National

ముంబై: ఐఐటీ బాంబే విద్యార్థి సాహిల్ వకోడే ఆత్మహత్య వ్యవహారంలో సంచలన విషయాలు వెలుగులోకి వస్తున్నాయి. పరీక్షల్లో చీటింగ్‌ చేసినట్లు సాహిల్‌ తనకు చెప్పినట్లు ఓ విద్యార్థి పోలీసులకు వాంగ్మూలం (స్టేట్‌మెంట్) ఇచ్చాడు. ఇటీవల ఐఐటీ బాంబేలో నిర్వహించిన పరీక్షల్లో సాహిల్ చీటింగ్‌ చేస్తూ దొరికిపోయాడు. ఆ తర్వాత కొన్ని గంటల వ్యవధిలోనే అతను బలవన్మరణానికి పాల్పడ్డాడు. అయితే, సాహిల్ ఆత్మహత్యకు కేవలం చాట్‌జీపీటీని వినియోగించడం మాత్రమే కారణం కాదని, కులం పేరుతో గత కొన్ని నెలలుగా అతన్ని వేధించడం వల్లే ఈ అఘాయిత్యానికి పాల్పడ్డాడని తల్లిదండ్రులు ఆరోపిస్తున్నారు. ఇందుకు తమ వద్ద బలమైన ఆధారాలున్నాయని వారు చెబుతున్నారు.ఈ క్రమంలో విద్యార్థి మరణంపై పోలీసులు ఇప్పటివరకు సుమారు 20 మంది నుంచి వాంగ్మూలాలను సేకరించారు. సాహిల్ పరీక్ష రాసే సమయంలో గదిలో ఉన్న విద్యార్థులు, ఇన్విజిలేటర్లుగా వ్యవహరించిన సిబ్బంది, అలాగే అడ్మినిస్ట్రేషన్ విభాగం అధికారుల నుంచి వివరాలు సేకరించినట్లు తెలుస్తోంది.ఈ నేపథ్యంలో ఆత్మహత్యకు ముందు సాహిల్‌తో చివరిసారిగా మాట్లాడిన తోటి విద్యార్థి వాంగ్మూలాన్ని పోలీసులు నమోదు చేశారు. సదరు విద్యార్థి తన స్టేట్‌మెంట్‌లో, ‘ఆత్మహత్యకు ముందు సాహిల్‌తో ఫోన్‌లో మాట్లాడాను. ఐఐటీ బాంబే నిర్వహించిన థర్మోడైనమిక్స్ పరీక్షను తాను అనుకున్నట్లుగా రాయలేకపోయానని అతను ఆందోళన వ్యక్తం చేశాడు. ఈ సందర్భంగా పరీక్షలో తాను చీటింగ్ చేస్తూ దొరికిపోయినట్లు కూడా నాతో చెప్పాడు’ అని వెల్లడించాడు. పోలీసులు సేకరించిన వాంగ్మూలాల ఆధారంగా సాహిల్ మరణానికి దారితీసిన పరిస్థితులను విశ్లేషిస్తున్నారు.అలాగే, సాహిల్ ఫోన్ రికార్డులను, స్నేహితులతో జరిపిన సంభాషణలను కూడా దర్యాప్తు అధికారులు పరిశీలిస్తున్నారు. అతని మొబైల్ ఫోన్‌కు ప్యాట్రన్‌ లాక్ ఉండటంతో, దానిని అన్‌లాక్ చేసేందుకు ఫోరెన్సిక్ నిపుణులు ప్రయత్నిస్తున్నారు. ఫోన్ స్క్రీన్‌పై అనేక మిస్డ్ కాల్ నోటిఫికేషన్‌లు కనిపించినట్లు సమాచారం. ఘటన జరిగిన సమయానికి సంబంధించిన కాలక్రమాన్ని (క్రోనాలజీ) కచ్చితంగా నిర్ధారించే ప్రయత్నంలో భాగంగా దర్యాప్తు అధికారులు వాటిని నిశితంగా పరిశీలిస్తున్నారు.

బెంగళూరుకు చెందిన కౌశిక్‌ ఖార్వీ అనే యువకుడు ఒకప్పుడు జీవనోపాధి కోసం స్విగ్గీలో ఫుడ్‌ డెలివరీ ఏజెంట్‌గా పనిచేశారు. ప్రస్తుతం ఆయన బెంగళూరులో ఈటరీ బిజినెస్‌, నిర్వహిస్తూనే సముద్ర ఆహారంపై సలహాలు అందించే మరో వ్యాపారాన్ని ప్రారంభించారు. దాదాపు 9 ఏళ్ల క్రితం డెలివరీ ఏజెంట్‌గా పనిచేసిన రోజుల్ని గుర్తుచేసుకుంటూ ఆయన చేసిన పోస్ట్‌ వైరల్‌ అవుతోంది.కంప్యూటర్‌ సైన్స్‌ చదివిన కౌశిక్‌ ఖార్వీ బెంగళూరులోని ఏసీఎస్‌ కాలేజ్‌ ఆఫ్‌ ఇంజినీరింగ్‌లో చదువుకున్నట్లు ఆయన లింక్డ్ఇన్‌ ద్వారా తెలుస్తోంది. గత వారం ఇన్‌స్టాగ్రామ్‌లో షేర్‌ చేసిన వీడియోలో తన ప్రయాణాన్ని ఆయన వివరించారు. ఒకప్పుడు స్విగ్గీలో ఆహారం డెలివరీ చేస్తున్న విషయాన్ని స్నేహితులకు తెలియకుండా దాచేవాడినని చెప్పారు.“9 ఏళ్ల క్రితం స్విగ్గీ డెలివరీ చేస్తున్నప్పుడు నా స్నేహితులకు కనిపించకుండా దాక్కునేవాడిని” అని కౌశిక్‌ తెలిపారు. తాను డెలివరీ ఏజెంట్‌గా పనిచేసినప్పటి ఫొటోలను పంచుకుంటూ.. “సరిగ్గా 9 ఏళ్ల క్రితం నేను స్విగ్గీలో పార్ట్‌టైమ్‌ డెలివరీ పార్ట్‌నర్‌గా చేరాను. కష్టపడి పనిచేయడం కంటే, నా స్నేహితులు నన్ను కేవలం డెలివరీ వ్యక్తిగానే చూస్తారేమోనన్న భయమే ఎక్కువగా ఉండేది” అని రాశారు.కెరీర్‌లో సక్సెస్‌ దాదాపు దశాబ్దం తర్వాత కౌశిక్‌ బెంగళూరులోని ఆర్‌ఆర్‌ నగర్‌లో ‘మంగళూరు ఇన్‌ బెంగళూరు’ పేరుతో మంగళూరు శైలిలో సముద్ర ఆహారం అందించే ఆహార బండిని నిర్వహిస్తున్నారు. దీనితో పాటు సముద్ర ఆహారంపై తనకు ఉన్న పరిజ్ఞానాన్ని ఇతరులతో పంచుకునేందుకు ‘కౌశిక్‌ సీఫుడ్స్‌’ను కూడా ప్రారంభించారు. ఇందులో సముద్ర ఆహారంపై వాస్తవ సమాచారం, ఆచరణాత్మక సూచనలు, ఆసక్తికర విషయాలు, తీర ప్రాంత అనుభవాలను సులభంగా అర్థమయ్యేలా పంచుకుంటానని ఆయన తెలిపారు.తన ప్రయాణాన్ని గుర్తుచేసుకుంటూ, ప్రముఖ సముద్ర ఆహార రెస్టారెంట్ల వద్ద ఆహారం తీసుకునేందుకు ఎదురుచూసిన స్థాయి నుంచి నగరంలోని ప్రజాదరణ పొందిన సముద్ర ఆహార కేంద్రాన్ని నిర్మించే స్థాయికి చేరుకున్నానని కౌశిక్‌ పేర్కొన్నారు. దీనికి వినియోగదారులు, భాగస్వాములు, తన బృందం అందించిన మద్దతే కారణమని చెప్పారు.తనకు అవకాశం ఇచ్చిన స్విగ్గీకి కూడా కౌశిక్‌ కృతజ్ఞతలు తెలిపారు. “ఇంకా చాలా దూరం ప్రయాణించాలి. నా కష్టకాలంలో నాకు ఒక అవకాశం ఇచ్చినందుకు స్విగ్గీకి ధన్యవాదాలు” అని పేర్కొన్నారు. ఆయన కథకు ఇన్‌స్టాగ్రామ్‌ యూజర్ల నుంచి ప్రశంసలు వచ్చాయి. కష్టాలను అధిగమించి ముందుకు సాగిన ఉదాహరణగా ఆయనను పలువురు అభివర్ణించారు. ఏ పని చిన్నది కాదని, అన్ని వృత్తులను సమానంగా గౌరవించాలని మరికొందరు వ్యాఖ్యానించారు.ఇదీ చ‌ద‌వండి: సీఈసీ జ్ఞానేశ్ కుమార్‌కు భారతరత్న ఇవ్వాలి View this post on Instagram A post shared by Koushik Kharvi (@koushh_lakshara)

ఇంట్లో నుంచే ఉద్యోగులు సమయానికి పని పూర్తి చేస్తూ ఆశించిన ఫలితాలు అందిస్తున్నప్పుడు వారిని ఆఫీసుకు పిలవాల్సిన అవసరం ఏముందని ఆకేత్‌ పంచాల్‌ అనే నెటిజన్‌ ప్రశ్నించారు. కార్యాలయానికి వెళ్లేందుకు ఉద్యోగులు ప్రయాణంలో వెచ్చించే సమయం, ఉత్పాదకతపై చర్చను ఆయన ఇన్‌స్టాగ్రామ్‌ వీడియో ద్వారా తెరపైకి తీసుకొచ్చారు. పని ఎక్కడి నుంచి జరుగుతుందన్నదానికంటే ఉద్యోగి అందిస్తున్న ఫలితాలపై సంస్థలు దృష్టి పెట్టాలని పంచాల్‌ వాదించారు. “మిత్రమా, ఇంటి నుంచి పని జరుగుతుంటే ఉద్యోగి కార్యాలయంలో భౌతికంగా ఎందుకు ఉండాలి? మీకు ఉత్పాదకత కావాలి కదా? వారు దానిని అందిస్తున్నారు. తీసుకోండి మిత్రమా. కేవలం కుర్చీ ఉన్న ప్రదేశాన్ని మార్చడం వల్ల మీకు ఏం లాభం?” అని ఆయన ప్రశ్నించారు.ఉద్యోగి 8 గంటల పనిని 8 గంటల్లోనే పూర్తి చేస్తున్నప్పుడు, మరో గంటను రాకపోకల్లో ఎందుకు వెచ్చించాలంటూ ఆయన ప్రశ్నించారు. “ఒక ఉద్యోగి 8 గంటల పనిని 8 గంటల్లో పూర్తి చేస్తుంటే, అతడిని ఒక గంట ట్రాఫిక్‌లో ప్రయాణించేలా ఎందుకు చేయాలి? కార్యాలయానికి పిలిస్తే మీకు ఏం లభిస్తుంది? మారేది అతడి శరీరం ఉన్న ప్రదేశం మాత్రమే, అతడి పని ఫలితం కాదు” అని అన్నారు.ఇంటి నుంచి పని చేయడం వల్ల ఉద్యోగి సామర్థ్యం లేదా ఉత్పాదకత తప్పనిసరిగా తగ్గిపోదని పంచాల్‌ పేర్కొన్నారు. “ఉద్యోగి సమర్థంగా పనిచేస్తున్నాడు, గడువుల్లో పని పూర్తి చేస్తున్నాడు, ఉత్పాదకంగా ఉన్నాడు. తేడా ఒక్కటే.. బల్ల, కుర్చీపై కూర్చొని చేయాల్సిన పనిని సోఫాపై కూర్చొని చేస్తున్నాడు. పని మాత్రం జరుగుతోంది కదా?” అని అన్నారు. సంస్థ కార్యకలాపాలు కొనసాగడానికి, వ్యాపారం వృద్ధి చెందడానికి అవసరమైన సహకారం ఉద్యోగులు అందిస్తున్నప్పుడు వారి భౌతిక స్థానం ప్రధాన అంశం కాకూడదని ఆయన అన్నారు. “సంస్థ ప్రక్రియను కొనసాగించడానికి, వ్యాపారాన్ని అభివృద్ధి చేయడానికి కావాల్సినదంతా వారికి ఇప్పటికే లభిస్తోంది” అని పేర్కొన్నారు.ఇదీ చ‌ద‌వండి: సీఈసీ జ్ఞానేశ్ కుమార్‌కు భారతరత్న ఇవ్వాలిఈ వీడియోపై కొందరు సామాజిక మాధ్యమ యూజర్లు ఆయన వాదనతో ఏకీభవించారు. “అతను చెప్పింది సరైనదే”, “పని ఎక్కడ జరిగినా పని పనియే”, “అందుకే ప్రజలు ఇంటి నుంచి పనిని ఇష్టపడతారు”, “ప్రతి ఉద్యోగానికి కార్యాలయం అవసరం లేదు” అంటూ వ్యాఖ్యలు చేశారు. View this post on Instagram A post shared by Aaket (@aaketpanchal)

తన జీవితంలో తొలిసారి మంచంపై నిద్రపోతున్నానంటూ ఇన్‌స్టాగ్రామ్‌ యూజర్‌ విశాల్‌ స్వామి పంచుకున్న వీడియో సామాజిక మాధ్యమాల్లో అందరి దృష్టిని ఆకర్షిస్తోంది. సొంతంగా సంపాదించిన డబ్బుతో మంచం కొనుక్కున్న అనంతరం ఆయన ఈ ప్రత్యేక అనుభూతిని వీడియోలో షేర్‌ చేసుకున్నారు. విశాల్‌ స్వామి తన ఇన్‌స్టాగ్రామ్‌ ఖాతాలో ఈ వీడియోను షేర్‌ చేస్తూ.. “ఈ అనుభూతిని నేను మాటల్లో వివరించలేను” అని పేర్కొన్నారు. వీడియోలో కొత్తగా కొనుగోలు చేసిన మంచాన్ని చూపించిన ఆయన.. దానిపై కూర్చొని ఆ క్షణాన్ని ఆస్వాదిస్తున్నట్లు కనిపించారు.వీడియోలో “నా జీవితంలో తొలిసారి ఈ రాత్రి మంచంపై నిద్రపోతున్నాను. జీవితంలో ఇది ఎంతో అందమైన అనుభూతి” అనే సందేశం కనిపించింది. సాధారణంగా కనిపించే మంచం తనకు మాత్రం ఎంతో ప్రత్యేకమైనదిగా మారిందని ఈ వీడియో ద్వారా ఆయన చెప్పినట్లు తెలుస్తోంది. ఇదీ చ‌ద‌వండి: సీఈసీ జ్ఞానేశ్ కుమార్‌కు భారతరత్న ఇవ్వాలిఈ పోస్టుపై పలువురు సామాజిక మాధ్యమ యూజర్లు స్పందించారు. “దేవుడు ఇచ్చిన సౌకర్యాల విలువను అవి కోల్పోయే వరకు మనం గుర్తించం” అని ఓ వ్యక్తి కామెంట్‌ చేశారు. మరో వ్యక్తి “ఏదో ఒక రోజు మీరు ఒక భవనంలో నిద్రపోవాలని కోరుకుంటున్నాను” అని ఆకాంక్షించారు. ఇంకొకరు “అభినందనలు. పార్టీ ఎప్పుడు?” అని సరదాగా స్పందించారు. “ఏదో ఒక రోజు మీరు చాలా ధనవంతులు అవుతారని నమ్ముతున్నాను”, ‘‘సంతోషంగా ఉంది”, “మీకు అభినందనలు” అంటూ మరికొందరు కామెంట్లు చేశారు. View this post on Instagram A post shared by Vishal swami (@vishalswami.12)

న్యూఢిల్లీ: దేశంలో కేంద్ర ఎన్నికల ప్రధాన కమిషనర్ జ్ఞానేశ్ కుమార్‌కు వ్యతిరేకంగా విపక్షాలు, సీజేపీతో పాటు చాలా మంది ప‍్రముఖులు వ్యాఖ్యలు చేస్తున్న విషయం తెలిసిందే. ఇటువంటి సమయంలో జ్ఞానేశ్ కుమార్‌కు మద్దతుగా ఢిల్లీలోని జంతర్‌మంతర్‌లో అగర్వాల్, వైశ్య సామాజిక వర్గాలకు చెందిన సంస్థలు భైఠాయించాయి. ఎన్నికల సంఘాన్ని ప్రతిపక్షాలు లక్ష్యంగా చేసుకుంటున్నాయని ఆరోపిస్తూ ఆయా సంఘాల నాయకులు నినాదాలు చేశారు. కాంగ్రెస్‌ నేత రాహుల్ గాంధీ, సమాజ్‌వాదీ పార్టీ నేత అఖిలేశ్ యాదవ్‌కు వ్యతిరేకంగా కూడా నినాదాలు చేశారు. జ్ఞానేశ్ కుమార్‌కు దేశ అత్యున్నత పౌర పురస్కారం భారతరత్న ఇవ్వాలని డిమాండ్ చేశారు.నిరసనలో పాల్గొన్నవారు చేతుల్లో ప్లకార్డులు పట్టుకుని ప్రతిపక్షాలకు వ్యతిరేకంగా నినాదాలు చేశారు. జ్ఞానేశ్ కుమార్‌తో పాటు కేంద్రంలోని మోదీ ప్రభుత్వానికి తమ మద్దతు ప్రకటించారు. ఎన్నికల ఫలితాల తర్వాత ప్రతిపక్ష నేతలు ఎన్నికల సంఘంపై రాజకీయ ఆరోపణలు చేస్తున్నారని వారు విమర్శించారు. సర్‌కు మద్దతుగా బీజేపీ..భారతీయ జనతా పార్టీ నేత జై భగవాన్ గోయల్ కూడా జ్ఞానేశ్ కుమార్ పనితీరును ప్రశంసిస్తూ ఆయనకు భారతరత్న ఇవ్వాలని డిమాండ్ చేశారు. ఓటరు జాబితాల ప్రత్యేక సమగ్ర సవరణ (సర్‌)పై ప్రతిపక్షాన్ని ఆయన విమర్శించారు. జ్ఞానేశ్ కుమార్ చర్యల కారణంగా ఓటరు జాబితా నుంచి బంగ్లాదేశ్, రోహింగ్యా ప్రజల పేర్లను తొలగించారని గోయల్ పేర్కొన్నారు. ఈ చర్య వల్ల పశ్చిమ బెంగాల్‌లో మమతా బెనర్జీ ఎన్నికల్లో ఓటమిని ఎదుర్కొన్నారని ఆయన అన్నారు. ఎన్నికల్లో ఎదురైన ఓటమికి ఎన్నికల సంఘం, ముఖ్యంగా జ్ఞానేశ్ కుమార్ కారణమై ఉండవచ్చని ప్రతిపక్షం భావిస్తోందని గోయల్ వ్యాఖ్యానించారు. కాంగ్రెస్‌ అగ్రనేత రాహుల్ గాంధీ, యూపీ మాజీ సీఎం అఖిలేశ్ యాదవ్, పశ్చిమ బెంగాల్ మాజీ ముఖ్యమంత్రి మమతా బెనర్జీ సహా పలువురు ప్రతిపక్ష నేతలు ఎన్నికల ఫలితాలపై ఎన్నికల సంఘాన్ని ప్రశ్నిస్తున్నారని గోయల్ అన్నారు. ప్రతిపక్షానికి ప్రజల మద్దతు లేకపోవడంతోనే ఎన్నికల సంఘాన్ని లక్ష్యంగా చేసుకుంటోందని ఆయన ఆరోపించారు. జ్ఞానేశ్ కుమార్‌పై ప్రతికూల వాతావరణం సృష్టించే ప్రయత్నం జరుగుతోందని గోయల్ పేర్కొన్నారు. ఇతర ఎన్నికల కమిషనర్ల ద్వారా కేంద్ర ప్రభుత్వానికి జ్ఞానేశ్ కుమార్ పనితీరుపై ఫిర్యాదు పంపినట్లు తెలిపారు. ప్రధాన ఎన్నికల కమిషనర్ తన ఇష్టానుసారం నిర్ణయాలు తీసుకుంటున్నారన్న ఆరోపణలు ఆ ఫిర్యాదులో ఉన్నాయని చెప్పారు. జ్ఞానేశ్ కుమార్‌పై ప్రతిపక్షాల నిరసనలు, ఆయనకు మద్దతుగా జరుగుతున్న కార్యక్రమాలు కొనసాగుతున్న నేపథ్యంలో ఎన్నికల సంఘం వ్యవహారశైలి, ఓటరు జాబితాల ప్రత్యేక సమగ్ర సవరణ (సర్‌)పై రాజకీయ చర్చ మరింత కొనసాగనున్నట్లు ఈ పరిణామాలు సూచిస్తున్నాయి.ఇదీ చదవండి: మంచంపై తొలిసారి నిద్రపోతున్నానంటూ పట్టలేని ఆనందం

దేశ రాజధాని నగరం ఢిల్లీలో ప్రతి ఏటా శీతాకాలం వచ్చిందంటే.. వాయు కాలుష్యం పెద్ద సమస్యగా మారుతుంది. చలికాలంలో గాలి నాణ్యత దారుణంగా పడిపోవడంతో ప్రజలు ఇబ్బందులు ఎదుర్కొంటారు. ఈ సమస్యను ముందుగానే గుర్తించిన ఢిల్లీ ప్రభుత్వం ఈసారి శీతాకాలం ప్రారంభం కాకముందే కొన్ని చర్యలను ప్రకటించింది.పార్కింగ్ ఛార్జీలను రెట్టింపు2026 నవంబర్ 1 నుంచి పార్కింగ్ ఛార్జీలను రెట్టింపు చేయాలని ప్రభుత్వం నిర్ణయించింది. దీని వల్ల ప్రజలు అవసరం లేని సమయంలో వ్యక్తిగత వాహనాలను ఉపయోగించడం తగ్గుతుందని ప్రభుత్వం భావిస్తోంది.అంతే కాకుండా.. నవంబర్ 1 నుంచి 2027 ఫిబ్రవరి 28 వరకు ఆఫీసుల పనివేళల్లో కూడా మార్పులు చేయనున్నారు. ఢిల్లీ మున్సిపల్ కార్పొరేషన్ ఆఫీసులు ఉదయం 8:30 నుంచి సాయంత్రం 5 గంటల వరకు, ఢిల్లీ ప్రభుత్వ పరిధిలోని కార్యాలయాలు ఉదయం 10 గంటల నుండి సాయంత్రం 6.30 గంటల వరకు పనిచేస్తాయి.50 శాతం మంది ఆఫీసుకుమరో ముఖ్యమైన నిర్ణయం.. ప్రభుత్వ, ప్రైవేట్ ఆఫీసుల్లో 50 శాతం మంది ఉద్యోగులు మాత్రమే కార్యాలయాలకు వెళ్లేలా చేయడం. మిగిలిన 50 శాతం మంది ఇంటి నుంచే పని చేస్తారు. ఇలా చేయడం వల్ల ఉద్యోగుల రాకపోకలు, వాహనాల సంఖ్య తగ్గి కాలుష్యం కొంతవరకు తగ్గే అవకాశం ఉంది.దుమ్ము ఎక్కువగా వచ్చే నిర్మాణ, కూల్చివేత పనులను కూడా కొంతకాలం పూర్తిగా నిలిపివేయనున్నారు. ఢిల్లీలో కాలుష్యానికి వాహనాల పొగ మాత్రమే కారణం కాదు. రోడ్లపై, నిర్మాణ ప్రదేశాల్లో ఏర్పడే దుమ్ము, పరిశ్రమల నుంచి వచ్చే కాలుష్యం కూడా ముఖ్యమైన కారణాలే.గతంలో కూడా.. ఢిల్లీలో కాలుష్యాన్ని తగ్గించడానికి ఆడ్-ఈవెన్ విధానం వంటి చర్యలను ప్రభుత్వం అమలు చేసింది. ఈ విధానంలో వాహనాల నంబర్ల ఆధారంగా కొన్ని రోజుల్లో కొన్ని వాహనాలకే రోడ్లపై తిరిగే అవకాశం ఇచ్చారు. అయితే.. ఢిల్లీ కాలుష్య సమస్య చాలా పెద్దది కావడంతో ఒక్క చర్యతోనే దాన్ని పూర్తిగా పరిష్కరించడం సాధ్యం కాదు.ఇక శీతాకాలంలో పంజాబ్, హర్యానా వంటి పొరుగు రాష్ట్రాల్లో పంట అవశేషాలను కాల్చడం వల్ల వచ్చే పొగ కూడా ఢిల్లీ గాలి నాణ్యతపై ప్రభావం చూపుతుంది. అందువల్ల ఢిల్లీ ప్రభుత్వం మాత్రమే కాకుండా.. పొరుగు రాష్ట్రాలు కూడా కలిసి పనిచేయాల్సిన అవసరం ఉంది.ఇదీ చదవండి: మీ పేరుతో సిమ్ కార్డు ఉందా.. జాగ్రత్త!

భోపాల్‌ : ప్రముఖ సోషల్‌ మీడియా ఇన్‌ఫ్లుయెన్సర్ నిధి అగర్వాల్‌ ఆత్మహత్య చేసుకున్నారు. తన కంటెంట్‌తో లక్షల మంది ఫాలోవర్స్‌,మిలియన్ల వ్యూస్‌తో ఆకట్టుకున్న సోషల్‌ మీడియా ఇన్‌ఫ్లుయెన్సర్ ఆత్మహత్యని నెటిజన్లు జీర్ణించుకోలేకపోతున్నారు. డైమండ్‌ స్టేట్‌ మధ్యప్రదేశ్‌ రాష్ట్రం సింగ్రౌలీ జిల్లాలోని భుసా మోడ్ ప్రాంతానికి చెందిన నిధి తివారీ. సోషల్‌ మీడియా ఇన్‌ఫ్లుయెన్సర్‌గా సుపరిచితురాలు. ఆమెను సోషల్‌ మీడియాలో 16లక్షల మందికిపైగా ఫాలో అవుతుంటారు. వారిలో ఇన్‌స్టాగ్రామ్‌ యూజర్లు 7లక్షల మంది ఉండగా.. 9లక్షల మంది మెటా ఫాలోవర్స్‌ ఉన్నారు.ఇక ఆమె సోషల్‌ మీడియాలో అప్‌లోడ్‌ చేసే వీడియోలకు మిలియన్ల వ్యూస్‌తో పాటు కామెంట్లతో ఆడియెన్స్‌కు దగ్గరవుతుంటారు. 2024 మిస్‌ ప్రెటీ ఇండియా అవార్డును సైతం దక్కించుకున్నారు. ఆ అవార్డే ఆమె జీవితాన్ని మలుపుతిప్పింది. మోడలింగ్‌లో, యాక్టర్‌గా రాణించాలనే కలలు కన్నారు. ఆ దిశగా అడుగులు కూడా వేశారు. వెండితెర మినహాయించి మోడల్‌గా, కంటెంట్ క్రియేటర్‌గా,సోషల్‌ మీడియా ఇన్‌ఫ్లుయెన్సర్‌గా కెరియర్‌ను కొనసాగిస్తున్నారు.ఈ క్రమంలో శనివారం సాయంత్రం ఫోన్‌లో మాట్లాడిన అనంతరం ఆమె ఆత్మహత్య చేసుకున్నారని నిధి కుటుంబ సభ్యులు చెబుతున్నారు. నిధి మరణంపై కేసు నమోదు చేసుకున్న పోలీసులు దర్యాప్తు చేపట్టారు. నిధి ఆత్మహత్యకు ముందు ఆమె మాట్లాడినఫోన్‌ సంభాషణలు,మరణానికి దారి తీసిన కారణాలేంటో తెలుసుకునేందుకు ప్రయత్నిస్తున్న మార్వా పోలిస్‌స్టేషన్‌ ఇన్‌ ఛార్జ్‌ జ్ఞానేంద్ర సింగ్‌ తెలిపారు.నిధి అగర్వాల్‌ మరణానికి గల కారణాల్ని విశ్లేషించేందుకు ఫోన్‌ కాల్‌ రికార్డ్స్‌ను, కుటుంబ సభ్యుల నుంచి సమాచారం,సేకరించిన ఇతర ఆధారాల్ని పరిశీలిస్తున్నట్లు వెల్లడించారు. ఇక నిధి మరణ వార్తపై నెటిజన్లు విచారం వ్యక్తం చేస్తున్నారు. ఆమె మరణ వార్త సోషల్ మీడియాలో తీవ్ర విషాదాన్ని నింపింది. ఒకప్పుడు ఆమె రూపం, ఆత్మవిశ్వాసం, విజయాలను ప్రశంసిస్తూ నివాళులు అర్పిస్తున్నారు.ఇదీ చదవండి : సింగం పోలీస్‌.. నిందితుల కోసం 40 కిలోమీటర్లు వేటాడాడు!

సాక్షి,ముంబై : ముంబైలోని బాలీవుడ్ నటి రకుల్ ప్రీత్ సింగ్ అత్తింటివారిపై ఆదాయపన్నుశాఖ దాడులు అలజడి రేపాయి. రకుల్‌ మామ, ప్రముఖ నిర్మాత వాషు భగ్నానీ, పనోరమా స్టూడియోస్‌తో సంబంధం ఉన్న పలు ప్రాంతాల్లో ఆదాయపు పన్ను శాఖ (ఇన్‌కమ్ ట్యాక్స్) సోదాలు కొనసాగుతున్నాయి. సినిమా సంబంధిత నిధులలో జరిగిన అవకతవకలపై జరుగుతున్న విచారణ నేపథ్యంలో, సెప్టెంబర్ 28, సోమవారం ఈ ఆపరేషన్ మొదలైంది.ముంబై ఆదాయపు పన్నుశాఖ నిర్వహిస్తున్న ఈ సోదాలు సినిమా ప్రాజెక్టులకు ఫైనాన్సింగ్ పేరుతో పంపినట్లు ఆరోపణలున్న డబ్బుకు సంబంధించిన ఆర్థిక అవకతవకలతో ముడిపడి ఉన్నట్టు తెలుస్తోంది. ముంబైలోని 12 ప్రదేశాలలో ఈదాడులు మొదలయ్యాయి. అయితే ఆరోపించబడిన లావాదేవీలు, ఇతర వివరాలు ఇప్పటివరకు వెల్లడి కాలేదు. భగ్నానీ కుటుంబం పూజా ఎంటర్‌టైన్‌మెంట్‌తో సంబంధం కలిగి ఉండగా, పనోరమా స్టూడియోస్ సంస్థను కుమార్ మంగత్ నిర్వహిస్తున్నారు. పనోరమా స్టూడియోస్ నిర్మించిన 'దృశ్యం: ది కన్క్లూజన్' చిత్రం అక్టోబర్ 2న విడుదల కానుంది. ఈ సోదాలకు సంబంధించి ఎలాంటి ఆర్థిక లావాదేవీలు జరిగాయి, ఎంత మొత్తం అనే వివరాలను ఐటీ అధికారులు అధికారికంగా వెల్లడించలేదు. ఈ ఆరోపణలపై దర్యాప్తు ఇంకా కొనసాగుతోంది. తాజా దాడులపై మరిన్ని వివరాలు తెలియాల్సి ఉంది.ఇదీ చదవండి: పెళ్లైన 5 నెలలకే టెకీ ఆత్మహత్యనిధుల మళ్లింపు ఆరోపణలుసినిమా ప్రాజెక్ట్‌ల ఫైనాన్సింగ్ పేరుతో నిధులను విదేశాలకు అక్రమంగా తరలిస్తున్నారనే (Funds routed abroad) అనుమానాలతో ముంబై ఐటీ శాఖ అధికారులు 12 ప్రాంతాల్లో ఈ సోదాలు చేపట్టారు. ఐటీ శాఖకు చెందిన పలు బృందాలు డాక్యుమెంట్లు, ఆర్థిక రికార్డులు మరియు విదేశీ లావాదేవీల వివరాలను క్షుణ్ణంగా పరిశీలిస్తున్నాయి.ఇదీ చదవండి: యూనివర్శిటీ విద్యార్థిని మృతి, లవ్‌ జిహాద్‌ ఆరోపణలు కలకలంరకుల్ సోదరుడి డ్రగ్స్ కేసు నేపథ్యంరకుల్ ప్రీత్ సింగ్, వాషు భగ్నానీ కుమారుడైన నిర్మాత జాకీ భగ్నానీని పెళ్లాడారు. కాగా గత ఏడాది డిసెంబర్ 19 న ముంబైలో జరిగిన ఓ డ్రగ్స్ కేసులో రకుల్ ప్రీత్ సింగ్ తమ్ముడు అమన్‌ప్రీత్ సింగ్ ప్రమేయం ఉన్నట్లు ఆరోపణలు వచ్చాయి. ఈ కేసులో ఈగల్ ఫోర్స్, వెస్ట్ జోన్ పోలీసులు ఇద్దరు వ్యాపారులను అరెస్ట్ చేసి, వారి వద్ద నుంచి కొకైన్, ఎండీఎంఏ (MDMA) స్వాధీనం చేసుకున్నారు. అమన్‌ప్రీత్ ఆ డ్రగ్స్ పెడ్లర్ల నుంచి ఐదుసార్లు డ్రగ్స్ కొనుగోలు చేసినట్లు పోలీసులు అనుమానించారు.

కర్ణాటక: స్నేహితురాలిని లైంగికంగా వేధిస్తున్నాడనని ఆమె మిత్రుడు రుణదాతను హత్య చేశాడు. బెళగావి జిల్లా అథని తాలూకాలోని బల్లిగేరిలో ఈ సంఘటన జరిగింది. వివరాలు ఇలా ఉన్నాయి.. శ్రీదేవి రాజపుత్‌ అనే మహిళను రణవీర్‌ రాజ్‌పుత్‌ లైంగిక వేధించేవాడు. అతడు ఆమెకు కొంత డబ్బు అప్పు ఇచ్చాడు. ఆ కారణంతో సతాయించసాగాడు. సెప్టెంబర్‌ 21న రాత్రి బైక్‌ స్టార్ట్‌ కావడం లేదని చెప్పి రణవీర్‌ను బైరు పవార్‌ అనే వ్యక్తి పిలిపించుకొన్నాడు. ఆ తరువాత గొంతుకు తాడు బిగించి హత్య చేశాడని పోలీసులు తెలిపారు. హత్య తరువాత బైరు, శ్రీదేవికి ఫోన్‌ చేసి చెప్పాడు. విచారణ చేపట్టిన అథణి పోలీసులు కాల్‌ డేటా ఆధారంగా ఇద్దరినీ అరెస్ట్‌ చేశారు.ఇదీ చదవండి: పెళ్లైన 5 నెలలకే టెకీ ఆత్మహత్య

ముంబై: ముంబైలో అక్టోబర్ 2న నిర్వహించాలనుకున్న నిరసనకు పోలీసులు అనుమతి నిరాకరించడంతో కాక్రోచ్‌ జనతా పార్టీ (సీజేపీ) వ్యవస్థాపకుడు అభిజీత్ దీప్కే ‘జైల్ భరో ఆందోళన’కు పిలుపునిచ్చారు. శివాజీ పార్క్‌లో నిరసనకు అనుమతి ఇవ్వలేమని ముంబై పోలీసులు స్పష్టం చేసిన నేపథ్యంలో ఆయన ఈ ప్రకటన చేశారు. మహాత్మా గాంధీ జయంతి సందర్భంగా అక్టోబర్ 2న శివాజీ పార్క్‌లో నిరసన చేపట్టాలని సీజేపీ నిర్ణయించింది. అయితే అక్కడ సభ నిర్వహించేందుకు అనుమతి ఇచ్చే అధికారం తమకు లేదని ముంబై పోలీసులు తెలిపారు. బాంబే హైకోర్టు తీర్పు, అనంతరం మహారాష్ట్ర ప్రభుత్వం జారీ చేసిన ఆదేశాలను ఇందుకు కారణాలుగా పేర్కొన్నారు.శివాజీ పార్క్‌లో భారీగా ప్రజలు గుమిగూడితే శబ్ద కాలుష్యం, ట్రాఫిక్ రద్దీ, ప్రజల రాకపోకలకు అంతరాయం ఏర్పడే అవకాశం ఉందని పోలీసులు పేర్కొన్నారు. నిరసన కోసం ముంబైలోని మరో ప్రాంతాన్ని ఎంచుకుని అనుమతి కోరాలని నిర్వాహకులకు సూచించారు. అనుమతి నిరాకరణపై దీప్కే స్పందిస్తూ.. పౌరుల గొంతుకను అణచివేసేందుకు ఇలాంటి చర్యలకు పాల్పడటం ఆమోదయోగ్యం కాదని గతంలో పేర్కొన్నారు. తాజాగా అక్టోబర్ 2న ముంబైలో ‘జైల్ భరో ఆందోళన’ నిర్వహిస్తామని ఎక్స్‌లో ప్రకటించారు. ఈ కార్యక్రమాన్ని ప్రజాస్వామ్య పరిరక్షణకు సంబంధించినదిగా ఆయన అభివర్ణించారు.ప్రధాన ఎన్నికల కమిషనర్ (సీఈసీ) జ్ఞానేశ్ కుమార్ రాజీనామా చేయాలని సీజేపీ డిమాండ్ చేస్తోంది. అలాగే ఓటర్ల జాబితాలపై చేపడుతున్న స్పెషల్ ఇంటెన్సివ్ రివిజన్ (సర్‌)ను నిలిపివేయాలని, ఎన్నికల సంఘానికి సంబంధించిన చట్టపరమైన వ్యవస్థలో మార్పులు చేయాలని కోరుతోంది. ఎన్నికల జాబితాల నిర్ణయాలు, సర్‌ ప్రక్రియకు సంబంధించి ఎన్నికల సంఘంలో అంతర్గత విభేదాలు ఉన్నాయంటూ ఆరోపణలు వచ్చిన నేపథ్యంలో ఈ నిరసనకు పిలుపునిచ్చారు. అయితే ఎన్నికల సంఘం మాత్రం తన పనితీరులో ఎలాంటి మార్పు లేదని స్పష్టం చేసింది. సంస్థలో అభిప్రాయ భేదాలు ఉండటం సాధారణమేనని, కీలక నిర్ణయాలు ఏకగ్రీవంగానే తీసుకున్నామని తెలిపింది.ఇదీ చదవండి: కేదార్‌నాథ్‌లో చిక్కుకుపోయిన ఏపీ యాత్రికులు

కేదార్‌నాథ్‌: ఉత్తరాఖండ్‌లోని కేదార్‌నాథ్‌ యాత్ర మార్గంలో కొండచరియలు విరిగిపడటంతో చిక్కుకుపోయిన సుమారు 1,500 మంది యాత్రికులను అధికారులు సురక్షితంగా తరలిస్తున్నారు. ఆదివారం అర్ధరాత్రి సమయంలో చిర్‌బాసా ప్రాంతంలో యాత్రికులు చిక్కుకుపోయినట్లు సమాచారం అందడంతో ఎస్‌డీఆర్‌ఎఫ్‌, ఎన్‌డీఆర్‌ఎఫ్‌, డీడీఆర్‌ఎఫ్‌ బృందాలు సంయుక్తంగా సహాయక చర్యలు చేపట్టాయి. వీరిలో ఆంధ్రప్రదేశ్‌కు చెందినవారు ఉన్నట్టు సమాచారం. తూర్పుగోదావరి జిల్లా రాయవరం మండలానికి చెందిన 45 మంది యాత్రికులు చిక్కుకుపోయినట్లు తెలుస్తోంది. దర్శనాలు ముగించుకుని తిరుగు ప్రయాణంలో ఉండగా ప్రమాదం జరిగినట్లు సమాచారం. తమతో పాటు వేలాది మంది యాత్రికులు ఇక్కడే నిలిచిపోయినట్లు రాయవరం యాత్రికులు చెబుతున్నారు. ఈ వివరాలను ఫోన్ ద్వారా యాత్రికుడు పీవీ కృష్ణారెడ్డి తెలియజేశారు. కాగా ఈ యాత్రికుల క్షేమంపై కుటుంబ సభ్యుల ఆందోళన చెందుతున్నారు.సోన్‌ప్రయాగ్‌కు సుమారు 3 కిలోమీటర్ల దూరంలో ఉన్న చిర్‌బాసా ప్రాంతంలో ఈ ఘటన చోటుచేసుకుంది. కొండచరియలు విరిగిపడటంతో మార్గంలో భారీగా మట్టి, రాళ్లు పేరుకుపోయాయి. అంతేకాకుండా కొండపై నుంచి రాళ్లు పడుతుండటంతో యాత్రికుల రాకపోకలు ప్రమాదకరంగా మారాయి. సమాచారం అందుకున్న వెంటనే సబ్‌ ఇన్‌స్పెక్టర్‌ ఆశిష్‌ డిమ్రీ నేతృత్వంలోని ఎస్‌డీఆర్‌ఎఫ్‌ బృందం ఘటనా స్థలానికి చేరుకుంది. పరిస్థితిని అంచనా వేసిన అనంతరం ఎస్‌డీఆర్‌ఎఫ్‌, ఎన్‌డీఆర్‌ఎఫ్‌, డీడీఆర్‌ఎఫ్‌ సిబ్బంది సంయుక్తంగా సహాయక చర్యలు ప్రారంభించారు.ప్రమాదకరమైన కొండచరియల ప్రాంతాన్ని యాత్రికులు సురక్షితంగా దాటేలా రెస్క్యూ సిబ్బంది మార్గనిర్దేశం చేశారు. అనంతరం వారిని మరోవైపునకు చేర్చి గౌరీకుండ్‌కు తరలించారు. ఈ ఘటనలో యాత్రికులందరినీ సురక్షితంగా తరలించినట్లు అధికారులు తెలిపారు. ఇదిలా ఉండగా, ఉత్తరాఖండ్‌లో భారీ వర్షాలు కురుస్తుండటంతో చార్‌ధామ్‌ యాత్ర వరుసగా రెండో రోజూ నిలిచిపోయింది. వర్షాలు, కొండచరియల కారణంగా యాత్రికుల భద్రత దృష్ట్యా అధికారులు అప్రమత్తంగా వ్యవహరిస్తున్నారు.ఇదీ చదవండి: అజిత్ పవార్‌ను తలచుకుని సునేత్ర కన్నీరు

పెళ్లయిన కొద్ది నెలలకే పూణేకు చెందిన 23 ఏళ్ల ఐటీ ఇంజనీర్ వైష్ణవి ప్రవీణ్ జరండే ఆత్మహత్య చేసుకుని ప్రాణాలు కోల్పోవడం తీవ్ర విషాదాన్ని నింపింది. ఈ ఘటనపై ఆమె భర్త, అత్తమామలపై ఆమె కుటుంబ సభ్యులు తీవ్ర ఆరోపణలు చేశారు. భారీగా కట్నం ఇచ్చినప్పటికీ కారు కావాలని వేధింపులకు గురి చేయడం వల్లనే తమ బిడ్డచనిపోయిందని కన్నీరుమున్నీరయ్యారు. ఈ ఏడాది మే 9న వైష్ణవికి, ఓంకర్ సంజయ్ ఘిసారే అనే వ్యక్తితో వివాహం జరిగింది. ఈ పెళ్లిలో దాదాపు రూ. 45 లక్షలు ఖర్చు చేసిందని, 10 తులాల బంగారం ఇచ్చామని వైష్ణవి తండ్రి ఫిర్యాదులో పేర్కొన్నారు. అయినప్పటికీ, కారు కొనుగోలు చేయడం కోసం అదనంగా రూ. 5 లక్షలు తెవాలంటూ ఆమె భర్త, అత్తమామలు మానసికంగా, శారీరకంగా వేధించారని ఆరోపించారు.సెప్టెంబర్ 24 రాత్రి వైష్ణవి తన తల్లికి ఫోన్ చేసి తనను వేధిస్తున్నారు చెబుతూ బోరున విలపించింది. అదే రాత్రి 11:30 గంటల ప్రాంతంలో ఆమె భర్త కూడా వైష్ణవి పుట్టింటివారికి ఫోన్ చేశాడు. ఆ తర్వాత వైష్ణవితో ఫోన్లో మాట్లాడటానికి ప్రయత్నించగా ఆమె స్పందించకపోవడంతో, తల్లిదండ్రులు హుటాహుటినా పూణేకు బయలుదేరి వెళ్లారు. అక్కడకు వెళ్లిన తరువాతే తమ కుమార్తె మృతి చెందినట్లు వారికి తెలిసింది.వైష్ణవి తండ్రి ఇచ్చిన ఫిర్యాదు మేరకు ఆమె భర్త ఓంకర్ సంజయ్ ఘిసారే, ఆయన తల్లిదండ్రులపై కట్న నిషేధ చట్టం (Dowry Prohibition Act),ఆత్మహత్యకు ప్రేరేపించిన సెక్షన్ల కింద పోలీసులు కేసు నమోదు చేసి దర్యాప్తు చేస్తున్నారు.

ముంబై: మహారాష్ట్ర ఉపముఖ్యమంత్రి, నేషనలిస్ట్ కాంగ్రెస్ పార్టీ అధ్యక్షురాలు సునేత్ర పవార్ తన భర్త, దివంగత అజిత్ పవార్‌ను గుర్తుచేసుకుంటూ భావోద్వేగ పోస్ట్ చేశారు. సోమవారం బారామతిలోని విద్యా ప్రతిష్ఠాన్‌లో ఉన్న అజిత్ పవార్ స్మృతి స్థలాన్ని సందర్శించిన ఆమె.. ఆయనకు నివాళులర్పించారు. ఈ సందర్భంగా తన మనసులోని భావాలను సోషల్ మీడియా వేదికగా పంచుకున్నారు. అజిత్ పవార్ మరణించి ఎనిమిది నెలలు గడిచినా.. ఆయన లేరనే విషయాన్ని తన మనసు ఇప్పటికీ అంగీకరించడం లేదని సునేత్ర పవార్ పేర్కొన్నారు. పార్టీ కార్యకర్తలు, సామాన్య ప్రజలు ఇప్పటికీ ఆప్యాయంగా ఆయనను ‘దాదా’ అని పిలుస్తున్నారని తెలిపారు. ఆ ఒక్క మాటలోనే అజిత్ పవార్‌పై వారికి ఉన్న ప్రేమ, నమ్మకం, అనుబంధం కనిపిస్తాయని చెప్పారు.స్మృతి స్థలంలో నివాళులుసోమవారం విద్యా ప్రతిష్ఠాన్‌లోని అజిత్ పవార్ స్మృతి స్థలానికి వెళ్లిన సునేత్ర.. ఆయనకు నివాళులర్పించారు. అక్కడ ఆమె తీవ్ర భావోద్వేగానికి గురయ్యారు. తన మనసులో ఉప్పొంగుతున్న భావాలను మాటల రూపంలో ప్రజలతో పంచుకోవాలనుకుంటున్నట్లు తెలిపారు. అజిత్ పవార్ భార్యగా, ఆయన తర్వాత తనపై ఉంచిన బాధ్యతలను నిర్వహిస్తున్న వ్యక్తిగా.. ఆయన కలలను సాకారం చేయడమే తన ముందున్న ప్రధాన లక్ష్యమని సునేత్ర చెప్పారు. ఆయన జీవితంలో విలువలకు, మానవత్వానికి, సున్నితత్వానికి ఇచ్చిన ప్రాధాన్యాన్ని తాను కొనసాగిస్తానని పేర్కొన్నారు.మీరు నేర్పిన విలువలను కాపాడుకుంటా..అజిత్ పవార్ తనకు నేర్పిన విలువలను జీవితాంతం పదిలంగా ఉంచుకుంటానని సునేత్ర పవార్ తెలిపారు. ప్రజలతో ఆయన ఏర్పరచుకున్న అనుబంధాన్ని కూడా కొనసాగిస్తానని చెప్పారు. ప్రజల కోసం ఆయన చూసిన కలలను నెరవేర్చేందుకు కృషి చేస్తానని ఆమె అన్నారు. అజిత్ పవార్ గత జనవరి 28న బారామతిలో జరిగిన విమాన ప్రమాదంలో మృతి చెందారు. ఆయన మరణించి ఎనిమిది నెలలు పూర్తయ్యాయి. ఈ నేపథ్యంలో సునేత్ర పవార్ ఆయన స్మృతి స్థలాన్ని సందర్శించి భావోద్వేగంగా స్పందించారు.ఇదీ చదవండి: ఎల్‌పీయూ ఆందోళనలు.. రంగంలోకి సీజేపీ వ్యవస్థాపకుడు దీప్కే!

దేశ రాజధాని ఢిల్లీ, పరిసర ప్రాంతాల్లో వరుసగా వెలుగుచూస్తున్న అత్యాచార ఘటనలపై సుప్రీంకోర్టు తీవ్ర ఆందోళన వ్యక్తం చేసింది. ఇటీవలి కేసులను సుమోటోగా స్వీకరించిన ధర్మాసనం.. వీటిని ప్రజాప్రయోజన వ్యాజ్యంగా విచారించనుంది. ఈ ఘటనలు 2012 నాటి నిర్భయ ఘటనను గుర్తు చేస్తున్నాయని పేర్కొన్న ధర్మాసనం.. చట్ట అమలు, ప్రజా భద్రతను కాపాడటంలో వ్యవస్థ వైఫల్యాలను ఈ వరుస ఘటనలు స్పష్టంగా చూపిస్తున్నాయని కీలక వ్యాఖ్యలు చేసింది.ఢిల్లీ-ఎన్‌సీఆర్‌లో ఈ ఒక్క సెప్టెంబర్‌లోనే 13 లైంగిక దాడుల కేసులు నమోదు అయ్యాయి. ఈ వరుస అత్యాచార ఘటనలను సోమవారం సుమోటో కేసుగా స్వీకరించిన జస్టిస్‌ జేబీ పర్దీవాలా, జస్టిస్‌ కే. వినోద్‌ చంద్రన్‌ ధర్మాసనం.. విచారణకు ఈ పిల్‌ను లిస్టింగ్‌ చేయాలని రిజిస్ట్రీని ఆదేశించింది. అలాగే ఈ ఘటనలు ‘‘ఇలా అనకుండా ఉండలేకపోతున్నాం. తాజా కేసుల్లో నిర్భయ ఘటనతో బాధాకరమైన పోలికలు కనిపిస్తున్నాయి’’ అని జస్టిస్‌ పర్దీవాలా వ్యాఖ్యానించారు. 2012లో ఢిల్లీలో కదులుతున్న బస్సులో 23 ఏళ్ల యువతిపై సామూహిక అత్యాచారం జరగడం, అనంతరం ఆమె మృతి చెందడం దేశవ్యాప్తంగా తీవ్ర ఆందోళనకు దారితీసింది. ఆ ఘటన తర్వాత లైంగిక నేరాలకు సంబంధించిన చట్టాల్లో పలు కీలక మార్పులు చేశారు. అయితే ఇటీవలి ఘటనల్లోనూ మహిళలు, బాలికలకు బహిరంగ ప్రదేశాల్లో భద్రతపై ప్రశ్నలు తలెత్తుతున్న నేపథ్యంలో సుప్రీంకోర్టు ఈ అంశాన్ని స్వయంగా విచారణకు తీసుకుంది.పార్కులు, బస్సులు హైరిస్క్‌ జోన్లుగా మారొద్దుపార్కులు, బస్సులు వంటి ప్రజా ప్రదేశాలు సరైన లైటింగ్‌, నిఘా, ఇతర మౌలిక సదుపాయాల కొరత కారణంగా ప్రమాదకర ప్రాంతాలుగా మారకూడదని సుప్రీంకోర్టు పేర్కొంది. కేవలం ఘటనలపై సానుభూతి వ్యక్తం చేయడం సరిపోదని.. బాధ్యతను నిర్ధారించే వ్యవస్థ ఉండాలని జస్టిస్‌ పర్దీవాలా స్పష్టం చేశారు. ఇటీవల ఢిల్లీలోని కల్కాజీ మందిరం సమీపంలోని ఆస్తా కుంజ్‌ పార్క్‌లో 17 ఏళ్ల బాలికపై ముగ్గురు వ్యక్తులు అత్యాచారానికి పాల్పడిన కేసు తీవ్ర చర్చనీయాంశమైంది. పోలీసులమంటూ బాలిక, ఆమె స్నేహితుడిని బెదిరించి ఘటనకు పాల్పడినట్లు దర్యాప్తులో వెల్లడైంది. సెప్టెంబర్‌ 21న ఈ ఘటన జరిగినట్లు పోలీసులు తెలిపారు. ఈ కేసులో ముగ్గురు నిందితులను పోలీసులు అరెస్టు చేశారు. ఈ ఘటన జరిగిన పార్కులో ఎంట్రీ, ఎగ్జిట్‌ ప్రాంతాల్లో సీసీటీవీ కెమెరాలు లేకపోవడం, సరైన లైటింగ్‌ లేకపోవడం, కొన్ని గేట్లు సిబ్బంది లేకుండా ఉండటం వంటి భద్రతా లోపాలు ఉన్నట్లు దర్యాప్తులో వెల్లడైంది.కదులుతున్న బస్సులోనూ దారుణంఇటీవలే నోయిడాకు వెళ్తున్న ఓ స్లీపర్‌ బస్సులో ఓ బాలికపై సామూహిక అత్యాచారం జరిగిన కేసును కూడా సుప్రీంకోర్టు ప్రస్తావించింది. బస్సులోని బెర్త్‌లకు తెరలు ఉండటం, సీసీటీవీ వ్యవస్థ పనిచేయకపోవడం వంటి అంశాలు నిందితులకు అనుకూలంగా మారాయన్న విషయాల్ని కోర్టు ప్రధానంగా ప్రస్తావించింది. 2012 నిర్భయ ఘటన తర్వాత ప్రజా రవాణా, మహిళల భద్రతకు సంబంధించి పలు నిబంధనలు తీసుకొచ్చినప్పటికీ.. వాటి అమలు తీరుపై తాజా ఘటనలు ప్రశ్నలు లేవనెత్తుతున్నాయని అభిప్రాయపడింది. చట్టాలు ఉన్నా.. అమలు ఎలా?మహిళలు, బాలికలకు భద్రత కల్పించేందుకు చట్టాలు, నిబంధనలు ఉన్నప్పటికీ.. వాటిని క్షేత్రస్థాయిలో ఎంత సమర్థంగా అమలు చేస్తున్నారన్నదే కీలకమని సుప్రీంకోర్టు వ్యాఖ్యలు స్పష్టం చేస్తున్నాయి. బహిరంగ ప్రదేశాల్లో వెలుతురు, సీసీటీవీలు, నిఘా, భద్రతా సిబ్బంది వంటి కనీస సదుపాయాల లోపాలపై కూడా కోర్టు దృష్టి సారించింది. కేవలం ఘటన జరిగిన తర్వాత స్పందించడం కాకుండా.. ముందుగానే భద్రతా లోపాలను గుర్తించి, బాధ్యతను నిర్ధారించే వ్యవస్థ ఉండాలని స్పష్టం చేసింది. ఢిల్లీ–ఎన్‌సీఆర్‌లో చోటుచేసుకున్న తాజా ఘటనలపై సుమోటో విచారణ ద్వారా ఈ అంశాలపై సుప్రీంకోర్టు తదుపరి చర్యలు, ఆదేశాలపై ఇప్పుడు ఆసక్తి నెలకొంది.ఇదీ చదవండి: బ్యాంకులు శనివారాలు మూసేస్తే మా సంగతేంటి?

ఫగ్వారా: పంజాబ్‌లోని లవ్లీ ప్రొఫెషనల్ యూనివర్సిటీ (ఎల్‌పీయూ)లో విద్యార్థుల ఆందోళనలు తీవ్ర ఉద్రిక్తతకు దారితీశాయి. క్యాంపస్‌లో ఓ విద్యార్థినిపై అత్యాచారం జరిగిందంటూ సోషల్ మీడియాలో వార్తలు వ్యాపించడంతో ఆదివారం తెల్లవారుజామున భారీగా విద్యార్థులు నిరసనలకు దిగారు. అనంతరం ఆందోళనలు హింసాత్మకంగా మారడంతో పోలీసులు భారీగా మోహరించారు. ఈ పరిణామాలపై కాక్‌రోచ్ జంతా పార్టీ (సీజేపీ) వ్యవస్థాపకుడు అభిజీత్ దీప్కే స్పందించారు. విశ్వవిద్యాలయ క్యాంపస్ మహిళలకు అత్యంత సురక్షితమైన ప్రదేశాల్లో ఒకటిగా ఉండాలని అన్నారు. హాస్టళ్లలో కూడా భద్రత లేదనే భావన మహిళల్లో కలగడం ఆందోళనకరమని పేర్కొన్నారు. 2026లో మహిళలు తమ ప్రాథమిక భద్రత కోసం నిరసనలు చేయాల్సిన పరిస్థితి ఉండకూడదన్నారు.భారీగా పోలీసుల మోహరింపుఫగ్వారాలో ప్రారంభమైన విద్యార్థుల నిరసనలు క్రమంగా ఉద్రిక్తంగా మారాయి. దీంతో క్యాంపస్‌లో భారీగా పోలీసులను మోహరించారు. విద్యార్థులు యూనివర్సిటీ నుంచి బయటకు వచ్చి తమ స్వస్థలాలకు వెళ్లేందుకు ప్రయత్నిస్తున్న దృశ్యాలు కనిపించాయి. పరిస్థితిని అదుపులో ఉంచేందుకు పోలీసులు భద్రతా చర్యలు చేపట్టారు.అత్యాచారంపై దర్యాప్తు కొనసాగింపువిద్యార్థినిపై అత్యాచారం జరిగిందనే ఆరోపణలపై దర్యాప్తు కొనసాగుతోందని పోలీసులు తెలిపారు. అయితే క్యాంపస్‌లో విద్యార్థినిపై అత్యాచారం జరిగినట్లు అధికారులు ఇప్పటివరకు ధ్రువీకరించలేదు. నిందితుల గుర్తింపు కూడా ఇంకా నిర్ధారణ కాలేదు. ఈ వ్యవహారంలో పలువురు గుర్తుతెలియని వ్యక్తులపై ఎఫ్‌ఐఆర్ నమోదు చేసి దర్యాప్తు చేస్తున్నారు.2 వేల మందికి పైగా పోలీసులుభద్రతా చర్యల్లో భాగంగా పంజాబ్ పోలీసులు ఎల్‌పీయూలో ఫ్లాగ్ మార్చ్ నిర్వహించారు. క్యాంపస్‌లో శాంతిభద్రతలను కాపాడేందుకు 2,000 మందికి పైగా పోలీసులను మోహరించినట్లు అడిషనల్ డైరెక్టర్ జనరల్ ఆఫ్ పోలీస్ ఫయాజ్ ఫరూఖీ తెలిపారు. మరోవైపు హాస్టళ్లలో కూడా పరిస్థితి అదుపులో లేదంటూ వస్తున్న వార్తలను జలంధర్ పోలీస్ కమిషనర్ సతీందర్ సింగ్ ఖండించారు. అన్ని హాస్టళ్లను తనిఖీ చేశామని, పరిస్థితి సాధారణంగానే ఉందని తెలిపారు.10 రోజుల పాటు తరగతులు రద్దుఉద్రిక్త పరిస్థితుల నేపథ్యంలో సెప్టెంబర్ 28 నుంచి 10 రోజుల పాటు రెగ్యులర్ తరగతులను నిలిపివేస్తున్నట్లు ఎల్‌పీయూ ప్రకటించింది. మిడ్‌టర్మ్ పరీక్షలను తదుపరి ఆదేశాలు వచ్చే వరకు వాయిదా వేసింది. ఇంటికి వెళ్లాలనుకునే విద్యార్థులు తల్లిదండ్రులు లేదా సంరక్షకులతో సంప్రదించి నిర్ణయం తీసుకోవాలని సూచించింది.విద్యార్థులకు యూనివర్సిటీ విజ్ఞప్తివిద్యార్థులు ప్రశాంతంగా ఉండాలని, యూనివర్సిటీ అధికారుల సూచనలను పాటించాలని ఎల్‌పీయూ కోరింది. అవసరం లేకుండా క్యాంపస్‌లో తిరగడం లేదా ఆందోళనలకు సంబంధించిన కార్యకలాపాల్లో పాల్గొనడం మానుకోవాలని సూచించింది. ఇదిలా ఉండగా, ఆరోపణలకు సంబంధించిన వాస్తవాలను నిర్ధారించేందుకు పోలీసుల దర్యాప్తు కొనసాగుతోంది.ఇదీ చదవండి: ఉజ్జయినిలో ఉద్రిక్తత.. పోలీసులపై రాళ్లదాడి

ప్రముఖ విమాన తయారీ సంస్థ బోయింగ్‌.. తన విమానాల్లో ఓ సాఫ్ట్‌వేర్‌ సమస్యను గుర్తించింది. ల్యాండింగ్‌కు ముందు విమానం అనుకున్న మార్గాన్ని మార్చాల్సిన ప్రత్యేక పరిస్థితిలో.. ఆటోమేటెడ్‌ ఫ్లైట్‌ గైడెన్స్‌ వ్యవస్థ పనిచేయడం ఆగిపోయే అవకాశం ఉన్నట్లు వెల్లడించింది. ఈ సమస్య భారత్‌లో నడుస్తున్న 96 విమానాలకు వర్తించనుంది. మరి ఈ సాఫ్ట్‌వేర్‌ లోపం నిజంగా అంత ఆందోళన చెందాల్సిన విషయమేనా?ఈ సమస్యపై గత నెలలోనే ప్రపంచవ్యాప్తంగా 737 విమానాలు నడుపుతున్న అన్ని ఎయిర్‌లైన్స్‌కు సమాచారం ఇచ్చినట్లు బోయింగ్‌ తెలిపింది. సమస్యను శాశ్వతంగా పరిష్కరించేందుకు సాఫ్ట్‌వేర్‌ అప్‌డేట్‌పై పనిచేస్తున్నట్లు వెల్లడించింది. అయితే దీనివల్ల విమానాన్ని మాన్యువల్‌గా నడపలేని పరిస్థితి మాత్రం ఉండదని బోయింగ్‌ స్పష్టం చేసింది. భారత్‌లో ఎయిర్‌ ఇండియా ఎక్స్‌ప్రెస్‌ వద్ద సుమారు 53, ఆకాశ ఎయిర్‌ వద్ద 43 బోయింగ్‌ 737 మ్యాక్స్‌(MAX) విమానాలు ఉన్నాయి. సమస్య ఏంటంటే.. ఈ సమస్య కాక్‌పిట్‌ సాఫ్ట్‌వేర్‌లోని ఓ అప్‌డేట్‌ కారణంగా తలెత్తినట్లు సమాచారం. సాధారణంగా విమానం ఒక నిర్దిష్ట మార్గంలో ల్యాండింగ్‌కు సిద్ధమవుతుంది. అయితే ఏదైనా కారణంతో ల్యాండింగ్‌ సాధ్యం కాక మిస్డ్‌ అప్రోచ్‌ తీసుకోవాల్సి వస్తే.. ఆ తర్వాతి ప్రయత్నంలో మొదట అనుకున్న మార్గానికి భిన్నంగా విమానాన్ని తీసుకెళ్లాల్సి రావొచ్చు. అలాంటి పరిస్థితిలో ఆటోమేటెడ్‌ ఫ్లైట్‌ గైడెన్స్‌ వ్యవస్థ డిసెంగేజ్‌ అయ్యే అవకాశం ఉన్నట్లు బోయింగ్‌ గుర్తించింది. అంటే ఆటోమేషన్‌ సహాయం తగ్గిపోతుంది. అయితే దీనివల్ల విమానానికి వచ్చిన ప్రమాదం ఏం ఉండని.. గాలిలో అదుపు తప్పడం లేదంటే పైలట్లు విమానాన్ని నడపలేని పరిస్థితి ఎదురుకాదని బోయింగ్‌ చెబుతోంది.ఈ పరిస్థితిని పైలట్లు సురక్షితంగా ఎదుర్కొనేందుకు ఇప్పటికే ఉన్న విధానాలను పాటించాలని సూచించింది. మిస్డ్‌ అప్రోచ్‌ తర్వాత సిస్టమ్‌ను రీసెట్‌ చేయాలని కూడా బోయింగ్‌ సూచించినట్లు సమాచారం. సమస్యను పూర్తిగా తొలగించేందుకు కొత్త సాఫ్ట్‌వేర్‌ అప్‌డేట్‌ సిద్ధం చేస్తోంది.భారత విమానాలపై ప్రభావంబోయింగ్‌ 737 మ్యాక్స్‌ విమానాలను నడుపుతున్న భారత విమానయాన సంస్థల్లో ఆకాశ ఎయిర్‌, ఎయిర్‌ ఇండియా ఎక్స్‌ప్రెస్‌ ఉన్నాయి. తాజా పరిణామంపై సదరు ఎయిర్‌లైన్స్‌ స్పందించింది. ఆకాశ ఎయిర్‌ ఈ సమస్యపై బోయింగ్‌తో కలిసి పనిచేస్తున్నామని తెలిపింది. తమ విమానాల కార్యకలాపాల భద్రతపై ఎలాంటి ప్రభావం లేదని స్పష్టం చేసింది. ఇప్పటికే ఉన్న విధానాలు, నియంత్రణ సంస్థల నిబంధనల ప్రకారమే విమానాలను సురక్షితంగా నడుపుతున్నామని పేర్కొంది. అయితే తమ విమానాల్లో ఏదైనా ఈ సమస్యను ఎదుర్కొందా అనే విషయాన్ని ఆకాశ ఎయిర్‌ వెల్లడించలేదు.ఎయిర్‌ ఇండియా ఎక్స్‌ప్రెస్‌ నుంచి వెంటనే స్పందన రాలేదు. ఈ సమస్యపై భారత విమానయాన నియంత్రణ సంస్థ డీజీసీఏ పరిశీలన చేపట్టిందా? విమానయాన సంస్థలకు ఏదైనా ప్రత్యేక సూచన జారీ చేసిందా? అనేది మరికొద్ది గంటల్లో తేలిపోనుంది. బోయింగ్‌పై ఇప్పటికే నిఘాకిందటి ఏడాది జూన్‌లో అహ్మదాబాద్‌ నుంచి టేకాఫ్‌ అయిన ఎయిర్‌ ఇండియా బోయింగ్‌ 787-8 డ్రీమ్‌లైనర్‌ ప్రమాదంలో 260 మంది ప్రాణాలు కోల్పోయారు. ఆ ఘటన తర్వాత భారత విమానయాన రంగంలో బోయింగ్‌ విమానాల భద్రతపై మరింత దృష్టి పెరిగింది. ఈ ఏడాది ఫిబ్రవరిలోనూ లండన్‌–బెంగళూరు మార్గంలో ప్రయాణిస్తున్న ఎయిర్‌ ఇండియా బోయింగ్‌ 787-8 విమానాన్ని పైలట్‌ నివేదించిన ఫ్యూయల్‌ కంట్రోల్‌ స్విచ్‌ సమస్య కారణంగా గ్రౌండ్‌ చేశారు. అయితే బోయింగ్‌ తర్వాత చేసిన పరీక్షల్లో ఎలాంటి అసాధారణత కనిపించలేదని ప్రభుత్వం తెలిపింది.అయితే ఆ రెండు ఘటనలు బోయింగ్‌ 787 డ్రీమ్‌లైనర్‌కు సంబంధించినవి కాగా.. ఇప్పుడు బయటపడిన సాఫ్ట్‌వేర్‌ సమస్య 737 మ్యాక్స్‌ విమానాలకు సంబంధించినది. అయితే భారత్‌లో బోయింగ్‌ విమానాలపై భద్రతా పరిశీలన కొనసాగుతున్న సమయంలోనే ఈ కొత్త సాఫ్ట్‌వేర్‌ సమస్య వెలుగు చూడడం గమనార్హం.ఎందుకు అంత ప్రాధాన్యం?ప్రపంచవ్యాప్తంగా ఇప్పటికే 2,400కు పైగా 737 MAX విమానాలను బోయింగ్‌ డెలివరీ చేసింది. అయితే ఈ విమానాలు గతంలో రెండు ఘోర ప్రమాదాల కారణంగా వార్తల్లోకి ఎక్కాయి. 2018లో ఇండోనేషియాలో లయన్‌ ఎయిర్‌ 737 MAX 8 ప్రమాదంలో 189 మంది, 2019లో ఇథియోపియన్‌ ఎయిర్‌లైన్స్‌ 737 MAX 8 ప్రమాదంలో 157 మంది మరణించారు. ఈ రెండు ప్రమాదాల తర్వాత ఈ మోడల్‌ విమానాల సేవల్ని ప్రపంచవ్యాప్తంగా కొంతకాలం నిలిపివేశారు. తిరిగి ప్రారంభం అయ్యాక కూడా.. అప్పుడప్పుడు సాంకేతిక సమస్యలతో వార్తల్లోకి ఎక్కాయి. 2024 జనవరిలో అలాస్కా ఎయిర్‌లైన్స్‌కు చెందిన 737 మ్యాక్స్‌ 9 విమానంలో గాల్లో ఉండగానే డోర్‌ ప్లగ్‌ ఊడిపోవడంతో మరోసారి ఈ మోడల్‌ తయారీ, నాణ్యత నియంత్రణపై ప్రశ్నలు తలెత్తాయి. ఇప్పుడు వెలుగులోకి వచ్చిన సమస్య మాత్రం ప్రత్యేక ల్యాండింగ్‌ పరిస్థితిలో ఆటోమేషన్‌ తగ్గిపోయే సాఫ్ట్‌వేర్‌ లోపం. దీన్ని శాశ్వతంగా పరిష్కరించేందుకు బోయింగ్‌ సాఫ్ట్‌వేర్‌ అప్‌డేట్‌ సిద్ధం చేస్తోంది. ఇదీ చదవండి: ఇరాన్‌ వార్నింగ్‌.. వారంలో ఏదైనా జరగొచ్చన్న ట్రంప్‌

ఉజ్జయిని: మధ్యప్రదేశ్‌లోని ఉజ్జయినిలో ఉద్రిక్త పరిస్థితులు నెలకొన్నాయి. రోడ్డు విస్తరణలో భాగంగా షాహీ మసీదులో కొంత భాగాన్ని తొలగించేందుకు అధికారులు చేపట్టిన చర్యలను వ్యతిరేకిస్తూ స్థానికులు, పలువురు ముస్లింలు ఆందోళనకు దిగారు. సోమవారం ఉదయం పోలీసులు, ఆందోళనకారుల మధ్య ఘర్షణ చోటుచేసుకుంది. ఆందోళనకారులు పోలీసులపై రాళ్లు రువ్వినట్లు అధికారులు పేర్కొనగా, గుంపును చెదరగొట్టేందుకు పోలీసులు టియర్‌గ్యాస్ ప్రయోగించారు.రోడ్డు విస్తరణ కోసం..మధ్యప్రదేశ్‌లోని ఉజ్జయినిలో సింహస్థ కుంభమేళా-2028 ఏర్పాట్లలో భాగంగా కాంతల్ చౌరాహా నుంచి గోపాల్ మందిర్ వరకు ఉన్న రహదారిని విస్తరించేందుకు మున్సిపల్ అధికారులు చర్యలు చేపట్టారు. సుమారు 900 మీటర్ల మేర ఉన్న ఈ రహదారిని 15 మీటర్ల వెడల్పునకు పెంచాలని నిర్ణయించారు. ఈ రహదారి ప్రతిపాదిత మార్గంలో షాహీ మసీదులో కొంత భాగం ఉండటంతో దాన్ని తొలగించేందుకు అధికారులు ప్రయత్నిస్తున్నారు.రాత్రంతా మసీదు వద్దే ఆందోళనతొలగింపు చర్యలను అడ్డుకునేందుకు ఆదివారం రాత్రి వందలాది మంది మసీదు వద్దకు చేరుకున్నారు. కొందరు మసీదులోనే రాత్రంతా ఉన్నారు. అధికారులు జేసీబీ, ఇతర యంత్రాలతో అక్కడికి చేరుకున్నప్పటికీ భారీగా ప్రజలు గుమిగూడటంతో పనులు ముందుకు సాగలేదు. పరిస్థితిని అదుపులో ఉంచేందుకు పోలీసులు భారీగా మోహరించారు. VIDEO | Ujjain, Madhya Pradesh: Administration on high alert amid Shahi Masjid dispute; heavy police deployment in Gopal Mandir area. (Full video available on PTI Videos - https://t.co/d8jp61yd2p) https://t.co/wVgsbEbgFH— Press Trust of India (@PTI_News) September 28, 20262 వేల మంది పోలీసులతో భారీ భద్రతసోమవారం ఉదయం అధికారులు మళ్లీ తొలగింపు ప్రక్రియను ప్రారంభించడంతో ఉద్రిక్తత మరింత పెరిగింది. సుమారు 2 వేల మంది పోలీసులను అక్కడ మోహరించినట్లు సమాచారం. మసీదు చుట్టూ బారికేడ్లు ఏర్పాటు చేశారు. దాదాపు 500 మీటర్ల పరిధిలో ప్రజల రాకపోకలను పరిమితం చేశారు. సీనియర్ పోలీసు, పరిపాలనా అధికారులు కూడా ఘటనాస్థలంలో ఉన్నారు.ప్రత్యామ్నాయ మార్గం చూపాలని మసీదు కమిటీ డిమాండ్రోడ్డు విస్తరణ కోసం మసీదు భాగాన్ని తొలగించకుండా ప్రత్యామ్నాయ మార్గంలో రహదారిని విస్తరించాలని మసీదు కమిటీ, ముస్లిం సమాజ ప్రతినిధులు కోరుతున్నారు. మసీదుకు ఎదురుగా ఉన్న నిర్మాణాలను తొలగించి రోడ్డు విస్తరించవచ్చని వారు సూచించారు. షాహీ మసీదు వక్ఫ్ ఆస్తిగా నమోదైందని, మతపరమైన నిర్మాణంగా దాన్ని రక్షించాలని వారు కోర్టును ఆశ్రయించారు.హైకోర్టులో పిటిషన్లు.. డివిజన్ బెంచ్‌కు అప్పీల్మసీదు తొలగింపును సవాలు చేస్తూ దాఖలైన రెండు పిటిషన్లను సెప్టెంబర్ 9న మధ్యప్రదేశ్ హైకోర్టు ఇండోర్ బెంచ్ కొట్టివేసింది. చట్టపరమైన ప్రక్రియను అధికారులు పాటించారని, తొలగింపు రాజ్యాంగంలోని 14, 25, 26, 300ఏ అధికరణలను ఉల్లంఘించదని కోర్టు పేర్కొంది. సింహస్థ కుంభమేళా సమయంలో ట్రాఫిక్ నిర్వహణకు రహదారి విస్తరణ అవసరమని కూడా కోర్టు పరిగణనలోకి తీసుకుంది. అయితే మసీదు కమిటీ డివిజన్ బెంచ్‌ను ఆశ్రయించింది. #WATCH | Madhya Pradesh: A large group of people clashes with Police in Ujjain at the spot where a portion of Shahi Masjid is planned to be demolished for a road-widening project. A heavy police force remains deployed in the area. https://t.co/jeq03Wcd5s— ANI (@ANI) September 28, 2026

యూపీఐ చెల్లింపులపై కొత్తగా తీసుకొచ్చిన మర్చంట్‌ డిస్కౌంట్‌ రేట్‌ (ఎండీఆర్‌) విధానంపై సుప్రీంకోర్టు కీలక ఆదేశాలు జారీ చేసింది. రూ.2,000కు మించిన కొన్ని యూపీఐ ‘పర్సన్‌ టు మర్చంట్‌’ (పీ2ఎం) లావాదేవీలపై చార్జీలు విధించే కేంద్ర ప్రభుత్వ నిర్ణయాన్ని సవాలు చేస్తూ దాఖలైన పిటిషన్‌పై కేంద్రానికి నోటీసులు జారీ చేసింది. ఛార్జీల విధానం, దాని ప్రాతిపదికకు సంబంధించిన పూర్తి వివరాలతో అఫిడవిట్‌ దాఖలు చేయాలని కేంద్రంతో పాటు రిజర్వ్‌ బ్యాంక్‌ ఆఫ్‌ ఇండియాను ఆదేశించింది. ఈ పిటిషన్‌ను న్యాయవాది అంజన్‌ దత్తా దాఖలు చేశారు. సోమవారం విచారణ జరిపిన సీజేఐ జస్టిస్‌ సూర్యకాంత్‌ నేతృత్వంలోని జస్టిస్‌ జాయ్‌మాల్య బాగ్చి, జస్టిస్‌ వి. మోహనాలతో కూడిన ధర్మాసనం.. కేంద్ర ప్రభుత్వం, ఆర్‌బీఐ, ఎన్‌పీసీఐలకు నోటీసులు జారీ చేసింది. కొత్త ఎండీఆర్‌ విధానానికి చట్టపరమైన ప్రాతిపదిక ఏంటి? ఈ ఛార్జీపై పన్ను ఎలా ఉంటుంది? పన్ను భారం ఎవరిపై పడుతుంది? ఈ విధానం తీసుకొచ్చే అధికారం కేంద్రానికి ఏ మేరకు ఉంది? ఎండీఆర్‌ విధానం తీసుకురావడానికి కారణమేంటి? వంటి అంశాలపై స్పష్టత ఇవ్వాలని కోరింది. వీటన్నింటిపై నాలుగు వారాల్లో అఫిడవిట్‌ దాఖలు చేయాలని కేంద్రాన్ని ఆదేశించింది. అదే సమయంలో అక్టోబర్‌ 15 నుంచి కొత్త విధానం అమల్లోకి రానున్న నేపథ్యంలో.. దాని అమలుపై స్టే ఇచ్చేందుకు సుప్రీంకోర్టు నిరాకరించింది.రూ.2 వేలు దాటితే.. కేంద్రం తీసుకొచ్చిన కొత్త విధానం ప్రకారం.. అక్టోబర్‌ 15 నుంచి కొత్త ఎండీఆర్‌ విధానం అమల్లోకి రావాల్సి ఉంది. రూ.2,000కు మించిన నిర్దిష్ట యూపీఐ పీ2ఎం లావాదేవీలపై 0.4 శాతం ఎండీఆర్‌ విధిస్తారు. రూ.75,000, అంతకంటే ఎక్కువ విలువైన లావాదేవీలకు గరిష్ఠ చార్జీ రూ.300గా ఉంటుంది. అయితే వ్యక్తి నుంచి వ్యక్తికి చేసే పీ2పీ యూపీఐ చెల్లింపులపై ఎలాంటి ఎండీఆర్‌ ఉండదు. రూ.2,000 వరకు చేసే సాధారణ మర్చంట్‌ చెల్లింపులూ చార్జీ పరిధిలోకి రావు.కొన్ని ప్రత్యేక రంగాలకు మాత్రం వేర్వేరు రేట్లు నిర్ణయించారు. రైల్వేలు, టెలికాం, బీమా, ఇంధనం, వ్యవసాయ ఇన్‌పుట్స్‌ వంటి రంగాల్లో రూ.2,000కు మించిన లావాదేవీలపై ఒక్కో లావాదేవీకి రూ.5 ఎండీఆర్‌ ఉంటుంది. మ్యూచువల్‌ ఫండ్లు, సెక్యూరిటీస్‌, స్టాక్‌బ్రోకర్లు, డీలర్లకు సంబంధించిన లావాదేవీలపై 0.02 శాతం ఎండీఆర్‌ విధిస్తారు. దీనికీ రూ.300 గరిష్ఠ పరిమితి ఉంటుంది.విధానంపై పిటిషనర్‌ అభ్యంతరాలుకేంద్రం సెప్టెంబర్‌ 14న జారీ చేసిన నోటిఫికేషన్‌, సెప్టెంబర్‌ 15న ప్రకటించిన ఎండీఆర్‌ విధానాన్ని అంజన్‌ దత్తా తన పిటిషన్‌లో సవాలు చేశారు. తగిన చట్టపరమైన రక్షణలు, పారదర్శకత, ప్రజా సంప్రదింపులు లేకుండానే కొత్త చార్జీల విధానాన్ని తీసుకొచ్చారని ఆయన వాదించారు. పేమెంట్‌ అండ్‌ సెటిల్‌మెంట్‌ సిస్టమ్స్‌ యాక్ట్‌, 2007లోని సెక్షన్‌ 10ఏ సవరణ చట్టబద్ధతను కూడా ప్రశ్నించారు.అలాగే యూపీఐ, రూపే డెబిట్‌ కార్డులకు వేర్వేరు నిబంధనలు ఎందుకన్న అంశాన్ని పిటిషన్‌లో లేవనెత్తారు. రూ.2,000 దాటిన యూపీఐ మర్చంట్‌ చెల్లింపులపై ఎండీఆర్‌ విధిస్తుండగా.. రూపే డెబిట్‌ కార్డు లావాదేవీలకు చార్జీల విషయంలో కొనసాగుతున్న రక్షణపై కూడా ప్రశ్నలు లేవనెత్తారు.ఏం కోరుతున్నారు?రూ.2,000కు మించిన యూపీఐ లావాదేవీలపై ఎండీఆర్‌ విధించే నిబంధనను రద్దు చేయాలని లేదంటే అమలును నిలిపివేయాలని పిటిషనర్‌ కోరారు. ప్రత్యామ్నాయంగా.. సంబంధిత డేటాను బహిర్గతం చేసి, ప్రభావంపై అధ్యయనం నిర్వహించి, పారదర్శకంగా సంప్రదింపులు జరిపిన తర్వాత విధానాన్ని పునఃపరిశీలించాలని విజ్ఞప్తి చేశారు. ముఖ్యంగా చిన్న, సూక్ష్మ వ్యాపారాలపై పడే ప్రభావాన్ని పరిగణనలోకి తీసుకోవాలని కోరారు.అక్టోబర్‌ 15 నుంచి అమలుకొత్త ఎండీఆర్‌ విధానం అక్టోబర్‌ 15 నుంచి అమల్లోకి రావాల్సి ఉంది. ఈ నేపథ్యంలో దాని అమలును నిలిపివేయాలన్న పిటిషనర్‌ అభ్యర్థనను సుప్రీంకోర్టు ప్రస్తుత దశలో అంగీకరించలేదు. అయితే కేంద్రం నుంచి పూర్తి వివరాలతో అఫిడవిట్‌ కోరడంతో.. ఈ చార్జీల విధానానికి సంబంధించిన చట్టపరమైన ప్రాతిపదిక, అమలు విధానంపై తదుపరి విచారణలో మరింత స్పష్టత వచ్చే అవకాశం ఉంది.ఇదీ చదవండి: రిస్క్‌లో 96 భారత విమానాలు?

