Dr B R Ambedkar Konaseema

అమలాపురంరూరల్‌: జాతిపిత మహాత్మా గాంధీ సేవలు చిరస్మరణీయమని జిల్లా కలెక్టర్‌ ఆర్‌.మహేష్‌ కుమార్‌ అన్నారు. శుక్రవారం కలెక్టరేట్‌ ప్రాంగణంలో జాతిపిత మహాత్మాగాంధీ విగ్రహానికి అధికారులతో కలసి పూలమాలలు వేసి ఘనంగా నివాళులర్పించారు. ఈ సందర్భంగా కలెక్టర్‌ మాట్లాడుతూ నేటి విద్యార్థులు, యువతరం బాపూజీ ఆదర్శాలను స్వీకరించి, దేశ సంక్షేమానికి దోహదపడాలని కోరారు. గాంధీజీ విద్య, పారిశుధ్యం, గ్రామీణాభివృద్ధి, మహిళా సాధికారతకు ప్రత్యేక ప్రాధాన్యత ఇచ్చారని తెలిపారు. స్వాతంత్య్ర సంగ్రామంలో మహాత్మా గాంధీ చూపిన సత్యం, అహింస అనే మార్గాలు ప్రపంచానికే ఆదర్శంగా నిలిచాయని కొనియాడారు. గాంధీజీ కలలుగన్న గ్రామ స్వరాజ్యం, స్వచ్ఛత సాధన దిశగా ప్రతి ఒక్కరూ అడుగులు వేయాలని పిలుపునిచ్చారు. బాపూ ఆశయాలను స్మరిస్తూ, ఆయన చూపిన బాటలో నడవడమే ఆయనకు ఇచ్చే నిజమైన నివాళి అని కలెక్టర్‌ తెలిపారు. ఈ కార్యక్రమంలో డీఆర్‌ఓ వి.సుబ్బారావు, అముడా చైర్మన్‌ అల్లాడ స్వామి నాయుడు, ఏవో కె.నాగలక్ష్మమ్మ, వివిధ శాఖల ప్రభుత్వ అధికారులు, సిబ్బంది పెద్ద సంఖ్యలో పాల్గొని మహాత్మునికి అంజలి ఘటించారు. లాల్‌ బహదూర్‌ శాస్త్రి ఆశయాలు, ఆదర్శాలు స్ఫూర్తిదాయకం భారత మాజీ ప్రధాన మంత్రి, స్వాతంత్య్ర సమరయోధుడు లాల్‌ బహదూర్‌ శాస్త్రి జయంతి జరుపుకోవడం చాలా సంతోషదాయకమని జిల్లా కలెక్టర్‌ ఆర్‌.మహేష్‌ కుమార్‌ తెలిపారు. ఈదరపల్లిలో హనుమాన్‌ థియేటర్‌ వద్ద పట్టణ నాయీ బ్రాహ్మణ సేవా సంఘం కమ్యూనిటీ హాల్‌లో శుక్రవారం లాల్‌ బహదూర్‌ శాస్త్రి విగ్రహానికి పూలమాల వేసి ఘనంగా నివాళులర్పించారు. ఈ కార్యక్రమంలో నాయీ బ్రాహ్మణ సేవా సంఘం రాష్ట్ర ఉపాధ్యక్షుడు పి.శ్రీనివాస్‌ తదితరులు పాల్గొన్నారు. కలెక్టర్‌ ఆర్‌.మహేష్‌ కుమార్‌

ఇద్దరు మహిళలకు తీవ్రగాయాలు పూసపాటిరేగ: విజయనగరం జిల్లా పూసపాటిరేగ మండలం కోనాడ జంక్షన్‌ సమీపంలో జాతీయ రహదారిపై శుక్రవారం మధ్యాహ్నం కారు టైర్‌ పంక్చర్‌ కావడంతో పల్టీలు కొడుతూ సుమారు 50 అడుగుల దూరంలో ఎగిరి పడింది. ఈ ఘటనలో కారులో ప్రయాణిస్తున్న ఇద్దరు మహిళలకు తీవ్ర గాయాలయ్యాయి. రాజమహేంద్రవరం నుంచి ఉదయం 9 గంటల సమయంలో కారులో తమ స్వగ్రామమైన శ్రీకాకుళం జిల్లా కవిటి మండలం బొరివంక గ్రామానికి కుటుంబంతో గున్న రామానందం, భార్య గున్న లక్ష్మీబాయి, కుమార్తె గున్న శృతి కాత్యాయిని, కుమారుడు వెంకటసాయి సుమంత్‌లు బయల్దేరారు. పూసపాటిరేగ మండలం కోనాడ జంక్షన్‌ సమీపంలో జాతీయ రహదారిపైకి వచ్చేసరికి కారు ముందు టైర్‌ పంక్చరై పేలిపోవడంతో డివైడర్‌ను ఢీకొని రోడ్డు రెయిలింగ్‌ దాటి సుమారు 50 అడుగుల దూరంలో కారు పడింది. దీంతో వెనకసీటులో ఉన్న లక్ష్మీబాయికి, ఆమె కుమార్తె శృతి కాత్యాయిని తలకు బలమైన గాయాలయ్యాయి. వారిని విజయనగరంలో ఓ ప్రైవేట్‌ ఆస్పత్రికి చికిత్స నిమిత్తం తరలించారు. తూర్పుగోదావరి జిల్లా వెంకటరామన్నగూడెం వైఎస్సార్‌ హార్టికల్చర్‌ యూనివర్సిటీలో రీసెర్చ్‌ డైరెక్టర్‌గా రామానందం పనిచేస్తున్నారు. కుమార్తె శృతి కాత్యాయిని హామియోపతి డాక్టర్‌ కోర్సు పూర్తిచేశారు. కుమారుడు వెంకటసాయి సుమంత్‌ సాఫ్ట్‌వేర్‌ ఇంజినీర్‌గా పనిచేస్తున్నారు.

కె.గంగవరం: పొలంలో పురుగు మందు పిచికారీ చేస్తూ అస్వస్థతకు గురై కౌలు రైతు ప్రాణాలు కోల్పోయిన ఘటన కె.గంగవరం మండలంలో చోటుచేసుకుంది. అముజూరుకు చెందిన గెద్దాడ సతీష్‌ ఆటో నడుపుకొంటూ కొద్దిపాటి భూమి కౌలుకు తీసుకుని వ్యవసాయం చేస్తున్నాడు. శుక్రవారం పొలంలో పురుగు మందు పిచికారీ చేస్తూ ఉండగా ఒక్కసారిగా స్పృహతప్పి పడిపోయాడు. స్థానికులు గమనించి రామచంద్రపురం ఏరియా ఆసుపత్రికి తరలించారు. వైద్యులు పరీక్షించి అప్పటికే మృతి చెందినట్లు ధ్రువీకరించారు. ఎస్సై గుబ్బల సోమేంద్ర ఘటనా స్థలాన్ని పరిశీలించి కేసు నమోదు చేశారు. గెద్దాడ సతీష్‌ వైఎస్సార్‌ సీపీలో ఉన్నారు. ఆయన మరణ వార్త విని పార్టీ నియోజకవర్గ కోఆర్డినేటర్‌ పిల్లి సూర్యప్రకాశ్‌ ఏరియా ఆసుపత్రికి చేరుకుని సతీష్‌ భౌతిక కాయానికి పూలమాల వేసి నివాళులు అర్పించారు. సతీష్‌కి భార్య, ఇద్దరు పిల్లలు ఉన్నారు.

● పెద్దపులి సమస్యపై గిరిజనుల గగ్గోలు ● భీతిల్లుతున్న గిరిజన గ్రామాలు ● అటవీ అధికారుల అనాలోచిత నిర్ణయంతో ఇబ్బందులు రంపచోడవరం: మన్యంలో పెద్దపులి గిరిజనులకు పెద్ద సమస్యగా మారింది. ఎప్పుడు ఎక్కడ ఉంటుందో, ఏం జరుగుతుందో అనే ఆందోళన ఆదివాసీలను వెంటాడుతూనే ఉంది. నిన్న మొన్నటి వరకు రాజవొమ్మంగి పరిసర అటవీ ప్రాంతంలో ఉన్న పెద్దపులి, గంగవరం అటవీ ప్రాంతం నుంచి రంపచోడవరం మీదుగా దేవీపట్నం మండలంలోకి చేరింది. కొండమొదలు గ్రామ సమీపాన పాపికొండలు నేషనల్‌ పార్కు పరిధిలో వదిలిన మరుసటి రోజు నుంచి వెనుదిరిగి రామన్నవలస, సున్నంపాడు మీదుగా రంప, పెద్దకొండ గ్రామానికి చేరుకొంది. అక్కడ నుంచి రాజవొమ్మంగి, ఏలేరు ప్రాజెక్టు సమీపాన సంచరించింది. పెద్దపులి ప్రస్తుతం తన పరిధిలోని ఏర్పాటు చేసుకొంది. ఇప్పటి అనేక పశువులపై దాడి చేసి హతమార్చింది. పాపికొండల్లో వదిపెట్టిన పులి తమ గ్రామాల సమీపానికి వచ్చి పెద్ద సమస్యగా మారిందని గిరిజనులు గగ్గోలు పెడుతున్నారు. సాయంత్రం ఆరు గంటల వరకు.. ఉభయగోదావరి జిల్లాల్లోకి పులి ప్రవేశించి ఐదారు నెలలు దాటింది. వరదలు తగ్గిన తరువాత గోదావరి ఈదుకుంటూ దేవీపట్నం ముంపు ప్రాంతానికి పెద్ద పులి చేరుకొంది. తరువాత అక్కడ నుంచి రాజవొమ్మంగి ప్రాంతానికి వెళ్లింది. అక్కడ పుశువులపై దాడి చేసింది. పులి దాడిలో తమ పశు సంపద నాశనమైయ్యే పరిస్థితి వస్తోందని గిరిజనులు ఆందోళన వ్యక్తం చేస్తున్నారు. ప్రస్తుతం పెద్దపులి నాగళ్లపల్లి ప్రాంతంలో ఉంది. వరద నీరు ఉండడంతో దండంగి నుంచి పోశమ్మగండి రోడ్డు, పోలవరం పవర్‌ ప్రాజెక్టు మీదుగా పురుషోత్తపట్నం వెళ్లే రోడ్డు వైపు వెళ్లే అవకాశం లేదు. గతంలో పులి కదలికలపై ప్రత్యేక బృందాలు పనిచేసేవి. పులి కదలికలను ఎప్పటికప్పుడు రికార్డు చేసి, సమీప గ్రామాల వారిని అప్రమత్తం చేసేవారు. తాజాగా పెద్ద పులి దేవీపట్నం మండలం నాగళ్లపల్లి–గొందూరు మధ్య ఉన్నట్లు అటవీ అధికారులు చెబుతున్నారు. అయితే పులి కదలికపై ఆయా సెక్షన్‌ల అటవీ అధికారులు, సిబ్బంది పర్యవేక్షిస్తున్నారు. సాయంత్రం ఆరు గంటల వరకు పులి కదలికలపై ట్రాకర్‌ ద్వారా గుర్తించి స్థానికులను అప్రమత్తం చేస్తున్నారు. ఆరు గంటల తరువాత పులి కదలికలపై ఎటువంటి సమాచారం ప్రజలకు తెలిసే అవకాశం లేదు. గతంలో గంగంపాలెం వద్ద ఆరు లేగ దూడలను పెద్దపులి హతమార్చింది. ప్రస్తుతం పులి దాడిలో ఎన్ని పశువులు హతమవుతాయో అనే ఆందోళన గిరిజనులు వ్యక్తం చేస్తున్నారు. ఒక పక్క నేషనల్‌ పార్కు పరిధిలో ఉన్న గిరిజన గ్రామాల వారు తమను గ్రామాల నుంచి వెళ్లగొట్టేందుకు పులిని వదిలిపెట్టారని ఆరోపిస్తున్నారు. అటవీ అధికారులు జంతువులను వదిలిపెట్టిన గ్రామాలను ఖాళీ చేసే ప్రసక్తే లేదని చెబుతున్నారు. గిరిజనుల సంక్షేమం చూడాల్సిన ఐటీడీఏ అధికారులు నేషనల్‌ పార్కు వలన గిరిజనులకు కలిగి నష్టంపై కనీసం అవగాహన కల్పించడం లేదు. వారికి అండగా నిలిచేందుకు ప్రయత్నం చేయకపోవడం శోచనీయం.

సిలిండర్‌ను తొలగించడంతో తప్పిన పెను ప్రమాదం ప్రత్తిపాడు రూరల్‌: మండలంలోని ధర్మవరం గ్రామంలో పానీపూరి బండి నుంచి ఒక్కసారిగా మంటలు చెలరేగడంతో స్థానికులు, ప్రయాణికులు భయాందోళనకు గురయ్యారు. సాయంత్రం వేళ కావడంతో పానీపూరి బండి వద్ద వినియోగదారులు గుమిగూడగా.. అదే సమయంలో రహదారిపై వాహనాల రాకపోకలు కొనసాగుతున్నాయి. అంతా ప్రశాంతంగా ఉందనుకునేలోపే ఒక్కసారిగా పెద్ద ఎత్తున మంటలు ఎగిసిపడి క్షణాల్లో బండి మొత్తానికి వ్యాపించాయి. మంటలను చూసిన స్థానికులు, వాహనదారులు భయంతో పరుగులు తీశారు. పరిస్థితిని గమనించిన స్థానికులు వెంటనే అప్రమత్తమై సమీపంలోని నీరు, ఇసుకతో మంటలను అదుపు చేసేందుకు ప్రయత్నించారు. ఈ క్రమంలో గ్యాస్‌ సిలిండర్‌ను సకాలంలో సురక్షితంగా వేరు చేయడంతో పెను ప్రమాదం తప్పింది. దీంతో అక్కడున్న వారు ఊపిరిపీల్చుకున్నారు. ఈ ఘటనలో పానీపూరి బండి పూర్తిగా దగ్ధమైంది.

