును నిర్మించుకుంటారని అన్నారు.వ్యవసాయంలో ఏఐ,డ్రోన్లు, రోబోటిక్స్‌ ఈ విద్యాసంస్థలో ఆర్టిఫిషియల్ ఇంటెలిజెన్స్‌ (ఏఐ), డ్రోన్లు, రోబోటిక్స్‌ వంటి ఆధునిక సాంకేతిక పరిజ్ఞానాలకు ప్రాధాన్యం ఇవ్వనున్నట్లు అనంత్‌ అంబానీ వెల్లడించారు. పంటలకు చీడపీడలు సోకే ప్రమాదాన్ని ముందుగానే గుర్తించి రైతులను అప్రమత్తం చేసే పరికరాలు, పంట ఆరోగ్యాన్ని పర్యవేక్షిస్తూ నీరు, పోషకాలను సమర్థంగా వినియోగించుకునేలా సూచించే డ్రోన్లు అభివృద్ధి చేసే దిశగా యువ ప్రతిభావంతులు పనిచేయనున్నారని తెలిపారు. కష్టతరమైన వ్యవసాయ పనులను సులభతరం చేసి, పంట నష్టాలను తగ్గించేందుకు రోబోటిక్స్‌ సాంకేతికత ఉపయోగపడుతుందన్నారు. ఈ పాఠశాల శిక్షణ మాడ్యూళ్లను గ్రామీణ ప్రాంతాల్లోని లక్షల మంది రైతులకు వర్చువల్‌ క్లాస్‌రూమ్‌ల ద్వారా, వారి స్వంత భాషల్లో అందిస్తామన్నారు. జియో అభివృద్ధి చేసిన జియో కృషి ప్లాట్‌ఫారమ్‌ ద్వారా రైతులకు ప్రయోజనకరమైన ఉత్పత్తులను, జామ్‌నగర్‌లోని ఆధునిక బయో–ఎనర్జీ ఆర్‌అండ్‌డీ కేంద్రం జ్ఞానాన్ని పంచుకుంటామన్నారు. వ్యవసాయం లాభసాటిగా మారి, ప్రతి రైతుకు సమాజంలో గౌరవం, ఆర్థిక ప్రయోజనం లభించినప్పుడే మహాత్మా గాంధీ ఆశయాలైన సర్వోదయ, అంత్యోదయలకు నిజమైన సార్థకత చేకూరుతుందన్నారు. భారతదేశం గ్రామాల్లోనే జీవిస్తుందన్న గాంధీజీ సందేశాన్ని గుర్తుచేస్తూ.. గ్రామీణాభివృద్ధి, రైతు సంక్షేమం దేశ ప్రగతికి పునాదులని స్పష్టం చేశారు.

– రాష్ట్ర స్థాయిలో రెండు, జిల్లాలో రెండు పలమనేరు: స్వచ్ఛాంధ్ర పురష్కారాల్లో భాగంగా పలమనేరుకు నాలుగు అవార్డులు దక్కాయి. రాష్ట్ర స్థాయిలో మున్సిపాలిటీలకు సంబంధించి పలమనేరు స్వచ్ఛాంధ్ర అవార్డును కై వసం చేసుకుంది. విజయవాడలో జరిగిన అవార్డుల ప్రదానం కార్యక్రమంలో స్థానిక మున్సిపల్‌ కమిషనర్‌ లోకేష్‌ వర్మ తన సిబ్బందితో కలిసి సీఎం చంద్రబాబు నుంచి శుక్రవారం అవార్డును స్వీకరించారు. వందశాతం ఇంటింటి చెత్తసేకరణ, చెత్త ప్రాసెసింగ్‌, వ్యర్థాల నిర్వహణ, పరిశుభ్రత, పర్యావరణం, ప్లాస్టిక్‌పై నియంత్రణ తదితరాల్లో మంచి ప్రతిభకు ఈ అవార్డు దక్కిందని కమిషనర్‌ తెలిపారు. అదే విధంగా మండలంలోని కొలమాసనపల్లి ఎస్సీ హాస్టల్‌ రాష్ట్ర స్థాయిలో ఉత్తమ అవార్డును హాస్టల్‌ వార్డెన్‌ శీనప్ప సీఎం నుంచి పొందారు. అక్కడి హాస్టల్‌లో గత కొన్నేళ్ళుగా చేపట్టిన కార్యక్రమాలు చక్కగా ఉన్నాయనే విషయంలో ఈ అవార్డు దక్కింది. మరోవైపు జిల్లా స్థాయి ఇదే అవార్డు బెస్ట్‌ ఏఎంసీగా పలమనేరు ఎంపికై ంది. ఈ అవార్డును మార్కెట్‌ కమిటీ కార్యదర్శి సంజీవకుమార్‌ జిల్లా అధికారుల చేతుల మీదుగా స్వీకరించారు. మరోవైపు ప్రజా సమస్యల పరిష్కారంతో కృషిచేస్తున్న పలమనేరు పరిరక్షణ సమితికి ఈదఫా మళ్ళీ జిల్లా స్థాయిలో స్వచ్ఛాంధ్ర అవార్డు దక్కింది. గత తొమ్మిదేళ్లుగా పట్టణ సమస్యలపై పీపీఎస్‌ అధికారుల దృష్టికి తీసుకెళ్ళి వాటి పరిష్కారాలకోసం కృషిచేస్తోంది. మొత్తం మీద పలమనేరుకు రాష్ట్ర స్థాయిలో రెండు, జిల్లా స్థాయిలో రెండు అవార్డులను కై వసం చేసుకుంది. సీఎం చంద్రబాబు నుంచి స్వీకరిస్తున్న మున్సిపల్‌ కమిషనర్‌ కేఎల్‌ వర్మ జిల్లా స్థాయిలో ఉత్తమ సేవా అవార్డును దక్కించుకున్న పీపీఎస్‌ సభ్యులు అప్పలాయగుంట ఆలయానికి స్వచ్ఛ అవార్డు వడమాలపేట (పుత్తూరు): స్వచ్ఛాంధ్ర అవార్డులు–2026 పేరిట నిర్వహించిన పోటీల్లో అప్పలాయగుంటలోని శ్రీప్రసన్న వేంకటేశ్వరస్వామి ఆలయం అవార్డును దక్కించుకుంది. శుక్రవారం గాంధీ జయంతిని పురస్కరించుకుని తిరుపతిలో కలెక్టర్‌ వెంకటేశ్వర్‌ నుంచి ఆలయ సూపరిండెంట్‌ శ్రీవాణి, ఆలయ అధికారి వేణుగోపాల్‌ స్వచ్ఛాంధ్ర అవార్డును అందుకున్నారు. ఈ సందర్భంగా శ్రీవాణి మా ట్లాడుతూ భక్తుల సౌకర్యార్థం ఆలయ పరిసరాలను పరిశుభ్రంగా ఉంచడంలో సిబ్బంది చేసిన కృషి ఫలితంగానే అవార్డు వరించిందన్నారు. వేణుగోపాల్‌ మాట్లాడుతూ భక్తులకు ఆహ్లాదకరమైన వాతావరణాన్ని అందించడానికి నిరంతరం కృషి కొనసాగుతుందని స్పష్టం చేశారు.

వి.కోట: కారు బోల్తా పడి ఓ వ్యక్తి మృతి చెంది, ఇద్దరు గాయాల పాలైన సంఘటన వి.కోట మండల పరిధిలోని చైన్నె–బెంగళూరు ఎక్స్‌ప్రెస్‌ హైవేలో గురువారం అర్ధరాత్రి చోటు చేసుకుంది . పోలీసులు తెలిపిన వివరాల మేరకు.. వైఎస్సార్‌ కడప జిల్లా పోరుమామిళ్లకు చెందిన ఇస్మాయిల్‌ (67) అతని కుమారుడు, భార్యతో కలసి తమ సొంత కారులో నెల్లూరుకు వెళ్లి తిరిగి బెంగళూరుకు పయనమయ్యారు. చైన్నె–బెంగళూరు ఎక్స్‌ప్రెస్‌ హైవేలో వెళుతుండగా వి.కోట మండల పరిధిలోని ఎగువపల్లి గ్రామ సమీపాన కారు అదుపుతప్పి కారు బోల్తా పడింది. ఈ ప్రమాదంలో ఇస్మాయిల్‌ అక్కడకక్కడే మృతి చెందాడు. అతని భార్య, కుమారుడు తీవ్రంగా గాయపడ్డారు. వేగాన్ని నియంత్రించలేక కారు బోల్తాపడి నుజ్జునుజ్జయింది. పోలీసులు సంఘటన స్థలానికి చేరుకుని ఇస్మాయిల్‌ మృతదేహాన్ని పలమనేరు ప్రభుత్వాసుపత్రికి తరలించారు. తీవ్రంగా గాయబడిన అతని భార్య, కుమారుడిని చికిత్స నిమిత్తం కుప్పం పీఈఎస్‌కు తరలించారు. కేసు నమోదు చేసి దర్యాప్తు చేస్తున్నట్లు సీఐ సోమశేఖర్‌రెడ్డి తెలిపారు. ప్రమాద స్థలంలో మృతి చెందిన ఇస్మాయిల్‌ ప్రమాదంలో నుజ్జుజ్జయిన కారు

పుత్తూరు: ప్రభుత్వం ప్రతి ఏటా ప్రతిష్టాత్మకంగా ఇస్తున్న స్వ చ్ఛాంధ్ర అవార్డుల్లో ఈ ఏడాది పుత్తూరును రెండు అవార్డులు వరించాయి. శుక్రవారం గాంధీ జయంతిని పురస్కరించుకుని తిరుపతిలో కలెక్టర్‌ వెంకటేశ్వర్‌ నుంచి స్వచ్ఛ మున్సిపాలిటీ అవార్డును కమిషనర్‌ నాగేశ్వరరావు అందుకున్నారు. అలాగే స్థానిక బెస్త వీధిలోని అర్భన్‌ ప్రైమరీ హెల్త్‌ సెంటర్‌కు వచ్చిన స్వచ్ఛ హాస్పిటల్‌ అవార్డును డాక్టర్‌ ఆశా అందుకున్నారు. ఈ సందర్భంగా కమిషనర్‌ నాగేశ్వరరావు మాట్లాడుతూ సమష్టి కృషితోనే అవార్డును అందుకున్నామని తెలిపారు. పరిశుభ్రతలో ప్రజల భాగస్వామ్యం ఎంతో కీలకమని పేర్కొన్నారు. కలెక్టర్‌ వెంకటేశ్వర్‌ నుంచి అవార్డు స్వీకరిస్తున్న కమిషనర్‌ నాగేశ్వరరావు అవార్డు స్వీకరిస్తున్న డాక్టర్‌ ఆశా

చిత్తూరు కలెక్టరేట్‌ : విద్యార్థుల భవిష్యత్తును తీర్చిదిద్దడం, విద్యారంగ పురోగతిలోనూ ప్రైవేట్‌ పాఠశాలల టీచర్లు చూపుతున్న అంకితభావం, నిరంతర కృషి ప్రశంసనీయమని డీఈవో లక్ష్మీనారాయణ అన్నారు. శుక్రవారం జిల్లా కేంద్రంలోని కొంగారెడ్డిపల్లిలో ఉన్న ఓ ప్రైవేట్‌ హోటల్‌లో ఆంధ్రప్రదేశ్‌ ప్రైవేట్‌ అన్‌ఎయిడెడ్‌ స్కూల్స్‌ యాజమాన్యాల సంఘం (అపుస్మా) చిత్తూరు జిల్లా శాఖ ఆధ్వర్యంలో ఉత్తమ ఉపాధ్యాయ అవార్డుల కార్యక్రమం నిర్వహించారు. అతిథిగా పా ల్గొన్న డీఈవో మాట్లాడుతూ సమాజ నిర్మాణంలో ఉపాధ్యాయుడి పాత్ర అత్యంత కీలకమైందన్నారు. గుర్తింపు పొందిన ఉపాధ్యాయులు మరింత బాధ్యతతో విద్యా బోధన అందించాలని పిలుపునిచ్చారు. అనంతరం జిల్లా వ్యాప్తంగా ప్రైవేట్‌ పాఠశాలల్లో విశేష సేవలందించిన 85 మంది ఉత్తమ ఉపాధ్యాయులకు డీఈవో స్వయంగా జ్ఞాపికలు, ప్రశంసా పత్రాలు అందజేసి సత్కరించారు. కార్యక్రమానికి విచ్చేసి ఉపాధ్యాయులను ప్రోత్సహించిన డీఈవోను అపుస్మా చిత్తూరు జిల్లా అధ్యక్షుడు సీఆర్‌ మహేష్‌, కార్యదర్శి కృష్ణ, కోశాధికారి లకీ్‌ష్మ్‌ప్రసాద్‌ సత్కరించారు. పురస్కారాలు అందుకున్న ఉపాధ్యాయులకు సంఘం తర ఫున అభినందనలు తెలియజేశారు. చిత్తూరు జిల్లా పరిధిలోని అన్ని నియోజకవర్గాల అపు స్మా అధ్యక్షలు, కార్యదర్శులు, ట్రెజరర్లు, వివిధ పాఠశాలల కరస్పాండెంట్లు, ఉపాధ్యాయులు పాల్గొన్నారు.

– చిత్తూరు జిల్లా నుంచి 250 మంది క్రీడాకారుల హాజరు నగరి: స్థానిక కేవీకే క్రీడా మైదానంలో స్కూల్‌ గేమ్‌ ఫెడరేషన్‌ క్రీడల్లో భాగంగా శుక్రవారం అండర్‌–19 సాఫ్ట్‌బాల్‌ బాలబాలికల జిల్లా స్థాయి ఎంపిక పోటీ లు ఉత్సాహంగా నిర్వహించారు. జిల్లా వ్యాప్తంగా సుమారు 250 మంది క్రీడాకారులు ఈ ఎంపిక పోటీలకు హాజరై తమ ప్రతిభను ప్రదర్శించారు. ఈ సందర్భంగా వివిధ విభాగాల్లో ప్రతిభ కనబరిచిన క్రీడాకారులను రాష్ట్రస్థాయి పోటీలకు ఎంపిక చేశారు. ఎంపికై న క్రీడాకారులు ఈనెల 10వ తేదీ నుంచి పశ్చిమగోదావరి జిల్లా ఏలూరులో జరగనున్న రాష్ట్రస్థాయి సాఫ్ట్‌బాల్‌ పోటీల్లో పాల్గొననున్నట్లు చిత్తూరు జిల్లా స్కూల్‌ గేమ్స్‌ కార్యదర్శి ఎస్‌ఎం లోకనాథం తెలిపారు. క్రీడాకారులు రాష్ట్రస్థాయిలో కూడా అత్యుత్తమ ప్రతిభ కనబరిచి జిల్లా కు మంచి పేరు తీసుకురావాలని నిర్వాహకులు ఆకాంక్షించారు. ఎంపిక పోటీల్లో తిరుపతి జిల్లా స్కూల్‌ గేమ్స్‌ కార్యదర్శి సాంబశివరావు, వ్యాయా మ ఉపాధ్యాయులు జయప్రకాష్‌, దశరథ, కృష్ణ, మురళి, ప్రకాష్‌, అన్బు అరసు పాల్గొన్నారు.

కుప్పంరూరల్‌: తమిళనాడు రాష్ట్రానికి చెందిన వ్యక్తిని హత్య చేసి కుప్పం మండలం, నాయనూరు అటవీ ప్రాంతంలో పూడ్చిపెట్టిన విషయం విదితమే. గురువారం హత్యకు గురైన తమిళనాడు వాసి మృతదేహాన్ని బయటికి తీసిన కుప్పం పోలీసులు పోస్టుమార్టమ్‌ నిర్వహించి బంధువులకు అప్పగించారు. హతుడు తమిళనాడు రాష్ట్రం కరంబూరుకు చెందిన శశికుమార్‌ (42)గా గుర్తించారు. పోస్టుమార్టమ్‌ అనంతరం మృతదేహాన్ని శుక్రవారం బంధువులకు అప్పగించారు. కాగా హత్య చేసింది ఎవరు? హత్యకు గల కారణాలు ఏమిటి? నాయనూరు అటవీ ప్రాంతంలోనే ఎందుకు పూడ్చారు? అనే విషయాలపై పోలీసులు దర్యాప్తు చేపడుతున్నారు. మృతదేహాన్ని గుర్తించింది ఇలా.. గురువారం కుప్పం మండలం నాయనూరు అటవీ ప్రాంతంలో పశువుల కాపరులకు అడవిలో ఓ చోట రక్తపు మరకలు కనిపించాయి. ఆ విషయం పోలసులకు చేరవేశారు. పోలీసులు రంగ ప్రవేశం చేసి.. హత్యచేసి పూడ్చిపెట్టిన మృతదేహాన్ని బయటికి తీశారు. ప్రాథమికంగా హత్యకు గురైన వ్యక్తి తమిళనాడు రాష్ట్రం కరంబూరుకు చెందిన శశికుమార్‌గా గుర్తించారు. శవానికి పోస్టుమార్టమ్‌ నిర్వహించి శుక్రవారం ఉదయం బంధువులకు అప్పగించారు. హత్యకు దారి తీసిన విషయాలపై కుప్పం పోలీసులు పలు కోణాల్లో విచారణ చేపడుతున్నారు. హత్యచేసింది కంగుంది వ్యక్తా? కరంబూరుకు చెందిన శశికుమార్‌ను హత్య చేసింది కుప్పం మండలం, కంగుంది వాసిగా అనుమానాలు వ్యక్తమవుతున్నాయి. కంగుందికి చెందిన ఓ వ్యక్తి కూలీ పనుల నిమిత్తం కరంబూరుకు వెళ్ళాడు. అక్కడ పనులు చేసుకుంటూ శశికుమార్‌ ఇంట్లోనే బాడుగకు దిగాడు. కొద్ది రోజులకు శశికుమార్‌ భార్యతో వివాహేతర సంబంధం పెట్టుకున్నట్లు సమాచారం. ఈ నేపధ్యంలో పలుమార్లు పెద్దల సమక్షంలో పంచాయితీలు జరిగినట్లు తెలిసింది. వివాహేతర బంధానికి అడ్డుగా ఉన్నాడని.. తమ వివాహేతర బంధానికి అడ్డుగా ఉన్న భర్తను ఎలాగైనా అడ్డు తప్పించాలని శశికుమార్‌ భార్య, ఆమె ప్రియుడు పన్నాగం పన్నాడని అనుమానాలు వ్యక్తం అవుతున్నాయి. మంగళవారం రోజు శశికుమార్‌ను హత్య చేయాలని నిర్ణయించుకున్నారని తెలిసింది. మంగళవారం భర్త శశికుమార్‌, భార్యతో కలసి ఇంటి నుంచి బయటికి వెళ్లారు. ఆ తర్వాత భార్య మాత్రమే ఇంటికి తిరిగి వచ్చింది. అప్పటికే గ్రామంలో పలు అనుమానాలు రేకెత్తాయి. శశికుమార్‌ భార్య తన ప్రియుడితో కలిసి భర్తను హత్య చేసి నాయనూరు అటవీ ప్రాంతంలో పూడ్చిపెట్టి ఏమీ తెలియనట్లు ఊరుకి వచ్చేసిందని అనుమానాలున్నాయి. ఇదిలా ఉండగా సంఘటన జరిగిన మంగళవారం నుంచి ఆమె ప్రియుడు అజ్ఞాతంలోకి వెళ్లి పోయినట్టు సమాచారం. ఆ తర్వాత ఆమె కూడా కనిపించడం లేదు.

కుప్పంరూరల్‌: జాతీయ రహదారిపై లారీ బోల్తాపడి పెనుప్రమాదం తప్పిన సంఘటన కుప్పం మండలం, నడుమూరు సమీపంలో శుక్రవారం చోటుచేసుకుంది. తమిళనాడు రాష్ట్రం ఈరోడ్డు ప్రాంతం నుంచి దుస్తులు వేసు కుని కుప్పం వైపు వస్తున్న లారీ నడుమూరు సమీపానికి రాగానే అదుపు తప్పి బోల్తాపడింది. ఆ సమయంలో ముందు, వెనుక వాహనా లు లేకపోవడంతో పెను ప్రమాదం తప్పింది. డ్రైవర్‌, క్లీనర్‌ స్వల్ప గాయాలతో బయటపడ్డారు. విషయం తెలుసుకున్న ఏఎస్పీ హేమంత్‌, అర్బన్‌ సీఐ జీటీ నాయుడు సంఘటనా స్థలానికి చేరుకుని జాతీయ రహదారిపై రాక పోకలకు ఇబ్బందులు లేకుండా ఏర్పాట్లు చేశా రు. సంఘటనపై విచారణ చేపడుతున్నారు. విద్యుత్‌షాక్‌తో లైన్‌మన్‌కు తీవ్రగాయాలు గుడిపాల: విద్యుత్‌షాక్‌తో శుక్రవారం ఓ జూనియర్‌ లైన్‌మన్‌ తీవ్రంగా గాయపడ్డాడు. చిత్తూరు రూరల్‌ మండలం తుమ్మిందపాళ్యం గ్రామానికి చెందిన శివకుమార్‌ గుడిపాలలో జూనియర్‌ లైన్‌మన్‌గా పనిచేస్తున్నాడు. శుక్రవారం గుడిపాలలో ట్రాన్స్‌పార్మర్‌లో ఫీజు పో వడంతో ఫీజు వేసేందుకు సబ్‌స్టేషన్‌కు ఫోన్‌చేసి ఎల్‌సీ అడిగాడు. ఎల్‌సీ అడిగిన వెంటనే కరెంట్‌ ఆఫ్‌ కాకమునుపే ట్రాన్స్‌ఫార్మర్‌ వద్దకు వెళ్లాడు. ఫీజు వేసేందుకు వైరును పట్టుకోవడంతో విద్యుత్‌ షాక్‌కు గురయ్యాడు. దీంతో వెంటనే స్థానికులు 108 అంబులెన్స్‌కు సమాచారం ఇవ్వడంతో టెక్నీషియన్‌ శివ వెంటనే చీలాపల్లె సీఎంసీ ఆసుపత్రికి తరలించారు. అక్కడ వైద్యుల సూచనల మేరకు మెరుగైన వైద్యంకోసం వేలూరు సీఎంసీకి తరలించారు. కలెక్టర్‌ సమీక్ష వాయిదా చిత్తూరు కలెక్టరేట్‌ : జిల్లాలోని ప్రభుత్వ పాఠశాల ల ప్రధానోపాధ్యాయులు, ఎంఈవోలతో ఈ నెల 3 వ తేదీన నిర్వహించాల్సిన కలెక్టర్‌ సుమిత్‌కుమార్‌ గాంధీ సమీక్ష వాయిదా వేశారు. ఈమేరకు శుక్రవారం డీఈవో లక్ష్మీనారాయణ వెల్లడించా రు. ఆయన మాట్లాడుతూ కలెక్టర్‌ సమీక్ష ఈనెల 6 తేదీన జిల్లా పరిషత్‌ సమావేశ మందిరంలో నిర్వహిస్తారని తెలిపారు. ఆరోజు జిల్లాలోని ప్రధానోపాధ్యాయులు, ఎంఈవోలు తప్పనిసరిగా హాజరుకావాలని డీఈవో సూచించారు. గాంధీ ఆశయాలు శిరోధార్యం చిత్తూరు కలెక్టరేట్‌ : మహాత్మాగాంధీ ఆశయాలు ప్రతి ఒక్కరికీ శిరోధార్యం అని ట్రైనీ కలెక్టర్‌ వెంకటేష్‌ అన్నారు. శుక్రవారం కలెక్టరేట్‌లో గాంధీ జయంతి, భారత మాజీ ప్రధాని లాల్‌ బహదూర్‌ శాస్త్రి జయంతి నిర్వహించారు. వారి చిత్రపటాలకు పూలమాలలు వేసి నివాళులు అర్పించారు. 4న జిల్లా జూనియర్‌, సబ్‌ జూనియర్‌ కబడ్డీ జట్ల ఎంపిక చిత్తూరు కలెక్టరేట్‌ : ఆంధ్రప్రదేశ్‌ రాష్ట్ర 52వ జూనియర్‌ బాలుర, 36వ సబ్‌ జూనియర్‌ బాలుర అంతర్‌ జిల్లా ఛాంపియన్‌షిప్‌లలో పాల్గొనేందుకు ఈనెల 4 న జిల్లా కబడ్డీ జట్ల ఎంపిక పోటీలు నిర్వహించనున్నారు. ఈ మేరకు శుక్రవారం జిల్లా కబడ్డీ సంఘం అధ్యక్షుడు మమతారెడ్డి విలేకరులతో మాట్లాడారు. ఎంపిక పోటీలు ఆదివారం ఉదయం 10 గంటలకు సదుం పోలీస్‌ క్రీడా మైదానంలో జరుగుతాయని, జిల్లాలోని ఆసక్తి గల క్రీడాకారులు పాల్గొనాలని కోరారు. జూనియర్‌ బాలురు కేటగిరీలో క్రీడాకారులు 75 కేజీల లోపు బరువు కలిగి ఉండాలన్నారు. 2006 నవంబర్‌ 4వ తేదీ తర్వాత జన్మించిన వారు మాత్రమే అర్హులన్నారు. సబ్‌ జూనియర్‌ బాలురు కేటగిరీలో క్రీడాకారులు 60 కేజీల లోపు బరువు కలిగి ఉండాలని, 2010 డిసెంబర్‌ 12వ తేదీ తర్వాత జన్మించిన వారు అర్హులన్నారు. సబ్‌ జూనియర్‌ బాలుర రాష్ట్రస్థాయి పోటీలు ఏలూరు జిల్లా నూజివీడులో ఈనెల 10 నుంచి 12 వరకు జరుగుతాయన్నారు. జూనియర్‌ బాలుర రాష్ట్రస్థాయి పోటీలు ప్రకాశం జిల్లా మార్కాపురంలో ఈనెల 16 నుండి 18 వరకు నిర్వహించనున్నట్లు తెలిపారు. ఎంపిక పోటీల్లో పాల్గొనే క్రీడాకారులు తమ వెంట ఆధార్‌ కార్డు జిరాక్స్‌, ఒరిజినల్‌ జనన ధ్రువీకరణ పత్రం, 6 పాస్‌పోర్ట్‌ సైజ్‌ ఫోటోలను తప్పనిసరిగా తీసుకురావాలని ఆర్గనైజింగ్‌ సెక్రటరీ రవీంద్రరెడ్డి సూచించారు. జాతీయ క్రీడాకారులు శ్రీనివాసులు సమక్షంలో ఈ ఎంపిక పోటీలు నిష్పక్షపాతంగా జరుగుతాయని తెలిపారు. ఇతర వివరాలకు 9490005167, 9440345455 ఫోన్‌ నంబర్లను సంప్రదించవచ్చని వెల్లడించారు.

కార్వేటినగరం: ముఖ్యమంత్రి చంద్రబాబునాయుడు ప్రజలను నమ్మించి నట్టేట ముంచడం తప్ప ప్రజలకు చేసిందేమీ లేదని మాజీ ఉప ముఖ్యమంత్రి నారాయణస్వామి అన్నారు. శుక్రవారం పుత్తూరులోని తమ పార్టీ కార్యాలయంలో ఆయన మీడియాతో మాట్లాడారు. చంద్రబాబు అబద్ధాల పాలనతో రాష్ట్ర ప్రజలు విసిగిపోయారని ఎద్దేవా చేశారు. దివంగత ముఖ్యమంత్రి వైఎస్‌ రాజశేఖర్‌రెడ్డి పేదల అభివృద్ధి కోసం తపించి చరిత్ర సృష్టించార్నారు. అదే కోవకు చెందిన మాజీ ముఖ్యమంత్రి వైఎస్‌ జగన్‌మోహన్‌రెడ్డి ఐదేళ్ల పాలనలో అన్ని సామాజిక వర్గాలకు సంక్షేమ పథకాలను అందించారన్నారు. పెరియార్‌, ఇందిరాగాంధీ, అంబేడ్కర్‌, పూలే, రాజశేఖర్‌రెడ్డి వంటి మేధావుల చరిత్ర తెలుసుకున్న వ్యక్తి జగన్‌మోహన్‌రెడ్డి అని కొనియాడారు. బడుగు బలహీన వర్గాల వారికి అంబేడ్కర్‌ ఆశయాలను నెరవేర్చాలన్న సంకల్పంతో వైఎస్‌ జగన్‌మోహన్‌ రెడ్డి అన్ని వర్గాల వారికి సమాన హక్కులు కల్పించారన్నారు. ఎస్సీ, ఎస్టీలకు వైఎస్‌ జగన్‌ అందించిన సంక్షేమ ఫలాలు చంద్రబాబు తెలుసుకోవాలని సూచించారు. చంద్రబాబు 34 శాతం బీసీలకు రిజర్వేషన్‌ కల్పిస్తే కోర్టుకు వెళ్లి అడ్డుకుందనే రాసే పచ్చ పత్రికను మేధావులు కూడా చదవాలని తెలిపారు. జగనన్న ముఖ్యమంత్రిగా ఉన్నపుడు ఆయన ఏ జిల్లాకు వెళ్లాలన్నా ఆయన ప్రయాణించే హెలికాప్టర్‌లోను, విమానంలోనూ ఆ జిల్లాలకు చెందిన మంత్రులను కచ్చితంగా వెంట తీసుకెళ్లే వారని తెలిపారు. పేదలను ఆర్థికంగా బలోపేతం చేయాలన్న ఉద్దేశంతో నవరత్నాల పేరుతో రూ. 2లక్షల 70 కోట్లు లబ్ధిదారుల ఖాతాల్లో నేరుగా జమచేసి పేద కళ్లల్లో వెలుగులు నింపిన చరిత్ర జగనన్నదే అని ప్రశంసించారు. విద్య పేదల తరలరాతలు మారుస్తుందని ప్రభుత్వ పాఠశాలలను నాడు–నేడు పేరుతో కార్పొరేట్‌ పాఠశాలలకు దీటుగా ఆధునీకరించారని తెలిపారు. చంద్రబాబుకు బుద్ధి చెబుదాం మాయ మాటలు, నోటికొచ్చిన హామీలతో గద్దెనెక్కిన కపట చంద్రబాబుకు స్థానిక సంస్థల ఎన్నికల్లో బుద్ధి చెప్పాలని ప్రజలకు ఆయన పిలుపునిచ్చారు.

కామధేను వాహనంపై విహరిస్తున్న వరసిద్ధి వినాయకుడు కాణిపాకం: కాణిపాకం శ్రీవరసిద్ధి వినాయకస్వామి ఆలయంలో శుక్రవారం ప్రత్యేక ఉత్సవం కనులపండువగా కొనసాగింది. ఈ ఉత్సవంలో భాగంగా స్వామివారు కామధేనువుపై విహరిస్తూ భక్తులను కటాక్షించారు. ఉదయం ఆలయంలో అభిషేక పూజలు చేశారు. ప్రత్యేక అలంకరణలో భక్తులకు దర్శన భాగ్యం కల్పించారు. భారీగా తరలివచ్చిన భక్తజనం స్వామిని దర్శించి తరించారు. రాత్రి స్వామి వారు కామధేనువు వాహనంపై కనువిందు చేశారు. తొలుత అలంకార మండపంలో శ్రీసిద్ధి బుద్ధి సమేత వినాయస్వామి ఉత్సమూర్తులను పట్టుపీతాంబరాలు, పరిమళభరిత పుష్పమాలికలు, విశేష ఆభరణాలతో అలంకరించారు. అనంతరం ఊరేగింపుగా తీసుకెళ్లి కామధేనువాహనంపై అధిష్టింపజేశారు. మంగళ వాయిద్యాలు, మేళాతాళాలు, కోలాటాలు, భజన బృందాల ప్రదర్శనల నడుమ ఊరేగింపు అంగరంగ వైభవంగా చేపట్టారు. భక్తులు అడుగడుగునా కర్పూర నీరాజనాలు సమర్పించారు. నేడు పుష్పపల్లకీ.. ప్రత్యేక బ్రహ్మోత్సవాల్లో భాగంగా కాణిపాకంలోని శ్రీవరసిద్ధి వినాయకస్వామి దేవస్థానంలో శనివారం రాత్రి పుష్పపల్లకి సేవను అత్యంత వైభవంగా నిర్వహిస్తున్నట్లు ఆలయ ఈవో పెంచల కిషోర్‌ తెలిపారు. ఇందులో భాగంగా ఆలయంలో ముందస్తు ఏర్పాట్లు చేశారన్నారు. భక్తుల రద్దీ దృష్ట్యా ఎలాంటి ఇబ్బంది లేకుండా చూస్తామని ఆయన పేర్కొన్నారు.

VýS™èl G°²-MýSÌZÏ ^ðlí³µ¯]l Ð]l*rÌS±² °Ë$-ÐðlÌêÏ Ððl*çÜÐól$. 2024 G°²-MýSÌZÏ VðSÍõÜ¢ Æý‡*.10 ÐólË$ i™èl… CÝë¢Ð]l$° ^ðlí³µ Ð]lÌS…-sîæÆý‡ÏMýS$ Ððl¯]l$²-´ùr$ ´÷yìl^éÆý‡$. AçÜË$ E¯]l² E§øÅV>Ë$ OòÜ™èl… ï³MóS-Ô>Æý‡$. MýSÆø¯é Ð]l…sìæ MýSÌZÏÌS çÜÐ]l$-Ķæ$…ÌZ OòÜ™èl… {ç³fÌS MøçÜ… {´ë×êË$ ç³×æ…V> ò³sìæt ç³°-^ól-Ô>…. ¯]lÐ]l$ÃMýS {§øçßæ… ^ólĶæ$yýl… ^èl…{§ýl-»êº$MýS$ Mö™ól¢Ñ$ M>§ýl$. Ð]lÌS…-sîæÆý‡ÏMýS$ Æý‡*.10 ÐólË$ i™èl… CÐ]lÓÌôæ° ÐéÆý‡$ ÝùçÙÌŒæ Ò$yìlĶæ* C¯ŒS-ç³Nె §éÆý‡$×æ…. – భరత్‌, మాజీ వలంటీర్‌, చిత్తూరు

శుక్రవారం సెలవు దినం కావడంతో కాణిపాకం వరసిద్ధి వినాయక స్వామి ఆలయానికి భక్తులు పోటెత్తారు.గణనాథుని సేవలో హైకోర్టు న్యాయమూర్తి కాణిపాకం: రాష్ట్ర హైకోర్టు న్యాయమూర్తి జస్టిస్‌ వి.సుజాత శుక్రవారం కాణిపాకంలో స్వయంభు శ్రీ వరసిద్ధి వినాయక స్వామివారిని దర్శించుకున్నారు. ఆలయానికి విచ్చేసిన ఆమెకు దేవస్థానం అధికారులు స్వాగతం పలికారు. న్యాయమూర్తి జస్టిస్‌ సుజాత స్వామివారిని దర్శించుకుని ప్రత్యేక పూజలు నిర్వహించారు. దర్శనానంతరం ఆలయ ఏఈఓ రవీంద్రబాబు ఆమెకు స్వామివారి తీర్థప్రసాదాలను, శేషవస్త్రాలను అందజేశారు. ఖైదీల సంక్షేమ దినోత్సవం చిత్తూరు రూరల్‌ (కాణిపాకం): మహాత్మా గాంధీ జయంతిని పురస్కరించుకుని చిత్తూరు నగరంలోని జిల్లా కారాగారంలో ఖైదీల సంక్షేమ దినోత్సవాన్ని శుక్రవారం ఘనంగా నిర్వహించారు. ఈ కార్య క్రమానికి జిల్లా కలెక్టర్‌ సుమిత్‌ కుమార్‌, జిల్లా న్యాయ సేవాధికార సంస్థ కార్యదర్శి, సీనియర్‌ సివిల్‌ జడ్జి ఎం.ఎస్‌. భారతి, జైలు సూపరింటెండెంట్‌ వెంకటరెడ్డి ముఖ్య అతిథులుగా హాజరయ్యారు. ముందుగా గాంధీజీ చిత్రపటానికి పూలమాలలు వేసి నివాళులర్పించి, జ్యోతి ప్రజ్వలనతో వేడుకలను ప్రారంభించారు. పొరపాట్లు, ఆర్థిక ఇబ్బందుల వల్ల తప్పు చేసి జైలుకు వచ్చినప్పటికీ.. పున రావాసం పొంది సమాజంలో మంచి పౌరులుగా జీవించాలని కలెక్టర్‌ ఆకాంక్షించారు. గాంధీజీ బోధించిన సత్యం, అహింస సిద్ధాంతాలను ప్రతి ఒక్కరూ ఆచరించాలని పిలుపునిచ్చారు. జైలులో తాగునీరు, విద్యుత్‌, మరుగుదొడ్లు వంటి మౌలిక సదుపాయాల కొరత లేకుండా చూస్తామని, బెయిల్‌ లేదా ఇతర సమస్యలు ఉంటే తన కార్యాలయాన్ని సంప్రదించవచ్చని తెలిపారు. పుట్టుకతో ఎవరూ నేరస్థులు కారని, పరిస్థితుల వల్లే తప్పులు జరుగుతుంటాయని జడ్జి ఎం.ఎస్‌. భారతి పేర్కొన్నారు. ఏ సమస్య వచ్చినా చట్టాన్ని చేతుల్లోకి తీసుకోకుండా కోర్టును ఆశ్రయించాలని సూచించారు. జైలులో ప్రభుత్వం అందిస్తున్న టైలరింగ్‌, ఎలక్ట్రీషియన్‌ కోర్సుల్లో నైపుణ్యాలు పెంపొందించుకుని ఉపాధి మార్గాలు వెతుక్కోవాలన్నారు. జిల్లా కారాగారంలో ఖైదీలకు కావాల్సిన అన్ని రకాల వసతు లు కల్పిస్తున్నామని జైలు సూపరింటెండెంట్‌ తెలిపారు. అనంతరం క్రీడలు, వ్యాసరచన పోటీల్లో ప్రతిభ కనబరిచిన ఖైదీలకు బహుమతులు అందజేశారు.

నగరి: స్థానిక సంస్థల ఎన్నికలు ఎప్పుడు జరిగినా సమర్థవంతంగా ఎదుర్కొనేందుకు వైఎస్సార్‌సీపీ శ్రేణులు సిద్ధంగా ఉండాలని మాజీ మంత్రి రోజా పిలుపునిచ్చారు. శుక్రవారం నగరిలోని పార్టీ కార్యాలయంలో నిండ్ర, విజయపురం మండలాలకు చెందిన నాయకులు, కార్యకర్తలతో ఆమె విడివిడిగా సమావేశ మై స్థానిక రాజకీయ పరిస్థితులు, ఎన్నికల సన్నద్ధతపై చర్చించారు. ఈ సందర్భంగా ఆమె మాట్లాడుతూ.. ఎన్నికలు ఎప్పుడు వచ్చినా పార్టీ నాయకులు, కార్యకర్తలు సమన్వయంతో పనిచేయాలని సూచించారు. గత ఎన్నికల్లో అధికార పక్షం బూటకపు హామీలతో పాటు ఈవీఎం మేనేజ్‌మెంట్‌ ద్వారా విజయం సాధించిందని ఆమె ఆరోపించారు. ప్రస్తుతం చంద్రబాబు ప్రభుత్వ పాలనపై ప్రజల్లో అసంతృప్తి నెలకొందని ఆమె పేర్కొన్నారు. స్థానిక ఎన్నికల్లో పార్టీ శ్రేణులంతా ఏకాభిప్రాయంతో, ఐకమత్యంతో పనిచేసి వైఎస్సార్‌సీపీని బలోపేతం చేయాలని సూచించారు. నిండ్రలో టీడీపీకి షాక్‌ నిండ్ర మండలం ఆత్తూరు పంచాయతీకి చెందిన టీడీపీ మాజీ ఎంపీపీ రాజగోపాల్‌ నాయుడు, రిటైర్డ్‌ వీఆర్‌వో మేఘనాథం శుక్రవారం వైఎస్సార్‌సీపీలో చేరారు. నగరిలోని మాజీ మంత్రి ఆర్కే రోజా కార్యాలయంలో ఆమె సమక్షంలో వారు పార్టీలో చేరారు. ఈ సందర్భంగా ఆమె వారికి వైఎస్సార్‌సీపీ కండువాలు కప్పి సాదరంగా పార్టీలోకి ఆహ్వానించారు. పార్టీలో చేరిన రాజగోపాల్‌ నాయుడు, మేఘనాథం మాట్లాడుతూ.. వైఎస్సార్‌సీపీ అధినేత వైఎస్‌ జగన్‌మోహన్‌రెడ్డి నాయకత్వంపై నమ్మకంతో, మాజీ మంత్రి ఆర్కే రోజా నాయకత్వంలో పార్టీ బలోపేతానికి తమవంతు కృషి చేస్తామని తెలిపారు. ఈ కార్యక్రమంలో నిండ్ర మండలానికి చెందిన వైఎస్సార్‌సీపీ నాయకులు మండల పార్టీ అధ్యక్షులు వేణురాజు, ఉపాధ్యక్షులు మునికృష్ణారెడ్డి, మాజీ ఎంపీపీ దీప, రాష్ట్ర ఎస్సీసెల్‌ ప్రధాన కార్యదర్శి శ్యామ్‌లాల్‌, జిల్లాపార్టీ కార్యదర్శి అనిల్‌, మాజీ సర్పంచ్‌ బాబురెడ్డి, రాష్ట్ర మహిళా కార్యదర్శి మేరి, మాజీ వైస్‌ఎంపీపీ శుభారాము, నాయకులు రామచంద్రయాదవ్‌, శివలింగాచ్చారి, రమేష్‌, దామురెడ్డి, శేఖర్‌, విజయపురం మండలానికి చెందిన నాయకులు మండల అధ్యక్షుడు శివరాజు, మాజీ ఎంపీపీ బాలాజి, రాష్ట్ర ప్రచార విభాగం కార్యదర్శి శేఖర్‌రాజు, రాష్ట్ర రైతు విభాగం కార్యదర్శి గుణశేఖర్‌రెడ్డి, రాష్ట్ర పంచాయతీరాజ్‌ విభాగం కార్యదర్శి గోవర్దన్‌నాయుడు, బూత్‌ కమిటీ అధ్యక్షుడు ప్రసన్న, మాజీ ప్రజా ప్రతినిధులు పాల్గొన్నారు.

చిత్తూరు రూరల్‌ (కాణిపాకం): మార్కెట్‌లో ఉల్లి ధరలు పెరుగుతున్న నేపథ్యంలో రాయితీపై ఉల్లిపాయల పంపిణీ చేసేందుకు ప్రభు త్వం చర్యలు చేపట్టింది. ఈమేరకు చిత్తూరు నగరంలోని రైతు బజారులో శనివారం ఉద యం 8గంటలకు రాయితీ ఉల్లిపాయల పంపిణీని అధికారులు ప్రారంభిస్తారు. ఈ ప్రత్యేక విక్రయాల ద్వారా కేజీ రూ.35లకు ఒక్కో కుటుంబానికి రెండు కిలోల చొప్పున ఉల్లిపాయలను అందించనున్నారు. లబ్ధిదారులు ఈ రాయితీ సదుపాయాన్ని పొందేందుకు తమ ఆధార్‌ కార్డు, రేషన్‌ కార్డును చూపించాల్సి ఉంటుంది. హనుమయ్య కనుమరుగు ! నగరి: నగరి మున్సిపాలిటీ పరిధి, కీళపట్టు మలుపు వద్ద ఓ దొంగ భక్తునిగా మారి నిర్మించిన ఆంజనేయ ఆలయం జాతీయ రహదారి రూపంలో కనుమరుగైంది. ప్రధాన రహదారి మలుపు వద్ద గుర్తింపు చిహ్నంగా ఉన్న ఈ ఆలయానికి అప్పట్లో మెగాస్టార్‌ చిరంజీవి నిర్మాణానికి సహకారం అందించడంతో పాటు నగరికి విచ్చేసి ఆలయాన్ని ఆయనే ప్రారంభించా రు. ఆలయంతో పాటు ఆలయం పక్కనే 25 అడుగుల ఎత్తున్న ఆంజనేయ స్వామి భారీ విగ్రహా న్ని కూడా ఏర్పాటుచేశారు. దీంతో ఈ ఆలయం ప్రాధాన్యతను సంతరించుకుంది. జాతీయ రహదారి పనుల్లో భాగంగా రెండు నెలల క్రితం ఆలయాన్ని కూల్చేసినా 25 అడుగుల విగ్రహం మాత్రం అక్కడే ఉంటూ అందరికీ దర్శనమిస్తూ వచ్చింది. ప్రస్తుతం బ్రిడ్జి నిర్మాణంలో భాగంగా ఆ విగ్రహాన్ని కూడా తీసేయడంతో ఆలయం పూర్తిగా కనుమరుగైంది. నిర్వహణ లోపం చిత్తూరు కార్పొరేషన్‌: జెడ్పీ సమావేశ మందిరంలో నిర్వహణ లోపం సృష్టంగా కనిపిస్తోంది. జిల్లాలో అధికారక పెద్ద స్థాయి కార్యక్రమాలను జెడ్పీ కార్యాలయంలో నిర్వహించడం పరిపాటి. కార్యాలయంలో మరుగుదొడ్ల నిర్వహణ సరిగా లేకపోవడం, నీటి సమస్యలున్నాయి. సమావేశ మందిరంలో సీలింగ్‌ దెబ్బతినడంతో అందులోని ఏసీ నీరు కారుతోంది. దీంతో సీట్లు తడిచిపోయి వ్యర్థపు నీరు నేలపై చేరింది. దీంతో సిబ్బంది నీరు కారేచోట బకెట్లు పెట్టారు. తపాలా సిబ్బందికి పురస్కారాలు చిత్తూరు కార్పొరేషన్‌: తపాలా ద్వారా మెరుగైన సేవలు అందించాలని ఆశాఖ చిత్తూరు డివిజన్‌ సూపరింటెండెంట్‌ కిరణ్‌ పిలుపునిచ్చారు. శుక్రవారం నగరంలోని ఓ హోటల్‌లో బీమా సంకల్ప్‌ అభియాన్‌ 3.0 కార్యక్రమాన్ని నిర్వహించారు. ఈ సందర్భంగా తపాలా గ్రామీణ బీమా, జీవిత బీమా, పోస్టుపేమేంట్‌, బ్యాంక్‌ సేవల్లో ప్రతిభ చూపిన ఐదుగురు సిబ్బంది పురస్కారాలు అందజేశారు. ఇంకో 53 మంది సిబ్బందిని సన్మానించారు. కార్యక్రమంలో తపాలా అధికారులు పాల్గొన్నారు.

వలంటీర్లకు రూ.5 వేలు మాత్రమే ఇచ్చేది. తాము అధికారంలోకి వస్తే రూ.10 వేలు ఇస్తామని ఎన్నికల సమయంలో చంద్రబాబు ఉదరగొట్టి మరీ హామీ ఇచ్చారు. అధికారంలోకి వచ్చిన తర్వాత వలంటీర్లకు, నిరుద్యోగులకు ఇచ్చిన హామీలనే మరిచిపోయారు. కూటమి ప్రభుత్వం అధికారంలోకి వచ్చి రెండున్నర సంవత్సరాలు అవుతున్నా వలంటీర్లు, నిరుద్యోగుల గురించి ఎక్కడా చెప్పడం లేదు. ఇప్పుడేమో ప్రచారం కోసం కంటెంట్‌ క్రియేటర్లకు రూ.లక్షలు ప్రజాధనం కట్టబెట్టేందుకు సిద్ధమయ్యారు. ఇది సరైన పద్ధతి కాదు. – సందీప్‌, నిరుద్యోగి, చిత్తూరు.

పాలసముద్రం : వైఎస్సార్‌ కాంగ్రెస్‌ పార్టీకి కార్యకర్తలే వెన్నెముక అని మాజీ డిప్యూటీ సీఎం నారాయణస్వామి పేర్కొన్నారు. పార్టీ కోసం పనిచేస్తూ ప్రమాదవశాత్తు మృతి చెందిన నాయకులు, కార్యకర్తల కుటుంబాలను ఆదుకునేందుకు రూ.5 లక్షల ఆర్థిక అందజేయనున్నట్టు తెలిపారు. ఆయన గురువారం పాలసముద్రంలో విలేకరులతో మాట్లాడుతూ క్షేత్రస్థాయిలో పార్టీ కార్యక్రమాలను ప్రజల్లోకి తీసుకెళ్లే నాయకులు, కార్యకర్తలకు ఏదైనా అనుకోని ఘటన జరిగితే ఆ కుటుంబాలను పార్టీ తమ కుటుంబంగా భావించి అండగా నిలుస్తుందన్నారు. పార్టీ అధినేత వైఎస్‌ జగన్‌మోహన్‌రెడ్డి ఆదేశాల మేరకు పార్టీ వివిధ కమిటీల్లో నియమితులై, పార్టీ గుర్తింపు కార్డులు పొందిన నాయకులు ప్రమాదవశాత్తు మృతిచెందితే పార్టీ తరఫున రూ.5 లక్షల ఆర్థిక సహాయం అందజేస్తామని పేర్కొన్నారు. దీంతో బాధిత కుటుంబాలకు కొంతమేర భరోసా కలుగుతుందన్నారు. ఆర్థిక సహాయం పొందేందుకు పార్టీ కమిటీలో నియమితులై ఉండడంతో పాటు పార్టీ గుర్తింపు కార్డు పొంది ఉండాలన్నారు. ప్రమాదానికి సంబంధించిన ఎఫ్‌ఐఆర్‌ కాపీ, పోస్టుమార్టం రిపోర్టు లేదా పంచనామా వంటి ధ్రువీకుణ పత్రాలను సమర్పించాలన్నారు. సంబంధిత గ్రామ లేదా వార్డు అధ్యక్షుడు, మండల అధ్యక్షుడు సిఫార్సుతో ఎమ్మెల్యే లేదా అసెంబ్లీ నియోజకవర్గ సమన్వయకర్త మృతుడి వివరాలను పార్టీ కేంద్ర కార్యాలయానికి పంపాల్చి ఉంటుందని వివరించారు. అదేవిధంగా మృతుని నామినీ బ్యాంకు ఖాతా వివరాలు, ఆధార్‌ కార్డును తప్పనిసరిగా జత చేయాలని సూచించారు. పూర్తి వివరాలు, అవసరమైన ధ్రువీకరణ పత్రాలతో ప్రతిపాదనలు పంపితే ఆర్థిక సహాయం అందుతుందని తెలిపారు. ఈ కార్యక్రమం ఈ నెల 1వ తేదీ నుంచి అమలులోకి వస్తుందని తెలిపారు. ఆయా ప్రాంతాల్లో ఇలాంటి ఘటనలు చోటుచేసుంటే సంబంధిత పార్టీ నాయకులు ఆలస్యం చేయకుండా వివరాలు సేకరించి పార్టీ కేంద్ర కార్యాలయానికి పంపించాలని సూచించారు. వైఎస్సార్‌ సీపీ గ్రామ స్థాయి నుంచి నియోజకవర్గ స్థాయి వరకు కార్యకర్తలే ప్రధాన బలమని నారాయణస్వామి పేర్కొన్నారు. పార్టీ కమిటీల్లో ఉన్న నాయకులు, కార్యకర్తల వివరాలను ఇప్పటికే క్షేత్రస్థాయిలో సేకరించి, అవసరమైన సందర్భాల్లో బాధిత కుటుంబాలకు త్వరితగతిన సహాయం అందేలా చర్యలు తీసుకోవాలని పార్టీ శ్రేణులకు సూచించారు.

జగనన్న హయాంలో బీసీలకు సముచిత స్థానం లభించింది. బీసీ కులాల కార్పొరేషన్లు, ఇతర పదవుల్లో అనేక మందికి స్థానం కల్పించారు. పక్కాగా రిజర్వేషన్లు అమలు చేశారు. బీసీలను అడ్డం పెట్టుకుని ఓట్లు కొట్టేయాలని టీడీపీ కుటీల యత్నానికి కోర్డు తీర్పు చెంపపెట్టులా మారింది. –చంద్రశేఖర్‌, మాజీ డిప్యూటీ మేయర్‌, బీసీనాయకులు, చిత్తూరుకోర్టుల్లో నిలబడదని తెలిసినా.. బీసీలకు 34 శాతం రిజర్వేషన్లు ఇస్తామని ఆర్డినెన్స్‌, జీవోలు తీసుకురావడం ఓట్ల కోసమే అని తేలిపోయింది. 50 శాతానికి మించి రిజర్వేషన్లు ఉంటే కోర్టు ల్లో నిలబడవని సుప్రీం కోర్టు తీర్పుల ద్వారా తెలిసినా, సరైన న్యాయ సలహాలు తీసుకోకుండా అడ్డగోలుగా జీవోలు ఇచ్చారు. కోర్టు కొట్టేయగానే చేతులెత్తేశారు. –జ్ఞానజగదీష్‌, ఆంధ్రప్రదేశ్‌ బీసీ సంక్షేమ సంఘం(జేఏసీ) అధ్యక్షుడు డ్రామా ఆడారు రిజర్వేషన్లు పెంచాలనే చిత్తశుద్ధి ఉంటే రాజ్యాంగబద్ధమైన ప్రక్రియను ఎందుకు అనుసరించలేదు? చట్టపరమైన ప్రాతిపదిక, సరైన డేటా లేకుండా జీవోలు ఇచ్చి బీసీలకు మేలు చేస్తున్నట్లు హంగామా చేశారు. కోర్టు కొట్టేస్తుందని ముందే ఊహించి, ఆ నిందను కోర్టులపై నెట్టేసేందుకు ఆడిన నాటకమిది. – త్యాగరాజులు, బీసీనాయకులు, చిత్తూరు బీసీల హక్కును కాలరాశారు రాష్ట్రంలో మెజారిటీ జనాభా ఉన్న బీసీలకు స్థానిక సంస్థల్లో 34 శాతం రిజర్వేషన్‌ దక్కకుండా చేయడం బాధాకరం. ఎన్నికలు సకాలంలో జరపకుండా వాయిదా వేస్తూ వచ్చి, చివరికి కోర్టుల్లో నిలబడని జీవోలు తేవడం ద్వారా బీసీలకు దక్కాల్సిన రాజకీయ హక్కును కాలరాశారు. – నారాయణ, బీసీ నాయకులు, చిత్తూరు ●

చిత్తూరు కలెక్టరేట్‌ : మానవాళి సంక్షేమానికే భారత్‌ అంతరిక్ష సాంకేతికత అని ఇస్రో మాజీ చైర్మన్‌, పద్మశ్రీ అవార్డు గ్రహీత కిరణ్‌కుమార్‌ తెలిపారు. చిత్తూరు నగర సరిహద్దులోని సీతమ్స్‌ ఇంజినీరింగ్‌ కళాశాలలో గురువారం అంతరిక్ష శాస్త్రంలో ఏఐ, మెషిన్‌ లెర్నింగ్‌ అనే అంశంపై సెమినార్‌ నిర్వహించారు. ఇందులో ఆయన అతిథిగా పాల్గొన్నారు. ఆయన మాట్లాడుతూ ప్రపంచ దేశాలు అంతరిక్ష రంగాన్ని ఎక్కువగా సైనిక అవసరాలకు ఉపయోగిస్తుంటే, భారతదేశం మాత్రం మానవాళి శ్రేయస్సు, సమాజ అభివృద్ధి కోసమే అంతరిక్ష సాంకేతికతను వినియోగించిందన్నారు. డాక్టర్‌ విక్రమ్‌ సారాభాయ్‌ దార్శనికత వల్లే భారత్‌ అంతరిక్ష రంగంలో దృఢంగా నిలబడిందన్నారు. ఆరంభంలో సాంకేతికతను నిరాకరించినా, స్వదేశీ పరిజ్ఞానంతో ఎస్‌ఎల్‌వీ, ఏఎస్‌ఎల్‌వీ నుంచి నేటి వర్క్‌ హార్స్‌ పీఎస్‌ఎల్‌వీ వరకు ఇస్రో అద్భుత ప్రగతి సాధించిందన్నారు. 300లకు పైగా విదేశీ ఉపగ్రహాలను ప్రయోగించి విదేశీ మారకద్రవ్యాన్ని ఆర్జించిందని వివరించారు. చంద్రయాన్‌ నుంచి ఆదిత్య ఎల్‌1 వరకు చారిత్రాత్మక విజయాలు చంద్రయాన్‌–1తో చంద్రునిపై నీటి అణువులను గుర్తించి ప్రపంచ దృష్టిని ఆకర్షించామని కిరణ్‌కుమార్‌ తెలిపారు. చంద్రయాన్‌–3తో చంద్రుని దక్షిణ ధ్రువంపై కాలుమోపిన తొలి దేశంగా భారత్‌ చరిత్ర సృష్టించిందని గుర్తు చేశారు. హాలీవుడ్‌ సినిమా నిర్మాణ వ్యయం కంటే తక్కువ ఖర్చుతో మొదటి ప్రయత్నంలోనే ‘మంగళయాన్‌’ మిషన్‌ విజయవంతం చేశామన్నారు. ప్రస్తుతం సూర్యుడిపై అధ్యయనానికి ‘ఆదిత్య ఎల్‌1’ను నిర్వహించామని తెలిపారు. స్పేస్‌ సైన్స్‌లో ఏఐ, ఎంఎల్‌ పాత్ర కీలకం భవిష్యత్తులో అంతరిక్ష సాంకేతికతను ఆర్టిఫిషియల్‌ ఇంటెలిజెన్స్‌ (ఏఐ), మెషిన్‌ లెర్నింగ్‌ (ఎంఎల్‌), రోబోటిక్స్‌ పూర్తిగా మార్చివేయబోతున్నాయని కిరణ్‌కుమార్‌ చెప్పారు. ఉపగ్రహాల స్వయం ప్రతిపత్తి నావిగేషన్‌, వ్యవసాయం, విపత్తు నిర్వహణ, గగన్‌యాన్‌లో స్పేస్‌ రోబోటిక్స్‌, రాకెట్ల ముందస్తు మెయింటెనెన్స్‌లో ఏఐ కీలకమవుతోందని పేర్కొన్నారు. కేంద్ర ప్రభుత్వం అంతరిక్ష రంగాన్ని ప్రైవేట్‌ పరిశ్రమలు, స్టార్టప్‌లకు విస్తరించడం వల్ల ట్రిలియన్‌ డాలర్ల అవకాశాలు లభిస్తున్నాయన్నారు. విద్యార్థులు ప్రాథమిక అంశాలపై దృష్టి సారించి పరిశోధనల వైపు అడుగులు వేయాలని పిలుపునిచ్చారు. అనంతరం నిర్వహించిన ప్రశ్నోత్తరాల కార్యక్రమంలో విద్యార్థులు అడిగిన ప్రశ్నలకు సమాధానమిచ్చారు. ఏఐ అనేది శాస్త్రవేత్తల స్థానాన్ని భర్తీ చేయలేదని, నిర్ణయాలను మరింత వేగంగా, కచ్చితంగా తీసుకోవడానికి సాయపడుతుందని స్పష్టం చేశారు. అనంతరం మాజీ ఇస్రో చైర్మన్‌ను ఘనంగా సత్కరించారు. కార్యక్రమంలో కళాశాల చైర్మన్‌ రంగనాథం, సీఈ నాగేంద్రప్రసాద్‌, అకడమిక్‌ అడ్వైజర్‌ నారాయణ, ఇన్‌చార్జి ప్రిన్సిపాల్‌ పళనివేల్‌, హెచ్‌వోడీలు, అధ్యాపకులు, విద్యార్థులు పాల్గొన్నారు.

