Movies

‘దేవర’ సినిమాలోని ‘చుట్టమల్లే..’ పాటను ఏఐ సాంకేతికతతో అసభ్యకరంగా మార్ఫింగ్‌ చేసి వైరల్‌ చేయడంపై చిత్ర పరిశ్రమ తీవ్రంగా స్పందిస్తోంది. మహిళలను కించపరిచేలా ఇలాంటి కంటెంట్‌ రూపొందించడాన్ని పలువురు సినీ ప్రముఖులు ఖండించారు. ఎన్టీఆర్‌, చిరంజీవి, విజయ్‌ దేవరకొండ, ఖుష్బూ తదితరులు ఈ ఘటనపై ఆగ్రహం వ్యక్తం చేశారు. ఈ నేపథ్యంలో కథానాయిక జాన్వీ కపూర్‌ ‘ఎక్స్‌’లో పోస్ట్‌ పెట్టారు.మహిళలను కించపరిచేలా కంటెంట్‌‘ఏఐ సాంకేతికతను ఉపయోగించి మహిళలను కించపరిచేలా కంటెంట్‌ను రూపొందించి, ప్రచారం చేయడం అత్యంత అవమానకరమైన విషయం. ఇలాంటి ఘటనలు జరగడం బాధాకరం. ఇది లైంగిక వేధింపులకు ఏమాత్రం తీసిపోని తీవ్రమైన ఉల్లంఘన. చిత్ర పరిశ్రమలోని ప్రతి నటి ఏదో ఒక రూపంలో ఇలాంటి అనుభవాలను ఎదుర్కొంటూనే ఉంది. ఒక మహిళకు, ఆమె శరీరానికి గౌరవం ఇవ్వడం మానవత్వంలో అత్యంత ప్రాథమికమైన విషయం. ఒక మహిళ ‘వద్దు’ అని చెబితే ఆ నిర్ణయాన్ని ప్రతి ఒక్కరూ గౌరవించాలి. ఆమె ఎలాంటి దుస్తులు ధరించాలి? తన శరీరానికి సంబంధించిన నిర్ణయాలు ఎలా తీసుకోవాలి? అనేది పూర్తిగా ఆమె వ్యక్తిగత హక్కు. ఒక మహిళ మినీ స్కర్ట్‌ ధరించిందని, ఆమెను అసభ్యకరంగా చిత్రీకరించడానికి అనుమతి ఇచ్చినట్లు కాదు’ అని జాన్వీ పేర్కొన్నారు.కొన్ని రోజులుగా ఎదురైన ఏఐ వీడియోల సమస్య..తనకు గత కొన్ని రోజులుగా ఎదురైన ఏఐ వీడియోల సమస్యకే ఈ విషయం పరిమితం కాదని ఆమె అన్నారు. ‘నా కెరీర్‌ మొత్తంలో వ్యక్తిగతంగా ఎదుర్కొన్న అనుభవాలకు కూడా ఇది సంబంధించినదే. మహిళలను ఇబ్బందికరంగా చూడటం, వారిని జడ్జ్‌ చేయడం, భద్రత విషయంలో రాజీపడాలని ఒత్తిడి చేయడం, వారి హద్దులను నిర్ణయించడం వంటివి ఇప్పటికీ కొనసాగుతున్నాయి. నిజ జీవితంలో మహిళలను వెంటాడుతున్న ఈ భయాలు ఇప్పుడు డిజిటల్‌ ప్రపంచంలోకి కూడా వచ్చాయి.‘మీ కూతురిని కాపాడుకోండిఇలాంటి పరిస్థితుల్లో ‘మీ కూతురిని కాపాడుకోండి’ అని చెప్పడం మాత్రమే పరిష్కారం కాదు. కుటుంబ సభ్యుల ఆలోచనా విధానం, పిల్లల పెంపకం, మన చుట్టూ ఉన్న సామాజిక పరిస్థితుల్లో మార్పు రావాలి. ఏది సరైనది? ఏది తప్పు? అనే విషయాలను స్పష్టంగా చెప్పేందుకు పురుషులు కూడా ముందుకు రావాలి’’ అని జాన్వీ రాసుకొచ్చారు. ఈ వ్యవహారంపై వెంటనే స్పందించిన ఎన్టీఆర్‌కు ఆమె ప్రత్యేకంగా ధన్యవాదాలు తెలిపారు. ‘తనకు నేరుగా సంబంధం లేని విషయం గురించి కూడా స్పష్టంగా మాట్లాడిన వ్యక్తిని లక్షలాది మంది అభిమానిస్తారు. అలాంటి వ్యక్తి మహిళలకు మద్దతుగా నిలవడం ఎంతో ధైర్యాన్నిస్తుంది. అలాగే చిరంజీవి సర్‌, విజయ్‌, ఖుష్బూ మేడమ్‌ ఇలాంటి అనైతిక చర్యలను ఖండిస్తూ మద్దతుగా నిలిచినందుకు ధన్యవాదాలు. మన చుట్టూ జరుగుతున్న ఇలాంటి ఘటనలపై ప్రతి ఒక్కరూ ఆత్మపరిశీలన చేసుకోవాలి. ఒక మహిళను కేవలం ఒక మనిషిగా చూసి, గౌరవించాలని కోరుకోవడం నిజంగా అంత పెద్ద కోరికేనా?’ అని జాన్వీ ప్రశ్నించారు. Thank You All :) https://t.co/HTkFRIVwtM— Jahnavi Kapoor (@JanhvikapoorFC_) October 4, 2026

మలయాళంలో ఇటీవల విడుదలై ప్రేక్షకుల నుంచి మంచి స్పందన సొంతం చేసుకున్న క్రైమ్‌ థ్రిల్లర్‌ ‘ప్రథమ దృష్ట్య కుట్టక్కర్‌’. షాహాద్‌ దర్శకత్వం వహించిన ఈ చిత్రంలో నటి పార్వతి తిరువోతు ప్రధాన పాత్రలో నటించారు. సెప్టెంబర్‌ 11న థియేటర్లలో విడుదలైంది. ఈ సినిమా బాక్సాఫీస్‌ వద్ద రూ.50 కోట్లకుపైగా వసూళ్లు సాధించినట్లు ట్రేడ్‌ వర్గాల సమాచారం. థియేటర్లలో ఆకట్టుకున్న ఈ మూవీ ఇప్పుడు ఓటీటీ విడుదలకు సిద్ధమైంది. అక్టోబరు 9 నుంచి నెట్‌ఫ్లిక్స్‌లో స్ట్రీమింగ్‌ కానుంది. మలయాళంతో పాటు తెలుగు భాషలోనూ ఈ చిత్రాన్ని వీక్షించవచ్చు.ఇదీ కథ..కారుణ్య నియామకం కింద పోలీస్‌ ఉద్యోగం సంపాదించిన అలీనా అబ్రహాం (పార్వతి తిరువోతు) చుట్టూ ఈ కథ సాగుతుంది. ఓ పోలీస్‌ స్టేషన్‌లో రాత్రి విధులు నిర్వహిస్తున్న కొందరు పోలీసుల చేతుల్లో అనుకోకుండా ఓ నేరం జరుగుతుంది. అయితే నేరాన్ని బయటకు రాకుండా చేసేందుకు అదే పోలీస్‌ డిపార్ట్‌మెంట్‌కు చెందిన వారు తమకున్న పరిజ్ఞానాన్ని ఉపయోగించుకుంటారు. క్రైమ్‌ సీన్‌ గురించి, పోలీస్‌ శాఖలోని విధివిధానాల గురించి పూర్తిగా తెలిసిన వారు కావడంతో.. ఆధారాలు దొరకకుండా నేరాన్ని కప్పిపుచ్చేందుకు ప్రయత్నిస్తారు. మరోవైపు ఈ కేసు దర్యాప్తు బాధ్యతలను సీనియర్‌ క్రైమ్‌ బ్రాంచ్‌ అధికారి (విజయరాఘవన్‌) చేపడతారు. దీంతో నేరానికి పాల్పడిన పోలీసులకు, దర్యాప్తు అధికారికి మధ్య మొదలయ్యే మైండ్‌గేమ్‌ కథను ఆసక్తికరంగా నడిపిస్తుంది.ఎవరికి తెలియకుండా చేసిన నేరాన్ని పోలీసులు ఎలా దాచారు? దర్యాప్తు అధికారి వారికి ఎలా చెక్‌ పెట్టారు? చివరికి అసలు నిజం ఎలా బయటపడింది? అనేది సినిమా చూసి తెలుసుకోవాల్సిందే. ఉత్కంఠభరితమైన కథనం, ఊహించని మలుపులతో దర్శకుడు షాహాద్‌ ఈ క్రైమ్‌ థ్రిల్లర్‌ను తెరకెక్కించారు. మ్యాథ్యూ థామస్‌, వినయ్‌ ఫోర్ట్‌ తదితరులు కీలక పాత్రల్లో నటించారు.ఇదీ చదవండి: అభిమానులకే ఝలక్‌ ఇచ్చిన జక్కన్న.. ‘ఆర్‌ఆర్‌ఆర్‌’ని బ్రేక్‌ చేసేలా..

విజయ్‌ దేవరకొండ, రష్మిక మందన్నా జంటగా నటించిన చిత్రం ‘రణబాలి’ రాహుల్‌ సాంకృత్యాన్‌ దర్శకత్వం వహిస్తున్నారు. ఈ సినిమా అక్టోబర్‌ 16న విడుదల కానుంది. ఈ చిత్రంపై భారీ అంచనాలు ఉన్నాయి. దీనికి తగ్గట్లుగానే ప్రమోషన్లు సరవేగంగా చేస్తోంది చిత్రబృందం. ఈ సందర్భంగా ఓ ఇంటర్వ్యూలో పాల్గొన్న ఈ జంట యాంకర్‌ సుమతో ప్రత్యేకంగా చిటిచాట్‌ చేసింది. సినిమాకు సంబంధించిన ఆసక్తికర విషయాలు పంచుకోవడంతో పాటు పలు వ్యక్తిగత విషయాలు వెల్లడించారు. ఇలా విజయ్‌పై రష్మిక చేసిన కామెంట్స్‌ ఇప్పుడు వైరల్‌ అవుతున్నాయి.ఇంట్లో విజయ్ ఎలా ఉంటాడు?‘ఇంట్లో విజయ్ ఎలా ఉంటాడు?’ అని సుమ రష్మికను అడిగారు. దీంతో రష్మిక అతడి స్టైల్‌ను తనదైన శైలిలో ఇమిటేట్‌ చేసి చూపించింది. విజయ్ కింద హాల్‌లోకి వచ్చి ఫుడ్ ఏంటి అని అడుగుతాడని చెప్పింది. అంతేకాదు.. తాను ‘బేబీ.. బేబీ’ అని పిలిచినా విజయ్ వెంటనే స్పందించడని, కానీ ‘ఒరేయ్’ అని పిలిస్తే మాత్రం వెంటనే పలుకుతాడని సరదాగా చెప్పుకొచ్చింది. దీనిపై విజయ్ ఫ్యాన్స్ కూడా సరదాగా కామెంట్స్ చేస్తున్నారు. వదినమ్మా ఏంటి మా అన్నయ్యని పట్టుకుని ఒరేయ్‌ అంటున్నావా అంటూ సరదా కామెంట్స్‌ చేస్తున్నారు. Vijay Deverakonda at Home. #Rashmika imitates #VijayDeverakonda https://t.co/V61TzWxGIY— cinee worldd (@Cinee_Worldd) October 4, 2026

దర్శకధీరుడు ఎస్‌ఎస్‌ రాజమౌళి సినిమా అంటేనే అనుకున్న టైంకి రాదులే అనుకుంటారు. దీనికి తగ్గట్లుగానే ఇతర డైరెక్టర్లు కొన్ని నెలల్లో సినిమా పూర్తి చేస్తే.. రాజమౌళి మాత్రం తన సినిమాలను ఏళ్ల తరబడి తీస్తాడన్నది అందరూ నమ్మబలికే సత్యమే. దీనికి బాహుబలి, ఆర్‌ఆర్‌ఆర్‌ చిత్రాలే నిదర్శనం. అయితే ఈసారి మాత్రం జక్కన్న ట్రేడ్‌ మార్క్‌కు భిన్నంగా వారణాసి ప్రాజెక్టను ఊహించని రీతిలో పట్టాలెక్కించాడంటే తప్పక నమ్మాల్సి వస్తోంది.మొత్తం 1000 రోజలకు..సూపర్‌స్టార్‌ మహేశ్‌బాబు హీరోగా రాజమౌళి దర్శకత్వంలో తెరకెక్కుతున్న భారీ చిత్రం వారణాసి. ఈ సినిమా 2027 ఏప్రిల్‌ 7న ప్రేక్షకుల ముందుకు రానుంది. తేదీని ప్రకటించారే గాని అభిమానుల్లో నమ్మకాలైతే లేవు. అయితే సినిమాపై భారీగానే అంచనాలను ఉన్నాయి. వీరి అంచనాలకు తగ్గట్లుగానే సినిమాను తీర్చిదిద్దుతున్నట్లు ఇప్పటికే రాజమౌళి పలు దఫాలు తెలిపాడు. ఈ సినిమా షూటింగ్‌ 90% పూర్తిచేసినట్లు ఇటీవలే జక్కన్న స్వయంగా వెల్లడించారు. ఇది విన్న అభిమానులు సంబరపడుతున్నారు.రాజమౌళి గత చిత్రం ఆర్ ఆర్ ఆర్ షూటింగ్ మొత్తం 1011 రోజుల పాటు కొనసాగింది. 2018 నవంబర్ 19న ప్రారంభమైన షూటింగ్.. 2021 ఆగష్టు 26 న పూర్తయింది. అయితే వారణాసి మేజర్ షూటింగ్ మాత్రం 606 రోజుల్లోనే పూర్తి అయింది. 2025 జనవరి 24న ప్రారంభ మైన షూటింగ్ 2026 సెప్టెంబర్ 22 నాటికి 90% పూర్తి అయినట్లు తెలుస్తుంది. ఇదే జరిగితే షూటింగ్ వ్యవధి పరంగా వారణాసి కొత్త రికార్డ్స్ నెలకొల్పినట్లే.నిర్మాణ పనులను కూడాకాగా మిగిలిన షూటింగ్‌తో పాటు పోస్ట్ ప్రొడక్షన్,విజువల్ ఎఫెక్ట్స్, ఇతర నిర్మాణ పనులను కూడా వేగంగా పూర్తి చేసేందుకు చిత్రబృందం సిద్ధమవుతోంది. ఇప్పటికే మహేష్‌ బాబు లుక్, రాజమౌళి టేకింగ్, భారీ నిర్మాణ విలువలు సినిమాపై అంచనాలను మరింత పెంచుతున్నాయి. వారణాసిలో మహేష్‌ బాబుకు సరసన ప్రియాంక చోప్రా నటిస్తోంది. మలయాళ స్టార్ పృథ్వీరాజ్ సుకుమారన్ కీలక పాత్రలో కనిపించనున్నారు. ఇదీ చదవండి: లైంగిక కార్మికులది తప్పైతే. . అక్కడికి వెళ్లిన వారి సంగతేంటి?: సమంత

అందంగా మెరిసిపోతున్న జాన్వీ కపూర్చాక్లెట్ బ్యూటీలా రచ్చ చేస్తున్న మృణాల్ధగధగాలాడిపోతున్న హీరోయిన్ శాన్వి మేఘన'బాసింగ బలాలే' పాట రీల్ చేసిన ఫరియాలేటెస్ట్ ఫొటోలని పోస్ట్ చేసిన ఈషా రెబ్బాపువ్వుల్లో పువ్వులా క్యూట్‌గా ప్రియాంక మోహన్ View this post on Instagram A post shared by Faria Abdullah (@fariaabdullah) View this post on Instagram A post shared by Mrunal Thakur (@mrunalthakur) View this post on Instagram A post shared by Hebah Patel (@ihebahp) View this post on Instagram A post shared by Saanve Megghana (@saanve.megghana) View this post on Instagram A post shared by Sakshi (@_vaidyasakshi) View this post on Instagram A post shared by Rhea Kapoor (@rheakapoor) View this post on Instagram A post shared by Eeshaa Rebba (@yourseesha) View this post on Instagram A post shared by Andrea Jeremiah (@therealandreajeremiah) View this post on Instagram A post shared by Priyanka Mohan (@priyankaamohanofficial) View this post on Instagram A post shared by Riddhi Kumaar (@riddhikumar_) View this post on Instagram A post shared by Gouri G Kishan (@gourigkofficial)

యంగ్ టాలెంటెడ్ హీరో వివస్వాన్ నటిస్తున్న ఫోక్ లోర్ అడ్వెంచర్ ఫిలిం ‘మత్స్య’. ఈ చిత్రంతో వివస్వాన్ టాలీవుడ్ లోకి అడుగుపెడుతున్నారు. ఈ చిత్రాన్ని జి.బి.ఆర్ ప్రొడక్షన్స్ బ్యానర్ పై సంహిత గణపతి ఇంటూరి నిర్మిస్తున్నారు. రవి గోలి, తేజ కనకాల దర్శకత్వం వహిస్తున్నారు. ఈ చిత్రం నుంచి రీసెంట్ గా రిలీజ్ చేసిన గ్లింప్స్‌కు ప్రేక్షకుల నుంచి మంచి స్పందన లభించింది. ఈ గ్లింప్స్ డిజిటల్ గా హ్యూజ్ రెస్పాన్స్ దక్కించుకుంటోంది. ఇప్పటికే ఈ సినిమా గ్లింప్స్ 15 మిలియన్ ఫ్లస్ వ్యూస్ రాబట్టడం విశేషం. టాప్ క్వాలిటీ విజువల్స్, వీఎఫ్ఎక్స్ తో ఫోక్ లోర్, అడ్వెంచర్ వంటి అంశాలను కలిపి ఒక కొత్త సినిమాటిక్ వరల్డ్ ను పరిచయం చేసిన ‘మత్స్య’ గ్లింప్స్ మూవీ లవర్స్ ను ఆకట్టుకుంటోంది. గ్లింప్స్ కు వస్తున్న రెస్పాన్స్ సినిమా టీమ్ లో జోష్ నింపుతోంది.

లెజెండరీ ఫిల్మ్‌ డైరెక్టర్‌ సింగీతం శ్రీనివాసరావు అంత్యక్రియలు ముగిశాయి. చెన్నైలోని నేసపాక్కం శ్మశానవాటికలో కుటుంబ సభ్యులు ఆయన అంత్యక్రియలను నిర్వహించారు. అంతకుముందు ఆయన పార్థివదేహాన్ని అభిమానులు, సినీ ప్రముఖులు, సన్నిహితుల సందర్శనార్థం చెన్నై విరుగంబాక్కంలోని నివాసంలో ఉంచారు. పలువురు సినీ ప్రముఖులు, అభిమానులు సింగీతం శ్రీనివాసరావుకు నివాళులర్పించారు. ఆయనతో తమకు ఉన్న అనుబంధాన్ని, సినీ రంగంలో ఆయన అందించిన అద్భుతమైన సేవలను గుర్తుచేసుకుని భావోద్వేగానికి గురయ్యారు.

ఈ వారం థియేటర్లలోకి అరడజనుకు పైగానే సినిమాలు వచ్చాయి. అందులో కొన్ని చిత్రాలపై రిలీజ్‌కు ముందు మంచి హైప్‌ క్రియేట్‌ అయింది. భారీ అంచనాలు, ప్రమోషన్స్‌తో ప్రేక్షకుల దృష్టిని ఆకర్షించిన సినిమాలు కూడా ఉన్నాయి. కానీ థియేటర్లలోకి వచ్చిన తర్వాత మాత్రం సీన్‌ మారిపోయింది. ఏ ఒక్క సినిమా కూడా ప్రేక్షకుల నుంచి హిట్‌ టాక్‌ను సొంతం చేసుకోలేకపోయింది. దీంతో ఈ వారం బాక్సాఫీస్‌ బరిలోకి దిగిన సినిమాలన్నీ ఆశించిన స్థాయిలో ప్రభావం చూపలేకపోయాయి. ఫలితంగా బాక్సాఫీస్‌ వద్ద ఈ వారం కూడా నిరాశే మిగిలింది.ఈ శుక్రవారం రిలీజ్‌ అయిన సినిమాల్లో అందరి దృష్టిని ఆకర్షించిన చిత్రం ‘డోంట్ ట్ర‌బుల్ ద ట్ర‌బుల్’. మలయాళ స్టార్‌ హీరో ఫ‌హ‌ద్ ఫాజ‌ల్ నటించిన ఈ చిత్రానికి దర్శకధీరుడు రాజమౌళి సమర్పకుడిగా వ్యవరించాడు. ఆయన కొడుకు ఎస్‌. ఎస్‌. కార్తికేయ నిర్మించాడు. అందుకే ఈ చిత్రంపై మొదటి నుంచి మంచి అంచనాలే ఉన్నాయి. అయితే ఈ చిత్రం ప్రీమియ‌ర్ షోల నుంచే నెగిటీవ్ టాక్ మూట‌గ‌ట్టుకొంది. అసలు కార్తికేయ ఈ చిత్రాన్ని ఎందుకు నిర్మించాలకున్నాడు? కొడుకు డెబ్యూ ఫిల్మ్‌ని రాజమౌళి ఇలా ప్లాన్‌ చేస్తాడా? అనే విమర్శలు వచ్చాయి.(చదవండి: డోంట్‌ ట్రబుల్‌ ద ట్రబుల్‌ రివ్యూ)ఇంచుమించు ఇలాంటి కామెంట్సే ‘సిగ్మా’ చిత్రంపై వచ్చాయి. తమిళనాడు సీఎం విజయ్‌ తనయుడు జేసన్‌ సంజయ్‌ దర్శకత్వంలో తెరకెక్కిన తొలి చిత్రం కావడంతో ‘సిగ్మా’పై ముందే ఆసక్తి నెలకొంది. సందీప్‌ కిషన్‌ హీరోగా నటించిన ఈ సినిమాకు తొలి షో నుంచే డిజాస్టర్‌ టాక్‌ వచ్చింది. తెలుగులోనే కాదు తమిళనాట కూడా పెద్దగా ఆడడం లేదు.(చదవండి: సిగ్మా మూవీ రివ్యూ)ఇక కార్తిక్‌ సుబ్బరాజ్‌ దర్శకత్వం వహించిన తమిళ చిత్రం డోరతీ ఈ వారమే తెలుగులో రిలీజ్‌ అయింది. ఈ మూవీకి మిక్స్‌డ్‌ టాక్‌ వచ్చినా..టికెట్స్‌ మాత్రం పెద్దగా తెగడం లేదు. ఇక ఈ వారం సినిమాల్లో గట్టిన ప్రమోషన్స్‌ చేసిన సినిమా ‘తెల్లకాగితం’. కోర్ట్‌ ఫేమ్‌ హర్ష్‌ రోషన్‌ ప్రధానపాత్రలో​ నటించిన ఈ చిత్రానికి కూడా మిశ్రమ స్పందననే లభించింది. ప్రమోషన్స్‌లో చెప్పినంత గొప్పగా ఏమి లేదని..పలు పాత్ర చిత్రాలను గుర్తు చేస్తుదంటూ సినిమా చూసిన ఆడియన్స్‌ చెబుతున్నారు. అందుకే రెండో రోజు నుంచి ఈ సినిమా టికెట్స్‌ పెద్దగా తెగడం లేదు. (చదవండి: 'తెల్లకాగితం' మూవీ రివ్యూ)గ్రామీణ నేపథ్యంలో రూరల్‌ మాఫియా, లోకల్‌ గ్యాంగ్‌ వార్‌, ప్రేమ, కుటుంబ భావోద్వేగాలతో తెరకెక్కిన ‘అనకాపల్లి’ కూడా ప్రేక్షకులను థియేటర్లకు పెద్ద సంఖ్యలో రప్పించలేకపోయింది. ఇదే వారంలో వచ్చిన మరో తెలుగు చిత్రం ‘తత్వం’. పెద్ద స్టార్లు లేకపోవడం, భారీ ప్రమోషన్లు లేకపోవడంతో ఈ సినిమా రిలీజ్ అయిన విషయం కూడా జనాలకు పెద్దగా తెలియదు. ఇక కన్నడలో సూపర్‌ హిట్‌గా నిలిచిన పల్లెటూరి ప్రేమకథ ‘ప్రేమద ఊరలి’ మూవీ.. ‘ప్రేమనే ఊరిలో’పేరుతో తెలుగులో ఈ శుక్రవారం(అక్టోబర్‌ 2) రిలీజ్‌ అయింది. ఉన్నంతలో కొంతవరకు ఈ సినిమా కాస్త బెటర్‌ అని చెప్పొచ్చు. కానీ ఇక్కడ ప్రమోషన్స్‌ సరిగా చేయకపోవడంతో ఇలాంటి ఒక సినిమా వచ్చిందన్న విషయమే ఇప్పటికీ చాలా మందికి తెలియదు. మొత్తంగా చూస్తే.. ఈ వారం వచ్చిన సినిమాలన్నీ బాక్సాఫీస్‌ వద్ద నిరాశే మిగిల్చాయి.

మా ఇంటి బంగారంతో సూపర్ హిట్‌ కొట్టిన టాలీవుడ్ బ్యూటీ సమంత. ఈ మూవీ బాక్సాఫీస్‌ వద్ద రూ.100 కోట్లకు పైగా వసూళ్లు సాధించింది. నందిని రెడ్డి దర్శకత్వం వచ్చిన ఈ చిత్రం ఆడియన్స్ ఆదరణ దక్కించుకుంది. తర్వాత సమంత అభిమానులకు మరో గుడ్ న్యూస్ చెప్పింది. తాను ప్రెగ్నెన్సీతో ఉన్నానని ప్రకటించి డబుల్‌ సర్‌ప్రైజ్ ఇచ్చింది. ప్రస్తుతం ప్రెగ్నెన్సీ లైఫ్‌ను ఆస్వాదిస్తోంది. అయితే ఎప్పటికప్పుడు సోషల్ మీడియాలో అభిమానులతో టచ్‌లోనే ఉంటోంది. ఈసారి సమాజంలో మహిళలపై జరిగే అన్యాయాలపై పోస్ట్‌ చేశారు.అత్యాచారం జరిగినప్పుడు బాధితురాలినే..‘సమాజంలో లైంగిక కార్మికులను తప్పుపడతారు. కానీ వారి దగ్గరికి వెళ్లేవారిని ఏమీ అనరు. ఒంటరి తల్లులను విమర్శిస్తారు. కానీ పిల్లల బాధ్యత తీసుకోని తండ్రులను ఎవరూ అడగని కూడా అడగరు. అత్యాచారం జరిగినప్పుడు బాధితురాలినే తప్పుపడతారు. కానీ తప్పు చేసిన వారిని ప్రశ్నించరు’ అని అలాంటి సమాజంలో మనం బతుకుతున్నాం అంటూ సోషల్‌ మీడియా వేదికగా పోస్ట్‌ పెడుతూ అసహనం వ్యక్తం చేశారు. ప్రస్తుతం ఈ పోస్ట్‌ వైరల్‌ అవుతోంది.

విజయ్ దేవరకొండ ఈ ఏడాది ఫిబ్రవరిలో పెళ్లి చేసుకున్నాడు. ఎ‍న్నాళ్ల నుంచి ప్రేమించిన హీరోయిన్ రష్మికతో కొత్త జీవితం మొదలుపెట్టాడు. అయితే ఈ వివాహ వేడుకలో విజయ్.. మెడలో బంగారు నగలు వేసుకుని రావడం చిత్రంగా అనిపించింది. ‍అయితే ఇదంతా తన ప్లాన్‌లో లేదని బీచ్‌లో షార్ట్స్ వేసుకుని పెళ్లి చేసుకుందామని అనుకున్నట్లు ఓ షాకింగ్ విషయాన్ని బయటపెట్టాడు.(ఇదీ చదవండి: వెంకీ-త్రివిక్రమ్ 'ఆదర్శ కుటుంబం'.. మరీ ఇలానా?)గతంలో గీతగోవిందం, డియర్ కామ్రేడ్ సినిమాల్లో విజయ్-రష్మిక జంటగా నటించారు. కానీ పెళ్లి తర్వాత 'రణబాలి' కోసం స్క్రీన్ షేర్ చేసుకున్నారు. వచ్చే శుక్రవారం(అక్టోబర్ 16) థియేటర్లలో రిలీజ్ కానుంది. దీని ప్రమోషన్లలో భాగంగా సుమతో చేసిన ఇంటర్వ్యూలో విజయ్ దేవరకొండ తాను ఎలా పెళ్లి చేసుకోవాలనుకున్నాను? ఎలా జరిగింది? అనే విషయాల గురించి చెప్పాడు.'నేను సింపుల్‌గా బీచ్‌లో షార్ట్స్ వేసుకుని పెద్దగా హడావుడి లాంటివి చేయకుండా పెళ్లి చేసుకుందామనుకున్నాను. కానీ ఇది తెలిసి మా అమ్మ నన్ను రెండు కొట్టింది. పదిరోజుల పాటు ఇంట్లో ఏడ్చింది. పెద్ద కొడుకువి ఇలా చేస్తే ఎలా అని రచ్చ రచ్చ చేసింది. దీంతో ఇలా కాదు కింగ్‌లా దిగాలని ఒంటిపై బంగారం వేసుకుని పెళ్లి చేసుకున్నాను' అని విజయ్ దేవరకొండ చెప్పుకొచ్చాడు.రాజస్థాన్‌లో డెస్టినేషన్ వెడ్డింగ్ చేసుకున్న తర్వాత విజయ్-రష్మిక.. హైదరాబాద్‌లో సెలబ్రిటీల కోసం రిసెప్షన్ పెట్టారు. అలానే విజయ్ దేవరకొండ తన సొంతూరిలో సత్యనారాయణ వ్రతం చేశాడు.(ఇదీ చదవండి: ముంబైని వదిలేస్తున్న 'ధురంధర్' దర్శకుడు!)

'ధురంధర్' ఫ్రాంచైజీ నుంచి వచ్చిన రెండు సినిమాలు ఎంతలా సెన్సేషన్ సృష్టించాయో ప్రత్యేకంగా చెప్పనక్కర్లేదు. దీని దెబ్బకు దర్శకుడు ఆదిత్య ధర్ పేరు పాన్ ఇండియా లెవల్లో మార్మోగిపోయింది. ఇతడు నెక్స్ట్ ఏ హీరోతో ఎలాంటి మూవీ చేస్తాడా అని అంతా ఎదురుచూస్తున్నారు. సరిగ్గా ఇలాంటి టైంలో ఇతడు, తన భార్యతో కలిసి షాకిచ్చే నిర్ణయం తీసుకున్నట్లు తెలుస్తోంది.(ఇదీ చదవండి: సుకుమార్ ఇంటిచుట్టూ మూడేళ్లు తిరిగితే చివరకు: డైరెక్టర్ శ్రీకాంత్ ఓదెల)ఆదిత్య ధర్‌ది న్యూఢిల్లీ కాగా యామీ గౌతమ్‌ది హిమాచల్ ప్రదేశ్. బాలీవుడ్ సినిమాల్లో పనిచేసేందుకు వేర్వేరుగా ముంబై వచ్చారు. అలా కలిసి పనిచేసిన టైంలో వీళ్లిద్దరూ ఒకరికి ఒకరు పరిచయం. స్నేహం నుంచి మొదలై ప్రేమగా మారి పెళ్లి చేసుకున్నారు. 2021లో వీరి వివాహం.. హిమాచల్ ప్రదేశ్‌లోని యామీ ఇంటిలోనే జరిగింది. ఇప్పుడు అక్కడికే పూర్తిగా మకాం మార్చేయాలని ఈ జంట దాదాపుగా ఫిక్స్ అయ్యారట.వీరిద్దరూ ముంబై కంటే హిమాచల్‌ ప్రదేశ్‌లోని తమ సొంతింటిలోనే ప్రస్తుతం ఎక్కువ సమయం గడుపుతున్నట్లు తెలుస్తోంది. యామీకి హిమాచల్‌ ప్రదేశ్‌తో ప్రత్యేక అనుబంధం ఉంది. పెళ్లికి ముందే ఆమె మండిలోని గోహర్‌ ప్రాంతంలో 100 ఏళ్ల నాటి పురాతన ఇంటితో పాటు దాదాపు 25 ఎకరాల భూమిని కొనుగోలు చేసింది. చెక్క, రాళ్లతో నిర్మించిన ఈ ఇంటి చుట్టూ సేంద్రియ పద్ధతిలో సాగుచేసే తోటలు ఉన్నాయి. వీటిలోనే యాపిల్స్, బంగాళా దుంపలు, ప్లమ్స్, అల్లం లాంటి పంటలను పండిస్తున్నట్లు తెలుస్తోంది.ఇన్నాళ్లూ సినిమా కెరీర్ వల్ల ముంబైలోనే ఎక్కువగా ఉండాల్సి వచ్చింది. ఇప్పుడు మాత్రం ఆదిత్య-యామీ.. పూర్తిగా సొంతూరికి షిఫ్ట్ అయిపోవాలని ఫిక్స్ అయ్యారనమాట. ఒకవేళ అదే జరిగితే షూటింగ్స్ ఉన్న టైంలోనే ముంబైలో, లేదంటే హిమాచల్ ప్రదేశ్‌లో ఉంటారేమో!(ఇదీ చదవండి: వెంకీ-త్రివిక్రమ్ 'ఆదర్శ కుటుంబం'.. మరీ ఇలానా?)

బిగ్‌బాస్‌ తెలుగు 10లో ఆదివారం ఎపిసోడ్‌ ఫుల్‌ ఫన్‌తో సాగినట్లు తాజా ప్రోమోలను చూస్తే అర్థమవుతోంది. ఎలిమినేషన్‌ టెన్షన్‌కు కాస్త బ్రేక్‌ ఇచ్చిన హోస్ట్‌ నాగార్జున.. కంటెస్టెంట్లతో సరదా గేమ్స్‌ ఆడించారు. డ్యాన్స్‌లు చేయిస్తూ, ప్రశ్నలు అడుగుతూ.. మధ్యలో చాక్లెట్లు ఇస్తూ ఇంట్లో నవ్వులు పూయించారు.సినిమా పాటలకు డ్యాన్స్‌లు‘సండే ఫన్‌డే’ గేమ్‌లో భాగంగా నాగార్జున కొన్ని ప్లేకార్డ్స్‌ చూపించారు. వాటిని చూసి సినిమా పేరును కంటెస్టెంట్లు గుర్తించాలని చెప్పారు. సరైన సమాధానం చెప్పిన తర్వాత ఆ సినిమాలోని పాటలకు డ్యాన్స్‌ చేయించారు. దీంతో కంటెస్టెంట్లు ఉత్సాహంగా స్టెప్పులేయగా.. నాగార్జున కూడా వారితో కలిసి సందడి చేశారు.చాక్లెట్ల కోసం ఝాన్సీ ఎదురుచూపులుమరో ప్రోమోలో నాగార్జున కంటెస్టెంట్లతో మరో సరదా గేమ్‌ ఆడించారు. ‘ఓ ప్రశ్న అడుగుతా.. దానికి సరైన సమాధానం చెబితే చాక్లెట్‌ ఇస్తా’ అని చెప్పారు. ప్రశ్నలకు సమాధానాలు చెప్పిన దేబ్జానీ, నరేశ్‌లకు నాగార్జున చాక్లెట్లు అందించారు. అయితే చాక్లెట్ల కోసం ప్రతిసారీ ముందుకొచ్చిన రైతుబిడ్డ ఝాన్సీకి మాత్రం ఒక్కసారి కూడా చాక్లెట్‌ దక్కలేదు. దీంతో ‘ఇదేంటి సార్‌.. నాకు మాత్రం రావడం లేదు’ అంటూ ఝాన్సీ చెప్పడంతో అక్కడ నవ్వులు పూశాయి.పడవలో ఎవరిని ముంచుతారు?ఇక మరో సరదా ప్రశ్నతో కంటెస్టెంట్లను ఇరుకున పెట్టారు నాగార్జున. ‘మీ పడవకు ప్రమాదం వచ్చింది. పడవలో ఎవరిని కాపాడతారు? ఎవరిని ముంచేస్తారు?’ అని అడిగారు. దానికి ముకేశ్‌ స్పందిస్తూ.. వర్షిణిని సేవ్‌ చేస్తానని, సుదీర్‌ను ముంచేస్తానని చెప్పాడు. ఆ తర్వాత నరేశ్‌ను ఇదే ప్రశ్న అడగ్గా.. రాంప్రసాద్‌ను ముంచేస్తానని, దేబ్జానీని సేవ్‌ చేస్తానని చెప్పాడు. అందుకు కారణం ఏంటని నాగార్జున అడగ్గా.. ‘అతనికి ఈత వచ్చు సార్‌’ అంటూ నరేశ్‌ ఇచ్చిన సమాధానం అందరినీ నవ్వించింది. ఇలా ఆదివారం ఎపిసోడ్‌లో నాగార్జునతో కలిసి కంటెస్టెంట్లు చేసిన సందడి, సరదా గేమ్స్‌ ప్రేక్షకులను అలరించేలా కనిపిస్తున్నాయి.ఇదీ చదవండి: షారుక్‌, అమితాబ్‌లను మించిన సంపన్నుడు.. ఏకంగా 36000 కోట్లు

గత సినిమా 'సంక్రాంతికి వస్తున్నాం'తో ఏకంగా రూ.300 కోట్ల కలెక్షన్స్ అందుకున్న స్టార్ హీరో వెంకటేశ్, ఎన్నో అద్బుతమైన మూవీస్ తీసిన స్టార్ డైరెక్టర్ త్రివిక్రమ్ కలిసి పనిచేస్తున్నారని గతంలో అప్‌డేట్ రాగానే మూవీ లవర్స్ తెగ సంబరపడిపోయారు. 'మళ్లీశ్వరి', 'నువ్వు నాకు నచ్చావ్' స్టైల్ ఆఫ్ కామెడీ మూవీ చేస్తారని అనుకున్నారు. అందుకు తగ్గట్లే 'ఆదర్శ కుటుంబం' అని ఫ్యామిలీ ఎంటర్‌టైనర్ తీశారు. కాకపోతే విడుదలకు మరో ఐదారు రోజులే ఉన్నా బజ్ లేకపోవడం చిత్రంగా ఉంది.(ఇదీ చదవండి: కొత్త తెలుగు సినిమాలు ఎలా ఉన్నాయి? కలెక్షన్స్ ఎంత?)చాలా ఏళ్ల క్రితం త్రివిక్రమ్ రచయితగా ఉన్నప్పుడు వెంకీ సినిమాలకు పనిచేశారు. డైరెక్టర్ అయిన తర్వాత మాత్రం కాంబో సెట్ కాలేదు. అలా ఎట్టకేలకు వెంకీ-త్రివిక్రమ్ కాంబో కుదిరింది. అదే 'ఆదర్శ కుటుంబం'. లెక్క ప్రకారం గత వీకెండే థియేటర్లలో మూవీ రిలీజ్ కావాలి. కానీ ఓ వారం లేటుగా అంటే ఈ శుక్రవారం(అక్టోబర్ 09) రిలీజ్ చేస్తున్నారు. మూవీ టీమ్ నుంచి ఒకటి రెండు ఇంటర్వ్యూలు వచ్చాయి గానీ వీటిలో సినిమా గురించి వైరల్ అయ్యే కంటెంట్ ఏం కనిపించలేదు. ఇదో మూవీ వస్తోందని రెగ్యులర్ ఆడియెన్స్‌కే చాలామందికి ఇంకా తెలియదంటే ఆశ్చర్యపోనక్కర్లేదు. స్టార్ హీరో, దర్శకుడే పనిచేసినప్పటికీ ఎందుకిలా జరుగుతోందోనని సందేహాలు కలుగుతున్నాయి.ఈ సినిమాని నిర్మించిన సంస్థలో నాగవంశీ భాగమే. సాధారణంగా తన నిర్మాణ సంస్థ నుంచి మూవీ రిలీజ్ ఉందంటే ఇంటర్వ్యూలు, ప్రెస్ మీట్లతో 15 రోజుల ముందు నుంచే కాస్త హడావుడి చేస్తుంటారు. అలాంటి ఈయన కూడా 'ఆదర్శ కుటుంబం' గురించి పెద్దగా మాట్లాడినట్లు కనిపించలేదు. మరోవైపు 'ఆదర్శ కుటుంబం' గురించి గతంలో కొన్ని రూమర్స్ వినిపించాయి. కొన్ని నెలల క్రితం వచ్చిన తమిళ హిట్ సినిమా 'బ్లాస్ట్'కి దీనికి దగ్గర పోలికలు ఉన్నాయని అన్నారు. మరి ఇందులో నిజానిజాలు ఏంటనేది తెలియాలంటే రిలీజ్ వరకు ఆగాల్సిందే. ఈసారి గురూజీ-వెంకీ ఏం చేస్తారో?(ఇదీ చదవండి: సుకుమార్ ఇంటిచుట్టూ మూడేళ్లు తిరిగితే చివరకు: డైరెక్టర్ శ్రీకాంత్ ఓదెల)

బాలీవుడ్‌లో అత్యధిక పారితోషికం తీసుకునే నటుల జాబితాలో షారుక్‌ ఖాన్‌, అమితాబ్‌ బచ్చన్, సల్మాన్‌ ఖాన్‌ వంటి అగ్ర కథానాయకుల ఉంటారు. ఇది జగమెరుగని సత్యం అనే చెప్పాలి. అయితే సంపద విషయంలో మాత్రం సినిమా హీరోలను మించిన ఆస్తి ఓ నిర్మాత కుటుంబం ఉందని కొంతమందికే తెలుసు. సినిమాలతో పాటు వ్యాపారాలు, బ్రాండ్‌లు, పెట్టుబడులు ఇలా భారీగా కూడబెట్టడంతో ఆ కుటుంబం బాలీవుడ్‌లోనే అత్యంత ధనికంగా నిలిచింది. మరి వారు ఎవరు? ఏంటో ఒకసారి చూద్దామా...టీ సిరీస్‌ ఛైర్మన్‌..2026 టీ-సిరీస్‌ ఛైర్మన్‌, మేనేజింగ్‌ డైరెక్టర్‌ భూషణ్‌ కుమార్‌, ఆయన కుటుంబం మొత్తం సంపద విలువ సుమారు రూ.36,300 కోట్లుగా ఉన్నట్లు హురున్‌ ఇండియా రిచ్‌ లిస్ట్‌ నివేదిక(2026) వెల్లడించింది. దీంతో బాలీవుడ్‌లో అత్యంత ధనవంతుడిగా భూషణ్‌ కుమార్‌ కుటుంబం ఉండడంతో పాటు టాప్‌ 100 సంపన్నుల జాబితాలో భూషణ్‌ కుమార్‌ 87వ స్థానంలో ఉన్నట్లు తెలుస్తోంది.షారుక్‌ ఖాన్‌ను మించిన సంపదభారత్‌లో అత్యంత ధనిక నటుడిగా కొనసాగుతున్న షారుక్‌ ఖాన్‌ సంపదతో పోలిస్తే భూషణ్‌ కుమార్‌ కుటుంబ ఆస్తులు భారీగా ఉన్నాయి. షారుక్‌ ఖాన్‌ నికర సంపద సుమారు రూ.10,000 కోట్లుగా హురున్‌ నివేదిక పేర్కొంది. అంటే భూషణ్‌ కుమార్‌ కుటుంబ సంపద షారుక్‌ కంటే మూడు రెట్లకు పైగా ఉండటం విశేషం.అయితే గత ఏడాదితో పోలిస్తే షారుక్‌ ఖాన్‌ సంపదలో సుమారు రూ.2,490 కోట్ల మేర తగ్గుదల నమోదైనట్లు నివేదిక తెలిపింది. అయినప్పటికీ 2026 హురున్‌ గ్లోబల్‌ జాబితాలో చోటు దక్కించుకున్న ఏకైక భారతీయ సెలబ్రిటీగా షారుక్‌ నిలిచారు. అంతర్జాతీయంగా జే-జెడ్‌, టేలర్‌ స్విఫ్ట్‌, రిహానా వంటి ప్రముఖులతో ఆయన ఈ జాబితాలో ఉన్నారు.అమితాబ్‌ బచ్చన్‌ సంపద ఎంతంటే?బాలీవుడ్‌ దిగ్గజ నటుడు అమితాబ్‌ బచ్చన్‌ కూడా భారీగా సంపద పెంచుకున్నారు. 2025లో సుమారు రూ.1,630 కోట్లుగా ఉన్న ఆయన ఆస్తులు.. 2026లో రూ.4,000 కోట్లకు చేరినట్లు హురున్‌ జాబితా వెల్లడించింది. ముఖ్యంగా రియల్‌ ఎస్టేట్‌ పెట్టుబడుల ద్వారా ఆయన సంపద గణనీయంగా పెరిగినట్లు తెలుస్తోంది.సల్మాన్‌, హృతిక్‌ కూడా టాప్‌లో..బాలీవుడ్‌ స్టార్‌ హీరో సల్మాన్‌ ఖాన్‌ ఈ ఏడాది తొలిసారి హురున్‌ రిచ్‌ లిస్ట్‌లో చోటు దక్కించుకున్నారు. ఆయన సంపద విలువ సుమారు రూ.3,000 కోట్లుగా నమోదైంది. ఇక హృతిక్‌ రోషన్‌ సుమారు రూ.2,500 కోట్ల ఆస్తులతో ఆయన తర్వాతి స్థానంలో ఉన్నారు.ఇదీ చదవండి: సుకుమార్ ఇంటిచుట్టూ మూడేళ్లు తిరిగితే చివరకు

దళపతి విజయ్ తనయుడు జేసన్ సంజయ్ డైరెక్షన్‌లో వచ్చిన డెబ్యూ మూవీ సిగ్మా. ఈ చిత్రంలో టాలీవుడ్‌ హీరో సందీప్ కిషన్ నటించారు. దర్శకుడిగా జేసన్‌కు మొదటి సినిమా కావడంతో విజయ్ అభిమానుల్లోనూ విపరీతమైన ఆసక్తి నెలకొంది. ఈ మూవీ ‍గాంధీ జయంతి సందర్భంగా అక్టోబర్ 2న విడుదలైంది.అయితే ఎన్నో అంచనాల మధ్య విడుదలైన సిగ్మా బాక్సాఫీస్ వద్ద మాత్రం నిరాశపరస్తోంది. రెండు రోజుల్లో కలిపి దేశవ్యాప్తందా కేవలం రూ. 4.40 కోట్లు మాత్రమే రాబట్టింది. నెట్ వసూళ్లపరంగా చూస్తే రూ. 3.85 కోట్లు సాధించింది. ట్రేడ్ వెబ్‌సైట్ శాక్‌నిల్క్ ప్రకారం రెండో రోజు ఈ మూవీ కేవలం రూ.1.50 కోట్ల వసూళ్లు మాత్రమే కలెక్ట్ చేసింది. రెండవ రోజు తమిళ వర్షన్ రూ. 95 లక్షల నికర వసూళ్ల రాబట్టగా.. తెలుగు వర్షన్ రూ. 55 లక్షలు మాత్రమే సాధించింది. శనివారం థియేటర్లలో కేవలం 19 శాతం ఆక్యుపెన్సీ మాత్రమే నమోదు చేసింది.కాగా.. ఈ చిత్రంలో సందీప్ కిషన్, ఫరియా అబ్దుల్లా జంటగా నటించారు. ఆర్థిక సమస్యలతో సతమతమవుతూ, అప్పు తీర్చడానికి ప్రయత్నించే ఒక లైబ్రేరియన్ కథే ఈ సిగ్మా. అతని పరిస్థితులు చివరికి అతన్ని డ్రగ్ డీలర్లు, అక్రమ క్యాసినోలు, దోపిడీలతో ప్రమాదకరమైన నేర ప్రపంచంలోకి ఎలా వెళ్లారనేదే కాన్సెప్ట్‌తో ఈ మూవీని తెరకెక్కించారు.

సినిమా ఇండస్ట్రీ అంటే పైకి కనిపించేంత అందంగా ఉండదు. ఎవరికైనా సరే దిగితే గానీ లోతు అర్థం కాదు. ఇప్పుడు దర్శకులుగా గుర్తింపు తెచ్చుకున్న చాలామంది చిన్నదో పెద్దదో కష్టాలుపడి పైకి వచ్చినవాళ్లే. అలాంటి వాళ్లలో దసరా, ప్యారడైజ్ సినిమాలు తీసిన డైరెక్టర్ శ్రీకాంత్ ఓదెల ఒకడు. స్టార్ దర్శకుడు సుకుమార్ దగ్గరే పనిచేయాలని పట్టుబట్టి ఏమేం చేశాడో తాజాగా రిలీజైన ఇంటర్వ్యూలో బయటపెట్టాడు. ఏకంగా మూడేళ్ల పాటు ఆయన ఇంటి చుట్టూ తిరిగిన విషయాన్ని పంచుకున్నాడు.(ఇదీ చదవండి: కొత్త తెలుగు సినిమాలు ఎలా ఉన్నాయి? కలెక్షన్స్ ఎంత?)'నేను ఇంటర్మీడియట్ చదువుతున్నప్పుడు శేషు అని ఓ సర్ ఉండేవారు. ఆయనకు సుకుమార్‌తో పరిచయం. అలా సుక్కు సర్ అవకాశం దొరుకుతుందేమోనని ప్రయత్నించాను గానీ కుదరలేదు. 'ఆర్య 2' తర్వాత అన్నపూర్ణ స్టూడియోలో ఓసారి సుక్కు సర్‌ని కలిశాను. ఆయన దగ్గరే పనిచేయాలని ఏకంగా మూడేళ్ల పాటు సుకుమార్ ఇంటి చుట్టూ తిరిగాను. ఉదయం 5 గంటలకల్లా అపార్ట్‌మెంట్ దగ్గరకు వెళ్లిపోయేవాడిని. గుడ్ మార్నింగ్, గుడ్ నైట్ సరిగ్గా మూడేళ్లపాటు చెప్పాను. ఆ తర్వాత ఓసారి ఎవడ్రా నువ్వు? ఏం కావాలి నీకు? అని సుకుమార్ అడిగితే.. ఇలా అసిస్టెంట్ డైరెక్టర్ అవ్వాలనుకుంటున్నాను చెప్పాను. అయితే ఓ షార్ట్ ఫిలిం తీసిరా చూద్దామని అన్నారు''షార్ట్ ఫిలిం తీసి వెళ్తే రకరకాల గొడవలు జరిగి ఎలాగోలా సుక్కు సర్ దగ్గర 'నాన్నకు ప్రేమతో' సినిమాకు పనిచేశాను. తర్వాత 'రంగస్థలం' కోసం షూటింగ్ మొదలైన రోజు నుంచి రిలీజైనంత వరకు పనిచేశాను. ‍కేవలం రెండు మూవీస్ కోసం మాత్రమే పనిచేస్తానని సుక్కు సర్‌కి ముందే చెప్పేశాను. అయితే సుకుమార్ దగ్గర చేరడానికి ముందు దేశంలో నం.1 దర్శకుడి దగ్గర నాకు అవకాశమొచ్చింది. అప్పట్లోనే నెలకు రూ.50 వేల జీతం అన్నారు. కానీ నేను చేస్తే సుకుమార్ దగ్గరే పనిచేస్తానని ఆ ఛాన్స్ వదిలేసుకున్నాను' అని శ్రీకాంత్ చెప్పుకొచ్చాడు.(ఇదీ చదవండి: బిగ్‌బాస్ 10: ఈ వారం ఎలిమినేట్ అయ్యేది ఆమెనా?)

సినిమా అంటేనే లాజిక్కులేని మాజిక్కు. పైగా ఆ మాజిక్కుకు ఎమోషన్ జోడిస్తే ఇక అది ఊహకందని క్రియేటివిటీ అవుతుంది. అదే క్రియేటివిటీని టైటిల్ కార్డు నుంచి శుభం కార్డు వరకు చూడలనుకుంటే ఈ సినిమానే చూడాలి. అదే బేబీ డూ డైడూ. ఈ సినిమా ఆలోచనే సామాన్య ప్రేక్షకులకు ఔరా అనిపిస్తుంది. అంతేకాదు ఈ సినిమా ఓ సాహసమనే చెప్పాలి. బాలివుడ్ దర్శకుడు నచికేత్ సామంత్ మంచి హోం వర్క్ తో లాజిక్కులేని మాజిక్కుని ప్రేక్షకులు నమ్మేట్టే చేశారు. పైగా ఈ సినిమా ప్రధాన పాత్రలో ప్రముఖ బాలివుడ్ నటి హ్యుమాఖురేషి నటించి మెప్పించింది.మరి ఈ బేబీ డూ డై డూ సినిమా కథ ఏంటంటే.. ఓ పేద కుటుంబంలో పిల్లలైన ఇద్దరు అక్కాచెల్లెళ్ళు ఆడుకుంటూ ఓ పాడుబడ్డ బంగ్లాలోకి చేరుకుంటారు. ఆ ఇద్దరిలో ఒక అమ్మాయికి వినబడదు, మాట్లాడలేదు. అలా ఆ బంగళా లోపలికి వెళ్ళిన ఆ పిల్లలు ఓ ముసుగువ్యక్తిని చూస్తారు. ఆ ముసుగువ్యక్తి మరో వ్యక్తిని చంపుతూ ఉంటాడు. ఇంతలో ఈ పిల్లలు చేసిన అలికిడి వల్ల వీళ్ళిద్దరినీ వెంబడిస్తాడు. ఆ సమయంలో ఇద్దరిలో అన్నీ బావున్న అమ్మాయి ఆ ముసుగువ్యక్తికి చిక్కుతుంది. అతను ఆ అమ్మాయిని చంపేస్తాడు. మూగ , చెవుడు ఉన్న అమ్మాయి మాత్రం తప్పించుకుంటుంది.ఆ పాప పేరే బేబీ. తాను తప్పించుకునే ముందు బేబీ తన సోదరిని ఆ ముసుగు వ్యక్తి చంపడాన్ని చూసి అతని పై పగ పెంచుకుంటుంది. బేబీ పెరిగేకొద్దీ అతని మీద తన పగ కూడూ పెంచుకుంటుంది. పుట్టు మూగ, చెవుడు ఉన్న బేబీ పాపా అనే వ్యక్తి దగ్గర శిక్షణ తీసుకుని ఓ హిట్ ఉమెన్ గా తయారవుతుంది. పాపా చెప్పిన వ్యక్తులను గొడుగు తుపాకీ సాయంతో చంపేస్తూ ఉంటుంది. పైకి ఓ సాదా సీదా అమ్మాయిలా కనిపించే బేబీ లోపల కరడు గట్టిన హంతకురాలిలా తయారవుతుంది. మరి ఈ ప్రయాణంలో బేబికి ఆ ముసుగు వ్యక్తి దొరుకుతాడా లేదా అన్నది మాత్రం నెట్ ఫ్లిక్స్ లో స్ట్రీమ్ అవుతున్న బేబీ డూ డై డూ సినిమాలోనే చూడాలి. ఇదో మంచి థ్రిల్లర్. సినిమా ఆఖర్లో వచ్చే ట్విస్టులు మాత్రం ఊహకందనివి. వీకెండ్ కు ఓ మంచి టైంపాస్ సినిమా.

రీసెంట్ టైంలో హీరోలందరూ ఊరమాస్, యాక్షన్ బాట పడుతున్నారు. 'పెద్ది'తో రామ్ చరణ్, 'ప్యారడైజ్'తో నాని ఈ తరహా మూవీస్ చేయగా.. ఇప్పుడు శర్వానంద్ 'భోగి' అనే మాస్ యాక్షన్ సినిమాతో రాబోతున్నాడు. ఈ చిత్ర టీజర్ తాజాగా రిలీజ్ చేశారు. అలానే థియేట్రికల్ విడుదల తేదీని వెల్లడించారు.సంపత్ నంది దర్శకత్వంలో శర్వానంద్ హీరోగా అనుపమ పరమేశ్వరన్ హీరోయిన్‌గా చేసిన సినిమా 'భోగి'. డింపుల్ హయాతి కీలక పాత్రధారి. తాజాగా రిలీజ్ చేసిన టీజర్ బట్టి చూస్తే తెలంగాణ నేపథ్యంలోని పీరియడ్ బ్యాక్‌డ్రాప్‌ స్టోరీ అని అర్థమైంది.దొరల దురాగతాలు, అణచివేతకు ఎదురుతిరిగే ఓ నాయకుడి కథని పవర్‌ఫుల్‌గా చూపించినట్లు తెలుస్తోంది. టీజర్‌లోని విజువల్స్, యాక్షన్ సీక్వెన్స్‌లు సినిమాపై అంచనాలను పెంచేలా ఉన్నాయి. శర్వానంద్ సరికొత్త అవతారంలో మాసీగా కనిపించాడు. వచ్చే నెల 12న థియేటర్లలో మూవీ రిలీజ్ కానుంది. భీమ్స్ ఈ చిత్రానికి సంగీతమందించాడు.

దాదాపు 95 ఏళ్ల వయసులో దర్శకత్వం వహించిన సంచలనం సృష్టించిన డైరెక్టర్ సింగీతం శ్రీనివాసరావు. సింగ్ గీతం పేరుతో మూవీని తెరకెక్కించారు. ఇది చూశాక డైరెక్షన్‌కు వయసుతో సంబంధం లేదని నిరూపించారు. మలి వయసులో ఆయన చూపిన దర్శకత్వ బాధ్యతను చూసి అందరూ ఆశ్చర్యపోయారు. ఈ వయసులోనూ మరో సినిమాల చేయాలనుకున్న ఆయన.. తన కల నేరవేరకుండానే తుదిశ్వాస విడిచారు.సింగ్ గీతం తర్వాత మరో సినిమాల చేయాలని సింగీతం శ్రీనివాసరావు భావించారు. అంతేకాకుండా ఈ విషయాన్ని కల్కి డైరెక్టర్ నాగ్ అశ్విన్ సోషల్ మీడియాలో పంచుకున్నారు. ఆయన తన 62వ చిత్రం టైటిల్ కూడా తనతో చెప్పారని వాట్సాప్‌ చాట్‌ను షేర్ చేశారు. ఎ ఫ్రూట్ కట్స్ ది నైఫ్ అనే టైటిల్‌తో మూవీ తెరకెక్కించనున్నానని చెప్పారని నాగ్ అశ్విన్ తెలిపారు. ఆయన మరణం వేళ ఈ విషయాన్ని నాగ్ అశ్విన్ రివీల్ చేశారు. చివరిదశలోనూ ఆయన దర్శకత్వం వహించాలని చూడడం చూస్తుంటే.. సినిమాపై ఆయనకున్న మక్కువ, ఆసక్తి ఏంటో ప్రతి ఒక్కరికీ అర్థమవుతోంది. ఇక ఇప్పుడు.. సింగీతం 62వ ప్రాజెక్ట్‌ను నాగ్ అశ్విన్ గానీ, మరెవరైనా గానీ దానిని ముందుకు తీసుకెళ్లి, ఆ సినిమా చేస్తారేమో తెలియాలంటే వేచి చూడాల్సిందే.

టైటిల్ : ప్రేమనే ఊరిలోనటీనటులు: శ్రీరామ్, రంగయనా రఘు, తపస్విని పూనాచా, రమికా శివు, గోవిందే గౌడ, సువీష్ చంద్ర, అభిషేక్ కల్మణి, అభి మహేష్ తదితరులునిర్మాత: మమతా దేవేంద్ర ఎం, సురేష్ కొండేటిదర్శకత్వం: మనోజ్ కుమార్సంగీతం: సునాద్‌ గౌతమ్‌సినిమాటోగ్రఫి: రాజ్‌కాంత్ ఎస్‌కేఎడిటర్: హర్షిత్ ప్రభువిడుదల తేది: అక్టోబర్‌ 2, 2026కన్నడలో చిన్న చిత్రంగా విడుదలై మంచి విజయం అందుకున్న చిత్రం ‘ప్రేమద ఊరలి’. ఇప్పుడీ చిత్రాన్ని ‘ప్రేమనే ఊరిలో’పేరుతో తెలుగులో ఈ శుక్రవారం(అక్టోబర్‌ 2) రిలీజ్‌ చేశారు. మరి ఈ ప్రేమకథా చిత్రం తెలుగు ప్రేక్షకులను ఏమేరకు ఆకట్టుకుంది? రివ్యూలో చూద్దాం.కథేంటంటే.. నాగన్న(రంగయాన రఘు) అనే రైతు తన భార్య చనిపోవడంతో కొడుకు సంతోష్(శ్రీరామ్‌)ని అల్లారుముద్దుగా పెంచుకుంటాడు. స్కూల్‌కి వెళ్లమంటే వెళ్లకుండా.. నాన్నలాగే సంతోష్‌ కూడా రైతుగా మారి ఊర్లో వ్యవసాయం చేస్తుంటాడు. అయితే కొడుకుకు ఉన్నత చదువులు చదివిన అమ్మాయిని భార్యగా తీసుకురావాలనుకుంటాడు నాగన్న. ఆ కారణంగానే 30 ఏళ్లు దాటినా సంతోష్‌కి పెళ్లి జరగదు. అదే ఊర్లో మగరాయుడిలా తిరిగే మరదలు వసంత(రమికా శివు).. ఫ్రెండ్‌ చెప్పిన మాటలు విని సంతోష్‌ని ప్రేమిస్తుంది. తన ప్రేమ విషయం బావకి చెబుదామని వసంత అనుకున్న రోజే.. సంతోష్‌ సడెన్‌గా రుక్మిణి(తపస్విని పూనాచా)ని పెళ్లి చేసుకొని ఇంటికి తీసుకొస్తాడు. అసలు రుక్ష్మిణి ఎవరు? సంతోష్‌ ఆమెనే పెళ్లి చేసుకోవాలని నాగన్న ఎందుకుపట్టుపడ్డాడు? ఫస్ట్‌నైట్‌ ముందురోజు సంతోష్‌కి తెలిసిన విషయం ఏంటి? కొడుకు దగ్గర నాగన్న దాచిన నిజం ఏంటి? రుక్మిణి ఇంటి నుంచి ఎందుకు వెళ్లిపోయింది? మరదలు వసంతతో సంతోష్‌ రిలేషన్‌ ఎలా సాగింది? ఈ ముక్కోణపు ప్రేమకథలో ఎవరి ప్రయాణం ఏ దారికి చేరింది? అనేది తెలియాలంటే సినిమా చూడాల్సిందే.ఎలా ఉందంటే..అనుమానం పెనుభూతం అంటారు. ఒక్కసారి అది మనసులోకి చేరిందంటే.. చిన్న విషయాన్నీ పెద్దదిగా చూపిస్తూ బంధాలను దూరం చేస్తుంది. అదే నమ్మకంతో ఒకరి మనసును ఒకరు అర్థం చేసుకుంటే.. ఎలాంటి రిలేషన్‌ అయినా ఆనందంగా సాగుతుంది. ‘నమ్మకం అనేది మనసులో ఉండాలి.. వినే చెవుల్లో కాదు’ అని చాటిచెప్పిన చిత్రమే ‘ప్రేమనే ఊరిలో’ . ఎలాంటి రక్తపాతం, యాక్షన్‌ హంగులు లేకుండా స్వచ్ఛమైన పల్లెటూరి నేపథ్యంలో సాగే ప్రేమకథా చిత్రమిది. ఈ తరహా కథలు తెలుగు తెరకు కొత్తేమి కాదు. ఇంకా చెప్పాలంటే చాలా పాతకాలపు స్టోరీ. అయినప్పటికీ తెరపై చూస్తుంటే ఎంతో ఆహ్లాదకరంగా ఉంటుంది. కథలోని మెయిన్‌ పాయింట్‌.. ఇప్పటి జనరేషన్‌కి చాలా అవసరం అనే ఫీలింగ్‌ కలుగుతుంది. దర్శకుడు మనోజ్ కుమార్ పల్లెటూరి నేపథ్యంలో ఓ ముక్కోణపు ప్రేమకథను రాసుకొని..దానికి రకరకాల భావోద్వేగాలను యాడ్‌ చేసి ఫ్యామిలీ ఆడియన్స్‌ మెచ్చేలా ఈ చిత్రాన్ని తెరకెక్కించాడు. నాగన్న భార్య మరణం సీన్‌తో కథ ప్రారంభం అవుతుంది. కొడుకుపై ప్రేమతో ఇంకో పెళ్లి చేసుకోకుండా ఉండడం.. పెద్దయ్యాక కొడుకు కూడా నాన్నపై అంతే ప్రేమను పెంచుకోవడం..ఊర్లో వ్యవసాయం.. స్నేహితులతో ఆటలు, మరదలు చేసే అల్లరి పనులతో ఫుల్‌ ఎంటర్‌టైనింగ్‌ కథనం సాగిస్తూనే..మరోవైపు రుక్మిణీ జర్నీ చూపించారు. దీంతో ఎలాంటి సంబంధం లేని సంతోష్‌, రుక్మిణీల ఎలా కలుస్తారు? అనే క్యూరియాసిటీ ప్రేక్షకుల్లో కలుగుతుంది. అంతలోనే మరదలు వసంత.. బావపై మనసు పారేసుకుంటుంది. దీంతో ఈ కథ ట్రయాంగిల్‌ లవ్‌ స్టోరీగా మారుతుంది. ఓ ఎమోషనల్‌ పాయింట్‌తో ఫస్టాఫ్‌ ముగించి.. సెకండాఫ్‌పై కొంత క్యూరియాసిటీని పెంచేలా చేశాడు. ఇక ద్వితియార్థం చాలా వరకు ఎమోషనల్‌గా సాగుతుంది. నాగన్న సిస్టర్‌ ఎపిసోడ్‌ గుండెను బరువెక్కిస్తుంది. రైతుల గురించి రుక్మిణి చెప్పే డైలాగ్‌ కూడా బాగుంటుంది. చివరి 20 నిమిషాలు మరింత ఎమోషనల్‌గా సాగుతుంది. తండ్రి కొడుకుల ఎమోషన్‌.. భార్య భర్తల అనుబంధంతో పాటు అంతర్లీనంగా ఆడపిల్లల జీవితాల గురించి ఓ మంచి సందేశం ఇచ్చారు. అయితే ఫస్టాఫ్‌ కొంత సాగదీతగా అనిపించడంతో పాటు ట్రైయాంగిల్‌ లవ్‌స్టోరీ కూడా పలు పాత చిత్రాలను గుర్తు చేయడం కొంతవరకు మైనస్‌. అలాగే తెలుగులో పెద్దగా ప్రమోషన్స్‌ కూడా చేయలేదు. సినిమా చూసినవారికి నచ్చుతుందేమో కానీ.. అసలు రిలీజ్‌ అయిన విషయం వారికి తెలియాలి కదా? ప్రమోషన్స్‌ గట్టిగా చేసి ఉంటే ఫలితం మరోలా ఉండేది. ఎవరెలా చేశారంటే.. సినిమాలోని ప్రధాన పాత్రల్లో నటించినవారంతా తమ తమ బెస్ట్‌ ఫెర్ఫార్మెన్స్‌ఇచ్చారు. తండ్రి నాగన్న పాత్రలో రఘు ఒదిగిపోయాడు. ఎమోషనల్‌ సన్నివేశాల్లో చాలా బాగా నటించాడు. ఇక పల్లెటూరి కుర్రాడు సంతోష్‌ పాత్రకి శ్రీరామ్‌ న్యాయం చేశాడు.తెరపై హీరోలా కాకుండా..పక్కింటి అబ్బాయిలా కనిపిస్తాడు. ఇక మగరాయుడిలా తిరిగే పల్లెటూరి యువతి, హీరో మరదలు వసంతగా రమికా శివు తనదైన నటనతో ఆకట్టుకుంది. కొన్ని చోట్ల నవ్విస్తూనే మరికొన్ని చోట్ల కన్నీళ్లను తెప్పించింది. ఇక రుక్మిణి క్యారెక్టర్‌లో తపస్విని ఒదిగిపోయింది. అయితే వీరిలో నాగన్న పాత్ర హైలెట్‌ అని చెప్పొచ్చు. సాంకేతికంగా సినిమా బాగుంది. మ్యూజిక్ స్పెషల్ ఎట్రాక్షన్. నేపథ్య సంగీతం సినిమాలోని సన్నివేశాలను ఎమోషనల్‌గా మలిచింది. సినిమాటోగ్రఫీ బాగుంది. పల్లెటూరి అందాలను తెరపై అద్భుతంగా చూపించారు. ఎడిటింగ్‌ పర్వాలేదు. నిర్మాణ విలువలు బాగున్నాయి.

