Orissa

కొరాపుట్‌ : మీ బలిదానాలు జాతి మరువదని ప్రతిపక్ష బీజేడీకి చెందిన మాజీ మంత్రి రమేష్‌చంద్ర మజ్జి ప్రకటించారు. గురువారం నబరంగ్‌పూర్‌ జిల్లా రాయిఘర్‌ సమితి గుణ సంత ప్రాంతంలో జగబందు స్మారక స్థూపం వద్ద జరిగిన బహిరంగ సభను ఉద్దేశించి ప్రసంగించారు. 16 ఏళ్ల క్రితం ఇదే రోజు సంతలో గిరిజనులతో మమేకమైన బీజేడికి చెందిన ఉమ్మర్‌ కోట్‌ ఎమ్మెల్యే జగబంధు మజ్జిని మావోయిస్టులు కాల్చి చంపారన్నారు. అతనిని రక్షించే క్రమంలో జగబందు గన్‌మేన్‌ ప్రశాంత్‌ పాత్రో కూడా మృతి చెందినట్లు గుర్తు చేశారు. కార్యక్రమంలో మాజీ ఎమ్మెల్యే సుభాష్‌ గొండో, దళిత ఉద్యమ నేతలు పెద్ద ఎత్తున పాల్గొన్నారు.

సత్కార సభలో జెడ్పీ చైర్‌పర్సన్‌ పిరియా విజయ భావోద్వేగంఅరసవల్లి: జిల్లా పరిషత్‌ చరిత్రలో అత్యంత పారదర్శకపు పరిపాలన అందించి ఐదేళ్ల పాలనలో అవినీ తి మరక అంటకుండా పాలించిన జెడ్పీ అధ్యక్షురా లిగా పిరియా విజయ చరిత్రలో నిలిచిపోతారని పంచాయతీరాజ్‌ ఉద్యోగులు కొనియాడారు. గురువారంతో చైర్‌పర్సన్‌ పదవీకాలం ముగియడంతో విజయను పంచాయతీరాజ్‌, జిల్లా పరిషత్‌ ఉద్యోగులు గురువారం ఘనంగా సత్కరించారు. పదవీకాలంలో అందించిన సేవలే మంచి గుర్తింపునిచ్చా యని సీఈవో ఆర్‌.వెంకట్రామన్‌ కొనియాడారు. పీఆర్‌ డిప్లమో ఇంజినీర్ల సంఘ రాష్ట్ర ప్రదాన కార్యదర్శి కేసీహెచ్‌ మహంతి మాట్లాడుతూ..పదవికి వన్నె తెచ్చిన మహిళగా విజయమ్మ గుర్తింపు పొందారని చెప్పారు. పీఆర్‌ మినిస్టీరియల్‌ ఎంప్లాయీస్‌ జిల్లా అధ్యక్షుడు కిల్లారి నారాయణరావు మాట్లాడుతూ పారదర్శకంగా పదోన్నతులు, బదిలీలు, కారుణ్య నియామకాలను చేపట్టిన ఘనత విజయమ్మకే దక్కుతుందన్నారు. అనంతరం విజయ మాట్లాడుతూ జిల్లా పరిషత్‌ చైర్‌పర్సన్‌గా చివరి ప్రసంగం అదే శాఖ ఉద్యోగుల నడుమ జరగడం ఎంతో ఆనందంగా ఉందన్నారు. మనస్సాక్షిని నమ్ముకుని పరిపాలన చేశానని..ఇందులో తోటి జెడ్పీటీసీలు, ప్రజాప్రతినిధుల పాత్ర ఉంటే...కీలక పాత్ర పీఆర్‌ ఉద్యోగులదేనని పేర్కొన్నారు. నాటి సీఎం వైఎస్‌ జగన్‌మోహన్‌రెడ్డి తనకు పదవి కట్టబెడితే.. మంచి పేరు తెచ్చుకున్నానన్న తృప్తితో వెళ్తున్నానని భావోద్వేగానికి గురయ్యారు. కార్యక్రమంలో జెడ్పీ యూనిట్‌ అధ్యక్షుడు పి.నాగేశ్వరరావు, వివిధ మండలాల ఎంపీడీవోలు, రిటైర్డ్‌ ఎంపీడీవోలు పాల్గొన్నారు.

కొరాపుట్‌: భారీ వర్షానికి కొరాపుట్‌, నబరంగ్‌పూర్‌ జిల్లాలు తడిచిముద్దయ్యాయి. గురువారం రోజంతా భారీ వర్షం కురిసింది. ఇరు జిల్లాలలో రాకపోకలు నిలిచిపోయాయి. సుదూర ప్రాంతాలకు వెళ్లే రాత్రిపూట బస్సులను రద్దు చేశారు. ఆంధ్ర, ఛత్తీస్‌గఢ్‌, తెలంగాణ తదితర రాష్ట్రాలకు బస్సు సేవలు నిలిచిపోయాయి. మరోవైపు రైల్వే విభాగం కొరాపుట్‌ వైపు విశాఖపట్నం నుంచి రైళ్లని రద్దు చేసింది. కొరాపుట్‌ జిల్లా కలెక్టర్‌ సత్యవాన్‌ మహాజన్‌, నబరంగ్‌పూర్‌ జిల్లా కలెక్టర్‌ మహేశ్వర్‌ స్వయ్‌ రాత్రింభవళ్లు పరిస్థితి సమీక్షిస్తున్నారు. నబరంగ్‌పూర్‌ నుంచి డాబుగాం వైపు రాకపోకలు నిలిచిపోయాయి. నందాహండిలో ఇళ్లు కూలిన బాధితులకు టార్పాలిన్లు పంపిణీ చేశారు. తెంతుల కుంటిలో నబరంగ్‌పూర్‌ ఎమ్మెల్యే గౌరీ శంకర్‌ మజ్జి అధికారులతో సమీక్ష నిర్వహించారు. నందపూర్‌ ఇళ్లు కూలిపోయిన ప్రాంతాలను అధికారులు సందర్శించారు.

భువనేశ్వర్‌: ఉత్తర ఆంధ్రప్రదేశ్‌, దక్షిణ ఒడిశా తీరాలను ప్రభావితం చేసిన తీవ్ర అల్పపీడనం నేపథ్యంలో రాష్ట్రంలో ఇప్పటి వరకు పెద్ద నష్టం గానీ, ప్రాణ హాని గానీ జరగలేదని రాష్ట్ర రెవెన్యూ, విపత్తుల నిర్వహణ శాఖ మంత్రి సురేష్‌ కుమార్‌ పూజారి తెలిపారు. బుధవారం రాత్రి కళింగ పట్నం సమీపంలో తీవ్ర అల్ప పీడనం తీరాన్ని దాటిన తర్వాత రాష్ట్ర, జిల్లా స్థాయిలలో నిరంతర పర్యవేక్షణ కొనసాగుతుందన్నారు. తీవ్ర అల్పపీడనం భూభాగంలోకి ప్రవేశించి క్రమంగా బలహీనపడుతోందని, దక్షిణ, పశ్చిమ ఒడిశాలోని జిల్లా కలెక్టర్లను అప్రమత్తం చేసి ఓడీఆర్‌ఏఎఫ్‌, అగ్ని మాపక దళాలు, క్షేత్ర స్థాయిలో అనుబంధ కార్యకలాపాల్లో తలమునకలై ఉన్నారని మంత్రి తెలిపారు. కొరాపుట్‌, మల్కన్‌గిరి, గజపతి మరియు నవరంగ్‌పూర్‌ జిల్లాల్లో భారీ వర్ష పాతం నమోదైందన్నారు. పలు జిల్లాలకు గురువారం రెడ్‌, ఆరెంజ్‌ హెచ్చరికలు జారీ చేసినట్లు తెలిపారు. సమస్యాత్మక ప్రాంతాల్లో జిల్లా యంత్రాంగాలు, సహాయక దళాలు అప్రమత్తంగా ఉన్నాయని, రాత్రి గస్తీ, ట్రాఫిక్‌ నిర్వహణ, నీటిమట్టం పర్యవేక్షణ, పునరుద్ధరణ చర్యలు చురుకుగా కొనసాగుతున్నాయని మంత్రి వివరించారు.

● విధుల్లోకి చేరాల్సిందేనని ఆదేశించిన రాష్ట్ర కమిషనర్‌ ● విజయనగరం పైడితల్లి అమ్మవారి జాతరకు సీఎఫ్‌వోగా నియామకం అరసవల్లి: ఒత్తిళ్లు..అనారోగ్య కారణాలు చూపుతూ ధీర్ఘకాలిక సెలవులు పెట్టేస్తే ఎలా..?అంటూ అరసవల్లి శ్రీసూర్యనారాయణస్వామి ఆలయ ఈవో కె.ఎన్‌.వి.డి.వి.ప్రసాద్‌పై దేవదాయ శాఖ రాష్ట్ర కమిషన ర్‌ రామచంద్రమోహన్‌ అసహనం వ్యక్తం చేసినట్లు సమాచారం. ఆలయ భూముల ఎన్‌వోసీ జారీపై కలెక్టర్‌ స్వప్నిల్‌ దినకర్‌ ఆగ్రహానికి గురైన ఈవో..ఒత్తిళ్లకు తట్టుకోలేనంటూ అనారోగ్య కారణాలు చూపుతూ నెల రోజుల పాటు సెలవుకు దరకాస్తు చేసుకున్న సంగతి తెలిసిందే.. దీనిపై రాష్ట్ర కమిషన ర్‌ రామచంద్రమోహన్‌ మాత్రం ఎలాంటి ఆమోదం తెలియజేయలేదు సరికదా.. విజయనగరం పైడితల్లి అమ్మవారి సిరిమానోత్సవానికి చీఫ్‌ ఫెస్టివల్‌ ఆఫీసర్‌ (సీఎఫ్‌వో)గా బాధ్యతలు అప్పగిస్తే.. ఎలా తప్పించుకుని సెలవులు పెట్టేస్తావంటూ కమిషనర్‌ ప్రశ్నించినట్లు విశ్వసనీయ సమాచారం. దీంతో కమిషనర్‌ ఆదేశాల మేరకు తిరిగి అరసవల్లి ఆలయానికి ఈవోగా గురువారం విధుల్లోకి ప్రసాద్‌ చేరారు. కాగా విజయనగరం మాన్సాస్‌కు కూడా ఈయనే ఈవో కావడంతో పైడితల్లి అమ్మవారి జాతర పనుల పర్యవేక్షణ బాధ్యతలు కూడా అప్పగించారు. స్థానిక జిల్లాలో అరసవల్లి ఆలయ స్థలాల ఎన్‌వోసీపై ఈవో ఎలాంటి నిర్ణయాన్ని ప్రకటించకపోవడంపై మరోవైపు జిల్లా కలెక్టర్‌ స్వప్నిల్‌ దినకర్‌ అదే మండిపాటు ధోరణిలోనే ఉన్నారని తెలుస్తోంది. దీంతో అటు రాష్ట్ర కమిషనర్‌ రామచంద్రమోహన్‌.. ఇటు జిల్లా కలెక్టర్‌ స్వప్నిల్‌ దినకర్‌ల నుంచి చెరోవైపు ఒత్తిళ్లను భరించలేకపోతున్నానంటూ ఈవో తన సన్నిహితుల వద్ద వాపోతున్నారని తెలిసింది.

భారీ వర్షాలకు ..రాయగడ : అల్పపీడనం ప్రభావంతో కురుస్తున్న ఎడతెరిపిలేని వర్షాలకు రాయగడ జిల్లాలో పలు ప్రాంతాల్లో తీవ్ర నష్టం వాటిల్లింది. బిసంకటక్‌ సమి నువాగాంలో రెండు మట్టి ఇళ్లు కూలిపొయాయి. సదరు సమితి శెశిఖాల్‌పోలీస్‌ స్టేషన్‌ ఎదుట భారీ చెట్టు నేలకొరిగింది. దీంతో పొరుగు రాష్ట్రమైన ఆంధ్రప్రదేశ్‌కు రాకపోకలు నిలిచిపోయాయి. గుమ్మ ఘాటీలో కొండచరియలు, చెట్లు విరిగిపడటంతో 326 నంబరు జాతీయ రహదారిపై రాకపోకలు స్తంభించాయి. జంఝావతి నదిలో నీటిమట్టం పెరిగింది. కొరాపుట్‌–రాయగడ (కే ఆర్‌ ) రైల్వే లైన్‌లో టికిరి సమీపంలో ట్రాక్‌పై కొండచరియలు, మట్టి పడిపోవడంతో రైళ్ల రాకపోకలకు అంతరాయం ఏర్పడింది. రవులి రైల్వే స్టేషన్‌ మధ్య టన్నల్‌ నంబరు 3 సమీపంలో కొండచరియలు విరిగిపడ్డాయి. సమాచారం అందుకున్న రాయగడ రైల్వే శాఖ ప్రత్యేక బృందం సంఘటన స్థలానికి చేరుకుని మూడు గంటల పాటు శ్రమించి ట్రాక్‌పై పడిన మట్టిని తొలగించారు. బిసంకటక్‌లోని నువాగాంలో ఇంటి గోడలు కూలిపోయాయి. విషయం తెలుసుకున్న బీడీఓ శివ పట్నాయక్‌, రెవెన్యూ ఇన్‌స్పెక్టర్లు ఘటనా స్థలానికి చేరుకుని టార్పాలిన్లు అందజేశారు.

పర్లాకిమిడి: కెందూఝర్‌ జిల్లాలో ఈ నెల 21 నుంచి 24వ తేదీ వరకూ జరిగిన రాష్ట్ర స్థాయి తైక్వాండ్‌ పోటీల్లో గజపతి జిల్లాకు చెందిన ఐదుగురు విద్యార్థులు స్వర్ణం, కాంస్య, రజిత పతాకాలు సాధించారు. గజపతి జిల్లాకు మంచి పేరు తీసుకువచ్చారని గజపతి తైక్వాండ్‌ అకడమీ కార్యదర్శి కార్తీక్‌ మహాపాత్రో గురువారం తెలియజేశారు. రాష్ట్ర తైక్వాండ్‌ చాంపియన్‌ షిప్‌ పోటీలకు గజపతి నుంచి 19 మంది విద్యార్థులు ఎంపికయ్యారు. వీరిలో ఆరుగురు విద్యార్థులు పతకాలు సాధించారు. వీరు కృష్ణచంద్రగజపతి కళాశాల విద్యార్థిని వర్షితా దాస్‌ అండర్‌ 17 క్యాటగరీలో స్వర్ణం, భువనానంద భుయ్యాన్‌ (ఎస్‌.కె.సి.జీ.కళశాల) అండర్‌ 17 స్వర్ణం, కె.స్వరణ్‌ తేజ్‌ (మహారాజా బాలుర ఉన్నత పాఠశాల) అండర్‌ 17 స్వర్ణం, ఎన్‌.హేమంత్‌ (మహారాజా బాలుర ఉన్నత పాఠశాల) కాంస్యం, జగన్నాథ శోబోరో (సరస్వతీ శిశువిద్యామందిర్‌) అండర్‌ 14 రజితం, జ్ఞాణేంద్ర భుయ్యాన్‌ (సరస్వతీ శిశుమందిర్‌) అండర్‌ 14లో కాంస్య పతకం సాధించినట్లు కార్తీక్‌ మహాపాత్రో తెలియజేశారు.

● రైలు ప్రమాదంలో మృతి చెందిన శివకు అడవిలో అంతిమ సంస్కారాలు ● గిరిజనులకు శ్మశాన వాటిక లేకపోవడంతో తీవ్ర ఇబ్బందులు మెళియాపుట్టి : రైలు ఢీకొన్న ఘటనలో మృతిచెందిన శివకు అంత్యక్రియలు నిర్వహించేందు కు గురువారం తీవ్ర ఇబ్బందులు ఎదురయ్యా యి. మెళియాపుట్టి మండల కేంద్రంలో నివాసముంటున్న గిరిజనులకు తరతరాలుగా శ్మశాన వాటిక లేకపోవడంతో అడవిలోనే అంత్యక్రియ లు నిర్వహించారు. తరాలు మారినా గిరిజనుల తలరాత మారడం లేదని పలువురు గిరిజనులు అభిప్రాయం వ్యక్తం చేస్తున్నారు. ఇప్పటికై నా ఉన్నతాధికారులు స్పందించి శ్మశాన వాటిక మంజూరు చేయాలని వారు కోరుతున్నారు. టెక్కలి: రైలు ఢీకొన్న ఘటనలో విద్యార్థులు మృతి చెందడం బాధాకరమని, ఆయా కుటుంబాలను ప్రభుత్వం ఆదుకోవాలని వైఎస్సార్‌సీపీ పార్లమెంటరీ నియోజకవర్గ సమన్వయకర్త తమ్మినేని సీతారాం డిమాండ్‌ చేశారు. గురువారం టెక్కలి మండలం డమర, భీంపురం గ్రామాల్లో మృతుల కుటుంబాలను పరామర్శించి రూ.5 వేలు చొప్పున ఆర్థిక సాయం అందజేశారు. అనంతరం టెక్కలి–మెళియాపుట్టి రోడ్‌లో పురుషోత్తంసాగర్‌ గండి వల్ల ఏర్పడిన వరద నీటితో నీట మునిగిన పంట పొలాలను పరిశీలించారు.

ఎచ్చెర్ల : శాంతి స్థాపనలో యోగా కీలక పాత్ర వహి స్తుందని బీహార్‌ రాష్ట్రం పాటలీపుత్ర వర్సిటీకి చెంది న ప్రొఫెసర్‌ అభాసింగ్‌ చెప్పారు. నేటి సంక్షోభ పరిస్థితుల్లో దేశాల మధ్య ఘర్షణలు తగ్గించేందుకు యోగా ఎంతగానో ఉపయోగపడుతుందన్నారు. శాంతి భిన్న సంస్కృతులపై ఎచ్చెర్లలోని డాక్టర్‌ బి. ఆర్‌.అంబేడ్కర్‌ యూనివర్సిటీలో జరుగుతున్న అంతర్జాతీయ సదస్సులో భాగంగా గురువారం ఆమె ప్రసంగించారు. శ్రీవేంకటేశ్వర యూనివర్శిటీ ఫిలా సఫీ మాజీ విభాగాధిపతి ప్రొఫెసర్‌ బి.సాంబశివప్రసాద్‌, ప్రొఫెసర్‌ సచ్చిదానందమూర్తి తమ అభిప్రాయాలను వెల్లడించారు. అలహాబాద్‌ విశ్వవిద్యాలయానికి చెందిన ప్రొఫెసర్‌ భీమకుమార్‌ వివిధ సంస్కృతుల్లో శాంతిస్థాపనకు బుద్ధుడి బోధనలు ఎలా ఉపయోగపడతాయో వివరించారు. అనంతరం 20 మంది పరిశోధకులు తమ పత్రాలను సమర్పించా రు. కార్యక్రమంలో వీసీ కె.ఆర్‌.రజనీ, రిజిస్ట్రార్‌ బి. అడ్డయ్య, సదస్సు కన్వీనర్లు సంతోష్‌ రంగనాథ్‌, సంతోషి పావని, ఆర్ట్స్‌ కాలేజీ ప్రిన్సిపాల్‌ అనురా ధ, సైన్స్‌ కాలేజీ ప్రిన్సిపాల్‌ స్వప్రవాహిని, రాజశేఖర్‌ తదితరులు పాల్గొన్నారు.

ఎచ్చెర్ల : జర్నలిస్టులు నిరంతర విద్యార్థులుగా ఉంటూ కొత్త విషయాలను నేర్చుకోవాలని, జర్నలిజానికి ఉన్న పత్యేకత ఎప్పటికీ అలాగే ఉంటుందని జిల్లా సమాచార పౌరసంబంధాల అధికారి కె.చెన్నకేశవరావు అన్నారు. ఎచ్చెర్లలోని డాక్టర్‌ బీఆర్‌ అంబేడ్కర్‌ యూనివర్సిటీలో జర్నలిజం అండ్‌ మాస్‌ కమ్యూనికేషన్‌ విభాగం ఆధ్వర్యంలో జర్నలిస్టులు, గ్రామీణ విలేకర్ల కోసం నిర్వహించిన శిక్షణ కార్యక్ర మం ముగింపు కార్యక్రమం గురువారం నిర్వహించారు. ఈ సందర్భంగా ఆయన మాట్లాడుతూ జర్న లిజం తొలినాళ్లలో రేడియో ద్వారా ఆ తర్వాత పత్రికలు ఎలక్ట్రానిక్‌ మీడియా ద్వారా ప్రజలకు సమా చారం చేరిందని, ప్రస్తుతం సామాజిక మాధ్యమా లు కీలక పాత్ర పోషిస్తున్నాయని చెప్పారు. వార్తా సేకరణలో వస్తున్న మార్పులపై ఎప్పటికప్పుడు అవగాహన పెంచుకోవాలన్నారు. సామాజిక మాధ్యమాల్లో వేగంగా వ్యాప్తి చెందుతున్న సమాచారాన్ని పరిశీలించి నిజానిజాలను నిర్ధారించుకున్న తర్వాతే వార్తగా ప్రచురించాలని సూచించారు. కార్యక్రమలో వర్సిటీ కళాశాల ప్రిన్సిపాల్‌ డాక్టర్‌ ఎం.అనురాధ, యూబీఏ సమన్వయకర్త, పీఎం–ఉషా నోడల్‌ అధికారి కావ్యజ్యోత్స్న, సీనియర్‌ జర్నలిస్టు డి.రాజేంద్రప్రసాద్‌, రెడ్డి తిరుపతిరావు తదితరులు పాల్గొన్నారు.

రాయగడ: ఎడతెరిపిలేకుండా కురుస్తున్న భారీ వర్షాలతో రాయగడ–కొరాపుట్‌ రైలు మార్గంలో రైల్వే అధికారులు అప్రమత్తమయ్యారు. లిల్లిగుమ్మ–రౌలి స్టేషన్ల మధ్య పలు ప్రాంతాల్లో స్వల్పంగా మట్టి జారిపతుండటంతోపాటు లక్ష్మీపూర్‌ రోడ్‌ స్టేషన్‌ సమీపంలోనూ మట్టి జారినట్లు గుర్తించారు. టన్నల్‌ నంబర్‌ 3 సమీపంలో స్వల్పంగా కొండచరియలు జారినట్లు ఆనవాళ్లు కనిపించగా, టన్నల్‌ నంబరు 2లో నీటి లీకేజీ, ఊటలు ఏర్పడినట్లు అధికారులు గుర్తించారు. పరిస్థితిని దృష్టిలో పెట్టుకుని రాయగడ రైల్వే డివిజనల్‌ మేనేజర్‌ అమితాబ్‌ సింఘాల్‌.. సీనియర్‌ డివిజనల్‌ అధికారులు, ఇంజినీరింగ్‌ సిబ్బందితో కలసి భారీ వర్షంలోనూ ప్రభావిత ప్రాంతాలను స్వయంగా పరిశీలించారు. ఆయా ప్రాంతాల్లో చేపడుతున్న పునరుద్ధరణ, భద్రతా చర్యలను సమీక్షించి సిబ్బంది అప్రమత్తతం చేశారు. వర్షాల ప్రభావానికి గరయ్యే ప్రాంతాలను నిరంతరం పర్యవేక్షించాలని అధికారులను ఆదేశించారు. రైళ్ల రాకపోకలు, ప్రయాణికులు, రైల్వే మౌలిక వసతుల భద్రతకు అవసరమైన అన్ని ముందస్తు చర్యలు తీసుకోవాలని సూచించారు. అవసరమైన చోట పునరుద్ధరణ పనులను వేగంగా పూర్తి చేయాలని ఆదేశించారు. ముఖ్యంగా టన్నల్స్‌, కొండ కొతలు, రైల్వే ఎంబాంక్‌మెంట్లు, మట్టి జారే ప్రాంతాలపై ప్రత్యేక నిఘా ఏర్పాటు చేశారు. ఇంజినీరింగ్‌, ఫీల్డ్‌ సిబ్బందిని ఆయా ప్రాంతాల్లో మోహరించి, వర్షాల కారణంగా ఎలాంటి ఇబ్బందులు తలెత్తినా తక్షణమే స్పందించేలా చర్యలు చేపట్టారు. నిర్ధేశిత భద్రతా ప్రమాణాల ప్రకారం ముందస్తు చర్యలు, పునరుద్ధరణ చర్యలు కొనసాగుతున్నాయని డీఆర్‌ఎం సింఘాల్‌ తెలిపారు. ప్రస్తుత పరిస్థితిని డివిజన్‌ స్థాయిలో నిరంతరం పర్యవేక్షిస్తూ.. అవసరమైన ప్రాంతాల్లో పనులను ప్రాధాన్యతతో చేపడుతున్నట్లు చెప్పారు.

రాయగడ: జిల్లా కాంగ్రెస్‌లో శంకర్‌ జిలకరను చుట్టుముట్టిన చర్చకు తెరపడింది. కాంగ్రెస్‌ పార్టీకి, జిల్లా ఆదివాసీ సెల్‌ అధ్యక్ష పదవికి ఆయన గతంలో సమర్పించిన రాజీనామాను రాష్ట్ర కాంగ్రెస్‌ నాయకత్వం తిరస్కరించింది. దీంతో గతంలో నిర్వహించిన బాధ్యతలను మళ్లీ చేపట్టాలని ఆయనకు ఆదేశాలు జారీ అయ్యాయి. రాష్ట్ర ప్రదేశ్‌ కాంగ్రెస్‌ కమిటీ అధ్యక్షుడు భక్తచరణ్‌ దాస్‌ ఆదేశాల మేరకు రాష్ట్ర ఆదివాసీ కాంగ్రెస్‌ చైర్మన్‌, మాజీ ఎంపీ యశ్వంత్‌ నారాయణ్‌ సింగ్‌ లాగూరి ఈ మేరకు సెప్టెంబర్‌ 17న జిలకరకు లేఖ ద్వారా సమాచారం అందించారు. 2024 ఫిబ్రవరి 1న శంకర్‌ జిలకరను రాయగడ జిల్లా కాంగ్రెస్‌ ఆదివాసీ సెల్‌ అధ్యక్షుడిగా నియమించారు. అనంతరం అదే ఏడాది మే 5న జిల్లా కాంగ్రెస్‌ కమిటీ అదనపు అధ్యక్ష బాధ్యతలను కూడా అప్పగించారు. 2024 సార్వత్రిక ఎన్నికల సమయంలో జిల్లాలో పార్టీ సంస్థాగత బాధ్యతలను నిర్వహించారు. ఆ ఎన్నికల్లో రాయగడ జిల్లాలో కాంగ్రెస్‌ నుంచి ఒక ఎంపితో పాటు మూడు అసెంబ్లీ స్థానాల్లో పార్టీ అభ్యర్థులు విజయం సాధించారు. అయితే అనంతరం జిలకరను అదనపు అధ్యక్ష పదవి నుంచి తొలగించారు. పార్టీ తనను నిర్లక్ష్యం చేస్తోందని ఆరోపిస్తూ ఈ ఏడాది జనవరి 12న కాంగ్రెస్‌ ప్రాథమిక సభ్యత్వంతో పాటు ఆదివాసీ సెల్‌ అధ్యక్ష పదవికి ఆయన రాజీనామా చేశారు. అయితే ఆయన రాజీనామాను పీసీసీ అధ్యక్షుడు గానీ.. రాష్ట్ర ప్రదేశ్‌ ఆదివాసీ కాంగ్రేస్‌ కమిటీ గానీ ఆమోదించలేదు. ఈనెల 21న రాయగడలో జరిగిన ఇండీ కూటమి పరివర్తన్‌ ర్యాలీ సందర్భంగా పీసీసీ అధ్యక్షుడు భక్తచరణ్‌ దాస్‌ జిలకరతో చర్చించారు. అనంతరం రాష్ట్ర ఆదివాసీ కాంగ్రెస్‌ నుంచి లేఖ జారీ చేసి ఆయన రాజీనామాను తిరస్కరించినట్లు, గతంలో మాదిరిగానే బాధ్యతల్లో కొనసాగాలని సూచించింది. ఆ లేఖలో జిలకరను పార్టీకి చెందిన ముఖ్యమైన సభ్యుడిగా పేర్కొన్నారు. రాజీనామా తిరస్కరణ అనంతరం జిలకర మళ్లీ పార్టీ సంస్థాగత కార్యక్రమాల్లో చురుగ్గా పాల్గొంటున్నారు. రానున్న రోజుల్లో రాయగడ జిల్లాలోని ఆదివాసీ ప్రాంతాల్లో కాంగ్రెస్‌ పార్టీ సంస్థాగత నిర్మాణాన్ని క్షేత్రస్థాయి నుంచి మరింత బలోపేతం చేసేందుకు పనిచేస్తానని జిలకర తెలియజేశారు.

టెక్కలి: రైలు ఢీకొన్న ఘటనలో నలుగురు విద్యార్థులు మృతి చెందడం బాధాకరమని, ఆయా కుటుంబాలకు ప్రభుత్వం రూ.25 లక్షలు చొప్పున పరిహారం అందించాలని దళిత, ఆదివాసీ, ప్రజా సంఘాల జేఏసీ నాయకులు డిమాండ్‌ చేశారు. గురువారం టెక్కలి గిరిజన బాలుర వసతి గృహం వద్ద విద్యార్థులతో కలిసి ధర్నా నిర్వహించారు. ఈ సందర్భంగా నాయకులు మాట్లాడుతూ.. వార్డెన్‌ నిర్లక్ష్యం వల్లే విద్యార్థులు మృతి చెందారని మండిపడ్డారు. విద్యార్థుల కుటుంబాలను ఆదుకునేలా కుటుంబంలో ఒకరికి ఉద్యోగం ఇవ్వాలన్నారు. వార్డెన్‌ సుదర్శన్‌ను తక్షణమే సస్పెండ్‌ చేయాలని డిమాండ్‌ చేశారు. ప్రమాదంలో తీవ్రంగా గాయపడిన సాల్మన్‌రాజుకు మెరుగైన వైద్యంతో పాటు ఆర్థికంగా ఆదుకోవాలన్నారు. ఈ ఘటనపై ప్రత్యేకంగా దర్యాప్తు నిర్వహించాలని డిమాండ్‌ చేశారు. గిరిజన విద్యార్థుల భద్రత, వసతి గృహాల పర్యవేక్షణ విషయంలో ఐటీడీఏ డిప్యూటీ డైరెక్టర్‌, పీఓల పాత్రపై సమగ్ర విచారణ చేయాలన్నారు. కార్యక్రమంలో నాయకులు దుర్గాసి గణేష్‌, బెలమర ప్రభాకర్‌, కె.ధర్మారావు, వై.గోపి, గేదెల రమణయ్య, కె.శ్రీను, చల్లా రామారావు, పి.దినేష్‌, టి.సూర్యం, వైకుంఠరావు, జె.సింహాచలం, ఎల్‌.రామచంద్రరావు, బి.గోవిందరావు, కె.జగ్గారావు, ఎ.మాధవరావు తదితరులు పాల్గొన్నారు. గిరిజనులంటే ప్రభుత్వానికి చిన్నచూపు సారవకోట: గిరిజనులపై ప్రభుత్వానిది సవతి తల్లి ప్రేమ అని ఆదివాసీ సంక్షేమ పరిషత్‌ రాష్ట్ర ఉపాధ్యక్షుడు వాబ యోగి అన్నారు. గురువారం ఆయన విలేకర్లతో మాట్లాడుతూ టెక్కలి గ్రామ సమీపంలో బుధవా రం రాజ్యరాణి ఎక్స్‌ప్రెస్‌ ఢీకొనడంతో నలుగురు గిరిజన విద్యార్థులు మృతి చెందినప్పటికీ సంఘటనక్థీలాన్ని పరిశీలించి గిరిజనులను ఓదార్చేందుకు ప్రభుత్వ పెద్దలు, ఐటీడీఏ అధికారులకు తీరిక లేదని దుయ్యబట్టారు. వసతి గృహంలో ఇంటర్మీడియట్‌ చదువుతున్న విద్యార్థుల భవిష్యత్‌పై ఎన్నో ఆశలు పెట్టుకున్న తల్లిదండ్రులకు పుత్రశోకం మిగిలిందన్నారు. వారిని ఐటీడీఏ ద్వారా ఆదుకోవాల్సి ఉన్నా ప్రభుత్వం అరకొర పరిహారం ప్రకటించి చేతులు దులుపుకుందని ఆరోపించారు.

భువనేశ్వర్‌: జాతీయ చలన చిత్ర పురస్కారం గెలుచుకున్న ఒడియా చిత్రం లహరి నిర్మాత ఝిలిక్‌ భట్టాచార్జీ ఆధ్వర్యంలో చిత్ర బృందంలోని ఇతర సభ్యులు గురువారం రాష్ట్ర గవర్నర్‌ డాక్టర్‌ హరిబాబు కంభంపాటిని కలిశారు. ఈ సందర్భంగా స్థానిక లోక్‌ భవన్‌లో గవర్నర్‌ చిత్ర బృందానికి అభినందించారు. చిత్ర బృందంతో గవర్నర్‌ ముచ్చటించి.. లహరి జాతీయ చలన చిత్ర పురస్కారం అందుకోవడం రాష్ట్రానికి గర్వకారణమన్నారు. వారి కృషిని ఆయన ప్రశంసించి భవిష్యత్‌ ప్రయత్నాలలో వరుస విజయాలు సాధించాలని ఆకాంక్షించారు. అర్థవంతమైన, ప్రభావవంతమైన చిత్రాల నిర్మాణంతో యువతరాన్ని ప్రేరేపించి సానుకూల ప్రభావం చూపడంలో ప్రధాన మాధ్యమంగా సద్వినియోగపరచుకోవాలని లహరి చిత్ర నిర్మాతలను గవర్నర్‌ ప్రోత్సహించారు. నేడు పాఠశాలలకు సెలవు పర్లాకిమిడి: ఈ నెల 25వ తేదీన గజపతి జిల్లాలోని అన్ని పాఠశాలలకు కలెక్టర్‌ ఆదేశాల మేరకు డీఈఓ మయాధర్‌ సాహు గురువారం ఒక ప్రకటనలో సెలవు ప్రకటించారు. గజపతి జిల్లాకు ఐఎండీ ఆరెంజ్‌ హెచ్చరికలు జారీ చేసిందన్నారు. అన్ని ప్రభుత్వ, ప్రైవేట్‌ పాఠశాలలు, కేంద్రీయ విద్యాలయాలు, నవోదయ, ఎస్‌.ఎస్‌.డీ పాఠశాలలు, ఆదర్శ పాఠశాలలకు సెలవు ప్రకటించినట్లు పేర్కొన్నారు. పాము కాటుతో యువకుడి మృతి రాయగడ: పాము కాటు వేయడంతో యువకుడు మృతి చెందాడు. మృతుడు జిల్లాలోని మునిగుడ పోలీస్‌ స్టేషన్‌ పరిధిలోని బలియాపొదొరొ గ్రామానికి చెందిన మనోజ్‌ బిడిక (17)గా గుర్తించారు. ఈ ఘటన గురువారం చోటు చేసుకుంది. ఇంటిలో నిద్రించే సమయంలో పాము కాటువేసింది. దీనిని గుర్తించిన కుటుంబ సభ్యులు వెంటనే అతడిని హాస్పిటల్‌కు చికిత్స కోసం తరలించారు. అప్పటికే అతడు మృతి చెందినట్లు వైద్యులు ధ్రువీకరించారు. ఉద్దానంలో తాగునీరు బంద్‌ వజ్రపుకొత్తూరు: పూండి ఉద్దానం మంచినీటి పథకం పంపింగ్‌ కేంద్రం నుంచి గురువారం తాగునీటి సరఫరా నిలిచిపోయింది. భారీ వర్షాలు, ఈదురు గాలుల ధాటికి విద్యుత్‌ సరఫరాలో అంతరాయం ఏర్పడడంతో ఈ పరిస్థితి నెలకొంది. హరిదాసుపురం, కణితివూరు, గోవిందపురం, పీవీపురం తదితర గ్రామాలకు తాగునీరు అందక ప్రజలు తీవ్ర ఇబ్బందులకు గురయ్యారు. అరసవల్లి: జిల్లా పరిషత్‌ పాలకుల పదవీకా లం గురువారం సాయంత్రంతో ముగియడంతో కలెక్టర్‌ స్వప్నిల్‌ దినకర్‌ ప్రత్యేకాధికారిగా బాధ్యతలు స్వీకరించారు. గురువారంతో జెడ్పీ చైర్‌పర్సన్‌ విజయతో పాటు మిగిలిన జెడ్పీటీసీల పదవీకాలం ముగియడంతో జిల్లా పరిషత్‌ పరిపాలన బాధ్యతలన్నీ కలెక్టర్‌ నేతృత్వంలోనే కొనసాగనున్నాయి. కొత్త పాలకవర్గం బాధ్యతల్లోకి వచ్చేంత వరకు ఈ పరిస్థితి కొనసాగు తుంది. కాగా జిల్లాల పునర్విభజన కారణంగా రాజాం నియోజకవర్గంలో నాలుగు మండలా లు విజయనగరం జిల్లా పరిషత్‌లోకి, పాలకొండ నియోజకవర్గంలోని 4 మండలాలు కొత్తగా జిల్లా పరిషత్‌ ఏర్పాటైన పార్వతీపురం మన్యం జిల్లా పరిధిలోకి వెళ్లిపోయాయి. మిగిలిన 8 నియోజకవర్గాల్లోని 30 మండలాలతో స్థానిక జిల్లా పరిషత్‌కు ప్రత్యేకాధికారి పాలన గురువా రం సాయంత్రం నుంచి ప్రారంభమయ్యింది. మూడేళ్ల చిన్నారికి ముద్దులిచ్చి.. ఇబ్రహీంపట్నం: మూడేళ్ల చిన్నారి కూతురికి ముద్దులిచ్చి.. ఉరివేసుకొని ఓ తల్లి బలవన్మరణానికి పాల్పడింది. ఈ సంఘటన తెలంగాణ రాష్ట్రం రంగారెడ్డి జిల్లా ఇబ్రహీంపట్నం పోలీస్‌స్టేషన్‌ పరిధిలో చోటుచేసుకుంది. సీఐ మహేందర్‌రెడ్డి తెలిపిన వివరాల ప్రకారం..శేరిగూడకు చెందిన సిద్ధని సునీత (23)ను శ్రీకాకుళం జిల్లాకు చెందిన దిలీప్‌కి ఇచ్చి నాలుగేళ్ల క్రితం వివాహం జరిపించారు. వారికి మూడేళ్ల కూతురు ఉండగా ప్రస్తుతం ఆమె గర్భిణి. వివాహం జరిగినప్పటి నుంచి భర్త, అత్తింటి వారి వేధింపులతో సతమతమవుతోంది. 20 రోజుల క్రితం భర్తతో గొడవపడి అమ్మగారింటికి శేరిగూడకు వచ్చింది. ఏమైందోఏమోగాని గురువారం తల్లి హాల్‌లో కూర్చొని ఉండగా కూతురిని బెడ్‌రూంలోకి తీసుకెళ్లి ముద్దులిచ్చింది. తర్వాత ఫ్యాన్‌కు చీరతో ఉరి వేసుకొని ఆత్మహత్య చేసుకుంది. మృతదేహాన్ని పోస్టుమార్టం నిమిత్తం ఉస్మానియా ఆస్పత్రికి తరలించారు. ఈ మేరకు తండ్రి ఫిర్యాదు మేరకు కేసు నమోదు చేసిన పోలీసులు దర్యాప్తు జరుపుతున్నారు.

టెక్కలి: టెక్కలి గిరిజన పోస్టుమెట్రిక్‌ హాస్టల్‌ వార్డెన్‌ ఎస్‌.సుదర్శనరావును సస్పెండ్‌ చేస్తూ కలెక్టర్‌ స్వప్నిల్‌ దినకర్‌ పుండ్కర్‌ గురువారం ఆదేశాలు జారీ చేశారు. వసతి గృహానికి చెందిన ఇంటర్‌ విద్యార్థులు జన్ని దిలీప్‌కుమార్‌, జన్ని శరత్‌కుమార్‌, గంగువాడ విశాఖరావు, సవర శివ రెండు రోజుల బుధవారం టెక్కలి సమీపంలో రాజ్యరాణి ఎక్స్‌ప్రెస్‌ రైలు ఢీకొని మృతి చెందిన సంగతి విదితమే. వార్డెన్‌ సుదర్శనరావు పర్యవేక్షణ లోపం, బోగస్‌ హాజరుతో ఇటువంటి సంఘటన చోటు చేసుకుందనే కారణంతో సస్పెన్షన్‌ చేసినట్లు గిరిజన సంక్షేమ శాఖ డీడీ అన్నాదొర తెలిపారు. విద్యార్థి కుటుంబానికి మంత్రి పరామర్శ మెళియాపుట్టి: టెక్కలి మండలం రావివలస సమీపంలో రాజారాణి రైలు ఢీకొన్న ప్రమాదంలో నలుగురు విద్యార్థులు దుర్మరణం పాలైన విషయం తెలిసిందే. మృతుల్లో మెళియాపుట్టి మండల కేంద్రానికి చెందిన సవర శివ ఉండటంలో గురువారం మంత్రి అచ్చెన్నాయుడు, పాతపట్నం ఎమ్మెల్యే మామిడి గోవిందరావు, కలెక్టర్‌ స్వప్నిల్‌ దినకర్‌ పుండ్కర్‌, టెక్కలి ఆర్డీవో కృష్ణమూర్తిలు విద్యార్థి తల్లిదండ్రు లను పరామర్శించారు. ఈ సందర్భంగా మంత్రి మాట్లాడుతూ ముఖ్యమంత్రితో మాట్లాడి రూ.ఐదు లక్షలు ఎక్స్‌గ్రేషియా ఇప్పిస్తానన్నారు. పలువురు అధికారులు, నాయకులు పాల్గొన్నారు. అనంతరం టెక్కలి మండలం డమర, భీంపురం గ్రామాల్లో పర్యటించి మృతుల కుటుంబాలను పరామర్శించారు.

భువనేశ్వర్‌: పెనంతో కొట్టడంతో భార్య మరణించిన ఘటన నగరంలో చోటు చేసుకుంది. ప్రేమించి పెళ్లి చేసుకున్న భర్త ఈ దారుణానికి పాల్పడినట్లు ఆరోపణలు ఉన్నాయి. మృతురాలిని బనస్మిత సాయి (26)గా గుర్తించారు. 5వ నంబరు జోన్‌ ఏసీపీ బిశ్వరంజన్‌ సేనాపతి, నయాపల్లి ఠాణా పోలీసులు ఘటనా స్థలానికి చేరుకొని నిందిత భర్త సర్వేశ్వర్‌ ప్రధాన్‌ను అదుపులోకి తీసుకున్నారు. ఫోరెన్సిక్‌ బృందం సంఘటనా స్థలంలో నమూనాలు సేకరించింది. ఏడాదిన్నర క్రితం వీరిరువురూ ప్రేమించుకున్న తర్వాత వివాహం చేసుకున్నారు. ఈ దంపతులకు 4 నెలల కుమారుడు ఉన్నట్లు కుటుంబీకుల సమాచారం. దసరా ఉత్సవాలకు అంకురార్పణ పర్లాకిమిడి: దసరా శరన్నవరాత్రి వేడుకలకు పర్లాకిమిడి పెద్ద బ్రాహ్మణవీధి జంక్షన్‌ వద్ద అంకుర పూజలు చేపట్టారు. అక్టోబర్‌ 11న సప్తపురి అమావాస్య నాటి నుంచి పెద్ద బ్రాహ్మణవీధిలో దుర్గాదేవి విగ్రహాన్ని ప్రతిష్టిస్తారు. తొమ్మిది రోజుల పాటు జరిగే దుర్గా పూజలు నేటికి 65 వసంతాలు నిరాటంకంగా ఇక్కడ జరుపుతున్నారు. కటక్‌ నుంచి కళాకారులను తెప్పించి అత్యంత సుందరంగా దుర్గా అమ్మవారి విగ్రహాన్ని తీర్చిదిద్దుతారు. నిత్యావసరాల ధరల పెరుగుదలపై నిలదీత భువనేశ్వర్‌: కూరగాయలు, వంట నూనె, పంచదార తదితర నిత్యావసర పదార్థాల ధరలు గణనీయంగా పెరిగిన నేపథ్యంలో ప్రతిపక్ష సభ్యులు శాసన సభ వర్షాకాలం సమావేశాల్లో ప్రభుత్వాన్ని నిలదీశారు. ఇటీవల పలు ఆహార పదార్థాలు, కూరగాయల ధరలు పెరగడానికి ప్రతికూల వాతావరణ పరిస్థితులు, పంట నష్టం, జాతీయ, అంతర్జాతీయ పరిణామాలే కారణమని ఒడిశా ప్రభుత్వం పేర్కొంది. అదే సమయంలో బ్లాక్‌ మార్కెటింగ్‌, అధిక లాభాలను అరికట్టడానికి రాష్ట్ర ప్రభుత్వం చర్యలు తీసుకుంటోందని కూడా స్పష్టం చేసింది. శాసన సభలో ప్రతిపక్ష ఎమ్మెల్యేలు లేవనెత్తిన ప్రశ్నలకు సమాధానమిస్తూ పప్పు ధాన్యాలు, వంట నూనె, ఉల్లిపాయల ధరలలో స్వల్ప పెరుగుదల దేశ వ్యాప్తంగా నెలకొని ఉన్న పరిస్థితిలో భాగమని రాష్ట్ర ఆహార సరఫరా, వినియోగదారుల సంక్షేమ శాఖ మంత్రి కృష్ణ చంద్ర పాత్రో పేర్కొన్నారు. ప్రధాన కూరగాయలు పండే ప్రాంతాల్లో ప్రతికూల వాతావరణం, వరదల వంటి పరిస్థితుల కారణంగా పంటలు దెబ్బతిని, కూరగాయల ధరలు పెరిగాయని మంత్రి తెలిపారు. లంచాల ఆరోపణలపై దర్యాప్తు రాయగడ: రాయగడలోని ఓఎస్‌బీసీ (ఒడిశా స్టేట్‌ బేవరేజెస్‌ కార్పొరేషన్‌) డిపోలో మద్యం లోడింగ్‌కు లంచాలు వసూలు చేస్తున్నారంటూ వచ్చిన ఆరోపణలపై ఎకై ్సజ్‌ శాఖ దర్యాప్తు ప్రారంభించింది. ఆ శాఖ జాయింట్‌ ఎకై ్సజ్‌ కమిషనర్‌ డంబురుధర్‌ ఖండా వర్చువల్‌ విధానంలో దర్యాప్తు చేపట్టినట్లు సమాచారం. దర్యాప్తులో భాగంగా ఓఎస్‌బీసీ శాఖ మేనేజర్‌ ఉదయ్‌లాల్‌ నాయక్‌, అకౌంటెంట్‌ అజయ్‌ నాయక్‌, వాహన యజమానులు ప్రాశాంత్‌ నాయక్‌, దీపక్‌ దళాయి, ఏఐటీయూసీ జిల్లా అధ్యక్షుడు భవానీ శంకర్‌ జెన తదితరులను ఆరోపణలపై ప్రశ్నించారు. ఈ సందర్భంగా వాహన యజమానులు ప్రశాంత్‌ నాయక్‌, దీపక్‌ కుమార్‌ దొళాయిలు మాట్లాడుతూ మద్యం లోడింగ్‌కు సంబంధించి ఒకొక్క వాహనానికి గతంలో రూ.10 వేలు చొప్పున లంచం చెల్లించేవారమని, ప్రసుతం ఆ మొత్తం రూ.20 వేలకు పెరిగిందని ఆరోపించారు. లంచం చెల్లించకపోతే మద్యం లోడింగ్‌కు అనుమతి ఇవ్వడం లేదని పేర్కొన్నారు. బ్రాంచ్‌ మేనేజర్‌ నేరుగా డబ్బులు తీసుకోకుండా ఓఎస్‌బీసీ అకౌంటెంట్‌ ఆజయ్‌ నాయక్‌ ఫోన్‌పే ద్వారా నగదు తీసుకుంటున్నారని ఆరోపించారు. మరోవైపు ఏఐటీయూసీ జిల్లా అధ్యక్షుడు భవానీ శంకర్‌ జెన్న మాట్లాడుతూ వెండర్లు కోట్ల రుపాయల విలువైన మద్యం తీసుకొని ప్రభుత్వానికి ఆదాయం సమకూరుస్తున్నప్పటికీ, ఓఎస్‌బీసీ అధికారులు లంచాలు తీసుకుంటున్నారనే ఆరోపణలు గతంలోనూ వచ్చాయని తెలిపారు. దీనికి సంబంధించి తన వద్ద పత్రాలు ఉన్నాయని, వాటిని ఏడు రోజుల్లో అందజేస్తానని దర్యాప్తు చేపట్టే అధికారికి వివరించారు. విచారణ సమయంలో జిల్లా ఎకై ్సజ్‌ సూపరింటెండెంట్‌ సంతోష్‌ కుమార్‌ దళసామంత్‌ కూడా హాజరయ్యారు. ఆరోపణలకు సంబంధించిన అన్ని లిఖిత పూర్వకపత్రాలను రాయగడ ఎకై ్సజ్‌ సూపరింటెండెంట్‌కు అందజేయాలని జాయింట్‌ ఎకై ్సజ్‌ కమిషనర్‌ డంబుఽరుధర్‌ ఖండా ఆదేశించారు. అలాగే ఫిర్యాదుదారుల వద్ద ఉన్న పత్రాలను వెంటనే ఈ–మెయిల్‌ ద్వారా పంపాలని సూచించారు.

రాయగడ: జిల్లాలోని పద్మపూర్‌లో గల అభ్యాస్‌ టెక్నొస్కూల్‌లో బుధవారం ఫయిస్తా పేరిట కొత్త విద్యార్థులకు స్వాగతం పలికే కార్యక్రమాన్ని నిర్వహించారు. స్కూల్‌ కార్యదర్శి లాడి తుకారాం మాట్లాడుతూ నాణ్యతమైన విద్యను అందించాలన్న లక్ష్యంతో ఈ ప్రాంతంలో పాఠశాలను ప్రారంభించామన్నారు. జిల్లాలో అత్యధిక శాతం ఆదివాసీ, హరిజనలు నివసించే ప్రాంతం కావడంతో వారికి అన్ని రకాల సౌకర్యాలను కల్పిస్తూ.. ఈ పాఠశాలలో విద్యా బోధన కొనసాగిస్తున్నామన్నారు. ముఖ్యంగా ర్యాగింగ్‌ రహిత పాఠశాలగా గుర్తింపుపొందడం ఎంతో శుభపరిణామమన్నారు. పాఠశాల ప్రిన్సిపాల్‌ దివ్య దేవశీష్‌ దుబే మాట్లాడుతూ క్రమశిక్షణతో విద్యార్థులకు విద్యాభ్యాసం కొనసాగించడమే ప్రధాన లక్ష్యంగా ముందుకు సాగుతున్నామన్నారు. జిల్లాలోని వివిధ ప్రాంతాలకు చెందిన విద్యార్థులు ఆసక్తితో ఇక్కడ చదువుకుంటున్నారని తెలిపారు. విద్యర్థులు వివిధ సాంసృతిక కార్యక్రమాలు నిర్వహించారు.

జయపురం: జయపురం సబ్‌డివిజన్‌ బొరిగుమ్మ సమితి శొశాహండి గ్రామ పంచాయతీని సారా రహిత గ్రామంగా తీర్చుతామని ప్రతిణబూణారు. వందలాది మంది మహిళలు కర్రలు చేత పట్టి సారాకు వ్యతిరేకంగా నినాదాలు చేశారు. కొట్‌పాడ్‌ మాజీ ఎమ్మెల్యే చంద్రశేఖర మఝి నేతృత్వంలో బొరిగుమ్మ సమితి కార్యాలయం ముంగిట బుధవారం నిర్వహించిన కార్యక్రమంలో భారీగా మహిళలు పాల్గొని సారాకు వ్యతిరేకరంగా నినాదాలు చేశారు. మహిళలు అనేకసార్లు అధికారులను కలిసి తమ పంచాయతీ పరిధిలోని గ్రామాలలో పూర్తిగా సారా అమ్మకాలను బంద్‌ చేయాలని విన్న వించుకున్నా నిమ్మకు నీరెత్తినట్లు వ్యవహరిస్తున్నారని మహిళలు మండిపడ్డారు. అందుచేత మరో మార్గం లేక ఆంధోళనకు దిగినట్లు కొట్‌పాడ్‌ మాజీ ఎమ్మెల్యే చంద్రశేఖర మఝి వెల్లడించారు. తమ గ్రామంలో మద్మం అమ్మకూడదు, అమ్మితే తాము ఊరుకోమని మహిళలు నినాదాలు చేశారు. గ్రామాలలో వ్యవసాయం చేసుకొనే రైతుల మధ్య సారా అమ్ముతుండడంతో వారంతా మద్యానికి బానిసలవుతున్నారన్నారు. అందువలన గ్రామ పరిసరాలు వాతావరణం కలుషిత మౌతున్నాయని ఆరోపించారు. సారా తాగి పురుషులు ఇళ్లలో గొడవలు చేయటం వలన కుటుంబాల మధ్య అశాంతి నెలకొంటున్నదని ఆవేదన వ్యక్తం చేశారు. అందుకే మహిళలు గ్రామాలలో డప్పు కొట్టి సారా అమ్మకాలను నిలిపి వేయాలని ఏ ఒక్కరూ సారా తాగకూడదని చాటింపు వేశారు. గ్రామాలలో మద్యం దుకాణాలు ఎత్తి వేయాలని వ్యాపారులను హెచ్చరించారని.. అయినా ఫలితం లేక పోవడంతో ఆగ్రహం వ్యక్తం చేశారు. అబకారీ, పోలీసు అధికారులకు, తహసీల్దార్లకు ఎన్నివిజ్ఞప్తులు చేసినా ఫలితం లేక పోయిందని ఆగ్రహం వ్యక్తం చేశారు. అందుచేత ప్రత్యక్ష యుద్ధానికి సిద్ధమౌతున్నామన్నారు. ముందుగా అమరణ నిరాహార దీక్షకు దిగుతామని హెచ్చరించారు. మద్య నిషేద ఉద్యమానికి తాను పూర్తిగా మద్దతునిస్తున్నట్లు మాజీ ఎమ్మెల్యే చంద్రశేఖర మఝి వెల్లడించారు.

రాయగడ: బంగాళాఖాతంలో ఏర్పడిన అల్పపీడనం ప్రభావంతో జిల్లాలో అతి భారీ నుంచి అత్యంత భారీ వర్షాలు కురిసే అవకాశం ఉండటంతో జిల్లా యంత్రాంగం అప్రమత్తమైంది. జిల్లా కలెక్టర్‌ అశుతోష్‌ కులకర్ణి అధ్యక్షతన మంగళవారం సాయంత్రం వీడియో కాన్ఫరెన్స్‌ ద్వారా విపత్తు నిర్వహణపై సన్నద్ధత సమావేశం నిర్వహించారు. తహసీల్దార్‌లు, బీడీఓలు, మున్సిపాలిటీ అధికారులు అప్రమత్తంగా ఉండాలని, సున్నితమైన, ప్రమాదకర ప్రాంతాలో నిరంతరం పర్యవేక్షణ చేపట్టాలని కలెక్టర్‌ ఆదేశించారు. సెప్టెంబర్‌ 23, 24 తేదీల్లో జిల్లాలోని అన్ని విద్యా సంస్థలను ఇప్పటికే సెలవులు ప్రకటించామన్నారు. గర్భిణులు, వృద్ధులు, చిన్నారులు, దివ్యాంగుల భద్రతకు ప్రాధాన్యం ఇవ్వాలని సూచించారు. వైద్య సేవలు అందించేందుకు సిద్ధంగా ఉండాలన్నారు. పోలీసులు, అగ్నిమాపక సిబ్బంది సహాయక చర్యల్లో పాల్గొనాలని ఆదేశించారు. ప్రతీకూల వాతావరణ పరిస్థితులు కొనసాగుతున్న సమయంలో నదుల్లో గణేష్‌ విగ్రహాల నిమజ్జనం చేయవద్దన్నారు. జలవనరుల శాఖ అధికారులు నదుల నీటి మట్టాన్ని నిరంతరం పర్యవేక్షించి ప్రమాద పరిస్థితులు ఏర్పడే అవకాశం ఉంటే జిల్లా అత్యవసర నిర్వహణ కేంద్రానికి సమాచారం అందించాలని ఆదేశించారు. విద్యుత్‌ భద్రత, అత్యవసర సేవలను నిరంతరాయంగా అందించేందుకు టిపిఎస్‌ఒడిఎల్‌ చర్యలు చేపట్టాలని సూచించారు. అన్ని శాఖలకు చెందిన అధికారులు పాల్గొన్నారు.

భువనేశ్వర్‌: భారతీయ జనతా పార్టీ రాష్ట్ర శాఖ వ్యవహారాల ఇన్‌చార్జిగా ఒడిశాకు కొత్త ఇన్‌చార్జిగా డి.పురందేశ్వరి నియమితులయ్యారు. ఆమెతో సహ ఇన్‌చార్జిగా స్వదేశ్‌ సింగ్‌ని నియమించారు. ఆంధ్రప్రదేశ్‌కు చెందిన సీనియర్‌ బీజేపీ నాయకురాలు డి.పురందేశ్వరి 2020లో ఒడిశా బీజేపీ రాష్ట్ర వ్యవహారాల ఇన్‌చార్జిగా బాధ్యతలు నిర్వహించారు. రాష్ట్రంలో జరగనున్న పంచాయతీ, పట్టణ సంస్థల ఎన్నికల నేపథ్యంలో ఆమె పునః నియామకం ప్రాముఖ్యతను సంతరించుకుంది. ఇప్పటివరకు రాష్ట్ర వ్యవహారాల బాధ్యతలు నిర్వహించిన విజయ్‌ పాల్‌ సింగ్‌ తోమర్‌, లతా ఉసెండీ స్థానంలో వరుసగా డి.పురందరేశ్వరి, స్వదేశ్‌ సింగ్‌ నియమితులయ్యారు. సచివాలయం ముట్టడి శ్రీకాకుళం రూరల్‌: మండలంలోని కల్లేపల్లి పంచాయతీ పరిధి పెద్దవీధి, పల్లెవీధులకు గత కొద్దిరోజులుగా విద్యుత్‌ పంపిణీ సక్రమంగా జరగడం లేదు. దీంతో గ్రామస్తులంతా కలిసి బుధవారం సచివాలయం ఎదుట ధర్నా నిర్వహించారు. అనంతరం విద్యుత్‌ అంతరాయంపై పంచాయతీ కార్యదర్శికి వినతిపత్రం అందించారు. ఆయన కళ్లు సజీవం శ్రీకాకుళం కల్చరల్‌: శ్రీకాకుళం పట్టణంలోని మంగువారితోటకి చెందిన పిల్లల సతీష్‌ (41) బుధవారం మృతి చెందారు. దీంతో ఆయన నేత్రాలను కుటుంబ సభ్యులు దానం చేశారు. అతని భార్య హరిత, అన్నయ్య రాజేష్‌లు అంగీకరించి నేత్రసేకరణ కేంద్రంకు తెలిపారు. దీంతో మరో ఇద్దరి అంధుల జీవితాల్లో వెలుగు నింపే ఈ మహోన్నత సేవకు ముందుకు రావడం అభినందనీయమని ఇండియన్‌ రెడ్‌క్రాస్‌ సొసైటీ జిల్లా చైర్మన్‌ పి.జగన్మోహనరావు కొనియాడారు. జిల్లా రెడ్‌క్రాస్‌ సమన్వయంతో మగటపల్లి కల్యాణ్‌ నేత్ర సేకరణ కేంద్రం ఐ టెక్నీషియన్లు పూతి సుజాత, బి.మనుకుమార్‌ మృతదేహం నుంచి కార్నియాలను విజయవంతంగా సేకరించి, వాటిని ఎల్‌.వి.ప్రసాద్‌ ఐ ఇన్‌స్టిట్యూట్‌ నేత్ర సేకరణ కేంద్రానికి తరలించారు. నేత్రదానం చేయాలనుకునేవారు 78426 99321, 94404 90525 నంబర్లను సంప్రదించవచ్చన్నారు. అదృశ్యమైన వ్యక్తి మృతి ఎల్‌.ఎన్‌.పేట: మండలంలోని ధనుకువాడకు చెందిన చిన్నాల విశ్వనాథం మృతదేహం యంబరాం రోడ్డు సమీపంలో వైన్‌షాపు పక్కన పొదల్లో బుధవారం స్థానికులు గుర్తించారు. విషయం తెలుసుకున్న సరుబుజ్జిలి ఎస్‌ఐ ఎస్‌.చిరంజీవి ఘటనా స్థలానికి వెళ్లి మృతదేహాన్ని పరిశీలించారు. పోస్టుమార్టం నిమిత్తం శ్రీకాకుళం రిమ్స్‌కు తరలించారు. ఈనెల 20 నుంచి తన భర్త విశ్వనాథం కనిపించడం లేదని భార్య శారద సరుబుజ్జిలి పోలీసులకు మంగళవారం ఫిర్యాదు చేసిన విషయం విధితమే. ఈ మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. విశ్వనాథం మృతి చెందడంలో ధనుకువాడ గ్రామంలో విషాదఛాయలు అలుముకున్నాయి. మృతుడికి భార్యతో పాటు కుమార్తెలు సుమతి, సాయికుమారి ఉన్నారు. ప్రపంచ శాంతికి మనమే మార్గదర్శకులం ఎచ్చెర్ల: భారతీయ తాత్వికచింతనే ప్రపంచ శాంతికి ఏకై క మార్గమని విశ్వ హిందూ పరిషత్‌ జాతీయ అధ్యక్షుడు డాక్టర్‌ యార్లగడ్డ లక్ష్మీప్రసాద్‌ అన్నారు. ప్రపంచంలో నెలకొన్న అసమానతలు రూపుమాపడానికి ప్రతి ఒక్కరూ కృషి చేయాలని పిలుపునిచ్చారు. స్థానిక బీఆర్‌ఏయూలో శాంతి – భిన్న సంస్కృతుల సంప్రదాయాలు అన్న అంశంపై బుధవారం ప్రారంభమైన అంతర్జాతీయ సదస్సుకు ఆయన ముఖ్య అతిథిగా హాజరయ్యారు. గోవాలోని ఇండియా ఇంటర్నేషనల్‌ యూనివర్సిటీ ఆఫ్‌ లీగల్‌ ఎడ్యుకేషన్‌, రీసెర్చ్‌ వైస్‌ ఛాన్సలర్‌ ప్రొఫెసర్‌ ఆర్‌.వెంకట్రావు మాట్లాడుతూ.. ప్రతి మనిషి న్యాయబద్ధంగా వ్యవహరించినప్పుడే శాంతి సాధ్యమవుతుందని చెప్పారు. బీఆర్‌ఏయూ వీసీ మాట్లాడుతూ.. ప్రపంచంలోని అన్ని మతాలు శాంతినే ప్రభోదిస్తున్నాయని పేర్కొన్నారు. అసమానతలు లేని సమాజం కోసం ప్రపంచ దేశాలన్నీ పాటుపడాలని కేంద్ర విద్యాశాఖ మెంబర్‌ సెక్రటరీ ప్రొఫెసర్‌ సచ్చిదానంద మిశ్రా కోరారు. నాణ్యమైన విద్య ద్వారానే విభిన్న సంస్కృతులు అర్థం చేసుకోగలమని చెప్పారు. రొమేనీయాకు చెందిన ప్రొఫెసర్‌ ఇవాన్‌ డుర వర్చువల్‌ గా ఈ కార్యక్రమంలో పాల్గొన్నారు.