మాజీ ఎంపీ పిల్లి సుభాష్‌ చంద్రబోస్‌కె.గంగవరం: బీసీలకు 34 శాతం రిజర్వేషన్ల పేరుతో రాష్ట్ర ముఖ్యమంత్రి చంద్రబాబునాయుడు ఆడుతున్నవి ఎన్నికల డ్రామాలని మాజీ ఎంపీ పిల్లి సుభాష్‌చంద్రబోస్‌ విమర్శించారు. శుక్రవారం ఆయన స్థానిక విలేకరులతో మాట్లాడుతూ బాబుకు నిజంగా బీసీల పట్ల చిత్తశుద్ధి ఉంటే తన మద్దతుతో కేంద్రంలో కొనసాగుతున్న ప్రభుత్వాన్ని ఒప్పించి రాజ్యాంగ సవరణ చేయించాలని డిమాండ్‌ చేశారు. బీసీలకు 34 శాతం రిజర్వేషన్ల జీవో కోర్టుల్లో నిలబడదని తెలిసే.. స్థానిక ఎన్నికల సమయంలో బీసీలను మభ్యపెట్టి ఓట్లు పొందాలని చంద్రబాబు చూస్తున్నారని ఆయన మండిపడ్డారు. బీసీ రిజర్వేషన్ల కోసం 1983లో అప్పటి సీఎం ఎన్టీఆర్‌, వైఎస్సార్‌సీపీ ప్రభుత్వ హయాంలో అప్పటి ముఖ్యమంత్రి వైఎస్‌ జగన్‌మోహన్‌రెడ్డి ప్రయత్నం చేసినా కోర్టులో నిలవలేదన్నారు. కోర్టు అంగీకరించకపోయినా జగన్‌ బీసీలకు ఎక్కువ అవకాశాలు అందించి ప్రజాప్రాతినిధ్యం అందజేశారని ఈ సందర్భంగా లెక్కలతో సహా వివరించారు. హైకోర్టులో కొట్టివేసిన ఈ అంశం సుప్రీంకోర్టులోనూ నిలవదని తెలిసి కూడా చంద్రబాబు ప్రభుత్వం బీసీలను మోసం చేయడానికి ఎన్నికల డ్రామాలు ఆడుతోందని మండిపడ్డారు. కోనసీమకు 67 స్వచ్ఛాంధ్ర అవార్డులు: కలెక్టర్‌ అమలాపురం రూరల్‌: స్వచ్ఛతా రంగంలో అంబేడ్కర్‌ కోనసీమ జిల్లా సత్తా చాటిందని, జిల్లాకు ఏకంగా 67 స్వచ్ఛాంధ్ర అవార్డులు లభించడం గర్వకారణమని జిల్లా కలెక్టర్‌ ఆర్‌.మహేష్‌కుమార్‌ తెలిపారు. శుక్రవారం స్థానిక కలెక్టరేట్‌లో ఎంపీ గంటి హరీష్‌ మాధుర్‌ బాలయోగి, ఎమ్మెల్సీ కుడుపూడి సూర్యనారాయణరావులతో కలసి పురస్కారాలను పంపిణీ చేశారు. ఈ కార్యక్రమంలో అముడా చైర్మన్‌ ఎ.స్వామినాయుడు, డీఆర్‌వో వి.సుబ్బారావు, ఆర్‌డీవో సరళాదేవి, మున్సిపల్‌ కమిషనర్లు నిర్మల్‌ కుమార్‌, రామ్‌రాజ్‌, కలెక్టరేట్‌ సిబ్బంది తదితరులు పాల్గొన్నారు.

కాట్రేనికోన: మోటారు సైక్లిస్టును లారీ ఢీకొనడంతో ఓ వ్యక్తి అక్కడికక్కడే మృతిచెందాడు. పోలీసుల కథనం ప్రకారం.. దొంతికుర్రు మర్ల చెరువుకు చెందిన ఈతకోట శ్రీనివాసరావు (46) మోటారు సైకిల్‌పై శుక్రవారం వస్తుండగా, తిమ్మాపురం సమీపంలో లారీ ఢీకొంది. శ్రీనివాసరావు తలకు బలమైన గాయం కావడంతో 108 అంబులెన్స్‌లో ఆసుపత్రికి తరలించే ప్రయత్నం చేశారు. మార్గం మధ్యలో అతను మరణించినట్లు అంబులెన్స్‌ సిబ్బంది తెలిపారు. మృతుడికి భార్య విజయ కుమారి, పెళ్లిళ్లు కాని ఇరవై ఏళ్లలోపు అబ్బాయి, ఇద్దరు అమ్మాయిలు ఉన్నారు. రోడ్డు ప్రమాదంలో తండ్రి మృత్యుతవాత పడ్డాడనే విషయం తెలియగానే వారు కన్నీరు మున్నీరుగా విలపించారు. సంఘటనా స్థలానికి చేరుకున్న పోలీసులు లారీ డ్రైవర్‌ను అదుపులోకి తీసుకుని విచారణ చేస్తున్నారు. కాటేజీ అద్దె సొమ్ము దేవస్థానానికి జమ! ద్వారకాతిరుమల: చిన వెంకన్న కొండపై ఓ కాంట్రాక్టర్‌కు రెండు రోజుల పాటు ఉచితంగా కాటేజీని కేటాయించిన వ్యవహారంపై ‘సాక్షి’ దినపత్రికలో వరుస కథనాలు రావడంతో దేవస్థానం అధికారులు స్పందించారు. ఆ అద్దెను సంబంధిత కాంట్రాక్టర్‌ ద్వారా శుక్రవారం దేవస్థానం ఖజానాకు జమ చేయించారు. ఆ వివరాల్లోకి వెళితే. అమరావతికి చెందిన ‘సెవెన్‌హిల్స్‌ ఫెసిలిటీ సర్వీసెస్‌ ప్రైవేట్‌ లిమిటెడ్‌’ సంస్థకు చెందిన కాంట్రాక్టర్‌ ఈ నెల 23న సాయంత్రం క్షేత్రానికి వచ్చారు. శ్రీనివాస నిలయం గెస్ట్‌ హౌస్‌లో బస చేసి 25వ తేదీ ఉదయం వరకు అక్కడే ఉన్నారు. అయితే రెండు రోజుల బసకు సంబంధించిన అద్దెను దేవస్థానానికి చెల్లించలేదు. ఇంజినీరింగ్‌ విభాగం ఏఈ ఆదిత్య రిఫరెన్స్‌తో కాంట్రాక్టర్‌కు గెస్ట్‌హౌస్‌ కేటాయించిన విషయం బయట పడటంతో వివాదం మొదలైంది. అద్దె చెల్లింపు అంశం ముగిసినా.. 2022 నుంచి 2025 సెప్టెంబర్‌ నెలాఖరు వరకు స్థానిక దేవస్థానంలో పారిశుధ్య పనులు నిర్వహించిన సదరు కాంట్రాక్టర్‌ కార్మికులకు పీఎఫ్‌ సొమ్ము సక్రమంగా చెల్లించకపోవడం, తదితర ఆరోపణల నేపథ్యంలో రూ.60 లక్షలకు పైగా సొమ్మును ఏడాది నుంచి కాంట్రాక్టర్‌కు చెల్లించకుండా దేవస్థానం నిలిపివేసింది. ఆ సొమ్మును ఎలాగైనా కాంట్రాక్టర్‌కు ముట్టజెప్పేందుకు కొందరు అధికారులు ప్రయత్నాలు సాగిస్తున్నారన్న ఆరోపణలపై ‘సాక్షి’ దినపత్రికలో వరుస కథనాలు వచ్చాయి. ఈ కథనాలపై స్పందించిన దేవస్థానం అధికారులు కాటేజీ అద్దె సొమ్మును కాంట్రాక్టర్‌ నుంచి వసూలు చేయాలని సంబంధిత ఏఈ ఆదిత్యకు సూచించారు. దీంతో ఆయన కాంట్రాక్టర్‌తో మాట్లాడి రూ.6,574ను దేవస్థానానికి జమ చేయించి, ఎంఆర్‌ రసీదు తీసుకున్నారని సంబంధిత సెక్షన్‌ ఏఈఓ ఐ.రమణరాజు తెలిపారు.

వైఎస్సార్‌సీపీ బీసీ అయ్యరక సంఘ రాష్ట్ర అధ్యక్షుడి విమర్శ సామర్లకోట: బీసీలకు 34 శాతం రిజర్వేషన్లు కల్పిస్తామని చెప్పి తీరని ద్రోహం చేసిన చంద్రబాబు ప్రభుత్వం.. ఇప్పుడు మరో మోసానికి సిద్ధ మైందని వైఎస్సార్‌సీపీ బీసీ అయ్యరక సంఘ రాష్ట్ర అధ్యక్షుడు ఆవాల లక్ష్మీనారాయణ ధ్వజమెత్తారు. శుక్రవారం సాయంత్రం ఆయన సామర్లకోటలో విలేకర్లతో మాట్లాడుతూ బీసీలను మభ్యపెట్టడానికి రాష్ట్ర ప్రభుత్వం చేసిన ప్రయత్నం హైకోర్టు తీర్పుతో బెడిసికొట్టిందన్నారు. సుప్రీంకోర్టుకు వెళ్లి రిజర్వేషన్లను సాధిస్తామని చెప్పడం బీసీ సమాజాన్ని మరోసారి వంచించేందుకు కుట్రలు చేయడమేనని ఆగ్రహం వ్యక్తం చేశారు. 1992లో వెలువడిన చరిత్రాత్మక ఇందిరా సహాని కేసు తీర్పు ప్రకారం 50 శాతానికి మించి రిజర్వేషన్లు పెంచడం సాధ్యం కాదని సుప్రీం కోర్టు స్వష్టంగా తేల్చిచెప్పిన విషయాన్ని ఈ సందర్భంగా ఆవాల గుర్తు చేశారు. చట్టపరంగా సాధ్యం కాని విషయాలను సాకుగా చూపిస్తూ, కోర్టుల పేరు చెప్పి కాలయాపన చేస్తూ బీసీల నోట్లో మట్టి కొడుతున్నారని లక్ష్మీనారాయణ ఆగ్రహం వ్యక్తం చేశారు. బీసీలకు 50 ఏళ్లకే పింఛను ఇస్తామని నమ్మించి మోసం చేయడంతో ఆ వర్గం ప్రజలు ప్రభుత్వం పట్ల వ్యతిరేకతతో ఉన్నారని చెప్పారు. దీనిని గమనించిన ప్రభుత్వం బీసీలకు ఎర వేయడానికి ప్రయత్నం చేసిందన్నారు. బీసీలను నమ్మించడానికి ఆడుతున్న నాటకంపై అందరూ ఐక్యంగా ఉండి స్థానిక సంస్థల ఎన్నికల్లో కూటమికి బుద్ధి చెప్పాలని కోరారు. పంచాంగం ప్రత్యక్షంఅన్నవరం: ప్రముఖ పుణ్యక్షేత్రమైన అన్నవరంలోని శ్రీవీర వేంకట సత్యనారాయణ స్వామివారి దేవస్థానం పంచాంగం ఐదు రోజుల తరువాత శుక్రవారం వివిధ వాట్సాప్‌ గ్రూపుల్లో, అధికారిక వెబ్‌సైట్‌లో ప్రత్యక్షమైంది. గత కొన్నేళ్లుగా రోజూ పెడుతున్న దిన పంచాంగం, రోజూ జరిగే కార్యక్రమాల వివరాలు గత ఐదు రోజులుగా పెట్టకపోవడంతో భక్తులు అసంతృప్తి వ్యక్తం చేసిన విషయంపై శుక్రవారం ‘కానరాని దిన పంచాంగం’ శీర్షికన ‘సాక్షి’ వార్త ప్రచురించిన విషయం తెలిసిందే. దీనిపై స్పందించిన ఈఓ నల్లం సూర్యచక్రధరరావు ఆ పంచాంగం పోస్టు చేసే ఉద్యోగిపై తీవ్ర ఆగ్రహం వ్యక్తం చేశారు. ఈ పరిస్థితి పునరావృతమైతే కఠిన చర్యలు తప్పవని హెచ్చరించారు. దీంతో శనివారం దిన పంచాంగం, ఆరోజు దేవస్థానంలో జరిగే కార్యక్రమాల వివరాలను శుక్రవారం వివిధ వాట్సాప్‌ గ్రూపులు, దేవస్థానం వెబ్‌సైట్‌లో పెట్టారు. దీంతో భక్తులు సంతోషం వ్యక్తం చేశారు. అంతర్‌ జిల్లా నేరస్తుడి అరెస్ట్‌ తాడేపల్లిగూడెం: అంతర్‌ జిల్లా నేరస్తుడిని పశ్చిమగోదావరి జిల్లా తాడేపల్లిగూడెం పోలీసులు చాకచక్యంగా అరెస్ట్‌ చేశారు. ఉభయ గోదావరితో పాటు బాపట్ల, గుంటూరు, విజయవాడ, నెల్లూరు, పల్నాడు, కడప జిల్లాల్లో అతనిపై 37 కేసులు ఉన్నాయి. ఈ ఏడాది ఆగస్టులో పెదకాకాని పరిధిలో జరిగిన ఓ చోరీ కేసులో జైలుకు కూడా వెళ్లివచ్చాడు. తాడేపల్లిగూడెంలో కారు చోరీ కేసులో అడ్డంగా బుక్కయ్యాడు. డీఎస్పీ బి.నరసింహారావు శుక్రవారం విలేకరులకు ఈ వివరాలు వెల్లడించారు. ఆత్రేయపురం మండలం అంకంపాలెం గ్రామానికి చెందిన కరుటూరి సూర్యతేజ సెప్టెంబర్‌ 27వ తేదీ రాత్రి పట్టణంలోని సాయిబాబా గుడి ఎదురుగా ఉన్న మెకానిక్‌ షెడ్డులో ప్రవేశించి కారు, నగదు, సీసీ టీవీ డీవీఆర్‌ను అపహరించాడు. ఈ మేరకు పట్టణ పోలీస్‌స్టేషన్‌లో కేసు నమోదైంది. జిల్లా ఎస్పీ అద్నాన్‌ నయీం ఆస్మీ ఆదేశాల మేరకు పట్టణ సీఐ బోఽణం ఆదిప్రసాద్‌ బృందం దర్యాప్తు చేపట్టి ఉంగుటూరు టోల్‌ప్లాజా సమీపంలో నిందితుడిని అదుపులోకి తీసుకున్నారు. విచారణ అనంతరం నిందితుడిపై పెద్దాపురం, ఒంగోలులో షట్టర్‌ పగులగొట్టి చేసిన చోరీలు బయటకు వచ్చాయి. తాడేపల్లిగూడెంలో నమోదైన కేసుకు సంబంధించి కారు, పెద్దాపురంలో కేసుకు సంబంధించి రూ.1,63,581, ఒంగోలులో కేసుకు సంబంధించి రూ.36 వేల నగదు, సీసీ కెమెరాలను స్వాధీనం చేసుకున్నారు. కారు విలువ సుమారు రూ.8 లక్షలు ఉంటుందన్నారు. చాకచక్యంగా వ్యవహరించిన సీఐ ఆదిప్రసాద్‌, కానిస్టేబుళ్లు ఎ.దుర్గాప్రసాద్‌, ఆర్‌.మోహన్‌, ఎంకే రామ్‌కుమార్‌, బి.చైతన్యలను అభినందించారు. ఎస్సైలు బాదం శ్రీనివాసు, నాగరాజు పాల్గొన్నారు.