దేవర సాంగ్‌ చుట్టమల్లే ఏఐ వీడియోపై టాలీవుడ్ సంచలన డైరెక్టర్ రాం గోపాల్ వర్మ స్పందించారు. ఈ వివాదంపై సెలబ్రిటీలు స్పందించడాన్ని ఆయన మండిపడ్డారు. అసభ్యకర లింక్, కంటెంట్ కోట్లాది మంది చూసే సెలబ్రిటీలే మరింత పబ్లిసిటీ చేశారని అభిప్రాయం వ్యక్తం చేశారు. కోట్లాది మంది దృష్టికి ఆ కంటెంట్‌ను తీసుకెళ్లే బదులు, దానికి బాధ్యులైన నిందితులను గుర్తించి పట్టుకోవడంపై దృష్టి పెట్టాల్సిందని ఆర్జీవీ తన ట్వీట్‌లో ప్రస్తావించారు.ఏఐ వీడియో వివాదంపై సినీ ప్రముఖులు స్పందించడాన్ని రామ్ గోపాల్ వర్మ తప్పుబట్టారు. బాధితురాలికి, అభ్యంతరకరమైన కంటెంట్‌కు మరింత ప్రచారం కల్పించేలా పోస్టులు చేయడం కూడా తప్పేనని ఆర్జీవీ తన ట్వీట్‌లో ప్రస్తావించారు. కాగా.. జూనియర్ ఎన్టీఆర్ హీరోగా వచ్చిన దేవరలోని చుట్టమల్లే వీడియో సాంగ్‌ను అసభ్యంగా ఎడిట్ చేసి సోషల్ మీడియాలో రిలీజ్ చేశారు. ఇది చూసిన ఎన్టీఆర్‌ సైతం ఇలాంటి వారిపై కఠిన చర్యలు తీసుకోవాలని మండిపడ్డారు. సాంకేతికతను దుర్వినియోగం చేసేవారిని వదిలిపెట్టనంటూ ట్వీట్ చేశారు. ఆ తర్వాత విజయ్ దేవరకొండ, చిరంజీవి సైతం ఎన్టీఆర్‌కు మద్దతుగా పోస్టులు పెట్టారు. The only thing all the celebrities succeeded in , is to publicise and thereby make crores and crores of people see the objectionable link ..The smart thing would have been to concentrate on catching the perpetrator and publicise that ..Instead what they did is to tweet and bring enormous attention to the victim’s identity and the offensive content which is also a crime— Ram Gopal Varma (@RGVzoomin) October 4, 2026

ప్రముఖ చిత్ర దర్శకులు సింగీతం శ్రీనివాసరావు మరణం పట్ల సంతాపం వ్యక్తం చేశారు. ఆయన మరణం తనను తీవ్రంగా దుఃఖిస్తున్నట్లు ట్వీట్ చేశారు. ఆయన ఒక నిజమైన దార్శనికుడని.. నూతన ఆలోచనలను అన్వేషించడంలో తనకున్న ఊహాశక్తి, ధైర్యంతో భారతీయ సినిమాకు కొన్ని మరపురాని చిత్రాలను అందించారని కొనియాడారు. సినిమాకు ఆయన చేసిన సేవను అపారమైన గౌరవంతో, ఆప్యాయతతో ఎల్లప్పుడూ గుర్తుంచుకుంటామని మెగాస్టార్ చిరంజీవి పోస్ట్ చేశారు. ఈ సమయంలో ఆయన కుటుంబ సభ్యులకు, ఆత్మీయులకు ప్రగాఢ సానుభూతి తెలిపారు. మిమ్మల్ని మిస్ అవుతాము సింగీతం గారు..కానీ మీ చిత్రాలు తరతరాలకు స్ఫూర్తినిస్తూనే ఉంటాయని కొనియాడారు.హీరో వెంకటేశ్ సంతాపం..సింగీతం శ్రీనివాసరావు గారి మరణవార్త విని హృదయ విదారకంగా ఉందని హీరో వెంకటేశ్ అన్నారు. ఆయన పనితీరుకు ప్రతీకగా నిలిచినటువంటి జిజ్ఞాస, మౌలికత, ఉల్లాసం వంటి లక్షణాలతో సినిమాను ఆదరించిన దర్శకులు చాలా కొద్దిమందే ఉంటారని గుర్తు చేసుకున్నారు. సినిమాలోని మాయాజాలం, దానిలోని అవకాశాలపై నమ్మకాన్ని ఎన్నడూ కోల్పోని అరుదైన దర్శకుడని కొనియాడారు. తెలుగు సినిమా చరిత్రలో ఒక అసాధారణ అధ్యాయానికి ఇది నిజంగా ఒక ముగింపు అని అన్నారు. ఈ విషాద సమయంలో ఆయన కుటుంబ సభ్యులకు, స్నేహితులకు, ఆయనతో కలిసి పనిచేసే అదృష్టం పొందిన ప్రతి ఒక్కరికీ ప్రగాఢ సానుభూతి అంటూ పోస్ట్ చేశారు. సింగీతం గారు... శాంతిగా విశ్రమించండి, మీరు మాకు అందించిన చిత్రాల ద్వారా మిమ్మల్ని ఎల్లప్పుడూ గుర్తుంచుకుంటామని ట్వీట్‌లో రాసుకొచ్చారు. Deeply saddened by the passing of the legendary filmmaker ‘Singeetam Srinivasa Rao’ garu. A true visionary, his imagination and courage to explore new ideas gave Indian cinema some of its most unforgettable films. His contribution to cinema will always be remembered with immense respect and affection. His recent film ‘Sing Geetham’ was a beautiful testament to his undying passion for storytelling. At heart, he remained forever young, curious and eager to create. My heartfelt condolences to his family and loved ones. We will miss you, Singeetam garu. Your films will continue to speak to generations. Om Shanti 🙏— Chiranjeevi Konidela (@KChiruTweets) October 4, 2026 Heartbroken to hear about the passing of Singeetam Srinivasa Rao garu. Few filmmakers have embraced cinema with the kind of curiosity, originality and playfulness that defined his work. He was a rare filmmaker who never stopped believing in the magic and possibilities of cinema. It is truly the end of an extraordinary chapter in Telugu cinema. My deepest condolences to his family, friends and everyone who had the privilege of knowing and working with him. Rest in peace, Singeetam garu. You will always be remembered through the films you gave us. 🙏— Venkatesh Daggubati (@VenkyMama) October 4, 2026

యంగ్ టైగర్ ఎన్టీఆర్‌కు మద్దతుగా విజయ్ దేవరకొండ నిలిచారు. ఏఐ సాంకేతికతతో జరుగుతున్న విపరీత సంస్కృతిపై ఆయన మండిపడ్డారు. మనం పూర్తిగా నీచ స్థాయికి దిగజారామని విజయ్ దేవరకొండ ట్వీట్ చేశారు. దీనికి బాధ్యులైన వారిని వదిలిపెట్టకూడదని.. ఇలాంటి అత్యంత కఠినమైన చట్టపరమైన పరిణామాలను ఎదుర్కోవాలన్నారు. ఇతరులకు ఒక గుణపాఠంగా నిలవాలి.. ఇలాంటి వారిని మనం ఉపేక్షించకూడదని పోస్ట్ చేశారు.విజయ్ తన ట్వీట్‌లో రాస్తూ..'మనం పూర్తిగా నీచ స్థాయికి దిగజారిపోయా. మనం ఒకరిపట్ల ఒకరం ఎప్పుడు ఇంత సున్నితత్వం లేకుండా తయారయ్యాం? ఇది ఎలాంటి పెంపకం? మనం ఎలాంటి సమాజంలో జీవిస్తున్నాం? ఒకరినొకరు కించపరచుకోవడంలో ఆనందాన్ని పొందే సమాజంలోనా? ప్రపంచం మొత్తం ఏఐ జీవనోపాధులను ఎలా దెబ్బతీస్తుందో, ఉద్యోగాలను ఎలా లాగేస్తుందో అని చర్చించుకుంటూ భయపడుతున్నారు. ఇలాంటి తరుణంలో ఈ మూర్ఖులు అదే టెక్నాలజీని ఉపయోగించి పూర్తిగా అర్థంలేని పనులు చేస్తున్నారు. ఇది డిజిటల్ రూపంలో జరిగిన లైంగిక దాడి. చట్టం ఇటువంటి చర్యలను అత్యంత తీవ్రంగా పరిగణించాలి. దీనికి వ్యతిరేకంగా నిలబడిన బృందానికి నా పూర్తి మద్దతు ఉంది' అంటూ పోస్ట్ చేశారు.కాగా. ఎన్టీఆర్ మూవీ దేవరలోని చుట్టమల్లే సాంగ్‌ను ఏఐతో చాలా అసభ్యంగా ఎడిట్ చేశారు. ఇది చూసిన హీరో ఎన్టీఆర్‌ ఆగ్రహం వ్యక్తం చేశాడు. ఏఐ ద్వారా ఎడిట్‌ చేసిన ఆ వీడియోని షేర్‌ చేసిన వారిపై లీగల్‌ యాక్షన్‌ తీసుకుంటామని హెచ్చరించాడు. ఒక ఆడపిల్లను అత్యంత అవమానకరంగా చూపేందుకు ఏఐని ఉపయోగించడం సిగ్గు చేటు అని.. ఎట్టిపరిస్థితుల్లోనూ వారిని వదిలిపెట్టబోనని హెచ్చరించాడు. ఈ మేరకు ఎక్స్‌లో సుధీర్గమైన పోస్ట్‌ పెట్టాడు. ఇది చూసిన విజయ్ దేవరకొండ ఎన్టీఆర్‌కు మద్దతుగా పోస్ట్ పెట్టారు. We have stooped to the levels of absolute lowlife. Whoever is responsible for this should not be spared. They must face the harshest possible legal consequences and be made an example of. We must not let this go. when did we became so insensitive to each other. What kind of parenting is going on? what kind of society are we living in? Where we find joy in degrading each other? At a time when the world is debating and fearing how AI disrupt livelihoods and take away jobs, these idiots are using that very technology to do utter nonsense. This is the digital equivalent of sexual assault. The law must treat such acts with utmost seriousness. And to the team standing up against this, you have my full support.— Vijay Deverakonda (@TheDeverakonda) October 3, 2026

ఇరుముడి మూవీతో సూపర్ హిట్‌ తన ఖాతాలో వేసుకున్న డైరెక్టర్ శివ నిర్వాణ. రవితేజ హీరోగా వచ్చిన ఈ సినిమా బాక్సాఫీస్ వద్ద ప్రభంజనం సృష్టించింది. తండ్రీ కూతుళ్ల సెంటిమెంట్‌ ఆధారంగా ఈ చిత్రాన్ని ప్రేక్షకుల ముందుకు తీసుకొచ్చారు. ప్రస్తుతం ఈ సినిమా ఓటీటీలో అందుబాటులో ఉంది. నెట్‌ఫ్లిక్స్ వేదికగా స్ట్రీమింగ్ అవుతోంది.అయితే తాజాగా టాలీవుడ్‌లో ఓ క్రేజీ టాక్ వినిపిస్తోంది. డైరెక్టర్ శివ నిర్వాణ తన నెక్ట్స్ ప్రాజెక్ట్ కోసం హీరోను ఎంపిక చేశారని తెలుస్తోంది. ఇటీవలే ది ప్యారడైజ్‌తో అలరించిన హీరో నానితో తన తదుపరి మూవీ చేయనున్నారని టాలీవుడ్ టాక్. ఇప్పటికే నాని కోసం ఒక ఎమోషనల్ కథను సిద్ధం చేశారని సమాచారం. ఈ ప్రాజెక్ట్‌ను షైన్ స్క్రీన్స్ బ్యానర్‌పై సాహు గారపాటి నిర్మించే అవకాశం ఉందని తెలుస్తోంది. దీనిపై త్వరలోనే అధికారిక ప్రకటన వచ్చే ఛాన్స్ ఉంది.గతంలో వీరిద్దరి కాంబోలో నిన్ను కోరి, టక్ జగదీశ్ చిత్రాలు వచ్చాయి. ఈ ప్రాజెక్ట్‌ ఓకే ‍అయితే ముచ్చటగా మూడోసారి వీరి కాంబినేషన్‌లో మూవీ తెరకెక్కనుంది. మరోవైపు నాని ది ప్యారడైజ్ తర్వాత బ్లడీ రోమియో మూవీలో నటించనున్నారు. ఈ సినిమాకు సుజిత్ దర్శకత్వం వహిస్తున్నారు. ఆ తర్వాత వెంకీ అట్లూరి దర్శకత్వంలో సితార ఎంటర్‌టైన్‌మెంట్స్ నిర్మించే మరో ప్రాజెక్ట్ కోసం కూడా చర్చ జరుగుతోంది. రాబోయే రోజుల్లో నెక్ట్స్ ప్రాజెక్ట్ ఏంటనేది క్లారిటీ వస్తుంది.

ఎన్టీఆర్‌ హీరోగా ప్రశాంత్‌ నీల్‌ దర్శకత్వంలో వస్తోన్న యాక్షన్ మూవీ ‘డ్రాగన్‌’. ప్రస్తుతం ఈ మూవీ షూటింగ్ అక్టోబర్‌లోనే మొదలు కానుందని తెలుస్తోంది. ఎన్టీఆర్‌–షాహిద్‌ల మధ్య సన్నివేశాలను చిత్రీకరించేలా ప్లాన్‌ చేస్తున్నారని టాక్ వినిపిస్తోంది. ఈ చిత్రాన్ని మైత్రి మూవీ మేకర్స్ బ్యానర్‌లో తెరకెక్కిస్తున్నారు. ఈ మూవీని నందమూరి కల్యాణ్‌ రామ్, నవీన్‌ ఎర్నేని, వై. రవిశంకర్, కొసరాజు హరికృష్ణ సంయుక్తంగా నిర్మిస్తున్నారు. ఇటీవల డ్రాగన్‌ వాయిదా పడుతుందనే వార్తలొచ్చాయి. ఈ నేపథ్యంలోనే నిర్మాత యలమంచిలి రవిశంకర్ స్పందించారు.ఇటీవల ఓ మూవీ ప్రీ రిలీజ్‌కు ఈవెంట్‌కు హాజరైన ఆయన ఎన్టీఆర్ డ్రాగన్‌ మూవీపై మాట్లాడారు. ఈ సినిమా అనుకున్న టైమ్‌కు రిలీజ్ కానుందని ప్రకటించారు. డ్రాగన్‌ విడుదలలో ఎలాంటి ఆలస్యం జరగదని క్లారిటీ ఇచ్చారు. కాగా.. ఈ చిత్రంలో రుక్మిణీ వసంత్‌ హీరోయిన్‌గా నటిస్తున్నారు. ఈ చిత్రం వచ్చే ఏడాది జూన్‌ 11న రిలీజ్‌ కానుంది. మొదటి ఈ మూవీని జూన్ 25 రిలీజ్ చేస్తామని ప్రకటించారు. కానీ మళ్లీ ముందే విడుదల చేయనున్నట్లు వెల్లడించారు.

బిగ్‌బాస్ సీజన్ 10 మరింత ఆసక్తికరంగా మారుతోంది. వీకెండ్ ఎపిసోడ్‌ వచ్చిందంటే చాలు.. ఎవరు ఎలిమినేట్ అవుతారనే విషయంలో ఇంట్రెస్టింగ్‌ ఎక్కువ ఉంటుంది. ప్రస్తుతం బిగ్‌బాస్ తెలుగు 10వ సీజన్‌లో నాలుగో వారం ఎండ్‌కు వచ్చేసింది. గతవారం మిథిలేష్.. రూ.15 లక్షలు తీసుకుని బయటకెళ్లిపోవడంతో ఎలిమినేషన్ జరగలేదు. ఈసారి మాత్రం కచ్చితంగా ఒకరు బయటకెళ్లిపోవడం గ్యారంటీ అని తెలుస్తోంది.అయితే వీకెండ్‌ ఎపిసోడ్‌లో నాగార్జున కంటెస్టెంట్ల చేసిన తప్పులను చర్చిస్తుంటారు. హౌస్‌లో ఎవరితో ఎవరు ఎలా ఉన్నారు? అని తేల్చేస్తారు. అలా వార్నింగ్‌లతో పాటు కంటెస్టెంట్లకు దిమ్మతిరిగేలా కౌంటర్ ఇస్తుంటారు. అందుకే ఈ వీకెండ్ ఎపిసోడ్‌ ఫుల్ హాట్‌హాట్‌గా సాగుతోంది. నాగ్ వచ్చిన ఈ వారం వీకెండ్‌లో ఏం జరిగిందో హైలెట్స్‌లో చూసేద్దాం.అయితే ఈ వారంలో కెప్టెన్‌గా వ్యవహరించిన అపూర్వకు నాగార్జున షాకిచ్చాడు. కెప్టెన్‌గా రూమ్ వాడిన విధానాన్ని తప్పుపట్టారు. నువ్వు ఒక డిజాస్టర్ కెప్టెన్‌ అని అపూర్వకు ఝలక్‌ ఇచ్చాడు. ఆ తర్వాత ఆటో రామ్‌ప్రసాద్‌కు వార్నింగ్ ఇచ్చాడు. నువ్వేమైనా పిస్తావా అంటూ గట్టిగానే ఇచ్చిపడేశాడు. నామినేషన్స్‌ విషయం డిస్కస్‌ చేయొద్దని చెప్పాం కదా అన్నాడు. అందుకే నిన్ను కన్నింగ్ అని పిలుస్తారని నాగ్‌ అన్నారు.ఆ తర్వాత షాలినిని షాలినికి నాగ్ ఇచ్చిపడేశాడు. ఎఫ్‌ అనే అనే బూతు ఏంటని నిలదీశారు. నీ భాష ఆడియన్స్ వింటే మిమల్ని ఎక్కడికి పంపాలో అక్కడికే పంపేస్తారని చెప్పారు. అంతేకాకుండా అన్నింటికి పెద్ద పెద్దగా అరుస్తున్నావ్.. ముందు నీ ఆట తీరు మార్చుకో అని స్వీట్ వార్నింగ్ ఇ‍చ్చారు. అమన్‌ని లివింగ్ రూంకి పిలిచి ఈ వారం ఆట ఎలా ఆడావని అడుగుతారు. అమన్ చెప్పగానే.. వెంటనే ఎల్లో కార్డు చూపించి ఇంకోసారి నువ్వు ఒక్క తప్పు చేసినా వెంటనే ఇంటి నుంచి వెళ్లిపోతావ్.. ఇదే నీకు ఫైనల్ వార్నింగ్ అని నాగ్ చెప్తారు.త్రిగుణ్‌ని పిలిచి నాగ్ వార్నింగ్ ఇస్తాడు. ఇది నీ ఇల్లు కాదు.. నీకు నచ్చినట్లు ఉండటం కాదు.. అని త్రిగుణ్‌కి కూడా నాగ్ పసుపు ఎల్లో కార్డ్ చూపిస్తాడు. ఆ తర్వాత నాగ్ ఇంటి తలుపులు ఓపెన్ చేయిస్తారు. ఆ తర్వాత చరణ్, రోహిత్ మధ్య జరిగిన సంభాషణ వీడియోను చూపిస్తారు. అందులో రోహిత్ చరణ్‌తో సైలెంట్‌గా బూతులు మాట్లాడతాడు. అవి విన్నాక బిగ్‌బాస్ నన్ను ఏం పీకలేడు అదే కదా నీ ఉద్దేశం అని నాగ్ అంటారు. అందరూ రోహిత్‌ది తప్పు ‍అనడంతో.. నువ్వు ఇంటి నుంచి వెళ్లిపో అని నాగ్ ఆగ్రహం వ్యక్తం చేస్తారు. దీంతో రోహిత్ క్షమాపణలు చెప్తాడు. చివరికీ నాగ్ రోహిత్‌కి ఎల్లోకార్డు చూపిస్తారు. ఇది ఫైనల్ వార్నింగ్ అంటూ డోర్స్ క్లోజ్ చేయించి రోహిత్‌ని పిలుస్తారు. ఆ తర్వాత రోహిత్.. సృష్టితో వ్యవహరించిన తీరును నాగ్ ఎత్తిచూపిస్తారు. రోహిత్ డ్రమ్ తన్నేసిన వీడియో చూపించడంతో.. రోహిత్ చాలా తప్పు చేశాడని హౌస్‌మేట్స్ అంటారు. ఆటలో ఉన్మాదం వద్దు.. ఇలాంటి రోజు మళ్లీ రాకూడదని నాగ్ చెప్పడంతో ఇవాళ్టి ఎపిసోడ్ ముగుస్తుంది.

సింగీతం శ్రీనివాసరావు టైమ్‌ మిషన్‌ ఎక్కారు. అయితే ఆయన భౌతిక శరీరమే అంతరిక్ష సెట్‌కు చేరుకుంటుంది. ఆయన తన సినిమాలతో అమరుడై ‘మానసవీణ మధుగీతం’ ఆలపిస్తూనే ఉంటాడు. కె.వి. రెడ్డి శిష్యుడు... గురువును మించిన శిష్యుడయ్యాడు. ఆయనకు జానర్‌ లేదు. ‘మూకీ’ నుంచి ‘మరుగుజ్జు’ వరకు చేయని ప్రయోగం లేదు. 94 ఏళ్ల వయసులో కూడా దర్శకత్వం వహించిన అలుపెరుగని సృజనమూర్తి. సింగీతం సినీ జీనియస్‌. ఆయనకు వీడ్కోలు.సింగీతం శ్రీనివాస రావు ఇక లేరు ప్రముఖ చలనచిత్ర దర్శకుడు, స్క్రీన్‌ రైటర్, నిర్మాత, సంగీత దర్శకుడు, నటుడు సింగీతం శ్రీనివాసరావు (94) ఇక లేరు. వయోభారంతో కూడిన ఆరోగ్య సమస్యలతో ఆయన చెన్నైలోని కావేరి ఆసుపత్రిలో చికిత్స పొందుతూ శనివారం రాత్రి తుదిశ్వాస విడిచారు. ఆంధ్రప్రదేశ్‌ రాష్ట్రం నెల్లూరు జిల్లా ఉదయగిరిలోని ఓ కన్నడ బ్రాహ్మణ కుటుంబంలో ఆయన జన్మించారు. తండ్రి రామచంద్రరావు ప్రధానోపాధ్యాయుడు, తల్లి శకుంతల బాయి వయొలిన్‌ వాద్యకారిణి. ఇటు విద్యార్థిగా, అటు నాటకాలు... ఇలా రెండింటిలోనూ ప్రతిభను కనబరిచారాయన. చెన్నైలోని ప్రెసిడెన్సీ కళాశాల నుండి భౌతిక శాస్త్రంలో డిగ్రీ పట్టభద్రుడయ్యారు. చెన్నై సాలిగ్రామం భాస్కర కాలనీ పార్కులో కుమార్తె సుధా కార్తీక్, ఇతర కుటుంబ సభ్యులతో ఆయన కలిసి ఉంటూ వచ్చారు. భారతదేశపు అత్యంత బహుముఖ ప్రజ్ఞాశాలి, వినూత్న చిత్ర దర్శకుల్లో ఒకరిగా పేరు గడించారు సింగీతం. తెలుగు, కన్నడ, తమిళం, హిందీ, ఆంగ్లంతో సహా పలు భాషల్లో సుమారు 60 చిత్రాలకు దర్శకత్వం వహించారు. ప్రయోగాత్మక విధానం ద్వారా దక్షిణ భారత సినిమాను విప్లవాత్మకంగా మార్చిన ఘనత ఆయనకు దక్కింది. 94 ఏళ్ల వయసులో ఆయన ‘సింగ్‌ గీతం’ సినిమాకి దర్శకత్వం వహించిన ఘనతను సొంతం చేసుకున్నారు. ఈ మూవీ ఈ ఏడాది జూన్‌ 12న విడుదలైంది. సింగీతం శ్రీనివాస రావు సతీమణి లక్మి కళ్యాణి 2022 మే 28న కన్నుమూశారు. సింగీతం పార్థివ దేహాన్ని స్వగృహానికి తరలించారు. నేటి సాయంత్రం ఆయన అంత్యక్రియలు జరిగే అవకాశాలున్నాయి. నటుడు కమల్‌హాసన్‌ తన తండ్రిని కోల్పోయి చాలా కాలం అయ్యింది. ఇప్పుడు తన సినీ తండ్రిని కోల్పోయారు. కమల్‌కు సింగీతం తండ్రి సమానులు. ‘సొమ్మొకడిది సోకొకడిది’లో కమల్‌హాసన్‌ డబుల్‌ యాక్షన్‌. తెలుగులో తమిళ హీరోని పెట్టి డబుల్‌ యాక్షన్‌ సినిమా తీయడం సింగీతం ప్రయోగం. అందులో తెలివైన కమల్‌హాసన్‌ మోసగాడైతే, అమాయక కమల్‌హాసన్‌ డాక్టర్‌. ఆ డాక్టర్‌ స్థానంలో కూచున్న మోసగాడు పేషెంట్‌గా వచ్చిన రమాప్రభను గర్భవతిగా డిక్లేర్‌ చేయడమే కాకుండా ఆమె వాడాల్సిన మందుగా రేడియోలో విన్న అనాసిన్‌ రాస్తాడు. ఈ సరదా సరదా సినిమాను తెలుగు ప్రేక్షకులు నవ్వుతూ నవ్వుతూ హిట్‌ చేశారు. ఆ సినిమాలోని ‘ఆ పొన్ననీడన ఈ కన్నెవాడలో ఉన్నా... వేచి ఉన్నా’ పాట రేడియోలో వస్తే కమల్, రోజా రమణితో పాటు సింగీతం కూడా గుర్తుకు వస్తారు.కమల్‌హాసనే సొంత నిర్మాణ సంస్థ పెట్టి ‘అమావాస్య చంద్రుడు’ తీయాలనుకున్నప్పుడు సింగీతాన్నే దర్శకుడిగా తీసుకున్నాడు. ఎందుకంటే అప్పటి వరకూ భారతీయ సినిమాల్లో అంధులుగా నటించే పద్ధతి వేరు. ఆ కృత్రిమ పద్ధతి నుంచి కమల్‌లోని నటుణ్ణి బయట పడేయాలంటే సింగీతమే గురువు. ఇంతకూ ఆ కథ ఏమిటి? మనిషికి చూపు లేకపోవచ్చు కానీ హృదయానికి ఉండదా? ప్రేమకు ఉండదా? అనుభూతికి ఉండదా? సినిమా విడుదలైనప్పుడు జనం ఎలా రిసీవ్‌ చేసుకోవాలో తెలియక కాస్త అయోమయం పడ్డారు. తర్వాత అది కల్ట్‌ క్లాసిక్‌గా నిలిచింది. ‘సుందరమో సుమధురమో చందురడంటిన చందన శీతలమో’... సుందర రామ్మూర్తి రాసిన సుందరగీతం ఇందులోదే.పిచ్చికి మేధస్సు తోడవ్వాలి. అప్పుడు కళ కొత్తగా రాణిస్తుంది. అప్పుడెప్పుడో మూకీ సినిమాలు వచ్చేవి. ఇప్పుడెందుకు మూకీ తీయకూడదు అనుకున్నారు సింగీతం. ఇది మేధ. ఈ మేధను పిచ్చిగా నమ్మి ముందుకు వచ్చినవాడు కమల్‌హాసన్‌. భారతీయ సినిమాల్లో దక్షిణాది వారి ఘనత ‘పుష్పక విమానం’. మాట లేకుండా కేవలం ఆర్టిస్టుల ప్రెజెన్స్‌తో కథను అర్థం చేయించిన సినిమా అది. మాట ఉన్న సినిమా కంటే ఎక్కువగా ప్రేక్షకుడి మనసును తాకిన సినిమా. నవ్వించి ఏడ్పించిన సినిమా. ఆ చిన్న సినిమాలోనే ఎంత క్రియేటివిటీ. రోజూ అలవాటైన థియేటర్‌ శబ్దాలను టేప్‌లో రికార్డు చేసుకొని వింటూ పడుకోవడం, కిడ్నాప్‌ చేసి ఎనీమా ఇవ్వడం, మంచు ఐసుతో హత్యకు ప్లాన్‌ చేయడం... హాలీవుడ్‌ వారు దిగదుడుపు. అన్నట్టు ఈ సినిమాకు సెన్సార్‌ ఎలా? ఏ రాష్ట్రం నుంచి తీసుకోవాలి? ఒక కిటుకు పాటించారు. ఏ భాషలో రిలీజ్‌ చేయాలనుకుంటే ఆ ప్రింట్‌లో కమల్‌ ఉంటున్న ‘చావిడి’లోని రేడియోలో ఆ భాష ప్రకటన వినపడేలా చేశారు. బాగా తీస్తే మూకీ అయినా హిట్‌ చేస్తాం అని ప్రేక్షకులు తమ ‘మౌత్‌ టాక్‌’తో నిరూపించారు. ఈ సినిమాలో పి.ఎల్‌. నారాయణ పాత్ర గుర్తుందా? ఆ బిచ్చగాడి దగ్గర డబ్బున్నా బిచ్చగాడే. సంపద ఉండి భార్యతో స్పర్థలున్నవాడు (కిడ్నాప్‌ అయినవాడు) కూడా సంతోషం లేని బిచ్చగాడే. జీవితం మనకు ఇచ్చేది మనం పొందడం తెలియాలి.సీజీలు, గ్రాఫిక్సు ఇంకా హాలీవుడ్డే పూర్తిగా అందుకోని రోజుల్లో హీరోని మరుగుజ్జుగా చూపడమా? ‘చూపలేమా?’ అని అడిగాడు కమల్‌. చూపొచ్చు అన్నారు సింగీతం. ‘విచిత్ర సోదరులు’ తయారైంది. ‘రాజా చేయి వేస్తే అది రాంగై పోదులేరా’ అని సింగీతం తన దర్శకత్వ నైపుణ్యమంతా ఉపయోగించి తీశారు. ఒక మామూలు కమల్‌హాసన్, మరో మరుగుజ్జు కమల్‌హాసన్‌ ఒకే ఫ్రేమ్‌లో కనిపించి జనానికి వింత పుట్టించారు. విచిత్రంగా ఉందే అనిపించారు. తీయడంలోనే కాదు కథ అల్లడంలోనూ కొత్తదనమే. మరుగుజ్జుకు కూడా మనసుంటుందనీ... ప్రేమిస్తాడని సగటు జనానికి అర్థం చేయిస్తారు. అన్నీ సక్రమంగా ఉన్నవారే అన్నింటికీ అర్హులు అనే మూసను సింగీతం చాలా స్పృహతో బద్దలు కొట్టారు. ఇందులో నగేష్‌ చేత విలన్‌ వేషం వేయించడం విశేషం. మరుగుజ్జు పాడే ట్రాజెడీ గీతం ‘నిన్ను తలచి మైమరచా’ సమోన్నతంగా నిలబడింది.స్క్రీన్‌ మీద ఒక కమల్‌ కనిపించడమే పండుగ అనుకుంటే నలుగురు కమల్‌హాసన్లు కనిపిస్తే? ‘మైకేల్‌ మదన కామరాజు’ అదే. ‘తిప్పూ తిప్పూ అంటూ ఉంటే స్కూటర్‌ తిప్పమన్నాడేమోనని కింద పడ్డానండీ’ అని వంటవాడు కమల్‌ చెప్తుంటే థియేటర్‌ గొల్లుమంటుంది. ఆరోగ్యకరమైన హాస్యం జీనియస్‌లకే సాధ్యం. ఈ సినిమాలోని ‘భీం భాయ్‌... భీం భాయ్‌’ జోక్‌ ఇప్పటికీ ప్రేక్షకుల వాడుకలో ఉంది. అసలు ఈ సినిమాలోని రెండు పాత్రలను తీసుకొని, ఆ ఇన్‌స్పిరేషన్‌తో ‘అదుర్స్‌’ రాసుకున్నారా అని అనిపిస్తుంది. ఈ సినిమాలో టైటిల్స్‌ పడేటప్పుడు వచ్చే పాటను సింగీతం పాడటమే కాదు... నటిస్తారు కూడా. ఈ కామెడీ వరుసలోనే ‘నవ్వండి లవ్వండి’, ‘ముంబై ఎక్స్‌ప్రెస్‌’ ఉన్నాయి. ‘ముంబై ఎక్స్‌ప్రెస్‌’ను చూసిన ప్రతిసారీ కొత్తగా నవ్వు వస్తుంటుంది. ఇంకొక ముఖ్యమైన సినిమా ‘ఆడవాళ్లకు మాత్రమే’. వర్క్‌ప్లేస్‌ సెక్సువల్‌ హెరాస్‌మెంట్‌ మీద దక్షిణాదిలో వచ్చిన తొలి సినిమా ‘ఆడవాళ్లకు మాత్రమే’. ఇందులో హెరాస్‌ చేసే బాస్‌గా నాజర్, బుద్ధి చెప్పే స్త్రీలుగా రేవతి, ఊర్వశి నటించారు. చాలా మంది సినిమా పరిశ్రమలో ‘చూద్దాం’ అని వస్తారు. కొందరు ‘చేద్దాం’ అని వస్తారు. మరికొందరు ‘నిలబడదాం’ అని వస్తారు. చాలా కొద్దిమంది మాత్రమే ‘మన శాశ్వత ముద్రను వదిలిపెడదాం’ అని వస్తారు. అలాంటి వాళ్లు లెజెండ్స్‌ అవుతారు. సింగీతం లెజెండ్‌. దర్శకత్వం తెలిసినవాడు ఒక్కో కథకు ఎలా దర్శకత్వం వహించాలో అలవోకగా తెలుసుకుంటాడు. అది తెలియనివాడు ఒకే కథను ఒక్కలాగే చెప్తూ కనుమరుగవుతాడు. సింగీతం కెమెరాతో కథ చెప్పగలడు. ఆ కథ ‘పంతులమ్మ’ అయితే ఒక రీతిలో చె΄్తాడు. ‘అమెరికా అమ్మాయి’ అయితే మరో రూపులో చె΄్తాడు. మరి బయోపిక్‌ అయితే? దానినీ సినీ గ్రామర్‌లోకి తెచ్చి హిట్‌ కొడతాడు. నిజ జీవితంలో కాలు పోగొట్టుకున్న డాన్సర్‌ సుధా చంద్రన్‌ జీవిత కథను తెర మీద చూపాలనుకున్నప్పుడు దానికి రక్తమాంసాలను, ఉద్వేగ ఉద్విగ్నతలను, సంఘటనలను, ఆరోహణలో సాగే కథను ఇవ్వడం సామాన్యం కాదు. ‘మయూరి’తో సింగీతం ఆ ఘనతను సొంతం చేసుకున్నారు. బయోపిక్‌లు ఎలా తీయాలో తెలియని రోజుల్లో తెలుగులో వచ్చిన క్లాసిక్‌ ‘మయూరి’. ‘ఇది నా ప్రియనర్తన వేళ’... బాల సుబ్రహ్మణ్యం చేత సంగీతం చేయించడం సింగీతం మార్క్‌.కె.వి. రెడ్డికి తాను అసిస్టెంట్‌గా పని చేసిన ‘మాయాబజార్‌’ తీసిన సంస్థకు సింగీతం అందించిన గురుదక్షిణ ‘భైరవద్వీపం’. జానపదాల ఊసులేని సమయంలో జానపదం తీసి సూపర్‌ డూపర్‌ హిట్‌ సాధించాడాయన. బాలకృష్ణకు ఈ సినిమా కలికితురాయిగా నిలిచింది. విజయావారి కథల వరుసలో రావి కొండలరావు కల్పించిన ఈ కథను టెక్నికల్‌గా టాప్‌క్లాస్‌ ప్రమాణాలతో చె΄్పాడాయన. మాధవ పెద్ది సురేష్‌ను సంగీతానికి తీసుకోవడం కూడా ఒక ప్రయోగమే. సాధారణంగా అంత పెద్ద సినిమాకు ఊపులో ఉన్న ఇళయరాజానో, చక్రవర్తినో తీసుకోవాలి. కానీ మాధవ పెద్దితో పాటలన్నీ హిట్‌ చేశారు సింగీతం. దాని ఆర్‌ఆర్‌ కూడా అద్భుతం. నాటి ‘నరవరా కురువరా’ పాట ఈ సినిమాలో ‘నరుడా ఓ నరుడా’గా మారడం సింగీతం స్పెషల్‌.దర్శకులు బాగా చదువుకోవాలి. చదువుతూ ఉండాలి. మన దగ్గర పుస్తకాలు చదివే దర్శకులు తక్కువ. కానీ సింగీతం గొప్ప చదువరి. అంతే కాదు కథలు రాసే రచయిత కూడా. ఆయన సంగీతజ్ఞానం అపారం. ప్రపంచ సినిమాల స్క్రీన్‌ప్లేలు కొట్టిన పిండి. సాహిత్యంలో గొప్ప క్లాసిక్స్‌ తెలుసు. అందుకే ఆయన మనసులో ‘టైమ్‌ మిషన్‌’ ఆలోచన వచ్చింది. ఆ ఆలోచనే ‘ఆదిత్య 369’ అనే అపూర్వ సినిమాగా మారింది. తెలుగువారు ఈ సినిమాలో టైమ్‌ మిషన్‌ ఎక్కారు. తమకెంతో ఇష్టమైన రాయలవారిని చూశారు. తెనాలి రామకృష్ణుడి కొంటె చేష్టలకు పగలబడి నవ్వారు. యంగ్‌ డైరెక్టర్ల కంటే చాలా గొప్పగా ఆ కాలానికి తగ్గ టేకింగ్‌తో ‘ఆదిత్య 369’ తీశారు సింగీతం. దాని సీక్వెల్‌ గురించి అనేక ఆలోచనలు సాగాయి. ఇక మీద ఆ సీక్వెల్‌ గురించి మనం వినం. సింగీతం రాజేంద్రప్రసాద్‌ హీరోగా తీసిన ‘మేడమ్‌’, ‘బృందావనం’ జనం మెచ్చిన సినిమాలే.సింగీతం శ్రీనివాసరావు మన దాసరి, కె. రాఘవేంద్రరావు, కోడి రామకృష్ణలకు మల్లే 100కి పైబడ్డ సినిమాలు తీయలేదు. కానీ ఆయన తన చాలా సినిమాలను మైలురాళ్లుగా నిలబెట్టారు. ఒక కొత్త దర్శకుడు ఆ మైలురాళ్లను చూసి వాటిలో ఒకటి రెండు దాటగలిగితే చాలు అనే స్థాయిలో ఆయన కృషి సాగింది.సింగీతం మరణంతో ఒక గొప్ప మేధో దర్శకుడు తెలుగువారికి దూరమయ్యాడు. ఆయన తీసిన ‘అమెరికా అబ్బాయి’లో ‘ఏ దేశమేగినా’ పాట ఉంది. అందులో ‘పొగడరా నీ తల్లి భూమి భారతిని’ అనే పంక్తి ఉంది. సింగీతం కృషిని చూస్తే ‘పొగడరా నీ తల్లి సినీ భారతిని’ అంటూ తెలుగు సినిమాకు జేజేలు పలుకుతున్నట్టుగా ఉంటుంది.ఆయనకు నూరు వీరతాళ్లు. సంగీత దర్శకునిగా...ప్రసిద్ధ సంగీత దర్శకుడు సాలూరి రాజేశ్వర రావుకు సింగీతం శ్రీనివాసరావు శిష్యుడు. ‘భాగ్యద లక్ష్మి బారమ్మ’, ‘సంయుక్త’ అనే రెండు విజయవంతమైన కన్నడ చిత్రాలకు సింగీతం శ్రీనివాసరావు సంగీతం అందించారు. అవార్డులు... సింగీతం శ్రీనివాసరావు 2021 సెప్టెంబర్‌ 17న హైదరాబాద్‌లోని జేఆర్‌సీ కన్వెన్షన్ హాలులో జరిగిన సాక్షి మీడియా ఎక్స్‌లెన్స్ అవార్డుల్లో భాగంగా 2019గాను జీవిత సాఫల్య పురస్కారం అందుకున్నారు. ఆయన తరఫున ఈ అవార్డును ప్రముఖ డైరెక్టర్‌ గుణశేఖర్‌ అందుకున్నారు. జాతీయ చలనచిత్ర పురస్కారాలు1973 – ఉత్తమ తమిళ చలన చిత్రం: ‘దిక్కట్ర పార్వతి’ 1988 – ఉత్తమ ప్రజాదరణ పొందిన వినోదాత్మక చిత్రం (పుష్పక)– (కన్నడ) నంది అవార్డులు 1985 – ఉత్తమ స్క్రీన్‌ ప్లే రచయిత – మయూరి1985 – ఉత్తమ దర్శకుడు – మయూరి1992 – ఉత్తమ స్క్రీన్‌ ప్లే రచయిత – బృందావనం1994 – ఉత్తమ దర్శకుడు – భైరవ ద్వీపం2012 – జీవితకాల సాఫల్యానికి బి.ఎన్‌. రెడ్డి జాతీయ పురస్కారం 19వ చెన్నై అంతర్జాతీయ చలన చిత్రోత్సవంజీవితకాల సాఫల్య పురస్కారం (2021)ఫిల్మ్‌ ఫెడరేషన్‌ ఆఫ్‌ ఇండియా జీవితకాల సాఫల్య పురస్కారం (2011)కర్ణాటక రాష్ట్ర చలనచిత్ర పురస్కారాలు1982 – ఉత్తమ చిత్రంగా కర్ణాటక రాష్ట్ర పురస్కారం (ప్రథమ స్థానం)– హాలు జేను1985 – ఉత్తమ స్క్రీన్‌ ప్లేకి కర్ణాటక రాష్ట్ర పురస్కారం- భాగ్యద లక్ష్మి బారమ్మ 1986 – ఉత్తమ స్క్రీన్‌ ప్లేకి కర్ణాటక రాష్ట్ర పురస్కారం – ఆనంద్‌ఫిల్మ్‌ఫేర్‌ అవార్డ్స్‌ సౌత్‌1974 – ఉత్తమ చిత్రంగా ఫిల్మ్‌ఫేర్‌ పురస్కారం– తమిళం – దిక్కట్ర పార్వతి1985 – ఉత్తమ దర్శకుడిగా ఫిల్మ్‌ఫేర్‌ పురస్కారం (తెలుగు) – మయూరి1987 – ఉత్తమ దర్శకుడిగా ఫిల్మ్‌ఫేర్‌ పురస్కారం కన్నడ – పుష్పక విమాన ఏ ఫ్రూట్‌ కట్స్‌ ద నైఫ్‌సింగీతం శ్రీనివాసరావు సృజనకు మరణం లేదు. ఆయన తుది శ్వాస విడిచేవరకూ కూడా సినిమాల కోసమే పని చేశారు. ‘ఏ ఫ్రూట్‌ కట్స్‌ ద నైఫ్‌’ అనే టైటిల్‌తో సింగీతం ఓ స్క్రిప్ట్‌పై వర్క్‌ చేశారు. సెప్టెంబరు 5న ఈ విషయాన్ని దర్శక–నిర్మాత నాగ్‌ అశ్విన్‌కు సింగీతం తెలిపారు. ఈ విషయాన్ని సింగీతం మరణ వార్త విన్న కొన్ని గంటలకు ఇన్‌స్టాగ్రామ్‌ వేదికగా నాగ్‌ అశ్విన్‌ షేర్‌ చేశారు. దర్శకుడిగా సింగీతం చివరి సినిమా ‘సింగ్‌ గీతం’కు నాగ్‌ అశ్విన్‌ నిర్మాత అన్న విషయం తెలిసిందే. – సాక్షి, చెన్నై – ఖదీర్‌

పాన్‌ ఇండియా రేంజ్‌ అంచనాలు, బాక్సాఫీస్‌ కలెక్షన్స్‌ల పోలికలు... వంటివి ఇప్పటి సినిమాల రిలీజ్‌ల విషయంలో కీలకంగా ఉంటున్నాయి. అందుకే స్టార్‌ హీరోలు తమ సినిమాల రిలీజ్‌ల విషయంలో జాగ్రత్తగా ఉంటున్నట్లు తెలుస్తోంది. కంటెంట్, క్వాలిటీ, వీఎఫ్‌ఎక్స్‌... ఇలా ప్రతి విషయంలోనూ చాలా కేర్‌ తీసుకుంటున్నారు. ఎప్పటికప్పుడు రిలీజ్‌ల పరంగా తమ ప్లాన్‌ను చేంజ్‌ చేస్తున్నారు. ఇలా రిలీజ్‌ ప్లాన్‌ మార్చుకుని, అనుకున్న సమయానికన్నా కాస్త ఆలస్యంగా థియేటర్స్‌కు వస్తున్న కొందరు స్టార్‌ హీరోల చిత్రాలపై ఓ లుక్‌ వేయండి.నో క్లారిటీ ‘విశ్వంభర’ సినిమాను గత ఏడాది సంక్రాంతి సందర్భంగా రిలీజ్‌ చేయాలనుకున్నారు మేకర్స్‌. కానీ మెరుగైన వీఎఫ్‌ఎక్స్‌ వర్క్స్, క్వాలిటీతో కూడిన పోస్ట్‌ ప్రోడక్షన్‌ వర్క్స్‌ చేసేందుకు యూనిట్‌ ‘విశ్వంభర’ సినిమాను వాయిదా వేసింది. అయితే ఆ తర్వాత పలు సందర్భాల్లో ‘విశ్వంభర’ రిలీజ్‌ డేట్‌ ఇదే అంటూ ప్రచారం జరిగినా, టీమ్‌ నుంచి మాత్రం అధికారిక ప్రకటన రాలేదు. ప్రస్తుత పరిణామాల దృష్ట్యా ‘విశ్వంభర’ సినిమా వచ్చే ఏడాది రిలీజ్‌ కావొచ్చనే ఊహాగానాలు వినిపిస్తున్నాయి. చిరంజీవి హీరోగా ‘బింబిసార’ ఫేమ్‌ వశిష్ఠ దర్శకత్వం వహించిన ఈ సినిమాలో త్రిష, ఆషికా రంగనాథ్‌ హీరోయిన్స్‌గా నటించారు.భీమవరం దొరబాబు అనే పాత్రలో చిరంజీవి నటించారని తెలిసింది. పధ్నాలుగు లోకాలను దాటి, సత్యలోకానికి వెళ్లి, అక్కడ్నుంచి హీరోయిన్‌ను హీరో ఎలా భూలోకానికి తీసుకు వస్తాడు? అనే అంశాల ఆధారంగా ‘విశ్వంభర’ సినిమా కథనం సాగుతుందని ఫిల్మ్‌నగర్‌ సమాచారం. అలాగే ఈ సినిమాలో ఓ పుస్తకానికి చాలా ప్రాముఖ్యత ఉందట. అది ఏంటి? అనేది సినిమాలోనే చూడాలి. యూవీ క్రియేషన్స్‌ పతాకంపై వంశీ, ప్రమోద్, విక్రమ్‌ రెడ్డి ఈ సినిమాను నిర్మించారు. మరోవైపు చిరంజీవి నటించిన మరో యాక్షన్‌ ఎంటర్‌టైనర్‌ సినిమా ‘కాకా’ సంక్రాంతి సందర్భంగా జనవరి 13న రిలీజ్‌ కానున్న సంగతి తెలిసిందే. వారం ఆలస్యంగా...! వారం ఆలస్యంగా థియేటర్స్‌లోకి వస్తోంది ‘ఆదర్శ కుటుంబం’. వెంకటేశ్‌ హీరోగా త్రివిక్రమ్‌ దర్శకత్వంలో రూపొందిన ఫ్యామిలీ అండ్‌ యాక్షన్‌ ఎంటర్‌టైనర్‌ సినిమా ‘ఆదర్శ కుటుంబం హౌస్‌ నెంబరు 47: ఏకే 47’. హారిక అండ్‌ హాసిని క్రియేషన్స్‌ పతాకంపై సూర్యదేవర రాధాకృష్ణ (చినబాబు) ఈ సినిమాను నిర్మించారు. తొలుత ఈ సినిమాను అక్టోబరు 2న రిలీజ్‌ చేయనున్నట్లుగా మేకర్స్‌ ప్రకటించారు. కానీ ఆ తర్వాత అక్టోబరు 9కి వాయిదా వేశారు. ఇలా అనుకున్న సమయం కన్నా ‘ఆదర్శ కుటుంబం’ సినిమా ఏడు రోజులు ఆలస్యంగా థియేటర్స్‌కు వచ్చేందుకు సిద్ధమైంది. చాలా సెలైంట్‌గా ఉండే ఓ ఫ్యామిలీ అనుకోకుండా ఓ క్రైమ్‌లో చిక్కుకున్నప్పుడు, ఈ కుటుంబ పెద్ద ఏం చేసి తన ఫ్యామిలీని కా పాడుకున్నాడు? అసలు... ఈ ఫ్యామిలీకి ఉన్న యాక్షన్‌ బ్యాక్‌డ్రాప్‌ ఏంటి? అనే అంశాల నేపథ్యంలో ‘ఆదర్శ కుటుంబం’ సినిమా కథనం సాగుతుందని తెలిసింది. ఈ చిత్రంలో చిట్టిబాబుగా వెంకటేశ్, స్వర్ణగా శ్రీనిధి శెట్టి నటించారు. చిట్టిబాబు కుమార్తె సంపూర్ణగా యువినా, కుమారుడిగా సర్వగా రాజా ప్రజ్వల్‌ నటించారు. పోలీస్‌ ఆఫీసర్‌గా నారా రోహిత్‌ నటించగా, ఓ కీలక పాత్రలో నివేదా పేతురాజ్‌ నటించారు. హీరోయిన్‌ డింపుల్‌ హయాతి ఇందులోని ‘నారాయణమ్మ..’ అనే స్పెషల్‌ సాంగ్‌ చేశారు. ఇదిలా ఉంటే... వెంకటేశ్‌ కెరీర్‌లోని బ్లాక్‌బస్టర్‌ హిట్‌ సినిమాలు ‘నువ్వు నాకు నచ్చావ్, మల్లీశ్వరి’లకు త్రివిక్రమ్‌ స్టోరీ, డైలాగ్స్‌ అందించారు. ఇప్పుడు వెంకటేశ్‌ హీరోగా త్రివిక్రమ్‌ డైరెక్షన్‌లో ఈ ‘ఆదర్శ కుటుంబం’ సినిమా రానుంది. దీంతో ఈ సినిమాపై ప్రేక్షకుల్లో అంచ నాలు ఏర్పడటం సహజం. వచ్చే ఏడాదిలో ఫౌజీ ప్రభాస్‌ ‘ఫౌజీ’ సినిమా ఈ ఏడాది రిలీజ్‌ కావడం లేదని తేలిపోయింది. ‘ది ప్యారడైజ్‌’ సినిమా ప్రీ రిలీజ్‌ ఈవెంట్‌లో ‘ఫౌజీ’ సినిమా రిలీజ్‌ వాయిదా పడిందని, ఈ చిత్రనిర్మాతల్లో ఒకరైన వై. రవిశంకర్‌ తెలి పారు. ప్రభాస్‌ హీరోగా నటిస్తున్న పీరియాడికల్‌ పేట్రియాటిక్‌ సినిమా ‘ఫౌజీ’. 1940 నేపథ్యంలో సాగే ఈ సినిమాలో ఓ సైనికుడి పాత్రలో ప్రభాస్‌ నటిస్తున్నారని తెలిసింది. అలాగే కథకు రజాకార్ల నేపథ్యం కూడా ఉంటుందని తెలిసింది. ఇక ‘ఫౌజీ’ చిత్రాన్ని ఈ ఏడాది దసరా సందర్భంగా రిలీజ్‌ చేయనున్నట్లుగా మేకర్స్‌ ప్రకటించారు.ఆ తర్వాత డిసెంబరు 3న అంటూ మరో రిలీజ్‌ డేట్‌ ప్రకటించారు. కానీ ఈ సినిమా డిసెంబరు 3న కూడా విడుదల కావడం లేదు. దీంతో ‘ఫౌజీ’ సినిమా వచ్చే ఏడాదే రిలీజ్‌ కానుంది. ఇమాన్వీ ఇస్మాయిల్‌ హీరోయిన్‌గా నటిస్తున్న ఈ చిత్రంలో మిథున్‌ చక్రవర్తి, జయప్రద, అనుపమ్‌ ఖేర్, రాహుల్‌ రవీంద్రన్‌ ఇతర కీలక పాత్రల్లో నటిస్తున్నారు. టీ సిరీస్‌ సమర్పణలో మైత్రీ మూవీ మేకర్స్‌ పతాకంపై నవీన్‌ యేర్నేని, వై. రవిశంకర్‌ ‘ఫౌజీ’ సినిమాను నిర్మిస్తున్నారు.ఈ సంగతి ఇలా ఉంచితే... ప్రభాస్‌ హీరోగా నటిస్తున్న మరో యాక్షన్‌ మూవీ ‘స్పిరిట్‌’. సందీప్‌ రెడ్డి వంగా దర్శకత్వం వహిస్తున్న ఈ చిత్రాన్ని వచ్చే ఏడాది మార్చి 3న రిలీజ్‌ చేయనున్నట్లు ఆల్రెడీ మేకర్స్‌ ప్రకటించారు. ఈ నేపథ్యంలో ‘స్పిరిట్‌’ ప్లేస్‌లో ‘ఫౌజీ’ సినిమా వస్తుందా? లేక ‘స్పిరిట్‌’ సినిమా రిలీజ్‌ తర్వాత ‘ఫౌజీ’ సినిమా థియేటర్స్‌లోకి వస్తుందా? అనే అంశాలపై ఓ క్లారిటీ రావాల్సి ఉంది. రెండు భాగాలుగా డ్రాగన్‌? ఎన్టీఆర్‌ హీరోగా ప్రశాంత్‌ నీల్‌ దర్శకత్వంలో రూపొందుతున్న పీరియాడికల్‌ యాక్షన్‌ డ్రామా ‘డ్రాగన్‌’. ఈ సినిమా పూజా కార్యక్రమంలో 2026 జనవరి 8న రిలీజ్‌ అంటూ మేకర్స్‌ ప్రకటించారు. కానీ... ఆ తర్వాత ఈ సినిమా రిలీజ్‌ డేట్‌ ఈ ఏడాది జూన్‌కి మారింది. కానీ సడన్‌గా ‘డ్రాగన్‌’ సినిమాని ఏడాది ఆలస్యంగా... అంటే వచ్చే ఏడాది జూన్‌ 11న రిలీజ్‌ చేస్తున్నట్లు మేకర్స్‌ ప్రకటించారు. అసలు... ఒక సినిమా రిలీజ్‌ ఏడాది పాటు వాయిదా పడటం ఏంటి? అనే చర్చ ఫిల్మ్‌నగర్‌ సర్కిల్స్‌లో జరిగింది.హిందీ హిట్‌ ఫిల్మ్‌ ‘ధురంధర్‌’ తరహాలోనే రెండు భాగాలను ఒకేసారి చిత్రీకరించి, తక్కువ వ్యవధిలోనే ఈ రెండు భాగాలను ప్రేక్షకుల ముందుకు తీసుకురావాలని ‘డ్రాగన్‌’ టీమ్‌ ప్లాన్‌ చేసిందని, ఈ ప్లాన్‌లో భాగంగానే ‘డ్రాగన్‌’ సినిమా రిలీజ్‌ వచ్చే ఏడాదికి వాయిదా పడిందనే ప్రచారం సాగింది. అయితే ఇటీవల ఎన్టీఆర్‌ భుజానికి గాయమైంది. దీంతో ‘డ్రాగన్‌’ సినిమా చిత్రీకరణకు కొంత బ్రేక్‌ పడింది. ఈ నేపథ్యంలో ‘డ్రాగన్‌’ వచ్చే ఏడాది జూన్‌ నుంచి వచ్చే ఏడాది దసరాకు మరోసారి వాయిదా పడిందనే ఊహాగానాలు వినిపించాయి.కానీ... 2027 జూన్‌ 11న ‘డ్రాగన్‌’ సినిమా రిలీజ్‌ అవుతుందని, ఇటీవల జరిగిన ‘డోంట్‌ ట్రబుల్‌ ది ట్రబుల్‌’ సినిమా ప్రీ రిలీజ్‌ ఈవెంట్‌లో అతిథిగా పాల్గొన్న ఎన్టీఆర్‌ చె΄్పారు. దీంతో 2027 జూన్‌ 11న డ్రాగన్‌ వచ్చేది కన్ఫార్మ్‌ అయిపోయింది. ఇక ఈ చిత్రంలో ఎన్టీఆర్‌ లూగర్‌ అనే పాత్రలో నటిస్తున్నారు. ఈ క్యారెక్టర్‌కు కాస్త నెగటివ్‌ షేడ్స్‌ ఉంటాయని తెలిసింది. రుక్మిణీ వసంత్‌ హీరోయిన్‌గా నటిస్తున్న ఈ సినిమాలో అనిల్‌ కపూర్, అశుతోష్‌ రాణా, ఖుష్బూ సుందర్, బిజు మీనన్‌ ఇతర ప్రధాన పాత్రల్లో నటిస్తున్నారు. మాదక ద్రవ్యాలు, ఆయుధాల అక్రమ రవాణా వంటి మాఫియాల నేపథ్యంలో ఈ సినిమా కథనం సాగుతుందని తెలిసింది. నవంబర్‌లో భోగి? గంగకు ఐదుగురు సిస్టర్స్‌. తన సిస్టర్స్‌ జోలికి వస్తే గంగ ఎంత దూరమైనా వెళ్తాడు. సిస్టర్‌ సెంటిమెంట్‌ ప్రధానంగా సాగే ‘భోగి’ సినిమా గురించే ఇదంతా. సిస్టర్‌ సెంటిమెంట్‌తో కూడిన యాక్షన్‌ మూవీ కావడంతో ‘భోగి’ చిత్రాన్ని రక్షాబంధన్‌ ఫెస్టివల్‌ సందర్భంగా ఈ ఏడాది ఆగస్టు 28న రిలీజ్‌ చేయాలని మేకర్స్‌ ప్లాన్‌ చేశారు. కానీ ఈ సినిమా ఆగస్టు 28న రిలీజ్‌ కాలేదు. పోస్ట్‌ ప్రోడక్షన్‌ వర్క్స్‌లో రాజీ పడకూడదని తమ సినిమాను వాయిదా వేశామని అప్పట్లో చిత్రయూనిట్‌ పేర్కొంది. అయితే ఈ సినిమా పోస్ట్‌ ప్రోడక్షన్‌ పనులు తుది దశకు చేరుకున్నాయని తెలిసింది.నేడు ఈ సినిమా టీజర్‌ను రిలీజ్‌ చేస్తున్నారు. దీంతో ఈ సినిమా రిలీజ్‌పై ఓ స్పష్టత వచ్చే అవకాశం ఉంది. నవంబరులో ఈ సినిమాను రిలీజ్‌ చేయాలనుకుంటున్నారట మేకర్స్‌. ఇక ఈ మూవీలోని గంగ పాత్రలో శర్వానంద్‌ నటిస్తున్నారు. ఇందులోని హీరోయిన్‌ సులోచన పాత్రలో అనుపమా పరమేశ్వరన్, మందారం పాత్రలో డింపుల్‌ హయాతి నటిస్తున్నారు. తెలంగాణ–మహారాష్ట్ర సరిహద్దుల్లోని ఓ కల్పిత గ్రామంలో జరిగే కథగా ‘భోగి’ సినిమా కథనం సాగుతుంది. కొన్ని వాస్తవ సంఘటనలకు కొంత కాల్పనికతను జోడించి, కథను రెడీ చేశారట దర్శకుడు సంపత్‌ నంది. లక్ష్మీ రాధామోహన్‌ సమర్పణలో కేకే రాధామోహన్‌ నిర్మిస్తున్నారు. దసరాకు రణబాలి విజయ్‌ దేవరకొండ హీరోగా నటించిన ‘రణబాలి’ సెప్టెంబరు 11న రిలీజ్‌ కావాల్సింది. కానీ దసరా సందర్భంగా అక్టోబరు 16న రిలీజ్‌ చేస్తున్నారు. సూపర్‌ హిట్‌ ఫిల్మ్స్‌ ‘గీత గోవిందం, డియర్‌ కామ్రేడ్‌’ తర్వాత విజయ్‌ దేవరకొండ, రష్మికా మందన్నా జంటగా నటించిన తాజా సినిమా ‘రణబాలి’. ఈ పీరియాడికల్‌ సినిమాకు రాహుల్‌ సంకృత్యాన్‌ దర్శకత్వం వహించారు.19వ సెంచరీ నేపథ్యంలో 1854 నుంచి 1878 మధ్య బ్రిటిష్‌ పాలనా కాలంలో జరిగిన వాస్తవ చారిత్రక సంఘటనల ఆధారంగా ‘రణబాలి‘ సినిమా తెరకెక్కింది. ఇందులో రణబాలి పాత్రలో విజయ్‌ దేవరకొండ నటించగా, జయమ్మ పాత్రలో రష్మికా మందన్నా, సర్‌ థియోడర్‌ హెక్టర్‌ పాత్రలో ఆర్నాల్డ్‌ వోస్లూ నటించారు. టీ సిరీస్‌ సమర్పణలో మైత్రీ మూవీ మేకర్స్‌ పతాకంపై నవీన్‌ ఎర్నేని, వై. రవిశంకర్‌ ఈ సినిమాను నిర్మించారు. ఇలా ముందుగా అనుకున్న ప్లాన్‌ ప్రకారం కాకుండా కొన్ని కారణాల వల్ల వాయిదా పడిన తెలుగు సినిమాలు మరికొన్ని ఉన్నాయి.రాకా రాక ఎప్పుడో..! అల్లు అర్జున్‌ ‘రాకా’ సినిమా చిత్రీకరణ దాదాపు రెండు సంవత్సరాలుగా జరుగుతోంది. కానీ ఈ సినిమా రిలీజ్‌ డేట్‌పై ఇంకా సరైన స్పష్టత రాలేదు. 2027 డిసెంబరులో ఈ సినిమా విడుదలవుతుందనే ప్రచారం జరుగుతోంది. కానీ మేకర్స్‌ నుంచి అయితే రిలీజ్‌ పరంగా ఏ అప్‌డేట్‌ రాలేదు. అట్లీ దర్శకత్వం వహిస్తున్న ఈ సినిమాలో అల్లు అర్జున్‌ మూడు డిఫరెంట్‌ క్యారెక్టర్స్‌లో కనిపిస్తారనే టాక్‌ ఫిల్మ్‌నగర్‌ సర్కిల్స్‌లో వినిపిస్తోంది. ఇందులో ఒకటి నెగటివ్‌ రోల్‌ అని తెలిసింది. పునర్జన్మల నేపథ్యంలో ఈ సినిమా కథ సాగుతుందని భోగట్టా.దీపికా పదుకోన్‌ ఓ లీడ్‌ రోల్‌ చేస్తున్న ఈ సినిమాలో జాన్వీ కపూర్, రష్మికా మందన్నా, మృణాల్‌ ఠాకూర్‌లు ఇతర ప్రధాన పాత్రల్లో నటిస్తున్నారని, రమ్యకృష్ణ, యోగిబాబు, జిమ్‌సర్భ్‌ కీలక పాత్రల్లో నటిస్తున్నారని తెలిసింది. అయితే ఈ అంశాలపై అధికారిక సమాచారం రావాల్సి ఉంది. సన్‌ పిక్చర్స్‌ పతాకంపై కళానిధి మారన్‌ ఈ సినిమాను నిర్మిస్తున్నారు. మరోవైపు ‘రాకా’ సినిమా రెండు భాగాలుగా రిలీజ్‌ అవుతుందని, ఒకేసారి రెండు భాగాలను చిత్రీకరిస్తున్నారని, చిత్రీకరణ పూర్తయిన తర్వాతే రిలీజ్‌ డేట్‌పై ఓ స్పష్టత వచ్చే అవకాశం ఉందని ఫిల్మ్‌నగర్‌ టాక్‌.తెలుగులో రిలీజ్‌ కావాల్సిన సినిమాలే కాదు... ఈ ఏడాది ఇప్పటికే రిలీజైన కొన్ని భారీ సినిమాల రిలీజ్‌ డేట్స్‌ కూడా తారుమారు అయ్యాయి. రామ్‌చరణ్‌ ‘పెద్ది’ సినిమాను ఫస్ట్‌ మార్చి చివర్లో రిలీజ్‌కు ప్లాన్‌ చేశారు. ఫైనల్‌గా ‘పెద్ది’ మూవీ జూన్‌ 4న విడుదలైంది. అలాగే ఈ ఏడాది జూన్‌లో రిలీజ్‌ కావాల్సిన అఖిల్‌ ‘లెనిన్‌’ సినిమా జూలై 10న ప్రేక్షకుల ముందుకు వచ్చింది. ఈ ఏడాది మార్చి 26కి షెడ్యూల్‌ అయిన నాని ‘ది ప్యారడైజ్‌’ మూవీ ఫైనల్‌గా సెప్టెంబరు 24న రిలీజైంది. సమంత ‘మా ఇంటి బంగారం’ సినిమా మేలో విడుదల కావాల్సి ఉండగా ఫైనల్‌గా జూన్‌ 19న విడుదలైంది... ఇలా రిలీజ్‌ డేట్స్‌ మార్చుకుని విడుదలైన సినిమాలు మరికొన్ని ఉన్నాయి.– ముసిమి శివాంజనేయులు

దిగ్గజ దర్శకుడు సింగీతం శ్రీనివాసరావు (94) మృతిపై ప్రముఖ నటుడు జూ. ఎన్‌టీఆర్ (Jr NTR) తీవ్ర విచారం వ్యక్తం చేశారు. ఈ మేరకు సోషల్ మీడియా (X) వేదికగా ఆయన శ్రద్ధాంజలి ఘటించారు. సింగీతం శ్రీనివాసరావు గారు ఇక లేరన్న వార్త ఎంతో బాధాకరం. ఆదిత్య 369, పుష్పక విమానం, మయూరి… కాలానికి ముందే ఆలోచించి, తరాలు మారినా కొత్తగా అనిపించే సినిమాలు అందించిన దార్శనికుడు. వారి కుటుంబ సభ్యులకు నా ప్రగాఢ సానుభూతి. ఓం శాంతి 🙏— Jr NTR (@tarak9999) October 3, 2026సింగీతం శ్రీనివాసరావు గారు ఇక లేరన్న వార్త ఎంతో బాధాకరం. ఆదిత్య 369, పుష్పక విమానం, మయూరి వంటి ఎన్నో చిత్రాలను కాలానికి ముందే ఆలోచించి, తరాలు మారినా కొత్తగా అనిపించే సినిమాలు అందించిన దార్శనికుడు ఆయన. వారి కుటుంబ సభ్యులకు ప్రగాఢ సానుభూతి తెలుపున్నాను.. ఓం శాంతి.. అంటూ ఎన్‌టీఆర్ తన ట్వీట్‌ను ముగించారు.సింగీతం శ్రీనివాసరావు చెన్నైలోని కావేరి హాస్పిటల్లో వయోభారంతో తుదిశ్వాస విడిచారు. చివరిగా ఆయన నాగ్ అశ్విన్ నిర్మాణంలో సింగ్ గీతం అనే సినిమాకి దర్శకత్వం వహించారు. 95ఏళ్ళ వయసులో కూడా దర్శకత్వం వహించి విమర్శకుల ప్రశంసలు సైతం అందుకున్నారు. సింగీతం శ్రీనివాసరావు తెలుగుతోపాటు కన్నడ , తమిళం , హిందీ, ఇంగ్లిష్‌తో సహా పలు భాషలలో సుమారు 60 పైగా చిత్రాలకు దర్శకత్వం వహించారు. ప్రయోగాత్మక చిత్రాలతో దక్షిణ భారత సినిమాను విప్లవాత్మకంగా మార్చిన ఘనత ఆయనకు దక్కింది.

చెన్నై: ప్రముఖ దర్శకుడు సింగీతం శ్రీనివాసరావు కన్ను మూశారు. కొద్ది నిమిషాల క్రితం చెన్నైలో కావేరి హాస్పిటల్లో వయోభారంతో తుదిశ్వాస విడిచారు. చివరిగా ఆయన నాగ్ అశ్విన్ నిర్మాణంలో సింగ్ గీతం అనే సినిమాకి దర్శకత్వం వహించారు. 95ఏళ్ళ వయసులో కూడా దర్శకత్వం వహించి విమర్శకుల ప్రశంసల సైతం అందుకున్నారు.సింగీతం శ్రీనివాసరావు తెలుగుతోపాటు కన్నడ , తమిళం , హిందీ, ఇంగ్లిష్‌తో సహా పలు భాషలలో సుమారు 60 పైగా చిత్రాలకు దర్శకత్వం వహించారు. ప్రయోగాత్మక చిత్రాలతో దక్షిణ భారత సినిమాను విప్లవాత్మకంగా మార్చిన ఘనత ఆయనకు దక్కింది. ఆయన తన కెరీర్‌లో రెండు జాతీయ చలనచిత్ర అవార్డులు , ఐదు నంది అవార్డులు , మూడు కర్ణాటక రాష్ట్ర చలనచిత్ర అవార్డులు, మూడు ఫిల్మ్‌ఫేర్ అవార్డ్స్ సౌత్‌తో సహా అనేక పురస్కారాలను అందుకున్నారు . 2011లో, ఫిల్మ్ ఫెడరేషన్ ఆఫ్ ఇండియా ఆయనను జీవిత సాఫల్య పురస్కారంతో సత్కరించింది.1931 సెప్టెంబర్ 21 నెల్లూరు జిల్లా ఉదయగిరిలో సింగీతం శ్రీనివాసరావు జన్మించారు. సినిమా దర్శకత్వంతోపాటు స్క్రీన్ ప్లే, నిర్మాణం, సంగీతం, నటన ఇలా ఆయన బహుముఖ ప్రజ్ఞాశాలి. మూగ చిత్రంగా వచ్చి సంచలనం సృష్టించిన 'పుష్పక విమానం', సైన్స్ ఫిక్షన్ చిత్రమైన 'ఆదిత్య 369', ఇంకా 'భైరవ ద్వీపం', 'మయూరి', 'మైఖేల్ మదన కామరాజు' వంటి విభిన్న ప్రయోగాత్మక చిత్రాలతో భారతీయ చలనచిత్ర పరిశ్రమలో ప్రత్యేక గుర్తింపు పొందారు. 95ఏళ్ల వయసులోనూ 'సింగ్ గీతం' (2026) అనే సంగీత ఫాంటసీ సినిమాకు దర్శకత్వం వహించి అరుదైన రికార్డు సృష్టించారు.

