నిర్మల్‌రూరల్‌: గణేశ్‌ నిమజ్జన ఏర్పాట్లలో విషాదం చోటు చేసుకుంది. రూరల్‌ ఎస్సై లింబాద్రి తెలిపిన వివరాల మేరకు జిల్లా కేంద్రంలోని మంజులాపూర్‌లో ఏర్పాటు చేసిన వినాయకుడిని నిమజ్జనానికి తరలించేందుకు ఆదివారం ట్రాక్టర్‌లో ఎక్కిస్తుండగా పైనున్న విద్యుత్‌ తీగలు తాకడంతో షాక్‌కు గురై కాలనీకి చెందిన ఎంబడి శివకుమార్‌ (35) మృతి చెందాడు. మృతునికి భార్య, కుమారుడు, కుమార్తె ఉన్నారు. సమాచారం తెలుసుకున్న పోలీసులు సంఘటనా స్థలానికి చేరుకుని వివరాలు సేకరించారు. కేసు నమోదు చేసి దర్యాప్తు చేస్తున్నట్లు పేర్కొన్నారు.

జన్నారం: గత విద్యాసంవత్సరం పదోతరగతి పరీక్షల్లో అత్యుత్తమ మార్కులు సాధించిన జన్నారం మండలంలోని రేండ్లగూడకు చెందిన లసెట్టి శ్వేత నగదు పురస్కారం అందుకోనుంది. కిష్టాపూర్‌ ప్రభుత్వ పాఠశాలలో చదివిన బాలిక 582 మార్కులతో జిల్లాలో ప్రథమస్థా నం సాధించింది. ప్రస్తుతం మహబూబ్‌నగర్‌లో ట్రిపుల్‌ఐటీ ప్రథమ సంవత్సరం చదువుతో ంది. శ్రీరామ్‌ లైఫ్‌ ఇన్సూరెన్స్‌ కంపెనీ చేపట్టిన ‘చదువుకో తెలంగాణ‘ కార్యక్రమంలో భా గంగా శ్వేతను ఎంపిక చేశారు. ఈ నెల 24న హైదరాబాద్‌లో గవర్నర్‌ శివ ప్రతాప్‌ శుక్లా చేతుల మీదుగా రూ.2 లక్షల నగదు పురస్కా రం అందుకోనున్నట్లు పాఠశాల ప్రధానోపాధ్యాయులు గుండా రాజన్న తెలిపారు. తమ పాఠశాల విద్యార్థి ప్రతిష్టాత్మకమైన నగదు పురస్కారాని కి ఎంపిక కావడం పట్ల అదనపు కలెక్టర్‌ చంద్రయ్య, ఎంఈవో రాజేందర్‌, సర్పంచ్‌ వాసాల నరేష్‌, తదితరులు హర్షం వ్యక్తం చేశారు.

కాసిపేట: విద్యార్థులు క్రీడాస్ఫూర్తితో ముందుకెళ్లాలని మందమర్రి జీఎం రాధాకృష్ణ అన్నారు. మందమర్రి–సోమగూడం రహదారి పక్కన ఉన్న ఫంక్షన్‌హాల్‌లో ఆదివారం కేఆర్‌ కుంగ్‌ఫూ అకాడమి, అమేచ్చుర్‌ ఆల్‌ స్టైల్‌ కుంగ్‌ఫూ అసోసియేషన్‌ ఆధ్వర్యంలో ఏర్పాటు చేసిన 6వ రాష్ట్ర స్థాయి కుంగ్‌ఫూ కరాటే పోటీలను జ్యోతి ప్రజ్వలన చేసి ప్రారంభించారు. ఈ సందర్భంగా ఆయన మాట్లాడారు. కుంగ్‌ఫూ, కరాటే పోటీల్లో 20 జిల్లాల నుంచి 600 లకు పైగా విద్యార్థులు పాల్గొన్నారు. బాలుర విభాగంలో గ్రాండ్‌ చాంపియన్‌షిప్‌ మంచిర్యాల జిల్లాకు చెందిన శ్రీగౌతమ్‌, బాలికల విభాగంలో గ్రాండ్‌ చాంపియన్‌షిప్‌ స్నిగ్దా కై వసం చేసుకున్నారు. ఈ కార్యక్రమంలో కేఆర్‌ కుంగ్‌ఫూ అకాడమీ చైర్మన్‌ దాగం మల్లేశ్‌, టీపీసీసీ రాష్ట్ర ప్రచార కమిటీ కన్వీనర్‌ నాతరి స్వామి, అమేచ్చుర్‌ ఆల్‌ స్టైల్‌ కుంగ్‌ఫూ అసోసియేషన్‌ రాష్ట్ర అధ్యక్షుడు ఒడ్నాల శ్రీనివాస్‌, అకాడమీ మాస్టర్‌ రవి, ఒలింపిక్‌ సెక్రెటరీ రమేశ్‌, మాస్టర్లు ప్రసాద్‌, వెంకటేష్‌, మహేష్‌, వివిధ జిల్లాల క్రీడాకారులు పాల్గొన్నారు.

కై లాస్‌నగర్‌: కేసీఆర్‌ పదేళ్ల పాలనలో అన్ని రంగాల్లో నిరాదరణకు గురైన ఉత్తర తెలంగాణ జిల్లాలు సీఎం రేవంత్‌రెడ్డి చొరవతో మహర్దశ పట్టి, అభివృద్ధి దిశగా ముందుకు సాగుతున్నాయని కాంగ్రెస్‌ జిల్లా అధికార ప్రతినిధి బాలు రి గోవర్ధన్‌రెడ్డి అన్నారు. జిల్లా కేంద్రంలోని పార్టీ కార్యాలయంలో విలేకరులతో మాట్లాడారు. జిల్లాను దత్తత తీసుకున్నామనే సీఎం ప్రకటనతో ఆదిలాబాద్‌ నియోజకవర్గ రాజకీ య ముఖచిత్రంలో స్పష్టమైన మార్పు వస్తుందన్నారు. ఎయిర్‌పోర్టు, ఎయిర్‌ఫోర్స్‌ స్టేషన్‌ ఏర్పాటుకు రూ. 2,072 కోట్లను కేటాయిస్తూ ప్రభుత్వం జీవో జారీచేసిందన్నారు. ఈ మేర కు భూసేకరణ ప్రక్రియ ముమ్మరంగా సాగుతుందన్నారు. తాజాగా నోడల్‌ అధికారులను నియమిస్తూ ఉత్తర్వులు జారీ చేయడంపై కేంద్ర ప్రభుత్వానికి ధన్యవాదాలు తెలిపారు. ఇండస్ట్రియల్‌ కారిడార్‌కు అవసరమైన 2వేల భూ సేకరణ ఇప్పటికే పూర్తయిందన్నారు. ఐటీ టవర్‌కు గత ప్రభుత్వం రూ.40 కోట్లు కేటాయిస్తే రేవంత్‌ సర్కారు మరో రూ.25 కోట్లు అదనంగా మంజూరు చేసిందన్నారు. ఫిట్‌లైన్‌ 2, 3 నెలల్లో పూర్తయితే మరో 20 నుంచి 30 రైళ్లు జిల్లాకు రానున్నాయన్నారు. ఇందులో నాయకులు అశోక్‌, మహేందర్‌ తదితరులున్నారు.

ఆదిలాబాద్‌టౌన్‌: గణేశ్‌ నిమజ్జన కార్యక్రమాన్ని ప్రశాంతంగా, సురక్షితంగా నిర్వహించేందుకు పకడ్బందీ ఏర్పాట్లు చేపడుతున్నామని ఎస్పీ అఖిల్‌ మహాజన్‌ అన్నారు. ఈ మేరకు ఏర్పాట్లను ఆదివా రం క్షేత్రస్థాయిలో పరిశీలించారు. పట్టణంలోని అశోక్‌రోడ్‌, గాంధీచౌక్‌, అంబేద్కర్‌చౌక్‌, వినాయక్‌చౌక్‌, మహాలక్ష్మివాడ, జైజవాన్‌ నగర్‌, క్రాంతినగర్‌ తదితర ప్రాంతాల్లో నిమజ్జన రూట్‌ను పరిశీలించి పరిస్థితులను తెలుసుకున్నారు. నిమజ్జన రూట్‌లోని మసీదుల వద్ద చేపట్టిన ఏర్పాట్లను పరిశీలించారు. ఎలాంటి అవాంఛనీయ ఘటనలకు తావులేకుండా ముందస్తు చర్యలు చేపట్టాలని అధికారులకు సూచించారు. రహదారులపై ఉన్న అడ్డంకుల ను గుర్తించి తొలగించాలని, ఊరేగింపునకు ఇబ్బందులు కలగకుండా చర్యలు తీసుకోవాలని ఆదేశించారు. బందోబస్తు, ట్రాఫిక్‌ మళ్లింపు, రూట్‌ నిర్వహణ తదితర అంశాలపై అధికారులతో సమీక్షించా రు. ఆయన వెంట ఆదిలాబాద్‌ డీఎస్పీ ఎల్‌.జీవన్‌రెడ్డి, వన్‌టౌన్‌, టూటౌన్‌ సీఐ, ట్రాఫిక్‌ సీఐలు సునీల్‌ కుమార్‌, నాగరాజు, వెంకటేశ్వర్లు, క్లస్టర్‌, సెక్టార్‌ ఇన్‌చార్జీలు, ఇతర అధికారులు ఉన్నారు. 22, 23 తేదీల్లో జిల్లాస్థాయి ఎంపిక పోటీలుఆదిలాబాద్‌: జిల్లాస్థాయి షటిల్‌ బ్యాడ్మింటన్‌, టేబు ల్‌ టెన్నీస్‌ ఎంపిక పోటీలు నిర్వహించనున్నట్లు ఎస్జీఎఫ్‌ జిల్లా ఆర్గనైజింగ్‌ సెక్రెటరీ ఆడే రామేశ్వర్‌ ఓ ప్రకటనలో తెలిపారు. ఎస్జీఎఫ్‌ ఆధ్వర్యంలో ఈ నె ల 22న 14 ఏళ్లలోపు బాలబాలికలకు, 23న 17 ఏళ్లలోపు బాలబాలికలకు ఇండోర్‌ స్టేడియంలో ష టిల్‌ బ్యాడ్మింటన్‌ ఎంపికలు నిర్వహిస్తామని పేర్కొన్నా రు. 23న 14, 17 ఏళ్లలోపు బాలబాలికలకు లిటిల్‌ ఫ్లవర్‌ హైస్కూల్‌, శాంతినగర్‌లో టేబుల్‌ టెన్నీస్‌ ఎంపిక పోటీలు ఉంటాయని తెలిపారు. క్రీడాకారులు ఉదయం 9.30 గంటలకు ఆధార్‌కా ర్డు, బోనఫైడ్‌ సర్టిఫికెట్లతో హాజరు కావాలని సూచించారు.

ఆదిలాబాద్‌టౌన్‌: జిల్లాలో ఎయిర్‌పోర్ట్‌, ఇండస్ట్రియల్‌ కారిడార్‌ పేరిట భూములు కోల్పోతు న్న రైతులకు న్యాయం చేయాలని సీపీఎం రాష్ట్ర కార్యదర్శివర్గ సభ్యుడు బండారు రవికుమార్‌ డిమాండ్‌ చేశారు. ఆదివారం సీఐటీయూ కా ర్యాలయంలో నిర్వహించిన సీపీఎం జిల్లా విస్తృత స్థాయి సమావేశంలో మాట్లాడారు. ఎయిర్‌పోర్ట్‌తో పాటు ఇండస్ట్రీయల్‌ కారిడార్‌ పేరిట వేలాది ఎకరాల భూములను సేకరించే ప్రక్రియ జరుగుతోందని పేర్కొన్నారు. బాధిత రైతులకు వారు కోరుతున్న పరిహారం చెల్లించాలని డిమాండ్‌ చేశారు. నిర్వాసితుల సమస్యలపై పోరాటాన్ని ముందుకు తీసుకెళ్లేందుకు పార్టీ ఆధ్వర్యంలో రెండు కమిటీలు ఏర్పాటు చేస్తున్నట్లు తెలిపారు. ఇదిలా ఉండగా రిమ్స్‌లో సిబ్బంది కొరతను పరిష్కరించాలని పేర్కొన్నారు. సమావేశంలో జిల్లా కార్యదర్శి మల్లేశ్‌, కార్యదర్శివర్గ సభ్యులు రాఘవులు, సచిన్‌, కిరణ్‌, ఆశన్న, జిల్లా కమిటీ సభ్యులు మంజుల, కిష్టన్న, విష్ణు, ఎన్‌.స్వామి పాల్గొన్నారు.

సాత్నాల: ఎగువన కురుస్తున్న వర్షాలతో సాత్నా ల ప్రాజెక్టు జలకళ సంతరించుకుంది. పూర్తిస్థా యి మట్టానికి చేరువైంది. ప్రాజెక్టు పూర్తిస్థాయి నీటిమట్టం 1.24టీఎంసీ కాగా, ప్రస్తుతం 1.046 టీఎంసీగా ఉన్నట్లు జేఈ దీపక్‌ తెలిపారు. పరిస్థితిని సమీక్షిస్తున్నామని,ఇన్‌ఫ్లో పెరిగితే గేట్లు ఎత్తి నీటిని దిగువకు విడుదల చేస్తామని వెల్లడించా రు. మరోవైపు ఎగువన గల తోయగూడ గ్రామస్తులు ఆందోళన వ్యక్తం చేస్తున్నారు. నాలుగేళ్ల క్రితం ఇలాగే ప్రాజెక్టు నిండినా నీటి విడుదలలో జాప్యం కారణంగా సుమారు 300 ఎకరాల మేర పంట నష్టం వాటిల్లినట్లు పేర్కొన్నారు.

ఆదిలాబాద్‌టౌన్‌: రాష్ట్రంలో ప్రభుత్వ పాఠశాలల బలోపేతంతో పాటు గ్రామీణ ప్రాంతాల్లో మౌలిక వసతులు కల్పించాలని రిటైర్డ్‌ ఐఏఎస్‌, తెలంగాణ విద్యా కమిషన్‌ మాజీ చైర్మన్‌ ఆకునూరి మురళి అన్నారు. ప్రభుత్వ విద్య, ప్రైవేట్‌ పాఠశాలలు, జూనియర్‌ కళాశాలల ఫీజుల నియంత్రణ, గ్రామీణ సంక్షేమం, ఆర్టీసీ తదితర అంశాలపై తెలంగాణ పీపుల్స్‌ ఫ్రంట్‌ ఆధ్వర్యంలో ఆదివారం జిల్లా కేంద్రంలోని మాధవరావు విజ్ఞాన కేంద్రంలో రౌండ్‌ టేబుల్‌ సమావేశం నిర్వహించారు. వివిధ పార్టీలు, ప్రజా సంఘాల నాయకులు పాల్గొని ఆయా రంగాల్లో సమస్యలు, ప్రభుత్వ విధానాలపై చర్చించారు. హక్కులు, సమస్యల సాధనకు ఐక్యంగా ఉద్యమించాలని నిర్ణయించారు. ఈ సందర్భంగా మురళి మాట్లాడుతూ, ప్రభుత్వ వ్యవస్థల మనుగడకు క్షేత్రస్థాయిలో తగిన బడ్జెట్‌ కేటాయింపులు, భద్రత అత్యంత కీలకమన్నారు. గ్రామీణ ప్రాంతాల్లో ప్రభుత్వ పాఠశాలలు నిర్వహించడం కష్టతరంగా మారుతోందని పేర్కొన్నారు. కేవలం భవనాలు, గదులు ఉంటే సరిపోదని, విద్యార్థులకు నాణ్యమైన విద్య అందించేందుకు అవసరమైన బడ్జెట్‌ కేటాయించాలని అన్నారు. ఉపాధ్యాయుల కొరతను తీర్చడంతో పాటు పాఠశాలల్లో విద్యార్థులకు పూర్తి స్థాయి రక్షణ, భద్రత కల్పించాలని కోరారు. అలాగే ప్రైవేట్‌ విద్యాసంస్థల్లో అధిక ఫీజుల వసూళ్లను నియంత్రించడంతో పాటు ప్రభుత్వ విద్యా వ్యవస్థను పటిష్టం చేయాలని డిమాండ్‌ చేశారు.

ఆదిలాబాద్‌టౌన్‌: చట్టసభల్లో మహిళలకు 33 శాతం రిజర్వేషన్‌ను కేంద్ర ప్రభుత్వం తక్షణమే అమలు చేయాలని భారత జాతీయ మహిళా సమాఖ్య (ఎన్‌ఎఫ్‌ఐడబ్ల్యూ) తెలంగాణ రాష్ట్ర ప్రధాన కార్యదర్శి నేదునూరి జ్యోతి డిమాండ్‌ చేశారు. జిల్లా కేంద్రంలో ఆదివారం నిర్వహించిన ఎన్‌ఎఫ్‌ఐడబ్ల్యూ జిల్లా 10వ మహాసభకు ముఖ్య అతిథిగా హాజరై మాట్లాడారు. డీలిమిటేషన్‌ పేరుతో నియోజకవర్గాల పునర్విభజనను సాకుగా చూపుతూ మహిళా రిజర్వేషన్ల అమలు జాప్యం చేయడం సరికాదన్నారు. చట్టసభల్లో మహిళలకు జనాభా ప్రాతిపదికన కనీసం 33 శాతం రిజర్వేషన్‌ కల్పించాలని కోరారు. మహిళల హక్కుల కోసం చట్టాలు ఉన్నప్పటికీ వాటి అమలులో లోపాలు ఉన్నాయని అన్నారు. అనంతరం సీపీఐ జిల్లా కార్యదర్శి ముడుపు ప్రభాకర్‌రెడ్డి మాట్లాడుతూ కేంద్ర ప్రభుత్వం పెంచిన యూపీఐ చార్జీలను వెంటనే ఉపసంహరించుకోవాలని డిమాండ్‌ చేశారు. నూతన కమిటీ ఎన్నిక.. అనంతరం జిల్లా కమిటీని ఎన్నుకున్నారు. అధ్యక్షురాలిగా ఆర్‌.అమీన, ఉపాధ్యక్షులుగా పుష్ప, షబానా, ప్రధాన కార్యదర్శిగా ముడుపు నళిని, సహాయ కార్యదర్శిగా ఉమా వందన, కోశాధికారిగా కాంతా బాయి ఎన్నికయ్యారు. 21 మందితో నూతన కౌన్సిల్‌ ఏర్పాటు చేశారు. కార్యక్రమంలో సంగీత, అనసూర్య, లక్ష్మి, చంద్రకళ, కవిత, సారిక, సమీనా, శిరీష తదితరులు పాల్గొన్నారు.

ఎయిర్‌పోర్టు ఏర్పాటులో.. కైలాస్‌నగర్‌: ఆదిలాబాద్‌ ఎయిర్‌పోర్టు ఏర్పాటు దిశగా కేంద్ర ప్రభుత్వం మరో కీలక ముందడుగు వేసింది. ప్రతిపాదిత జాయింట్‌ యూజర్‌ ఎయిర్‌ఫీల్డ్‌ ప్రాజెక్ట్‌ ప్రక్రియను వేగవంతం చేసే దిశగా చ ర్యలు చేపట్టింది. కేంద్ర రక్షణ, పౌర విమానయాన శాఖల నుంచి ముగ్గురు ప్రత్యేక నోడల్‌ అధికారుల ను నియమించింది. ఆయా శాఖల సమన్వయంతో భూసేకరణ, సాంకేతిక అనుమతులు, డీపీఆర్‌, మాస్టర్‌ ప్లాన్‌ వంటి కీలక అంశాలపై కేంద్ర, రాష్ట్ర ప్రభుత్వాల మధ్య సమన్వయం మరింత వేగవంతం కానుంది. ఈ నిర్ణయంపై ఉమ్మడి జిల్లావాసుల్లో హర్షం వ్యక్తమవుతోంది. ఇదీ పరిస్థితి.. ఉమ్మడి జిల్లావాసుల విమాన రవాణా కలను సాకా రం చేయాలనే ఉద్దేశంతో కేంద్ర, రాష్ట్ర ప్రభుత్వాలు ఆదిలాబాద్‌ ఎయిర్‌పోర్టు ఏర్పాటుకు నిర్ణయించాయి. దీనిపై ఈ నెల 13న కేంద్ర రక్షణశాఖ, పౌర విమానయాన శాఖ మంత్రులు ప్రత్యేకంగా సమావేశమై చర్చించారు. ఇదే అంశాన్ని ప్రస్తావిస్తూ భారతీయ విమానయాన ప్రాథికార సంస్థ (ఏఏఐ)సభ్యుడు(ప్లానింగ్‌) అనిల్‌గుప్తా ఈ నెల 16న రాష్ట్ర ప్రభుత్వ ప్రధాన కార్యదర్శి సంజయ్‌జాజుకు లేఖ రాశారు. ఆదిలాబాద్‌ ఎయిర్‌పోర్టు ప్రయాణికుల టెర్మినల్‌, కార్గో, ఎంఆర్‌వో, హ్యంగర్‌ వంటి సదుపాయాల ఏర్పాట్లపై తగు చర్యలు చేపట్టాల్సిందిగా రాష్ట్ర ప్రభుత్వం కేంద్రాన్ని కోరింది. అలాగే ఎయిర్‌పోర్టు రన్‌వే ఖరారు చేసేందుకు రక్షణ, పౌర విమానయాన శాఖల సంయుక్త సమావేశం నిర్వహించింది. ఇందులో చర్చించిన అంఽశాలు, తీసుకున్న నిర్ణయాల ఆధారంగా ప్రక్రియను మరింత వేగవంతం చేయాలనే ఉద్దేశంతో కేంద్రం ఆయా శాఖలను సమన్వయం చేస్తూ ప్రత్యేక నోడల్‌ అధికారులను నియమించింది.

ఆదిలాబాద్‌టౌన్‌: ఏజెన్సీ ప్రాంతాల్లో ఉద్యోగ నియామకాల్లో ఆదివాసీలకు వందశాతం రిజ ర్వేషన్‌ కల్పించే జీవో 3ను పునరుద్ధరించాలని తెలంగాణ ఆదివాసీ గిరిజన సంఘం రాష్ట్ర ప్రధాన కార్యదర్శి పూసం సచిన్‌ డిమాండ్‌ చేశా రు. ఈమేరకు రాష్ట్ర గిరిజన సంక్షేమ శాఖ మంత్రి, ఆదివాసీ ఎమ్మెల్యేలతో తక్షణమే ట్రైబల్‌ అడ్వైజరీ కమిటీ (టీఏసీ) సమావేశం ఏర్పాటు చేసి తీర్మానం చేయాలని కోరారు. ఆదివారం జిల్లా కేంద్రంలోని సంఘం కార్యాలయంలో నిర్వహించిన సంఘం జిల్లా సమావేశంలో మా ట్లాడారు. ఉద్యోగ నియామకాల్లో ఆదివాసీల కు అన్యాయం జరుగుతోందని పేర్కొన్నారు. ఖానాపూర్‌ ఎమ్మెల్యే బొజ్జు అసెంబ్లీలో ఆదివా సీల సమస్యలను ప్రస్తావించడాన్ని స్వాగతిస్తున్నామని తెలిపారు. జీవో 3 పునరుద్ధరణకు తీర్మానంతో పాటు గవర్నర్‌, రాష్ట్రపతికి పంపి ఆర్డినెన్స్‌ ద్వారా పునరుద్ధరించాలన్నారు. అలా గే 1/70 చట్ట పరిరక్షణకు ప్రభుత్వం చర్యలు తీసుకోవాలని కోరారు. ఇందులో సంఘం జిల్లా అధ్యక్షుడు విష్ణు, ఉపాధ్యక్షుడు సక్కు, గోవింద్‌, కిష్టన్న, జంగుబాయి పాల్గొన్నారు.

ఇచ్చోడ: పేద, ధనికతేడా లేకుండా ప్రతీ విద్యార్థికి నాణ్యమైన విద్య అందించాలనే ఉద్దేశంతోనే బస్సు యాత్ర ప్రారంభించినట్లు తెలంగాణ విద్యా కమిషన్‌ మాజీ చైర్మన్‌ ఆకునూరి మురళి అన్నారు. యాత్రలో భాగంగా శనివా రం రాత్రి మండలంలోని జామిడి గ్రామాన్ని సందర్శించి స్థానికులతో మాట్లాడారు. రాష్ట్రంలో ప్రభుత్వ విద్యను బలోపేతం చేయడానికి పీపు ల్స్‌ ఫ్రంట్‌ బస్‌యాత్ర చేపట్టినట్లు పేర్కొన్నారు. అందరికి సమానంగా నాణ్యమైన విద్య అందించడమే ఈ యాత్ర ముఖ్య ఉద్దేశమన్నారు. ఇందులో చైల్డ్‌ రైట్‌ ప్రొటెక్షన్‌ ఫోరం సభ్యులు బాలాజీ, అనంద్‌, రమేశ్‌, దళిత బహుజన్‌ ఫ్రంట్‌ సభ్యులు పాల్గొన్నారు.

సాక్షి, ఆదిలాబాద్‌: ఆర్టీసీ గుర్తింపు సంఘం ఎన్నికల షెడ్యూల్‌ విడుదలైన విషయం తెలిసిందే. ఈ మే రకు ఆయా డిపోల్లో యూనియన్ల సందడి మొదలైంది. పోరుకు సై అంటూ కార్మికులను ఆకర్షించే ప్రయత్నాలు షురూ చేశాయి. ఆర్టీసీలో 11 సంఘాలు ఉండగా రీజియన్‌లో మూడు, నాలుగు సంఘాల ప్రాబల్యమే అధికంగా ఉంది. ఈ నెల 25వరకు పొత్తులపై స్పష్టత వస్తుందని యూనియన్‌ నాయకులు పేర్కొంటున్నారు. ఈ ఎన్నికల్లో గెలుపొంది స్టీరింగ్‌ పట్టేదెవరనే దానిపై కార్మికుల్లో ఆతృత నెలకొంది. రీజియన్‌ పరిధిలో.. ఆదిలాబాద్‌ రీజియన్‌ పరిధిలో ఆదిలాబాద్‌, ఉ ట్నూర్‌, ఆసిఫాబాద్‌, నిర్మల్‌, భైంసా, మంచిర్యాల డిపోలు ఉన్నాయి. ఉద్యోగులు, కార్మికులు కలిపి 1870 మంది ఉన్నారు. 2016లో చివరి సారి గుర్తింపు సంఘం ఎన్నికలు జరిగాయి. అప్పుడు అటు రా ష్ట్రస్థాయి, ఇటు రీజియన్‌ స్థాయిలోనూ తెలంగాణ మజ్దూర్‌ యూనియన్‌ గుర్తింపు పొందడం జరిగింది. ఇటీవల టీఎంయూలో చీలిక నేపథ్యంలో ఈ యూ, ఎస్‌డబ్ల్యూఎఫ్‌, ఐఎన్‌టీయుసీ అనుబంధ ఎస్‌డబ్ల్యూయూతో పాటు ఇతర సంఘాలు ఆ యూనియన్‌ వారిని ఆకర్షించడంపై దృష్టి సారించాయి. ప్రధాన అంశాలు.. ఆర్టీసీని ప్రభుత్వంలో విలీనం చేయాలనేది సంఘాల ప్రధాన డిమాండ్‌. దీంతో పాటు వేతన బకాయిలు, డీఏ చెల్లింపులు, డిపోల్లో పనివేళలు, రన్నింగ్‌ టైం, కార్మిక భద్రత సమస్యలనే ఎజెండాగా చేసుకుని ఓటర్లను ఆకట్టుకునేందుకు యూనియన్లు ఇప్పటికే రంగంలోకి దిగాయి. రాష్ట్ర, రీజియన్‌ స్థాయిలో ఆయా సంఘాలు తమకు ఉపయుక్తంగా ఉండేలా పొత్తుల కోసం ప్రయత్నాలు చేస్తున్నాయి. ఈ దిశగా అన్ని రీజియన్లు, డిపోల్లో ఆయా విస్తృతంగా మంతనాలు చేస్తు ఎక్కడ, ఎలా, ఎవరితో కలిసి వెళ్లాలనే విషయంలో ప్రణాళికలు చేస్తున్నారు. రెండు ఓట్లు..ఆర్టీసీ ఎన్నికల్లో రాష్ట్ర గుర్తింపు సంఘం, రీజియన్‌ గుర్తింపు వేర్వేరుగానే ఉంటాయి. ఈ రెండు స్థాయిల ప్రతినిధులను ఎన్నుకోవడానికి ఒకేసారి రెండు వేర్వేరు బ్యాలెట్‌ పత్రాలను అందిస్తారు. రాష్ట్ర గుర్తింపు ఎన్నికల్లో అత్యధిక మెజార్టీ సాధించిన ఒకే ఒక కార్మిక సంఘానికి గుర్తింపు హోదా ఇస్తారు. రీజియన్‌ గుర్తింపులో వైవిధ్యముంది. రీజియన్‌ పరిధిలోని మొత్తం ఓట్లలో సగం కంటే ఒక్క ఓటు అధికంగా సాధించిన పక్షంలోనే ఆ సంఘానికి రీజియన్‌ గుర్తింపునివ్వడం జరుగుతుంది. ఒకవేళ ఏ సంఘానికి ఆ స్థాయిలో ఓట్లురాని పక్షంలో రాష్ట్రస్థాయి గుర్తింపు పొందిన సంఘమే రీజియన్‌లోనూ గుర్తింపు కలిగి ఉంటుంది. ఇలా ఆర్టీసీ ఎన్నికల్లో ఈ రెండు ఎన్నికల పరంగా సంఘాల మధ్య పోరు కన్పిస్తుంది.

బాసర: బాసర జ్ఞాన సరస్వతి అమ్మవారి ఆలయానికి వచ్చే భక్తుల సౌకర్యార్థం ఎస్‌బీఐ అందజేసిన ఉచిత బస్సు సేవలు శనివారం ప్రారంభమయ్యాయి. హైదరాబాద్‌లో ఎస్‌బీఐ చైర్మన్‌ ఆలయ ఈవో అంజనదేవికి అప్పగించిన బస్సును బాసరలో ప్రత్యేక పూజలు నిర్వహించిన అనంతరం ఎస్‌బీఐ బాసర శాఖ మేనేజర్‌ అశోక్‌కుమార్‌, ఆలయ అధికారులు ప్రారంభించారు. భక్తుల సౌకర్యార్థం సుమారు రూ.25 లక్షల వ్యయంతో ఎస్‌బీఐ శాఖ అందజేసిన ఈ బస్సు గోదావరి రైల్వేస్టేషన్‌ నుంచి బాసర ఆలయం వరకు భక్తులకు ఉచిత రవాణా సేవలు అందించనుంది. ఈ కార్యక్రమంలో ఆలయ ఈవో అంజనదేవి, స్థానాచార్యులు ప్రవీణ్‌ పాటక్‌, ప్రధాన అర్చకులు సంజు పూజారి, అర్చకులు మురళీ శర్మ, తదితరులు పాల్గొన్నారు.

ఆదిలాబాద్‌టౌన్‌: విద్యార్థి దశ నుంచే శాసీ్త్రయ దృక్పథం పెంపొందించుకోవాలని డీఈవో మాధవి అన్నారు. శనివారం ప్రభుత్వ డైట్‌ కళాశాలలో జిల్లా స్థాయి సౌత్‌ ఇండియా సైన్స్‌ డ్రామా, సెమినార్‌ పోటీలు నిర్వహించారు. జిల్లాలోని వివిధ పాఠశాలలకు చెందిన 80 మంది విద్యార్థులు పాల్గొన్నారు. సైన్స్‌ డ్రామాలో సెయింట్‌ జోసెఫ్‌ కాన్వెంట్‌ హైస్కూల్‌ ప్రథమ, జెడ్పీఎస్‌ఎస్‌ లక్ష్మీపూర్‌ ద్వితీయ స్థానాలు సాధించాయి. సెమినార్‌లో లిటిల్‌ ఫ్లవర్‌ హైస్కూల్‌ విద్యార్థిని ఎస్‌.వైష్ణవి ప్రథమ, సెయింట్‌ జోసెఫ్‌ విద్యార్థిని సీహెచ్‌.సహస్ర ద్వితీయ స్థానంలో నిలిచారు. ప్రథమ స్థానంలో నిలిచిన వారు రాష్ట్రస్థాయి పోటీల్లో పాల్గొంటారని జిల్లా సైన్స్‌ అధికారి ఆరె భాస్కర్‌ తెలిపారు. న్యాయనిర్ణేతలుగా గిరీష్‌ స్వామి, ప్రశాంత్‌, సుజిత్‌ వ్యవహరించారు. కార్యక్రమంలో డైట్‌ ప్రిన్సిపాల్‌ డాక్టర్‌ అబ్దుల్‌ హై, వైస్‌ ప్రిన్సిపాల్‌ కిరణ్‌, ప్రధానోపాధ్యాయుడు లక్ష్మణ్‌ తదితరులు పాల్గొన్నారు.

ఆదిలాబాద్‌: జిల్లా యువతకు స్థానికంగానే ఐటీ రంగంలో ఉద్యోగ అవకాశాలు కల్పించేందుకు ప్రభుత్వం కృషి చేస్తోందని డీసీసీ అధ్యక్షుడు నరేశ్‌ జాదవ్‌ అన్నారు. ఎన్‌హెచ్‌ 44ను ఆనుకుని నిర్మాణం పూర్తయిన ఐటీ టవర్‌ త్వరలో ప్రారంభం కానుందని తెలిపారు. ఏఎంసీ చైర్మన్‌ బోరంచు శ్రీకాంత్‌రెడ్డితో పాటు పలువురు నాయకులతో కలిసి టవర్‌ను శనివారం సందర్శించి వసతులను పరిశీలించారు. ఈ సందర్భంగా ఆయన మాట్లాడుతూ.. ఐటీ, పరిశ్రమల శాఖ మంత్రి శ్రీధర్‌బాబు త్వరలో ఐటీ టవర్‌ను ప్రారంభించడంతో పాటు కంపెనీలు తమ కార్యకలాపాలు నిర్వహించేలా ఆహ్వానిస్తున్నట్లు ఇటీవల అసెంబ్లీలో ప్రకటించారని తెలిపారు. గాంధీ జయంతి సందర్భంగా ప్రారంభించే అవకాశాలున్నాయని వెల్లడించారు. మంత్రి శ్రీధర్‌బాబు, ఇన్‌చార్జి మంత్రి జూపలి కృష్ణారావు తదితరులు హాజరయ్యే అవకాశం ఉందన్నారు. ఐటీ కంపెనీలు ఆదిలాబాద్‌లో కార్యకలాపాలు ప్రారంభిస్తే స్థానిక యువతకు ఉద్యోగ అవకాశాలు లభిస్తాయని, ఇది జిల్లా అభివృద్ధిలో మైలురాయిగా నిలుస్తుందని పేర్కొన్నారు. కార్యక్రమంలో బట్టిసావర్గాం సర్పంచ్‌ శ్రీనివాస్‌రెడ్డి, నాయకులు దుర్గం శేఖర్‌, బాలూరి గోవర్ధన్‌రెడ్డి, గండ్రత్‌ సుజాత, సాజిద్‌ ఖాన్‌, గోక గణేశ్‌రెడ్డి, అంబకంటి అశోక్‌, బెజ్జంకి అనిల్‌, ప్రేమల తదితరులు పాల్గొన్నారు.

కడెం: మండలంలోని చిన్నబెల్లాల్‌ జీపీ పరిధిలోని నర్సింగాపూర్‌ (పెర్కపల్లె)కు చెందిన ఎల్తాపు సాయికుమార్‌ గడ్డి మందు తాగి ఆత్మహత్యకు యత్నించాడు. బాధితుడు, స్థానికులు తెలిపిన మేరకు వివరాలు ఇలా ఉన్నాయి. గ్రామ ఉప సర్పంచ్‌ భర్త ఎల్తాపు శ్రీనివాస్‌కు, సాయికుమార్‌ కుటుంబానికి భూవివాదం ఉండడంతో శనివారం గ్రామంలో పెద్ద మనుషుల సమక్షంలో పంచాయతీ నిర్వహించారు. చిన్నబెల్లాల్‌ గ్రామ ఉప సర్పంచ్‌ భర్త ఇందిరమ్మ ఇల్లు కట్టుకొనివ్వకుండా అడ్డుకుంటున్నాడని, తనకు న్యాయం చేయాలని ఆవేదన వ్యక్తం చేస్తూ పంచాయతీ జరుగుతుండగానే ఇంట్లోకి వెళ్లి గడ్డి మందు తాగాడు. అక్కడే ఉన్న పోలీసు సిబ్బంది, స్థానికులు అడ్డుకుని 108లో ఖానాపూర్‌ ప్రభుత్వాసుపత్రికి, అక్కడి నుంచి జిల్లా కేంద్రంలోని ప్రభుత్వాసుపత్రికి తరలించారు.

ఉట్నూర్‌రూరల్‌: ఉమ్మడి ఆదిలాబాద్‌ జిల్లాలోని నిరుద్యోగుల జీవితాల్లో ‘ఆర్‌సెటి’ వెలుగులు నింపుతోంది. గ్రామీణ యువత, మహిళలు తమకాళ్లపై తాము నిలబడి ఆర్థిక స్వావలంబన సాధించేందుకు ఉట్నూర్‌ కేబీ ప్రాంగణంలోని ఎస్‌బీఐ–గ్రామీణ స్వయం ఉపాధి శిక్షణ (ఆర్‌సెటి) సంస్థ ఉచితంగా ఉపాధి శిక్షణ కార్యక్రమాలు నిర్వహిస్తోంది. 18 నుంచి 45 సంవత్సరాల వయస్సు కలిగిన నిరుద్యోగ యువతులు, మహిళలకు మగ్గం వర్క్‌, టైలరింగ్‌ (కుట్టు మిషన్‌) పలు రకాల ఉపాధి కోర్సుల్లో ఉచిత భోజన, వసతితో పాటు కోర్సు మెటీరియల్‌ను కూడా అందిస్తున్నారు. శిక్షణ పూర్తి చేసుకున్న అభ్యర్థులకు ప్రభుత్వ గుర్తింపు పొందిన ఆర్‌సెటి ధ్రువపత్రాలు అందజేస్తున్నారు. 2007 జూన్‌ 30న సంస్థ ప్రారంభం నుండి ఇప్పటి వరకు 381 బ్యాచ్‌ల్లో 11,059 మందికి శిక్షణ అందించారు. అందులో 9,409 మంది స్వయం ఉపాధిలో స్థిరపడ్డారు. వీరిలో 4,010 మంది స్వయంగా, 4,357 మంది బ్యాంకు రుణాల సహాయంతో వ్యాపారాలు, యూనిట్లు ప్రారంభించి ఆర్థికంగా నిలదొక్కుకున్నట్లు సంస్థ నిర్వాహకులు పేర్కొంటున్నారు. బాధ్యతగా భావిస్తున్నాం.. గ్రామీణ ప్రాంత మహిళలకు టైలరింగ్‌, మగ్గం వర్క్‌లో నాణ్యమైన శిక్షణ అందిస్తున్నాం. వారిలో నైపుణ్యాలను పెంపొందించడం ద్వారా స్వయం ఉపాధి పొందేలా చేయడం మా బాధ్యతగా భావిస్తున్నాం. – బి.మౌనిక, మగ్గం వర్క్‌ ఇన్‌స్ట్రక్టర్‌ సద్వినియోగం చేసుకోవాలి ‘గ్రామీణ యువత, మహిళల్లో స్వయం ఉపాధి సాధన కోసం ఉట్నూర్‌ ఎస్‌బీఐ ఆర్‌సెటీ సంస్థ నిరంతరం కృషి చేస్తోంది. ని రుద్యోగులను వ్యాపారవేత్తలు గా తీర్చిదిద్దడమే మా సంస్థ ము ఖ్య ఉద్దేశం. అర్హులైన అభ్యర్థులు ఈ అవకాశాలను సద్వినియోగం చేసుకోవాలి. – నరసింహారావు, డైరెక్టర్‌, ఎస్‌బీఐ ఆర్‌సెటీ, ఉట్నూర్‌ ఆర్థిక ప్రాధాన్యత పెరిగేలా.. ‘ఆధునిక పద్ధతులు, మోడల్స్‌ నేర్పిస్తూ మహిళలకు స్వయం ఉపాధిపై పూర్తిస్థాయి అవగాహన కల్పిస్తున్నాం. శిక్షణ అనంతరం వారు సొంతంగా కుట్టు శిక్షణ కేంద్రాన్ని లేదా షాప్‌ను ప్రారంభించవచ్చు. – జి.స్వరూప, టైలరింగ్‌ ఇన్‌స్ట్రక్టర్‌, వరంగల్‌ కుట్టు శిక్షణ నేర్చుకుంటున్న మహిళలు, యువతులు

కై లాస్‌నగర్‌: ఎల్‌నినో ప్రభావంతో ఈ ఏడాది వాతావరణ పరిస్థితులు అనుకూలంగా లేవు. సాగు పనులు ఆశించినస్థాయిలో జరగడం లేదు. ఈ క్రమంలో కేంద్ర, రాష్ట్ర ప్రభుత్వాలు అమలు చేస్తున్న వీబీజీ రాంజీ (ఉపాధి హామీ) పనులకు ప్రాధాన్యత ఏర్పడింది. గడిచిన రెండున్నర నెలల్లోనే జిల్లావ్యాప్తంగా 2.99 లక్షల పనిదినాలు పూర్తికావడం గమనార్హం. ఇందులో కూలీలకు ఇప్పటి వరకు రూ.9,01,97,120 లను చెల్లింపులు చేశారు. గ్రామీణ ప్రాంతాల్లో జూలై నుంచే ఉపాధి హామీ పనులు ముమ్మరంగా సాగుతున్నాయి. భవిష్యత్తులో నీటి కరువు పరిస్థితులు ఏర్పడకుండా ఉండాలనే ఉద్దేశంతో అధికారులు జలసంరక్షణకు ప్రాధాన్యతనిస్తున్నారు. ఈ ఏడాది పూర్తయ్యే పనిదినాల ఆధారంగానే భవిష్యత్తులో నిధులు కేటాయించే అవకాశముంది. 2.99లక్షల పనిదినాలు పూర్తి మహాత్మాగాంధీ జాతీయ గ్రామీణ ఉపాధి హామీ పథకంగా కొనసాగిన పథకం పేరును వీబీజీ రాంజీగా మార్చిన కేంద్ర ప్రభుత్వం ఈ ఏడాది జూలై 1నుంచి అమల్లోకి తెచ్చింది. గతంలో మాదిరి కాకుండా కేంద్ర ప్రభుత్వం 60శాతం, రాష్ట్ర ప్రభుత్వం 40శాతం నిధులను ఈ పథకానికి కేటాయించేలా మార్పులు చేసింది. ప్రస్తుతం గ్రామీణ ప్రాంత వ్యవసాయ కూలీలు, రైతులకు ఈ పథకం వరంలా మారింది. జిల్లా వ్యాప్తంగా ఈ పనులు ముమ్మరంగా సాగుతున్నాయి. జూలై 1 నుంచి ఈ నెల 19 వరకు 2,99,464 పనిదినాలు పూర్తి కావడం చూస్తే పనులకు ఏర్పడిన డిమాండ్‌ అర్థమవుతోంది. అత్యధికంగా ఉట్నూర్‌ మండలంలో 31,513 పనిదినాలు కల్పించగా అత్యల్పంగా మావలలో 4,542 పనిదినాలు కల్పించారు. జల సంరక్షణపై ఫోకస్‌ జిల్లాలో వర్షాధారంగానే వ్యవసాయ పనులు సాగుతుంటాయి. అయితే ఎల్‌నినో కారణంగా ఈ సారి ఆశించిన స్థాయిలో వర్షాలు కురవలేదు. దీంతో గ్రామాల్లో సాగు పనులు మందగించాయి. ఈ క్రమంలో కూలీలతో పాటు, రైతులు సైతం ఉపాధి పనులపై మక్కువ చూపుతున్నారు. ప్రతి గ్రామ పంచాయతీలో కనీసం 50 మంది కూలీలకు పనులు కల్పించాలనే లక్ష్యాన్ని నిర్దేశించారు. ఈమేరకు వారంతా ఈ పథకాన్ని సద్వినియోగం చేసుకుంటున్నారు. వర్షాభావ పరిస్థితుల కారణంగా భూగర్భజలాలు అడుగంటిపోయే ప్రమాదాన్ని గుర్తించిన అధికారులు జల సంరక్షణ చర్యలకు ప్రాధాన్యత ఇస్తున్నారు. ఫాంపౌండ్‌లు, ఇంకుడుగుంతలు, మొక్కలు నాటడం వంటి పనులు చేపడుతున్నారు. దీంతో కూలీలకు ఉపాధితో పాటు భూగర్భజలాల పెంపునకు దోహదపడుతుంది. వీటితో పాటు ఇందిరమ్మ ఇళ్ల నిర్మాణాలు చేపట్టిన లబ్ధిదారులకు 90 రోజుల పనిదినాలు కల్పించేటట్లుగా బిల్లులను చెల్లిస్తున్నారు. ప్రతి కూలీకి పని కల్పించేలా చర్యలుఎల్‌నినో ప్రభావంతో వీబీజీ రాంజీ పనులకు వచ్చే కూలీల సంఖ్య పెరుగుతుంది. అందరికీ పని కల్పించడంపై శ్రద్ధ వహిస్తున్నాం. ఒక్కో గ్రామంలో కనీసం 50 మంది పనిచేసేలా లక్ష్యాన్ని నిర్దేశించాం. కొత్తగా జాబ్‌కార్డులు పొందాలనుకునేవారు, ఇతరత్రా సమస్యలుంటే ఎంపీడీవోలను సంప్రదించి పరిష్కరించుకోవచ్చు. భూగర్భజలాల సంరక్షణకు అత్యంత ప్రాధాన్యతనిచ్చి పనులు చేపడుతున్నాం. – రాథోడ్‌ రవీందర్‌, డీఆర్డీవోవీవీజీ రాంజీ ద్వారా కూలీలకు కల్పించిన పనులు, చెల్లించిన నిధుల వివరాలునెల కల్పించిన చెల్లించిన సరాసరి పనిదినాలు నిధులు కూలి జూలై 1,77,184 రూ.5.38 కోట్లు రూ.304 ఆగస్టు 93,713 రూ.2.80 కోట్లు రూ.299 సెప్టెంబర్‌ 28,567 రూ.83.12కోట్లు రూ.291

నిర్మల్‌ఖిల్లా: ‘పిల్లలకు పాఠం చెప్పడం మాత్రమే కాదు.. పాఠాన్ని వారు స్వీయానుభవ వాతావరణం కల్పించాలి. ప్రశ్నించేలా, ఆలోచించేలా, సమస్యలను పరిష్కరించేలా ప్రోత్సహించాలి. అప్పుడే నిజమైన అభ్యసనం సాధ్యమవుతుంది..’ అని సింగపూర్‌ విద్యా పర్యటన నుంచి తిరిగి వచ్చిన నిర్మల్‌ జిల్లా భైంసా మండలం వానల్‌పాడ్‌ ప్రభుత్వ పాఠశాల ఉపాధ్యాయుడు మాదరి ఎల్ల న్న అభిప్రాయపడ్డారు. ఇంటర్నేషనల్‌ ఎక్స్‌పోజర్‌ విజిట్‌ అండ్‌ ఎడ్యుకేషనల్‌ ఎక్స్చేంజ్‌ ప్రోగ్రాంలో భాగంగా రాష్ట్ర వ్యాప్తంగా ఎంపికై న 29 మంది ఉపాధ్యాయుల బృందంతో ఈ నెల 12 నుంచి 19 వరకు సింగపూర్‌లో విద్యా పర్యటనలో పాల్గొన్నారు. శిక్షణలో ప్రతిభ కనబర్చినందుకు ప్రశంసాపత్రం అందుకున్నారు. అక్కడి పాఠశాలల్లో ఆధునిక బోధనా విధానాలను వివరించారు. పర్యటనలో ఆకట్టుకున్న అంశాలు సింగపూర్‌లోని సెయింట్‌ పాట్రిక్స్‌ పాఠశాల, కెల్లాక్స్‌ పాఠశాలలను సందర్శించాం... ఉపాధ్యాయుడు బోధించే వ్యక్తిగా కాకుండా.. విద్యార్థులను ఆలోచింపజేసే మార్గదర్శిగా వ్యవహరిస్తున్న విధానం ఆకట్టుకుంది. తరగతి గదిలో పిల్లల భాగస్వామ్యానికి ఎంతో ప్రాధాన్యం ఇస్తున్నారు. సృజనాత్మకత, విమర్శనాత్మక ఆలోచన, సమస్య పరిష్కారం, సహచర అభ్యసనం వంటి అంశాలను బోధనలో భాగం చేశారు. ఆ విధానాలను ఇక్కడి పాఠశాలల్లో అమలు పర్చవచ్చా? యథాతథంగా కాకున్నా వాటి వెనుక ఉన్న ఆలోచనను మన పరిస్థితులకు అనుగుణంగా మలచుకోవాలి. అందుబాటులో ఉన్న వనరులతోనే ఎన్నో వినూత్న కార్యక్రమాలు చేపట్టవచ్చు. ప్రాథమిక స్థాయిలో ఆటలు, కథలు, పాటలు, బొమ్మలు, స్థానిక వస్తువులతో బోధనను మరింత ఆనందదాయకంగా మార్చవచ్చు. అక్షరాస్యత, సంఖ్యాజ్ఞానాన్ని కార్యాచరణ ఆధారిత అభ్యసనంతో బలోపేతం చేయవచ్చు. అక్కడి బోధనా పద్ధతుల్లో ప్రత్యేకతలు ఆట.. కథ.. పాట.. బొమ్మలతో కూడిన కృత్యాలు.. సాంకేతికత ఇవన్నీ అక్కడి బోధనలో సహజంగా కలిసిపోయాయి. పిల్లలు పుస్తకంలోని విషయాలను చదవడం కాకుండా, వాటిని స్వయంగా పరిశీలించి, చర్చించి, అనుభవించి నేర్చుకునే వాతావరణం కనిపించింది. విద్యార్థుల అభిప్రాయాలకు కూడా ప్రాధాన్యతనిస్తున్నారు. నిరంతర మూల్యాంకనం ద్వారా పిల్లల అభ్యసన స్థాయిని ఎప్పటికప్పుడు తెలుసుకుంటున్నారు. మీ పాఠశాలలో ఎలా ఉపయోగించబోతున్నారు? తోటి ఉపాధ్యాయులతో పంచుకుంటాను. పాఠశాల అవసరాలకు అనుగుణంగా చిన్నచిన్న మార్పులతో ప్రారంభిస్తాం. ఒక ఉపాధ్యాయుడి అనుభవం మొత్తం పాఠశాల అభ్యసన వాతావరణాన్ని మార్చగలిగితే.. అది నిజమైన అంతర్జాతీయ ఎక్స్‌పోజర్‌కు అర్థం అని భావిస్తున్నా.

పుస్తకాల్లేకుండా బడికి రా వడం సంతోషంగా ఉంది. ఈ రోజు మాకు ప్రెష్‌ గా ఎంజాయ్‌డేగా అని పించింది. ఉదయం నుంచి సాయంత్రం వరకు ఆ టపాటల్లో మునిగితేలాం. ఖోఖో ఇతర ఆటలు ఆడాం. లైబ్రరీలో నచ్చిన పుస్తకాలు చదివాం. భయం లేని చదువు, బ్యాగులేని రోజు మనస్సు తేలికగా ఉంటుంది. – నైతిక, విద్యార్థిని, ఆరో తరగతి, ప్రభుత్వ బాలికల ఉన్నత పాఠశాల, ఆదిలాబాద్‌ ఆటలు ఆడాం.. పాటలు పాడాంబ్యాగు లేకుండానే బడికి రమ్మన్నారు. ఒకటి, రెండు బుక్‌లు తీసుకుని వచ్చాను. స్నేహితురాళ్లతో కలిసి ఆటలు ఆడు తూ, పాటలు పాడుతూ గడిపాం. బడికి వచ్చినట్లుగా కా కుండా విహారయాత్రకు వచ్చినట్లుగా అనిపించింది. మా టీచర్లు కూడా మాతో పాటు కూర్చుని ఆటలు ఆడటం ఆనందాన్నిచ్చింది. – ఽఘనశ్రీ, విద్యార్థిని, ఆరో తరగతి, ప్రభుత్వ బాలికల ఉన్నత పాఠశాల, ఆదిలాబాద్‌ ప్రభుత్వ నిర్ణయం మంచిదేరోజు పుస్తకాలతో బడికి వస్తున్నాం. ఏడాది పా టు చదువుతున్నాం. నెలలో ఒకసారి ఇలా పుస్తకా లు లేకుండా బడికి రావ డం సంతోషంగా ఉంది. ప్రభుత్వ నిర్ణయం బాగుంది. మాపై ఒత్తిడిని దూరం చేస్తోంది. నచ్చిన ఆటలు ఆడుతూ ఎంజాయ్‌ చేశాం. – స్వీటీ, విద్యార్థిని, గెజిటెడ్‌ నం.1పాఠశాల, ఆదిలాబాద్‌

ఆదిలాబాద్‌రూరల్‌: లక్ష్యసాధన కోసం ప్రణా ళికాబద్ధంగా శ్రమిస్తే విజయం తథ్యమని కలెక్ట ర్‌ రాజర్షిషా అన్నారు. జిల్లా కేంద్రంలోని బీసీ, ఎస్సీ స్టడీ సర్కిళ్ల ఆధ్వర్యంలో 200 మంది అ భ్యర్థులకు కానిస్టేబుల్‌, ఎస్సై ఉద్యోగాల కో సం ఉచిత శిక్షణ కార్యక్రమాన్ని శనివారం ఆ యన ప్రారంభించారు. ఇటీవల స్టడీ సర్కిళ్లలో శిక్షణ పొంది ఉద్యోగాలు సాధించిన పలువురి ని శాలువాతో సత్కరించి అభినందించారు. ఈ సందర్భంగా ఆయన మాట్లాడుతూ, అభ్యర్థులు ఉచిత శిక్షణను సద్వినియోగం చేసుకోవా లని సూచించారు. తాను ఐఐటీ కాన్పూర్‌లో చదివే రోజుల్లో సీనియర్ల సలహాలు, సూచనలు తీసుకుని లక్ష్యాన్ని సాధించానని గుర్తు చేసుకున్నారు. ఇందులో ఇన్‌చార్జి జిల్లా బీసీ సంక్షే మ శాఖ అధికారి సునీతకుమారి, ఎస్సీ, బీసీ స్టడీ సర్కిల్‌ డైరెక్టర్లు ప్రవీణ్‌ కుమార్‌, డాక్టర్‌ రమేశ్‌, ఫ్యాకల్టీ రమణ, మోటివేటర్‌ విజయబాబు, సిబ్బంది, అభ్యర్థులు పాల్గొన్నారు.