కాయకష్టం చేసుకుని జీవనం సాగిస్తున్న కార్మికుల పరిస్థితి కడు దుర్భరంగా మారింది.. ఎన్నికల సమయంలో అంత చేస్తాం.. ఇంత చేస్తామని కూటమి నేతలు చెప్పుకొచ్చినా, ఇప్పుడేమో ఆ హామీల మాట మరిచి, కాలకూట విషం కక్కుతున్నారు.. దీనిపై కార్మికుల్లో నిరసన జ్వాలలు రేగుతున్నాయి. సమస్యల పరిష్కారం కోరుతూ ఈ నెల 8న ‘సామూహిక రాయబారం’ పేరుతో నిరసన తెలపనున్నారు. కపిలేశ్వరపురం: గత ఎన్నికల సమయంలో కూటమి నేతలు భవన నిర్మాణ కార్మికులకు ఇచ్చిన హామీలు నీటిమూటలయ్యాయి. సుమారు రెండున్నరేళ్ల చంద్రబాబు ప్రభుత్వ పాలనలో ఆ హామీలు అమలు చేయకుండానే నెట్టుకొచ్చారు. దీనిపై అనేక సార్లు ఉమ్మడి తూర్పుగోదావరి జిల్లాలో భవన నిర్మాణ కార్మికులు వివిధ రూపాల్లో ఆందోళనలు చేపట్టారు. తమ సమస్యలు పరిష్కరించాల్సిన కార్మిక శాఖామంత్రి ఉమ్మడి జిల్లా రామచంద్రవపురంలోనే ఉన్నప్పటికీ ఫలితం లేదని వారు వాపోతున్నారు. ‘చలో కార్మిక శాఖా మంత్రి నివాసం’ కార్యక్రమం ద్వారా ‘సామూహిక రాయబారం’ పేరుతో ఈ నెల 8న ఉమ్మడి జిల్లా వ్యాప్తంగా నిరసనకు భవన నిర్మాణ కార్మికులు సమాయత్తమవుతున్నారు. ఉమ్మడి తూర్పుగోదావరి జిల్లాలో 2019 నాటికి కార్మిక శాఖ లెక్కల్లో భవన నిర్మాణ కార్మికులు 52 రకాల విభాగాల నుంచి అధికారికంగా 2.45 లక్షల మంది ఉండేవారు. ఇది కాస్తా కూటమి పాలనలో నేడు ఆ సంఖ్య 1.05 లక్షలకు తగ్గిపోయింది. బిల్డింగ్‌ వెల్ఫేర్‌ బోర్డు ద్వారా కార్మికులకు అందించే సాయం మొత్తాలను 2016లో నిర్ణయించగా, పదేళ్ల తర్వాత సైతం అవే మొత్తాలను కొనసాగిస్తోంది. తెలంగాణ, కర్ణాటక, తమిళనాడు, కేరళ రాష్ట్రాల్లో ప్రమాద బీమాగా రూ.10 లక్షలు, సహజ మరణానికి రూ. 2 లక్షలు, వివాహ సాయంగా రూ.50 వేలు ఇస్తున్నారు. ఆంధ్రప్రదేశ్‌లో ప్రమాద బీమా, శాశ్వత అంగ వైకల్యానికి సాయం ఇవ్వడం లేదు. ఆయా రాష్ట్రాల్లో వలే పిల్లల చదువులకు ఉపకార వేతనాలు కూటమి ప్రభుత్వం అమలు చేయడం లేదు. పరిహారాల కోసం ఆన్‌లైన్‌లో దరఖాస్తు చేసుకోమని చెబుతుండటంతో ఆ పరిజ్ఞానం లేని కార్మికులు ఇబ్బంది పడుతున్నారు. ‘కూటమి’ వంచన ఇలా.. కూటమి ఎన్నికల హామీలో పేర్కొన్న బిల్డింగ్‌ వెల్ఫేర్‌ బోర్డు పునరుద్ధరణ హామీని కార్మికుల పోరాటాలతో రెండేళ్ల తర్వాత కాని అమలు చేయలేదు. వెల్ఫేర్‌ బోర్డులో 9 రకాల సంక్షేమ పథకాలు ఉన్నప్పటికీ కూటమి ప్రభుత్వం కేవలం ప్రసూతి సహాయం, వివాహ సహాయం, సహజ మరణం పొందినప్పుడు ఇచ్చే సాయం అనే మూడు పథకాలు మాత్రమే అమలు చేస్తుంది. గత వైఎస్సార్‌ సీపీ ప్రభుత్వం కార్మికుని కుటుంబంలో వివాహ సమయంలో రూ.40 వేల ఆర్థిక సాయమందించేది. కూటమి ప్రభుత్వం 2026 మార్చి 1న పత్రికా ప్రకటనలో వివాహ సాయం రూ.40 వేలు ఇస్తున్నట్టు చెప్పినప్పటికీ, ఆచరణలో కేవలం రూ.20 వేలు మాత్రమే ఇస్తున్నారని కార్మిక సంఘ నాయకులు చెబుతున్నారు. డిమాండ్లు ఇవీ... బిల్డింగ్‌ వెల్ఫేర్‌ బోర్డు ద్వారా గతంలో వలే 9 రకాల సంక్షేమ పథకాలు అమలు చేయాలి. పెరిగిన ధరలకు అనుగుణంగా పరిహారాలు పెంచాలి. ప్రమాద బీమా, శాశ్వత అంగవైకల్యం, చిన్నారుల చదువులకు ఉపకార వేతనాలు అమలు చేయాలి. ఉమ్మడి తూర్పుగోదావరి జిల్లాలో సుమారు రూ.5 కోట్ల పెండింగ్‌ పరిహారాలు తక్షణం అందించాలి. కేరళ రాష్ట్రం వలే 50 ఏళ్ల వయస్సు దాటిన వారందరికీ రూ.ఐదు వేలు పెన్షన్‌ ఇవ్వాలి. వెంటాడుతున్న సమస్యలు భవన నిర్మాణ కార్మికుల్లో ఆగ్రహం 8న ‘చలో కార్మిక శాఖామంత్రి నివాసం’ రామచంద్రపురం వెళ్లేందుకు సమాయత్తం ‘సామూహిక రాయబారం’ పేరుతో నిరసన పోరాటమే శరణ్యం ప్రభుత్వానికి అనేక రూపాల్లో మా డిమాండ్లను విన్నవించాం. కార్మిక శాఖా మంత్రి వాసంశెట్టి సుభాష్‌ ఉమ్మడి జిల్లాకు చెందిన వారే కావడంతో సామూహిక రాయభారం పేరుతో రామచంద్రపురంలోని ఆయన నివాసానికి వెళ్లేందుకు నిర్ణయించాం. 8న జరిగే కార్యక్రమాన్ని విజయవంతం చేయాలి. తమ సమస్యలన్నీ పరిష్కరించాలని కోరతాం. – చెక్కల రాజ్‌కుమార్‌, ఉమ్మడి జిల్లా సంక్షేమ బోర్డు స్క్రూట్నీ కమిటీ సభ్యుడు, సీఐటీయూ నాయకుడు, కాకినాడ

● 30 కిలోల గంజాయితో ఆరుగురి అరెస్ట్‌ ● పోలీసుల నుంచి తప్పించుకునేందుకు యత్నించిన వైనం అడ్డతీగల: పోలీసులను చూసి పారిపోయేందుకు ప్రయత్నించారు.. చివరికి గంజాయితో పట్టుబడి కటకటాల పాలయ్యారు. అడ్డతీగల మండలం వేటమామిడి వద్ద వాహన తనిఖీల్లో భాగంగా 30 కిలోల గంజాయితో ఆరుగురిని అరెస్ట్‌ చేసినట్లు రంపచోడవరం డీఎస్పీ అష్రఫ్‌ అలీ శుక్రవారం తెలిపారు. ఈ గంజాయి విలువ రూ.1.50 లక్షలు ఉంటుందని అన్నారు. ఆయన తెలిపిన కథనం ప్రకారం.. గంజాయి రవాణా జరుగుతుందన్న సమాచారం మేరకు గురువారం మధ్యాహ్నం అడ్డతీగల మండలం వేటమామిడి జంక్షన్‌లో సీఐ గజేంద్రకుమార్‌, ఎస్సై వినోద్‌ ఆధ్వర్యంలో సిబ్బంది వాహన తనిఖీలు నిర్వహించారు. వై.రామవరం వైపు నుంచి వస్తున్న రెండు మోటార్‌ సైకిళ్లు, ఓ కారులో వస్తున్న వ్యక్తులు పోలీసు తనిఖీలను గమనించి, వాహనాలను వెనక్కి తిప్పి పారిపోవడానికి ప్రయత్నించారు. అప్రమత్తమైన పోలీసులు ఆ వాహనాల్లో ఉన్న ఆరుగురిని అదుపులోకి తీసుకోగా అరవింద్‌ అనే వ్యక్తి తన వద్ద ఉన్న గంజాయి ఉంచిన బ్యాగ్‌ను పడేసి అడవిలోకి పారిపోయాడు. వాహనాల్లో తనిఖీలు నిర్వహించగా కారు డిక్కీలో, మోటార్‌ సైకిళ్లపై ఉంచిన బ్యాగుల్లో 30 కిలోల గంజాయి పట్టుబడింది. గంజాయి రవాణా చేస్తున్న సునీల్‌ కృష్ణ, చెల్లి సుభాష్‌ మణికంఠ, షేక్‌ షాయిదా, భరత్‌ పుష్పరాజ్‌, గురుప్రసాద్‌ రాము, నాందేటి సందేశ్‌లను అరెస్ట్‌ చేయగా అరవింద్‌తో పాటు ఈ గంజాయి రవాణాతో సంబంధం ఉన్న మున్నా పరారీలో ఉన్నారన్నారు. గంజాయి రవాణాకు ఉపయోగించిన కారు, రెండు మోటార్‌ సైకిళ్లు, నాలుగు మొబైల్‌ ఫోన్లు సీజ్‌ చేశామన్నారు. నేర నేపథ్యం ఇదీ.. కర్ణాటకకు చెందిన సునీల్‌ కృష్ణ, భరత్‌ పుష్పరాజ్‌, గురుప్రసాద్‌ రాము కలసి కృష్ణా జిల్లాకు చెందిన నాందేటి సందేశ్‌, షేక్‌ షాయిదా, సుభాష్‌ మణికంఠల సహాయంతో అల్లూరి జిల్లా గూడెంకొత్తవీధి మండలం ధారకొండ ప్రాంతంలోని మున్నా అనే వ్యక్తి వద్ద రూ.30 వేలకు 30 కిలోల గంజాయి కొనుగోలు చేశారు. ఈ గంజాయిని బెంగళూరు, విజయవాడ ప్రాంతాల్లో ఎక్కువ ధరకు విక్రయించి సొమ్ము చేసుకోవడానికి పథక రచన చేయగా, పోలీసుల వ్యూహంలో చిక్కుకున్నారు.