స్టార్ కపుల్ విజయ్ దేవరకొండ, రష్మిక మందన్న జంటగా నటించిన తాజా చిత్రం ‘రణబాలి’. పెళ్లి తర్వాత వీరిద్దరూ కలిసి నటించిన ఈ సినిమా కోసం అభిమానులు ఆసక్తిగా ఎదురుచూస్తున్నారు. పీరియాడికల్ యాక్షన్ డ్రామాగా తెరకెక్కుతున్న ఈ మూవీ అక్టోబరు 16న దసరా కానుకగా ప్రేక్షకుల ముందుకు రానుంది. ప్రస్తుతం చిత్రబృందం ప్రచార కార్యక్రమాలతో బిజీగా ఉంది. ఈ క్రమంలో ఓ ఇంటర్వ్యూలో పాల్గొన్న విజయ్, రష్మిక తమ వైవాహిక జీవితం, వ్యక్తిగత ఆలోచనల్లో వచ్చిన మార్పుల గురించి ఆసక్తికర విషయాలు వెల్లడించారు.ఇదీ చదవండి: విజయ్‌ను ఇమిటేట్‌ చేసిన రష్మిక.. ఈ క్యూట్‌ వీడియో చూశారా..?ఆయన దేన్నీ పెద్దగా సెలబ్రేట్ చేసుకోరుపెళ్లి తర్వాత మీ ఇద్దరి కలయికలో వస్తున్న ‘రణబాలి’ మీ జీవితంలో కొత్త అధ్యాయమా? అని యాంకర్ ప్రశ్నించగా.. విజయ్ దేవరకొండ తనదైన శైలిలో స్పందించారు. ఇలాంటి పదాలను తాను పెద్దగా నమ్మనని చెప్పారు. దీనిపై రష్మిక మాట్లాడుతూ.. విజయ్ ఏ విషయాన్నీ పెద్దగా సెలబ్రేట్ చేసుకోరని, కానీ తనకు మాత్రం ప్రతి చిన్న సందర్భం కూడా ప్రత్యేకమేనని చెప్పింది.‘నా దృష్టిలో ప్రతి పుట్టినరోజూ ముఖ్యమే. చిన్న చిన్న క్షణాలను కూడా ఆస్వాదించాలి. వయసు పెరుగుతున్న కొద్దీ మనకు ఎంత సమయం మిగిలి ఉందో ఎవరికీ తెలియదు. అందుకే పెద్ద వేడుకలు చేయాల్సిన అవసరం లేదు. చిన్న కేక్ కట్ చేసినా ఆ క్షణాన్ని ప్రత్యేకంగా మార్చుకోవచ్చు. ఎప్పటికీ మనం ఇలాగే శక్తితో, ఆరోగ్యంతో ఉండలేం. వయసు పెరిగే కొద్దీ ఇప్పుడు ఉన్నంత స్వేచ్ఛ కూడా ఉండకపోవచ్చు. అందుకే అన్నీ ఉన్నప్పుడే జీవితంలో ఆనందకరమైన జ్ఞాపకాలను పోగు చేసుకోవాలి’అని రష్మిక పేర్కొన్నారు.ఇదీ చదవండి: జ్యోతిష్కుడు వేణుస్వామి.. సన్నీలియోన్‌తో పోల్చుకుంటూ.. (వీడియో)నా జీవితంలోకి సెలబ్రేషన్స్ తీసుకొచ్చింది ఆమేరష్మిక మాటలకు విజయ్ స్పందిస్తూ.. తన జీవితంలోకి సెలబ్రేషన్స్ తీసుకొచ్చింది రష్మికేనని చెప్పారు. ఇద్దరూ ఒక్కటైన తర్వాత తరచూ హాలిడే ట్రిప్స్ ప్లాన్ చేసుకోవాలని నిర్ణయించుకున్నట్లు తెలిపారు.‘గతంలో ప్రతి రోజును ఓ పోరాటంలా, యుద్ధంలా చూసేవాడిని. పని, కెరీర్, ఇంకా ఏదో సాధించాలి అనే ఆలోచనలతోనే బతికాను. కానీ కష్టపడి సంపాదించింది జీవితాన్ని ఆస్వాదించడానికే అని ఇప్పుడు అర్థమైంది. సంపాదించిన డబ్బును మన సంతోషం కోసం ఖర్చు చేయడం, జీవితాన్ని ఆస్వాదించడం ఇప్పుడు నా మొదటి ప్రాధాన్యత’ అని విజయ్ చెప్పుకొచ్చారు. వాస్తవ సంఘటనల ఆధారంగా..కాగా సినిమా ఎలా ఉండబోతుందనేది ఇప్పటికే డాక్యుమెంటరీ సిరీస్‌ని నాలుగు భాగాలుగా రిలీజ్ చేసింది చిత్రబృందం. ఈ చిత్రం1854 నుంచి 1878 మధ్యకాలంలో జరిగిన వాస్తవ సంఘటనల ఆధారంగా, పాన్‌ ఇండియా స్థాయిలో ఈ సినిమా తెరకెక్కింది. విజయ్‌ ఇందులో యోధుడి పాత్రలో కనిపించనున్నాడు. ఈ సినిమాకి రాహుల్‌ సాంకృత్యాయన్ దర్శకుడు.అజయ్‌, అతుల్‌ సంగీతం అందించారు. టీ సిరీస్‌ సమర్పణలో మైత్రీ మూవీ మేకర్స్‌ సంస్థ నిర్మించింది. ఇదీ చదవండి: చుట్టమల్లె సాంగ్ వివాదం.. జాన్వీ కపూర్ రియాక్షన్..

మార్వెల్ సినిమాటిక్ యూనివర్స్‌ నుంచి వచ్చే సినిమాలకు ప్రపంచవ్యాప్తంగా ప్రత్యేక క్రేజ్ ఉంటుంది. అందులో ‘స్పైడర్‌ మ్యాన్‌’ సినిమాలంటే అభిమానుల్లో ఉండే ఆసక్తి మరింత ఎక్కువ. తాజాగా ప్రేక్షకుల ముందుకొచ్చిన ‘స్పైడర్‌ మ్యాన్‌: బ్రాండ్ న్యూ డే’ థియేటర్లలో సందడి చేసిన సంగతి తెలిసిందే. ఇప్పుడు ఈ సినిమా డిజిటల్‌ రిలీజ్‌కు సిద్ధమవుతోంది.ఓటీటీలోకి ఎప్పుడంటే..‘స్పైడర్‌ మ్యాన్‌: బ్రాండ్ న్యూ డే’ అక్టోబర్‌లోనే అమెజాన్‌ ప్రైమ్‌ వీడియోలో అందుబాటులోకి రానున్నట్లు సమాచారం. అయితే తొలుత రెంట్‌, బై ఆప్షన్లతో మాత్రమే సినిమా స్ట్రీమింగ్‌కు వచ్చే అవకాశం ఉందని తెలుస్తోంది. అంటే సాధారణ ప్రైమ్‌ సబ్‌స్క్రిప్షన్‌ ఉన్నప్పటికీ సినిమాను చూడాలంటే అదనంగా చెల్లించాల్సి ఉంటుంది. ఇతర దేశాల్లో ఇప్పటికే డిజిటల్‌గా అందుబాటులోకి వచ్చిన ఈ చిత్రం.. భారత్‌లోనూ అక్టోబర్‌లో స్ట్రీమింగ్‌కు రానున్నట్లు సమాచారం.ఇదీ చదవండి: జ్యోతిష్కుడు వేణుస్వామి.. సన్నీలియోన్‌తో పోల్చుకుంటూ.. (వీడియో)కథేంటంటే..‘స్పైడర్‌ మ్యాన్‌: నో వే హోమ్‌’ ముగింపులో పీటర్‌ పార్కర్‌ను ప్రపంచం మొత్తం మర్చిపోతుంది. ‘బ్రాండ్‌ న్యూ డే’ కథ అక్కడి నుంచి నాలుగేళ్ల తర్వాత మొదలవుతుంది. తన స్నేహితుడు నెడ్‌, ప్రేమించిన ఎంజే తనను గుర్తుపట్టకపోవడంతో పీటర్‌ ఒంటరి జీవితాన్ని గడుపుతుంటాడు.తన బాధను మర్చిపోయేందుకు పూర్తిస్థాయిలో స్పైడర్‌ మ్యాన్‌గా మారి న్యూయార్క్‌ నగరంలో నేరాలను అరికట్టడంపై దృష్టి పెడతాడు. అయితే ఈ క్రమంలో ఎదురయ్యే పరిస్థితులు అతడిపై తీవ్ర ప్రభావం చూపుతాయి. మరోవైపు అతడిలోని సాలీడు డీఎన్‌ఏలో చోటుచేసుకునే మార్పులు సరికొత్త శక్తులకు దారితీస్తాయి. ఆ కొత్త శక్తులు పీటర్‌ జీవితాన్ని ఎలా మార్చాయి? వాటితో అతడు ఏం చేశాడు? అనేదే సినిమా.

సెలబ్రిటీలు, రాజకీయ నాయకుల జాతకాలు చెబుతూ నిత్యం ఏదో ఒక వివాదంతో సోషల్ మీడియాలో సెన్సేషన్ క్రియేట్ చేస్తుంటారు ప్రముఖ జ్యోతిష్కుడు వేణుస్వామి. ఈయన మరోసారి వార్తల్లో నిలిచారు. తనపై వచ్చే ట్రోలింగ్స్, కాంట్రవర్సీలపై ఎవరూ ఊహించని రీతిలో సమాధానం ఇచ్చారు. తాజాగా జరిగిన ‘చంద్రయాన్’ సినిమా ప్రెస్ మీట్‌లో ఆయన మాట్లాడిన మాటలు, తనను తాను బాలీవుడ్ నటి సన్నీ లియోన్‌తో పోల్చుకుంటూ చేసిన వ్యాఖ్యలు వైరల్‌ అవుతున్నాయి.తెలుగు రాష్ట్రాల్లో బతకాలంటే..తెలుగు రాష్ట్రాల్లో బతకాలంటే 2+2=4 అంటే కుదరదు. 2+2=5 అనాల్సిందే! నేను నీ బట్టలు విప్పొచ్చు కానీ నువ్వు నావి విప్పడానికి వీల్లేదు.అలా ఉంది పరిస్థితి. అసలు దుకాణమే రోడ్డు మీద పెట్టుకున్నాం. నేను సన్నీ లియోన్‌ లాంటోడిని.. ఆల్రెడీ అన్నీ ఇప్పేసుకున్నా.. ఇక నాదగ్గర కొత్తగా విప్పడానికి ఏం లేదు. కాంట్రవర్సీ చేస్తేనే సోషల్‌ మీడియాలో పైకి వెళ్తాం’ అని తీవ్ర వ్యాఖ్యలు చేశారు. ఇప్పుడీ కామెంట్స్‌ వైరల్‌ అవుతున్నాయి. ఇదీ చదవండి: విజయ్‌ను ఇమిటేట్‌ చేసిన రష్మిక.. ఈ క్యూట్‌ వీడియో చూశారా..? నేను Sunny Leone లాంటోడిని… ఇప్పటికే అన్నీ విప్పేశా, ఇక దాచడానికి కూడా ఏమీ లేదు!— Venu Swamy pic.twitter.com/C0W6NAGgYk— No Filter (@nofilter207) October 3, 2026

శ్రీ విష్ణు హీరోగా వస్తోన్న లేటేస్ట్ మూవీ కామ్రేడ్‌ కల్యాణ్‌. ఈ సినిమాకు జానకీరామ్ మారెళ్ల దర్శకత్వం వహిస్తున్నారు. ఈమూవీ అక్టోబరు 9న ప్రేక్షకుల ముందుకు రానుంది. ఈ మూవీలో మహిమా నంబియార్ హీరోయిన్‌గా కనిపించనుంది. ఈ చిత్రాన్ని స్కంద వాహన మోషన్ పిక్చర్స్ ఎల్‌ఎల్‌పీ అండ్ కోన ఫిల్మ్ కార్పొరేషన్ బ్యానర్లపై వెంకట కృష్ణ కర్నాటి, సీతా కర్నాటి నిర్మిస్తున్నారు. ఇప్పటికే ఈ మూవీ నుంచి పలు పాటలను విడుదల చేశారు. తాజాగా టైటిల్‌ సాంగ్‌ను చిత్ర బృందం విడుదల చేసింది. విజయ్‌ బుల్గానిన్‌ స్వరాలు సమకూర్చిన ఈ పాటకు భాస్కరభట్ల సాహిత్యం అందించారు. రాహుల్‌ సిప్లిగంజ్‌ ఆలపించారు. కాగా ఈ చిత్రంలో రాధిక శరత్‌కుమార్, షైన్ టామ్ చాకో, ఉపేంద్ర లిమాయే కీలక పాత్రలు పోషిస్తున్నారు.

విజయ్‌ దేవరకొండ రష్మిక జంటగా నటించిన పీరియాడికల్ యాక్షన్ డ్రామా ‘రణబాలి’. అక్టోబరు 16న థియేటర్లలో విడుదల కానుంది. ఈ క్రమంలో మూవీ మేకింగ్‌ వెనుక విశేషాలను చిత్ర బృందం పంచుకుంటోంది. ఈ సందర్భంగా సినిమాలో విజయ్‌ చెప్పిన ‘సింగనమల బొబ్బిలి రణబాలి’ డైలాగ్‌ను రష్మిక రీ-క్రియేట్‌ చేసిన వీడియో విడుదల చేసింది. ఇప్పుడీ వీడియో వైరల్‌ అవుతోంది.కాగా సినిమా ఎలా ఉండబోతుందనేది ఇప్పటికే డాక్యుమెంటరీ సిరీస్‌ని నాలుగు భాగాలుగా రిలీజ్ చేసింది చిత్రబృందం. ఈ చిత్రం1854 నుంచి 1878 మధ్యకాలంలో జరిగిన వాస్తవ సంఘటనల ఆధారంగా, పాన్‌ ఇండియా స్థాయిలో ఈ సినిమా తెరకెక్కింది. విజయ్‌ ఇందులో యోధుడి పాత్రలో కనిపించనున్నాడు. విజయ్‌, రష్మిక పెళ్లి తరువాత వస్తున్న తొలి చిత్రం కావడంతో అభిమానులు ఆసక్తిగా ఎదురుచూస్తున్నారు. ఈ సినిమాకి రాహుల్‌ సాంకృత్యాయన్ దర్శకుడు.అజయ్‌, అతుల్‌ సంగీతం అందించారు. టీ సిరీస్‌ సమర్పణలో మైత్రీ మూవీ మేకర్స్‌ సంస్థ నిర్మించింది. ఇదీ చదవండి: రష్మిక వంట చేస్తే.. ఓ యుద్ధం చేసినట్లే: విజయ్‌ దేవరకొండBest Couple 💕👌🏻#VijayDeverakonda #Rashmika pic.twitter.com/Qphqm0JnqQ— Anonymous (@__GirDhar) October 3, 2026

తెలుగు సినీ పరిశ్రమలో విలక్షణ నటుడిగా,క్యారెక్టర్ ఆర్టిస్టుగా తనదైన ముద్ర వేశారు అజయ్ ఘోష్ . ఇటీవల ఓ వేదికపై నటుడు నవదీప్‌ ఆస్తులు, వారి రియల్ ఎస్టేట్ వ్యవహారాలపై చేస్తున్న వ్యాఖ్యలు టాలీవుడ్ వర్గాల్లో తీవ్ర చర్చనీయాంశంగా మారాయి.‘నవదీప్ తండ్రి రామారావు 2002వ సంవత్సరంలోనే బాపట్ల జిల్లాలోని చీరాల బీచ్ సమీపంలో ‘రామాపురం రిసార్ట్స్’ కట్టారు. ఆ కుటుంబం పూర్తిగా హైదరాబాద్‌కు తరలిరావాల్సి రావడంతో ఆ ప్రాపర్టీని అమ్మేశారు. అలా అమ్మకుండా ఉండుంటే ఈరోజు రూ.100కోట్ల విలువ చేసేది. నవదీప్‌ అధిపతి అయ్యేవాడు. దాన్ని చూసినప్పుడల్లా ఇది నవదీప్‌ది కదా అని బాధపడుతుంటా’ అని వ్యాఖ్యానించాడు. కాగా ప్రస్తుతం ఆ తీర ప్రాంతం పర్యాటకంగా భారీగా విస్తరించి ‘ఆంధ్రా గోవా’గా విశేష గుర్తింపు పొందింది.Actor #Ajayghosh intersting words about Hero #Navadeep pic.twitter.com/PiipLJMD06— Maduri Madhu (@madurimadhu1) October 3, 2026

సోషల్‌ మీడియాలో ఎక్కడ చూసినా ‘చుట్టమల్లే’(దేవర సినిమా) పాట తెగ కనిపిస్తోంది. ఏఐ ద్వారా అత్యంత నీచంగా ఎడిట్‌ చేసిన ఈ వీడియోని కొంతమంది సోషల్‌ మీడియాలో షేర్‌ చేస్తున్నారు. పాటను ఏఐ టెక్నాలజీతో అసభ్యకరంగా మార్ఫింగ్ చేయడంపై హీరోయిన్ జాన్వీ కపూర్ తీవ్రంగా స్పందించారు. ఇలాంటి నకిలీ వీడియోలను క్రియేట్ చేయడం, షేర్ చేయడం ఏఐ దుర్వినియోగమేనని తెలిపారు.ఇలాంటి చేష్టలకు పాల్పడిన వారిపై తప్పకుండా తీవ్రమైన చట్టపరమైన చర్యలు ఉంటాయని ఆమె గట్టిగా హెచ్చరించారు. ఈమేరకు ట్విటర్‌లో పోస్ట్‌ చేశారు. ఇప్పటికే ఈ ఏఐ వీడియోపై మ్యాన్ ఆఫ్ మాసెస్ ఎన్టీఆర్ రియాక్ట్ అయ్యారు. ఇలాంటి దుశ్చర్యకు పాల్పడిన వారిని వదిలిపెట్టేది లేదని హెచ్చరించారు. ఇప్పుడు ఈ వివాదం పై హీరోయిన్ జాన్వీ కపూర్ సైతం స్పందించింది. ఏఐ టెక్నాలజీని ఇలా దుర్వినియోగం చేయడం కలవరపాటుకు గురిచేస్తోందని తీవ్ర అసహనం వ్యక్తం చేశారు.ఇదీ చదవండి: నీచులారా.. ఎవరినీ వదిలిపెట్టను : ఎన్టీఆర్‌ సంచలన ట్వీట్‌నెటిజన్లు మండిపడుతున్నారుఇలాంటి చర్యల వల్ల సెలబ్రిటీల వ్యక్తిగత ప్రతిష్ట, గౌరవానికి తీవ్ర భంగం వాటిల్లుతోందని అభిమానులు మండిపడుతున్నారు. క్రియేటివిటీ పేరుతో నటీనటులు చేయని పనులను చేసినట్లుగా ఏఐ ద్వారా చూపించడం క్షమించరాని నేరమని మండిపడుతున్నారు. టెక్నాలజీని కొత్త ప్రయోగాలకు, విజ్ఞానానికి ఉపయోగించాలని సెలబ్రెటీల వ్యక్తిత్వాన్ని దిగజార్చడానికి కాదని హితవు పలుకుతున్నారు. బాధ్యులైన వారిని తక్షణమే గుర్తించి అరెస్ట్ చేసి జైలుకు పంపాలని పెద్ద ఎత్తున డిమాండ్లు వెల్లువెత్తుతున్నాయి. It’s disturbing to see AI-generated fake videos being circulated. Please don’t create, share or promote such content, This is a clear misuse of AI.Legal action will definitely be taken against those involved.Jai Hind 🇮🇳#JanhviKapoor— Jahnavi Kapoor (@JanhvikapoorFC_) October 3, 2026

టాలీవుడ్‌ హీరో విజయ్‌ దేవరకొండ, హీరోయిన్‌ రష్మిక జంటగా నటిస్తున్న చిత్రం ‘రణబాలి’. రాహుల్‌ సాంకృత్యాయన్ దర్శకుడు. అక్టోబర్‌ 16 ఈ సినిమా విడుదల కానుంది. ఈమేరకు మూవీ ప్రమోషన్స్‌ కూడా మొదలు పెట్టేశారు. తాజాగా సుమతో చేసిన మూవీ ప్రమోషన్స్‌లో రష్మికపై విజయ్‌ దేవరకొండ తనదైన శైలిలో కామెంట్స్‌ చేశాడు. రష్మిక వంట చేస్తే ఓ యుద్ధం చేసినట్లేనని సరదాగా అన్నారు. సుమ.. మిమ్మల్ని చూస్తుంటే చూడ ముచ్చటగా ఉందని వారిపై ప్రశంసలు కురిపించింది. దీనికి సంబంధించిన ప్రోమోను తాజాగా టీమ్‌ విడుదల చేసింది. పూర్తి ఇంటర్వ్యూ ఆదివారం రానుంది.ఇదీ చదవండి: వర్షిణికి ముద్దు పెడుతూ దొరికిపోయిన ముకేష్‌..కాగా సినిమా ఎలా ఉండబోతుందనేది ఇప్పటికే డాక్యుమెంటరీ సిరీస్‌ని నాలుగు భాగాలుగా రిలీజ్ చేసింది చిత్రబృందం. ఈ చిత్రం1854 నుంచి 1878 మధ్యకాలంలో జరిగిన వాస్తవ సంఘటనల ఆధారంగా, పాన్‌ ఇండియా స్థాయిలో ఈ సినిమా తెరకెక్కింది. విజయ్‌ ఇందులో యోధుడి పాత్రలో కనిపించనున్నాడు. విజయ్‌, రష్మిక పెళ్లి తరువాత వస్తున్న తొలి చిత్రం కావడంతో అభిమానులు ఆసక్తిగా ఎదురుచూస్తున్నారు. ఈ సినిమాకి అజయ్‌, అతుల్‌ సంగీతం అందిస్తున్నారు. టీ సిరీస్‌ సమర్పణలో మైత్రీ మూవీ మేకర్స్‌ సంస్థ నిర్మిస్తోంది. Ranabaali and Jayamma invite @ItsSumaKanakala home. And what follows is a beautiful conversation about #Ranabaali and more ❤️Welcome to our Seema promo out now. Full conversation out tomorrow 🤩#Ranabaali GRAND RELEASE WORLDWIDE ON 16.10.26.#NeverForget#RanabaaliOnOct16th… pic.twitter.com/E9WtqPXoUP— Mythri Movie Makers (@MythriOfficial) October 3, 2026

బిగ్‌బాస్‌ ఇంట్లో నాలుగో వారం ముగింపు దశకు చేరుకుంది. మరి కొన్ని గంటల్లో వీకెండ్ ఎపిసోడ్ ప్రారంభం కానుంది. నాగార్జున ఎంట్రీపై ఆసక్తి నెలకొంది. ఈ వారంలో కంటెస్టెంట్ల మధ్య జరిగిన గొడవలు, మాటల యుద్ధంపై నాగ్‌ క్లాస్‌ తీసుకోనున్నట్లు ప్రోమో చూస్తే అర్థమవుతోంది. ఇదిలా ఉంటే తాజా ప్రోమోలో హౌస్‌ మొత్తం కాలేజ్‌గా మారిపోయింది.ర్యాగింగ్‌ చేస్తూ ‘అగ్నిపరీక్ష కాలేజ్‌’ పేరుతో సాగిన ఈ సరదా టాస్క్‌లో వంశీ, త్రిగుణ్‌, సృష్టి, రాంప్రసాద్‌, నరేశ్‌ సీనియర్లుగా.. మిగతా సభ్యులు జూనియర్లుగా కనిపించారు. రోహిత్‌, షాలిని క్లోజ్‌గా కూర్చోవడంపై సీనియర్లు ర్యాగింగ్‌ చేస్తూ నవ్వులు పూయించారు. షాలిని మీ నాన్న ఏం చేస్తుంటారని రాంప్రసాద్‌ అడగ్గా.. బొక్కలు ఇరుస్తాడు అని ఆమె సమాధానం చెప్తుంది. పక్కనే ఉన్న నరేశ్‌ ఏమి మీ నాన్న మటన్‌ షాప్‌ పెట్టున్నాడా అని సరదాగా అంటూ నవ్వులు పూయించాడు. ఆ తర్వాత ముకేశ్‌–వర్షిణి మధ్య సరదా సన్నివేశంలో ముకేశ్‌ వర్షిణిని ముద్దు పెట్టేందుకు ట్రైచేస్తుండగా దానిని చూసి సీనియర్లు అతడిని ఆటపట్టించారు. శిక్షగా పుష్‌అప్స్‌ చేయించగా.. నరేశ్‌ కూడా రంగంలోకి దిగి తనదైన పంచులతో నవ్వించాడు. రాంప్రసాద్‌ వేసిన సెటైర్లకు హౌస్‌మేట్స్‌ అంతా నవ్వుకున్నారు. మొత్తానికి ఈ ప్రోమోలో సీనియర్ల ర్యాగింగ్‌, జూనియర్లపై పంచులు, కంటెస్టెంట్ల కామెడీ సన్నివేశాలు ఆకట్టుకున్నాయి. ఇక వీకెండ్‌ ఎపిసోడ్‌లో నాగార్జున ఏ విషయాలపై కంటెస్టెంట్లను ప్రశ్నిస్తారో చూడాలి.ఇదీ చదవండి: నీచులారా.. ఎవరినీ వదిలిపెట్టను : ఎన్టీఆర్‌ సంచలన ట్వీట్‌

బిగ్‌బాస్ తెలుగు 10వ సీజన్‌లో నాలుగో వారం చివరకొచ్చేసింది. గతవారం మిథిలేష్.. రూ.15 లక్షలు తీసుకుని బయటకెళ్లిపోవడంతో ఎలిమినేషన్ జరగలేదు. ఈసారి మాత్రం కచ్చితంగా ఒకరు బయటకెళ్లిపోవడం గ్యారంటీ. అందుకు తగ్గట్లే డేంజర్ జోన్‌లో ఇద్దరు కామనర్స్ ఉన్నట్లు తెలుస్తోంది. ఇంతకీ ఎవరు ఎలిమినేట్ అవ్వొచ్చు? చివరి స్థానాల్లో ఎవరున్నారు?(ఇదీ చదవండి: బిగ్‌బాస్ 10: అమన్‌కి అన్యాయం.. వర్షిణి దెబ్బకు మైండ్ బ్లాక్)ఈ వారం నామినేషన్లలో మొత్తంగా తొమ్మిది మంది ఉన్నారు. త్రిగుణ్, రోహిత్, ముఖేశ్, చరణ్, నరేశ్, షాలిని, దేబ్జానీ, అమన్, సృష్టిలలో ప్రస్తుతం సృష్టి-చరణ్ డేంజర్ జోన్‌లో ఉన్నట్లు తెలుస్తోంది. అనధికారిక ఓటింగ్‌లోనూ వీళ్లే చివరి రెండు స్థానాల్లో ఉన్నట్లు సమాచారం. అయితే ఈసారి డబుల్ ఎలిమినేషన్ ఉండొచ్చని అంటున్నారు గానీ అలాంటిదేం జరగకపోవచ్చు. వినిపిస్తున్న టాక్ ప్రకారం సృష్టి.. హౌస్ నుంచి వెళ్లిపోయే అవకాశం ఎక్కువగా ఉందని మాట్లాడుకుంటున్నారు. చరణ్ మెడపై కూడా కత్తి వేలాడుతోంది.ఈ వారం 'టోటల్ డామినేషన్' థీమ్ పెట్టారు కాబట్టి, ఎలిమినేషన్‌ ప్రక్రియలోనూ ఈ థీమ్‌నే జోడించే అవకాశమైతే ఉంది. మరి చరణ్, సృష్టిలో ఎవరు బయటకెళ్లిపోతారు? ఎవరు బతికిపోతారనేది తెలియాలంటే మరికొన్ని గంటలు వేచిచూడాలి. ఇకపోతే ఈ వారం అపూర్వ కెప్టెన్సీ చేయగా.. తాజాగా అమన్ ఈ అధికారాన్ని దక్కించుకున్నాడు. కానీ తన దగ్గరున్న పవర్ ఉపయోగించుకున్న వర్షిణి కొత్త కెప్టెన్‌గా బాధ్యతలు అందుకుంది.(ఇదీ చదవండి: కొత్త తెలుగు సినిమాలు ఎలా ఉన్నాయి? కలెక్షన్స్ ఎంత?)

గత కొన్ని గంటలుగా సోషల్‌ మీడియాలో ‘చుట్టమల్లే’(దేవర సినిమా) పాట తెగ వైరల్‌ అవుతుంది. ఏఐ ద్వారా అత్యంత నీచంగా ఎడిట్‌ చేసిన ఈ వీడియోని కొంతమంది సోషల్‌ మీడియాలో షేర్‌ చేస్తూ పైశాచిక ఆనందం పొందుతున్నారు. అలాంటివారిపై హీరో ఎన్టీఆర్‌ ఆగ్రహం వ్యక్తం చేశాడు. ఏఐ ద్వారా ఎడిట్‌ చేసిన ఆ వీడియోని షేర్‌ చేసిన వారిపై లీగల్‌ యాక్షన్‌ తీసుకుంటామని హెచ్చరించాడు. ఒక ఆడపిల్లను అత్యంత అవమానకరంగా చూపేందుకు ఏఐని ఉపయోగించడం సిగ్గు చేటు అని.. ఎట్టిపరిస్థితుల్లోనూ వారిని వదిలిపెట్టబోనని హెచ్చరించాడు. ఈ మేరకు ఎక్స్‌లో సుధీర్గమైన పోస్ట్‌ పెట్టాడు.(ఇదీ చదవండి: కొత్త తెలుగు సినిమాలు ఎలా ఉన్నాయి? కలెక్షన్స్ ఎంత?)‘మహిళలను తల్లులుగా, దేవతలుగా గౌరవించే దేశంలో.. ‘మాతృదేవోభవ’ అనేది కేవలం ఒక మాట మాత్రమే కాదు, మన సంస్కృతిలో భాగం. అలాంటి సమాజంలో కొందరు ఇంత దిగజారి.. ఒక మహిళను అత్యంత అవమానకరంగా చూపించేందుకు ఏఐ (AI) సాంకేతికతను దుర్వినియోగం చేయడం తీవ్రంగా ఖండించాల్సిన విషయం. ఇలాంటి దారుణమైన మార్ఫింగ్ వీడియోను రూపొందించేందుకు ఏఐని ఉపయోగించడం సిగ్గుచేటు.‘చుట్టమల్లే’ వీడియోను మార్ఫింగ్ చేసి, అసభ్యకరంగా రూపొందించిన ఆ నీచులను ఎట్టి పరిస్థితుల్లోనూ వదిలిపెట్టను. ఈ వీడియోను రూపొందించిన వారితో పాటు దాన్ని సోషల్ మీడియాలో ప్రచారం చేస్తున్న వారిపై కూడా అన్ని రకాల చట్టపరమైన చర్యలు తీసుకుంటాను.దయచేసి ఇలాంటి కంటెంట్‌ను ఎవరూ చూడొద్దు.. షేర్ చేయొద్దు.. ఎంగేజ్ అవ్వొద్దు అని విజ్ఞప్తి చేస్తున్నాను. ఈరోజు బాధితురాలు మరొకరు కావచ్చు.. రేపు అది మీ తల్లి, సోదరి, భార్య లేదా కుమార్తె కావచ్చు. ఇది చాలా తీవ్రమైన సమస్య. ఏఐ సాంకేతికత దుర్వినియోగాన్ని అరికట్టేందుకు అన్ని రాష్ట్ర ప్రభుత్వాలతో పాటు కేంద్రం కూడా కఠినంగా వ్యవహరించాలని, పటిష్ఠమైన నిబంధనలు తీసుకురావాలని కోరుతున్నాను’ అని ఎన్టీఆర్‌ ట్వీట్‌ చేశాడు.Disgusting, Sick and Shameless.In a land that worships women as mothers and goddesses, where "Matrudevo Bhava" is not just a phrase but a part of our culture, some people have fallen so low that they are using AI to disrespect a woman in the most degrading way possible. Using…— Jr NTR (@tarak9999) October 3, 2026

ఓటీటీలో ‘ఇది చూడొచ్చు’ అనే ప్రాజెక్ట్స్‌ చాలా ఉంటాయి. ప్రస్తుతం స్ట్రీమ్‌ అవుతున్న వాటిలో హిందీ సిరీస్‌ ‘షక్‌... ట్రస్ట్‌ నో వన్‌’ ఒకటి. నెట్‌ ఫ్లిక్స్‌లో స్ట్రీమ్‌ అవుతున్న ఈ సిరీస్‌ గురించి తెలుసుకుందాం.ఎవరి జీవితంలోనైనా ఏదైనా అనుకోని అవాంతరం జరిగితే అప్పుడు పుట్టుకొస్తుంది అనుమానం. ఆ క్షణంలో దగ్గర, దూరం అనే భేదం లేకుండా మరీ పక్కనున్నవారిని కూడా అనుమానించే పరిస్థితి వస్తుంది. అందుకే అంటారు కాబోలు అనుమానం పెనుభూతం అని. అదే నేపథ్యంలో రూపొందిన ఇన్వెస్టిగేటివ్‌ నెట్‌ ఫ్లిక్స్‌ సిరీస్‌ ‘షక్‌... ట్రస్ట్‌ నో వన్‌’(Shaque: No One Trust ). రెన్సిల్‌ డి సిల్వా తాను రాసుకున్న కథను తానే తెరకెక్కించిన విధానం అభినందనీయం. ఏడు భాగాలతో స్ట్రీమ్‌ అవుతున్న ఈ ‘షక్‌’ సిరీస్‌ ఊహకందని ట్విస్టులతో మొదటి భాగం నుండి చివరకు కలిపే ప్రతి సన్నివేశం ప్రేక్షకులను కట్టిపడేస్తుందనే చెప్పాలి. పరిణీతి చోప్రా ఈ సిరీస్‌ ప్రధాన పాత్రధారిగా ఆ పాత్రకు న్యాయం చేశారు. సిరీస్‌ కథామూలం తెలియగానే ఎట్టి పరిస్థితిల్లోనైనా సరే చూడాలనుకుంటారు. అంతలా ఏముందీ సిరీస్‌ కథలో ఓసారి చూద్దాం. అన్విత, అలోక్‌కి పెళ్ళై చాలా ఏళ్ళైనా పిల్లలు కలగరు. కానీ చాలా కాలం తరువాత అన్విత గర్భవతై, పండంటి పాపకు జన్మనిస్తుంది. పుట్టిన ఆ బిడ్డకు ‘ఆపేక్ష’ అని పేరు పెట్టుకుంటారు ఆ దంపతులు. పుట్టిన బిడ్డ, అన్విత ఇంకా హాస్పిటల్‌లో ఉండగానే ఓ రాత్రి ఆపేక్షను ఎవరో ఎత్తుకెళతారు. లేకలేక పుట్టిన బిడ్డ కనుమరుగవడంతో అన్విత, ఆలోక్‌లు బావురుమంటారు. ఎంత వెతికినా ఆపేక్ష జాడ కనిపించదు. అన్విత అలుపు లేకుండా ఆపేక్ష కోసం వెతుకుతూనే ఉంటుంది. ఎనిమిదేళ్ళు గడిచినా ఆపేక్ష ఆచూకీ అందదు. కాకపోతే ప్రతి ఏటా ఆపేక్ష పుట్టినరోజు నాడు కిడ్నాపర్‌ అన్వితకు ఆపేక్ష ఫొటో పంపిస్తూ ఉంటాడు. దాంతో అన్విత పిచ్చిదానిలా ప్రవర్తిస్తూ, ప్రతి ఒక్కరినీ అనుమానిస్తూ ఉంటుంది. మరి... అన్వితకు ఆపేక్ష దొరుకుతుందా? అసలు ఆపేక్షను ఎత్తుకెళ్ళిన వాళ్ళు ఎవరు? అలాగే ఆపేక్ష ఫొటోలు ఎవరు పంపుతున్నారు? ఇలాంటి ప్రశ్నలన్నిటికీ సమాధానం ‘షక్‌’ సిరీస్‌లోనే చూడాలి. దీని మాతృక హిందీ అయినా నెట్‌ఫ్లిక్స్‌లో తెలుగులోనూ లభ్యమవుతోంది. ఊహకందని ట్విస్టులు, ఆసక్తికరమైన సన్నివేశాలతో ఈ సిరీస్‌ సాగుతుంది. మరీ ముఖ్యంగా ఇన్వెస్టిగేటివ్‌ థ్రిల్లర్స్‌ ఇష్టపడేవారికి ఓ కన్నులపండగ. ఇంకెందుకాలస్యం... అనుమానం లేకుండా ఈ సిరీస్‌ని వీకెండ్‌లో చూసేయండి. – హరికృష్ణ ఇంటూరు

ఈ వీకెండ్ చాలానే తెలుగు స్ట్రెయిట్, డబ్బింగ్ సినిమాలు థియేటర్లలోకి వచ్చాయి. వీటిలో రాజమౌళి కొడుకు కార్తికేయ నిర్మించిన 'డోంట్ ట్రబుల్ ద ట్రబుల్', దళపతి విజయ్ కొడుకు జేసన్ సంజయ్ తీసిన 'సిగ్మా', రోషన్ 'తెల్లకాగితం'తోపాటు అనకాపల్లి, కీర్తి సురేశ్ 'డోరతి' తదితర మూవీస్ ఉన్నాయి. ఇంతకీ వీటికి ఎలా స్పందన వస్తోంది? కలెక్షన్స్ సంగతేంటి?‍రాజమౌళి కొడుకు కార్తికేయ నిర్మించిన 'డోంట్ ట్రబుల్ ద ‍ట్రబుల్' మూవీలో మలయాళ స్టార్ ఫహాద్ ఫాజిల్ హీరో. అయితే ప్రమోషన్ల గట్టిగా చేయడంతో అంచనాలు పెరిగిపోయాయి. కానీ వీటిని అందుకోవడంలో మూవీ, యావరేజ్ మార్క్ దగ్గరే ఆగిపోయిందని ప్రేక్షకులు అంటున్నారు. దీనికి తొలిరోజు దేశవ్యాప్తంగా రూ.1.65 కోట్ల నెట్ వసూళ్లు వచ్చినట్లు తెలుస్తోంది.(ఇదీ చదవండి: ఫహాద్ 'డోంట్ ట్రబుల్ ద ట్రబుల్' సినిమా రివ్యూ)తమిళనాడు ముఖ్యమంత్రి విజయ్ కొడుకు జేసన్ సంజయ్.. దర్శకుడిగా మారి తీసిన సినిమా 'సిగ్మా'. సందీప్ కిషన్ హీరో. దీనికి రిలీజ్‌కి ముందు మంచి హైప్ ఏర్పడింది. తీరా చూస్తే టైటిల్ ట్రెండీగా ఉన్నా కంటెంట్ పాతగా ఉందని టాక్ వినిపించింది. ఇకపోతే ఈ చిత్రానికి తొలిరోజు రూ.2.35 కోట్ల నెట్ కలెక్షన్స్ వచ్చినట్లు ట్రేడ్ వర్గాల సమాచారం.(ఇదీ చదవండి: జేసన్ సంజయ్ 'సిగ్మా' తెలుగు రివ్యూ)'కోర్ట్' ఫేమ్ హర్ష్ రోషన్ హీరోగా నటించిన లేటెస్ట్ ప్రేమకథా సినిమా 'తెల్లకాగితం'. గతంలో జరిగిన ఓ నిజజీవిత సంఘటన ఆధారంగా దీన్ని తీశారు. అయితే క్లైమాక్స్ బాగానే ఉన్నప్పటికీ మిగతాదంతా చల్తా చల్తా. ఇది డీసెంట్ మూవీ అని ప్రేక్షకులు తీర్పు ఇచ్చారు. దీనికి తొలిరోజు రూ.1.58 కోట్లకు పైగా గ్రాస్ వసూళ్లు వచ్చినట్లు నిర్మాత అధికారికంగా ప్రకటించుకున్నారు.(ఇదీ చదవండి: 'తెల్లకాగితం' సినిమా రివ్యూ)కీర్తి సురేశ్ టైటిల్ రోల్ చేసిన సినిమా 'డోరతి'. గతవారం తమిళనాడులోని థియేటర్లలోకి వచ్చింది. ఈ వీకెండ్ తెలుగులో రిలీజైంది. స్వలింగ ప్రేమ అనే భిన్నమైన కాన్సెప్ట్‌తో తీసిన ఈ చిత్రానికి విమర్శకుల ప్రశంసలు లభించాయి. ఇదో డిఫరెంట్ మూవీ అని చూసిన చాలామంది మెచ్చుకుంటున్నారు. దీనికి తెలుగు రాష్ట్రాల్లో తొలిరోజు ఎంతొచ్చాయనేది తెలియాల్సి ఉంది.(ఇదీ చదవండి: కీర్తి సురేశ్ 'డోరతి' సినిమా రివ్యూ)ప్రముఖ నిర్మాత లగటపాటి ‍శ్రీధర్ కొడుకు విక్రమ్ సహిదేవ్ హీరోగా నటించిన సినిమా 'అనకాపల్లి'. యాక్షన్ ప్రేమకథగా దీనిని తెరకెక్కించారు. అయితే ప్రెజెంటేషన్ పర్లేదనిపించిందని, కత్తి పట్టిన వాడు చివరికి కత్తిపోటుకే ఎలా బలవుతాడు? పిల్లలు చేసే తప్పులకు తల్లిదండ్రులు పడే వేదన ఎలా ఉంటుంది? ప్రేమకు, ఆకర్షణకు మధ్య ఉన్న తేడా ఏంటి? అనే అంశాలని ఇందులో చూపించే ప్రయత్నం చేశారు. దీనికి కూడా తొలిరోజు వసూళ్లెంతనేది తెలియాల్సి ఉంది.(ఇదీ చదవండి: 'అనకాపల్లి' సినిమా రివ్యూ)

సినీ ఇండస్ట్రీలో ప్రేమ, ఆప్యాయతలే కాదు గొడవలు, ఈగోలు కూడా ఉంటాయి. కొన్నిసార్లు బాహాబాహీ అని కొట్టుకుంటే మరికొన్నిసార్లు మాత్రం సోషల్ మీడియా వేదికగా బయటపెడుతుంటారు. 'కాంతార' హీరో రిషభ్ శెట్టి, నిర్మాణ సంస్థ హోంబలే ఫిల్మ్స్ మధ్య ఇలానే కోల్డ్ వార్ నడుస్తున్నట్లు ఉంది. మూవీకి ఏడాది పూర్తయిన సందర్భంగా ఇదికాస్త బయటపడింది. ఇంతకీ ఏమైంది?(ఇదీ చదవండి: నేరుగా ఓటీటీలోకి ఇన్వెస్టిగేటివ్ థ్రిల్లర్ సినిమా.. ట్రైలర్ రిలీజ్)2022లో కన్నడలో మాత్రమే రిలీజైన ఓ చిన్న సినిమా 'కాంతార'. తర్వాత వారాల్లో తెలుగు, హిందీలోనూ థియేటర్లలోకి వచ్చి అద్భుతం సృష్టించింది. రూ.400 కోట్లకు పైగా కలెక్షన్స్ సాధించి అందరినీ ఔరా అనిపించింది. గతేడాది అక్టోబరులో దీని సీక్వెల్ 'కాంతార ఛాప్టర్ 1' వచ్చింది. ఇది కూడా వందల కోట్ల రూపాయలు వసూళ్లు సాధించి ఆశ్చర్యపరిచింది. అంతా బాగానే ఉంది. కాకపోతే సీక్వెల్ రిలీజైన కొన్నాళ్లకు రిషభ్ శెట్టి.. నిర్మాణ సంస్థ హోంబలే ఫిల్మ్స్‌ని అన్ ఫాలో చేయడం చర్చనీయాంశమైంది.ఈగో సమస్యలా లేదంటే సృజనాత్మక విభేదాలా అనేది తెలియదు గానీ హోంబలే నిర్మాణ సంస్థ, రిషభ్ శెట్టి మధ్య ఏదో గొడవ జరిగి అది ఇంకా సమసిపోలేదనిపిస్తుంది. ఎందుకంటే మూడు రోజుల క్రితం తొలి భాగానికి నాలుగేళ్లు పూర్తయిందని, అలానే నిన్న(అక్టోబర్ 02) సీక్వెల్‌కి ఏడాది పూర్తయిందని రిషభ్, హోంబల్ సంస్థ.. సోషల్ మీడియాలో పోస్టులు పెట్టారు. కానీ ఎక్కడా ఒకరి గురించి ఒకరు మెన్షన్ చేయలేదు. హోంబలే సంస్థ అయితే హీరోకి బదులు పులి ఫొటోతో ఉన్న పోస్టర్ రిలీజ్ చేసింది. ఇదంతా చూసిన అభిమానులు.. సమస్య ఇంకా ముగిసిపోలేదా అనేది మాట్లాడుకుంటున్నారు. ఇది ఇలానే కొనసాగితే 'కాంతార' ప్రపంచం నుంచి మూడో భాగం రావడం కష్టమే!(ఇదీ చదవండి: స్టార్ హీరోయిన్ బుగ్గ గిల్లిన అభిమాని.. వీడియో వైరల్)Kantara Chapter 1 — One Year.The biggest challenge was to bring this prequel to an audience that had already showered Kantara with immense love. To give a prelude , go deeper into its roots, and tell a story that carries the soul of the land was both a responsibility and a… pic.twitter.com/cAQ7txWHqm— Rishab Shetty (@shetty_rishab) October 2, 2026Kantara – A Legend.Four years since Kantara came to life on the big screen. The rest is history. Awards and appreciation started pouring in from everywhere, but the love you all showered on the film remains unmatched.It was never just a film I made. It was a world I lived in,… pic.twitter.com/KtYcKBVoum— Rishab Shetty (@shetty_rishab) September 30, 2026ಒಂದು ವರ್ಷ ಕಳೆದರೂ, ಆ ಅನುಭವ ಇನ್ನೂ ಹಸಿರಾಗಿದೆ. ❤️ನಮ್ಮ ಮಣ್ಣಿನ ಕಥೆಯನ್ನು ನಿಮ್ಮ ಹೃದಯದ ಕಥೆಯನ್ನಾಗಿಸಿದ ಪ್ರತಿಯೊಬ್ಬರಿಗೂ ಧನ್ಯವಾದಗಳು.1 YEAR of Divine Blockbuster #KantaraChapter1 ❤️‍🔥A divine journey celebrating our roots, culture and traditions, made truly special by audiences across the… pic.twitter.com/H4UtMzl8xf— Hombale Films (@hombalefilms) October 2, 2026

ఓటీటీలోకి ప్రతివారం కొత్త సినిమాలు వస్తూనే ఉంటాయి. కొన్నిసార్లు మాత్రం థియేటర్లలో కాకుండా నేరుగా డిజిటల్‌గా స్ట్రీమింగ్‌లోకి వచ్చేస్తుంటాయి. అలా ఇప్పుడు ఓ ఇన్వెస్టిగేటివ్ థ్రిల్లర్ రాబోతుంది. కొన్నిరోజుల క్రితం రిలీజ్ డేట్ ప్రకటించగా ఇప్పుడు ట్రైలర్ వదిలి స్టోరీ ఏంటనేది రివీల్ చేశారు. ఇంతకీ ఈ మూవీ సంగతేంటి? ఎందులోకి రానుంది?(ఇదీ చదవండి: సైలెంట్‌గా ఓటీటీలోకి వచ్చేసిన తెలుగు కామెడీ సినిమా)బాలీవుడ్ హీరోయిన్ పరిణితీ చోప్రా లీడ్ రోల్ చేసిన హిందీ థ్రిల్లర్ మూవీ 'రిపోర్టింగ్ లైవ్'. అక్టోబర్ 09 అంటే వచ్చే శుక్రవారం నుంచి నెట్‌‌ఫ్లిక్స్‌లో తెలుగులోనూ స్ట్రీమింగ్ కానుంది. ఇందులో నాజర్, దేవేన్ భోజానీ , శాశ్వత్ ఛటర్జీ లాంటి సీనియర్ నటీనటులు కీలక పాత్రలు చేశారు. ఇసుక మాఫియాలోని డార్క్ సీక్రెట్స్ గురించి ఇందులో చూపించబోతున్నారు.రిలీజైన ట్రైలర్ బట్టి చూస్తే ఒక యంగ్ రిపోర్టర్ (పరిణీతి చోప్రా) తన అనుభవజ్ఞుడైన కెమెరామన్ (దేవేన్ భోజానీ)తో కలిసి ఒక డార్క్ నెట్‌వర్క్‌ని ఛేదించే క్రమంలో చట్టవిరుద్ధంగా సాగుతున్న ఇసుక మాఫియా రహస్యాలని వెలుగులోకి తీసుకొస్తుంది. ఆ కథని బయటపెట్టేకొద్దీ క్రూరమైన మాఫియా సామ్రాజ్యం నుంచి ఈమెకు ఎలాంటి సవాళ్లు ఎదురయ్యాయి? ఆ ప్రమాదం నుంచి ఎలా బయటపడిందనేది మిగతా స్టోరీ.(ఇదీ చదవండి: ఓటీటీలోకి మలయాళ క్రైమ్ థ్రిల్లర్.. తెలుగులోనూ స్ట్రీమింగ్)

ఫ్లై దుబాయి విమానం ప్రమాదానికి గురికాకుండా ఎంతోమంది ప్రయాణికులు కాపాడిన భారతీయ పైలెట్ స్మిత్ మచ్చర్‌కి అన్నివైపుల నుంచి ప్రశంసలు లభిస్తున్నాయి. ప్రధానమంత్రి మోదీ స్వయంగా వీడియో కాల్ కూడా చేసి మాట్లాడారు. ఈయన ధైర్యసాహసాలని మెచ్చుకున్న టాలీవుడ్ హీరో చిరంజీవి.. క్లిష్ట సమయంలో హనుమాన్ చాలీసా పఠిస్తూ స్మిత్ మచ్చర్ మనోధైర్యాన్ని కూడగట్టుకున్నారని తెలిసి తన మనసు చలించిందని చిరు రాసుకొచ్చారు.(ఇదీ చదవండి: బిగ్‌బాస్ 10: అమన్‌కి అన్యాయం.. వర్షిణి దెబ్బకు మైండ్ బ్లాక్)'తన ప్రాణాలు ప్రమాదంలో ఉన్నా, తోటివారి ప్రాణాలని కాపాడాలనే సంకల్పంతో అసమాన ధైర్యసాహసాలు ప్రదర్శించిన మన భారతీయ పైలట్ కెప్టెన్ స్మిత్ మచ్చర్‌గారికి నా హృదయపూర్వక అభినందనలు. ఇజ్రాయెల్‌కు వెళ్తున్న విమానంలో దాడికి గురై, తీవ్రంగా గాయపడిన స్థితిలోనూ సమయస్ఫూర్తితో స్పందించి, ఎందరో ప్రాణాలను ఒక్కడై పోరాడిన మీ సాహసం ప్రతి భారతీయుడికీ గర్వకారణం. ఆ క్లిష్ట సమయంలో హనుమాన్ చాలీసా పఠిస్తూ మనోధైర్యాన్ని కూడగట్టుకున్నారని తెలిసి నా మనసు చలించింది. ఆ ఆంజనేయస్వామి అనుగ్రహం మీకు ఎల్లప్పుడూ ఉండాలని, మీరు త్వరగా పూర్తిగా కోలుకుని ఆయురారోగ్యాలతో ఉండాలని మనస్ఫూర్తిగా కోరుకుంటున్నాను. మీ ధైర్యసాహసాలకు, మానవత్వానికి నా హృదయపూర్వక వందనాలు. జై హనుమాన్' అని చిరంజీవి ట్వీట్ చేశారు.ఇకపోతే సెప్టెంబర్‌ 30న దుబాయ్‌ నుంచి టెల్‌ అవీవ్‌కు వెళ్తున్న ఫ్లై దుబాయ్‌ FZ1073 విమానం సుమారు 33 వేల అడుగుల ఎత్తులో ప్రయాణిస్తున్న సమయంలో కాక్‌పిట్‌లో కెప్టెన్‌ మచ్చార్‌తో కో-పైలట్‌ ఘర్షణకు దిగి తీవ్రంగా గాయపరిచాడు. ఈ క్రమంలో విమానం ప్రమాదం దిశగా తీవ్ర వేగంతో కిందికి దూసుకెళ్తుందని గమనించిన కెప్టెన్‌ మచ్చార్‌... అతి కష్టం మీద కాక్‌పిట్‌ తలుపు తెరవడంతో సిబ్బంది, ప్రయాణికులు లోపలికి చేరుకుని పరిస్థితిని అదుపులోకి తీసుకొచ్చారు. అనంతరం విమానం టబుక్‌లో సురక్షితంగా ల్యాండ్‌ అయింది. విమానంలో సిబ్బంది సహా 182 మంది ప్రయాణికులు ఉన్నారు.(ఇదీ చదవండి: ‘ఫ్లై దుబాయ్’ హీరోకు రూ.కోటి నజరానా..)తన ప్రాణాలు ప్రమాదంలో ఉన్నా, తోటి వారి ప్రాణాలను కాపాడాలనే సంకల్పంతో అసమాన ధైర్యసాహసాలు ప్రదర్శించిన మన భారతీయ పైలట్ కెప్టెన్ Smit Machchhar గారికి నా హృదయపూర్వక అభినందనలు.ఇజ్రాయెల్‌కు వెళ్తున్న విమానంలో దాడికి గురై, తీవ్రంగా గాయపడిన స్థితిలోనూ సమయస్ఫూర్తితో స్పందించి, ఎందరో…— Chiranjeevi Konidela (@KChiruTweets) October 3, 2026

నోటివరకు వచ్చిన కూడు అందకుండాపోతే ఆ బాధ వర్ణనాతీతం. బిగ్‌బాస్ హౌస్‌లో అమన్ విషయంలో సరిగ్గా ఇదే సీన్ రిపీటైంది. కష్టపడి కెప్టెన్ అయితే వర్షిణి దాన్ని ఎగరేసుకుపోయింది. మరోవైపు ఆరోవారం ఇమ్యూనిటీ కోసం ఆ ఇద్దరూ గెలిచారు. ఇంతకీ శుక్రవారం(అక్టోబర్ 02) ఎపిసోడ్‌లో అసలేం జరిగింది? అనేది హైలైట్స్‌లో చూద్దాం.(ఇదీ చదవండి: ఓటీటీలోకి మలయాళ క్రైమ్ థ్రిల్లర్.. తెలుగులోనూ స్ట్రీమింగ్)గురువారం నాడు బిగ్‌బాస్ 10 హౌస్‌లోని రెండు టీమ్స్ మధ్య టాస్క్‌లు జరిగి భైరవ టీమ్(రెడ్ టీమ్) కెప్టెన్సీ టాస్క్‌లకు అర్హత సాధించింది. ఆరోవారం వరకు ఎవరి దగ్గర మూడు కత్తులు ఉంటే వాళ్లకు ఇమ్యూనిటీ వస్తుంది కాబట్టి అందరి మధ్య కత్తులు(డాగర్స్) గురించి డిస్కషన్ జరిగింది. మరోవైపు బిగ్‌బాస్ భైరవ టీమ్‌లో ఎవరైనా ఐదుగురు మాత్రమే కెప్టెన్సీ పోరులో పాల్గొనాలని చెప్పాడు. అమన్ కెప్టెన్ అవుతానంటే రోహిత్ వద్దన్నాడు. చాలాసేపు గొడవలు, డిస్కషన్స్ జరిగిన తర్వాత వర్షిణి, ఝాన్సీ, రాంప్రసాద్, అపూర్వ, అమన్.. కెప్టెన్సీ పోటీలకు సిద్ధమయ్యారు.కెప్టెన్సీ కోసం 'పాత్ టూ పవర్' అనే పోటీని మూడు లెవల్స్‌లో పెట్టారు. చివరవరకు ఎవరు నిలిస్తే వాళ్లు కెప్టెన్ అవుతారు. ఒక కర్రతో పోల్స్‌కి వేలాడుతున్న బ్యాగ్స్‌ని కిందకు పడేసి అందులోని తాడులు తీసుకొని ఎదురుగానున్న డబ్బాలపై తాడుతో బ్రిడ్జ్ తయారుచేయాలి. ముందుగా వచ్చే ముగ్గురు తర్వాత దశకి వెళ్తారు. రెండో లెవల్‌లో తాడు‌పై బాల్స్ కదిలించి చేసే టాస్క్. అందులో ముందు చేసిన ఇద్దరు తర్వాత దశకి వెళ్తారు. చివరి లెవల్లో బిగ్‌బాస్ ముక్కలతో ఐ లోగో పూర్తిచేయాలి. ఎవరు మొదటగా చేస్తే వాళ్లు కెప్టెన్ అవుతారు.(ఇదీ చదవండి: 'తెల్లకాగితం' సినిమా రివ్యూ)అయితే ఈ గేమ్ అంతా ఎలాంటి గొడవలు లేకుండా సాఫీగానే సాగింది. మొదటి దశలో అమన్, రాంప్రసాద్, ఝాన్సీ గెలవగా నెక్స్ట్ లెవల్‌కి అమన్, ఝాన్సీ వెళ్లారు. ఫైనల్‌గా అమన్ గెలిచాడు. కెప్టెన్ అయ్యాడు. ఝాన్సీ ఓడిపోయినందుకు ఏడ్చింది. అయితే వర్షిణి తన మ్యాజికల్ పవర్ వాడతానని బిగ్‌బాస్‌ని అడగ్గా ఓకే చెప్పి ఆమె తాళాలు పంపించాడు. వర్షిణి మ్యాజిక్ పవర్ ఏంటంటే ఎవరు గెలిస్తే వాళ్ల దగ్గరున్న శక్తిని తీసేసుకోవచ్చు. దీంతో వర్షిణి అమన్ కెప్టెన్సీ తీసుకుంది. ఇక కెప్టెన్ అయినందుకు ముకేశ్ కాళ్లు పట్టుకొని తనని ఆశీర్వదించమంది. ఇక డాగార్లు(కత్తులు) ఉన్నవాళ్లకే ఇమ్యూనిటీ ఛాలెంజ్‌లో పాల్గొనే అవకాశముందని బిగ్‌బాస్ చెప్పాడు. తర్వాత ఇమ్యూనిటీ గేమ్ పెట్టాడు. డాగార్లు ఉన్నోళ్ల ఫొటోలు ముందు పెట్టి రెండు లేదా ఎక్కువ డాగర్స్ ఉన్నవాళ్లు ఎవరు ఇమ్యూనిటీ ఇవ్వాలో నిర్ణయిస్తారని చెప్పాడు. దానికి ఓ టాస్క్ పెట్టాడు. మొదట సృష్టి.. వంశీ ఫోటో తీసేసి తన ఫొటో పెడతానంది. సుధీర్.. సృష్టి ఫొటో తీసేసాడు. ఝాన్సీ త్రిగున్ ఇమ్యూనిటీ తీసేసుకుంది. వంశీ.. చరణ్ ఇమ్యూనిటీ తీసుకున్నాడు. దీంతో ఫైనల్‌గా వంశీ, సుధీర్.. ఆరో వారానికి ఇమ్యూనిటీ పొందారు. అలా శుక్రవారం ఎపిసోడ్ ముగిసింది.(ఇదీ చదవండి: స్టార్ హీరోయిన్ బుగ్గ గిల్లిన అభిమాని.. వీడియో వైరల్)

కన్నడలో స్టార్ హీరోయిన్‌గా గుర్తింపు తెచ్చుకున్న రచితా రామ్.. తెలుగులోనూ 'సూపర్ మచ్చి', తమిళం 'కూలీ' తదితర సినిమాలు చేసింది. అయితే తన పుట్టినరోజైన అక్టోబర్ 03న ప్రతి ఏడాది అభిమానులని కలిసి సెల్ఫీలు ఇస్తుంటుంది. ఈసారి కూడా అలానే జరగ్గా.. ఓ అభిమాని తుంటరి పనిచేసి ఈమెకు షాకిచ్చాడు. ఇందుకు సంబంధించిన వీడియో ఇప్పుడు వైరల్ అవుతోంది.(ఇదీ చదవండి: ఓటీటీలోకి మలయాళ క్రైమ్ థ్రిల్లర్.. తెలుగులోనూ స్ట్రీమింగ్)రచిత రామ్ దగ్గరకు వచ్చిన ఓ అభిమాని.. ఆమెతో సెల్ఫీ తీసుకున్నాడు. అనంతరం షేక్ హ్యాండ్ ఇచ్చాడు. అలానే ఆమె రెండు బుగ్గలు పట్టుకుని గిల్లేసరికి ఆమె ఒకింత షాక్‌కి గురైంది. ఈ వీడియో వైరల్ కావడంతో క్యూట్ ఫ్యాన్ మూమెంట్ అని కొందరు అంటుండగా.. మరికొందరు మాత్రం సదరు అభిమాని తీరుని విమర్శిస్తున్నారు. (ఇదీ చదవండి: కలలో కూడా ఊహించలేదు.. కీర్తి సురేశ్)😄 Be honest, what kind of fan are you—playful 😜 or calm 😇?Which one are you? 👀#RachitaRam pic.twitter.com/F3A16HFc9W— Filmyyy__duniyaaa (@Filmyduniyaaa) October 3, 2026

తమిళ దర్శకుడు కార్తీక్‌ సుబ్బరాజ్‌ తీసిన లేటెస్ట్ సినిమా 'డోరతి'. కీర్తి సురేశ్ టైటిల్‌ పాత్ర పోషించింది. సనంత్, రిషికాంత్‌ హీరోలుగా నటించారు. గతవారం తమిళంలో రిలీజై టాక్ ఆఫ్ ద టౌన్ అయిపోయిన ఈ చిత్రం.. తాజాగా తెలుగులోనూ రిలీజైంది. అయితే ఇందులో నటించే అవకాశం రావడం తన అదృష్టమని కీర్తి సురేశ్ చెప్పుకొచ్చింది.(ఇదీ చదవండి: 'తెల్లకాగితం' సినిమా రివ్యూ)నా మనసులోని ఒక భాగాన్ని 'డోరతి' సొంతం చేసుకుంది. అలా మీ హృదయాల్లో నేను చోటు సంపాదించుకున్నాను. డోరతిపై, నాపై నమ్మకం ఉంచి నన్ను మీ గుండెల్లో చోటు సంపాదించుకునేలా చేసిన దర్శకుడు కార్తీక్‌ సుబ్బరాజ్‌కు ధన్యవాదాలు. మా డ్రీమ్‌ చిత్రం (కార్తీక్‌ సుబ్బరాజ్‌ని ఉద్దేశించి)లో నన్ను నటింపజేసినందుకుగానూ నా కల నిజమైనట్టేనని భావిస్తున్నా. ఇళయరాజా సృష్టించిన మాయాజాలంలో నేనూ ఒక భాగం అవుతానని కలలో కూడా ఊహించలేదు' అని తన పోస్టులో రాసుకొచ్చింది.ఇకపోతే కీర్తి సురేశ్ టైటిల్‌ పాత్ర పోషిస్తున్న కొత్త మూవీ 'సత్యవాన్‌ సావిత్రి' నవంబర్‌ 20న థియేటర్లలో రిలీజ్ కానుంది. ఇందులో న్యాయవాదిగా కీర్తి కనిపించనుంది. ఇది కూడా తెలుగులోనూ విడుదల కానుంది.(ఇదీ చదవండి: ఓటీటీలోకి మలయాళ క్రైమ్ థ్రిల్లర్.. తెలుగులోనూ స్ట్రీమింగ్) View this post on Instagram A post shared by Keerthy Suresh (@keerthysureshofficial)

మలయాళ ఇండస్ట్రీ అనగానే థ్రిల్లర్ కథలే గుర్తొస్తాయి. నెలకు ఒకటి రెండు అయినా ఈ జానర్ సినిమాలు రిలీజ్ అవుతుంటాయి. ఈ తరహా స్టోరీలతో సిరీస్‌లు కూడా అప్పుడప్పుడు వస్తుంటాయి. ఇప్పుడు అలానే ఓ మలయాళ క్రైమ్ థ్రిల్లర్ సిరీస్ స్ట్రీమింగ్‌కి సిద్ధమైంది. ఈ మేరకు అధికారిక ప్రకటన చేసి ట్రైలర్ వదిలారు.(ఇదీ చదవండి: ఈ వారం ఓటీటీల్లోకి 23 సినిమాలు.. ఆ నాలుగు డోంట్ మిస్)'ఉయరే', 'కాణెక్కిణే' సినిమాలతో ఆకట్టుకున్న మను అశోకన్ దర్శకత్వం వహించిన సైకలాజికల్ థ్రిల్లర్ సిరీస్ 'ఐస్'. దేవ్‌ మోహన్, నిఖిలా విమల్, కని కుసృతి, శృతి రామచంద్రన్, సానియా అయ్యప్పన్ ప్రధాన పాత్రలు చేశారు. వచ్చే శుక్రవారం(అక్టోబరు 09) నుంచి సోనీ లివ్ ఓటీటీలో తెలుగు, తమిళ, కన్నడ, మలయాళ, హిందీ భాషల్లో స్ట్రీమింగ్ కానుంది.ట్రైలర్ బట్టి చూస్తే మానవ సంబంధాల్లోని చీకటి కోణాలు, మనుషుల మధ్య ఉండే ప్రేమ.. పిచ్చిప్రేమగా మారితే ఏమవుతుందో ఇందులో చూపించబోతున్నట్లు తెలుస్తోంది. స్టాకింగ్‌ (వెంటాడటం), దాని వెనుక ఉన్న మానసిక ధోరణులు, పరిస్థితులు సీరియస్ కాకుండా తీసుకోవాల్సిన ముందస్తు చర్యలు. ఇందుకోసం మానసిక ఆరోగ్య నిపుణులు, పోలీసులు కలిసి కేసులని విశ్లేషిస్తూ స్టాకర్ల ప్రవర్తనని అర్థం చేసుకునే ప్రయత్నం చేయడం.. మహిళలపై జరుగుతున్న ఘటనల దర్యాప్తు నేపథ్యం ఇందులో ప్రధానంగా ఉండనుంది. ట్రైలర్ పర్లేదనేలా ఉంది. మరి సిరీస్ ఏ మేరకు అలరిస్తుందో చూడాలి?(ఇదీ చదవండి: సైలెంట్‌గా ఓటీటీలోకి వచ్చేసిన తెలుగు కామెడీ సినిమా)

‘‘ప్రస్తుత సమాజంలో మహిళలు ఎంత పరిపూర్ణులైనప్పటికీ ప్రజలు ఆమెలో ఏదో ఒక లోపాన్ని వెతుకుతూనే ఉంటారు’’ అంటున్నారు కృతీ శెట్టి. ‘ఉప్పెన’తో తెలుగు చిత్ర పరిశ్రమలో అడుగుపెట్టిన ఈ కన్నడ బ్యూటీ ఆ తర్వాత పలు తెలుగు సినిమాలతో పాటు తమిళ్, మలయాళ చిత్రాల్లో నటించి, ప్రత్యేక గుర్తింపు సొంతం చేసుకున్నారు. తాజాగా ఆమె సోషల్‌ మీడియాలో పెట్టిన ఒక పోస్ట్‌ చర్చనీయాంశంగా మారింది. ‘‘సమాజంలో, వెండితెరపై పురుషులు తాము చేసే పనులకు పెద్దగా నిరూపించుకోవాల్సిన అవసరం లేదు. అయినప్పటికీ వాళ్లను ప్రజలు ఇష్టపడుతుంటారు. అయితే ఒక మహిళ ఎంత పర్ఫెక్ట్‌గా ఉన్నప్పటికీ కొందరు ఎప్పుడూ ఆమెలో ఏదో ఒక లోపాన్ని వెతుకుతూనే ఉంటారు’’ అని కృతీ శెట్టి చేసిన పోస్ట్‌ వైరల్‌గా మారింది.వివాదాలకు దూరంగా ఉండే కృతి ఇప్పుడు ఎందుకు ఇలా పోస్ట్‌ చేశారు? ఇందుకు కారణం ఏమై ఉంటుంది? అంటూ పలువురు నెటిజన్లు కామెంట్లు పోస్ట్‌ చేస్తున్నారు. ఇదిలా ఉంటే... కృతీ శెట్టి ప్రస్తుతం అనిల్‌ రావిపూడి దర్శకత్వంలో వెంకటేశ్, కల్యాణ్‌ రామ్‌ హీరోలుగా నటిస్తున్న ‘జనవరి 12 విడుదల’లో కల్యాణ్‌ రామ్‌కి జోడీగా నటిస్తున్నారు. తమిళంలో ‘జీనీ’ చిత్రంలో నటిస్తున్నారు.