తానూరు: మండలంలోని భోసిలో కొలువుదీరిన కర్ర వినాయకుడిని దర్శించుకునేందుకు శనివారం తెలంగాణతో పాటు మహారాష్ట్ర నుంచి భక్తులు తరలివచ్చారు. మల్కాజ్గిరి మాజీ ఎమ్మెల్యే హన్మంత్‌రావ్‌, ముధోల్‌ మాజీ ఎమ్మెల్యే విఠల్‌రెడ్డి ఆలయంలో ప్రత్యేక పూజలు నిర్వహించారు. ఈ సందర్భంగా వారు మాట్లాడుతూ పర్యావరణ పరిరక్షణకు హాని కలగకుండా ఒకే వినాయకుని ప్రతిష్టించి భక్తిశ్రద్ధలతో పూజించడం గర్వకారణంగా ఉందని గ్రామస్తులను అభినందించారు. అనంతరం ఆలయ కమిటీ సభ్యులు వారికి స్వామివారి చిత్రపటం అందించి సత్కరించారు. ఈ కార్యక్రమంలో ఆలయ కమిటీ అధ్యక్షుడు ఉత్తం బాలేరావ్‌, ఉపసర్పంచ్‌ లక్ష్మణ్‌, గ్రామ కమిటీ అధ్యక్షుడు బాలాజీ, తదితరులు పాల్గొన్నారు.

ఇంద్రవెల్లి: విద్యుత్‌ షాక్‌తో బైక్‌ సర్విసింగ్‌ సెంటర్‌ యాజమని మృతి చెందిన సంఘటన మండల కేంద్రంలో చోటు చేసుకుంది. ప్రత్యక్ష సాక్షులు తెలిపిన వివరాల ప్రకారం మండలంలోని ఏమాయికుంటకు చెందిన పవార్‌ వికాష్‌ (27), అతని తమ్ముడు పవార్‌ రాహుల్‌ ఇద్దరూ కలిసి ఇటీవల మండల కేంద్రంలోని పర్ధాన్‌గూడలో బైక్‌ సర్విసింగ్‌ సెంటర్‌ ఏర్పాటు చేశారు. శనివారం సాయంత్రం వికాష్‌ బైక్‌ వాటర్‌ సర్విసింగ్‌ చేస్తుండగా విద్యుత్‌ షాక్‌కు గురై స్పృకోల్పోయాడు. గమనించిన స్థానికులు వెంటనే 108కు సమాచారం అందించగా ఆదిలాబాద్‌లోని రిమ్స్‌కు తరలిస్తుండగా మార్గమధ్యలోనే మృతి చెందాడు. మృతునికి భార్య అక్షిత, కుమార్తె (రెండు నెలలు) ఉన్నారు.

భీమిని: మండలంలోని చిన్నతిమ్మపూర్‌ గ్రామ పంచాయతీ పరిధిలోని తంగేళ్ళపల్లి గ్రామానికి వెళ్లాలంటే తప్పనిసరిగా వాగు దాటాల్సిందే. మండలా ల విభజనలో కొమురంభీం జిల్లా దహేగాం మండలంలోని చిన్నతిమ్మపూర్‌ గ్రామ పంచాయతీ భీ మిని మండలంలో విలీనమైంది. దీంతో ప్రస్తుతం గ్రామస్తులకు దహేగాం మండలం నుంచి వైద్యసే వలు అందుతున్నాయి. శనివారం వైద్య సిబ్బంది గ్రామానికి వెళ్లి వైద్య సేవలు అందించారు. తిరుగు ప్రయాణంలో దహేగాంకు వెంకటాపూర్‌, మాడవెల్లి, సాలీగాం మీదుగా వాహనంలో పలువురు వైద్య సిబ్బంది వెళ్ళారు. కాగా చిన్నతిమ్మపూర్‌కు చెందిన ఆశ కార్యకర్త వెంకుబాయి తంగేళ్ళపల్లి నుంచి చిన్నతిమ్మపూర్‌కు వెళ్ళేందుకు ఎర్రవాగు ప్రమాదకరంగా ప్రవహిస్తుండడంతో స్థానికులు దగ్గరుండి దా టించారు. వర్షాకాలంలో అనేక ఇబ్బందులు పడుతున్నామని, ఇప్పటికై నా అధికారులు, ప్రజాప్రతినిధులు స్పందించి తంగేళ్ళపల్లి, చిన్నతిమ్మపూర్‌ మ ధ్యలో ఎర్రవాగుపై వంతెన నిర్మించి తమకష్టాలు తీర్చలాని ఆయా గ్రామాల ప్రజలు కోరుతున్నారు.

లక్ష్మణచాంద: మనస్తాపంతో మహిళ ఆత్మహత్యకు పాల్పడిన ఘటన మండలంలో చోటు చేసుకుంది. మండలంలోని బోరిగాం తండాకు చెందిన రాథోడ్‌ శోభ (31) శుక్రవారం ఇదే గ్రామానికి చెందిన కొందరు మహిళలతో గొడవ పడింది. దీంతో మనస్తాపం చెంది శనివారం ఉదయం ఇంటినుంచి బయటకు వెళ్లింది. కుటుంబ సభ్యులు వెతికే క్రమంలో గ్రామ సమీపంలోని వ్యవసాయ బావి వద్ద పాదరక్షలు కనిపించాయి. అనుమానంతో బావిలో గాలించగా మృతదేహం లభ్యమైంది. మృతురాలి తల్లి మీరాబాయి ఫిర్యాదు మేరకు కేసు నమోదు చేసుకుని దర్యాప్తు జరుపుతున్నట్లు ఎస్సై శ్రావణి తెలిపారు. మద్యానికి బానిసై ఒకరు బలవన్మరణం

ఖిలావరంగల్‌: క్రీడల్లో రాణిస్తే ఉజ్వల భవిష్యత్‌ ఉంటుందని కేయూ రిజిస్ట్రార్‌ ప్రొఫెసర్‌ జి.రామచంద్రం అన్నారు. వరంగల్‌ బొల్లికుంటలోని వాగ్దేవి ఇంజనీరింగ్‌ కళాశాల క్రీడామైదానంలో వాగ్దేవి కళాశాల ఆఫ్‌ ఫిజికల్‌ ఎడ్యుకేషన్‌ ఆధ్వర్యంలో నిర్వహిస్తున్న కేయూ యూనివర్సిటీ అండ్‌ కాలేజ్‌ 2026–27 క్రీడోత్సవాలు శనివారం ప్రారంభమయ్యాయి. రిజిస్ట్రార్‌ రామచంద్రం క్రీడోత్సవాలను ప్రారంభించి మాట్లాడారు. వరంగల్‌, ఖమ్మం, ఆదిలాబాద్‌ తదితర ఉమ్మడి జిల్లాల నుంచి సుమారు 780 మందితో మహిళా క్రీడోత్సవాలు ప్రారంభించినట్లు తెలిపారు. ఈ నెల 19 నుంచి 21 వరకు కబడ్డీ, సాఫ్ట్‌బాల్‌, బాస్కెట్‌బాల్‌, బాల్‌ బ్యాడ్మింటన్‌, క్రాస్‌ కంట్రీ తదితర క్రీడా పోటీలు కొనసాగనున్నట్లు వివరించారు. కార్యక్రమంలో స్పోర్ట్స్‌ బోర్డ్‌ సెక్రటరీ ప్రొఫెసర్‌ టి.శాస్త్రి, వాగ్దేవి కళాశాల డైరెక్టర్‌ వాణిదేవి, హెచ్‌.సుదర్శన్‌రెడ్డి, ప్రిన్సిపాల్‌ ప్రొఫెసర్‌ సునీల్‌రెడ్డి, ఆర్గనైజింగ్‌ సెక్రటరీ రవీందర్‌, ఫిజికల్‌ డైరెక్టర్లు పాల్గొన్నారు.

నేను డిగ్రీ పూర్తి చేశా. ఆర్‌సెటీలో మగ్గం వర్క్‌లో శిక్షణ తీసుకున్నా. సొంతంగా వ్యా పారం ప్రారంభించి ఆర్థికంగా నిలదొక్కుకునేందుకు ఈ శిక్షణ ఎంతగానో ఉపయోగపడుతోంది. ఈ శిక్షణ నాలో ఆత్మవిశ్వాసాన్ని నింపింది. – సోయం స్వప్న, గౌట సాంగ్వీ, బోథ్‌, ఆదిలాబాద్‌ ఉపాధి మార్గం ఎంచుకోవచ్చు నేను పదో తరగతి వరకు చదువుకున్నా. నాలాంటి యువతులు టైలరింగ్‌ నేర్చుకుని తమ గ్రామాల్లోనే స్వయం ఉపాధి మార్గాన్ని ఎంచుకోవచ్చు. మ హిళలు, యువతులు ఈ అవకాశాన్ని సద్వినియోగం చేసుకోవాలి. – ఆత్రం సౌమ్య, మాణిక్యాపూర్‌, తిర్యాణి, కుమురంభీం ధైర్యం వచ్చింది నేను పదో తరగతి వరకు చదువుకున్నా. ఆర్‌సెటీలో టైలరింగ్‌లో శిక్షణ పొందా. నాలాంటి గ్రామీణ యువతులకు ఆర్‌సెటీ ఉచితంగా అందిస్తున్న శిక్షణ ఎంతగానో మేలు చేస్తోంది. నా కాళ్లపై నేను నిలబడతాననే ధైర్యం వచ్చింది. – సిడాం సంధ్య, లోహ, దహెగాం, కుమురంభీం

నార్నూర్‌: గంజాయి, మాదక ద్రవ్యాల నిర్మూలనకు ప్రజలు సహకరించాలని ఆదిలాబాద్‌ ఎస్పీ అఖిల్‌ మహాజన్‌ కోరారు. మండలంలోని గుండాల గోండుగూడలో శనివారం ‘పోలీసులు మీకోసం’ కార్యక్రమంలో ఆయన మాట్లాడారు. గంజాయి సాగు చేస్తే ప్రభుత్వ సంక్షేమ పథకాలు నిలిపివేసేలా సంబంధిత శాఖలకు సిఫార్సు చేస్తామన్నారు. మాదకద్రవ్యాల నిర్మూలనలో యువత కీలక పాత్ర పోషించాలన్నారు. విద్యార్థులు ఉన్నత విద్యను అభ్యసించి భవిష్యత్‌లో ఉన్నత స్థాయికి ఎదగాలని సూచించారు. విద్యార్థులకు 50 పుస్తకాలు, పెన్నులు అందజేశారు. ఫ్లోరైడ్‌ సమస్యతో ఇబ్బందులు పడుతున్న గుండాల గోండుగూడకు త్వరలో ఆర్వో వాటర్‌ ప్లాంట్‌ ఏర్పాటు చేస్తామని ఎస్పీ హామీ ఇచ్చారు. అనంతరం గ్రామంలో ఉచిత వైద్య శిబిరం నిర్వహించారు. ఆదిలాబాద్‌కు చెందిన వైద్యులు జనరల్‌ సర్జరీ, ఆర్థోపెడిక్‌, గైనకాల జీ, ఆప్తమాలజీ, డెంటల్‌, పీడియాట్రిక్‌ విభాగాల్లో సుమారు 200 మందికి పరీక్షలు నిర్వహించి ఉచితంగా మందులు అందజేశారు. కార్యక్రమంలో ఏఎస్పీ రుత్విక్‌ సాయి, నార్నూర్‌ సీఐ అంజమ్మ, ఎస్సై శ్రీ సాయి, గాదిగూడ ఎస్సై రమ్య, వైద్యులు అశోక్‌, రమా అశోక్‌, గోపాల్‌, తౌఫిక్‌, వంశీ, చంద్రకాంత్‌, సర్పంచ్‌ రాథోడ్‌ సురేష్‌ పాల్గొన్నారు.

నిర్మల్‌టౌన్‌: నిర్మల్‌కు చెందిన జివెన్‌ చిన్న వయస్సులోనే అసాధారణ ప్రతిభ కనబరుస్తూ జాతీయ, అంతర్జాతీయ స్థాయిలో గుర్తింపు పొందుతున్నాడు. న్యూరాలజిస్ట్‌ అల్లూరు మనోజ్‌ భరత్‌, పీడియాట్రిషియనన్‌ దివ్య దంపతుల రెండున్నరేళ్ల కుమారుడు జివెన్‌ తన జ్ఞాపకశక్తి, విషయాలను వేగంగా గుర్తించే సామర్థ్యంతో పురస్కారాలు సొంతం చేసుకున్నాడు. ఇంటర్నేషనల్‌ స్టార్‌ కిడ్స్‌ అవార్డ్స్‌ సంస్థ ‘ఇంటెలిజెన్స్‌ అండ్‌ మెమరీ’ విభాగంలో ‘స్టార్‌ కిడ్‌’ అవార్డుతో సత్కరించింది. ఇంటర్నేషనల్‌ బుక్‌ ఆఫ్‌ రికార్డ్స్‌ నుంచి ‘సూపర్‌ టాలెంటెడ్‌ కిడ్‌’, ‘వనన్‌ ఇన్‌ఏ మిలియన్‌’గా గుర్తింపు పొందాడు. ఇండియా బుక్‌ ఆఫ్‌ రికార్డ్స్‌ కూడా జివెనన్‌ను ‘ఐబీఆర్‌ అచీవర్‌’గా ఎంపిక చేసింది. 100 రకాల జంతువులు, పక్షులు, కీటకాలను గుర్తించి పేర్లు చెప్పగలుగుతున్నాడు. 70 రకాల వాహనాలు, 50 కార్ల లోగోలు, 24 రంగులు, 12 ఆకారాలు, 39 రకాల పండ్లు, కూరగాయలను గుర్తించే సామర్థ్యాన్ని ప్రదర్శిస్తున్నాడు. చిన్నప్పటి నుంచే కుమారుడి ఆసక్తిని గమనించిన తల్లిదండ్రులు ప్రోత్సహిస్తూ కొత్త విషయాలను నేర్చుకునేలా చేస్తున్నారు.

కై లాస్‌నగర్‌: ‘ఎన్నికల సంఘం నుంచి నోటీస్‌ అందినంత మాత్రాన ఓటరు జాబితా నుంచి వారి పేరు తొలగించినట్లు కాదు.. ఈ విషయంలో ఆందోళన వద్దు.. మ్యాపింగ్‌ కాకపోవడం, పేరు, ఇంటిపేరు, చిరునామా తదితర పొరపాట్లు ఉన్న వారికి మాత్రమే నోటీసులు వస్తాయి.. అలాంటి వారు సంబంధిత బీఎల్‌వోలను సంప్రదించి వారు సూచించిన ఏదో ఒక ఆధారాన్ని అందజేస్తే సరిపోతుంది..’ అని ఎలక్ట్రోరల్‌ రిజిస్ట్రేషన్‌ అధికారి, ఆదిలాబాద్‌ ఆర్డీవో పి.జగదీశ్వర్‌రావు అన్నారు. ఓటరు జాబితా ప్రత్యేక సమగ్ర సవరణ ప్రక్రియ(సర్‌)పై ఓటర్ల సందేహాలను నివృత్తి చేసేందుకు ‘సాక్షి’ శుక్రవారం ఫోన్‌ ఇన్‌ చేపట్టింది. కార్యక్రమానికి అనూహ్య స్పందన లభించింది. జిల్లా నలుమూలల నుంచి ఓటర్లు ఫోన్లు చేసి తమ సందేహాలు వ్యక్తం చేయగా.. ఆర్డీవో వాటిని నివృత్తి చేశారు. అనామలిస్‌తో కలిగే ఇబ్బందులను తొలగించేలా బీఎల్‌వోల సర్టిఫికేషన్‌తో సులభతరం చేసినట్లుగా ఆయన స్పష్టం చేశారు. ఓటరు: మా నాన్న మల్లేశ్‌కు సంబంధించిన ఇంటిపేరు తప్పుగా ఉన్నట్లు నోటీసులు జారీ చేశారు. దీనికి ఏం చేయాలి. (దుబ్బుల చంద్రశేఖర్‌, బజార్‌హత్నూర్‌)ఆర్డీవో: ఫారం–8ను ఆన్‌లైన్‌లో నింపవచ్చు. లేదా బీఎల్‌వోను సంప్రదించి తగు ఆధారాలతో కూడిన డాక్యుమెంట్‌ అందజేస్తే సరిచేస్తారు. ఓటరు: మా సోదరికి సంబంధించిన ఓటరు నమోదు దరఖాస్తును డ్రాఫ్ట్‌లిస్టులో తిరస్కరించారు. జాబితాలో పేరు వచ్చేందుకు ఏం చేయాలి. (ముక్కెర మధు, పొన్నారి, తాంసి)ఆర్డీవో: పదో తరగతి మార్కుల మెమో, సదరు యువతి తండ్రి 2002లో ఓటు హక్కు కలిగి ఉన్నట్లుగా ఆధారం అందజేస్తే ఆ దరఖాస్తును బీఎల్‌వో ఆమోదిస్తారు. ఓటరు: మహారాష్ట్రకు చెందిన పలువురు మా కాలనీలో కొన్నేళ్లుగా నివసిస్తున్నారు. తెలంగాణ ప్రభుత్వానికి సంబంధించి వారికి ఎలాంటి డాక్యుమెంట్‌ లేదు. ఓటరు జాబితాలో ఎలా నమోదు చేసుకోవాలి. (నల్ల మహేందర్‌, గాంధీనగర్‌, ఆదిలాబాద్‌)ఆర్డీవో: ఇక్కడి డాక్యుమెంట్స్‌ ఉండాల్సిన పనిలేదు. మహారాష్ట్రలో 2002లో వారి తల్లిదండ్రులు ఓటు వేసినట్లుగా లేదా పుట్టిన తేదీని నిర్ధారించే ఇతర ఏ డాక్యుమెంట్స్‌తోనైనా దరఖాస్తు చేసుకోవచ్చు. ఓటరు: వయస్సు తప్పుగా ఉందనే కారణంతో నోటీసు జారీ చేశారు. దీన్ని ఎలా సరిచేసుకోవాలి. (రాజు, యాపల్‌గూడ)ఆర్డీవో: డేట్‌ ఆఫ్‌ బర్త్‌ను ధ్రువీకరించే పదో తరగతి మెమో లేదా టీసీ వంటి డాక్యుమెంట్‌ను బీఎల్‌వోకు అందజేస్తే దాన్ని సరిచేస్తారు. ఓటరు: మా నాన్న పేరు సరిపోవడం లేదని నోటీసులు జారీ చేశారు. దీన్ని ఎలా సవరించుకోవాలి. (గండ్రత్‌ నారాయణ, శాంతినగర్‌)ఆర్డీవో: 2002 ఓటరు జాబితాలో పేరు ఉన్నట్లుగా ఆధారాన్ని బీఎల్‌వోకు అందజేయండి. అందులో పేరు ఉన్నట్లైతే దాన్ని ధ్రువీకరించి బీఎల్‌వో కన్ఫర్మేషన్‌ సర్టిఫికేషన్‌తో సరిచేస్తారు. ఓటరు: నా భార్య ఓటరు కార్డులో తండ్రి పేరుకు బదులుగా భర్తపేరు వచ్చిందని నోటీసులు జారీ చేశారు. మా గ్రామంలో చాలా మందికి ఇదే కారణంతో నోటీసులు ఇచ్చారు. (ఆదిల్‌ మీర్జా బేగ్‌, కేస్లాగూడ(ఎం), ఇంద్రవెల్లి)ఆర్డీవో: బీఎల్‌వోలను సంప్రదించి వారు సూచించిన డాక్యుమెంట్‌ అందజేస్తే సరి చేస్తారు. ఆందోళన అవసరం లేదు. ఓటరు: పాత ఐడీ కార్డులో నాభార్య పేరు హాబీబా ఉండగా ప్రస్తుతం హబీబున్నీసా బేగం ఉందని, నా కోడలు పాత కార్డులో ఆసియా అని ఉండగా ప్రస్తుతం ఖాన్‌ అసియాబేగం ఉందనే కారణంతో నోటీసు జారీ చేశారు. (ఖాన్‌ అల్లాబకాస్‌, శాంతినగర్‌, ఆదిలాబాద్‌) ఆర్డీవో: బీఎల్‌వోలను సంప్రదిస్తే 2002 ఓటరు జాబితాను పరిశీలిస్తారు. అందులో వివరాలను ధ్రువీకరించిన తర్వాత బీఎల్‌వో సర్టిఫికేషన్‌తో సరిచేస్తారు. ఓటరు: ముసాయిదా ఓటరు జాబితాలో నా పేరును నోమ్యాపింగ్‌ పేరిట రిజెక్ట్‌ అయ్యిందని ఫాంను నాకు తిరిగి ఇచ్చారు. నేనేం చేయాలి (వేల్పుల రాహుల్‌, బజార్‌హత్నూర్‌)ఆర్డీవో: 01.09.1987కు తర్వాత పుట్టిన వారు వయస్సును ధ్రువీకరించే ఏదైనా ఒక డాక్యుమెంట్‌ ఇస్తే సరిపోతుంది. 1987 నుంచి 2004 మధ్య పుట్టినవారికి నో మ్యాపింగ్‌ పేరిట నోటీసులు వస్తే వారి వయస్సు ఽధ్రువీకరణ, తమ తల్లిదండ్రుల వయస్సును ధ్రువీకరించే ఏదైనా ఒక డాక్యుమెంట్‌ అందజేయాల్సి ఉంటుంది.ఓటరు: ఇటీవల నిర్వహించిన మున్సిపల్‌ ఎన్నికల్లో ఓటు వేశాను. కానీ నాకు ఎన్యూమరేషన్‌ ఫారం రాలేదు. నా ఓటు తొలగించినట్లేనా. (ఆశన్న, రాంనగర్‌, ఆదిలాబాద్‌)ఆర్డీవో: ఆందోళన చెందాల్సిన అవసరంలేదు. ఫారం–6ను నింపి 2002 ఓటర్ల జాబితాలో ఉన్న వివరాలను జతచేసి బీఎల్‌వోకు అందజేస్తే పేరును తిరిగి నమోదు చేస్తారు. ఓటరు: నా భార్య, కోడలుకు నోటీసులు జారీ చేశారు. పాన్‌కార్డు, ఆధార్‌కార్డును ఇవ్వాలని బీఎల్‌వో చెప్పారు. వాటిని అందజేశాం. అయితే ఓటు వస్తుందా లేదా అనేదానిపై ఏం చెప్పడం లేదు. (చాటే సాంబాజీ, గుడిహత్నూర్‌) ఆర్డీవో: బీఎల్‌ఓలు సూచించిన డాక్యుమెంట్‌ను అందజేశారు కనుక తప్పకుండా ఓటరు జాబితాలో పేర్లు వస్తాయి. ఆందోళన అవసరం లేదు.

కైలాస్‌నగర్‌:గణేశ్‌ నిమజ్జనోత్సవాన్ని ప్రశాంత వా తావరణంలో నిర్వహించేందుకు అన్నిశాఖ లు సమన్వయంతో పనిచేస్తూ పకడ్బందీ ఏర్పాట్లు చేయాల ని కలెక్టర్‌ రాజర్షి షా ఆదేశించారు. కలెక్టరేట్‌ సమావేశ మందిరంలో ఎస్పీ అఖిల్‌ మహాజన్‌తో కలిసి వివిధ శాఖల అధికారులు, ఉత్సవ సమితి ప్రతి ని ధులతో నిమజ్జన ఏర్పాట్లపై శుక్రవారం సమీక్ష నిర్వహించారు. ప్రధాన నిమజ్జన ఘాట్లు, భక్తుల రాకపోకలు, ట్రాఫిక్‌ నియంత్రణ, విద్యుత్‌, తాగునీరు, పారిశుద్ధ్యం, వైద్యసేవలు, భద్రత వంటి తది తర అంశాలపై శాఖల వారీగా సమీక్షించారు. ఈ సందర్భంగా కలెక్టర్‌ మాట్లాడుతూ, భక్తుల రద్దీ దృష్టిలో ఉంచుకుని ప్రధాన ఘాట్ల వద్ద భారీ క్రేన్లు, విద్యుత్‌ దీపాలు, జనరేటర్లు ఏర్పాటు చేయాలని, అవసరమైన ప్రాంతాల్లో అదనపు లైటింగ్‌ కల్పించా లన్నారు. నీటి ప్రవాహం అధికంగా ఉన్న ప్రాంతా ల్లో గజ ఈతగాళ్లు, లైఫ్‌జాకెట్లు, బోట్లు అందుబా టులో ఉంచాలని ఆదేశించారు. అలాగే ట్రాఫిక్‌కు అంతరాయం లేకుండా చర్యలు చేపట్టాలని సూచించారు. ఉత్సవ కమిటీ సభ్యులు, భక్తులు అధికారుల కు సహకరించి కార్యక్రమాన్ని విజయవంతం చే యాలని కోరారు. ఇందులో అడిషనల్‌ కలెక్టర్‌ ఎస్‌. రాజేశ్వర్‌, మున్సిపల్‌ చైర్‌పర్సన్‌ అనూష, డీఎస్పీ జీవన్‌రెడ్డి, ఆర్టీవో జగదీశ్వర్‌రావు, పలు శాఖల అధి కారులు పాల్గొన్నారు. సాత్నాల: భోరజ్‌ మండలం డోలరా సమీపాన గల పెన్‌గంగ తీరంతోపాటు, ఆదిలాబాద్‌ మండలంలో ని చాందా వాగు వద్ద వినాయక నిమజ్జన ఏర్పాట్ల ను కలెక్టర్‌, ఎస్పీ శుక్రవారం పరిశీలించారు.

ఆదిలాబాద్‌టౌన్‌: పుస్తకాల బరువు మోస్తూ ఇబ్బందులు పడుతున్న విద్యార్థులకు నెలలో ఒకరోజు ఉపశమనం కలిగించేలా విద్యాశాఖ చర్యలు చేపట్టింది. ప్రతి నెలా మూడో శనివారం బ్యాగ్‌లెస్‌ కార్యక్రమానికి శ్రీకారం చుట్టింది. ఆ రోజున విద్యార్థులు ఆటపాటలు, ప్రయోగాలతో గడుపుతారు. అదే రోజు పాఠశాలలో తల్లిదండ్రులతో సమావేశం నిర్వహించనున్నారు. విద్యార్థుల ప్రగతి, పాఠశాల అభివృద్ధిపై చర్చించనున్నారు. ఈ మేరకు పాఠశాల విద్యాశాఖ, సమగ్ర శిక్ష తెలంగాణ డైరెక్టర్‌ ఆదేశాలు జారీ చేశారు. విద్యా సంవత్సరంలో పది రోజుల పాటు విద్యార్థులు పుస్తకాల బ్యాగు లేకుండానే పాఠశాలకు హాజరై, వివిధ కార్యకలాపాల్లో పాల్గొనేలా కార్యక్రమాన్ని రూపొందించారు. జిల్లాలో సమర్థవంతంగా అమలు చేసేందుకు ఉపాధ్యాయులకు మార్గదర్శకాలు జారీ చేశారు. ఆటపాటలతో.. బ్యాగ్‌లెస్‌ డేలో భాగంగా విద్యార్థులతో చిత్రలేఖ నం, హస్తకళలు, కథలు చెప్పడం, క్రీడలు, స్థానిక క ళలు, సాంస్కృతిక కార్యక్రమాలు, చిన్న చిన్న ప్ర యోగాలు, నైపుణ్య ఆధారిత కార్యకలాపాలు నిర్వహించనున్నారు. అలాగే స్థానికంగా అందుబాటులో ఉన్న వనరులను వినియోగించుకుని విద్యార్థులకు వివిధ అంశాలపై అవగాహన కల్పించనున్నా రు. పాఠశాలల్లో నిర్వహించే కార్యక్రమాల్లో విద్యార్థులు చురుకుగా పాల్గొనేలా ఉపాధ్యాయులు ప్రో త్సహించాలని సూచించారు. ప్రతి కార్యక్రమం ద్వారా విద్యార్థుల్లో సృజనాత్మక ఆలోచన, సమస్య పరిష్కార సామర్థ్యం, బృంద స్ఫూర్తి, నాయకత్వ లక్షణాలు పెంపొందించేలా ప్రణాళిక రూపొందించాల్సి ఉంటుంది. సృజనాత్మకత పెంచేందుకు.. బ్యాగ్‌లెస్‌ డే సందర్భంగా విద్యార్థులకు స్థానిక వృత్తులు,వ్యవసాయం,చేతివృత్తులు, పర్యావరణ పరి రక్షణ, సామాజిక అంశాలపై అవగాహన కల్పించేందుకు క్షేత్రస్థాయి కార్యక్రమాలు నిర్వహించే అవకాశం ఉంటుంది. స్థానిక కళాకారులు, నిపుణులు, తల్లిదండ్రులు, సమాజంలోని ఇతర వ్యక్తుల సహకారం కూడా అవసరమైన సందర్భాల్లో తీసుకో వాలని సూచించారు. విద్యార్థులకు ఆహ్లాదకరమైన వాతావరణంలో విద్యను అందించడంతో పాటు వారి ప్రతిభను గుర్తించి ప్రోత్సహించడమే లక్ష్యంగా ఈ కార్యక్రమాన్ని అమలు చేయనున్నారు. పాఠశాల స్థాయిలో నిర్వహించిన కార్యకలాపాలను నమోదు చేసి, వాటి ద్వారా విద్యార్థుల్లో వచ్చిన మార్పును కూడా పరిశీలించనున్నారు. నేటి నుంచి అమలు.. బ్యాగ్‌లెస్‌ డే కార్యక్రమాన్ని జిల్లాలో శనివారం నుంచి అమలు చేయనున్నారు. ప్రతినెల మూడో శనివా రం ఈ కార్యక్రమాన్ని ఉంటుందని విద్యాశాఖ అధి కారులు పేర్కొన్నారు. ఈనెల 19న, నవంబర్‌ 21, డిసెంబర్‌ 19, ఫిబ్రవరి 20 తేదీల్లో ఈ కార్యక్రమాలు కొనసాగనున్నాయి. పుస్తకాల బరువు లేకుండా ఒక రోజు పాఠశాలకు వచ్చే విద్యార్థులు ఆటలు, పాటలు, ప్రయోగాలు, సృజనాత్మక కార్యక్రమాలతో గడపడం ద్వారా చదువుపై మరింత ఆసక్తి పెంచుకునే అవకాశం ఉంటుందని విద్యాశాఖ భావి స్తోంది. విద్యార్థుల సమగ్ర అభివృద్ధికి దోహదపడేలా బ్యాగ్‌లెస్‌ డేస్‌ను పాఠశాలల్లో విజయవంతంగా అమలు చేయాలని అధికారులు సూచించారు.చదువుపై విద్యార్థుల్లో ఆసక్తి పెంచేలాప్రతిరోజు పుస్తకాలతో కుస్తీ పడుతున్న విద్యార్థులు నెలలో ఒకరోజు పాఠశాలల్లో ఆటపాటలతో గడిపేలా విద్యాశాఖ చర్యలు చేపట్టింది. ప్రతి మూడో శనివారం బ్యాగ్‌లెస్‌ డే కార్యక్రమాన్ని చేపడుతోంది. ఇందులో భాగంగా విద్యార్థులకు వివిధ అంశాలకు సంబంధించి నేర్పించడం జరుగుతుంది. ఆటపాటలతో వారిలో సృజనాత్మకత పెరుగుతుంది. – డి.మాధవి, డీఈవో జిల్లాలోమొత్తం పాఠశాలలు 1,494 విద్యార్థులు 1లక్ష 60వేలు

ఆదిలాబాద్‌రూరల్‌: ఆర్‌ఓఎఫ్‌ఆర్‌ పంట పొలాల్లో అక్రమంగా సాగు చేస్తున్న గంజాయి మొక్కలను స్వాధీనం చేసుకున్నట్లు ఎస్పీ అఖిల్‌ మహాజన్‌ తెలిపారు. మండలంలోని అల్లికోరి గ్రామపంచాయతీ పరిధిలో గల పొట్టంలొద్ది శివారు ప్రాంతంలోని వ్యవసాయ పొలంలో సాగు చేస్తున్న మొక్కలను గురువారం స్వాధీనం చేసుకున్నారు. శుక్రవారం ఆదిలాబాద్‌రూరల్‌ పోలీస్‌స్టేషన్‌ ఆవరణలో వివరాలు వెల్లడించారు. పొటంలొద్ది శివారులో గల వ్యవసాయ పొలాల్లో సాగు చేస్తున్నట్లు స మాచారం రావడంతో పోలీసులు దాడి చేశారు. రెండు వేర్వేరు ఘటనల్లో 385 మొక్కలు స్వాధీనం చే సుకున్నట్లు ఎస్పీ తెలిపారు. వాటి విలువ రూ. 38.50 లక్షలు ఉంటుందన్నారు. ఆ మొక్కలు గ్రా మానికి చెందిన మెస్రం గంగారాం పటేల్‌, మెస్రం నాగులకు చెందినవిగా గుర్తించినట్లు పేర్కొన్నారు. వారు పరారీలో ఉన్నారని, నిందితులను పట్టుకోవడానికి ప్రత్యేక పోలీసు బృందాలను ఏర్పాటు చేసినట్లు తెలిపారు. వీరిపై గతంలోనూ కేసులు నమోదయ్యాయని వెల్లడించారు. ఆదిలాబాద్‌ డీఎస్పీ ఎల్‌.జీవన్‌రెడ్డి, రూరల్‌ సీఐ రహీం పాషా, ఎస్సై వి.విష్ణువర్ధన్‌, పోలీసు సిబ్బంది పాల్గొన్నారు.

ఆదిలాబాద్‌రూరల్‌: కొలాం పీవీటీజీ గ్రామాల అభివృద్ధి నిధుల మళ్లింపుపై ఈనెల 21న కలెక్టరేట్‌ ముట్టడి నిర్వహిస్తున్నట్లు కొలాం సేవా సంఘం నా యకులు తెలిపారు. శుక్రవారం జిల్లా కేంద్రంలోని అంబేడ్కర్‌ భవనంలో మట్లాడారు. కేంద్ర, రాష్ట్ర ప్ర భుత్వాలు ఆదివాసీ కొలాం పీవీటీజీ గిరిజనుల స మగ్ర అభివృద్ధికి కోట్లాది రూపాయల నిధులు మంజూరు చేస్తున్నప్పటికీ, ఆ నిధులు కొలాం గూడేలకు చేరడం లేదన్నారు. ముట్టడి కార్యక్రమానికి ఉమ్మడి ఆదిలాబాద్‌ జిల్లా నలుమూలల నుంచి ఆదివాసీ పీవీటీజీ కొలాం గిరిజనులు, సంఘాల నాయకులు, యువకులు తరలివచ్చి జయప్రదం చేయాలని కోరారు. సమావేశంలో ఆదిమ గిరిజన కొలాం సే వా సంఘం రాష్ట్ర అధ్యక్షుడు సోనేరావు, రాష్ట్ర ఉపాధ్యక్షుడు కుంరం రాజు, తదితరులు పాల్గొన్నారు.

తానూరు: మండలంలోని బెల్‌తరోడా గ్రామంలో అధిక ధరలకు కూల్‌డ్రింక్స్‌, బేకరీ పదార్థాలు విక్రయిస్తున్న మిఠాయి భండార్‌, బేకరీ నిర్వాహకుడిపై తూనికలు, కొలతల శాఖ అధికారులు కేసు నమోదు చేశారు. బెల్‌తరోడాలోని బేకరీలో పదార్థాలను అధిక ధరలకు విక్రయిస్తున్నట్లు గ్రామస్తులు ఫిర్యాదు చేయడంతో జిల్లా అధికారి పి.శంకర్‌ శుక్రవారం దుకాణాన్ని తనిఖీ చేశారు. పదార్థాలను అధిక ధరలకు విక్రయిస్తున్నట్లు నిర్ధారణ కావడంతో కేసు నమోదు చేసినట్లు వెల్లడించారు. చోరీ కేసులో ఒకరి అరెస్ట్‌ ముధోల్‌: మండలంలోని ఎడ్‌బిడ్‌ గ్రామానికి చెందిన రాజశేఖర్‌ ఇంట్లో గురువారం రాత్రి చోరీ జరిగింది. ఇంట్లోకి చొరబడ్డ దుండగుడు సుమారు 93వేల విలువైన బంగారు గొలుసు, వెండి ఆభరణాలు ఎత్తుకెళ్లాడు. భూమేశ్‌ పాల కేంద్రంలోనూ రూ.2,500 నగదు చోరీ చేశారు. ఆ తర్వాత రాజు కిరాణాషాపులో చొరబడేందుకు యత్నించగా అలజడి కావడంతో పారిపోయాడు. బాధితులు శుక్రవారం పోలీసులకు ఫిర్యాదు చేశారు. పోలీసులు ఇదే గ్రామానికి చెందిన గుమ్ముల సాయినాథ్‌ చోరీకి పాల్పడ్డట్లు గుర్తించారు. అతడి నుంచి బంగారు గొలుసు, వెండి ఆభరణలు, నగదు స్వాధీనం చేసుకుని కేసు నమోదు చేశారు. కాగా, సాయినాథ్‌ నెల క్రితం చోరీ కేసులో జైలులోకి వెళ్లి రెండ్రోజుల కిందటే బయటకు వచ్చినట్లు సమాచారం.

ఆదిలాబాద్‌: ఆదివాసీలు, నాయీ బ్రాహ్మణులు, అంగన్‌వాడీ టీచర్లు, ఆశావర్కర్లు, ఆర్టీసీ కార్మికుల సమస్యలను ప్రభుత్వం వెంటనే ప రిష్కరించాలని ఎమ్మెల్యే పాయల్‌ శంకర్‌ అ న్నారు. శుక్రవారం శాసనసభలో మాట్లాడు తూ ఆదిలాబాద్‌ పట్టణంలోని కుమురం భీమ్‌ కాలనీలో ఏళ్లుగా నివసిస్తున్న ఆదివాసీ కుటుంబాలకు ప్రభుత్వం ఇచ్చిన హామీ మేర కు ఇళ్ల పట్టాలు మంజూరు చేసి, వారి నివాసాలకు చట్ట భద్రత క ల్పించాలని డిమాండ్‌ చేశారు. నాయీ బ్రాహ్మణుల కులవృత్తిపై ఇతర వర్గాల పె త్తనాన్ని అరికట్టి, వారి ఉపాధి, వృత్తి స్వేచ్ఛకు రక్షణ క ల్పించాలని కోరారు. గ్రామీణ ప్రాంతాల్లో సేవలందిస్తున్న అంగన్‌వాడీ టీచర్లు, ఆశా వర్కర్లకు తగిన గౌరవం, భద్రత, సంక్షేమం కల్పించడంతో పాటు పెండింగ్‌ సమస్యలను పరిష్కరించాలన్నారు. ప్రజా రవాణాలో కీలకంగా పనిచేస్తున్న ఆర్టీసీ కార్మికుల న్యాయమైన సమస్యలను పరిష్కరించి, వారి సంక్షేమానికి ప్రాధాన్యం ఇవ్వాలని కోరారు.

ఆదిలాబాద్‌రూరల్‌: గ్రామాల అభివృద్ధికి ప్రజల భాగస్వామ్యంతో ముందుకు సాగాలని ఏఐసీసీ సెక్రెటరీ సచిన్‌ సావంత్‌ అన్నారు. మావల మండల కేంద్రంలోని ఓ ఫంక్షన్‌ హాల్‌లో ఆదిలాబాద్‌ నియోజకవర్గ పరిధిలోని సర్పంచులకు రాజీవ్‌గాంధీ పంచాయతీరాజ్‌ సంఘటన్‌ శిక్షణ కార్యక్రమానికి శుక్రవారం ఆయన ముఖ్య అతిథిగా హాజరై మాట్లాడా రు. గ్రామాల అభివృద్ధిలో స్థానిక సంస్థలు, ప్రజా ప్రతినిధుల పాత్ర కీలకమన్నారు. గ్రామసభలను సమర్థవంతంగా నిర్వహిస్తూ ప్రజల భాగస్వామ్యాన్ని పెంచాలన్నారు. ఆర్‌జీపీఆర్‌ఎస్‌ తెలంగాణ ఇన్‌చార్జి, నేషనల్‌ సెక్రెటరీ బి సుభాష్‌ యక్కర మాట్లాడుతూ పంచాయతీరాజ్‌ వ్యవస్థ లక్ష్యాలు, గ్రామస్థాయిలో స్థానిక పాలన ప్రాధాన్యత, సర్పంచులు నిర్వహించాల్సిన బాధ్యతలపై సర్పంచులకు అవగాహన కలిగి ఉండాలన్నారు. డీసీసీ అధ్యక్షుడు డాక్టర్‌ నరేష్‌ జాదవ్‌ మాట్లాడుతూ, ప్రజలకు అందుబాటులో ఉంటూ గ్రామ సమస్యలను ఎప్పటికప్పుడు గుర్తించి పరిష్కరించేందుకు కృషి చేయాలన్నారు. కార్యక్రమంలో ప్రోగ్రాం కోఆర్డినేటర్‌ జా ఫర్‌, జోనల్‌ కోఆర్డినేటర్‌ నవీన్‌, నేషనల్‌ ట్రైనర్‌ జ్యోత్స్న నాయక్‌, నేషనల్‌ ట్రైనర్‌ సమీనా, మాజీ జీసీసీ చైర్మన్‌ కోట్నాక్‌ తిరుపతి, మాజీ ఎంపీ సోయం బాపురావు, ఆదిలాబాద్‌ మున్సిపల్‌ చైర్‌పర్సన్‌ బండారి అనూష, ఆదిలాబాద్‌ వ్యవసాయ మార్కెట్‌ కమిటీ చైర్మన్‌ బోరంచు శ్రీకాంత్‌రెడ్డి, బోథ్‌ నియోజకవర్గ ఇన్‌చార్జి ఆడే గజేందర్‌, నాయకులు గండ్రత్‌ సుజాత, సాజిద్‌ ఖాన్‌, సంజీవ్‌రెడ్డి, భోజారెడ్డి, తదితరులున్నారు.

నేరడిగొండ: బాలికలపై వేధింపులు, అనుచిత ప్రవర్తనకు పాల్పడే వారిపై కఠిన చర్యలు తీసుకునేందుకు కేంద్ర ప్రభుత్వం డిజిటల్‌ వేదికను అందుబాటులోకి తీసుకొచ్చింది. ఇక బాధితులు ప్రతీ సందర్భంలో పోలీస్‌స్టేషన్‌కు వెళ్లాల్సిన అవసరం లేకుండానే ఆన్‌లైన్‌లో ఫిర్యాదు చేసే అవకాశం కల్పించింది. దీంతో ఫిర్యాదు చేయడానికి వెనుకాడే బాలికలకు ఈ విధానం అండగా నిలవనుంది. విద్యాసంస్థలు, బస్టాండ్లు, మార్కెట్లు, ఇతర బహిరంగ ప్రదేశాల్లో బాలికలను వేధించే ఘటనలు వెలుగులోకి వస్తున్నాయి. అయితే కుటుంబ సభ్యులకు విషయం తెలియడం, పరువు ప్రతిష్ఠలకు భంగం కలుగుతుందనే ఆందోళన, నిందితుల బెదిరింపులు తదితర కారణాలతో కొందరు ఫిర్యాదు చేయకుండా మౌనం వహిస్తున్నారు. దీంతో నిందితులు మరింతగా రెచ్చిపోయే పరిస్థితి ఏర్పడుతోంది. ఒక్క క్లిక్‌తో ఫిర్యాదు బాలికలు, పిల్లలపై జరిగే వేధింపులు, హింస, ఇతర అన్యాయాలపై ఠీఠీఠీ. ుఽఛిఞఛిట. జౌఠి. జీుఽ వెబ్‌సైట్‌ ద్వారా ఫిర్యాదు చేయవచ్చు. అందులోని ‘ఈ –బాల్‌నిధాన్‌’ విభాగాన్ని ఎంచుకుని సంఘటనకు సంబంధించిన పూర్తి వివరాలను నమోదు చేయాలి. ఘటనకు సంబంధించిన ఫొటోలు, ఆడియో, వీడియో ఆధారాలు ఉంటే వాటిని కూడా అప్‌లోడ్‌చేసి ఫిర్యాదు సమర్పించవచ్చు. కేంద్రం నుంచి జిల్లాస్థాయి వరకు పర్యవేక్షణ.. ఆన్‌లైన్‌లో నమోదైన ఫిర్యాదులను కేంద్ర స్థాయిలో ప్రత్యేక బృందం పరిశీలిస్తుంది. అనంతరం సంబంధిత రాష్ట్ర మహిళా, శిశు సంక్షేమ శాఖకు, అక్కడి నుంచి జిల్లా స్థాయి అధికారులకు సమాచారం చేరుతుంది. బాలల సంరక్షణ అధికారులు స్పందించి విచారణ చేపడతారు. అవసరమైన సందర్భాల్లో పోలీసుల సహకారంతో కేసు నమోదు చేసి దర్యాప్తు కొనసాగిస్తారు. బాధితుల వివరాలు గోప్యం..ఫిర్యాదు చేసిన బాలిక, బాధితురాలి వివరాలు గోప్యంగా ఉంచేలా చర్యలు తీసుకుంటారు. దీంతో నిందితుల నుంచి ఎదురయ్యే ఒత్తిళ్లు, బెదిరింపులకు భయపడకుండా బాధితులు తమ సమస్యను అధికారుల దృష్టికి తీసుకెళ్లే అవకాశం ఉంటుంది. కేసు పురోగతిని కూడా సంబంధిత అధికారులు పర్యవేక్షిస్తారు.

విమానంపై వినాయకుడుసంప్రదాయ బోధనకు భిన్నంగా విద్యార్థులు సులువుగా నేర్చుకునేలా ఆదిలాబాద్‌ పట్టణంలోని బ్రహ్మన్‌వాడ ప్రాథమికోన్నత పాఠశాల తెలుగు ఉపాధ్యాయుడు అనిల్‌ కుమార్‌ తయారు చేసిన తెలుగు వర్ణమాలతో కూడిన చెట్టు ఆలోచింపజేస్తోంది. విద్యార్థులను చెట్టు ముందర ఉంచి అందులోని పదాలను గుర్తించేందుకు వీలుగా చేసిన ఈ ప్రయోగం విద్యార్థుల స్వయం అభ్యాసనకు, అక్షర, పద గుర్తింపునకు తోడ్పడుతోంది. విరామం సమయంలో పిల్లలు అందరూ ఆడుతూ అక్షరాలను సులువుగా నేర్చుకుంటున్నారు. అట ఆడినట్లుగా చేపట్టే ఈ బోధనలో ఎవరు ఎక్కువ అక్షరాలు గుర్తిస్తారో వారు గెలిచినట్టుగా పేర్కొనడంతో విద్యార్థులు పోటీపడి మరి అక్షరాలు నేర్చుకుంటున్నారు. – సాక్షి స్టాఫ్‌ఫొటోగ్రాఫర్‌, ఆదిలాబాద్‌ ఆదిలాబాద్‌ ఎమ్మెల్యే క్యాంపు కార్యాలయంలో ప్రతిష్ఠించిన వినాయకుడి నిమజ్జన వేడుకలు ప్రత్యేక ఆకర్షణగా నిలిచాయి. ప్రత్యేకంగా రూపొందించిన విమానం నమూనాపై గణేశ్‌ విగ్రహాన్ని ఉంచి బీజేపీ నాయకులు శోభాయాత్ర నిర్వహించారు. జిల్లాకు ఎయిర్‌పోర్టు మంజూరు కావడంపై ప్రధాని మోదీ, ఎమ్మెల్యే పాయల్‌ శంకర్‌కు కృతజ్ఞతలు తెలుపుతూ కటౌట్‌లు ఏర్పాటు చేశారు. – ఆదిలాబాద్‌/సాక్షి స్టాఫ్‌ఫొటోగ్రాఫర్‌, ఆదిలాబాద్‌

జన్నారం: తెలంగాణలోని కవ్వాల్‌ టైగర్‌జోన్‌ను టూరిజం హబ్‌గా మార్చేందుకు ప్రభుత్వం యోచిస్తోంది. పులులు, వన్యప్రాణుల సంరక్షణతో పాటు టూరిస్టులు ఇష్టపడే రీతిలో తగిన ఏర్పాట్లు చేయనుంది. ఏకో టూరిజంతో పాటు స్థానికులకు ఉపాధి అవకాశాలు కల్పించేందుకు తగు ప్రణాళికలు తయారు చేస్తోంది. కర్ణాటక రాష్ట్రంలోని బంధీపూర్‌ టైగర్‌ రిజర్వ్‌, మహారాష్ట్రలోని తడోబా టైగర్‌ రిజర్వ్‌లలో అనుసరిస్తున్న విధానాన్ని కవ్వాల్‌ టైగర్‌జోన్‌లో కూడ అవలంభించనున్నారు. ఇప్పటికే జన్నారం అటవీ డివిజన్‌లో బేస్‌క్యాంపులు, స్ట్రైకింగ్‌ ఫోర్స్‌, ఎనిమల్‌ ట్రాకర్స్‌, ఎకో టూరిజం సఫారీ డ్రైవర్లు, గైడ్‌లు మొత్తం కలిపి సుమారు 96 మందికి ఉపాధి లభిస్తోంది. పులుల సంరక్షణతో సమగ్ర అభివృద్ధి ప్రస్తుతం అమ్రాబాద్‌ టైగర్‌జోన్‌తో పోలిస్తే కవ్వాల్‌ టైగర్‌జోన్‌లో పర్యాటకుల తాకిడి తక్కువగా ఉంది. అమ్రాబాద్‌లోకి పులుల రాకపోకలు ఉండడంతో పర్యటకుల తాకిడి పెరిగింది. ఈ పరిస్థితిని మార్చేందుకు నేషనల్‌ టైగర్‌ కన్జర్వేషన్‌ అఽథారిటీ (ఎన్‌టీసీఏ) అనుమతితో ఇతర ప్రాంతాల నుంచి పులులను కవ్వాల్‌కు తీసుకొచ్చే ప్రక్రియకు శ్రీకారం చుట్టనున్నారు. పులుల సంరక్షణకు అనుకూలమైన వాతావరణం కల్పించి, నిఘాతో బలోపేతం చేయాల్సిన అవసరం ఉందని వన్యప్రాణి నిపుణులు పేర్కొంటున్నారు. అడవి చుట్టూ ఉన్న గిరిజనులను పర్యాటక రంగంలో భాగస్వామ్యం చేస్తే పులుల సంరక్షణ సాధ్యమవుతుందనే భావన ఉంది. ఆదాయ వనరులు పెరిగే అవకాశం.. 2012లో ఏర్పాటైన కవ్వాల్‌ టైగర్‌జోన్‌ 2015 చదరపు కిలోమీటర్ల విస్తీర్ణంలో ఉంది. బందీపూర్‌, కన్హా, పెంచ్‌, రణతంబోర్‌, తడోభా టైగర్‌ రిజర్వ్‌లతో పోలిస్తే కవ్వాల్‌ టైగర్‌జోన్‌లో అభివృద్ధి తక్కువగా ఉంది. ఎకో టూరిజం అభివృద్ధి జరిగితే ఆదాయ వనరులు పెరుగుతాయి. నాలుగేళ్ల క్రితం అప్పటి ఎఫ్‌డీవో మాధవరావు ఇక్కడ టూరిజం ప్రాంతాలను గుర్తించి అభివృద్ధి చేశారు. సఫారీ తిరిగే దారులు, టూరిజం స్పాట్‌లలో టాయిలెట్లు, కట్టడాలు, విశేషాలను తెలిపే బోర్టులను ఏర్పాటు చేశారు. డివిజన్‌లోని బైసన్‌కుంట, మైసమ్మ కుంట, గొండుగూడ, నీలుగాయి కుంట, మల్యాల వాచ్‌టవర్‌, బర్తన్‌పేట వాచ్‌టవర్‌ తదితర ప్రాంతాలను అభివృద్ధి చేసి, పర్యాటకులకు సౌకర్యాలు ఏర్పాటు చేశారు. దీంతో కొంతమేర పర్యాటకుల తాకిడి పెరిగింది. అయితే నాలుగేళ్ల క్రితంతో పోలిస్తే ప్రస్తుతం పర్యాటకుల సందర్శన తగ్గింది. ఇక్కడ నిధులు లేక అభివృద్ధి జరగడం లేదు. ఆరు పులులను తెచ్చే అవకాశం..వివిధ రాష్ట్రాలు, ప్రాంతాల నుంచి కవ్వాల్‌ టైగర్‌జోన్‌కు పర్యాటకులు వస్తుంటారు. ప్రతీ సంవత్సరం అక్టోబర్‌ నుంచి జూన్‌ వరకు పర్యాటకులను సఫారీల ద్వారా అడవుల్లోకి తీసుకెళ్తున్నారు. ఇక్కడి అడవుల్లో పులులు కనిసిస్తే పర్యాటకంగా మరింత అభివృద్ధి జరిగే అవకాశం ఉంది. టైగర్‌ రీ ఇంట్రడక్షన్‌లో భాగంగా ఆరు పులులను కవ్వాల్‌కు తీసుకొచ్చే అవకాశం ఉంది. పులులు ఉన్న కారణంగా అమ్రబాద్‌ టైగర్‌జోన్‌కు ఏటా రూ.1.80 కోట్ల –రూ. 2.20 కోట్ల ఆదాయం వస్తోంది. కానీ కవ్వాల్‌ టైగర్‌జోన్‌లో కేవలం రూ.40 లక్షల నుంచి రూ.50 లక్షల ఆదాయం వస్తున్నట్లు అధికారులు అంచనా వేశారు.