మలికిపురం: గత నెల 30న రాజమహేంద్రవరం ఆర్ట్స్‌ కాలేజీలో జరిగిన జిల్లా స్థాయి అథ్లెటిక్స్‌ పోటీల్లో బట్టేలంక ఉన్నత పాఠశాల విద్యార్థులు ప్రతిభ కనబరిచారు. అమలదాసు దివ్య డిస్కస్‌త్రోలో, నల్లి శాంతికిరణ్‌ షార్ట్‌ఫుట్‌లో జిల్లా స్థాయిలో బంగారు పతకాలు సాధించి రాష్ట్ర పోటీలకు ఎంపికయ్యారు. వీరిని పలువురు అభినందించారు. అండర్‌–19 క్రికెట్‌ పోటీలకు.. రాజోలు: అండర్‌–19 క్రికెట్‌ పోటీలకు రాజోలుకు చెందిన నల్లి ఆదర్స్‌ ఎంపికయ్యాడు. చిత్తూరు జిల్లా నగరిలో జరిగే పోటీల్లో ఆదర్స్‌ పాల్గొంటాడని కోచ్‌ మట్టా సత్తిబాబు తెలిపారు. ఈ నెల 1న కాకినాడలో జరిగిన అండర్‌–16 క్రికెట్‌ పోటీల్లో ప్రతిభ చూపాడన్నారు. ఆదర్స్‌ తండ్రి ఆనందరావు రాజోలు కోర్టులో అసిస్టెంట్‌ పబ్లిక్‌ ప్రాసిక్యూటర్‌గా, తల్లి నర్సుగా బాధ్యతలు నిర్వహిస్తున్నారు. ఉషు రాష్ట్ర స్థాయి పోటీలకు.. కరప: ఎస్‌జీఎఫ్‌ ఉషు రాష్ట్ర స్థాయి పోటీలకు వేళంగి నర్సు జిల్లా పరిషత్‌ ఉన్నత పాఠశాల విద్యార్థిని డీజీవీ లక్ష్మీప్రియ ఎంపికై నట్టు ఆ పాఠశాల హెచ్‌ఎం ఆర్‌.త్రిమూర్తులు శుక్రవారం తెలిపారు. కాకినాడ డీఎస్‌ఈ గ్రౌండ్‌లో జరిగిన ఉషు అండర్‌–17 విభాగ పోటీల్లో ఆమె ప్రతిభ చూపి రాష్ట్ర పోటీలకు ఎంపికై ందన్నారు. స్కూల్‌ గేమ్స్‌లో.. వీఆర్‌పురం: స్కూల్‌ గేమ్స్‌లో సోములగూడెం ఆశ్రమ పాఠశాల బాలికలు నాలుగు బంగారు పతకాలు సాధించారు. ఇటీవల కాకినాడలో 2026–27 స్కూల్‌ గేమ్స్‌ ఉమ్మడి జిల్లా స్థాయి పోటీలు జరిగాయి. ఇందులో కుస్తీ అండర్‌–17లో 40 కిలోల విభాగంలో పదో తరగతి విద్యార్థిని బి.సరిత, 43 కిలోల విభాగంలో పదో తరగతి విద్యార్థిని బి.శ్రావణి బంగారు పతకాలు సాధించారు. అండర్‌–14 విభాగంలో 30 కిలోల్లో 8వ తరగతి విద్యార్థిని కె.దివ్య, 42 కేజీల్లో 9వ తరగతి విద్యార్థిని కె.సరిత బంగారు పతకాలు దక్కించుకున్నారు. వీరు రాష్ట్ర స్థాయికి ఎంపికయ్యారు. ఫుట్‌బాల్‌ పోటీల్లో 9వ తరగతి విద్యార్థిని కె.సరిత ప్రతిభచాటి, రాష్ట్ర స్థాయికి ఎంపికై ంది. నేడు ఎస్‌జీఎఫ్‌ఐ జిల్లా స్థాయి ఎంపికలు నాగమల్లితోట జంక్షన్‌ (కాకినాడ సిటీ): ఎస్‌జీఎఫ్‌ఐ అండర్‌–14, 17 ఆధ్వర్యంలో శనివారం కాకినాడ జిల్లా క్రీడా మైదానంలో పలు క్రీడాంశాల్లో జిల్లా స్థాయి ఎంపికలు ఉమ్మడి జిల్లా పరిధిలో నిర్వహిస్తున్నట్లు సంఘ కార్యదర్శి పి.శ్రీనివాస్‌ శుక్రవారం తెలిపారు. అండర్‌–14, 17 బాలుర హ్యాండ్‌బాల్‌, అండర్‌–14 బాలురు, బాలికల బ్యాడ్మింటన్‌, అండర్‌–17 బాలురు, బాలికల ఫుట్‌బాల్‌ ఎంపికలు జరుగుతాయన్నారు. అమలాపురంలోని జిల్లా పరిషత్‌ హైస్కూల్‌లో మల్కంబ్‌ అండర్‌–14, 17, 19 బాలురు, బాలికల విభాగంలో నిర్వహిస్తున్నట్లు పేర్కొన్నారు. రేపు సెపక్‌తక్రాకు.. దేవరపల్లి: సెపక్‌తక్రా జిల్లా అసోసియేషన్‌ ఆధ్వర్యంలో ఈ నెల 4న మధ్యాహ్నం 2 గంటలకు దేవరపల్లిలోని అంబటి సత్యనారాయణరావు జిల్లా పరిషత్‌ హైస్కూల్‌ క్రీడా మైదానంలో సెపక్‌తక్రా సీనియర్‌ బాలబాలికల జిల్లా జట్ల ఎంపిక పోటీలు ఉంటాయని చిన్నాయగూడెం వ్యాయామ ఉపాధ్యాయుడు శ్రీనివాస్‌ తెలిపారు.

గత ప్రభుత్వంలో వలంటీర్‌ వ్యవస్థ ద్వారా ప్రజలకు మెరుగైన సేవలు అందాయి. అలాంటి మమ్మల్ని వివిధ పురస్కారాలు, నగదుతో సత్కరించేవారు. గత ఎన్నికల ముందు వలంటీర్లకు రూ.10 వేలు ఇస్తామని చంద్రబాబు హామీ ఇచ్చి, దగా చేశారు. ఈ ప్రభుత్వంలో మమ్మల్ని పూర్తిగా పక్కనబెట్టారు. ఎన్నికల ముందు ఇచ్చిన హామీలను ముఖ్యమంత్రి చంద్రబాబు, ఉప ముఖ్యమంత్రి పవన్‌ కల్యాణ్‌ మరిచిపోయారు. నమ్మించి మోసం చేయడం సరికాదు. – దుడ్డే సత్యసాయికుమార్‌, మాజీ వలంటీర్‌, గాడాల ప్రాణాలకు తెగించి సేవలుకోవిడ్‌ సమయంలో ప్రాణాలకు తెగించి మరీ రోగులకు సేవలు అందించాం. ప్రజలకు, ప్రభుత్వానికి వారధిలా పనిచేశాం. అలాంటి వలంటీర్‌ వ్యవస్థపై కూటమి ప్రభుత్వం నిర్లక్ష్యం ప్రదర్శించడం సరైన విధానం కాదు. మా పట్ల కక్ష వీడి నెలవారీ జీతాలు ఇచ్చే విధంగా మమ్మల్ని తీసుకోవాలి. అప్పుడే ప్రజలకు ప్రభుత్వ పథకాలు దరిచేరి, మేలు జరుగుతుంది. – నాగా నవీన్‌ప్రసాద్‌, మాజీ వలంటీర్‌, నర్సాపురం, కోరుకొండ మండలం

అంబాజీపేట: రాష్ట్ర స్థాయి వెయిట్‌ లిఫ్టింగ్‌ పోటీలకు ముక్కామల జెడ్పీ హైస్కూల్‌ పదో తరగతి విద్యార్థి గుంట్రు దినేష్‌ ప్రసాద్‌ ఎంపికయ్యారు. ప్రధానోపాధ్యాయుడు ఎం.హరిప్రసాద్‌, ఫిజికల్‌ డైరెక్టర్‌ ముత్యాల పవన్‌ కిషోర్‌ గురువారం ఈ విషయం తెలిపారు. కాకినాడ జిల్లా స్పోర్ట్స్‌ అసోసియేషన్‌ క్రీడా ప్రాంగణంలో ఉమ్మడి తూర్పు గోదావరి జిల్లా వెయిట్‌ లిఫ్టింగ్‌ పోటీలు బుధవారం జరిగాయన్నారు. ఇందులో అండర్‌–19 బాలుర 75 కేజీల విభాగంలో దినేష్‌ ప్రసాద్‌ ప్రథమ స్థానం సాధించి రాష్ట్ర స్థాయి పోటీలకు ఎంపికయ్యాడని చెప్పారు. రాష్ట్ర స్థాయి తైక్వాండో పోటీలకు ఎంపిక రాష్ట్ర స్థాయి తైక్వాండో పోటీలకు ఇద్దరు విద్యార్థులు ఎంపికయ్యారని తైక్వాండో సీనియర్‌ కోచ్‌లు పితాని త్రిమూర్తులు, భార్గవి శ్రీకళ తెలిపారు. కాకినాడలో జరిగిన ఉమ్మడి తూర్పు గోదావరి జిల్లా స్కూల్‌ గేమ్స్‌ పోటీల బాలికల విభాగం 44 కేజీల కేటగిరీలో పి.చరణ్యశ్రీ, బాలుర విభాగం 68 కేజీల కేటగిరీలో ఆర్‌హెచ్‌వీ మూర్తి ప్రథమ స్థానం సాధించారన్నారు. పోటీలకు ఎంపికై న విద్యార్థులను ఉపాధ్యాయులు, ప్రజాప్రతినిధులు, తోటి విద్యార్థులు, గ్రామస్తులు అభినందించారు.

అమలాపురం రూరల్‌: తమ న్యాయమైన సమస్యల పరిష్కారం కోరుతూ అమలాపురంలోని కలెక్టరేట్‌ను వీఆర్‌ఏలు ముట్టడించారు. జిల్లాలోని వీఆర్‌లు అమలాపురం నల్ల వంతెన నుంచి కలెక్టరేట్‌ వరకు భారీ ర్యాలీగా తరలివచ్చి, అక్కడ బైటాయించారు. రూ.10,500 వేతనంతో కుటుంబాలను పోషించుకోవడం కష్టంగా మారిందని, పెరుగుతున్న నిత్యావసర ధరలు, పిల్లల విద్య, కుటుంబ ఖర్చులు, వైద్య ఖర్చులు వంటి వాటికి తీవ్ర ఇబ్బందులు ఎదుర్కొంటున్నామని తెలిపారు. గ్రామ స్థాయిలో రెవెన్యూ శాఖకు సంబంధించిన అనేక ముఖ్యమైన పనుల్లో ప్రభుత్వానికి సహకరిస్తూ, ప్రజలకు అధికారులకు మధ్య వారధిగా పనిచేస్తున్నప్పటికీ, తమ సేవలకు తగిన గుర్తింపు లేదని ఆవేదన వ్యక్తం చేశారు. తమ జీతాలను పెంచాలని, ఉద్యోగ భద్రత కల్పించాలని, సీనియారిటీ ఆధారంగా పదోన్నతులు కల్పించాలని, సమస్యలకు శాశ్వత పరిష్కారం చూపాలని డీఆర్‌ఓను సుబ్బారావును కలసి వినతి పత్రం అందించారు. కార్యక్రమంలో సంఘ జిల్లా అధ్యక్షుడు వీరభద్రరావు, డివిజన్‌ అధ్యక్షుడు త్రినాథ్‌, కొత్తపేట డివిజన్‌ అధ్యక్షుడు ఆంజనేయులు, అమలాపురం సంఘ అధ్యక్షుడు మొగలికుదురు లక్ష్మణరావు, మోటూరి ప్రశాంత్‌ కుమార్‌, లూటుకుర్తి విజయ్‌బాబు, మధుర మంగ, మునికోటి వెంకట్రావు తదితరులు పాల్గొన్నారు. గణపతి హుండీ ఆదాయం రూ.17.93 లక్షలు అయినవిల్లి: అయినవిల్లిలోని ప్రసిద్ధి చెందిన శ్రీ విఘ్నేశ్వర స్వామి వారి దేవస్థానంలో చవితి మహోత్సవాల సందర్భంగా 20 రోజుల హుండీ ఆదాయాన్ని గురువారం లెక్కించారు. ఆలయ ప్రధాన హుండీల ద్వారా రూ.17,20,640, ఉత్సవ హుండీ ద్వారా రూ.49,369, అన్నప్రసాదం హుండీ ద్వారా రూ.23,346 కలిపి మొత్తం రూ.17,93,355 నగదు లభించిందని ఆలయ ఈఓ, అసిస్టెంట్‌ కమిషనర్‌ ముదునూరి సత్యనారాయణరాజు తెలిపారు. 1.9 గ్రాముల బంగారం, 19 గ్రాముల వెండి, రెండు విదేశీ కరెన్సీ నోట్లు లభించినట్టు ఆయన చెప్పారు. దేవదాయ శాఖ అమలాపురం తనిఖీదారు జంపా రామలింగేశ్వరరావు పర్యవేక్షణలో ధర్మకర్తల మండలి చైర్మన్‌ విళ్ళ సూర్యనారాయణ (సూరయ్య కాపు), ధర్మకర్తల మండలి సభ్యుల సమక్షంలో హుండీ లెక్కింపు నిర్వహించారు. సత్యదేవుని హుండీ ఆదాయం రూ.1.22 కోట్లు అన్నవరం: ప్రముఖ పుణ్యక్షేత్రమైన అన్నవరంలోని శ్రీ వీర వేంకట సత్యనారాయణ స్వామివారి దేవస్థానానికి గత సెప్టెంబర్‌ మాసానికి గాను హుండీల ద్వారా రూ.1,22,18,492 ఆదాయం సమకూరింది. దేవస్థానంలో స్వామివారి హుండీలను గురువారం తెరిచి భక్తులు సమర్పించిన కానుకలను లెక్కించారు. గత 30 రోజులకు గాను రూ.1,15,72,209 నగదు, రూ.6,46,283 చిల్లర నాణేలు హుండీ ఆదాయం రూపంలో వచ్చినట్టు దేవస్థానం చైర్మన్‌ ఐవీ రోహిత్‌, ఈఓ ఎన్‌.సూర్యచక్రధరరావు తెలిపారు. ఈ నెల రోజుల్లో 15 రోజులు శ్రావణమాసం కాగా, మిగిలిన రోజులు భాద్రపద మాసానికి చెందినవి. భాద్రపదంలో పెద్దగా భక్తులు రాకపోయినా దేవస్థానానికి గణనీయంగా ఆదాయం వచ్చినట్టు వారు వెల్లడించారు. హుండీల ద్వారా బంగారం 29.200 గ్రాములు, వెండి 290 గ్రాములు లభించిందని తెలిపారు. పెద్ద మొత్తంలో విదేశీ కరెన్సీ కూడా లభించిందని, ఖతార్‌ రియల్స్‌ మూడు, యునైటెడ్‌ అరబ్‌ ఎమిరేట్స్‌ దీరామ్స్‌ 35, ఒమెన్‌ రియల్స్‌ ఐదు, యూరోలు ఐదు, అమెరికా డాలర్లు 44, సౌదీ సెంట్రల్‌ బ్యాంక్‌ రియల్స్‌ 20, వియత్నాం డాంగ్స్‌ ఐదు లక్షలు లభించాయని చెప్పారు.