త్రిశూర్‌: కేరళలోని త్రిశూర్‌ జిల్లాలో విషాద ఘటన చోటుచేసుకుంది. బ్రెడ్‌, జామ్‌ తిన్న 60 ఏళ్ల వ్యక్తి మృతి చెందగా.. ఆయన ఇద్దరు కుమార్తెలు అస్వస్థతకు గురయ్యారు. ఆహారం కలుషితం కావడం వల్లే ఈ ఘటన జరిగి ఉండొచ్చని కుటుంబ సభ్యులు అనుమానిస్తున్నారు. అయితే మృతికి అసలు కారణం పోస్టుమార్టం తర్వాతే నిర్ధారణ అవుతుందని పోలీసులు తెలిపారు. పళయన్నూర్‌లోని వడక్కెతర ప్రాంతానికి చెందిన వినోద్‌ కుమార్‌ (60), ఆయన కుమార్తెలు విద్య, వృంద శనివారం రాత్రి ఇంట్లో బ్రెడ్‌, జామ్‌ తిన్నారు. కొంతసేపటి తర్వాత ముగ్గురికీ అస్వస్థతతో పాటు వాంతులు ప్రారంభమయ్యాయి.ఆస్పత్రిలో చికిత్స పొందుతూ..వినోద్‌ పరిస్థితి విషమించడంతో ఒట్టపాలంలోని వల్లువనాడ్‌ ఆస్పత్రికి తరలించారు. అక్కడ చికిత్స పొందుతూ ఆదివారం తెల్లవారుజామున 3.20 గంటల సమయంలో ఆయన మృతి చెందినట్లు వైద్యులు ప్రకటించారు. వార్డు సభ్యురాలు గీతా ఉన్నికృష్ణన్‌ తెలిపిన వివరాల ప్రకారం.. వినోద్‌ నాలుగు బ్రెడ్‌ ముక్కలు తిన్నారు. పెద్ద కుమార్తె విద్య రెండు ముక్కలు, చిన్న కుమార్తె వృంద ఒక ముక్కలో కొంత భాగం తిన్నారు. కుమార్తెల పరిస్థితి ఇలా..వినోద్‌ కుమార్తెలు విద్య, వృంద కూడా అస్వస్థతకు గురయ్యారు. విద్య ప్రస్తుతం ఆస్పత్రిలో వైద్యుల పర్యవేక్షణలో ఉంది. వృందను చికిత్స అనంతరం ఆస్పత్రి నుంచి డిశ్చార్జ్‌ చేసి ఇంటికి తీసుకెళ్లారు. వినోద్‌ భార్య సునీత, 16 ఏళ్ల కుమారుడు వివేక్‌ మాత్రం బ్రెడ్‌, జామ్‌ తినలేదు. వినోద్‌ మృతిపై పళయన్నూర్‌ పోలీసులు కేసు నమోదు చేశారు. భారతీయ నాగరిక్‌ సురక్షా సంహిత (బీఎన్‌ఎస్‌ఎస్‌)లోని సెక్షన్‌ 194 కింద అసహజ మరణంగా కేసు నమోదైంది. మృతదేహానికి పంచనామా ప్రక్రియ పూర్తిచేసి, త్రిశూర్‌ మెడికల్‌ కాలేజీ ఆస్పత్రికి పోస్టుమార్టం కోసం తరలించారు. పోస్టుమార్టం నివేదిక వచ్చిన తర్వాతే మృతికి ఖచ్చితమైన కారణాన్ని నిర్ధారించగలమని పోలీసులు తెలిపారు. ఇదీ చదవండి: ‘సాగర్‌ ప్యారడైజ్‌’: 16 సెకన్లలో 14 సార్లు ఇనుప రాడ్‌తో దాడి

పుణె యువ రియల్టర్‌ కేతన్‌ అగర్వాల్‌ మృతి కేసులో కొత్త విషయం వెలుగులోకి వచ్చింది. లోహగఢ్‌ కోటపై కేతన్‌ను కొండ నుంచి తోసేయడాన్ని తాను కళ్లారా చూశానని ఓ ప్రత్యక్ష సాక్షి పోలీసులకు వాంగ్మూలం ఇచ్చాడు. అంతేకాదు.. ఈ విషయం బయటకు చెబితే తనకూ అదే గతి పడుతుందని బెదిరించారని చెప్పాడు. స్థానిక మీడియా కథనాల ద్వారా ఆలస్యంగా ఈ విషయం వెలుగులోకి వచ్చింది.ఆ ప్రత్యక్ష సాక్షి ఇచ్చిన వాంగ్మూలం ప్రకారం.. జూన్‌ 18న కేతన్‌ తన కాబోయే భార్య సియా గోయల్‌తో కలిసి లోహగఢ్‌ కోటకు వెళ్లాడు. ఆ వెనక మరో వ్యక్తి కూడా వారిని అనుసరించాడు. అదే సమయంలో ఆ సాక్షి తన స్నేహితుడి కుటుంబంతో కోటకు వెళ్లాడు. మెట్లపై ఓ జంట ముందుగా వెళ్తుంటే.. వారి వెనుక హూడీ ధరించిన ఓ వ్యక్తి‌ కనిపించాడు. వేసవి కాలంలో హూడీ ఎందుకు వేసుకున్నావని అతడిని నవ్వుతూ ప్రశ్నించా. అలా ఆ వ్యక్తి ముఖం నాకు గుర్తుండిపోయింది..కోటపైకి చేరుకున్న తర్వాత ఆ హుడీలో ఉన్న వ్యక్తి ఓ ఆలయం వద్ద కాసేపు కూర్చున్నాడు. అనంతరం కేతన్‌, సియాల వెంట వెళ్లాడు. కాసేపు అక్కడి నుంచి దూరంగా వెళ్లి తిరిగి వస్తుండగా.. సియా ఆ హుడీ వేసుకున్న వైపు చూపించడం కనిపించింది. ఆ తర్వాత సియా కింద కూర్చుని కేతన్‌ కాలిపై తన్నింది. క్షణం కూడా ఆలస్యం చేయకుండా ముసుగలో ఉన్న వ్యక్తి వెనుక నుంచి వచ్చి కేతన్‌ను కొండ అంచు వైపు తోసిశాడు..నోరు విప్పితే నీకూ అదేగతి!ఘటన తర్వాత నాకు కాళ్లు చేతులు వణికాయి. ధైర్యం తెచ్చుకుని ఆ హుడీ వేసుకున్న వ్యక్తిని ఆపాను. ఎందుకు అలా చేశావ్‌? అని నిలదీశాను. ఆ వ్యక్తి కోపంతో రగిలిపోయాడు. ఎవరి దగ్గర అయినా ఈ విషయం చెబితే నిన్నూ అలా తోసేసి చంపుతా అని బూతులు తిడుతూ బెదిరించాడు. ఆ టైంలో ఆ విషయాన్ని నా స్నేహితుడికి కూడా చెప్పలేదు. ఇంటికి తిరిగొచ్చిన తర్వాత జ్వరం, ఒళ్లు నొప్పులతో బాధపడ్డాను.అయితే కేతన్‌ కేసుపై మీడియాలో వస్తున్న కథనాలు చూసి షాక్‌ తిన్నా. కళ్లారా చూసింది చెప్పాలని పోలీసులను సంప్రదించా. ఐదు రోజుల తర్వాత అంటే.. జూన్‌ 23న నా వాంగ్మూలాన్ని పోలీసులు నమోదు చేశారు అని లోకల్‌ మీడియాతో ఆ ప్రత్యక్ష సాక్షి చెప్పాడు.హూడీ.. కీలక గుర్తింపుఈ కేసులో మరో సాక్షి వాంగ్మూలం కూడా పోలీసుల దృష్టిలోకి వచ్చింది. లోహగఢ్‌ కోట ఎక్కుతున్న సమయంలో హూడీ వేసుకున్న చేతన్‌ను అతడూ గమనించినట్లు తెలుస్తోంది. ఎండాకాలంలో హూడీ ఎందుకు వేసుకున్నావని ప్రశ్నించగా.. చేతన్‌ క్షమాపణ చెప్పి అక్కడి నుంచి వెళ్లిపోయినట్లు సాక్షి తెలిపినట్టు సమాచారం. దీంతో హూడీ.. చేతన్‌ గుర్తింపును నిర్ధారించడంలో కీలకమైన అంశంగా మారింది.12 టెరాబైట్ల డేటా..కేవలం ప్రత్యక్ష సాక్షుల వాంగ్మూలాలపైనే కాకుండా డిజిటల్‌ ఆధారాలపైనా పోలీసులు దృష్టి పెట్టారు. దర్యాప్తులో దాదాపు 12 టెరాబైట్ల సాంకేతిక డేటాను విశ్లేషించినట్లు సమాచారం. ఆరు మొబైల్‌ ఫోన్లు, తొమ్మిది పెన్‌డ్రైవ్‌లు, బ్యాకప్‌లు, కాల్‌ రికార్డులు, సోషల్‌ మీడియా ఖాతాల నుంచి సమాచారాన్ని పరిశీలించారు. డిలీట్‌ చేసిన చాట్స్‌, ఇతర డేటాను ఫోరెన్సిక్‌ పద్ధతుల్లో తిరిగి పొందినట్లు పోలీసులు చెబుతున్నారు.కేతన్‌ మృతికి ముందు, తర్వాత డేటా తొలగింపునకు సంబంధించిన కొన్ని సెర్చ్‌లు కూడా దర్యాప్తులోకి వచ్చినట్లు పోలీసులు పేర్కొన్నారు. ఐఫోన్‌లో డేటా ఎలా తొలగించాలి, చాట్‌ హిస్టరీని ఎలా క్లియర్‌ చేయాలి, డిలీట్‌ చేసిన సమాచారాన్ని తిరిగి పొందకుండా ఎలా చేయాలన్న అంశాలపై సెర్చ్‌లు ఉన్నట్లు దర్యాప్తు వర్గాలు తెలిపాయి.5,053 పేజీల ఛార్జ్‌షీట్‌కేతన్‌ అగర్వాల్‌ జూన్‌ 18న లోహగఢ్‌ కోటపై నుంచి పడి మృతి చెందినట్లు తొలుత భావించారు. అయితే దర్యాప్తులో ఇది ప్రమాదం కాదని, పథకం ప్రకారం జరిగిన హత్యగా పోలీసులు నిర్ధారించారు. సియా గోయల్‌, చేతన్‌ చౌదరి, అతడి స్నేహితుడు రితేశ్‌ హంగేను నిందితులుగా పేర్కొంటూ పుణె రూరల్‌ పోలీసులు 5,053 పేజీల ఛార్జ్‌షీట్‌ దాఖలు చేశారు. ఇందులో సుమారు 80–85 మంది సాక్షుల వాంగ్మూలాలతో పాటు డిజిటల్‌ ఆధారాలు, కాల్‌ రికార్డులు, ఫొటోలు, సీసీటీవీ ఫుటేజీ తదితర వివరాలను పొందుపరిచారు.పోలీసుల ప్రకారం.. కేతన్‌ను లోహగఢ్‌కు రప్పించేందుకు నకిలీ ఇన్‌స్టాగ్రామ్‌ ఖాతాను ఉపయోగించారు. అక్కడ సియా ముందుగా కేతన్‌ను తోసిందని, ఆ తర్వాత చేతన్‌ తన్నడంతో అతడు లోయలో పడిపోయాడని ఛార్జ్‌షీట్‌లో పేర్కొన్నారు. తాజాగా ప్రత్యక్ష సాక్షి వాంగ్మూలం కూడా వెలుగులోకి రావడంతో కేసులో కీలక పరిణామం చోటుచేసుకుంది. ఇప్పటివరకు ముగ్గురు ప్రత్యక్ష సాక్షులు పోలీసులకు వాంగ్మూలం ఇచ్చినట్లు దర్యాప్తు వర్గాలు తెలిపాయి. దీంతో కేతన్‌ మృతి వెనుక అసలు ఏం జరిగిందన్న దానిపై దర్యాప్తు మరింత కీలక దశకు చేరుకుంది.ఇదీ చదవండి: బోరుబావి నుంచి బయటకు తీసేలోపే..

సాగర్‌: మధ్యప్రదేశ్‌లోని సాగర్‌లో పట్టపగలే దారుణం చోటుచేసుకుంది. 28 ఏళ్ల అంకిత్‌ పటేల్‌ అనే వ్యక్తిపై ఓ వ్యక్తి ఇనుప రాడ్‌తో భీకరంగా దాడి చేయడంతో అతను అక్కడికక్కడే మృతి చెందాడు. ఈ ఘటనకు సంబంధించిన దృశ్యాలు సీసీటీవీ కెమెరాలో నమోదయ్యాయి. దాడి సుమారు 16 సెకన్లపాటు జరిగినట్లు, ఈ సమయంలో అంకిత్‌ తలపై 14 సార్లు ఇనుప రాడ్‌తో కొట్టినట్లు సీసీటీవీ ఫుటేజీ ద్వారా తెలుస్తోంది.సెప్టెంబర్‌ 27న మధ్యాహ్నం 3 గంటల సమయంలో సాగర్‌లోని ప్యారడైజ్‌ హోటల్‌ ముందు ఈ ఘటన జరిగింది. అంకిత్‌ పటేల్‌కు, నిందితుడికి మధ్య ఏదో విషయంపై వాగ్వాదం జరిగినట్లు సమాచారం. మాటామాటా పెరగడంతో నిందితుడు ఇనుప పైపును తీసుకుని అంకిత్‌పై దాడికి దిగాడు. సీసీటీవీ దృశ్యాల ప్రకారం.. నిందితుడు అంకిత్‌పై ఆగకుండా దాడి చేశాడు. ఈ దాడిలో అతడు స్పృహ కోల్పోయినట్లు సమాచారం. దాడి సుమారు 16 సెకన్లపాటు కొనసాగగా.. అంకిత్‌ తలపై 14 సార్లు దెబ్బలు తగిలినట్లు తెలుస్తోంది. అనంతరం అంకిత్‌ అ​‍క్కడికక్కడే మృతి చెందినట్లు సమాచారం. భయంతో పరుగులు తీసిన జనందాడి తీవ్రత పెరగడంతో అక్కడి దుకాణదారులు భయాందోళనకు గురయ్యారు. కొందరు తమ దుకాణాలను మూసివేసి అక్కడి నుంచి దూరంగా వెళ్లిపోయారు. తొలుత ఘటనను చూసేందుకు అక్కడ గుమిగూడిన పలువురు కూడా పరిస్థితి తీవ్రంగా మారడంతో పరుగులు తీశారు.దాడి కొనసాగుతున్న సమయంలో ఓ వ్యక్తి వెనుక నుంచి వచ్చి నిందితుడిని పట్టుకుని అంకిత్‌ నుంచి దూరంగా నెట్టాడు. దీంతో నిందితుడు అక్కడి నుంచి తప్పించుకున్నాడు. మరో వ్యక్తితో కలిసి అతడు అక్కడి నుంచి పరారైనట్లు సీసీటీవీ దృశ్యాల్లో కనిపించింది.⚠️ Disturbing visuals ahead. Viewer discretion is advised. A young man named Ankit Patel was reportedly beaten to death in Sagar, Madhya Pradesh. https://t.co/GWcxHPMyhf— Reform India (@ReformMov_India) September 27, 2026దర్యాప్తు ప్రారంభించిన పోలీసులుఈ ఘటనపై పోలీసులు దర్యాప్తు ప్రారంభించారు. అయితే ఈ దాడికి అసలు కారణం ఏమిటన్నది ఇంకా స్పష్టంగా తెలియలేదు. నిందితుడి పూర్తి వివరాలు కూడా అధికారికంగా వెల్లడికాలేదు. ఘటనకు సంబంధించిన మరిన్ని వివరాలు పోలీసుల దర్యాప్తులో వెల్లడికానున్నాయి.ఇదీ చదవండి: ఉత్తరప్రదేశ్‌లో వర్ష బీభత్సం.. 56 మంది మృతి!

గాంధీనగర్‌: భారీ రాజకీయ విరాళాల వ్యవహారం గుజరాత్‌లో కలకలం రేపుతోంది. దాదాపు రూ.1,870 కోట్ల విరాళాలు స్వీకరించి.. వాటి ద్వారా రూ.560 కోట్లకుపైగా పన్ను కట్టలేదనే ఆరోపణలు వెలుగులోకి వచ్చాయి. ఈ నేపథ్యంలో గుజరాత్‌లో మూడు గుర్తింపు లేని రాజకీయ పార్టీలపై సీఐడీ ఎఫ్‌ఐఆర్‌లు నమోదు చేసింది. ఆదాయపు పన్ను శాఖ ఫిర్యాదుల ఆధారంగా ఈ కేసులు నమోదయ్యాయి.గాంధీనగర్‌లో నమోదైన భారతీయ నేషనల్‌ జనతా దళ్‌ (BNJD), అహ్మదాబాద్‌లో నమోదైన గరీబ్‌ కళ్యాణ్‌ పార్టీ, స్వతంత్రత అభివ్యక్తి పార్టీలు ఈ కేసుల్లో ఉన్నాయి. ఆదాయపు పన్ను శాఖ ఆరోపణల ప్రకారం.. ఈ పార్టీలు బ్యాంకింగ్‌ మార్గాల్లో విరాళాలు స్వీకరించి, దాతలకు నకిలీ డొనేషన్‌ రసీదులు జారీ చేశాయి. అనంతరం మధ్యవర్తి సంస్థల ద్వారా నగదు రూపంలో తిరిగి చెల్లించి, కమీషన్‌ మినహాయించినట్లు దర్యాప్తులో ఆరోపణలు వచ్చాయి.అందులో అత్యధిక మొత్తం BNJDకి సంబంధించినదే. 2019-20 నుంచి 2024-25 మధ్య 56,238 మంది దాతల నుంచి రూ.1,143.85 కోట్ల విరాళాలు వచ్చినట్లు ఎఫ్‌ఐఆర్‌లో పేర్కొన్నారు. దీనివల్ల ప్రభుత్వానికి సుమారు రూ.343 కోట్ల పన్ను నష్టం వాటిల్లినట్లు ఆదాయపు పన్ను శాఖ అంచనా వేసింది. విరాళాల పేరుతో వచ్చిన నగదును మధ్యవర్తి సంస్థలకు తరలించి, నకిలీ బిల్లుల ద్వారా లావాదేవీలను చూపించి, కమీషన్‌ మినహాయించిన తర్వాత మిగిలిన మొత్తాన్ని దాతలకు తిరిగి ఇచ్చినట్లు ఆరోపణలు ఉన్నాయి.BNJD అధ్యక్షుడు సురేంద్రకుమార్‌ గజేరా, ప్రధాన కార్యదర్శి విపుల్‌ సోలంకి, కోశాధికారి రోణక్‌సింహ్‌ చావ్డా, చార్టర్డ్‌ అకౌంటెంట్‌ ఆదిల్‌ సయ్యద్‌లను కేసులో నిందితులుగా పేర్కొన్నారు. దాతల వివరాలు, నకిలీ రసీదులు, లావాదేవీలకు సంబంధించిన సమాచారాన్ని వాట్సాప్‌ ద్వారా పంచుకున్నట్లు, కొన్ని ప్రాంతాల్లో సోదాల సందర్భంగా డిజిటల్‌ ఆధారాలు లభించినట్లు ఫిర్యాదులో ఆరోపించారు.నకిలీ పత్రాలు, విరాళాలు..గరీబ్‌ కళ్యాణ్‌ పార్టీకి సంబంధించి 2022-23 నుంచి 2025-26 మధ్య రూ.206.76 కోట్ల విరాళాలు వచ్చినట్లు ఆరోపణలు ఉన్నాయి. ఈ వ్యవహారంలో ప్రభుత్వానికి సుమారు రూ.62.02 కోట్ల పన్ను నష్టం జరిగినట్లు ఆదాయపు పన్ను శాఖ పేర్కొంది. మరోవైపు స్వతంత్రత అభివ్యక్తి పార్టీ సుమారు రూ.519 కోట్ల విరాళాలు స్వీకరించినట్లు, దాంతో దాదాపు రూ.155 కోట్ల పన్ను నష్టం జరిగినట్లు కేసులో ఆరోపణలు ఉన్నాయి. ఈ రెండు కేసుల్లోనూ నకిలీ పత్రాలు, తప్పుడు అకౌంటింగ్‌ రికార్డులు, విరాళాల వివరాలను సమర్పించడంపై ఆరోపణలు నమోదయ్యాయి. ఈ కేసుల్లో పార్టీలు, వాటికి సంబంధించిన పలువురు పదాధికారులు, చార్టర్డ్‌ అకౌంటెంట్లను నిందితులుగా చేర్చారు. దీనిపై దర్యాప్తు జరుగుతున్నట్టు అధికారులు తెలిపారు. ఇదీ చదవండి: జ్ఞానేశ్‌ కుమార్‌పై ఆరోపణలు.. థామ్సన్‌కు బీజేపీ నేత కౌంటర్‌

జైపూర్ : రష్యాకు చెందిన వెరా ప్రొకోఫెవా తొలిసారి రాజస్థాన్‌లోని జైపూర్ మెట్రోలో ప్రయాణించి తన అనుభవాన్ని సోషల్ మీడియాలో పంచుకున్నారు. మెట్రో స్టేషన్ పరిశుభ్రత, నిర్వహణపై ప్రశంసలు కురిపించిన ఆమె.. జైపూర్ మెట్రోకు ఏకంగా ‘10/10’ రేటింగ్ ఇచ్చారు. అంతేకాదు, స్టేషన్‌ను దుబాయ్ మెట్రోతో పోల్చడం వైరల్‌గా మారింది. ఈ ప్రయాణానికి సంబంధించిన వీడియోను ఆమె ఇన్‌స్టాగ్రామ్‌లోని @vera__india ఖాతాలో షేర్ చేశారు. మెట్రో స్టేషన్‌లో సిబ్బందితో మాట్లాడిన అనంతరం ప్లాట్‌ఫామ్‌కు వెళ్లిన ఆమె.. అక్కడి వాతావరణాన్ని పరిశీలిస్తూ తన అభిప్రాయాన్ని వెల్లడించారు.‘టెన్ అవుట్ ఆఫ్ టెన్’ అంటూ ప్రశంసలుప్లాట్‌ఫామ్‌ను చూసిన వెరా.. ‘వెరీ గుడ్.. నైస్ ప్లాట్‌ఫామ్.. టెన్ అవుట్ ఆఫ్ టెన్’ అంటూ ప్రశంసించారు. అనంతరం స్టేషన్‌లోని వివిధ ప్రాంతాలను వీడియోలో చిత్రీకరించారు. పరిశుభ్రత, స్టేషన్ రూపురేఖలు తనను ఆకట్టుకున్నట్లు ఆమె వీడియోలో పేర్కొన్నారు. హవా మహల్ సమీపంలోని మెట్రో స్టేషన్‌కు చేరుకున్న తర్వాత కూడా వెరా తన అభిప్రాయాన్ని మార్చుకోలేదు. ‘స్టిల్ 10/10’ అంటూ మరోసారి రేటింగ్ ఇచ్చారు. ఆ తర్వాత ‘ఇది దుబాయ్ మెట్రోలా అనిపిస్తోంది’ అని వ్యాఖ్యానించారు.వెరా షేర్ చేసిన వీడియోకు సోషల్ మీడియాలో మంచి స్పందన వచ్చింది. పలువురు జైపూర్ వాసులు తమ నగరంలోని మెట్రో వ్యవస్థపై ఆనందం వ్యక్తం చేశారు. మరికొందరు జైపూర్ మెట్రోను మరిన్ని ప్రాంతాలకు విస్తరించాలని సూచించారు. ఒక జైపూర్ వాసి.. నగరంలోని అమెర్ ఫోర్ట్, జల్ మహల్ వంటి చారిత్రక పర్యాటక ప్రాంతాలను కూడా మెట్రో మార్గంతో అనుసంధానిస్తే బయట ప్రాంతాల నుంచి వచ్చే పర్యాటకులకు మరింత సౌకర్యంగా ఉంటుందని సూచించారు. వెరా వీడియోపై స్పందించిన కొందరు నెటిజన్లు ఆమె ఢిల్లీ మెట్రో, ర్యాపిడ్ రైల్‌లోనూ ప్రయాణించాలని సూచించారు.ఇదీ చదవండి: ఉత్తరప్రదేశ్‌లో వర్ష బీభత్సం.. 56 మంది మృతి!

మూడు రోజుల పాటు జరగాల్సిన బ్యాంకు సమ్మె వాయిదా పడటంతో ఖాతాదారులు ఊపిరి పీల్చుకున్నారు. అయితే సమ్మె వాయిదా చర్చల్లో మరో అంశం తెరపైకి వచ్చింది. బ్యాంకులకు ఐదు రోజుల పని విధానం అమల్లోకి వస్తే.. ప్రస్తుతం పనిచేస్తున్న శనివారాలు కూడా సెలవులుగా మారనున్నాయి. దీంతో ఇప్పటికే బ్యాంకింగ్‌ వ్యవస్థపై ఓ రకమైన అభిప్రాయంతో ఉన్న ఖాతాదారుడికి మరింత అసహనం పెరుగుతోంది. ‘నెలలో రెండు శనివారాలు సెలవే కదా.. మిగిలిన రోజుల్లో బంద్‌ ఉంటే మా పరిస్థితి ఏంటి? అని ప్రశ్నిస్తున్నాడు..ప్రస్తుతం ప్రతి నెలా రెండో, నాలుగో శనివారాలు బ్యాంకులకు అధికారికంగా సెలవు ఉంటోంది. మొదటి, మూడో, ఒక్కోసారి ఐదో శనివారాల్లో శాఖలు పనిచేస్తున్నాయి. వారంలో ఐదు రోజుల బ్యాంకింగ్‌ విధానం అమలైతే ఈ శనివారాలు కూడా సెలవే కానుంది. అంటే.. నెలలో అన్ని శనివారాల్లోనూ బ్యాంకు బ్రాంచ్‌ తలుపులు మూసే పరిస్థితి. ప్రస్తుతానికి దీనిపైనే చర్చించేందుకు ఐబీఏ, యూఎఫ్‌బీయూ ప్రతినిధులతో ఉన్నతస్థాయి కమిటీ ఏర్పాటు చేయాలని నిర్ణయించారు.ఆరోజే సమయం ఉన్నవారికి?ఉద్యోగులు, వ్యాపారులు.. ఇలా వారంలో మిగిలిన రోజుల్లో పని ఒత్తిడి ఉండేవారికి శనివారం బ్యాంకు పనులు చక్కబెట్టుకోవడం సౌకర్యంగా ఉంటుంది. ఖాతాలో మార్పులు, కేవైసీ, డాక్యుమెంటేషన్‌, నగదు లావాదేవీలు, రుణాలకు సంబంధించిన కొన్ని పనులు వంటి వాటి కోసం బ్రాంచ్‌కు వెళ్లాల్సి వస్తే.. పనిచేసే శనివారం వారికి మరో అవకాశం.ఇప్పుడు ఆ అవకాశం కూడా లేకపోతే? బ్యాంకు పని కోసం సెలవు పెట్టుకోవాలి.. లేదంటే మరో పని రోజు దొరికే వరకు ఆగాలి. ఇప్పటికే బ్రాంచ్‌ పని వేళలు, కౌంటర్‌ సమయాలు, రద్దీ కారణంగా బ్యాంకు పనులు చక్కబెట్టుకోవడం కష్టంగా ఉంటే.. పనిచేసే శనివారం కూడా అందుబాటులో లేకపోవడం ఖాతాదారులకు అదనపు ఇబ్బందే. ముఖ్యంగా ఉద్యోగులు, వ్యాపారులు, రోజువారీ పనుల్లో బిజీగా ఉండేవారికి శనివారం దొరికే ఆ ఒక్క అవకాశం కూడా కీలకమే.అక్కడ మరింత ఘోరం!ముఖ్యంగా గ్రామీణ ప్రాంతాల్లో ఈ ప్రభావం మరింత ఎక్కువగా ఉండొచ్చు. పట్టణాలు, నగరాలతో పోలిస్తే అక్కడ బ్యాంకింగ్‌ శాఖలు, సిబ్బంది, ప్రత్యామ్నాయ సేవల అందుబాటు పరిమితంగా ఉండే ప్రాంతాలు ఉన్నాయి. దీంతో బ్రాంచ్‌కు వెళ్లాల్సిన పనుల కోసం అందుబాటులో ఉన్న పని రోజుల్లోనే సమయం కేటాయించడం కస్టమర్లకు మరింత కష్టంగా మారొచ్చు. దూర ప్రాంతాల నుంచి బ్యాంకుకు వచ్చే వారికి శనివారం లభించే అదనపు అవకాశం పోతే.. తదుపరి పని రోజు వరకు వేచి చూడాల్సిన పరిస్థితి రావొచ్చు.డిజిటల్‌ బ్యాంకింగ్‌ ఉన్నా..యూపీఐ, మొబైల్‌, ఇంటర్నెట్‌ బ్యాంకింగ్‌, ఏటీఎం వంటి సేవలు కొనసాగుతాయి. కాబట్టి రోజువారీ డిజిటల్‌ లావాదేవీలకు పెద్దగా అంతరాయం ఉండకపోవచ్చు. కానీ ప్రతి పని మొబైల్‌లోనే పూర్తయ్యే పరిస్థితి లేదు. బ్రాంచ్‌కు తప్పనిసరిగా వెళ్లాల్సిన పనుల విషయంలో మాత్రం కస్టమర్‌కు అందుబాటులో ఉండే ఒక రోజు తగ్గుతుంది.ముఖ్యంగా శనివారం–ఆదివారం వరుసగా సెలవులు ఉండటంతో పాటు మధ్యలో మరో సెలవు వస్తే.. బ్రాంచ్‌ సేవలకు గ్యాప్‌ మరింత పెరగొచ్చు. అత్యవసరంగా బ్రాంచ్‌ సేవ అవసరమైనప్పుడు కస్టమర్లు తదుపరి పని రోజు వరకు వేచి చూడాల్సి రావచ్చు.ఉద్యోగులకు సరే.. కస్టమర్లకు?‘‘మాతో బలవంతంగా ఆదివారం పని చేయిస్తారా? దీనిని ఖండిస్తూ మరోరోజు సమ్మె చేపడతాం’’ అంటూ బ్లాక్‌ సండే పేరిట నిన్న విధులు నిర్వర్తించిన బ్యాంకింగ్‌ ఉద్యోగులు ఇప్పుడు రగిలిపోతున్నారు. మరి ఇలాంటివాళ్లు శనివారాలను సెలవుగా తీసుకున్న తర్వాత.. కస్టమర్ల కోసం ఒక పని రోజులో కాసేపు అదనంగా పనిచేయడానికి సిద్ధమవుతారా? అన్నదే ఇప్పుడు ఖాతాదారుల ప్రశ్న.ఐదు రోజుల బ్యాంకింగ్‌ విధానంతో ఉద్యోగులకు వారానికి రెండు రోజుల సెలవు లభిస్తుంది. అయితే తగ్గే బ్రాంచ్‌ సేవల రోజును కస్టమర్లకు ఎలా భర్తీ చేస్తారన్నదే అసలు విషయం. మిగిలిన రోజుల్లో పని గంటలు పెంచి సేవల లోటును భర్తీ చేస్తామని చెబుతున్నా.. ఇప్పటికే పని రోజుల్లోనే బ్రాంచ్‌ల వద్ద గంటల తరబడి నిరీక్షించాల్సి వస్తున్న పరిస్థితుల్లో మరో రోజు తగ్గితే ఖాతాదారుల కష్టాలు మరింత పెరగొచ్చు. ఉద్యోగుల సౌలభ్యం కోసం ఒక అదనపు సెలవు.. అదే సమయంలో కస్టమర్లకు ఒక పని రోజు తక్కువ. మరి ఈ లెక్కలో ఖాతాదారుడి సౌలభ్యం ఎక్కడ?.ఇదీ చదవండి: భారత్‌కు సరికొత్త సంక్షోభం! ఈసారి..

కేంద్ర ఎన్నికల సంఘం ప్రధాన కమిషనర్‌ జ్ఞానేశ్‌ కుమార్‌పై మాజీ కేరళ ప్రభుత్వ ప్రధాన కార్యదర్శి జీజీ థామ్సన్‌ చేసిన ఆరోపణలు రాజకీయ దుమారం రేపుతున్నాయి. 2019 లోక్‌సభ ఎన్నికల్లో బీజేపీ తరఫున పోటీ చేయాలని, గెలిస్తే కేంద్ర మంత్రి పదవి కూడా దక్కే అవకాశం ఉందని జ్ఞానేశ్‌ కుమార్‌ తనకు సూచించారని థామ్సన్‌ చేసిన వ్యాఖ్యలపై తాజాగా బీజేపీ నేత జోసెఫ్‌ స్పందించారు. 2017లోనే థామ్సన్‌ బీజేపీ నిర్వహించిన కార్యక్రమానికి హాజరయ్యారని, ఆ కార్యక్రమానికి తానే ఆయనను ఆహ్వానించానని జోసెఫ్‌ వెల్లడించారు.థామ్సన్‌ ఇటీవల ఓ టీవీ ఛానల్‌కు ఇచ్చిన ఇంటర్వ్యూలో ఈ విషయాన్ని వెల్లడించారు. తాను ఐఏఎస్‌ అధికారిగా పనిచేస్తున్న సమయంలో విమాన ప్రయాణంలో జ్ఞానేశ్‌ కుమార్‌ తనను కలిశారని చెప్పారు. 2019 లోక్‌సభ ఎన్నికల్లో బీజేపీ టికెట్‌పై పోటీ చేయాలని ఆయన సూచించినట్లు తెలిపారు. కేరళలోని పతనంతిట్ట నుంచి పోటీ చేసి గెలిస్తే ఎంపీగా, ఆ తర్వాత కేంద్ర మంత్రిగా అవకాశం లభిస్తుందని చెప్పినట్లు థామ్సన్‌ పేర్కొన్నారు. అయితే తాను ఆ ప్రతిపాదనను అంగీకరించలేదని తెలిపారు.థామ్సన్‌ చేసిన ఈ వ్యాఖ్యలు రాజకీయంగా చర్చనీయాంశంగా మారాయి. ఈ నేపథ్యంలో బీజేపీ నేత జోసెఫ్‌ ఫేస్‌బుక్‌ ద్వారా థామ్సన్‌ వ్యాఖ్యలకు కౌంటర్‌ ఇచ్చారు. సాధారణంగా రాజకీయ కార్యకర్తలు తమ మధ్య జరిగిన వ్యక్తిగత చర్చలు, సమావేశాల వివరాలను బహిరంగంగా వెల్లడించరని.. అయితే థామ్సన్‌ తాజా వ్యాఖ్యల నేపథ్యంలో తాను ఈ విషయాన్ని చెప్పాల్సి వస్తోందని పేర్కొన్నారు. 2017లో తాను బీజేపీ మైనారిటీ మోర్చా రాష్ట్ర అధ్యక్షుడిగా ఉన్న సమయంలో సంఘ్‌ పరివార్‌కు చెందిన ఓ సీనియర్‌ నేత తనను సంప్రదించారని జోసెఫ్‌ తెలిపారు. థామ్సన్‌ను కొచ్చిలో నిర్వహించనున్న మైనారిటీ మోర్చా కార్యక్రమానికి ఆహ్వానించాలని ఆ నేత తనను కోరినట్లు చెప్పారు. థామ్సన్‌ తమతో కలిసి రావడానికి ఆసక్తి చూపుతున్నారని కూడా అప్పట్లో తనకు చెప్పినట్లు జోసెఫ్‌ పేర్కొన్నారు.2017 జూన్‌ 26న మార్‌ క్రిసోస్టమ్‌ను సన్మానించేందుకు నిర్వహించిన కార్యక్రమానికి థామ్సన్‌ హాజరయ్యారని జోసెఫ్‌ తెలిపారు. ఈ కార్యక్రమానికి సంబంధించిన ఫొటోలను కూడా ఆయన తన ఫేస్‌బుక్‌ పోస్టులో పెట్టారు. వాటిలో థామ్సన్‌ వేదికపై ఉండటంతో పాటు ప్రసంగిస్తున్న దృశ్యాలు ఉన్నాయని చెప్పారు. అప్పటి యూడీఎఫ్‌ నేత, మాజీ మంత్రి కేఎం మాణి కూడా కార్యక్రమంలో పాల్గొన్నట్లు జోసెఫ్‌ పేర్కొన్నారు. బీజేపీ కార్యక్రమానికి హాజరైన థామ్సన్‌ అప్పట్లో ప్రధాని నరేంద్ర మోదీ, కేంద్ర ప్రభుత్వ కార్యక్రమాలను ప్రశంసించారని జోసెఫ్‌ తెలిపారు. అనంతరం 2017 నుంచి 2020 వరకు కేంద్ర ప్రభుత్వ రంగ సంస్థ కొచ్చిన్‌ షిప్‌యార్డ్‌లో థామ్సన్‌ ఇండిపెండెంట్‌ డైరెక్టర్‌గా ఉన్నారని ఆయన పేర్కొన్నారు. అయితే జోసెఫ్‌ చేసిన ఈ ఆరోపణలకు థామ్సన్‌ నుంచి ఇప్పటివరకు స్పందన రాలేదు. అలాగే థామ్సన్‌ చేసిన బీజేపీ టికెట్‌ ఆఫర్‌ ఆరోపణలపై జ్ఞానేశ్‌ కుమార్‌ కూడా బహిరంగంగా స్పందించలేదు.ఇదీ చదవండి: బీజేపీ ఎమ్మెల్యేకు తృటిలో తప్పిన పెను ప్రమాదం

లక్నో: ఉత్తరప్రదేశ్‌లో భారీ వర్షాలు, ఈదురుగాలులు తీవ్ర బీభత్సం సృష్టించాయి. 48 గంటల వ్యవధిలో వర్ష సంబంధిత ఘటనల్లో 56 మంది ప్రాణాలు కోల్పోగా, మరో 46 మంది గాయపడ్డారు. సెప్టెంబర్‌ 25 ఉదయం నుంచి సెప్టెంబర్‌ 27 ఉదయం వరకు రాష్ట్రంలో 97.6 మిల్లీమీటర్ల వర్షపాతం నమోదైంది. సాధారణంగా ఈ సమయంలో 4.5 మిల్లీమీటర్ల వర్షపాతం మాత్రమే నమోదవుతుంది. ఉత్తరప్రదేశ్‌లోని 75 జిల్లాల్లో 56 జిల్లాల్లో అధిక వర్షపాతం నమోదైనట్లు రాష్ట్ర సహాయ కమిషనర్‌ హృషీకేశ్‌ భాస్కర్‌ యశోద్‌ తెలిపారు. వర్షాలు, సంబంధిత ఘటనల కారణంగా 1,020కుపైగా ఇళ్లు దెబ్బతిన్నాయి. 107 జంతువులు మృతి చెందాయి. మృతుల సంఖ్య మరింత పెరిగే అవకాశం ఉందని అధికారులు తెలిపారు. ప్రస్తుతం నష్టాలు, ప్రాణనష్టంపై వివరాల సేకరణ కొనసాగుతోంది.ఫరూఖాబాద్‌లో సాధారణం కంటే ఏకంగా 7,385 శాతం అధిక వర్షపాతం నమోదైంది. కన్నౌజ్‌లో 5,664 శాతం, షాజహాన్‌పూర్‌లో 4,408 శాతం, హమీర్‌పూర్‌లో 4,240 శాతం, మహోబాలో 4,100 శాతం అధిక వర్షం నమోదైనట్లు అధికారులు వెల్లడించారు. 48 గంటలకు పైగా కొనసాగిన ప్రతికూల వాతావరణ పరిస్థితులు ప్రస్తుతం కొంత తగ్గుముఖం పట్టాయి. అయితే తరాయ్‌ ప్రాంతంలో మాత్రం భారీ నుంచి అతి భారీ వర్షాలు కురిసే అవకాశం ఉందని వాతావరణ శాఖ హెచ్చరించింది.ఒడిశాకు వరద ముప్పుభారీ వర్షాల కారణంగా ఒడిశాలోని పలు లోతట్టు ప్రాంతాలకు వరద ముప్పు పొంచి ఉంది. మహానది నదీ వ్యవస్థలోని నీరు ముండలి వద్ద సోమవారం ఉదయం 10 గంటలకు 8 లక్షల క్యూసెక్కులకు చేరే అవకాశం ఉందని అధికారులు తెలిపారు. ఆదివారం రాత్రికి సుమారు 7 లక్షల క్యూసెక్కుల నీరు ముండలి మీదుగా ప్రవహించే అవకాశం ఉందని ఒడిశా జలవనరుల శాఖ చీఫ్‌ ఇంజినీర్‌ దిలీప్‌ కుమార్‌ రౌత్‌ తెలిపారు.నాలుగు జిల్లాలపై ప్రభావంమహానది వ్యవస్థలోని లూనా, కరాండియా, చిత్రోత్పల, కాఠజోడి, కువాఖై నదుల్లో నీటిమట్టాలు పెరిగే అవకాశం ఉంది. ఖుర్దా, కటక్‌, పూరీ, జగత్సింగ్‌పూర్‌ జిల్లాల్లోని లోతట్టు ప్రాంతాలపై దీని ప్రభావం పడే అవకాశం ఉందని అధికారులు తెలిపారు. దేవి, కండాలా, కుషభద్ర, దయా, భార్గవి, రాజువా, మకర నదుల్లోనూ వరద పరిస్థితులు ఏర్పడే అవకాశం ఉంది. ఉత్తర ఒడిశాలో బైతరణి, సాలంది, సువర్ణరేఖ నదులు ఇప్పటికే ప్రమాద స్థాయి కంటే ఎగువన ప్రవహిస్తుండటంతో పరిస్థితి మరింత ఆందోళనకరంగా మారింది.రిషికేశ్‌లో రివర్‌ రాఫ్టింగ్‌ నిలిపివేతఉత్తరాఖండ్‌లోనూ భారీ వర్షాల ప్రభావం కనిపిస్తోంది. గత రెండు రోజులుగా ఎడతెరిపి లేకుండా వర్షాలు కురుస్తుండటంతో రిషికేశ్‌లోని ముని-కి-రేతి ప్రాంతంలో గంగానదిపై రివర్‌ రాఫ్టింగ్‌ను నిరవధికంగా నిలిపివేశారు. వాతావరణ పరిస్థితులు మెరుగుపడి, నదిలో నీటిమట్టం సురక్షిత స్థాయికి తగ్గిన తర్వాతే రాఫ్టింగ్‌ను తిరిగి ప్రారంభిస్తామని అధికారులు తెలిపారు. గఢ్వాల్‌ ప్రాంతంలో వర్షాలు, వాతావరణ శాఖ హెచ్చరికలను దృష్టిలో ఉంచుకుని ఈ నిర్ణయం తీసుకున్నట్లు జిల్లా పర్యాటక, అడ్వెంచర్‌ అధికారి సోబత్‌ సింగ్‌ రాణా వెల్లడించారు.ఇదీ చదవండి: 80 అడుగుల బోరుబావిలో పడి చిన్నారి మృతి

ఫరీదాబాద్‌: హర్యానాలో విషాద ఘటన చోటుచేసుకుంది. ఫరీదాబాద్‌లోని సీహీ గ్రామంలో 80 అడుగుల లోతైన బోరుబావిలో పడిపోయిన రెండున్నరేళ్ల చిన్నారి మృతి చెందింది. దాదాపు 10 గంటల పాటు సాగిన సహాయక చర్యల అనంతరం సోమవారం తెల్లవారుజామున చిన్నారిని బయటకు తీసి, ఆస్పత్రికి తరలించగా, ఆ చిన్నారి అప్పటికే మృతి చెందినట్లు వైద్యులు నిర్ధారించారు. ఆదివారం సాయంత్రం సుమారు 6 గంటల సమయంలో చిన్నారి ప్రమాదవశాత్తూ 80 అడుగుల లోతైన బోరుబావిలో పడిపోయింది. ఈ ఘటనపై రాత్రి 7.45 గంటలకు జాతీయ విపత్తు స్పందన దళం (ఎన్‌డీఆర్‌ఎఫ్‌)కంట్రోల్ రూమ్‌కు సమాచారం అందింది. రాత్రి 9.05 గంటలకు ఎన్‌డీఆర్‌ఎఫ్‌ బృందం ఘటనా స్థలానికి చేరుకుంది.పలు విభాగాల బృందాలతో రెస్క్యూచిన్నారిని బయటకు తీసేందుకు ఎన్‌డీఆర్‌ఎఫ్‌తో పాటు హర్యానా ఎస్‌డీఆర్‌ఎఫ్‌, పోలీసులు, అగ్నిమాపక సిబ్బంది, వైద్య బృందాలు, మున్సిపల్ కార్పొరేషన్ సిబ్బంది రంగంలోకి దిగారు. గజియాబాద్‌కు చెందిన యూపీ సివిల్ డిఫెన్స్ బృందం కూడా సహాయక చర్యల్లో పాల్గొంది. చిన్నారిని సురక్షితంగా ఉంచేందుకు బోరుబావిలోకి ఆక్సిజన్‌ను కూడా పంపించారు.బోర్‌వెల్ చుట్టూ తవ్వకాలుచిన్నారిని బయటకు తీసేందుకు బోరుబావి చుట్టూ భారీగా తవ్వకాలు చేపట్టారు. ఘటనాస్థలంలో ఫైర్ బ్రిగేడ్, అడ్వాన్స్‌డ్ సపోర్ట్ అంబులెన్స్, వైద్య బృందాలను సిద్ధంగా ఉంచారు. ఫరీదాబాద్ సివిల్ సర్జన్ కూడా అక్కడికి చేరుకుని పరిస్థితిని పర్యవేక్షించారు. దాదాపు 10 గంటల పాటు సాగిన తీవ్ర ప్రయత్నాల అనంతరం సోమవారం తెల్లవారుజామున 3.50 గంటలకు చిన్నారిని బోరుబావి నుంచి బయటకు తీశారు. అనంతరం ప్రైవేట్ ఆస్పత్రికి తరలించారు. చిన్నారిని పరీక్షించిన వైద్యులు అప్పటికే మృతి చెందినట్లు ప్రకటించారు.పదేళ్లుగా మూసివేసి ఉన్న బోరుబావిస్థానికుల సమాచారం ప్రకారం.. ఈ బోరుబావి మున్సిపల్ కార్పొరేషన్‌కు చెందినదిగా తెలుస్తోంది. సుమారు పదేళ్లుగా అది వినియోగంలో లేకుండా మూసివేసి ఉంది. గతంలో బోరుబావిపై మూత ఉండేదని, అయితే కొన్ని రోజుల క్రితం ఆ మూత కనిపించకుండా పోయిందని చెబుతున్నారు. దీంతో బోరుబావి తెరిచి ఉండగా చిన్నారి అందులో పడిపోయింది.ఇదీ చదవండి: అమెరికాలో కాల్పుల కలకలం.. ముగ్గురు మృతి

రష్యా-ఉక్రెయిన్ యుద్ధం, పశ్చిమాసియాలో కొనసాగుతున్న ఘర్షణలు ఇప్పుడు భారత రైతుపై ప్రభావం చూపే పరిస్థితిని కల్పించాయి. యుద్ధాల కారణంగా చమురు, సహజవాయువు కేంద్రాలపై దాడులు పెరగడంతో సల్ఫర్ సరఫరా దెబ్బతింటోంది. మరోవైపు ఎలక్ట్రిక్ వాహనాల బ్యాటరీలకు అవసరమైన నికెల్ ఉత్పత్తి కోసం సల్ఫ్యూరిక్ యాసిడ్‌కు డిమాండ్ భారీగా పెరిగింది. ఈ రెండు పరిణామాలు కలిసి సల్ఫర్ ధరలను ఏడాది వ్యవధిలో దాదాపు రెట్టింపు చేశాయి.రైతు ఎరువులపై యుద్ధ ప్రభావంఈ ఏడాది ప్రారంభం నుంచి భారత్‌కు దిగుమతి అవుతున్న సల్ఫర్ ధర దాదాపు రెట్టింపై టన్నుకు 1,050–1,100 డాలర్లకు చేరింది. సరుకు ధర, సముద్ర రవాణా ఖర్చులు కలిపిన ధర ఇది. సల్ఫర్ కొరత, అధిక ధరలు , కీలక ఎరువుల లభ్యతపై ప్రభావం చూపుతున్నాయి. యూరియా విషయంలో అవసరమైన దిగుమతులు చేపట్టడం ద్వారా భారత్ తాత్కాలికంగా ఆందోళనను తగ్గించుకున్నప్పటికీ, సల్ఫర్ ఇప్పుడు మరో కీలక సవాలుగా మారింది.సల్ఫర్ ఎక్కడి నుంచి వస్తుంది?ప్రపంచంలో ఉత్పత్తి అయ్యే సల్ఫర్‌లో కేవలం 10 శాతం మాత్రమే నేరుగా గనుల నుంచి లభిస్తుంది. మిగిలిన దాంట్లో సుమారు 56 శాతం పెట్రోలియం శుద్ధి ప్రక్రియ నుంచి, మరో 34 శాతం సహజవాయువు ప్రాసెసింగ్ ద్వారా లభిస్తుంది. ముడి చమురు, గ్యాస్ నుంచి సల్ఫర్‌ను తొలగించడం పర్యావరణ నిబంధనల ప్రకారం అవసరం. ఈ ప్రక్రియను ‘డీసల్ఫరైజేషన్’ అంటారు. ఇందులో వెలువడే సల్ఫర్‌ను ఎరువుల తయారీలో ఉపయోగిస్తారు. అందువల్ల చమురు, గ్యాస్ మౌలిక వసతులపై దాడులు జరిగితే సల్ఫర్ సరఫరాపైనా ప్రభావం పడుతుంది.సల్ఫర్ ఎందుకంత కీలకం?ప్రపంచవ్యాప్తంగా ఏటా దాదాపు 7 కోట్ల టన్నుల సల్ఫర్ వినియోగం జరుగుతోంది. అందులో సుమారు 60 శాతం ఎరువుల పరిశ్రమకే వెళ్తుంది. సల్ఫర్‌లో ఎక్కువ భాగాన్ని ముందుగా సల్ఫ్యూరిక్ యాసిడ్‌గా మారుస్తారు. ఫాస్ఫరస్ ఆధారిత ఎరువుల తయారీలో ఈ యాసిడ్ కీలకం. గనుల నుంచి లభించే రాక్ ఫాస్ఫేట్‌ను మొక్కలు గ్రహించగల రూపంలోకి మార్చడానికి సల్ఫ్యూరిక్ యాసిడ్ అవసరం. అందువల్ల సల్ఫర్ లేకపోతే డీఏపీ, ఎస్‌ఎస్‌పీ వంటి మిశ్రమ ఎరువుల తయారీకి ఆటంకాలు ఏర్పడతాయి.ఒకప్పుడు వ్యర్థం.. ఇప్పుడు బంగారమైంది!సల్ఫర్‌కు సంబంధించిన ధరల చరిత్ర కూడా ఆసక్తికరంగా ఉంది. భారత్ ఏటా సుమారు 38–39 లక్షల టన్నుల సల్ఫర్ వినియోగిస్తుండగా, అందులో 20–21 లక్షల టన్నులు ఎరువుల పరిశ్రమకు అవసరం. చమురు, గ్యాస్ పరిశ్రమలో ఇది ఉప ఉత్పత్తిగా లభించడం వల్ల గతంలో చాలా చౌకగా ఉండేది. ఒక దశలో టన్ను ధర 200 డాలర్ల కంటే తక్కువగా ఉండేది. 2019–20లో కొన్ని నెలల్లో 100 డాలర్ల కంటే కూడా దిగువకు వెళ్లింది. 2020లో జపాన్, దక్షిణ కొరియాలోని కొన్ని లోహ పరిశ్రమల నుంచి భారత్ టన్నుకు మైనస్ 20 డాలర్లకే సల్ఫర్ తెచ్చుకున్న సందర్భం కూడా ఉంది. అయితే 2022లో రష్యా-ఉక్రెయిన్ యుద్ధం మొదలైన తర్వాత ధరలు 400–500 డాలర్లకు చేరాయి. 2022 చివరి నుంచి 2025 ప్రారంభం వరకు మళ్లీ 200 డాలర్ల కంటే దిగువకు వచ్చినా, 2025 ఆగస్టు నుంచి పరిస్థితి మారింది. రష్యా చమురు శుద్ధి కేంద్రాలపై ఉక్రెయిన్ దాడులు పెరగడంతో డిసెంబర్ నాటికి ధర 500 డాలర్లను దాటింది. అనంతరం పశ్చిమాసియా ఘర్షణలతో మరింత పెరిగింది.ఈవీ బ్యాటరీల డిమాండ్‌తో..సల్ఫర్ ధర పెరగడానికి యుద్ధాలే ఏకైక కారణం కాదు. ఎలక్ట్రిక్ వాహనాల బ్యాటరీలకు అవసరమైన నికెల్ ఉత్పత్తి కూడా దీనిపై ప్రభావం చూపుతోంది. నికెల్‌ను లేటరైట్ ఖనిజం నుంచి వెలికితీసి బ్యాటరీలకు అనువైన రూపంలోకి మార్చే ప్రక్రియలో సల్ఫ్యూరిక్ యాసిడ్‌ను భారీగా ఉపయోగిస్తారు. ఈ ప్రక్రియలో ఏర్పడే ఎంహెచ్‌పీ(మిక్స్‌డ్ హైడ్రాక్సైడ్ ప్రెసిపిటేట్) ఈవీ బ్యాటరీల్లో ఉపయోగపడుతుంది. నికెల్ కోసం సల్ఫ్యూరిక్ యాసిడ్ డిమాండ్ 2021లో 35 లక్షల టన్నుల నుంచి 2025లో 1.5 కోట్ల టన్నులకు పైగా పెరిగింది. ఇందులో ఇండోనేషియా కీలక పాత్ర పోషిస్తోంది. అదే సమయంలో రష్యా ఎరువుల ఉత్పత్తికి ప్రాధాన్యం ఇస్తూ సల్ఫర్, సల్ఫ్యూరిక్ యాసిడ్ ఎగుమతులను నిలిపివేయగా, చైనా కూడా సల్ఫ్యూరిక్ యాసిడ్ ఎగుమతులపై ఆంక్షలు విధించింది.భారత్‌కు ఎంత పెద్ద సవాలు?భారత ఎరువుల కంపెనీలు దేశీయ చమురు శుద్ధి కేంద్రాల నుంచి కొంత సల్ఫర్‌ను పొందుతున్నప్పటికీ, అవసరాల్లో ఎక్కువ భాగం దిగుమతులపైనే ఆధారపడి ఉంది. ఇఫ్కో, కోరమాండల్ ఇంటర్నేషనల్, పారాదీప్ ఫాస్ఫేట్స్ వంటి సంస్థలకు సమీకృత తయారీ కేంద్రాలు ఉన్నాయి. ఇవి సల్ఫర్, రాక్ ఫాస్ఫేట్‌ను దిగుమతి చేసుకుని సల్ఫ్యూరిక్ యాసిడ్, ఫాస్ఫారిక్ యాసిడ్ ద్వారా డీఏపీ, ఎస్‌ఎస్‌పీ వంటి ఎరువులను తయారు చేస్తాయి. ఒక టన్ను సల్ఫర్‌తో సుమారు 3 టన్నుల సల్ఫ్యూరిక్ యాసిడ్ తయారవుతుంది. భారత్‌కు 1.5–1.6 కోట్ల టన్నుల ఫాస్ఫేట్ ఎరువుల తయారీకి 43–45 లక్షల టన్నుల ఫాస్ఫారిక్ యాసిడ్ అవసరం కాగా, దేశీయ ఉత్పత్తి సామర్థ్యం సుమారు 22 లక్షల టన్నులే. జోర్డాన్, సెనెగల్, మొరాకోలో భాగస్వామ్యాల ద్వారా రాక్ ఫాస్ఫేట్ సరఫరాను కంపెనీలు సమకూర్చుకున్నప్పటికీ, సల్ఫర్ లేకుండా దాన్ని ఎరువుగా మార్చడం సాధ్యం కాదు. ఇదీ చదవండి: నోయిడా నిరసనలు: చదువులు, ఉద్యోగాలకు దూరమైన ‘జెన్‌ జీ’

పంజాబ్‌లోని లవ్లీ ప్రొఫెషనల్‌ యూనివర్సిటీలో రేప్‌ ఆరోపణలు తీవ్ర ఉద్రిక్తతకు దారితీశాయి. ఓ విద్యార్థినిపై లైంగిక దాడి జరిగిందంటూ వచ్చిన ప్రచారంతో విద్యార్థులు ఆందోళనకు దిగారు. క్యాంపస్‌లో విధ్వంసం, పోలీసు వాహనాల ధ్వంసం, జాతీయ రహదారి దిగ్బంధంతో పరిస్థితి అదుపు తప్పింది. ఈ నేపథ్యంలో యూనివర్సిటీ ఓ వీడియో విడుదల చేసింది. అందులో సంబంధిత హాస్టల్‌ గదిలో ఉంటున్న ముగ్గురు విద్యార్థినులు.. ‘మా గదిలో అలాంటి ఘటన ఏదీ జరగలేదు’ అంటూ స్పష్టం చేశారు. అయితే ఆ వీడియో తర్వాత వెలుగులోకి వచ్చిన మరో వీడియోతో వ్యవహారం కొత్త మలుపు తిరిగింది.ఎల్పీయూ గర్ల్స్‌ హాస్టల్‌-3లోని 504వ గదిలో ఉంటున్న ముగ్గురు విద్యార్థినులను యూనివర్సిటీ రిజిస్ట్రార్‌ డాక్టర్‌ మోనికా గులాటి విడుదల చేసిన వీడియోలో చూపించారు. తమ గదిలో గత రెండు నెలలుగా ఉంటున్నామని, అక్కడ ఎలాంటి అఘాయిత్యం జరగలేదని విద్యార్థినులు తెలిపారు. పోలీసులు, ఇతర విద్యార్థులు తమను ఇబ్బంది పెట్టవద్దని కోరారు.అయితే ఆ తర్వాత అదే విద్యార్థినులు మరో వీడియోలో చేసిన వ్యాఖ్యలు కలకలం రేపాయి. యూనివర్సిటీ అధికారులు తమకు ఏం చెప్పాలో ముందుగానే సూచించారని, తాము అదే విషయాలను చెప్పామని వారు ఆరోపించారు. తమ అనుమతి లేకుండానే వీడియోలోని కొంత భాగాన్ని కట్‌ చేసి ఇన్‌స్టాగ్రామ్‌లో పోస్ట్‌ చేశారని చెప్పారు. తమ సమ్మతి తీసుకోలేదని, దాంతో ఇప్పుడు తాము అనవసరమైన వేధింపులు ఎదుర్కొంటున్నామని తెలిపారు.అసలు రచ్చ ఎక్కడ మొదలైంది?మూడు రోజుల క్రితం ఓ మహిళా విద్యార్థినిపై లైంగిక దాడి జరిగిందంటూ వచ్చిన ఆరోపణలతో గర్ల్స్‌ హాస్టల్‌-3 సమీపంలో విద్యార్థుల ఆందోళన మొదలైంది. ఓ ప్లంబర్‌ అత్యాచారానికి పాల్పడ్డాడని, హాస్టల్‌ వార్డెన్‌కు విషయం తెలిసినా చర్యలు తీసుకోలేదని విద్యార్థులు ఆరోపించారు.ఆ విద్యార్థిని అనంతరం ఇంటికి వెళ్లిపోయిందని, ఆమె రూమ్‌మేట్‌ ఇతర విద్యార్థులకు ఆమె ఆత్మహత్య చేసుకున్నట్లు చెప్పిందని కొందరు విద్యార్థులు పేర్కొన్నారు.జలంధర్‌ రేంజ్‌ డీఐజీ నవీన్‌ సింగ్లా మాట్లాడుతూ.. విద్యార్థులు చేసిన ఫిర్యాదు ఆధారంగా పోలీసులు కేసు నమోదు చేశారని తెలిపారు. ఆరోపణల్లో నిజానిజాలు తేల్చేందుకు దర్యాప్తు చేపట్టామని, ఫోరెన్సిక్‌ ఆధారాలు, సీసీటీవీ ఫుటేజీ, కాల్‌ రికార్డులను పరిశీలిస్తామని చెప్పారు.రోడ్డెక్కిన వేలాది మంది..ఆరోపణల నేపథ్యంలో ఆదివారం తెల్లవారుజామున ఆందోళనలు ప్రారంభమయ్యాయి. ఉదయం విద్యార్థులు జలంధర్‌–ఫగ్వారా జాతీయ రహదారి-44ను దిగ్బంధించారు. దీంతో భారీగా ట్రాఫిక్‌ నిలిచిపోయింది. పరిస్థితిని అదుపులోకి తీసుకొచ్చేందుకు పోలీసులు రంగంలోకి దిగడంతో ఉద్రిక్తత మరింత పెరిగింది.పోలీసుల ప్రకారం.. కొందరు ఆందోళనకారులు పోలీసులపై వాటర్‌ బాటిళ్లు విసిరారు. అనంతరం పోలీసులు స్వల్ప లాఠీచార్జి చేశారు. దీంతో ఆందోళనకారులు క్యాంపస్‌లోకి వెళ్లి పోలీసు వాహనాలపై రాళ్లు రువ్వారు. రెండు పోలీసు వాహనాలకు నిప్పంటించగా, మరో నాలుగు నుంచి ఐదు వాహనాలు ధ్వంసమయ్యాయని అధికారులు తెలిపారు. పలువురు పోలీసులకు గాయాలయ్యాయి.ఆరోపణలను ఖండించిన వర్సిటీమరోవైపు లవ్లీ ప్రొఫెషనల్‌ యూనివర్సిటీ మాత్రం క్యాంపస్‌లో రేప్‌ జరిగినట్లు వచ్చిన ఆరోపణలను ఖండించింది. సోషల్‌ మీడియాలో ప్రచారం జరుగుతున్నవన్నీ తప్పుడు, నిరాధార, కల్పిత పుకార్లని రిజిస్ట్రార్‌ మోనికా గులాటి పేర్కొన్నారు.కొంతమంది ఉద్దేశపూర్వకంగా యూనివర్సిటీ ప్రతిష్టను దెబ్బతీసేందుకు ఈ ప్రచారం చేస్తున్నారని ఆరోపించారు. విద్యార్థులు, తల్లిదండ్రులు ధృవీకరించని సమాచారాన్ని నమ్మవద్దని, ఆందోళనలకు దూరంగా ఉండాలని యూనివర్సిటీ సూచించింది.కేసు నమోదు.. SIT దర్యాప్తుఈ వ్యవహారంపై ఫిర్యాదు అందడంతో ఓ అనుమానితుడిపై ఎఫ్‌ఐఆర్‌ నమోదు చేసినట్లు పోలీసులు తెలిపారు. ప్రత్యేక దర్యాప్తు బృందాన్ని (SIT) ఏర్పాటు చేశారు. ఆరోపణలకు సంబంధించిన ఆధారాలను పరిశీలించిన తర్వాతే వాస్తవాలు వెల్లడవుతాయని అధికారులు స్పష్టం చేశారు.ఇదిలా ఉండగా.. సుమారు 15 రోజుల క్రితం తెలంగాణకు చెందిన ఓ విద్యార్థిని ఆత్మహత్య చేసుకున్నట్లు డీఐజీ వెల్లడించారు. ఈ ఘటనకు సంబంధించి విద్యార్థులు చేస్తున్న ఆరోపణల్లో వాస్తవం తేలితే చర్యలు తీసుకుంటామని పోలీసులు తెలిపారు.పది రోజులు క్లాసులు బంద్‌క్యాంపస్‌లో నెలకొన్న ఉద్రిక్త పరిస్థితుల నేపథ్యంలో సెప్టెంబర్‌ 28 నుంచి 10 రోజుల పాటు రెగ్యులర్‌ తరగతులను నిలిపివేస్తున్నట్లు వర్సిటీ ప్రకటించింది. మిడ్‌టర్మ్‌ పరీక్షలను కూడా తదుపరి ఆదేశాలు వచ్చే వరకు వాయిదా వేసింది.విద్యార్థులు తల్లిదండ్రులతో మాట్లాడి తమ స్వస్థలాలకు వెళ్లవచ్చని యూనివర్సిటీ తెలిపింది. క్యాంపస్‌లోనే ఉండేవారు హాస్టళ్లలోనే ఉండాలని, అనవసరంగా బయటకు రావద్దని సూచించింది.ఇదీ చదవండి: ఇదేం అరకోర చర్యలు సర్‌?

న్యూఢిల్లీ: ఉగ్రవాద భూతాన్ని ఎట్టిపరిస్థితుల్లోనూ సహించే ప్రసక్తే లేదని, ఉగ్రవాదానికి మద్దతిచ్చే శక్తులను కఠినంగా అణచివేస్తామని ప్రధాని నరేంద్ర మోదీ హెచ్చరించారు. టెర్రరిజంపై ‘జీరో టాలరెన్స్‌’ విధానం అమలు చేస్తున్నామని ప్రకటించారు. ఉగ్రవాదం ఎక్కడ, ఏ రూపంలో ఉన్నాసరే సహించడానికి వీల్లేదని స్పష్టంచేశారు. ఉగ్రవాద దాడుల వల్ల కలిగిన వేదనకు భారత్‌ ఇచ్చిన నిర్ణయాత్మక సమాధానమే ‘2016 నాటి సర్జికల్‌ దాడులు’ అని పునరుద్ఘాటించారు. భారతదేశ ఉగ్రవాద వ్యతిరేక విధానానికి అవి ఒక కొత్త ఉదాహరణగా నిలిచాయని, నూతన ప్రమాణాన్ని(బెంచ్‌మార్క్‌) నెలకొల్పాయని అన్నారు. ప్రధాని మోదీ ఆదివారం ‘మన్‌ కీ బాత్‌’లో దేశ ప్రజలను ఉద్దేశించి ప్రసంగించారు. ప్రధాని మోదీ ఇంకా ఏం మాట్లాడారంటే... మన లక్ష్యం ‘డ్రగ్స్‌ రహిత భారత్‌’ ‘‘మాదక ద్రవ్యాలకు వ్యతిరేకంగా మనం పోరాడుతున్నాం. నషా ముక్త్‌ యువ అభియాన్‌లో భాగంగా ఇటీవల లక్షలాది మంది యువత డ్రగ్స్‌ వినియోగానికి వ్యతిరేకంగా ప్రతిజ్ఞ చేశారు. డ్రగ్స్‌కు దూరంగా ఉంటామని, ఈ సందేశాన్ని ఇతరులకు చేరవేస్తామని హామీ ఇచ్చారు. డ్రగ్స్‌ వ్యతిరేక పోరాటంలో యువత చురుగ్గా పాలుపంచుకోవాలి. అక్టోబర్‌ 2న గాం«దీజీ జయంతిని నిర్వహించుకోబోతున్నాం. అనేక మార్గదర్శక సూత్రాలను గాం«దీజీ అందించారు. నేను ఇటీవల అనేక స్ఫూర్తిదాయకమైన పరిశుభ్రతా కార్యక్రమాలను చూశా. మధ్యప్రదేశ్‌లో యువకులు నదిని శుభ్రం చేశారు. ఆంధ్రప్రదేశ్‌లో యువత వారసత్వ సంపదను పునరుద్ధరిండానికి సాయం అందిస్తున్నారు. పాత మెట్ల బావులను శుభ్రం చేస్తున్నారు’’ అని చెప్పారు. అలాంటి వారు కనుమరుగైపోయారు ‘‘ఈ ఏడాది సోమ్‌నాథ్‌ స్వాభిమాన్‌ పర్వ్‌ను ఘనంగా నిర్వహించుకున్నాం. 1,000 ఏళ్ల క్రితం మహ్మద్‌ గజనీ సోమ్‌నాథ్‌ ఆలయాన్ని మొదటిసారిగా ధ్వంసం చేశాడు. సోమనాథ్‌ను నాశనం చేసి, భారతదేశ అస్థిత్వాన్ని తుడిచిపెట్టడానికి వచ్చిన వారు ఇప్పుడు కనుమరుగైపోయారు. కానీ, సోమ్‌నాథ్‌ ఆలయం మాత్రం సముద్ర తీరాన ఇప్పటికీ వైభవంగా నిలిచి ఉంది. విశ్వ హిందూ పరిషత్‌ నాయకుడు అశోక్‌ సింఘాల్‌ శత జయంతి సందర్భంగా ఆయనకు నివాళులరి్పస్తున్నా. ఆయన తన జీవితంలో తగినంత గుర్తింపునకు నోచుకోలేదు. రామమందిర ఉద్యమంతో పాటు సామాజిక వివక్ష, అసమానతలకు వ్యతిరేకంగా పోరాటం చేశారు. లక్షలాది మంది ఆయన అభిమానుల తరఫున అశోక్‌ సింఘాల్‌కు నమస్కరిస్తున్నా’’ అని అన్నారు.

న్యూఢిల్లీ: ప్రఖ్యాత బోయింగ్‌ సంస్థ తమ బీ737 మ్యాక్స్‌ రకం విమానాల్లో సాఫ్ట్‌వేర్‌ సమస్యను గుర్తించినట్లు తెలిసింది. ఈ సమస్య వల్ల ల్యాండింగ్‌ ప్రయత్నం విఫలమైన తర్వాత ఆటోమేటెడ్‌ ఫ్లైట్‌ గైడెన్స్‌ సిస్టమ్‌ నిలిచిపోయే అవకాశం ఉంది. సమస్యను శాశ్వతంగా పరిష్కరించడానికి బోయింగ్‌ సంస్థ కృషి చేస్తోంది. ఇండియాలో ఎయిర్‌ ఇండియా ఎక్స్‌ప్రెస్, ఆకాశ ఎయిర్‌ సంస్థలు దాదాపు బీ737 మ్యాక్స్‌ రకం 96 విమానాలను నడిపిస్తున్నాయి. సాఫ్ట్‌వేర్‌ సమస్యను సమస్యను పరిష్కరించడానికి తమ ఇంజనీర్లు ఒక సాఫ్ట్‌వేర్‌ అప్‌డేట్‌పై పనిచేస్తున్నారని బోయింగ్‌ ప్రతినిధి ఆదివారం వెల్లడించారు. బోయింగ్‌ సంస్థతో సంప్రదింపులు జరుపుతున్నామని ఆకాశ ఎయిర్‌ ప్రతినిధులు వెల్లడించారు. ప్రస్తుతానికి తమ సంస్థ కార్యాకలాపాలపై ఎలాంటి ప్రభావం లేదని అన్నారు. సాఫ్ట్‌వేర్‌ సమస్య కారణంగా తమ బోయింగ్‌ 737 మ్యాక్స్‌ విమానాల్లో ఏవైనా ప్రభావితమయ్యాయా అనే విషయాన్ని ప్రత్యేకంగా ప్రస్తావించలేదు.

న్యూఢిల్లీ: సముద్రం అల్లకల్లోలంగా ఉన్నప్పుడు అందులో ఈత కొట్టడం తనకు చాలా ఇష్టమని, అల్లకల్లోలం కూడా ఒక రకమైన ప్రశాంతతను నేర్పుతుందని కాంగ్రెస్‌ పార్టీ అగ్రనేత రాహుల్‌ గాంధీ పేర్కొన్నారు. ఈ మేరకు ఆదివారం ‘ఎక్స్‌’లో నర్మగర్భమైన పోస్టుచేశారు. కానీ, దీనిపై పూర్తి వివరణ ఇవ్వలేదు. ఓటర్ల జాబితా ప్రత్యేక సమగ్ర సవరణ(సర్‌)తోపాటు ఎన్నికల సంఘం పనితీరుపై రాజకీయ దుమారం మొదలైన సంగతి తెలిసిందే. ఈ నేపథ్యంలో రాహుల్‌ పోస్టు చర్చనీయాంశంగా మారింది. ‘సర్‌’ పేరుతో ఓట్ల చోరీ జరుగుతోందని ఆయన చాలా రోజులుగా ఆరోపిస్తున్నారు.

అహ్మదాబాద్‌: దేశంలో రైల్వే వ్యవస్థను ప్రధాని మోదీ సమూలంగా మార్చారని కేంద్ర హోం మంత్రి అమిత్‌ షా వ్యాఖ్యానించారు. దేశంలో తొలి ఎల్‌ఎన్‌జీ రైలును అమిత్‌ షా ఆదివారం గుజరాత్‌లోని సబర్మతి స్టేషన్‌లో పచ్చజెండా ఊపి ప్రారంభించారు. రూ.1,500 కోట్లకు పైగా విలువైన రైల్వే ప్రాజెక్టులను జాతికి అంకితం ఇచ్చారు. పలు ప్రాజెక్టులకు శంకుస్థాపన చేశారు. తర్వాత సభలో మాట్లాడారు. ‘‘కాంగ్రెస్‌ హయాంలో కుంభకోణాలు తప్ప ఇంకేమీ జరగలేదు. గత 12 ఏళ్లలో మోదీపై 4 అణాల అవినీతి ఆరోపణలు కూడా ఎవరూ చేయలేకపోయారు. మోదీ పాలనలో రైల్వేశాఖ ముఖచిత్రం మారింది. ప్రత్యేక సరుకు రవాణా కారిడార్, వేగవంతమైన రైలు వ్యవస్థ, అత్యాధునిక సౌకర్యాలు కలిగిన స్టేషన్ల వచ్చాయి. హైడ్రోజన్‌తో నడిచే రైలును ప్రారంభించడం ద్వారా ప్రపంచంలో నాలుగు దేశాల సరసన భారత్‌కు స్థానం కల్పించారు’’ అని కొనియాడారు. ‘‘మోదీ హయాంలో 11,000 కిలోమీటర్ల రైలు మార్గాన్ని 4–ట్రాక్‌ నెట్‌వర్క్‌గా మారుస్తున్నారు. దీంతో ప్రయాణికులకు ఎంతో సౌలభ్యం కలుగుతుంది. రైళ్లలో 97 శాతం బయో టాయిలెట్లను ప్రభుత్వం ఏర్పాటు చేసింది. 87 శాతం ఎల్‌హెచ్‌బీ కోచ్‌లు మన దేశంలోనే తయారయ్యాయి’’ అని చెప్పారు.

సాక్షి, హైదరాబాద్‌: అభివృద్ధి చెందిన దేశాల మధ్య కృత్రిమ మేధ (ఏఐ) యుద్ధం సరికొత్త సవాళ్లు విసురుతోంది. ఏఐ వేగంగా విస్తరిస్తున్నకొద్దీ జనరేటివ్‌ ఏఐ సాధనాలు అందిస్తున్న సమాధానాల్లో తప్పుడు సమాచారాలు కూడా చేరుతుండటం వాటి విశ్వసనీయతపై ప్రశ్నలు లేవనెత్తుతోంది. ముఖ్యంగా చాట్‌ జీపీటీ వంటి మోడళ్లు సమాధానాలను అసలైనవిగా, విశ్వసించదగ్గవిగా చూపుతున్నప్పటికీ అవి పూర్తిగా వాస్తవాలు కాకపోవచ్చని ఏఐ నిపుణులు చెబుతున్నారు. ఉనికిలో లేని సమాచారాన్ని ఏఐ వ్యవస్థలు సృష్టించడం లేదా వాస్తవాలను తప్పుగా కలపడం వంటి చర్యలు కొత్త సమస్యలకు కారణమవుతున్నాయనే వాదన తెరమీదకొచ్చింది. ఓపెన్‌ ఏఐకి సంబంధించి 2026లో కెనడా గోప్యతా నియంత్రణ సంస్థలు నిర్వహించిన సంయుక్త విచారణలో చాట్‌ జీపీటీ సమాధానాల్లో వ్యక్తిగత సమాచారానికి సంబంధించిన వాస్తవపరమైన తప్పిదాలను గుర్తించారు. ఇది ప్రధానంగా చాట్‌ జీపీటీ ప్రారంభ అభివృద్ధి, శిక్షణ విధానాలపై అనుమానాలు తీసుకొచ్చింది. దీంతో ఓపెన్‌ ఏఐ రక్షణ చర్యలను మెరుగుపరచినట్లు నియంత్రణ సంస్థలు తెలిపాయి. అయినప్పటికీ వివిధ అంశాల్లో ఏఐ ఇచ్చిన సమాచారాన్ని నేరుగా ఉపయోగించడం ప్రమాదకరమనే భావన ప్రచారంలోకి వచ్చింది. దీనికితోడు వ్యక్తిగత డేటా గోప్యత, డీప్‌ఫేక్‌లు, సైబర్‌ ముప్పు, విద్యుత్‌–నీటి వినియోగం వంటి సమస్యలు కూడా తలెత్తుతున్నాయి. అయితే ఈ తరహా ప్రమాదాలన్నీ ఓపెన్‌ ఏఐకి మాత్రమే ప్రత్యేకమైనవి కావదని ఏఐ మాడ్యూల్‌ డెవలపర్‌ సంజీవ్‌ థామస్‌ ‘సాక్షి’కి విశ్లేషించారు. చాట్‌ జీపీటీతోపాటు ఇతర జనరేటివ్‌ ఏఐ వ్యవస్థలకూ వర్తించే విస్తృత సాంకేతిక, సామాజిక సమస్యలుగా చూడాలన్నారు. పలు అధ్యయనాలు తేల్చిన అంశాలు ఇవీ.. – పాఠశాల, కళాశాల విద్యార్థులకు చాట్‌ జీపీటీ అసైన్‌మెంట్లు, వ్యాసాలు, ప్రాజెక్టులు, కోడింగ్‌లో సహాయపడుతోంది. కానీ విద్యార్థి స్వయంగా పరిశోధన చేయకుండా మొత్తం పనిని ఏఐతో చేయించుకుంటే నేర్చుకునే ప్రక్రియ బలహీనపడే ప్రమాదం ఉందని జర్మనీ సంస్థల అధ్యయనంలో వెల్లడైంది. ఒక విద్యార్థి సమాధానాన్ని ఏఐతో తయారు చేయించుకోవచ్చు. కానీ ఆ సమాధానం ఎందుకు సరైందో వివరించగలడా? మూలాలను తనిఖీ చేశాడా? అనేది అసలు ప్రశ్న. ఇదే సమస్య ఉన్నత విద్యలో మరింత తీవ్రమవుతుంది. ఏఐని సహాయక సాధనంగా ఉపయోగించడానికీ, విద్యార్థి స్థానంలో ఏఐ మొత్తం పని చేయడానికీ మధ్య స్పష్టమైన తేడా ఉంది. – నాస్కామ్‌ ఈ ఏడాది నిర్వహించిన అధ్యయనం ప్రకారం భారత టెక్నాలజీ సంస్థల్లో 20–40 శాతం పని వివిధ మార్గాల్లో ఏఐ ద్వారా జరుగుతోంది. 55 శాతానికిపైగా సంస్థలు ఏఐ ఉత్పత్తుల్లో అసంపూర్తి, లేదా నాణ్యత లేని క్వాలిటీ అవుట్‌పుట్‌ సమస్య ఉన్నట్లు గుర్తించింది. సుమారు 40 శాతం సంస్థలు ఏఐ యుగానికి అవసరమైన నైపుణ్యాల్లో ఉద్యోగుల సన్నద్ధత లోపాన్ని పేర్కొన్నాయి. జూనియర్, మిడ్‌–లెవల్‌ ఉద్యోగులపై ప్రభావం ఎక్కువగా ఉందని కూడా అధ్యయనం పేర్కొంది. అంటే ఈ కేటగిరీ ఉద్యోగులపై రాబోయే రోజుల్లో వేటుపడే పరిస్థితి ఉందని నాస్కామ్‌ అధ్యయనం స్పష్టం చేస్తోంది. – ఐఎంఎఫ్‌ చేసిన విశ్లేషణ ప్రకారం... భారత కార్మికుల్లో సుమారు 26 శాతం మంది ఏఐ ద్వారా ప్రభావితమై ఉద్యోగాలు పోగొట్టుకునే వృత్తుల్లో ఉన్నారు. అందులో 14 శాతం ఉద్యోగాల్లో ఏఐ మానవ పనికి తోడ్పడే అవకాశం ఉండగా సుమారు 12 శాతం ఉద్యోగాలు ఏఐ కారణంగా ఇతర వృత్తుల్లోకి మార్చే వీలుందని తేల్చి చెప్పింది. అంటే సమస్య కేవలం ఉద్యోగాలు పోవడమే కాదు. ప్రస్తుత ఉద్యోగానికి అవసరమైన నైపుణ్యాలు మారడం కూడా పెద్ద సవాలుగా ఉండే వీలుందని తెలిపింది. – నేషనల్‌ ఇన్‌స్టిట్యూట్‌ ఆఫ్‌ స్టాండర్డ్స్‌ అండ్‌ టెక్నాలజీ గుర్తించిన మరో అంశం ఏఐపై ప్రభావం చూపే అవకాశం కన్పిస్తోంది. ప్రజలు తమ వ్యక్తిగత వివరాలు, కార్యాలయ పత్రాలు, వ్యాపార సమాచారం, కోడ్, కుటుంబ విషయాలు వంటి వాటిని టైప్‌ చేసే సందర్భాలు ఉన్నాయి. ఏఐ ఆధారిత విశ్లేషణ వల్ల వ్యక్తుల ప్రవర్తనపై మరింత విస్తృతంగా సమాచారం సేకరించడం, పర్యవేక్షణ సామర్థ్యం పెరగడం వంటి గోప్యతా సమస్యలు కూడా తలెత్తవచ్చని తెలిపింది. ఆలోచన శక్తిలో మార్పు ఏఐ ఏజెంట్‌ పని విధానంపై నిఘా వేయగల శక్తి ఏఐ ఉద్యోగిలో ఉండాలి. మారుతున్న కాలానికి అనుగుణంగా ఈ మార్పు ఏఐ ఉద్యోగులు అలవాటు చేసుకోవాలి. ఏఐ టూట్స్‌ వాడటం కాదు... వాటి నిర్మాణ విధానంపై కమాండ్‌ ఉంటేనే ఉద్యోగాల్లో నిలబడే అవకాశం ఉంటుంది. ఇది తాజాగా వస్తున్న మార్పు. – ఎంఎల్‌ కృపాకర్, డేటా కేంద్రం సీనియర్‌ ఉద్యోగి

న్యూఢిల్లీ: టూల్‌ ఆధారంగా పనిచేసే తమ అత్యంత శక్తివంత కృత్రిమమేథ(ఏఐ) మోడళ్లకు శిక్షణనివ్వడాన్ని నిలిపేస్తూ కృత్రిమమేధ సంస్థ ఓపెన్‌ఏఐ సంచలన నిర్ణయం తీసుకుంది. తమకు చెందిన ఒక ఓపెన్‌ ఏజెంట్‌ తాజాగా ఇంటర్నెట్‌ అడ్డంకుల్ని సైతం అనధికారికంగా దాటేసి పబ్లిక్‌ ఇంటర్నెట్‌ వ్యవస్థలోకి చొరబడి సమాచారం సేకరించిందని, దీంతో అప్రమత్తమై దాని క్రియాశీలతను స్తంభింపజేసినట్లు ఓపెన్‌ఏఐ ఆదివారం ప్రకటించింది. ఇంకా పరీక్ష దశలోనే ఉన్న ఈ ఏజెంట్‌ను సెర్చ్‌ ఆధారిత ట్రైనింగ్‌ టాస్‌్కను పూర్తిచేస్తుందో తెల్సుకునేందుకు సెప్టెంబర్‌ 20వ తేదీన పరీక్షించారు. అయితే ఇందులో ఎలాంటి ఇంటర్నెట్‌ సదుపాయం కల్పించలేదు. సొంత కంప్యూటర్‌ వ్యవస్థలకే పరిమితం చేశారు. అయినాసరే అది నెట్‌వర్క్‌ అడ్డంకుల్లోని లోపాన్ని కనిపెట్టి ఏకంగా డొమైన్‌ నేమ్‌ సిస్టమ్‌(డీఎన్‌ఎస్‌) ఫిల్టరింగ్‌ను దాటుకుని ఒక పబ్లిక్‌ చాట్‌బాట్‌ సరీ్వస్‌లోకి చొరబడి తనకు కావాల్సిన ప్రశ్నలకు సమాధానాలను రాబట్టడం మొదలెట్టింది. ఇలా రెండున్నర గంటల పాటు ఏఐ ఏజెంట్‌ తనకు కావాల్సిన సమాధానాలు, డేటాను సేకరించింది. ఈ ఏజెంట్‌ అదుపుతప్పి ప్రవర్తిస్తున్నట్లు గుర్తించాక వెంటనే మ్యాన్యువల్‌గా దానిని స్తంభింపజేసినట్లు ఓపెన్‌ఏఐ పేర్కొంది. ప్రస్తుతానికి తమ ఏఐ మోడళ్లకు అన్ని రకాల శిక్షణ, ఎవాల్యుయేషన్‌ ప్రక్రియలను నిలిపేసినట్లు సంస్థ వెల్లడించింది. తమ ఏఐ సిస్టమ్‌లలో నెలకొన్న లోపాలను సరిచేసేవరకు తదుపరి శిక్షణ మొదలుకాబోదని సంస్థ స్పష్టంచేసింది. కొత్త ఏఐ మోడళ్ల అభివృద్ధిని అకస్మాత్తుగా సంస్థ నిలిపేయడం గత మూడు నెలల్లో ఇది రెండోసారి. ఇంటర్నెట్‌లేని టెస్టింగ్‌ వాతావరణం(శాండ్‌బాక్స్‌)లోనూ ఏఐ వ్యవస్థలు సొంతంగా వెబ్‌సైట్లు, టూల్స్, కంప్యూటర్‌ సిస్టమ్స్‌లను ఉపయోగించడంపై ఓపెన్‌ఏఐ సంస్థ సైతం ఆందోళన వ్యక్తంచేయడం గమనార్హం.