నిర్మల్‌ఖిల్లా: ఉపాధి కోసం ఖతార్‌ దేశానికి వెళ్లిన నిర్మల్‌ జిల్లాకు చెందిన ఇద్దరు యువకులు అక్కడి పోలీసుల అదుపులో ఉన్నట్లు సమాచారం రావడంతో వారి కుటుంబ సభ్యుల్లో ఆందోళన నెలకొంది. తమ కుటుంబసభ్యులను ఎలాగైనా స్వదేశానికి రప్పించేలా కృషి చేయాలని బాధిత కుటుంబ సభ్యులు ప్రభుత్వాన్ని కోరుతున్నారు. నిర్మల్‌ జిల్లా నర్సాపూర్‌–జి మండలం రాంపూర్‌ గ్రామానికి చెందిన కుంచెపు గణేశ్‌ (24), సోన్‌ మండలం మాదాపూర్‌కు చెందిన సంపత్‌ (25) సుమారు రెండున్నర సంవత్సరాల క్రితం ఉపాధి కోసం ఖతార్‌కు వెళ్లినట్లు కుటుంబ సభ్యులు తెలిపారు. వీరు ఆక్వా క్లిన్‌ ఫెసిలిటీస్‌ సర్వీసెస్‌ కంపెనీలో పనిచేస్తున్నట్లు పేర్కొన్నారు. నిషేధిత ప్రదేశంలో ఫోన్‌ వినియోగించారని.. ఉద్యోగ విధుల్లో భాగంగా ఉన్న సమయంలో గత ఆగస్టులో నిషేధిత పని ప్రదేశంలో సెల్‌ఫోన్‌ వినియోగించారనే కారణంతో ఖతార్‌ పోలీసులు ఇద్దరినీ అదుపులోకి తీసుకున్నట్లు సమాచారం అందిందని కుటుంబ సభ్యులు తెలిపారు. ఈ విషయాన్ని పొన్కల్‌కు చెందిన సందీప్‌ ఎన్‌ఆర్‌ఐ అడ్వైజరీ కమిటీ రాష్ట్ర సభ్యులకు ఫోన్‌ ద్వారా సమాచారమందించినట్లు పేర్కొన్నారు. ఈ నేపథ్యంలో గల్ఫ్‌ బాధిత యువకులు గణేశ్‌, సంపత్‌ కుటుంబ సభ్యులు జిల్లా కాంగ్రెస్‌ పార్టీ ఇన్‌చార్జి కూచాడి శ్రీహరిరావును శుక్రవారం కలిసి తమ ఆవేదన వివరించారు. తమ పిల్లలను భారతదేశానికి తీసుకురావడానికి ప్రభుత్వం తరఫున అవసరమైన చర్యలు చేపట్టాలని, న్యాయ సహాయం అందించాలని విజ్ఞప్తి చేశారు. శ్రీహరిరావు స్పందిస్తూ, సమస్యను రాష్ట్రస్థాయిలో సంబంధిత ఎన్‌ఆర్‌ఐ విభాగం దృష్టికి తీసుకెళ్లేందుకు చర్యలు ప్రారంభించినట్లు తెలిపారు. రాష్ట్ర ఎన్‌ఆర్‌ఐ కమిటీ వైస్‌చైర్మన్‌ మంద భీమ్‌రెడ్డితో ఫోన్‌లో మాట్లాడి ఇద్దరు యువకుల వివరాలను అందించినట్లు పేర్కొన్నారు. ప్రభుత్వ సహాయం కోసం ఎదురుచూపులు.. విదేశాల్లో ఉపాధి కోసం వెళ్లిన తమ పిల్లలు అనుకోని పరిస్థితుల్లో నిర్బంధానికి గురికావడంతో కుటుంబ సభ్యులు తీవ్ర ఆందోళన వ్యక్తం చేస్తున్నారు. ఖతార్‌లోని భారత రాయబార కార్యాలయం, రాష్ట్ర ఎన్‌ఆర్‌ఐ విభాగం, సంబంధిత ప్రభుత్వ అధికారులు ఈ వ్యవహారంపై స్పందించి వాస్తవ పరిస్థితులను తెలుసుకోవడంతో పాటు అవసరమైన కాన్సులేట్‌, న్యాయ సహాయం అందించాలని వారు కోరుతున్నారు. యువకులపై ఉన్న ఆరోపణలు, కేసు వివరాలు, తదుపరి న్యాయ ప్రక్రియపై అధికారిక సమాచారం వెలువడితేనే పూర్తి పరిస్థితి స్పష్టమయ్యే అవకాశం ఉందని రాష్ట్ర ఎన్‌ఆర్‌ఐ కమిటీ సభ్యులు స్వదేశ్‌ పేర్కొనగా, కుటుంబ సభ్యులు మాత్రం తమ పిల్లలను సురక్షితంగా స్వదేశానికి తీసుకురావడానికి ప్రభుత్వం తక్షణ చర్యలు చేపట్టాలని వేడుకుంటున్నారు.

ప్రాజెక్ట్‌ వివరాలు ఇలా.. అంచనా వ్యయం రూ.493 కోట్లు దూరం 38.21 కిలోమీటర్లుసాక్షి,ఆదిలాబాద్‌: ముకుట్‌బన్‌(ఆదిలాబాద్‌)–గడ్‌చందూర్‌ మధ్య కొత్తరైల్వేలైన్‌కు భారతీయ రైల్వే ఆమోదం తెలిపింది. జిల్లాకు సరిహద్దున ఉండే మహారాష్ట్రలోని యవత్మా ల్‌జిల్లా ముకుట్‌బన్‌ మరో వైపున చంద్రపూర్‌ జిల్లాలోని గడ్‌చందూర్‌ మార్గంలో దీన్ని నిర్మించనున్నారు. ప్రధానంగా పారిశ్రామిక, మైనింగ్‌ కేంద్రాలకు రవాణా అనుసంధానం బలోపేతం చేసేందుకు ఈ రైల్వేలైన్‌ను మంజూరు చేసినట్టు అధికారులు పేర్కొంటున్నారు. ఈ రెండు ప్రాంతాల మధ్య ముఖ్యమైన పారిశ్రామిక, మైనింగ్‌ కేంద్రాలు ఉన్నాయి. అనేక సిమెంట్‌ ప్లాంట్లు, వెస్టన్‌ కోల్డ్‌ఫీల్డ్స్‌ లిమిటెడ్‌కు చెందిన బొగ్గు, సున్నపురాయి గనులు ఉన్నాయి. ఈ పారిశ్రామిక క్లస్టర్‌కు రవాణా అనుసంధానాన్ని కొత్త రైల్వేలైన్‌ బలోపేతం చేస్తుందని రైల్వే శాఖ ఉత్తర్వుల్లో పేర్కొంది. సరుకు రవాణా మరింత సులభతరం కొత్త రైల్వేలైన్‌ ద్వారా ఏటా సుమారు 6.08 మిలియన్‌ టన్నుల సరుకు రవాణా జరుగుతుంద ని అంచనా వేస్తున్నారు. బొగ్గు, సిమెంట్‌, ఐరన్‌, ఆహార ధాన్యాలు రవాణా జరుగుతాయని పే ర్కొంటున్నారు. స్థానిక ప్రయాణికుల కోసం ఈ మార్గంలో రోజు రెండు వైపులా ఎంఈఎంయూ రైళ్ల ను నడపాలని రైల్వే శాఖ ప్రతిపాదించింది. బల్లార్షా–నాగ్‌పూర్‌, వార్దా–మాణిక్‌గడ్‌ రద్దీ మా ర్గాలపై తీవ్రమైన ఒత్తి డి ఈ కొత్త రైల్వేలైన్‌ నిర్మాణంతో తగ్గుతుందని అభిప్రాయ పడుతున్నారు. మరాఠ్వాడా(జా ల్నా, పర్భని, ఛత్రపతి శంభా జీనగర్‌) కర్ణాటక, తెలంగాణ ప్రాంతాలకు ప్రయాణ సమయం, రవాణా వ్యయం గణనీయంగా తగ్గుతుందని అంచనా వేస్తున్నారు. పాత ప్రతిపాదన ఇలా.. పాత ప్రతిపాదన ప్రకారం ఆదిలాబాద్‌ నుంచి గడ్‌చందూర్‌ మధ్య పూర్తిగా నూతన రైల్వేమార్గం దూరం 72కిలోమీటర్లు. ఇది జిల్లాలోని బేల, జైనథ్‌ మీదుగా వెళ్తుంది. తాజాగా కొత్త రైల్వేలైన్‌ మార్గం సగానికి తగ్గించారు. కొత్త రైల్వేలైన్‌ నిర్మాణానికి, భూసర్వేకు సంబంధించిన గెజిట్‌ను దక్షిణమధ్య రైల్వేజోన్‌ జూలైలో విడుదల చేసింది. రెండు నెలల్లోపే ఈ మార్గానికి నిధులు మంజూరు చేస్తున్నట్లు గెజిట్‌ రావడం గమనార్హం. కేవలం ప్రాజెక్ట్‌ వ్యయం తగ్గించడానికే రైల్వేమార్గం డిజైన్‌ మార్చారని, దూరం తగ్గించారనే విమర్శలు ఉన్నాయి. బేల, జైనథ్‌ వాసులకు రైలు ప్రయాణం అనేది కలగా మిగలనుంది. ప్యాసింజర్‌ రైళ్లు నడపడానికి కూడా.. మహారాష్ట్రలోని మాణిక్‌గడ్‌ నుంచి గడ్‌చందూర్‌ మధ్య 21కిలోమీటర్ల సింగిల్‌ విద్యుత్‌ రైల్వే మార్గం ఉంది. ఇది కేవలం సరుకు రవాణా రైళ్ల కోసం వాడుతున్నారు. ప్రయాణికుల రైళ్లు నడపడం లేదు. ఆదిలాబాద్‌ నుంచి మాజ్రీ, బల్లార్షా మీదుగా మాణిక్‌గడ్‌ వెళ్లేందుకు ప్రస్తుతం 158 కిలోమీటర్లు ఉంది. కొత్త లైన్‌ నిర్మించాక ఇది 48 కిలోమీటర్లు తగ్గి 110 కిలోమీటర్లు ఉండనుందని రైల్వేశాఖ అంచనా వేస్తుంది. ఈ మార్గం పూర్తిగా దక్షిణమధ్య రైల్వేజోన్‌ పరిధిలో ఉంటుందని చెబుతున్నారు. ఆదిలాబాద్‌ నుంచి ఉమ్మడి జిల్లాలోని సిర్పూర్‌ కాగజ్‌నగర్‌, బెల్లంపల్లి, మంచిర్యాలతో పాటు రామగుండం, పెద్దపల్లి వెళ్లాలంటే బల్లార్షా మీదుగా పయనించాలి. కొత్త రైల్వేలైన్‌ పూర్తయితే మాణిక్‌గడ్‌ నుంచి సిర్పూర్‌ కాగజ్‌నగర్‌, మంచిర్యాల, పెద్దపల్లి మీదుగా కాజిపేట్‌ లేనిపక్షంలో వరంగల్‌ వరకు ఎంఈఎంయూ రైళ్లు నడపాలని రైల్వే అధికారులు నిర్ణయించినట్లు తెలుస్తోంది. తద్వారా ఆదిలాబాద్‌ నుంచి కూడా తెలంగాణ ప్రాంతంలోని రైల్వే మార్గాలకు అనుసంధానం పెరగనుంది.సరిహద్దు ప్రాంతం..ముకుట్‌బంద్‌ ఆదిలాబాద్‌ జిల్లాకు సరిహద్దున ఉంటుంది. యవత్మాల్‌ జిల్లా పరిధిలోకి వచ్చినప్పటికీ ఇది ఆదిలాబాద్‌ జిల్లా కేంద్రం, జైనథ్‌, పిప్పల్‌కోటి సరిహద్దు ప్రాంతాలకు సమీపంలో ఉంటుంది. ఆదిలాబాద్‌ నుంచి మహారాష్ట్రలోని మాజ్రీ రైల్వే మార్గంలో వచ్చే చిన్నస్టేషన్‌ ముకుట్‌బంద్‌. ఆదిలాబాద్‌ నుంచి 52 కిలోమీటర్ల దూరంలో ఉంటుంది.

గణేశ్‌ నిమజ్జనంలో ఆదిలాబాద్‌టౌన్‌/ఆదిలాబాద్‌: గణేశ్‌ నిమజ్జన ఉత్సవాల్లో అపశ్రుతులు చోటుచేసుకుండా నిర్వాహకులు, యువత పూర్తి అప్రమత్తంగా ఉండాలని జిల్లా పోలీసులు సూచిస్తున్నారు. సంగారెడ్డి జిల్లా ఇంద్రేశంలో బుధవారం నిర్వహించిన నిమజ్జన కార్యక్రమంలో ఆరుగురు విద్యార్థులు చెరువులో మునిగి మృత్యువాతపడటం తీవ్ర విషాదం నింపింది. ఇలాంటి ఘటనలకు తావివ్వకుండా భక్తులు, ఉత్సవ కమిటీలు జాగ్రత్తలు పాటించాలని ఎస్పీ అఖిల్‌ మహాజన్‌ సూచిస్తున్నారు. చెరువులు, కుంటల వద్ద..నిమజ్జనం జరిగే చెరువులు, కుంటలు, నదులు, ఇతర నీటి వనరుల వద్ద భక్తులు అప్రమత్తంగా ఉండాలి. నిమజ్జన ప్రాంతాల్లో ఏర్పాటు చేసిన బారికేడ్లను దాటి లోతైన ప్రాంతాల్లోకి వెళ్లకూడదు. ప్రమాదకర ప్రదేశాల్లో నిలబడి ఫొటోలు, సెల్ఫీలు తీసుకోవడం, నీటిలోకి దూకడం వంటి చర్యలకు దూరంగా ఉండాలి. పోలీసులు, అగ్నిమాపక సిబ్బంది, గజ ఈతగాళ్లు, ఇతర రక్షణ సిబ్బంది అందుబాటులో ఉండేలా చర్యలు చేపట్టాలి. భారీ గణేశ్‌ విగ్రహాలను ఊరేగింపుగా తరలించే సమయంలో విద్యుత్‌ తీగలు, విద్యుత్‌ స్తంభాలు, ట్రాన్స్‌ఫార్మర్ల విషయంలో ప్రత్యేక జాగ్రత్తలు తీసుకోవాలి. ప్రమాదకరంగా వేలాడుతున్న తీగలు, ఇతర సమస్యలు కనిపిస్తే వెంటనే విద్యుత్‌ శాఖ అధికారులకు సమాచారం అందించాలి. ట్రాఫిక్‌ నిబంధనలు తప్పనిసరి నిమజ్జనం సందర్భంగా ప్రధాన రహదారి, కూడళ్లలో ట్రాఫిక్‌ రద్దీ ఏర్పడే అవకాశం ఉన్నందున వాహనదారులు పోలీసుల సూచనలు పాటించాలి. ఊరేగింపునకు ఆటంకం కలిగించేలా రోడ్లపై వాహనాలను ఎక్కడపడితే అక్కడ నిలిపివేయొద్దు. అత్యవసర సేవలైన అంబులెన్స్‌లు, అగ్నిమాపక వాహనాలు, పోలీసు వాహనాలకు ఎలాంటి ఆటంకం కలగకుండా మార్గం కల్పించాలి. ఉత్సవకమిటీలు తమ వలంటీర్లను ఏర్పాటు చేసుకుని భక్తులను క్రమబద్ధంగా నడిపించేందుకు సహకరించాలని సూచిస్తున్నారు. దీంతోపాటు పర్యావరణ పరిరక్షణకు ప్రాధాన్యం ఇవ్వాలని, ప్లాస్టిక్‌ కవర్లు, పూజాసామగ్రి, పూలు, ఇతర వ్యర్థాలను నిర్దేశించిన ప్రదేశాల్లో వేయాలని కోరుతున్నారు. జాగ్రత్తలు తీసుకోవాలి..గణేశ్‌ విగ్రహాలను నిమజ్జన ప్రాంతాలకు తరలించే సమయంలో ట్రాక్టర్లు, లారీలు, ఇతర వాహనాల డ్రైవర్లు అప్రమత్తంగా ఉండాలి. వాహనాల్లో పరిమితికి మించి భక్తులను ఎక్కించుకోవద్దు. వాహనపత్రాలు, డ్రైవింగ్‌ లైసెన్స్‌ తప్పనిసరిగా కలిగి ఉండాలి. నిమజ్జన వేడుకల్లో డ్రైవర్లు మద్యం తాగి వాహనాలు నడిపితే చర్యలు తీసుకుంటాం.

కై లాస్‌నగర్‌: పేరు గొప్ప.. ఊరు దిబ్బ అన్నట్లుగా ఉంది ఆదిలాబాద్‌ మున్సిపాలిటీ పరిస్థితి. గ్రేడ్‌–1 మున్సిపల్‌ అయినప్పటికీ చెత్త నిర్వహణ అస్తవ్యస్తంగా మారింది. తడి, పొడి చెత్తను వేరుగా సేకరించాలనే నిబంధన కాగితాలకే పరిమితమైంది. పారిశుద్ధ్య వాహనాలు సరైన సమయానికి రాకపోవడంతో ప్రజలు చెత్తను రోడ్లపైనే పారబోస్తున్నారు. బుట్టలు పంపిణీ చేసినా అవగాహన లోపంతో కలిపే ఇస్తున్నారు. సిబ్బంది కూడా అలాగే డంపింగ్‌ యార్డుకు తరలిస్తున్నారు. గురువారం ‘సాక్షి’ పరిశీలనలో అధికారుల నిర్లక్ష్యం బట్టబయలైంది. మూతపడిన డీఆర్‌సీసీ సెంటర్‌ ... పట్టణంలోని 49వార్డుల నుంచి నిత్యం దాదాపు 64మెట్రిక్‌ టన్నుల చెత్త 4వ వార్డు బంగారుగూడలోని 36ఎకరాల డంపింగ్‌యార్డుకు చేరుతోంది. చెత్త సేకరిస్తున్నప్పటికి కాలనీల్లో ఎక్కడపడితే అక్కడ చెత్త కుప్పలు దర్శనమిస్తుండటం సేకరణలో జరుగుతున్న నిర్లక్ష్యానికి నిదర్శనంగా నిలుస్తోంది. గత కొన్ని నెలలుగా బయోమైనింగ్‌ ప్రక్రియ నిలిచిపోవడంతో డంపింగ్‌యార్డులో చెత్త కుప్పలు గుట్టలుగా పేరుకుపోతున్నాయి. దీంతో దుర్వాసన వెదజల్లుతోంది. చెత్తలోని గాజు, ప్లాస్టిక్‌, అట్టలు వంటి 14రకాల వ్యర్థాలను వేరుచేసేందుకు రూ.లక్షలు వెచ్చించి ఏర్పాటు చేసిన రడ్రై రిసోర్సు కలెక్షన్‌ సెంటర్‌ (డీఆర్‌సీసీ) ప్రస్తుతం మూతపడింది. కొనుగోలు చేసిన యంత్రాలు నిరుపయోగంగా మారి తుప్పుపడుతున్నాయి. నిర్మాణానికే పరిమితమైన వర్మీకంపోస్ట్‌ యూనిట్‌.. తడి, పొడి చెత్తను వేరు చేయడంతో పాటు వర్మీ కంపోస్టు ఎరువు తయారు చేయాలనే ఉద్దేశంతో డంపింగ్‌యార్డులో ప్రత్యేక కేంద్రాన్ని ఆరేళ్ల కిందట నిర్మించారు. ఎరువుల తయారీకి వీలుగా బెడ్‌లను సిద్ధం చేయడంతో పాటు పలువురు కార్మికులను ప్రత్యేకంగా నియమించారు. అయితే ఎరువుల తయారీ మాత్రం జరగడం లేదు. ఈ యూనిట్‌ కేవలం నిర్మాణానికే పరిమితమైంది. నిలిచిన బయో మైనింగ్‌.. గత మూడేళ్ల క్రితం వరకు పోగైన 1.16లక్షల మెట్రిక్‌ టన్నుల చెత్త బయోమైనింగ్‌ బాధ్యతలను హైదరాబాద్‌కు చెందిన ఓ కంపెనీ నిర్వహించింది. ఇందుకోసం ఆ సంస్థకు రూ.1.16కోట్ల నిధులు అందజేశారు. గత రెండేళ్ల నుంచి చెత్తను ఎరువుగా మారుస్తున్న ఈ కంపెనీ గడువు ముగియడంతో బయోమైనింగ్‌ నిలిచిపోయింది. గతేడాది కాలంగా ఈ ప్రక్రియ జరగడం లేదు. దీంతో చెత్త నిల్వలు గుట్టలుగా పేరుకుపోయాయి. చెత్తకుప్పలకు కార్మికులు నిప్పు అంటిస్తుండటంతో ఆయా ప్రాంతాల్లోని కాలనీవాసులు, పంట చేలల్లోని రైతులు తీవ్ర ఇబ్బందులు పడుతున్నారు. ఎక్కడపడితే అక్కడ చెత్త కుప్పలు..పట్టణంలోని వార్డుల్లో రోజు విడిచి రోజు ట్రాలీ ఆటోలు, ట్రాక్టర్ల ద్వారా చెత్త సేకరణ చేపడుతున్నామని అధికారులు చెబుతున్నప్పటికీ ఈ ప్రక్రియ సక్రమంగా జరగడం లేదు. పలు వార్డుల్లో సమయానికి వాహనాలు రావడం లేదు. దీంతో కాలనీవాసులు చెత్తను రోడ్లపై పడేస్తున్నారు. బల్దియా కార్మికులు ఆ చెత్తను వారం, పదిహేను రోజులకు తరలిస్తుండడంతో రోజుల తరబడి నిల్వ ఉండటంతో ఆయా ప్రాంతాల్లో కంపు వాసన వెదజల్లుతోంది. ఆదిలాబాద్‌ పట్టణంలోని వార్డులు 49 కుటుంబాలు 48,393 ప్రతి రోజు పోగయ్యే చెత్త 64మెట్రిక్‌ టన్నులు రోజువారీగా పోగయ్యే తడి చెత్త 22మెట్రిక్‌ టన్నులు పొడి చెత్త 42మెట్రిక్‌ టన్నులు చెత్తను తరలించే వాహనాలు 25ట్రాక్టర్లు, 48ట్రాలీ ఆటోలు రోజువారీగా వినియోగమయ్యే ఇంధన వ్యయం రూ.8లక్షలు పారిశుద్ధ్య కార్మికులు 278మంది

ఆదిలాబాద్‌రూరల్‌: ప్రకృతి వైపరీత్యాలు, అనుకోని ప్రమాదాలు సంభవించినప్పుడు క్షతగాత్రులకు ప్రాథమిక సహాయం అందించి, ప్రాణాలు కాపాడే మొదటి రెస్పాండర్లుగా యువత బాధ్యతాయుతంగా ఎదగాలని జిల్లా కలెక్టర్‌ రాజర్షిషా పిలుపునిచ్చా రు. మండలంలోని యాపల్‌గూడ శివారు ప్రాంతంలోని 2వ బెటాలియన్‌లో గురువారం తెలంగాణ స్పెషల్‌ పోలీస్‌ ఎస్డీఆర్‌ఎఫ్‌, జిల్లా యంత్రాంగం సంయుక్త ఆధ్వర్యంలో నిర్వహిస్తున్న యువ ఆపద మిత్ర శిక్షణ కార్యక్రమ ప్రారంభోత్సవానికి ఆయన ముఖ్య అతిథిగా హాజరయ్యారు. ఆయన మాట్లాడుతూ.. ఏదైనా ప్రమాదం జరిగిన క్షణంలో అధికారిక యంత్రాంగం, అంబులెన్స్‌ వచ్చే వరకు వేచి చూడకుండా, శిక్షణ పొందిన యువత తొలి 5 నుంచి 10నిమిషాల్లో స్పందిస్తే ఎన్నో విలువైన ప్రాణాలు రక్షించవచ్చన్నారు. ఉమ్మడి ఆదిలాబాద్‌ జిల్లా వ్యాప్తంగా మొత్తం 245మంది యువతీ, యువకులకు నిపుణుల పర్యవేక్షణలో శిక్షణ ఇస్తున్నట్లు వెల్లడించారు. శిక్షణ పూర్తి చేసుకున్న ప్రతి వాలంటీర్‌కు ప్రత్యేక కిట్‌, సర్టిఫికెట్‌ అందజేస్తున్నట్లు తెలిపారు. 2వ బెటాలియన్‌ కమాండెంట్‌ వెంకటేశ్వర రెడ్డి, అసిస్టెంట్‌ కమాండెంట్‌ రఘునా థ్‌ చౌహాన్‌, శ్రీనివాస్‌ రావు, ఆపద మిత్ర శిక్షణార్థులు, పోలీస్‌ అధికారులు, సిబ్బంది పాల్గొన్నారు.

మందమర్రిరూరల్‌: సింగరేణిలో గుర్తింపు కార్మిక సంఘాల కాలపరిమితి ముగిసిందని, జేబీసీసీఐ లోని సంఘాలకు సింగరేణిలో అవకాశం కల్పించా లని బీఎంఎస్‌ వర్కింగ్‌ ప్రెసింట్‌ యాదగిరి సత్త య్య డిమాండ్‌ చేశారు. గురువారం స్థానిక ప్రెస్‌క్లబ్‌లో నిర్వహించిన సమావేశంలో ఆయన మాట్లాడా రు. 2025– 26 ఆర్దిక సంవత్సరం సంస్థకు వచ్చిన వాస్తవ లాభాలను వెంటనే ప్రకటించి 40 శాతం వా టా పంపిణీ చేయాలని డిమాండ్‌ చేశారు. ఈ సమావేశంలో యూనియన్‌ నాయకులు శ్రీనివాసరావు, ప్రదీప్‌కుమార్‌, వీరన్న, దీక్షితులు పాల్గొన్నారు.

రామకృష్ణాపూర్‌: రామకృష్ణాపూర్‌లోని సింగరేణి ఏరియా ఆసుపత్రి, డిస్పెన్సరీని జిల్లా కలెక్టర్‌ కుమార్‌దీపక్‌ గురువారం సందర్శించారు. రోగులకు అందుతున్న వైద్యసేవలు, మౌలిక వసతులు, కల్పిస్తున్న సదుపాయాలను పరిశీ లించారు. రోగులకు అవసరమైన వైద్య సేవలు సక్రమంగా అందేలా చర్యలు తీసుకోవాల ని అధికారులకు సూచించారు. అనంతరం రామకృష్ణాపూర్‌లో నూతన ప్రభుత్వ ఆసుపత్రి ఏర్పాటుకు అనువైన స్థలం కోసం సింగరేణి స్థలాలను పరిశీలించారు. కార్యక్రమంలో మందమర్రి ఏరియా జీఎం రాధాకృష్ణ, తహసీల్దార్‌ సతీష్‌, క్యాతనపల్లి మున్సిపల్‌ కమిషనర్‌ మురళీకృష్ణ తదితరులు పాల్గొన్నారు. క్లెయిమ్‌లు త్వరగా పరిష్కరించాలి శ్రీరాంపూర్‌: సీఎంపీఎఫ్‌ క్లెయిమ్‌లను త్వరగా పరిష్కరించాలని సీఎంపీఎఫ్‌ రీజినల్‌ కమిషన ర్‌ భరత్‌కుమార్‌ తెలిపారు. గురువారం విజి లెన్సు అవగాహన కార్యక్రమాన్ని జీఎం కార్యాలయంలోని సమావేశ మందిరంలో నిర్వహించారు. ఈ సందర్భంగా ఆయన మాట్లాడుతూ పెన్షన్‌, పీఎఫ్‌ క్లెయిమ్‌లు, అడ్వాన్స్‌లపై అవగాహన కల్పించారు. క్లెయిమ్‌లు జీరో పెండెన్సీ లక్ష్యంగా పని చేస్తున్నామన్నారు. కార్యక్రమంలో ఏరియా ఎస్‌ఓటు జీఎం కృష్ణప్రసాద్‌, డీజీఎం(పర్సనల్‌)అనిల్‌కుమార్‌ పాల్గొన్నారు. రక్షణకు అధికప్రాధాన్యతనివ్వాలి శ్రీరాంపూర్‌: రక్షణకు అధిక ప్రాధాన్యతనివ్వాలని డీడీఎంఎస్‌(మెకానికల్‌) కౌశిక్‌సేన్‌ గుప్తా తెలిపారు. గురువారం సీసీసీలోని సింగరేణి గెస్టుహౌజ్‌ సమావేశ మందిరంలో లైఫ్‌, సేఫ్టీ అంశాలపై అవగాహన కల్పించారు. ప్రతీ ఉద్యోగి సేఫ్టీతో పని చేసేలా చూడాలని అన్నా రు. రక్షణ సూత్రాలు పాటించి పని చేయాలన్నారు. ఈ కార్యక్రమంలో ఏరియా జీఎం ఎం.శ్రీనివాస్‌, బెల్లంపల్లి రీజియన్‌ సేఫ్టీ జీఎం రఘుకుమార్‌, ఏరియా ఎస్‌ఓటు జీఎం కృష్ణప్రసాద్‌, ఏరియా సేఫ్టీ అధికారి సత్యనారాయణ, ఓసీపీ పీఓలు వెంకటేశ్వర్లు, ఏవీ రెడ్డి, ఏజెంట్లు రవికుమార్‌, శ్రీధర్‌ పాల్గొన్నారు.

ఉట్నూర్‌రూరల్‌: మండల పరిసర ప్రాంతాల్లో గత ఎనిమిది నెలలుగా వరుస చోరీలకు పాల్పడుతున్న ఇద్దరితోపాటు వారికి సహకరించిన పలువురిని అరె స్టు చేసినట్లు ఉట్నూర్‌ ఏఎస్పీ రుత్విక్‌ సాయి తెలి పారు. ఉట్నూర్‌ ఏఎస్పీ కార్యాలయంలో గురువా రం వివరాలు వెల్లడించారు. ఉట్నూరు ప్రాంతంలో మోనూ, షాజిద్‌లు తాళం వేసి ఉన్న ఇళ్లను లక్ష్యంగా చేసుకుని చోరీలకు పాల్పడేవారు. ఇప్పటివరకు మూడు ఇళ్లలో రూ.30 వేల నగదుతోపాటు 3 తు లాల బంగారం, 47 తులాల వెండి ఆభరణా లను ఎత్తుకెళ్లారు. పంట పొలాల్లోని ట్రాన్స్‌ఫార్మర్ల నుంచి రాగితీగలు, కాపర్‌ కాయిల్స్‌, సోలార్‌ బ్యాటరీ లు, ఇతర పరికరాలను ఎత్తుకెళ్లారు. కేసు దర్యాప్తులో భాగంగా నిందితులను అరెస్టు చేసి విచారించడగా ఆరు చోట్ల చోరీలకు పాల్పడినట్లు అంగీకరించారు. చోరీ చేసిన విద్యుత్‌ సామగ్రిని షమ్షూ, మొబీన్‌, అతిక్‌ సహాయంతో స్థానిక స్కారప్‌ షాపులకు విక్రయించగా, బంగారు, వెండి ఆభరణాలను వ్యాపారులు ప్రభాకర్‌, చందన్‌, నారోజి విజయ్‌ కొనుగోలు చేశారు. వాటి అమ్మకాల్లో సహకరించిన మోహన్‌, జయవంత్‌, శివరాత్రి శ్రీనివాస్‌పై పోలీసులు కేసులు నమోదు చేశారు. సమావేశంలో సీఐ ప్రసాద్‌, ఎస్సై విజయ్‌ పాల్గొన్నారు.

కై లాస్‌నగర్‌: ఓటర్ల జాబితా, ప్రత్యేక సమగ్ర సవరణ(ఎస్‌ఐఆర్‌) ప్రక్రియలో భాగంగా ఆన్‌మ్యాపింగ్‌, అనామలిస్‌ ఓటర్లకు జిల్లా అధికార యంత్రాంగం నోటీసులను జారీ చేస్తోంది. అయితే ఎవరికి నోటీసులు అందుతున్నాయి, నోటీసులు అందిన ఓటర్లు ఎలాంటి ఆధారాలు సమర్పించాలనే విషయం తెలియక చాలా మంది తీవ్ర ఆందోళనకు గురవుతున్నారు. నోటీసులు వచ్చిన వేలాది మంది ఓటర్లు అధికారిక విచారణకు హాజరుకావడం లేదు. వచ్చేవారు ఎలాంటి ధృవీకరణపత్రాలు తీసుకురావాలో తెలియక సతమతమవుతున్నారు. దీనిపై ఓటర్లలో నెలకొన్న సందిగ్ధతకు తెరదించాలనే ఉద్దేశంతో వారి ప్రయోజనార్దం ఎలక్టోరల్‌ రిజిస్ట్రేషన్‌ అధికారి(ఆదిలాబాద్‌ ఆర్డీవో) పి.జగదీశ్వర్‌రావుతో ‘సాక్షి’ శుక్రవారం ఫోన్‌ఇన్‌ కార్యక్రమాన్ని నిర్వహిస్తోంది. జిల్లాలోని ఓటర్లు నిర్ణీత సమయంలో ఫోన్‌ చేసి తమ సందేహాలు నివృత్తి చేసుకునే అవకాశాన్ని కల్పిస్తోంది.

మల్యాల: కొద్ది నెలలుగా ట్రాన్స్‌ఫార్మర్లు పగులగొట్టి కాపర్‌ వైరు చోరీ చేస్తున్న దొంగలముఠాను మల్యాల పోలీసులు అరెస్టు చేసి రిమాండ్‌కు తరలించారు. గురువారం స్థానిక సర్కిల్‌ కార్యాలయంలో సీఐ రాజ్‌కుమార్‌, ఎస్సై ఎస్‌.సందీప్‌కుమార్‌ దొంగల ముఠా వివరాలు వెల్లడించారు. మండల కేంద్రానికి చెందిన తపాల బాబు, మంచిర్యాల వి కాస్‌నగర్‌కు చెందిన కోట శ్రీను, పల్లపు సురేశ్‌, సూ ర సురేశ్‌ ముఠాగా ఏర్పడి కొంతకాలంగా ట్రాన్స్‌ఫార్మర్లను పగులగొట్టి కాపర్‌వైరు దొంగిలిస్తున్నా రు. వైర్‌ను ముద్దగా చేసి.. విక్రయించి.. వచ్చిన డ బ్బును పంచుకునేవారు. మల్యాల, వెల్గటూర్‌, ధ ర్మపురి, గొల్లపల్లి, బుగ్గారం మండలాల్లోని వివిధ గ్రామాల్లో మొత్తం తొమ్మిది దొంగతనాలకు పాల్ప డ్డారు. గురువారం కొండగట్టు వద్ద కోట శ్రీను, పల్లపు సురేశ్‌, సూర సురేశ్‌ అనుమానాస్పదంగా తిరుతుగుతుండగా పట్టుకున్నారు. నిందితుల నుంచి ప్యాసింజర్‌ ఆటో, మొబైల్‌ ఫోన్‌, ట్రాన్స్‌ఫార్మర్‌ పగులగొట్టే ప్రత్యేక పరికరం, 39 కిలోల కాపర్‌ వైర్‌ స్వాధీనం చేసుకున్నామని సీఐ వెల్లడించారు. ఏ–1 నిందితుడు తపాలా బాబు పరారీలో ఉన్నట్లు తెలిపారు. కేసు చేధించడంలో కృషి చేసిన ఎస్సై సందీప్‌కుమార్‌, కానిస్టేబుల్‌ రాజేందర్‌, ఆంజనేయులు, విక్రాంత్‌ను ఎస్పీ అశోక్‌కుమార్‌ అభినందించారు.

మంచిర్యాలక్రైం: జిల్లాలో నలుగురు ఎస్సైలను బదిలీ చేస్తూ కాళేశ్వరం జోన్‌ 1 ఐజీ, రామగుండం పోలీస్‌ కమిషనర్‌ అంబర్‌ కిషోర్‌ ఝా గురువారం ఉత్తర్వులు జారీ చేశారు. పేరు ప్రస్తుత స్థానం బదిలీ స్థానం మేకల ప్రశాంత్‌ సీసీసీ నస్పూర్‌ తాళ్లగురిజాల పీఎస్‌ బి.రామకృష్ణ తాళ్లగురిజాల పీఎస్‌ వీఆర్‌ రామగుండం సిహెచ్‌ శ్రావణ్‌కుమార్‌ మంచిర్యాలటౌన్‌ ఎస్‌హెచ్‌వో కాసిపేట ఏ.ఆంజనేయులు ఎస్‌హెచ్‌వో కాసిపేట వీఆర్‌ రామగుండం

ఆసిఫాబాద్‌అర్బన్‌/రెబ్బెన: చోరీలకు పాల్పడుతు న్న అంతర్‌జిల్లా దొంగల ముఠాను అరెస్టు చేసినట్లు ఎస్పీ నితిక పంత్‌ తెలిపారు. జిల్లాకేంద్రంలోని పోలీసు కార్యాలయంలో గురువారం వివరాలు వె ల్లడించారు. రెబ్బెన పోలీసుస్టేషన్‌ పరిధిలోని కై ర్‌ గాంలో ఈనెల7న ఇంటికి తాళం వేసి యజమాని తాండూర్‌లో వారి బంధువు అంతక్రియల కోసం వెళ్లారు. గమనించిన నిందితులు ముందుగా రెక్కీ నిర్వహించి, తాళం పగులగొట్టి విలువైన వస్తువులను ఎత్తుకెళ్లారు. యజమాని ఫిర్యాదుతో పోలీసులు కేసు నమోదు చేశారు. కేసు ఛేదనకు మూడు ప్రత్యేక పోలీసు బృందాలు ఏర్పాటు చేసి డీఎస్పీ అశోక్‌, రెబ్బెన సీఐ సంజయ్‌ ఆధ్వర్యంలో దర్యాపు చేపట్టాయి. గురువారం కాగజ్‌నగర్‌ ఎక్స్‌రోడ్డు వద్ద వాహన తనిఖీలు నిర్వహించారు. అనుమానాస్పదంగా కనిపించిన స్విఫ్ట్‌ డిజైర్‌ కారును తనిఖీ చేయగా, తాళాలు పగులగొట్టేందుకు ఉపయోగించే సామగ్రితోపాటు బంగారం, వెండి లభించాయి. కారులో నలుగురిని అదుపులో తీసుకుని విచారించారు. తాండూర్‌, ఖైర్‌గావ్‌, జక్కులపల్లి, రెబ్బెన ప్రాంతాల్లో చోరీలు చేసినట్లు అంగీకరించారు. పట్టుబడిన నిందితుల్లో మంచిర్యాల జిల్లా తాండూర్‌లోని శివాజీనగర్‌కు చెందిన ఊపట్ల ప్రణయ్‌, శివాజీనగర్‌కు చెందిన రాజేశం, శాలిగామ కృష్ణ, శంబాజీనగర్‌కు చెందిన మంచెర్ల సతీశ్‌కుమారర్‌ ఉన్నారు. వీరు జల్సాలకు అలవాటుపడి చోరీలకు పాల్పడుతున్నారు. వారి నుంచి 10.3 తులాల బంగారం, 30 తులాల వెండి, 4 సెల్‌ఫోన్లు, స్విఫ్ట్‌ డిజైర్‌ కారు, సామగ్రిని స్వాధీనం చేసుకున్నారు. నిందితులను కోర్టులో హాజరుపర్చి, న్యాయస్థానం ఆదేశాలతో రిమాండ్‌కు తరలించినట్లు ఎస్పీ తెలిపారు. కేసు ఛేదించడంలో ప్రతిభ కనబర్చిన డీఎస్పీ అశోక్‌, రెబ్బెన సీఐ సంజయ్‌, ఎస్సై వెంకటకృష్ణ, హెచ్‌సీ రవికుమార్‌, పీసీ నౌషద్‌, వెంకటేశ్‌ ఎస్పీ అభినందించారు.

ఆదిలాబాద్‌రూరల్‌: డాక్టర్‌ బాబాసాహెబ్‌ అంబేడ్కర్‌ కుమారుడు బాబాసాహెబ్‌ యశ్వంత్‌ రావ్‌ అంబేడ్కర్‌ స్మృతి దినోత్సవాన్ని భారతీ య బౌద్ధ మహాసభ ఆధ్వర్యంలో గురువారం ఘనంగా నిర్వహించారు. ఈ సందర్భంగా గౌ తమబుద్ధుడు, సామ్రాట్‌ అశోక్‌, బాబా సాహెబ్‌ అంబేడ్కర్‌, రమాబాయి అంబేడ్కర్‌ చి త్రపటాలకు ప్రత్యేక పూజలు చేశారు. సామూహిక బుద్ధ వందన ఆలపించారు. దేశ, విదేశాల్లో బౌద్ద ధమ్మప్రచారానికి యశ్వంత్‌ రావు విశేష కృషి చేశారని కొనియాడారు. డాక్టర్‌ బీఆర్‌.అంబేడ్కర్‌పై అనుచిత వ్యాఖ్యలతో పుస్తకం ప్రచురించిన హమారప్రసాద్‌పై కఠిన చర్యలు తీసుకోవాలని డిమాండ్‌ చేశారు. కార్యక్రమంలో భారతీయ బౌద్ధ మహాసభ రాష్ట్ర ప్రధాన కార్యదర్శి రత్నజాడే ప్రజ్ఞాకుమార్‌, ప్రధాన కార్యదర్శి గుల్షన్‌ బన్సోడె, కేంద్రీయ శిక్షక్‌ కాంతారావ్‌ వాఘ్మరే, ఆఫీస్‌ సెక్రటరీ కుమార్‌ సొన్‌కాంబ్లే తదితరులు పాల్గొన్నారు.

లక్ష్మణచాంద: విద్యుత్‌ షాక్‌తో యువ రైతు మృతి చెందిన ఘటన మండలంలోని పార్‌పెల్లిలో చోటు చేసుకుంది. వివరాలు ఇలా ఉన్నాయి.. పార్‌పెల్లి గ్రామానికి చెందిన దావ వినేష్‌(32) గురువారం సాయంత్రం తన వరి పొలం ఒడ్డుపై గడ్డిని కోయడానికి గ్రాస్‌ కట్టర్‌ తీసుకుని వెళ్లాడు. కట్‌ చేసే సమయంలో బోరు మోటార్‌కు విద్యుత్‌ స్తంభం నుంచి స్టార్టర్‌కు వచ్చే విద్యుత్‌ తీగ ఒక చోట కట్‌ అయింది. వినేష్‌ గమనించలేదు. గ్రాస్‌ కట్టర్‌ కింది భాగానికి తెగిన వైరు తగిలి అక్కడికక్కడే మృతి చెందాడు. ఎంతసేపటికి కుమారుడు ఇంటికి రాకపోవడంతో తండ్రి చిన్న గంగన్న ఫోన్‌ చేయగా లిఫ్ట్‌ చేయలేదు. అనుమానంతో పొలం వద్దకు వెళ్లి చూడగా విగతజీవిగా పడి ఉన్నాడు. విషయం తెలుసుకున్న పోలీసులు ఘటన స్థలానికి చేరుకుని పరిశీలించారు. తండ్రి ఫిర్యాదుతో కేసు దర్యాప్తు చేస్తున్నట్లు ఎస్సై శ్రావణి తెలిపారు. మృతుడికి భార్య అఖిల, ఇద్దరు రెండేళ్లలోపు కుమారులు ఉన్నారు. వాహనం ఢీకొని గుర్తుతెలియని వ్యక్తి.. రెబ్బెన: మండలంలోని నేర్పల్లి బస్టాప్‌ వద్ద జాతీయ రహదారిపై గురువారం తెల్లవారుజామున వాహనం ఢీకొని గుర్తు తెలియని వ్యక్తి మృతి చెందినట్లు ఎస్సై వెంకటకృష్ణ తెలిపారు. తమకందిన సమాచారంతో ఘటన స్థలానికి వెళ్లి మృతదేహాన్ని పరిశీలించినట్లు పేర్కొన్నారు. మృతుడి వయస్సు 35 నుంచి 40 ఏళ్లు ఉంటుందని, ఒంటిపై గోధుమ రంగు చొక్కా, ప్యాంటు ధరించి ఉన్నాడని తెలిపారు. హెడ్‌ కానిస్టేబుల్‌ శ్రీనివాస్‌ ఫిర్యాదుతో కేసు నమోదు చేసి మృతదేహాన్ని ఆసిఫాబాద్‌ ప్రభుత్వ ఆసుపత్రికి తరలించినట్లు ఎస్సై తెలిపారు. నీటికుంటలో పడి బాలుడి.. ఉట్నూర్‌రూరల్‌: ప్రమాదవశాత్తు నీటికుంటలో పడి బాలుడు మృతిచెందాడు. మండలంలోని లింగోజితండా పరిధిలో ఈఘటన చోటుచేసుకుంది. ఉట్నూర్‌ ఎస్సై గుంపుల విజయ్‌కుమార్‌, స్థానికులు తెలిపిన వివరాల ప్రకారం..మహారాష్ట్ర నుంచి కబీర్‌దాస్‌, సవిత దంపతులు పదేళ్ల క్రితం బతుకుదెరువు కోసం లింగోజితండాకు వచ్చి నివాసం ఉంటున్నారు. వీరికి ఐదుగురు సంతానం. పెద్ద కుమారుడు దేవిదాస్‌ (16) గురువారం తన ఇద్దరు సోదరులతో కలిసి రోజూ మాదిరిగా ఈత కోసం భీంగూడకు వెళ్లేమార్గంలో ఉన్న నీటికుంట వద్దకు వెళ్లాడు. ప్రమాదవశాత్తు దేవిదాస్‌ నీటికుంటలో పడి పోయాడు. ఈ విషయాన్ని అన్న స్థానికులకు తెలిపాడు. ఉపసర్పంచ్‌ జాదవ్‌ హరిచంద్‌, సూరినాయక్‌ యువసేన యువకులతో కలిసి వెళ్లారు. నీటి గుంటలో దేవిదాస్‌ మృతదేహాన్ని బయటకు తీశారు. పంచనామా కోసం ఉట్నూర్‌ ఆసుపత్రికి తరలించినట్లు ఉపసర్పంచ్‌ తెలిపారు. కుటుంబ సభ్యుల ఫిర్యాదుతో కేసు దర్యాప్తు చేస్తున్నట్లు ఎస్సై తెలిపారు. పురుగుల మందు తాగి ఒకరి ఆత్మహత్య లోకేశ్వరం: పురుగుల మందు తాగి ఒకరు ఆత్మహత్యకు పాల్పడినట్లు ఏఎస్సై భారతి తెలిపారు. ఏఎస్సై కథనం ప్రకారం.. మండలంలోని రాయాపూర్‌కాండ్లీ గ్రామానికి చెందిన తోండకూర్‌ శ్రీనివాస్‌(32) ఎలాంటి పనిచేయక తాగుడికి బానిసై తిరుగుతుండేవాడు. ఈనెల 13న మద్యం సేవించేందుకు డబ్బులు ఇవ్వమని భార్య లావణ్యతో గొడవ పడ్డాడు. భార్య డబ్బులు ఇవ్వపోయేసరికి ఇంట్లో పురుగు మందు తాగాడు. గమనించిన కుటుంబ సభ్యులు 108లో భైంసా ఏరియాస్పత్రికి తరలించారు. మెరుగైన వైద్య కోసం నిజామాబాద్‌ ప్రభుత్వ ఆస్పత్రికి తీసుకెళ్లారు. చికిత్స పొందుతూ గురువారం మృతిచెందాడు. మృతుడికి ఇద్దరు కుమారులు ఉన్నారు. మృతుడ బంధువు బక్కురి ఆనందం ఫిర్యాదుతో కేసు దర్యాప్తు చేస్తున్నట్లు ఏఎస్సై తెలిపారు.

రెబ్బెన: సింగరేణిలో గుర్తింపు సంఘం ఏఐటీయూసీ కాలపరిమితి ముగిసినందున వెంటనే ఎన్నికలు నిర్వహించాలని టీబీజీకేఎస్‌ అధ్యక్షుడు మిర్యాల రాజిరెడ్డి, హెచ్‌ఎంఎస్‌ రాష్ట్ర అధ్యక్షుడు రియాజ్‌ అహ్మద్‌, సీఐటీయూ ప్రధాన కార్యదర్శి తుమ్మల రాజిరెడ్డి డిమాండ్‌ చేశారు. ఎన్నికలు నిర్వహించేవరకు అన్ని రిజిష్టర్డ్‌ యూనియన్లకు సమాన హోదా కల్పించి ఆహ్వానించాలని కోరుతూ గురువారం హైదరాబాద్‌లోని డిప్యూటీ చీఫ్‌ లేబర్‌ కమిషనర్‌, సింగరేణి సీఅండ్‌ఎండీ బుద్దప్రకాశ్‌, డైరెక్టర్‌ గౌతమ్‌లకు వినతిపత్రాలు అందజేశారు. ఈ సందర్భంగా వారు మాట్లాడుతూ ఎన్నికలపై హైకోర్టులో దాఖలు చేసిన పిటిషన్‌ విచారణకు వచ్చందన్నారు. ప్రభుత్వం, సింగరేణికి సంబంధించిన ఏజీ మరో వారం సమయం కావాలని కోరగా ఇదే చివరి అవకాశమని కోర్టు హెచ్చరిస్తూ ఈనెల 21వ తేదీకి వాయిదా వేసిందన్నారు.

సాక్షి,ఆదిలాబాద్‌: ప్రజాపాలనలో గ్రామసభలు, వార్డు సభల ద్వారా ప్రజల అభిప్రాయాలకే ప్రాధాన్యతనిస్తూ పేదలకు లబ్ధి కలిగిస్తున్నట్లు రాష్ట్ర ప్రభుత్వ సలహాదారు మహ్మద్‌ షబ్బీర్‌ అలీ అన్నారు. మహాలక్ష్మి, గృహజ్యోతి, రైతు భరోసా, ఇందిరమ్మ ఇల్లు వంటి పథకాలతో అర్హులకు మేలు చేస్తున్నామన్నారు. సెప్టెంబర్‌ 17న తెలంగాణ ప్రజాపాలన దినోత్సవ వేడుకలను పురస్కరించుకొని జిల్లా కేంద్రంలోని కలెక్టరేట్‌ కార్యాలయం ప్రాంగణంలో గురువారం జాతీయ జెండా ఆవిష్కరించారు. జిల్లా కలెక్టర్‌ రాజర్షిషా, ఎమ్మెల్యే పాయల్‌ శంకర్‌, ఎస్పీ అఖిల్‌ మహాజన్‌, మున్సిపల్‌ చైర్‌పర్సన్‌ బండారి అనూష, గ్రంథాలయ చైర్మన్‌ మల్లెపూల నర్సయ్య, మార్కెట్‌ కమిటీ చైర్మన్‌ బోరంచు శ్రీకాంత్‌ రెడ్డి, ఏఎస్పీలు మౌనిక, సాయి రుత్విక్‌ కొట్టే, సబ్‌ కలెక్టర్‌ ప్రణయ్‌కుమార్‌తో కలిసి అమరవీరులకు నివాళులర్పించారు. జిల్లా ప్రగతి ప్రసంగం ఆయన మాటల్లోనే... రిమ్స్‌ ఆస్పత్రిలో నూతనంగా రూ.6లక్షల వ్యయంతో సౌండ్‌ప్రూఫ్‌ గదిని ప్రారంభించాం. ఉట్నూర్‌, బోథ్‌ ఆస్పత్రుల నవీకరణకు రూ.41.70కోట్ల నిధులు మంజూరై పనులు పురోగతిలో ఉన్నాయి. విద్యుత్‌ లోవోల్టేజీ సమస్యలు, సరఫరా అంతరాయం శాశ్వత పరిష్కారానికి రూ.24.70కోట్లతో 9 నూతన సబ్‌స్టేషన్లు, 163 అదనపు డీటీఆర్‌లు ఏర్పాటు చేస్తున్నాం. మరింత చేయూత.. సీఎం గిరి వికాసం ఎస్సీ కార్పొరేషన్‌ ద్వారా అట్టడుగు వర్గాలకు విద్యుద్ధీకరణ పూర్తి చేస్తున్నాం. ఇందిరమ్మ ఇళ్ల పథకం ద్వారా జిల్లాలో బడుగు, బలహీన వర్గాల సొంతింటి కల సాకారమవుతుంది. నూతనంగా చేయూత పింఛన్ల దరఖాస్తులను ఈ నెల 15వరకు స్వీకరించాం. రైతు సంక్షేమమే ధ్యేయంగా పంట దిగుబడులను కొనుగోలు చేస్తున్నాం. మహిళ సాధికారతే లక్ష్యంగా ఇందిరా మహిళా శక్తి ద్వారా జిల్లాలోని 14,527స్వయం సహాయక సంఘాలను బలోపే తం చేస్తున్నాం. రూ.1552కోట్ల వడ్డీలేని రుణాలు ఇ చ్చాం. రూ.67లక్షల ఆదాయంతో బడి పి ల్లల ఏకరూప దు స్తుల తయారీని సంఘాలకు అందజేశాం. బ్యాంక్‌ లింకేజీ ద్వారా ఈ ఆ ర్థిక సంవత్సరం 1284 సంఘాలకు రూ.10,178 కోట్ల ఆర్థిక సాయం అందించాం. వసతిగృహాల నిర్మాణం.. జిల్లాలో రూ.11.10 కోట్లతో 3 కొత్త వసతిగృహాల నిర్మాణాలు, రూ.96 లక్షలతో మరమ్మతు చేశాం. ఎస్సీ కార్పొరేషన్‌ ద్వారా స్వయం ఉపాధి పథకం కింద ఎస్సీ నిరుద్యోగ యువత, చిన్న, సన్నకారు రైతులను ఆదుకుంటున్నాం. ఐటీడీఏ నూతన భవన నిర్మాణానికి రూ.15కోట్ల నిధులు మంజూరు చేశాం. జిల్లాలో పర్యాటక రంగం అభివృద్ధి కోసం ఉట్నూర్‌ రాజుల కోటకు రూ.3.90కోట్లు, కుంటాల జలపాతానికి రూ.3.81కోట్లు మంజూరు చేశాం. ఆదిలాబాద్‌ పట్టణ అభివృద్ధికి కేంద్ర, రాష్ట్ర ప్రభుత్వాల నిధులతో వివిధ పనులు చేపడుతున్నామని తెలిపారు. జిల్లాలో రోడ్లు భవనాల శాఖ ఆధ్వర్యంలో మౌలిక సదుపాయాల పనులు వేగవంతంగా సాగుతున్నాయి. రూ.307కోట్ల అంచన వ్యయంతో జిల్లాలో 8 హ్యామ్‌ రహదారుల టెండర్లు పూర్తి చేశాం. విమానాశ్రయం భూసేకరణ..ఆదిలాబాద్‌ అభివృద్ధిలో చారిత్రాత్మకమైన జాయింట్‌ యూజర్‌ ఎయిర్‌ఫీల్డ్‌ (ఎయిర్‌పోర్టు) ప్రాజెక్ట్‌కు రాష్ట్ర ప్రభుత్వం రూ.2278.14 కోట్లతో పరిపాలన ఆమోదం ఇచ్చింది. ఈ ప్రాజెక్ట్‌ కోసం 2009.23 ఎకరాల భూమిని సేకరిస్తున్నాం. మెరుగైన రవాణా సౌకర్యాలు అందించడంతో పాటు పరిశ్రమలు, పెట్టుబడులు, ఉపాధి అవకాశాలు, పర్యాటక రంగ అభివృద్ధికి ఎయిర్‌పోర్టు ఉపయుక్తంగా మారనుంది. ఉత్తర తెలంగా ణ అభివృద్ధికి ఒక కీలక మైలురాయిగా నిలుస్తోంది. ఇండస్ట్రీయల్‌ పార్క్‌ కోసం 2062ఎకరాల్లో ఏర్పాటు చేయడానికి ఈ ప్రభుత్వం చర్యలు చేపట్టినట్లు షబ్బీర్‌ అలీ పేర్కొన్నారు. ఈ సంవత్సరం ఎల్‌నినో ప్రభావం కారణంగా వర్షాభావ పరిస్థితులు అధిగమించేందుకు రాష్ట్ర ప్రభుత్వం ప్రత్యేక ప్రణాళిక రూపొందించింది. ప్రతి నీటి చుక్కను ఒడిసి పట్టేందుకు ‘తెలంగాణ జలసిరి’ కార్యక్రమాన్ని రూపొందించి గ్రామ సంఘాలను సమన్వయం చేశాం. ఇందులో భాగంగా జిల్లాలో రూ.88.17కోట్ల అంచన వ్యయంతో 94,600 ఇంకుడు గుంతలు, 1786 పంట కుంటలు, 40 ఊట కుంటలు, 6,270బోరుబావుల రీచార్జ్‌ నిర్మాణాల కోసం ప్రణాళికలు రూపొందించాం. ప్రస్తుతం ఆ పనులు వివిధ దశలో పురోగతిలో ఉన్నాయి. వీబీజీ రామ్‌ ద్వారా జాబ్‌ కార్డు కలిగిన ఉపాధి కూలీలకు 31.37లక్షల పనిదినాలు కల్పించి రూ.86.65 కోట్లు చెల్లించాం.ఎల్‌నినోను ఎదుర్కొనేందుకు..