ఐరాల: విద్యార్థులు ప్రత్యక్షంగా ప్రయోగాలు చేసి ఆలోచనా శక్తిని, శాసీ్త్రయ దృక్పథాన్ని పెంపొందించుకోవాలని డీఈఓ లక్ష్మీనారాయణ తెలిపారు. ఆయన గురువారం అగరంపల్లె, ఎం.పైపల్లె జెడ్పీ హైస్కూళ్ల లో స్టెమ్‌ ల్యాబ్‌(సైన్స్‌, టెక్నాలజీ, ఇంజినీరింగ్‌, మ్యా థ్స్‌)లను ప్రారంభించారు. ఆయన మాట్లాడుతూ యూత్‌ ఫర్‌ సేవా సంస్థ కృషితో సైక్రాప్ట్‌ ఎడ్యుకేషన్‌ అండ్‌ ఇంజినీరింగ్‌ డిజైన్‌ ప్రైవేట్‌ లిమిటెడ్‌ ఆధ్వర్యంలో రూ.8.70 లక్షలతో స్టెమ్‌ ల్యాబ్‌ మెటీరియల్‌ను 6, 9 తరగతుల విద్యార్థులకు అందజేయడం అభినందనీయమని కొనియాడారు. ఈ ల్యాబ్‌ల ద్వారా విద్యార్థు లు సైన్స్‌, ఇంజినీరింగ్‌, టెక్నాలజీ ప్రయోగాలపై ప్రాక్టికల్స్‌ చేసి ప్రత్యక్ష అనుభూతి పొందవచ్చన్నారు. మెటీరియల్‌ ఉపయోగాలను హైస్కూల్‌ ప్లస్‌ ఉపాధ్యా యిని మీనాకుమారి, స్టెమ్‌ ప్రతినిధులను అడిగి తెలుసుకున్నారు. అనంతరం ఆయన పదో తరగతి విద్యార్థులతో మాట్లాడారు. పదో తరగతి పరీక్ష ఫలితాల్లో మంచి ఉత్తీర్ణత సాధించాలని తెలిపారు. తదుపరి బీఐఎస్‌(బ్యూరో ఆఫ్‌ ఇండియన్‌ స్టాండర్డ్స్‌) ఆధ్వర్యంలో విద్యార్థులకు వ్యాసరచన, వకృత్త్వ పోటీలు నిర్వహించి ప్రథమ స్థానం సాధించిన విద్యార్థికి రూ.1,500, ద్వితీయ స్థానం సాధించిన విద్యార్థికి రూ.1,000 అందజేసి సర్టిఫికెట్లు అందజేశారు. కార్యక్రమంలో జిల్లా పరీక్షల సహాయ కమిషనర్‌ జయప్రకాష్‌నాయుడు, ఎంఈఓలు రుషేంద్రబాబు, భానుప్రసాద్‌, హెచ్‌ఎం తులసీరామ్‌, యూత్‌ ఫర్‌ సేవా సంస్థ ప్రతినిధి హరీష్‌, ఉపాధ్యాయులు సుధాకర్‌, జయంతి, కృష్ణవేణి, నిషా, విద్యార్థులు పాల్గొన్నారు.

ఎదురు చూపులే.. చిత్తూరు నగరం శ్రీనివాస కాలనీకి చెందిన సుకుమా ర్‌ చర్మకారుడు. 22 ఏళ్లుగా పీసీఆర్‌ సర్కిల్‌ వద్ద రోడ్డు పక్కన చెప్పులు కుట్టుకుంటూ జీవనం సాగిస్తున్నాడు. దీంతోనే తన పిల్లలు దీపిక (7వ తరగతి), చెర్రీ (5వ తరగతి), మహేంద్ర (3వ తరగతి)లను ప్రభుత్వ పాఠశాలలో చదివిస్తున్నాడు. రోజుకు వచ్చే రూ.300 ఆదాయం కుటుంబ పోషణకు చాలడం లేదు. చర్మకారుల కేటగిరీలో పింఛన్‌ కోసం దరఖాస్తు చేసుకున్నాడు. ఒకటోతేదీన పింఛన్‌ డబ్బు వస్తుందని గంపెడాశతో ఎదురు చూశాడు. మీకు పింఛన్‌ రాలేదంటూ సచివాలయ ఉద్యోగి చెప్పడంతో నిరాశచెందాడు. దరఖాస్తే తీసుకోలేదు చిత్తూరు సంతపేటకు చెందిన సరోజ భర్త చంద్ర లారీ డ్రైవర్‌. అతను ఏడాదిన్నర క్రితం మృతిచెందాడు. ఇద్దరు కుమార్తెలకు వివాహాలు కాగా వారు తిరుపతిలో ఉంటున్నారు. సరోజ సోదరి రాజమ్మకు ఎవరూ లేకపోవడంతో ఆమె కూడా సరోజ వద్దే ఉంటోంది. రాజమ్మకు వృద్ధాప్య పింఛన్‌ వచ్చేది. గతంలో ఒకే ఇంట్లో ఇద్దరికి పింఛన్‌ ఇవ్వలేమంటూ సచివాలయ అధికారులు ఆమె పింఛను రద్దు చేశారు. ఐదు నెలల క్రితం రాజమ్మ మృతిచెందారు. తర్వాత తనకు వితంతు పింఛన్‌ ఇప్పించాలని సరోజ పలుమార్లు దరఖాస్తు చేసుకున్నా ఫలితం లేదు. ఆమె నాలుగు ఇళ్లలో పనిచేసుకుంటూ కాలాన్ని వెళ్లదీస్తోంది. పింఛన్‌కోసం ఎదురుచూపులే ఈమె పేరు అమరజ్యోతి. గుడిపాల మండలం వసంతాపురం గ్రామం. ఈమె భర్త రెండున్నరేళ్ల క్రితం మృతిచెందాడు. అప్పటినుంచి పింఛన్‌ కోసం ఎన్నిసార్లు దరఖాస్తు చేసుకున్నా రాలేదు. ఆమె భర్త గతంలో ఓ ఫ్యాక్టరీలో పనిచేస్తూ నెలకు రూ.20 వేలు సంపాదించి కుటుంబ పోషణ చూసుకునేవాడు. ప్రస్తుతం అతను లేకపోవడంతో ఇంటి పరిస్థితి ఏమాత్రం బాలేదు. కొత్త పింఛన్‌ ఒకటో తేదీన వస్తుందని చెప్పడంతో ఉదయం నుంచి ఆశగా ఉన్న జ్యోతికి పింఛన్‌ ఇప్పట్లో ఇవ్వడంలేదనే మాట నిరాశను మిగిల్చింది. సాక్షి, చిత్తూరు: కూటమి ప్రభుత్వం వచ్చిన 28 నెలల తర్వాత కొత్త పింఛన్ల కోసం అవకాశం కల్పించింది. దరఖాస్తు చేసుకోవడానికి 12 రోజుల గడువు పెట్టింది. కులం సర్టిఫికెట్లు, ఆదాయం, స్థానిక సర్టిఫికెట్లు తీసుకోవడానికే కొందరికి సమయం చాల్లేదు. గడువు సమయం ముగిసే సమయానికి వందలాది మంది దరఖాస్తు కూడా చేసుకోలేకపోయారు. ఇక దరఖాస్తు చేసుకున్న వారు ఒకటో తేదీన పింఛన్‌ అందుతుందని గంపెడాశలతో ఎదురు చూశారు. వారి ఆశలపై నీళ్లు చల్లారు. కొత్త పింఛన్లు ఇప్పట్లో ఇవ్వడంలేదని చెప్పేశారు. ఈ నెల నుంచి పింఛన్‌ డబ్బులు అందుతుందని ఆశ పడిన వారి ఆశలు అడియాశలయ్యాయి. అసలు దరఖాస్తు చేసుకున్న వాళ్లందరికీ పింఛన్‌ వస్తుందా..? వేలాది మందికి పింఛన్‌ ఇప్పట్లో అందుతుందా..? అసలు పింఛన్‌ ఎప్పుడిస్తారు..? అన్నదానిపై సాక్షి గ్రౌండ్‌ రిపోర్టు. భారీగా అనర్హుల జాబితా కొత్త పింఛన్ల కోసం గతనెల దరఖాస్తులు ఆహ్వానించడం, ఆపై జిల్లా వ్యాప్తంగా 43,767 మంది దరఖాస్తు చేసుకోవడం తెలిసిందే. ఇందులో అత్యధికంగా 23,304 మంది వృద్ధులు ఉన్నారు. ఒక ఇంట్లో వికలాంగ పింఛన్‌ తీసుకుంటుంటే వృద్ధాప్య పింఛను దరఖాస్తులను అధికారులు నిర్దాక్షిణ్యంగా తిరస్కరిస్తున్నారు. అన్ని కేటగిరీల్లోనూ ఒకే ఇంట్లో రెండో పింఛను కోసం దరఖాస్తు చేసుకున్న వాళ్లకు అసలు పింఛన్‌ వస్తుందో..? రాదో..? తెలియని పరిస్థితి. ఇలా దాదాపు 7 వేల మందికి పైగా దరఖాస్తులను తిరస్కరించినట్లు ప్రాథమిక సమాచారం. ఇది చాలదన్నట్లు కొత్త పింఛన్ల మంజూరు కోసం కొన్నిచోట్ల తమ్ముళ్లు దళారుల అవతారం ఎత్తారు. ఒక్కో పింఛన్‌కు రూ.5 వేల నుంచి రూ.15 వేల వరకు జేబులో వేసుకున్నారు. మరికొన్ని చోట్ల టీడీపీ కార్యకర్తలకు సర్టిఫికెట్లు ఇప్పించి, పింఛన్‌ కోసం దరఖాస్తులు పెట్టించారు. మొత్తం 43,493 దరఖాస్తుల్లో జిల్లా స్థాయిలో 36,342 మాత్రమే ఆమోదించి.. 7,425 తిరస్కరించారు. మళ్లీ రాష్ట్రస్థాయి విచారణలో మరికొంత మంది దరఖాస్తులను తిరస్కరించనున్నారు. ఇలా పింఛన్‌ వస్తే తప్ప ఏదీ తెలియదు. ‘కోడ్‌’ కూస్తే ఏం చేస్తారు? స్థానిక సంస్థల ఎన్నికల్లో లబ్ధి పొందాలనే కూటమి ప్రభుత్వం కొత్త పింఛన్ల మంజూరు అంశాన్ని తెరపైకి తీసుకొచ్చింది. దరఖాస్తులు ఆహ్వానించినా, అర్హులకు అక్టోబర్‌ 1వ తేదీనే పింఛన్లు ఇచ్చేసి ఉండొచ్చు. వెంటనే పింఛన్‌ ఇస్తే తమను మరచిపోయే ప్రమాదం ఉందని, పంచాయతీ–మునిసిపల్‌ ఎన్నికలు దగ్గర పడినప్పుడు పింఛన్‌ పంపిణీ చేద్దామని పచ్చ ప్రణాళిక రూపొందింది. ఇప్పటికే స్థానిక సంస్థల ఎన్నికలకు హైకోర్టు పచ్చ జెండా ఊపడంతో, పింఛన్‌ అందేలోపు మరో మూడు నెలల సమయం పట్టనుంది. ఈ లోపు ఎన్నికల కోడ్‌ వచ్చే అవకాశం ఉంది. ఇవన్నీ తెలిసే, కూటమి ప్రభుత్వం అభాగ్యుల భావోద్వేగాలతో పింఛన్‌ పేరు చెప్పి ఆడుకుంటోంది. ఏళ్లుగా నిరీక్షణే కుప్పం మండలం దాసేగానూరుకు చెందిన రత్నమ్మ భర్త 18 ఏళ్ల క్రితం చనిపోయాడు. ఆమె వ్యవసాయ పనులు చేసుకుంటూ జీవనం సాగిస్తోంది. కొడుకు తిరుపతిలో ఉంటూ అక్కడి ట్రాన్స్‌కో సంస్థలో పనిచేస్తూ అక్కడే ఉంటున్నాడు. తనకు పింఛన్‌ ఇప్పించాలని రత్నమ్మ ఎక్కని ప్రభుత్వ కార్యాలయ గడపలేదు. కరుణించమని అడగని అధికారిలేడు. తాజాగా కొత్త పింఛన్‌ కోసం దరఖాస్తు చేసుకుంది. ఒకటో తేదీ ఇంటి వద్దకే వచ్చి నీకు పింఛన్‌ ఇస్తారు అని అధికారులు భరోసా ఇచ్చారు. కానీ రత్నమ్మకు ఒకటో తేదీన భరోసా అందలేదు. రెండేళ్లుగా తిరుగుతున్నా పింఛన్‌ అందలేదు ఈయన పేరు షణ్ముగం. నగరి మండలం కావేటిపురం దళితవాడకు చెందిన వారు. ఈయనకు భార్య, ఇద్దరు పిల్లలు ఉన్నారు. కూలి పని చేసుకుంటూ కుటుంబాన్ని పోషించేవాడు. రెండేళ్ల క్రితం జరిగిన రోడ్డు ప్రమాదంలో కాలు తీసేశారు. దీంతో పనులు చేయలేక పూల దుకాణంలో ఆకులు కత్తిరించే పనిచేస్తున్నాడు. వచ్చే అంతంత మాత్రం డబ్బులతో బతుకు బండిని లాగుతున్నాడు. వికలాంగ పెన్షన్‌ కోసం రెండేళ్లుగా కార్యాలయాల చుట్టూ తిరుగుతున్నాడు. కొత్తగా పెన్షన్‌ మంజూరైందని అధికారులు చెబుతున్నా నేటి వరకు పెన్షన్‌ ఇతనికి అందలేదు. జీవనాధారం లేకుండా పోయింది ఈమె పేరు అమరజ్యోతి. గుడిపాల మండలం వసంతాపురం గ్రామం. ఈమె భర్త రెండున్నరేళ్ల క్రితం మృతిచెందాడు. అప్పటి నుంచి పింఛన్‌కోసం ఎన్ని దరఖాస్తులు చేసుకున్నా రాలేదు. ఆమె భర్త గతంలో ఓ ఫ్యాక్టరీలో పనిచేస్తూ నెలకు రూ.20 వేలు సంపాదించి కుటుంబపోషణ చూసుకునే వాడు. ప్రస్తుతం ఆయన లేకపోవడంతో జీవనాధారం లేకుండా పోయింది. కొత్తగా దరఖాస్తు చేసుకున్న వారికి అక్టోబర్‌ 1వ తేదీన పింఛన్‌ ఇస్తామని ప్రభుత్వం చెప్పడంతో ఎంతో ఆశ పడింది. కొత్త పింఛన్లు ఇవ్వలేదు. వెంటనే ఇచ్చే విధంగా చూస్తే బాగుంటుందని ఆమె పేర్కొంది. ఒకటో తేదీన పింఛన్‌ ఇస్తారని అభాగ్యుల ఆశలు జిల్లాలో కొత్త ఫించన్ల వివరాలు కేటగిరీ దరఖాస్తులు తిరస్కరణ వృద్ధులు 23,793 4,218 వితంతువులు 8,804 1576 దివ్యాంగులు 7,129 971 డప్పు కళాకారులు 3,816 311 చర్మకారులు 524 78 ఒంటరి మహిళలు 327 73 కళ్లు గీత కార్మికులు 127 33 చేనేత కార్మికులు 141 129 మత్స్యకారులు 77 34 ట్రాన్స్‌జెండర్లు 11 2

కాణిపాకం: కాణిపాక శ్రీ స్వయంభు వరసిద్ధి వినాయక స్వామిని గురువారం ఇస్రో మాజీ చైర్మన్‌, అంతరిక్ష పరిశోధన కమిషన్‌ సభ్యుడు ఏఎస్‌ కిరణ్‌కుమార్‌ దర్శించుకున్నారు. ఆలయం వద్దకు చేరుకున్న ఆయనకు దేవస్థానం ఏఈఓ రవీంద్రబాబు, సిబ్బంది ఘనంగా స్వాగతం పలికి స్వామివారి ప్రత్యేక దర్శన ఏర్పాట్లు చేశారు. అనంతరం వేద పండితులు ఆశీర్వచనం చేయగా, ఏఈఓ రవీంద్రబాబు స్వామివారి శేషవస్త్రం కప్పి, చిత్రపటంతో పాటు తీర్థప్రసాదాలు అందజేశారు. కార్యక్రమంలో ఆలయ సూపరింటెండెంట్లు కోదండపాణి, వాసు, టెంపుల్‌ ఇన్‌స్పెక్టర్‌ బాలాజీ నాయుడు తదితరులు పాల్గొన్నారు. అభ్యర్థులకు హాల్‌ టికెట్ల పంపిణీ చిత్తూరు రూరల్‌ (కాణిపాకం): చిత్తూరులోని 8వ బెటాలియన్‌ ఏపీఎస్పీలో వివిధ అవుట్‌సోర్సింగ్‌ ఉద్యోగాలకు ఎంపికై న అభ్యర్థులకు హాల్‌ టికెట్లు పంపిణీ చేయనున్నట్లు బెటాలియన్‌ కమాండెంట్‌ కె.రామచంద్రమూర్తి తెలిపారు. దరఖాస్తుల పరిశీలన పూర్తి కావడంతో షార్ట్‌లిస్ట్‌ తయారుచేశామని వెల్లడించారు. ఆ జాబితాలోని అభ్యర్థులకు అక్టోబర్‌ 5, 6 తేదీల్లో హాల్‌ టికెట్లు అందజేయనున్నట్లు పేర్కొన్నారు. అభ్యర్థులు ఉదయం 10 నుంచి సాయంత్రం 5 గంటల మధ్య ఇరువారం గ్రామంలోని జిల్లా పోలీస్‌ శిక్షణా కేంద్రంలో ఉన్న కమాండెంట్‌ కార్యాలయంలో నేరుగా హాజరై హాల్‌ టికెట్లు తీసుకోవాలని సూచించారు. అభ్యర్థులు తమతో పాటు ఒరిజినల్‌ గుర్తింపు కార్డు తప్పనిసరిగా తీసుకురావాలని తెలిపారు. నిర్ణీత తేదీల్లో హాల్‌ టికెట్లు తీసుకోకపోతే కార్యాలయం బాధ్యత వహించదని స్పష్టం చేశారు. పూర్తి వివరాల కోసం 9440456433, 9703545843 నంబర్లలో సంప్రదించాలని కోరారు. చిత్తూరు, తిరుపతిలో డీఎస్పీల బదిలీ సాక్షి, చిత్తూరు: చిత్తూరు, తిరుపతి జిల్లాలో పనిచేస్తున్న పలువురు డీఎస్పీలు బదిలీ అయ్యారు. ఈ మేరకు రాష్ట్ర డీజీపీ హరీష్‌కుమార్‌ గుప్త గురువారం ఉత్తర్వులు జారీ చేశారు. చిత్తూరు మహిళా స్టేషన్‌లో పనిచేస్తున్న శ్రీనివాసులును గుంతకల్లుకు, చంద్రగిరిలో ఉన్న బి.ప్రసాద్‌ను మదనపల్లెకు, పోస్టింగ్‌ కోసం వేచివున్న ఎస్‌.చంద్రశేఖర్‌ను నగరికి, బాపట్లలో పనిచేస్తున్న పి.జగదీష్‌ నాయక్‌ను చంద్రగిరికి బదిలీ చేశారు.

చిత్తూరు కార్పొరేషన్‌: రాష్ట్ర ప్రభుత్వం గురువారం స్వర్ణాంధ్ర– స్వచ్ఛాంధ్ర అవార్డులను ప్రకటించింది. జెడ్పీ సమావేశ మందిరంలో శుక్రవారం సాయంత్రం 4 గంటలకు అవార్డుల ప్రదానం కార్యక్రమం నిర్వహించనున్నారు. ఇందులో కలెక్టర్‌ సుమిత్‌కుమార్‌, ప్రజాప్రతినిధులు పాల్గొని సంబంధింత శాఖల అధికారులకు అవార్డులు అందజేస్తారు. రాష్ట్ర స్థాయిలో 5, జిల్లా స్థాయిలో 64 అవార్డులు ఇవ్వనున్నారు. జిల్లాలోని ఈ అవార్డులను స్వచ్ఛ మున్సిపాలిటీలు, పంచాయతీలు, పాఠశాలలు, ఆస్పత్రులు, రైతు బజార్లు, బస్‌ స్టేషన్లు, అంగన్‌వాడీ కేంద్రాలు, పరిశ్రమలు, హాస్టళ్ల సిబ్బందికి అందజేయనున్నారు. చిత్తూరు ప్రభుత్వాస్పత్రికి రూ.10.50 లక్షల విరాళం చిత్తూరు కలెక్టరేట్‌ : చిత్తూరు ప్రభుత్వ సర్వజన ఆస్పత్రి ఆధునీకరణ, మౌలిక వసతుల కల్పనకు చిత్తూరు జిల్లా పండ్ల పరిశ్రమల సమాఖ్య సభ్యులు, ఒక యువకుడు రూ.10.50 లక్షల విరాళం అందజేశారు. వారు గురువారం కలెక్టర్‌ సుమిత్‌ కుమార్‌గాంధీని కలిసి చెక్కులు అందజేశారు. అదే విధంగా తవణంపల్లి మండలం గొల్లపల్లికి చెందిన గుర్రం వెంకటసిద్ధార్థ అనే యువకుడు తనవంతుగా ఆస్పత్రికి రూ.50 వేల విరాళం ఇచ్చారు. ఈ నిధులతో ఆస్పత్రిలోని ప్రసూతి, ఆర్థోపెడిక్‌ విభాగాలను ఆధునీకరించడంతో పాటు రోగులకు అవసరమైన అధునాతన వైద్య పరికరాలను సమకూర్చనున్నట్లు సమాఖ్య ప్రతినిధులు వెల్లడించారు. కార్పొరేట్‌ సామాజిక బాధ్యత (సీఎస్‌ఆర్‌) కింద ముందుకు వచ్చి ప్రభుత్వ ఆస్పత్రి అభివృద్ధికి ఆర్థిక సాయం ప్రకటించిన చిత్తూరు జిల్లా పండ్ల పరిశ్రమల సమాఖ్య ప్రతినిధులను, దాత వెంకటసిద్ధార్థను కలెక్టర్‌ సుమిత్‌ కుమార్‌ ప్రత్యేకంగా అభినందించారు. సమాజ హితం కోసం ఇటువంటి సేవా కార్యక్రమాల్లోకి మరిన్ని పరిశ్రమల ప్రతినిధులు, దాతలు ముందుకు రావాలని పిలుపునిచ్చారు. కార్యక్రమంలో పండ్ల పరిశ్రమల ప్రతినిధులు రఘురాం చౌదరి, కట్టమంచి బాబి, సిద్ధార్థ్‌, మనోహర్‌, సుదర్శన్‌, చంద్రమోహన్‌, ఈశ్వర్‌, బషీర్‌ తదితరులు పాల్గొన్నారు.

పూతలపట్టు(యాదమరి): చదువుల తల్లి ఒడిలో నిశ్చింతగా గడపాల్సిన విద్యార్థులను ముందస్తు అనుమతులు తీసుకోకుండా ఘాట్‌ రోడ్లు, లోయలతో కూడిన ప్రమాదకర ప్రాంతాలకు తీసుకెళ్లడం పూతలపట్టులో కలకలం రేపుతోంది. స్థానిక జెడ్పీ హైస్కూల్‌కు చెందిన కొందరు ఉపాధ్యాయుల అత్యుత్సాహం ఆ విద్యార్థుల కుటుంబాల్లో ఆందోళన నింపింది. జిల్లా విద్యాశాఖ ఉన్నతాధికారుల నుంచి ఎలాంటి రాతపూర్వక అనుమతులు తీసుకోకుండానే మంగళవారం తొమ్మిది, పదో తరగతికి చెందిన 60 మంది విద్యార్థులను ఊటీకి విహారయాత్రకు తీసుకెళ్లడం చర్చనీయాంశంగా మారింది. నిజానికి ప్రభుత్వ పాఠశాలల నుంచి విద్యార్థులను విహారయాత్రలకు తీసుకెళ్లాలంటే కఠినమైన నిబంధనలు ఉన్నాయి. విద్యాశాఖ అనుమతితో పాటు, రూట్‌మ్యాప్‌, విద్యార్థుల భద్రతపై హామీ పత్రం తప్పనిసరి. విద్యార్థుల విజ్ఞాన వికాసానికి ఉపయోగపడే ఏ సైన్స్‌ సెంటర్లకో అనుమతులు ఇస్తారు. పూతలపట్టు జెడ్పీ హైస్కూల్‌ టీచర్లు ఈ నియమాలను తుంగలో తొక్కారు. గుట్టుచప్పుడు కాకుండా ఊటీకి తీసుకెళ్లారు. ప్రస్తుత అక్కడి వాతావరణం, ప్రమాదకర లోయల గురించి వింటున్న తల్లిదండ్రులు తమ పిల్లల భద్రతపై ఆందోళన చెందుతున్నారు. ఏదైనా జరగరాని ప్రమాదం జరిగితే ఎవరు బాధ్యత వహిస్తారని ప్రశ్నిస్తున్నారు. అప్పులు చేసి మరీ.. ఈ యాత్ర వెనుక బలవంతపు వసూళ్ల పర్వం నడిచినట్లు ఆరోపణలు వస్తున్నాయి. ఊటీ వెళ్లడానికి ఒక్కొక్కరు రూ.3 వేలు కట్టాలని ఉపాధ్యాయులు చెప్పారు. దీంతో పిల్లలు ఇళ్లలో తల్లిదండ్రులను పీడించారు. పిల్లల మనసు ఎక్కడ నొచ్చుకుంటుందోనని ఆర్థిక స్థోమత లేకపోయినా చాలా మంది అప్పు చేసి రూ.4 వేల నుంచి రూ.5 వేలు ఇచ్చి పింపించినట్టు సమాచారం. ఈ నిబంధనల ఉల్లంఘన వ్యవహారం బయటకు పొక్కడంతో ఉపాధ్యాయులు ఒక్కొక్కరు ఒక్కోలా వివరణ ఇచ్చారు. స్కూల్లోని ఒక ఉపాధ్యాయుడి ఒత్తిడి భరించలేకే తాము ఈ యాత్రకు ఒప్పుకోవాల్సి వచ్చిందని కొందరు ఉపాధ్యాయులు అంతర్గతంగా లబోదిబోమంటున్నారు. మరికొందరు మాత్రం మేమేం బలవంతం చేయలేదు, పిల్లలే ఊటీ చూడాలని పట్టుబట్టారు, వారి కోరిక మేరకే తీసుకెళ్లాం అంటూ తప్పును విద్యార్థుల పైకి నెట్టేసి సమర్థించుకునే ప్రయత్నం చేస్తుండడం గమనార్హం. ఈ అంశంపై డీఈఓ లక్ష్మీనారాయణను వివరణ కోరగా యాత్రకు ఎలాంటి అనుమతులు ఇవ్వలేదన్నారు. విద్యార్థుల భద్రత విషయంలో ఇలాంటి అలసత్వాన్ని సహించేది లేదని స్పష్టం చేశారు. నిబంధనలు ఉల్లంఘించిన ఉపాధ్యాయులకు నోటీసులు జారీ చేస్తామని, దీనిపై సమగ్ర విచారణ జరిపి బాధ్యులపై శాఖాపరమైన చర్యలు తీసుకుంటామని తెలిపారు.

ప్రచారానికి ప్రజా ధనంచిత్తూరు కలెక్టరేట్‌ : సీఎం చంద్రబాబు తన ప్రచారానికి ప్రజా ధనాన్నియథేచ్ఛగా దుర్వినియోగం చేస్తున్నారని మాజీ వలంటీర్లు ఆగ్రహం వ్యక్తం చేస్తున్నారు. గత ప్రభుత్వంలో తాము ఇంటింటికీ వెళ్లి ప్రభుత్వ సేవలు అందిస్తుంటే తప్పుడు ప్రచారం చేశారని దుయ్యబడుతున్నారు. రాత్రింబవళ్లు కష్టపడిన తమకు రూ.5 వేలు గౌరవ వేతనం ఇస్తేనే ప్రజాధనం వృథా చేస్తున్నారని గగ్గోలు పెట్టారని, ఇప్పుడేమో ప్రజాధనాన్ని ఇలా ప్రచారానికి వాడుకోవడం ఎక్కడి న్యాయమని మండిపడుతున్నారు.నీతి, మతిలేని చర్య ప్రజలకు విశేష సేవలు అందించిన వలంటీర్లకు రూ.10 వేల జీతం ఇస్తామని హామీ ఇచ్చిన కూటమి నేతలు మాట తప్పారు. అధికారంలోకి వచ్చాక వలంటీర్ల పొట్టకొట్టారు. లక్షలాది మందిని వీధుల పాలు చేశారు. ఇంటి ముంగిటే అందుతున్న సేవను సైతం దూరం చేశారు. నేడు కంటెంట్‌ క్రియేటర్ల పేరుతో ప్రభుత్వం ప్రచారం కోసం ప్రజాధనాన్ని దోచి పెట్టడం నీతి, మతి లేని చర్య. – జాకీర్‌, మాజీ వలంటీర్‌, చిత్తూరు కరోనా సమయంలో వలంటీర్లు ఇంటింటికీ వెళ్లి సేవలు అందించారు. వేకువజామునే గడపగడపకూ వెళ్లి పింఛన్లు పంపిణీ చేశారు. వలంటీర్లకు ఇచ్చిన హామీని ప్రభుత్వం మరిచింది. రూ.5 వేల గౌరవ వేతనంతోనే ప్రజాధనం దుర్వినియోగమైందని విమర్శించిన ఈ పాలకులు ఇప్పుడు సొంత డబ్బా కొట్టుకునేందుకు రూ.లక్షలు చెల్లిస్తామని జీవో విడుదల చేశారు. ఇది కాదా దుర్వినియోగం. – సుస్మిత్‌, మాజీ వలంటీర్‌, చిత్తూరు

గంగాధర నెల్లూరు: మండలంలోని ముసలయ్యగారిపల్లి రోడ్డు సమీపంలో తర్చూ రు–బెంగళూరు హైవేపై గురువారం బైక్‌ ఢీకొనడంతో గుర్తు తెలియని వ్యక్తి మృతి చెందాడు. పోలీసుల కథనం మేరకు.. మండలంలో ముసలయ్యగారిపల్లి రోడ్డు సమీపంలోని తర్చూరు–బెంగళూరు హైవేపై గుర్తుతెలియని వ్యక్తి నడుచుకుని వెళ్తున్నాడు. అదే దారిలో చైన్నె వైపు బైక్‌లో ప్రయాణిస్తున్న వ్యక్తి ఢీకొన్నాడు. తీవ్రంగా గాయపడిన ఆ వ్యక్తి అక్కడికక్కడే మృతిచెందాడు. బైక్‌లో వెళుతున్న వ్యక్తి కూడా గాయపడ్డాడు. అన్ని స్థానికులు ఆస్పత్రికి తరలించారు. గుర్తు తెలియని వ్యక్తి మృతదేహాన్ని చిత్తూరు ప్రభుత్వ ఆస్పత్రి మార్చరీలో ఉంచామని, అతని ఆచూకీ తెలిసిన వారు జీడీ నెల్లూరు పోలీస్‌ స్టేషన్‌లో సంప్రదించాలని సీఐ కృష్ణమోహన్‌ తెలిపారు. చిత్తూరులో పోలీస్‌ యాక్ట్‌ అమలు చిత్తూరు రూరల్‌ (కాణిపాకం): చిత్తూరు సబ్‌–డివిజన్‌ పరిధిలో శాంతిభద్రతల పరిరక్షణ నిమిత్తం గురువారం నుంచి 31వ తేదీ వరకు 30 పోలీస్‌ యాక్ట్‌ అమలు చేస్తున్నట్టు డీఎస్పీ జె.వెంకటనారాయణ తెలిపారు. సబ్‌–డివిజన్‌ పరిధిలో పోలీసుల అనుమతి లేకుండా సభలు, సమావేశాలు, ర్యాలీలు, ధర్నాలు, రాస్తారోకోలు నిర్వహించరాదని పేర్కొన్నారు. నిబంధనలను ఉల్లంఘించి శాంతిభద్రతలకు విఘాతం కలిగిస్తే చట్టపరంగా కఠిన చర్యలు తీసుకుంటామని హెచ్చరించారు. చిత్తూరు వన్‌ టౌన్‌, టూ టౌన్‌, తాలూకా, జి.డి.నెల్లూరు, బీఎన్‌ఆర్‌ పేట, పెనుమూరు, యాదమరి, గుడిపాల, తవణంపల్లి, కాణిపాకం, పూతలపట్టు, ఐరాల, కల్లూరు, రొంపిచెర్ల పోలీస్‌ స్టేషన్ల పరిధిలో ఈ ఆంక్షలు అమలులో ఉంటాయని వివరించారు. ప్రజల రక్షణ, శాంతిభద్రతల దృష్ట్యా తీసుకున్న ఈ నిర్ణయానికి ప్రజలందరూ సహకరించాలని డీఎస్పీ కోరారు. ఉద్యోగం రాలేదని యువకుడి ఆత్మహత్య కార్వేటినగరం: ఉద్యోగం రాకపోవడంతో జీవితంపై విరక్తి చెందిన యువకుడు ఆత్మహత్యకు పాల్పడిన సంఘటన మండలంలో ఆలస్యంగా వెలుగులోకి వచ్చింది. స్థానికుల కథనం మేరకు.. కేఎంపురం గ్రామానికి చెందిన పి.ముత్యాలు కుమారుడు పి.వేణు(28) డిగ్రీ, డైట్‌ విద్యనభ్యసించాడు. అతను ఎక్కడికి వెళ్లినా ఉద్యోగం దొరకకపోవడంతో జీవితంపై విరక్తి చెందాడు. గత నెల 28వ తేదీన విషపు ఆకు తిని ఆత్మహత్యకు యత్నించాడు. కుటుంబ సభ్యులు అతన్ని తిరుపతిలోని ఆస్పత్రికి తరలించారు. అక్కడ చికిత్స పొందుతూ 30వ తేదీ రాత్రి మృతి చెందాడు. కుటుంబ సభ్యుల ఫిర్యాదు మేరకు కార్వేటినగరం పోలీసులు కేసు నమోదు చేసినట్లు వెల్లడించారు. మద్యం దుకాణాలకు ‘సిండికేట్‌’ సమస్య – 18 దుకాణాలకు 28 దరఖాస్తులు – ముగిసిన గడువు సాక్షి, చిత్తూరు: జిల్లాలో రెన్యువల్‌ చేసుకోకుండా మిగిలిపోయిన 19 మద్యం దుకాణాల నిర్వహణ కోసం అధికారులు దరఖాస్తులు ఆహ్వానించగా.. సిండికేట్‌ సమస్య తలెత్తింది. గురువారం అర్ధరాత్రి వరకు గడువు ఉండగా, చివరి సమయానికి 28 దరఖాస్తులు అందినట్లు తెలిసింది. అన్‌–రిజర్వుడు కేటగిరీలో 18 దుకాణాలకు 28 దరఖాస్తులు అందినట్లు సమాచారం. దీంతో ఒక్కో దుకాణానికి కనీసం నాలుగు దరఖాస్తులు వస్తేనే లక్కీడిప్‌ తీస్తామని ఇప్పటికే అధికారులు ప్రకటించడంతో.. అన్ని దుకాణాలకు నాలుగు దరఖాస్తులు పడలేదని తెలుస్తోంది. ఈనెల 5వ తేదీన చిత్తూరు కలెక్టరేట్‌ కార్యాలయంలో లక్కీడిప్‌ ప్రక్రియ నిర్వహిస్తారు. ఒక్కో దుకాణానికి నాలుగు దరఖాస్తులు రానిపక్షంలో.. వాటికి మళ్లీ నోటిఫికేషన్‌ ఇవ్వనున్నారు.

కుప్పం రూరల్‌ : కుప్పం పట్టణ సమీపంలోని తంబిగానిపల్లి వద్ద జాతీయ రహదారిపై ఉన్న ఇండియా –1 ఏటీఎంలో బుధవారం అర్ధరాత్రి దుండగులు చోరీకి యత్నించారు. గమనించిన పక్కన ఉన్న వారు కేకలు వేయడంతో దుండగులు పారిపోయారు. దుండగులు అప్పటికే డిస్‌ప్లేను తొలగించి ఏటీఎం వెనుక భాగాన్ని కొంతమేరకు ధ్వంసం చేసినట్టు స్థానికులు గుర్తించారు. సమాచారం అందుకున్న పోలీసులు గురువారం ఉదయం విచారణ చేపట్టారు. ఏటీఎంలో ఎంత నగదు ఉంది? ఎంత చోరీకి గురైంది అనే విషయాలపై ఆరా తీశారు. కార్వేటినగరం సీఈఓ సస్పెన్షన్‌ – క్రిమినల్‌ కేసు నమోదుకు జిల్లా కలెక్టర్‌ ఆదేశం చిత్తూరు రూరల్‌ (కాణిపాకం): ప్రాథమిక వ్యవసాయ సహకార సంఘంలో చోటుచేసుకున్న ఆర్థిక అక్రమాలు, అవినీతి ఆరోపణల నేపథ్యంలో కార్వేటినగరం సహకార సంఘం సీఈఓ ఎస్‌.దుష్యంత్‌ కుమార్‌ను సస్పెండ్‌ చేశారు. ఈ మేరకు కలెక్టర్‌ గురువారం ఉత్తర్వులు జారీ చేశారు. ఆయనపై క్రిమినల్‌ కేసు నమోదు చేయాలని ఆదేశించారు. కార్వేటినగరం సహకార సంఘంలో సీఈవో దుష్యంత్‌ కుమార్‌ నిబంధనలను పక్కనబెట్టి పెద్ద ఎత్తున ఆర్థిక అక్రమాలకు పాల్పడినట్లు ఆరోపణలు వచ్చాయి. నిబంధనలకు విరుద్ధంగా బంగారం, ఇతర రుణాలను రూ.కోట్లలో మంజూరు చేశారు. రైతులు చెల్లించిన నగదు, డిపాజిట్లను ఖాతాల్లో జమ చేయకుండా, పూర్తయిన రుణాలను మళ్లీ తెరిచి చూపించడం, అర్హతలేని వారికి రుణాలు ఇవ్వడం తదితర అవకతవకలకు పాల్పడ్డారు. దీనిపై జిల్లా సహకార కేంద్ర బ్యాంకు, జిల్లా కలెక్టర్‌ సహా ముఖ్యమంత్రి కార్యాలయానికి పలువురు ఫిర్యాదులు చేశారు. ఈ క్రమంలో జిల్లా సహకార శాఖ నుంచి సీనియర్‌ ఇన్‌స్పెక్టర్‌ సులోచన నేతృత్వంలో అధికారులు విచారణ చేపట్టారు. దుష్యంత్‌ కుమార్‌ విచారణకు సహకరించకుండా నిర్లక్ష్యంగా వ్యవహరించారు. అన్యాయాన్ని చెప్పడానికి వచ్చిన బాధితులు, రైతులను దూషిస్తూ దాడికి దిగారు. దీనిపై సీనియర్‌ ఇన్‌స్పెక్టర్‌ నివేదిక అందించడంతో జిల్లా కలెక్టర్‌ తీవ్రంగా పరిగణించారు. జిల్లా స్థాయి సాధికార కమిటీ, జిల్లా సహకార కేంద్ర బ్యాంకు యాజమాన్య మండలి సంయుక్తంగా తీర్మానం చేసి దుష్యంత్‌ కుమార్‌ను తక్షణమే సస్పెండ్‌ చేస్తూ ఉత్తర్వులు జారీ చేశారు. నిధుల దుర్వినియోగంపై వెంటనే క్రిమినల్‌ కేసు నమోదు చేయాలని ఆదేశాలు జారీ చేశారు. ఆయన స్థానంలో సహాయ కార్యనిర్వాహకుడు పి.నరే్‌ష్‌కు ఇన్‌చార్జ్‌ బాధ్యతలు అప్పగించారు. ఈ కుంభకోణంపై లోతుగా విచారణ జరిపి చట్టపరమైన చర్యలు తీసుకుంటామని సహకార శాఖ ఉన్నతాధికారులు స్పష్టం చేశారు.

చిత్తూరు కార్పొరేషన్‌: వన్యప్రాణుల సంరక్షణ కోసం ప్రభుత్వం, వైల్డ్‌ లైఫ్‌ అధికారులు ప్రత్యేక చర్యలు తీసుకుంటున్నప్పటికీ ఎక్కడో ఒకచోట వేటగాళ్లు ఉచ్చు బిగించి మూగజీవాల ప్రాణాలను తోడేస్తున్నారు. ఇప్పటికే కొన్ని జాతులు పూర్తిగా కనుమరుగు కాగా, మరికొన్ని అంతరించిపోయే దశకు చేరుకున్నాయి. ఈ నేపథ్యంలో వన్యప్రాణుల సంరక్షణపై అవగాహన కల్పించేందుకు ప్రతిఏటా అక్టోబర్‌ 2 నుంచి 8వ తేదీ వరకు అటవీశాఖ ఆధ్వర్యంలో వన్యప్రాణి వారోత్సవాలను నిర్వహిస్తున్నారు. జంతువులను ప్రతిఒక్కరూ ఆదరించాలని, వాటిని సంరక్షించాల్సిన బాధ్యత అందరిపైనా ఉందని వైల్డ్‌ లైఫ్‌ అధికారులు చెబుతున్నారు. 1.75 లక్షల హెక్టార్లలో అటవీ ప్రాంతం చిత్తూరు జిల్లాలో 1.75 లక్షల హెక్టార్లలో అటవీ ప్రాంతం విస్తరించి ఉంది. ముఖ్యంగా పలమనేరు, కుప్పం, చిత్తూరు, పూతలపట్టు, గుడిపాల, పెనుమూరు, జీడీనెల్లూరు, పాలసముద్రం, ఎస్‌ఆర్‌పురం ప్రాంతాల్లో అడవులు ఉన్నాయి. వీటిలో సింహాలు మినహా అన్ని రకాల జంతువులు ఉన్నాయి. ప్రధానంగా ఏనుగులు, హైనాలు, ఎలుగుబంట్లు, జింకలు, నెమళ్లు, దేవాంగపిల్లి, దుప్పి, తోడేళ్లు, నక్కలు, అడవి కుందేళ్లు, పావురాలు, కోళ్లు, కొండచిలువలు, అటవిపిల్లి, వేటకుక్కలు, తాచుపాము, నీళ్లపాము, తాబేలు వంటి 50 రకాల జాతుల జంతువులు ఉన్నట్లు అటవీశాఖ అఽధికారులు గుర్తించారు. 357.62 చదరపు కిలోమీటర్ల కౌండిన్య కౌండిన్య అభయారణ్యం 357.62 చదరపు కిలోమీటర్ల పరిధిలో విస్తరించి ఉంది. చిత్తూరు, పలమనేరు, కుప్పం, పుంగనూరు రేంజ్‌లను కలిపి రాయల్‌ ఎలిఫెంట్‌ రేంజ్‌గా పిలుస్తారు. కుప్పం రేంజ్‌ నుంచి పలమనేరు వరకు కౌండిన్య అటవీ ప్రాంతంలో వన్యప్రాణి జంతువులు ఎక్కువగా ఉన్నట్లు అదికారులు గుర్తించారు. 2018లో జంతు గణన చేపట్టి జంతువుల కదలికలను గుర్తించారు. ఆ తర్వాత 2022 జనవరిలోనూ మరోసారి జంతుగణన చేపట్టారు. ఇక్కడ ఏనుగులతోపాటు ఇతర జంతువులు కూడా ఉన్నట్టు గుర్తించారు. వాటి సంరక్షణ కోసం బేస్‌ క్యాంపులు ఏర్పాటు చేసి ప్రత్యేక గస్తీ చేపట్టారు. కౌండిన్య అటవీ ప్రాంతంపచ్చటి చెట్ల నీడన ప్రశాంతంగా విహరించాల్సిన మూగజీవాల గుండెల్లో తూటాల భయం నిద్రపోనివ్వడం లేదు. ప్రభుత్వాలు కోట్లు కుమ్మరించి రక్షణ ప్రణాళికలు రచిస్తున్నా, అటవీ సరిహద్దుల్లో నిఘా కళ్లు కప్పి వేటగాళ్లు ఉచ్చు బిగిస్తూనే ఉన్నారు. ఒకవైపు అరుదైన వన్యప్రాణి జాతులు అంతరించిపోతుండగా, మరోవైపు ఉన్నవాటి సంఖ్య రోజురోజుకూ ప్రమాదకర స్థాయికి పడిపోతోంది. అటవీ సంపదను, జీవవైవిధ్యాన్ని కాపాడాలిసన బాధ్యతను గుర్తు చేస్తూ నేటి నుంచి వన్యప్రాణుల వారోత్సవాలు మొదలవుతున్న వేళ.. ఈ వేడుకలు ప్రచార ఆర్భాటానికే పరిమితం కాకుండా మూగ జీవాల ప్రాణాలకు నిజమైన రక్షణ కవచాన్ని నిర్మించాల్సిన అవసరం ఎంతైనా ఉంది. సంరక్షిద్దాం అరణ్యంలో జీవించే వన్యప్రాణులకు మనుషులంటే భయం. వన్యప్రాణుల సంరక్షణ కోసం చట్టాలు తీసుకొస్తున్నప్పటికీ ఏటా మూగ జీవాల్ని వేటాడటం మానడం లేదు. ఇక ఆహారం కోసం దారి తప్పి వస్తున్న జంతువులు విద్యుత్‌ షాక్‌తోపాటు ప్రమాదాలకు లోనై మరణిస్తున్నాయి. అడవి ప్రాంతంలో వాహనాలు నెమ్మదిగా నడపడం అలవాటు చేసుకోవాలి. రోడ్డు దాటుతున్న జంతువులను రెచ్చగొట్టడం, శబ్దాలు చేస్తూ వాటి పైకి వాహనాలు పొనివ్వడం కూడా అటవీ జంతువుల ప్రాణాలకు ప్రమాదంలో పడేస్తున్నాయి. జంతువులను ప్రేమించి వాటి సంరక్షణపై కనీస అవగాహన ఉంటే తప్ప అడవుల్లోని జీవజాతుల్ని కాపాడుకునే పరిస్థితి ఉండదు. వేటగాళ్ల స్వార్థానికి అంతరించిపోతున్న వన్యప్రాణులు

చిత్తూరు రూరల్‌ (కాణిపాకం): చిత్తూరు మండలం బీఎన్‌ఆర్‌పేట జెడ్పీ పాఠశాలలో నిర్వహించిన పాఠశాల యాజమాన్య కమిటీ ఎన్నికలు తీవ్ర ఉద్రిక్తత, వివాదాల నడుమ ఏకపక్షంగా ముగిశాయి. ఈ ఎన్నికల్లో టీడీపీ నేతల జోక్యం మితిమీరడంతో విద్యార్థుల తల్లిదండ్రులు ఆగ్రహం వ్యక్తం చేశారు. ఈ ఎన్నికలు మంగళవారం జరగాల్సి ఉండగా కోరం లేని కారణంగా మండల విద్యాశాఖ అధికారులు గురువారం ఎన్నికలు నిర్వహించారు. ఉదయం 9 గంటలకే బీఎన్‌ఆర్‌పేట పాఠశాల ప్రాంగణాన్ని టీడీపీ శ్రేణులు పెద్ద ఎత్తున ముట్టడించాయి. ఎన్నికలను ఏకపక్షంగా తమ ఖాతాలో వేసుకోవాలనే పట్టుదలతో నాయకులు వ్యవహరించారు. ఎన్నికల ప్రక్రియ పూర్తి అయ్యేంత వరకు కొందరు నేతలు పాఠశాల హెచ్‌ఎం గదిలోనే కాపు కాయడం, మరికొందరు ప్రాంగణమంతా మోహరించడం చర్చనీయాంశంగా మారింది. అధికారులపై తీవ్ర స్థాయిలో ఒత్తిడి తెచ్చి తమకు అనుకూలంగా నిర్ణయాలు తీసుకునేలా చేసినట్లు ఆరోపణలు వెల్లువెత్తాయి. ఒక ఉపాధ్యాయుడిపై టీడీపీ నేతలు దురుసుగా ప్రవర్తించారు. చేయి ఎత్తకున్నా లెక్కల్లోకి.. ఓటింగ్‌ సమయంలో ఉపాధ్యాయులు సైతం అధికార పార్టీ ఒత్తిళ్లకు తలొగ్గారనే విమర్శలు వినిపిస్తున్నాయి. సభలో కొందరు సభ్యులు చేయి ఎత్తకపోయినప్పటికీ, వారు కూడా మద్దతు తెలిపినట్లే లెక్కలు రాసేశారని తల్లిదండ్రులు ఆరోపించారు. ఈ ఎన్నికల రగడతో పాఠశాల వాతావరణం తీవ్ర ఉద్రిక్తంగా మారింది. ముందు జాగ్రత్తగా 10 మంది పోలీసులతో బందోబస్తు ఏర్పాటు చేయాల్సి వచ్చింది.

నగరి: స్థానిక డిగ్రీ కళాశాల కేవీకే స్టేడియంలో గురువారం 70వ ఎస్‌జీఎఫ్‌ క్రీడల్లో భాగంగా జిల్లా స్థాయి అండర్‌–17, అండర్‌–19 బాలికల క్రికెట్‌ జట్టు ఎంపికకు పోటీలు నిర్వహించారు. జిల్లా నలుమూలల పలువురు క్రీడాకారులు పోటీల్లో పాల్గొని తమ ప్రతిభను ప్రదర్శించారు. ఎంపికై న క్రీడాకారులకు అక్టోబర్‌ 6 నుంచి 9వ తేదీ వరకు ప్రత్యేక శిక్షణ ఇవ్వనున్నట్టు జిల్లా ఎస్‌జీఎఫ్‌ సెక్రటరీలు ఎస్‌ఎం.లోకనాథం, త్రిలోకసుందరి తెలిపారు. ఎంపికై న క్రీడాకారులు అక్టోబర్‌ 10వ తేదీన జరిగే రాష్ట్రస్థాయి పోటీల్లో పాల్గొంటారని పేర్కొన్నారు. ఎంఈవో 2 నమశ్శివాయం, పీసీఎన్‌ జూనియర్‌ కళాశాల ప్రిన్సిపాల్‌ అలెక్స్‌, అధ్యాపకులు వాసు, జిల్లా సెపక్తాకర కార్యదర్శి శరత్‌, మాజీ ఎస్‌జీఎఫ్‌ కార్యదర్శి సురేష్‌, వ్యాయామ ఉపాధ్యాయులు మణి, ప్రకాష్‌ తదితరులు క్రీడాకారులను అభినందించారు.