న్యూఢిల్లీ: ఎన్నికల సంఘం తీరుపై కాంగ్రెస్‌ ఆగ్రహం వ్యక్తంచేసింది. ఈ మేరకు పార్టీ ప్రధాన కార్యదర్శి జైరాం రమేశ్‌ ఆదివారం మాట్లాడారు. ఓటర్ల జాబితా ప్రత్యేక సమగ్ర సవరణ(సర్‌)కు సంబంధించి ఎన్నికల సంఘం తాజాగా ప్రతిపాదించిన చర్యలు ఆ ప్రక్రియ ఒక వైఫల్యమేనని నిరూపిస్తున్నాయని చెప్పారు. ప్రజలు ఓటు హక్కును కోల్పోతుండగా, ఎన్నికల సంఘం మాత్రం అరకొర చర్యలతో చేతులు దులుపుకుంటోందని మండిపడ్డారు. ఎన్నికల సంఘం శనివారం జారీ చేసిన ప్రకటన నష్ట నివారణకు చేసే ఒక నిస్సహాయ ప్రయత్నమేనని చెప్పారు. తొలగించే జాబితాలో ఉన్న 5.43 కోట్ల మంది ఓటర్ల కోసం బూత్‌ స్థాయి అధికారులు(బీఎల్‌ఓ) ఇప్పుడు వారి ఇళ్లకు వెళ్తారని ఈసీ హామీ ఇచ్చిందని అన్నారు. బీఎల్‌ఓలు ఇప్పటికే ఇంటింటికీ వెళ్తే ఈ పరిస్థితి వచ్చేది కాదని తేల్చిచెప్పారు. వారు ఓటర్ల ఇంటికి వెళ్తారన్న నమ్మకం లేదన్నారు. ఇప్పటివరకు దాదాపు 14 కోట్ల మంది ఓటర్ల పేర్లను తొలగించారని ఎన్నికల సంఘంపై జైరాం రమేశ్‌ ధ్వజమెత్తారు. ఓటు హక్కు కోల్పోయినవారు మళ్లీ ఓటు కోసం దరఖాస్తు చేసుకోవాలంటూ ఉచిత సలహాలు ఇస్తున్నారని ఈసీ అధికారులపై మండిపడ్డారు. ఇష్టారాజ్యంగా ఓటు హక్కును తొలగించి, మళ్లీ దరఖాస్తు చేసుకోవాలని చెప్పడం ఏమిటని నిలదీశారు. జ్ఞానేశ్‌ రాజీనామా చేయాలి: ప్రియాంక సీఈసీ జ్ఞానేశ్‌ కుమార్‌ రాజకీయ ప్రయోజనాల కోసం ఆరాటపడుతున్నారని, ఆయన నిష్పక్షపాతంగా ఎన్నికలు ఎలా నిర్వహించగలరని కాంగ్రెస్‌ ఎంపీ ప్రియాంక గాంధీ ప్రశ్నించారు. అందుకే జ్ఞానేశ్‌ తక్షణమే రాజీనామా చేఆయలని డిమాండ్‌ చేశారు. ఆమె ఆదివారం కేరళంలో మీడియాతో మాట్లాడారు. 2019 లోక్‌సభ ఎన్నికల్లో బీజేపీ అభ్యర్థిగా పోటీ చేయాలని కేరళం మాజీ ప్రధాన కార్యదర్శి జి.జి.థామ్సన్‌ను జ్ఞానేశ్‌ కోరారంటూ వచ్చిన ఆరోపణలపై స్పందించారు. ఎన్నికల వ్యవస్థలో అత్యున్నత స్థాయిలో ఉన్నవారు ఒక పార్టీకి అనుకూలంగా వ్యవహరించడం పూర్తిగా చట్టవిరుద్ధం, అనైతికం అని తేల్చిచెప్పారు. ఓటర్ల జాబితాను సరిచేస్తే భయమెందుకు?: బీజేపీ ఎస్‌ఐఆర్‌ ప్రక్రియ కింద 31 రాష్ట్రాలు, కేంద్రపాలిత ప్రాంతాల్లోని ఓటర్ల జాబితాల నుంచి కోటికి పైగా డూప్లికేట్‌ ఎంట్రీలు, 2.8 కోట్ల మంది మరణించిన ఓటర్ల పేర్లను తొలగించినట్లు బీజేపీ వెల్లడించింది. ఇన్నాళ్లూ తప్పుల తడకల ఓటర్ల జాబితాలతో లబ్ధి పొందిన వారే ఇప్పుడు అన్యాయం జరిగిందని గగ్గోలు పెడుతున్నారని విమర్శించింది. ఈ మేరకు ఆదివారం ‘ఎక్స్‌’లో పోస్టుచేసింది. ఓటర్ల జాబితా ప్రత్యేక సమగ్ర సవరణ విషయంలో ప్రజలను తప్పుదోవ పట్టిస్తున్నారని కాంగ్రెస్‌పై పార్టీపై ఆగ్రహం వ్యక్తంచేసింది. వివిధ ఎన్నికల్లో ఓటమికి అబద్ధాలతో కాకుండా, ప్రజాస్వామ్య తీర్పును గౌరవించి స్పందించాలని కాంగ్రెస్‌కు సూచించింది. ఓటర్ల జాబితాలో నకిలీ పేర్లతో ప్రయోజనం పొందింది కాంగ్రెస్‌ కాదా? అని ప్రశ్నించింది. ఓటర్ల జాబితాలను సరిచేస్తే ఎందుకు భయపడుతున్నారని నిలదీసింది. ఓటర్ల జాబితాల నుండి 9.43 కోట్ల పేర్లను(అక్కడ నివసించని లేదా వేరే ప్రాంతానికి మారిన వారివి) గుర్తించి తొలగించినట్లు పేర్కొంది. ఓటర్ల జాబితాల ప్రక్షాళన ప్రక్రియను విపక్ష ‘ఇండియా’కూటమి ఎందుకు వ్యతిరేకిస్తోందో చెప్పాలని బీజేపీ ప్రశ్నించింది. ఓటర్ల జాబితా విషయంలో ప్రజలను తప్పుదోవ పట్టించడం, ఎన్నికల సంఘం వంటి రాజ్యాంగబద్ధ సంస్థల విశ్వసనీయతను ప్రశ్నించడం సరైంది కాదని బీజేపీ అధికార ప్రతినిధి సుధాంశు త్రివేది తేల్చిచెప్పారు.

ఫగ్వారా: పంజాబ్‌లోని ఫగ్వారాలో లవ్లీ ప్రొఫెషనల్‌ యూనివర్సిటీ(ఎల్‌పీయూ) ప్రాంగణం విద్యార్థుల ఆందోళనతో అట్టుడికింది. మూడు రోజుల క్రితం క్యాంపస్‌లోని లేడీస్‌ హాస్టల్‌లో ఉంటున్న ఒక విద్యార్థినిపై ప్లంబర్‌ అత్యాచారం చేశాడని కొందరు విద్యార్థులు ఆరోపించారు. ఈ సంఘటన వర్సిటీని కుదిపేసింది. ఆదివారం తెల్లవారుజామున ఒంటి గంటకు హాస్టల్‌ సమీపంలో నిరసన ప్రారంభమైంది. అత్యాచార ఘటన గురించి హాస్టల్‌ వార్డెన్‌కు ఫిర్యాదు చేసినప్పటికీ చర్యలు తీసుకోలేదంటూ విద్యార్థులు ఆగ్రహంతో క్యాంపస్‌లోని కిటికీ అద్దాలను, పూల కుండీలను ధ్వంసం చేశారు. కొన్ని వస్తువులకు నిప్పు పెట్టారు. ‘మాకు న్యాయం కావాలి’ అనే నినాదాలు ప్రతిధ్వనించాయి. పోలీసుల వాహనాలపైనా దాడికి దిగారు. రాళ్లు రువి్వన ఘటనలో పలువురు పోలీసులు గాయపడ్డారు. ఈ దృశ్యాలు సోషల్‌ మీడియాలో వైరల్‌ అయ్యాయి. నిరసనకారులు క్యాంపస్‌ వెలుపల ఢిల్లీ–అమృత్‌సర్‌ జాతీయ రహదారి–44ను దిగ్బంధించడంతో భారీగా ట్రాఫిక్‌ జామ్‌ ఏర్పడింది. ముఖాలకు రుమాళ్లు కప్పుకున్న కొందరు నిరసనకారులు యూనివర్సిటీ మాల్‌లోని దుకాణాలను, క్యాంపస్‌లోని ఇతర ఆస్తులను ధ్వంసం చేస్తూ కనిపించారు. మరికొందరు ఒక కిరాణా దుకాణం నుంచి వస్తువులను తీసుకెళ్లారు. క్యాంపస్‌లో ధ్వంసమైన వాహనాలు, విధ్వంసానికి గురైన ఏటీఎం యంత్రం కూడా వీడియోల్లో కనిపించాయి. ఈ మొత్తం వ్యవహారంపై వర్సిటీ రిజి్రస్టార్‌ మోనికా గులాటీ స్పందించారు. కొన్ని సంఘవిద్రోహ శక్తులు నిరాధారమైన, కల్పిత ఆరోపణలను వ్యాప్తి చేస్తున్నాయని విమర్శించారు. ఎల్‌పీయూ వ్యవస్థాపక–చాన్స్‌లర్‌ అశోక్‌ మిట్టల్‌ నిరసన ప్రదేశానికి చేరుకున్నారు. వర్సిటీలో ప్రశాంతమైన వాతావరణానికి భంగం కలిగించేందుకు కొన్ని దుష్టశక్తులు విద్యార్థులలో అనవసర గందరగోళాన్ని సృష్టిస్తున్నారని ఎల్‌పీయూ యాజమాన్యం విమర్శించింది. తమ వర్సిటీ ప్రతిష్టను దెబ్బతీసే కుట్ర జరుగుతోందని ఆరోపించింది. వదంతులు నమ్మొద్దని విద్యార్థులకు సూచించింది.

ఐక్యరాజ్యసమితి: తమ సంబంధాలను మరింత ఉన్నత స్థాయికి తీసుకెళ్లేందుకు భారత్, కెనడా సన్నద్ధమవుతున్నాయని భారత విదేశాంగ మంత్రి ఎస్‌.జైశంకర్‌ తెలిపారు. అమెరికాలో ఐక్యరాజ్యసమితి జనరల్‌ అసెంబ్లీ సమావేశాల సందర్భంగా శనివారం కెనడా విదేశాంగ మంత్రి అనితా ఆనంద్‌తో ఆయన సమావేశమయ్యారు. భారత్, కెనడా సంబంధాలపై వారు చర్చించారు. కెనడా విదేశాంగ మంత్రితో భేటీ కలవడం సంతోషదాయకమని జైశంకర్‌ ‘ఎక్స్‌’లో పోస్టుచేశారు. ఆమెతో ఫలప్రదమైన చర్చ జరిగిందని వెల్లడించారు. ఇటీవల ఐక్యరాజ్యసమితి వేదికగా కెనడా ప్రధానమంత్రి మార్క్‌ కార్నీ మాట్లాడుతూ... భారత్‌తో వాణిజ్య చర్చల్లో కెనడా మంచి పురోగతి సాధిస్తోందని చెప్పారు.

న్యూఢిల్లీ: దేశ రాజధాని ఢిల్లీలోని తిలక్‌ నగర్‌లో రోడ్డు తనిఖీ కార్యక్రమాన్ని వీడియో తీస్తున్న ఒక వ్యక్తిని ఢిల్లీ రాష్ట్ర ప్రజా పనుల శాఖ మంత్రి పర్వేశ్‌ వర్మ చెంపదెబ్బ కొట్టడం వివాదమైంది. సంబంధిత వీడియో సోషల్‌ మీడియాలో వైరల్‌గా మారింది. దీంతో మంత్రి తీరుపై జనం ఆగ్రహం వ్యక్తంచేస్తున్నారు. ఘటనా స్థలంలో ఉన్న తిలక్‌ నగర్‌ ఆమ్‌ ఆద్మీ పార్టీ(ఆప్‌) ఎమ్మెల్యే జర్నెయిల్‌ సింగ్‌ కొత్తగా వేసిన రోడ్డు ఉపరితలాన్ని పరిశీలించి, దాని నాణ్యతను ప్రశ్నించారు. సమీపంలోనే నిలబడి ఉన్న ఒక యువకుడు ఈ ఘటనను రికార్డ్‌ చేస్తుండగా, పర్వేశ్‌ వర్మ అతడిపై చేయి చేసుకున్నారు. అనుచితంగా ప్రవర్తించిన మంత్రిని అరెస్టు చేయాలని ఆప్‌ నేతలు డిమాండ్‌ చేశారు. స్థానికులు రోడ్డు నాణ్యతను ప్రశ్నించడంతో మంత్రి సంయమనం కోల్పోయారని ‘ఆప్‌’ కన్వీనర్‌ అరవింద్‌ కేజ్రీవాల్‌ మండిపడ్డారు. తనపై వచి్చన ఆరోపణల పట్ల మంత్రి పర్వేశ్‌వర్మ స్పందించారు. ఆమ్‌ ఆద్మీ పార్టీ ప్రచారం చేస్తున్న వీడియోను సందర్భం లేకుండా ప్రచారంలోకి తీసుకొచ్చారని పేర్కొన్నారు. అలాగే, రోడ్డు కాంట్రాక్టర్‌ నుంచి స్థానిక ఆప్‌ ఎమ్మెల్యే కమిషన్‌ డిమాండ్‌ చేశారని ఆరోపించారు. రోడ్డు నిర్మాణ పనులు నాసిరకంగా ఉన్నాయని జర్నెయిల్‌ సింగ్‌ ఫిర్యాదు చేశారని, తాను అక్కడికి వెళ్ళినప్పుడు ఆప్‌ ఎమ్మెల్యేను రావాలని కోరానని వర్మ చెప్పారు. అయితే, జర్నెయిల్‌ అక్కడికి ఆప్‌ కార్యకర్తలను పిలిపించారని, వారు తన కుటుంబాన్ని దూషించారని వర్మ చెప్పుకొచ్చారు.

న్యూఢిల్లీ: అయిదు రోజుల పనివారంతో పాటు తమ డిమాండ్లపై ఇండియన్‌ బ్యాంక్స్‌ అసోసియేషన్‌ (ఐబీఏ) హామీ ఇవ్వడంతో బ్యాంకు ఉద్యోగ సంఘాలు మూడు రోజుల దేశవ్యాప్త సమ్మెను వాయిదా వేశాయి. యునైటెడ్‌ ఫోరం ఆఫ్‌ బ్యాంక్‌ యూనియన్స్‌ (యూఎఫ్‌బీయూ) పిలుపునిచ్చిన ఈ సమ్మె నేటి (సోమవారం) నుంచి ప్రారంభం కావాల్సి ఉంది. సమ్మె వాయిదా పడటంతో సోమవారం బ్యాంకులు యథావిధిగా పనిచేయనున్నాయి. ‘‘ప్రస్తుతం పని దినాలుగా ఉన్న మొదటి, మూడో, అయిదో శనివారాల కూడా సెలవు దినాలుగా ప్రకటించే అంశంపై చర్చించేందుకు ఐబీఏ, యూఎఫ్‌బీయూ ప్రతినిధులతో కూడిన ఉన్నతస్థాయి కమిటీని వెంటనే ఏర్పాటు చేస్తారు. ఈ కమిటీ అన్ని ప్రత్యామ్నాయాలను పరిశీలించి, సంబంధిత వర్గాలన్నింటితో చర్చలు జరిపి.. ముఖ్యంగా ఖాతాదారులకు ఆమోదయోగ్యమైన పరిష్కారాన్ని రూపొందిస్తుంది. స్కేల్‌–4, ఆపై స్థాయి అధికారులకు వర్తించే పనితీరు ఆధారిత ప్రోత్సాహక (పీఎల్‌ఐ) పథకంలో మార్పులపై ఐబీఏతో చర్చలు జరిపి, యూనియన్లు, అసోసియేషన్లు వ్యక్తం చేసిన అభ్యంతరాలను పరిష్కరించేలా ప్రభుత్వానికి ప్రతిపాదనలు పంపనున్నారు. అలాగే 2024 మార్చి 8 నాటి సమావేశపు మినిట్స్‌లో పేర్కొన్న మిగిలిన అంశాలపై చర్చించి త్వరితగతిన పరిష్కరించేందుకు చర్యలు తీసుకోనున్నారు. ఈ మేరకు కుదిరిన అంగీకారం నేపథ్యంలో ప్రతిపాదిత నిరసన కార్యక్రమాలు, సమ్మెను వాయిదా వేసేందుకు అంగీకరిస్తున్నాం’’ అని యూఎఫ్‌బీయూ ఒక ప్రకటనలో తెలిపింది.

ఫగ్వారా: పంజాబ్‌లోని ఫగ్వారాలో ఉన్న లవ్లీ ప్రొఫెషనల్ యూనివర్సిటీ (LPU) క్యాంపస్‌లో ఒక విద్యార్థినిపై అత్యాచారం జరిగిందనే వార్తల నేపథ్యంలో విద్యార్థులు భారీ ఎత్తున నిరసనలకు దిగారు. ఈ నిరసనలు హింసాత్మకంగా మారాయి. దాంతో లవ్లీ ప్రొఫెషనల్‌ యూనివర్శిటీ వద్ద ఉద్రిక్త పరిస్థితులు చోటు చేసుకున్నాయి. పోలీసులతో విద్యార్థుల ఘర్షణకు దిగారు. పోలీస్‌ వాహనాలకు విద్యార్థులు నిప్పు పెట్టారు. ఈ ఘర్షణల్లో పోలీసులకు గాయాలయ్యాయి.

చెన్నై: తమిళనాడులో సినిమాను తలపించేలా సాహసోపేతమైన ఘటన చోటుచేసుకుంది. నిషిద్ధ గుట్కాను అక్రమంగా తరలిస్తున్న స్మగ్లర్లను పట్టుకునేందుకు ఓ హెడ్ కానిస్టేబుల్ ప్రాణాలను సైతం లెక్కచేయకుండా వేగంగా వెళ్తున్న కారు పైకప్పుపై వేలాడుతూ సుమారు 40 కిలోమీటర్ల దూరం ప్రయాణించారు. ఈ ఘటనకు సంబంధించిన వీడియో ప్రస్తుతం సోషల్ మీడియాలో వైరల్‌గా మారింది.తమిళనాడు కోయంబత్తూరు సమీపంలోని విళంపరిచి ప్రాంతంలో కోవిల్‌పాళయం పోలీస్ స్టేషన్‌కు చెందిన పోలీసులు సాధారణ వాహన తనిఖీలు నిర్వహిస్తున్నారు. ఆ సమయంలో కర్ణాటక రిజిస్ట్రేషన్ నంబరుతో ఉన్న ఓ కారును ఆపి తనిఖీ చేయగా, దాని వెనుక భాగంలో నిషిద్ధ గుట్కా, ఇతర పొగాకు ఉత్పత్తులు ఉన్నట్లు గుర్తించారు.కారు వెనుక ఉన్న పొగాకు ఉత్పత్తులను పరిశీలించేందుకు ఎస్సై ముందుకు వెళ్లగా, కారులో ఉన్న ముగ్గురు నిందితులు పోలీసులను నెట్టేసి, కారుతో పరారయ్యేందుకు ప్రయత్నించారు. నిందితులు కారును వేగంగా పోనిస్తుండగా అప్రమత్తమైన హెడ్ కానిస్టేబుల్ వేల్మురుగన్ వెంటనే కారు పైకప్పుపైకి దూకి గట్టిగా పట్టుకున్నారు.కారు వేగంగా వెళ్తున్నప్పటికీ వేల్మురుగన్ ప్రమాదకర రీతిలో కారు పైకప్పుపైనే వేలాడుతూ ప్రయాణించారు. కోయంబత్తూరు సరిహద్దుల మీదుగా సాగిన ఈ కారు ఓ టోల్ ప్లాజా వద్దకు రాగా, డ్రైవర్ ఫాస్టాగ్‌ ద్వారా టోల్ చెల్లించి అక్కడి నుంచి హైవేపై మరింత వేగంగా దూసుకెళ్లాడు. ఈ దృశ్యాన్ని దారిలో వెళ్తున్న వాహనదారులు తమ మొబైల్ ఫోన్లలో రికార్డ్ చేశారు.ఈ ఘటనపై సమాచారం అందుకున్న సమీప తిరుపూర్ జిల్లా పోలీసులు, ఆంబులెన్స్ సిబ్బంది అప్రమత్తమయ్యారు. పోలీసులు, ఆంబులెన్సులు కారును నలువైపుల నుంచి చుట్టుముట్టి సుమారు 40 కిలోమీటర్ల దూరం తర్వాత అవినాశి రోడ్డులో ఆ కారును అడ్డుకున్నారు.కారు నిలిపివేయగానే అందులో ఉన్న నిందితుల్లో ఒకరిని వెంటనే అదుపులోకి తీసుకోగా, మరో ఇద్దరు పరారయ్యారు. అయితే గాలింపు చర్యలు చేపట్టిన పోలీసులు ఆ ఇద్దరిని కూడా పట్టుకున్నారు. నిందితులను రాజస్థాన్‌కు చెందిన బాಬು ధార (27), రాజేష్ (23), సురేష్‌లుగా గుర్తించారు. బెంగుళూరు నుంచి కోయంబత్తూరుకు ఈ నిషిద్ధ పొగాకు ఉత్పత్తులను అక్రమంగా సరఫరా చేస్తున్నట్లు విచారణలో తేలింది.కారు పైకప్పుపై ప్రాణాలకు తెగించి ప్రయాణించి స్మగ్లర్లను పట్టుకోవడంలో కీలక పాత్ర పోషించిన హెడ్ కానిస్టేబుల్ వేల్మురుగన్ ధైర్యసాహసాలను ప్రజలు, ఉన్నతాధికారులు ప్రశంసిస్తున్నారు. Headconstable Velmurugan of Kovilpalayam police station in #Coimbatore clung onto the roof rails of an SUV for about 40 km as three men from Rajasthan tried escape from the police with over 250 kg of gutkha. The video was shot by the crew of an NHAI ambulance. @THChennai pic.twitter.com/7pAt9m4ZVd— Wilson Thomas (@wilson__thomas) September 27, 2026ఇదీ చదవండి : ప్రముఖ సోషల్‌ మీడియా ఇన్‌ఫ్లుయెన్సర్ నిధి ఆత్మహత్య

గౌహతి: అస్సాం రాజధాని గౌహతి గౌహతి యూనివర్సిటీ విద్యార్థిని అనుమానాస్పద స్థితిలో మృతి చెందడం స్థానికంగా తీవ్ర కలకలం రేపింది. ఈ ఘటనపై తీవ్ర నిరసనలు వెల్లువెత్తడంతో, నిబంధనలు పాటించని సంబంధిత హోమ్‌స్టేను పోలీసులు సీజ్ చేశారు.గౌహతి విశ్వవిద్యాలయానికి చెందిన నిమిష ఠాకురియా (22) అనే విద్యార్థిని ధారపుర్-గారాల్ ప్రాంతంలోని రుద్రాస్ కిచెన్ హోమ్‌స్టేలో అపస్మారక స్థితిలో పడి ఉంది. గమనించిన సిబ్బంది ఆమెను వెంటనే స్థానిక ఆస్పత్రికి తరలించారు. అయితే పరిస్థితి విషమించడంతో గౌహతి మెడికల్ కాలేజ్ ఆస్పత్రికి తరలించగా.. ఆమె అప్పటికే మృతి చెందినట్లు వైద్యులు ధృవీకరించారు.ఈ ఘటనపై కేసు నమోదు చేసుకున్న పోలీసులు దర్యాప్తు చేపట్టారు. విచారణలో భాగంగా గత నెల రోజుల్లో ఆ యువతి, ఆమెతో పాటు ఉన్న 26ఏళ్ల అషీక్‌ అలీ అనే యువకుడు ఆ హోమ్‌స్టేను సుమారు ఐదు సార్లు సందర్శించినట్లు తేలింది. అయితే హోమ్‌స్టే నిర్వాహకులు నిబంధనలను తీవ్రంగా ఉల్లంఘించినట్లు పోలీసులు గుర్తించారు. కస్టమర్ల నుంచి ఎలాంటి గుర్తింపు పత్రాలు సేకరించకుండానే వారికి గదులు అద్దెకు ఇచ్చినట్లు తేలడంతో, ఆదివారం ఆ హోమ్‌స్టేను పోలీసులు సీజ్‌ చేశారు.కుటుంబ సభ్యుల ఆవేదనమృతురాలి తండ్రి దీప్ ఠాకురియా మాట్లాడుతూ.. శుక్రవారం సాయంత్రం ఐదు గంటలకు నిమిష తన తల్లికి ఫోన్ చేసి, తాను యూనివర్సిటీ హాస్టల్‌లో స్నేహితులతో కలిసి రాత్రి బస చేస్తానని చెప్పిందని తెలిపారు. అయితే అర్ధరాత్రి దాటాక ఆమె ఫోన్ నుంచి ఒక ఊహించని కాల్ వచ్చిందని, ఆ తర్వాత ఎంత సంప్రదించినా ఆమె నుంచి ఎలాంటి స్పందన లేదని ఆవేదన వ్యక్తం చేశారు. తాము ఆరా తీసేసరికి కుమార్తె ఆసుపత్రిలో ఉన్నట్లు తెలిసిందని వాపోయారు.నిందితుడి వాదనపై అనుమానాలునిమిష ఉరేసుకుని ఆత్మహత్య చేసుకుందని ఆమెతో ఉన్న అషీక్‌ అలీ పోలీసులకు చెప్పాడు. అయితే ఇది ఆత్మహత్యనా లేక హత్యనా అనే కోణంలో పోలీసులు లోతుగా దర్యాప్తు చేస్తున్నారు. మృతదేహాన్ని పోస్టుమార్టానికి పంపామని, సీఐడీ, ఫోరెన్సిక్ బృందాలు హోమ్‌స్టే గదిని పరిశీలించి కీలక ఆధారాలు సేకరించాయని వెస్ట్ డివిజన్ డీసీపీ బాలిన్ దేయురి తెలిపారు. పోస్టుమార్టం నివేదిక వస్తేనే అసలు నిజాలు బయటపడతాయని పోలీసులు వెల్లడించారు. మరోవైపు, విద్యార్థిని మృతి పట్ల యూనివర్సిటీ విద్యార్థులు, ప్రజా సంఘాలు తీవ్ర ఆగ్రహం వ్యక్తం చేస్తూ బాధ్యులకు తగిన శిక్షపడాలని డిమాండ్ చేస్తున్నాయి.

సాక్షి,చెన్నై: సమాచార హక్కు చట్టం పరిధిలోకి శాంతిభద్రతల విభాగాన్ని తీసుకురాకుండా మినహాయింపునిస్తూ తమిళనాడు ప్రభుత్వం జారీ చేసిన వివాదాస్పద ఉత్తర్వులు తీవ్ర దుమారం రేపాయి. ప్రజా సంఘాలు, ప్రతిపక్షాల నుంచి పెద్ద ఎత్తున సీఎం విజయ్‌ ప్రభుత్వంపై తీవ్ర వ్యతిరేకత వచ్చింది. ఈ క్రమంలో ప్రభుత్వం తక్షణమే స్పందించి ఆ నిర్ణయాన్ని వెనక్కి తీసుకుంది.రాష్ట్రంలోని పబ్లిక్,శాంతిభద్రతల విభాగాన్ని ఆర్‌టీఐ చట్టం పరిధి నుంచి మినహాయిస్తూ ప్రభుత్వం ముందుగా గెజిట్ నోటిఫికేషన్ విడుదల చేసింది. ఈ నిర్ణయం అమల్లోకి వస్తే పోలీసు కస్టడీ మరణాలు, సామాజిక ఘర్షణలు, నిరసనలు, పోలీసు కాల్పులు వంటి సున్నితమైన అంశాలకు సంబంధించిన రికార్డులను పౌరులు ఆర్‌టీఐ ద్వారా అడిగి తెలుసుకునే అవకాశం కోల్పోతారు.దీనివల్ల ప్రభుత్వ పాలనలో పారదర్శకత లోపిస్తుందని, ప్రజాస్వామ్య హక్కులకు విఘాతమని రాజకీయ పార్టీలు, హక్కుల సంఘాలు తీవ్ర ఆగ్రహం వ్యక్తం చేశాయి. ప్రజాగ్రహం,తీవ్ర విమర్శల నేపథ్యంలో అప్రమత్తమైన ప్రభుత్వం.. వివాదం ముదరకముందే ఆ నోటిఫికేషన్‌ను రద్దు చేస్తున్నట్లు అధికారికంగా ప్రకటించింది. దీంతో ఈ వివాదానికి తాత్కాలికంగా తెరపడింది.ఇదీ చదవండి : 1200 కోట్లతో సచివాలయం, అసెంబ్లీ.. సీఎం విజయ్ సముద్రం చూసేందుకేనా!?

గౌహతి: అస్సాంలో ఆదివారం కాక్రోచ్‌ జనతా పార్టీ (సీజేపీ) వాలంటీర్ల సమావేశం ప్రారంభం కాకముందే ఉద్రిక్తత నెలకొంది. గౌహతిలో సీజేపీ కో-కన్వీనర్ ఆశుతోష్ రాంకాతో పాటు పలువురు పార్టీ నేతలు, వాలంటీర్లను పోలీసులు అదుపులోకి తీసుకున్నారు. ఈ ఘటనపై సీజేపీ వ్యవస్థాపకుడు అభిజీత్ దీప్కే తీవ్రంగా స్పందించారు. పోలీసుల చర్యను ప్రశ్నిస్తూ పలు ఆరోపణలు చేశారు.సీజేపీ ఆదివారం గౌహతిలో తొలిసారిగా ప్రాంతీయ వాలంటీర్ల సమావేశాన్ని నిర్వహించేందుకు ఏర్పాట్లు చేసింది. ఈ సమావేశానికి పలువురు నేతలు, కార్యకర్తలు హాజరుకావాల్సి ఉంది. అయితే సమావేశానికి వెళ్లే మార్గంలో పోలీసులు అడ్డంకులు సృష్టించారని, కార్యక్రమ స్థలానికి చేరుకోకుండా పలువురిని నిలిపివేశారని సీజేపీ పేర్కొంది. సీజేపీ కో-కన్వీనర్ ఆశుతోష్ రాంకా శనివారమే అస్సాంకు చేరుకున్నారు. ఆదివారం జరగాల్సిన సమావేశంలో ఆయన ప్రసంగించాల్సి ఉంది. అయితే సమావేశానికి వెళ్లే సమయంలో ఆయనతో పాటు పలువురు నేతలు, వాలంటీర్లను పోలీసులు అదుపులోకి తీసుకున్నారని పార్టీ తెలిపింది. వారిని పోలీసులు గుర్తుతెలియని ప్రాంతానికి తరలించారని అభిజీత్ దీప్కే ఆరోపించారు.పోలీసులపై అభిజీత్ దీప్కే ఆగ్రహంఈ ఘటనపై సీజేపీ వ్యవస్థాపకుడు అభిజీత్ దీప్కే సోషల్ మీడియా వేదికగా స్పందించారు. చిన్న స్థాయి వాలంటీర్ల సమావేశానికి వెళ్తున్న తమ పార్టీ నేతలు, కార్యకర్తలను పోలీసులు అదుపులోకి తీసుకున్నారని ఆరోపించారు. అదుపులోకి తీసుకున్న వారిని ఎక్కడికి తీసుకెళ్లారనే విషయం వెంటనే తెలియలేదని తెలిపారు. అస్సాంలో ఎన్నికల జాబితా పునర్విమర్శతో ప్రభావితమైన కుటుంబాలను సీజేపీ కలవాలని నిర్ణయించింది. అలాగే ప్రభుత్వ పాఠశాలలను సందర్శించి వాటి పరిస్థితిని పరిశీలించాలని రాంకా గతంలో ప్రకటించారు. ఎన్నికల జాబితా పునర్విమర్శపై కూడా ఆయన ప్రశ్నలు లేవనెత్తారు. ఈ ప్రక్రియ ద్వారా రాష్ట్ర ఎన్నికల్లో చోటుచేసుకున్న అవకతవకలు వెలుగులోకి రావచ్చని ఆయన పేర్కొన్నారు.సమావేశం జరిగే ప్రాంతం సమీపంలో టియర్ గ్యాస్ పరికరాలను మోహరించినట్లు కూడా సీజేపీ ఆరోపించింది. అదుపులోకి తీసుకున్న కార్యకర్తలను కలిసేందుకు తమ న్యాయవాదులను పోలీసులు అనుమతించలేదని పార్టీ తెలిపింది. ఎంతమంది వాలంటీర్లను అదుపులోకి తీసుకున్నారో, వారు ప్రస్తుతం ఎక్కడ ఉన్నారో వెంటనే నిర్ధారించలేకపోయామని సీజేపీ పేర్కొంది. అదుపులోకి తీసుకున్న ఆశుతోష్ రాంకాతో పాటు ఇతర వాలంటీర్లను వెంటనే విడుదల చేయాలని డిమాండ్ చేసింది. పోలీసుల చర్యలతో సంబంధం లేకుండా అస్సాంలో తమ గ్రాస్‌రూట్ ప్రచారం కొనసాగుతుందని సీజేపీ స్పష్టం చేసింది. ఇదీ చదవండి: ‘భారత్‌పై కన్నేస్తే గట్టి జవాబే’..‘మన్‌ కీ బాత్‌’లో ప్రధాని మోదీ

చెన్నై: కరూర్‌ తొక్కిసలాట ఘటనకు ఏడాది పూర్తైన సందర్భంగా తమిళనాడు ముఖ్యమంత్రి, టీవీకే అధినేత విజయ్‌ మృతులకు నివాళులర్పించారు. 2025 సెప్టెంబర్‌ 27న కరూర్‌లో జరిగిన ఈ విషాద ఘటన తమ జీవితాల్లో ఎప్పటికీ మానని గాయంగా మిగిలిపోయిందని ఆయన పేర్కొన్నారు. బాధిత కుటుంబాలు, తన మద్దతుదారులు, టీవీకే కుటుంబం ఈ విషాదాన్ని ఇప్పటికీ మరవలేకపోతున్నారని తెలిపారు.గతేడాది ఇదే రోజు.. సెప్టెంబర్‌ 27, 2025న కరూర్‌లో టీవీకే నిర్వహించిన సభలో భారీగా జనం తరలివచ్చారు. ఈ క్రమంలో చోటుచేసుకున్న తొక్కిసలాటలో 41 మంది ప్రాణాలు కోల్పోగా.. పలువురు గాయపడ్డారు. ఘటనకు ఏడాది పూర్తైన సందర్భంగా విజయ్‌ ఎక్స్‌ వేదికగా స్పందించారు. ఈ విషాదం తమ హృదయాల్లో మోస్తున్న బంధువుల జ్ఞాపకాలను మరింత బాధాకరంగా మార్చిందని విజయ్‌ అన్నారు. మృతుల కుటుంబాలు అనుభవిస్తున్న వేదనను మాటల్లో చెప్పలేమని పేర్కొన్నారు. ఒకరికొకరం ఓదార్పుగా, అండగా, ఆశ్రయంగా నిలుద్దామని తెలిపారు.కరూర్‌ ఘటనపై దర్యాప్తు కూడా కొనసాగుతోంది. తొలుత తమిళనాడు ప్రభుత్వం ప్రత్యేక దర్యాప్తు బృందాన్ని ఏర్పాటు చేసింది. అనంతరం ఈ కేసు దర్యాప్తును స్వతంత్రంగా, నిష్పక్షపాతంగా నిర్వహించాల్సిన అవసరం ఉందని పేర్కొంటూ సుప్రీంకోర్టు సీబీఐకి అప్పగించింది. ఈ ఘటనకు సంబంధించి కార్యక్రమానికి అనుమతులు, జన సమూహ నియంత్రణ, పోలీసుల మోహరింపు, అత్యవసర స్పందన వంటి అంశాలపై సీబీఐ దర్యాప్తు చేస్తోంది.என் நெஞ்சில் குடியிருக்கும் அனைவருக்கும் வணக்கம்.கடந்த வருடம். இதே நாள்.அதாவது 2025 செப்டம்பர் 27.என் வாழ்நாளில், நம் கரூர் சொந்தங்களின் வாழ்வில், நம் தமிழ்நாட்டு உறவுகளின் மனத்தில் ஆறாத ரணமாக, தீராத வலியாக, வேதனையான நிகழ்வு நடந்த நாள்.சொல்ல முடியாத சோகத்தைச் சுமந்து…— TVK Vijay (@TVKVijayHQ) September 27, 2026ఈ కేసులో టీవీకేకు చెందిన పలువురు నేతలను కూడా సీబీఐ విచారించింది. పార్టీ అధినేత విజయ్‌ను సైతం విచారణకు హాజరు కావాలని సీబీఐ సమన్లు జారీ చేసింది. కరూర్‌ విషాదంలో ప్రాణాలు కోల్పోయిన 41 మందిని గుర్తుచేసుకుంటూ విజయ్‌ వారికి ఘన నివాళి అర్పించారు. వారి జ్ఞాపకాలు ఎప్పటికీ తమతోనే ఉంటాయని పేర్కొన్నారు.ఇదీ చదవండి: ఘోర రోడ్డు ప్రమాదం.. బీజేపీ ఎమ్మెల్యేకు గాయాలు..

న్యూఢిల్లీ: ప్రధాని నరేంద్ర మోదీ ఆదివారం 138వ ‘మన్ కీ బాత్’ కార్యక్రమంలో పలు కీలక అంశాలను ప్రస్తావించారు. ముఖ్యంగా 10 ఏళ్ల క్రితం జరిగిన సర్జికల్ స్ట్రైక్‌ను గుర్తుచేసుకుంటూ.. ఉగ్రవాదంపై భారత్ అనుసరిస్తున్న విధానాన్ని స్పష్టం చేశారు. దేశవ్యాప్తంగా జరుగుతున్న జనగణన, మాజీ వీహెచ్‌పీ నేత అశోక్ సింఘాల్ సేవలు, గుజరాత్‌లోని మోఢేరా సూర్య దేవాలయ చరిత్ర, సుందర్‌బన్‌లో మహిళల జీవనోపాధి వంటి అంశాలపై మాట్లాడారు.సర్జికల్ స్ట్రైక్‌కు పదేళ్లు2016 సెప్టెంబర్ 28-29 తేదీల్లో భారత సైన్యం నియంత్రణ రేఖ (LoC) దాటి పాకిస్థాన్‌లోని ఉగ్రవాద స్థావరాలపై సర్జికల్ స్ట్రైక్ నిర్వహించిన విషయాన్ని మోదీ ప్రస్తావించారు. ఉగ్రవాదంపై భారత సైనికుల చర్య ప్రపంచాన్ని ఆశ్చర్యానికి గురిచేసిందన్నారు. ఈ ఆపరేషన్ ద్వారా ఉగ్రవాదంపై భారత్ వైఖరిని ప్రపంచానికి స్పష్టంగా తెలియజేశామని పేర్కొన్నారు.ఉగ్రవాదంపై జీరో టాలరెన్స్బాలాకోట్ ఎయిర్‌స్ట్రైక్ నుంచి ఆపరేషన్ సిందూర్ వరకు భారత్ తన వైఖరిని పదేపదే స్పష్టం చేసిందని మోదీ అన్నారు. భారత్‌పై ఉగ్రవాదులు దాడికి ప్రయత్నిస్తే గట్టి సమాధానం ఇస్తామని పేర్కొన్నారు. ప్రస్తుతం భారత్ ఉగ్రవాదంపై జీరో టాలరెన్స్ విధానంతో ముందుకు సాగుతోందని తెలిపారు.జనగణనపై ప్రధాని సందేశందేశంలోని అన్ని రాష్ట్రాలు, కేంద్ర పాలిత ప్రాంతాల్లో జనగణన తొలి దశ దాదాపు పూర్తయిందని మోదీ చెప్పారు. ఇప్పటివరకు 32 కోట్లకు పైగా కుటుంబాల వివరాలను నమోదు చేసినట్లు తెలిపారు. ఉత్తరాఖండ్‌లోని మాణా గ్రామం నుంచి జనగణన ప్రారంభమైందని, జనగణన ప్రతి ఒక్కరి జాతీయ బాధ్యత అని పేర్కొన్నారు.అశోక్ సింఘాల్‌కు నివాళివిశ్వహిందూ పరిషత్ మాజీ అంతర్జాతీయ కార్యనిర్వాహక అధ్యక్షుడు అశోక్ సింఘాల్ 100వ జయంతిని కూడా మోదీ గుర్తుచేశారు. సంస్కృతి, సమాజం, దేశం కోసం ఆయన జీవితాన్ని అంకితం చేశారని అన్నారు. రామజన్మభూమి ఉద్యమానికి సింఘాల్ అందించిన దిశ, శక్తిని మోదీ ప్రస్తావించారు.మోఢేరా సూర్య దేవాలయానికి వెయ్యేళ్లు1026లో గజనీ సోమనాథ ఆలయంపై దాడి చేసిన సమయంలోనే గుజరాత్‌లోని మోఢేరా సూర్య దేవాలయంపై కూడా దాడి జరిగిందని మోదీ పేర్కొన్నారు. ఈ ఆలయ నిర్మాణం రాజా భీమదేవుడి కాలంలో 1025లో జరిగినట్లు తెలిపారు. ప్రస్తుతం మోఢేరా దేశంలో తొలి సౌర గ్రామంగా కూడా గుర్తింపు పొందిందన్నారు.మహిళలకు అండగా మాంగ్రూవ్ అడవులుసుందర్‌బన్‌లోని ఝార్ఖాలీ ప్రాంత మహిళలు మాంగ్రూవ్ అడవులను అభివృద్ధి చేస్తున్నారని మోదీ చెప్పారు. వీరిలో పలువురు పులుల దాడుల్లో భర్తలను కోల్పోయిన మహిళలు ఉన్నారని తెలిపారు. మాంగ్రూవ్ మొక్కలు గ్రామాలకు సహజ రక్షణ కవచంగా మారడంతో పాటు, వాటి ద్వారా మహిళలకు ఆదాయం కూడా లభిస్తోందని వివరించారు.ఇదీ చదవండి: నోయిడా నిరసనలు: చదువులు, ఉద్యోగాలకు దూరమైన ‘జెన్‌ జీ’

న్యూఢిల్లీ: నోయిడాలో గత ఏప్రిల్‌లో జరిగిన కార్మికుల వేతన నిరసనల నేపథ్యలో కేసులు నమోదై, అరెస్టయిన పలువురు యువకుల జీవితాలు జైలు కారణంగా నిలిచిపోయాయి. ఐదు నెలలు గడిచినా కొందరికి బెయిల్ లభించకపోవడంతో చదువులు, ఉద్యోగాలు కోల్పోయే పరిస్థితి ఏర్పడింది. మరోవైపు వారి కుటుంబాలు న్యాయవాదుల ఫీజులు, బెయిల్ కోసం అవసరమైన మొత్తాన్ని సమకూర్చేందుకు అప్పులు చేయాల్సి వస్తోంది. ‘ది ప్రింట్’ కథనం ప్రకారం.. ప్రస్తుతం నిర్బంధంలో ఉన్నవారిలో 20–28 ఏళ్ల మధ్య వయసున్న కార్మికులు, విద్యార్థులు, కార్యకర్తలు అత్యధికంగా ఉన్నారు.పరీక్షలకు వారం ముందు అరెస్టుహర్దోయికి చెందిన 20 ఏళ్ల అన్షు కుష్వాహా ఫిబ్రవరిలో నోయిడాకు వచ్చాడు. వృద్ధ తల్లిదండ్రులకు అండగా నిలుస్తూనే బీఎస్సీ చదువును కొనసాగించాలనుకున్నాడు. నోయిడాలోని ఓ ప్రైవేట్ ఫ్యాక్టరీలో రోజుకు దాదాపు 10 గంటలు పనిచేసేవాడు. ఏప్రిల్ 14న నిరసనల సమయంలో మోథర్సన్ ఇంటర్నేషనల్ సమీపంలో పోలీసులు అతడిని అదుపులోకి తీసుకున్నారు. తన సెమిస్టర్ పరీక్షలకు మరో వారం మాత్రమే ఉందని, పరీక్షలు రాయలేకపోతానని పోలీసులకు చెప్పినా ప్రయోజనం లేకపోయిందని అన్షు తెలిపాడు.మూడు ఎఫ్‌ఐఆర్‌లలో కేసులుఅన్షుపై మూడు వేర్వేరు ఎఫ్‌ఐఆర్‌లు నమోదయ్యాయి. వాటిలో రెండు కేసుల్లో బెయిల్ లభించినప్పటికీ మరో కేసులో ఇంకా బెయిల్ రాలేదు. అల్లర్లు, హత్యాయత్నం, ప్రభుత్వ ఉద్యోగిపై దాడి, అక్రమ నిర్బంధం, నేరపూరిత కుట్ర, అగ్ని లేదా పేలుడు పదార్థాలతో నష్టం కలిగించడం వంటి పలు అభియోగాలు నమోదయ్యాయి. ఐదు నెలలుగా జీతం లేకపోవడంతో పాటు న్యాయవాదుల ఫీజుల కోసం అతడి తండ్రి బంధువులు, పొరుగువారి నుంచి అప్పులు చేయాల్సి వస్తోందని తెలిపారు.న్యాయ ఖర్చుల కోసం అప్పులుఅన్షు తండ్రి పర్మానంద్ కుష్వాహా తన కుమారుడి కేసుల కోసం ఇప్పటికే పలువురు న్యాయవాదులకు డబ్బు చెల్లించినట్లు చెప్పారు. ఒక న్యాయవాదికి రూ.10 వేలు, మరో బెయిల్ కోసం రూ.15 వేలు, మరో కేసుకు రూ.14 వేలు చెల్లించినట్లు తెలిపారు. మరో కేసులో బెయిల్ కోసం నాలుగో న్యాయవాదిని నియమించేందుకు కూడా డబ్బు సమకూర్చుకోవాల్సి వస్తోందన్నారు. నిరసనలకు సంబంధించి పోలీసులు మొత్తం 11 ఎఫ్‌ఐఆర్‌లు నమోదు చేయగా, కనీసం 11 మంది ఇంకా బెయిల్ పొందలేదని ‘ది ప్రింట్’ పేర్కొంది.బెయిల్ వచ్చినా.. విడుదలకు మరో అడ్డంకి28 ఏళ్ల అమన్ సోనీకి మూడు ఎఫ్‌ఐఆర్‌ల్లోనూ బెయిల్ లభించింది. అయితే బెయిల్ కోసం అవసరమైన ఐదుగురు ష్యూరిటీలను కుటుంబం సమకూర్చలేకపోవడంతో అతడు ఇంకా జైలులోనే ఉన్నాడు. ఉత్తరప్రదేశ్‌లోని అమేథీకి చెందిన అమన్ 2025 అక్టోబరులో ఐటీఐ కోర్సు పూర్తి చేసిన తర్వాత మోథర్సన్ ఇంటర్నేషనల్‌లో ఉద్యోగం పొందాడు. కుటుంబానికి ప్రధాన ఆదాయ వనరుగా ఉన్న అతడి న్యాయ ఖర్చుల కోసం బావ రూ.1.7 లక్షలు అప్పు చేసినట్లు తెలిపారు. ష్యూరిటీల కోసం ఆస్తి పత్రాలు సమకూర్చడంలోనూ కుటుంబం ఇబ్బందులు ఎదుర్కొంటోంది.జైలులోనూ చదువు, పుస్తకాలుఈ కేసుల్లో విద్యార్థులు, కార్యకర్తలు కూడా ఉన్నారు. ఢిల్లీ యూనివర్సిటీకి చెందిన 25 ఏళ్ల న్యాయ విద్యార్థిని అకృతి చౌధరిపై నేషనల్ సెక్యూరిటీ యాక్ట్ (ఎన్‌ఎస్‌ఏ) కింద కూడా చర్యలు తీసుకున్నారు. సెప్టెంబర్ 2న అలహాబాద్ హైకోర్టు ఆమె నిర్బంధ ఉత్తర్వును కొట్టివేసి, రూ.5 లక్షల పరిహారం చెల్లించాలని ఆదేశించింది. అయితే ఈ నిర్ణయాన్ని జిల్లా మేజిస్ట్రేట్ సుప్రీంకోర్టులో సవాలు చేయడంతో సెప్టెంబర్ 23న సుప్రీంకోర్టు హైకోర్టు ఆదేశాన్ని నిలిపివేసింది. జైలులో ఉన్నప్పటికీ అకృతి పుస్తకాలు చదవడం, బొమ్మలు వేయడం, ఇతర మహిళా ఖైదీలతో మహాభారతం గురించి చర్చించడం వంటి పనులు చేస్తోంది.జైల్లోనే యూజీసీ-నెట్‌లో 99.3 పర్సంటైల్24 ఏళ్ల హిమాంశు ఠాకూర్ హన్స్‌రాజ్ కాలేజీలో హిస్టరీ చదువుకున్నాడు. జైలులో ఉన్న సమయంలో యూజీసీ-నెట్ పరీక్షలో 99.3 పర్సంటైల్ సాధించి జూనియర్ రీసెర్చ్ ఫెలోషిప్‌కు అర్హత సాధించాడు. ఢిల్లీలోని జామియా మిలియా ఇస్లామియా విశ్వవిద్యాలయంలో పీహెచ్‌డీ ఇంటర్వ్యూకు వెళ్లాల్సిన సమయంలో అతడిని పోలీసులు అరెస్టు చేసి 11 ఎఫ్‌ఐఆర్‌లలో నిందితుడిగా చేర్చారు. ఎనిమిది కేసుల్లో బెయిల్ వచ్చినప్పటికీ మరో మూడు కేసుల్లో నిర్ణయం కోసం ఎదురుచూస్తున్నాడు. పర్యావరణ, కార్మిక చరిత్రపై పరిశోధన చేయాలనుకుంటున్న హిమాంశు ప్రస్తుతం జైలులోనే తనకు అవసరమైన పుస్తకాలను చదువుతున్నాడు.ఐదు నెలల జైలు.. భవిష్యత్తుపై అనిశ్చితినోయిడా నిరసనల కేసుల్లో అరెస్టయిన యువతకు జైలు శిక్ష మాత్రమే కాకుండా వారి చదువులు, ఉద్యోగాలు, కుటుంబ ఆర్థిక పరిస్థితులపైనా ప్రభావం పడుతోంది. కొందరు పరీక్షలకు దూరమయ్యారు.. మరికొందరి ఉద్యోగాలు పోయాయి. కుటుంబాలు న్యాయ ఖర్చుల కోసం అప్పుల్లో కూరుకుపోతున్నాయి. జైలు నుంచి బయటకు వచ్చిన తర్వాత మళ్లీ నోయిడా వంటి నగరాలకు ఉద్యోగాల కోసం రావాలా, స్వగ్రామాల్లోనే ఉండాలా అనే సందిగ్ధతలో పలువురు కార్మికులు ఉన్నారు. అయినప్పటికీ జైలులో ఉన్న కొందరు యువత తమ చదువు, పుస్తకాలు, పరిశోధనపై దృష్టి కొనసాగిస్తున్నారు. ఇదీ చదవండి: పితృపక్ష వేళ.. నేపాల్ మృతులకు నటుడు పిండప్రదానం

బోధ్‌గయ: బాలీవుడ్ నటుడు రాజేశ్ కుమార్ పితృపక్ష మేళా సందర్భంగా బిహార్‌లోని గయా చేరుకున్నారు. బోధ్‌గయలోని ధర్మారణ్య వేదిక వద్ద తన పూర్వీకులకు పిండప్రదానం, తర్పణం నిర్వహించారు. నేపాల్‌లో ప్రకృతి విపత్తుల్లో ప్రాణాలు కోల్పోయిన వారి ఆత్మశాంతి కోసం కూడా ప్రార్థనలు చేశారు. గయ జిల్లాలోని గురువా ప్రాంతానికి చెందిన రాజేశ్ కుమార్ శనివారం ధర్మారణ్య వేదిక వద్ద పూర్వీకులను స్మరించుకున్నారు. అనంతరం సీతాకుండ్‌లో దర్శనం, పూజలు చేశారు. తన జీవితంలో తొలిసారి పితృపక్ష మేళాలో పాల్గొనే అవకాశం రావడం సంతోషంగా ఉందని ఆయన తెలిపారు.పితృపక్షం కేవలం మతపరమైన ఆచారాలకు మాత్రమే పరిమితం కాదని, పూర్వీకులను గుర్తు చేసుకుని వారికి కృతజ్ఞతలు తెలిపే సమయమని రాజేశ్ కుమార్ పేర్కొన్నారు. గయకు తరచూ వస్తున్నప్పటికీ ఇంతకుముందు పితృపక్ష మేళాకు రాలేకపోయానని చెప్పారు. ఫల్గు నదిలో నీటి ప్రవాహాన్ని చూసి సంతోషం వ్యక్తం చేశారు. తన పూర్వీకులతో పాటు నేపాల్‌లో ప్రకృతి విపత్తుల్లో ప్రాణాలు కోల్పోయిన వారి ఆత్మశాంతి కోసం కూడా రాజేశ్ కుమార్ పిండప్రదానం, తర్పణం నిర్వహించారు. వారికి మోక్షం కలగాలని ప్రార్థించారు.పితృపక్షం తొలి రోజున ఫల్గు నది ఘాట్ల వద్ద భారీగా భక్తులు తరలివచ్చారు. వర్షం పడుతున్నప్పటికీ పిండప్రదానం కోసం తీర్థయాత్రికులు పెద్ద సంఖ్యలో కనిపించారు. జొన్నలు, బియ్యం, పాలతో తయారు చేసిన ఖీర్‌తో పిండాలను తయారు చేసి, సంప్రదాయ పద్ధతిలో పూజలు నిర్వహించారు. శనివారం భక్తుల సంఖ్య 65 వేలకుపైగా ఉన్నట్లు నిర్వాహకులు తెలిపారు. పితృపక్షం రెండో రోజైన ఆదివారం ప్రేతశిల, బ్రహ్మకుండ్, రామకుండ్, రామశిల తదితర వేదికల వద్ద పిండప్రదానం నిర్వహించనున్నారు. ప్రేతశిల వద్ద పిండప్రదానం చేస్తే ప్రేతయోని నుంచి విముక్తి లభిస్తుందని భక్తుల విశ్వాసం. పూజల అనంతరం భక్తులు విష్ణుపాద ఆలయంలో శ్రీ విష్ణుచరణాలను దర్శించుకున్నారు.ఇదీ చదవండి: యూపీలో వర్ష బీభత్సం..15 మంది మృతి

లక్నో: ఉత్తరప్రదేశ్‌లో భారీ వర్షాలు జనజీవనాన్ని అతలాకుతలం చేస్తున్నాయి. గత 48 గంటల్లో వర్షాలకు సంబంధించిన ఘటనల్లో 15 మంది మృతి చెందగా.. 17 మంది గాయపడ్డారు. పలు జిల్లాల్లో వరదలు, నీట మునిగిన ప్రాంతాలతో ప్రజలు తీవ్ర ఇబ్బందులు పడుతున్నారు. దక్షిణ–తూర్పు యూపీలో ఏర్పడిన అల్పపీడన ద్రోణి ప్రభావంతో రానున్న 24 గంటల్లో భారీ నుంచి అతి భారీ వర్షాలు కురిసే అవకాశం ఉందని భారత వాతావరణ శాఖ హెచ్చరించింది. తూర్పు యూపీతో పాటు మధ్య, తరాయ్ ప్రాంతాల్లో ఆకస్మిక వరదల ముప్పు ఉందని తెలిపింది.శనివారం ఒక్కరోజే రాష్ట్రంలోని 63 జిల్లాల్లో సాధారణం కంటే అధిక వర్షపాతం నమోదైంది. గత 24 గంటల్లో సాధారణం కంటే దాదాపు 19 రెట్లు అధిక వర్షం కురిసింది. లక్నోలో 21 గంటల్లో 125.8 మి.మీ., ఫతేగఢ్‌లో 224 మి.మీ., బాందాలో 227.6 మి.మీ., నాన్పారాలో 217 మి.మీ. వర్షపాతం నమోదైంది. భారీ వర్షాలు, ఈదురుగాలులకు చెట్లు, మట్టి ఇళ్లు కూలడంతో పాటు 117 ఇళ్లు దెబ్బతిన్నాయి. పలు ప్రాంతాల్లో పంటలు కూడా దెబ్బతిన్నాయి. మురాదాబాద్‌లోని జిల్లా పశువైద్య ఆసుపత్రిలోకి సైతం వరదనీరు చేరింది.ఆజంగఢ్, బలియా, గాజీపూర్, గోరఖ్‌పూర్, బస్తీ, సుల్తాన్‌పూర్, అయోధ్య, గోండా, హర్దోయ్, లక్నో, ఉన్నావ్, రాయ్‌బరేలీ, బారాబంకీ, అమేథీ, కౌశాంబీ, చిత్రకూట్ తదితర జిల్లాల్లో అధికారులు అప్రమత్తంగా ఉండాలని సూచించారు. నేపాల్‌లోనూ భారీ వర్షాలు కురుస్తున్న నేపథ్యంలో సరిహద్దు జిల్లాల్లో ప్రత్యేక నిఘా పెట్టారు. వర్షాలు, వరదల పరిస్థితిపై సీఎం యోగి ఆదిత్యనాథ్ సమీక్షించారు. మృతుల కుటుంబాలకు, ఇళ్లు కోల్పోయిన వారికి, పంటలు నష్టపోయిన రైతులకు నిబంధనల ప్రకారం పరిహారం అందించాలని అధికారులను ఆదేశించారు. విద్యుత్ సమస్యలను త్వరగా పరిష్కరించాలని, అత్యవసర సమస్యల కోసం 1912 హెల్ప్‌లైన్‌ను సంప్రదించాలని అధికారులు సూచించారు.ఇదీ చదవండి: Nepal: మాజీ సుప్రీంకోర్టు ప్రధాన న్యాయమూర్తి అరెస్ట్

ముంబై: ‘రైజ్ అండ్ ఫాల్’ రియాలిటీ షో తొలి ఎపిసోడ్‌లో బాలీవుడ్ నటి స్వరా భాస్కర్ ప్రత్యేక ఆకర్షణగా నిలిచారు. డిజైనర్ చీర, బ్లౌజ్‌తో షోలోకి వచ్చిన ఆమె.. బాడీ షేమింగ్, ట్రోలింగ్‌పై తన అభిప్రాయాలను వెల్లడించారు. ఆమె ధరించిన బ్లౌజ్‌పై ‘మోటీ’ అని రాసి ఉండటం అందరి దృష్టిని ఆకర్షించింది.షోలో బీహార్‌ రాజకీయ నేత తేజ్ ప్రతాప్ యాదవ్‌.. స్వరా భాస్కర్ మధ్య సరదా సంభాషణ జరిగింది. ఈ క్రమంలో తేజ్ ప్రతాప్ ఆమెను ‘మోటీ’ అని సంబోధించారు. దీనిపై స్వరా కూడా తనదైన శైలిలో స్పందిస్తూ మాటలతో చమత్కరించారు. ఈ ఇద్దరి మధ్య జరిగిన సంభాషణ షోలో నవ్వులు పూయించింది.బాడీ షేమింగ్ గురించి స్వరా భాస్కర్ మాట్లాడుతూ.. తన శరీరాకృతిపై గతంలో వచ్చిన విమర్శలు, ట్రోలింగ్‌ను ప్రస్తావించారు. తనపై ఎలాంటి వ్యాఖ్యలు వచ్చినా వాటిని ధైర్యంగా ఎదుర్కొంటానని ఆమె అన్నారు. షోలో ఆమె మాట్లాడిన తీరు ప్రేక్షకుల దృష్టిని ఆకర్షించింది.ఇదే సమయంలో తేజ్ ప్రతాప్‌తో జరిగిన సంభాషణలో స్వరా భాస్కర్ ఆసక్తికరంగా స్పందించారు. తనను లాలూ ప్రసాద్ యాదవ్‌కు పరిచయం చేయాలని ఆమె కోరారు. దీంతో షోలో తేజ్ ప్రతాప్, స్వరా మధ్య జరిగిన సరదా మాటామంతీ చర్చనీయాంశంగా మారింది. ఇదీ చదవండి: మారిన మందు.. ఐదుగురు చిన్నారులు ఐసీయూలో..

సూరత్‌: గుజరాత్‌లోని సూరత్‌ జిల్లాలో చిన్నారులకు వైద్యం అందించడంలో నిర్లక్ష్యం చోటుచేసుకుంది. టీకాలు వేసిన అనంతరం చిన్నారులకు ఇవ్వాల్సిన పారాసిటామాల్‌కు బదులుగా పొరపాటున డయాబెటిస్‌ మందు ఇచ్చారు. దీంతో ఐదుగురు చిన్నారుల ఆరోగ్యం క్షీణించడంతో వారిని పీఐసీయూలలో చేర్చి చికిత్స అందించారు. ప్రస్తుతం చిన్నారుల పరిస్థితి నిలకడగా ఉందని అధికారులు తెలిపారు. ఈ ఘటన పల్సానా తాలూకాలోని కణావ్‌ ప్రాథమిక ఆరోగ్య కేంద్రం పరిధిలోని పల్సానా-01 ఉపకేంద్రంలో సెప్టెంబర్‌ 23న జరిగింది.‘మమతా దివస్‌’ సందర్భంగా మొత్తం ఏడుగురు చిన్నారులకు టీకాలు వేశారు. టీకాల అనంతరం జ్వరం వచ్చే అవకాశం ఉండటంతో ఐదుగురు చిన్నారులకు పారాసిటామాల్‌ కిడ్‌ టాబ్లెట్లు ఇవ్వాల్సి ఉంది. అయితే సిబ్బంది పొరపాటున గ్లిమెపైరైడ్‌ 2 మిల్లీగ్రాముల మాత్రలు ఇచ్చారు. ఇది మధుమేహం చికిత్సలో ఉపయోగించే మందు. దీనిని తీసుకున్న అనంతరం ఐదుగురు చిన్నారుల ఆరోగ్యం విషమించింది. దీంతో సెప్టెంబర్‌ 24న వారిని ఐసీయూలకు తరలించారు. బాధిత చిన్నారుల్లో సుమారు మూడున్నర నెలల వయసు నుంచి ఏడాది వయసు వరకు ఉన్నవారు ఉన్నారని గుజరాత్‌ ఆరోగ్య మంత్రి ప్రఫుల్‌ పన్సేరియా తెలిపారు. ఘటనపై ప్రభుత్వం తీవ్రంగా స్పందించి విచారణకు ఆదేశించింది.పిల్లలకు వేరే మందు ఇవ్వడానికి మహిళా ఆరోగ్య కార్యకర్త ఇందుబెన్‌ రతిలాల్‌ చౌధరి కారణమని అధికారులు గుర్తించారు. దీంతో సూరత్‌ జిల్లా ముఖ్య ఆరోగ్య అధికారి ఆమెను సస్పెండ్‌ చేశారు. సస్పెన్షన్‌ కాలంలో డాంగరాపాడా ప్రాథమిక ఆరోగ్య కేంద్రం, ఉమర్‌పాడా తాలూకాలో ఆమె ప్రధాన కార్యాలయంగా నిర్ణయించారు. అనుమతి లేకుండా ప్రైవేటు ఉద్యోగం లేదా వ్యాపారం చేయడం, ప్రధాన కార్యాలయం విడిచి వెళ్లడం నిషేధించారు. ఘటనపై విచారణ పూర్తయిన తర్వాత తదుపరి శాఖాపరమైన చర్యలు తీసుకోనున్నారు. టీకా అనంతరం పిల్లలకు జ్వరం వచ్చే అవకాశం ఉన్నందున సాధారణంగా పారాసిటామాల్‌ ఇస్తారని మంత్రి తెలిపారు. అయితే ఈ ఘటనలో పొరపాటున డయాబెటిస్‌ మందు ఇవ్వడంతో పిల్లలను ఆసుపత్రిలో చేర్చాల్సి వచ్చిందన్నారు. ప్రస్తుతం ఐదుగురు చిన్నారుల ఆరోగ్యం మెరుగుపడుతోందని, వారి పరిస్థితి నిలకడగా ఉందని చెప్పారు. త్వరలోనే వారిని ఆసుపత్రి నుంచి డిశ్చార్జి చేయనున్నారని తెలిపారు.ఇదీ చదవండి: ఎల్‌పీయూలో అర్ధరాత్రి ఉద్రిక్తత.. రెండువేల మంది విద్యర్థుల ఆందోళన!

బెంగళూరు: బ్రెయిన్‌డెడ్‌ అయిన మహిళ అవయవదానం చేయడానికి కుటుంబ సభ్యులు అంగీకరించడం ద్వారా 7 మందికి నూతన జీవితాన్ని ప్రసాదించారు. ఈ సంఘటన ఆనేకల్‌ తాలూకా ద్యావసంద్రలో జరిగింది. వివరాలు.. గ్రామ నివాసి కుసుమ (39) ప్రైవేటు కంపెనీలో పని చేస్తుండేది. భర్త జయశంకర్, ఒక కుమార్తె, ఒక కుమారుడు ఉన్నారు. కుటుంబం అంతా ఎంతో సంతోషంగా ఉన్న సమయంలో ఇంట్లో కుసుమ హఠాత్తుగా కుప్పకూలిపోయింది. వెంటనే ఆమెను బొమ్మసంద్రలోని నారాయణ హెల్త్‌ సిటీ ఆస్పత్రికి తరలించగా వైద్యులు బ్రెయిన్‌డెడ్‌ అయ్యిందని చెప్పారు. ఇక ఆమె జీవించే మార్గం లేదని తెలిపారు. వైద్యుల సలహా మేరకు కుటుంబ సభ్యులు అవయవదానం చేయడానికి నిర్ణయించారు. కుసుమ కళ్లు, గుండె, లివర్, కిడ్నీ తదితర అవయవాలను సేకరించి, వివిధ జబ్బులతో బాధపడుతున్న 7 లేదా 8 మందికి అమర్చి ఆరోగ్యకర జీవితాన్నిచ్చారు. కుసుమ కుటుంబసభ్యుల త్యాగాన్ని అందరూ అభినందించారు.

కర్ణాటక: వంటనూనె ధరలు బాగా మండిపోతున్నాయి. ఇలాంటి వేళ రోడ్డుపై ఫ్రీగా నూనె ప్యాకెట్లు దొరికితే అంతకంటే ఆనందం ఏముంటుంది?, నూనె ప్యాకెట్ల లోడ్‌తో వెళ్తున్న లారీ బోల్తాపడగా ప్యాకెట్లు చెల్లాచెదురుగా పడిపోయాయి. రోడ్డు మీద వెళ్తున్న వాహనదారులు ఇదే చాన్సంటూ ఎగబడి ఎత్తుకుపోయారు. ఈ ఘటన బెంగళూరు–మైసూరు ఎక్స్‌ప్రెస్‌ వేలో శుక్రవారం జరిగింది. లారీ అదుపుతప్పి పక్కకు పడిపోగా నూనె ప్యాకెట్లు విసిరేయబడ్డాయి. కార్లలో వెళ్తున్న వారు కూడా ఆపి దొరికినన్ని ప్యాకెట్లను డిక్కీల్లో నింపుకున్నారు. ఎక్స్‌ప్రెస్‌ వేలో బైక్‌లు, ఆటోలకు ప్రవేశం ఉండదు, దీంతో కార్లలో వెళ్తున్నవారు పండగ చేసుకున్నారు. బస్సుల్లో వెళ్తూ ఈ దృశ్యాలను చూసిన మహిళా ప్రయాణీకులు అన్నా బస్సు ఆపండన్నా అని డ్రైవర్లను వేడుకోవడం వీడియోలలో కనిపించింది. ఖరీదైన కార్లలో వెళ్లే వారు కూడా ఉచిత నూనె కోసం తంటాలు పడ్డారు.ఇదీ చదవండి: నటుడు కార్తీ సంచలన వ్యాఖ్యలు

జలంధర్‌: పంజాబ్‌లోని జలంధర్‌లో గల లవ్లీ ప్రొఫెషనల్ యూనివర్సిటీలో శనివారం అర్ధరాత్రి సుమారు 2 వేల మంది విద్యార్థులు ఆందోళనకు దిగారు. ఓ విద్యార్థినిపై అత్యాచారం జరిగిందని, అనంతరం ఆమె ఆత్మహత్య చేసుకుందని సామాజిక మాధ్యమాల్లో ప్రచారం జరగడంతో ఈ నిరసనలు మొదలయ్యాయి. అయితే ఈ ఆరోపణలకు ఇప్పటివరకు ఎలాంటి ఆధారాలు లభించలేదని, పోలీసులకు ఎలాంటి ఫిర్యాదు కూడా అందలేదని ఎస్‌ఎస్‌పీ గౌరవ్ తూరా తెలిపారు.విద్యార్థులు గర్ల్స్ హాస్టల్ సమీపంలో ఆందోళన ప్రారంభించి అనంతరం క్యాంపస్‌లో విధ్వంసానికి పాల్పడ్డారు. కిటికీల అద్దాలు పగులగొట్టి, ఇటుకలు, కుండీలు విసిరారు. కొన్ని భవనాలకు నిప్పు పెట్టారు. జాతీయ రహదారిని కూడా కొంతసేపు దిగ్బంధించారు. ప్రస్తుతం పరిస్థితి అదుపులోకి వచ్చిందని పోలీసులు తెలిపారు.వైరల్ సందేశం ఆధారంగానే విద్యార్థుల్లో ఆగ్రహం చెలరేగిందని పోలీసులు పేర్కొన్నారు. కొందరు విద్యార్థులు ఆత్మహత్య జరిగిందని, మరికొందరు అత్యాచారం జరిగిందని పేర్కొన్నారని తెలిపారు. అయితే ఇప్పటివరకు ఘటనను నిర్ధారించే ఆధారాలు ఏవీ లభించలేదని స్పష్టం చేశారు. మరోవైపు యూనివర్సిటీ ఆస్తులకు భారీగా నష్టం కలిగించిన ఘటనపై పోలీసులు దృష్టి సారించారు.ఇదీ చదవండి: బిగ్‌బాస్ నటి బరితెగింపు.. వైద్యునిపై దాడి, కారు అపహరణ

పూణే: మహారాష్ట్రలోని పుణేలో మాజీ వైద్యాధికారి డాక్టర్ విద్యాధర్ గైక్వాడ్‌పై దాడి, బెదిరింపుల కేసులో ‘బిగ్‌బాస్ మరాఠీ’ నటి, రీల్ స్టార్ దివ్యా షిండేపై ఫిర్యాదు నమోదైంది. రూ.5 లక్షలు ఇవ్వాలని డిమాండ్ చేస్తూ తనను బెదిరించారని, అనంతరం 10 మంది తన ఇంట్లోకి చొరబడి దాడి చేశారని వైద్యుడు ఆరోపించారు. పుణే కంటోన్మెంట్ బోర్డు మాజీ చీఫ్ మెడికల్ ఆఫీసర్ డాక్టర్ విద్యాధర్ గైక్వాడ్ ఫిర్యాదు ప్రకారం.. ఆగస్టు నుంచి కొందరు వ్యక్తులు ఆయనకు ఫోన్ చేసి రూ.5 లక్షలు ఇవ్వాలని డిమాండ్ చేశారు. ఓ కార్యక్రమాన్ని ప్రమోట్ చేయడానికి ఆ మొత్తాన్ని చెల్లించాలని కోరినట్లు ఫిర్యాదులో పేర్కొన్నారు.సెప్టెంబర్ 17న దివ్యా షిండే కొందరితో కలిసి తన ఇంటికి వచ్చిందని గైక్వాడ్ ఆరోపించారు. ఆ తర్వాత సెప్టెంబర్ 23న తనను ఓ హోటల్‌కు పిలిపించి మరోసారి డబ్బులు డిమాండ్ చేశారని తెలిపారు. డబ్బులు ఇవ్వకపోతే ఇంటికి గూండాలను పంపి కొడతామని బెదిరించినట్లు ఫిర్యాదులో పేర్కొన్నారు. సెప్టెంబర్ 24 రాత్రి దివ్యా షిండేతో పాటు 10 మంది బలవంతంగా తన ఇంట్లోకి ప్రవేశించారని వైద్యుడు ఆరోపించారు. అనంతరం తనపై దాడి చేశారని తెలిపారు. ముఖం, పొట్ట, వీపుపై పిడిగుద్దులు కొడుతూ, కాళ్లతో తన్నారని ఫిర్యాదులో పేర్కొన్నారు.దాడి సమయంలో పదునైన ఆయుధాలు, కర్రలు, బెల్టులు, ఇనుప వస్తువులను కూడా ఉపయోగించారని గైక్వాడ్ ఆరోపించారు. తాను పక్షవాతంతో బాధపడుతున్నానని చెప్పి, వదిలేయాలని వేడుకున్నప్పటికీ దాడి ఆపలేదని పేర్కొన్నారు. ఈ ఘటనలో ఆయన తలకు తీవ్ర గాయం కాగా కుట్లు వేయాల్సి వచ్చిందని సమాచారం. వైద్యుడిపై దాడి చేసిన అనంతరం ఇంట్లోని వస్తువులను ధ్వంసం చేశారని, రూ.5 లక్షలు వసూలు చేయడంలో విఫలమైన తర్వాత ఆయన కారును తీసుకెళ్లారని ఫిర్యాదులో పేర్కొన్నారు. దివ్యా షిండే, అన్నా ధమ్ధేరేతో పాటు మరో ఏడుగురిపై కాలేపాడల్ పోలీసులు వివిధ సెక్షన్ల కింద కేసు నమోదు చేశారు. దివ్యా షిండే ఈ ఏడాది ‘బిగ్‌బాస్ మరాఠీ 6’లో పాల్గొన్నారు. రెల్స్ ద్వారా ఆమెకు గుర్తింపు వచ్చింది.ఇదీ చదవండి: అగాధం అంచున ప్రపంచం: జైశంకర్ హెచ్చరిక!

బెంగళూరు: హాసన్‌ జిల్లా చన్నరాయపట్టణ తాలూకా చిక్కనాయకనహళ్లికి చెందిన నవ వివాహిత ప్రియాంక (27) అదృశ్యం కేసు విషాదాంతమైంది. 8 రోజుల తరువాత ఆమె మృతదేహం శ్రావణ బెళగొళ దగ్గర హేమావతి కాలువలో తేలింది. వివరాలు.. ఈ నెల 19న రాత్రి సన్నరాయపట్టణ తాలూకా చిక్కనాయకనహళ్లిలో భార్యాభర్తలు రాజశేఖర్, ప్రియాంక ఊరి శివార్లలోని కాలువ దగ్గరకెళ్లారు. అక్కడ గొడవ జరిగిందని, ఆమే కాలువలోకి దూకేసిందని భర్త చెబుతున్నాడు. అయితే భర్తే ప్రియాంకను నీటిలోకి తోసేసినట్లు ప్రియాంక కుటుంబసభ్యులు ఆరోపిస్తున్నారు. ఆమెకు ఈత వస్తుందని చెప్పారు. అప్పటి నుంచి పోలీసులు, ఫైర్‌ సిబ్బంది గాలింపు చేపట్టారు. కాలువలో వెతుకుతూ వెళ్లగా లోతుగా ఉన్నచోట మృతదేహం లభించింది. శ్రావణ బెళగొళ పోలీసులు కేసు నమోదు చేశారు. ప్రియాంకకు మొదటే పెళ్లయిందని, అది దాచి తనతో రెండవ పెళ్లి చేశారనే కోపంతో రాజశేఖర్‌ ఆమెను హత్య చేశాడని మృతురాలి కుటుంబీకులు ఆరోపించారు.