శ్రీరాంపూర్‌: కొత్త గనులతో సింగరేణికి ఉజ్వల భవిష్యత్తు ఉండబోతుందని శ్రీరాంపూర్‌ జీఎం శ్రీనివాస్‌ తెలిపారు. గురువారం శ్రీరాంపూర్‌ జీఎం కార్యాలయం వద్ద తెలంగాణ ప్రజాపాలన దినోత్సవాన్ని ఘనంగా నిర్వహించారు. ఈ సందర్భంగా ఆయన జాతీయ జెండా ఆవిష్కరించి జాతీయ గేయం, వందేమాతరం ఆలపించారు. అనంతరం మాట్లాడుతూ తాడిచెర్ల 2 బ్లాక్‌, మణుగూరు డిప్‌ సైడ్‌ 2 బ్లాక్‌లను సాధించుకోవడం, బొగ్గు ఉత్పత్తి పెరగడంతోపాటు కొత్త ఉద్యోగ, ఉపాధి అవకాశాలు దక్కబోతున్నాయన్నారు. ఈ కార్యక్రమంలో ఏరియా ఎస్‌ఓటు జీఎం కృష్ణప్రసాద్‌, గుర్తింపు సంఘం బ్రాంచీ కార్యదర్శి షేక్‌ బాజీసైదా, సీఎంఓఏఐ ఏరియా ప్రతినిధి పద్మ, ఏజీఎం(ఫైనాన్స్‌) శ్రీధర్‌, డీజీఎంలు అనిల్‌కుమార్‌, హరినారాయణ, ఏరియా సెక్యూరిటీ అధికారి హనుమాన్‌గౌడ్‌, డీవైపీఎం కాంత్రి పాల్గొన్నారు.

నార్నూర్‌: గిరిజన సంక్షేమ ఆశ్రమ పాఠశాలలు, వసతి గృహాల్లో విద్యార్థులకు నాణ్యమైన విద్యతోపాటు మెరుగైన వసతులు కల్పించాలని ఐటీడీఏ ఉట్నూరు ప్రా జెక్టు ఉద్యాన అధికారి, జీసీసీ డివిజనల్‌ మేనేజర్‌ గుడిమల్ల సందీప్‌కుమార్‌ సూచించారు. నార్నూర్‌ మండలం మాన్కాపూర్‌ ఆశ్రమ బాలికల ఉన్నత పాఠశాల, గాదిగూడ మండలం చిత్తగూడ శాటిలైట్‌ సెంటర్‌ పాఠశాలను గురువారం ఆయన తనిఖీ చేశారు. మెనూ ప్రకారం విద్యార్థులకు భోజనం అందించాలని సిబ్బందికి సూచించారు. రికార్డులను పరిశీలించారు. చిత్తగూడ ఆశ్రమ పాఠశాలలో మెనూ సక్రమంగా అమలు కావడంలేదని, ఉపాధ్యాయులు సమయపాలన పాటించడం లేదని, విద్యార్థుల హాజరు శాతం తక్కువగా ఉన్నట్లు తనిఖీలో గుర్తించారు. ఈ అంశాలపై ఐటీడీఏ ప్రాజెక్టు అధికారికి నివేదిక సమర్పిస్తానని పేర్కొన్నారు. కార్యక్రమంలో జీసీసీ సీనియర్‌ మేనేజర్‌ సంతోష్‌కుమార్‌, మాన్కాపూర్‌ ఆశ్రమ పాఠశాల హెడ్‌మాస్టర్‌ మెస్రం ధన్ను, ఉపాధ్యాయులు పాల్గొన్నారు.

కై లాస్‌నగర్‌: అర్హులైన నిరుపేదలకు చేయూత కింద అందజేయనున్న పెన్షన్ల కోసం రాష్ట్ర ప్ర భుత్వం ఇటీవల దరఖాస్తులు స్వీకరించింది. దీంతో జిల్లాలో కుప్పలు, తెప్పలుగా దరఖాస్తులు వెల్లువెత్తాయి. ఆదిలాబాద్‌ జిల్లా వ్యాప్తంగా 15,466దరఖాస్తులు అందాయి. ఇందులో అ ర్హులైన వారి గుర్తింపు కోసం ప్రభుత్వం విచా రణకు ఆదేశించింది. ఈ బాధ్యతలను గెజిటెడ్‌ అధికారులకు అప్పగించింది. ఆదిలాబాద్‌ మున్సిపాలిటీతో పాటు జిల్లాలోని అన్ని మండలాల్లో విచారణ ప్రక్రియ గురువారం ప్రారంభమైంది. సంబంధితాధికారులు దరఖాస్తుదారు ల ఇళ్లకు వెళ్లి క్షేత్రస్థాయిలో విచారణ చేపడుతున్నారు. దరఖాస్తు చేసిన సమయంలో ఏమైన డాక్యుమెంట్స్‌ జతచేయని పక్షంలో దరఖాస్తుదారుల నుంచి వాటిని స్వీకరిస్తున్నారు. వాటిని ప్రత్యేక యాప్‌లో అప్‌లోడ్‌ చేస్తున్నారు.

బోథ్‌: మండలంలోని పొచ్చెర క్రాస్‌రోడ్డు సమీపంలో భారత్‌ పెట్రోల్‌ బంకులో బుధవారం అర్ధరాత్రి భారీ ప్రమాదం తప్పింది. అర్ధరాత్రి సమయంలో గుర్తుతెలియని యువకుడు బైక్‌తో బంకు వద్దకు వచ్చాడు. సిబ్బంది క్యాబిన్‌లో నిద్రిస్తుండగా, స్వయంగా డిస్పెన్సింగ్‌ నాజిల్‌తో బైక్‌లో పెట్రోల్‌ నింపుకొనేందుకు యత్నించాడు. పైపు కనెక్టర్‌ ఊడిపోవడంతో పెట్రోల్‌ బయటకు వచ్చి నేలపాలైంది. భయాందోళనకు గురైన యువకుడు అక్కడి నుంచి బైక్‌పై పరారయ్యాడు. దాదాపు రూ.43,960 విలువైన 375.44 లీటర్ల పెట్రోల్‌ బంకు ఆవరణతో పాటు పక్కనే ఉన్న రోడ్డు, డ్రెయినేజీ వరకు ప్రవహించింది. సిబ్బంది వెంటనే మెషిన్‌ను నిలిపివేయడంతో ముప్పు తప్పింది. ఆ సమయంలో చిన్న నిప్పు రవ్వ చెలరేగిన బంకుతోపాటు పరిసర ప్రాంతాలు అగ్నికి ఆహుతై భారీ ప్రాణ, ఆస్తి నష్టం సంభవించేది. ఈ ఘటన మొత్తం సీసీ కెమెరాల్లో రికార్డయింది. నిర్వాహకులు జిల్లా ఎస్పీ అఖిల్‌ మహాజన్‌ దృష్టికి, బోథ్‌ పోలీస్‌ స్టేషన్‌లో ఫిర్యాదు చేశారు. పోలీసులు కేసు నమోదు చేసి సీసీఫుటేజీ ఆధారంగా యువకుడి కోసం గాలిస్తున్నారు.

● ఆదిలాబాద్‌ డీఎస్పీ జీవన్‌ రెడ్డిఆదిలాబాద్‌టౌన్‌: గణపతి నవరాత్రి ఉత్సవాల సందర్భంగా డీజేలకు ఎలాంటి అనుమతి లేద ని ఆదిలాబాద్‌ డీఎస్పీ ఎల్‌.జీవన్‌రెడ్డి స్పష్టం చేశారు. డీజేలకు అనుమతి ఉందంటూ కొందరు వాట్సప్‌ గ్రూపుల్లో చేస్తున్న అసత్య ప్రచా రాలను ప్రజలు నమ్మొద్దని సూచించారు. ఆదిలాబాద్‌ సబ్‌డివిజన్‌ పరిధిలో నిబంధనలకు విరుద్ధంగా డీజేలను వినియోగిస్తున్న డీజే యజమానులు, వాహన యజమానులపై ఇప్పటివరకు పది కేసులు నమోదు చేసినట్లు తెలిపారు. డీజేలకు అనుమతి ఉందంటూ సోషల్‌ మీడియా గ్రూపుల్లో ప్రచారం చేస్తున్న వారిపై పోలీసుల నిఘా కొనసాగుతోందన్నారు. గణపతి నవరాత్రి ఉత్సవాలను ప్రశాంత వాతావరణంలో నిర్వహించేందుకు ప్రజలు, గణపతి మండపాల నిర్వాహకులు పోలీస్‌ శాఖకు సహకరించాలని కోరారు. గణపతి నిమజ్జన కార్యక్రమాలను నిర్ణీత సమయంలో పూర్తి చేసేలా నిర్వాహకులు చర్యలు తీసుకోవాలని సూచించారు.

కై లాస్‌నగర్‌: మున్సిపల్‌కు సంబంధించిన వాణిజ్యసముదాయ షాపుల అద్దె బకాయిలు రూ.లక్షల్లో పేరుకుపోయి బల్దియాకు గుదిబండగా మారుతున్నాయి. పలువురు వ్యాపారులు ప్రతి నెలా అద్దె చెల్లించడంలేదు. రెగ్యులర్‌గా వసూలు చేయాల్సిన సిబ్బంది సైతం పట్టించుకోవడం లేదనే విమర్శలున్నాయి. దీంతో బకాయిలు భారీగా పేరుకుపోయాయి. పట్టణంలోని ఆయా ప్రాంతాల్లో ఉన్న 83 దుకాణాలకు గాను ఏకంగా రూ.కోటి 26లక్షల 8వేల 733 వరకు అద్దె పెండింగ్‌లో ఉండటం పరిస్థితికి అద్దం పడుతుంది. బల్దియాకు ఉన్న ప్రధాన ఆదాయ వనరుల్లో ఆస్తిపన్ను తర్వాత కీలకం ఈ మడిగెల అద్దెనే. అయితే ఇవి సక్రమంగా వసూలు కాకపోవడంతో మున్సిపల్‌ అభివృద్ధి పనులతో పాటు కార్మికుల జీతాల చెల్లింపుపై తీవ్ర ప్రభావం చూపుతోంది. పేరుకుపోతున్న బకాయిలు గ్రేడ్‌–1స్థాయి కలిగిన ఆదిలాబాద్‌ మున్సిపాలిటీకి పట్టణంలోని మూడు ప్రాంతాల్లో షాపింగ్‌ కాంప్లెక్స్‌లు ఉన్నాయి. ఇందులో మున్సిపల్‌ ఓల్డ్‌ కార్యాలయం వద్ద అత్యధికంగా 40 షాపులున్నాయి. అలాగే ప్రధాన వాణిజ్య ప్రాంతమైన శివాజీచౌక్‌లో 19, ఓల్డ్‌ బస్టాండ్‌ ఏరియాలో 9 దుకాణాలు ఉన్నా యి. వీటిన్నింటిని ఓపెన్‌ టెండర్‌ ద్వారా వ్యాపారులకు అద్దెకు కేటాయించారు. ప్రస్తుతం వీటన్నింటిలో వ్యాపారాలు జరుగుతున్నాయి. అయితే ఓల్డ్‌ బ స్టాండ్‌ ప్రాంతంలోనే మరో 15 చికెన్‌, మటన్‌ విక్ర య దుకాణాలున్నాయి. ఇక్కడ ఎప్పటి మాదిరిగానే చికెన్‌, మటన్‌ విక్రయాలు కొనసాగుతున్నా వీటికి బల్దియా అధికారులు అద్దె వసూలు చేయడం లేదు. గదులు శిథిలావస్థకు చేరాయనే ఉద్దేశంతో వీటికి మినహాయింపునిచ్చారు. దీంతో వీటి బకాయిలు భారీగా పేరుకుపోయాయి. మొత్తం బకాయిల్లో ఇవే అత్యధికంగా రూ.98,47,545 పేరుకుపోవడం గమనార్హం. ఏళ్లుగా వసూలు చేయకపోవడంతో ఇవి మొండి బకాయిలుగా మారాయి. మిగతా చోట్లలోని షాపులకు సంబంఽధించి కూడా కొంతమంది రెగ్యులర్‌గా చెల్లించడం లేదు. ఫలితంగా బకాయిలు పేరుకుపోతున్నాయి. బల్దియా ఖజానాపై ఎఫెక్ట్‌.. బల్దియాలో కార్యాలయ నిర్వహణ, కార్మికుల జీతభత్యాల చెల్లింపునకు ఆస్తిపన్ను తర్వాత మడిగెల అద్దెలే కీలకమవుతున్నాయి. ఇంతటి ప్రధానమైన అద్దెల వసూళ్లపై రెవెన్యూ యంత్రాంగం అంతగా పట్టించుకోవడం లేదు. దీంతో కొంతమంది వ్యాపారులు సైతం ఇస్తాం లే.. చూద్దాం లే అన్న ధోరణిలో వ్యవహరిస్తున్నారు. నెలల తరబడి అద్దె చెల్లించడం లేదు. ఫలితంగా మున్సిపల్‌ అభివృద్ధి పనులతో పాటు కార్మికుల వేతన చెల్లింపులకు కూడా ఇబ్బందులు పడాల్సి వస్తోంది. పట్టణంలోని మున్సిపల్‌ మడిగెలు, వాటి అద్దె బకాయిల వివరాలు ఏరియా మడిగెలు బకాయిలు శివాజీచౌక్‌ 19 రూ.1,57,869 ఓల్డ్‌బస్టాండ్‌ 09 రూ.4,47,163 ఓల్డ్‌బస్టాండ్‌ 15 రూ.98,47,545 మున్సిపల్‌ ఓల్డ్‌బిల్డింగ్‌ 40 రూ.22,29,156నోటీసులు జారీ చేస్తున్నాం మున్సిపల్‌ షాపింగ్‌ కాంప్లెక్స్‌ మడిగెల అద్దెలను ఎప్పటికప్పుడు వసూలు చేసేలా దృష్టి సారిస్తున్నాం. బకాయిలు వసూలు చేసేలా వ్యాపారులకు నోటీసులు జారీ చేస్తాం. నెలనెలా చెల్లించేలా చర్యలు తీసుకుంటాం. అప్పటికీ స్పందించకుంటే షాపులు సీజ్‌ చేసి వారికి కేటాయించిన అగ్రిమెంట్‌ రద్దు చేసేలా చర్యలు తీసుకుంటాం. – బి.కళ్యాణ్‌, బల్దియా రెవెన్యూ అధికారి

ఆదిలాబాద్‌టౌన్‌: అనుమతి లేకుండా, నిబంధనలకు విరుద్ధంగా అధిక శబ్దంతో డీజే ఏర్పాటు చేసిన నిర్వాహకులపై కేసు నమోదు చేసినట్లు వన్‌టౌన్‌ సీఐ సునీల్‌ కుమార్‌ తెలిపారు. పట్టణంలోని కొత్త కుమ్మరివాడలో మంగళవారం అనుమతి లేకుండా డీజే ఏర్పాటు చేసి అధిక శబ్దంతో నిర్వహించిన యజమాని విష్ణు, నిర్వాహకులపై కేసు నమోదు చేసినట్లు వివరించారు. డీజేతో పాటు వాహనాన్ని స్వాధీనం చేసుకున్నట్లు తెలిపారు. జైనథ్‌: నిరాల గ్రామంలో అధిక శబ్దాలతో డీజేలు ఏర్పాటు చేసిన భూపతి గణేశ్‌, ఏడెల్ల గజానంద్‌పై కేసు నమోదు చేసినట్లు సీఐ శ్రవణ్‌ కుమార్‌ తెలిపారు. వారి వద్ద నుంచి రెండు డీజేలు స్వాధీనం చేసుకున్నట్లు పేర్కొన్నారు. ఎస్సై గౌతమ్‌ పవార్‌, సిబ్బంది పాల్గొన్నారు. నస్పూర్‌: ీససీసీ నస్పూర్‌ పోలీస్‌స్టేషన్‌ పరిధిలో డీజే నిర్వాహకుడిపై కేసు నమోదు చేసినట్లు ఎస్సై ప్రశాంత్‌ తెలిపారు. ఆయన తెలిపిన వివరాల ప్రకారం.. హాజీపూర్‌ మండలం గడ్‌పూర్‌కు చెందిన సండ్ర కమలాకర్‌ సీసీసీ నస్పూర్‌లోని సుందరయ్య కాలనీలో ఉంటున్నాడు. నిబంధనలకు విరుద్ధంగా డీజే సౌండ్స్‌ నడుపుతున్న యజమాని సండ్ర కమలాకర్‌, ఆపరేటర్‌ రాకేశ్‌పై కేసు నమోదు చేసినట్లు ఎస్సై తెలిపారు.

ఆదిలాబాద్‌రూరల్‌: ఈజీ మనీ కోసం అత్యాశతో నకిలీ కరెన్సీ ముఠా మాయలో పడి పోగొట్టుకున్న డబ్బును రాబట్టుకునేందుకు కిడ్నాప్‌ చేసిన ఘటన జిల్లాకేంద్రంలో చోటుచేసుకుంది. ఈ రెండు కేసులో ఆరుగురిని అరెస్టు చేసినట్లు డీఎస్పీ ఎల్‌.జీవన్‌రెడ్డి తెలిపారు. మావల పోలీస్‌ స్టేషన్‌లో మంగళవారం వివరాలు వెల్లడించారు. మహారాష్ట్రలోని పాండర్‌కవడకు చెందిన ప్రతీక్‌తో , దీపక్‌పవార్‌, అలోక్‌, సురేందర్‌కు పరిచయం ఏర్పడింది. నాగ్‌పూర్‌కు చెందిన నకిలీ కరెన్సీ గ్యాంగ్‌తో పరిచయమైంది. రూ.లక్ష ఇస్తే రూ.4 లక్షల నకిలీ కరెన్సీ ఇస్తామని సదరు గ్యాంగ్‌ నమ్మించారు.రూ. 5 లక్షలు చెల్లించి రూ. 20 లక్షల నకిలీ కరెన్సీ తీసుకునేందుకు ఒప్పందం చేసుకున్నారు. పోలీసుల పేరిట డ్రామా.. సురేందర్‌ మహారాష్ట్రకు చెందిన షేక్‌ షకీబ్‌ నుంచి రూ. 5 లక్షలు తీసుకున్నారు. ఈనెల 10న మావల సమీపంలోని జాతీయరహదారి వద్ద గ్యాంగ్‌ సభ్యులకు అందజేశారు. గ్యాంగ్‌ సభ్యులు నకిలీ కరెన్సీ ఉన్నట్లు చూపిస్తూ బాక్స్‌ తెచ్చారు. అయితే ముందస్తు ప్లాన్‌ ప్రకారం మరికొందరు అక్కడ ప్రత్యక్షమయ్యారు. తాము పోలీసులమని బెదిరింపులకు పాల్పడి రూ.5 లక్షల నగదుతో నాగ్‌పూర్‌ వైపు పరారయ్యారు. షేక్‌ షకీబ్‌ మరో ఇద్దరు మహ్మద్‌ సితార్‌, ప్రథమ్‌తో కలిసి తమ డబ్బును తిరిగి రాబట్టేందుకు సురేందర్‌, అలోక్‌, దీపక్‌లను తమ అదుపులోకి తీసుకున్నారు. బందీగా ఉన్న సురేందర్‌తో అతని భార్యకు ఫోన్‌ చేయించి, రూ. 5 లక్షలు చెల్లిస్తేనే విడుదల చేస్తామని బెదిరించారు. కిడ్నాపర్ల ఫోన్‌తో భార్య మావల పోలీసులకు ఫిర్యాదు చేయడంతో కిడ్నాప్‌ కేసు నమోదు చేశారు. మరోవైపు నకిలీ కరెన్సీ వ్యవహారంపై కేసు నమోదైంది. పోలీసులు దర్యాప్తు చేపట్టారు. ఈనెల 13న దస్నాపూర్‌ పెట్రోల్‌బంక్‌ వద్ద వాహన తనిఖీలు నిర్వహిస్తుండగా నిందితులు ప్రయాణిస్తున్న కారును గుర్తించి అదుపులో తీసుకుని విచారించారు. రెండు కేసుల పూర్తి వివరాలు వెలుగులోకి వచ్చాయి. కిడ్నాప్‌ కేసులో చంద్రపూర్‌ జిల్లా గాఢ్‌చందుర్‌కు చెందిన షేక్‌ షకీబ్‌, మహ్మద్‌ సితార్‌, ప్రథమ్‌ రవీంద్ర గురుకుందల్‌వార్‌ ఉన్నారు.

దస్తురాబాద్‌: భర్త వేధింపులు భరించలేక వివాహిత ఆత్మహత్య చేసుకున్న ఘ టన మండలంలో చోటుచేసుకుంది. ఎస్సై సాయికుమార్‌ తెలిపిన వివరాల ప్రకారం... మండలంలోని మున్యాల పంచాయతీ పరిధి పెద్దూరు గ్రామానికి చెందిన శ్రీనివాస్‌కు పటేల్‌ స్నేహలతతో 8 ఏళ్ల క్రితం వివాహమైంది. వీరికి ఇద్దరు పిల్లలు. గత కొన్నేళ్లుగా భర్త తరచూ మానసికంగా, శారీరకంగా భార్యను వేధింపులకు గురిచేసేవాడు. పుట్టింటి వారికి పదేపదే విన్నవించినా సర్ది చెప్పారు. ఈ క్రమంలో విసుగుచెందిన స్నేహలత సోమవారం కడెం లెఫ్ట్‌ కెనాల్‌లో దూకింది. సమాచారం అందుకున్న పోలీసులు ఘటన స్థలానికి చేరుకుని మృతదేహాన్ని కెనాల్‌ నుంచి బయటకు తీసి పోస్టుమార్టం నిమిత్తం ఖానాపూర్‌ ఆసుపత్రికి తరలించారు. మృతురాలు తండ్రి వెంకటేశ్‌ ఫిర్యాదుతో కేసు దర్యాప్తు చేస్తున్నట్లు ఎస్సై తెలిపారు.

నిర్మల్‌రూరల్‌: జిల్లాకేంద్రంలోని మంజులాపూర్‌ శివారులో జరిగిన రోడ్డు ప్రమాదంలో యువకుడు మృతిచెందాడు. రూరల్‌ ఎస్సై లింబాద్రి, స్థానికులు తెలిపిన వివరాల ప్రకారం..జిల్లాకేంద్రంలోని వెంకటాపూర్‌కు చెందిన అమరవేణి సిద్ధార్థ గౌడ్‌(23) ఆదివారం రాత్రి బైక్‌పై మంజులాపూర్‌ శివారులోని వినాయకుల వద్దకు వెళ్తున్నాడు. విగ్రహం తరలిస్తున్న ట్రాక్టర్‌ వెనుక నుంచి బలంగా ఢీకొట్టాడు. దీంతో అతని తలకు తీవ్ర గాయాలయ్యాయి. స్థానికులు నిర్మల్‌ ఏరియాస్పత్రికి తరలించారు. వైద్యులు చికిత్స అందిస్తుండగా పరిస్థితి విషమించి మృతిచెందాడు. సిద్ధార్థ తండ్రి నర్సాగౌడ్‌ గౌడ జనహక్కుల పోరాట సమితి (మోకుదెబ్బ) జాతీయ అధ్యక్షుడు. ఒక్కగానొక్క కుమారుడి మృతితో తల్లిదండ్రుల రోదనలు మిన్నంటాయి. కుటుంబాన్ని పలువురు పరామర్శించి ఓదార్చారు. సిద్ధార్థ ఎల్‌ఎల్‌బీ విద్యనభ్యసిస్తున్నాడు.

కాసిపేట: కాసిపేట మండలంలో 100 రోజుల్లో వందశాతం అక్షరాస్యత చేపట్టి వయోజన విద్యాశాఖ అధికారులు విజయవంతమయ్యారు. ఢిల్లీలో ఇటీవల నిర్వహించిన అంతర్జాతీయ అక్షరాస్యత దినోత్సవం, ఉల్లాస్‌ కార్యక్రమాల్లో కొందరు వలంటీర్లు అక్షరాలు నేర్చుకున్న వారిని ఢిల్లీకి పిలవడం మండలానికి గుర్తింపు తెచ్చింది. రాష్ట్రానికి గుర్తింపు వందశాతం అక్షరాస్యతతో రాష్ట్రానికి ప్రత్యేక గుర్తింపు లభించింది. ఇందుకు మంచిర్యాల జిల్లా కాసిపేట గిరిజన మండలం జాతీయ స్థాయిలో ఎంపికై మండలం నుంచి అక్షరాస్యత సాధించిన వారు, వలంటీర్లు ఢిల్లీ వేడుకలకు హాజరై సత్కారం పొందారు. అక్షరాస్యత నేర్చుకున్న జ్యోతి, బోనమ్మ, హరిలాల్‌, వలంటీర్లు రాజేశ్వరి, కవిత, రజిత, డీఆర్పీ బండ శాంకారిలు ఢిల్లీలో అంబేద్కర్‌ ఇంటర్నేషనల్‌ సెంటర్‌లో నిర్వహించిన 60వ అంతర్జాతీయ అక్షరాస్యత, ఉల్లాస్‌ వేడుకల్లో ప్రదర్శనలు నిర్వహించారు. ఉల్లాస్‌లో భాగంగా..కేంద్రప్రభుత్వం ఆధ్వర్యంలో నిర్వహిస్తున్న వయోజన అక్షరాస్యతలో భాగంగా 2025లో తొలిసారిగా మంచిర్యాల జిల్లా కాసిపేట మండలంలో అమలు చేశారు. కార్యక్రమంలో భాగంగా 22 పంచాయతీల పరిధిలోని గిరిజన ప్రాంతాలకు చెందిన 15 ఏళ్లు పైబడిన నిరక్షరాస్యులను గుర్తించి మహిళా సంఘాలకు చెందిన మహిళలను కార్యక్రమంలో భాగస్వాములను చేశారు. మొత్తం 3,462 మంది గుర్తించి వారికి విద్యనందించేందుకు 233 మంది వలంటీర్లను నియమించారు. వీరితోపాటు 9, 10వ తరగతి విద్యార్థుల తల్లిదండ్రులకు విద్యార్థుల ద్వారా అక్షరాస్యత కార్యక్రమాన్ని నిర్వహించారు. వందరోజుల్లో వందశాతం లక్ష్యంగా పెట్టుకొని సాయంత్రం వేళల్లో చదవడం, రాయడం, ప్రాథమిక విద్య నైపుణ్యాలు అందించారు. వలంటీర్లకు టైలరింగ్‌ (కుట్టుశిక్షణ) అందిస్తూ వారి ద్వారా అక్షరాలు నేర్పడం లక్ష్యంగా ముందుకు సాగారు. ఉపాధి శిక్షణ, వయోజనులకు అక్షరాస్యత సాధించేందుకు శ్రమించి సఫలమయ్యారు. ఇందులో అన్ని శాఖల అధికారులను భాగస్వాములు చేయడంతోపాటు స్పాన్సర్లను చూసి కుట్టుమిషన్ల పంపిణీ, అక్షరాస్యతకు సంబంధించి మెటీరియల్‌ పరీక్షల నిర్వహణ చేపట్టారు. దీనికి కలెక్టర్‌తోపాటు అదనపు కలెక్టర్‌ వయోజన విద్యా డైరెక్టర్‌, మండల అధికారులు పూర్తిస్థాయిలో చేదోడువాదోడుగా ఉండటంతో అనుకున్న లక్ష్యం నెరవేరింది.

నేరడిగొండ: భూ సమస్యలను పరిష్కరిస్తామ ని అదనపు కలెక్టర్‌ (రెవెన్యూ) ఆర్‌ఎస్‌.చిత్రు అన్నారు. మండలంలోని బుద్ధికొండ గ్రామాన్ని మంగళవారం సందర్శించి రీసర్వే తీరును పరిశీలించారు. రికార్డులను తనిఖీ చేశారు. అనంతరం గ్రామ పెద్దలతో సమావేశమై సమస్యలపై చర్చించారు. రికార్డుల పరిశీలనలో పారదర్శకత పాటిస్తూ, సమస్యలను నిబంధనల ప్రకారం పరిష్కరించాలని అధికారులను ఆదేశించారు. ఆయన వెంట సర్వే అండ్‌ ల్యాండ్స్‌ రికార్డ్స్‌ అసిస్టెంట్‌ డైరెక్టర్‌ ఎల్‌.ప్రభాకర్‌, తహసీల్దార్‌ కలీం, మండల సర్వేయర్‌ శంకర్‌, తదితరులున్నారు.

కై లాస్‌నగర్‌: రాజీవ్‌గాంధీ పంచాయతీరాజ్‌ సంఘటన్‌ కార్యక్రమంలో భాగంగా కాంగ్రెస్‌ పార్టీ బలపర్చగా గెలుపొందిన జిల్లాలోని సర్పంచ్‌లు, ఉప సర్పంచ్‌లకు ప్రత్యేక శిక్షణ ఇవ్వనున్నట్లు డీసీసీ అధ్యక్షుడు డాక్టర్‌ నరేశ్‌జాదవ్‌ తెలిపారు. మంగళవారం జిల్లా కేంద్రంలోని పార్టీ కార్యాలయంలో విలేకరులతో మాట్లాడారు. బోథ్‌ నియోజకవర్గం వారికి ఈ నెల 17న ఇచ్చోడలోని గంగారెడ్డి గార్డెన్‌లో, ఆదిలాబాద్‌ నియోజకవర్గం వారికి 18న మావలలో శిక్షణ ఉంటుందని తెలిపారు. కార్యక్రమానికి ఏఐసీసీ సెక్రెటరీ సచిన్‌ సావంత్‌, టీపీసీసీ అధ్యడు మహేశ్‌కుమార్‌గౌడ్‌ అతిథులుగా హాజరవుతున్నట్లుగా పేర్కొన్నారు. కార్యక్రమానికి ప్రజాప్రతినిధులు, పార్టీ నాయకులు పెద్ద సంఖ్యలో హాజరై విజయవంతం చేయాలని కోరారు. ఘనంగా అఖిల భారత మహిళా కాంగ్రెస్‌ ఆవిర్భావ దినోత్సవం అనంతరం అఖిల భారత మహిళా కాంగ్రెస్‌ ఆవిర్భావ దినోత్సవం నిర్వహించారు. ఈ సందర్బంగా పలువురు మహిళా కాంగ్రెస్‌ నాయకురాళ్లను ఆయన శాలువాతో సత్కరించారు. కార్యక్రమంలో పార్టీ నాయకులు సాజీద్‌ఖాన్‌, అశోక్‌, అన్నపూర్ణ, ఆశమ్మ, మందాకిని, షబానా తదితరులు పాల్గొన్నారు.

కై లాస్‌నగర్‌: ఆదిలాబాద్‌ పట్టణం కేఆర్‌కే కాలనీలో గల చెరువును ఆక్రమించి చేపట్టిన అక్ర మ నిర్మాణాలపై బల్దియా అధికారులు కొరడా ఝుళిపించారు. కాలనీకి చెందిన యువకులు గత సోమవారం నిర్వహించిన ప్రజావాణిలో కలెక్టర్‌ రాజర్షి షాకు ఫిర్యాదు చేశారు. స్పందించిన కలెక్టర్‌ ఆక్రమణలపై కఠినంగా వ్యవహరించాలని అక్కడే ఉన్న బల్దియా కమిషనర్‌ను ఆదేశించారు. ఈ క్రమంలో రంగంలోకి దిగిన మున్సిపల్‌, ఇరిగేషన్‌ శాఖల అధికారులు మంగళవారం చెరువును సందర్శించారు. అందులో తాత్కాలికంగా ఏర్పాటు చేసిన అక్రమ నిర్మాణాలతో పాటు నిర్మాణంలో ఉన్న ఓ ఇంటిని పొక్లెయిన్‌తో కూల్చివేశారు. అలాగే చెరువులో శాశ్వత నిర్మాణాలు చేపట్టిన యజమానులకు వాటిని తొలగించాల్సిందిగా ఆదేశిస్తూ నోటీసులు జారీ చేశారు. స్పందించకుంటే మున్సిపల్‌ ద్వారా వాటిని కూల్చివేస్తామని పట్టణ ప్రణా ళిక విభాగం అధికారులు సుమలత, నవీన్‌కుమార్‌ తెలిపారు. ఎలాంటి అవాంఛనీయ ఘటనలు తలెత్తకుండా పకడ్బందీ పోలీస్‌ బందోబస్తును ఏర్పాటు చేశారు. కార్యక్రమంలో ఇరిగేషన్‌ డీఈ ప్రేసింగ్‌, మావల సీఐ ప్రేంకుమార్‌ తదితరులు పాల్గొన్నారు.

నార్నూర్‌: అర్హులందరికీ ప్రభుత్వ సంక్షేమ పథకాలు అందేలా చర్యలు తీసుకుంటున్నామని కలెక్టర్‌ రాజర్షి షా అన్నారు. నార్నూర్‌ మండలం జామ్‌డా, బాలన్‌పూర్‌ గ్రామాల్లో ఆసిఫాబాద్‌ ఎమ్మెల్యే కోవ లక్ష్మితో కలిసి పలు అభివృద్ధి కార్యక్రమాలను మంగళవారం ప్రారంభించారు. జామ్‌డాలో పంచా యతీ నూతన భవనంతో పాటు ఇందిరమ్మ ఇళ్లను ప్రారంభించారు. మరో లబ్ధిదారుడి ఇందిరమ్మ ఇంటి నిర్మాణానికి భూమిపూజ చేసి, సీసీ రోడ్డు పనులకు శంకుస్థాపన చేశారు. ఎంపికై న లబ్ధిదారులకు భూమి పట్టాలను పంపిణీ చేశారు. ఈ సందర్భంగా కలెక్టర్‌ మాట్లాడుతూ.. గ్రామాల్లో తాగునీరు, రహదారులు, విద్యుత్‌ తదితర మౌలిక వసతుల కల్పనకు ప్రాధాన్యం ఇస్తున్నామని తెలిపారు. బాలన్‌పూర్‌లో నూతనంగా నిర్మించిన పంచాయతీ భవనాన్ని ప్రారంభించారు. కార్యక్రమాల్లో హౌసింగ్‌ పీడీ శంకర్‌, డీఈ షకీర్‌, ఏఈ రాకేశ్‌, తహసీల్దార్‌ రాజలింగు, ఎంపీడీవో పుల్లారావు, సర్పంచులు చందర్శావ్‌, సంగీత, అధికారులు, ప్రజాప్రతినిధులు, గ్రామస్తులు పాల్గొన్నారు.

గోదావరిఖని: ప్రేమ పేరిట వేధింపులు తాళలేకనే తాండ్ర అక్షితరాణి(20) ఆత్మహత్య చేసుకున్నట్లు గోదావరిఖని వన్‌టౌన్‌ సీఐ ఇంద్రసేనారెడ్డి తెలిపారు. బాధ్యులైన ఇద్దరిపై కేసు నమోదు చేసినట్లు వెల్లడించారు. పెద్దపల్లి జిల్లా గోదావరిఖనిలోని గోలెనిల్‌నగర్‌కు చెందిన అక్షితరాణి మంచిర్యాల జిల్లా సీసీసీ నస్పూర్‌ పాలిటెక్నిక్‌లో డిప్లొమా చదివింది. ఆ సమయంలో లెక్చరర్‌ జెట్టి నవీన్‌ ప్రేమ పేరిట వేధించాడు. ఆమె కుటుంబసభ్యులు మందలించినా అతడి ప్రవర్తనలో మార్పు రాలేదు. దీంతో మూడేళ్ల క్రితం పెద్దపల్లి జిల్లా సుల్తానాబాద్‌ మండలం గర్రెపల్లి నుంచి గోదావరిఖని లెనిన్‌నగర్‌కు కుటుంబం మకాం మార్చింది. ఆ తర్వాత ఆర్జీ–వన్‌లోని జీడీకే–2గనిలో అక్షితరాణి అప్రెంటిషిప్‌ చేసింది. ఆ సమయంలోనూ ఓవర్‌మెన్‌ బొమ్మకంటి ర వికుమార్‌ కూడా ఆమెను ప్రేమ పేరుతో వేధిస్తూ వెంటపడ్డాడు. చదువు మధ్యలోనే ఆపేసిన ఆమె గోదావరిఖని గౌతమినగర్‌లో ఓ సెంటర్‌లో కంప్యూటర్‌ ఆపరేటర్‌గా పనిచేస్తోంది. ఈ క్రమంలో ఈ నెల 12న ఉదయం తండ్రి కంప్యూటర్‌ సెంటర్‌ వద్ద దింపి వెళ్లాడు.సాయంత్రం ఆయన ఫోన్‌ చేయగా, తాను గోదావరిఖని బస్టాండ్‌ వద్ద ఉన్నానని, ఇంటికి వస్తున్నానని సమాధానం ఇచ్చింది. అదేరో జు రాత్రి లెక్చరర్‌ నవీన్‌.. ఆమె తండ్రి ఐజాక్‌కి ఫోన్‌ చేసి అక్షితరాణి పురుగుల మందు తాగిందని సమాచారం ఇచ్చాడు. ఆ వెంటనే తన కారులో తండ్రి వద్దకు తీసుకెళ్లాడు. అప్పటికే ఆమె నోటినుంచి ను రుగు రావడం, వాంతులు చేసుకోవడంతో కుటుంబ సభ్యులు అదేకారులో వెంటనే గోదావరిఖని ప్రభుత్వ ఆస్పత్రికి తరలించారు. అక్కడ చికిత్స పొందుతూ ఈ నెల 13న మృతిచెందింది. అక్షితరాణి తండ్రి ఫిర్యాదుతో మృతికి కారణమైన ఇద్దరిపై కేసు నమోదు చేసుకున్నట్లు సీఐ వివరించారు. కారకులపై చర్య తీసుకోవాలి – దళితసంఘాలు అక్షితరాణి మృతికి కారకులపై కఠిన చర్యలు తీసుకోవాలనే డిమాండ్‌తో దళిత సంఘాలు స్థానిక మున్సిపల్‌ కార్యాలయం ఎదుట రాజీవ్‌ రహదారిపై సోమవారం శవంతో ధర్నా నిర్వహించాయి. ఇన్‌చార్జి ఏసీపీ ప్రవీణ్‌కుమార్‌, వన్‌టౌన్‌ సీఐ ఇంద్రసేనారెడ్డి తదితరులు ఆందోళనకారులను శాంతింపజేశారు.

● మంచి వర్షాలపైనే రైతుల ఆశలుఇక్కడ కనిపిస్తున్న రైతు లోలపు రమేశ్‌. అనుకుంట గ్రామం. ఈ వానాకాలంలో ఐదెకరాల్లో పత్తి వేశాడు. ఇప్పటికీ రూ.రెండున్నర లక్షలకు పైగా పెట్టుబడి పెట్టాడు. సరైన వర్షాలు లేకపోవడంతో మొక్కలు ఎదగాల్సిన స్థాయిలో ఎదగలేదు. పూత, కాత కూడా సరిగా లేదు. ఎంత దిగుబడి వస్తుందోననే ఆందోళన ఆ రైతులో కనిపిస్తోంది. ఇది ఒక్క రమేశ్‌ పరిస్థితే కాదు.. జిల్లాలోని పత్తి రైతులందరిదీ. ఓపెన్‌ మార్కెట్లో పత్తి ధర క్యాండీ (3.65 కేజీలు), సీడ్‌, సర్కి పిండి వంటివి ప్రమాణంగా తీసుకొని ధరలు కొనసాగుతాయి. రెండు పత్తి బేల్స్‌ కలిపితే ఓ క్యాండీ తయారవుతుంది. దాని ధర ప్రస్తుతం రూ.69వేల వరకు కొనసాగుతుంది. సీడ్‌ ధర క్వింటాలుకు రూ.4,500 ఉంది. సర్కి పిండి ధర కూడా క్వింటాలుకు రూ.3500 నుంచి 4వేల ధర పలుకుతుంది. ఈ లెక్కన ఓపెన్‌ మార్కెట్లో క్వింటాలు పత్తి ధర రూ.9వేలుగా కొనసాగుతుందని మార్కెట్‌ నిపుణులు అభిప్రాయ పడుతున్నారు. జిల్లాలో పత్తి సాగు వివరాలు.. సాగైన విస్తీర్ణం : 4,37,698 ఎకరాలు దిగుబడి అంచనా : 40లక్షల నుంచి 52 లక్షల క్వింటాళ్ల వరకు (ఎకరానికి 10 నుంచి 12 క్వింటాళ్లు) మద్దతు ధర : పొడవు పింజకు రూ.8,667 (క్వింటాలుకు)సాక్షి,ఆదిలాబాద్‌: పత్తి దిగుబడిపై రైతుల్లో అనిశ్చితి కనిపిస్తుంది. ఎల్‌నినో కారణంగా జిల్లాలో వర్షాభావ పరిస్థితులు నెలకొనడం, మొక్కలు ఆశించిన స్థాయిలో పెరగకపోవడంతో వారిలో దిగాలు కనిపిస్తోంది. పూత, కాత కూడా సరిగా రాకపోవడంతో ఆవేదన వ్యక్తమవుతుంది. సాధారణంగా ఎకరానికి 10 నుంచి 12 క్వింటాళ్ల దిగుబడి వస్తుంది. వర్షాభావం పరిస్థితులు కొనసాగితే అందులో సగం కూడా వస్తుందో.. లేదోననే ఆందోళన రైతుల్లో లేకపోలేదు. అయితే ఓపెన్‌ మార్కెట్లో ప్రస్తుతం మద్దతు ధర మించి పత్తికి రేటు పలుకుతుండడంతో రైతుల్లో ఆశలు చిగురిస్తున్నాయి. కొంత దిగుబడి తగ్గినా ధరల కారణంగా ఆ వ్యత్యాసాన్ని పూరించుకోవచ్చని ఽభావిస్తున్నారు. అయితే సీజన్‌ ప్రారంభమయ్యే నాటికి పరిస్థితులు ఎలా ఉంటాయనేది ఇప్పుడే చెప్పలేం. అప్పటివరకు కొనసాగేనా.. ప్రస్తుతం అంతర్జాతీయ మార్కెట్లో పత్తి బేల్స్‌, సీడ్‌కు మంచి డిమాండ్‌ ఉండడంతో ధర అనుకూలంగా ఉంది. పత్తి కొనుగోళ్ల సీజన్‌ జిల్లాలో అక్టోబర్‌ 3వ వారంలో మొదలయ్యే పరిస్థితి ఉంది. అప్పటివరకు ఇలాగే ఉంటుందా.. డిమాండ్‌ కొనసాగుతుందా.. అలా కాకుండా ఆ ధరలు పడిపోతే ఇక్కడ ఓపెన్‌ మార్కెట్లో పరిస్థితి తారుమారు అవుతుందా.. అనే సందిగ్ధం రైతుల్లో లేకపోలేదు.

ఉట్నూర్‌రూరల్‌: ఐటీఐ కళాశాలల్లో ప్రభుత్వం ఏర్పాటు చేసిన ఏటీసీలో కోర్సులు పూర్తి చేసిన విద్యార్థులకు ప్లేస్‌మెంట్‌ ఆఫర్ల లెటర్లతో వారి జీవితాలతో ఆడుకుంటున్నారని పలువురు ఆరోపించారు. మంగళవారం స్థానిక ఐటీఐ కళాశాల వద్ద నిరసన చేపట్టారు. పలువురు ఆదివాసీ విద్యార్థి సంఘాల నాయకులు మద్దతు తెలిపారు. పలువురు అభ్యర్థులు మాట్లాడుతూ ఆఫర్ల లెటర్లతో బెంగళూరు, పూణె, తమిళనాడు ఇతర రాష్ట్రాల వెళ్లాకా కంపెనీ ప్రతినిధుల నుంచి గానీ ఎలాంటి స్పందన రాలేదని ఆవేదన వ్యక్తం చేశారు. విషయం తెలుసుకున్న పోలీసులు అక్కడికి చేరుకొని వారితో మాట్లాడారు. ప్రిన్సిపాల్‌ శ్రీనివాస్‌ను వివరణ కోరగా సంస్థ ద్వారా మొత్తం 117 మందికి ప్రముఖ కంపెనీల్లో ఉద్యోగావకాశాలు లభించాయన్నారు. నిబంధనలు నచ్చక, వ్యక్తిగత కారణాలతో కొందరు తిరిగి వచ్చేశారన్నారు.

మంచిర్యాలక్రైం: భర్త సరిగా చూసుకోవడం లేదని ఇద్దరు పిల్లలు ఉన్న ఓ మహిళ మరో వ్యక్తితో ప్రేమలో పడింది. భర్తకు విడాకులు ఇప్పించిన అతడు నాలుగేళ్లు ఆమెతో సహజీనం చేశాడు. ఈ క్రమంలో ఆమె గర్భం దాల్చగా.. ఆడపిల్ల అని తెలిసి అబా ర్షన్‌ చేయించాడు. తీరా పెళ్లికి నిరాకరించడంతో అటు భర్త, కన్నవారికి దూరమై.. ఇద్దరు పిల్లలతో ఎలా జీవించాలో తెలియక ఈ నెల 13న ఆత్మహత్యాయత్నం చేసింది. ఆలస్యంగా వెలుగులోకి వచ్చిన సంఘటన వివరాలిలా ఉన్నాయి. బాధితురాలి కథనం ప్రకారం.. జగిత్యాల జిల్లా ధర్మపురి మండలం దొంతపూర్‌ గ్రామానికి చెందిన ఓ మహిళకు నిజామాబాద్‌ జిల్లా కమ్మర్‌పెల్లి మండల కేంద్రానికి చెందిన వ్యక్తితో వివాహామైంది. వీరికి ఇద్దరు కూతుళ్లు ఉన్నారు. అతడు విదేశానికి వెళ్లేవాడు. ఇద్దరి మధ్య గొడవల కారణంగా విడిపోయారు. ఈ క్రమంలో బాధిత వివాహిత స్నేహితురాలి స్నేహితుడు మందమర్రికి చెందిన మహేష్‌తో కలిసి మందమర్రి పాలచెట్టు ప్రాంతానికి చెందిన షారుఖ్‌పాష పరిచయమయ్యాడు. ఈ ముగ్గురు కలిసి తరచూ బాధిత మహిళ ఇంటికి వచ్చి వెళ్లేవారు. ఈ క్రమంలో షారుఖ్‌పాషకు బాధిత మహిళతో సాన్నిహిత్యం ఏర్పడింది. దీంతో ఆమెతో భర్తకు కోర్టు ద్వారా విడాకులు ఇప్పించాడు. ఆడపిల్ల అని తెలిసి అబార్షన్‌! సదరు వివాహితను పెళ్లి చేసుకుంటానని, ఇద్దరు కూతుళ్లను చూసుకుంటానని షారుఖ్‌పాష నమ్మించి రామకృష్ణాపూర్‌ పోలీసుస్టేషన్‌ పరిధిలోని క్యాతనపల్లిలో ఓ ఇల్లు అద్దెకు తీసుకుని కొంతకాలం సహజీవనం చేశారు. ఈ విషయం అతడి తల్లిదండ్రులకు కూడా తెలియడంతో నాలుగేళ్లుగా కలిసే ఉంటున్నారు. ఇప్పటికే రెండుసార్లు ఆమెకు అబార్షన్‌ చేయించగా.. మూడోసారి మంచిర్యాల బస్టాండ్‌ సమీపంలోని ఓ స్కానింగ్‌ సెంటర్‌లో లింగ నిర్ధారణ పరీక్షలు చేయించాడు. ఆడపిల్ల అని తేలడంతో మళ్లీ అబార్షన్‌ చేయించాడు. పెళ్లి చేసుకోవాలని ఇద్దరు పెద్ద మనుషులను పిలిపించి షారుఖ్‌పాషపై ఆమె ఒత్తిడి తేగా నిరాకరించాడు. దీంతో ఆ మహిళ దోమలమందు, జ్వరం గోలీలు వేసుకుని ఈ నెల 13న ఆత్మహత్యాయత్నం చేసింది. స్థానికులు ప్రభుత్వ ఆస్పత్రికి తరలించగా చికిత్స పొందుతోంది. ఈ విషయమై సీఐ ప్రమోద్‌రావు స్పందిస్తూ బాధితురాలి ఫిర్యాదు మేరకు షారుఖ్‌పాషపై కేసు నమోదు చేసి రామకృష్ణాపూర్‌ పోలీసుస్టేషన్‌కు బదిలీ చేసినట్లు తెలిపారు.

ఆదిలాబాద్‌: విమోచన దినోత్సవాన్ని అధికారికంగా నిర్వహించాలని ఎమ్మెల్యే పాయల్‌ శంకర్‌ అన్నారు. జిల్లా కేంద్రంలోని ఎమ్మెల్యే క్యాంపు కార్యాలయంలో విలేకరులతో మంగళవారం మాట్లాడారు. నిజాం నిరంకుశ పాలన నుంచి తెలంగాణ విముక్తి పొందిన సెప్టెంబర్‌ 17ను తెలంగాణ విమోచన దినోత్సవంగా అధికారికంగా నిర్వహించడంలో గత బీఆర్‌ఎస్‌, ప్రస్తుత కాంగ్రెస్‌ ప్రభుత్వాలు విఫలమయ్యాయని విమర్శించారు. వచ్చే ఎన్నికల్లో బీజేపీ అధికారంలోకి వచ్చిన వెంటనే అధికారికంగా నిర్వహిస్తామని తెలిపారు. ఈ నెల 17న ప్రతీబూత్‌ స్థాయిలో జాతీయ జెండా ఆవిష్కరించాలని శ్రేణులకు పిలుపునిచ్చారు. అలాగే ప్రధాని మోదీ 28 ఏళ్ల సుదీర్ఘ ప్రజాసేవను దీవించేలా ‘సేవా సంకల్ప్‌ అభియాన్‌’లో భాగంగా సాయంత్రం 7 గంటలకు ప్రతి ఇంటి ఎదుట ఆశీర్వాద దీపం వెలిగించాలని కోరారు. సమావేశంలో బీజేపీ జిల్లా అధ్యక్షుడు పతంగే బ్రహ్మానంద్‌ తదితరులు పాల్గొన్నారు.

కోటపల్లి: మండలంలోని నక్కలపల్లి గ్రామంలోని అంగన్‌వాడీ కేంద్రంలో లబ్ధిదారులకు అందకుండా సరుకులు కాజేయడం, కుళ్లిన కోడిగుడ్లు అందించడం, పెళ్లికాని యువతిని గర్భిణిగా, బీటెక్‌ విద్యార్థినిని రెండేళ్ల బాబుగా నమోదు వంటి అవకతవకలు ఇటీవల వెలుగులో వచ్చాయి. ఈ విషయమై ఉన్నతాధికారులకు గ్రామస్తులు ఆధారాలతో ఫిర్యాదు చేయడంతో స్పందించారు. మంగళవారం మంచిర్యాల జిల్లా సీడీపీవో విష్ణుప్రియ, కోటపల్లి సూపర్‌వైజర్‌ సంధ్యతో కలిసి కేంద్రానికి వెళ్లి విచారణ చేపట్టారు. టీచర్‌ సరోజకి షోకాజు నోటీస్‌ అందజేశారు. రికార్డుల్లో ఉన్న పేర్లను కేంద్రానికి పిలిపించి వివరాలు సేకరించి పూర్తిగా లిఖితపూర్వకంగా తీసుకున్నట్లు సమాచారం. గతంలో సదరు టీచర్‌కు షోకాజ్‌ నోటీసులు ఇచ్చినా ఎలాంటి చర్యలు తీసుకోలేదని గ్రామస్తులు మండిపడుతున్నారు.

సాత్నాల: జిల్లాలో పారిశ్రామిక రంగంలో కీలక ప్రాజెక్టుగా భావిస్తున్న రేణుకా సిమెంట్‌ ఫ్యాక్టరీ ఏ ర్పాటుకు కీలక ముందడుగు పడింది. అయితే పరి హార పంపిణీ అంశం మాత్రం ఇంకా పూర్తి కావడం లేదు. మండలంలోని రామాయి గ్రామ పరిధిలో ప్రతిపాదించిన ఈ పరిశ్రమకు కేంద్ర పర్యావరణ, అటవీ, వాతావరణ శాఖల నుంచి తాజాగా గ్రీన్‌సిగ్నల్‌ లభించింది. దీంతో ఫ్యాక్టరీ నిర్మాణానికి ఉన్న ప్రధానఅడ్డంకుల్లో ఒకటి తొలగినట్లయింది. రామా యి–రాంపూర్‌ ప్రాంతంలో ప్రతిపాదించిన ఈ ప్రా జెక్టులో సిమెంట్‌ తయారీతో పాటు క్లింకర్‌ ఉత్పత్తి, అనుబంధ విద్యుత్‌ సదుపాయాలు ఏర్పాటు చేయాలని ప్రతిపాదించారు. దీనికి సంబంధిత శాఖ నుంచి తాజాగా అనుమతి లభించింది. 2 ఎంఎంటీపీఏ ఉత్పత్తి లక్ష్యం.. ప్రాజెక్టులో సుమారు 2 మిలియన్‌ టన్నుల వార్షిక సామర్థ్యంతో సిమెంట్‌ గ్రైండింగ్‌ యూనిట్‌, 1.20 మిలియన్‌ టన్నుల వార్షిక సామర్థ్యంతో క్లింకర్‌ తయారీ యూనిట్‌ ఏర్పాటు చేయనున్నారు. అలాగే విద్యుత్‌ అవసరాల కోసం 36మెగావాట్ల సామర్థ్యంతో క్యాప్టివ్‌ థర్మల్‌ పవర్‌ ప్లాంట్‌, వ్యర్థఉష్ణం నుంచి విద్యుత్‌ ఉత్పత్తి వంటివి ప్రాజెక్టులో కీలకాంశాలు. మరోవైపు ఫ్యాక్టరీ ప్రారంభమైతే ప్రత్యక్షంగా, పరోక్షంగా స్థానికులకు ఉపాధి అవకాశాలు మెరుగుపడనున్నాయి. పూర్తిస్థాయిలో అందని పరిహారం ఫ్యాక్టరీ నిర్మాణం జరగనున్న ప్రదేశంలో భూములు కోల్పోతున్న 35 మంది రైతులకు ఇంకా పరిహారం అందలేదు. దాదాపు 110 ఎకరాలకు సంబంధించి పరిహారం అందాల్సి ఉంది. సంస్థ ఆధ్వర్యంలో సేకరించిన భూమిలో ప్రస్తుతం ఫెన్సింగ్‌ ప్రక్రియ షురూ చేయడంతో ఆ రైతుల్లో ఆందోళన వ్యక్తమవుతుంది. తమకు పూర్తిస్థాయి పరిహారం చెల్లించిన తర్వాతే పనులు చేట్టాలని వారు కోరుతున్నారు.