నగరి: స్థానిక డిగ్రీ కళాశాల కేవీకే స్టేడియంలో బుధవారం జిల్లా ఎస్‌జీఎఫ్‌ సెక్రటరీలు ఎస్‌ఎం.లోకనాథం, త్రిలోకసుందరి ఆధ్వర్యంలో అండర్‌–17, అండర్‌–19 బాలుర జిల్లా క్రికెట్‌ ఎంపిక పోటీలు నిర్వహించారు. జిల్లా నలుమూలల నుంచి ప్రతిభ కలిగిన క్రీడాకారులు పాల్గొని ప్రతిభ చూపారు. వారిలో 30 మందిని ఎంపిక చేశారు. వారికి అక్టోబర్‌ 6 నుంచి 9వ తేదీ వరకు ప్రత్యేక శిక్షణ శిబిరం నిర్వహించనున్నట్లు జిల్లా కార్యదర్శులు తెలిపారు. ఎంపికై న క్రీడాకారులు అక్టోబర్‌ 10వ తేదీన జరిగే రాష్ట్రస్థాయి పోటీలో పాల్గొంటారని పేర్కొన్నారు. పీసీఎన్‌ జూనియర్‌ కళాశాల ప్రిన్సిపాల్‌ అలెక్స్‌, అధ్యాపకులు వాసు, చిత్తూరు వ్యాయామ ఉపాధ్యాయ సంఘం అధ్యక్షుడు దేవానంద్‌, వ్యాయామ ఉపాధ్యాయులు శరత్‌, మణి, రాజా, దాము, ప్రకాష్‌, తదితరులు పాల్గొని క్రీడాకారులను అభినందించారు. వైఎస్సార్‌సీపీ శ్రేణులపై వేధింపుల పర్వం సాక్షి టాస్క్‌ఫోర్స్‌: వైఎస్సార్‌ సీపీ శ్రేణులను వేధించి, భయబ్రాంతులకు గురిచేయడమే లక్ష్యంగా కొన్ని ప్రభుత్వ శాఖలు పనిచేస్తున్నాయి. చిత్తూరు నగరానికి చెందిన వైఎస్సార్‌ సీపీ యువజన విభాగం ప్రధాన కార్యదర్శి చక్రవర్తికి చెందిన మెడికల్‌ షాపుపై బుధవారం ఈగల్‌ బృందంలోని అధికారులు, డ్రగ్‌ ఇన్‌స్పెక్టర్‌ కలిసి దాడులు చేశారు. నగరంలో వందలాది దుకాణాలు ఉన్నప్పటికీ రాజకీయ ఒత్తిళ్లతోనే వైఎస్సార్‌ సీపీకి చెందిన నేతల దుకాణాల్లో దాడులు చేస్తున్నారని చిత్తూరు సమన్వయకర్త విజయానందరెడ్డి దుయ్యబట్టారు. అధికార పార్టీ నేతల ఆదేశాలతో క్రియాశీలకంగా ఉన్న తమ పార్టీ కార్యకర్తలను వేధిస్తే, భవిష్యత్తులో తగిన మూల్యం చెల్లించుకోక తప్పదని హెచ్చరించారు. చేయని నేరానికి గతంలో కూడా చక్రవర్తిని తప్పుడు కేసులో రెండు నెలల పాటు జైల్లో ఉంచారని ఆరోపించారు. ఇటీవల విజయానందరెడ్డిపై ఏఐ వీడియోలు సృష్టిస్తూ సామాజిక మాధ్యమాల్లో కొందరు పోస్టులు పెడుతున్నారని, దీన్ని ప్రతిఘటిస్తూ కౌంటర్‌ పోస్టులు పెడుతుండడంతోనే ఈ దాడులు చేశారనే ఆరోపణలు వెల్లువెత్తుతున్నాయి. ప్రయాణికులను దించేసిన కండక్టర్‌ గుడిపాల: గుడిపాలలో ఆర్టీసీ బస్సు ఎక్కిన ప్రయాణికులకు చేదు అనుభవం ఎదురైంది. బుధవారం ఉదయం 7.30 గంటలకు చిత్తూరు రెండో డిపో బస్సులో 10 మంది విద్యార్థులు, ఐదుగురు ప్రయాణికులు ఎక్కారు. అరకిలోమీటర్‌ వెళ్లిన తర్వాత టికెట్లు కొట్టే మెషిన్‌ పనిచేయలేదంటూ కండక్టర్‌ 15 మందిని దింపేశారు. దీంతో విద్యార్థులు, ప్రయాణికులు నానా ఇబ్బందులు పడ్డారు. కొంతమంది టికెట్‌ మెషిన్‌ పనిచేయకపోతే ప్రత్యామ్నాయంగా టికెట్లు ఇవ్వాలని కోరగా వారు స్పందించలేదు. మెషిన్‌ ఎందుకు పనిచేయలేదని అడగ్గా సరైన సమాధానం చెప్పకుండానే కిందకు దించేశారు. ఆర్టీసీ సిబ్బంది పనితీరుపై మండల ప్రజలు ఆగ్రహం వ్యక్తం చేశారు. చార్జింగ్‌ లేకపోవడంతోనే ఇలా అయ్యిందని అర్టీసీ వర్గాలు తెలిపాయి. టికెట్ల మిషన్‌ను కూడా చార్జింగ్‌ పెట్టుకోలేనంత నిర్లక్ష్యం ఉండడంతో ప్రయాణికులను వేధించడం సరికాదని ప్రజలు మండిపడుతున్నారు. దీనిపై సమగ్ర విచారణ జరిపించాలని డిమాండ్‌ చేస్తున్నారు.

●సీఎం చంద్రబాబు ప్రచార పిచ్చి పరాకాష్టకు చేరింది. కూటమి ప్రచారానికి డప్పు కొట్టండి డబ్బులిస్తామంటూ ప్రకటించడంపై నిరుద్యోగ యువతలో ఆగ్రహం వెల్లుబుకుతోంది. వైఎస్సార్‌ సీపీ పాలనలో రాత్రింబవళ్లు కష్టపడిన సచివాలయ వలంటీర్లకు రూ.5 వేలు గౌరవ భృతి ఇస్తేనే ప్రజాధనం వృథా చేస్తున్నారని చంద్రబాబు, పవన్‌కళ్యాణ్‌ గగ్గోలు పెట్టారు. ఇప్పుడేమో ప్రజాధనాన్ని ఇలా ప్రచారానికి వాడుకుంటున్నారు. ఇదెక్కడి న్యాయం అని ప్రజలు మండిపడుతున్నారు. ఎవడబ్బ సొమ్మని సోషల్‌ మీడియా ఇన్‌ఫ్లుయెన్సర్లకు రూ.లక్షలకు లక్షలు ఇస్తామంటున్నారని పెదవి విరుస్తున్నారు. – చిత్తూరు కలెక్టరేట్‌మహిళలకు ఎగనామం ఎన్నికల్లో మహిళలకు అది చేస్తాం.. ఇది చేస్తాం అంటూ వరాల జల్లు కురిపించారు. ఆడబిడ్డ నిధి అంటూ 18 ఏళ్లు నిండిన ప్రతి ఆడబిడ్డకూ నెలకు రూ.1500 చొప్పున ఇస్తామని చెప్పారు. అధికారంలోకి వచ్చి రెండేళ్లు పూర్తయింది. ఆడబిడ్డ నిధి జాడ లేదు. ఒక పక్క అన్ని ఖర్చులూ పెరిగిపోతోంది. మహిళలకు ఇచ్చేందుకు లేని నిధులు ఇన్‌ఫ్లుయన్సర్స్‌ పాలసీ అని డప్పు కొట్టే బ్యాచ్‌కు ఇస్తామంటున్నారు. ఇదేనా మహిళలకు మంచి చేసే పాలన. ఇన్‌ఫ్లుయన్సర్స్‌కు ఇస్తే ఆర్ధిక భారం పడదా? ఆదాయం సృష్టించడమంటే ఇదేనా? – కె.కవిత, దిగువ కావేటిపురం, నగరి మండలంఉపాధి అవకాశాలు ఏవి? ఏటా జాబ్‌ క్యాలెండర్‌, ఇతర శాఖల్లో ఖాళీగా ఉన్న ప్రభుత్వ ఉద్యోగాలు ఇస్తామని చెప్పి ఓట్లు వేయించుకున్నారు. ఇప్పుడు నిరుద్యోగ యువతకు ఉద్యోగాలు ఇచ్చే మార్గం చూపకుండా, పార్టీ కోసం డప్పు కొడితే డబ్బులు ఇస్తామనడం నిరుద్యోగులను గేలి చేయడమే. ఎవడబ్బ సొమ్మని ప్రజాధనాన్ని సోషల్‌ మీడియాలో డప్పు కొట్టేవారికి తగలేస్తున్నారు? సొంత పార్టీ ప్రచారానికి ప్రభుత్వ ఖజానాను వాడుకోవడం దుర్మార్గం. ఖాళీగా ఉన్న ప్రభుత్వ ఉద్యోగాలను భర్తీ చేయడంపై దృష్టి పెట్టకుండా, యువతను ప్రచార కార్యకర్తలుగా మార్చాలని చూడటం సరికాదు. – రంజిత్‌, నిరుద్యోగివలంటీర్లను నడిరోడ్డుపై నిలబెట్టారు ‘గతంలో మేము కరోనా లాంటి కష్టకాలంలో కూడా ప్రాణాలకు తెగించి గ్రామీణ స్థాయిలో సేవలు అందించాం. నాడు మాకు ఇచ్చే రూ.5 వేల గౌరవ వేతనాన్ని ప్రజాధనం వృథా అంటూ చంద్రబాబు, పవన్‌కళ్యాణ్‌ విమర్శించారు. అధికారంలోకి రాగానే రూ.10 వేలు గౌరవ వేతనం ఇస్తామని హామీ ఇచ్చి మమ్మల్ని నడిరోడ్డులోకి తోసేశారు. ప్రజలకు సేవ చేసిన మాకు ఇచ్చేందుకు డబ్బులు లేవు కానీ, పార్టీ ప్రచారం చేసుకునే సోషల్‌ మీడియా ఇన్‌ఫ్లుయెన్సర్లకు రూ.లక్షలు ధారాదత్తం చేయడానికి డబ్బులు ఉన్నాయా? ఇది ప్రజలను, సేవా దృక్ఫథాన్ని దారుణంగా అవమానించడమే. – అబ్దుల్లా, మాజీ వలంటీర్‌

శాంతిపురం: మండలంలోని రాళ్లబూదుగూరు పోలీస్‌ స్టేషన్‌ పరిధిలో బహిరంగ ప్రదేశాల్లో మద్యం సేవిస్తున్న 16 మందిని అరెస్టు చేసి కుప్పం అడిషనల్‌ జూనియర్‌ సివిల్‌ జడ్జి ముందు హాజరు పరిచినట్టు ఎస్‌ఐ ఐ.నరేష్‌ తెలిపారు. వివిధ ప్రాంతాల్లో మద్యం సేవిస్తున్న వారిని డ్రోన్‌ కెమెరాల సాయంతో గుర్తించి పట్టుకున్నామని పేర్కొన్నారు. న్యాయస్థానం వీరికి ఒక్కొక్కరికి రూ.వెయ్యి చొప్పున జరిమానా విధించినట్టు చెప్పారు. బహిరంగ ప్రదేశాల్లో మద్యం సేవిస్తే చట్ట ప్రకారం చర్యలు తీసుకుంటామని హెచ్చరించారు. పట్టపగలే చోరీ పలమనేరు: పలమనేరు పట్టణంలో దొంగలు రెచ్చిపోతున్నారు. పట్టపగలే చోరీలకు పాల్పడుతున్నారు. మదనపల్లి రోడ్డులో జనసందోహం ఎక్కువగా ఉండే కోటక్‌ మహేంద్ర బ్యాంకు ముందు ఆపిన పాలక్యాన్ల ద్విచక్రవాహనం బుధవారం చోరీకి గురైంది. బాధితుడు తన వాహనం కనిపించలేదని లబోదిబోమంటుండగా అక్కడి సీసీ కెమెరాను కొందరు పరిశీలించారు. భిక్షాటన చేసుకునే వేషంలో ఉన్న వ్యక్తి ఏమాత్రం అనుమానం రాకుండా ఆ బండిని చోరీ చేసి నడుపుకుంటూ వెళ్లడం కనిపించింది. బాధితుడు పోలీసులకు ఫిర్యాదు చేశాడు. ఒంటైపె సవారి యాదమరి: మండల కేంద్రమైన యాదమరిలో బుధవారం ఒక ఒంటె ప్రత్యేక ఆకర్షణగా నిలిచింది. సాధారణంగా రాజస్థాన్‌ వంటి ఎడారి ప్రాంతాల్లో ఒంటెలు ఎక్కువగా ఉంటాయి. ఒక ఒంటెను యాదమరిలోకి తీసుకువచ్చారు. దీన్ని చూసేందుకు స్థానికులు, చిన్న పిల్లలు ఉత్సాహం చూపారు. చాలా మంది ఒంటెతో కలసి సెల్ఫీలు దిగుతూ సందడి చేశారు. కొంతమంది తల్లిదండ్రులు నిర్వాహకులకు నిర్ణీత రుసుము చెల్లించి తమ చిన్నారులను ఒంటైపె కూర్చోబెట్టి సవారి చేయించి మురిసిపోయారు. ఒంటైపె స్వయంగా తాము సవారి చేయడంతో చిన్నారుల ఆనందానికి అవధులు లేకుండా పోయాయి. గుర్తు తెలియని వాహనం ఢీకొని వ్యక్తి మృతి పెద్దపంజాణి: మండలంలోని పుంగనూరు–బైరెడ్డిపల్లి మార్గంలోని కత్తార్లపల్లి క్రాస్‌ సమీపంలో మంగళవారం అర్ధరాత్రి గుర్తు తెలియని వాహనం ఢీకొని వ్యక్తి మృతి చెందాడు. పెద్దపంజాణి హెడ్‌కానిస్టేబుల్‌ శంకర్‌ నాయక్‌ కథనం మేరకు.. కర్ణాటక రాష్ట్రం శివమొగ్గ తాలూకా భద్రావతికి చెందిన గంగప్ప కుమారుడు బి.సుందర్‌(44) ప్రస్తుతం వాయల్పాడు మండలం నగిరిమడుగు పంచాయతీ పాతకోటపల్లిలో కాపురం ఉంటున్నాడు. మంగళవారం పెద్దపంజాణి మండలంలోని చిన్నవెలగటూరులోని బంధువుల ఇంటికి వచ్చాడు. పనులు చూసుకుని తిరిగి బయలుదేరాడు. మార్గమధ్యంలోని కత్తార్లపల్లి క్రాస్‌ సమీపంలో గుర్తు తెలియని వాహనం ఢీకొనడంతో అక్కిడికక్కడే మృతి చెందాడు. స్థాని కుల సమాచారంతో హెచ్‌సీ శంకర్‌ నాయక్‌ సంఘటనా స్థలానికి చేరుకుని మృతదేహాన్ని శవ పంచనామా నిమిత్తం పుంగనూరు ప్రభుత్వ ఆస్పత్రికి తరలించారు. బుధవారం కేసు నమోదు చేసి దర్యాప్తు చేస్తున్నారు. మురకంబట్టులో గంజాయి స్వాధీనం చిత్తూరు రూరల్‌ (కాణిపాకం): చిత్తూరు నగర పరిధిలోని మురకంబట్టు ప్రాంతంలో గుట్టుచప్పుడు కాకుండా తరలిస్తున్న గంజాయి దందాను బుధవారం తాలూకా పోలీసులు గుట్టురట్టు చేశారు. విశ్వసనీయ సమాచారంతో దాడులు చేసిన పోలీసులు భారీగా గంజాయిని స్వాధీనం చేసుకుని ఇద్దరిని అదుపులోకి తీసుకున్నారు. పోలీసుల కథనం ప్రకారం.. తమిళనాడు రాష్ట్రం వేలూరు టౌన్‌ తోటపాళ్యానికి చెందిన వై.జయకుమార్‌ (27), సత్తువాచారికి చెందిన మహమ్మద్‌ ఆలీ (27) కూలి పనులు చేస్తూ గంజాయి అక్రమ రవాణాకు అలవాటు పడ్డారు. పూతలపట్టు మండలం బండపల్లి నుంచి 600 గ్రాముల గంజాయి తీసుకొస్తుండగా ముందుగా అందిన పక్కా సమాచారంతో తాలూకా ఎస్‌ఐ అశోక్‌ కుమార్‌ తమ సిబ్బందితో కలిసి మెరుపు దాడులు చేసి వీరిని అదుపులోకి తీసుకున్నారు. నిందితుల వద్ద ఉన్న గంజాయిని స్వాధీనం చేసుకుని, కేసు నమోదు చేసి అరెస్టు చూపించారు.

సాక్షి టాస్క్‌ఫోర్స్‌ : చిత్తూరు నగరపాలక సంస్థలో బుధవారం నిర్వహించిన స్వచ్ఛతాహి సేవా పారిశుద్ధ్య కార్మికుల వైద్య శిబిరం ప్రోటోకాల్‌ రచ్చకు నిలయంగా మారింది. ప్రభుత్వ నిబంధనలకు విరుద్ధంగా, అధికారుల అండదండలతో అధికార పక్షానికి చెందిన మాజీ మేయర్‌ ఆముద, మాజీ డిప్యూటీ మేయర్‌ రాజేష్‌ రెడ్డిలను వేదికపై ఆశీనులను చేయడంపై తీవ్ర స్థాయిలో విమర్శలు వ్యక్తమవుతున్నాయి. ప్రజాధనంతో నిర్వహించే అధికారిక కార్యక్రమాల్లో ప్రోటోకాల్‌ను అధికారులు మట్టిలో కలపడంపై స్థానికులు మండిపడుతున్నారు. జిల్లా కలెక్టర్‌ స్వయంగా చైర్మన్‌గా వ్యవహరిస్తున్న ఈ కమిటీ ఆధ్వర్యంలో జరిగిన కార్యక్రమంలో ప్రజాప్రతినిధుల హోదా లేని మాజీలకు అగ్ర స్థానం ఎలా ఇస్తారని పలువురు ప్రశ్నిస్తున్నారు. పదవులు లేకపోయినా వేదికపైకి చేరేలా అధికారులే సహకరించడంపై తీవ్ర అసంతృప్తి వ్యక్తమవుతోంది. నియమ నిబంధనలను పక్కనబెట్టి, ప్రొటోకాల్‌ను గాలికి వదిలేసిన అధికారుల వైఖరిపై విమర్శల పరంపర కొనసాగుతోంది.

వడమాలపేట (పుత్తూరు) : వడమాలపేట పీఎంశ్రీ జెడ్పీ హైస్కూల్‌లో బుధవారం ఉమ్మడి చిత్తూరు జిల్లా పాఠశాల క్రీడల సమాఖ్య ఆధ్వర్యంలో అండర్‌– 17, 19 బాల బాలికల ఉమ్మడి చిత్తూరు జిల్లా జట్టును ఎంపిక చేశారు. అండర్‌–19 బాలుర విభా గంలో దుర్గాప్రసాద్‌, భువనేష్‌ (చంద్రగిరి), మణి, చరణ్‌తేజ (మంగళం ట్రెండ్స్‌), వినయ్‌కుమార్‌ (సదుం), యోగేశ్వర, శ్రావణ్‌ కుమార్‌, హర్షవర్ధన్‌ (వడమాలపేట), అండర్‌–19 బాలికల విభాగంలో నాగమ్మ(శ్రీకాళహస్తి), గీతిక, రేణుక (పాపానాయుడుపేట), మోహనప్రియ (పుత్తూరు), హేమనిధి, అనిత, మానస, సేదన (తిరు పతి), అండర్‌–17 బాలుర విభాగంలో సత్య(మంగళం) చైతన్య, సంతోష్‌కుమార్‌ (చంద్రగిరి), గౌతమ్‌, దినేష్‌ కుమార్‌, శశివర్ధన్‌ (తిరుపతి), అబ్దుల్‌ఖాదర్‌ (గేట్‌ పుత్తూరు), బాలు(వడమాలపేట), అండర్‌–17 బాలికల విభాగంలో యామిని, లతిక(పాపానాయుడుపేట), అనిషా, గగనశ్రీ (తిరుపతి), శ్రావణి, అన్నపూర్ణ (వడ మాలపేట), మోక్షిత (మంగళం ట్రెండ్స్‌), దివ్యశ్రీ (పుత్తూరు) ఎంపికయ్యారు. పాఠశాల హెచ్‌ఎం కరుణానవనీతం, ఉమ్మడి చిత్తూరు జిల్లా స్కూల్‌ గేమ్స్‌ సెక్రటరీ లోకనాథం, తిరుపతి జిల్లా స్కూల్‌ గేమ్స్‌ సెక్రటరీ సాంబశివరావు, అమ్ములు, పీఈటీలు ప్రభాకర్‌, సురేష్‌, శంషుద్దీన్‌, పుష్ప వాణి, ప్రసన్న లక్ష్మి, కిరణ్మయి పాల్గొన్నారు.

వి.కోట: స్కూల్‌ కమిటీ చైర్మన్‌ ఎన్నికల్లో అవకతవకలు జరిగాయని, ఎన్నికై న చైర్మన్‌ను కొనసాగించకూడదని యాలకల్లు పంచాయతీ ఎర్రినాగేపల్లికి చెందిన గ్రామస్తులు డిమాండ్‌ చేశారు. వారు బుధవారం ఎర్రినాగేపల్లి ప్రాథమికోన్నత పాఠశాల వద్ద ఆందోళనకు దిగారు. దీంతో అక్కడ ఉద్రిక్త వాతావరణం నెలకొంది. వారు మాట్లాడుతూ పాఠశాలలో మంగళవారం నిర్వహించిన స్కూల్‌ కమిటీ చైర్మన్‌ ఎన్నికల్లో అవకవతకవలు జరిగాయన్నారు. కమిటీ చైర్మన్‌గా గ్రామానికి చెందిన ఓ వ్యక్తిని ఎన్నుకున్నారని, దీనిపై తాము అభ్యంతరాలు తెలిపినా పట్టించుకోలేదన్నారు. ఈ ఎన్నికను రద్దు చేయాలని డిమాండ్‌ చేిశారు. లేనిపక్షంలో తమ పిల్లలకు టీసీలు ఇచ్చేయాలన్నారు. ఈ విషయంగా పాఠాశాల వద్ద కొంత సేపు ఉద్రిక్త వాతవరణం నెలకొంది. సమస్యకు అధికారులు తగిన పరిష్కారం చూపాలని తల్లిదండ్రులు కోరుతున్నారు.

చిత్తూరు కలెక్టరేట్‌ : యువత దేశ భవిష్యత్తుకు కీలకమైన శక్తులని సెట్విన్‌ సీఈవో యశ్వంత్‌ తెలిపారు. చిత్తూరులోని విజయం ఇంజినీరింగ్‌ కళాశాలలో బుధవారం ఆంధ్రప్రదేశ్‌ యువజన సర్వీసుల శాఖ ఆధ్వర్యంలో జిల్లా స్థాయి యువజనోత్సవాలను ఘనంగా నిర్వహించారు. ఈ వేడుకల్లో జిల్లా నలుమూలల నుంచి 15 నుంచి 29 ఏళ్లలోపున్న యువతీ యువకులు అధిక సంఖ్యలో పాల్గొన్నారు. ఈ సందర్భంగా జానపద నృత్యం, గీతాలు, పెయింటింగ్‌, కవితా రచన, నుక్కడ్‌ నాటక్‌ (వీధి నాటకాలు) తదితర పోటీల్లో పాల్గొని తమ ప్రతిభను ప్రదర్శించారు. సెట్విన్‌ సీఈవో యశ్వంత్‌ మాట్లాడుతూ యువతలోని సృజనాత్మకత, నాయకత్వ లక్షణాలు, కళాత్మక ప్రతిభను వెలికితీసేందుకే ఈ కార్యక్రమం నిర్వహించినట్టు తెలిపారు. విద్యతో పాటు క్రీడలు, కళలు, సామాజిక బాధ్యతల్లో యువత ముందంజలో ఉండాలని పిలుపునిచ్చారు. యువత తమ నైపుణ్యాలను సమాజాభివృద్ధికి సద్వినియోగం చేసుకోవాలన్నారు. మేనేజర్‌ మోహన్‌ కుమార్‌ మాట్లాడుతూ జిల్లాలోని గ్రామీణ, పట్టణ ప్రాంత యువతలో దాగి ఉన్న ప్రతిభను గుర్తించి సరైన వేదిక కల్పించడమే ఈ ఉత్సవాల ముఖ్య ఉద్దేశమన్నారు. పోటీల్లో పాల్గొనడం వల్ల యువతలో ఆత్మవిశ్వాసం పెరుగుతుందని తెలిపారు. విజయం విద్యాసంస్థల చైర్మన్‌ తేజోమూర్తి మాట్లాడుతూ యువత పోటీతత్వంతో ముందుకు సాగాలన్నారు. అన్ని రంగాల్లో రాణించేలా ఆసక్తి చూపించాలన్నారు. అనంతరం పోటీల్లో గెలుపొందిన యువతకు బహుమతులు అందజేశారు. కార్యక్రమంలో జిల్లా కో ఆపరేటివ్‌ అధికారిణి లక్ష్మి, సోషల్‌ వెల్ఫేర్‌ డీడీ రబ్బానిబాషా, మైభారత్‌ సూపర్‌వైజర్‌ శ్రీనివాసులు, విజయం ఇంజినీరింగ్‌ కళాశాల ఏవో రాజగోపాల్‌ తదితరులు పాల్గొన్నారు.

తిరుపతి అర్బన్‌ : ఆర్థికాభివృద్ధికి ప్రాంతీయ వనరులే కీలకమని తిరుపతి ఎకనామిక్‌ రీజియన్‌ సీఈఓ ముఖేష్‌ కుమార్‌ మీనా వెల్లడించారు. బుధవారం తిరుపతి కలెక్టరేట్‌లో విజన్‌–2047 సదస్సు నిర్వహించారు. ఎమ్మెల్యేలు, తిరుపతి, నెల్లూరు, చిత్తూరు కలెక్టర్లు పాల్గొన్నారు. ముఖేష్‌ కుమార్‌ మీనా మాట్లాడుతూ తిరుపతి ఎకనామిక్‌ రీజియన్‌్‌ లోని తొమ్మిది జిల్లాలు రాష్ట్ర భౌగోళిక విస్తీర్ణంలో దాదాపు 50 శాతం ఉన్నప్పటికీ, రాష్ట్ర స్థూల దేశీయోత్పత్తిలో సుమారు 34 శాతం వాటా మాత్రమే ఉందన్నారు. ఈ నేపథ్యంలో రీజియన్‌ ఆర్థిక వృద్ధికి అవకాశం ఉన్న రంగాలను గుర్తించాలని సూచించారు. అందుబాటులో ఉన్న భూమి, భవిష్యత్‌ అవసరాలకు కావాల్సిన ల్యాండ్‌, పెట్టుబడి అవసరాలు, కేంద్ర ప్రభుత్వ పథకాలు, గ్రాంట్లు, రాష్ట్ర ప్రభుత్వ పెట్టుబడులు, పబ్లిక్‌–ప్రైవేట్‌ పార్ట్‌నర్‌షిప్‌, వైబిలిటీ గ్యాప్‌ ఫండింగ్‌ వంటి వనరులను అనుసంధానం చేస్తూ సమగ్ర అభివృద్ధి ప్రణాళికను రూపొందిస్తున్నామని వివరించారు. ఇందుకోసం ప్రత్యేక అడ్వైజరీ టీమ్‌ను ఏర్పాటు చేసినట్లు తెలిపారు. కలెక్టర్‌ వెంకటేశ్వర్‌ మాట్లాడుతూ తిరుపతి ప్రధాన ఆర్థిక, పర్యాటక కేంద్రంగా ఉందని, ఈ ప్రాంత అభివద్ధిని మరింత వేగవంతం చేసేందుకు సమగ్ర ప్రణాళిక రూపొందించాల్సిన ఆవశ్యకత ఉందని వెల్లడించారు. తిరుపతికి వచ్చే భక్తులు సగటున సుమారు 18 గంటలు మాత్రమే జిల్లాలో గడుపుతున్నారని, ఈ సమయాన్ని 36 నుంచి 48 గంటలకు పెంచే విధంగా సదుపాయాలను అభివద్ధి చేయాల్సిన అవసరముందన్నారు. నెల్లూరు కలెక్టర్‌ హిమాన్షు శుక్లా మాట్లాడుతూ నెల్లూరు, తిరుపతి, చిత్తూరు జిల్లాలను పరిపాలనా పరంగా మూడు వేర్వేరు జిల్లాలుగా ఉన్నప్పటికీ, అభివద్ధి పరంగా ఒకే ప్రాంతంగా భావించి సమగ్ర ప్రణాళికతో ముందుకు వెళ్లాలని సూచించారు. చిత్తూరు కలెక్టర్‌ సుమిత్‌కుమార్‌ మాట్లాడుతూ పరిశ్రమల స్థాపనకు అందుబాటులో ఉన్న భూమిని సమర్థవంతంగా వినియోగించుకుని పెట్టుబడులను ఆకర్షించేందుకు సమగ్ర కార్యాచరణ ప్రణాళిక రూపొందించాలని కోరారు. పారిశ్రామిక పార్కుల ఏర్పాటుకు సుమారు 2వేల నుంచి 2,500 ఎకరాల భూమి అందుబాటులో ఉందని తెలిపారు. సమావేశంలో సర్వేపల్లి ఎమ్మెల్యే సోమిరెడ్డి చంద్రమోహన్‌ రెడ్డి, ఎమ్మెల్సీ కంచర్ల శ్రీకాంత్‌, జేసీ గోవింద రావు, డీఆర్‌ఓ నరసింహులు పాల్గొన్నారు.

కూర్నిపల్లి చెరువులో చేపట్టిన తవ్వకాలు అగ్రహారం చెరువు దుస్థితి పలమనేరు: పలమనేరు నియోజకవర్గంలోని చెరువుల్లోని మట్టిని కొందరు జేసీబీలతో యథేచ్ఛగా తవ్వుకుంటున్నారు. ఇప్పటికే సగానికి పైగా చెరువుల్లో పెద్ద పెద్ద గుంతలు తవ్వడంతో అధ్వానంగా మారిపోయాయి. ఆ మట్టిని రియల్‌ ఎస్టేట్‌ వెంచర్లు, బిల్డింగ్‌లు, భూముల లెవలింగ్‌కు తరలిస్తున్నారు. నిర్ణయించిన మేర ఆ ప్రాంతంలోని పచ్చనేతలకు నగదు ముట్టజెప్పుతుండడంతో అధికారులు కూడా చూసీచూడనట్టు వ్యవహరిస్తున్నారు. పది చెరువుల్లో యథేచ్ఛగా తవ్వకాలు పలమనేరు నియోజకవర్గంలో మైనర్‌ ఇరిగేషన్‌ ట్యాంకులు వందకు పైగా ఉండగా చిన్నపాటి చెరువులు, కుంటలు 500 వరకు ఉన్నాయి. ఇందులో దాదాపు అన్ని చోట్లా మట్టి మాఫియా తవ్వకాలు చేస్తూనే ఉంది. పలమనేరు మండలంలోని బేలుపల్లి, టీఎస్‌ అగ్రహారం, కూర్మాయి, జల్లిపేట, కొత్తకుంట, బైరెడ్డిపల్లి మండలంలోని బైరెడ్డిపల్లి, గంగవరం మండలంలోని పది చెరువుల్లో తవ్వకాలు చేస్తున్నారు. ఏం జరిగినా నో యాక్షన్‌ సాధారణంగా చెరువుల్లో మట్టిని తవ్వాలంటే సంబందిత పంచాయతీ అధికారుల ద్వారా అనుమతులు పొందాలి. అధికారులు సూచించిన మేరకు మట్టిని తవ్వుకోవాలి. ఇక మైనర్‌ ఇరిగేషన్‌ ట్యాంకులకు సంబందించి మొత్తం అజమాయిషీ ఇరిగేషన్‌ అధికారుదే. పలమనేరు నియోజకవర్గంలో ఎక్కడా రెవెన్యూ, పంచాయతీ, ఇరిగేషన్‌ శాఖల నుంచి అనుమతులు లేకుండానే మట్టి తవ్వకాలు సాగుతున్నాయి. అధికారుల కళ్లముందే చెరువుల్లో జేసీబీలతో ఇష్టానుసారంగా తోడేస్తున్నా ఎవరూ అడ్డు చెప్పడంలేదు. అధికారపార్టీ నేతలు లోడు మట్టికి, ట్రాక్టర్‌కు ఇంత అని నిర్ణయించి డబ్బులు వసూలు చేసుకుంటున్నారనే మాట వినిపిస్తోంది. దీనిపై స్థానిక ఇరిగేషన్‌ డీఈ నాయక్‌ స్పందిస్తారునుకుంటే ఆయన ఇప్పటికే అధికారపార్టీ నేతలకు ఏజెంట్‌లా మారాడనే ఆరోపనులున్నాయి. జిల్లా స్థాయి అధికారులు స్పందించి చర్యలు తీసుకోవాలని స్థానికులు కోరుతున్నారు. అధికారం ఉంటే ఏమైనా చేయొచ్చని పచ్చనేతలు నిరూపిస్తున్నారు. ప్రకృతి వనరులను తమ సొంత వనరుల్లా దోచుకుని దండుకుంటున్నారు. చెరువుల్లో మట్టి తవ్వకాలకు సొంతంగా అనుమతులు ఇస్తూ లోడుకు ఇంత అని వసూలు చేసుకుంటూ జేబులు నింపుకుంటున్నారు. ఈ విషయం తెలిసినా ఇరిగేషన్‌, రెవెన్యూ అధికారులు పట్టించుకోకపోవడంపై స్థానికులు ఆగ్రహం వ్యక్తం చేస్తున్నారు. చెరువుల్లో యథేచ్ఛగా తవ్వకాలు

● అందరూ ప్రశస్త్‌ యాప్‌ను వినియోగించాలి ● సమగ్ర శిక్ష ఏపీసీ వెంకటరమణ చిత్తూరు కలెక్టరేట్‌ : దివ్యాంగ పిల్లల భవిష్యత్తు కోసం ఉద్దేశించిన సహిత విద్యను క్షేత్రస్థాయిలో మరింత బలోపేతం చేయాల్సిన అవసరం ఉందని సమగ్రశిక్ష శాఖ ఏపీసీ మద్దిపట్ల వెంకటరమణ తెలిపారు. స్థానిక లిటిల్‌ ఫ్లవర్‌ పాఠశాలలో బుధవారం మండల విద్యాశాఖ అధికారులకు (ఎంఈవోల)కు సహిత విద్యపై ఒక్కరోజు అవగాహన కార్యక్రమం నిర్వహించారు. ఏపీసీ మాట్లాడుతూ దివ్యాంగుల సంక్షేమానికి ప్రభుత్వం అనేక పథకాలు అమలు చేస్తోందన్నారు. నాలుగు రకాల అలవెన్సుల రూపంలో ఆర్థిక సాయం అందిస్తున్నట్టు తెలిపారు. ఆటిజం ఉన్న విద్యార్థులకు జిల్లాలో ప్రత్యేకంగా ఐదు ఆటిజం సెంటర్లను ప్రారంభిస్తున్నామని వెల్లడించారు. సమగ్ర శిక్ష శాఖ అందిస్తున్న విభిన్న సేవలను అర్హులైన దివ్యాంగ విద్యార్థులందరూ వినియోగించుకునేలా ఎంఈవోలు చొరవ చూపాలని కోరారు. జిల్లాలోని అన్ని ప్రభుత్వ, ప్రైవేటు పాఠశాలల్లో పనిచేస్తున్న ఉపాధ్యాయులు 100 శాతం ప్రశస్త్‌ యాప్‌ను డౌన్‌లోడ్‌ చేసుకుని, అందులోని ప్రక్రియలన్నింటినీ పూర్తి చేయాలని ఆదేశించారు. అనంతరం రాష్ట్రస్థాయి పారా ఒలింపిక్స్‌లో పతకాలు సాధించిన ఆరుగురు దివ్యాంగ విద్యార్థులను ఘనంగా సన్మానించారు. వారిని ప్రోత్సహిస్తూ ఒక్కొక్కరికి రూ.1,000 నగదు బహుమతి అందజేశారు. కార్యక్రమంలో డీవైఈవోలు ఉమామహేశ్వర్‌, ఇందిర, సహిత విద్య కోఆర్డినేటర్‌ మధు, ఉమ్మడి పరీక్షల విభాగం కార్యదర్శి హేమాద్రి, ఎంఈవోలు పాల్గొన్నారు.

చిత్తూరు కార్పొరేషన్‌: చిత్తూరు రైల్వేస్టేషన్‌లోని రిజర్వేషన్‌ కౌంటర్‌లో సర్వర్‌ మొరాయించడంతో ప్రయాణికులు తీవ్ర ఇబ్బందులు పడ్డారు. బుధవారం సాయంత్రం నాలుగు గంటల నుంచి రిజర్వేషన్‌ కౌంటర్‌ సిస్టం సమస్య వల్ల టికెట్లు జారీని నిలిపివేసినట్లు తెలిసింది. సాయంత్రం నుంచి రాత్రి వరకు పదుల సంఖ్యలో ప్రయాణికులు రిజర్వేషన్‌ కౌంటర్‌ వద్దకు వచ్చి సర్వర్‌ సమస్య అని తెలియడంతో వెనుతిరుగుతున్నారు. గాంధీ జయంతి, తదుపరి సెలవు రోజులు, దసరా సందర్భంగా పలువురు రిజర్వేషన్‌ చేసుకోవడానికి స్టేషన్‌కు వచ్చారు. సర్వర్‌ సమస్యతో టికెట్లు జారీ చేయలేమని సిబ్బంది చెప్పడంతో అసహనంతో వెనుతిరుగుతున్నారు. రిజర్వేషన్‌ కౌంటర్‌ వద్ద సిస్టం ఫెయిల్యూర్‌ అనే బోర్డును ఏర్పాటు చేశారు.

తిరుమల: శ్రీవారి దర్శనం కోసం వచ్చిన పలువురు భక్తులు బుధవారం ఆందోళనకు దిగారు. తిరుమలలోని అదనపు ఈఓ కార్యాలయం ఎదుట బైఠాయించి వీఐపీ బ్రేక్‌ దర్శనానికి సంబంధించిన సిఫార్సు లేఖలు స్వీకరించాలని నినాదాలు చేశారు. దీంతో అక్కడ కొద్దిసేపు ఉద్రిక్తత ఏర్పడింది. పెరటాసి మాసం, వరుస సెలవుల కారణంగా తిరుమలలో భక్తుల రద్దీ పెరిగింది. ఈ నేపథ్యంలో అక్టోబర్‌ 1, 5 తేదీల్లో వీఐపీ బ్రేక్‌ దర్శనాలకు సంబంధించిన సిఫార్సు లేఖలను స్వీకరించకూడదని టీటీడీ నిర్ణయించింది. అయితే ఈ విషయం తెలియక 1వ తేదీ గురువారం దర్శన.ం కోసం పలువురు భక్తులు తిరుమలకు చేరుకున్నారు. సిఫార్సు లేఖలు సమర్పించేందుకు ప్రయత్నించగా అధికారులు నిరాకరించారు. దీంతో అసంతృప్తి వ్యక్తం చేసిన భక్తులు అడిషనల్‌ ఈఓ కార్యాలయం ఎదుట బైఠాయించి నిరసన తెలిపారు. సిఫార్సు లేఖలు స్వీకరించాలని నినాదాలు చేశారు. అధికారులు భక్తులతో మాట్లాడి పరిస్థితిని చక్కదిద్దే ప్రయత్నం చేశారు.

కాణిపాకం: ప్రముఖ పుణ్యక్షేత్రమైన కాణిపాకంలోని శ్రీ వరసిద్ధి వినాయకస్వామి ఆలయంలో ప్రత్యేక బ్రహ్మోత్సవాలు అత్యంత వైభవంగా నిర్వహిస్తున్నారు. ఇందులో భాగంగా బుధవారం స్వామివారు కల్పవృక్ష వాహనంపై ఊరేగుతూ భక్తులను అనుగ్రహించారు. వేకువజామున సుప్రభాతంతో స్వామిని మేల్కొలిపి నిత్య కై ంకర్యాలు చేశారు. విశేష అభిషేకాలు, దివ్య అర్చనలు చేశారు. సర్వాంగ సుందరంగా అలంకరించి భక్తులకు దర్శనం కల్పించారు. వివిధ ప్రాంతాల నుంచి వచ్చిన భక్తులతో ఆలయ ప్రాంగణం కిటకిటలాడింది. రాత్రి అలంకార మండపంలో సిద్ధి, బుద్ధి సమేత వినాయకస్వామి ఉత్సవమూర్తులకు శాస్త్రోక్తంగా ప్రత్యేక అభిషేకాలు చేశారు. అనంతరం పట్టుపీతాంబరాలు, పరిమళభరిత సుగంధ పుష్ప మాలికలు, అమూల్యమైన ఆభరణాలతో స్వామివారిని దివ్యంగా అలంకరించారు. వేదపండితుల మంత్రోచ్ఛరణల నడుమ స్వామివారిని కల్పవృక్ష వాహనంపై కొలువుదీర్చారు. అంగరంగ వైభవంగా ఊరేగింపు ప్రత్యేక పూజా కార్యక్రమాల అనంతరం మంగళ వాయిద్యాలు, తబలా భజనలు, కోలాటాలు, కళాకారుల వివిధ సాంస్కృతిక ప్రదర్శనల నడుమ కల్పవృక్ష వాహన సేవ ప్రారంభమైంది. స్వామివారు మాడవీధుల్లో విహరిస్తూ భక్తులకు అభయమిచ్చారు. అడుగడుగునా భక్తులు కర్పూర హారతులు పట్టారు.

చిత్తూరు కార్పొరేషన్‌: వైఎస్సార్‌సీపీ నాయకులు, మహిళల మీద కూటమి నాయకులు, కార్యకర్తలు అసభ్యకరంగా పోస్టులు పెడుతున్నారని ఆ పార్టీ చిత్తూరు నియోజకవర్గ సమన్వయకర్త విజయానందరెడ్డి తెలిపారు. ఆయన బుధవారం విలేకరులతో మాట్లాడారు. కొద్ది రోజులుగా కొంతమంది టీడీపీ నాయకులు పనిగట్టుకుని సోషల్‌ మీడియాలో ఏఐ ద్వారా పోస్టులను సృష్టించి ఫేక్‌ అకౌంట్స్‌ ద్వారా పోస్టులు పెడుతున్నారని ఆరోపించారు. దీనిపై ఎస్పీ స్పందించి చర్యలు తీసుకోవాలన్నారు. తాము శాంతిభద్రతలకు సహకరిస్తామని స్పష్టం చేశారు. కూటమి నాయకులు రెచ్చగొట్టే ధోరణిలో ప్రణాళికాబద్దంగా పోస్టులు పెడుతున్నారని తెలిపారు. ఎంతకాలమూ ఓపికగా ఉండలేమని పేర్కొన్నారు. అసభ్య పోస్టులను వాట్సాప్‌, ఫేస్‌బుక్‌, ఇన్‌స్ట్రాగామ్‌, ఎక్స్‌లో పోస్టు చేస్తూ వైరల్‌ చేస్తున్నారని పేర్కొన్నారు. వీటిపై చర్చ జరగాలని, ఏదో ఒక వంకతో తమ పార్టీ నాయకులు, కార్యకర్తలను ఇబ్బంది పెట్టాలని చూస్తున్నారని తెలిపారు. ఇటువంటి సంప్రదాయం గతంలో ఎప్పుడూ లేదన్నారు. వారు ఎలాంటి పోస్టులు పెట్టినా పట్టించుకోవద్దని, వాటిని వారి విజ్ఞతకే వదిలేయాలని వైఎస్సార్‌ సీపీ కార్యకర్తలు, నాయకులకు సూచించారు.

పాలసముద్రం : ‘‘మాజీ సీఎం వైఎస్‌ జగన్‌మోహన్‌రెడ్డి హయాంలో 1.50 లక్షల గ్రామ సచివాలయాల ఉద్యోగాలను భర్తీ చేశాం. ఒక్కటంటే ఒక్క ఆరోపణ కూడా రాలేదు. మెగా డీఎస్సీలో అన్నీ అక్రమాలే. తప్పుడు సర్టిఫికెట్లతో ఉద్యోగాలు పొందినట్టు ఆధారాలు వెలుగులోకి వచ్చాయి. దీనిపై సీఎం చంద్రబాబు, నారా లోకేష్‌ మౌనంగా ఉంటున్నారు. డీఎస్సీలో భర్తీ చేసిన ఉద్యోగాలు, సచివాలయాల ఉద్యోగాలపై సీబీఐ విచారణకు సిద్ధమా’’ అని మాజీ డిప్యూటీ సీఎం నారాయణస్వామి సవాల్‌ విసిరారు. ఆయన బుధవారం పాలసముద్రంలో విలేకరులతో మాట్లాడారు. వైఎస్‌ జగన్‌మోహన్‌రెడ్డి సర్కార్‌ అత్యంత పారదర్శకంగా సచివాలయ ఉద్యోగాలను భర్తీ చేసిందని తెలిపారు. ఎక్కడా ఎలాంటి అక్రమాలు జరగలేదన్నారు. ఆనాడు ఒక్క విమర్శ కూడా రాలేదని, ఉద్యోగాల భర్తీ ప్రక్రియను 2019 జూలై నుంచి సెప్టెంబర్‌ వరకు అంత్యంత పకడ్బందీగా చేపట్టామని పేర్కొన్నారు. అక్టోబర్‌ 2న మహాత్మా గాంధీ జయంతి సంద్భంగా కులం, మతం, పార్టీలకు అతీతంగా ఉద్యోగాలు ఇచ్చి అధికారకంగా పనులు ప్రారంభించామని గుర్తు చేశారు. అలాంటి గ్రామ సచివాలయ ఉద్యోగులు శాంతియుతంగా చేపట్టిన ధర్నాపై పోలీసులతో లాఠీ చార్జీ చేయడం దుర్మార్గమైన చర్య అని మండిపడ్డారు. మహిళా ఉద్యోగులను సైతం పోలీసులు ఈడ్చుకెళ్లడం బాధాకరమన్నారు. తమ సమస్యల పరిష్కారం కోసం రాజ్యాంగబద్ధంగా గళం విప్పిన ఉద్యోగులను అణచివేయడం సరికాదన్నారు. సచివాలయ ఉద్యోగులపై ఎందుకింత వివక్ష చూపుతున్నారని ప్రశ్నించారు. డీఎస్సీలో 3,437 మందికి క్రీడా కోటా కింద ఉద్యోగాలు ఇస్తే అందులో 801 మందికి ఎలాంటి ధ్రువీకరణ పత్రాలు లేనప్పటికీ ఉద్యోగాలు ఇచ్చారని ఆరోపించారు. మోగా డీఎస్సీలో అక్రమాలు జరగకపోతే వైఎస్‌ జగన్‌మోహన్‌రెడ్డి సవాల్‌ విసిరినట్లు సీబీఐ విచారణకు ఎందుకు వెనకంజ వేస్తున్నారని ప్రశ్నించారు. దమ్ముంటే మెగా డీఎస్సీపై సీబీఐ విచారణ చేయించాలన్నారు.

గుడిపాల: గుడిపాలలో బుధవారం సాయంత్రం పిడుగులతో కూడిన వర్షం పడింది. ఈ క్రమంలో మండలంలోని శ్రీరంగంపల్లె జెడ్పీ ఉన్నత పాఠశాల సమీపంలో ఒక తాటిచెట్టుపై పిడుగు పడడంతో మంటలు చెలరేగాయి. దీన్ని స్ధానికంగా ఉన్న యువకులు సెల్‌ఫోన్లలో చిత్రీకరించారు. ఉద్యానం అభివృద్ధిపై నేడు డ్రోన్‌ షో తిరుపతి అర్బన్‌: రాయలసీమ ఉద్యాన సమగ్ర అభివృద్ధి ప్రాజెక్టుపై ప్రజల్లో అవగాహన కల్పించేందుకు గురువారం రాత్రి 7 గంటలకు తిరుపతిలోని నెహ్రూ మున్సిపల్‌ మైదానంలో డ్రోన్‌ షో నిర్వహించనున్నట్లు కలెక్టర్‌ వెంకటేశ్వర్‌ తెలిపారు. బుధవారం ఆయన మాట్లాడుతూ జిల్లాలో ఉద్యాన పంటల సాగును ప్రోత్సహించే దిశగా ప్రచార కార్యక్రమాలు చేపడుతున్నట్లు వెల్లడించారు.

ప్రభుత్వ పథకాలను ప్రజలకు చేర వేశాం. రేషన్‌ కార్డుల నుంచి పింఛన్ల వరకు ఇంటింటికీ పంపిణీ చేశాం. అన్ని సమస్యలకు పరిష్కారాలు చూపుతూ ప్రజలకు చేదోడు వాదోడుగా నిలిచాం. అలాంటి మాకు రూ.5వేల గౌరవ వేతనం ఇస్తే ఆర్థిక భారం పడుతుందని తొలగించారు. ఇప్పుడు తమ ప్రభుత్వానికి వంత పాడే సోషల్‌ మీడియా కార్యకర్తలకు రూ.లక్షలు దోచిపెట్టేందుకు చంద్రబాబు తెగబడుతున్నారు. ఇది ప్రభుత్వంపై ఆర్థిక భారం కాదా..?, ప్రజా ధనం దుర్వినియోగం చేస్తే సర్కారుపై తిరగబడుతాం. – సాయికుమార్‌, మాజీ వలంటీర్‌, కార్వేటినగరం నమ్మించి మోసం చేశారు తాము అధికారంలోకి వస్తే వలంటీర్లకు రూ.10వేల వేతనం ఇస్తామని ఎన్నికల సమయంలో చంద్రబాబు హామీ ఇచ్చారు. అప్పుడు నమ్మించి మమ్మల్ని మోసం చేశారు. కోవిడ్‌ సమయలో మా సేవలను ప్రతి ఒక్కరూ ప్రశంసించారు. అధికారులు చెప్పిన పనులన్నీ చేశాం. ఎల్లవేళలా ప్రజలకు అందుబాటులో ఉంటూ వారి సమస్యలను ఎప్పటికప్పుడు అధికారుల దృష్టికి తీసుకెళ్లి పరిష్కరించాం. ఇంత పని చేసినా మాకు రూ.5వేలు ఇస్తే కూడా తృప్తిగా పనిచేశాం. అప్పట్లో ప్రజాధనం దుర్వినియోగం చేస్తున్నారని తప్పుడు ప్రచారం చేసిన వారు, ఇప్పుడు టీడీపీ సోషల్‌ మీడియా వారికి రూ.లక్షలు కేటాయించడం న్యాయమా. – బాలాజీ, మాజీ వలంటీర్‌, బైరెడ్డిపల్లె

ఐరాల : బ్యాంక్‌ మేనేజర్‌ నిర్లక్ష్యపు వైఖరిపై విసుగు చెందిన ఖాతాదారులు మంగళవారం కాణిపాకం యూనియన్‌ బ్యాంకు ఎదుట నిరసనకు దిగారు. వారు మాట్లాడుతూ వివిధ పనుల మీద బ్యాంకుకు వచ్చే రైతులు, ఖాతాదారులు, మహిళలకు, వృద్ధులకు సరైన సేవలు అందించడం లేదని వాపోయారు. ప్రశ్నించిన వారితో దురుసుగా మాట్లాడుతున్నారని ఆవేదన వ్యక్తం చేశారు. మేనేజర్‌పై చర్యలు తీసుకోవాలని పలువురు రైతులు, మహిళలు, ఖాతాదారులు డిమాండ్‌ చేశారు. ఈ విషయంపై యూనియన్‌ బ్యాంకు డిప్యూటీ ఆర్‌ఎం పరుశరామ్‌ ఖాతాదారులతో ఫోన్‌లో మాట్లాడారు. కాణిపాకం బ్రహ్మోత్సవాలు ముగిసిన వెంటనే మేనేజర్‌ను బదిలీ చేస్తామని హామీ ఇవ్వడంతో ఖాతాదారులు నిరసన విరమించారు.

పాలసముద్రం మండలం శ్రీకావేరిరాజుపురం పంచాయతీలో చేపట్టిన రీసర్వేలో అక్రమాలపై రైతులు మండిపడుతున్నారు.సమష్టి కృషితో బాలల హక్కుల రక్షణ చిత్తూరు కలెక్టరేట్‌ : బాలల హక్కుల పరిరక్షణ, సంక్షేమం, అభివృద్ధికి ప్రభుత్వ శాఖలన్నీ ఒకే లక్ష్యంతో, సమష్టిగా కృషి చేయాలని రాష్ట్ర బాలల హక్కుల పరిరక్షణ కమిషన్‌ చైర్మన్‌ సూర్యనారాయణరాజు వెల్లడించారు. మంగళవారం కలెక్టరేట్‌ సమావేశ మందిరంలో కమిషన్‌ సభ్యులు వెంకట పద్మలత, డీఆర్‌ఓ మోహన్‌ కుమార్‌తో కలిసి అధికారులతో సమీక్షించారు. బాలల సంక్షేమం కేవలం మహిళా శిశు సంక్షేమ శాఖ బాధ్యత మాత్రమే కాదన్నారు. అన్ని శాఖలకూ ఇందులో సమాన భాగస్వామ్యం ఉందని చెప్పారు. రెండు రాష్ట్రాల సరిహద్దుల్లో జిల్లా ఉండడం ప్రత్యేక జాగ్రత్తలు తీసుకోవాలని ఆదేశించారు. గ్రామ, వార్డు స్థాయిలో బాలల పరిరక్షణ కమిటీలు కేవలం కాగితాలకే పరిమితం కాకుండా క్రియాశీలకంగా మారాలని స్పష్టం చేశారు. 0–18 ఏళ్ల పిల్లల సమాచారం, బడి మానేసిన వారి వివరాలు, బాల్య వివాహాల యత్నాలు, బాల కార్మికుల స్థితిగతులపై నిరంతరం పర్యవేక్షణ ఉండాలన్నారు. వసతి గృహాల్లో మౌలిక వసతుల కల్పనకు కలెక్టర్‌ సుమిత్‌ కుమార్‌ తీసుకుంటున్న చర్యలను అభినందించారు. డీఆర్వో మోహన్‌ కుమార్‌ మాట్లాడుతూ జిల్లాలో బాలల హక్కుల పరిరక్షణకు అన్ని శాఖలనూ సమన్వయం చేస్తున్నామని వెల్లడించారు. సీఎస్‌ఆర్‌ నిధులను హాస్టళ్ల అభివృద్ధికి వినియోగిస్తున్నామని వివరించారు.

తిరుపతి ఎడ్యుకేషన్‌ : స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) వారు మంగళవారం తిరుపతి శ్రీనివాస స్పోర్ట్స్‌ కాంప్లెక్స్‌ ఆవరణలో ఉమ్మడి చిత్తూరు జిల్లా అండర్‌–17, 19 బాలబాలికల జట్ల ఎంపిక పోటీలు నిర్వహించారు. ప్రతిభ కనబరచిన బాలబాలికల్లో మొత్తం 20 మందిని జిల్లా జట్లుకు, అలాగే మరికొందరిని స్టాండ్‌ బై కింద ఎంపిక చేశారు. వీరు అక్టోబరు 1, 2వ తేదీల్లో ఏలూరు జిల్లా, పెదవేగి గురుకుల పాఠశాలలో నిర్వహించే రాష్ట్ర స్థాయి ఎస్‌జీఎఫ్‌ చెస్‌ పోటీల్లో పాల్గొంటారని ఎస్‌జీఎఫ్‌ కార్యదర్శులు సాంబశివరావు, అమ్ములు తెలిపారు. కార్యక్రమంలో చెస్‌ కోచ్‌లు శివకేశవ, ఆనంద్‌, వేణు, పీఈటీలు సుబ్రమణ్యంరెడ్డి, కేశవులు, వెంకటేష్‌, రెడ్డి రాధిక, గోపి, మణి, మురళి పాల్గొన్నారు.

చిత్తూరు కలెక్టరేట్‌ : జిల్లాలోని అన్ని శాఖల సమన్వయంతోనే అభివృద్ధి సాధ్యమని కలెక్టర్‌ సుమిత్‌కుమార్‌ గాంధీ స్పష్టం చేశారు. మంగళవారం చిత్తూరులోని జింకల పార్కు వద్ద సైన్‌ మ్యూజియాన్ని ఆయన సందర్శించారు. జిల్లా సైన్స్‌ మ్యూజియంలో ప్రభుత్వ బడుల్లోని విద్యార్థుల నైపుణ్యాలను పెంపొందించే పలు ప్రాజెక్టులను అమలు చేస్తున్నారు. ప్రతి రోజు పలు పాఠశాలల నుంచి విద్యార్థులు సైన్స్‌ మ్యూజియాన్ని సందర్శించేలా చర్యలు చేపడుతున్నారు. అయితే మ్యూజియం ప్రాంగణంలో ముళ్ల కంపలు, చెత్తాచెదారం పేరుకుపోవడంతో పాములు సంచరిస్తుండడంతో జేసీబీ సహాయంతో వాటిని తొలగించేందుకు మ్యూజియం అధికారులు చర్యలు చేపట్టారు. ఆ పనులను చేయకూడదంటూ అటవీ శాఖ రేంజర్‌ అడ్డుకోవడంతో సమస్య ఏర్పడింది. ఈ విషయం కలెక్టర్‌ దృష్టికి రావడంతో ఆయన తనిఖీలు నిర్వహించారు. సైన్స్‌ మ్యూజియం ప్రాంగణంలో పనులను ఎందుకు అడ్డుకుంటున్నారంటూ అటవీశాఖ అధికారులపై ఆగ్రహం వ్యక్తం చేశారు. ప్రతి చిన్న పనికీ అనుమతులు కావాలని చెప్పడం సబబు కాదన్నారు. అటవీశాఖ అధికారులు తీరు మార్చుకుని సమన్వయంతో విధులు నిర్వహించాలన్నారు. సైన్స్‌ మ్యూజియంలో విద్యాశాఖ అధికారులు చేపట్టే పనులకు ఆటంకం కలిగించకూడదని జిల్లా అటవీశాఖ అధికారిని ఆదేశించారు. కార్యక్రమంలో డీఈఓ లక్ష్మీనారాయణ, మ్యూజియం క్యూరేటర్‌ జయంతి పాల్గొన్నారు.