టైర్ ఒక్కసారిగా పేలింది.. క్షణాల్లో ఫార్చ్యూనర్ అదుపుతప్పింది.. రోడ్డుపై పాము మాదిరిగా స్కిడ్‌ అవుతూ దూసుకెళ్లింది.. చివరకు రోడ్డు పక్కనున్న స్తంభాన్ని బలంగా ఢీకొట్టింది. ఊహించని ఈ ప్రమాదంలో బులంద్‌షహర్‌ బీజేపీ ఎమ్మెల్యే చంద్రపాల్ సింగ్ లోధీ గాయపడ్డారు. గంగా ఎక్స్‌ప్రెస్‌వేపై జరిగిన ఈ ఘటనకు సంబంధించిన సీసీటీవీ దృశ్యాలు ప్రస్తుతం వైరల్‌గా మారాయి.ఈ ఘటనకు సంబంధించిన వివరాలు ఇలా ఉన్నాయి. ఉత్తరప్రదేశ్‌లోని బులంద్‌షహర్‌ ఎమ్మెల్యే చంద్రపాల్ సింగ్ లోధీ ఫార్చ్యూనర్‌లో ప్రయాణిస్తున్నారు. సియానా ప్రాంతంలో గంగా ఎక్స్‌ప్రెస్‌వేపై వెళ్తుండగా ఒక్కసారిగా వాహనం టైర్‌ పేలిపోయింది. దీంతో డ్రైవర్‌ వాహనాన్ని అదుపులోకి తీసుకురాలేకపోయాడు. ఫార్చ్యూనర్‌ వేగంగా స్కిడ్‌ అవుతూ రోడ్డుపక్కకు దూసుకెళ్లి స్తంభాన్ని ఢీకొట్టింది. ఈ ప్రమాదంలో ఎమ్మెల్యే చంద్రపాల్ సింగ్ లోధీతో పాటు మరో వ్యక్తికి గాయాలయ్యాయి. వెంటనే వారిని హాపూర్‌లోని ఓ ప్రైవేట్‌ ఆస్పత్రికి తరలించారు. ప్రస్తుతం ఇద్దరికీ చికిత్స కొనసాగుతోంది.కెమెరాకు చిక్కిన ప్రమాదం..ఈ ప్రమాదానికి సంబంధించిన సీసీటీవీ దృశ్యాలు వెలుగులోకి వచ్చాయి. ఫార్చ్యూనర్‌ ఒక్కసారిగా అదుపుతప్పి రోడ్డుపై స్కిడ్‌ అవుతూ స్తంభాన్ని ఢీకొట్టిన దృశ్యాలు అందులో స్పష్టంగా కనిపిస్తున్నాయి. ప్రమాదం ఎంత వేగంగా జరిగిందో ఈ వీడియో చూస్తే అర్థమవుతోంది. మరోవైపు ఉత్తరప్రదేశ్‌లో భారీ వర్షాలు కురుస్తుండటంతో గంగా ఎక్స్‌ప్రెస్‌వేపై పలు ప్రాంతాల్లో నీరు నిలిచిపోయింది. ఉన్నావ్‌లోని సోనిక్ టోల్ ప్లాజా వద్ద పరిస్థితి తీవ్రంగా మారింది. దాదాపు 36 గంటలుగా అడపాదడపా వర్షాలు కురుస్తుండటంతో టోల్ ప్లాజా పరిసరాలు జలమయమయ్యాయి. కొన్ని ప్రాంతాల్లో 5 నుంచి 6 అడుగుల మేర నీరు నిలిచినట్లు సమాచారం. టోల్ క్యాబిన్లు పూర్తిగా నీట మునిగాయి. అలాగే, నీరు ఇంజిన్‌లోకి చేరడంతో వాహనం దెబ్బతిన్నట్లు తెలుస్తోంది.BJP MLA Chandrapal Singh Lodhi filming a scene from the Fast & Furious movie on the Ganga Expressway pic.twitter.com/jJvsPXfcK3— Brajmani Yadav (@BrajmaniYadav) September 26, 2026నీటిని తోడేందుకు చర్యలు..నీటిని బయటకు పంపేందుకు ఎక్స్‌ప్రెస్‌వే నిర్వహణ సంస్థ మూడు జనరేటర్లను ఏర్పాటు చేసింది. ట్రాక్టర్ల సాయంతో జనరేటర్లను నడుపుతూ నీటిని తొలగిస్తున్నారు. సర్వీస్ రోడ్డు సమీపంలో జేసీబీతో గుంత తవ్వి టోల్ ప్లాజా వద్ద నిలిచిన నీటిని మళ్లించే ప్రయత్నం చేస్తున్నారు. అయినప్పటికీ గంటల తరబడి ప్రయత్నాలు కొనసాగుతున్నా నీటిమట్టం పెద్దగా తగ్గలేదని సమాచారం. దీంతో ఉన్నావ్‌ నుంచి ప్రయాగ్‌రాజ్‌ వైపు వెళ్లే వాహనదారులు నీటిమట్టం తగ్గే వరకు వేచి చూస్తున్నారు. టోల్ ప్లాజా వద్ద వాహనాలు నీటిలో చిక్కుకుపోతాయన్న ఆందోళన ప్రయాణికుల్లో నెలకొంది.ఇదీ చదవండి: ఎన్నికల వేళ బీజేపీకి బిగ్‌ షాక్‌

ఉత్తరప్రదేశ్‌ను నాలుగు రాష్ట్రాలుగా విభజిస్తారా? ఇప్పుడు దేశవ్యాప్తంగా ఆసక్తి రేపుతున్న ప్రశ్న ఇదే. ఉత్తరప్రదేశ్ మంత్రి, సుహేల్‌దేవ్ భారతీయ సమాజ్ పార్టీ నేత ఓం ప్రకాశ్ రాజ్‌భర్ చేసిన సంచలన ప్రకటనతో ఈ అంశం మరోసారి తెరపైకి వచ్చింది. త్వరలో ఉత్తరప్రదేశ్ నాలుగు భాగాలుగా విడిపోతుందని, తూర్పాంచల్‌కు ‘రాజ్‌భర్’ ముఖ్యమంత్రి అవుతారని కూడా ఆయన చెప్పడం రాజకీయ వర్గాల్లో చర్చకు దారితీసింది. అయితే ఇది వాస్తవంగా అమలులోకి రావాలంటే రాజ్యాంగపరమైన ప్రక్రియ జరగాల్సి ఉంటుంది.రాజ్‌భర్ ప్రకటనతో మళ్లీ చర్చఇటీవల అంబేడ్కర్‌నగర్‌లో నిర్వహించిన బహిరంగ సభలో ఓం ప్రకాశ్ రాజ్‌భర్ ఉత్తరప్రదేశ్ విభజనపై మాట్లాడారు. ఈ అంశంపై ప్రధాని నరేంద్ర మోదీతో తాను మాట్లాడినట్లు ఆయన తెలిపారు. కుల గణన పూర్తయిన తర్వాత రాష్ట్ర విభజనపై ముందుకు వెళ్లవచ్చని ప్రధాని తనకు హామీ ఇచ్చినట్లు రాజ్‌భర్ పేర్కొన్నారు. అయితే ఉత్తరప్రదేశ్ బీజేపీ వర్గాలు మాత్రం రాజ్‌భర్ వ్యాఖ్యలను ఎన్నికల రాజకీయాల్లో భాగంగా చూస్తున్నాయి. కార్యకర్తలకు తాను ముఖ్యమంత్రి కావచ్చనే సందేశాన్ని, తన వర్గాలకు అధికారంలో భాగస్వామ్యం లభించవచ్చనే సంకేతాన్ని ఇవ్వడానికే ఆయన ఈ వ్యాఖ్యలు చేసి ఉండవచ్చని ఆ వర్గాలు భావిస్తున్నాయి.మాయావతి హయాంలోనే ప్రతిపాదనఉత్తరప్రదేశ్‌ను విభజించాలనే డిమాండ్ ఇప్పటిది కాదు. 2007 నుంచి 2012 వరకు ముఖ్యమంత్రిగా ఉన్న మాయావతి కూడా రాష్ట్రాన్ని చిన్న రాష్ట్రాలుగా విభజించాలని కోరారు. 2011 నవంబర్‌లో ఆమె ప్రభుత్వం శాసనసభలో ఒక తీర్మానం ఆమోదించింది. ఉత్తరప్రదేశ్‌ను తూర్పాంచల్, బుందేల్‌ఖండ్, అవధ్ ప్రదేశ్, పశ్చిమప్రదేశ్ అనే నాలుగు రాష్ట్రాలుగా విభజించాలని అందులో ప్రతిపాదించారు. ఉత్తరప్రదేశ్ చాలా పెద్ద రాష్ట్రం కావడంతో పరిపాలన నిర్వహించడం, అన్ని ప్రాంతాలకు సమానంగా అభివృద్ధి అందించడం కష్టమవుతోందని అప్పటి ప్రభుత్వం వాదించింది. చిన్న రాష్ట్రాలతో పాలన మెరుగుపడి అభివృద్ధి వేగవంతమవుతుందని పేర్కొంది. ఈ ప్రతిపాదనను కేంద్రానికి పంపినప్పటికీ, 2012లో సమాజ్‌వాదీ పార్టీ ప్రభుత్వం ఏర్పడిన తర్వాత అది ముందుకు సాగలేదు.విభజన వెనుక రాజకీయ లెక్కలేంటి?మాయావతి ప్రభుత్వానికి రాష్ట్ర విభజన ప్రతిపాదన రాజకీయంగా కూడా ఉపయోగపడే అవకాశం ఉందనే విశ్లేషణలు ఉన్నాయి. ప్రతిపాదిత నాలుగు రాష్ట్రాల్లో దళిత జనాభా గణనీయంగా ఉంటుందని, దీని వల్ల బహుజన్ సమాజ్ పార్టీ నాలుగు ప్రాంతాల్లోనూ రాజకీయంగా బలపడే అవకాశం ఉండేదని అప్పట్లో చర్చ జరిగింది. మొత్తం ఉత్తరప్రదేశ్‌లో షెడ్యూల్డ్ కులాల జనాభా సుమారు 21 శాతం. మరోవైపు సమాజ్‌వాదీ పార్టీకి ప్రధాన ఆధారంగా భావించే యాదవుల ప్రభావం రాష్ట్రంలోని అన్ని ప్రాంతాల్లో ఒకేలా లేదు. పశ్చిమ ప్రాంతంలోని ఎటా-మైన్‌పురి-ఇటావా-ఫిరోజాబాద్ ప్రాంతంతో పాటు తూర్పు ఉత్తరప్రదేశ్‌లోని జౌన్‌పూర్, ఆజమ్‌గఢ్, ఘాజీపూర్, మౌ పరిసరాల్లో వారి ప్రభావం ఎక్కువగా ఉందని విశ్లేషణలు పేర్కొన్నాయి. విభజన జరిగితే రాజకీయపరంగా బలమైన ఈ ప్రాంతాలు వేర్వేరు రాష్ట్రాల్లోకి వెళ్లే అవకాశం ఉంటుంది.పశ్చిమ యూపీకీ ప్రత్యేక రాష్ట్ర డిమాండ్పశ్చిమ ఉత్తరప్రదేశ్‌ను ప్రత్యేక రాష్ట్రంగా ఏర్పాటు చేయాలనే డిమాండ్ కూడా చాలా కాలంగా ఉంది. జాతీయ లోక్‌దళ్ నేత అజిత్ సింగ్ పశ్చిమ ఉత్తరప్రదేశ్‌కు ప్రత్యేక రాష్ట్రం కావాలని కోరారు. ప్రతిపాదిత రాష్ట్రాన్ని ‘హరిత ప్రదేశ్’గా పిలవాలనే డిమాండ్ కూడా ఉంది. ఈ ప్రాంతంలో జాట్ జనాభా ప్రభావవంతంగా ఉండటంతో ప్రత్యేక రాష్ట్రం ఏర్పడితే ఆ వర్గానికి రాజకీయ ప్రాధాన్యం పెరిగే అవకాశం ఉందనే రాజకీయ విశ్లేషణలు ఉన్నాయి. మరోవైపు బీజేపీకి కూడా ఉత్తరప్రదేశ్ విభజన సులభమైన నిర్ణయం కాదనే అభిప్రాయం ఉంది. దేశంలో అత్యధిక జనాభా కలిగిన రాష్ట్రానికి ముఖ్యమంత్రిగా ఉండటం యోగి ఆదిత్యనాథ్ రాజకీయ బలంలో ఒక భాగం. రాష్ట్రం చిన్న భాగాలుగా విడిపోతే ఆ ప్రత్యేక రాజకీయ ప్రాధాన్యం తగ్గవచ్చు.రాజ్యాంగం ఏం చెబుతోంది?భారత రాజ్యాంగంలోని 3వ అధికరణం ప్రకారం పార్లమెంట్‌కు రాష్ట్రాన్ని విభజించి కొత్త రాష్ట్రాన్ని ఏర్పాటు చేసే అధికారం ఉంది. రాష్ట్ర సరిహద్దులు లేదా పేరు మార్చడం, రెండు రాష్ట్రాలను లేదా వాటి ప్రాంతాలను కలిపి కొత్త రాష్ట్రాన్ని ఏర్పాటు చేయడం కూడా ఈ అధికరణం పరిధిలోకి వస్తాయి. అయితే ఇందుకు ముందుగా రాష్ట్రపతి సిఫార్సు అవసరం. ప్రతిపాదిత బిల్లును సంబంధిత రాష్ట్ర శాసనసభకు అభిప్రాయం కోసం పంపిస్తారు. శాసనసభ నిర్ణీత గడువులో తన అభిప్రాయాన్ని తెలియజేయాలి. అయితే ఆ అభిప్రాయం పార్లమెంట్‌పై తప్పనిసరి కాదు. అంటే రాష్ట్ర శాసనసభ వ్యతిరేకించినా పార్లమెంట్ చట్టం చేయగలదు. దీనికి రాజ్యాంగ సవరణ అవసరం లేదు. పార్లమెంట్‌లోని రెండు సభల్లో సాధారణ మెజారిటీతో బిల్లు ఆమోదం పొందవచ్చు.రాజకీయ సమీకరణాలు మారతాయా?ఉత్తరప్రదేశ్‌కు లోక్‌సభలో 80 స్థానాలు ఉండటంతో కేంద్ర రాజకీయాల్లో ఆ రాష్ట్రానికి ఎంతో ప్రాధాన్యం ఉంది. దేశంలో పూర్తి మెజారిటీతో ప్రభుత్వం ఏర్పాటు చేయాలంటే ఉత్తరప్రదేశ్‌లో రుజువు చేసుకోవడం కీలకంగా భావిస్తారు. రాష్ట్రం నాలుగు భాగాలుగా విడిపోతే ప్రతి కొత్త రాష్ట్రంలో కొత్త రాజకీయ సమీకరణాలు ఏర్పడే అవకాశం ఉంది. ముఖ్యంగా పశ్చిమ ఉత్తరప్రదేశ్‌లోని రోహిల్‌ఖండ్‌లోని గణనీయమైన ముస్లిం జనాభా కొత్త రాజకీయ సమీకరణాలను ప్రభావితం చేయవచ్చు. మరోవైపు జనాభా ఆధారంగా భవిష్యత్‌లో లోక్‌సభ స్థానాల పునర్విభజనపై దక్షిణాది రాష్ట్రాల్లో ఉన్న ఆందోళన కూడా ఈ చర్చతో ముడిపడి ఉంది. అయితే ప్రస్తుతానికి రాజ్‌భర్ ప్రకటన మాత్రమే వెలువడింది. ఉత్తరప్రదేశ్ నిజంగా నాలుగు రాష్ట్రాలుగా విడిపోవాలంటే రాజ్యాంగపరమైన పూర్తి ప్రక్రియను అనుసరించి కేంద్రం, రాష్ట్రపతి, పార్లమెంట్ స్థాయిలో చర్యలు జరగాల్సి ఉంటుంది.ఇదీ చదవండి: దేశంలో వెల్లుల్లి నగరం ఎక్కడుందో తెలుసా?

సాక్షి, న్యూఢిల్లీ: ముస్లిం పర్సనల్‌ లా కింద గుర్తింపు పొందిన వివాహం చేసుకున్నప్పటికీ, 18 ఏళ్ల లోపు వయసున్న మైనర్‌ భార్యతో లైంగిక చర్యకు పాల్పడటం నేరమేనని ఢిల్లీ హైకోర్టు స్పష్టం చేసింది. పర్సనల్‌ లా పేరుతో లైంగిక నేరాల నుంచి పిల్లల రక్షణ చట్టం (పోక్సో), భారతీయ న్యాయ సంహిత (బీఎన్‌ఎస్‌) కింద నమోదైన కేసుల నుంచి రక్షణ పొందలేరని తేల్చిచెప్పింది. ఈ మేరకు జస్టిస్‌ సంజీవ్‌ నరుల తీర్పు వెలువరించారు. మైనర్‌ భార్యతో లైంగిక చర్యకు పాల్పడిన కేసులో నిందితుడిపై బీఎన్‌ఎస్‌ సెక్షన్‌ 64(1), పోక్సో చట్టం సెక్షన్‌ 6 కింద నమోదైన ఎఫ్‌ఐఆర్‌ను రద్దు చేసేందుకు జస్టిస్‌ సంజీవ్‌ నిరాకరించారు. తమపై నమోదైన క్రిమినల్‌ కేసును కొట్టివేయాలని కోరుతూ ఓ జంట దాఖలు చేసిన పిటిషన్‌ను విచారించిన న్యాయమూర్తి పైవ్యాఖ్యలు చేశారు. కేసు నమోదు చేసిన పోలీసు అధికారులపై క్రమశిక్షణా చర్యలు తీసుకోవాలని, వేధింపులకు గురి చేసినందుకు పరిహారం చెల్లించాలని పిటిషనర్లు చేసిన అభ్యర్థనలను కొట్టివేశారు. వైద్య పరీక్షలకు వెళ్లడంతో.. వివాహం జరిగే నాటికి పిటిషనర్లలో భార్య వయసు 16 ఏళ్ల మూడు నెలలు కాగా, ఆమె భర్త వయసు 28 ఏళ్లు. పెళ్లి తర్వాత ఇద్దరూ కలిసున్నారు. ఈ క్రమంలో ఆమె గర్భవతి అయింది. వైద్య పరీక్షల నిమిత్తం ప్రభుత్వ ఆస్పత్రికి వెళ్లిన సమయంలో ఆమె వయసు 18 ఏళ్ల కంటే తక్కువని తేలడంతో వైద్యులు పోలీసులకు సమాచారం ఇచ్చారు. దీంతో పోలీసులు కేసు నమోదు చేశారు. అయితే, తమ వివాహం ఇద్దరి సమ్మతంతో ఇరు కుటుంబాల అంగీకారంతో జరిగిందని పిటిషనర్‌ కోర్టుకు తెలిపింది. తన భర్తకు బెయిలివ్వాలని కోరింది. ముస్లిం పర్సనల్‌ లా ప్రకారం రజస్వల అయిన ముస్లిం బాలిక వివాహానికి అర్హురాలని, తమ వివాహం చట్టబద్ధమే కాబట్టి లైంగిక చర్య నేరంగా పరిగణించరాదని వారు వాదించారు.సమ్మతి ఉన్నా నేరమే పిటిషనర్ల వాదనలను హైకోర్టు తోసిపుచ్చింది. వివాహ సివిల్‌ చట్టబద్ధతకు, మైనర్‌తో లైంగిక చర్యకు సంబంధించిన క్రిమినల్‌ పరిణామాలకు మధ్య ఉన్న వ్యత్యాసాన్ని కోర్టు ఎత్తిచూపింది. ముస్లిం పర్సనల్‌ లా కింద వివాహం చెల్లుబాటైనప్పటికీ, పోక్సో లేదా బీఎన్‌ఎస్‌ చట్టాలకు దానిని మినహాయింపుగా పరిగణించలేమని జస్టిస్‌ సంజీవ్‌ నరుల స్పష్టం చేశారు. ‘వివాహం జరిగినంత మాత్రాన బాలిక వయసు పెరగదు. పెళ్లికి ముందు 16 ఏళ్లు ఉన్న వ్యక్తి వయసు ఆ తర్వాత కూడా 16 ఏళ్లే ఉంటుంది. సమ్మతి తెలిపే చట్టపరమైన సామర్థ్యాన్ని వయసే నిర్దేశిస్తుంది’అని న్యాయమూర్తి వ్యాఖ్యానించారు.

సాక్షి, న్యూఢిల్లీ: అక్రమంగా ఇంటర్నెట్‌ ద్వారా జరిగే ‘డార్క్‌వెబ్‌’ చీకటి వ్యాపార సామ్రాజ్యంలో రెండు సైబర్‌ ముఠాల మధ్య ఆధిపత్య పోరు ఇప్పుడు సాధారణ సంస్థలకు ముఖ్యంగా భారతీయ సంస్థలకు సైబర్‌ ముప్పుగా పరిణమిస్తోందని ఆందోళనలు వ్యక్తమవుతున్నాయి. భారీ మోసాలు చేస్తూ పెద్ద ముఠాలుగా పేరుమోసిన షైనీహంటర్స్, క్లాప్‌(సీఎల్‌ఓïపీ) సైబర్‌ నేరముఠాల మధ్య కొంతకాలంగా కొనసాగుతున్న విభేదాలు తాజాగా బహిర్గమయ్యాయి. ఇటీవల క్లాప్‌కు చెందిన కీలక వెబ్‌సైట్‌ను షైనీహంటర్స్‌ హైజాక్‌ చేసినట్లు తాజాగా వెల్లడైంది. ఈ నేపథ్యంలో భారత్‌లోని కార్పొరేట్‌ సంస్థల డేటా భద్రతపైనా ఆందోళనలు వ్యక్తమవుతున్నాయి. సాఫ్ట్‌వేర్‌లో ఉన్న లోపాన్ని ఆ మాతృసంస్థ గుర్తించి సరిచేసేలోపే హ్యాకర్లు దానిని కనిపెట్టి దుర్వినియోగంచేయడాన్ని జీరో డే అంటారు. 2026లో ‘ఓరాకిల్‌ పీపుల్‌ సాఫ్ట్‌’లోని ఒక కీలక లోపాన్ని ‘షైనీ హంటర్స్‌’ ఇలాగే దుర్వినియోగం చేసినట్లు ‘గూగుల్‌ థ్రెట్‌ ఇంటిలెజెన్స్‌’ వెల్లడించింది. ఈ విషయంలో వందకుపైగా సంస్థలను ముందుగానే హెచ్చరించినట్లు ప్రముఖ సైబర్‌ సెక్యూరిటీ సంస్థ ‘మాండియేంట్‌’ పేర్కొది. ప్రపంచవ్యాప్తంగా పెద్ద సంస్థలు వినియోగించే ఎంటర్‌ప్రైజ్‌ సాఫ్ట్‌వేర్‌లోని లోపాలను సైబర్‌ ముఠాలు లక్ష్యంగా చేసుకుంటున్నాయి. ముఖ్యంగా ‘ఓరాకిల్‌ పీపుల్‌ సాఫ్ట్‌’లోని కీలక లోపాన్ని ఉపయోగించి ‘షైనీ హంటర్స్‌’ వందకుపైగా సంస్థలను లక్ష్యంగా చేసుకున్నట్లు ‘గూగుల్‌ థ్రెట్‌ ఇంటెలిజెన్స్‌’ తెలిపింది. మొదటి దశలో ఎక్కువగా అమెరికా విద్యా సంస్థలు లక్ష్యంగా ఉన్నప్పటికీ, తాజా దాడుల్లో టెక్నాలజీ, ఐటీ సేవలు, ఆరోగ్యం, వ్యవసాయం, రవాణా, ప్రభుత్వ రంగ సంస్థల వరకూ లక్ష్యం విస్తరించినట్లు వెల్లడించింది. దీంతో అంతర్జాతీయంగా కార్యకలాపాలు నిర్వహిస్తున్న భారతీయ కంపెనీలకూ ఈ దాడి బెడద దాపురించినట్లు వార్తలొచ్చాయి. ఒరాకిల్‌ లోపమే వివాదానికి కేంద్రం? ఓరాకిల్‌ ఈ–బిజినెస్‌ సూట్‌(ఈబీఎస్‌)పై జరిగిన సైబర్‌ దాడుతో ఈ పోరు మొదలైందని షైనీ హంటర్స్‌ ముఠా వెల్లడించిది. గత ఏడాది ఒరాకిల్‌పై ‘క్లాప్‌’ దాడిచేసిందని, ఒరాకిల్‌పై దాడికి క్లాప్‌ దుర్వినియోగం చేసి లోపాన్ని తొలుత తామే గుర్తించామని షైనీ హంటర్స్‌ వాదించింది. ‘షైనీ హంటర్స్‌’ ముఠా కార్పొరేట్‌ సమాచారం, ఉద్యోగులు లేదా వినియోగదారులకు సంబంధించిన డేటా, అంతర్గత సమాచారాన్ని దొంగిలించి ఆ తర్వాత వాటిని బహిర్గతం చేస్తామని బెదిరిస్తూ డబ్బు డిమాండ్‌ చేస్తుందని ‘గూగుల్‌ థ్రెట్‌ ఇంటెలిజెన్స్‌’ హెచ్చరించింది. 2026లో ఈ ముఠా ఫిషింగ్, ఉద్యోగుల ఆధారాలను దొంగిలించడం, ‘సాస్‌’ ఖాతాల్లోకి చొరబడటం వంటి నేరాలు చేసింది.సైబర్‌ భద్రత కోసం పాటించాల్సిన కీలక సూచనలు...→ ప్రతి ఆన్‌లైన్‌ ఖాతాకు ప్రత్యేకమైన, బలమైన పాస్‌వర్డ్‌ను ఏర్పాటు చేసుకోవాలి. ఒకే పాస్‌వర్డ్‌ను వివిధ ఖాతాలకు ఉపయోగించకూడదు. పాస్‌వర్డ్‌తో పాటు అదనపు భద్రతా పొరను అందించే మల్టీ–ఫ్యాక్టర్‌ ఆథెంటికేషన్‌ (Mఊఅ)ను అన్ని ముఖ్యమైన ఖాతాల్లో యాక్టివేట్‌ చేసుకోవాలి → మొబైల్‌ లేదా కంప్యూటర్‌ ఆపరేటింగ్‌ సిస్టమ్, యాప్స్, బ్రౌజర్లు, సెక్యూరిటీ సాఫ్ట్‌వేర్‌లను క్రమం తప్పకుండా అప్‌డేట్‌ చేయాలి → ముఖ్యమైన ఫొటోలు, డాక్యుమెంట్లు, ఫైళ్లను క్రమం తప్పకుండా సురక్షితమైన క్లౌడ్‌ స్టోరేజ్‌ లేదా ఆఫ్‌లైన్‌ పరికరాల్లో బ్యాకప్‌ చేసుకోవాలి → యాంటీవైరస్, ఎండ్‌పాయింట్‌ ప్రొటెక్షన్‌ వంటి భద్రతా సాధనాలను యాక్టివ్‌గా ఉంచి, వాటిని ఎప్పటికప్పుడు అప్‌డేట్‌ చేయాలి → వై–ఫైకి బలమైన పాస్‌వర్డ్‌ పెట్టుకోవాలి. భద్రత లేని పబ్లిక్‌ వై–ఫై నెట్‌వర్క్‌లను ఉపయోగించేటప్పుడు అప్రమత్తంగా ఉండాలి → తెలియని లాగిన్‌లు, అనుమానాస్పద పాప్‌అప్‌లు, గుర్తుతెలియని లావాదేవీలు లేదా సిస్టమ్‌లో అసాధారణ మార్పులు కనిపిస్తే వెంటనే స్పందించి సంబంధిత సంస్థలకు ఫిర్యాదు చేయాలి. → ఫిషింగ్, సోషల్‌ ఇంజినీరింగ్, నకిలీ గుర్తింపుల ద్వారా సైబర్‌ నేరగాళ్లు ప్రజలను మోసం చేసే అవకాశం ఉంది. అందుకే ఏ సమాచారం లేదా వ్యక్తిని నమ్మే ముందు ఒకటికి రెండుసార్లు ఆలోచించాలి. – సందీప్‌ ముదల్కర్, సైబర్‌ సెక్యురిటీ, ఫోరెన్సిక్‌ నిపుణుడు

న్యూఢిల్లీ: ఆరోపణల సుడిగుండంలో చిక్కుకున్న సీఈసీ జ్ఞానేశ్‌కుమార్‌పై రిటైర్డ్‌ ఐఏఎస్‌ అధికారి, కేరళ మాజీ ప్రభుత్వ ప్రధాన కార్యదర్శి జిజి థామ్సన్‌ సంచలన ఆరోపణలు చేశారు. 2016లో ఇద్దరూ ఐఏఎస్‌ అధికారులుగా కొనసాగుతున్న కాలంలో థామ్సన్, జ్ఞానేశ్‌ ఢిల్లీకి ఒక విమానంలో వెళ్లేటప్పుడు జరిగిన సంభాషణను థామ్సన్‌ గుర్తుచేసుకున్నారు. ‘‘ఐఏఎస్‌గా రిటైర్‌ అయ్యాక ఏం చేస్తావని జ్ఞానేశ్‌ అడిగారు. చిన్నారుల సర్వతోముఖాభివృద్ధికి సంబంధించిన ప్రాజెక్టులపై పనిచేస్తా అని చెప్పా. అలా చేయొద్దు. మూడేళ్లలో ఎన్నికలు రాబోతున్నాయి. కేరళలోని పత్తనంథిట్ట నుంచి బీజేపీ తరఫున ఎంపీగా పోటీచెయ్యి. గెలిస్తే మంత్రి కూడా అయిపోవచ్చు’’అని ఆయన సూచించారని థామ్సన్‌ తెలిపారు. తనకు రాజకీయాలు అంటే ఇష్టంలేదు అని ఆనాడే ఆయనకు చెప్పేశానని గుర్తుచేసుకున్నారు. ‘‘నేనైతే రిటైర్‌ అయ్యాక ఎంపీగా పోటీచేస్తా. గెలిస్తే కేంద్ర మంత్రిని అవుతా’’అని జ్ఞానేశ్‌ తనతో చెప్పారని థామ్సన్‌ వెల్లడించారు. థామ్సన్‌ 1988 బ్యాచ్‌ ఐఏఎస్‌ అధికారి. థామ్సన్‌ ఆరోపణలపై కాంగ్రెస్‌ అగ్రనేత రాహుల్‌ స్పందించారు. ‘‘ఈ లెక్కన ఆనాడు ఐఏఎస్‌గా ఉన్న జ్ఞానేశ్‌ను బీజేపీ తమ తదుపరి ఎన్నికల అభ్యర్థుల రిక్రూట్‌ ప్రక్రియ కోసం ఉపయోగించుకుంది. అందుకు తమకు సాయపడిన జ్ఞానేశ్‌ను ఇప్పుడు సీఈసీ పదవిలో షా, మోదీ ద్వయం కూర్చోబెట్టారు. అలా భారత్‌లో మ్యాచ్‌ ఫిక్సింగ్‌ ఎన్నికలకు ఇన్‌చార్జ్‌గా మార్చేశారు’’అని ఆరోపించారు. థామ్సన్‌ 2024 జనవరిలో రిటైర్‌ అయ్యారు.

సాక్షి, న్యూఢిల్లీ: కేంద్ర ఎన్నికల సంఘంతో పాటు ఓటరు జాబితాల ప్రత్యేక సమగ్ర సవరణ (సర్‌)పై ఆందోళనను మరింత ఉధృతం చేసేందుకు విపక్షాలు సిద్ధమవుతున్నాయి. ఈ అంశంపై ఉమ్మడి కార్యాచరణ రూపొందించేందుకు ఇండియా కూటమి పార్టీలు 30న ఢిల్లీలో సమావేశం కానున్నాయి. ఈసీ తీసుకున్న పలు కీలక నిర్ణయాలు, సర్‌ విషయంలో జారీ చేసిన ఆదేశాల విషయంలో సీఈసీ జ్ఞానేశ్‌కుమార్‌తో, ఇద్దరు ఈసీలు సుఖ్‌బీర్‌ సింగ్‌ సంధు, వివేక్‌ జోషి విభేదించారంటూ మీడియాలో వ చ్చిన కథనాలు తీవ్ర దుమారం రేపడం తెల్సిందే. ఈ నేపథ్యంలో జరుగుతున్న విపక్ష ఇండియా కూటమి భేటీకి ప్రాధాన్యం ఏర్పడింది. ఏకమైన వైరి పక్షాలు ఈసీ వ్యవహారంపై అనుసరించాల్సిన వ్యూహంపై చర్చించేందుకు కాంగ్రెస్‌ వర్కింగ్‌ కమిటీ (సీడబ్ల్యూసీ) ఈ నెల 29న సమావేశం కానుంది. మరుసటి రోజే ఇండియా కూటమి భేటీ జరగనుంది. ఈ సమావేశంలో ఈసీ వైఖరి, సర్‌లో అవకతవకలు వంటి అంశాలపై ఉమ్మడి వైఖరి, పార్లమెంట్‌లో అనుసరించాల్సిన వ్యూహం, న్యాయపరమైన మార్గాలపై ఈ పార్టీలు చర్చించనున్నట్లు సమాచారం. కాంగ్రెస్‌తోపాటు సీపీఎం, సీపీఐ, సీపీఐ(ఎంఎల్‌)–లిబరేషన్‌ పార్టీలు సీఈసీ జ్ఞానేశ్‌కుమార్‌ను తొలగించాలని, ఎస్‌ఐఆర్‌ ప్రక్రియను నిలిపివేయాలని ఇప్పటికే డిమాండ్‌ చేశాయి. ఈ విషయంలో జ్ఞానేశ్‌కుమార్‌ రాజీనామా చేయాలని కాంగ్రెస్‌ నేత రాహుల్‌ గాంధీ డిమాండ్‌ చేస్తున్నారు కూడా. టీఎంసీ అధినేత్రి మమతా బెనర్జీ తొలినుంచీ ఈసీ వైఖరిపై గుర్రుగా ఉన్నారు. ఆమె కూడా ఇండియా కూటమితో కలిసి పోరాటానికి సిద్ధమయ్యారు. టీఎంసీ గుర్తింపు, పార్టీ గుర్తు విషయంలో ఏసీ ఏకపక్ష వైఖరిని ఆమె తీవ్ర స్థాయిలో «ధ్వజమెత్తుతున్నారు. రాజకీయ ప్రత్యర్థులైన టీఎంసీ, సీపీఎం ఈసీ విషయంలో ఒకే వైఖరితో ముందుకు రావడం మరో కీలక పరిణామం. సీపీఎం ప్రధాన కార్యదర్శి ఎంఏ బేబీ విపక్ష నేతలకు ఈసీ వ్యవహారంపై లేఖ రాయడంతోపాటు మమతా బెనర్జీతో మాట్లాడినట్లు సమాచారం. ఈ అంశంలో సమన్వయంతో కూడిన చర్యలు అవసరమని మమత అంగీకరించినట్లు సీపీఎం వర్గాలు తెలిపాయి. ఇప్పటికే పలుపార్టీలు ఈ అంశంలో సుప్రీంకోర్టును ఆశ్రయించగా, న్యాయపరమైన ప్రక్రియలో భాగంగా మారేందుకు ఇతర పక్షాలు సైతం సిద్ధమవుతున్నాయి. కూటమి భేటీ అనంతరం అక్టోబర్‌ 2న అంతా కలిసి రాష్ట్రపతిని కలిసేందుకు విపక్షాలు సిద్ధమవుతున్నట్లు సమాచారం.

న్యూఢిల్లీ: ఓటర్ల జాబితా ప్రత్యేక సమగ్ర సవరణ(సర్‌)పై ప్రజల్లో తీవ్ర ఆందోళన నెలకొనడంతోపాటు ఎన్నికల సంఘం సభ్యుల మధ్య విభేదాలు ఉన్నట్లువార్తలు వెలువడిన నేపథ్యంలో కేంద్ర ఎన్నికల సంఘం శనివారం కీలక ప్రకటన చేసింది. ప్రధాన ఎన్నికల కమిషనర్‌(సీఈసీ), ఇద్దరు కమిషనర్ల ఏకాభిప్రాయంతోనే ‘సర్‌’కు సంబంధించిన అన్ని నిర్ణయాలు తీసుకున్నట్లు వెల్లడించింది. ఈ విషయంలో భేదాభిప్రాయాలేవీ లేవని పేర్కొంది. అలాగే ఓటర్ల నమోదుకు సంబంధించిన ‘ఫారం–6’లో చేసిన మార్పులను సుప్రీంకోర్టు సమర్థించినట్లు స్పష్టంచేసింది. సీఈసీ జ్ఞానేశ్‌ కుమార్‌ నిర్ణయాలతో ఇద్దరు ఎన్నికల కమిషనర్లు సుఖ్‌బీర్‌ సింగ్‌ సంధూ, వివేక్‌ జోషీ 10 నెలల్లో 14 సార్లు విభేదించినట్లు వార్తలు వచ్చిన సంగతి తెలిసిందే. సుఖ్‌బీర్‌ సింగ్‌ సంధూ, వివేక్‌ జోషీ కేంద్ర కేబినెట్‌ సెక్రెటరీకి వేర్వేరుగా పంపిన లేఖలు డిప్యూటేషన్‌పై ఉన్న ఒక అధికారికి సంబంధించినవని ఎన్నికల సంఘం పేర్కొంది. ఆ లేఖలు విధానపరమైన లేదా ఐటీ విభాగానికి సంబంధించినవి కావని వివరణ ఇచ్చింది. సంస్థాగత చర్చల్లో భిన్నమైన అభిప్రాయాలు వ్యక్తం కావడం సాధారణమేని తెలియజేసింది. తమ ఆదేశాలకు పూర్తిగా చట్టపరమైన ఆమోదం ఉందని తేల్చిచెప్పింది. ఆదేశాలను కచ్చితంగా పాటించాల్సిందే ఎలక్షన్‌ కమిషన్‌లో పనిచేసే అధికారులు కమిషనర్ల నుంచి వచ్చే అన్ని ఆదేశాలనూ కచ్చితంగా పాటించాలని ఎన్నికల సంఘం స్పష్టంచేసింది. అధికారుల విదేశీ పర్యటనల కోసం కమిషన్‌ అనుమతి తీసుకోవాలని తెలిపింది. శనివారం ఎన్నికల సంఘం సమావేశం జరిగింది. సీఈసీ, ఇద్దరు కమిషనర్లు హాజరయ్యారు. తాజా పరిణామాలపై వారు చర్చించినట్లు సమాచారం. అనంతరం ఎన్నికల సంఘం ప్రకటన విడుదల చేసింది. అన్ని సమావేశాలకు ఎజెండాను ముందుగానే విడుదల చేయడం, మినిట్స్‌ జారీ చేయడం, అధికారులందరి వార్షిక పనితీరు మదింపు నివేదికలను నిర్దేశిత కాలపరిమితిలోగా, అంటే ప్రతి ఏడాది డిసెంబర్‌ 31లోగా పూర్తి చేయడం జరుగుతుందని వెల్లడించింది. ఐటీ విభాగంపై డిప్యూటీ ఎన్నికల కమిషనర్‌ పర్యవేక్షణను ఎప్పుడూ ఉపసంహరించుకోలేదని పేర్కొంది. ఇకపై ఐటీ మాడ్యూల్స్, పోర్టల్స్‌కు సంబంధించిన అన్ని కొత్త కార్యక్రమాలపై కమిషన్‌ ఆమోదానికి ముందే కమిటీ ఆఫ్‌ ఆఫీసర్స్‌లో చర్చ జరుగుతుందని తెలియజేసింది. తుది జాబితా ప్రచురణ తర్వాతే... ఇటీవలి కాలంలో ‘సర్‌’ప్రక్రియతో సహా అనేక నిర్ణయాలు ఏకాభిప్రాయంతో తీసుకున్నట్లు ఎన్నికల సంఘం వివరించింది. 30 రాష్ట్రాలు/కేంద్రపాలిత ప్రాంతాలకు వర్తించేలా 2025 జూన్‌ 24న జారీ చేసిన ఈ ‘సర్‌’ఉత్తర్వు ఎన్నికల కమిషన్‌ ఏకగ్రీవ ఆమోదంతో వెలువడినట్లు తేల్చిచెప్పింది. 2026 మే 27న సుప్రీంకోర్టు దీనిని సమర్థించినట్లు పేర్కొంది. ఎన్నికల సంఘం ఏకగ్రీవ ఆమోదంతో 12 రాష్ట్రాలు/కేంద్రపాలిత ప్రాంతాలకు సంబంధించిన ‘సర్‌’òÙడ్యూల్‌ 2025 అక్టోబర్‌ 27న, అలాగే 19 రాష్ట్రాలు/కేంద్రపాలిత ప్రాంతాలకు సంబంధించిన షెడ్యూల్‌ 2026 మే 14న జారీ చేసినట్లు వెల్లడించింది. మూడో దశలోని మిగిలిన 12 రాష్ట్రాల్లో తుది జాబితా ప్రచురణ తర్వాతే ఓటర్ల సంఖ్యకు సంబంధించిన తుది గణాంకాలు తెలుస్తాయని ఉద్ఘాటించింది. ‘సర్‌’కోసం ఫారం–6కు జతచేసిన డిక్లరేషన్‌ను సుప్రీంకోర్టు సమరి్థంచినట్లు గుర్తుచేసింది. ఓటర్ల జాబితా ‘నిరంతర అప్‌డేషన్‌’ 20 రాష్ట్రాలు/కేంద్రపాలిత ప్రాంతాల్లో ‘సర్‌’ప్రక్రియ ఇప్పటికే పూర్తయిందని ఎన్నికల సంఘం తెలిపింది. ఓటర్ల జాబితాలో పేరు లేనివారు, యువతీ యువకులు లేదా మొదటిసారి ఓటు వేసేవారితో సహా ఎవరైనా సరే ‘నిరంతర అప్‌డేషన్‌’ప్రక్రియ ద్వారా తమ పేరును ఓటర్ల జాబితాలో చేర్చడానికి సంబంధిత ఎలక్టోరల్‌ రిజి్రస్టేషన్‌ ఆఫీసర్‌కు దరఖాస్తు చేసుకోవచ్చని సూచించింది. ఇందుకోసం అవసరమైన ఏర్పాట్లు చేయాలని సీఈఓలను ఆదేశించింది. ఓటర్ల నమోదు కోసం సీఈఓలు, డీఈఓలు, ఈఆర్‌ఓలు తక్షణమే ఒక ప్రత్యేక కార్యక్రమం ప్రారంభిస్తారని ప్రకటించింది. ‘సర్‌’కు సంబంధించి నోటీసులు అందుకున్నవారి కోసం సహాయ కేంద్రాలు ఏర్పాటు చేయనునున్నట్లు ఎన్నికల సంఘం వెల్లడించింది. ఓటర్ల ఫిర్యాదులను పరిష్కరిస్తామని పేర్కొంది. రాష్ట్ర స్థాయి ఎన్నికల అధికారుల నుంచి అందిన సూచనల ఆధారంగా ఈసీఐ పోర్టల్‌లో ఇప్పటికే పలు మార్పులు చేసినట్లు తెలియజేసింది. ‘సర్‌’ప్రక్రియ విషయంలో క్షేత్రస్థాయి అధికారులకు అదనంగా ఏవైనా సౌకర్యాలు అవసరమైతే, వాటిని కూడా అందుబాటులోకి తీసుకొస్తామని పేర్కొంది. ‘సర్‌’నోటీసులు అందుకున్న ఓటర్ల సౌలభ్యం కోసం ఢిల్లీ, మహారాష్ట్రలో గడువు తేదీలను పొడిగించడం, వారి ఇళ్ల వద్దకే వెళ్లి పత్రాలను సేకరించడం వంటి నిర్ణయాలను సైతం ఎన్నికల సంఘం ప్రకటించింది. ఓటర్ల ఇంటికే బీఎల్‌ఓలు ‘సర్‌’ కింద నోటీసులు అందుకున్న వారు అసాధారణ సందర్భాల్లో తప్ప వ్యక్తిగత ంగా విచారణకు హాజరు కావాల్సిన అవసరం లేదని ఎన్నికల సంఘం సూచించింది. మ్యాపింగ్‌ లేకపోవడం లేదా తార్కిక వ్యత్యాసాల కారణంగా నోటీసు అందుకున్న వ్యక్తుల విషయంలో సంబంధిత పత్రాలను సేకరించడానికి బీఎల్‌ఓలు వారి ఇళ్లను సందర్శిస్తారని, తర్వాత ఈఆర్‌ఓల నిర్ణయం కోసం ఆ పత్రాలను ఈసీఐనెట్‌లో అప్‌లోడ్‌ చేస్తారని తెలిపింది. నోటీసు అందుకున్న అటువంటి వ్యక్తులను విచారణ కోసం ఈఆర్‌ఓ/ఏఈఆర్‌ఓ కార్యాలయానికి పిలవాల్సిన అవసరం లేదని స్పష్టంచేసింది. కేవలం అసాధారణ పరిస్థితులలో మాత్రమే, ఈఆర్‌ఓ నిర్ణయం మేరకు విచారణను వీలైనంత వరకు ఆన్‌లైన్‌లో నిర్వహిస్తారని వెల్లడించింది. అవసరమైతే ఓటరు తరపున విచారణకు హాజరయ్యేందుకు కుటుంబంలోని ఏ వయోజన సభ్యుడికైనా అధికారం ఇవ్వొచ్చని ఎన్నికల సంఘం సూచించింది. కూలీలు, పేదలు, నిరాశ్రయుల కోసం ఓటరు సహాయ కేంద్రాలను ఏర్పాటు చేసే బాధ్యత జిల్లా ఎన్నికల అధికారులపై ఉందని పేర్కొంది.

పార్కిన్‌సన్‌ వ్యాధి ఉన్నవారు ఒక్కోసారి కాళ్లు కదలక నడవలేకపోతారు. ఇలా జరగడాన్ని ‘ఫ్రీజింగ్‌ ఆఫ్‌ గెయిట్‌’ అంటారు. ఈ సమస్యను అధిగమించేందుకు ఇటలీలోని మిలాన్‌ పాలిటెక్నిక్‌ యూనివర్సిటీకి చెందిన ఆరుగురు విద్యార్థులు ఆర్ఫియస్‌ అనే స్మార్ట్‌ సాక్స్‌ను తయారు చేశారు. ఈ సాక్స్‌లో ఉండే చిన్నచిన్న పరికరాలు... బాధితులు కోరిన సంగీతానికి అనుగుణంగా కాళ్లకు స్వల్పమైన కంపనాలు ఇస్తాయి. నడుస్తున్నప్పుడు ఈ కంపనాలు లయబద్ధంగా వెలువడుతూ కాళ్లు కదలడానికి సహాయపడతాయి. ఈ వినూత్న ఆలోచన ‘2026 ఏడాదికి జేమ్స్‌ డైసన్‌ అవార్డు’కు ఎంపికైంది.ఇష్టమైన పాటల రిథమ్‌కు అనుగుణంగా కంపనాలిలా... ఆర్ఫియస్‌ సాక్స్‌లో పాదాలు, కింది కాలి భాగంలో మొత్తం ఎనిమిది చిన్న వైబ్రేషన్స్‌ ఇచ్చే పరికరాలు ఉంటాయి. అవసరమైన ప్రాంతానికి కంపనాలు అందించడంలో ఇవి సహాయపడతాయి. ఈ సాక్స్‌ను మొబైల్‌ యాప్‌తో అనుసంధానించడం ద్వారా ‘స్పాటిఫై’లో తమకు ఇష్టమైన పాటలను బాధితులు ఎంపిక చేసుకోవచ్చు. ఆ సంగీతంలోని రిథమ్‌కు తగినట్లుగా సాక్స్‌లోని పరికరాలు కాళ్లకు కంపనాలను అందిస్తాయి. ఇందుకోసం హెడ్‌ఫోన్స్‌ కూడా అవసరంలేదు. ప్రస్తుతం ఈ ఆర్ఫియస్‌ ఇంకా ప్రాథమిక నమూనా (ప్రోటోటైప్‌) దశలోనే ఉంది. దీన్ని మరింత చిన్నదిగా, సౌకర్యవంతంగా తయారు చేయడంతోపాటు నడుస్తున్నప్పుడు కాళ్లు అకస్మాత్తుగా ఆగిపోవడాన్ని గుర్తించే ‘ఫ్రీజ్‌ డిటెక్షన్‌ టెక్నాలజీ’ని కూడా ఇందులో చేర్చేందుకు పరిశోధక విద్యార్థులు ప్రయత్నిస్తున్నారు. అన్నీ అనుకున్నట్లు జరిగితే ఇవి వాణిజ్యపరంగా అందుబాటులోకి వచ్చేందుకు మరో మూడేళ్లు పట్టవచ్చని వారు చెబుతున్నారు.యువతలో పెరుగుతున్న పక్షవాతం కేసులు!సాధారణంగా వృద్ధుల్లో ఎక్కువగా కనిపించే పక్షవాతం ఇటీవల యువతలో పెరిగినట్లు ఓ అమెరికన్‌ అధ్యయనంలో తేలింది. దాదాపు మూడు దశాబ్దాల కాలంలో 20 ఏళ్ల నుంచి 54 ఏళ్ల మధ్య వయసు వారిలో పక్షవాతం కేసులు దాదాపు రెట్టింపయ్యాయని పరిశోధకులు గుర్తించారు. అయితే స్ట్రోక్‌ వచ్చిన తర్వాత మొదటి 30 రోజుల్లో మరణించే వారి శాతం మాత్రం కొంత తగ్గింది. ఈ అధ్యయనంలో భాగంగా 20 ఏళ్ల నుంచి 54 ఏళ్ల మధ్య వయసున్న వారిలో తొలిసారి పక్షవాతం వచ్చిన 2,076 కేసులను పరిశోధకులు గుర్తించారు. 1993–94లో ప్రతి లక్ష మంది యువతలో ఏడాదికి సుమారు 33.9 స్ట్రోక్‌ కేసులు నమోదవగా 2020 నాటికి ఈ సంఖ్య 62.2కు పెరిగింది. యువతలోని పక్షవాతం కేసుల్లో ప్రధానంగా ఇస్కీమిక్‌ స్ట్రోక్స్‌ ఎక్కువగా ఉన్నట్లు పరిశోధకులు గుర్తించారు. మెదడులోని ఏదైనా భాగానికి రక్తాన్ని తీసుకెళ్లే నాళంలో అడ్డంకి ఏర్పడి రక్తప్రసరణ నిలిచిపోవడం వల్ల వచ్చే స్ట్రోక్‌ను ఇస్కీమిక్‌ స్ట్రోక్‌గా పిలుస్తారు. 1993–94లో ప్రతి లక్ష మందిలో ఏడాదికి 23.8 ఇస్కీమిక్‌ స్ట్రోక్‌ కేసులు నమోదైతే 2020 నాటికి ఈ సంఖ్య 47.3కు పెరిగింది. అయితే మెదడులో రక్తనాళం చిట్లడంతో రక్తస్రావం జరగడం వల్ల వచ్చే ఇంట్రాసెరెబ్రల్‌ హెమరేజ్, మెదడు చుట్టూ రక్తస్రావం వల్ల వచ్చే సబ్‌అరాక్నాయిడ్‌ హెమరేజ్‌ వంటి ఇతర రకాల స్ట్రోక్స్‌లో మాత్రం ఈ పెరుగుదల కనిపించలేదు. పక్షవాతానికి గురైన యువతను పరిశీలించినప్పుడు... గతంతో పోలిస్తే వారిలో హైబీపీ, డయాబెటిస్‌ వంటి కొన్ని సమస్యలు పెరిగినట్లు పరిశోధకులు గుర్తించారు. అమెరికాలోని యూనివర్సిటీ ఆఫ్‌ సిన్సినాటి పరిశోధకులు నిర్వహించిన అధ్యయనంలో ఈ వివరాలు వెల్లడయ్యాయి. ఈ అధ్యయన వివరాలు న్యూరాలజీ అనే జర్నల్‌లో ప్రచురితమయ్యాయి.జంక్‌ ఫుడ్‌తో దీర్ఘకాలిక వ్యాధులుఅల్ట్రా–ప్రాసెస్డ్‌ ఫుడ్స్‌ ఎక్కువగా తీసుకునే వారిలో గుండె జబ్బులు, కేన్సర్, డయాబెటిస్, ఊబకాయం తదితర దీర్ఘకాలిక వ్యాధుల ముప్పు ఎక్కువగా ఉండొచ్చని తాజా అధ్యయనంలో తేలింది. ఈ తరహా ఆహారం ఎక్కువగా తీసుకునే వారిలో ఏ కారణంతోనైనా మరణాల ముప్పు కూడా ఎక్కువగానే ఉంటుందని పరిశోధకులు గుర్తించారు. ప్రపంచవ్యాప్తంగా అల్ట్రా–ప్రాసెస్డ్‌ ఫుడ్స్‌ వినియోగం బాగా పెరుగుతున్న నేపథ్యంలో ఈ అంశంపై పరిశోధకులు ఇప్పటివరకు జరిగిన అధ్యయనాలను సమగ్రంగా విశ్లేషించారు. ఇందులో భాగంగా ఈ ఏడాది ఏప్రిల్‌ వరకు ప్రచురితమైన పరిశోధనలను పరిశీలించారు. ఈ విశ్లేషణలో మొత్తం 51 అధ్యయనాలున్నాయి.ఆయా అధ్యయనాల్లో పాల్గొన్న వాలంటీర్ల ఆహార అలవాట్లను, వారి ఆహార చరిత్రను విశ్లేషించగా అల్ట్రా–ప్రాసెస్డ్‌ ఫుడ్స్‌ ఎక్కువగా తీసుకోవడానికి.. కొన్ని ప్రధాన ఆరోగ్య సమస్యలు వచ్చే ముప్పునకు మధ్య సంబంధం ఉంటున్నట్లు పరిశోధకులు గుర్తించారు. అల్ట్రా–ప్రాసెస్డ్‌ ఫుడ్స్‌ రోజువారీ వినియోగం పెరిగేకొద్దీ అనారోగ్య సమస్యల ముప్పు కూడా పెరుగుతున్నట్లు డోస్‌ రెస్పాన్స్‌ అనాలసిస్‌లో కనిపించింది. రోజుకు అదనంగా 100 గ్రాముల అల్ట్రా–ప్రాసెస్డ్‌ ఫుడ్స్‌ తీసుకోవడం వల్ల హృద్రోగ సమస్యలు, కేన్సర్, ఏ కారణంతోనైనా మరణించే ముప్పు, మెటబాలిక్‌ సిండ్రోమ్‌/డయాబెటిస్‌ ముప్పు పెరగడంతో సంబంధం ఉన్నట్లు పరిశోధకులు గుర్తించారు. అయితే ఈ పరిశోధనలో లభించిన ఆధారాలు తక్కువ స్థాయి నుంచి మధ్యస్థ స్థాయిలోనే ఉన్నాయని పరిశోధకులు పేర్కొన్నారు.సాక్షి, హెల్త్‌ డెస్క్‌

రాంచీ: కోతి పనులు చేయకురా అని చిన్నారులను పెద్దలు మందలిస్తూనే ఉంటారు. అయినా పిల్లలు వినరు. ఇక కోతులు అస్సలు వినవు. అవి చేసే గోలకు అంతే ఉండదు. జార్ఖండ్‌ రాజధాని రాంచీలోని ఔర్‌మాంఝీ ప్రాంతంలోని ఒక మద్యం దుకాణంలో శనివారం కస్టమర్లు తక్కువగా ఉన్న సమయంలో ఒక కోతి హఠాత్తుగా దుకాణంలోకి దూరింది. దీంతో కౌంటర్‌లోని వ్యక్తులు భయంతో బయటకు పరుగులుతీశారు. కోతి మాత్రం నింపాదిగా దుకాణంలో చక్కగా పేర్చిన బీర్, విస్కీ, రమ్, వోడ్కా బాటిళ్లను తేరిపార చూసి మూత తీసి ఉన్న ఒక ‘మ్యాజిక్‌ మూమెంట్స్‌’బ్రాండ్‌ వోడ్కా బాటిల్‌ను అమాంతం తాగేసింది. కొద్ది నిమిషాలకే మద్యం మత్తు దానికి ఎక్కడం మొదలైంది. అప్పటిదాకా మద్యం సీసాల కార్టన్ల మీద గెంతుతూ హడావుడి చేసిన కోతి కొద్ది నిమిషాలకే వాటిపై నిద్రపోయింది. మధ్యమధ్యలో కళ్లు తెరుస్తూ ఎవరినీ దగ్గరికి రానివ్వలేదు. కోతిచేష్టల తాలూకు వీడియో ఇప్పుడు సామాజిక మాధ్యమాల్లో వైరల్‌గా మారింది. మద్యం దుకాణాదారుడు వెంటనే అటవీశాఖ సిబ్బందికి సమాచారం ఇవ్వడంతో వాళ్లు వచ్చి కోతిని బయటకు తీసుకెళ్లారు. దుకాణంలో మర్కటం హడావుడి వీడియో చూసిన నెటిజన్లు జోకులు పేల్చారు. కోతి వీడియోను కామెడీగా మార్చిన వాళ్లను కొందరు పర్యావరణవేత్తలు తప్పుబట్టారు. అటవీ సిబ్బంది తెలిపిన వివరాల ప్రకారం ఇది గర్భంతో ఉన్న కోతి. దప్పిక వేళ ఎక్కడా తాగేందుకు నీరు దొరక్కపోవడంతో దుకాణంలోని సీసాల్లో ఉన్నవి నీళ్లు అని భావించి లోపలికి వచ్చి ఉంటుందని కొందరు అభిప్రాయపడ్డారు.

లక్నో: ఉత్తర్‌ప్రదేశ్‌లో 2027 అసెంబ్లీ ఎన్నికలకు సీట్ల సర్దుబాటుపై కాంగ్రెస్‌, సమాజ్‌వాదీ పార్టీ (ఎస్పీ) మధ్య వచ్చే నెలలో చర్చలు ప్రారంభం కానున్నాయి. కాంగ్రెస్‌ 403 అసెంబ్లీ స్థానాల్లో 150 స్థానాలను కోరాలని నిర్ణయించుకున్నట్లు ఆ పార్టీ వర్గాలు తెలిపాయి. అయితే తుది సీట్ల పంపకంపై కాంగ్రెస్‌ అగ్ర నేత రాహుల్‌ గాంధీ, ఎస్పీ అధ్యక్షుడు అఖిలేశ్‌ యాదవ్‌ నిర్ణయం తీసుకోవాల్సి ఉంటుంది.యూపీలోని మొత్తం 403 అసెంబ్లీ నియోజకవర్గాలను కాంగ్రెస్‌ మూడు విభాగాలుగా విభజించినట్లు సమాచారం. వీటిలో 150 స్థానాలను తొలి ప్రాధాన్య విభాగంలో చేర్చింది. పొత్తు చర్చల్లో ఈ స్థానాలను కోరనుంది. అయితే తుది ఒప్పందంలో తమకు దక్కే స్థానాల సంఖ్య 100 కంటే తక్కువగా ఉండకూడదని కాంగ్రెస్‌ నేతలు భావిస్తున్నట్లు పార్టీ వర్గాలు తెలిపాయి.ఇబ్బందులు తలెత్తకుండా జాగ్రత్త పొత్తు ఖరారైన తర్వాత అభ్యర్థుల ఎంపికలో ఇబ్బందులు తలెత్తకుండా ముందుగానే పార్టీ బలాబలాలు, అభ్యర్థుల అవకాశాలను గుర్తించే ప్రక్రియను కాంగ్రెస్‌ చేపట్టింది. రాష్ట్రంలోని మొత్తం 403 స్థానాల్లో పార్టీ సంస్థాగతంగా బలోపేతం కావడంపై దృష్టి పెట్టింది. దళితులు, బ్రాహ్మణులతో పాటు అత్యంత వెనుకబడిన వర్గాల్లో మద్దతు పెంచుకునే ప్రయత్నాలు చేస్తోంది. మైనారిటీ విభాగం అధ్యక్షుడు ఇమ్రాన్‌ ప్రతాప్‌గఢీకి ఈ ప్రయత్నాల్లో కీలక బాధ్యతలు అప్పగించింది.మరోవైపు అఖిలేశ్‌ యాదవ్‌ ఇటీవల రాయ్‌బరేలీ నుంచి ‘పీడీఏ రథయాత్ర’ ప్రారంభించారు. వెనుకబడిన వర్గాలు, దళితులు, మైనారిటీలను లక్ష్యంగా చేసుకున్న ఈ యాత్రను రాహుల్‌ గాంధీ ప్రాతినిధ్యం వహిస్తున్న లోక్‌సభ నియోజకవర్గం నుంచి ప్రారంభించడం ప్రాధాన్యం సంతరించుకుంది. కాంగ్రెస్‌తో పొత్తు కొనసాగుతుందని అఖిలేశ్‌ స్పష్టం చేశారు. 2024 లోక్‌సభ ఎన్నికల్లో యూపీలో ఎస్పీ 37, కాంగ్రెస్‌ 6 స్థానాలు గెలుచుకున్నాయి. రెండు పార్టీలు కలిసి 43 స్థానాలు సాధించాయి. 2019లో ఎస్పీకి 5, కాంగ్రెస్‌కు ఒక స్థానం మాత్రమే దక్కింది. 2027 ఫిబ్రవరి-మార్చిలో యూపీ అసెంబ్లీ ఎన్నికలు జరిగే అవకాశం ఉంది. వచ్చే నెలలో ప్రారంభమయ్యే సీట్ల సర్దుబాటు చర్చల్లో కాంగ్రెస్‌ 150 స్థానాల డిమాండ్‌, తుది పొత్తు పరిమితులు కీలకంగా మారనున్నాయి.

నాగ్‌పుర్‌: నాగ్‌పుర్‌ నుంచి ముంబై వెళ్తున్న దురంతో ఎక్స్‌ప్రెస్‌పై రాళ్ల దాడి జరిగింది. శుక్రవారం రాత్రి మహారాష్ట్రలోని బోర్‌ఖేడి స్టేషన్‌ దాటిన తర్వాత రైలు కిటికీపై బయట నుంచి రాయి బలంగా తగలడంతో మూడు బోగీల కిటికీ అద్దాలు పగుళ్లకు గురయ్యాయి. ఈ ఘటనకు సంబంధించిన దృశ్యాలు సామాజిక మాధ్యమాల్లో వైరల్‌గా మారాయి.ప్రయాణికులు కిటికీకి అతి సమీపంలో కూర్చున్న సమయంలో రాయి తగలడంతో అద్దం ముక్కలు లోపలికి ఎగిరిపడ్డాయి. అయితే ఎవరూ గాయపడలేదు. నాగ్‌పుర్‌ నుంచి ముంబై వెళ్తున్న ప్రయాణికులు రైలులో భోజనం చేస్తున్న సమయంలో ఒక్కసారిగా కిటికీ అద్దం పగిలిపోయిందని వీడియోలో ఒక ప్రయాణికుడు చెప్పడం వినిపించింది. రాయి తగిలిన ఘటనలో ఏ-1, బీ-2, బీ-5 బోగీల కిటికీ అద్దాలు దెబ్బతిన్నట్లు రైల్వే అధికారులు తెలిపారు.ఈ ఘటనపై రైల్వే రక్షణ దళం, ప్రభుత్వ రైల్వే పోలీసులు దర్యాప్తు చేపట్టారు. రాత్రి 8.46 గంటలకు సమాచారం అందడంతో బోర్‌ఖేడి-సింధి మార్గంలో 803 నుంచి 796 కిలోమీటర్ల మధ్య ప్రాంతంలో తనిఖీలు నిర్వహించారు. బోర్‌ఖేడి, బ్రాహ్మణి గ్రామాల పరిసర ప్రాంతాలను కూడా పరిశీలించారు. స్థానిక పోలీసు పాటిల్‌, గ్రామస్థులను విచారించినప్పటికీ అనుమానాస్పద వ్యక్తి లేదా ఘటనకు సంబంధించిన స్పష్టమైన ఆధారం లభించలేదు.రైలు ఎస్కార్ట్‌ సిబ్బంది, ప్రయాణికుల సమాచారం ప్రకారం.. రాత్రి 8.27 గంటల సమయంలో బయట నుంచి వచ్చిన రాయి రైలు కిటికీలను తాకింది. అయితే దాన్ని ఎక్కడి నుంచి విసిరారన్నది ఇంకా నిర్ధారణ కాలేదు. ఈ ఘటనపై గుర్తుతెలియని వ్యక్తిపై సెప్టెంబర్‌ 26న తెల్లవారుజామున 2.55 గంటలకు కేసు నమోదు చేశారు. రైల్వే చట్టంలోని సెక్షన్‌ 153 కింద క్రైమ్‌ నంబర్‌ 325/2026గా కేసు నమోదైంది. రాయి విసిరిన కచ్చితమైన ప్రదేశాన్ని గుర్తించేందుకు దర్యాప్తు కొనసాగుతోంది. రైలు ప్రయాణికులకు ఎలాంటి గాయాలు కాలేదు.A stone smashed into an AC coach of the Nagpur–Mumbai Duronto Express like a bullet, injuring 4 passengers. Are we really safe while travelling by train? @RailwaySeva @Central_Railway, passangers safety cannot be taken for granted. https://t.co/vEVJVfh11F— ज़िद्दी नागरिक (@ZiddiNaagrik) September 26, 2026

బెంగళూరు: ట్రాఫిక్‌ ఉల్లంఘనలను గుర్తించేందుకు ఏర్పాటు చేసిన కృత్రిమ మేధ ఆధారిత కెమెరా ఓ గిటార్‌ను ద్విచక్ర వాహనం వెనుక కూర్చున్న వ్యక్తిగా పొరబడింది. దీంతో హెల్మెట్‌ ధరించకుండా వెనుక వ్యక్తిని తీసుకెళ్లారంటూ వాహన యజమానికి జరిమానా విధించింది. బెంగళూరులో జరిగిన ఈ ఘటన ఆటోమేటెడ్‌ ట్రాఫిక్‌ నిఘా వ్యవస్థలపై చర్చకు దారితీసింది.సౌవిక్‌ దత్తా తన భార్యకు చెందిన స్కూటర్‌పై హెబ్బాల్‌ నుంచి టిన్‌ ఫ్యాక్టరీ వైపు వెళ్తున్నారు. ఆయన వీపుకు గిటార్‌ కేసును తగిలించుకున్నారు. ఈ దృశ్యాన్ని ట్రాఫిక్‌ కెమెరా తప్పుగా అర్థం చేసుకుని, గిటార్‌ కేసును వెనుక కూర్చున్న వ్యక్తిగా గుర్తించినట్లు తెలుస్తోంది. ఆ వ్యక్తి హెల్మెట్‌ ధరించలేదంటూ జరిమానా విధించింది. కెమెరా తీసిన ఫొటోతో కూడిన జరిమానా నోటీసు స్కూటర్‌ యజమాని అయిన ఆయన భార్యకు చేరింది.దీనిపై దత్తా బెంగళూరు ట్రాఫిక్‌ పోలీసుల అధికారిక సామాజిక మాధ్యమ ఖాతాలో ఫిర్యాదు చేశారు. ‘‘నేను బెంగళూరులో నా గిటార్‌ను వీపుపై తగిలించుకుని నా భార్యకు చెందిన ద్విచక్ర వాహనంపై ఒంటరిగా వెళ్తున్నాను. నా భార్యకు ‘వెనుక కూర్చున్న వ్యక్తి హెల్మెట్‌ ధరించలేదు’ అంటూ ట్రాఫిక్‌ జరిమానా వచ్చింది. నోటీసు నంబర్‌ 86202541. ఏఐ ఆధారిత ట్రాఫిక్‌ ఉల్లంఘన గుర్తింపు ఇదేనా? దయచేసి జరిమానాను రద్దు చేయండి’’ అని పేర్కొన్నారు.దీనికి స్పందించిన బెంగళూరు ట్రాఫిక్‌ పోలీసులు.. ఉల్లంఘనను సరిచేసేందుకు ట్రాఫిక్‌ ఆటోమేషన్‌ విభాగాన్ని సంప్రదించాలని సూచించారు. ఈ ఘటనతో ఏఐ ఆధారిత ట్రాఫిక్‌ పర్యవేక్షణ వ్యవస్థల కచ్చితత్వంపై ప్రశ్నలు తలెత్తాయి. కొంతమంది వాహనదారులు సామాజిక మాధ్యమాల్లో తమ అనుభవాలను పంచుకున్నారు. సిగ్నల్‌ దాటేటప్పుడు, గ్రీన్‌ సిగ్నల్‌ ఉన్న ఇతర వాహనాలకు దారి ఇచ్చేందుకు జీబ్రా క్రాసింగ్‌ను కొద్దిగా దాటినా సిగ్నల్‌ ఉల్లంఘనగా కెమెరాలు గుర్తిస్తున్నాయని కొందరు ఆరోపించారు. ట్రాఫిక్‌ పోలీసు స్పందన ఈ ఘటనపై ఓ సీనియర్‌ ట్రాఫిక్‌ పోలీసు అధికారి స్పందిస్తూ.. ఏఐ వ్యవస్థ పొరపాటుతో ఇది ట్రాఫిక్‌ నియమాల ఉల్లంఘనగా నమోదైందని తెలిపారు. ఇలాంటి తప్పులు అప్పుడప్పుడు జరుగుతాయని, కొన్నిసార్లు స్కూటర్‌పై ఇద్దరు వ్యక్తుల మధ్య కూర్చున్న చిన్నారిని కూడా హెల్మెట్‌ లేని వెనుక ప్రయాణికుడిగా వ్యవస్థ గుర్తిస్తుందని చెప్పారు. ఇలాంటి జరిమానాలపై అభ్యంతరం వ్యక్తం చేస్తే వాటిని పరిశీలించి సరిచేస్తామని తెలిపారు.‘‘నిరంతరం ఎక్కువ మొత్తంలో సమాచారం అందించడంతో ఏఐ వ్యవస్థ మరింత మెరుగవుతుంది. అయినప్పటికీ అప్పుడప్పుడు తప్పులు జరుగుతాయి. ఇలాంటి తప్పుడు గుర్తింపులను పరిశీలించి సరిచేసేందుకు మా వద్ద ఇప్పటికే ప్రత్యేక బృందం ఉంది. ఇది కూడా అలాంటి పొరపాటే కావచ్చు. మేము దాన్ని సరిచేస్తాం’’ అని అధికారి తెలిపారు. ఏఐ ఆధారిత వ్యవస్థ ఇంకా 100 శాతం కచ్చితత్వాన్ని సాధించలేదని ఆయన అంగీకరించారు.

ముంబై: మహారాష్ట్రలోని అహిల్యానగర్‌ జిల్లాలో ఓ వృద్ధాశ్రమంలో నిద్రిస్తున్న వారిపై దాడి జరిగింది. ఇద్దరు మృతి చెందగా, మరో ఆరుగురు గాయపడ్డారు. మృతుల్లో ఆశ్రమ భద్రతా సిబ్బందిలో ఒకరు ఉన్నారు. అదే ఆశ్రమంలో ఉంటున్న వ్యక్తే ఈ దాడికి పాల్పడినట్లు పోలీసులు తెలిపారు. నిందితుడిని అదుపులోకి తీసుకుని విచారిస్తున్నట్లు అహిల్యానగర్‌ ఎస్పీ ఎం.సుదర్శన్‌ వెల్లడించారు.విహాడ్‌ సమీపంలోని వృద్ధాశ్రమంలో ఈ ఘటన జరిగింది. పోలీసులు తెలిసిన వివరాల ప్రకారం.. ఆశ్రమంలోని ఇతరులతో నిందితుడికి తరచూ విభేదాలు తలెత్తేవి. భోజనం చేసేటప్పుడు ఆహారం కింద పడేయడంపై కొందరు ఆశ్రమవాసులు అభ్యంతరం వ్యక్తం చేయడంతో పాటు, అతడి ప్రవర్తనపై సూచనలు చేసినట్లు తెలిపారు. దీంతో వారిపై నిందితుడు అసంతృప్తితో ఉన్నట్లు దర్యాప్తులో పోలీసులు అనుమానిస్తున్నారు.శనివారం ఉదయం ఆశ్రమవాసులు నిద్రిస్తున్న సమయంలో.. నడిచేందుకు ఉపయోగించే కర్రలోని పదునైన లోహ భాగంతో వారిపై దాడి చేసినట్లు పోలీసులు తెలిపారు. అడ్డుకునేందుకు లేదా అతడితో మాట్లాడేందుకు ప్రయత్నించిన వారిపైనా దాడి చేసినట్లు పేర్కొన్నారు. తలకు తీవ్ర గాయాలు కావడంతో ఇద్దరు మృతి చెందారు. ఆరుగురిని ఆసుపత్రికి తరలించగా, వారిలో ఒకరి పరిస్థితి విషమంగా ఉన్నట్లు పోలీసులు తెలిపారు.దాడిని ప్రత్యక్షంగా చూసిన ఆశ్రమంలోని ఓ వ్యక్తి పోలీసులకు సమాచారం అందించారు. ఈ ఘటనపై ప్రాంగణంలోని సీసీటీవీ దృశ్యాలను కూడా పోలీసులు పరిశీలిస్తున్నారు. ఎస్పీ సుదర్శన్‌ మాట్లాడుతూ.. “నిందితుడిని అదుపులోకి తీసుకున్నాం. ఇతర ఆశ్రమవాసులతో జరిగిన పరస్పర చర్యలపై అతడు అసంతృప్తిగా ఉన్నట్లు, తనను లక్ష్యంగా చేసుకుంటున్నారని భావించినట్లు ప్రాథమికంగా కనిపిస్తోంది” అని తెలిపారు. దర్యాప్తు ఇంకా ప్రాథమిక దశలోనే ఉందని, విచారణ ముందుకు సాగుతున్న కొద్దీ మరిన్ని వివరాలు వెల్లడవుతాయని చెప్పారు.

న్యూయార్క్‌: ఉగ్రవాద కార్యకలాపాలకు మద్దతు ఇచ్చే లేదా వాటిని ప్రోత్సహించే ప్రభుత్వాలను బాధ్యులను చేయాల్సిందేనని విదేశాంగ మంత్రి ఎస్‌. జైశంకర్‌ స్పష్టం చేశారు. ఉగ్రవాదంపై ప్రపంచ పోరాటంలో ఎలాంటి సడలింపులు ఉండకూడదని, ఉగ్రవాదానికి సంబంధించిన ఆర్థిక వ్యవస్థలను వెలుగులోకి తెచ్చి అడ్డుకోవాలని ఐక్యరాజ్యసమితి సర్వసభ్య సమావేశంలో అన్నారు. ఉగ్రదాడుల నుంచి తనను తాను రక్షించుకునే హక్కు భారత్‌కు ఉందని పేర్కొన్నారు.ఐక్యరాజ్యసమితి 81వ సర్వసభ్య సమావేశంలో శనివారం ప్రసంగించిన జైశంకర్‌.. ఉగ్రవాదాన్ని సాధారణ అంశంగా చూపించే ప్రయత్నాలను భారత్‌ అంగీకరించబోదని అన్నారు. ‘‘ఇలాంటి చర్యలకు పాల్పడే ప్రభుత్వాలను బాధ్యులను చేయాలి. ఉగ్రవాదంపై మన సున్నా సహన వైఖరిలో ఎలాంటి సడలింపు ఉండకూడదు’’ అని ఆయన పేర్కొన్నారు. ఉగ్రవాదానికి సంబంధించిన ఆర్థిక అంశాలను వెలుగులోకి తీసుకురావాలి, ఎదుర్కోవాలి అని అన్నారు.అది జరగనివ్వంపేరు ప్రస్తావించకుండానే పాకిస్థాన్‌ను ఉద్దేశిస్తూ జైశంకర్‌ కీలక వ్యాఖ్యలు చేశారు. ‘‘నిన్న ఉగ్రవాదాన్ని వరుసగా ప్రోత్సహిస్తున్న వ్యక్తి ఈ సభ ముందు వాస్తవాలను వక్రీకరించారు’’ అని అన్నారు. ఉగ్రవాదాన్ని సాధారణీకరించేందుకు, దాని పరిణామాల నుంచి తప్పించుకునేందుకు ప్రయత్నాలు జరిగాయని పేర్కొన్నారు. అది జరగనివ్వం అని స్పష్టం చేశారు. ఉగ్రవాదం నుంచి భారత్‌ను రక్షించుకునే హక్కును వినియోగించుకుంటామని తెలిపారు. ఉగ్రవాదాన్ని దేశాల మధ్య సంబంధాల్లో ఒక సాధనంగా ఉపయోగించడాన్ని కూడా జైశంకర్‌ ప్రస్తావించారు. స్నేహం, సద్భావన ఉగ్రవాదంతో కలిసి కొనసాగలేవు అని అన్నారు. ఇలాంటి సంబంధాల ఆధారంగా కుదిరిన అవగాహనలను సహజంగానే పునఃపరిశీలించాల్సి వస్తుందని చెప్పారు. ఉగ్రవాదానికి పాల్పడిన వ్యక్తి లేదా వ్యవస్థే తన వైఖరిని మార్చుకోవాలని పేర్కొన్నారు. గల్ఫ్‌లో వాణిజ్య నౌకలపై దాడులు ఆపాలిగల్ఫ్‌ ప్రాంతంలో కొనసాగుతున్న ఘర్షణల నేపథ్యంలో వాణిజ్య నౌకలు, నావికుల భద్రతపై భారత్‌ తీవ్ర ఆందోళన వ్యక్తం చేసింది. అంతర్జాతీయ జలమార్గాల్లో ప్రయాణిస్తున్న వాణిజ్య నౌకలు, నావికులను లక్ష్యంగా చేసుకోవడం ఏ మాత్రం ఆమోదయోగ్యం కాదని జైశంకర్‌ స్పష్టం చేశారు. అన్ని పక్షాలు సంయమనం పాటించి ఉద్రిక్తతలను తగ్గించాలని, పౌరుల రక్షణతో పాటు ఇంధనం, వాణిజ్యం నిరంతర సరఫరాకు ఆటంకం కలగకుండా చూడాలని ఐక్యరాజ్యసమితి సర్వసభ్య సమావేశంలో పిలుపునిచ్చారు. గల్ఫ్‌లో జరుగుతున్న ఘర్షణ ఇప్పటికే క్లిష్టంగా ఉన్న పరిస్థితులను మరింత తీవ్రం చేస్తోందన్నారు. ‘‘ఘర్షణలకు దూరంగా ఉన్న దేశాలు ఎలాంటి తప్పు లేకపోయినా మూల్యం చెల్లిస్తున్నాయి. ఎక్కువగా ప్రభావితమయ్యే వారికి తరచూ తమ అభిప్రాయం చెప్పే అవకాశం తక్కువగా ఉంటుంది’’ అని పేర్కొన్నారు. ‘‘అంతర్జాతీయ జలమార్గాల్లో ప్రయాణిస్తున్న వాణిజ్య నౌకలు, నావికులను లక్ష్యంగా చేసుకోవడం ఏమాత్రం ఆమోదయోగ్యం కాదు. అన్ని పక్షాలు సంయమనం పాటించాలి, ఉద్రిక్తతలను తగ్గించాలి, పౌరులకు రక్షణ కల్పించాలి. ఇంధనం, వాణిజ్యం నిరంతరంగా కొనసాగేందుకు చర్యలు తీసుకోవాలి’’ అని జైశంకర్‌ అన్నారు. ఉక్రెయిన్‌ ఘర్షణ ఐదో సంవత్సరంలోకి ప్రవేశించిన నేపథ్యంలోనూ భారత్‌ ఆందోళన చెందుతోందని ఆయన తెలిపారు. అంతులేని యుద్ధాలకు ముగింపు పలకాల్సిన సమయం ఆసన్నమైందన్న ప్రధానమంత్రి నరేంద్ర మోదీ అభిప్రాయాన్ని ప్రస్తావించారు. ఆహారం, ధాన్యం, ఇంధన సరఫరాతో పాటు నావికుల భద్రతపై తక్షణమే దృష్టి పెట్టాల్సిన అవసరం ఉందన్నారు.పశ్చిమాసియాలో శాశ్వత శాంతికి రెండు దేశాల పరిష్కారం అవసరమని భారత్‌ విశ్వసిస్తోందని జైశంకర్‌ చెప్పారు. పాలస్తీనా ప్రజలకు మానవతా సహాయం, సహాయక చర్యల్లో భారత్‌ భాగస్వామిగా కొనసాగుతోందన్నారు. ఉగ్రవాదానికి సంబంధించి ఎలాంటి సడలింపూ ఉండకూడదని, దానికి పాల్పడే ప్రభుత్వాలను బాధ్యులను చేయాలని పేర్కొన్నారు.

రాయ్‌పూర్‌: మధ్యప్రదేశ్‌లోని గ్వాలియర్‌ నుంచి ఛత్తీస్‌గఢ్‌లోని రాయ్‌గఢ్‌కు స్నేహితురాలిని కలిసేందుకు వచ్చిన ఓ వ్యక్తి (28) డబ్బులు అయిపోవడంతో వరుసగా ద్విచక్ర వాహనాల చోరీలకు పాల్పడ్డాడని పోలీసులు తెలిపారు. సీసీటీవీ దృశ్యాల ఆధారంగా ఐదు చోరీ కేసులతో సంబంధం ఉన్నట్లు గుర్తించి అతడిని అరెస్టు చేశారు. నిందితుడిని గ్వాలియర్‌ జిల్లా మోరార్‌కు చెందిన నిర్మల్‌ ధాకడ్‌గా గుర్తించారు. పోలీసులు తెలిపిన వివరాల ప్రకారం.. నిర్మల్‌ సెప్టెంబర్‌ 12న గ్వాలియర్‌ నుంచి రాయ్‌గఢ్‌కు వచ్చాడు. నగరానికి వచ్చిన తర్వాత అతడి వద్ద ఉన్న డబ్బులు అయిపోయాయి. దీంతో ఖర్చుల కోసం చోరీలకు పాల్పడినట్లు పోలీసులు తెలిపారు. తాళాలు ఇగ్నిషన్‌లోనే ఉంచిన మోటార్‌సైకిళ్లు, స్కూటర్లను అతడు లక్ష్యంగా చేసుకున్నాడు. చోరీ చేసిన వాహనంలో పెట్రోల్‌ అయిపోయే వరకు తిరిగేవాడని, ఇంధనం పూర్తయిన తర్వాత ఆ వాహనాన్ని వదిలేసి మరో వాహనాన్ని చోరీ చేసేవాడని పోలీసులు తెలిపారు. ఈ విధంగా ఐదు వాహనాలను చోరీ చేసినట్లు పేర్కొన్నారు.నగరంలో వరుస బైక్‌ చోరీలపై కోత్వాలి పోలీసులు దర్యాప్తు ముమ్మరం చేశారు. వివిధ ప్రాంతాల్లోని సీసీటీవీ దృశ్యాలను పరిశీలించగా ఐదు ఘటనల్లోనూ ఒకే వ్యక్తి కనిపించినట్లు గుర్తించారు. సెప్టెంబర్‌ 24న గోశాల సమీపంలో ఓ యువకుడు మోటార్‌సైకిల్‌ను చోరీ చేసేందుకు ప్రయత్నిస్తున్నట్లు పోలీసులకు సమాచారం అందింది. అక్కడికి చేరుకున్న పోలీసులు నిందితుడి ఫొటోను స్థానికులకు చూపించగా, వాహనాన్ని తారుమారు చేసి పారిపోయిన వ్యక్తి అతడేనని గుర్తించారు. అనంతరం పోలీస్‌ కాలనీ ప్రాంతంలో అతడిని గుర్తించి వెంటాడి పట్టుకున్నారు. నిర్మల్‌ ఇచ్చిన సమాచారంతో 4 మోటార్‌సైకిళ్లు, ఒక స్కూటర్‌ కలిపి 5 ద్విచక్ర వాహనాలను పోలీసులు స్వాధీనం చేసుకున్నారు. వాటి మొత్తం విలువ సుమారు రూ.2.50 లక్షలు ఉంటుందని తెలిపారు. ఈ స్వాధీనం ద్వారా కోత్వాలి పోలీస్‌ స్టేషన్‌లో నమోదైన 5 వాహన చోరీ కేసులు పరిష్కారమైనట్లు వెల్లడించారు. నిందితుడిని కోర్టులో హాజరుపరచగా న్యాయ రిమాండ్‌ విధించడంతో జైలుకు తరలించారు.

లక్నో: ఉత్తరప్రదేశ్‌లో గత 48 గంటల్లో వర్షాలకు సంబంధించిన ఘటనల్లో 15 మంది ప్రాణాలు కోల్పోయినట్లు అధికారులు శనివారం తెలిపారు. రాష్ట్రంలోని పలు ప్రాంతాల్లో కురిసిన భారీ వర్షాల కారణంగా 100కు పైగా ఇళ్లు దెబ్బతిన్నాయని వెల్లడించారు.ఉత్తరప్రదేశ్‌లో భారీ వర్షాలు కొనసాగుతున్న నేపథ్యంలో భారత వాతావరణ శాఖ (ఐఎండీ) ఆ రాష్ట్రంలోని తూర్పు, పశ్చిమ ప్రాంతాలకు అత్యంత భారీ వర్షాల హెచ్చరిక జారీ చేసింది. సెప్టెంబర్ 26న పలు ప్రాంతాల్లో భారీ నుంచి అత్యంత భారీ వర్షాలతో పాటు ఉరుములు, మెరుపులు, బలమైన గాలులు వీచే అవకాశం ఉందని తెలిపింది.దక్షిణ ఛత్తీస్‌గఢ్‌, దానికి ఆనుకుని ఉన్న దక్షిణ అంతర్గత ఒడిశా ప్రాంతాల్లో ఏర్పడిన అల్పపీడన ద్రోణి ప్రభావంతో ఉత్తరప్రదేశ్‌లో వర్షాల తీవ్రత పెరిగినట్లు వాతావరణ శాఖ తెలిపింది. ఈ వాతావరణ వ్యవస్థ ఉత్తర దిశగా కదులుతూ ఉత్తర ఛత్తీస్‌గఢ్‌, ఈశాన్య మధ్యప్రదేశ్‌ మీదుగా ఆగ్నేయ ఉత్తరప్రదేశ్‌ వైపు వెళ్లే అవకాశం ఉందని పేర్కొంది. రాష్ట్రంలోని పలు జిల్లాల్లో ఇప్పటికే భారీ వర్షాలతో సాధారణ జనజీవనం ప్రభావితమైంది.లక్నో, ప్రయాగ్‌రాజ్‌, కాన్పూర్‌, ఉన్నావ్‌ తదితర ప్రాంతాల్లో వర్షాలు కొనసాగుతున్నాయి. వర్షాల నేపథ్యంలో పలు జిల్లాల్లో పాఠశాలలకు సెలవులు ప్రకటించారు. ప్రయాగ్‌రాజ్‌లో సెప్టెంబర్ 26న ప్రీ-ప్రైమరీ నుంచి 8వ తరగతి వరకు పాఠశాలలను మూసివేశారు. మీరట్‌లోనూ భారీ వర్షాల కారణంగా పాఠశాలలకు సెలవు ప్రకటించారు. తూర్పు ఉత్తరప్రదేశ్‌లో సెప్టెంబర్ 27న భారీ వర్షాలతో పాటు ఉరుములు, మెరుపులు, బలమైన గాలులు వీచే అవకాశం ఉంది. పశ్చిమ ఉత్తరప్రదేశ్‌లోనూ సెప్టెంబర్ 27న భారీ వర్షాలు కురిసే అవకాశం ఉందని ఐఎండీ తెలిపింది.భారీ వర్షాల కారణంగా పలు ప్రాంతాల్లో చెట్లు నేలకూలడం, రహదారులపై నీరు నిలవడం వంటి ఘటనలు నమోదయ్యాయి. ఆకస్మిక వరదల ముప్పు ఉన్న ప్రాంతాల్లో సహాయక, రక్షణ బృందాలను అవసరానికి అనుగుణంగా సిద్ధంగా ఉంచాలని అధికారులను ఆదేశించారు. భారీ వర్షాలు, ఆకస్మిక వరదలు, పిడుగులు, బలమైన గాలుల విషయంలో ప్రజలు అప్రమత్తంగా ఉండాల్సి ఉంటుంది.