భూములు తీసుకునే సమయంలో పరిహారం అందుతుందని అధికారులు, సంబంధిత ప్రజాప్రతినిధులు హామీ ఇచ్చా రు. నెలలు గడుస్తున్నా ఇంకా అందలేదు. వ్యవసాయం చేసుకునే అవకాశం లేక, ఇటు పరిహారం అందక ఇబ్బందులు పడుతున్నాం. ప్రభుత్వం, కంపెనీ ప్రత్యేక దృష్టి సారించి మా సమస్యను త్వరగా పరిష్కరించాలి. – ఠాక్రే ప్రకాశ్‌, నిర్వాసితుడు పరిహారం అందలేదు..ఫ్యాక్టరీ కోసం మా భూములు తీసుకుని 18 నెలలు గడుస్తున్నా ఇప్పటికీ పరిహారం అందలేదు. భూమినే నమ్ముకుని జీవిస్తున్న మా కుటుంబాలకు డబ్బులు అందక ఆర్థిక ఇబ్బందులు ఎదురవుతున్నాయి. అధికారులు, ప్రజా ప్రతినిధులు స్పందించి త్వరగా పరిహారం అందేలా చర్యలు తీసుకోవాలి.

నేరడిగొండ: పల్లె వాతావరణంలో పెరిగిన యువత తమ భవిష్యత్తును తీర్చిదిద్దుకోవడంతో పాటు దేశ రక్షణలోనూ భాగస్వాములవుతున్నారు. మండలంలోని కిష్టాపూర్‌ గ్రామానికి చెందిన 40మంది యువకులు సైన్యంలో చేరి దేశ సేవలో నిమగ్నమయ్యారు. గ్రామంలో మొత్తం 710 జనాభా ఉండగా, 180 కుటుంబాలు, 620 మంది ఓటర్లు ఉన్నారు. ఈ గ్రామం నుంచి ఇంతమంది యువకులు ఆర్మీలో చేరడం ప్రత్యేకతగా నిలుస్తోంది. దేశ సేవ కోసం అడుగులు.. గ్రామానికి చెందిన పలువురు యువకులకు చిన్నతనం నుంచే సైన్యంలో చేరాలనే కోరిక ఉండేది. ఆ దిశగా పట్టుదలతో ముందడుగు వేశారు. శారీరక శిక్షణ తీసుకుని, ఆర్మీ నియామకాల్లో పాల్గొని ఉద్యోగాలు సాధించారు. ప్రస్తుతం వీరిలో కొందరు దేశంలోని వివిధ ప్రాంతాల్లో విధులు నిర్వర్తిస్తున్నారు. వారిని చూసి.. మరికొందరు గ్రామానికి చెందిన పలువురు ఇప్పటికే సైన్యంలో సేవలందిస్తుండటంతో వారిని చూసి మరికొందరు గ్రామ యువకులు అదే బాట పట్టారు. ఆర్మీలో కొలువే లక్ష్యంగా సిద్ధమవుతున్నారు. సైనికులుగా పనిచేస్తున్న వారు సెలవుల్లో గ్రామానికి వచ్చినప్పుడు వీరికి అవసరమైన సూచనలు, శిక్షణపై అవగాహన కల్పిస్తున్నారు. కుటుంబాలకు గర్వకారణం.. దేశరక్షణ కోసం తమ పిల్లలు దూరప్రాంతాల్లో విధులు నిర్వహిస్తుండటంతో వారి కుటుంబ సభ్యులు గర్వంగా భావిస్తున్నారు. పండుగలు, ఇతర వేడుకలకు దూరంగా ఉన్నప్పటికీ దేశసేవకు ప్రాధాన్యం ఇస్తున్న తీరుపై హర్షం వ్యక్తం చేస్తున్నారు. ఒకే గ్రామం నుంచి 40 మంది యువకులు సైన్యంలో చేరడం.. గ్రామీణ యువతలోని దేశభక్తికి, పట్టుదలకు నిదర్శనంగా నిలుస్తోంది.

● ఎమ్మెల్యే పాయల్‌ శంకర్‌ఆదిలాబాద్‌: పట్టణంలో పెండింగ్‌లో ఉన్న ఆర్‌వోబీ, ఆర్‌యూబీ నిర్మాణ పనులను రానున్న రెండు నెలల్లోపు పూర్తి చేసేలా చర్యలు తీసుకుంటున్నామని ఎమ్మెల్యే పాయల్‌ శంకర్‌ తెలి పారు. జిల్లా కేంద్రంలోని తాంసి బస్టాండ్‌ వద్ద కొనసాగుతున్న పనులను రైల్వేశాఖ డిప్యూటీ సీఈ మల్లికార్జున్‌తో కలిసి ఆదివారం పరిశీలించారు. పనుల నాణ్యత, పురోగతి, గడువుపై అధికారులను అడిగి తెలుసుకున్నారు. వేగవంతం చేయాలని సూచించారు. ఈ సందర్భంగా ఎమ్మెల్యే మాట్లాడుతూ, గతంలో రాష్ట్ర ప్రభుత్వం తన వాటా నిధులు విడుదల చేయకపోవడంతోనే పనులు ఆలస్యమయ్యాయని తెలిపా రు. ప్రస్తుతం కేంద్ర నిధులు రూ.104.50 కోట్ల తో పనులు చేపడుతున్నట్లు వెల్లడించారు. రైల్వే డిప్యూటీ సీఈ మాట్లాడుతూ మరో 10 నుంచి 20 రోజుల్లో ఆర్‌యూబీ లాంచింగ్‌ పనులు పూర్తి చేస్తామని తెలిపారు. వారం రోజులుగా పనులను పర్యవేక్షిస్తున్నట్లు చెప్పా రు. కార్యక్రమంలో కౌన్సిలర్‌ గంట జీవన్‌, బీజేపీ నాయకులు జోగు రవి, రైల్వే అధికారులు పాల్గొన్నారు.

సందేశాత్మక స్వరూపంమహావినాయకుడికి తుది మెరుగులు దిద్దుతూ..విశాల శిరస్సు ఎవరినైనా ఉన్నత స్థానంలో నిలిపే ది వారి ఉన్నత ఆ లోచనలే. పెద్ద తల విశా ల దృక్పథానికి ప్రతీక. ఉన్నతమైన ఆలోచనలు, మంచి సంకల్పాలతో ముందుకు సాగాలని వినాయకుడి తల మనకు సందేశమిస్తోంది. పెద్ద చెవులు మాట్లాడటం కంటే వినడమే గొప్ప గుణం. ఎదుటివారి మాటలను శ్రద్ధగా ఆలకించి, అందులోని మంచిని గ్రహించాలి. వినే గుణంతో జ్ఞానం, వివేకం పెంపొందుతాయని వినాయకుడి పెద్ద చెవులు చాటుతాయి. అభయహస్తం ధైర్యంగా ముందుకు సాగుతూ లక్ష్యాన్ని చేరుకో వాలని వినాయకుడి అభయహస్తం సూచిస్తుంది. భక్తులను దీవిస్తూ ‘నేనున్నాను’ అనే నమ్మకాన్ని కలిగిస్తుంది. ఎలాంటి పరిస్థితుల్లోనైనా ఆత్మవిశ్వాసంతో అడుగులు వేయాలని అభయమిస్తుంది. పెద్దఉదరం వినాయకుడి పెద్ద పొట్ట మనిషి జీవితంలోని పాపపుణ్యాలను సమానంగా స్వీకరించి, వాటి ఫలితాలను ఓర్పుతో భరించాలనే తత్వాన్ని తెలుపుతుంది. మంచి చెడులను జీర్ణించుకునే మనస్తత్వంతోపాటు, ఆరోగ్యానికి సంబంధించిన జీవన సూత్రాన్ని సూచిస్తుంది. ఏకదంతం.. విఘ్నేశ్వరుడి ఏక దంతం త్యాగం, పట్టుదల, మంచి–చెడుల మధ్య వివేచనకు ప్రతీకగా భావిస్తారు. జీవితంలో మనకు ఎదురయ్యే ప్రతీ విషయాన్ని పూర్తిగా స్వీకరించాల్సిన అవసరం లేదని చెబుతుంది. అవసరమైనప్పుడు స్వార్థాన్ని పక్కనపెట్టి సమాజ శ్రేయస్సు కోసం త్యాగం చేయాలనే గొప్ప సందేశాన్నిస్తుంది. చిన్న నోరు ఎక్కువగా వినాలి.. తక్కువగా మాట్లాడాలి.. ఇదే గణనాథుడి చిన్న నోరు చెప్పే నీతి. ఆలోచించకుండా పలికే మాటలు అనర్థాలకు దారితీస్తాయి. అందుకే ప్రతీ మాటను ఆలోచించి, ఆచితూచి మాట్లాడాలని వినాయకుడి రూపం సందేశమిస్తుంది.తొండం.. తొండం బలానికి, సున్నితత్వానికి ప్రతీక. పెద్ద వృక్షాలను సైతం పెకిలించే, చిన్న సూదిని కూడా అందుకునే నైపుణ్యం ఉంటుంది. మనిషి జీవితంలో ఎ దురయ్యే కఠిన పరిస్థితులను ధైర్యంగా అధిగమించడంతోపాటు, చిన్న విషయాలను సైతం సూక్ష్మంగా పరిశీలించి సరైన నిర్ణయం తీసుకునే వివేకం అవసరమని ఇది సూచిస్తుంది. మోదకం.. గణపతి చేతిలోని మోదకం జ్ఞానం, సాధన, ఆధ్యాత్మిక ఆనందానికి ప్రతీకగా భావిస్తారు. ఇది బయటకు సాధారణంగా కనిపించినా లోపల తీపిని కలి గి ఉంటుంది. అలాగే నిజమైన ఆనందం బయట ఉన్న సంపదల్లో కాకుండా జ్ఞానం, సత్కర్మ, మంచి ఆలోచనల్లో ఉంటుందని ఇది సూచిస్తుంది. చిన్న కళ్లు.. విఘ్నేశ్వరుడి చిన్న కళ్లు ఏకాగ్రత, పరిశీలన, లక్ష్యంపై దృష్టికి ప్రతీకగా చెబుతారు. మనిషి జీవితంలో ఎన్నో ఆకర్షణలు, ఆటంకాలు ఎదురైనా లక్ష్యాన్ని మరచిపోకూడదనే సందేశం ఇందులో ఉంది. మనసును చెల్లాచెదురు కాకుండా ఒకే లక్ష్యంపై కేంద్రీకరిస్తే విజయాన్ని సాధించవచ్చని వినాయకుని నయనాలు సూచిస్తాయి.బీపీ.. షుగర్‌ప్రారంభ దశలో గుర్తించడంతో..ఎన్‌సీడీ కార్యక్రమంలో భాగంగా జిల్లాలో ఏఎన్‌ఎంల ద్వారా 30 ఏళ్ల వయస్సు పైబడిన వారికి బీపీ, షుగర్‌, క్యాన్సర్‌, మహిళలకు గర్భాశయ, రొమ్ము క్యాన్సర్‌ పరీక్షలు నిర్వహిస్తున్నాం. ఇప్పటివరకు జిల్లాలో 73.86 శాతం స్క్రీనింగ్‌ పూర్తయ్యింది. మరో నెల రోజుల్లో వంద శాతం పూర్తి అవుతుంది. వ్యాధిగ్రస్తులకు అవసరమైన చికిత్స నిర్వహించి మందులు అందిస్తున్నాం. జంక్‌ఫుడ్‌, జీవనశైలి మార్పుతోనే ఎక్కువగా వ్యాధుల బారిన పడుతున్నారు. 30 ఏళ్లు పైబడిన వారు అన్ని వైద్య పరీక్షలు చేయించుకోవాలి. – డాక్టర్‌ సాధన, డీఎంహెచ్‌వో ఆదిలాబాద్‌: గజాననుడి జన్మవృత్తాంతం మొదలు గణాధిపతిగా ఎదగడం వరకూ ప్రతీ ఘట్టం ప్రత్యేకమే. ఆయన రూపంలోని ప్రతీ అవయవం ఓ విశేషమే. విఘ్నాలను తొలగించే విఘ్నాధిపతి తన రూపంలోనే ఎన్నో సమస్యలకు పరిష్కారాలను సూచిస్తాడు. ప్రతి భాగంలోనూ ఓ సందేశం దాగి ఉంటుంది. చవితి పర్వదినం పురస్కరించుకొని వినాయకుడి రూపంలోని విశిష్టతలు, వాటి నుంచి మనం నేర్చుకోవాల్సిన అంశాలపై ప్రత్యేక కథనం.రైతుల వివరాలు సేకరించాంపరిహారం అందని రైతుల వివరాలు సేకరించాం. ఫ్యాక్టరీ ప్రతినిధులతో మాట్లాడి త్వరలోనే అందరికీ పూర్తిస్థాయిలో పరిహారం అందేలా చూస్తాం. – జగదీశ్వర్‌రావు, ఆర్డీవో, ఆదిలాబాద్‌

సారంగపూర్‌: మండలంలోని మహారాష్ట్ర సరిహద్దులో చిరుత సంచారం ప్రజల్లో భయాందోళనలు రేకెత్తిస్తోంది. ఆదివారం అటవీ ప్రాంతంలో లేగదూడ కళేబరం కనిపించడంతో ప్రజలు బెంబేలెత్తిపోతున్నారు. రెండురోజుల క్రితం సిర్పెల్లి గ్రామ శివారులోని అడవిలోకి మేతకు వెళ్లిన ఆవులమందలోంచి ఒక లేగదూడ కనిపించకపోవడంతో స్థానికులు గాలింపు మొదలు పెట్టారు. రెండురోజుల తర్వాత కళేబరం కనిపించడంతో అటవీశాఖ అధికారులకు సమాచారం ఇచ్చారు. ఎఫ్‌ఆర్‌ఓ రామక్రిష్ణారావు, డీఆర్‌వో నజీర్‌ఖాన్‌ లేగదూడ కళేబరం లభ్యమైన ప్రాంతంలో సీసీకెమెరాలను అమర్చి చిరుతపులి హతమార్చినట్లు గుర్తించారు. ప్రజలు అప్రమత్తంగా ఉండాలని సూచించారు. అటవీశాఖ అధికారులు హర్షవర్ధన్‌, సంధ్యారెడ్డి, సంతోష్‌, సుజాత, వెన్నెల, తదితరులు ఉన్నారు.

ఇతర రాష్ట్రాల నుంచి.. ఉమ్మడి జిల్లాకు చెందిన చిన్నారులను ఇతర రాష్ట్రాల తల్లిదండ్రులు దత్తత తీసుకుంటున్న మాదిరిగానే ఇతర జిల్లాలు, పరాయి రాష్ట్రాలకు చెందిన బాలబాలికలను మన ఉమ్మడి జిల్లా దంపతులు దత్తత తీసుకోవడంలో ఆదర్శంగా నిలుస్తున్నారు. 2000 నుంచి 2026 ఆగస్టు నెలాఖరు వరకు 42 మంది చిన్నారులను దత్తత తెచ్చుకున్నారు. అందరూ వంచితులే.. నవ మాసాలు మోసి జన్మనిచ్చిన తర్వాత పిల్లలు ఏదో రకంగా వంచితులు అవుతున్నారు. కారణమేదైనా కొందరు శిశువులు పసిప్రాయంలోనే అనాథలుగా మారుతున్నారు. ఆడపిల్లలు అనే వివక్షతో వదిలి వెళ్తుండగా.. కుటుంబ ఆర్థిక పరిస్థితులు, పోషణ భారం తదితర అంశాలతో శిశుగృహకు చేరుతున్నారు.అమెరికా.. ఇతర రాష్ట్రాల్లో ..బెల్లంపల్లి: అనాథగా మిగిలిపోయిన చిన్నారులకు అమ్మానాన్నల ప్రేమ లభిస్తోంది. అర్హులైన దంపతులకు పిల్లలను చట్టబద్ధంగా దత్తత ఇవ్వడం ద్వారా వారికీ ఓ కుటుంబం ఏర్పడుతోంది. అనాథ పిల్లలను కుటుంబం చెంతకు చేర్చడంలో ఉమ్మడి ఆదిలాబాద్‌ జిల్లా ముందంజలో ఉంది. దత్తత పొందిన దంపతులు చిన్నారులను అక్కున చేర్చుకుని మమతానురాగాలు పంచుతున్నారు. పేగుబంధాని కన్నా మిన్నగా అనుబంధాన్ని పెనవేసుకుంటున్నారు. దత్తత ద్వారా చిన్నారులు కొత్త కుటుంబాల్లోకి అడుగు పెడుతుండడం వారికి ఆనందాన్ని పంచుతోంది.స్వరాష్ట్రం తెలంగాణతోపాటు ఇతర రాష్ట్రాలు, విదేశాలకూ చిన్నారులు దత్తత వెళ్లారు. ఆంధ్రప్రదేశ్‌, మహారాష్ట్ర, కర్ణాటక, తమిళనాడు, జార్ఘండ్‌ రాష్ట్రా ల దంపతులు చిన్నారులను దత్తత తీసుకున్నారు. ఇద్దరు బాలికలను అమెరికా దేశీయులకు దత్తత ఇ చ్చారు. రెండేళ్లలోపు చిన్నారులను దత్తత తీసుకోవడానికి దంపతులు ఇష్టపడుతున్నారు. దత్తత విషయంలో బాలబాలికలనే లింగ వివక్షకు దంపతులు చూపించడం లేదని శిశుగృహ నిర్వాహకులు చెబు తున్నారు. ఏక సంతానం అమ్మాయి కలిగిన దంపతులు అబ్బాయిని దత్తత తీసుకోవడానికి ముందు కు వస్తుండగా, అబ్బాయి ఉన్న దంపతులు అ మ్మా యి కావాలని కోరుతున్నారు. సంతానానికి నో చుకోని దంపతులు ఎవరైనా పరవాలేదని దత్తతకు ముందుకు వస్తున్నారు. దివ్యాంగులైన చిన్నారుల ను దత్తత తీసుకోకపోవడంతో మిగిలిపో తునారు.

జన్నారం: హైదరాబాద్‌లోని దూలపెల్లి అకాడమీకి చెందిన 57 మంది శిక్షణ రేంజ్‌ అధికారులు డిప్యూటీ డైరెక్టర్‌ మంజుల ఆధ్వర్యంలో ఆదివారం కవ్వాల్‌ టైగర్‌జోన్‌ పరిధిలోని జన్నారం అటవీ డివిజన్‌లో పర్యటించారు. జన్నారం అటవీ డివిజన్‌లోని బైసన్‌కుంట, గొండుగూడ బేస్‌క్యాంపు, వాచ్‌టవర్‌, తదితర ప్రాంతాల్లో కాలినడకన కలియతిరిగారు. అడవి అందాలను చూస్తూ, ఆహ్లాదం పొందారు. అడవుల రక్షణ, వన్యప్రాణుల సంరక్షణకు డివిజన్‌లో తీసుకుంటున్న చర్యల గురించి ఎఫ్‌డీవో రామ్మోహన్‌ వారికి వివరించారు. అడవులు, గడ్డి క్షేత్రాల అభివృద్ధి, వన్యప్రాణుల కోసం ఏర్పాటు చేసిన కుంటలు, గడ్డి మైదానాలు, ఆవాసాలు, కలప స్మగ్లింగ్‌ నిరోధానికి తీసుకుంటున్న జాగ్రత్తలు వివరించారు. డాగ్‌స్క్వాడ్‌ వల్ల ఉపయోగం, స్మగ్లర్లను పట్టుకునే విధానం గురించి డాగ్‌స్క్వాడ్‌ బీట్‌ అధికారి అనిల్‌ వివరించారు. వారి వెంట రేంజ్‌ అధికారి ఖాదర్‌వలీ, సెక్షన్‌ అధికారులు మమత, శంకర్‌, బీట్‌ అధికారులు ఉన్నారు. ఈ సందర్భంగా వారిని పలుకరించిన ‘సాక్షి’తో తమ అభిప్రాయాలు వెల్లడించారు. వారి మాటల్లోనే..గేట్‌ నంబర్‌1 వద్ద శిక్షణ రేంజ్‌ అధికారులు

మంచిర్యాలక్రైం: ఓ హత్య కేసులో నిందితులుగా ఉన్న తండ్రీకొడుకులు.. కేసు ట్రయల్‌కు రావడంతో తమకు ఎలాగైనా శిక్ష తప్పదని భావించారు. ఈ క్రమంలో రైలుకిందపడి ఆత్మహత్య చేసుకున్నారు. ఈ ఘటన మంచిర్యాల జిల్లా కేంద్రంలోని రాజీవ్‌నగర్‌ సమీపంలో ఆదివారం చోటుచేసుకుంది. జీఆర్పీ ఎస్సై మహేందర్‌ కథనం ప్రకారం.. జగిత్యాల జిల్లా ఎండపల్లి మండలం గొడిశెలపేటకు చెందిన దొంత మల్లేశ్‌ (52), అతని కుమారుడు నాగరాజు (32) ఇద్దరూ కలిసి 2024లో జయశంకర్‌ భూపాలపల్లిలో వీఆర్‌వోగా పనిచేసిన గుల్లకోట గ్రామానికి చెందిన మల్లేశ్‌ తోడళ్లుడు రమేశ్‌ను హత్యచేశారు. ఈ కేసులో ఇద్దరూ భూపాలపల్లి జైలుకు వెళ్లారు. భర్త, కుమారుడు జైలుకు వెళ్లడంతో మల్లేశ్‌ భార్య సువర్ణ అనారోగ్యానికి గురై అదే ఏడాది మృతి చెందింది. జైలు నుంచి బయటకు వచ్చిన తండ్రీ కొడుకులను ఎవరూ ఆదరించడం లేదు. దీంతో కొద్దిరోజులుగా వారు హైదరాబాద్‌లోని ఓ హోటల్‌లో పనిచేసుకుంటున్నారు. మరోవైపు హత్యకేసు ట్రయల్‌కు వచ్చింది. తమకు ఎలాగైనా శిక్ష పడుతుందని భావించిన తండ్రీ కొడుకులు మంచిర్యాల జిల్లా రామకృష్ణాపూర్‌లో నివాసముంటున్న మల్లేశ్‌ సోదరుడు శ్రీనివాస్‌ ఇంటికి శుక్రవారం వచ్చారు. శనివారం ఇంటి నుంచి బయలుదేరిన వారు ఆదివారం తెల్లవారుజామున జిల్లా కేంద్రంలోని రాజీవ్‌నగర్‌ సమీపంలో కేరళ ఎక్స్‌ప్రెస్‌ రైలు కిందపడి ఆత్మహత్య చేసుకున్నారని జీఆర్పీ ఎస్సై తెలిపారు.

కుభీర్‌: మండలంలోని జామ్‌గాంలో బొమ్మెడి మల్లేశ్‌ అనే రైతుకు చెందిన ఎద్దు విద్యుదాఘాతంతో మృతి చెందింది. ఆదివారం ఉదయం రైతు తన ఎద్దులను పంటచేనుకు తోలుకెళ్తుండగా శనివారం రాత్రి వీచిన గాలులకు తెగి రోడ్డుపై పడిపోయిన విద్యుత్‌ తీగకు ఎద్దు తగలడంతో షాక్‌కు గురై మృతి చెందింది. గ్రామస్తులకు సమాచారం అందించడంతో విద్యుత్‌ సరఫరా నిలిపివేయించారు. ఎద్దు విలువ రూ.50 వేలు ఉంటుందని, ప్రభుత్వం పరిహారం అందించి ఆదుకోవాలని బాధిత రైతు కోరుతున్నాడు. గేదెలు తరలిస్తున్న ఆరుగురిపై కేసు దహెగాం: అక్రమంగా గేదెలు తరలిస్తున్న ఆరుగురిపై కేసు నమోదు చేసినట్లు ఎస్సై చుంచు రమేశ్‌ తెలిపారు. తమకు అందిన సమాచారం మేరకు ఆదివారం మండలంలోని కల్వాడ చెక్‌పోస్టు వద్ద తనిఖీలు నిర్వహిస్తుండగా ఐచర్‌ వాహనంలో 11 గేదెలు, బొలెరో వాహనంలో ఏడు గేదెలు పట్టుబడినట్లు ఆయన పేర్కొన్నారు. నిందితులను విచారించగా చింతలమానెపల్లి నుండి జగిత్యాలకు తరలిస్తున్నట్లు తెలిపారు. వాహనాలు, గేదెలు స్వాధీనం చేసుకుని నిందితులు ఎండీ అహ్మద్‌, షేక్‌ ఫిరోజ్‌, అబ్దుల్‌ సమీర్‌, షాహీద్‌ అలీ, ఎండీ అబ్బుషేక్‌, సర్వర్‌పై కేసు నమోదు చేసినట్లు తెలిపారు. రైలు ఢీకొని ఒకరు మృతి బెల్లంపల్లి: రైలు ఢీకొని ఒకరు మృతి చెందిన సంఘటన పట్టణంలో చోటు చేసుకుంది. జీఆర్‌పీ హెడ్‌ కానిస్టేబుల్‌ కె.తిరుపతి తెలిపిన వివరాల ప్రకారం ఆదివారం మధ్యాహ్నం కన్నాలబస్తీకి చెందిన కన్నెపల్లి నాగేశ్వరరావు (55) కన్నాల గేటు వద్ద రైలు పట్టాలను దాటే క్రమంలో గుర్తుతెలియని రైలు ఢీకొని మృతి చెందాడు. ఘటనపై మంచిర్యాల రైల్వే పోలీసులు కేసు నమోదు చేశారు. అనారోగ్యంతో వృద్ధుడు ఆత్మహత్య తలమడుగు: అనారోగ్యంతో వృద్ధుడు ఉరేసుకుని ఆత్మహత్య చేసుకున్న సంఘటన మండలంలో చోటు చేసుకుంది. పోలీసులు తెలిపిన వివరాల ప్రకారం తలమడుగు మండలంలోని ఉండం గ్రామానికి చెందిన ఎండీ ఖాసీం (60) కొన్ని రోజులుగా అనారోగ్యంతో బాధపడుతున్నాడు. ఆస్పత్రిలో చికిత్స చేయించినా నయం కాకపోవడంతో మనస్తాపం చెందాడు. ఆదివారం రాత్రి ఇంట్లో ఉరేసుకుని ఆత్మహత్య చేసుకున్నాడు. మృతుని కుటుంబ సభ్యులు ఇచ్చిన ఫిర్యాదు మేరకు కేసు నమోదు చేసుకుని దర్యాప్తు జరుపుతున్నట్లు ఎస్సై రాధిక తెలిపారు.

గుడిహత్నూర్‌: అత్తగారిపై కక్ష పెంచుకున్న ఓ అల్లుడు ఏకంగా ఆ ఇంటికే నిప్పుపెట్టిన ఘటన మండల కేంద్రంలో చోటు చేసుకుంది. పోలీసుల కథనం ప్రకారం.. మండల కేంద్రానికి చెందిన కడమంచి రాజమణికి ముగ్గురు కుమార్తెలు, కుమారుడు ఉన్నారు. మండల కేంద్రానికి చెందిన వస్తాద్‌ అరుణ్‌ అనే యువకుడు రాజమణి చిన్న కూతురిని రెండేళ్ల క్రితం ప్రేమ వివాహం చేసుకున్నాడు. అప్పటి నుంచి రోజూ తాగి వచ్చి భార్యను కొడుతుండేవాడు. ఈనెల 8న రాజమణి ఇంటికి వచ్చిన అరుణ్‌.. భార్యతో పాటు ఇంట్లో వారిని చంపేస్తానని బెదిరించి వెళ్లాడు. భయాందోళనలకు గురైన రాజమణి, తన చిన్న కుమార్తెను తీసుకుని హైదరాబాద్‌లోని మరో కుమార్తె వద్దకు వెళ్లిపోయింది. దీంతో కోపం పెంచుకున్న అరుణ్‌ శనివారం రాత్రి రాజమణి ఇంటికి నిప్పుపెట్టాడు. స్థానికుల ద్వారా విషయం తెలుసుకున్న బాధితురాలు పోలీసులకు ఫిర్యాదు చేసింది. కేసు నమోదు చేసుకుని నిందితుడిని రిమాండ్‌కు తరలించినట్లు ఎస్సై శ్రీకాంత్‌ తెలిపారు.

బజార్‌హత్నూర్‌: పత్తి పంటలో పురుగుల మందు పిచికారీ చేస్తూ మూడు రోజుల క్రితం అస్వస్థతకు గురైన రైతు రాథోడ్‌ ఈశ్వర్‌ (48) చికిత్స పొందుతూ ఆదివారం మృతి చెందాడు. మృతుని కుటుంబ సభ్యులు తెలిపిన వివరాల ప్రకారం మండలంలోని గంగాపూర్‌ గ్రామ పంచాయతీ పరిధిలోని లక్ష్మీనాయక్‌తాండ గ్రామానికి చెందిన ఈశ్వర్‌ తన పత్తి చేనులో పురుగుల మందు పిచికారీ చేస్తుండగా అస్వస్థతకు గురికావడంతో నిజామాబాద్‌లోని ఓ ప్రైవేటు ఆస్పత్రికి తరలించారు. చికిత్స అందిస్తుండగా పరిస్థితి విషమించి మృతి చెందాడు. మృతునికి భార్య, ఇద్దరు కూతుర్లు, కుమారుడు ఉన్నారు.

ఆదిలాబాద్‌: జిల్లా కేంద్రంలోని ఆదిలాబాద్‌ ఎక్స్‌రోడ్డు వద్ద శనివారం జరిగిన రోడ్డు ప్రమాదంలో ఓ నవ వధువు మృతి చెందిన ఘటన చోటు చేసుకుంది. సీఐ రవి తెలిపిన వివరాల ప్రకారం.. మంచిర్యాల జిల్లా బెల్లంపల్లి మండలం చినబూద గ్రామానికి చెందిన తేజశ్రీ(27)ని వాంకిడి మండలం ఖమాన గ్రామానికి చెందిన బండె తిరుపతితో గత జూలై 5న వివాహం జరిగింది. భార్యాభర్తలిద్దరూ బైక్‌పై తేజశ్రీ తల్లిగారింటికి వెళ్తున్నారు. జిల్లా కేంద్రం సమీపంలో ఆదిలాబాద్‌ ఎక్స్‌రోడ్డు ప్లైఓవర్‌పై బైక్‌ అదుపుతప్పి కిందపడటంతో తేజశ్రీ తలకు, ముఖానికి తీవ్ర గాయాలు కాగా, తిరుపతికి స్వల్ప గాయాలయ్యాయి. వెంటనే వీరిని జిల్లా కేంద్రంలోని ప్రభుత్వ ఆసుపత్రికి తరలించారు. ప్రథమ చికిత్స అనంతరం మెరుగైన చికిత్స కోసం మంచిర్యాలకు పంపించారు. మంచిర్యాలలో చికిత్స పొందుతూ మృతి చెందినట్లు సీఐ తెలిపారు. ఈ మేరకు కేసు నమోదు చేసి దర్యాప్తు చేస్తున్నట్లు సీఐ తెలిపారు. ఇదీ చదవండి: భార్యను రెడ్‌హ్యాండెడ్‌గా పట్టుకున్న భర్త!

సాక్షి, న్యూఢిల్లీ: రక్షణ, వాణిజ్యపరంగా అత్యంత వ్యూహాత్మకమైన ఆదిలాబాద్‌ విమానాశ్రయ ప్రాజెక్టు పనులను వేగంగా చేపట్టాలని కేంద్ర ప్రభుత్వం నిర్ణయించింది. ప్రాజెక్టు పురోగతిపై రక్షణ మంత్రి రాజ్‌నాథ్‌ సింగ్‌ నేతృత్వంలో శనివారం ఢిల్లీలో ఉన్నతస్థాయి సమీక్ష జరిగింది. ఈ భేటీలో పౌరవిమానయాన శాఖ మంత్రి కె.రామ్మోహన్‌ నాయుడు, కేంద్ర మంత్రి కిషన్‌రెడ్డితోపాటు ఉన్నతాధికారులు పాల్గొన్నారు. సమావేశంలో తీసుకున్న నిర్ణయాలను కిషన్‌రెడ్డి ఒక ప్రకటనలో వెల్లడించారు. ప్రాజెక్టు అమలును పకడ్బందీగా, వేగవంతంగా పూర్తి చేసేందుకు రక్షణ శాఖ, పౌరవిమానయాన శాఖ, తెలంగాణ ప్రభుత్వం నుంచి ఒక్కో నోడల్‌ అధికారిని వచ్చే వారంలోగా నియమించాలని సమావేశంలో నిర్ణయించారు. అలాగే ప్రాజెక్టు డీపీఆర్, మాస్టర్‌ ప్లాన్‌ రూపకల్పన ప్రక్రియను త్వరితగతిన పూర్తి చేయాలని తీర్మానించారు. ఉత్తర తెలంగాణలో పౌర విమానయాన మౌలిక వసతుల కల్పనతోపాటు ప్రాంతీయ వైమానిక అనుసంధాన మెరుగుదలకు ఈ ప్రాజెక్టు బాటలు వేస్తుందని కిషన్‌రెడ్డి పేర్కొన్నారు.రక్షణ శాఖ సంపూర్ణ సహకారం..దేశ రక్షణపరంగా వ్యూహాత్మక ప్రాంతమైన ఆదిలాబాద్‌లో జాయింట్‌ యూజర్‌ ఎయిర్‌ఫీల్డ్, ఎయిర్‌ఫోర్స్‌ స్టేషన్‌ అభివృద్ధికి రక్షణ శాఖ సిద్ధంగా ఉందని రాజ్‌నాథ్‌ సింగ్‌ స్పష్టం చేశారు. ఇందుకు అవసరమైన పూర్తి సహకారాన్ని అందిస్తామని హామీ ఇచ్చారు. ఉమ్మడి ఆదిలాబాద్‌ జిల్లాతోపాటు ఉత్తర తెలంగాణ ప్రజల చిరకాల ఆకాంక్ష నెరవేరే దిశగా కీలక ముందడుగు పడిందని కిషన్‌రెడ్డి తెలిపారు. ఈ ఏడాది ఏప్రిల్‌ 17న రక్షణ, పౌర విమానయాన శాఖల అధికారులు ఆదిలాబాద్‌ విమానాశ్రయ స్థలాన్ని క్షేత్రస్థాయిలో పరిశీలించారు. ఈ జాయింట్‌ యూజర్‌ ఎయిర్‌ఫీల్డ్‌ కోసం 2.75 కిలోమీటర్ల పొడవైన రన్‌వే నిర్మాణం అవసరమని తేల్చారు. ప్రస్తుతం ఇండియన్‌ ఎయిర్‌ఫోర్స్‌ అధీనంలో 369.45 ఎకరాల భూమి అందుబాటులో ఉండటంతో ప్రాజెక్టు పూర్తిస్థాయి అవసరాల కోసం రాష్ట్ర ప్రభుత్వం మరో 1,500 ఎకరాల భూసేకరణ చేయాలని అధికారులు నిర్ణయించారు.

ఆదిలాబాద్‌టౌన్‌: రియల్‌ ఎస్టేట్‌ వ్యాపారంలో పెట్టుబడి పెడితే అధిక లాభాలు వస్తాయని నమ్మించి ప్రజల నుంచి భారీ మొత్తంలో డబ్బులు వసూలు చేసి మోసానికి పాల్పడిన కేసులో ఇద్దరిని అరెస్ట్‌ చేసినట్లు ఎస్పీ అఖిల్‌ మహాజన్‌ తెలిపారు. వన్‌టౌన్‌లో శనివారం ఏర్పాటు చేసిన విలేకరుల సమావేశంలో వివరాలు వెల్లడించారు. ఈ నెల 9న శాంతినగర్‌కు చెందిన సాయిని ప్రవీణ్‌ కుమార్‌ ఇచ్చిన ఫిర్యాదు మేరకు చీటింగ్‌ కేసు నమోదు చేసి దర్యాప్తు చేపట్టినట్లు తెలిపారు. ఫిర్యాదుదారుడి నుంచి రియల్‌ ఎస్టేట్‌ పెట్టుబడి పేరిట విడతల వారీగా రూ.1.40 కోట్లు బ్యాంకు ఖాతాల ద్వారా, అదనంగా రూ.30 లక్షలు నగదు తీసుకున్నట్లుగా పేర్కొన్నారు. అందులో కొంత మొత్తాన్ని లాభంగా తిరిగి ఇచ్చి, మిగిలిన మొత్తంపై కాలయాపన చేయడంతో మోసం జరిగినట్లు గుర్తించి ఫిర్యాదు చేశారని తెలిపారు. దర్యాప్తులో భాగంగా నిందితుడు బండారి రాకేశ్‌ను విచారించగా, కుంటవార్‌ అచ్యుత్‌రెడ్డితో కలిసి సులభంగా డబ్బు సంపాదించాలనే ఉద్దేశంతో రియల్‌ ఎస్టేట్‌ పేరిట ప్రజలను నమ్మించి డబ్బులు వసూలు చేసినట్లుగా తెలిపారు. తెలిసిన వారిని నమ్మించి ఫోన్‌పే, గుగూల్‌పే, బ్యాంకు ఖాతాలు, నగదు రూపంలో డబ్బులు వసూలు చేసినట్లుగా పేర్కొన్నారు. ఇప్పటివరకు 16 మంది నుంచి సుమారు రూ.13.31 కోట్ల వరకు సేకరించినట్లు తెలిపారు. నిందితుడి అకౌంట్‌, అతడి భార్య ఖాతాల నుంచి అచ్యుత్‌రెడ్డి, అతడి కుటుంబ సభ్యులకు సంబంధించిన పలు బ్యాంకు ఖాతాలకు డబ్బులు బదిలీ చేసినట్లు గుర్తించారు. సంబంధిత బ్యాంకు లావాదేవీలు, ఖాతాల వివరాలపై దర్యాప్తు చేస్తున్నామని పేర్కొన్నారు. ఈక్రమంలోనే ఈ నెల 11న విశ్వసనీయ సమాచారం మేరకు సీసీఐ క్రాస్‌రోడ్‌ వద్ద రాకేశ్‌, అచ్యుత్‌రెడ్డిలను అదుపులోకి తీసుకుని విచారించగా కీలక వివరాలు వెలుగులోకి వచ్చినట్లుగా తెలిపారు. మరో నిందితుడు కుంటవార్‌ చంద్రకాంత్‌రెడ్డి పరారీలో ఉన్నట్లుగా పేర్కొన్నారు. అతడి కోసం గాలిస్తున్నట్లు తెలిపారు. బాధితులు ఎవరైనా ఉంటే నిర్భయంగా జిల్లా పోలీసు యంత్రాంగాన్ని సంప్రదించవచ్చని పేర్కొన్నారు. సమావేశంలో ఆదిలాబాద్‌ డీఎస్పీ జీవన్‌ రెడ్డి, వన్‌టౌన్‌ ఇన్‌స్పెక్టర్‌ బి సునీల్‌ కుమార్‌, ఎస్సైలు నాగనాథ్‌, సంజయ్‌, అశోక్‌ సిబ్బంది తదితరులు పాల్గొన్నారు.

కై లాస్‌నగర్‌: ఏళ్ల తరబడి పింఛన్‌ కోసం ఎదురుచూస్తున్న వారికి లబ్ధి చేకూర్చడంపై ప్రభుత్వం దృష్టి సారించింది. ఈ మేరకు ఇటీవల దరఖాస్తులు స్వీకరించింది. ఇందులో అర్హులైన వారిని గుర్తించాలంటూ ఆదేశాలు జారీ చేసింది. తదనుగుణంగా జిల్లా యంత్రాంగం చర్యలు చేపట్టింది. విచారణ అధికారుల నియామకంతో పాటు వారికి ఇప్పటికే ప్రత్యేక శిక్షణ అందించింది. ఈనెల 15నుంచి క్షేత్రస్థాయిలో విచారణ ప్రక్రియ షురూ కానుంది. 14వేల మంది దరఖాస్తు గత ప్రభుత్వం చేపట్టిన ఆసరా, కాంగ్రెస్‌ ప్రభుత్వం అమలు చేస్తున్న చేయూత పింఛన్ల మంజూరు ప్రక్రియ ఆరేళ్లుగా నిలిచిపోయింది. ఎంతో మంది అర్హులైన వారికి ఎదురుచూపులు తప్పలేదు. ఈ క్రమంలో ఆరేళ్ల నిరీక్షణకు తెరదించుతూ రాష్ట్ర ప్రభుత్వం ఇటీవల నిర్ణయం తీసుకుంది. దివ్యాంగులు, వృద్ధులు, వితంతువులు, ఒంటరి మహిళలు, చేనేత, గీత కార్మికులు, డయాలసిస్‌, బోధకాల వ్యాధిగ్రస్తులకు కొత్తగా పింఛన్లు అందించాలని నిర్ణయించింది. ఇందుకోసం ఆగస్టు 8 నుంచి దరఖాస్తుల స్వీకరణ ప్రక్రియ ప్రారంభించింది. ఈ గడువు 31వ తేదీతో ముగిసింది. అయితే ఇంకా ఎవరైనా దరఖాస్తు చేసుకోని వారుంటే నష్టపోకుండా ఉండాలనే ఉద్దేశంతో ఈ నెల 15వరకు పొడిగించారు. ఇప్పటి వరకు జిల్లావ్యాప్తంగా 21 మండలాల పరిధిలో 14,034 మంది ఆయా కేటగిరీల కింద దరఖాస్తు చేసుకున్నారు. గెజిటెడ్‌ అధికారులతో విచారణ ఆన్‌లైన్‌లో నమోదు చేసిన పింఛన్‌ దరఖాస్తులను ఈ నెల 15నుంచి క్షేత్రస్థాయిలో విచారణ చేపట్టనున్నారు. అర్హులైన వారికి నష్టం కలగకుండా, అనర్హులకు చోటు కల్పించకుండా ఉండాల నే ఉద్దేశంతో ఈ విచారణ బాధ్యతలను గెజిటెడ్‌ అధికారులకు అప్పగించాలని ప్రభుత్వం ఆదేశించింది. తదనుగుణంగా ఎంపీడీవోలు, ఎంపీఓలు, ఎంఏవోలు, తహసీల్దార్లు, డిప్యూటీ తహసీల్దార్లు, పీజీ హెచ్‌ఎంలు, పీఆర్‌, ఇరిగేషన్‌, హౌసింగ్‌, వాటర్‌గ్రిడ్‌, ఆర్‌డబ్ల్యూఎస్‌ ఏఈ వంటి వివిధ శాఖలకు చెందిన 134 మందిని విచారణ అధికారులుగా నియమించారు. మున్సిపల్‌లో కమిషనర్‌, మెప్మా పీడీలకు బాధ్యతలు అప్పగించారు. వారికి ఇప్పటికే ప్రత్యేక లాగిన్‌ ఐడీలు క్రియేట్‌ చేశారు. దరఖాస్తుల పరిశీలనపై ఆన్‌లైన్‌లో సెర్ప్‌ రాష్ట్రస్థాయి అధికారులు ఇప్పటికే ప్రత్యేక శిక్షణ అందించారు. చేయూత ప్రత్యేక మొబైల్‌ యాప్‌లో ఈ దరఖాస్తుల పరిశీలన చేపట్టనున్నారు. మండలంలోని దరఖాస్తుల సంఖ్యకు అనుగుణంగా వాటిని విచారణ అధికారులకు అప్పగించనున్నారు. పారదర్శకంగా ప్రక్రియకొత్త పింఛన్‌ ఆన్‌లైన్‌ దరఖాస్తుల పరిశీలన ప్రక్రియ ప్రభుత్వ ఆదేశాలకనుగుణంగా ఈ నెల 15 నుంచి షురూ కానుంది. సంబంధిత ప్రక్రియను ఇప్పటికే పూర్తి చేశాం. ఎంపిక చేసిన గెజిటెడ్‌ అధికారులు క్షేత్రస్థాయిలోకి వెళ్లి ప్రత్యేక యాప్‌లో వివరాలు నమోదు చేయనున్నారు. దరఖాస్తు సమయంలో ఏవైనా డాక్యుమెంట్స్‌ పొందుపర్చకుంటే వాటిని అప్‌లోడ్‌ చేయనున్నారు. అర్హులైన వారికి నష్టం కలగకుండా విచారణ ప్రక్రియ పారదర్శకంగా చేపట్టేలా చర్యలు తీసుకుంటున్నాం. – రాథోడ్‌ రవీందర్‌, డీఆర్డీవోజిల్లాలో అందిన పింఛన్‌ దరఖాస్తుల వివరాలు కేటగిరీల వారీగా దివ్యాంగులు 3,356 ఒంటరి మహిళలు 1,602 వితంతువులు 9,035 చేనేత కార్మికులు 04 గీత కార్మికులు 37

బోథ్‌: నవరాత్రుల పాటు నన్ను ధూపదీప నైవేద్యాలు, వేద మంత్రోచ్ఛరణ నడుమ అత్యంత నిష్ఠగా కొలుస్తున్నారు. అయితే గంగమ్మ ఒడికి సాగనంపే వేళ మాత్రం ఉదాసీనంగా ఉంటున్నారు. ప్రమాదాల బారిన పడి నాపై మచ్చ వచ్చేలా చూస్తున్నారు. ఈ సారి మాత్రం మద్యం జోలికి వెళ్లకండి. డీజే స్టెప్పులు కాకుండా.. మన సంస్కృతికి తగ్గట్టుగా సంప్రదాయ నృత్యాలు, కోలాటాలు, భక్తి కీర్తనలు, మంగళ వాయిద్యాల నడుమ శోభాయాత్రగా తరలివస్తే నేను మరింత సంతోషిస్తాను. మీ జిల్లా ఎస్పీ కూడా ఇదే విషయం ఇటీవల మీ దృష్టికి తెచ్చారని తెలిసింది. ఆలోచించండి. ఆచరిస్తారని ఆశిస్తున్నా. నా దీవెనలు ఎళ్లవేళలా మీపైనే ఉంటాయని హామీ ఇస్తున్నా. – మీ గణనాథుడను

● జిల్లా జడ్జి కె.ప్రభాకరరావుఆదిలాబాద్‌టౌన్‌: కోర్టుల్లోని పరిమిత వనరులతో కేసుల సత్వర పరిష్కారానికి వీలు పడదని, ఇరుపక్షాలు రాజీమార్గంలో వాటిని సత్వరం పరిష్కరించుకోవచ్చని జిల్లా జడ్జి కె.ప్రభాకరరావు అన్నారు. జిల్లా న్యాయసేవాధికార సంస్థ ఆద్వర్యంలో జిల్లా కోర్టులో శనివారం నిర్వహించిన జాతీయ లోక్‌ అదాలత్‌ను జడ్జి ప్రా రంభించారు. రాజీ మార్గంలో పరిష్కరించే అ వకాశమున్న పలు కేసులను పరిష్కరించారు. ఈ ఆయన మాట్లాడుతూ, కేసుల సత్వర పరి ష్కారంలో జిల్లా స్థానం గతంతో పోల్చితే మె రుగుపడిందన్నారు. సమష్టి భాగస్వామ్యంతో నే ఇది సాద్యమైందన్నారు. కార్యక్రమంలో డీఎ ల్‌ఎస్‌ఏ కార్యదర్శి హుస్సేన్‌ నాయక్‌, జడ్జీలు రాజ్యలక్ష్మి, తేజస్విని, చింత దివ్యారాణి, అదనపు ఎస్పీ సురేందర్‌ రావు, బార్‌ అసోసియేష న్‌ అధ్యక్షుడు ఎన్రాల నగేష్‌, ఉపాధ్యక్షుడు చందూసింగ్‌, ప్రభుత్వ న్యాయవాది దయాకర్‌, పీపీ రహిమ్‌, ిసీనియర్‌ న్యాయవాధి శ్రీనివాస్‌ తదితరులు పాల్గొన్నారు.

ఆదిలాబాద్‌: రాష్ట్రంలోని చిన్న, వీధి వ్యాపారులు, దుకాణదారులు ఎలాంటి భయాందోళనలు లేకుండా వ్యాపారం చేసుకునే వాతావరణాన్ని ప్రభుత్వం కల్పించాలని బీజేఎల్పీ డిప్యూటీ ఫ్లోర్‌లీడర్‌, ఎమ్మెల్యే పాయల్‌ శంకర్‌ కోరారు. శనివారం అసెంబీల్లో మాట్లాడుతూ, 65–70 ఏళ్ల క్రితం రూపొందించిన మున్సిపల్‌ నిబంధనలను ప్రస్తుత పరిస్థితులకు అనుగుణంగా సమీక్షించాలని సూచించారు. చిన్నపాటి పొరపాట్లకు వెంటనే కేసులు నమోదు చేయకుండా, ముందుగా వ్యాపారులకు నిబంధనలపై అవగాహన కల్పించాలన్నారు. అధికారుల తీరుతో కోర్టుల్లో కేసుల భారం పెరుగుతోందని పేర్కొన్నారు. చిన్న తప్పులకు పెద్ద శిక్షలు విధించకుండా పోలీసింగ్‌, వ్యాపార వ్యవస్థల్లో స్నేహపూర్వక వాతావరణం కల్పించాలన్నారు. పల్లెలు, పట్ట ణాల సమగ్ర అభివృద్ధితోనే రాష్ట్రం అభివృద్ధి చెందుతుందని తెలిపారు. ఎస్సీ, ఎస్టీ, బీసీ, బహుజన యువత స్వయం ఉపాధికి బ్యాంకులు ఆస్తుల హా మీ పేరుతో ఇబ్బందులు పెట్టకుండా రుణాలు అందించేలా ప్రభుత్వం చర్యలు తీసుకోవాలన్నారు.

సాక్షి, ఆదిలాబాద్‌: జిల్లా కేంద్రంలో ఐటీ టవర్‌ రెడీ అయింది. వారంలో ప్రారంభిస్తామని ఐటీ మంత్రి శ్రీధర్‌బాబు శుక్రవారం అసెంబ్లీలో ఒక ప్రశ్నకు సమాధానమిస్తూ తెలిపారు. ఇప్పటికే రెండు కంపెనీలు ఐటీ సేవలు అందిస్తున్నాయి. ఎన్‌టీటీ డాటా సొల్యూషన్‌(300 పోజిషన్‌కు అవకాశం), ఎన్‌ల్యాబ్స్‌ (150 పోజిషన్‌కు అవకాశం) కంపెనీలతో ఎంవోయూ చేసుకున్న విషయం తెలిసిందే. మరిన్ని కంపెనీలను ఆకర్షించేందుకు.. టవర్‌ అందుబాటులోకి వచ్చిన తర్వాత హైదరా బాద్‌, ఇతర ప్రధాన నగరాల నుంచి బీపీవో, ఐటీ అనెబుల్డ్‌ సర్వీసెస్‌, సాఫ్ట్‌వేర్‌ డెవలప్‌మెంట్‌ విభా గాలకు చెందిన మరిన్ని మధ్యస్థాయి కంపెనీలను ఇక్కడికి ఆకర్షించేందుకు ప్రభుత్వం ప్రత్యేక సబ్సిడీలు, మౌలిక సదుపాయాల వెసులుబాటు కల్పిస్తుంది. ప్రారంభం నుంచి మొదలుకుంటే మూడేళ్ల వరకు కార్యకలాపాలు నిర్వహించే కంపెనీలకు అద్దె రాయితీ కల్పిస్తోంది. ప్రత్యేకతలు .. మావల మండలం బట్టిసావర్‌గాంవ్‌ వద్ద జాతీయ రహదారి 44ను ఆనుకుని మూడెకరాల విస్తీర్ణంలో ఐటీటవర్‌ నిర్మించారు. తెలంగాణ పారిశ్రామిక మౌ లిక సదుపాయాల సంస్థ నోడల్‌ ఏజెన్సీగా ప్రాజెక్ట్‌ పనులు జరిగాయి. 65వేల చదరపు అడుగుల వైశాల్యంలో జీప్లస్‌–4 అంతస్తుల్లో నిర్మించారు. 2022–23లో నిర్మాణం మొదలైంది. అంచనా వ్యయం రూ.43 కోట్ల నుంచి రూ.54 కోట్లకు చేరుకుంది. ప్లగ్‌ అండ్‌ ప్లే పద్ధతిలో ఆధునిక వర్క్‌ స్టేషన్లను సిద్ధం చేశారు. ఒక్కోషిప్ట్‌కు 660 మంది పనిచేసే సామర్థ్యం ఉంది. మూడు షిప్ట్‌ల్లో కలిపి దాదాపు 2వేల మంది యువతకు ఉద్యోగావకాశాలు లభిస్తాయని అధికారులు చెబుతున్నారు. సెంట్రలైజ్డ్‌ ఏసీ, కాన్పరెన్స్‌ అండ్‌ మీటింగ్‌ హాళ్లు, హైస్పీడ్‌ ఇంటర్నెట్‌ సదుపాయం, క్యాంటీన్‌, రెస్ట్‌ రూంలు, విశాలమైన పార్కింగ్‌, లిఫ్ట్‌ వసతులు కల్పిస్తున్నారు. మొదటి టైర్‌–3 ప్రాంతం.. రాష్ట్రంలో రాజధాని హైదరాబాద్‌ ప్రధాన ఐటీ హబ్‌ కాగా, ఈ సేవలను అక్కడికే పరిమితం కాకుండా ద్వితీయశ్రేణి(టైర్‌–2, టైర్‌–3) నగరాలు, పట్టణా ల్లో విస్తరించేందుకు రాష్ట్ర ప్రభుత్వం ఐటీ హబ్‌లు, ఐటీ టవర్లను అందుబాటులోకి తెచ్చింది. వరంగల్‌, కరీంనగర్‌, ఖమ్మం, నిజామాబాద్‌, నల్గొండ, మహబూబ్‌నగర్‌, సిద్దిపేటలో ఇప్పటికే ఏర్పాటు చేసి విస్తరించింది. ఆదిలాబాద్‌ టైర్‌–3లోకి వస్తుంది. మొదటిసారి రాష్ట్రంలో ఇక్కడ ఏర్పాటు చేస్తుండటం గమనార్హం. స్థానిక పట్టణాల నుంచి వచ్చే సాంకేతిక నైపుణ్యం కలిగిన యువతను, గ్రాడ్యూయేట్లను ఈ సంస్థలు ఇప్పటికే ఉద్యోగాల్లోకి తీసుకుంటుంది. రానున్న కంపెనీలు కూడా స్థానికులకు ఉపాధి అవకాశాలు కల్పిస్తాయనే అభిప్రాయం వ్యక్తమవుతుంది.