పేదల పొట్టకొట్టి..మా పొట్ట కొట్టారు కరోనా కాలంలో ప్రాణాలకు తెగించి విధులు నిర్వహించాం. ఎన్నికల సమయంలో వలంటీర్లకు ఇచ్చిన హామీలను ఎగ్గొట్టారు. అప్పుడు మా పొట్ట కొట్టి.. ఇప్పుడు సోషల్‌మీడియా కార్యకర్తలకు దోచిపెడుతున్నారు. మేము నెలకు కేవలం రూ.5వేల గౌరవ వేతనంతో అహర్నిశలూ ప్రజలకు సేవ చేశాం. కోవిడ్‌ సమయంలో అందరూ భయపడి ఇంట్లో ఉంటే, మా ప్రాణాలను సైతం లెక్కచేయకుండా ఇంటింటికీ తిరిగాం. అప్పట్లో మాకు ఇచ్చే రూ.5వేలతో ప్రజాధనం దుర్వినియోగమవుతోందంటూ విషం గక్కారు. ఇప్పుడు సోషల్‌ మీడియాలో తమకు డప్పు కొట్టే టీడీపీ కార్యకర్తలకు ప్రజాధనం పంచిపెడుతున్నా రు. ఈ విషయంలో ప్రభుత్వం ఆత్మపరిశీలన చేసుకోవాలి. – మహమ్మద్‌, మాజీ వలంటీర్‌, చిత్తూరుమహిళలను వంచించారు ఎన్నికల ముందు ఆడబిడ్డ నిధి అని ఆశ పెట్టారు. గెలిచాక మహిళల ఖాతాలకు రూపాయి కూడా వేయడం లేదు. 18 ఏళ్లు నిండిన ప్రతి ఆడబిడ్డకూ రూ.1,500 చొప్పున ప్రతి నెలా ఇస్తామనే మాటలు నమ్మి ఓట్లేశాం. ప్రభుత్వంలోకి వచ్చి రెండున్నరేళ్లు గడిచినా ఆడబిడ్డ నిధి జాడే లేదు. ఇప్పుడు పథకాన్ని అమలు చేయకుండా కాలయాపన చేస్తున్నారు. ఓ వైపు నిత్యావసర సరుకుల ధరలు, కరెంటు చార్జీలు పెరిగిపోయి కుటుంబ నిర్వహణ భారంగా మారింది. ఆడపిల్లల చదువులకు, ఇంటి ఖర్చులకు ఆసరాగా ఉంటుందనుకుంటే ఒక్క పైసా ఇవ్వడం లేదు. మ హిళలను పూర్తిగా వంచించారు. పైగా సోషల్‌ మీడి యా ఇన్‌ఫ్ల్యూన్సర్స్‌ పాలసీ అని నగదు దోచిపెట్టేందుకు చర్యలు చేపడుతున్నారు. – సుజాత, గృహిణి చంద్రబాబు సర్కారు వ్యవహారశైలిపై ప్రజలు రగిలిపోతున్నారు. ప్రభుత్వ ఖజానా నుంచి టీడీపీ సోషల్‌ మీడియా కార్యకర్తలకు నగదు పంపిణీ చేయాలనుకోవడంపై మండిపడుతున్నారు. సంక్షేమ పథకాలను సక్రమంగా అమలు చేయకుండా ఆర్థిక భారమంటూ కథలు వల్లించి.. ఇప్పుడు తెలుగు తమ్ముళ్లకు పప్పుబెల్లాల లెక్కన నిధులు పంచిపెడుతుండడంపై ఆగ్రహం వ్యక్తం చేస్తున్నారు. గతంలో ఇంటింటికీ వెళ్లి చిత్తశుద్ధితో సేవలందించిన వలంటీర్లకు ద్రోహం చేసి.. ఇప్పుడు సొంత డబ్బా కొట్టించుకునేందుకు ప్రజాధనం ఖర్చుపెడుతుండడంపై దుమ్మెత్తిపోస్తున్నారు. ఇలాంటి దుర్మార్గపు నిర్ణయాలను వెంటనే ఉపసంహరించుకోకుంటే తిరుగుబాటు తప్పదని హెచ్చరిస్తున్నారు. – సాక్షి నెట్‌వర్క్‌

నగరి : పట్టణలోని కేవీకే డిగ్రీ కళాశాల మైదానంలో బుధవారం నుంచి రెండు రోజులపాటు క్రికెట్‌ జిల్లా జట్ల ఎంపిక పోటీలు నిర్వహించనున్నారు. మంగళవారం ఈ మేరకు ఎస్‌జీఎఫ్‌ జిల్లా కార్యదర్శులు ఎస్‌ఎం లోకనాథం, త్రిలోక సుందరి మాట్లాడుతూ అండర్‌–17, అండర్‌–19 బాలుర క్రికెట్‌ ఎంపిక పోటీలు బుధవారం ఉంటాయన్నారు. బాలికల ఎంపిక పోటీలు గురువారం నిర్వహించనున్నట్లు వెల్లడించారు. 6 నుంచి 12వ తరగతి విద్యార్థులు ఎంపికలకు హాజరుకావచ్చన్నారు. ఆర్గనైజర్‌గా తడుకుపేట జెడ్పీహెచ్‌ఎస్‌ పీడీ ఏఆర్‌ మణి వ్యవహరిస్తారని తెలిపారు. అర్హత గల క్రీడాకారులు తమ ధ్రువీకరణ పత్రాలతో రావాలని సూచించారు. తిరుమలకు 12 టన్నుల కూరగాయలు పలమనేరు : తిరుమలలో నిర్వహించే నిత్యాన్నదాన పథకానికి పలమనేరుకు చెందిన శ్రీవారి సేవకులు 12 టన్నుల కూరగాయలను వితరణగా అందించారు. మంగళవారం ఈ మేరకు ప్రత్యేక వాహనంలో తిరుమలకు పంపించారు. దాతలను డీఎస్పీ డేగల ప్రభాకర్‌ అభినందించారు. పూసల రవి పాల్గొన్నారు. ఎఫ్‌ఏ–2 వాయిదాకు డిమాండ్‌ చిత్తూరు కలెక్టరేట్‌:జిల్లాలోని ప్రాథమిక, ఉన్నత పాఠశాలల విద్యార్థులకు అక్టోబర్‌ 5 నుంచి 8వ తేదీ వరకు నిర్వహించాల్సిన ఎఫ్‌ఏ–2 పరీక్షలను వాయిదా వేయాలని రాయలసీమ ఉపాధ్యాయుల సంఘం (రూటా) జిల్లా అధ్యక్షుడు మునీర్‌ అహ్మద్‌ డిమాండ్‌ చేశారు. మంగళవారం ఆయన విలేకర్లతో మాట్లాడారు. ఎఫ్‌ఏ–2 పరీక్షలు ముగిసిన వెంటనే అక్టోబర్‌ 11వ తేదీ నుంచి ఉపాధ్యాయ అర్హత పరీక్ష (టెట్‌) ప్రారంభమవుతుందన్నారు. దీంతో ఉపాధ్యాయులు, ప్రధానోపాధ్యాయులు ఒత్తిడికి గురవుతున్నారని తెలిపారు. ఆగస్ట్‌లో సైతం టెట్‌ను దృష్టిలో పెట్టుకుని ప్రభుత్వం ఎఫ్‌ఏ–2 పరీక్షలను వాయిదా వేసిందన్నారు. దీంతో ఉపాధ్యాయులు ప్రశాంతంగా పరీక్షలు రాసి మంచి ఫలితాలు సాధించారని వెల్లడించారు. దసరా సెలవుల అనంతరం ఎఫ్‌ఏ–2 పరీక్షలు నిర్వహిస్తే విద్యార్థులు సైతం సెలవుల సమయంలో సిలబస్‌ను పూర్తిగా రివిజన్‌ చేసుకుని బాగా సిద్ధమవుతారన్నారు. ప్రభుత్వం ఈ విషయాన్ని సానుకూలంగా పరిశీలించాలని కోరారు.

గత వైఎస్సార్‌సీపీ ప్రభుత్వంలో చిత్తశుద్ధితో ప్రజలకు సేవలందించాం. సర్కారుకు జనాలకు వారధిగా వ్యవహరించాం. ఇంటింటికీ సంక్షేమ పథకాలు అందించాం. కేవలం రూ.5వేల గౌరవ వేతనంతోనే అహర్నిశలు శ్రమించాం. అలాంటి మమ్మల్ని చంద్రబాబు నిలువునా వంచించారు. బాబు సర్కారు మోసాలు ప్రజలకు కూడా అర్థమయ్యాయి. సోషల్‌ మీడియాలో తమకు వంత పాడేవారికి ప్రభుత్వ ఖజానా నుంచి నిధులు మంజూరు చేయాలని నిర్ణయించారు. ఇదెక్కడి న్యాయం. – సుబ్రమణ్యం, మాజీ వలంటీర్‌, బైరెడ్డిపల్లె ఆడబిడ్డ నిధి ఆచూకీ లేదు ఎన్నికల సమయంలో చంద్రబాబు ఇచ్చిన హామీలను గుర్తుచేసుకోవాలి. 18 ఏళ్లు నిండిన ప్రతి మహిళకు నెలకు రూ.1,500 చొప్పున ఇస్తామని ఊదరగొట్టారు. రెండున్నరేళ్లు గడిచినా ఆడబిడ్డ నిధి ఆచూకీ లేదు. ఆర్థిక భారం కారణంగానే ఇవ్వలేకపోతున్నామని, పేద అరుపులు అరిచారు. ఇప్పుడు తమ పార్టీ సోషల్‌ మీడియా కార్యకర్తలకు ప్రజల డబ్బులను దోచిపెట్టేందుకు సిద్ధమయ్యారు. ఇప్పుడు రాష్ట్రంపై ఆర్థిక భారం పడదా.. చంద్రబాబు సమాధానం చెప్పాలి. – దేశమ్మ, ఎంఎం విలాసం, కార్వేటినగరం

గత వైఎస్సార్‌సీపీ ప్రభుత్వంలో నెలకు కేవలం రూ. 5వేల గౌరవ వేతనంతో పనిచేశాం. అందరికీ తలలో నాలుకలా వ్యవహరించాం. కార్యాలయాల చుట్టూ ఎవరూ తిరగాల్సిన అవసరం లేకుండా మేమే వారి ఇంటికి వెళ్లి సమస్యలు పరిష్కరించచాం. ముఖ్యంగా కోవిడ్‌ సమయలో మా ప్రాణాలను పణంగా పెట్టి విధులు నిర్వర్తించాం. మాకు ఇచ్చే రూ.5వేల వృథా అని ప్రజాధనం దుర్వినియోగం చేస్తున్నారని అప్పట్లో టీడీపీ నేతలు ఆరోపణలు చేశారు. ఇప్పుడు తమ సొంత ప్రచారం కోసం సోషల్‌ మీడియా కార్యకర్తలకు రూ.లక్షలు దోచిపెట్టేందుకు సిద్ధమయ్యారు. ఇది కాదా ప్రజాధన దుర్వినియోగం. – వినోద్‌, మాజీ వలంటీర్‌, అనంతప్పనాయుడు కండ్రిగ సొంత డబ్బా కొట్టించుకునేందుకే.. ప్రజలకు సేవ చేస్తున్న వలంటీర్లకు రూ.10 వేలు జీతం ఇస్తామని ఎన్నికల సమయంలో చంద్రబాబు మభ్యపెట్టారు. పీఠం ఎక్కిన తర్వాత వలంటీర్‌ వ్యవస్థనే తీసేశారు. వారికి ఇచ్చే సొమ్ము వృథా అంటూ మా పనులన్నీ సచివాలయ ఉద్యోగులతో చేయించారు. అప్పట్లో ఇంటివద్దకే వెళ్లి అర్హులను గుర్తించి పథకాలు అందించే వాళ్లం. ఇప్పుడు పెన్షన్‌ కోసం సచివాలయాల వద్ద పడిగాపులు పడే పరిస్థితి ఉంది. సోషల్‌ మీడియాలో పోస్టులు పెట్టేవారికి రూ.15వేల నుంచి రూ.25వేల వరకు ఇస్తామని చెప్పేది సొంత డబ్బా కొట్టించుకునేందుకే. – జగదీశ్వరన్‌, మాజీ వలంటీర్‌, నగరి

● వైఎస్సార్‌సీపీ అభిమానులు ఏకగ్రీవమైతే ఒప్పుకోని రౌడీమూకలు ● అధికారులపై ఒత్తిడి తెచ్చి వాయిదావేయించిన పచ్చ నేతలు ● చాలా పాఠశాలల్లో కోరం లేక ఆగిపోయిన కమిటీ ఎన్నికలు ● తల్లిదండ్రుల ఆందోళనతో వెనకడుగు వేసిన సాక్షి ప్రతినిధి, తిరుపతి: విద్యాలయాల్లోనూ టీడీపీ నేతల రాజకీయ జోక్యం శ్రుతిమించింది. తిరుపతి, చిత్తూరు జిల్లాల్లో మంగళవారం జరిగిన స్కూల్‌ కమిటీ ఎన్నికల్లో దౌర్జన్య కాండ సాగింది. చైర్మన్‌ గిరిని దక్కించుకునేందుకు పలువురు తెగబడ్డారు. టీడీపీ నేతల దౌర్జన్యాలను గ్రహించిన విద్యార్థుల తల్లిదండ్రులు అనేక చోట్ల ఎన్నికల్లో పాల్గొనలేదు. ఫలితంగా కోరం లేక స్కూల్‌ కమిటీ ఎన్నికలు వాయిదాపడ్డాయి. ఏకగ్రీవం అయిన చైర్మన్‌ ఎన్నిక చెల్లదంటూ టీడీపీ నేతలు కుట్రలకు తెరదీశారు. చిత్తూరు మండలం బీఆర్‌పేట జెడ్పీ ఉన్నత పాఠశాల ఎన్నికల్లో టీడీపీ నేతలు తమ వారికే పీఠం కట్టబెట్టాలన్న దురాశతో.. ఏకంగా ఎన్నికల ప్రక్రియనే నీరుగార్చేశారు. నిబంధనల ప్రకారం ప్రారంభమైన ఎన్నికలను, అధికార పార్టీ నేతల ఒత్తిళ్లతో అర్థంతరంగా వాయిదా వేయించారు. విద్యాశాఖ అధికారులు అధికార పార్టీకి కీలుబొమ్మలుగా మారడంతో తల్లిదండ్రులు ధర్నాకు ఉపక్రమించారు. రోడ్డెక్కిన తల్లిదండ్రులు అధికారులు ఏకపక్షంగా వ్యవహరిస్తున్నారంటూ బాధితులు, విద్యార్థుల తల్లిదండ్రులు పాఠశాల ఎదుట ధర్నాకు దిగారు. ఉదయం కోరం లేదని చెప్పి, ఆ తర్వాత ఓటింగ్‌ జరపడంపై నిప్పులు చెరిగారు. పరిస్థితి చేయిదాటడంతో అప్రమత్తమైన ఇద్దరు మండల విద్యాశాఖాధికారులు తక్షణమే ఘటనా స్థలానికి చేరుకున్నారు. నిరసనకారులతో చర్చలు జరిపి శాంతింపజేశారు. ప్రస్తుతానికి ఎన్నికల ప్రక్రియను నిలిపివేస్తున్నామని, త్వరలోనే పూర్తి పారదర్శకంగా మరోసారి కమిటీ ఎన్నికలు నిర్వహిస్తామని వారు రాత పూర్వకంగా హామీ ఇచ్చారు. స్థానిక సంస్థల ఎన్నికలు సవ్యంగా జరిగేనా స్కూల్‌ కమిటీ ఎన్నికల్లోనే టీడీపీ నేతల దౌర్జన్యాలకు అంతే లేకుండా పోయింది. రేపు మున్సిపల్‌ కార్పొరేషన్‌, ఎంపీపీ, జెడ్పీటీసీ, సర్పంచ్‌ ఎన్నికల్లో కూటమి నేతలు ఏ స్థాయిలో దౌర్జన్యాలకు దిగుతారోనని స్థానికులు ఆందోళన వ్యక్తం చేస్తున్నారు. జిల్లా సమాచారం ఎన్నికలు నిర్వహించాల్సిన పాఠశాలలు 2,091 ఎన్నికలు జరిగినవి 2,077 పాల్గొనాల్సిన ఓటర్లు 1,03,000 కోరం లేక వాయిదా పడిన బడులు 04తల్లిదండ్రుల అనాసక్తి స్కూల్‌ కమిటీ ఎన్నికలపై విద్యార్థుల తల్లిదండ్రులు ఆసక్తి చూపలేదు. తిరుపతి, చిత్తూరు జిల్లాల్లోని అనేక పాఠశాలల్లో స్కూల్‌ కమిటీ ఎన్నికలు కోరం లేక వాయిదాపడ్డాయి. అనేక పాఠశాలల్లో 50 శాతం కంటే తక్కువ మంది హాజరు కావడంతో వాయిదా వేస్తున్నట్లు పాఠశాల ఉపాధ్యాయులు ప్రకటించారు. సూళ్లూరుపేట నియోజకవర్గం మంగానెల్లూరు, తడ మండలం అక్కంపేట మోడల్‌ స్కూల్‌ కమిటీ ఎన్నికలు కోరం లేక వాయిదా పడ్డాయి.

కాణిపాకం: వంటగ్యాస్‌ వినియోగదారులపై ప్రభుత్వం, చమురు సంస్థలు కలిసి మరో భారం మోపేందుకు యత్నిస్తున్నాయి. ఒకవైపు ఇరాన్‌ యుద్ధ పరిణామాలతో గ్యాస్‌ కొరత వచ్చి పడితే, మరోవైపు ఈ–కేవైసీ పేరుతో సరికొత్త నిబంధనలను తెరపైకి తీసుకువచ్చి సామాన్య, మధ్యతరగతి ప్రజల గొంతు నులిమేందుకు కుట్ర చేస్తున్నాయి. గడువులోపు ఆధార్‌ బయోమెట్రిక్‌ ప్రామాణీకరణ పూర్తి చేయలేదనే సాకుతో సబ్సిడీని ఎగ్గొటేందుకు సన్నద్ధమవుతున్నాయి. రాయితీ సిలిండర్లను సైతం కమర్షియల్‌ ధరలకు విక్రయించేందుకు బాటలు వేస్తున్నాయి. సర్కారు వైఖరిపై సర్వత్రా విమర్శలు వెల్లువెత్తుతున్నాయి. లక్షలాది మందికి తిప్పలు జిల్లాలో మొత్తం 12 గ్యాస్‌ ఏజెన్సీలు ఉన్నాయి. వీటి పరిధిలో దీపం కనెక్షన్లు 2,45,786, ఉజ్వల కనెక్షన్లు 20,212, సాధారణ ఎల్పీజీ కనెక్షన్లు 5,00,116 ఉండగా, కమర్షియల్‌ కనెక్షన్లు 2,980 వరకు ఉన్నాయి. ఈ గణాంకాల మేరకు జిల్లాలో లక్షలాది కుటుంబాలు గ్యాస్‌ వినియోగంపైనే ఆధారపడి ఉన్నాయని స్పష్టమవుతోంది. అయితే, ఇరాన్‌ యుద్ధం కారణంగా గ్యాస్‌ కొరత తీవ్రమై ఓవైపు పొయ్యి వెలగడమే కష్టంగా మారితే, మరోవైపు ఈకేవైసీ ప్రక్రియ పూర్తికాక జిల్లాలోని వేలాది కనెక్షన్లు బ్లాక్‌ అయిపోవడం ప్రజలను మరింత ఇబ్బంది పెడుతోంది. ఇక కొత్తగా గ్యాస్‌ కనెక్షన్‌ కోసం సుమారు 80 వేల మందికి పైగా దరఖాస్తు చేసుకున్నట్లు అధికారిక గణాంకాలు చెబుతున్నాయి. అయితే వీరికి వంట గ్యాస్‌ పంపిణీ చేయకుండా వివిధ కారణాలతో ఐదు, 10 కేజీల సిలిండర్‌ ను అందజేసేందుకు ప్రయత్నాలు జరుగుతున్నట్లు పలు గ్యాస్‌ ఏజెన్సీలు వెల్లడిస్తున్నాయి. ఫ్రీ ట్రేడ్‌ లైసెన్స్‌ మెలిక ప్రభుత్వం అనుసరిస్తున్న విధానాలతో కొత్తగా కనెక్షన్‌ కావాలన్నా లేదా ఈ కేవైసీ కాక పాత కనెక్షన్లు బ్లాక్‌ అయినా వినియోగదారులు అష్టకష్టాలు పడుతున్నారు. కనెక్షన్‌ పొందేందుకు ఐదేళ్లు, పదేళ్లుగా నిరీక్షిస్తున్న పేద కుటుంబాలను, కొత్తగా కాపురం పెట్టిన దంపతులను ఆదుకోవాల్సిన ప్రభుత్వాలు.. వారిని ఫ్రీ ట్రేడ్‌ లైసెన్స్‌ కమర్షియల్‌ సిలిండర్ల వైపు నెడుతున్నాయి. ఎఫ్‌టీఎల్‌ కమర్షియల్‌ సిలిండర్ల (5 కిలోలు లేదా 10 కిలోలు) విక్రయాలకు ఎలాంటి ఆధార్‌, రేషన్‌ కార్డు లేదా స్థానిక నివాస ఆధారాలు అవసరం లేదని ఏజెన్సీలు చెబుతున్నాయి. రూ. 976 చెల్లించి లేదా డిపాజిట్‌ ఇచ్చి ఎప్పుడైనా గ్యాస్‌ సిలిండర్‌ తీసుకెళ్లవచ్చని మెలిక పెడుతున్నాయి. గృహ వినియోగానికి వాడే 14.2 కేజీల సాధారణ సిలిండర్ల సరఫరాకు ఆంక్షలు విధిస్తూ, చిన్న కమర్షియల్‌ సిలిండర్లను అంటగట్టి ప్రజల జేబులకు చిల్లు పొడుస్తున్నాయి. సాంకేతిక చిక్కులు జిల్లా వ్యాప్తంగా దాదాపు 30, 40 ఏళ్ల క్రితం ఇంట్లోని పెద్దల పేరిట తీసుకున్న పాత గ్యాస్‌ కనెక్షన్లు నేటికీ భారీ సంఖ్యలో ఉన్నాయి. ఆయా కనెక్షన్ల యజమానులు మరణించడం, వారి లీగల్‌ వారసుల పేరిట మార్చుకోవడంలో సాంకేతిక ఇబ్బందులు ఎదురవుతుండటంతో ఆయిల్‌ కంపెనీలు కనెక్షన్లను నిలిపివేశాయి. మైనర్‌ ఫ్యామిలీలుగా విడిపోయిన కుటుంబాలు, ఒకే ఇంట్లో వేర్వేరు రేషన్‌ కార్డులు ఉన్నవారు సరైన ప్రూఫ్‌ చూపించలేక సతమతమవుతున్నారు. బ్లాక్‌ అయినవాటికి ఈకేవైసీ కాకపోవడంతో వేలాది గ్యాస్‌ కనెక్షన్లు బ్లాక్‌ అయిపోయాయి. దీంతో, జిల్లాలో సామాన్యులు పొయ్యి వెలిగించుకోవడానికి తంటాలు పడుతున్నారు. కొత్త నిబంధనలతో రాయితీ ఎగవేత నష్టాల భర్తీకే ఈ దోపిడీ? అంతర్జాతీయంగా ఇరాన్‌ యుద్ధం కారణంగా, దిగుమతి వ్యయం పెరిగిందనే సాకుతో గృహ వినియోగ విభాగంలో తమకు వస్తున్న నష్టాలను భర్తీ చేసుకునేందుకే చమురు సంస్థలు ఈ కుతంత్రానికి తెరలేపాయనే విమర్శలు వ్యక్తమవుతున్నాయి. గృహ కనెక్షన్లకు కొత్తగా ఆమోదం తెలపకుండా నిలిపివేస్తూ, వినియోగదారులను కమర్షియల్‌ కేటగిరీకి మళ్లించడం ద్వారా లాభాలు దండుకోవడమే లక్ష్యంగా కనిపిస్తోంది. ఒకవైపు కొరత, ధరల భారంతో విలవిలలాడుతున్న సామాన్యుడిపై, ఇప్పుడు ఈకేవైసీ, కమర్షియల్‌ బాదుడు పేరుతో నిలువుదోపిడీకి దిగడంతో ప్రజల నుంచి ఆగ్రహం వ్యక్తమవుతోంది.

తవణంపల్లె : వుండలంలోని తొడతర ఉన్నత పాఠశాల విద్యార్థులు రాష్ట్ర స్థాయి అథ్లెటిక్‌ పోటీలకు ఎంపికై నట్లు ప్రధానోసాధ్యాయుడు ఖాతుంబీ తెలిపారు. తిరుపతిలోని తుమ్మలగుంట కేవీఎస్‌ గ్రౌండ్‌లో చిత్తూరు జిల్లా అథ్లెటిక్‌ అసోషియేషన్‌ ఆధ్వర్యంలో జిల్లా స్థాయి పోటీలను నిర్వహించారు. అండర్‌–14 విభాగం ట్రయాథ్లాన్‌ పోటీల్లో ఎన్‌.ధనుష్‌, అండర్‌–16 విభాగం పెంటాథ్లాన్‌ పోటీల్లో డి.ముకేష్‌కుమార్‌, అండర్‌–18 విభాగం డిస్కస్‌ త్రో పోటీలో బి.లోకేష్‌ ప్రతిభ కనపరచారని వెల్లడించారు. మంగళవారం ఈ మేరకు విద్యార్థులను అభినందించారు.

చిత్తూరు కలెక్టరేట్‌ : రాయలసీమ హార్టికల్చర్‌ హబ్‌తో ఉద్యానరంగం అభివృద్ధి చెందుతుందని కలెక్టర్‌ సుమిత్‌ కుమార్‌ గాంధీ తెలిపారు. మంగళవారం ఆయన విలేకర్లతో మాట్లాడారు. రాయలసీమ ప్రాంతంలో ఉద్యానవన రంగాన్ని సమగ్రంగా అభివృద్ధి చేసే లక్ష్యంతో ప్రతిష్టాత్మకంగా రూపకల్పన చేస్తున్నట్లు వెల్లడించారు. ఇందుకోసం జిల్లాకు రూ.1,529.69 కోట్ల విలువైన ప్రతిపాదనలను కేటాయించారన్నారు. అక్టోబర్‌ 2వ తేదీన మదనపల్లెలో కేంద్ర ఆర్థికశాఖ మంత్రి నిర్మలా సీతారామన్‌, ముఖ్యమంత్రి చంద్రబాబు అధికారికంగా ప్రారంభించనున్నారని వివరించారు. జీఓ416 ప్రకారం ప్రణాళికను జిల్లాలోని 27 మండలాల్లో, 20 క్లస్టర్ల పరిధిలో మూడేళ్ల పాటు మూడు విడతలుగా అమలు చేయనున్నట్లు తెలిపారు. మొదటి విడతలో 5 క్లస్టర్లు, 7 మండలాలు, రెండో విడతలో 8 క్లస్టర్లు, 9 మండలాలు, మూడో విడతలో 7 క్లస్టర్లు, 11 మండలాల్లో అభివృద్ధి పనులు చేపడతారన్నారు. రూ.620.40 కోట్లతో బిందు, తుంపర సేద్యపు పరికరాలు అందించనున్నట్లు వెల్లడించారు. రూ.383.74 కోట్లతో విదేశీ పండ్లు, ప్రత్యేక రకాల కూరగాయలు, పూలు, ఆయిల్‌ పామ్‌ సాగును ప్రోత్సహిస్తామన్నారు. రూ.162.80 కోట్లతో పాత తోటల పునరుద్ధరణ, కత్తిరింపులు, సమగ్ర పోషక యాజమాన్య చర్యలు చేపడతారని తెలిపారు. రూ.84.96 కోట్లతో కోల్డ్‌ స్టోరేజీలు, రైపెనింగ్‌ చాంబర్లు, ప్రాసెసింగ్‌ యూనిట్లను నెలకొల్పుతారన్నారు. రూ.77.11 కోట్లతో కలెక్షన్‌ సెంటర్లు, గిడ్డంగులు, ప్యాక్‌ హౌస్‌లు ఏర్పాటు చేస్తారని చెప్పారు. నాణ్యమైన నర్సరీల అభివృద్ధికి రూ.21 కోట్లు, స్టార్టప్‌లు, ఎఫ్‌పీఓల బలోపేతానికి రూ.23 కోట్లు, వ్యవసాయ యాంత్రీకరణకు రూ.17.21 కోట్లు, రైతులకు శిక్షణకు రూ.17.40 కోట్లు వెచ్చించనున్నట్లు వివరించారు. సాగు నుంచి మార్కెటింగ్‌, ప్రాసెసింగ్‌, ఎగుమతుల వరకు ప్రతి దశలోనూ రైతుకు విలువ ఆధారిత మద్దతు లభించేలా హార్టికల్చర్‌ హబ్‌ తోడ్పడుతుందని తెలిపారు.

● ఇద్దరికి గాయాలు బైరెడ్డిపల్లె : బైరెడ్డిపల్లె చెక్‌పోస్టు కూడలిలో మంగళవారం ఓ బైక్‌ను లారీ ఢీకొంది. దీంతో ఇద్దరు గాయపడ్డారు. వివరాలు.. ఫూటుగా మద్యం తాగిన లారీ డ్రైవర్‌ మత్తులో ఇష్టం వచ్చినట్లు నడపడంతో ప్రమాదం జరిగింది. జంగాళఅగ్రహారం గ్రామానికి చెందిన ప్రదీప్‌, రాజేష్‌ బైక్‌పై వెళుతుండగా వెనుకనుంచి ఢీకొట్టాడు. తీవ్రంగా గాయపడిన క్షతగాత్రులను బైరెడ్డిపల్లె ప్రభుత్వాసుపత్రికి తరలించారు. స్థానికులతో సైతం లారీ డ్రైవర్‌ దురుసుగా ప్రవర్తించాడు. పట్టపగలే మద్యం సేవించి వాహనాలు నడుపుతున్న వారిపై పోలీసులు ఎలాంటి చర్యలు తీసుకోవడం లేదని స్థానికులు ఆగ్రహం వ్యక్తం చేశారు. ఇంట్లో చోరీ సాక్షి, చిత్తూరు: ఐరాలలోని ప్రభుత్వ పాఠశాలలో ఫిజికల్‌ డైరెక్టర్‌ (పీడీ)గా పనిచేస్తున్న బాబు ఇంట్లో చోరీ జరిగింది. చిత్తూరు నగరంలోని సాంబయ్యకండ్రిగకు చెందిన బాబు, ఐరాలలో పీడీగా పనిచేస్తున్నారు. హైదరాబాదులో ఉన్న తన కుమార్తెను చూడడానికి శనివారం వెళ్లిన ఆయన మంగళవారం ఇంటికి వచ్చారు. సాంబయ్యకండ్రిగలోని తన ఇంటి కిటికీ ఇనుప చువ్వలు కత్తిరించి, తలుపులు పగులగొట్టి ఉన్నాయి. లోపలకు వెళ్లి చూడగా రూ.75 వేల నగదు, రెండు సవర్ల బంగారు ఆభరణాలు చోరీకి గురయ్యాయి. బాధితుడి ఫిర్యాదు మేరకు వన్‌టౌన్‌ సీఐ చిన్నపెద్దయ్య కేసు నమోదు చేసి దర్యాప్తు చేస్తున్నారు. తేనెటీగల దాడిలో ఒకరి మృతి నిండ్ర (నగరి) : నిండ్ర మండలంలోని అయ్యారు కండ్రిగలో తేనెటీగల దాడి చేయడంతో మునస్వామి యాదవ్‌ (62) అనే వ్యక్తి మృతి చెందాడు. గ్రామస్తుల కథనం మేరకు.. మంగళవారం ఉదయం సుమారు 8 గంటల సమయంలో మునస్వామి యాదవ్‌ తన మామిడి తోట వద్దకు వెళ్లగా చెట్టుకున్న తేనెటీగలు ఒక్కసారిగా దాడి చేశాయి. దీంతో ఆయన స్పృహ తప్పి పడిపోయాడు. సమీపంలోని రైతులు గమనించి హుటాహుటిన ఆస్పత్రికి తరలిస్తుండగా మార్గం మధ్యలో మరణించాడు.

చిత్తూరు కలెక్టరేట్‌: బడి గంట మోగింది.. ఉపాధ్యాయులు పాఠాలు చెప్పాలి, విద్యార్థులు శ్రద్ధగా వినాలి. కానీ, చిత్తూరు కొంగారెడ్డిపల్లెలోని షర్మన్‌ బాలికోన్నత పాఠశాలలో మాత్రం సీన్‌ రివర్స్‌ అయ్యింది. ఉదయం 10:49 గంటలకు పాఠశాల తరగతులు నిర్వహిస్తున్న సమయంలో, స్కూల్‌ యూనిఫామ్‌లో ఉన్న ఇద్దరు విద్యార్థినులు చేతిలో ప్లాస్కులు పట్టుకుని రోడ్డుపై ఉన్న టీ స్టాల్‌కు వచ్చారు. ఆ యజమానికి ప్లాస్కులు ఇచ్చి టీ నింపుకుంటున్న సన్నివేశం చూసిన అక్కడున్న స్థానికులు ముక్కున వేలేసుకున్నారు. అటెండర్లు, సిబ్బంది చేయాల్సిన పనులను చదువుకోవడానికి వచ్చిన ఆడపిల్లలతో చేయించడమేంటి? అదీ రోడ్డు మీదకు పంపించి.. టీ తెప్పించడమేంటి? అని స్థానికులు ఆగ్రహం వ్యక్తం చేశారు. విచిత్రమేమిటంటే.. ఒకవైపు జిల్లాలో బాలల హక్కుల పరిరక్షణ కమిషన్‌ పర్యటన జరుగుతోంది. బాలల హక్కుల కోసం అధికారులు సమీక్షలు చేపట్టిన రోజే, పాఠశాల యాజమాన్యం విద్యార్థినులను ఇలా అటెండర్లుగా మార్చడం గమనార్హం. ఈ ఘటనకు సంబంధించిన వీడియోలు సామాజిక మాధ్యమాల్లో వైరల్‌ కావడంతో పాటు డీఈఓ లక్ష్మీనారాయణ దృష్టికి వెళ్లాయి. దీనిపై తీవ్రస్థాయిలో మండిపడిన డీఈవో, సంబంధిత షర్మన్‌ పాఠశాల హెచ్‌ఎం, ఉపాధ్యాయులు, సిబ్బందిని వెంటనే సాయంత్రం డీఈవో కార్యాలయానికి పిలిపించి విచారణ చేపట్టారు. సంజాయిషీ ఇవ్వాలని ఆదేశించారు. పిల్లలతో వ్యక్తిగత పనులు చేయించుకుంటున్న ఉపాధ్యాయులు, హెచ్‌ఎంపై సస్పెన్షన్‌ వేటు వేయాలని విద్యార్థి సంఘాల నేతలు, తల్లిదండ్రులు డిమాండ్‌ చేస్తున్నారు. ఈ క్రమంలో డీఈవో లక్ష్మీనారాయణ మాట్లాడుతూ విద్యార్థులతో ఇలాంటి పనులు చేయిస్తే సహించేది లేదని హెచ్చరించారు. సమగ్రంగా విచారణ చేసి చర్యలు తీసుకుంటామని స్పష్టం చేశారు.

పాలసముద్రం : మండలంలోని శ్రీకావేరిరాజుపురం పంచాయతీలో చేపట్టిన రీ సర్వేలో విలేజ్‌ సర్వేయర్‌ చేతివాటం ప్రదర్శించారు. ఓ మధ్యవర్తిని పెట్టుకుని గ్రామ సేవకుడు, వీఆర్‌ఓ లేకుండానే రైతుల భూములను ఆన్‌లైన్‌లో పెట్టాడు. తరువాత 9(2) నోటీస్‌ను రైతులకు ఇచ్చారు. అందులో భూముల విస్తీర్ణం తక్కువగా ఉండడంతో రైతులు వెంటనే రెవెన్యూ అధికారులకు ఫిర్యాదు చేశారు. అయినప్పటికీ సదరు సర్వేయర్‌ పట్టించుకోకుండా తహసీల్దార్‌ నుంచి ఆర్‌డీఓ, తర్వాత జేసీ లాగిన్‌కి అప్‌డేట్‌ చేశాడు. ఇలా శ్రీకావేరిరాజుపురం పంచాయతీలో జరిగిన రీ సర్వేలో విలేజ్‌ సర్వేయర్‌ చేస్తున్న అక్రమాలు అంతులేదు. భూమి ఉన్నవారు ఆన్‌లైన్‌లో పెట్టాలని వస్తే, మీ పేరు మీద భూమి లేదంటున్నారు. తీరా భూమిపై ఉంటే మీ పేరుమీద రికార్డులు లేవంటున్నారు. కేవలం మధ్యవర్తి చెప్పివారి వివరాలనే ఆన్‌లైన్‌లో పెడుతున్నట్లు ఆరోపణలు వెల్లువెత్తుతున్నాయి. ఇందుకోసం ఎకరాకు రూ.వెయ్యి వరకు వసూలు చేస్తున్నట్లు తెలుస్తోంది. ఇప్పటికై నా ఉన్నతాధికారులు స్పందించి విలేజ్‌ సర్వేయర్‌ చర్యలు తీసుకుని, శ్రీకావేరిరాజుపురంలో మళ్లీ రీసర్వే చేయించాలని రైతులు కోరుతున్నారు. రెండు బైక్‌ల ఢీ : ముగ్గురికి గాయాలు కుప్పంరూరల్‌ : పట్టణంలోని తంబిగానిపల్లె వాణిమహల్‌ వద్ద వద్ద మంగళవారం రెండు బైకులు ఎదురెదురుగా ఢీకొనడంతో ముగ్గురు యువకులు గాయపడ్డారు. క్షతగాత్రులను కుప్పం ఏరియా ఆస్పత్రికి తరలించారు. దివ్యాంగురాలి మృతిపై ఎన్‌హెచ్‌ఆర్‌సీ సీరియస్‌ చిత్తూరు రూరల్‌ (కాణిపాకం) : చిత్తూరులో దివ్యాంగ మహిళ అదృశ్యమై, నదిలో మృతదేహంగా తేలిన ఘటనలో పోలీసుల నిర్లక్ష్యంపై జాతీయ మానవ హక్కుల కమిషన్‌ తీవ్రంగా స్పందించింది. జనవరిలో బాధితుల తరఫున ఫిర్యాదు అందినా పోలీసులు రొటీన్‌ మిస్సింగ్‌ కేసుగా భావించి ఎలాంటి ప్రొటోకాల్‌ పాటించలేదని కమిషన్‌ గుర్తించింది. ఈ ఉదాసీన వైఖరి కారణంగానే బాధితురాలు ప్రాణాలు కోల్పోయిందని పేర్కొంటూ, కమిషన్‌ సభ్యులు ప్రియాంక్‌ కనూంగో నేతృత్వంలోని బెంచ్‌ సుమోటోగా విచారణ చేపట్టింది. దీనిపై సమగ్ర విచారణ జరిపి నాలుగు వారాల్లోగా యాక్షన్‌ టేకెన్‌ రిపోర్ట్‌ సమర్పించాలని ఎస్పీని ఆదేశిస్తూ నోటీసులు జారీ చేసింది. కాగా, దీనిపై చిత్తూరుకు చెందిన న్యాయవాది హర్షద్‌ అయుబ్‌ఖాన్‌ కమిషన్‌కు ఫిర్యాదు చేశారు. విద్యార్థుల ఘర్షణ పాలసముద్రం : మండలంలోని నరసింహపురానికి చెందిన ఏడుగురు విద్యార్థులకు మంగళవారం టీవీఎన్‌ఆర్‌ పురం నుంచి చిత్తూరులోని కళాశాలకు బయలుదేరారు. టీవీఎన్‌ఆర్‌పురంలో బస్సు ఎక్కిన అక్కడి విద్యార్థులతో వాగ్వాదం జరిగింది. దీంతో విద్యార్థులు పరస్పరం దాడికి పాల్పడ్డారు. దీనిపై టీవీఎన్‌ఆర్‌పురం విద్యార్థుల తల్లిదండ్రులు పోలీసులకు ఫిర్యాదు చేశారు. ఎస్‌ఐ శివశంకర్‌ స్పందిస్తూ ఒకే పంచాయతీకి చెందిన విద్యార్థులు స్నేహపూర్వకంగా ఉండాలని, మరోసారి గొడవ పడితే చర్యలు తప్పవని హెచ్చరించారు.

చిత్తూరు రూరల్‌ (కాణిపాకం): జిల్లావ్యాప్తంగా చిత్తూరులో 7, నగరిలో 2, పలమనేరులో 2, కుప్పంలో 2 చొప్పున మొత్తం 13 అర్బన్‌ హెల్త్‌ సెంటర్లు పనిచేస్తున్నాయి. ఈ కేంద్రాల ద్వారా పేద ప్రజలకు వైద్య సేవలను మరింత చేరువ చేయాలనే లక్ష్యంతో ఇటీవల కేంద్ర ప్రభుత్వం ’హెల్త్‌ మేనేజ్‌మెంట్‌ ఇన్ఫర్మేషన్‌ సిస్టమ్‌ను అమలులోకి తీసుకువచ్చింది. దీనిపై ఆగస్ట్‌ 27, 28 తేదీల్లో జిల్లా అధికారులకు రాష్ట్ర స్థాయిలో ప్రత్యేక శిక్షణ కూడా ఇచ్చారు. ఆధార్‌తో లేని లింక్‌ నిబంధనల ప్రకారం క్షేత్రస్థాయిలో ఉన్న ఏఎనన్‌ఎంలు, ఆశా కార్యకర్తలు గ్రామాలు, వార్డుల్లో సర్వే చేసి అర్హులైన దంపతుల సమాచారాన్ని ఆర్‌సీహెచ్‌ పోర్టల్‌లో నమోదు చేయాలి. అనంతరం ఆధార్‌ సంఖ్యను ఐడీతో లింక్‌ చేయాల్సి ఉంది. ప్రతి గర్భిణివివరాలను ప్రత్యేక యాప్‌లో నమోదు చేయాలి. అలాగే వారికి అందిస్తున్న రక్తహీనత నివారణ ఐరన్‌ మాత్రలు, ఇతర పోషకాహార లోపాలను గుర్తిస్తూ ప్రతి నెలా 1వ తేదీ నాటికి హెచ్‌ఎంఐఎస్‌ పోర్టల్‌లో పూర్తి స్థాయి డేటాను అప్‌లోడ్‌ చేయాలి. కేవలం సంఖ్యల ప్రదర్శన అయితే, ఇవేమీ పట్టని చిత్తూరు నగరంలోని పలు అర్బన్‌ హెల్త్‌ సెంటర్ల ఏఎన్‌ఎంలు విధుల్లో నిర్లక్ష్యం వహిస్తున్నారు. గర్భిణుల పూర్తి వివరాలు నమోదు చేయకుండా, కేవలం ఏదో ఒక సంఖ్యను పోర్టల్‌లో చూపి తమ పని పూర్తయిందని చేతులు దులుపుకుంటున్నారు. చాలా చోట్ల గర్భిణుల అసలు వివరాలే రికార్డుల్లో లేకపోవడం గమనార్హం. తనిఖీల్లో గుట్టురట్టు ఇటీవల చిత్తూరు నగరంలోని కాజూరు అర్బన్‌ హెల్త్‌ పరిధిలోని బాలాజీనగర్‌లో జిల్లా టాస్క్‌ఫోర్స్‌ బృందం ఆకస్మిక తనిఖీలు చేపట్టింది. ఈ సందర్భంగా హెచ్‌ఎంఐఎస్‌ పోర్టల్‌ నమోదును పరిశీలించగా నివ్వెర పరిచే విషయాలు వెలుగులోకి వచ్చాయి. పోర్టల్‌లో గర్భిణుల సంఖ్య మాత్రమే కనిపించడం, వారి వివరాలు ఏమీ లేకపోవడంతో అధికారులు షాక్‌ తిన్నారు. కేవలం పేపర్‌ మేకప్‌ కోసమే లెక్కలు చూపిస్తున్నారని స్థానికులు ఆగ్రహం వ్యక్తం చేస్తున్నారు. వార్డు స్థాయిలో పూర్తి వివరాలు ఉంటేనే సరైన చికిత్స, మందులు అందే అవకాశముంటుంది. ఇప్పటికై నా ఉన్నతాధికారులు స్పందించి బాధ్యులపై కఠిన చర్యలు తీసుకోవాలని ప్రజలు కోరుతున్నారు. జిల్లాలో గర్భిణులు, బాలింతలకు వైద్య సేవలు అందించడంలో క్షేత్రస్థాయి సిబ్బంది నిర్లక్ష్యం ప్రదర్శిస్తున్నారు. ప్రభుత్వం ప్రతిష్టాత్మకంగా తీసుకొచ్చిన డిజిటల్‌ పోర్టల్స్‌ నిర్వహణలో అలసత్వం వహిస్తున్నారు. అంకెల గారడీతో పారదర్శకతకు మంగళం పాడుతున్నారు. పేద మహిళలకు పూర్తి స్థాయిలో వైద్యం అందించాల్సిన వ్యవస్థను నీరుగారుస్తున్నారు.జిల్లాలోని గర్భిణుల లెక్కల్లో నిర్లక్ష్యం

కుప్పంరూరల్‌ : రాష్ట్రస్థాయి అథ్లెటిక్స్‌ పోటీలకు కుప్పం డిగ్రీ కళాశాల విద్యార్థులు ఎంపికై నట్లు కాలేజీ వైస్‌ చైర్మన్‌ ఎన్‌.సాగర్‌రాజ్‌ తెలిపారు. మంగళవారం ఆయన మాట్లాడుతూ జిల్లాస్థాయి హైజంప్‌, లాంగ్‌ జంప్‌లో వి.అర్చన, జావెలిన్‌ త్రోలో ఎస్‌.లావణ్య, 100 మీటర్లు, 400 మీటర్ల పరుగు పందెంలో కె.దర్శిని, 200 మీటర్లు, 400 మీటర్ల పరుగు పందెంలో జి.సుచిత్ర, 200 మీటర్ల పరుగు పందెం, లాంగ్‌ జంప్‌లో వి.నందిని ఉత్తమ ప్రతిభను కనబరచినట్లు వెల్లడించారు. విద్యార్థినులకు ప్రిన్సిపల్‌ సుధారాణి, అధ్యాపకులు అభినందనలు తెలిపారు. రగ్బీ పోటీలకు శశిరేష్మి పాలసముద్రం : పాలసముద్రం ఉన్నత పాఠశాల విద్యార్థిని ఎం.శశిరేష్మి రాష్ట్రస్థాయి రగ్బీ పోటీలకు ఎంపికై నట్లు హెచ్‌ఎం మీనాక్షి తెలిపారు. ఈ క్రమంలో విద్యార్థినికి అభినందనలు తెలిపారు.

చిత్తూరు కలెక్టరేట్‌ : ప్రజల సమస్యల పరిష్కారం కోసం సోమవారం కలెక్టరేట్‌లో నిర్వహించిన పీజీఆర్‌ఎస్‌ (ప్రజా సమస్యల పరిష్కార వేదిక)కు అర్జీదారులు పోటెత్తారు. జిల్లాలోని పలు ప్రాంతాల నుంచి సమస్యల పరిష్కారానికి అధిక సంఖ్యలో విచ్చేశారు. వివిధ మండలాల నుంచి వచ్చిన బాధితులు, నిరుపేదలు తమ సమస్యలను అధికారుల దృష్టికి తీసుకెళ్లేందుకు గంటల తరబడి క్యూలో నిరీక్షించారు. పింఛన్లు, భూ సమస్యలు, ఉపాధి, నివాస స్థలాలు, వైద్య సహాయం తదితర అంశాలపై అర్జీదారులు పెద్ద సంఖ్యలో వినతిపత్రాలను అందజేశారు. ఉన్నతాధికారులు నేరుగా అర్జీలను స్వీకరించి, బాధితుల గోడును అడిగి తెలుసుకున్నారు. స్వీకరించిన అర్జీలను తక్షణమే పరిష్కరించాలని, నిర్దేశిత గడువులోగా సంబంధిత శాఖలకు పంపి వేగవంతమైన చర్యలు చేపట్టాలని ఆదేశించారు. ప్రజా ఫిర్యాదులపై ఏమాత్రం అలసత్వం వహించకుండా పరిష్కారానికి ప్రాధాన్యత ఇవ్వాలని కలెక్టర్‌ సుమిత్‌ కుమార్‌ గాంధీ స్పష్టం చేశారు. కార్యక్రమంలో ట్రైనీ కలెక్టర్‌ వెంకటేష్‌, పలు శాఖల ఉన్నతాధికారులు పాల్గొన్నారు.

పేపర్‌ ప్లేట్లలో వేడి ఆహారం పెట్టుకుని తినడంతో కెమికల్‌ ఎఫెక్ట్‌ జరుగుతుంది. ఇది మన శరీరంలోకి చేరడంతో ముఖ్యంగా నెర్వస్‌ సిస్టమ్‌పై ప్రభావం పడుతుంది. ఆపై లివర్‌, కిడ్నీ, గుండె, స్ట్రెస్‌, పలు రకాల క్యాన్సర్లు సోకే అవకాశాలున్నాయి. ముఖ్యంగా మహిళలల్లో హార్మోన్ల ఇన్‌బ్యాలెన్స్‌తో ఫెర్టిలిటీ సమస్యలు ఎక్కువగా కనిపిస్తుంటాయి. – మమతారాణి, సూపరిండెంటెంట్‌, ఏరియా ఆస్పత్రి, పలమనేరు పెను ప్రమాదం తప్పదు ఇటీవల పేపర్‌ప్లేట్ల వినియోగం ఎక్కువైంది. ఎటు చూసినా అవే కనిపిస్తున్నాయి. వీటి వాడకంతో మనకు తెలియకుండానే ఎన్నో రకాల వ్యాధులను మనమే శరీరంలోకి ఎక్కించుకుంటున్నాం. వీటికి ప్రత్యామ్నాయంగా స్టీల్‌, మట్టి, పింగాణి ప్లేట్లను రీయూజ్‌గా వాడుకునే విధానాలకు జనం అలవాటు పడాలి. దీనిపై ముఖ్యంగా ప్రభుత్వం చర్యలు తీసుకోవాలి. ప్రజల ఆరోగ్య రక్షణ బాధ్యత పాలకులపై ఉంది. – సోమచంద్రారెడ్డి, మేధావుల ఫోరమ్‌ జిల్లా అధ్యక్షుడు

చిత్తూరు కలెక్టరేట్‌ : హాస్టల్‌ వార్డెన్‌ వేధింపులు తాళలేకపోతున్నానని, అందరి ముందూ కులం పేరుతో దూషిస్తూ తనపై కక్ష సాధింపు చర్యలకు పాల్పడుతున్నారని పదో తరగతి విద్యార్థి జశ్వంత్‌ ఆవేదన వ్యక్తం చేశాడు. సోమవారం ఆ విద్యార్థి తన తండ్రి మురళితో కలిసి కలెక్టరేట్‌లోని ప్రజా సమస్యల పరిష్కార వేదిక (పీజీఆర్‌ఎస్‌)లో కలెక్టర్‌కు ఫిర్యాదు చేశారు. బాధిత విద్యార్థి కథనం ప్రకారం.. ఇటీవల ఉన్నతాధికారులు పూతలపట్టు ఎస్సీ బాలుర హాస్టల్‌ తనిఖీకి వచ్చిన సమయంలో భోజనం బాగాలేదని చెప్పినట్లు తెలిపారు. దీంతో ఆగ్రహం పెంచుకున్న వార్డెన్‌, అప్పటినుంచి తనను లక్ష్యంగా చేసుకుని విద్యార్థులందరి ముందూ కులం పేరుతో దూషిస్తూ మానసికంగా వేధిస్తున్నారని ఆవేదన వ్యక్తం చేశాడు. వార్డెన్‌ వేధింపుల కారణంగా భయాందోళనకు గురైన సదరు విద్యార్థి, ప్రస్తుతం హాస్టల్‌కు వెళ్లేందుకు భయపడుతున్నట్లు చెప్పాడు. విద్యార్థి తండ్రి మాట్లాడుతూ ఇటీవలే తమ పెద్ద కుమారుడు ఆత్మహత్య చేసుకున్నాడని, ఆ శోకంలో ఉన్న తమ కుటుంబానికి ఇప్పుడు చిన్న కుమారుడిని వార్డెన్‌ ఇలా వేధించడం ఏంటని ఆవేదన వ్యక్తం చేశాడు. హాస్టల్‌లో భోజనం బాగాలేదని ఉన్నతాధికారులకు నిజం చెప్పడమే తన కుమారుడు చేసిన తప్పా అని ప్రశ్నించారు. కుమారుడి భవిష్యత్తు పాడవుతుందేమోనని ఆందోళన చెందుతున్నామన్నారు. ఈ ఘటనపై తక్షణమే సమగ్ర విచారణ జరిపి, బాధ్యుడైన వార్డెనన్‌ను సస్పెండ్‌ చేయాలని కోరారు.

చిత్తూరు కలెక్టరేట్‌ : బాలల హక్కుల రక్షణే లక్ష్యంగా పనిచేస్తున్నామని రాష్ట్ర బాలల హక్కుల పరిరక్షణ కమిషన్‌ చైర్మన్‌ సూర్య నారాయణ రాజు తెలిపారు. సోమవారం జిల్లాలో పర్యటించిన ఆయనకు చిత్తూరు ఆర్‌అండ్‌బీ అతిథి గృహంలో అధికారులు స్వాగతం పలికారు. అనంతరం గిరింపేటలోని నగరపాలక హైస్కూల్‌లో నిర్వహించిన సమావేశంలో కమిషన్‌ సభ్యులు పద్మలతతో కలసి ఆయన పాల్గొన్నారు. ప్రతి చిన్నారికి జీవించే, అభివృద్ధి చెందే హక్కు, రక్షణ, భాగస్వామ్య హక్కులు ఉన్నాయని స్పష్టం చేశారు. పాఠశాలల్లో పిల్లలకు అవసరమైన విద్య, పౌష్టికాహారం, తాగునీరు, మరుగుదొడ్లు వంటి మౌలిక వసతులు సక్రమంగా అందుతున్నాయో లేదో పరిశీలించడం కమిషన్‌ బాధ్యతని వెల్లడించారు. బాలల రక్షణలో పాఠశాల స్థాయి నుంచే గుడ్‌ టచ్‌ బ్యాడ్‌టచ్‌పై అవగాహన కల్పించాలన్నారు. బాలలపై లైంగిక వేధింపులు, హక్కుల ఉల్లంఘనలకు పాల్పడితే పోక్సో చట్టం కింద కఠిన చర్యలుంటాయని హెచ్చరించారు. పాఠశాలలో, సమాజంలో బాలల హక్కులకు భంగం వాటిల్లితే వెంటనే చైల్డ్‌ హెల్ప్‌లైన్‌ 1098 నంబర్‌కు సమాచారం అందించాలని కోరారు. 18 ఏళ్ల లోపు పిల్లలకు పెళ్లి చేయడం చట్టవిరుద్ధమన్నారు. ప్రత్యేకించి బాలికల విద్యకు ప్రాధాన్యత ఇస్తూ బాల్య వివాహాలను అడ్డుకోవాలని తల్లిదండ్రులకు విజ్ఞప్తి చేశారు. కమిషన్‌ సభ్యులు పద్మలత మాట్లాడుతూ బాలల సమస్యల పరిష్కారానికి ప్రభుత్వ శాఖలన్నీ సమన్వయంతో పనిచేయాలని సూచించారు. కార్యక్రమంలో చైల్డ్‌ ప్రొటెక్షన్‌ జిల్లా అధికారి సుబ్రమణ్యం, డీవైఈఓ ఇందిరా, ఎంఈఓలు సెల్వరాజ్‌, మోహన్‌ పాల్గొన్నారు.