పంజాబ్‌లోని పాటియాలా జిల్లాలో ఉన్న రాజ్‌పురాలోని చిత్కారా విశ్వవిద్యాలయ క్యాంపస్‌లో దెయ్యం తిరుగుతోందంటూ, అమ్మాయిల హాస్టల్ నుంచి కేకలు వినిపించాయంటూ ఒక వీడియో వైరల్‌ కావడం కలకలం రేగింది. క్యాంపస్‌లో విద్యార్థినులు మరణిస్తున్నారని లేదా క్యాంపస్‌లో అదృశ్యమవుతున్నారని పుకార్లు షికార్లు చేశాయి. దీంతో శుక్రవారం రాత్రి వందలాది మంది విద్యార్థులు నిరసనకు దిగడంతో ఉద్రిక్త వాతావరణం ఏర్పడింది. కొందరు ఆందోళనకారులు పోలీసు పెట్రోలింగ్ వాహనాన్ని ధ్వంసం చేశారు. అసలు ఏమైందంటే..పుకార్ల వెనుక అసలు నిజంక్యాంపస్‌లో దెయ్యం తిరుగుతోందంటూ, అమ్మాయిల హాస్టల్ నుంచి కేకలు వినిపించాయంటూ ఒక వీడియో సోషల్ మీడియాలో సర్క్యులేట్ అయింది. దెయ్యం పట్టిన కారణంగా క్యాంపస్‌లోని ఇద్దరు విద్యార్థినులు అదృశ్యమయ్యారని ఆరోపించారు. అంతేకాదు దెయ్యాలను తరిమి కొట్టడానికి అధికారులు రహస్యంగా ఒక మాంత్రికుడిని హాస్టల్‌కు పిలిపించారనీ, ఈ మొత్తం విషయాన్ని కప్పిపుచ్చుతున్నారంటూ నిరసనలకు దిగారు.Big News 🚨 The videos circulating from Chitkara University last night show protests sparked. Both the university administration and Punjab Police have investigated the claims and officially confirmed that no students have died or gone missing. pic.twitter.com/JVUjuh0Mho— Sambhawam🚩 (@hinduvision1) September 26, 2026 హాస్టల్ వద్ద కనిపించిన అంబులెన్స్, ఆసుపత్రి నుంచి తిరిగి వస్తున్న ఒక విద్యార్థిని కోసం వచ్చిందే తప్ప మరే ఇతర కారణం వల్ల కాదని తేలింది. అలాగే హాస్టల్ వద్ద కనిపించిన పూజారి (పండిత్ జీ), తన కూతురిని కలవడానికి వచ్చారే తప్ప, ఏ ఘటనతోనూ ఆయనకు సంబంధం లేదని కాలేజీ యాజమాన్యం వెల్లడించింది. ఇద్దరు విద్యార్థినులు కనిపించడం లేదంటూ విద్యార్థులు ఫిర్యాదు చేశారని, అయితే ఎవరి పేర్లు లేదా వివరాలు ఎవరికీ తెలియవని బనూర్ డీఎస్పీ సుఖదేవ్ సింగ్ తెలిపారు. అయినప్పటికీ ఈ వార్తలపై విచారణ జరుపుతున్నట్లు చెప్పారు.ఇదీ చదవండి: నో ఫుడ్‌..రోజుకో షవర్మ....ఇపుడు రూ. 1.04 కోట్లుఅయితే క్యాంపస్‌లో ఎలాంటి ఆత్మహత్యలు లేదా మరణాలు జరగలేదని, సోషల్ మీడియాలో వస్తున్న వార్తలు పూర్తిగా నిరాధారమైనవని యూనివర్సిటీ క్లారిటీ ఇచ్చింది. అలాగే ధృవీకరించని రీల్స్, సందేశాలు లేదా పోస్ట్‌లపై ఆధారపడవద్దని విశ్వవిద్యాలయం విద్యార్థులను కోరింది.గతంలోనూ ఇలాంటి పుకార్లు 2019 డిసెంబర్‌లో కూడా ఇదే యూనివర్సిటీలో ఇలాంటిదే ఒక నకిలీ వార్త ప్రచారమైంది. కొందరు విద్యార్థులు ప్రాంక్ కాల్ చేసి హాస్టల్‌లోవిద్యార్థిని ఆత్మహత్య చేసుకుందంటూ పుకార్లు రేపడంతో ఆందోళనకు దారి తీసింది. పోలీసులు క్యాంపస్‌కు హుటాహుటిన చేరుకుని, ఆ కాల్ బూటకమని నిర్ధారించారు.ఇదీ చదవండి: యూనివర్శిటీ విద్యార్థిని మృతి, లవ్‌ జిహాద్‌ ఆరోపణలు కలకలం

ఢిల్లీ: సర్‌ ప్రక్రియపై కేంద్ర ఎన్నికల సంఘం కీలక సమావేశం నిర్వహించింది. అంతర్గత విబేధాలు బయటపడిన తర్వాత తొలిసారి జరిగిన భేటీకి సీఈసీ జ్ఞానేశ్‌కుమార్‌, ఈసీలు సందు, జోషి హాజరయ్యారు. ‘సర్‌’పై కేంద్ర ఎన్నికల సంఘం కీలక నిర్ణయాలు తీసుకుంది. ‘సర్‌’లో అభ్యంతరాలపై నవంబర్‌ 30 వరకు గడువు పొడిగించింది. నోటీసులు అందుకున్నవారు బీఎల్‌వోను కలవక్లర్లేదని.. బీఎల్‌వోలే ఓటర్లక ఇళ్లకు వస్తారని ఈసీ తెలిపింది.ఎస్ఐఆర్ (SIR)లో నోటీసు వచ్చిన వారికి బీఎల్‌వోలు ఇంటికి వచ్చి డాక్యుమెంట్లు తీసుకొని ఈసీఐనెట్‌లో అప్‌లోడ్ చేస్తారు. ఈఆర్వో కార్యాలయానికి వెళ్లాల్సిన అవసరం లేదు. అసాధారణ పరిస్థితుల్లోనే ఆన్‌లైన్ హియరింగ్. కుటుంబ సభ్యుడు కూడా హాజరు కావచ్చు. రాత్రి షెల్టర్లు, కార్మికులు, పేదలు, నిరాశ్రయుల కోసం డీఈవోలు సహాయ కేంద్రాలు, స్పెషల్ క్యాంపులు ఏర్పాటు చేయాలి’’ అని సీఈసీ పేర్కొన్నారు.‘‘ఎస్ఐఆర్ ఫామ్-6 డిక్లరేషన్‌ను సుప్రీంకోర్టు సమర్థించింది. ఎస్ఐఆర్ కాకుండా ఇతర సమయాల్లో సాధారణ నియమాల ప్రకారం ఫామ్‌లు వాడాలి. ఈసీఐనెట్‌ను సీనియర్ డీఈసీ అధ్యక్షతన కమిటీ సమీక్షిస్తుంది. కొత్త ఐటీ మాడ్యూళ్లు కమిటీ ఆఫ్ ఆఫీసర్స్ ద్వారా ఆమోదం తీసుకోవాలి. ఢిల్లీ క్లెయిమ్స్, అబ్జెక్షన్లు 30 అక్టోబర్ 2026 వరకు, డిస్పోజల్ 30 నవంబర్ 2026 వరకు పొడిగింపు. 
మహారాష్ట్రలో క్లెయిమ్స్ 12 అక్టోబర్ 2026 వరకు, డిస్పోజల్ 10 నవంబర్ 2026 వరకు పొడిగిస్తున్నాం’’ అని సీఈసీ తెలిపారు.ఎస్ఐఆర్ 20 రాష్ట్రాలు, కేంద్రపాలిత ప్రాంతాల్లో పూర్తయింది. ఓటర్లు, యువకులు కంటిన్యుయస్ అప్‌డేషన్ ద్వారా పేరు చేర్చుకోవచ్చు. ప్రత్యేక ఎన్‌రోల్‌మెంట్ డ్రైవ్ నిర్వహించాలని సీఈవోలకు ఈసీ ఆదేశించింది. కమిషన్ సమావేశాలకు ముందుగా అజెండా, తర్వాత మినిట్స్ జారీ చేయాలి. అధికారుల ఏపీఏఆర్‌లు ప్రతి సంవత్సరం డిసెంబర్ 31లోపు పూర్తి చేయాలి. విదేశీ పర్యటనలకు కమిషన్ అనుమతి తప్పనిసరి’’ అని సీఈసీ స్పష్టం చేశారు.ఇదీ చదవండి: ప్రేమానంద్‌ మహారాజ్‌ ఆశ్రమంలో కలకలం..

గౌహతి విశ్వవిద్యాలయానికి చెందిన సోషియాలజీ విద్యార్థిని నిమిషా ఠాకురియా అనుమానాస్పద పరిస్థితుల్లో మరణించింది. సెప్టెంబర్ 25వ తేదీ శనివారం ఉదయం అస్సాంలోని గువాహటి, గరాల్ ప్రాంతంలోని ఒక హోమ్‌స్టేలో శవమై తేలిన ఘటన దిగ్భ్రాంతి రేపింది. ఈ ఘటనకు సంబంధించి పోలీసులు 26 ఏళ్ల వ్యక్తిని అరెస్టు చేశారు. 'లవ్ జిహాద్' అరోపణలు మరింత తీవ్ర కలకలం రేపాయి.నిమిషా ఉరివేసుకుని ఆత్మహత్య చేసుకున్నట్లు నిందితుడు ఆసిఫ్ అలీ (26)పోలీసులకు తెలిపాడు. అయితే, పోలీసులు ఈ వాదనను పూర్తిగా కొట్టిపారేశారు. ఇది హత్య అయి ఉండవచ్చని అనుమానిస్తున్నారు. నిమిషా ముఖం, తల, చేతులు, మర్మాంగాలపై గాయాల గుర్తులు ఉన్నట్లు మేజిస్ట్రేట్ విచారణలో ప్రాథమికంగా తేలిన నివేదికల నేపథ్యంలో ఆందోళన నెలకొంది. పోస్ట్‌మార్టం నివేదిక వస్తేనే పూర్తి వివరాలు తెలుస్తాయని పోలీసులు వెల్లడించారు.చివరి కాల్‌, సంచలన ఆరోపణలుధారాపూర్‌కు చెందిన నిమిషా, తన స్నేహితుడు ఆసిఫ్ అలీతో కలిసి శుక్రవారం సాయంత్రం 'రుద్రాస్ కిచెన్ హోమ్‌స్టే'కి వెళ్ళినట్టు తెలుస్తోంది. మృతురాలి కుటుంబ స్నేహితుడు గౌతమ్ దాస్ మీడియాతో మాట్లాడుతూ.. అర్ధరాత్రి దాటాక సుమారు 2:00 గంటల ప్రాంతంలో నిమిషా తన తల్లికి ఫోన్ చేసి "వాళ్ళు నన్ను చంపేస్తారు అమ్మ" ఏడుస్తూ అని చెప్పిందని, ఆ తర్వాత ఆమె ఫోన్‌ను లాక్కుని ఉంటారని అనుమానాన్ని వ్యక్తం చేశారు.కుటుంబ సభ్యులు పోలీసులను ఆశ్రయించేలోపే, ఆమెను ఆసుపత్రికి తరలించగా అప్పటికే ఆమె మృతి చెందినట్లు వైద్యులు ధృవీకరించారు.మరోవైపు హాస్టల్‌ యజమాని మాటలు కూడా హత్య అనే అనుమానాలకు మరింత ఊతమిస్తున్నాయి.Assam: Locals in Guwahati’s Dharapur protest against ‘Love Jihad’ after the mysterious death of Gauhati University student Nimisha Thakuria.👉 Nimisha’s boyfriend Ashik Ali has been detained.👉 Both were staying at a homestay where the incident took place.👉 Nimisha left… pic.twitter.com/FhQAlapi9n— aboyob bhuyan (@aboyobbhuyan) September 26, 2026 ఇదీ చదవండి : మమ్మల్ని అడ్డుకుని, గృహనిర్బంధం : మమత సంచలన వ్యాఖ్యలు హోమ్‌స్టే కేర్‌టేకర్‌ వాంగ్మూలంరాత్రి సమయంలో ఒక మగ గొంతు గట్టిగా అరుస్తూ ఎవరో లేవాలని ("దదా, ఉఠో, ఉఠో") పిలుస్తున్న శబ్దం వినిపించిందని హోమ్‌స్టే కేర్‌టేకర్‌ బిపుల్ బైలుంగ్ తెలిపారు. ఆ తర్వాత శబ్దం వచ్చిన గదికి వెళ్లి చూడగా, ఒక అబ్బాయి నేలపై పడి ఉన్న అమ్మాయిని పట్టుకుని ఉన్నాడని, వెంటనే యజమానులకు సమాచారం అందించి అంబులెన్స్‌లో ఆసుపత్రికి తరలించామని చెప్పారు.'లవ్ జిహాద్' ఆరోపణలు, నిరసనలుమృతురాలు హిందూ మతానికి చెందిన విద్యార్థిని కాగా, అరెస్టయిన ప్రియుడు ముస్లిం కావడంతో ఈ ఘటన తీవ్ర ఉద్రికత్తతను రాజేసింది. ఇది 'లవ్ జిహాద్' కుట్ర అంటూ కొన్ని సంస్థలు రహదారిపై నిరసనలు చేపట్టాయి. నిందితుడిని ఎన్‌కౌంటర్‌ చేయాలంటూ డిమాండ్‌ చేశారు. పోలీసులు వెంటనే స్పందించి ఆందోళనకారులను సముదాయించి ట్రాఫిక్‌ను పునరుద్ధరించారు.ఇదీ చదవండి: లవర్‌తో పెళ్లి : పోలీస్‌కానిస్టేబుల్‌ని మట్టుబెట్టిన కొడుకు

ఉత్తరప్రదేశ్‌లోని బృందావన్‌లో ప్రే‌మానంద్‌ మహారాజ్‌ ఆశ్రమంలో విషాద ఘటన చోటుచేసుకుంది. ఆయన శిష్యుడు నాలుగో అంతస్తు నుంచి కిందపడి ఆత్మహత్యకు పాల్పడ్డారు. మృతుడిని మధ్యప్రదేశ్‌లోని జబల్‌పూర్‌కు చెందిన దీపక్‌ లోధి అలియాస్‌ రసిక్‌ దులారీ శరణ్‌గా గుర్తించారు. శుక్రవారం ఉదయం 10.30 గంటల సమయంలో గురు కృపా కుంజ్‌ ఆశ్రమం నాలుగో అంతస్తు నుంచి కిందపడినట్లు పోలీసులు తెలిపారు.ఆసుపత్రిలో చికిత్స పొందుతూ మృతిఈ ఘటనలో దీపక్‌కు తలకు, శరీరంలోని ఇతర భాగాలకు తీవ్ర గాయాలయ్యాయి. వెంటనే అతడిని ఆసుపత్రికి తరలించగా.. చికిత్స పొందుతూ మృతి చెందారు. నాలుగో అంతస్తు నుంచి దూకి ఆయన ఆత్మహత్య చేసుకుని ఉండొచ్చని పోలీసులు భావిస్తున్నారు. ఘటనాస్థలంలో ఆధారాలను సేకరించిన పోలీసులు.. కుటుంబ సభ్యులకు సమాచారం అందించారు.ఆత్మహత్యకు కారణమేంటి?దీపక్‌ ఆత్మహత్యకు ఎందుకు పాల్పడ్డారనే దానిపై ఇప్పటివరకు స్పష్టత రాలేదు. ఈ ఘటనపై కేసు నమోదు చేసిన పోలీసులు దర్యాప్తు చేపట్టారు. దీపక్‌ మృతిపై అన్ని కోణాల్లో విచారణ జరుపుతున్నామని పోలీసులు తెలిపారు. ఆశ్రమ నిర్వాహకులను కూడా విచారిస్తున్నారు. ఈ ఘటనపై ప్రేమానంద్‌ మహారాజ్‌ ఇప్పటివరకు స్పందించలేదు.ఎవరీ ప్రేమానంద్‌ మహారాజ్‌?ప్రేమానంద్‌ మహారాజ్‌ అసలు పేరు అనిరుద్ధ కుమార్‌ పాండే. ‘ప్రేమానంద్‌’ పేరుతో ఆధ్యాత్మిక బాట పట్టారు. తన ప్రసంగాలతో దేశవ్యాప్తంగా గుర్తింపు పొందారు. సోషల్‌ మీడియాలోనూ ఆయనకు పెద్ద సంఖ్యలో ఫాలోవర్లు ఉన్నారు. ఆయన ఆశ్రమానికి దేశ నలుమూలల నుంచి, విదేశాల నుంచి కూడా వందలాది మంది భక్తులు హాజరవుతుంటారు.ఇదీ చదవండి: రైలులో ఎంపీ భార్యకు ‘భయానక’ అనుభవం

పశ్చిమ బెంగాల్‌ మాజీ ముఖ్యమంత్రి టీఎంసీ (TMC) అధినేత్రి మమతా బెనర్జీ బీజేపీపై శనివారం సంచలన ఆరోపణలు చేశారు. సెరాంపూర్‌లో జరగనున్న ర్యాలీకి హాజరుకాకుండా తనను, పలువురు పార్టీ నాయకులను గృహనిర్బంధంలో (House Arrest) ఉంచారని ఆరోపించారు బీజేపీ విధానాలకు వ్యతిరేకంగా, కోర్టు అనుమతితోనే తాము తలపెట్టిన ర్యాలీ నిర్ణయించినప్పటికీ బీజేపీ శ్రేణులు అడ్డుకున్నారని మండిపడ్డారు. ర్యాలీ జరిగే ప్రదేశానికి వెళ్లే మార్గాన్ని బీజేపీ కార్యకర్తలు తమ ఆధీనంలోకి తీసుకున్నారని ఆరోపించారు. తమ పార్టీ ఎమ్మెల్యే కునాల్‌ ఘోష్‌, కారుపై రాళ్ళదాడిచేసి కొంతమంది దుండగులు అడ్డుకున్న నేపథ్యంలో మమతా ఈ వ్యాఖ్యలు చేశారు.15 రోజులు కోర్టులో పోరాడి, అనుమతి పొందిన తర్వాతే ఈ రోజు సమావేశాన్ని ఏర్పాటు చేశామనీ అయితే, బీజేపీ గూండాలు రౌడీలు రోడ్డు బ్లాక్‌ చేసి తమని కనీసం ఇంటి బయటకు కూడా అడుగు పెట్టనివ్వడం లేదని ఆగ్రహం వ్యక్తం చేశారు. ఇలాంటి పరిస్థితిని తానె క్కడా చూడలేదని, ఆఫ్రికన్ దేశాల్లో కూడా ఇలాంటివి జరగవని విమర్శించారు. ర్యాలీ మార్గాన్ని బీజేపీ కార్యకర్తలు తమ ఆధీనంలోకి తీసుకున్నారని, ఎలాంటి పోలీసు భద్రత లేకుండా తమపై దాడులు జరుగుతున్నాయని మండి పడ్డారు. యూపీ, బిహార్‌లో కూడా లేని విధంగా బెంగాల్‌లో అరాచకం సృష్టిస్తున్నారని ఆగ్రహం వ్యక్తం చేశారు. ఎన్ని అడ్డంకులు సృష్టించినా కోర్టు అనుమతి పొందిన ఈ ర్యాలీ జరిపి తీరుతామని, సభలో ప్రసంగించి తీరుతామని ఆమె సవాల్ విసిరారు. ర్యాలీ సజావుగా సాగేలా చూడాల్సిన బాధ్యత పోలీసులదేనని స్పష్టం చేశారు. ఇదీ చదవండి: మమత ర్యాలీకిముందు, టీఎంసీ ఎమ్మెల్యేపై రాళ్ల దాడి!Watch: Former CM Mamata Banerjee says, "I want to tell you one thing. Today's meeting was organized after fighting in court for 15 days, and permission was obtained from the court. We are not even being allowed to step out of our house. They have kept us almost under house… pic.twitter.com/nQ7snUnvwL— IANS (@ians_india) September 26, 2026 ఇది ఇలా ఉంటే. ఈ ఉదయం సెరాంపూర్‌లో సభకు బయలుదేరిన టీఎంసీ ఎమ్మెల్యే, పార్టీ అధికార ప్రతినిధి కునాల్ ఘోష్ కారుపై హుగ్లీ జిల్లా ఉత్తరపారాలో కొందరు నల్ల జెండాలతో వచ్చి రాళ్లు, గుడ్లతో దాడి చేసిన సంగతి తెలిసిందే. ఇదీ చదవండి: లవర్‌తో పెళ్లి : పోలీస్‌కానిస్టేబుల్‌ని మట్టుబెట్టిన కొడుకు

చండీగడ్‌లో జరిగిన దారుణ ఘటన దిగ్భ్రాంతిరేపింది. మేజర్‌ కాకముందే పెళ్లి వద్దు అన్నందుకు కన్నతండ్రినే హతమర్చాడో ప్రబుధ్దుడు. పోలీసు హెడ్ క్వార్టర్స్‌లోని అకౌంట్స్ బ్రాంచ్‌లో పనిచేస్తున్న నితిన్ సింగ్ (హెడ్ కానిస్టేబుల్) కన్న కొడుకు చేతిలోనే హత్యకు గురి కావడం స్థానికంగా కలకలం రేపింది. పోలీసు ప్రధాన కార్యాలయంలోని అకౌంట్స్ విభాగంలో పనిచేస్తున్న నితిన్ సింగ్, శుక్రవారం నాడు సెక్టార్ 22లోని తన ప్రభుత్వ నివాసంలో తలకు తగిలిన తుపాకీ గాయంతో మరణించి కనిపించారు. అంతకు ముందు రోజు తన 18 ఏళ్ల కుమారుడు అర్మాన్‌తో ఆయనకు వాగ్వాదం జరిగింది. ఘటనా స్థలంలో నాటు తుపాకీ (country-made pistol) లభ్యమైంది.నితిన్ సింగ్ కుమారుడు అర్మాన్ (18) తన ప్రేయసిని వెంటనే పెళ్లి చేసుకోవాలని తల్లిదండ్రులపై తీవ్ర ఒత్తిడి తెచ్చాడు. అయితే, చట్టపరంగా అబ్బాయికి కనీసం 21 ఏళ్లు నిండే వరకు ఆగాలని, ఆ తర్వాతే పెళ్లి గురించి ఆలోచించవచ్చని తల్లిదండ్రులు చెప్పారు.అంతేకాదు పెళ్లి ఖర్చుల కోసం తన తండ్రిని ఏ​కండా రూ. 10 లక్షలు డిమాండ్ చేశాడు. ఆ అమ్మాయిని తక్షణమే ఇంటికి తీసుకురావాలని అర్మాన్ పట్టుబట్టాడు. ఈ విషయమై గురువారం రాత్రి తల్లిదండ్రులతో తీవ్ర వాగ్వాదం జరిగింది. ఈ సమయంలో అర్మాన్ తన తల్లి గొంతును కూడా నులిమి చంపడానికి ప్రయత్నించాడు. ఆమె ప్రాణభయంతో మేడపైకి పరుగెత్తి చుట్టుపక్కల వారికి సమాచారం అందించింది. ఆ తర్వాత బయటి వ్యక్తులే తన తండ్రిని హత్య చేశారని నమ్మించేందుకు నిందితుడు ప్రయత్నించాడు. పోలీసులు అతన్ని అరెస్ట్ చేయగా, తన చేసిన తప్పుపై ఏమాత్రం పశ్చాత్తాపం చూపలేదని పోలీసులు తెలిపారు.ఇదీ చదవండి: మమత ర్యాలీకిముందు, టీఎంసీ ఎమ్మెల్యేపై రాళ్ల దాడి!ఈ ఏడాది ప్రారంభంలో మణిమజ్రా ప్రాంతంలో స్నేహితుడి మహీంద్రా థార్ కారును నిర్లక్ష్యంగా నడిపి బైక్‌పై వెళ్తున్న ఇద్దరు అన్నదమ్ములను ఢీకొట్టి హత్య చేసిన కేసులో అర్మాన్ ఇప్పటికే అరెస్టై, బెయిల్‌ మీద ఉన్నాడు.

పశ్చిమ బెంగాల్‌లోని హుగ్లీ జిల్లా ఉత్తరపారాలో తృణమూల్ కాంగ్రెస్ (TMC) ఎమ్మెల్యే, పార్టీ అధికార ప్రతినిధి కునాల్ ఘోష్ కారుపై శనివారం దాడి జరిగింది. శ్రీరామ్‌పూర్‌లో మాజీ ముఖ్యమంత్రి మమతా బెనర్జీ నిర్వహించ తలపెట్టిన బహిరంగ సభకు వెళుతుండగా ఈ ఘటన చోటుచేసుకుంది. ఈ దాడికి సంబంధించిన వీడియో నెట్టింట వైరల్‌గా మారింది. ఇది బీజేపీ గూండాల పని అని కునాల్‌ ఆరోపించారు.సెరంపూర్‌లో మమతా ర్యాలీకి హాజరయ్యేందుకు వెళ్తుండగా, హుగ్లీ జిల్లాలోని ఉత్తరపారా వద్ద ఆయన కారుపై దాడి జరిగింది. కొందరు వ్యక్తులు ఘోష్ వాహనాన్ని చుట్టుముట్టి నినాదాలు చేశారు. కొందరు కారును కొట్టారు, గుడ్లు విసిరారు, వెనుక విండ్‌షీల్డ్‌ను పగలగొట్టారు. ఘోష్ కోల్‌కతాకు తిరిగి వెళ్లాల్సి వచ్చింది. కర్రలు, రాడ్లు, నల్లటి పోస్టర్లతో వచ్చిన ఒక గుంపు తన కారును అడ్డగించి, రాళ్లు, గుడ్లతో దాడి చేసిందని కునాల్ ఘోష్ ఆరోపించారు. ఈ దాడిలో కారు ముందు, వెనుక అద్దాలు ధ్వంసమయ్యాయని ఆరోపించారు. సంఘటనా స్థలంలో ఒక్క పోలీసు కూడా లేకపోవడాన్ని ఆయన తప్పుబట్టారు. రాష్ట్ర పోలీసు ప్రధాన కార్యాలయానికి (భవానీ భవన్) నేరుగా వెళ్లి ఈ ఘటనపై ఫిర్యాదు చేస్తానని ఆయన పేర్కొన్నారు. West Bengal: TMC MLA Kunal Ghosh says that eggs were hurled at his car and a group of people attacked the car while he was going to Serampore, Hooghly, for a rally of former CM Mamata Banerjee. (Video Source: Kunal Ghosh) pic.twitter.com/H4i9ICHOIe— Shakeel Yasar Ullah (@yasarullah) September 26, 2026 మరోవైపు ఈ దాడి వెనుక బీజేపీ కార్యకర్తలు ఉన్నారని కునాల్ ఘోష్ ఆరోపణలు బీజేపీ ఖండించింది. స్థానిక తృణమూల్ ఎంపీ కల్యాణ్ బెనర్జీ వర్గీయులపనే ఈ దాడి జరిగి ఉండొచ్చని బీజేపీ ప్రతినిధి దేబ్జిత్ సర్కార్ తిప్పికొట్టారు.

కేంద్ర ప్రభుత్వం ఉద్యోగుల భవిష్య నిధి సంస్థ (ఈపీఎఫ్‌ఓ) పరిధిలోని వేతన పరిమితిని నెలకు రూ.15,000 నుంచి రూ.25,000కు పెంచుతూ ఇటీవల నిర్ణయం తీసుకుంది. 2014 తర్వాత దాదాపు 12 ఏళ్ల నిరీక్షణకు తెరదించుతూ కేంద్ర కార్మిక శాఖ సెప్టెంబర్ 17న గెజిట్ నోటిఫికేషన్ విడుదల చేసింది. ఈ నిర్ణయంతో దేశవ్యాప్తంగా సుమారు 50 లక్షల మందికి పైగా కొత్త ఉద్యోగులు సామాజిక భద్రతా పరిధిలోకి రానున్నారు. అయితే ఈ వేతన పరిమితి పెంపుతో ఉద్యోగుల డిపాజిట్ లింక్డ్ ఇన్సూరెన్స్ (ఈడీఎల్‌ఐ) పథకం కింద పొందే ఉచిత జీవిత బీమా రక్షణ పరిస్థితి ఎలా ఉంటుందో తెలుసుకుందాం.పీఎఫ్, పెన్షన్ విరాళాల్లో మార్పులునూతన నిబంధనల ప్రకారం, వేతన పరిమితి పెరగడంతో ఎంప్లాయర్ (యాజమాన్యం), ఉద్యోగి కాంట్రిబ్యూషన్లలో కీలక మార్పులు రానున్నాయి.ఈపీఎఫ్ నిధి: బేసిక్ వేతనం ఆధారంగా పీఎఫ్ విరాళం లెక్కిస్తారు. వేతన పరిమితి రూ.25,000కు పెరగడం వల్ల గరిష్టంగా కంపెనీ విరాళం రూ.1,800 నుంచి రూ.3,000కు పెరుగుతుంది.ఈపీఎస్ పెన్షన్: ఇదివరకు రూ.15,000 పరిమితి ప్రకారం పెన్షన్ ఫండ్‌కు వెళ్లే గరిష్ట మొత్తాన్ని రూ.1,250గా నిర్ణయించారు. కొత్త పరిమితి ఆధారంగా (8.33%) ఇది గరిష్టంగా రూ.2,083 వరకు పెరిగే అవకాశం ఉంది. దీనివల్ల ఉద్యోగులకు పదవీ విరమణ తర్వాత లభించే నెలవారీ పెన్షన్ లబ్ధి చేకూరుతుంది.ఇన్-హ్యాండ్ శాలరీపై ప్రభావంకొత్త పరిమితి కారణంగా రూ.15,000 నుంచి రూ.25,000 మధ్య మూల వేతనం కలిగిన ఉద్యోగులకు ప్రతి నెలా పీఎఫ్ మినహాయింపు పెరుగుతుంది. సీటీసీ ప్రాతిపదికన పనిచేసే ఉద్యోగుల నెలవారీ చేతికి వచ్చే జీతం (టేక్‌ హోమ్‌ సాలరీ) కొద్దిగా తగ్గినప్పటికీ సుదీర్ఘకాలంలో లభించే వడ్డీ, రిటైర్మెంట్ కార్పస్ పెరుగుతాయి.ఈడీఎల్ఐ ఇన్సూరెన్స్ కవరేజ్ పరిస్థితి ఏమిటి?ఈ వేతన పరిమితి పెంపుతో ఉద్యోగుల డిపాజిట్ లింక్డ్ ఇన్సూరెన్స్ (ఈడీఎల్‌ఐ) పథకం కింద పొందే ఉచిత జీవిత భీమా రక్షణ మరింత ఎక్కువ మందికి విస్తరిస్తుంది. కొత్తగా పీఎఫ్ పరిధిలోకి వచ్చే ఉద్యోగులందరికీ ఈ ఇన్సూరెన్స్ రక్షణ లభిస్తుంది. అయితే, ప్రస్తుత సమాచారం ప్రకారం ఈడీఎల్‌ఐ కింద లభించే గరిష్ట బీమా పరిమితి రూ.7 లక్షలుగా కొనసాగుతోంది. ప్రభుత్వ యంత్రాంగం వేతన పరిమితి ఆధారంగా ఈ ఉచిత ఇన్సూరెన్స్ క్లెయిమ్ గరిష్ట పరిమితిని పెంచే అవకాశం ఉన్నప్పటికీ దీనిపై ఇంకా అధికారిక మార్పు నోటిఫికేషన్ వెలువడాల్సి ఉంది.ఇదీ చదవండి: ఆధార్ వ్యవస్థనే అబ్బురపరిచిన కవలలు

న్యూఢిల్లీ: సెంట్రల్‌ బోర్డ్‌ ఆఫ్‌ సెకండరీ ఎడ్యుకేషన్‌(సీబీఎస్‌ఈ)కు కొత్త అధిప‌తి వ‌చ్చారు. సీబీఎస్‌ఈ చైర్‌ పర్సన్‌గా సీనియర్‌ అధికారి మన్‌దీప్‌ కె. భండారీ (Mandeep K. Bhandari) నియమితులయ్యారు. 2001 బ్యాచ్‌ ఐఏఎస్‌ అయిన భండారీ అరుణాచల్, గోవా, మిజోరం, కేంద్ర పాలిత ప్రాంతాల కేడర్‌కు చెందిన వారు. ప్రస్తుతం జమ్మూకశ్మీర్‌ లెఫ్టినెంట్‌ గవర్నర్‌కు ప్రిన్సిపల్‌ సెక్రటరీగా పనిచేస్తున్నారు. ఈయన నియామకానికి కేబినెట్‌ కమిటీ ఆమోదం తెలిపినట్లు సిబ్బంది వ్యవహారాల శాఖ శుక్రవారం వెల్లడించింది.12 త‌ర‌గ‌తి మార్కుల మూల్యాంక‌నానికి వినియోగించే ఆన్-స్క్రీన్ మార్కింగ్ (ఓఎస్‌ఎం) విధానంలో లోపాల‌తో కొద్ది నెల‌ల క్రితం సీబీఎస్‌ఈ తీవ్ర విమ‌ర్శ‌ల పాలైంది. జార్ఖండ్‌లోని రాంచీకి చెందిన 17 ఏళ్ల టెక్నాలజీ పరిశోధకుడు, సీబీఎస్‌ఈ 12వ తరగతి విద్యార్థి సార్థక్ సిద్ధాంత్.. సీబీఎస్ఈ వెబ్‌సైట్‌లోని లోపాలను బ‌హిర్గ‌తం చేయ‌డంతో వివాదం మ‌రింత ముదిరింది. ఈ నేప‌థ్యంలో కేంద్ర ప్ర‌భుత్వం దిద్దుబాటు చ‌ర్య‌లు చేప‌ట్టింది. జూన్ నెల‌లో అప్ప‌టి సీబీఎస్‌ఈ చైర్మ‌న్ రాహుల్ సింగ్‌, సెక్ర‌ట‌రీ హిమాంశు గుప్తాను బ‌దిలీ చేసింది. తాజాగా మన్‌దీప్‌ భండారీని సీబీఎస్‌ఈ చైర్‌పర్సన్‌గా నియ‌మించింది. ఎవ‌రీ మ‌న్‌దీప్ భండారీ?మెడిక‌ల్ గ్రాడ్య‌యేట్ అయిన మ‌న్‌దీప్ భండారీ.. 2001లో ఐఏఎస్‌కు ఎంపిక‌య్యారు. జ‌మ్మూక‌శ్మీర్‌తో పాటు కేంద్రంలోనూ వివిధ స్థాయిల్లో ప‌నిచేశారు. లేహ్‌, జ‌మ్మూ డిప్యూటీ కమిష‌న‌ర్‌గా ప‌నిచేసిన త‌ర్వాత.. జ‌మ్మూ డివిజ‌న‌ల్ క‌మిష‌న‌ర్‌గా సేవ‌లు అందించారు. వైద్య, ఆరోగ్య విద్యా రంగంలో ఆయ‌న‌కు మంచి అనుభ‌వం ఉంది. 2018లో కేంద్ర మాన‌వ‌న‌రుల మంత్రిత్వ శాఖ‌లో కొద్దిరోజులు ప్రైవేటు సెక్ర‌ట‌రీగా ఉన్నారు. త‌ర్వాత ఆరోగ్య కుటుంబ సంక్షేమ శాఖ‌లో జాయింట్ సెక్ర‌ట‌రీగా కొనసాగారు. శ్రీ మాతా వైష్ణోదేవి దేవాల‌య బోర్డు సీఈవోగానూ సేవ‌లు అందించారు. ఇదీ చ‌ద‌వండి: చిక్కుల్లో సీఈసీ జ్ఞానేశ్ కుమార్‌ కూతురు!భండారీ ముందు స‌వాళ్లుసీబీఎస్‌ఈ చైర్‌పర్సన్‌గా నియ‌మితులైన మన్‌దీప్‌ భండారీ ఎదుట ప‌లు స‌వాళ్లు ఉన్నాయి. గ‌తంలో జ‌రిగిన పొర‌పాట్లు మ‌ళ్లీ జ‌ర‌కుండా చూసుకోవాల్సిన బాధ్య‌త ఆయ‌నపై ఉంది. ఇప్ప‌టికే టెన్త్‌, 12వ త‌ర‌గతి ప‌రీక్ష‌ల నిర్వ‌హ‌ణ ప్ర‌క్రియ మొద‌లైంది. డిజిట‌ల్ మూల్యాంక‌నంలో ఇంత‌కుముందు వెలుగుచూసిన పొర‌పాట్లు పునరావృతం కాకుండా కాచుకోవాల్సిన ప్ర‌ధాన క‌ర్త‌వ్యం భండారీపై ఉంది. సీబీఎస్‌ఈ బోర్డుపై ఎటువంటి అప‌ప్ర‌ద రాకుండా అత్యంత కీల‌కంగా ప‌నిచేయాల్సిన బాధ్య‌త ఆయ‌న భుజాల‌పై ఉంది.

దేశంలో బ్యాంకింగ్ సేవలు మరోసారి తీవ్ర అంతరాయాన్ని ఎదుర్కొనే పరిస్థితి ఏర్పడింది. ఏడు ప్రధాన ప్రతినిధి సంఘాలు, సుమారు ఎనిమిది లక్షల మంది బ్యాంకింగ్ సిబ్బందికి ప్రాతినిధ్యం వహిస్తున్న ‘యునైటెడ్ ఫోరమ్ ఆఫ్ బ్యాంక్ యూనియన్స్’ (యూఎఫ్‌బీయూ) సెప్టెంబర్ 28 నుంచి 30 వరకు (మూడు రోజుల పాటు) దేశవ్యాప్త సమ్మెకు పిలుపునిచ్చింది. కార్మిక శాఖ డెప్యూటీ చీఫ్ లేబర్ కమిషనర్‌తో జరిపిన సమన్వయ చర్చలు విఫలం కావడమే ఈ నిర్ణయానికి తక్షణ కారణం.ప్రధాన డిమాండ్లు.. ఉద్యోగుల వాదనయుఎఫ్‍బీయూ ప్రధాన డిమాండ్.. వారానికి 5 రోజుల పనిదినాల విధానాన్ని తక్షణమే అమలు చేయడం. ప్రస్తుతం రెండో, నాలుగో శనివారాల్లో మాత్రమే బ్యాంకులు మూసి ఉంటున్నాయి. అన్ని శనివారాలనూ సెలవు దినాలుగా ప్రకటించాలని యూనియన్లు పట్టుబడుతున్నాయి.శనివారం సెలవు ఇస్తే సోమవారం నుంచి శుక్రవారం వరకు రోజూ అదనంగా 40 నిమిషాల సమయం పని చేయడానికి తాము సిద్ధంగా ఉన్నామని ఉద్యోగుల పక్షం స్పష్టం చేసింది.ఆర్‌బీఐ, ఐఆర్‌డీఏఐ, సెంట్రల్ గవర్నమెంట్, ఐటీ రంగాల్లో ఇప్పటికే ఐదు రోజుల పనిదినాలు ఉన్నాయని యూనియన్‌ చెబుతోంది. తీవ్రమైన మానసిక ఒత్తిడి, సిబ్బంది కొరత, పనిభారం అనుభవిస్తున్న బ్యాంకు సిబ్బంది ఆరోగ్యం, కుటుంబ సమతుల్యత(వర్క్‌లైఫ్‌ బ్యాలెన్స్‌) దృష్ట్యా ఇది అత్యంత అవసరమని తెలియజేస్తోంది.విశ్రాంత ఉద్యోగుల పెన్షన్ అప్‌డేషన్‌, నేషనల్ పెన్షన్ సిస్టమ్ (ఎన్‌పీఎస్‌) స్థానంలో పాత పెన్షన్ స్కీమ్ పునరుద్ధరణ, పర్ఫార్మెన్స్ లింక్డ్ ఇన్సెంటివ్ (పీఎల్‌ఐ) విధానంలో మార్పులు వంటివి యూనియన్ల ఇతర ప్రధాన డిమాండ్లుగా ఉన్నాయి.ప్రభుత్వం, బ్యాంక్ యాజమాన్యాల వైఖరిఐదు రోజుల విధానాన్ని అమలు చేస్తే దేశ ఆర్థిక లావాదేవీలపై ముఖ్యంగా గ్రామీణ ప్రాంత ప్రజలు, చిన్న వ్యాపారులపై ప్రతికూల ప్రభావం పడుతుందని కేంద్రం భావిస్తోంది. 2024 మార్చి వేతన ఒప్పంద సమయంలో.. ఐదు రోజుల బ్యాంకింగ్‌ సూత్రప్రాయంగా పరిశీలనలో ఉందని సంతకాలు జరిగాయి తప్ప, దీనిపై ప్రభుత్వం నుంచి తుది ఆమోదం లభించలేదని ఆర్థిక మంత్రిత్వ శాఖ వర్గాలు అంటున్నాయి. సెప్టెంబర్ 30 అర్ధవార్షిక క్లోజింగ్ రోజు కావడంతో సమ్మె వల్ల వ్యాపార, పన్ను ఖాతాల సర్దుబాట్లు నిలిచిపోతాయని, అందుకే సమ్మెను విరమించుకోవాలని ప్రభుత్వం విజ్ఞప్తి చేసింది. సమ్మె ప్రభావాన్ని తగ్గించేందుకు వీలుగా సెప్టెంబర్ 27 ఆదివారం నాడు ప్రభుత్వ రంగ బ్యాంకులను, ఆర్‌ఆర్‌బీలను తెరిచి ఉంచాలని ఆర్‌బీఐ సమ్మతి తెలిపింది.యథావిధిగా యూపీఐ, నెట్‌ బ్యాంకింగ్‌ సేవలుయూపీఐ, నెట్ బ్యాంకింగ్ సేవలు యథావిధిగా పనిచేస్తున్నప్పటికీ బ్రాంచ్ బ్యాంకింగ్, చెక్కుల క్లియరెన్స్, పెద్ద మొత్తంలో నగదు డిపాజిట్లు నిలిచిపోయే ప్రమాదం ఉంది. సెప్టెంబర్ 30 నాటికి యూనియన్లు సమస్య పరిష్కారం లభించకపోతే అక్టోబర్ 26 నుంచి నిరవధిక సమ్మెకు దిగుతామని హెచ్చరిస్తున్నాయి. సమస్య తీవ్రతరం కాకముందే ప్రభుత్వం, బ్యాంకింగ్ యూనియన్లు స్పందించి వివాదానికి శాశ్వత పరిష్కారం కనుగొనాలని కోరుతున్నాయి.ఇదీ చదవండి: ఆధార్ వ్యవస్థనే అబ్బురపరిచిన కవలలు

మన్మోహన్‌ సింగ్‌ పేరు వినగానే చాలామందికి గుర్తొచ్చేది.. నిశ్శబ్దంగా మాట్లాడే మాజీ ప్రధాని. కానీ నేటి జెన్‌జీకి ఆయన అంతకంటే ఎక్కువ. చేతిలో ఉన్న స్మార్ట్‌ఫోన్‌ నుంచి ఇంటర్నెట్‌ వరకు.. స్టార్టప్‌ల నుంచి విదేశీ కంపెనీల ఉద్యోగాల వరకు.. భారత ఆర్థిక వ్యవస్థలో మూడు దశాబ్దాలుగా కనిపిస్తున్న ఎన్నో మార్పుల వెనుక ఆయన ఆలోచనల ముద్ర కనిపిస్తుంది.ఒక్కసారి 1991కి వెళ్దాం. అప్పట్లో దేశం తీవ్ర ఆర్థిక ఇబ్బందుల్లో ఉంది. విదేశీ మారక నిల్వలు పడిపోయాయి. దేశం తన అవసరాలకు కావాల్సిన వస్తువులను కొనుక్కోవడానికే ఇబ్బంది పడే పరిస్థితి. ఆ సమయంలో పీవీ నరసింహారావు ప్రధానిగా, మన్మోహన్‌ సింగ్‌ ఆర్థిక మంత్రిగా బాధ్యతలు చేపట్టారు. ఆర్థిక వ్యవస్థలో పెద్ద మార్పులకు శ్రీకారం చుట్టారు. దిగుమతులు, పెట్టుబడులు, పరిశ్రమలు, ప్రైవేట్‌ రంగంపై ఉన్న అనేక ఆంక్షలను క్రమంగా సడలించారు. భారత ఆర్థిక వ్యవస్థను ప్రపంచంతో మరింతగా అనుసంధానం చేసే దిశగా అడుగులు వేశారు.ఆ మార్పులు అంటే అప్పట్లో సామాన్యుడికి వెంటనే అర్థమయ్యే విషయం కాదు. కానీ వాటి ప్రభావం క్రమంగా కనిపించింది. విదేశీ కంపెనీలకు భారత మార్కెట్‌ తెరుచుకుంది. ప్రైవేట్‌ రంగానికి అవకాశాలు పెరిగాయి. పోటీ పెరిగింది. కొత్త పరిశ్రమలు, కొత్త సేవలు వచ్చాయి. తర్వాతి సంవత్సరాల్లో ఐటీ రంగం వేగంగా విస్తరించడానికి కూడా ఈ మారిన ఆర్థిక వాతావరణం ఒక నేపథ్యంగా నిలిచింది.ఇప్పుడు 2026. దేశ ఆర్థిక వ్యవస్థ గురించి మాట్లాడితే జీడీపీ వృద్ధి బలంగానే కనిపిస్తోంది. ప్రపంచ బ్యాంకు ప్రకారం 2025–26లో భారత ఆర్థిక వృద్ధి 7.6 శాతంగా నమోదైంది. కానీ, వచ్చే ఆర్థిక సంవత్సరంలో ప్రపంచ పరిస్థితులు, ముఖ్యంగా ఇంధన ధరలు, భౌగోళిక ఉద్రిక్తతల ప్రభావంతో వృద్ధి 6.6 శాతానికి తగ్గొచ్చని అంచనా వేసింది. అయితే జెన్‌జీ ప్రశ్న మాత్రం జీడీపీ దగ్గర ఆగిపోదు.మరి నాకు మంచి ఉద్యోగం ఎప్పుడు?ఇదే అసలు ప్రశ్న. ఇటీవలి ఆర్థిక విశ్లేషణల్లోనూ ఇదే అంశం ప్రధానంగా కనిపిస్తోంది. ఐఎంఎఫ్‌ తాజా విశ్లేషణ ప్రకారం భారత వృద్ధికి ఉద్యోగాలు, ఉత్పాదకత, నైపుణ్యాల మధ్య ఉన్న అంతరం పెద్ద సవాలుగా మారింది. కోట్లాది మంది యువత ఉద్యోగ మార్కెట్లోకి వస్తున్న సమయంలో.. జీడీపీ పెరగడం కంటే వారికి స్థిరమైన, మంచి ఆదాయం ఇచ్చే ఉద్యోగాలు ఎంత వస్తున్నాయన్నదే కీలకం.ఇక్కడే మన్మోహన్‌ మళ్లీ జెన్‌జీ జేబులోకిఎందుకంటే ఆయన కాలంలో మొదలైన ఆర్థిక మార్పులు “ప్రపంచంతో పోటీ పడే భారత్‌” అనే దిశను బలపరిచాయి. నేడు ఒక చిన్న పట్టణంలో ఉన్న యువకుడు విదేశీ కంపెనీలో ఉద్యోగానికి దరఖాస్తు చేయగలగడం, ఇంటి నుంచే ఆన్‌లైన్‌ సేవలు అందించడం, యాప్‌ ద్వారా వ్యాపారం మొదలుపెట్టడం, ప్రపంచ మార్కెట్‌ గురించి తెలుసుకోవడం.. ఇవన్నీ ఒక్కరోజులో వచ్చిన మార్పులు కావు. మూడు దశాబ్దాలుగా భారత ఆర్థిక వ్యవస్థలో జరిగిన మార్పుల ఫలితంగా ఏర్పడిన అవకాశాల గొలుసులో ఇవి భాగం. అయితే కథ ఇక్కడితో పూర్తికాదు. అప్పట్లో భారతదేశాన్ని ప్రపంచ ఆర్థిక వ్యవస్థతో కలపడం పెద్ద సవాలు అయితే.. ఇప్పుడు ఆ వృద్ధి ఫలాలను ఎక్కువ మందికి చేరేలా చేయడం మరో పెద్ద సవాలు. ముఖ్యంగా యువతకు ఉద్యోగాలు, చిన్న వ్యాపారాలకు అవకాశాలు, మహిళలకు ఉపాధి, నైపుణ్యాలకు తగ్గ పనులు రావాల్సి ఉంది. ఉద్యోగ కల్పన కోసం ప్రైవేట్‌ రంగ పెట్టుబడులను పెంచే సంస్కరణలపై ప్రపంచ బ్యాంకు కూడా దృష్టి పెట్టింది. అప్పట్లో మన్మోహన్‌ సింగ్‌ ముందున్న ప్రశ్న.. “భారత ఆర్థిక వ్యవస్థను ఎలా కాపాడాలి?”ఇప్పుడు జెన్‌జీ ముందున్న ప్రశ్న.. “ఈ ఆర్థిక వృద్ధిలో నా భవిష్యత్తు ఎక్కడ?”మన్మోహన్‌ సింగ్‌ జయంతి రోజున ఆయనను గుర్తు చేసుకోవడం అంటే కేవలం ఓ మాజీ ప్రధానికి, గొప్ప ఆర్థికవేత్తగా గుర్తుంచుకుని నివాళి ఇవ్వడం కాదు.. నేటి భారత ఆర్థిక వ్యవస్థ ఎలా ఇక్కడికి వచ్చిందో గుర్తు చేసుకోవడం కూడా.:::వెబ్‌ డెస్క్‌ ప్రత్యేకం

మోకోక్‌చుంగ్: నాగాలాండ్‌లో కల్తీ మద్యం తీవ్ర విషాదాన్ని మిగిల్చింది. కల్తీ చేసిన మద్యం తాగి.. రెండు జిల్లాల్లో రెండు రోజుల్లో 19 మంది మృతి చెందారు. ఈ ఘటనలపై పోలీసులు ప్రత్యేక దర్యాప్తు బృందాన్ని ఏర్పాటు చేసి, మద్యం సరఫరా దారులను పట్టుకునే పనిలో పడ్డారు. 3,000 మద్యం బాటిళ్లను స్వాధీనం చేసుకున్నారు. పోలీసులు తెలిపిన వివరాల వివరాల ప్రకారం.. మోకోక్‌చుంగ్ జిల్లాలో 8 మంది, ట్యూన్‌సాంగ్ జిల్లాలో 11 మంది కల్తీ మద్యం తాగిన తర్వాత మృతి చెందారు. ఈ మరణాలు గత రెండు రోజుల్లో చోటుచేసుకున్నాయి. మృతులకు సంబంధించిన పూర్తి వివరాలను అధికారులు సేకరిస్తున్నారు.ఈ ఘటనపై అదనపు ఎస్పీ ఐ బుంగ్‌లాంగ్ చాంగ్ నేతృత్వంలో ప్రత్యేక దర్యాప్తు బృందాన్ని ఏర్పాటు చేసినట్లు సీనియర్ ఎస్పీ వెసుప్రా కెజో తెలిపారు. కల్తీ మద్యం ఎక్కడి నుంచి వచ్చింది? ఎవరు సరఫరా చేశారు? అనే అంశాలపై అధికారులు దర్యాప్తు చేస్తున్నారు. సరఫరా వ్యవస్థకు సంబంధించిన కొన్ని ఆధారాలు లభించాయని, అయితే ఇప్పుడే పూర్తి వివరాలు వెల్లడించడం తొందరపాటు అవుతుందని పోలీసులు తెలిపారు.మరణాలకు అసలు కారణాన్ని నిర్ధారించేందుకు మద్యం నమూనాలను గౌహతికి పంపించారు. అక్కడ ఫోరెన్సిక్ పరీక్షలు నిర్వహించనున్నారు. పరీక్షల నివేదికలు వచ్చిన తర్వాత మృతుల మరణాలకు కల్తీ మద్యం కారణమైందా అనే అంశంపై మరింత స్పష్టత వచ్చే అవకాశం ఉంది. మరణాల నేపథ్యంలో నాగాలాండ్ పోలీసులు పలు ప్రాంతాల్లో దాడులు నిర్వహించారు. ఈ కేసుకు సంబంధించి ఇప్పటివరకు 19 మందిని అరెస్టు చేసినట్లు అధికారులు తెలిపారు. దాదాపు 3,000 మద్యం బాటిళ్లను కూడా స్వాధీనం చేసుకున్నారు. మద్యం ఎక్కడి నుంచి వచ్చింది, దాని వెనుక ఉన్న సరఫరా నెట్‌వర్క్ ఏమిటన్న దానిపై దర్యాప్తు కొనసాగుతోంది.నాగాలాండ్‌లో 1990 నుంచి మద్యనిషేధ చట్టం అమల్లో ఉన్నప్పటికీ ఈ ఘటన చోటుచేసుకోవడం గమనార్హం. గుర్తుతెలియని, లేబుల్ లేని లేదా అనుమానాస్పద మద్యాన్ని ఎట్టి పరిస్థితుల్లోనూ సేవించవద్దని పోలీసులు ప్రజలను హెచ్చరించారు. మద్యం సేవించిన తర్వాత తల తిరగడం, చూపు మసకబారడం, శ్వాస తీసుకోవడంలో ఇబ్బంది లేదా స్పృహ కోల్పోవడం వంటి లక్షణాలు కనిపిస్తే వెంటనే వైద్యుని సహాయం తీసుకోవాలని సూచించారు.

న్యూఢిల్లీ: భారతీయ వంటకాల్లో వెల్లుల్లికి ప్రత్యేక స్థానం ఉంది. చట్నీలు, తాలింపులు, మసాలా పేస్టులు ఇలా ఎన్నో రకాల వంటకాల్లో వెల్లుల్లిని విరివిగా ఉపయోగిస్తారు. అయితే దేశంలో ఓ ప్రాంతంలో వెల్లుల్లి సాధారణ పంట మాత్రమే కాదు.. అక్కడి రైతుల ఆర్థిక వ్యవస్థతో, ప్రాంతం గుర్తింపుతో ముడిపడిపోయింది. అదే మధ్యప్రదేశ్‌లోని మంద్‌సౌర్. దీనినే ‘భారత్‌లో వెల్లుల్లి నగరం’ గా పిలుస్తారు.వెల్లుల్లి నగరంగా మంద్‌సౌర్మధ్యప్రదేశ్‌లోని మంద్‌సౌర్‌ జిల్లాను కేంద్ర ప్రభుత్వ వన్ డిస్ట్రిక్ట్ వన్ ప్రొడక్ట్ కార్యక్రమంలో భాగంగా ఇక్కడ వెల్లుల్లిని ఉత్పత్తిని ప్రోత్సహిస్తోంది. దీంతో ఈ పంట స్థానిక రైతులకు కీలక ఆదాయ వనరుగా మారింది. మంద్‌సౌర్‌లో పండించే వెల్లుల్లికి ఘాటైన రుచి, వాసన, మంచి నాణ్యత ఉంటాయని చెబుతారు. ఇక్కడి నేల, వాతావరణ పరిస్థితులు వెల్లుల్లి సాగుకు అనుకూలంగా ఉండటంతో పంటకు మంచి డిమాండ్‌ ఉంది. కొన్ని స్థానిక రకాల వెల్లుల్లిని ఎక్కువ కాలం నిల్వ చేసుకునే అవకాశం కూడా ఉంటుంది.మధ్యప్రదేశ్ దేశంలోని ప్రముఖ వెల్లుల్లి ఉత్పత్తి రాష్ట్రాల్లో మధ్యప్రదేశ్‌ ఒకటి. అందులో మంద్‌సౌర్ కీలక సాగు ప్రాంతంగా ఉంది. జిల్లాలో విస్తృతంగా వెల్లుల్లి సాగు జరుగుతుండటంతో ఈ పంట స్థానిక వ్యవసాయ ఆర్థిక వ్యవస్థలో ముఖ్యమైన పాత్ర పోషిస్తోంది. మంద్‌సౌర్ వెల్లుల్లిని పంటగా మాత్రమే విక్రయించరు. వెల్లుల్లి పొడి, వెల్లుల్లి నూనె, పేస్ట్, ఊరగాయలు, డీహైడ్రేటెడ్ ఫ్లేక్స్ వంటి ఉత్పత్తులను కూడా తయారు చేస్తారు. దీంతో రైతులు, వ్యాపారులకు కూడా వాణిజ్యపరమైన అవకాశాలు పెరుగుతున్నాయి.ఇదీ చదవండి: 21 గంటల ఊరేగింపు.. కడలికేగిన లాల్‌బాగ్చా రాజా

కోర్టులో కుటుంబ వివాదంపై విచారణ జరుగుతోంది.. తండ్రి వాంగ్మూలం పూర్తయింది.. అంతా సవ్యంగానే ఉందనుకున్న సమయంలో ఒక్కసారిగా ఉద్రిక్తత! కోర్టు గది నుంచి బయటకు వచ్చిన మహిళపై ఆమె భర్తతో పాటు మరో ఇద్దరు దాడికి దిగారు. అంతటితో ఆగకుండా ఆమె గొంతు నులిమి చంపేందుకు ప్రయత్నించారని బాధితురాలు పోలీసులను ఆశ్రయించింది. అడ్డుకోబోయిన తండ్రి, సోదరిపైనా దాడి జరిగింది. ఈ ఘటనకు సంబంధించిన వీడియో సోషల్‌ మీడియాలో వైరల్‌గా మారింది. ఈ క్లిప్‌ను బాధితురాలు పోలీసులకు అందించింది.ఉత్తరప్రదేశ్‌లోని మహారాజ్‌గంజ్‌ కుటుంబ న్యాయస్థానంలో ఈ ఘటన జరిగినట్లు బాధితురాలు ప్రియా త్రిపాఠి ఫిర్యాదులో పేర్కొంది. పురందర్‌పూర్‌ పోలీస్‌స్టేషన్‌ పరిధిలోని సమర్ధీరా చౌరాహాకు చెందిన ప్రియాకు.. బృజ్‌మంజ్‌గంజ్‌ ప్రాంతంలోని కోయిలాడాడ్‌కు చెందిన మనీష్‌ కుమార్‌ మిశ్రాతో వివాహమైంది. భార్యాభర్తల మధ్య కొంతకాలంగా వివాదం కొనసాగుతోంది. ఈ నేపథ్యంలో భరణం కోసం ప్రియా కుటుంబ న్యాయస్థానాన్ని ఆశ్రయించింది. కేసు నంబర్‌ 641/2025తో విచారణ కొనసాగుతోంది.తండ్రి వాంగ్మూలం తర్వాతే..సెప్టెంబర్‌ 24న కేసు విచారణకు హాజరైన ప్రియా.. తన తండ్రి లక్ష్మీకాంత్‌, సోదరి ప్రియాంకతో కలిసి కోర్టుకు వెళ్లింది. తండ్రి వాంగ్మూలం పూర్తైన తర్వాత మధ్యాహ్నం 2 గంటల సమయంలో ముగ్గురూ కోర్టు గది నుంచి బయటకు వచ్చి గ్రౌండ్‌ ఫ్లోర్‌ హాల్‌లోకి వచ్చినట్లు ఆమె తెలిపింది. అదే సమయంలో తన భర్త మనీష్‌ మిశ్రాతో పాటు ప్రిన్స్‌ మిశ్రా, సతీష్‌ మిశ్రా అక్కడికి వచ్చారని.. ముగ్గురూ కలిసి తనపై దాడి చేశారని ప్రియా ఆరోపించింది. తనను కొట్టడంతో పాటు గొంతు నులిమి చంపేందుకు ప్రయత్నించారని పేర్కొంది.Inside court premises in Maharajganj, Uttar Pradesh. Women were beaten and tossed like an object infront of police and lawyers. pic.twitter.com/g3mZBkNSuK— Piyush Rai (@Benarasiyaa) September 26, 2026అడ్డుకోబోయిన వారిపైనా దాడి?ప్రియాపై దాడిని అడ్డుకునేందుకు ఆమె తండ్రి, సోదరి ప్రయత్నించగా.. వారిపైనా నిందితులు దాడి చేశారని ఫిర్యాదులో పేర్కొంది. వారిని కింద పడేసి గొంతు నులిమేందుకు ప్రయత్నించారని ఆరోపించింది. కచేరీ ప్రాంగణంలో ఒక్కసారిగా గొడవ జరగడంతో అక్కడున్న పోలీసులకు విషయం తెలియగా.. వారు వెంటనే అక్కడికి చేరుకుని జోక్యం చేసుకున్నారని తెలిపింది. పోలీసులు రావడంతో ముగ్గురూ అక్కడి నుంచి వెళ్లిపోయారని.. అయితే వెళ్లే సమయంలో కేసు విషయంలో కోర్టులో వాదనలు కొనసాగిస్తే చంపేస్తామని బెదిరించారని ప్రియా ఆరోపించింది.వీడియోతో పోలీసుల ముందుకు..తనపై జరిగిన దాడికి సంబంధించిన వీడియో క్లిప్‌ కూడా తన వద్ద ఉందని తెలిపిన ప్రియా.. దాన్ని పోలీసులకు అందించినట్లు పేర్కొంది. భర్త మనీష్‌ మిశ్రా, ప్రిన్స్‌ మిశ్రా, సతీష్‌ మిశ్రాలపై ఎఫ్‌ఐఆర్‌ నమోదు చేసి చర్యలు తీసుకోవాలని కోరింది. కోర్టు ప్రాంగణంలోనే మహిళపై దాడి జరిగిందన్న ఆరోపణలు రావడంతో ఈ ఘటన స్థానికంగా చర్చనీయాంశంగా మారింది. బాధితురాలు అందించిన వీడియో, ఫిర్యాదులో పేర్కొన్న అంశాలను పోలీసులు పరిశీలించి తదుపరి చర్యలు తీసుకోవాల్సి ఉంది.

ముంబై: మహానగరం ముంబైలో గణేశ్ ఉత్సవాలు ఘనంగా ముగిశాయి. 12 రోజుల పాటు భక్తుల పూజలు అందుకున్న గణపతి విగ్రహాలు శనివారం ఉదయం నిమజ్జనమయ్యాయి. లాల్‌బాగ్చా రాజా, చించ్‌పోక్లిచా చింతామణి వంటి ప్రసిద్ధ విగ్రహాలకు భక్తులు కన్నీటి వీడ్కోలు పలికారు. శుక్రవారం ఉదయం ప్రారంభమైన నిమజ్జన ఊరేగింపులు రాత్రంతా కొనసాగి 21 గంటలకు పైగా సాగాయి.అరేబియా సముద్రంలో లాల్‌బాగ్చా రాజాభారీ భక్తజనం మధ్య లాల్‌బాగ్చా రాజా విగ్రహాన్ని శనివారం ఉదయం సుమారు 10.50 గంటలకు అరేబియా సముద్రంలో నిమజ్జనం చేశారు. సంప్రదాయ పూజలు, హారతి అనంతరం విగ్రహాన్ని బార్జ్‌పైకి తరలించారు. స్థానిక మత్స్యకారులు, భక్తుల సహకారంతో బార్జ్‌ను సముద్రంలోకి తీసుకెళ్లి నిమజ్జనం నిర్వహించారు.బార్జ్‌పై అనంత్ అంబానీప్రముఖ పారిశ్రామికవేత్త ముకేశ్ అంబానీ కుమారుడు అనంత్ అంబానీ కూడా లాల్‌బాగ్చా రాజా నిమజ్జన కార్యక్రమంలో పాల్గొన్నారు. గణేశ్ ఉత్సవాల సందర్భంగా ఆయన పలుమార్లు లాల్‌బాగ్‌చా రాజా మండపాన్ని సందర్శించారు. శనివారం నిమజ్జన ఊరేగింపులో పాల్గొని, విగ్రహాన్ని తీసుకెళ్లిన బార్జ్‌పై కూడా ఆయన ఉన్నారు.చింతామణికి ఘన వీడ్కోలుముంబైలోని మరో ప్రముఖ గణపతి విగ్రహం చించ్‌పోక్లిచా చింతామణిని ఉదయం సుమారు 10 గంటలకు నిమజ్జనం చేశారు. అనంతరం లాల్‌బాగ్‌లోని బాల గణేశ్ మండల్‌కు చెందిన బల్లాళేశ్వర్ విగ్రహాన్ని సుమారు 11 గంటలకు నిమజ్జనం చేశారు. వీటిని చూసేందుకు భారీ సంఖ్యలో భక్తులు తరలివచ్చారు.21 గంటలకు పైగా సాగిన ఊరేగింపులుఅనంత చతుర్దశి సందర్భంగా శుక్రవారం ఉదయం ముంబైలో గణపతి నిమజ్జన ఊరేగింపులు ప్రారంభమయ్యాయి. వేలాది మంది భక్తులు విగ్రహాలతో కలిసి ఊరేగింపుల్లో పాల్గొన్నారు. రాత్రంతా కొనసాగిన ఈ ప్రక్రియ శనివారం ఉదయం వరకు సాగింది. నగరంలోని చాలా నిమజ్జన కార్యక్రమాలు పూర్తయినప్పటికీ, శనివారం మధ్యాహ్నం వరకు కొన్ని భారీ విగ్రహాలు నిమజ్జనం కోసం వేచి ఉన్నాయని అధికారులు తెలిపారు.24 వేల మంది పోలీసులతో భద్రతముంబైలోని 67 సహజ నిమజ్జన ప్రదేశాలు, 383 కృత్రిమ చెరువుల్లో నిమజ్జనాలను సురక్షితంగా నిర్వహించేందుకు భారీ భద్రతా ఏర్పాట్లు చేశారు. 24 వేలకుపైగా ముంబై పోలీసులను మోహరించారు. బృహన్‌ముంబై మున్సిపల్ కార్పొరేషన్ 25 వేల మంది సిబ్బందిని రంగంలోకి దించింది. లైఫ్‌గార్డులు, వైద్య బృందాలు, భారీ క్రేన్లను కూడా అందుబాటులో ఉంచారు.నిమజ్జన ప్రదేశాల్లో శుభ్రత పనులు12 రోజుల గణేశ్ ఉత్సవాలు ముగియడంతో నిమజ్జన ప్రదేశాలు, ప్రధాన ఊరేగింపు మార్గాల్లో పారిశుద్ధ్య సిబ్బంది శుభ్రత పనులు ప్రారంభించారు. భారీ సంఖ్యలో విగ్రహాలు నిమజ్జనం కావడంతో ఏర్పడిన వ్యర్థాలను తొలగించే పనులు చేపట్టారు. ఇదీ చదవండి: మధుబాల రూ. 500 కానుక.. పూజారి సీన్‌ వైరల్‌!

కేంద్ర ఎన్నికల సంఘం వ్యవహారం.. ప్రతిపక్షాలను ఏకతాటిపైకి తెస్తోంది. ప్రధాన ఎన్నికల కమిషనర్‌ (సీఈసీ) జ్ఞానేశ్‌ కుమార్‌ రాజీనామా చేయాలన్న డిమాండ్‌తో ఆ పార్టీలు గళం వినిపిస్తున్నాయి. ఈ తరుణంలో పశ్చిమ బెంగాల్‌లో ఆసక్తికర పరిణామం చోటుచేసుకుంది. రాజకీయంగా బద్ధ విరోధులైన టీఎంసీ, వామపక్షాలు సీఈసీ విషయంలో ఒక్కతాటిపైకి వస్తున్న వేళ.. ఆ రాష్ట్ర అధికార పార్టీ మాత్రం జ్ఞానేశ్‌ కుమార్‌కు పద్మ అవార్డు ఇవ్వడం సరైందని అంటోంది. పశ్చిమ బెంగాల్‌ బీజేపీ అధ్యక్షుడు సమిక్‌ భట్టాచార్య సీఈసీ జ్ఞానేశ్‌ కుమార్‌కు మద్దతుగా నిలిచారు. బెంగాల్‌లో ప్రశాంతంగా అసెంబ్లీ ఎన్నికలు నిర్వహించడంతోపాటు ఓటర్ల జాబితా ప్రక్షాళనకు చర్యలు తీసుకున్నందుకు ఆయనకు కనీసం పద్మ భూషణ్‌ పురస్కారం ఇవ్వాలని కోరారు. ఎన్నికల సమయంలో ప్రజలను భయపెట్టే ఘటనలు లేకుండా స్వేచ్ఛగా ఓటు వేసే పరిస్థితి కల్పించడంలో జ్ఞానేశ్‌ కుమార్‌ కీలక పాత్ర పోషించారని అన్నారు. గతంలో రాష్ట్రంలో ఇలాంటి ప్రశాంతమైన ఎన్నికలను ప్రజలు అరుదుగా చూశారని పేర్కొన్నారు. జ్ఞానేశ్‌ కుమార్‌కు బెంగాల్‌ ప్రజల ఆశీస్సులు ఉన్నాయని వ్యాఖ్యానించారు.అక్రమంగా దేశంలోకి వచ్చిన బంగ్లాదేశీయుల పేర్లను పశ్చిమ బెంగాల్‌లో ఓటర్ల జాబితా నుంచి తొలగించేందుకు జ్ఞానేశ్‌ కుమార్‌ చర్యలు తీసుకున్నారని సమిక్‌ భట్టాచార్య పేర్కొన్నారు. ఎస్‌ఐఆర్‌ (స్పెషల్‌ ఇంటెన్సివ్‌ రివిజన్‌) ప్రక్రియను ప్రస్తావిస్తూ.. ఓటర్ల జాబితాను ‘ప్రక్షాళన’ చేయడంలో సీఈసీ కీలకంగా వ్యవహరించారని అన్నారు. మరోవైపు ఆగ్రహంజ్ఞానేశ్‌ కుమార్‌కు బీజేపీ నేత మద్దతు ప్రకటించిన సమయంలోనే.. మరోవైపు ఎన్నికల సంఘం పనితీరుపై ప్రతిపక్షాల విమర్శలు కొనసాగుతున్నాయి. సీఈసీ పోస్టుకు జ్ఞానేశ్‌ కుమార్‌ రాజీనామా చేయాలని ప్రతిపక్షాలు డిమాండ్‌ చేస్తున్నాయి. ఎస్‌ఐఆర్‌ ప్రక్రియకు సంబంధించిన కొన్ని నిర్ణయాలు తమకు తెలియకుండానే తమ పేర్లతో తీసుకున్నారంటూ ఇద్దరు ఎన్నికల కమిషనర్లు అభ్యంతరం వ్యక్తం చేసినట్లు వచ్చిన నివేదికలు ఈ వివాదాన్ని మరింత తీవ్రం చేశాయి.జ్ఞానేశ్‌ కుమార్‌ రాజీనామా చేయాలని కాంగ్రెస్‌ సహా పలు ప్రతిపక్ష పార్టీలు డిమాండ్‌ చేస్తున్నాయి. కాంగ్రెస్‌ దేశవ్యాప్తంగా నిరసనలు చేపట్టగా.. జ్ఞానేశ్‌ కుమార్‌ పదవి నుంచి తప్పుకోవాలని సీపీజే డెడ్‌లైన్‌ ఇవాళ్టితో ముగియనుంది. అయితే ఎన్నికల కమిషన్‌లో భిన్నాభిప్రాయాలు వ్యక్తమవడం అంటే ఆ సంస్థ ప్రజాస్వామ్య పద్ధతిలో పనిచేస్తోందనడానికి నిదర్శనమని బీజేపీ జాతీయ అధికార ప్రతినిధి సంబిత్‌ పాత్ర అంటున్నారు.సుప్రీంకోర్టులోనూ పిటిషన్‌కేంద్ర ఎన్నికల సంఘం తాజా పరిణామాలపై ఇప్పటికే సుప్రీం కోర్టులో ఓ పిటిషన్‌ దాఖలైంది. సోమవారం అది విచారణకు వచ్చే అవకాశం ఉంది. ఈ పరిణామాల మధ్యే.. జ్ఞానేశ్‌ కుమార్‌ను పదవి నుంచి తప్పుకోవాలని ప్రతిపక్షాలు డిమాండ్‌ చేస్తుండగా, ఇటు అధికార బీజేపీ మాత్రం మద్దతుగా నిలుస్తోంది.ఇదీ చదవండి: ఆయనకు ఢిల్లీని ఏలే సీన్‌ ఉందా?

ముంబై: ప్రముఖ నటి మధుబాల వినాయక చవితి వేళ ముంబైలోని ప్రసిద్ధ లాల్‌బాగ్చా రాజా గణపతి మండపాన్ని సందర్శించి గణపయ్య ఆశీస్సులు తీసుకున్నారు. అయితే ఆమె దర్శనానికి సంబంధించిన ఓ వీడియో ప్రస్తుతం సోషల్ మీడియాలో వైరల్‌గా మారింది. అందులో మధు సమర్పించిన రూ.500 నోటును సమీపంలో ఉన్న ఓ వ్యక్తి తీసుకుని వస్త్రం కింద పెట్టినట్లు కనిపించడం చర్చకు దారితీసింది.గణపతికి రూ.500 సమర్పించిన మధూ షావైరల్ వీడియోలో మధు లాల్‌బాగ్చా రాజా వద్దకు వెళ్లి రూ.500 నోటును సమర్పించినట్లు కనిపిస్తోంది. అనంతరం ఆమె అభిమానుల వైపు తిరిగి చేతులు ఊపారు. అదే సమయంలో అక్కడే ఉన్న ఓ వ్యక్తి ఆ నోటును తీసుకుని, ఓ వస్త్రం కింద పెట్టినట్లు వీడియోలో కనిపించింది. ఈ దృశ్యాన్ని ఎవరో కెమెరాలో చిత్రీకరించడంతో అది సోషల్ మీడియాలో వైరల్‌గా మారింది. పలువురు సోషల్ మీడియా యూజర్స్‌ దీనిపై స్పందించారు.కొందరు ఈ ఘటనను విరాళాల విషయంలో జరుగుతున్న మోసాలతో పోల్చారు. మరికొందరు ఆలయాలు, దర్గాల్లో సమర్పించే కానుకలు ఎక్కడికి చేరుతున్నాయనే అంశంపై తమ అనుభవాలను పంచుకున్నారు. మరో నెటిజన్ ‘రామాలయంలోనే దోపిడీ జరిగింది.. ఇందులో పూజారి తప్పేముంది?’ అంటూ ప్రశ్నించారు. ఇలా వైరల్ వీడియోపై సోషల్ మీడియాలో భిన్నమైన అభిప్రాయాలు వ్యక్తమవుతున్నాయి. కాగా లాల్‌బాగ్చా రాజా దర్శనానికి సంబంధించిన ఫొటోలను మధు స్వయంగా సోషల్ మీడియాలో షేర్ చేశారు. View this post on Instagram A post shared by Batamiwala (@marathi_batamiwala)ఇదీ చదవండి: వార్తల్లో మనోజ్ తివారీ రెండో భార్య.. ఏం చేస్తుంటారంటే..

న్యూఢిల్లీ: కాక్రోచ్‌ జనతా పార్టీ(సీజేపీ) ఇచ్చిన నిరసనల పిలుపు నేపథ్యంలో ఎన్నికల సంఘం (ఈసీఐ) అప్రమత్తమైనట్లు కనిపిస్తోంది. ఢిల్లీలో డ్రాఫ్ట్ ఓటర్ల జాబితాలో పేర్లు గల్లంతైన అర్హులైన పౌరులకు మరో అవకాశం కల్పిస్తూ సెప్టెంబర్ 27న ప్రత్యేక శిబిరాలు నిర్వహించనుంది. స్పెషల్ ఇంటెన్సివ్ రివిజన్ (సర్‌)లో భాగంగా నిర్వహించే ఈ క్యాంపులు అన్ని పోలింగ్ స్టేషన్ ప్రాంతాల్లో జరగనున్నాయి. ఆగస్టు 31 నుంచి సెప్టెంబర్ 24 వరకు ఓటర్ల జాబితాలో పేర్లు చేర్చాలని కోరుతూ 1,21,224 ఫారం-6 దరఖాస్తులు అందాయి.సీజేపీ ఆందోళన పిలుపు నేపథ్యంలో..చీఫ్ ఎలక్షన్ కమిషనర్ జ్ఞానేశ్ కుమార్ రాజీనామా చేయాలని సీజేపీ డిమాండ్ చేసింది. 48 గంటల్లో ఆయన రాజీనామా చేయకపోతే దేశవ్యాప్తంగా ఆందోళనలు చేపడతామని హెచ్చరించింది. ఈ నేపథ్యంలోనే ఢిల్లీలో ఓటర్ల నమోదు కోసం ఈసీ ప్రత్యేక క్యాంపులు నిర్వహించనుండటం ప్రాధాన్యం సంతరించుకుంది.రేపు ఢిల్లీలో ప్రత్యేక క్యాంపులుసెప్టెంబర్ 27న ఢిల్లీ పరిధిలోని అన్ని పోలింగ్ స్టేషన్ ప్రాంతాల్లో ప్రత్యేక శిబిరాలు నిర్వహించనున్నట్లు ఢిల్లీ చీఫ్ ఎలక్టోరల్ ఆఫీసర్ కార్యాలయం ప్రకటించింది. డ్రాఫ్ట్ ఎలక్టోరల్ రోల్‌లో తమ పేర్లు లేని అర్హులైన పౌరులు ఈ అవకాశాన్ని వినియోగించుకోవచ్చు.1.21 లక్షల ఫారం-6 దరఖాస్తులుఆగస్టు 31 నుంచి సెప్టెంబర్ 24 వరకు మొత్తం 1,21,224 ఫారం-6 దరఖాస్తులు అందినట్లు తాజా గణాంకాలు వెల్లడించాయి. ఓటర్ల జాబితాలో పేర్లను చేర్చేందుకు అర్హులైన పౌరులు ఈ ఫారం ద్వారా దరఖాస్తు చేసుకున్నారు.ఇప్పటికే ఒక క్యాంపు నిర్వహణసెప్టెంబర్ 20న ఢిల్లీలో తొలి ప్రత్యేక శిబిరాన్ని నిర్వహించారు. అయినప్పటికీ డ్రాఫ్ట్ ఓటర్ల జాబితాలో పేర్లు లేని అర్హులైన పౌరులకు మరో అవకాశం కల్పించేందుకు సెప్టెంబర్ 27న రెండో విడత ప్రత్యేక క్యాంపులు నిర్వహిస్తున్నారు.అక్టోబర్ 2 నుంచి దేశవ్యాప్త నిరసనలు?సీజేపీ వ్యవస్థాపకుడు అభిజీత్ డిప్కే శుక్రవారం కీలక ప్రకటన చేశారు. చీఫ్ ఎలక్షన్ కమిషనర్ శనివారం నాటికి రాజీనామా చేయకపోతే అక్టోబర్ 2, గాంధీ జయంతి నుంచి దేశవ్యాప్తంగా నిరసనలు చేపడతామని హెచ్చరించారు.ఓటర్లకు మరో అవకాశంఢిల్లీలో ‘సర్‌’ ప్రక్రియ కొనసాగుతున్న సమయంలో ఈ ప్రత్యేక క్యాంపులు నిర్వహిస్తున్నారు. డ్రాఫ్ట్ ఎలక్టోరల్ రోల్‌లో తమ పేరు లేకపోయిన అర్హులైన పౌరులు సెప్టెంబర్ 27న జరిగే క్యాంపుల ద్వారా ఓటర్ల జాబితాలో తమ పేర్ల నమోదుకు సంబంధించిన ప్రక్రియను పూర్తిచేయవచ్చు. ఇదీ చదవండి: వార్తల్లో మనోజ్ తివారీ రెండో భార్య.. ఏం చేస్తుంటారంటే..

సోషల్‌ మీడియాలో లైక్స్‌, వ్యూస్‌ కోసం కొందరు హద్దులు దాటుతుంటారు. హోం టూర్‌ అంటూ ఇంటిని మొత్తం చూపించడమే కాకుండా.. అందులో ఉన్న బంగారం, నగదు, ఖరీదైన వస్తువులను సైతం కెమెరాకు ప్రదర్శిస్తుంటారు. తమ ఇంట్లో ఏముంది? ఎంత విలువైన వస్తువులున్నాయి? అనే విషయాలను తెలియకుండానే బహిరంగంగా చెప్పేస్తుంటారు. అలాంటి వారికి ఈ ఘటన ఓ గట్టి హెచ్చరిక తెలియజేస్తోంది.తమిళనాడులోని ఓ యూట్యూబర్‌ దంపతుల ఇంట్లో భారీ చోరీ జరిగింది. ఏకంగా 118 సవర్ల (944 గ్రాములు) బంగారు ఆభరణాలు, వజ్రాభరణాలు, నగదు అపహరణకు గురయ్యాయి. వాటి విలువ దాదాపుగా కోటి రూపాయల దాకా ఉన్నట్లు తెలుస్తోంది. సోషల్‌ మీడియా ఫాలోయింగ్‌ కోణంలోనూ పోలీసులు ఈ కేసు దర్యాప్తు చేస్తుండడం గమనార్హం.కన్యాకుమారి జిల్లా నాగర్‌కోయిల్‌ సమీపంలోని తమ్మట్టుకొణం వీఐపీ గార్డెన్‌లో వ్యాపారి కమ్‌ యూట్యూబర్‌ వినోద్‌కుమార్‌, యూట్యూబర్‌ మధుమిత దంపతులు నివసిస్తున్నారు. గురువారం సాయంత్రం కుటుంబంతో కలిసి బయటకు వెళ్లిన వారు రాత్రి ఇంటికి తిరిగి వచ్చేసరికి వెనుక తలుపు పగులగొట్టి ఉండటాన్ని గుర్తించారు. లోపలికి వెళ్లి చూడగా బెడ్‌రూమ్‌లోని బీరువా కూడా పగలకొట్టి ఉంది. అందులో ఉంచిన బంగారం, వజ్రాభరణాలు, నగదు కనిపించలేదు.రీల్స్‌లో అంతా కనిపించేలా..మధుమిత సోషల్‌ మీడియాలో బంగారు ఆభరణాలు, నగదు కట్టలను ప్రదర్శిస్తూ పలు వీడియోలు పోస్ట్‌ చేశారు. పూజా గదిలో, ఇంట్లో నగదు, బంగారం చూపించడం.. చిన్నారిపై నోట్లను చల్లడం వంటి దృశ్యాలు కూడా వీడియోల్లో ఉన్నాయి. అంతేకాదు, కుటుంబం ఎక్కడికి వెళ్తోంది, బంగారం కొనుగోలు చేస్తున్న విషయాలను కూడా సోషల్‌ మీడియాలో పంచుకుంటూ వచ్చారు.Kanyakumari influencer Madhumitha showed off her gold jewellery and cash in her reels.“Look how much gold I buy every month.”Now, thieves have reportedly broken into her house and escaped with 118 sovereigns of gold worth nearly ₹1 crore, along with cash.…— Oxomiya Jiyori 🇮🇳 (@SouleFacts) September 26, 2026పోస్టులే క్లూ ఇస్తాయా?చోరీపై రాజాక్కమంగళం పోలీసులు కేసు నమోదు చేసి దర్యాప్తు చేస్తున్నారు. ఇంటి వెనుక తలుపు కట్టింగ్‌ మెషీన్‌తో తెరిచి దొంగలు లోపలికి ప్రవేశించినట్లు ప్రాథమిక దర్యాప్తులో తేలింది. ఇంటి వద్ద, పరిసర ప్రాంతాల్లోని సీసీటీవీ ఫుటేజీని పోలీసులు పరిశీలిస్తున్నారు. ఫోన్‌ కాల్‌ రికార్డులు, దొంగల కదలికలపైనా దృష్టి పెట్టారు. ఈ కేసు దర్యాప్తు కోసం ఐదు ప్రత్యేక బృందాలను ఏర్పాటు చేసినట్లు తెలుస్తోంది.ఇదీ చదండి: వామ్మో.. పది వేల కోట్ల పరిహారమా తల్లి?