అంబాజీపేట: ఉమ్మడి తూర్పు గోదావరి జిల్లా క్రీడా సమాఖ్య ఆధ్వర్యాన అండర్‌–17 బాలికల ఉమ్మడి జిల్లా క్రికెట్‌ జట్టును గురువారం ఎంపిక చేసినట్లు స్కూల్‌ గేమ్స్‌ ఫెడరేషన్‌ ఆఫ్‌ ఇండియా (ఎస్‌జీఎఫ్‌ఐ) జిల్లా కార్యదర్శులు కె.గణేశ్వరరావు, వైఎస్‌ఎస్‌ ఉషారాణి తెలిపారు. అంబాజీపేట జెడ్పీ హైస్కూల్‌ క్రీడా ప్రాంగణంలో నిర్వహించిన ఈ ఎంపికలను అమలాపురం డీవైఈఓ డీకే కిషోర్‌ కుమార్‌ ప్రారంభించారు. ఆర్‌.నాగకుమార్‌, పి.శ్రీనివాసరెడ్డి, బి.శ్రీను, ధర్మశేఖర్‌, పీడీ కుంపట్ల ఆదిలక్ష్మి పర్యవేక్షనలో ఎంపికలు జరిగాయి. తూర్పు గోదావరి, కాకినాడ, డాక్టర్‌ బీఆర్‌ అంబేడ్కర్‌ కోనసీమ జిల్లాల నుంచి 40 మంది బాలికలు పాల్గొన్నారన్నారు. క్రికెట్‌ జట్టు ఎంపికను హెచ్‌ఎం కడలి సాయిరామ్‌ తదితరులు పరిశీలించారు.

రెగ్యులర్‌ చేయాలి శ్రమ దోపిడికి గురవుతున్న కాంట్రాక్టు ఉద్యోగులందరినీ రెగ్యులర్‌ చేయాలి. గత ఎన్నికల్లో కూటమి పెద్దలు మాకు ఇచ్చిన హామీలను అమలు చేయాలి. ఏళ్ల తరబడి విధులు నిర్వహిస్తూ, ప్రజలకు సేవలందిస్తున్న మాకు సమాన పనికి సమాన వేతనం ఇవ్వకుండా ప్రభుత్వం వేధిస్తోంది. – అజయ్‌, రాష్ట్ర పారా మెడికల్‌ జేఏసీ కన్వీనర్‌, కాకినాడ డిమాండ్లు నెరవేర్చాలి అంగన్‌వాడీ ఉద్యోగుల న్యాయబద్ధమైన డిమాండ్లను రాష్ట్ర ప్రభుత్వం సత్వరం నెరవేర్చాలి. చంద్రబాబు సర్కార్‌ అధికారంలోకి వచ్చిన తరువాత అంగన్‌వాడీలకు ఒక్క పైసా కూడా పెంచకపోవడం దారుణం. సుప్రీంకోర్టు మార్గదర్శకాలకు అనుగుణంగా వేతనాలు చెల్లించాలి. – కృష్ణవేణి, సీఐటీయూ రాష్ట్ర కమిటీ సభ్యురాలు, మండపేట, తూర్పు గోదావరి జిల్లా శ్రమ దోపిడీకి గురవుతున్నాం రెవెన్యూ శాఖలో కీలక బాధ్యతలు నిర్వహిస్తున్న మేము శ్రమ దోపిడీకి గురవుతున్నాం. ప్రభుత్వం మాతో వెట్టిచాకిరీ చేయించుకుంటూ అరకొర వేతనాలు చెల్లిస్తోంది. బహిరంగ విపణిలో పెరుగుతున్న ధరలకు అనుగుణంగా మా వేతనాలు పెంచాలి. ఉద్యోగులందరినీ క్రమబద్ధీకరించాలి. – ప్రసన్న, వీఆర్‌ఏల జిల్లా మహిళా సమాఖ్య సభ్యురాలు, ఆలమూరు తమ డిమాండ్లు నెరవేర్చాలని కోరుతూ ధర్నా చేస్తున్న అంగన్‌వాడీలు (ఫైల్‌) అమలాపురంలోని కలెక్టరేట్‌ వద్ద ఆందోళన చేస్తున్న వీఆర్‌ఏలుఅంగన్‌వాడీల కోర్కెలివీ.. ప్రభుత్వ ఉద్యోగుల మాదిరిగా ప్రతి నెలా ఒకటో తేదీనే జీతాలు చెల్లించాలి. సుప్రీంకోర్టు తీర్పును అనుసరించి ఉద్యోగ భద్రత కల్పించాలి. వర్కర్లకు, హెల్పర్లకు కనీస వేతనాలు పెంచాలి. యాప్‌లన్నీ మిళితం చేసి, వాటి భారం తగ్గించాలి. అంగన్‌వాడీలకు ఇతర శాఖల బాధ్యతలు అప్పగించకూడదు. ఉద్యోగ విరమణ సమయంలో ఇచ్చే ఆర్థిక సాయాన్ని పెంచాలి. వీఆర్‌ఏల డిమాండ్లు తెలంగాణ తరహాలో వీఆర్‌ఏలందరికి పే స్కేల్‌ వర్తింపజేయాలి. నామినీ వీఆర్‌ఏలను రెగ్యులర్‌ వీఆర్‌ఏలుగా గుర్తించాలి. వన్‌టైమ్‌ సెటిల్‌మెంట్‌గా గ్రేడ్‌–3 వీఆర్‌ఓలుగా ఉద్యోగోన్నతులివ్వాలి. కనీస వేతన చట్టం అమలు చేసి, ఉద్యోగ భద్రత కల్పించాలి. రెవెన్యూ శాఖలో 20 శాతంగా ఉన్న అటెండర్‌, నైట్‌ వాచ్‌మెన్‌, డ్రైవర్‌ పోస్టుల్లో ఉద్యోగోన్నతి కోటాను 70 శాతానికి పెంచాలి. కాంట్రాక్టు ఉద్యోగుల విన్నపాలివీ.. సమాన పనికి సమాన వేతనం ఇవ్వాలి. రెగ్యులర్‌ ఉద్యోగుల మాదిరిగానే సౌకర్యాలు కల్పించాలి. ఉచిత ప్రమాద బీమాను రూ.20 లక్షల వరకూ వర్తింపజేయాలి. ఉద్యోగాలను క్రమబద్ధీకరించి, ఉద్యోగ భద్రత కల్పించాలి. కొత్త పీఆర్‌సీ సిఫారసులను, ఐఆర్‌ ప్రయోజనాలను అందించాలి. కాంట్రాక్ట్‌ కాలపరిమితి సాకుతో అకారణంగా ఉద్యోగులను తొలగించరాదు. ఆలమూరు: దీర్ఘకాలంగా అపరిష్కృతంగా ఉన్న తమ సమస్యలు పరిష్కరించాలనే డిమాండుతో వివిధ విభాగాల ఉద్యోగులు సర్కారుపై సమరశంఖం పూరిస్తున్నారు. దశలవారీగా ఆందోళనలు నిర్వహిస్తున్నా.. రాష్ట్ర చరిత్రలో మునుపెన్నడూ లేని విధంగా తీవ్ర స్థాయిలో నిరసనలు తెలియజేస్తున్నా.. ప్రభుత్వం స్పందించకపోవడంపై ఆగ్రహం వ్యక్తం చేస్తున్నారు. డాక్టర్‌ బీఆర్‌ అంబేడ్కర్‌ కోనసీమ జిల్లావ్యాప్తంగా ఉన్న కాంట్రాక్టు, అవుట్‌ సోర్సింగ్‌ ఉద్యోగులతో పాటు అంగన్‌వాడీ సిబ్బందిలు, గ్రామ రెవెన్యూ సహాయకులు (వీఆర్‌ఏ) రాష్ట్ర ప్రభుత్వంపై పిడికిళ్లు బిగిస్తున్నారు. ఇప్పటికే గ్రామ సచివాలయ ఉద్యోగులు గత నెల 27న చేపట్టి, విజయవంతం చేసిన చలో విజయవాడ స్ఫూర్తితో ఇతర ఉద్యోగ సంఘాలు పోరుబాట పడుతున్నాయి. తమ డిమాండ్ల సాధన కోసం ప్రభుత్వంపై తీవ్ర ఒత్తిడి తెచ్చేందుకు ఉద్యోగులందరూ ఏకతాటి పైకి వస్తున్నారు. ఉద్యమ బాటలోనే ఉద్యోగులందరూ.. రెవెన్యూ శాఖకు ఆయువుపట్టు లాంటి వీఆర్‌ఏలు గత నెల 16 నుంచి ఉద్యమ బాట పట్టారు. జిల్లాలోని 2 వేల మందికి పైగా వీఆర్‌ఏలు వివిధ రూపాల్లో వినూత్న రీతిలో నిరసనలు తెలియజేస్తున్నారు, వారి పోరాటం 17వ రోజుకు చేరినా ప్రభుత్వం స్పందించకపోవడంతో గురువారం చలో అమలాపురం కార్యక్రమానికి పిలుపునిచ్చి విజయవంతం చేశారు. రాష్ట్ర ప్రభుత్వం స్పందించేంత వరకూ తమ పోరాటం కొనసాగుతుందని వీఆర్‌ఏల సంఘం నాయకులు హెచ్చరించారు. వారి ఆందోళనతో క్షేత్ర స్థాయిలో రెవెన్యూ శాఖ పనులు అర్ధాంతరంగా నిలిచిపోయాయి. కూటమి ప్రభుత్వం అధికారంలోకి వచ్చి రెండేళ్లు పూర్తయినా ఎన్నికల సమయంలో ఇచ్చిన హామీలను అమలు చేయకపోవడంపై జిల్లాలోని 1,768 అంగన్‌వాడీ కేంద్రాల్లో పని చేస్తున్న కార్యకర్తలు, ఆయాలు మండిపడుతున్నారు. గత వైఎస్సార్‌ సీపీ ప్రభుత్వ హయాంలో పెంచిన వేతనాలు తప్ప ప్రస్తుత ప్రభుత్వం ఒక్క పైసా కూడా పెంచలేదని, పైగా యాప్‌ల భారం పెంచేసిందని దుయ్యబడుతున్నారు. ప్రభుత్వ నిర్లక్ష్యాన్ని నిరసిస్తూ గాంధీ జయంతి రోజైన శుక్రవారం మహాత్మాగాంధీ విగ్రహాలకు వినతిపత్రాలు అందించేందుకు వారు సమాయత్తమవుతున్నారు. వైద్య, ఆరోగ్య శాఖలో జిల్లాలోని 47 పీహెచ్‌సీలు, 2 ఏరియా ఆస్పత్రులు, 9 సీహెచ్‌సీల్లో పని చేస్తున్న సుమారు 250 మంది కాంట్రాక్టు, అవుట్‌ సోర్సింగ్‌ ఉద్యోగులు ఆగస్టు 30 నుంచి నల్ల బ్యాడ్జీలు ధరించి విధులకు హాజరవుతున్నారు. అయినప్పటికీ ప్రభుత్వం ఉదాసీన వైఖరి అవలంబించడంతో ఈ నెల 3 నుంచి పూర్తి స్థాయిలో విధులను బహిష్కరించేందుకు సిద్ధమవుతున్నారు. అదే కనుక జరిగితే వారి సేవలు ప్రజలకు దూరమై, ప్రజలకు ప్రభుత్వ వైద్య సేవలు అందడం గగనమే అవుతుంది. రక్త పరీక్షలు కూడా చేసే అవకాశం లేక, రోగులు ప్రైవేటు ల్యాబ్‌లను ఆశ్రయించి, చేతిచమురు వదిలించుకోవలసిన పరిస్థితి ఉత్పన్నమవుతుంది. పిడికిళ్లు బిగించిన ప్రభుత్వోద్యోగులు పోరుబాటలో వివిధ విభాగాల సిబ్బంది నేడు గాంధీజీ విగ్రహాలకు అంగన్‌వాడీల వినతిపత్రాలు రేపటి నుంచి కాంట్రాక్టు ఉద్యోగుల నిరవధిక సమ్మె 17వ రోజుకు చేరిన వీఆర్‌ఏల దీక్షలు పట్టించుకోని ప్రభుత్వంపై ఉద్యోగుల ఆగ్రహం

● 17 వరకు గడువు ● తెలుగు విశ్వవిద్యాలయం వీసీ మునిరత్నం నాయుడు రాజమహేంద్రవరం రూరల్‌: ప్రస్తుత విద్యా సంవత్సరంలో వివిధ కోర్సుల్లో ప్రవేశానికి దరఖాస్తులు ఆహ్వానిస్తున్నట్లు పొట్టి శ్రీరాములు తెలుగు విశ్వ విద్యాలయం వైస్‌ చాన్సలర్‌ (వీసీ) ఆచార్య డి.మునిరత్నం నాయుడు తెలిపారు. బొమ్మూరులోని యూనివర్సిటీ ప్రాంగణంలో గురువారం ఏర్పాటు చేసిన విలేకర్ల సమావేశంలో ఆయన ఈ వివరాలు వెల్లడించారు. వర్సిటీ పరిధిలోని రాజమహేంద్రవరం, శ్రీశైలం, కూచిపూడి ప్రాంగణాల్లో గతంలో నిర్వహించిన కోర్సులను ఈసారి కూడా యథాతథంగా కొనసాగిస్తున్నామని చెప్పారు. ఆసక్తి ఉన్న వారు ఈ నెల 17వ తేదీలోగా సంబంధిత పీఠాధిపతి/ప్రిన్సిపాల్‌కు పూర్తి చేసిన దరఖాస్తులు అందజేయాలని సూచించారు. రూ.300 ఆలస్య రుసుంతో ఈ నెల 22లోగా ‘కన్వీనర్‌, కేంద్ర ప్రవేశాల కమిటీ, పొట్టి శ్రీరాములు తెలుగు విశ్వవిద్యాలయం, బొమ్మూరు, రాజమహేంద్రవరం–533124’ చిరునామాకు దరఖాస్తులు పంపాలని చెప్పారు. ఆన్‌లైన్‌లో కూడా దరఖాస్తులు పూర్తి చేయాలని, కోర్సు ఫీజులు ఆన్‌లైన్‌లో క్యూఆర్‌ కోడ్‌ ద్వారా చెల్లించాలని తెలిపారు. పూర్తి వివరాలకు www.teluguuniversityap.in వెబ్‌సైట్‌ సందర్శించాలని సూచించారు. ఇతర సమాచారానికి 94926 92389, 0883–2947005 నంబర్లలో సంప్రదించవచ్చని వీసీ తెలిపారు. సమావేశంలో రిజిస్ట్రార్‌ ముసుగు శ్రీనివాసరావు కూడా పాల్గొన్నారు.