● కలెక్టర్‌ స్వప్నిల్‌ దినకర్‌ పుండ్కర్‌ శ్రీకాకుళం పాతబస్టాండ్‌: తీవ్ర వాయుగుండం ముప్పు నేపథ్యంలో జిల్లాలోని తీరప్రాంత మండలాల అధికారులు, క్షేత్రస్థాయి సిబ్బంది అప్రమత్తంగా ఉండాలని కలెక్టర్‌ స్వప్నిల్‌ దినకర్‌ పుండ్కర్‌ ఆదేశించారు. బుధవారం రాత్రి ఆయన ఎచ్చెర్ల, రణస్థలం, గార, పోలాకి, సంతబొమ్మాళి మండలాల ఆర్డీవోలు, తహసీల్దా ర్లు, ఎంపీడీవోలు, పోలీసు తదితర శాఖల అధికారులతో టెలీకాన్ఫరెన్స్‌ నిర్వహించి పరిస్థితిని సమీక్షించారు. అర్ధరాత్రి దాటిన తర్వాత గాలుల వేగం గంటకు 48 నుంచి 50 కిలోమీటర్ల వరకు పెరిగే అవకాశం ఉందన్నారు. రేకుల ఇళ్లు, కచ్చా ఇళ్లలో నివసిస్తున్న ప్రజలను తక్షణమే పునరావాస కేంద్రాలకు తరలించాల ని సూచించారు. విద్యుత్‌, ఇతర అత్యవసర సేవలకు అంతరా యం ఏర్పడితే సాధ్యమైనంత త్వరగా పునరుద్ధరించాలని ఆదేశించారు. చికిత్స పొందుతూ మహిళ మృతి కవిటి: మండలంలోని బసవకొత్తూరులో ఈనెల 5వ తేదీన జరిగిన గ్యాస్‌ సిలిండర్‌ లీకేజీతో ఎగసిన మంటల్లో గాయపడిన పిట్ట కుమారి అనే మహిళ మంగళవారం రాత్రి రాగోలు జెమ్స్‌ ఆస్పత్రిలో చికిత్స పొందూతు మృతి చెందినట్లు కవిటి ఎస్‌ఐ వి.రవివర్మ బుధవారం ఒక ప్రకటనలో తెలిపారు. ఈ మేరకు కేసు నమోదు చేసి దర్యాప్తు చేస్తున్నామన్నారు. ప్రమాదం జరిగిన తర్వాత పిట్ట కుమారిని శ్రీకాకుళం కిమ్స్‌ ఆస్పత్రిలో చేర్పించారు. ఆ తర్వాత మెరుగైన చికిత్స కోసం రాగోలు తరలించి చికిత్సను అందించారు. అయితే మంగళవారం రాత్రి ఆమె మరణించిందని వైద్యులు తెలిపారని పోలీసులు చెప్పారు. పిట్ట కుమారికి 2017లో వివాహం అయ్యింది. ఇద్దరు కుమారులు సంజయ్‌రెడ్డి, షణ్ముఖరావులు ఉన్నారు. లోతట్టు ప్రాంతాల ప్రజలు జాగ్రత్తలు తీసుకోవాలి హిరమండలం: వంశధార లోతట్టు ప్రాంతాల ప్రజలు జాగ్రత్తలు తీసుకోవాలని వంశధార ఎస్‌ఈ రామచంద్రరావు సూచించారు. బుధవారం ఆయన వంశధార ప్రాజెక్టు కమిటీ చైర్మన్‌ రవీంద్రబాబుతో కలిసి గొట్ట బ్యారేజీని సందర్శించారు. బంగాళాఖాతంలో ఏర్పడిన అల్పపీడనం కారణంగా పడిన వర్షాలకు వస్తున్న వరద నీటిని పరిశీలించారు. వరద వివరాలు, ఒడిశా క్యాచ్‌మెంట్‌ ఏరియాలో పడిన వర్షపాతం నమోదు, ప్రస్తుతం తీసుకుంటున్న చర్యలపై డీఈఈ సరస్వతిని అడిగి తెలుసుకున్నారు. ప్రస్తుతం గొట్టా బ్యారేజీ వద్ద 19 వేలు క్యూసెక్కుల నీటి ప్రవాహం ఉందని, కుడి, ఎడమ కాలువలను ఆపివేసి ఎక్కడ ఎలాంటి ఇబ్బందులు రాకుండా బయటకు విడిచిపెడుతున్నామన్నారు. మరో రెండు రోజులు వర్షాలు పడే అవకాశం ఉందని, ప్రస్తుతానికి 35 వేల క్యూసెక్కుల నీరు రావొచ్చునని అంచనా వేస్తున్నామన్నారు. అందుకు తగ్గట్టుగా అధికారులు, సిబ్బందిని అప్రమత్తంగా చేశామన్నారు. ఎక్కడైనా ప్రమాదం సంభవించినట్లయితే తక్షణమే తమకు తెలియజేస్తే జిల్లా అధికారులు, ప్రజాప్రతినిధుల సహకారంతో యుద్ధ ప్రాతిపదికన మరమ్మతుల చేయడం జరుగుతుందన్నారు. ● పట్టాలపై తెల్లారిన బతుకులు ● రాజ్యరాణి ఎక్స్‌ప్రెస్‌ రైలు ఢీకొని నలుగురు ఇంటర్‌ విద్యార్థుల దుర్మరణం ● మరో యువకుడి పరిస్థితి విషమం ● మృతులంతా టెక్కలి గిరిజన వసతి గృహ విద్యార్థులు కొండకోనల్లో మగ్గిపోతున్న తమ జీవితాలకు కొత్త అర్థం వెతుక్కునే ప్రయత్నంలో ఉన్న విద్యార్థులను రైలు భూతం కబళించింది. కూలీల కుటుంబాలుగానే మిగిలిపోకుండా.. పిల్లలనైనా చదివించి వారికి ఒక మంచి జీవితాన్ని ఇవ్వాలనుకున్న తల్లిదండ్రుల ఆశలను చిదిమేసింది. ఎక్కడో కుగ్రామాల నుంచి వచ్చి టెక్కలిలో ఇంటర్‌ చదువుకుంటున్న విద్యార్థులు బహిర్భూమికి వెళ్లి తిరిగి వస్తూ పట్టాలు దాటుతుండగానే వేగంగా దూసుకొచ్చిన రైలు నలుగురి జీవితాలను ఛిద్రం చేసి వెళ్లిపోయింది. కూలీల కుటుంబాల్లో చీకట్లు నింపింది. పట్టాలపైనే ఆశల దీపాలు ఆర్పివేసింది. టెక్కలి/టెక్కలి రూరల్‌ : రైలు ఢీకొని నలుగురు విద్యార్థులు దుర్మరణం పాలయ్యారు. ఈ విషాదకర ఘటన బుధవారం టెక్కలి మండలం రావివలస సమీపంలో చోటుచేసుకుంది. ఇదే ప్రమాదంలో తీవ్రంగా గాయపడిన సాల్మన్‌రాజు తెలిపిన వివరాల ప్రకారం.. . టెక్కలి మండలం డమర గ్రామానికి చెందిన జన్ని దిలీప్‌కుమార్‌(17), గంగువాడ విశాఖరావు(17), భీంపురం గ్రామానికి చెందిన జన్ని శరత్‌కుమార్‌(17), మెళియాపుట్టికి చెందిన సవర శివ(17), డమర గ్రామానికి చెందిన గంగువాడ సాల్మన్‌రాజు టెక్కలిలోని గిరిజన బాలుర వసతి గృహంలో ఉంటూ టెక్కలి ప్రభుత్వ జూనియర్‌ కళాశాలలో ఇంటర్‌ మొదటి సంవత్సరం చదువుతున్నారు. తీవ్ర వాయుగుండం నేపథ్యంలో కాలేజీకి సెలవు ప్రకటించడంతో బుధవారం మధ్యాహ్నం బహిర్భూమి కోసం రావివలస జంక్షన్‌ సమీపంలో కోనేరు వద్దకు వెళ్లారు. తిరిగి వస్తూ పట్టాలు దాటుతుండగా మధ్యాహ్నం 1.45 గంటల సమయంలో బర్మాకాలనీ–రావివలస సమీపంలో 4 నుంచి 5వ మైలురాయి మధ్యలో రాజ్యరాణి ఎక్స్‌ప్రెస్‌ రైలు ఢీకొట్టింది. వర్షం జోరుగా పడుతుండటంతో రైలును గమనించకపోవడం వల్ల ఈ ఘటన జరిగినట్లు తెలుస్తోంది. ఈ ప్రమాదంలో దిలీప్‌కుమార్‌, శరత్‌కుమార్‌, విశాఖరావు, శివ అక్కడికక్కడే మృతిచెందారు. మరో యువకుడు సాల్మన్‌రాజు తీవ్రంగా గాయపడి ప్రస్తుతం రిమ్స్‌లో వైద్యం పొందుతున్నాడు. విషయం తెలుసుకున్న ముఖలింగాపురం మాజీ సర్పంచ్‌ బందపల్లి రాకేష్‌, కవిటి చిన్నబాబు, రాజు తదితరులు సంఘటనా స్థలానికి చేరుకుని సహాయక చర్యలు చేపట్టారు. ఈ సంఘటనపై ప్రత్యేక దర్యాప్తు నిర్వహించి మృతుల కుటుంబాలకు న్యాయం చేయాలనిగిరిజన సంఘాల నేతలు డిమాండ్‌ చేస్తున్నారు. ఘటనా స్థలాన్ని పరిశీలించిన అధికారులు.. ప్రమాద విషయం తెలుసుకున్న టెక్కలి ఆర్డీఓ ఎం.కృష్ణమూర్తి, తహసీల్దార్‌ వి.రాంబాబు, సీఐ ఎ.విజయకుమార్‌, ఎస్‌ఐ రాము, సిబ్బంది ఘటనా స్థలానికి చేరుకుని వివరాలు సేకరించారు. రైల్వే జీఆర్‌పీ, ఆర్‌పీఎఫ్‌, వైద్యాధికారులు, ఇతర విభాగాలకు చెందిన వారంతా సంఘటనా స్థలానికి చేరుకుని ఆరా తీశారు. ఎస్పీ కే.వీ.మహేశ్వర్‌రెడ్డి, డీఎస్పీ డి.లక్ష్మణరావు ఘటనా స్థలానికి చేరుకుని బాధిత కుటుంబాల నుంచి వివరాలు సేకరించారు. మెడికల్‌ విభాగానికి చెందిన ఐసీఎఫ్‌ రైలులో మృతదేహాలను టెక్కలి జిల్లా ఆసుపత్రికి తరలించారు. వైద్యులు సంతోష్‌, సుకన్య తదితరులు మృతదేహాలకు పోస్టుమార్టం నిర్వహించి కుటుంబ సభ్యులకు అప్పగించారు. ఆ సమయంలో తల్లిదండ్రులు, బంధువుల రోదనలు మిన్నంటాయి. ఈ ఘటనపై కేసు నమోదు చేసి దర్యాప్తు చేస్తున్నారు. అందరూ నిరుపేదలే.. దిలీప్‌కుమార్‌ తండ్రి రాజు, తల్లి సునీతలు టెక్కలిలో భవన నిర్మాణ కార్మికులుగా పనిచేస్తున్నారు. శరత్‌కుమార్‌ తండ్రి కృష్ణారావు, తల్లి పెంటమ్మ వ్యవసాయ కూలీలుగా కుటుంబాన్ని పోషిస్తున్నారు. శివ తండ్రి కృష్ణారావు తాపీమేసీ్త్ర కాగా, తల్లి అను గృహిణి. విశాఖరావు తండ్రి నాగరాజు, తల్లి తేజమ్మ భవన నిర్మాణ కార్మికులు. వీరంతా నిరుపేద కుటుంబాలకు చెందిన వారే కావడంతో విషాదం నెలకొంది.హారన్‌ వేయలేదా? రాజ్యరాణి ఎక్స్‌ప్రెస్‌ రైలు వేగంగా వచ్చే సమయంలో బర్మా కాలనీ సమీపంలో హెచ్చరికగా ఎటువంటి హారన్‌ వేయరని స్థానికులు చెబుతున్నారు. టెక్కలిలో హాల్టింగ్‌ లేకపోవడంతో ఇటువంటి పరిస్థితులు ఉన్నాయని, రక్షణ చర్యలు కూడా లేవని అభిప్రాయం వ్యక్తం చేస్తున్నారు.

రాయగడ: రాష్ట్ర స్టాప్‌ సెలక్సన్‌ కమిషన్‌ (ఎస్‌ఎస్‌సీ ) ద్వారా ఎంపికై న 185 మంది ఉపాధ్యాయులకు రాయగడ జిల్లాలోని వివిధ రెసిడెన్సియల్‌ పాఠశాలల్లో ఉద్యోగ అవకాశాలు లభించనున్నాయి. వీరి విద్యార్హత, ఇతర ధ్రువపత్రాల పరిశీలన ప్రక్రియ స్థానిక జిల్లా పరిషత్‌ సమావేశం మందిరంలో ఈ మేరకు పూర్తయ్యింది. పరిశీలన అనంతరం మార్కుల ఆధారంగా మెరిట్‌ ప్రకారం పాఠశాలల ఎంపికకు అభ్యర్థులకు అవకాశం కల్పించనున్నారు. ఎంపికై న 185 మందిలో 159 మంది మెట్రిక్‌ సిటీ ఉపాధ్యాయులు, 11 మంది సౌర భాషా ఉపాధ్యాయులు, 15 మంది కుయి (కంధ) భాషా ఉపాధ్యాయులు ఉన్నారు. వీరిని ఎస్సీ, ఎస్టీ తెగల అభివృద్ధి (సంక్షేమ విభాగం) పరిధిలోని జిల్లాలోని 149 రెసిడెన్సియల్‌ పాఠశాలల్లో నియమించనున్నారు. సర్టిఫికెట్ల పరిశీలన అనంతరం పూర్తి నివేదికను పరిశీలిన కమిటీ జిల్లా కలెక్టర్‌కు సమర్పించనుంది. అనంతరం కలెక్టర్‌ ద్వారా నివేదికను రాష్ట్ర ఎస్సీ, ఎస్టీ శాఖకు పంపించారు. ఇప్పటికే ఈ ఏడాది జూన్‌లో 22 మంది, ఆగస్టు 16 మంది ఉపాధ్యాయులకు నియమకాలు లభించాయి. తాజా ఎంపిక ప్రక్రియతో కలిపి రాయగడ జిల్లాలో మొత్తం 223 మంది ఉపాధ్యాయులకు ఉద్యోగ అవకాశాలు లభించనున్నాయి. ఈ సందర్భంగా జిల్లా సంక్షేమశాఖ అధికారి ఆసీమా రావ్‌ మాట్లాడుతూ ఉపాధ్యాయుల సర్టిఫికెట్ల పరిశీలన, పాఠశాలల ఎంపిక ప్రక్రియ పూర్తయ్యిందని తెలిపారు. రాష్ట్ర ప్రభుత్వం తరఫున ఎంపికై న ఉపాధ్యాయులకు త్వరలో నియామక ఉత్తర్వులు జారీ కానున్నాయని పేర్కొన్నారు.

కొరాపుట్‌: భారీ వర్షాల నేపథ్యంలో నబరంగ్‌పూర్‌ జిల్లాలో అత్యవసర పరిస్థితులుగా గుర్తించామని జిల్లా కలెక్టర్‌ మహేశ్వర్‌ స్వయ్‌ ప్రకటించారు. జిల్లా వ్యాప్తంగా రెండు రోజులు పాఠశాలలకు ప్రకటించారు. ఉద్యోగులకు సెలవులు రద్దు చేశారు. 24, 25 తేదీల్లో జిల్లా వ్యాప్తంగా భారీ వర్షాలు పడతాయని కలెక్టర్‌ ప్రకటించారు. జిల్లాస్థాయి ఉన్నతాధికారులు, బీడీవోలు, తహసీల్దార్లు యథావిధిగా కార్యాలయాలకు హాజరు కావాలన్నారు. సమితి కేంద్రాలలో ఆహార నిల్వలు ఉంచాలన్నారు. వర్షపు నీరు నిల్వ ఉండకుండా చర్యలు తీసుకోవాలని అధికారులకు ఆదేశించారు. నదులు, రిజర్వాయర్లలో చేపల వేటను నిషేధించారు. ప్రజలు అప్రమత్తంగా ఉండాలని కలెక్టర్‌ విజ్ఞప్తి చేసారు.

రాయగడ: హెచ్‌ఐవీపై అవగాహన ఉండాలని స్థానిక మహిళా కళాశాల ప్రిన్సిపాల్‌ డాక్టర్‌ సరస్వతి రాయ్‌ అన్నారు. కళాశాల రెడ్‌ రిబన్‌ క్లబ్‌ యూనిట్‌ ఆధ్వర్యంలో బుధవారం కళాశాల ప్రాంగణంలో నిర్వహించిన హెచ్‌ఐవీ అవగాహన కార్యక్రమంలో ఆమె పాల్గొని ప్రసంగించారు. యువతకు హెచ్‌ఐవీపై కచ్చితమైన సమాచారం అందించడం, బాధ్యతాయుతమైన వైఖరిని పెంపొదించడం ద్వారా సమాజంలో ఆపోహాలను తొలగించవచ్చన్నారు. హెచ్‌ఐవీతో జీవిస్తున్న వ్యక్తుల పట్ల వివక్ష చూపవద్దన్నారు. యువ రెడ్‌ క్రాస్‌ జిల్లా కన్వీనర్‌ సెక్రటరీ టికేశ్వర్‌ మాఝి తదితరులు పాల్గొన్నారు.

రాయగడ: స్థానిక న్యూకాలనీలో అక్టోబరు 25వ తేదీ నుంచి పన్నెండు రోజుల పాటుగా జరగనున్న మా గజలక్షీ పూజలకు సంబంధించి బుధవారం ముహూర్తపు రాట క్యాక్రమాన్ని నిర్వహించారు.31 సంవత్సరాలుగా అత్యంత ఘనంగా నిర్వహిస్తున్న ఈ గజలక్ష్మీ పూజలను ఈ ఏడాది కూడా అత్యంత ఘనంగా నిర్వహించేందుకు శ్రీకారం చుట్టారు. లులు సామంతరాయ్‌ ముహూర్తపు రాటలో పాల్గొన్నారు. ప్రభారీ మహారాజ్‌ పూజా కార్యక్రమాలను నిర్వహించారు. గజలక్ష్మీ ఉత్సవాలకు సంబంధించి ప్రత్యేకంగా పూజా కమిటీని ఏర్పాటు చేశారు. కమిటీ అధ్యక్షుడిగా న్యాయవాది సంతోష్‌ కుమార్‌ పాత్రో, కార్యదర్శిగా ఎన్‌.త్రినాథరావు,ఉపాధ్యక్షుడిగా వినోద్‌ సాహు, సహాకార్యదర్శిగా సంతోష్‌ కుమార్‌, సలహాదారులుగా సవ్యసాచి సాహు, రామ్‌ ప్రసాద్‌ పాత్రో, కోశాధికారిగా దిలీప్‌ సాహు నియమితులయ్యారు.

● మారణాయుధాలతో పాటు వివిధ సామగ్రి సీజ్‌ ● వివరాలు వెల్లడించిన జయపురం సబ్‌డివిజన్‌ పోలీసు అధికారి అర్పిత మాట్టల్‌ జయపురం: జయపురం పట్టణ పోలీసుస్టేషన్‌ పరిధిలో జరిగిన దోపిడీలు, దొంగతనాలు, పలు నేరాలకు సంబంధించి ఎనిమిది కేసుల్లో 14 మందిని అరెస్టు చేసినట్లు జయపురం సబ్‌డివిజన్‌ పోలీసు అధికారి అర్పిత మాట్టల్‌ తెలిపారు. పట్టణ పోలీసు స్టేషన్‌ సభా గృహంలో బుధవారం నిర్వహించిన విలేకరుల సమావేశంలో కేసుల వివరాలను వెల్లడించారు. నిందితుల నుంచి పెద్ద ఎత్తున నగదు, ఇత్తడి సామాన్లు, విద్యుత్‌ వైర్లు, వివిధ మారణాయుధాలను స్వాధీనం చేసుకున్నట్టు ఆమె వెల్లడించారు. గత జూలై 28వ తేదీన సాయంత్రం జయపురం పవర్‌ హౌస్‌ కాలనీలో సంతోష్‌ కుమార్‌ త్రిపాఠీ ఇంట్లో రూ. రెండు లక్షలు దొంగతనం జరిగింది. ఆ కేసులో సబ్‌ఇన్‌స్పెక్టర్‌ ఎస్‌.కె.మిశ్ర దర్యాప్తు జరిపారు. ఈ కేసులో బెడా సాహి గ్రామంలో ఉమాశంకర నాయిక్‌ అనే యువకుడిని అరెస్టు చేసి అతని నుంచి రూ. 80 వేలుీ స్వాధీనం చేసుకున్నట్టు వెల్లడించారు. అలాగే బొయిపరిగుడ ప్రాంతంలో తిలోచంద్ర పొడియ తన కుమార్తె చికిత్స కోసం భూమిని తనఖా పెట్టి డబ్బు తీసుకువచ్చి కొరాపుట్‌ వెళ్లేందుకు బస్సు స్టాండ్‌లో వేచి ఉండగా దుండగులు అతన్ని కత్తితో బెదిరించి రూ. 20 వేలు దోచుకుపోయారు. ఈ కేసును ఎస్‌ఐ ఆర్‌.మహకూర్‌ దర్యాప్తు జరిపారు. దీనికి సంబంధించి జయపురంలో సుమిత్‌ బెహర, నందపూర్‌ అరుణ బెహరలను అరెస్టు చేసి వారి నుంచి రూ. 15 వేలు స్వాధీనం చేసుకున్నారు. అలాగే మేదరిసాహిలో ఎ.మోహణ్‌ ఆగస్టు 30వ తేదీన తన తండ్రి చికిత్స కోరకు విశాఖపట్నం వెళ్లాడు. ఆ సమయంలో ఇంటి తాళాలు విరిచి దొంగతనం జరిగింది. ఈ కేసుని ఏఎస్సై జి.సిహంసద దర్యాప్తు జరిపి నిందితులు బాదల్‌ కుమార్‌ పూజారి, సాహిల్‌ డొంగిరి, గణేష్‌ ముధులిలను అరెస్టు చేశారు. వారి నుంచి దొంగిలించిన డబ్బుతో పాటు ఇత్తడి సామాన్లను స్వాధీన పరచుకున్నట్లు వివరించారు. అలాగే ప్రసాదరావుపేటలో నిర్మాణంలో ఉన్న ఒక భవనంలో విద్యుత్‌ వైర్లు దొంగతనం జరిగింది. ఆ కేసుని ఏఎస్సై ఆర్‌.పంగి దర్యాప్తు జరిపారు. పార్క్‌ లైన్‌ రాజా గౌఢతో పాటు ఒక మైనర్‌ బాలుని అరెస్టు చేశారు. పారాబెడ లక్ష్మీనరశింగ సాహి మందిరంలో పూజా సామగ్రితోపాటు ఇత్తడి వస్తువులు దొంగిలించన కేసును ఏఎస్సై సతన కుమార్‌ పాత్రోదర్యాప్తు జరిపి నిందితులు గణేష్‌ హరిజన్‌, పింటు హరిజన్‌లను అరెస్టు చేసి దర్యాప్తు కొనసాగిస్తున్నట్లు పోలీసు అధికారి వెల్లడించారు. వారి నుంచి దొంగిలించిన సామాన్లను స్వాధీన పరచుకున్నట్లు వెల్లడించారు. ఇందార్‌లో కనూ కనస్ట్రక్షన్‌ యజమాని అఖిలేష్‌ పటేల్‌ నుంచి మూడు డంపర్లు అద్దెకు తీసుకెళ్లి రూ. 40 లక్షలు చెల్లించకుండా మోసగించిన జయపురం ఇరిగేషన్‌ కాలనీకి చెందిన బి.అరుణోదయ దాస్‌పై కేసు నమోదు చేసినట్లు వెల్లడించారు. అలాగే శాంతినగర్‌లో బి.శబరీష్‌ ఇంట్లో దుండగులు చొరబడి కత్తి చూపి డబ్బు దోచుకుపోయిన కేసులో జయపురం సదర్‌ పోలీసు స్టేషన్‌ పరిధికి చెందిన అర్జున హరిజన్‌, మహేశ్వర్‌ బిశాయిలను అరెస్టు చేసినట్లు పేర్కొన్నారు. మరో కేసులో బలిపెటసాహిలో పంచానన మందిరం కూడలి ఒక మహిళకు దారుణంగా కొట్టి ఆమె మొబైల్‌, డబ్బు దోచుకుపోయిన కేసుని ఏఎస్సై పి.ఆర్‌.బారిక్‌ దర్యాప్తు జరిపి కుంధ్ర, బొయిపరిగుడ ప్రాంతాలకు చెందిన సుకాంత హరిజన్‌, రాజేష్‌ పొరజలను అరెస్టు చేసినట్లు వెల్లడించారు. వారి నుండి ఒక మొబైల్‌, ఒక కత్తి ఒక బైక్‌లను సీజ్‌ చేసినట్లు వెల్లడించారు. పాత్రికేయుల సమావేశంలో పట్టణ పోలీసు అధికారి ఉల్లాష్‌ చంధ్ర రౌతోతోపాటు కేసులు దర్యాప్తు చేసిన పోలీసు అధికారులు పాల్గొన్నారు.

గురువారం శ్రీ 24 శ్రీ సెప్టెంబర్‌ శ్రీ 2026విపత్తును.. ● అధికార యంత్రాంగం సమన్వయంతో పనిచేయాలి ● రాష్ట్రంలో విపత్తు నిర్వహణపై ముఖ్యమంత్రి సమీక్ష భువనేశ్వర్‌: బంగాళాఖాతంలో ఏర్పడిన తీవ్ర అల్ప పీడనం కారణంగా కురుస్తున్న వర్షాల ప్రభావంపై ముఖ్యమంత్రి మోహన్‌చరణ్‌ మాఝీ బుధవారం స్థానిక లోక్‌ సేవా భవన్‌లో సమీక్షించారు. సమావేశానికి రాష్ట్ర రెవెన్యూ, విపత్తు నిర్వహణ శాఖ మంత్రి సురేష్‌కుమార్‌ పూజారి, ప్రభుత్వ ముఖ్య కార్యదర్శి, ముఖ్యమంత్రి అదనపు ముఖ్య కార్యదర్శి, ప్రత్యేక సహాయక కమిషనర్‌ తదితరులు హాజరయ్యారు. తీవ్ర అల్పపీడనం, భారీ వర్షాలు కురిసే అవకాశం, పరిస్థితిని ఎదుర్కోవడానికి ప్రభుత్వం తీసుకుంటున్న చర్యల గురించి ప్రత్యేక సహాయ కమిషనర్‌ రాజేష్‌ ప్రభాకర్‌ పాటిల్‌ ముఖ్యమంత్రికి వివరించారు. ప్రకృతి వైపరీత్యాల్లో శూన్య ప్రాణహాని ప్రభుత్వ లక్ష్యమన్నారు. ఈ దిశలో విపత్కర పరిస్థితుల్‌ సమర్ధవంతంగా ఎదుర్కోవడానికి రాష్ట్ర ప్రభుత్వ సంబంధిత శాఖలన్నీ జిల్లా యంత్రాంగాలతో సమన్వయంతో కలిసి పనిచేయాలన్నారు. జలమయమైన ప్రాంతాల నుంచి ప్రజలను సురక్షిత ప్రాంతాలకు తరలించి, వారికి తగిన సహాయం అందించాలని ముఖ్యమంత్రి అధికారులను ఆదేశించారు. తుఫాను వచ్చే అవకాశం లేనప్పటికీ, అత్యున్నత స్థాయిలో సన్నద్ధంగా ఉండి, అన్ని ముందుజాగ్రత్త చర్యలు తీసుకోవాలని ఆయన అధికారులకు సూచించారు. తీవ్ర అల్ప పీడనం కారణంగా బుధ, గురువారాల్లో భారీ వర్షాలు కురిసే అవకాశం ఉంది. ఈ నెల 25 తర్వాత పరిస్థితి మెరుగుపడే అవకాశం ఉందన్నారు. సహాయక, పునరుద్ధరణ బృందాల మోహరింపు.. రాష్ట్రంలోని వివిధ జిల్లాల్లో 33 యూనిట్ల ఒడిశా విపత్తు సహాయ స్పందన దళం (ఒడ్రాఫ్‌) బృందాలను మోహరించారు. గంజాంలో 6, గజపతిలో 3, కొరాపుట్‌లో 6, మల్కన్‌గిరిలో 3, రాయగడలో 3, కలహండిలో 2, బొలంగీర్‌లో ఒక యూనిట్‌ను మోహరించారు. గంజాం జిల్లా ఛత్రపూర్‌లో అదనంగా 9 యూనిట్ల ఒడిశా విపత్తు సహాయ స్పందన దళం (ఒడ్రాఫ్‌) బృందాలను అందుబాటులో ఉంచారు. రాష్ట్రంలో అన్ని ఓడ రేవులలో 3వ నంబరు స్థానిక హెచ్చరిక సంకేతం ఎగుర వేశారు. గంజాం, గజపతి, రాయగడ, కొరాపుట్‌, మల్కన్‌గిరి, నవరంగ్‌పూర్‌, కలహండి జిల్లాలు అత్యధికంగా, నువాపడా, బొలంగీర్‌, కంధమల్‌, పూరీ, ఖొర్ధా, నయాగడ్‌ జిల్లాలు సాధారణంగా ప్రభావితం అయ్యే అవకాశం ఉందని స్థానిక జిల్లా యంత్రాంగాలు, రెవెన్యూ శాఖ అన్ని అవసరమైన ఏర్పాట్లు చేశాయి. రాష్ట్ర ఆరోగ్య, కుటుంబ సంక్షేమం, పంచాయతీ రాజ్‌, తాగునీటి శాఖ, విద్యుత్‌, వాణిజ్య, రవాణా, నిర్మాణాలు, వ్యవసాయం, రైతుల సాధికారత, మత్స్య, పశు వనరుల అభివృద్ధి శాఖలు అప్రమత్తంగా ఉండాలని ఆదేశించారు. రెడ్‌ అలెర్ట్‌.. రాయగడ, కొరాపుట్‌, గజపతి, గంజాం జిల్లాలకు రెడ్‌ అలెర్ట్‌ జారీ చేశారు. ఈ జిల్లాల్లో భారీ నుంచి అతి భారీ వర్షాలతో గంటకు 50 నుంచి 60 కిలో మీటర్ల వేగంతో గాలులు గరిష్టంగా గంటకు 70 కిలో మీటర్ల వరకు వేగం పుంజుకునే ఈదురు గాలులు వీచే అవకాశం ఉంది. ఆరెంజ్‌ అలెర్ట్‌ నువాపడా, బొలంగీర్‌, కలహండి, కంధమల్‌, నవరంగ్‌పూర్‌, మల్కన్‌గిరి, పూరీ, ఖొర్ధా, నయాగడ్‌ ప్రాంతాలకు ఆరెంజ్‌ అలెర్ట్‌ జారీ చేశారు. ఎల్లో అలెర్ట్‌ బాలాసోర్‌, భద్రక్‌, జాజ్‌పూర్‌, కేంద్రాపడా, జగత్‌సింగ్‌పూర్‌, కటక్‌, బరగడ్‌, సంబల్‌పూర్‌, దేవగడ్‌, అనుగోలా, ఢెంకనాల్‌, కెందుఝర్‌, మయూర్‌భంజ్‌, సువర్ణ పూర్‌, బౌధ్‌లలో ఎల్లో అలెర్ట్‌ హెచ్చరిక జారీ అయింది.

భువనేశ్వర్‌: బంగాళాఖాతంలో ఏర్పడిన తీవ్ర అల్ప పీడనం బలపడి ఒడిశా, ఆంధ్ర తీరం వైపు కదలడంతో ఒడిశా తీరం వెంబడి సముద్ర పరిస్థితులు అత్యంత అలజడిగా మారాయి. సముద్రం అల్లకల్లోలంగా ఉన్నందున ఆంధ్రప్రదేశ్‌కు చెందిన 28 ఫిషింగ్‌ ట్రాలర్లు పారాదీప్‌ పోర్టులో ఆశ్రయం పొందాయి. వాటిలో 248 మంది మత్స్యకారులు ఉన్నారు. తీవ్ర అల్ప పీడనం ప్రభావంతో సముద్రం అల్లకల్లోలంగా మారిన పరిస్థితుల్లో చేపల వేట కోసం వెళ్లిన మత్స్యకారులు సముద్రం నడిబొడ్డున చిక్కుకున్నారు. బలమైన గాలులు, అలల కారణంగా తమ సొంత రాష్ట్రానికి తిరిగి వెళ్లలేక వారు పారాదీప్‌ వైపు పడవలో ప్రయాణించి అక్కడ ఆశ్రయం పొందినట్లు అధికార వర్గాల సమాచారం. ఇదిలా ఉండగా తీవ్ర అల్ప పీడనం ఏర్పడటంతో పారాదీప్‌ ఓడ రేవులో 3వ నంబరు స్థానిక హెచ్చరిక సంకేతం ఎగుర వేశారు. తీవ్ర అల్పపీడనం చివరిగా గోపాల్‌పూర్‌కు దక్షిణంగా సుమారు 150 కిలోమీటర్ల దూరంలో కేంద్రీకృతమై ఉంది. ఇది ఈ రాత్రి కళింగపట్నం సమీపంలో తీరాన్ని దాటే అవకాశం ఉంది. దీని ప్రభావంతో సముద్రంపై గంటకు 55–65 కిలోమీటర్ల వేగంతో గాలులు వీచే అవకాశం ఉండగా, గరిష్టంగా గంటకు 75 కిలోమీటర్ల వేగంతో ఈదురు గాలులు వీచే అవకాశం ఉంది. ముందస్తు జాగ్రత్త చర్యగా, ఓడరేవు అధికారులు నౌకాశ్రయంలోకి ఓడల ప్రవేశాన్ని పరిమితం చేశారు. ఓడరేవు కార్యకలాపాలన్నింటినీ నియంత్రణలోకి తీసుకున్నారు. మత్స్యకారులు సముద్రంలోకి వెళ్లవద్దని సూచించారు.

భువనేశ్వర్‌: భారీ వర్షాలు కురిసే అవకాశం ఉన్నందున ఒడిశా మత్స్యశాఖ డైరెక్టరేట్‌ తీర ప్రాంతాల్లో ముందు జాగ్రత్త చర్యలను ముమ్మరం చేసింది. ఈ నెల 25 వరకు సముద్రంలోకి వెళ్లవద్దని మత్స్యకారులకు సూచించింది. ఇప్పటికే సముద్రంలో ఉన్న మత్స్యకారులను వెంటనే ఒడ్డుకు తిరిగి రావాలని కోరింది. చేపల పడవలు, ట్రాలర్లను సమీపంలోని చేపల ల్యాండింగ్‌ కేంద్రాలు లేదా ఫిషింగ్‌ హార్బర్‌ల వద్ద సురక్షితంగా నిలిపి ఉంచాలని మత్స్యశాఖ ఆదేశించింది. తాజా వాతావరణ పరిస్థితుల గురించి మత్స్యకారులను అప్రమత్తం చేయడానికి తీర ప్రాంతాల్లో మైకుల ద్వారా ప్రచారం ముమ్మరం చేశారు. జిల్లా మత్స్యశాఖ అధికారులు, సముద్ర మత్స్యశాఖ అధికారులు పడవ యజమానులు, ట్రాలర్‌ యజమానుల సంఘాలు, సముద్ర మత్స్యకారుల సహకార సంఘాలకు ముందు జాగ్రత్త చర్యల గురించి అవగాహన కల్పించారు. మత్స్య శాఖ అన్ని జిల్లా కార్యాలయాల్లో 24 గంటల కంట్రోల్‌ రూమ్‌లు తెరిచింది. కటక్‌లోని మత్స్య శాఖ డైరెక్టరేట్‌తో నిరంతర సంప్రదింపులు జరుపుతూ తాజా పరిస్థితి నివేదికలను అనుక్షణం సమర్పించాలని సంబంధిత అధికారులను ఆదేశించింది. మత్స్యశాఖ అధికారులు, ఉద్యోగులు సెలవులను రద్దు చేసింది. ముందస్తు అనుమతి లేకుండా ప్రధాన కార్యాలయాన్ని విడిచి వెళ్లవద్దని ఆదేశాలు జారీ చేసింది. మత్స్యకారులలో అవగాహన కల్పించేందుకు వివిధ ఓడరేవులలో సాగర్‌ మిత్రులు, సహాయక మత్స్య అధికారులను నియమించింది. గాంధీ మార్గ్‌లో బీజేడీ గర్జన భువనేశ్వర్‌: రాష్ట్ర పాఠశాలలు, సామూహిక విద్యా విభాగం మంత్రి తక్షణమే రాజీనామా చేయాలని విపక్ష బిజూ జనతా దళ్‌ ఆందోళన ఉధృతం చేసింది. పాఠ్య పుస్తకాల్లో అచ్చు తప్పులు బాలల బంగారు భవిష్యతుని మసకబార్చుతున్నాయని ఆందోళన వ్యక్తంచేసింది.. బాలలకు నాణ్యమైన పాఠ్య పుస్తకాల్ని సరఫరా చేయడంలో విఫలమైన చర్యకు నైతిక బాధ్యత వహించి మంత్రి పదవికి రాజీనామా చేయాలని బిజూ జనతా దళ్‌ యువత, విద్యార్థి వర్గాలు బుధవారం నిరసన చేపట్టారు. లోయర్‌ పీఎంజీలో భారీ ఆందోళన చేపట్టారు. అడ్డుకట్టలు తెంచుకుని శాసన సభ వైపు దూసుకు పోయేందుకు విఫలయత్నం చేశారు. ఈ సందర్భంగా శాంతి భద్రతల పరిరక్షణ వర్గాలు, ఆందోళనకారుల మధ్య ఘర్షణ చోటు చేసుకుంది. మరోవైపు బీజేడీ అగ్ర శ్రేణి నాయకులు ఆందోళన శిబిరం ప్రాంగణానికి వెళ్లి యువత, విద్యార్థి వర్గాలకు మద్దతు ప్రకటించి ప్రోత్సహించారు. అప్పర్‌ కొలాబ్‌ కెనాల్‌లో గల్లంతైన యువకుడి మృతదేహం లభ్యం జయపురం: జయపురం అప్పర్‌ కొలాబ్‌ సాగునీటి కెనాల్‌లో గల్లంతైన యువకుడు శవమై తేలాడు. స్థానిక భూపతి వీధి చెందిన రాజేష్‌ పట్నాయక్‌ (21) నాలుగు రోజుల కిందట పూర్ణఘడ్‌ ప్రాంతంలోని అప్పర్‌ కొలాబ్‌ సాగునీటి కెనాల్‌కు స్నానానికి వెళ్లాడు. స్నానం చేస్తున్న సమయంలో కాలుజారి కాలువలో జారి పడిపోయాడు. అతడి మొబైల్‌ ఫోను, చెప్పలు కెనాల్‌ ఒడ్డున ఉన్నాయి.స సమాచారం అందిన అగ్నిమాపక సిబ్బంది సంఘటనా ప్రాంతానికి చేరుకొని కెనాల్‌ అంతా గాలించారు. అయినా రాజేష్‌ ఆచూకీ తెలియరాలేదు. రెస్క్యూ ఆపరేషన్‌కు సహకరించేందుకు సతిగుడ డ్యామ్‌ నుంచి కెనాల్‌ నీటి ప్రవాహాన్ని నియంత్రించారు. అయినా అతడి జాడ తెలియలేదు. తరువాత ఓడీఆర్‌ఎఫ్బృందం, స్కూబా డ్రైవర్ల సహకారంతో కెనాల్‌లో ఒక కిలోమీటర్ల దూరం వరకు గాలించినప్పటికీ ఆచూకీ లభించలేదు. అయితే మంగళవారం కెనాల్‌లో తేలుతున్న రాజేష్‌ మృతదేహాన్ని స్థానికులకు కనిపించటంతో పోలీసులకు సమాచారం అందించారు. దీంతో పోలీసులు, అగ్నిమాపక సిబ్బందితో వచ్చి మృతదేహాన్న వెలికి తీసి పోస్టుమార్టం నిమిత్తం ఆస్పత్రికి తరలించారు. కేసు నమోదు చేసి దర్యాప్తు చేస్తున్నట్టు పోలీసులు వెల్లపించారు.

రాయగడ: గ్రామీణ ప్రాంత యువతులకు స్వావలంబన దిశగా తీసుకువెళ్లడంతో పాటు ఉపాధి అవకాశాలు కల్పించేందుకు రామనగుడ సమితి పరిపాలన కీలక చర్య చేపట్టింది. దీనిలో భాగంగా 2026–27 ఆర్థిక సంవత్సరానికి దీన్‌దయాల్‌ ఉపాధ్యాయ గ్రామీణ కౌసల్య యోజన కింద రెండు దశల్లో 25 మంది మహిళా అభ్యర్థులను నైపుణ్యాభివృద్ధి శిక్షణకు ఎంపిక చేశారు. ఎంపికై న యువతులకు సహాన క్లోతింగ్‌ ప్రైవేట్‌ లిమిటెడ్‌కు చెందిన నైనుణ్యాభివృద్ధి శిక్షణ కేంద్రంలో వస్త్ర పరిశ్రమకు సంబంధించిన ఆధునిక నైనుణ్యాలపై శిక్షణ ఇవ్వనున్నారు. శిక్షణ పూర్తయిన అనంతరం వారికి ఉపాధి అవకాశాలు లభించడంతోపాటు స్వయం ఉపాధి ద్వారా ఆర్థికంగా నిలదొక్కుకునే అవకాశం ఉంటుందని బీడీఓ ప్రద్యుమ్నయ మండల్‌ తెలిపారు. తహసీల్దార్‌ ప్రాణకృష్ణ పాణిగ్రహి, బీపీఎం సంతోష్‌ రత్నాలు, సహాన క్లోతింగ్‌ ప్రైవేట్‌ లిమిటెడ్‌ ప్రతినిధులు పాల్గొన్నారు.

రాయగడ : డిమోన్షియా లక్షణాలను తొలి దశలోనే గుర్తించి సకాలంలో వైద్యులను సంప్రదించడం ద్వారా మెరుగైన సంరక్షణకు అవకాశం ఉంటుందని సెంచూరియన్‌ యూనివర్శిటీ ఆఫ్‌ టెక్నాలజీ అండ్‌ మేనేజ్‌మెంట్‌ నర్సింగ్‌ విద్యార్థులు ప్రజలకు అవగాహన కల్పించారు. ప్రపంచ అల్జీమర్స్‌ డే సందర్భంగా స్థానిక ప్రధాన ఆస్పత్రిలో మంగళవారం జరిగిన ఈ కార్యక్రమంలో స్కూల్‌ ఆఫ్‌ నర్శింగ్‌ 6వ సెమిస్టర్‌ బీఎస్సీ విద్యార్థులు పాల్గొన్నారు. డిమోన్షియాపై ప్రజల్లో ఉన్న అపోహలను తొలగించడం, వ్యాధి ప్రారంభ లక్షణాలను గుర్తించడం, అవసరమైన సమయంలో వైద్యుల సలహా తీసుకోవడం తప్పనిసరని పేర్కొన్నారు. భువనేశ్వర్‌ డీసీపీగా శరవణ వివేక్‌ భువనేశ్వర్‌: నలుగురు ఐపీఎస్‌ అధికారులను బదిలీ చేస్తూ హోం శాఖ మంగళవారం నియామక ఉత్తర్వులు జారీ చేసింది. ప్రస్తుతం బరంపురం పోలీస్‌ సూపరింటెండెంట్‌గా పని చేస్తున్న డాక్టర్‌ ఎం.శరవణ వివేక్‌ను బదిలీ చేసి భువనేశ్వర్‌ డిప్యూటీ కమిషనర్‌ ఆఫ్‌ పోలీస్‌గా నియమించారు. ఈయన ఇటీవల ఉద్యోగానికి రాజీనామా చేసిన జగ్‌మోహన్‌ మీనా నుంచి బాధ్యతలు స్వీకరిస్తారు. ఢెంకనాల్‌ జిల్లా పోలీస్‌ సూపరింటెండెంట్‌గా పని చేస్తున్న 2019 బ్యాచ్‌ ఐపీఎస్‌ అధికారి అభినవ్‌ సోంకర్‌ బరంపురం పోలీస్‌ సూపరింటెండెంట్‌గా నియమితులయ్యారు. ప్రస్తుతం రాష్ట్ర పోలీస్‌ ప్రధాన కార్యాలయంలో సహాయ పోలీస్‌ సూపరింటెండెంట్‌గా పని చేస్తున్న 2021 సంవత్సరం ఐపీఎస్‌ బ్యాచ్‌ అధికారి ఏబీ శిల్పను బర్‌గడ్‌ ఎస్డీపీఓగా నియమించారు. పారాదీప్‌ అదనపు పోలీస్‌ సూపరింటెండెంట్‌గా పనిచేస్తున్న 2022 బ్యాచ్‌ ఐపీఎస్‌ అధికారి మానే అజింక్య బాబూరావును బదిలీ చేసి ఢెంకనాల్‌ జిల్లా పోలీస్‌ సూపరింటెండెంట్‌గా నియమించారు. అక్టోబర్‌లో రాష్ట్రపతి ముర్ము రాష్ట్ర పర్యటన భువనేశ్వర్‌ : భారత రాష్ట్రపతి ద్రౌపది ముర్ము వచ్చే నెలలో రాష్ట్ర పర్యటనకు విచ్చేయనున్నారు. అక్టోబర్‌ 27, 28 తేదీల్లో రాష్ట్రంలో పర్యటించనున్నట్లు మయూర్‌భంజ్‌ లోక్‌సభ సభ్యుడు నొబొ చరణ్‌ మాఝీ తెలిపారు. 27న మయూర్‌భంజ్‌ జిల్లాలోని రాయిరంగ్‌పూర్‌లో జరిగే భారీ కంటి పరీక్షా శిబిరానికి హాజరవుతారని, 28న న్యూ ఢిల్లీకి తిరిగి వెళ్తారని పేర్కొన్నారు. అక్టోబర్‌ 26 నుంకి 30 వరకు జరిగే ఈ శిబిరంలో ఢిల్లీ నుంచి సుమారు 100 మంది అనుభవజ్ఞులైన నేత్ర వైద్యులు పాల్గొని ప్రజలకు ఉచిత సేవలు అందిస్తారని తెలిపారు. చిలికాలో పడవల రాకపోకలు బంద్‌ భువనేశ్వర్‌: వాతావరణ పరిస్థితుల నేపథ్యంలో చిలికా సరసులో నీటి మట్టం గణనీయంగా పెరిగింది. ఈ పరిస్థితుల్లో ప్రయాణికులతో పడవలు నడపడం శ్రేయస్కరం కాదని స్థానిక నావికులు నిర్ణయించారు. ఈ నేపథ్యంలో పడవ ప్రయాణాలను నిలిపివేశారు. ప్రమాదకర పరిస్థితులకు సంబంధించి ఎటువంటి అధికారిక ప్రకటన లేకున్నా చిలికాలో పెరుగుతున్న నీటి మట్టం, గాలుల తీవ్రత దృష్ట్యా పడవ నడిపేవారు ముందు జాగ్రత్త చర్యల్లో భాగంగా ఈ నిర్ణయం తీసుకోవడం విశేషం. నావికుల స్వీయ నిర్ణయం ప్రకారం చిలికా సరస్సులోని సత్తొపొడా, జొహ్నికుద మధ్య నావిక సేవలు సోమవారం నుంచి ఈ నెల 25 వరకు నాలుగు రోజుల పాటు నిలిపివేస్తున్నట్లు ప్రకటించారు. నేడు సర్వ దర్శనం తాత్కాలికంగా నిలిపివేత భువనేశ్వర్‌: పూరీ శ్రీమందిరంలో బుధవారం భక్తులకు సర్వ దర్శనం తాత్కాలికంగా నిలిపి వేస్తున్నట్లు అధికార వర్గాలు మంగళవారం ప్రకటించాయి. ఈ నెల 23న భాద్రపద శుక్ల పక్ష ద్వాదశి తిథి పురస్కరించుకుని శ్రీమందిరంలో వామన జయంతి ఉత్సవ సన్నాహాల్లో భాగంగా ఈ నిర్ణయం తీసుకున్నట్లు పేర్కొన్నారు. బుధవారం మధ్యాహ్న ధూపం సమర్పించిన తర్వాత వామన జయంతి సన్నాహాలు చేపడతారు. ఈ క్రమంలో సాయంత్రం 5 గంటల నుంచి రాత్రి 11 గంటల వరకు భక్తులకు సర్వ దర్శనం నిలిపివేయబడుతుందన్నారు.

కొరాపుట్‌ : ప్రతిపక్ష బీజూ జనతాదల్‌లో శక్తివంతమైన సుజాతా కార్తికేయన్‌తో డాబుగాం ఎమ్మెల్యే మనోహర్‌ రంధారి భేటీ అయ్యారు. మంగళవారం రాజధానిలో జరిగిన ఈ భేటీ పట్ల సంచలనంగా మారింది. అవిభక్త కొరాపుట్‌ జిల్లాల నుంచి బీజేడీపై రంధారి మాత్రమే గెలుపొందారు. మరో వైపు బీజేడీ అధినేత నవీన్‌ పట్నాయక్‌కు ముఖ్యమైన ఆంతరంగికుడిగా కార్తికేయ పాండ్యన్‌ ఉన్నారు. పాండ్యన్‌ సతీమణి కావడంతో సుజాతా కార్తికేయన్‌ తన ఐఎఎస్‌ ఉద్యోగానికి రాజీనామా చేసి ఇటివలే బీజేడీలో చేరారు. ప్రస్తుతం పార్టీలో ముఖ్యమైన అధికార కేంద్రంగా ఉన్నారు. ఈ నేపథ్యంలో రాంధారి అవిభక్త కొరాపుట్‌ జిల్లాలో పార్టీ పరిస్థితిని సుజాతాకు వివరించారు.

అగౌరవంతోనే..● నేటితో ముగియనున్న ఎంపీటీసీల పదవీకాలం ● మూడేళ్లుగా అందని వేతనాలు ● పట్టించుకోని కూటమి ప్రభుత్వం హిరమండలం: రాష్ట్రంలో కూటమి ప్రభుత్వం అధికారంలోకి వచ్చాక స్థానిక సంస్థల ప్రజాప్రతినిధుల పరిస్థితి అగమ్యగోచరంగా మారింది. ఐదేళ్లపాటు క్షేత్రస్థాయిలో ప్రజాసేవకే అంకితమైన ఎంపీటీసీలు, జెడ్పీటీసీల పదవీకాలం నేటితో ముగియనుంది. అయితే పదవీకాలం పూర్తిచేసుకుని ఇంటికి వెళ్తున్న తరుణంలోనూ వారికి ప్రభుత్వం నుంచి సముచిత గౌరవం దక్కడం లేదు. చంద్రబాబు సర్కారు గౌరవేతనాలు అందించకపోవడంతో ప్రజాప్రతినిధులు ఆర్థిక ఇబ్బందుల్లో కొట్టుమిట్టాడుతున్నారు. 2024 జూన్‌లో అధికారంలోకి వచ్చిన కూటమి ప్రభుత్వం ప్రజాప్రతినిధులకు గౌరవం ఇవ్వలేదన్న విమర్శలు ఉన్నాయి. జిల్లాలో 30 మంది జెడ్పీటీసీ సభ్యులు, 536 మంది ఎంపీటీసీ సభ్యులు ఉన్నారు. వారికి ప్రతినెలా రూ.3 వేల గౌరవ వేతనం ఇవ్వాల్సి ఉంది. గత వైఎస్సార్‌సీపీ ప్రభుత్వం రెండు విడతల్లో గౌరవ వేతనం చెల్లించింది. సార్వత్రిక ఎన్నికల నేపథ్యంలో మరో విడత ఎంపీటీసీలకు వేతనాలు చెల్లించలేకపోయింది. అయితే అనంతరం చంద్రబాబు ప్రభుత్వం అధికారం చేపట్టినప్పటినుంచి అంతకుముందు పెండింగ్‌లో ఉన్న వేతనాలతో పాటు దాదాపు మూడేళ్ల వేతనాలు చెల్లించాల్సి ఉంది. ఈరోజుతో ఎంపీటీసీల పదవీకాలం ముగియనుంది. కానీ ఇప్పటికీ తమకు రావాల్సిన వేతనాలపై ప్రభుత్వం దృష్టి సారించలేదని పలువురు ఎంపీటీసీ సభ్యులు ఆవేదన వ్యక్తం చేస్తున్నారు. వైఎస్సార్‌సీపీపై అక్కసుతో..! గత ఎన్నికల్లో ఎక్కువ శాతం వైఎస్సార్‌సీపీ ఎంపీటీసీ సభ్యులు ఎన్నికయ్యారు. ఈ కారణంతోనే కూటమి ప్రభుత్వం గౌరవ వేతనం చెల్లించకుండా చిన్నచూపు చూస్తోందని పలువురు ఎంపీటీసీలు వాపోతున్నారు. ఈ విషయమై అధికారులకు వివరణ కోరగా ఎంపీటీసీల గౌరవ వేతనాలకు సంబంధించి జిల్లా అధికారులకు బిల్లులు పంపామన్నారు. ప్రభుత్వం బిల్లులు విడుదల చేసిన వెంటనే వారి ఖాతాల్లో జమ అవుతాయని పేర్కొన్నారు. అరసవల్లి: ఇప్పటివరకు ఉమ్మడి శ్రీకాకుళం జిల్లాకు సంబంధించి 667 ఎంపీటీసీ స్థానాలకు ఎన్నికలు జరిగేవి. అయితే జిల్లాల పునర్విభజన కారణంగా రాజాం నియోజకవర్గంలోని రాజాం, వంగర, సంతకవిటి, రేగిడి ఆమదాలవలస మండలాల్లోని మొత్తం 65 ఎంపీటీసీలు విజయనగరం జిల్లా పరిధిలోకి, అలాగే పాలకొండ నియోజకవర్గంలో పాలకొండ, వీరఘట్టం, భామిని, సీతంపేట మండలాల్లోని 60 ఎంపీటీసీలు పార్వతీపురం మన్యం జిల్లా పరిధిలోకి చేరాయి. దీంతో మొత్తం 125 ఎంపీటీసీ స్థానాలు మన జిల్లా నుంచి వేరుపడడంతో జిల్లాలో ఇక నుంచి 30 మండలాల్లో 536 ఎంపీటీసీ స్థానాలకు ఎన్నికలు నిర్వహించేందుకు జిల్లా ఎన్నికల అధికారులు సన్నద్ధమవుతున్నారు. రేపటితో జెడ్పీటీసీల పదవీకాలం ముగింపు ఉమ్మడి జిల్లాలో 38 మండలాల్లో 38 జెడ్పీటీసీలకు 2021లో స్థానిక ఎన్నికలు జరుగగా.. ఏకంగా హిరమండలం మినహా మిగిలిన 37 మండలాల్లో జెడ్పీటీసీ స్థానాలన్నీ వైఎస్సార్‌సీపీ అభ్యర్థులే విజయం సాధించారు. దీంతో జెడ్పీ చైర్‌పర్సన్‌గా కవిటి మండల జెడ్పీటీసీ పిరియా విజయ ఎన్నికయ్యారు. వీరంతా 2021 సెప్టెంబర్‌ 25న పదవులకు ప్రమాణ స్వీకారం చేశారు. దీంతో వీరి పదవీ కాలం గురువారంతో ముగియనుంది. ఇదిలా ఉండగా జిల్లాల పునర్విభజన కారణంగా రాజాం నియోజకవర్గంలో నాలుగు జెడ్పీటీసీలు విజయనగరం జెడ్పీ పరిధిలోకి, పాలకొండ నియోజకవర్గంలోని నాలుగు జెడ్పీటీసీలు పార్వతీపురం మన్యం జిల్లా పరిధిలోకి వెళ్లిపోయాయి. ఈనెల 25 నుంచి పార్వతీపురం జిల్లాకు కొత్తగా జిల్లా పరిషత్‌ ఏర్పాటు కానుండడంతో ఈ రెండు నియోజకవర్గాల్లోని మొత్తం 8 జెడ్పీటీసీ స్థానాలు ఇక శ్రీకాకుళం జిల్లా పరిషత్‌లో ఉండవు. దీంతో త్వరలో జరగనున్న స్థానిక ఎన్నికల్లో జిల్లాలో 30 మండలాల్లోని 30 మంది జెడ్పీటీసీ స్థానాలకు మాత్రమే ఎన్నికలు నిర్వహించనున్నారు.

జయపురం: జయపురం ఎమ్మెల్యే తారాప్రసాద్‌ బాహిణీపతినుద్దేశించి రాష్ట్ర మంత్రి చేసిన వ్యాఖ్యలను కొరాపుట్‌ జిల్లా కాంగ్రెస్‌ పార్టీ నాయకులు తీవ్రంగా ఖండించారు. కొరాపుట్‌ ఇటీవల జరిగిన దిశా సమావేశంలో ఎమ్మెల్యే తారాప్రసాద్‌ బాహిణీపతితో జరిగిన వాగ్వాదం, అనంతరం జరిగిన రాజకీయ వివాదంపై కాంగ్రెస్‌ నాయకులు శాసన సభ్యుడుకి అండగా నిలిచారు. స్థానిక జిల్లా కాంగ్రెస్‌ పార్టీ కార్యాలయంలో డీసీసీ అధ్యక్షుడు రూపక్‌ తురుక్‌ అధ్యక్షతన మంగళవారం విలేకరుల సమావేశాన్ని నిర్వహించి రాజకీయ వర్గాల విమర్శలను ఖండించారు. ఆనాడు జరిగిన వివాదంపై నిష్పక్షపాత విచారణ జరిపించాలని డిమాండ్‌ చేశారు. ఆనాటి సంఘటనపై ఎమ్మెల్యే బాహిణీపతి క్షమాపణ చెప్పాలని మంత్రి చేసిన డిమాండ్‌ను కాంగ్రెస్‌ నేతలు తోసి పుచ్చారు. తమ నేత తారాప్రసాద్‌ బాహిణీపతి క్షమాపణ చెప్పాలన్న మంత్రి డిమాండ్‌ను తాము అంగీకరించమని స్పష్టం చేశారు. విపక్షాల దాడి జయపురం ఎమ్మెల్యే గౌరవానికి భంగం కలిగిందన్నారు. డీసీసీ అధ్యక్షుడు రూపక్‌ తురుక్‌ మాట్లాడుతూ.. పాత్రికేయులు, మీడియా ప్రతినిధులంటే ఎమ్మెల్యే తారాప్రసాద్‌ బాహిణీపతికి ఎంతో గౌరవం, అభిమానం ఉందన్నారు. ఎమ్మెల్యేను ఏదైనా అడగాలని ఉంటే సమావేశం హాల్‌ లోపలే అడగాల్సిందని కాంగ్రెస్‌ నేతలు అభిప్రాయపడ్డారు. కొంతమంది రాజకీయ నేతలు జిల్లాలో ఉన్న అనేక సమస్యలను పట్టించుకోకుండా నిజాయితీ పరుడు, ప్రజా సేవకులైన ఎమ్మెల్యే తారాప్రసాద్‌ బాహిణీపతిపై అబాండాలు వేస్తూ అతన్ని కించపరుస్తున్నారని మండిపడ్డారు. జిల్లాలో ప్రజలు అనేక సమస్యలపై సతమత మౌతున్నారని వారి సమస్యలను తీర్చే బాధ్యత అన్ని రాజకీయ పార్టీలదన్నారు. సమస్యలు పరిష్కారం విషయంలో మీడియా ప్రతినిధులు కాంగ్రెస్‌ శ్రేణులకు అండగా నిలవాలని డీసీసీ అధ్యక్షుడు విజ్ఞప్తి చేశారు. సమావేశఃలో కాంగ్రెస్‌ పార్టీ జిల్లా కోశాధికారి నిహార్‌ బిశాయి, మున్సిపల్‌ చైర్మన్‌ నరేంద్రకుమార్‌ మహంతి, మల్కనగిరి మాజీ ఎమ్మెల్యే నియిచరణ సర్కార్‌, సీనియర్‌ కాంగ్రెస్‌ నేత బినోద్‌ మహాపాత్రో, కౌన్సిలర్‌ ప్రణబ కుమార్‌ నాయిక్‌ ఉన్నారు.

● ధ్వజమెత్తిన సీపీఎం నాయకులు ● జోరువానలో ర్యాలీగా వెళ్లి జేసీకి వినతి అందజేత శ్రీకాకుళం (పీఎన్‌కాలనీ): రాష్ట్రంలోని కూటమి ప్రభుత్వానికి రైతుల సమస్యలు పట్టవా అని సీపీఎం పార్టీ జిల్లా కార్యదర్శి డి.గోవిందరావు, కార్యదర్శివర్గ సభ్యులు కె.మోహనరావు, పి.తేజేశ్వరరావు ప్రభుత్వాన్ని ప్రశ్నించారు. నారాయణపురం భూసాగుదారులకు పట్టాలు ఇవ్వాలని కోరుతూ రెండోరోజు మంగళవారం కుశాలపురం నుంచి జోరువానలో తడుస్తూ మహిళలు, వృద్ధులు, రైతులతో కలిసి పాదయాత్ర నిర్వహించారు. అనంతరం కలెక్టరేట్‌లో జేసీ ఫర్మాన్‌ అహ్మద్‌ ఖాన్‌కు వినతిపత్రం అందజేశారు. ఈ సందర్భంగా వారు మాట్లాడుతూ.. నారాయణపురం భూములను తరతరాలుగా సాగు చేస్తున్న భూసాగుదారులకు పట్టాలు ఇవ్వాలని కోరారు. 50 ఏళ్లుగా జరుగుతున్న పోరాటం సందర్భంగా ఈ పాదయాత్ర ఒక మైలురాయి అని అభివర్ణించారు. తప్పుడు పత్రాలు సృష్టించి రికార్డులు తారుమారు చేసిన వారిపై ప్రభుత్వం ఎందుకు కేసులు పెట్టలేదని ప్రశ్నించారు. ప్రభుత్వ అండదండలతో భూకబ్జాదారులు రైతుల భూములను కాజేయడానికి ప్రయత్నిస్తున్నారని, తప్పుడు కేసులు పెడుతున్నారని విమర్శించారు. రాష్ట్ర ప్రభుత్వం వెంటనే జోక్యం చేసుకొని సాగుదారులందరికీ పట్టాలు ఇవ్వాలని, ప్రభుత్వ పథకాలు అమలు చేయాలని డిమాండ్‌ చేశారు. పాదయాత్రకు విద్యార్థి, కార్మిక, మహిళా, ప్రజా సంఘాలు సంఘీభావం తెలియజేశారు. కార్యక్రమంలో సీపీఎం మండల కార్యదర్శి ఎన్‌.వి.రమణ, సీఐటీయూ జిల్లా అధ్యక్షుడు సీహెచ్‌ అమ్మన్నాయుడు, నారాయణపురం భూసాగుదారుల పోరాట కమిటీ నాయకులు తోనంగి నందోడు, కోరాడ అప్పన్న, పుట్టా కవిలేశ్వరరావు తదితరులు పాల్గొన్నారు.