ముంబై: భోజ్‌పురి నటుడు, గాయకుడు, బీజేపీ ఎంపీ మనోజ్ తివారీ వ్యక్తిగత జీవితం మరోసారి చర్చనీయాంశంగా మారింది. ప్రస్తుతం ఆయన తన రెండో భార్య సురభి తివారీతో కలిసి ‘పతి పత్నీ ఔర్ పంగా’ రెండో సీజన్‌లో పాల్గొంటున్నారు. ఇదే సమయంలో ఆయన పెద్ద కుమార్తె రిథి తివారీ ‘బిగ్ బాస్ 20’లో పాల్గొంటూ తన తల్లిదండ్రుల విడాకుల గురించి మాట్లాడారు. మనోజ్ తివారీ జీవితంలోకి సురభి వచ్చినప్పుడు తాను ఎంతో సంతోషించానని రిథి తెలిపారు.2020లో మనోజ్ తివారీతో వివాహంసురభి తివారీకి ప్రస్తుతం 30 ఏళ్ల ఉంటాయని తెలుస్తోంది. 2020లో ఆమె మనోజ్ తివారీని వివాహం చేసుకున్నారు. వీరికి ఇద్దరు కుమార్తెలు ఉన్నారు. పెద్ద కుమార్తె సాన్విక అదే ఏడాది జన్మించింది. 2022లో చిన్న కుమార్తె మనోగ్య జన్మించింది.సినీ రంగంలో తెరవెనుక బాధ్యతలుసురభి తెరపై కనిపించరు. అయితే రెండు నిర్మాణ సంస్థల కార్యకలాపాలను ఆమె తెరవెనుక నిర్వహిస్తున్నట్లు సమాచారం. ఆమె పాటలు పాడటంతో పాటు సామాజిక సేవా కార్యక్రమాల్లోనూ పాల్గొంటున్నారు. పట్నాకు చెందిన సురభి మృదుల్ ఫౌండేషన్‌కు ట్రస్టీగా ఉన్నారు. అలాగే సాన్విక ఫిల్మ్స్, రిథి ప్రొడక్షన్స్ సంస్థలకు డైరెక్టర్‌గా వ్యవహరిస్తున్నారు.1999లో మొదటి వివాహంమనోజ్ తివారీ 1999లో ప్రతిమా పాండేతో వివాహం చేసుకున్నారు. వివాహం తర్వాత ఆమె పేరు రాణి తివారీగా మారింది. ఈ దంపతులకు రిథి తివారీ జన్మించారు. అయితే 2011లో మనోజ్, రాణి విడిపోయారు. 2012లో వారికి విడాకులు లభించాయి.తల్లిదండ్రుల విడిపోవడంపై రిథి వ్యాఖ్యలు‘బిగ్ బాస్ 20’లో రిథి తన బాల్యాన్ని గుర్తు చేసుకున్నారు. తన తండ్రి ఇంటి నుంచి వెళ్లిపోయే సమయానికి తనకు 8 ఏళ్ల వయసు అని, విడాకులు ఖరారైనప్పుడు తనకు 9 ఏళ్లు అని చెప్పారు. తన తల్లి రాణికే తన కస్టడీ లభించిందని తెలిపారు. తల్లిదండ్రులు మళ్లీ కలుస్తారని చాలా కాలం ఆశించానని రిథి పేర్కొన్నారు.తండ్రి, కుమార్తె మధ్య దూరంతన తండ్రిని కలిసిన సందర్భాల్లో తామిద్దరం భావోద్వేగానికి గురయ్యేవాళ్లమని రిథి చెప్పారు. ‘నా దగ్గర నాన్న లేరు.. ఆయన దగ్గర నేను లేను’ అనే బాధ ఉండేదని ఆమె వివరించారు. అయితే మనోజ్ తివారీకి సురభి జీవిత భాగస్వామిగా మారినప్పుడు తాను చాలా సంతోషించానని రిథి చెప్పడం ఇప్పుడు చర్చనీయాంశంగా మారింది.ఇదీ చదవండి: ఢిల్లీపై ప్రశాంత్ కిషోర్ ఫోకస్‌.. ‘జన్‌ సురాజ్‌’ విస్తరణకు సిద్ధం!

ఒకవైపు ఆకాశమంతా దట్టమైన మేఘాలు.. మరోవైపు అసలు మేఘాల జాడే కనిపించని ప్రాంతాలు! ఎందుకిలా ఉందని అనుకుంటున్న వేళ.. మరో అసాధారణ దృశ్యం కళ్లముందుకొచ్చింది. అంతరిక్షం నుంచి చూస్తే మన దేశాన్ని రెండుగా చీల్చినట్లుగా భారీ మేఘాలు కనిపించాయి. ఈ అద్భుత దృశ్యాన్ని భారత అంతరిక్ష పరిశోధన సంస్థ (ఇస్రో)కు చెందిన ఇన్‌శాట్‌-3డీఎస్‌ వాతావరణ ఉపగ్రహం తన కెమెరాలో బంధించింది.అంతరిక్షం నుంచి భారత్‌ను చూస్తే వాతావరణం రెండు భాగాలుగా విడిపోయినట్లుగా కనిపిస్తోంది. తూర్పు, ఈశాన్య, దక్షిణ భారత ప్రాంతాలపై దట్టమైన మేఘాలు కమ్ముకోగా.. పశ్చిమ, వాయవ్య భారత్‌ మాత్రం చాలావరకు మేఘరహితంగా కనిపించింది. సెప్టెంబర్‌ 25న ఇన్‌శాట్‌-3డీఎస్‌ తీసిన చిత్రంలో బంగాళాఖాతం నుంచి తూర్పు, ఈశాన్య భారత్‌ మీదుగా విస్తరించిన భారీ మేఘ సమూహం స్పష్టంగా కనిపించింది. దక్షిణ ద్వీపకల్పం, దానికి ఆనుకుని ఉన్న సముద్ర ప్రాంతాల్లోనూ మేఘాల పొరలు ఉన్నాయి. దీనికి పూర్తి భిన్నంగా పశ్చిమ, వాయవ్య ప్రాంతాల్లో ఆకాశం చాలావరకు నిర్మలంగా కనిపించింది.ఉపగ్రహం 10.83 మైక్రోమీటర్ల తరంగదైర్ఘ్యంలోని థర్మల్‌ ఇన్‌ఫ్రారెడ్‌ ఛానల్‌ ద్వారా ఈ చిత్రాన్ని తీసింది. ఈ సాంకేతికతతో పగలు, రాత్రి అనే తేడా లేకుండా మేఘాల కదలికలు, విస్తరణను వాతావరణ నిపుణులు పరిశీలించగలరు.అసలు కారణం ఏంటంటే..ప్రస్తుతం నైరుతి రుతుపవనాలు తిరోగమన దశలోకి ప్రవేశిస్తున్నాయి. అదే సమయంలో బంగాళాఖాతం, మధ్య భారత ప్రాంతాల్లో ఏర్పడుతున్న వాతావరణ వ్యవస్థలు వర్షాలను ప్రభావితం చేస్తున్నాయి. తూర్పు, ఈశాన్య భారత్‌పై కనిపిస్తున్న దట్టమైన మేఘాలకు తేమతో కూడిన గాలులు, అల్పపీడన వ్యవస్థలు, ఇతర వాతావరణ పరిణామాలు కారణమై ఉండొచ్చని నిపుణుల అంచనా.ఇదే మేఘాలు.. జపాన్‌ దాకా!ఇదిలా ఉండగా.. మరో తాజా ఉపగ్రహ చిత్రంలో భారత్‌ నుంచి జపాన్‌ వరకు విస్తరించిన భారీ మేఘాల పట్టీ కనిపించింది. తూర్పు, ఈశాన్య భారత్‌ నుంచి ప్రారంభమైన మేఘ సమూహాలు హిమాలయ ప్రాంతం, చైనా మీదుగా కొరియా ద్వీపకల్పం, జపాన్‌ వైపు విస్తరించినట్లు చిత్రాల్లో కనిపిస్తోంది.బంగాళాఖాతం, తూర్పు భారత్‌ ప్రాంతాల్లో తేమతో కూడిన గాలులు భారీగా మేఘాలను ఏర్పరుస్తున్నాయి. ఆ తర్వాత ఉత్తరం వైపు చైనా దిశగా విస్తరించిన మేఘాల పట్టీ.. తూర్పు ఆసియా వరకు కొనసాగుతున్నట్లు కనిపించింది. అందుకే ఈ భారీ మేఘ సమూహాన్ని ‘క్లౌడ్‌ హైవే’గా అభివర్ణిస్తున్నారు.మరోసారి రుతుపవనాల జోరుప్రస్తుతం దక్షిణ ఛత్తీస్‌గఢ్‌, దానికి ఆనుకుని ఉన్న ఒడిశా ప్రాంతంలో ఏర్పడిన అల్పపీడన వ్యవస్థ ఉత్తర వాయవ్య దిశగా కదులుతోంది. దీని ప్రభావంతో మధ్య, తూర్పు భారతంలో విస్తృతంగా వర్షాలు కురిసే అవకాశం ఉంది. సెప్టెంబర్‌ 26, 27 తేదీల్లో ఉత్తరాఖండ్‌లో విస్తారంగా వర్షాలు, కొన్ని ప్రాంతాల్లో భారీ వర్షాలు కురిసే అవకాశం ఉందని వాతావరణ శాఖ అంచనా వేసింది. ఉత్తరప్రదేశ్‌లోనూ వర్షాలు పడే అవకాశముంది.దీనికి పశ్చిమ గాలుల వ్యవస్థ (వెస్ట్రన్‌ డిస్టర్బెన్స్‌) తోడైతే హిమాలయాల దిగువ ప్రాంతాల్లో వర్షాలు మరింత పెరిగే అవకాశం ఉంది. దీంతో కొండచరియలు విరిగిపడటం, ఆకస్మిక వరదలు, రహదారులపై అంతరాయాలు ఏర్పడే ప్రమాదం ఉందని వాతావరణ శాఖ హెచ్చరిస్తోంది.నైరుతి రుతుపవనాల తిరోగమనం ప్రారంభమైనప్పటికీ.. వాతావరణ వ్యవస్థల ప్రభావంతో మరోసారి భారీ మేఘాలు, వర్షాలు దేశంలోని పలు ప్రాంతాలను పలకరిస్తున్నాయి. అంతరిక్షం నుంచి తీసిన ఈ చిత్రాలు మాత్రం భారత్‌లోని వాతావరణ వైవిధ్యాన్ని, ఆసియా స్థాయిలో మేఘాల విస్తరణను ఒక్కసారిగా కళ్లముందు ఉంచుతున్నాయి.ఇదీ చదవండి: ఉప ఎన్నికల వేళ.. విజయ్‌ కామెంట్లకు అర్థమేంటి?

ఆరు దశాబ్దాల రాజకీయ అనుభవం.. రెండుసార్లు పంజాబ్‌ ముఖ్యమంత్రిగా పనిచేసిన ట్రాక్‌ రికార్డ్‌.. అయినా బీజేపీలో తన మాటకు విలువ లేదంటున్నారు మాజీ సీఎం కెప్టెన్‌ అమరీందర్‌ సింగ్‌. పంజాబ్‌ రాజకీయాలపై తన అభిప్రాయాలను పార్టీ అడగడం లేదని ఆయన చేసిన వ్యాఖ్యలు ఇప్పుడు చర్చనీయాంశంగా మారాయి. ఎన్నికలకు ముందు సొంత పార్టీ తీరుపైనే సీనియర్‌ నేత అసంతృప్తి వ్యక్తం చేయడం రాజకీయ వర్గాల్లో ఆసక్తి రేపుతోంది.మాజీ సీఎం అమరీందర్‌ సింగ్‌ తాజాగా ఓ జాతీయ చానెల్‌కు ఇచ్చిన ఇంటర్వ్యూలో మాట్లాడుతూ.. పంజాబ్‌ రాజకీయాలను దాదాపు 60 ఏళ్లుగా పరిశీలిస్తున్నాను. రాష్ట్రం అనేక సంక్లిష్ట పరిణామాలను ఎదుర్కొన్న సమయంలోనూ నేను పనిచేశాను. నా అనుభవం ఆధారంగా చెప్పే అభిప్రాయాలను బీజేపీ అడగడం లేదు. నా అభిప్రాయాలను పరిగణనలోకి తీసుకోవాలని మాత్రమే నేను కోరుకుంటున్నాను. పంజాబ్‌ వ్యవహారాలను చూసే బీజేపీకి చెందిన కొంతమంది పార్టీ పదాధికారులకు రాష్ట్ర రాజకీయాల్లో ఏడాది అనుభవం కూడా పూర్తికాలేదు. అయినప్పటికీ అలాంటి వారి అభిప్రాయాలను తీసుకుంటున్నారు. కానీ, నా వంటి సీనియర్‌ నేతల అభిప్రాయాలను పార్టీ కోరడం లేదు అంటూ ఆసక్తికర వ్యాఖ్యలు చేశారు. ఇదిలా ఉండగా.. ఆయన మళ్లీ కాంగ్రెస్‌లో చేరే అవకాశం ఉందన్న ఊహాగానాలపై కూడా స్పందించారు. రాజకీయ పార్టీల్లో మార్పులు సహజమేనని చెప్పిన అమరీందర్‌.. ప్రస్తుతం మాత్రం బీజేపీని వీడే ఆలోచన లేదని స్పష్టం చేశారు. పంజాబ్‌పై తన అభిప్రాయాలను పార్టీకి చెప్పడం బీజేపీ సభ్యుడిగా తన బాధ్యత అని పేర్కొన్నారు. దీంతో, కెప్టెన్‌ వ్యాఖ్యలు బీజేపీ హైకమాండ్‌కు షాక్‌ తగిలేలా చేశాయి. అలాగే, 84 ఏళ్ల వయసుపై అడిగిన ప్రశ్నకు స్పందిస్తూ.. వయసు రాజకీయ జీవితానికి తప్పనిసరిగా ముగింపు కాదని అన్నారు. మాజీ ప్రధాని మొరార్జీ దేశాయ్‌ 81 ఏళ్ల వయసులో ప్రధానమంత్రి అయ్యారని గుర్తుచేశారు.🚨 BREAKING NEWS: Amarinder Criticizes BJP Over Punjab ExclusionCaptain Amarinder Singh expressed disappointment that the BJP did not seek his views on Punjab's political direction. He clarified that his comments do not indicate a departure from the party or a return to… pic.twitter.com/pzLZusrz6v— Globenews (@newsglobeorg) September 26, 2026అయితే.. అమరీందర్‌ సింగ్‌ 2022లో తన పార్టీ పంజాబ్‌ లోక్‌ కాంగ్రెస్‌ను బీజేపీలో విలీనం చేశారు. అంతకుముందు కాంగ్రెస్‌తో విభేదాల నేపథ్యంలో ఆ పార్టీని వీడి సొంత పార్టీని ఏర్పాటు చేశారు. కాగా, 117 స్థానాలున్న పంజాబ్‌ అసెంబ్లీకి వచ్చే ఏడాది ఎన్నికలు జరగనున్నాయి. ఈ నేపథ్యంలో అమరీందర్‌ సింగ్‌ వ్యాఖ్యలు రాష్ట్ర బీజేపీ రాజకీయాలపై చర్చకు దారితీశాయి.ఇదీ చదవండి: వీరమణి కేసులో డీఎంకేపై విజయ్‌ సంచలన వ్యాఖ్యలు

పట్నా: బిహార్‌లో ఇటీవలి ఉప ఎన్నికల్లో కీలక విజయాన్ని అందుకున్న జన్‌ సురాజ్‌ పార్టీ ఇప్పుడు ఢిల్లీ వైపు అడుగులు వేస్తోంది. పార్టీ వ్యవస్థాపకుడు, రాజకీయ వ్యూహకర్తగా పేరున్న ప్రశాంత్‌ కిషోర్‌.. దేశ రాజధానిలో పార్టీని విస్తరించేందుకు సన్నాహాలు మొదలుపెట్టారు. ఆదివారం ఢిల్లీలో జన్‌ సురాజ్‌ మద్దతుదారులతో సమావేశం నిర్వహించనున్న ఆయన.. పార్టీ ఢిల్లీ విభాగాన్ని ఏర్పాటు చేసే దిశగా స్టీరింగ్‌ కమిటీని ప్రకటించనున్నట్లు సమాచారం.ఢిల్లీలో పార్టీ నిర్మాణానికి తొలి అడుగుజన్‌ సురాజ్‌ పార్టీని 2024 అక్టోబర్‌ 2న ప్రశాంత్‌ కిషోర్‌ స్థాపించారు. 2025 నవంబర్‌లో జరిగిన బిహార్‌ అసెంబ్లీ ఎన్నికల్లో తొలిసారి పోటీ చేసిన పార్టీ 243 స్థానాల్లో 238 చోట్ల అభ్యర్థులను నిలబెట్టినా ఒక్క స్థానంలోనూ విజయం సాధించలేకపోయింది. ఆ ఎన్నికల్లో బీజేపీ నేతృత్వంలోని ఎన్డీయే 202 స్థానాలు గెలుచుకోగా.. ఆర్జేడీ నేతృత్వంలోని మహాఘఠ్‌బంధన్‌ 35 స్థానాలు సాధించింది.బంకీపూర్‌ ఉప ఎన్నికలో విజయంతో..అయితే ఈ ఏడాది ఆగస్టులో జరిగిన బంకీపూర్‌ అసెంబ్లీ ఉప ఎన్నికలో ప్రశాంత్‌ కిషోర్‌ విజయం సాధించారు. ఆయనకు ఇది ప్రత్యక్ష ఎన్నికల్లో తొలి విజయం. బీజేపీ జాతీయ అధ్యక్షుడిగా నితిన్‌ నబీన్‌ ఎదగడం, రాజ్యసభకు ఎన్నిక కావడంతో బంకీపూర్‌ ఎమ్మెల్యే స్థానానికి రాజీనామా చేయడంతో ఉప ఎన్నిక అనివార్యమైంది. ఈ విజయంతో జన్‌ సురాజ్‌ పార్టీ బిహార్‌ వెలుపల కూడా తన కార్యకలాపాలను విస్తరించేందుకు ప్రయత్నాలు ప్రారంభించింది.పుర్వాంచలీలపై ప్రత్యేక దృష్టిఢిల్లీలో పార్టీ బలాన్ని పెంచుకోవడంలో బిహార్‌, తూర్పు ఉత్తరప్రదేశ్‌ మూలాలున్న పుర్వాంచలీలను కూడా కీలక వర్గంగా జన్‌ సురాజ్‌ చూస్తోంది. ఆదివారం జరిగే సమావేశానికి ఢిల్లీలో నివసిస్తున్న పలువురు జన్‌ సురాజ్‌ మద్దతుదారులు హాజరుకానున్నట్లు సమాచారం. ఢిల్లీ జనాభాలో పుర్వాంచలీలు సుమారు 25 శాతం మంది ఓటర్లుగా ఉన్నారని పార్టీ నేతలు చెబుతున్నారు. రాజధానిలోని ఈ వర్గం ఈశాన్య, తూర్పు, ఆగ్నేయ ప్రాంతాల్లోని 15-20 అసెంబ్లీ స్థానాల ఎన్నికల ఫలితాలపై ప్రభావం చూపే వర్గంగా పరిగణించబడుతోంది.స్టీరింగ్‌ కమిటీలో పలువురికి చోటుఢిల్లీలో పార్టీ కార్యకలాపాలను పర్యవేక్షించేందుకు ఏర్పాటు చేయనున్న స్టీరింగ్‌ కమిటీలో పలువురు ప్రముఖుల పేర్లు వినిపిస్తున్నాయి. మాజీ బక్సర్‌ ఎంపీ కేకే తివారీ కుమారుడు, న్యాయవాది తథాగత్‌ హర్షవర్ధన్‌, ఢిల్లీ యూనివర్సిటీలోని దేశ్‌బంధు కాలేజీ ప్రొఫెసర్‌ శాంతను కుమార్‌, హిమాచల్‌ప్రదేశ్‌ మాజీ అదనపు డీజీపీ జేపీ సింగ్‌ ఈ కమిటీలో ఉండే అవకాశం ఉందని వర్గాలు తెలిపాయి. వీరితో పాటు బిహార్‌ పార్టీ ఇంటెలెక్చువల్‌ సెల్‌ అధిపతి, మాజీ ఐఈఎస్‌ అధికారి కున్వర్‌ చంద్రేశ్‌, మైనారిటీ విభాగం చీఫ్‌ అబూ అఫాన్‌ ఫరూకీ, ప్రియాంక సింగ్‌, వ్యాపారవేత్త అజయ్‌ సింగ్‌, మాజీ ఓఎన్‌జీసీ డైరెక్టర్‌ బాది ఉడ్‌ దోజా పేర్లు కూడా పరిశీలనలో ఉన్నట్లు సమాచారం.2027 నుంచి వరుస ఎన్నికలపై కన్నుఢిల్లీలో పార్టీ సంస్థాగత నిర్మాణాన్ని ఏర్పాటు చేయడం, కార్యవర్గాన్ని నియమించడం స్టీరింగ్‌ కమిటీ ప్రధాన బాధ్యతగా ఉండనుంది. ఢిల్లీలో ఇప్పటికే పార్టీ కార్యాలయం కోసం రెండు మూడు ప్రాంతాలను పరిశీలించినట్లు, లీజు, అద్దెకు సంబంధించిన లాంఛనాలు పూర్తయ్యాక కార్యాలయాన్ని ఖరారు చేయనున్నట్లు వర్గాలు తెలిపాయి. 2027లో జరగబోయే ఢిల్లీ మున్సిపల్‌ కార్పొరేషన్‌ ఎన్నికల నుంచి 2029 లోక్‌సభ ఎన్నికలు, 2030 అసెంబ్లీ ఎన్నికల వరకు ఢిల్లీలో జరిగే అన్ని ఎన్నికల్లో పోటీ చేయాలని జన సురాజ్‌ భావిస్తున్నట్లు పార్టీ నేత శాంతను కుమార్‌ తెలిపారు. ఢిల్లీలో కాలుష్యం, యమునా శుద్ధి వంటి సమస్యలకు ఇప్పటికే ఉన్న వ్యవస్థలను మరింత సమర్థంగా ఉపయోగించడంతో పాటు కొత్త పరిష్కారాలను ప్రతిపాదిస్తామని ఆయన పేర్కొన్నారు.ఇదీ చదవండి: యూఎన్‌లో షరీఫ్‌ వ్యాఖ్యలు.. భారత్‌ ఘాటు కౌంటర్‌

కేంద్ర ఎన్నికల ప్రధాన కమిషనర్‌ జ్ఞానేశ్‌ కుమార్‌ చుట్టూ ఇప్పటికే వివాదం కొనసాగుతున్న వేళ.. ఆయన కుమార్తె మేధా రూపమ్‌ కూడా ఇప్పుడు వివాదంలో చిక్కుకున్నారు. ఆమె దాఖలు చేసిన ఓ పిటిషన్‌ సుప్రీంకోర్టులో ఏ బెంచ్‌ ముందు, ఎలా లిస్ట్‌ అయిందన్న దానిపై లాయర్స్‌ అసోసియేషన్‌ ఫర్‌ కాన్‌స్టిట్యూషన్‌ అభ్యంతరాలు వ్యక్తం చేసింది. అంతేకాదు.. విచారణ మధ్యలో వర్చువల్‌ కోర్టు ఆడియోను మ్యూట్‌ చేయడంపైనా ప్రశ్నలు లేవనెత్తింది. ఈ అంశాలపై సుప్రీంకోర్టు ప్రధాన న్యాయమూర్తి జస్టిస్‌ సూర్యకాంత్‌కు సంఘం ఓ లేఖ రాసింది. ఈ వివాదం నోయిడాలో కార్మికుల ఆందోళనకు సంబంధించినది. ఏప్రిల్‌లో జరిగిన కార్మికుల నిరసన నేపథ్యంలో ఢిల్లీ యూనివర్సిటీ విద్యార్థిని, కార్యకర్త ఆకృతి చౌదరిని జాతీయ భద్రతా చట్టం (ఎన్‌ఎస్‌ఏ) కింద నిర్బంధించారు. దీనిపై ఆమె అలహాబాద్‌ హైకోర్టును ఆశ్రయించారు. సెప్టెంబర్‌ 2న విచారణ జరిపిన హైకోర్టు.. ఆకృతి చౌదరి నిర్బంధాన్ని రద్దు చేసింది. ఆమెకు రూ.5 లక్షల పరిహారం చెల్లించాలని, ఆ మొత్తాన్ని నిర్బంధ ప్రక్రియలో భాగమైన అధికారుల జీతాల నుంచి వసూలు చేయాలని ఆదేశించింది. అందులో నోయిడా జిల్లా మేజిస్ట్రేట్‌(ఐఏఎస్‌) మేధా రూపమ్‌ కూడా ఉన్నారు. ఆమె సీఈసీ జ్ఞానేశ్‌ కుమార్‌ కూతురు. అంతేకాదు నోయిడాకు తొలి మహిళా మెజిస్ట్రేట్‌ కూడా.హైకోర్టు తన తీర్పులో నోయిడా యంత్రాంగం వ్యవహరించిన తీరుపై తీవ్ర వ్యాఖ్యలు చేసింది. ఎన్‌ఎస్‌ఏ వంటి కఠిన చట్టాన్ని ప్రయోగించే ముందు సంబంధిత రికార్డులను అధికారులు జాగ్రత్తగా పరిశీలించాల్సి ఉందని పేర్కొంది. ఈ నేపథ్యంలోనే మేధా రూపమ్‌ హైకోర్టు తీర్పును సవాలు చేస్తూ సుప్రీంకోర్టును ఆశ్రయించారు.అక్కడే కొత్త ప్రశ్నలుహైకోర్టు తీర్పులో తనపై చేసిన వ్యాఖ్యలు, రూ.5 లక్షల పరిహారాన్ని తన జీతం నుంచి వసూలు చేయాలన్న ఆదేశాలను సవాలు చేస్తూ మేధా రూపమ్‌ పిటిషన్‌ దాఖలు చేశారు. ఉత్తరప్రదేశ్‌ ప్రభుత్వం కూడా హైకోర్టు తీర్పును సవాలు చేసింది. సెప్టెంబర్‌ 23న జస్టిస్‌ సతీశ్‌ చంద్ర శర్మ, జస్టిస్‌ ఎన్‌. కోటిశ్వర్‌ సింగ్‌ ధర్మాసనం ఈ వ్యవహారాన్ని విచారించింది. మేధా రూపమ్‌ తరఫున సొలిసిటర్‌ జనరల్‌ తుషార్‌ మెహతా వాదించగా.. యూపీ ప్రభుత్వం తరఫున సీనియర్‌ న్యాయవాది ముకుల్‌ రోహత్గీ హాజరయ్యారు.అయితే విచారణ జరుగుతుండగానే వర్చువల్‌ కోర్టు ఆడియోను మ్యూట్‌ చేశారు. అనంతరం వర్చువల్‌ యాక్సెస్‌ను కూడా మూసివేశారు. దీంతో విచారణలోని కొంత భాగాన్ని మీడియా వినలేని పరిస్థితి ఏర్పడింది. ఈ అంశమే ఇప్పుడు లాయర్ల సంఘం అభ్యంతరాల్లో కీలకంగా మారింది. ఆ బెంచ్‌ ముందే ఎందుకు?ఇక మేధా రూపమ్‌ పిటిషన్‌ లిస్టింగ్‌పైనే లాయర్స్‌ అసోసియేషన్‌ ఫర్‌ కాన్‌స్టిట్యూషన్‌ ప్రధాన ప్రశ్నలు లేవనెత్తింది. జూలై 13 నుంచి అమల్లో ఉన్న సుప్రీంకోర్టు రోస్టర్‌ ప్రకారం.. నిర్బంధం, హెబియస్‌ కార్పస్‌ వంటి అంశాలు వేరే బెంచ్‌ల పరిధిలో ఉన్నాయని సంఘం పేర్కొంది. ఇదే కార్మికుల ఆందోళనకు సంబంధించిన ఇతర నిర్బంధ కేసులు జస్టిస్‌ బీవీ నాగరత్న నేతృత్వంలోని బెంచ్‌ ముందు పెండింగ్‌లో ఉన్నాయని తెలిపింది. అయినప్పటికీ మేధా రూపమ్‌ పిటిషన్‌ అనూహ్యంగా జస్టిస్‌ సతీశ్‌ చంద్ర శర్మ, జస్టిస్‌ ఎన్‌. కోటిశ్వర్‌ సింగ్‌ ధర్మాసనం ముందు ఎలా లిస్ట్‌ అయిందని ప్రశ్నించింది. దీనిని ‘ఔట్‌ ఆఫ్‌ టర్న్‌’ లిస్టింగ్‌గా పేర్కొంటూ.. కేసును ప్రత్యేకంగా ఒక బెంచ్‌కు కేటాయించారా? అనే సందేహాన్ని సంఘం వ్యక్తం చేసింది. మేధా రూపమ్‌ సీఈసీ జ్ఞానేశ్‌ కుమార్‌ కుమార్తె కావడంతో.. ఈ వ్యవహారంపై మరింత పారదర్శకత అవసరమని పేర్కొంటూ సీజేఐ జస్టిస్‌ సూర్యకాంత్‌కు లేఖ రాసింది. స్టే విషయంలోనూ గందరగోళమే!ఈ కేసులో సెప్టెంబర్‌ 23న సుప్రీంకోర్టు ఇచ్చిన మధ్యంతర ఆదేశంపైనా తొలుత కొంత గందరగోళం నెలకొంది. అనంతరం సెప్టెంబర్‌ 24న కోర్టు తన ఆదేశాన్ని సవరించింది. ఆకృతి చౌదరి ఎన్‌ఎస్‌ఏ నిర్బంధాన్ని రద్దు చేసిన అలహాబాద్‌ హైకోర్టు నిర్ణయంపై స్టే లేదని స్పష్టం చేసింది. మేధా రూపమ్‌పై హైకోర్టు చేసిన వ్యాఖ్యలు, రూ.5 లక్షల పరిహారాన్ని ఆమెతో పాటు ఇతర అధికారుల నుంచి వసూలు చేయాలన్న ఆదేశానికి సంబంధించిన భాగాలపైనే స్టే వర్తిస్తుందని తెలిపింది. తదుపరి విచారణను అక్టోబర్‌ 7కి వాయిదా వేసింది.అదే రోజు.. సీఈసీ నియామక కేసులోనూ జస్టిస్‌ శర్మసెప్టెంబర్‌ 23నే జస్టిస్‌ సతీశ్‌ చంద్ర శర్మ మరో కీలక కేసులోనూ ధర్మాసనంలో ఉన్నారు. ఎన్నికల కమిషన్‌ నియామక వ్యవస్థకు సంబంధించిన 2023 చట్టాన్ని సవాలు చేసిన పిటిషన్లపై జస్టిస్‌ దీపాంకర్‌ దత్తాతో కలిసి విచారణ జరిపారు. ఈ వ్యవహారంలో ఇద్దరు న్యాయమూర్తులు భిన్నాభిప్రాయాలు వ్యక్తం చేయడంతో.. తదుపరి చర్యల కోసం అంశం సీజేఐ పరిశీలనకు వెళ్లింది. మేధా రూపమ్‌ కేసుతో పాటు ఈ వ్యవహారాన్ని కూడా లాయర్ల సంఘం తన లేఖలో ప్రస్తావించింది. ఇప్పుడు అసలు ప్రశ్న ఇదే..సీఈసీ జ్ఞానేశ్‌ కుమార్‌ చుట్టూ ఎన్నికల కమిషన్‌కు సంబంధించిన వివాదాలు కొనసాగుతున్న సమయంలో.. ఆయన కుమార్తె మేధా రూపమ్‌ కేసు కూడా సుప్రీంకోర్టు లిస్టింగ్‌, విచారణ పారదర్శకతపై ప్రశ్నలకు దారితీసింది. నిర్బంధానికి సంబంధించిన కేసు ఈ బెంచ్‌ ముందుకు ఎలా వచ్చింది? విచారణ మధ్యలో ఆడియో ఎందుకు మ్యూట్‌ అయింది? అన్నదే ఇప్పుడు లాయర్ల సంఘం లేవనెత్తుతున్న ప్రధాన ప్రశ్న. ఈ అంశాలపై సీజేఐకి లేఖ వెళ్లడంతో.. సుప్రీంకోర్టు నుంచి ఎలాంటి వివరణ వస్తుంది? లిస్టింగ్‌ ప్రక్రియపై ఏదైనా స్పష్టత ఇస్తారా? అనేది ఇప్పుడు ఆసక్తికరంగా మారింది.ఇదీ చదవండి: మోదీని ఇలా మునుపెన్నడూ చూసి ఉండరు

అంతర్జాతీయ ఇంధన మార్కెట్‌లో సరఫరా కొరత, ధరల తీవ్రత నెలకొన్నప్పటికీ ముందుగా కుదుర్చుకున్న ఒప్పందాల ప్రకారం భారత్ తన డీజిల్‌ ఎగుమతులను యథావిధిగా కొనసాగిస్తుందని కేంద్ర పెట్రోలియం, సహజ వాయువుల శాఖ మంత్రి హర్దీప్‌ సింగ్ పురి స్పష్టం చేశారు. అమెరికా ప్రభుత్వం ఇంధన ఎగుమతులపై ఆంక్షలు విధించే యోచనలో ఉన్నట్లు వార్తలు వస్తున్న నేపథ్యంలో భారత ప్రభుత్వం తీసుకున్న ఈ నిర్ణయం ఇంధన వర్గాల్లో ప్రాధాన్యం సంతరించుకుంది.న్యూఢిల్లీలో నిర్వహించిన 13వ పబ్లిక్ అఫైర్స్ ఫోరమ్ ఆఫ్ ఇండియా (PAFI) వార్షిక సదస్సులో మాట్లాడిన మంత్రి ‘మేము చేసుకున్న అంతర్జాతీయ ఒప్పందాలకు ఎల్లప్పుడూ కట్టుబడి ఉంటాం. ఎగుమతుల ఉపసంహరణ ప్రసక్తే లేదు’ అని తేల్చిచెప్పారు. ఇండియన్ ఆయిల్ కార్పొరేషన్ ఇటీవల మారిషస్‌తో కుదుర్చుకున్న ఐదేళ్ల ఇంధన సరఫరా ఒప్పందాన్ని ఆయన ఈ సందర్భంగా ప్రస్తావించారు.ప్రపంచ డీజిల్‌ మార్కెట్‌లో భారత్‌ కీలక పాత్రరష్యా-ఉక్రెయిన్ యుద్ధం, పశ్చిమాసియా సంక్షోభాల వల్ల ప్రపంచవ్యాప్తంగా డీజిల్ సరఫరా వ్యవస్థ తీవ్ర ఒత్తిడికి గురైంది. రష్యా ఎగుమతులు తగ్గడంతో సముద్ర మార్గం గుండా డీజిల్ ఎగుమతి చేసే దేశాల్లో రష్యాను వెనక్కి నెట్టి భారత్ ప్రపంచంలోనే రెండో అతిపెద్ద డీజిల్ ఎగుమతిదారుగా (దాదాపు 10% వాటాతో) నిలిచింది.శుద్ధి సామర్థ్యం దిశగా వేగంగా అడుగులుప్రస్తుత సామర్థ్యం ఏడాదికి 267 మిలియన్ మెట్రిక్ టన్నులు (ఎంటీపీఏ). సమీప లక్ష్యం.. రాబోయే ఏడాది కాలంలో 290 ఎంటీపీఏ. దీర్ఘకాలిక లక్ష్యం.. 2030-32 నాటికి 320 ఎంటీపీఏకి పెంచడం. యూరప్‌లోని పలు శుద్ధి కర్మాగారాలు మూతపడుతున్న తరుణంలో భారత్ తన శుద్ధి సామర్థ్యాన్ని (రిఫైనింగ్‌ కెపాసిటీ) భారీగా పెంచుకోవడం గమనార్హం.గల్ఫ్‌ దిగ్గజాల ఆసక్తిభారత మార్కెట్ వేగంగా విస్తరిస్తుండటంతో గల్ఫ్ ఇంధన దిగ్గజాలైన సౌదీ అరామ్‌కో, అబుదాబి నేషనల్ ఆయిల్ కంపెనీ భారత రిఫైనింగ్ రంగంలో పెట్టుబడులు పెట్టేందుకు ఆసక్తి చూపిస్తున్నాయని మంత్రి వెల్లడించారు. దేశీయ అవసరాలను తీర్చడమే కాకుండా విశ్వసనీయ ఇంధన సరఫరాదారుగా భారత్ తన అంతర్జాతీయ ప్రతిష్టను నిలబెట్టుకుంటుందని ఆయన ధీమా వ్యక్తం చేశారు.ఇదీ చదవండి: ఆధార్ వ్యవస్థనే అబ్బురపరిచిన కవలలు

తమిళనాడులో పోక్సో కేసు వ్యవహారం రాజకీయంగా మరోసారి చర్చకు వచ్చింది. గ్రానైట్‌ వ్యాపారి వీరమణికి సంబంధించిన పోక్సో కేసును గతంలో అధికారంలో ఉన్న డీఎంకే ప్రభుత్వం దాచిపెట్టిందంటూ తమిళనాడు ముఖ్యమంత్రి విజయ్‌ ఆరోపించారు. ఈ వ్యవహారంపై డీఎంకే, అన్నాడీఎంకే ఎందుకు మౌనం వహిస్తున్నాయంటూ సీఎం ప్రశ్నించారు.మదురాంతకం ఉపఎన్నిక ప్రచారంలో పాల్గొన్న విజయ్‌.. ఈ కేసు గత డీఎంకే ప్రభుత్వ హయాంలోనే వెలుగులోకి వచ్చిందని, అయితే ఆ కేసును, దాని పూర్వాపరాలను ప్లాన్‌ ప్రకారమే దాచిపెట్టారని ఆరోపించారు. స్టాలిన్‌ సర్‌.. నోరు విప్పండి. ఈ విషయంలో అన్నాడీఎంకేతో పొత్తు పెట్టుకుని మౌనంగా ఉంటారా?’ అంటూ ప్రశ్నించారు. మహిళల భద్రత కోసం తామే పనిచేస్తున్నామని డీఎంకే చేస్తున్న ప్రచారాన్ని కూడా విజయ్‌ విమర్శించారు. వీరమణి ఎంతోమంది యువతుల జీవితాలను నాశనం చేశారని ఆరోపిస్తూ.. ప్రస్తుతం ఆయన జైలులో ఉన్నప్పటికీ డీఎంకే, అన్నాడీఎంకే ఈ అంశంపై ఎందుకు మాట్లాడటం లేదని ప్రశ్నల వర్షం కురిపించారు.పెన్‌డ్రైవ్‌తో మొదలై.. క్లోజర్‌ రిపోర్ట్‌ వరకు2025 అక్టోబర్‌లో ఓ స్వచ్ఛంద సంస్థకు గుర్తుతెలియని వ్యక్తి పెన్‌డ్రైవ్‌, లేఖ అందజేయడంతో ఈ వ్యవహారం వెలుగులోకి వచ్చింది. అందులో ఓ బాలికపై లైంగిక దాడికి సంబంధించిన వీడియో ఉందని పేర్కొంటూ వీరమణి పేరు ప్రస్తావించారు. అనంతరం పోలీసులు కేసు నమోదు చేసి దర్యాప్తు ప్రారంభించారు. సుమారు ఐదు నెలల విచారణ అనంతరం పోలీసులు క్లోజర్‌ రిపోర్టు దాఖలు చేశారు. వీడియోలో కనిపిస్తున్న బాలికను గుర్తించలేకపోవడం, ఒరిజినల్‌ వీడియో లభించకపోవడం, తగిన ఆధారాలు లేకపోవడం వంటి కారణాలను అందులో పేర్కొన్నారు. అయితే ప్రత్యేక పోక్సో కోర్టు ఈ క్లోజర్‌ రిపోర్టును అంగీకరించలేదు. మరింత దర్యాప్తు చేయాలని ఆదేశించింది.కోర్టు ఆదేశాలతో కేసులో కీలక మలుపుకోర్టు ఆదేశాల తర్వాత దర్యాప్తు వేగం పుంజుకుంది. వీడియోలో కనిపించిన బాలికను పోలీసులు గుర్తించి.. ఆమె వాంగ్మూలాన్ని మేజిస్ట్రేట్‌ ముందు నమోదు చేశారు. ఆ తర్వాత దర్యాప్తు విస్తరించడంతో మరికొందరు బాధితులు కూడా వెలుగులోకి వచ్చినట్లు పోలీసులు తెలిపారు. ఇప్పటివరకు ఏడుగురికి పైగా బాధితులను గుర్తించినట్లు తాజా నివేదికలు పేర్కొంటున్నాయి. వీరమణితో పాటు ఆయనకు చెందిన ఇద్దరు సహాయకులు మహేంద్ర సిమ్హన్‌, ఆయన భార్య శాంతిని ఆగస్టు 28న అరెస్టు చేశారు.విజయ్‌ సర్కార్‌ చర్యలుకేసు తీవ్రత పెరగడంతో తమిళనాడు ముఖ్యమంత్రి విజయ్‌ ప్రభుత్వం దర్యాప్తులో ఎలాంటి లోపాలకు తావులేకుండా చూడాలని ఆదేశించింది. గత దర్యాప్తులో ఎవరైనా నిర్లక్ష్యం వహించారా? కేసును బలహీనపరిచే ప్రయత్నం జరిగిందా? అన్న కోణాల్లోనూ విచారణ సాగుతోంది. పోలీసు వ్యవస్థలోని అధికారుల పాత్రపై కూడా సమీక్ష మొదలైంది. దీంతో ఈ కేసు కేవలం నిందితులపై దర్యాప్తుకే పరిమితం కాకుండా.. గతంలో కేసును హ్యాండిల్‌ చేసిన తీరుపైనా విచారణ జరుగుతున్న వ్యవహారంగా మారింది.విజయ్‌ సర్కార్‌పై స్టాలిన్‌ సమాధానం..ఇదిలా ఉండగా.. కేసును అడ్డుకున్నారంటూ గత డీఎంకే ప్రభుత్వంపై టీవీకే వర్గాల నుంచి ఆరోపణలు రావడంతో రాజకీయ దుమారం మొదలైంది. వీరమణిని కాపాడాలని తమ ప్రభుత్వం ఎలాంటి ఆదేశాలు ఇవ్వలేదని డీఎంకే అధినేత ఎంకే స్టాలిన్‌ స్పష్టం చేశారు. తనపై, తమ ప్రభుత్వంపై వస్తున్న ఆరోపణలు అసత్యం, పరువు నష్టం కలిగించేలా ఉన్నాయని ఆయన పేర్కొన్నారు. అంతేకాదు.. బాలికలకు న్యాయం జరగడమే ఈ వ్యవహారంలో అందరి ప్రధాన లక్ష్యం కావాలని స్టాలిన్‌ పేర్కొన్నారు. దీంతో వీరమణి కేసు ఇప్పుడు క్రిమినల్‌ దర్యాప్తుతో పాటు తమిళనాడు రాజకీయాల్లోనూ ప్రధాన చర్చగా మారింది.ఇదీ చదవండి: కర్ణాటక సీఎం నోట సంచలన వ్యాఖ్యలు..

రోజూ మన కళ్లముందు కనిపించే రోడ్లు.. ట్రాఫిక్‌.. నగరాల పరిస్థితి.. ఇవన్నీ మనకు అలవాటైపోయినవే. కానీ, కొన్నిసార్లు మరో దేశంలోని నగరాలను చూసిన తర్వాత.. మన చుట్టూ ఉన్న పరిస్థితులను కొత్త కోణంలో చూడాల్సి వస్తుంది. ఓ విదేశీ పర్యటన.. తిరిగొచ్చాక చేసిన ఓ సోషల్‌ మీడియా పోస్ట్‌.. ఇప్పుడు నెటిజన్ల మధ్య పెద్ద చర్చకు దారితీసింది.‘చైనాలోని సాధారణ నగరాలను సందర్శించి తిరిగి భారత వీధుల్లోకి వస్తే.. స్థానిక ఎమ్మెల్యేలు, ఎంపీలు, ఐఏఎస్‌ అధికారులు, మొత్తం వ్యవస్థ మనల్ని ఎంతగా మోసం చేసిందో అర్థమవుతుంది’ అంటూ భారతీయ మూలాలున్న అమెరికన్‌ ప్రొఫెసర్‌ రాజేశ్వరి అయ్యర్‌ ఎక్స్‌లో పోస్టు చేశారు. ఆమె పోస్టుకు భారీగా లైక్స్‌, షేర్లు, కామెంట్లు వచ్చాయి. చైనాలోని నగరాల దృశ్యాలతో కూడిన పోస్టులు కూడా సోషల్‌ మీడియాలో విస్తృతంగా చక్కర్లు కొడుతున్నాయి.‘ఇలాంటి పోస్టులు పెడితే పరువునష్టం కేసు ఎదుర్కోవాల్సి వస్తుంది’ అని ఓ నెటిజన్‌ కామెంట్‌ చేయగా.. ‘చైనా అభివృద్ధిని మెచ్చుకునేవాళ్లు.. అక్కడి నియంత్రణల గురించి కూడా మాట్లాడాలి’ అని మరో వ్యక్తి బదులిచ్చారు. ఇంకొకరు స్పందిస్తూ.. ‘చైనాలో ఇలా బహిరంగంగా మాట్లాడితే.. ఉదయానికే కనిపించరు. భారత్‌లో మాత్రం యువత రోడ్డెక్కి నిరసనలు తెలిపేంత స్వేచ్ఛ.. ఇంత ప్రజాస్వామ్యం ఉంది’ అని వ్యాఖ్యానించారు.Once you visit random cities in China and come back to Indian streets, you realize how much you’ve been scammed by your local MLAs, MPs, IAS and the whole system. pic.twitter.com/uETFhAjSvk— Dr. Rajeshwari Iyer (@RajeshwariRW) September 25, 2026అంత దాకా ఎందుకు..అయితే ఆమె వ్యాఖ్యలకు అందరూ ఏకీభవించలేదు. కొందరు నెటిజన్లు చైనాతో భారత్‌ను పోల్చాల్సిన అవసరం లేదని.. బ్యాంకాక్‌, వియత్నాం, ఇండోనేషియా, మలేసియా వంటి దేశాల్లోని నగరాలను చూసినా భారత్‌లో మౌలిక వసతులు, పరిశుభ్రత, పౌర సదుపాయాల్లో తేడా కనిపిస్తుందని కామెంట్‌ చేశారు. ‘చైనానే కాదు.. బ్యాంకాక్‌ వెళ్లినా అభివృద్ధి, పరిశుభ్రత, పౌరస్పృహలో భారీ వ్యత్యాసం కనిపిస్తుంది’ అంటూ ఒకరు స్పందించారు. మరికొందరు వియత్నాం, ఇండోనేషియా, మలేసియాలను కూడా ప్రస్తావించారు.చైనా మోడల్‌పై మరో వాదనమరోవైపు.. చైనా నగరాల్లో కనిపించే వేగవంతమైన రహదారులు, ఎక్స్‌ప్రెస్‌వేలు, హైస్పీడ్‌ రైళ్లను ప్రశంసించిన కొందరు నెటిజన్లు.. వాటిని భారత్‌లోని ప్రజాస్వామ్య వ్యవస్థతో నేరుగా పోల్చడం సరికాదని వాదించారు. చైనాలోని వేగవంతమైన అభివృద్ధి వెనుక ఒకే పార్టీ పాలన, కేంద్రీకృత నిర్ణయ వ్యవస్థ వంటి అంశాలు ఉన్నాయని కొందరు ప్రస్తావించారు. ప్రజా పర్యవేక్షణ, రాజకీయ స్వేచ్ఛ, సోషల్‌ క్రెడిట్‌ వ్యవస్థ వంటి అంశాలను కూడా వారు చర్చలోకి తీసుకొచ్చారు.భిన్నాభిప్రాయాలుచైనా హైస్పీడ్‌ రైళ్లను మెచ్చుకున్న ఒక నెటిజన్‌.. వాటి నిర్మాణానికి తక్కువ కార్మిక వ్యయం, జపాన్‌ నుంచి వచ్చిన సాంకేతిక పరిజ్ఞానం వంటి అంశాలు కూడా కారణమని వ్యాఖ్యానించారు. రైళ్ల నిర్మాణం ఒకవైపు ఉద్యోగాల కల్పన, మరోవైపు రవాణా వ్యవస్థ అభివృద్ధి కార్యక్రమంగా సాగిందని పేర్కొన్నారు. కేవలం రైళ్ల నిర్మాణాన్ని ఆధారంగా చేసుకుని దేశాల మధ్య పోటీని అంచనా వేయడం సరైందని కాదని అభిప్రాయపడ్డారు. అదే సమయంలో.. దుబాయ్‌లాంటి చోట్ల రోడ్లు, భవనాల నిర్మాణానికి మన దేశం నుంచి కార్మికులు వెళ్తారని, వాళ్లనే ఉపయోగించి ఇక్కడ హైక్లాస్‌ రోడ్లను నిర్మించడం మన ప్రభుత్వాలకు చేత కాదా? అంటూ ఒకరు ప్రశ్నించారు.నెహ్రూ.. మోదీని మాత్రమే నిందించాలా?భారత్‌లో మౌలిక వసతుల సమస్యలకు రాజకీయ నాయకులను మాత్రమే బాధ్యులను చేయడం సరిపోదని మరో నెటిజన్‌ వ్యాఖ్యానించారు. నెహ్రూ నుంచి మోదీ వరకు ప్రభుత్వాలను నిందించడం కంటే.. దశాబ్దాలుగా కొనసాగుతున్న అధికార యంత్రాంగం, అవినీతి, జవాబుదారీతనం వంటి అంశాలపై దృష్టి పెట్టాలని పేర్కొన్నారు. భారత్‌లో మౌలిక వసతుల అభివృద్ధికి రాజకీయ సంకల్పంతో పాటు అధికార వ్యవస్థలోనూ మార్పులు అవసరమని ఆ వ్యాఖ్య సారాంశం.ఎవరీ రాజేశ్వరి అయ్యర్‌?డాక్టర్‌ రాజేశ్వరి అయ్యర్‌ సోషల్‌ మీడియాలో యాక్టివ్‌గా ఉండే భారతీయ మూలాలున్న అమెరికన్‌ ప్రొఫెసర్‌. ఆమె ఎక్స్‌ ప్రొఫైల్‌లో ఎన్‌ఐటీ పుదుచ్చేరి, ఐఐటీ బాంబే పూర్వ విద్యార్థినిగా, డైరెక్టర్‌, ప్రొఫెసర్‌గా వివరాలు ఉన్నాయి. భారత్‌లో రిజర్వేషన్లు, పన్నులు, ప్రభుత్వ వ్యవస్థ, ప్రజా మౌలిక వసతులు వంటి అంశాలపై ఆమె తరచూ పోస్టులు చేస్తుంటారు. గతంలోనూ భారత్‌ నుంచి అమెరికాకు తిరిగి వెళ్లడానికి కారణాలను వివరిస్తూ ఆమె చేసిన పోస్టులు వార్తల్లో నిలిచాయి.She is visiting the Netherlands. This is how the Netherlands looks.Hope the Bihar MLA can transform Bihar and make it look like this one day. https://t.co/VzRVQ2rmZe pic.twitter.com/8qpU7yTFMi— Dr. Rajeshwari Iyer (@RajeshwariRW) September 26, 2026చైనా పర్యటన అనుభవం నుంచి మొదలైన ఈ పోస్టు ఇప్పుడు కేవలం చైనా-భారత్‌ నగరాల పోలికకే పరిమితం కాకుండా.. మౌలిక వసతులు, పట్టణ ప్రణాళిక, అధికార యంత్రాంగం, అవినీతి, ప్రజాస్వామ్యం, జవాబుదారీతనం వంటి విస్తృత అంశాలపై సోషల్‌ మీడియా చర్చకు దారితీసింది.

యశవంతపుర: బెంగళూరు ఆర్‌ఆర్‌నగర బీజేపీ ఎమ్మెల్యే మునిరత్న బహిరంగ స్థలంలో మూత్ర విసర్జన చేస్తుండగా ప్రశ్నించిన వ్యక్తిపై దౌర్జన్యం చేసినట్లు అరోపణలు వస్తున్నాయి. బెంగళూరు సదాశివనగరలోని ఖాళీ స్థలంలో మూత్ర విసర్జన చేస్తుండగా అక్కడికి వెళ్లి ఓ యువకుడు ప్రశ్నించారు. యువకుడిని ఎమ్మెల్యే నోటికొచ్చినట్లు తిట్టారు. తన తల్లిని అవమానించేలా ఎలా మాట్లాడతావంటూ ఎమ్మెల్యేని నిలదీశారు. తిరగబడిన యువకుడిని కాలర్‌ పట్టుకుని ఎమ్మెల్యే బెదిరించినట్లు అరోపణలు వస్తున్నాయి. యువకుడు ఎమ్మెల్యేతో వాదులాడుతున్న సమయంలో అక్కడే ముగ్గురు పోలీసులు చూస్తూ ప్రేక్షకపాత్ర వహించిన దృశ్యాలు ఆ వీడియోలో ఉన్నాయి. ఈ వీడియో సామాజిక మాధ్యమాల్లో వైరల్‌గా మారింది.

బెంగళూరు: ర్యాపిడో బైకు రైడరు ఒకరు యువతితో రైడ్‌లో నడుచుకున్న తీరు కర్ణాటకలో వైరల్‌గా మారింది. యువతిని బైకుపై కూర్చోబెట్టుకోలేదు. ఓటీపీ తీసుకుని యువతికి హెల్మెట్‌ ఇచ్చి 10 కి.మీ. దూరం వెళ్లారు. ప్రస్తుతం ఈ వీడియో సోషల్‌ మీడియాలో వైరల్‌గా మారింది. బెంగళూరు నగరంలో ఓ యువతి ర్యాపిడో బుక్‌ చేయగా రైడరు వచ్చాడు. వెంటనే యువతి ఓటీపీ తెలిపింది. రైడరు యువతికి హెల్మెట్‌ ఇవ్వగానే దానిని ధరించేందుకు ఆమె సిద్ధమైంది. ఆమె బైక్‌ ఎక్కినట్లు భావించిన రైడర్‌ ముందుకెళ్లి పోయాడు. ఇలా 10 కి.మీ. దూరం వెళ్లిన తర్వాత అసలు విషయం గుర్తించాడని రిటైర్‌ స్పోర్ట్స్‌ ఫ్యాన్‌ క్రిప్‌క్రాప్‌ అనే వ్యక్తి సోషల్‌ మీడియా ఎక్స్‌ అకౌంట్‌లో పోస్ట్‌ పెట్టారు. ప్రస్తుతం అది సోషల్‌ మీడియాలో వైరల్‌గా మారింది. ఈ విషయంపై పలువురు నెటిజన్లు పలు రకాలుగా స్పందించారు. కన్నడ సినిమా గాళిపటను గుర్తుకు తెచ్చుకున్నారు. మరికొందరు ఇలా జరగడం సహజమని తెలిపారు. ఇదీ చ‌ద‌వండి: డబ్బు ఎంతైనా.. ప్రసాదం దక్కాల్సిందే

కర్ణాటక ముఖ్యమంత్రి డీకే శివకుమార్‌ చేసిన వ్యాఖ్యలు రాజకీయ దుమారం రేపాయి. రాష్ట్రంలో దాదాపు డజను మంది ఎమ్మెల్యేలకు రెండేసి పెళ్లిళ్లు జరిగాయని ఆయన అసెంబ్లీలోనే వ్యాఖ్యానించారు. దీంతో సభలో ఒక్కసారిగా అలజడి రేగింది. అయితే ఈ వ్యాఖ్యపై బీజేపీ నేతలు తీవ్రంగా స్పందించారు. ఎవరెవరో పేర్లు కూడా చెప్పాలని డిమాండ్‌ చేస్తున్నారు.వర్షాభావ పరిస్థితులపై గురువారం అసెంబ్లీలో జరిగిన చర్చలో శివకుమార్‌ బెంగళూరు నగరంపై పెరుగుతున్న జనాభా ఒత్తిడిని ప్రస్తావించారు. బెంగళూరును కెంపేగౌడ నిర్మించారని, విధానసౌధను కేంగల్‌ హనుమంతయ్య నిర్మించారని, ఎస్‌.ఎం. కృష్ణ నగరాన్ని అంతర్జాతీయ స్థాయికి తీసుకెళ్లారని అన్నారు. నగరానికి వచ్చిన వారు తిరిగి తమ సొంత ప్రాంతాలకు వెళ్లడం లేదని చెప్పారు.ఈ క్రమంలో ఎమ్మెల్యేలను ఉద్దేశించి మాట్లాడుతూ.. బెంగళూరుకు వచ్చిన వారు కూడా ఇక్కడే ఉండిపోతున్నారని, “మీలోనూ చాలామందికి రెండు పెళ్లిళ్లు ఉన్నాయి. అలాంటివారు ఓ డజను మంది ఉన్నారు. వారి జాబితా ఇవ్వగలను” అని వ్యాఖ్యానించారు. ధార్వాడ్‌, దక్షిణ కన్నడ తదితర జిల్లాలకు చెందిన కొందరు ఎమ్మెల్యేల పేర్లు తనకు తెలుసని, అయితే వాటిని బయటపెట్టడం లేదని చెప్పారు."MLAs who come to Bengaluru don't leave, I know dozens who had second marriages and settled here" : Karnataka CM DK Shivakumar while talking about growing population & rapid urbanization in Bengaluru. pic.twitter.com/MA8Kg4Y45g— Deepak Bopanna (@dpkBopanna) September 25, 2026అనవసరమైన వ్యాఖ్య: బీజేపీముఖ్యమంత్రి వ్యాఖ్యలపై ప్రతిపక్ష నేత ఆర్‌.అశోక్‌ స్పందించారు. ఇది అనవసరమైన వ్యాఖ్య అని పేర్కొంటూ.. రెండు పెళ్లిళ్లు చేసుకున్నారని సీఎం చెబుతున్న ఎమ్మెల్యేల పేర్లను వెల్లడించాలని డిమాండ్‌ చేశారు. ఈ వ్యాఖ్యలతో బెంగళూరుకు ఇతర ప్రాంతాల నుంచి వచ్చిన ప్రతి ఎమ్మెల్యేపైనా అనుమానం ఏర్పడే పరిస్థితి వచ్చిందని అన్నారు. తాను మాత్రం బెంగళూరులోనే పుట్టి పెరిగానని స్పష్టం చేశారు.బీజేపీ సీనియర్‌ ఎమ్మెల్యే ఎస్‌.సురేశ్‌ కుమార్‌ కూడా శివకుమార్‌ వ్యాఖ్యలను తప్పుబట్టారు. సీఎం సరదాగా చెప్పి ఉండొచ్చని, కానీ అసెంబ్లీ వేదికపై ఇలాంటి వ్యాఖ్యలు చేయడం సభ గౌరవాన్ని పెంచదని అన్నారు. తాను సభలో ఉండి ఉంటే అప్పుడే స్పందించేవాడినని పేర్కొన్నారు.పేర్లు చెప్పాలి లేదంటే..రెండు పెళ్లిళ్లు చేసుకుని రెండు కుటుంబాలను నిర్వహిస్తున్న ఎమ్మెల్యేలు ఎవరనే విషయాన్ని సీఎం స్పష్టం చేయాలని సురేశ్‌ కుమార్‌ డిమాండ్‌ చేశారు. పేర్లు వెల్లడించకుండా ఇలాంటి వ్యాఖ్యలు చేయడం వల్ల ప్రజల్లో అనవసరమైన ఆసక్తి, సందేహాలు ఏర్పడతాయని అన్నారు. అంతేకాకుండా రాష్ట్ర ప్రజలు ఎమ్మెల్యేలందరినీ అనుమానంగా చూడటం లేదా ఎగతాళి చేసే పరిస్థితి తలెత్తవచ్చని వ్యాఖ్యానించారు.బెంగళూరు డెవలప్‌మెంట్‌.. జనాభా ఒత్తిడిపై అసెంబ్లీలో జరుగుతున్న చర్చ సందర్భంగా శివకుమార్‌ చేసిన ఈ వ్యాఖ్యలు అసలు చర్చను పక్కకు నెట్టి రాజకీయ వర్గాల్లో చర్చనీయాంశంగా మారాయి. అయితే ఆయన ప్రస్తావించిన ఎమ్మెల్యేల పేర్లు మాత్రం ఇప్పటివరకు బహిర్గతం కాలేదు.ఇదీ చదవండి: రెబల్‌ ఎంపీలకు గడువు.. రెండు వారాలే!

యువతను ఆకట్టుకునేందుకు ప్రధాని నరేంద్ర మోదీ మరో కొత్త తరహా ప్రయత్నం చేశారు. సాధారణ రాజకీయ కార్యక్రమాలకు భిన్నంగా.. యువత ఎక్కువగా పాల్గొనే ఆధునిక భజన కార్యక్రమంలో ఆయన స్వయంగా పాల్గొని సందడి చేశారు. భజనలు వింటూ చప్పట్లు కొట్టడంతోపాటు.. చేతిలో వాయిద్యం పట్టుకుని తాళం వేస్తూ కనిపించారు.పండిట్‌ దీనదయాళ్‌ ఉపాధ్యాయ 110వ జయంతి సందర్భంగా ఢిల్లీలోని దీనదయాళ్‌ ఉపాధ్యాయ పార్క్‌లో శుక్రవారం ఈ కార్యక్రమాన్ని నిర్వహించారు. దీనికి యువత పెద్ద సంఖ్యలో హాజరయ్యారు. ముందువరుసలో కూర్చున్న మోదీ.. భజనలను ఆస్వాదిస్తూ కళాకారులతో కలిసి చప్పట్లు కొట్టారు. శ్రీరాముడిపై ఆలపించిన భజనకు ఖంజరీ తరహా వాయిద్యాన్ని వాయిస్తూ తాళం వేశారు. అనంతరం అక్కడికి వచ్చిన వారివైపు చేతులు ఊపుతూ అభివాదం చేశారు. ఢిల్లీలో భజన్‌ క్లబ్బింగ్‌.. అద్భుతం! అంటూ ఈ ఈవెంట్‌పై ఎక్స్‌ ఖాతాలో ట్వీట్‌ చేశారాయన. Bhajan Clubbing in Delhi. Spectacular! pic.twitter.com/BujBa4lzk7— Narendra Modi (@narendramodi) September 25, 2026ఏంటీ భజన క్లబ్బింగ్‌..?సంప్రదాయ భజనలను ఆధునిక సంగీత కచేరీ తరహాలో నిర్వహించే విధానమే ‘భజన క్లబ్బింగ్‌’. ఇందులో పెద్ద సంఖ్యలో యువత ఒకచోట చేరి భజనలు, ఆధ్యాత్మిక గీతాలను ఆలపిస్తూ.. చప్పట్లు కొడుతూ, సంగీతానికి అనుగుణంగా ఉత్సాహంగా పాల్గొంటారు. సంప్రదాయ భక్తి గీతాలకు ఆధునిక సంగీతం, హై ఎనర్జీ ప్రదర్శన శైలిని జోడించడం ఈ కార్యక్రమాల ప్రత్యేకత.మద్యం, ఇతర క్లబ్‌ సంస్కృతికి భిన్నంగా.. భక్తి, ఆధ్యాత్మికత కేంద్రంగా ఈ తరహా కార్యక్రమాలు నిర్వహిస్తున్నారు. దేశంలోని పలు నగరాల్లోనే కాకుండా విదేశాల్లోనూ ‘భజన క్లబ్బింగ్‌’కు ఆదరణ పెరుగుతున్నట్లు నిర్వాహకులు చెబుతున్నారు. ముఖ్యంగా జెన్‌-జెడ్‌ యువతను సంప్రదాయ భజనలకు చేరువ చేయాలన్న ఉద్దేశంతో వీటిని నిర్వహిస్తున్నారు.‘మన్‌ కీ బాత్‌’లోనూ ప్రస్తావనఈ ఏడాది జనవరిలో ‘మన్‌ కీ బాత్‌’ కార్యక్రమంలోనూ మోదీ ‘భజన క్లబ్బింగ్‌’ గురించి ప్రస్తావించారు. యువత భజనలు, భక్తి గీతాలను ఆలపిస్తూ పెద్ద సంఖ్యలో ఒకచోట చేరడం తనను ఆకట్టుకుందని చెప్పారు. భక్తి, సంస్కృతి, ఆధ్యాత్మికతకు ఆధునికతను జోడించే ప్రయత్నంగా దీనిని అభివర్ణించారు. ఇలాంటి కార్యక్రమాలు గ్లోబల్‌ కచేరీలకు ఏమాత్రం తీసిపోవని పేర్కొన్నారు.దీనదయాళ్‌ జయంతి సందర్భంగా..భారతీయ జనసంఘ్‌ కీలక నేతల్లో ఒకరైన దీనదయాళ్‌ ఉపాధ్యాయ జయంతి సందర్భంగా ఈ కార్యక్రమాన్ని నిర్వహించారు. సమాజంలోని అట్టడుగు వర్గాల సంక్షేమం, అభ్యున్నతిని లక్ష్యంగా చేసుకున్న ‘అంత్యోదయ’ సిద్ధాంతంతో ఆయనకు ప్రత్యేక అనుబంధం ఉంది. ఈ సందర్భంగా మోదీ దీనదయాళ్‌ ఉపాధ్యాయకు నివాళులర్పించారు. ఆయన ఆలోచనలు, ప్రజా సంక్షేమంపై ఆయన చూపిన మార్గం ఇప్పటికీ స్ఫూర్తిదాయకమని పేర్కొన్నారు.ఇదీ చదవండి: రిగ్గింగ్‌ జరిగితే పోటీ చేయడమెందుకు?

న్యూఢిల్లీ: సెంట్రల్‌ బోర్డ్‌ ఆఫ్‌ సెకండరీ ఎడ్యుకేషన్‌(సీబీఎస్‌ఈ) చైర్‌ పర్సన్‌గా సీనియర్‌ అధికారి మన్‌దీప్‌ కె.భండారీ నియమితులయ్యారు. 2001 బ్యాచ ఐఏఎస్‌ అయిన భండారీ అరుణాచల్, గోవా, మిజోరం, కేంద్ర పాలిత ప్రాంతాల కేడర్‌కు చెందిన వారు. ప్రస్తుం జమ్మూకశ్మీర్‌ లెఫ్టినెంట్‌ గవర్నర్‌కు ప్రిన్సిపల్‌ సెక్రటరీగా పనిచేస్తున్నారు. ఈయన నియామకానికి కేబినెట్‌ కమిటీ ఆమోదం తెలిపినట్లు సిబ్బంది వ్యవహారాల శాఖ శుక్రవారం వెల్లడించింది.

న్యూఢిల్లీ: ఓటరు జాబితా, సర్‌ ప్రక్రియలో అవకతవకలకు పాల్పడినట్లు ఆరోపణలున్న ప్రధాన ఎన్నికల కమిషనర్‌(సీఈసీ) జ్ఞానేశ్‌ కుమార్‌ను వెంటనే అరెస్ట్‌ చేయాలంటూ శుక్రవారం జంతర్‌మంతర్‌ వద్ద నిరసన జరిగింది. ఆల్‌ ఇండియా స్టూడెంట్స్‌ అసోసియేషన్‌(ఏఐఎస్‌ఏ)ఢిల్లీ విభాగం, పౌర సమాజాల సభ్యులు ఈ ధర్నా కార్యక్రమం చేపట్టారు. ఎన్నికల కమిషన్‌కు వ్యతిరేకంగా, సీఈసీ రాజీనామా చేయాలంటూ వీరు నినాదాలు చేశారు. అయితే, నిరసన కోసం వీరు ఎటువంటి అనుమతులు కోరలేదని పోలీసులు తెలిపారు. అందుకే నిర్వాహకులను అరెస్ట్‌ చేశామన్నారు. పోలీసులు నిర్బంధంలోకి తీసుకున్న వారిలో సీపీఐ(ఎంఎల్‌) లిబరేషన్‌ ప్రధాన కార్యదర్శి దీపాంకర్‌ భట్టాచార్య, ఉద్యమకారుడు యోగేంద్ర యాదవ్, ఏఐఎస్‌ఏ అధ్యక్షురాలు నేహా బోరా తదితరులున్నారు. అయితే, శనివారం, ఆ తర్వాతా తాము నిరసనలను కొనసాగిస్తామని ఏఐఎస్‌ఏ నేతలు తెలిపారు. కంఝావాలా పోలీస్‌స్టేషన్‌ నుంచి నేహా ఒక వీడియో విడుదల చేశారు. అందులో ఆమె..ఎన్నికల సంఘం నుంచి జవాబుదారీతనాన్ని డిమాండ్‌ చేసినందుకే పోలీసులు విద్యార్థులను అదుపులోకి తీసుకున్నారని ఆరోపించారు. ‘రాజ్యాంగం అందరికీ ప్రజాస్వామ్యబద్ధంగా నిరసన తెలిపే హక్కును ప్రసాదించింది, అందుకే మేం జంతర్‌ మంతర్‌ వద్ద నిరసన తెలపడానికి వెళ్లాం’అని పేర్కొన్నారు. ఈ రోజు తమను అదుపులోకి తీసుకున్నప్పటికీ, రేపు మళ్లీ వస్తాం, ఎల్లుండీ వస్తాం. జ్ఞానేశ్‌ కుమార్‌ జైలుకు వెళ్లే వరకు.. సర్‌ నిలిపివేసే వరకు.. రాజ్యాంగ విరుద్ధంగా ఓటు హక్కు కోల్పోయిన ఓటర్లందరికీ తిరిగి ఓటు హక్కు పునరుద్ధరించే వరకు నిరసనలతో హోరెత్తిస్తాం’అని నేహా ఆ వీడియోలోపేర్కొన్నారు. అరెస్ట్‌ సమయంలో పోలీసులు నిరసనకారులపై విచక్షణారహితంగా వ్యవహరించారని భట్టాచార్య ఆరోపించారు. ఈ మేరకు ఆయన ఒక ప్రకటన విడుదల చేశారు. నిరసన స్థలంలో మోహరించిన కొందరు పోలీసు సిబ్బంది నేమ్‌ ట్యాగ్‌లు (పేరు బిళ్ళలు) ధరించకపోవడంపై ఆయన అనుమానం వ్యక్తం చేశారు. ‘ఓట్ల దొంగతనానికి పాల్పడుతూ జ్ఞానేశ్‌ పట్టుబడ్డారు. ఆయన రాజీనామా చేయాలని డిమాండ్‌ చేస్తుంటే, సీఈసీగా ఆయన్ను నియమించిన మోదీ, షాలు నిరసనలను అణచివేయడానికి ఢిల్లీ పోలీసులను ప్రయోగిస్తున్నారు. ప్రభుత్వం సీఈసీని కాపాడుతోంది’అని విమర్శించారు.

న్యూఢిల్లీ: ప్రధాన ఎన్నికల కమిషనర్‌(సీఈసీ) జ్ఞానేశ్‌ కుమార్‌ పదవి నుంచి తప్పుకోవాలని డిమాండ్‌ చేస్తూ కాంగ్రెస్‌ పార్టీ శుక్రవారం వివిధ రాష్ట్రాల ఎన్నికల కమిషన్‌ కార్యాలయాల ఎదుట నిరసనలను చేపట్టింది. సీఈసీ బాధ్యతల నుంచి జ్ఞానేశ్‌ కుమార్‌ను తక్షణమే తప్పించాలని కోరింది. సర్‌ సహా జ్ఞానేశ్‌ సారథ్యంలో ఈసీ తీసుకున్న అన్ని నిర్ణయాలపై సమీక్ష చేపట్టాలని కోరింది. ఓటరు సమానత్వంపై అసాధారణమైన రీతిలో ఈసీ దాడి చేస్తోందని పేర్కొంది. అప్రూవర్‌గా మారాలి లేదా విచారణను ఎదుర్కొనాల్సి ఉంటుందని జ్ఞానేశ్‌ కుమార్‌ను హెచ్చరించింది. గౌహతిలో ఎన్నికల కమిషన్‌ కార్యాలయంలోకి చొచ్చుకుపోయేందుకు ప్రయత్నించిన లోక్‌సభలో పార్టీ ఉప నేత గౌరవ్‌ గొగోయ్‌ సహా పలువురు నేతలను పోలీసులు నిర్బంధంలోకి తీసుకున్నారు. ఎన్నికల కమిషన్‌లోని ముగ్గురు సభ్యుల మధ్య సర్‌పై విభేదాలు పొడచూపాయంటూ మీడియాలో వచ్చిన కథనాల నేపథ్యంలో కాంగ్రెస్‌ ఈ కార్యక్రమాన్ని చేపట్టింది. కాంగ్రెస్‌ కార్యకర్తలు ఢిల్లీలో రౌజ్‌ అవెన్యూలోని కాంగ్రెస్‌ ఆఫీసు నుంచి బీజేపీ ప్రధాన కార్యాలయం మీదుగా నినాదాలు చేస్తూ, పోస్టర్లు, బ్యానర్లను ప్రదర్శిస్తూ ఎన్నికల కమిషన్‌ కార్యాలయానికి ర్యాలీగా వెళ్లారు. వీరిలో కొందరు జ్ఞానేశ్‌ కుమార్‌ను పోలిన మాస్క్‌ ధరించి, చేతులు సంకెళ్లను ప్రదర్శించారు. లక్నోలో కాంగ్రెస్‌ కార్యకర్తలు అసెంబ్లీపై వైపు ర్యాలీగా వెళ్తూ అడ్డుకున్న పోలీసులతో తలపడ్డారు. పంజాబ్‌ కాంగ్రెస్‌ అధ్యక్షుడు అమరీందర్‌ సింగ్‌ రాజా వారియర్‌ సారథ్యంలో చండీగఢ్‌లో ధర్నా చేపట్టారు. ‘మా నేత రాహుల్‌ గాంధీ మాటవిని ఇకనైనా రాజీనామా చేసి, అప్రూవర్‌గా మారు బ్రో..’అంటూ కాంగ్రెస్‌ నేత పవన్‌ ఖేరా సీఈసీ జ్ఞానేశ్‌ కుమార్‌కు మీడియా సమావేశం సందర్భంగా సలహా ఇచ్చారు. లేకుంటే న్యాయవిచారణ ఎదుర్కోక తప్పదన్నారు. ‘జ్ఞానేశ్‌ కుమార్‌ సమయం దగ్గరపడింది. ఇకనైనా దిగిపోవాలి. లేదంటే కాంగ్రెస్‌ దిగిపోయేలా చేయిస్తుంది’అని కేసీ వేణుగోపాల్‌ అన్నారు.

న్యూఢిల్లీ: 2022–2026 సంవత్సరాల మధ్య జరిగిన లోక్‌సభ, అసెంబ్లీ ఎన్నికలు, ఉప ఎన్నికల్లో గెలిచిన తర్వాత కనీసం 111 మంది ఎమ్మెల్యేలు, ఎంపీలు పార్టీలు మారినట్లు గుర్తించామని అసోసియేషన్‌ ఫర్‌ డెమోక్రాటిక్‌ రిఫామ్స్‌(ఏడీఆర్‌), నేషనల్‌ ఎలక్షన్‌ వాచ్‌ తెలిపాయి. ఇందులో లోక్‌సభ ఎంపీలు 26 మంది ఉండగా, రాజ్యసభ సభ్యులు ఏడుగురు, శాసనసభ్యులు 78 మంది వరకు ఉన్నారని వివరించాయి. ఈ మేరకు ఈ రెండు సంస్థలు ఒక విశ్లేషణ జరిపాయి. పార్టీలు మారిన ఘటనల్లో అత్యధికం నాగాలాండ్, బెంగాల్‌లలో నమోదయ్యాయని పేర్కొంది. వ్యక్తిగతంగా పార్టీ మారడం, ఇతర పార్టీల్లో విలీనం కావడం, రాజీనామాలు, ఆ తర్వాత ఉప ఎన్నికల్లో విజయాలు, ఉప ఎన్నికలో గెలిచిన తర్వాత అనర్హత వేటు పడటం వంటి పరిణామాలను కూడా నమోదు చేశామని ఏడీఆర్‌ తెలిపింది. నాగాలాండ్‌లో అత్యధికంగా 32 కేసులు నమోదు కాగా, ఇవన్నీ శాసనసభ్యులకు సంబంధించినవేనని వివరించింది. అత్యధికంగా అధికార నేషనలిస్ట్‌ డెమోక్రటిక్‌ ప్రోగ్రెసివ్‌ పార్టీ (ఎన్‌డీపీపీ)కి చెందిన 25 మంది ఎమ్మెల్యేలు నాగా పీపుల్స్‌ ఫ్రంట్‌ (ఎన్‌పీఎఫ్‌)లో చేరారు. ఇతర పార్టీలకు చెందిన మరో ఏడుగురు ఎమ్మెల్యేలు కూడా ఎన్‌పీఎఫ్‌ తీర్థం పుచ్చుకున్నారు. ఫలితంగా అతిపెద్ద పార్టీగా ఎన్‌పీఎఫ్‌ అవతరించిందని ఏడీఆర్‌ పేర్కొంది. అదేవిధంగా, బెంగాల్‌లో టీఎంసీ టిక్కెట్‌పై ఎన్నికైన 20 మంది లోక్‌సభ ఎంపీలు నేషనలిస్ట్‌ సిటిజన్స్‌ పార్టీ ఆఫ్‌ ఇండియా(ఎన్‌సీపీఐ)లో విలీనమైనట్లు ప్రకటించారని ఈ విశ్లేషణ పేర్కొంది. ఈ రెండు రాష్ట్రాల తర్వాత తెలంగాణ మూడోస్థానంలో నిలిచింది. తెలంగాణలో 9 మంది ఎమ్మెల్యేలు బీఆర్‌ఎస్‌ తరఫున ఎన్నికైన కాంగ్రెస్‌లో చేరారు. ఆతర్వాత గోవాలో.. ఎనిమిది మంది కాంగ్రెస్‌ ఎమ్మెల్యేలు అధికార బీజేపీ పంచన చేరారు. పంజాబ్‌లో 8మంది రాజ్యసభ ఎంపీలు, ఇద్దరు ఎమ్మెల్యేలు బీజేపీలోకి మారారని ఏడీఆర్‌ తన విశ్లేషణలో పేర్కొంది. ఇలాంటి కేసులు మహారాష్ట్రలో ఆరు, మేఘాలయలో ఆరు, అరుణాచల్‌ ప్రదేశ్, గుజరాత్‌లతో నాలుగు చొప్పున నమోదైనట్లు గుర్తించింది. అత్యధిక ప్రజాప్రతినిధులు కాంగ్రెస్, టీఎంసీ, ఎన్‌డీపీపీ నుంచే పార్టీలు మారారని ఏడీఆర్‌ తెలిపింది. సగానికి పైగా ఈ మూడు పార్టీలకు సంబంధించిన కేసులేనని వివరించింది. ఇటీవల చోటుచేసుకున్న ప్రజాప్రతినిధుల పార్టీల మార్పులు కొన్ని రాష్ట్రాల్లో ప్రభుత్వాలు కూలిపోవడానికి కూడా కారణమయ్యాయని ఏడీఆర్‌ పేర్కొంది.

శ్రీనగర్‌: జమ్మూ కశ్మీర్‌ అసెంబ్లీలో శుక్రవారం గందరగోళ పరిస్థితులు నెలకొన్నాయి. రాష్ట్ర హోదాను వెంటనే పునరుద్ధరించాలని కోరుతూ ముఖ్యమంత్రి ఒమర్‌ అబ్దుల్లా ఒక తీర్మానాన్ని ప్రవేశపెట్టారు. అయితే అందులో నేషనల్‌ కాన్ఫరెన్స్‌ (ఎన్‌సీ) ప్రభుత్వం 2000లో ప్రవేశపెట్టిన స్వయం ప్రతిపత్తి తీర్మానం ప్రస్తావన ఉండటంతో వివాదం మొదలైంది. దీనిపై భాజ పా సభ్యులు అభ్యంతరం వ్యక్తం చేశారు. స్వయం ప్రతిపత్తి అంశంపై చర్చను అనుమతించబోమని వారు స్పష్టం చేశారు. భాజపా సభ్యులు సభ మధ్యలోకి దూసుకెళ్లి నిరసన తెలిపారు. ఈ క్రమంలో తీర్మానం ప్రతులను చించివేశారు. ‘‘సభలో స్వయంప్రతిపత్తి అంశంపై చర్చను అనుమతించబోము’’అని భాజ పా ఎమ్మెల్యే ఆర్‌.ఎస్‌. పఠానియా అన్నారు. తీర్మానాన్ని సభకు సమర్పించకుండానే ఒమర్‌ నేరుగా ప్రవేశపెట్టారని, ఇది నిబంధనల ఉల్లంఘన అని బీజేపీ ఎమ్మెల్యేలు వాదించారు. గందరగోళ పరిస్థితుల్లో బీజేపీ ఎమ్మెల్యే రణ్‌ధవాను మార్షల్స్‌ అసెంబ్లీ బయటకు తీసుకెళ్లిపోయారు. శాంతించమని స్పీకర్‌ అబ్దుల్‌ రహీమ్‌ రాథర్‌ చేసిన విజ్ఞప్తు లు ఫలించకపోవడంతో సభను వాయిదా వేస్తున్నట్లు ప్రకటించారు.

న్యూఢిల్లీ: ఓటు బ్యాంకు రాజకీయాలకు బదులుగా సామాజిక సంస్కరణలు, సమాజంలో సానుకూల మార్పులపై దృష్టి సారించాలని ప్రధానమంత్రి నరేంద్ర మోదీ బీజేపీ కార్యకర్తలకు పిలుపునిచ్చారు. ఉత్తరప్రదేశ్‌లోని వారణాసి నుంచి గుజరాత్‌లోని వాద్‌నగర్‌ వరకు సాగుతున్న ‘సేవా యాత్ర’మోటార్‌ సైకిల్‌ ర్యాలీలో పాల్గొంటున్నవారితో మోదీ శుక్రవారం వర్చువల్‌గా సంభాషించారు. గత 12 ఏళ్లలో దేశం సాధించిన అభివృద్ధిని ప్రస్తావించారు. దేశంలో నగరాలు, గ్రామాల మధ్య అంతరం గణనీయంగా తగ్గిందని, అలాగే గ్రామాల్లో మౌలిక సదుపాయాలు ఎంతో మెరుగుపడ్డాయని పేర్కొన్నారు. మహిళల్లో స్వయం సమృద్ధి కూడా పెరిగిందని అన్నారు. మహాత్మా గాంధీ జీవితాన్ని మనం పరిశీలిస్తే.. బ్రిటిష్‌ వారికి వ్యతిరేకంగా పోరాడటం, స్వాతంత్య్ర ఉద్యమానికి నాయకత్వం వహించడమే కాకుండా ఆయన ఒక గొప్ప సాంఘిక సంస్కర్త అని తెలుస్తుందని చెప్పారు. సమాజంలో ప్రబలంగా ఉన్న దురాచారాలకు వ్యతిరేకంగా గాంధీజీ పోరాటం చేశారని తెలిపారు. అందువల్ల, రాజకీయ కార్యకర్తలమైన మనం కూడా ఓటు బ్యాంకులను చూడకుండా, సామాజిక సంస్కరణలు, సానుకూల మార్పు కోసం కృషి చేస్తూనే ఉండాలని సూచించారు. ‘‘సమాజానికి సేవ చేసేవారు తగిన గౌరవం పొందడానికి అర్హులు’’అని ఉద్ఘాటించారు. పారిశుధ్య కార్మికుల పాదాలు కడిగి.. ప్రయాగ్‌రాజ్‌లో పారిశుధ్య పనులు చేపట్టిన కార్మికులను ప్రధానమంత్రి ప్రశంసించారు. వారి కృషి ‘కుంభమేళా’కు పారిశుధ్యం విషయంలో ప్రపంచవ్యాప్తంగా గుర్తింపును తెచి్చపెట్టిందని, భారతదేశ గౌరవాన్ని పెంచిందని పేర్కొన్నారు. దేశ గౌరవాన్ని ఎంతో పెంచిన వారి పాదాలను కడిగి, వారి ఆశీస్సులు పొందాలని తనకు అనిపించిందని వ్యాఖ్యానించారు. తన సొంత జీవితంలో ‘సేవా యాత్ర’ఎంతో కీలక పాత్ర పోషించిందని, దేశంలో తాను సందర్శించని జిల్లా దాదాపుగా ఏదీ లేదని వెల్లడించారు. ఎన్నో జిల్లాల్లో రాత్రివేళ బస చేశానని, ప్రతి ప్రయాణం, ఆ క్రమంలో లభించిన ప్రతి అనుభవం నేటికీ గురువులా మార్గనిర్దేశం చేస్తూనే ఉన్నాయని ఉద్ఘాటించారు. ఈ ప్రయాణాలు తనకు ఎంతో నేర్పించాయని మోదీ తెలిపారు.