బాలీవుడ్‌లో బ్లాక్‌బస్టర్‌గా నిలిచిన ‘హనుమాన్‌ అంశ్‌’ మూవీ తెలుగులో ఈ నెల 9న ప్రేక్షకుల ముందుకు రానుంది. శోభినవ్‌ సత్య, చందన్‌ కె. ఆనంద్‌ ప్రధాన పాత్రలు పోషించిన చిత్రం ‘హనుమాన్‌ అంశ్‌’. విశాల్‌ చతుర్వేది దర్శకత్వంలో విశాల్‌ చతుర్వేది, నమ్రత జి. సింగ్, అనుప్రియ నాగర్, రాగిణి సోనా నిర్మించిన ఈ హిందీ చిత్రం ఆగస్టు 7న బాలీవుడ్‌లో విడుదలైంది. 1900–1973 మధ్య జీవించిన ప్రముఖ ఆధ్యాత్మిక గురువు, హనుమాన్‌ భక్తుడు నీమ్‌ కరోలి బాబా (మహారాజ్‌ జీ) జీవితం, ఆయన బోధనల ఆధారంగా ఈ సినిమా రూ పొందింది. రూ. 2 కోట్లతో రూ పొందిన ఈ చిత్రం రూ. 400 కోట్లు వసూళ్లు చేసినట్లు సమాచారం. ఈ సినిమాని దర్శకుడు త్రివిక్రమ్‌ శ్రీనివాస్‌ సెప్టెంబరు 18న తెలుగులో విడుదల చేయనున్నట్లు ప్రకటించారు. అయితే చివరి నిమిషంలో తెలుగు విడుదలను వాయిదా వేశారు. తాజాగా ఈ నెల 9న తెలుగు వెర్షన్‌ని విడుదల చేస్తున్నట్లు హోంబలే ఫిల్మ్స్‌ ప్రకటించింది. ‘‘ప్రేక్షకులు ప్రపంచవ్యాప్తంగా పెద్ద తెరపై దైవిక వైభవాన్ని వీక్షించేలా ఎంతో ఆదరణ పొందిన ‘హనుమాన్‌ అంశ్‌’ చిత్రాన్ని తెలుగులో తీసుకురావడం హ్యాపీగా ఉంది’’ అని ఆ సంస్థ పేర్కొంది.

‘మరకతమణి 2’ సినిమా చిత్రీకరణకు గుమ్మడికాయ కొట్టారు ఆది పినిశెట్టి. ఆయన హీరోగా సత్యరాజ్, ప్రియా భవానీశంకర్, నిక్కీ గల్రాణి పినిశెట్టి, మునీష్‌కాంత్, ఆనంద్‌ రాజ్‌ ప్రధాన పాత్రల్లో నటించిన ఈ సినిమాకు ఏఆర్‌కే శరవణన్‌ దర్శకత్వం వహించారు.ఈ సినిమా చిత్రీకరణ పూర్తయిన సందర్భంగా యూనిట్‌ గుమ్మడికాయ కొట్టింది. ప్రస్తుతం పోస్ట్‌ ప్రోడక్షన్స్‌ పనులు జరుగుతున్నాయని, త్వరలోనే ట్రైలర్, విడుదల తేదీ గురించిన విషయాలను తెలియజేస్తామని యూనిట్‌ పేర్కొంది. ఇక ఆది పినిశెట్టి హీరోగా ఏఆర్‌కే శరవణన్‌ దర్శకత్వంలో రూపొందిన సూపర్‌ హిట్‌ మూవీ ‘మరకతమణి’ (తమిళంలో ‘మరగద నాణ్యం’)కి సీక్వెల్‌గా ‘మరకతమణి 2’ రూపొందింది.

‘ఓం’ సినిమా కొత్త రిలీజ్‌ డేట్‌ ఖరారైంది. ధనుష్‌ హీరోగా నటిస్తున్న యాక్షన్‌ డ్రామా ‘ఓం: చాప్టర్‌ 1–ఉధిరం బ్లడ్‌ ఉడ్‌’. సాయిపల్లవి, శ్రీలీల హీరోయిన్స్‌గా నటిస్తున్న ఈ చిత్రంలో మమ్ముట్టి, నసీరుద్దీన్‌ షా, ఇంద్రన్స్‌ కీలక పాత్రలు చేస్తున్నారు. రాజ్‌కుమార్‌ పెరియసామి దర్శకత్వంలో శ్రద్ధా అగర్వాల్, ధనుష్, అజ్మత్‌ జగ్మగ్‌ ఈ సినిమాను నిర్మిస్తున్నారు. ఈ చిత్రాన్ని తొలుత అక్టోబరు 16న రిలీజ్‌ చేయాలనుకున్నారు. కానీ రజనీకాంత్‌ ‘జైలర్‌ 2’ 15న రిలీజ్‌ అవుతున్న నేపథ్యంలో ఆయనపై ఉన్న గౌరవంతో ‘ఓం’ను అక్టోబరు 16న రిలీజ్‌ చేయడం లేదని ఇటీవల ధనుష్‌ పేర్కొన్నారు. తాజాగా ‘ఓం’ చిత్రాన్ని నవంబరు 20న రిలీజ్‌ చేస్తున్నట్లు ప్రకటించి, కొత్త పోస్టర్‌ను రిలీజ్‌ చేశారు. కొన్ని వాస్తవ సంఘటనలతో స్మగ్లింగ్‌ నేపథ్యంలో ఈ సినిమా తెరకెక్కుతోందని సమాచారం.

టైటిల్: రూపాయనమఃనటీనటులు: అరవింద్ పండ్రాతే, వేణు పోల్సాని, డి. అనుదీప్, శ్రావణి మల్కాని, క్రాక్ శ్రీమణి, విషన్ శ్రీ, కావ్యశ్రీ మాదిశెట్టి తదితరులునిర్మాణ సంస్థ: చిత్ర వేద ప్రొడక్షన్స్నిర్మాత: పావని సాగిదర్శకత్వం: అరవింద్ రెడ్డిసంగీతం: రిషి ఎంవిడుదల తేదీ: అక్టోబర్ 2, 2026 కథ ఏంటంటే..హరి నారాయణ తన తల్లి, భార్య, కూతురితో కలిసి ఓ పల్లెటూరిలో సాదాసీదా జీవితాన్ని గడుపుతుంటాడు. ఆర్థిక ఇబ్బందులతో కుటుంబాన్ని నెట్టుకొస్తున్న అతని జీవితంలోకి అనుకోకుండా అదృష్టం తలుపు తడుతుంది. హరి కొనుగోలు చేసిన లాటరీ టికెట్‌కు ఏకంగా కోటి రూపాయల బహుమతి వస్తుంది. దీంతో తమ కష్టాలన్నీ తీరిపోయాయని కుటుంబ సభ్యులు సంబరపడతారు. అయితే ఆ ఆనందం ఎంతోసేపు నిలవదు. కోటి రూపాయలు తెచ్చిపెట్టే ఆ లాటరీ టికెట్ ఇంట్లో కనిపించకుండా పోతుంది. కుటుంబ సభ్యులంతా ఇల్లంతా వెతుకుతున్న సమయంలో హరికి ఓ గుర్తుతెలియని నంబర్ నుంచి ఫోన్ వస్తుంది. లాటరీ టికెట్ తన దగ్గరే ఉందని చెప్పిన ఆ వ్యక్తి.. దాన్ని తిరిగి ఇవ్వాలంటే రూ.10 లక్షలు ఇవ్వాలని డిమాండ్ చేస్తాడు.ఇంతకీ ఆ అపరిచితుడు ఎవరు? లాటరీ టికెట్ అతని చేతికి ఎలా వచ్చింది? రూ.10 లక్షలు డిమాండ్ చేసిన వ్యక్తిని హరి ఎలా ఎదుర్కొన్నాడు? ఎలాంటి పరిస్థితుల్లో తన టికెట్‌ను తిరిగి దక్కించుకున్నాడు? ఈ క్రమంలో అతని కుటుంబానికి ఎదురైన పరిణామాలేంటి? అన్నదే మిగతా కథ. ఎలా ఉందంటే ...ఒక్కసారిగా భారీ మొత్తం చేతికి వస్తే జీవితం మారిపోతుందనే ఆశ మానవ సహజం. అదే ఆలోచనను కథాంశంగా తీసుకున్న ‘రూపాయనమః’ ఆసక్తికరంగా మొదలవుతుంది. దర్శకుడు అరవింద్ రెడ్డి ఈ కథను పల్లెటూరి నేపథ్యంలో సహజంగా నడిపించే ప్రయత్నం చేశారు. కుటుంబ సభ్యుల మధ్య సంభాషణలు, ఊరి మనుషుల ప్రవర్తన, వారి అమాయకత్వం వంటి అంశాలను ఎలాంటి అతిశయోక్తులు లేకుండా తెరపై చూపించారు. అయితే అసలు కథని ప్రారంభించడానికి దర్శకుడు ఎక్కువ సమయం తీసుకున్నాడు. ఫస్టాఫ్ కథనం నెమ్మదిగా సాగుతుంది. ముఖ్యంగా ఇంట్లో జరిగే వెతుకులాట సన్నివేశాలకు మరికొంత కత్తెర వేసి ఉంటే కథనం మరింత వేగంగా సాగేది. అలాగే కొన్ని ఉప పాత్రలను ఇంకాస్త లోతుగా తీర్చిదిద్దే అవకాశం ఉంది. అయితే ద్వితీయార్ధంలో కథ ఇంటి పరిధిని దాటి ఊరి పరిసరాల్లోకి వెళ్లడంతో కథనంలో వేగం పెరుగుతుంది. హరి, ఆ అపరిచితుడి మధ్య జరిగే ఫోన్ సంభాషణలు, ఒకరిపై ఒకరు వేసుకునే ఎత్తుకు పైఎత్తులు ఆసక్తిని పెంచుతాయి. క్లైమాక్స్ కూడా కథకు తగ్గట్టుగా సంతృప్తికరంగా ముగుస్తుంది. మొత్తంగా ‘రూపాయనమః’ ఆసక్తికరమైన పాయింట్‌తో, పల్లెటూరి స్వచ్ఛమైన హాస్యాన్ని జోడించి తెరకెక్కించిన చిత్రం. ప్రారంభంలో కాస్త నెమ్మదిగా అనిపించినా.. సహజమైన నటన, ఆకట్టుకునే మలుపులు, గ్రామీణ నేపథ్యం సినిమాను నిలబెట్టాయి. ఎవరెలా చేశారంటే..ప్రధాన పాత్రల్లో నటించిన వారంతా కొత్తవారే అయినప్పటికీ తమ పాత్రలకు తగ్గట్టుగా సహజమైన నటనతో ఆకట్టుకున్నారు. కుటుంబ సమస్యలతో సతమతమయ్యే సామాన్యుడి పాత్రలో అరవింద్ పండ్రాతే ఒదిగిపోయాడు. శ్రావణి మల్కాని, వేణు పోల్సాని, డి. అనుదీప్ తమ పరిధి మేరకు బాగానే నటించి సన్నివేశాలకు సహజత్వాన్ని తీసుకొచ్చారు. సాంకేతికంగా సినిమా ఒకే.జింకా వరుణ్ నాయుడు కెమెరా పనితనం గ్రామీణ లొకేషన్లను ఎక్కడా హంగులు లేకుండా వాస్తవికంగా చూపించింది. రిషి ఎం అందించిన నేపథ్య సంగీతం కథలోని ఉత్కంఠకు, హాస్యానికి తగినట్లుగా సాగింది. రవితేజ గిరిజాల ఎడిటింగ్ పర్వాలేదు. నిర్మాణ విలువలు బాగున్నాయి.

టైటిల్ : అనకాపల్లి నటీనటులు: విక్రమ్ సహిదేవ్, సంధ్యా వశిష్ట, తారక్ పొన్నప్ప, త్రినాథ రావు నక్కిన, ఇంద్రజ, సంగీత క్రిష్, కండ్రేగుల నాయుడు, నందిని రాయ్, మహబూబ్ భాషా, వడ్లమాని శ్రీనివాస్ తదితరులు నిర్మాణ సంస్థలు: నక్కిన నరేటివ్స్, భవ్యశ్రీ మూవీ మేకర్స్ నిర్మాత: త్రినాథ రావు నక్కిన కథ, స్క్రీన్ ప్లే: త్రినాథ రావు నక్కిన దర్శకత్వం: ఖగేష్ తమ్మినేని సంగీతం: డేవ్జాండ్సినిమాటోగ్రాఫర్: కటివరపు వంశీ కృష్ణ ఎడిటర్: అత్తలూరి శ్రీకృష్ణ విడుదల తేదీ : అక్టోబర్ 2, 2026కథ ఏంటంటే..అనకాపల్లి ప్రాంతంలో బుల్లెట్‌ (తారక్ పొన్నప్ప) పేరంటేనే భయపడే పరిస్థితి. రౌడీగా తనదైన హవాను కొనసాగిస్తూ ఉంటాడు. అదే సమయంలో డ్రగ్స్‌ వ్యాపారం చేసే నాయుడు (కాండ్రేగుల నాయుడు)తో బుల్లెట్‌కు తరచూ గొడవలు జరుగుతుంటాయి. ఈ నేపథ్యంలో బుల్లెట్‌ చుట్టూ తిరిగే ప్రపంచం మరింత ప్రమాదకరంగా మారుతుంటుంది.మరోవైపు అదే ప్రాంతంలోని విద్యుత్‌ శాఖ కార్యాలయంలో ఏఈగా పనిచేస్తుంటాడు సాంబశివరావు (త్రినాథరావు నక్కిన). నిజాయితీకి ప్రాధాన్యమిస్తూ, సాధారణ మధ్యతరగతి జీవితాన్ని గడిపే వ్యక్తి అతడు. అయితే అతని కొడుకు సూర్య (విక్రమ్ సహిదేవ్) మాత్రం తండ్రి జీవన విధానంతో సంతృప్తిగా ఉండడు. మిడిల్‌ క్లాస్‌ జీవితంపై అసంతృప్తితో ఉండే సూర్య.. బుల్లెట్‌ హవా, అతడి యాటిట్యూడ్‌, చుట్టూ ఉండే హీరోయిజం చూసి ఆకర్షితుడవుతాడు. అలా బుల్లెట్‌ గ్యాంగ్‌లో చేరిన సూర్య.. క్రమంగా అతడికి అత్యంత నమ్మకమైన వ్యక్తిగా, రైట్‌ హ్యాండ్‌గా మారతాడు. ఇద్దరు కలిసి ఎమ్మెల్యే ( వడ్లమాని శ్రీనివాస్) అనుచరుడు నాయుడిని మర్డర్ చేస్తారు. ఇలా బుల్లెట్టుకు అత్యంత నమ్మకమైన అనుచరుడిగా ఉన్న సూరి ఎదురు తిరుగుతాడు. బుల్లెట్టు ఆధిపత్యాన్ని సవాల్ చేస్తాడు. సూరి అలా ఎందుకు చేశాడు? తొలి చూపులోనే ఇష్టపడ్డ అమృత ( సంధ్య వశిష్ట) తో సూరి ప్రేమాయణం ఎలా సాగింది? బుల్లెట్‌, సూర్య, అమృత, నాయుడు మధ్య సంబంధాలు చివరకు ఎలాంటి పరిణామాలకు దారితీస్తాయి? ఈ కథలో సూర్య తల్లి జయంతి (ఇంద్రజ) పాత్ర ఎలాంటి మలుపు తీసుకొస్తుంది? చివరికి వీరి ప్రయాణం ఎలా ముగిసింది? అనేది తెలియాలంటే సినిమా చూడాల్సిందే.ఎలా ఉందంటే...రెగ్యులర్ రూరల్ మాఫియా యాక్షన్ థ్రిల్లర్. అయితే బుల్లెట్ పాత్ర చుట్టూ దర్శకుడు డిజైన్ చేసిన ఎన్విరాన్‌మెంట్, అందులోని క్యారెక్టర్స్ మాత్రం కొత్తగా అనిపిస్తాయి. ముఖ్యంగా సూరి పాత్రను మలిచిన విధానం ఆకట్టుకుంటుంది. లోకల్ గుండాయిజం, లవ్ స్టోరీ, ఫ్యామిలీ ఎమోషన్స్‌ను ఒకే కథలో మేళవించి ఆసక్తికరంగా చెప్పేందుకు చేసిన ప్రయత్నం బాగుంది. రెగ్యులర్ ఫార్మాట్‌లోనే సాగుతున్న కథలో కొత్త ట్విస్టులు, ఎమోషనల్ ఎలిమెంట్స్‌ను జోడించిన విధానం ఈ సినిమాకు ప్లస్‌గా నిలుస్తుంది.కథలో చెప్పడానికి కూడా ఎన్నో అంశాలను దర్శకుడు ప్రయత్నించారు. ఓ కుర్రాడు తప్పుదారి పడితే అతని జీవితం ఎలా మారిపోతుంది? కత్తి పట్టిన వాడు చివరికి కత్తిపోటుకే ఎలా బలవుతాడు? పిల్లలు చేసే తప్పులకు తల్లిదండ్రులు పడే వేదన ఎలా ఉంటుంది? ప్రేమకు, ఆకర్షణకు మధ్య ఉన్న తేడా ఏంటి? వంటి అంశాలను ప్రధాన కథలో అంతర్లీనంగా చెప్పే ప్రయత్నం కనిపిస్తుంది. త్రినాథరావు రాసిన కథకు ఖగేష్ తనదైన శైలిలో న్యాయం చేశాడని అనిపిస్తుంది.ఫస్ట్ హాఫ్‌లో బుల్లెట్ హంగామా, అతని గ్యాంగ్‌లో సూరి చేరడం, మెల్లిమెల్లిగా ఎదగడం, మరోవైపు హీరోయిన్ ఎంట్రీ, లవ్ ట్రాక్ ఇలా కథ సాదాసీదాగానే సాగుతుంది. కొన్ని చోట్ల సుదీర్ఘమైన సన్నివేశాలతో కథను సాగదీసిన భావన కలుగుతుంది. ‘ఇందులో కొత్తగా ఏముంది?’ అనిపించే సమయంలో వచ్చే ఇంటర్వెల్ ట్విస్ట్ కథపై ఆసక్తిని పెంచుతుంది. ఆ ట్విస్ట్‌ను కొంతమంది ముందే ఊహించే అవకాశం ఉన్నప్పటికీ.. ఇంటర్వెల్ బ్లాక్ మాత్రం ఎమోషనల్‌గా టచ్ చేస్తుంది. ఇక కొన్ని ఎపిసోడ్స్‌ను గ్రిప్పింగ్‌గా తెరకెక్కించడంలో దర్శకుడు తన ప్రతిభను చూపించాడు.సెకండాఫ్‌లో కథ ప్రధానంగా ఎమోషన్, రివెంజ్ చుట్టూ తిరుగుతుంది. ఈ భాగంలో రొటీన్ రివెంజ్ డ్రామా కొనసాగినప్పటికీ.. పాత్రల భావోద్వేగాలను ముందుకు తీసుకెళ్లిన తీరు కొంత ఆసక్తిని కలిగిస్తుంది. క్లైమాక్స్ వచ్చేసిందనుకున్న సమయంలో మరో కీలకమైన బ్లాక్‌ను పెట్టడం, దానికి డివోషనల్ ఎలిమెంట్స్‌ను జోడించి కథను ముగించిన విధానం ఆకట్టుకుంటుంది. చివరికి ప్రేమకు ఒక నిర్వచనం చెప్పేలా సినిమాను ముగించడంతో కథకు ఎమోషనల్ టచ్ వస్తుంది.ఎవరెలా చేశారంటే..విక్రమ్‌ సహిదేవ్‌ హీరో సూర్య పాత్రలో అన్ని రకాల భావోద్వేగాలను చక్కగా పండించాడు. ఎమోషన్స్‌, యాక్షన్‌, రొమాన్స్‌, కామెడీ.. ఇలా విభిన్న కోణాల్లోనూ తనదైన నటనతో మెప్పించాడు. అయితే కొన్ని సన్నివేశాల్లో ఇంకాస్త పరిణతి చూపించి ఉంటే పాత్ర మరింత బలంగా అనిపించేది. ఇక తారక్‌ పొన్నప్ప తన నటనతో భయపెట్టేస్తాడు. అతడి బాడీ లాంగ్వేజ్‌, హావభావాలు పాత్రకు తగ్గట్టుగా ఉన్నాయి. సంధ్య వశిష్ట కూడా అనకాపల్లి అమ్మాయిలా చాలా సహజంగా కనిపిస్తూ ఆకట్టుకుంది.ఫస్ట్‌ హాఫ్‌లో డ్రగ్స్‌ డాన్‌ నాయుడు పాత్రలో నిర్మాత కాండ్రేగుల నాయుడు చక్కగా నటించాడు. తండ్రి పాత్రలో త్రినాథరావు, తల్లి పాత్రలో ఇంద్రజ మిడిల్‌క్లాస్‌ తల్లిదండ్రులకు ప్రతినిధులుగా సహజమైన నటనను కనబరిచారు. రౌడీ గ్యాంగ్‌, ఎమ్మెల్యే, ఎస్సై, డీఎస్పీ తదితర పాత్రల్లో కనిపించిన నటీనటులు కూడా తమ పరిధి మేరకు మెప్పించారు.సాంకేతికంగా సినిమా పర్వాలేదు. సినిమాటోగ్రఫీ బాగుంది. సినిమా చూస్తున్నంతసేపూ మనల్ని కూడా అనకాపల్లి వాతావరణంలోకి తీసుకెళ్లిన అనుభూతి కలుగుతుంది. నేపథ్య సంగీతం , పాటలు సినిమాకి ప్లస్ అయ్యాయి. ఎడిటర్ తన కత్తెరకు ఇంకాస్త పని చెప్పాల్సింది. కొన్ని సీన్లను మరింత క్రిస్పీగా కట్ చేసి..నిడివి తగ్గిస్తే బాగుండేది. నిర్మాణ విలువలు ఉన్నతంగా ఉన్నాయి.

‘కాంతార’తో దేశవ్యాప్తంగా గుర్తింపు తెచ్చుకున్న నటుడు, దర్శకుడు రిషబ్‌ శెట్టి.. ప్రస్తుతం కొత్త ప్రతిభను ప్రోత్సహించే పనిలో ఉన్నారు. తన నిర్మాణ సంస్థ ‘రిషబ్‌ శెట్టి ఫిల్మ్స్‌’పై తెరకెక్కనున్న ఓ కొత్త చిత్రం కోసం ఇటీవల కొత్త నటీనటుల నుంచి దరఖాస్తులు కోరుతూ కాస్టింగ్‌ కాల్‌ ప్రకటించిన విషయం తెలిసిందే. ఈ ప్రకటనకు భారీ స్పందన వచ్చింది. పెద్ద సంఖ్యలో ఆడిషన్స్‌కు హాజరయ్యారు. తాజాగా ఇందుకు సంబంధించిన వీడియోను రిషబ్‌ శెట్టి సోషల్‌ మీడియాలో పంచుకున్నారు. ఉత్సాహాన్ని పంచుకున్నందుకు కృతజ్ఞతలు‘నేను నిర్మిస్తున్న ఓ కొత్త ప్రయాణం త్వరలో ప్రారంభం కానుంది. ఆడిషన్స్‌కు హాజరై ఈ ప్రయాణంలో భాగమైన ప్రతి ఒక్కరికీ హృదయపూర్వక ధన్యవాదాలు. ఇంత పెద్ద సంఖ్యలో వచ్చి మీ ప్రతిభను, ఉత్సాహాన్ని పంచుకున్నందుకు కృతజ్ఞతలు. నేను నిర్వహించిన కాస్టింగ్‌ కాల్‌కు లభించిన స్పందన, ఉత్సాహం నిజంగా అద్భుతమైనది. ఎంతోమంది ప్రతిభావంతులు తమ కలలు, అభిరుచితో ముందుకు రావడం చాలా ప్రత్యేకంగా అనిపించింది. ఆడిషన్స్‌ మొదటి రౌండ్‌ పూర్తైంది. ఈ ప్రయాణంపై నమ్మకం ఉంచినందుకు ధన్యవాదాలు’’ అని రిషబ్‌ శెట్టి తెలిపారు.కొత్తవారికి అవకాశం కల్పించేలా రిషబ్‌ శెట్టి చేస్తున్న ఈ ప్రయత్నంపై ఆసక్తి నెలకొంది. మొదటి రౌండ్‌ ఆడిషన్స్‌ పూర్తవడంతో తదుపరి దశలో ఎవరెవరిని ఎంపిక చేస్తారనేది ఆసక్తికరంగా మారింది.ఇదీ చదవండి: ధనుష్‌ కొత్త సినిమా వాయిదా.. రిలీజ్‌ ఎప్పుడంటే? View this post on Instagram A post shared by Rishab Shetty (@rishabshettyofficial)

తమిళ స్టార్ హీరో ధనుష్‌, మలయాళ అగ్ర కథానాయకుడు మమ్ముట్టి ప్రధాన పాత్రల్లో నటిస్తున్న యాక్షన్ చిత్రం ‘ఓం’. ఈ చిత్రం అక్టోబర్‌ 16న విడుదల కావాల్సి ఉంది. అయితే ఈ సినిమా విడుదలను వాయిదా వేస్తున్నట్లు చిత్రం బృందం ప్రకటించింది. ఈ మేరకు ఓ కొత్త అప్‌డేట్‌ను పంచుకుంది. నవంబర్ 20కి వాయిదా వేసినట్లు ప్రకటించింది. కాగా ఈ చిత్రంలో సాయిపల్లవి, శ్రీలీల, నసీరుద్దీన్ షా, ఇంద్రన్స్ తదితరులు కీలక పాత్రలు పోషిస్తున్నారు. రాజ్‌కుమార్ పెరియసామి ఈ చిత్రాన్ని తెరకెక్కిస్తున్నారు.సాయి అభ్యంకర్ సంగీతం అందిస్తుండగా.. వండర్ బార్ ఫిల్మ్స్, ఆర్ టేక్ స్టూడియోస్ బ్యానర్లపై ధనుష్‌, శ్రద్ధా అగర్వాల్, అజ్మత్ జగ్మగ్ సంయుక్తంగా ఈ చిత్రాన్ని నిర్మిస్తున్నారు. తమిళంతో పాటు తెలుగు, హిందీ, మలయాళం, కన్నడ భాషల్లో విడుదల చేయనున్నారు.

సినీ కుటుంబంలో పుట్టినంత మాత్రాన జీవితం పూలబాటలా ఉండదని నటి అక్షర హాసన్‌ చెబుతున్నారు. కమల్‌ హాసన్‌ చిన్న కుమార్తెగా, శ్రుతి హాసన్‌ సోదరిగా ఇండస్ట్రీలోకి వచ్చినప్పటికీ.. తన కెరీర్‌ ప్రయాణం మాత్రం అందరిలా సాగలేదని ఆమె తెలిపారు. ఇటీవల ఓ పాడ్‌కాస్ట్‌లో పాల్గొన్న అక్షర.. తన కెరీర్‌, చదువు, తల్లిదండ్రుల ప్రోత్సాహం, భవిష్యత్తు లక్ష్యాల గురించి ఆసక్తికర విషయాలను పంచుకున్నారు. అసిస్టెంట్‌ డైరెక్టర్‌గా సాధారణంగా స్టార్‌ కిడ్స్‌ అంటే నటనతోనే సినీ రంగంలోకి అడుగుపెడతారని చాలామంది భావిస్తుంటారు. అయితే అక్షర హాసన్‌ మాత్రం మొదట డ్యాన్స్‌ కొరియోగ్రాఫర్‌గా తన ప్రయాణాన్ని ప్రారంభించారు. స్నేహితుల మ్యూజిక్‌ వీడియోలకు డ్యాన్స్‌ కొరియోగ్రఫీ చేసినట్లు ఆమె వెల్లడించారు. ఆ తర్వాత దర్శకత్వంపై ఆసక్తితో అసిస్టెంట్‌ డైరెక్టర్‌గా పనిచేశారు. నటిగా మారడం కూడా ముందుగా తీసుకున్న నిర్ణయం కాదని.. ప్రయత్నించకుండా ఆ అవకాశాన్ని తిరస్కరించడం ఎందుకని భావించి నటనలోకి వచ్చినట్లు తెలిపారు.భవిష్యత్తులో మెగాఫోన్‌ పడతా..తనకు మొదటి నుంచీ దర్శకత్వం చేయాలనే ఆసక్తి ఉందని అక్షర చెప్పారు. ‘నా మొదటి ఉద్యోగం నటన కాదు.. అసిస్టెంట్‌ డైరెక్టర్‌ పని అంతకంటే కాదు. డ్యాన్స్‌ కొరియోగ్రాఫర్‌గా కెరీర్‌ ప్రారంభించాను. ఆ తర్వాత డైరెక్షన్‌ చేయాలనే లక్ష్యంతో అసిస్టెంట్‌ డైరెక్టర్‌గా పనిచేశాను. ప్రయత్నించకుండా వద్దని ఎలా చెబుతాం అనే ఉద్దేశంతోనే నటనలోకి అడుగుపెట్టాను. భవిష్యత్తులో కచ్చితంగా మెగాఫోన్‌ పట్టి దర్శకత్వం వహిస్తాను’ అని ఆమె తెలిపారు.10వ తరగతిలో మూడుసార్లు ఫెయిల్‌..అక్షర తన విద్యాభ్యాసం గురించి కూడా ఎలాంటి దాపరికం లేకుండా మాట్లాడారు. హైస్కూల్‌ చదువుల్లో తాను అనుకున్నంతగా రాణించలేకపోయానని చెప్పారు. 10వ తరగతి పరీక్షల్లో వరుసగా మూడుసార్లు ఫెయిల్‌ కావడంతో చదువుపై ఆసక్తి పూర్తిగా తగ్గిపోయిందని వెల్లడించారు. ఇక చదువులో పాస్‌ కావడం కష్టమని భావించి విద్యాభ్యాసాన్ని మధ్యలోనే ఆపేసినట్లు తెలిపారు.తల్లిదండ్రులు ఒత్తిడి చేయలేదుకమల్‌ హాసన్‌, సారిక వంటి ప్రముఖ నటుల కుమార్తె అయినప్పటికీ.. తాము తప్పనిసరిగా నటులుగా మారాలని తల్లిదండ్రులు ఎప్పుడూ ఒత్తిడి చేయలేదని అక్షర చెప్పారు. తమకు నచ్చిన రంగంలో కెరీర్‌ ఎంచుకునే స్వేచ్ఛను ఇచ్చారని తెలిపారు. నటనపై ఆసక్తి లేకపోతే మరో రంగంలో స్థిరపడాలని చెప్పేవారని వెల్లడించారు.ఇదీ చదవండి: గాంధీ జయంతి స్పెషల్‌.. ఓటీటీలో చూడాల్సిన 5 సినిమాలుఇక ఇంట్లో సినిమాల గురించి నిర్మొహమాటంగా మాట్లాడుకుంటామని అక్షర చెప్పారు. తన నటన నచ్చకపోతే తల్లిదండ్రులు ముఖం మీదే చెబుతారని, ‘‘చాలా చెత్తగా నటించావు’’ అని కూడా చెప్పడానికి వెనుకాడరని తెలిపారు. చిన్న చిన్న తప్పులను తామే గుర్తించి వాటి నుంచి నేర్చుకునేలా ప్రోత్సహిస్తారని వెల్లడించారు.అసిస్టెంట్‌ డైరెక్టర్‌ నుంచి..అక్షర హాసన్‌ తొలుత 2010లో రాహుల్‌ ధోలాకియా దర్శకత్వంలో తెరకెక్కిన ‘సొసైటీ’ సినిమాకు అసిస్టెంట్‌ డైరెక్టర్‌గా పనిచేశారు. ఈ చిత్రంలో ఆమె తల్లి సారిక నటించారు. అనంతరం కమల్‌ హాసన్‌ తెరకెక్కించిన ‘శభాష్‌ నాయుడు’ చిత్రానికి కూడా సహాయ దర్శకురాలిగా పనిచేశారు. 2015లో ఆర్‌.బాల్కీ దర్శకత్వంలో తెరకెక్కిన ‘షమితాభ్‌’ సినిమాతో హీరోయిన్‌గా పరిచయమయ్యారు. ఈ చిత్రంలో అమితాబ్‌ బచ్చన్‌, ధనుష్‌ ప్రధాన పాత్రల్లో నటించారు. అనంతరం అజిత్‌ కుమార్‌ సరసన ‘వివేగం’ సినిమాలో నటించారు. ఇటీవల ‘సిమ్యులాక్రా’ చిత్రంలోనూ కనిపించారు.ఇదీ చదవండి: ‘మాకు పిల్లలు వద్దు.. ఇంట్లో రెండు కుక్కలు ఉన్నాయి’

ప్రముఖ యాంకర్, నటి అనసూయ భరద్వాజ్‌ గురించి ప్రత్యేకంగా పరిచయం అవసరం లేదు. యాంకర్‌గా బుల్లితెరపై సందడి చేసిన ఆమె.. నటిగా వరుస సినిమాలతో తనకంటూ ప్రత్యేక గుర్తింపు తెచ్చుకున్నారు. సినిమాలు, టీవీ కార్యక్రమాలతో ఎంత బిజీగా ఉన్నా సోషల్ మీడియాలో మాత్రం అభిమానులకు ఎప్పుడూ అందుబాటులో ఉంటారు. తన కెరీర్‌కు సంబంధించిన విషయాలతో పాటు వ్యక్తిగత జీవితంలోని అందమైన క్షణాలను కూడా తరచూ అభిమానులతో పంచుకుంటుంటారు.సెప్టెంబర్ నెల జ్ఞాపకాలనుతాజాగా అనసూయ సెప్టెంబర్ నెల జ్ఞాపకాలను గుర్తు చేసుకున్నారు. ఆ నెలలో తాను గడిపిన ప్రత్యేక క్షణాలకు సంబంధించిన కొన్ని ఫొటోలను సోషల్ మీడియాలో షేర్ చేశారు. వివిధ సందర్భాల్లో దిగిన ఫొటోలను కలిపి ఒకే పోస్ట్‌గా అభిమానుల ముందుకు తీసుకొచ్చారు. ఈ ఫొటోల్లో అనసూయ తన స్టైలిష్ లుక్‌తో ఆకట్టుకుంటూ కనిపించారు.‘సెప్టెంబర్ జ్ఞాపకాలు’ అంటూ అనసూయ షేర్ చేసిన ఈ ఫొటోలు ప్రస్తుతం సోషల్ మీడియాలో వైరల్‌గా మారాయి. ఆమె అభిమానులు, నెటిజన్లు ఫొటోలను చూసి తమదైన శైలిలో స్పందిస్తున్నారు. అనసూయ తాజా లుక్‌ కూడా నెటిజన్ల దృష్టిని ఆకర్షిస్తోంది. దీంతో ఆమె షేర్ చేసిన ఈ ఫొటోలకు సోషల్ మీడియాలో మంచి స్పందన వస్తోంది. View this post on Instagram A post shared by Anasuya Bharadwaj (@itsme_anasuya)

పెళ్లయిన తర్వాత పిల్లల గురించి ప్రశ్నలు ఎదుర్కోవడం సాధారణమే. అయితే పిల్లలు కావాలా? వద్దా? అనేది పూర్తిగా వ్యక్తిగత నిర్ణయమని నటి వరలక్ష్మి శరత్‌కుమార్‌ స్పష్టం చేశారు. 2024లో ముంబైకి చెందిన వ్యాపారవేత్త, గ్యాలరిస్ట్‌ నికోలాయ్‌ సచ్‌దేవ్‌ను వివాహం చేసుకున్న ఆమె.. తాజాగా ఓ ఇంటర్వ్యూలో తాను పిల్లలను కనాలని అనుకోవడం లేదని తెలిపారు.రెండు కుక్కలు ఉన్నాయి..‘నాకు పిల్లలు వద్దని నేనే వ్యక్తిగతంగా నిర్ణయించుకున్నాను. పిల్లలు పుట్టరని కాదు.. నాకు పిల్లలు వద్దు. ఇది చాలా స్పష్టమైన నిర్ణయం. నా భర్త కూడా అదే ఆలోచనతో ఉన్నారు. ఆయనకు గత వివాహం ద్వారా ఇప్పటికే ఒక కుమార్తె ఉంది. నేను ఆమెను ఎప్పుడూ నా కుమార్తెలాగే చూస్తాను. అలాగే మాకు రెండు కుక్కలు ఉన్నాయి. వాటిని కూడా నా పిల్లల్లాగే భావిస్తాను. పిల్లలను పెంచడం అంటే ఎన్నో బాధ్యతలతో కూడుకున్న విషయం. ఆ బాధ్యతలకు సిద్ధంగా లేకపోతే పిల్లలను కనకపోవడమే మంచిది. అలా ఆలోచించడం కూడా ఒక మంచి పేరెంటింగ్‌ నిర్ణయమే’ అని పేర్కొన్నారు. ఇప్పుడీ వ్యాఖ్యలు వైరల్‌ అవుతున్నాయి. ఇదీ చదవండి: కొడుకుతో కత్రినా ఆనందం.. ‘ఇంతకంటే ఇంకేం కావాలి’

ప్రముఖ బాలీవుడ్ హీరోయిన్ నుస్రత్ బరుచాకు రోడ్డు ప్రమాదం జరిగింది. ఇండోనేషియాలోని బాలి వెళ్లిన ఆమె వెన్నెముక ఫ్రాక్చర్ అయినట్లు తెలుస్తోంది. ప్రస్తుతం ఆమె ఆస్పత్రిలో చికిత్స పొందుతున్నారు. అయితే ప్రమాదం ఎలా జరిగిందనే విషయంపై ఇంకా క్లారిటీ రావాల్సి ఉంది.మెరుగైన వైద్యం కోసం ఎయిర్ అంబులెన్స్ ద్వారా ముంబయికి తరలించి, అక్కడ సర్జరీ చేయనున్నట్లు ఆమె టీమ్ తెలిపింది. శస్త్రచికిత్స అవసరమని ధృవీకరిస్తూ ఆమె బృందం ఒక ప్రకటన విడుదల చేసింది. ఆమెకు మద్దతుగా నిలిచిన అభిమానులు, శ్రేయోభిలాషులకు ధన్యవాదాలు తెలిపింది. కాగా.. నుస్రత్ వారం క్రితమే తన బాలి పర్యటన ఫోటోలను సోషల్ మీడియాలో పంచుకుంది. అంతలోనే ఇలా ప్రమాదానికి గురైంది.కాగా.. నుస్రత్ 2006లో 'జై సంతోషి మా' చిత్రంతో బాలీవుడ్‌లో అడుగుపెట్టింది. ఆ తర్వాత నుస్రత్ తెలుగులోనూ సినిమాలు చేసింది. తాజ్‌ మహల్ చిత్రంలో హీరోయిన్‌గా కనిపించింది. అలాగే బాలీవుడ్‌లో ‘సోను కే టిటు కి స్వీటీ’, ‘ఛత్రపతి’ రీమేక్, 'లవ్ సెక్స్ ఔర్ ధోకా, ప్యార్ కా పంచనామా', 'ప్యార్ కా పంచనామా 2' వంటి చిత్రాల్లో మెప్పించింది. ఆమె ప్రస్తుతం టైగర్ ష్రాఫ్ హీరోగా నటిస్తున్న ఒక యాక్షన్ చిత్రంలో కనిపించనుంది. టైగర్ ష్రాఫ్‌తో కలిసి నటించడం ఇదే మొదటిసారి కావడం విశేషం.

బాలీవుడ్‌ నటుడు విక్కీ కౌశల్‌ ప్రస్తుతం తండ్రిగా కొత్త అనుభూతిని ఆస్వాదిస్తున్నారు. కత్రినా కైఫ్‌తో కలిసి తమ కుమారుడు విహాన్‌తో ఎంజాయ్‌ చేస్తున్న ఆయన.. తాజాగా పేరెంటింగ్‌ తనలో ఎన్నో మార్పులు తీసుకొచ్చిందని తెలిపారు. ముఖ్యంగా తన కుమారుడు నవ్వుతున్న సమయంలో కత్రినా ముఖంలో కనిపించే ఆనందాన్ని చూస్తే ఆ క్షణాన్ని అక్కడే ఆపేసి మరికొంతకాలం ఆస్వాదించాలనిపిస్తుందని చెప్పారు.‘తండ్రిగా మారిన తర్వాత బాధ్యత కూడా పెరిగింది. పిల్లలు తల్లిదండ్రులు చేసే పనులను గమనిస్తూ నేర్చుకుంటారు. అందుకే తాను చెప్పే మాటలకంటే తన ప్రవర్తనే ముఖ్యం. మనుషులు సాధారణంగా ఎంత సాధించినా ఇంకా ఏదో కావాలని కోరుకుంటారు. అయితే గత కొన్ని నెలల్లో తన కుమారుడుతో గడిపిన ఎన్నో సందర్భాల్లో ‘ఇంతకంటే ఇంకే కావాలి.. ఇదే చాలు’ అని భావన కలిగిందని విక్కీ వెల్లడించారు.2021లో వివాహం..విక్కీ కౌశల్‌, కత్రినా కైఫ్‌ 2021లో వివాహం చేసుకున్నారు. 2025 నవంబర్‌ 7వ వీరికి విహాన్‌ కౌశల్‌ జన్మించాడు. కుమారుడి వ్యక్తిగత జీవితాన్ని ఎక్కువగా బయటకు తీసుకురాకుండా జాగ్రత్తపడుతున్న ఈ జంట.. అప్పుడప్పుడు పేరేంటింగ్‌ అనుభవాలను అభిమానులతో పంచుకున్నారు. అయితే ఇటీవలే కత్రినా బాడీ షేమింగ్‌ ట్రోలింగ్‌ ఎదుర్కొని ట్రోలర్స్‌కు గట్టి కౌంటర్‌ ఇచ్చారు. ఈమెకు మద్దతుగా బాలీవుడ్‌, టాలీవుడ్‌ సినీ ప్రముఖులు అండగా నిలిచారు. ఇదీ చదవండి: గాంధీ జయంతి స్పెషల్‌.. ఓటీటీలో చూడాల్సిన 5 సినిమాలు

ఈ రోజు (అక్టోబరు 2) గాంధీ జయంతి. మహాత్మా గాంధీ జీవితం, ఆయన పాటించిన అహింసా సిద్ధాంతాలు, గాంధేయ భావజాలం ఇప్పటికీ ఎంతోమందికి స్ఫూర్తిగా నిలుస్తున్నాయి. గాంధీ ఆలోచనలు, అహింస, సామాజిక మార్పు వంటి అంశాలను వెండితెరపై ఆవిష్కరించిన పలు సినిమాలు ఉన్నాయి. ఈ గాంధీ జయంతి సందర్భంగా ఓటీటీలో అందుబాటులో ఉన్న అలాంటి ఐదు చిత్రాలపై ఓ లుక్కేద్దాం.మహాత్మ: కృష్ణవంశీ దర్శకత్వంలో శ్రీకాంత్ హీరోగా తెరకెక్కిన చిత్రం ‘మహాత్మ’. ఆయన కెరీర్‌లో ఇది 100వ సినిమా. రౌడీయిజం, సెటిల్మెంట్లతో జీవించే దాసు అనే యువకుడు గాంధేయ మార్గం వైపు ఎలా అడుగులు వేశాడనే కథాంశంతో ఈ సినిమా సాగుతుంది. హింస కంటే అహింసే గొప్ప ఆయుధమనే విషయాన్ని భావోద్వేగంగా చూపించారు. భావన హీరోయిన్‌గా నటించిన ఈ చిత్రానికి విజయ్ ఆంటోని సంగీతం అందించారు. ప్రస్తుతం ఈ సినిమా అమెజాన్ ప్రైమ్ వీడియో, జీ5తో పాటు యూట్యూబ్‌లోనూ అందుబాటులో ఉంది.ఇదీ చదవండి: ‘ఆ విషయంలో రాజీపడను.. సినిమాలు కూడా వదులుకున్నా’శంకర్ దాదా జిందాబాద్: మెగాస్టార్ చిరంజీవి నటించిన ‘శంకర్ దాదా జిందాబాద్’లో గాంధీగిరి భావజాలాన్ని వినోదాత్మకంగా చూపించారు. ప్రభుదేవా దర్శకత్వం వహించిన ఈ చిత్రం బాలీవుడ్‌లో విజయవంతమైన ‘లగే రహో మున్నాభాయ్’ను తెలుగులో కూడా చిత్రీకరించి తీశారు. ఒక స్థానిక దాదా గాంధేయ మార్గాన్ని అనుసరిస్తూ ఎదుటివారిలో మార్పు తీసుకురావడానికి ప్రయత్నించడం ఇందులో ప్రధానంగా కనిపిస్తుంది. కోపానికి బదులుగా ప్రేమను పంచడం, సమస్యలను అహింసా మార్గంలో పరిష్కరించుకోవడం వంటి అంశాలు ఆకట్టుకుంటాయి. ఈ సినిమా సన్‌ఎన్‌ఎక్స్‌టీ, ఎమ్‌ఎక్స్‌ ప్లేయర్‌లో అందుబాటులో ఉంది.గాంధీ: రిచర్డ్ అటెన్‌బరో దర్శకత్వంలో తెరకెక్కిన ‘గాంధీ’ చిత్రం ప్రపంచవ్యాప్తంగా గుర్తింపు పొందిన క్లాసిక్. బెన్ కింగ్స్‌లే మహాత్మా గాంధీ పాత్రలో నటించారు. దక్షిణాఫ్రికాలో గాంధీజీ పోరాటం నుంచి భారత స్వాతంత్య్ర ఉద్యమం వరకు ఆయన జీవిత ప్రయాణాన్ని ఈ సినిమాలో చూపించారు. అహింసా మార్గంలో స్వాతంత్య్ర పోరాటాన్ని నడిపించిన గాంధీజీ సిద్ధాంతాలను ఈ చిత్రం కళ్లకు కడుతుంది. ఈ సినిమా ఎనిమిది ఆస్కార్ అవార్డులను సొంతం చేసుకుంది. ప్రస్తుతం సోనీ లివ్, ప్రైమ్ వీడియోలో తెలుగు డబ్బింగ్‌లోనూ అందుబాటులో ఉంది.గాంధీ టాక్స్: విజయ్ సేతుపతి, అరవింద్ స్వామి, అదితి రావు హైదరీ ప్రధాన పాత్రల్లో నటించిన ప్రయోగాత్మక చిత్రం ‘గాంధీ టాక్స్’. డైలాగులు లేకుండా తెరకెక్కిన ఈ మూకీ చిత్రం డబ్బు చుట్టూ తిరిగే సమాజాన్ని విభిన్న కోణంలో చూపిస్తుంది. కరెన్సీ నోట్లపై కనిపించే గాంధీజీ రూపం, నేటి సమాజంలో పెరిగిన ధనాశ మధ్య ఉండే సంఘర్షణను కథాంశంగా తీసుకున్నారు. ఏఆర్ రెహమాన్ అందించిన నేపథ్య సంగీతం ఈ చిత్రానికి ప్రత్యేక ఆకర్షణ. ఈ సినిమా జీ5లో స్ట్రీమింగ్ అవుతోంది.ఇదీ చదవండి: మూవీ ప్రమోషన్స్‌లో మహేశ్‌ బాబు కూతురు.. అభిమానులు ఫిదాహే రామ్: కమల్ హాసన్ స్వీయ దర్శకత్వంలో తెరకెక్కిన ‘హే రామ్’ కూడా గాంధీ భావజాలాన్ని చర్చించే ముఖ్యమైన చిత్రం. దేశ విభజన సమయంలో చోటుచేసుకున్న మతకల్లోలాలు, ఆ సమయంలో గాంధీజీ చేసిన శాంతి ప్రయత్నాలను ఈ సినిమా ప్రస్తావిస్తుంది. గాంధీజీ పాత్రలో నసీరుద్దీన్ షా నటించగా.. కమల్ హాసన్, షారుఖ్ ఖాన్ కీలక పాత్రల్లో కనిపించారు. చారిత్రక ఘటనల నేపథ్యంలో గాంధీజీ ఆలోచనలు, శాంతి సందేశాన్ని ఈ చిత్రం విశ్లేషిస్తుంది. ఈ సినిమా ప్రైమ్ వీడియో, యూట్యూబ్‌లో అందుబాటులో ఉంది.

నాని హీరోగా వచ్చిన లేటేస్ యాక్షన్ మూవీ ది ప్యారడైజ్. శ్రీకాంత్ ఓదెల డైరెక్షన్‌లో వచ్చిన ఈ మూవీ బాక్సాఫీస్ వద్ద సందడి చేస్తోంది. మొదటి రోజే మిక్స్‌డ్‌ టాక్‌ తెచ్చుకున్న ఈ సినిమా వసూళ్లపరంగా ఫర్వాలేదనిపిస్తోంది. సవారీలు అనే జాతి తమ మనుగడ చేసే పోరాటం ఆధారంగా ఈ కథను తెరకెక్కించారు.అయితే ఈ చిత్రంలో కేసీఆర్, ఎన్టీఆర్ పాత్రలు కనిపించడం ఆడియన్స్‌ను విపరీతంగా ఆకట్టుకున్నాయి. ఎమ్మెల్యే శంకరన్న పాత్రను కేసీఆర్‌లా చేయడం ప్రేక్షకులను అలరించింది. ఈ మూవీలో కేసీఆర్ రోల్‌ను ప్రియదర్శి చేయడం మరో విశేషం. అచ్చం కేసీఆర్‌లాగే ప్రియదర్శి చెప్పిన డైలాగ్స్ అభిమానులను కట్టిపడేశాయి.'చావు నోట్లో తలకాయ పెట్టైనా సరే మీకు గుర్తింపు తీసుకొస్తా' అనే డైలాగ్‌ అభిమానులను ఆకట్టుకుంది. ఈ పాత్రలో కనిపించిన ప్రియదర్శిని ప్రతి ఒక్కరూ అభినందించారు. కేసీఆర్‌ లుక్‌లో ఫర్‌ఫెక్ట్‌గా సెట్ అయ్యారంటూ ప్రశంసలు కురిపించారు. తాజాగా ప్రియదర్శిని చూసిన ఓ మహిళా అభిమాని కన్నీటి పర్యంతమైంది. కేసీఆర్‌లా అద్భుతంగా చేశావంటూ భావోద్వేగానికి గురైంది. దీనికి సంబంధించిన వీడియో సామాజిక మాధ్యమాల్లో వైరల్‌గా మారింది. ప్యారడైజ్ సినిమాలో కేసీఆర్(శంకరన్న) పాత్రలో నటించిన ప్రియదర్శి ని పట్టుకొని అచ్చం కేసీఆర్ లాగే అనిపించావ్ అంటూ భావోద్వేగానికి గురైన అభిమాని 😢 pic.twitter.com/XeDUGtYxAe— 𝗡𝗔𝗟𝗟𝗔 𝗕𝗔𝗟𝗨 (@Nallabalu1) October 2, 2026

తమిళనాడు ముఖ్యమంత్రి విజయ్‌ తనయుడు జాసన్ సంజయ్ దర్శకుడిగా మారి తెరకెక్కించిన తొలి సినిమా ‘సిగ్మా’. సందీప్ కిషన్, ఫరియా అబ్దుల్లా జంటగా నటించారు. ప్రముఖ నిర్మాణ సంస్థ లైకా ప్రొడక్షన్స్ బ్యానర్‌పై ఏ. సుభాస్కరన్ ఈ చిత్రాన్ని నిర్మించారు. తమన్‌ సంగీతం అందించాడు. ఈ చిత్రం ప్రీరిలీజ్‌ ఈవెంట్‌కి చిరంజీవి ముఖ్యఅతిథిగా రావడం..హీరో, హీరోయిన్లతో పాటు చిత్రబృందం అంతా ప్రమోషన్స్‌ గట్టిగా చేయడంతో ఈ డబ్బింగ్‌ సినిమాపై తెలుగులోనూ మంచి హైప్‌ క్రియేట్‌ అయింది. మంచి అంచనాల మధ్య నేడు(అక్టోబర్‌ 2) ప్రేక్షకుల ముందుకు వచ్చిన ఈ చిత్రం ఎలా ఉందో రివ్యూలో చూద్దాం.కథేంటంటే..గురు(సందీప్‌ కిషన్‌).. అమ్మకు గుర్తుగా లైబ్రరీ నడుపుతూ..అప్పులు తీర్చడానికి నానా కష్టాలు పడుతుంటారు. యూట్యూబ్‌లో ఆడియో బుక్‌ లాంచ్‌ చేస్తాడు. దానికి ఆర్జే సామ్‌ (ఫరియా అబ్దుల్లా) వాయిస్‌ అందిస్తుంది. కొద్ది కొద్దిగా డబ్బులు చేతికి అందుతున్న తరుణంలో.. కోటి రూపాయలకు పైన ఉన్న అప్పుని వెంటనే కట్టమని అప్పు ఇచ్చినవాడు ఒత్తిడి చేస్తారు. దీంతో యూట్యూబ్‌ ద్వారా వచ్చిన డబ్బుతో క్యాసినో ఆడి రూ. కోటీ సంపాదించాలనుకుంటాడు. అయితే క్యాసినోలో ఉన్నదంతా పోగొట్టుకుంటాడు. అదే సమయంలో గురుకి ఓ పెన్‌డ్రైవ్‌ దొరుకుతుంది. అందులో రూ. 1000 కోట్లకు సంబంధించిన రహస్యం ఉంటుంది. ఆ డబ్బుని దక్కించుకునేందుకు ప్లాన్‌ వేస్తాడు. అదేంటి? వైజాగ్‌లోని థియేటర్ యజమాని విన్సెంట్ (శివ్ పండిట్), డ్రగ్స్‌ మాఫియా డాన్‌ వీరయ్య రెడ్డి(సంపత్‌ రాజ్) కు రూ. 1000 కోట్లతో ఉన్న సంబంధం ఏంటి? దయా ఎవరు? వీరయ్య రెడ్డికి దయాకు మధ్య ఉన్న సంబంధం ఏంటి? చివరకు రూ. 1000 కోట్లు ఎవరికి దక్కాయి? అనేది తెలియాలంటే సినిమా చూడాల్సిందే. ఎలా ఉందంటే..సినీ నేపథ్యం ఉన్న ఓ 28 ఏళ్ల కుర్రాడు దర్శకుడిగా పరిచయం అవుతున్నాడంటే.. అతని ఆలోచనల్లో కొత్తదనం ఉంటుందని, కథను చెప్పే విధానంలోనూ ఓ ప్రత్యేకత కనిపిస్తుందని ప్రేక్షకులు ఆశిస్తారు. అందులోనూ విజయ్‌ తనయుడు సంజయ్‌ తొలి సినిమాపై సహజంగానే అంచనాలు ఏర్పడతాయి. అయితే ‘సిగ్మా’ ఆ అంచనాలను ఏమాత్రం అందుకోలేకపోయింది.ఒక కథలో కొత్త పాయింట్‌ ఉండొచ్చు, ఉండకపోవచ్చు.. కానీ బలమైన ఎమోషన్‌ ఉండాలి. కనీసం ప్రేక్షకుడిని తర్వాత ఏం జరుగుతుందోనని ఆసక్తిగా ఎదురుచూసేలా చేసే ట్విస్టులు, టర్న్‌లు ఉండాలి. కానీ ‘సిగ్మా’లో వీటిలో ఏ ఒక్క అంశం కూడా బలంగా కనిపించదు. కథ మొదలైనప్పటి నుంచి ఎటువైపు వెళ్తుందో ఎవరికీ అర్థం కాదు. కథ మాత్రమే కాదు దానికి ఇచ్చిన ట్రిట్‌మెంట్‌ కూడా పాతగానే ఉంది. ఇంటర్నెట్‌ యుగంలో హీరో ఓ లైబ్రరీ నడుపుకోవడం ఏంటి? సినిమా థియేటర్‌ అండర్‌గ్రౌండ్‌లో క్యాసినో ఆడించడం ఏంటి? ఓ యంగ్‌ డైరెక్టర్‌ రాసుకునే కథేనా ఇది? కథ పాతదైనా పర్లేదు కనీసం స్క్రీన్‌ప్లే అయినా కొత్తగా ఉండాలి కదా? అదీ లేదు. ఇంటర్వెల్‌ వరకు కూడా కథ ఏ దిశగా వెళ్తుందో అర్థం కాక.. ‘ఇంతకీ అసలు గొడవేంటి?’ అనే సందేహం వెంటాడుతుంది. ఆ తర్వాత రూ.1000 కోట్ల చుట్టూ కథ తిరుగుతుంది. హీరో ఆ డబ్బుకు చేరువయ్యే ప్రయత్నం.. దారిలో ఎదురయ్యే అడ్డంకులు.. ఇవేవీ ఉత్కంఠను రేకెత్తించలేకపోయాయి. క్లైమాక్స్‌ సినిమా ప్రారంభం అయినా కాసేపటికే ఊహించొచ్చు. ఎవరెలా చేశారంటే..సందీప్‌ కిషన్‌ కొత్తగా చేసిందేమి లేదు. గత సినిమాల మాదిరే ఇందులోనూ సింపుల్‌గా యాక్ట్‌ చేశాడు. యాక్షన్‌ సీన్లు కొంతవరకు ప్రెష్‌గా అనిపిస్తాయి. ఫరియా అబ్దుల్లా పాత్రకు పెద్దగా ప్రాధాన్యత లేదు. ఆమె ట్రాక్‌ కూడా బలవంతంగా అతికినట్లుగానే అనిపిస్తుంది. సంప‌త్ రాజ్‌ రెగ్యులర్‌ విలనిజమే పండించాడు. మిగతావారంతా తమ తమ పరిధిమేర బాగానే నటించారు. సాంకేతికంగా సినిమా జెస్ట్‌ ఎకే. తమన్‌ నేపథ్య సంగీతం కొన్ని చోట్ల అతిగా అనిపించింది. సినిమాటోగ్రఫీ బాగుంది. నిర్మాణ విలువలు ఉన్నతంగా ఉన్నాయి.

దక్షిణాది భాషలు, యాసలను పలికే విషయంలో నటులు ఎదుర్కొంటున్న ట్రోలింగ్‌పై నటి పార్వతీ తిరువోతు ఓ జూమ్‌ ఇంటర్వ్యూలో స్పందించారు. మరో భాషలో నటించేటప్పుడు యాస విషయంలో ఇబ్బందులు ఎదురవడం సహజమేనని ఆమె అన్నారు. ఒక కొత్త భాషను నేర్చుకుని, అందులో సహజంగా మాట్లాడటం ఒక్కరోజులో సాధ్యమయ్యే విషయం కాదని పేర్కొన్నారు. ఇప్పుడీ కామెంట్స్‌ వైరల్‌ అవుతున్నాయి.‘ప్రేక్షకులు తెరపై సహజమైన నటనను చూడాలని కోరుకుంటారు. నేను కూడా దానినే నమ్ముతాను. ఇప్పటివరకు నాకు నచ్చిన కథలు, పాత్రలనే ఎంచుకుంటూ వచ్చాను. కొత్త భాషలు నేర్చుకోవడం కూడా నాకు ఆసక్తి ఉంది. అందుకే ఇతర భాషల్లో అవకాశాలు వచ్చినప్పుడు నటించేందుకు ముందుంటాను. అవసరమైతే ఆ భాష కోసం శిక్షణ తీసుకోవడానికి కూడా సిద్ధమే. అయితే ఒక పాత్రకు న్యాయం చేయలేనని నాకు అనిపిస్తే మాత్రం వెంటనే ఆ అవకాశాన్ని తిరస్కరిస్తాను. నా స్థానంలో డైలాగ్‌లను మరింత సహజంగా చెప్పగల డబ్బింగ్‌ కళాకారిణిని తీసుకున్నా నాకు ఎలాంటి అభ్యంతరం లేదు. ఈ కారణంగానే గతంలో కొన్ని సినిమాలను కూడా వదులుకున్న సందర్భాలు ఉన్నాయి’ అని పార్వతీ తిరువోతు తెలిపారు. కాగా ఈమె ఇటీవల నటించిన మలయాళ థ్రిల్లర్‌ ‘ప్రథమ దృష్ట్య కుట్టక్కర్‌’ మంచి స్పందనను అందుకుంది.ఇదీ చదవండి: మూవీ ప్రమోషన్స్‌లో మహేశ్‌ బాబు కూతురు.. అభిమానులు ఫిదా

టాలీవుడ్‌ జానపద గీతాలకు కేరాఫ్ అడ్రస్ అంటే వినిపించే పేరు ఆమెదే. తన గొంతుతో శ్రోతలను కట్టిపడేసే టాలెంట్ ఆమె సొంతం. ఏ ఈవెంట్‌లోనైనా ఆమె పాడిందంటే ప్రేక్షకులు ఊగిపోవాల్సిందే. ఆమె మరెవరో కాదు.. తెలుగులో జానపద సింగర్‌గా ముద్ర వేసుకున్న మంగ్లీ. ఎన్నో పాటలు పాడి అభిమానుల గుండెల్లో తన పేరును చిరస్థాయిగా నిలుపుకుంది.ఇప్పుడు ఆమెకు పోటీగా ఎవరూ రాలేదు. కానీ ఏషనాగుల సాంగ్ విన్నాక మంగ్లీ ప్రత్యామ్నాయం దొరికిందనే టాక్‌ టాలీవుడ్‌లో వినిపిస్తోంది. రాను బొంబాయికి రాను, బండిల వోధు బావ లాంటి జానపద పాటలతో గుర్తింపు తెచ్చుకున్న ప్రభ.. నాని హీరోగా వచ్చిన ది ప్యారడైజ్‌లో ‘యేష నాగుల కట్ట మీద’ సాంగ్‌ పాడి మరింత ఫేమ్ తెచ్చుకుంది. తాజాగా ఆమె పాడిన ‘ఆదర్శ కుటుంబం’ చిత్రంలోని ‘నారాయణమ్మ’ పాట కూడా సోషల్ మీడియాలో ఫుల్ రెస్పాన్స్ వస్తోంది.(ఇది చదవండి: విజయ్-రష్మిక లగ్జరీ విల్లా.. విడిపోయేందుకే కొంటున్నారా?)దీంతో ప్రభ.. సింగర్ మంగ్లీకి ప్రత్యామ్మాయంగా ఎదుగుతోందనే టాక్ గట్టిగానే వినిపిస్తోంది. ఆమె రా వాయిస్, హై ఎనర్జీ ఫోక్ స్టైల్ ప్రత్యేక గుర్తింపును తీసుకొస్తున్నాయి. వరుసగా క్రేజీ హిట్ సాంగ్స్ పడడంతో ప్రస్తుతం ఆమెపై ఇండస్ట్రీలో ఆసక్తి పెరుగుతోంది. అయితే ప్రభ తనకంటూ సొంత గుర్తింపు ఎంతవరకు పెంచుకుంటారన్నది ప్రస్తుతం ఆసక్తికరంగా మారింది.