అల్లవరం: దేవగుప్తం ఉన్నత పాఠశాలలో పదో తరగతి చదువుతున్న ఉచ్చల భానుప్రసాద్‌, తాడి ఆర్య రాష్ట్ర స్థాయి ఎస్‌జీఎఫ్‌ అథ్లెటిక్స్‌ పోటీలకు ఎంపికయ్యారు. పాఠశాల ఫిజికల్‌ డైరెక్టర్‌ రాజ్‌కుమార్‌ గురువారం ఈ విషయం తెలిపారు. రాజమహేంద్రవరం ఆర్ట్స్‌ కళాశాలలో బుధవారం జరిగిన ఉమ్మడి తూర్పు గోదావరి జిల్లా ఎస్‌జీఎఫ్‌ అథ్లెటిక్స్‌ హైజంప్‌ పోటీల్లో భానుప్రసాద్‌ 1.62 మీటర్ల ఎత్తు క్లియర్‌ చేసి మొదటి స్థానం సాధించాడని పేర్కొన్నారు. అలాగే, వెయిట్‌ లిఫ్టింగ్‌ పోటీల్లో ఆర్య మొదటి స్థానం కై వసం చేసుకుని రాష్ట్ర స్థాయి పోటీలకు ఎంపికయ్యాడన్నారు. క్రీడాకారులను ప్రధానోపాధ్యాయుడు వేణుగోపాల్‌, ఉపాధ్యాయులు అభినందించారు.

కాజులూరు: జాతీయ స్థాయి సాఫ్ట్‌బాల్‌ పోటీల్లో గొల్లపాలెం జెడ్పీ హైస్కూల్‌ తొమ్మిదో తరగతి విద్యార్థిని కాకరపల్లి లోకేశ్వరి దీపిక బంగారు పతకం సాధించింది. పాఠశాల ఫిజికల్‌ డైరెక్టర్‌ జి సునీల్‌ కుమార్‌ ఈ విషయం తెలిపారు. ప్రధానోపాధ్యాయిని ఎస్‌ఎస్‌బీ సుశీలమణి ఆధ్వర్యాన పాఠశాలలో గురువారం జరిగిన అభినందన సభలో ఆయన మాట్లాడారు. ఈ నెల 27 నుంచి 30వ తేదీ వరకు మహారాష్ట్రలోని ఛత్రపతి శంభాజీ నగర్‌లో జరిగిన 39వ జాతీయ స్థాయి సాఫ్ట్‌బాల్‌ పోటీల్లో దీపిక రాష్ట్ర జట్టులో ఆడిందని చెప్పారు. కేరళతో జరిగిన తుది పోరులో ఆంధ్రప్రదేశ్‌ జట్టు 4–3 స్కోర్‌తో విజయం సాధించి, జ్ఞాపిక, బంగారు పతకాలు అందుకున్నారని వివరించారు. జాతీయ స్థాయి పోటీల్లో ప్రతిభ చూపిన దీపికను పలువురు అభినందించారు.

అమలాపురం రూరల్‌: జిల్లాలో వ్యవసాయ ఆధారిత పరిశ్రమలకు మరింత ప్రోత్సాహం అందించాల్సిన అవసరం ఉందని కలెక్టర్‌ ఆర్‌.మహేష్‌ కుమార్‌ అన్నారు. స్థానికంగా రైతులు పండిస్తున్న పండ్లు, కూరగాయలు, ఆకుకూరలను ప్రాసెసింగ్‌ చేసి విలువ ఆధారిత ఉత్పత్తులుగా మార్చడం ద్వారా రైతులకు మెరుగైన మార్కెటింగ్‌ అవకాశాలు కల్పించవచ్చన్నారు. గురువారం అమలాపురం రూరల్‌ మండలం సమనస గ్రామ పంచాయతీ వద్ద సత్యదేవ్‌ ఎంటర్‌ప్రైజెస్‌కు చెందిన అమ్వి ఫుడ్స్‌ పరిశ్రమను కలెక్టర్‌ సందర్శించారు. పరిశ్రమలోని వివిధ విభాగాలను ఆయన క్షుణ్ణంగా పరిశీలించి, నాణ్యతా ప్రమాణాలపై పరిశ్రమ ప్రతినిధులను ఆయన వివరాలు అడిగి తెలుసుకున్నారు. డీఆర్‌డీఏ పీడీ రాంబాబు, తహసీల్దార్‌ దివాకర్‌, మాజీ సర్పంచ్‌ ఎన్‌.ఉదయబాబు తదితరులు పాల్గొన్నారు. అనంతరం అమ్వి ఫుడ్స్‌ ఉత్పత్తి పోస్టర్‌ను కలెక్టర్‌ ఆవిష్కరించారు. విద్యాభ్యాసంపై సమగ్రంగా అంచనా విద్యార్థుల మానసిక ఆరోగ్యం, విద్యాభ్యాసంపై సమగ్రంగా అంచనా వేసేందుకు చేపట్టనున్న సర్వేను పారదర్శకంగా చేపట్టాలని కలెక్టర్‌ అధికారులను ఆదేశించారు. కలెక్టరేట్‌లో వైద్య ఆరోగ్య శాఖ, విపాసన మిత్ర కోఆర్డినేటర్లు కిమ్స్‌ సైకియాట్రిస్ట్‌ అధికారులతో ఆయన సమీక్షించారు. కలెక్టర్‌ మాట్లాడుతూ విద్యార్థుల మానసిక క్షేమం వారి చదువు, ప్రవర్తన, వ్యక్తిత్వ వికాసం, భవిష్యత్‌ అభివృద్ధికి ఎంతో కీలకమన్నారు. వారి మానసిక, విద్యాపరమైన అంశాలను ముందే గుర్తించి అవసరమైన సహాయం, మార్గదర్శకత్వం అందించేందుకు ఈ అధ్యయనం ఉపయోగపడేలా చూడాలని సూచించారు. డీసీహెచ్‌ఎస్‌ కె.కార్తీక్‌, మిత్ర కోఆర్డినేటర్‌ టి.ప్రహ్లాద్‌, మిత్ర కోఆర్డినేటర్లు పాల్గొన్నారు.

● ఆటో వాయిదా చెల్లించేందుకు డ్రైవర్‌ ఘాతుకం ● మహిళ హత్య కేసులో నిందితుడి అరెస్టు తాళ్లపూడి: ఏలూరు జిల్లా పోలవరం మండలం కొత్త పట్టిసీమ గ్రామానికి చెందిన వింటి ఆదిలక్ష్మి (36) హత్య కేసులో నిందితుడిని పోలీసులు అరెస్టు చేశారు. కొవ్వూరు రూరల్‌ సీఐ విజయబాబు గురువారం ఈ వివరాలు తెలిపారు. ఆయన ప్రకారం.. తాళ్లపూడి మండలం తాడిపూడి గ్రామానికి చెందిన షేక్‌ యాకూబ్‌ ఆటో నడుపుకొంటూ జీవనం సాగిస్తున్నాడు. తన ఆటో ఫైనాన్స్‌ వాయిదా చెల్లించేందుకు ఆర్థికంగా అతడు ఇబ్బంది పడుతున్నాడు. కొత్త పట్టిసీమకు చెందిన ఆదిలక్ష్మి తాళ్లపూడిలోని ఓ స్వీట్‌ షాపులో పని చేస్తోంది. గత సోమవారం రాత్రి షాపులో పని ముగించుకుని 8 గంటలకు తాళ్లపూడి అయ్యర్‌ హోటల్‌ సమీపాన యాకూబ్‌ ఆటో ఎక్కింది. ఈ క్రమంలో అతడు ఆమెను తాడిపూడి శ్మశానవాటిక సమీపాన గోదావరి లంక ప్రాంతానికి తీసుకెళ్లి హతమార్చాడు. ఆదిలక్ష్మి వద్ద ఉన్న బంగారు గొలుసు, చెవి కమ్మలు తీసుకుని, ఆమె మృతదేహాన్ని గోదావరిలో పడేశాడు. ఆమె మొబైల్‌ ఫోన్‌ను కూడా గోదావరిలో పడేశాడు. ఆదిలక్ష్మిని గోదావరిలో తోసేశారనే సమాచారంతో తండ్రి నాగిరెడ్డి ఫిర్యాదు మేరకు తాళ్లపూడి పోలీసులు దర్యాప్తు చేపట్టి, హత్య కేసు నమోదు చేశారు. ఈ నేపథ్యంలో నిందితుడు యాకూబ్‌ బుధవారం సాయంత్రం తాడిపూడి గ్రామ పంచాయతీ కార్యదర్శి నవీన వద్దకు వెళ్లి, ఆదిలక్ష్మిని తానే హతమార్చినట్లు చెప్పాడు. అతడి వాంగ్మూలాన్ని పంచాయతీ కార్యదర్శి నమోదు చేసి, పోలీసులకు సమాచారం ఇచ్చారు. ఈ మేరకు యాకూబ్‌ను కొవ్వూరు రూరల్‌ సీఐ విజయబాబు గురువారం అరెస్టు చేశారు. ఆటో వాయిదా కట్టడానికి గాను ఆదిలక్ష్మి వద్ద ఉన్న బంగారు ఆభరణాలను యాకూబ్‌ అపహరించి, ఆపై హత్య చేసి గోదావరిలో పడేసినట్టు పోలీసులు తెలిపారు. ఈ నేరానికి యాకూబ్‌ ఉపయోగించిన ఆటోను, అతడు చూపించిన ప్రదేశం నుంచి బంగారు ఆభరణాలు, స్టీల్‌ లంచ్‌ బాక్స్‌, ఆధార్‌ కార్డు, చీర తదితర వస్తువులను పోలీసులు స్వాధీనం చేసుకున్నారు. నిందితుడిని జ్యుడీషియల్‌ రిమాండ్‌కు తరలించి, తదుపరి దర్యాప్తు చేస్తున్నామని సీఐ తెలిపారు. ఆదిలక్ష్మి మృతదేహం కోసం గోదావరి నదిలో గాలింపు చర్యలు కొనసాగుతున్నాయి. నిందితుడిని కఠినంగా శిక్షించాలి ఆదిలక్ష్మిని హతమార్చిన యాకూబ్‌ను కఠినంగా శిక్షించాలని డిమాండ్‌ చేస్తూ కొత్త పట్టిసీమ గ్రామస్తులు పెద్ద సంఖ్యలో తాళ్లపూడి పోలీస్‌ స్టేషన్‌ ఎదుట గురువారం ఆందోళన చేపట్టారు. తమకు అన్యాయం జరుగుతోందని, హతురాలిపై తప్పుడు ఆరోపణలు చేస్తూ చెడుగా చూపించే ప్రయత్నం జరుగుతోందని ఆగ్రహం వ్యక్తం చేశారు. పోలీస్‌ స్టేషన్‌లో తమకు న్యాయం జరగలేదని ఆవేదన వ్యక్తం చేశారు. యాకూబ్‌ను తమకు అప్పగించాలని, ఆదిలక్ష్మిని హతమార్చినట్టుగానే అతడిని కూడా చంపాలని డిమాండ్‌ చేశారు. నాలుగు రోజులయినా ఆమె ఆచూకీ లభించలేదన్నారు. ఘటన జరిగి నాలుగు రోజులవుతున్నా రాజకీయ నాయకులు, ప్రజాప్రతినిధులు తమను పరామర్శించేందుకు రాలేదని మండిపడ్డారు. పోలవరం ఎమ్మెల్యే బాలరాజు ఎన్నికల సమయంలో మాత్రమే ఓట్లు అడిగేందుకు వచ్చారని, ప్రజలకు ఆపద వచ్చినప్పుడు ఎందుకు స్పందించడం లేదని ప్రశ్నించారు. ఈ కేసులో నిజానిజాలు వెలికితీసి, తమ కుటుంబానికి న్యాయం చేయాలని ఆదిలక్ష్మి కుమార్తె సత్యబిందు కోరారు. తన తల్లిని బంగారం కోసం చంపినట్లు నిందితుడు చెబుతున్నాడని, రేపు మళ్లీ నిజం చెప్పకపోతే పరిస్థితేమిటని ప్రశ్నించారు. గ్రామస్తులతో తాళ్లపూడి ఎస్సై టి.రామకృష్ణ చర్చించారు. కేసు వివరాలను వారికి తెలియజేశారు. బాధితులకు న్యాయం జరిగేలా అన్ని ఆధారాలూ సేకరించామని చెప్పారు. కొన్ని పత్రికలు, మీడియాలో వచ్చిన వార్తల్లో నిజం లేదన్నారు. బంగారం కోసమే ఆమెను యాకూబ్‌ హత్య చేసి, గోదావరిలో పడవేశాడని స్పష్టం చేశారు.