చిత్తూరు కలెక్టరేట్‌ : జిల్లాలోని ప్రభుత్వ పాఠశాలల్లో పనిచేస్తున్న ఎస్‌జీటీ, పీఈటీ ఉపాధ్యాయులు ఇన్‌న్‌సర్వీస్‌లో బీఈడీ, బీపీఈడీ కోర్సులు చేసేందుకు దరఖాస్తు గడువు పొడిగించినట్లు డీఈఓ లక్ష్మీనారాయణ తెలిపారు. సోమవారం ఆయన విలేకర్లతో మాట్లాడారు. అర్హత, ఆసక్తి గల టీచర్లు దరఖాస్తులను సమర్పించేందుకు అక్టోబర్‌ 31వ తేదీ వరకు అవకాశం కల్పించినట్లు వెల్లడించారు. అర్హులైనవారు తమ దరఖాస్తు ప్రతిపాదనలను సంబంధిత డీడీఓలతో గడువులోపు డీఈఓ కార్యాలయంలో అందజేయాలని సూచించారు. నిర్ణీత గడువు దాటిన తర్వాత వచ్చే దరఖాస్తులను స్వీకరించమని స్పష్టం చేశారు. వీడియో మార్ఫింగ్‌పై ఫిర్యాదు విజయపురం (నగరి) : మాజీ మంత్రి ఆర్‌కే రోజా తిరుమల శ్రీవారి దర్శనానికి వెళ్లి వస్తున్న వీడియోను కొందరు మార్ఫింగ్‌ చేసి సోషల్‌ మీడియాలో అసభ్యకరంగా ప్రచారం చేస్తున్నారని, వారిపై చర్యలు తీసుకోవాలని కోరుతూ వైఎస్సార్‌సీపీ విజయపురం మండలం నేతలు కోరారు. సోమవారం ఈ మేరకు చిత్తూరులో ఎస్పీ తుషార్‌ డూడీకి ఫిర్యాదు చేశారు. మాజీ మంత్రి వ్యక్తిగత ప్రతిష్టకు భంగం కలిగించేలా సోషల్‌ మీడియాలో ప్రచారం చేస్తున్న వారిపై చట్టప్రకారం చర్యలు తీసుకోవాలని విన్నవించారు. కార్యక్రమంలో మాజీ ఎంపీపీ మంజు బాలాజీ, వైఎస్సార్‌సీపీ సోషల్‌ మీడియా విభాగం జిల్లా సెక్రటరీ జిల్లు, మాజీ సర్పంచ్‌లు భాస్కర్‌రెడ్డి, శ్రీరాములు రెడ్డి, బాబు, యువజన నేత ప్రకాష్‌ పాల్గొన్నారు. డీటీల డ్రాఫ్ట్‌ సీనియారిటీ జాబితా విడుదల – అభ్యంతరాలకు అక్టోబరు 3 వరకు గడువు చిత్తూరు కలెక్టరేట్‌ : రెవెన్యూ శాఖలో పనిచేస్తున్న డిప్యూటీ తహసీల్దార్ల (డైరెక్ట్‌ రిక్రూట్‌మెంట్‌, ప్రమోటీలతో సహా) స్థానిక కేడర్‌ కేటాయింపుల ప్రాతిపదికన డ్రాఫ్ట్‌ సీనియారిటీ జాబితాను విడుదల చేసినట్లు పభుత్వ ప్రత్యేక ప్రధాన కార్యదర్శి జయలక్ష్మి తెలిపారు. ఈ మేరకు సోమవారం కలెక్టర్‌కు ఉత్తర్వులు పంపారు. రాష్ట్రపతి ఉత్తర్వులు–2025 ప్రకారం ఉద్యోగుల స్థానిక కేడర్ల నిర్వహణ, కేటాయింపుల ప్రక్రియలో భాగంగా ఉమ్మడి జిల్లాలోని డిప్యూటీ తహసీల్దార్ల (ప్రొబేషన్‌, సస్పెన్షన్‌, ఈఓఎల్‌, డిప్యుటేషన్‌, శిక్షణలో ఉన్నవారిని కలిపి) వివరాలతో జోనల్‌ సీనియారిటీ డ్రాఫ్ట్‌ జాబితాను రూపొందించినట్లు పేర్కొన్నారు. సంబంధిత జాబితాను ఈ నెల 28వ తేదీన జిల్లా స్థాయిలో ప్రచురించాలని ఆదేశించారు. అక్టోబరు 3వ తేదీ నాటికి అభ్యంతరాలను స్వీకరించాల్సిందిగా స్పష్టం చేశారు. ఈ డ్రాఫ్ట్‌ సీనియారిటీ జాబితా కేవలం స్థానిక కేడర్ల కేటాయింపు అవసరాల కోసమేనని, ఇది ఉద్యోగుల సర్వీస్‌ సీనియారిటీకి ఎలాంటి హక్కును కల్పించదని ఉత్తర్వుల్లో వెల్లడించారు. అభ్యంతరాలు ఉన్న ఉద్యోగులు తగిన ఆధారాలతో నిర్ణీత గడువులోగా దరఖాస్తు చేసుకోవాలని సూచించారు. బాధ్యతగా ఫిర్యాదుల పరిష్కారం చిత్తూరు రూరల్‌ (కాణిపాకం): ప్రజా ఫిర్యాదుల పరిష్కారంలో అధికారులు ఎలాంటి అలసత్వం వహించకూడదని, నిర్దేశిత గడువులోగా విచారణ పూర్తిచేసి బాధ్యతగా బాధితులకు న్యాయం చేయాలని ఎస్పీ తుషార్‌ డూడీ ఆదేశించారు. సోమవారం జిల్లా పోలీస్‌ కార్యాలయంలో నిర్వహించిన ప్రజా ఫిర్యాదుల పరిష్కారం కార్యక్రమంలో ఆయన ప్రజల నుంచి వినతులను స్వీకరించారు. ఈ సందర్భంగా ఎస్పీ మాట్లాడుతూ ప్రజలకు పోలీసులు ఎల్లప్పుడూ అందుబాటులో ఉంటూ, చట్టబద్ధంగా సమస్యలను పరిష్కరించడమే ధ్యేయంగా పనిచేయాలన్నారు. జిల్లా నలుమూలల నుంచి వచ్చిన బాధితులు ఎస్పీతో పాటు నాన్‌ కేడర్‌ ఎస్పీ రాజశేఖర్‌ రాజు, అడిషనల్‌ ఎస్పీ ఎస్‌ షాను, డీఎస్పీ జె.వెంకటనారాయణను నేరుగా కలిసి తమ సమస్యలను విన్నవించుకున్నారు. గ్రీవెన్స్‌లో మొత్తం 84 ఫిర్యాదులు అందినట్లు అధికారులు వెల్లడించారు.

తీవ్రమైన అనారోగ్యంతో బాధపడుతున్న కోటేశ్వరి అనే మహిళ పింఛన్‌ మంజూరు కోసం నిరసన చేపట్టింది.గొంతెమ్మ కోర్కెలు కోరడం లేదు స్వర్ణ గ్రామ, వార్డు ఉద్యోగులు గొంతెమ్మ కోర్కెలు కోరడం లేదు. న్యాయమైన డిమాండ్లు మాత్రమే ప్రభుత్వం వద్ద ఉంచుతున్నాం. వాటికి పరిష్కారం చూపకుండా రెండేళ్లుగా కాలయాపన చేశారు. దీనిపై ప్రశ్నించడం ప్రజాస్వామ్యంలో ఎవరికై నా హక్కు ఉంది. ఒక్క డిమాండ్‌కు పరిష్కారం చూపకుండా ప్రభుత్వం వ్యవహరిస్తున్న తీరును ఉద్యోగులు తీవ్రంగా తప్పుబడుతున్నారు. మా సమస్యలకు పరిష్కారం లభించేవరకు పోరాటాలు చేయకతప్పదు. –విద్యాసాగర్‌, స్వర్ణ వార్డు ఉద్యోగి, తిరుపతి సమస్యలు పట్టించుకోండి స్వర్ణ గ్రామ, వార్డు ఉద్యోగుల సమస్యలను కాస్తా పట్టించుకోండి. రెండేళ్లుగా ఏ ఒక్క సమస్యను పట్టించుకోకపోవడంతోనే చలో విజయవాడ నిరసన కార్యక్రమానికి శ్రీకారం చుట్టాం. హక్కుల కోసం నిరసన చేపట్టడం నేరమా..?. ఇప్పటికే ఉద్యోగుల సంఖ్య తగ్గించారు. దాంతోనే పనిభారం తీవ్రంగా మారింది. వలంటీర్లు ఇచ్చే పింఛన్ల పనులు మేమే చేస్తున్నాం. మాపైన ప్రభుత్వానికి కనికరం లేకుండా కేసులు పెట్టడం ఏ మాత్రం సరికాదు. –మునితేజ, స్వర్ణ వార్డు ఉద్యోగి, తిరుపతి

చంద్రప్రభ వాహనంపై ఊరేగుతున్న వినాయకస్వామికాణిపాకం: కాణిపాకం శ్రీవరసిద్ధి వినాయకస్వామి ప్రత్యేక బ్రహ్మోత్సవాలను వైభవంగా నిర్వహిస్తున్నారు. అందులో భాగంగా సోమవారం వినాయకస్వామివారు చంద్రప్రభవాహనంపై విహరించారు. ఈ సందర్భంగా తొలుత మూలవిరాట్‌కు విశేషాభిషేకం జరిపించారు. చందన అలంకారం చేసి విశేష పూజలు నిర్వహించి భక్తులకు దర్శన ప్రాప్తి కల్పించారు. రాత్రి అలంకార మండపంలో సిద్ధి, బుద్ధి సమేత వినాయకస్వామి వారి ఉత్సవమూర్తులకు క్షీరాభిషేకం చేశారు. సుగంధభరిత పుష్పాలు, పట్టుపీతాంబరాలతో అలంకరించి వేంచేపు చేశారు. అనంతరం చంద్రప్రభవాహనంపై కొలువుదీర్చారు. మంగళవాయిద్యాలు, సాంస్కృతిక కార్యక్రమాల నడుమ మాడవీధుల్లో ఊరేగించారు. భక్తులు అడుగడుగునా కర్పూర హారతులు సమర్పించి మొక్కులు చెల్లించుకున్నారు. చంద్రప్రభ వాహన సేవలో భాగంగా ఉభయకర్తలు క్షీర కలశాలతో ఊరేగింపు చేపట్టారు. ప్రధాన ఆలయ కల్యాణ వేదికలో ఉత్సవమూర్తికి పాలాభిషేకం చేశారు.

బైరెడ్డిపల్లె మండలం వెంగంవారిపల్లె సమీపంలో ఒంటరి ఏనుగుల 15 రోజులుగా నానా బీభత్సం సృష్టిస్తోంది.మంగళవారం శ్రీ 29 శ్రీ సెప్టెంబర్‌ శ్రీ 2026తిరుపతి అర్బన్‌: స్వర్ణ గ్రామ, స్వర్ణ వార్డు ఉద్యోగులు రెండేళ్లుగా అసంతృప్తి వ్యక్తం చేస్తున్నారు. చంద్రబాబు ప్రభుత్వం అధికారంలోకి వచ్చిన నాటి నుంచి పనిఒత్తిడి పెరిగిందని ఆవేదన చెందుతున్నారు. ప్రధానంగా పదుల సంఖ్యలో సర్వేలు అప్పగించడంతో పలువురు ప్రాణాలు కోల్పోయారని, కొందరు అనారోగ్యంతో అవస్థలు పడుతున్నారని మొత్తుకుంటున్నారు. ఇదే అంశాన్ని జిల్లాల వారీగా అధికారులకు మొరపెట్టుకున్నారు. పదుల సంఖ్యలో ఉన్న తమ డిమాండ్లను అధికారుల ముందు ఉంచారు. కొన్ని డిమాండ్లకు అయినా పరిష్కారం చూపుతారని ఆశపడ్డారు. అయితే ఏ ఒక్క డిమాండ్‌ను పరిష్కరించకపోగ...అధనపు పనిభారాన్ని మోపడంతో గత్యంతరం లేక న్యాయపోరాటానికి దిగారు. చలో విజయవాడకు పిలుపునిచ్చారు. దీన్ని జీర్ణించుకోలేని కూటమి ప్రభుత్వం వారిని భయభ్రాంతులకు గురిచేసేందుకు సిద్ధమైంది. వేధింపులు మొదలయ్యాయి! చలో విజయవాడకు వెళ్లిన స్వర్ణ గ్రామ, వార్డు ఉద్యోగులను పోలీసులు భయభ్రాంతులకు గురిచేస్తున్నారంటూ పలువురు ఆందోళన వ్యక్తం చేస్తున్నారు. ప్రధానంగా నిరసనలో పాల్గొన్న ఉద్యోగి పేరు, ఊరుతోపాటు వారి సతీమణి, తల్లిదండ్రులు, పిల్లల పేర్లు తెలుసుకోవడమే కాకుండా వాళ్ల వృత్తి తదితర సమాచారాన్ని సేకరిస్తున్నట్లు ఉద్యోగులు చెబుతున్నారు. గోప్యంగా ఉంచాల్సిన వ్యక్తగత సమాచారాన్ని ఇవ్వడానికి ఉద్యోగులు ఇష్టపడడం లేదు. అయినప్పటికీ పోలీసులు పదేపదే అడుగుతుండడంతో పలువురు ఉద్యోగులకు తప్పడం లేదు. ఈ క్రమంలో వారంతా పెద్ద ఎత్తున ఆందోళన చెందుతున్నారు. చలో విజయవాడ నిరసన ఫలితంగానే ఇదంతా చేస్తున్నారని చర్చించుకుంటున్నారు. వేధింపులు మానకుంటే ఆందోళనలు ఉధృతం చేస్తామని హెచ్చరిస్తున్నారు. రెండున్నరేళ్లుగా అభ్యర్థిస్తున్నాం. సమస్యలు పరిష్కరించాలని వేడుకుంటున్నాం. అధికారులకు వినతి పత్రాలు సమర్పించాం. నాయకుల కాళ్లావేళ్లా పడ్డాం. కానీ ఏ ఒక్కరూ కనికరించలేదు. మేము కూడా భార్యాబిడ్డలు, కుటుంబాన్ని పోషించాలి. ఇలా.. ఎన్నాళ్లు ఓర్చుకోవాలి. అందుకే చలో విజయవాడకు పిలుపునిచ్చాం. నిరసన వ్యక్తం చేసినందుకు మాపై కూటమి ప్రభుత్వం కక్ష పెంచుకుంది. అత్యంత గోప్యంగా ఉన్న వ్యక్తిగత సమాచారాన్ని పోలీసుల ద్వారా సేకరిస్తోంది. సమస్యలు పరిష్కరించకుండా ఇలా భయభ్రాంతులకు గురిచేయడం సరికాదు. ఇలాగే చేస్తే ఉద్యమం మరింత తీవ్రతరమవుతుంది...’ అంటూ గ్రామ, వార్డు సచివాలయ ఉద్యోగులు హెచ్చరిస్తున్నారు.

– మాజీ డిప్యూటీ సీఎం నారాయణస్వామి శ్రీరంగరాజపురం:కేంద్ర ఎన్నికల కమిషనర్‌ జ్ఞానేష్‌కుమార్‌ పక్షపాత వైఖరి సరికాదని మాజీ డిప్యూటీ సీఎం నారాయణస్వామి స్పష్టం చేశారు. సోమవారం పుత్తూరులో ఆయన విలేకర్లతో మాట్లాడారు. సీఈసీ జ్ఞానేష్‌కుమార్‌ బీజేపీకి కొమ్ముకాయడం, వారికి అనుకూలంగా వ్యవహరించడం రాజ్యాంగ హక్కులను కాలరాయడమే విమర్శించారు. ఈ క్రమంలోనే ఆయన రాజీనా మా చేయాలని డిమాండ్‌ చేశారు. పార్లమెంట్‌ ఓటింగ్‌ లేదా ప్రధానమంత్రి, సుప్రీకోర్టు ప్రధాన న్యాయమూర్తి, ప్రతిపక్ష పార్టీలతో చర్చించి కేంద్ర ఎన్నికల కమిషనర్‌ను నియమించాలని సూచించారు. రాష్ట్రంలో సైతం ప్రజాస్వామ్యం లేకుండా పోయిందని, సచివాలయ ఉద్యోగులపై లాఠీ చార్జి చేయించడమే ఇందుకు నిదర్శనమని మండిపడ్డారు. న్యాయమైన డిమాండ్ల సాధనకు శాంతియుతంగా నిరసన తెలుపుతుంటే దాడి చేసే అధికారం ఎవరిచ్చారని ప్రశ్నించారు. జగనన్న పాలనలో 1.50 లక్షల మందికి పారదర్శకంగా ఉద్యోగాలు ఇచ్చామని,చంద్రబాబు ప్రభుత్వం డీఎస్సీ పేరుతో అవకతవకలకు పాల్పడిందని ఆరోపించారు. జగనన్న ప్రభుత్వం రాగానే డీఎస్సీ నియామకాలపై విచారణ చేయిస్తామని హెచ్చరించారు. అలాగే సోషల్‌ మీడియా వ్యక్తులకు ప్రభుత్వం ప్రోత్సాహక నిధులు ఇవ్వడం ఎక్కడా చూడలేదన్నారు. మాజీ మంత్రి ఆర్‌కే రోజాపై తప్పుడు పోస్టులు పెట్టిన టీడీపీ సోషల్‌ మీడి యా వ్యక్తులకు జీతాలు చెల్లించాలని కేబినెట్‌లో తీర్మా నం చేయడం దారుణమని ఆగ్రహం వ్యక్తం చేశారు. చంద్రబాబు పాలనలో అవినీతి పెరిగిపోయిందని, రాష్ట్రం అప్పుల కుప్పగా మారిపోయిందని విమర్శించారు.

కుప్పం : ముఖ్యమంత్రి చంద్రబాబు పర్యటనకు కుప్పం నుంచి ఆర్‌టీసీ బస్సులను తరలించారు. ఒక్కసారిగా 38 సర్వీసులు వెళ్లిపోవడంతో విద్యార్థులకు ఇబ్బందులు తప్పలేదు. కళాశాల, పాఠశాల నుంచి స్వగ్రామానికి వెళ్లేందుకు సర్వీసులు లేకపోవడంతో పిల్లలు గంటల తరబడి పడిగాపులు కాయాల్సి వచ్చింది. మంగళవారం నెల్లూరులో నిర్వహించే బహిరంగ సభలో సీఎం చంద్రబాబు పాల్గొననున్నారు. దీంతో కుప్పం నుంచి పలమనేరు వైపునకు వెళ్లే సూపర్‌ లగ్జరీ బస్సులను సైతం నెల్లూరుకు పంపించారు. ఈ క్రమంలో సోమవారం నుంచి బుధవారం వరకు కుప్పం డిపోకు చెందిన 38 బస్సులు అందుబాటులో ఉండని పరిస్థితి. నిత్యం సాయంత్రం వేళ పల్లె వెలుగు, ఆర్డినరీ సర్వీసులు కుప్పం డిపో నుంచి సకాలంలో నడవడం లేదు. దీనికి తోడు మూడు రోజుల పాటు 38 బస్సులు లేకపోవడంతో పరిస్థితి మరింత దారుణంగా తయారైంది. సోమవారం సాయంత్రం 5 గంటలకు విద్యార్థులు తిరుగు ప్రయాణమయ్యేందుకు బస్టాండుకు వచ్చారు. అక్కడ బస్సులు లేకపోవడంతో గంటల తరబడి నిరీక్షించాల్సి వచ్చింది. దీనిపై డిపోలో సమాధానం చెప్పేవారు కూడా లేకపోవడంతో పిల్లలక ప్రైవేట్‌ వాహనాలను ఆశ్రయించాల్సిన దుస్థితి దాపురించింది.

చిత్తూరు రూరల్‌ మాపాక్షి దళితవాడకు చెందిన శంకరయ్య తన నివాసం వద్ద ఉన్న ప్రమాదకర పరిస్థితిని వివరించారు. తన ఇంటి పైనుంచి వెళుతున్న విద్యుత్‌ లైన్‌ చేతికి అందేంత తక్కువ ఎత్తులో ఉందని ఆందోళన వ్యక్తం చేశారు. ఇంట్లో చిన్న పిల్లలు ఆడుకుంటూ ఉంటారని, ఏదైనా ప్రమాదం సంభవించకముందే ఆ విద్యుత్‌ లైన్‌ను తొలగించాలని వేడుకున్నారు. స్థానిక విద్యుత్‌ అధికారులకు విన్నవించినా కనీస స్పందన లేకపోవడంపై ఆయన అసంతృప్తి వ్యక్తం చేశారు. షెడ్యూల్‌ భూముల్లో అక్రమాలు ఎస్‌ఆర్‌ పురం మండలం, పెద్దకొండేపల్లెకు చెందిన గ్రామస్తులు కలెక్టర్‌ను కలసి అర్జీ అందజేశారు. వారు మాట్లాడుతూ తమ గ్రామంలోని షెడ్యూలు భూములపై కొందరు తప్పుడు రికార్డులు సృష్టించి మోసానికి పాల్పడ్డారని ఫిర్యాదు చేశారు. గతంలో జాయింట్‌ కలెక్టర్‌ పర్యవేక్షణలో జరిగిన విచారణలో ఈ ఆరోపణలు నిజమని నిర్ధారణ అయినట్లు వెల్లడించారు. మోసానికి పాల్పడిన వ్యక్తులపై చట్టపరమైన చర్యలు తీసుకుని న్యాయం చేయాలని కోరారు.

గంగాధర నెల్లూరు : మండలంలోని వింజం పెద్ద చెరువులో ఆదివారం రాత్రి మట్టి తరలించడానికి వెళుతూ ట్రాక్టర్‌ బోల్తా పడడంతో ఓ వ్యక్తి మృతి చెందాడు. వివరాలు.. బాలగంగానపల్లె పంచాయతీ మేనటంపల్లెకు చెందిన కృష్ణారెడ్డి(60) వింజం పెద్ద చెరువులో ఆదివారం మట్టి తోలడానికి నిమిత్తం ట్రాక్టర్‌లో వెళుతుండగా రోడ్డు బాగా లేకపోవడంతో ప్రమాదం జరిగింది. తీవ్రంగా గాయపడిన కృష్ణారెడ్డిని వెంటనే 108 వాహనంలో చిత్తూరు ప్రభుత్వాస్పత్రికి తరలించగా చికిత్స పొందుతూ మరణించాడు. కృష్ణారెడ్డి భార్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు తెలిపారు. 30 వరకు ఓపెన్‌ స్కూల్‌ అడ్మిషన్లకు గడువుచిత్తూరు కలెక్టరేట్‌ : ఆంధ్రప్రదేశ్‌ సార్వత్రిక విద్యాపీఠంలో 2026–27 విద్యా సంవత్సరానికి సంబంధించి పదో తరగతి, ఇంటర్మీడియట్‌ కోర్సుల్లో అడ్మిషన్‌లకు ఈ నెల 30వ తేదీ వరకు గడువు పెంచినట్లు డీఈఓ లక్ష్మీనారాయణ వెల్లడించారు. సోమవారం ఆయన మాట్లాడుతూ రూ.200 అపరాధ రుసుము చెల్లించాలని సూచించారు. ఆసక్తి కలిగిన అభ్యర్థులు దరఖాస్తులను మీ సేవ, ఏపీఆన్‌లైన్‌లో అప్‌లోడ్‌ చేసి సమన్వయ కేంద్రాల్లో అడ్మిషన్‌ పొందాలన్నారు. ఇతర వివరాలకు డీఈఓ కార్యాలయంలోని ఓపెన్‌ స్కూల్‌ అధికారులను సంప్రదించాలని కోరారు. ఒంటరి ఏనుగు బీభత్సం బైరెడ్డిపల్లె : మండలంలోని వెంగంవారిపల్లె సమీపంలో ఉన్న కొత్తచెరువు, మునినాయనచెరువు పరిసరాల్లో 15 రోజులుగా ఒంటరి ఏనుగు బీభత్సం సృష్టిస్తోందని రైతులు ఆందోళన చెందుతున్నారు. రాత్రి వేళ ఒంటరి ఏనుగు పంటలను తొక్కినాశనం చేస్తోందని వాపోతున్నారు. సోమ వారం పట్టపగలే పంటలను విధ్వంసం చేస్తూ వెంగంవారిపల్లె సమీపంలోకి వచ్చిందని ఆవేదన వ్యక్తం చేశారు. కార్తీక్‌ అనే వ్యక్తి ద్విచక్రవాహనాన్ని సైతం ధ్వంసం చేసిందని తెలిపారు. అటవీశాఖ అధికారులు చర్యలు తీసుకోకుంటే ఒంటరి ఏనుగు కారణంగా ప్రాణాలు పోయే ప్రమాదముందని స్పష్టం చేశారు. అధికారులు స్పందించి చర్యలు తీసుకోవాలని కోరుతున్నారు. టెండర్‌లో అక్రమాలపై ఫిర్యాదు చిత్తూరు రూరల్‌ (కాణిపాకం): జిల్లాలోని పాఠశాల విద్యార్థులకు కంటి పరీక్షల అనంతరం సరఫరా చేసే కళ్ల జోళ్ల టెండర్‌ ప్రక్రియలో అక్రమాలు, సిండికేట్‌ వేధింపులపై తిరుపతికి చెందిన శివ్‌ ఎంటర్‌ప్రైజెస్‌ ప్రతినిధి గంగాసింగ్‌, తమిళనాడులోని వేలూరుకు చెందిన మహా శివ్‌ ఆఫ్టికల్స్‌ ప్రతినిధి మహేంద్రసింగ్‌ ఫిర్యాదు చేశారు. సోమవారం ఈ మేరకు కలెక్టర్‌కు వారు విడివిడిగా వినతిపత్రాలు సమర్పించారు. డిమాండ్‌ డ్రాఫ్ట్‌ సాంకేతిక సాకులు చూపి తనను టెండర్‌ నుంచి తప్పించారని గంగాసింగ్‌ ఆరోపించగా, తమిళనాడు జీఎస్టీ రిజిస్ట్రేషన్‌ సాకుతో అడ్డుకున్నారని మహేంద్రసింగ్‌ పేర్కొన్నారు. అలాగే తమను టెండర్‌ వేసేందుకు కార్యాలయ ప్రాంగణంలోకి రాకుండా భౌతికంగా అడ్డుకున్నారని వినతిపత్రంలో వెల్లడించారు. కాంట్రాక్టర్లు సిండికేట్‌గా ఏర్పడి అధిక ధరలకు టెండర్లు దాఖలు చేశారని ఆరోపించారు. ఫిర్యాదు స్వీకరించిన అనంతరం బాధితులు జిల్లా వైద్య ఆరోగ్య శాఖ అధికారిని కలిశారు. ఈ వ్యవహారంపై స్పందించిన అధికారులు, జిల్లా అంధత్వ నివారణ సంస్థ ప్రోగ్రామ్‌ ఆఫీసర్‌ ద్వారా నివేదిక తెప్పించుకుని, పరిశీలించి తగిన చర్యలు తీసుకుంటామని హామీ ఇచ్చారు. పూర్తి స్థాయిలో విచారణ జరిపి, పారదర్శకంగా తిరిగి టెండర్లు నిర్వహించాలని, లేకుంటే కోర్టును ఆశ్రయిస్తామని ఫిర్యాదుదారులు తెలిపారు. అంతర్రాష్ట్ర దొంగల అరెస్ట్‌ – నాలుగు స్కూటీలు స్వాధీనం బంగారుపాళెం: ముగ్గురు అంతర్రాష్ట్ర దొంగలను అరెస్ట్‌ చేసినట్లు సీఐ కత్తి శ్రీనివాసులు తెలిపారు. సోమవారం సాయంత్రం పోలీస్‌ స్టేషన్‌ ఆవరణలో ఆయన వివరాలను వెల్లడించారు. మండలంలోని కాటప్పగారిపల్లె, నలగాంపల్లెల్లో ద్విచక్రవాహనాలు చోరీకి గురయ్యాయి. బాధితుల ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు. సోమవారం మండలంలోని తంబుగానిపల్లె క్రాస్‌ వద్ద పోలీసులు వాహనాల తనిఖీ చేస్తుండగా, పారిపోవడానికి ప్రయత్నించిన ముగ్గురు తమిళనాడుకు చెందిన వ్యక్తులను గుర్తించి అదుపులోకి తీసుకున్నారు. విచారణలో చిత్తూరు, బంగారుపాళెం పరిసర ప్రాంతాల్లో ద్విచక్రవాహనాలను వారు అపహరించినట్లు వెల్లడించారు. కాటప్పగారిపల్లె సమీపంలో మూసివేసిన ఓ ఫ్యాక్టరీ ఆవరణలో నిందితులు దాచిపెట్టిన నాలుగు ద్విచక్రవాహనాలను పోలీసులు స్వాధీనం చేసుకున్నారు. వీటి విలువ సుమారు రూ.3.50 లక్షలు ఉంటుందని సీఐ తెలిపారు. తమిళనాడు రాష్ట్రం వేలూరు జిల్లా, ఆంబూరు తాలూకావడపుదుపట్టు ఓల్ట్‌ కాలనీకి చెందిన విఘ్నేష్‌(20), పేర్నంబట్‌ తాలూకా పుదూర్‌కు చెందినచంద్రుభీమన్‌(24), పేర్నంబట్‌ తాలూకా ఎస్‌ఆర్‌ కుప్పంలో నివాసముంటున్న విజయ్‌(26)ను నిందితులుగా గుర్తించినట్లు వివరించారు. సమావేశంలో ఎస్‌ఐ ప్రసాద్‌ పాల్గొన్నారు.

అధికారమే అండగా జిల్లాలో కొందరు ప్రజా ప్రతినిధులు సొంత లాభం కోసం, ప్రభుత్వ ఖజానాకు గండి కొడుతున్నారు. జిల్లాలో మద్యం దుకాణాల నిర్వహణకు లైసెన్సులు ఇవ్వడానికి ఆహ్వానించిన నోటిఫికేషన్‌కు ఒక్క దరఖాస్తు కూడా రాకుండా వ్యాపారులను సిండికేట్‌ చేసేశారు. ఇప్పటికే దుకాణాలు దక్కించుకుని, రెండేళ్ల పాటు సంపాదించుకున్న వారందరినీ ఒక్కతాటిపైకి తీసుకువచ్చేశారు. చివరి రోజునే అప్లికేషన్లు వేసి మొత్తం 18 వైన్‌షాపులను చేజిక్కించుకునేందుకు పన్నాగాలు పన్నుతున్నారు. చిత్తూరులోని ఓ మద్యం దుకాణంసాక్షి, చిత్తూరు : జిల్లాలో 113 మద్యం దుకాణాల రెన్యూవల్‌కు ప్రభుత్వం నోటిఫికేషన్‌ ఇచ్చింది., ఇందులోని లొసుగు తెలియని 95 మంది సగటున ఒక్కో దుకాణానికి రూ.25 లక్షలు చెల్లించి రెన్యూవల్‌ చేసుకున్నారు. మిగిలిన 18 దుకాణాల నిర్వాహకులు రెన్యూవల్‌కు వెళ్లకపోవడంతో కొత్తగా లైసెన్సులు ఇవ్వడానికి అధికారులు గురువారం నోటిఫికేషన్‌ ఇచ్చారు. అయితే ఒక దుకాణానికి రూ.3 లక్షల నాన్‌ రీఫండబుల్‌ రుసుము కింద, కనీసం ఒక్కో దుకాణానికి నాలుగు దరఖాస్తులు తప్పనిసరిగా పడితేనే లక్కీడిప్‌ తీస్తామని నిబంధన పెట్టారు. అంటే ఒక దుకాణం కోసం నాలుగు దరఖాస్తులు పడితే ప్రభుత్వానికి వచ్చే ఆదాయం రూ.12 లక్షలు. రూ.25 లక్షలు చెల్లించి రెన్యూవల్‌ చేసుకోవడానికి బదులుగా, రూ.12 లక్షలు చెల్లించి తామే నాలుగు దరఖాస్తులు వేసుకుంటే సరిపోతుందని భావించిన వ్యాపారులు పాలసీలోని లొసుగును కనిపెట్టేశారు. రూ.12 లక్షలకంటే రూపాయి కూడా ప్రభుత్వానికి ఆదాయం వెళ్లకుండా ఉండేందుకు కొందరు వ్యాపారులు సిండికేట్‌గా ఏర్పడ్డారు. చివర్లో దరఖాస్తులు సిండికేట్‌ చెప్పినట్లే ఈనెల 30వ తేదీ వరకు ఎవరూ దరఖాస్తు చేయకూడదని తీర్మానం చేయడంతో.. ఒక్కరూ దరఖాస్తు చేసుకోలేదు. 30వ తేదీ, అక్టోబర్‌ 1వ తేదీన ఒకేసారి దరఖాస్తులు చేసుకోవాలన్న సిండికేట్‌ నిర్ణయానికి అందరూ కట్టుబడి ఉన్నారు. వచ్చిన దరఖాస్తులను 5వ తేదీన చిత్తూరులోని కలెక్టరేట్‌లో లక్కీడిప్‌లో లైసెన్సులు కేటాయించడమే తరువాయి. అయితే అధికార పార్టీ నేతలే ప్రభుత్వ ఆదాయానికి గండి కొట్టేందుకు తెగబడడంపై ఆబ్కారీశాఖ అధికారులు, ప్రజలు నివ్వెరబోతున్నారు. జిల్లాలోని 18 వైన్‌ షాపులకు రాని దరఖాస్తులు నేతల అభయం ఈనెల 24వ తేదీన జారీ చేసిన నోటిఫికేషన్‌లో చిత్తూరు కార్పొరేషన్‌లో 9, యాదమరి 1, పూతలపట్టు 2, నిండ్ర 1, వి.కోట 3, బైరెడ్డిపల్లె 1, శాంతిపురంలో ఒక దుకాణం చొప్పున.. మొత్తం 18 దుకాణాలకు అధికారులు దరఖాస్తులు ఆహ్వానించారు. అలాగే పెద్దపంజాణి మండలంలో కల్లుగీత సామాజిక వర్గంలోని గౌడ్లలకు ఓ మద్యం దుకాణ నిర్వాహణకు నోటిఫికేషన్‌ ఇవ్వగా.. అక్కడ ఆ సామాజిక వర్గం లేపోవడంతో గత రెండేళ్లుగా లైసెన్సు ఎవరికీ ఇవ్వలేదు. కాగా, 18 దుకాణాలకు దక్కించుకోవడానికి కొందరు వ్యాపారులను ఆయా నియోజకవర్గాల్లోని ప్రజా ప్రతినిధులు తమ వద్దకు పిలిపించుకున్నారు. తమ చెప్పకుండా ఎవరూ దరఖాస్తులు వేయడానికి వీల్లేదని, అందరూ సిండికేట్‌గా ఏర్పడాలని ఆదేశించారు. రూ.12 లక్షలకే దుకాణం తీసుకుని, ఆపై వేలం పాట నిర్వహించి వచ్చే అదనపు ఆదాయాన్ని పంచుకోవాలని నిర్ణయించుకున్నారు. దీనికి కొందరు నేతలు వాటాలు తీసుకుంటుండగా, మరికొందరు దుకాణాలను బినామీ పేరిట తామే తీసుకోవాలని నిర్ణయించుకున్నారు.

– మాజీ ఎమ్మెల్సీ విఠపు బాలసుబ్రహ్మణ్యం చిత్తూరు కలెక్టరేట్‌ : సమాజంలో ఎదురయ్యే పలు సమస్యలకు సైన్స్‌తో శాశ్వత పరిష్కారం లభిస్తుందని మాజీ ఎమ్మెల్సీ విఠపు బాలసుబ్రమణ్యం స్పష్టం చేశారు. స్థానిక విజయం ఇంజినీరింగ్‌ కాలేజీలో ఆదివారం జనవిజ్ఞాన వేదిక ఆధ్వర్యంలో జిల్లా స్థాయి చెకుముకి సైన్స్‌ సంబరాలు నిర్వహించారు. ఆయన మాట్లాడుతూ వ్యవసాయ రంగంలో నార్మన్‌ బోర్లాంగ్‌ పొట్టి రకాల వరి వంగడాలను రూపకల్పన చేయడంతో కోట్లాది మంది ఆకలి తీరిందన్నారు. భారతదేశం ఆహార ధాన్యాల ఉత్పత్తిలో స్వయం సమృద్ధి సాధించడానికి సైన్స్‌ ఎంతో దోహదపడిందని గుర్తుచేశారు. రసవత్తరంగా సైన్స్‌ పోటీలు సైన్స్‌ పోటీల్లో జిల్లాలోని 28 మండలాలకు చెందిన 40 టీమ్‌లు పాల్గొన్నాయి. ఉదయం స్క్రీనింగ్‌ టెస్ట్‌ నిర్వహించి, అందులో ప్రతిభ చూపిన విద్యార్థులకు క్విజ్‌ ప్రోగ్రామ్‌ చేపట్టారు. ప్రభుత్వ పాఠశాలల విభాగంలో జిల్లా పరిషత్‌ ఉన్నత పాఠశాల (పులిచెర్ల), ప్రైవేట్‌ పాఠశాలల విభాగంలో రెయిన్‌బో ఇంగ్లీష్‌ మీడియం హైస్కూల్‌ (చిత్తూరు) ప్రథమ స్థానాల్లో నిలిచాయి. ఈ జట్లు నవంబర్‌ 1, 2, 3 తేదీల్లో భీమవరంలో జరగబోయే రాష్ట్ర స్థాయి చెకుముకి సైన్స్‌ సంబరాల్లో జిల్లా తరఫున ప్రాతినిధ్యం వహిస్తాయని నిర్వాహకులు తెలిపారు. పుస్తకావిష్కరణ, బహుమతుల ప్రదానం జనవిజ్ఞాన వేదిక జిల్లా అధ్యక్షుడు అరుణ్‌ శివప్రసాద్‌ అధ్యక్షతన జరిగిన ఈ కార్యక్రమంలో జిల్లా ప్రధాన కార్యదర్శి యుగంధర్‌ బాబు రచించిన ప్రయోగాలతో శాసీ్త్రయ దృక్పథం పుస్తకాన్ని విఠపు బాలసుబ్రమణ్యం ఆవిష్కరించారు. పోటీల్లో పాల్గొన్న విద్యార్థులందరికీ అందజేశారు. అనంతరం ఎం.వి.కేశవరెడ్డి మెమోరియల్‌ ఫౌండేషన్‌ ప్రతినిధి శ్రీధర్‌ రెడ్డి విజేత పాఠశాలలకు మెమెంటోలు ప్రదానం చేశారు. విజయం విద్యాసంస్థల అధినేత శైలజ విద్యార్థులను అభినందించారు. కార్యక్రమంలో నిర్వాహకులు ఫిలింఫేర్‌ ఖాన్‌, పిల్లారప్ప, వేణుగోపాల్‌, విజయ్‌ కుమార్‌, జయంతి, సుధాకర్‌, గిరిధర్‌ మూర్తి, నాగేశ్వరరావు తదితరులు పాల్గొన్నారు.

– మూడు బైక్‌లు, 280 కిలోల రాగి వైరు స్వాధీనం కుప్పం: గుడుపల్లె మండలం పొగరుపల్లి ఇండస్ట్రియల్‌ ఏబీఐఎస్‌ కంపెణీలో కాపర్‌ వైర్లను చోరీ చేసిన దొంగలను అరెస్టు చేసినట్టు కుప్పం ఏఎస్పీ హేమంత్‌ బోడ్డు తెలిపారు. ఆయన ఆదివారం విలేకరులతో మాట్లాడుతూ ఇండస్ట్రియల్‌ ప్రాంతంలో నూతనంగా నిర్మిస్తు న్నా ఫ్యాక్టరీల్లో కాపర్‌ వైర్లు చోరీకి గురైనట్టు ఫిర్యాదులు అందినట్లు తెలిపారు. సీసీ పుటేజీలు, సాంకేతిక పరిజ్ఞానాన్ని ఉపయోగించి నిందితులకు పట్టుకున్నట్లు పేర్కొన్నారు. వారి నుంచి 280 కేజీల రాగి వైర్లు, రెండు ద్విచక్ర వాహనాలను స్వాధీనం చేసుకున్నట్లు తెలిపా రు. నిందితులు కర్ణాటక రాష్ట్రం బట్లహళ్లి గ్రామానికి చెందిన మధు, సంతోష్‌, మురుగన్‌, విజయ్‌గా గుర్తించామని తెలిపారు. కార్యక్రమంలో రూరల్‌ సీఐ మల్లేష్‌యాదవ్‌, గుడుపల్లె ఎస్‌ఐ శ్రీనివాసులు పాల్గొన్నారు. 1న ఎస్వీ పాలిటెక్నిక్‌ కళాశాలలో జాబ్‌మేళా తిరుపతి సిటీ: తిరుపతి ఎస్వీ ప్రభుత్వ పాలిటెక్నిక్‌ కళాశాలలో అక్టోబర్‌ ఒకటో తేదీన మెగా జాబ్‌మేళా నిర్వహించనున్నట్లు ప్రిన్సిపాల్‌ డాక్టర్‌ శ్రీనివాసులు తెలిపారు. కళాశాలలో 2023 నుంచి 2026 లోపు డిప్లొమాలో ఉత్తీర్ణులైన విద్యార్థులు ఈ జాబ్‌మేళాలో పాల్గొనవచ్చని తెలిపారు. జాబ్‌మేళాకు శ్రీసిటీ సహా 6 ఎంఎన్‌సీ కంపెనీల ప్రతినిధులు హాజరై సుమారు 300 రకాల ఉద్యోగాలకు ఇంటర్వ్యూలు నిర్వహించనున్నట్టు వెల్లడించారు. మరిన్ని వివరాలకు 6303578886లో సంప్రదించాలని సూచించారు. నేటి నుంచి మూడు రోజులు బ్యాంకుల బంద్‌ కాణిపాకం : వారానికి ఐదు రోజుల పనిదినాలు ప్రకటించాలనే ప్రధాన డిమాండ్‌తో పాటు సమస్యల పరిష్కారం కోసం బ్యాంకు ఉద్యోగులు, అధికారులు సమర శంఖం పూరించారు. సోమ, మంగళ, బుధవారాల్లో సమ్మె చేస్తున్నట్టు ప్రకటించారు. దీంతో బ్యాంకింగ్‌ సేవలు స్తంభించిపోయే ప్రమాదం ఏర్పడింది. వారం రోజుల పనిదినాలను 5 రోజులకు కుదించి, శనివారాన్ని కూడా సెలవు దినంగా ప్రకటించాలని బ్యాంకర్లు గత 10 నుంచి 12 ఏళ్లుగా పోరాటం చేస్తున్నారు. పెరుగుతున్న పని ఒత్తిడిని తగ్గించాలని, పీఎల్‌ఐ తదితర బకాయిలు చెల్లించాలని కోరుతూ సమ్మెకు యునైటెడ్‌ ఫోరమ్‌ ఆఫ్‌ బ్యాంక్‌ యూనియన్‌ పిలుపునిచ్చింది. జిల్లా వ్యాప్తంగా మూతపడనున్న బ్యాంకులు సమ్మె ప్రభావంతో జిల్లా పరిధిలో ఉన్న వివిధ బ్యాంకులకు చెందిన దాదాపు 250 శాఖలు మూతపడనున్నాయి. బ్యాంకు ఆఫీసర్లు, క్లర్కులు, ఇతర సిబ్బంది కలిపి సుమారు 400 నుంచి 500 మంది విధులకు దూరంగా ఉండి నిరసనలో పాల్గొంటున్నారు. మూడు రోజులు బ్యాంకు లావాదేవీలు నిలిచిపోనుండడంతో జిల్లాలోని వ్యాపారులు, సామాన్య ప్రజలు తీవ్ర ఇబ్బందులు ఎదుర్కొనే అవకాశం ఉంది. తమ న్యాయమైన డిమాండ్లను ప్రభుత్వం, యాజమాన్యాలు నెరవేర్చే వరకు పోరాటం ఆపేది లేదని ఉద్యోగ సంఘాల నాయకులు తేల్చిచెప్పారు. ఈ–బస్‌ డిపో పరిశీలన తిరుపతి అన్నమయ్య సర్కిల్‌: తిరుపతి మంగళం ఆర్టీసీ డిపోను ఆదివారం జోన్‌–4 ఎగ్జిక్యూటివ్‌ డైరెక్టర్‌ ఆర్‌.ఆర్‌.కె.కిషోర్‌ సందర్శించారు. ఎలక్ట్రికల్‌ ఇంజినీరింగ్‌ పనుల పురోగతిని పరిశీలించారు. పనులు నిర్ణీత గడువులోగా పూర్తి చేయా లని అధికారులు, కాంట్రాక్టర్లను ఆదేశించారు. కార్యక్రమంలో డిప్యూటీ సీటీఎం విశ్వనాథ్‌, డిప్యూటీ సీఎంఈ బాలాజీ, డిప్యూటీ చీఫ్‌ డిపో మేనేజర్‌ బి.నిర్మల, ఏఈ (సివిల్‌) ప్రతాప్‌, ఏఈ (ఎలక్ట్రికల్‌) హరి పాల్గొన్నారు. ఇంట్లో అగ్నిప్రమాదం : వ్యక్తి మృతి తిరుపతి క్రైం : కొర్లగుంట అశోక్‌నగర్‌లోని ఓ ఇంట్లో శనివారం తెల్లవారు జామున అగ్నిప్రమాదం చోటుచేసుకుని ఓ వ్యక్తి మృతి చెందాడు. పోలీసుల వివరాల మేరకు.. శ్రీకాళహస్తి పట్టణం, కొండమిట్టకు చెందిన మర్రి హరికృష్ణ (54) తిరుపతిలో ఉంటూ శ్రీచక్ర ఆస్పత్రిలో పనిచేస్తున్నాడు. ఆదివారం తెల్లవారుజామున హరికృష్ణ ఉంటున్న ఇంటి నుంచి పొగలు రావడాన్ని స్థానికులు గమనించి అగ్నిమాపక సిబ్బందికి సమాచారం అందించడంతో వారు అక్కడికి చేరుకుని మంటలను అదుపులోకి తీసుకువచ్చారు. అనంతరం ఇంట్లో పరిశీలించగా హరికృష్ణ మృతి చెంది కనిపించాడు.

చిత్తూరు కలెక్టరేట్‌ : జిల్లా వ్యాప్తంగా 72 ప్రభుత్వ శాఖలు ఉన్నాయి. ఇందులో 31,622 మంది వరకు అన్ని కేడర్లలో ఉద్యోగులు, ఉపాధ్యాయులు విధు లు నిర్వహిస్తున్నారు. అధిక శాతం ఉపాధ్యాయులు 14,250 మంది వరకు ఉన్నారు. అధికారంలోకి వస్తే ఉద్యోగులు, ఉపాధ్యాయుల సమస్యలను చిటికెలో పరిష్కరిస్తామని హామీలిచ్చిన కూటమి ప్రభుత్వం ఇప్పుడు సరికొత్తగా ఈఎస్‌ఆర్‌ నిబంధనల పేరుతో నిలువునా కక్ష సాధింపు చర్యలకు దిగుతోంది. గతంలో ఇచ్చిన ఈఎస్‌ఆర్‌ డేటా ఏమైందో చెప్పకుండా మళ్లీ కొత్తగా వివరాలు నమోదు చేయాలంటూ ఉత్తర్వులు జారీచేసింది. జిల్లాలోని ఒక్కో ఉద్యోగి ఈఎస్‌ఆర్‌ డేటా నమోదుకు రెండు రోజుల సమయం పడుతోందని ఆవేదన వ్యక్తం చేస్తున్నారు. దశాబ్దాల కిందటి సర్వీస్‌ రికార్డులు దొరక్క ఉద్యోగ విరమణ అంచున ఉన్న సీనియర్లు అష్టకష్టాలు పడుతున్నారు. నెట్‌ సెంటర్లు చుట్టూ తిరుగుతూ రూ.వెయ్యి నుంచి రూ.2 వేల వరకు ఖర్చు చేస్తున్నారు. పాత డేటాను అనుసంధానించే అవకాశం ఉన్నప్పటికీ ఉద్యోగులను వేధించడానికే సర్కారు ఈ పంతానికి పోతోందని ఉద్యోగ, ఉపాధ్యాయ సంఘాలు పెదవి విరుస్తున్నారు. పదవీ విరమణ వేళ అష్టకష్టాలు కొత్త ఈఎస్‌ఆర్‌లో పెట్టిన అత్యంత క్లిష్టమైన, సంక్లిష్టమైన నిబంధనల వల్ల ఒక్కో ఉద్యోగి సమాచారం అప్‌లోడ్‌ చేయడానికి కనీసం రెండు రోజులు పడు తోంది. దశాబ్దాల కిందటి సర్వీసు పుస్తకాలు, అర్హత పత్రాలు, ప్రమోషన్లు, జీతాల స్కేలు వివరాలు వెతికి పట్టుకోవడం గగనంగా మారింది. ముఖ్యంగా పదవీ విరమణ అంచున ఉన్న సీనియర్‌ ఉద్యోగులు, ఉపాధ్యాయులు ఈ సాంకేతిక మెలికల వల్ల తీవ్ర ఇబ్బందులు పడుతూ ఒత్తిడికి లోనవుతున్నారు. నెట్‌ సెంటర్ల దోపిడీ ఒకవైపు సర్వర్ల మొరాయింపు, సాంకేతిక లోపాలు చుట్టుముట్ట గా, మరోవైపు ఈ పరిస్థితిని ఆస రాగా చేసుకుని నెట్‌ సెంటర్లు దోచుకుంటున్నారు. రూ.1,000 నుంచి రూ.2,000 వరకు డిమాండ్‌ చేస్తున్నాయి. బోధన ను పక్కనబెట్టి రోజంతా ఇంటర్‌నెట్‌ సెంటర్ల చుట్టూ తిర గాల్సి వస్తోందని ఉపాధ్యాయులు, ఉద్యోగులు పెదవి విరుస్తున్నారు. ఉద్యోగులను అష్టకష్టాల పాలు చేయడానికే సర్కారు ఇలాంటి తుగ్లక్‌ నిర్ణయాలు అమలు చేస్తోందని, తక్షణమే ఈ వేధింపులను ఆపి, గడువు పెంపుతో పాటు పాత డేటాను పునరుద్ధరించాలని ఉద్యోగ సంఘాలు డిమాండ్‌ చేస్తున్నాయి. ఉద్యోగ, ఉపాధ్యాయులకు ఈఎస్‌ఆర్‌ నమోదుపై పంపిన మెసేజ్‌లుకూటమి ప్రభుత్వం అధికారంలోకి వచ్చినప్పటి నుంచి ఉద్యోగులు, ఉపాధ్యాయులను ఏదో ఒకసాకుతో వేధింపులకు గురిచేస్తూనే ఉంది. తాజాగా ఈ సర్వీస్‌ రిజిస్టర్‌ (ఈఎస్‌ఆర్‌) పేరుతో ఇబ్బందులు పెడుతోంది. గతంలోనే రూ.వేలు వెచ్చించి, రాత్రింబవళ్లు శ్రమించి పూర్తి చేసిన ఈఎస్‌ఆర్‌ డేటాను బుట్టదాఖలు చేసి మళ్లీ ఇప్పుడు మొదటి నుంచి కొత్తగా వివరాలు నమోదు చేయాలంటూ ఉత్తర్వులు జారీచేసింది. ఈ వ్యవహారం ప్రస్తుతం క్షేత్రస్థాయిలో ఉద్యోగ, ఉపాధ్యాయులకు తీవ్ర ఒత్తిడికి లోను చేస్తోంది. ఈ నెలాఖరులోపు ప్రక్రియను ముగించాలంటూ సెల్‌ఫోన్లకు మెసేజ్‌లు పంపుతోంది. దీంతో ఉద్యోగ, ఉపాధ్యాయులు మానసిక ఆందోళనకు గురవుతున్నారు. జిల్లా ప్రభుత్వ ఉద్యోగుల సమాచారం ఉపాధ్యాయులు 14,250 రెవెన్యూ, ఇతర శాఖల ఉద్యోగులు 8498పోలీసులు 1400 నాల్గవ తరగతి ఉద్యోగులు 3297సచివాలయ ఉద్యోగులు 4177 మొత్తం ఉద్యోగులు 31,622మెసేజ్‌లతో మానసిక వేధింపులు ఈ నెలాఖరుకు నూతన ఈఎస్‌ఆర్‌ ప్రక్రియను వంద శాతం పూర్తి చేయాలంటూ ఉన్నతాధికారులు నయానా భయానా హెచ్చరిస్తున్నారు. ఉద్యోగులు, ఉపాధ్యాయుల ఫోన్లకు రోజూ హెచ్చరిక మెసేజ్‌లు పంపుతూ తీవ్ర మానసిక ఒత్తిడికి గురిచేస్తున్నారు. గతంలో అప్‌లోడ్‌ చేసిన సర్వీసు వివరాలు, రికార్డులను గాల్లో కలిపేసి, ఇప్పుడు మళ్లీ మొదటి నుంచి ప్రక్రియ చేపట్టమనడం వెనుక ప్రభుత్వం పగబట్టినట్లు వ్యవహరిస్తోందని సంఘాలు ధ్వజమెత్తుతున్నాయి.