ఫహాద్‌ ఫాజిల్‌ ప్రధాన పాత్రలో నటించిన ‘డోంట్ ట్రబుల్ ది ట్రబుల్’ సినిమా ఈరోజు (అక్టోబరు 2) ప్రేక్షకుల ముందుకు వచ్చింది. చిన్నారులు, కుటుంబ ప్రేక్షకులను ఆకట్టుకునే కథాంశంతో తెరకెక్కిన ఈ చిత్రానికి ప్రేక్షకుల నుంచి మిశ్రమ స్పందన లభిస్తోంది. ఇప్పటికే సినిమా చూసిన పలువురు సినీ ప్రముఖులు చిత్రబృందాన్ని అభినందిస్తున్నారు.ప్రమోషన్స్‌లోఈ క్రమంలో ‘డోంట్ ట్రబుల్ ది ట్రబుల్’ ప్రమోషన్స్‌లో భాగంగా తీసిన ఓ వీడియో ప్రస్తుతం సామాజిక మాధ్యమాల్లో వైరల్‌గా మారింది. ఈ వీడియోలో సూపర్‌స్టార్‌ మహేశ్‌బాబు కుమార్తె సితార కూడా సందడి చేసింది. సినిమాలోని అంశాల గురించి ఆమె మాట్లాడిన తీరు, చెప్పిన మాటలు ఇప్పుడు నెటిజన్ల దృష్టిని ఆకర్షిస్తున్నాయి.సితార మాట్లాడిన వీడియోను చూసిన మహేశ్‌బాబు అభిమానులు తమదైన శైలిలో స్పందిస్తున్నారు. చిన్న వయసులోనే సితార ఎంతో స్పష్టంగా మాట్లాడుతోందంటూ కొందరు కామెంట్లు చేస్తుండగా.. ఆమె కాన్ఫిడెన్స్‌పై మరికొందరు ప్రశంసలు కురిపిస్తున్నారు. ప్రస్తుతం ఈ వీడియో సామాజిక మాధ్యమాల్లో చక్కర్లు కొడుతోంది.కాగా శశాంక్‌ యేలేటి దర్శకత్వంలో ఫాహద్‌ ఫాజిల్‌ హీరోగా, బేబి సారా, సౌరభ్‌ సచ్‌దేవ్‌ ఇతర పాత్రలుపోషించిన చిత్రం ‘డోంట్‌ ట్రబుల్‌ ది ట్రబుల్‌’. ఎస్‌ఎస్‌ రాజమౌళి సమర్పణలో ఆర్కా మీడియా వర్క్స్, షోయింగ్‌ బిజినెస్‌ బ్యానర్స్‌పై శోభు యార్లగడ్డ, ప్రసాద్‌ దేవినేని, ఎస్‌.ఎస్‌.కార్తికేయ నిర్మించారు.Sitara telugu cute undhi, jai babu #DontTroubleTheTrouble pic.twitter.com/PHES0iYVLD— AitheyEnti (@AitheyEntii) October 1, 2026

ఈవీవీ సత్యనారాయణ బోల్డ్ అండ్ రియలస్టిక్ కామెడీ కాన్సెప్ట్‌తో తెరకెక్కించిన మూవీ 'ఆరుగురు పతివ్రతలు'. దాదాపు 20 ఏళ్ల క్రితం థియేటర్లలో రిలీజైన ఈ సినిమా ఆడియన్స్‌ను విపరీతంగా ఆకట్టుకుంది. ఈ మూవీకి ఈవీవీ సత్యనారాయణ దర్శకనిర్మాతగా వ్యవహరించారు. పెళ్లి పేరిట జరిగే మోసాలు, వైవాహిక బంధంలో భార్యభర్తల మధ్య ఉండే ఈగోలు, రకరకాల పరిస్థితులు, మనస్పర్థలని బోల్డ్‌గా ఇందులో చూపించారు. ఇప్పుడు ఈ చిత్రం మరోసారి బిగ్ స్క్రీన్‌పై సందడి చేయనుంది.ఈ చిత్రాన్ని మరోసారి బిగ్‌ స్క్రీన్‌పై చూసే అవకాశం కల్పించనున్నారు. ఈ నెల 29న థియేటర్లలో రీ రిలీజ్ చేస్తున్నారు. ఈ విషయాన్ని అఫీషియల్‌గా ప్రకటించారు. ఈ మేరకు ప్రత్యేక పోస్టర్‌ షేర్ చేశారు మేకర్స్.'ఆరుగురు పతివ్రతలు' కథేంటంటే..పదో క్లాస్ కలిసి చదువుకున్న ఆరుగురు అమ్మాయిలు.. పెరిగి పెద్దయిన తర్వాత చాలా ఏళ్లకు ఓ పెళ్లి సందర్భంగా కలుస్తారు. అలా కలిసిన సందర్భంలో తమ పెళ్లి జీవితాల్లో ఎదుర్కొంటున్న కష్టసుఖాలు, భర్తల ప్రవర్తన గురించి ఒకరికొకరు పంచుకుంటారు. అయితే భర్తలని అర్థం చేసుకోవడంలో భార్యల ఆలోచనలు ఎలా ఉంటాయి? భర్తల అనుమాన స్వభావం వల్ల వారి జీవితాలు ఎలాంటి మలుపులు తిరుగుతాయి? ‍అనే అంశాలే స్టోరీ. #AaruguruPathivrathalu అక్టోబర్ 29 న ఘనంగా రీ-రిలీజ్ 🔥🔥@pochammafilms pic.twitter.com/Rv9X7VoGRB— Vamsi Kaka (@vamsikaka) October 2, 2026

సెలబ్రిటీ జంటలు అనగానే చాలామందికి మొదటగా గుర్తొచ్చేది సూర్య-జ్యోతికనే. ఎందుకంటే కలిసి సినిమాలు చేశారు. ప్రేమలో పడ్డారు. పెద్దల్ని ఒప్పించి పెళ్లి చేసుకున్నారు. పిల్లల్ని కన్నారు. వాళ్లని పెంచి పెద్దచేశారు. ఇప్పుడు కెరీర్ పరంగా ఇద్దరూ బిజీగా ఉన్నారు. రీసెంట్‌గా తమ బంధానికి 20 ఏళ్లు పూర్తయిన సందర్భంగా తమ పిల్లల సమక్షంలో మళ్లీ పెళ్లి చేసుకుని వార్తల్లో నిలిచారు. సూర్య తండ్రి శివకుమార్ చెప్పిన కొన్ని విషయాల వల్ల జ్యోతిక మళ్లీ వార్తల్లో నిలిచింది. అలానే ఈమెకు అత్త లక్ష్మి(సూర్య తల్లి)తో ఉన్న బాండింగ్ గురించి ఇప్పుడు సోషల్ మీడియాలో వైరల్ అవుతోంది.(ఇదీ చదవండి: పెళ్లి తర్వాత జ్యోతిక నా కొడుకుని తీసుకెళ్లిపోయి ఉండొచ్చు కానీ)2017లో ఓ అవార్డ్ వేడుకలో పాల్గొన్న జ్యోతిక.. తన అత్త, సూర్య తల్లి లక్ష్మీ శివకుమార్‌ గురించి ఆసక్తికర వ్యాఖ్యలు చేశారు. 'సంప్రదాయాలు, విలువలను నేర్పడంతో పాటు కుటుంబం, వ్యక్తిగత జీవితాన్ని బ్యాలెన్స్ చేసుకోవడంలో అత్తయ్య నాకు ఎంతో సహాయపడ్డారు.ఆమె ఒక రాణి. ఒక యువరాజును పెంచారు. ఆయన(సూర్య) నా ప్రతి నిర్ణయానికి, నేను చేసే ప్రతిపనికి అండగా నిలుస్తారు. నేను ఈ రోజు ఇక్కడ ఉండటానికి ఆయన ఇచ్చే మద్దతు ఒక కారణం. ఆయనను ఇలా తీర్చిదిద్దినందుకు నా అత్తకు ధన్యవాదాలు' అని జ్యోతిక.. సూర్య తల్లి గురించి ఎవరికీ తెలియని సంగతులు చెప్పి ఆకాశానికెత్తేసింది.జ్యోతిక గతంలో మాట్లాడిన మాటలు ఇప్పుడు మళ్లీ వైరల్ కావడానికి ఓ కారణముంది. కొన్నాళ్ల క్రితం ఈమె.. తన పిల్లల్ని తీసుకుని ముంబైకి షిఫ్ట్ అయిపోయింది. ఆ సందర్భంగా జ్యోతిక గురించి రకరకాల రూమర్స్ వినిపించాయి. అత్త-మామలతో గొడవ జరిగిందని, అందుకే విడిపోయి వెళ్లిపోయిందని మాట్లాడుకున్నారు. కానీ ఈమెకు సూర్య తల్లిదండ్రులతో ఉన్న బాండింగ్.. వాళ్ల గురించి ఈమె, ఈమె గురించి వాళ్లు చెబుతున్నా మాటలు వింటే ఇంట్రెస్టింగ్‌ అనిపిస్తున్నాయి.(ఇదీ చదవండి: 'తెల్లకాగితం' సినిమా రివ్యూ)

తను వెడ్స్ మను’, ‘రాంజనా’ వంటి సినిమాలతో బాలీవుడ్‌లో తనకంటూ గుర్తింపు తెచ్చుకున్న బ్యూటీ స్వర భాస్కర్. ఆ తర్వాత పెళ్లి చేసుకున్న ముద్దుగమ్మ 2023లో ఓ ఆడబిడ్డకు జన్మనిచ్చింది. ప్రస్తుతం రైజ్ అండ్ ఫాల్ సీజన్-2 రియాలిటీ షోలో సందడి చేశారు. ఆమె తొలి ఎపిసోడ్‌కు హాజరయ్యారు. ఈ సందర్భంగా తన కెరీర్‌కు సంబంధించిన పలు ఆసక్తికర విషయాలు పంచుకున్నారు. తాజాగా తన కెరీర్‌లో ఎదురైన చేదు అనుభవాన్ని ఆమె పంచుకున్నారు. 'తను వెడ్స్ మను' సినిమా విజయం తర్వాత దురదృష్టకర సంఘటన జరిగిందని చెప్పుకొచ్చారు. ఒక దర్శకుడు మా ఇద్దరిని కలిసి ఒక రొమాంటిక్ సన్నివేశానికి రిహార్సల్ చేయమని ఇబ్బందికి గురిచేశాడని తెలిపింది. దర్శకుడు, సినిమాటోగ్రాఫర్ అప్పటికే సగం బాటిల్ తాగేసి కనిపించారు. మద్యం తాగుతున్న వాళ్లముందు 20 ఏళ్ల యువతి రిహారస్ ఎలా చేయాలని భయమేసిందని వెల్లడించింది. ఎలాగోలా అక్కడి నుంచి పరుగెత్తుకుంటూ వచ్చేశానని స్వర భాస్కర్ తెలిపింది.అయితే ఇది అక్కడితో ముగియలేదని స్వర భాస్కర్ తెలిపింది. ఆ డైరెక్టర్‌ రాత్రి మద్యం సేవించి తన గది వద్దకు వచ్చారని వెల్లడించింది. నన్ను కౌగిలించుకుంటావా? అని అడిగాడని చేదు అనుభవాన్ని పంచుకుంది. అప్పుడు నేను చేయలేను సార్.. దయచేసి ఇక్కడి నుంచి వెళ్లండి.. నాకు చాలా భయంగా ఉందని చెప్పానని తెలిపింది. ఆ సమయంలో తాను తీవ్ర అసౌకర్యానికి గురిచేశాడని స్వర భాస్కర్ తన బాధ వ్యక్తం చేసింది.'తను వెడ్స్ మను' తర్వాత తాను ఒక పెద్ద ప్రాజెక్ట్ చేసే సమయంలో దర్శకుడి నుంచి తనకు సందేశాలు, కవిత్వం రావడం మొదలయ్యాయని స్వర భాస్కర్ పేర్కొంది. ఒక దర్శకుడు నటుడిని ప్రేమించాలని పదేపదే నొక్కి చెప్పేవారని ఆమె తెలిపింది.

టాలీవుడ్‌లో మోస్ట్ ఫేమస్ జంటల్లో విజయ్ దేవరకొండ- రష్మిక ముందు వరుసలో ఉంటారు. ఆన్‌ స్క్రీన్‌పై మెరిసిన వీరిద్దరు రియల్ లైఫ్‌లోనూ ఒక్కటయ్యారు. ఈ ఏడాది ఫిబ్రవరిలో పెళ్లి బంధంలోకి అడుగుపెట్టారు. ఈ జంటను విరోష్‌ అంటూ అంటూ అభిమానులు ముద్దుగా పిలుచుకుంటున్నారు. ప్రస్తుతం పెళ్లి తర్వాత కలిసి జంటగా నటించిన రణబాలి రిలీజ్‌కు అంతా సిద్ధమైంది. ఈ మూవీ దసరా కానుకగా అక్టోబర్ 16న థియేటర్లలో సందడి చేయనుంది.ఈ సంగతి పక్కనపెడితే విజయ్- రష్మిక జంటకు సంబంధించి ఓ వార్త తెగ వైరలవుతోంది. పెళ్లి తర్వాత వీరిద్దరు వేరు కాపురం పెట్టనున్నారా? అనే చర్చ మొదలైంది. అందుకే హైదరాబాద్‌లో ఓ లగ్జరీ విల్లా కొనుగోలు చేస్తున్నారనే వార్తలు నెట్టింట హల్‌చల్ చేస్తున్నాయి. విజయ్ తన తల్లిదండ్రులకు దూరంగా ఉంటారా? అనే విషయం ప్రస్తుతం హాట్ టాపిక్‌గా మారింది. అయితే ఈ విషయంపై విజయ్, రష్మిక నుంచి ఎలాంటి అధికారిక ప్రకటన రాలేదు.(ఇది చదవండి: డైరెక్టర్ తాగొచ్చి నన్ను కౌగిలించుకుంటావా? అని అడిగాడు: స్వర భాస్కర్)విల్లా కేవలం భవిష్యత్‌ ప్లాన్‌లో భాగంగానే కొంటున్నారని తెలుస్తోంది. విల్లా కొనుగోలు అంటే వెంటనే అక్కడే కాపురం పెట్టాలని కాదు.. ఇన్వెస్ట్‌మెంట్, ఫ్యూచర్ ప్లాన్స్ కోసమేనని అర్థమవుతోంది. కాగా.. గతంలో తాము జాయింట్ ఫ్యామిలీగా ఉండటాన్ని ఇష్టపడతామని విరోష్ జంట చెప్పిన సంగతి తెలిసిందే. ఈ నేపథ్యంలో ఇదంతా కేవలం రూమర్స్‌ మాత్రమేనని అర్థమవుతోంది.

థియేటర్లలో విడుదలవడానికి ముందే ఆన్‌లైన్‌లో లీకైపోయి వార్తల్లో నిలిచిన లేటెస్ట్ తెలుగు సినిమా 'తెల్లకాగితం'. పలు చిత్రాల్లో బాలనటుడిగా ఆకట్టుకున్న హర్ష్ రోషన్ ఇందులో లీడ్ రోల్ చేశాడు. 'కోర్ట్'తో హీరోగా హిట్ కొట్టిన ఇతడు చేసిన మరో టీనేజీ 'షాకింగ్' ప్రేమకథే ఈ చిత్రం. నక్షత్ర హీరోయిన్. రమేశ్ బండ్రెడ్డి దర్శకుడు. ఈరోజే(అక్టోబరు 02) థియేటర్లలోకి వచ్చిన ఈ మూవీ ఎలా ఉందనేది రివ్యూలో చూద్దాం.కథేంటి?భీమవరం దగ్గరలోని ఓ పల్లెటూరిలో రాము(హర్ష్ రోషన్).. అన్న,వదినలతో కలిసి బతుకుతుంటాడు. అదే ఊరిలో ఉండే ఆశ(నక్షత్ర).. రాము చదివే స్కూల్‌లోనే చదువుతూ ఉంటుంది. ఓసారి లంచ్ బాక్స్‌లు మారిపోవడం వల్ల మొదలైన వీరి పరిచయం.. స్నేహంగా మారి ప్రేమలో పడేంతవరకు వెళ్తుంది. ఓ ఏకాంత సందర్భంలో శృంగారంలోనూ పాల్గొంటారు. తెలిసీ తెలియని వయసులో మొదలైన ప్రేమ.. వీళ్ల జీవితాల్ని ఎలాంటి మలుపుల్ని తిప్పింది? చివరకు వీళ్లిద్దరూ ఒక్కటయ్యారా లేదా అనేది మిగతా స్టోరీ.ఎలా ఉందంటే?'ప్రేమ' అనే పాయింట్ ఆధారంగా తెలుగులో ఇప్పటికే కొన్ని వేల సినిమాలు వచ్చాయి, వస్తూనే ఉన్నాయి. అయితే ప్రేమకథతో మూవీ తీసి జనాల్ని ఎంటర్‌టైన్ చేశారా? చెప్పాలనుకున్న మెసేజ్‌ని ప్రేక్షకులకు అర్థమయ్యేలా ప్రెజెంట్ చేశారా లేదా అనేది ఇక్కడ పాయింట్. ఈ విషయంలో 'తెల్లకాగితం' టీమ్ పాస్ అయిపోయింది.ఇప్పటి జనరేషన్ టీనేజీ పిల్లలు, మరీ ముఖ్యంగా యువత.. సొంత తల్లిదండ్రులు చెప్పే విషయాల్ని పెడచెవిన పెడుతున్నారు. తామే పెద్దోళ్లలా ఫీలైపోయి ఇంట్లో వాళ్లకు తెలియకుండా ఏమేం చేయాలో అన్నీ చేస్తున్నారు. పెద్దల దృష్టికి రాకుండా చాలా వాటిని మేనేజ్ చేస్తున్నామని అనుకుంటున్నారు. అయితే ఇలాంటి వాళ్లు చేసే తప్పులు ఎంతటి అనర్థాలకు దారితీస్తాయో చూపించే ప్రయత్నమే ఈ సినిమా.ఓ పల్లెటూరు.. పదో క్లాస్ చదివే ఓ అబ్బాయి, అమ్మాయి మధ్య అనుకోకుండా పరిచయం, అది కాస్త ప్రేమగా మారడం.. ఇలా పెద్దగా హడావుడి లేకుండానే సినిమా మొదలవుతుంది. తెరపై చూస్తున్నది కొత్తగా ఏం లేనప్పటికీ కామెడీ, సరదా ప్రేమ సన్నివేశాల కారణంగా బోర్ కొట్టకుండా సాగిపోతుంది. 'ప్రెగ్నెన్సీ' ట్విస్ట్‌తో ఇంటర్వెల్ పడుతుంది. మరి 'ప్రెగ్నెన్సీ' అనే చిక్కుముడిని సెకండాఫ్‌లో ఎలా విప్పారనేది థియేటర్లలో చూడాలి.సినిమా స్టోరీగా చెప్పుకొంటే జస్ట్ రెండే లైన్లలో తేలిపోతుంది. దీన్ని రెండున్నర గంటల మూవీగా తీశారు. ముఖ్యమైన సన్నివేశాలన్నీ చివర అరగంట కోసం దాచుకోవడం వల్ల అంతకు ముందు రెండు గంటల పాటు కాస్త ఎంటర్‌టైన్‌మెంట్, కాస్త బోరింగ్‌గా అనిపిస్తుంది. కాకపోతే చివరలో ఇచ్చిన షాకింగ్ ‍క్లైమాక్స్ ఎమోషనల్‌గా బాగుంది.ఈ మూవీలో పీరియడ్స్, పుష్పవతి కావడం(మెచ్యూర్), కండోమ్.. ఇలా పలు సున్నితమైన అంశాల గురించి టీనేజీ పిల్లలు ఏమనుకుంటారో కామెడీగా బాగా చూపించారు. అలానే మనకు తెలిసినవాళ్లే కదా నమ్మితే.. ఎంతకు తెగిస్తారో ఇందులో చూపించారు. అలానే జీవితం అనే 'తెల్లకాగితం'పై ఒకసారి మచ్చ పడితే ఎంతలా అల్లకల్లోలం అయిపోతుందో ఈ మూవీలో ప్రెజెంట్ చేశారు.'చెప్పకపోయినా సరే ఆడదాని కష్టం అర్థం చేసుకున్నప్పుడే మగాడు మెచ్యూర్ అయినట్లు' అని రాము వదిన పాత్ర చెప్పే డైలాగ్ ఆలోచింపజేస్తుంది. రాము చదువు కోసం ఈమె.. ఏకంగా కడుపులో బిడ్డని వద్దనుకుని ఆబార్షన్ చేయించుకునే సీన్ కూడా ఎమోషనల్‌గా అనిపిస్తుంది. వదిన పాత్రకు ఇలాంటి సీన్స్ ఇంకొన్ని పడుంటే బాగుండేది అనిపించింది.ఏదైనా సమస్య వచ్చినప్పుడు దాన్ని తల్లిదండ్రులకు నిజాయతీగా చెప్పేస్తే వాళ్లు ఎలాగోలా పరిష్కరిస్తారు. మనల్ని అపాయం నుంచి తప్పిస్తారు. అలా కాదని వాళ్లని వీళ్లని అడిగితే తప్పు మీద తప్పులు జరుగుతాయి. అలానే దారుణమైన పరిస్థితుల వరకు ఎలా వెళ్తుందో కళ్లకు కట్టినట్లు ఇందులో చూపించారు. టీనేజీ పిల్లలు, తల్లిదండ్రులు ఈ చిత్రం తప్పక చూడాలి!ఎవరెలా చేశారు?బాలనటుడిగా, 'కోర్ట్' సినిమాతో హీరోగా ఆకట్టుకున్న హర్ష్ రోషన్.. ఇందులో రాముగా ఆకట్టుకున్నాడు. తెలియని పసితనంతో ప్రేమలో పడటం, తప్పులు చేయడం, చివరకు రియలైజ్ కావడం లాంటి సీన్స్‌లో మెప్పించాడు. ఆశ పాత్రలో నటించిన నక్షత్రకు ఇదే తొలి మూవీ. చూడటానికి అందంగా ఉంది గానీ ఎమోషనల్ సన్నివేశాల్లో తేలిపోయింది. ఇంకాస్త బాగా చేసి ఉండాల్సింది. ఆశ తండ్రి మూర్తిగా అజయ్, రాము అన్న వదినలుగా చేసినవాళ్లు, అలానే మామయ్య క్యారెక్టర్ చేసిన రాజ్ కసిరెడ్డి తదితరులు బాగా నటించారు. కాకపోతే వీళ్లకు చివరి పావుగంటలోనే ఎక్కువ స్క్రీన్ స్పేస్ దొరికింది.టెక్నికల్ విషయాలకొస్తే.. దర్శకుడు రమేశ్ బండ్రెడ్డి, టీనేజీ పిల్లలు, యువతకు చెప్పాలనుకున్న పాయింట్ తెరపైకి కన్వే అయింది. కాకపోతే క్లైమాక్స్‌లోనే కాకుండా అంతకు ముందు సీన్స్ ఇంకాస్త కనెక్ట్ అయ్యేలా రాసుకుని తీసుంటే బాగుండేది. విజయ్ బుల్గానిన్ అందించిన 'చిలక' పాట వినసొంపుగా ఉంది. సినిమాటోగ్రఫీ రిచ్‌గా ఉంది. ఓవరాల్‌గా ఇదో డీసెంట్ మూవీ.- చందు డొంకాన, సాక్షి వెబ్ డెస్క్

చిన్న సినిమాగా వచ్చిన బాక్సాఫీస్ షేక్ చేసిన మూవీ హనుమాన్ అంశ్. బాలీవుడ్‌లో మాత్రమే తెరకెక్కించిన ఈ చిత్రం బాక్సాఫీస్ వద్ద కాసుల వర్షం కురిపించింది. కేవలం రూ.2 కోట్లతో ఈ మూవీని నిర్మించగా.. ప్రపంచవ్యాప్తంగా రూ.400 కోట్లకు పైగా వసూళ్లు రాబట్టింది. నీమ్ కరోలి బాబా జీవితం ఆధారంగా విశాల్‌ చతుర్వేది దర్శకత్వంలో ఈ చిత్రాన్ని తెరకెక్కించారు.హిందీలో హిట్‌ కావడంతో తెలుగులోనూ రిలీజ్ చేయాలని భావించారు. దర్శకుడు త్రివిక్రమ్ ఈ సినిమా తెలుగు రైట్స్‌ సొంతం చేసుకున్నారని టాక్ వినిపించింది. కానీ ఆ తర్వాత రిలీజ్‌ తేదీని మాత్రం ప్రకటించలేదు. దీంతో తెలుగు రిలీజ్‌ వాయిదా పడింది.తాజాగా ఈ చిత్రాన్ని తెలుగులోనూ విడుదల చేయనున్నట్లు హోంబలే ఫిల్మ్స్‌ ప్రకటించింది. రిలీజ్ డేట్‌ను ఖరారు చేస్తూ పోస్టర్‌ రిలీజ్ చేసింది. ఈ చిత్రాన్ని అక్టోబర్‌ 9న విడుదల చేయనున్నట్లు హోంబలే ఫిల్మ్స్‌ అనౌన్స్ చేసింది. అదే రోజు వెంకటేశ్ నటించిన ఆదర్శ కుటుంబం కూడా విడుదల కానుంది. కాగా.. 1900-1973 మధ్య జీవించిన ప్రముఖ ఆధ్యాత్మిక గురువు, హనుమాన్‌ భక్తుడు నీమ్‌ కరోలి బాబా(మహరాజ్‌జీ) జీవితమే ఈ హనుమాన్ అంశ్. ‘హనుమాన్ అంశ్’ ఇప్పుడు తెలుగు ప్రేక్షకుల కోసం..!We are delighted to bring the much loved #HanumanAnsh in TELUGU, for audiences to witness its divine brilliance on the big screen across the world. ❤️🙏#HanumanAnshTelugu Worldwide Release on OCTOBER 9th by @hombalefilms.… pic.twitter.com/kusXOCK3IV— Hombale Films (@hombalefilms) October 2, 2026

ఏఐ సాంకేతికతను దుర్వినియోగం చేసేవారిపై చర్యలు తప్పవని బాంబే హైకోర్టు హెచ్చరించింది. ఇతరుల ఫోటోలను మార్ఫింగ్ చేయడం, డీప్‌ఫేక్ కంటెంట్‌ను అనధికారికంగా సృష్టించడం, వ్యాప్తి చేయడం వ్యక్తిగత హక్కులను ఉల్లంఘిచడం కిందకు వస్తుందని కోర్టు తెలిపింది. హీరోయిన్‌ సమంత పిటిషన్‌పై విచారణ చేపట్టిన న్యాయస్థానం సమంతకు సంబంధించిన అనధికారిక కంటెంట్‌ను తొలగించాలని ఆదేశించింది.కాగా.. సమంత రూత్ ప్రభు వ్యక్తిత్వ హక్కులకు సంబంధించి బాంబే హైకోర్టులో పిటిషన్‌ వేసింది. ఏఐ ప్లాట్‌ఫారమ్‌లు, ఈ-కామర్స్ పోర్టల్స్, డిజిటల్ మీడియా సంస్థలలో తన పేరు, ఫోటోలు, వాయిస్‌ను అనధికారికంగా ఉపయోగిస్తున్నారని ఫిర్యాదులో పేర్కొంది. తన వ్యాపారం, గుడ్‌విల్ ముంబయిలో ఉన్నప్పటికీ చాలా వాణిజ్య కార్యకలాపాలు కోర్టు స్థానిక ప్రాదేశిక అధికార పరిధిని దాటి విస్తరించాయని సమంత తన పిటిషన్‌లో సమర్పించారు. దీనిపై విచారణ చేపట్టిన న్యాయస్థానం సమంతకు సంబంధించిన అనధికారిక కంటెంట్‌ను తొలగించాలని కూడా కోర్టు ఆదేశించింది. సమంత పేరు, ఫోటోలు, గొంతు అనధికారికంగా ఉపయోగించకుండా నిరోధిస్తూ కోర్టు మధ్యంతర ఉత్తర్వులు జారీ చేసిది. ఈ కేసు తదుపరి విచారణ డిసెంబర్ 10వ తేదీకి వాయిదా వేసింది.

టైటిల్‌: తత్వంనటీనటులు: దినేష్ తేజ్ దాస్విక కింతాలి, సుక్కురెడ్డి, ఆనంద్ భారతీ, జబర్దస్త్ కృష్ణ, భోగిరెడ్డి శ్రీనివాస్, ప్రమోదిని తదితరులునిర్మాణ సంస్థ: త్రయతి ఇషాని క్రియేషన్స్‌, ఎప్‌.కె. ప్రొడక్షన్స్‌నిర్మాతలు: శీమకుర్తి వంశీ కృష్ణ , శ్వేత పసుపులేటీసంగీతం: చైతన్ భరద్వాజ్సినిమాటోగ్రఫి: భరత్ పట్టిఎఢిటర్: విప్లవ్ నైషదంవిడుదల తేది: అక్టోబర్‌ 2, 2026కథేంటంటే..రామాపురం గ్రామంలో మూర్తి(సుక్కు రెడ్డి), నాగమణి జంట దారుణ హత్యకు గురవుతుంది. మతి స్థిమితం లేని కొడుకు సుధనే వారిని హత్య చేశాడని ఊరివాళ్లు భావిస్తారు. సుధను బంధించి పోలీసులకు ఫోన్‌ చేశారు. అదే రోజు కానిస్టేబుల్‌ కల్యాణ్‌(దినేష్‌ తేజ్‌) పెళ్లి చూపుల కోసం రామాపురం వెళ్తాడు. దీంతో ఎస్సై ఈ కేసును కల్యాణ్‌కి అప్పగిస్తాడు. రిపోర్ట్‌ రాసుకొని రమ్మని చెప్పడంతో రెండు రోజులు అక్కడే ఉంటాడు. పెళ్లి చూపులు చూసేందుకు వచ్చిన అమ్మాయి సౌమ్య(దాస్విక)..సుధ ఆ నేరం చేయకపోవచ్చని చెప్పడంతో తనదైన శైలీలో విచారణ ప్రారంభిస్తాడు.మరి కల్యాణ్‌ విచారణలో ఏం తేలింది? అసలు మూర్తి, నాగమణి జంటను హత్య చేసిందెవరు? ఎందుకు చేశారు? సుధ నిజంగానే ఈ హత్యలు చేయలేదా? సౌమ్య సుధకు ఎందుకు మద్దతుగా నిలిచింది? చివరకు ఈ కేసుని కల్యాణ్‌ ఎలా ఛేదించాడు? అనేది తెలియాలంటే సినిమా చూడాల్సిందే.ఎలా ఉందంటే..మూడనమ్మకంకు నమ్మకం మధ్య ఓ సన్నని గీత ఉంటుంది. దాని చుట్టూ తిరిగే మర్డర్‌ మిస్టరీ ఇది. పెళ్లి చూపులతో మొదలై.. హత్యకేసు ఇన్వెస్టిగేషన్‌తో ముగుస్తుంది. దర్శకుడు అర్జున్‌ కోలా ఎంచుకున్న పాయింట్‌, కథనం పలు మలయాళ సినిమాను గుర్తు చేస్తుంది. ఒక చిన్న పాయింట్‌ తీసుకొని దాని చుట్టు ఆసక్తికర సన్నివేశాలు అల్లుకొని ఆసక్తికరంగా కథను మలిచే ప్రయత్నం చేశాడు. హత్య చేసిందెవరు అనే విషయాన్ని చివరివరకు బయటపడకుండా ప్రేక్షకుల్లో క్యూరియాసిటీ పెంచడంలో దర్శకుడు సఫలం అయ్యాడు. అయితే పోలీసులు ఇన్వెస్టిగేషన్‌ కు సంబంధించిన సన్నివేశాలు ఆసక్తికరంగా లేకపోవడంతో ఫస్టాఫ్‌ చాలా వరకు సాగదీతగా అనిపిస్తుంది.సెకండాఫ్‌ మాత్రం కాస్త వేగంగా సాగుతుంది. మర్డర్‌ వెనుక ఉన్నదెవరు అనేది సస్పెన్స్‌గా ఉంచుతూ..పలువురిపై అనుమానం కలిగించేలా చేస్తూ,మధ్యలో జంతువుల ఆక్రమ రవాణ ఎపిసోడ్‌ని యాడ్‌ చేసి..ఏదో జరుగుతుందనే క్యూరియాసిటీని పెంచేలా చేశారు. ఇక చివరిలో వచ్చే ట్విస్ట్‌ కూడా ఊహించలేం. ముగింపు రొటీన్‌గానే ఉంటుంది. రొటీన్‌ మర్డర్‌ మిస్టరీ కథే అయినా.. కథనం కాస్త కొత్తగా ఉంది. ఇన్వెస్టిగేషన్‌ సీన్లను ఇంకాస్త బలంగా రాసుకొని ఉంటే ఫలితం మరోలా ఉండేది. థ్రిల్లర్ సినిమాలు ఇష్టపడేవారికి ఓపికతో చూస్తే ఈ సినిమా నచ్చేతుంది.ఎవరెలా చేశారంటే.. కానిస్టేబుల్‌గా కల్యాణ్‌ పాత్రకి దినేష్‌ న్యాయం చేశాడు. పల్లెటూరి యువతి సౌమ్య పాత్రలో తెలుగమ్మాయి దష్విక బాగా చేసింది. అయితే నటనకు పెద్దగా స్కోప్‌ లేని పాత్ర ఆమెది. మానసిక స్థితి సరిగ్గా లేని పాత్రలో చైల్డ్ ఆర్టిస్ట్ బాగా నటించాడు. ఒకటి రెండు సీన్లలో భయపెట్టాడు కూడా. ప్రమోదిని, కృష్ణ, ఆనంద్ భారతి, సుక్కు రెడ్డి, శరత్ బాబు.. మిగిలిన నటీనటులు తమ పాత్రల పరిధిమేర చక్కగా నటించారు. సాంకేతికంగా సినిమా పర్వాలేదు. చేతన్‌ భరద్వాజ్‌ నేపథ్య సంగీతం ఓకే. సినిమాటోగ్రఫీ బాగుంది. పల్లెటూరి అందాలను తెరపై బాగా చూపించాడు.ఎడిటర్‌ తన కత్తెరకు ఇంకాస్త పని చెప్పాల్సింది. సినిమాలో చాలా సాగదీత సీన్లు ఉన్నాయి. నిర్మాణ విలువలు బాగున్నాయి.

ప్రముఖ వ్యాపారవేత్త, శరవణా స్టోర్స్‌ అధినేత శరవణన్‌.. ఇప్పటికే తమిళంలో హీరోగా రెండు సినిమాలు చేశారు. చేసి తొలి ప్రయత్నంగా 'లెజెండ్‌' నిర్మించి, కథానాయకుడిగా చేశారు. అది ఆశించిన హిట్ కాలేకపోయినా తర్వాత 'లీడర్‌' చేశారు. ఈ చిత్రం మంచి పేరే తెచ్చిపెట్టింది. దీంతో ఇప్పుడు కొత్త ప్రాజెక్ట్ చేసేందుకు రెడీ అవుతున్నారు. దీని గురించి ఇటీవల ఒక భేటీలో ఆసక్తికర విషయాలు చెప్పారు.తరచూ అభిమానులని కలుస్తున్న శరవణన్‌ని రాజకీయ రంగప్రవేశం చేసే ఆలోచన ఉందా? అనే ప్రశ్నలు వస్తున్నాయి. దీనికి బదులిచ్చిన ఈ నటుడు.. ప్రస్తుతానికి అలాంటి ఆలోచన లేదని, భవిష్యత్తులో కుదిరితే అది జరగొచ్చని అన్నారు. తాను తదుపరి చిత్రానికి సిద్ధం అవుతున్నానని చెప్పారు.విజయ్‌ ముఖ్యమంత్రి కావడంతో సినిమాలకు స్వస్తి పలికారని, దీంతో ఆయన నటించిన చిత్రాల తరహాలో మంచి కమర్షియల్‌ ఎంటర్‌టైనర్‌గా తన తాజా చిత్రం ఉంటుందని లెజెండ్‌ శరవణన్‌ చెప్పారు. దీనికి సంబంధించిన పూర్తి వివరాలను త్వరలోనే వెల్లడిస్తానని పేర్కొన్నారు.

మీడియా ఇప్పుడు ప్రతి సెలబ్రిటీ ఇంటిలోనూ తొంగి చూడటం జరుగుతోంది. నటీమణుల విషయంలో మరింత ఆసక్తిని చూపుతుంది. ఇది కొందరు నటీమణులకు మంచి, ఇంకొందరికి చెడు జరుగుతుంది. మరికొందరికి విసుగు పుట్టిస్తుంది. అలా అసహనాన్ని వ్యక్తం చేస్తున్న వారిలో హీరోయిన్ అంజలి ఒకరు. రెండు దశాబ్దాలుగా దక్షిణాదిలో మూవీస్ చేస్తున్న ఈమె..రీసెంట్ టైంలో విశాల్‌కు జంటగా మకుటం మూవీతో వచ్చింది. కానీ ఇది హిట్ కాలేదు. తాజాగా నివీన్‌ పౌలీతో చేసిన ఏళు కడల్‌ ఏళు మలై చిత్రం గురువారం థియేటర్లలోకి వచ్చింది.ఈ చిత్రం ప్రమోషన్‌ కార్యక్రమాల్లో పాల్గొన్న అంజలి తన పెళ్లి గురించి ఆసక్తికర వ్యాఖ్యలు చేసింది. 'నన్ను కలిసినప్పుడల్లా పలువురు ముందుగా అడిగే ప్రశ్న పెళ్లి ఎప్పుడు అనే. అయినా నా పెళ్లి గురించి వీరికెందుకు అంత అక్కరో నాకు అర్థం కావడం లేదు. పెళ్లి అనేది ఒక్కరోజు వేడుక కాదు. వివాహానంతరం అమ్మాయి జీవితమే మారిపోతుంది. పలు విషయాల్లో ఆమె త్యాగం చేయాల్సి ఉంటుంది. అలాంటి బాధ్యతలు ఉండగా ఎందుకు తరచూ పెళ్లి, పెళ్లి అంటూ ప్రశ్నిస్తారో అర్థం కావడం లేదు. నాకు పెళ్లి ఎప్పుడు జరిగినా మనస్ఫూర్తిగా ఆశీర్వదించే వారు కొందరుంటే చాలు. నేను బాగుండాలని ఆకాంక్షించేవారు నాలుగు లేదా నలభై మంది ఉంటే చాలు. అలాంటి వాళ్ల నా పెళ్లికి విచ్చేసి మనస్ఫూర్తిగా ఆశీర్వదిస్తే చాలు. ఆడంబరాల నాకు అక్కర్లేదు' అని చెప్పుకొచ్చింది.

తమిళనాడు ముఖ్యమంత్రి విజయ్‌ వారసుడు జేసన్‌ సంజయ్ తొలిసారి దర్శకుడిగా మారి తీసిన సినిమా‌ 'సిగ్మా'. లైకా ప్రొడక్షన్స్‌ పతాకంపై సుభాస్కరన్‌ నిర్మించారు. టాలీవుడ్‌కి చెందిన సందీప్‌ కిషన్‌, ఫరియా అబ్దుల్లా హీరోహీరోయిన్లుగా నటించారు. తమన్ సంగీతమందించాడు. ఈరోజే(అక్టోబరు 02) థియేటర్లలోకి వచ్చింది. ఈ సందర్భంగా చిత్ర యూనిట్‌ బుధవారం చైన్నెలో మీడియా సమావేశాన్ని నిర్వహించింది. ఇందులో టీమ్ పలు ఆసక్తికర వ్యాఖ్యలు చేసింది.ఫరియా అబ్దుల్లా మాట్లాడుతూ.. తమిళంలో నేను చేసిన తొలి చిత్రమిది. నాకు చాలా ముఖ్యమైన చిత్రం అని చెప్పింది. సందీప్‌ కిషన్‌ మాట్లాడుతూ.. జేసన్‌ సంజయ్‌ దర్శకత్వం వహించిన తొలి సినిమాలో నేను హీరోగా నటించడం సంతోషంగా ఉంది. కమర్షియల్‌ అంశాలతో సిగ్మా ఉంటుంది. సంజయ్‌ నాకు మంచి ఫ్రెండ్. విదేశాల్లో చదువుకున్నా, 24 ఏళ్ల వయసులో మంచి తమిళ చిత్రాన్ని ఎలాంటి టెన్షన్‌ లేకుండా తెరకెక్కించాడు. జేసన్‌ దర్శకుడు అయ్యాడు కానీ ఆయనలో మంచి నటుడు ఉన్నాడు. కచ్చితంగా పెద్ద హీరో అవుతాడు. ఈ చిత్రాన్ని ముఖ్యమంత్రి విజయ్‌ చూస్తారా అని అడుగుతున్నారు. ఆయన్ని చూడొద్దని ఎవరైనా చెప్పగలరా, చూస్తే చాలా సంతోషం అని చెప్పుకొచ్చాడు.

కీర్తీ సురేష్, సనంత్, రిషికాంత్‌ ప్రధాన ప్రాత్రల్లో కార్తీక్‌ సుబ్బరాజ్‌ రచన, దర్శకత్వంలో రూపొందిన చిత్రం ‘డోరతీ’. సెప్టెంబర్‌ 25న తమిళంలో విడుదలైన ఈ చిత్రం అక్కడ పలు వివాదాలకు కేంద్ర బిందువుగా మారింది. ఓ వర్గం ఈ సినిమాను తీవ్రంగా ఖండిస్తే..మరో వర్గం ప్రశంసలు జల్లు కురిపించింది. ఇక సోషల్‌ మీడియాలో కూడా ఈ సినిమాపై పెద్ద ఎత్తునే చర్చ జరిగింది. ఇప్పుడీ చిత్రాన్ని స్పిరిట్‌ మీడియా ద్వారా రానా దగ్గుబాటి తెలుగు ప్రేక్షకుల ముందుకు తీసుకొచ్చాడు. ఈ శుక్రవారం(అక్టోబర్‌ 2) ఈ చిత్రం తెలుగులో విడుదల అయింది. మరి ఈ చిత్రం ఎలా ఉందో రివ్యూలో చూద్దాం.‘డోరతీ’ కథేంటంటే.. ఈ సినిమా కథంతా 1995లో తమిళనాడులోని ఓ పల్లెటూరి నేపథ్యంలో సాగుతుంది. వేరు వేరు సామానిక నేపథ్యాలు ఉన్న సుబ్బు(సనంత్‌), కార్తి(రిషికాంత్‌) చిన్నప్పటి నుంచి ప్రాణ స్నేహితులు. సుబ్బ వాళ్ల అమ్మ చిన్నప్పుడే చనిపోతుంది. వాళ్ల నాన్న స్థానికంగా ప్రభావం ఉన్న గ్యాంగ్‌స్టర్. ఇద్దరు అన్నలు కూడా రౌడీయిజం, రాజకీయాలే చేస్తుంటారు. సుబ్బు, కార్తీ కూడా ఆ గ్యాంగ్‌లో చేరతారు. అయితే చిన్నప్పుడు పురుష అహంకారం చూపించే సుబ్బు..పెద్దయ్యాక మాత్రం పూర్తిగా మారిపోతాడు. గ్యాంగ్‌స్టర్‌ ప్యామిలీ సభ్యుడే అయినా.. రక్తం చూసినా వాంతులు చేసుకుంటాడు. హింసకు దూరంగా ఉంటూ..ఇంట్లోకి కొత్తగా వచ్చిన వదిన డోరతీ(కీర్తి సురేశ్‌)తో చక్కటి అనుబంధాన్ని ఏర్పరచుకుంటాడు. అయితే అనూహ్యంగా డోరతీ కన్నుమూస్తుంది. వదిన చావుకు తన తండ్రి, అన్నదమ్ములే కారణమని సుబ్బు భావిస్తాడు. ఆమె మరణం తర్వాత సుబ్బు ఓ కీలక నిర్ణయం తీసుకుంటాడు. అదేంటి? ఆ నిర్ణయం వల్ల సుబ్బు ఎదుర్కొన్న సమస్యలు ఏంటి? అసలు పెద్దయ్యాక సుబ్బులో వచ్చిన మార్పులు ఏంటి? ప్రాణ స్నేహితుడైన కార్తి.. సుబ్బుని చంపాలని ఎందుకు ప్రయత్నించాడు? చివరకు కార్తి, సుబ్బులు స్నేహం ఎలా ముగిసింది? అనేది తెలియాంటే సినిమా చూడాల్సిందే.ఎలా ఉందంటే..జయాపజయాలను పక్కన పెడితే.. కార్తిక్‌ సుబ్బరాజు కథల్లో ఎప్పుడూ ఓ ప్రత్యేకమైన సామాజిక కోణం కనిపిస్తూనే ఉంటుంది. ఎలాంటి కథను ఎంచుకున్నా.. దాంట్లో సామాజిక అసమానతలను, కుల, వర్ణ వివక్షల వంటి అంశాలను తనదైన శైలిలో చర్చించే ప్రయత్నం చేస్తుంటారు. వినోదం వెనుక ఓ బలమైన సామాజిక ప్రశ్నను సంధించడం ఆయన కథల్లో కనిపిస్తుంది. ‘డోరతీ’ కూడా అలాంటి కథే. ఇందులో లింగ వివక్ష గురించి చర్చించాడు. ట్రాన్స్‌ జెండర్ల పట్ల సమాజం తీరు ఎలా ఉంది? వాళ్లకు ఎదురవుతున్న అవమానాలు ఏంటి? పితృస్వామ్య సమాజం మూలంగా వారు అంతర్గతంగా ఎలాంటి క్షోభను అనుభవిస్తున్నారు?అనేది హృదయాలను హత్తుకునేలా చూపించే ప్రయత్నం చేశాడు. దర్శకుడు ఎంచుకున్న పాయింట్‌ అతి సున్నితమైనది. కొంచెం తేడా వచ్చినా.. అంతే సంగతి. కానీ కార్తిక్‌ సుబ్బరాజు మాత్రం తాను అవేవి పట్టించుకోకుండా చెప్పాలనుకున్న విషయాన్ని చెప్పేశాడు. ఈ విషయంలో ఆయనను మరోసారి అభినందించొచ్చు. అయితే ఈ కథను ప్రతి ఒక్క ప్రేక్షకుడికి అర్థమయ్యేలా.. ఎంటర్‌టైనింగ్‌గా మలచడంలో మాత్రం పూర్తిగా సఫలం కాలేదు. కథనాన్ని ముందుకు, వెనక్కి(నాన్‌ లీనియర్‌ స్క్రీన్‌ప్లే) నడిపించడం వల్ల చాలా చోట్ల గందరగోళానికి గురి చేశాడు. అలాగే అసలు పాయింట్‌ చుట్ట అల్లుకున్న సన్నివేశాలు కూడా అంతగా ఆకట్టుకోవు. చాలా వరకు కథనం నెమ్మదిగా సాగడంతో ఒకనొక దశలో ఎప్పుడెప్పుడు సినిమా ముగుస్తుందా? అనే ఫీలింగ్‌ కలుగుతుంది.సుబ్బు, కార్తి పాత్రల మధ్య స్నేహాన్ని, వారి చిన్ననాటి జీవితాన్ని పరిచయం చేస్తూ సినిమా ప్రారంభం అవుతుంది. చిన్నతనంలో సుబ్బు ప్రవర్తన, అతని కుటుంబ నేపథ్యం, గ్రామంలోని కుల రాజకీయాలు, వివక్ష, హింస వంటి అంశాలను చూపించిన తీరు కథపై ఆసక్తిని పెంచుతుంది. డోరతీ పాత్ర ఎంట్రీ తర్వాత అసలు కథ ప్రారంభం అవుతుంది. సుబ్బు ఆమెతో అన్ని విషయాలు చెప్పుకోవడం.. అంతలోనే ఆమె చనిపోవడం.. అంతలోనే ఇంకో ట్విస్ట్‌..ఇలా ఫస్టాప్‌ ప్రారంభం నెమ్మదిగా సాగినా.. ఇంటర్వెల్‌ సరికి ఆసక్తిని పెంచేస్తుంది. ఇక సెకండాఫ్‌ మొత్తం చాలా వరకు ఎమోషనల్‌గానే సాగుతుంది. ట్రాన్స్‌ జెండర్ల కష్టాలను కళ్లకు కట్టినట్లు చూపించాడు. అయితే ఆయా సన్నివేశాలు మరింత ఆసక్తికరంగా మలిచే అవకాశం ఉన్నా..దర్శకుడు అటువైపు వెళ్లలేదు. పైపైనే చూపిస్తూనే. ఈ కథ ద్వారా ఏం సందేశం ఇవ్వాలో అది ఇచ్చేశారు. ఈ క్రమంలో చాలా ప్రశ్నలకు సమాధానాలు ఇవ్వలేకపోయాడు. ముగింపు కూడా అన్ని వర్గాల వారికి ఆమోదయోగ్యంగా ఉండదు. స్క్రీన్‌ప్లే విషయంలో ఇంకాస్త జాగ్రత్తలు తీసుకొని ఉంటే ఫలితం మరోలా ఉండేది.ఎవరెలా చేశారంటే..ఈ సినిమా కథ ఎక్కువగా సుబ్బు, కార్తి పాత్రల చుట్టూనే తిరుగుతుంది. సుబ్బుగా సనంత్‌ తనదైన నటనతో ఆకట్టుకుంది. ముఖ్యంగా ట్రాన్స్‌ జెండర్‌గా మారిన తర్వాత తన హవాభావవాలు, నటన చాలా సహజంగా ఉంటుంది. ఇక కార్తిగా రిషికాంత్‌ కూడా చక్కగా నటించాడు. వీరిద్దరి కెమిస్ట్రీ బాగా వర్కౌట్‌ అయింది. కీర్తి సురేశ్‌ తెరపై కనిపించేది కాసేపే అయినా..గుర్తిండిపోయే పాత్ర చేసింది. మిగిలిన నటీటనలు తమ పాత్రల పరిధిమేర చక్కగా నటించారు. సాంకేతికంగా సినిమా పర్వాలేదు. ఇళయరాజా నేపథ్య సంగీతం సినిమాకు మరో ప్రధానబలం. పాటలు కూడా బాగుంటాయి. సినిమాటోగ్రఫీ బాగుంది. ఎడిటర్‌ తన కత్తెరకు ఇంకాస్త పని చెప్పాల్సింది. చాలా సాగదీత సీన్లు ఉన్నాయి. వాటిని కట్‌ చేసి నిడివి తగ్గిస్తే బాగుండేది. నిర్మాణ విలువలు బాగున్నాయి.

శివ కందుకూరి, ద్రిషికా చందర్‌ హీరో హీరోయిన్లుగా రాజ్‌ కందుకూరి నిర్మిస్తున్న తాజా చిత్రం ‘టాల్కమ్‌ పౌడర్‌’. సాయినాథ్‌ పొన్నా రచన, దర్శకత్వం వహించిన ఈ సినిమా నవంబరు 13న విడుదల కానుంది. తాజాగా ఈ మూవీ ఫస్ట్‌ గ్లింప్స్‌ని రిలీజ్‌ చేశారు.‘‘బంటీ అనే డ్రగ్‌ పెడ్లర్‌ చుట్టూ ‘టాల్కమ్‌ పౌడర్‌’ కథ సాగుతుంది. తెలియక చేసిన ఓ తప్పు కారణంగా బంటీ అనూహ్యమైన పరిస్థితుల్లో చిక్కుకుంటాడు. ఆ చిక్కుల నుంచి అతను ఎలా బయటపడతాడు? అన్నది ఆసక్తికరంగా ఉంటుంది’’ అన్నారు మేకర్స్‌.

దినేష్‌ తేజ్, దష్విక .కె హీరో హీరోయిన్లుగా నటించిన చిత్రం ‘తత్వం’. అర్జున్‌ కోలా దర్శకత్వంలో శీమకుర్తి వంశీకృష్ణ, శ్వేత పసుపులేటి నిర్మించిన ఈ సినిమా నేడు విడుదలవుతోంది. ఈ నేపథ్యంలో దినేజ్‌ తేజ్‌ మాట్లాడుతూ– ‘‘ఈ కథ 2000 టైమ్‌లైన్‌తో సాగు తుంది.నమ్మకానికి, మూఢ నమ్మకానికి మధ్య చిన్న గీత ఉంటుంది. ఈ నేపథ్యంలో ఈ సినిమా సాగుతుంది. సినిమా చివర్లో హీరోకి ఏ తత్వం బోదపడింది? అన్నది కథ. కథలోని ట్విస్ట్‌లను ఊహించలేరు’’ అని చెప్పారు.

టైటిల్‌: డోంట్‌ ట్రబుల్‌ ది ట్రబుల్‌నటీనటులు: ఫహాద్‌ ఫాజిల్‌, బేబీ సారా, మహేశ్‌ మంజ్రేకర్‌, సౌరభ్‌ సచ్‌దేవ్‌, సుబ్బరాజ్‌ తదితరులునిర్మాణ సంస్థ: ఆర్కా మీడియా వర్స్స్‌నిర్మాతలు: ఎస్‌ ఎస్‌ కార్తికేయ, శోభూ యార్లగడ్డ, ప్రసాద్‌ దేవినేనిరచన-దర్శకత్వం: శశాంక్‌ ఏలేటిసంగీతం: కాల భైరవవిడుదల తేది: అక్టోబర్‌ 2, 2026మలయాళ స్టార్‌ ఫహద్‌ ఫాజిల్‌కు తెలుగులోనూ మంచి క్రేజ్‌ ఉంది. విభిన్నమైన కథలు, విలక్షణమైన నటనతో తెలుగు ప్రేక్షకులనూ ఆకట్టుకుంటున్నాడు. ఆయన నటించిన తాజా చిత్రం ‘డోంట్‌ ట్రబుల్‌ ది ట్రబుల్‌’ నేడు(అక్టోబర్‌ 2)ప్రేక్షకుల ముందుకు వచ్చింది. మరి ఈ సినిమా ప్రేక్షకులను ఎంతవరకు ఆకట్టుకుంది? ఫహద్‌ మరోసారి తన నటనతో మెప్పించారా? సినిమా ఎలా ఉంది? రివ్యూలో చూద్దాంకథేంటంటే.. సూరి(ఫహాద్‌ ఫాజిల్‌) ఓ అనాథ. అంబుల్‌లెన్స్‌ డ్రైవర్‌గా పని చేస్తూ. ఈజీ మనీకి అలవాటు పడతాడు. ఫ్రెండ్స్‌ దగ్గర పందెం కట్టడం..ఇల్లీగల్‌ పనులు చేస్తూ డబ్బును సంపాదిస్తుంటాడు. అలా ఆ ఏరియా డాన్‌ అస్లాం భాయ్‌(మహేశ్‌ మంజ్రేకర్‌)ని కూడా మోసం చేసి గొర్రె పొట్టేల పందెంలో గెలుస్తాడు. ఆ తర్వాత అసలు విషయం అస్లాంభాయ్‌కి తెలుస్తుంది. దీంతో సూరి దగ్గరకు వచ్చి రెండు నెలల్లో రూ. 25 లక్షలు ఇవ్వాలని, లేదంటే చంపేస్తామని హెచ్చరిస్తాడు. అంత డబ్బు సంపాదించడానికి మళ్లీ అడ్డుదారినే ఎంచుకుంటాడు. స్కూల్‌ బయట స్నేహితుడితో మ్యాజిక్ చేయిస్తూ.. స్కూల్ పిల్లలను కిడ్నాప్ చేసే ప్రయత్నం చేస్తాడు. అయితే ఆ ప్రయత్నం బెడిసి కొడుతుంది. అదే సమయంలో సూరికి బేబీ దివ్య పరిచయం అవుతుంది. ఆమెకి కొన్ని స్పెషల్ పవర్స్ ఉంటాయి. అసలు దివ్య ఎవరు? ఆమె నేపథ్యం ఏంటి? ఆమె సూరికి మాత్రమే ఎందుకు కనిపిస్తుంది? దివ్య పరిచయం తర్వాత సూరీ జీవితంలో వచ్చిన మార్పులు ఏంటి ?దివ్యకు ఉన్న స్పెషల్ పవర్స్ ని సూరి ఎలా వాడుకున్నాడు? చివరకు ఏం జరిగింది? అనేది తెలియాలంటే సినిమా చూడాల్సిందే.ఎలా ఉందంటే..రాజమౌళి కొడుకు నిర్మాత.. రాజమౌళి సమర్పణ.. ఇండియాలోనే గొప్ప నటుల్లో ఒకరైన ఫహద్ ఫాజిల్‌ హీరో.. ఇవి చాలు సినీ ప్రియుడుకి డోంట్ ట్రబుల్ ది ట్రబుల్ సినిమా పై అంచనాలు పెట్టుకోవడానికి. అయితే అదే అంచనాలతో థియేటర్ కి వెళ్తే మాత్రం కొంతవరకు నిరాశ తప్పదు. కథలో కొత్తదనం లేకపోవడం కంటే, ఉన్న కథను ఆసక్తికరమైన స్క్రీన్‌ప్లేతో చెప్పలేకపోవడమే ప్రధాన సమస్య. ఫస్ట్ హాఫ్ స్లోగా సాగడం, సెకండాఫ్‌లోనూ సాగదీత ఉండటం, హీరో–బేబీ ఎమోషన్ పూర్తిగా వర్కౌట్ కాకపోవడం సినిమాకు మైనస్‌లు. అక్కడక్కడ కామెడీ, ఫహద్ ఫాజిల్ నటన, క్లైమాక్స్ మాత్రం కొంత ఉపశమనం ఇస్తాయి.అసలు కథను ప్రారంభించడానికి దర్శకుడు ఎక్కువ సమయం తీసుకున్నాడు ఇంకా చెప్పాలంటే ఫస్ట్ అఫ్ అంత సోసోగానే ఉంటుంది. సూరి పాత్ర నేపథ్యాన్ని తెలియజేసే సన్నివేశాలతో సినిమా ప్రారంభమవుతుంది. సూరి డబ్బులు కోసం చిన్న, చిన్న తప్పులు చేసి దొరికిపోవడం.. చివరకు విలన్‌నే మోసం చేసి డబ్బులు తీసుకోవడం...అతను వచ్చి వార్నింగ్‌ ఇవ్వడంతో సినిమాపై ఆసక్తి పెరుగుతుంది. బేబీ దివ్య ఎంట్రీ తర్వాత సినిమా జోనర్ పూర్తిగా మారిపోతుంది. ద్వితియార్థంలోనే అసలు కథ ప్రారంభం అవుతుంది. అయితే ఇక్కడ కూడా కథనం పరుగులు పెట్టించకుండా నెమ్మదిగా సాగదీస్తూ.. బోరింగ్‌గా సాగుతుంది. బేబీ దివ్యకు సంబంధించిన అసలు విషయం తెలిసిన తర్వాత కూడా మళ్లీ సాగదీత సన్నివేశాలతో ముందుకు నడిపించాడు. అక్కడక్కడ కామెడీ సీన్లు వర్కౌట్‌ అయ్యాయి కానీ.. హీరో, బేబీ ఎమోషల్‌ పూర్తి స్థాయిలో వర్కౌట్‌ కాలేదు. చాలా వరకు సాగదీతగా, లాజిక్‌ లెస్‌గా అనిపిస్తుంది. క్లైమాక్స్‌ కొంతవరకు ఆకట్టుకుంటుంది.ఎవరెలా చేశారంటే..ఫహాద్‌ పాజిల్‌ నటన గురించి ప్రత్యేకంగా చెప్పనక్కర్లేదు. ఎలాంటి పాత్రలోనైనా ఈజీగా ఒదిగిపోతాడు. సూరి పాత్రలోనూ ఆయన తనదైన సహజ నటనతో ఆకట్టుకున్నాడు. ఇక బేబీ సార పాత్ర కూడా ఈ సినిమాలో చాలా కీలకం. దివ్య పాత్రలో ఆమె ఒదిగిపోయింది. అమాయకపు మాటలు.. చూపులతో అందర్నీ ఆకట్టుకుంటుది. ఇక విలన్‌గా మహేశ్‌ మంజ్రేకర్‌ తెరపై కనిపించేది కాసేపే. అటు పూర్తిగా విలన్‌గా భయపెట్టలేదు..ఇటు కమెడియన్‌గా నవ్వించనూ లేదు. సౌరవ్‌ సచ్‌దేవ్‌, వెంకటేష్‌ కాకుమాను, సుబ్బరాజ్‌ తదితరులు తమ పాత్రల పరిధిమేర నటించారు. సాంకేతికంగా సినిమా పర్వాలేదు. కాల భైరవ నేపథ్య సంగీతం బాగుంది. పాటలు ఓకే. సినిమాటోగ్రఫీ బాగుంది. ఎడిటర్‌ తన కత్తెరు ఇంకాస్త పని చెప్పాల్సింది. సినిమాలో చాలా వరకు సాగదీత సీన్లు ఉన్నాయి..వాటిని మరింత క్రిస్పీగా కట్‌ చేయాల్సింది. నిర్మాణ విలువలు బాగున్నాయి. -అంజి శెట్టె, సాక్షి వెబ్‌డెస్క్‌

‘‘నిర్మాత కృష్ణగారు రైటర్‌ నందుతో నాకు ఈ ‘తెల్ల కాగితం’ కథ చెప్పినప్పుడే 2000 నేపథ్యంలో సాగే ఎంతో స్వచ్ఛమైన, అమాయకమైన ప్రేమకథగా అనిపించింది. మా ‘కొత్త బంగారు లోకం’ సినిమాలో ఎలాంటి అమాయకత్వంతో కూడిన ప్రేమకథ ఉందో... ఇందులోనూ అలాంటి ఫీల్‌ కనిపించింది’’ అని నిర్మాత ‘దిల్‌’ రాజు తెలిపారు. హర్ష్ రోషన్ , నక్షత్ర జంటగా నటించిన చిత్రం ‘తెల్ల కాగితం’. రమేష్‌ బండ్రెడ్డి దర్శకత్వంలో అరుణాచల క్రియేషన్స్ పై కృష్ణ కొమ్మాలపాటి నిర్మించిన ఈ చిత్రం నేడు విడుదలవుతోంది. ఈ సినిమా ప్రీ రిలీజ్‌ ఈవెంట్‌కి ‘దిల్‌’ రాజు, దర్శకులు అనిల్‌ రావిపూడి, కొరటాల శివ, చందు మొండేటి, వశిష్ట, శైలేష్‌ కొలను, రామ్‌ జగదీష్‌ అతిథులుగా హాజరయ్యారు. రమేష్‌ బండ్రెడ్డి మాట్లాడుతూ– ‘‘మా అమ్మకి చెప్పినట్లే, ఆమెతో పాటు నా కుటుంబం, స్నేహితులు గర్వపడేలాంటి ‘తెల్ల కాగితం’ సినిమా తీశాను’’ అని పేర్కొన్నారు.

‘సుడిగాలి’ సుధీర్‌ హీరోగా నటించిన చిత్రం ‘జీవోఏటీ’ (గోట్‌). ‘గ్రేటెస్ట్‌ ఆఫ్‌ ఆల్‌టైమ్స్‌’ అనేది ఉపశీర్షిక. దివ్యభారతి హీరోయిన్‌గా నటించారు. వేదవ్యాస్‌ దర్శకత్వంలో చంద్రశేఖర్‌ రెడ్డి మొగుళ్ళ ఈ చిత్రాన్ని నిర్మించారు. కాగా, ఏషియన్‌ సినిమాస్‌ సమర్పణలో నవంబరు 12న ఈ సినిమాను విడుదల చేయనున్నామని మేకర్స్‌ ప్రకటించారు. ‘‘కమర్షియల్‌ హంగులతో ఉంటూనే, నేటి యువతను ఆలోచింపజేసేలా ఈ కథనం ఉంటుంది. సుధీర్‌ కెరీర్‌లో ఈ మూవీ ఒక మైల్‌స్టోన్‌గా నిలుస్తుంది’’ అని యూనిట్‌ పేర్కొంది.

స్వాతంత్య్ర సమరయోధులు, జాతి పిత మహాత్మా గాంధీ జీవితం ఆధారంగా ఇప్పటికే ఎన్నో సినిమాలు, వెబ్‌ సిరీస్‌లు, డాక్యుమెంటరీలు ప్రేక్షకుల ముందుకు వచ్చాయి. తాజాగా మరికొన్ని సినిమాలు రూపొందుతున్నాయి. నేడు గాంధీ జయంతి సందర్భంగా ఈ సినిమాలు, సిరీస్‌ల గురించి తెలుసుకుందాం.గాంధీ అండ్‌ మై మదర్‌ ... మహాత్మ గాంధీ జీవితంలోని ఓ కీలక అధ్యాయంతో సినిమా తెరకెక్కిస్తున్నట్లు దర్శకుడు సుధీర్‌ మిశ్రా తెలిపారు. ఒకవైపు దేశ స్వాతంత్య్ర సంబరాలకు సిద్ధం అవుతుంటే, ఢిల్లీ అధికారిక కేంద్రంగా మారుతున్న తరుణంలో గాంధీజీ తీసుకున్న ఒక అనూహ్య నిర్ణయం ఏంటి? ఆ సమయంలో ఆయన జీవితంలో 21 రోజుల పాటు ఏం జరిగింది? అన్న అంశాల నేపథ్యంలో ఈ మూవీ సాగుతుందని సుధీర్‌ మిశ్రా పేర్కొన్నారు. ఈ చిత్రానికి ప్రస్తుతానికి ‘గాంధీ అండ్‌ మై మదర్‌’ అనే టైటిల్‌ను అనుకుంటున్నారని సమాచారం. ఈ చిత్రంలో గాంధీజీ పాత్రలో మనోజ్‌ బాజ్‌పేయి నటిస్తున్నారు. సౌరభ్‌ శుక్లా ఓ లీడ్‌ రోల్‌ చేస్తున్నారు. అనుభవ్‌ సిన్హా, నరేంద్ర హిరావత్‌ ఈ సినిమాను నిర్మిస్తున్నారు. గాంధీ... గాంధీజీ జీవితం ఆధారంగా దర్శకుడు హన్సల్‌ మెహతా తెరకెక్కిస్తున్న వెబ్‌ సిరీస్‌ ‘గాంధీ’. ఈ సిరీస్‌లో గాంధీజీ పాత్రలో ప్రతీక్‌ గాంధీ నటిస్తున్నారు. మోహన్‌దాస్‌ కరమ్‌చంద్‌ గాంధీ అనే ఒక సాధారణ యువకుడి స్థాయి నుంచి మహాత్మా గాంధీగా ఎలా మారారు? అనే ప్రయాణం నేపథ్యంలో ఈ సిరీస్‌ సాగుతుంది. 2025లో జరిగిన 50వ టోరంటో ఫిల్మ్‌ ఫెస్టివల్‌లో ఈ సిరీస్‌లోని రెండు ఎపిసోడ్స్‌ని ప్రదర్శించారు. ప్రముఖ చరిత్రకారుడు రామచంద్ర గుహ రాసిన ‘గాంధీ బిఫోర్‌ ఇండియా’, ‘గాంధీ: ది ఇయర్స్‌ దట్‌ చేంజ్డ్‌ ది వరల్డ్‌’ పుస్తకాల ఆధారంగా ఈ సిరీస్‌ను మల్టీ–సీజన్‌ డ్రామాగా అప్లాజ్‌ ఎంటర్‌టైన్‌మెంట్‌ సంస్థ అందించనుంది. ఈ సిరీస్‌ స్ట్రీమింగ్‌పై అధికారిక ప్రకటన రావాల్సి ఉంది. ఫౌజీలో...? వెండితెరపై మరోసారి మహాత్మా గాంధీ పాత్రలో కనిపించనున్నారట అనుపమ్‌ ఖేర్‌. వివేక్‌ అగ్నిహోత్రి దర్శకత్వం వహించిన ‘ది బెంగాల్‌ ఫైల్స్‌’ చిత్రంలో మహాత్మా గాంధీగా అనుపమ్‌ ఖేర్‌ నటించారు. కాగా, ప్రభాస్‌ హీరోగా నటిస్తున్న చిత్రం ‘ఫౌజీ’లోనూ గాంధీ పాత్రలో అనుపమ్‌ ఖేర్‌ నటిస్తున్నారనే ప్రచారం సాగుతోంది. ఈ దేశభక్తి బ్యాక్‌డ్రాప్‌ చిత్రానికి హను రాఘవపూడి దర్శకత్వం వహిస్తున్నారు.ఈ చిత్రంలో ఇమాన్వీ ఎస్మాయిల్‌ హీరోయిన్‌గా, మిథున్‌ చక్రవర్తి, అనుపమ్‌ ఖేర్, జయప్రద, భాను చందర్‌ కీలక పాత్రల్లో నటిస్తున్నారు. నవీన్‌ ఎర్నేని, వై. రవిశంకర్‌ నిర్మిస్తున్న ‘ఫౌజీ’ చిత్రం వచ్చే ఏడాది రిలీజ్‌ కానుంది. ఇలా గాంధీజీ జీవితం నేపథ్యంలో రూపొందుతున్న సినిమాలు, వెబ్‌ సిరీస్‌లు మరికొన్ని ఉన్నట్లు తెలుస్తోంది.

నాగార్జున కెరీర్‌లోని క్లాసిక్‌ లవ్‌స్టోరీ సినిమా ‘గీతాంజలి’ మళ్లీ థియేటర్స్‌లోకి రానుంది. నాగార్జున, గిరిజ హీరో హీరోయిన్లుగా మణిరత్నం దర్శకత్వంలో రూపొందిన చిత్రం ‘గీతాంజలి’ (1989). ఈ బ్లాక్‌బస్టర్‌ సినిమా తెలుగు, తమిళ భాషల్లో 4కె వెర్షన్‌లో నవంబరు 13న రీ రిలీజ్‌ కానుంది. బూర్లె శివ ప్రసాద్‌ నేతృత్వంలోని శ్రీ పద్మిని సినిమాస్‌ ఈ సినిమాను రీ రిలీజ్‌ చేయనుంది. ‘‘గీతాంజలి’ సినిమాను ప్రేమించిన ప్రేక్షకులు, ఈ లేటెస్ట్‌ వెర్షన్‌తో మరోసారి ఆ మధురానుభూతిని థియేటర్స్‌లో ఆస్వాందించవచ్చు’’ అని యూనిట్‌ పేర్కొంది. ఈ చిత్రానికి ఇళయరాజా సంగీతం అందించారు.

వరుస విజయాలతో టాలీవుడ్‌లో తనకంటూ ప్రత్యేక గుర్తింపు తెచ్చుకున్న దర్శకుడు అనీల్ రావిపూడి. ఇప్పటివరకు ఆయన తన మార్క్ ఎంటర్టైన్మెంట్, కమర్షియల్ సినిమాలకే ఎక్కువగా ప్రాధాన్యం ఇచ్చారు. అయితే ఇప్పుడు ఆయన మరో కొత్త జానర్‌లోకి అడుగుపెట్టబోతున్నారనే వార్తలు వినిపిస్తున్నాయి.తాజాగా అనీల్ రావిపూడి యానిమేషన్ నేపథ్యంలో రామాయణం కథతో ఓ ప్రాజెక్ట్ తెరకెక్కించేందుకు ప్లాన్ చేస్తున్నారనే రూమర్స్ ప్రస్తుతం వైరల్ అవుతున్నాయి. అయితే దీనిపై ఇంకా ఎలాంటి అధికారిక ప్రకటన రాలేదు. అయితే ఇది ఒకింత ఆశ్చర్యకరమైన విషయమే. కానీ కేవలం కామెడీ చిత్రాలు మాత్రమే కాకుండా సాలిడ్ సీరియస్ సబ్జెక్ట్‌లు కూడా తాను చేయగలరని భగవంత్ కేసరి సినిమాతో ఆయన ఆల్రెడీ ప్రూవ్ చేశారు. ఈ కొత్త ప్రాజెక్ట్‌పై మరింత క్లారిటీ రావాలంటే అధికారిక ప్రకటన కోసం వేచి చూడాల్సిందే.మరోవైపు వెంకటేశ్, కల్యాణ్‌ రామ్‌ హీరోలుగా నటిస్తున్న ‘జనవరి 12 విడుదల’ సినిమా చిత్రీకరణతో ప్రస్తుతం అనిల్‌ రావిపూడి బిజీగా ఉన్న సంగతి తెలిసిందే. ఈ చిత్రం 2027 సంక్రాంతికి విడుదల కానుంది.