న్యూఢిల్లీ: ఎన్నికల ప్రక్రియలో రిగ్గింగ్‌ జరుగుతోందని భావిస్తే ప్రతిపక్షాలు ఎన్నికల్లో పాల్గొనడం మానుకోవాలని కాక్రోచ్‌ జనతా పార్టీ(సీజేపీ) వ్యవస్థాపకుడు అభిజీత్‌ దీప్కే తేల్చిచెప్పారు. దేశంలో రాజకీయ పార్టీల నిరంతర భాగస్వామ్యం ఎన్నికలకు చట్టబద్ధత కల్పించడమే కాకుండా, అవి స్వేచ్ఛగా, నిష్పక్షపాతంగా జరుగుతున్నాయనే భ్రమను కలిగిస్తున్నాయని తెలిపారు. ఎన్నికల్లో అవకతవకలు, అక్రమాలు జరుగుతున్నాయని ఆరోపిస్తూనే, వాటిలో పాల్గొనడం ఏమిటని ప్రశ్నించారు. ఈ మేరకు దీప్కే శుక్రవారం ఎక్స్‌లో పోస్టుచేశారు. ఎన్నికలకు దూరంగా ఉంటే రాజకీయ ఉనికికే ముప్పు వాటిల్లుతుందన్న భయంతోనే ప్రతిపక్షాలు ఎన్నికల్లో పాల్గొంటున్నాయా? అని దీప్కే అనుమానం వ్యక్తం చేశారు. ఓట్ల చోరీ జరుగుతున్నప్పుడు, విపక్ష ఎమ్మెల్యేలు, ఎంపీలను ఇతర పార్టీలు లాగేసుకుంటున్నప్పుడు, ప్రతిపక్షాలు చీలిపోతున్నప్పుడు... ఇంకా ఉనికి కోసం ఆరాట పడడంలో అర్థం లేదని పేర్కొన్నారు. ‘‘ఇది రాజకీయ మనుగడ కాదు. మిమ్మల్ని బలహీనపపర్చగల, మీ పార్టీని చీల్చగల లేదా మీ ప్రజాప్రతినిధులను తొలగించగల వ్యవస్థలో మీరు కేవలం బ్రతికి ఉండటానికి ప్రయతి్నస్తున్నారు. ఇలా మీరు ఎంతకాలం మనుగడ సాగించగలరు?’’అని దీప్కే ప్రతిపక్షాలను నిలదీశారు.

న్యూఢిల్లీ: భక్తి గీతాలు ఆలపించడానికి, నృత్యం చేయడానికి ‘భజన్‌ క్లబ్బింగ్‌’అనే కొత్త ట్రెండ్‌ మొదలైంది. యువత ఇలాంటి కార్యక్రమాల్లో ఉత్సాహంగా పాలుపంచుకుంటున్నారు. ఆధ్యాత్మిక భావనన అలవర్చుకుంటున్నారు. ప్రధాని నరేంద్ర మోదీ సైతం భజన్‌ క్లబ్సింగ్‌లో భాగస్వాములయ్యారు. శుక్రవారం ఢిల్లీలో బీజేపీ ప్రధాన కార్యాలయానికి ఎదురుగా ఉన్న ఒక పార్కులో సంఘ్‌ పరివార్‌ సిద్ధాంతకర్త దీన్‌దయాల్‌ ఉపాధ్యాయ్‌ 110వ జయంతి సందర్భంగా జరిగిన కార్యక్రమానికి హాజరయ్యారు. ముందు వరుసలో కూర్చున్నారు. శ్రీరామునిపై పాడిన భజన పాటలకు చప్పట్లు కొడుతూ, తంబూరీన్‌ వాయిస్తూ కనిపించారు. ఈ కార్యక్రమానికి యువత పెద్ద సంఖ్యలో హాజరయ్యారు. జెన్‌ జెడ్‌ తరానికి చెందినవారు చాలామంది ఉన్నారు. వీరంతా ఆధ్యాత్మిక గీతాలను ఆలపించారు. నృత్యాలు చేశారు. మద్యం, మత్తు పదార్థాలు లేకుండా క్లబ్‌ లాంటి వాతావరణంలో సంగీత కచేరీ నిర్వహించబడే భజన్‌ క్లబ్బింగ్‌. ఇది ఇప్పుడిప్పుడే దేశ విదేశాల్లో బాగా ప్రాచుర్యం పొందుతోంది.

అయోధ్య: అయోధ్య రామ మందిర విరాళాల చోరీ వ్యవహారంలో కీలక విషయం బయటపడింది. నగదు లెక్కింపు సమయంలోనే ఈ చోరీ జరిగినట్లు ప్రత్యేక దర్యాప్తు బృందం(సిట్‌) వెల్లడించింది. విరాళాల దొంగతనంపై సుప్రీంకోర్టు నియమించిన సిట్‌ దర్యాప్తు చేస్తున్న సంగతి తెలిసిందే. సిట్‌ తాజాగా దాదాపు 70,000 పేజీల చార్జిషీట్‌ను అయోధ్యలోని అదనపు జిల్లా జడ్జి(అవినీతి నిరోధక) కోర్టులో దాఖలు చేసింది. శ్రీరాముడికి భక్తులు సమర్పించిన నగదును లెక్కిస్తున్న సమయంలోనే అందులో భారీగా నొక్కేసినట్లు తేల్చింది. దేవుడి సొమ్ము కాజేయడం, దాచిపెట్టడం, పంచుకోవడంలో కొందరు వ్యక్తుల నెట్‌వర్క్‌ ప్రమేయం ఉన్నట్లు ఆరోపణలు ఉన్నాయి. దర్యాప్తు సమయంలో స్వాదీనం చేసుకున్న వేలాది సందేశాలు, నగదు, విలువైన వస్తువులతోపాటు లెక్కింపు ప్రాంతం నుంచి నగదును తరలించిన 105 ఉదంతాలు సీసీటీవీ కెమెరాల్లో నమోదయ్యాయని చార్జిషీట్‌లో సిట్‌ అధికారులు పేర్కొన్నారు. అలాగే ఎనిమిది మంది నిందితులు.. అనుకల్ప్‌ మిశ్రా, అవినాష్‌ శుక్లా అలియాస్‌ షానీ, లవకుష్‌ మిశ్రా, మనీష్‌ కుమార్‌ యాదవ్, కరుణేష్‌ పాండే, రామశంకర్‌ మిశ్రా, రామ్‌ శంకర్‌ యాదవ్‌ అలియాస్‌ టిన్ను, సుభాష్‌ శ్రీవాస్తవ పేర్లను చార్జిసీట్‌లో చేర్చారు. ప్రస్తుతం వీరందరూ జ్యుడీషియల్‌ కస్టడీలో ఉన్నారు. ఫోన్లలో 3,000 మెసేజ్‌లు డిలీట్‌ చేసిన నిందితులు విరాళాల చోరీపై సిట్‌ ప్రాథమిక విచారణ అనంతరం, శ్రీరామ జన్మభూమి తీర్థ క్షేత్ర ట్రస్ట్‌ సభ్యుడు కృష్ణ మోహన్‌ ఫిర్యాదు మేరకు జూన్‌ 25న కేసు నమోదైంది. లెక్కించిన నగదును తదుపరి దశలో బ్యాంకులకు తరలించే సమయంలో అపహరణ జరిగినట్లు ఆధారాలు లభించలేదని సిట్‌ పేర్కొంది. ఈ దర్యాప్తులో.. నిందితులు, వారి బంధువులకు సంబంధించిన బ్యాంకు ఖాతాలు, ఆస్తులు, వాహనాలు, ఇతర వనరుల ద్వారా జరిగినట్లు చెబుతున్న డబ్బు లావాదేవీల జాడను కూడా గుర్తించారు. ఎనిమిది మంది నిందితుల్లో ఏడుగురి నుంచి రూ.79.85 లక్షలను పోలీసులు స్వా«దీనం చేసుకున్నారు. అయితే, శ్రీవాస్తవ అనే నిందితుడి నుంచి సొమ్ము ఏదీ స్వా«దీనం చేసుకోలేదు. అనుకల్ప్‌ మిశ్రాను ప్రధాన కుట్రదారుడిగా పోలీసులు పేర్కొన్నారు. తన బంధువు లవ్‌కుశ్‌ మిశ్రా, నిందితుడు అవినాష్‌ శుక్లాలతో అతను ఫోన్‌ మెసేజ్‌ల ద్వారా సంప్రదింపులు జరిపాడని చార్జి షీట్‌లో సిట్‌ వెల్లడించింది. నిందితుల మొబైల్‌ ఫోన్ల నుంచి 3,000కు పైగా డిలీట్‌ చేసిన సందేశాలను రికవర్‌ చేసినట్ల తెలియజేసింది. దొంగిలించిన నగదును దాచిపెట్టడం, రవాణా చేయడం, పంపిణీ చేయడం గురించి ఆ సందేశాల్లో ఉన్నట్లు తెలుస్తోంది. పోలీసులు ఈ సందేశాలను విరాళాల చోరీ కుట్రకు సంబంధించిన డిజిటల్‌ సాక్ష్యంలో భాగంగా పరిగణించారు. లెక్కింపు సమయంలో కాజేసిన డబ్బును దాచిపెట్టి, ఆ తర్వాత పంచుకున్నారని చార్జిషీట్‌లో అధికారులు ఆరోపించారు. కొంతమంది నిందితులపై నిర్దిష్టమైన అభియోగాలు మోపడానికి సీసీటీవీ దృశ్యాలను కూడా ఆధారంగా చూపారు. దర్యాప్తు బృందం నివేదిక ప్రకారం.. 85 సందర్భాల్లో విరాళాల డబ్బును దారిమళ్లించడంలో అవినాష్‌ శుక్లా ప్రమేయం ఉంది. అనుకల్ప్‌ మిశ్రా 56 సందర్భాల్లో, కరుణేష్‌ పాండే 68 సందర్భాల్లో, లవ్‌కుశ్‌ మిశ్రా 52 సందర్భాల్లో దీనికి సహకరించారు. రామ్‌ శంకర్‌ యాదవ్‌ కీలక పాత్ర ట్రస్ట్‌ మాజీ ప్రధాన కార్యదర్శి చంపత్‌ రాయ్‌ వద్ద డ్రైవర్‌గా పనిచేసిన రామ్‌ శంకర్‌ యాదవ్‌ అలియాస్‌ టిన్నూకు రామాలయంలో ఎటువంటి అధికారిక పదవీ లేదు. అయినప్పటికీ ఆలయ అంతర్గత వ్యవహారాల్లో జోక్యం చేసుకునేవాడు. విరాళాలను లెక్కించే గదిలోకి స్వేచ్ఛగా ప్రవేశించేవాడు. విరాళాల పెట్టెల తాళాలు కూడా అతని వద్ద ఉండేవి. సరుకుల రవాణా వాహనాల కోసం ప్రవేశ ద్వారం తెరవడం, సిబ్బందికి సూచనలు ఇవ్వడం, వీఐపీలకు దర్శన ఏర్పాట్లు చేయడంలో టిన్నూ పాత్ర ఉంది. సీసీటీవీ ఫుటేజ్, సాక్షుల వాంగ్మూలాలు, డిజిటల్‌ ఆధారాలు ఇదే అంశాన్ని నిర్ధారిస్తున్నాయి. విరాళాల పెట్టెల తాళాలు టిన్నూ వద్ద ఉండడం కీలకమైన అంశం. విరాళాలు లెక్కించే విధానంలో లోపాలు అనుకల్ప్‌ మిశ్రా నుంచి రూ.16.82 లక్షలు, లవకుశ్‌ మిశ్రా నుంచి దాదాపు రూ.14.25 లక్షలు, అవినాష్‌ శుక్లా నుంచి రూ.20.39 లక్షలు, 1,121 అమెరికా డాలర్లు. రామశంకర్‌ మిశ్రా నుంచి రూ.7.32 లక్షలు, కరుణేష్‌ పాండే నుంచి రూ.18.07 లక్షలు, మనీష్‌ యాదవ్‌ నుంచి రూ.2 లక్షల నగదు రికవరీలను చార్జిషీట్‌లో నమోదు చేశారు. కొందరు నిందితుల నుంచి బంగారం, వెండి వస్తువులను కూడా స్వా«దీనం చేసుకున్నట్లు సమాచారం. విరాళంగా వచ్చిన విలువైన వస్తువులను కూడా అధికారులు పరిశీలించారు. ట్రస్ట్‌ సాఫ్ట్‌వేర్‌లో నమోదు చేసిన 803 విలువైన వస్తువులు భౌతికంగా ఉన్నట్లు ధ్రువీకరించారు. ఎటువంటి వ్యత్యాసాలు కనిపించలేదు. రసీదులు జారీ చేయని మరో 86 విలువైన వస్తువులను కూడా భౌతికంగా ధ్రువీకరించారు. విరాళాలను లెక్కించే విధానంలో లోపాలను సిట్‌ గుర్తించింది. నగదు లెక్కింపు విధులు నిర్వర్తించే బ్యాంకు ఉద్యోగులు ‘రొటేషన్‌’పద్ధతిలో పనిచేయాల్సి ఉంది. వారు నిర్దేశిత యూనిఫాం ధరించాలి. ఈ నిబంధనను సరిగ్గా పాటించలేదు. చార్జిషీట్‌ కాపీలు, అవసరమైన పత్రాలను ఎనిమిది మంది నిందితులకు అందించాలని కోర్టు ఆదేశించింది. నిందితులు అక్టోబర్‌ 7న కోర్టు ఎదుట హాజరుకానున్నారు. అయోధ్య విరాళాల చోరీ కేసు ఇప్పుడు ‘స్టేట్‌ వర్సెస్‌ అనుకల్ప్‌ మిశ్రా, ఇతరులు’గా కొనసాగుతుంది.

లక్నో: బిహార్‌లోని బక్సర్‌ రైలు మార్గంలో నితిన్‌ కుమార్‌ (21) హత్య కేసులో రోహిత్‌ అనే నిందితుడిని పోలీసులు అరెస్టు చేశారు. అతడిని వారణాసిలో అదుపులోకి తీసుకున్నట్లు రైల్వే పోలీసులు తెలిపారు. నితిన్‌ను రైలులో బంధించి, అతడి కుటుంబం నుంచి రూ.10,000 డిమాండ్‌ చేసిన అనంతరం చేతులు, కాళ్లు కట్టి కదులుతున్న రైలు నుంచి బయటకు తోసినట్లు పోలీసుల విచారణలో వెల్లడైంది. దీంతో నితిన్‌ మృతిచెందినట్లు పోలీసులు తెలిపారు.వైశాలీకి చెందిన నితిన్‌ కుమార్‌ హైదరాబాద్‌లో కూలీగా పనిచేసేవాడు. బెంగళూరు నుంచి స్వగ్రామానికి తిరిగి వస్తున్న సమయంలో సెప్టెంబర్‌ 19న 07091 దానాపూర్‌ ప్రత్యేక రైలులో ప్రయాణించాడు. ఈ సమయంలో రోహిత్‌ అతడిని లక్ష్యంగా చేసుకుని బంధించినట్లు పోలీసులు చెబుతున్నారు. అనంతరం కుటుంబ సభ్యుల నుంచి డబ్బులు ఇప్పించేందుకు ప్రయత్నించినట్లు తెలిపారు.నితిన్‌ కుటుంబ సభ్యుడు ముకేశ్‌ రాయ్‌ ఇచ్చిన ఫిర్యాదు ఆధారంగా బక్సర్‌ రైల్వే పోలీస్‌ స్టేషన్‌లో సెప్టెంబర్‌ 21న కేసు నమోదైంది. డబ్బు కోసం గుర్తుతెలియని వ్యక్తులు నితిన్‌ను అపహరించారని ఫిర్యాదులో పేర్కొన్నారు. కేసు దర్యాప్తు కోసం రైల్వే డీఎస్పీ కంచన్‌ కుమారి నేతృత్వంలో ప్రత్యేక బృందాన్ని ఏర్పాటు చేశారు. దర్యాప్తులో రోహిత్‌ గురించి సమాచారం లభించడంతో వారణాసిలో అతడిని అరెస్టు చేశారు.అరెస్టు అనంతరం విచారణలో నితిన్‌ను చేతులు, కాళ్లు కట్టి కదులుతున్న రైలు నుంచి బయటకు తోసినట్లు రోహిత్‌ అంగీకరించినట్లు పోలీసులు తెలిపారు. అతడికి గతంలోనూ ఇలాంటి నేర చరిత్ర ఉన్నట్లు వెల్లడించారు. 2024లో బక్సర్‌కు చెందిన ఇద్దరు యువకులను కూడా రైలు నుంచి బయటకు తోసినట్లు పోలీసులు తెలిపారు. ఆ ఘటనలో ఇద్దరూ ప్రాణాలతో బయటపడ్డారని, ఆ కేసులో రోహిత్‌కు శిక్ష పడిందని చెప్పారు. జైలు నుంచి విడుదలైన తర్వాత మళ్లీ ఇలాంటి ఘటనకు పాల్పడ్డాడని పోలీసులు పేర్కొన్నారు.పోలీసులు తెలిపిన వివరాల ప్రకారం రోహిత్‌ తనను తాను కొన్నిసార్లు పోలీసు సిబ్బందిగా, మరికొన్నిసార్లు రైల్వే పోలీసు లేదా ప్రత్యేక దర్యాప్తు బృందం సిబ్బందిగా పరిచయం చేసుకుని వ్యక్తులను లక్ష్యంగా చేసుకునేవాడు. సిగరెట్‌ తాగడంపై నితిన్‌ను వేధించిన అనంతరం కుటుంబం నుంచి రూ.10,000 డిమాండ్‌ చేసినట్లు తెలిపారు. నిందితుడిపై త్వరితగతిన విచారణ పూర్తి చేసి శిక్ష పడేలా చర్యలు తీసుకుంటామని రైల్వే పోలీసులు తెలిపారు. ప్రస్తుతం రోహిత్‌ పోలీసుల అదుపులో ఉండగా, కేసు దర్యాప్తు కొనసాగుతోంది.

చెన్నై: తమిళనాడు, కన్యాకుమారి జిల్లా నాగర్‌కోయిల్‌ సమీపంలోని తమ్మత్తుకోణం ప్రాంతంలో యూట్యూబర్‌ మధుమిత, ఆమె భర్త వినోద్‌కుమార్‌ ఇంట్లో భారీ చోరీ జరిగింది. దుండగులు ఇంట్లోకి ప్రవేశించి బంగారు, వజ్రాభరణాలతో పాటు పెద్ద ఎత్తున నగదును అపహరించినట్లు పోలీసులు తెలిపారు. ఈ ఘటన గురువారం సాయంత్రం నుంచి రాత్రి మధ్య చోటుచేసుకుంది. మధుమిత, వినోద్‌కుమార్‌ తమ కూతురితో కలిసి గురువారం సాయంత్రం దుస్తులు కొనుగోలు చేసేందుకు ఇంటి నుంచి బయటకు వెళ్లారు. రాత్రి తిరిగి వచ్చిన తర్వాత పడకగదిలోని బీరువా పగులగొట్టి ఉండటాన్ని గుర్తించారు. అందులో ఉంచిన బంగారు, వజ్రాభరణాలు కనిపించకపోవడంతో పోలీసులకు సమాచారం ఇచ్చారు. ఇంటి వెనుక తలుపు తాళాన్ని కటింగ్‌ యంత్రంతో కోసి దుండగుడు లోపలికి ప్రవేశించినట్లు పోలీసుల దర్యాప్తులో తేలింది. అనంతరం పడకగదిలోని బీరువా తాళాన్ని పగులగొట్టి అందులో ఉన్న నగలు, నగదును తీసుకెళ్లినట్లు గుర్తించారు. మధుమిత సామాజిక మాధ్యమాల్లో నగదు, బంగారు ఆభరణాలను చూపిస్తూ గతంలో పలు వీడియోలు చేసినట్లు స్థానిక కథనాలు పేర్కొన్నాయి. ఆ వీడియోలు కూడా చోరీకి సంబంధించిన దర్యాప్తులో పరిశీలనకు వస్తున్నట్లు సమాచారం. అయితే చోరీకి వీడియోలే కారణమని నిర్ధారించే ఆధారాలు ఇంకా వెల్లడికాలేదు. సమాచారం అందుకున్న రాజాక్కమంగళం పోలీసులు సంఘటనా స్థలానికి చేరుకుని దర్యాప్తు ప్రారంభించారు. పరిసరాల్లోని నిఘా కెమెరాల దృశ్యాలను సేకరించి పరిశీలిస్తున్నారు. నిందితుల కోసం 3 ప్రత్యేక పోలీసు బృందాలను ఏర్పాటు చేసి గాలింపు చేపట్టారు. దొంగిలించిన ఆభరణాలు, నగదును స్వాధీనం చేసుకోవడంతో పాటు నిందితులను గుర్తించడం దర్యాప్తులో తదుపరి కీలక అంశంగా ఉంది. மாச மாசம் நகைய வாங்குவேன்.. வீட்ல எவ்ளோ பணம் இருக்கு தெரியுமா? கழுத்து நிறைய நகைகள் அணிந்து, கட்டுக்கட்டாக பணத்தை அள்ளிப் போட்டு தொழிலதிபர் மனைவி லைவ் அப்டேட் கொடுத்தபடி வெளியிட்ட ரீல்ஸ் வீடியோவால், வீட்டின் பூட்டை உடைத்து ரூ.1 கோடி மதிப்பிலான நகைகள் கொள்ளையடித்து சென்ற கொள்ளையர்கள்.! மனைவியின் 'ரீல்ஸ்' வீடியோவால் 'ஃபீல்ஸ்' ஆன கணவர் #Kanyakumari | #ReelsVideo | #Theft | #PolimerNews— Polimer News (@polimernews) September 25, 2026

ఐక్యరాజ్యసమితి 81వ సర్వసభ్య సమావేశం సందర్భంగా న్యూయార్క్‌లో నిర్వహించిన మీడియా సమావేశంలో విదేశాంగ మంత్రి ఎస్‌. జైశంకర్‌, పాకిస్థాన్‌ జర్నలిస్ట్‌ మధ్య వాగ్వాదం చోటుచేసుకుంది. ఉగ్రవాదానికి సంబంధించి భారత ప్రభుత్వాన్ని ప్రశ్నించేందుకు జర్నలిస్ట్‌ ప్రయత్నించగా జైశంకర్‌ ఘాటుగా స్పందించారు. “ఉగ్రవాద దేశానికి చెందిన వ్యక్తి నన్నే ఆ ప్రశ్న అడుగుతున్నాడు. రండి” అని అన్నారు.లైబీరియా విదేశాంగ మంత్రి సారా బెయ్‌సోలో న్యాంటీతో కలిసి జైశంకర్‌ ఈ మీడియా సమావేశంలో పాల్గొన్నారు. నౌకలు, నావికుల భద్రతపై ఏర్పాటైన స్నేహితుల బృందానికి సంబంధించిన అంశాలపై ఈ సమావేశం నిర్వహించారు. సమావేశం ముగింపు దశలో పాకిస్థాన్‌కు చెందిన ఓ జర్నలిస్ట్‌ జైశంకర్‌ను ఉద్దేశించి.. “పాకిస్థాన్‌లో ఉగ్రవాదానికి మీ ప్రభుత్వం మద్దతు ఇవ్వడం ఎప్పుడు ఆపుతుంది?” అని ప్రశ్నించారు. దీనికి జైశంకర్‌ పైవిధంగా స్పందించారు.భారత్‌ చాలాకాలంగా పాకిస్థాన్‌ భూభాగం నుంచి పనిచేస్తున్న ఉగ్రవాద సంస్థలపై చర్యలు తీసుకోవాలని డిమాండ్‌ చేస్తోంది. 2025 ఏప్రిల్‌ 22న పహల్గామ్‌లో జరిగిన ఉగ్రదాడిలో 26 మంది పౌరులు మృతిచెందిన తర్వాత భారత్‌ తన సైనిక చర్యను ఆత్మరక్షణ హక్కులో భాగంగా చేపట్టినట్లు ప్రభుత్వం తెలిపింది. అనంతరం పాకిస్థాన్‌, పాక్‌ ఆక్రమిత జమ్మూకశ్మీర్‌లోని ఉగ్రవాద మౌలిక సదుపాయాలపై ‘ఆపరేషన్‌ సిందూర్‌’ చేపట్టింది.పాకిస్థాన్‌ కేంద్రంగా పనిచేస్తున్న లష్కరే తోయిబాకు అనుబంధ సంస్థగా భారత్‌ పేర్కొన్న ‘ది రెసిస్టెన్స్‌ ఫ్రంట్‌’ను అమెరికా 2025 జూలై 18న విదేశీ ఉగ్రవాద సంస్థగా గుర్తించింది. పహల్గామ్‌ దాడిలో ఆ సంస్థ ప్రమేయం ఉందని భారత్‌ పేర్కొంది. ఐక్యరాజ్యసమితి భద్రతామండలి 1267 ఆంక్షల కమిటీ నివేదికలోనూ దాడికి సంబంధించి ఆ సంస్థతో ఉన్న సంబంధాలను ప్రస్తావించారు. ఈ పరిణామాల నేపథ్యంలో జైశంకర్‌, పాకిస్థాన్‌ జర్నలిస్ట్‌ మధ్య జరిగిన ఈ పరస్పర ప్రశ్నోత్తరాలు భారత్‌-పాకిస్థాన్‌ మధ్య ఉగ్రవాదంపై కొనసాగుతున్న దౌత్యపరమైన విభేదాలను మరోసారి వెలుగులోకి తెచ్చాయి. జైశంకర్‌ శనివారం ఐక్యరాజ్యసమితి ఉన్నతస్థాయి సమావేశంలో ప్రసంగించనున్నారు.

గుజరాత్‌లోని సూరత్‌, అమ్రేలీ, మోర్బీ జిల్లాల్లో నీటిలో మునిగి తొమ్మిది మంది యువకులు మృతిచెందారు. శుక్రవారం ఏడుగురు మునిగిపోగా, గురువారం మోర్బీలో గణేశ్‌ విగ్రహ నిమజ్జనం సమయంలో గల్లంతైన ఇద్దరు యువకుల మృతదేహాలు 24 గంటల్లో లభించాయి. సూరత్‌లోని ధోరన్‌ పార్డీ గ్రామం సమీపంలో తాపీ నదిలో చిన్న చేపల పడవ బోల్తా పడటంతో ముగ్గురు మునిగిపోయారు. విగ్రహ నిమజ్జనం కోసం వెళ్లిన శార్దుల్‌ మేర్‌ (23), రాజు మేర్‌ (23), దానా షియాలియా (26) మృతిచెందారు. వీరంతా ఖోల్వాడ్‌ గ్రామానికి చెందినవారు. మృతదేహాలను వెలికితీసి పోస్టుమార్టం కోసం తరలించారు. వారి ఇళ్లకు సుమారు 300 మీటర్ల దూరంలో కృత్రిమ నిమజ్జన కొలను ఏర్పాటు చేసినప్పటికీ, సుమారు 8 కిలోమీటర్ల దూరంలోని నదికి వెళ్లినట్లు పోలీసులు తెలిపారు. అమ్రేలీ జిల్లాలోని బాబ్రా తాలూకా మోటా దేవాలియా వద్ద చెక్‌డ్యామ్‌లో స్నానం చేస్తూ నలుగురు యువకులు మునిగిపోయారు. మోటా దేవాలియాకు చెందిన కనుభాయ్‌ షింగాలా, సచిన్‌భాయ్‌ షింగాలా, నవాగఢ్‌కు చెందిన భాలా జేత్వా, కెవిన్‌ జేత్వాగా వారిని గుర్తించారు.నలుగురి మృతదేహాలను వెలికితీశారు. మోర్బీలోని సదుల్కా గ్రామం సమీపంలోని మచ్చూ నదిలో గురువారం గణేశ్‌ విగ్రహ నిమజ్జనం సందర్భంగా నలుగురు యువకులు నీటిలో చిక్కుకున్నారు. అక్షయ్‌ మాలియా, అక్షయ్‌ గజానంద్‌ను అగ్నిమాపక సిబ్బంది రక్షించారు. విలాస్‌ గైక్వాడ్‌, సోహన్‌ కుల్దియా కోసం గాలింపు చేపట్టారు. గైక్వాడ్‌ మృతదేహం అర్ధరాత్రి సమయంలో, కుల్దియా మృతదేహం శుక్రవారం మధ్యాహ్నం లభించాయి.

మణిపూర్‌లోని కామ్‌జోంగ్‌ జిల్లాలో నలుగురు గ్రామస్థులు తుపాకీ గాయాలతో మృతిచెందారు. మయన్మార్‌ నుంచి సరిహద్దు దాటి వచ్చిన మిలిటెంట్లే ఈ దాడికి పాల్పడి ఉండొచ్చని పోలీసులు అనుమానిస్తున్నారు. గురువారం జరిగిన ఈ దాడి తర్వాత పోలీసులు, గ్రామస్థులు సుదీర్ఘంగా గాలించి శుక్రవారం తెల్లవారుజామున మృతదేహాలను గుర్తించారు. మృతులను వారీషిమ్‌ జాజో, ఫామి జాజో, బెటర్‌సన్‌ జాజో, నింగ్‌థెమ్‌ కషక్‌గా గుర్తించారు. వీరంతా తాంగ్‌ఖుల్‌ నాగ తెగకు చెందినవారని పోలీసులు తెలిపారు. మయన్మార్‌ సరిహద్దుకు సమీపంలోని మారుమూల పైలాంగ్‌ గ్రామంలో శుక్రవారం తెల్లవారుజామున 1.30 గంటల సమయంలో మృతదేహాలు కనిపించాయి. ఈ ప్రాంతం జిల్లా కేంద్రానికి సుమారు 34 కిలోమీటర్ల దూరంలో ఉంది. అనంతరం మృతదేహాలను పోస్టుమార్టం కోసం కామ్‌జోంగ్‌ జిల్లా ఆసుపత్రికి తరలించారు.గురువారం మిలిటెంట్లు మయన్మార్‌ నుంచి మణిపూర్‌లోకి ప్రవేశించి ఐదుగురు గ్రామస్థులపై మెరుపుదాడి చేసినట్లు పోలీసు అధికారి తెలిపారు. వారిలో ఒకరు తప్పించుకుని అధికారులకు సమాచారం అందించడంతో దాడి విషయం వెలుగులోకి వచ్చింది. మృతులంతా నిరాయుధులేనని స్థానిక ఎమ్మెల్యే ఎల్‌. కైషింగ్‌ తెలిపారు. సరిహద్దు భద్రతను మరింత పెంచాలని కేంద్ర, రాష్ట్ర ప్రభుత్వాలను కోరారు.ముఖ్యమంత్రి వై.ఖేమ్‌చంద్‌ సింగ్‌ ఈ హత్యలను ఖండించారు. ఇలాంటి హింసకు సమాజంలో చోటు లేదని, దీనిని సహించబోమని తెలిపారు. మృతుల కుటుంబాలకు సానుభూతి తెలిపారు. నాగ పీపుల్స్‌ ఫ్రంట్‌ రాష్ట్ర అధ్యక్షుడు అవాంగ్‌బౌ న్యూమై కూడా దాడిని ఖండించారు. కుకి నేషనల్‌ ఆర్మీ (బర్మా) సభ్యులే ఈ దాడి వెనుక ఉన్నారని ఆయన ఆరోపించారు. అయితే దీనిపై పోలీసులు మయన్మార్‌ నుంచి వచ్చిన మిలిటెంట్ల ప్రమేయాన్ని మాత్రమే అనుమానిస్తున్నారు.

న్యూఢిల్లీ: పశ్చిమ బెంగాల్‌లోని తృణమూల్‌ కాంగ్రెస్‌కు చెందిన తిరుగుబాటు ఎంపీలకు సమాధానం ఇచ్చేందుకు లోక్‌సభ సచివాలయం 15 రోజుల గడువు ఇచ్చింది. తిరుగుబాటు ఎంపీలు అక్టోబర్‌ 8లోగా తమ సమాధానం ఇవ్వాల్సి ఉంటుంది. అంతకుముందు తిరుగుబాటు తృణమూల్‌ ఎంపీలు 30 రోజుల గడువు, అంటే అక్టోబర్‌ 22 వరకు సమయం ఇవ్వాలని లోక్‌సభ స్పీకర్‌ కార్యాలయాన్ని కోరారు.అభిషేక్‌ బెనర్జీ 20 మంది తిరుగుబాటు తృణమూల్‌ ఎంపీల సభ్యత్వాన్ని రద్దు చేయాలని కోరుతూ లోక్‌సభ స్పీకర్‌కు పిటిషన్‌ సమర్పించారు. అభిషేక్‌ బెనర్జీ లోక్‌సభ స్పీకర్‌ ఓం బిర్లాను కలిసి, 10వ షెడ్యూల్‌లోని నిబంధన 2ఏను స్పీకర్‌కు చూపించేందుకు వచ్చానని తెలిపారు. పార్టీని స్వచ్ఛందంగా వీడితే సభ్యత్వం రద్దవుతుందని ఈ నిబంధన చెబుతుంది.ఈ వ్యవహారం తృణమూల్‌ కాంగ్రెస్‌లో కొనసాగుతున్న రాజకీయ వివాదానికి సంబంధించినది. ఈ ఎంపీలు నేషనల్‌ సిటిజన్స్‌ పార్టీ ఆఫ్‌ ఇండియాలో విలీనం అయినట్లు ప్రకటించినట్లు సమాచారం. దీంతో ఈ ఎంపీల సభ్యత్వాన్ని రద్దు చేయాలని తృణమూల్‌ కాంగ్రెస్‌ కోరింది. పార్టీ ఫిరాయింపునకు సంబంధించిన రాజ్యాంగంలోని 10వ షెడ్యూల్‌ కింద అభిషేక్‌ బెనర్జీ లోక్‌సభ స్పీకర్‌ ముందు అనర్హత పిటిషన్లు దాఖలు చేశారు. ఈ అంశంపై ఆయన పలుమార్లు స్పీకర్‌ను కలిసి వినతిపత్రాలు కూడా సమర్పించారు.కొత్త వాదనతో మళ్లీ చర్చఎన్‌సీపీఐ పార్లమెంటరీ పార్టీ నాయకురాలు కాకోలి ఘోష్‌ దస్తీదార్‌ ఈ సందర్భంగా మాట్లాడుతూ.. సమాధానం ఇవ్వడానికి అవసరమైన అన్ని పత్రాలను ఎంపీలు ఇంకా సేకరించాల్సి ఉందని తెలిపారు. అందుకే లోక్‌సభ సచివాలయాన్ని మరో 4 వారాల సమయం కోరినట్లు చెప్పారు. తిరుగుబాటు ఎంపీల రాజకీయ భవిష్యత్తుపై మళ్లీ ఊహాగానాలు మొదలైన నేపథ్యంలో ఈ పరిణామం చోటుచేసుకుంది. 20 మంది ఎన్‌సీపీఐ ఎంపీల్లో 17 మంది దుర్గాపూజకు ముందు లేదా తర్వాత బీజేపీలో చేరతారని తిరుగుబాటు ఎంపీ జగదీశ్‌ చంద్ర బర్మా బసునియా గత వారం వాదించారు. అయితే ఇతర అసమ్మతి ఎంపీలు ఈ వాదనను ఖండించారు. బీజేపీ కూడా స్పందించలేదు.

తెలంగాణ ముఖ్యమంత్రి రేవంత్ రెడ్డి ప్రతిష్ఠాత్మక ‘ఆర్యదాన్ ముహమ్మద్-2026’ అవార్డును స్వీకరించారు. కేరళం రాష్ట్రంలోని నిలంబూర్‌లో ఆర్యదాన్ ముహమ్మద్ ఫౌండేషన్ ఏర్పాటు చేసిన కార్యక్రమంలో ఎంపీ, పబ్లిక్ అకౌంట్స్ కమిటీ చైర్మన్ కేసీ వేణుగోపాల్ చేతుల మీదుగా ముఖ్యమంత్రి ఈ అవార్డును అందుకున్నారు.ఈ సందర్భంగా రేవంత్‌ రెడ్డి మాట్లాడుతూ.. ఆర్యదాన్ ముహమ్మద్‌ జ్ఞాపకార్థం ఏర్పాటు చేసిన ప్రతిష్ఠాత్మక అవార్డును అందుకోవడం ఎంతో గౌరవంగా భావిస్తున్నానని అన్నారు. ఎంపిక చేసిన జ్యూరీ సభ్యులకు కృతజ్ఞతలు తెలిపారు. ఈ ప్రతిష్ఠాత్మక అవార్డుకు కేరళం వెలుపల నుంచి ఎంపికైన తొలి వ్యక్తిని కావడం మరింత గౌరవంగా భావిస్తున్నానని పేర్కొన్నారు.“నేను కేరళం వచ్చిన ప్రతిసారీ ఎంతో ఆత్మీయ స్వాగతం లభించింది. రాహుల్ గాంధీ నాయకత్వంలో సాగిన భారత్ జోడో యాత్ర కోసం ఇక్కడికి వచ్చాను. అసెంబ్లీ ఎన్నికల సమయంలో కూడా ఇక్కడికి వచ్చాను. కేరళం నాకు ఎంతో ఆత్మీయమైనది. కేరళం ప్రజలు లౌకికవాదానికి కట్టుబడి ఉన్నందుకు కృతజ్ఞతలు. ఆర్యదాన్ ముహమ్మద్ ఒక గొప్ప రాజకీయ నాయకుడు. ఎనిమిదిసార్లు ఎమ్మెల్యేగా ప్రజలకు సేవలందించారు. పలువురు ముఖ్యమంత్రుల వద్ద నాలుగుసార్లు మంత్రిగా పనిచేశారు. కేరళం రాజకీయాల్లో ఆయన ఒక చాణక్యుడిలా ఉండేవారు” అని రేవంత్‌ రెడ్డి పేర్కొన్నారు.ఆర్యదాన్ ముహమ్మద్ నిలంబూర్‌, కేరళంలో కాంగ్రెస్ పార్టీకి ఒక మహావృక్షంలా ఉండేవారని గుర్తుచేశారు. ఆయన తన జీవితమంతా స్వేచ్ఛ, ప్రజాస్వామ్యం, లౌకికవాదం, రాజ్యాంగ పరిరక్షణ కోసం పోరాడారని చెప్పారు. రాజ్యాంగ పరిరక్షణ కోసం ఆర్యదాన్ స్ఫూర్తితో మనమంతా కలిసికట్టుగా పోరాటం చేయాల్సిన అవసరం ఉందని పేర్కొన్నారు. ఈ కార్యక్రమంలో ఆర్యదాన్ ముహమ్మద్ ఫౌండేషన్ చైర్మన్ ఆర్యదాన్ షౌకత్, కేరళం మంత్రులు, పలువురు ప్రజాప్రతినిధులు పాల్గొన్నారు.

సాక్షి బెంగళూరు: పశ్చిమ కనుమల పరిరక్షణకు కస్తూరి రంగన్ సమర్పించిన నివేదికపై కన్నడనాట జోరుగా చర్చ సాగుతోంది. ఈ నివేదిక అమలు చేయాలా వద్దా అనే విషయంపై విధానసభలో కూడా వాడీవేడి చర్చ జరిగింది. మలేనాడు, కరావళి ప్రాంత ప్రజలు ఈ నివేదికను అమలు చేయకూడదని చాలా బలంగా కోరుకుంటున్నారు. అయితే ప్రజల అభీష్టం మేరకు కస్తూరి రంగన్‌ నివేదిక అమలు ప్రస్తుతానికి అమలు చేయకూడదని అసెంబ్లీలో తీర్మానం చేశారు. ప్రస్తుతం కస్తూరి రంగన్‌ నివేదిక తుది జాబితా సిఫారసులు యథాతథంగా అంగీకరించడం సాధ్యపడదని, ఈ అంశంపై విశ్రాంత న్యాయమూర్తి అధ్యక్షతలో ఉన్నత స్థాయి కమిటీ ఏర్పాటు చేసి ఆ తర్వాత తమ అభిప్రాయాలను తెలియజేస్తామని ప్రభుత్వం తేల్చి చెప్పింది. అయితే ఎన్నో వివాదాలకు కేంద్ర బిందువుగా మారిన ఈ నివేదిక ఏంటి? ఎందుకు ప్రజలు వద్దనుకుంటున్నారో పరిశీలిద్దాం..2013లో కస్తూరి రంగన్‌ నివేదిక పశ్చిమ కనుమల్లో పర్యావరణాన్ని పరిరక్షించేందుకు డాక్టర్‌ కె. కస్తూరి రంగన్‌ నేతృత్వంలో ఒక కమిటీని కేంద్ర ప్రభుత్వం వేసింది. 2013లో ఈ కమిటీ పశ్చిమ ఘాట్ల పరిరక్షణకు చేపట్టాల్సిన చర్యలపై సిఫారసులు చేస్తూ ఒక నివేదికను కేంద్రానికి సమర్పించింది. తమ నివేదికలో పొందుపరిచిన సిఫారసులను అమలు చేస్తే పశ్చిమ ఘాట్ల పరిసరాలను కాపాడవచ్చునని, మనిషి మనుగడ సజావుగా సాగుతుందని కమిటీ అభిప్రాయపడింది. తక్షణ‌మే పశ్చిమ ఘాట్లను పరిరక్షించాల్సిన అవసరం ఉందని పేర్కొంది. నివేదికలో ఇంకా ఏముంది? గుజరాత్, మహారాష్ట్ర, గోవా, కర్ణాటక, కేరళ, తమిళనాడు రాష్ట్రాల్లో ఈ పశ్చిమ ఘాట్లు కలిగి ఉన్నాయి. మొత్తం 1,64,280 కిలోమీటర్ల మేర విస్తీర్ణంలో పశ్చిమ ఘాట్లు ఉన్నాయి. పశ్చిమ ఘాట్ల ప్రాంతంలో సుమారు 37 శాతం అంటే 56,825 చ.కి.మీ.లు పర్యావరణ సున్నిత ప్రాంతంగా కమిటీ సిఫారసులు చేసింది. కర్ణాటకలోని 44,448 చ.కి.మీ. మేర ప్రాంతం పశ్చిమ ఘాట్లు ఉంటే అందులో 20,668 చ.కి.మీ ప్రాంతాన్ని అతి సూక్ష్మ పర్యావరణ జోన్‌గా తీసుకురావాలని కమిటీ సూచించింది. పర్యావరణ పరిరక్షణ దృష్ట్యా ఈ సున్నిత జోన్‌ ప్రాంతంలో ఎలాంటి మైనింగ్, క్వారీ, చెట్ల తొలగింపు, పరిశ్రమల ఏర్పాటు వంటి వాటిని సంపూర్ణంగా నిషేధించాలని సూచించింది. దీనితోపాటు టౌన్‌షిప్‌లు, భారీ కట్టడ నిర్మాణాలు, ఉష్ణ, జల, పవన విద్యుత్‌ ఉత్పత్తి కేంద్రాల నిర్మాణాలు జరగకూడదని కూడా తేల్చి చెప్పింది. వాణిజ్య పర్యాటకాన్ని తగ్గించాలని సూచించింది. కర్ణాటకలో ఎందుకు వ్యతిరేకత..? కర్ణాటకలోని మొత్తం 10 జిల్లాల ప్రజలు ఈ కమిటీ నివేదికను వ్యతిరేకిస్తున్నారు. ఈ 10 జిల్లాల్లో మొత్తంగా సుమారు 1500కు పైగా గ్రామాలు ఈ అతిసూక్ష్మ పర్యావరణ జోన్‌ పరిధిలోకి వెళతాలయి. ఈ కమిటీ నివేదిక సిఫారసులు అమల్లోకి వస్తే కరావళి, మలేనాడు ప్రాంతాల్లోని ముఖ్యంగా ఈ పది జిల్లాల ప్రజల జీవనానికి ఇబ్బందులు ఏర్పడుతాయి. సూక్ష్మజోన్‌గా ఈ గ్రామాలను ప్రకటిస్తే మానవ జోక్యానికి, అభివృద్ధికి ఆటంకంగా మారుతుంది. కాలక్రమేణా వ్యవసాయం, ఉద్యాన కార్యకలాపాలు, ఇతరత్ర దైనందిన జీవనోపాధి పనులకు ఆటంకం కలుగుతుంది.ఇదీ చ‌ద‌వండి: దర్శన్‌కు వ‌రుస ఎదురుదెబ్బ‌లుఈ ప్రాంత ప్రజలకు ఎక్కువగా కాఫీ, రబ్బర్, నల్ల మిరియాలు ప్రధాన జీవనాధారం.. కమిటీ నివేదిక అమలు పరిస్తే ఈ పంటలకు అవసరమయ్యే ఎరువులు, కీటకనాశకద్రవ్యాల వినియోగంపై నిషేధం విధించాల్సి వస్తుంది. కొత్తగా ఉద్యాన తోటలను విస్తరించడం సాధ్యపడదు. అలాగే ఈ కమిటీ నివేదిక అమల్లోకి వస్తే తమ ఇళ్లను కూల్చేసి ఇక్కడి నుంచి తరిమేస్తారనే భయం వెంటాడుతోంది. అలాగే ఊర్ల కోసం రోడ్లు, వంతెనలు, విద్యుత్, ఆస్పత్రి, పాఠశాలలను నిర్మించేందుకు అవసరమైన పర్యావరణ అనుమతులు కొంచెం కఠినతరం అయ్యే అవకాశాలు లేకపోలేదు. ఇక్కడి హోంస్టేలు పర్యావరణానికి బలమైన కోటగా మారాయి. హోంస్టేల వాణిజ్య కార్యకలాపాలకు అడ్డుగా మారవచ్చు. ప్రధానంగా తమ దైనందిన జీవితం దుర్బరంగా మారుతుందని అక్కడి ప్రజలు ఆందోళన చెందుతున్నారు. కర్ణాటకలోని ఏ జిల్లాలకు సమస్య..? బెళగావి, ఉత్తరకన్నడ, ఉడుపి, దక్షిణ కన్నడ, శివమొగ్గ, చిక్కమగళూరు, హాసన్, కొడగు, చామరాజనగర, మైసూరు

బాలోద్‌: ఛత్తీస్‌గఢ్‌లో ఘోర రోడ్డు ప్రమాదం జరిగింది. బాలోద్‌ జిల్లాలోని పురూర్ పోలీస్ స్టేషన్ పరిధిలో ఆగి ఉన్న డీజే వాహనాన్ని ట్రక్కు ఢీకొట్టింది. ఈ ప్రమాదంలో ఆరుగురు మృతి చెందారు. మరో ఐదుగురు తీవ్రంగా గాయపడ్డారు. వారిని ఆసుపత్రికి తరలించారు.ధమతరి-కంకేర్ మధ్య మార్కటోలా ఘాట్ వద్ద ఈ ఘటన చోటుచేసుకుంది. డీజే సిస్టమ్‌ను తీసుకువెళ్తున్న ట్రక్కు.. వరి ధాన్యం లోడుతో ఉన్న ట్రక్కును ఢీకొట్టింది. దీంతో ట్రక్కుతో పాటు డీజే సిస్టమ్ కూడా పూర్తిగా ధ్వంసమైంది. సమాచారం అందుకున్న పోలీసులు ఘటనా స్థలం వద్దకు చేరుకున్నపోలీసులు దర్యాప్తు చేపట్టారు.ఇదీ చదవండి: రైలులో ఎంపీ భార్యకు ‘భయానక’ అనుభవం

బీజేపీ ఎంపీ తేజస్వి సూర్య భార్య, కర్ణాటక సంగీత గాయని శివశ్రీ స్కందప్రసాద్‌కు రైలు ప్రయాణంలో చేదు అనుభవం ఎదురైంది. 56 సీట్ల కోచ్‌లో దాదాపు 40 మంది పెద్దగా మాట్లాడటం, నవ్వడం, పాటలు పాడటంతో తీవ్ర ఇబ్బందికి గురైన ఆమె.. ఈ ఘటనను భయంకరమైన ప్రయాణంగా అభివర్ణించారు. సుమారు ఐదు గంటల పాటు పురుషులు.. పెద్దగా అరుస్తూ ఇబ్బంది పెట్టారంటూ ఆమె ఎక్స్‌లో పోస్ట్‌ చేశారు.కళాకారులు నిశ్శబ్దంలోనే సృజనాత్మకంగా ఆలోచిస్తారు. ప్రశాంతంగా రైలు ప్రయాణం చేయాలన్న తన కోరిక ఆ వ్యక్తుల వల్ల భగ్నమైందన్నారు. “కళాకారులుగా మన మనసులో ఒకేసారి ఎన్నో ఆలోచనలు నడుస్తుంటాయి. మేము నిశ్శబ్దంలోనే అభివృద్ధి చెందుతాం. కానీ 56 సీట్ల కోచ్‌లో 40 మంది పురుషులు కూర్చుని, ఐదు గంటల పాటు అందరితో అంత గట్టిగా.. నిరంతరం మాట్లాడితే ఎలా ఉంటుంది?” అంటూ ఆమె రాసుకొచ్చారు. బహిరంగ ప్రదేశాల్లో ఇతరులను గౌరవించకపోవడం పట్ల ఆమె అసంతృప్తి వ్యక్తం చేశారు.మరో కోచ్‌లో తనకు సీటు ఏర్పాటు చేయాలని టికెట్ ఎగ్జామినర్‌ను అడిగానని.. అయితే సీట్లు ఖాళీగా లేకపోవడంతో అది సాధ్యం కాలేదని చెప్పారు. తర్వాత అప్పటికే గోల గోల చేసిన ఓ ఎనిమిది మంది వ్యక్తులు యూనో గేమ్ ఆడటం మొదలుపెట్టారు. దీంతో టీటీఈకి ఫిర్యాదు చేసినట్లు ఆమె తెలిపారు. టీటీఈ వారిని ఆడటం ఆపమని చెప్పగానే వారు వెంటనే ఆపారని ఆమె అంగీకరించారు.అయితే కొన్ని నిమిషాల తర్వాత టీటీఈ స్వయంగా తిరిగి వచ్చి.. వారు ఎందుకు ఇంత ఇబ్బంది కలిగిస్తున్నారంటూ వ్యంగ్యంగా అడిగారని ఆమె చెప్పారు. దీంతో మరోసారి నవ్వులు మొదలయ్యాయని ఆమె తెలిపారు. వారు ఆయనతో మాట్లాడుతూ ‘సార్.. మీరు కూడా రండి.. ఆడుదామన్నారని అని స్కందప్రసాద్ పేర్కొన్నారు. ఆ తర్వాత వారు బాలీవుడ్ పాటలు పాడటం ప్రారంభించారని ఆమె తెలిపారు. ఇక్కడ సమస్య ఎవరు గెలిచారనే దాని గురించి కాదు. వారితో పాటు నేనూ ఒక భారతీయురాలిగా పౌరస్పృహ విషయంలో ఓడిపోయానంటూ ఆమె ట్వీట్‌ చేశారు.ఇదీ చదవండి: ఎట్టకేలకు 59 ఏళ్ల వయసులో టీచర్‌ ఉద్యోగం..!

ప్రభుత్వ ఉద్యోగం అనేది చాలామంది యువత డ్రీమ్‌. కానీ ఆ వ్యక్తిలా ఇంతలా ఇన్నిసార్లు ప్రయత్నించి ఉండరు. ఎందుకంటే..ఎవ్వరైనా మహా అయితే ఓ పదిసార్లు ట్రై చేసి ఆగిపోతారామె. కానీ ఇతడు పట్టువదలని విక్రమార్కుడిలా చేసిన ప్రయత్నం నిజంగా స్ఫూర్తిదాయకం. ఓపికకు చిరునామా కూడా. అతడే ఉత్తరప్రదేశ్‌కి చెందిన విజయ్‌ కుమార్‌ శర్మ. దాదాపు 27 ప్రయత్నాల తర్వాత ప్రభుత్వ ఉపాద్యాయుడిగా ఉద్యోగం సాధించారు. 1999 నుంచి నియమాక పరీక్షలకు హాజరవుతూ వచ్చిన 59 ఏళ్ల శర్మ సంస్కృత విభాగంలో 'ట్రైన్డ్ గ్రాడ్యుయేట్ టీచర్' (TGT)గా ఎంపికయ్యారు. ఆయన అనేకసార్లు రాత పరీక్షలో ఉత్తీర్ణులైనప్పటికీ ఇంటర్యూలో ఫెయిలవ్వడంతో ఉద్యోగం పొందలేకపోయినట్లు తెలిపారు. ఈసారి నియామక ప్రక్రియలో ఇంటర్వ్యూని తొలగించడంతో తాను ఎంపికైనట్లు వెల్లడించారు శర్మ. ఏళ్ల తరబడి రాత పరీక్షల్లో ఉత్తీర్ణత సాధించనప్పటికీ, కేవలం ఇంటర్వ్యూలో వైఫల్యం చెందడం వల్లే ఉద్యోగం సాధించలేకపోయినట్లు తెలిపారు. ఆయన టీజీటీ నియామకానికి ఆరుసార్లు, పోస్ట్‌గ్రాడ్యుయేట్‌ టీచర్‌ నియమాకానికి నాలుగుసార్లు రాతపరీక్షలలో ఉత్తీర్ణత సాధించినట్లు తెలిపారు. ఆయన 26 ఏళ్ల పాటు 'డూన్ పబ్లిక్ స్కూల్'లో ప్రైవేట్ ఉపాధ్యాయుడిగా పనిచేశారు. పాఠశాలలో బోధిస్తూనే ప్రభుత్వ ఉద్యోగ నియామక పరీక్షలకు సన్నద్ధమైనట్లు పేర్కొన్నారు. అంతేగాదు ఆ ప్రైవేట్‌ పాఠశాల డైరెక్టర్‌ మాట్లాడుతూ.. శర్మ 2003 నుంచి తమ సంస్థతో అనుబంధ కలిగి ఉన్నారని, రెండు దశాబ్దాలకు పైగా ఇక్కడ బోధించారని చెప్పారు. ఆయన పాఠాలు బోధిస్తూనే పోటీ పరీక్షలకు సన్నద్ధమయ్యేవారని పేర్కొన్నారు. విచిత్రం ఏంటంటే శర్మ తండ్రి లక్ష్మణ్‌ సింగ్‌ కూడా ప్రభుత్వ ఉపాధ్యాయుడే. ఇక ఆయనకు ఐదుగురు పిల్లలు, వీరిలో ఇద్దరు కుమారులు ఉత్తప్రదేశ్‌ పోలీస్‌ విభాగంలో పనిచేస్తుండగా, ముగ్గురు కుమార్తెలు ఉన్నారు. వారిలో ఒకరు ఉపాధ్యాయ ఉద్యోగానికి ఎంపికై పోస్టింగ్‌ కోసం ఎదురుచూస్తున్నారు. ఇక తన నియమాకం గురించి శర్మ మాట్లాడుతూ..ఎట్టకేలకు ఉద్యోగ నియామక పత్రాన్ని అందుకోవడం తన జీవితంలోని అత్యంత గొప్ప విషయమని అన్నారు. తన ప్రతి ప్రయత్నంలో తప్పులను సరిదిద్దుకుంటూ పనితీరుని మెరుగుపరుచుకున్నాని అన్నారు. అంతేగాదు పోటీపరీక్షలకు సన్నద్ధమయ్యే సమయంలో సహకరించిన పాఠశాల ఉపాధ్యాయులకు, విద్యార్థులకు కృతజ్ఞతలు తెలిపారు. కాగా శర్మ సెప్టెంబర్ 22న లక్నోలోని ఇందిరా గాంధీ ప్రతిష్ఠాన్ వద్ద జరిగిన కార్యక్రమంలో ఉత్తరప్రదేశ్ ముఖ్యమంత్రి యోగి ఆదిత్యనాథ్ చేతుల మీదుగా తన నియామక పత్రాన్ని అందుకున్నారు. ఆయన షామ్లీ జిల్లాలోని ఒక ఎయిడెడ్ మాధ్యమిక పాఠశాలలో టీజీటీ(TGT) సంస్కృత ఉపాధ్యాయుడిగా నియమితులయ్యారు.ఇదీ చదవండి: ఎలక్ట్రీషియన్‌ నుంచి మాస్టర్‌ చెఫ్ విజేత, రెస్టారెంట్‌ యజమాని రేంజ్‌కి..!)

సాక్షి, ముంబై: మహారాష్ట్రలో భారీ అగ్నిప్రమాదం చోటుచేసుకుంది. ముంబై భూలేశ్వర్‌లోని నాలుగు అంతస్థుల భవనంలో పెద్దఎత్తున మంటలు చెలరేగాయి. దీంతో అగ్నిమాపక సిబ్భంది వెంటనే అక్కడికి చేరుకొని మంటలు ఆర్పుతున్నారు. కాగా దురదృష్టవశాత్తు ఈ ప్రమాదంలో భవనంపై ఓ వ్యక్తి చిక్కుకున్నారు. దీంతో సహాయక సిబ్బంది అతనిని కాపాడడానికి తీవ్రంగా యత్నిస్తోంది.

ఢిల్లీ: సీఈసీ జ్ఞానేశ్ కుమార్‌పై విచారణ జరపాలని సుప్రీంకోర్టులో పిటిషన్ దాఖలైంది. ఎస్‌ఐఆర్‌లో అవకతవకలు, ఓటర్ల జాబితాలో అక్రమాలకు పాల్పడ్డారని పిటిషన్‌లో పేర్కొన్నారు. ఏకపక్షంగా ఫారం 6లో మార్పులను ఇద్దరు ఎన్నికల కమిషనర్లు వ్యతిరేకించిన నేపథ్యంలో విచారణ జరపాలని పిటిషన్‌లో అభ్యర్థించారు. జ్ఞానేష్ కుమార్ ఏకపక్ష నిర్ణయాల వల్ల అర్హులైన ఓటర్లు తమ ఓటు హక్కు కోల్పోయారని పిటిషనర్‌ పేర్కొన్నారు.మరోవైపు, జ్ఞానేశ్‌ కుమార్‌ను బాధ్యతల నుంచి తొలగించేందుకు లోక్‌సభ, రాజ్యసభలో తీర్మానం చేయాలని కోరుతూ త్వరలోనే ప్రతిపక్షాలు మరోసారి నోటీసు ఇవ్వనున్నట్లు సమాచారం. జ్ఞానేశ్‌ కుమార్‌ను తొలగించాలంటూ ప్రతిపక్షాలు చేస్తున్న మూడో ప్రయత్నమిది కావడం గమనార్హం. న్యాయ నిపుణుల అభిప్రాయం తీసుకుని రూపొందించే ఈ నోటీసును వచ్చే వారం పార్లమెంట్‌ ఉభ య సభల్లో అందజేసే అవకాశాలున్నాయని విశ్వసనీయ వర్గాలు చెబుతున్నాయి.ఇద్దరు కమిషనర్లు లేవనెత్తిన అభ్యంతరాలను పట్టించుకోకుండానే ప్రధాన ఎన్నికల కమిషనర్, స్వతంత్రంగా నిర్ణయాలు తీసుకుంటున్నారని ‘ఇండియన్‌ ఎక్స్‌ప్రెస్‌’ప్రచురించిన పరిశోధనాత్మక కథనం దేశవ్యాప్తంగా రాజకీయ దుమారం రేపిన సంగతి తెలిసిందే. గత పది నెలల కాలంలో ఎన్నికల కమిషనర్లు సుఖ్‌బీర్‌ సింగ్‌ సంధూ, వివేక్‌జోషీలు మొత్తం 14 సార్లు వివిధ నిర్ణయాలపై తమ అభ్యంతరాలను లిఖితపూర్వకంగా వ్యక్తం చేశారని, అనధికారిక, అక్రమ ఉత్తర్వులంటూ తెలిపినప్పటికీ ఆ నిర్ణయాలు అమలయ్యాయని ఈ కథనం ఆరోపించింది.ఇదీ చదవండి: ఇంకా 24 గంటలే.. సీఈసీ జ్ఞానేశ్‌కు కాక్రోచ్‌ల డెడ్‌లైన్‌

ఢిల్లీ: జ్యూరిక్ విమానాశ్రయంలో ఢిల్లీకి విమానం బయలుదేరే ముందు నిర్వహించిన ఆల్కహాల్ పరీక్షలో ఫెయిలైన ఎయిర్ ఇండియా సహ పైలట్‌ను అధికారులు సస్పెండ్ చేశారు. సెప్టెంబర్ 6న జరిగిన ఈ ఘటన జరిగింది. జ్యూరిక్‌ నుంచి ఢిల్లీకి రావాల్సిన విమానానికి చెందిన కో-పైల‌ట్ మద్యం సేవించినట్లు అధికారులు గుర్తించారు. ప్రాథమిక ప‌రీక్ష‌లో అత‌ను ఫెయిల్ కాగా, రెండో పరీక్ష ఫలితం ఇంకా రావాల్సి ఉంది.తర్వాత అతడిని ప్రయాణికుడిగా భారత్‌కు తిరిగి పంపించారు. తుది వైద్య పరీక్ష నివేదిక వచ్చే వరకు అతను సస్పెన్షన్‌లోనే ఉంటాడని అధికారులు తెలిపారు. భద్రత, నియంత్రణ నిబంధనలు, సంస్థ ప్రోటోకాల్స్‌కు సంబంధించిన ఏ ఉల్లంఘననైనా తీవ్రంగా పరిగణిస్తామన్న ఎయిరిండియా.. ఉల్లంఘన నిర్థారణ అయితే కఠిన చర్యలు తీసుకుంటామని పేర్కొంది. ఈ ఘటన అనంతరం ఎయిర్ ఇండియా తన పైలట్లందరికీ కొత్తగా తప్పనిసరి డ్రగ్ (డోప్) పరీక్షలు నిర్వహించాలని ఆదేశించింది. మరో ఘటనలో ఫుకెట్ నుంచి ఢిల్లీ వ‌స్తున్న విమానంలోని పైలట్‌కు కూడా డ్ర‌గ్ ప‌రీక్ష‌లో పాజిటివ్‌గా నిర్థారణ అయిన సంగతి తెలిసిందే.ఇదీ చదవండి: వినీత్ మనోచా హత్య కేసులో బిగ్‌ ట్విస్ట్‌!

పాకిస్థాన్‌పై కేంద్ర హోం మంత్రి అమిత్‌షా కీలక వ్యాఖ్యలు చేశారు. యూపీలో తయారవుతున్న బ్రహ్మోస్ క్షిపణులు పాకిస్థాన్‌కు “ కంటి మీద కునుకు లేకుండా చేస్తున్నాయన్నారు. ఈ రోజు శుక్రవారం గ్రేటర్ నోయిడాలోని ఇండియా ఎక్స్‌పో సెంటర్ అండ్ మార్ట్‌లో యూపీ ట్రెడిషన్‌ ఇంటర్నేషనల్‌ ట్రేడ్‌ షో నాలుగో ఎడిషన్‌ను ఆయన ప్రారంభించారు.ఈ సందర్భంగా ఆయన మాట్లాడారు.ఈ కార్యక్రమంలో అమిత్‌షా మాట్లాడుతూ “ నేడు ఉత్తరప్రదేశ్‌లో తయారవుతున్న బ్రహ్మోస్ క్షిపణులు పాకిస్థాన్‌కు కునుకు లేకుండా చేస్తున్నాయి. రాష్ట్రంలో జరుగుతున్న మార్పుకు ఇది ప్రధాన సూచిక” అని అన్నారు. అదేవిధంగా అమేథీలో తయారవుతున్న ఏకే-203 అసాల్ట్ రైఫిళ్లు కూడా నక్సలైట్లు, ఉగ్రవాదులకు కునుకు లేకుండా చేస్తున్నాయని అమిత్ షా పేర్కొన్నారు. ఉత్తరప్రదేశ్‌లో రక్షణ రంగ ఉత్పత్తుల తయారీ విస్తరిస్తోందని చెప్పడానికి బ్రహ్మోస్ క్షిపణులు, ఏకే-203 రైఫిళ్ల తయారీ ఉదాహరణలని ఆయన స్పష్టం చేశారు.లక్నోలోని బ్రహ్మోస్ ఇంటిగ్రేషన్ అండ్ టెస్టింగ్ ఫెసిలిటీ సెంటర్ను ఉత్తరప్రదేశ్ డిఫెన్స్ ఇండస్ట్రియల్ కారిడార్‌లో భాగంగా 2025 మేలో ప్రారంభించారు. సూపర్‌సోనిక్ క్రూయిజ్ క్షిపణి బ్రహ్మోస్‌కు సంబంధించిన అసెంబ్లీ, ఇంటిగ్రేషన్, పరీక్షల పనులు ఈ కేంద్రంలో జరుగుతున్నాయి. అక్కడ తయారైన తొలి బ్యాచ్ బ్రహ్మోస్ క్షిపణులను 2025 అక్టోబర్‌లో అధికారికంగా పంపించారు.ఈ కేంద్రాన్ని సుమారు ₹300 కోట్ల పెట్టుబడితో, దాదాపు 200 ఎకరాల విస్తీర్ణంలో ఏర్పాటు చేశారు.‘భారత్ వృద్ధి కొనసాగుతుందిప్రపంచవ్యాప్తంగా అనేక సవాళ్లు ఉన్నప్పటికీ భారత్ తన ఆర్థిక వృద్ధిని కొనసాగించిందని అమిత్ షా అన్నారు. ప్రధాని నరేంద్ర మోదీ ప్రభుత్వం అనుసరిస్తున్న ఆర్థిక, వాణిజ్య విధానాలు ఎగుమతి అవకాశాలను విస్తరించాయని ఆయన పేర్కొన్నారు. “భారత్ పురోగతిని చూడలేని వారు దానిని భరించలేరని దుయ్యబట్టారు. ప్రధాని నరేంద్ర మోదీ హయాంలో భారత్ అనేక దేశాలతో స్వేచ్ఛా వాణిజ్య ఒప్పందాలు (FTAs) కుదుర్చుకుందని ఆయన తెలిపారు.ఈ ఒప్పందాల వల్ల భారత పరిశ్రమలకు ఎగుమతి అవకాశాలు గణనీయంగా పెరిగాయని, వివిధ ప్రతికూల పరిస్థితులను ఎదుర్కొంటూనే భారత్ తన ఆర్థిక వృద్ధిని కొనసాగించిందని షా అన్నారు.డిఫెన్స్ ఇండస్ట్రియల్ కారిడార్‌లోకి వస్తున్న పెట్టుబడులు కేవలం ఉత్తరప్రదేశ్‌లోనే కాకుండా దేశవ్యాప్తంగా రక్షణ ఉత్పత్తుల అభివృద్ధికి దోహదపడుతున్నాయని ఆయన చెప్పారు.యూపీలో మాఫియా పాలన2017లో బీజేపీ ప్రభుత్వం అధికారంలోకి వచ్చిన తర్వాత ఉత్తరప్రదేశ్‌లో శాంతిభద్రతల పరిస్థితిలో పెద్ద మార్పు వచ్చిందని అమిత్ షా అన్నారు. “ఒకప్పుడు యూపీలో మాఫియా పాలన ఉండేది. 2017లో బీజేపీ ప్రభుత్వం ఏర్పడింది, యోగి ఆదిత్యనాథ్ ముఖ్యమంత్రిగా బాధ్యతలు చేపట్టారు. యోగి ప్రభుత్వం రాష్ట్రవ్యాప్తంగా మాఫియాను విజయవంతంగా నిర్మూలించింది. దీనివల్ల పెట్టుబడులకు అనుకూలమైన వాతావరణం ఏర్పడింది” అని ఆయన అన్నారు.

ప్రసిద్ధ హిమాలయ పుణ్యక్షేత్రం కేదార్‌నాథ్‌లో భక్తుల రద్దీతో పాటు వ్యర్థాల వినియోగం తీవ్ర స్థాయికి చేరింది. సమాచార హక్కు చట్టం (ఆర్‌టీఐ) ద్వారా కేదార్‌నాథ్ నగర్ పంచాయతీ వెల్లడించిన అధికారిక గణాంకాల ప్రకారం, 2026 ఏప్రిల్ నుంచి ఆగస్టు వరకు కేవలం ఐదు నెలల వ్యవధిలోనే అక్కడ ఏకంగా 50.30 మెట్రిక్ టన్నుల వ్యర్థాలు పేరుకుపోయాయి. ఇది గత మూడు సంవత్సరాల్లో నమోదైన మొత్తం వార్షిక వ్యర్థాల కంటే అత్యధికం కావడం గమనార్హం.గత మూడేళ్ల గణాంకాలు ఇలా..2023: 32.58 మెట్రిక్ టన్నులు2024: 26.10 మెట్రిక్ టన్నులు2025: 21.40 మెట్రిక్ టన్నులు2026 (ఏప్రిల్ - ఆగస్టు): 50.30 మెట్రిక్ టన్నులుఈ ఏడాది వ్యర్థాల పరిమాణం 2023తో పోలిస్తే 54 శాతం, 2024తో పోలిస్తే 93 శాతం, అలాగే గత ఏడాది (2025)తో పోలిస్తే 135 శాతానికి పైగా (సుమారు 2.5 రెట్లు) పెరిగింది. ఈ యాత్రా సీజన్‌లో మే నెలలోనే అత్యధికంగా 16.3 టన్నుల చెత్త సేకరించారు. ఇప్పటివరకు దాదాపు 15.42 లక్షల మంది భక్తులు ఆలయాన్ని దర్శించుకున్నారు.ప్లాస్టిక్ వ్యర్థాలు, ల్యాండ్‌ఫిల్స్ పరిస్థితిఈ ఐదు నెలల్లో సుమారు 20 మెట్రిక్ టన్నుల ప్లాస్టిక్ వ్యర్థాలు రాగా అందులో 18.5 టన్నులను (92.5%) ప్రాసెస్ చేసినట్లు అధికారులు తెలిపారు. మిగిలిన మిశ్రమ వ్యర్థాల పారవేతకు స్థానిక యంత్రాంగం ల్యాండ్‌ఫిల్‌లపై ఆధారపడుతోంది. గత ఐదేళ్లలో కేదార్‌నాథ్‌లో నాలుగు ల్యాండ్‌ఫిల్‌లను నిర్మించారు. మొత్తం 30,000 చదరపు అడుగుల ల్యాండ్‌ఫిల్ విస్తీర్ణంలో ప్రస్తుతం 28,000 చదరపు అడుగుల స్థలం అందుబాటులో ఉందని నగర్ పంచాయతీ స్పష్టం చేసింది.పర్యావరణవేత్తల ఆందోళనచోరాబారీ గ్లేషియర్ కింద మందాకిని నదీ పరివాహక ప్రాంతంలో ఉన్న కేదార్‌నాథ్ అత్యంత సున్నితమైన పర్యావరణ వ్యవస్థను కలిగి ఉంది. ఇక్కడ అధికంగా ల్యాండ్‌ఫిల్‌లను ఉపయోగించడం వల్ల భూగర్భ జలాలు, నదీ జలాలు కలుషితమయ్యే ప్రమాదం ఉందని పర్యావరణ నిపుణులు హెచ్చరిస్తున్నారు. కేవలం భక్తుల సంఖ్యనే కాకుండా క్షేత్ర స్థాయి వ్యర్థాల శుద్ధి సామర్థ్యాన్ని పరిగణనలోకి తీసుకుని యాత్రా నిర్వహణ విధానాలను పునసమీక్షించాల్సిన అవసరం ఉందని అభిప్రాయపడుతున్నారు.ఇదీ చదవండి: భారత్‌లో అత్యంత సంపన్న నటులు వీరే..

ఎన్నికల సంఘం వ్యవహారంపై వివాదం మరింత ముదిరింది. తాజాగా కాక్రోచ్‌ జనతా పార్టీ ప్రధాన ఎన్నికల కమిషనర్‌ జ్ఞానేశ్‌ కుమార్‌కు విధించిన గడువులో ఒక్కరోజు పూర్తైంది. శనివారం నాటికి ఆయన గనుక రాజీనామా చేయకపోతే తమ ఉద్యమం మొదలవుతుందని హెచ్చరించింది. అందుకు ముహూర్తం కూడా ప్రకటించింది. సీజేపీ వ్యవస్థాపకుడు అభిజీత్‌ దీప్కే ఇవాళ ఎక్స్‌లో ఓ పోస్ట్‌ చేశారు. గాంధీ జయంతి రోజు ముంబై నుంచి దేశవ్యాప్త ఆందోళనలు ప్రారంభిస్తామని ప్రకటించారు. ‘‘జ్ఞానేశ్‌ కుమార్‌ రేపటిలోగా రాజీనామా చేయకపోతే.. అక్టోబర్‌ 2 నుంచి ముంబైలో నిరసన ప్రారంభించి దేశంలోని ఇతర నగరాలకు విస్తరిస్తాం” అని దీప్కే ఎక్స్‌లో పోస్టు చేశారు. గాంధీ జయంతి సందర్భంగా ప్రజాస్వామ్యాన్ని కాపాడేందుకు ప్రతిజ్ఞ చేద్దామని ఆయన పిలుపునిచ్చారు. అంతకు ముందు సీఈసీ రాజీనామాకు 48 గంటల గడువు ఇచ్చి, అవసరమైతే ‘జంతర్‌ మంతర్‌ 2.0’ పేరుతో ఢిల్లీలో మరో ఆందోళన చేపడతామని హెచ్చరించింది. అయితే ఇప్పుడు ముంబైని అందుకు వేదికగా మార్చుకోబోతోంది.సర్‌పై తీవ్ర అభ్యంతరాలు..ఓటర్ల జాబితాల ప్రత్యేక సమగ్ర సవరణ (SIR)లో కోట్లాది పేర్లు డ్రాఫ్ట్‌ జాబితాల నుంచి మినహాయించబడ్డాయని సీజేపీ ఆరోపిస్తోంది. 30 రాష్ట్రాలు, కేంద్ర పాలిత ప్రాంతాల్లో 13 కోట్లకు పైగా పేర్లు డ్రాఫ్ట్‌ ఓటర్ల జాబితాల్లో లేకుండా పోయాయని ఓ జాతీయ మీడియా కథనం ఇచ్చిన నివేదికను ఆధారంగా చేసుకుని ఆ సంస్థ విమర్శలు గుప్పిస్తోంది. మహారాష్ట్ర, ఉత్తరప్రదేశ్‌లో రెండు కోట్లకు పైగా చొప్పున, కర్ణాటకలో సుమారు కోటి, తమిళనాడులో 97 లక్షలు, పశ్చిమ బెంగాల్‌లో 90 లక్షలు, తెలంగాణలో 73 లక్షలు, ఢిల్లీలో 47 లక్షలు, కేరళలో 24 లక్షల మేర పేర్లు తొలగించబడ్డాయని సీజేపీ అంటోందిఇద్దరు కమిషనర్ల అభ్యంతరాలు..‘ది ఇండియన్‌ ఎక్స్‌ప్రెస్‌’ దర్యాప్తు కథనం ప్రకారం.. కేంద్ర ఎన్నికల సంఘంలో సీఈసీకి ఇద్దరు కమిషనర్ల మధ్య గ్యాప్‌ నడుస్తోంది. ఎలక్షన్‌ కమిషనర్లు సుఖ్‌బీర్‌ సింగ్‌ సంధు, వివేక్‌ జోషి గత పది నెలల్లో కనీసం 14సార్లు ఈసీ నిర్ణయాలపై లిఖితపూర్వక అభ్యంతరాలు వ్యక్తం చేశారు. ఓటర్ల పేర్ల చేర్పులు, తొలగింపులు, పునరుద్ధరణ, ఫామ్‌–6 మార్పులు, ఓటర్ల డేటాబేస్‌ కేంద్రీకరణ వంటి అంశాల్లో తమకు సమాచారం లేదంటే అనుమతి లేకుండానే నిర్ణయాలు జరిగాయని వారు ప్రశ్నించినట్లు ఆ కథనం పేర్కొంది.మరోవైపు ఈసీ మాత్రం దీనిపై భిన్నమైన వివరణ ఇచ్చింది. బహుళ సభ్యుల రాజ్యాంగ సంస్థలో భిన్నాభిప్రాయాలు, రాతపూర్వక నోట్లు, అంతర్గత చర్చలు సహజమేనని.. గత ఏడాది తీసుకున్న తుది నిర్ణయాలు ఏకగ్రీవంగానే ఉన్నాయని స్పష్టం చేసింది.‘ఎన్నికల్లో పోటీ చేయొద్దు’..ఇదే సమయంలో సీజేపీ వ్యవస్థాపకుడు అభిజీత్‌ దీప్కే.. ఎన్నికల ప్రక్రియపై అనుమానాలు ఉన్నాయని చెబుతున్న ప్రతిపక్ష పార్టీలపైనా విమర్శలు చేశారు. ఎన్నికలు ‘రిగ్డ్‌’ అవుతున్నాయని భావిస్తే.. అలాంటి ఎన్నికల్లో పోటీ చేయడం ద్వారా వాటికి చట్టబద్ధత కల్పిస్తున్నట్లవుతుందని ఆయన వ్యాఖ్యానించారు. ఎన్నికల్లో పాల్గొనకుండా ఉండటం వల్ల తమ రాజకీయ ఉనికి దెబ్బతింటుందనే భయంతోనే ప్రతిపక్షాలు పోటీ చేస్తున్నాయా? అని ప్రశ్నించారు.

డిజిటల్ యుగంలో ప్రతి పౌరుడికీ ‘ఆధార్’ ప్రాథమిక గుర్తింపుగా మారింది. వేలిముద్రలు, కంటిపాప (ఐరిస్) స్కాన్ల ఆధారంగా డిజిటల్ సిస్టమ్ ప్రతి ఒక్కరినీ విడివిడిగా గుర్తిస్తుంది. అయితే, ప్రకృతి సృష్టించిన ఒక అరుదైన పోలిక ఆధార్‌కే సవాలుగా నిలిచింది. ఉత్తర ప్రదేశ్‌లోని రాంపూర్‌కు చెందిన 10వ తరగతి కవలలు ఖిజ్రా జుబేర్, తూబా జుబేర్ల విషయంలో నమోదైన ఘటన సాంకేతిక నిపుణులను, ప్రభుత్వ యంత్రాంగాన్ని విస్మయానికి గురిచేసింది.సమస్య ఎక్కడ వచ్చింది?సాధారణంగా ఒకే రూపం ఉన్న కవలల్లో (ఐడెంటికల్‌ ట్విన్స్‌) సైతం వేలిముద్రలు లేదా కంటిపాప అమరికలో స్వల్ప తేడాలు ఉంటాయి. కానీ, రాంపూర్ కవలల విషయంలో వారి వేలిముద్రలు, ఐరిస్ స్కాన్లు 100 శాతం ఒకేలా సరిపోలాయి. దీంతో పదో తరగతి బోర్డు పరీక్షల రిజిస్ట్రేషన్ కోసం బయోమెట్రిక్ అప్‌డేట్ చేస్తుండగా ఒకరి అప్‌డేట్ పూర్తవ్వగానే మరొకరి దరఖాస్తును యూఐటీఏఐ సిస్టమ్ డూప్లికేట్‌గా గుర్తిస్తూ తిరస్కరించింది. ఈ సమస్య మూలంగా విద్యార్థినుల విద్యా భవిష్యత్తు ప్రశ్నార్థకంగా మారింది.పరిష్కారం లభించిందిలా..బాధిత కుటుంబం రాంపూర్ జిల్లా మేజిస్ట్రేట్(డీఎం) అజయ్ కుమార్ ద్వివేదిని ఆశ్రయించింది. ఈ అరుదైన కేసును ప్రత్యేకమైనదిగా పరిగణించిన డీఎం వెంటనే స్పందించి యూఐటీఏఐ న్యూఢిల్లీ ప్రధాన కార్యాలయం, లఖ్‌నవూ ప్రాంతీయ కార్యాలయాల అధికారులతో సమన్వయం చేశారు. సంస్థ సాంకేతిక విభాగం ఈ ఘటనను లోతుగా పరిశీలించి ప్రత్యేక సాంకేతిక నిబంధనలు, మాన్యువల్ వెరిఫికేషన్ ప్రక్రియ ద్వారా దాదాపు మూడు నుంచి నాలుగు నెలల పాటు కృషి చేసి పాత రికార్డులను సరిదిద్ది ఇద్దరికీ వేర్వేరుగా ఆధార్ గుర్తింపులను కేటాయించింది.సాంకేతిక పరిమితులుఅత్యాధునిక బయోమెట్రిక్ ఐడెంటిఫికేషన్ వ్యవస్థలు అత్యధిక శాతం పక్కాగా పనిచేసినప్పటికీ ఇటువంటి అత్యంత అరుదైన మినహాయింపులు సాంకేతిక వ్యవస్థ పరిమితులను తెలియజేస్తున్నాయి. సమయానుకూలమైన అడ్మినిస్ట్రేటివ్ జోక్యంతో సాంకేతిక సమస్యను అధిగమించి కవలల చదువుకు ఎటువంటి ఆటంకం కలగకుండా అధికార యంత్రాంగం పరిష్కారం చూపడం అభినందనీయమని కొందరు చెబుతున్నారు.ఇదీ చదవండి: భారత్‌లో అత్యంత సంపన్న నటులు వీరే..

న్యూఢిల్లీ: భారత ప్రధాన ఎన్నికల కమిషనర్ జ్ఞానేశ్ కుమార్‌కు సంబంధించిన కీలక కార్యక్రమాలు రద్దు కావడం రాజకీయ వర్గాల్లో హాట్ టాపిక్‌గా మారింది. కేంద్ర ఎన్నికల సంఘం తీరుపై విమర్శలు వస్తున్న తరుణంలో ఈ పరిణామాలు చోటుచేసుకోవడం గమనార్హం. కేంద్ర ఎన్నికల సంఘం అధికారి జ్ఞానేష్‌కుమార్‌ తన పదవికి రెండు రోజుల్లో రాజీనామా చేయాలని ‘కాక్రోచ్‌ జనతా పార్టీ’ ఫౌండర్‌ అభిజిత్‌ ఖేర్కే అల్టిమేటం జారీ చేశారు. ఈ క్రమంలోనే జెన్‌జీ యువతతో కలిసి జ్ఞానేష్‌ కుమార్‌ నిర్వహించాల్సిన రెండు ముఖ్యమైన ఓటరు అవగాహన కార్యక్రమాలను రద్దు చేసుకున్నారనే చర్చ నడుస్తోంది.వాస్తవానికి ఇందులో మొదటి ఈవెంట్ మీరట్‌లో ఈరోజు జరగాల్సి ఉండగా, సెప్టెంబర్ 29న ఉత్తరప్రదేశ్‌లోని వారణాసిలో రెండో ఈవెంట్ జరగాల్సి ఉంది. కానీ, ఈలోపే ఎన్నికల సంఘం ఈ కార్యక్రమాలను వాయిదా వేసింది.ఎన్నికల సంఘం స్పష్టత:భారత ప్రధాన ఎన్నికల కమిషనర్ జ్ఞానేశ్ కుమార్‌ పాల్గొనాల్సిన ఈ యువజన ఓటరు అవగాహన కార్యక్రమాల వాయిదాపై వస్తున్న ఊహాగానాలను ఎన్నికల సంఘం తోసిపుచ్చింది. ప్రస్తుతం జరుగుతున్న వివిధ వివాదాలు లేదా చర్చల కారణంగానే ఈ కార్యక్రమాలు రద్దు అయ్యాయన్న ప్రచారంలో ఎలాంటి నిజం లేదని ఈసీ స్పష్టం చేసింది. కేవలం వేదికలు, షెడ్యూలింగ్ సమస్యల వల్లనే ఈ నిర్ణయం తీసుకున్నట్లు ఎన్నికల సంఘం వెల్లడించింది. త్వరలోనే వీటికి సంబంధించిన కొత్త తేదీలను అధికారికంగా ప్రకటించే అవకాశం ఉంది.