ఎచ్చెర్ల: బీఆర్‌ఏయూలో బోర్డ్‌ ఆఫ్‌ టీచర్స్‌ రీసెర్చ్‌ స్టడీస్‌ సమావేశాన్ని మంగళవారం నిర్వహించారు. పీహెచ్‌డీ గైడ్స్‌ గుర్తింపు, రెన్యూవల్‌కు సంబంధించిన అర్హతలపై ఈ సమావేశంలో సమీక్షించారు. గైడ్స్‌ కేటాయింపులో వచ్చిన ఫిర్యాదులు, లోపాలు, ఎగ్జిక్యూటివ్‌ కేటగిరీ కింద విద్యార్థుల ప్రవేశం, రీసెర్చ్‌ సెంటర్లకు సంబంధించిన అంశాలను చర్చించారు. సమావేశంలో వీసీ కేఆర్‌ రజనీ, రిజిస్ట్రార్‌ బి.అడ్డయ్య తదితరులు పాల్గొన్నారు. మత్స్యకారులకు నిత్యావసరాలు అందజేయాలి శ్రీకాకుళం (పీఎన్‌కాలనీ): బంగాళాఖాతంలో వాయుగుండం కారణంగా చేపల వేటకు వెళ్లలేని మత్స్యకార కుటుంబాలకు రూ.10 వేలు, నిత్యావసర వస్తువులు, ప్రత్యామ్నాయ జీవనోపాధి కల్పించాలని కూటమి ప్రభుత్వాన్ని జిల్లా సముద్ర తీర మత్స్య కార్మికుల యూనియన్‌ అధ్యక్షుడు మూగి రామారావు మంగళవారం ఒక ప్రకటనలో కోరారు. మత్స్యకారులు చేపల వేటకు వెళ్లవద్దని సూచించడం బాగానే ఉన్నప్పటికీ.. రోజువారీ వేటపై ఆధారపడే శ్రీకాకుళం జిల్లా తీరప్రాంత మత్స్యకార కుటుంబాల ఆదాయం లేక ఇబ్బంది పడే అవకాశం ఉందన్నారు. గ్రామాల వారీగా ప్రభావిత కుటుంబాలను గుర్తించి, పారదర్శకంగా ప్రత్యేక జాబితా రూపొందించాలన్నారు. అర్హులైన కుటుంబాల బ్యాంకు ఖాతాల్లో ఆర్థిక సాయాన్ని నేరుగా, జాప్యం లేకుండా జమ చేయాలన్నారు. సహాయం పంపిణీలో వివక్ష, అవకతవకలు, జాప్యం నివారించేందుకు మండల స్థాయిలో పర్యవేక్షణ కమిటీలను ఏర్పాటు చేయాలన్నారు. పుస్తెలతాడు చోరీ కేసులో నలుగురు అరెస్టు మందస: పుస్తెలతాడు చోరీ కేసులో ఒడిశాకు చెందిన నలుగురిని పోలీసులు అరెస్టు చేశారు. వివరాల్లోకి వెళ్తే.. మండలంలోని వరదరాజపురం గ్రామంలో ఇటీవల జరిగిన చైన్‌ స్నాచింగ్‌ కేసుకు సంబంధించి సోమవారం సాయంత్రం కొత్తపల్లి జాతీయ రహదారి సమీపంలో ఎస్‌ఐ కె.కృష్ణప్రసాద్‌ ఇద్దరు మహిళలు, ఇద్దరు పురుషులను పట్టుకున్నారు. వీరు బరంపురం పట్టణం చుట్టుపక్కల గ్రామాల్లో మేసీ్త్రలుగా పనిచేసేవారు. వీరు దగ్గర హెల్పర్లుగా అక్కాచెల్లెలు పనిచేశారు. పరిచయం ఎక్కువై వివాహేతర సంబంధం ఏర్పర్చుకున్నారు. అనంతరం విలాసాలకు గురై గత ఆరు నెలలుగా ఈ దొంగతనాలు చేస్తున్నారు. పుస్తెలతాడు అమ్మడానికి ద్విచక్ర వాహనాల్లో పలాస వెళ్తుండగా పోలీసులు అరెస్టు చేశారు. పాముకాటుతో మహిళ మృతి సంతబొమ్మాళి: మండలంలోని లక్ష్మీపురం గ్రామానికి చెందిన తంగి సీతమ్మ (60) పాటుకాటుకు చికిత్స పొందుతూ మంగళవారం మృతి చెందారు. రెండు రోజుల క్రితం పొలం పనులకు వెళ్లిన ఆమె పాముకాటుకు గురైంది. అనంతరం కుటుంబ సభ్యులు ఒక ప్రైవేట్‌ ఆస్పత్రిలో చికిత్స నిమిత్తం చేర్చారు. అక్కడ చికిత్స పొందుతూ మృతి చెందారు. రోడ్డు ప్రమాదంలో వ్యక్తికి గాయాలు టెక్కలి రూరల్‌: మెళియాపుట్టి మండలం లింగుపురం గ్రామం సమీప రహదారిపై మంగళవారం జరిగిన రోడ్డు ప్రమాదంలో బందపల్లి గ్రామానికి చెందిన జి.వాసు అనే వ్యక్తికి తీవ్ర గాయాలయ్యాయి. స్థానికులు తెలిపిన వివరాల మేరకు.. వాసు తన ద్విచక్ర వాహనంపై టెక్కలి వైపు వస్తుండగా లింగుపురం వద్ద వెనుక నుంచి వచ్చిన బొలేరో వాహనం ఢీకొనడంతో ఈ ప్రమాదం చోటుచేసుకుంది. ఈ ప్రమాదంలో తీవ్రగాయాలకు గురైన వ్యక్తిని హుటాహుటిన టెక్కలి జిల్లా ఆస్పత్రికి తరలించారు. వైద్యులు వైద్య పరీక్షలు నిర్వహించారు. ఘటనపై మెళియాపుట్టి పోలీసులకు సమాచారం అందించారు. వ్యక్తి అదృశ్యంపై ఫిర్యాదు ఎల్‌.ఎన్‌.పేట: మండలంలోని ధనుకువాడ గ్రామానికి చెందిన చిన్నాల విశ్వనాథం ఈనెల 20వ తేదీ నుంచి కనపించడం లేదని భార్య చిన్నాల శారద ఫిర్యాదు చేసినట్లు సరుబుజ్జిలి ఎస్‌ఐ ఎస్‌.చిరంజీవి తెలిపారు. ఆదివారం రాత్రి 8 గంటల సమయంలో కొంతమంది గ్రామస్తులకు ఎల్‌.ఎన్‌.పేట జంక్షన్‌లో కనిపించాడని చెప్పడంతో సీసీటీవీ ఫుటేజీను పరిశీస్తునట్లు తెలిపారు. విశ్వనాథంకు భార్య శారద, ఇద్దరు కుమార్తెలు ఉన్నారు.

మల్కన్‌గిరి: అక్రమంగా నిల్వ చేసిన కలపను అటవీ శాఖ అధికారులు స్వాధీనం చేసుకొని ఒకరిని అరెస్టు చేశారు. వివరాల్లోకి వెళితే.. మల్కన్‌గిరి సమితి యం.వి.24 గ్రామానికి చెందిన విధాన్‌ బైరాగీ ఇంట్లో అనుమతి లేకుండా విలువైన కలపను నిల్వ ఉంచినట్టు జిల్లా అటవీ శాఖ సిబ్బందికి సమాచారం అందింది. దీంతో మంగళవారం అటవీశాఖకు చెందిన సిబ్బంది విధాన్‌ బైరాగీ ఇంటిపై మెరుపు దాడి చేసి తనిఖీలు చేపట్టగా 124 విలువైన కలప చెక్కలు పట్టుబడ్డాయి. దీంతో వాటిని స్వాధీనం చేసుకున్న అధికారులు వున్నాయి విధాన్‌ బైరాగీని అరెస్టు చేశారు. వీటి విలువ రూ. లక్షల్లో ఉంటుందని అటవీశాఖ అధికారులు తెలిపారు. విచారణ అనంతరం నిందితుడిని కోర్టులో హాజరు పరుస్తామన్నారు. ఒకరి అరెస్టు

రాయగడ: వివిధ ప్రజా సమస్యలు, అభివృద్ధి డిమాండ్ల పరిష్కారం కోరుతూ గుడారి పట్టణ వాసులు మంగళవారం చేపట్టిన బంద్‌ ప్రశాంతంగా ముగిసింది. ఈ బంద్‌ కారణంగా జనజీవనం స్తంభించింది. భారీ వర్షాన్ని సైతం లెక్కచేయకుండా ప్రజలు బంద్‌కు సంపూర్ణ మద్దతు పలికారు. అత్యవసర సేవలను మినహాయించి దుకాణాలు, మార్కెట్లు, పలు ప్రభుత్వ, ప్రైవేట్‌ కార్యాలయాలు, పాఠశాలలు, కళాశాలలు మూతపడ్డాయి. గుడారికి రాకపోకలు సాగించే వాహనాలను కూడా నిలిపివేశారు. పట్టణ వాసుల ప్రధాన డిమాండ్లలో వంఽశధార నదిపై బిజు సేతు నుంచి సిరిగుడ జంక్షన్‌ వరకు రహదారి నిర్మాణం, గుడారి నుంచి భువనేశ్వర్‌, కటక్‌లకు ఓఎస్‌ఆర్టీసీ సర్వీసులు ప్రారంభించడం, గుడారి నుంచి కరలాఘాటి మీదుగా బిసంకటక్‌ వరకు రెండు లైన్ల రహదారి నిర్మాణం ఉన్నాయి. బరంపురం–జయపురం ఎక్స్‌ప్రెస్‌ వే, పర్లాకిమిడి–అంబొదల మార్గాలను అనుసంధానం చేయాలని ఈ బంద్‌ పాటించారు.

టెక్కలి రూరల్‌: కోటబొమ్మాళి మండలం కొత్తపేట సమీప జాతీయ రహదారిపై మంగళవారం లారీ బోల్తాపడింది. స్థానికులు తెలిపిన వివరాలు ప్రకారం... బొగ్గులోడుతో ఇచ్ఛాపురం నుంచి శ్రీకాకుళం వైపు వెళ్తున్న లారీ, కొత్తపేట వద్దకు వచ్చేసరికి ఒక్కసారిగా డివైడర్‌ను ఢీకొని బోల్తాపడింది. ఈ ప్రమాదంలో లారీ పూర్తిగా మరమ్మతులకు గురైంది. లారీలో ఉన్న డ్రైవర్‌, సహాయకుడు స్వల్పగాయాలతో బయటపడ్డారు. ఈ ఘటనపై పోలీసులకు సమాచారం అందించారు. అనంతరం హైవే సిబ్బంది రహదారికి అడ్డంగా పడివున్న లారీని క్రేన్‌ సాయంతో తొలగించారు.

● తొలి రోజు విరుచుకుపడిన విపక్షాలు ● సభ నేటికి వాయిదాభువనేశ్వర్‌: రాష్ట్ర శాసన సభ వర్షాకాల సమావేశాలు వందేమాతరం, జాతీయ గీతాలాపనతో ప్రారంభమయ్యాయి. ఎమ్‌ఎండీఆర్‌, పాఠ్య పుస్తకాలలోని తప్పులు అంశాలపై విపక్ష బిజూ జనతా దళ్‌, కాంగ్రెస్‌ సభ్యులు విరుచుకు పడడంతో సభలో వాతావరణం అకస్మాత్తుగా వేడెక్కింది. పలు మార్లు సభా కార్యక్రమాల్ని స్పీకరు వాయిదా వేశారు. ఈ సమావేశంలో 9 పనిదినాలు ఉండగా 6 బిల్లులు ప్రవేశపెట్టే అవకాశం ఉంది. సభా కార్యకలాపాల మొదటి రోజున దివంగత సభ్యులకు సంతాప తీర్మానం ముఖ్యమంత్రి ప్రవేశపెట్టారు. ఏకగ్రీవ ఆమోదంతో దివంగత సభ్యులకు శ్రద్ధాంజలి సూచనగా కొద్ది నిమిషాలు సభలో వారంతా మౌనం పాటించారు. తొలి రోజు సమావేశాల్లో అటవీ, పర్యావరణ, పంచాయతీరాజ్‌ వంటి వివిధ శాఖలపై ప్రశ్నోత్తరాలకు కార్యక్రమం ఖరారు చేశారు. అనంతరం సమావేశాలు ఆరంభం కావడంతో ప్రతిపక్షాలు ప్రభుత్వాన్ని చుట్టుముట్టాయి. ప్రశ్నోత్తరాల సమయం ప్రారంభమైనప్పటి నుంచి గందరగోళం నెలకొంది. ఎంఎండీఆర్‌ సవరణ బిల్లును ఉపసంహరించుకోవాలని ప్రతిపక్షాలు డిమాండ్‌ చేశాయి. పాఠ్య పుస్తకాల్లో తప్పులపై బీజేడీ సభలో గందరగోళం సృష్టించింది. ప్లకార్డులు పట్టుకుని సభ మధ్యలోకి వచ్చి స్పీకరు పొడియం చుట్టుముట్టి నినాదాలు చేశారు. దివంగతులకు శ్రద్ధాంజలి.. దివంగత సభ్యులు, నేపాల్‌ వరదల్లో మరణించిన వారికి శ్రద్ధాంజలి ఘటించేందుకు ముఖ్యమంత్రి మోహన్‌ చరణ్‌ మాఝీ సంతాప తీర్మానం ప్రవేశ పెట్టారు. మాజీ మంత్రులు చంద్రశేఖర్‌ మాఝీ, సుశాంత్‌ సింగ్‌, మాజీ చీఫ్‌ విప్‌ సత్య భూషణ్‌ సాహు, మాజీ సభ్యులు రామమూర్తి గొమాంగో, హాజీ మహమ్మద్‌ అయూబ్‌ ఖాన్‌, శివాజీ మాఝీల మరణం పట్ల సభలో అఖిల పక్ష సభ్యులు తీవ్ర విచారం వ్యక్తం చేస్తూ శ్రద్ధాంజలి ఘటించారు. నేపాల్‌ , భారత దేశంలోని కొన్ని ప్రాంతాలలో ఇటీవల సంభవించిన వినాశకరమైన వరదలలో ప్రాణాలు కోల్పోయిన వారి పట్ల సంతాపం తెలుపుతూ ముఖ్యమంత్రి తీర్మానాన్ని ప్రవేశపెట్టారు. ప్రతిపక్ష నాయకుడు నవీన్‌ పట్నాయక్‌, కాంగ్రెస్‌ శాసనసభ పక్ష నాయకుడు రామచంద్ర కదమ్‌, వామపక్ష నాయకులు, స్పీకర్‌ సురమా పాఢి ఈ తీర్మానానికి మద్దతు తెలిపారు. విపక్ష బీజేడీ సభ్యుల వాకౌటు.. స్పీకరు సభా కార్యక్రమాలు వాయిదా వేసినట్లు ప్రకటించడంతో బీజేడీ ఎమ్మెల్యేలు సభ నుంచి బయటకు తరలివెళ్లారు. లోయర్‌ పీఎంజీ ప్రాంతంలో బైఠాయించి సభలో తమ డిమాండ్ల ప్లకార్డులతో ఆరు బయట ప్రదర్శన నిర్వహించారు. నేటికి సభ వాయిదా.. ఎంఎండీఆర్‌ బిల్లు సవరణ, పాఠ్యపుస్తకాల్లో తప్పులపై ప్రతిపక్షాలు కొనసాగించిన నిరవధిక ఆందోళన కారణంగా స్పీకర్‌ సభను అంచెలంచెలు వాయిదా వేశారు. తొలుత మధ్యాహ్నం 1.10 గంటల వరకు తర్వాత సాయంత్రం 4 గంటల వరకు సభ వాయిదా పడింది. అప్పటికీ పరిస్థితి కుదుటపడక పోవడంతో సభా కార్యక్రమాలు బుధవారానికి వాయిదా పడినట్లు స్పీకరు సురమా పాఢి ప్రకటించడంతో తొలి రోజు వానా కాలం సమావేశాలకు తెర పడింది.

రాయగడ: వరకట్నం వేధింపులు, గృహ హింసకు అడ్డుకట్ట వేస్తూ మహిళలకు సకాలంలో న్యాయ, సంస్థాగత సహాయం అందించేందుకు అన్ని శాఖలు సమన్వయంతో పనిచేయాలని జిల్లా అదనపు కలెక్టర్‌ రవీంద్రనాఽథ్‌ కుహోరో పిలుపునిచ్చారు. వరకట్న నిషేధ చట్టం–1961, మహిళలను గృహ హింస నుంచి రక్షించే చట్టం–2005పై రాయగడ జిల్లా పరిషత్‌ కార్యాలయం సమావేశం హాల్‌లో మంగళవారం జిల్లా స్థాయి శిక్షణ కార్యక్రమాన్ని నిర్వహించారు. ఈ కార్యక్రమంలో పాల్గొన్న రవీంద్రనాఽథ్‌ కుహోరో మాట్లాడుతూ.. మహిళల భద్రత, గౌరవం, హక్కులను కాపాడటంతో పాటు బాఽధితులకు సకాలంలో చట్టపరమైన పరిహారం అందించాల్సిన అవసరాన్ని వివరించారు. కట్నం, గృహ హింసను అరికట్టేందుకు నిరంతర అవగాహనతో పాటు సమిష్టి చర్యలు అవసరమని పేర్కొన్నారు. అవగాహన కార్యక్రమాలను క్షేత్రస్థాయికి తీసుకువెళ్లడం ద్వారా చట్టాలపై ప్రజల్లో మరింత అవగాహన కల్పించాలని సూచించారు. జిల్లా సామాజిక సంక్షేమ శాఖ అధికారి మీనతీ దేవ్‌ స్వాగత ప్రసంగంలో కట్న నిషేధ చట్టం–1961, గృహహింస నుంచి మహిళల రక్షణ చట్టం–2005పై అవగాహన కల్పించడం ఎంతో అవసరమని అన్నారు. కార్యక్రమంలో సీనియర్‌ న్యాయవాది రవినారాయణ శతపతి పాల్గొన్నారు. వరకట్న నిషేధ చట్టంపై పలువురు సీనియర్‌ న్యాయవాదులు ప్రసంగించారు.

● పీసీసీ మాజీ అధ్యక్షుడు నిరంజన్‌ పట్నాయక్‌ రాయగడ: మాలీ పర్వతాన్ని రక్షిస్తేనే ఒడిశాను రక్షించినట్లవుతుంది. ఈ నేల కోసం పోరాడిన సహీద్‌ లక్ష్మణ్‌ నాయక్‌ వారసులు ఇప్పుడు ముందుకు వచ్చి తమ భూమి, అడవులు, పర్వతాలను కాపాడేందుకు పోరాడాలని ప్రదేశ్‌ కాంగ్రెస్‌ కమిటీమాజీ అధ్యక్షుడు నిరంజన్‌ పట్నాయక్‌ అన్నారు. రాయగడలో కాంగ్రెస్‌ నాయకులు సోమవారం నిర్వహించిన పరివర్తన్‌ ర్యాలీలో పాల్గొనేందుకు వచ్చారు. అనంతరం విలేకర్లతో కాసేపు ముచ్చటించారు. రాయగడ, కొరాపుట్‌, కలహండి జిల్లాల్లోని వందలాది జలధారలు ఎండిపోకుండా కాపాడాల్సిన బాధ్యత ప్రతీ ఒక్కరిపై ఉందని అన్నారు. దేవమాలి, సిజిమాలి, కుట్రుమాలి, శశుబహుమాలి వంటి పర్యత సంపదను పరిశ్రామిక సంస్థల నుంచి రక్షించాల్సిన సమయం వచ్చిందన్నారు. మాలి పర్వత పరిరక్షణ కోసం ఎంతటి త్యాగాలకై నా సిద్ధంగా ఉండాలని పిలుపునిచ్చారు. మన రక్తంలో సహీద్‌ లక్ష్మణ్‌ నాయక్‌ వారసత్వం ఉంది. అడవులు, భూమి, మట్టి, పర్వతాల పరిరక్షణ కోసం పారాడాలన్నారు. ఎంఎండీఆర్‌ సవరణ చట్టంపై విమర్శలు.. ఎంఎండీఆర్‌ చట్టం ద్వారా కేంద్రంలోని బీజేపీ ప్రభుత్వం.. ఒడిశా ప్రయోజనాలకు నష్టం కలిగిస్తోందని పట్నాయక్‌ ఆవేదన వ్యక్తం చేశారు. ప్రస్తుతం ఒడిశాకు మైనింగ్‌ సెస్సు ద్వారా 53 వేల కోట్ల రుపాయల ఆదాయం వస్తోందని, మరో 15 వేల కోట్ల ఆదాయాన్ని పొందే అవకాశం ఉన్నప్పటికీ కొత్త చట్టంతో అది నిలిచిపోయిందన్నారు. బాకై ్సట్‌ తవ్వకాల వల్ల దీర్ఘకాలంలో ఈ ప్రాంత పర్యావరణంపై తీవ్ర ప్రభావం పడే ప్రమాదం ఉందన్నారు. కంపెనీల ముందు చేతులు చాచి స్వాభిమానాన్ని కోల్పోవద్దన్నారు. రాయగడ, కొరాపుట్‌, కలహండి ప్రాంతాలను రక్షించేందుకు ప్రజల ఐక్యంగా నిలవాలని పిలుపునిచ్చారు. భూమి కోసం పోరాడుతున్న నరసింగదేయి మాఝి, లొద్ద సికక తదితరులను ప్రభుత్వం ఎందుకు అరెస్టు చేస్తోందని ప్రశ్నించారు. అన్యాయానికి వ్యతిరేకంగా ప్రతి ఒక్కరూ పోరాడాలని కోరారు.

పాఠశాలలకు మూడు రోజులు సెలవుపర్లాకిమిడి: బంగాళాఖాతంలో ఏర్పడిన అల్పపీడనం ప్రభావంతో గజపతి జిల్లాలో కాశీనగర్‌, పర్లాకిమిడి, గుసాని, ఆర్‌.ఉదయగిరి సమితిలలో సోమవారం రాత్రి నుంచి ఎడతెరిపి లేకుండా వర్షం కురుస్తోంది. గజపతి జిల్లాకు ఐ.ఎం.డీ. ఆరెంజ్‌ అలెర్టు చేయడంతో ప్రతి సమితి కేంద్రంలో ప్రజలను తుఫాన్‌పై అప్రమత్తం చేస్తున్నారు. వర్షాల నేపథ్యంలో జిల్లాలో అన్ని ప్రభుత్వ పాఠశాలలు, ఉన్నత పాఠశాలల్లో ఈ నెల 24 వరకూ సెలవు ప్రకటిస్తున్నట్టు డీఈఓ మయాధర్‌ సాహు తెలిపారు. గజపతి జిల్లా కలెక్టర్‌ అక్షయ సునీల్‌ అగర్వాల్‌ కాశీనగర్‌ బ్లాక్‌లోని వంశధార నదీ ప్రాంతంలో వివిధ గ్రామాల్లో సందర్శించి ప్రజలను పరామర్శించారు. మోహనా బ్లాక్‌లో అత్యధికంగా 73.8 మి.మీ. వర్షం పడగా, కాశీనగర్‌లో 36, పర్లాకిమిడి 58 మి.మీ., రాయఘడలో 31.2, గుమ్మలో 35, నువాగడలో 48.2, ఆర్‌.ఉదయగిరిలో 52, గుసానిలో 49.0 మి.మీ.వర్షం కురిసింది. మల్కన్‌గిరి : తుఫాన్‌ నేపథ్యంలో మల్కన్‌గిరి జిల్లాను ఆరెంజ్‌ జోన్‌గా ప్రకటించినందున అందరూ అప్రమత్తంగా ఉండాలని కలెక్టర్‌ ప్రధమేశ్‌ అర్వింద్‌ ఆదేశించారు. మంగళవారం ఆయన మాట్లాడుతూ జిల్లాకు 25 వాడ్రాఫ్‌ బృందాలును కలిమెల సమితిలో, 12 బృందాలను మాత్తిలి సమితిలో సిద్ధం చేశారు. ప్రజలకు ఎటువంటి ఇబ్బందులు కలగకుండా చర్యలు తీసుకుంటున్నట్లు కలెక్టర్‌ ప్రకటించారు. భువనేశ్వర్‌: ఖొర్ధా జిల్లాలో మూడు రోజుల పాటు అన్ని ప్రభుత్వ, ప్రభుత్వ సహాయక, ప్రైవేట్‌ పాఠశాలలకు సెలవులు ఇవ్వాలని కలెక్టర్‌ మంగళవారం ఉత్తర్వులు జారీ చేశారు. ఈ ఉత్తర్వులు జిల్లా వ్యాప్తంగా కిండర్‌ గార్టెన్‌ (శిశు వాటిక) నుంచి 12వ తరగతి వరకు ఉన్న విద్యా సంస్థలకు వర్తిస్తాయన్నారు. ఈ నెల 22 నుంచి 24వ తేదీ వరకు పాఠశాలలతో పాటు అంగన్‌వాడీ కేంద్రాలు కూడా మూసివేయబడతాయన్నారు. బంగాళాఖాతంలో ఏర్పడిన అల్పపీడనం కారణంగా భారీ వర్షాలు కురిసే అవకాశం ఉన్నందున జిల్లా కలెక్టర్‌ అమృత్‌ రితురాజ్‌ ఈ ఉత్తర్వులు జారీ చేశారు. సోమవారం జరగాల్సిన ఎన్‌ఆర్టీఎస్‌ పరీక్ష ముందస్తు ప్రణాళిక ప్రకారం నిర్వహించారు. పాఠశాలల ఉపాధ్యాయులు, సిబ్బంది తమ విద్యా సంస్థలలో యథాతథంగా హాజరు కావాలని ఆదేశించారు. విపత్తు నిర్వహణ నేపథ్యంలో పాఠశాల భవనాలు, సంబంధిత సౌకర్యాలను సిద్ధంగా ఉంచాలని పాఠశాలల అధికారులను కోరారు. పాఠశాల ప్రాంగణాలు 24 గంటలూ తెరిచి ఉండేలా రోస్టర్‌ డ్యూటీ విధానాన్ని అమలు చేయాలని ప్రధాన ఉపాధ్యాయులకు, ప్రిన్సిపాళ్లకు ఆదేశాలు జారీ చేశారు. ఈ ఉత్తర్వులు తక్షణమే కచ్చితంగా పాటించాలని స్పష్టం చేశారు.

● నిందితుడు పరారీ మల్కన్‌గిరి: మల్కన్‌గిరి జిల్లా కలిమెల సమితి పోలీసులు సోమవారం రాత్రి పెట్రోలింగ్‌ నిర్వహించారు. కలిమెలకు 20 కిలో మిటర్ల దూరంలో బేజంగవాడ పంచాయతీ పరిధిలో గల కెనాల్‌ రోడ్డులో మారుతి కారు అతివేగంగా రావడంతో నిలిపి తనిఖీ చేశారు. అందులో గంజాయి ఉన్నట్లు గుర్తించి స్వాధీనం చేసుకున్నారు. మంగళవారం కలిమెల అదనపు తహసీల్దార్‌ రాజీవ్‌ బెహరా, ఐఐసీ ప్రభుదత్తు బిశ్వాల్‌ సమక్షంలో తూకం వేయగా 63 కిలోలు ఉంది. దీని విలువ రూ.6.50 లక్షలు ఉంటుందని అధికారులు తెలిపారు. డ్రైవర్‌ పారారీలో ఉన్నాడు. కేసు నమోదు చేసి నిందితుడి కోసం పోలీసులు గాలిస్తున్నారు. కారును స్వాధీనం చేసుకుని కలిమెల పోలీసు స్టేషన్‌ వద్ద ఉంచారు. ఆమదాలవలస: ఆమదాలవలస మున్సిపాలిటీ పరిధి, శ్రీకాకుళం రూరల్‌ మండలం సొట్టవానిపేట పెట్రోల్‌ బంకు సమీపంలో మంగళవారం రాత్రి జరిగిన రోడ్డు ప్రమాదంలో కారు ఢీకొని వ్యక్తి మృతి చెందారు. ఆమదాలవలస ఎస్‌ఐ సనపల బాలరాజు తెలిపిన వివరాలు ఇలా ఉన్నాయి. శ్రీకాకుళం రూరల్‌ మండలం నవనంబాబు గ్రామానికి చెందిన చల్లా బుచ్చిబాబు(45) తన గ్రామం నుంచి బలగలో ఉండే తన భార్య లక్ష్మి వద్దకు వెళ్లేందుకు బయల్దేరాడు. ద్విచక్ర వాహనంపై ప్రయాణిస్తున్న ఆయనను నరసన్నపేట వైపు నుంచి వస్తున్న కారు ఢీకొనడంతో అక్కడికక్కడే మృతి చెందినట్లు ఎస్‌ఐ తెలిపారు. మృతుని భార్య చల్లా లక్ష్మి ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నారు. మృతదేహాన్ని పోస్టుమార్టం నిమిత్తం శ్రీకాకుళం రిమ్స్‌ ఆస్పత్రికి తరలించారు.

మల్కన్‌గిరి: మల్కన్‌గిరి సమితిలో కార్యాలయంలో జిల్లా కలెక్టర్‌ ప్రధమేశ్‌ అర్వింద్‌ రాజాశిర్కే ఆధ్వర్యంలో సోమవారం గ్రీవెన్స్‌ సెల్‌ నిర్వహించారు. 42 వినతులు స్వీకరించారు. పలు సమస్యలను కలెక్టర్‌ వెంటనే పరిష్కరించారు. మారికొన్ని సమస్యల పరిష్కారానికి ఆయా శాఖల అధికారులకు ఆదేశించారు. జిల్లా ఎస్పీ వినోద్‌ పటేల్‌, పలువురు అధికారులు పాల్గొన్నారు. లబ్ధిదారులకు అంత్యోదయ గృహ యోజన నిధులను కలెక్టర్‌ అందజేశారు. పలు సంక్షేమ పథకాలను, దివ్యాంగ పింఛన్‌ను అందజేశారు. చట్టాలపై అవగాహన అవసరం పర్లాకిమిడి: గజపతి జిల్లా గుమ్మ బ్లాక్‌ మునిసింగి ప్రభుత్వ ఉన్నత పాఠశాలలో సోమవారం మధ్యాహ్నం జిల్లా న్యాయసేవా ప్రాధికరణ అధికారి, జిల్లా జడ్జి జగదీష్‌ ప్రసాద్‌ మహాంతి ఆదేశాల మేరకు విద్యార్థులకు న్యాయ సచేతన సదస్సును జిల్లా లీగల్‌ సర్వీసెస్‌ కార్యదర్శి బిమల్‌ రౌళో అధ్యక్షతన జరిగింది. ఆడపిల్లలు, విద్యార్థినులపై లైంగిక నేరాల నుంచి పిల్లలకు రక్షణ (పోక్సో చట్టం), నల్సా పరిహార చట్టం–2016ను వివరించారు. బాధితులకు చట్టపరమైన హక్కులు, ఉచిత న్యాయసేవలు, పరిహారం, వారికి పునరావాస సౌకర్యాలను ప్రస్తావించారు. ఈ సదస్సులో పబ్లిక్‌ ప్రాసిక్యూటర్‌ రాజేష్‌ కుమార్‌ మిశ్రా నల్సా చట్టం (యాసిడ్‌ దాడుల బాధితులకు న్యాయ సేవలు)పై విద్యార్థులకు వివరించారు. ఈ కార్యక్రమంలో మునిసింగి ఉన్నత పాఠశాల హెచ్‌ఎం మధుస్మితా సబర్‌, వన్‌ స్టాప్‌ సెంటర్‌ ప్రతినిధి శివాణీ సామంత్రాయ్‌, పరా లీగల్‌ వలంటీర్‌ (పి.ఎల్‌.వి.) శశిరేఖా బిశోయి, సిబ్బంది పాల్గొన్నారు. అల్జీమెర్స్‌పై అవగాహన పర్లాకిమిడి: గుసాని సమితి గురండి గ్రామంలో సెంచూరియన్‌ వర్సిటీ స్కూల్‌ ఆఫ్‌ నర్సింగ్‌ విద్యార్థులు ప్రపంచ అల్జిమెర్స్‌ దినం పురస్కరించుకుని ప్రజల్లో అవగాహన కల్పించారు. ప్రతి మనిషిలో రోగ నిరోధక శక్తి తగ్గినపుడు, మధ్య, వయోవృద్ధుల్లో అల్జీమెర్స్‌ వ్యాధి వల్ల బ్రెయిన్‌ పనిచేయదని నర్సింగ్‌ స్కూల్‌ అధ్యాపకురాలు శ్వేత అన్నారు. ఈ సందర్భంగా వయోవృద్ధులు, మధ్య వయస్కులకు సోకకుండా నివారణ చర్యలు చేపట్టాలన్నారు. మంచి పోషక ఆహారం, నిత్యం వ్యాయామం, యోగా, నడక ద్వారా కొంత వరకు వ్యాధిని నివారించవచ్చని అధ్యాపకురాలు మధురిమ అన్నారు. నర్సింగ్‌ విద్యార్థులు పోస్టర్‌ ప్రెజెంటేషన్‌, కరపత్రాలను గ్రామస్తులకు పంపిణీ చేశారు. మత్స్యశాఖ మంత్రి సమీక్ష మల్కన్‌గిరి: మల్కన్‌గిరి జిల్లా బీజేపీ కార్యాలయంలో సోమవారం రాష్ట్ర మత్స్య, పశుసంపద శాఖ మంత్రి గోకలనంద మల్లిక్‌ ఆధ్వర్యంలో జిల్ల స్థాయి సమీక్ష సమావేశాన్ని నిర్వహించారు. జిల్లా బీజేపీ అధ్యక్షుడు ఆశోక్‌ కుమార్‌ పరిడా అధ్యక్షతన జరిగిన సమావేశంలో మంత్రి గోకల్‌నంద మాట్లాడుతూ.. సెప్టెంబర్‌ 17 నుంచి ఆక్టోబర్‌ 17వ తేదీ వరకు నిర్వహిస్తున్న సేవా సంకల్ప్‌ కార్యక్రమం గురించి వివరించారు. లబ్ధిదారులను కలవడం, వివిధ ప్రాంతాల్లో కార్యక్రమాలు నిర్వహించడం వంటి అంశాలను ప్రస్తావించారు. ప్రధాననరేంద్రమోదీ నేతృత్వంలోని కేంద్ర ప్రభుత్వం దేశంలో వ్యవసాయ, ఆరోగ్యం, రవాణా, ఆహార భద్రతకు ప్రాధాన్యత ఇస్తుందని మంత్రి పేర్కొన్నారు. 2014 తర్వాత దేశంలో అనేక మార్పులు చోటు చేసుకున్నాయన్నారు. నక్సలిజం నిర్మూలన దిశగా చర్యలు చేపట్టినట్లు పేర్కొన్నారు. రాష్ట్రంలో బీజేపీ ప్రభుత్వం ఏర్పడిన తరువాత ధాన్యం కొనుగోలు ధర రూ. 800 పెంపు, పుప్పు ధాన్యాలకు సరైన ధర, పీఎం కిసాన్‌ పథకాల గురించి వివరించారు. ముందుగా బీజేపీ వ్యవస్థాపకులు శ్యామ్‌ప్రసాద్‌ ముఖర్జీ, పండిత్‌ దీనదయాళ్‌ చిత్రపటాలకు పూలమాలలు వేసి ఘనంగా నివాళులర్పించారు. సమావేశంలో మల్కన్‌గిరి ఎమ్మెల్యే నర్సింగ్‌ మాడ్కమి, చిత్రకొండ మాజీ ఎమ్మెల్యే డొంబురు సీసా, ప్రతేక అభివృద్ధి మండలి చైర్మన్‌ గంగా సోడీ, ఎంపీ ప్రతినిధి సంజాయ్‌ సర్క్‌ర్‌, ఎమ్మెల్యే ప్రతినిధి నిహల్‌ రౌయి పాల్గొన్నారు.

మల్కన్‌గిరి: చిత్రకొండ సమితిలో జిల్లా కాంగ్రెస్‌ పార్టీ నాయకులు సోమవారం సమావేశం అయ్యారు. ముందుగా భారీ ర్యాలీ చేపట్టారు. చిత్రకొండ సమితిలోని 14 పంచాయతీలకు చెందిన పార్టీ శ్రేణులు పాల్గొన్నారు. గిరిజనులు కూడా భారీగా హాజరయ్యారు. ఈ సందర్భంగా పార్టీ సంస్థాగత అంశాలు, ప్రజల సమస్యలపై చర్చించారు. చిత్రకొండ ఎమ్మెల్యే మంగు ఖీలో ప్రజల సమస్యలను అడిగి తెలుసుకున్నారు. చిత్రకొండ సమితిలోని కొన్ని ప్రాంతాలకు రోడ్డు సౌకర్యం లేదని స్థానికులు ఎమ్మెల్యే దృష్టికి తీసుకొచ్చారు. దీనికి ఆయన స్పందించి రోడ్డు సమస్యలను పరిష్కరించేందుకు హామీ ఇచ్చారు. ప్రజలకు వైద్య సేవలు అందించేలా చూస్తానని చెప్పారు. డీసీసీ మాజీ అధ్యక్షుడు గోవిందపాత్రో తదితరులు పాల్గొన్నారు.

● పీసీసీ అధ్యక్షుడు భక్తచరణ్‌ దాస్‌ ● రాయగడలో ఇండియా కూటమి పరివర్తన ర్యాలీ రాయగడ: ఎం.ఎం.డి.ఆర్‌ సవరణ చట్టం–2026ను రద్దు చేయకపోతే ఆందోళన మరింత తీవ్రతరం చేస్తామని పీసీసీ అధ్యక్షుడు భక్త చరణ్‌ దాస్‌ హెచ్చరించారు. ఇండియా కూటమి ఆధ్వర్యంలో సోమవారం పరివర్తన్‌ పేరిట భారీ ర్యాలీ, బహిరంగ సభను నిర్వహించారు. కొరాపుట్‌ పార్లమెంటు సభ్యుడు సప్తగిరి శంకర్‌ ఉలక నాయకత్వంలో జరిగిన కార్యక్రమానికి కాంగ్రెస్‌తో పాటు సీపీఐ, సీపీఎం, సీపీఐ (ఎంఎల్‌) లిబరేషన్‌, సమాజ్‌వాది పార్టీకి చెందిన నాయకులు, కార్యకర్తలు పెద్ద సంఖ్యలో హాజరయ్యారు. స్థానిక తేజస్వీ మైదానంలో ఈ మేరకు జరిగిన బహిరంగ సభలో పీసీసీ చీఫ్‌ భక్త చరణ్‌ దాస్‌ మాట్లాడుతూ.. ఎంఎండీఆర్‌ సరవణ చట్టాన్ని నల్ల చట్టంగా అభివర్ణించి దాన్ని తక్షణమే రద్దు చేయాలని డిమాండ్‌ చేశారు. సుప్రీంకోర్టు 2024 జూలై 25న ఇచ్చిన తీర్పు ఆధారంగా రాష్ట్ర ప్రభుత్వాలు ఖణిజా సంపదపై పన్నులు, రాయల్టీలు వసూలు చేయవచ్చన్నారు. 2005 నుంచి 2024 వరకు బకాయిలను కూడా వసూలు చేసే అవకాశం ఉందని పేర్కొన్నారు. ఈ నేపథ్యంలో రాష్ట్రానికి గత బాయిల రూపంలో సుమారు రూ. 1.10 లక్షల కొట్లు, 2024 నుంచి ఏటా కనీసం 20 వేల కోట్ల రుపాయలు ఆదాయం వచ్చే అవకాశం ఉందని అన్నారు. అయితే ఈ ఆదాయ హక్కులను నిర్వర్యం చేసే విధంగా కేంద్రంలోని ఎన్‌డీఏ ప్రభుత్వం ఎంఎండీఆర్‌ సవరణ చట్టం–2026ను తీసుకువచ్చిందని అన్నారు. దీనివల్ల రాష్ట్ర ఖనిజ సంపదపై రాష్ట్రానికి ఉన్న ఆదాయ హక్కులు, గత బ బకాయిలను పొందే హక్కులు దెబ్బతింటాయని విమర్శించారు. ఖనిజ ప్రాంతాల్లో భూమి హక్కులకు సంబంధించిన అధికారాలు కూడా రాష్ట్రం నుంచి దూరమయ్యే ప్రమాదం ఉందని పేర్కొన్నారు. ఖనిజ ప్రాంతాల్లో నివసించే ఆదివాసీలు, రైతుల జీవనోపాధి, భూమి హక్కులు దెబ్బతినే అవకాశం ఉందని అన్నారు. ఖనిజ తవ్వకాల వల్ల పర్యావరణ కాలుష్యాన్ని ప్రజలు ఎదుర్కొంటారని, పెద్ద పారిశ్రామిక సంస్థలకు ప్రయోజనం చేకూరుతుందని ఆవేదన వ్యక్తం చేశారు. రాష్ట్రాన్ని తాకట్టు పెట్టారు ఏఐసీసీ సాధారణ కార్యదర్శి, రాష్ట్ర కాంగ్రెస్‌ పార్టీ ఇన్‌చార్జి లాలాజీ దేశాయ్‌ మాట్లాడుతూ.. డబుల్‌ ఇంజన్‌ సర్కారుగా పిలుస్తున్న బీజేపీకి కాలం చెల్లిందని అన్నారు. అడ్డదారిలో అధికారంలోకి వచ్చిన బీజేపీకి ప్రజలు బుద్ధి చెప్పడం ఖాయమన్నారు. ఎంఎండీఆర్‌ సవరణ చట్టం వల్ల రాష్ట్రానికి తీరని నష్టం వాటిల్లుతోందని ఆందోళన వ్యక్తం చేశారు. దాన్ని సమర్థిస్తూ 20 మంది రాష్ట్రానికి చెందిన ఎంపీలు వత్తాసు పలకడం ఎంతవరకు సమంజసమని ప్రశ్నించారు. ఇదిలాఉండగా ఆదివాసీ వ్యక్తిగా రాష్ట్ర ముఖ్యమంత్రి మోహన్‌ చరణ్‌ మాఝి కేంద్ర ప్రభుత్వానికి కీలుబొమ్మగా మారారని ఎద్దేవా చేశారు. ఎంఎండీఆర్‌ సవరణ బిల్లు రద్దు చేయాలనే డిమాండ్‌తో అసెంబ్లీ భవనం ఎదుట ఈ నెల 29 సంయుక్తంగా భారీ నిరసన చేపట్టనున్నట్లు కాంగ్రెస్‌ నాయకులు ప్రకటించారు. ప్రజలను మోసంగించే బీజేపీ ప్రభుత్వ విధానాలను ఎత్తి చూపడంతో పాటు ఆ పార్టీ రానున్న ఎన్నికల్లో కనుమరుగయ్యేంత వరకు తామంతా నిద్రపోమన్నారు. అంతకు ముందు కొరాపుట్‌ ఎంపీ సప్తగిరి శంకర్‌ ఉలక, పీసీసీ మాజీ అధ్యక్షులు శరత్‌ పట్నాయక్‌, నిరంజన్‌ పట్నాయక్‌, జయదేవ్‌ జెన్న, ఏఐసీసీ కార్యదర్శి కుసుం కుమార్‌ రెడ్డి, సీపీఐ నాయకుడు ఆలీ కిశోర్‌ పట్నాయక్‌, సీపీఐ(ఎం) నాయకుడు ప్రశాంత్‌ మిశ్రో, పీసీసీ సాధారణ కార్యదర్శి దుర్గా ప్రసాద్‌ పండా, కార్యదర్శి తుబాటి రాము, ఎమ్మెల్యేలు లక్ష్మణ్‌ ముండా, అప్పల స్వామి కడ్రక, జయపురం ఎంఎల్‌ఏ తారా ప్రసాద్‌ బాహిని పతి, గుణుపూర్‌ ఎంఎల్‌ఏ సత్యజీత్‌ గొమాంగొ, బిసంకటక్‌ ఎంఎల్‌ఏ నీలమాధవ హికక తదితర పార్టీల నాయకులు కార్యకర్తలు పాల్గొన్నారు. అంతకు ముందు స్థాఽనిక కొత్త బస్టాండు వద్ద గల బీఆర్‌ అంబేడ్కర్‌ విగ్రహానికి పూలమాలలు వేసిన నాయకులు ఫ్‌లైఓవర్‌ బ్రిడ్జి, కాపిలాస్‌ కూడలి, సమితి కార్యాలయం మీదుగా సమావేశ వేదిక వద్దకు ర్యాలీగా చేరుకున్నారు.

భువనేశ్వర్‌: ప్రస్తుతం తుఫాన్‌ వచ్చే అవకాశం లేదని, బంగాళా ఖాతంలో ఏర్పడిన అల్పపీడన వ్యవస్థ ప్రభావంతో దక్షిణ ఒడిశాలో భారీ వర్షాలు కురిసే అవకాశం ఉందని రాష్ట్ర ప్రభుత్వ ప్రధాన కార్యదర్శి అనూ గర్గ్‌ తెలిపారు. లోక్‌ సేవా భవన్‌లో సోమవారం జరిగిన విపత్తు నిర్వహణ ఉన్నత స్థాయి సన్నద్ధత సమావేశం అనంతరం ఆమె మీడియాతో మాట్లాడుతూ వాతావరణ పరిస్థితిని ఎదుర్కోవడానికి అన్ని సంబంధిత శాఖలు, జిల్లా యంత్రాంగాలు పూర్తి అప్రమత్తతతో ముందస్తు చర్యలు తీసుకోవాలని ఆదేశించినట్లు తెలిపారు. భారత వాతావరణ శాఖ (ఐఎమ్‌డీ) సమాచారం ప్రకారం బంగాళా ఖాతంలో ఏర్పడిన స్పష్టమైన అల్పపీడనం రాబోయే 24 గంటల్లో వాయు గుండంగా, ఆ తర్వాతి 24 గంటల్లో తీవ్ర వాయు గుండంగా బలపడే అవకాశం ఉంది. ఇది పశ్చిమ, వాయువ్య దిశగా కదులుతూ ఈ నెల 23 ఉదయానికి ఉత్తర ఆంధ్రప్రదేశ్‌, దక్షిణ ఒడిశా తీరం సమీపానికి చేరుకుంటుందని అంచనా. ఈ నెల 22 మంగళ వారం నుండి దక్షిణ ఒడిశాలోని సుమారు 11 జిల్లాల్లో వర్షాలు ప్రారంభమై 24 గురువారం వరకు కొనసాగే అవకాశం ఉంది. ఈ వ్యవధిలో తీర ప్రాంతంలో గంటకు 45 నుంచి 55 కిలో మీటర్ల వేగంతో గాలులు వీచే అవకాశం ఉంది. మధ్య బంగాళాఖాతంలో గాలి వేగం గంటకు సుమారు 70 కిలో మీటర్ల వరకు ఉంటుందని భావిస్తున్నారు. గంజాం, గజపతి, మల్కన్‌గిరి, ఇతర ప్రభావిత జిల్లాల కలెక్టర్లు, ఉన్నతాధికారులతో అనూ గర్గ్‌ సన్నద్ధతను సమీక్షించారు. లోతట్టు ప్రాంతాలు, మురుగునీటి వ్యవస్థలు, నదీ పరివాహక ప్రాంతాలపై నిశితంగా నిఘా ఉంచాలని ఆమె వారిని ఆదేశించారు. ప్రభావితం అయ్యే అవకాశం ఉన్న జిల్లాల్లోని అధికారుల సెలవులను రద్దు చేయాలని ఆదేశించారు. ముందు జాగ్రత్త చర్యల్లో భాగంగా గర్భిణులను ఆస్పత్రులకు తరలించాలని సూచించారు. జల వనరుల శాఖ జలాశయాల మట్టాలను, నీటి నిర్వహణను సమీక్షించింది. బలిమెల, కోలబ్‌ జలాశయాల్లో వర్షపు నీటిని నిల్వ చేయడానికి అనుకూలంగా ఉంది. ఇంద్రావతి జలాశయం సుమారు 84 శాతం నీటితో నిండి ఉంది. అవసరమైన మేరకు నీటి మట్టాన్ని తగ్గించాలని, ఆనకట్టలు, నదుల గట్లు, ఇతర ప్రమాదకర ప్రదేశాలను నిశితంగా పర్యవేక్షించాలని ప్రధాన కార్యదర్శి అధికారులను ఆదేశించారు. వరద, తుఫాన్‌ ఆశ్రయ కేంద్రాల వద్ద ఏర్పాట్లను కట్టుదిట్టంగా తనిఖీ చేస్తున్నారు. అదే సమయంలో ఒడిశా విపత్తు సహాయ స్పందన దళం (ఒడ్రాఫ్‌) మరియు జాతీయ విపత్తు సహాయ స్పందన దళం (ఎన్‌ డీఆర్‌ఎఫ్‌) బృందాలను మోహరిస్తున్నారని ప్రత్యేక సహాయ కమిషనర్‌ (ఎస్‌ఆర్‌సీ) కార్యాలయం తెలిపింది. ఈ కార్యాలయంలో రాత్రింబవళ్ళు పని చేసే కంట్రోల్‌ రూమ్‌ ఏర్పాటు చేశారు. ఈ నెల 24 వరకు సముద్రంలోకి వెళ్లవద్దని మత్స్యకారులకు సూచించారు. ఇప్పటికే సముద్రంలో ఉన్నవారు సురక్షిత ప్రాంతాలకు తక్షణమే తిరిగి రావాలని కోరారు. మారుతున్న వాతావరణ పరిస్థితి దృష్ట్యా అన్ని శాఖలు, జిల్లా యంత్రాంగాలు సన్నిహిత సమన్వయం పాటించాలని ప్రధాన కార్యదర్శి ఆదేశించారు. సమావేశానికి అగ్ని మాపక సేవల డైరెక్టర్‌ సుధాంశు షడంగి, ప్రత్యేక సహాయ కమిషనర్‌ రాజేష్‌ ప్రభాకర్‌ పాటిల్‌, వివిధ సంబంధిత శాఖల కార్యదర్శులు, సీనియర్‌ అధికారులు జలవనరుల శాఖ ఇంజినీర్‌ ఇన్‌ చీఫ్‌, హాజరయ్యారు.

భువనేశ్వర్‌: ఛత్తీస్‌గఢ్‌ ముఖ్యమంత్రి విష్ణుదేవ్‌ సాయి సోమవారం స్థానిక లోక్‌ భవన్‌లో రాష్ట్ర గవర్నర్‌ డాక్టర్‌ హరిబాబు కంభంపాటిని కలిశారు. ఈ సందర్భంగా ఇరుగు పొరుగు రాష్ట్రాల మధ్య ఉన్న చిరకాల సామాజిక, సాంస్కృతిక సంబంధాలపై ఇరువురు చర్చించుకున్నారు. వివిధ రంగాలలో అభివృద్ధి, సహకారంపై తమ అభిప్రాయాలను పంచుకున్నారు. ఒడిశా, ఛత్తీస్‌గఢ్‌ల మధ్య సంబంధాలను మరింత బలోపేతం చేసే మార్గాలపైన, పరస్పర ఆసక్తి ఉన్న రంగాల్లో సహకారాన్ని పెంపొందించడంపై చర్చించారు. ఇరు రాష్ట్రాల మధ్య సన్నిహిత సంబంధాలు, సహకారం, ఉమ్మడి అభివృద్ధి లక్ష్యాలకు నిరంతర సంప్రదింపులు ప్రాముఖ్యతను సంతరించుకుంటాయి. దీర్ఘకాలంగా ఛత్తీస్‌గడ్‌, ఒడిశా రాష్ట్రాల మధ్య కొనసాగుతున్న మహా నదీ జలాల పంపిణీ వివాదాన్ని సమారస్యంగా పరిష్కరించేందుకు సన్నాహాలు చురుకుగా కొనసాగుతున్న తరుణంలో వీరివురి భేటీ ప్రాధాన్యత సంతరించుకుంది.

● వార్డుల్లో బెడ్‌లు లేక వరండాలోనే చికిత్స ● అత్యవసర పరిస్థితిలో ఉన్న చిన్నారికి అక్కడే ఆక్సిజన్‌ రాయగడ: జిల్లా ప్రధాన ఆస్పత్రిలో శిశువుల వైద్యంలో దుస్థితి మరోసారి వెలుగులోకి వచ్చింది. శిశువుల వార్డుల్లో బెడ్లు సరిపోకపోవడంతో 40 మందికి పైగా చిన్నారులను వార్డు వెలుపల వరండాలో ఉంచి చికిత్స అందిస్తున్న దృశ్యాలు కనిపించాయి. అంతేకాకుండా తీవ్ర అనారోగ్యంతో ఉన్న ఓ చిన్నారికి వరండాలోనే ఆక్సిజన్‌ అందిస్తున్న పరిస్థితి కనిపించడంతో ఆస్పత్రి నిర్వహణపై తీవ్ర విమర్శలు వ్యక్తమవుతున్నాయి. జిల్లాలోని 11 సమితులకు ప్రధాన ఆధారంగా ఉన్న ఈ ఆస్పత్రిలో పేషెంట్ల సంఖ్య పెరుగుతున్నా అందుకు అనుగుణంగా సదుపాయాలు పెంచడం లేదు. ముఖ్యంగా శిశువులను వార్డు వెలుపల ఉంచి చికిత్స చేయడం వల్ల ఇన్‌ఫెక్షన్‌ల ముప్పు భయం వెంటాడుతోంది. శిశువార్డులో ప్రస్తుతం 35 పడకలు మాత్రమే ఉన్నాయి. సీజనల్‌ వ్యాధులు పెరిగే సమయంలో శిశు రోగుల సంఖ్య ఒక్కసారిగా పెరగడంతో పడకలు సరిపోవడం లేదని తెలుస్తోంది. ముందస్తుగా ప్రత్యామ్నాయ ఏర్పాట్లు చేయకపోవడంతోనే ఈ పరిస్థితి ఏర్పడిందని విమర్శలు వ్యక్తమవుతున్నాయి. ఆస్పత్రిలో పరిశుభ్రతకు ప్రాధాన్యత ఇస్తున్నామని చెబుతున్న సమయంలో, చిన్నారులను వార్డు వెలుపల వరండాలో ఉంచి చికిత్స చేయడం ఎంతవరకు సమంజసమని సామాజిక కార్యకర్త బలరాం పండ ప్రశ్నించారు. శిశు విభాగంలోని ఈ పరిస్థితి అత్యంత సున్నితమైన అంశమని, చిన్నారుల ఆరోగ్యానికి సంబంధించిన విషయంలో నిర్లక్ష్యానికి తావు ఉండకూడదని ఆయన అన్నారు. గతంలో రాయగడ జిల్లా ఆస్పత్రి 2019 నుంచి 2023 వరకు కాయాకల్ప్‌ అవార్డులతో పాటు శిశు వైద్య సేవలకు సంబంఽధించి ముస్కాన్‌ ధ్రువీకరణ పత్రాన్ని రాష్ట్ర ప్రభుత్వం నుంచి పొందినట్లు సమాచారం. అయితే ప్రస్తుతం పెరగుతున్న రోగుల సంఖ్యకు అనుగుణంగా వైద్య సదుపాయాలను విస్తరించడంలో అధికారులు తగినంత శ్రద్ధ చూపడం లేదని ఆరోపణలు వస్తున్నాయి. అయితే శిశు వార్డులో రోగుల సంఖ్య పెరగడంతోనే పడకల కొరత ఏర్పడిందని హస్పటల్‌ మేనేజర్‌ లక్ష్మీప్రియ స్వయిన్‌ తెలిపారు. అయినప్పటికీ చిన్నారులకు మెరుగైన వైద్య సేవలు అందించేందుకు అవసరమైన చర్యలు తీసుకుంటున్నామని ఆమె పేర్కొన్నారు.

పర్లాకిమిడి: క్రీడలతో మానసిక ఉల్లాసం కలుగుతందని పర్లాకిమిడి ఎమ్మెల్యే రూపేష్‌ పాణిగ్రాహి అన్నారు. రాయగడ జిల్లా హాట్టోమునిగుడ ఎస్‌.ఎస్‌.డి ప్రభుత్వ ఉన్నత పాఠశాలలో పర్లాకిమిడి అస్మితా సెపక్‌ తక్రా సిటీ లీగ్‌ 2026–27 పోటీలను ముఖ్యఅతిథిగా పాల్గొని సోమవారం ప్రారంభించారు. అస్మితా లీగ్‌ పోటీలకు గజపతి, రాయగడ జిల్లాల క్రీడాకారులు ఉత్సాహంగా పాల్గొన్నారు. ఇటువంటి పోటీల ద్వారా గ్రామీణ క్రీడాకారుల్లో దాగి ఉన్న క్రీడా ప్రతిభను ప్రదర్శించడానికి అవకాశం లభిస్తుందని ఎమ్మెల్యే రూపేష్‌ పాణిగ్రాహి అన్నారు. అంతేకాక భవిష్యత్‌లో రాష్ట్ర, జాతీయ స్థాయిలో విద్యార్థులు తమ ప్రతిభను చాటాలన్నారు. విజేతలైన పలువురు విద్యార్థులకు మెమొంటో, ప్రశంసాపత్రాలను అందజేశారు. బీజేడీ అధ్యక్షుడు ప్రదీప్‌ నాయక్‌, పాఠశాల ఉపాధ్యాయులు పాల్గొన్నారు.

రాయగడ: ప్రత్యేక ఒటర్ల జాబితా సవరణ ప్రక్రియ అనంతరం జిల్లాలో తుది ఓటర్ల జాబితా విడుదలయ్యింది. జిల్లాలోని మూడు అసెంబ్లీ నియోజకవర్గాల్లో కలిపి మొత్తం 6,71,378 మంది ఓటర్లు తుది జాబితాల్లో చోటు దక్కించుకున్నారు. వీరిలో పురుషుల కంటే మహిళా ఓటర్ల సంఖ్య ఎక్కువగా ఉండ టం విశేషం. జిల్లా కలెక్టర్‌, జిల్లా ఎన్నికల అధికారిగా వ్యవహిస్తున్న అశుతోస్‌ కులకర్ణి అధ్యక్షతన సోమ వారం కలెక్టరేట్‌లో నిర్వహించిన సమావేశంలో తుది ఓటర్ల జాబితాను రాజకీయ పార్టీల ప్రతినిధులకు అందజేశారు. జాబితా హర్డ్‌ కాపీతో పాటు సాప్ట్‌ కాపీ ని పెన్‌డ్రైవ్‌ ద్వారా అందించారు. సర్‌ ప్రక్రియ ప్రారంభానికి ముందు జిల్లాలోని గుణుపూర్‌, రాయగడ, బిసంకటక్‌ శాసనసభ నియోజకవర్గాల్లో మొత్తం 7,14,700 మంది ఓటర్లు ఉన్నారు. సవరించిన డ్రాప్ట్‌ జాబితాలో ఈ సంఖ్య 6,69,207కు చేరగా, తుది జాబితాలో 6,71,378 మందికి చోటు కల్పించారు. సవరణ ప్రక్రియలో వలసలు, అవసరమైన పత్రాలు అందుబాటులో లేకపోవడం తదితర అంశాలకు సంబంధించి 1,47,367 మందికి విచారణ నోటీసులు జారీ చేశారు. నిబంధనల ప్రకారం వారి వివరాలను పరిశీలించి విచారణ చేపట్టారు. ఫారం–6, ఫారం–6ఏ, ఫారం–8 ద్వారా 2,537 మంది పేర్లను చేర్చగా ఎన్నిల అధికారుల ఆదేశాల మేరకు 366 మంది పేర్ల ను తొలగించారు. మరో 54 మంది అనర్హులుగా గు ర్తించారు. నియోజక వర్గాల వారీగా పరిశీలిస్తే గుణుపూర్‌ శాసన సభ నియోజకవర్గంలో 2,07,861 మంది, బిసంకటక్‌లో 2,20,950 మంది, రాయగడలో 2,42,567 మంది ఓటర్లతో మొత్తం జిల్లాలో 6,71, 378 మంది ఓటర్లు తుది జాబితాలో చోటు చేసుకున్నారు. వీరిలో 3,17,958 మంది పురుషులు, 3,53, 252 మంది మహిళలు, 168 మంది ట్రాన్స్‌జెండర్లు ఉన్నారు. లింగ నిష్పత్తి 1,111గా నమోదయ్యింది. ఈ సందర్భంగా కలెక్టర్‌ అశుతోష్‌ కులకర్ణి మాట్లాడుతూ.. సర్‌ ప్రక్రియలొ జిల్లాలో ఎలాంటి పెద్ద సమస్య లు తలెత్తలేదని వివరించారు. కార్యక్రమంలో జిల్లా అదనపు కలెక్టర్‌ రవీంద్రనాథ్‌ కుహరో, అసిస్టెంట్‌ కలెక్టర్‌ బిచిత్రా శెఠిలు పాల్గొన్నారు.

రాయగడ: ఖనిజ వనరులపై రాష్ట్రాల హక్కులను పరిరక్షించడంతో పాటు గిరిజనులు, ఆదివాసీలు, ఖనిజ కార్మికుల ప్రయోజనాలను కాపాడేందు ఖనిజాలు, ఖనిజ పదార్ధాల సవరణ చట్టం–2026ను రద్దు చేయాలని కాంగ్రెస్‌ పార్టీ నాయకులు డిమాండ్‌ చేశారు. ఈ మేరకు జిల్లా కలెక్టర్‌ అశుతోష్‌ కులకర్ణికి సోమవారం వినతిపత్రాన్ని సమర్పించారు. ప్రదేశ్‌ కాంగ్రెస్‌ కమిటీ అధ్యక్షుడు భక్తచరణ్‌ దాస్‌ నేతృత్వంలో కొరాపుట్‌ ఎంపీ సప్తగిరి శంకర్‌ ఉలక, పీసీసీ మాజీ అధ్యక్షులు నిరంజన్‌ పట్నాయక్‌, శరత్‌ పట్నాయక్‌, జయదేవ్‌ జెన్న, ఆలిండియా కాంగ్రెస్‌ కమిటీ సాధారణ కార్యదర్శి లాలాజీ దేశాయ్‌తొ పాటు రాయగడ, గుణుపూర్‌, బిసంకటక్‌ ఎమ్మెల్యేలు అప్పల స్వామి కడ్రక, సత్యజీత్‌ గొమాంగో, నీలమాధవ హికక తదితరులు పాల్గొన్నారు. ఖనిజ రంగంలో కేంద్ర ప్రభుత్వానికి మరింత అధికారం కల్పించే విధంగా నిబంధనల్లో మార్పులు చేయడం వల్ల రాష్ట్రాల ఆఽర్థిక, పరిపాలన హక్కులకు భంగం కలిగే అవకాశం ఉందని కాంగ్రెస్‌ నాయకులు పేర్కొన్నారు. ఖనిజ సంపదపై రాష్ట్ర ప్రభుత్వాల హక్కులను పరిరక్షించాలని కోరారు. అలాగే గిరిజనులు, ఆదివాసీలు నివసించే ప్రాంతాల్లో ఖనిజ తవ్వకాల కారణంగా వారి జీవనోపాధి, భూమి, పర్యావరణంపై ప్రభావం పడకుండా కఠినమైన రక్షణ చర్యలు చేపట్టాలని డిమాండ్‌ చేశారు. అటవీ, గిరిజనుల హక్కులను పరిరక్షించాల్సిన అవసరాన్ని ప్రస్తావించారు. అదేవిధంగా ఖనిజ సంపదలను ప్రైవేటీకరణకు అనుకూలంగా మార్చే చర్యలను వ్యతిరేకించిన ప్రతినిధులు, సహజ వనరులపై ప్రజలకు, రాష్ట్రాలకు ఉన్న హక్కులను కాపాడాలని కోరారు. ఖనిజ ప్రాంతాల్లో స్థానిక ప్రజలకు ఉపాధి, అభివృద్ధి, పునరావాసం వంటి అంశాలకు ప్రాధాన్యం ఇవ్వాలని కోరారు.