సెప్టెంబర్ జ్ఞాపకాల్లో హీరోయిన్ సాక్షి అగర్వాల్..బంగారంలా మెరిసిపోతున్న డీజే టిల్లు బ్యూటీ..హాఫ్ శారీలో మరింత అందంగా విష్ణుప్రియ..మెరూన్ డ్రెస్‌లో సోనాలి బింద్రే గ్లామర్..కళ్లతోనే కవ్విస్తోన్న హీరోయిన్ ప్రియాంక మోహన్.. View this post on Instagram A post shared by Priyanka Mohan (@priyankaamohanofficial) View this post on Instagram A post shared by Sonali Bendre (@iamsonalibendre) View this post on Instagram A post shared by Sakshi Agarwal (@iamsakshiagarwal) View this post on Instagram A post shared by Sahithi Dasari (@sahithi_dasari7) View this post on Instagram A post shared by Vishnu Priya Bhimeneni (@vishnupriyabhimeneni) View this post on Instagram A post shared by Neha Sshetty (@iamnehashetty)

జగన్ జోగిరాజ్, సాగర్ కిరణ్, వికాస్ చైతన్య, సంగన డుగ్గు, సురభి దీప్తి, దీప్తి పద్మనిమ్మనగోటి ప్రధాన పాత్రల్లో నటిస్తున్న సినిమా "కుకూన్స్". ఈ చిత్రాన్ని న్యూ వేవ్ పిక్చర్స్, ఎం ఆర్ట్స్ ఎంటర్‌టైన్‌మెంట్స్ బ్యానర్స్‌పై సుకేశ్ పొట్ల, మమత రెడ్డి కాసం, మహేశ్ గౌరి నిర్మిస్తున్నారు. ఈ సినిమాకు మహేశ్ గౌరి దర్శకత్వం వహిస్తున్నారు . ఈ మూవీని యూత్ అండ్ ఫ్యామిలీ ఎంటర్‌టైనర్‌గా తెరకెక్కిస్తున్నారు. ఈ సినిమా త్వరలో ప్రేక్షకుల ముందుకు రాబోతోంది. తాజాగా ఈ మూవీ ఫస్ట్ లుక్ పోస్టర్‌ రిలీజ్ చేశారు మేకర్స్. డైరెక్టర్ అనిల్ రావిపూడి చేతుల మీదుగా విడుదల చేశారు.ఈ సందర్భంగా అనిల్ రావిపూడి మాట్లాడుతూ..'కుకూన్స్ సినిమా పోస్టర్ రిలీజ్ చేయడం హ్యాపీగా ఉంది. ఈ పోస్టర్ కొత్తగా ఆకట్టుకుంది. డైరెక్టర్ మహేశ్ గౌరి సరికొత్త ఆలోచనలు ఈ పోస్టర్‌లో కనిపిస్తున్నాయి. టైటిల్ కూడా చాలా బాగుంది. ఈ సినిమాలో వన్ ఆఫ్ ది లీడ్ రోల్ చేసిన వికాస్ గతంలో డ్రామా జూనియర్స్ ప్రోగ్రాంకు మెంటార్‌గా పనిచేశారు. ఇప్పుడీ చిత్రంతో నటుడిగా ప్రేక్షకుల ముందుకు రాబోతున్నారు. జగన్, సాగర్, వికాస్‌తో పాటు మిగతా టీమ్ అందరికీ నా బెస్ట్ విషెస్' తెలిపారు. ఈ సినిమాకు బీఎన్ ఆదిత్య సంగీతమందిస్తున్నారు. The motion poster of #Cocoons has been launched by the energetic director @AnilRavipudi 💥Cocoons - sounds cute, but there’s definitely something fun brewing inside🔥 pic.twitter.com/vv7yvQRFkV— Vamsi Kaka (@vamsikaka) October 1, 2026

ప్రముఖ సంగీత దర్శకుడు ఇళయరాజాకు సుప్రీంకోర్టు ఝలక్ ఇచ్చింది. మూడు పాని చిత్రంలోని పాట వివాదంలో ఢిల్లీ హైకోర్టు ఇచ్చిన తీర్పులో జోక్యం చేసుకోలేమని అత్యున్నత న్యాయస్థానం తేల్చి చెప్పింది. ఈ సినిమాలోని ‘ఎన్ ఇనియ పొన్ నిలవే’ పాట కాపీరైట్‌ వివాదంలో ఇళయరాజా చేసిన అప్పీల్‌ను సుప్రీం ధర్మాసనం తోసిపుచ్చింది. దీంతో ఈ కేసులో ఆయనకు ఎదురుదెబ్బ తగిలింది.సినిమా పాటల్లో కేవలం ట్యూన్‌పై మాత్రమే ఇళయరాజాకు హక్కు ఉంటుందని సుప్రీ స్పష్టం చేసింది. సాహిత్యం, సౌండ్ రికార్డింగ్‌ కాపీరైట్ హక్కులు ఆయనకు చెందవని తెలిపింది. నిర్మాత నుంచి హక్కులు పొందిన ‘సరిగమ’ మ్యూజిక్ లేబుల్‌కు అనుకూలంగా ఢిల్లీ హైకోర్టు ఇచ్చిన ఉత్తర్వులను అత్యున్నత న్యాయస్థానం సమర్థించింది.కాగా.. అఘతియా చిత్రంలో రీక్రియేటెడ్ వర్షన్ లైసెన్స్ వివాదంపై ఇళయరాజా పిటిషన్‌ దాఖలు చేశారు. 1980లో విడుదలైన ‘మూడు పాని’ సినిమాలోని ‘ఎన్ ఇనియ పొన్ నిలవే’ పాటను గతేడాది విడుదలైన ‘అఘతియా’ చిత్రంలో రీక్రియేట్‌ చేశారు. అయితే తన అనుమతి లేకుండా తన పాట రీక్రియేట్‌ చేయడంపై ఇళయరాజా కోర్టును ఆశ్రయించారు. మరోవైపు తమ సంస్థ కాపీరైట్‌ పొందిన సినిమాల పాటలకు ఇళయరాజా హక్కు కోరుతున్నారని.. వాటిని వాణిజ్యపరంగా ఉపయోగిస్తున్నట్లు సరిగమ కూడా కోర్టులో పిటిషన్‌ వేసింది. దీనిపై ఢిల్లీ హైకోర్టు గతంలో విచారణ జరిపి స్టే విధించింది. దీన్ని సవాలు చేస్తూ ఇళయరాజా సుప్రీంకోర్టును ఆశ్రయించగా.. ఆయనకు చుక్కెదురైంది.

కొంతమంది కావాలనీ తన సినిమాపై నెగెటివ్‌ ప్రచారం చేస్తున్నారని హీరో సందీప్‌ కిషన్‌ ఆరోపించారు. ఇది ఇలానే కొనసాగితే కచ్చితంగా భారీ మూల్యం చెల్లించుకుంటారని హెచ్చిరించాడు. తమిళనాడు ముఖ్యమంత్రి విజయ్‌ తనయుడు జాసన్‌ సంజయ్‌ దర్శకత్వంలో సందీప్‌ కిషన్‌ హీరోగా నటించిన తాజా చిత్రం ‘సిగ్మా’. ఫరియా అబ్దుల్లా హీరోయిన్‌గా నటించిన ఈ చిత్రం అక్టోబర్‌ 2న విడుదల కానుది. ఈ నేపథ్యంలో గత రెండు రోజులుగా ఈ సినిమాపై సోషల్‌ మీడియాలో విపరీతమైన నెగెటివ్‌ ప్రచారం జరుగుతోంది. అయితే విడుదలకు ముందే ఇలా నెగెటివ్‌ పోస్టులు వేయడం పట్ల సందీప్‌ తీవ్ర అసహనం వ్యక్తం చేశాడు. దీని వెనుక ఎవరు ఉన్నారో తనకు తెలుసుని.. ఇది ఇలాగే కొనసాగితే తగిన మూల్యం చెల్లించుకోక తప్పదని హెచ్చిరించాడు.(ఇదీ చదవండి: ఓటీటీల్లో ఒక్క రోజే 12 చిత్రాలు.. ఆ రెండు డోంట్‌ మిస్..!)‘గత కొన్ని రోజులుగా నన్ను, నా కొత్త సినిమాను టార్గెట్‌ చేస్తూ నెగెటివ్‌ పోస్టులు పెడుతున్నారు. దీని వెనుక ఉన్నదెవరో నాకు తెలుసు. ఎవరెవరు డబ్బులు ఇచ్చారో కూడా తెలుసు. ఇది ఇలానే కంటిన్యూ చేస్తే తగిన మూల్యం చెల్లించుకుంటారు. మీకో విషయం గుర్తు చేస్తున్నా.. నాకంటే మీరే ఎక్కువ నష్టపోతారు. డైరెక్ట్‌ అయిపోతే అందరూ దొరికిపోతారు మరి.. చూసుకోండి’ అని సందీప్‌ ట్వీట్‌ చేశడు.లైకా ప్రొడక్షన్స్‌ పతాకంపై సుభాస్కరన్‌ నిర్మించిన ఈ చిత్రాన్ని తెలుగులో మైత్రీ మూవీ డిస్ట్రిబ్యూటర్స్‌ లిమిటెడ్, ఎన్‌.వి.ఆర్‌ సినిమా సంస్థలు విడుదల చేస్తున్నాయి. ఇటీవల హైదరాబాద్‌లో ప్రీరిలీజ్‌ ఈవెంట్‌ నిర్వహించగా.. చిరంజీవి ముఖ్య అతిథిగా వచ్చి చిత్రబృందాన్ని అభినందించారు. ఈ వారం రిలీజ్‌ అవుతున్న చిత్రాల్లో సిగ్మాపై తమిళంతో పాటు తెలుగులోనూ మంచి అంచనాలే ఉన్నాయి. I see a lot of targeted anti Tweets coming at me & my film over the last few days lol I know exactly the people behind this & paying for this as well… Just reminding you that you have more to lose than me..Direct ayipithe andaru dorikipitharu mari.. choosukondi :)— Sundeep Kishan (@sundeepkishan) October 1, 2026

ఐకాన్ స్టార్ అల్లు అర్జున్‌ ఫ్యామిలీ కొత్త అధ్యాయానికి నాంది పలికారు. ఇవాళ అల్లు అర్జున్‌ తాత అల్లు రామలింగయ్య జయంతి సందర్భంగా కొత్త కార్యాలయానికి శ్రీకారం చుట్టారు. ఐకాన్‌జా పేరుతో ఈ నూతన కార్యాలయాన్ని ప్రారంభించారు. ఈ విషయాన్ని బన్నీ సోషల్ మీడియాలో పంచుకున్నారు. అల్లు రామలింగయ్య జయంతి సందర్భంగా న్యూ ఆఫీస్.. న్యూ బిగినింగ్.. కొత్త అధ్యాయం ప్రారంభం అని ఫోటో షేర్ చేశారు. ఇందులో అల్లు అరవింద్ దంపతులు, చిరంజీవి సతీమణి సురేఖ, శిరీష్-నైనిక, అల్లు వెంకటేష్ దంపతులు కనిపించారు.ఇక ‍అల్లు అర్జున్ సినిమాల విషయానికొస్తే ప్రస్తుతం రాకా మూవీతో బిజీగా ఉన్నారు. ‍ఈ మూవీ కోలీవుడ్ స్టార్ డైరెక్టర్ అట్లీ దర్శకత్వం వహిస్తున్నారు. ఈ చిత్రంలో బన్నీ సరసన బాలీవుడ్ భామ దీపికా పదుకొణె హీరోయిన్‌గా కనిపించనుంది. ఈ మూవీ వచ్చే ఏడాది ప్రేక్షకుల ముందుకు రానుంది. ఈ చిత్రాన్ని సన్ పిక్చర్స్‌ పతాకంపై కళానిధి మారన్ నిర్మిస్తున్నారు. ICONZAA new office. A new beginning.On the birth anniversary of my grandfather, Allu Ramalingaiah garu.The start of a new chapter. 🖤#ICONZA #ARG pic.twitter.com/vK9KyvVrso— Allu Arjun (@alluarjun) October 1, 2026

చూస్తుండగానే మరో వీకెండ్ వచ్చేస్తోంది. ఈ శుక్రవారం గాంధీ జయంతి కావడంతో హాలీడే కలిసి రానుంది. ఈ ఫ్రైడే రాజమౌళి కొడుకు కార్తికేయ నిర్మాతగా ఫహాద్ ఫాజిల్ హీరోగా చేసిన 'డోంట్ ట్రబుల్ ద ట్రబుల్' మూవీతో పాటు దళపతి విజయ్ కొడుకు జేసన్ దర్శకుడిగా తొలిసారి చేసిన 'సిగ్మా', తెల్ల కాగితం, అనకాపల్లి, ప్రేమనే ఊరిలో లాంటి మూవీస్ ఈ వీకెండ్ బిగ్ స్క్రీన్స్‌పై సందడి చేయనున్నాయి.ఇక ఓటీటీల విషయానికొస్తే టాలీవుడ్ మూవీ మహేంద్రగిరి వారాహి స్ట్రీమింగ్‌కు రానుంది. దీంతో పాటు మలయాళ హిట్‌ సినిమా బెత్లెహమ్ కుటుంబ యూనిట్ ఓటీటీ ప్రేక్షకులను అలరించనుంది. వీటితో పాటు బాలీవుడ్‌, హాలీవుడ్‌ చిత్రాలు ఈ శుక్రవారం ఓటీటీల్లో సందడి చేయనున్నాయి. ఏయే మూవీ ఎక్కడ స్ట్రీమింగ్ కానుందో మీరు కూడా ఓ లుక్కేయండి.నెట్‌ఫ్లిక్స్ ​‍#లవ్ (తెలుగు డబ్బింగ్ సిరీస్) - అక్టోబరు 02 డూయింగ్ లైఫ్ (తెలుగు డబ్బింగ్ సినిమా) - అక్టోబరు 02 షూమాకర్ '94: ద బర్త్ ఆఫ్ ఏ లెజెండ్ (ఇంగ్లీష్ సిరీస్) - అక్టోబరు 02 టైలర్‌ పెర్రీస్ డూయింగ్ లైఫ్(హాలీవుడ్ మూవీ)- ‍అక్టోబర్ 02 బ్లూ బాక్స్- సీజన్ 2- (జపనీస్ సిరీస్)- అక్టోబర్ 04 జియో హాట్‌స్టార్ బెత్లెహెమ్ కుటుంబ యూనిట్ (తెలుగు డబ్బింగ్ సినిమా) - అక్టోబరు 02 వార్‌(హాలీవుడ్ సినిమా)- అక్టోబర్ 03 మార్షల్స్ సీజన్ 2 (ఇంగ్లీష్ సిరీస్) - అక్టోబరు 04 ట్రాకర్ సీజన్ 4 (ఇంగ్లీష్ సిరీస్) - అక్టోబరు 04అమెజాన్ ప్రైమ్మహేంద్రగిరి వారాహి(తెలుగు సినిమా)- అక్టోబర్ 02జీ5 పూజా మేరీ జాన్ (హిందీ సినిమా) - అక్టోబరు 02 మదర్ ప్రామిస్ (కన్నడ చిత్రం) - అక్టోబరు 02 ఈవిల్ డెడ్ బర్న్ (తెలుగు డబ్బింగ్ సినిమా) - అక్టోబరు 02 మడగాస్కర్- ఏ లిటిల్ వైల్డ్(హాలీవుడ్ మూవీ)- అక్టోబరు 02ఆపిల్ టీవీ ప్లస్..ద లాస్ట్ ఫస్ట్: వింటర్ కె2 (ఇంగ్లీష్ మూవీ) - అక్టోబరు 02హెచ్‌బీవో మ్యాక్స్..ఈవిల్‌డెడ్‌బర్న్ (హాలీవుడ్ మూవీ)- ‍అక్టోబర్ 02

దృశ్యం సిరీస్ సినిమాలకు ఉన్న క్రేజే వేరు. ఇప్పటికే వచ్చిన దృశ్యం చిత్రాలు ఆడియన్స్‌కు విపరీతంగా ఆకట్టుకున్నాయి. ఇప్పుడు బాలీవుడ్‌లో దృశ్యం- ది కంక్లూజన్ రిలీజ్‌కు అంతా సిద్ధమైంది. ఈ మూవీలో అజయ్ దేవగణ్ హీరోగా నటించారు. ఈ మూవీ అక్టోబర్ 2న థియేటర్లలో విడుదల కానుంది. ఇప్పటికే అడ్వాన్స్ బుకింగ్స్ ఓపెన్ కాగా.. టికెట్స్ హాట్ కేకుల్లా అమ్ముడవుతున్నాయి. ఈ జోరు చూస్తుంటే ఇండియాలో మొదటి రోజే రూ. 50 కోట్ల నెట్ వసూళ్లు సాధించేలా కనిపిస్తోంది.ఈ చిత్రానికి అభిషేక్ పాఠక్ దర్శకత్వం వహించారు. అడ్వాన్స్ బుకింగ్స్‌లో 'ధురందర్ 2' తర్వాత రెండవ అతిపెద్ద హిందీ చిత్రంగా నిలిచేలా కనిపిస్తోంది. ఈ ఏడాది 'మిర్జాపూర్: ది మూవీ' (రూ. 28.11 కోట్లు), 'బోర్డర్ 2' (రూ. 32.10 కోట్లు) లాంటి సినిమాలను అధిగమించనుంది. శుక్రవారం నాడు 5.35 లక్షలకు పైగా టిక్కెట్లను అమ్మగా.. రూ. 19.75 కోట్ల అడ్వాన్స్ అమ్మకాలను నమోదు చేసింది. ప్రముఖ ట్రేడ్ వెబ్‌సైట్ శాక్‌నిల్క్ ప్రకారం.. భారతదేశంలో అడ్వాన్స్ బుకింగ్‌ల ద్వారా రూ. 36.25 కోట్ల స్థూల వసూళ్లను రాబట్టనుంది. ఓవర్‌సీస్‌లో ఇప్పటికే రూ. 3 కోట్లకు పైగా వసూలు చేసింది. వారాంతపు అడ్వాన్స్ బుకింగ్స్‌ కలిపితే రూ. 5 కోట్లు దాటనుంది. ఓవరాల్‌గా చూస్తే ప్రపంచవ్యాప్తంగా థియేటర్లలోకి రాకముందే రూ. 50 కోట్లకు పైగా రాబట్టనుంది. ఈ చిత్రం ఇప్పటికే దృశ్యం 2 అడ్వాన్స్ అమ్మకాల రికార్డును దాటేసింది.కాగా.. ఈ చిత్రంలో అజయ్ దేవ్‌గన్.. తన కుటుంబ రహస్యాలను కాపాడటానికి ఏదైనా చేసే ఒక కుటుంబ పెద్ద అయిన విజయ్ సాల్గావ్‌కర్ పాత్రలో కనిపించనున్నారు. ఈ మూవీలో పాటు శ్రియా శరన్, ఇషితా దత్తా, టబు, జైదీప్ అహ్లావత్, మృణాల్ జాదవ్ కీలక పాత్రల్లో నటిస్తున్నారు.

ఫిల్మ్‌ చాంబర్‌ దగ్గర తీవ్ర ఉద్రిక్తత చోటు చేసుకుంది. ఫెడరేషన్ సమావేశంలోకి జానీమాస్టర్ సతీమణి సుమలత దూసుకొచ్చింది. ఫెడరేషన్‌ నాయకులతో సుమలత వాగ్వాదానికి దిగింది. సమావేశానికి తనను అనుమతించలేదని ఆగ్రహం వ్యక్తం చేసింది. అనంతరం ఛాంబర్ బయటే సుమలకు ఆందోళనకు దిగారు. డాన్సర్స్‌ అసోసియేషన్‌ అధ్యక్షురాలిగా తనను సమావేశానికి ఎందుకు అనుమతించలేదని సుమలత ప్రశ్నించారు. కాగా.. గత కొంతకాలంగా ‘తెలుగు సినీ డ్యాన్సర్స్ అసోసియేషన్’లో వరుస వివాదాలు కొనసాగుతున్నాయి. డ్యాన్సర్స్ అసోసియేషన్ అధ్యక్షురాలిగా ఉన్న సుమలత(జానీ మాస్టర్‌ సతీమణి)ను పదవి నుంచి తొలగిస్తూ.. ప్రస్తుత కార్యవర్గాన్ని ఫెడరేషన్ రద్దు చేసిన సంగతి తెలిసిందే. ఈ క్రమంలో సుమలత, రఘు మాస్టర్ వర్గాల మధ్య విభేదాలు మరింత ముదిరాయి. తనను అసభ్య పదజాలంతో దూషించారంటూ సుమలత పోలీస్ స్టేషన్‌లో ఫిర్యాదు చేయడంతో వివాదం మరింత చర్చనీయాంశమైంది. ఈ వివాదం మరింత ముదిరి టాలీవుడ్‌లో హాట్‌టాపిక్‌గా మారింది.

నాని హీరోగా వచ్చిన లేటేస్ట్ యాక్షన్‌ మూవీ ది ప్యారడైజ్. ఈ చిత్రానికి శ్రీకాంత్ ఓదెల దర్శకత్వం వహించారు. గుర్తింపు లేని సవారీలు ‍అనే జాతి పోరాడే కథాంశంగా ఈ మూవీని ప్రేక్షకుల ముందుకు తీసుకొచ్చారు. ప్యారడైజ్ ప్రాంతం నేపథ్యంలో ఈ కథను తెరకెక్కించారు. ఈ సినిమా ప్రస్తుతం బాక్సాఫీస్ వద్ద సందడి చేస్తోంది.ఈ మూవీలో టాలీవుడ్ నటుడు మోహన్‌ బాబు కీలక పాత్రలో మెప్పించారు. శికంజమాలిక్‌ రోల్‌లో ఆడియన్స్‌ను భయపెట్టేశారు. తాజాగా తన రోల్‌కు సంబంధించి మోహన్ బాబు మాట్లాడారు. ఎందుకు చేశారు అంటే కారణం చెప్పలేను కానీ... అదేదో ఒప్పుకునేశానని అన్నారు. నాని అంటే నాకు ఇష్టమని.. అందుకే ఓకే చెప్పానన్నారు. అయితే దర్శకుడు శ్రీకాంత్ ఓదెల తనను మోసం చేశాడన్నారు. తనకు జోడీగా ఓ హీరోయిన్‌ ఉంటుందని చెప్పి, షూటింగ్‌ మొదలయ్యాక మాట మార్చాడని సరదాగా అన్నారు. నాకు ఇచ్చిన రోల్‌ చాలా భయంకరమైనది.. గర్భిణీ స్త్రీలను నరకడం లాంటి క్యారెక్టర్‌ ఇచ్చారని మోహన్ బాబు గుర్తు చేసుకున్నారు. #TheParadise ఎందుకు చేశారు అంటే కారణం చెప్పలేను కానీ... అదేదో ఒప్పుకునేశా Post Release Chit Chat ft. Natural Star @NameisNani, @themohanbabu Garu & @odela_srikanth out now ▶️https://t.co/GNC67WJqmP pic.twitter.com/TFGw9JalMG— Sai Satish (@PROSaiSatish) October 1, 2026

ఇటీవల సంపూర్ణేశ్‌ బాబుతో ఇంటర్వ్యూతో వివాదానికి కారణమైన జర్నలిస్ట్.. మరోసారి వార్తల్లో నిలిచారు. ఓ మహిళ నిర్మాతతో మళ్లీ అసభ్యంగా మాట్లాడారు. మహిశ నిర్మాత చైతన్య రెడ్డిని ఇంటర్వ్యూ చేస్తూ అభ్యంతరకర పదాలు వాడారు. దీంతో మరోసారి ఆయనపై నెటిజన్స్‌ మండిపడుతున్నారు. ఇలాంటి వాళ్ల ఇంటర్వ్యూలను బ్యాన్ చేయాలని డిమాండ్ చేస్తున్నారు.కాగా.. ఇటీవల ది ప్యారడైజ్ నటుడు సంపూర్ణేశ్ బాబును జర్నలిస్ట్ ఇంటర్వ్యూ చేశాడు. సినిమా బ్యాక్‌గ్రౌండ్ లేదు.. హీరో అయ్యేంత నీలో ఏముంది? అసలు సినిమాల్లోకి ఎందుకు వచ్చావు? ఎందుకు అంత దురద? ‘ది ప్యారడైజ్’లో అవకాశం రావడం నీ కెరీర్‌లో ఊహించని మలుపు. ఇలాంటి సినిమాల్లో నీకు ఎవరు అవకాశం ఇస్తారు?’ అంటూ ప్రశ్నించారు. దీనిపై పెద్దఎత్తున విమర్శలొచ్చాయి. చీవాట్లు పడినా.. తీరు మార్చుకోని ఫిల్మ్ జర్నలిస్ట్ నాగేంద్ర కుమార్ఇటీవల సంపూర్ణేష్ బాబుపై అనుచిత వ్యాఖ్యలు చేసి తీవ్ర విమర్శలు ఎదుర్కొన్న నాగేంద్రమర్యాద లేకుండా.. అవమానకర రీతిలో ప్రశ్నలు అడిగాడంటూ దుమ్మెత్తిపోసిన నెటిజన్లుఅయినా తీరు మార్చుకోకుండా.. మహిళా నిర్మాత చైతన్య… pic.twitter.com/KCUZxAldfd— PulseNewsBreaking (@pulsenewsbreak) October 1, 2026

సుమంత్, ఐశ్వర్యా రాజేష్‌ లీడ్‌ రోల్స్‌లో వచ్చిన మూవీ మహేంద్రగిరి వారాహి. ఈ సినిమాకు సంతోశ్ జాగర్లపూడి దర్శకత్వం వహించారు. ఈ చిత్రం సెప్టెంబర్ 11న థియేటర్లలో విడుదలైంది. డివోషనల్‌ థ్రిల్లర్‌గా వచ్చిన ఈ చిత్రం పెద్దగా ఆడియన్స్‌ను మెప్పించలేకపోయింది.తాజాగా ఈ చిత్రం ఓటీటీలో సందడి చేసేందుకు వచ్చేస్తోంది. అమెజాన్ ప్రైమ్ వేదికగా సినీ ప్రియులను అలరించేందుకు వస్తోంది. ఈనెల 2వ తేదీ నుంచే అమెజాన్‌ ప్రైమ్‌లో స్ట్రీమింగ్ కానుంది. ఈ విషయాన్ని అఫీషియల్‌గా ప్రకటించారు మేకర్స్. ఈ చిత్రంలో సిద్ధు జొన్నలగడ్డ, వెన్నెల కిషోర్‌, మీనాక్షి గోస్వామి, బ్రహ్మానందం, మంజు భార్గవి, వంశీ చాగంటి, కమల్‌ కామరాజు కీలక పాత్రల్లో నటించారు. కాగా..ఈ చిత్రాన్ని బ్రిడ్జ్ ఫిలిమ్స్, రాజా శ్యామల ఎంటర్టైన్మెంట్స్ బ్యానర్లపై నిర్మించారు. మహేంద్రగిరి వారాహి కథేంటంటే.. మహేంద్రగిరి రాజవంశస్థులకు ఓ శాపం ఉంటుంది. ఆ వంశంలో పుట్టిన ప్రతి మగబిడ్డ 33వ పుట్టినరోజున మరణిస్తాడు. ఈ శాపం 200 ఏళ్లుగా కొనసాగుతూనే ఉంటుంది. అలా 1993లో ఆ వంశంలో పుట్టిన రాజేంద్ర వర్మ(సిద్దు జొన్నలగడ్డ)మరణిస్తాడు. ఇక ఈ సారి రాజేంద్రవర్మ అల్లుడు, ఆ రాజవంశానికి వారసుడు నరేంద్ర వర్మ(వంశీ చాగంటి) కూడా మరణిస్తాడని పూజారులు చెప్తారు. కథలో ఇదో భాగం.. మరోవైపు హైదరాబాద్‌కు చెందిన యూట్యూబర్‌ సిద్ధు అలియాస్‌ సిద్ధార్థ్‌(సుమంత్‌)..దెయ్యాలు, దేవుళ్ల పేరుతో కొంతమంది జనాలను మోసం చేస్తున్నారనేది ఆధారాలతో బయటపెడుతుంటాడు. అతని పెరెంట్స్‌తో పాటు అన్నయ్య రాజీవ్‌(కమల్‌ కామరాజు) కూడా దేవుడిని నమ్ముతాడు. పెళ్లి దోషం పోయేందుకు మహేంద్రగిరి వారాహి అమ్మవారి ఆలయంలో పూజలు చేయమని చెప్పడంతో, రాజీవ్‌ తన బర్త్‌డే రోజు ఫ్యామిలీతో కలిసి అక్కడికి వెళ్తాడు. అదే సమయంలో నరేంద్ర వర్మ కూడా ఆలయానికి వస్తాడు. మొక్కులు చెల్లించుకుంటున్న సమయంలో గుడి ముందే ఉండే దున్నపోతు ఇద్దరినీ పొడిచి చంపేస్తుంది. సరిగ్గా 33వ పుట్టిన రోజు నాడే ఇది జరుగుతుంది. తన అన్న మరణం వెనుక ఉన్న రహస్యం ఏంటో తెలుసుకునేందుకు ప్రయత్నిస్తాడు సిద్ధు. ఈ క్రమంలో మహేంద్రగిరి రాజవంశం శాపం వెనుక ఉన్న అసలు విషయం తెలుస్తుంది. అదేంటి? రాజవంశస్తులకు శాపం ఉంటే.. రాజీవ్‌ ఎందుకు చనిపోవాల్సి వచ్చింది? అసలు 200 ఏళ్ల క్రితం ఆ శాపం ఎలా వచ్చింది? ఇప్పుడు జరుగుతున్న మరణాలకు నిజంగా అమ్మవారి శాపమే కారణమా లేదా దాని వెనుక ఎవరైనా ఉన్నారా? సిద్ధార్థ్‌ రీసెర్చ్‌లో తెలిసిన అసలు నిజాలు ఏంటి? అనేదే మిగతా కథ.

కన్నడ నటి రన్యా రావుకు భారీ షాక్‌ తగిలింది. బంగారం అక్రమ రవాణా కేసులో ఆమెకు కస్టమ్స్‌ శాఖ రూ.89 కోట్ల జరిమానా విధించింది. ఈ కేసులో రన్యాతో పాటు మరో ముగ్గురికి కలిపి రూ.244 కోట్లకు పైగా జరిమానా పడింది. 399 పేజీల తీర్పు ఉత్తర్వుల్లో కస్టమ్స్‌ జాయింట్‌ డైరెక్టర్‌ సందీప్‌ ఈ జరిమానాలను విధించారు.ఈ కేసులో తరుణ్‌ కొండూరు రాజుకు రూ.49.51 కోట్లు, సాహిల్‌ జైన్‌, భరత్‌ కుమార్‌ జైన్‌లకు చెరో రూ.53.06 కోట్ల చొప్పున జరిమానా విధించారు. దుబాయ్‌ నుంచి భారత్‌కు బంగారం అక్రమంగా తరలించిన వ్యవహారంలో వీరి పాత్రపై దర్యాప్తు అనంతరం కస్టమ్స్‌ శాఖ ఈ చర్యలు తీసుకుంది.అసలు ఏం జరిగిందంటే..2025 మార్చి 3న దుబాయ్‌ నుంచి బెంగళూరులోని కెంపేగౌడ అంతర్జాతీయ విమానాశ్రయానికి వచ్చిన రన్యా రావును డీఆర్‌ఐ అధికారులు అదుపులోకి తీసుకున్నారు. ఆమె వద్ద నుంచి 14.213 కిలోల విదేశీ బంగారాన్ని స్వాధీనం చేసుకున్నారు. దాని విలువ సుమారు రూ.12.56 కోట్లు ఉంటుందని అధికారులు వెల్లడించారు. ఆ తర్వాత రన్యా రావు నివాసంలోనూ తనిఖీలు నిర్వహించారు. ఈ సోదాల్లో లెక్కల్లో చూపని రూ.2.67 కోట్ల నగదు, రూ.2.06 కోట్ల విలువైన బంగారు ఆభరణాలను స్వాధీనం చేసుకున్నట్లు ఎన్‌ఫోర్స్‌మెంట్‌ డైరెక్టరేట్‌ తెలిపింది.ఇదీ చదవండి: రాజమౌళికే ఝల‌క్‌.. భార్య రమా రాజమౌళి వీడియో వైరల్‌2024 మార్చి 7 నుంచి 2025 ఫిబ్రవరి 18 మధ్య జరిగినట్లు ఆరోపిస్తున్న బంగారం అక్రమ రవాణాపై దర్యాప్తు కొనసాగింది. ఈ కాలంలో రన్యా రావు, ఆమెతో సంబంధం ఉన్న వ్యక్తులు కలిసి దుబాయ్‌ నుంచి భారత్‌కు సుమారు 113 కిలోల బంగారాన్ని అక్రమంగా తీసుకొచ్చినట్లు దర్యాప్తు సంస్థలు ఆరోపించాయి. ఈ వ్యవహారంలో రన్యా రావుతో పాటు తరుణ్‌ కొండూరు రాజు, సాహిల్‌ జైన్‌, భరత్‌ కుమార్‌ జైన్‌ల పాత్రపై కస్టమ్స్‌ శాఖ విచారణ జరిపింది. గతంలోనూ ఈ కేసుకు సంబంధించి డీఆర్‌ఐ చర్యలు చేపట్టింది. 2025 సెప్టెంబరులో రన్యా రావుతో పాటు ఇతరులకు డీఆర్‌ఐ నోటీసులు జారీ చేసి.. రన్యా నుంచి రూ.102 కోట్ల జరిమానా కోరింది.2025 మార్చి 3న అరెస్టుఇక రన్యా రావును 2025 మార్చి 3న అరెస్టు చేశారు. కస్టమ్స్‌ కేసులో ఆమెకు అనంతరం చట్టబద్ధమైన బెయిల్‌ లభించింది. అయితే అక్రమ రవాణా నిరోధక చట్టం (కోఫెపోసా) కింద కేంద్ర ప్రభుత్వం ఆమెను ముందస్తు నిర్బంధంలో ఉంచింది. ఈ నిర్బంధ ఉత్తర్వులను 2026 ఏప్రిల్‌లో సుప్రీంకోర్టు సమర్థించింది. ఏడాది నిర్బంధ కాలం పూర్తవడంతో ఏప్రిల్‌ 22న బెంగళూరు సెంట్రల్‌ జైలు నుంచి రన్యా రావు బయటకు వచ్చారు. ఇదీ చదవండి: థియేటర్లలో సినిమాల సందడి.. అక్టోబర్‌లో వస్తున్న చిత్రాలివే..

సినీ ప్రియులకు అక్టోబర్‌ ఫుల్‌ మీల్స్‌ పెట్టబోతోంది. ఈ నెలలో వరుసగా ఆసక్తికరమైన సినిమాలు థియేటర్లలో సందడి చేయనున్నాయి. స్టార్‌ హీరోల చిత్రాలతో పాటు చిన్న సినిమాలు, విభిన్న కథాంశాలతో తెరకెక్కిన మూవీస్‌ కూడా ప్రేక్షకుల ముందుకు రాబోతున్నాయి. ముఖ్యంగా దసరా పండుగను టార్గెట్‌ చేస్తూ పలు సినిమాలు విడుదలకు సిద్ధమవుతున్నాయి. అవేంటో చూద్దాం రండి! అక్టోబరు 2తో మొదలు..డోంట్‌ ట్రబుల్‌ ది ట్రబుల్‌ : శశాంక్‌ యేలేటి దర్శకత్వంలో ఫాహద్‌ ఫాజిల్‌ హీరోగా, బేబి సారా, సౌరభ్‌ సచ్‌దేవ్‌ ఇతర పాత్రలుపోషించిన చిత్రం ‘డోంట్‌ ట్రబుల్‌ ది ట్రబుల్‌’. ఎస్‌ఎస్‌ రాజమౌళి సమర్పణలో ఆర్కా మీడియా వర్క్స్, షోయింగ్‌ బిజినెస్‌ బ్యానర్స్‌పై శోభు యార్లగడ్డ, ప్రసాద్‌ దేవినేని, ఎస్‌.ఎస్‌.కార్తికేయ నిర్మించిన ఈ సినిమాని అక్టోబరు 2న రిలీజ్‌ అవుతోంది.సిగ్మా: తమిళనాడు సీఎం విజయ్‌ కుమారుడు జేసన్‌ సంజయ్‌ దర్శకుడిగా పరిచయం అవుతున్న చిత్రం ‘సిగ్మా’. సందీప్‌ కిషన్‌, ఫరియా అబ్దుల్లా జంటగా నటించిన ఈ సినిమాను లైకా ప్రొడక్షన్స్‌పై సుభాస్కరన్‌ నిర్మించారు. తమిళ, తెలుగు భాషల్లో అక్టోబరు 2న ఈ మూవీ ప్రేక్షకుల ముందుకు రానుంది. మైత్రీ మూవీ డిస్ట్రిబ్యూటర్స్‌ లిమిటెడ్‌, ఎన్‌వీఆర్‌ సినిమా సంస్థలు తెలుగులో విడుదల చేస్తున్నాయి.తెల్లకాగితం: హర్ష్‌ రోషన్‌, నక్షత్ర జంటగా నటించిన యూత్‌ఫుల్‌ లవ్‌ ఎమోషనల్‌ మూవీ ‘తెల్లకాగితం’. రమేశ్‌ బండ్రెడ్డి దర్శకుడు. కృష్ణ కొమ్మాలపాటి నిర్మిస్తున్నారు. ఈ మూవీ అక్టోబరు 2న థియేటర్స్‌లో విడుదల కానుంది.ఎస్‌ఐ యుగంధర్‌: ఆది సాయికుమార్‌ హీరోగా వస్తున్న క్రైమ్‌ థ్రిల్లర్‌ ‘ఎస్‌ఐ యుగంధర్‌’. మేఘ లేఖ కథానాయిక. రాఘవేంద్ర కటారీ దర్శకుడు. ఈ మూవీ అక్టోబరు 2న ప్రేక్షకుల ముందుకు రానుంది.ఆదర్శ కుటుంబం: విక్టరీ వెంకటేష్ - త్రివిక్రమ్‌ కాంబోలో తెరకెక్కుతున్న తాజా చిత్రం ‘ఆదర్శ కుటుంబం..AK47’ . ఈ సినిమాలో శ్రీనిధి శెట్టి కథానాయికగా నటిస్తుండగా నారా రోహిత్ కీలక పాత్రలో నటిస్తున్నాడు. ఈ చిత్రం అక్టోబర్ 9 న ప్రపంచవ్యాప్తంగా థియేటర్లలో విడుదల కానుంది.కామ్రేడ్‌ కళ్యాణ్‌: జానకిరాం మారెల్ల దర్శకత్వంలో శ్రీవిష్ణు హీరోగా తెరకెక్కుతున్న చిత్రం ‘కామ్రేడ్‌ కళ్యాణ్‌’. కోన ఫిల్మ్ కార్పొరేషన్, స్కంధ వాహన మోషన్ పిక్చర్స్ సంయుక్తంగా ఈ చిత్రాన్ని నిర్మిస్తున్నాయి. ఈ మూవీ అక్టోబరు 9న ప్రేక్షకుల ముందుకు రానుంది.దసరా పోరు..జైలర్‌ 2 : రజినీకాంత్‌ హీరోగా నెల్సన్‌ దిలీప్‌కుమార్‌ దర్శకత్వంలో రూపొందిన యాక్షన్‌ ఎంటర్‌టైనర్‌ ‘జైలర్‌’. 2023లో విడుదలైన ఈ సినిమా మంచి విజయాన్ని సొంతం చేసుకుంది. తాజాగా రజినీకాంత్‌–నెల్సన్‌ కాంబినేషన్‌లోనే ‘జైలర్‌’కు సీక్వెల్‌గా ‘జైలర్‌ 2’ తెరకెక్కింది. కళానిధి మారన్‌ నిర్మించిన ఈ చిత్రం అక్టోబరు 15న విడుదల కానుంది. రణబాలి: టాలీవుడ్‌ హీరో విజయ్‌ దేవరకొండ, హీరోయిన్‌ రష్మిక జంటగా నటిస్తున్న చిత్రం ‘రణబాలి’. రాహుల్‌ సాంకృత్యాయన్ దర్శకుడు. అక్టోబర్‌ 16 ఈ సినిమా విడుదల కానుంది.కాగా ఈ చిత్రం1854 నుంచి 1878 మధ్యకాలంలో జరిగిన వాస్తవ సంఘటనల ఆధారంగా, పాన్‌ ఇండియా స్థాయిలో ఈ సినిమా తెరకెక్కింది. విజయ్‌ ఇందులో యోధుడి పాత్రలో కనిపించనున్నాడు. విజయ్‌, రష్మిక పెళ్లి తరువాత వస్తున్న తొలి చిత్రం కావడంతో అభిమానులు ఆసక్తిగా ఎదురుచూస్తున్నారు.గరివిడి లక్ష‍్మి : నిజజీవిత కథలు, సంఘటనలు స్ఫూర్తిగా రాబోతున్న మరో మూవీ 'గరివిడి లక్ష‍్మి'. ఇప్పటికే ఈ చిత్రం నుంచి 'నల్లజీలకర్ర మొగ్గ' అని సాగే ఓ పాటని రిలీజ్ చేయగా అదిరిపోయే రెస్పాన్స్ వచ్చింది. 90ల కాలంలో దాదాపు 15 ఏళ్లలో ఏకంగా 10 వేలకు పైగా ప్రోగ్రామ్స్ చేసి గుర్తింపు తెచ్చుకున్న గరివిడి లక్ష‍్మీ అనే ఆమె జీవితం ఆధారంగా తెరకెక్కిస్తున్నారు. ఈ మూవీలో లక్ష‍్మీ పాత్రలో ఆనంది కనిపించనుంది. ఈ చిత్రం అక్టోబర్ 17న విడుదల కానుంది. కల్ట్‌: నిజ జీవిత సంఘటనల స్ఫూర్తితో విశ్వక్‌ సేన్‌ ప్రధాన పాత్రలో నటిస్తూ, స్వీయ దర్శకత్వంలో నిర్మిస్తున్న చిత్రం ‘కల్ట్‌’. గాయత్రి భరద్వాజ్, తారక్‌ పొన్నప్ప, మురళీ శర్మ, కార్తికేయ కీలక పాత్రల్లో నటిస్తున్న ఈ సినిమాకు సందీప్‌ కాకరాల మరో నిర్మాత. ఈ సినిమాను అక్టోబరు 30న రిలీజ్‌ కానుంది. ఈ చిత్రంలో విశ్వక్‌ సేన్‌ నెగటివ్‌ షేడ్స్‌లో కనిపించనున్నాడు. ఇంటర్నేషనల్‌ అప్పీల్‌తో కూడిన కథ ఉన్న ఈ సినిమాను తెలుగు, హిందీ, ఇంగ్లిష్, జపనీస్, స్పానిష్‌ భాషల్లో రిలీజ్‌ చేయనున్నారు. ఏమో ఏమో ఇది : శైలేష్‌ కొలను దర్శకత్వంలో తెరకెక్కిన చిత్రం ‘ఏమో ఏమో ఇది’. అక్టోబరు 30న ప్రేక్షకుల ముందుకు రానుంది. సితార ఎంటర్‌టైన్‌మెంట్స్, ఫార్చ్యూన్‌ ఫోర్‌ సినిమాస్‌ సంస్థలు సంయుక్తంగా నిర్మిస్తున్నాయి. శ్రీకాంత్ తనయుడు రోషన్‌ మేకా హీరోగా, ప్రీతి ముకుందన్‌ హీరోయిన్‌గా కనిపించనుంది.కాగా చిత్రాలతో పాటు పలు మరికొన్ని చిన్న సినిమాలు అక్టోబర్‌లోనే రిలీజ్‌కు ముస్తాబవుతున్నాయి.

పుష్ప 2 తర్వాత అల్లు అర్జున్‌ రేంజ్‌ పూర్తిగా మారిపోయింది. పాన్‌ ఇండియా స్థాయిలో ఆయనకు వచ్చిన క్రేజ్‌ నేపథ్యంలో.. ఇప్పుడు ఆయన చేసే ప్రతి సినిమాపైనా భారీ అంచనాలు నెలకొంటున్నాయి. అందులోనూ అట్లీ దర్శకత్వంలో తెరకెక్కుతున్న ‘రాకా’పై అయితే రోజుకో ఆసక్తికరమైన వార్త బయటకు వస్తోంది. మొన్నటివరకు ఈ సినిమా రెండు భాగాలుగా రాబోతుందనే ప్రచారం జరిగింది. ఇప్పుడు మాత్రం ఒకే భాగంగా పూర్తి చేసే ఆలోచనలో మేకర్స్ ఉన్నారనే టాక్‌ వినిపిస్తోంది. ఇంతకీ ‘రాకా’ విషయంలో మేకర్స్ అసలు ప్లాన్ ఏంటి?అల్లు అర్జున్–అట్లీ కాంబినేషన్‌లో తెరకెక్కుతున్న ‘రాకా’పై ఈ మధ్య వరుసగా ఆసక్తికరమైన అప్‌డేట్స్‌ వస్తున్నాయి. భారీ బడ్జెట్‌తో, విభిన్నమైన కాన్సెప్ట్‌తో రూపొందుతున్న ఈ సినిమాను రెండు భాగాలుగా తీసుకురావాలనే ఆలోచనలో చిత్ర బృందం ఉన్నట్లు గతంలో ప్రచారం జరిగింది. అయితే ప్రస్తుతం ఆ నిర్ణయంపై మేకర్స్ మరోసారి ఆలోచిస్తున్నారట.ఒకే భాగంగా సినిమా పూర్తి చేయాలని నిర్ణయిస్తే.. 2028లో ప్రేక్షకుల ముందుకు తీసుకురావాలనేది ప్లాన్‌గా తెలుస్తోంది. అదే కథ పరిధి, నిడివి దృష్ట్యా రెండు భాగాలుగా విడుదల చేయాల్సిన అవసరం ఉందని భావిస్తే.. తొలి భాగాన్ని 2027 డిసెంబరులోనే తీసుకురావాలనే ఆలోచనలో ఉన్నారట. అయితే దీనిపై ఇప్పటివరకు అధికారికంగా ఎలాంటి ప్రకటన రాలేదు.(ఇదీ చదవండి: షూటింగ్‌లో జారిపడ్డ అమితాబ్‌.. 84 ఏళ్ల వయసులో గాయం..)అట్లీ దర్శకత్వంలో తెరకెక్కుతున్న ఈ సినిమాలో అల్లు అర్జున్‌తో పాటు దీపికా పదుకొణె, జాన్వీ కపూర్, మృణాల్ ఠాకూర్, రష్మిక మందన్న కీలక పాత్రల్లో నటిస్తున్నారు. రమ్యకృష్ణ, యోగిబాబు, జిమ్ సర్భ్ తదితరులు కూడా ముఖ్యమైన పాత్రల్లో కనిపించనున్నారు.‘రాకా’ కథ రెండు భిన్నమైన ప్రపంచాలు, టైమ్‌లైన్స్‌లో సాగుతుందని ఇప్పటికే పలు కథనాలు వెలువడ్డాయి. ఇందులో పౌరాణిక కాలానికి సంబంధించిన నేపథ్యంతో పాటు ఆధునిక ప్రపంచానికి సంబంధించిన కథ కూడా ఉంటుందని ప్రచారం జరుగుతోంది. అల్లు అర్జున్ మూడు విభిన్న పాత్రల్లో, మూడు టైమ్‌లైన్స్‌లో కనిపించే అవకాశం ఉందనే వార్తలు కూడా వినిపిస్తున్నాయి.(చదవండి: రాజమౌళికే జలాక్‌.. భార్య రమా రాజమౌళి వీడియో వైరల్‌)ప్రస్తుతం సినిమా షూటింగ్ శరవేగంగా జరుగుతోంది. దీపికా పదుకొణె తనకు సంబంధించిన తొలి భాగం షూటింగ్‌ను పూర్తి చేసే దిశగా వెళ్తున్నట్లు సమాచారం. మరోవైపు రష్మిక మందన్న కూడా గ్యాప్ తర్వాత సెప్టెంబరులో మళ్లీ ‘రాకా’ సెట్స్‌లో అడుగుపెట్టారు. అల్లు అర్జున్–రష్మిక కాంబినేషన్‌లో కీలకమైన యాక్షన్ సన్నివేశాలను తెరకెక్కిస్తున్నట్లు తెలుస్తోంది.ఇప్పటికే దాదాపు 60 శాతం షూటింగ్ పూర్తయినట్లు సమాచారం. మిగిలిన షూటింగ్‌తో పాటు రషెస్‌ను పరిశీలించిన తర్వాతే సినిమాను ఒకే భాగంగా ముగించాలా? లేక రెండు భాగాలుగా విభజించాలా? అనే విషయంలో తుది నిర్ణయం తీసుకునే అవకాశం ఉందట.కథను ఒకే సినిమాలో సమర్థంగా చెప్పగలిగితే ‘రాకా’ను సింగిల్ పార్ట్‌గానే ప్రేక్షకుల ముందుకు తీసుకురావాలని మేకర్స్ భావిస్తున్నారట. అయితే కథ పరిధి, నిడివి ఎక్కువై.. మరింత విస్తృతంగా చెప్పాల్సిన అవసరం ఉందని అనిపిస్తే రెండో భాగాన్ని తీసుకురావాలని ఆలోచిస్తున్నారట. అంటే ప్రస్తుతం ‘రాకా’ పార్ట్‌ 2 ఉంటుందా? లేదా? అనేది పూర్తిగా కథ, రషెస్‌ ఆధారంగానే నిర్ణయించే అవకాశం ఉంది.

బాలీవుడ్‌ నటుడు అమితాబ్‌ బచ్చన్‌ ‘కౌన్‌ బనేగా కరోడ్‌పతి’ (కేబీసీ )షూటింగ్‌లో గాయపడ్డారు. ప్రస్తుతం ఈ కార్యక్రమం 18వ సీజన్‌ కొనసాగుతోంది. తాజాగా జరిగిన షూటింగ్‌లో తాను జారి పడటంతో మోకాలికి గాయమైందని బిగ్‌బీ వెల్లడించారు. దీంతో ఎప్పటిలా నిల్చొని కాకుండా ఈ సారి కూర్చొనే కార్యక్రమాన్ని ప్రారంభించారు.నిలబడటం ఇబ్బందిగా ఉందని..సాధారణంగా కేబీసీ ప్రారంభంలో వేదిక మధ్యలో నిల్చొని పోటీదారులను అమితాబ్‌ బచ్చన్‌ ఆహ్వానించేవారు. అయితే మోకాలికి గాయం కావడంతో నిలబడటంలో కొంత ఇబ్బంది ఎదురవుతోందని ఈ సందర్భంగా ప్రేక్షకులకు వివరించారు. పోటీదారులను ఆహ్వానించే సమయంలో మాత్రం తన సీటు వద్దే నిలబడతానని చెప్పారు. ప్రారంభంలో కంటెస్టెంట్‌ల వద్దకు వెళ్లి నిలబడటం మాత్రం కాస్త ఇబ్బందిగా ఉందని తెలిపారు.అయితే తన గాయం గురించి అభిమానులు ఆందోళన చెందాల్సిన అవసరం లేదని అమితాబ్‌ భరోసా ఇచ్చారు. కాగా ఆయన గాయం గురించి తెలుసుకున్న అభిమానులు త్వరగా కోలుకోవాలని సామాజిక మాధ్యమాల వేదికగా ఆకాంక్షిస్తున్నారు.83 ఏళ్ల వయసులోనూ..83 ఏళ్ల వయసులోనూ అమితాబ్‌ బచ్చన్‌ వరుసగా సినిమాలు, టీవీ కార్యక్రమాలు చేస్తూ ప్రేక్షకులను అలరిస్తున్నారు. ఇటీవల ‘సెక్షన్‌ 84’లో కనిపించిన ఆయన.. ప్రస్తుతం నాగ్‌ అశ్విన్‌ దర్శకత్వంలో తెరకెక్కుతున్న ‘కల్కి’ సీక్వెల్‌తో బిజీగా ఉన్నారు. ఈ చిత్ర షూటింగ్‌ను వచ్చే ఏడాది జూన్‌ నాటికి పూర్తి చేయనున్నట్లు సమాచారం.ఇదీ చదవండి: అశ్లీల సీన్స్‌.. ఇప్పుడైతే అలాంటి వాటిలో నటించను: అమలాపాల్‌

హీరోయిన్‌ అమలాపాల్‌ కోసం ప్రత్యేకంగా చెప్పనక్కర్లేదు. ఆమెకంటూ ప్రత్యేకమైన గుర్తింపు తెచ్చుకుంది. ఇలా తన ఇమేజ్‌తోనే తమిళ చిత్రం ‘ఆడై’ 2019లో విడుదలై మంచి విజయాన్ని సాధించింది. ఈ సినిమాని తెలుగులో ‘ఆమె’గా రిలీజ్‌ చేశారు. అయితే ఆ సినిమాలో ఎవరూ చేయని పాత్రను చేశారు అమలాపాల్‌. ఇందులోని ఓ కీలక సన్నివేశంలో నటించేందుకు చేసిన రిస్క్‌ కోసం తాజాగా వెల్లడించారు.‘దర్శకుడు రత్నకుమార్‌ సినిమాలోని ఓ సన్నివేశాన్ని ఎలా తీస్తారో అని భయంవేసింది. కథ కాకుండా కేవలం ఆ బోల్డ్‌ అంశంపైనే దృష్టంతా పెడతారేమో అని భయం వేసింది. కానీ చిత్రం బృందం ఆలోచనా విధానాన్ని అర్థం చేసుకోవడానికి నాకు దాదాపు రెండు నెలల సమయం పట్టింది. ఈ సినిమాలో నటిస్తే నా పరిస్థితి ఏంటా అని ఆలోచించా. ఇలాంటి పాత్రలే చేయల్సి ఉంటుందేమోనని..కెరీర్‌లో కూడా ఇలాంటి పాత్రలే చేయల్సి ఉంటుందేమోనని భయపడ్డాను. దర్శకుడి మీద నమ్మకంపై రిస్క్‌ తీసుకుని సరే చెప్పా. ఆ అశ్లీల సన్నివేశం చిత్రీకరణ టైంలో సెట్‌లో అతి తక్కువ మందితో షూటింగ్‌ చేశారు. అందువల్ల నాకు ఏలాంటి ఇబ్బంది కలగలేదు’ అని అమలాపాల్‌ గుర్తుచేసుకున్నారు. కాగా ఈ సినిమాలో కామిని అనే టీవీ జర్నలిస్ట్‌గా అమలాపాల్‌ నటించారు.ఇదీ చదవండి: రాజమౌళికే జలాక్‌.. భార్య రమా రాజమౌళి వీడియో వైరల్‌

‘‘పల్లెటూరి నేపథ్యంలో కేసులు, మర్డర్‌ మిస్టరీ, కమర్షియల్‌ అంశాలు, ప్రొడక్షన్‌ కాస్ట్‌ని దృష్టిలో పెట్టుకుని ‘తత్వం’ కథ రాశాను. ఈ మూవీ ఫైనల్‌ ఔట్‌పుట్‌ చూసి, చెప్పిన కథని అనుకున్న దానికంటే బాగా తీశావని నిర్మాతలు మెచ్చుకున్నారు’’ అని డైరెక్టర్‌ అర్జున్‌ కోలా తెలిపారు. దినేష్‌ తేజ్, దష్విక .కె జంటగా నటించిన చిత్రం ‘తత్వం’. శీమకుర్తి వంశీ కృష్ణ, శ్వేత పసుపులేటి నిర్మించిన ఈ సినిమా రేపు (శుక్రవారం) విడుదలవుతోంది. (ఇదీ చదవండి: రాజమౌళికే జలాక్‌.. భార్య రమా రాజమౌళి వీడియో వైరల్‌)ఈ చిత్రం ద్వారా దర్శకుడిగా పరిచయం అవుతున్న అర్జున్‌ కోలా విలేకరులతో మాట్లాడుతూ– ‘‘నేను డైరెక్షన్‌ విభాగంలో పని చేయలేదు. వీడియోలు చూసి, ఎడిటింగ్, డైరెక్షన్‌ వంటివి నేర్చుకున్నాను. మర్డర్‌ మిస్టరీ నేపథ్యంలో ‘తత్వం’ని రూ΄÷ందించాను. ఓ మనిషి ఏది నమ్మాలి? ఏది నమ్మకూడదు? అనే కన్‌ఫ్యూజన్‌ నేపథ్యంలో ‘తత్వం’ కథ నడుస్తుంటుంది’’ అని చెప్పారు.

భారతీయ చలనచిత్ర పరిశ్రమలో దర్శకధీరుడు ఎస్‌.ఎస్‌. రాజమౌళికి ఉన్న క్రేజ్‌ గురించి ప్రత్యేకంగా చెప్పాల్సిన పనిలేదు. ‘బాహుబలి’, ‘ఆర్‌ఆర్‌ఆర్‌’ వంటి చిత్రాలతో తెలుగు సినిమాను ప్రపంచస్థాయికి తీసుకెళ్లిన ఆయన.. అంతర్జాతీయంగా ప్రత్యేక గుర్తింపు సంపాదించుకున్నారు. సెట్స్‌లో ఎంతో గంభీరంగా కనిపించే రాజమౌళి.. ఇంట్లో మాత్రం అందరిలాగే సాధారణ భర్తేనని చెప్పే ఓ సరదా సన్నివేశం ఇప్పుడు సామాజిక మాధ్యమాల్లో వైరల్‌గా మారింది. సినిమా ప్రీ-రిలీజ్‌ వేడుకలో..రాజమౌళి కుమారుడు ఎస్‌.ఎస్‌. కార్తికేయ నిర్మించిన చిత్రం ‘డోంట్‌ ట్రబుల్‌ ది ట్రబుల్‌’. ఈ సినిమా ప్రీ-రిలీజ్‌ వేడుకను ఇటీవల హైదరాబాద్‌లో ఘనంగా నిర్వహించారు. ఈ కార్యక్రమానికి రాజమౌళి, కీరవాణి కుటుంబసభ్యులతో పాటు జూనియర్‌ ఎన్టీఆర్‌ ముఖ్య అతిథిగా హాజరయ్యారు.ఈ వేడుకలో రాజమౌళిని వేదికపైకి ఆహ్వానించిన సమయంలో ఓ ఆసక్తికర ఘటన చోటుచేసుకుంది. రాజమౌళి వెనుకే నిల్చున్న ఆయన భార్య రమా రాజమౌళి.. చేతితో ‘త్వరగా నడవండి’ అన్నట్లుగా సరదాగా ముందుకు నెట్టారు. దీంతో అక్కడున్న వారంతా నవ్వుకున్నారు. ఈ దృశ్యానికి సంబంధించిన వీడియో ప్రస్తుతం సామాజిక మాధ్యమాల్లో వైరల్‌గా మారింది.ఈ వీడియో చూసిన అభిమానులు, నెటిజన్లు తమదైన శైలిలో కామెంట్లు చేస్తున్నారు. బయట ప్రపంచానికి ఎంత పెద్ద దర్శకుడైనా.. ఇంట్లో మాత్రం భార్య మాట వినాల్సిందే అంటూ సరదాగా స్పందిస్తున్నారు. ‘సినిమా సెట్స్‌లో రాజమౌళి బాస్‌ కావచ్చు.. కానీ ఇంట్లో రమా గారే రియల్‌ బాస్‌’ అంటూ మరికొందరు కామెంట్లు చేస్తున్నారు.డోంట్‌ ట్రబుల్‌ ది ట్రబుల్‌’ విషయానికొస్తే..ఇక ‘డోంట్‌ ట్రబుల్‌ ది ట్రబుల్‌’ విషయానికొస్తే.. శశాంక్‌ యేలేటి దర్శకత్వంలో ఫాహద్‌ ఫాజిల్‌ హీరోగా, బేబి సారా, సౌరభ్‌ సచ్‌దేవ్‌ ఇతర పాత్రలుపోషించిన చిత్రం ‘డోంట్‌ ట్రబుల్‌ ది ట్రబుల్‌’. ఎస్‌ఎస్‌ రాజమౌళి సమర్పణలో ఆర్కా మీడియా వర్క్స్, షోయింగ్‌ బిజినెస్‌ బ్యానర్స్‌పై శోభు యార్లగడ్డ, ప్రసాద్‌ దేవినేని, ఎస్‌.ఎస్‌.కార్తికేయ నిర్మించిన ఈ సినిమాని అక్టోబరు 2న రిలీజ్‌ అవుతోంది. ఇదీ చదవండి: ‘డోంట్ ట్రబుల్ ది ట్రబుల్’పై ఎన్టీఆర్‌, మహేశ్‌ల మూవీ రివ్యూ Rajamouli & Rama’s Funny Moment! A fun moment between SS Rajamouli and Rama Rajamouli has gone viral on social media.#SSRajamouli #RamaRajamouli #ViralVideo pic.twitter.com/kQG3vcs0S8— Telangana Ahead (@telanganaahead) September 30, 2026

ప్రముఖ టీవీ నటి, ‘బాలికా వధు’ ఫేమ్‌ ప్రత్యూష బెనర్జీ కేసులో సంచలన పరిణామం చోటు చేసుకుంది. ఈ కేసులో ఆమె మాజీ ప్రియుడు, నటుడు–నిర్మాత రాహుల్‌ రాజ్‌ సింగ్‌కు భారీ ఊరట లభించింది. ఈ కేసు నుంచి ఆయనకు విముక్తి ఇస్తూ బాంబే హైకోర్టు బుధవారం తీర్పు ఇచ్చింది. తీర్పు సందర్భంగా.. ఇక ఆయన ఎలాంటి విచారణ ఎదుర్కోవాల్సిన అవసరం లేదని వ్యాఖ్యానించింది.హిందీ బుల్లితెర నటి ప్రత్యూష బెనర్జీ పదేళ్ల కిందట బలవన్మరణానికి పాల్పడ్డారు. అయితే ఆమెను ప్రియుడు రాహుల్‌ రాజ్‌సింగ్‌ ఆత్మహత్యకు ప్రేరేపించారన్నది ప్రధాని అభియోగం. అయితే సుదీర్ఘ విచారణ అనంతరం.. ఈ కేసులో ప్రత్యూష బెనర్జీ మరణానికి ముందు రాహుల్‌ రాజ్‌ సింగ్‌తో మాట్లాడిన చివరి ఫోన్‌ సంభాషణను కోర్టు కీలకంగా పరిగణించింది. ఆనాడు.. ఈ సంభాషణలో ప్రత్యూష తీవ్ర ఆందోళనలో ఉన్నట్లు ట్రాన్స్‌క్రిప్ట్‌ ద్వారా తెలుస్తోందని కోర్టు పేర్కొంది. అదే సమయంలో రాహుల్‌ ఆమెను ఎలాంటి తీవ్ర నిర్ణయం తీసుకోవద్దని నచ్చజెప్పేందుకు ప్రయత్నించినట్లు తెలిపింది. తాను కారును వెనక్కి తిప్పుకుని ఆమెను కలిసేందుకు వస్తున్నానని కూడా రాహుల్‌ చెప్పినట్లు కోర్టు గుర్తించింది. ఈ సంభాషణను పరిశీలించిన న్యాయస్థానం.. ప్రత్యూషను ఆత్మహత్యకు ప్రేరేపించారన్న ఆరోపణలకు ఇది అనుకూలంగా లేదన్న వాదనను పరిగణనలోకి తీసుకుంది.పదేళ్ల క్రితం ఏం జరిగిందంటే..పాపులర్‌ సీరియల్‌ ‘బాలికా వధు’లో ఆనంది పాత్రతో దేశవ్యాప్తంగా గుర్తింపు తెచ్చుకున్న ప్రత్యూష బెనర్జీ 2016 ఏప్రిల్‌ 1న ముంబైలోని గోరేగావ్‌లో తాను అద్దెకు ఉంటున్న నివాసంలో మృతిచెందారు. ఆమె మరణం అప్పట్లో తీవ్ర సంచలనం సృష్టించింది. ప్రత్యూష తల్లిదండ్రులు ఆమెతో అప్పట్లో సహజీవనం చేస్తున్న రాహుల్‌ రాజ్‌ సింగ్‌పై తీవ్ర ఆరోపణలు చేశారు. మానసిక, శారీరక వేధింపులకు పాల్పడ్డారని.. ఆమె ఆత్మహత్యకు రాహుల్‌ ప్రేరేపించారని ఆరోపిస్తూ పోలీసులకు ఫిర్యాదు చేశారు. దీంతో పోలీసులు ఆయనపై ఆత్మహత్యకు ప్రేరేపించిన కేసు నమోదు చేశారు.సుదీర్ఘ పోరాటం తర్వాత..కేసు నమోదైన కొన్ని నెలలకే 2016 జూలైలో రాహుల్‌ రాజ్‌ సింగ్‌కు బాంబే హైకోర్టు ముందస్తు బెయిల్‌ మంజూరు చేసింది. అనంతరం పోలీసులు 2018లో చార్జిషీట్‌ దాఖలు చేశారు. తనపై నమోదైన కేసు నుంచి డిశ్చార్జ్‌ చేయాలని రాహుల్‌ సెషన్స్‌ కోర్టును ఆశ్రయించారు. అయితే అక్కడ ఆయనకు నిరాశ ఎదురైంది. దీంతో హైకోర్టును ఆశ్రయించారు.రాహుల్‌ తరఫున సీనియర్‌ న్యాయవాది ఆబాద్‌ పొండా, న్యాయవాది శ్రేయాన్ష్‌ మిథారే వాదనలు వినిపించారు. ప్రత్యూషతో జరిగిన చివరి ఫోన్‌ సంభాషణలో ఆమెను తీవ్ర నిర్ణయం తీసుకోవద్దని రాహుల్‌ నచ్చజెప్పిన విషయం స్పష్టంగా ఉందని వారు కోర్టు దృష్టికి తీసుకెళ్లారు. అందువల్ల ఆత్మహత్యకు ప్రేరేపించినట్లు కేసు కొనసాగించడానికి తగిన ఆధారాలు లేవని వాదించారు. అలాగే ప్రత్యూష తన నిర్ణయానికి సంబంధించి పలువురి పేర్లను ప్రస్తావించిందని.. ఆమె తల్లిదండ్రుల గురించి కూడా సంభాషణలో మాట్లాడిందని రాహుల్‌ తరఫు న్యాయవాదులు పేర్కొన్నారు. ఆత్మహత్య లేఖ కూడా లేని పరిస్థితుల్లో తొందరగా ఎఫ్‌ఐఆర్‌ నమోదు చేశారని వారు వాదించారు. ఈ వాదనలను పరిగణనలోకి తీసుకున్న బాంబే హైకోర్టు.. రాహుల్‌ రాజ్‌ సింగ్‌ను కేసు నుంచి డిశ్చార్జ్‌ చేసింది. దీంతో క్రిమినల్‌ ట్రయల్‌ నుంచి ఆయనకు ఊరట లభించినట్లైంది.ఇదీ చదవండి: వాటికి ఇంకెప్పుడు మోక్షమయ్యా?