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 26,500 గటగట (వెయ్యి) 23,500 కురిడీ కొబ్బరి (కొత్తవి) గండేరా (వెయ్యి) 25,500 గటగట (వెయ్యి) 22,500 నీటికాయ పాత (ముక్కుడు) కాయ (వెయ్యి) 21,000 – 22,000 కొత్త (పచ్చి) కాయ (వెయ్యి) 21,000 – 22,000 కొబ్బరి నూనె (15 కిలోలు) 5,000 కిలో 350

అమలాపురం టౌన్‌: నేటి సమాజంలో సోషల్‌ మీడియా ఒక శక్తిమంతమైన వేదికని, దానిని సమాజ హితం కోసమే ఉపయోగించాలని జిల్లా ఎస్పీ రాహుల్‌ మీనా సూచించారు. స్థానిక ఎస్పీ కార్యాలయంలో గురువారం సాయంత్రం జరిగిన సోషల్‌ మీడియా ఇన్ఫ్లుయెన్సర్ల సమావేశంలో ఆయన మాట్లాడారు. సైబర్‌ నేరాలు, రోడ్డు భద్రత, మహిళలు, బాలికల భద్రత, మాదక ద్రవ్యాల నివారణ తదితర అంశాలపై వారికి అవగాహన కల్పించారు. సైబర్‌ నేరాలపై అవగాహన కలిగి ఉండడమే కాకుండా తప్పుడు సమాచారాన్ని సోషల్‌ మీడియాలో ఎట్టి పరిస్థితుల్లోనూ ప్రచారం చేయవద్దని సూచించారు.

కాకినాడ రూరల్‌: తెలీదు.. గుర్తులేదు.. మర్చిపోయాను.. రెండో విడత విచారణలోనూ నిందితుడు సాధిక్‌ఖాన్‌ ఇదే దాటవేట ధోరణిని అవలంబిస్తూ పోలీసులకు చుక్కలు చూపుతున్నట్టు తెలిసింది. కాకినాడ జిల్లా పిఠాపురం పీఆర్‌ ఏఈ టి.నూకరాజు కుటుంబం ఆత్మహత్య, అల్లుడు జగదీశ్వరరెడ్డి హత్య కేసులో కీలక నిందితుడు షేక్‌ సాధిక్‌ ఖాన్‌ను రెండో విడత విచారణ కోసం సర్పవరం పోలీసులు గురువారం అతన్ని తీసుకొచ్చారు. వివరాల్లోకి వెళితే... ఏఈ నూకరాజు, ఆయన భార్య మీనా, కుమార్తె సౌజన్య ఆగస్టు 16న రాజమండ్రి వద్ద గోదావరిలో దూకి ఆత్మహత్యకు పాల్పడగా మనవడు కార్తికేయరెడ్డి ప్రాణాలతో బయటపడిన విషయం విదితమే. ఏఈ అల్లుడు జగదీశ్వరరెడ్డి మృతిపై ఆయన తండ్రి భాస్కరరెడ్డి ఫిర్యాదు మేరకు సర్పవరం పోలీస్‌స్టేషన్‌లో సాధిక్‌ ఖాన్‌పై హత్య కేసు నమోదు చేసి విచారణ చేపట్టారు. సెప్టెంబరు 8, 9, 10 తేదీల్లో తొలి విడతగా పోలీసులు అతన్ని విచారించిన విషయం తెలిసిందే. అప్పట్లో దాదాపు 200 ప్రశ్నలతో కాకినాడ జిల్లా పోలీసు ఉన్నతాధికారుల పర్యవేక్షణలో సర్పవరం సీఐ ప్రకాష్‌ విచారణ జరపడంతో పాటు సాధిక్‌కు చెందిన ప్రో షూటింగ్‌ అకాడమీకి తీసుకువెళ్ళి అక్కడ సీన్‌ రీ కన్‌స్ట్రక్షన్‌ నిర్వహించారు. అకాడమీలోని కీలక ఆధారాలు గల ల్యాప్‌టాప్‌, ఇతర డివైజ్‌లు, శిక్షణ కోసం వినియోగించే రైఫిళ్లను సీజ్‌ చేశారు. జగదీశ్వరరెడ్డి హత్య కేసుకు సంబంధించి నేరాన్ని మొదటిసారి విచారణలో సాధిక్‌ అంగీకరించాడు. ల్యాప్‌టాప్‌లోని కీలకమైన సమాచారంతో పాటు మొదటిసారి విచారణలోని పలు కీలక అంశాలపై రెండో సారి రెండు రోజుల కస్టడీలో సర్పవరం పోలీసులు గురువారం సమగ్ర విచారణను ప్రారంభించారు. మొదటి రోజు విచారణ ఇలా... స్పెషల్‌ మొబైల్‌ జ్యుడీషియల్‌ ఫస్ట్‌ క్లాస్‌ మేజిస్ట్రేట్‌ కోర్టు న్యాయమూర్తి ఉషా లక్ష్మీకుమారి ఆదేశాల మేరకు సాధిక్‌ ఖాన్‌ను సర్పవరం పోలీసులు గురువారం కస్టడీకి తీసుకున్నారు. గురువారం మధ్యాహ్నం నుంచి రాత్రి వరకు సీసీ కెమెరాల పర్యవేక్షణలో వీఆర్వోలు, అడ్వకేట్‌ సమక్షంలో విచారణ చేపట్టారు. తొలి విడత కస్టడీలో 200 ప్రశ్నలకు గాను 118 వరకు సంధించి విచారించగా గురువారం సుమారు 25 ప్రశ్నలకు సాధిక్‌ నుంచి సమాచారం రాబట్టే ప్రయత్నం చేశారు. అయితే సీసీ కెమెరాల పర్యవక్షణలో విచారణ జరుగుతుండడంతో సాధిక్‌ ఖాన్‌ మరోసారి సమాధానాల దాటవేట ధోరణి ప్రదర్శించి తెలియదు.. మరచిపోయాను.. గుర్తు లేదనే పల్లవిని ఎత్తుకున్నట్టు తెలిసింది. రైఫిల్‌ షూటింగ్‌ కోసం కుమారుడు కార్తికేయ రెడ్డిని సాధిక్‌ అకాడమీకి తీసుకువెళ్ళిన నూకరాజు కుమార్తె సౌజన్యను ఏ విధంగా ట్రాప్‌ చేశాడో, ఆమె భర్త జగదీశ్వరరెడ్డిని తొలుత ప్రొటీన్‌ పౌడర్‌, కొబ్బరి నీళ్ళ ద్వారా స్లో పాయిజన్‌గా రసాయనం అందించడం, హైదరాబాద్‌లో ఉండగా జగదీశ్వరరెడ్డి చనిపోయే ముందు రోజు జూలై ఒకటిన పొటాషియం సైనేడ్‌ ప్రయోగించడంపై పోలీసులు ప్రశ్నలు వేశారు. సౌజన్య పేరిట రావులపాలెంలో ఉన్న రూ.25 కోట్ల స్థలంతో పాటు ఆమెకు చెందిన బంగారం, నగదు, నూకరాజుకు చెందిన ఆస్తుల కోసం వేధింపులు, మతం మారితే పెళ్ళి చేసుకుంటానని ఒత్తిడి తేవడంపై పోలీసులు విచారణలో ప్రశ్నలు కురిపించారు. ముఖ్యంగా జగదీశ్వరరెడ్డికి సైనేడ్‌ అందించిన హైదరాబాద్‌కు చెందిన ముగ్గురు వ్యక్తులను తొలి విడత కస్టడీలో విచారించగా.. వారు సైనేడ్‌ ఇచ్చిన విషయాన్ని అంగీకరించారు. ఆ సైనేడ్‌లో మిగిలింది ఎక్కడ ఉంది అని గురువారం ప్రధానంగా విచారించగా.. తాను సైనేడ్‌ వాడలేదని దాటవేతతో పాటు హైదరాబాద్‌లోనే పారవేసినట్టు పోలీసులకు సాధిక్‌ సమాధానం ఇచ్చినట్టు తెలిసింది. ల్యాప్‌టాప్‌లో డేటా, ఫొటోల గురించి కూడా పోలీసులు విచారించారు. సౌజన్యపై మత మార్పిడి ఒత్తిడితో పాటు జగదీశ్వరరెడ్డిని ఎందుకు చంపాడనే అంశంపై కూడా పలు ప్రశ్నలు వేసినట్టు తెలిసింది. శుక్రవారం రెండోరోజు విచారణ అనంతరం శనివారం తిరిగి అతన్ని సెంట్రల్‌ జైలుకు తరలించనున్నారు. పోలీసులను కలసిన కుటుంబ సభ్యులు ఏఈ నూకరాజు సోదరి కృష్ణవేణి, జగదీశ్వరరెడ్డి చెల్లెలు కరుణ, ఇతర కుటుంబ సభ్యులు వేర్వేరుగా గురువారం సర్పవరం పోలీసులను కలిశారు. జగదీశ్వరరెడ్డికి చెందిన కార్లపై రూ.1.25 కోట్ల వరకు ఈఎంఐలు ఉండడంతో ఫోన్లకు సమాధానం చెప్పటేకపోతున్నామని, సీజ్‌ చేసిన వాటిని విడుదల చేయాలని కరుణ కోరారు. నూకరాజు రాసిన వీలునామా ప్రకారం నూకరాజు ఇంట్లో ఫర్నిచర్‌ తీసుకువెళ్ళేందుకు అనుమతి ఇవ్వాలని కృష్ణవేణి కోరినట్టు తెలిసింది. కోర్టు ద్వారానే వీటిని పొందాలని వారికి పోలీసులు సూచించినట్టు సమాచారం. పోలీసుల విచారణలో సాధిక్‌ఖాన్‌ రెండోసారి విచారణకు కస్టడీలోకి తీసుకున్న పోలీసులు రాజమండ్రి సెంట్రల్‌ జైలు నుంచి మధ్యాహ్నం సర్పవరం స్టేషన్‌కు తీసుకొచ్చిన వైనం సీఐ ప్రకాష్‌ ఆధ్వర్యంలో తొలి రోజు రాత్రి వరకు విచారణ ఏఈ నూకరాజు కుటుంబం ఆత్మహత్య, అల్లుడి హత్యకేసులో సాధిక్‌కు 25 ప్రశ్నలు ఆ సైనేడ్‌ ఎక్కడ అని ప్రశ్నించగా.. పారవేశానని సమాధానం

సఖినేటిపల్లి: అంతర్వేది లక్ష్మీనరసింహస్వామి ఆలయంలో నిర్వహించే స్వామివారి విశేష పూజా కార్యక్రమాల్లో ఈ నెల 11వ తేదీ నుంచి భక్తులు విధిగా సంప్రదాయ దుస్తులతోనే పాల్గొనాలని ఈఓ ఎంకేటీఎన్‌వీ ప్రసాద్‌ గురువారం ఒక ప్రకటనలో పేర్కొన్నారు. సుదర్శన హోమం, నిత్యాభిషేకం, ఇతర విశేషాభిషేకాల్లో ఇకపై సంప్రదాయ దుస్తులు ధరించిన వారిని మాత్రమే అనుమతిస్తామని తెలిపారు. వెయిట్‌ లిఫ్టింగ్‌లో ప్రథమం అయినవిల్లి: కాకినాడలో నిర్వహించిన స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) ఉమ్మడి తూర్పు గోదావరి జిల్లా స్థాయి వెయిట్‌ లిఫ్టింగ్‌ పోటీల్లో శానపల్లిలంక జెడ్పీ హైస్కూల్‌ విద్యార్థి ఎస్‌కేఎస్‌ఎస్‌ మణికంఠ అండర్‌–17 విభాగంలో ప్రథమ స్థానం సాధించి రాష్ట్ర స్థాయి పోటీలకు ఎంపికయ్యాడు. అతడిని ప్రధానోపాధ్యాయుడు జె.బాలకృష్ణ గురువారం సత్కరించారు. వ్యాయామోపాధ్యాయుడు బి.వెంకట్రావు ప్రోత్సాహంతో విద్యార్థి ఈ స్థాయికి చేరుకున్నాడని తెలిపారు. రాష్ట్ర స్థాయి పోటీల్లోనూ ప్రతిభ చూపాలని ఆకాంక్షించారు.