స్మార్ట్‌ఫోన్‌ యుగంలో పోర్నోగ్రఫీ సైట్లతో అశ్లీలత చేతుల్లోకి చేరింది. మైనర్ల నుంచి మొదలుకొని నడివయస్సు వరకు చాలామంది పోర్నోగ్రఫీకి బానిసగా మారుతున్నారు. కొందరు చైల్డ్‌ పోర్నోగ్రఫీ చూస్తూ జైలు పాలవుతున్నారు. ఈ ఏడాది మంచిర్యాల పోలీస్‌స్టేషన్‌ పరిధిలో చైల్డ్‌పోర్నోగ్రఫీ వీడియోలు చూసి, ఇతరులకు షేర్‌ చేసినందుకు ఐదుగురిపై కేసు నమోదైంది. వీరిలో ముగ్గురు మైనర్లు ఉండడం ఆందోళన కలిగిస్తోంది. - మంచిర్యాల జిల్లాఅశ్లీల వెబ్‌సైట్లపై ప్రత్యేక నిఘా..అశ్లీల వెబ్‌సైట్లు, టెలిగ్రామ్, సోషల్‌ మీడియా ఫ్లాట్‌ఫాంలపై అమెరికాకు చెందిన యూనైటెడ్‌ స్టేట్స్‌ కాంగ్రెస్‌ అనే స్వచ్ఛంద సంస్థ (ఎన్‌సీఎంఈసీ), నేషనల్‌ సెంటర్‌ ఫర్‌ మిస్సింగ్‌ అండ్‌ ఎక్స్‌ప్లాయిటెడ్‌ చిల్ర్డన్‌ అనే ప్రత్యేక విభాగం ప్రత్యేక నిఘా పెడుతోంది. ప్రపంచ వ్యాప్తంగా చిన్నారులపై జరిగే అశ్లీల దాడులు, చైల్డ్‌ పోర్నోగ్రఫీ వీడియోలు, ఫొటోలు ఎవరు చూస్తున్నారు, ఎవరు షేర్‌ చేస్తున్నారో గుర్తించి ఆయా రాష్ట్రాల పోలీసులకు సమచారం అందిస్తోంది. స్థానిక పోలీస్‌స్టేషన్లకు పోర్నోగ్రఫీ వీడియోలు చూసిన, షేర్‌ చేసిన వారి వివరాలు అందించి కేసు నమోదుకు ఆదేశాలు జారీ చేస్తున్నారు. చట్ట ప్రకారం ప్రైవేటుగా చూడడం నేరం కాకపోయిన, చూసి ఇతరులకు షేర్‌ చేయడం ఐటీ యాక్ట్‌ 67 ప్రకారం నేరమవుతుంది. ఒకవేళ ఆ వీడియోల్లో మైనర్లు ఉంటే అది ఐటీ యాక్ట్‌ 67–బీ, పోక్సో చట్టం ప్రకారం ఏడేళ్ల వరకు జైలుశిక్ష పడే అవకాశం ఉంటుంది.యువత పక్కదారి..విద్యార్థి దశలోనే అరచేతిలో ఉన్న సెల్‌ఫోన్‌ వారిని నేరాల్లోకి నెడుతోంది. తాజాగా జిల్లా కేంద్రంలో ఆండాలమ్మ కాలనికి చెందిన ఓ మైనర్‌ బాలుడు ఫోర్న్‌ వీడియోలు చూసి మరో మైనర్‌ బాలికను వేధించినందుకు సదరు బాలిక దగ్గరి బంధువు బాలుడిని మందలించాడు. దీంతో బాలుడు మద్యం మత్తులో మందలించిన వ్యక్తి గొంతు కోసి హత్య చేసిన ఘటన సంచలనం సృష్టించింది. సెల్‌ఫోన్‌లలో లైంగిక, హింసాత్మక ఆంశాలు కౌమర దశలో ఉన్న పిల్లలపై తీవ్ర ప్రభావం చూపుతున్నాయి. వీడియోలు చూస్తే ఎవరికి తెలుస్తుందిలే అన్న భ్రమలో యువత ఉంటున్నారు. కానీ పోర్నోగ్రఫీ వెబ్‌సైట్లు ఎవరు చూస్తున్నారు.. ఎవరికి షేర్‌ చేస్తున్నారు.. ఎవరు డౌన్‌లోడ్‌ చేస్తున్నారో ఎన్‌సీఎంఈసీ ఇట్టే పట్టేస్తోంది. తమ పిల్లలు సెల్‌ఫోన్‌లో ఏం చూస్తున్నారో తల్లిదండ్రులు ఓ కన్నేయాలని పోలీస్‌ అధికారులు సూచిస్తున్నారు.సర్వర్లు బ్లాక్‌.. పోర్న్‌ వెబ్‌సైట్లపై ఫిర్యాదులు వచ్చినప్పుడు కేంద్ర ప్రభుత్వం వాటిని నిషేధించి బ్లాక్‌ చేయిస్తోంది. నిర్వాహకులు బ్లాక్‌ అయిన వెబ్‌సైట్‌ పేరును పోలిన లేదా దాని చివర 1, 2 లాంటి అంకెలు చేర్చి మరో వెబ్‌సైట్‌ను ప్రారంభిస్తున్నారు. ఈ తరహా వెబ్‌సైట్లను హోస్ట్‌ చేస్తున్న సర్వర్లు విదేశాల్లో ఉన్నవే కావడంతో వెబ్‌సైట్ల నిర్వాహకుల వివరాలు తెలుసుకోవడానికి, వారిపై చర్యలు తీసుకోవడానికి అవకాశం ఉండడం లేదని ఓ పోలీస్‌ అధికారి చెప్పడం గమనార్హం.వెంటనే తెలిసిపోతుంది..పోర్నోగ్రఫీ వీడియోలు చూడడం నేరమని తెలియక యువత చూస్తున్నారు. కేంద్రం నుంచి అందించిన సమాచారం ఆధారంగా వీడియోలు చూస్తున్న వారిని గుర్తించి వారిపై కేసులు నమోదు చేస్తున్నాం. జిల్లా కేంద్రంలో ఐదు కేసులు నమోదు కాగా అందులో ముగ్గురు మైనర్లు ఉన్నారు. అశ్లీల వెబ్‌సైట్లపై పూర్తి స్థాయి నిఘా ఉంది.– ప్రమోద్‌రావు, సీఐ, మంచిర్యాలఇటీవల నమోదైన కేసులు..మంచిర్యాల జిల్లా కేంద్రంలోని అశోక్‌రోడ్‌కు చెందిన ఓ యువకడు యూట్యూబ్, పోర్న్‌ వెబ్‌సైట్లు చూడడమే కాకుండా తనకు తెలిసిన వారికి షేర్‌ చేశాడు. నేషనల్‌ సెంటర్‌ ఫర్‌ మిస్సింగ్‌ అండ్‌ ఎక్స్‌ప్లాయిటెడ్‌ చిల్డ్రెన్‌ ప్రత్యేక విభాగం స్థానిక పోలీసులకు యువకుడి వివరాలు పంపించి కేసు నమోదుకు ఆదేశించింది. పోలీసులు యువకుడి ఇంటికి వెళ్లి కేసు నమోదు చేశారు.మంచిర్యాల జిల్లా కేంద్రంలోని భగవంతం వాడకు చెందిన ఓ సింగరేణి ఉద్యోగి చైల్డ్‌ పోర్నోగ్రఫీ వీడియోలు తరచూ చూస్తుండేవాడు. చూడడమే కాకుండా ఇతరులకు షేర్‌ చేశాడు. దీంతో నేషనల్‌ సెంటర్‌ ఫర్‌ మిస్సింగ్‌ అండ్‌ ఎక్స్‌ప్లాయింటెడ్‌ చిల్డ్రెన్‌ ప్రత్యేక విభాగం అతడిని గుర్తించి సదరు యువకుని అడ్రస్‌తో సహా స్థానిక పోలీస్‌స్టేషన్‌కు సమాచారం అందించింది.నిర్మల్‌ జిల్లా భైంసా పట్టణంలో మదీన కాలనీకి చెందిన ఓ వ్యక్తి పిల్లల అశ్లీల వీడియోలు, ఫొటోలు సోషల్‌ మీడియాలో పోస్ట్‌ చేశాడు. అతనిపై ఈనెల 5న కేసు నమోదు చేశారు. నిర్మల్‌ జిల్లా లోకేశ్వరం మండలం బామ్ని(కె) గ్రామానికి చెందిన తౌడు శ్రావణ్‌ పిల్లల అశ్లీల ఫొటోలు సోషల్‌ మీడియాలో పోస్టు చేశాడు. పోర్న్‌ ఫొటోలు, వీడియోలు బ్రౌజ్‌ చేసి డౌన్‌లోడ్, అప్‌లోడ్‌ చేసినందుకు అతడిపై ఈనె 5న పోలీసులు కేసు నమోదు చేశారు. ఇదీ చదవండి: ఆర్టీసీ డ్రైవర్‌పై విచక్షణా రహితంగా దాడి

సాక్షి,ఆదిలాబాద్‌: జిల్లాను శుక్రవారం తేలికపాటి వర్షం పలకరించింది. ఇది ఎటూ సరిపోని పరిస్థితి. రెండు వారాలుగా వరుణుడి జాడ లేక సాగు చేస్తు న్న పత్తి, సోయా, కంది పంట మొక్కలు వాడిపోతున్నాయి. ఈక్రమంలో రైతుల్లో దుఃఖం తన్నుకవస్తుంది. వర్షాభావ పరిస్థితుల్లో బోర్ల ఆధారంగా స్ప్రింక్లర్ల ద్వారా నీళ్లందిద్దామంటే కరెంటు కోతల కారణంగా తడులు అందించలేని పరిస్థితి. జిల్లాలో ప్రధానంగా బోథ్‌, తలమడుగు తదితర మండలా ల్లో రైతులు ఇబ్బందులు పడుతున్నారు. అధికారులకు ఈ విషయమై ఫోన్లు చేసినా స్పందన కరువైందంటూ వాపోతున్నారు. తలమడుగులో విద్యుత్‌ శాఖ అధికారులు పడిపోయిన విద్యుత్‌ స్తంభాలను మరమ్మతు చేయడంలో జాప్యం కారణంగా పంట చేలకు నీళ్లందించలేక రైతులు ఇటీవల ఆందోళన చేపట్టారు. ఇదే మండలంలోని రుయ్యాడిలో పదే పదే కరెంటు కోతలతో పంటలకు నీళ్లందించలేక పోతున్నామని అన్నదాతలు ఆవేదన వ్యక్తం చేశా రు. కరెంటు సరఫరాలో డ్రిప్‌ కావడంతో ఈ సమ స్య ఎదురవుతుందని అధికారులు చెబుతుండడం గమనార్హం. వర్షాభావం.. జిల్లాలో జూన్‌ 1 నుంచి సెప్టెంబర్‌ 11 వరకు సాధాణ వర్షపాతం 908.6 మి.మీ.లు కాగా, 598.8 మి.మీ.లు కురిసింది. ఇది 34 శాతం లోటు. అలాగే 21 మండలాలకు గాను 20 మండలాల్లో వర్షాభావం నెలకొంది. రెండు వారాలకు పైగా సరైన వర్షాలు లేకపోవడంతో డ్రైస్పెల్‌ ఏర్పడుతుంది. తేలికపాటి వర్షం కురుస్తున్నప్పటికీ అది ఎటూ సరిపోలేని పరిస్థితుల్లో పంటలను కాపాడుకునేందుకు రైతులు ఇబ్బందులు పడుతున్నారు. పెరిగిన విద్యుత్‌ వినియోగం.. వర్షాభావ పరిస్థితుల్లో పొడి వాతావరణం ఏర్పడింది. భూమిలో తేమ లేకపోవడంతో పంటలు వాడిపోతున్నాయి. ఈ పరిస్థితుల్లో బోర్ల ద్వారా నీళ్లందిద్దామంటే నిరంతర విద్యుత్‌ సరఫరా చేయడం లేదు. జిల్లాలో 75వేల వ్యవసాయ విద్యుత్‌ కనెక్షన్లు ఉన్నాయి. ఇటు వ్యవసాయ చేలకు డిమాండ్‌ పెరగడం, అటు గృహ వినియోగదారులు ఉక్కపోత కారణంగా ఏసీలు, కూలర్లు వినియోగిస్తుండడంతో డిమాండ్‌ అమాంతంగా పెరిగిపోయింది. దీనికితోడు జిల్లాలో ఇటీవల చార్జింగ్‌ స్టేషన్లు కూడా ఏర్పాటు కావడంతో డిమాండ్‌ పెరిగిందని విద్యుత్‌ శాఖ అధికారులు చెబుతున్నారు. ఈ పరిస్థితుల్లో కొంత కరెంటు సరఫరా తగ్గించినప్పటికీ కోతలు విధించడం లేదని విద్యుత్‌ శాఖ అధికారులు చెబుతున్నారు.ఇది బోథ్‌కు చెందిన రైతు రాజు చేనులోని పత్తి మొక్కల పరిస్థితి. ఓ వైపు వర్షాభావం.. మరోవైపు కరెంటు కోతల కారణంగా నీటి తడులందక మొక్కలు ఇలా వాడిపోతున్నాయి. బోరుబావిలో నీరున్నా విద్యుత్‌ ఎప్పుడు ఉంటుందో.. ఎప్పుడు పోతుందో తెలియని పరిస్థితి. పంట పెరిగే దశలో కరెంటు కోతలు లేకుండా చూడాలని ఈ రైతు అంటున్నాడు. ఇతనొక్కడే కాదు.. జిల్లాలో చాలా మందిది ఇదే పరిస్థితి. జిల్లాలో విద్యుత్‌ వినియోగం ఇలా.. వారం క్రితం వరకు: 1.35 మిలియన్ల యూనిట్లు రెండు రోజుల క్రితం: 1.89 మిలియన్ల యూనిట్లు

ఆదిలాబాద్‌టౌన్‌: ఆదివాసీలు అత్యధికంగా కలిగిన జిల్లాలో ఉన్నత విద్య పరంగా అవకాశాలు మెరుగుపర్చేందుకు తోడ్పడే యూనివర్సిటీ లేకపోవడం అవరోధంగా నిలుస్తోంది. గతంలో జిల్లాకు విశ్వవిద్యాలయం మంజూరైనా మరో జిల్లాకు తరలిపోయిన విషయం తెలిసిందే. పీసీసీ చీఫ్‌గా రేవంత్‌రెడ్డి ఎన్నికల ప్రచారసభతో పాటు సీఎంగా బాధ్యతలు చేపట్టాక తొలిసారి ఇంద్రవెల్లిలో నిర్వహించిన సభలోనూ వర్సిటీ ఏర్పాటుపై సానుకూల ప్రకటన చేశారు. దీంతో జిల్లావాసుల్లో హర్షం వ్యక్తమైంది. అయితే నెలలు గడుస్తున్నా ముందుకు సాగడం లేదు. ఈ క్రమంలో డీసీసీ అధ్యక్షుడు నరేశ్‌జాదవ్‌ సీఎంను గురువారం హైదరాబాద్‌లో కలిసి విన్నవించడం ప్రాధాన్యత సంతరించుకుంది. ఈ మేరకు తమ ఆకాంక్ష త్వరలోనే నెరవేరనుందనే ఆశాభావం ఈ ప్రాంతవాసుల్లో వ్యక్తమవుతోంది. ప్రజాప్రతినిధులు సైతం చొరవ చూపితే త్వరితగతిన కల సాకారమయ్యే అవకాశం ఉంటుందని భావిస్తున్నారు. కజ్జర్లలో అనువైన స్థలం.. వర్సిటీకి అవసరమైన అనువైన స్థలాన్ని సైతం అధికార పార్టీ నేతలు గుర్తించారు. జిల్లా కేంద్రానికి ఏడు కిలోమీటర్ల దూరంలో ఉన్న తలమడుగు మండలంలోని కజ్జర్లలో వందల ఎకరాల ప్రభుత్వ స్థలాన్ని గుర్తించినట్లు ఇప్పటికే ప్రభుత్వం దృష్టికి తీసుకెళ్లారు. తాజాగా డీసీసీ అధ్యక్షుడు నరేశ్‌జాదవ్‌ సీఎంను కలిసి మరోసారి కోరడం ప్రాధాన్యత సంతరించుకుంది. దీంతో పాటు మరికొన్ని అంశాలపై కూడా సీఎం సానుకూలంగా స్పందించడంతో ఈ ప్రాంత వాసుల్లో ఆశలు రేకెత్తుతున్నాయి.ప్రాధాన్యతను చాటిన ‘సాక్షి’ వర్సిటీ లేని ఏకై క ఉమ్మడి జిల్లాగా నిలిచిన ఆది లాబాద్‌లో విశ్వవిద్యాలయ ఆవశ్యకతను వివరి స్తూ ‘సాక్షి’ చొరవ చూపింది. ప్రత్యేక కథనాల ద్వారా ఈ ప్రాంతానికి ఒనగూరే ప్రయోజనాల ను వివరించింది. తొలుత గతేడాది విద్యావంతులు, మేధావులు, విద్యార్థులు, అధ్యాపకులతో చర్చావేదిక ఏర్పాటు చేసింది. ఆ వేదికపైనే వర్సిటీ సాధన కమిటీ ఆవిర్భవించింది. వెంటనే కమిటీ కార్యాచరణ సైతం ప్రకటించి ముందడుగు వేసింది. జిల్లాలోని డిగ్రీ, పీజీ కళాశాలలను సందర్శించి వర్సిటీ ఆవశ్యకతను విద్యార్థులకు వివరించింది. వారిని ఉద్యమంలో భాగస్వాములను చేసింది. ప్రజాప్రతినిధులను కలిసి విన్నవించింది. త్వరలోనే గవర్నర్‌ను కలిసేందుకు కమిటీ పక్షాన సన్నద్ధమవుతున్నారు.

కై లాస్‌నగర్‌: జాతీయ జనగణనలో బీసీల లెక్క తేల్చి, జనాభా మేరకు రిజర్వేషన్లు కల్పించాలని బీసీ సంక్షేమ సంఘం జిల్లా అధ్యక్షుడు చిక్కాల దత్తు డిమాండ్‌ చేశారు. సంఘం రాష్ట్ర వ్యాప్త పిలుపులో భాగంగా శుక్రవారం కలెక్టరేట్‌ ఎదుట బీసీ ధర్మ పోరాట దీక్ష చేపట్టారు. ఈ సందర్భంగా ఆయన మాట్లాడుతూ, విద్యా ఉద్యోగ, రాజకీయ రంగాల్లో బీసీలకు న్యాయమైన 42 శాతం రిజర్వేషన్లు కల్పించేలా, పార్లమెంట్‌లో రాజ్యంగ సరవణ చేపట్టి 9వ షెడ్యూల్‌లో చేర్చాలని డిమాండ్‌ చేశారు. రిజర్వేషన్లు సాధించే వరకు బీసీల ఐక్య ఉద్యమాలు కొనసాగుతాయని స్పష్టం చేశారు. వివిధ కుల సంఘాలు మద్దతు తెలిపి దీక్షలో పాల్గొన్నాయి. అనంతరం అదనపు కలెక్టర్‌ ఆర్‌ఎస్‌.చిత్రును కలిసి వినతిపత్రం అందజేశారు. దీక్షకు మాజీ మంత్రి జోగు రామన్న సంఘీభావం ప్రకటించారు. కార్యక్రమంలో సంఘం జిల్లా ప్రధాన కార్యదర్శి కలాల శ్రీనివాస్‌, నాయకులు మేకల అశోక్‌, సత్యనారాయణ, శ్రీనివాస్‌, విఠల్‌, చందు, నర్సాగౌడ్‌, దశరత్‌, నర్సింలు తదితరులు పాల్గొన్నారు.

ఆదిలాబాద్‌: ప్రభుత్వ రంగ బ్యాంకుల్లో ఐదు రోజుల పని విధానం అమలు చేయాలని యు నైటెడ్‌ ఫోరం ఆఫ్‌ బ్యాంక్‌ యూనియన్స్‌ నా యకులు డిమాండ్‌ చేశారు. దేశవ్యాప్త పిలుపులో భాగంగా శుక్రవారం బ్యాంకు ఉద్యోగులు ఒకరోజు సమ్మె చేపట్టారు. ఆదిలాబాద్‌ శివా జీచౌక్‌లోని ఎస్‌బీఐ ఆవరణలో ధర్నా నిర్వహించారు. అనంతరం ఎన్టీఆర్‌ చౌక్‌లో నిరసన వ్యక్తం చేశారు. ఈ సందర్భంగా ఫోరం రీజనల్‌ సెక్రెటరీ సురేందర్‌ మాట్లాడుతూ, ప్రభుత్వం స్పందించకపోతే ఈ నెల 28 నుంచి మూడు రోజుల సమ్మె చేపడతామని హెచ్చరించారు. కార్యక్రమంలో పరమేశ్వర్‌, అనికేత్‌ జాదవ్‌, వినయ్‌కుమార్‌, బాషా, రమేశ్‌, పృథ్వీకుమార్‌, శ్రీకాంత్‌రెడ్డి, బాలకృష్ణ, సంతోష్‌ పాల్గొన్నారు.

సాక్షి ప్రతినిధి, మంచిర్యాల: ప్రత్యేక సమగ్ర పరిశీలన(ఎస్‌ఐఆర్‌)లో అన్‌మ్యాపింగ్‌, అనామలీస్‌ ఓటర్ల పరిశీలనతో బీఎల్‌వోలు, అధికారులకు తీవ్ర ఇబ్బందులు వస్తున్నాయి. ఓటర్లకు నోటీసుల జారీ నుంచి విచారణ(హియరింగ్‌) చేపట్టడం వరకు ప్రయాసగా మారింది. ఓటర్లకు తగిన రుజువులు లేకపోతే మరోసారి రావడం, ఓటర్లు నిర్ణీత సమయంలో బీఎల్‌వోల ముందు హాజరు కావడం లేదు. ఆ తేదీలు రద్దు(ల్యాప్స్‌) అవుతున్నాయి. బీఎల్‌వోలు ప్రతీ ఓటరు ఫొటో తీసుకుని యాప్‌లో అప్‌లోడ్‌ చేయాల్సి ఉంది. దీంతో చాలా చోట్ల వేలాది మంది ఓటర్ల పరిశీలనలో జాప్యం జరుగుతోంది. ఒక్కో రోజు ఒక అసెంబ్లీ నియోజకవర్గ పరిధిలో సగటున కనీసం వెయ్యికి పైనే ఓటర్ల పరిశీలన చేయాలని లక్ష్యంగా పెట్టుకున్నారు. కొందరు తగిన రుజువులు తీసుకురాకపోవడంతో మళ్లీ మళ్లీ హియరింగ్‌ ఏర్పాట్లు చేయాల్సి వస్తోంది. వృద్ధులు, మహిళలకు చాలామంది పదో తరగతి మార్కుల మెమో, బ్యాంకు పాస్‌బుక్‌, లేదా కుల ధ్రువీకరణలు అడుగుతున్నారు. ఆధార్‌, పాన్‌, రేషన్‌ కార్డులు ధ్రువీకరణకు ఆమోదించకపోవడంతోనూ ఇబ్బందులు వస్తున్నాయి. గడవులోపు పూర్తయ్యేనా? ప్రస్తుతం ముసాయిదా ఓటరు జాబితా ప్రకారం ఓటర్ల నుంచి అభ్యంతరాలు, ఫిర్యాదుల స్వీకరణ కొనసాగుతోంది. అదే సమయంలో ఓటర్ల తప్పులను సరి చేస్తున్నారు. చాలా వరకు చిన్న పొరపాట్లు ఉన్నప్పటికీ తప్పనిసరిగా రుజువు చూపించాలి. వేలాది ఓటర్లకు నోటీసుల జారీ, హియరింగ్‌, తేదీలు, బీఎల్‌వోలు ధ్రువపత్రాల పరిశీలన నుంచి ఆర్వోలు, ఎన్నికల సిబ్బంది, జిల్లా ఎన్నికల అధికారుల వరకు పరిశీలన చేయాలి. దీంతో గడవులోపు సర్‌ ప్రక్రియ పూర్తవుతుందా? అనే సందేహాలు వస్తున్నాయి. ఇప్పటికే ఎన్నికల కమిషన్‌ తుది జాబితా ప్రచురణకు అక్టోబర్‌ 15నుంచి నవంబర్‌ 9వరకు గడువు పొడగించింది. అయితే నవంబర్‌ 5వరకు అభ్యంతరాలు, ఫిర్యాదులను పరిష్కరించాల్సి ఉంది. ఈ క్రమంలో అనేక మంది ఓటర్లు సకాలంలో స్పందించకపోతే ఓటు హక్కు కోల్పోయే ప్రమాదం ఉంది.

ఆదిలాబాద్‌: ఆదిలా బాద్‌కు ఐటీ పరిశ్రమలను ఆకర్షించేందుకు ప్రభుత్వం ప్రత్యేక ప్రోత్సాహక విధానం ప్రకటించాలని ఎమ్మెల్యే పాయల్‌ శంకర్‌ అన్నారు. శాసనసభలో శుక్రవారం మా ట్లాడుతూ జిల్లాలో ఐటీ రంగ అభివృద్ధికి చర్యలు తీసుకోవాలని కోరా రు. కేవలం టవర్‌ నిర్మి స్తే కంపెనీలు రావని, వా టిని ఆకర్షించేందుకు సబ్సిడీలు, రాయితీ క్లౌడ్‌ డేటా వంటి ప్రోత్సాహకాలు అందించాలన్నారు. ఆదిలాబాద్‌లో డేటా సెంటర్‌ ఏర్పా టు చేయాలని, ప్రభుత్వ ఇంజినీరింగ్‌ కళాశాలను నెలకొల్పాలని కోరారు. హైదరాబాద్‌కు దూరంగా ఉన్న ఆదిలాబాద్‌ వంటి ప్రాంతా లకు ప్రత్యేక ఇన్సెంటివ్‌ పాలసీ అమలు చేస్తే ఐటీ సంస్థలు తరలివచ్చే అవకాశం ఉందన్నారు. తద్వారా స్థానిక యువతకు నైపుణ్యాభివృద్ధితోపాటు పెద్దఎత్తున ఉద్యోగావకాశాలు లభిస్తాయన్నారు.

తలమడుగు: గ్రామాల అభివృద్ధికి ఐక్యంగా ముందుకు సాగాలని కలెక్టర్‌ రాజర్షిషా అన్నారు. మండలంలోని కజ్జర్ల గ్రామాన్ని శుక్రవారం సందర్శించారు. గ్రామ సమస్యలను అడిగి తెలుసుకున్నారు. పరిష్కరించాలని సంబంధిత అధికారులను ఆదేశించారు. అలాగే అర్హులందరికీ ఇందిరమ్మ ఇళ్లు మంజూరు చేస్తామన్నారు. సమస్యల పరిష్కారంలో ఎక్కడైనా జాప్యం జరిగితే నేరుగా తన దృష్టికి తీసుకురావాలన్నారు. తోటరాణి–శ్రీధర్‌ దంపతులు ఏర్పాటు చేసిన ఎద్దు గానుగ నూనె తయారీ కేంద్రాన్ని సందర్శించారు. సహజసిద్ధ యూనిట్లకు ప్రభుత్వం నుంచి ప్రోత్సాహం ఉంటుందన్నారు. అనంతరం పల్సి (కె) గ్రామంలో పర్యటించారు. డిజిటల్‌ క్రాప్‌ సర్వే, డ్రోన్‌ ద్వారా పత్తి చేనులో పురుగుమందు పిచికారీని పరిశీలించారు.ప్రాథమిక పాఠశాలలో నిర్వహించిన గ్రామస్తుల సమావేశంలో మాట్లాడారు. గ్రామీణ ప్రాంతాల సమగ్ర అభివృద్ధి లక్ష్యంగా ప్రభుత్వం చర్యలు చేపడుతుందన్నారు. నిరుద్యోగ యువత అందుబాటులో ఉన్న ఉపాధి అవకాశాలను సద్వినియోగం చేసుకోవాలన్నారు. అనంతరం పాఠశాల ఆవరణలో ఏర్పాటు చేసిన కిచెన్‌ గార్డెన్‌ను పరిశీలించి, నిర్వహణపై సిబ్బందిని అభినందించారు. కార్యక్రమంలో జిల్లా వ్యవసాయ శాఖ అధికారి రవీందర్‌ సింగ్‌, తహసీల్దార్‌ రాజ్‌మోహన్‌, ఎంపీడీవో శంకర్‌, కజ్జర్ల సర్పంచ్‌ నారాయణరెడ్డి, లీడ్‌ బ్యాంక్‌ డిస్ట్రిక్ట్‌ మేనేజర్‌ ఉత్పల్‌ కుమార్‌, కేవీకే సీనియర్‌ సైంటిస్ట్‌ ఎన్‌.రామగోపాల్‌ వర్మ, పల్సి కే సర్పంచ్‌ చిన్ను, విశ్వామిత్ర, విశ్వనాథ్‌, కేవీ కే శాస్త్రవేత్తలు రఘువీర్‌, సురేష్‌, మండల వ్యవసా య అధికారి ప్రమోద్‌రెడ్డి, ఉప సర్పంచ్‌ గంగన్న, ఏపీవో చంద్రశేఖర్‌ తదితరులు పాల్గొన్నారు.

సాత్నాల: వినూత్న బోధన పద్ధతులతో విద్యార్థుల్లో అభ్యసన సామర్థ్యాలు పెంపొందించేందుకు కృషి చేస్తున్న భోరజ్‌ మండలం పిప్పర్‌వాడ ప్రాథమిక పాఠశాల ఉపాధ్యాయురాలు పైడి నవనీ త ఫిన్లాండ్‌ పర్యటనకు ఎంపికయ్యారు. ఉమ్మ డి ఆదిలాబాద్‌ జిల్లా నుంచి ఈమెను ఎంపిక చేస్తూ డైరెక్టరేట్‌ ఆఫ్‌ స్కూల్‌ ఎడ్యుకేషన్‌ హైదరాబాద్‌ నుంచి ఉత్తర్వులు జారీ అయ్యాయి. పర్యటనలో భాగంగా ఫిన్లాండ్‌లో అమలవుతు న్న విద్యా విధానం, ఆధునిక బోధన పద్ధతుల పై అధ్యయనం చేయనున్నారు. ఈమె ఎంపిక పై తోటి ఉపాధ్యాయులు హర్షంవ్యక్తం చేశారు.

కై లాస్‌నగర్‌: వందశాతం సబ్సిడీపై అందించనున్న ఆటోమెటిక్‌ కుట్టు మిషన్లకు జిల్లాలోని బీసీ మహిళలు దరఖాస్తు చేసుకోవాలని కలెక్టర్‌ రాజర్షిషా ప్రకటనలో తెలిపారు. 18 నుంచి 55 ఏళ్లలోపు ఉండి తెల్లరేషన్‌ కార్డు కలిగిన వారు అర్హులని తెలిపారు. కుటుంబ వార్షిక ఆదాయం గ్రామీణ ప్రాంతాల్లో రూ.లక్ష 50వేలు, పట్టణ ప్రాంతాల్లో రూ.2లక్షలు కలిగిన వారు నివాస ద్రువీకరణ పత్రం, ఆధార్‌, రేషన్‌కార్డు, వృత్తి నైపుణ్యం సర్టిఫికెట్‌, కనీస విద్యార్హత పత్రాలతో tsobmms వెబ్‌పోర్టల్‌లో ఈ నెల 15లోగా దరఖాస్తు చేసుకోవాలని సూచించారు. మున్సిపల్‌ పరిధిలో దరఖాస్తుల హార్డ్‌ కాపీలను స్వీకరించేందుకు ప్రత్యేక కౌంటర్‌ ఏర్పాటు చేసినట్లు తెలిపారు.

ఆదిలాబాద్‌రూరల్‌: తెలంగాణ సాయుధ పోరాట యోధురాలు, వీరనారి చాకలి ఐలమ్మ త్యాగాలు మరువలేనివని కలెక్టర్‌ రాజర్షి షా పేర్కొన్నారు. గు రువారం ఆమె వర్ధంతిని జిల్లా కేంద్రంలోని రిమ్స్‌ ఆస్పత్రి ఎదుటగల ఆమె విగ్రహం వద్ద ఘనంగా నిర్వహించారు. ఐలమ్మ విగ్రహానికి పూలమాల వే సి నివాళులర్పించారు. ఈ సందర్భంగా కలెక్టర్‌ మా ట్లాడుతూ.. హక్కులు, ఆత్మగౌరవం కోసం ఆమె సాగించిన పోరాటం స్ఫూర్తిదాయకమని పేర్కొన్నా రు. ఐలమ్మ అడుగుజాడల్లో నడుస్తూ సామాజిక సమానత్వం కోసం ప్రతి ఒక్కరూ కృషి చేయాలని సూచించారు. స్థానిక సంస్థల అదనపు కలెక్టర్‌ రాజేశ్వర్‌, అదనపు కలెక్టర్‌ ఆర్‌ఎస్‌ చిత్రు, మున్సిపల్‌ చైర్మన్‌ బండారి అనూష, మార్కెట్‌ కమిటీ చైర్మన్‌ శ్రీకాంత్‌రెడ్డి బీసీ సంక్షేమ సంఘం జిల్లా అధ్యక్షుడు చిక్కాల దత్తు తదితరులు పాల్గొన్నారు.

కై లాస్‌నగర్‌: ప్రజాపంపిణీ వ్యవస్థ ద్వారా అక్రమాలకు తావు లేకుండా లబ్ధిదారులకు బాధ్యతాయుతమైన సేవలందించాలని కలెక్టర్‌ రాజర్షిషా ఆదేశించారు. గురువారం కలెక్టరేట్‌ సమావేశ మందిరంలో రేషన్‌ డీలర్లు, రైస్‌మిల్లర్లతో వేర్వేరుగా నిర్వహించిన సమీక్షలో పలు కీలక ఆదేశాలు జారీ చేశారు. కలెక్టర్‌ మాట్లాడుతూ.. షాపులను నిర్దేశిత వేళల్లో తెరిచి ఉంచి సరుకులు అందించాలని ఆదేశించారు. నిబంధనలు ఉల్లంఘిస్తే కఠినచర్యలు తప్పవని హెచ్చరించారు. డీలర్ల సమస్యల పరిష్కారానికి ప్రభుత్వ మార్గదర్శకాలకు అనుగుణంగా కృషి చేస్తామని భరోసానిచ్చారు. ధాన్యం సేకరణతో పాటు సీఎంఆర్‌ ప్రక్రియను నిర్దేశిత గడువులోపు పూర్తి చేయాలని రైస్‌ మిల్లర్లను ఆదేశించారు. మిల్లులకు చేరే ధాన్యం నాణ్యతను పరిశీలించడంతో పాటు, సీఎంఆర్‌ను ఎఫ్‌సీఐ గోదాములకు ఎలాంటి జాప్యం లేకుండా అప్పగించడంలో నిబంధనలు కచ్చితంగా పాటించాలని స్పష్టం చేశారు. అదనపు కలెక్టర్‌ ఆర్‌ఎస్‌.చిత్రూ, సబ్‌ కలెక్టర్‌ కె.ప్రణయ్‌కుమార్‌, ఆర్డీవో జగదీశ్వర్‌, డీసీఎస్వో నందిని, డీఎం సుధారాణి, రేషన్‌ డీలర్ల యూనియన్‌ ప్రతినిధులు, అధికారులు, సిబ్బంది పాల్గొన్నారు. పోషకాహార లోప నిర్మూలనే లక్ష్యం తల్లీపిల్లల ఆరోగ్య రక్షణతోపాటు జిల్లాలో పోషకాహార లోపాన్ని సంపూర్ణంగా నిర్మూలించడమే లక్ష్యంగా పనిచేయాలని కలెక్టర్‌ రాజర్షి షా పిలుపునిచ్చారు. కలెక్టరేట్‌లో నిర్వహించిన తొమ్మిదో పోషణ మాసం కార్యక్రమంలో పాల్గొని మాట్లాడారు. ఈ నెల 9నుంచి అక్టోబర్‌ 8వరకు మన అంగన్‌వాడీ–మన బాధ్యత నినాదంతో జిల్లావ్యాప్తంగా అవగాహన కార్యక్రమాలు నిర్వహిస్తున్నట్లు పేర్కొన్నారు. రక్తహీనత నివారణకు ఆహారంలో వైవిధ్యం పాటించాలని సూచించారు. ప్రధానమంత్రి మాతా వందన యోజన లాంటి సంక్షేమ పథకాల ప్రయోజనాలను అర్హులైన లబ్ధిదారులందరికీ చేరవేయాలని తెలిపారు. అనంతరం కార్యక్రమ పోస్టర్‌ ఆవి ష్కరించారు. జిల్లా సంక్షేమాధికారి మిల్కా, జెడ్పీ సీఈవో రవి, డీపీవో రమేశ్‌, మున్సిపల్‌ కమిషనర్‌ జగదీశ్వర్‌గౌడ్‌, మెప్మా పీడీ రాజు, సీడీపీవోలు, అంగన్‌వాడీ సూపర్‌వైజర్లు, టీచర్లు పాల్గొన్నారు. భూసేకరణపై అపోహలొద్దు భోరజ్‌ మండలంలోని రాంపూర్‌ (టి), గిమ్మ (బి), గూడ, హత్తిఘాట్‌ గ్రామాల్లో పారిశ్రామిక పార్కు ఏర్పాటు కోసం చేపడుతున్న భూసేకరణపై అపోహలు వద్దని కలెక్టర్‌ రాజర్షి షా ఓ ప్రకటనలో తెలి పారు. నాలుగు గ్రామాల్లో 2,062.01 ఎకరాల భూ మి సేకరించాల్సి ఉందని పేర్కొన్నారు. ఈడీ అటా చ్‌ చేసిన భూముల్లో గూడలో 37.23 ఎకరాలు, రాంపూర్‌ (టి)లో 9.39 ఎకరాల చొప్పున 47.22 ఎకరాలే ప్రస్తుత భూసేకరణ ప్రతిపాదనల్లో ఉన్నట్లు తెలిపారు. ప్రక్రియ నిబంధనల మేరకు పారదర్శకతతో కొనసాగుతుందని పేర్కొన్నారు. ఏదైనా టైటి ల్‌ వివాదముంటే తెలంగాణ సవరణ చట్టం–2016 నిబంధనల ప్రకారం తగిన పరిహారం చెల్లించేలా చర్యలు తీసుకుంటామని స్పష్టం చేశారు.

కై లాస్‌నగర్‌: కర్వీ అండ్‌ రాష్ట్రీయ గ్రామ స్వరాజ్‌ అ భియాన్‌ (ఆర్‌జీఎస్‌ఏ)లో భాగంగా జిల్లాలోని ఎంపీడీవో కార్యాలయాలు, గ్రామపంచాయతీల్లో పని చేస్తున్న డాటా ఎంట్రీ (కంప్యూటర్‌) ఆపరేటర్ల బదిలీల ప్రక్రియ గురువారం ప్రశాంతంగా ముగి సింది. జిల్లా పంచాయతీ అధికారి కార్యాలయంలో స్థానిక సంస్థల అడిషనల్‌ కలెక్టర్‌ ఎస్‌.రాజేశ్వర్‌ 28 మందికి కౌన్సిలింగ్‌ నిర్వహించారు. నార్నూర్‌ మండలంలో పనిచేస్తున్న ఆపరేటర్‌ను వయస్సు రీత్యా బదిలీల నుంచి మినహాయింపునిచ్చారు. మిగతా 27మందికి వారి అభీష్టం మేరకు ఎంపిక చేసుకున్న మండలాలకు బదిలీ చేశారు. కొత్త మండలాలు, పంచాయతీల్లో విధుల్లో చేరి బాధ్యతాయుతంగా విధులు నిర్వహించాలని ఈ సందర్భంగా అడిషనల్‌ కలెక్టర్‌ వారికి సూచించారు. జిల్లా పంచాయతీ అధికారి జి.రమేశ్‌, డీఎల్పీవో ఫణీందర్‌రావు, సీనియర్‌ అసిస్టెంట్‌ కల్పన తదితరులున్నారు.

జైనథ్‌: మండల కేంద్రంలోని పోలీస్‌స్టేషన్‌ను ఎస్పీ అఖిల్‌ మహాజన్‌ గురువారం ఆకస్మికంగా తనిఖీ చేశారు. రిసెప్షన్‌, రికార్డులు పరిశీలించారు. ఆయన మాట్లాడుతూ.. అక్రమ రవా ణా, గంజాయి, మాదకద్రవ్యాల నియంత్రణ పై ప్రత్యేక దృష్టి సారించాలని సూచించారు. అ క్రమ రవాణాకు అడ్డుకట్ట వేసేలా పటిష్టమైన నిఘా పెట్టాలని, తనిఖీలు నిర్వహించాలని సూచించారు. కేసుల దర్యాప్తును వేగవంతం చే సి ఆధారాలతో కూడిన చార్జీషీట్లను సకాలంలో దాఖలు చేయాలని ఆదేశించారు. ఆయన వెంట ఎస్సై గౌతమ్‌ పవార్‌, సిబ్బంది ఉన్నారు.

ఆదిలాబాద్‌టౌన్‌: పోగొట్టుకున్న, చోరీకి గురైన రూ.18లక్షల విలువైన 102 మొబైల్‌ ఫోన్లను ప్రత్యేక బృందం ద్వారా రికవరీ చేయగా పోలీ స్‌ హెడ్‌క్వార్టర్స్‌ సమావేశ మందిరంలో ఎస్పీ అఖిల్‌ మహాజన్‌ గురువారం బాధితులకు అందజేశారు. ఈ సందర్భంగా ఎస్పీ మాట్లాడు తూ.. ఏడాదిన్నర కాలంలో సుమారు 1,700 మొబైల్‌ ఫోన్లను రికవరీ చేసి బాధితులకు అందజేసినట్లు వివరించారు. మొబైల్‌ ఫోన్ల రికవరీ ప్రక్రియ నిరంతరం కొనసాగుతుందని తె లిపారు. డీఎస్పీ జీవన్‌రెడ్డి, టూటౌన్‌ సీఐ నాగరాజు, ఆర్‌ఎస్సై గోపీకృష్ణ, మజీద్‌, అన్వేశ్‌, నవనీత్‌, జుబేర్‌, ఎజాజ్‌ తదితరులున్నారు.

ఉట్నూర్‌రూరల్‌: గిరిజన విద్యా ప్రమాణాల పెంపునకు కృషి చేద్దామని జిల్లా గిరిజన సంక్షేమశాఖ డీడీ అశోక్‌కుమార్‌ పిలుపునిచ్చారు. గురువారం మండల కేంద్రంలోని కేబీ కాంప్లెక్స్‌ పీఎంఆర్‌సీ భవనంలో గిరిజన ఆశ్రమ పాఠశాలల ప్రధానోపాధ్యాయులు, వసతిగృహ సంక్షేమాధికారులతో సమావేశం నిర్వహించారు. ఈ సందర్భంగా డీడీ మాట్లాడారు. పాఠశాలలు, వసతిగృహాల్లోని సమస్యల పరిష్కారానికి తనవంతు కృషి చేస్తానని చెప్పారు. వెనుకబడిన విద్యార్థులపై ప్రత్యేక శ్రద్ధ వహించాలని సూచించారు. ప్రతీనెల 3వ శనివారం తప్పనిసరిగా పేరెంట్స్‌, టీచర్స్‌ సమావేశం ఏర్పాటు చేయాలని, విద్యార్థుల ఆరోగ్యంపై ప్రత్యేక శ్రద్ధ వహించాలని తెలిపారు. నిర్దేశిత సమయంలో సిలబస్‌ పూర్తి చేయాలని సూచించారు. మెస్‌ కమిటీలు ఏర్పాటు చేసి నిత్యం నిర్ణీత మెనూ పక్కాగా అమలు చేయాలని పేర్కొన్నారు. బెడ్‌షీట్లు, టవల్స్‌, షూస్‌, బ్యా గులు, పాఠ్యపుస్తకాలు, నోట్‌బుక్స్‌ పంపిణీ వివరా లు తెలుసుకున్నారు. ఆర్వో ప్లాంట్ల నిర్వహణపై ప్ర త్యేక శ్రద్ధ చూపాలని ఆదేశించారు. అనంతరం స మావేశానికి హాజరైన ఐటీడీఏ ఇన్‌చార్జి ప్రాజెక్ట్‌ అధి కారి రాజేశ్వరరావుకు జిల్లాలోని విద్యావ్యవస్థ తీరు ను వివరించారు. పోక్సో చట్టంపై రూపొందించిన క్యాలెండర్‌ను ఆవిష్కరించి అన్ని పాఠశాలలకు పంపిణీ చేశారు. ఏపీవోలు వసంతరావు, భాస్కర్‌, డిప్యూటీ డీఈవో చందన్‌, ఏటీడీవో క్రాంతి, జిల్లా గిరిజన క్రీడల అధికారి పార్థసారథి, జీసీడీవో ఛాయా, ఏవో సంజీవ్‌ తదితరులు పాల్గొన్నారు.

కై లాస్‌నగర్‌: ఆహారభద్రత కార్డుల స్థానంలో రాష్ట్ర ప్రభుత్వం రూపొందించిన స్మార్ట్‌ రేషన్‌ కార్డుల పంపిణీ ప్రక్రియ జిల్లాలో నత్తనడకన సాగుతోంది. కార్డుల జారీ కార్యక్రమాన్ని ప్రారంభించి 25రోజులవుతున్నా ఇంకా లక్ష మందికిపైగా కార్డులు అందలేదు. వాటిని అందించే బాధ్యతను రేషన్‌ డీలర్లకు అప్పగించిన అధికార యంత్రాంగం పర్యవేక్షణను విస్మరించింది. అయితే, మూడు నెలల సన్నబియ్యం కోటాను ఒకేసారి పంపిణీ చేస్తుండటంతో వాటిని తీసుకుంటున్న లబ్ధిదారులు కార్డులు తీసుకునేందుకు అంతగా ఆసక్తి చూపడం లేదు. లబ్ధిదారులు వస్తేనే కార్డులిస్తామనే ధోరణిలో రేషన్‌ డీలర్లు వ్యవహరిస్తున్నారు. దీంతో జిల్లాలో పూర్తిస్థాయిలో కార్డులు పంపిణీ కాని పరిస్థితి నెలకొంది. 25రోజులు గడిచినా 94వేలే.. ప్రభుత్వం సన్నబియ్యం పంపిణీలో పారదర్శకత తీసుకురావడం, రేషన్‌కార్డుల ట్యాంపరింగ్‌కు చెక్‌పెట్టాలనే ఉద్దేశంతో స్మార్ట్‌కార్డులు అందించాలని నిర్ణయించింది. క్యూఆర్‌ కోడ్‌, హోలోగ్రామ్‌తో కూడిన డిజిటల్‌ కార్డులను సరఫరా చేసింది. జిల్లాలోని 2,26,733 మందికి వీటిని అందజేయాల్సి ఉంది. పంద్రాగస్టు వేడుకను పురస్కరించుకుని రాష్ట్ర ప్రభుత్వ సలహాదారు షబ్బీర్‌అలీ జిల్లాలో గత నెల 15న కార్డుల పంపిణీకి శ్రీకారం చుట్టారు. స్థానిక ఎస్టీయూ భవన్‌లో నిర్వహించిన కార్యక్రమంలో జిల్లా ఎమ్మెల్యేలు, ఉన్నతాధికారులు, ఇతర ప్రజాప్రతినిధులతో కలిసి పలువురు లబ్ధిదారులకు స్వయంగా కార్డులు అందజేశారు. గ్రామాలు, పట్టణాల్లోని వార్డుల వారీగా స్థానిక ప్రజాప్రతినిధుల చేతుల మీదుగా వీటిని లబ్ధిదారులకు అందజేయాలని ప్రభుత్వం నిర్ణయించింది. పంపిణీని ప్రారంభించి 25రోజులు గడిచినా ఇప్పటివరకు 94వేల కార్డులే పంపిణీ చేసినట్లు అధికారులు చెబుతుండటం పరిస్థితికి అద్దం పడుతోంది. 25లోపు అందరికీ అందజేస్తాం జిల్లాలో రేషన్‌ స్మార్ట్‌కార్డుల పంపిణీలో జాప్యం జరుగుతున్న మాట వాస్తవమే. మూ డు నెలల కోటా సన్నబియ్యం ఒకేసారి పంపిణీ చేయాల్సి ఉండటంతో ఈ పరిస్థితి ఏర్పడింది. బియ్యం పంపిణీ ముగియగా ఉదయం, సాయంత్రం దుకాణాలు తెరిచి స్మార్ట్‌కార్డులు పంపిణీ చేయాలని డీలర్లను ఆదేశించాం. లబ్ధిదారుల ఈకేవైసీ ప్రక్రియ చేపట్టడంతోపాటు రేషన్‌ స్మార్ట్‌కార్డులన్నీ ఈ నెల 25లోపు పంపిణీ చేయాలని ఆదేశాలు జారీ చేశాం. నిర్లక్ష్యం చేసే డీలర్లపై కఠినచర్యలు తీసుకుంటాం. – నందిని, డీసీఎస్వో స్మార్ట్‌కార్డుల వివరాలు జిల్లాలోని మండలాలు 21రేషన్‌ దుకాణాలు 356 జిల్లాకు అందిన కార్డులు 2,26,733ఇప్పటివరకు పంపిణీ చేసినవి 94 వేలు పంపిణీ చేయాల్సినవి 1,32,733 ఇప్పటికీ 94వేలు మాత్రమే అందజేత పంపిణీ బాధ్యత డీలర్లదే..స్మార్ట్‌కార్డుల పంపిణీ బాధ్యతలను అధికారులు రేషన్‌డీలర్లకే అప్పగించారు. షాపుల వారీగా కార్డులు సరఫరా చేసిన అధికారులు పంపిణీ ప్రక్రియను పర్యవేక్షించడంలేదు. స్మార్ట్‌కార్డులు రాకముందే మూడునెలల సన్నబియ్యం పంపిణీ పూర్తి కాగా, లబ్ధిదారులు వాటిని తీసుకోవడంపై ఆసక్తి చూపడంలేదని డీలర్లు చెబుతున్నారు. లబ్ధిదారులు వస్తేనే ఇస్తామనే ధోరణిలో వ్యవహరిస్తున్నారు. లబ్ధిదారులు, డీలర్లు ఒకే తరహాలో వ్యవహరిస్తుండటంతో పంపిణీ ప్రక్రియ నత్తనడకన సాగుతోంది. ప్రధానంగా ఆదిలాబాద్‌ మున్సిపల్‌ పరిధిలో ఈ సమస్య ఎక్కువగా కనిపిస్తోంది. పట్టణ పరిధిలో 35,139 కార్డులుండగా ఇందులో సగం కూడా పంపిణీ జరగనట్లు తెలుస్తోంది. గ్రామీణ ప్రాంతాల్లోనూ ఇదే పరిస్థితి ఉంది.

కై లాస్‌నగర్‌: ఆదిలాబాద్‌ మున్సిపల్‌ డంప్‌యార్డులో చెత్త సెగ్రిగేషన్‌ ఇక మరింత పక్కాగా చేపట్టనున్నారు. పారిశుద్ధ్య కార్మికులు రోజువారీగా పట్టణంలో సేకరించే తడి, పొడి చెత్తను ఎప్పటికప్పుడు వేరు చేసే దిశగా ప్రభుత్వం చర్యలు చేపట్టింది. ఇందుకోసం కేంద్ర, రాష్ట్ర ప్రభుత్వాల భాగస్వామ్యంతో రూ.8కోట్ల నిధులు కేటాయించింది. వ్యర్థాల నిర్వహణను చేపట్టే ఏజెన్సీల ఎంపికకు ఇటీవల ఆన్‌లైన్‌లో టెండర్లు పిలిచిన మున్సిపల్‌ అధికారులు వాటిని నేడో, రేపో ఖరారు చేయనున్నారు. ఈ నెలాఖరులోపు ప్రక్రియ పూర్తి చేసి చెత్త సెగ్రిగేషన్‌ ప్రక్రియను ఎంపికై న ఏజెన్సీకి ఐదేళ్లపాటు నిర్వహణ బాధ్యతలు అప్పగించనున్నారు. చెత్త రహితంగా తీర్చిదిద్దాలనే.. పట్టణాలను చెత్తరహితంగా తీర్చిదిద్దాలనే ఉద్దేశంతో కేంద్ర ప్రభుత్వం స్వచ్ఛభారత్‌ మిషన్‌ (అర్బన్‌) 2.0ను ప్రతిష్టాత్మకంగా అమలు చేస్తోంది. ఇందులో భాగంగానే మూడేళ్ల కిందట బయోమైనింగ్‌ వి ధానాన్ని అమలు చేసింది. దీని ద్వారా పట్టణంలో ని డంప్‌యార్డులో ఏళ్లుగా గుట్టలుగుట్టలుగా పేరుకుపోయిన చెత్తను ఈ ప్రక్రియ ద్వారా తొలగించా రు. ఇటీవలే బయోమైనింగ్‌ ప్రక్రియ గడువు ముగి సింది. అయితే, పట్టణ పరిధిలో నిత్యం 60 నుంచి 70టన్నుల చెత్త ఉత్పత్తి అవుతోంది. పారిశుద్ధ్య కా ర్మికులు చెత్త సేకరణ వాహనాల ద్వారా ఇంటింటా సేకరించిన చెత్తను డంప్‌యార్డుకు తరలిస్తున్నారు. బయోమైనింగ్‌ జరగకపోవడంతో మళ్లీ చెత్త నిల్వ లు గుట్టలుగా పేరుకుపోతున్నాయి. దుర్గంధం వ్యా పించడంతోపాటు తరచూ చెత్తకు నిప్పంటుకుని వచ్చే పొగతో సమీప గ్రామాల ప్రజలు, పంట చేలలోని రైతులు ఇక్కట్లు పడుతున్నారు. పర్యావరణా నికీ ముప్పు వాటిల్లే ప్రమాదముంది. దీన్ని గుర్తించిన ప్రభుత్వం చెత్తను ఎప్పటికప్పుడు వేరు చేయాలని ఆదేశిస్తూ ప్రత్యేక నిధులు కేటాయించింది. ఏజెన్సీల ఎంపికకు టెండర్లుపట్టణంలో చెత్త సెగ్రిగేషన్‌ నిర్వహణ చేపట్టేందుకు అర్హత, ఆసక్తి కలిగిన ఏజెన్సీల ఎంపికకు మున్సిపల్‌ అధికారులు ఇటీవల ఆన్‌లైన్‌లో టెండర్లు పిలిచారు. రెండుసార్లు టెండర్లు ఆహ్వానించగా వాటికి ఎలాంటి స్పందన రాలేదు. తాజాగా ఇటీవల మూడోసారి పిలవగా రెండు ఏజెన్సీల నుంచి ప్రతిపాదనలు అందాయి. ఇందులో అన్ని అర్హతలున్న ఏజెన్సీని ఎంపిక చేయనున్నారు. ఎంపికై న ఏజెన్సీ చెత్తను వేరు చేసేందుకు డంప్‌యార్డులోని అరెకరంలో ప్రత్యేక షెడ్లు నిర్మించాల్సి ఉంటుంది. వ్యర్థాల నిర్వహణకు అవసరమయ్యే 11రకాల అధునాతన యంత్రాలను బల్దియాకు కొనుగోలు చేసి ఇవ్వడంతో పాటు ఐదేళ్లపాటు సదరు ఏజెన్సీనే చెత్త నిర్వహణ బాధ్యతలు చేపట్టాల్సి ఉంటుంది. ఇందుకు గాను ఏజెన్సీతో కుదుర్చుకున్న ఒప్పందం ప్రకారం సీడీఎంఏనే చెల్లింపులు చేయనుంది. ప్రత్యేక యంత్రాల ద్వారా వేరు చేసిన చెత్తలోని తడి చెత్తతో కంపోస్టు ఎరువు తయారు చేయనున్నారు. ప్లాస్టిక్‌ కవర్లు, ఐరన్‌రాడ్లు, కాగితాలు, రబ్బర్లు, దుస్తులు, ఇనుము, గాజు సీసాలు.. ఈ వ్యర్థాలుగా వేరుపడిన చెత్తను స్వయం సహాయక సంఘాలకు అప్పగించనున్నారు. వాటి నిర్వహణ ద్వారా ఎస్‌హెచ్‌జీలకూ ఆర్థికంగా ఆదాయం లభించనుందని భావిస్తున్నారు. త్వరలో వర్క్‌ ఆర్డర్‌ ఇస్తాం చెత్తను వేరు చేసే పనుల నిర్వహణ ఏజెన్సీల ఎంపికకు టెండర్ల ప్రక్రియ చేపట్టాం. రెండు ఏజెన్సీలు టెండర్‌ దాఖలు చేయగా వాటి వివరాలతో కలెక్టర్‌కు ప్రతిపాదనలు పంపించాం. అర్హత కలిగిన ఏజెన్సీని ఎంపిక చేసి త్వరలోనే వర్క్‌ ఆర్డర్‌ అందజేస్తాం. ఈ నెలాఖరులోపు ఈ ప్రక్రియ పూర్తి చేసి త్వరలోనే పనులు ప్రారంభించేలా ప్రత్యేక చర్యలు తీసుకుంటాం. – పి.అరుణ్‌కుమార్‌, మున్సిపల్‌ ఇంజినీర్‌

అమలాపురం టౌన్‌: పాతికేళ్లుగా అసంపూర్తిగా, నత్తనడకన సాగుతున్న కోనసీమ రైల్వే ప్రాజెక్టును త్వరితగతిన పూర్తి చేసేందుకు ప్రత్యేక చర్యలు చేపట్టాలని కోనసీమ రైల్వే సాధన సమితి (కేఆర్‌ఎస్‌ఎస్‌) ప్రతినిధులు ముఖ్యమంత్రి చంద్రబాబును కోరారు. అంబాజీపేట మండల పర్యటనకు బుధవారం వచ్చిన సీఎంకు ఈ మేరకు వినతిపత్రం అందజేశారు. రైల్వే లైన్‌కు అవసరమైన భూ సేకరణలో ఎదురవుతున్న సమస్యలను రాష్ట్ర ప్రభుత్వం చక్కదిద్దాలని కోరారు. ఈ ప్రాజెక్ట్‌కు కేంద్ర ప్రభుత్వం ఇప్పటి వరకూ రూ.1,200 కోట్లు విడుదల చేసినప్పటికీ రాష్ట్ర ప్రభుత్వ వాటా నిధులు ఇవ్వలేదని గుర్తు చేశారు. భూ సేకరణకు సంబంధించి అన్ని కేసులపై స్టేలను కోర్టులు తొలగించినందున ఈ రైల్వే ప్రాజెక్ట్‌కు సమస్యలు దాదాపు తొలగినట్లేనని అభిప్రాయం వ్యక్తం చేశారు. ఈ క్రమంలో రాష్ట్ర ప్రభుత్వం తన వంతుగా రైల్వే లైన్‌ను తొందరగా పూర్తి చేసి, ఈ ప్రాంత వాసుల చిరకాల కోరికను తీర్చాలని విజ్ఞప్తి చేశారు. కేఆర్‌ఎస్‌ఎస్‌ ప్రతినిధులు డాక్టర్‌ ఈఆర్‌ సుబ్రహ్మణ్యం, సప్పా నాగేశ్వరరావు, ఎరగర్త వెంకటేశ్వరరావు, పోలిశెట్టి శివాజీ తదితరులు సీఎంకు వినతిపత్రం అందించారు.