బిగ్‌బాస్ తెలుగు సీజన్‌ 10 రోజు రోజుకీ ఆసక్తికరంగా సాగుతోంది. బిగ్‌బాస్‌ ప్రేక్షకులకు అయితే టాస్కులు, గొడవలు, వ్యూహాలతో మంచి ఎంటర్‌టైన్‌మెంట్‌ అనే చెప్పాలి. అయితే నిన్న (సెప్టెంబరు 30న) ఎపిసోడ్‌లోనూ ఊహించని పరిణామాలు చోటుచేసుకున్నాయి. డ్యాగర్ల కోసం పోటీ, అమన్-త్రిగుణ్ మధ్య గొడవ, షాలిని-రోహిత్ వాగ్వాదంతో ఎపిసోడ్‌ మొత్తం హీటెక్కింది. మరి 24వ రోజు ఏం జరిగిందో తెలుసుకుందామా...అమన్-త్రిగుణ్ మధ్య రచ్చ..ఈ వారం పూర్తయ్యేసరికి రెండు కంటే ఎక్కువ డ్యాగర్లు ఉండేలా ప్రయత్నించాలని బిగ్‌బాస్ చెప్పాడు. ఆరో వారంలోకి వెళ్లేందుకు దక్కే ఇమ్యూనిటీకి ఈ డ్యాగర్లు కీలకమని స్పష్టం చేశాడు. దీంతో డ్యాగర్లను సొంతం చేసుకునేందుకు హౌస్‌మేట్స్ మధ్య పోటీ మొదలైంది. ఇందులో భాగంగా రెండు టీమ్‌లకు మొదట నిప్పుపై ఆధిపత్యం సాధించేందుకు ‘ఫైర్ వర్సెస్ లావా’ అనే టాస్క్ ఇచ్చాడు. ఈ టాస్క్‌లో రెండు టీమ్‌ల నుంచి నలుగురు చొప్పున పాల్గొన్నారు. రెడ్ టీమ్ నుంచి రోహిత్, అమన్, వంశీ, బ్లూ టీమ్ నుంచి దేబ్జానీ, ముకేశ్, త్రిగుణ్, సృష్టి బరిలోకి దిగారు. తమ టీమ్ రంగుకు చెందిన డ్రమ్స్‌ను యాక్టివిటీ రూం నుంచి తీసుకొచ్చి గార్డెన్‌లోని డ్రమ్స్ ఏరియాలో పెట్టాలి. అయితే నేలకు కాలు తగలకుండా డ్రమ్స్‌పై నడుచుకుంటూ వెళ్లాలనే నిబంధన పెట్టారు. రెడ్ టీమ్‌కు మొదటి బజర్‌కే గేమ్ ప్రారంభించే అవకాశం లభించగా.. బ్లూ టీమ్ రెండో బజర్‌ తర్వాత ఆట మొదలు పెట్టింది. ఈ క్రమంలో అమన్, త్రిగుణ్‌ను టార్గెట్ చేయడంతో ఇద్దరి మధ్య తీవ్ర వాగ్వాదం జరిగింది. టాస్క్ కంటే వీరిద్దరి మధ్య జరిగిన గొడవే ఎక్కువగా హైలైట్ అయింది. దీంతో ఎపిసోడ్‌ యాక్షన్ సినిమా చేసే ఫీలింగ్‌ కలిగింది. చివరకు ఈ గేమ్‌లో భైరవ టీమ్ విజయం సాధించింది. దీంతో దేబ్జానీకి దక్కిన డ్యాగర్‌ను అమన్ సొంతం చేసుకున్నాడు.షాలిని-రోహిత్ మధ్య గొడవ..మరోవైపు కెప్టెన్ గదిలో ఉన్న డ్యాగర్లను తీసుకునేందుకు షాలిని ప్రయత్నించడంతో మరో వివాదం మొదలైంది. షాలిని అక్కడికి వెళ్లడాన్ని చూసిన రోహిత్ ఆమెను అడ్డుకునే ప్రయత్నం చేశాడు. తాను ఏమీ తీసుకోలేదని చెప్పడంతో రోహిత్ ఆమెకు మద్దతుగా మాట్లాడాడు. అయితే ఆ తర్వాత షాలిని రోహిత్ దగ్గర ఉన్న డ్యాగర్‌ను తీసుకుంటానని చెప్పడంతో ఇద్దరి మధ్య మాటామాటా పెరిగింది. ఈ విషయంలో రోహిత్ తనను ప్రశ్నించడంతో షాలిని కూడా ఘాటుగానే స్పందించింది. ‘భయపడి మా మీద అరుస్తున్నావ్’ అంటూ షాలిని అనడంతో రోహిత్ కూడా తీవ్రంగా స్పందించాడు. కెప్టెన్ రూంలో డ్యాగర్లు ఉన్నాయని.. ఎవరు తీసుకోవాలనుకుంటే వారు తీసుకోవచ్చని అన్నాడు. ఈ వ్యవహారంలో తనకు మద్దతు ఇచ్చినందుకు రోహిత్ తర్వాత రాంప్రసాద్‌కు సారీ చెప్పాడు. ‘వాళ్లకు సపోర్ట్ చేయడం నాదే తప్పు. మీ వల్ల అందరి ముందు నేను పిచ్చోడిని అయిపోయా’ అంటూ తన అసహనాన్ని వ్యక్తం చేశాడు. అయితే షాలిని మాత్రం తగ్గలేదు. ‘నా గేమ్ నేను ఆడుకుంటా.. నాకు ఎవరి సపోర్ట్, దయాదాక్షిణ్యాలు అవసరం లేదు’ అంటూ రోహిత్‌కు తేల్చి చెప్పింది.వంశీ-చరణ్ కూడా..ఇక ఈ గొడవలో వంశీ కూడా జోక్యం చేసుకున్నాడు. తమ విషయంలో ఏమైనా ఉంటే తమతోనే మాట్లాడాలని, తమ కోసం రోహిత్, అపూర్వలను అనడం ఎందుకని షాలిని ప్రశ్నించింది. దీంతో పరిస్థితి మరింత వేడెక్కింది. మరోవైపు వంశీ, చరణ్ మధ్య కూడా ఎవరు ఎలాంటి గేమ్ ఆడారనే విషయంపై వాగ్వాదం జరిగింది. ఇలా డ్యాగర్ల కోసం మొదలైన ఆట.. ఒకరి తర్వాత ఒకరిని గొడవల్లోకి లాగింది. మొత్తంగా 24వ రోజు ఎపిసోడ్‌లో టాస్కుల కంటే గొడవలే ఎక్కువగా కనిపించడంతో బిగ్‌బాస్ హౌస్‌ హీటెక్కింది.ఇదీ చదవండి: ‘డోంట్ ట్రబుల్ ది ట్రబుల్’పై ఎన్టీఆర్‌, మహేశ్‌ల మూవీ రివ్యూ

ఫహాద్‌ ఫాజిల్‌ ప్రధాన పాత్రలో నటించిన ‘డోంట్ ట్రబుల్ ది ట్రబుల్’ చిత్రంపై సినీ ప్రముఖులు ప్రశంసలు కురిపిస్తున్నారు. అక్టోబర్‌ 2న ప్రేక్షకుల ముందుకు రానున్న ఈ సినిమాను ఇప్పటికే పలువురు సినీ ప్రముఖులు వీక్షించి తమ అభిప్రాయాలను సామాజిక మాధ్యమాల వేదికగా పంచుకుంటున్నారు. తాజాగా జూనియర్‌ ఎన్టీఆర్‌, మహేశ్‌బాబు సినిమాపై ప్రశంసలు కురిపించారు.ఎన్టీఆర్ ఏమన్నారంటే..‘‘డోంట్ ట్రబుల్ ది ట్రబుల్’ సినిమా ప్రతి చిన్నారికి, ప్రతి తల్లిదండ్రికి.. తమలోని చిన్నారిని ఇంకా మోస్తున్న ప్రతి ఒక్కరికీ నచ్చే చిత్రం. ఫహాద్‌ ఫాజిల్‌ ‘సూరి’ పాత్రలో అద్భుతంగా నటించారు. ప్రతి సన్నివేశానికి ఆయన ప్రాణం పోశారు. దర్శకుడు శశాంక్‌ తెరకెక్కించిన తీరు అద్భుతం. పిల్లలు, కుటుంబ ప్రేక్షకులను ఆకట్టుకునే స్వచ్ఛమైన భావోద్వేగాలను తెరపై చూపించడం అంత సులభం కాదు. తొలి చిత్రంతోనే శశాంక్‌ దాన్ని ఎంతో అందంగా ఆవిష్కరించారు. భవిష్యత్తులో మరిన్ని మంచి సినిమాలు చేయాలని కోరుతున్న ‘తమ్ముడు’’ అని ఎన్టీఆర్‌ అభినందించారు. చిన్నారి సారా నటన తన మనసును దోచుకుందని అన్నారు. ఎంతో సహజంగా నటించిందని, ప్రతి భావోద్వేగాన్ని అమాయకత్వంతో పలికించిందని పేర్కొన్నారు. సినిమా పూర్తయిన తర్వాత కూడా ఆమె పాత్ర ప్రేక్షకుల మనసుల్లో నిలిచిపోతుందని చెప్పారు. సంగీత దర్శకుడు కాలభైరవ నేపథ్య సంగీతాన్ని కూడా ఎన్టీఆర్‌ ప్రత్యేకంగా ప్రశంసించారు.మహేశ్‌బాబు ఏమన్నారంటే..మరోవైపు మహేశ్‌బాబు కూడా ‘డోంట్ ట్రబుల్ ది ట్రబుల్’పై ప్రశంసలు కురిపించారు. ‘ సినిమా ఎంతో అనుభూతిని అందించింది. చక్కగా రూపొందించిన, ఆనందాన్ని పంచే చిత్రమిది. లోతైన భావోద్వేగాలను కలిగించింది. ఫహాద్‌ ఫాజిల్‌ అద్భుతమైన నటుడు. ఆయన తనను తాను కొత్తగా ఆవిష్కరించుకుంటూ, విభిన్న పాత్రలను ఎంచుకుంటూ ముందుకు సాగుతున్న తీరు స్ఫూర్తిదాయకం. ఫహాద్‌, చిన్నారి సారా కలిసి నటించిన సన్నివేశాలు ఎంతో ఆకట్టుకున్నాయి. దర్శకుడు కార్త్‌కు ఇది ఎంతో ప్రత్యేకంగా నిలుస్తుంది. ఈ సినిమా కోసం ఆయన పడిన కష్టానికి ప్రతిఫలం దక్కింది. నిర్మాత శోభుతో కలిసి ఎంతో ప్రత్యేకమైన చిత్రాన్ని రూపొందించారని అభినందించారు. చిత్రబృందం మొత్తానికి శుభాకాంక్షలు తెలిపారు. కాగా ఇలా విడుదలకు ముందే ఎన్టీఆర్‌, మహేశ్‌బాబు వంటి అగ్ర కథానాయకులు ‘డోంట్ ట్రబుల్ ది ట్రబుల్’ను ప్రశంసించడంతో సినిమాపై ఆసక్తి మరింత పెరిగింది.కాగా శశాంక్‌ యేలేటి దర్శకత్వంలో ఫాహద్‌ ఫాజిల్‌ హీరోగా, బేబి సారా, సౌరభ్‌ సచ్‌దేవ్‌ ఇతర పాత్రలుపోషించిన చిత్రం ‘డోంట్‌ ట్రబుల్‌ ది ట్రబుల్‌’. ఎస్‌ఎస్‌ రాజమౌళి సమర్పణలో ఆర్కా మీడియా వర్క్స్, షోయింగ్‌ బిజినెస్‌ బ్యానర్స్‌పై శోభు యార్లగడ్డ, ప్రసాద్‌ దేవినేని, ఎస్‌.ఎస్‌.కార్తికేయ నిర్మించిన ఈ సినిమాని అక్టోబరు 2న రిలీజ్‌ అవుతోంది. ఇదీ చదవండి: ఓటీటీలో కాజల్ అగర్వాల్‌ కోర్ట్ థ్రిల్లర్‌.. తెలుగులోనూ స్ట్రీమింగ్ #DontTroubleTheTrouble is for every child, every parent and everyone who still carries a little bit of that child within them.Fahadh sir, what a commendable performance as Suri. Absolutely phenomenal. I was inspired by the way you bring so much life into every frame. Truly…— Jr NTR (@tarak9999) September 30, 2026Just watched the #DontTroubleTheTrouble Movie!!!What a beautifully complete experience this is ❤️❤️❤️ Such a well crafted and happy film… thoroughly entertaining and deeply moving at the same time 👏🏻👏🏻👏🏻 The film carries such a rare sense of warmth throughout!!! Fahadh sir - u…— Mahesh Babu (@urstrulyMahesh) September 30, 2026

వారాహి మల్లిపాముల నటిగా, రచయిత్రిగా, నిర్మాతగా ఎంట్రీ ఇస్తున్న చిత్రం ‘ఇంప్యూర్‌’. ‘మా ఇంటి బంగారం’ మూవీకి డైరెక్షన్‌ విభాగంలో చేసిన నిశాంతి ఇవాని ఈ మూవీ ద్వారా దర్శకురాలిగా పరిచయం అవుతున్నారు. సాయి కృష్ణ కీలక పాత్రలో నటించిన ఈ చిత్రం ఈ శుక్రవారం పాన్‌ ఇండియా వ్యాప్తంగా పరిమిత థియేటర్లలో విడుదలవుతోంది. ఈ సందర్భంగా వారాహి మల్లిపాముల మాట్లాడుతూ– ‘‘మహిళా ప్రాధాన్యం ఉన్న చిత్రాన్ని నిర్మించడానికి నిర్మాతలను ఒప్పించడం సులభం కాదు. నేను రాసిన స్క్రిప్ట్‌ని ఎంతోమంది నిర్మాతలకు వినిపించాను. చాలామంది తమ సందేహాలను వ్యక్తం చేశారు. ఇలాంటి టైమ్‌లోనే సమంత, నందినీ రెడ్డిగార్లు మహిళా ప్రాధాన్యం ఉన్న చిత్రాన్ని ప్రపంచవ్యాప్తంగా ఆదరిస్తారని ‘మా ఇంటి బంగారం’తో నిరూపించారు. ‘ఇంప్యూర్‌’ని నేనే పంపిణీ చేయడానికి వారే స్ఫూర్తినిచ్చారు. మా సినిమా స్త్రీ, పురుషుల సమస్యలపై కొత్త కోణాన్ని చూపిస్తుంది. ‘ఇంప్యూర్‌’ వరల్డ్‌ ప్రీమియర్‌ లాస్‌ ఏంజెల్స్‌లోని టీసీఎల్‌ చైనీస్‌ థియేటర్‌లో జరిగింది. అలానే న్యూయార్క్‌లోని సినిమా విలేజ్‌లో ప్రీమియర్‌ అయింది’’ అన్నారు.

‘‘డోరతీ’ చిత్రం చూస్తున్నప్పుడు ఇంటర్వెల్‌కి వచ్చేసరికి ఒక్కసారిగా కథ మొత్తం మారిపోయింది. అసలు కార్తీక్‌ ఎలాంటి కథ తీసుకున్నాడు? అనిపించింది. మొదట భయం వేసింది. ఆ తర్వాత గర్వంగా అనిపించింది. రజనీకాంత్‌లాంటి సూపర్‌స్టార్‌తో సినిమా చేసిన కార్తీక్‌ ‘డోరతీ’ లాంటి కథతో సినిమా చేయడం సర్‌ప్రైజింగ్‌గా అనిపించింది’’ అని రానా దగ్గుబాటి తెలిపారు. కీర్తీ సురేష్, సనంత్, రిషికాంత్‌ ప్రధాన పాత్రల్లో కార్తీక్‌ సుబ్బరాజ్‌ రచన, దర్శకత్వంలో రూపొందిన చిత్రం ‘డోరతీ’. తమిళంలో ఘన విజయం అందుకున్న ఈ చిత్రాన్ని స్పిరిట్‌ మీడియా ద్వారా రానా దగ్గుబాటి ఈ శుక్రవారం తెలుగులో విడుదల చేస్తున్నారు. బుధవారం నిర్వహించిన ట్రైలర్‌ లాంచ్‌ ఈవెంట్‌లో కార్తీక్‌ సుబ్బరాజ్‌ మాట్లాడుతూ– ‘‘డోరతీ’ నాకు ప్రత్యేకమైన సినిమా. ఇంటర్నేషనల్‌ ఫిలిం ఫెస్టివల్స్‌లో, తమిళనాడులో ఈ సినిమాకు అద్భుతమైన రెస్పాన్స్ వచ్చింది. తెలుగు ఆడియన్స్‌ రెస్పాన్స్‌ కోసం ఎంతో ఆసక్తిగా ఎదురు చూస్తున్నాం’’ అని పేర్కొన్నారు.

మైసూర్‌లో మెరిశారు శ్రీలీల. ఎక్కడంటే ‘ధర్మన్‌’ షూటింగ్‌ లొకేషన్‌లో. లంగా, ఓణీలో సంపద్రాయబద్ధంగా కనిపించారీ బ్యూటీ. ఈ సెట్‌లో శ్రీలీలని ఎవరో రహస్య కెమెరాలో క్లిక్‌మనిపించి, ఆ వీడియోను వైరల్‌ చేశారు. దాంతో ‘ధర్మన్‌’ సినిమాలో ఆమె నటిస్తున్నారని స్పష్టమైంది. రజనీకాంత్‌ హీరోగా అశ్వత్‌ మారిముత్తు దర్శకత్వం వహిస్తున్న ఈ చిత్రంలో రాశీ ఖన్నా కీలక పాత్ర చేస్తున్నారు. సిమ్రాన్, యోగిబాబు ప్రధాన పాత్రల్లో నటిస్తున్నారు. మంగళవారం ఇదే సినిమా సెట్స్‌ నుంచి రజనీకాంత్‌తో తాను, రామ్‌ కలిసి ఉన్న ఫొటోను సోషల్‌ మీడియాలో షేర్‌ చేసి, ఆ తర్వాత తీసేశారు రాశీ ఖన్నా. ఆ విధంగా ఈ చిత్రంలో రామ్‌ కీలక పాత్రలో కనిపించనున్నారనే టాక్‌ మొదలైంది. తాజాగా ఈ సెట్స్‌లో శ్రీలీల ఉన్న వీడియో బయటకు రావడంతో ఆమె కూడా కీలక పాత్ర చేస్తున్నారనే వార్త ప్రచారంలోకి వచ్చింది. మరి... ఈ సినిమాలో శ్రీలీల ప్రత్యేక పాటలో కనిపిస్తారా? లేక కొన్ని నిమిషాలు కనిపించే స్పెషల్‌ రోల్‌ చేస్తున్నారా? అనేది తెలియాల్సి ఉంది.

సౌత్‌ సినిమా ఇండస్ట్రీలో కొందరు హీరోయిన్లు ఇప్పటికే పెళ్లి చేసుకుని వ్యక్తిగత జీవితంతో పాటు సినిమా కెరీర్‌ను కొనసాగిస్తున్నారు. కానీ మరికొందరు మాత్రం పెళ్లికి దూరంగా ఉండేందుకు ఆసక్తి చూపిస్తున్నారు. తాజాగా నటి అంజలి చేసిన వ్యాఖ్యలు ఈ అంశాన్ని మరోసారి చర్చలోకి తీసుకొచ్చాయి.తన స్నేహితులు, సన్నిహితులు, కుటుంబ సబ్యుల ఆనందం కోసం తాను పెళ్లి చేసుకోవాల్సిన అవసరం ఏముందని అంజలి సూటిగా ప్రశ్నించింది. పెళ్లి తర్వాత అందరూ వెళ్లిపోతారు. కానీ చివరకు తాను మాత్రం ఒంటరిగా మిగిలిపోతానని సరదాగా వ్యాఖ్యానించింది. అంజలి ఇంట్లో కూడా తన పెళ్లి ప్రస్తావన తీసుకురావడం లేదని చెప్పింది.ఇక ఇదే తరహాలో కమల్‌ హాసన్ తనయ శ్రుతిహాసన్ కూడా తనకు పిల్లలంటే ఇష్టమే కానీ పెళ్లిపై మాత్రం ఆసక్తి లేదని గతంలోనే స్పష్టం చేసింది. అసలు పెళ్లి లేకుండానే జీవిత భాగస్వామితో కలిసి జీవించవచ్చని ఆమె అభిప్రాయపడింది.తమిళ నటి లక్ష్మీ మీనన్ కూడా పెళ్లి చేసుకునే ఉద్దేశం లేదని చెప్పింది. పెళ్లి మాత్రమే సంతృప్తికరమైన జీవితానికి మార్గం కాదని పేర్కొంది. కొంతకాలం క్రితమే తనకు దీనిపై పూర్తి అవగాహన వచ్చిందని.. ఈ విషయంలో భవిష్యత్తులో కూడా మార్పు ఉండదని పేర్కొంది.మరోవైపు అనుష్క, త్రిష, నిత్యామీనన్ వంటి హీరోయిన్లు కూడా ప్రస్తుతం పెళ్లికి దూరంగానే ఉన్నారు. నిత్యామీనన్ అయితే ఒంటరి జీవితమే తనకు సంతోషంగా ఉందని ఇప్పటికే చెప్పింది. మొత్తంగా, పెళ్లి విషయంలో తమకు నచ్చిన నిర్ణయమే తీసుకుంటూ కెరీర్‌పై దృష్టి పెడుతున్నారు ఈ హీరోయిన్లు.

‘ఇంప్యూర్’ చిత్రంతో ఇండస్ట్రీలోకి నిర్మాతగా, నటిగా, రచయిత్రిగా వారాహి మల్లిపాముల అరంగేట్రం చేస్తున్నారు. కాకినాడలో పుట్టిన ఆమె ప్రస్తుతం న్యూయార్క్‌లో నివసిస్తున్నారు. 'మా ఇంటి బంగారం' సినిమాకి డైరెక్షన్ డిపార్ట్‌మెంట్‌లో పని చేసిన నిశాంతి ఎవాని ఈ సినిమాతో దర్శకురాలిగా పరిచయమవుతున్నారు. ఒక మహిళ కన్య కాదని ఆమె అత్తమామలకు తెలియడంతో ఆ పెళ్లిని రద్దు చేసే కథాంశంతో ఈ చిత్రాన్ని తెరకెక్కిస్తున్నారు. ఈ చిత్రంలో ప్రధాన పాత్రలో తెలుగు మహిళ యషా ముత్తులూరి నటించారు.వారాహి మల్లిపాముల మాట్లాడుతూ.. 'నేను ఎన్నో ఏళ్లుగా సినిమా ప్రయత్నాలు చేస్తూ ఉండటం.. దగ్గరకు వచ్చి అవకాశాలు దూరం అవ్వడం వంటి సంఘటనల్ని అమ్మ చూశారు. మా చెల్లి పెళ్లికి మా అమ్మ చాలా ఖర్చు పెట్టారు. అందుకే ఆ డబ్బును సినిమాలో పెట్టాలనుకుంటే ఇస్తానని చెప్పారు. నేను ఆ ప్రతిపాదనను అంగీకరించా. కానీ ఆ డబ్బుతో ఒక పూర్తి సినిమా తీయలేకపోయాను. మేము ఇంకా చాలా అప్పు చేశాం. నటీనటులు, సాంకేతిక నిపుణులను నియమించుకోవడానికి నేను న్యూయార్క్ నుంచి వచ్చా" అని అన్నారు.ఇంకా మాట్లాడుతూ..'నాకు చిన్నప్పటి నుంచే సినిమాపై బలమైన నమ్మకం ఉంది. కానీ మహిళా ప్రాధాన్య చిత్రాన్ని నిర్మించేలా నిర్మాతలను ఒప్పించడం అంత సులభం కాదు. నేను రాసిన స్క్రిప్ట్‌ని ఎంతో మంది నిర్మాతలకు వినిపించా. చాలామంది తమ సందేహాలను వ్యక్తం చేశారు. చివరికి సమంత, నందిని రెడ్డి ఆ అపోహలను తొలగించి మహిళా ప్రాధాన్య చిత్రాన్ని ప్రపంచవ్యాప్తంగా ఆదరించవచ్చని నిరూపించారు. థియేటర్లలో 'ఇంప్యూర్' చిత్రాన్ని నేనే స్వయంగా పంపిణీ చేయడానికి వారే నాకు స్ఫూర్తి. మా ఇంటి బంగారం’ చిత్రంలానే 'ఇంప్యూర్' సినిమాని కూడా ప్రేక్షకులు ఆదరిస్తారని ఆశిస్తున్నా" అని అన్నారు.కాగా.. ఇంప్యూర్ వరల్డ్ ప్రీమియర్ లాస్ ఏంజిల్స్‌లోని ప్రతిష్టాత్మక టీసీఎల్ చైనీస్ థియేటర్‌లో జరిగింది. ఆ తర్వాత న్యూయార్క్‌లోని చారిత్రాత్మక సినిమా విలేజ్‌లో ఈస్ట్ కోస్ట్ ప్రీమియర్ జరిగింది. ఈ చిత్రం అక్టోబర్ 2న పాన్-ఇండియా వ్యాప్తంగా థియేటర్లలో విడుదలవుతోంది.

ఎల్లో శారీలో యషిక ఆనంద్ హోయలు..మరింత గ్లామరస్‌గా హీరోయిన్ మమితా బైజు..న్యూయార్క్ వీధుల్లో వితికా శేరు చిల్‌...శారీలో మరింత అందంగా అరియానా గ్లోరీ..బీచ్‌లో బుల్లితెర భామ జ్యోతి పూర్వాజ్‌.. యూరప్ ట్రిప్‌లో హీరోయిన్ రహస్య గోరఖ్.. View this post on Instagram A post shared by Yash 🔱⭐️🌙 (@yashikaaannand) View this post on Instagram A post shared by Vithika Sheru (@vithikasheru) View this post on Instagram A post shared by Mamitha Baiju (@mamitha_baiju) View this post on Instagram A post shared by Rahasya Kiran (@rahasya_kiran) View this post on Instagram A post shared by JyotiPoorvaj (@jyotipoorvaj) View this post on Instagram A post shared by Ariyana Glory ❤️ (@ariyanaglory)

సూపర్ స్టార్ రజినీకాంత్‌ హీరోగా నెల్సన్‌ దిలీప్‌కుమార్‌ దర్శకత్వంలో రూపొందించిన యాక్షన్‌ ఎంటర్‌టైనర్‌ ‘జైలర్‌-2’. 2023లో విడుదలైన జైలర్‌కు సీక్వెల్‌గా ఈ మూవీని తెరకెక్కించారు. ఇప్పటికే షూటింగ్ పూర్తయిన ఈ సినిమా దసరా కానుకగా థియేటర్లలో సందడి చేయనుంది. ఇప్పటికే రిలీజైన సాంగ్స్‌కు ఆడియన్స్‌ నుంచి అద్భుతమైన రెస్పాన్స్ వచ్చింది.తాజాగా ఈ మూవీలోని ఐటమ్ సాంగ్‌ రిలీజ్ చేశారు మేకర్స్. ఈ సాంగ్‌లో బాలీవుడ్ బ్యూటీ నోరా ఫతేహీ తన డ్యాన్స్‌తో ‍అలరించింది. బిందాస్ అంటూ సాగే ఈ పాటలో తన స్టెప్పులతో ఆకట్టుకుంది. ఈ పాటను అనిరుధ్ రవిచందర్ కంపోజ్ చేశారు. ఈ సాంగ్‌కు సూపర్ సుబ్బు లిరిక్స్ అందించగా.. అనిరుధ్ రవిచందర్, దీప్తి సురేశ్ ఆలపించారు. కాగా ఈ సినిమాలో ఎస్‌జే సూర్య, విద్యా బాలన్, హృతిక్‌ రోషన్, రమ్యకృష్ణ, యోగిబాబు, మిర్నా మీనన్‌ ప్రధాన పాత్రల్లో నటించారు.

టాలీవుడ్ సూపర్ స్టార్ ప్రిన్స్ మహేశ్ బాబు మూవీ రివ్యూ ఇచ్చారు. ఫాహద్‌ ఫాజిల్ హీరోగా వచ్చిన లేటేస్ట్‌ మూవీ డోంట్‌ ట్రబుల్‌ ది ట్రబుల్‌కు తన సమీక్ష వెల్లడించారు. ఈ సినిమా వీక్షించిన మహేశ్ బాబు తన అభిప్రాయాన్ని వ్యక్తం చేశారు. ఈ మూవీ అద్భుతమైన అనుభవంతో ఎంతో చక్కగా తీర్చిదిద్దారని కొనియాడారు. పూర్తిగా వినోదాన్ని అందిస్తూ హృదయాన్ని లోతుగా తాకే కథతో నిర్మించారని ప్రశంసించారు. ఈ సినిమా అంతటా ఒక అరుదైన ఆత్మీయత కనిపిస్తోందని ప్రిన్స్ ట్వీట్‌ చేశారు.ఫాహద్ సర్‌ మీరు అద్భుతమైన నటుడని.. ప్రయోగాలు చేయడం, మిమ్మల్ని మీరు కొత్తగా ఆవిష్కరించుకోవడం చూడటం నిజంగా స్ఫూర్తిదాయకమన్నారు. మీతో పాటు చిన్నారి ముద్దుల సారా కలిసి అద్భుతంగా నటించారని కొనియాడారు. అన్ని పాత్రలు ప్రతి క్షణం జీవించేశారని మహేశ్ బాబు ప్రశంసించారు.మహేశ్‌బాబు తన ట్వీట్‌లో రాస్తూ.. 'కార్త్.. ఇంతకంటే ప్రత్యేకమైన ఆరంభాన్ని నువ్వు కోరుకోలేవు. ఈ సినిమా కోసం మీరు పడిన శ్రమ చూసిన తర్వాత.. మీరు ఇక హాయిగా ఊపిరి పీల్చుకోవచ్చు. మీరు, శోభు కలిసి ఒక అద్భుతమైన చిత్రాన్ని సృష్టించారు. మీ ఇద్దరి సక్సెస్‌ పట్ల నేను చాలా సంతోషంగా ఉన్నా. శశాంక్ మీరు అద్భుతంగా నటించారు. ఈ అందమైన ప్రపంచాన్ని ఒకచోట చేర్చిన తీరు నిజంగా ప్రశంసనీయం. ఈ చిత్ర బృందానికి నా శుభాకాంక్షలు. మీ చేతిలో ఒక ఆణిముత్యం ఉంది.. అక్టోబర్ 2వ తేదీ… ప్రతి ఒక్కరూ ఈ మ్యాజిక్‌ను ఆనందించాలి' అని పోస్ట్ చేశారు. Just watched the #DontTroubleTheTrouble Movie!!!What a beautifully complete experience this is ❤️❤️❤️ Such a well crafted and happy film… thoroughly entertaining and deeply moving at the same time 👏🏻👏🏻👏🏻 The film carries such a rare sense of warmth throughout!!! Fahadh sir - u…— Mahesh Babu (@urstrulyMahesh) September 30, 2026

విజయ్ దేవరకొండ, రష్మిక జంటగా వస్తోన్న పీరియాడికల్ మూవీ రణబాలి. ఈ చిత్రాని బ్రిటీష్ కాలం నాటి పరిస్థితుల ఆధారంగా తెరకెక్కిస్తున్నారు. ఈ మూవీకి రాహుల్ సాంకృత్యాన్ దర్శకత్వం వహిస్తున్నారు. ఇప్పటికే షూటింగ్‌ పూర్తయిన ఈ సినిమా దసరా కానుకగా థియేటర్లలో సందడి చేయనుంది. దీంతో మూవీ టీమ్ ప్రమోషన్స్‌తో ఫుల్ బిజీగా ఉంది.ఈ నేపథ్యంలోనే డాక్యుమెంటరీ రూపంలో ఈ మూవీ విశేషాలను ఆడియన్స్‌తో పంచుకుంటున్నారు. ఇప్పటికే ది ఫెమిన్‌ వుయ్‌ ఫర్గాట్‌ అనే పార్ట్‌ రిలీజ్ చేశారు. తాజాగా ట్రూత్‌ 2: ది హిస్టరీ వుయ్‌ ఫర్గాట్‌ విడుదల చేశారు. ఇందులో బ్రిటీష్ పాలనలో ఇండియన్ రైల్వేల గురించి వివరించారు. బ్రిటిషర్లు భారత్‌లో రైల్వే వ్యవస్థను నిర్మించడం వెనుక ఉన్న అసలు ఉద్దేశాన్ని ఇందులో చూపించారు. ఈ డాక్యుమెంటరీని పూర్తిగా రాయలసీమ ప్రాంతంలోనే చిత్రీకరించారు. ఈ సినిమా కూడా రాయలసీమ బ్యాక్‌డ్రాప్‌లోనే తెరకెక్కించారు.

కాజల్ అగర్వాల్ లీడ్‌ రోల్లో వచ్చిన మేసేజ్ ఓరియంటేడ్‌ మూవీ ద ఇండియా స్టోరీ. ఈ చిత్రంలో శ్రేయాస్‌ తల్పాడే కీలకపాత్ర పోషించారు. కల్తీ కాన్సెప్ట్‌తో ఈ మూవీ ప్రేక్షకుల ముందుకు తీసుకొచ్చారు. చేతన్‌ డీకే దర్శకత్వం వహించిన ఈ చిత్రం జూలై 24న థియేటర్లలో విడుదలైంది. అయితే బాక్సాఫీస్ ఆడియన్స్‌ను ఆకట్టుకోవడంలో విఫలమైంది.ఈ మూవీ సెప్టెంబర్ 18న ఓటీటీకి వచ్చేసింది. జియో హాట్‌స్టార్ వేదికగా హిందీలో మాత్రమే అందుబాటులోకి వచ్చింది. ప్రస్తుతం తెలుగు, తమిళం భాషల్లోనూ స్ట్రీమింగ్ అవుతోంది. ఈ రోజు నుంచే తెలుగు వర్షన్ కూడా ఓటీటీలో అలరిస్తోంది.(ఇది చదవండి: సరికొత్త ఓటీటీ ఫ్లాట్‌ఫామ్.. ఉచితంగానే మలయాళ థ్రిల్లర్‌ మూవీస్..!)ది ఇండియా స్టోరీ కథేంటంటే..దేశ సరిహద్దుల్లో సైనికుడిగా పనిచేసిన ఓ వ్యక్తి ఏడేళ్ల కూతురు క్యాన్సర్‌తో చనిపోతుంది. అయితే తన కుమార్తెని అన్యాయంగా చంపేశారని చెప్పి సదరు తండ్రి.. న్యాయస్థానాన్ని ఆశ్రయిస్తాడు. ఓ లాయర్‌తో కలిసి క్రిమి సంహారకాలు తయారు చేసే కంపెనీలు, కల్తీ చేసే సంస్థలపై పోరాటానికి దిగుతాడు. ఈ ప్రయాణంలో ఎలాంటి సవాళ్లు ఎదుర్కొన్నాడు? ఓ మహిళా లాయర్‌తో కలిసి ఏం చేశాడు? రైతులు వీళ్లిద్దరిపై ఎందుకు తిరగబడ్డారు? అనేదే స్టోరీ. 📢 Streaming Alert ▶️ #TheIndiaStory (Hindi)Now streaming on JioHotstar in Tamil & Telugu also🍿 #OTT_Trackers https://t.co/wpwADa1HCW pic.twitter.com/ojAQUA6O2Q— OTT Trackers (@OTT_Trackers) September 30, 2026

ఓటీటీ ఫ్లాట్‌ఫామ్‌లో పోటీ పెరిగిపోతోంది. కొత్తగా వచ్చిన థియేటర్‌ ప్లస్ ఫ్లాట్‌ఫామ్‌ ఆడియెన్సకు సరికొత్త ఎక్స్‌పీరియన్స్ అందిస్తోంది. డిఫరెంట్ కంటెంట్, భిన్న సినిమాల్ని ప్రేక్షకులకు అందిస్తూ అందరినీ ఆకట్టుకుంటోంది. ఎలాంటి సబ్‌స్క్రిప్షన్ ఫీజు లేకుండానే ఉచితంగానే ఈ వారమే స్ట్రీమింగ్ చేస్తోంది. మూడు డిఫరెంట్ జానర్స్‌లో వచ్చిన గుమాస్తా, 4 వసంతాలు, జై గణేష్ చిత్రాలు ఈ వారమే ఓటీటీ ఫ్లాట్‌ఫామ్‌లోకి రాబోతోన్నాయి.గుమాస్తా కథేంటంటే..గుమాస్తా చిత్రం న్యాయ వ్వవస్థ, అందులోని లోపాల చుట్టూ తిరుగుతుంది. చట్టంలోని లూప్ హోల్స్ తెలిసిన లాయర్ క్లర్క్ అతని భార్య అనుమానాస్పద మృతిలో ప్రధాన ముద్దాయిగా ఉంటాడు. పిల్లిఎలుకలా సాగే ఈ ఆటలో చివరకు ఏం జరుగుతుందనేది ఎంతో ఇంట్రెస్టింగ్‌గా మారుతుంది. చివరకు వెళ్లే సరికి ట్విస్ట్‌ల మీద ట్విస్టులు వస్తుంటాయి. అలా క్లైమాక్స్‌కి అందరూ ఆశ్చర్యపోతారు.నాలుగు వసంతాలు కథేంటంటే..‘నాలుగు వసంతాలు‘ ఓ అందమైన ప్రేమ కథను ప్రేక్షకులకు అందిస్తుంది. నాలుగేళ్ల కాలేజ్ జర్నీలో ఓ ప్రేమ కథ, బ్రేకప్ వంటి అంశాల్ని ఎంతో అందంగా చూపిస్తారు. కాలేజ్‌ నుంచి బయటకు వెళ్లే టైంకి వీరి ప్రేమ కథలో ఎలాంటి ట్విస్ట్ అండ్ టర్న్స్ వస్తాయన్నది ఈ కథాంశం.జై గణేశ్ కథేంటంటే..‘జై గణేష్’ మూవీ ఓ చిన్న పిల్లాడి కిడ్నాప్ చుట్టూ తిరుగుతుంది. ఇందులోని ఇన్వెస్టిగేషన్ అందరినీ సీటు అంచున కూర్చోపెడుతుంది. చివరకు వచ్చే ట్విస్ట్‌లు, నేరస్థుడ్ని పట్టుకునే తీరు అద్భుతంగా ఉంటుంది. ఇలా ఈ మూడు డిఫరెంట్ చిత్రాలతో ఈ వారం థియేటర్‌ ప్లస్ ఓటీటీలో సందడి చేయనున్నాయి.

టాలీవుడ్‌లో యాంకర్ సుమ పేరు తెలియనివాళ్లు ఉండరు. ఆమె స్వతహాగా మలయాళీ అయినప్పటికీ తెలుగింటి కోడలిగా అడుగుపెట్టింది. టాలీవుడ్‌లో యాంకరింగ్‌ చేస్తూ ఉన్నత శిఖరాలకు చేరుకుంది. తెలుగులో సుమ లేకుంటే ఈ ఈవెంట్‌లో ఏదో మిస్సయినట్లు అనిపించేలా గుర్తింపు తెచ్చుకుంది. అలా స్టూడెంట్ నంబర్‌ వన్‌ సినిమాతో మొదలైన ఆమె జర్నీ నేటికి 25 ఏళ్లు పూర్తి చేసుకుంది. ఈ సందర్భంగా సుమ కనకాల ఎమోషనల్ పోస్ట్ చేసింది.తాజాగా ఫాహద్ ఫాజిల్ నటించిన డోంట్ ట్రబుల్ ది ట్రబుల్ ఈవెంట్‌లో సుమ జర్నీ వీడియోను ప్రదర్శించారు. ఈ వేదికపై ప్రదర్శించిన ఆడియో విజువల్ నన్ను పాత జ్ఞాపకాలలోకి తీసుకువెళ్లిందని సుమ ఎమోషనలైంది. స్టూడెంట్ నెం 1 గా 25 ఏళ్లు.. నేను ఫిల్మ్ ఈవెంట్స్ హోస్ట్‌గా 25 ఏళ్లు.. ఈ సందర్భంగా రాజమౌళి సార్‌కి నా హృదయపూర్వక ధన్యవాదాలు తెలిపారు. ఆ రోజు నా గురించి మీరు చెప్పిన ఈ మాటలు నా గ్రాడ్యుయేషన్ వేడుకలా అనిపించాయని భావోద్వేగానికి గురైంది.నా ఆడియో విజువల్ చేయించడానికి మీరు పడిన శ్రమకు.. నా ప్రోగ్రామ్ షీట్‌లో దాచడానికి మీరు చేసిన అదనపు ప్రయత్నానికి లక్ష్మి అండ్‌ నా బృందానికి ధన్యవాదాలు.. ‍అలాగే స్టూడెంట్ నెం 1 హీరో ఎన్టీఆర్‌.. నా ప్రియమైన భర్త రాజీవ్ కనకాలకి అభినందనలు అంటూ రాసుకొచ్చారు. రాజీవ్‌తో పాటు గొప్ప వ్యక్తులందరినీ నా జీవితంలోకి తీసుకువచ్చిన తెలుగు చిత్ర పరిశ్రమకు, తెలుగు సినీ అభిమానులకు ధన్యవాదాలు.. మీరు లేకపోతే నేను ఒక హోస్ట్‌గా ఇక్కడ ఉండేదాన్ని కాదు. నన్ను తెలుగు నేర్చుకునేలా చేసి, ఏ కెరీర్‌కైనా కష్టపడటం, పట్టుదల, నిరంతర అభ్యాసమే కీలకం అని నేర్పిన ఇండస్ట్రీ నాకు తల్లితో సమానమని సుమ రాసుకొచ్చారు. ఎల్లప్పుడూ నీ ఉత్సాహాన్ని పంచుతూ.. అమ్మకు పని చేసుకోవడానికి అవకాశం కల్పిస్తున్న రోషన్‌, మానస్‌కు కూడా ధన్యవాదాలు అంటూ పోస్ట్ చేశారు. ఈ సందర్భంగా రాజమౌళితో దిగిన ఫోటోను పంచుకున్నారు. The av played on dttt stage took me through a memory lane . 25yrs of student no 1 and 25yrs of me hosting film events . My heartfelt thanks to @ssrajamouli , these words about me coming from you felt like my graduation ceremony sir and @ssk1122 we are gen z🤩 , Walls and trends… pic.twitter.com/E9hNuGjtje— Suma Kanakala (@ItsSumaKanakala) September 30, 2026

రవితేజ హీరోగా వచ్చిన మూవీ ఇరుముడి. శివ నిర్వాణ దర్శకత్వంలో వచ్చిన ఈ సినిమా బాక్సాఫీస్ వద్ద సూపర్‌ హిట్‌గా నిలిచింది. తండ్రీ కూతుళ్ల సెంటిమెంట్‌ కథాంశంగా ఈ చిత్రాన్ని ప్రేక్షకుల ముందుకు తీసుకొచ్చారు. ప్రస్తుతం ఈ మూవీ ఓటీటీలో సందడి చేస్తోంది. నెట్‌ఫ్లిక్స్ వేదికగా ఆడియన్స్‌ను అలరిస్తోంది.తాజాగా ఈ సినిమా మరో రికార్డ్ సొంతం చేసుకుంది. ఓటీటీలో క్రేజీ రికార్డ్‌ నమోదు చేసింది. ప్రపంచవ్యాప్తంగా టాప్-10 నాన్-ఇంగ్లీష్ సినిమాల జాబితాలో వారం రోజుల పాటు టాప్ ప్లేస్‌ను కైవసం చేసుకుంది. ఈ ఒక్క వీకెండ్‌లోనే ఏకంగా 3.4 మిలియన్ల వ్యూస్ సాధించింది. ప్రపంచ స్థాయిలో ఇరుముడి నంబర్ వన్ స్థానంలో నిలిచింది.సెప్టెంబర్ 18న స్ట్రీమింగ్‌‌కు వచ్చిన ఈ చిత్రం, తొలి మూడు రోజుల్లోనే 3.4 మిలియన్ల వ్యూస్ సాధించింది. ఇప్పటివరకు ఓవరాల్‌గా 6.8 మిలియన్లకు పైగా వ్యూస్ నమోదు చేయడం విశేషం. కాగా.. ఈ చిత్రంలో రవితేజ సరసన ప్రియా భవానీ శంకర్ మెప్పించింది. ఈ మూవీలో సాయి కుమార్ కీలక పాత్రలో మెరిశారు. ప్రస్తుతం ఈ సినిమా తెలుగుతో పాటు హిందీ, తమిళ, మలయాళ, కన్నడ భాషల్లో ఓటీటీలో అందుబాటులో ఉంది.

బాలీవుడ్ నిర్మాత కరణ్ జోహార్‌ తన 22 ఏళ్ల టాక్‌ షోకు గుడ్ బై చెప్పనున్నారు. దాదాపు రెండు దశాబ్దాలక పైగా సాగి ఈ టాక్‌ షోకు కరణ్ హోస్ట్‌గా వ్యవహరిస్తున్నారు. ఈ పాపులర్ సెలబ్రిటీ టాక్ షోలో ఎన్నో కాంట్రవర్సీలు, ఆసక్తికరమైన కామెంట్లు, వైరల్ మూమెంట్లకు కేరాఫ్ అడ్రస్‌గా నిలిచింది. అయితే, ఇప్పుడు ఈ షో ప్రయాణానికి ముగింపు పలకనున్నట్లు కరణ్ జోహార్ తాజాగా ప్రకటించారు. ఈ మేరకు ఆయన ఎమోషనల్ వీడియోను పంచుకున్నారు. ఈ టాక్‌ షోతో తనకున్న అనుబంధాన్ని గుర్తుచేసుకున్నారు.కరణ్‌ వీడియోలో మాట్లాడుతూ..'2004లో నేను సెలబ్రిటీల టాక్‌ షో ప్రారంభించాలని మా నాన్నతో చెప్పా. అప్పుడాయన చాలా కంగారు పడ్డారు. ఇలా చేస్తే నీకు డబ్బులు ఎక్కడనుంచి వస్తాయన్నారు. అదే నెలలో ఆయన కన్నుమూశారు. ఆయనతో చివరిసారిగా చర్చించిన ప్రాజెక్ట్‌ ఇదే. కొన్ని ప్రయాణాలను మనం ముగించాలని అనుకోం. కానీ, వాటికి కూడా ఎండ్‌కార్డు వేసే సమయం వస్తుంది. కాఫీ విత్‌ కరణ్‌ నా జీవితంలో ఎంతో ముఖ్యం. నాకు ఎన్నో జ్ఞాపకాలను ఇచ్చింది. ఈ టాక్‌షోపై వివాదాలు వచ్చినప్పటికీ.. ఆదరణ మాత్రం ఎప్పుడూ తగ్గలేదు. నేను బయట కనిపించినప్పుడు నా సినిమాల అప్‌డేట్‌ల కంటే.. ఈ టాక్‌ షో తర్వాతి సీజన్‌ ఎప్పుడనే అందరూ అడుగుతారు. అలాంటి ఈ గొప్ప షోను ఇక ముగిస్తున్నా' అంటూ ఎమోషనల్ అ‍య్యారు. ఈ షో చివరి సీజన్‌ అక్టోబర్‌ 14 నుంచి జియో హాట్‌స్టార్‌లో స్ట్రీమింగ్ కానుందని వెల్లడించారు. ఇప్పటిదాకా ఈ షోలో 8 సీజన్‌లు, 161 ఎపిసోడ్‌లు సక్సెస్‌ఫుల్‌గా పూర్తైనట్లు కరణ్‌ వెల్లడించారు. View this post on Instagram A post shared by Karan Johar (@karanjohar)

టాలీవుడ్ హీరో నాని విజయవాడ ఇంద్రకీలాద్రిపై కొలువైన దుర్గమ్మను దర్శించుకున్నారు. ది ప్యారడైజ్‌ మూవీ రిలీజ్ తర్వాత టీమ్ అంతా కలిసి విజయవాడకు వెళ్లారు. ఈ సందర్భంగా అమ్మవారి ఆశీస్సులు తీసుకున్నారు. నానికి వేదపండితులు ఆశీర్వచనం చేసి శేషవస్త్రాలు, తీర్థప్రసాదాలను అందజేశారు. దీనికి సంబంధించిన వీడియోలు సోషల్ మీడియాలో వైరల్‌గా మారాయి.కాగా.. నాని హీరోగా వచ్చిన లేటేస్ట్ యాక్షన్‌ మూవీ ది ప్యారడైజ్. ఈ సినిమాకు శ్రీకాంత్ ఓదెల దర్శకత్వం వహించారు. అభిమానుల భారీ అంచనాల మధ్య రిలీజైన ఈ మూవీకి మిక్స్‌డ్‌ టాక్ వచ్చినా వసూళ్ల పరంగా రాణిస్తోంది. ఇప్పటికే రూ.200 కోట్లకు చేరువలో ఉంది. తొలి రోజే ఏకంగా రూ.80 కోట్లకు పైగా కలెక్షన్స్ రాబట్టి నాని కెరీర్‌లో బిగ్గెస్ట్ ఓపెనింగ్స్ సాధించిన మూవీ ది ప్యారడైజ్ నిలిచింది. ఈ చిత్రంలో కయాదు లోహర్ హీరోయిన్‌గా నటించింది. మోహన్ బాబు, సోనాలి కులకర్ణి, రాఘవ్ జుయల్, సంపూర్ణేశ్ బాబు కీలక పాత్రలు పోషించారు. Natural Star @NameisNani took the divine blessings at the Kanaka Durga Temple in Vijayawada ❤‍🔥Book your tickets for #TheParadise now!🎟️ https://t.co/QWwS4Ichic pic.twitter.com/0nLeH28Rka— THE PARADISE (@TheParadiseOffl) September 30, 2026

టాలీవుడ్ కొరియోగ్రాఫర్ జానీ మాస్టర్‌కి షాక్ తగిలింది. భారతదేశంలో సినీ & టీవి రంగాలలో పనిచేస్తున్న అన్ని ఫెడరేషన్‌ల వాళ్లు ఇతడికి సహాయ నిరాకరణ చేస్తున్నట్టు అల్ ఇండియా ఫిల్మ్ ఎంప్లాయీస్ కాన్ఫెడరేషన్ ప్రకటించింది. ఫెడరేషన్ నిర్ణయాలపై జానీ మాస్టర్.. కక్షపూరితంగా వ్యవహరిస్తునందున అన్ని ఫెడరేషన్ నాయకులతోనూ చర్చించి ఈ నిర్ణయం తీసుకున్నారు. (ఇదీ చదవండి: వరదల్లో కొట్టుకుపోయిన 'ఇరుముడి' బ్రిడ్జి)మరోవైపు తన భర్త జానీ మాస్టర్‌పై విధించిన సస్పెన్సన్ వెంటనే ఎత్తివేయాలని సుమలత కోరారు. ఈ మేరకు ఫిలిం ఛాంబర్‌ని సంప్రదించారు. 30 ఏళ్ల తర్వాత ఒక మహిళ ప్రెసిడెంట్ కావడాన్ని తట్టుకోలేకపోతున్నారు. డ్యాన్సర్స్ యూనియన్‌లో అవినీతి జరుగుతోంది. అవినీతిపై ప్రశ్నిస్తే అసోసియేషన్ లేకుండా చేసే ప్రయత్నం చేస్తున్నారు. చిత్రపురి హౌసింగ్ సొసైటీలో అక్రమాలు జరుగుతున్నాయి. ఫెడరేషన్ పేరు చెప్పుకుని యూనియన్లని బెదిరించే ప్రయత్నాలు చేస్తున్నారని ఈమె ఆరోపణలు చేశారు. ఫిలిం ఫెడరేషన్ అధ్యక్షుడు పలమనేని అనిల్‌ని వెంటనే సస్పెండ్ చేయాలి. అధ్యక్ష పదవి నుంచి తొలగించాలని డిమాండ్ చేశారు. మరోవైపు బుధవారం.. హైదరాబాద్ ఫిలిం ఛాంబర్‌‌లో సినీ కార్మికులు, పలు సంఘాల సమావేశమయ్యారు. ఇందులో చిత్రపురి సాధన సమితి, ఓయూ జేఏసీ, తెలంగాణ జాయింట్ యాక్షన్ కమిటీ, తదితర సంఘాల ప్రతినిధులు పాల్గొన్నారు.(ఇదీ చదవండి: వయసెంతో చెప్పి షాకిచ్చిన తెలుగు సీరియల్ నటి)

సాధారణంగా ఆడపిల్లలు, మహిళలు తమ వయసు దాచుకునే ప్రయత్నం చేస్తారు. ఎన్ని ఏళ్లు అనేది అస్సలు చెప్పుకోరు. వేరే ఎవరు అడిగినా చెప్పేందుకు పెద్దగా ఇష్టపడరు. సెలబ్రిటీలు అయితే ఎప్పుడూ యంగ్‌గా కనిపించాలని తెగ తాపత్రయపడుతుంటారు. కానీ తెలుగు సీరియల్ నటి మాత్రం నిర్భయంగా తన వయసుని బయటపెట్టింది. ఇది కోల్పోయేది కాదు సంపాదించుకునేది అని ఆసక్తికర స్టేట్‌మెంట్ ఇచ్చింది.(ఇదీ చదవండి: బ్రేకప్ చెప్పేసుకున్న బిగ్‌బాస్ తెలుగు జంట పవన్-రీతూ)గతంలో 'పద్మవ్యూహం', 'మేఘసందేశం', 'మనసు మమత' తదితర సీరియళ్లలో నటించిన అస్మిత.. మొత్తంగా 15కి పైగా చేసింది. 2019లో కొరియోగ్రాఫర్ సుధీర్‌ని పెళ్లి చేసుకున్న ఈమె.. తర్వాత ఏడాది అంటే 2020 మేలో నటనకు వీడ్కోలు చెప్పేసింది. ప్రస్తుతం సోషల్ మీడియా, యూట్యూబ్‌ ఛానెల్‌తో అభిమానులకు టచ్‌లో ఉంటోంది. అయితే తన వయసు 46 ఏళ్లు అని చెప్పి నెటిజన్లకు షాకిచ్చింది. ఈ మేరకు ఇన్ స్టాలో ఓ పోస్ట్ పెట్టింది.'ఈ రోజు నేను నన్ను నేను సెలబ్రేట్ చేసుకుంటున్నాను. చాలా ఏళ్లుగా నా వయసెంతో ఎప్పుడూ చెప్పలేదు. వయసు పెరగడం దాచుకోవాల్సిన విషయం అని మనల్ని నమ్మించేలా చేశారు. కానీ ఈ రోజు నేను 46 ఏళ్ల వయసులో ఉన్నాను. నా జీవితంలో నేను గడిపిన, ఎదుర్కొని నిలబడిన ప్రతి ఏడాది గురించి గర్వపడుతున్నా. నన్ను తీర్చిదిద్దిన అనుభవాలు, నాకు పాఠాలు నేర్పిన తప్పులు, నేను అందించిన, అందుకున్న ప్రేమ, అన్నింటికంటే ముఖ్యంగా ఈ ప్రయాణంతో మారిన వ్యక్తిత్వం గురించి గర్వపడుతున్నాను''నేను మళ్లీ చిన్నప్పటికి వెళ్లాలని కోరుకోవడం లేదు. నా జీవితంలో గడిచిన సంవత్సరాలని చెరిపివేయాలని అనుకోవడం లేదు. ఈ కొత్త దశలోనూ నేర్చుకుంటూ, ఎదుగుతూ, మారుతూ 100 శాతం వ్యక్తిత్వంతో జీవించాలని కోరుకుంటున్నాను. వయసు కోల్పోయేది కాదు. నేను సంపాదించుకునేది. అదే నా జీవితంలో అతిపెద్ద గర్వకారణం' అని అస్మిత రాసుకొచ్చింది. అయితే అస్మిత పోస్ట్ చూసిన కొందరు.. అంత వయసులా ఈమె కనిపించడం లేదే అని మాట్లాడుకుంటున్నారు.(ఇదీ చదవండి: వరదల్లో కొట్టుకుపోయిన 'ఇరుముడి' బ్రిడ్జి) View this post on Instagram A post shared by Ashmita karnani (@ashmita_9)

రవితేజ 'ఇరుముడి' సినిమా తెలుగు రాష్ట్రాల్లో ఎంత సెన్సేషన్ సృష్టించిందో ప్రత్యేకంగా చెప్పనక్కర్లేదు. గత నెలలో థియేటర్లలో విడుదలై ఓటీటీలోకి వచ్చంతవరకు థియేటర్లలో ప్రేక్షకుల్ని అమితంగా ఆకట్టుకుంది. రూ.250 కోట్ల మేర కలెక్షన్స్ సాధించి ఔరా అనిపించింది. అయితే ఈ మూవీలో ప్రముఖంగా కనిపించే ఓ చెక్క బ్రిడ్జి.. రీసెంట్‌గా కురిసిన వర్షాల కారణంగా వరదలు వచ్చి కొట్టుకుపోయింది. ఇందుకు సంబంధించిన ఫొటోలు, వీడియోలు వైరల్ అవుతున్నాయి.(ఇదీ చదవండి: బ్రేకప్ చెప్పేసుకున్న బిగ్‌బాస్ తెలుగు జంట పవన్-రీతూ)'ఇరుముడి' సినిమాలోని కొన్ని సీన్స్.. అల్లూరి జిల్లా చింతూరు మండలంలోని పొల్లూరు జలపాతం దగ్గర తీశారు. మూవీ విడుదలైన తర్వాత ఈ ప్రదేశానికి పర్యాటకుల రాక గణనీయంగా పెరిగింది. గతంలో వందల సంఖ్యలో మాత్రమే వచ్చేవాళ్లు కాస్త రీసెంట్ టైంలో వేల సంఖ్యలో తరలివస్తున్నారు. అయితే జలపాతం దగ్గర షూటింగ్ కోసం ఏర్పాటు చేసిన బ్రిడ్జి.. టూరిస్టులని విశేషంగా ఆకట్టుకుంది.కానీ గత కొన్నిరోజులుగా కురిసిన భారీ వర్షాల కారణంగా వరదలు నీరు ఎక్కువై ఆ తాకిడికి బ్రిడ్జి కొట్టుకుపోయింది. ఇది పూర్తిగా పాడైపోవడంతో పొల్లూరు వచ్చే పర్యాటకులు నిరాశ వ్యక్తం చేస్తున్నారు. బ్రిడ్జి ఉన్న సమయంలో తీసుకున్న ఫొటోలు, వీడియోలని సోషల్ మీడియాలో పోస్ట్ చేసి ఆవేదన వ్యక్తం చేస్తున్నారు.(ఇదీ చదవండి: సైలెంట్‌గా ఓటీటీలోకి వచ్చేసిన తెలుగు కామెడీ సినిమా) View this post on Instagram A post shared by Miriyala Omkar (@omkartraveller)

ఈ వారం ఓటీటీల్లోకి బెత్లెహెమ్ కుడుంట యూనిట్, రోమాంచకం, సర్దార్ 2, పూజా మేరీ జాన్ తదితర సినిమాలతో పాటు #లవ్ అనే తెలుగు డబ్బింగ్ సిరీస్ రాబోతున్నాయి. వీటితో పాటు ఏకంగా 23కి పైగా మూవీస్ స్ట్రీమింగ్ కాబోతున్నాయి. ఇవలా ఉండగానే ఓ తెలుగు చిత్రం ఏ మాత్రం హడావుడి లేకుండా మూడు ఓటీటీల్లోకి వచ్చేసింది. ఇంతకీ దీని సంగతేంటి? ఎందులో చూడొచ్చు?(ఇదీ చదవండి: ఈ వారం ఓటీటీల్లోకి 23 సినిమాలు.. ఆ నాలుగు డోంట్ మిస్)అందరూ కొత్త కుర్రాళ్లతో చేసిన తెలుగు కామెడీ డ్రామా సినిమా 'అమీర్ లోగ్'. రమణా రెడ్డి సోమ దర్శకుడు. గత నెల 21న థియేటర్లలో రిలీజైంది. కొత్తోళ్లతో తీసిన చిత్రం కావడం, రవితేజ 'ఇరుముడి' ఎఫెక్ట్ వల్ల ఇదొకటి వచ్చిందనే సంగతి జనాలకు తెలియలేదు. హైదరాబాద్ బ్యాక్‌డ్రాప్‌లో తీసిన ఈ చిత్రం ఆహా, అమెజాన్ ప్రైమ్, సన్ నెక్స్ట్ ఓటీటీల్లోకి వచ్చేసింది.'అమీర్ లోగ్' విషయానికొస్తే.. హైదరాబాద్‌లోని ఓ బస్తీలో శ్రీను (MC హరి), ఫరూక్ (మనోజ్), మల్లేశ్(శశిధర్) అని ముగ్గురు ప్రాణ స్నేహితులు ఉంటారు. పనిపాటా లేకుండా తిరుగుతూ, తాగుతూ జులాయిగా జీవితాన్ని గడిపేస్తుంటారు. ఓ రోజు అదే బస్తీకి చెందిన నజీర్ (సాయియోగి)తో క్రికెట్ విషయమై గొడవ జరుగుతుంది. వీరి పరిస్థితి గమనించిన అదే బస్తీకి చెందిన గీత (వేద జలంధర్) వీరిని తమ్ముళ్లుగా భావించి బుద్ధి చెప్పి మారమని సూచిస్తుంది. ఆమె సాయంతో శ్రీను ఓ ఆఫీస్‌లో ఆఫీస్ బాయ్‌గా చేరతాడు.అయితే తన ఆఫీస్ వాళ్లతో క్రికెట్ ఆడిన శ్రీను.. ‘మా బస్తీ వాళ్లు మీకంటే బాగా ఆడతారు’ అని పంతానికి పోయి బెట్ కడతాడు. ఆ మ్యాచ్‌లో బస్తీ టీమ్ గెలిచిందా? లేదా? బస్తీలోని పెద్దాయన చాచా (విశ్వేందర్) వీరికి ఏ విధంగా సాయపడ్డాడు? ఈ కథలోకి ‘బిర్యానీ’ కాన్సెప్ట్ ఎలా ప్రవేశించింది? గీత ప్రియుడు రవి (రావణ్) వల్ల ఈ ముగ్గురి జీవితాలు ఎలా మారాయి? అనేది మిగతా స్టోరీ.(ఇదీ చదవండి: ఓటీటీలోకి 'అక్క'.. లేడీ గ్యాంగ్‌స్టర్‌గా కీర్తి సురేశ్)

బిగ్‌బాస్‌లో ప్రతి సోమవారం నామినేషన్ల హడావుడి ఉంటుంది. ఈసారి రథం టాస్క్ ఆడించిన తర్వాత ఇది జరిగింది. సోమవారం అంతా కంటెస్టెంట్స్ రెండు జట్లుగా విడిపోయి గేమ్స్ ఆడారు. ఇందులో భైరవ టీమ్ గెలిచింది. నామినేషన్లలో చిన్నపాటి ట్విస్టులు చోటుచేసుకున్నాయి. ఇంతకీ మంగళవారం(సెప్టెంబరు 29) నాడు హౌస్‌లో ఏం జరిగింది? ఈ వారం ఎవరెవరు నామినేట్ అయ్యారు?(ఇదీ చదవండి: 'బిగ్‌బాస్'కి పోటీగా కొత్త రియాలిటీ షో.. లాంచింగ్ ప్రోమో)సోమవారం రథం టాస్క్ మధ్యలో ఆపారు. దాన్ని తిరిగి కొనసాగించడంతో మంగళవారం ఎపిసోడ్ మొదలైంది. రెండోసారీ భైరవ టీమే విజేతగా నిలిచింది. దీంతో వీళ్లకు రథం అమర్చే అవకాశం దక్కింది. ఈ జట్టు గెలవడంతో మరో టీమ్‌లోని ఎవరి దగ్గరైనా రెండు కత్తులు తీసుకోమని బిగ్‌బాస్ చెప్పడంతో వంశీ, సుధీర్.. ముకేశ్, త్రిగుణ్ కత్తుల్ని తీసుకున్నారు.రథం టాస్క్‌లో భైరవ టీమ్ గెలవడంతో వాళ్లకే నామినేషన్స్ చేసే అవకాశమిచ్చాడు బిగ్‌బాస్. సప్తశక్తి టీమ్ ఓడిపోవడంతో అందులో ఉన్నవాళ్లంతా నామినేట్ అయ్యారు. వాళ్లలో ఇద్దరికి మాత్రమే నామినేట్ చేసే ఛాన్స్ ఉంటుందని చెప్పడంతో నరేశ్, త్రిగుణ్‌లకి ఆ అవకాశం దక్కింది. టెంప్టేషన్ టాస్క్ వల్ల ముకేశ్ ముందే నామినేట్ అయ్యాడు. అపూర్వ కెప్టెన్ కాబట్టి ఆమెని నామినేట్ చేయకూడదని బిగ్‌బాస్ చెప్పాడు.తొలుత త్రిగుణ్.. రోహిత్ చేసే పనులని, మ్యానిప్యులేట్ చేసే విధానాన్ని, తన అగ్నిపరీక్ష గ్రూపిజం కారణాలు చెప్పి అతడిని నామినేట్ చేశాడు. పనులు చేయకపోవడం, బద్ధకం కారణాలుగా చెప్పాడు. నరేశ్.. అమన్‌ని నామినేట్ చేశాడు. ప్రతిదానికి గొడవ పడుతున్నాడు. అతడితో ఏమన్నా మాట్లాడాలంటే గొడవ అవుతుందేమో అనిపిస్తుంది. ప్రతి దానికి ట్రిగ్గర్ అయిపోతున్నాడు. సంచాలక్‌గా సరిగ్గా చేయలేదు, పని విషయంలో బద్ధకం అని కారణాలు చెప్పాడు. తర్వాత భైరవ టీమ్ అంతా ఒక్కొక్కరు నామినేషన్స్ చేశారు.(ఇదీ చదవండి: బిగ్‌బాస్ 10: రూ.15 లక్షలు.. పరువు.. రెండు పోయాయి!)తొలుత ఝాన్సీ వచ్చి సృష్టిని నామినేట్ చేసింది. ఓ టాస్క్ సందర్భంగా నన్ను నామినేట్ చేయకు అని అడుక్కుంది. అంత వీక్, భయం.. వెళ్లిపోతుందేమో అని అందుకే నామినేట్ చేశానని కారణాలు చెప్పింది. అమన్.. త్రిగుణ్‌ని నామినేట్ చేశాడు. అపూర్వ.. త్రిగుణ్‌ని నామినేట్ చేసింది. చాలా ఇరిటేటింగ్ పర్సన్, ఓవర్ యాక్షన్ చేస్తున్నాడని కారణాలు చెప్పింది. రాంప్రసాద్.. షాలినిని నామినేట్ చేశాడు. బిగ్‌బాస్ ఎన్నిసార్లు చెప్పినా అదే ఆలస్యం, అలానే నిన్న జరిగిన గొడవని కారణాలుగా చూపించాడు. రాంప్రసాద్ చెబుతున్నంతసేపు షాలిని ఎప్పట్లాగే ఓవరాక్షన్ చేస్తూ అరుస్తూ మాట్లాడింది.రోహిత్.. దేబ్జానీని నామినేట్ చేశాడు. వర్షిణి.. సృష్టిని నామినేట్ చేసింది. వంశీ.. చరణ్‌ని నామినేట్ చేశాడు. సుధీర్ కూడా చరణ్‌నే నామినేట్ చేశాడు. మొత్తంగా ఈ వారం ముకేశ్, త్రిగుణ్, దేబ్జానీ, రోహిత్, షాలిని, అమన్, నరేశ్, చరణ్, సృష్టిలు నామినేషన్స్‌లో ఉన్నారు. అలా మంగళవారం ఎపిసోడ్ పూర్తయింది.(ఇదీ చదవండి: బ్రేకప్ చెప్పేసుకున్న బిగ్‌బాస్ తెలుగు జంట పవన్-రీతూ)

తెలుగులో ప్రస్తుతం బిగ్‌బాస్ 10వ సీజన్ నడుస్తోంది. అయితే గతేడాది అగ్నిపరీక్ష నుంచి ఈ షోకి వెళ్లి ఫైనల్ వరకు వచ్చిన డిమోన్ పవన్.. రీతూ చౌదరికి బ్రేకప్ చెప్పేశాడు. ఈ మేరకు తన ఇన్ స్టాలో ఎమోషనల్ స్టోరీ పోస్ట్ చేశాడు. తాము విడిపోయామని, ఇకపై తమ బంధం కొనసాగదని రాసుకొచ్చాడు.(ఇదీ చదవండి: 'బిగ్‌బాస్'కి పోటీగా కొత్త రియాలిటీ షో.. లాంచింగ్ ప్రోమో)'అందరికీ నమస్కారం. #రివాన్ గురించి నాకు వరుసగా మెసేజ్‌లు వస్తున్నాయి. అందుకే దీనిపై మాట్లాడాలని అనుకున్నాను. రీతుని నేను ఉపయోగించుకున్నాను. లేదా రీతు నన్ను ఉపయోగించుకుంది. ఇంకేదో జరిగింది అంటూ వస్తున్న నెగెటివిటీ, పుకార్లతో నేను విసిగిపోయాను. బిగ్‌బాస్‌లో మీరంతా చూసేది, నిజ జీవితంలో జరిగేది ఈ రెండూ పూర్తిగా వేర్వేరు విషయాలు. ఎవరూ ఎవరినీ ఉపయోగించుకోలేదు. ఇది ఒక పరస్పర స్నేహం. మా ఇద్దరికీ వ్యక్తిగత బలాలు, బలహీనతలు ఉన్నాయి. మేం గతంలో కలిసి పనిచేశాం. కానీ ఇకపై రివాన్(రీతూ-పవన్) ఉండదు''మా స్నేహం పూర్తిగా బ్రేకప్ అయిపోయింది. మేం మంచి రిలేషన్ మెంటైన్ చేశాం కానీ ఏ బంధంలోనైనా వ్యక్తిగత సమస్యలు ఉంటాయి. చాలా నెలలుగా మాకు ఎన్నోసార్లు గొడవలు జరిగాయి. ప్రతిసారీ నేను అర్థం చేసుకుని, సమస్యని పరిష్కరించుకోవడానికి ప్రయత్నించాను. కానీ పరిస్థితులు అదుపు తప్పుతున్నాయి. ప్రతిసారీ మా గొడవలు మరింత పెద్దవవుతున్నాయి. కాబట్టి ప్రశాంతత కోసం మా ప్రాజెక్టులను విడివిడిగా చేసుకోవాలని అనుకున్నాం. ఆమె నన్ను వాట్సాప్‌లో బ్లాక్ చేసి, స్నాప్‌లో తొలగించింది. అది నాకు నచ్చలేదు. అందుకే నేను ఆమెని ఇన్‌స్టాగ్రామ్‌లో అన్ ఫాలో చేశాను. ఇప్పుడు ఆమె నన్ను ఇన్‌స్టాలోనూ బ్లాక్ చేసింది. నేను ఏ పోస్టులను డిలీట్ చేయలేదు. మీ సపోర్ట్‌కి థ్యాంక్యూ' అని పవన్ భావోద్వేగానికి గురయ్యాడు.బిగ్‌బాస్ షోలో తెగ కెమిస్ట్రీ చూపించిన పవన్-రీతూ.. బయటకొచ్చిన తర్వాత 'బీబీ జోడీ' డ్యాన్స్ షోలో జంటగా పాల్గొన్నారు. గత నెలలోనే వీళ్లిద్దరూ కలిసి చేసిన 'బంగారం' అనే ఆల్బమ్ వీడియో సాంగ్ రిలీజైంది. ఇంతలో ఇప్పుడు బ్రేకప్ చెప్పేసుకోవడంతో వీళ్లిద్దరి అభిమానులు షాకయ్యారు. రీతూ చౌదరి ఈ విషయమై స్పందించాల్సి ఉంది.(ఇదీ చదవండి: బిగ్‌బాస్ 10: ఈ వారం నామినేషన్స్‌లో ఉన్నది వీళ్లే)

దక్షిణాదిలో హీరోయిన్‌‌గా గుర్తింపు తెచ్చుకున్న రాశీఖన్నా.. తెలుగు, తమిళ, హిందీ భాషల్లో నటిస్తూ కాస్తంత బిజీగానే ఉంది. ప్రస్తుతం రజనీకాంత్‌ హీరోగా చేస్తున్న 'ధర్మన్'లో కీలక పాత్ర చేస్తోంది. అశ్వత్ మారిముత్తు ఈ చిత్రానికి దర్శకుడు. కమలహాసన్‌ నిర్మాత. ప్రస్తుతం మైసూరులో ఈ ప్రాజెక్ట్ షూటింగ్ జరుగుతోంది.(ఇదీ చదవండి: బ్రేకప్ చెప్పేసుకున్న బిగ్‌బాస్ తెలుగు జంట)అయితే రీసెంట్‌గా ఓ ఇంటర్వ్యూలో పాల్గొన్న రాశీ ఖన్నా.. 'ధర్మన్‌' షూటింగ్ సంగతులు మాట్లాడింది. 'నా పాత్ర చాలా కొత్తగా ఉంటుంది. రజనీకాంత్‌ నాకు మంచి ఫ్రెండ్‌ అయ్యారు. షూటింగ్‌ గ్యాప్‌లో చాలా విషయాల గురించి మాట్లాడుకుంటున్నాం. చాలా సందేహాలను ఆయన్ని అడిగి తెలుసుకున్నా. ఆయన చాలా ఓపిగ్గా బదులిస్తుంటారు. కొన్ని సమయాల్లో ఆట పట్టిస్తుంటారు. రజనీకాంత్‌లో హ్యుమర్ ఎక్కువ. ఆయన పక్కన ఉంటే చాలా విషయాలు నేర్చుకోవచ్చు' అని చెప్పుకొచ్చింది.ఇందులో రజనీకాంత్ కూతురిగా రాశీఖన్నా నటిస్తున్నట్లు తెలుస్తోంది. తెలుగు హీరో రామ్ పోతినేని ఈమెకు జోడీగా విలనీ టచ్ ఉన్న పాత్రలో కనిపించబోతున్నాడు. అనిరుధ్ సంగీత దర్శకుడు. వచ్చే ఏడాది సంక్రాంతికి ఈ మూవీని థియేటర్లలో రిలీజ్ చేయాలని ప్లాన్ చేస్తున్నారు.(ఇదీ చదవండి: ఔను ఆ రూమర్స్ నిజమే.. రాశీఖన్నా రివీల్ చేసిన సీక్రెట్)