రాయగడ: జిల్లా యంత్రాంగం ఆధ్వర్యంలో జిల్లాలోని బిసంకటక్‌ సమితి కార్యాలయ సమావేశ మందిరంలో సోమవారం గ్రీవెన్స్‌సెల్‌ను నిర్వహించారు. ఈ సందర్భంగా 49 వినతులను అధికారులు స్వీకరించారు. జిల్లా అదనపు కలెక్టర్‌ నిహారి రంజన్‌ కుహరో అధ్యక్షతన కార్యక్రమం జరిగింది. అందిన వినతుల్లో 36 వ్యక్తిగత, 13 సామాహిక వినతులు ఉన్నాయి. వినతులను క్షుణ్ణంగా పరిశీలించి పరిష్కరించేందుకు అధికారులు చర్యలు తీసుకోవాలని సంబంధిత శాఖ సిబ్బందిని ఉన్నతాధికారులు ఆదేశించారు. కార్యక్రమంలో డీఎఫ్‌లో సచిన్‌ అన్నా సాహెబ్‌ ఆహలే, జిల్లా ముఖ్యవైద్యాధికారి డాక్టర్‌ విశ్వంబర్‌ బెహర, తహసీల్దార్‌ కె.వెంకటేశ్వర్‌రెడ్డి, బీడీవో శివప్రసాద్‌ పట్నాయక్‌ ఉన్నారు. కేరళలో ఒడిశా కార్మికుడి అనుమానాస్పద మృతి రాయగడ: ఉపాధి కోసం సొంత ఊరిని వీడి ఇతర రాష్ట్రాలకు వెళుతున్న వలస కార్మికుల కష్టాలు తీరడం లేదు. కుటుంబాన్ని పొషించేందుకు కేరళకు వెళ్లిన రాయగడ జిల్లా బిసంకటక్‌ ప్రాంతానికి చెందిన ఓ వలస కార్మికుడు అక్కడ అనుమానాస్పద పరిస్థితుల్లో మృతి చెందడం తీవ్ర విషాదాన్ని నింపింది. జిల్లాలోని బిసంకటక్‌ సమితి పరిధిలోని డుకుం గ్రామానికి చెందిన రమేష్‌ కౌసల్య కొడుకు మిలన్‌ కౌసల్య (25) కేరళలోని ఓ ప్రైవేట్‌ కంపెనీలో వలస కార్మికుడిగా పనిచేస్తున్నాడు. శనివారం అతడు మృతి చెందినట్లు సమాచారం. అయితే అతడి మృతికి గల పూర్తి కారణాలు ఇంకా తెలియరాలేదు. మిలన్‌తో కలసి పనిచేస్తున్న ఇతర ఒడిశా కార్మికులు ఈ విషయాన్ని ఫోన్‌ ద్వారా కుటుంబ సభ్యులకు తెలియజేశారు. సమాచారం అందుకున్న కుటుంబ సభ్యులు తీవ్ర విషాదంతో వెంటనే కేరళకు బయల్దేరారు. అక్కడికి చేరుకున్న అనంతరం అక్కడి పోలీసులు మృతదేహానికి పోస్టుమార్టం నిర్వహించి వారికి అప్పగించినట్లు సమాచారం. అనంతరం మృతదేహాన్ని స్వగ్రామమైన డుకుంకు తీసుకురానున్నారు. గజపతి జిల్లాలో సర్‌ తుది జాబితా విడుదల పర్లాకిమిడి: గజపతి జిల్లాలో సర్‌–2026 కింద సిద్ధం చేసిన ఓటర్ల తుది జాబితాను సోమవారం కలెక్టరేట్‌లో అదనపు జిల్లా మేజిస్ట్రేట్‌ రాజకీయ పార్టీల ప్రతినిధుల సమక్షంలో విడుదల చేశారు. ఈ తుది ఓటర్ల జాబితా విడుదలలో ఎన్నికల శాఖ డిప్యూటీ కలెక్టర్‌ అమిత్‌ బిశ్వాల్‌, డిప్యూటీ కలెక్టర్‌ కృతి శాయి శుక్లా, బీజేడీ పార్టీ జిల్లా అధ్యక్షులు ప్రదీప్‌ నాయక్‌, బీజేపీ జిల్లా అధ్యక్షులు నబకిశోర్‌ శోబర, కాంగ్రెస్‌ పార్టీ ప్రతినిధి బర్నాల జనార్ధనరావు ఇతర అధికారులు పాల్గొన్నారు. బరంపురం పార్లమెంటరీ స్థానంలో గజపతిలో రెండు శాసనసభ నియోజకవర్గాలు 136– మోహనా (ఎస్సీ), 137– పరా్‌ల్‌ఖిముండి నియోజకవర్గాల్లో ప్రీ ఎస్‌ఐఆర్‌లో మోహనలో 2,46,595 ఓటర్లు ఉండగా, ఫైనల్‌ పబ్లికేషన్‌లో 2,32,662 మంది ఉన్నారు. అలాగే పర్లాకిమిడి నియోజికవర్గంలో ప్రీ ఎస్‌ఐఆర్‌లో 216,738 ఉండగా, ఫైనల్‌ పబ్లికేషన్‌లో 2,01, 290 మంది మిగిలారు. మొత్తం గజపతి జిల్లాలో ప్రస్తుతం ఎస్‌ఐఆర్‌ తుది జాబితాలో 4,33,952 మంది ఓటర్లు ఉన్నారు. జిల్లాలో 14,628 పర్మినెంటుగా ఓటర్లు ఇతర రాష్ట్రాలకు బదిలీ కాగా, 12,669 మంది మృతులు, ఎస్‌ఐఆర్‌ ప్రక్రియ సర్వేలో 2,450 మంది గైర్హాజరయ్యారు. కొత్తగా 1596 మంది ఓటర్లు తమ పేర్లను నమోదు చేసుకున్నట్టు ఏడీఎం మునీంద్ర హానగ వెల్లడించారు. జిల్లాలో మొదటిసారిగా ఎస్‌ఐఆర్‌ కోసం స్వీప్‌ కార్యక్రమం ద్వారా వివిధ పాఠశాలల్లో ఓటరు నమోదు కార్యక్రమం, 18 ఏళ్లు నిండిన యువతీ యువకులు ఓటరు జాబితాలో నమోదు జరిగినట్టు అధికారులు తెలియజేశారు. అయితే జిల్లాలో మోహన బ్లాక్‌ చంద్రగిరి, మహేంద్రగడలో గత 76 ఏళ్లుగా నివాసం ఉంటున్న కొంతమంది టెబెటియన్‌ శరణార్థుల పేర్లు ఓటరు సంశోధన ప్రక్రియ ఎస్‌ఐఆర్‌ చోటుచేసుకోలేదు.

భువనేశ్వర్‌: రాష్ట్ర మహిళా, శిశు అభివృద్ధి, మిషన్‌ శక్తి, పర్యాటక శాఖ బాధ్యతలు వహిస్తున్న ఉప ముఖ్యమంత్రి ప్రభాతి పరిడా శ్రీ జగన్నాథ దర్శన్‌ యోజన కింద 2025–26 ఆర్థిక సంవత్సరపు మొదటి శ్రీక్షేత్ర యాత్రను వర్చువల్‌ విధానంలో ప్రారంభించారు. ఒడిశా రాష్ట్ర పర్యాటక శాఖ, ఒడిశా రాష్ట్ర రోడ్డు రవాణా సంస్థ (ఓఎస్‌ఆర్‌ టీసీ) సంయుక్తంగా ఈ కార్యక్రమాన్ని అమలు చేస్తున్నాయి. శ్రీక్షేత్ర యాత్ర మొదటి విడతలో మల్కన్‌గిరి, కొరాపుట్‌, నవరంగ్‌పూర్‌ జిల్లాలకు చెందిన 910 మంది వయోవవృద్ధులు పూరీకి వెళ్లి, శ్రీక్షేత్రంలో మహా ప్రభువు శ్రీ జగన్నాథుని దర్శనం చేసుకుంటారని మంత్రి ప్రభాతి పరిడా తెలిపారు. ఈ సందర్భంగా ఆమె సభను ఉద్దేశించి ప్రసంగిస్తూ ప్రతి ఒడిశా వాసికి రాష్ట్ర ప్రజల ఆరాధ్య దైవం శ్రీ జగన్నాథుని దర్శనం చేసుకునే ఆధ్యాత్మిక ఆకాంక్షను నెరవేర్చడం ప్రభుత్వ ప్రధాన ప్రాధాన్యతలలో ఒకటని పేర్కొన్నారు. రాష్ట్ర వ్యాప్తంగా వయో వృద్ధులు శ్రీక్షేత్రాన్ని సందర్శించి జగతి నాథుని ఆశీస్సులు పొందేందుకు ఈ కార్యక్రమం ఒక పవిత్రమైన అవకాశం కల్పిస్తుందన్నారు. ఈ పథకం మొదటి దశలో భాగంగా ఈ నెల 20 నుంచి అక్టోబర్‌ 26 మధ్య 13 జిల్లాల నుంచి సమగ్రంగా 10,434 మంది యాత్రికులు పూరీని సందర్శించేలా ఏర్పాట్లు చేశారు. మొదటి విడత యాత్రలో 910 మంది యాత్రికులు పాల్గొన్నారు. వీరిలో మల్కన్‌గిరి నుండి 490 మంది, కొరాపుట్‌ నుంచి 210 మంది, నవరంగ్‌పూర్‌ నుంచి 210 మంది ఉన్నారు. యాత్రికుల భద్రత, సంక్షేమం పర్యవేక్షణ కోసం ఒక్కో బస్సులో 3 మంది ఎస్కార్ట్‌ అధికారులు, ఒక పారామెడికల్‌ సిబ్బందిని నియమించారు. వీరు యాత్ర ఆద్యంతాలు యాత్రికులతో ఉంటూ, వారి ఆరోగ్యం మరియు ఇతర అవసరాలను పర్యవేక్షిస్తారు. శ్రీ జగన్నాథ దర్శన్‌ యోజన కింద 1 లక్ష మంది వయోవృద్ధులకు శ్రీ జగన్నాథ ఆలయంలోని త్రిమూర్తుల (జగన్నాథ, బలభద్ర, దేవీ సుభద్ర) దర్శన భాగ్యం కల్పించడం లక్ష్యంగా మంత్రి పేర్కొన్నారు. ప్రస్తుత ఆర్థిక సంవత్సరంలో 30,000 మంది అర్హులైన లబ్ధిదారుల కోసం ఏర్పాట్లు చేస్తున్నారు. ఈ పథకం కింద యాత్రికులకు వారి సంబంధిత గ్రామ పంచాయతీల నుంచి జిల్లా కేంద్రానికి తరలించి ఆపై ప్రత్యేక బస్సుల ద్వారా పూరీకి రవాణా సదుపాయం కల్పిస్తారు. శ్రీ జగన్నాథ ఆలయ దర్శన ఏర్పాట్లతో పాటు ఈ ప్యాకేజీలో ఉచిత ఆరోగ్య పరీక్షలు, రోజుకు 4 సార్లు శాకాహార భోజనం, కిట్‌ బ్యాగులు, గుర్తింపు కార్డులు జారీ, సాంస్కృతిక కార్యక్రమాలు ఉన్నట్లు వివరించారు.

నేటి నుంచి.. ● స్పీకర్‌ అధ్యక్షతన అఖిల పక్ష సమావేశం భువనేశ్వర్‌: ఈ నెల 22 మంగళవారం నుంచి రాష్ట్ర శాసన సభ వర్షాకాల సమావేశాలు ప్రారంభం కానున్నాయి. ఈ నేపథ్యంలో స్పీకర్‌ ఆమె చాంబరులో అఖిలపక్ష సమావేశం నిర్వహించారు. ఈ సందర్భంగా సభా కార్యకలాపాలు క్రమబద్ధంగా సాగేందుకు స్పీకరు అధికార, ప్రతిపక్ష సభ్యుల సహకారం కోరారు. స్పీకర్‌ సురమా పాఢి అధ్యక్షతన సోమవారం జరిగిన ఈ సమావేశానికి ముఖ్యమంత్రి మోహన్‌ చరణ్‌ మాఝీ, ఉప ముఖ్యమంత్రి కనక వర్ధన్‌ సింగ్‌ దేవ్‌, శాసన సభ వ్యవహారాల శాఖ మంత్రి డాక్టర్‌ ముఖేష్‌ మహాలింగ్‌, విపక్ష బిజూ జనతా దళ్‌ శాసన సభ పక్ష ఉప నాయకుడు డాక్టర్‌ ప్రసన్న ఆచార్య, ప్రతిపక్ష చీఫ్‌ విప్‌ ప్రమీలా మల్లిక్‌, డిప్యూటీ చీఫ్‌ విప్‌ ప్రతాప్‌ కేశరి దేవ్‌ ఈ సమావేశంలో పాల్గొన్నారు. పలు కీలక అంశాలపై సమావేశంలో లోతుగా చర్చించేందుకు వీలుగా అఖిల పక్ష సభ్యులు సహకరించాలని స్పీకర్‌ కోరారు. సమావేశాల్లో ఎంఎండీఆర్‌ సవరణ చట్టం, 2026 విషయంలో వాడీవేడిగా చర్చ సాగే అవకాశం ఉంది. ఈ చట్టం, ఖనిజ సంపదతో తులతూగుతున్న ఒడిశాపై విపరీత ప్రభావం చూపుతుందని విపక్షాలు తొలి నుంచి విరుచుకుపడుతున్నాయి. ఈ నేపథ్యంలో సభలో ప్రభుతాన్ని నిలదీయాలని ప్రధాన ప్రతిపక్షం బిజూ జనతా దళ్‌తో కాంగ్రెస్‌ ఏకీభవించి తొడగొడుతున్నాయి. ఈ విషయమై ప్రతిపక్ష ఉప నాయకుడు డాక్టరు ప్రసన్న ఆచార్య మాట్లాడుతూ బీజేడీ ఎంఎండీఆర్‌ అంశంపై వర్షా కాలం సమావేశాల ప్రారంభం నుంచే సభలో ప్రధాన అంశంగా ప్రస్తావిస్తుందని స్పష్టం చేశారు. కొత్త చట్టం కారణంగా మైనింగ్‌ సంబంధిత బకాయిల రూపంలో రాష్ట్రం దాదాపు రూ.1 లక్ష కోట్లు నష్టపోవచ్చని బీజేడీ ఆందోళన వ్యక్తం చేస్తుంది. ఈ అంశంతోపాటు పాఠ్య పుస్తకాల్లోని తప్పులు, శాంతిభద్రతలు, వ్యవసాయ సంక్షోభం, మహిళల భద్రత, గిరిజన హక్కుల పరిరక్షణ వంటి ఇతర అంశాలను బీజేడీ ప్రధాన అంశాలుగా పరిగణించి సభలో చర్చకు ప్రేరేపిస్తుంది. ఎంఎండీఆర్‌ సవరణ విషయంలో కాంగ్రెస్‌ సభ్యులు కూడా సభలో ప్రభుత్వాన్ని నిలదీసేందుకు సన్నద్ధత వ్యక్తం చేసింది. ఈ స్వల్పకాలిక సమావేశంలో పాఠ్యపుస్తకంలోని తప్పులు, శాంతిభద్రతలు వంటి ప్రధాన అంశాలను కాంగ్రెస్‌ ఎమ్మెల్యేలు చర్చకు ప్రాధాన్యత కల్పిస్తారని కాంగ్రెసు శాసన సభా నాయకుడు రామచంద్ర కదమ్‌ తెలిపారు. మరోవైపు ప్రతిపక్షాలు లేవనెత్తిన ప్రశ్నలను ఎదుర్కొనేందుకు తాము సిద్ధంగా ఉన్నామని అధికార పక్షం భారతీయ జనతా పార్టీ స్పష్టం చేసింది. ముఖ్యమంత్రి మోహన్‌ చరణ్‌ మాఝీ ఆధ్వర్యంలో బీజేపీ శాసన సభ పక్షం సోమవారం సమావేశమై ప్రతిపక్షాలను సమర్ధంగా ఎదుర్కొనేందుకు వ్యూహాత్మక ప్రణాళిక ఖరారు చేసిందని పార్టీ శ్రేణులు పేర్కొన్నాయి. శాసన సభ సచివాలయం జారీ చేసిన తాత్కాలిక షెడ్యూలు ప్రకారం 17వ శాసన సభ ఏడో సమావేశాలు మంగళ వారం నుంచి ప్రారంభమమై అక్టోబర్‌ 3 వరకు కొనసాగుతాయి. ఈ నెల 25, శుక్రవారం ప్రైవేట్‌ సభ్యుల కార్యకలాపాలు, ప్రతిపాదిత బిల్లులు, తీర్మానాల కోసం కేటాయించారు. సెప్టెంబర్‌ 26, 27 తేదీలలో సమావేశాలు ఉండవు. గాంధీ జయంతి సందర్భంగా అక్టోబర్‌ 2వ తేదీని సెలవు దినంగా పాటిస్తారు.

పర్లాకిమిడి: ఏడాదికి ఒక్కసారి మాత్రమే దసరా ఉత్సవాలకు ముందు తెరిచే దండుమారెమ్మ తల్లి గుడి ఆదివారం తెరిచారు. ఏటా దసరా శరన్నవరాత్రులకు 15 రోజుల ముందు ఈ దండుమారెమ్మ గుడి తెరుస్తారు. అయితే ఈ ఏడాది అధిక మాసం వల్ల నవమి ఆదివారం నాడు తలుపులు దండుమారెమ్మ కమిటీ తెరిచారు. గుడిలో పెద్ద పాముపుట్టతో పాటు ఆమ్మవారి విగ్రహం వద్ద అఖండ దీపం వెలుగుతూ ఉంటుంది. ఏటా దసరా శరన్నవరాత్రి ఉత్సవాలు ముగింపు అనంతరం విజయదశమి నాడు రాత్రి అమ్మవారి గుడి తలుపులు మూసేస్తారు. ఏడాది తర్వాత విజయదశమికి పదిహేను రోజుల ముందు గుడి తలుపులు తెరవడంతో దసరా ఉత్సవాలకు శ్రీకారం చుడతారు. ఒడిశా రాష్ట్రం నుండే కాక, తెలంగాణ, ఆంధ్రప్రదేశ్‌, మధ్యప్రదేశ్‌, చత్తీస్‌గఢ్‌ నుంచి వేలాది మంది భక్తులు ఈ గుడికి దసరాకు వచ్చి తమ మొక్కులను తీర్చుకుంటారని కమిటీ సభ్యులు తెలియజేశారు. అసంఖ్యాక భక్తుల విశ్వాసాలకు నిలయమైన దండు మారెమ్మ గుడి పర్లాకిమిడిలో డోలా ట్యాంకు రోడ్డులో దండుమారెమ్మ వీధిలో కొలువై ఉంది. భక్తులు ఈ గుడికి వేలాది రూపాయల విరాళాలు ఇవ్వడంతో గుడి వద్ద అన్నప్రసాదాల మండపం, అమ్మవారి గుడి ముందర స్వాగత ద్వారం, అమ్మవారి కొత్త విగ్రహం ఏర్పాటు చేశారు. అక్టోబరు 11 నుంచి దసరా ఉత్సవాలు దండుమారెమ్మ దసరా శరన్నవరాత్రి ఉత్సవాలు అక్టోబరు 11 నుంచి జరపనున్నట్టు ఆలయ కమిటీ తెలియజేసింది. ఇప్పటి నుంచి అమ్మవారి గుడికి రంగులు, వెల్ల వేసి ముస్తాబు చేస్తామని తెలియజేశారు.

శాసన సభ వర్షాకాల సమావేశాల్లో 6 బిల్లులు సభలో ప్రవేశ పెట్టనున్నట్లు శాసన సభ వ్యవహారాల శాఖ మంత్రి డాక్టరు ముఖేష్‌ మహాలింగ్‌ తెలిపారు. ఎంఎండీఆర్‌ లేదా ప్రతిపక్షం లేవనెత్తిన మరేదైనా ప్రజా ప్రయోజన అంశంపైచర్చ జరుగుతుంది. స్పీకర్‌ తీసుకునే నిర్ణయం ఆధారంగా చర్చ జరుగుతుంది. రాష్ట్ర ప్రయోజనాలకు సంబంధించిన ఏ చర్చ అయినా జరుగుతుందని ముఖేష్‌ మహాలింగ్‌ అన్నారు. అఖిలపక్ష సమావేశం అనంతరం, ప్రమీలా మల్లిక్‌కు ప్రతిస్పందనగా ప్రతిపక్ష నాయకుడు మాట్లాడుతూ, తాము ఎంఎండీఆర్‌ పై చర్చను డిమాండ్‌ చేశామని అన్నారు. మేము ఇప్పటికే వేచి చూశాం, లేకపోతే పార్టీ తీసుకున్న నిర్ణయం ప్రకారమే వ్యవహరిస్తామని తెలపారు. రాష్ట్ర ప్రజల ప్రయోజనాల దష్ట్యా మేము చేస్తున్న ప్రతిపాదనలపై చర్చకు కోరామని, ఎంఎండీఆర్‌, పాఠ్యపుస్తకాల్లోని తప్పులపై చర్చకు కోరామని, ఈ విషయాన్ని మేము గట్టిగా లేవనెత్తుతామని కాంగ్రెస్‌ సభ్యుడు అశోక్‌ దాస్‌ అన్నారు.

పర్లాకిమిడి: భారత వాతావరణ శాఖ అంచనాల ప్రకారం 23, 24 తేదీల్లో తుఫాన్‌ వల్ల గజపతి జిల్లాకు ఆరెంజ్‌ అలెర్ట్‌ జారీ చేశారు. దీంతో గజపతి కలెక్టరేట్‌లో సోమవారం ఏడీఎం మునీంద్ర హానగా జిల్లా ముఖ్య అధికారులతో భువనేశ్వర్‌ నుంచి వర్చువల్‌ సమావేశానికి హాజరయ్యారు. ఈ సమావేశంలో జిల్లాపరిషత్‌ సీడీఓ దయామయ పాఢి, అత్యవసర అధికారి బినాయక్‌ రావల్‌, సబ్‌కలెక్టర్‌ భగత్‌ సామల్‌ కళ్యాణ్‌ రావ్‌, ఆర్‌అండ్‌బీ ఎగ్జిక్యూటివ్‌ ఇంజినీరు అభిషేక్‌ శెఠి, జిల్లా ముఖ్యవైద్యాధికారి, ఏడీఎం ఫల్గునీ మఝి, ఇతర అధికారులు పాల్గొన్నారు. గజపతి జిల్లాలో ఏజెన్సీ ప్రాంతాలైన గుమ్మ, రామగిరి, నువాగడలో కొండచరియలు విరిగిపడే అవకాశం ఉన్నందున ఆర్‌అండ్‌ బీ, అగ్నిమాపక దళం, బహుళార్ధ సాధక తుపాను ఆశ్రయాలు తనిఖీలు చేయాలని అధికారులను ఏడీఎం ఆదేశించారు. ఏజెన్సీలో ప్రాథమిక పాఠశాలలో ఆశ్రమం పొందిన బాధితులకు అటుకులు, బెల్లం, పంచదార, కొవ్వొత్తులు, ఆహారం అందించాలని సంబంధిత బీడీఓలను కోరారు.

జయపురం: శాంతికుజ్‌ హరిద్వార్‌ నుంచి 251 కుండీయ గాయిత్రీ మహాయజ్ఞం నిమిత్తం 251 గ్రామాల నుంచి 130 మంది ఆధ్వర్యంలో రుతుంబరా పాత్రో, నిరంజన్‌ పాణిగ్రహి, గంగాధర పాణిగ్రహి, గోపాల పాత్రోల పర్యవేక్షణలో జయపురం తీసుకువచ్చిన దివ్య శక్తి కలశానికి జయపురంలో ప్రజలు ఘన స్వాగతం పలికారు. ఝాంకఢ్‌ దేవీ మందిరం వద్ద స్థానిక ఎమ్మెల్యే తారాప్రసాద్‌ బాహిణీపతి, మహాయజ్ఞ కమిటీ అధ్యక్షుడు ప్రకాశ్‌ చంధ్ర నాయిక్‌, కమిటీ సభ్యులు వాల్మీకి ప్రధాన్‌, రజిత్‌ షొండి, చిన్మయ సాహు, స్థానిక సరస్వతీ శిశు మందిర ప్రధాన ఉపాధ్యాయులు, గురువులు కార్యకర్తలు కలశాన్ని ఎత్తి శోభాయాత్రలో పాల్గొన్నారు. అనంతరం స్థానిక లింగరాజ్‌ నగర్‌ గల గాయత్రీ ప్రజ్ఞా పీఠం వద్ద పంకజనయన పాత్రో, కిశోర్‌ నాయిక్‌, సురేష్‌ సాహు, ప్రమీలా మహాపాత్ర, దివ్య శక్తి కలశానికి స్వాగతం పలికారు. గురుద్వార్‌ నుంచి భజన సింగ్‌తో పాటు అన్ని ఆధ్యాత్మిక, సామాజిక సంస్థలు యువజన సంఘాలు, నగర వాసులు, మేధావులు పుష్పగుచ్ఛాలు పూల దండలతో, గంటలు మోగిస్తూ, తాళాలు, మృదంగాలు వాయిస్తూ, శంఖాలు పూరిస్తూ స్వాగతం పలికారు.

శ్రీకాకుళం (పీఎన్‌కాలనీ): స్థానిక సంస్థల ఎన్నికల్లో బీసీలకు 34 శాతం రిజర్వేషన్లు కల్పిస్తామని సీఎం చంద్రబాబునాయుడు చెప్పడం కేవలం ఓట్ల కోసమేనని, అదంతా బూటకమని సీపీఐ రాష్ట్ర కార్యదర్శి వర్గ సభ్యుడు డేగ ప్రభాకర్‌ విమర్శించారు. శ్రీకాకుళం నగరంలోని క్రాంతిభవన్‌లో ఆదివారం సీపీఐ జిల్లా కార్యవర్గ, సమితి సమావేశం నిర్వహించారు. జిల్లా కార్యవర్గ సభ్యుడు చాపర సుందర్‌లాల్‌ అధ్యక్షతన జరిగిన ఈ సమావేశంలో మాట్లాడుతూ బీసీ ఓట్లను తమకు అనుకూలంగా మలుచుకోవడానికి చంద్రబాబు డ్రామాడుతున్నారని దుయ్యబట్టారు. రిజర్వేషన్లు 50 శాతం మించకూడదని ఇప్పటికే సుప్రీంకోర్టు స్పష్టమైన తీర్పులిచ్చిందని, అలాంటప్పుడు చంద్రబాబు ఇచ్చిన హామీ అమలయ్యే పరిస్థితే లేదన్నారు. రాష్ట్రంలో తీవ్ర కరువు తాండవిస్తోందని, ఇప్పటికే 513 మండలాల్లో కరువు పరిస్థితులు ఉన్నట్లు ప్రభుత్వ అధికారులే ధ్రువీకరించారని, ఈ నేపథ్యంలో కేంద్రం నుంచి ప్రత్యేక ప్యాకేజీ వచ్చేలా రాష్ట్ర ప్రభుత్వం తక్షణమే చొరవ చూపాలని డిమాండ్‌ చేశారు. జీఎస్టీ భారాన్ని మోపడమే కాకుండా, ఇప్పుడు కొత్తగా యూపీఐ లావాదేవీలపై కూడా చార్జీలు విధించి ప్రజలను నిలువునా దోచుకునేందుకు చూస్తున్నారని కేంద్రంపై మండిపడ్డారు. ‘మార్పు రావాలి – మార్పు కావాలి’ అని ఢిల్లీలో సీపీఐ చేపట్టిన కార్యక్రమానికి ప్రజల నుంచి విశేష మద్దతు లభించిందన్నారు. అక్టోబర్‌ 13, 14, 15 తేదీల్లో జిల్లా స్థాయి శిక్షణ తరగతులను నిర్వహిస్తున్నట్లు చెప్పారు. సమావేశంలో పార్టీ జిల్లా కార్యదర్శి చాపర వెంకటరమణ, జిల్లా కార్యవర్గ, సమితి సభ్యులు పాల్గొన్నారు.

శ్రీకాకుళం పాతబస్టాండ్‌/శ్రీకాకుళం కల్చరల్‌: పర్యావరణ పరిరక్షణకు ప్రాధాన్యమిస్తూ ఆధునిక సాంకేతిక పరిజ్ఞానాన్ని ఆధ్యాత్మికతతో అనుసంధానం చేసి వినాయక ఉత్సవాలను వినూత్నంగా నిర్వహించడం అభినందనీయమని కలెక్టర్‌ స్వప్నిల్‌ దినకర్‌ పుండ్కర్‌ అన్నారు. నగరంలోని రైతు బజార్‌ జంక్షన్‌లో ఇలిసిపురం మెగా యూత్‌ కమిటీ చైర్మన్‌ హారిక ప్రసాద్‌ ఆహ్వానం మేరకు ఆదివారం కుటుంబ సమేతంగా వినాయక మండపాన్ని సందర్శించారు. అరసవల్లి సూర్యనారాయణ స్వామి రూపంలో దర్శనమిస్తున్న వినాయకుడిని దర్శించుకున్నారు. 25 అడుగుల భారీ విగ్రహాన్ని పూర్తిగా సహజ మట్టితో రూపొందించి పర్యావరణ పరిరక్షణకు గొప్ప సందేశమివ్వడం పట్ల కమిటీ సభ్యులను ప్రత్యేకంగా అభినందించారు. కాణిపాకం వినాయకుడి నమూనాను బావి నుంచి పైకి, కిందకు కదిలేలా రూపొందించిన వినూత్న సాంకేతికతను ప్రశంసించారు. ఉత్తరాంధ్రలోనే తొలిసారిగా హోలోగ్రామ్‌ సాంకేతికత ద్వారా ప్రదర్శించిన శివతాండవం, మహాగణపతి నత్య ప్రదర్శనలు వీక్షించిన ఆయన, ఇలాంటి ఆవిష్కరణలను జిల్లాలో అందుబాటులోకి తీసుకురావడం శుభపరిణామమని కొనియాడారు. కార్యక్రమంలో కమిటీ చైర్మన్‌ హారిక ప్రసాద్‌, నీహర్‌, ఇలిసిపురం మెగా యూత్‌ సభ్యులు వాసు, అప్పలనాయుడు తదితరులు పాల్గొన్నారు.

శ్రీకాకుళం కల్చరల్‌: రానున్న జనవరిలో శ్రీకాకుళంలో ఉత్తరాంధ్ర స్థాయి కవి సమ్మేళనం నిర్వహించాలని తెలుగు రచయితల వేదిక(తెరవే) ఏకగ్రీవంగా నిర్ణయించింది. ఆదివారం జిల్లా కేంద్రంలోని కిల్లాన కాంప్లెక్స్‌ ఆవరణలో అధ్యక్ష, ప్రధాన కార్యదర్శులు ఉత్తరావల్లి నాగేశ్వరరావు, ఆర్‌.వి.రమణమూర్తిల ఆధ్వర్యంలో సమావేశం నిర్వహించారు. ఈ సందర్భంగా తెరవే సభ్యుల కవితా రచనలతో ఓ పుస్తకాన్ని విడుదల చేయాలని మరో తీర్మానం ఆమోదించారు. సమావేశంలో రచయితలు కిల్లాన శ్రీనివాసరావు, మంగిపూడి శ్రీనివాసరావు, నిక్కు హరిసత్యనారాయణ, వావిలపల్లి రాజారావు, లలితారెడ్డి, తోట గోపాలరావు, బాలాజీ రవికిరణ్‌, తాళ్ళూరు విజయలక్ష్మణ్‌ తదితరులు పాల్గొన్నారు.

జయపురం: జయపురం సబ్‌డివిజన్‌ బొయిపరిగుడ సమితిలో ఎక్స్‌–కేడర్‌ ఉపాధ్యాయుల డిమాండ్ల సాధన కోసం సోమవారం ధర్మా చేపట్టనున్నట్లు విద్యాధికారులను ఆ సంఘం సభ్యులు హెచ్చరించారు. ఈ మేరకు ఆ సంఘ నేతలు బొయిపరిగుడ బ్లాక్‌ ఎడ్యుకేషన్‌ అధికారికి నోటీసు ఇచ్చారు. గత రెండు నెలలుగా ఎక్స్‌–కేడర్‌ ఉపాధ్యాయులకు జీతాలు అందటంలేదని వారు ఆరోపించారు. సెప్టెంబర్‌ 5వ తేదీన తమకు జీతాలు రాలేదని బీడీఓను కలిసి తెలిపామని, అయినా నేటివరకు రెండు నెలల జీతాలు చెల్లించలేదని వారు విమర్శించారు. మరోసారి మొమోరాండం బీఈఓకు సమర్పించి వెంటనే బకాయి జీతాలు చెల్లించాలని, లేనిచో బ్లాక్‌ ఎడ్యుకేషన్‌ అధికారి కార్యాలయం ముందు ధార్నా చేస్తామని నోటీసులో హెచ్చరించామన్నారు. అధికారుల్లో స్పందన లేదని, అందువల్ల సోమవారం ఆందోళన చేపడుతున్నట్లు సంఘ నేతలు వెల్లడించారు. ప్రతినెలా మొదటి వారంలోనే జీతాలు చెల్లించాలని, బకాయి జీతాలు వెంటనే ఇవ్వాలని తాము డిమాండ్‌ చేస్తున్నట్లు తెలిపారు. బకాయి డీఏను వెంటనే చెల్లించాలని, కొంతమంది ఉపాధ్యాయులకు పెరిగిన జీతాలు చెల్లించాలని మెమోరాండంలో డిమాండ్‌ చేస్తున్నట్లు వెల్లడించారు. ఒడిశా విద్యాలయ, గణ శిక్షా విభాగ ఉత్తర్వుల ప్రకారం ఎక్స్‌–కేడర్‌ ఉపాధ్యాయులను ప్రభుత్వ ఉద్యోగులుగా గురింపునిచ్చి ప్రమోషన్‌లు ఇచ్చి ప్రభుత్వ ఉద్యోగులకు ఇస్తున్న అన్ని సౌకర్యాలు కల్పించాలని, దసరాను దృష్టిలో పెట్టుకొని అడ్వాన్స్‌ జీతాలు ఇవ్వాలని, ఇళ్లు నిర్మించుకొనేందుకు ఆర్థిక సహాయం అందించాలని కోరుతున్నట్లు తెలిపారు. వెంటనే తమ డిమాండ్లు అమలు చేయకపోతే ఈ నెల 21వ తేదీ నుంచి ధార్నా నిర్వహిస్తామని అధికారులను హెచ్చరించామని, అధికారులు తమ డిమాండ్‌ పట్ల నిమ్మకు నీరెట్టినట్లు వ్యవహరిస్తున్నారని, అందుచేత తప్పనిసరి పరిస్థితిలో ధర్నా చేపడుతున్నట్లు వెల్లడించారు.

● ప్రత్యేక గుర్తింపు కార్డులను జారీ చేస్తున్న కేంద్రం ● వినియోగించుకోవాలంటున్న అధికారులునందిగాం: చేనేత కార్మికులకు కేంద్ర ప్రభుత్వం ప్రత్యేక గుర్తింపు కార్డులు అందజేస్తోంది. సంబంధిత శాఖ ద్వారా పెహచాన్‌ కార్డులను జారీ చేస్తోంది. మగ్గం నేసే కార్మికులకు, చేనేత అనుబంధ పనులు చేసేవారికి మేలు చేసేందుకు మినిస్ట్రీ ఆఫ్‌ టెక్స్‌టైల్స్‌ ద్వారా ఉచితంగా పెహచాన్‌ కార్డులను పంపిణీ చేస్తోంది. ఈ గుర్తింపు కార్డుల వల్ల చేనేత కార్మికులకు అధికారిక గుర్తింపు లభించడంతో పాటు ప్రభుత్వం అందించే చేనేత సంక్షేమ పథకాలు పొందడానికి, రాయితీలు, శిక్షణ, పరికరాలు వంటి ప్రయోజనాలకు అర్హత నిర్ధారణలో ఈ కార్డులు ఉపయోగపడతాయి. బ్యాంకు రుణాలు, బీమా తదితర పధకాల్లో గుర్తింపుగా ఉపయోగపడే అవకాశం ఉంది. చేనేత వృత్తిగా జీవిస్తున్న వారందరూ ఈ–పెహచాన్‌ ఆన్‌లైన్‌ పోర్టల్‌లో వివరాలు నమోదు చేసుకోవాలి. ఆధార్‌ కార్డు, పాస్‌పోర్టు సైజ్‌ ఫొటో, బ్యాంకు ఖాతా వివరాలు, సంతకం, ఫోన్‌ నంబరు, వృత్తికి సంబంధించిన వివరాలు సమర్పిస్తే ఆ వివరాల ప్రకారం చేనేత శాఖకు సంబంధించిన అధికారులు నేరుగా దరఖాస్తు చేసుకున్న కార్మికుని ఇంటికి వచ్చి పరిశీలిస్తారు. దరఖాస్తుదారులు మగ్గం నేస్తున్నారా లేదా అనుబంధ పనులైన రాట్నం నుంచి నూలు వడకడం, కండెలు

శ్రీకాకుళం న్యూకాలనీ: జిల్లా అథ్లెటిక్స్‌ క్రీడాకారుల ఎంపికలు పూర్తయ్యాయి. జిల్లా అథ్లెటిక్స్‌ అసోసియేషన్‌ ఆధ్వర్యంలో శ్రీకాకుళం కోడిరామ్మూర్తి స్టేడియం ప్రాంగణంలో జరిగిన ఈ ఎంపికలకు సుమారు 700 మంది క్రీడాకారులు హాజరయ్యారు. అండర్‌–14, 16, 18, 20 వయో విభాగాల్లో 100మీటర్లు, 200, 400, 800, 1500 మీటర్ల పరుగు పందాలు, 3కేఎం, 5కేఎం రన్స్‌, హైజంప్‌, లాంగ్‌జంప్‌, డిస్కస్‌త్రో, హేమర్‌త్రో, జావెలిన్‌త్రో, హార్డిల్స్‌ రన్స్‌, త్రోస్‌, జంప్స్‌ ఈవెంట్స్‌ను నిర్వహించారు. సెలక్షన్‌ ట్రయల్స్‌లో ప్రతిభ కనబర్చిన క్రీడాకారుల వివరాలను నమోదుచేశారు. ఎంపికై న క్రీడాకారుల జాబితాను త్వరలో వెల్లడిస్తామని అథ్లెటిక్స్‌ అసోసియేషన్‌ రాష్ట్ర, జిల్లా ఛైర్మన్‌ కొన్న వెంకటేశ్వరరావు (వాసు), రాష్ట్ర అధ్యక్షుడు, జిల్లా అధ్యక్షుడు కొన్న మధుసూదనరావు, జిల్లా కార్యదర్శి మెంటాడ సాంబమూర్తి తెలిపారు. అనంతరం సీనియర్‌ అథ్లెట్స్‌ పి.తవిటయ్య, ఎం.కామయ్య, కె.గోపిలను ఘనంగా సత్కరించారు. కార్యక్రమంలో ఒలింపిక్‌ సంఘ జిల్లా సలహాదారు పి.సుందరరావు, కె.రాజారావు, కె.హరిబాబు, కె.మాధవరావు, టి.శ్రీనివాసరావు, బి.నారాయణరావు, వి.మురళి, రామారావు, మహంతి, సంఘ ప్రతినిధులు, సీనియర్‌ క్రీడాకారులు పాల్గొన్నారు.

శ్రీకాకుళం న్యూకాలనీ: జిల్లా జూనియర్స్‌ సాఫ్ట్‌బాల్‌ జట్ల ఎంపికలు ఉత్సాహభరితంగా సాగాయి. జిల్లా సాఫ్ట్‌బాల్‌ అసోసియేషన్‌ ఆధ్వర్యంలో ఇప్పిలి జిల్లా పరిషత్‌ ఉన్నత పాఠశాలలో ఆదివారం జరిగిన జిల్లాస్థాయి బాలబాలికల సాఫ్ట్‌బాల్‌ సెలక్షన్‌ ట్రయల్స్‌కు జిల్లా నలుమూలల నుంచి క్రీడాకారులు హాజరయ్యారు. ఈ సందర్భంగా సాఫ్ట్‌బాల్‌ అసోసియేషన్‌ రాష్ట్ర ప్రధాన కార్యదర్శి, జిల్లా ప్రధాన కార్యదర్శి సూర శ్రీనివాసరావు మాట్లాడుతూ క్రీడాకారులకు ఉజ్వల భవిష్యత్తు ఉంటుందన్నారు. ఇక్కడ ఎంపికై న క్రీడాకారులను జిల్లా ప్రాబబుల్స్‌ జట్లకు ఎంపిక చేస్తామని సాఫ్ట్‌బాల్‌ అసోసియేషన్‌ రాష్ట్ర కన్వీనర్‌, జిల్లా కార్యనిర్వాహక కార్యదర్శి ఎంవీ రమణ చెప్పారు. వైఎస్సార్‌ కడప జిల్లాలో అక్టోబర్‌ 14 నుంచి 15 వరకు జరగనున్న ఏపీ రాష్ట్రస్థాయి జూనియర్స్‌ బాలబాలికల సాఫ్ట్‌బాల్‌ చాంపియన్‌షిప్‌ పోటీలకు జిల్లా జట్లను పంపిస్తామన్నారు. కార్యక్రమంలో జిల్లా సాఫ్ట్‌బాల్‌ అసోసియేషన్‌ ఉపాధ్యాక్షులు మెట్ట తిరుపతిరావు, గ్రామ సర్పంచ్‌ శ్రీనివాస్‌, ఎంపీటీసీ సత్యనారాయణ, రాంబాబు, మౌళి బాబూజీ, ఢిల్లీశ్వరరావు, దవళ పెంటయ్య, ఎ.ఢిల్లీరావు, రాజగోపాల్‌, డాక్టర్‌ పి.రమేష్‌, బి.శ్రీనివాసరావు, గౌరి, హరికృష్ణ, వెంకటరమణ, రామ్మోహన్‌, సంఘ ప్రతినిధులు పాల్గొన్నారు.

పర్లాకిమిడి: పట్టణంలో శనివారం రాత్రి వివిధ ప్రాంతాల్లో పోలీసులు పెట్రోలింగ్‌ చేపట్టారు. బహిరంగ ప్రదేశాల్లో మద్యం తాగి అక్రమ ప్రవర్తన చేస్తున్న ఆరుగుర్ని పట్టుకుని అరెస్టు చేశారు. ఆరుగురిని పోలీసు స్టేషన్‌లో ఉంచి వారిపై చట్టపరమైన చర్యలు చేపట్టినట్టు ఆదర్శ పోలీసు ష్టేషన్‌ ఐఐసీ ప్రశాంత్‌ భూపతి తెలియజేశారు.ఆటోను ఢీకొట్టిన పాల వ్యాన్‌ ఇచ్ఛాపురం రూరల్‌: పాలతో వెళ్తున్న వ్యాన్‌ ఎదురుగా వస్తున్న ఆటోను ఢీకొనడంతో ప్రయాణికులు తీవ్ర గాయాలపాలైన ఘటన ఆదివారం చోటుచేసుకుంది. కవిటి మండలం సీమూరుకు చెందిన తాపీమేసీ్త్ర శేఖర్‌ ముగ్గురు మహిళా కూలీలతో ఆటోలో ఇచ్ఛాపురం మండలం పెద్దలక్ష్మీపురం వెళ్తుండగా ఎదురుగా వస్తున్న పాలవ్యాన్‌ ఢీకొట్టింది. ఈ ఘటనలో రామయ్యపట్నంకు చెందిన లండ కాముడమ్మ మోచేతికి, మేసీ్త్ర శేఖర్‌ తలకు తీవ్రగాయాలయ్యాయి. మిగతా ఇద్దరు మహిళలు స్వల్పగాయాలతో బయటపడ్డారు. క్షతగాత్రులను హుటాహుటిన ఇచ్ఛాపురంలో ప్రైవేటు ఆసుపత్రికి తరలించగా, కాముడమ్మను మెరుగైన చికిత్సకు శ్రీకాకుళంలో ప్రైవేటు ఆసుపత్రికి తీసుకెళ్లారు. శేఖర్‌ తలకు కుట్లు వేసి చికిత్స అందజేస్తున్నారు. వివాహిత ఆత్మహత్య ఇచ్ఛాపురం: పట్టణంలోని దానంపేట కు చెందిన వివాహిత కె.మౌనిక(28) ఆత్మహత్య చేసున్నారు. కుటుంబ సభ్యులు తెలిపిన వివరాల ప్రకారం.. పట్టణానికి చెందిన కొండక వీరభద్రస్వామి (రిటైర్డ్‌ కోర్టు ఉద్యోగి), అరుణకుమారి (రిటైర్డ్‌ మున్సిపల్‌ స్కూల్‌ హెచ్‌ఎం) దంపతులకు ముగ్గురు కుమార్తెలు. పెద్దమ్మాయి మౌనిక విశాఖపట్నంలో పీజీ పూర్తిచేసి హైదరాబాద్‌లో సాఫ్ట్‌వేర్‌ ఉద్యోగం చేస్తున్నారు. విశాఖకు చెందిన రమాకాంత్‌ని ప్రేమించి 2019లో వివాహం చేసుకున్నారు. వీరికి ఇద్దరు కవల పిల్లలు. దంపతులు పోచారం పోలీస్‌స్టేషన్‌ పరిధిలోని సింగపూర్‌ టౌన్‌షిప్‌ సమీపంలోని గెలాక్షి టవర్స్‌లో నివాసముంటున్నారు. భర్త సాఫ్ట్‌వేర్‌ కంపెనీలో హెచ్‌ఆర్‌గా పనిచేస్తున్నారు. ఏం జరిగిందో గానీ ఆదివారం భర్త ఇంట్లో ఉండగానే మౌనిక ఉరివేసుకొని ఆత్మహత్య చేసుకుంది. అనుమానాస్పద మృతిగా కేసు నమోదు చేసిన పోచారం పోలీసులు మృతదేహాన్ని గాంధీ ఆసుపత్రికి తరలించి తల్లిదండ్రులకు సమాచారం అందించారు. మౌనిక మృతితో దానంపేటలో విషాదఛాయలు అలముకున్నాయి.

అరసవల్లి: ప్రత్యక్ష దైవం అరసవల్లి సూర్యనారాయణ స్వామి వారిని తెలంగాణ రాష్ట్ర పటాన్‌చెరు నియోజకవర్గ ఎమ్మెల్యే గూడెం మహిపాల్‌రెడ్డి సన్నిహితులతో కలిసి ఆదివారం దర్శించుకున్నారు. ఈఓ కె.ఎన్‌.వి.డి.వి. ప్రసాద్‌ గౌరవ స్వాగతం పలికి అంతరాలయ దర్శనం చేయించారు. ప్రధానార్చకులు ఇప్పిలి శంకరశర్మ ఆలయ విశిష్టతను వివరించారు. కార్యక్రమంలో ఆర్చకులు ఇప్పిలి రంజిత్‌ శర్మ, సాందీప్‌శర్మ, సూపరింటెండెంట్‌ కె.వెంకటేశ్వరరావు, ఆలయ పాలక మండలి సభ్యుడు కొయ్యాన రామ్మోహనరావు తదితరులు పాల్గొన్నారు. కాగా, ఆదివారం స్వామివారికి రూ.3,67,944 మేర ఆదాయం లభించిందని ఈఓ ప్రకటించారు. జిల్లా రెడ్‌క్రాస్‌కు పురస్కారం శ్రీకాకుళం కల్చరల్‌: విజయవాడలో నిర్వహించిన ‘ది ఫిఫ్త్‌ ఇన్‌సైట్‌ యాన్యువల్‌ గ్యాదరింగ్‌‘ కార్యక్రమంలో రెడ్‌క్రాస్‌ సొసైటీ శ్రీకాకుళం జిల్లా శాఖకు ఉత్తమ ప్రశంసా పురస్కారం లభించింది. మానోబంధు ఫౌండేషన్‌ మేనేజింగ్‌ ట్రస్టీ భూపతిరాజు రామకృష్ణంరాజు, ఇండియన్‌ రెడ్‌క్రాస్‌ సొసైటీ ఆంధ్రప్రదేశ్‌ రాష్ట్ర శాఖ గౌరవ అధ్యక్షుడు వై.డి.రామారావు అవార్డు అందజేశారని రెడ్‌క్రాస్‌ చైర్మన్‌ పి.జగన్మోహనరావు తెలిపారు. రెడ్‌క్రాస్‌ చేస్తున్న సేవలకు గుర్తింపుగా ఈ పురస్కారం వచ్చిందన్నారు. కోచింగ్‌ సెంటర్ల నమోదు తప్పనిసరి శ్రీకాకుళం న్యూకాలనీ: జిల్లాలో పోటీపరీక్షలకు, విద్యార్థుల ట్యూషన్‌ కోసం శిక్షణ అందిస్తున్న కోచింగ్‌ అకాడమీలు/శిక్షణా సంస్థలు తక్షణమే కోచింగ్‌ ఇన్‌స్టిట్యూట్‌ రెగ్యులేషన్‌ అండ్‌ మోనిటరంగ్‌ సిస్టమ్‌ (సీఐఆర్‌ఎంఎస్‌)లో తమ వివరాలను నమోదు చేసుకోవాలని ఇంటర్మీడియెట్‌ విద్య డీవీఈఓ/జిల్లా ఆర్‌ఐఓ రేగ సురేష్‌కుమార్‌ తెలిపారు. ఈ మేరకు ఒక ప్రకటన విడుదల చేశారు. ఏపీ ఉన్నత విద్యాశాఖ జీవో నెంబర్‌ 9లోని మార్గదర్శకాలు, ఏపీ విద్యా చట్టం 1982 నిబంధనల ప్రకారం విద్యార్థులకు పోటీపరీక్షలు, ట్యూషన్‌, కోచింగ్‌, గైడెన్స్‌, విద్యాపరమైన సహాయాన్ని అందిస్తూ 50 మంది, అంతకంటే ఎక్కువ మంది విద్యార్థులకు అందిస్తున్న అన్ని కోచింగ్‌ సంస్థలు తప్పనిసరిగా సీఐఆర్‌ఎంఎస్‌లో నమోదు చేసుకోవాల్సి ఉంటుందన్నారు. వివరాలకు జిల్లా వృత్తి విద్యాశాఖాధికారి 9440816001 నంబర్‌ను సంప్రదించాలని కోరారు. యువకులను క్షేమంగా తీసుకొస్తాం శ్రీకాకుళం పాతబస్టాండ్‌ : మలేషియాలో చిక్కుకున్న సిక్కోలు యువకులను స్వస్థలాలకు క్షేమంగా తీసుకొచ్చేందుకు చర్యలు చేపడతామని కేంద్ర మంత్రి రామ్మోహన్‌ నాయుడు భరోసా ఇచ్చారు. సోంపేట మండలం ఎర్ర ముక్కాం గ్రామానికి చెందిన చీకటి సాయి వంశీ, సిరిమామిడి గ్రామానికి చెందిన గిరిబాబు, వజ్రపుకొత్తూరు మండలానికి చెందిన చొక్కర సాయి, లండ తరుణ్‌ కుమార్‌లు మలేషియాలో చిక్కుకున్నారు. శారి కుటుంబ సభ్యులు ఆదివారం శ్రీకాకుళంలోని మంత్రిని క్యాంపు కార్యాలయంలో సమస్య వివరించారు. మంత్రిని కలసిన వారిలో మత్స్యకార నాయకులు సూరాడ చంద్రమోహన్‌, అశోక్‌, రాజు, దుర్గారావు, అఖిల్‌ తదితరులు ఉన్నారు. ఛాయరాజ్‌ రచనలు స్ఫూర్తిదాయకం శ్రీకాకుళం: ఛాయరాజ్‌ రచనలు నేటి తరానికి స్ఫూర్తిదాయకమని, వర్తమాన సామాజిక సంక్షోభాలకి పరిష్కారాలు ఛాయరాజ్‌ కవిత్వంలో లభిస్తాయని జనసాహితి జిల్లా అధ్యక్షుడు టి.శోభన్‌బాబు అన్నారు. శ్రీకాకుళంలోని ఓ కల్యాణమండపంలో జనసాహితి జిల్లా శాఖ ఆధ్వర్యంలో ప్రజా సాహిత్య, సాంస్కృతికోద్యమ కవి ఛాయరాజ్‌ 13వ వర్థంతి సభ ఆదివారం నిర్వహించారు. ఈ సందర్భంగా పలువురు వక్తలు మాట్లాడుతూ మాతృభాష మాధ్యమానికి, ప్రజల భాషకు సంఘీభావంగా ఛాయరాజ్‌ రాసిన మృతృభాష కవితను చదివి వినిపించారు. ఛాయరాజ్‌ శ్రీకాకుళంపైన ప్రచురించిన అదిగోరా తూరుపు పుస్తకాన్ని రైతు కూలీ సంఘం నాయకురాలు తాండ్ర అరుణ ఆవిష్కరించారు. కార్యక్రమంలో జనసాహితి రాష్ట్ర అధ్యక్షుడు పి.ఎస్‌.నాగరాజు, ప్రధాన కార్యదర్శులు ఎ.సురేష్‌, శివాజీ, పి.మోహనరావులు, కె.పాపారావు, శ్రీనివాసరావు, కె,.భానుమూర్తి, ప్రభాకరరావు, అప్పలనాయుడు, రచయితలు, కవులు, సాహితీత్తలు తదితరులు పాల్గొన్నారు. పుస్తకావిష్కరణ చేస్తున్న దృశ్యం

పర్లాకిమిడి: అభిమాన సంఘాల ద్వారా పలువురికి రక్తదానం చేస్తూ.. ప్రజల అభిమానం చూరగొన్న మెగాస్టార్‌ చిరంజీవి తన అభిమాన సంఘాల సభ్యులకు యాక్సిడెంట్‌ బీమా పథకం అమలు చేయడం అభినందనీయమని, ఏపీ అటవీశాఖ అభివృద్ధి కార్పొరేషన్‌ డైరెక్టర్‌ గేదెల చైతన్య అన్నారు. స్థానిక రాజవీధిలో అన్నపూర్ణా ఫంక్షన్‌ హాల్‌లో చిరంజీవి అభిమానుల సంఘ సభ్యులకు రూ.5 లక్షల ప్రమాద బీమా పథకం పాలసీ డాక్యుమెంట్ల ప్రదానోత్సవ సభలో ముఖ్యఅతిథిగా పాల్గొని మాట్లడారు. చిరంజీవి అంటే తనకు ప్రాణమని, పాతపట్నం నియోజకవర్గంలో 2019 ఎన్నికల్లో ఎమ్మెల్యేగా పోటీ చేసి ఏడువేల ఓట్లు సంపాందించానన్నారు. అనంతరం పవన్‌ కల్యాణ్‌ తనను అటవీశాఖ కార్పొరేషన్‌కు డైరెక్టర్‌గా నియమించారన్నారు. జయపురం, బరంపురం, పర్లాకిమిడి చిరంజీవి అభిమానులకు రూ.5 లక్షల ప్రమాద బీమా పాలసీ డాక్యుమెంట్లను గేదెల చైతన్య, నిర్మలా శెఠి చేతుల మీదుగా అందజేశారు. మొత్తం 18 మంది లబ్ధిదారులకు ప్రమాద బీమా పథకం పాలసీ డాక్యుమెంట్లు అందుకున్నారు. ఈ ప్రమాద బీమా పథకం పాలసీల పంపిణీ సభలో పురపాలక సంఘం చైర్‌పర్సన్‌ నిర్మలా శెఠి, ఉపాధ్యక్షులు లెంక మధు, ఒడిశా చిరు అభిమానుల సంఘం అధ్యక్షుడు వై.శ్రీనివాసరావు కన్నా, బరంపురం మెగాస్టార్‌ చిరంజీవి అభిమానుల సంఘం అధ్యక్షుడు అజయ్‌కుమార్‌, మెగా యూత్‌ చిరంజీవి ఫ్యాన్స్‌ రాష్ట్ర కో ఆర్డినేటరు ఎస్‌.గౌరీశంకర్‌ పాల్గొన్నారు. ఒడిశా చిరంజీవి అభిమాన సంఘం కార్యదర్శి అలిజింగి రాము అధ్యక్షత వహించారు.

రాయగడ: నషా రహిత సమాజంతోనే సమాజాభివృద్ధి సాధ్యమని వక్తలు అన్నరు. యువత మత్తు పదార్ధాల వినియోగం వల్ల కలిగే దుష్ప్రభావాలపై అవగాహన కల్పించడంతో పాటు నషారహిత సమాజా నిర్మాణమే లక్ష్యంగా జిల్లా అధికారులు అవగాహన కార్యక్రమాలు నిర్వహించారు. నషా ముక్త యువ వికసిత్‌ భారత్‌ సంకల్ప్‌ అభియాన్‌లో భాగంగా కై లాస్‌పూర్‌ ప్రభుత్వ ఎస్‌ఎస్‌డీ కళాశాలలో ప్రత్యేక కార్యక్రమం జరిగింది. మై భారత్‌ –రాయగడ ఆధ్వర్యంలో నిర్వహించిన కార్యక్రమానికి కళాశాల ప్రిన్సిపాల్‌ సునీల్‌ పాడితో పాటు ఉపాధ్యాయులు పాల్గొన్నారు. జిల్లా యువజన అధికారి కిశోర్‌ భేముల్వాడా ముఖ్యఅతిథిగా హాజరై మత్తుపదార్ధాల వినియోగం వల్ల యువత, కుటుంబాలు, సమాజంపై పడే ప్రతికూల ప్రభావాలను వివరించారు. కార్యక్రమంలో భాగంగా నినాదాల రచన, క్విజ్‌ పోటీలు, వివిధ సాంస్కృతిక కార్యక్రమాలు నిర్వహించారు. ప్రతిభ కనబరిచిన విద్యార్థులకు అతిథుల చేతుల మీదుగా బహుమతులు అందజేసి సత్కరించారు. ఈ సందర్భంగా విద్యార్థులు నషా ముక్తి ప్రతిజ్ఞ చేశారు. అనంతరం జాతీయ గీతాన్ని ఆలపించారు. మత్తుపదార్ధాల వ్యతిరేక అవగాహనలో భాగంగా సంతకాల సేకరణ చేపట్టారు. నషా రహిత సమాజ నిర్మాణం కోసం సందేశాలతో అవగాహన ర్యాలీ చేశారు.

పర్లాకిమిడి: గజపతి జిల్లా మోహన బ్లాక్‌ అడవ పీఎస్‌ పరిధిలో గల్లిమెరా వద్ద గత రాత్రి అడవ పోలీసులు పెట్రోలింగ్‌లో 43 గంజాయి (ముచ్చి బ్యాగుల్లో) బస్తాలు అటవీ ప్రాంతంలో పట్టుబడ్డాయి. వీటిని మోహన తహసీల్దార్‌, ఎగ్జిక్యూటివ్‌ మేజిస్ట్రేట్‌ రాజేంద్ర కుమార్‌ భుయ్యాన్‌ సమక్షంలో తూనిక వేయగా దాదాపు 1075 కిలోల గంజాయి ఉన్నట్టు నిర్ధారించారు. ఈ పెట్రోలింగ్‌లో గంజా యి తరలించడానికి ఉంచిన నిందితులు ఎవ్వరూ పట్టుబడలేదు. అడవ పోలీసు స్టేషన్‌లో ఎన్‌డీపీఎస్‌ చట్టం కింద కేసు నమోదుచేసినట్లు ఇన్‌స్పెక్టర్‌ సంతోష్‌ బిశోయి తెలిపారు. ఈ దాడుల్లో అడవ పోలీసులతో పాటు సబ్‌డివిజనల్‌ పోలీసు అధికారి అమితావ్‌ పండా తదితరులు పాల్గొన్నారు.

జయపురం: కొరాపుట్‌ జిల్లా కోసం జయపురం విక్రమ్‌ దేవ్‌ విశ్వవిద్యాలయంలో ‘తేజస్‌’(ట్రాన్స్‌ఫార్మింగ్‌ ఎంటర్‌ప్రీనియరల్‌ జోర్నీస్‌ ఎక్రాస్‌ స్టేట్స్‌ డిష్ట్రీక్ట్స్‌) కార్యక్రమం ఆదివారం నిర్వహించారు. డిపార్ట్‌మెంట్‌ ఫర్‌ ప్రమోషన్‌ ఆఫ్‌ ఇండస్ట్రీ అండ్‌ ఇంటర్నల్‌ ట్రేడ్‌, స్టార్టప్‌ ఇండియ, స్టార్టప్‌ ఒడిశా సహకారంతో ఈ కార్యక్రమాలు నిర్వహించారు. ఐఐటీ భువనేశ్వర్‌ రిసెర్చ్‌ అండ్‌ ఎంటర్‌ప్రీనియర్‌షిప్‌ పార్క్‌ విభాగం కోఆర్డినేషన్‌తో విశ్వవిద్యాలయ లెక్చర్స్‌ థియేటర్‌లో నిర్వహించిన ఈ కార్యక్రమం ప్రధాన లక్ష్యం విద్యార్థులు, యువత, పారిశ్రామిక వేత్తలతో స్టార్టప్‌, వ్యవస్థాపకత గురించి అవగాహన కల్పించటం, స్టార్ట్‌అప్‌ ఎకోసిస్టమ్‌తో పరిచయం చేయటం, వ్యవస్థాపక ప్రయాణానికి అందుబాటులో ఉన్న ప్రభుత్వ సహాయం, అవకాశాల గురించి తెలియజేయడమని ఐఐటీ భువనేశ్వర్‌ రిసెర్చ్‌ అండ్‌ ఎంటర్‌ప్రీనియర్‌షిప్‌ పార్క్‌ చీఫ్‌ ఎగ్జిక్యూటివ్‌ ఆఫీసర్‌ (సిఐఓ)డాక్టర్‌ శోవనకర్‌ పతి వెల్లడించారు. స్టార్ట్‌అప్‌ ఒడిశా సీఈఓ స్మృతిరంజన్‌ ప్రధాన్‌ (ఐఎఎస్‌)స్టార్టఅప్‌ ఒడిశా యొక్క వివిధ కార్యక్రమాలు వ్యవస్థాపక అభివృద్ధిని వివరించారు. జయపురం విక్రమదేవ్‌ విశ్వవిద్యాలయ వైస్‌ చాన్స్‌లర్‌ ప్రొఫెసర్‌ హృషికేష్‌ శనాపతి ప్రసంగిస్తూ యువత సాధారణ ఉద్యోగాల కోసం ప్రయత్నించటంతో పాటు, కొత్త ఆలోచనలు ఆవిష్కరణలు ద్వారా సొంత అవకాశాలను సృష్టించుకోవాలని పిలుపు నిచ్చారు. స్థానిక వనరుల ఆధారంతో కొత్త వ్యాపారాలు చేపట్టాలని ఉద్బోధించారు. అందుకు కొరాపుట్‌ జిల్లాలో వనరులు అవకాశాలు మెండుగా ఉన్నాయని అన్నారు.