తిరుపతి తుడా: తిరుపతిలో సచివాలయ ఉద్యోగులు కదంతొక్కారు. భారీ ఎత్తున నిరసన వ్యక్తం చేశారు. సచివాలయ ఉద్యోగులపై ప్రభుత్వ వైఖరిని ఖండిస్తూ ఆదివారం తిరుపతి పాత మున్సిపల్‌ కార్యాలయం ఎదుట పెద్ద ఎత్తున ధర్నా చేపట్టారు. ఈ సందర్భంగా సచివాలయ ఉద్యోగ సంఘాల నేతలు మాట్లాడుతూ సచివాలయ ఉద్యోగులపై ప్రభుత్వం దారుణంగా వ్యవహరిస్తోందన్నారు. న్యాయపరమైన డిమాండ్లను పరిష్కరించమని గళమెత్తితే పోలీసులను ఉసిగొల్పి లాఠీలతో కొట్టడం దారుణమన్నారు. చలో విజయవాడ కార్యక్రమానికి హాజరుకాకుండా పలు ప్రాంతాల్లో, బస్‌స్టేషన్లు, రైల్వేస్టేషన్లలో పోలీసులను మోహరించి అడ్డుకున్నారని మండిపడ్డారు. గత రెండేళ్ల నుంచి ఉద్యోగులు సమస్యలతో సతమతమవుతున్నారని, ప్రభుత్వం చొరవ తీసుకుని పరిష్కరించాలని సూచించారు. ఉద్యమం ఉధృతం సచివాలయ ఉద్యోగుల సమస్యలపై గత రెండేళ్లుగా ప్రభుత్వానికి విన్నవించినా పట్టించుకోలేదని పలువురు మండిపడ్డారు. తక్షణం జీవో నం.11ను రద్దు చేసి, పీఆర్‌సీ కమిషన్‌ను నియమించాలని, సెలవు రోజుల్లో పనిభారం తగ్గించాలని, డిప్యూటేషన్లను పూర్తిగా రద్దు చేయాలని, సచివాలయ ఉద్యోగులకు జూనియర్‌ అసిస్టెంట్‌ కేడర్‌గా గుర్తించాలని డిమాండ్‌ చేశారు. ప్రమోషన్‌ చానల్‌ ఇచ్చే క్రమంలో బేసిక్‌ పే రూ.30 వేలకు తగ్గకుండా చూడాలని కోరారు. లేనిపక్షంలో ఉద్యమాన్ని ఉధృతం చేస్తామని హెచ్చరించారు. సచివాలయ ఉద్యోగ సంఘాల నేతలు పుండరీ కాంక్ష, జయపాల్‌ నాయక్‌, రజనీకుమారి, మస్తానప్ప, కరుణాకర్‌, అమరావతి, పలువురు సచివాలయ ఉద్యోగులు పాల్గొన్నారు.

తిరుపతి రూరల్‌: రాష్ట్రంలో జరిగే స్థానిక ఎన్నికల సమరానికి వైఎస్సార్‌సీపీ సిద్ధమవుతోందని, గ్రామ స్థాయి నుంచి పార్టీ శ్రేణులను సన్నద్ధం చేసి.. బలమైన అభ్యర్థులను బరిలోకి దించి గెలుపే లక్ష్యంగా ముందుకు సాగుతామని మాజీ మంత్రి, వైఎస్సార్‌సీపీ రీజనల్‌ కో–ఆర్డినేటర్‌ పెద్దిరెడ్డి రామచంద్రారెడ్డి తెలిపారు. 27 నెలల కూటమి ప్రభుత్వ పాలనపై ప్రజల్లో ఉన్న అసంతృప్తి స్థానిక ఎన్నికల్లో ఆ పార్టీలకు పాడెకడతాయన్నారు. తిరుపతిలోని తన నివాసం వద్ద ఆదివారం జరిగిన మీడియా సమావేశంలో ఆయన మాట్లాడారు. స్థానిక సంస్థల ఎన్నికలు ప్రజాస్వామ్యబద్ధంగా, న్యాయబద్ధంగా జరగాలని, అధికార యంత్రాంగాన్ని అడ్డుపెట్టుకుని ఎన్నికల ప్రక్రియను ప్రభావితం చేయాలని చూస్తే వైఎస్సార్‌సీపీ చూస్తూ ఊరుకోదని హెచ్చరించారు. పార్టీ నాయకులు, కార్యకర్తలపై అధికారుల ఒత్తిళ్లు, పోలీసుల దౌర్జన్యాలు చోటుచేసుకుంటే చట్టపరంగా ఎదుర్కొంటామని హెచ్చరించారు. కుప్పం నుంచే కుట్రలకు శ్రీకారం చంద్రబాబు తన రాజకీయ కుతంత్రాలకు కుప్పం నుంచే శ్రీకారం చుట్టారని పెద్దిరెడ్డి ఆరోపించారు. ప్రజలు చంద్రబాబు ప్రభుత్వ పాలనలో ప్రజలు అనేక ఇబ్బందులు పడుతున్నారని, నిత్యావసర వస్తువుల ధరలు ఆకాశాన్ని అంటుతున్నాయన్నారు. వర్షాలు లేక, సాగునీరు లేక, పెరిగిన ధరలతో తినడానికి తిండిలేక ప్రజలు ఇబ్బందులు పడుతుంటే, ఈ పరిస్థితుల్లో ఎన్నికలకు వెళుతున్నారన్నారు. నిన్నటి వరకు మున్సిపల్‌ కార్పొరేషన్‌, మండల స్థాయి ఎన్నికలు విడివిడిగా నిర్వహిస్తామని చెప్పి, ఇప్పుడు రెండింటినీ ఒకేసారి నిర్వహిస్తామని చెప్పడానికి కారణం కూడా అదేనన్నారు. ఎక్కడా ఏకగ్రీవాలకు అవకాశం లేకుండా అన్ని చోట్లా పోటీ పెడతామన్నా రు. డీఎస్సీ నియామకాల విషయంలోనూ అవకతవక లు జరిగాయన్నారు. దీనిపై ఆందోళన చేస్తున్న వారిపై పోలీసులే టీడీపీ గుండాలను వెనుకేసుకొచ్చి దాడులు చేయించి, తిరిగి వారిపైనే కేసులు పెట్టారన్నారు. స్థానిక పోరుకు వైఎస్సార్‌సీపీ రె‘ఢీ’ సచివాలయ ఉద్యోగుల పోరాటానికి మద్దతు గత ప్రభుత్వంలో ఉద్యోగంలో చేరిన సచివాలయ ఉద్యోగులపై చంద్రబాబు ప్రభుత్వం కక్షసాధింపు ధోరణితో వ్యవహరిస్తోందని పెద్దిరెడ్డి ఆరోపించారు. బదిలీలు, అధిక పనిభారం పేరుతో వారిని ఇబ్బందులకు గురిచేస్తున్నారని తెలిపారు. ప్రభుత్వ వైఖరికి వ్యతిరేకంగా ఆందోళనకు వెళుతున్న సచివాలయ ఉద్యోగులను అరెస్టు చేస్తున్నారని, వారిపట్ల పోలీసులు అమానుషంగా వ్యవహరించారని ఆరోపించారు. సచివాలయ ఉద్యోగుల సమస్యలపై చేస్తున్న పోరాటానికి వైఎస్సార్‌సీపీ మద్దతు ఉంటుందని స్పష్టం చేశారు. పార్టీ అధికారంలోకి వస్తే సచివాలయ ఉద్యోగులకు జరిగిన అన్యాయా లను సరిదిద్ది, ప్రయోజనాలను కాపాడతామని హామీ ఇచ్చారు. చివరగా పుంగనూరులో భారీ పరిశ్రమ ఏర్పాటును ప్రస్తుత ప్రభుత్వం అడ్డుకుంటోందని పెద్దిరెడ్డి ఆరోపించారు. గత ప్రభుత్వ హయాంలోనే పరిశ్రమ కోసం సుమారు 800 ఎకరాల భూమిని కేటాయించామని, వైఎస్సార్‌సీపీ ప్రభు త్వం తిరిగి అధికారం లోకి రాగానే పుంగనూరులో చంద్రబాబు ప్రభుత్వం అడ్డుకున్న భారీ పరిశ్రమ ను తిరిగి తీసుకువస్తామని తెలిపారు. ఈ సమావేశంలో పార్టీ జిల్లా అధ్యక్షుడు భూమన కరుణాకరరెడ్డి, మాజీ ఉప ముఖ్యమంత్రి నారాయణస్వామి, ఎమ్మెల్సీ భరత్‌, మాజీ ఎంపీ రెడ్డెప్ప, మాజీ ఎమ్మెల్యేలు బియ్యపు మధుసూదన్‌రెడ్డి, వెంకటేగౌడ, సునీల్‌కుమార్‌, సమన్వయకర్తలు విజయానందరెడ్డి, చెవిరెడ్డి మోహిత్‌రెడ్డి, నూకతోటి రాజేష్‌తో పాటు వైఎస్‌ఆర్‌సీపీ విద్యార్థి విభాగం వర్కింగ్‌ ప్రెసిడెంట్‌ చెవిరెడ్డి హర్షిత్‌రెడ్డి పాల్గొన్నారు.

తవణంపల్లె: ప్రముఖ పుణ్యక్షేత్రమైన అర్ధగిరి శ్రీ వీరాంజనేయస్వామిని ఆదివారం చిత్తూరు ఎకై ్సజ్‌ కోర్టు న్యాయమూర్తి జి.కృష్ణ కుటుంబ సభ్యులతో కలిసి దర్శించుకున్నారు. వారికి ఆలయ ట్రస్టు బోర్డు చైర్మన్‌ రఘుపతి ఆధ్వర్యంలో అర్చకులు స్వాగతం పలికారు. న్యాయమూర్తి స్వామికి అభిషేకం, అర్చనలు, పూజలు చేసి మొక్కులు తీర్చుకున్నారు. అనంతరం జడ్జిని స్వామి వారి ఆస్థాన మండపంలో ఆలయ ట్రస్టు బోర్డు చైర్మన్‌ రఘుపతి, అర్చకులు శేషవస్త్రాలతో సత్కరించారు. తీర్థప్రసాదాలు, సంజీవరాయ పుష్కరిని తీర్థం అందజేసి ఆశీర్వదించారు. రేపటి నుంచి ఉమ్మడి చిత్తూరు జిల్లా జట్ల ఎంపిక తిరుపతి ఎడ్యుకేషన్‌ : స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) ఆధ్వర్యంలో వివిధ క్రీడల్లో ఉమ్మడి చిత్తూరు జిల్లా జట్ల ఎంపిక పోటీలను మంగళవారం నుంచి నిర్వహించనున్నారు. ఆ మేరకు డీఈఓ కేవీఎన్‌.కుమార్‌, ఎస్‌జీఎఫ్‌ తిరుపతి జిల్లా కార్యదర్శులు ఎస్‌.సాంబశివరావు, అమ్ములు సంయుక్త ప్రకటన విడుదల చేశారు. ఇందులో భాగంగా ఈ నెల 29న తిరుపతిలోని శ్రీనివాస స్పోర్ట్స్‌ కాంప్లెక్స్‌లో అండర్‌–17, 19 విభాగాల్లో చెస్‌ పోటీలు, వడమాలపేట జెడ్పీ హైస్కూల్లో అండర్‌–17, 19 విభాగాల్లో వెయిట్‌ లిఫ్టింగ్‌, 30వ తేదీన అవిలాలలోని బాక్సింగ్‌ అకాడమీలో అండర్‌–14, 17, 19 విభాగాల్లో బాక్సింగ్‌, తిరుపతి ముత్యాలరెడ్డిపల్లి జెడ్పీ హైస్కూల్లో అండర్‌–14, 17, 19 విభాగాల్లో తైక్వాండో, అకార్డ్‌ పాఠశాలలో అండర్‌–14, 17 విభాగాల్లో టెన్నిస్‌, అక్టోబరు 1వ తేదీన శ్రీకాళహస్తిలోని జెడ్పీ హైస్కూల్లో అండర్‌–14, 17, 19 విభాగాల్లో టేబుల్‌ టెన్నిస్‌, 3వ తేదీన తిరుపతి మంగళం ట్రెండ్స్‌ జెడ్పీ హైస్కూల్లో అండర్‌–14, 19 విభాగాల్లో జూడో, బుచ్చినాయుడుకండ్రిగ జెడ్పీ హైస్కూల్లో అండర్‌–17 విభాగంలో రగ్బీ జిల్లా జట్లు ఎంపిక పోటీలను నిర్వహించనున్నట్లు తెలిపారు. ఆసక్తి ఉన్న క్రీడాకారులు ఆయా తేదీల్లో నిర్వహించే ఎంపిక పోటీలకు స్టడీ సర్టిఫికెట్‌, ఆధార్‌ కార్డుతో హాజరుకావాలని తెలిపారు. పూర్తి వివరాలకు 63001 12569, 99893 20511 నంబర్లలో సంప్రదించాలని వారు కోరారు. నేడు చంద్రప్రభ వాహనం కాణిపాకం: ప్రత్యేక బ్రహ్మోత్సవాలను పురస్కరించుకుని కాణిపాకంలోని వరసిద్ధి వినాయకస్వామి సోమవారం చంద్ర ప్రభ వాహనంపై విహరిస్తూ భక్తులను కటాక్షిస్తారని ఈవో పెంచల కిషోర్‌ తెలిపారు. ఉదయం అభిషేకం, రాత్రికి చంద్రప్రభ వాహన సేవ ఉంటుందన్నారు. ఈ మేరకు ఏర్పాట్లు చేసినట్టు పేర్కొన్నారు.

ఎవరికెన్ని వార్డులంటే.. అధికారులు ప్రచురించిన ఎస్సీ, ఎస్టీ, బీసీ ఓటర్ల జాబితా ప్రకారం ఆయా వర్గాలకు ఎన్ని వార్డులు కేటాయించాలన్న దానిపై నిబంధలన మేరకు స్పష్టత ఉంది. మునిసిపాలిటీల్లో ఉన్న మొత్తం వార్డుల సంఖ్యలో ఎస్టీ 1 శాతం, ఎస్సీ 16 శాతం, బీసీ 34 శాతం (అంచనా) వార్డులను రిజర్వు చేయాలి. అంటే చిత్తూరు కార్పొరేషన్‌లో 60 డివిజన్లు ఉంటే ఎస్టీలకు ఒక డివిజన్‌, ఎస్సీలకు 10, బీసీలకు 20 డివిజన్లు రిజర్వు చేస్తారు. మిగిలినవి అన్‌–రిజర్వు (ఓపెన్‌ కేటగిరీ) కిందకు వస్తాయి. 60 డివిజన్లలో 30 డివిజన్లను తప్పనిసరిగా మహిళలకు రిజర్వు చేస్తారు. ఇక ఓటర్ల జాబితా ప్రత్యేక సమగ్ర సవరణ (సర్‌), బీసీ రిజర్వేషన్లపై ఇప్పటికే తుది వాదనలు విన్న హైకోర్టు మూడు రోజుల క్రితం తీర్పును రిజర్వు చేసిన విషయం తెలిసిందే. కోర్టు వెలువరించే తీర్పు, ఎన్నికల నిర్వహణను ముందుకు తీసుకెళ్లాలా..? ‘సర్‌’ పూర్తయ్యాక ఎన్నికలు నిర్వహించాలా..? అనే దానిపై ఆధారపడుతుంది. అప్పటి వరకు ఉత్కంఠత తప్పేలా లేదు. మునిసిపల్‌ ఎన్నికల నిర్వహణలో భాగంగా ఒక్కో అంశాన్ని అధికారులు పూర్తి చేస్తున్నారు. మునిసిపల్‌ కమిషనర్లు ఇప్పటికే వార్డుల పునర్విభజన, వార్డుల వారి ఓటర్ల జాబితా ప్రచురించారు. తాజాగా జిల్లాలోని మునిసిపాలిటీల్లో ఉన్న ఎస్సీ, ఎస్టీ, బీసీ ఓటర్ల జాబితాను వార్డుల వారిగా ఆదివారం విడుదల చేశారు. సాక్షి, చిత్తూరు: జిల్లాలో చిత్తూరు కార్పొరేషన్‌తో పాటు పలమనేరు, నగరి మునిసిపాలిటీల్లో ఎన్నికల ఏర్పాట్ల కోసం ప్రభుత్వం నుంచి వచ్చిన ఆదేశాల ప్రకారం అధికారులు చర్యలు చేపట్టారు. ఇందులో భాగంగా చిత్తూరు కార్పొరేషన్‌లోని 60 డివిజన్లు, పలమనేరు మునిసిపాలిటీలోని 36 వార్డులు, నగరిలోని 40 వార్డుల్లో ఉన్న ఎస్సీ, ఎస్టీ, బీసీ ఓటర్ల జాబితాను వార్డుల వారిగా ప్రచురించారు. ఈ ప్రతులను స్థానిక మునిసిపల్‌ కార్యాలయతో పాటు తహసీల్దార్‌, ఆర్డీవో కార్యాలయాల్లో అందుబాటులో ఉంచారు. అలాగే రాజకీయ పార్టీలకు సైతం జాబితా పంపించారు. మొత్తం 136 వార్డుల్లో ఎస్సీ, ఎస్టీ, బీసీ ఓటర్ల వివరాలు ప్రాథమికంగా లెక్క కట్టారు. ఈ జాబితాపై సోమవారం సాయంత్రం 5 గంటల్లోపు అభ్యంతరాలను ఆయా మునిసిపల్‌ కమిషనర్లకు తెలియజేయాల్సి ఉంటుంది. రేపటి నుంచి విచారణ కులాల వారిగా ప్రచురించిన జాబితాలో ఏవైనా అభ్యంతరాలు, సవరణలు చేయాలంటే ఈ నెల 29, 30వ తేదీల్లో ఇంటింటా వెళ్లి విచారణ చేపడతారు. వచ్చిన అభ్యంతరాలపై విచారణ పూర్తి చేసి, సహేతుకంగా ఉన్న వాటిని ఆమోదిస్తారు. అక్టోబర్‌ 1వ తేదీన తుది ఎస్సీ, ఎస్టీ, బీసీ ఓటర్ల వార్డుల వారి జాబితాను ప్రచురిస్తారు. ఆపై దీన్ని రాష్ట్ర మునిసిపల్‌ సంచాలకులకు (డీఎంఏ) అందజేస్తారు. ప్రభుత్వం నుంచి ఆదేశాలు రాగానే చిత్తూరు కలెక్టర్‌ గెజిట్‌ విడుదల చేస్తారు. ఎస్సీ, ఎస్టీ, బీసీ సామాజికవర్గాలకు జిల్లాలోని ఏయే మునిసిపాలిటీల్లో ఏయే వార్డులు రిజర్వు చేసారనే వివరాలను గెజిట్‌ నోటిఫికేషన్‌ పేర్కొంటారు. తుదిగా మేయర్‌, చైర్‌పర్సన్‌ రిజర్వేషన్లను విడుదల కావడం, ఎన్నికల సంఘం నుంచి షెడ్యూల్‌ విడుదల కావడమే తరువాయి.

నారాయణవనం: చిత్తూరు జిల్లా అథ్లెటిక్స్‌ అసోసియేషన్‌ నిర్వహింవిన పోటీలలో ప్రతిభ కనబరచిన సిద్ధార్థ కళాశాల విద్యార్థులు వెంకటమానస, దివాకర్‌రెడ్డి రాష్ట్ర స్థాయి పోటీలకు ఎంపికైన ట్లు కళాశాల పీడీ సుబ్రహ్మణ్యం తెలిపారు. వెంకటమా నస (బీటెక్‌ ఆర్టిఫిషియల్‌ ఇంటెలిజెన్‌న్స్‌ తృతీయ సంవత్సరం) డిస్కస్‌త్రో, ట్రిపుల్‌ జంప్‌ విభాగాల్లో ప్రథమ స్థానంలో నిలిచి బంగారు పతకాలు సాధించింది. దివాకర్‌రెడ్డి (బీటెక్‌ కంప్యూటర్‌ సైన్స్‌ అండ్‌ ఇంజినీరింగ్‌ మొదటి సంవత్సరం) 400 మీటర్లు, 800 మీటర్ల పరుగు పందెం విభాగాలలో ద్వితీయ స్థానంలో నిలిచి రజత పతకాలను సాధించాడు. కళాశాల చైర్మన్‌ అశోకరాజు మాట్లాడుతూ చదువుతో పాటు క్రీడల్లోనూ చురుగ్గా రాణించాలన్నారు. ప్రిన్సిపాల్‌ జనార్దన్‌రాజు, పీడీ సుబ్రహ్మణ్యం విద్యార్థులను అభినందించారు.

యాదమరి: ఆ పచ్చని సంసారంలో కుటుంబ కలహాలు చిచ్చు రగిల్చాయి. క్షణికావేశంలో ఆ తండ్రి కఠిన నిర్ణయం తీసుకున్నారు. కన్న ప్రేమను మరిచి పదేళ్ల కుమారునికి విషమిచ్చి ప్రాణాలు తీశాడు. తర్వాత తానూ ఉరి వేసుకుని బలవన్మరణానికి పాల్పడాడు. ఈ హృదయ విచారకర ఘటన యాదమరి మండలంలో ఆదివారం రాత్రి చోటు చేసుకుంది. స్థానికుల కథనం మేరకు.. మండల పరిధిలోని భూమిరెడ్డిపల్లి పంచాయతీ వెంకటాపురం దళితవాడకు చెందిన దొరస్వామి కుమారుడు బాబు(35) అమరరాజ కంపెనీలో పనిచేస్తున్నాడు. ఉద్యోగరీత్యా అతను తన భార్యతో కలిసి చిత్తూరులో నివాసం ఉంటున్నాడు. రెండు రోజుల క్రితం స్వగ్రామమైన వెంకటాపురంలో బంధువుల ఇంట్లో జరిగిన ఓ ఫంక్షన్‌కు హాజరయ్యేందుకు బాబు తన కుమారుడితో వచ్చాడు. ఎప్పుడు స్వగ్రామానికి వచ్చినా పనులు ముగించుకుని వెంటనే వెళ్లే బాబు రెండు రోజులుగా ఇక్కడే ఉంటున్నాడు. భార్యాభర్తల మధ్య మనస్పర్థలు వచ్చాయి. దీంతో తాము తరచూ ఘర్షణ పడుతున్నామని బాబు తన స్నేహితుల వద్ద వాపోయేవాడు. ఈ క్రమంలోనే ఆదివారం రాత్రి ఇంట్లో ఎవరూ లేని సమయంలో తీవ్ర మనస్తాపానికి గురైన బాబు, ముందుగా తన కుమారుడు లోహిత్‌(10)కు విషం తాగించాడు. చిన్నారి ప్రాణాలు విడవడం చూసిన తర్వాత అతను కూడా అదే గదిలో ఉరివేసుకుని ఆత్మహత్య చేసుకున్నాడు. ఎంతసేపటికీ గది నుంచి ఎవరూ బయటకు రాకపోవడంతో అనుమానం వచ్చిన కుటుంబ సభ్యులు లోపలికి వెళ్లి చూడగా ఇద్దరూ మృతి చెంది ఉండడాన్ని గమనించి పోలీసులకు సమాచారం అందించారు. స్థానిక ఎస్‌ఐ ఈశ్వర్‌ విచారణ చేపట్టారు. మృతుని భార్య ఓ ప్రైవేటు పాఠశాలలో తాత్కాలిక ఉద్యోగిగా పనిచేస్తున్నారని, వారి మధ్య తలెత్తిన వివాదాలే ఈ దారుణానికి ప్రధాన కారణమని మృతుని సన్నిహితులు అభిప్రాయపడుతున్నారు. ఈ సమాచారం బాబు భార్యకు తెలిసినా ఆమె రాకపోవడంపై అనుమానాలు రేకెత్తిస్తున్నాయి. పోలీసులు కేసు దర్యాప్తు చేస్తున్నారు.

చిత్తూరు రూరల్‌ (కాణిపాకం): వైద్యరంగంలో ఫార్మసిస్టుల పాత్ర అత్యంత కీలకమని డీఎంహెచ్‌ఓ నాగశశి భూషణ్‌ రెడ్డి తెలిపారు. ప్రపంచ ఫార్మసీ దినోత్సవం సందర్భంగా శనివారం చిత్తూరు గనరం నగరంలోని ఎన్జీఓ హోమ్‌లో ఘనంగా వేడుకలు నిర్వహించారు. డీఎంహెచ్‌ఓ ముఖ్య అతిథిగా హాజరై మాట్లాడారు. రోగులకు మందులను ఏ మోతాదులో, ఎలా వాడాలనే దానిపై కౌన్సెలింగ్‌ ఇస్తూ ఫార్మసిస్టులు గొప్ప సామాజిక సేవ అందిస్తున్నారన్నారు. అనంతరం జిల్లాలో విశిష్ట సేవలు అందించిన ఉత్తమ ఫార్మసిస్టులను ఘనంగా సన్మానించారు. ఈ క్రమంలోనే ఏపీ ఫార్మసిస్ట్‌ అసోసియేషన్‌ జిల్లా శాఖ కొత్త ఎగ్జిక్యూటివ్‌ కమిటీకి ఏడుగురు సభ్యులను నూతనంగా ఎన్నుకున్నారు. జాతీయ స్థాయి పోటీలకు వెదురుకుప్పం విద్యార్థి వెదురుకుప్పం : జాతీయ స్థాయి సబ్‌ జూనియర్‌ సాఫ్ట్‌ బాల్‌ పోటీలకు వెదురుకుప్పం జిల్లా పరిషత్‌ ఉన్నత పాఠశాలకు చెందిన 9వ తరగతి విద్యార్థి చిన్మయ సాయి ఎంపికై నట్లు ప్రధానోపాధ్యాయడు శివశంకరయ్య తెలిపారు. శనివారం పాఠశాలలో ఏర్పాటు చేసిన సమావేశంలో హెచ్‌ఎం మాట్లాడుతూ మహారాష్ట్రలోని సి. శంభాజీనగర్‌లో ఆదివారం నుంచి 30 వరకు నిర్వహించనున్న జాతీయ స్థాయి సబ్‌ జూనియర్‌ పోటీల్లో పాల్గొనే రాష్ట్ర జట్టుకి చిన్మయ సాయి ఎంపికై నట్లు వెల్లడించారు. అనంతరం పుత్తూరు డీవైఈఓ మహేశ్వరరావు మాట్లాడుతూ జాతీయ స్థాయి క్రీడల్లో చిన్మయ సాయి అత్యుత్తమ ఆటతీరును ప్రదర్శించి పాఠశాలకు కీర్తిప్రతిష్టలు తీసుకురావాలని ఆకాంక్షించారు. జాతీయ స్థాయిలో ఎంపికయ్యేలా శిక్షణ ఇచ్చిన వ్యాయామ ఉపాధ్యాయుడు రమేష్‌ను అభినందించారు. అనంతరం విద్యార్థి చిన్మయ సాయి, ఉపాధ్యాయుడు రమేష్‌ను ఘనంగా సత్కరించారు.

కాణిపాకం: కాణిపాక శ్రీవరసిద్ధి వినాయకస్వామివారి ప్రత్యేక బ్రహ్మోత్సవాలు వైభవంగా నిర్వహిస్తున్నారు. శనివారం అందులో భాగంగా సిద్ధి, బుద్ధి సమేత వినాయకస్వామివారి విమాన వాహన సేవను కనులపండువగా జరిపించారు. ఈ సందర్భంగా వేకువజామునే మూలవిరాట్‌కు ప్రత్యేక అభిషేకం, అలంకరణ చేశారు. భక్తులకు దర్శనభాగ్యం కల్పించారు. రాత్రి అలంకార మండపంలో ఉత్సవమూర్తికి క్షీరాభిషేకం చేపట్టారు. ప్రత్యేక పూజల అనంతరం పట్టుపీతాంబరాలు, పుష్పమాలికలు, ఆభరణాలతో అలంకరించారు. ఈ క్రమంలోనే ఊరేగింపుగా విమాన వాహనంపై కొలువుదీర్చారు. మంగళవాయిద్యాలు, మేళతాళలు, కోలాటాలు, భజనబృందాల ప్రదర్శనలతో విమాన వాహన సేవ నిర్వహించారు. భక్తులు అడుగడుగునా కర్పూర హారతులు సమర్పించి మొక్కులు చెల్లించుకున్నారు. నేడు సూర్యప్రభ వాహన సేవ ప్రత్యేక బ్రహ్మోత్సవాల్లో భాగంగా కాణిపాకంలోని శ్రీవరసిద్ధి వినాయకస్వామికి ఆదివారం సూర్యప్రభ వాహన సేవ నిర్వహించనున్నట్లు ఆలయ యో పెంచల కిషోర్‌ తెలిపారు. ఉదయం విశేష అభిషేకం, రాత్రి సూర్యప్రభ వాహనసేవ ఉంటుందని వివరించారు.

చిత్తూరు కలెక్టరేట్‌ : దివ్యాంగుల హక్కుల పరిరక్షణకు కృషి చేస్తానని నూతనంగా ఎన్నికై న పర్సన్‌ విత్‌ డిజేబుల్డ్‌ ఫెడరేషన్‌ జిల్లా అధ్యక్షుడు లోకనాథం తెలిపారు. శనివారం నగరంలోని తపోవనం పాఠశాలలో సంఘం నూతన కమిటీ ఎన్నికలు నిర్వహించారు.సంఘం రాష్ట్ర ప్రధాన కార్యదర్శి కొండమరి సుబ్రమణ్యం అధ్యక్షతన ఎన్నికల ప్రక్రియను ప్రశాంతంగా పూర్తి చేశారు. ఈ సందర్భంగా పి.లోకనాథం జిల్లా అధ్యక్షుడిగా ఏకగ్రీవంగా ఎన్నికయ్యారు. వర్కింగ్‌ ప్రెసిడెంట్‌గా సుబ్రమణ్యం, ఉపాధ్యక్షుడిగా వెంకటేశ్వర్లు, ప్రధాన కార్యదర్శిగా పెరుమాళ్‌, జాయింట్‌ సెక్రటరీగా రవి, కోశాధికారిగా వేలు, అధికార ప్రతినిధిగా శేఖర్‌ నాయుడు, కార్యవర్గ సభ్యుడిగా చంద్రమోహన్‌న్‌ ఎన్నికయ్యారు. అలాగే జిల్లాలోని వివిధ నియోజకవర్గాల బాధ్యులను ప్రకటించారు. పుంగనూరు బాధ్యుడిగా వెంకటరమణ, నగరికి మాతయ్య, పలమనేరుకు చంద్రమౌళి, కుప్పానికి నారాయణప్ప, పూతలపట్టుకి బాలయ్య, చిత్తూరు నియోజకవర్గ బాధ్యుడిగా సురేష్‌ నాయుడును ఎన్నుకున్నారు. సదరం వెరిఫికేషన్‌లో పారదర్శకత అవసరం సంఘం రాష్ట్ర ప్రధాన కార్యదర్శి కొండమరి సుబ్రమణ్యం మాట్లాడుతూ సదరం సర్టిఫికెట్ల వైకల్య శాతం పునఃపరిశీలన (వెరిఫికేషన్‌) ప్రక్రియపై ప్రభుత్వం పారదర్శకత పాటించాలని డిమాండ్‌ చేశారు. అర్హులైన దివ్యాంగులు ఇబ్బంది పడకుండా చర్యలు చేపట్టాలని కోరారు. దివ్యాంగులకు ఉచిత విద్య, వైద్యంతో పాటు నివాస గృహాలు మంజూరు చేయాలని సూచించారు. దివ్యాంగుల న్యాయమైన సమస్యలను ప్రభుత్వం తక్షణమే పరిష్కరించాలని స్పష్టం చేశారు.కార్యక్రమంలో సంఘం రాష్ట్ర సలహాదారు సుబ్రమణ్యం, కార్యవర్గ సభ్యులు ఫక్రుద్దీన్‌, సుగుణమ్మ పాల్గొన్నారు.

జిల్లాలో 1.36 లక్షల ఓటర్ల వివరాలు తొలగింపు ఓటర్ల జాబితా ప్రత్యేక సమగ్ర సవరణ ఇప్పుడు మళ్లీ చర్చనీయాంశంగా మారింది. కేంద్ర ఎన్నికల కమిషనర్‌ జ్ఞానేష్‌ కుమార్‌పై ఆరోపణల నేపథ్యంలో సర్‌ ప్రక్రియలో పారదర్శకతపై అందరిలో అనుమానం వ్యక్తమవుతోంది. జిల్లాలో ఇప్పటికే ప్రచురించిన జాబితాలో ఏకంగా 1.36 లక్షల ఓట్లు తొలగించడంలో ఆంత్యమేంటనే ప్రశ్న తలెత్తుతోంది. సాక్షి, చిత్తూరు: సర్‌ ప్రక్రియలో భాగంగా తొలి జాబితా ప్రచురణ సమయంలో జిల్లా నుంచి 1,36,059 ఓట్లను అధికారులు తొలగించారు. ఈ సంఖ్య అసాధారణంగా కనిపిస్తోంది. దీనికి అధికారులు చెబుతున్న కారణాలు చనిపోయిన ఓటర్లు 42,337, ట్రేస్‌ కాని ఓటర్లు 18,622, వసల వెళ్లిపోయిన వాళ్లు 55,773, డబుల్‌ ఎంట్రీ 19,301, ఇతర కారణాలు 26 మంది ఓటర్లుగా చూపించారు. ఇందులో చనిపోయిన ఓటర్ల సంఖ్య తప్ప మిగిలినవన్నీ ‘సర్‌’ పేరిట అక్రమంగా తొలగించారనే ఆరోపణలు వెల్లువెత్తుతున్నాయి. ఇక మ్యాపింగ్‌ కాకపోవడం, పేర్లలో వ్యత్యాసం, అక్షర దోషాలు ఉన్నాయనే కారణాలతో జిల్లాలో ఏకంగా 1,34,307 మందికి నోటీసులు ఇవ్వడం కూడా సంచలనమే. అయితే ఇందులో ఇప్పటి వరకు 1,31,472 మంది క్‌లైయిమ్స్‌ను అధికారులు అంగీకరించారు. వీరందరికీ ఓటు హక్కును పునరుద్దరించారు. దాదాపు 2500 మంది ఓటర్లు అనర్హులుగా తేల్చడంతో.. తొలగింపు ఓట్లు 1.40 లక్షలకు చేరుకోనుంది. తప్పటడుగు అక్కడే.. 2002 ఓటర్ల జాబితాలో ఉన్న వివరాలను ఇప్పుడు క్షేత్రస్థాయిలో పరిశీలించాలని చెప్పిన సీఈసీ తొలి తప్పటడుగు అక్కడే వేసింది. జిల్లాలో చాలా మంది ఓట్లు అసలు 2002 జాబితాలో మ్యాపింగ్‌ కాలేదు. 24 ఏళ్ల తర్వాత ఇపుడు మ్యాపింగ్‌కు వెళితే చాలా మంది ఓటర్ల వివరాలు 2002లో అసలు కనిపించలేదు. పైగా కుటుంబ సభ్యుల మ్యాపింగ్‌ ఏమాత్రం కుదరలేదు.‘సర్‌’ ప్రక్రియలో ఏకంగా తమ అభ్యంతరాలనే సీఈసీ 14 సార్లు పట్టించుకోలేదని తోటి కమిషనర్లు సీఈసీపై ఆరోపణలు చేశారు.. జిల్లాలో ప్రతిపక్ష నేతలు ఇచ్చిన అభ్యంతరాలను పరిగణలోకి తీసుకోకపోవడంపై అనుమానాలు వ్యక్తమవుతున్నాయి. మొత్తంగా అసలు సర్‌ ప్రక్రియ సజావుగా సాగిందా..? లేదా..? అనే అనుమానం సామాన్యుల్లో సైతం వ్యక్తమవుతోంది. అసలు 2002లో సరైన ఓటర్ల జాబితా ఎందుకు రూపొందించలేదని ఓటర్లు బహిరంగంగానే ప్రశ్నిస్తున్నారు. తుది జాబితాపై కసరత్తు షెడ్యుల్‌ ప్రకారం మ్యాపింగ్‌ కాని, సవరణ చేయాల్సిన ఓటర్ల తుది జాబితాను అక్టోబర్‌ 9వ తేదీన ప్రచురించాల్సి ఉంది. ఇందుకోసం అధికార యంత్రాంగం ఇప్పటికే కసరత్తు చేస్తోంది. సీఈసీ ఎదుర్కొంటున్న ఆరోపణలు ఓవైపు, నిజమైన ఓటర్లు తమ ఓటు హక్కును కోల్పోయారనే విమర్శల నడుమ అధికారులు తుది జాబితా ప్రచురణకు సిద్ధమవుతున్నారు. ఇదే సమయంలో ఓటర్ల జాబితాలో పేర్లు లేని ఓటర్ల నుంచి కొత్తగా దరఖాస్తు తీసుకుని, జాబితాలో పేరును చేరుస్తామని చెప్పడం ఎంత వరకు కార్యరూపం దాలుస్తుందో వేచి చూడాల్సి ఉంది. జిల్లాలో నియోజకవర్గ వారీగా తొలగించిన ఓట్ల సంఖ్య పలమనేరు 29,381 చిత్తూరు 26,436 కుప్పం 24,418 నగరి 20,879 పూతలపట్టు 20,321 జీడీ నెల్లూరు 14,624 మొత్తం 1,36,059నమ్మశక్యంగా లేదు సార్వత్రిక ఎన్నికల సమయంలో చీకటి పడిన తర్వాత భారీగా ఓట్లు పోలవడంపై మేము అడిగిన ప్రశ్నలకు ఎన్నికల సంఘం ఎలాంటి సమాధనం చెప్పలేదు. ఇప్పుడు ‘సర్‌’ ప్రక్రియలో తోటి కేంద్ర ఎన్నికల కమిషనర్లు చెప్పిన అభ్యంతరాలనే సీఈసీ పట్టించుకోలేదనే ఆరోపణలు వెల్లువెత్తుతుండడం మా అనుమానాలకు మరింత బలం చేకూరుస్తోంది. జిల్లాలో ఏకంగా 1.36 లక్షలకు పైగా ఓట్లు తొలగించడం అంటే నమ్మశక్యంగా లేదు. దీనిపై ఎన్నికల సంఘం, జిల్లా యంత్రాంగం సమాధానం చెప్పి తీరాల్సిందే. – భూమన కరుణాకరరెడ్డి, వైఎస్సార్‌సీపీ చిత్తూరు, తిరుపతి జిల్లాల అధ్యక్షుడు

కాణిపాకం: కాణిపాకం శ్రీవరసిద్ధి వినాయక స్వామివారికి శనివారం పలువురు భక్తులు భారీ విరాళాలు సమర్పించారు. బాపట్ల జిల్లా కారంచేడుకు చెందిన మల్లయ్య, రాజ్యలక్ష్మి దంపతులు రూ.2.50 లక్షల విలువైన, సుమారు 1 కిలో బరు వు కలిగిన వెండి పుష్పమాలను బహూకరించారు. అలాగే నిత్య అన్నదాన ట్రస్టుకు రూ. ఒక లక్ష విరాళంగా అందజేశారు. గుంటూరు జిల్లా తాడేపల్లికి చెందిన సోమసత్య శ్రీనివాసరావు తమ కుటుంబ సభ్యులతో కలసి స్వామివారి నిత్య అన్నదాన పథకానికి రూ. ఒక లక్ష విరాళాన్ని ఆల య అధికారులకు అందించారు. దాతలకు ఆల య అధికారులు ప్రత్యేకంగా స్వామివారి దర్శనం కల్పించారు. తీర్థప్రసాదాలు అందజేశారు. సర్‌ సిబ్బందికి జీతాలు మంజూరు చిత్తూరు కలెక్టరేట్‌ : జిల్లాలో సర్‌ కార్యక్రమంలో విధులు నిర్వహించిన సిబ్బందికి వార్షిక జీతాలు మంజూరు చేశారు. శనివారం ఈ మేరకు ఎన్నికల సంఘం సీఈఓ వివేక్‌ యాదవ్‌ ఉత్తర్వులు జారీచేశారు. ఈఆర్‌ఓలకు రూ.30 వేలు, అదనపు ఈఆర్‌ఓలకు రూ.25 వేలు మంజూరు చేశారు. జిల్లాలో ప్రతి నియోజకవర్గానికి ఒక ఈఆర్‌ఓ, 80 మంది ఏఈఆర్‌ఓలు, 1,708 మంది బీఎల్‌ఓలు, 176 మంది సూపర్‌ వైజర్లు ఉన్నారు. బీఎల్‌ఓ, సూపర్‌వైజర్లకు రూ.6 వేల చొప్పున మంజూరు చేశారు. నేడు బధిరుల దినోత్సవం చిత్తూరు కలెక్టరేట్‌: అంతర్జాతీయ బధిరుల దినోత్సవాన్ని ఆదివారం నిర్వహించనున్నట్లు విభిన్న ప్రతిభావంతులశాఖ ఏడీ పుల్లారెడ్డి తెలిపారు. శనివారం ఆయన మాట్లాడుతూ ఉదయం 10 గంటలకు జెడ్పీ సమావేశ మందిరంలో కార్యక్రమం ప్రారంభమవుతుందన్నారు. జిల్లాలోని బధిరుల సంఘాల ప్రతినిధులు, బధిర ప్రభుత్వ ఉద్యోగులు హాజరుకావాలని కోరారు.

తిరుమల: తిరుమలలో శనివారం రాత్రి పౌర్ణమి గరుడసేవ అత్యంత వైభవంగా జరిగింది. రాత్రి 7 గంటలకు సర్వాలంకార భూషితుడైన శ్రీ మలయప్ప స్వామివారు గరుడునిపై ఆలయ మాడ వీధుల్లో విహరిస్తూ భక్తులను కటాక్షించారు. వాహన సేవలో తిరుమల పెద్ద జీయర్‌ స్వామి, చిన్నజీయర్‌ స్వామి, టీటీడీ అదనపు ఈవో సి.హెచ్‌.వెంకయ్యచౌదరి, సీవీఎస్వో మురళీకృష్ణ తదితరులు పాల్గొన్నారు. నిర్బంధం తిరుపతి అర్బన్‌ : సచివాలయ ఉద్యోగులు చలో విజయవాడకు పిలుపునిచ్చిన నేపథ్యంలో పలువురు ఉద్యోగులు శనివారం సాయంత్రం బయల్దేరి వెళ్లేందుకు సిద్ధమయ్యారు. ప్రభుత్వ ఆదేశాలతో వారిని పోలీసులు అదుపులోకి తీసుకున్నారు. ఇందులో తిరుపతి మున్సిపల్‌ కార్పొరేషన్‌ ఆరో వార్డు సంక్షేమ కార్యదర్శి అమరావతి, 25వ వార్డు సంక్షేమ కార్యదర్శి రజినీకుమారిని అక్రమంగా అరెస్ట్‌ చేసి ఈస్ట్‌పోలీస్‌ స్టేషన్‌లో నిర్బంధించారు. దీనిపై ఉద్యోగ సంఘాలు మండిపడ్డాయి. శ్రీవారి దర్శనానికి 20 గంటలు తిరుమల: తిరుమలలో శనివారం భక్తుల రద్దీ ఎక్కువగా ఉంది. క్యూకాంప్లెక్స్‌లోని కంపార్టుమెంట్లు భక్తులతో నిండిపోయాయి. క్యూలైన్‌ శిలాతోరణం వద్దకు చేరుకుంది. శుక్రవారం అర్ధరాత్రి వరకు 66,014 మంది స్వామివారిని దర్శించుకున్నారు. 31,092 మంది భక్తులు తలనీలాలు అర్పించారు. స్వామివారికి కానుక ల రూపంలో హుండీలో రూ.4.44 కోట్లు సమర్పించారు. టైంస్లాట్‌ టిక్కెట్లు కలిగిన భక్తులకు సకాలంలో దర్శనం లభిస్తోంది. దర్శన టిక్కె ట్లులేని వారు స్వామిని దర్శించుకోవడానికి 20 గంటల సమయం పడుతోంది. ప్రత్యేక ప్రవేశ దర్శనం టిక్కెట్లు కలిగిన వారు 3 గంటల్లో స్వామిని దర్శించుకోగలుగుతున్నారు. ఇదిలా ఉంటే సర్వదర్శనం టోకెన్లు కలిగిన భక్తులు నిర్దేశించిన సమయానికి మాత్ర మే క్యూలోకి వెళ్లాలని టీటీడీ విజ్ఞప్తి చేస్తోంది. కేటాయించిన సమయానికంటే ముందు వెళ్లిన వారిని క్యూలో కి అనుమతించరని స్పష్టంచేసింది. పవిత్రం.. పరిసమాప్తం చంద్రగిరి:తిరుచానూరులోని శ్రీ పద్మావతి అమ్మ వారి ఆలయంలో మూడు రోజులుగా నిర్వహించిన పవిత్రోత్సవాలు శనివారం మహాపూర్ణాహుతి తో వైభవంగా ముగిశాయి. చివరి రోజైన శనివా రం ఆలయంలో ప్రత్యేక పూజా కార్యక్రమాలను ఆగమోక్తంగా నిర్వహించారు. ఉదయం 10.40 నుంచి మధ్యాహ్నం 12 గంటల వరకు మహాపూర్ణాహుతి, శాంతి హోమం, కుంభప్రోక్షణ, నివేదన తదితర కార్యక్రమాలు నిర్వహించారు. మ ధ్యాహ్నం 2 నుంచి సాయంత్రం 4 గంటల వరకు శ్రీకృష్ణ స్వామి ముఖ మండపంలో శ్రీపద్మావతి అమ్మవారితో పాటు శ్రీకృష్ణస్వామివారు, శ్రీసుందరరాజ స్వామి వారు, శ్రీసుదర్శన చక్రత్తాళ్వార్‌కు స్నపనతిరుమంజనం నిర్వహించారు. అనంతరం శ్రీ సుదర్శన చక్రత్తాళ్వార్‌ను పల్లకీపై మంగళవాయిద్యాల నడుమ ఊరేగింపుగా పద్మపుష్కరిణి వద్దకు తీసుకెళ్లి చక్రస్నానం నిర్వహించారు. వైభవోత్సవం సాయంత్రం 6 నుంచి రాత్రి 8 గంటల వరకు శ్రీకృష్ణస్వామివారు, శ్రీసుందరరాజస్వామివారు, పద్మా వతి అమ్మవారు మాడ వీధుల్లో విహరించారు. టీటీడీ ఈఓ రవిచంద్ర, జేఈఓ శరత్‌, సీవీఎస్వో మురళీకృష్ణ, ఎస్పీ సుబ్బరాయుడు, డిప్యూటీ ఈవో హరీంద్రనాథ్‌ పాల్గొన్నారు.

చిత్తూరు కలెక్టరేట్‌: విజయవాడ వేదికగా త్వరలో నిర్వహించనున్న 51వ జాతీయ మినీ బాస్కెట్‌బాల్‌ చాంపియన్‌షిప్‌కు రాష్ట్ర జట్టు తరఫున చిత్తూరు జిల్లాకు చెందిన ఐదుగురు క్రీడాకారులు ఎంపికయ్యారు. శనివారం ఈ మేరకు జిల్లా బాస్కెట్‌బాల్‌ సంఘం అధ్యక్షుడు టి. చెంగల్రాయ నాయుడు, కార్యదర్శి జి. సురేష్‌ బాబు, ఎన్‌పీ జయప్రకాష్‌ ఎంపికై న క్రీడాకారులను అభినందించారు. వారు మాట్లాడుతూ బాలికల విభాగంలో హర్షిత, మనస్విని, సోనాల్‌, బాలుర విభాగంలో నాగసూర్య జాతీయ పోటీలకు ఎంపికై నట్లు తెలిపారు. ఇటీవల నిర్వహించిన రాష్ట్ర స్థాయి శిక్షణ శిబిరంలో చూపిన అత్యుత్తమ ప్రతిభ ఆధారంగా వీరు జాతీయ జట్టుకు ఎంపికయ్యారని చెప్పారు. గతంలోనూ చిత్తూరు జిల్లా జట్లు రాష్ట్ర స్థాయిలో విజేతలుగా నిలిచి సత్తా చాటాయన్నారు. జాతీయ స్థాయి పోటీలకు ఎంపికై న క్రీడాకారులను కోచ్‌లు ఉదయభాస్కర్‌, బాబు, భాను, సంగీత, నటరాజ్‌ ప్రత్యేకంగా అభినందించారు. జాతీయ పోటీల్లోనూ రాణించి రాష్ట్రానికి, జిల్లాకు మంచి పేరు తీసుకురావాలని ఆకాంక్షించారు. ఎంపికై న క్రీడాకారులు

చిత్తూరు రూరల్‌ (కాణిపాకం): సివిల్‌ కేసుల సత్వర పరిష్కారంపై ప్రత్యేక దృష్టి సారించాలని ఉమ్మడి చిత్తూరు జిల్లా ప్రధాన న్యాయమూర్తి అరుణసారిక స్పష్టం చేశారు. శనివారం న్యాయమూర్తులకు జిల్లా కోర్టు భవన సముదాయంలో వర్క్‌షాప్‌ నిర్వహించారు. వారు మాట్లాడుతూ సుప్రీంకోర్టు, హైకోర్టు ఆదేశాల ప్రకారం కేసుల విచారణ చేపట్టాలన్నారు. సివిల్‌ కేసులు, డిక్రీలు, ఎగ్జిక్యూషన్‌ పిటిషన్లు తదితర అంశాలను హైకోర్టు విశ్రాంత న్యాయమూర్తులు జస్టిస్‌ జి.వి. సీతాపతి, జస్టిస్‌ ఎం.సీతారామమూర్తి వివరించారు.మొదటి, అదనపు జిల్లా కోర్టు న్యాయమూర్తి కె.శ్రీనివాసరావు, నాలుగో అదనపు జిల్లా కోర్టు న్యాయమూర్తి అర్చన, ఆరో అదనపు జిల్లా కోర్టు న్యాయమూర్తి టి.హరిత, రెండో అదనపు జిల్లా కోర్టు న్యాయమూర్తి సూర్యనారాయణమూర్తి, మూడో అదనపు జిల్లా కోర్టు న్యాయమూర్తి గురునాథ్‌, ఏడో అదనపు జిల్లా కోర్టు న్యాయమూర్తి శ్రీలత, తొమ్మిదో అదనపు జిల్లా కోర్టు న్యాయమూర్తి ఎన్‌.శ్రీనివాసరావు పాల్గొన్నారు.

నగరి : మాజీ మంత్రి ఆర్‌కే రోజాకు సంబంధించిన వీడియోను మార్ఫింగ్‌ చేసి సోషల్‌ మీడియాలో అసత్య ప్రచారం చేస్తున్న వారిపై వైఎస్సార్‌సీపీ నేతలు ఆగ్రహం వ్యక్తం చేశారు. ఈ నెల 24న తిరుమల శ్రీవారి దర్శనానికి వెళ్లిన రోజా ఆలయం వెలుపలికి వస్తున్న సమయంలో మీడియా చిత్రీకరించిన వీడియోలను కొందరు వ్యక్తులు ఏఐ సాంకేతికతతో మార్పులు చేసి, ఆమె గుండు కొట్టించుకున్నట్లు కనిపించే విధంగా తప్పుడు వీడియోలను రూపొందించి సోషల్‌ మీడియాలో ప్రచారం చేస్తున్నారని మండిపడ్డారు. శనివారం నగరికి చెందిన నేతలు ఈ మేరకు సీఐ మల్లికార్జునరావు, నిండ్ర మండల నేతలు ఎస్‌ఐ మల్లికార్జునకు లిఖితపూర్వకంగా ఫిర్యాదు చేశారు. ఫేస్‌బుక్‌, ఇన్‌స్ట్రాగామ్‌, ట్విట్టర్‌, యూట్యూబ్‌, వాట్సాప్‌ తదితర సామాజిక మాధ్యమాల్లో మార్ఫింగ్‌ వీడియోలు పోస్టులు, రీల్స్‌, షేర్లు, ఫార్వర్డ్‌ రూపంలో ప్రచారం అవుతున్నాయని పేర్కొన్నారు. దీనిపై సాంకేతిక ఆధారాలతో సమగ్ర దర్యాప్తు జరిపి, వీడియోను రూపొందించిన వ్యక్తులపై చట్టపరమైన చర్యలు తీసుకోవాలని డిమాండ్‌ చేశారు. మార్ఫింగ్‌ వీడియోలను ఎవరు మొదట రూపొందించారు, ఏ ఖాతా నుంచి తొలిసారిగా సోషల్‌ మీడియాలోకి తీసుకువచ్చారు, అనంతరం ఎవరెవరు షేర్‌, రీపోస్ట్‌, ఫార్వర్డ్‌ చేశారనే అంశాలను సాంకేతికంగా గుర్తించాలని పోలీసులను కోరారు. వీడియోలను తయారు చేయడం, ప్రచారం చేయడం లేదా ఉద్దేశపూర్వకంగా వైరల్‌ చేయడంలో ఎవరెవరి ప్రమేయం ఉందో తేల్చాలని కోరారు. అత్యంత అభ్యంతరకరం ఫిర్యాదు చేసిన అనంతరం పార్టీ నేతలు మీడియాతో మాట్లాడుతూ మాజీ మంత్రి రోజాను వాస్తవానికి భిన్నంగా చిత్రీకరించి ప్రజల్లో తప్పుడు భావన కలిగించేలా వీడియోలను ప్రచారం చేయడం అత్యంత అభ్యంతరకరమని స్పష్టం చేశారు. సాధారణ రాజకీయ విమర్శలకు, వ్యక్తిగత ప్రతిష్టను దెబ్బతీసేలా డిజిటల్‌ మార్పులతో తప్పుడు వీడియోలు సృష్టించి ప్రచారం చేయడానికి తేడా ఉందని తెలిపారు. రాజకీయ విభేదాలతో ఒక మహిళా నాయకురాలి వ్యక్తిగత గౌరవానికి భంగం కలిగించేలా తప్పుడు కంటెంట్‌ను సృష్టించడం సమర్థనీయం కాదన్నారు. వీడియోల వెనుక టీడీపీకి అనుబంధంగా పనిచేస్తున్న కొంతమంది సోషల్‌ మీడియా కార్యకర్తలు, వ్యక్తుల పాత్రపై కూడా దర్యాప్తు చేయాలని డిమాండ్‌ చేశారు. ఉద్దేశపూర్వకంగా వైరల్‌ చేసినా ఆధారాల మేరకు ఇన్ఫర్మేమేషన్‌ టెక్నాలజీ యాక్ట్‌ 2000తో పాటు దర్యాప్తులో వర్తించే ఇతర చట్టాల కింద కేసు నమోదు చేసి బాధ్యులపై చర్యలు తీసుకోవాలన్నారు. కార్యక్రమంలో వైఎస్సార్‌సీపీ నగరి పట్టణ, రూరల్‌ అధ్యక్షులు రమేష్‌రెడ్డి, తిరుమల రెడ్డి, నేతలు కన్నాయిరం, గోపాల్‌రెడ్డి, ఇంద్రారెడ్డి, మునివేలు, మురుగ, కృష్ణమూర్తి, ఆనందకుమార్‌, సలీం, యాకోబు, కన్నియప్ప, నాగభూషణం, వెంకటేశ్‌, రాజముత్తు, హరి, అముద, సంధ్యారాణి, శశికళ, పాండియన్‌, మేషాక్‌, భాస్కర్‌, రమేష్‌, పార్టీ నిండ్ర మండల కన్వీనర్‌ వేణురాజు, మాజీ ఎంపీపీ దీప, నేతలు అనిల్‌, విజేష్‌, మేరీ, రామచంద్రారెడ్డి, నవీన్‌, చెంచమ్మ పాల్గొన్నారు.వడమాలపేటలో.. తప్పుడు పోస్టులపై ఫిర్యాదుపుత్తూరు: మాజీ మంత్రి ఆర్కే రోజాపై సోషల్‌ మీడియాలో అభ్యంతరకర పోస్టులు పెట్టిన టీడీపీ అనుబంధ సంస్థలకు చెందిన వ్యక్తులను అరెస్ట్‌ చేయాలని కోరుతూ వైఎస్సార్‌సీపీ పుత్తూరు నేతలు ఎస్‌ఐ వెంకటలక్ష్మీకి ఫిర్యాదు చేశారు. మార్ఫింగ్‌ వీడియోలను ఫేస్‌బుక్‌, ఇన్‌స్ట్రాగామ్‌, ఎక్స్‌, యూట్యూబ్‌, వాట్సాప్‌ తదితర సోషల్‌ మీడియాల్లో పోస్టులు పెట్టి మాజీ మంత్రి వ్యక్తిత్వ హననానికి పాల్పడ్డారని ఆరోపించారు. దీనిపై సాంకేతిక ఆధారాలతో పూర్తి స్థాయిలో దర్యాప్తు చేసి, బాధ్యులపై చర్యలు తీసుకోవాలని కోరారు. మున్సిపల్‌ మాజీ చైర్మన్‌ హరి, మాజీ వైస్‌ చైర్మన్లు శంకర్‌, జయప్రకాష్‌, పార్టీ పుత్తూరు పట్టణ, రూరల్‌ అధ్యక్షులు ఏకాంబరం, భాస్కర్‌యాదవ్‌, నేతలు దిలీప్‌కుమార్‌, గోవిందస్వామిరెడ్డి, చక్రపాణి, బాలసుబ్రమణ్యం, ప్రతాప్‌, శివ, రాంబత్తయ్య, బాబు, దాసు, రవి తదితరులు పాల్గొన్నారు. వడమాలపేటలో.. మాజీ మంత్రి ఆర్కే రోజాపై సోషల్‌ మీడియాలో అభ్యంతరకర పోస్టులు పెట్టిన వారిపై చర్యలు తీసుకోవాలని కోరుతూ శనివారం వడమాలపేట ఎస్‌ఐ హరీష్‌కు వైఎస్సార్‌సీపీ స్థానిక నేతలు ఫిర్యాదు చేశారు. సుబ్రమణ్యంరెడ్డి, సురేష్‌రాజు, మధన్‌మోహన్‌రెడ్డి, సుధీర్‌రెడ్డి, గాంధీ, చంద్రరెడ్డి, ప్రతిమ, మంజులారెడ్డి, ఉమాపతి, భరత్‌, చంద్ర, పవన్‌, రాజేంద్రయ్య, కమలమ్మ, బత్తయ్య, బుచ్చిరెడ్డి, ధర్మయ్య పాల్గొన్నారు.