వార్డెన్‌కు మెమో జారీ చింతూరు: స్థానిక ఎస్సీ హాస్టల్‌ వార్డెన్‌ వ్యవహారంపై వచ్చిన ఆరోపణలకు సంబంధించి సమగ్రంగా విచారణ నిర్వహిస్తున్నట్లు సోషల్‌ వెల్ఫేర్‌ డీడీ ఎంవీఎన్‌ మూర్తి బుధవారం ప్రకటనలో తెలిపారు. వార్డెన్‌ తాతాజీపై వచ్చిన ఆరోపణలను తీవ్రంగా పరిగణిస్తున్నామని, దీనిపై పారదర్శకంగా, నిష్పక్షపాతంగా విచారణ జరుపుతున్నామని ఆయన తెలిపారు. ఆరోపణల నేపథకచంలో హాస్టల్‌ను క్షేత్రస్థాయిలో పరిశీలించడంతో పాటు ఆరోపణలు చేసిన విద్యార్థుల తల్లిదండ్రులను కలసి వివరాలు అడిగి తెలుసుకున్నట్లు ఆయన తెలిపారు. ప్రాథమిక చర్యల్లో భాగంగా ఇప్పటికే సదరు వార్డెన్‌కు మెమో జారీ చేశాయపి, పూర్తిస్థాయి విచారణ నిమిత్తం ఆరోపణలు రుజువైతే శాఖాపరమైన చర్యలు తీసుకుంటామని డీడీ ఆ ప్రకటనలో పేర్కొన్నారు. కాగా బాధిత విద్యార్థులు, తల్లిదండ్రులు బుధవారం మరోమారు ఐటీడీఏ పీవో శుభం నొఖ్వాల్‌ను కలసి వార్డెన్‌పై తగిన చర్యలు తీసుకోవాలని కోరారు.

కలెక్టర్‌ దినేష్‌కుమార్‌రంపచోడవరం: స్థానిక లెనోరా డిగ్రీ కళాశాల ప్రాంగణంలో జిల్లా నైపుణ్యాభివృద్ధి సంస్థ, వికాస ఆధ్వర్యంలో గురువారం నిర్వహించిన మెగా జాబ్‌మేళాకు జిల్లా కలెక్టర్‌, జిల్లా మేజిస్ట్రేట్‌ కె.దినేష్‌కుమార్‌, జాయింట్‌ కలెక్టర్‌ ఎస్‌.ప్రశాంత్‌కుమార్‌ ముఖ్య అతిథులుగా హాజరయ్యారు. జిల్లా కలెక్టర్‌ మాట్లాడుతూ జిల్లాలోని నిరుద్యోగ యువత ప్రభుత్వ, ప్రైవేటు రంగాలు కల్పిస్తున్న ఉపాధి అవకాశాలను సద్వినియోగం చేసుకుని ఆర్థికంగా, సామాజికంగా అభివృద్ధి సాధించాలని పిలుపునిచ్చారు. నైపుణ్యాలను మరింత అభివృద్ధి చేసుకోవాలి ఏజెన్సీ ప్రాంత యువతలో ప్రతిభ, కష్టపడే తత్వం, క్రమశిక్షణ, విశ్వసనీయత వంటి లక్షణాలు ఉన్నాయని, పరిశ్రమలు, కార్పొరేట్‌ సంస్థల అవసరాలకు అనుగుణంగా తమ నైపుణ్యాలను మరింత అభివృద్ధి చేసుకుని అందుబాటులో ఉన్న ఉద్యోగ అవకాశాలను అందిపుచ్చుకోవాలని సూచించారు. జిల్లాలోని రంపచోడవరం, చింతూరు తదితర ప్రధాన కేంద్రాల్లో ప్రతినెలా క్రమం తప్పకుండా జాబ్‌ మేళాలు నిర్వహించేలా చర్యలు తీసుకుంటామని కలెక్టర్‌ తెలిపారు. నేటి జాబ్‌ మేళాలో యాక్సిస్‌ బ్యాంక్‌, ఎసెంచర్‌ తదితర ప్రముఖ సంస్థలతో కలిపి 40కి పైగా కంపెనీలు పాల్గొని సుమారు 1,500 ఉద్యోగావకాశాలను అందుబాటులోకి తీసుకువచ్చినట్లు పేర్కొన్నారు. ఏజెన్సీ ప్రాంత విద్యార్థులు వివిధ రంగాల్లోని ఉపాధి, కెరీర్‌ అవకాశాలపై అవగాహన పెంపొందించుకునేందుకు ప్రత్యేక కెరీర్‌ కౌన్సెలింగ్‌ సెల్‌ను ఏర్పాటు చేయనున్నట్లు తెలిపారు. ఉపాధ్యాయ, పోలీస్‌ ఉద్యోగాలతో పాటు ఐటీ, బ్యాంకింగ్‌, కార్పొరేట్‌ తదితర రంగాల్లోని అవకాశాలపై యువతకు మార్గనిర్దేశం చేస్తామని చెప్పారు. స్థానికంగా మాత్రమే కాకుండా హైదరాబాద్‌, విశాఖపట్నం వంటి నగరాల్లో లభించే అవకాశాలను కూడా సద్వినియోగం చేసుకోవాలన్నారు. ప్రారంభంలో రూ.12 వేలు లేదా రూ.15 వేల వేతనం వచ్చినప్పటికీ నిరాశ చెందకుండా అనుభవాన్ని సంపాదించుకుంటూ నైపుణ్యాలను పెంచుకుని భవిష్యత్తులో నెలకు రూ.30 వేల నుంచి రూ.40 వేలకు పైగా సంపాదించే స్థాయికి ఎదగాలని ఆకాంక్షించారు. పోలవరం జిల్లాలోని 12 మండలాలకు సంబంధించిన చదువుకున్న యువతీయువకులు వివిధ ప్రైవేట్‌ కంపెనీల్లో పనిచేయుటకు 396 మంది రిజిస్ట్రేషన్‌ చేసుకోగా ఇందులో 212 మంది యువతీయువకులు వివిధ ప్రైవేట్‌ కంపెనీల్లో ఎంపికై న వారికి ఆఫర్‌ లెటర్లు అందజేశారు. మొత్తం 40 కంపెనీల్లో 1500 మందిని మందిని ఎంపిక చేయుటకు లక్ష్యంగా పెట్టుకున్నామని ఆయన అన్నారు. జిల్లాలోని నిరుద్యోగ యువతకు ఉపాధి కల్పించాలనే లక్ష్యంతో నిర్వహిస్తున్న జాబ్‌ మేళాను ప్రతి ఒక్కరూ సద్వినియోగం చేసుకోవాలని జాయింట్‌ కలెక్టర్‌ ఎస్‌.ప్రశాంత్‌ కుమార్‌ కోరారు. ఎస్‌ఎస్‌సీ నుంచి పోస్ట్‌ గ్రాడ్యుయేషన్‌ వరకు వివిధ విద్యార్హతలు కలిగిన యువత కోసం 1,500కు పైగా ఉద్యోగ అవకాశాలను ఒకే వేదికపై అందుబాటులోకి తీసుకురావడం గొప్ప అవకాశమని తెలిపారు. కార్యక్రమంలో వికాస డైరెక్టర్‌ లచ్చారావు, లెనోరా సంస్థ డైరెక్టర్‌ ఇందిరా జాన్‌రత్నం, జిల్లా ఎంప్లాయిమెంట్‌ అధికారి నిరుపమ, స్కిల్‌ డెవలప్‌మెంట్‌ అధికారి పెరుమలరావు, మేనేజర్‌ శర్మ, తదితరులు పాల్గొన్నారు.

అడ్డతీగల: రంపచోడవరం భాను ఫంక్షన్‌ హాల్‌లో శుక్రవారం వైఎస్సార్‌ సీపీ నియోజకవర్గ స్ధాయి సమావేశం నిర్వహించనున్నట్లు మాజీ ఎమ్మెల్యే, నియోజకవర్గ కోఆర్డినేటర్‌ నాగులపల్లి ధనలక్ష్మి తెలిపారు. మధ్యాహ్నం 2 గంటలకు ప్రారంభం కానున్న ఈ సమావేశానికి తనతో పాటు అరకు ఎంపీ గుమ్మా తనూజారాణి హాజరవుతారన్నారు. సమావేశంలో స్థానిక సంస్థల ఎన్నికల గురించి చర్చించనున్నామన్నారు. అనంతరం వైఎస్సార్‌ సీపీ ఐడెంటిటీ కార్డుల పంపిణీ జరుగుతుందన్నారు. 12 మండలాల వైఎస్సార్‌ సీపీ ప్రజాప్రతినిధులు, నాయకులు, కార్యకర్తలు, అభిమానులు పెద్దఎత్తున తరలి రావాలన్నారు. నియామక ఉత్తర్వుల నిలుపుదలచింతూరు: రంపచోడవరం, చింతూరు సబ్‌ కలెక్టర్ల నియామకానికి సంబంధించి మంగళవారం జారీ చేసిన ఉత్తర్వులను నిలుపుదల చేస్తూ ప్రభుత్వం బుధవారం మరో ఉత్తర్వులను జారీ చేసింది. రంపచోడవరం సబ్‌ కలెక్టర్‌గా దొనక పృథ్వీరాజ్‌కుమార్‌, చింతూరు సబ్‌ కలెక్టర్‌గా చిత్తపులి నరేంద్రపడాల్‌ను నియమించడంతో పాటు చింతూరు ఐటీడీఏ పీవో శుభం నొఖ్వాల్‌ను రాజమహేంద్రవరం సబ్‌ కలెక్టర్‌గా బదిలీ చేస్తూ మంగళవారం రాత్రి ఉత్తర్వులు జారీ అయ్యాయి. కాగా తదుపరి ఆదేశాల వరకు ఇద్దరు సబ్‌ కలెక్టర్ల నియామకాలతో పాటు చింతూరు ఐటీడీఏ పీవో బదిలీని నిలుపుదల చేస్తున్నట్లు బుధవారం ప్రభుత్వం ఉత్తర్వులు జారీ చేసింది.

చింతూరు: ఆదివాసీల సమస్యలు పరిష్కరించాలని కోరుతూ ఆదివాసీ సంక్షేమ పరిషత్‌ ఆధ్వర్యంలో స్థానిక ఐటీడీఏ ఎదుట చేపట్టిన రిలే నిరాహార దీక్షల ముగింపు సందర్భంగా బుధవారం భారీ ర్యాలీ నిర్వహించి ధర్నా చేపట్టారు. పరిషత్‌ జాతీయ అధ్యక్షుడు దాట్ల నాగేశ్వరరావు మాట్లాడుతూ ఆదివాసీల ప్రధాన సమస్యలు పరిష్కారం కావడం లేదన్నారు. ఆదివాసీ నిరుద్యోగులకు ఏజన్సీ ప్రాంత ఉద్యోగ నియామక చట్టం చేయాలని, 1/70 చట్టంపై గిరిజనేతరులు వేసిన కేసులో ప్రభుత్వం ఇంప్లీడ్‌ అవడంతో పాటు చట్టం పరిరక్షణ కోసం కృషి చేయాలని డిమాండ్‌ చేశారు. గొత్తి కోయలకు కులధ్రువీకరణ పత్రాలు, పింఛన్లు మంజూరు చేయాలని, ఆదివాసీ పూజారులు, దేవర బాలలకు గౌరవ వేతనం ఇవ్వాలని ఆయన కోరారు. ధర్నా విషయం తెలుసుకుని ఐటీడీఏ పీవో శుభం నొఖ్వాల్‌ వారితో చర్చించారు. వారి డిమాండ్లను ప్రభుత్వం దృష్టికి తీసుకెళ్లి పరిష్కారానికి కృషిచేస్తానని ఆయన హామీనివ్వడంతో వారు ఆందోళన విరమించారు. కార్యక్రమంలో పరిషత్‌ జాతీయ ఉపాధ్యక్షుడు ఉయికా శంకర్‌, జిల్లా కన్వీనర్‌ పాయం లక్ష్మణరావు, శీలం కృష్ణ, మినప నాగేశ్వరరావు, కారం రవి, పూసం శ్రీను, సోడె మురళి, వెంకటేశ్వర్లు, కోటేశ్వరరావు, ప్రసాద్‌, రాజయ్య పాల్గొన్నారు.భారీ ర్యాలీ, ఐటీడీఏ ఎదుట ధర్నా

సాక్షి, అమలాపురం: ఒకప్పుడు పనికిరాదని పక్కన పడేసిన కుళ్లిన (డాగు) కొబ్బరి కాయకే ఇప్పుడు బంగారంలాటి ధర పలుకుతోంది. ఉత్తర ప్రదేశ్‌, బిహార్‌ రాష్ట్రాల్లోని గంగా ఘాట్లలో దహన సంస్కారాలకు, గంగార్పణాలకు దీనికి విపరీతమైన డిమాండ్‌ పెరిగింది. దీంతో, కోనసీమ నుంచి డాగు కొబ్బరి నేరుగా ఉత్తరాదికి తరలిపోతోంది. ఫలితంగా కొబ్బరికి పుట్టినిల్లయిన అంబాజీపేటలోనే డాగు కొబ్బరి కనిపించని పరిస్థితి ఏర్పడింది. లేదు. ‘డాగు’ ఎందుకొస్తుందంటే.. జిల్లావ్యాప్తంగా కొబ్బరి వ్యాపారానికి గడ్డుకాలం వచ్చింది. గతంలో దెబ్బ తిన్న (కుళ్లిన – డాగు పడిన) కొబ్బరిని స్థానిక వ్యాపారులు మాత్రమే కొనుగోలు చేసేవారు. రైతులు కొబ్బరి కాయను ఒలిచి కురిడీగా తయారు చేసేందుకు అటకల మీద, ప్యాక్‌ హౌస్‌లలో నిల్వ చేస్తారు. మార్కెట్లో ధర లేనప్పుడు కొబ్బరి కాయను నేరుగా నిల్వ చేస్తూంటారు. ఈ క్రమంలో లేత కాయలతో పాటు కొన్ని కాయలు కుళ్లిపోతాయి. దీనినే స్థానికంగా డాగు పడటమని అంటారు. ఈ డాగు కొబ్బరిని స్థానిక చిరు వ్యాపారులు కొనుగోలు చేసి, తొక్క తీసి, నూనె తయారు చేసేవారు. దీన్ని డాగు నూనె అంటారు. ఇది దీపాలు వెలిగించేందుకు, సబ్బుల తయారీ, ఇతర పరిశ్రమల్లో వినియోగిస్తూంటారు. ఉత్తరాదిలో డిమాండ్‌ ఉత్తరాది రాష్ట్రాల్లో మరణించిన తమవారి దహన సంస్కారాలకు డాగు కొబ్బరిని పెద్ద ఎత్తున వినియోగిస్తున్నారు. ముఖ్యంగా ఉత్తర ప్రదేశ్‌, బిహార్‌లోని గంగా నదీ పరీవాహక ప్రాంతాల్లో నిర్వహించే అంత్యక్రియల సందర్భంగా ఈ కుళ్లిన కొబ్బరిని వినియోగించడం ఆనవాయితీగా మారింది. దీంతో, ఆయా రాష్ట్రాలకు కుళ్లిన కొబ్బరి కాయలు నేరుగా ఎగుమతి అవుతున్నాయి. మరోవైపు కొబ్బరి కాయల ధరలు ఆకాశాన్నంటడంతో కురిడీ కొబ్బరి ధర కూడా భారీగా పెరిగింది. ప్రస్తుత మార్కెట్లో వెయ్యి కురిడీ కాయల ధర రూ.21 వేల నుంచి రూ.24,500 వరకూ పలుకుతోంది. దీంతో, ఉత్తరాదిలోని ఆలయాల్లో, ముఖ్యంగా గంగార్పణం వంటి కార్యక్రమాల్లో సామాన్యులు, పేదలు తక్కువ ధరకే దొరికే ఈ డాగు కొబ్బరిని కురిడీ కొబ్బరికి ప్రత్యామ్నాయంగా వినియోగిస్తున్నారు. దీనివల్ల కూడా దీనికి విపరీతంగా డిమాండ్‌ పెరిగింది. ఇదే సమయంలో కర్ణాటక నుంచి కూడా డాగు కొబ్బరికి పెద్ద ఎత్తున డిమాండ్‌ వస్తోంది. అయితే, అక్కడ తయారవుతున్న డాగు నూనెకు మార్కెట్లో అధిక డిమాండ్‌ ఉండటంతో వ్యాపారులు ఇక్కడి నుంచి పోటీ పడి కొనుగోలు చేస్తున్నారు. స్థానిక ఉపాధిపై తీవ్ర ప్రభావం డాగు కొబ్బరి ఉత్తరాదికి తరలిపోవడం స్థానిక ఉపాధిపై తీవ్ర ప్రభావం చూపుతోంది. కోనసీమ జిల్లా అంతటా డాగు కొబ్బరి వ్యాపారం జరుగుతున్నా, పి.గన్నవరం, అంబాజీపేట మండలాల్లోని ముంజవరం, పొత్తాయలంక వంటి ప్రాంతాల్లో ఇది ఒక కుటీర పరిశ్రమలా ఉంది. సుమారు 300 కుటుంబాల వారు ప్రత్యక్షంగా, వెయ్యి కుటుంబాలు పరోక్షంగా ఈ వ్యాపారంపై ఆధారపడి జీవిస్తున్నాయి. ఏడాదికి రూ.10 కోట్ల నుంచి రూ.15 కోట్ల వరకూ వ్యాపారం జరిగేది. ఇప్పుడు కాయ దొరకక వీరికి ఉపాధి లేకుండా పోయింది. ఒకప్పుడు అంబాజీపేట కేంద్రంగా కొబ్బరి నూనెకు జాతీయ స్థాయిలో బ్రాండ్‌ ఉండేది. కల్తీ నూనెల వల్ల ఆ పరిశ్రమ దెబ్బ తిని, పదో వంతుకు పడిపోయినా, డాగు నూనె మాత్రం ఎంతో కొంత నిలబడింది. ఇప్పుడు డాగు కొబ్బరి కాయలు నేరుగా ఉత్తరాదికి తరలిపోతూండటంతో స్థానికంగా ముడిసరుకు లేక నూనె ఉత్పత్తి పూర్తిగా నిలిచిపోయింది. దీంతో, ఉన్న నాలుగైదు మిల్లులు కూడా మూతపడే పరిస్థితి నెలకొందని స్థానిక వ్యాపారులు ఆవేదన వ్యక్తం చేస్తున్నారు. అంబాజీపేట మార్కెట్లో దొరకని డాగు కొబ్బరి ఉత్తరాదికి నేరుగా ఎగుమతి గతంలో వంద కాయల ధర రూ.85 నేడు రూ.800కు పెరుగుదల స్థానికంగా నిలిచిన నూనె ఉత్పత్తి పాలకొల్లు నుంచి కోనసీమ వరకూ.. డాగు కొబ్బరి ఎగుమతులు తొలుత పశ్చిమ గోదావరి జిల్లా పాలకొల్లు నుంచి మొదలయ్యాయి. ఇప్పుడు కోనసీమ జిల్లా నుంచే నేరుగా, జోరుగా ఎగుమతులు జరుగుతున్నాయి. ధరల విషయానికి వస్తే గతంలో వంద డాగు కాయల ధర రూ.25 నుంచి రూ.85 మాత్రమే ఉండేది. అంటే కాయకు పావలా నుంచి 85 పైసల వరకూ ధర వచ్చేది. ఇప్పుడు అదే వంద కాయల ధర రూ.500 నుంచి రూ.800కు ఎగబాకింది. ఇందులో రెండో రకమైన ఖచ్చం రకం కాయ ధర అయితే ఏకంగా రూ.950 వరకూ పలుకుతోంది.

కాకినాడ రూరల్‌: ఉద్యోగాల కోసం కాకినాడలో శాంతియుతంగా ధర్నా చేసిన నిరుద్యోగులపై పోలీసు నిర్బంధాన్ని వైఎస్సార్‌ సీపీ మహిళా విభాగం రాష్ట్ర ఉపాధ్యక్షురాలు జమ్మలమడక నాగమణి బుధవారం ఒక ప్రకటనలో తీవ్రంగా ఖండించారు. నిరుద్యోగుల ఆందోళనకు మద్దతుగా నిలిచిన ఎస్‌ఎఫ్‌ఐ, డీవైఎఫ్‌ఐ నాయకులపై అక్రమ కేసులు పెట్టడమేమిటని, వాటిని వెంటనే ఎత్తివేయాలని డిమాండ్‌ చేశారు. నిరుద్యోగుల సమస్యలను పరిష్కరించాల్సిన ప్రభుత్వం.. ఉద్యోగాల కోసం నిరసన తెలిపితే, వారికి నోటీసులు ఇవ్వడం సమంజసం కాదని పేర్కొన్నారు. నిరసనలో పాల్గొన్న 20 మందిపై కేసులు నమోదు చేయడంతో పాటు నోటీసులతో వేధింపులకు గురి చేయడం తగదని అన్నారు. పోటీ పరీక్షలపై నిరుద్యోగులకు శిక్షణ అందిస్తున్న శ్యామ్‌ కోచింగ్‌ సెంటర్‌ నిర్వాహకుడు జి.శ్యామ్‌పై కేసు పెట్టడం సరి కాదన్నారు. నిరుద్యోగులకు ఇచ్చిన హామీలను నెరవేర్చాలని, ఖాళీగా ఉన్న ప్రభుత్వ ఉద్యోగాలను భర్తీ చేయాలని నాగమణి డిమాండ్‌ చేశారు. స్విమ్స్‌లో అరుదైన శస్త్ర చికిత్స తిరుపతి తుడా: తిరుపతిలోని స్విమ్స్‌ కార్డియాలజీ విభాగం ఆధ్వర్యాన ఓ పేద రోగికి వైద్యులు అరుదైన శస్త్ర చికిత్సను విజయవంతంగా నిర్వహించారు. వివరాలివీ.. కాకినాడ జిల్లా కిర్లంపూడి మండలానికి చెందిన బి.వెంకట సూరిబాబు (50) మూడు నెలలుగా గుండె జబ్బుతో బాధ పడుతున్నాడు. పలు రకాల మందులు వాడుతున్నప్పటికీ ఆరోగ్యం కుదుట పడలేదు. దీంతో, అతడు స్విమ్స్‌ ఆసుపత్రిని సంప్రదించారు. సూరిబాబును వైద్యులు పూర్తి స్థాయిలో పరీక్షించి ప్రాణదానం పథకం కింద ఎంపిక చేసి, సీఆర్‌టీ–డీ పరికరం అమర్చారు. లక్షల రూపాయల విలువైన శస్త్ర చికిత్సను ఉచితంగా విజయవంతంగా చేశారు. టీటీడీ, స్విమ్స్‌ అధికారులకు, వైద్యులకు రోగితో పాటు కుటుంబ సభ్యులు కృతజ్ఞతలు తెలిపారు. ముగిసిన బాస్కెట్‌బాల్‌ శిక్షణ రామచంద్రపురం రూరల్‌: జాతీయ స్థాయి సబ్‌ జూనియర్‌ బాస్కెట్‌బాల్‌ పోటీల్లో పాల్గొనే ఆంధ్రప్రదేశ్‌ బాలికల జట్టు ఉచిత శిక్షణ తరగతులు బుధవారం ముగిశాయి. బాస్కెట్‌బాల్‌ అసోసియేషన్‌ రాష్ట్ర ప్రధాన కార్యదర్శి గన్నమని చక్రవర్తి ఈ విషయం తెలిపారు. బాలుర జట్టుకు ఈ నెల 11 వరకూ శిక్షణ ఇవ్వనున్నామని తెలిపారు. శిక్షణ ముగింపు సందర్భంగా చక్రవర్తి మాట్లాడుతూ, బాస్కెట్‌బాల్‌ ఫెడరేషన్‌ ఆఫ్‌ ఇండియా, బాస్కెట్‌బాల్‌ అసోసియేషన్‌ ఆఽఫ్‌ ఆంధ్రప్రదేశ్‌, స్పోర్ట్స్‌ అథారిటీ ఆఫ్‌ ఆంధ్రప్రదేశ్‌, రాష్ట్ర ప్రభుత్వం సంయుక్తంగా ఈ శిక్షణ నిర్వహిస్తున్నాయని తెలిపారు. బీసీల పాలిట తెగులు టీడీపీ రాజమహేంద్రవరం రూరల్‌: తెలుగుదేశం పార్టీ బీసీలను ఎదగకుండా చేసిందని మాజీ మంత్రి, వైఎస్సార్‌ సీపీ జిల్లా అధ్యక్షుడు చెల్లుబోయిన వేణు గోపాలకృష్ణ విమర్శించారు. బుధవారం స్థానిక బొమ్మూరులోని పార్టీ కార్యాలయంలో విలేకరులతో ఆయన మాట్లాడుతూ ఈనాడు పత్రికలో ఇచ్చిన ప్రకటనలో తెలుగు బీసీలు అన్నారు కానీ నిజానికి బీసీల పాలిట తెగులుగా టీడీపీ తయారైందని ఆయన ఎద్దేవా చేశారు. బీసీలను కులవృత్తులుగా పనిముట్లుగా ఉపయోగించుకోవాలన్న ఆలోచనతో వారిని విద్యకు దూరం చేశారని ఆరోపించారు. డాక్టర్‌ వైఎస్‌ రాజశేఖర్‌ రెడ్డి హయాంలో ఫీజు రీయింబర్స్‌మెంట్‌ పెడితే బీసీ విద్యార్థులు చదువుకుని ఐటి రంగంలో ఎదిగారని ఆయన అన్నారు. అలాగే జగన్‌మోహన్‌రెడ్డి 34 శాతం రిజర్వేషన్‌ను మించి 40 శాతం వరకు వారికి పదవులు కల్పించేలా చర్యలు చేపట్టి స్థాని క ఎన్నికలకు వెళ్లారని వేణు పేర్కొన్నారు. కొన్నిచోట్ల 45 శాతం కూడా వారికి ప్రయోజనం కలిగిందని, అయితే దానిని 24 శాతానికి జగన్‌ తగ్గించేసినట్లు నాడు టీడీపీ దుష్ప్రచారం చేసిందని మండిపడ్డారు. మరి ఇప్పుడెలా 34 శాతం రిజర్వేషన్‌ ఇస్తామని 105 జీవో ఇచ్చారని వేణు ప్రశ్నించారు. న్యాయస్థానాల తీర్పు అధిగమించి హామీ ఇచ్చేసి, ప్రజలను మోసగిస్తారా అని ఆయన అన్నారు. చిత్తశుద్ధి ఉంటె 52 శాతం ఉన్న బీసీలకు 34 శాతం కాకుండా కనీసం 40 శాతం రిజర్వేషన్‌ కల్పించాలని ఆయన డిమాండ్‌ చేశారు. బీసీలను కులవృత్తులకు పరిమితం చేయడానికి రూ.వెయ్యి కోట్లు మొదటి బడ్జెట్‌లో పెట్టి, కనీసం రూ.వెయ్యి ఖర్చు చేయలేదని ఆయన అన్నారు. రెండో బడ్జెట్లోనూ అలాగే పెట్టి రూ.2 వేలు కూడా ఇవ్వలేదన్నారు. మూడో బడ్జెట్‌లోనూ అలాగే పెట్టి సగం కాలమైనా ఒక్క రూపాయి ఇవ్వలేదన్నారు. 50 ఏళ్లు ఉన్న బీసీల కు పెన్షన్లు ఏమయ్యాయని వేణు ప్రశ్నించారు. కార్యక్రమంలో పార్టీ రాష్ట్ర కార్యదర్శి చందన నాగేశ్వరరావు, కొండపల్లి దుర్గారావు పాల్గొన్నారు.

గిరిజనులు సేకరించిన ఉత్పత్తులను సేకరిస్తామని గిరిజన సహకార సంస్థ(జీసీసీ) చెబుతున్న మాటలు కార్యాచరణలో కానరావడం లేదు. గిరిజనులు సేకరించే కొండచీపుర్లు, శీకాయ, కరక్కాయ, తేనె వంటి ఉత్పత్తులకు నామమాత్రంగా ధర చెల్లిస్తున్నారు. ఈ ఉత్పత్తులకు బయట దళారులే అధికంగా ధర చెల్లిస్తుండడంతో గిరిజనులు అటువైపే మొగ్గు చూపుతున్నారు. ● అటవీ ఉత్పత్తులకు లభించని గిట్టుబాటు ధర ● గిరిజనులకు తప్పని ఇబ్బందులు ● పట్టించుకోని గిరిజన సహకార సంస్థ రంపచోడవరం: ఏజెన్సీలో గిరిజనులు సేకరిస్తున్న అటవీ ఉత్పత్తులకు గిట్టుబాటు ధర లభించడం లేదు. రెక్కలు ముక్కలు చేసుకొని అడవిలో ప్రమాదాలను సైతం లెక్క చేయకుండా అటవీ ఉత్పత్తుల సేకరణలో నిమగ్నమైన ఆదివాసీలకు అరకొర ధర చెల్లించి గిరిజన సహకార సంస్థ (జీసీసీ) అటవీ ఉత్పత్తులను కొనుగోలు చేస్తోంది. ఎంతో కాలంగా అటవీ ఉత్పత్తులకు గిట్టుబాటు ధర చెల్లించాలని గిరిజనులు ఆందోళన చేస్తున్న జీసీసీ పట్టించుకోవడం లేదు. గిరిజన ఉత్పత్తులకు గిట్టుబాటు ధర కల్పించేందుకు ఐటీడీఏ కూడా సరైన చర్యలు తీసుకోవడం లేదు. కొన్ని అటవీ ఉత్పత్తులను జీసీసీ కొనుగోలు చేయడం లేదని గిరిజనులు ఆరోపిస్తున్నారు. కొండచీపుర్ల కొనుగోలుకు జీసీసీ ‘నో’ ఏజెన్సీలో కొన్ని రకాల అటవీ ఉత్పత్తులు కొన్ని ప్రాంతాల్లోనే అధికంగా లభ్యమవుతాయి. మారేడుమిల్లి మండలంలో కొండచీపుర్లు, శీకాయ అటవీ ఉత్పత్తులు ఎక్కువగా లభ్యమవుతాయి. ఎంతో కాలంగా కొండచీపుర్లకు గిట్టుబాటు ధర ఇవ్వాలని గిరిజనులు కోరుతున్నా జీసీసీ ధర పెంచడం లేదు. పైగా గత రెండేళ్ల నుంచి జీసీసీ కొండచీపుర్లను కొనుగోలు చేయడం లేదు. దీంతో గిరిజనులు బయట ప్రాంతం నుంచి వచ్చే వ్యాపారులకు అమ్ముకుంటున్నారు. ఈ ఏడాది కొండచీపురు విడికట్ట రూ.40 నుంచి రూ.50 వరకు కొనుగోలు చేశారు. దీంతో గిరిజనుల కష్టానికి తగిన ప్రతిఫలం లభించడంలేదు. కొండచీపుర్ల సేకరణ కోసం గిరిజనులు ఎంతో కష్టపడాల్సి ఉంటుంది. పోడుభూముల్లో ఉన్న చీపురును, సహజంగా లభించే చీపురును సేకరించేందుకు రోజంతా కుటుంబం కష్టపడితే రూ.1000 విలువ చేసే చీపుర్లను అతి కష్టం మీద సేకరించగలరు. ఇంతా కష్టపడిన రూ.50కు అమ్ముకోవాల్సి వస్తుంది. చీపుళ్లను నిల్వ చేసి రేటు వచ్చిన తరువాత అమ్ముకొనే సదుపాయం గిరిజనులకు లేకపోవడంతో దళారులపైనే ఆధారపడవలసి వస్తోంది. జీసీసీ శీకాయను కూడా సహజ సిద్ధమైన పెద్దసైజును ఎగుమతి చేసేందుకు ఎంపిక చేసిన గ్రామాల నుంచి కొనుగోలు చేస్తుంది. జీసీసీ బయట మార్కెట్‌లో అధిక ధరకు శీకాయను అమ్ముకుంటున్న గిరిజనులకు అరకొర ధర చెల్లిస్తున్నారనే ఆరోపణలు ఉన్నాయి. కొండచీపురు కట్ట రూ.100కు కొనుగోలు చేసేందుకు చర్యలు తీసుకోవాలని గిరిజనులు కోరుతున్న అధికారులు పట్టించుకోవడం లేదు. వంద రకాల మాట ఉత్తుత్తే.. జీసీసీ సుమారు వంద రకాల అటవీ ఉత్పత్తులు కొనుగోలు చేస్తుందని చెబుతున్న అనేక రకాల అటవీ ఉత్పత్తులను అసలు కొనుగోలు చేయడం లేదు. గిరిజనులకు అటవీ ఉత్పత్తుల సేకరణలో మెళకువలు నేర్పకపోవడంతో రెల్ల, నరమామిడి చెట్లు అంతరించిపోయే పరిస్థితి ఏర్పడింది. ఆ చెట్ల బెరడు కోసం మొత్తం చెట్లను నరికివేయడంతో చెట్లు అంతరించిపోతున్నాయి. బయట మార్కెట్‌లో కరక్కాయకు డిమాండ్‌ ఉన్న జీసీసీ కేజీ రూ.18 మాత్రమే కొనుగోలు చేస్తుంది. అనేక ఔషధాల్లో కరక్కాయను ఎక్కువగా వినియోగిస్తున్నారు. ఏజెన్సీలో జీసీసీ తేనె సేకరించడం లేదు. జీసీసీ చెల్లించే ధర కేజీ రూ.300 ఉంటే బయట వ్యాపారులు రూ.500 వరకు ఇచ్చి కొనుగోలు చేస్తున్నారు. అన్నింటినీ కొనుగోలు చేయాలి గిరిజనులు సేకరిస్తున్న అటవీ ఉత్పత్తులకు గిట్టుబాటు ధర చెల్లించాలి. గిరిజనుల కష్టానికి సరిపడా డబ్బులు కూడా రావడం లేదు. జీసీసీ కేవలం ఒకటి రెండు ఉత్పత్తుల కొనుగోలుపైనే దృష్టి పెడుతుంది. గిరిజనులు సేకరించే అన్ని ఉత్పత్తులను కొనుగోలు చేయాలి. అలాగే గిరిజనులు పండించే జాఫ్రా, జీడిమామిడి పిక్కలను జీసీసీ, ఐటీడీఏ కొనుగోలు చేయాలి. – పల్లాల లచ్చిరెడ్డి, బూసిగూడెం

మంచిర్యాలఅర్బన్‌: వినాయక చవితి పర్వదినానికి మరో నాలుగు రోజులే మిగిలి ఉంది. ఇప్పటికే మండపాల ఏర్పాటు, భారీ గణపతి విగ్రహాల తరలింపు పనులు మొదలయ్యాయి. హైదరాబాద్‌లోని ధూల్‌పేట్‌, కోరుట్ల నుంచి భారీ విగ్రహాల తరలింపు కొనసాగుతోంది. విగ్రహాల తరలింపులో జాగ్రత్తలు భారీ విగ్రహాల తరలింపులో దారిలో విద్యుత్‌ వైర్లు, ఫ్లైఓవర్లు, అడ్డంకులు లేకుండా ముందే రూట్‌ ప్లాన్‌ చేసుకోవాలి. ప్రధాన రహదారులపై రద్దీ తక్కువగా ఉండే రాత్రి వేళల్లో, తెల్లవారుజామున విగ్రహాలను తరలించాలి. వాహనానికి ముందు, వెనుక హెచ్చరిక బోర్డులు, రెడ్‌ లైట్లు అమర్చాలి. విద్యుత్‌ వైర్లు అడ్డంగా ఉన్న చోట విద్యుత్‌శాఖ సిబ్బందిని వెంట ఉంచుకోవటం సురక్షితం. దారిలో వర్షం కురిస్తే రంగులు వెలిసిపోకుండా వాటర్‌ప్రూప్‌ కవర్లతో విగ్రహాన్ని కప్పి ఉంచాలి. దారిలో విద్యుత్‌ తీగలు తాకకుండా చూసుకోవాలి. వాహనానికి వెనుకభాగంలో కూర్చోవడం అత్యంత ప్రమాదకరం.

మంచిర్యాలక్రైం: చదువుకొమ్మన్ని మందలించినందుకు బా లు డు ఆత్మహత్య చేసుకున్న సంఘటన జిల్లా కేంద్రంలో చోటు చేసుకుంది. ఎస్సై మధుసూదన్‌ తెలిపిన వివరాల మేరకు ఎక్బల్‌హైమద్‌ నగర్‌కు చెందిన మహ్మద్‌ అబ్బాస్‌–నూరి దంపతులకు ట్విన్స్‌ కుమారులు ఎండీ అమేర్‌, ఎండీ అమీర్‌(17). అమేర్‌ లారీ మీద పనికి వెళ్తుంటాడు. ఇంటర్‌ చదువుతున్న అమీర్‌ చదువు మానే సి అన్నతోనే వెళ్తానని కాలేజీకి డుమ్మా కొట్టేవాడు. కుటుంబ సభ్యులు మందలించడంతో మనస్తాపానికి గురై ఈ నెల 6న ఇంట్లో ఫ్యానుకు ఉరేసుకుని ఆత్మహత్యకు యత్నించాడు. గమనించిన కుటుంబ స భ్యులు స్థానిక ఓ ప్రైవేటు ఆస్పత్రికి తరలించి చికిత్స అందిస్తుండగా పరిస్తితి విషమించి బుధవారం మృతి చెందాడు. కేసు నమోదు చేసి దర్యాప్తు జరుపుతున్నట్లు ఎస్సై తెలిపారు. రోడ్డు ప్రమాదంలో కాంట్రాక్ట్‌ కార్మికుడు మృతితాండూర్‌: రోడ్డు ప్రమాదంలో కాంట్రాక్టు కార్మి కుడు మృతి చెందినట్లు ఎస్సై ప్రసాద్‌రావు తెలి పారు. గోలేటీ సీహెచ్‌పీలో కాంట్రాక్ట్‌ కార్మికుడిగా పనిచేస్తున్న బోయపల్లికి చెందిన మేకార్తి రాజేశం (32) రోజువారీ విధుల్లో భాగంగా బుధవారం స్కూటీపై గోలేటికి వెళ్తుండగా బెల్లంపల్లి నుంచి గోలేటి వైపు వెళ్తున్న ఎర్టిగా వేగంగా స్కూటీని ఢీకొ ని రోడ్డు పక్కన బోల్తా పడింది. ఘటనలో రాజేశం తలకు తీవ్ర గాయాలు కావడంతో ముందుగా బెల్లంపల్లి ఆస్పత్రికి, మెరుగైన చికిత్స కోసం మంచిర్యాలకు తరలిస్తుండగా మార్గమధ్యలో మృతి చెందాడు. మృతుని భార్య మౌనిక ఫిర్యాదు మేరకు కేసు దర్యాప్తు జరుపుతున్నట్లు ఎస్సై తెలిపారు.

కై లాస్‌నగర్‌/తాంసి: ఓటర్ల జాబితా ప్రత్యేక సమగ్ర సవరణ (సర్‌) ప్రక్రియను నిర్దేశిత గడువులోపు పకడ్బందీగా, పారదర్శకంగా పూర్తి చేయాలని రాష్ట్ర ఎన్నికల ప్రధాన అధికారి సి.సుదర్శన్‌రెడ్డి ఆదేశించారు. బుధవారం ఆయన జిల్లాలో పర్యటించారు. తాంసి మండలంలోని ఘోట్కోరి, భీంపూర్‌ మండలంలోని పిప్పల్‌కోటితో పాటు ఆదిలాబాద్‌ పట్ట ణంలోని ప్రభుత్వ డైట్‌ కళాఽఽశాల, ఆర్‌పీఎల్‌ ఉన్నత పాఠశాలలోని పోలింగ్‌ కేంద్రాలను సందర్శించారు. బీఎల్‌వోలు నిర్వహిస్తున్న ఇంటింటి సర్వే, దరఖాస్తుల పరిశీ లన ప్రక్రియపై ఆరా తీశారు. కొత్త ఓటరు నమోదు కోసం వచ్చిన దరఖాస్తుల వివరాలు అడిగి తెలుసుకున్నారు. ఓటర్ల పేరు, వయస్సు, చిరునామా తదితర వివరాల్లో తప్పులు ఉంటే నిబంధనల ప్రకారం సరిచేయాలని సూచించారు. ఇంటింటి సర్వేలో ప్రతి కుటుంబంలోని ఓటర్ల వివరాలను క్షుణ్ణంగా పరిశీలించి, ధ్రువీకరించిన సమాచారం ఆధారంగానే మార్పులు, చేర్పులు, తొలగింపులు చేపట్టాలని స్పష్టం చేశారు. ఈ సందర్భంగా ఆయన మాట్లాడుతూ, అర్హులైన ప్రతి ఒక్కరి పేరు ఓటర్ల జాబితాలో ఉండేలా చూడటంతో పాటు, మృతులు, శాశ్వతంగా ఇతర ప్రాంతాలకు వలస వెళ్లిన వారి పేర్లను నిబంధనల మేర కు గుర్తించి తొలగించాలన్నారు. పత్రాలు అందుబాటులో లేని సందర్భాల్లో తహసీల్దార్లు సంబంధిత వ్యక్తులకు మార్గదర్శకాలు అందించి, అవసరమైన పత్రాలను సేకరించి పూర్తిస్థాయిలో ధ్రువీకరించాలన్నారు. 18 ఏళ్లు నిండిన అర్హులైన యువత ఓటరుగా నమోదు చేసుకునేలా విస్తృత అవగాహన కల్పించాలని, ప్రతి ఒక్కరూ తమ పేరు ఓటర్ల జాబితాలో ఉందో లేదో పరిశీలించుకునేలా చైతన్యపర్చాలన్నారు. బీఎల్‌వోలు బాధ్యతాయుతంగా వ్యవహరిస్తూ పొరపాట్లకు అవకాశం లేకుండా సవరణ ప్రక్రియ పూర్తి చేయాలన్నారు. ఈ సందర్భంగా ఆయా గ్రామాల్లో ఆయనకు స్థానికులు డప్పుచప్పుళ్లతో స్వాగతం పలికారు. శాలువాతో సత్కరించి అభిమానాన్ని చాటుకున్నారు. ఆయన వెంట కలెక్టర్‌ రాజర్షి షా, అదనపు కలెక్టర్లు ఆర్‌ఎస్‌. చిత్రు, ఎస్‌.రాజేశ్వర్‌, తహసీల్దార్లు శ్రీనివాస్‌, జాద వ్‌ గణేశ్‌, రమేశ్‌, నాయబ్‌ తహసీల్దార్లు సూరజ్‌, ఇస్తారీ, ఎంపీడీవో మోహన్‌రెడ్డి, ఎన్నికల సూపర్‌వైజర్లు, బీఎల్‌వోలు, వార్డు కౌన్సిలర్లు, సర్పంచ్‌లు మతీన్‌, రమేశ్‌, తదితరులు పాల్గొన్నారు.

మంచిర్యాలక్రైం: సృష్టిలో వెలకట్టలేనిది ప్రాణం.. కానీ కొందరు క్షణికావేశంలో దానిని తృణప్రాయంగా వదిలేస్తున్నారు. చిన్నచిన్న కారణాలకే మనోధైర్యం కోల్పోయి అర్ధంతరంగా తనువు చాలిస్తున్నారు. తమవారితో పెనవేసుకున్న బంధాలను బలవంతంగా తెంచేసుకుంటూ.. కన్నవారికి, కట్టుకున్నవారికి ఆప్తులకు తీరని విషాదం మిగిల్చి వెళ్తున్నారు.. ఈ మధ్య కాలంలో జిల్లాలో అత్మహత్యల తీరు ఆందోళన కలిగిస్తోంది. అప్పులు, ఉద్యోగం రావడం లేదని, దంపతుల మధ్య గొడవలు, ప్రేమలో విఫలమయ్యామని.. ఇలాంటి చిన్నచిన్న కారణాలకే బలవంతంగా ప్రాణాలు తీసుకుంటున్నారు. సమస్యలు తమకే ఉన్నాయని, వాటిని అధిగమించలేమోనని ఆత్మస్థైర్యం కోల్పోతున్నా రు. ఈ ఏడాది జనవరి నుంచి ఆగస్టు వరకు జిల్లాలో 150 మందికి పైగా ఆత్మహత్యకు పాల్పడ్డారు. ఆలోచిస్తే ఆనందమయం.. అర్ధంతరంగా చావు కొని తెచ్చుకునే సందర్భంలో ఒక్క క్షణం ఆలోచిస్తే మంచి భవిష్యత్‌ ఉంటుందని మానసిక నిపుణులు చెబుతున్నారు. చాలామంది ఇలా బతుకును జయించిన వారు ఉన్నారని, సానుకుల దృక్పథంతోనే జీవితానికి సార్ధకత అందుతుందని అంటున్నారు. మానసికంగా బలహీనమైన క్షణాల్లో తీసుకునే నిర్ణయమే జీవితానికి అటు.. ఇటుగా మారుతోందని, ఒక్క క్షణం ఆగి ఆలోచిస్తే ఆనందమయ జీవితాన్ని అందుకోవచ్చని, ఆత్మహత్యల వల్ల సాధించేది ఏమీలేదని, సమస్యలు ఎదురైనప్పుడు ఆత్మస్థైర్యం కూడగట్టుకుని ముందుకు సాగాలని పోలీస్‌ అధికారులు, చెబుతున్నారు.

ఆదిలాబాద్‌టౌన్‌: భూమాఫియాపై పోలీసులు కొర డా ఝళిపిస్తున్నారు. పేదలు, సామాన్యుల భూములపై కన్నేసి కబ్జా చేయడం, నకిలీ పత్రాలు సృష్టించి విక్రయించడం, బెదిరింపులు, మోసపూరిత లావాదేవీలకు పాల్పడుతున్న వారి భరతం పడుతున్నారు. ఎంతటి వారైనా లెక్కచేయడం లేదు. జిల్లాలో పేరుమోసిన రియల్టర్లను సైతం ఇటీవల కటకటాల వెనక్కి పంపడమే నిదర్శనం. ఎస్పీ అఖిల్‌ మ హాజన్‌ బాధ్యతలు చేపట్టిన తర్వాత కబ్జాదారులపై ఉక్కుపాదం మోపుతున్నారు. బాధితులకు న్యా యం చేస్తున్నారు. ఈ క్రమంలో ఫిర్యాదులు పెరిగి అక్రమార్కుల బాగోతాలు బయటపడుతున్నాయి. తోకముడిచిన కబ్జాదారులు.. అఖిల్‌ మహాజన్‌ ఎస్పీగా బాధ్యతలు చేపట్టి ఏడాదిన్నరవుతోంది. ఇప్పటికే ఇసుక మాఫియా, వడ్డీ వ్యాపారులు, ల్యాండ్‌ మాఫియా, నకిలీ పత్రాలు తయారు చేసే డాక్యుమెంట్‌ రైటర్లు, తదితర నేరాలకు పాల్పడే వారిపై కేసులు నమోదు చేసి అరెస్టు చేశారు. భూదందా పేరిట మోసాలకు పాల్పడుతున్న రాజకీయ నాయకులు, బడా వ్యాపారులను సైతం వదిలిపెట్టడం లేదు. దీంతో అక్రమార్కుల గుండెల్లో గుబులు రేపుతుంది. పలువురు ఫోన్లు స్విచ్‌ఆఫ్‌ చేసుకొని స్థానికంగా కనిపించకుండా పోతున్నారు. ఆదిలాబాద్‌ పట్టణానికి చెందిన ఓ మాజీ కౌన్సిలర్‌ను వారం క్రితం అరెస్ట్‌ చేశారు. తాజాగా భోరజ్‌ మండలంలో భూ దందాకు సంబంధించి బడా వ్యాపారుల అరెస్టు అంశం జిల్లా కేంద్రంలో చర్చనీయాంశంగా మారింది.

ఆదిలాబాద్‌టౌన్‌: జిల్లా కేంద్రంలోని అటవీశాఖ కార్యాలయంలో కొంత మంది ఉద్యోగులు ఇష్టారీతి న వ్యవహరిస్తున్నారనే ఆరోపణలున్నాయి. రెగ్యులర్‌ డీఎఫ్‌వో లేకపోవడం, అలాగే ఆదిలాబాద్‌ డివిజన్‌కు సైతం ఇన్‌చార్జి అధికారే ఉండడంతో ఉద్యోగులు ఆడిందే ఆటా.. పాడిందే పాటగా మా రింది. జిల్లాకేంద్రంలోని డివిజన్‌ కార్యాలయంలో కొన్నేళ్లుగా ఔట్‌సోర్సింగ్‌ ఉద్యోగిగా పనిచేస్తున్న ఓ వ్యక్తి కనుసన్నల్లోనే కార్యకలాపాలు కొనసాగుతున్నట్లుగా తెలుస్తోంది. అలాగే నలుగురు ఉద్యోగులు ‘నేనే రాజు.. నేనే మంత్రి’ అన్న చందంగా వ్యవహరిస్తూ అక్రమాలకు పాల్పడుతూ రూ.లక్షల్లో సంపాదిస్తున్నారని సమాచారం. ప్రభుత్వం నుంచి విడుదలయ్యే నిధుల్లో పైనుంచి కింది వరకు వాటాలు పంచుకుంటున్నారనే ఆరోపణలున్నాయి. మొత్తం 16 శాతం వరకు వారి స్థాయికి అనుగుణంగా వాటాలుగా వెళ్తున్నాయనేది ఆ శాఖలో బహిరంగ రహస్యమే. ఏళ్లుగా ఇక్కడే తిష్ట ఆదిలాబాద్‌ డివిజన్‌ కార్యాలయంలో పనిచేసే ఓ ఉద్యోగి ఏళ్లుగా అక్కడే తిష్ట వేశాడు. ఇటీవల డీఎఫ్‌వో కార్యాలయానికి బదిలీ అయినప్పటికీ ఆ కుర్చీని వదిలిపెట్టడం లేదు. కాసులు కురిపించే సెక్షన్‌ కావడంతో అధికారులను మచ్చిక చేసుకొని రాజకీయ నాయకులతో ఒత్తిడి తీసుకొస్తున్నట్లు తె లుస్తోంది. ఆ సెక్షన్‌కు కేటాయించిన ఉద్యోగికి సై తం చార్జి ఇవ్వకుండా ఇబ్బందులకు గురిచేస్తున్నట్లు కార్యాలయ ఉద్యోగులు చెబుతున్నా రు. గతంలో ఈ ఉద్యోగి ఇచ్చోడ డివిజన్‌లో పనిచేస్తున్నప్పటికీ ఆదిలాబాద్‌లోనే తిష్ట వేశాడు. ఇచ్చోడ, ఆదిలాబాద్‌ డివిజన్‌ అకౌంట్స్‌ ఆయనే ఏళ్లుగా చూస్తున్నాడు. కమీషన్లతో రూ.లక్షల్లో సంపాదిస్తున్నారనే విమర్శలున్నాయి. ఆ ఉద్యోగికి కార్యాలయంలో పనిచేసే మరో నలుగురు సైతం వత్తాసు పలకడం గమనార్హం. అంతేకాకుండా తనకు ఓ రాజకీయ నాయకుడు బంధువని చెబుతూ తమను ఇబ్బందులకు గురిచేస్తున్నారని పలువురు ఉద్యోగులు పేర్కొంటున్నారు. ఉన్నతాధికారుల ఆదేశాలు బేఖాతరు.. ఉన్నతాధికారుల ఆదేశాలను కొంతమంది ఉద్యోగులు బేఖాతరు చేస్తున్నారు. డివిజన్‌ కార్యాలయంలో ఇద్దరు ఉద్యోగులకు బదిలీ కాగా, ఒక ఉద్యోగి మాత్రమే తనకు కేటాయించిన డీఎఫ్‌వో కార్యాలయంలో బాధ్యతలు చేపట్టారు. మరో ఉద్యోగి ఇప్పటివరకు రిలీవ్‌ కాలేదు. పాత స్థానంలోనే కొనసాగుతున్నాడు. ఇదిలా ఉంటే.. ఇటీవల పీసీసీఎఫ్‌ నుంచి రాష్ట్ర వ్యాప్తంగా డిప్యూటేషన్‌లో ఉన్న ఉద్యోగులను వారి స్థానాలకు వెళ్లాలని ఉత్తర్వులు జారీ చేశారు. నలుగురు ఎఫ్‌బీవోల డిప్యూటేషన్‌ రద్దు కాగా, వారికి కేటాయించిన స్థానాల్లో విధుల్లో చేరారు. అయితే నిర్మల్‌ జిల్లాకు చెందిన ఓ ఉద్యోగి డీఎఫ్‌వో కార్యాలయంలో డిప్యూటేషన్‌పై పనిచేస్తున్నారు. డిప్యూటేషన్‌ రద్దు చేసినప్పటికీ సదరు ఉద్యోగి అక్కడికి వెళ్లకుండా అక్కడే కొనసాగుతుండడం గమనార్హం.ఆదేశాలు జారీ చేశాంఎఫ్‌డీవో కార్యాలయం నుంచి డీఎఫ్‌వో కార్యాలయానికి ఇద్దరు ఉద్యోగులు బదిలీ అయ్యారు. ఒకరు ఇప్పటికే విధుల్లో చేరగా, మరొకరు అక్కడే విధులు నిర్వహిస్తున్నారు. సదరు ఉద్యోగికి పలుమార్లు తెలియజేశాం. నలుగురు ఎఫ్‌బీవోల డిప్యూటేషన్లు రద్దు కాగా, వారు సొంత స్థానాలకు వెళ్లారు. నిర్మల్‌కు చెందిన ఉద్యోగి డిప్యూటేషన్‌ ఉత్తర్వులు రద్దు చేశాం. ప్రస్తుతం ఆ ఉద్యోగి ఇక్కడే పనిచేస్తున్నారు. – ప్రేమలత, ఏవో, డీఎఫ్‌వో కార్యాలయం, ఆదిలాబాద్‌ అభివృద్ధి పనులకు సంబంధించి ప్రభుత్వం నుంచి విడుదలయ్యే నిధుల్లో పైనుంచి కింది స్థాయి వరకు అధికారులు వాటాలు పంచుకుంటున్నారనే ఆరోపణలు ఉన్నాయి. డివిజన్‌ స్థాయి అధికారికి 5శాతం, ఉన్నతాధికారులకు 3 శాతం, రేంజ్‌ క్లర్క్‌కు ఒక శాతం, డివిజన్‌లో పనిచేసే క్లర్క్‌లకు 2శాతం, సర్కిల్‌ కార్యాలయంలో పనిచేసే ఉద్యోగులకు 1.5 శాతం.. ఇలా వాటాలు పంచుకుంటారనే ప్రచారం సాగుతోంది. అదేవిధంగా మిగతావి ఎఫ్‌ఆర్‌వో స్థాయి అధికారికి 4 శాతం వరకు కమీషన్లు ముట్టజెబుతున్నట్లు తెలుస్తోంది. అయితే సంబంధిత సెక్షన్‌ క్లర్క్‌లకు వాటాలు ఉండడంతో కార్యాలయంలో పనిచేసే మిగతా ఉద్యోగులు అసహనం వ్యక్తం చేస్తున్నారు. ఎప్పుడు అదే సీట్లో ఉంటే వారే పంచుకుంటారా.. వాటా కోసం తమవంతు ఎప్పుడు అంటూ ఎదురుచూస్తున్నట్లు సమాచారం. ఇలా కమీషన్లు రావడంతో కొందరు ఉద్యోగులు అకౌంట్‌ సెక్షన్‌లోనే ఏళ్ల తరబడి విధులు నిర్వహిస్తున్నారు.