జయపురం: జయపురం సబ్‌కలెక్టర్‌గా ఇటీవల బాధ్యత చేపట్టిన ఐఏఎస్‌ అధికారిణి శుభ్ర పండను స్థానిక సిటిజన్‌ ఫోరం సభ్యులు ఆదివారం మర్యాద పూర్వకంగా కలిశారు. ఈ సందర్భంగా అక్టోబర్‌ నెలలో జరుగనున్న సీనియర్‌ సిటిజన్స్‌ దినోత్సవానికి ముఖ్యఅతిథిగా పాల్గొనాలని కోరుతూ ఆహ్వాన పత్రాన్ని అందజేశారు. జయపురం సీనియర్‌ సిటిజన్‌ కమిటీ అధ్యక్షురాలు బినోదిని శాంత పాత్రో నేతృత్వంలో కమిటీ సభ్యులు సబ్‌కలెక్టర్‌ను కలిసి పుష్పగుచ్ఛం అందజేశారు. కమిటీ కార్యదర్శి జి.వేంకటరెడ్డి, కోశాధికారి రబినారాయణ నందో, సభ్యులు దేవేంద్ర బాహిణీపతి ఉన్నారు. ఎంఎండీఆర్‌ సవరణపై.. నేడు కాంగ్రెస్‌ నిరసన ర్యాలీ ● హాజరుకానున్న పీసీసీ అధ్యక్షుడు భక్తచరణ్‌ దాస్‌ రాయగడ: ఖనిజ సంపద, రాష్ట్ర ఆదాయ హక్కులు, ఆర్థిక ప్రయోజనాల పరిరక్షణ అంశాలపై కేంద్రం తీసుకొచ్చిన కొత్త ఎం.ఎం.డి.ఆర్‌ సవరణ చట్టం–2026కు వ్యతిరేకంగా కాంగ్రెస్‌ పార్టీ సోమవారం పట్టణంలో భారీ ర్యాలీ నిర్వహించనుంది. ఈ విషయాన్ని కొరాపుట్‌ పార్లమెంటు సభ్యుడు సప్తగిరి శంకర్‌ ఉలక, డీసీసీ అధ్యక్షుడు, రాయగడ ఎంఎల్‌ఏ అప్పల స్వామి కడ్రకలు వెల్లడించారు. ఈ మేరకు స్ధానిక సర్క్యూట్‌ హౌస్‌లొ ఆదివారం సాయంత్రం నిర్వహించిన విలేకర్ల సమావేశంలో కార్యక్రమాల వివరాలను తెలియజేశారు. స్తానిక కపిలాస్‌ కూడలి నుంచి సోమవారం మధ్యాహ్నం 12 గంటలకు ర్యాలీ ప్రారంభమై తేజస్వీ హొటల్‌ మైదానానికి చేరుకుంటుందన్నారు. అనంతరం అక్కడ జరిగే బహిరంగ సభలో భాగంగా పీసీసీ అధ్యక్షుడు భక్తచరణ్‌ దాస్‌, పీసీసీ మాజీ అధ్యక్షులు, కాంగ్రెస్‌ పార్టీ సీనియర్‌ నాయకులు, ఎనిమిది మంది శాసన సభ్యులు పాల్గొంటారన్నారు. కార్యక్రమానికి వివిధ ప్రాంతాల నుంచి సుమారు 25 వేల మంది వరకు హాజరు కానున్నట్టు చెప్పారు. విలేకర్ల సమావేశంలో పీసీసీ సాధారణ కార్యదర్శి దుర్గా ప్రసాద్‌ పండ, కొరాపుట్‌ ఎంపీ ప్రతినిధి భూషన్‌ బిడిక పాల్గొన్నారు. గణపతి లడ్డూ రూ.66,999 పర్లాకిమిడి: స్థానిక మార్కెట్‌ స్క్వేర్‌ వస్త్ర దుకాణాల బజార్‌లో గణపతి నవరాత్రి ఉత్సవాల సందర్భంగా వినాయక లడ్డూ ప్రసాదాన్ని ఆదివారం వేలం వేశారు. ఈ వేలం పాటలో కోమటివీధిలో అనేక మంది వ్యాపారులు పోటీ పడగా చివరికి పైడిశెట్టి అమృతరావు కుమారులు గిరీష్‌, నితీష్‌ రూ.66,999 దక్కించుకున్నారు. పైడిశెట్టి కుటుంబీకులను వేదికపైకి పిలిచి గజపతి చాంబర్స్‌ ఆఫ్‌ కామర్స్‌ చైర్మన్‌ పోట్నూరు రామకృష్ణ , ఫిలిం డిస్ట్రీబ్యూటర్స్‌ అసోసియేషన్‌ అధ్యక్షుడు వైశ్యరాజు బాలాజీ రాజు ఘనంగా సన్మానించారు. ఈ కార్యక్రమంలో మార్కెట్‌ వీధి గణపతి ఉత్సవ కమిటీ సభ్యులు జామి పోలిశెట్టి, బోయిన కృష్ణ, కోరాడ హరి, తదితరులు పాల్గొన్నారు.

జయపురం: దేశ చరిత్రలో మైసూరు తర్వాత అంత గొప్పగా, ఆడంబరంగా జరిగే జయపురం దసరాను అంగరంగ వైభవంగా నిర్వహించాలని జయపురం సబ్‌డివిజన్‌ దసరా నిర్వహణ కమిటీ నిర్ణయించింది. నేడు స్థానిక పురపాలక సంస్థ కౌన్సిల్‌ సభా గృహంలో దసరా పూజ కమిటీ అధ్యక్షుడు, జయపురం ఎమ్మెల్యే తారా ప్రసాద్‌ బహిణీపతి అధ్యక్షతన జరిగింది. దసరా పూజలు సన్నాహక సమావేశంలో దసరా వేడుకలు అంగరంగ వైభవంగా ప్రజా రంజకంగా నిర్వహించేంధుకు అన్ని కోణాలపైన సుదీర్ఘంగా సమావేశం చర్చించింది. అక్టోబర్‌ 3 వ తేదీన మూలాష్టమి నాడు దసరా ఉత్సవాలకు శ్రీకారం చుట్టాలని, ఆ నాటి నుంచి అవిభక్త కొరాపుట్‌ జిల్లాలలో గల పలు దేవతలను జయపురం దసరాకు ఆహ్వానించాలని సమావేశం నిర్ణయించింది. ప్రజల ఆరాద్య దేవి మా భగవతి పీఠంలో పూజలు చేసి దసరా పూజలకు శ్రీకారం చుట్టాలని నిర్ణయించింది. దసరా సందర్భంగా వివిధ ఆలయాలల వద్ద భక్తులకు తాగు నీరు, విద్యుత్‌ దీపాల ఏర్పాట్లు చేయాలని తీర్మానించింది. అక్టోబర్‌ 11 నుంచి 18 వ తేదీ వరకు మాభగవతీ మందిరం నుంచి మా విజయ దేవి జయపురంలో నగరసంచార కార్యక్రమం, జయపురం దసరా ఉత్సవాల్లో పాల్గొనేందుకు వచ్చే వివిధ గ్రామ దేవతల లాఠీలు, లాఠీదారులకు వసతి, ఇతర సౌకర్యాలు కల్పించే విషయంపై సమావేశం చర్చించింది. అక్టోబర్‌ 16 వ తేదీ మహా అష్టమి రోజున మా దక్షిణ కాళీ దేవికి సునావేష కార్యక్రమం, అక్టోబర్‌ 19 వ తేదీన మా భగవతీ దేవి సునావేశ (బంగారు అలంకరణ) కార్యక్రమాలు, 18 వ తేదీన దసరా పొడియలో అపరాజిత పూజలు నిర్వహించేందుకు నిర్ణయించారు. దసరా ఉత్సవాల్లో 4 పూజా మండపాలను ఏర్పాటు చేసి వివిధ సాంస్కృతిక కార్యక్రమాలు నిర్వహించాలని సమావేశం నిర్ణయించింది. 20వ తేదీ రాత్రి అనాదిగా వస్తున్న సంప్రదాయంగా దసరా శోభాయాత్ర నిర్వహించ నున్నట్లు వెల్లడించారు. దసరా పొడియాలో రావణ దహణం అనంతరం శోభాజాత్రతో అపరాజితా పూజ ముగిస్తుందని తెలిపారు. అష్టమి, నవమి, దసమి రోజుల్లో పట్టణంలో మద్యం అమ్మకాలు బందు చేసేందుకు నిర్ణయించారు.

మల్కన్‌గిరి: మల్కన్‌గిరి జిల్లా మత్తిలి సమితి బలదియాగూఢ గ్రామం వద్ద ఆదివారం ఓ కారు చెట్టును ఢీకొట్టింది. ఈ ఘటనలో డ్రైవర్‌కు తీవ్ర గాయాలయ్యాయి. మల్కన్‌గిరి నుంచి జయపురం వెళ్తున్న కారు అదుపు తప్పి రహదారి పక్కనే ఓ చెట్టును ఢీకొట్టింది. అటుగా వస్తున్న స్థానికులు కొందరు చూసి వెంటనే డ్రైవర్‌ను మత్తిలి ఆరోగ్య కేంద్రానికి తరలించారు. డ్రైవర్‌ వివరాలు తెలియాల్సి ఉంది. వేర్వేరు రోడ్డు ప్రమాదాల్లో ముగ్గురు మృతి భువనేశ్వర్‌: ఆదివారం రాష్ట్రంలో ఖొర్దా, బౌధ్‌ జిల్లాల్లో రెండు వేర్వేరు రోడ్డు ప్రమాదాలు జరిగాయి. ఖొర్దాలో 2 మంది, బౌధ్‌లో ఒకరు మరణించారు. మరొకని పరిస్థితి విషమంగా కొనసాగుతుంది. ఖుర్దాలో 16వ నంబరు జాతీయ రహదారిపై సరుకులతో వెళ్తున్న ట్రక్కును ఒక ట్రాలరు వెనుక నుంచి ఢీకొట్టింది. ఈ ఘటనలో ట్రాలరు డ్రైవర్‌, హెల్పర్‌ మృతి చెందారు. ఖుర్ధా టౌన్‌ ఠాణా పోలీసులు ప్రమాదం సంభవించిన ప్రాంతం తోటపడ చౌక్‌ సందర్శించారు. బౌధ్‌లో జరిగిన మరో ఘటనలో ఒక కారు ఢీకొట్టడంతో ఒక వ్యక్తి మరణించగా, మరొకరు తీవ్రంగా గాయపడ్డారు. ఫుల్బణి నుంచి బౌధ్‌ వైపు వెళ్తుండగా ఈ దుర్ఘటన చోటు చేసుకుంది. విద్యుత్‌ షాక్‌తో యువకుడి మృతి మల్కన్‌గిరి: విద్యుత్‌ షాక్‌తో యువకుడు ప్రాణాలు కోల్పోయాడు. ఈ సంఘటన మల్కన్‌గిరి సదర్‌ పోలీసుస్టేషన్‌ పరిధిలోని ఐఎంఎస్‌టీ పాఠశాల ఎదురుగా ఉన్న ఓ మోటర్‌సైకిల్‌ గ్యారేజీలో ఆదివారం చోటుచేసుకోగా.. మాధవ్‌ ఓఝా (23) మృతి చెందాడు. మాధవ్‌ పోడియా సమితి ఎం.పి.వి.56 గ్రామానికి చెందిన యువకుడు. గత ఏడాది నుంచి గ్యారేజీలో పని చేస్తున్నాడు. ఎప్పటిలాగే ఆదివారం ఉదయం విధుల్లో భాగంగా గ్యారేజీ తెరిచి శుభ్రం చేసే క్రమంలో ఎయిర్‌ కంప్రెసర్‌ మిషన్‌ బటన్‌ ఆన్‌ చేస్తుండగా విద్యుత్‌ షాక్‌కు గురయ్యాడు. అపస్మారిక స్థితిలో పడిపోయిన అతన్ని గ్యారేజీ యజమాని, స్థానికులు గమనించి మల్కన్‌గిరి ప్రభుత్వాస్పత్రికి తరలించారు. పరీక్షించిన వైద్యులు అప్పటికే మృతి చెందినట్టు నిర్ధారించారు. సమాచారం తెలుసుకున్న విద్యుత్‌ శాఖ సిబ్బందికి గ్యారేజీకి సరఫరాను నిలిపివేశారు. మల్కన్‌గిరి పోలీసులు ఆస్పత్రికి చేరుకోని కేసు నమోదు చేశారు. యువకుడి మృతదేహాన్ని పోస్టుమార్టం నిమిత్తం ఆస్పత్రికి తరలించారు. అమ్మాయిని వేధించిన సైబర్‌ నేరగాడు అరెస్టు పర్లాకిమిడి: అమ్మాయిని వేధించి సోషల్‌ మీడియాలో మార్ఫింగ్‌ ఫొటోలు పోస్టులు పెడుతున్న సైబర్‌ నేరగాడు గజపతి పోలీసులు అరెస్టుచేశారు. ఒడిశాలో బాలేశ్వర్‌ జిల్లా సోరో పీఎస్‌ పరిధిలో నువాపూర్‌ గ్రామానికి చెందిన భరత్‌ కుమార్‌ మహారాణాను సైబర్‌ పోలీసులు ఈనెల 20, ఉదయం 9 గంటలకు అరెస్టుచేసి పర్లాకిమిడి జిల్లా కోర్టులో హాజరు పరిచారు. వివరాలు ఇలా వున్నాయి. గజపతి జిల్లా ఆర్‌.ఉదయగిరి బ్లాక్‌ రామగిరి గ్రామానికి చెందిన అర్చితా మాలి (26) కుటుంబ ఆర్థిక పరిస్థితుల వల్ల 2023లో చైన్నెకి వెళ్లి అక్కడ ఒక షాపింగ్‌ మాల్‌లో ఉద్యోగంలో చేరింది. కొన్నా ళ్ల తర్వాత బాలేశ్వర్‌ జిల్లా నువాపూర్‌కు చెందిన భరత్‌ కుమార్‌ మహారాణాతో పరిచయం ఏర్పడింది. తన స్నేహితులతో నివాసం వుంటున్న అర్చితా రెండేళ్ల తర్వాత ఉద్యోగం నచ్చక తిరిగి తన స్వగ్రామం రామగిరికి వచ్చింది. అప్పటి నుంచి ఈ భరత్‌ కుమార్‌ మహారాణా ఫోన్లు చేసి తిరిగి చైన్నె రావాల్సిందిగా చేశాడు. అమె ససేమిరా అనడంతో ఆమె ఫొటోలను మార్ఫింగ్‌ చేసి ఇన్‌స్టా, ఫేస్‌బుక్‌లో పెట్టి హింసించాడు. దీంతో అర్చితా విసిగిపోయి పర్లాకిమిడి సైబర్‌ పోలీసు స్టేషన్‌లో భరత్‌కుమార్‌పై ఫిర్యాదుచేసింది. పోలీసుల ఈ సైబర్‌ కేసును దర్యాప్తు చేసి నిందితుడు భరత్‌ కుమార్‌ మ హారాణాను బాలేశ్వర్‌ జిల్లాలో పట్టుకుని పర్లాకిమిడి పోలీస్‌ స్టేషన్‌కు తీసుకువచ్చారు. నిందితుడిని జిల్లా కోర్టులో హాజరుపరిచారు.

సోమవారం శ్రీ 21 శ్రీ సెప్టెంబర్‌ శ్రీ 2026పర్లాకిమిడి: కాశీనగర్‌ సమితిలో కె.సీతాపురం గ్రామంలో విశ్వబ్రాహ్మణ సంఘం ఆధ్వర్యంలో విశ్వకర్మ పూజలు ఘనంగా నిర్వహించారు. ఆదివారంనాడు భక్తిశ్రద్ధలతో నిమజ్జన కార్యక్రమం చేపట్టారు. అనంతరం తీర్థ ప్రసాదాలు పంచిపెట్టారు. గణపతి నిమజ్జనం పర్లాకిమిడి: గణపతి పూజలు పరిసమాప్తం కావడంతో ఆదివారం నాడు పర్లాకిమిడిలో వినాయకుల నిమజ్జన ఉత్సవాలు సాయంత్రం ఘనంగా నిర్వహించారు. మార్కెట్‌ జంక్షన్‌, అంకావీధి, జంగంవీధిలతో పాటు పలు కూడళ్లలో ఉన్న గణేష్‌ విగ్రహాలను మహేంద్రతనయ నది, సీతాసాగరాలకు నిమజ్జనానికి భక్తులు తరలించారు.

మల్కన్‌గిరి: యువత పారిశ్రామిక వేత్తలుగా ఎదగాలని జిల్లా కలెక్టర్‌ ప్రధమేశ్‌ అర్వింద్‌ రాజాశిర్కే అన్నారు. మల్కన్‌గిరిలోని ప్రభుత్వ ఐటీఐలో డి.పి.ఐ.ఐ.టి ఆధ్వర్యంలో తేజ్‌స్‌ వర్క్‌షాప్‌ను ఆదివారం నిర్వహాంచారు. ఈ వర్క్‌షాప్‌ ద్వారా టియర్‌–2, టియర్‌–3 ప్రాంతాల్లో అట్టడుగు స్థాయి ఆవిష్కరణలు, పారిశ్రామిక వేత్తలను ప్రోత్సహించడం ద్వారా వికసిత్‌ భారత్‌ 2040 లక్ష్యాన్ని సాకారం చేయడం కార్యక్రమం ఉద్దేశమని కలెక్టర్‌ అన్నారు. ఉపాధి అవకాశాలను యువత అందిపుచ్చుకోవాలని చెప్పారు. పలువురు పారిశ్రామిక వేత్తలు పాల్గొన్నారు.

కొరాపుట్‌: పాత్రికేయులు మీడియా ముసుగులో అతి చేయడం సరికాదని జయపూర్‌ ఎమ్మెల్యే తారాప్రసాద్‌ బాహిణీపతి హితవు పలికారు. శుక్రవారం కొరాపుట్‌ జిల్లా కేంద్రంలో జరిగిన దిశ సమావేశం వద్ద జరిగిన వివాదంపై శనివారం వివరణ ఇచ్చారు. దిశ మీటింగ్‌ వద్ద పాత్రికేయ దంపతులు మీడియా స్వేచ్ఛ పేరిట తనతో దురుసుగా వ్యవహరించారన్నారు. తాను ఇప్పటివరకు 5 సార్లు ఎమ్మెల్యేగా గెలిపొందినా రాష్ట్రవ్యాప్తంగా పాత్రికేయులతో స్నేహ సంబంధాలు కొనసాగిస్తున్నానని పేర్కొన్నారు. కానీ దిశ మీటింగ్‌ వద్ద ఒక పాత్రికేయ దంపతులు తన వద్ద బైట్‌ తీసుకొని కూడా అసందర్భ ప్రశ్నలు వేశారని తెలిపారు. అంతేకాకుండా బైట్‌ తీసుకున్న తర్వాత కూడా తనను అడ్డగించడం మీడియా మిత్రుల సమక్షంలో జరిగిందన్నారు. ఈ విషయంపై తాను సదరు మీడియా యజమాన్యానికి ఫిర్యాదు చేస్తానని చెప్పినా తనతో వాదనకి దిగారన్నారు. జిల్లా కలెక్టర్‌ కూడా ఆ సమయంలో ఉన్నారని, అంతేకాకుండా ఇతర అధికారులు కూడా చూశారన్నారు. మీడియా చేతిలో ఉందని చెబుతూ బెదిరించడం, తగవులు పెట్టుకోవడం సరికాదన్నారు. సదరు మీడియా దంపతుల వైఖరిని అందరూ పరిశీలించాలని విజ్ఞప్తి చేశారు.

కొరాపుట్‌: మితిమీరిన వేగంతో వచ్చిన బొలేరో వాహనం ఢీకొనడంతో ద్విచక్ర వాహనదారుడు మృతి చెందారు. వివరాల్లోకి వెళ్తే.. కొరాపుట్‌ జిల్లా లక్ష్మీపూర్‌ సమితి చంపి గ్రామ పంచాయతీ తిమెజోల గ్రామానికి చెందిన మజ్జి హిక్కాక (35) ద్విచక్ర వాహనంపై వెళ్తున్నాడు. అతను తోయాపుట్‌ గ్రామం వద్దకు వచ్చేసరికి అతివేగంగా వచ్చిన బొలేరో వాహ నం వెనుకనుంచి ఢీకొంది. దీంతో హిక్కాక దూరంగా ఎగిరిపడి తీవ్రగాయాలు పాలవ్వడంతో మృతి చెందాడు. ఘటనకు కారణమైన బొలేరో డ్రైవర్‌ పరారయ్యాడు. దీంతో బాధిత కుటుంబ సభ్యులు లక్ష్మీపూర్‌ పోలీస్‌స్టేషన్‌ ఎదుట ధర్నాకి దిగారు. మృతునికి ముగ్గురు పిల్లలు ఉన్నారని, వారికి ఆర్థిక సాయం చేయాలని నినాదాలు చేశారు. పోలీసులు ఆందోళనకారులతో చర్చలు జరుపుతున్నారు.

పర్లాకిమిడి: పర్లాకిమిడి – రాణిపేట రోడ్డు గుమ్మగెడ్డ వద్ద శనివారం వేకువజామున అక్రమంగా నిల్వచేసిన మరో బాణసంచా గోదామ్‌లో ఆదర్శ పోలీసుస్టేషన్‌ సిబ్బంది సోదాలు చేసి విలువైన బాణసంచాను స్వాధీనం చేసుకున్నారు. సంబంధిత వర్గాలు ఇచ్చిన సమాచారం మేరకు పోలీసులు రైల్వే గేటు వద్ద ఉన్న బాణసంచా గోడౌన్‌లో సోదాలు చేయగా సుమారు రూ.3 లక్షల విలువైన సామగ్రి లభించింది. ఈ గోదాము స్థానిక కొత్త బస్లాండ్‌కు చెందిన బల్ల మహేష్‌ కుమారుడు బల్ల వికాస్‌దిగా గుర్తించారు. నిల్వ ఉంచిన బాణసంచాకు సంబంధించి ఎటువంటి అనుమతులు లేనట్లు గుర్తించారు. దీంతో గోదాము సీజ్‌చేసి, కేసు నమోదు చేశారు. ఆవిష్కార్‌ సీజన్‌–4 పోస్టర్‌ ఆవిష్కరణ టెక్కలి : టెక్కలి ఆదిత్య ఇంజినీరింగ్‌ కళాశాలలో నిర్వహించనున్న ఆవిష్కార్‌ సీజన్‌–4కు సంబంధించి శనివారం పోస్టర్‌ ఆవిష్కరించారు. ఈ సందర్భంగా కళాశాల డైరెక్టర్‌ వి.వి.నాగేశ్వరరావు మాట్లాడుతూ మారుతున్న సాంకేతిక పరిజ్ఞానాన్ని అందిపుచ్చుకుని సమాజానికి ఉపయోగపడేలా వినూత్నమైన ఆవిష్కరణలు రూపకల్పన కోసం ఆవిష్కార్‌ పేరుతో కార్యక్రమం నిర్వహిస్తున్నట్లు వెల్లడించారు. కార్యక్రమంలో ప్రిన్సిపాల్‌ ఎ.ఎస్‌.శ్రీనివాసరావు, ఐతం రైజ్‌ సీఈఓ బి.మనోజ్‌కుమార్‌, కన్వీనర్‌ జి.సతీష్‌కుమార్‌, కో–కన్వీనర్‌ పి.శిరీషా, శాక్‌ ఇన్‌చార్జి జె.సురేష్‌ పాల్గొన్నారు. 26న రెడ్‌ రన్‌ అరసవల్లి: హెచ్‌ఐవీపై అవగాహన కల్పించే క్రమంలో జిల్లా కేంద్రంలోని 80 ఫీట్‌ రోడ్డులో ఈ నెల 26న ఉదయం 5.30 గంటల నుంచి రెడ్‌ రన్‌ నిర్వహిస్తున్నట్లు జిల్లా వైద్యారోగ్య శాఖాఽధికారి డాక్టర్‌ నరేష్‌కుమార్‌ ఒక ప్రకటనలో తెలిపారు. మొదటి బహుమతిగా రూ.10 వేలు, ద్వితీయ బహుమతిగా రూ.7 వేలు వంతున బహుమతులు అందిస్తామని ప్రకటించారు. ఆసక్తి గల యువకులు ఈ నెల 24లోగా 9494474206 నంబర్‌కు ఫోన్‌ చేసి పేర్లు నమోదు చేసుకోవాలని సూచించారు. శతాధిక వృద్ధురాలి మృతి గార: బూరవెల్లి గ్రామానికి చెందిన వృద్ధురాలు మళ్ల సరస్వతమ్మ (105) శనివారం మృతి చెందారు. ఈ వయసులోనూ తన పనులు తానే చేసుకునేవారని, ముందు రోజు అస్వస్థతకు గురయ్యారని కుటుంబ సభ్యులు తెలిపారు. ఎంపీపీ గొండు రఘురామ్‌, పార్టీ సీఈసీ సభ్యుడు గొండు కృష్ణమూర్తి తదితరులు సరస్వతమ్మ భౌతికకాయానికి నివాళులర్పించారు. బీఆర్‌ఏయూలో ఫేక్‌ ఆర్డర్ల కలకలం ● నియామకాలపై అనుమానాలు ● ఉద్యోగాల పేరుతో దందా ఎచ్చెర్ల: ఎచ్చెర్లలోని అంబేడ్కర్‌ యూనివర్సిటీ తరచూ వివాదాల్లో చిక్కుకుంటోంది. విశ్వవిద్యాలయం పేరుతో నకిలీ నియామక ఉత్తర్వులు చెలామణీ అవుతున్నాయన్న ప్రచారం విద్యార్థి, ఉద్యోగ వర్గాల్లో కలకలం రేపింది. ఇక్కడ నిరుద్యోగులకు క్లర్క్‌, ఇతర పోస్టుల పేరుతో నకిలీ జాయినింగ్‌ లెటర్లు ఇస్తున్నట్లు సమాచారం. తాజాగా సోషల్‌ మీడియాలోనూ ఓ సర్క్యులర్‌ చక్కర్లు కొడుతోంది. అధికారిక ఈ మెయిల్‌ బదులు ప్రైవేటు ఈ మెయిల్‌ ఉండటం, అక్షర దోషాలు, ఫొటోలు అంటించడంతో ఇది నకిలీదే అయ్యే అవకాశం ఉందని స్పష్టం చేస్తున్నాయి. అమాయక నిరుద్యోగల నుంచి డబ్బులు వసూలు చేసేందుకు ఓ ముఠా ఇలాంటి నకిలీ ఆర్డర్లు సృష్టిస్తున్నట్లు అనుమానాలు వ్యక్తమవుతున్నాయి. అక్రమ నియామకాల ఆరోపణ విశ్వవిద్యాలయంలో కొన్ని నియామకాలకు నిబంధనలు పాటించడం లేదన్న ఆరోపణలను ఉన్నాయి. విశ్వసనీయ వర్గాల సమాచారం ప్రకారం గతంలో ఒక ఉన్నత ఉద్యోగి వద్ద పీఏగా పనిచేసిన వ్యక్తి చుట్టూ ఈ అనుమానాలు తిరుగుతున్నాయి. ఈ వ్యక్తి ప్రభావంతో కొన్ని నియామకాలు జరిగాయని ఆరోపణలు ఉన్నాయి. అయితే ఇప్పటివరకూ ఈ ఆరోపణలపై అధికారికంగా ఎలాంటి ఫిర్యాదు నమోదు కాలేదు. ఫేక్‌ ఆర్డర్లపై విశ్వవిద్యాలయం పోలీసులకు ఫిర్యాదు చేసి అధికారిక ప్రకటన విడుదల చేయాలని, గత రెండేళ్లలో జరిగిన అన్ని తాత్కాలిక, అవుట్‌ సోర్సింగ్‌ నియామకాలపై ఉన్నత స్థాయి విచారణ జరపాలని విద్యార్థులు కోరుతున్నారు.

శ్రీకాకుళం పాతబస్టాండ్‌: నిర్భయ్‌ ఫండ్‌తో మహిళలకు రక్షణ, భద్రతా సౌకర్యాలు ఏర్పాటు చేసేందుకు రాష్ట్రంలో శ్రీకాకుళం జిల్లాను ఎంపిక చేసినట్లు కలెక్టర్‌ స్వప్నిల్‌ దినకర్‌ పుండ్కర్‌ తెలిపారు. శనివారం జిల్లా కలెక్టర్‌తో కేంద్ర ప్రభుత్వ అధికారులు వర్చ్వుల్‌గా సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ మహిళలకు పింక్‌ టాయిలెట్లు, సీసీ టీవిలు, క్రిటికల్‌ కేర్‌ యూనిట్లు, చార్జింగ్‌ స్టేషన్లు, చీకటి ప్రదేశంలో హైమాస్క్‌ లైట్లు, పోలీస్‌ శాఖ పానిక్‌ బటన్‌ సౌకర్యం, సెల్ఫ్‌ డిఫెన్స్‌ శిక్షణ కల్పిస్తున్నట్లు వివరించారు. కార్యక్రమంలో మున్సిపల్‌ కార్పొరేషన్‌ కమిషనర్‌ శ్రావణ్‌కుమార్‌, డీఎస్పీ వివేకానంద, డీటీసీ మణికుమార్‌, జిల్లా ప్రజా రవాణా అధికారి సీహెచ్‌ అప్పలనారాయణ, మహిళా శిశు సంక్షేమ శాఖ ప్రాజెక్టు అధికారి పి.శోభారాణి, డీసీహెచ్‌ఎస్‌ విజయలక్ష్మి, ఎంవీఐ ఆర్‌.అనిల్‌ తదితరులు పాల్గొన్నారు. తీర పరిరక్షణ అందరి బాధ్యత సోంపేట: సముద్రతీరాన్ని, పర్యావరణాన్ని పరిరక్షించుకోవాల్సిన బాధ్యత అందరిపైనా ఉందని అసిస్టెంట్‌ కలెక్టర్‌ హరి ఓం పాండ్య అన్నారు. అంతర్జాతీయ తీర ప్రాంత స్వచ్ఛత దినోత్సవం సందర్బంగా బారువ తీరంలో శనివారం మహా స్వచ్ఛత కార్యక్రమం నిర్వహించారు. పంచాయతీ సిబ్బంది, విద్యార్థులు, ట్రీ ఫౌండేషన్‌ ప్రతినిధులు, అధికారులతో కలిసి చెత్తాచెదారాలు తొలగించారు. కార్యక్రమంలో అటవీశాఖ డిప్యూటీ రేంజ్‌ అధికారి టి.దేవరాజు, మైరెన్‌ సీఐ రమేష్‌, ఎంపీడీఓ ఈశ్వరమ్మ, ట్రీ ఫౌండేషన్‌ ప్రతినిధులు సూరజ్‌ ప్రధాన్‌, కొండ సోమేశ్వరరావు, పంచాయతీ సిబ్బంది తదితరులు పాల్గొన్నారు.

రాయగడ: సుప్రీంకోర్టు మాజీ న్యాయమూర్తి, రాష్ట్ర మినరల్‌ బేరింగ్‌ ఏరియాస్‌ డవలప్‌మెంట్‌ కార్పొరేషన్‌ ఓవర్‌సైట్‌ అథారిటీ జస్టిస్‌ ఏకే పట్నాయక్‌ జిల్లాలో శుక్రవారం పర్యటించారు. ఈ సందర్భంగా జిల్లాలోని ఆరోగ్య, విద్యారంగాల మౌలిక వసతులు, ప్రభుత్వ ప్రాజెక్టుల అమలు తీరును క్షేత్రస్థాయిలో పరిశీలించారు. జిల్లా ప్రధాన ఆస్పత్రి సందర్శించిన ఆయన వివిధ విభాగాలను పరిశీలించారు. ఎక్స్‌రే యూనిట్‌, డయాలసిస్‌ యూనిట్‌, శిశు వైద్య విభాగం, జిల్లా ఎర్లీ ఇంటర్వెన్షన్‌ సెంటర్లు సందర్శించి అక్కడ అందుతున్న వైద్య సేవలు, రోగులకు కల్పిస్తున్న సౌకర్యాలపై వైద్యులు, ఆరోగ్య సిబ్బందితో చర్చించారు. హాస్పిటల్‌లో రోగులకు మరిత మెరుగైన వైద్య సేవలు అందించేందుకు అవసరమైన ఆధునిక వైద్య పరికరాలు, ఇతర మౌలిక సదుపాయాలపై అధికారులతో ఆయన సమీక్షించారు. ఓఎంబీఏడీసీ నిధుల ద్వారా అవసరమైన పరికరాలు, సౌకర్యాలను సమకూర్చే అంశంపై కూడా ప్రత్యేక దృష్టి సారించారు. అనంతరం కొలనార సమితి పరిధి చందిలి పోలీస్‌స్టేషన్‌ పరిధిలోని పార్వతీనగర్‌ ఎడ్యుకేషనల్‌ కాంప్లెక్స్‌ను సందర్శించారు. మధ్యాహ్నం 12 గంటల నుంచి 1 గంట వరకు అక్కడ కొనసాగుతున్న విద్యా కార్యక్రమాలకు అందుతున్న సౌకర్యాలు, విద్యా వ్యవస్థను పరిశీలించారు. ఆయనతో పాటు కలెక్టర్‌ అశుతోష్‌ కులకర్ణి, సీడీఎంవో డాక్టర్‌ విశ్వంబర్‌ బెహర, డీపీవో లక్ష్మీధర్‌ మహాపాత్రో తదితరులు పాల్గొన్నారు.

మల్కన్‌గిరి: ప్రతి రైతుకూ పక్కాగా ప్రభుత్వ పథకాలు అందాలని కలెక్టర్‌ ప్రథమేశ్‌ అర్వింద్‌ అన్నారు. మల్కన్‌గిరి జిల్లా పరిషత్‌ సమావేశ మందిరంలో సమీక్ష సమావేశం శనివారం నిర్వహించారు. కలెక్టర్‌ ప్రథమేశ్‌ అర్వింద్‌ ఆధ్వర్యంలో నిర్వహించిన సమావేశంలో రైతులకు డిజిటల్‌ రిజిస్ట్రేషన్‌ ప్రక్రియపై అవగాహన కల్పించాలని సూచించారు. రిజిస్ట్రేషన్‌ వలన విత్తనాలు, ఎరువులు, పంట బీమా, రుణ సదుపాయాలు ఎలాంటి ఆలస్యంగా నేరుగా పొందే అవకాశం ఉందన్నారు. కార్యక్రమంలో జిల్లా వ్యవసాయ శాఖ అధికారి అనిల్‌ ప్రహరాజ్‌ తదితరులు పాల్గొన్నారు. దసరా వేడుకలపై సన్నాహక సమావేశం జయపురం: జయపురం రాజ్‌మహల్‌లో వందేళ్ల దసరా వేడుకలు అంగరంగ వైభవంగా జరిపేందుకు రాజమహల్‌ సర్వజననీ పూజా కమిటీ సమావేశంలో నిర్ణయించారు. ఈ మేరకు సన్నాహక సమావేశాన్ని శనివారం నిర్వహించారు. సమావేశానికి పట్టణంలోని అన్ని దసరా పూజా కమిటీలను ఆహ్వానించారు. మహారాజుల కాలం నుంచి జయపురంలో అంగరంగ వైభవంగా దసరా ఉత్సవాలు జరుపుతున్న రాజమహల్‌ సర్వ జననీ పూజా కమిటీ ఈ ఏడాది దసరా పెండాల్‌లు నిర్మించేందుకు కలకత్తా నుంచి పనివారిని రప్పించాలని నిర్ణయించింది.

మల్కన్‌గిరి: జిల్లాలోని ఖోయిర్‌పూట్‌ సమితి ప్రభు త్వ పాఠశాలలో జిల్లాస్థాయి పాఠశాలల సమూహ క్రీడా పోటీలు శుక్రవారం ప్రారంభమయ్యాయి. జిల్లా విద్యాశాఖ అధికారి చిత్తరంజాన్‌ పాణిగ్రాహి అధ్యక్షతన జరిగిన కార్యక్రమానికి మల్కన్‌గిరి ఎమ్మె ల్యే నర్సంగ్‌ మడ్కామి, చిత్రకొండ ఎమ్మెల్యే మంగుఖీలో ముఖ్య అతిథులుగా హాజరయ్యారు. జిల్లా లోని ఏడు సమితులకు చెందిన 451 మంది క్రీడాకారులు ఈ పోటీల్లో పాల్గొన్నారు. ఖో–ఖో, చెస్‌, ఆర్చరీ, కబడ్డీ, హ్యాండ్‌బాల్‌ తదితర క్రీడాంశాల్లో పోటీలు జరుగుతున్నాయి. అనంతరం జాతీయ మారథాన్‌ క్రీడాకారుడు బుద్రా బిశినాయక్‌, మల్కన్‌గిరికి చెందిన రగ్బీ క్రీడాకారుడు గణేష్‌ ధాంగడా మాఝిని సత్కరించారు. కార్యక్రమంలో ఖోయిర్‌పూట్‌ పంచాయతీ సమితి అధ్యక్షుడు శ్రీవిష్ణు కిర్సానీ, స్థానిక సర్పంచ్‌ దైమతి గోల్పెడా తదితరులు పాల్గొన్నారు.

రాయగడ: జిల్లాలోని ప్రముఖ వాణిజ్య కేంద్రంగా గుర్తింపు పొందిన మునిగుడ పట్టణంలో డ్రైనేజీ వ్యవస్థ అధ్వానంగా మారడం, వీధి దీపాలు పనిచేయకపోవడంపై వ్యాపారుల సంఘం ఆగ్రహం వ్యక్తం చేసింది. సమస్యలను తక్షణమే పరిష్కరించాలని డిమాండ్‌ చేస్తూ శుక్రవారం బీడీవోకు ఐదు అంశాలతో కూడిన వినతిపత్రాన్ని సమర్పించింది. పట్టణం మీదుగా వెళ్లే ప్రధాన రాష్ట్ర రహదారికి ఇరువైపులా ఉన్న డ్రైన్లు, చెత్త, మట్టి వ్యర్థాలతో పూర్తిగా పూడుకుపోయాయని వ్యాపారులు వినతిపత్రంలో పేర్కొన్నారు. దీంతో మురుగునీరు సక్రమంగా వెళ్లకపోవడంతో కొద్దిపాటి వర్షానికే రోడ్లపై నీరు నిలిచిపోతుందని, దీంతో దుర్వాసనతో పాటు దోమలు, ఈగలు పెరిగి ప్రజలు ఇబ్బందులు పడుతున్నారని వివరించారు. గతంలో డెంగీ, స్క్రబ్‌ టైఫస్‌ వంటి వ్యాధులు ప్రబలిన నేపథ్యంలో ప్రస్తుత పారిశుద్ధ్య పరిస్థితులు ప్రజల్లో ఆందోళన కలిగిస్తున్నాయని వివరించారు. అదేవిధంగా వెలగని విద్యుత్‌ దీపాలు వంటి సమస్యలు పట్టిపీడిస్తున్నాయని పేర్కొన్నారు.

అరసవల్లి: విద్యుత్‌పై పిడుగులు ప్రతాపం చూపాయి. శుక్రవారం అర్ధరాత్రి దాటాక (తెల్లారితే శనివారం) 2 గంటల సమయం నుంచి సుమారు 5 గంటల సేపు జిల్లా కేంద్రంలో పలు ప్రాంతాల్లో విద్యుత్‌ అంతరాయం ఏర్పడింది. భారీగా ఉరుములు, పిడుగుల శబ్దాలు వినిపించడంతో స్థానికులు ఉలిక్కిపడ్డారు. భారీ వర్షానికి తోడుగా పిడుగులు నేరుగా విద్యుత్‌ ట్రాన్స్‌ఫార్మర్లపై పడటంతో ఎక్కడికక్కడ 10 వరకు ఇన్సులేటర్లు పేలిపోయాయి. అంపోలు– ఇండోర్‌ సబ్‌స్టేషన్‌ మధ్య 33 కేవీ ఫీడర్‌ లైన్‌లో చోటుచేసుకున్న ఈ ఘటనలతో శుక్రవారం అర్ధరాత్రి దాటాక.. విద్యుత్‌ సరఫరా ఆగిపోయింది. దీంతో విద్యుత్‌ శాఖ ఎస్‌ఈ జీఎన్‌ ప్రసాద్‌, ఆపరేషన్స్‌ ఈఈ పైడి యోగేశ్వరరావుల ఆదేశాలు, సూచనల మేరకు డిప్యూటీ ఈఈ చల్లా వెంకటేశ్వరరావు ఆధ్వర్యంలో సిబ్బంది వేకువజాము నుంచి యుద్ధప్రాతిపదికన విద్యుత్‌ పునరుద్ధరణ పనులు చేపట్టారు. దీంతో 5 గంటల్లో కొత్త ఇన్సులేటర్లు ఏర్పాటు చేశారు. అరసవల్లి ఆదిత్యనగర్‌ కాలనీ పరిధిలో ట్రాన్స్‌ఫార్మర్‌తో పాటు 33 కేవీ మెయిన్‌ లైన్‌లో కండక్టర్ల ఏర్పాటు పనులు చేపడుతున్న క్రమంలో శనివారం మధ్యాహ్నం కూడా సుమారు రెండు గంటల పాటు విద్యుత్‌ సరఫరా నిలిచిపోయింది. డిప్యూటీ ఈఈ చల్లా వెంకటేశ్వరరావు, లైన్‌ ఇన్‌స్పెక్టర్లు కాకర్ల శ్రీను, పాపారావులతో పాటు, లైన్‌మెన్లు, సిబ్బంది ఈ పునరుద్ధరణ పనుల్లో నిమగ్నమయ్యారు.

కొరాపుట్‌: మైదల్‌పూర్‌ పారెస్ట్‌ సెక్షన్‌ ఆఫీసర్‌ సస్పెండ్‌కు గురయ్యారు. శనివారం నబరంగ్‌పూర్‌ జిల్లా డాబుగాం రేంజ్‌ మైదల్‌పూర్‌ సెక్షన్‌ రేంజ్‌ ఆఫీసర్‌ బిఫిన్‌ కుమార్‌ హరిజన్‌ని నబరంగ్‌పూర్‌ పారెస్ట్‌ అధికారి ఉదయ్‌ సుబుద్ది సస్పెండ్‌ చేశారు. దేవబంద్‌ – జమా పొదర్‌ గ్రామాల మధ్య రోడ్డు నిర్మాణంలో అనుమతి లేకుండా 20 నీలగిరి చెట్లును నరికి ఒక వ్యాపారికి విక్రయించారు. ఈ వ్యవహరం వెలుగులోకి రావడంతో బిఫిన్‌ కుమార్‌ని వివరణ కోరారు. సరైన స్పందన లేకపోవడంతో ఫారెస్ట్‌ అధికారి సస్పెండ్‌ చేస్తూ జిల్లా కార్యాలయానికి అటాచ్‌ చేశారు.మృతదేహాల తరలింపునకు వాహనం అందజేత మల్కన్‌గిరి: జిల్లాలోని పంజాబ్‌ నేషనల్‌ బ్యాంక్‌ బ్రహ్మపూర్‌ తరుపున మల్కన్‌గిరిలో కలెక్టర్‌ ప్రథమేశ్‌ అర్వింద్‌ రాజాశిర్కేకు మృతదేహాలు తరలించేందుకు మహా ప్రస్థానం వాహనం అందజేశారు. బ్యాంక్‌ సామాజిక బాధ్యత కార్యక్రమంలో భాగంగా ఈ వాహనాన్ని అందించారు. జిల్లాలోని మారుమూల అంతర్గత ప్రాంతాల నుంచి మృతదేహాలను తరలించే సమయంలో ప్రజలు ఎదుర్కొంటున్న ఇబ్బందులను పరిష్కరించేందుకే ఈ వాహనాన్ని అందజేశామని బ్యాంక్‌ అధికారి ప్రతాప్‌ కుమార్‌ బైరింగంజాన్‌ అన్నారు. కార్యక్రమంలో మల్కన్‌గిరి ఎమ్మెల్యే నర్సింగ్‌ మాడ్కమి తదితరులు పాల్గున్నారు. శ్మశానవాటిక స్థల వివాదం పర్లాకిమిడి: కాశీనగర్‌ సమితి పరిధిలోని కె.సీతాపురం గ్రామంలో శ్మశానవాటిక స్థలానికి సంబంధించి ఇరువర్గాల మధ్య శనివారం వివాదం చోటుచేసుకుంది. గ్రామంలోని దళిత కుటుంబాలు ఎప్పటినుంచో ఒక నిర్ధిష్ట స్థలంలో అంత్యక్రియలు నిర్వహిస్తూ వస్తున్నారు. అయితే గురువారం రాత్రి ఒక వృద్ధురాలు మృతి చెందగా, ఆ స్థలంలో అంత్యక్రియలు చేసేందుకు వేరు కులంవారు ఒప్పుకోలేదు. దీంతో ఇరువర్గాల మధ్య వాగ్వాదం జరిగి పరిస్థితి ఉద్రిక్తంగా మారింది. సమాచారం అందుకున్న కాశీనగర్‌ ఎస్‌ఐ అలోక్‌ జగదాల అక్కడికి చేరుకొని ఇరువర్గాలతో మాట్లాడారు. పోలీసుల సమక్షంలో సయోధ్య కుదరడంతో అంత్యక్రియలు సజావుగా నిర్వహించారు. మద్యం అమ్మకాలపై మహిళల ఆగ్రహం జయపురం: మద్యం, నాటుసారా అమ్మకాలపై మహిళలు ఆగ్రహంతో కదంతొక్కారు. జయపురం సబ్‌ డివిజన్‌ బొరిగుమ్మ సమితి సనపొరియ గ్రామ పంచాయతీ మహిళలు పంచాయతీలో వరదలా పారుతున్న నాటుసారా అమ్మకాలపై తీవ్ర ఆగ్రహం వ్యక్తం చేస్తూ లాఠీలు, కర్రలతో రోడ్డెక్కారు. సనపొరియ పంచాయతీ గ్రామాల్లో సారా అమ్మకాలను పూర్తిగా నిలిపివేయాలని ర్యాలీ చేపట్టారు. బొరిగుమ్మ తహసీల్దార్‌ కార్యాలయం నుంచి కర్రలు, లాఠీలు చేతబట్టి సారా వ్యతిరేక నినాదాలు చేస్తూ బ్లాక్‌ ఎకై ్సజ్‌ కార్యాలయం వరకు వెళ్లి ఎకై ్సజ్‌ అధికారికి వినతిపత్రం అందజేశారు. అనంతరం బొరిగుమ్మ పోలీసుస్టేషన్‌కు వెళ్లి పోలీసు అధికారికి సైతం వినతిపత్రం అందజేశారు. అమ్మకాలు నిలిపివేయకపోతే దుకాణాలు ధ్వంసం చేస్తామని హెచ్చరించారు. ఆందోళనలో ప్రదేశ్‌ కాంగ్రెస్‌ కమిటీ కార్యదర్శి అనామ్‌ దియాన్‌ తదితరులు పాల్గొన్నారు.

రాయగడ: గ్రామీణ ప్రాంతాల్లో ఇళ్లు, భూముల యజమాన్య హక్కులను సృష్టికరించేందుకు అమలు చేస్తున్న స్వమిత్వ పథకం రాయగడ జిల్లాలో కొనసాగుతోంది. జిల్లాలోని 11 తహసీల్‌ల పరిధిలో మొత్తం 2,654 గ్రామాలకు గాను.. 2,401 గ్రామాల్లో డ్రోన్‌ సర్వే పూర్తయ్యింది. ఇప్పటివరకు 161 గ్రామాలకు చెందిన 4,276 మంది అర్హులైన లబ్ధిదారులకు ఆస్తి కార్డులు అందజేశారు. అయితే మరో 253 గ్రామాల్లో ఇంకా సర్వే పూర్తి కావాల్సి ఉంది. 2020 ఏప్రిల్‌ 24న ప్రారంభమైన స్వమిత్వా పథకంలో గ్రామీణ ఆవాస ప్రాంతాల్లోని భూములు, ఇళ్లను డ్రోన్ల ద్వారా సర్వే చేసి యజమాన్య హక్కులకు సంబంధించిన రికార్డులను రూపొందిస్తున్నారు. పంచాయతీరాజ్‌ మంత్రిత్వ శాఖ, రెవెన్యూ శాఖ, సర్వే ఆఫ్‌ ఇండియా సమన్వయంతో ఈ ప్రక్రియ కొనసాగుతోంది. డ్రోన్‌ సర్వే అనంతరం డేటా తయారీ, మ్యాప్‌ల రూపకల్పన, క్షేత్రస్తాయి పరిశీలన, డ్రాప్ట్‌ మ్యాప్‌ ప్రచురణ, అభ్యంతరాల స్వీకరణ, తుది రికార్డుల ఆమోదం వంటి దశలు పూర్తయిన తర్వాత ఆస్తి కార్డులు పంపిణీ చేస్తున్నారు. రాయగడ జిల్లాలో... రాయగడ జిల్లాలోని తహసీల్‌ల వారీగా పరిశీలిస్తే.. రాయగడ తహసీల్‌ పరిధిలో 300 గ్రామాలకు గాను 275 గ్రామాల్లో సర్వే పూర్తి కాగా.. 17 గ్రామాలకు చెందిన 809 మందికి కార్డులు అందాయి. కొలనారలో 192 గ్రామాల్లో సర్వే పూర్తయ్యి 8 గ్రామాలకు చెందిన 346 మందికి, కల్యాణసింగుపూర్‌లో 230 గ్రామాల్లో సర్వే పూర్తయి 17 గ్రామాలకు చెందిన 239 మందికి కార్డులు ఇచ్చారు. అదేవిధంగా కాసీపూర్‌లోని 364 గ్రామాల్లో సర్వే పూర్తికాగా.. 26 గ్రామాలకు చెందిన 474 మందికి, మునిగుడలోని 347 గ్రామాల్లో సర్వే పూర్తికాగా 12 గ్రామాలకు చెందిన 249 మందికి, గుడారిలో 154 గ్రామాల్లో సర్వే పూర్తయి 30 గ్రామాలకు చెందిన 891 మందికి ఆస్తి కార్డులు పంపిణీ చేశారు. రామనగుడలోని 114 గ్రామాల్లో సర్వే పూర్తయ్యి 5 గ్రామాలకు చెందిన 248 మందికి, పద్మపూర్‌లోని 123 గ్రామాల్లో సర్వే పూర్తయ్యి 17 గ్రామాలకు చెందిన 90 మందికి కార్డుల పంపిణీ చేశారు. అదేవిధంగా బిసంకటక్‌లోని 287 గ్రామాల్లో సర్వే పూర్తయ్యి 11 గ్రామాలకు చెందిన 100 మందికి, గుణుపూర్‌లోని 127 గ్రామాల్లో సర్వే పూర్తి చేసి 8 గ్రామాలకు చెందిన 548 మందికి, చంద్రపూర్‌లోని 188 గ్రామాల్లో సర్వే పూర్తిచేసి 10 గ్రామాలకు చెందిన 282 మందికి ఆస్తి కార్డులు అందించారు. 253 గ్రామాల్లో సాగని సర్వే అయితే ఇంకో 253 గ్రామాల విషయంలో పలు కారణాలతో సర్వే ప్రక్రియ ముందుకు సాగడం లేదు. వీటిలో 171 గ్రామాలు జనవాసాలు లేనివిగా ఉండగా.. మరో 20 గ్రామాలు పట్టణ ప్రాంతాల్లో విలీనమయ్యయి. అలాగే చంద్రపూర్‌ తహసీల్‌లోని 20 గ్రామాలు అటవీ భూముల పరిధిలో ఉండగా, కాసీపూర్‌లోని 18 గ్రామాలు గనుల ప్రాంతాలకు సంబంధించిన కారణాలతో పెండింగ్‌లో ఉన్నాయి. కాసీపూర్‌లో 12, కల్యాణ సింగుపూర్‌లోని 2 గ్రామాల్లో స్థానిక వివాదాలు, అసహకారం, వ్యతిరేకత కారణంగా సర్వే జరగలేదు. మునిగుడలోని మరో 7 గ్రామాల్లో డ్రోన్‌ సర్వే ఇంకా పూర్తి కావాల్సి ఉంది. ఈ నేపథ్యంలో జనవాసాలు లేని, పట్టణ ప్రాంతాల్లో విలీనమైన గ్రామాల విషయంలో పరిపాలనా స్పష్టత తీసుకురావడంతో పాటు అటవీ, గనుల ప్రాంతాలకు సంబంధించిన చట్టపరమైన, శాఖపరమైన అడ్డంకులను పరిష్కరించాల్సిన అవసరం ఉంది. స్థానికంగా వ్యతిరేకత లేదా అసహకారం ఉన్న ప్రాంతాల్లో గ్రామస్తులతో చర్చించి స్వమిత్వా పథకం ఉద్దేశం, ప్రయోజనాలపై అవగాహన కల్పించాలని పలువురు సూచిస్తున్నారు. రాయగడ జిల్లాలో 2,401 గ్రామాల్లో పూర్తి 4,276 మందికి అస్తికార్డులు పంపిణీ పలు గ్రామాల్లో ఇంకా సర్వే చేపట్టని వైనం

శ్రీకాకుళం (పీఎన్‌కాలనీ): ఎస్‌ఎఫ్‌ఐ ఆధ్వర్యంలో ఈ నెల 29న ‘నేటి యువత ఆసక్తులు, ఆలోచనలు, ఆదర్శాలు ఏమిటి?’ అనే అంశంపై జెన్‌–జెడ్‌ సెమినార్‌ నిర్వహిస్తున్నట్లు ఎస్‌ఎఫ్‌ఐ జిల్లా అధ్యక్షులు డి. చందు తెలిపారు. ఈ సందర్భంగా శనివారం శ్రీకాకుళంలోని ఎస్‌ఎఫ్‌ఐ కార్యాలయంలో సెమినార్‌కు సంబంధించిన పోస్టర్‌ను ఆవిష్కరించారు. ఈ సందర్భంగా చందు మాట్లాడుతూ నేటి యువత సమాజంపై బాధ్యతతో వ్యవహరించడం, ఇతరుల పట్ల గౌరవం కలిగి ఉండటం, భారతదేశ పౌరులుగా తమ బాధ్యతలను గుర్తించడం, సామాజిక సమస్యలపై అవగాహన పెంపొందించుకోవడం వంటి అంశాలపై ఈ సెమినార్‌లో చర్చించనున్నట్లు తెలిపారు. దేశంలో విద్యారంగంలో పెరుగుతున్న ప్రైవేటీకరణ, కార్పొరేటీకరణ, కాషాయీకరణ, విద్యార్థుల భవిష్యత్‌ను ప్రభావితం చేస్తున్న పేపర్‌ లీకేజీలు వంటి సమస్యలపై యువతలో చర్చ, అవగాహన అవసరమని పేర్కొన్నారు. కార్యక్రమంలో ఎస్‌ఎఫ్‌ఐ జిల్లా అధ్యక్షులు డి. చందు, గర్‌ల్స్‌ కన్వీనర్‌ దివ్య, జిల్లా కమిటీ సభ్యులు మురళి, జగన్‌, కార్తీక్‌, పార్థు, దివాకర్‌ తదితరులు పాల్గొన్నారు.

కొరాపుట్‌: నబరంగ్‌పూర్‌ జిల్లా 24వ ప్రణాళిక సంఘ సర్వసభ్య సమావేశం ప్రశాంతంగా జరిగింది. ప్రణాళిక సంఘం అధ్యక్షుడు, నబరంగ్‌పూర్‌ ఎమ్మెల్యే గౌరీ శంకర్‌ మజ్జి అధ్యక్షతన మిషన్‌ శక్తి సమావేశ మందిరంలో జరిగింది. దీనిలో భాగంగా కేబీకే అభివృద్ధి పథకం, తాగునీరు, విద్యుత్‌, రోడ్ల నిర్మాణం కోసం ప్రణాళికలు తయారు చేయాలని ఆదేశించారు. వస్త్ర విభాగ డైరక్టర్‌ కార్యాలయం ప్రారంభించాలని, బైపాస్‌ రోడ్డు నిర్మాణం, వైద్య కళాశాల నిర్మాణం, తదితర అంశాలపై సభ్యులు ప్రశ్నలు లేవనెత్తారు. శాంతి భద్రతల పరిరక్షణ కోసం ప్రతీ ప్రభుత్వ కార్యాలయంలో సీసీ కెమెరాల ఏర్పాటుకు సభ్యులు ప్రతిపాదన చేశారు. సమావేశంలో జిల్లా మంత్రి నిత్యానంద గొండో, కలెక్టర్‌ మహేశ్వర్‌ స్వయ్‌, జెడ్పీ ప్రెసిడెంట్‌ మెతిరాం నాయక్‌, ఎమ్మెల్యే మనోహర్‌ రఽంధారి, నర్సింగ్‌ బోత్ర తదితరులు పాల్గొన్నారు.

● వాగులో కొట్టుకుపోయిన కారు ● ఏడుగురు ఒడిశా భక్తులు దుర్మరణం భువనేశ్వర్‌: మధ్యప్రదేశ్‌లో ఒక వాగులో కారు కొట్టుకుపోవడంతో రాష్ట్రానికి చెందిన 7 మంది భక్తులు దుర్మరణం పాలయ్యారు. మధ్యప్రదేశ్‌ అగర్‌ మాళ్వా జిల్లా నల్ఖేడాలోని మా బగలాముఖి ఆలయం సమీపంలో ఈ విషాదం చోటు చేసుకుంది. బగ్లాముఖి సందర్శనార్థం ఉజ్జయిన్‌ నుంచి నల్ఖేడాకు వెళ్తుండగా ఆలయం సమీపంలో వర్షపు నీటితో ఉప్పొంగిన వాగులో వారు ప్రయాణిస్తున్న కారు కొట్టుకుపోయింది. ఆ కారులో ప్రయాణిస్తున్న ముగ్గురు పిల్లలు, ఇద్దరు మహిళలు, ఐదుగురు పురుషులు మృతి చెందారు. మృతుల్లో డ్రైవర్‌ మినహా మిగిలిన వారంతా భువనేశ్వర్‌లోని జయదేవ్‌ విహార్‌ ప్రాంతానికి చెందినవారే. మృతులు బనమాలి బెహెరా కుటుంబ సభ్యులు. ఈ ప్రమాదంలో బనమాలి కుమారుడు శివ ప్రసాద్‌ బెహెరా, కుమార్తెలు రాధా రాణి, రీతా రాణి, అల్లుడు జ్ఞానేంద్ర, ఇద్దరు మనుమలు, ఒక మనమరాలు ప్రాణాలు కోల్పోయారు. ఈ ప్రమాదంలో కృష్ణ రాజ్‌వీర్‌ అనే కారు డ్రైవర్‌ కూడా మరణించాడు. ఘటనపై సీఎం మోహన్‌ చరణ్‌ మాఝీ తీవ్ర విచారం వ్యక్తం చేశారు. మృతుల కుటుంబాలకు ప్రగాఢ సంతాపం తెలిపారు. అలాగే రాష్ట్ర గవర్నర్‌ డాక్టర్‌ హరిబాబు కంభంపాటి, ప్రతిపక్ష నాయకుడు నవీన్‌ పట్నాయక్‌ ఈ మరణాలపై విచారం వ్యక్తం చేశారు.

జయపురం: జయపురం సబ్‌ డివిజన్‌ కుంధ్రా సమితి రాణిగుడ గ్రామ పంచాయతీ శివునిగుడ గ్రామ సమీపంలోని క్వారీ పనులను గ్రామస్తులు శనివారం అడ్డుకున్నారు. వివరాల్లోకి వెళ్తే.. శివునిగుడ పర్వత ప్రాంతంలో ఒక వ్యక్తి లీజుకు తీసుకొని క్వారీ నిర్వహించేవాడు. అయితే ఏ కారణంగానో గత రెండేళ్లుగా క్వారీ నిలిపివేశాడు. మరలా నాలుగు రోజుల క్రితం క్వారీ ప్రారంభమైంది. ఈ విషయం తెలియడంతో వందలాది మంది గ్రామస్తులు క్వారీ వద్దకు వెళ్లి క్వారీ మరలా ఎందుకు నడుపుతున్నారని ప్రశ్నించారు. అయితే లీజుకు తీసుకున్న వ్యక్తి ప్రతినిధులు వచ్చి తమకు 2028 వరకు లీజు గడువు ఉందని తెలిపి గ్రామస్తులతో చర్చించారు. గ్రామంలో ముఖ్య వ్యక్తికి తెలిపి క్వారీ ప్రారంభించామని స్పష్టం చేశారు. అయితే అందుకు గ్రామస్తులు అభ్యంతరం తెలిపారు. ఈ ప్రాంతంలో మొక్కలు నాటి అడవిని సృష్టిస్తామని వారికి తెలిపి క్వారీని నిలిపివేయాలని సూచించారు. ఈ ప్రాంతాన్ని గోచర భూమిగా తమ గ్రామానికి మంజూరు చేయమని కలెక్టర్‌ను కోరగా అందుకు అనుమతి ఇచ్చారని, ఈ ప్రాంతంలో ఈనెల 15వ తేదీ నుంచి మొక్కలు నాటే కార్యక్రమానికి శ్రీకారం చుట్టామని పేర్కొన్నారు. కార్యక్రమంలో గ్రామస్తులు రాజేంద్ర మఝి, కేశవ భొత్ర, సన నాయిక్‌, భగవాన్‌ నాయిక్‌, గోవర్ధన చలాన్‌, ప్రభు చలాన్‌ తదితరులు పాల్గొన్నారు.

● దిశా సమీక్ష సమావేశంలో ఎంపీ సప్తగిరి ఉలకరాయగడ: కేంద్ర ప్రభుత్వ పథకాల అమలు, జిల్లాలో చేపడుతున్న అభివృద్ధి కార్యక్రమాల పురోగతిపై జిల్లా స్థాయి దిశా సమావేశంలో సమగ్రంగా సమీక్షించారు. జిల్లా కలెక్టరేట్‌ సమావేశ మందిరంలో కొరాపుట్‌ లోక్‌సభ ఎంపీ సప్తగిరి శంకర్‌ ఉలక అధ్యక్షతన దిశా సమావేశం శనివారం నిర్వహించారు. ఈ సందర్భంగా జిల్లాలో కేంద్ర పథకాల అమలు తీరు, మౌలిక వసతులు, ఆరోగ్యం, విద్యా, వ్యవసాయం, రహదారులు, తాగునీరు, ఉపాధి తదితర అంశాలపై చర్చించారు. సమావేశలో రా యగడ ఎమ్మెల్యే అప్పలస్వామి కడ్రక, గుణుపూర్‌ ఎమ్మెల్యే సత్యజీత్‌ గొమాంగో, బిసంకటక్‌ ఎమ్మెల్యే నీలమాధవ హికక, కలెక్టర్‌ అశుతోష్‌ కులకర్ణి, జిల్లా పరిషత్‌ అధ్యక్షురాలు సరస్వతి మాఝి, జిల్లా పరిషత్‌ ముఖ్యకార్యనిర్వాహక అధికారి అక్షయ కుమార్‌ ఖెముండొ, సబ్‌ కలెక్టర్‌ (గుణుపూర్‌) దుదూల్‌ అభిషేక్‌ దిలీప్‌, సబ్‌ కలెక్టర్‌ (రాయగడ) మృణాళికా రాథోడ్‌ తదితరులు పాల్గొన్నారు. వివిధ సమస్యలపై చర్చ సమావేశంలో భాగంగా 2023–24 నుంచి 2025–26 ఆర్థిక సంవత్సరాల్లో ఎంపీ ల్యాడ్స్‌ కింద మంజూరైన, పెండింగ్‌లో ఉన్న పనుల పురోగతిని సమీక్షించారు. మిగిలిన పనులను నెల రోజుల్లోగా పూర్తి చేయాలని అధికారులను ఆదేశించారు. బిసంకటక్‌, గుణుపూర్‌, రాయగడ ప్రాంతాల్లో ఎంపీ ల్యాడ్‌ నిధులతో మంజూరైన తరగతి గదుల నిర్మాణ పనులను త్వరగా ప్రారంభించాలన్నారు. అలాగే ఖరీఫ్‌ 2026 ప్రధాన మంత్రి ఫసల్‌ బీమా యోజన అమలుపై కూడా సమీక్ష జరిగింది. జిల్లాలో మొత్తం 49,966 మంది రైతులు పంటల బీమా పథకంలో చేరినట్లు అధికారులు తెలిపారు. ఎంటర్‌ప్రెన్యూర్‌ స్కీమ్‌, కామధేను పథకాల అమలును సమీక్షిస్తూ వాటిపై ప్రజల్లో అవగాహన పెంచాలని సూచించారు. పట్టణ ప్రాంతాల సమీపంలో సంచరిస్తున్న పశువుల కోసం గోశాలల నిర్మాణంపై కూడా చర్చించారు. జాతీయ క్షయవ్యాధి నిర్మూలన కార్యక్రమంపై సమీక్షలో జిల్లాలో 16,417 మందికి పరీక్షలు నిర్వహించగా.. 1,036 మంది టీబీ బాధితులను గుర్తించినట్లు సంబంధిత శాఖ అధికారులు వెల్లడించారు. జిల్లాలో చికిత్స విజయవంతమైన రేటు 89 శాతంగా ఉన్నట్లు తెలిపారు. జిల్లా ప్రధాన ఆస్పత్రిలో కామెర్ల సమస్య, కొలనార సమితిలోని రొబాడి ప్రాంతంలో విద్యార్థులు కామెర్ల బారినపడిన ఘటనపై కూడా చర్చించారు. అలాగే వసతి గృహాల్లో విద్యార్థులకు పరిశుభ్రమైన, సురక్షితమైన వాతావరణం కల్పించేందుకు సంబంధిత శాఖలు తక్షణ చర్యలు తీసుకోవాలని సూచించారు.