చిత్తూరు కలెక్టరేట్‌ : పాఠశాలల్లో విద్యార్థులకు పాఠాలు సరిగ్గా చెప్పకుండా అలసత్వం వహిస్తే చర్యలు కఠినంగా ఉంటాయని డీఈఓ లక్ష్మీనారాయణ హెచ్చరించారు. శనివారం ఆయన సాక్షి నిర్వహించిన ఇంటర్వ్యూలో పలు అంశాలు వెల్లడించారు. ఇటీవల చిత్తూరులోని గిరింపేట, సంతపేట నగరపాలక హైస్కూళ్లలో ఆకస్మికంగా తనిఖీలు చేపట్టినట్లు తెలిపారు. 2027 మార్చిలో నిర్వహించనున్న పదో తరగతి పబ్లిక్‌ పరీక్షల్లో వంద శాతం ఉత్తీర్ణతే లక్ష్యంగా ప్రత్యేక కార్యాచరణ అమలు చేస్తున్నట్లు డీఈఓ వివరించారు. సాక్షి: ఇటీవల మీ ఆకస్మిక తనిఖీల్లో గమనించిన ప్రధాన అంశాలేమిటి? ఉపాధ్యాయుల పనితీరుపై మీ అభిప్రాయం? డీఈఓ:కొన్ని పాఠశాలల్లో తరగతి గదిలో విద్యార్థులు ఉన్నప్పటికీ నాన్‌ లాంగ్వేజ్‌ టీచర్లు పాఠాలు చెప్ప కుండా స్టాఫ్‌ రూమ్‌లో ఖాళీగా కూర్చోవడం గమనించాం. ఇది అత్యంత బాధాకరం. ఇలాంటి వారిని ఉపేక్షించేది లేదు, శాఖాపరమైన చర్యలు తప్పవు. సాక్షి: పదో తరగతి పబ్లిక్‌ పరీక్షలు దగ్గరపడుతున్నాయి, ఉత్తీర్ణత శాతం పెంచేందుకు ఎలాంటి చర్యలు తీసుకుంటున్నారు? డీఈఓ: 2027 మార్చి పబ్లిక్‌ పరీక్షలను దృష్టిలో పెట్టుకుని ’మిషన్‌ మార్చ్‌ 2027’ పేరుతో ప్రత్యేక కార్యాచరణ ప్రణాళిక రూపొందించాం. జిల్లాలోని 341 ప్రభుత్వ యాజమాన్య ఉన్నత పాఠశాలల్లో మొత్తం 13,989 మంది విద్యార్థులు పదో తరగతి చదువుతున్నారు. వీరి అభ్యసన సామర్థ్యాల ఆధారంగా గ్రేడ్లుగా విభజించి, వెనుకబడిన విద్యార్థులపై ప్రత్యేక దృష్టి సారించి శిక్షణ ఇస్తున్నాం. సాక్షి: రాబోయే రోజుల్లో పాఠశాలల పర్యవేక్షణ, సమీక్షలు ఏ విధంగా ఉండబోతున్నాయి? డీఈఓ: త్వరలోనే కలెక్టర్‌ అధ్యక్షతన హెచ్‌ఎంలతో జిల్లా స్థాయి సమీక్ష సమావేశం నిర్వహిస్తాం. నియోజకవర్గ, మండల, పాఠశాల స్థాయిల్లో సబ్జెక్టుల వారీగా విద్యార్థుల మార్కులను విశ్లేషిస్తాం. ముఖ్యంగా గత పరీక్షల్లో తక్కువ ఉత్తీర్ణత సాధించిన 75 పాఠశాలలపై ప్రత్యేక దృష్టి పెడుతున్నాం. సాక్షి: విద్యాబోధన నాణ్యతను పెంచేందుకు ఉపాధ్యాయులకు మీరు ఇచ్చే సూచనలు ఏంటి? డీఈఓ: ఏదో పాఠం చెప్పామా, వెళ్లామా అన్నట్టు కాకుండా, ప్రతి ఉపాధ్యాయుడు తప్పనిసరిగా లెసన్‌ ప్లాన్‌ సిద్ధం చేసుకునే బోధించాలి. పరీక్షల్లో విద్యార్థులు ఎందుకు తక్కువ మార్కులు సాధిస్తున్నారో బాధ్యత తీసుకుని వివరణ ఇవ్వాలి. నిరంతరం క్షేత్రస్థాయి తనిఖీలు చేపడతాం, బోధనలో వెనుకబడినా, అలసత్వం వహిస్తే ఉపాధ్యాయులు డీఈఓ కార్యాలయానికి వచ్చి వివరణ ఇవ్వాల్సి ఉంటుంది. ఉపాధ్యాయులు బాధ్యతాయుతంగా పనిచేసి జిల్లాను రాష్ట్రంలోనే అగ్రస్థానంలో నిలపాలని కోరుతున్నాం.

చిత్తూరు రూరల్‌ (కాణిపాకం): పోలీసులు ప్రజాసేవే పరమావధిగా విధులు నిర్వర్తించాలని, పోలీసు యూనిఫామ్‌ కేవలం ఒక గుర్తింపు మాత్రమే కాదని, మహత్తర బాధ్యతకు ప్రతీకని రవాణా, క్రీడల శాఖ మంత్రి మండిపల్లి రాంప్రసాద్‌ రెడ్డి తెలిపారు. శనివారం చిత్తూరు నగరంలోని జిల్లా పోలీసు శిక్షణ కేంద్రం మైదానంలో 9 నెలల ప్రాథమిక శిక్షణ పూర్తి చేసుకున్న 142 మంది ట్రైనీ కానిస్టేబుళ్ల దీక్షాంత్‌ పరేడ్‌ నిర్వహించారు. మంత్రి రాంప్రసాద్‌రెడ్డి ముఖ్య అతిథిగా హాజరై పోలీసుల గౌరవ వందనం స్వీకరించారు. మంత్రి మాట్లాడుతూ పోలీసు స్టేషన్‌కు వచ్చే బాధితులను గౌరవిస్తూ, మహిళలు, చిన్నారుల భద్రతకు ప్రాధాన్యమివ్వాలని సూచించారు. పెరుగుతున్న సైబర్‌ నేరాలు, డ్రగ్స్‌ రవాణాను అరికట్టేందుకు కృషి చేయాలన్నారు. కలెక్టర్‌ సుమిత్‌ కుమార్‌, ఎస్పీ తుషార్‌ డూడీ మాట్లాడుతూ క్రమశిక్షణతో పనిచేస్తూ, ప్రజలకు ఆపద వచ్చినప్పుడు భరోసానిచ్చేలా పోలీసు శాఖ ప్రతిష్టను పెంచాలని పిలుపునిచ్చారు. అనంతరం శిక్షణలో అత్యుత్తమ ప్రతిభ కనబరిచిన చీకటి మూర్తి (బెస్ట్‌ ఆల్‌రౌండర్‌– అవుట్‌డోర్‌), వెంకటేష్‌ (ఇండోర్‌), వినయ్‌ (ఫైరింగ్‌), 5వ స్క్వాడ్‌ (బెస్ట్‌ స్క్వాడ్‌)కు మంత్రి, అధికారులు మెమెంటోలు ప్రదానం చేశారు. కార్యక్రమంలో ఎమ్మెల్యేలు గురజాల జగన్‌ మోహన్‌, మురళీమోహన్‌ పాల్గొన్నారు.

– 41 నోటీసు ఇచ్చి పంపి.. మళ్లీ పోలీస్‌ స్టేషన్‌కు పిలిపించి.. సాక్షి టాస్క్‌ఫోర్స్‌ : వైఎస్సార్‌సీపీ నేతలను లక్ష్యంగా చేసుకుని టీడీపీ నాయకులు కక్షసాధింపు చర్యలకు దిగుతున్నారు. ఇటీవల చిత్తూరు మండలంలోని నాయనిచెరువు, నగరంలోని దొడ్డిపల్లె ప్రాంతాల్లో సాగుతున్న అక్రమ మైనింగ్‌ గుట్టును వైఎస్సార్‌సీపీ నియోజకవర్గ సమన్వయకర్త విజయానందరెడ్డి రట్టు చేసిన సంగతి తెలిసిందే. ఈ అక్రమాలను కప్పిపుచ్చుకునేందుకు టీడీపీ నేతలు చేసిన ఆరోపణలను బీసీ నాయకులు సమర్థవంతంగా తిప్పికొట్టారు. ఈ క్రమంలోనే వైఎస్సార్‌సీపీ మండల నేత త్యాగరాజులు సైతం తనదైన శైలిలో గట్టిగా ప్రశ్నించారు. దీంతో ఆయనపై కక్ష పెంచుకున్న టీడీపీ నేతలు కుట్రపూరితంగా కేసు నమోదు చేయించేందుకు తెగబడ్డారు. పాత వీడియోలను తెరపైకి తెచ్చి, అక్రమంగా మద్యం పెట్టించి కేసు నమోదు చేయించారనే ఆరోపణలు వెల్లువెత్తుతున్నాయి. మళ్లీ పోలీస్‌ స్టేషన్‌కు.. పోలీసులు వైఎస్సార్‌సీపీ మండల నేత త్యాగరాజులకు మధ్యాహ్నం. 3.30 గంటలకు 41 నోటీసులు ఇచ్చి ఇంటికి పంరారు. మళ్లీ రాత్రి 8 గంటల ఫోన్‌చేసి పోలీస్‌ స్టేషన్‌కు రమ్మన్నారు. 24 గంటల స్టేషన్‌లోనే ఉండాలని ఆదేశించారు. టీడీపీ నేతల ఒత్తిడికి తలొగ్గే పోలీసులు మళ్లీ పిలిపించి స్టేషన్‌లో ఉంచారని వైఎస్సార్‌సీపీ శ్రేణులు తీవ్రంగా మండిపడుతున్నాయి. బంగారు కుటుంబానికి అవార్డు కుప్పం : కుప్పం నియోజకవర్గంలో ప్రభుత్వం అమలు చేస్తున్న పీ4 బంగారు కుటుంబం కార్యక్రమానికి జాతీయ స్థాయిలోని గుర్తింపు లభించింది. కుప్పం ఏరియా డెవలప్‌మెంట్‌ అథారిటీ (కడా)ను స్కోచ్‌ అవార్డుకు ఎంపిక చేశారు. శనివారం ఢిల్లీలో జరిగిన 109వ స్కోచ్‌ సమ్మిట్‌ లో కడా పీడీ వికాస్‌ మర్మత్‌, పీకేఎం యుడా చైర్మన్‌ సురేష్‌ అవార్డులను అందుకున్నారు.

శ్రీకాళహస్తి:శ్రీకాళహస్తీశ్వరాలయంలో ఐదు రోజులుగా నిర్వహిస్తున్న పవిత్రోత్సవాలు శనివారంతో ముగిశాయి. మూలవిరాట్‌లకు పవిత్ర మాలాధరణతో విశేష పూజలు ముగిశాయి. ఆలయప్రధాన అర్చకులు స్వామినాథన్‌ గురుకుల్‌ ఆధ్వర్యంలో విశేష పూజాధి కార్యక్రమాలను వేదోక్తంగా నిర్వహించారు. అనంతరం యాగశాల నుంచి పవిత్ర మాలలు విశేష పూజాద్రవ్యాలను ఆలయ ఈవో బీకే వెంకటేశులు, పాలకమండలి సభ్యులు, ఆలయ అధికారుల ఆధ్వర్యంలో ఊరేగింపుగా తీసుకెళ్లి తొలుత రంగుల గోపురం వద్ద ఉన్న వినాయకునికి పవిత్రమాల సమర్పించారు. అదేవిధంగా ఆలయంలో ఉన్న పరివార దేవతలకు కూడా పవిత్రమాలలు సమర్పించారు. అనంతరం వినాయకుడు, జ్ఞానప్రసూనాంబ సమేత శ్రీకాళహస్తీశ్వరస్వామికి పవిత్రమాలలు సమర్పించారు.

నారాయణవనం: సాంకేతికతను అందిపుచ్చుకుని, కృత్రిమ మేధస్సుతో వ్యవసాయ రంగాన్ని అభివృద్ధి పరచడంలో యువ ఇంజినీర్లు శ్రద్ధ చూపాలని తిరుపతి రతన్‌ టాటా ఇన్నోవేషన్‌ హబ్‌ సీఈవో విజయవంత్‌ మాథుర్‌ సూచించారు. సిద్ధార్థ ఇన్‌స్టిట్యూట్‌ ఆఫ్‌ ఇంజినీరింగ్‌ అండ్‌ టెక్నాలజీ కళాశాలలో ‘వ్యవసాయం, ఆహార వ్యవస్థల్లో కృత్రిమ మేధస్సు ప్రాథమిక అంశాలు, అనువర్తనాలు, భవిష్యత్‌ అవకాశాలు’ అంశంపై మూడు రోజుల వర్క్‌షాప్‌ శనివారం ముగిసింది. స్మార్ట్‌ ఫార్మింగ్‌, డిజిటల్‌ వ్యవసాయం, జనరేటివ్‌ ఏఐ, మొక్కల వ్యాధుల గుర్తింపులో డీప్‌ లెర్నింగ్‌, డ్రోన్లు–రోబోటిక్స్‌, పంట దిగుబడి అంచనా, వాతావరణ అనుకూల సాగు తదితర అంశాలపై అవగాహన కల్పించారు. ఆహార నాణ్యత అంచనా, భద్రత, ఏఐ ఆధారిత తనిఖీ పద్ధతులు, నేల–నీటి వనరుల నిర్వహణపై సెషన్లు నిర్వహించారు. శనివారం జరిగిన సెమీనార్‌లో ముఖ్యఅతిథి విజయవంత్‌ మాధుర్‌ మాట్లాడుతూ వ్యవసాయ రంగంలో ఏఐ ఆధారిత స్టార్టప్‌లు, ఆవిష్కరణలు, భవిష్యత్‌ అవకాశాలపై దృష్టి సారించాలన్నారు. విద్యా సంస్థలు, పరిశ్రమలు, స్టార్టప్‌ల సమన్వయంతో వ్యవసాయరంగంలో సాంకేతిక పరిష్కారాలను అందుబాటులోకి తీసురావాలని సూచించారు.. ప్రాంతీయ భాషలో సాంకేతిక విద్యను మరింత చేరువ చేయడ, వ్యవసాయ–ఆహార రంగాల్లో ఏఐ ఆధారిత పరిశోధనలు, ఆవిష్కరణలను ప్రోత్సహించడంపై కళాశాలలు శ్రద్ధ చూపాల ని చెప్పారు. కళాశాల ప్రిన్సిపాళ్లు రమేష్‌కుమార్‌, జనార్ధనరాజు, వైస్‌ ప్రిన్సిపల్‌ మధు, ప్రోగ్రాం కన్వీనర్‌ మల్లిక, కో–ఆర్డినేటర్‌ నాగరాజు పాల్గొన్నారు.

సాక్షి, చిత్తూరు : జిల్లాలో కొత్త పింఛన్ల కోసం 43 వేల మందికి పైగా దరఖాస్తు చేసుకున్నారు. వీటిలో డప్పు కళాకారుల పేరిట 2,970 దరఖాస్తులు అందాయి. కానీ, జిల్లాలో ఇంత మంది లేరని అధికారిక లెక్కలు చెబుతున్నాయి. టీడీపీకి చెందిన కార్యకర్తలకు డప్పు కళాకారుల వేషం వేసి, తప్పుడు సర్టిఫికెట్లతో ఆ కేటగిరీ నుంచి కొత్త పింఛన్ల కోసం దరఖాస్తు చేయించారు. ఇక ఆధార్‌ కార్డులో మార్పులు చేసి వృద్ధాప్య పింఛన్‌ కోసం 2 వేలకు పైగా టీడీపీ కార్యకర్తల డేటా ఆన్‌లైన్‌లో నమోదైనట్లు తెలుస్తోంది. ఓవైపు కార్యకర్తలకు నెలవారీ ఆదాయం ఇప్పించడం కోసం ఆయా కేటగిరీ వేషాలు వేయిస్తున్న టీడీపీ నేతలు.. ఇదే సమయంలో అర్హుల నుంచి డబ్బులు దండుకుంటున్నారు. కొత్త పింఛన్ల కోసం ఎవరెవరు దరఖాస్తు చేసుకున్నారనే డేటాను తెప్పించుకున్న కొందరు నాయకులు, వారి ఇళ్ల వద్దకే వెళ్లి మరీ బేరసారాలు సాగిస్తున్నారు. ఒక్కో పింఛన్‌ మంజూరుకు కనిష్టంగా రూ.10 వేల నుంచి గరిష్టంగా రూ.30 వేల వరకు డిమాండ్‌ చేస్తున్నారు. అధికారులపై పెరుగుతున్న ఒత్తిడి ఇక పింఛన్ల మంజూరు కోసం అధికారుల గొంతుపై ప్రజా ప్రతినిధులు కత్తిపెడుతున్నారు. ఇప్పటి వరకు జిల్లాలో 13 వేల దరఖాస్తులను ఆమోదించిన యంత్రాంగం, 30 వేల వరకు పెండింగ్‌లో ఉంచింది. తాము ఆమోదించిన పేర్లను వెంటనే అర్హుల జాబితాలోకి ఎక్కించాలని నేతలు పట్టుపడుతున్నారు. దీంతో ఎవరు అర్హులు..? ఎవరు అనర్హులు..? అనేది తేల్చుకోలేక అధికారులు సతమతమవుతున్నారు.

చిత్తూరు రూరల్‌ (కాణిపాకం): చిత్తూరు నగరంలోని జిల్లా పోలీస్‌ ట్రైనింగ్‌ సెంటర్‌ పరేడ్‌ మైదానంలో 2025 బ్యాచ్‌కు చెందిన 142 మంది ట్రైనీ కానిస్టేబుళ్ల పాసింగ్‌ ఔట్‌ పరేడ్‌ రిహార్సల్స్‌ను శుక్ర వారం నిర్వహించారు. శనివారం జరగనున్న ప్రధాన పాసింగ్‌ ఔట్‌ పరేడ్‌ కోసం ట్రైనీలు కవాతు, మార్చ్‌పాస్ట్‌ చేపట్టగా.. ఎస్పీ తుషార్‌ డూడీ పర్యవేక్షించి గౌరవ వందనం స్వీకరించారు. ఈ సందర్భంగా ఎస్పీ మాట్లాడుతూ ప్రధాన పరేడ్‌ నిర్వహణ, విధుల్లో పాటించాల్సిన క్రమశిక్షణ, సమన్వయంపై ట్రైనీలకు, అధికారులకు పలు సూచనలు చేశారు. శనివారం నిర్వహించే ప్రధాన పాసింగ్‌ ఔట్‌ పరేడ్‌కు రాష్ట్ర రవాణా, యువజన వ్యవహారాలు, క్రీడల శాఖ మంత్రి మండిపల్లి రాంప్రసాద్‌ రెడ్డి, కలెక్టర్‌ సుమిత్‌ కుమార్‌ అతిథులుగా హాజరుకానున్నారు. కార్యక్రమంలో అడిషనల్‌ ఎస్పీ మహబూబ్‌బాషా, ఏఆర్‌ అడిషనల్‌ ఎస్పీ దేవదాస్‌, డీటీసీ డీఎస్పీ జె.రాంబాబు, ఏఆర్‌ డీఎస్పీ రామకృష్ణ్ణ తదితరులు పాల్గొన్నారు.

చిత్తూరు రూరల్‌ (కాణిపాకం) : పాఠశాల విద్యార్థులకు కళ్ల జోళ్లు పంపిణీ చేసేందుకు నిర్వహించిన టెండర్‌ ప్రక్రియ వివాదాస్పదంగా మారింది. జిల్లా అంధత్వ నివారణ సంస్థ ఆధ్వర్యంలో చేపట్టిన ఈ టెండర్లలో గోల్‌మాల్‌ జరిగిందని, అర్హులైన టెండర్‌దారులను కావాలనే పక్కన పెట్టారని ఆరోపణలు వెల్లువెత్తుతున్నాయి. జిల్లాలో ఈ ఏడాది 11,739 మంది విద్యార్థులకు కంటి పరీక్షలు చేయగా 1,023 మందికి, అలాగే 2025–26 సంవత్సరానికి సంబంధించి 51,047 మంది పిల్లలకు పరీక్షలు చేయగా 2,910 మందికి కంటి లోపాలున్నట్లు గుర్తించారు. అయితే వీరికి కళ్లజోళ్లు పంపిణీ చేయడంలో ఆలస్యం జరుగుతోందని సాక్షి దినపత్రికలో ఆగస్ట్‌ 29వ తేదీన ‘‘ఆరిపోయిన వెలుగు’’ శీర్షికన కథనం ప్రచురితమైంది. దీనిపై స్పందించిన అధికారులు 6 నుంచి 18 ఏళ్ల పిల్లలకు కళ్ల జోళ్లు అందించేందుకు బుధవారం టెండర్ల ప్రక్రియ నిర్వహించారు. రూపాయి తేడాతో కోట్‌ ఒక్కో కంటి జోడుకు గరిష్ట ధరగా రూ.280 నిర్దేశించగా, మొత్తం ఆరుగురు టెండర్‌దారులు దరఖాస్తు చేసుకున్నారు. అయితే, నలుగురు ముందస్తు ప్రణా ళికతో సిండికేట్‌గా మారి కేవలం ఒక్క రూపాయి తేడాతో (రూ.278, రూ.279, రూ.279.50) కోట్‌ చేశారని మిగిలిన ఇద్దరు టెండర్‌దారులు ఆరోపిస్తున్నారు. కుట్రపూరితంగా తమను పక్కన పెట్టా రని బాధితులు స్పష్టం చేస్తున్నారు. ఓ టెండర్‌దారుడు మాట్లాడుతూ తాను తమిళనాడుకు చెందిన వ్యక్తినని, అక్కడి జీఎస్టీ ఇక్కడ చెల్లదనే సాకుతో తన దరఖాస్తును రద్దు చేశారని ఆవేదన వ్యక్తం చేశారు. గతంలో రెండుసార్లు తనకు టెండర్‌ ఇచ్చిన అధికారులు, ఇప్పుడే కొత్త నిబంధనలు తెచ్చారని వాపోతున్నారు. మరో టెండర్‌దారుడు మాట్లాడుతూ డీడీ పత్రంపై సాంకేతిక సాకులు చూపి టెండర్‌ ప్రకియకు రాకుండా అడ్డుకున్నారని ఆరోపించారు. కొందరు అధికారుల తోడ్పాటుతోనే ఈ సిండికేట్‌ వ్యవహారం నడిచిందని బాధితులు అనుమానం వ్యక్తం చేస్తున్నారు. ఈ వివాదంపై డీఎంహెచ్‌ఓ నాగశశిభూషణ్‌రెడ్డిని వివరణ కోరగా.. టెండర్ల ప్రక్రియపై వచ్చిన ఆరోపణలపై పూర్తిస్థాయిలో విచారణ చేపడతామని తెలిపారు. సంబంధిత అధికారులతో మాట్లాడి వాస్తవాలు తెలుసుకుంటానని వెల్లడించారు.

చిత్తూరు కలెక్టరేట్‌ : నులిపురుగుల నిర్మూలనతో పిల్లలకు ఆరోగ్యం, ఏకాగ్రత లభిస్తుందని డీఈఓ లక్ష్మీనారాయణ, డీఎంహెచ్‌ఓ శశిభూషణ్‌రెడ్డి తెలిపారు. శుక్రవారం డీఈఓ కార్యాలయం పక్కనున్న ప్రభుత్వ పాఠశాలలో జాతీయ నులి పురుగుల నివారణ దినోత్సవం నిర్వహించారు. విద్యార్థులకు ఆల్బెండజోల్‌–400 మాత్రలను మింగించి అవగాహన కల్పించారు. వారు మాట్లాడుతూ 1 నుంచి 19 ఏళ్ల బాల బాలికలందరికీ ప్రభుత్వ ఆధ్వర్యంలో ఉచితంగా అల్బెండజోల్‌ 400 ఎంజీ మాత్రలను అందజేస్తున్నామన్నారు. అన్ని పాఠశాలల్లో మధ్యాహ్న భోజనం అనంతరం మాత్రలను పంపిణీ చేస్తున్నట్లు వివరించారు. జిల్లా వ్యాప్తంగా మొత్తం 3,10,910 మంది బాలబాలికలకు మాత్రలను వేయించనున్నట్లు తెలిపారు. జిల్లాలోని 2102 అంగన్‌వాడీ కేంద్రాల్లో 1 నుంచి 2 ఏళ్ల పిల్లలు (63,963 మంది)కి అర మాత్ర, 2 నుంచి 5 ఏళ్ల పిల్లలకు ఒక పూర్తి మాత్ర అందజేస్తున్నట్లు వెల్లడించారు. జిల్లాలోని 2,248 పాఠశాలలు, కళాశాలల్లో 6 నుంచి 19 ఏళ్ల విద్యార్థులు (2,09,245 మంది) విద్యార్థులకు ఒక మాత్ర అందజేస్తున్నట్లు చెప్పారు. కడుపులో నులిపురుగులు ఉంటే పిల్లల్లో రక్తహీనత, పోషకాహార లోపం, ఆకలి మందగించడం, నీరసం, చదువుపై ఏకాగ్రత తగ్గడం వంటి సమస్యలు వస్తాయని తెలిపారు. ప్రతి ఆరు నెలలకు ఒకసారి అల్బెండజోల్‌ మాత్ర వేసుకోవడం వల్ల పోషకాల గ్రహణశక్తి, నేర్చుకునే సామర్థ్యం పెరుగుతాయని వివరించారు. విద్యార్థులు వ్యక్తిగత పరిశుభ్రతకు ప్రాధాన్యం ఇవ్వాలన్నారు. గోళ్లను ఎప్పటికప్పుడు శుభ్రంగా, చిన్నవిగా ఉంచుకోవాలని సూచించారు. ఆహారం తినే ముందు, మల విసర్జన తర్వాత చేతులను సబ్బుతో శుభ్రంగా కడుక్కోవాలని తెలిపారు. కల్తీ లేని, శుభ్రమైన తాగునీటినే వినియోగించాలని కోరారు. కార్యక్రమంలో డీవైఈవో ఇందిర, ఆర్‌బీఎస్‌కే రాష్ట్ర అబ్జర్వర్‌ వినోద్‌, జిల్లా ఆర్‌బీఎస్‌కే కో–ఆర్డినేటర్‌ గిరి, నగరపాలక సంస్థ హెల్త్‌ ఆఫీసర్‌ అనిల్‌కుమార్‌, ఎంఈఓలు సెల్వరాజ్‌, మోహన్‌, హసన్‌బాషా పాల్గొన్నారు.

స్పోర్ట్స్‌ కోటా బాధితులపై దాడి దారుణం చిత్తూరు రూరల్‌ (కాణిపాకం): డీఎస్సీ స్పోర్ట్స్‌ కోటా బాధితులు, వారికి మద్దతుగా నిలిచిన వైఎస్సార్‌సీపీ శ్రేణులపై ప్రభుత్వమే దాడులు చేయించడం దారుణమని వైఎస్సార్‌సీపీ లీగల్‌ సెల్‌ జిల్లా అధ్యక్షుడు సూర్యప్రతాప్‌రెడ్డి మండిపడ్డారు. శుక్రవారం ఆయన మాట్లాడుతూ విజయవాడలోని శాప్‌ కార్యాలయం వద్ద శాంతియుతంగా నిరసన తెలుపుతున్న వారిపై రౌడీలతో దాడి చేయించడం ప్రభుత్వ ప్లానన్డ్‌ టెరర్రిజంలో భాగమేనని ఆరోపించారు. బాధితులకు సంఘీభావం తెలిపేందుకు వెళ్లిన బెజవాడ బార్‌ అసోసియేషన్‌ సీనియర్‌ న్యాయవాది, వైఎస్సార్‌సీపీ ట్రేడ్‌ యూనియన్‌ రాష్ట్ర అధ్యక్షుడు పూనూరి గౌతమ్‌ రెడ్డిపై పోలీసుల లాఠీచార్జి చేయడం అన్యాయమని ఆగ్రహం వ్యక్తం చేశారు. అలాగే సీనియర్‌ న్యాయవాది, లీగల్‌ సెల్‌ రాష్ట్ర ఉపాధ్యక్షుడు ఒగ్గు గవాస్కర్‌పై తప్పుడు కేసులు పెట్టి రౌడీషీట్‌ ఓపెన్‌ చేయడం సరికాదన్నారు. ప్రభుత్వం ఈ అనైతిక చర్యలను వెంటనే ఉపసంహరించుకోకపోతే రాష్ట్రవ్యాప్తంగా న్యాయవాదులు, లీగల్‌ సెల్‌ ఆధ్వర్యంలో భారీస్థాయిలో ఆందోళనలు చేపడతామని హెచ్చరించారు. విద్యార్థి ఆత్మహత్య పలమనేరు : మండలంలోని ఎగువ కల్లాడు గ్రామానికి చెందిన ఉపేంద్ర(14) అనే విద్యార్థి ఆత్మహత్యకు పాల్పడిన ఘటన శుక్రవారం వెలుగుచూసింది. వివరాలు.. ఉపేంద్ర కొలమాసనపల్లె ప్రభుత్వ ఉన్నత పాఠశాలలో తొమ్మిదో తరగతి చదువుతున్నాడు. గతంలో వీరి కుటుంబం బైరెడ్డిపల్లె మండలంలో ఉండేది. ఆర్థిక ఇబ్బందులతో విద్యార్థి తల్లిదండ్రులు ఇటీవల బెంగళూరుకు వలస వెళ్లారు. దీంతో ఉపేంద్రను ఎగువ కల్లాడులోని అవ్వ వద్ద ఉంచారు. గురువారం రాత్రి ఏం జరిగిందో కానీ, ఆ బాలుడు గ్రామ సమీపంలోని ఓ చెట్టుకు ఉరేసుకున్నాడు. ఆత్మహత్యకు కారణాలు తెలియరాలేదు. దీనిపై పోలీసులకు సమాచారం లేదని తెలిసింది. బిడ్డకు పాలిస్తుండగా దూసుకొచ్చిన కారు – భార్యాభర్తలకు తీవ్రమైన గాయాలు పెద్దపంజాణి: పుంగనూరు మండలం దిగువ కొండమీద పల్లెకు చెందిన మురళి(31) పెద్దపంజాణి మండలంలోని ముత్తుకూరుకు చెందిన మాధురి(27)ని వివాహం చేసుకున్నాడు. వ్యవసాయ చేసుకుంటూ జీవనం సాగిస్తున్నారు. వీరికి రెడ్డి మీనాక్షి, రెడ్డి లావణ్య అనే ఇద్దరు కుమార్తెలు. ఈ నేపథ్యంలో బిడ్డలకు గ్రహ సంబంధం సోకిందని నాటు వైద్యం చేయించుకోవడానికి శుక్రవారం ఉదయం ద్విచక్ర వాహనంలో ముత్తుకూరులోని అత్తగారి ఇంటికి వచ్చారు. వైద్య చేయించుకున్న అనంతరం స్వగ్రామానికి తిరిగి వెళుతూ మార్గం మధ్యలోని పుంగనూరు– పలమనేరు హైవేపై పెద్దారికుంట బస్టాప్‌ వద్ద బైక్‌ను రోడ్డు పక్కన ఆపి బిడ్డకు మాధురి పాలిస్తున్నారు. అంతలోనే పుంగనూరు వైపు నుంచి వేగంగా వచ్చిన కారు వీరిని ఢీకొని ఆగకుండా వెళ్లి పోయింది. దీంతో తీవ్రంగా గాయపడిన మురళి, లావణ్యను స్థానికులు చికిత్స నిమిత్తం పుంగనూరు ప్రభుత్వాస్పత్రికి తీసుకెళ్లారు. వైద్యుల రెఫర్‌ మేరకు మెరుగైన చికిత్స నిమిత్తం తిరుపతికి తరలించారు.

కాణిపాకం : రెవెన్యూ కార్యాలయాలు ఉండేది ప్రజా సమస్యలు తీర్చేందుకా లేక, కాసులు పిండుకునేందుకా అని బాధితులు ఆగ్రహం వ్యక్తం చేస్తున్నారు. భూ సమస్యలు, మ్యుటేషన్లు, సర్వేల కోసం సామాన్యులు కార్యాలయాల చుట్టూ తిరుగుతున్నా పట్టించుకునే నాథుడే కరువయ్యాడు. ప్రజలు ఇచ్చే వినతిపత్రాలు నేరుగా చెత్తబుట్టల్లోకే చేరుతున్నాయి. క్షేత్రస్థాయిలో అందుబాటులో ఉండాల్సిన వీఆర్‌ఓలు, సర్వేయర్లు పలు చోట్ల వ్యక్తిగత పనుల్లో నిమగ్నమవుతూ కంటికి కనిపించకుండా దాగుడుమూతలు ఆడుతున్నారు. పర్యవేక్షించే అధికారులు స్పందించకపోవడంతో రెవెన్యూ సిబ్బంది ఇష్టారాజ్యంగా వ్యవహరిస్తున్నారనే ఆరోపణలు వెల్లువెత్తుతున్నాయి. మధ్యవర్తులతో దందా! పూతలపట్టు నియోజకవర్గంలో ఐదు తహసీల్దార్‌ కార్యాలయాలున్నాయి. ఈ ఆఫీస్‌లకు రోజూ వివిధ పనుల నిమిత్తం వందలాది మంది వస్తుంటారు. ప్రధానంగా బంగారుపాళ్యం, ఐరాల, యాదమరి, తవణంపల్లి తహసీల్దార్‌ కార్యాలయాలకు అధిక సంఖ్యలో వస్తుంటారు. ఈ కార్యాలయాల్లో కొన్ని అక్రమాలకు అడ్డాగా మారిపోయాయని ప్రజలు ఆరోపిస్తున్నారు. ముడుపులు ఇవ్వందే ఫైళ్లు కదలండంలేదని ఆవేదన చెందుతున్నారు. చాలామంది రెవెన్యూ సిబ్బందికి కంప్యూటర్‌ పరిజ్ఞానం లేకపోవడంతో మధ్యవర్తులను పెట్టుకునిగా వసూళ్ల దందా నడుపుతున్నారని మండిపడుతున్నారు. అంగట్లో సర్కారు లాగిన్లు అక్రమాలు ఏ స్థాయిలో సాగుతున్నాయంటే.. యాదమరి తహసీల్దార్‌ కార్యాలయం సమీపంలోనే కొందరు రెవెన్యూ అధికారుల ప్రభుత్వ లాగిన్‌ ఐడీలు ప్రైవేటు వ్యక్తుల చేతుల్లోకి చేరిపోయాయని స్థానికులు ఆరోపిస్తున్నారు. అధికారిక లాగిన్లను దళారులకు అప్పగించి బహిరంగంగానే కాసులు గుంజుతున్నారని వెల్లడిస్తున్నారు. ఐరాల మండలంలో వన్‌ బీ, భూ మార్పులు, భాగ పరిష్కారాలు, సర్వే దరఖాస్తుల విషయంలో భూ యజమానులకు నరకం చూపిస్తున్నారని వాపోతున్నారు. బంగారుపాళ్యంలో అయితే కొందరు వీఆర్‌ఓలు పనులు చేయకపోగా.. తిప్పించుకుంటున్నారని, ఇదేమని అడిగితే దురుసుగా ప్రవర్తిస్తున్నారని ఆవేదన వ్యక్తం చేస్తున్నారు. టీడీపీ నేతల కన్నుసన్నల్లోనే..? టీడీపీ నేతల కన్నుసన్నల్లో, వారి సిఫార్సులతోనే తహసీల్ధార్‌ కార్యాలయాల్లో పనులు జరుగుతున్నాయని స్థానికులు తీవ్రస్థాయిలో విమర్శిస్తున్నారు. ఈ దోపిడీపై సామాన్య ప్రజలతో పాటు అధికార పార్టీలోని కొంత మంది నాయకులు కూడా మండిపడుతున్నారు. ఉన్నతాధికారుల పర్యవేక్షణ పూర్తిగా కొరవడటమే ఈ అడ్డగోలు అవినీతికి కారణమని ఆరోపిస్తున్నారు. ఇప్పటికై నా జిల్లా ఉన్నతాధికారులు తక్షణమే జోక్యం చేసుకుని రెవెన్యూ శాఖలోని అవినీతి తిమింగలాలపై కఠిన చర్యలు తీసుకోవాలని, పారదర్శకంగా సేవలు అందించాలని డిమాండ్‌ చేస్తున్నారు. వసూలు పర్వం ఇలా.. భూ విలువను మేరకు రూ.5వేల నుంచి ఏకంగా రూ.లక్ష వరకు వసూలు చేస్తున్నారని పలువురు ఆరోపిస్తున్నారు. 22ఏ జాబితా నుంచి భూములను తొలగించి ఆన్‌న్‌లైన్‌ చేసేందుకు రూ. లక్షల్లో రేట్లు కుదుర్చుకుంటున్నారని వెల్లడిస్తున్నారు. జనన, మరణ ధ్రువీకరణ పత్రాల మంజూరుకు సైతం రూ.30వేల వరకు డిమాండ్‌ చేస్తున్నారని ఆగ్రహం వ్యక్తం చేస్తున్నారు. బాధితులు ఆన్‌న్‌లైన్‌న్‌లో చలానా కట్టి దరఖాస్తు చేసుకున్నా అస్సలు పట్టించుకోవడం లేదని స్పష్టం చేస్తున్నారు. గొలుసు పట్టాలంటే రూ.10వేల నుంచి రూ.30వేల సబ్‌డివిజన్‌ ప్రక్రియ పూర్తి చేయాలంటే భూమి విస్తీర్ణం, విలువను బట్టి ఏకంగా రూ.3లక్షల వరకు గుంజుతున్నారని వివరిస్తున్నారు.పూతలపట్టు నియోజకవర్గంలోని రెవెన్యూ కార్యాలయాలను కొందరు అధికారులు అవినీతికి అడ్డాగా మార్చేశారు. ప్రతి పనికీ లంచం ఇవ్వడమనేది లాంఛనంగా తయారు చేసేశారు. సమస్య పరిష్కారం కావాలంటే అడిగినంత చెల్లించాల్సిన దుస్థితిని కల్పించేశారు. మాట వినకుంటే కాళ్లరిగేలా ప్రదక్షిణలు చేసినా పట్టించుకోని పరిస్థితి తీసుకువచ్చారు. ఉన్నతాధికారులు పర్యవేక్షణ లేకపోవడంతో ఇష్టారాజ్యంగా నగదు వసూళ్లకు పాల్పడుతున్నారు.

చిత్తూరు కలెక్టరేట్‌ : జిల్లాలో ఈ నెల 28, 29 తేదీల్లో బాలల హక్కుల పరిరక్షణ కమిషన్‌ పర్య టిస్తుందని కలెక్టర్‌ సుమిత్‌ కుమార్‌ గాంధీ వెల్లడించారు. శుక్రవారం ఆయన విలేకర్లతో మాట్లాడారు. బాలల హక్కుల పరిరక్షణ కమిషన్‌ చైర్‌పర్సన్‌ సూర్య నారాయణరాజు, సభ్యు లు పద్మలత జిల్లాలో పర్యటిస్తారన్నారు. 28న మధ్యా హ్నం కమిటీ సభ్యులు స్వచ్ఛంధ సంస్థల ప్రతినిధులతో సమావేశం నిర్వహిస్తారని తెలిపారు. జిల్లాలోని గిరిజన సంక్షేమ వసతి గృహాలు, అంగన్‌వాడీ కేంద్రాలు, కేజీబీవీలు, బాలల సంరక్షణ సంస్థలు, ప్రభుత్వ, ప్రైవేట్‌ పాఠశాలలు, ఆరోగ్య కేంద్రాలను తనిఖీ చేస్తారని వివరించారు. మౌలి క వసతులు, బాలల రక్షణ చర్యలను పరిశీలిస్తారన్నారు. 29న ఉదయం కలెక్టరేట్‌లో జిల్లా స్థాయి అధికారులతో శాఖల వారీగా సమీక్ష నిర్వహిస్తారని వెల్లడించారు. కమిటీ పర్యటనను దృష్టిలో ఉంచుకుని సంబంధిత శాఖల అధికారులు ముందస్తు ఏర్పాట్లు పూర్తి చేయాలని ఆదేశించారు. ఇదేం వైద్యం గురువా! పలమనేరు: ప్రభుత్వ పాఠశాలల్లో గురువులు పాఠాలు చెప్పాలి కానీ, కొందరు అతిగా వ్యవహరించి అభాసుపాలవుతున్నారు. ఇలాంటి ఘటనే పలమనేరు నియోజకవర్గంలోని బైరెడ్డిపల్లె మండలం కంచనపల్లెలో రెండు రోజుల క్రితం జరిగింది. పాఠశాలలోని ఓ టీచర్‌ ఆయుర్వేదంపై మక్కువతో కొన్నేళ్లుగా భోజ నం చేయకుండా కేవలం కొన్ని ద్రావణాలు తాగుతానని చెబుతున్నారు. అలాగే ఆయన ప్రభుత్వ బడిలో ఓ ఆలయం నిర్మించాడు. అక్కడే నిత్యం పూజల్లో ఉంటారు. అక్కడితో ఆగకుండా తాను పాటిస్తున్నవిధానాలను పిల్లలపై రుద్దాడు. కొన్నాళ్లుగా విద్యార్థులకు కొన్ని ఆకులు, సుంగధ ద్రవ్యాలు తినిపిస్తున్నారు. గురువారం ఈ క్రమంలోనే పిల్లలు మధ్యాహ్న భోజనం చేసిన తర్వాత ఆశా వర్కర్‌ ఇచ్చిన ఐరన్‌ మాత్రలు వేసుకుని అస్వస్థతకు గురయ్యారు. సదరు టీచర్‌ తినిపించిన నాటు మందుల కారణంగానే పిల్లలు అనారోగ్యానికి గురయ్యారనే ఆరోపణలు వినిపిస్తున్నాయి. ఎంఈఓల పర్యవేక్షల లేకపోవడంతోనే టీచర్లు ఇస్టానుసారంగా వ్యవహరిస్తున్నారనే విమర్శలు వెల్లువెత్తుతున్నాయి. రూ.30 వేల అపహరణ పలమనేరు : పట్టణంలోని ఆర్టీసీ బస్టాండులో శుక్రవారం కుప్పం బస్సు ఎక్కిన ఓ ప్రయాణికుడి జేబులోని రూ.30 వేలు అపహరణకు గురైంది. వివరాలు.. బైరెడ్డిపల్లెకు చెందిన టమాటా వ్యాపారి అశోక్‌ పలమనేరుకు సొంత పనికోసం వచ్చాడు. స్వగ్రామం వెళ్లేందుకు బస్టాండుకు వచ్చి బస్సు ఎక్కుతుండగా నగదు చోరీకి గురైంది. బాధితుడు ఈ మేరకు పలమనేరు పోలీసులకు ఫిర్యాదు చేశాడు. కేసు నమోదు చేసిన పోలీసులు ఈ మేరకు సీసీ పుటేజీల ఆధారంగా దర్యాప్తు చేస్తున్నారు.

చిత్తూరు రూరల్‌ (కాణిపాకం) : జిల్లాలో వరుస చైన్‌ స్నాచింగ్‌లకు పాల్పడుతున్న ఇద్దరు నిందితులను పోలీసులు అరెస్ట్‌ చేశారు. శుక్రవారం చిత్తూరు నగరంలోని పోలీసు అతిథిగృహంలో డీఎస్పీ వెంకటనారాయణ కేసు వివరాలను వెల్లడించారు. తమిళనాడుకు చెందిన ఇద్దరు నిందితులను అరెస్ట్‌ చేసి, వారి నుంచి రూ.9 లక్షల విలువైన 64 గ్రాముల బంగారు ఆభరణాలు, ఒక ద్విచక్ర వాహనం స్వాధీనం చేసుకున్నట్లు తెలిపారు. తమిళనాడులోని తిరువళ్లూరు జిల్లాకు చెందిన ఎం.మురుగన్‌ అలియాస్‌ రాము (52), కె.బాబు (43) గ్రామీణ ప్రాంతాలు, నిర్మానుష్య రహదారుల్లో ఒంటరిగా వెళ్లే మహిళలను లక్ష్యంగా చేసుకుని గొలుసు దొంగతనాలకు పాల్పడేవారన్నారు. జూలై 11వ తేదీన పెనుమూరు మండలం మొరవకండ్రిగ, జూలై 30న చిన్నరాజుపల్లె, మే 12న జీడీ నెల్లూరు మండలం బొమ్మవారిపల్లె సమీపంలో మహిళల మెడల్లోంచి బంగారు గొలుసులు తెంపుకెళ్లారని వెల్లడించారు. ఈ క్రమంలో ఎస్పీ తుషార్‌ డూడీ ఆదేశాల మేరకు.. సీఐలు రామచంద్ర, సయ్యద్‌ హషం, ఎస్‌ఐలు పి.శ్రీకాంత్‌, మణికంఠేశ్వర రెడ్డి, వెంకట సుబ్బయ్య, ఏఎస్‌ఐ దేవరాజులు రెడ్డి, క్రైమ్‌ సిబ్బంది సీసీటీవీ ఫుటేజీలు, సాంకేతిక ఆధారాలతో నిందితుల గుర్తించారన్నారు. విశ్వసనీయ సమాచారంతో పెనుమూరు మండల కొత్త రోడ్డు సమీపంలో వీరిని అదుపులోకి తీసుకున్నామని వెల్లడించారు. ఏ–1 నిందితుడు మురుగన్‌్‌ పై ఇప్పటికే పలు పోలీస్‌ స్టేషన్లలో 16 ఆస్తి సంబంధిత కేసులు ఉన్నట్లు దర్యాప్తులో తేలింది. కేసులను వేగంగా ఛేదించి, రికవరీ సాధించిన పోలీసు అధికారులు, సిబ్బందిని ఎస్పీ తుషార్‌ డూడి ప్రత్యేకంగా అభినందించారని డీఎస్పీ వెల్లడించారు.

గత వైఎస్సార్‌సీపీ ప్రభుత్వ హయాంలో పల్లె వైద్యానికి అత్యంత ప్రాధాన్యతనిచ్చారు. అప్పటి ముఖ్యమంత్రి వైఎస్‌ జగన్‌న్‌మోహన్‌రెడ్డి విప్లవాత్మకంగా తీసుకొచ్చిన ఫ్యామిలీ ఫిజిషియన్‌ విధానానికి జిల్లాను పైలెట్‌గా ఎంపిక చేసి విజయవంతంగా అమలు చేశారు. విలేజ్‌ హెల్త్‌ క్లినిక్‌లే కేంద్రంగా వలంటీర్లు, ఆశా కార్యకర్తలు ముందుగానే సమాచారం అందించి 104 వాహనాలను గ్రామాలకు రప్పించేవారు. నడవలేని వృద్ధులు, దివ్యాంగులు ఉంటే డాక్టర్లే నేరుగా వారి ఇంటికి వెళ్లి ఉచితంగా పరీక్షించి, రూపాయి ఖర్చు లేకుండా పూర్తి స్థాయిలో మందులు అందించేవారు. ఆరోగ్యశ్రీ ద్వారా ఆపరేషన్‌ చేసుకున్న వారిని సైతం ఇంటికెళ్లి పరామర్శించి వైద్యం చేసేవారు. కానీ, చంద్రబాబు ప్రభుత్వం అధికారంలోకి వచ్చిన కొద్ది నెలల్లోనే ఈ వైద్య వ్యవస్థను పూర్తిగా నిర్వీర్యం చేసింది. ఉచిత వైద్యం అందక పల్లె ప్రజలు ప్రైవేటు ఆస్పత్రులకు వెళ్లి వేలాది రూపాయలు అప్పులు చేసి వైద్యం చేయించుకోవాల్సిన దుస్థితి దాపురించింది. ప్రభుత్వం ఇప్పటికై నా స్పందించి 104 వాహనాలకు మరమ్మతులు చేయించి, తగినన్ని మందులు అందుబాటులోకి తీసుకువచ్చి గ్రామీణులకు నాణ్యమైన వైద్యసేవలు అందించాల్సిన అవసరం ఎంతైనా ఉంది. కాణిపాకం: జిల్లా వ్యాప్తంగా పల్లె ప్రజలకు నిరంతరం అందుబాటులో ఉండాల్సిన 39 సంచార వైద్య వాహనాల్లో ప్రస్తుతం కేవలం 29 మాత్రమే అరకొరగా తిరుగుతున్నాయి. మిగిలిన వాహనాలు వేర్వేరు మండలాల్లో అసలు కనిపించడమే మానేశాయి. గుడిపాల, బంగారుపాళ్యం, జీడీనెల్లూరు, కార్వేటినగరం, నగరి, గంగవరం, పులిచెర్ల, వి.కోట, బైరెడ్డిపల్లె, పెద్దపంజాణి మండలాలకు చెందిన 10 వాహనాలు సేవలకు దూరమయ్యాయి. అవి మరమ్మతులకు గురవడంతో విజయవాడకు పంపించామని అధికారులు చెబుతున్నప్పటికీ, దాదా పు నెల నుంచి పల్లె సేవలను పూర్తిగా నిలిపివేయ డం గమనార్హం. ముఖ్యంగా గుడిపాల మండలంలో 104 వాహనం కేవలం షెడ్డుకే పరిమితమైంది. బొమ్మసముద్రం, గుడిపాల ప్రాంతాల్లో అసలు వాహనం రాకపోయినా, సేవలందించినట్లు కాగితాల్లో చూపిస్తున్నారనే విమర్శలు వినిపిస్తున్నాయి. దీనిపై ఇటీవల సాక్షి దినపత్రికలో కథనం రావడంతో హడావుడిగా రిపేర్‌ పేరుతో అధికారులు ఆ వాహనాన్ని విజయవాడకు పంపించి చేతులు దులుపుకున్నారు. బోగస్‌ ఓపీలు సంచార వైద్యం తూతూమంత్రంగా మారడంతో ఉన్నతాధికారులు, ప్రభుత్వానికి అంతా బాగుందని చూపించుకోవడానికి క్షేత్రస్థాయి సిబ్బంది బోగస్‌ ఓపీలను నమోదు చేస్తున్నట్లు ఆరోపణలు వినిపిస్తున్నాయి. అసలు రోగులను పరీక్షించకుండానే వందలాది పేర్లను రికార్డుల్లో ఎక్కించి సేవలు అందించినట్లు కథలు అల్లుతున్నారని పలువురు చెబుతున్నారు. ఉన్నతాధికారులు క్షేత్రస్థాయిలో పర్యవేక్షిస్తే ఈ బోగస్‌ డ్రామాలు వెలుగులోకి వస్తాయని స్పష్టం చేస్తున్నారు. ఉండాల్సినవి ఇవీ.. 104 వాహనంలో విధిగా ఉండాల్సిన జ్వరం మాత్రలు (పారాసిటమాల్‌ 500 ఎంజీ), గ్యాస్‌ ప్రాబ్లమ్‌ మాత్రలు (పాంటోప్‌ 40 ఎంజీ), ఒళ్లు నొప్పుల బిళ్లలు (డిక్లోఫెనాక్‌), బీపీ మాత్రలు (అటెనలాల్‌ 50 ఎంజీ, అమ్లోడిపిన్‌), యాంటీబయోటిక్స్‌ (అమాక్సిలిన్‌ 500 ఎంజీ, సెఫిక్సిమ్‌)తో పాటు చిన్నపిల్లలకు ఇచ్చే జ్వరం, దగ్గు, విరేచనాల టానిక్‌లు అసలు సరఫరా కావడం లేదు. దీంతో పాటు మరికొన్ని మాత్రలు, మందులు కూడా లేవని పలువురు సిబ్బంది చెబుతున్నారు. మందులు లేవని స్థానిక సిబ్బంది అధికారులకు నివేదికలు పంపినా ప్రభుత్వం నిమ్మకు నీరెత్తినట్లు వ్యవహరిస్తోందని పలువురు విమర్శిస్తున్నారు. నామమాత్రంగానే.. ప్రభుత్వ నిబంధనల ప్రకారం పీహెచ్‌సీలో పనిచేసే ఇద్దరు వైద్యుల్లో ఒకరు తప్పనిసరిగా 104 వాహ నంతో పాటు పల్లెలకు వెళ్లాల్సి ఉంటుంది. కానీ, ప్రస్తుతం జిల్లాలో పలు చోట్ల డాక్టర్లు పల్లెలకు వెళ్ల డం లేదు. కేవలం ఏఎన్‌న్‌ఎంలు, ఆశా కార్యకర్తలు మాత్రమే నామమాత్రంగా పల్లెలకు వెళ్లి ఏదో మొక్కుబడిగా హడావుడి చేసి వస్తున్నారు. వాహనంలో ఏయే మందులు ఉన్నాయో, ఏ రోగానికి ఏ మాత్ర ఇవ్వాలో కూడా తెలియకుండానే చికిత్స పేరిట రోగులకు మందులు ఇచ్చి పంపించేస్తున్నారు. సాధారణ జ్వరం, బీపీ, షుగర్‌, ఒళ్లు నొప్పులకు ఇచ్చే ప్రాథమిక మందులు కూడా కరువయ్యాయి.