బెల్లంపల్లి: అటవీశాఖ అధికారులు బుధవా రం అడవిపంది మాంసం పట్టుకున్నట్లు బెల్ల ంపల్లి రేంజ్‌ అధికారి సీహెచ్‌ పూర్ణచందర్‌ తెలిపారు. తమకు అందిన సమాచారం మేర కు రేంజ్‌ పరిధిలోని ధర్మారావుపేట బీట్‌లో బుగ్గగూడ సమీపంలోని పత్తి చేనులో గాలింపు చర్యలు చేపట్టగా సంకుర్తల శ్రీకాంత్‌ ప ట్టుబడ్డాడు. అతన్ని విచారించగా అడవిపందిని వేటాడి చంపినట్లు అంగీకరించాడు. అతనితో పాటు మాంసం కొనుగోలు చేసేందుకు వచ్చిన శ్రీనివాస్‌, రంజిత్‌పై కేసు నమోదు చేసినట్లు రేంజ్‌ అధికారి తెలిపారు. రైల్వే బ్రిడ్జిపై వ్యక్తి మృతదేహంబాసర : బాసర గోదావరి నది మొదటి రైల్వే బ్రిడ్జిపై బుధవారం గుర్తు తెలియని వ్యక్తి (58) మృతి చెందినట్లు రైల్వే ఏఎస్‌ఐ మహబూబ్‌ ఖాన్‌ తెలిపారు. మృతుడు నీలిరంగు లుంగీ, సిల్వర్‌ రంగు టీషర్టు ధరించి ఉన్నాడని, చేతిపై ‘కే. లక్ష్మి’ అని పచ్చబొట్టు ఉందన్నారు. మృతదేహాన్ని నిజామాబాద్‌ ప్రభుత్వాసుపత్రికి తరలించారు. నకిలీ నంబర్‌ ప్లేట్‌ అమర్చిన వ్యక్తి రిమాండ్‌ఆదిలాబాద్‌టౌన్‌: మహారాష్ట్రలోని కేళాపూర్‌కు చెందిన నంది దగాడే ద్విచక్ర వాహనానికి నకిలీ నంబర్‌ ప్లేట్‌తో బుధవారం పట్టణంలో తిరుగుతుండగా అరెస్ట్‌ చేసి రిమాండ్‌కు తరలించినట్లు వన్‌టౌన్‌ సీఐ సునీల్‌ కుమార్‌ తెలిపారు. మహారాష్ట్రకు చెందిన నంబర్‌ ఉండగా, ఆయన తెలంగాణ రాష్ట్రానికి చెందిన నంబర్‌ప్లేట్‌ పెట్టుకున్నట్లు పేర్కొన్నారు. అడవి పందుల బీభత్సంసిరికొండ: మండలంలోని కొండాపూర్‌ శివారులో మంగళవారం రాత్రి రైతు సాయిని రాయమల్లు మూడెకరాల మొక్కజొన్న చేనుపై అడవిపందులు దాడిచేసి ధ్వంసం చేశాయి. చేతికి అందివచ్చి న పంటలపై అడవి పందులు దాడులు చేస్తుండడంతో రైతులు రాత్రివేళ కాపలాగా వెళ్తున్నారు.

ఆదిలాబాద్‌: ఖేలో ఇండియా యూత్‌ గేమ్స్‌–2026 లో భాగంగా నిర్వహించిన జిల్లా స్థాయి కబడ్డీ ఎంపిక పోటీలు బుధవారం ఉత్సాహంగా సాగా యి. స్థానిక ఇందిరా ప్రియదర్శిని క్రీడా ప్రాంగణంలో జిల్లా అమెచ్యూర్‌ కబడ్డీ అసోసియేషన్‌ ఆధ్వర్యంలో నిర్వహించిన పో టీల్లో బాల, బాలికలు పాల్గొని సత్తా చాటారు. అత్యుత్తమ ప్రతిభ కనబరిచిన క్రీడాకారులను రాష్ట్రస్థాయి పోటీలకు ఎంపిక చేయనున్నట్లు నిర్వాహకులు తెలిపారు. ఇందులో అసోసియేషన్‌ జిల్లా ప్రధాన కార్యదర్శి రాష్ట్రపాల్‌, పీడీలు సాయి కుమార్‌, నాందేవ్‌ పాల్గొన్నారు.

నేరడిగొండ: పత్తి చేనులో అంతర పంటగా గంజాయి సాగు చేస్తున్న వ్యక్తిని అరెస్టు చేసినట్లు ఇచ్చోడ సీఐ సీహెచ్‌ రమేశ్‌ తెలిపారు. బుధవారం ఏర్పాటు చేసిన సమావేశంలో ఆయన మాట్లాడుతూ తమకు అందిన సమాచారం మేరకు మంగళవారం నేరడిగొండ పోలీసులు బోరిగాం శివారులో తనిఖీలు చేపట్టారన్నారు. వారిని గమనించిన బోరిగాంకు చెందిన ఆడే కపిల్‌ అక్కడి నుంచి పారిపోయేందుకు ప్రయత్నించగా అదుపులోకి తీసుకున్నట్లు తెలిపారు. అతని చేనులో పరిశీలించగా పత్తి పంట మధ్యలో 4 నుంచి 5 అడుగుల ఎత్తు పెరిగిన 125 గంజాయి మొక్కలు కనిపించడంతో దీంతో వాటిని స్వాధీనం చేసుకున్నట్లు పేర్కొన్నారు. వ్యవసాయం ద్వారా వచ్చే ఆదాయం కుటుంబ పోషణకు సరిపోక గంజాయిని రహస్యంగా సాగు చేస్తున్నట్లు నిందితుడు అంగీకరించాడు. పట్టుకున్న గంజాయి మొక్కల విలువ రూ.12.50 లక్షల వరకు ఉంటుందన్నారు. గంజాయి సాగుకు ఉపయోగించిన ద్విచక్ర వాహనం స్వాధీనం చేసుకుని నిందితుడిపై కేసు నమోదు చేసి రిమాండ్‌కు తరలించినట్లు సీఐ పేర్కొన్నారు.

కై లాస్‌నగర్‌: జిల్లాలో పర్యాటక రంగ అభివృద్ధి కి ప్రత్యేక చర్యలు చేపట్టాలని రాష్ట్ర యువజన, పర్యాటక, సాంస్కృతిక శాఖ ప్రత్యేక ప్రధాన కార్యదర్శి వాణిప్రసాద్‌ ఆదేశించారు. బుధవా రం ఆమె హైదరాబాద్‌ నుంచి జిల్లా కలెక్టర్లు, అధికారులతో వీడియో కాన్ఫరెన్స్‌ నిర్వహించా రు. ఈసందర్భంగా ఆమె మాట్లాడుతూ, జిల్లా ల్లోని అన్ని పర్యాటక ప్రాంతాలను అభివృద్ధి చేసేలా చర్యలు చేపట్టాలన్నారు. పర్యాటక రంగం అభివృద్ధికి ప్రతి జిల్లాకు నోడల్‌ అధికారులను నియమించాలన్నారు. పర్యాటక ప్రాంతా ల్లో తాగునీరు, ఆహార పదార్థాలు, ముఖ్య పట్ట ణాల నుంచి రవాణా సౌకర్యం, మరుగుదొడ్లు, సీసీ కెమెరాలు, భద్రత, పార్కింగ్‌, పారిశుద్ధ్యం వంటి సౌకర్యాలు మెరుగుపర్చాలన్నారు. సినీ చిత్రీకరణకు అనుకూలమైన ప్రాంతాలు గుర్తించి, అభివృద్ధి పర్చాలన్నారు. రానున్న ప్రపంచ పర్యాటక దినోత్సవాన్ని ఘనంగా నిర్వహించా లని, ఇందులో భాగంగా విద్యార్థులకు పోటీలు నిర్వహించాలని తెలిపారు. కలెక్టర్‌ రాజర్షి షా మాట్లాడుతూ, జిల్లాలో పర్యాటక రంగం అభివృద్ధికి చర్యలు తీసుకుంటామన్నారు. ఇందులో అదనపు కలెక్టర్లు ఆర్‌ఎస్‌.చిత్రు, ఎస్‌. రాజేశ్వర్‌, జెడ్పీ సీఈవో రవి పాల్గొన్నారు.

ఆదిలాబాద్‌రూరల్‌: ెపండింగ్‌ కేసుల దర్యాప్తు వేగవంతం చేయాలని ఎస్పీ అఖిల్‌ మహాజన్‌ అన్నారు. మావల పోలీస్‌స్టేషన్‌ను బుధవారం తనిఖీ చేశారు. రికార్డులతో పాటు పరిసరాలను పరిశీలించారు. రా త్రి వేళల్లో పటిష్టమైన గస్తీ నిర్వహిస్తూ ఆర్థిక నేరా లకు అడ్డుకట్ట వేసేలా ముందస్తు చర్యలు చేపట్టాలన్నారు. ఎస్పీ వెంట ఆదిలాబాద్‌ డీఎస్పీ ఎల్‌.జీవన్‌రెడ్డి, మావల సీఐ బీడీ ప్రేమ్‌ కుమార్‌, ఎస్సైలు రాజశేఖర్‌, సాయిలు ఉన్నారు. కాళోజీ సేవలు చిరస్మరణీయం ఆదిలాబాద్‌టౌన్‌: తెలంగాణ భాష, సంస్కృతి, ప్ర జా చైతన్యం కోసం తన జీవితాన్ని అంకితం చేసిన ప్రజాకవి కాళోజీ సేవలు చిరస్మరణీయమని ఎస్పీ అన్నారు. కాళోజీ జయంతి వేడుకలను జిల్లా పోలీ సు కార్యాలయంలో బుధవారం నిర్వహించారు. ఎస్పీ మాట్లాడుతూ, కాళోజీ తన కలంతో ప్రజల్లో ఉద్యమ చైతన్యాన్ని రగిలించారని పేర్కొన్నారు. కా ర్యక్రమంలో అదనపు ఎస్పీలు పి.మౌనిక, బి.సురేందర్‌ రావు, డీఎస్పీ ఇంద్రవర్ధన్‌, స్పెషల్‌ బ్రాంచ్‌ సీఐ మోహన్‌, రిజర్వ్‌ ఇన్‌స్పెక్టర్‌ డి.వెంకటి, పోలీ సు కార్యాలయ ఏవో శివకుమార్‌ పాల్గొన్నారు. పదోన్నతితో మరింత బాధ్యత ఆదిలాబాద్‌టౌన్‌: పదోన్నతితో మరింత బాధ్యత పెరుగుతుందని ఎస్పీ అఖిల్‌ మహాజన్‌ అన్నారు. నలుగురు కానిస్టేబుళ్లకు హెడ్‌కాని స్టేబుళ్లుగా పదోన్నతి లభించింది. బుధవారం పోలీ సు కార్యాలయంలో వారికి పదోన్నతి చిహ్నాలను అలంకరించి అభినందించారు. ప్రమోషన్‌ పొందిన వారిలో వన్‌టౌన్‌ కానిస్టేబుల్‌ మహేందర్‌, గుడిహత్నూర్‌కు చెందిన ఎం.దేవిదాస్‌ ఉన్నా రు. వీరిని నిర్మల్‌ జిల్లాకు కేటాయించారు. అలాగే నేరడిగొండకు చెందిన కె.రమేశ్‌, తలమడుగుకు చెందిన ఎంఏ కరీమ్‌ను జగిత్యాల జిల్లాకు బదిలీ చేశారు.

నిర్మల్‌: కాకతీయ యూనివర్సిటీ విద్యార్థిని కలలను చిదిమేసింది. చేయని తప్పుకు పెద్దశిక్ష వేసింది. బీకాం కంప్యూటర్స్‌ ఆరో సెమిస్టర్‌ ఇంగ్లిష్‌ ఆన్సర్‌షీట్‌లో రెండు పేజీలు లేవంటూ రిజల్ట్‌ మెమోలో అన్ని సబ్జెక్టులకూ ‘మాల్‌ ప్రాక్టీస్‌’గా పేర్కొంది. ‘సార్‌.. నేనే తప్పూ చేయలేదు. నాకెందుకు ఈ శిక్ష..’ అంటూ కాలేజీలు, వర్సిటీల చుట్టూ తిరిగింది. ఎక్కడా న్యాయం జరగలేదు. నియమాలు, నిబంధనలు అంటూ వర్సిటీ చెబుతోంది. చేసేది లేక.. తండ్రి తన బిడ్డతో కలిసి ఇటీవల ‘మీరైనా న్యాయం చేయండి..’ అంటూ లోకాయుక్తాను ఆశ్రయించారు. నిర్మల్‌ జిల్లా దిలావర్‌పూర్‌ మండలం కంజర్‌ గ్రామానికి చెందిన బర్కుంట గంగాభవాని నిర్మల్‌లోని ఓ ప్రైవేటు డిగ్రీ కళాశాలలో బీకాం కంప్యూటర్స్‌ చదివింది. ఏప్రిల్‌లో ఆరో సెమిస్టర్‌ పరీక్షలు రాసింది. నెల తర్వాత వచ్చిన ఫలితం ఒక్కసారిగా ఆమెను షాక్‌కు గురిచేసింది. అన్ని సబ్జెక్ట్‌ల గ్రేడ్‌ స్థానంలో ‘ఎంపీ’(మాల్‌ ప్రాక్టీస్‌) అని వచ్చింది. వర్సిటీ వరకు వెళ్లి ఆరా తీస్తే.. ఇంగ్లిష్‌ పరీక్ష జవాబు పత్రాలు పూర్తిగా లేవన్నారు. డిగ్రీ విద్యలో విలువైన ఒక విద్యాసంవత్సరాన్ని కోల్పోయింది. ‘లోకాయుక్తా’... న్యాయం చేసేనా..!? తనకు న్యాయం చేయాలని కాకతీయ యూనివర్సిటీ చుట్టూ పలుమార్లు తిరిగినా న్యాయం జరగకపోవడంతో గంగాభవాని, తండ్రి గంగారాం ఇటీవల లోకాయుక్తాను ఆశ్రయించారు. మాల్‌ప్రాక్టీస్‌ ఆరోపణలు తొలగించి, విద్యాసంవత్సరం నష్టపోకుండా న్యాయం చేయాలని వేడుకున్నారు. పిల్లల భవిష్యత్‌తో ముడిపడిన ఇలాంటి వ్యవహారాల్లో యూనివర్సిటీ బాధ్యతాయుతంగా ఉండాలని, ఇలా మమ్మల్ని బాధపెట్టొద్దని తండ్రి గంగారాం వాపోతున్నాడు.

కాసిపేట: ఢిల్లీలోని బాలభవన్‌లో జరిగిన ఉల్లాస ఉత్సవాల్లో తెలంగాణ రాష్ట్ర స్టాల్‌ ఆకర్షణీయంగా నిలిచింది. స్టాల్‌లో తెలంగాణ రాష్ట్రం వాచకాలను టీఎల్‌ఎంను ప్రదర్శించినట్లు డీఆర్‌పీ బండ శాంకారి తెలిపారు. బుధవారం జరిగిన సాంస్కృతిక కార్యక్రమాల్లో బోనాలు, అక్షర బతుకమ్మ, బంజార నృత్యం ప్రదర్శించినట్లు తెలిపారు. వేదికపై భువనమ్మ కొండల్లో కోయిలపాటలు పాడా లి అనే అక్షరజ్ఞానం పాటలు పాడి అందరి మనన్నలు పొందినట్లు తెలిపారు. ఈ ప్రదర్శనలో అధికారులు పురుషోత్తంనాయక్‌, మహ్మద్‌ నుమాన్‌, రంగారెడ్డి డెప్యూటీ డైరెక్టర్‌ అనిత, రాష్ట్ర కోఆర్డినేటర్‌ శైలజ , వాలంటీర్లు రాజేశ్వరి, రజిత, కవిత, పాల్గొన్నారు.

కెరమెరి/బోథ్‌: పండుగలన్నీ మానవజాతికి చెందినవే. కానీ పొలాల అమావాస్య మాత్రం ఎద్దులకు చెందిన ప్రత్యేక పండుగ. శ్రావణమాసంలో వచ్చే చివరి పండుగ పొలాల అమావాస్యను గ్రామీణ ప్రాంత ప్రజలు అత్యంత ఘనంగా జరుపుకుంటారు. గురువారం పండుగ నేపథ్యంలో బుధవారమే ఎడ్లను శుభ్రంగా కడిగి ఇళ్లకు తీసుకెళ్లారు. నేడు గురువారం ఎద్దుల కొమ్ములకు రకరకాల రంగులు వేస్తారు. వీపుపై జూలు, మెడలో గంటలతో పాటు బహుసుందరంగా వాటిని అలంకరిస్తారు. సాయంత్రం ఆంజనేయస్వామి ఆలయానికి తీసుకెళ్లి ఐదుసార్లు ప్రదక్షణ చేయిస్తారు. అనంతరం గ్రామ పటేల్‌ తోరణం తెంపిన తర్వాత ఎడ్లను ఇళ్లకు తీసుకెళ్తారు. నైవేద్యంగా... ఆలయాల్లో ప్రదక్షణ అనంతరం ఎడ్లను ఇళ్లకు తీసుకువచ్చి ప్రత్యేక పూజలు చేస్తారు. అనంతరం ఆ రోజు చేసిన వంటకాలు నైవేద్యంగా తినిపిస్తారు. ఎడ్లు తిన్న వాటిని కుటుంబ సభ్యులు ఆరగిస్తారు. ఇది పురాతన కాలం నుంచి వస్తున్న ఆచారమని పెద్దలు చెబుతున్నారు. ఎడ్లు లేని రైతులు కూడా తమ బంధువుల ఎడ్లను తీసుకవచ్చి పూజలు నిర్వహస్తారు. శుక్రవారం బడుగ.. పొలాల అమావాస్య మరుసటి రోజు బడుగ పండుగ జరుపుకుంటారు. శ్రావణమాసంలో నెల రోజులు మాంసాహారం ముట్టకుండా నియమ నిష్టలు పాటించి శుక్రవారం రోజు మాంసాహారం స్వీకరిస్తారు. ‘ఈగలు, దోమలు, రోగాలు, తీసుకపోరా బడుగ’ అంటూ ఇంటి నుంచి కేకలు వేస్తూ రాత్రి చేసిన పిండివంటల నైవేద్యాన్ని తీసుకొని గ్రామ పొలిమేర వరకు వెళ్తారు. అక్కడ జమ్మిచెట్టుకు పూజలు చేసి కలిసికట్టుగా నైవేద్యం ఆరగిస్తారు. ఆ రోజు నుంచి ఈగలు, దోమలు, వ్యాధులు పారిపోతాయని గ్రామీణ ప్రజల నమ్మకం.

కై లాస్‌నగర్‌: వంటగ్యాస్‌ సిలిండర్‌ బుకింగ్‌ గడువును కేంద్ర ప్రభుత్వం తగ్గించింది. వినియోగదారులు ఇకపై 45 రోజుల వరకు నిరీక్షించాల్సిన అవసరం లేదు. 25 రోజులకు తగ్గిస్తున్నట్లుగా ప్రకటించి సోమవారం నుంచే అమల్లోకి తీసుకొచ్చింది. ఈ నిర్ణయంతో గ్రామీణ ప్రాంత వినియోగదారులకు ఊరట కలగనుంది. కేంద్ర నిర్ణయంపై హర్షం వ్యక్తం చేస్తున్నారు. ఏం జరిగిందంటే .. ఇటీవల పశ్చిమాసియాలో ఏర్పడిన ఉద్రిక్తతల కారణంగా హోర్మూజ్‌ నుంచి ఇంధన రవాణాకు అంతరాయం ఏర్పడింది. సరిపడా గ్యాస్‌ సరఫరా కాకపోవడంతో జిల్లాలో వినియోగదారులు సిలిండర్ల కోసం ఏజెన్సీల వద్ద బారులు తీరాల్సిన పరిస్థితి ఏర్పడింది. ఎక్కడ కొరత ఏర్పడుతుందో అని కొంతమంది అవసరం లేకున్నా ముందుగానే బుకింగ్‌ చేసుకున్నారు. దీంతో వాస్తవంగా అవసరమైన వారికి గ్యాస్‌ లభించని పరిస్థితి ఏర్పడింది. ఈ క్రమంలో వినియోగదారులందరికీ సిలిండర్లను అందించాలనే ఉద్దేశంతో కేంద్రం ఈ ఏడాది మార్చిలో బుకింగ్‌ గడువులో మార్పులు చేసింది. పట్టణ ప్రాంతాల్లోని వారికి 25 రోజులకే అవకాశాన్ని కల్పించగా గ్రామీణ ప్రాంతాల్లో వారికి మాత్రం 45 రోజులకు పొడిగించింది. ఈ క్రమంలో గ్యాస్‌ వినియోగం అధికంగా ఉండే పెద్ద కుటుంబాలకు సిలిండర్‌ కోసం నిరీక్షించాల్సి వచ్చింది. ఇకపై 25 రోజులకే.. యుద్దం ముగియడంతో గ్యాస్‌ సరఫరా యథావిధంగా జరగడంతో పాటు బుకింగ్‌ సిలిండర్ల పెండింగ్‌ సైతం తగ్గిపోవడంతో కేంద్ర ప్రభుత్వం తాజాగా బుకింగ్‌ గడువును మార్పు చేసింది. పట్టణ, గ్రామీణ ప్రాంతాల వినియోగదారులందరికీ ఒకే విధంగా బుక్‌ చేసుకునే అవకాశం కల్పించింది. ఆరు నెలలుగా కొనసాగిన 45 రోజుల బుకింగ్‌ గడువును 25 రోజులకు కుదించడంతో గ్రామీణ ప్రాంతాల వారి ఇక్కట్లకు ఇక తెరపడింది.జిల్లాలో గ్యాస్‌ ఏజెన్సీలు 17 ఎల్‌పీజీ కనెక్షన్లు 2,14,413 ఉజ్వల 36,960 జనరల్‌, దీపం 1,77,453 నెలకు వినియోగమయ్యే సిలిండర్లు 80వేలు

ఇచ్చోడ: ‘కుప్టి పాతబ్రిడ్జికి బుంగ’ శీర్షికన ఈనెల 8న సాక్షిలో ప్రచురితమైన కథనానికి అధికారులు స్పందించారు. ఎట్టకేలకు బుధవారం మరమ్మతు పనులు ప్రారంభించారు. పశ్చిమ బెంగాల్‌ నుంచి వచ్చిన 12 మంది సభ్యులు బ్రిడ్జి పై బుంగ పడిన ప్రదేశంలో మరమ్మతు చేస్తున్నారు. బ్రిడ్జికి ఉన్న 13 జాయింట్‌ల వద్ద పాత స్టీల్‌ రాడ్‌లు, కంకరను తొలగించి వాటిస్థానంలో కొత్త రాడ్‌లు బిగించి సిమెంట్‌, కంకరతో జాయింట్లను పూ డ్చాల్సి ఉంటుందని కేఎన్‌ఆర్‌ కన్‌స్ట్రక్షన్‌ ఇంజనీరింగ్‌ అధికారులు తెలిపారు. దాదాపుగా నెల రోజులపాటు పనులు కొనసాగనున్నట్లు ‘సాక్షి’కి వివరించారు. కుప్టి పాత బ్రిడ్జిని ఆర్‌అండ్‌బీ శాఖ అధికారులు నిర్మించారు. నేషనల్‌ హైవే అఽథారిటీ అధికారు లే మరమ్మతులు చేపట్టాలి. కానీ వారు పనులు ప్రా రంభించకుండా నిర్లక్ష్యం చేశారు. చివరి సమయంలో చేతులెత్తేసి మరమ్మతు పనులను కేఎన్‌ఆర్‌ కన్‌స్ట్రక్షన్‌ వారికి అప్పగించి చేతులు దులుపుకున్నారు.

సాక్షి,ఆదిలాబాద్‌: జిల్లాలో ప్రస్తుతం 33 శాతం లోటు వర్షపాతం నమోదైంది. 21 మండలాలు ఉండగా, 20 మండలాల్లో వర్షాభావం నెలకొంది. ఒక్క తలమడుగు మండలంలో మాత్రమే సాధారణ వర్షపాతం ఉంది. పది రోజుల క్రితం మామూలు వర్షం తప్పితే మళ్లీ జాడలేకుండా పోయింది. దీంతో రైతుల్లో ఆందోళన మొదలైంది. తగ్గుతున్న నీటిమట్టాలు.. ఈ సీజన్‌లో ఆగస్టు మొదటి వారంలో కురిసిన వర్షాలు మినహా మిగతా అన్ని వారాల్లో అత్యధికంగా లోటు వర్షపాతమే నమోదైంది. అప్పుడు కురిసిన ఆ వర్షాలకు జలాశయాల్లో నీరు చేరింది. ప్రస్తుత పొడి వాతావరణం కారణంగా ఆవిరయ్యే పరిస్థితి నెలకొంది. నీటిమట్టాలు గణనీయంగా తగ్గుతున్నాయి. సాత్నాల, మత్తడివాగు ప్రాజెక్ట్‌ల్లో ఈ ప్రభావం కనిపిస్తోంది. జిల్లాలో 298 చెరువులు ఉండగా, అన్ని చెరువులు సగం మాత్రమే నిండాయి. దీంతో భూగర్భజలాలు గణనీయంగా పడిపోతున్నాయి. బోరుబావుల పరిస్థితి అలాగే ఉంది. రా బోయే రోజుల్లో వర్షాలు పడకపోతే తాగునీటి ఎద్దడి కూడా తలెత్తే అవకాశం లేకపోలేదు. పంటల పరిస్థితి.. జిల్లావ్యాప్తంగా 5లక్షల 94వేల ఎకరాల్లో పత్తి, సోయా, కంది, మొక్కజొన్న తదితర పంటలు ఈ వానాకాలంలో సాగయ్యాయి. అత్యధికంగా 4.37 లక్షల ఎకరాల్లో పత్తి సాగైంది. పంటలు పూత, కాత దశలో ఉండగా, డ్రైస్పెల్‌ కారణంగా పంట ఎదుగుదలపై తీవ్ర ప్రభావం చూపుతుంది. ఇది ఆదిలాబాద్‌ శివారు లాండసాంగ్వి గ్రామంలో రైతు రాజేందర్‌ పత్తి చేను. ఇప్పటికే పూత, కాతతో విరివిగా ఉండాల్సిన పంట ప్రస్తుతం బోసిపోయి కనిపిస్తుంది. అనుకున్న స్థాయిలో కాయలు కాయకపోవడం, ఉన్న వాటికి సైతం సరిపడా తేమ లభించక ఎదుగుదల లోపించింది. ఆగస్టు నుంచి సెప్టెంబర్‌ వరకు సరిపడా వర్షాలు లేవు. ఇది పంటపై ప్రభావం చూపుతుంది. దిగుబడిపై రైతు ఆశలు సన్నగిల్లుతున్నాయి.వర్షపాతం వివరాలు.. (జూన్‌ 1 నుంచి సెప్టెంబర్‌ 8 వరకు) సాధారణం : 897.5 మి.మీ.లు కురిసింది : 597.1 మి.మీ.లు లోటు : 33 శాతం

ఆదిలాబాద్‌టౌన్‌: అరెస్టులతో బీఆర్‌ఎస్‌ పార్టీని అడ్డుకోలేరని మాజీ మంత్రి జోగు రామన్న అన్నారు. పార్టీ పిలుపు మేరకు జిల్లా కేంద్రంలో మంగళవారం నిరసన చేపట్టారు. ప్రభుత్వ తీరును నిరసిస్తూ అంబేడ్కర్‌ చౌక్‌లో అంబేడ్కర్‌ విగ్రహానికి వినతి పత్రం సమర్పించారు. ఈ సందర్భంగా ఆయన మాట్లాడుతూ, కాంగ్రెస్‌ ప్రభుత్వ వెయ్యి రోజుల పాలనలో ప్రజలకు ఇచ్చిన హామీలు నెరవేర్చలేదని విమర్శించారు. రానున్న ఎన్నికల్లో ఆ పార్టీకి తగిన గుణపాఠం తప్పదన్నారు. కార్యక్రమంలో పార్టీ నాయకులు యూనుస్‌ అక్బాని, ప్రకాశ్‌, మెట్టు ప్రహ్లాద్‌, సాజిదొద్దీన్‌, అశోక్‌ స్వామి, రాజు, రమేశ్‌, నారాయణ, కస్తాల ప్రేమల తదితరులు పాల్గొన్నారు.

ఆదిలాబాద్‌టౌన్‌: ఉద్యోగ, ఉపాధ్యాయ, పెన్షనర్లు, కార్మికుల సమస్యల పరిష్కారం కోసం లక్ష మందితో ఈనెల 10న చలో హైదరాబాద్‌ నిర్వహిస్తామని టీజీఈజేఏసీ రాష్ట్ర కమిటీ చైర్మన్‌ మారం జగదీశ్వర్‌ అన్నారు. జిల్లా కేంద్రంలోని టీఎన్‌జీవో సంఘ భవనంలో మంగళవారం సన్నాహక సమావేశం నిర్వహించారు. ఈ సందర్భంగా ఆయన మాట్లాడుతూ, మేనిఫెస్టోలో సీపీఎస్‌ రద్దు చేస్తామని ప్రకటించారని, ప్రభుత్వం ఏర్పడి రెండున్నరేళ్లు గడిచి నా ఇచ్చిన హామీలను నెరవేర్చడం లేదన్నారు. చలో హైదరాబాద్‌కు అనుమతి ఇవ్వడం లేదని పే ర్కొన్నారు. ఉపాధ్యాయ దినోత్సవం రోజు ముఖ్య మంత్రి మరో రెండేళ్లు ఓపిక పట్టండి అని అనడం విచారకరమని అన్నారు. సమస్యలు పరిష్కరించేంత వరకు ఉద్యమిస్తామని స్పష్టం చేశారు. సీఎం ఎక్కడ ఉంటే అక్కడికే వెళ్తామని, అవసరమైతే అసెంబ్లీ వద్దకు వెళ్లి కలుస్తామని పేర్కొన్నారు. కా ర్యక్రమంలో రాష్ట్ర సెక్రెటరీ జనరల్‌ ఏలూరి శ్రీని వాస్‌రావు, జిల్లా జేఏసీ చైర్మన్‌ ఎ.నవీన్‌కుమార్‌, టీజీవో జిల్లా అధ్యక్షుడు శివకుమార్‌, జేఏసీ నాయకులు దామోదర్‌ రెడ్డి, ఎ.వెంకట్‌, సదానందం, కట్కం రమేశ్‌, టి.లింగారెడ్డి, తిరుపతి, లచ్చిరాం, శ్యామ్‌, కృష్ణకుమార్‌, స్వామి, కిష్టన్న, అశోక్‌, శ్రీని వాస్‌, నరేందర్‌, వృకోధర్‌, సుదర్శన్‌, శ్యామ్యూల్‌, దిలీప్‌, చంద్రశేఖర్‌, సతీశ్‌, అంగన్‌వాడీ కార్యకర్తలు, ఉద్యోగులు, పెన్షనర్లు, కార్మికులు తదితరులు పాల్గొన్నారు. ఇన్‌ సర్వీస్‌లో కొనసాగించాలని వినతి వ్యవసాయ శాఖలో డిప్లొమో అగ్రికల్చర్‌ ఎక్స్‌టెన్షన్‌ ఆఫీసర్లుగా పనిచేస్తున్న వారిని యథావిధిగా కొనసాగించాలని ఉద్యోగులు పేర్కొన్నారు. మంగళవారం జిల్లా కేంద్రానికి వచ్చిన జగదీశ్వర్‌కు వినతి పత్రం అందజేశారు. ఇందులో ఏఈవోలు తౌసిఫ్‌, ఆనంద్‌, రమేష్‌, జాహెద్‌ తదితరులున్నారు.

ఆకాశం మేఘావృతమై ఉంటుంది. పలుచోట్ల వర్షం కురిసే అవకాశం ఉంది. గాలిలో తేమశాతం పెరగనుంది. మందుల కొరత.. రిమ్స్‌ ఆస్పత్రి ఉమ్మడి జిల్లాకు పెద్ద దిక్కుగా ఉంది. ఇక్కడ ఓ పక్క వైద్యుల కొరత వేధిస్తుండగా, మరోవైపు సరిపడా మందులు అందుబాటులో లేని పరిస్థితి. అధికా రులు సరిపడా ఉన్నాయని చెబుతున్నా ఫా ర్మసిస్టులు మాత్రం పూర్తి స్థాయిలో ఇవ్వ డం లేదని రోగులు పేర్కొంటున్నారు. ఒకట్రెండు టాబ్లెట్లు చేతిలో పెట్టి, మిగతావి ప్రైవేట్‌ మెడికల్‌ నుంచి కొనుగోలు చేయాలని సూచిస్తున్నారు. దీంతో ఆస్పత్రి ఆవరణలో ఉన్న మూడు మెడికల్‌ షాపులకు గిరాకీ పెరిగింది.

ఆదిలాబాద్‌టౌన్‌: ఫీజురీయింబర్స్‌మెంట్‌ బకా యిలు వెంటనే విడుదల చేయాలని డిమాండ్‌ చేస్తూ మంగళవారం చేపట్టిన ప్రైవేట్‌ డిగ్రీ కళాశాలల బంద్‌ ప్రశాంతంగా ముగిసింది. ప్రిన్సిపాళ్లు, లెక్చరర్లు నల్లబ్యాడ్జీలు ధరించి నిరసన తెలిపారు. ఆ సంఘం జిల్లా అధ్యక్షుడు బోరంచు ప్రభాకర్‌రెడ్డి మాట్లాడుతూ, కొన్నేళ్లుగా ఫీజురీయింబర్స్‌మెంట్‌ బకాయిలు చెల్లించకపోవడంతో కళాశాలల నిర్వహణ భారంగా మారిందని ఆవేదన వ్యక్తం చేశారు. ప్రభుత్వం తక్షణమే బిల్లులను విడుదల చేయాలని డి మాండ్‌ చేశారు. కార్యక్రమంలో ఆయా కళాశాలల ప్రిన్సిపాళ్లు, లెక్చరర్లు పాల్గొన్నారు.

విజిట్‌లో తేటతెల్లం..పెరిగిన ఆవాస కాలం మహారాష్ట్ర సరిహద్దు అటవీ ప్రాంతాల నుంచి కవ్వాల్‌ టైగర్‌ రిజర్వ్‌ వైపు సాగే పులుల వలసలకు బోథ్‌, సొనాల అటవీ శ్రేణులు అత్యంత కీలకంగా మారాయి. ఉట్నూర్‌ జిల్లా ఆసుపత్రిలో అన్ని వార్డులు రోగులతో కిటకిటలాడాయి. సరిపడా బెడ్లు లేకపోవడంతో ఒక్కో పడకపై ఇద్దరేసి చొప్పున ఉంచి చికిత్స అందిస్తున్నారు. నా పేరు అంజన. మాది ఝరి. మా పాపకు జ్వరం వచ్చింది. రిమ్స్‌లో డాక్టర్‌కు చూపిస్తే మందులు రాసి ఇచ్చారు. కొన్ని ట్యాబ్లెట్లు ఇవ్వగా, సిరప్‌ ప్రైవేట్‌ మెడికల్‌లో కొనుగోలు చేశాను.జిల్లా వ్యాప్తంగా ఆయా ప్రభుత్వ ఆసుపత్రులను ‘సాక్షి’ మంగళవారం ఉదయం విజిట్‌ చేయగా పలు చోట్ల కనిపించిన దృశ్యాలివి. జిల్లాకు విచ్చేసిన రాష్ట్ర ఎన్నికల ప్రధాన అధికారి కై లాస్‌నగర్‌: తెలంగాణ రాష్ట్ర ఎన్నికల ప్రధాన అధికారి సి.సుదర్శన్‌ రెడ్డి మంగళవారం జిల్లా కు విచ్చేశారు. స్థానిక పెన్‌గంగ గెస్ట్‌హౌస్‌కు చేరుకున్న ఆయనకు కలెక్టర్‌ రాజర్షిషా, అదనపు కలెక్టర్‌ రాజేశ్వర్‌ పుష్పగుచ్ఛాలు అందజేసి స్వాగతం పలికారు. ఓటర్ల జాబితా ప్రత్యేక సమగ్ర సవరణ ప్రక్రియ, పోలింగ్‌ కేంద్రాల ఏర్పాటు, ఈవీఎంల భద్రత వంటి అంశాలపై అధికారులతో చర్చించారు. తాంసి, భీంపూర్‌, ఆదిలాబాద్‌అర్బన్‌ మండలాల్లో బుధవారం పర్యటించనున్నారు. పోలింగ్‌ కేంద్రాలను పరిశీలనతో పాటు క్షేత్రస్థాయిలో సర్‌ ప్రక్రియ అమలు తీరు స్వయంగా పరిశీలించనున్నారు. అనంతరం జిల్లా కేంద్రంలో అధికారులతో సర్‌ ప్రక్రియపై సమీక్ష నిర్వహించనున్నారు.ఇక్కడ కనిపిస్తున్నది రిమ్స్‌ ఆస్పత్రిలోని ఓపీ విభావం.. మంగళవారం ఉదయం 10.30గంటల సమయం.. సీజనల్‌ జ్వరాలతో వచ్చిన రోగులు, వారి సహాయకులతో ఈ ప్రాంగణం కిక్కిరిసి పోయింది. ప్రిస్కిప్షన్‌ కోసం ఇలా బారులు తీరి దర్శనమిచ్చారు.ఆదిలాబాద్‌టౌన్‌: సీజనల్‌ వ్యాధులతో జనం విలవిల్లాడుతున్నారు. జ్వరం, దగ్గు, జలుబు, ఒళ్లు నొప్పులతో చిన్నా పెద్ద తేడా లేకుండా మంచం పడుతున్నారు. రిమ్స్‌తో పాటు ఆయా ప్రాథమిక ఆరోగ్య కేంద్రాలు, ప్రైవేట్‌ ఆస్పత్రులు రోగులతో కిటకిటలాడుతున్నాయి. మరోవైపు డెంగీ విజృంభిస్తోంది. గడిచిన మూడు నెలల్లో 33 కేసులు నమోదు కావడం ఆందోళన కలిగిస్తోంది. పారిశుధ్య నిర్వహణ అస్తవ్యస్తంగా ఉండడమే కారణంగా తెలుస్తోంది. మరోవైపు ప్రభుత్వ ఆస్పత్రుల్లో వైద్యుల ఖాళీలు వెక్కిరిస్తున్నాయి. పీహెచ్‌సీల్లోనూ సరిపడా సిబ్బంది లేక ఇబ్బందులు తప్పని పరిస్థితి. మందుల కొరతతో ప్రైవేట్‌ మెడికల్‌ షాపుల్లో కొనుగోలు చేయాల్సి వస్తోందని రోగులు, వారి బంధువులు పేర్కొంటున్నారు. పెరుగుతున్న డెంగీ కేసులు.. జిల్లాలో డెంగీ కేసులు పెరుగుతున్నాయి. జూలైలో 6, ఆగస్టులో 20, సెప్టెంబర్‌లో 7 కేసులు నమోదైన ట్లు అధికారులు చెబుతున్నారు. అనధికారికంగా ఈ సంఖ్య ఎక్కువగానే ఉన్నట్లు తెలుస్తోంది. గడిచిన వారం రోజుల్లో పట్టణంలోని బంగారుగూడ, రణదీ వెనగర్‌, కేఆర్‌కే కాలనీ, భుక్తాపూర్‌, ఇచ్చోడలోని ధర్మపురి, ఇంద్రవెల్లిలోని శంకర్‌గూడ, నేరడిగొండలోని తర్నంలో కేసులు నమోదైనట్లు తెలుస్తోంది. వేధిస్తున్న వైద్యుల కొరత.. జిల్లాలో వైద్యుల కొరత తీవ్రంగా వేధిస్తోంది. 22 పీహెచ్‌సీలు ఉండగా, మొత్తం 50 వైద్యాధికార పో స్టులకు గాను 24 ఖాళీగా ఉన్నాయి. 26 మంది మా త్రమే పనిచేస్తున్నారు. ఆయా పీహెచ్‌సీల్లో పనిచేసే వైద్యులకు పీజీ సీట్లు రావడంతో 16 మంది వెళ్లిపోయారు. దీంతో ఇబ్బందులు తలెత్తుతున్నాయి. ఆర్‌బీఎస్‌కే, జన్‌మన్‌ వైద్యులతో సర్దుబాటు చేసినప్పటికీ పూర్తిస్థాయిలో సేవలు అందడం లేదు. రిమ్స్‌లోనూ ఇదే పరిస్థితి. గైనిక్‌ విభాగం దారుణంగా ఉంది. కీలకమైన ఈవిభాగంలో ముగ్గురు, నలుగు రు వైద్యులు మాత్రమే ఉన్నారు. ఓపీ, ఇన్‌పేషెంట్‌ వార్డుల్లో సరిపడా వైద్యులు లేకపోవడంతో పీజీలు, జూనియర్‌ డాక్టర్లతోనే సేవలు అందుతున్నాయి.

కై లాస్‌నగర్‌: జిల్లాలో వినాయక నవరాత్రి వేడుకల ను పర్యావరణహితంగా నిర్వహించుకోవాలని కలెక్టర్‌ రాజర్షి షా అన్నారు. జెడ్పీ సమావేశ మందిరంలో వినాయక చవితి ఉత్సవ శాంతియుత సమన్వ య కమిటీ సమావేశం మంగళవారం నిర్వహించా రు. ఉత్సవ ఏర్పాట్లు, శాంతిభద్రతలు, నిమజ్జనం, ట్రాఫిక్‌ నియంత్రణ, విద్యుత్‌ భద్రత, పారిశుధ్యం, తాగునీరు, వైద్యసేవలు తదితర అంశాలపై కలెక్టర్‌ అధికారులకు పలు సూచనలు చేశారు. ‘మట్టి గణ పతులను పూజిద్దాం–పర్యావరణాన్ని పరిరక్షిద్దాం’ అనే సత్సంకల్పంతో ప్రజల్లో పర్యావరణ పరిరక్షణ పై విస్తృత అవగాహన కల్పించాలన్నారు. జిల్లా ప్రజలకు పంపిణీ చేసేందుకు 2,000 మట్టి వినా యక ప్రతిమలను అందుబాటులో ఉంచినట్లు తెలి పారు. కావాల్సిన వారు 81063 44637, 97018 88058 నంబర్లలో సంప్రదించాలని సూచించారు. ఎస్పీ అఖిల్‌ మహాజన్‌ మాట్లాడుతూ మండపాల వద్ద సీసీ కెమెరాలు ఏర్పాటు చేసుకోవాలన్నారు. అనంతరం ఉచిత మట్టి విగ్రహాల పంపిణీని కలెక్టర్‌ ప్రారంభించారు. కార్యక్రమంలో అదనపు కలెక్టర్లు రాజేశ్వర్‌, ఆర్‌ఎస్‌ చిత్రు, సబ్‌ కలెక్టర్‌ కే. ప్రణయ్‌కుమార్‌, మున్సిపల్‌ చైర్మన్‌ అనూష, వైస్‌ చైర్మన్‌ రో హిత్‌, ఆర్డీవో జగదీశ్వర్‌రావు, వివిధ శాఖల అధికా రులు, ఉత్సవ కమిటీల ప్రతినిధులు పాల్గొన్నారు. మండపాలకు ఆన్‌లైన్‌ రిజిస్ట్రేషన్‌ తప్పనిసరి ఆదిలాబాద్‌టౌన్‌: గణేశ్‌ మండపాలకు ఆన్‌లైన్‌ రిజి స్ట్రేషన్‌ తప్పనిసరి అని ఎస్పీ అఖిల్‌మహాజన్‌ అన్నా రు. మంగళవారం జిల్లా పోలీసు కార్యాలయంలో మాట్లాడారు. మండపాల నిర్వహణ, నిమజ్జనం తేదీ, సమయం, మార్గం, ప్ర దేశం, నిర్వాహకులు, వలంటీర్ల వివరాలను పోలీ సుశాఖ రూపొందించిన ఆన్‌లైన్‌ పోర్టల్‌లో నమోదు చేయాలని సూచించారు. policeportal. tspolice.gov.in వెబ్‌సైట్‌లో వివరాలను పొందుపర్చాలని తెలిపారు. భూసేకరణ ప్రక్రియ వేగవంతం చేయాలి కై లాస్‌నగర్‌: ఎయిర్‌పోర్టు భూసేకరణ ప్రక్రి య వేగవంతం చేయాలని కలెక్టర్‌ రాజర్షి షా ఆదేశించారు. తన చాంబర్‌లో సంబంధిత శాఖల అధికారులతో మంగళవారం సమీక్షించారు. బాధితులకు సంబంధించిన ప్రిలిమిన రీ నోటిఫికేషన్‌ ప్రక్రియ తక్షణమే పూర్తి చేయాలన్నారు. గడువులోపు రైతులు, గ్రామస్తులతో మాట్లాడి భూసేకరణ రేట్లను ఖరారు చేయాలన్నారు. ఇందులో అదనపు కలెక్టర్లు ఆర్‌ఎస్‌. చిత్రు, ఎస్‌.రాజేశ్వర్‌, డిప్యూటీ కలెక్టర్‌ వంశీకృష్ణ, ఆర్డీవో జగదీశ్వర్‌రావు, సర్వేల్యాండ్‌ రికార్డ్స్‌ ఏడీ ప్రభాకర్‌, మున్సిపల్‌ కమిషనర్‌ జగదీశ్వర్‌గౌడ్‌, ఇరిగేషన్‌ ఈఈ నరేశ్‌కుమార్‌, వివిధ శాఖల అధికారులు, పాల్గొన్నారు.

ఆదిలాబాద్‌టౌన్‌: యువత కలలను సాకారం చేసే లా పోలీస్‌ శాఖ చేయూత అందిస్తుందని ఎస్పీ అఖి ల్‌ మహాజన్‌ అన్నారు. జిల్లా పోలీస్‌ శాఖ ఆధ్వర్యంలో ఎస్సై, కానిస్టేబుల్‌ ఉద్యోగాల కోసం ఉచిత శిక్షణను సోమవారం జిల్లా కేంద్రంలోని డీటీసీలో ప్రా రంభించారు. శిక్షణ కోసం నిర్వహించిన పరీ క్షకు 3,500 మంది అభ్యర్థులు హాజరుకాగా, అందులో 300 మందికి పైగా ఎంపిక చేశారు. ఇందులో 100 మంది నిరుపేదలు, ఆదివాసీ యువతకు అవకాశం కల్పించారు. ఈ సందర్భంగా ఎస్పీ మాట్లాడుతూ.. హైదరాబాద్‌ తదితర ప్రాంతాలకు చెంది న నిష్ణాతులైన శిక్షకులతో అభ్యర్థులకు నాణ్యమైన శిక్షణ అందిస్తున్నట్లు తెలిపారు. ప్రాథమిక పరీక్షలో ఉత్తీ ర్ణత సాధించిన వారికి తదుపరి దశలో డీటీసీ ప్రాంగణంలోనే ఉచిత భోజనం, వసతితో శిక్షణ అందించనున్నట్లు పేర్కొన్నారు. ఇందులో అదనపు ఎస్పీ పి.మౌనిక, డీఎస్పీ ఎల్‌.జీవన్‌రెడ్డి, టూటౌన్‌ సీఐ కె.నాగరాజు, రిజర్వ్‌ ఇన్‌స్పెక్టర్‌ డి.వెంకటి, రూరల్‌ ఎస్సై వి.విష్ణువర్ధన్‌, పోలీస్‌ సిబ్బంది తదితరులు పాల్గొన్నారు. ఊరును బాగు చేసిన ఎస్పీకి కృతజ్ఞతలు ఆదిలాబాద్‌రూరల్‌ మండలం చిట్యాలబోరిలో కల్తీ కల్లు, గుడుంబాలేకుండా చేయాలన్న గ్రామస్తుల తీ ర్మానం మేరకు పోలీసులు చర్యలు చేపట్టారు. దీంతో వారు ఎస్పీని కలిసి కృతజ్ఞతలు తెలిపారు. ఇందులో సర్పంచ్‌ లక్ష్మి, ఉప సర్పంచ్‌ అనిత ఉన్నారు.

ఆదిలాబాద్‌టౌన్‌: ఆదివాసీల రాజ్యాంగ హక్కుల పరిరక్షణ కోసం ఢిల్లీలో వేలాది మంది గిరిజనులు గళమెత్తారు. ఆదివాసీ అధికార్‌ రాష్ట్రీయ మంచ్‌ ఆధ్వర్యంలో ఢిల్లీలోని సాయి పార్క్‌లో సోమవారం ధర్నా, ప్రదర్శన, బహిరంగ సభ నిర్వహించారు. దేశంలోని 21 రాష్ట్రాలకు చెందిన ఆదివాసీలు పెద్ద సంఖ్యలో పాల్గొన్నారు. ఐదు, ఆరో షెడ్యూళ్లను పూర్తిస్థాయిలో అమలు చేయాలని, అటవీ హక్కుల చట్టం, పెసా చట్టాలను పటిష్టంగా అమలు చేయాలని డిమాండ్‌ చేశారు. ఈ సందర్భంగా టీఏజీఎస్‌ తెలంగాణ రాష్ట్ర ప్రధాన కార్యదర్శి పూసం సచిన్‌ మాట్లాడుతూ అటవీ సంరక్షణ చట్టం–2023తో ఆదివాసీ గ్రామసభల హక్కులకు భంగం కలిగే పరి స్థితి ఏర్పడిందన్నారు. మైనింగ్‌ పేరుతో ఆదివాసీ లను భూముల నుంచి తరలించడం నిలిపివేయాలని, అడవులను కార్పొరేట్‌ కంపెనీలకు అప్పగించరాదని డిమాండ్‌ చేశారు. ఈ కార్యక్రమంలో ఆదివాసీ అధికార్‌ రాష్ట్రీయ మంచ్‌ జాతీయ చైర్మన్‌ జితిన్‌ చౌదరి, జాతీయ కన్వీనర్‌, మాజీ ఎంపీ ఫు లీన్‌ బిహారి బస్కే, జాతీయ ఉపాధ్యక్షురాలు బృందాకర్‌, మాజీ ఎంపీ డాక్టర్‌ మీడియం బాబురావు, వ్యవసాయ కార్మిక సంఘం జాతీయ కార్యదర్శి బి.వెంకట్‌, టీజేజీఎస్‌ జిల్లా అధ్యక్షుడు ఉయిక విష్ణు, ఉపాధ్యక్షులు సక్కు, పెందూర్‌ గోవింద్‌, నిర్మల్‌ జిల్లా అధ్యక్షుడు ఆత్రం బాపూరావు, కార్యదర్శి తొడసం శంబు, తదితరులు పాల్గొన్నారు.

కై లాస్‌నగర్‌: ప్రజావాణిలో అందించే అర్జీలు పెండింగ్‌లో ఉంచకుండా ఎప్పటికప్పుడు పరిష్కరిస్తూ బాధితులకు భరోసా కల్పించాలని కలెక్టర్‌ రాజర్షి షా అధికారులను ఆదేశించారు. కలెక్టరేట్‌ సమావేశ మందిరంలో సోమవారం నిర్వహించిన ప్రజావాణిలో జిల్లాలోని వివిధ ప్రాంతాల నుంచి తరలివచ్చిన బాధితుల నుంచి ఆయన అర్జీలు స్వీకరించారు. వారి సమస్యలు అడిగి తెలుసుకున్నారు. దరఖాస్తులను సంబంధిత అధికారులకు అందజేస్తూ త్వరితగతిన పరిష్కరించేలా చర్యలు చేపట్టాలన్నారు. కార్యక్రమంలో అదనపు కలెక్టర్లు ఎస్‌.రాజేశ్వర్‌, ఆర్‌ఎస్‌.చిత్రు తదితరులు పాల్గొన్నారు. ఈ వారం అర్జీదారుల్లో కొందరి నివేదన.