రాయగడ: రాయగడలోని ఒడిశా స్టేట్‌ బేవరేజెస్‌ కార్పొరేషన్‌ (ఓఎస్‌బీసీ) డిపోలో మద్యం లోడింగ్‌కు లంచం డిమాండ్‌ చేస్తున్నారంటూ వచ్చిన ఆరోపణలపై ఇప్పటివరకు ఎలాంటి దర్యాప్తు చేపట్టకపోవడం చర్చనీయాంశఽంగా మారింది. ఆరోపణలు వెలుగులోకి వచ్చి సుమారు రెండు వారాలు గడుస్తున్నప్పటికీ సంబంధిత శాఖ అధికారులు నిమ్మకునీరెత్తనట్లు వ్యవహరించడంపై పలు ప్రశ్నలు తలెత్తుతున్నాయి. రాయగడ ఎకై ్సజ్‌ సూపరింటెండెంట్‌ సంతోష్‌ కుమార్‌ ధళసామంత్‌కు వివరణ కోరగా, ఈ వ్యవహారంపై శాఖకు చెందిన ఒక జాయింట్‌ డైరక్టర్‌ దర్యాప్తు చేయనున్నట్లు తెలిపారు. అయితే ఇప్పటివరకు ఎలాంటి చర్యలు తీసుకోలేదని ఆయన స్పష్టం చేశారు. జిల్లా యంత్రాంగం కూడా ఈ వ్యవహారంపై దర్యాప్తు లేదా చర్యలు చేపట్టలేదని సమాచారం. ఇదీ విషయం.. ఈనెల 4వ తేదీన రాయగడ ఓఎస్‌బీసీ డిపోలో మద్యం లోడింగ్‌కు అనుమతి ఇవ్వాలంటే లంచం చెల్లించాల్సి వస్తోందని వాహన యజమాని ప్రశాంత్‌ నాయక్‌ ఆరోపించారు. గతంలో ఒకొక్క వాహనానికి రూ.10 వేలు చెల్లించేవారమని, ప్రస్తుతం ఆ మొత్తం రూ.20 వేలకు పెరిగిందని ఆయన ఆవేదన వ్యక్తం చేశారు. లంచం ఇవ్వడానికి నిరాకరిస్తే లోడింగ్‌కు అనుమతి ఇవ్వకుండా ఇబ్బందులకు గురిచేస్తున్నారని వాపోయారు. బ్రాంచ్‌ మేనేజర్‌ ఉదయ్‌లాల్‌ నాయక్‌ నేరుగా డబ్బులు తీసుకోకుండా ఓఎస్‌బీసీ అకౌంటెంట్‌ అజయ్‌ నాయక్‌ ఫోన్‌పే ఖాతా ద్వారా డబ్బులు తీసుకుంటున్నారని ప్రశాంత్‌ నాయక్‌ ఆరోపించారు. డబ్బులు చెల్లించకపొతే మద్యం దుకాణం యజమానులకు ఫోన్‌చేసి ఒత్తిడి చేస్తున్నారని పేర్కొన్నారు. అంతేకాకుండా సంబంధిత అధికారులు కావాలనే వాహనాలను రోజుల తరబడి ఓఎస్‌బీసీ వద్ద వేచి ఉండేలా చేస్తున్నారని పేర్కొన్నారు. లంచం చెల్లింపులకు సంబంధించిన డిజిటల్‌ లావాదేవీల ఆధారాలు కూడా తన వద్ద ఉన్నాయని వాహన యజమాని పేర్కొన్నట్లు సమాచారం. ఈ ఆరోపణలు తీవ్రంగా ఉన్న నేపథ్యంలో సంబంధిత శాఖ ఉన్నతాధికారులు సమగ్ర దర్యాప్తు చేపట్టి వాస్తవాలను వెలుగులోకి తీసుకురావాలని పలువురు కోరుతున్నారు.

● ఏరులై పారుతున్న నాటు ● రెండు రాష్ట్రాల అధికారుల సంయుక్త దాడులు ● కేసులు నమోదవుతున్నా తగ్గని అక్రమార్కులు హిరమండలం: జిల్లా సరిహద్దు ప్రాంతాల్లో నాటుసారా ఏరులై పారుతోంది. ముఖ్యంగా ఒడిశా సరిహద్దు ప్రాంతంలోని మహేంద్రగిరులు, ఇతర అటవీ ప్రాంతాల్లో సారా శిబిరాలు విచ్చలవిడిగా వెలుస్తున్నాయి. వాటినే చలామణి చేసి సొమ్ము చేసుకుంటున్నారు. అధికారులు దాడులు చేస్తున్నా.. కేసులు నమోదుచేస్తున్నా అక్రమార్కులు మాత్రం వెనక్కి తగ్గడం లేదు. సారాకు అలవాటుపడి ఎంతోమంది అనారోగ్యానికి గురై ఆస్పత్రిపాలవుతున్నారు. ప్రధానంగా పాతపట్నం, మెళియాపుట్టి, హిరమండలం, కొత్తూరు, టెక్కలి, సోంపేట, మందస, కంచిలి మండలాల్లోని సరిహద్దుల్లో సారా తయారీ ఎక్కువగా జరుగుతోంది. మరోవైపు సీతంపేట, భామిని, పాలకొండ మండలాల్లోని గిరిజన ప్రాంతాల్లో తయారవుతున్న సారాను తెచ్చి మరీ విక్రయిస్తున్నారు. ఒడిశా నుంచి కూడా సరుకు బాగా దిగుమతి అవుతోంది. ఒడిశా సరిహద్దు ప్రాంతాలపై ఎక్కువగా ఎకై ్సజ్‌ అధికారులు దృష్టిపెట్టారు. ఇప్పటివరకూ రెండు రాష్ట్రాల అధికారులు సంయుక్తంగా దాడులు నిర్వహించారు. సరిహద్దులోని రెండు రాష్ట్రాల పరిధిలో 10,510 లీటర్ల సారాను స్వాధీనం చేసుకున్నారు. తయారీకి ఉపయోగించే 1.54 లక్షల లీటర్ల బెల్లం ఊటను ధ్వంసం చేశారు. నీటి లభ్యత అధికంగా ఉండే మారుమూల గిరిజన గ్రామాల్లో సారా తయారు చేస్తున్నారు. వందల లీటర్ల నాటుసారాను నీటి క్యానులు, ప్యాకెట్లలో నింపి ద్విచక్ర వాహనాల్లో నిర్దేశించుకున్న ప్రాంతాలకు తరలిస్తున్నారు. ఆయా గ్రామాల నుంచి వచ్చిన సమాచారంతో ఎకై ్సజ్‌ అధికారులు దాడులు చేస్తున్నారు. కానీ సారా తయారీ, రవాణా మాత్రం ఆగడం లేదు. ఎప్పటికప్పుడు స్థావరాలు మార్చి మరీ తయారు చేస్తున్నారు. రవాణా మార్గాలను మారుస్తూ అధికారుల కళ్లుగప్పి గుట్టుగా సరిహద్దులను దాటించేస్తున్నారు. మరోవైపు ఎకై ్సజ్‌ శాఖలో సిబ్బంది కొరత అక్రమార్కులకు కలిసివస్తోంది.

రాయగడ: రైలు ప్రయాణంలో ఓ మహిళ పండంటి ఆడబిడ్డకు జన్మనిచ్చిన ఘటన జిల్లాలోని మునిగుడ–అంబోదల స్టేషన్ల మధ్య చోటుచేసుకుంది. చైన్నె నుంచి బీహార్‌ వెళ్తున్న గర్భిణీ శనివారం అలప్పుజ–ధన్‌బాద్‌ ఎక్స్‌ప్రెస్‌లో ప్రయాణిస్తుండగా, రైలు మునిగుడ దాటిన కాసేపటికే ఆమెకు పురిటినొప్పులు ప్రారంభమయ్యాయి. పరిస్థితిని గమనించిన తోటి ప్రయాణికుల సాయంతో కదులుతున్న రైలులోనే ఆడ శిశివును జన్మనిచ్చింది. విషయం తెలుసుకున్న రైల్యే అధికారులు తక్షణమే స్పందించి రైలును అంబోదల స్టేషన్‌లో నిలిపివేశారు. స్టేషన్‌ మాస్టర్‌ వెంటనే అంబులెన్స్‌, వైద్య సిబ్బందికి సమాచారం అందించారు. అంబులెన్స్‌ వచ్చేవరకు అంబొదలకు చెందిన సామాజిక కార్యకర్త ముకుంద త్రిపాఠి సహకారంతో స్థానిక వైద్య సిబ్బంది నుంచి ఒక నర్సును రప్పించారు. నర్సు రైలులోనే తల్లీబిడ్డకు ప్రాథమిక వైద్యసాయం అందించారు. రైల్వే పాయింట్స్‌ మెన్‌ గౌరంగ గంగా, ఆర్‌పీఎఫ్‌ సిబ్బంది, స్థానికులు సహాయక చర్యల్లో పాల్గొన్నారు. అనంతరం అంబులెన్స్‌లో తల్లీబిడ్డను అంబొదల ఆస్పత్రికి తరలించి చికిత్స అందించారు. ప్రస్తుతం తల్లి, నవజాత శిశువు ఇద్దరూ ఆరోగ్యంగా ఉన్నట్లు వైద్యులు తెలిపారు. ఈ ఘటనలో రైల్వే సిబ్బంది, వైద్య సిబ్బంది, ప్రయాణికులు సమయస్ఫూర్తితో స్పందించి సహాయం అందించడం పలువురి ప్రసంశలు అందుకుంది.

● పూర్తిగా కోలుకోకముందే రోగి డిశ్చార్జి ● జిల్లా కేంద్రాస్పత్రిలో ఉద్రిక్తత జిల్లాకేంద్ర ఆస్పత్రి రాయగడ: పూర్తిగా కోలుకోకముందే 16 ఏళ్ల బాలికను ఆస్పత్రి నుంచి డిశ్చార్చి చేసేందుకు ప్రయత్నించారనే ఆరోపణలతో జిల్లా ప్రధాన హాస్పిటల్‌లో శుక్రవారం కొంతసేపు ఉద్రిక్త పరిస్థితి నెలకొంది. కాసీపూర్‌ సమితి గోరఖ్‌పూర్‌ పంచాయతీలోని కానుగుడ గ్రామానికి చెందిన బాలిక జ్వరం బారినపడడం వలన ప్లేట్‌లెట్లు, హెమోగ్లోబిన్‌ తగ్గిపోవడంతో ఆస్పత్రిలో చికిత్స కోసం కుటుంబ సభ్యులు చేర్పించారు. అయితే చికిత్స పూర్తి కాకముందే, ఆరోగ్యం మెరుగుపడకముందే బాలికను డిశ్చార్జి చేసేందుకు ఆస్పత్రి సిబ్బంది ప్రయత్నించినట్లు కుటుంబ సభ్యులు ఆరోపించారు. దీంతో సామాజిక కార్యకర్త బలరాం పండ జోక్యం చేసుకుని ఆస్పత్రి అధికారులతో మాట్లాడారు. అనంతరం వైద్యాధికారులు బాలికను మళ్లీ మెడిసిన్‌ వార్డులో చేర్పించి చికిత్స ప్రారంభించారు.

భువనేశ్వర్‌: స్థానిక లోక్‌ సేవా భవన్‌ ప్రాంగణాన్ని పొగాకు రహిత ప్రాంతంగా ప్రకటించారు. లోక్‌ సేవా భవన్‌ ప్రాంగణంలో ధూమపానం, పొగాకు ఉత్పత్తుల వినియోగం మరియు కిళ్లీ (పాన్‌) ఉమ్మివేయడం కట్టుదిట్టంగా నిషేధించామని రాష్ట్ర ఆరోగ్య, కుటుంబ సంక్షేమ శాఖ ఉత్తర్వులు జారీ చేసింది. దీన్ని ఉల్లంఘించిన ఏ చర్య అయినా అమల్లో ఉన్న చట్టం ప్రకారం శిక్షార్హమైన నేరంగా పరిగణిస్తామని విభాగం హెచ్చరించింది. క్యాన్సర్‌, గుండె, ఊపిరితిత్తుల సంబంధిత వ్యాధులతో సహా అనేక అంటు వ్యాధులకు పొగాకు ఒక ప్రధాన కారణమని ఉత్తర్వుల్లో పేర్కొన్నారు. భారత దేశంలో ఏటా పొగాకు వాడకం వల్ల సుమారు 13 లక్షల మరణాలు సంభవిస్తున్నాయి. అందువల్ల ప్రజారోగ్యాన్ని పరిరక్షించడం, ఉద్యోగులు, సందర్శకుల కోసం పరిశుభ్రమైన, ఆరోగ్యకరమైన వాతావరణాన్ని కల్పించడం లక్ష్యంగా ఆరోగ్య, కుటుంబ సంక్షేమ శాఖ ఈ కార్యక్రమాన్ని చేపట్టిందని పేర్కొన్నారు. ఈ చొరవ స్వచ్ఛ భారత్‌, స్వస్థ్‌ భారత్‌, నషా ముక్త్‌ భారత్‌ అభియాన్‌ లక్ష్యాలను బలోపేతం చేయడంతో పాటు లోక్‌ సేవా భవన్‌ను పరిశుభ్రమైన, ఆరోగ్యకరమైన, పొగాకు రహిత కార్యస్థలంగా మారుస్తుందని రాష్ట్ర ఆరోగ్య, కుటుంబ సంక్షేమ శాఖ మంత్రి డాక్టర్‌ ముఖేష్‌ మహాలింగ్‌ ఆశాభావం వ్యక్తం చేసింది. పొగాకు వినియోగాన్ని అరికట్టేందుకు ప్రయ త్నాలను ముమ్మరం చేస్తున్నామని మంత్రి అన్నారు. యువతలో ఆరోగ్యకరమైన జీవన శైలిని ప్రోత్సహించేందుకు రాష్ట్రంలో పొగాకు పూర్తిగా దూరంగా ఉండేలా ప్రోత్సహించే ప్రయత్నాలు కొనసాగుతాయని మంత్రి అన్నారు. కిడ్నాప్‌ కేసులో ఇద్దరు అరెస్టు రాయగడ: జిల్లాలోని కాసీపూర్‌లో ఉపాధ్యాయుడి కిడ్నాప్‌ ఘటనను టికిరి పోలీసులు ఛేదించారు. ఈ కేసులో ఇద్దరు నిందితులను అరెస్టు చేయడంతో పాటు కిడ్నాప్‌కు ఉపయోగించిన ఎరుపు రంగు కారును స్వాధీనం చేసుకున్నారు. సమితిలోని ఉపరకడింగా ఆశ్రమ పాఠశాలలో ఉపాధ్యాయుడిగా పనిచేస్తున్న కాశీనాథ్‌ సాహు ఈనెల 5వ తేదీన కిడ్నాప్‌కు గురయ్యారు. బంకాబ్‌, మంకడజొల మధ్య నిర్మానుష్యంగా ఉన్న ప్రాంతం నుంచి ఆయనను అపహరించారు. కుటుంబ సభ్యులు ఈ మేరకు టికిరి పోలీస్‌స్టేషన్‌లో ఫిర్యాదు చేశారు. అయితే పోలీసులకు పట్టుబడతామనే భయంతో కిడ్నాపర్లు మరుసటి రోజే కొరాపుట్‌ సమీపంలో ఉపాధ్యాయుడిని వదిలిపెట్టారు. ఈ ఘటనపై టికిరి పోలీస్‌స్టేషన్‌లో కేసు నమోదు చేసి దర్యాప్తు ప్రారంభించిన పోలీసులు ఇద్దరిని అరెస్టు చేసి కోర్టుకు తరలించారు. అరైస్టెనవారిలో మంకడజొలకు చెందిన చిత్తరంజన్‌ బాగ్‌, కొరాపుట్‌ నందపూర్‌ పోలీస్‌స్టేషన్‌ పరిధిలోని దాడి గ్రామానికి చెందిన రంజిత్‌ ఖిల్లలు ఉన్నారు. కిడ్నాప్‌కు గల కారణాలు, ఈ కేసులో ఇంకెవరి ప్రమేయం ఉందన్న కోణంలో పోలీసులు దర్యాప్తు చేస్తున్నారు.

రాయగడ : రైల్వే పరిసరాలు పరిశుభ్రంగా ఉంచడంలో ప్రతి ఒక్కరూ భాగస్వాములు కావాలని రాయగడ రైల్వే డివిజినల్‌ మేనేజరు అమితాబ్‌ సింఘాల్‌ పిలుపునిచ్చారు. స్వచ్చత పక్షోత్సవం సందర్భంగా రైల్వే అధికారులు, సిబ్బందితో ఆయన స్వచ్ఛత ప్రతిజ్ఞ చేయించారు. స్వచ్ఛతను దైనందిన జీవితంలో భాగంగా చేసుకోవాలని, రైల్వే స్టేషన్లు, కార్యాలయాలు, ఇతర రైల్వే పరిసరాలను పరిశుభ్రంగా ఉంచేందుకు ప్రతి ఒక్కరూ చురుగ్గా సహకరించాలని ఆయన సూచించారు. స్వచ్ఛతపై ప్రయాణికులు, సాధారణ ప్రజల్లో అవగాహన కల్పించేందుకు రాయగడ రైల్వే డివిజన్‌లో వీధి నాటకం నిర్వహించారు. చెత్తను సక్రమంగా నిర్వహించడం, రైల్వే పరిసరాలను బాధ్యతాయుతంగా వినియోగించడం, స్టేషన్‌ పరిసరాలను పరిశుభ్రంగా ఉంచడం వంటి అంశాలపై ప్రజలకు అవగాహన కల్పించారు. ఈ కార్యక్రమానికి సీనియర్‌ డివిజినల్‌ మెకానికల్‌ ఇంజనీర్‌ ప్రవీణ్‌ భాటి సంబంధిత అధికారులు, సిబ్బంది సహకారంతో నిర్వహించారు.

కొరాపుట్‌: ప్రజా సమస్యలపై అధికారులకు స్పందన లేదని డిస్ట్రిక్‌ డెవపల్‌మెంట్‌ కో ఆర్డినేషన్‌ అండ్‌ మానిటరింగ్‌ కమిటీ (దిశ) సమావేశంలో ప్రజా ప్రతినిధులు ఆవేదన వ్యక్తం చేశారు. శుక్రవారం కొరాపుట్‌ జిల్లా కేంద్రం లోని డీఎన్‌కే సమావేశ మందిరంలో దిశ సమావేశం జరిగింది. ఈ సమావేశంలో జయపూర్‌ ఎమ్మెల్యే తారా ప్రసాద్‌ బాహిణీపతి మాట్లాడుతూ కొరాపుట్‌ జిల్లాలో పశు సంపద పెంచడానికి ప్రభుత్వ ప్రయత్నాలు విఫలం అయ్యాయన్నారు. ఆంధ్ర నుంచి పశువులు తెచ్చి ఇక్కడ గిరిజనులకు సబ్సిడీ మీద గత కొన్నేళ్లుగా ఇస్తున్నారన్నారు. కానీ అంత కంటే బలమైన పశువులు సిమిలిగుడ లో లభిస్తుంటే వాటిని అనుమతించడం లేదన్నారు. ఆర్‌డీ డిపార్ట్‌మెంట్‌ పూర్తి అవినీతి మయంగా మారిందన్నారు. బందుగుడ గ్రామం లో రోడ్డు కావాలని ఒక బాలిక చేసిన ఉద్యమం నీరు గారిందన్నారు. రోడ్డు నిర్మాణం లో 35 శాతం దళారులు ఆర్జిస్తున్నారని తెలిపారు. ఆర్‌డీ విభాగం చేస్తున్న అవినీతి అంతులేకుండా పోయిందన్నారు. టెండర్‌ ఫిక్స్‌ అవుతుందని ఎమ్మెల్యే ఆరోపించారు. సమావేశంలో సీఎల్పీ నాయకుడు రామ చంద్ర ఖడం, కలెక్టర్‌ సత్యవాన్‌ మహాజన్‌,ఎంపీలు సప్తగిరి ఉల్క (కొరాపుట్‌), బలబద్ర మజ్జి (నబరంగ్‌పూర్‌), ఎమ్మెల్యేలు పవిత్ర శాంత(లక్ష్మీపూర్‌), రుపుదర్‌ బోత్ర (కొట్‌పాడ్‌),జెడ్పీ ప్రెసిడెంట్‌ సస్మిత మెలక, తదితరులు పాల్గొన్నారు.

కవిటి : ప్రశాంతంగా జరగాల్సిన అంత్యక్రియలకూ ప్రహసనం తప్పడం లేదు. కవిటి మండల కేంద్రంలో శ్మశానవాటికకు వెళ్లేందుకు సరైన మార్గం లేక ప్రజలు తీవ్ర ఇబ్బందులు పడుతున్నారు. కవిటి, గొండ్యాలపుట్టుగ, ప్రగడపుట్టుగ, రామయ్యపుట్టుగలలోని సుమారు ఐదు వేల మంది ప్రజలకు ఒకే శ్మశానవాటిక ఆధారం. సుమారు ఏడాదిన్నర కాలం నుంచి ఈ శ్మశానానికి వెళ్లేందుకు అనువైన మార్గం లేక అంత్యక్రియలకు తరచూ ఇబ్బందులు ఎదురవుతున్నాయి. కవిటి శ్మశాన వాటికకు వెళ్లేందుకు వేస్తున్న రోడ్డు నిర్మాణం పనులు పూర్తి కాకపోవడమే దీనికి కారణం. శ్మశానవాటికకు వెళ్లే దారేదీ? శుక్రవారం గొండ్యాలపుట్టుగలో ఓ వ్యక్తి మృతిచెందారు. మృతదేహాన్ని తీసుకెళ్లేందుకు రోడ్డు నిర్మా ణం పూర్తికాకపోవడంతో గ్రామస్తులు మరోమార్గంలో వెళ్లాలని ప్రయత్నించారు. ఆ దారిలో గణేష్‌ మండపం ఉంది. ఇటువైపుగా రావడానికి వీల్లేదని నిర్వాహకులు అడ్డుతగిలారు. దీంతో నడిరోడ్డుపైనే మృతదేహాన్ని పట్టుకుని గంటలతరబడి నిరీక్షించాల్సిన దుస్థితి నెలకొంది. స్థానికంగా ఉంటున్న వారు ప్రత్యామ్నాయ మార్గంలో శవాన్ని తీసుకువెళ్లేందుకు ఒప్పుకోలేదు. ప్రశాంతంగా జరగాల్సిన అంత్యక్రియల ప్రక్రియ గొడవలకు దిగాల్సిన పరిస్థితులు దాపురించడం సిగ్గుచేటని స్థానికులు ఆందోళన చెందుతున్నారు. పనులు సకాలంలో పూర్తికావాల్సి ఉన్నా కూటమి ప్రభుత్వం నిర్లక్ష్యం వల్ల ఈ దుస్థితి నెలకొందని మండిపడుతున్నారు. ఇంత జరుగుతున్నా కవిటి పంచాయతీకే చెందిన ప్రభుత్వ విప్‌, మూడుసార్లు గెలిచిన జిల్లాలోనే సీనియర్‌ ఎమ్మెల్యే బెందాళం అశోక్‌ కనీసం పట్టించుకోకపోవడం పట్ల స్థానికులు ఆగ్రహం వ్యక్తం చేస్తున్నారు. మరోవైపు, కూటమి ప్రభుత్వం హయాంలో బిల్లుల చెల్లింపుల ప్రక్రియ ప్రహసనంగా మారింది. అందుకే పనులు సకాలంలో పూర్తి చేయాలని కాంట్రాక్టర్లకు అధికారులు ఆదేశించడానికి ధైర్యం చాలడం లేదనే విమర్శలు వినిపిస్తున్నాయి. సుమారు ఐదు గ్రామాల ప్రజలకు తీవ్ర సమస్యగా మారిన కవిటి శ్మశానవాటికకు మండల కో ఆప్షన్‌ సభ్యుడిగా గతంలో రూ.3లక్షల నిధులతో పనులకు ప్రతిపాదించాను. దాన్ని జరక్కుండా అడ్డుకున్నారు. సర్పంచ్‌గా ఉన్న కాలంలో సర్వేచేయించి శ్మశానవాటిక పరిరక్షణ అభివృద్ధికి నా వంతు చర్యలు చేపట్టాను. ఇవన్నీ పక్కన పెడితే సమస్య తీవ్రతను ప్రభుత్వ యంత్రాంగం గుర్తించి వెంటనే పరిష్కరించాలి. – పాండవ శేఖర్‌, మండల కో–ఆప్షన్‌ సభ్యుడు, కవిటి కవిటి శ్మశానవాటికకు సంబంధించి రోడ్డు పనులు అసంపూర్ణంగా నిలిచిపోయిన మాట వాస్తవమే. మరికొంతమేర నిధులు జోడించి పనులు ఆగిపోయిన దశ నుంచి పనులు పూర్తిచేసేందుకు చర్యలు చేపడతాం. – ఎల్‌.త్రినాథ, కవిటి పంచాయతీ ప్రత్యేకాధికారి కవిటిలో శ్మశానవాటికకు వెళ్లేందుకు మార్గం కరువు కూటమి ప్రభుత్వం వచ్చినప్పటి నుంచే ఈ దుస్థితి కనీసం స్పందించని ఎమ్మెల్యే, అధికారులు

శ్రీకాకుళం న్యూకాలనీ: జిల్లా జూనియర్స్‌ బాలబాలికల సాఫ్ట్‌బాల్‌ ఎంపిక పోటీలు ఈ నెల 20న జరగనున్నాయని జిల్లా సాఫ్ట్‌బాల్‌ అసోసియేషన్‌ ప్రధాన కార్యదర్శి సూర శ్రీనివాసరావు గురువారం పేర్కొన్నారు. శ్రీకాకుళం రూరల్‌ మండల పరిధిలోని ఇప్పిలి జిల్లా పరిషత్‌ ఉన్నత పాఠశాల క్రీడా మైదానం వేదికగా ఆదివారం ఉదయం 9 గంటల నుంచి ఈ సెలక్షన్‌ ట్రయల్స్‌ ప్రారంభమవుతాయని చెప్పారు. బాలబాలికలు 2009 జనవరి ఒకటి తర్వాత జన్మించి ఉండాలని స్పష్టం చేశారు. ఇక్కడ ఎంపికై న జిల్లా జట్లను అక్టోబర్‌ 13 నుంచి 15వ తేదీ వరకు వైఎస్సార్‌ కడప జిల్లా వేదికగా జరగనున్న ఏపీ రాష్ట్రస్థాయి జూనియర్స్‌ బాలబాలికల సాఫ్ట్‌బాల్‌ చాంపియన్‌షిప్‌–2026 పోటీలకు పంపిస్తామని తెలిపారు. ఆసక్తి గల వారు జనన ధృవీకరణ పత్రం, ఆధార్‌కార్డుతో ఇప్పిలి జెడ్పీహెచ్‌ స్కూల్‌ వద్దకు చేరుకోవాలని, పూర్తి వివరాలకు పీడీ మెట్ట తిరుపతిరావు (94404 36317)ను సంప్రదించాలని కోరారు. రేపు ఛాయారాజ్‌ వర్ధంతి సభ శ్రీకాకుళం: ప్రజాసాహిత్య, సాంస్కృతికోద్యమ నేత, భావాల సరిహద్దుల వద్ద కాపలా కాసిన నూతన ప్రజాస్వామిక కవి కామ్రేడ్‌ ఛాయారాజ్‌ 13వ వర్ధంతి సభ ఈ నెల 20న శ్రీకాకుళంలో నిర్వహిస్తున్నట్లు జనసాహితి జిల్లా అధ్యక్షుడు టి.శోభన్‌ బాబు, ఉపాధ్యక్షుడు కె.పాపారావు ఒక ప్రకటనలో తెలిపారు. శ్రీకాకుళం ప్రభుత్వ మహిళా కళాశాల సమావేశ మందిరంలో ఆదివారం ఉదయం 10 నుంచి సాయంత్రం 5 గంటల వరకు రోజంతా సదస్సు, కవి సమ్మేళనం జరుగుతాయని పేర్కొన్నారు. కార్యక్రమాన్ని విజయంతం చేయాలని కోరారు. ఆకట్టుకున్న నాటిక పోటీలు శ్రీకాకుళం కల్చరల్‌ : సుమిత్ర కళాసమితి ఆధ్వర్యంలో అఖిల భారత బహుభాషా నాటిక పోటీలు రెండో రోజు శుక్రవారం జిల్లా కేంద్రంలోని బాపూజీ కళామందిర్‌లో ఉత్సాహంగా సాగాయి. ముంబైకు చెందిన బియింగ్‌ కళాకార్‌ రచన, యువరాజ్‌ వివేక్తమహంకర్‌ దర్శకత్వంలో ‘సూప్‌’ అనే మరాఠీ నాటిక ప్రదర్శించారు. అనంతరం వీకేఎం కళావిదురు, బెంగళూరుకు చెందిన డాక్టర్‌ చంద్రశేఖర్‌ కంబార్‌ రచనలో, సీఎం తిమ్మయ్య దర్శకత్వంలో ‘సాంగ్వా –బాల్య’ కన్నడ నాటిక ఆద్యంతం అలరించింది. అనంతరం కళాకారులను సత్కరించారు. కార్యక్రమంలో నిర్వాహకులు ఇప్పిలి శంకరశర్మ, కె.సోమేశ్వరరావు, విశ్రాంత రిజిస్ట్రార్‌ గుంట తులసిరావు, ప్రిన్సిపాల్‌ నంద సూర్యనారాయణ స్వామి, ఎల్‌.నందికేశ్వరరావు, కొంక్యాన మురళి, జ్యోతి తదితరులు పాల్గొన్నారు. ‘పనుల్లో జాప్యం సహించబోను’శ్రీకాకుళం పాతబస్టాండ్‌: జిల్లాలోని అన్ని మండలాల్లో ఉపాధి హామీ పథకం కింద మంజూరైన పనుల నిర్వహణను వేగవంతం చేయడంతో పాటు ఆన్‌లైన్‌ అప్‌లోడింగ్‌, బిల్లుల చెల్లింపుల ప్రక్రియను క్షేత్రస్థాయిలో వేగవంతం చేయాలని కలెక్టర్‌ స్వప్నిల్‌ దినకర్‌ పుండ్కర్‌ అధికారులను ఆదేశించారు. కలెక్టర్‌ కార్యాలయంలో శుక్రవారం పంచాయతీరాజ్‌, రహదారులు భవనాలు, నీటిపారుదల, ట్రైబ ల్‌ ఇంజినీరింగ్‌ సహా వివిధ శాఖల పరిధిలోని ఉపాధి హామీ పనుల పురోగతిపై అసిస్టెంట్‌ ఇంజినీర్ల వారీగా కలెక్టర్‌ సుదీర్ఘ సమీక్ష సమావేశం నిర్వహించారు. క్షేత్రస్థాయిలో మంజూరైన పనులను ఏమాత్రం నిర్లక్ష్యం చేయకుండా త్వరితగతిన పూర్తి చేయాలని, పనులు పూర్తయిన వెంటనే బిల్లుల కు సంబంధించిన సమాచారాన్ని ఆన్‌లైన్‌ పోర్టల్‌లో నమోదు చేయాలని స్పష్టం చేశారు. కొత్తూరు, హిరమండలం, మందస, పలాస, సోంపేట, కంచిలి, కవిటి, ఇచ్చాపురం, గార, శ్రీకాకుళం, రణస్థలం, లావే రు, బూర్జ సహా జిల్లాలోని అన్ని మండలాల సహాయ ఇంజనీర్లు తమ తమ పరిధిలోని పనులను యుద్ధప్రాతిపదికన పురోగతిలోకి తీసుకురావాలని సూచించారు. రూ.లక్ష పలికిన లడ్డూ వజ్రపుకొత్తూరు: మండలంలోని ఉద్దానం రామకృష్ణాపురం(బొడ్డువానితోటలు)లో వినియక చవితి లడ్డూ ఏకంగా రూ.లక్ష పలికింది. శుక్రవారం వినాయకుని నిమజ్జనోత్సవం సందర్భంగా లడ్డూ వేలం నిర్వహించగా సైనూరు గ్రామానికి చెందిన చింత బాలకృష్ణ ఒక్కసారిగా రూ.లక్షకు లడ్డూను దక్కించుకున్నారు.

రాయగడ: ప్రభుత్వ సంక్షేమ పఽథకాలను సద్వినియోగం చేసుకుని అభివృద్ధి పథంలో పయనించాలని జిల్లా అదనపు కలెక్టర్‌ రవీంద్రనాథ్‌ కుహరొ అన్నారు. సేవా సంకల్ప్‌ అభియాన్‌ – 2026 కార్యక్రమంలో భాగంగా జిల్లాలోని కాసీపూర్‌ సమితి కార్యాలయం సమావేశ మందిరంలో శుక్రవారం జరిగిన సమావేశంలో ఆయన పాల్గొని ప్రసంగించారు. దివ్యాంగుల హక్కులు, ప్రభుత్వ సౌకర్యాలు, వివిధ సంక్షేమ పథకాలపై అవగాహన కల్పించారు. దివ్యాంగుల హక్కుల చట్టం–2016లో పొందుపరిచిన హక్కులు, బాధ్యతలపై వివరించారు. అలాగే మత్తు పదార్థాలు, మద్యపానానికి దూరంగా ఉంటూ ఆరోగ్యకరమైన, చైతన్యవంతమైన సమాజ నిర్మాణంలో అంతా భాగస్వాములవ్వాలని పిలుపునిచ్చారు. కార్యక్రమంలో ఎస్‌ఎస్‌వో శ్రీకాంత్‌ పాణిగ్రహి, కాసీపూర్‌ బీఎస్‌ఎస్‌వో తదితరులు పాల్గొన్నారు. గుమ్మ బ్లాక్‌ ప్రజలతో ఎమ్మెల్యే రూపేష్‌ సమావేశం పర్లాకిమిడి: గజపతి జిల్లా గుమ్మా బ్లాక్‌ ఝమ్మి, మింజిరి గ్రామస్తులతో పర్లాకిమిడి ఎమ్మెల్యే రూపేష్‌ పాణిగ్రాహి శుక్రవారం సమావేశం నిర్వహించారు. పర్లాకిమిడి హైటెక్‌ ప్లాజాలో నిర్వహించిన సమావేశంలో గుమ్మాబ్లాక్‌ నుంచి వచ్చిన 50 మంది గ్రామస్తులతో ఎమ్మెల్యే రూపేష్‌ పాణిగ్రాహి వారి సమస్యలను అడిగి తెలుసుకున్నారు. జమ్మి, మింజిరి మారుమూల గ్రామంలో మంచినీరు, ఉపాధి, శిక్షణ, రోడ్లు వేయాలని ఎమ్మెల్యే రూపేష్‌ను అభ్యర్థించారు. ఆయనతో పాటు బీజేడీ జిల్లా అధ్యక్షులు ప్రదీప్‌ నాయక్‌, గుమ్మసమితి చైర్మన్‌ సునేమీ మండళ ఉన్నారు. దైవిక ఆలోచనలతో యువత ఎదగాలి భువనేశ్వర్‌: యువతలో ఆధ్యాత్మికత భారత దేశపు నిర్మాణాత్మక పురోగతికి దోహదపడుతుందని హైటెక్‌ గ్రూప్‌ వ్యవస్థాపక చైర్మన్‌ డాక్టర్‌ తిరుపతి పాణిగ్రాహి యువతని ప్రోత్సహించారు. భువనేశ్వర్‌ పరిసర ప్రాంతాల్లో యువజన సంఘాలు ఏర్పాటు చేసిన పలు గణపతి పూజా ప్రాంగణాలు సందర్శన పురస్కరించుకుని యువతతో ముచ్చటించారు. ఆయా ప్రాంగణాల్లో పూజా నిర్వాహకులు ఆయనకు సాదరంగా స్వాగతించారు. యువజన సంఘాల ఆధ్వర్యంలో ఇటువంటి కార్యక్రమాలు సోదరభావాన్ని పెంపొందించి, ఆ ప్రాంత ప్రజల అభివృద్ధిని ప్రేరేపిస్తాయని అభినందించారు. లింగ రాజ్‌ ఆలయంలో పూజలకు అంతరాయం భువనేశ్వర్‌: స్థానిక లింగరాజ్‌ ఆలయంలో రెండు వర్గాల సేవకుల మధ్య తలెత్తిన వివాదం కారణంగా దైనందిన పూజా కార్యక్రమాలకు అంతరాయం ఏర్పడింది. సేవా హక్కుల విషయంలో పూజా పండా, పత్రి సేవకుల మధ్య ఘర్షణ జరగడంతో ఆలయంలో రోజువారీ పూజలు నిలిచిపోయాయి. బొడొసింఘార్‌ అలంకరణ తర్వాత పూజా పండా సేవకులు పూజలు చేయడం ఆపేశారు. ఈ రెండు వర్గాల మధ్య ఉన్న విభేదాల కారణంగా లింగ రాజ్‌ మహా ప్రభువుకు నిర్దేశించిన రోజువారీ పూజలు ముందుకు సాగలేదు. సమస్యను పరిష్కరించడానికి ఆలయ పరిపాలన విభాగం సంబంధిత సేవా సంఘాలతో సమావేశాన్ని ఏర్పాటు చేసింది. ఈ సమావేశంలో జరిగిన చర్చల ద్వారా ఆచారాలలో సాధారణ పరిస్థితిని పునరుద్ధరించి భవిష్యతులో ఇటువంటి పరిస్థితి పునరావృతం కాదని పాలక వర్గం ఆశిస్తుంది. తరచూ సేవకుల వర్గంలో తలెత్తుతున్న వివాదాల కారణంగా తరచు లింగ రాజు మహా ప్రభువు దీర్ఘ కాలం పూజాదులకు నోచుకోని దయనీయ పరిస్థితిపై భక్తుల్లో తీవ్ర అసంతృప్తిని కలిగిస్తుంది. ఈ విబేధాలకు శాస్వత పరిష్కారం లింగ రాజ్‌ మహా ప్రభువుకు నిరంతర పూజా కార్యక్రమాలకు మార్గం సుగమం చేస్తుందని భక్తజనం అభిప్రాయం వ్యక్తం చేస్తుంది.

శ్రీకాకుళం (పీఎన్‌ కాలనీ): శ్రీకాకుళం కార్పొరేషన్‌ ఎన్నికలు జరగకుండా టీడీపీ నేతలే అడ్డుకుంటున్నారని వైఎస్సార్‌సీపీ యువజన విభాగం రాష్ట్ర ఉపాధ్యక్షుడు ఎం.వి స్వరూప్‌ మండిపడ్డారు. వైఎస్సార్‌సీపీ హయాంలో మున్సిపల్‌ ఎన్నికలకు సన్నాహలు చేసినప్పుడు ఏడు పంచాయతీలు విలీనమైతే ఎన్‌ఆర్‌జీఎస్‌ నిధులు ఆగిపోతాయని, దాంతో అభివృద్ధి జరగదనే నెపంతో టీడీపీ నేతలే కోర్టులో కేసులు వేసి ఎన్నికలు జరగకుండా అడ్డుకుంటున్నారని ఆగ్రహం వ్యక్తం చేశారు. ఎప్పుడు ఎన్నికలు జరిగినా ఎదుర్కొనేందుకు సిద్ధంగా ఉన్నామని, వైఎస్సార్‌సీపీ అభ్యర్థినే మేయర్‌గా భారీ మెజార్టీతో గెలిపించి జగన్‌మోహన్‌రెడ్డికి బహుమతిగా ఇస్తామన్నారు. శ్రీకాకుళం నగరంలోని పార్టీ జిల్లా కార్యాలయం (టౌన్‌హాల్‌)లో శుక్రవారం మీడియా సమావేశం నిర్వహించారు. ఈ సందర్బంగా స్వరూప్‌ మాట్లాడుతూ నిన్నగాక మొన్న గెలిచిన ఎమ్మెల్యే గొండు శంకర్‌ మాజీ మంత్రి ధర్మాన ప్రసాదరావును విమర్శిస్తూ శ్రీకాకుళానికి ఏం చేశారని అనడం దారుణమన్నారు. రిమ్స్‌ మెడికల్‌ కాలేజ్‌, మూడు వంతెనలు, అంబేడ్కర్‌ యూనివర్సిటీ, కళింగరోడ్డు విస్తరణ, 80 అడుగుల రోడ్డు, రైతుబజారు రోడ్డు విస్తరణ, 24గంటల తాగునీరు అందించిన వ్యక్తి ధర్మానే అని గర్వంగా చెప్పగలమన్నారు. రోడ్డుమీద రోడ్డులు వేయడం, వాణిజ్య ప్రకటనల బోర్డులో టీడీపీ కార్యక్రమాలు చెప్పుకోవడమే తప్ప అంతకుమించి చేసింది లేదన్నారు. రెండున్నరేళ్లలో కూటమి ప్రభుత్వం ఏం చేసిందో చెప్పాలన్నారు. కార్పొరేషన్‌కు ఎన్నికలు జరిగితే ధర్మాన ప్రసాదరావు సూచనల మేరకు ఆయన నిర్ణయించే వ్యక్తిని గెలిపించి తీరుతామన్నారు. వైఎస్సార్‌సీపీ నగర అధ్యక్షుడు సాధు వైకుంఠరావు, రఫీ, అంధవరపు రామారావులు మాట్లాడుతూ నగరంలో డ్రైనేజీ వ్యవస్థ అస్తవ్యస్తంగా మారిందన్నారు. నిత్యావసర వస్తువుల ధరలు పెరిగి ప్రజలు ఇబ్బంది పడుతున్నారని, ఇదేంటని ప్రశ్నిస్తే వ్యక్తిగత దూషణలకు పాల్పడుతున్నారని మండిపడ్డారు. డే నైట్‌ జంక్షన్‌ వరకు జరుగుతున్న రోడ్డు విస్తీర్ణ పనుల్లో నిబంధనలు పాటించలేదన్నారు. గత సార్వత్రిక ఎన్నికల్లో డబ్బులు ఎదజల్లడం వల్లనే టీడీపీ గెలించిందన్నారు. సమావేశంలో వైఎస్సార్‌సీపీ నాయకులు, మైనార్టీసెల్‌ విభాగం జిల్లా అధ్యక్షుడు ఎంఏ బేగ్‌, గ్రీవెన్స్‌సెల్‌ అధ్యక్షుడు రౌతు శంకరరావు, బీసీ విభాగం నగర అధ్యక్షుడు గద్దిబోయిన కృష్ణయాదవ్‌, మండవిల్లి రవి, భైరి మురళి, దుంగ సుధాకర్‌, సీపాన మహేంద్ర, చంగళరావు, తేజ, భాను, తంగి అప్పన్నస్వామి, సుధ తదితరులు పాల్గొన్నారు. ఎప్పుడు ఎన్నికలు జరిగినా గెలిచి జగనన్నకు కానుకగా ఇస్తాం మున్సిపాల్టీని అవినీతికి అడ్డాగా మార్చేశారు తెలుగుదేశం నేతలపై వైఎస్సార్‌సీపీ నాయకుల మండిపాటు

కొరాపుట్‌: అక్రమ మద్య విక్రయాలను అడ్డుకోవడానికి ఎమ్మెల్యే స్వయంగా రంగంలోకి దిగారు. కాంగ్రెస్‌ పార్టీకి చెందిన కొరాపుట్‌ జిల్లా లక్ష్మీపూర్‌ ఎమ్మెల్యే పవిత్ర శాంత అక్రమ మద్యం విక్రయాలపై ఆగ్రహం వ్యక్తం చేశారు. కక్కిరిగుమ్మ సమీపంలోని గౌడగుడ గ్రామంలో అక్రమంగా మద్యం విక్రయాలు చేస్తున్న ఇద్దరు వ్యాపారులను స్థానిక యువకులు అడ్డుకున్నారు. అడ్డుకున్న యువకులపై వ్యాపారులు దాడి చేశారు. ఈ విషయం తెలిసి ఎమ్మెల్యే వెంటనే సంఘటన స్థలానికి చేరుకున్నారు. స్థానిక యువకులతో కలిసి మద్యం వ్యాపారులను స్థానిక పోలీస్‌స్టేషన్‌కి తరలించారు. వెంటనే పోలీసులు వారిని అరెస్ట్‌ చేసి, కేసు నమోదు చేశారు.

శ్రీకాకుళం (పీఎన్‌కాలనీ): మున్సిపల్‌ ఉద్యోగులు, కార్మికులు, పట్టణ ప్రజలకు నష్టదాయకమైన మున్సిపల్‌ సేవల ప్రైవేటీకరణ ఆపాలని, మున్సిపల్‌ కార్మికుల సమస్యలు పరిష్కరించాలని సీఐటీయూ రాష్ట్ర కార్యదర్శి పి.తేజేశ్వరరావు, ఏపీ మున్సిపల్‌ వర్కర్స్‌ అండ్‌ ఎంప్లాయీస్‌ ఫెడరేషన్‌ జిల్లా ప్రధాన కార్యదర్శి ఎన్‌.బలరాం, నగర అధ్యక్షుడు అరుగుల గణేష్‌ డిమాండ్‌ చేశారు. స్ట్రీట్‌ లైటింగ్‌ టెండర్లు ప్రక్రియ వెంటనే నిలిపివేయాలని, పట్టణాలలో పౌరసేవలు ప్రభుత్వం, ప్రైవేటు భాగస్వామ్యం పేరుతో ప్రైవేట్‌ సంస్థలకు అప్పగించడాన్ని వ్యతిరేకిస్తూ శుక్రవారం శ్రీకాకుళం నగర కార్పొరేషన్‌ కార్యాలయం వద్ద ధర్నా నిర్వహించారు. ఈ సందర్భంగా వారు మాట్లాడుతూ మున్సిపల్‌ రంగంలో వాటర్‌ సప్లయ్‌, వీధి లైట్లు, పార్కులు, రోడ్లు, వాహనాలు తదితర 14 కీలక విభాగాలను, పౌరసేవలను పీపీపీ పేరిట ప్రైవేట్‌ సంస్థలకు అప్పగిస్తే మున్సిపల్‌ ఉద్యోగులు, కార్మికుల ఉద్యోగ భద్రతకు ముప్పు తప్పదన్నారు. కోటిన్నర మంది పట్టణ ప్రజలపై యూజర్‌ చార్జీల భారం పడుతుందన్నారు. ప్రజా సంక్షేమాన్ని కార్పొరేట్‌ సంస్థలకు అప్పగించి మున్సిపల్‌ కార్మికులు, పట్టణ ప్రజల్ని కష్టాలపాలు చేసేందుకే మున్సిపల్‌ సేవల ప్రైవేటీకరణకు ప్రయత్నిస్తున్నారని మండిపడ్డారు. మున్సిపాలిటీలు వసూలుచేస్తున్న పన్నులన్నీ కేంద్ర, రాష్ట్ర ప్రభుత్వాలు లాగేసుకుంటున్నాయని దుయ్యబట్టారు. ఆ నిధులు ఇవ్వకపోవడం వల్లే మున్సిపాలిటీలు ఆర్థిక ఇబ్బందులు పడుతున్నాయని చెప్పారు. మున్నిపల్‌ కార్మికుల సమస్యలను పరిష్కరించి హక్కులను కాపాడాలని కోరారు. కార్యక్రమంలో మున్సిపల్‌ వర్కర్స్‌ ఎంప్లాయీస్‌ ఫెడరేషన్‌ నగర కమిటీ నాయకులు ఏ.జ్యోతిప్రసాద్‌, ఎం.రాఘవ, ధనాల చిట్టి, ఆర్‌.యుగంధర్‌, జె.మాధవి, ఎన్‌.పార్వతి, వి.సరోజ, డి.గంగ తదితరులు పాల్గొన్నారు.

పర్లాకిమిడి: గజపతి జిల్లా వ్యాప్తంగా పలు ప్రాంతాల్లో విశ్వకర్మ జయంతి వేడుకలు ఘనంగా జరుపుకున్నారు. పర్లాకిమిడిలోని రాజవీధిలో విశ్వనాతక కళ్యాణ మండపంలో గజపతి స్వర్ణకార సంఘం ఆధ్వర్యంలో విశ్వకర్మ విగ్రహానికి పూజలు చేపట్టారు. అలాగే స్థానిక ఆర్‌.కె.పాఢి మార్గంలో పీడబ్ల్యూడీ, రోడ్లు, భవనాల శాఖ ఉపఖండ విభాగం–1లో అసిస్టెంటు ఎగ్జిక్యూటివ్‌ ఇంజినీరు విశ్వకర్మ పూజలను ఽఘనంగా నిర్వర్తించారు. అలాగే స్టేట్‌బ్యాంకు రోడ్డులో లేత్‌మిషన్లు కున్నా ఇంజినీరింగ్‌ సంస్థలు కూడా విశ్వకర్మ పూజలను చేశాయి.

జయపురం: కేంద్రంలో ప్రధాని నరేంద్ర మోదీ నేతృత్వంలోని బీజేపీ ప్రభుత్వం తెచ్చి పెట్టిన ఎంఎండీఆర్‌ 2026 గనుల సవరణ బిల్లుకు వ్యతిరేకంగా ఈ నెల 21 వ తేదీన రాయగడ కలెక్టర్‌ను ముట్టడించేందుకు కాంగ్రెస్‌ పార్టీ తీర్మానించింది. శుక్రవారం జయపురం ఎమ్మెల్యే తారాప్రసాద్‌ బాహిణీపతి నివాస భవనంలో కొరాపుట్‌ జిల్లా కాంగ్రెస్‌ పార్టీ నిర్వహించిన ఆందోళన సన్నాహక సమావేశంలో ఏక గ్రీవంగా నిర్ణయం తీసుకున్నారు. కొరాపుట్‌ జిల్లా కాంగ్రెస్‌ అధ్యక్షుడు రూపక్‌ కుమార్‌ తురుక్‌ అధ్యక్షతన జరిగిన సమావేశంలో కొరాపుట్‌ పార్లమెంట్‌ సభ్యులు సప్తగిరి శంకర ఉల్క, జయపురం ఎమ్మెల్యే తారాప్రసాద్‌ బాహిణీ పతి, లక్ష్మీపూర్‌ ఎమ్మెల్యే పవిత్ర శాంతతో పాటు అనేక మంది మాజీ ఎమ్మెల్యేలు, కాంగ్రెస్‌ నాయకులు పాల్గొన్నారు. పార్లమెంట్‌లో చర్చకు పెట్టకుండానే బిల్లు పాస్‌ చేయడం రాజ్యాంగ విరుద్ధమని ఆయన అన్నారు. ఈ చట్టం వల్ల ఒడిశా, ముఖ్యంగా దక్షిణ ఒడిశాలో ఖనిజ సంపద కార్పొరేట్‌ సంస్థల హస్తగతం అవుతుందని ఆరోపించారు. డీఎంఎఫ్‌, సీఎస్సార్‌ నిధుల ద్వారా వచ్చే నిధులు ఆగిపోయి స్థానిక ప్రాంతాల అభివృద్ధి నిలిచిపోతుందని ఆవేదన వ్యక్తం చేశారు. సమావేశంలో జయపురం మున్సిపాలిటీ చైర్మన్‌ నరేంద్ర కుమార్‌ మహంతి, మల్కన్‌గిరి మాజీ ఎమ్మెల్యే కృష్ణ చంధ్ర సాగరియ, బొరిగుమ్మ బ్లాక్‌ కాంగ్రెస్‌ అధ్యక్షుడు అశోక్‌ గంతాయిత్‌, జయపురం మున్సిపాలిటీ మాజీ వైస్‌ చైర్మన్‌, పీసీసీ కార్యదర్శి దుర్గా ప్రసాద్‌ శర్మ, కొరాపుట్‌ ఎంపీ ప్రతినిధి మనోజ్‌ ఆచార్య, జయపురం ఎంపీ ప్రతినిధి హసన్‌ మధానీ, కొరాపుట్‌ జిల్లా కాంగ్రెస్‌ ఉపాధ్యక్షుడు సూర్య పట్నాయిక్‌ తదితరులు పాల్గొన్నారు.

● అధికారులకు ఫిర్యాదు చేసిన రైతులు సోంపేట : మండలంలో ఆగస్టు, సెప్టెంబరు నెల ప్రథమార్థం వర్షాలు కురవలేదు. ప్రస్తుతం కురుస్తున్న అడపాదడపా వర్షాలకు కొన్ని చోట్ల రైతులు నాట్లు వేస్తున్నారు. వ్యవసాయశాఖ ఆధ్వర్యంలో డీఏపీ, యూరియా ఆశించిన స్థాయిలో సరఫరా కాకపోవడంతో రైతులు ఎరువుల దుకాణదారులను ఆశ్రయిస్తున్నారు. ఇదే అదునుగా జింకిభద్ర రహదారిపై రెండు నెలల క్రితం ఏర్పాటు చేసిన ఎరువుల దుకాణం యజమాని రైతులకు అధిక ధరలకు విక్రయిస్తూ దోపిడీకి పాల్పడ్డాడు. భారత్‌ ఎన్‌పీకే గ్రోమోర్‌ రూ.750 విలువైన ప్యాకెట్‌ను రైతులకు రూ.1200కు విక్రయిస్తున్నారు. శుక్రవారం బెంకిలి గ్రామానికి చెందిన రైతులు మడ్డు కృష్ణారావు తదితరులు బస్తాపై అమ్మకపు ధర రూ.750 ఉంటే రూ.1200కు ఎందుకు అమ్ముతున్నారని ప్రశ్నించారు. అనంతరం వ్యవసాయాధికారి బి.నర్సింహమూర్తికి ఫిర్యాదు చేశారు. వెంటనే ఆయన దుకాణానికి చేరుకుని ఎరువుల అమ్మకం నిలుపుదల చేశారు. ఇంత వరకు విక్రయించిన బిల్లుల వివరాలు అందజేయాలని యజమానిని ఆదేశించారు. రైతులు ఎరువుల అవసరాలను తమకు తెలియజేస్తే అందజేయడానికి చర్యలు తీసుకుంటామన్నారు. తనిఖీల్లో వ్యవసాయ సహాయకురాలు ఐశ్వర్య, తదితరులు పాల్గొన్నారు.

కొరాపుట్‌: భారత రాష్ట్రపతి ద్రౌపది ముర్ముతో కాంగ్రెస్‌ పార్టీకి చెందిన సప్తగిరి ఉల్క దంపతులు నువాఖాయ్‌ బెటఘాట్‌ జరిగింది. పశ్చిమ ఒడిశా సంప్రదాయ పండగ నువాఖాయ్‌ సందర్భంగా రాష్ట్రపతి ఒడిశా ప్రముఖులను రాష్ట్రపతి భవన్‌కి పిలిచి నువాఖాయ్‌ విందు ఇచ్చారు. అందులో రాజకీయాలకు అతీతంగా ఆహ్వానం జరిగింది. రాష్ట్రంలో కాంగ్రెస్‌ పార్టీ నుంచి కేవలం సప్తగిరి మాత్రమే ఎంపీగా కొనసాగుతున్నారు. ఈ నేపథ్యంలో సప్తగిరి దంపతులను రాష్ట్రపతి సాదరంగా ఆహ్వానించారు. అక్కడ జ్యోతిని కూడా సప్తగిరి చేతుల మీదుగా వెలిగింప జేశారు.

పర్లాకిమిడి: పర్లాకిమిడి మాజీ శాసన సభ్యులు త్రినాథ సాహు వర్ధంతిని స్థానిక తెలుగు సోండివీధి వద్ద కాంగ్రెస్‌ పార్టీ నాయకులు శుక్రవారం నిర్వహించారు. ఈ సందర్భంగా ఆయన విగ్రహానికి కాంగ్రెస్‌ శ్రేణులు పూలమాలలు వేసి ఘనంగా నివాళులర్పించారు. పర్లాకిమిడి నియోజకవర్గంలో పురపాలక సంఘం చైర్మన్‌గా, పలు సహకార సంఘాలకు డైరెక్టర్గా, అధ్యక్షునిగా, నాలుగుసార్లు ఎమ్మెల్యేగా త్రినాథసాహు సేవలందించారని గుర్తు చేసుకున్నారు. పాతపట్నం రామరాజు చారిటబుల్‌ ట్రస్టు అధినేత పి.రామరాజు కసాహూ విగ్రహానికి నివాళులర్పించారు. కార్యక్రమంలో కాంగ్రెస్‌ పార్టీ పట్టణ అధ్యక్షులు బసంత పండా, సంగ్రాం సాహు, కుమారుడు మనోజ్‌ సాహు, బర్నాల జనార్దనరావు, పట్టణ యువజన కాంగ్రెస్‌ నాయకులు సూర్యనారాయణ పాత్రో తదితరులు పాల్గొన్నారు.

పాతపట్నం: మండలంలోని కొరసవాడ ప్రధాన రహదారిపై ధనుపురం నుంచి పాతపట్నం వస్తున్న ఇసుక ట్రాక్టర్‌ ఢీకొనడంతో కొరసవాడ గ్రామానికి చెందిన శంకర్‌ గాయపడ్డారు. శంకర్‌ మిశ్రా ద్విచక్రవాహనంపై వస్తుండగా కొరసవాడ వివేకానంద విగ్రహం వద్ద వచ్చేసరికి ట్రాక్టర్‌ ఢీకొట్టింది. దీంతో ఆయన తలకు తీవ్ర గాయాలయ్యాయి. వెంటనే స్థానికులు పాతపట్నం సీహెచ్‌సీ ఆటోపై తరలించారు. ప్రథమ చికిత్సను డాక్టర్‌ అనిత అందించి, మెరిగైన వైద్యం కోసం శ్రీకాకుళం రిమ్స్‌కు తరలించారు. శంకర్‌ మిశ్రో ఫిర్యాదు మెరకు కేసు నమోదు చేశామని, ట్రాక్టర్‌ను పోలీసు స్టేషన్‌కు తీసుకువచ్చామని ఎస్‌ఐ కె.మధుసూధరావు తెలిపారు.

దీపారాధన పర్లాకిమిడి: స్థానిక పెద్ద రాధాకాంత మఠంలో జిల్లా అధికారులు అశీర్వాద్‌ దీప ప్రజ్వలన కార్యక్రమాన్ని గురువారం సాయంత్రం ఏడీఎం మునీంద్ర హనగ, జిల్లా పరిషత్‌ సీడీఓ దయామయా పాడీ ఆధ్వర్యంలో ప్రారంభించారు. రాష్ట్ర ప్రభుత్వం ఆదేశాల మేరకు సేవా సంకల్స్‌ అభియాన్‌ ఆధ్వర్యంలో ఈ ఆశార్వార్‌ దీప ప్రజ్వలన కార్యక్రమం నిర్వహించారు. ఈ కార్యక్రమంలో జిల్లా సోషల్‌ వెల్ఫ్‌ర్‌ ప్రొటెక్షన్‌ అధికారి సరలా పాత్రో, సబ్‌ కలెక్టర్‌ భగత్‌ సామల్‌ కల్యాణ్‌ రావ్‌, జిల్లా కల్చరల్‌ అధికారి అర్చనా మంగరాజ్‌, మిషన్‌ శక్తి డీపీఎం, డి.ఎల్‌.ఎఫ్‌ మహిళా స్వయం సహాయక గ్రూపు మహిళలు పాల్గొన్నారు. శ్రీకాకుళం క్రైమ్‌ : జిల్లాకేంద్రంలోని గుజరాతీపేట సమీప నాగావళి వంతెన వద్ద బుధవారం అర్ధరాత్రి ఓ వ్యక్తిని ద్విచక్రవాహనంతో ఢీకొట్టి పరారైన నిందితుడిని సీసీ ఫుటేజీ ద్వారా ట్రాఫిక్‌ పోలీసులు గుర్తించారు. ట్రాఫిక్‌ సీఐ వి.రామారావు తెలిపిన వివరాల ప్రకారం.. గుడివీధికి చెందిన గుంటుకు స్వామిబాబు హయాతినగరం నుంచి ఏడురోడ్ల కూడలి వైపు వెళ్లేందుకు ద్విచక్రవాహనంపై వస్తుండగా ఫరీద్‌పేట ఇండస్ట్రియల్‌ ఎస్టేట్‌ వద్ద నివాసముంటున్న సావడ గౌరీశంకర్‌ పాతబ్రిడ్జి వద్ద మితిమీరిన వేగంతో ద్విచక్ర వాహనంపై ఎదురుగా వస్తూ బలంగా ఢీకొట్టాడు. రోడ్డుపై పడిపోయిన స్వామిబాబు కుడికాలు నుజ్జయ్యింది. కాస్త ముందుకెళ్లి ఆగిన గౌరీశంకర్‌ స్థానికులు గూమిగూడటంతో భయపడి వెళ్లిపోయాడు. గుజరాతీపేట కూడలిలో ఉన్న సీసీ ఫుటేజీలో ప్రమాద దృశ్యాలు నిక్షిప్తమయ్యాయి. క్షతగాత్రుడు కిమ్స్‌ ఆసుపత్రిలో చికిత్స పొందుతున్నారని, నిందితున్ని స్టేషన్‌కు పిలిపించామని, ద్విచక్రవాహనాన్ని స్వాధీనం చేసుకున్నామని సీఐ రామారావు వెల్లడించారు. ఏఎస్‌ఐ సుధాకర్‌ కేసు నమోదు చేసి దర్యాప్తు చేస్తున్నట్లు చెప్పారు.