సాక్షి, చిత్తూరు: హైబ్రిడ్‌ యాన్యుటీ మోడల్‌ (హాం) పేరిట నాలుగు రోజుల క్రితం కుప్పంలో చంద్రబాబు వర్చువల్‌ విధానంలో మునిసిపాలిటీల్లో రూ.11,360 కోట్ల విలువైన పనులు చేస్తున్నట్లు శంఖుస్థాపన చేశారు. దీనివల్ల పట్టణాల రూపురేఖలు మార్చేస్తున్నట్లు ప్రకటించారు. కానీ క్షేత్రస్థాయిలో చూస్తే మాత్రం ఇది ఎన్నికల స్టంట్‌ తప్ప మరేమీలేదు. పైగా మునిసిపాలిటీలను అప్పుల ఊబిలో దింపడమే ఈ ‘హాం’ ప్రధాన లక్ష్యంగా కనిపిస్తోంది. అసలు మతలబు.. ‘హాం’ కింద జిల్లాలోని చిత్తూరు మునిసిపల్‌ కార్పొరే షన్‌కు రూ.60 కోట్లు, పలమనేరు మునిసిపాలిటీకు రూ.25 కోట్లు, నగరికి రూ.15 కోట్లు కేటాయిస్తున్నట్లు సమగ్ర ప్రాజెక్టు నివేదికలో పేర్కొన్నారు. ఇందులో 40 శాతం నిధులను ప్రభుత్వం, 60 శాతం నిధులు ప్రైవేటు డెవలపర్లు సమకూరుస్తున్నట్లు పేర్కొన్నారు. వాస్తవానికి 40 శాతం నిధులు ఆయా మునిసిపాటీలకు చెందిన డబ్బులే. భవన నిర్మాణ సమయంలో ప్రతి మునిసిపాలిటీకి ప్రజలు చెల్లించే రుసుములు పట్టణ–గ్రామీణ ప్రణాళిక సంచాలకత్మం (డీటీసీపీ) ఖాతాలో జమ అవుతుంది. ఇలా దాదాపు పదేళ్ల పాటు మునిసిపాలిటీలకు జమ కావాల్సిన భవన నిర్మాణ అనుమతి ఫీజులన్నీ డీటీసీపీ వద్ద ఉండిపోవడం, వాటిని ప్రభుత్వం ఇతర అవసరాలకు వాడుకోవడం జరిగిపోయింది. తాజాగా ‘హాం’ కింద ఈ 40 శాతం నిధులు మునిసిపాలిటీలకు సమకూరుస్తూ, మిగిలిన 60 శాతం డెవలపర్లు అప్పుగా ఇవ్వనున్నారు. కాంట్రాక్టర్లు కనుమరుగు.. ఇందులో మరో మతలబు కూడా ఉంది. ప్రైవేటు డెవలపర్ల ప్రమేయంతో మునిసిపాలిటీలో చిన్నా, చితక పనులు చేసుకుంటున్న కాంట్రాక్టర్ల ఉనికి ‘హాం’తో పూర్తిగా కనుమరుగు కానుంది. కేవలం బడా కార్పొరేట్‌ కంపెనీలు, పేరుమోసిన సంస్థలు మాత్రమే టెండర్లలో పాల్గొంటాయి. సామాన్య కాంట్రాక్టర్లు అంత మొత్తం పెట్టుబడులు పెట్టడం, బ్యాంకు నుంచి రూ.వందల కోట్ల రుణాలు పొందడం అసాధ్యం. ఫలితంగా రూ.పది లక్షల లోపు పనులు చేసుకునే కాంట్రాక్టర్లు భవిష్యత్తులో మునిసిపాలిటీల్లో కనిపించకపోవచ్చని పలువురు ఆందోళన చెందుతున్నారు. మున్సిపాలిటీలను అప్పుల్లో దింపడమే లక్ష్యం

ప్రభుత్వాల సమాచారాన్ని ప్రజలకు చేరవేసేందుకు ఇప్పటికే బడ్జెట్‌ నిధులతో నడిచే సమాచార పౌర సంబంధాల శాఖ (ఐఅండ్‌పీఆర్‌) అనే శాఖ ఒకటి ఉంది. ఈ వ్యవస్థను బలోపేతం చేయకుండా, పబ్లిసిటీ పేరుతో ప్రయివేటు ఇన్‌ఫ్లూయెన్సర్స్‌కు ప్రజాధనం చెల్లించడం వల్ల జవాబుదారీతనం దెబ్బతింటుంది. ఆర్థిక లోటున్న రాష్ట్రంలో ప్రాధాన్యత రహిత ప్రచారాల కంటే విద్య, వైద్యం, ఉపాధి కల్పన, రైతు సంక్షేమంపై దృష్టి పెట్టడం తక్షణ అవసరం. – వాడ గంగరాజు, సీపీఎం జిల్లా కార్యదర్శి. చట్టపరమైన నిబంధనలు, పక్షపాత ముప్పు ప్రభుత్వ నిధులతో నిర్వహించే ప్రచారాల్లో ఎలాంటి పక్షపాతం, రాజకీయరంగు ఉండకూడదని స్పష్టమైన ఆదేశాలున్నాయి. సోషల్‌ మీడియా ఇన్‌ఫ్లూయెన్సర్స్‌ను ఎంపిక చేసే ప్రక్రియలో పారదర్శకత లోపిస్తే, ఇది అధికార దుర్వినియోగానికి దారితీస్తుంది. – విజయసింహారెడ్డి, రిటైర్డ్‌ తహసీల్దార్‌, అడ్వకేట్‌. హామీలను విస్మరించారు ‘ప్రభుత్వం తమ సొంత సెల్ఫ్‌ డబ్బా’ కోసం లక్షలాది రూపాయలను సోషల్‌ మీడియా ప్రచారకర్తలకు ధారపోయడం సమంజసం కాదు. ఇచ్చిన హామీల ప్రకారం నిరుద్యోగ భృతిని పునరుద్ధరించడం, ఉద్యోగ నోటిఫికేషన్లు ఇవ్వడం, సంక్షేమ పింఛన్ల విస్తరణపై దృష్టి పెట్టాలి. ప్రచారాల కోసం ప్రజాధనాన్ని వృధా చేయడం సరైన విధానం కాదు. – మనోజ్‌రెడ్డి, యువత. చిత్తూరు. ఆర్థిక శ్రేయస్సు, నిధుల దుర్వినియోగమే రాష్ట్రం తీవ్రమైన అప్పులు, ఆర్థిక లోటు ఎదుర్కొంటున్న ప్రస్తుత పరిస్థితుల్లో ప్రచారాలకు ప్రత్యేక బడ్జెట్‌ అవసరమా? ఏటా పబ్లిసిటీ కోసం కోట్లాది రూపాయాలు ధారపోయడం వల్ల రాష్ట్ర ఆర్థిక వ్యవస్థపై మరింత భారం పడుతుందే తప్ప ప్రజలకు ఎలాంటి ప్రత్యేక్ష ప్రయోజనం చేకూరదు. – సోను, యువత, ఐరాల. ఐటీడీపీకి దోచిపెట్టే యత్నం ఎన్నికల సమయంలో ఇచ్చిన హామీను అమలు చేయకుండా ఇప్పుడు సోషల్‌ మీడియా ఇన్‌ఫ్లూయెన్సర్స్‌కు శ్రీకారం చుట్టడం అన్యాయం. ఈ ప్రక్రియతో ప్రైవేట్‌ వ్యక్తులకు నెలకు రూ.25 వేల నుంచి రూ.1.50 లక్షల వరకు ప్రజాధనాన్ని పంచిపెట్టడం దారుణం. ఇది కేవలం ఎన్నికల ముందు టీడీపీ తరఫున ప్రచారం చేసిన ఐటీడీపీ కార్యకర్తలకు, సోషల్‌ మీడియా విభాగాలకు బహుమానంగా ప్రజాధనాన్ని దోచిపెట్టే పక్షపాత చర్య తప్ప మరొకటి కాదు. – శివారెడ్డి, ఏఐఎస్‌ఎఫ్‌ జాతీయ కార్యదర్శి.

సాక్షి ప్రతినిధి, తిరుపతి : తిరుపతి మున్సిపల్‌ కార్పొరేషన్‌ ఎన్నికల్లో త్రిముఖ పోరు తప్పేలా లేదు. టీడీపీ, జనసేన, బీజేపీ శ్రేణులు ఎవరికి వారు పోటీ చేసేందుకు పావులు కదుపుతున్నారు. మేయర్‌, మున్సిపల్‌ చైర్మన్‌ కుర్చీల కోసం పైరవీలు, బేరసారాలు మొదలు పెట్టేశారు. కుర్చీ కోసం ఎన్ని కోట్లయినా పెట్టుకుంటామని చెబుతున్నారు. సార్వత్రిక ఎన్నికల్లో టీడీపీ, జనసేన, బీజేపీ కూటమిగా బరిలోకి దిగారు. అధికారం చేజిక్కించుకున్నాక పాలనా వ్యవహారాలు, పదవులు, పనుల పంపకాల్లో నువ్వా నేనా అంటూ పోటీపడుతున్నారు. ఈ పరిస్థితుల్లో మూడు పార్టీల మధ్య భేదాభిప్రాయాలు తలెత్తడంతో ‘మేము లేకపోతే మీరు గెలిచే వారు కాదు, పదవులు అనుభవించేవారు కాదు’ అంటూ మూడు పార్టీ శ్రేణులు నువ్వెంత అంటే.. నువ్వెంత అని మాట్లాడుకుంటున్నారు. స్థానిక సంస్థల ఎన్నికల్లోనైనా తమ బలాన్ని నిరూ పించుకోలేకపోతే అధికారంలో ఉన్నన్ని రోజులు మా దయా దాక్షిణ్యాలతో పదవులు అనుభవిస్తున్నారని ఎత్తిపొడుస్తూనే ఉంటారని కూటమిలోని మూడు పార్టీల శ్రేణులు చర్చించుకుంటున్నారు. ఈ పరిస్థితుల్లో తిరుపతి, చిత్తూరు జిల్లాలోని మున్సిపల్‌ కార్పొరేషన్ల ఎన్నికల్లో తమ బలం ఏమిటో నిరూపించుకోవాలని జనసేన ఉవ్విళ్లూరుతోంది. పార్టీ శ్రేణుల ఒత్తిడి మేరకు అధిష్టానం నుంచి కూడా సంకేతాలు అందినట్టు విశ్వసనీయ సమాచారం. ఆమేరకు జనసేన శ్రేణులు క్షేత్రస్థాయిలో ప్రయాత్నాలు మొదలుపెట్టారు. ఎన్నికల్లో పోటీచేయకపోతే పరువు పోతుందని బీజేపీ భావిస్తోంది. తిరుపతి, శ్రీకాళహస్తి, సూళ్లూరుపేట, నాయుడుపేట మున్సిపాలిటీల ఎన్నికల్లో బరిలో దిగాలని భావిస్తోంది. పోటీ చేస్తే గెలుపు అవకాశాలు ఎలా ఉంటాయోనని ఎవరికి వారు బృందాలను ఏర్పాటు చేసి సర్వేలు చేయించుకుంటున్నారు.తిరుపతి, చిత్తూరు మేయర్‌ స్థానాలతో పాటు జిల్లాలోని మున్సిపాలిటీల చైర్మన్‌ పీఠాల కోసం టీడీపీ, జనసేన నేతల నుంచి తీవ్రమైన పోటీ ఉంది. కుర్చీలు కావాలంటే భారీగా ఖర్చు అవుతుందని ముఖ్య నాయకులు చెబితే.. అందుకు సరే పెట్టుకుంటాం అంటూ స్పష్టం చేసినట్లు ఆ పార్టీ శ్రేణులు చెబుతున్నారు. తిరుపతి మేయర్‌ పీఠం కోసం టీడీపీ నుంచి 11 మంది, జనసేన నుంచి ఇద్దరు, బీజేపీ నుంచి ఇద్దరు పోటీపడుతున్నారు. ఈ పరిస్థితుల్లో తిరుపతి మేయర్‌ కోసం బీజేపీ నేత భానుప్రకాష్‌రెడ్డి తన కుమారుడి కోసం ప్రయత్నించినట్లు తెలిసింది. డిప్యూటీ మేయర్‌ పదవి ఇస్తామని హామీ ఇచ్చినట్లు విశ్వసనీయ సమాచారం. అదేవిధంగా మరో బీజేపీ నేత కూడా మేయర్‌ కోసం ప్రయత్నం చేస్తున్నట్లు తెలిసింది. చిత్తూరు మేయర్‌ పీఠం కోసం టీడీపీ నుంచి ఐదుగురు, జనసేన నుంచి ఇద్దరు పోటీపడుతున్నారు. తిరుపతి, చిత్తూరు కార్పొరేషన్‌ మేయర్ల కుర్చీ కోసం పోటీ పడుతున్న టీడీపీ, జనసేన పార్టీలో ఐదుగురు నాయకులు ఒక్కొక్కరు రూ.10 కోట్ల నుంచి రూ.20 కోట్ల వరకు ఖర్చు చేసేందుకు సిద్ధంగా ఉన్నట్లు అధిష్టానానికి సంకేతాలు ఇచ్చినట్లు ప్రచారం జరుగుతోంది. మున్సిపల్‌ చైర్మన్‌ కుర్చీల కోసం రూ.5 కోట్ల నుంచి రూ.7 కోట్లు పెట్టేందుకు కొందరు సిద్ధంగా ఉన్నట్లు సమాచారం. ఇదిలా ఉండగా శ్రీకాళహస్తి, సూళ్లూరుపేట, నాయుడుపేట మున్సిపాలిటీల్లో చైర్మన్‌ పీఠం కోసం బీజేపీ నేతలు ప్రయత్నాలు చేస్తున్నారు. అదే విధంగా తమ పార్టీ కార్యకర్తలు కూడా వార్డుల్లో పోటీచేయాలని భావిస్తున్నట్లు తెలిసింది. నగరి, పలమనేరు, కుప్పంలోనూ జనసేన నేతలు కొందరు పోటీ చేయాలని ఆశపడుతున్నారు. స్థానిక టీడీపీ ఎమ్మెల్యేల అభిప్రాయం కోసం ఎదురుచూస్తున్నట్లు తెలిసింది. ఏది ఏమైనా రిజర్వేషన్లు ఖరారు అయ్యాక మేయర్‌, మున్సిపల్‌ చైర్మన్‌ అభ్యర్థుల విషయమై స్పష్టత వచ్చే అవకాశం ఉంది. కూటమిలో కుమ్ములాట అసెంబ్లీ ఎన్నికల్లో కలిసికట్టుగా కొట్టాం.. అధికారం తెచ్చాం.. అని సంబరపడిన కూటమి భాగస్వామ్య పక్షాల మధ్య ఇప్పుడు తిరుపతి మున్సిపల్‌ కార్పొరేషన్‌ ఎన్నికల వేళ అసలు రంగు బయటపడుతోంది. నగరపాలక పీఠంపై జెండా పాతేందుకు టీడీపీ, జనసేన, బీజేపీ నేతలు ఎవరికి వారు కత్తులు నూరుకుంటున్నారు. మా బలం లేకపోతే మీరు గెలిచేవారా? అంటూ ఒకరికొకరు ఎత్తిపొడుపులకు దిగుతున్న నేతలు, కుర్చీ కోసం కోట్లు కుమ్మరించడానికై నా వెనుకాడబోమని బాహాటంగానే ప్రకటిస్తున్నారు. రాబోయే స్థానిక సంస్థల ఎన్నికల్లో తమ పార్టీల మార్క్‌ చూపించుకోకపోతే భవిష్యత్తు శూన్యమనే భావన క్యాడర్‌లో బలంగా నాటుకు పోయింది. మిత్ర పక్షాల ముసుగులో సాగుతున్న ఆధిపత్య పోరు ఇప్పుడు రాజకీయ వర్గాల్లో కలకలం రేపుతోంది.

సాక్షి, చిత్తూరు: మద్యం దుకాణాల లైసెన్సులను తీసుకోవడంలో ఇప్పటికే ఆరితేరిన కొందరు వ్యక్తుల ఐడియా ఫలించినట్టే. మద్యం దుకాణాల గడువు పూర్తవుతున్న నేపథ్యంలో టెండర్లు పిలవకుండా.. రెన్యూవల్‌ పేరిట తమ కార్యకర్తలకు ఉపాధి చూపించాలనుకున్న చంద్రబాబు ప్రభుత్వం రెన్యూవల్‌ ప్రతిపాదనకు తెరతీసింది. అయితే తామేమీ తక్కువ కాదన్నట్లు జిల్లాలోని 18 దుకాణాల నిర్వాహకులు రెన్యూవల్‌కు వెళ్లకుండా.. వేసిన ప్రణాళిక అమల్లోకి వచ్చేసింది. రీ–నోటిఫికేషన్‌ జిల్లాలోని 113 మద్యం దుకాణాల్లో, 95 దుకాణాలు రెన్యూవల్స్‌ తీసుకున్నారు. మిగిలిన 18 మంది లైసెన్సీలు రెన్యూవల్‌ చేసుకోలేదు. ఫలితంగా చిత్తూరు కార్పొరేషన్‌లో 9, యాదమరి 1, పూతలపట్టు 2, నిండ్ర 1, వి.కోట 3, బైరెడ్డిపల్లె 1, శాంతిపురంలో ఒక దుకాణం చొప్పున.. మొత్తం 18 దుకాణాలకు జిల్లా ప్రొబేషన్‌ అధికారి శ్రీనివాస్‌ గురువారం నోటిఫికేషన్‌ జారీచేశారు. అలాగే పెద్ద పంజాణి మండలంలో కల్లుగీత సామాజిక వర్గంలోని గౌండ్లలకు ఓ మద్యం దుకాణ నిర్వాహణకు నోటిఫికేషన్‌ ఇచ్చారు. గురువారం నుంచే ఆన్‌లైన్‌లో దరఖాస్తు చేసుకోవచ్చని, అక్టోబర్‌ 1వ తేదీన అర్ధరాత్రి 12 గంటల వరకు గడువు ఉందన్నారు. వచ్చిన దరఖాస్తులను 3వ తేదీ వరకు పరిశీలించి, 5వ తేదీన చిత్తూరు కలెక్టరేట్‌ కార్యాలయంలోని డీఆర్‌డీఏ కార్యాలయంలో ఉదయం 8 గంటలకు లక్కీడిప్‌ ద్వారా లైసెన్సులు కేటాయిస్తామన్నారు. రూ.3 లక్షల నాన్‌–రీఫండబుల్‌ దరఖాస్తు రుసుం, అలాగే ప్రతి దుకాణానికి నాలుగు దరఖాస్తులు తప్పనిసరిగా దాఖలు కావాలనే నిబంధన ఉంచారు. లక్కీడిప్‌లో లైసెన్సులు పొందిన వాళ్లు ఏడాది పాటు దుకాణాలను నిర్వహించుకోవచ్చు. జిల్లాలో 19 మద్యం దుకాణాలకు రీ–నోటిఫికేషన్‌ అనుకున్నదే.. మద్యం దుకాణాలను రెన్యూవల్‌ చేసుకుంటే సగటున ఒక్కో దుకాణానికి రూ.25 లక్షలు చెల్లించాలి. అదే లక్కీడిప్‌కు వెళితే నాలుగు దరఖాస్తులు దాఖలు చేసినా, రూ.12 లక్షల వ్యయం మాత్రమే అవుతుంది. ఒకరు దరఖాస్తు చేసిన దుకాణానికి మరొకరు దరఖాస్తు చేయకుండా అధికార పార్టీకి చెందిన కార్యకర్తలు రూపొందించిన ప్రణాళికపై మూడు రోజుల క్రితమే ‘సాక్షి’ దినపత్రికలో కథనం ప్రచురితమయ్యింది. ప్రభుత్వం కనీసం పది దరఖాస్తులు వస్తేనే లక్కీడిప్‌ తీస్తామనే నిబంధన ఉంచినట్లయితే.. ఖాజాను గండిపడేదికాదు. కానీ ఇపుడు ప్రభుత్వ ఖజానాకు గండి కొట్టి.. పచ్చ కార్యకర్తల జేబులు నింపేలా తయారయ్యింది.

బైరెడ్డిపల్లె: మండలంలోని ఓ ప్రాథమిక పాఠశాలలో గురువారం పలువురు విద్యార్థులు అస్వస్థతకు గురయ్యారు. విద్యార్థుల తల్లిదండ్రులు తెలిపిన వివరాల మేరకు.. చిక్కనపల్లె ప్రాథమిక పాఠశాలలో పనిచేస్తున్న ఓ ఉపాధ్యాయుడు పాఠశాలలోని విద్యార్థులకు ప్రతి రోజు ఆయుర్వేద వైద్యం పేరుతో కొన్ని ఆకులు, సుగంధ ద్రవ్యాలు ఇచ్చేవారు. గురువారం కూడా విద్యార్థులు ఆకులు, ద్రవ్యాలు ఇచ్చారు. మధ్యాహ్న భోజనం తిన్న తర్వాత ఆశా వర్కర్‌ పాఠశాలకు వచ్చి విద్యార్థులకు ఐరన్‌ మాత్రలు ఇచ్చారు. ఆ తర్వాత 23 మంది విద్యార్థులు అస్వస్థతకు గురయ్యారు. కడుపునొప్పి, వాంతులు, విరేచనాలతో బాధపడ్డారు. అస్వస్థతకు కారణం ఏమైందో తెలియదు గానీ గ్రామస్తులు విషయం తెలుసుకుని 108 వాహనానికి సమాచారం అందించి బైరెడ్డిపల్లె పీహెచ్‌సీకి తరలించారు. అక్కడి వైద్యులు చికిత్స నిర్వహించి ఎలాంటి ప్రమాదం లేదని చెప్పడంతో ఊపిరి పీల్చుకున్నారు. విషయం తెలుసుకున్న ఎంఈవో దేశమ్మ బైరెడ్డిపల్లె పీహెచ్‌సీ చేరుకుని విద్యార్థుల యోగక్షేమాలు తెలుసుకున్నారు. ఉన్నతాధికారులకు నివేదిక అందజేస్తున్నట్టు తెలిపారు.

తిరుపతి కల్చరల్‌: రైతులు రసాయన అవశేషాలు లేని, నాణ్యత కలిగిన మామిడి ఉత్పత్తులు పండించినప్పుడే మంచి గిట్టుబాటు ధరతో పాటు, ఎలాంటి ఆటంకాలు లేకుండా విదేశాలకు మామిడి ఉత్పత్తులు ఎగుమతి చేసి ఆదాయం పొందవచ్చని రాస్‌ ప్రధాన కార్యదర్శి డాక్టర్‌ ఎస్‌.వెంకటరత్నం తెలిపారు. రాస్‌, రాస్‌ కృషి విజ్ఞానకేంద్రం ఆధ్వర్యంలో కోకాకోలా ఇండియా పౌండేషన్‌, న్యూడిల్లీ వారి సహకారంతో గురువారం రాస్‌ సేవా నిలయంలో మామిడిలో సుస్థిర ఆదాయ మె లకువలపై రైతులకు శిక్షణ చేపట్టారు. ఆయన మాట్లాడుతూ రైతులు శాస్త్రవేత్తలు సూచించిన ప్రకారం యాజమాన్య పద్దతులు పాటించి, జీవన ఎరువులు ,సూక్ష్మ పోషకాలు వాడాలని తెలిపారు. సీనియర్‌ శాస్త్రవేత్త డాక్టర్‌ శ్రీనివాసులు మాట్లాడుతూ ఉన్నతి మ్యాంగో ప్రాజెక్టులో భాగంగా ఇది వరకే చేపట్టిన వివిధ కార్యక్రమాలు, వాటి ప్రభావం గురించి వివరించారు. ఉద్యాన శాస్త్రవేత్త పీఎస్‌.సుధాకర్‌ మాట్లాడుతూ కొమ్మ కత్తిరింపులు చేసిన తోటలలో యూరియా 10 గ్రాము లు, సూఓ్మపోషకాల మిశ్రమం 5 గ్రాముల చొప్పున లీటరు నీటికి కలిపి పిచికారి చేస్తే త్వరగా కొత్త చిగురు పెరిగి పూత తొందరగా వస్తుందని తెలిపారు. జీవన ఎరువులైన అజోస్పైరిల్లం, ఫాస్పోబాక్టిరియా, పొటాషియం మొబిలైజింగ్‌ బాక్టీరియాల మిశ్రమాన్ని వినియోగించటం ద్వారా తక్కువ ఖర్చుతో అధిక దిగుబడి పొందవచ్చని తెలిపారు. విస్తరణ శాస్త్రవేత్త రాముకుమార్‌ మాట్లాడుతూ కృషి విజ్ఞాన కేంద్రం చేపడుతున్న భూసార పరీక్ష ఆధారిత ఎరువుల యాజమాన్యం, ఆహార ఉ ద్యాన పంటలలో ఎల్‌నినో పరిస్థితుల్లో తీసుకోవాల్సిన మెలకువలు, వ్యవసాయ డ్రోన్‌ సాంకేతికత గురించి వివరించారు. ఈ సందర్భంగా వంద మంది మామిడి రైతులకు ప్రదర్శనా క్షేత్రాల నిర్వహణ కోసం ఎన్‌పీకే జీవన ఎరువుల మిశ్రమం, కానుగ నూనె, సూక్ష్మ పోషకాల మిశ్రమం, మ్యాంగో స్పెషల్‌ పంపిణీ చేశారు. మిలటరీ స్కూల్స్‌లో ప్రవేశ పరీక్షకు దరఖాస్తులు తిరుపతి అర్బన్‌: రాష్ట్రీయ మిలటరీ స్కూల్స్‌లో 2027–28 సంవత్సరంలో 6, 9 తరగతుల్లో ప్రవేశాల కోసం నిర్వహించే ప్రవేశ పరీక్ష నోటిఫికేషన్‌ విడుదలైనట్లు కోచింగ్‌ ఫెడరేషన్‌ ఆఫ్‌ ఇండియా రాష్ట్ర ఉపాధ్యక్షుడు, విశ్వం పోటీ పరీక్షల సమాచార కేంద్రం అధినేత ఎన్‌.విశ్వనాథ్‌ రెడ్డి గురువారం తెలిపారు. ఈ ప్రవేశ పరీక్షకు దరఖాస్తుల సమర్పణకు అక్టోబర్‌ 20 వరకు గడువు ఉందని చెప్పారు. డిసెంబర్‌ 13న పరీక్ష ఉంటుందని తెలిపారు. నిర్దేశిత వయోపరిమితి, అర్హతలకు అనుగుణంగా ప్రస్తుతం 5 నుంచి 9వ తరగతి వరకు చదువుతున్న విద్యార్థులు అర్హులని తెలిపారు. అర్హతలు, వయోపరిమితి, దరఖాస్తు, పరీక్షా విధానం, శిక్షణ, మాక్‌ టెస్టుల వివరాల కోసం 86888 88802, 93999 76999 నంబర్లను తిరుపతి వరదరాజనగర్‌లోని విశ్వం సైనిక్‌–నవోదయ పోటీ పరీక్షల కేంద్రాన్ని సంప్రదించవచ్చని సూచించారు.

శాస్త్రోక్తంగా పవిత్రోత్సవాలు శ్రీకాళహస్తీశ్వరాలయంలో పవిత్రోత్సవాలను మూడో రోజు గురువారం శాస్త్రోక్తంగా నిర్వహించారు.చిత్తూరు కలెక్టరేట్‌ : గత కొద్ది రోజులుగా నిర్వహిస్తున్న జెడ్పీ పునర్విభజన కసరత్తు ఈనెల 24 వ తేదీతో పూర్తయింది. జిల్లాల పునర్విభజన నేపథ్యంలో ఉమ్మడి చిత్తూరు జిల్లా పరిషత్‌ ఉద్యోగుల విభజన ప్రక్రియను పూర్తిచేశారు. నూతనంగా ఏర్పడిన చిత్తూరు, తిరుపతి, అన్నమయ్య జిల్లాల పరిధిలోని జిల్లా పరిషత్‌లకు మొత్తం 88 మంది ఉద్యోగులను కేటాయించారు. ఉద్యోగుల విభజనలో భాగంగా పోస్టుల వారీగా సిబ్బందిని మూడు జెడ్పీలకు కేటాయిస్తూ జెడ్పీ సీఈవో రవికుమార్‌ నాయుడు వివరాలను వెల్లడించారు. ఈ సందర్భంగా ఆయన మాట్లాడుతూ ఎటువంటి సిఫార్సులకు తావులేకుండా పారదర్శకంగా ఉద్యోగుల విభజన చేయడం జరిగిందని తెలిపారు. చిత్తూరు జెడ్పీకి 38 మంది కేటాయింపుల్లో చిత్తూరు జెడ్పీకి అత్యధికంగా 38 మంది, తిరుపతి జెడ్పీకి 27 మంది, అన్నమయ్య జెడ్పీకి 23 మంది ఉద్యోగులు కేటాయించారు. పరిపాలనా అధికారుల విభాగంలో చిత్తూరుకు 4, అన్నమయ్యకు 3, తిరుపతికి 9 మంది చొప్పున మొత్తం 16 మందిని కేటాయించారు. డ్రైవర్లు మూడు జెడ్పీలకు ఒక్కొక్కరు చొప్పున ముగ్గురిని కేటాయించారు. జూనియర్‌ అసిస్టెంట్‌ పోస్టుల్లో చిత్తూరుకు 13, అన్నమయ్యకు 8, తిరుపతికి 9 మంది చొప్పున మొత్తం 30 మందిని కేటాయించారు. ఆఫీస్‌ సబార్డినేట్‌ పోస్టుల్లో చిత్తూరుకు 6, అన్నమయ్యకు 3, తిరుపతికి నలుగురు చొప్పున మొత్తం 13 మందికి కేటాయించారు. రికార్డు అసిస్టెంట్‌ పోస్టుల్లో చిత్తూరుకు ఇద్దరు, అన్నమయ్యకు ఒకరు, తిరుపతికి ఒకరు చొప్పున నలుగురిని కేటాయించారు. సీనియర్‌ అసిస్టెంట్‌ పోస్టుల్లో చిత్తూరుకు 8, అన్నమయ్యకు 5, తిరుపతికి 6 మంది చొప్పున మొత్తం 19 మందిని కేటాయించారు. టైపిస్టు పోస్టుల్లో చిత్తూరుకు 4, అన్నమయ్యకు 2, తిరుపతికి ముగ్గురు చొప్పున 9 మందిని కేటాయించారు. దీంతో జిల్లాల పునర్విభజన అనంతరం మూడు జిల్లా పరిషత్‌లకు అవసరమైన సిబ్బంది కేటాయింపు ప్రక్రియలో కీలక ఘట్టం పూర్తయిందని అధికారులు వెల్లడించారు.

పుత్తూరు: రైలులో అక్రమంగా తరలిస్తున్న ప్రజా పంపిణీ వ్యవస్థ (పీడీఎస్‌) 40 బస్తాల బియ్యాన్ని స్వాధీనం చేసుకున్నట్లు పుత్తూరు ఆర్పీఎఫ్‌ సీఐ కేపీ సెబాస్టియన్‌ తెలిపారు. గురువారం వివిధ రైళ్లలో ఎస్‌ఐ విజయ్‌నాయక్‌ బృందం నిర్వహించిన తనిఖీల్లో 40 బస్తాల్లోని 1000 కిలోల బియ్యాన్ని స్వాధీనం చేసుకున్నట్లు వెల్లడించారు. స్వాధీనం చేసుకున్న బియ్యాన్ని తమిళనాడు రాణిపేట ఫ్లయింగ్‌ స్క్వాడ్‌ అధికారికి అందజేసినట్లు తెలిపారు. గ్రంథాలయాల అభివృద్ధికి చర్యలు చిత్తూరు కలెక్టరేట్‌ : గ్రంథాలయాల అభివృద్ధికి చర్యలు చేపడుతున్నట్లు రాష్ట్ర గ్రంథాలయ శాఖ అధికారి కృష్ణమోహన్‌ అన్నారు. గురువారం జిల్లా పర్యటనకు విచ్చేసిన ఆయన జిల్లా గ్రంథాలయ చైర్మన్‌ గురువారెడ్డితో కలిసి తనిఖీ చేశారు. ఆయన మాట్లాడుతూ రాష్ట్రంలోని గ్రంథాలయాల సమస్యల పరిష్కారానికి ప్రత్యేక చర్యలు చేపడుతున్నట్లు తెలిపారు. పోటీ పరీక్షలకు సిద్ధమయ్యే నిరుద్యోగులకు నూతన పుస్తకాలను అందుబాటులోకి తెస్తామన్నారు. అనంతరం స్థానిక పాఠకులతో మాట్లాడి వసతులపై ఆరా తీశారు. కార్యక్రమంలో కార్యదర్శి శర్మ, డిప్యూటీ లైబ్రేరియన్‌ లావణ్య తదితరులు పాల్గొన్నారు. మెరుగైన వైద్య సేవలు అందించాలి కాణిపాకం: చిత్తూరు జిల్లాలోని ప్రాథమిక ఆరోగ్య కేంద్రాల ద్వారా ప్రజలకు మెరుగైన, నాణ్యమైన వైద్య సేవలు అందించడమే లక్ష్యంగా పని చేయాలని జిల్లా వైద్య ఆరోగ్యశాఖ అధికారి నాగశశిభూషణ్‌ రెడ్డి అధికారులను ఆదేశించారు. గురువారం ఆయన వైద్యాధికారులతో సమీక్ష సమావేశం నిర్వహించారు. ఈ సందర్భంగా ఆయన మాట్లాడుతూ, జిల్లా వ్యాప్తంగా నిర్వహిస్తున్న నులిపురుగుల నివారణ దినోత్సవంలో భాగంగా మొత్తం 3,10,910 మంది పిల్లలకు మాత్రలు పంపిణీ చేయాలని స్పష్టం చేశారు. తొలిరోజు మాత్రలు అందుకోలేకపోయిన వారి కోసం అక్టోబర్‌ 5వ తేదీన ప్రత్యేకంగా ‘మిస్సింగ్‌ డే’ నిర్వహించి మాత్రలు అందజేస్తామన్నారు. 1–2 ఏళ్ల పిల్లలకు సగం మాత్ర నీటిలో కలిపి, 2–19 ఏళ్ల పిల్లలకు ఒక పూర్తి మాత్రను భోజనం తర్వాత చప్పరించి మింగేలా చూడాలన్నారు. అదనపు డీఎంహెచ్‌ఓ డాక్టర్‌ వెంకట ప్రసాద్‌ మాట్లాడుతూ, సెప్టెంబర్‌ 11 నుంచి 24 వరకు నిర్వహిస్తున్న లెప్రసీ కార్యక్రమాన్ని పకడ్బందీగా నిర్వహించి వ్యాధిగ్రస్తులను ముందస్తుగా గుర్తించాలని సూచించారు. ముగిసిన జాతీయ సదస్సు కుప్పంరూరల్‌: కుప్పం ఇంజినీరింగ్‌ కళాశాలలో ఈసీఈ, ఐఈఈఈ బ్రాంచ్‌ల ఆధ్వర్యంలో నిర్వహించిన జాతీయ సదస్సుకు 450 పరిశోధనా పత్రాలు వచ్చినట్లు వైస్‌ చైర్మన్‌ డాక్టర్‌ సునీల్‌రాజ్‌ తెలిపారు. సంస్కృతి, సాంకేతిక, వినోద కార్యక్రమంలో వెయ్యి మందికి పైగా విద్యార్థులు పాల్గొన్నట్లు ఆయన చెప్పారు. పరిశోధనల్లో ప్రతిభ కనబర్చిన విద్యార్థులకు 60 వేల రూపాయలు బహుమతిగా అందజేశామన్నారు. విద్యార్థులు ఎప్పటికప్పుడు తమ పరిశోధనా సామర్థ్యాలను పెంచుకోవాలని, అందుకు ఇంజినీరింగ్‌ కళాశాలలో అన్ని వసతులు కల్పిస్తున్నట్లు చెప్పారు. ఈ కార్యక్రమంలో ప్రిన్సిపాల్‌ డాక్టర్‌ సుధాకర్‌బాబు, అధ్యాపకులు, విద్యార్థులు ఉన్నారు. రోడ్డు ప్రమాదంలో యువకుడి మృతి శ్రీకాళహస్తిరూరల్‌(తొట్టంబేడు) : తొండమనాడు సమీపంలో జాతీయ రహదారిపై బుధవారం అర్ధరాత్రి జరిగిన రోడ్డు ప్రమాదంలో యువకుడు మృతి చెందాడు. రూరల్‌ సీఐ ఇబ్రహీం కథనం మేరకు.. లక్ష్మణ్‌ (25) అనే యువకుడు బైక్‌పై శ్రీకాళహస్తి వైపు వస్తున్నాడు. శేఖర్‌ అనే వ్యక్తి రాంగ్‌ రూట్‌లో వస్తూ ఢీకొన్నాడు. ఈ ఘటనలో లక్ష్మణ్‌ అక్కడికక్కడే మృతి చెందాడు. మృతుని స్వస్థలం విశాఖపట్నం. ఇతను ఏర్పేడు మండలం ఐసర్‌లో సూపర్‌ వైజర్‌గా పనిచేస్తున్నాడు. శ్రీకాళహస్తి ఏరియా ఆసుపత్రిలో పోస్ట్‌ మార్టం నిర్వహించి మృతదేహాన్ని కుటుంబ సభ్యులకు అప్పగించారు. అడ్డ దారిలో వచ్చి ఢీకొన్న ద్విచక్ర వాహనదారుడిపై పోలీసులు కేసు నమోదు చేసి దర్యాప్తు చేస్తున్నారు.

అధికార నంది వాహనంపై ఊరేగుతున్న వరసిద్ధి వినాయకుడుప్రత్యేక ఉత్సవాల్లో భాగంగా గురువారం కాణిపాకంలో శ్రీసిద్ధి బుద్ధి సమేత వినాయకస్వామి అధికార నంది వాహనంపై కటాక్షించారు. కాణిపాకంలోని శ్రీవరసిద్ధి వినాయకస్వామి క్షేత్రంలో గురువారం ప్రత్యేక ఉత్సవాలు ఘనంగా ప్రారంభమయ్యాయి. ఈసందర్భంగా మూలవిరాట్‌ అభిషేక పూజలు చేయించారు. అనంతరం భక్తులకు దర్శనభాగ్యం కల్పించారు. రాత్రి వళ్లువర్‌ వంశస్తుల ఆధ్వర్యంలో అధికార నంది వాహన సేవను నిర్వహించారు. తొలుత ఉత్సవమూర్తిని అలంకరించి నంది వాహనంపై ఆశీనులను చేశారు. ప్రత్యేక పూజలు చేసి గ్రామోత్సవాన్ని భక్తిశ్రద్ధలతో నిర్వహించారు. ఊరేగింపుగా వస్తున్న స్వామి వారికి భక్తులు కర్పూర హారతులు పట్టి తరించారు. – కాణిపాకం

పలమనేరు: పట్ణణ సమీపంలోని ఎక్స్‌ప్రెస్‌ హైవేకి ఆనుకుని ఉన్న టీఎస్‌ అగ్రహారం కొత్త చెరువు గట్టుపై చెరువు భూమిని కొందరు అధికార పార్టీ నేతల అండదండలతో ఆక్రమించుకుంటున్నారు. ఇప్పటికే జేసీబీ వాహనాలను పెట్టి చెరువు పోరంబోకు మూడెకరాలను ఆక్రమించేశారు. ఇంత జరుగుతున్నా అధికారులు మాత్రం అసలు పట్టించుకోలేదు. చుట్టుపక్కల గ్రామాలకు చెందిన చెంగప్ప, క్రిష్ణప్ప, రమేష్‌, మహేష్‌ ఈ చెరువు భూమిని ఆక్రమించుకున్నారు. తమకు స్థానిక ఎమ్మెల్యే చెప్పారని ఆక్రమణదారులు చెప్పడం గమనార్హం. ఇంత జరుగుతున్నా ఇరిగేషన్‌ అధికారులు అటువైపు కన్నెత్తి చూడడం లేదు. ఇరిగేషన్‌ అధికారులు అధికార పార్టీకి ఏజెంట్‌లా మారాడనే మాట వినిపిస్తోంది. కనీసం రెవెన్యూ ఉన్నత అధికారులైనా దీనిపై చర్యలు తీసుకుంటారా అనుకుంటే వారు కూడా అధికార పార్టీ నాయకులు ఒత్తిళ్లను భరించలేక దీర్ఘకాలిక సెలవులో వెళ్ళిపోయారంటే ఇక్కడ పరిస్థితి ఎలాగుందో అర్థం చేసుకోవచ్చు. ఏదేమైనా చెరువుకు సంబంధించిన లక్షల రూపాయల విలువజేసే భూమి పరులపాలు కానుంది. దీనిపై జిల్లా కలెక్టర్‌ అయినా చొరవచూపి వెంటనే చర్యలు తీసుకోవాల్సి ఉంది.

– చంద్రుడి చుట్టూ కాంతి వలయం! కాణిపాకం : ఆకాశంలో ఒక అరుదైన, సుందర దృశ్యం ఆవిష్కృతమైంది. గురువారం రాత్రి వేళ చందమామ చుట్టూ దివ్య వలయం ఏర్పడి ప్రజలను అబ్బురపరిచింది. నింగిలో జాబిల్లికి రత్నాల ఉంగరం తొడిగినట్లున్న ఈ దృశ్యాన్ని చిత్తూరు నగరంలో పలువురు తిలకించి, తమ ఫోన్లలో బంధించారు. ఎత్తులో ఉన్న మేఘాల్లోని మంచు స్పటికాల గుండా చంద్రకాంతి ప్రయాణించినప్పుడు ‘వక్రీభవనం’ చెందడం వల్లే ఈ కాంతి చక్రం ఏర్పడుతుందని నిపుణులు తెలిపారు. ఇది పూర్తిగా సహజమైన భౌతిక ప్రక్రియ మాత్రమేనని వివరించారు.

యాదమరి: అతివేగం.. అజాగ్రత్తగా వాహనం నడపడం ఇద్దరు స్నేహితుల ప్రాణాలను బలితీసుకుంది. రహదారిపై మృత్యువు రూపంలో దూసుకొచ్చిన టాటా ఏస్‌ వాహనం ద్విచక్రవాహనాన్ని బలంగా ఢీకొనడంతో ఇద్దరు యువకులు దుర్మరణం పాలయ్యారు. యాదమరి మండలంలో బుధవారం అర్ధరాత్రి సమయంలో జరిగిన ఈ ఘోర రోడ్డు ప్రమాదంతో రెండు కుటుంబాల్లో తీరని విషాదాన్ని నింపింది. స్థానిక ఎస్‌ఐ ఈశ్వర్‌ కథనం మేరకు.. వైఎస్సార్‌ కడప జిల్లా వేంపల్లి మండలం నాగూరు గ్రామానికి చెందిన రామచంద్రారెడ్డి కుమారుడు రాంప్రసాద్‌రెడ్డి(21) ముత్తిరేవుల సమీపంలోని ఓ ప్రైవేటు ఇంజినీరింగ్‌ కళాశాలలో బీటెక్‌ రెండో సంవత్సరం చదువుతున్నాడు. బుధవారం రాత్రి రాంప్రసాద్‌ తన స్నేహితుడైన చిత్తూరు పెద్ద హరిజనవాడకు చెందిన సురేష్‌ కుమారుడు ధనుష్‌(21)తో కలసి ద్విచక్రవాహనంలో ఓ ప్రైవేటు కార్యక్రమానికి వెళళ్లారు. అక్కడ నుంచి పని ముగించుకుని తిరుగు ప్రయాణమయ్యారు. ఈ క్రమంలో మండల పరిధి వరిగపల్లి జంక్షన్‌ వద్ద ఉన్న సర్వీసు రోడ్డులో ఎదురుగా వస్తున్న వీరి వాహనాన్ని టాటా ఏస్‌ వాహనం ఢీకొంది. ఈ ఘోర ప్రమాదంలో రాంప్రసాద్‌రెడ్డి తీవ్ర గాయాలతో అక్కడిక్కడే ప్రాణాలు కోల్పోయాడు. గుర్తించిన స్థానికులు వెంటనే పోలీసులకు సమాచారం అందించడంతో వారు హుటాహుటిన ఘటన స్థలికి చేరుకున్నారు. తీవ్ర రక్తగాయాలతో మృత్యువుతో పోరాడుతున్న ధనుష్‌ను 108 అంబులెన్సు ద్వారా చితూరు ప్రభుత్వాసుపత్రికి తరలిలించారు. అయితే అప్పటికే అతను మరణించినట్లు వైద్యులు ధ్రువీకరించారు. ఇంజినీరింగ్‌ చదివి గొప్ప వాడై తమకు అండగా నిలుస్తాడని ఎన్నో ఆశలు పెట్టుకున్న రాంప్రసాద్‌ ఆసుపత్రిలో విగతిజీవిగా ఉండడాన్ని చూసి కుటుంబ సభ్యుల రోదనలు మిన్నంటాయి. ఎస్‌ఐ ఈశ్వర్‌ కేసు నమోదు చేసి దర్యాప్తు ప్రారంభించారు. కాగా రోడ్డు ప్రమాదాల నివారణకు వాహనదారులు పరిమిత వేగంతో ప్రయాణించాలని, రహదారి భద్రతా నియమాలు విధిగా పాటించి ప్రమాదాల బారీన పడకుండా విలువైన ప్రాణాలు కాపాడుకోవాలని ఎస్‌ఐ సూచించారు.

మాట్లాడుతున్న జెడ్పీ చైర్మన్‌ గోవిందప్ప శ్రీనివాసులు చిత్తూరు కలెక్టరేట్‌ : తమ పాలనలో జెడ్పీ ఉద్యోగుల ఉద్యోగోన్నతులు, జిల్లాల విభజనలో ఎలాంటి సిఫార్సులకు తావులేకుండా నిర్ణయాలు తీసుకున్నామని జెడ్పీ చైర్మన్‌ గోవిందప్ప శ్రీనివాసులు అన్నారు. గురువారం జిల్లా పరిషత్‌ సమావేశ మందిరంలో వీడ్కోలు కార్యక్రమం నిర్వహించారు. హాజరైన ఆయన మాట్లాడుతూ తమ ఐదేళ్ల పాలనలో ఉద్యోగులకు ఎలాంటి ఇబ్బందులు కలగకుండా, సిఫార్సులకు అవకాశం ఇవ్వకుండా సీనియారిటీ ప్రకారమే ఉద్యోగోన్నతులు, కారుణ్య నియమకాలు చేపట్టామని తెలిపారు. జిల్లాల పునర్విభజనలో ఉద్యోగుల విభజన అనివార్యమైందన్నారు. ఇందులోనూ ఎలాంటి సిఫార్సులకు తావివ్వకుండా సీనియారిటీ ప్రాతిపదికన జిల్లాలను కేటాయించా మని తెలిపారు. తనవల్ల ఏ ఉద్యోగి అయినా ఇబ్బంది పడి ఉంటే క్షమించాలని కోరుతూ భావోద్వేగానికి గురయ్యారు. గురువారంతో ప్రస్తుత జెడ్పీ పాలకవర్గం పదవీకాలం ముగియనున్న నేపథ్యంలో ఆయన చివరి ప్రసంగం భావోద్వేగభరితంగా సాగింది. అనంతరం జెడ్పీ సీఈఓ రవికుమార్‌ నాయుడు ఉద్యోగుల సమక్షంలో సీనియారిటీ జాబితా ఆధారంగా వారికి జిల్లాల కేటాయింపు ప్రక్రియను నిర్వహించారు. ఈ కార్యక్రమంలో అధికారులు, ఉద్యోగులు పాల్గొన్నారు.

శ్రీకాళహస్తి: శ్రీకాళహస్తీశ్వరాలయంలో మూడవ రోజైన గురువారం పవిత్రోత్సవాలను శాస్త్రోక్తంగా నిర్వహించారు. నిత్య పూజల్లో జరిగే దోషాలను సరిచేసేందుకు ఈ పూజలు చేస్తారు. ఇందులో భాగంగా ఆలయంలోని యాగశాలలో వేదపండితులు, అర్చకులు శ్రీ–కాళ–హస్తి, భరద్వాజ మహర్షికి అభిషేకాలు, పూజలు చేశారు. అనంతరం ప్రత్యేకంగా అలంకరించి ధూప, దీప నైవేద్యాలు సమర్పించారు. శ్రీకాళహస్తీశ్వరాలయ అధికారులు పూజా ద్రవ్యాలను అందజేశారు. ఈ కార్యక్రమంలో ఈవో బీకే వెంకటేశులు, పాలకమండలి సభ్యులు, వేదపండితులు, అర్చకులు, ఆలయ అధికారులు పాల్గొన్నారు.

హామీల అమలెక్కడ బాబు ? చంద్రబాబు ప్రభుత్వం అధికారంలోకి వచ్చాక నిరుద్యోగ భృతి ఊసే లేదు. నిరుద్యోగ భృతి కోసం జిల్లా వ్యాప్తంగా 4.15 లక్షల మంది యువత ఎదురుచూస్తున్నారు. బీసీ, ఎస్సీ, ఎస్టీ, మైనార్టీ వర్గాలకు 50 ఏళ్లకే పింఛను హామీ అమలు కాలేదు.ఈ హామీ కోసం జిల్లాలో 2.58 లక్షల మంది ఎదురు చూపులు చూడాల్సిన దుస్థితి. ఆడబిడ్డ నిధి కింద మహిళలకు నెలకు రూ.1500 ఇస్తామన్న హామీని కూటమి ప్రభుత్వం మరిచిపోయింది. చిత్తూరు కలెక్టరేట్‌ : ఎన్నికల ముందు ఇచ్చిన నెరవేర్చలేని బూటకపు హామీలతో అధికారంలోకి వచ్చిన కూటమి ప్రభుత్వం, ఇప్పుడు ప్రజా ధనంతో విచ్చలవిడిగా ప్రచారాలు చేసుకునేందుకు సరికొత్త నాటకానికి తెరతీసింది. సంక్షేమ పథకాలను అమలు చేయడంలో పూర్తిగా విఫలమైన చంద్రబాబు ప్రభుత్వం, తమ సొంత ప్రచారానికి ‘సోషల్‌ మీడియా ఇన్‌ఫ్లూయెన్సర్స్‌’ను నియమించుకునేందుకు విచిత్రమైన పాలసీకి శ్రీకారం చుట్టింది. పాలసీకి కేబినెట్‌ సైతం ఆమోదం తెలపడంపై జిల్లాలోని ప్రజలతో పాటు పలువురు మేధావులు, యువత, విద్యార్థి సంఘ నాయకులు తీవ్రస్థాయిలో మండిపడుతున్నారు. ప్రజాధనం ఐటీడీపీ కార్యకర్తల పాలేనా? – రూ.25 వేల నుంచి రూ.1.5 లక్షల వరకు నజరానా ప్రభుత్వ పథకాలు, నిర్ణయాలను సామాజిక మాధ్యమాల్లో ప్రచారం చేసేందుకు వేల రూపాయిల ప్రజాధనాన్ని ఇన్‌ఫ్లూయెన్సర్స్‌కు పంచిపెట్టేందుకు సిద్ధమయ్యారు. ఫాలోవర్ల సంఖ్యను బట్టి నెలకు రూ.25 వేల నుంచి ఏకంగా రూ.1.50 లక్షల వరకు చెల్లించేలా నిబంధనలు రూపొందించారు. టీడీపీ శ్రేణులకు ఈ నిధులను దోచిపెట్టేందుకు ఈ విచిత్ర పాలసీని తీసుకొచ్చారని ఆరోపణలు వెల్లువెత్తుతున్నాయి. ప్రజా సమస్యలు గాలికి.. జిల్లాలో రైతులు, పేదలు, విద్యార్థులు, నిరుద్యోగులు అనేక సమస్యలతో అల్లాడుతుంటే, వారిని ఆదుకోవాల్సిన ప్రభుత్వం తన సొంత డబ్బా కొట్టుకోవడం కోసం కోట్లాది రూపాయల ప్రజాధనాన్ని సోషల్‌ మీడియా కార్యకర్తలకు ధారపోస్తుండడంపై విమర్శలు వెల్లువెత్తుతున్నాయి. హామీలు నెరవేర్చని ప్రభుత్వం, విమర్శలను అణచివేసేందుకు, అసత్యాలను ప్రచారం చేసేందుకు ప్రజల సొమ్ముతో పబ్లిసిటీ చేయడం ఎంతవరకు సమంజసం అని మేధావి వర్గాలు, యువత, విద్యార్థి సంఘాల నాయకులు, వామపక్ష పార్టీలు సూటిగా ప్రశ్నిస్తున్నాయి. విచిత్ర పాలసీకి తెరలేపిన చంద్రబాబు ప్రభుత్వం

సాక్షి, తిరుపతి జిల్లా: చంద్రగిరి నియోజకవర్గం పరిధిలో టీడీపీ కార్యకర్తలు బరితెగించారు. ఏకంగా పోలీస్‌స్టేషన్‌లోనే పోలీసులకే వార్నింగ్‌ ఇచ్చిన టీడీపీ కార్యకర్తలు.. తిరుపతి రూరల్‌ పోలీస్‌స్టేషన్‌లో వీరంగం సృష్టించారు. పోలీసులకు ఎమ్మెల్యే పులివర్తి నాని అనుచరులు వార్నింగ్‌ ఇస్తూ రచ్చ రచ్చ చేశారు. ఈ నెల 20న తిరుపతి రూరల్‌ పోలీస్‌స్టేషన్‌లో ఈ ఘటన జరగ్గా.. పోలీసులకు టీడీపీ కార్యకర్తలు వార్నింగ్‌ ఇస్తున్న దృశ్యాలు సోషల్‌ మీడియాలో వైరల్‌గా మారాయి.టీడీపీ నేత చిట్టి రాయల్‌ అనుచరుడు గిరి, చిట్టి రాయల్‌ తల్లి హేమలత వీరంగం సృష్టించారు. తమవాళ్లను ఎందుకు అదుపులోకి తీసుకున్నారంటూ పోలీసులపై బెదిరింపులకు దిగారు. తాను ఎమ్మెల్యే పులివర్తి అనుచరుడునంటూ వీరంగం సృష్టించిన గిరి.. లోకేష్‌తో చెప్పి అందరినీ సస్పెండ్‌ చేయిస్తానని పోలీసులకు వార్నింగ్‌ ఇచ్చాడు. వీడియో తీస్తున్న ఓ పోలీసును కొట్టడానికి టీడీపీ కార్యకర్త గిరి దూసుకెళ్లాడు. చంద్రబాబుకు చెప్పిన భయపడేది లేదంటూ గిరి రెచ్చిపోయారు.ఇదీ చదవండి: కడుపు మండి.. జనసేన నేతపై గన్‌తో దాడి

శ్రీవారి పుష్కరిణికి పోటెత్తిన భక్తులు (ఇన్‌సెట్‌) చక్రస్నానం నిర్వహిస్తున్న వేద పండితులుతిరుమల: శ్రీవారి సాలకట్ల బ్రహ్మోత్సవాల్లో చివరి రోజైన బుధవారం ఉదయం శ్రీవారి పుష్కరిణిలో శాస్త్రోక్తంగా చక్రస్నానం నిర్వహించారు.. విశేష సంఖ్యలో భక్తులు పుష్కరిణిలో పుణ్యస్నానమాచరించారు. ఈ క్రమంలోనే వేకువజామున శ్రీవారికి పల్లకీ ఉత్సవం జరిపించారు. భూవరాహస్వామివారి ఆలయ ముఖమండపంలో శ్రీదేవి, భూదేవి సమేత మలయప్పస్వామివారు, సుదర్శన చక్రత్తాళ్వార్లకు స్నపన తిరుమంజనం చేపట్టారు.అభిషేకానంతరం పెద్దజీయర్‌ స్వామి, చిన్నజీయర్‌ స్వామి దివ్యప్రబంధ పాశురాలను పఠించారు. అనంతరం సుదర్శన చక్రత్తాళ్వార్లను శ్రీవారి పుష్కరిణికి తీసుకువచ్చి పవిత్ర జలాల్లో స్నానం చేయించారు. రాత్రి 7 గంటలకు బంగారు తిరుచ్చి ఉత్సవం నిర్వహించారు. అనంతరం ధ్వజావరోహణంతో శ్రీవారి సాలకట్ల బ్రహ్మోత్సవాలు ఘనంగా ముగిశాయి. ఏమి మా భాగ్యము.. శ్రీవారి సాలకట్ల బ్రహ్మోత్సవ భువి వైకుంఠంలో అడుగిడిన మా జీవితము ధన్యము.. చక్రత్తాళ్వార్‌ను స్పృశించిన పవిత్రజలములో స్నానమాచరించిన మాదే కదా పుణ్యము.. ఉభయ దేవేరీ సమేతంగా కొలువుదీరిన శ్రీమలయప్పస్వామివారి తిరుమంజన సేవ వీక్షణంతో తరించెను మా జన్మము.. అంటూ భక్తజనులు పరవశించారు. వైకుంఠనాథుని వైభవోత్సవంలో పాలుపంచుకుని పులకించారు. ఆనందనిలయంలో కొలువుదీరిన శ్రీవేంకటేశ్వరుని దివ్యతేజోవిరాజిత మూర్తిని దర్శించుకుని పునీతులయ్యారు.