ఇటీవలి కాలంలో బీహార్‌లో వరుసగా వెలుగులోకి వస్తున్న మహిళలు, బాలికలపై వేధింపుల ఘటనలు తీవ్ర కలకలం రేపుతున్నాయి. ఒక ఘటన మరవకముందే మరో వీడియో బయటపడుతోంది. తాజాగా బంకా జిల్లాలోని ప్రముఖ పర్యాటక ప్రాంతం మందార్‌ హిల్‌లో ఓ మహిళను కొందరు యువకులు వేధించి, చెప్పుతో కొట్టిన దృశ్యాలు సోషల్‌ మీడియాలో వైరల్‌గా మారాయి. ఈ వీడియోను సీరియస్‌గా తీసుకున్న పోలీసులు.. ఆరుగురు గుర్తుతెలియని యువకులపై కేసు నమోదు చేసి దర్యాప్తు ప్రారంభించారు.ఇంతకీ ఏం జరిగిందంటే.. వైరల్‌ వీడియోలో కొందరు యువకులు యువతితో అసభ్యంగా ప్రవర్తిస్తూ కనిపించారు. అంతటితో ఆగకుండా ఆమెపై చెప్పుతో దాడి చేశారు. వీడియోలో కనిపిస్తున్న టైమ్‌స్టాంప్‌ ప్రకారం ఈ ఘటన సెప్టెంబర్‌ 3న జరిగినట్లు తెలుస్తోంది. అయితే ఈ దృశ్యాలు సెప్టెంబర్‌ 22న పోలీసుల సోషల్‌ మీడియా సెల్‌ దృష్టికి వచ్చాయి. వీడియోను పరిశీలించిన పోలీసులు వెంటనే మందార్‌ హిల్‌కు చేరుకున్నారు. వీడియోలో కనిపిస్తున్న ప్రాంతం ఇదేనా అని పరిశీలించి.. ఘటన జరిగిన ప్రదేశాన్ని నిర్ధారించారు. అనంతరం అక్కడి స్థానికులు, దుకాణదారులను విచారిస్తూ వీడియోలో కనిపిస్తున్న యువకులు, మహిళ ఆచూకీ కోసం ప్రయత్నిస్తున్నారు.Jungle Raj is back in Bihar; first Jamui, then Samastipur, now Banka; cases of molestation of daughters of Bihar are not stopping.This is a video from Mandar Mountain in Banka, Bihar, where some men are molesting a woman.Honorable Chief Minister Mr. Samrat Chaudhary, you talk… pic.twitter.com/e7HrvwRJIi— Wallah Habebe (@Wallahhabebe) September 25, 2026సుమోటోగా కేసు..బాధితురాలి నుంచి ఫిర్యాదు అందకపోయినా పోలీసులు సుమోటోగా కేసు నమోదు చేశారు. మహిళపై దాడి, వేధింపులకు సంబంధించిన BNS సెక్షన్లు 74, 75, 76, 3(5)తో పాటు ఐటీ చట్టంలోని 66E, 67A సెక్షన్ల కింద కేసు నమోదైంది. వైరల్‌ వీడియోను ఆధారంగా నమోదు చేసుకున్న పోలీసులు.. దర్యాప్తు ఆధారంగా తదుపరి చర్యలు తీసుకోనున్నట్లు తెలిపారు.🚨SAMASTIPUR HORROR | After Jamui, another video of a similar incident has surfaced from Samastipur, showing a teenage girl being harassed by a group of men pic.twitter.com/GZf0bjC3YK— The Tatva (@thetatvaindia) September 24, 2026వరుస ఘటనలతో కలకలం..ఇటీవలే బీహార్‌లోని జమూయిలో కోచింగ్‌ నుంచి తిరిగి వస్తున్న బాలుడు, బాలికను కొందరు అడ్డుకుని వేధించిన ఘటనకు సంబంధించిన వీడియో వైరల్‌గా మారింది. బాలికపై లైంగిక వేధింపులకు పాల్పడటంతో పాటు ఆమె స్నేహితుడిపై దాడి చేసిన దృశ్యాలు ఆ వీడియోలో కనిపించాయి. సెప్టెంబర్‌ 19న జరిగిన ఈ ఘటనలో ప్రధాన నిందితుల్లో ఇద్దరిని పోలీసులు అదుపులోకి తీసుకున్నారు. వారిని పట్టుకునే సమయంలో జరిగిన ఎన్‌కౌంటర్‌లో ఇద్దరూ గాయపడినట్లు పోలీసులు తెలిపారు. ఈ కేసులో ఇప్పటివరకు కనీసం ఐదుగురిని అదుపులోకి తీసుకున్నట్లు వెల్లడించారు. ఇలా ఒక ఘటనకు సంబంధించిన వీడియో వైరల్‌ అవుతుండగానే మరో వేధింపుల ఘటన వెలుగులోకి వస్తుండటంతో బీహార్‌లో కలకలం కొనసాగుతోంది. వేధింపుల కారణంగా బీజేపీ ప్రభుత్వంపై విపక్షాలు తీవ్ర విమర్శలు చేస్తున్నాయి. మహిళల భద్రతపై ప్రభుత్వం ఏం చేస్తోందంటూ ప్రశ్నలు సంధిస్తున్నాయి. Salute to this Class 10 boy. He could have run away to save himself, but instead he stayed and stood between the girl and the attackers, even while being beaten and slapped. His courage and presence of mind may have prevented an even worse assault.Huge respect to him. Real… pic.twitter.com/DxUt1IfoTs— Cric Uneeb (@Cric_Uneeb) September 22, 2026A couple in Jamui, Bihar, was allegedly harassed by a group of men, and the girl was reportedly at risk of being sexually assaulted. Why do some people think they have the right to harass couples simply because they are together?Being a couple is not a crime. No one has the… pic.twitter.com/uCZBhu06Ab— Aradhya (@ItsAradhya__) September 21, 2026

గాంధీనగర్‌ : ప్రముఖ అహ్మదాబాద్‌లోని నిర్మా యూనివర్సిటీలో ఇటీవల జరిగిన ఓ ఈవెంట్‌లో చోటుచేసుకున్న ఘటన తీవ్ర దుమారానికి దారితీసింది. స్టాండ్‌అప్ కామెడీ షో సందర్భంగా ఓ విద్యార్థి చేసిన సరదా కామెంట్ ప్రొఫెసర్‌కు తీవ్ర ఆగ్రహం తెప్పించగా, ఆయన విద్యార్థిని స్టేజ్‌పైకి పిలిచి కాలర్ పట్టుకోవడం కలకలం రేపింది.నిర్మా యూనివర్సిటీలోని ఇన్‌స్టిట్యూట్ ఆఫ్ టెక్నాలజీ విద్యార్థుల ఆధ్వర్యంలో సెప్టెంబర్ 18 నుంచి 20 వరకు మూడు రోజుల పాటు ‘టెక్నోఫోరా 2026’ కార్యక్రమం ఘనంగా జరిగింది. ఈ వేడుకలో భాగంగా ప్రముఖ కమెడియన్ రజత్ సూద్‌ స్టాండ్‌అప్ కామెడీ షో నిర్వహించారు.‘జల్దీ బోల్, పన్వెల్ నికల్నా హై’ ఈ కార్యక్రమంలో యూనివర్సిటీ ఎలక్ట్రికల్ అండ్ ఇన్‌స్ట్రుమెంటేషన్ డిపార్ట్‌మెంట్ విభాగాధిపతి ప్రొఫెసర్ హెచ్.కె. పటేల్ విద్యార్థులను ఉద్దేశించి ప్రసంగిస్తున్నారు. సరిగ్గా అదే సమయంలో ప్రేక్షకుల స్థానంలో ఉన్న ఓ విద్యార్థి.. సోషల్ మీడియాలో బాగా పాపులరైన బాలీవుడ్ సినిమా ‘గోల్‌మాల్ 3’ చిత్రంలోని కునాల్ ఖేము డైలాగ్ ‘జల్దీ బోల్, పన్వెల్ నికల్నా హై’ అని పెద్దగా అరిచాడు.స్టేజ్‌పై ప్రొఫెసర్ వీరంగం ఎవరైనా విషయాన్ని సాగదీస్తుంటే వాడే ఈ మీమ్ డైలాగ్‌తో విద్యార్థి తనను ఉద్దేశించి ట్రోల్ చేయడంతో సదరు ప్రొఫెసర్‌కు చిర్రెత్తింది. వెంటనే సదరు విద్యార్థిని స్టేజ్‌పైకి పిలిచారు. కోపోద్రికులైన ప్రొఫెసర్ స్టేజ్‌పైనే విద్యార్థి కాలర్‌ పట్టుకుని వెనక్కి ఈడ్చుకెళ్లారు. అంతేకాదు నిర్మా యూనివర్సిటీ క్యాంపస్‌లో ఏ ఫ్యాకల్టీ సభ్యుడినైనా అవమానించాలని చూస్తే నేను ఎంత దూరమైనా వెళ్తాను. నీకు ఇక్కడ అదే చివరి రోజు అవుతుంది’ అంటూ తీవ్ర స్థాయిలో హెచ్చరించారు. వీడియో వైరల్ ఈ ఘటనకు సంబంధించిన వీడియోలు ప్రస్తుతం సోషల్ మీడియాలో విపరీతంగా వైరల్ అవుతున్నాయి. దీనిపై నెటిజన్ల నుంచి భిన్నాభిప్రాయాలు వ్యక్తమవుతున్నాయి. ఒకవైపు విద్యార్థి ఉపాధ్యాయుడి పట్ల అలా ప్రవర్తించి ఉండకూడదని కొందరు వాదిస్తుంటే, మరోవైపు ఎంత కోపం వచ్చినా ఒక ప్రొఫెసర్ హోదాలో ఉండి విద్యార్థిపై భౌతిక దాడికి దిగడం, కాలర్ పట్టుకోవడం సరికాదని మరికొందరు విమర్శిస్తున్నారు.ఈ ఘటనపై కాంగ్రెస్‌ అనుబంధ విద్యార్థి సంఘం ఎన్‌ఎస్‌యూఐ తీవ్రంగా స్పందించింది. ప్రొఫెసర్ తీరుపై ఆగ్రహం వ్యక్తం చేస్తూ, ఆయన విద్యార్థికి బహిరంగంగా క్షమాపణ చెప్పాలని డిమాండ్ చేసింది. లేనిపక్షంలో యూనివర్సిటీలో పెద్దఎత్తున నిరసనలు చేపడతామని హెచ్చరించింది. ఈ వివాదంపై యూనివర్సిటీ యాజమాన్యం నుంచి అధికారిక స్పందన రావాల్సి ఉంది. Nirma University, Ahmedabad : A student shouted, “Jaldi bol, Panvel nikalna hai.” The professor called the student on stage and grabbed his collar. The professor should have handled it more sensibly. Such interruptions and jokes can happen during events, and escalating the situation only makes things worse.— Neetu Khandelwal (@T_Investor_) September 24, 2026

వినాయక చవితి శరన్నవరాత్రుల ముగింపు అనగానే అందరికీ ముందుగా గుర్తొచ్చేది గణపతి లడ్డూ ప్రసాదమే. ఒకప్పుడు వందలు, వేలల్లో మొదలైన లడ్డూ వేలం పాట నేడు రూ.లక్షలు దాటి రూ.కోట్లకు చేరింది. ఆర్థిక స్తోమత పెరగడం, స్వామివారి ప్రసాదాన్ని దక్కించుకుంటే సకల శుభాలు కలుగుతాయనే బలమైన భావనతో భక్తులు వేలంలో పోటీపడి మరీ బడా మొత్తాన్ని వెచ్చిస్తున్నారు. చేతులు కాలేక ఆకులు పట్టుకున్నట్లు కాకుండా ఇంత భారీ మొత్తంలో చెల్లించి దక్కించుకున్న లడ్డూపై ఎలాంటి ఆదాయ పన్ను భారం పడుతుందో వేలం పాటదారులు ముందుగానే తెలుసుకోవాల్సిన అవసరం ఉంది.ఆదాయ పన్ను చట్టం - 1961 ప్రకారం, వేలంలో పాల్గొని లడ్డూను గెలుపొందిన వ్యక్తి చెల్లించే ఆ నిధిని విరాళం (డొనేషన్‌) లేదా బహుమతిగా పరిగణిస్తారు.పన్ను మినహాయింపులు (సెక్షన్‌ 80జీ): సదరు గణేష్ ఉత్సవ కమిటీకి ఆదాయ పన్ను శాఖ నుంచి చట్టంలోని సెక్షన్ 80జీ కింద గుర్తింపు లేదా రిజిస్ట్రేషన్ ఉంటే వేలంలో పాడిన మొత్తంలో కొన్ని నిబంధనలకు లోబడి (సాధారణంగా 50 శాతం లేదా 100 శాతం) పన్ను మినహాయింపు లభిస్తుంది. అయితే చాలా గ్రామీణ, స్థానిక పూజా కమిటీలకు ఈ రిజిస్ట్రేషన్ ఉండకపోవడం గమనార్హం.సెక్షన్ 56(2)(ఎక్స్‌) కింద పన్ను భారం: ఒకవేళ పూజా కమిటీకి 80జీ లేకపోతే రూ.50,000 దాటిన ఉచిత బహుమతులు లేదా నగదు ‘ఇతర మూలాల నుంచి ఆదాయం’ పరిధిలోకి వస్తాయి. లడ్డూ అసలు విలువ కన్నా చెల్లించిన వేలం మొత్తం ఎన్నో రెట్లు ఎక్కువగా ఉంటుంది కాబట్టి సదరు వేలంపాటదారుడు ఈ మొత్తాన్ని తన సొంత ఆమోదయోగ్యమైన, చట్టబద్ధమైన ఆదాయ మార్గాల ద్వారానే చెల్లించాల్సి ఉంటుంది.ఆదాయ మార్గాల వెల్లడి: పన్ను అధికారుల విచారణ పరిధిలోకి రాకుండా ఉండాలంటే వేలంలో చెల్లించిన ఆ సొమ్ముకు సరైన బ్యాంకింగ్ ఆధారాలు, రిటర్న్ దాఖలు రికార్డులు తప్పనిసరి. చెల్లించిన సొమ్ముకు తగిన లెక్క చూపలేకపోతే ఐటీ శాఖ నుంచి నోటీసులు వచ్చే ప్రమాదం ఉంది. భక్తికి పన్ను ఉండకపోవచ్చు కానీ, భక్తి పేరిట చేసే భారీ వ్యయాలకు పక్కాగా లెక్కలు ఉండాల్సిందే! అందుకే హడావుడిలో వేలం పాడేముందు పన్ను నియమావళిని గమనించడం శ్రేయస్కరం.ఇదీ చదవండి: భారత్‌లో అత్యంత సంపన్న నటులు వీరే..

జీవ పరిణామ క్రమంలో అత్యంత కీలకమైన మైలురాయిగా నిలిచే సంచలన విషయాన్ని శాస్త్రవేత్తలు బహిర్గతం చేశారు. గబ్బిలాలు సుమారు 6.5 కోట్ల (65 మిలియన్లు) సంవత్సరాల క్రితం ఐరోపా ఖండంలోనే మొదటగా పరిణామం చెందాయని ‘నేచర్’ అంతర్జాతీయ పరిశోధనా పత్రికలో ప్రచురితమైన అధ్యయనం వెల్లడించింది. ఇప్పటివరకు ఆసియా, ఆఫ్రికా లేదా ఉత్తర అమెరికా ఖండాల్లో గబ్బిలాలు ఉద్భవించాయనే అంచనాలను ఈ అధ్యయనం పటాపంచలు చేసింది.ప్రాజెక్ట్ ‘బ్యాట్‌1కే’ విజయం‘Bat1K’ కన్సోర్టియమ్ నేతృత్వంలో 64 దేశాలకు చెందిన 137 మంది జీవశాస్త్రవేత్తలు దాదాపు దశాబ్ద కాలం పాటు శ్రమించి ఈ ప్రాజెక్ట్‌ను పూర్తి చేశారు. ప్రఖ్యాత పరిశోధకులు ఎమ్మా టీలింగ్, నెన్సీ సిమ్మన్స్ వంటి ప్రముఖుల భాగస్వామ్యంతో జరిగిన ఈ పరిశోధనలో ప్రస్తుతం ఉన్న 21 గబ్బిలాల వర్గాలకు చెందిన 103 రకాల జీవుల సంపూర్ణ జెనోమ్ (డీఎన్‌ఏ)ను సీక్వెన్సింగ్ చేశారు. ప్రపంచవ్యాప్తంగా లభించిన 44 ప్రాచీన శిలాజాల డేటాతో ఈ జన్యు సమాచారాన్ని సరిపోల్చారు.ఐరోపా నుంచి ప్రపంచవ్యాప్త విస్తరణఈ జెనోమిక్ విశ్లేషణ ప్రకారం, డైనోసార్లు అంతరించిన కాలం (సుమారు 6.5 కోట్ల ఏళ్ల క్రితం)లో ఐరోపాలో మొదటిసారిగా గబ్బిలాలు పుట్టాయి. అక్కడ నుంచి ముందుగా ఆఫ్రికాకు చేరుకుని ‘యూరో-ఆఫ్రికా హబ్’గా మారాయి. ఆ తర్వాత కాలంలో ఆసియా, అమెరికా, ఆస్ట్రేలియా ఖండాలకు విస్తరించాయని జన్యు మ్యాపింగ్ స్పష్టం చేస్తోంది.ఎకోలొకేషన్.. ఎగిరే సామర్థ్యంక్షీరదాల్లో సజావుగా ఎగరగల ఏకైక జీవి గబ్బిలమే(రెక్కలతో నిజమైన విమానంలా స్వయంగా ఎగరలిగే శక్తి గబ్బిలానికి మాత్రమే ఉంది. ఇతర జీవివులు గాల్లో తేలుతూ ఎగురుతాయి). చీకట్లో శబ్ద తరంగాల ద్వారా మార్గాన్ని గుర్తించే ఎకోలొకేషన్ సామర్థ్యం, ఎగిరే నైపుణ్యం రెండూ గబ్బిలాల పరిణామ క్రమం ఆరంభంలోనే రూపుదిద్దుకున్నాయని ఈ పరిశోధన తేల్చింది.మానవ వైద్య రంగానికి కీలకంగబ్బిలాలు అత్యంత ప్రమాదకరమైన వైరస్‌లను మోస్తూ కూడా అనారోగ్యానికి గురికావు. అలాగే వాటి పరిమాణంతో పోలిస్తే సుదీర్ఘకాలం జీవిస్తాయి. కొత్తగా రూపొందించిన ఈ పూర్తిస్థాయి క్రోమోజోమ్ మ్యాపింగ్ ద్వారా గబ్బిలాల్లో ఉన్న రోగనిరోధక శక్తి, క్యాన్సర్ నిరోధక జన్యువులు, వృద్ధాప్యాన్ని అడ్డుకునే కణ వ్యవస్థలపై లోతైన పరిశోధనలకు బాటలు పడింది. ఇది భవిష్యత్తులో మానవ వైద్య విధానంలో విప్లవాత్మక మార్పులకు దోహదపడుతుందని శాస్త్రవేత్తలు భావిస్తున్నారు.ఇదీ చదవండి: భారత్‌లో అత్యంత సంపన్న నటులు వీరే..

బెంగళూరు: భూ వివాదానికి సంబంధించి జరిగిన గొడవలో ఫిర్యాదు చేసేందుకు పోలీస్‌ స్టేషన్‌ వచ్చిన బాధితులతో దొడ్డ గ్రామీణ పోలీస్‌ స్టేషన్‌ సర్కిల్‌ ఇన్స్‌పెక్టర్‌ నవీన్‌కుమార్‌ దురుసుగా ప్రవర్తించారు. అంతటితో ఆగకుండా మీడియా ముందు ఫోజు కొడితే తాట తీస్తా.. ఈడియట్స్‌ అంటూ చిందులు తొక్కారు. ఇందుకు సంబంధించిన వీడియో స్థానికంగా వైరల్‌గా మారింది. దొడ్డ తాలూకా గజ్జగదహళ్లిలో భూ వివాదం నేపథ్యంలో గొడవ జరిగింది. బాధితులు న్యాయం కోసం దొడ్డ గ్రామీణ పోలీస్‌ స్టేషన్‌కు వచ్చిన సమయంలో సీఐ నవీన్‌ కుమార్‌ బెదిరించడం వివాదాస్పందగా మారింది.

లక్నో: కాన్పూర్‌కు చెందిన ఫార్మాస్యూటికల్ వ్యాపారి వినీత్ మనోచా హత్య కేసులో ఒక సంచలన విషయాలు వెలుగులోకి వచ్చాయి. తన తండ్రి ఆస్తులను వేరే మహిళకు రాసిస్తారనే భయంతోనే ఆయన కుమారుడు సుబ్రత్ మనోచా ఈ హత్యకు కుట్ర పన్నినట్లు పోలీసులు తేల్చారు. వినీత్ మనోచా వ్యక్తిగత జీవితంలో వేరే మహిళలతో సంబంధాలు కలిగి ఉన్నారని, భవిష్యత్తులో ఆయన తన ఆస్తులన్నింటినీ ఆ మహిళ పేరు మీద బదిలీ చేస్తారనే భయంతోనే కుమారుడు సుబ్రత్ ఈ హత్యకు ప్లాన్ చేసినట్లు పోలీసులు విచారణలో వెల్లడించారు. సుబ్రత్ బెట్టింగ్, మద్యానికి అలవాటు పడి సుమారు రూ.40 లక్షలకు పైగా అప్పులపాలయ్యాడు. తండ్రి ఇస్తున్న డబ్బులు సరిపోకపోవడం, ఆస్తులు తనకు పూర్తిగా దక్కవనే దురాశతో ఈ అఘాయిత్యానికి పాల్పడ్డాడు. ఈ హత్య కేసులో తొలుత పోలీసులు వినీత్ కోడలు (సుబ్రత్ భార్య) షాలును, సుపారీ కిల్లర్లను అరెస్ట్ చేశారు. అయితే పోలీసుల లోతైన విచారణలో అసలు కుట్రదారుడు సుబ్రత్ అని, తనను పోలీసుల నుంచి కాపాడుకోవడానికి భార్య షాలు పేరు చెప్పాలని కిల్లర్‌కు సుబ్రత్ ముందే సూచించినట్లు తేలింది. హంతకుడు విశాల్ గౌతమ్‌తో సుబ్రత్ నిరంతరం టచ్‌లో ఉన్నట్లు కాల్ డిటైల్ రికార్డ్‌పై పోలీసులు చేపట్టిన దర్యాప్తులో తేటతెల్లమైంది. హత్యకు ముందు ఇద్దరి మధ్య వందలాది సార్లు ఫోన్ కాల్స్ మాట్లాడినట్లు ఆధారాలు లభించాయి. ఈ ఆధారాల ఆధారంగా పోలీసులు కుమారుడు సుబ్రత్ మనోచాను అరెస్ట్ చేసి దర్యాప్తును మరింత వేగవంతం చేశారు. ఇదీ చదవండి : మలయాళం సినిమాను తలపించే ట్విస్ట్‌

ఎన్నికల సంఘం.. దేశ ఎన్నికల ప్రక్రియకు కాపలాదారు. ఆ సంస్థలో ముగ్గురు సభ్యులు ఉంటే.. నిర్ణయం ఎవరిది? చీఫ్‌ ఎలక్షన్‌ కమిషనర్‌ (సీఈసీ) మాటే తుది మాటా? లేదంటే ముగ్గురూ కలిసి నిర్ణయం తీసుకోవాలా? ఇప్పుడు ఈ ప్రశ్న మరోసారి చర్చకు వచ్చింది. కారణం.. ఈసీలోనే ఇద్దరు కమిషనర్లు వరుసగా తమ అభ్యంతరాలను నమోదు చేసినట్లు వచ్చిన తాజా కథనాలు. సరిగ్గా ఇలాంటి ప్రశ్నే మూడు దశాబ్దాల క్రితం దేశ అత్యున్నత న్యాయస్థానం ముందుకెళ్లింది. ఆ సమయంలో చీఫ్‌ కమిషనర్‌గా ఉన్న టీఎన్‌ శేషన్‌ ఈసీలో తనకే అధికారం ఉండాలంటూ సుప్రీంకోర్టును ఆశ్రయించారు.టీఎన్‌ శేషన్‌.. భారత ఎన్నికల చరిత్రలో చిరస్థాయిగా నిలిచిన పేరు. ఎన్నికల నిబంధనలను కఠినంగా అమలు చేస్తూ.. రాజకీయ నేతలు, మంత్రులు, అధికారులపై కూడా చర్యలకు వెనుకాడని అధికారిగా ఆయన గుర్తింపు పొందారు. దీంతో ఈసీకి గతంలో లేని స్థాయిలో ప్రాధాన్యం వచ్చింది. అయితే ఆ 1993లో పరిస్థితి మారింది. అప్పటి పీవీ నరసింహారావు ప్రభుత్వం ఎంఎస్‌ గిల్‌, జీవీజీ కృష్ణమూర్తిలను ఎలక్షన్‌ కమిషనర్లుగా నియమించింది. అప్పటివరకు సీఈసీ ఒక్కరితోనే నడిచిన ఈసీ మళ్లీ ముగ్గురు సభ్యుల సంస్థగా మారింది.ఇక్కడే అసలు వివాదం మొదలైంది. కొత్తగా వచ్చిన ఇద్దరు కమిషనర్లకు సీఈసీతో సమాన నిర్ణయాధికారం ఉండటాన్ని ఈసీ బాస్‌ వ్యతిరేకించారు. వారి నియామకాల రాజ్యాంగబద్ధతను సవాలు చేస్తూ సుప్రీంకోర్టును ఆశ్రయించారు.సుప్రీంకోర్టులో కీలక ప్రశ్నశేషన్‌ వాదనలో ప్రధాన అంశం ఒక్కటే.. సీఈసీకి రాజ్యాంగం ప్రత్యేక హోదా ఇచ్చినప్పుడు, మిగిలిన ఇద్దరు కమిషనర్లతో సమానంగా ఎలా పరిగణించగలరన్నది. ముఖ్యంగా బహుళ సభ్యుల కమిషన్‌లో నిర్ణయాలు మెజారిటీతో తీసుకోవడాన్ని కూడా ఆయన సవాలు చేశారు. ఈ కేసును ఐదుగురు సభ్యుల రాజ్యాంగ ధర్మాసనం విచారించింది. 1995లో సంచలన తీర్పు వెలువడింది. బహుళ సభ్యుల ఎన్నికల కమిషన్‌ ఏర్పాటు రాజ్యాంగబద్ధమేనని ధర్మాసనం స్పష్టం చేసింది.అంతేకాదు.. సీఈసీ కమిషన్‌కు అధ్యక్షుడిగా ఉన్నప్పటికీ, మిగిలిన కమిషనర్లపై ఆయనకు తుది నిర్ణయాధికారం లేదని కోర్టు తేల్చింది. కమిషన్‌లో అభిప్రాయ భేదాలు వస్తే మెజారిటీ నిర్ణయమే అమలవుతుందని స్పష్టం చేసింది. అంటే.. సీఈసీ ‘ఫస్ట్‌ అమాంగ్‌ ఈక్వల్స్‌’ మాత్రమే. మిగిలిన ఇద్దరు కమిషనర్లు కూడా నిర్ణయ ప్రక్రియలో సమాన భాగస్వాములే అన్నది ఆ తీర్పు సారాంశం.ఆయన అక్కడితో ఆగలేదుసుప్రీంకోర్టు తీర్పుతో శేషన్‌ పూర్తిగా వెనక్కి తగ్గలేదు. తీర్పును సమీక్షించాలంటూ మరోసారి కోర్టును ఆశ్రయించారు. కమిషన్‌ సమావేశం ఎప్పుడు జరగాలి, ఎజెండాలో ఏ అంశాలు ఉండాలి వంటి విషయాల్లో సీఈసీకే ప్రధాన అధికారం ఉండేలా నిబంధనలు రూపొందించే ప్రయత్నం కూడా చేశారు. అయితే సుప్రీంకోర్టు సమీక్ష పిటిషన్‌ను కొట్టివేసింది.ఇప్పుడు మళ్లీ అదే చర్చ ఎందుకు?మూడు దశాబ్దాల తర్వాత.. ఈసీలో అంతర్గత నిర్ణయాలపై మరోసారి ప్రశ్నలు తలెత్తాయి. సీఈసీ జ్ఞానేశ్‌ కుమార్‌ నేతృత్వంలోని కమిషన్‌లో ఎలక్షన్‌ కమిషనర్లు సుఖ్‌బీర్‌ సింగ్‌ సంధు, వివేక్‌ జోషి గత 10 నెలల్లో కనీసం 14సార్లు కొన్ని నిర్ణయాలపై లిఖితపూర్వకంగా అభ్యంతరాలు వ్యక్తం చేసినట్లు ‘ది ఇండియన్‌ ఎక్స్‌ప్రెస్‌’ నివేదించింది. ఓటర్ల జాబితా, ఫామ్‌–6 మార్పులు, ఈసీ ఐటీ వ్యవస్థ వంటి కీలక అంశాలపై తమకు సమాచారం లేకుండానే నిర్ణయాలు తీసుకున్నారని వారు అభ్యంతరం వ్యక్తం చేసినట్లు కథనం పేర్కొంది.జ్ఞానేశ్‌కు రాజీనామా సెగ!ఇదిలా ఉండగా.. సీఈసీ జ్ఞానేశ్‌ కుమార్‌ వ్యవహారశైలిపై ప్రతిపక్షాల ఆగ్రహం రోజురోజుకూ పెరుగుతోంది. ఈసీలోని ఇద్దరు కమిషనర్లు కీలక నిర్ణయాలపై పలుమార్లు అభ్యంతరాలు వ్యక్తం చేశారన్న నివేదికల నేపథ్యంలో.. కాంగ్రెస్‌ సెప్టెంబర్‌ 25న దేశవ్యాప్తంగా ఈసీ కార్యాలయాల వద్ద నిరసనలకు పిలుపునిచ్చింది. జ్ఞానేశ్‌ కుమార్‌ రాజీనామా చేయాలని, ఆయనపై చర్యలు తీసుకోవాలని విపక్షాలు డిమాండ్‌ చేస్తున్నాయి. మరోవైపు కాక్రోచ్‌ జనతా పార్టీ (CJP) కూడా ఇదే అంశంపై ఉద్యమానికి సిద్ధమైంది. 48 గంటల్లో సీఈసీ రాజీనామా చేయకపోతే ‘జంతర్‌ మంతర్‌ 2.0’ పేరుతో మరో భారీ ఆందోళన చేపడతామని ప్రకటించింది. అయితే ఈ ఆరోపణలను ఈసీ ఖండిస్తూ.. కమిషనర్ల మధ్య భిన్నాభిప్రాయాలు సంస్థాగత చర్చల్లో సహజమేనని, గత ఏడాది తీసుకున్న తుది నిర్ణయాలు ఏకగ్రీవంగానే ఉన్నాయని స్పష్టం చేసింది.భారత ఎన్నికల లెజెండ్‌గా టీఎన్‌ శేషన్‌ 1932 డిసెంబర్‌ 15న కేరళలోని పాలక్కాడ్‌ జిల్లాలో జన్మించారు. పాలక్కాడ్‌లోని గవర్నమెంట్‌ విక్టోరియా కాలేజీలో, ఆ తర్వాత చెన్నైలోని మద్రాస్‌ క్రిస్టియన్‌ కాలేజీలో చదువుకున్నారు. కొంతకాలం అక్కడే లెక్చరర్‌గా పనిచేసిన ఆయన.. అనంతరం సివిల్‌ సర్వీసెస్‌ వైపు అడుగులు వేశారు. 1955లో ఐఏఎస్‌లో చేరిన శేషన్‌.. కేరళ, కేంద్ర ప్రభుత్వాల్లో పలు కీలక బాధ్యతలు నిర్వహించారు. ప్లానింగ్‌ కమిషన్‌ సభ్య కార్యదర్శిగా, కేంద్ర కేబినెట్‌ కార్యదర్శిగా కూడా పనిచేశారు. 1990 డిసెంబర్‌ 12న భారత 10వ ప్రధాన ఎన్నికల కమిషనర్‌గా బాధ్యతలు చేపట్టారు. అప్పటివరకు పెద్దగా ప్రజల దృష్టిలో లేని ఎన్నికల సంఘానికి తన కఠినమైన శైలితో దేశవ్యాప్తంగా గుర్తింపు తెచ్చారు. ఎన్నికల సమయంలో డబ్బు, మద్యం పంపిణీ, బూత్‌ క్యాప్చరింగ్‌, అధికార దుర్వినియోగం, ఎన్నికల నిబంధనల ఉల్లంఘనలపై కఠినంగా వ్యవహరించారు. మోడల్‌ కోడ్‌ ఆఫ్‌ కండక్ట్‌ను గట్టిగా అమలు చేయడంతో పాటు.. ఓటర్లకు ఫొటో గుర్తింపు కార్డులు (EPIC) అందించే ప్రక్రియను దేశవ్యాప్తంగా ముందుకు తీసుకెళ్లారు. ఎన్నికల నిర్వహణలో అధికార యంత్రాంగం జవాబుదారీతనాన్ని పెంచడంలోనూ కీలక పాత్ర పోషించారు. ఆయన సేవలకు గుర్తింపుగా 1996లో రామన్‌ మెగసెసే అవార్డు లభించింది. 1996లో సీఈసీ పదవి నుంచి వైదొలిగిన తర్వాత రాజకీయాల్లోకి ప్రవేశించి 1999 లోక్‌సభ ఎన్నికల్లో కాంగ్రెస్‌ అభ్యర్థిగా పోటీ చేశారు. అయితే ఓటమి పాలయ్యారు. అనంతరం ప్రజాజీవితం నుంచి క్రమంగా దూరమైన శేషన్‌.. 2019 నవంబర్‌ 10న చెన్నైలో 86 ఏళ్ల వయసులో కన్నుమూశారు. ఎన్నికల సంఘం అధికారాలను సమర్థంగా ఉపయోగించి.. ఎన్నికల ప్రక్రియపై ప్రజల్లో కొత్త నమ్మకం కలిగించిన సీఈసీగా ఆయన పేరు మాత్రం ఇప్పటికీ భారత ఎన్నికల చరిత్రలో ప్రత్యేకంగానే నిలిచిపోయింది.ఇదీ చదవండి: లడాఖ్‌ పాపాల భైరవుడు అమిత్‌ షానే!

న్యూఢిల్లీ: సామాజిక కార్యకర్త సోనమ్ వాంగ్‌చుక్ కేంద్ర ప్రభుత్వంపై సంచలన ఆరోపణలు చేశారు. ప్రభుత్వానికి వ్యతిరేకంగా మాట్లాడుతున్న తనను 'ఎన్‌కౌంటర్' చేసి చంపేస్తారేమోనంటూ ఆయన భయాందోళన వ్యక్తం చేశారు.గతేడాది సెప్టెంబర్ 24న లడాక్‌కు ప్రత్యేక రాష్ట్ర హోదా ,ఆరవ షెడ్యూల్ రక్షణల కోసం చేపట్టిన నిరసనల్లో నలుగురు వ్యక్తులు ప్రాణాలు కోల్పోయారు. ఆ ఘటనకు నైతిక బాధ్యత వహిస్తూ కేంద్ర హోంమంత్రి అమిత్ షా వెంటనే రాజీనామా చేయాలని వాంగ్‌చుక్ డిమాండ్ చేశారు.నాటి ఘటనకు ఏడాది పూర్తయిన సందర్భంగా నిర్వహించిన ఒక సభలో ఆయన మాట్లాడుతూ, పోలీసుల కాల్పులపై న్యాయ విచారణ జరిపి ఆ నివేదికను వెంటనే బహిర్గతం చేయాలని కోరారు. ఒకవేళ నివేదికను విడుదల చేయకపోతే, పోలీసుల కాల్పులపై విచారణ జరపడానికి స్వతంత్రంగా "ప్రజల ట్రైబ్యునల్ ఏర్పాటు చేస్తామని హెచ్చరించారు.తన ప్రాణాలకు ముప్పు ఉందని హెచ్చరికలు అందాయని, ఏ పరిణామం ఎదుర్కొనేందుకైనా తాను సిద్ధంగా ఉన్నానని వాంగ్‌చుక్ పేర్కొన్నారు. "వారు నన్ను ఇప్పటికే జైలులో పెట్టారు. ఇప్పుడు నన్ను ఎక్కడైనా ఎన్‌కౌంటర్ చేసే అవకాశం కూడా ఉంది. 'మిమ్మల్ని ఎన్‌కౌంటర్ చేస్తారు' అని నాతో అంటున్నారు. ఒకవేళ అదే జరిగితే జరగనివ్వండి అప్పుడైనా దేశం మేల్కొంటుంది అని ఆయన ఆవేదన వ్యక్తం చేశారు.అమిత్ షాపై విమర్శలులడాక్ ఆందోళనలో మృతి చెందిన ఘటనకు అమిత్ షానే రాజకీయంగా బాధ్యత వహించాలని వాంగ్‌చుక్ అన్నారు. నేను లడాక్ నుండి ఈరోజు చెబుతున్నాను అమిత్ షా రాజీనామా చేయాలి. లడాక్‌లో జరిగిన దానికి ఆయన బాధ్యత వహించాలి అని డిమాండ్ చేశారు. స్థానిక యువతపై భద్రతా సిబ్బంది ఏకే 47 వంటి ఆటోమేటిక్ ఆయుధాలను ఉపయోగించారని, ఆ తర్వాత ఆ యువకులను దేశద్రోహులుగా ముద్రవేశారని ఆయన ఆరోపించారు.న్యూఢిల్లీలోని జంతర్ మంతర్ వద్ద విద్యార్థులపై జరిగిన పోలీసుల చర్యలపై కాంగ్రెస్ నేత రాహుల్ గాంధీ అమిత్ షా రాజీనామాను కోరడాన్ని వాంగ్‌చుక్ ప్రస్తావించారు. తాను ఆ డిమాండ్‌కు మద్దతు ఇస్తున్నానని, అయితే లడాక్ విషయంలో రాహుల్ గాంధీ మౌనం వహించడంపై ఆయన ఆశ్చర్యం వ్యక్తం చేశారు. లడాక్‌కు ఒక వైపు చైనా, మరో వైపు భారత్ ఉన్నాయి. భారత్‌లో ప్రజాస్వామ్యం ఉందని, మనం తలెత్తుకుని బతకగలమని నమ్మి లడాక్ భారత్‌ను ఎంచుకుంది. కానీ ఈరోజు లడాక్‌పై ఎలాంటి అణచివేత సాగుతోందంటే, నా దృష్టిలో కనీసం చైనా కూడా టిబెట్‌పై ఇలాంటి చర్యలకు పాల్పడటం లేదు అని ఆయన తీవ్రంగా ఆవేదన వ్యక్తం చేశారు.

వినియోగదారుల ఆరోగ్యాన్ని కాపాడేందుకు, ఆహార పదార్థాల్లో నాణ్యతా ప్రమాణాలు పెంచేందుకు భారత ఆహార భద్రత, ప్రమాణాల ప్రాధికార సంస్థ (ఎఫ్‌ఎస్‌ఎస్‌ఏఐ) మరో కీలక అడుగు వేసింది. పాలు, పాల పదార్థాలతో కాకుండా వెజిటబుల్ ఆయిల్స్, స్టార్చ్‌లతో తయారుచేసే అనలాగ్ పన్నీర్ ఉత్పత్తి, విక్రయాలపై దేశవ్యాప్తంగా నిషేధం విధించేందుకు ముసాయిదా నిబంధనలను విడుదల చేసింది.‘పన్నీర్’ పేరు వాడితే చర్యలు!పాలు, పాల పదార్థాలతో కాకుండా తయారుచేసే కృత్రిమ ఉత్పత్తులకు ఇకపై ‘పన్నీర్’ అనే పేరును ఉపయోగించకూడదని ఎఫ్‌ఎస్‌ఎస్‌ఏఐ ప్రతిపాదించింది. ‘అనలాగ్ ఇన్ డెయిరీ కాంటెక్స్ట్’ కింద లైసెన్సులు పొందిన సంస్థలు తమ ఉత్పత్తుల లేబుళ్లు, మార్కెటింగ్ ప్రచారాల్లో ‘పన్నీర్’ అనే పదాన్ని పూర్తిగా తొలగించాలి. ఆహార భద్రత ప్రామాణిక (అమ్మకాల నిషేధ, పరిమితులు) సవరణ నిబంధనలు-2026 ముసాయిదాపై వాటాదారులు, ప్రజాభిప్రాయాల సేకరణకు 60 రోజుల వ్యవధి కేటాయించారు.క్షేత్రస్థాయి పరిస్థితి.. నిషేధాలుమార్కెట్లలోనూ, హోటళ్లలోనూ పాలతో చేసిన అసలైన పన్నీర్‌కు బదులుగా పామాయిల్, వృక్ష సంబంధిత కొవ్వులు, రసాయనాలతో తయారుచేసిన అనలాగ్ ఉత్పత్తుల వినియోగం విపరీతంగా పెరిగింది. ఇది తక్కువ ధరకు లభించడంతో హోటళ్లు, రెస్టారెంట్లు ఎక్కువగా వినియోగిస్తున్నాయి. ఇది వినియోగదారులను మోసం చేయడమే కాకుండా ఆరోగ్యంపై దుష్ప్రభావం చూపుతోంది.ఇప్పటికే మహారాష్ట్ర, గుజరాత్ వంటి రాష్ట్రాలు ప్రజారోగ్య ప్రయోజనాలను దృష్టిలో ఉంచుకుని అనలాగ్ పన్నీర్ విక్రయాలపై నిషేధం విధించగా ప్రముఖ ఫుడ్ డెలివరీ యాప్ జొమాటో కూడా తమ ప్లాట్‌ఫామ్‌లో అనలాగ్ డెయిరీ పదార్థాలను వాడే రెస్టారెంట్లను తొలగిస్తామని ప్రకటించింది. కేంద్ర నియంత్రణ సంస్థ తీసుకోబోతున్న ఈ నిర్ణయంతో నిజమైన పాల ఉత్పత్తిదారులు, డెయిరీ రైతులకు మేలు జరగనుంది.ఇదీ చదవండి: భారత్‌లో అత్యంత సంపన్న నటులు వీరే..

తమిళనాట ఉప ఎన్నికల వేడి పీక్స్‌కు చేరుతోంది. అక్టోబర్‌ 6న మదురాంతకం, ధారాపురం అసెంబ్లీ స్థానాలకు పోలింగ్‌ జరగనున్న వేళ.. సీఎం, టీవీకే అధినేత విజయ్‌ నేరుగా రంగంలోకి దిగారు. ఎన్నికల ప్రచారాన్ని బూత్‌ స్థాయికి తీసుకెళ్లాలని నిర్ణయించిన విజయ్‌.. శుక్రవారం మదురాంతకంలో పార్టీ బూత్‌ స్థాయి నేతలతో ప్రత్యేకంగా సమావేశం కానున్నారు. మధ్యాహ్నం 3 గంటలకు జరిగే ఈ భేటీలో క్షేత్రస్థాయి ప్రచారం, ఓటర్లను కలిసే విధానం, స్థానిక సమస్యలపై పార్టీ శ్రేణులకు దిశానిర్దేశం చేయనున్నారు.కాగా, ఉపఎన్నికలు ఇప్పుడు రాష్ట్ర రాజకీయాల్లో హాట్‌టాపిక్‌గా మారాయి. అధికారంలోకి వచ్చిన తర్వాత టీవీకే అధినేత, సీఎం విజయ్‌కు ఇవే తొలి ఉపఎన్నికలు కావడంతో ఆసక్తి మరింత పెరిగింది. మరోవైపు డీఎంకే అభ్యర్థులను ప్రకటించి రంగంలోకి దిగగా.. అన్నాడీఎంకే తనకు చేజారిన రెండు సీట్లను తిరిగి దక్కించుకునేందుకు ప్రచారాన్ని ముమ్మరం చేస్తోంది. మదురాంతకం నుంచి టీవీకే తరఫున కే. మరగతం కుమారవేల్‌, ధారాపురం నుంచి పి. సత్యబామను బరిలోకి దించింది. వీరిద్దరూ 2026 అసెంబ్లీ ఎన్నికల్లో అన్నాడీఎంకే తరఫున గెలిచిన తర్వాత ఎమ్మెల్యే పదవులకు రాజీనామా చేసి టీవీకేలో చేరారు. ఆ రాజీనామాల కారణంగానే ఈ రెండు స్థానాలకు ఉపఎన్నికలు వచ్చాయి. ఇప్పుడు అదే నియోజకవర్గాల నుంచి టీవీకే అభ్యర్థులుగా మళ్లీ పోటీ చేస్తున్నారు. ఈ ఉపఎన్నిక టీవీకేకు కీలక రాజకీయ సందర్భంగా మారింది. అక్టోబర్‌ 6న మదురాంతకంతో పాటు ధారాపురంలోనూ ఉపఎన్నిక జరగనుంది.ఇక, బూత్‌ ఏజెంట్ల సమావేశంలో మంత్రి ఎన్‌. ఆనంద్‌, మంత్రి ఆదవ్‌ అర్జున్‌ కూడా పాల్గొన్నారు. ప్రజా సమస్యల పరిష్కారంపై పార్టీ శ్రేణులకు దిశానిర్దేశం చేశారు. రోడ్లు, తాగునీరు వంటి ప్రాథమిక సమస్యలను గుర్తించి ఇంటింటికీ వెళ్లి ప్రజలను కలవాలని ఆనంద్‌ సూచించారు. అవసరాలను తెలుసుకునేందుకు మంత్రులు తమకు కేటాయించిన నియోజకవర్గాల్లో రెండు, మూడు రోజులపాటు ఎమ్మెల్యేలతో కలిసి ఉండి.. ప్రత్యేకంగా ఫిర్యాదులను పరిష్కరించనున్నారు.డీఎంకే నుంచి గట్టి పోటీ..టీవీకేకు పోటీగా డీఎంకే కూడా రెండు స్థానాల్లో అభ్యర్థులను ప్రకటించింది. మదురాంతకం నుంచి ఐ. పరంధామన్‌, ధారాపురం నుంచి ఎస్‌. సుగన్యను బరిలోకి దించింది. దీంతో రెండు నియోజకవర్గాల్లోనూ టీవీకే, డీఎంకే మధ్య నేరుగా పోటీ నెలకొంది.అన్నాడీఎంకేకు మరో లెక్క..ఇక ఈ రెండు సీట్లు గత అసెంబ్లీ ఎన్నికల్లో అన్నాడీఎంకే గెలుచుకున్నవే. ఆ పార్టీకి చెందిన ఇద్దరు ఎమ్మెల్యేలు టీవీకేలో చేరడంతో ఉపఎన్నికలు అనివార్యమయ్యాయి. దీంతో కోల్పోయిన స్థానాలను తిరిగి సాధించడంపై అన్నాడీఎంకే ఫోకస్‌ పెట్టింది. మదురాంతకంలో ఎస్‌. కనితా సంపత్‌, ధారాపురంలో కే. బానుమతిని అభ్యర్థులుగా నిలబెట్టింది. పార్టీ ప్రధాన కార్యదర్శి ఎడప్పాడి కె. పళనిస్వామి కూడా రెండు నియోజకవర్గాల్లో ప్రచారం చేయనున్నారు.అసలు పోరు ఇక్కడే..ఈ రెండు ఉపఎన్నికల్లో మూడు పార్టీలకు మూడు వేర్వేరు రాజకీయ లెక్కలు ఉన్నాయి. టీవీకేకు కొత్తగా ఏర్పడిన ప్రభుత్వంపై ప్రజా స్పందనను ఎన్నికల ద్వారా ఎదుర్కొనే అవకాశం ఉండగా.. డీఎంకే తన రాజకీయ ఉనికిని చాటుకునేందుకు బరిలో ఉంది. అన్నాడీఎంకే మాత్రం తన నుంచి వెళ్లిన మాజీ ఎమ్మెల్యేలు ఇప్పుడు టీవీకే తరఫున పోటీ చేస్తున్న నియోజకవర్గాల్లో తిరిగి పోటీ చేస్తోంది. ఇదే అంశం ప్రచారంలో ప్రధాన రాజకీయ అంశంగా మారింది. ఇక, మదురాంతకం, ధారాపురం రెండూ ఎస్సీ రిజర్వ్‌డ్‌ నియోజకవర్గాలు. అక్టోబర్‌ 6న పోలింగ్‌, అక్టోబర్‌ 9న ఓట్ల లెక్కింపు జరగనుంది. ఇదీ చదవండి: తమిళనాడు ఎప్‌స్టీన్‌ కేసులో కీలక పరిణామాలు

ప్రపంచ విత్తన వాణిజ్యంలో ప్రస్తుతం ఒక శాతంగానున్న భారత్‌ వాటాను 2035 నాటికి పది శాతానికి పెంచాలనేది తమ లక్ష్యమని భారత విత్తన పరిశ్రమల సమాఖ్య (ఫెడరేషన్‌ ఆఫ్‌ సీడ్‌ ఇండస్ట్రీ ఆఫ్‌ ఇండియా–ఎఫ్‌ఎస్‌ఐఐ) ప్రకటించింది. నూనెగింజలు, పప్పుధాన్యాల వంటి కీలక పంటలలో దేశీయ ఆవిష్కరణలను, స్వయం సమృద్ధిని బలోపేతం చేయాలని భావిస్తున్నట్లు వెల్లడించింది. ఎఫ్‌ఎస్‌ఐఐ పదో వార్షిక సర్వసభ్య సమావేశం ఢిల్లీలో గురువారం జరిగింది.ఈ సందర్భంగా ఎఫ్‌ఎస్‌ఐఐ చైర్మన్, సావన్నా సీడ్స్‌ సీఈవో అజయ్‌ రాణా మాట్లాడుతూ, ప్రస్తుతం ప్రపంచ విపణిలో భారత్‌ విత్తన పరిశ్రమ విలువ 3.6 బిలియన్‌ డాలర్లు (సుమారు రూ.34.5 వేల కోట్లు) ఉందని, ఇది 2030 నాటికి 5 బిలియన్‌ డాలర్ల (సుమారు రూ.48 వేల కోట్లు) స్థాయికి చేరుతుందని ఆశాభావం వ్యక్తం చేశారు. గ్లోబల్‌ సీడ్‌ మార్కెట్‌లో భారత్‌ ప్రధాన శక్తిగా ఎదిగేందుకు అవసరమైన శాస్త్ర విజ్ఞానం, ప్రతిభతో పాటు మానవ వనరులు మనకు పుష్కలంగా ఉన్నాయని వివరించారు. నూతన విత్తన రకాలు, సాంకేతికతకు త్వరితగతిన అనుమతులు ఇచ్చేలా దేశమంతటా ఒకేవిధమైన నియంత్రణ వ్యవస్థ ఉండాలని కోరారు. నూతన విత్తన రకాలకు బలమైన మేధోసంపత్తి హక్కుల రక్షణ కల్పించాలని, ఇది కంపెనీలు దీర్ఘకాలిక పెట్టుబడులు పెట్టడానికి నమ్మకాన్ని ఇస్తుందని అన్నారు.నేషనల్‌ ఫార్మర్స్‌ ఎంపవర్‌మెంట్‌ ఇనిషియేటివ్‌ (ఎన్‌ఎఫ్‌ఈఐ) కన్వీనర్‌ కిషోర్‌ జైస్వాల్‌ మాట్లాడుతూ, ప్రపంచ దేశాల రైతులతో సమానంగా మన రైతులకు కూడా ఆధునిక విత్తన సాంకేతిక నైపుణ్యాలు అందుబాటులోకి రావాలని ఆకాంక్షించారు. ఈ సందర్భంగా సత్‌గురు మేనేజ్‌మెంట్‌ కన్సల్టెంట్స్, నెదర్లాండ్స్‌ విదేశాంగ మంత్రిత్వ శాఖ సంయుక్తంగా రూపొందించిన ‘ట్రాన్స్‌ఫర్మేషన్‌ ఆఫ్‌ ఇండియాస్‌ వెజిటబుల్‌ సీడ్‌ సెక్టార్‌’ నివేదిక వివరాలను డాక్టర్‌ కె.విజయరాఘవన్‌ ఆవిష్కరించారు. ఈ సమావేశంలో ఎఫ్‌ఎస్‌ఐఐ డైరెక్టర్‌ జనరల్‌ డాక్టర్‌ పరేష్‌ వర్మ, ఢిల్లీలోని నెదర్లాండ్స్‌ రాయబార కార్యాలయ అగ్రికల్చర్‌ కౌన్సెలర్‌ మేరియన్‌ వాన్‌ షేక్, డాక్టర్‌ మనీష్‌ దివాన్‌ తదితరులు పాల్గొన్నారు.ఇదీ చదవండి: భారత్‌లో అత్యంత సంపన్న నటులు వీరే..

కర్ణాటక: మొబైల్‌ఫోన్‌ కొందరి చేతుల్లో వినాశకరంగా మారుతోంది. ఇట్టే నేరాలకు పాల్పడుతూ ఇతరుల కుటుంబాలను నాశనం చేస్తున్నారు. జిల్లాలోని హుణసూరు తాలూకాలోని లక్కనకొప్పలు గ్రామంలో ఒక మహిళ పురుగుల మందు తాగి ఆత్మహత్య చేసుకుంది. వివరాలు.. కాంత, ఎం.ఆర్‌.సంధ్య భార్యాభర్తలు, కూలిపనులు చేసుకుంటూ జీవించేవారు. వికాస్‌ అనే గ్రామస్తుడు ఆమె ఫోటోలను సేకరించి అసభ్యంగా తయారుచేసి బ్లాక్‌మెయిల్‌ చేశాడని చెబుతున్నారు. మొబైల్‌ ద్వారా అశ్లీల సందేశాలను పంపేవాడు. అతని వేధింపులను భరించలేక సంధ్య పురుగుల మందు తాగి ప్రాణాలు తీసుకుంది. భర్త ఫిర్యాదు మేరకు బిళికెరె పోలీసులు వికాస్, కుమార్, వసంత్‌లపై ఎఫ్‌ఐఆర్‌ నమోదు చేశారు. వికాస్‌ పరారు కావడంతో గాలిస్తున్నారు. నిందితున్ని అరెస్టు చేసేంతవరకు పోస్టుమార్టంకు ఒప్పుకునేది లేదని కుటుంబ సభ్యులు, గ్రామస్తులు ధర్నా చేయడంతో ఉద్రిక్తత నెలకొంది.

తమిళనాడులో ప్రముఖ గ్రానైట్‌ వ్యాపారవేత్త ఆర్‌.వీరమణిపై నమోదైన పోక్సో కేసు రోజుకో మలుపు తిరుగుతోంది. మైనర్లపై లైంగిక వేధింపుల ఆరోపణలతో వెలుగులోకి వచ్చిన ఈ వ్యవహారం ‘తమిళనాడు ఎప్‌స్టీన్‌ కేసు’గా చర్చనీయాంశమైంది. బాలికలపై లైంగిక దాడుల ఆరోపణలతో వీరమణి, ఆయన సహచరులు అరెస్టు కాగా.. గతంలో ఈ కేసును దర్యాప్తు చేసిన పోలీసుల పాత్రపైనా ఇప్పుడు విచారణ జరుగుతోంది. ఇదే సమయంలో కేసుకు కేంద్రంగా ఉన్న వీడియోను ఓ జాతీయ మీడియా సంస్థ తాజాగా బయటపెట్టడంతో వ్యవహారం మరింత సంచలనంగా మారింది.వీరమణి(84)పై ఆరోపణలకు కీలక ఆధారంగా పేర్కొంటున్న వీడియోను జాతీయ మీడియా సంస్థ యాక్సెస్‌ చేసి ప్రసారం చేసింది. అందులో ఓ బాలికతో ఆయన ఉన్నట్లు దృశ్యాలు చూపించింది. ఈ వీడియోను 2025 అక్టోబర్‌లోనే ఓ కాంగ్రెస్‌ నేత పోలీసులకు అందించినట్లు వెల్లడించింది. అయితే ఆ సమయంలో అధికారులు తగిన చర్యలు తీసుకోలేదని ఆయన ఆరోపించారు. మరోవైపు వీడియో స్పష్టత, ప్రామాణికతపై డీఎంకే ప్రశ్నలు లేవనెత్తింది. ఈ వీడియో వెలుగులోకి రావడంతో అప్పటి దర్యాప్తులో ఏం జరిగింది? పోలీసులకు ఆధారాలు అందినప్పటికీ కేసు ఎందుకు ముందుకు సాగలేదు? అన్న ప్రశ్నలు మరోసారి తెరపైకి వచ్చాయి.పెన్‌డ్రైవ్‌తో మొదలై.. క్లోజర్‌ రిపోర్ట్‌ వరకు2025 అక్టోబర్‌లో ఓ స్వచ్ఛంద సంస్థకు గుర్తుతెలియని వ్యక్తి పెన్‌డ్రైవ్‌, లేఖ అందజేయడంతో ఈ వ్యవహారం వెలుగులోకి వచ్చింది. అందులో ఓ బాలికపై లైంగిక దాడికి సంబంధించిన వీడియో ఉందని పేర్కొంటూ వీరమణి పేరు ప్రస్తావించారు. అనంతరం పోలీసులు కేసు నమోదు చేసి దర్యాప్తు ప్రారంభించారు.సుమారు ఐదు నెలల విచారణ అనంతరం పోలీసులు క్లోజర్‌ రిపోర్టు దాఖలు చేశారు. వీడియోలో కనిపిస్తున్న బాలికను గుర్తించలేకపోవడం, ఒరిజినల్‌ వీడియో లభించకపోవడం, తగిన ఆధారాలు లేకపోవడం వంటి కారణాలను అందులో పేర్కొన్నారు. అయితే ప్రత్యేక పోక్సో కోర్టు ఈ క్లోజర్‌ రిపోర్టును అంగీకరించలేదు. మరింత దర్యాప్తు చేయాలని ఆదేశించింది.కోర్టు ఆదేశాలతో కేసులో కీలక మలుపుకోర్టు ఆదేశాల తర్వాత దర్యాప్తు వేగం పుంజుకుంది. వీడియోలో కనిపించిన బాలికను పోలీసులు గుర్తించి.. ఆమె వాంగ్మూలాన్ని మేజిస్ట్రేట్‌ ముందు నమోదు చేశారు. ఆ తర్వాత దర్యాప్తు విస్తరించడంతో మరికొందరు బాధితులు కూడా వెలుగులోకి వచ్చినట్లు పోలీసులు తెలిపారు. ఇప్పటివరకు ఏడుగురికి పైగా బాధితులను గుర్తించినట్లు తాజా నివేదికలు పేర్కొంటున్నాయి. ఈ కేసులో వీరమణితో పాటు శాంతి, మహేంద్ర సిమ్హన్‌లను పోలీసులు అరెస్టు చేశారు. మరో మాజీ ఉద్యోగి గణేశన్‌ను కూడా డిజిటల్‌ ఆధారాల వ్యవహారంలో అరెస్టు చేసినట్లు జాతీయ మీడియా నివేదించింది.పాత దర్యాప్తుపైనే ఇప్పుడు ఫోకస్‌కేసు ఇక్కడితో ఆగలేదు. తొలుత దర్యాప్తు చేసిన పోలీసు అధికారుల వ్యవహారంపైనా అధికారులు దృష్టి పెట్టారు. అప్పట్లో కేసును ఎందుకు మూసివేయాలని నిర్ణయించారు? ఆధారాలు అందుబాటులో ఉన్నప్పటికీ దర్యాప్తు ఎందుకు ముందుకు సాగలేదు? తదితర అంశాలను పరిశీలిస్తున్నారు. పాత దర్యాప్తులో వ్యవహరించిన సీనియర్‌ పోలీసు అధికారులకు సమన్లు జారీ చేసినట్లు సమాచారం. అదే సమయంలో వీరమణికి సంబంధించిన కార్యాలయాలు, గెస్ట్‌హౌస్‌ తదితర ప్రాంతాల్లో సోదాలు నిర్వహించారు. కేసుతో సంబంధం ఉన్నట్లు అనుమానిస్తున్న మరికొందరి పాత్రపైనా దర్యాప్తు కొనసాగుతోంది.విజయ్‌ సర్కార్‌ చర్యలుకేసు తీవ్రత పెరగడంతో తమిళనాడు ముఖ్యమంత్రి విజయ్‌ ప్రభుత్వం దర్యాప్తులో ఎలాంటి లోపాలకు తావులేకుండా చూడాలని ఆదేశించింది. గత దర్యాప్తులో ఎవరైనా నిర్లక్ష్యం వహించారా? కేసును బలహీనపరిచే ప్రయత్నం జరిగిందా? అన్న కోణాల్లోనూ విచారణ సాగుతోంది. పోలీసు వ్యవస్థలోని అధికారుల పాత్రపై కూడా సమీక్ష మొదలైంది. దీంతో ఈ కేసు కేవలం నిందితులపై దర్యాప్తుకే పరిమితం కాకుండా.. గతంలో కేసును హ్యాండిల్‌ చేసిన తీరుపైనా విచారణ జరుగుతున్న వ్యవహారంగా మారింది.విజయ్‌ సర్కార్‌పై స్టాలిన్‌ రిప్లైఇదిలా ఉండగా.. కేసును అడ్డుకున్నారంటూ గత డీఎంకే ప్రభుత్వంపై టీవీకే వర్గాల నుంచి ఆరోపణలు రావడంతో రాజకీయ దుమారం మొదలైంది. వీరమణిని కాపాడాలని తమ ప్రభుత్వం ఎలాంటి ఆదేశాలు ఇవ్వలేదని డీఎంకే అధినేత ఎంకే స్టాలిన్‌ స్పష్టం చేశారు. తనపై, తమ ప్రభుత్వంపై వస్తున్న ఆరోపణలు అసత్యం, పరువు నష్టం కలిగించేలా ఉన్నాయని ఆయన పేర్కొన్నారు. అంతేకాదు.. బాలికలకు న్యాయం జరగడమే ఈ వ్యవహారంలో అందరి ప్రధాన లక్ష్యం కావాలని స్టాలిన్‌ పేర్కొన్నారు. దీంతో వీరమణి కేసు ఇప్పుడు క్రిమినల్‌ దర్యాప్తుతో పాటు తమిళనాడు రాజకీయాల్లోనూ ప్రధాన చర్చగా మారింది.అసలు ప్రశ్నలివే..ఇప్పుడు ఈ కేసులో అసలు ప్రశ్నలు ఎన్నో ఉన్నాయి. పోలీసులకు వీడియో ఎప్పుడు చేరింది? ఆధారాలు ఉన్నప్పటికీ తొలి దర్యాప్తు క్లోజర్‌ రిపోర్టు వరకు ఎందుకు వెళ్లింది? కోర్టు ఆదేశాల తర్వాతే బాధితులను గుర్తించే దిశగా దర్యాప్తు ఎలా ముందుకు సాగింది? ఈ అంశాలపై విజయ్‌ సర్కార్‌ దృష్టి సారించడంతో పాత దర్యాప్తు తీరుపైనా విచారణ జరుగుతోంది. మరోవైపు వీరమణిని కాపాడారన్న ఆరోపణలను స్టాలిన్‌ ఖండిస్తూ.. తమ ప్రభుత్వం ఎలాంటి ఆదేశాలు ఇవ్వలేదని స్పష్టం చేశారు. దీంతో నిందితులపై కేసు దర్యాప్తుతో పాటు.. గతంలో ఈ వ్యవహారాన్ని పోలీసులు ఎలా నిర్వహించారన్నది కూడా ఇప్పుడు కీలకంగా మారింది.ఇదీ చదవండి: విద్యార్థుల మెనూలోకి బీఫ్‌

న్యూఢిల్లీ/రాయ్‌పూర్‌: ఆన్‌లైన్‌లో బెట్టింగ్‌ కార్యకలాపాలకు పాల్పడే మహాదేవ్‌ యాప్‌ ఇప్పటికీ యాక్టివ్‌గానే ఉందని ఎన్‌ఫోర్స్‌మెంట్‌ డైరెక్టరేట్‌(ఈడీ) తెలిపింది. ప్రధాన యాప్‌తోపాటు దాని అనుబంధ యాప్‌లు కలిసి గత పదేళ్లలో రూ.94 వేల కోట్లకు పైగా అక్రమంగా బెట్టింగ్‌ల ద్వారా దండుకున్నాయని వివరించింది. ఈ మేరకు ఈడీ ఛత్తీస్‌గఢ్‌ రాయ్‌పూర్‌లోని ప్రత్యేక పీఎంఎల్‌ఏ కోర్టులో ఇటీవల తన ఆరో చార్జిషీట్‌ను దాఖలు చేసింది. ఇందులో 42 మంది వ్యక్తులు, సంస్థలను నిందితులుగా పేర్కొంది. మహాదేవ్‌ యాప్‌ విదేశాల నుంచి చట్టవిరుద్ధంగా నిర్వహించే బెట్టింగ్‌ వెబ్‌సైట్‌ల సముదాయమని తెలిపింది. దీని ప్రధాన నిర్వాహకులు, ప్యానెల్‌ సభ్యులు ఛత్తీస్‌గఢ్‌కు చెందినవారని పేర్కొంది. మహాదేవ్‌ ఆన్‌లైన్‌ బుక్‌’గా కూడా పిలువబడే ఈ యాప్, వాట్సాప్, టెలిగ్రామ్‌ గ్రూప్‌లు, ఫేస్‌బుక్‌ పేజీల ద్వారా ప్రచారం చేస్తోందని, త్వరగా డబ్బు సంపాదించవచ్చని ఆశచూపి వేలాది మంది యువకులను ఆకర్షిస్తోందని ఈడీ పేర్కొంది.

సాక్షి, న్యూఢిల్లీ: కాంగ్రెస్‌ అత్యున్నత నిర్ణాయక మండలి సీడబ్ల్యూసీ ఈనెల 29వ తేదీన సమావేశం కానుంది. కేంద్ర ఎన్నికల సంఘం(సీఈసీ) పనితీరు, ఓటరు జాబితా ప్రత్యేక సమగ్ర సవరణ (సర్‌)పై వివాదం కొనసాగుతున్న నేపథ్యంలో జరగనున్న ఈ భేటీ ప్రాధాన్యం సంతరించుకుంది. ఈసీ తీరుపై వెల్లువెత్తుతున్న తీవ్ర అభ్యంతరాలపై సీడబ్ల్యూసీ కూలంకషంగా చర్చించనుందని పార్టీ వర్గాలు తెలిపాయి. పార్టీ అనుసరించాల్సిన వ్యూహంతో పాటు ప్రస్తుత రాజకీయ పరిస్థితులు, రానున్న అసెంబ్లీ ఎన్నికల సన్నద్ధత అంశాలు కూడా చర్చకు వచ్చే అవకాశం ఉందని తెలుస్తోంది. కేంద్ర ఎన్నికల కమిషనర్లు సుఖ్‌బీర్‌ సింగ్‌ సంధు, వివేక్‌ జోషి గత 10 నెలల్లో కనీసం 14 సందర్భాల్లో ఓటర్ల జాబితా, సర్, ఎన్నికల సాఫ్ట్‌వేర్, ఓటర్ల నమోదుకు సంబంధించిన నిర్ణయాలపై అభ్యంతరాలు వ్యక్తం చేసినట్లు వస్తున్న కథనాలు ప్రస్తుతం సంచలనంగా మారాయి. అదేవిధంగా, కొత్త ఓటర్ల నమోదుకు ఉపయోగించే ఫారం–6లో సర్‌కు సంబంధించిన కొత్త వివరాలను చేర్చడంపైనా ప్రస్తుతం వివాదం నెలకొంది. ఈ పరిణామాల నేపథ్యంలో 29న జరిగే సీడబ్ల్యూసీలో కాంగ్రెస్‌ ప్రకటించనున్న కార్యాచరణపై రాజకీయ వర్గాలు ఆసక్తిగా ఎదురుచూస్తున్నాయి.

కోల్‌కతా: బెంగాల్‌ సీఎం సువేందు అధికారి అధికార దుర్వినియోగానికి పాల్పడ్డారని, తప్పుడు కేసులతో తన భర్తను జైలులో పెట్టించారని నందిగ్రామ్‌ ఉప ఎన్నిక కాంగ్రెస్‌ అభ్యర్థి మిలన్‌ ప్రధాన్‌ భార్య అర్పిత ఆరోపించారు. గురువారం ఆమె కోల్‌కతాలోని కాంగ్రెస్‌ ప్రధాన కార్యాలయంలో మీడియాతో మాట్లాడారు. దాదాపు 20 ఏళ్లనాటి పాత కేసులో సరిగ్గా ఉప ఎన్నికకు ముందు అరెస్ట్‌ చేయడమేంటని పోలీసులను ఆమె ప్రశ్నించారు. ఆ కేసులో సీఎం అధికారి పేరు కూడా ఉందని, ఆయన్నెందుకు వదిలేశారంటూ నిలదీశారు. అసలైన దోషి సువేందు అధికారి సీఎం పదవిలో ఉన్నందునే స్వేచ్ఛగా తిరుగుతున్నారంటూ మండిపడ్డారు. తన కుమార్తెతో కలిసి నందిగ్రామ్‌లో ఈ నెల 25వ తేదీ నుంచి మిలన్‌ ప్రధాన్‌ తరఫున ప్రచారం చేపడతానని అరి్పత వెల్లడించారు. ప్రస్తుత పరిస్థితుల కారణంగా తమ కుమార్తె స్కూలుకు కూడా వెళ్లలేకపోతోందంటూ ఆమె కన్నీటి పర్యంతమయ్యారు. రాష్ట్రంలో ఎక్కడా స్వేచ్ఛ అనేది కనిపించడం లేదని, మనం ఇప్పటికీ బ్రిటిష్‌ పాలనలో ఉన్నట్లే కనిపిస్తోందన్నారు. జైలులో ఉన్న అభ్యర్థి మిలన్‌ ప్రధాన్‌కు మద్దతుగా నిలిచిన కాంగ్రెస్‌ నేత రాహుల్‌ గాం«దీ, మాజీ సీఎం మమతా బెనర్జీకి ఆమె కృతజ్ఞతలు తెలిపారు. బీజేపీపై జరుగుతున్న పోరాటంలో తమతో చేతులు కలపాలని ఆమె అన్ని ప్రతిపక్షాలకు విజ్ఞప్తి చేశారు. మిలన్‌ను పోటీ చేయనివ్వాలి: కలకత్తా హైకోర్టు ధర్మాసనాలు మిలన్‌ ప్రధాన్‌ పెట్టుకున్న బెయిల్‌ పిటిషన్లపై గురువారం విచారణ చేపట్టిన కలకత్తా హైకోర్టులోని రెండు ధర్మాసనాలు నందిగ్రామ్‌ ఉప ఎన్నికలో మిలన్‌ను పోటీ చేయనివ్వాలంటూ అభిప్రాయం వ్యక్తం చేశాయి. తనపై నమోదైన నాలుగు కేసుల్లో బెయిలివ్వాలంటూ మిలన్‌ పెట్టుకున్న అర్జీని జస్టిస్‌ తీర్థంకర్‌ ఘోష్, జస్టిస్‌ సౌగతా భట్టాచార్య సారథ్యంలోని రెండు ధర్మాసనాలు విచారించి పైవిధంగా అభిప్రాయం తెలిపాయి. మిలన్‌ బెయిల్‌ పిటిషన్‌పై శుక్రవారం జరిగే విచారణ సమయానికి అభిప్రాయం తెలపాలని రాష్ట్ర ప్రభుత్వాన్ని కోరాయి. నందిగ్రామ్‌ ఉప ఎన్నిక ప్రచారం అక్టోబర్‌ 4వ తేదీతో ముగియనుండగా పోలింగ్‌ 6వ తేదీన జరగనుంది. దిగువ కోర్టు మిలన్‌ ప్రధాన్‌కు అక్టోబర్‌ 7వ తేదీ వరకు జ్యుడీషియల్‌ రిమాండ్‌ను అనుమతించింది.

సాక్షి, న్యూఢిల్లీ: చిన్నారుల లైంగిక దోపిడీ, అశ్లీల చిత్రాల (సీఎస్‌ఈఏఎం) కట్టడికి తీసుకున్న చర్యలను తెలపాలంటూ సుప్రీంకోర్టు గురువారం కేంద్ర ప్రభుత్వాన్ని ఆదేశించింది. ఇదే చివరి అవకాశమని కూడా కేంద్రప్రభుత్వాన్ని హెచ్చరించింది. కేంద్ర ఎల్రక్టానిక్స్, ఇన్ఫర్మేషన్‌ టెక్నాలజీ శాఖ, న్యాయ శాఖలకు ఆగస్ట్‌ 14న నోటీసులిచ్చినా ఇప్పటికీ అఫిడవిట్‌ వేయకపోవడంపై తీవ్ర అసంతృప్తి వ్యక్తం చేసింది. జస్ట్‌ రైట్స్‌ ఫర్‌ చిల్డ్రన్ అలయన్స్‌ (జేఆర్‌సీఏ) వేసిన పిటిషన్‌ను జస్టిస్‌ జేబీ పార్దివాలా, జస్టిస్‌ కె.వినోద్‌ చంద్రన్‌ల ధర్మాసనం విచారించింది. సామాజిక మాధ్యమాల్లో చైల్డ్‌ పోర్న్‌ కంటెంట్‌ను నిరోధించడంలో, అధికారులకు నివేదించడంలో విఫలమైన సంస్థలపై క్రిమినల్‌ చర్యలు తీసుకోవాలని జేఆర్‌సీఏ కోరింది. చిన్నారుల అశ్లీల చిత్రాలకు సంబంధించి 2024లో సుప్రీంకోర్టు ఇచ్చిన తీర్పును సోషల్‌ మీడియా వేదికలు ఏమాత్రం పాటించడం లేదని జేఆర్‌సీఏ పేర్కొంది. వాదనల సందర్భంగా అదనపు సొలిసిటర్‌ జనరల్‌ (ఏఎస్‌జీ) కేఎం నటరాజ్‌ స్పందిస్తూ ఈ సమస్యను కేంద్ర ప్రభుత్వం తీవ్రంగా పరిగణిస్తోందని వివరించారు. ఇప్పటికే ఒక కంపెనీకి నోటీసులు జారీ చేసి, చర్యలు ప్రారంభించినట్లు నివేదించారు. 2024నాటి తీర్పులో ఏముంది? 2024 సెప్టెంబర్‌లో ఇచ్చిన తీర్పు ప్రకారం.. సామాజిక మాధ్యమాల్లో చిన్నారుల అశ్లీల కంటెంట్‌ కనిపిస్తే కచ్చితంగా ప్రొటెక్షన్‌ ఆఫ్‌ చిల్డ్రన్ ఫ్రమ్‌ సెక్సువల్‌ అఫెన్సెస్‌ (పోక్సో) చట్టం కింద పోలీసులకు ఫిర్యాదు చేయాలి. అయితే ఆ నిబంధనలు క్షేత్రస్థాయిలో పూర్తి స్థాయిలో అమలు కావడం లేదని జేఆర్‌సీఏ పేర్కొంది. బీబీసీ కథనం చెప్పిందిదే.. ఇన్‌స్టా గ్రామ్‌లో చిన్నారుల అశ్లీల చిత్రాలకు సంబంధించిన పెయిడ్‌ ప్రకటనలు వస్తున్నాయని, వాటి ద్వారా టెలిగ్రామ్‌ ఛానళ్లకు వినియోగదారులను మళ్లించి అశ్లీల చిత్రాలను విక్రయిస్తున్నారని ఇటీవల బీబీసీలో ఒక కథనం ప్రచురితమైంది. ఈ వ్యవహారంపై బీబీసీకి మెటా సంస్థ ప్రతినిధులు బదులిస్తూ.. అటువంటి కంటెంట్‌ కనిపిస్తే అమెరికాకు చెందిన నేషనల్‌ సెంటర్‌ ఫర్‌ మిస్సింగ్‌ అండ్‌ ఎక్స్‌ప్లాయిటెడ్‌ చిల్డ్రన్ (ఎన్‌సీఎంఈసీ)కి రిపోర్ట్‌ చేస్తున్నట్లు తెలిపారు. అయితే పోక్సో చట్టం, సుప్రీంకోర్టు తీర్పు ప్రకారం భారతీయ స్థానిక పోలీసులకు లేదా స్పెషల్‌ జువైనల్‌ పోలీస్‌ యూనిట్‌కు ఫిర్యాదు చేసినట్లు బీబీసీ కథనంలో ఎక్కడా ప్రస్తావించలేదు. ఈ అంశాన్ని పిటిషన్‌లో ప్రధానంగా లేవనెత్తారు. వాదనలు విన్న ధర్మాసనం ఈ కేసు తదుపరి విచారణను అక్టోబర్‌ 15కు వాయిదా వేసింది.

న్యూఢిల్లీ: ప్రజల ఓటు హక్కును కాలరాసినందుకు ప్రధాని నరేంద్ర మోదీ, కేంద్ర హోంశాఖ మంత్రి అమిత్‌ షా, ప్రధాన ఎన్నికల కమిషనర్‌(సీఈసీ) జ్ఞానేశ్‌ కుమార్‌ ముమ్మాటికీ దేశద్రోహులేనని కాంగ్రెస్‌ పార్టీ అగ్రనేత రాహుల్‌ గాంధీ తీవ్రస్థాయిలో మండిపడ్డారు. ఓటు హక్కుపై దాడి చేస్తూ, ప్రజాస్వామ్య వ్యవస్థలను మూలాల నుంచే ధ్వంసం చేసేవారు దేశద్రోహులే అవుతారని పేర్కొన్నారు. సీఈసీ పదవికి జ్ఞానేశ్‌ కుమార్‌వెంటనే రాజీనామా చేయాలని, అప్రూవర్‌గా మారాలని డిమాండ్‌ చేశారు. ఓట్ల చోరీ జరుగుతోందన్న విషయాన్ని అంగీకరించడం ద్వారా ఎన్నికల కమిషనర్లు సుఖ్‌బీర్‌ సింగ్‌ సంధూ, వివేక్‌ జోషీ మంచి పని చేశారని ప్రశంసించారు. 2024 లోక్‌సభ ఎన్నికల్లో రిగ్గింగ్‌ జరిగిందని ఆరోపించారు. ఎన్నికలు పూర్తిగా బూటకం అంటూ ధ్వజమెత్తారు. అంతకు ముందు జరిగిన ఎన్నికలు కూడా బూటకమేనని, అసెంబ్లీ ఎన్నికల్లో కూడా రిగ్గింగ్‌ జరిగిందని అన్నారు. దీనికి ఆధారాలు కూడా ఉన్నాయని చెప్పారు. మోదీ, అమిత్‌ షాలు విచారణ ఎదుర్కోక తప్పదని తేల్చిచెప్పారు. సీఈసీ చేసిన పని కచ్చితంగా దేశ వ్యతిరేక చర్య అని స్పష్టంచేశారు. రాహుల్‌ గాంధీ గురువారం మీడియా సమావేశంలో మాట్లాడారు. ప్రజల ఓట్లను తొలగించడం రాజ్యాంగంపై, చట్టపరమైన వ్యవస్థపై జరిగిన దాడిగా అభివరి్ణంచారు. వారు కుట్రదారులు.. వీరు పావులు ‘కుట్రదారులు’అనే శీర్షికతో మోదీ, అమిత్‌ షా, పారిశ్రామికవేత్త గౌతమ్‌ అదానీ, ఆర్‌ఎస్‌ఎస్‌ చీఫ్‌ మోహన్‌ భాగవత్, జాతీయ భద్రతా సలహాదారు అజిత్‌ దోవల్, ప్రధానమంత్రి ముఖ్య కార్యదర్శి పి.కె.మిశ్రా, జ్ఞానేష్‌ కుమార్‌ చిత్రాలను తెరపై రాహుల్‌ గాంధీ ప్రదర్శించారు. ‘పావులు’అనే శీర్షిక కింద ఆర్థిక మంత్రి నిర్మలా సీతారామన్, విద్యాశాఖ మాజీ మంత్రి ధర్మేంద్ర ప్రధాన్, పీయూష్‌ గోయల్‌ చిత్రాలను ప్రదర్శించారు. అలాగే, కొన్ని వీడియోలను కూడా ప్రదర్శించారు. మోదీ, అమిత్‌ షాల మాటల ధోరణిని గమనించాలని ప్రజలను కోరారు. బీజేపీ 30 ఏళ్లపాటు అధికారంలో ఉంటుందని అమిత్‌ షా చెప్పడం, ‘అబ్‌ కీ బార్‌ 400 పార్‌’అనే నినాదాన్ని ప్రధానమంత్రి వినిపించడం ఈ వీడియోల్లో కనిపిస్తోంది. ప్రజాస్వామ్య వాతావరణంలో పనిచేసే ఏ రాజకీయ నాయకుడూ ఇటువంటి వ్యాఖ్యలు చేయలేరని రాహుల్‌ గాంధీ అన్నారు. ఓట్ల చోరీ నుంచి కానూన్‌ చోరీఎన్నికల ప్రక్రియలో జరిగిన అవకతవకలు పార్లమెంట్‌లో చేసిన చట్టాల చట్టబద్ధతను ప్రశ్నార్థకంగా మారుస్తున్నాయని రాహుల్‌ ఆందోళన వ్యక్తంచేశారు. ఓట్ల చోరీ నుంచి కానూన్‌(చట్టం) చోరీ, ఆ తర్వాత సంస్థల చోరీ పుట్టుకొస్తాయని అన్నారు. ఈ రోజు ఓటు పోయిందంటే చట్టాలు చేసే వ్యవస్థ కూడా పోయినట్లేనని తెలిపారు. ‘‘కుట్రదారులు ఓట్లను దొంగిలించారు, ఆ ఓట్ల దొంగతనం ద్వారా చట్టాలను దొంగిలించారు, దేశంలోని వ్యవస్థలను దొంగిలించారు. అంతేకాదు, ఓట్ల దొంగతనం తర్వాత చేసిన చట్టాలు చట్టవిరుద్ధమైనవి’’అని స్పష్టంచేశారు. ఓట్ల చోరీ ద్వారా పార్లమెంట్‌కు ఎన్నికైన చట్టసభ సభ్యులు చేసిన ఏ చట్టమైనా, ఏ సంస్థాగత మార్పు అయినా చట్టవిరుద్ధమే అవుతుందన్నారు. ఓటు అనేది మన దేశానికి పునాది అని తెలిపారు. ఎన్నికల సంఘంలో అంతర్గత విభేదాల గురించి ప్రస్తావించారు. ఓటు వ్యవస్థ దెబ్బతింటోందని అన్నారు. ఇది కేవలం ఓటుపై దాడి మాత్రమే కాదని, ప్రతి భారతీయుడి భావ వ్యక్తీకరణపై జరిగిన దాడి అని స్పష్టంచేశారు.