జయపురం: ప్రధాన మంత్రి నరేంద్ర మోదీ జన్మదినం సందర్భంగా జయపురం అటవీ డివిజన్‌ తరఫున ‘అమ్మ కోసం ఒక మొక్క’ కార్యక్రమం నేడు నిర్వహించారు. ఈ కార్యక్రమంలో ముఖ్యఅతిథిగా జయపురం మున్సిపాలిటీ చైర్మన్‌ నరేంద్ర కుమార్‌ మహంతి పాల్గొన్నారు. స్థానిక పీఎం ప్రభుత్వ ఉన్నత పాఠశాల మైదానంలో నిర్వహించిన కార్యక్రమంలో ముఖ్యఅతిథి నరేంద్ర కుమార్‌ మహంతి మొక్క నాటి కార్యక్రమాన్ని ప్రారంభించారు. ఈ సందర్భంగా ఆయన ప్రసంగిస్తూ పర్యావరణ పరిరక్షణకు అడవులు పెంచాలని అందు చేత ప్రతి ఒక్కరూ మొక్కలు నాటాలని నేడు మనం నాటే మొక్క జీవరాశి మనగడకు ఉపయోగమే కాకుండా, మన భావి తరాల వారికి ఎంతో మేలు చేస్తుందన్నారు. కార్యక్రమంలో అటవీ రేంజర్‌ దేవేంధ్ర మఝి అధ్యక్షతన జరిగిన ఈ కార్యక్రమంలో ఆయన మొక్కలు నాటారు. లోక్‌ భవన్‌లో ’అటల్‌ వన్‌’లో ఏక్‌ పేడ్‌ మా కే నామ్‌ భువనేశ్వర్‌: ప్రధాన మంత్రి నరేంద్ర మోదీ జన్మదినం సందర్భంగా గురు వారం లోక్‌ భవన్‌ ఆవరణలోని ‘అటల్‌ వన్‌’లో గవర్నర్‌ డాక్టర్‌ హరి బాబు కంభంపాటి మొక్కను నాటారు. ఏక్‌ పేడ్‌ మా కే నామ్‌ (తల్లి పేరిట ఒక మొక్క) కార్యక్రమంలో భాగంగా ఈ మొక్క నాటే కార్యక్రమం జరిగింది. భారత ప్రధాన మంత్రికి జన్మ దిన శుభాకాంక్షలు తెలియజేస్తూ మొదట గుజరాత్‌ ముఖ్యమంత్రిగా, ఆ తర్వాత భారత దేశ ప్రధాన మంత్రిగా నరేంద్ర మోదీ 25 ఏళ్ల ప్రజా సేవను పూర్తి చేసుకున్నారని రాష్ట్ర గవర్నర్‌ పేర్కొన్నారు. సెంచూరియన్‌ పబ్లిక్‌ స్కూల్‌లో మాస్‌ ప్లాంటేషన్‌ డ్రైవ్‌ పర్లాకిమిడి: మొక్కలను నాటడం ద్వారా మనం పర్యావరణం పరిరక్షించవచ్చని, అలాగే వారి పరిరక్షణకు ప్రతి విద్యార్థి పాటుపడాలని డీఎఫ్‌ఓ కె.నాగరాజు అన్నారు. స్థానిక గజపతి స్టేడియం వద్ద సెంచూరియన్‌ పబ్లిక్‌ స్కూల్‌లో భారత ప్రధాని నరేంద్ర మోదీ 76వ జన్మదినం పురస్కరించుకుని ‘ఏక్‌ పేడ్‌ మా కే నామ్‌’ 3.ఓ సామూహిక వృక్షారోపణ కార్యక్రమానికి జిల్లా డివిజనల్‌ అటవీ శాఖ అధికారి కె.నాగరాజు, పురపాలక సంఘం చైర్మన్‌ నిర్మలా శెఠి అతిధులుగా హాజరయ్యారు. ఈ సందర్భంగా సెంచూరియన్‌ పబ్లిక్‌ స్కూల్‌ ఇకో క్లబ్‌ సభ్యులు 76 నర్సరీ మొక్కలను నాటారు. సమావేశంలో ప్రిన్సిపల్‌ సునీతా పాణిగ్రాహి ముఖ్యవక్తగా పాల్గొన్నారు. విద్యార్థులకు మొక్కలను నాటడమే కాకుండా, వాటి సంరక్షణ బాధ్యత అప్పగించాలని పురపాలక సంఘ చైర్మన్‌ నిర్మలా శెఠి అన్నారు. కార్యక్రమంలో డీఈఓ డాక్టర్‌ మయాధర్‌ సాహు, స్కూల్‌ డైరక్టర్‌(అడ్మిషన్‌) సంబిత్‌ పాత్రో, ఏసీఎఫ్‌ షైనీశ్రీ దాస్‌, ఫారెస్టు అధికారి సంతోష్‌ కుమార్‌ సాహు, మోహన అటవీ రేంజ్‌ అధికారి బిశోయి తదితరులు పాల్గొన్నారు.

పర్లాకిమిడి: కేంద్ర ప్రభుత్వ యువజన వ్యవహారాలు, క్రీడల మంత్రిత్వశాఖ మైభారత్‌ ఆధ్వర్యంలో.. రాయఘడ బ్లాక్‌ పరశురాం గురుకుల కళాశాలో డెవలప్డ్‌ ఇండియా యూత్‌ కనెక్ట్‌ కార్యక్రమం గురువారం జరిగింది. మాదకద్రవ్య రహిత ప్రచారం (డ్రగ్‌ ఫ్రీ కాంపైన్‌) గురించి యువత, విద్యార్థుల్లో చైతన్యం కల్పించారు. చెడు వ్యసనాలకు దూరంగా ఉండాలన్నారు. ఈ కార్యక్రమంలో 200 మంది ఎన్‌.ఎస్‌.ఎస్‌ యువతీయువకులు పాల్గొన్నారు. వికసిత్‌ భారత్‌ యువ సంలాప్‌ (వి.బి.వై.ఎల్‌.డి) క్విజ్‌ సంపర్క దిశగా వలంటీర్లు పాల్గొని రిజిస్ట్రేషన్‌ చేసుకున్నారు.

● డొంకూరు ఉన్నత పాఠశాలకు 60 రోజులుగా ట్యాంకర్‌ నీరే దిక్కు ● ఐదు వేల లీటర్లకు రూ.1,750 చెల్లిస్తున్న గ్రామ పంచాయతీ ఇచ్ఛాపురం రూరల్‌: పాఠశాల విద్యార్థులకు సురక్షితమైన తాగునీరు అందించాల్సిన పరిస్థితుల్లో...డబ్బులు చెల్లిస్తేనే శుద్ధజలం అందుతున్న వైనం మత్స్యకార గ్రామమైన ఇచ్ఛాపురం మండలం డొంకూరు ఉన్నత పాఠశాలలో నెలకొంది. వంతెనల నిర్మాణ పనుల కారణంగా పాఠశాలకు గతంలో అందుతున్న రక్షిత మంచినీటి సరఫరా పైపులైన్‌ సుమారు 160 మీటర్లు మేర తొలగించడంతో సుమారు 60 రోజులుగా ట్యాంకర్‌ నీటిపైనే ఆధారపడాల్సి వస్తోంది. దీంతో 300 మందికి పైగా విద్యార్థులు తాగేందుకు, మధ్యాహ్న భోజనం వండేందుకు ఇదే నీటిని వినియోగిస్తున్నారు. రూ.1,750 చెల్లిస్తే 5వేల లీటర్లు.. పాఠశాలకు రెండు రోజులకు ఒకసారి ఈదుపురం ఎన్టీఆర్‌ సుజలధార ప్రాజెక్ట్‌ నుంచి ట్యాంకర్‌ ద్వారా 5 వేల లీటర్ల నీటిని సరఫరా చేస్తున్నారు. ఇందుకు ఎన్టీఆర్‌ సుజలధార ప్రాజెక్టు–పలాస వారికి గ్రామ పంచాయతీ నుంచి ఒక్కో ట్యాంకుకు రూ.1,750 చెల్లిస్తున్నట్లు పంచాయతీ అధికారులు చెబుతున్నారు. విద్యార్థులకు తాగునీరు అందించేందుకు స్థానిక సంస్థ నిధుల నుంచి ఇలా నిరంతరం వ్యయం చేయాల్సిన పరిస్థితి ఏర్పడింది. నీటికి రుసుమా? ఎన్టీఆర్‌ పేరుతో నడుస్తున్న ఎన్టీఆర్‌ సుజలధార ప్రాజెక్టు నుంచి పాఠశాల విద్యార్థులకు తాగునీరు అందించేందుకు రుసుము వసూలు చేయడంపై తల్లిదండ్రులు ఆవేదన వ్యక్తం చేస్తున్నారు. ప్రభుత్వ పాఠశాలలో చదువుతున్న వందలాది మంది విద్యార్థులకు ఉచితంగా సురక్షిత తాగునీరు అందించేలా అధికారులు చర్యలు తీసుకోవాలని వారు కోరుతున్నారు. శాశ్వత పరిష్కారమెప్పుడో? వంతెనల నిర్మాణ పనులు పూర్తి దశకు చేరుకుంటున్న నేపథ్యంలో పాఠశాలకు రక్షిత మంచినీటి సరఫరాను పునరుద్ధరించడంపై అధికారులు దృష్టి సారించాల్సి ఉందని స్థానికులు అంటున్నారు. ట్యాకర్లపై ఆధారపడటం వల్ల పంచాయతీకి అదనపు భారం పడటంతో పాటు రెండు రోజులకు ఒకసారి వచ్చే నీటితో 300 మందికి పైగా విద్యార్థుల అవసరాలు తీర్చడం ఎంత వరకు సాధ్యమన్న ప్రశ్నలు వ్యక్తమవుతున్నాయి. పాఠశాలకు శాశ్వతంగా రక్షిత మంచినీటి సరఫరా పునరుద్ధించాలని తల్లిదండ్రులు, స్థానికులు కోరుతున్నారు. మరమ్మతులు చేపట్టాలి వంతెనల నిర్మాణం కారణంగా పైప్‌లైన్‌ పూర్తిగా పాడైంది. రెండు నెలలుగా పాఠశాలకు రక్షిత మంచినీటి పథకం ద్వారా మంచినీరు రాకపోవడంతో ఎన్టీఆర్‌ సుజలధార నిర్వాహకులను పంచాయతీ, ఎంపీడీఓ ద్వారా సంప్రదించాం. పాఠశాలకు ఉచితంగా నీటిని సరఫరా చేయలేమని చెప్పడంతో ఒక్కో ట్యాంకుకు రూ.1,750లు పంచాయతీ ద్వారా వెచ్చించి తాగునీరు అందిస్తున్నారు. వంతెన కాంట్రాక్టర్లు తక్షణమే స్పందించి పైప్‌లైన్‌ పనులు చేపట్టి పాఠశాలకు మంచినీటిని సరఫరా చేయాలి. – బుడ్డ కళ్యాణ్‌, యువకుడు, డొంకూరు

గార: బోరవానిపేట పంచాయతీ రాష్ట్రం నుంచి చైల్డ్‌ ఫ్రెండ్లీ విలేజ్‌గా కేంద్ర ప్రభుత్వం నిర్వహిస్తున్న పోటీలకు నామినేట్‌ అయిన నేపథ్యంలో రాష్ట్ర ప్రభుత్వం ఐఎస్‌ఓ సర్టిఫికెట్‌ ప్రదానం చేసింది. గురువారం అమరావతిలో జరిగిన కార్యక్రమంలో పంచాయతీరాజ్‌ కమిషనర్‌ కృష్ణ తేజ నుంచి డిప్యూటీ ఎంపీడీవో రమేష్‌, పంచాయతీ సెక్రటరీ బి.కృష్ణవేణి ఐఎస్‌ఓ సర్టిఫికెట్‌ అందుకున్నారు. గుడ్‌ గవర్నెన్స్‌ నేపథ్యంలో సర్టిఫికెట్‌ అందజేస్తున్నట్లు వారు తెలిపారు. 20న ఉత్తరాంధ్ర స్థాయి వాలీబాల్‌ పోటీలు జి.సిగడాం: శ్రీకాకుళం, విజయనగరం, విశాఖపట్నం, పార్వతీపురం మన్యం జిల్లాల్లో ఉన్న వాలీబాల్‌ క్రీడాకారులకు జి.సిగడాం మండలం మెట్టవలస గ్రామంలో ఈ నెల 20న ఉత్తరాంధ్ర స్థాయి వాలీబాల్‌ పోటీలు నిర్వహిస్తున్నామని మల్లికార్జున యువజన సంఘం సభ్యులు గురువారం ఒక ప్రకటనలో తెలిపారు. వినాయక నవరాత్రి ఉత్సవాల సందర్భంగా జరిగే ఈ పోటీల్లో ప్రథమ బహుమతి రూ. 20 వేలు, రెండో బహుమతికి రూ.10 వేలు, మూడో బహుమతికి రూ. 5 వేలు, నాలుగో బహుమతి కింద రూ.3 వేలు చొప్పున అందిస్తామని వివరించారు. ఆసక్తి గల జట్లు 63016 31609 నంబర్‌ను సంప్రదించి పేర్లు నమోదు చేసుకోవాలని సూచించారు. 21న అప్రెంటిస్‌ మేళా ఎచ్చెర్ల : స్థానిక ప్రభుత్వ ఐటీఐ కళాశాలలో ఈ నెల 21న అప్రెంటిస్‌ మేళా నిర్వహిస్తున్నట్లు ప్రిన్సిపాల్‌ సుధాకర్‌ ఒక ప్రకటనలో తెలిపారు. జిల్లాలోని తొమ్మిది కంపెనీల ప్రతినిధులు హాజరై అప్రెంటిస్‌ ఖాళీలను భర్తీ చేస్తారని పేర్కొన్నారు. ఉదయం 9 గంటలకు జరిగే ఈ కార్యక్రమానికి జిల్లాలోని ప్రభుత్వ, ప్రైవేటు ఐటీఐలలో వివిధ ట్రేడ్‌లలో శిక్షణ పూర్తి చేసిన విద్యార్థులు మూడు బయోడేటాలతొ పాటు విద్యార్హత పత్రాలతో హాజరుకావాలని కోరారు. శ్యాంక్రంగ్‌ పిస్టన్స్‌, నాగార్జున అగ్రికమ్‌, దీపక్‌మైనీ, సొల్యూషన్‌, జయభేరి తదితర కంపెనీల ప్రతినిధులు హాజరవుతారని పేర్కొన్నారు. భార్యను వేధించిన భర్తకు జైలుశిక్ష కాశీబుగ్గ : భార్యను వేధించిన కేసులో భర్తకు మూడు నెలల జైలుశిక్ష విధిస్తూ పలాస మేజిస్ట్రేట్‌ కోర్టు న్యాయమూర్తి యు.మాధురి తీర్పునిచ్చారు. పలాస మండలం వీరభద్రాపురం గ్రామానికి చెందిన గుంట స్వాతి తన భర్త విశ్వేశ్వరరావు వేధిస్తున్నాడంటూ 2018లో కాశీబుగ్గ పోలీస్‌ స్టేషన్‌లో ఫిర్యాదు చేసింది. అప్పటి సీఐ కె.అశోక్‌కుమార్‌ కేసు నమోదు చేయగా, గురువారం న్యాయమూర్తి తుది తీర్పును వెలువరించారు. ముద్దాయికి మూడు నెలల జైలు శిక్ష, రూ. 3వేల అపరాధ రుసుం విధించినట్లు కాశీబుగ్గ సీఐ జి.రామకృష్ణ తెలిపారు. రేపు జాబ్‌మేళా రణస్థలం: కౌశలం కార్యక్రమంలో భాగంగా ఈ నెల 19న జిల్లా పరిషత్‌ నూతన సమావేశ మందిరంలో ఉద్యోగ మేళా నిర్వహిస్తున్నట్లు రణస్థలం ఎంపీడీవో ఎం.ఈశ్వరరావు ఒక ప్రకటనలో తెలిపారు. ఉదయం 8.30 గంటలకు నియామక ప్రక్రియ ప్రారంభమౌతుందని పేర్కొన్నారు. పదో తరగతి, ఇంటర్‌, డిగ్రీ, ఐటీఐ, డిప్లమో, బీటెక్‌ మెకానికల్‌ విద్యార్హతలతో 18 నుంచి 32 ఏళ్ల పురుష అభ్యర్థులు హాజరు కావాలని సూచించారు. ‘ఎంఎస్‌ఎంఈల అభివృద్ధికి ప్రత్యేక ప్రణాళిక’ శ్రీకాకుళం (పీఎన్‌ కాలనీ): జిల్లాలో ఎంఎస్‌ఎంఈల అభివృద్ధి కోసం ఆంధ్రప్రదేశ్‌ క్లస్టర్‌ డెవలప్‌మెంట్‌ ప్రొగ్రాం పథకాన్ని అమలు చేస్తున్నట్లు జిల్లా పరిశ్రమల మేనేజర్‌ శ్రీధర్‌ ఓ ప్రకటనలో తెలిపారు. ఈ మేరకు గురువారం ఓ ప్రకటన విడుదల చేశారు. ఈ పథకం ద్వారా ప్రతి అసెంబ్లీ నియోజకవర్గం పరిధిలో ఏర్పాటు చేస్తున్న ఎంఎస్‌ఎంఈ పార్క్‌లలో ఇతర పారిశ్రామిక క్లస్టర్లలో డిమాండ్‌కు అనుగుణంగా సాధారణ సౌకర్య కేంద్రాల ఏర్పాటుకు ప్రాధాన్యత నిస్తున్నట్లు తెలిపారు. అత్యాధునిక సాంకేతిక సదుపాయాలను అందుబాటులోకి తీసుకురావడం ద్వారా ఉత్పత్తి వ్యయాన్ని తగ్గించి, నాణ్యమైన ఉత్పత్తులను తయారు చేయడం, అదే విధంగా అంతర్జాతీయ స్థాయిలో పోటీ తత్వాన్ని పెంపొందించడం, ఇండస్ట్రీ సాంకేతికతను, పర్యావరణ హరిత సాంకేతికతను ప్రోత్సహించడం ఈ పథకం ప్రధాన లక్ష్యమని అన్నారు. ఈ పథకం కింద భూమి, పారిశ్రామిక భవనాల నిర్మాణం, అత్యాధునిక ప్లాంట్లు, వ్యర్ధ జలాల శుద్ధి కేంద్రాలు, ఎగుమతుల ప్రోత్సాహక ప్రదర్శనా సదుపాయాలు తదితర మౌలిక వసతుల కోసం రాయితీ వర్తిస్తుందని పేర్కొన్నారు.

రాయగడ: భార్యను గొడ్డలితో దాడిచేసి హత్య చేసిన కేసులో భర్త గురునాథ్‌ గౌడోకు రాయగడ అదనపు జిల్లా సెషన్స్‌ కోర్టు జీవిత ఖైదు విధించింది. కేసులో నేరం రుజువు కావడంతో న్యాయమూర్తి అల్పనా స్వయ్‌ ఈ మేరకు తీర్పును వెలువరించారు. జీవిత ఖైదుతో పాటు రూ.20 వేల జరిమనా చెల్లించాలని, చెల్లించలేని పక్షంలో అదనంగా మరో ఆరు నెలల పాటు కఠిన కారాగార శిక్షను అనుభవించాలని తీర్పులో పేర్కొన్నారు. వివరాల్లోకి వెళ్తే.. 2024లో జిల్లాలోని కాసీపూర్‌ పోలీస్‌స్టేషన్‌ పరిధిలో నమోదైన ఈ కేసు విచారణ కొనసాగుతుంది. గురునాథ్‌ గౌడో తన భార్య పుష్పాగౌడోపై గొడ్డలితో దాడిచేసి హత్య చేసినట్లు ప్రాసిక్యూషన్‌ ఆరోపించింది. ఈ కేసుకు సంబంధించి విచారణలోకి రావడంతో న్యాయమూర్తి అల్పనా స్వయ్‌ 14 మంది సాక్షుల వాగ్మూలాలను నమోదు చేసుకున్న అనంతరం ఈ తీర్పును వెలువరించారు.

● 12 మంది అరెస్టు రాయగడ: క్షుద్రపూజలు చేస్తున్నాడనే అనుమానంతో ఓ వ్యక్తిని అడ్డగించి హత్య చేసిన ఘటనలో పోలీసులు 12 మందిని అరెస్టు చేసారు. జిల్లాలోని గుణుపూర్‌ పోలీస్‌ స్టేషన్‌ పరిధిలోని కాకితర గ్రామ సమీపంలో జరిగిన ఈ హత్య కేసును పోలీసులు ఛేదించి నిందితులనుకోర్టులో హజరుపరిచారు. హత్యకు ఉపయోగించిన కర్రతో పాటు 12 సెల్‌పోన్లు, మృతుడి మోటార్‌ సైకిల్‌ను పోలీసులు స్వాధీనం చేసుకున్నారు. ఈ కేసుకు సంబంధించి గుణుపూర్‌ ఆదర్శ పోలీస్‌ స్టేషన్‌ ఐఐసి కేకేబీకే కుహరో ఈ మేరకు గురువారం నాడు నిర్వహించిన విలేకర్ల సమావేశంలో వివరాలు వెల్లడించారు. గొట్లపదర్‌ పంచాయతీ పరిధిలోని కాకితర గ్రామానికి చెందిన మాటియా పాతిక (56) సెప్టెంబరు 2 వ తేదీ సాయంత్రం ఇంటి నుంచి బయటకు వెళ్లి తిరిగిరాలేదు. ఆయన ఫోన్‌ స్విచాఫ్‌ రావడంతో కుటుంబ సభ్యులు గాలించినా ఆచూకీ లభించలేదు. మరుసటి రోజు ఉదయం లాబా–కాకితర గ్రామాల మధ్య బొంగురు వాగు సమీపంలో మాటియా మృతదేహం, ఆయన బైకు కనిపించాయి. దీంతో మృతుడి భార్య సవర్ణీ పాతికా ఇచ్చిన ఫిర్యాదు మేరకు గుణుపూర్‌ పోలీసులు కేసు నమోదు చేసుకుని దర్యాప్తు ప్రారంభించారు. ఈ క్రమంలో మాటియా క్షుద్ర పూజలు చేస్తున్నాడనే అనుమానంతో గ్రామానికి చెందిన కొందరు వ్యక్తులు అతడిపై ఆగ్రహంతో ఉన్నట్లు పోలీసులు గుర్తించారు. గ్రామంలో సామూహిక కార్యక్రమాల్లో కూడా అతడు పాల్గొనకుండా ఒంటరిగా ఉంటున్నాడని పోలీసులు తెలిపారు. సెప్టెంబరు 2 న మాటియా లాబా వైపు వెళుతున్నట్లు గుర్తించిన నిందితులు అతడిని హత్య చేయాలని పథకం వేసినట్లు దర్యాప్తులో తేలినట్లు పోలీసులు తెలియజేశారు. బైకుపై తిరిగి వస్తున్న సమయంలో బొంగురు వాగు సమీపంలో అతడిని అడ్డగించి కర్రలతో దాడి చేసి హత్య చేసినట్లు పోలీసులు తెలిపారు. అనంతరం ఆధారాలు మాయం చేసేందుకు మృతదేహంతో పాటు మృతుని బైకును వాగులో పడేసి అక్కడి నుండి వెళ్లిపోయారు. ఈ కేసులో కాకితర గ్రామానికి చెందిన బిడికా రామచంద్ర, బిడికా రమేష్‌, బిడికా సంతోష్‌, మండంగి లింగరాజ్‌, పాతికా మోసెస్‌, పాతికా యోగేంద్ర, నమల కుమార్‌, బిడికా బాదామా, రవి బిడిక, బిడికా కై లాస్‌, బిడికా రామదాస్‌ అలియాస్‌ బిడికా దాస్‌ , మండంగి కేశవ్‌లను అరెస్టు చేసినట్లు పోలీసులు తెలిపారు.

జయపురం: జయపురం సబ్‌డివిజన్‌ కొట్‌పాడ్‌లో సీనియర్‌ దివానీ (సివిల్‌) కోర్టు ఏర్పాటు చేయాలని కొట్‌పాడ్‌ బార్‌ అసోసియేషన్‌ గురువారం కొరింది. కొట్‌పాడ్‌ బార్‌ అసోసియేషన్‌ అధ్యక్షుడు మణి ప్రసాద్‌ పట్నాయక్‌ నేతృత్వంలో పలువురు న్యాయవాదులు కటక్‌ ఉన్నత న్యాయాలయానికి వెళ్లారు. కొరాపుట్‌ జిల్లా పోర్టు పోలియో విచారతి కటక్‌ ఉన్నత న్యాయాధికారి చిత్తరంజన్‌ దాస్‌ను ఆయన చాంబర్‌లో కలిసి వినతిపత్రం అందజేశారు. కొట్‌పాడ్‌లో సీనియర్‌ సివిల్‌ కోర్టు ప్రారంభించాలని విజ్ఞప్తి చేశారు. కొట్‌పాడ్‌లో అనేక మంది సివిల్‌ కేసులకు జయపురం సివిల్‌ కోర్టుపై ఆధారపడుతున్నారని, ప్రతి దినం అనేక సివిల్‌ కేసులు కొట్‌పాడ్‌, తదితర సమితుల నుంచి జయపురం వెళ్తున్నాయని ఇప్పటికే వందలాది కేసులు జయపురంలో పెండింగ్‌లో ఉన్నాయని వినతిపత్రంలో వెల్లడించారు. కొట్‌పాడ్‌లో శాశ్వత సివిల్‌ కోర్టు ఏర్పాటు చేస్తే కొట్‌పాడ్‌ సమితితోపాటు కుంధ్ర, బొయిపరిగుడ, బొరిగుమ్మ సమితుల ప్రజలు ఎంతో మేలు జరుగుతుందని వివరించారు. కేసులు త్వరితగతిన పరిష్కరించేందుకు వీలు కలుగుతుందన్నారు. కటక్‌ ఉన్నత న్యాయాలయ జడ్జి చిత్తరంజన్‌ దాస్‌ను కలసిన వారిలో బార్‌ అసోసియేషన్‌ మణిప్రసాద్‌ పట్నాయక్‌, కార్యదర్శి అనిల్‌ కుమార్‌ పట్నాయక్‌, మాజీ అధ్యక్షుడు కిశోర్‌ మహాపాత్రో, మాజీ కార్యదర్శి కిశోర్‌ చంద్ర మిశ్ర, బిరేష్‌ బిశాయి, శంకర ప్రసాద్‌ తదితరులు పాల్గొన్నారు. కొన్ని నెలల్లో కొట్‌పాడ్‌లో సివిల్‌ కోర్టు ఏర్పాటు చేస్తామని న్యాయమూర్తి హామీ ఇచ్చారని మణిప్రసాద్‌ పట్నాయక్‌ తెలిపారు.

రాయగడ: జిల్లాలో మావోయిస్టు కార్యకలాపాలకు సంబంధించి కీలక పరిణామం చోటుచేసుకుంది. మావోయిస్టు కమాండర్‌, ఏరియా కమిటీ సభ్యుడు సర్వేశ్వర్‌ మాఝి అలియాస్‌ మాంగు పోలీసులకు చిక్కినట్లు సమాచారం. అంబొదల పోలీస్‌స్టేషన్‌ పరిధి హటొదహిఖాల్‌ వారపు సంతలో మాంగును ప్రత్యేక పోలీసు బృందం అదుపులోకి తీసుకున్నట్లు తెలుస్తోంది. విశ్వసనీయ సమాచారంతో పోలీసులు ముందస్తుగా వ్యూహం రూపొందించినట్లు సమాచారం. హటొదొహిఖాల్‌ సంతకు మాంగు వస్తాడన్న సమాచారంతో పోలీసులు తెల్లవారుజామునుంచే నిఘా ఏర్పాటు చేశారు. మధ్యాహ్నం సమయంలో సరుకులు కొనుగోలు చేసేందుకు సంతకు వచ్చిన మాంగును పోలీసులు అదుపులోకి తీసుకున్నట్లు తెలుస్తోంది. పోలీసులు పట్టుకునే సమయంలో మాంగు భద్రత సిబ్బందితో పెనుగులాడి అక్కడనుంచి తప్పించుకునేందుకు ప్రయత్నించినట్లు సమాచారం. మాంగును ప్రస్తుతం ఎక్కడ ఉంచారన్న విషయాన్ని పోలీసులు అధికారికంగా వెల్లడించలేదు. నియమగిరిలో మావోయిస్టు కదలికలు వంశధార – ఘుముసుర – నాగావళి డివిజన్‌లో గతంలో సమారు 25 నుంచి 27 మంది మావోయిస్టు సభ్యులు ఉన్నట్లు సమాచారం. ఈ ఏడాది ఫిబ్రవరి 6వ తేదీన 15 మంది మావోయిస్టులు లొంగిపోయారు. మిగిలిన వారిలో కొందరు ఇప్పటికే అజ్ఞాతంలో ఉన్నట్లు పోలీసులు భావిస్తున్నారు. మావోయిస్టు అగ్రనేత నికిల్‌, ఆయన భార్య ఇందు సహా 15 మంది లొంగిపోయి జనజీవన స్రవంతిలోకి వచ్చిన తర్వాత, మిగిలిన క్యాడర్‌ కూడా లొంగిపోవాలని పిలుపునిచ్చినట్లు సమాచారం. అయితే అందుకు స్పందించకుండా కొందరు రాయగడ, కందమాల్‌, గంజాం జిల్లా సరిహద్దు ప్రాంతాల్లో సంచరిస్తున్నట్లు నిఘా వర్గాలకు సమాచారం అందింది. ఇదిలా ఉండగా నియమగిరి పర్వత ప్రాంతాల్లోని దట్టమైన అటవీ ప్రాంతాలను వారు ఆశ్రయంగా ఉపయోగించుకున్నట్లు సమాచారం. మిగిలిన మావోయిస్టులను గుర్తించి అదుపులోకి తీసుకునేందుకు పోలీసులు నిఘా కొనసాగిస్తున్నారు. మాంగు అదుపులోకి రావడంతో అతడితో సంబంధం ఉన్న ఇతర మావోయిస్టు క్యాడర్‌కు సంబంధించి కీలక సమాచారం వెలుగులోకి వచ్చే అవకాశం ఉందని అధికారులు భావిస్తున్నట్లు సమాచారం. సర్వేశ్వర్‌ మాఝి అలియాస్‌ మాంగు స్వస్థలం రాయగడ జిల్లా కాసీపూర్‌ సమితి పరిధిలోని పంచాలి గ్రామంగా తెలుస్తోంది.

భువనేశ్వర్‌: స్థానిక బిజూ పట్నాయక్‌ అంతర్జాతీయ విమానాశ్రయం నుంచి బ్యాంకాక్‌, భువనేశ్వర్‌ మధ్య ప్రత్యక్ష అంతర్జాతీయ విమానయానం సేవలు పునః ప్రారంభం కానున్నాయి. అక్టోబర్‌ 2 నుంచి ఇండిగో సంస్థ భువనేశ్వర్‌, బ్యాంకాక్‌ల మధ్య వారానికి 2 రోజులు విమానాలను నడపనుందని అధికార వర్గాలు తెలిపాయి. తాత్కాలిక షెడ్యూల్‌ ప్రకారం సోమ, శుక్ర వారాల్లో భువనేశ్వర్‌ నుంచి బ్యాంకాక్‌కు, తిరుగు ప్రయాణంలో మంగళ మరియు శని వారాల్లో బ్యాంకాక్‌ నుంచి భువనేశ్వర్‌ మధ్య ఈ సేవలు లభ్యం అవుతాయి. అక్టోబర్‌ 26 నుంచి బ్యాంకాక్‌ నుంచి వచ్చే విమానాలు సోమ, గురు వారాల్లో భువనేశ్వర్‌కు చేరుతాయి. భువనేశ్వర్‌ నుంచి బయలుదేరే విమానాలు మంగళ మరియు శుక్ర వారాల్లో అందుబాటులో ఉంటాయి. విమాన ఛార్జీలు ప్రయాణ తేదీలు, సీట్ల లభ్యతపై ఆధారపడి ఉంటాయి. తదనుగుణంగా చార్జీ నిర్ధారణ జరుగుతుంది. అక్రమ ఖనిజ రవాణా వాహనం స్వాధీనం రాయగడ: సరైన ధ్రువపత్రాలు లేకుండా డోలమైట్‌ ఖనిజాన్ని తరలిస్తున్న వాహనాన్ని రాయగడ ప్రాంత రవాణా శాఖ అధికారులు పట్టుకున్నారు. 2023 నుంచి వాహనానికి ఫిట్నెస్‌, బీమా సహా అవసరమైన పత్రాలు అప్‌డేట్‌ కాకపోవడంతో పాటు పలుమార్లు పన్ను ఎగవేతకు పాల్పడిట్లు ఆన్‌లైన్‌లో గుర్తించారు. దీంతో వాహనాన్ని స్వాధీనం చేసుకుని సుమారు రూ.3 లక్షల వరకు జరిమానా విధించారు. రాయగడ – కేరడ ప్రధాన రహదారిలోని పితామహాల్‌ సమీపంలో ఆర్టీవో వినయ్‌ కుమార్‌ పాల్‌ పర్యవేక్షణలో రవాణా శాఖ అధికారులు వాహన తనిఖీలను బుధవారం సాయంత్రం నిర్వహించారు. ఈ సందర్భంగా డోలమైట్‌ ఖనిజంతో వెళ్తున్న వాహనాన్ని నిలిపి పత్రాలు చూపించాలని కోరారు. అయితే వాహన చోదకుడు ఎలాంటి చెల్లుబాటు ఆయ్యే పత్రాలను చూపించలేకపోయాడు. అనంతరం అధికారులు వాహనం వివరాలను ఆన్‌లైన్‌లో పరిశీలించగా 2023 నుంచి ఫిట్నెస్‌, బీమా తదితర అవసరమైన పత్రాలు ఆప్‌డేట్‌ కాలేదని గుర్తించారు. అలాగే వివిధ టోల్‌గేట్ల వద్ద సమారు 7 నుంచి 8 సార్లు పన్ను ఎగవేతకు సంబంధించిన రికార్డులు ఉన్నట్లు అధికారులు గుర్తించారు. దీంతో వాహనాన్ని స్వాధీనం చేసుకుని జరిమనాను విఽధించారు.

కొరాపుట్‌: నబరంగ్‌పూర్‌ జిల్లాలో ఏకై క శక్తి పీఠం మా బండారు ఘరణి శక్తి పీఠం ప్రధాన అర్చకుడు రాజీవ్‌ లోచన్‌ పూజారి (54) ఆకస్మికంగా మృతి చెందారు. జిల్లా కేంద్రంలోని కేవిటి వీధిలో అనారోగ్యంతో తుదిశ్వాస విడిచారు. జిల్లాలో అతి ముఖ్యమైన శక్తిపీఠానికి ప్రధాన అర్చకుడు కావడంతో జిల్లా వ్యాప్తంగా విచారచ్చయాలు నెలకొన్నాయి. దసరా శరన్నవరాత్రులకు శక్తి పీఠం సిద్ధమవుతున్న తరుణంలో ఆయన మృతి వార్త అన్ని వర్గాలను శోకంలో ముంచేసింది. గురువారం ఉదయం జిల్లా కేంద్రంలో వర్తక వాణిజ్య సంస్థలు తెరువలేదు. బీజేపీకి చెందిన నబరంగ్‌పూర్‌ ఎమ్మెల్యే గౌరీ శంకర్‌ మజ్జి రాజీవ్‌ నివాసానికి చేరుకొని పూల మాలల వేసి నివాళులు అర్పించారు. మాజీ మంత్రి రమేష్‌ మజ్జి, ఎంపీ బలబద్ర మజ్జి తదితరులు తమ సంతాపాలు ప్రకటించారు. అంతిమ యాత్ర లో పార్టీలకు అతీతంగా ప్రజలు పాల్గొన్నారు. అంతిమ సంస్కారాలు ముగిసే వరకు మున్సిపల్‌ చైర్మన్‌ కున్ను నాయకు అనుసరించారు. రాజీవ్‌ కుటుంబం శతాబ్దాలుగా శక్తి పీఠానికి వంశ పార పర్య ప్రధాన అర్చకులుగా కొనసాగుతున్నారు.

కొరాపుట్‌: పశ్చిమ ఒడిశా మొదటి పండగ నువాఖాయ్‌ గురువరాం ప్రారంభమైంది. నబరంగ్‌పూర్‌ జిల్లా చందాహండి, రాయిఘర్‌ సమితుల్లో గిరిజనులు తమ ప్రథమ పండగను ఘనంగా నిర్వహించారు. ఈ విడత పండిన తొలి ధాన్యంతో భోజనాలు ఏర్పాటు చేసుకున్నారు. గిరిజనులు తమ ఇంటి, గ్రామ దేవతలకు తమ తొలి పంటని నైవేద్యంగా పెట్టి వంటకాలు చేసుకున్నారు. మాజీ మంత్రి రమేష్‌ చంద్ర మజ్జి, జొరిగాం మాజీ ఎమ్మెల్యే ప్రకాష్‌ చంద్ర మజ్జి తమ స్వస్థలం చందాహండిలో వివిధ గ్రామల ప్రముఖులకు భోజనాలు ఏర్పాటు చేశారు. నబరంగ్‌పూర్‌ ఎంపీ బలభద్ర మజ్జి తన స్వగృహంలో ఇంటి దేవతకి పూజలు చేశారు. సమీప కలహండి జిల్లాలో మేక మాంసం విక్రయాలు జోరుగా జరిగాయి.

శ్రీకాకుళం కల్చరల్‌: కళాకారుల సేవలు చిరస్థాయిగా నిలుస్తాయని పలువురు వక్తలు పేర్కొన్నారు. జిల్లా కేంద్రంలోని బాపూజీ కళామందిర్‌లో శ్రీ సుమిత్ర కళాసమితి ఆధ్వర్యంలో అఖిల భారత బహుభాషా నాటిక పోటీలు గురువారం ప్రారంభమాయ్యాయి. కార్యక్రమంలో ఎమ్మెల్యే గొండు శంకర్‌, డాక్టర్‌ కొంచాడ సోమేశ్వరరావు, సుడా ఈఈ పొగిరి సుగుణాకరరావు, నిక్కు హరిసత్యనారాయుణ, ఎల్‌.రామలింగస్వామి తదితరులు పాల్గొన్నారు. ఆకట్టుకున్న నాటికలు.. తొలుత కోల్‌కతాకు చెందిన దాల్పుట్‌ మాణికతలా నాట్య సంస్థ ఆధ్వర్యంలో బెంగాలి నాటిక ‘జ్వాలా‘ ద్వారా దేశవిభజన, శరణార్థుల జీవితాల గురించి, దేశవిభజనలో కలిగిన వేదనలు కళ్లకు కట్టినట్లు ప్రదర్శించారు. అనంతరం అసోంకు చెందిన ‘జీవశ్రేష్ట’ ద్వారా మానవీయ విలువలను ఎలా కాపాడుకోవాలో సందేశాత్మకంగా తెలియజేశారు. కార్యక్రమంలో ఇప్పిలి శంకర్‌శర్మ, మెట్ట పోలినాయుడు, కొంక్యాన మురళి, గుత్తు చిన్నారావు, మండవిల్లి రవి, కిల్లాన ఫల్గుణరావు, అశోక్‌కుమార్‌, లాడె చంద్రశేఖర్‌, వీవీఆర్‌ మూర్తి, జ్యోతి, పూజ, నక్క శంకరరావు తదితరులు పాల్గొన్నారు. శుక్రవారం మరాఠీ నాటిక ‘సూప్‌’, కన్నడ నాటిక ‘సాంగ్యా –బాల్య’ ప్రదర్శన ఉంటుందని నిర్వాహకులు తెలిపారు.

శ్రీకాకుళం : రాజ్యాంగ నిర్మాత డాక్టర్‌ బి.ఆర్‌.అంబేడ్కర్‌పై హమారా ప్రసాద్‌ చేసిన అనుచిత వ్యాఖ్యలను ఖండిస్తూ శ్రీకాకుళం నగరంలో జిల్లా దళిత ప్రజాసంఘాల ఐక్యవేదిక ఆధ్వర్యంలో గురువారం నిరసన కార్యక్రమం నిర్వహించారు. అంబేడ్కర్‌ విగ్రహం వద్ద జరిగిన ఈ కార్యక్రమంలో పలువురు దళిత ప్రజా సంఘాల ప్రతినిధులు, నాయకులు, కార్యకర్తలు హాజరై డే అండ్‌ నైట్‌ కూడలి వరకు నిరసన ర్యాలీ చేపట్టారు. హమారా ప్రసాద్‌ రచించిన ‘కల్పిత నాయకుడు’ పుస్తకాన్ని నిషేధించి చట్టపరమైన చర్యలు తీసుకోవాలని డిమాండ్‌ చేశారు. అంబేడ్కర్‌పై అవమానకర వ్యాఖ్యలు చేయడం సామాజికంగా ఉద్రిక్తతలకు దారితీసే అవకాశం ఉందని, మతోన్మాది హమారా ప్రసాద్‌పై దేశద్రోహం కేసు పెట్టి శిక్షించాలన్నారు. నిరసన కార్యక్రమంలో దళిత ప్రజాసంఘాల ఐక్యవేదిక నాయకులు పేడాడ కృష్ణారావు, బోకర నారాయణరావు, మిస్కా కృష్ణయ్య, రాయి వేణుగోపాల్‌, దుర్గాసి గణేష్‌, కంఠ వేణు, తైక్వాండో శ్రీను, యడ్ల గోపి, ఎస్సీ ఎస్టీ లాయర్స్‌ అసోసియేషన్‌ జిల్లా అధ్యక్షుడు బి.మురళీకృష్ణ, చలపతిరావు, ముక్కు ఆదినారాయణ, నటుకుల మోహనరావు, పోతుల దుర్గారావు, బోనెల అప్పారావు, ముస్లిం మైనార్టీ నాయకులు రఫీ, జర్నలిస్టు నల్లి ధర్మారావు, శాసపు జోగినాయుడు పాల్గొన్నారు.

మల్కన్‌గిరి: ఢిల్లీలోని పితంపురాలో నిర్వహించిన సీనియర్‌ నేషనల్‌ పవర్‌ లిఫ్టింగ్‌, డెడ్‌లిస్ట్‌, బెంచ్‌ ప్రెస్‌ పోటీల్లో మల్కన్‌గిరి జిల్లాకు చెందిన రాయల్‌ ఫిట్నెస్‌ జిమ్‌ అథ్లెట్‌ సంజితా హాల్దార్‌ అద్భుత ప్రతిభ కనబరిచారు. దేశంలోని 17 రాష్ట్రాల నుంచి మొత్తం 568 మంది క్రీడాకారులు ఈ పోటీలో పాల్గొన్నారు. ఒడిశా నుంచి 20 మంది అథ్లెట్లు పాల్గొన్నారు. వారిలో మల్కన్‌గిరి యువతి సంజితా ఒకరు. బెంచ్‌ప్రెస్‌లో 77.5 కిలోల బరువును ఎత్తి మూడో స్థానం సాధించారు. అలాగే డెడ్‌లిస్ట్‌లో 135 కిలోల బరువును ఎత్తి రెండోస్థానం సాధించి రజిత పతకాన్ని కై వసం చేసుకున్నారు. దీంతో ఆమెను పలువురు అభినందించారు. జయపురం జగజ్జననీ మందిర హుండీ ఆదాయం లెక్కింపు జయపురం: జయపురం ప్రజల ఆరాధ్య దైవం జగజ్జననీ మందిరం హుండీ ఆదాయాన్ని గురువారం లెక్కించారు. 8 నెలల తర్వాత లెక్కించిన హుండీలో రూ.15, 25, 800 నగదుతో పాటు చిల్లర నాణేలు, బంగారు, వెండి ఆభరణాలు ఎక్కువగా ఉన్నాయి. హుండీలో భక్తులు సమర్పించిన దక్షిణలను ఆలయ కమిటీ సభ్యులు అధికారుల సమక్షంలో రోజంతా లెక్కించారు. హుండీలో భక్తులు రాసి వేసిన 45 లేఖలు ఉన్నాయి. అందులో అమ్మవారికి రాసిన ఆహ్వానాలూ కనిపించాయి. హుండీ లెక్కింపులో మాధవ మహంకుడో, రామా రావు, మాధవ రథ్‌, లక్ష్మీకాంత పట్నాయిక్‌, శివ పట్నాయిక్‌, పూజారి వల్లభ నారాయణ ఖడంగ, బిజయ ఖడంగ, రభి ఖొర, తపన కుమార్‌ మిశ్ర, విశ్వజిత్‌ దండసేన, లక్ష్మణ జాని తదితరులు పాల్గొన్నారు. 55 తాబేళ్లు స్వాధీనం మల్కన్‌గిరి: జిల్లాలోని కలిమెల సమితి మోటు అటవీ శాఖ అధికారులు మోటు సరిహద్దు రహదారిలో గురువారం పెట్రోలింగ్‌ చేపట్టారు. ఈ సమయంలో రెండు ద్విచక్ర వాహనాలపై అక్రమంగా తరలిస్తున్న తాబేళ్లను స్వాధీనం చేసుకున్నారు. వివరాల్లోకి వెళ్తే.. ఆంధ్ర నుంచి తాబేళ్లను తీసుకొచ్చి ఒడిశాలో అధిక ధరకు అమ్ముతున్నారు. ఈ విషయం తెలుసుకున్న మోటు అటవీ శాఖ అధికారులు నిఘా పెట్టారు. ఎంవీ 114 గ్రామానికి చెందిన ప్రభాస్‌ జోడహార్‌, నంద మండాల్‌, ఎంవీ 47 గ్రామానికి చెందిన లోకిపద్‌ మాలి, రామ్‌నారాయణ్‌ మండాల్‌లు 55 తాబేళ్లను అక్రమంగా తీసుకొస్తుండగా స్వాధీ నం చేసుకున్నారు. అలాగే నిందితుల నుంచి రెండు ద్విచక్ర వాహనాలు, నాలుగు సెల్‌ఫోన్లు స్వాధీనం చేసుకొని కేసు నమోదు చేశారు. 40 కిలోల గంజాయి పట్టివేత పర్లాకిమిడి: గజపతి జిల్లా మోహన బ్లాక్‌ అడవ పోలీసు స్టేషన్‌ పరిధిలో బుధవారం అర్ధరాత్రి పోలీసుల బృందం పెట్రోలింగ్‌ జరుపుతుండగా, డురింగుడ, ముత్తగుడ రోడ్డులో ఒక టీవీఎస్‌ స్కూటీలో గంజాయి బస్తాలు తీసుకువెళుతుండగా పోలీసులు ప్రశ్నించి పట్టుకున్నారు. పట్టుకున్న రెండు ముచ్చి బస్తాల్లో ఉన్న గంజాయిని మోహన తహసీల్దార్‌, ఎగ్జిక్యూటివ్‌ మేజిస్ట్రేట్‌ రాజేంద్ర కుమార భుయ్యాన్‌ సమక్షంలో తూనిక వేయగా 40 కిలోల గంజాయి ఉన్నట్టు నిర్ధారించారు. మార్కెట్‌లో దీని విలువ నాలుగు లక్షలకు పైగా ఉంటుందని పోలీసులు చెబుతున్నారు. అరెస్టయిన వ్యక్తి అడవ పంచాయతీ ముత్తగుడ గ్రామానికి చెందిన నర్సింగ్‌ మాలి అలియాస్‌ లారెన్స్‌ (48)గా పోలీసులు గుర్తించారు. అడవ పోలీసు స్టేషన్‌లో కేసు నంబర్‌ 193/2026 ఎన్‌.డి.పి.యస్‌. చట్టం కింద నిందితుడిని అరెస్టు చేసి, ఒక టీవీఎస్‌ స్కూటీ, మొబైల్‌ను స్వాధీనం చేసుకున్నట్టు అడవ పోలీసు అధికారి సంతోష్‌ బిశోయి తెలియజేశారు. నిందితుడు నర్సింగ్‌ మాలిని మోహన కోర్టులో గురువారం హాజరు పరిచారు.

పర్లాకిమిడి: పర్లాకిమిడి గజపతి స్టేడియం వద్ద ఈ నెల 17న సెంచూరియన్‌ పబ్లిక్‌ స్కూల్లో మొక్కలు నాటే కార్యక్రమం ఉదయం గం.10.30కు నిర్వహించనున్నట్టు జిల్లా అటవీ శాఖ కన్జర్వేటర్‌ శైనీశ్రీ దాస్‌ తెలిపారు. అందరూ పాల్గొని విజయవంతం చేయాలని కోరారు. ఎన్‌ఎఫ్‌ఐఆర్‌ జోనల్‌ కార్యదర్శిగా సుధీర్‌ భువనేశ్వర్‌: భారతీయ రైల్వే కార్మిక జాతీయ సమాఖ్య (ఎన్‌ఎఫ్‌ఐఆర్‌) జోనల్‌ కార్యదర్శిగా సుధీర్‌ పాఢి నియమితులయ్యారు. ఈ నెల 11న న్యూఢిల్లీలో జరిగిన 244వ కార్యవర్గ సమావేశంలో ఈ నియామకం జరిగినట్లు ఖుర్దారోడ్‌ ఓపెన్‌ లైన్‌ శాఖ కార్యదర్శి లక్ష్మీధర మహంతి తెలిపారు. సుధీర్‌ పాఢి ప్రస్తుతం తూర్పు కోస్తా రైల్వే శ్రామిక్‌ కాంగ్రెస్‌ ముఖ్య సలహాదారుగా బాధ్యతలు వహిస్తున్నారు. న్యూఢిల్లీ నుంచి తిరిగి వచ్చిన సుధీర్‌కు ఖుర్దా రోడ్‌ రైల్వే స్టేషనులో ఘన స్వాగతం లభించింది. తూర్పు కోస్తా రైల్వే శ్రామిక్‌ కాంగ్రెసు ఖుర్దారోడ్‌ మండల సమన్వయకర్త సునీల్‌ కుమార్‌ భంజ్‌ ఆధ్వర్యంలో మండల స్థాయిలో 3 శాఖల కార్మిక నాయకులు ఎన్‌ఎఫ్‌ఐఆర్‌ జోనల్‌ కార్యదర్శిగా నియమితులైన సందర్భంగా సుధీర్‌కి పుష్పగుచ్ఛం అందజేసి అభినందించారు.

రాయగడ: జేకేపూర్‌, చందిలి సమీపంలో గల నెహ్రునగర్‌లో నిర్వహిస్తున్న వినాయక ఉత్సవాల్లో భాగంగా బుధవారం నిర్వాహకులు వివిధ సేవా కార్యక్రమాలను నిర్వహించారు. ఉత్సవాల ప్రాంగణంలో అన్నదానం కార్యక్రమంతో పాటు వృద్ధులకు దుప్పట్లను పంపిణీ చేశారు. ఈ కార్యక్రమానికి ముఖ్యఅతిథిగా స్థానిక శ్రీక్షేత్ర టౌన్‌షిప్‌ అధినేత దూడల శ్రీనివాస్‌ హాజరై దుప్పట్లను పంపిణీ చేశారు. గత ఐదు సంవత్సరాలుగా ఇక్కడ నిర్వహిస్తున్న వినాయక ఉత్సవాల్లో భాగంగా ప్రతీ ఏడాది సేవా కార్యక్రమాలను నిర్వహిస్తుండటం అభినందనీయమని శ్రీనివాస్‌ అన్నారు. సమాజ సేవయే లక్ష్యంగా ఈ ప్రాంత యువకులు ముందుకు రావడం హర్షించదగిన విషయమన్నారు. ఈ సందర్భంగా వృద్ధులు, పేదలకు 300 దుప్పట్లను పంపిణీ చేశారు. ఈ కార్యక్రమాన్ని ఎస్‌.శివ, పి.విక్కీ, జగేంద్ర, అధికారి అజయ్‌ కుమార్‌, సూరి సంతోష్‌ కుమార్‌, తదితరులు నిర్వహించారు.

జయపురం: వినాయక చవితి సందర్భంగా చందా ఇవ్వని కారణంగా మిఠాయి దుకాణంపై దాడి చేసి ధ్వంసం చేసిన ఘటనలో ముగ్గురిని అరెస్టు చేసినట్టు జయపురం పట్టణ పోలీసులు బుధవారం తెలిపారు. జయపురం మెయిన్‌ రోడ్డులోని ఒక మిఠాయి దుకాణం యజమానిని వినాయక ఉత్సవ కమిటీ సభ్యులు చందా కోసం డిమాండ్‌ చేశారు. అయితే చందా ఇవ్వకపోవడంతో అతను ఇవ్వకపోవడంతో ఆగ్రహం చెందిన కమిటీ సభ్యులు యజమానిపై దాడి చేయడంతోపాటు మిఠాయి దుకాణాన్ని ధ్వంసం చేశారు. దీనిపై సంబంధిత దుకాణం యజమాని జయపురం పట్టణ పోలీసులకు ఫిర్యాదు చేశారు. దీంతో కేసు నమోదు చేసి ఏఎస్సై బి.ఆర్‌.బారిక్‌ దర్యాప్తు జరిపారు. పట్టణ పోలీసు అధికారి ఉల్లాష్‌ చంద్రరౌత్‌ ఆదేశం మేరకు దర్యాప్తు జరిపిన ఏఎస్సై బారిక్‌ నిందితులను గుర్తించారు. స్థానిక కొత్త వీధి నాలుగో లైన్‌లో మంగళవారం సాయంత్రం ముగ్గురు నిందితులను అరెస్టు చేసినట్లు పోలీసు అధికారి ఉలాస్‌ చంద్రరౌత్‌ వెల్లడించారు. అరెస్టయిన వారిలో కొత్తవీధి నాలుగో లైన్‌కు చెందిన సుజిత్‌ కుమార్‌ హియాల్‌, కొత్తవీధి మూడవ లైన్‌ నివాసి కునాల్‌ నాయిక్‌, ఐదో లైన్‌కు చెందిన సురేంద్రబాగ్‌లను అరెస్టు చేసి కోర్టులో హాజరు పరచినట్లు వెల్లడించారు. నేటి నుంచి సేవా సంకల్ప పక్షోత్సవాలు మల్కన్‌గిరి : బీజేపీ ఆధ్వర్యంలో సెప్టెంబర్‌ 17 నుంచి అక్టోబర్‌ 7 వరకు సేవా సంకల్ప పక్షోత్సవాలు నిర్వహిస్తున్నట్లు జిల్లా బీజేపీ ఇన్‌చార్జి రమేష్‌ జెనా తెలిపారు. బుధవారం ఆయన విలేకరులతో మాట్లాడుతూ ప్రధానమంత్రి నరేంద్ర మోదీ జన్మదినం సందర్భంగా దీపోత్సవంతో పాటు వివిధ సేవా కార్యక్రమాలు నిర్వహించడం, అంగన్‌వాడీ కేంద్రాల్లో తల్లులను భాగస్వామ్యం చేస్తామన్నారు. కార్యక్రమంలో మల్కన్‌గిరి ఎమ్మెల్యే నర్సింగ్‌ మాడ్కమి, నాయకులు పాల్గొన్నారు. ఏడు అడుగుల విష సర్పం పట్టివేత జయపురం: జయపురం సబ్‌ డివిజన్‌ బొయిపరిగుడ బొయిపరిగుడ గ్రామంలోని దుర్గా మందిర వీధిలో ప్రతిమ నాయిక్‌ ఇంట్లోకి ఏడు అడుగుల విష సర్పంచ్‌ బుధవారం చొరబడింది. పాముని చూసిన ఇంటివారు భయంతో గజగజ వణికిపోయారు. వెంటనే బొయిపరిగుడ అటవీ విభాగ అధికారికి, స్నేక్‌ క్యాచర్‌ డంబురు మఝిలకు సమాచారం ఇచ్చారు. దీంతో పాము ఉన్న ఇంటికి చేరుకున్న డొంబురు మఝి, అటవీ సిబ్బంది కొద్దిసేపు శ్రమించి పాముని పట్టుకొని అడవిలో సురక్షిత ప్రాంతంలో విడిచి పెట్టారు. వర్షా కాలం నేపథ్యంలో పాములు ఇళ్లలోకి చొరబడే అవకాశం ఉన్నందున ప్రజలు అప్రమత్తంగా ఉండాలని అటవీ సిబ్బణది సూచించారు. 21 కేజీల గంజాయి స్వాధీనం కొరాపుట్‌: గంజాయి అక్రమ రవాణాను కొరాపుట్‌ జిల్లా పోలీసులు అడ్డుకున్నారు. బుధవారం నందపూర్‌ సమితి పాడువా పోలీస్‌ స్టేషన్‌ పరిధిలో బద్దేవత చౌక్‌లో పోలీసులు తనిఖీలు చేపట్టారు. అదే సమయంలో కేరళ రాష్ట్రం పెరిచ్లమన్న పోలీస్‌ స్టేషన్‌ పరిధిలో పెడియా గ్రామానికి చెందిన ఉస్మాన్‌ అనన్‌ అనే వ్యక్తి అనుమానాస్పదంగా కనిపించాడు. అతని బ్యాగులను తనిఖీ చేయగా 21 కేజీల గంజాయి పట్టుబడింది. వెంటనే పొలీసులు నిందితుడిని అరెస్ట్‌ చేసి కోర్టులో హాజరు పరిచి అనంతరం జైలుకు తరలించారు.

రాయగడ: జిల్లాలోని కొలనార సమితి పరిధిలో గల రొబాడి ప్రభుత్వ బాలికల ఉన్నత పాఠశాల వసతి గృహంలో కామెర్ల (జాండీస్‌) కేసులు వెలుగుచూడటం కలకలం రేపుతుంది. జిల్లా సంక్షేమశాఖ ఆధ్వర్యంలో నిర్వహిస్తున్న ఈ పాఠశాలలో దశల వారీగా దాదాపు వంద మంది విద్యార్థినులు కామెర్లతో అస్వస్థతకు గురైనట్లు సమాచారం. పాఠశాల ఆవరణలోని చేతిపంపు నీటిని తాగిన అనంతరం విద్యార్థినులు అనారోగ్యానికి గురైనట్లు తెలుస్తుండటంతో అధికారులు అప్రమత్తమయ్యారు. ఘటన వెలుగులోకి వచ్చిన వెంటనే చేతిపంపు నీటి వినియోగాన్ని పూర్తిగా నిలిపివేశారు. ప్రస్తుతం ట్యాంకర్ల ద్వారా విద్యార్థినులకు తాగునీటిని సరఫరా చేస్తున్నారు. ఆరోగ్య శాఖ, సంక్షేమ శాఖ అధికారులు పాఠశాలకు చేరుకుని పరిస్థితిని పరిశీలించడంతోపాటు అస్వస్థతకు గురైన విద్యార్థినులకు వైద్య పరీక్షలను నిర్వహించారు. వారిలో ఓ విద్యార్థి ఆరోగ్య పరిస్దితి విషమించడంతో మెరుగైన వైద్యం కోసం బరంపురం ఆరోగ్య కేంద్రానికి తరలించారు. మరో నలుగురు విద్యార్థినులను చికిత్స నిమిత్తం రాయగడ జిల్లా ప్రధాన హాస్పిటల్‌లో చే ర్పించారు. ప్రస్తుతం వారి ఆరోగ్య పరిస్థితి నిలకడగా ఉందని సంబంధిత అధికారులు తెలిపారు. పాఠశాలలొ ప్రతిరోజూ ఆరోగ్య శాఖకు చెందిన ప్రత్యేక బృందం పర్యటించి విద్యార్థినుల ఆరోగ్య పరిస్థితిని పర్యవేక్షిస్తున్నట్లు జిల్లా సంక్షేమ శాఖ అధికారి ఆసీమా రావ్‌ తెలిపారు. వరుసగా విద్యార్థినులు అనారోగ్యానికి గురవుతుండటంతో వసతి గృహంలో భయాందొళన వాతావరణం నెలకొంది. కొంతమంది విద్యార్థినులు హాస్టల్‌ నుంచి ఇళ్లకు వెళ్లినట్లు సమాచారం.

మల్కన్‌గిరి: మల్కన్‌గిరి జిల్లా కలిమెల సమితి పోలీసులు బైక్‌, సేల్‌ఫోన్‌ చోరీ చేసిన వ్యక్తిని బుధవారం అరెస్టు చేశారు. కలిమెల సమితి బడుగూఢ గ్రామానికి చెందిన నీలకంఠ మండల్‌ సోమవారం రాత్రి తన బైక్‌, సెల్‌ఫోన్‌ చోరీకి గురైందని మంగళవారం ఉదయం కలిమెల పోలీసు స్టేషన్‌లో ఫిర్యాదు చేశారు. దీంతో ఐఐసీ ప్రభుదత్తు బిశ్వల్‌ కేసు నమోదు చేసి దర్యాప్తు చేశారు. మల్కన్‌గిరి సమితి యం.వి.8 గ్రామానికి చెందిన నీలకంఠ మండాల్‌ చోరీకి పాల్పడినట్టు గుర్తించి అతన్ని అరెస్టు చేసి.. బైల్‌, సెల్‌ఫోన్‌ను స్వాధీనం చేసుకున్నారు. అనంతరం కోర్టుకు తరలించారు.

పర్లాకిమిడి: ఆర్‌.సీతాపురం సెంచూరియన్‌ వర్సిటీ క్యాంపస్‌లో యూత్‌ రెడ్‌క్రాస్‌ ఆధ్వర్యంలో నూతన వలంటీర్ల ప్రమాణ స్వీకారం, ఇండక్షన్‌ కార్యక్రమం సెమినార్‌ హాల్‌లో ఘనంగా నిర్వహించారు. రెడ్‌క్రాస్‌ వ్యవస్థాపకుడు జీన్‌ హెన్రీ డ్యునాంట్‌ చిత్రపటం వద్ద వై.ఆర్‌.సీ. కౌన్సిలరు డా.సుశాంత కుమార్‌ పట్నాయిక్‌ జ్యోతి ప్రజ్వలన చేశారు. యువతలో సామాజిక బాధ్యత, సేవాభావం, మానవతా విలువలను పెంపొందించటంలో రెడ్‌క్రాస్‌ సంస్థ ముఖ్యపాత్రను పోషిస్తుందని డీన్‌ (స్టూడెంట్స్‌) సుశాంత కుమార్‌ పట్నాయిక్‌ తెలిపారు. అనంతరం డా.అనితా పాత్రో నూతన వాలంటీర్లతో వై.ఆర్‌.సీ. ప్రమాణ స్వీకారం చేయించారు. సెంచూరియన్‌ వర్శిటీ నర్సింగ్‌ స్కూల్‌ ప్రిన్సిపల్‌ ఎస్‌.ఎన్‌.సంధ్య, వై.ఆర్‌.సీ.జిల్లా కన్వీనరు సెక్రటరీ డా. బిప్లవ్‌ రంజన్‌ ప్రధాన్‌ మాట్లాడుతూ సేవాభావాన్ని జీవితంలో భాగంగా చేసుకుని సామాజిక బాధ్యతతో వ్యవహరించాలని సూచించారు. గజపతి జిల్లా వై.ఆర్‌.సీ. కోఆర్డినేటరు డా.ప్రదీప్‌ కుమార్‌ సారంగి, రిజిస్ట్రారు డా.అనితా పాత్రా, సి.యు.టి.యం. డీన్‌ డా.రితీష్‌ కుమార్‌ తదితరులు పాల్గొన్నారు.