సినిమా షూటింగ్స్‌ అంటే లోకల్‌లోనే కాదు... కథ డిమాండ్‌ చేస్తే దేశ విదేశాల్లోనూ చిత్రీకరణలు జరుగుతుంటాయి. అయితే టాలీవుడ్‌కి హార్ట్‌ ఆఫ్‌ ది సిటీగా చెప్పుకునే హైదరాబాద్‌లో మాత్రం ఎప్పుడూ సినిమాల షూటింగ్‌ల సందడి నెలకొంటుందని ప్రత్యేకించి చెప్పక్కర్లేదు. ప్రస్తుతం నాగార్జున, వెంకటేశ్, బాలకృష్ణ, ప్రభాస్, అల్లు అర్జున్, మహేశ్‌బాబు, రిషబ్‌ శెట్టి, గోపీచంద్, నితిన్, శర్వానంద్, శ్రీ విష్ణు వంటి హీరోల సినిమాల షూటింగ్స్‌ హైదరాబాద్‌తో పాటు పరిసర ప్రాంతాల్లో భలే జోరుగా జరుగుతున్నాయి. ఆ విశేషాలు ఏంటో చూద్దాం... అన్నపూర్ణలో కింగ్‌ టాలీవుడ్‌ స్టార్‌ హీరోల్లో ఒకరైన నాగార్జున నటిస్తున్న తాజా చిత్రం ‘కింగ్‌ 100’. ఈ సినిమాకి తమిళ దర్శకుడు రా. కార్తీక్‌ దర్శకత్వం వహిస్తున్నారు. ఈ మూవీలో నటి టబు కీలక పాత్ర పోషిస్తున్నారు. నాగార్జున ఈ చిత్రంలో హీరోగా నటించడంతో పాటు భారీ బడ్జెట్‌తో దీనిని నిర్మిస్తున్నారు కూడా! ప్రస్తుతం ఈ సినిమా రెగ్యులర్‌ షూటింగ్‌ భాగ్యనగరంలోని అన్నపూర్ణ స్టూడియోస్‌లో శరవేగంగా జరుగుతోంది. ఈ షెడ్యూల్‌లో నాగార్జునతోపాటు టబు కూడా పాల్గొంటున్నారు. వీరిద్దరిపై కీలకమైన సన్నివేశాలను చిత్రీకరిస్తున్నారట కార్తీక్‌. ఈ షెడ్యూల్‌ పూర్తయిన తర్వాత అక్టోబర్‌ 1 నుంచి హైదరాబాద్‌లోని అల్యూమినియం ఫ్యాక్టరీలో కొత్త షెడ్యూల్‌ జరగనుంది. అక్కడ యాక్షన్‌ సన్నివేశాలు చిత్రీకరించనున్నారని తెలుస్తోంది. యాక్షన్‌ బ్యాక్‌డ్రాప్‌లో ఫ్యామిలీ ఎంటర్‌టైనర్‌గా రూపొందుతోన్న ‘కింగ్‌ 100’ నాగార్జున కెరీర్‌లో వందో చిత్రం కావడంతో ఇటు ఇండస్ట్రీలో అటు ప్రేక్షకుల్లో భారీ అంచనాలున్నాయి. ‘కింగ్‌ 100’ చిత్రం క్రిస్మస్‌ సందర్భంగా ఈ డిసెంబరు 24న ప్రపంచవ్యాప్తంగా విడుదల కానుంది. అజీజ్‌ నగర్‌లో... ‘సంక్రాంతికి వస్తున్నాం’ (2025) వంటి బ్లాక్‌బస్టర్‌ మూవీ తర్వాత హీరో వెంకటేశ్‌–డైరెక్టర్‌ అనిల్‌ రావిపూడి కాంబినేషన్‌లో తెరకెక్కుతోన్న చిత్రం ‘జనవరి 12 విడుదల’. (బావ బామ్మర్ది సౌజన్యంతో అన్నది ట్యాగ్‌లైన్‌). ఈ మూవీలో కల్యాణ్‌ రామ్‌ మరో హీరోగా నటిస్తున్నారు. ఈ చిత్రంలో వెంకటేశ్‌ సరసన కీర్తీ సురేష్, కల్యాణ్‌ రామ్‌ సరసన కృతీ శెట్టి హీరోయిన్లుగా నటిస్తున్నారు. సురేష్‌ ప్రొడక్షన్స్, జీ స్టూడియోస్, అర్చన సమర్పణలో షైన్‌ స్క్రీన్స్‌ బ్యానర్‌పై సాహు గారపాటి నిర్మిస్తున్నారు. ఈ మూవీ షూటింగ్‌ ప్రస్తుతం హైదరాబాద్‌ సమీపంలోని అజీజ్‌ నగర్‌లో జరుగుతోంది. ఈ షెడ్యూల్‌లో వెంకటేశ్, కల్యాణ్‌ రామ్‌తో పాటు హీరోయిన్లు, అలాగే చిత్రంలోని ప్రధాన తారాగణంపై కీలకమైన సన్నివేశాలు తెరకెక్కిస్తున్నారని సినీ వర్గాల భోగట్టా. అనిల్‌ రావిపూడి. పక్కా ఫ్యామిలీ ఎంటర్‌టైనర్‌గా రూపొందుతోన్న ఈ చిత్రం 2027 సంక్రాంతి సందర్భంగా జనవరి 12న విడుదల కానుంది. ఆర్‌ఎఫ్‌సీలో... బాలకృష్ణ హీరోగా గోపీచంద్‌ మలినేని దర్శకత్వంలో రూపొందుతోన్న చిత్రం ‘దాదా’. ఈ మూవీలో మంచు మనోజ్, కాజల్‌ అగర్వాల్‌ కీలక పాత్రల్లో నటిస్తున్నారు. ‘వీరసింహా రెడ్డి’ వంటి హిట్‌ మూవీ తర్వాత బాలకృష్ణ–గోపీచంద్‌ మలినేని కాంబినేషన్‌లో రూపొందుతోన్న చిత్రం ఇది. వృద్ధి సినిమాస్‌ బ్యానర్‌పై వెంకట సతీష్‌ కిలారు నిర్మిస్తున్నారు. ఈ మూవీ షూటింగ్‌ హైదరాబాద్‌ సమీపంలోని ఆర్‌ఎఫ్‌సీలో జరుగుతోంది. బాలకృష్ణతో పాటు ఇతర ప్రధాన తారాగణంపై ముఖ్యమైన సన్నివేశాలను రూపొందిస్తున్నారట గోపీచంద్‌ మలినేని. ఈ సినిమా క్రిస్మస్‌ సందర్భంగా డిసెంబరు 24న ప్రేక్షకుల ముందుకు రానుంది. కోకాపేటలో... ప్రభాస్‌ హీరోగా నటిస్తున్న తాజా పాన్‌ ఇండియన్‌ మూవీ ‘ఫౌజి’. ‘సీతారామం’ మూవీ ఫేమ్‌ హను రాఘవపూడి దర్శకత్వం వహిస్తున్నారు. ఈ సినిమాలో ఇమాన్వీ హీరోయిన్‌గా నటిస్తున్నారు. జయప్రద, అనుపమ్‌ ఖేర్, మిథున్‌ చక్రవర్తి, భాను చందర్‌ ఇతర కీలక పాత్రలు పోషిస్తున్నారు. టి–సిరీస్‌ గుల్షన్‌ కుమార్, భూషణ్‌ కుమార్‌ సమర్పణలో మైత్రీ మూవీ మేకర్స్‌పై నవీన్ యెర్నేని, వై. రవిశంకర్‌ నిర్మిస్తున్నారు.ప్రస్తుతం ఈ మూవీ చిత్రీకరణ హైదరాబాద్‌ సమీపంలోని కోకాపేటలో జరుగుతోంది. ప్రభాస్‌తో పాటు ఇతర నటీనటులపై ముఖ్యమైన సన్నివేశాలను తెరకెక్కిస్తున్నారట హను రాఘవపూడి. ‘‘పీరియాడికల్‌ యాక్షన్‌ డ్రామాగా రూపొందుతోన్న చిత్రం ‘ఫౌజి’. తన కెరీర్‌లో ఇప్పటివరకు ఎప్పుడూ కనిపించని రగ్డ్, ఎమోషనల్‌ లుక్‌లో ప్రభాస్‌ కనిపించనున్నారు’’ అని చిత్రబృందం పేర్కొంది. పాన్‌ ఇండియా ప్రాజెక్ట్‌గా రూపొందుతోన్న ‘ఫౌజి’ సినిమా ఈ డిసెంబరు 3న విడుదల కానుండగా అనివార్య కారణాల వల్ల వాయిదా పడింది. రాకా యాక్షన్‌... ‘పుష్ప ది రైజ్, పుష్ప 2: ది రూల్‌’ వంటి బ్లాక్‌బస్టర్‌ మూవీస్‌ తర్వాత అల్లు అర్జున్‌ హీరోగా నటిస్తున్న తాజా చిత్రం ‘రాకా’. ఈ మూవీకి తమిళ దర్శకుడు అట్లీ దర్శకత్వం వహిస్తున్నారు. ఈ చిత్రంలో దీపికా పదుకోన్‌ కథానాయికగా నటిస్తున్నారు. సన్‌ పిక్చర్స్‌ బ్యానర్‌పై కళానిధి మారన్‌ నిర్మిస్తున్నారు. ప్రస్తుతం ఈ సినిమా షూటింగ్‌ భాగ్యనగరం సమీపంలోని ఆర్‌ఎఫ్‌సీలో జరుగుతోంది. అయితే ఈ షెడ్యూల్‌లో అల్లు అర్జున్‌ పాల్గొనడం లేదని తెలిసింది. ఇతర నటీనటులపై ముఖ్యమైన సన్నివేశాలను చిత్రీకరిస్తున్నారట అట్లీ. అక్టోబరులో అల్లు అర్జున్‌ ఈ చిత్రం షూట్‌లో జాయిన్‌ అవుతారని టాక్‌. ఆయనపై కీలకమైన ఓ భారీ యాక్షన్‌ సీక్వెన్స్‌ తెరకెక్కించనున్నారట దర్శకుడు. ఇదిలా ఉంటే... ఏప్రిల్‌ 8న అల్లు అర్జున్‌ పుట్టినరోజు సందర్భాన్ని పురస్కరించుకుని ‘రాకా’ అనే టైటిల్‌ను ఫిక్స్‌ చేసి, విడుదల చేసిన అల్లు అర్జున్‌ ఫస్ట్‌ లుక్‌ ట్రెండ్‌ అయింది. గుండు, వింత శరీరాకృతితో ఓ సరికొత్త అవతారంతో అందర్నీ ఆశ్చర్యపరిచారాయన. ఈ మూవీ 2027లో విడుదల కానుంది. శంకరపల్లిలో... గోపీచంద్‌ హీరోగా నటిస్తున్న తాజా చిత్రం ‘సింగ’. ఈ సినిమా ద్వారా ఫైట్‌ మాస్టర్‌ వి. వెంకట్‌ దర్శకుడిగా పరిచయం అవుతున్నారు. మలయాళ నటి అనార్కలి నజర్‌ హీరోయిన్‌గా తెలుగులో అడుగుపెడుతున్నారు. ‘భలే మంచి రోజు, ఆనందో బ్రహ్మ, యాత్ర’ వంటి సినిమాలను నిర్మించిన 70ఎంఎం ఎంటర్‌టైన్‌మెంట్స్‌ బ్యానర్‌పై విజయ్‌ చిల్లా, శశి దేవిరెడ్డి ‘సింగ’ మూవీని నిర్మిస్తున్నారు. హైదరాబాద్‌ సమీపంలోని శంకరపల్లిలో ఈ సినిమా షూటింగ్‌ శరవేగంగా జరుగుతోంది. హీరో హీరోయిన్లతోపాటు ఇతర తారాగణంపై ముఖ్యమైన సన్నివేశాలను తెరకెక్కిస్తున్నారట వెంకట్‌. ‘‘యాక్షన్‌ ఎంటర్‌టైనర్‌గా రూపొందుతోన్న చిత్రం ‘సింగ’. ఫైట్‌ మాస్టర్‌గా సక్సెస్‌ అందుకున్న వెంకట్‌కి దర్శకుడిగా ఇది తొలి చిత్రం అయినప్పటికీ ఎంతో అనుభవం ఉన్న డైరెక్టర్‌లా కథను తీర్చిదిద్దుతున్నారు. గోపీచంద్‌ను సరికొత్త పాత్రలో చూపించనున్నారాయన. అత్యున్నత నిర్మాణ విలువలు, భారీ స్థాయి సాంకేతిక ప్రమాణాలతో ఈ చిత్రాన్ని గ్రాండ్‌గా తెరకెక్కిస్తున్నాం. ప్రేక్షకులకు అద్భుతమైన అనుభూతిని అందించేందుకు రాజీ పడకుండా నిర్మిస్తున్నాం’’ అని చిత్రబృందం తెలిపింది. హనుమాన్‌ 2 ప్రశాంత్‌ వర్మ దర్శకత్వం వహించిన ‘హను–మాన్‌’ మూవీ పాన్‌ ఇండియా స్థాయిలో సూపర్‌ హిట్‌గా నిలిచిన సంగతి తెలిసిందే. తేజ సజ్జా, అమృతా అయ్యర్‌ జంటగా నటించారు. నిరంజన్‌ రెడ్డి నిర్మించిన ఈ మూవీ 2024 జనవరి 12న రిలీజైంది. చిన్న చిత్రంగా ప్రారంభమై, పాన్‌ ఇండియా స్థాయిలో సంచలనం సృష్టించిన హను–మా¯న్‌కి సీక్వెల్‌గా తెరకెక్కుతున్న తాజా చిత్రం ‘జై హనుమాన్‌’. ఈ మూవీలో ఆంజనేయ స్వామిగా ‘కాంతారా’ మూవీ ఫేమ్‌ రిషబ్‌ శెట్టి నటిస్తున్నారు.‘హను–మాన్‌’లో హనుమంతుగా నటించిన తేజ సజ్జా సీక్వెల్‌లోనూ అదే పాత్రలో కనిపించనున్నారు. ‘ప్రశాంత్‌ వర్మ సినిమాటిక్‌ యూనివర్స్‌’లో భాగంగా రూపొందుతున్న ఈ సినిమాని మైత్రీ మూవీ మేకర్స్‌ బ్యానర్‌పై నవీన్‌ యెర్నేని, వై. రవిశంకర్‌ భారీ బడ్జెట్‌తో నిర్మిస్తున్నారు. ప్రస్తుతం ఈ మూవీ షూటింగ్‌ హైదరాబాద్‌ సమీపంలోని ఆర్‌ఎప్‌సీలో శరవేగంగా జరుగుతోంది. శ్రీరాముడికి హనుమంతుడు ఇచ్చిన మాట ఏంటి? దాన్ని నిలబెట్టుకోవడానికి ఏం చేశాడు? అనే నేపథ్యంలో ‘జై హనుమాన్‌’ని రూపొందిస్తున్నారని సమాచారం. మొయినాబాద్‌లో... ‘నారీ నారీ నడుమ మురారి, బైకర్‌’ వంటి హిట్‌ మూవీస్‌తో ఫుల్‌ జోష్‌లో ఉన్న హీరో శర్వానంద్‌ నటిస్తున్న తాజా చిత్రం ‘జార్జ్‌ క్రిష్‌’. ఈ మూవీకి శ్రీను వైట్ల దర్శకత్వం వహిస్తున్నారు. ఈ సినిమాలో మానస వారణాసి హీరోయిన్‌గా నటిస్తున్నారు. ఏటీవీ సమర్పణలో అనిల్‌ సుంకర ఏకే ఎంటర్‌టైన్‌మెంట్స్‌ బ్యానర్‌పై రామబ్రహ్మం సుంకర నిర్మిస్తున్నారు. అజయ్‌ సుంకర సహ నిర్మాతగా వ్యవహరిస్తున్నారు.ఈ సినిమా ప్రస్తుతం భాగ్యనగరం సమీపంలోని మొయినాబాద్‌లో జరుగుతోంది. శర్వానంద్, మానస వారణాసితో పాటు ఇతర నటీనటులపై ముఖ్యమైన సీన్స్‌ తీస్తున్నారట శ్రీను వైట్ల. సంక్రాంతి సీజన్‌లో కంప్లీట్‌ ఫ్యామిలీ ఎంటర్‌టైనర్‌గా ఆడియన్స్‌ని అలరించనున్న ఈ సినిమా 2027 జనవరి 14న విడుదల కానుంది. శంకరపల్లిలో... సాయి దుర్గాతేజ్‌ హీరోగా నటిస్తున్న తాజా చిత్రం ‘ఎస్‌వైజీ’(సంబరాల ఏటిగట్టు). ఈ మూవీ ద్వారా రోహిత్‌ కేపీ దర్శకునిగా పరిచయమవుతున్నారు. ఐశ్వర్య లక్ష్మి హీరోయిన్‌గా నటిస్తున్న ఈ మూవీలో జగపతి బాబు, సాయి కుమార్, శ్రీకాంత్, అనన్య నాగళ్ల ఇతర పాత్రలు పోషిస్తున్నారు. ప్రైమ్‌షో ఎంటర్‌టైన్‌మెంట్‌పై ‘హను–మాన్‌’ వంటి విజయవంతమైన సినిమా తీసిన కె. నిరంజన్‌ రెడ్డి, చైతన్య రెడ్డి ఈ సినిమా నిర్మిస్తున్నారు. ఈ సినిమా షూటింగ్‌ తాజా షెడ్యూల్‌ హైదరాబాద్‌ సమీపంలోని శంకరపల్లిలో జరుగుతోంది. సాయి దుర్గాతేజ్‌తో పాటు కీలక తారాగణంపై పలు సన్నివేశాలు రూపొందిస్తున్నారట రోహిత్‌. ఈ మూవీ సంక్రాంతి సందర్భంగా జనవరి 12న ప్రేక్షకుల ముందుకు వస్తోంది. పైన పేర్కొన్న సినిమాలే కాదు... మరికొన్ని మూవీ షూటింగ్స్‌ కూడా హైదరాబాద్‌తో పాటు పరిసర ప్రాంతాల్లో జోరుగా హుషారుగా జరుగుతున్నాయి. శంషాబాద్‌లో... మహేశ్‌బాబు హీరోగా అంతర్జాతీయ స్థాయిలో రూపొందుతోన్న చిత్రం ‘వారణాసి’. ఎస్‌ఎస్‌ రాజమౌళి దర్శకత్వం వహిస్తున్న ఈ సినిమాలో నటి ప్రియాంకా చో్రపా, పృథ్వీరాజ్‌ సుకుమారన్‌ కీలక పాత్రలు పోషిస్తున్నారు. శ్రీ దుర్గా ఆర్ట్స్, షోయింగ్‌ బిజినెస్‌ బ్యానర్లపై కేఎల్‌ నారాయణ, ఎస్‌ఎస్‌ కార్తికేయ ఈ మూవీ నిర్మిస్తున్నారు. ఈ సినిమా చిత్రీకరణ ప్రస్తుతం హైదరాబాద్‌ సమీపంలోని శంషాబాద్‌లో జరుగుతోంది.అయితే ఈ షెడ్యూల్‌లో మహేశ్‌బాబు పాల్గొనడం లేదు. ఎందుకంటే తన పాత్రకు సంబంధించిన షూటింగ్‌ని ఆయన ఇటీవల పూర్తి చేసిన సంగతి తెలిసిందే. మహేశ్‌ లేని సీన్స్‌ని తెరకెక్కిస్తున్నారట రాజమౌళి. ఈ చిత్రంలో శ్రీరాముడిగా, రుద్రుడి గా మహేశ్‌బాబు కనిపిస్తారు. ‘వారణాసి’ని అంతర్జాతీయ స్థాయిలో 120 దేశాల్లో విడుదల చేయనున్నట్లు ఇప్పటికే రాజమౌళి పేర్కొన్న సంగతి తెలిసిందే. అందుకు తగ్గట్టే ప్రమోషన్స్‌ కూడా నిర్వహిస్తున్నారు మేకర్స్‌. 2027 ఏప్రిల్‌ 7న ‘వారణాసి’ ప్రపంచవ్యాప్తంగా విడుదలకానుంది.అల్యూమినియం ఫ్యాక్టరీలో... కిరణ్‌ అబ్బవరం హీరోగా నటిస్తూ, తొలిసారి దర్శకత్వం వహిస్తున్న చిత్రం ‘కేఏ 13’(వర్కింగ్‌ టైటిల్‌). దేవిక భట్‌ హీరోయిన్‌గా నటిస్తున్న ఈ మూవీలో శరత్‌ కుమార్, సాయి కుమార్‌ ఇతర పాత్రలు పోషిస్తున్నారు. జాయ్‌ ఫిలింస్‌ బ్యానర్‌పై సుధాకర్‌ చాగంటి నిర్మిస్తున్నారు. ఈ మూవీ తాజా షెడ్యూల్‌ ప్రస్తుతం గచ్చిబౌలి సమీపంలోని అల్యూమినియం ఫ్యాక్టరీలో జరుగుతోంది. హీరో హీరోయిన్లతోపాటు ఇతర తారాగణంపై ముఖ్యమైన సన్నివేశాలు తెరకెక్కిస్తున్నారు కిరణ్‌. ‘ఎస్‌ఆర్‌ కళ్యాణమండపం’ సినిమాతో కథా రచయితగా తన ప్రతిభను నిరూపించుకున్న ఆయన, ‘కేఏ 13’ చిత్రానికి కథ, స్క్రీన్‌ప్లే, దర్శకత్వంతోపాటు హీరోగా నటిస్తుండటం విశేషం. అల్యూమినియం ఫ్యాక్టరీలో... నితిన్‌ హీరోగా నటిస్తున్న తాజా చిత్రం ‘అలియాస్‌ రుక్మిణీ’. మురళీ కాంత్‌ దేవాసోత్‌ రచన, దర్శకత్వంలో రూపొందుతోన్న ఈ సినిమాలో సాయి కుమార్, హర్షవర్ధన్‌ కీలక పాత్రలు పోషిస్తున్నారు. ఈ మూవీకి హీరో నాని సమర్పకుడిగా వ్యవహరిస్తున్నారు. యునానిమస్‌ ప్రొడక్షన్స్‌ బ్యానర్‌పై దీప్తి గంటా నిర్మిస్తున్నారు. ఈ సినిమా షూటింగ్‌ ప్రస్తుతం హైదరాబాద్‌ గచ్చిబౌలి సమీపంలోని అల్యూమినియం ఫ్యాక్టరీలో శరవేగంగా జరుగుతోంది. నితిన్, సాయి కుమార్, హర్ష వర్ధన్, ఇతర నటీనటులు పాల్గొనగా కీలక సన్నివేశాలు తెరకెక్కిస్తున్నారట మురళీ కాంత్‌. ‘‘కోర్ట్‌–స్టేట్‌ వర్సెస్‌ ఎ నోబడీ’ వంటి అద్భుత విజయం తర్వాత నాని సమర్పణలో యునానిమస్‌ ప్రొడక్షన్స్‌పై రూపొందుతున్న చిత్రం ‘అలియాస్‌ రుక్మిణీ’. తొట్ట తొలి చిత్రం ‘దండోరా’తోనే విమర్శకులను ఆకట్టుకున్న మురళీకాంత్‌ ఈ చిత్రానికి రచన, దర్శకత్వం వహిస్తున్నారు. ఒక ఆసక్తికరమైన కథతో కూడిన విలక్షణమైన ప్రపంచాన్ని ఆవిష్కరించేలా ఉంటుంది ఈ చిత్రం. ఈ సినిమాలో నితిన్‌ చాలా విలక్షణమైన పాత్రలో నటిస్తున్నారు’’ అని చిత్రబృందం తెలిపింది. ఫ్యామిలీ ప్యాక్‌... హీరో శ్రీ విష్ణు–డైరెక్టర్‌ రామ్‌ అబ్బరాజు కాంబినేషన్‌లో వచ్చిన ‘సామజవరగమన’ (2023) చిత్రం ఘన విజయం సాధించిన సంగతి తెలిసిందే. ఆ హిట్‌ మూవీ తర్వాత వీరి కాంబినేషన్‌లో రూపొందుతోన్న ద్వితీయ చిత్రం ‘ఫ్యామిలీ ప్యాక్‌’. ఈ సినిమాలో సాక్షి మధోల్కర్‌ హీరోయిన్ న్‌గా నటిస్తున్నారు. నరేష్‌ వీకే, అభిరామి, మురళీ శర్మ, అన్నపూర్ణమ్మ, వెన్నెల కిషోర్, సుదర్శన్, సత్య, రోహిణి, గెటప్‌ శ్రీను, మురళీధర్‌ గౌడ్, రఘుబాబు ఇతర పాత్రలు పోషిస్తున్నారు. మైత్రి మూవీ మేకర్స్‌పై నవీన్‌ యెర్నేని, వై. రవిశంకర్‌ నిర్మిస్తున్నారు. అనిల్‌ ఎర్నేని సహ నిర్మాతగా వ్యవహరిస్తున్నారు. ఈ సినిమా చిత్రీకరణ ప్రస్తుతం హైదరాబాద్‌ సమీపంలోని శంకర్‌పల్లిలో జరుగుతోంది. శ్రీ విష్ణుతో పాటు ఇతర నటీనటులపై కీలకమైన సీన్స్‌ తీస్తున్నారు రామ్‌ అబ్బరాజు. ఈ మూవీ 2027 సంక్రాంతికి విడుదల కానుంది.– డేరంగుల జగన్‌ మోహన్‌

తేజ సజ్జా హోస్ట్‌గా వ్యవహరిస్తున్న తొలి రియాలిటీ గేమ్‌ షో ‘ది ట్రైటర్స్‌ తెలుగు’ స్ట్రీమింగ్‌కు సిద్ధమైంది. ఈ షో నాలుగు వారాల పాటు తెలుగు భాషలో ఇంగ్లిష్‌ సబ్‌ టైటిల్స్‌తో అమెజాన్‌ ప్రైమ్‌ వీడియో ఓటీటీ ప్లాట్‌ఫామ్‌లో అక్టోబరు 15 నుంచి స్ట్రీమింగ్‌ కానుంది. పది ఎపిసోడ్స్‌తో రూపొందుతున్న ఈ సిరీస్‌లో విభిన్న రంగాలకు చెందిన 20 మంది ప్రముఖులు పాల్గొంటారు.ఎస్‌ఓఎల్‌ ప్రొడక్షన్స్‌ నిర్మిస్తున్న ‘ది ట్రైటర్స్‌’ గేమ్‌ షో అనౌన్స్‌మెంట్‌ వీడియోను మంగళవారం మేకర్స్‌ అధికారికంగా విడుదల చేశారు. ‘ఒక్కటి మాత్రం పక్కా... ఇక్కడ అందరూ మోసపోతారు... మోసం కూడా చేస్తారు’, ‘ఒక్కర్ని చేస్తే మోసం... ఇద్దర్నీ చేస్తే... అందర్నీ చేస్తే... ఇట్స్‌ ఏ గేమ్‌’ అంటూ తేజ సజ్జా చెప్పిన సంభాషణలు ఈ వీడియోలో ఉన్నాయి.

నాని హీరోగా సుజిత్‌ దర్శకత్వంలో రూపొందనున్న యాక్షన్‌ థ్రిల్లర్‌ సినిమా ‘బ్లడీ రోమియో’. ప్రస్తుతం ఈ సినిమా ప్రీ ప్రొడక్షన్‌ పనులు జరుగుతున్నాయి. కాగా, ఈ సినిమాలోని హీరోయిన్‌ పాత్రను మీనాక్షీ చౌదరి చేయనున్నారనే టాక్‌ ఫిల్మ్‌నగర్‌ సర్కిల్స్‌లో వినిపిస్తోంది. అలాగే మలయాళ నటుడు పృథ్వీరాజ్‌ సుకుమారన్‌ మరో లీడ్‌ రోల్‌ చేయనున్నారట. అక్టోబరు చివర్లో లండన్‌లో ఈ సినిమా చిత్రీకరణ ప్రారంభం అవుతుందని, ఫుడ్‌ మాఫియా నేపథ్యంలో సాగే ఈ చిత్రంలో గ్యాంగ్‌స్టర్‌గా నాని కనిపిస్తారని తెలిసింది. వెంక ట్‌ బోయనపల్లి నిర్మించనున్న ఈ సినిమా వచ్చే ఏడాది వేసవిలో రిలీజ్‌ కానుందని టాక్‌.

ఫహాద్ ఫాజిల్ హీరోగా రానున్న ‘డోంట్ ట్రబుల్ ది ట్రబుల్’ సినిమా ప్రీ-రిలీజ్ ఈవెంట్‌లో జూ.ఎన్టీఆర్ తన ప్రసంగంతో ఆకట్టుకున్నారు. ఫహాద్ చేత ఈ వేదికపై సరదాగా తొడ కొట్టించాడు తారక్. అనంతరం తన వ్యక్తిగత జీవితం, రాజమౌళి కుటుంబంతో తనకున్న ప్రేమానురాగాలతో పాటు త్వరలో రాబోయే ‘డ్రాగన్’ సినిమాపై పలు ఆసక్తికర వ్యాఖ్యలు చేశారు. ఎస్‌.ఎస్‌. రాజమౌళి కుటుంబంతో తనకున్న అనుబంధాన్ని గుర్తుచేసుకుంటూ ఆయన భావోద్వేగానికి గురయ్యారు. తన సినీ ప్రయాణం ప్రారంభంలో ఎదురైన కష్టాలను ఎన్టీఆర్ గుర్తుచేసుకున్నారు. అభిమానులు తనకు బలమైతే, రాజమౌళి, కీరవాణి కుటుంబాలు దేవుడు ఇచ్చిన మరో కుటుంబమని చెప్పారు.కార్తికేయ నా తమ్ముడిలాంటోడు అంటూ ప్రత్యేకంగా ఎన్టీఆర్ ప్రస్తావించారు. తన కెరీర్‌లో కష్టకాలంలో కార్తికేయ తనకు అండగా నిలిచాడని గుర్తుచేసుకున్నారు. చిన్నతనంలో తనకు తమ్ముడు ఉంటే బాగుండేదని అనుకునేవాడినని, కార్తికేయ ఆ లోటును తీర్చాడని భావోద్వేగంగా తెలిపారు. కార్తికేయ ఒక నిర్మాతగా ఇక్కడ నిలబడతాడని ఎప్పుడూ ఊహించలేదు... ‘ఆర్‌ఆర్‌ ఆర్‌’ చిత్రం కోసం వెనక నిలబడింది కార్తికేయ. తను నిర్మించిన తొలి చిత్రం ‘డోంట్‌ ట్రబుల్‌ ది ట్రబుల్‌’కి మీ అందరి ఆశీస్సులు కావాలి. ‘స్టూడెంట్‌ నంబర్‌ 1’ 25 ఏళ్ల వేడుకని ఈ వేదికపై మీ సమక్షంలో జరుపుకోవడం సంతోషంగా ఉంది. చేతి సర్జరీ తర్వాత ప్రస్తుతం కోలుకుంటున్నానని ఎన్టీఆర్ చెప్పారు. త్వరలోనే ‘డ్రాగన్’ షూటింగ్‌లో కూడా పాల్గొంటానని వెల్లడించారు. అభిమానులను చూడగానే తనలో మళ్లీ పాత జోష్ వచ్చిందని అన్నారు.రాజమౌళి మాట్లాడుతూ.. ‘‘ఎన్టీఆర్‌ ‘డ్రాగన్‌ ’ కోసం నేను కూడా ఎదురు చూస్తున్నాను. ఒక ΄ాత్ర తర్వాత మరోటి ఇలా వైవిధ్యమైనవి ఎలా చేయగలుగుతున్నాడా? అని ఫహాద్‌ని చూశాక అనిపించింది. ‘ఒక దెయ్యాన్ని కిడ్నాప్‌ చేసిన మనిషి కథ’ ఇది అని శశాంక్‌ ఈ ‘డోంట్‌ ట్రబుల్‌ ది ట్రబుల్‌’ కథని ఒక లైన్‌ గా చెప్పాడు. ఆ తర్వాత మూడు గంటల పాటు ఈ కథ విని, నచ్చడంతో ఓకే అన్నాను. ఈ మూవీ ఫస్ట్‌ కాపీ చూసి, చాలాసేపు నవ్వాను, ఏడ్చాను. హార్ట్‌ టచింగ్‌గా అనిపించింది’’ అని తెలిపారు. ‘‘ఈ మూవీలో నా పాత్రకి నేనే డబ్బింగ్‌ చెప్పాను’’ అన్నారు ఫహాద్‌ ఫాజిల్‌. ‘‘డోంట్‌ ట్రబుల్‌ ది ట్రబుల్‌’ కథ రాయడానికి చంద్రశేఖర్‌ యేలేటి, రాజమౌళిగార్లే స్ఫూర్తి. ఈ కథని నమ్మిన ఫహాద్‌, కార్తికేయలకు థ్యాంక్స్‌’’ అన్నారు శశాంక్‌ యేలేటి. శశాంక్‌ ఏలేటి దర్శకత్వంలో ఫహాద్‌ ఫాజిల్‌ హీరోగా, బేబి సారా, సౌరభ్‌ సచ్‌దేవ్‌ ఇతర పాత్రలు పోషించిన చిత్రం ‘డోంట్‌ ట్రబుల్‌ ది ట్రబుల్‌’. ఎస్‌ఎస్‌ రాజమౌళి సమర్పణలో శోభు యార్లగడ్డ, ప్రసాద్‌ దేవినేని, ఎస్‌.ఎస్‌. కార్తికేయ నిర్మించిన ఈ సినిమా అక్టోబరు 2న విడుదల కానుంది.

నేటి ఆధునిక ప్రపంచంలో కృత్రిమ మేధ (ఏఐ) వినియోగం రోజురోజుకీ విస్తరిస్తోంది. ముఖ్యంగా ఏఐతో రూపొందిస్తున్న వీడియోలు, పోస్టర్లు సామాజిక మాధ్యమాల్లో వైరల్‌గా మారుతున్నాయి. సినిమా రంగంలోనూ ఏఐ ప్రభావం పెరుగుతున్న నేపథ్యంలో.. దీనిపై అగ్ర దర్శకుడు ఎస్‌.ఎస్‌.రాజమౌళి ఆసక్తికర వ్యాఖ్యలు చేశారు.ఏఐ గంటల్లో, నిమిషాల్లో పూర్తి చేస్తోందిజార్జియా యూనివర్సిటీ విద్యార్థులతో మాట్లాడిన రాజమౌళి.. సినిమా రంగంలో ఏఐ వినియోగం, దాని ప్రభావం గురించి వివరించారు. ‘ఏఐ భవిష్యత్తు గమనం ఎలా ఉంటుందో ఊహించడం చాలా కష్టం. సాంకేతికత, దాని వినియోగాలు వేగంగా విస్తరిస్తున్నాయి. అయితే ఒక ప్రాజెక్ట్‌కు సంబంధించి పరిశోధన, అభివృద్ధి వంటి ప్రాథమిక పనులకు ఏఐ అద్భుతమైన సాధనం. గతంలో వారాలు, నెలలు పట్టే పనులను ఇప్పుడు ఏఐ గంటల్లో, నిమిషాల్లో పూర్తి చేస్తోంది’ అని అన్నారు. ఇకపై సినిమా చాలా తొందరగా పూర్తిచేసేందుకు అవకాశముందన్నారు.సినిమాల విషయానికొస్తే.. ప్రస్తుతం తాము ప్రాథమిక సమాచారాన్ని అభివృద్ధి చేసుకునేందుకు ఏఐని సహాయక సాధనంగా మాత్రమే ఉపయోగిస్తున్నామని రాజమౌళి తెలిపారు. డిజిటల్‌ కంటెంట్‌, సినిమా నిర్మాణంలో ఏఐపై ఆధారపడటం లేదని స్పష్టం చేశారు.120 దేశాల్లో విడుదలఇక మహేశ్‌బాబు హీరోగా రాజమౌళి తెరకెక్కిస్తున్న వారణాసి చిత్రంలో కీలక సన్నివేశాలను మోషన్‌ క్యాప్చర్‌ సాంకేతికతతో ఇప్పటికే చిత్రీకరించినట్లు తెలుస్తోంది. ఈ సినిమా చిత్రీకరణ సింహభాగం పూర్తయినట్లు సమాచారం. ప్రపంచవ్యాప్తంగా భారీ స్థాయిలో విడుదల చేసేందుకు చిత్రబృందం సన్నాహాలు చేస్తోంది. ఈ సినిమాను 50 భాషల్లోకి అనువదించి, 120 దేశాల్లో విడుదల చేసేందుకు ప్రణాళికలు సిద్ధం చేస్తోంది. ఇదీ చదవండి: పులిలా వచ్చిన ఎన్టీఆర్‌.. రాజమౌళి ఏర్పాట్లు అదుర్స్‌

ఫహాద్‌ ఫాజిల్‌ హీరోగా రానున్న చిత్రం ‘డోంట్‌ ట్రబుల్‌ ది ట్రబుల్‌’. శశాంక్‌ యేలేటి దర్శకత్వం వహించారు. సారా పాలేకర్‌, సౌరభ్‌ సచ్దేవా కీలక పాత్రల్లో నటించారు. ఎస్‌.ఎస్‌.రాజమౌళి, కార్తికేయ నిర్మాణ భాగస్వామ్యంతో రూపొందించారు. ఈ సినిమా అక్టోబర్‌ 2న తెలుగు, తమిళ, మలయాళ భాషల్లో ప్రేక్షకుల ముందుకు రానుంది. దీనికి సంబంధించిన ప్రీరిలీజ్‌ ఈవెంట్‌ ఈ రోజు ( మంగళవారం)హైదరాబాద్‌లో నిర్వహించారు. దీనికి ముఖ్య అతిథిగా ఎన్టీఆర్‌ హాజరయ్యారు. చాలా కాలం తర్వాత రావడంతో చిత్ర బృంద వినూత్నంగా ఏర్పాట్లు చేసింది. స్ట్రీన్‌పై ‘యమదొంగ’ సీన్‌ని రీక్రియేట్‌ చేసింది. ఒక్కసారిగా అలా ఎన్టీఆర్‌ రావడంతో ఈవెంట్‌లో ఎన్టీఆర్‌.. ఎన్టీఆర్‌ అంటూ అభిమానులు అంతా మార్మోగేలా అరిచారు. ఇప్పుడీ వీడియో వైరల్‌ అవుతోంది. ఇదీ చదవండి: కూతురు పుట్టినరోజు.. ఫొటోలు షేర్‌ చేసిన అల్లరి నరేశ్‌..Tiger’s Goosebumps Entry🐯🔥#NTR pic.twitter.com/KCfoRUn2ya— cinee worldd (@Cinee_Worldd) September 29, 2026

సినీ తారల ఫోటోలు, వీడియో క్లిప్స్ వంటి వాటిని కంపెనీలు తమ వ్యాపార ప్రయోజనాల కోసం ఉపయోగించుకోవడం సర్వ సాధారణం. దీనికోసం సెలబ్రిటీల అనుమతి తీసుకుంటారు. అయితే.. నటి ఉర్వశి రౌతేలా పేరు, ఫొటోలు, వీడియోలను అనుమతి లేకుండా ఓ కంపెనీ ఉపయోగిస్తోందని ఆమె టీమ్ ఆరోపించింది. ఈ విషయంలో న్యాయపరమైన చర్యలు తీసుకుంటున్నట్లు సోషల్ మీడియా ద్వారా వెల్లడించింది.రూ.7000 కోట్ల పరిహారంఉర్వశి టీమ్ తెలిపిన వివరాల ప్రకారం.. లాస్ ఏంజెల్స్‌కు చెందిన ఓ కంపెనీ ఆమె పేరు, ఫొటోలు, వీడియోలను అనుమతి లేకుండా ఉపయోగిస్తోంది. వీటి ద్వారా ఆ కంపెనీ భారీగా వాణిజ్య ప్రయోజనం పొందిందని టీమ్ ఆరోపించింది. ఈ వ్యవహారంలో నష్టపరిహారంగా ప్రస్తుతం రూ.7,000 కోట్లు ఇవ్వాలని వెల్లడించింది.ఉర్వశి టీమ్ హెచ్చరికఈ సందర్భంగా ఏఐ కంపెనీలకు కూడా ఉర్వశి టీమ్ ఒక హెచ్చరిక జారీ చేసింది. ఎవరైనా ఏఐ కంపెనీని నడుపుకోవచ్చు, తమ బ్రాండ్‌ను ప్రమోట్ చేసుకోవచ్చు. కానీ ఉర్వశి పేరు, ఫొటోలు, వీడియోలు లేదా ఆమె గుర్తింపును అనుమతి లేకుండా తమ వ్యాపారంలో ఉపయోగించకూడదని తెలిపింది.ప్రస్తుతం ఏఐ టెక్నాలజీ చాలా వేగంగా అభివృద్ధి చెందుతోంది. దీంతో సెలబ్రిటీల ఫొటోలు, వీడియోలు, గొంతులను ఉపయోగించి కొత్త కంటెంట్ తయారు చేయడం సులభంగా మారింది. అయితే.. ఇలాంటి కంటెంట్‌ను అనుమతి లేకుండా వాణిజ్య అవసరాలకు ఉపయోగించడం వల్ల న్యాయపరమైన సమస్యలు వచ్చే అవకాశం ఉంది.ఇదీ చదవండి: కరెంట్ లేనప్పుడు.. ఫోన్ ఛార్జింగ్ ఎలా చేసుకోవాలో తెలుసా?గతంలో ఇలా..ఉర్వశి రౌతేలా గతంలో కూడా ఏఐ ద్వారా తయారు చేసిన ఓ ఫొటోపై స్పందించింది. ఆ ఫొటోలో ఆమె ఐశ్వర్యరాయ్ బచ్చన్, దీపికా పదుకొణె ముందు మోకాళ్లపై ఉన్నట్లుగా చూపించారు. సోషల్ మీడియాలో వైరల్ అయిన ఈ ఫొటోపై ఆమె అభ్యంతరం వ్యక్తం చేశారు. ముఖ్యంగా మహిళలను ఒకరితో ఒకరిని పోల్చుతూ ఇలాంటి కంటెంట్ తయారు చేయడం ఆపాలని కోరింది. View this post on Instagram A post shared by Team UrvashiRautelaGlobal (@teamurvashirautelaofficial)

మలయాళ నటుడు ఫహాద్‌ ఫాజిల్‌, నజ్రియా నజీమ్‌లకు సినీ ఇండస్ట్రీలో ప్రత్యేకమైన గుర్తింపు ఉంది. 2014లో పెళ్లి చేసుకున్న ఈ జంట తమ వ్యక్తిగత జీవితాన్ని ఎక్కువగా బయటకు పంచుకోరు. అయితే తాజాగా ఫహాద్‌ చేసిన సరదా వ్యాఖ్యలు ఇప్పుడు ఆసక్తికరంగా మారాయి.ఫహాద్‌ ఫాజిల్‌ ప్రధాన పాత్రలో నటించిన చిత్రం ‘డోంట్‌ ట్రబుల్‌ ది ట్రబుల్‌’. ఈ సినిమా మూవీ ప్రమోషన్‌లో పాల్గొన్న ఆయన సారా పాలేకర్‌ గురించి మాట్లాడారు. షూటింగ్‌ సమయంలో ఆమె చూపించిన ఓపిక, నటన కోసం చేసిన సన్నాహకాలను ఫహాద్‌ ప్రశంసించారు. ఈ క్రమంలో తన భార్య నజ్రియాను ప్రస్తావిస్తూ సరదాగా మాట్లాడారు.ఇదీ చదవండి: కూతురు పుట్టినరోజు.. ఫొటోలు షేర్‌ చేసిన అల్లరి నరేశ్‌..నేను ఓ చిన్న పిల్లని పెళ్లి చేసుకున్నాను‘నేను ఓ చిన్నపిల్ల లాంటి వ్యక్తిని పెళ్లి చేసుకున్నాను. అందుకే పిల్లలను చూసుకోవడంలో మీకు ఇంత ఓపిక వచ్చింది. కొందరు నన్ను అడుగుతుంటారు. ఇంత ఓపిక ఎక్కడిది అని. ఇంట్లోనే ఒకరు ఉన్నారు.. ఆమెను చూసుకుంటూ వస్తున్నాను అని చెప్తుంటాను.’ అంటూ ఫహాద్‌ నవ్వుతూ వ్యాఖ్యానించారు. అనంతరం సారా పాలేకర్‌ తనతో ఎంతో ఓపికగా వ్యవహరించారని, ఇప్పటివరకు తనకు ఇంత ఓపిక ఉన్న సహనటి మరొకరు ఎదురుకాలేదని చెప్పారు.వీరిద్దరి మధ్య ప్రేమ ఎలా..ఫహాద్‌ ఫాజిల్‌, నజ్రియా నజీమ్‌ ‘బెంగళూరు డేస్‌’ సినిమాలో భార్యాభర్తలుగా నటించారు. ఆ సమయంలోనే వీరిద్దరి మధ్య ప్రేమ ఏర్పడింది. 2014లో వీరి వివాహం జరిగింది. అప్పటి నుంచి తమ వైవాహిక జీవితానికి సంబంధించిన విషయాలను పెద్దగా బయటకు చెప్పని ఈ జంట.. అప్పుడప్పుడు ఇంటర్వ్యూల్లో చేసే వ్యాఖ్యలతో అభిమానులను ఆకట్టుకుంటుంటారు.సినిమా విషయానికి వస్తేఇక సినిమా విషయానికి వస్తే ‘డోంట్‌ ట్రబుల్‌ ది ట్రబుల్‌’ చిత్రానికి శశాంక్‌ యేలేటి దర్శకత్వం వహించారు. ఫహాద్‌ ఫాజిల్‌, సారా పాలేకర్‌, సౌరభ్‌ సచ్దేవా కీలక పాత్రల్లో నటించారు. ఎస్‌.ఎస్‌.రాజమౌళి, కార్తికేయ నిర్మాణ భాగస్వామ్యంతో రూపొందుతున్న ఈ సినిమా అక్టోబర్‌ 2న తెలుగు, తమిళ, మలయాళ భాషల్లో ప్రేక్షకుల ముందుకు రానుంది. దీనికి సంబంధించిన ప్రీరిలీజ్‌ ఈవెంట్‌ ఈ రోజు ( మంగళవారం)హైదరాబాద్‌లో నిర్వహిస్తున్నారు. దీనికి ముఖ్య అతిథిగా ఎన్టీఆర్‌ హాజరయ్యారు. ఇదీ చదవండి: నన్ను గోడకేసి కొట్టేసే వారు.. అవతల పడేవాడ్ని: త్రివిక్రమ్‌

రోజ్‌ కలర్ డ్రెస్‌లో మెరిసిపోతున్న బిందు మాధవి..శారీలో మరింత అందంగా బిగ్‌బాస్ బ్యూటీ సావిత్రి..ఫారిన్ వీధుల్లో వితికా శేరు హోయలు..బ్లాక్ శారీలో ఫుల్ గ్లామరస్‌గా సుప్రీత..కలర్‌ఫుల్ డ్రెస్‌లో బిగ్‌బాస్ రీతూ చౌదరి అందాలు.. View this post on Instagram A post shared by Bandaru Sheshayani Supritha (@_supritha_9) View this post on Instagram A post shared by Vithika Sheru (@vithikasheru) View this post on Instagram A post shared by Shiva Jyothi (@iam.savithri) View this post on Instagram A post shared by Bindu Madhavi (@bindu_madhavii) View this post on Instagram A post shared by Rithu_chowdary (@rithu_chowdhary) View this post on Instagram A post shared by Rohini (@actressrohini)

మెగాస్టార్ చిరంజీవి ప్రస్తుతం కాకా మూవీతో బిజీగా ఉన్నారు. కొల్లి బాబీ డైరెక్షన్‌లో వస్తోన్న ఈ సినిమా వచ్చే ఏడాది సంక్రాంతి కానుకగా థియేటర్లలో సందడి చేయనుంది. అందులో భాగంగానే ఈ మూవీ షూటింగ్‌ శరవేగంగా కొనసాగుతోంది. ఇటీవలే డబ్బింగ్‌ పనులు కూడా ప్రారంభమైనట్లు మేకర్స్ వెల్లడించారు. పక్కా సంక్రాంతికి రిలీజ్‌ చేసేలా మేకర్స్ దూసుకెళ్తున్నారు.ఇదిలా ఉండగానే చిరంజీవికి సంబంధించిన లేటేస్ట్‌ టాక్ టాలీవుడ్‌లో వైరల్‌గా మారింది. ఆయన సెలబ్రిటీ టాక్‌ షోకు హోస్ట్‌గా చేయనున్నారని వార్త వినిపిస్తోంది. ప్రముఖ ఓటీటీ సంస్థ నెట్‌ఫ్లిక్స్‌లో ఈ షో ప్రసారం కానుందని ప్రచారం జరుగుతోంది. దీంతో మెగాస్టార్ పారితోషికం ఎంతనే విషయంపై అప్పుడే టాలీవుడ్‌లో చర్చ మొదలైంది. ఈ టాక్‌ షోకు చిరంజీవి ఎంత తీసుకుంటున్నారనే విషయంలో క్రేజీ న్యూస్‌ వైరలవుతోంది.ఈ డీల్‌ను మెగా డాటర్ సుస్మిత కొణిదెల చూసుకుంటున్నారని లేటేస్ట్ టాక్ వినిపిస్తోంది. మెగాస్టార్ హోస్ట్‌గా చేసేందుకు ఏకంగా రూ.200 కోట్ల వరకు ఆఫర్‌ చేసినట్లు తెలుస్తోంది. అయితే ఈ షో విషయంలో ఎలాంటి అధికారిక ప్రకటనైతే రాలేదు. రాబోయే రోజుల్లో దీనిపై క్లారిటీ వచ్చే ఛాన్స్ ఉంది.

రజినీకాంత్‌ హీరోగా నెల్సన్‌ దిలీప్‌కుమార్‌ దర్శకత్వంలో రూపొందిన యాక్షన్‌ ఎంటర్‌టైనర్‌ ‘జైలర్‌’. 2023లో విడుదలైన ఈ సినిమా మంచి విజయాన్ని సొంతం చేసుకుంది. తాజాగా రజినీకాంత్‌–నెల్సన్‌ కాంబినేషన్‌లోనే ‘జైలర్‌’కు సీక్వెల్‌గా ‘జైలర్‌ 2’ తెరకెక్కింది. కళానిధి మారన్‌ నిర్మించిన ఈ చిత్రం అక్టోబరు 15న విడుదల కానుంది. ఈ చిత్రం నుంచి ఇప్పటికే విడుదలైన సాంగ్ ఆకట్టుకుంది. ఈ రోజు( మంగళవారం) మరో ‘వన్‌ నేమ్‌’ సాంగ్‌ని విడుదల చేశారు. కాగా ఈ సినిమాలో ఎస్‌జే సూర్య, విద్యా బాలన్, హృతిక్‌ రోషన్, రమ్యకృష్ణ, యోగిబాబు, మిర్నా మీనన్‌ ఈ చిత్రంలోని ఇతర ప్రధాన పాత్రల్లో నటించారు.

వెంకటేశ్ హీరోగా నటించిన లేటేస్ట్ మూవీ ఆదర్శ కుటుంబం (ఏకే47). ఈ చిత్రానికి త్రివిక్రమ్ దర్శకత్వం వహించారు. గాంధీ జయంతికి రిలీజ్‌ కావాల్సిన ఈ మూవీ వాయిదా వేశారు. వచ్చేనెల 9న థియేటర్లలో విడుదల కానుంది. ఇప్పటికే విడుదలైన టీజర్‌, నారాయణమ్మ సాంగ్‌ మంచి హైప్‌ని క్రియేట్‌ చేశారు. దీనిలో భాగంగానే మూవీ ప్రమోషన్స్‌ కూడా ఇప్పటికే మొదలు పెట్టేశారు. ఈ సందర్భంగా డైరెక్టర్‌ త్రివిక్రమ్‌ చేసిన వ్యాఖ్యలు వైరల్‌ అవుతున్నాయి.మీ తండ్రి ఎలా ప్రవర్తించేవారు?యాంకర్‌ సుమ చదువు విషయంలో తండ్రి ఎలా ప్రవర్తించేవారు అని వెంకటేశ్‌కు అడిగిన ప్రశ్నకు త్రివిక్రమ్‌ బదులిస్తూ..‘ మా నాన్న గోడకేసి కొట్టేసేవారు. బహుశా ఇలా వెంకటేశ్‌కి జరగలేదేమో. మా నాన్న ఇవతల రూంలో కొడితే నేను అవతల రూంలో పడేవాడిని. అప్పట్లో ఆయన ఫుట్‌బాల్‌ ఆడుంటే ఇండియాకి మంచి పేరు వచ్చేదేమో’ అని చెప్తూ నవ్వులు పూయించారు. అంతేకాకుండా ఎన్టీఆర్‌తో తరువాత సినిమాపై అప్‌డేట్‌ అడగ్గా కచ్చితంగా ఉంటుందని.. ఇప్పటికే కథ రెడీ చేసినట్లు త్రివిక్రమ్‌ వెల్లడించారు. ఇదీ చదవండి: మహేశ్‌బాబు, కృష్ణ కలిసి ఫైట్‌ చేస్తే ఎలా ఉంటుదో తెలుసా..?#AK47 మా నాన్న గోడకేసి కొట్టేసేవారు...ఫుట్ బాల్ ఆడేసావారు-త్రివిక్రమ్ శ్రీనివాస్ pic.twitter.com/dtD9K4Zh84— devipriya (@sairaaj44) September 29, 2026

శ్రీ విష్ణు హీరోగా వస్తోన్న లేటేస్ట్ మూవీ కామ్రేడ్‌ కల్యాణ్‌. ఈ సినిమాకు జానకీరామ్ మారెళ్ల దర్శకత్వం వహిస్తున్నారు. ఈ మూవీలో మహిమా నంబియార్ హీరోయిన్‌గా కనిపించనుంది. ఈ చిత్రాన్ని స్కంద వాహన మోషన్ పిక్చర్స్ ఎల్‌ఎల్‌పీ అండ్ కోన ఫిల్మ్ కార్పొరేషన్ బ్యానర్లపై వెంకట కృష్ణ కర్నాటి, సీతా కర్నాటి నిర్మిస్తున్నారు. ఇప్పటికే ఈ మూవీ నుంచి రెండు పాటలను విడుదల చేశారు.తాజాగా ఈ చిత్రంలోని మూడో సింగిల్‌ లిరికల్ పాటను రిలీజ్ చేశారు. 'ఎత్తర ఎత్తు.. పిడికిలి ఎత్తు' అంటూ సాగే సాంగ్‌ విడుదల చేశారు. ఈ పాటకు భాస్కరభట్ల లిరిక్స్ అందించగా.. నల్గొండ గద్దర్‌ నర్సన్న ఆలపించారు. ఈ సాంగ్‌ను విజయ్‌ బుల్గానిన్‌ కంపోజ్ చేశారు. ఈ చిత్రంలో రాధిక శరత్‌కుమార్, షైన్ టామ్ చాకో, ఉపేంద్ర లిమాయే కీలక పాత్రలు పోషిస్తున్నారు. ఈ సినిమాకు విజయ్ బుల్గానిన్ సంగీతమందిస్తున్నారు.

ఇటీవల ‘రంభ ఊర్వశి మేనక’ సినిమాతో ప్రేక్షకులను అలరించారు అల్లరి నరేశ్‌. ఈ చిత్రం సెప్టెంబర్‌ 4న విడుదలై మిశ్రమ స్పందన సొంతం చేసుకుంది. ప్రస్తుతం ఈ సినిమా అమెజాన్‌ ప్రైమ్‌లో స్ట్రీమింగ్‌ అవుతోంది. ఇదిలా ఉండగా.. అల్లరి నరేశ్‌ గారాల పట్టి ఇవాళ పదో పుట్టినరోజు నిర్వహించుకుంటోంది. ఈ సందర్భంగా తన కుమార్తె అయాన ఏవిక ఎడార ఫొటోలను సోషల్‌ మీడియాలో షేర్‌ చేసిన అల్లరి నరేశ్‌.. పుట్టినరోజు శుభాకాంక్షలు తెలిపారు. ఈ ఫొటోలు ప్రస్తుతం వైరల్‌గా మారాయి.ఈ పోస్టుపై హీరోయిన్‌ కమ్నా జఠ్మలానీ స్పందించారు. ‘అప్పుడే డబుల్‌ డిజిట్‌లోకి వచ్చేశావా? పుట్టినరోజు శుభాకాంక్షలు. గాడ్‌ బ్లెస్‌ యూ’ అంటూ కామెంట్‌ చేశారు. దీంతో పాటు కితకితలు సినిమాలో నటించిన గీతా సింగ్‌ తనదైన శైలిలో కామెంట్‌ చేసిన పుట్టిన రోజు శుభాకాంక్షలు తెలిపారు. దీంతో వీరి కామెంట్స్‌ కూడా నెట్టింట వైరల్‌గా మారింది. కాగా 2009లో ఈవీవీ సత్యనారయణ దర్శకత్వంలో వచ్చిన బెండు అప్పారావు సినిమాలో వీళ్లిద్దరూ కలిసి నటించారు. ఇదీ చదవండి: మహేశ్‌బాబు, కృష్ణ కలిసి ఫైట్‌ చేస్తే ఎలా ఉంటుదో తెలుసా..? View this post on Instagram A post shared by Allari Naresh (@allari_naresh)

అక్కినేని కోడలు, నాగచైతన్య సతీమణి ప్రస్తుతం కోలీవుడ్‌లో ఓ మూవీ చేస్తోంది. పా రంజిత్ డైరెక్షన్‌లో వస్తోన్న వెట్టువంలో కనిపించనుంది. ఇటీవల టీజర్ గ్లింప్స్ రిలీజ్ చేయగా ఆడియన్స్‌ను విపరీతంగా ఆకట్టుకుంది. ఈ చిత్రంలో టాలీవుడ్ నటుడు ఆర్య కీలక పాత్ర పోషిస్తున్నారు. ఈ సినిమా ఈ ఏడాది డిసెంబర్‌లో విడుదల కానుంది. ఈ సంగతి పక్కనపెడితే శోభిత తాజాగా ఓ ఇంటర్వ్యూకు హాజరైంది. ఈ సందర్భంగా కత్రినా కైఫ్‌ను ఉద్దేశించి వచ్చిన ట్రోల్స్‌పై స్పందించింది. మహిళ శరీరంపై ట్రోలింగ్ చేయడంపై శోభిత మండిపడ్డారు. ప్రసవానంతరం కత్రినా కైఫ్ బరువు పెరగడం సాధారణంగా జరిగే విషయమని తెలిపారు. మహిళలపై తరచుగా వచ్చే విమర్శలను ప్రతిఒక్కరూ వేర్వేరుగా ఎదుర్కొంటారని శోభిత అన్నారు. ఇలాంటి విమర్శలు రావడం ఒక మహిళగా నిరాశకు గురి చేస్తాయని వెల్లడించారు. మనమందరం మనుషులమేనని.. మనకు అర్థవంతంగా అనిపించే రీతిలో వాటిని ఎదుర్కొంటామని శోభిత తెలిపింది.శోభిత మాట్లాడుతూ..'మహిళలు మరింత బలంగా ఉండాలని, సున్నితంగా ఉండాలని చాలా రకాలుగా ఆశిస్తారు. కానీ భిన్నమైన మహిళలు ఇలాంటి విషయాలను వేర్వేరుగా ఎదుర్కొంటారు. కాబట్టి వీటికి సాధారణ రూల్ అంటూ ఏదీ లేదు. ప్రజల విమర్శలు నిరాశ కలిగిస్తాయని అనుకుంటే.. అది చాలా మందికి అలానే ఉంటుందని కచ్చితంగా చెప్పగలను. ఎందుకంటే మనమందరం మనుషులమే. మనకు అర్థవంతంగా అనిపించే రీతిలో మనం దానిని ఎదుర్కొంటాం" అని అన్నారు.కత్రినాకు బాలీవుడ్ మద్దతుకాగా.. ట్రోల్స్ విషయంలో శోభిత కంటే ముందే పరిణీతి చోప్రా, కత్రినాకు మద్దతుగా నిలిచారు. ఆమెను ట్రోల్ చేస్తున్న వారిని విమర్శించారు. ప్రసవం తర్వాత మహిళల శరీరాల గురించి చేసే వ్యాఖ్యలు అవివేకమని అన్నారు. గర్భం, ప్రసవం వల్ల కలిగే మార్పులను ప్రతికూలంగా చూస్తారని పరిణీతి తెలిపారు. ఒక మహిళ బిడ్డకు జన్మనిచ్చిందనడానికి స్ట్రెచ్ మార్క్స్ ఒక గుర్తుగా ఉంటాయని తాను భావిస్తానన్నారు. ఇలాంటి మార్పులను విమర్శించడం కాకుండా.. ఒక వేడుకగా జరుపుకోవాలని సూచించారు. కత్రినాపై వచ్చిన ట్రోల్స్‌ను సల్మాన్ ఖాన్ కూడా ఖండించారు. కాగా.. కత్రినా కైఫ్‌.. నవంబర్ 2025లో విహాన్‌కు జన్మనిచ్చింది. ఇటీవలే ఆమె అంబానీ కుటుంబం నిర్వహించిన గణేష్ చతుర్థి వేడుకలో కనిపించింది. ఆ తర్వాతే ఆమె బరువు పెరగడంపై ట్రోల్స్ వచ్చాయి.

శ్రీకాంత్ తనయుడు రోషన్‌ మేకా నటిస్తోన్న తాజా చిత్రం ఏమో ఏమో ఇది. ఈ మూవీలో ప్రీతి ముకుందన్‌ హీరోయిన్‌గా కనిపించనుంది. ఈ సినిమాకు శైలేశ్ కొలను దర్శకత్వం వహిస్తున్నారు. ఈ చిత్రాన్ని రొమాంటిక్ అండ్ లవ్‌ ఎంటర్‌టైనర్‌గా తెరకెక్కిస్తున్నారు.(ఇది చదవండి: మనవరాలికి గ్రాండ్‌ వెల్‌కమ్‌.. టాలీవుడ్ విలన్ వీడియో చూశారా?)యూత్‌ నేపథ్యంలో ఈ మూవీ ప్రేక్షకుల ముందుకు రానుంది. నేటి యువతరాన్ని ఆకట్టుకొనే లవ్ స్టోరీగా ఈ చిత్రాన్ని రూపొందిస్తున్నారు. తాజాగా ఈ మూవీ నుంచి టైటిల్‌ సాంగ్‌ను విడుదల చేశారు. ఏమో ఏమో ఇది అంటూ సాగే పాటను రిలీజ్ చేశారు. ఈ సినిమాకు హేషమ్‌ అబ్దుల్‌ వాహబ్‌ కంపోజ్ చేశారు. ఈ పాటకు కృష్ణకాంత్‌ లిరిక్స్ అందించగా.. కార్తిక్, రమ్య బెహ్రా ఆలపించారు. ఇంకెందుకు ఆలస్యం ఈ రొమాంటిక్ సాంగ్ మీరు కూడా వినేయండి.

2013లో విడుదలై రెండు నేషనల్‌ అవార్డులు అందుకున్న బాలీవుడ్‌ చిత్రం ‘షాహిద్‌’ ఎట్టకేలకు ఓటీటీలోకి వచ్చింది. హన్సల్‌ మెహతా దర్శకత్వం వహించిన ఈ సినిమాలో రాజ్‌కుమార్‌ రావు ప్రధాన పాత్రలో నటించారు. మానవ హక్కుల న్యాయవాది షాహిద్‌ అజ్మీ నిజ జీవిత కథ ఆధారంగా ఈ చిత్రాన్ని తెరకెక్కించారు. విడుదలైన సమయంలో విమర్శకుల ప్రశంసలు అందుకున్న ఈ సినిమాకు రాజ్‌కుమార్‌ రావుకు ఉత్తమ నటుడు, హన్సల్‌ మెహతాకు ఉత్తమ దర్శకుడిగా జాతీయ పురస్కారాలు దక్కాయి. అయితే సినిమా విడుదలైన దాదాపు 13 ఏళ్ల తర్వాత తాజాగా అమెజాన్‌ ప్రైమ్‌ వీడియోలో స్ట్రీమింగ్‌కు వచ్చింది. తెలుగులో అందుబాటులో లేదు. కేవలం హిందీలో ఇంగ్లీష్‌ సబ్‌టైటిల్స్‌తో సినిమాని చూడవచ్చు. నిజ జీవిత కథతో..ముంబైకి చెందిన న్యాయవాది, మానవ హక్కుల కార్యకర్త షాహిద్‌ అజ్మీ జీవితం ఆధారంగా ఈ సినిమా తెరకెక్కింది. ఉగ్రవాద ఆరోపణలపై అరెస్టైన పలువురి తరఫున ఆయన న్యాయపోరాటం చేశారు. అన్యాయంగా కేసుల్లో ఇరుక్కున్న వారికి న్యాయం అందించేందుకు ఆయన చేసిన ప్రయత్నాలను సినిమాలో చూపించారు. 2010లో షాహిద్‌ అజ్మీ హత్యకు గురయ్యారు. ఆయన జీవితంలోని కీలక సంఘటనలను ఆధారంగా చేసుకుని హన్సల్‌ మెహతా ఈ చిత్రాన్ని తెరకెక్కించారు. ‘షాహిద్‌’ చిత్రానికి 61వ నేషనల్‌ ఫిల్మ్‌ అవార్డ్స్‌లో రెండు కీలక పురస్కారాలు లభించాయి. హన్సల్‌ మెహతాకు ఉత్తమ దర్శకుడిగా, రాజ్‌కుమార్‌ రావుకు ఉత్తమ నటుడిగా అవార్డులు దక్కాయి. ఇదీ చదవండి:తారక్‌ దొరకడం నా అదృష్టం.. రాజీవ్‌ కనకాల ఎమోషనల్‌

ఏఐ వచ్చాక అభిమానాన్ని చాటుకునేందుకు కొత్త కొత్త మార్గాలు అందుబాటులోకి వచ్చాయి. కొందరు ఏఐని మంచి పనులకు ఉపయోగిస్తుంటే.. మరికొందరు తమ అభిమాన హీరోలను తమకు నచ్చిన విధంగా చూపించేందుకు వినియోగిస్తున్నారు. ముఖ్యంగా సినీ అభిమానులు ఏఐ సాయంతో తమ అభిమాన నటులకు సంబంధించిన ప్రత్యేక వీడియోలను రూపొందించి సామాజిక మాధ్యమాల్లో పంచుకుంటున్నారు.తాజాగా సూపర్‌స్టార్‌ మహేశ్‌బాబు, ఆయన తండ్రి కృష్ణకు సంబంధించిన ఓ ఏఐ వీడియో సామాజిక మాధ్యమాల్లో వైరల్‌గా మారింది. ఇందులో తండ్రీకొడుకులను ఒకే ఫ్రేమ్‌లో యాక్షన్‌ సన్నివేశాల్లో చూపించారు. ఇద్దరూ కలిసి ఫైట్‌ చేస్తే ఎలా ఉంటుందో ఊహిస్తూ ఓ అభిమాని ఈ వీడియోను రూపొందించాడు.ఇలా చూసే అవకాశం దక్కిందంటూ ఏఐ సాయంతో రూపొందించిన ఈ వీడియోలో మహేశ్‌బాబు, కృష్ణ యాక్షన్‌ సన్నివేశాల్లో కనిపించడంతో అభిమానులు ఆసక్తిగా వీక్షిస్తున్నారు. నిజ జీవితంలో తండ్రీకొడుకులను ఇలా ఒకే యాక్షన్‌ సీన్‌లో చూడలేకపోయినా.. ఏఐ వీడియో రూపంలో అయినా తమ అభిమాన హీరోలను ఇలా చూసే అవకాశం దక్కిందంటూ అభిమానులు ఆనందం వ్యక్తం చేస్తున్నారు. ప్రస్తుతం ఈ వీడియో సామాజిక మాధ్యమాల్లో వైరల్‌గా మారింది.ఇదీ చదవండి: తారక్‌ దొరకడం నా అదృష్టం.. రాజీవ్‌ కనకాల ఎమోషనల్‌ Evadu chesado kani 🥵🤙 dinemma aa high 💥🔥 #MaheshBabu #Krishna 😎 pic.twitter.com/lpn9ihmJvT— Victor (@victormodeon) September 28, 2026