గురువారం శ్రీ 17 శ్రీ సెప్టెంబర్‌ శ్రీ 2026ప్రతిభ ఉన్నా.. ● విరిగిన స్టిక్‌, చెప్పుల్లేకుండానే హాకీ సాధన ● క్రీడాకారులకు అందని సౌకర్యాలు ● పాలకుల తీరుపై విమర్శలు రాయగడ: హాకీలొ రాణించి రాష్ట్రానికి, దేశానికి పేరు తీసుకురావాలనే పట్టుదల ఉన్నా కనీస క్రీడా సామగ్రీ అందుబాటులో లేకపొవడంతో అనేక మంది ఔత్సాహిక చిన్నారులు తీవ్ర ఇబ్బందులు పడుతున్నారు. ముఖ్యంగా రాయగడ జిల్లాలో చిన్నారుల్లో హాకీ ప్రతిభ ఉన్నా ప్రోత్సాహం లేక వెనుకబడుతున్నారు. హాకీ షూలు లేక కొందరు కాళ్లతోనే సాధన చేస్తున్నారు. మరికొందరు చెప్పులు వేసుకుని ప్రాక్టీసు చేయాల్సిన పరిస్థితి. గతంలొ అందించిన షూలు చిరిగిపొవడం, మరికొందరి వద్ద పూర్తిగా లేకపొవడంతో ప్రాక్టీస్‌ సమయంలో ఇబ్బందులు పడుతున్నారు. మరో జత షూలు లేకపొవడంతో ఉన్న వాటిని ప్రధాన పోటీల కోసం దాచుకుంటున్నామని విద్యార్థులు చెబుతున్నారు. ఇదీ పరిస్థితి.. జిల్లాలో వివిధ పాఠశాలలకు చెందిన సుమారు 40 మంది విద్యార్థులు ఏడాది కాలంగా క్రమం తప్పకుండా హాకీ సాధన చేస్తున్నారు. వీరికి రాష్ట్ర ప్రభుత్వం రెండు స్టేట్‌ గ్రాస్‌రూట్‌ హాకీ కేంద్రాలను ఏర్పాటు చేసింది. ఒకటి స్థానిక గోవింద చంద్రదేవ్‌ ఉన్నత పాఠశాల మైదానం, మరొకటి బాలికల ఉన్నత పాఠశాలలో కొనసాగుతుంది. ఈ రెండు కేంద్రాల్లో సుమారు 80 నుంచి 100 మంది విద్యార్థులు హాకీ శిక్షణ పొందుతున్నప్పటికీ అవసరమైన క్రీడా సామగ్రి మాత్రం పూర్తిస్థాయిలొ అందుబాటులో లేదని తెలుస్తొంది. షూలు లేక ఖాళీ కాళ్లతోనే.. తొమ్మిదో తరగతి విద్యార్థి రాహుల్‌ తాడింగి, ఏడో తరగతి విద్యార్థి సుశాంత్‌ జగరంగలు మాట్లాడుతూ.. హాకీ అంటే తమకు ఎంతో ఇష్టమని, అయితే అవసరమైన సామగ్రీ లేక ఇబ్బందులు పడుతున్నామని తెలిపారు. షూలు లేకుండా సాధన చేస్తే గాయాలయ్యే అవకాశం ఉన్నప్పటికీ, దేశం తరఫున ప్రాతినిధ్యం వహించాలన్న తమ కల కోసం ప్రతీరోజూ సాధన కొనసాగిస్తున్నామని చెప్పారు. పాత సామగ్రితోనే శిక్షణ స్థానిక గోవింద చంద్ర దేవ్‌ ఉన్నత పాఠశాల మైదానంలో హాకీ శిక్షణ ఇస్తున్న కోచ్‌ అమిత్‌టప్నొ మాట్లాడుతూ కొన్నేళ్ల క్రితం అందించిన క్రీడా సామగ్రీతోనే ప్రస్తుతం విద్యార్థులు సాధన చేస్తున్నారని తెలిపారు. విద్యార్థుల్లో ప్రతిభావంతులైన క్రీడాకారులు చాలామంది ఉన్నారని, వారికి అవసరమైన సౌకర్యాలు కల్పిస్తే రాష్ట్ర, జాతీయ స్థాయిలో రాణించే అవకాశం ఉందని పేర్కొన్నారు. గోల్‌పోస్టు ఏదీ..? హాకీ సాధనకు సరైన మైదానం లేక మరో సమస్యగా మారింది. విద్యార్థులు సాధన చేసే ప్రదేశంలో కనీసం ఒక గోల్‌పొస్ట్‌ కూడా అందుబాటులో లేకపోవడం గమనార్హం. హాకీ స్టిక్స్‌ చాలా వరకు విరిగిపోయాయాని క్రీడాకారులు చెబుతున్నారు. ఈ మైదానంలో స్థానికులు కూడా ఉపయోగిస్తుండటంతో విద్యార్థుల సాధనకు ఆటంకాలు ఏర్పడుతున్నాయని ఆరోపిస్తున్నారు. ఇప్పటికే ఈ కేంద్రాల్లో సాధన చేస్తున్న కొంతమంది విద్యార్థులు సబ్‌జూనియర్‌ , జూనియర్‌ విభాగాల్లో రాయగడ జిల్లా తరఫున రాష్ట్ర స్థాయి పోటీల్లో పాల్గొన్నట్లు సమాచారం.

పర్లాకిమిడి: జిల్లాలోని రాయఘడ బ్లాక్‌ ఆవరణలో ఉన్న గ్రామీణ గృహ నిర్మాణ కార్యాలయంలో బుధవారం మధ్యాహ్నం భారీ అగ్ని ప్రమాదం సంభవించింది. దీంతో కార్యాలయంలోని అనేక దస్తావేజులు, ముఖ్యమైన ఫైళ్లు, ఫర్నిచర్‌, కంప్యూటర్లు కాలిపోయాయి. అయితే షార్టు సర్క్యూట్‌తో అగ్ని ప్రమాదరం జరిగినట్టు అధికారులు చెబుతున్నారు. ప్రమాదం సంభవించిన కొద్ది క్షణాల్లోనే కార్యాలయం అంతా మంటలు వ్యాపించాయి. ప్రభుత్వ అధికారులు, స్థానికులు అగ్నిమాపక దళానికి ఫోన్‌ ద్వారా సమాచారం అందించడంతో సిబ్బంది శ్రమించి మంటలను అదుపులోకి తెచ్చారు. నష్టం, ఎన్ని ముఖ్యమైన ఫైళ్లకు నష్టం వాటిల్లిందో తెలియజేయాల్సి ఉంది. పోలీసులు, అగ్నిమాపక సిబ్బంది నష్టాన్ని అంచనా వేసే పనిలో నిమగ్నమయ్యారు.

● ఈ–సాక్షిలో అప్‌డేట్‌ కాని పనుల వివరాలు ● అనుమతుల కోసం ఎదురుచూపురాయగడ: ప్రజాభివృద్ధి కోసం ఎంపీ నిధుల నుంచి నిధులు మంజూరవుతున్నా..వాటితో చేపట్టిన పలు ప్రాజెక్టుల అమలు, ఆన్‌లైన్‌ వివరాల నవీకరణలో జాప్యం జరుగుతున్నట్లు తెలుస్తోంది. కొన్ని చోట్ల పనులు పూర్తయి కాంట్రాక్టర్లకు బిల్లులు చెల్లించినప్పటికీ ఈ–సాక్షి పోర్టల్లో వివరాలు అప్‌డేట్‌ కాలేదు. మరికొన్ని ప్రాజెక్టులు పరిపాలనా అనుమతుల కోసం ఎదురు చూస్తున్నాయి. చివరి దశ జియో ట్యాగింగ్‌ జరగకపోవడం, ఐడీ –పాస్‌వర్డ్‌ అందకపొవడం, కొన్ని చోట్ల భూమి అందుబాటులో లేకపోవడం వంటి కారణాలతో ప్రాజెక్టుల పురోగతి ఆన్‌లైన్‌లో ప్రతిబింబించడం లేదు. దీంతో ఎంపీ నిధుల ప్రాజెక్టుల అమలులో శాఖల మధ్య సమన్వయం, పరిపాలనా చురుకుదనంపై ప్రశ్నలు తలెత్తుతున్నాయి. ఇదీ పరిస్థితి.. 2024–25 నుంచి 2026–27 ఆర్థిక సంవత్సరాల వరకు రాయగడ జిల్లాలో 18 లోక్‌సభ ఎంపీ ప్రాంతీయ అభివృద్ధి నిధుల కింద పలు అభివృద్ధి పనులకు ఆమోదం లభించింది. అందుబాటులో ఉన్న వివరాలను పరిశీలిస్తే ప్రాజెక్టుల మంజూరు నుంచి పనుల పూర్తి, నిధుల చెల్లింపు, ఈ–సాక్షి పోర్టల్‌లో వివరాల ఆప్‌డేట్‌ వరకు వివిధ దశల్లో జాప్యం కనిపిస్తోంది. బిసంకటక్‌లో.. 2024–25లో రెండు ప్రాజెక్టులకు 10 లక్షల రూపాయలు మంజూరైనా ఈ–సాక్షి పోర్టల్‌లో అవి ఇంకా అనుమతి దశలోనే ఉన్నాయి. ఇందులో ఒక ప్రాజెక్టు క్షేత్రస్థాయిలో పూర్తికాగా, మరో ప్రాజెక్టు అసంపూర్తిగా ఉంది. మునిగుడలో రెండు ప్రాజెక్టులకు ఆరు లక్షల రూపాయలు, గుడారిలో ఓ ప్రాజెక్టుకు ఐదు లక్షల రుపాయలు మంజూరైనా పోర్టల్‌లో అనుమతి దశలోనే ఉన్నట్లు నమోదైనట్లు చూపిస్తోంది. కాసీపూర్‌, చంద్రపూర్‌లో.. కాసీపూర్‌ సమితిలో రెండు ప్రాజెక్టులు పూర్తయి 6 లక్షల రూపాయలు చెల్లించినప్పటికీ ఈ–సాక్షిలో వివరాలు అప్‌డేట్‌ కాలేదు. ఐదు రోజుల్లొ ఆప్‌డేట్‌ చేస్తామని అధికారులు పేర్కొంటున్నట్లు సమాచారం. చంద్రపూర్‌లో నాలుగు ప్రాజెక్టులు పూర్తయి 9 లక్షల రూపాయలు చెల్లించినా సంబంధిత అసిస్టెంట్‌ ఇంజనీర్‌, జూనియర్‌ ఇంజినీర్ల మొబైల్‌ యాప్‌ ద్వారా చివరి దశ జియో ట్యాగింగ్‌ పూర్తి కాకపోవడంతో పోర్టల్లో వివరాలు కనిపించడం లేదు. రాయగడ సమితిలో.. రాయగడ సమితిలో 76.5 లక్షలతో 24 ప్రాజెక్టులు మంజూరయ్యాయి. వీటిలో 23 పనులు పూర్తయి ఈ–సాక్షిలో నమోదయ్యాయి. మిగిలిన ఒక ప్రాజెక్టుకు 5 లక్షల రూపాయలు చెల్లించగా, మరో 45 రోజుల్లో పూర్తి చేయాలని గడువు విధించారు. 2025–26లోనూ పెండింగ్‌ జాబితా.. కాసీపూర్‌లో 18 లక్షల విలువైన నాలుగు ప్రాజెక్టులు ఆగస్టు 2026లో మంజూరైనా ఈ–సాక్షిలో అనుమతి కోసం ఎదురు చూస్తున్నాయి. మునిగుడలో రూ.90 లక్షలతో 40 ప్రాజెక్టులు ప్రతిపాదించగా 34 మంజూరయ్యాయి. ఇందులో 30 ప్రాజెక్టులకు సంబంధించిన 65.5 లక్షల రూపాయలు పోర్టల్లో అనుమతి కోసం పెండింగ్‌లో ఉన్నాయి. పద్మపూర్‌లో రూ.65 లక్షలతో 25 ప్రాజెక్టులు మంజూరయ్యాయి. మొత్తం 25 ప్రాజెక్టులు ఈ–సాక్షి అనుమతి కోసం ఎదురుచూస్తుండగా, 24 పనులను అక్టోబర్‌ 10 లోగా పూర్తి చేయాలని లక్ష్యంగా పెట్టుకున్నారు. రాయగడ సమితిలో 53.2 లక్షల రుపాయలతో 11 ప్రాజెక్టులు మంజూరయ్యాయి. నాలుగు పనులు క్షేత్రస్థాయిలొ పూర్తయినా , కేవలం ఒక ప్రాజెక్టు మాత్రమే ఈ–సాక్షిలో అప్‌డేట్‌ అయ్యింది. రెండు ప్రాజెక్టులకు 12.7 లక్షల రూపాయలు చెల్లించగా , మరో తొమ్మిది ప్రాజెక్టులకు సంబంధించిన 40.5 లక్షల రుపాయలు ఈ–సాక్షి అనుమతి కోసం పెండింగ్‌లో ఉన్నాయి. ● ప్రజల అభివృద్ధి కోసం మంజూరయ్యే ఎంపీ నిధులు లక్ష్యానికి అనుగుణంగా వినియోగించాలంటే..ప్రాజెక్టు మంజూరు, భూమి గుర్తింపు, వర్క్‌ ఆర్డర్‌, పనుల పూర్తి, నిధుల చెల్లింపు, జియో ట్యాగింగ్‌, ఈ–సాక్షిలో వివరాల అప్‌డేట్‌ వంటి ప్రతి దశలోనూ సమయపాలన అవసరం. అయితే కొన్ని చొట్ల జియోట్యాగింగ్‌ మరికొన్ని చొట్ల ఐడీ –పాస్‌వర్డ్‌, ఇంకొన్ని కోట్ల భూమి సమస్యలు అడ్డంకిగా మారుతున్న నేపథ్యంలో సంబంధిత శాఖల మధ్య సమన్వయం ఎంతవరకు ఉందన్నది చర్చనీయాంశంగా మారింది.

● నేటి నుంచి విశ్వకర్మ జయంతి ఉత్సవాలు ● ఐదు రోజుల పాటు జరగనున్న వేడుకలు ● ఏర్పాట్లు పూర్తి చేసిన కమిటీ సభ్యులు శ్రీకాకుళం కల్చరల్‌: సకల కళలకు ఆది దేవుడు, దేవలోకాలను నిర్మించిన వాస్తు శిల్పిగా పేరుగాంచిన విశ్వకర్మ జయంతి ఉత్సవాలకు ఏర్పాట్లు పూర్తయ్యాయి. శ్రీకాకుళం నగరంలో ఈనెల 17 నుంచి 21వ తేదీ వరకు ఐదురోజుల పాటు అంగరంగ వైభవంగా వేడుకలు నిర్వహించేందుకు ఆయా కమిటీల ప్రతినిధులు సర్వం సిద్ధం చేశారు. విశ్వకర్మను బ్రహ్మదేవుని కుమారునిగా పురాణాలు చెబుతున్నాయి. దేవ లోకాలను నిర్మించిన స్తపతి. దేవతలకు ఆకాశమార్గాన విహరించే పుష్పక విమానం, ఆభరణాలను, ఆయుధాలను తయారు చేసిన శిల్పి. కృష్ణు ని కోసం ద్వారకా నగరాన్ని, పాండవుల కోసం ఇంద్రప్రస్థ రాజ భవనాన్ని, విష్ణువు సుదర్శన చక్రం, శివుని త్రిశూలం, కార్తికేయుని బల్లెం వంటి అనేక అద్భుతమైన ఆయుధాలను దేవతల కోసం నిర్మించిన ఘనత ఆయనకు దక్కింది. యాంత్రిక శాస్త్రం, వాస్తు శాస్త్రమైన స్థపత్య వేదాన్ని కూడా ఆయనే రచించారని భావిస్తారు. ఆయనను సమస్త చేతివృత్తుల వారికి ఆరాధ్యదైవంగా పరిగణిస్తారు. విశ్వకర్మ పూజ సందర్భంగా ఆయన గౌరవార్థం తరచుగా వృత్తి పనిముట్లను పూజిస్తారు. కళాకారులు, చేతివృత్తి నిపుణు లు, మెకానిక్‌లు, కమ్మరివారు, వెల్డర్లు, పారిశ్రామిక కార్మికులు, ఫ్యాక్టరీ కార్మికులు, ఇంజినీర్లు, ఆర్కిటెక్టులు, ఇతర కార్మికులు ఈ పండగను జరుపుకుంటారు. రాష్ట్ర పండుగగా.. విశ్వకర్మ జయంతిని రాష్ట్ర పండుగగా గత వైఎస్సార్‌సీపీ ప్రభుత్వం గుర్తించింది. అప్పటినుంచి ఉత్సవాలను అంగరంగ వైభవంగా నిర్వహిస్తున్నారు. విశ్వకర్మ నిర్మాణ శిల్పి కావడం వల్ల పట్టణంలోని స్వర్ణకార సంఘం, విశ్వ బ్రాహ్మణ సంఘం ఆధ్వర్యంలో వేడుకలు నిర్వహిస్తారు. ఈ మేరకు ఆయా కమిటీలు ఏర్పాట్లు చేస్తున్నారు. చంపాగల్లివీధిలోని శ్రీకంచి కామాక్షి దేవి శ్రీకాకుళం పట్టణ స్వర్ణకార సంఘం ఆధ్వర్యంలో ఐదురోజులపాటు వేడుకలు జరగనున్నాయి. శ్రీకాకుళం మండలం చాపురం పంచాయతీలోని గోవిందపురం గ్రామంలో చలపాక సూర్యారావు తన తండ్రి జ్ఞాపకార్థం విశ్వకర్మ గార్డెన్‌ నిర్మించారు. ఉద్యోగ విరమణ పిదప తండ్రి నారాయణాచారి కోరక మేరకు ఈ గార్డెన్‌లో ప్రతి ఏడాది సెప్టెంబర్‌ 17న విశ్వకర్మ జయంతి వేడుకలు నిర్వహిస్తారు. పట్టణ స్వర్ణకార సంఘం సభ్యులు ప్రతి ఏడాది ఘనంగా చేస్తాం ప్రతీ ఏడాది విశ్వకర్మ జయంతిని ఘనంగా నిర్వహిస్తాం. గత ప్రభుత్వం దీన్ని రాష్ట్ర పండుగగా గుర్తించడంతో మరింత విశిష్టత చేకూరింది. – సోపింటి తారకేశ్వరరావు, అధ్యక్షుడు, పట్టణ స్వర్ణకార సంఘం, శ్రీకాకుళం దేవవాస్తు శిల్పి విశ్వకర్మ దేవ వాస్తుశిల్పిగా పేరు గాంచిన విశ్వకర్మ మాలాంటి వారికి ఆరాధ్య దైవం. ఇతర రాష్ట్రాల్లో కూడా ఈ పండుగ చేస్తారు. పనిముట్లను నమ్ముకున్న మాకు స్వామివారి పూజ ఎంతో విశిష్టమైనది. – కడారి దుర్గాప్రసాద్‌, కార్యదర్శి, పట్టణ స్వర్ణకార సంఘం, శ్రీకాకుళం కార్యక్రమాలు ఇలా.. 17న విశ్వకర్మ మృణ్మయ విగ్రహం గ్రామ ప్రదక్షిణ, పూజలు. 18న విరాట్‌ విశ్వకర్మ సహస్రనామ పత్రిపూజ. 19న గాయత్రి దేవి, లలితాదేవి సహస్రనామ కుంకుమార్చనలు, లక్ష దీపారాధనలు. 20న స్వామివారికి సహస్రనామ పత్రపూజ, తీర్థప్రసాద వితరణ. 21న విశ్వకర్మ పంచసూక్త హోమం, పూర్ణాహుతి, అన్నప్రసాద వితరణ జరుగుతాయి. 23న సాయంత్రం నిమజ్జనోత్సవం నిర్వహిస్తారు.

శ్రీకాకుళం పాతబస్టాండ్‌: పరిశుభ్రతపై ప్రజల్లో వి స్తృత చైతన్యం తేవడమే లక్ష్యంగా సెప్టెంబరు 17 నుంచి అక్టోబర్‌ 2 వరకు జిల్లా వ్యాప్తంగా ‘స్వచ్ఛత హి సేవా – 2026’ పక్షోత్సవాలను విజయవంతం చేయాలని కలెక్టర్‌ స్వప్నిల్‌ దినకర్‌ పుండ్కర్‌ అధికారులను ఆదేశించారు. బుధవారం కలెక్టరేట్‌ నుంచి జిల్లా, మండల స్థాయి అధికారులతో నిర్వహించిన వీడియో కాన్ఫరెన్స్‌లో ఆయన మాట్లాడుతూ పాఠశాలల్లో చెత్త విభజన, వర్షపు నీటి సంరక్షణ, పర్యాటక ప్రాంతాల్లో పారిశుద్ధ్య కార్యక్రమాలు, సింగిల్‌ యూజ్‌ ప్లాస్టిక్‌ నిషేధంపై రోజువారీ ప్రణాళిక ప్రకారం ప్రచారం నిర్వహించాలని సూచించారు. అక్టోబర్‌ 1న ‘ఒక రోజు, ఒక గంట, అందరం కలిసి’ పిలుపుతో శ్రమదానం, అక్టోబర్‌ 2న స్వచ్ఛ భారత్‌ దివస్‌ సందర్భంగా గ్రామసభలు, కౌన్సిల్‌ సమావేశాలు, మొక్కలు నాటే కార్యక్రమాలు చేపట్టాలని సూచించారు. సఫాయి మిత్రుల ఆరోగ్య పరిరక్షణకు ప్రత్యేక వైద్య శిబిరాలు ఏర్పాటు చేయాలన్నారు. పాలనలో పారదర్శకత, ప్రభుత్వ సేవలందింపుపై ప్రజల అభిప్రాయం ఆధారంగా ఆయా విభాగాలు తమ పనితీరును మరింత మెరుగుపరుచుకోవాలని కలెక్టర్‌ స్పష్టం చేశారు. అనంతరం స్థానిక సంస్థల ఎన్నికల సన్నాహాలు, నూతన పెన్షన్ల దరఖాస్తులు, ఇ–ఆఫీస్‌ వినియోగం, రీసర్వే, రేషన్‌ పంపిణీ, తాగునీటి సరఫరా, సీజనల్‌ వ్యాధుల నివారణ చర్యలపై సమీక్షించారు.

భువనేశ్వర్‌: ఈ ఏడాది రుతుపవన కాలంలో రాష్ట్రంలో ఇప్పటివరకు 11 అల్పపీడనాలు నమోదైనట్లు భారత వాతావరణ శాఖ తెలిపింది. ఈ ఏడాది జూన్‌ 1 నుంచి నేటివరకు 11 అల్పపీడన ప్రాంతాలు ఏర్పడ్డాయని ఐఎండీ వివరించింది. ఐఎమ్‌డీ సమాచారం ప్రకారం రాష్ట్రంలో ఇప్పటివరకు 1,269.7 మిల్లీ మీటర్ల వర్షపాతం నమోదైంది. ఇది దీర్ఘకాల సగటు కంటే 21 శాతం అధికం కావడం విశేషం. సమగ్ర వర్షపాతం అధికంగా ఉన్నప్పటికీ గజపతి, నవరంగ్‌పూర్‌ రెండు జిల్లాల్లో లోటు వర్షపాతం నమోదైంది. నైరుతి రుతు పవనాల ఉపసంహరణకు వాతావరణ పరిస్థితులు అనుకూలంగా మారుతున్నాయని భారత వాతావరణ శాఖ తెలిపింది. ఈ తిరోగమనం ఈ ఏడాది సెప్టెంబర్‌ 19వ తేదీ నాటికి పశ్చిమ రాజస్థాన్‌లోని కొన్ని ప్రాంతాల నుంచి ప్రారంభమై క్రమంగా వాయువ్య భారత దేశం అంతటా విస్తరిస్తుందని అంచనా. ప్రస్తుత అనుకూల పరిస్థితులు ఇలాగే కొనసాగితే అక్టోబర్‌ రెండవ వారం నాటికి ఒడిశా నుంచి రుతు పవనాలు పూర్తిగా ఉపసంహరించుకునే అవకాశం ఉంది. ప్రస్తుతం, వాయువ్య బంగాళా ఖాతం మరియు పొరుగు ప్రాంతాలపై ఒక తుఫాను వలయం కొనసాగుతోంది. దీని ప్రభావంతో రాబోయే రెండు రోజుల్లో రాష్ట్ర వ్యాప్తంగా తేలికపాటి నుంచి మోస్తరు వర్షాలు కురిసే అవకాశం ఉంది. మరోవైపు అక్టోబర్‌ మరియు డిసెంబర్‌ మధ్య బంగాళాఖాతం, అరేబియా సముద్రంలో మూడు తుఫాన్‌లు ఏర్పడే అవకాశం ఉందని దుమారం రేపుతున్న సోషల్‌ మీడియా నివేదికలను స్థానిక ఐఎమ్‌డీ కేంద్రం తోసిపుచ్చింది. అటువంటి అంచనా ఏదీ జారీ చేయలేదని ఐఎమ్‌డీ స్పష్టం చేసింది. వాతావరణ నమూనాలను నిరంతరం పర్యవేక్షిస్తున్నారు. ఏదైనా ముఖ్యమైన వాతావరణ వ్యవస్థ ఏర్పడితే సకాలంలో తాజా సమాచారం జారీ చేయడం జరుగుతుందని వాతావరణ కేంద్రం తెలిపింది.

హిరమండలం: వరి తెగుళ్ల బారిన పడకుండా సరైన సస్యరక్షణ చర్యలు చేపట్టాలని వ్యవసాయ శాఖ జేడీ వై.వి.మురళీకృష్ణ అన్నారు. ఎల్‌ఎన్‌పేట మండలం రావిచెంద్రిలో పొలం పిలుస్తోంది కార్యక్రమం నిర్వహించారు. వరి పొలాలను పరిశీలించి యాజమాన్య పద్ధతులపై రైతులకు కీలక సూచనలు చేశారు. ఈ సందర్భంగా సచివాలయంలో రైతులకు అవగాహన సదస్సు నిర్వహించారు. జిల్లా వ్యాప్తంగా 1.59 లక్షల హెక్టారుల్లో వరి సాగు అవుతున్నట్టు వివరించారు. పత్తి, వేరుశనగ, మొక్కజొన్న వంటి పంటల సాగు కూడా జరుగుతోందని చెప్పారు. ఎల్‌నినో ప్రభావంతో వర్షాభావ పరిస్థితులు నెలకొన్న నేపథ్యంలో వరి సాగులో మెలకువలు పాటించాలన్నారు. నీటిని పొదుపుగా వాడుకోవాలని సూచించారు. కార్యక్రమంలో వ్యవసాయ శాస్త్రవేత్తలు ఉదయ్‌బాబు, ఏడీ రాజగోపాల్‌, ఏవో కిరణ్‌వాణి, ఇతర సిబ్బంది పాల్గొన్నారు. జాతీయస్థాయి పోటీలకు ఎంపిక శ్రీకాకుళం న్యూకాలనీ: రాష్ట్రస్థాయి మాస్టర్స్‌ అథ్లెటిక్స్‌ పోటీల్లో ట్రెజరీ అధికారి ఏఏవో ఎం.భాగ్యలక్ష్మి అత్యద్భుతమైన ప్రదర్శన కనబర్చి జాతీయ స్థాయి పోటీలకు ఎంపికయ్యారు. తణుకు వేదికగా ఈనెల 12, 13 తేదీల్లో జరిగిన ఏపీ రాష్ట్రస్థాయి మాస్టర్స్‌ అథ్లెటిక్స్‌ పోటీల్లో 50 ప్లస్‌ వయో విభాగంలో మూడు పతకాలు సాధించి సత్తాచాటారు. జావెలిన్‌ త్రోలో బంగారు పతకం, లాంగ్‌జంప్‌లో రజత పతకం, షాట్‌ఫుట్‌లో కాంస్య పతకం సాధించిన భాగ్యలక్ష్మి యువ అథ్లెట్స్‌కు ఆదర్శంగా నిలిచారు. దీంతో అక్టోబర్‌ 9 నుంచి 11 వరకు కోయంబత్తూరు వేదికగా జరిగే ఆలిండియా నేషనల్‌ లెవల్‌ అథ్లెటిక్స్‌ ఛాంపియన్‌షిప్‌–2026 పోటీలకు ఎంపికయ్యారు. ఈ సందర్భాన్ని పురస్కరించుకుని బుధవారం జిల్లా ట్రెజరీ కార్యాలయంలో డీడీ సీహెచ్‌ రవికుమార్‌ రాష్ట్రస్థాయి పోటీల్లో పతకాలు సాధించిన ఏఏవో భాగ్యలక్ష్మిని ప్రత్యేకంగా అభినందించారు. జాతీయ పోటీల్లోను రాణించి జిల్లాకు, ట్రెజరీ శాఖకు పేరుతీసుకురావాలని ఆయన ఆకాంక్షించారు. కార్యక్రమంలో పలువురు ట్రెజరీ శాఖ అధికారులు, ఉద్యోగులు పాల్గొన్నారు. అన్నదాన పథకానికి రూ.లక్ష విరాళం శ్రీకాకుళం కల్చరల్‌: ప్రత్యక్ష దైవం, ఆరోగ్య ప్రదాత సూర్యనారాయణ స్వామివారికి బుధవారం కప్ప జయవర్ధన్‌, నిహారిక దంపతులు వారి కుమార్తె జుహిత పేరున అన్నదాన పథకానికి రూ.లక్ష విరాళమందించారు. వారిని వేదమంత్రాలతో ఆశీర్వచనం చేయించి చిత్రపటం, ప్రసాదాలు ఆలయ పాలక మండలి సభ్యులు అంధవరపు రఘురాం అందించారు. ఆర్‌జేడీ ఆకస్మిక పర్యటన శ్రీకాకుళం అర్బన్‌: సీ్త్ర, శిశు సంక్షేమ శాఖ రీజనల్‌ జాయింట్‌ డైరెక్టర్‌ పద్మలత బుధవారం శ్రీకాకుళంలోని ఐసీడీఎస్‌ కార్యాలయం, అరసవల్లిలోని శిశుగృహ, చిల్డ్రన్‌ హోంను ఆకస్మికంగా తనిఖీ చేశారు. చిన్నారుల ఆలన, పాలన, సిబ్బంది పనితీరుపై ఆరా తీశారు. కార్యక్రమంలో ట్రైనీ కలెక్టర్‌ హరిఓం పాండే, ఐసీడీఎస్‌ పీడీ పి.శోభారాణి, నోడల్‌ అధికారి మణెమ్మ, డీఎఫ్‌సీ కో–ఆర్డినేటర్‌ ఉమ, డీసీపీవో రమణ, సీనియర్‌ అసిస్టెంట్‌ కె.రామారావు, డీపీఏ ఎం.మహేశ్వరరావు, శిశుగృహ మేనేజర్‌ నరేష్‌, అధికారులు, సిబ్బంది ఉన్నారు. పీహెచ్‌సీలో డీఎంహెచ్‌ఓ తనిఖీలు గార: గార ప్రాథమిక ఆరోగ్య కేంద్రాన్ని బుధవారం జిల్లా వైద్య ఆరోగ్యశాఖాధికారి డాక్టర్‌ నరేష్‌కుమార్‌ ఆకస్మికంగా సందర్శించారు. పీహెచ్‌సీలో అందుతున్న సేవలు, వ్యాక్సినేషన్లు పరిస్థితిపై సిబ్బందిని అడిగి తెలుసుకున్నారు. పీహెచ్‌సీ పరిధిలోని బోరవానిపేట పంచాయతీని చైల్డ్‌ ఫ్రెండ్లీ విలేజ్‌గా జాతీయ స్థాయి పోటీకి నామినేట్‌ చేయడంతో సచివాలయాన్ని సందర్శించారు. పంచాయతీలోని ఆరోగ్య పరిస్థితులు, తాగునీటి సరఫరాకు సంబంధించి సిబ్బందికి పలు సూచనలు చేశారు. కార్యక్రమంలో పీహెచ్‌సీ వైద్యాధికారి డాక్టర్‌ సోనియా, వైద్య సిబ్బంది పాల్గొన్నారు.

పర్లాకిమిడి: కాశీనగర్‌ రోడ్డులో గుమ్మగెడ్డ వద్ద ఉన్న టోకు బాణసంచా దుకాణంలో బుధవారం మధ్యాహ్నం పెట్రోలింగ్‌ పోలీసులు దాడులు జరిపి రూ.8 లక్షల బాణసంచాను స్వాధీనం చేసుకున్నారు. నియమానుసారం ఇంత మొత్తంలో లైసెన్సు లేకుండా బాణసంచా విక్రయం చేస్తున్నందుకు పోలీసు సిబ్బంది చర్యలు తీసుకున్నారు. ఈ టోకు బాణసంచా దుకాణంలో... ఈ ఏడాదికి బాణసంచా లైసెన్సు లేకుండా అమ్ముతున్నందుకు ఆదర్శ పోలీసు ష్టేసన్‌ అధికారుల బృందం దుకాణంలో తనిఖీలు చేపట్టి మొత్తం ఎనిమిది లక్షల ఆక్రమ బాణసంచాను పర్లాకిమిడి స్టేషన్‌కు తరలించారు. ఈ దాడుల్లో ఎస్‌ఐ. ప్రపుల్ల జగరంగా, ఎస్‌ఐ కృత్తికా శెఠి, ఇతర సిబ్బంది పాల్గొన్నారు. బాణసంచా దుకాణాన్ని పోలీసులు సీజ్‌ చేశారు. ఈ కేసును విచారిస్తున్నట్టు ఐఐసీ ప్రశాంత భూపతి తెలిపారు.

● భర్త, మరిది అరెస్టు జయపురం: పెళ్లి అయిన రెండున్నర నెలలకే నవ వధువు అనుమానాస్పదంగా మరణించిన సంఘటనలో భర్త, మరిదిని బొయిపరిగుడ పోలీసులు అరెస్టు చేశారు. వరకట్న, లైంగిక వేధింపుల ఆరోపణలపై మృతురాలి భర్త మనోహర గొలారి(32), మరిది (భర్త తమ్ముడు) తారా ప్రసాద్‌ గొలారి (29)ని అరెస్టు చేసి కోర్టుకు తరలించామని జయపురం సబ్‌డివిజన్‌ బొయిపరిగుడ పోలీసులు మంగళవారం వెల్లడించారు. కమతా గ్రామ వాసి కృష్ణ చంద్ర పూజారి సోదరి కిశోరీ పూజారికి 2026 జూన్‌ 26న బొయిపరిగుడ సమితి బలిగుడ గ్రామానికి చెందిన మనోహర గొలారితో వివాహమైంది. కొద్ది రోజులకే ఆమె మరిది తారాప్రసాద్‌ గొలారి కిశోరీ పూజారిపై ఓ యాప్‌ ద్వారా ఆమె కాల్‌ రికార్డ్‌తోపాటు ఆమె లైఫ్‌ వీడియో సేకరించాడు. అప్పటినుంచి కిశోరీ పూజారిని బ్లాక్‌మైయిల్‌ చేస్తూ అసభ్యకరంగా ప్రవర్తించేవాడు. ఆ విషయం భర్తతో చెప్పినా పట్టించుకొనేవాడు కాదని కిశోరీ సోదరుడు కృష్ణచంద్ర పూజారి ఆరోపించారు. వరకట్నం కోసం భర్త, మరిది ఎక్కువగా వేధించేవారని మృతురాలి కుటుంబ సభ్యులు పోలీసులకు తెలియజేశారు. భర్త, మరిది పెట్టిన వేధింపులు తట్టుకోలేక కిశోరీ.. రాఖీ పండగకు పుట్టింటికి వెళ్లి కన్నవారితో మొర పెట్టుకుంది. ఈ నెల 4వ తేదీన ఆమె తిరిగి అత్తవారింటికి వచ్చింది. ఈ నెల 8వ తేదీన కిశోరీ మృతి చెందిందని కబురు రావటంతో ఆమె సోదరుడు కృష్ణచంద్ర బలిగుడ గ్రామానికి వెళ్లి సోదరి మృతదేహాన్ని చూసి అనుమానించాడు. తన సోదరిని చంపి ఆమె భర్త, మరిది మరణించిందని చెబుతున్నారని పోలీసులకు ఇచ్చిన ఫిర్యాదులో ఆరోపించాడు. కృష్ణచంద్ర ఇచ్చిన ఫిర్యాదు మేరకు భర్త, మరిదిని అరెస్టు చేసినట్లు పోలీసులు తెలిపారు.

రాయగడ: ఏళ్ల తరబడి రహదారులు, రవాణా సౌకర్యాల విషయంలో నిర్లక్ష్యానికి గురవుతున్న గుడారి ప్రాంత ప్రజలు ఆందోళన బాట పట్టారు. వంశధార వంతెనకు అనుసంధానించే రహదారి నిర్మాణాన్ని వెంటనే చేపట్టడంతోపాటు మొత్తం అయిదు ప్రధాన డిమాండ్లను పరిష్కారం కోరుతూ సెప్టెంబరు 22న గుడారి బంద్‌కు పిలుపునిచ్చారు. ఈ బంద్‌కు గుణుపూర్‌ ఎమ్మెల్యే సత్యజీత్‌ గొమాంగొ కూడా మద్దతు ప్రకటించడం ఆసక్తిగా మారింది. ఈ సందర్భంగా బీడీఓ అందుబాటులో లేకపోవడంతో జిపిఎస్‌డిఒ శివప్రసాద్‌ పండ ద్వారా జిల్లా కలెక్టర్‌కు ఆందోళనకారులు వినతిపత్రం సమర్పించారు. గుడారి ప్రాంత యువత, వివిధ రాజకీయ పార్టీల నాయకులు, పలు సంఘాలకు చెందిన ప్రతనిధులు వినతిపత్రం సమర్పించిన వారిలో ఉన్నారు. జిల్లా యంత్రాంగం నుంచి సెప్టెంబరు 21లోగా స్పష్టమైన హామీ రాకపోతే పట్టణ ప్రజల పూర్తి సహాకారంతో 22న బంద్‌ నిర్వహిస్తామని కేదార్‌ సాహు, ఎం.ప్రసాద్‌ తెలిపారు. మూడేళ్లుగా ఆధ్వానంగా రహదారి.. గుడారి పట్టణానికి ప్రధాన అనుసంధాన మార్గంగా, వంశధార వంతెనకు వెళ్లే రహదారి సుమారు మూడేళ్లగా అధ్వానంగా ఉందని స్థానికులు ఆరోపిస్తున్నారు. రహదారి గుంతలమయంగా మరడంతోపాటు ప్రయాణం ఇబ్బందికరంగా, ప్రమాదకరంగా మారిందని ప్రజలు చెబుతున్నారు. జిల్లా యంత్రాంగం నిర్వహించిన పలు ఫిర్యాదుల స్వీకరణ కార్యక్రమాల్లో ఈ సమస్యలను జిల్లా అధికారుల దృష్టకి తీసుకువెళ్లినప్పటికీ ఫలితం శూన్యమని ఆవేదన వ్యక్తం చేశారు. గుడారి సమస్యపై ఎమ్మెల్యే మద్దతు.. గుడారి ప్రాంత సమస్యలపై ప్రభుత్వం, అధికారులకు పలుమార్లు విజ్ఞప్తి చేసినా స్పందించలేదని ఎమ్మెల్యే సత్యజీత్‌ గొమాంగొ అన్నారు. ఈ అంశాన్ని సెప్టెంబరు 17న జరగనున్న రివ్యూ మీటింగ్‌లో ప్రస్తావిస్తానని తెలిపారు. ఇప్పటికై నా జిల్లా యంత్రాంగం, ప్రభుత్వం స్పందించకపోతే ఆందోళనకారులు చేపట్టే బంద్‌కు తన పూర్తి మద్దతు ఇవ్వనున్నట్లు స్పష్టం చేశారు.

● గుణుపూర్‌లో అత్యధికంగా 398 ఎన్‌డీపీఎస్‌ కేసులు.. రాయగడ: గంజాయి, తదితర మాదకద్రవ్యాల కేసుల విచారణ కోసం గుణుపూర్‌లో ప్రత్యేక కోర్టు ఏర్పాటు చేయాలన్న డిమాండ్‌ చాలా కాలంగా వినిపిస్తున్నా ప్రక్రియ మాత్ర నెమ్మదిగా సాగుతోంది. గుణుపూర్‌ ప్రాంతంలోనే అత్యధికంగా 398 ఎన్‌డీపీఎస్‌ కేసులు విచారణలో ఉండటంతో ప్రత్యేక కోర్టు అవసరం ఉంది. ఈ మేరకు గుణుపూర్‌ బార్‌ అసోసియేషన్‌ పలుమార్లు రాష్ట్ర హైకోర్టు ప్రధాన న్యాయమూర్తి దృష్టికి తీసుకువెళ్లింది. ప్రస్తుతం గుణుపూర్‌ ఏడీజే కోర్టు పరిధిలో గుణుపూర్‌, పద్మపూర్‌, గుడారి, రామనగుడ సమితులు, తహసీల్‌ ప్రాతాలకు సంబంధించిన కేసుల విచారణ జరుగుతుంది. ఈ ప్రాంతాల్లో నమోదవుతున్న గంజాయి సహా అన్ని ఎన్‌డీపీఎస్‌ కేసులు గుణుపూర్‌ ఏడీజే కోర్టులోనే విచారణకు వస్తున్నాయి. జిల్లాలో మూడు ఏడీజే కోర్టుల్లో గుణుపూర్‌లోనే అత్యధికంగా 398 కేసులు విచారణలో ఉన్నాయి. బిసంకటక్‌ ఏడీజే కొర్టులో 209 కేసులు, రాయగడ ఏడీజే కోర్టులో 118 కేసులు పెండింగ్‌లో ఉన్నాయి. 2025–26 సంవత్సరానికి సంబంధించి గుణుపూర్‌ కోర్టులొ 104 ఎన్‌డీపీఎస్‌ కేసులు, బింసకటకలో 40, రాయగడలో 34 కేసులు ఉన్నాయి. 19 జిల్లాల్లో ప్రత్యేక కోర్టుల ఏర్పాటుకు నిర్ణయం.. ఎన్‌డీపీఎస్‌ కేసులను వేగంగా విచారించేందుకు రాష్ట్ర ప్రభుత్వం 19 జిల్లాల్లో ప్రత్యేక కోర్టులను ఏర్పాటు చేయాలని నిర్ణయించింది. ఇప్పటికే కొన్ని జిల్లాల్లో ప్రత్యేక కోర్టుల కార్యకలాపాలు ప్రారంభించాయి. ఈ నేపధ్యంలో గుణుపూర్‌లోనూ ప్రత్యేక కోర్టు ఏర్పాటు చేయాలని న్యాయవాదులు కోరుతున్నారు. గుణుపూర్‌ బార్‌ అసోసియేషన్‌ మాజీ అధ్యక్షుడు గౌరిశంకర్‌ దాస్‌, సీనియర్‌ న్యాయవాదులు ఉమాచరణ్‌ పట్నాయక్‌, ఎస్‌.గణపతి రావు, తదితరులు గతంలో హైకోర్టు ప్రధాన న్యాయమూర్తిని కలిసి ప్రత్యేక కోర్టు ఏర్పాటుపై వినతిపత్రం సమర్పించారు. గుణుపూర్‌లో ప్రత్యేక గంజాయి కేసుల విచారణకు కోర్టు ఏర్పాటు చేస్తే ఈ ప్రాంతానికి చెందిన కక్షిదారులు, న్యాయవాదులకు ఎంతో సౌకర్యంగా ఉంటుందని బార్‌ అసోసియేషన్‌ పేర్కొంటుంది. కేసుల భారాన్ని తగ్గించడంతోపాటు విచారణను వేగవంతం చేయడానికి కూడా ఇది దొహదపడుతుందని న్యాయవాదులు అభిప్రాయపడుతున్నారు. రోడ్డుపై కూలిన విద్యుత్‌ స్తంభం ● అంధకారంలో పలు గ్రామాలు జయపురం: వర్షాలు కురవడంతో జయపురం సబ్‌ డివిజన్‌ బొయిపరిగుడ సమితిలో పలుచోట్ల చెట్లు, విద్యుత్‌ స్థంభాలు నేల కూలాయి. పలు గ్రామాలకు రాకపోకలకు అవరోధం ఏర్పడటమే కాకుండా అనేక గ్రాలు అంధకారమయ్యాయి. కొలార్‌ పంచాయతీ నువాగుడ రహదారిపై విద్యుత్‌ స్తంభం పడింది. నువాగుడలోనే కాకుండా చుట్టు పక్కల గ్రామాలు అంధకారమయ్యాయి. ఆదివారం బొయిపరిగుడ సమితిలో 48 మిల్లీ మీటర్ల వర్షపాతం నమోదైంది. ఎడతెరిపి లేని వర్షాలు కారణంతో లోతట్టు ప్రాంతాలు, పంట పొలాలు జలమయమయ్యాయి. పలు గ్రామాలకు రాకపోకలు, గ్రామాల మధ్య రహదారి సంబంధాలు నిలిచిపోవటంతో ప్రజలు ఇబ్బంది పడుతున్నారు. ఆ ప్రాంత గ్రామాల ప్రజలు పంచాయతీ కార్యాలయానికి వెళ్లలేని పరిస్థితి నెలకొంది. సమాచారం అందడంతో విద్యుత్‌ విభాగ సిబ్బంది చేరుకొని రోడ్డుపై పడిన విద్యుత్‌ స్తంభాలను తొలగించే కార్యక్రమం చేపట్టారు. పడిపోయిన విద్యుత్‌ స్తంభాలను వెంటనే తొలగించి కొత్త స్తంభాలు వేయాలని గ్రామ ప్రజలు కోరుతున్నారు.

● ఏకలవ్య పాఠశల భవనం అప్పగింతలో జాప్యం ● 60 మంది విద్యార్థులు చదువుకు దూరం..! రాయగడ: నిర్మాణం పూర్తయినా ఏకలవ్య ఆదర్శ ఆశ్రమ పాఠశాల భవనం అప్పగింత జరగకపోవడంతో 60 మంది గిరిజన విద్యార్థులు విద్యకు దూరమవుతున్నారు. రామనగడులో నిర్మించిన ఏకలవ్య మోడల్‌ రెసిడెన్సియల్‌ స్కూల్‌లో ఈ విద్యా సంవత్సరం ఆరో తరగతిలో 30 మంది బాలురు, 30 మంది బాలికలను చేర్చేందుకు ఎంపిక ప్రక్రియ పూర్తయినప్పటికీ.. ఇప్పటివరకు తరగతులు ప్రారంభించలేదు. కేంద్ర గిరిజన వ్యవహారాల మంత్రిత్వశాఖ ఆధ్వర్యంలో రామనగుడలో నిర్మించిన ఈ పాఠశాల సుమారు 15 ఎకరాల విస్తీర్ణంలో ఏర్పాటు చేశారు. సీబీఎస్‌ఈ విధానంలో విద్యాబోధనతో పాటు విద్యార్థులకు వివిధ క్రీడలకు అవసరమైన మౌలిక వసతులు కల్పిస్తున్నారు. విద్యార్థుల వసతి గృహాలు, సిబ్బంది క్వార్టర్లు తదితర నిర్మాణ పనులు కూడా పూర్తయ్యాయి. కొన్ని నెలల క్రితం జిల్లా కలెక్టర్‌ అశుతోష్‌ కులకర్ణి పాఠశాలను సందర్శించిన సమయంలో కొన్ని మౌలిక వసతుల పనులు అసంపూర్తిగా ఉండటాన్ని గుర్తించి, వాటిని పూర్తి చేసి భవనాన్ని అప్పగించాలని ఆదేశించారు. అయితే కలెక్టర్‌ ఆదేశాలు జారీ చేసి నాలుగు నెలలు గడిచినా భవనం అప్పగింత జరగలేదని సమాచారం. భవణం అందుబాటులోకి రాకపోవడంతో రామనగుడ ఏకలవ్య పాఠశాలలో ఎంపికై న 60 మంది విద్యార్థులను ప్రస్తుతం రాయగడ ఏకలవ్య పాఠశాలతో అనుసంధానం చేసినట్లు అధికారులు తెలిపారు. అయినప్పటికీ విద్యా సంవత్సరం ప్రారంభమై చాలాకాలం గడిచినా ఈ విద్యార్థులకు తరగతులు ప్రారంభం కాకపోవడంతో వారు చదువుకు దూరమవుతున్నారు. ఈ విషయంపై రామనగుడ సంక్షేమ శాఖ విభాగం అధికారి నిరంజన్‌ పట్నాయక్‌ను ప్రశ్నించగా.., తాను ఇటీవలే బాధ్యతలు చేపట్టానని, పాఠశాల ఎందుకు ప్రారంభం కాలేదో తనకు తెలియదని తెలిపారు. జిల్లా సంక్షేమ శాఖ అధికారి ఆసీమా రావ్‌ మాట్లాడుతూ.. పాఠశాల నిర్మించిన సంస్థ ఇప్పటివరకు భవనాన్ని అధికారికంగా అప్పగించలేదన్నారు. విద్యార్థుల నిర్వహణకు సంబంధించిన అన్ని ఏర్పాటు పూర్తయ్యాయని, రాయగడ ఏకలవ్య పాఠశాల ప్రిన్సిపాల్‌ ఆధ్వర్యంలో రామనగుడ ఏకలవ్య పాఠశాలను పూర్తి స్థాయిలో ప్రారంభిస్తామని వెల్లడించారు. మరోవైపు నిర్మాణ సంస్థకు బిల్లుల చెల్లింపులు జరగకపోవడంతోనే భవనం అప్పగించడం లేదని ఆరోపణలు వినిపిస్తున్నాయి. ఏదిఏమైనప్పటికీ భవనాన్ని త్వరగా ప్రారంభించి తమ పిల్లల చదువుకొనసాగేలా చర్యలు తీసుకోవాలని విద్యార్థుల తల్లిదండ్రులు కోరుతున్నారు.

జయపురం: ఒక ట్రక్కు డ్రైవర్‌ను మోసగించి డబ్బు దోచుకున్న కేసులో జయపురం పట్టణ పోలీసులు ఇద్దరు నిందితులను అరెస్టు చేసినట్లు పోలీసు అధికారి ఉల్లాస్‌ చంధ్ర రౌత్‌ నేడు వెల్లడించారు. వారి నుండి రూ.30వేలు రెడు మొబైల్‌ ఫోన్లు స్వాధీనం చేసుకున్నట్లు తెలిపారు. అరెస్టయిన వ్యక్తులు గొడొపొదర్‌ గ్రామం హరిజన్‌ వీధి గోల్ప్టు షేక్‌ ఉరఫ్‌ గౌరంగ్‌ (24)పేపరుమిల్లు ప్రాంత సి.హెచ్‌. క్రాంతి(20)లు అని వెల్లడించారు. పోలీసు అధికారి వివరణ ప్రకారం మహారాష్ట్రకు చెందిన ఒక ట్రక్కు డ్రైవర్‌ భువనేశ్వర్‌ నుంచి విశాఖపట్నం వెళ్తున్న సమయంలో జయపురం సమీపంలో అతడి ట్రక్కు పాడయ్యింది. ఈ ప్రాంతం పై ఎలాంటి అవగాహన లేని డ్రైవర్‌ ట్రక్కు మరమ్మతు ఎక్కుడ చేస్తారని అతడికి కనిపించిన గోల్పు షేక్‌ ఉరఫ్‌ గౌరంగ్‌ అనే యువకుని సహాయం అడిగాడు. గౌరంగ్‌ డ్రైవర్‌ను రెండు మూడు గేరేజ్‌ లకు తిప్పి భోజన ఖర్చులు, ఇతర ఖర్చులు డ్రైవర్‌ తో పెట్టించి అతడు పే ఫోను ద్వారా డబ్బులు చెల్లించడం చూసి ఫోన్‌ పే నంబర్‌, పాస్‌వర్డ్‌ తెలుసుకున్నాడు. అనంతరం గౌరంగ్‌ తన మిత్రులైన మరో ముగ్గురిని పిలిచి డ్రైవర్ని తీవ్రంగా కొట్టి అతని మొబైల్‌ ఫోన్‌ లాక్కున్నారు. తర్వాత ఆ మొబైల్‌ ద్వారా దాదాపు రూ.90 వేలు తన అకౌంట్‌ కు ట్రాన్స్‌ఫర్‌ చేసుకుని పరారైపోయారు. ఘటనపై గత ఆగస్టు 14 వ తేదీన బాధిత డ్రైవర్‌ పట్టణ పోలీసు స్టేషన్‌లో ఫిర్యాదు చేయగా పోలీసులు కేసు నమోదు చేశారు. దర్యాప్తు ప్రారంభించిన పోలీసు టీమ్‌ అనేక ప్రాంతాల్లో దర్యాప్తు జరిపి ఎట్టకేలకు గౌరంగ్‌, సి.హెచ్‌.క్రాంతి లను గుర్తించి పట్టుకున్నారు.

అరసవల్లి: ప్రసిద్ధ అరసవల్లి సూర్యనారాయణ స్వామివారిని ఒడిశా రాష్ట్రం గంజాం జిల్లా ఐఏఎస్‌ అధికారి కీర్తివాసన్‌ కుటుంబ సమేతంగా మంగళవారం ఉదయం దర్శించుకున్నారు. ఈ సందర్భంగా ఆయనకు ఆలయ సాంప్రదాయం ప్రకారం ఆలయ సూపరింటెండెంట్‌ కె.వెంకటేశ్వరరావు, ప్రధానార్చకులు ఇప్పిలి శంకరశర్మలు గౌరవ స్వాగతం పలికి అంతరాలయ దర్శనం చేయించారు. అనంతరం ఆలయ విశిష్టతను వివరించి వేదాశీర్వచనాన్ని అందించారు. కార్యక్రమంలో అర్చకులు ఇప్పిలి సాందీప్‌ శర్మ తదితరులు పాల్గొన్నారు. కళా ప్రియులకు నాటకాల విందు ● 17 నుంచి బహుభాషా నాటక పోటీలు శ్రీకాకుళం కల్చరల్‌: సుమిత్రా కళా సమితి ఆధ్వర్యంలో ఈనెల 17 నుంచి 20వ తేదీ వరకు బహుభాషా నాటిక పోటీలు ఏర్పాటు చేశారు. శ్రీకాకుళం నగరంలోని బాపూజీ కళా మందిరంలో నాలుగు రోజుల పాటు ప్రతిరోజూ సాయంత్రం 6 గంటల నుంచి నాటిక ప్రదర్శనలు చేపట్టనున్నారు. కలకత్తా, గౌహతి, ముంబై, బెంగళూరు, రూర్కెలా, రాయ్‌పూర్‌, గుడివాడ, ప్రయాగ్‌రాజ్‌ ప్రాంతాల నుంచి కళాకారులు వచ్చి నాటికలను ప్రదర్శిస్తారు. 2017లో కూడా బహుభాషా నాటిక పోటీలు నిర్వహించారు. తొలిరోజు 17న బెంగాళీ కళాకారులు జ్వాలా, అస్సామీ బృందం జీవశ్రేష్ఠ్‌, 18న మరాఠీ నాటిక సూప్‌, కన్నడ నాటిక సాంగ్యాచీబాల్యా, 19న ఒడియా నాటిక ఫేసెస్‌ ఆఫ్‌ ఉమెన్‌, ఛత్తీస్‌ఘడ్‌ నాటిక యకీనన్‌ ప్రదర్శించనున్నారు. 20న స్వాతంత్య్ర సమరయోధుడు భగత్‌సింగ్‌ నాటిక హిందీ, పంజాబీ భాషలో ప్రదర్శిస్తారు. తెలుగు నాటిక ద్వారబంధాల చంద్రయ్యనాయుడు ప్రదర్శిస్తారు. పాముకాటుతో రైతు మృతి రణస్థలం: మండలంలోని నారువ పంచాయతీ బోయపాలెం గ్రామానికి చెందిన రైతు నిద్రబంగి రమణ (39) పాముకాటుతో మృతి చెందినట్లు గ్రామస్తులు తెలిపారు. సోమవారం ఉదయం తన పొలంలోని అరటి తోటలో నీరు కడుతుండగా పాముకాటుకు గురైయ్యాడు. వెంటనే పక్క తోటలోని రైతులు తెలియజేసి సమాచారం అందించారు. వాళ్లు ఆటోను పిలిచే లోపు స్పృహ కోల్పోయాడు. హుటాహుటిన కొండములగాం ప్రభుత్వ ఆస్పత్రికి తరలించారు. అప్పటికే రమణ మృతి చెందినట్లు వైద్యులు ధ్రువీకరించారు. రిమ్స్‌లో మంగళవారం శవపంచనామా చేసి మృతదేహాన్ని కుటుంబ సభ్యులకు అందించారు. కుటుంబ పెద్ద దిక్కు కోల్పోవడంతో భార్య మహాలక్ష్మి, ఇద్దరు పిల్లలు కన్నీరుమున్నీరుగా విలపిస్తున్నారు. కుటుంబ సభ్యులు ఇచ్చిన ఫిర్యాదు మేరకు జేఆర్‌పురం ఎస్‌ఐ వి.సత్యనారాయణ కేసు నమోదు చేసి దర్యాప్తు చేస్తున్నట్లు తెలిపారు. ట్రాక్టర్‌ బోల్తా.. ఇద్దరికి గాయాలు టెక్కలి రూరల్‌: మండలంలోని కె.కొత్తూరు సమీపంలో ఉన్న జాతీయ రహదారిపై సోమవారం ఇటుకల లోడుతో వెళ్తున్న ట్రాక్టర్‌ బోల్తాపడి ఇద్దరికి గాయాలయ్యాయి. స్థానికులు తెలిపిన వివరాల ప్రకారం.. నరసన్నపేట మండలం జడూరు గ్రామం నుంచి ఇటుకల లోడుతో టెక్కలి వైపు వస్తున్న క్రమంలో కె.కొత్తూరు వద్ద ట్రాక్టర్‌ వెనుక తొట్టే ఒక్కసారిగా అదుపు తప్పి బోల్తాపడింది. ఈ ప్రమాదంలో ఆ ఇటుకలపై కుర్చొని ఉన్న జి.కృష్ణారావు, బి.ఒన్నారిలపై ఇటుకలు పడిపోవడంతో తీవ్రగాయాలపాలయ్యారు. గాయపడినవారిని హుటాహూటిన టెక్కలి జిల్లా ఆస్పత్రికి తరలించారు. అనంతరం ఇటుకలు మొత్తం రహదారిపై పడిపోవడంతో విషయం తెలుసుకున్న హైవే సిబ్బంది ఘటన స్థలానికి చేరుకుని ట్రాఫిక్‌ సరిచేశారు. టెక్కలి రూరల్‌: స్థానిక జిల్లా ఆస్పత్రిలో సోమవారం సాయంత్రం ఒక్కసారిగా 13 కుక్కకాటు కేసులు నమోదయ్యాయి. స్థానిక చిన్నబజారు, కొడ్రవీధి, కండ్రవీధి తదిత ప్రాంతాల్లో సోమవారం సాయంత్రం వీధికుక్కలు పలువురిపై దాడి చేసి గాయపరిచాయి. వీరిలో టి.భూలక్ష్మి, బి.జ్యోతి, బి.లిఖిత, బి.ఉమాశంకర్‌, కె.మధు, పి.ఆశిరమ్మ, ఎస్‌.రవి, ఎన్‌.మల్లేశ్వరరావు, డి.మణికంఠ, డి.చిన్నారావు, ఎల్‌.పృథ్వీరాజ్‌, పి.మల్లేష్‌, బి.రమేష్‌ లపై దాడి చేసి గాయపచడంతో వారు జిల్లా ఆస్పత్రిలో చేరారు. వీధుల్లో తిరుగుతున్న సమయంలోనే కుక్కలు వారిపై దాడిచేసినట్లు తెలిపారు. అలానే జూన్‌ నెలలో సైతం పిచ్చికుక్క స్వైరవిహారం చేసి 20 మందిని గాయపరిచింది.

రాయగడ: జిల్లాలోని కళ్యాణసింగుపూర్‌ సమితి సింగారి పంచాయతీలొ ఏనుగుల గుంపు బీభత్సాన్ని సృష్టించాయి. పాలఖమణ, టిక్రాపడ, పాద్రుగుడ, టిడిమాస్క సమీపంలోని అడవుల్లో 13 ఏనుగుల గుంపు మాకం వేశాయి. ఈ గుంపులో రెండు పిల్ల ఏనుగులు కూడా ఉన్నట్లు సమాచారం. అడవి నుంచి బయటకు వచ్చి పంటపొలాల్లో ప్రవేశించిన గుంపు చేతికొచ్చిన పంటను తినడంతో పాట తొక్కి, ధ్వంసం చేస్తూ పత్తితో పాటు వివిధ రకాల పంటలను నాశనం చేశాయి. ఈ నెల 11వ తేదీ నుంచి ఏనుగుల గుంపు ఈ ప్రాంతంలోనే ఉండటంతో రైతుల్లో ఆందోళన పెరిగింది. ఏనుగుల భయంతో గ్రామస్తులు వ్యవసాయ పొలాలకు వెళ్లేందుకు భయపడుతున్నారు. సమాచారం తెలుసుకున్న అటవీశాఖ అధికారులు, పారాగార్డులు అక్కడికి చేరుకుని ఏనుగుల కదలికలను నిరంతరం పర్యవేక్షిస్తున్నారు. డ్రోన్‌ సహాయంతో ఏనుగుల గుంపును సురక్షితంగా మరో ప్రాంతానికి తరలించేందుకు ప్రయత్నాలు చేస్తున్నారు. పంట నష్టాన్ని వెంటనే అంచనా వేసి రైతులకు పరిహారం అందించడంతో పాటు ఏనుగుల గుంపును సురక్షింతంగా తరలించాలని గ్రామస్తులు కోరుతున్నారు.

జయపురం: జయపురంలో గణేశ్‌ పూజ సందర్భంగా చందాలు వసూలుపై గొడవ జరిగింది. పట్టణ ప్రధాన మార్గంలో భాస్కర్‌ టాకీస్‌ సమీపంలో ఓ మిఠాయి దుకాణానికి కొంత మంది వచ్చి గణేశ్‌ పూజ కోసం చందా అడిగారు. ఈ నేపథ్యంలో ఇరువురుకి వివాదం ఏర్పడింది. చందాకు వచ్చినవారు ఆ వ్యాపారిని కొట్టి దుకాణాన్ని ధ్వంసం చేశారని ఆరోపణ. బాధితుని ఫిర్యాదు మేరకు పట్టణ పోలీసులు వచ్చి దర్యాప్తు చేస్తున్నారు. సోమవారం సాయంత్రం జరిగిన ఈ సంఘటనపై పట్టణ ప్రజలు చర్చించికుంటున్నారు. పండగల కోసం చందాలు వసూలు చేయటం అనాదిగా వస్తున్నంని, అంతమాత్రాన బలవంతపు వసూలు చేయకూడదని కొందరు అభిప్రాయపడుతున్నారు. ఎవరైనా ఉత్సవాలకు స్వయంగా చందాలు ఇస్తే ఇబ్బంది ఉండదని, చందాలు ఇవ్వకపోతే వారిపై దౌర్జన్యం చేయటం, కొట్టటం, దుకాణాలు ధ్వంసం చేయటం మంచిది కాదని పలువురు అభిప్రాయపడుతున్నారు. జబర్దస్తీగా చందాలు వసూలు చేయడం నేరమని, అటువంటి వారిపై చట్టపరమైన చర్యలు తీసుకోవటం న్యాయమన్నారు. అలా చేస్తే భవిష్యత్‌లో ఇటువంటి సంఘటనలు పునరావృత్తం కావని ప్రజలు అభిప్రాయపడుతున్నారు. వ్యపారిని కొట్టి మిఠాయి దుకాణం ధ్వంసం చేసిన సంఘటనలో బాధితునికి జయపురం చాంబర్‌ ఆఫ్‌ కామర్ష్‌ ఇండస్ట్రీస్‌ సభ్యుడు రూ.5000 ఆర్థిక సహాయం అందజేశాడు. ధ్వంసమైన షాపును బాగుచేయించుకొని, తిరిగి వ్యాపారం చేసుకునేందు ఆర్థిక సహాయం చాంబర్‌ అధ్యక్ష, కార్యదర్శుల సమక్షంలో అందజేశారు.