బీసీలకు 34 శాతం రిజర్వేషన్‌ కల్పిస్తామని చెప్పిన చంద్రబాబు ప్రభుత్వం కేవలం జీవోతో మోసం చేసింది. చట్టం చేయకుండా జీవో ఇస్తే చెల్లదని తెలిసి కూడా కావాలనే డ్రామా ఆడింది. ఇది బీసీ సమాజాన్ని తీవ్రంగా అవమానించడమే. – మట్టపర్తి నాగేంద్ర, వైఎస్సార్‌సీపీ జిల్లా బీసీ సెల్‌ అధ్యక్షుడు ఇది ఎన్నికల నాటకం స్థానిక సంస్థల ఎన్నికల ముందు బీసీల ఓట్ల కోసం చంద్రబాబు కొత్త నాటకం మొదలుపెట్టారు. హైకోర్టు తీర్పు వారికి చెంపపెట్టు. ఓట్ల కోసం కాకుండా బీసీల సంక్షేమానికి, రాజ్యాధికారం కల్పించేలా ప్రభుత్వం చూడాలి తప్ప.. ఇలా మోసం చేయకూడదు. – మార్గాని గంగాధర్‌, మాజీ ఎంపీపీ, కొత్తపేట కేంద్రాన్ని ఒప్పించి చట్టం చేయండి బీసీల మీద చంద్రబాబుకు ప్రేమ ఉంటే 34 శాతం రిజర్వేషన్‌పై కేంద్రాన్ని ఒప్పించండి. పార్లమెంట్‌లో చట్టం చేయండి. కేంద్ర ప్రభుత్వం మీ మీదనే ఆధారపడి ఉంది కదా! చట్టం చేస్తే బీసీలకు న్యాయం జరుగుతుంది. – కందుల విజయకుమార్‌, యాదవ సంఘం నాయకుడు, గొల్లపాలెం, మలికిపురం మండలం

ఎన్నికలు వచ్చినప్పుడల్లా బీసీలను మోసం చేయడం చంద్రబాబుకు అలవాటుగా మారింది. చట్టబద్ధత లేదని, అమలు కాదని తెలిసి కూడా 34 శాతం రిజర్వేషన్‌ అంటూ ప్రకటించారు. ఇది బీసీల పట్ల కపట ప్రేమకు అద్దం పడుతోంది. గతంలో వైఎస్‌ జగన్‌ 34 శాతం రిజర్వేషన్‌ ఇవ్వలేకున్నా బీసీలకు ఆ స్థాయిలో పదవులు వచ్చేలా చేశారు. స్థానిక సంస్థల ఎన్నికలు వస్తున్న నేపథ్యంలో చంద్రబాబు ఇప్పుడు బీసీలను మభ్యపెట్టేందుకు, ఎన్నికల్లో ఓటమి భయంతో కాలయాపన చేసేందుకే ఈ జీవో డ్రామా ఆడుతున్నారు. – పిల్లి సూర్య ప్రకాశ్‌, వైఎస్సార్‌సీపీ రామచంద్రపురం నియోజకవర్గ కో ఆర్డినేటర్‌

అమలాపురం రూరల్‌: ప్రైవేట్‌ ట్రావెల్స్‌ బస్సుల్లో ప్రయాణికుల భద్రతకు ప్రాధాన్యమిస్తూ రవాణా శాఖ అధికారులు తనిఖీలు ముమ్మరం చేశారు. ముమ్మిడివరం పరిధిలోని అన్నంపల్లి టోల్‌ ప్లాజా, రావులపాలెం పరిధిలోని ఈతకోట టోల్‌ ప్లాజా వద్ద గురువారం ప్రైవేట్‌ ట్రావెల్స్‌ బస్సులపై విస్తృతంగా తనిఖీలు నిర్వహించారు. మొత్తం 33 ప్రైవేట్‌ ట్రావెల్స్‌ బస్సులను పరిశీలించి.. నిబంధనలకు విరుద్ధంగా ఉన్న 12 బస్సులపై కేసులు నమోదు చేసి, మొత్తం రూ.18 వేలు అపరాధ రుసుం విధించారు. ఈ మేరకు జిల్లా రవాణా శాఖాధికారి దేవిశెట్టి శ్రీనివాసరావు గురువారం ఒక ప్రకటనలో వివరాలు వెల్లడించారు. తనిఖీలు నిరంతరం కొనసాగుతాయని ఆయన స్పష్టం చేశారు. ఈ తనిఖీల్లో మోటార్‌ వెహికల్‌ ఇన్‌స్పెక్టర్లు ఓలేటి శ్రీనివాస్‌, రవికుమార్‌, రాజేంద్ర ప్రసాద్‌, సురేష్‌ కుమార్‌, షణ్ముఖ్‌ శ్రీనివాస్‌, కౌశిక్‌, వరప్రసాద్‌ తదితరులు పాల్గొన్నారని ఆయన తెలిపారు.

అమలాపురం రూరల్‌: యానాం నుంచి అక్రమంగా పెట్రోలు, డీజిల్‌ తెచ్చి జిల్లాలో విక్రయిస్తున్న వ్యాపారులపై చర్యలు తీసుకోవాలని డిమాండ్‌ చేస్తూ జిల్లా పెట్రోల్‌ బంకుల అసోసియేషన్‌ సభ్యులు అమలాపురంలోని కలెక్టరేట్‌ వద్ద గురువారం నిరసన వ్యక్తం చేశారు. ఈ మేరకు జాయింట్‌ కలెక్టర్‌ వైఖోం నైదియాదేవికి ఫిర్యాదు చేశారు. అమలాపురంలో ఎత్తురోడ్డు వద్ద ఉన్న ఓ పెట్రోల్‌ బంకుకు చెందిన వ్యక్తి యానాం నుంచి అక్రమంగా చిన్న ట్యాంకర్ల ద్వారా పెట్రోల్‌ తెచ్చి దొంగ వ్యాపారం చేస్తూ, స్థానిక పెట్రోల్‌ బంకులకు నష్టం కలిగిస్తున్నాడంటూ వారు ఆరోపించారు. యానాం పెట్రోల్‌, డీజిల్‌ విక్రయంతో రాష్ట్ర ప్రభుత్వం పన్నులను కోల్పోతుందన్నారు. యానాం నుంచి డీజిల్‌ తెచ్చి లీటరుకు 13 తక్కువ ధరకు విక్రయిస్తున్న వ్యవహారంపై విచారణ చేయాలని కోరారు. కొన్నిచోట్ల సరైన మీటరింగ్‌ ఏర్పాట్లు లేకుండా, నేరుగా నాజిళ్ల ద్వారా ఇంధనాన్ని విక్రయిస్తున్నట్లు తెలిపారు. జిల్లా పెట్రోలియం డీలర్ల సంఘ అధ్యక్షుడు తిరుమలరావు, సెక్రటరీ జవ్వాది తాతబాబు, కోశాధికారి అనీల్‌కుమార్‌, డీలర్ల సంఘ నాయకులు శ్రీనివాస్‌ చౌదరి, విశ్వేశ్వరరావు, సుధీర్‌ రాజు, సురేష్‌శర్మ, సునీల్‌ కుమార్‌, దొరబాబు, రత్నాకర్‌, ప్రసాద్‌, చిట్టిబాబు, అంజిబాబు పాల్గొన్నారు.

వరదలు, కరోనా వంటి విపత్కర పరిస్థితుల్లో ప్రాణాలకు తెగించి మరీ ప్రజలకు సేవలందించాం. బాధితులకు అండగా నిలిచాం. ప్రతి నెలా ఒకటో తేదీ తెల్లవారుజామునే లబ్ధిదారుల ఇళ్లకు వెళ్లి మరీ పింఛన్లు అందించాం. అటువంటి మమ్మల్ని కాదని ఇప్పుడు వేలకు వేలు చెల్లించి సోషల్‌ మీడియా ఇన్‌ఫ్లెయెన్సర్లను నియమించాలనే కూటమి ప్రభుత్వ విధానం సరైంది కాదు. దీని ద్వారా ప్రజాధనం దుర్వినియోగం చేస్తున్నారు. సేవా దృక్పథంతో పని చేసిన వలంటీర్లను విస్మరించడం న్యాయం కాదు. – పెయ్యల శ్రీరామ్‌, మాజీ వలంటీర్‌, ముమ్మిడివరం మా ఉసురు తగలక మానదుకూటమి ప్రభుత్వం అధికారంలోకి వస్తే వలంటీర్ల వ్యవస్థను కొనసాగిస్తామని చెప్పడమే కాకుండా రూ.10 వేలు గౌరవ వేతనం ఇస్తామని చెప్పి అధికారం చేపట్టాక మమ్మల్ని దగా చేశారు. అధికారంలోకి వస్తే తమ వ్యవస్థను కొనసాగిస్తామన్న హామీ ఏమైంది?. రూ.10 వేలు ఇస్తామన్న మాట వట్టిదేనని మాకు అర్థమైంది. వైఎస్సార్‌ సీపీ ప్రభుత్వంలో మాకు ఇచ్చిన రూ.5 వేల గౌరవ వేతనంతో మాకు కేటాయించిన ఇళ్ల కుటుంబాలకు గౌరవ ప్రదంగా సేవలందించాం. మా ఉసురు కూటమి ప్రభుత్వానికి తగలక మానదు. – రెడ్డి సతీష్‌కుమార్‌, మాజీ వలంటీర్‌, అమలాపురం

● కొబ్బరి మార్కెట్‌లో పండగ సందడి ● పెరిగిన ధర.. రైతులకు కాస్త ఊరట ● వెయ్యి పచ్చి కాయలకు రూ.22 వేలు ● నిల్వ కాయ ధర రూ.20 వేలు సాక్షి, అమలాపురం/అంబాజీపేట: పండగల సీజన్‌ కావడంతో కొబ్బరి మార్కెట్‌కు దస రా, దీపావళి బొనాంజా వచ్చింది. కొంత కాలంగా ధరల హెచ్చుతగ్గులతో సతమతమవుతున్న రైతులకు దసరా, దీపావళి పండగలు కొనుగోళ్లు కలసి వస్తున్నాయి. వారం రోజులుగా మార్కె ట్లో కొబ్బరి కాయల ధరలు పెరగడం వారికి కాస్త ఊరటనిస్తోంది. అంబాజీపేట కొబ్బరి మార్కెట్లో ప్రస్తుతం వెయ్యి పచ్చి కాయల ధర రూ.22 వేల వరకు ఉండగా, గోదావరి లంక గ్రామాల్లో వచ్చే కాయల ధర రూ.23 వేల వరకు పలుకుతోంది. నిల్వ కాయ (ముక్కుడు కాయ) ధర రూ.20 వేల వద్ద ఉంది. పండగల సీజన్‌లో ఉత్తరాది రాష్ట్రాల నుంచి కొబ్బరికి డిమాండ్‌ పెరగడం మార్కెట్‌కు ఊతమిస్తోంది. పెరిగిన ఎగుమతులు కోనసీమతో పాటు కాకినాడ, తూర్పు గోదావరి జిల్లాల్లో సుమారు 1.30 లక్షల ఎకరాల్లో కొబ్బరి సాగు జరుగుతోంది. సెప్టెంబర్‌ మొదటి వారంలో వెయ్యి పచ్చి కాయల ధర రూ.24 వేల వరకు పలికింది. ముక్కుడు కాయ (నిల్వ కాయ) ధర కూడా రూ.22 వేలకు చేరింది. ధర ఒక్కసారిగా రూ.18 వేల నుంచి రూ.24 వేల వరకు పెరగడంతో రూ.25 వేల మార్కును చేరుతుందని రైతులు, వ్యాపారులు అంచనా వేశారు. అయితే, ఆ తర్వాత మార్కెట్‌ ఒక్కసారిగా తిరగబడింది. వెయ్యి పచ్చి కాయ ధర రూ.19 వేలకు పడిపోయింది. అనంతరం, క్రమంగా కోలుకుని రూ.20 వేలకు చేరింది. వారం రోజులుగా ఇది రూ.22 వేల నుంచి రూ.23 వేల వరకు పెరిగింది. నిల్వ కాయ ధర కూడా రూ.18 వేల వరకు తగ్గి ప్రస్తుతం రూ.20 వేల వద్ద కొనసాగుతోంది. ఉమ్మడి ఉభయ గోదావరి జిల్లాల నుంచి గుజరాత్‌, హర్యానా, ఉత్తర ప్రదేశ్‌, బిహార్‌, ఛత్తీస్‌గఢ్‌, మహారాష్ట్ర తదితర రాష్ట్రాలకు సాధారణ దినాల్లో రోజుకు 70 లారీల వరకు పచ్చి కాయల ఎగుమతి జరుగుతోంది. ఇప్పుడు దసరా, దీపావళి పండగల సీజన్‌ మొదలవడంతో ఎగుమతులు మరింత పెరిగాయని స్థానిక వ్యాపారులు చెబుతున్నారు. పచ్చి కాయను మూడు నాలుగు నెలల పాటు నిల్వ చేసుకునే అవకాశముంది. వీటిని కార్తిక మాసం చివరి వరకు వినియోగించుకునే వీలుండటంతో ఈ పండగల సీజన్‌లో పచ్చికాయలకు డిమాండ్‌ పెరిగిందని వ్యాపారులు అంటున్నారు. తమిళనాట ధర పెరగడంతో.. ఉత్తరాది రాష్ట్రాల్లో తమిళనాడు కొబ్బరి ధరను బట్టి ఆంధ్రా కొబ్బరి ధరను నిర్ణయిస్తున్నారు. దక్షిణాది నుంచి ఎగుమతి అయ్యే వాటిలో తమిళనాడు కొబ్బరి కాయ సైజు పెద్దదిగా ఉంటోంది. దీంతో, దాని రేటును బట్టి మిగిలిన రాష్ట్రాల కొబ్బరికి ధర నిర్ణయిస్తున్నారు. తమిళనాడులో గత నెల మొదటి వారంలో కిలో కొబ్బరి సగటు ధర రూ.50 వరకు ఉండగా, ప్రస్తుతం అది రూ.56కు పెరిగింది. కిలోకు సగటున రెండున్నర కాయలు లెక్కిస్తే ఒక్కో కాయకు రూ.22 నుంచి రూ.23 వరకు ధర వస్తోంది. దీంతో పాటు తమిళనాడు నుంచి ఎగుమతులు కూడా తగ్గాయి. కోనసీమ కొబ్బరి కాయల ధరలు పెరగడానికి ఈ పరిణామాలు కూడా కారణమయ్యాయి. నిలకడగా కురిడీ ధరలు మరోవైపు కురిడీ కొబ్బరి ధరలు నెల రోజులుగా దాదాపు నిలకడగా ఉన్నాయి. సెప్టెంబరు మొదటి వారంతో పోలిస్తే వెయ్యి కాయలకు సుమారు రూ.500 వరకు తగ్గినా పెద్దగా హెచ్చుతగ్గులు కనిపించడం లేదు. ప్రస్తుతం పాత గండేరా వెయ్యి కాయలకు రూ.26,500, గటగట కాయలకు రూ.23,500 చొప్పున ధర పలుకుతోంది. కొత్త గండేరా రూ.25,500, గటగట రూ.22,500గా ఉంది. కొత్త కొబ్బరి (ఎండు కొబ్బరి – తయారీ కొబ్బరి) క్వింటాల్‌కు రూ.16 వేల నుంచి రూ.17 వేల వరకు, రెండో రకం రూ.15 వేల నుంచి రూ.16 వేల వరకు ధర పలుకుతోంది. మొత్తం మీద మార్కెట్లో ధరలు పెరగడం, నిలకడగా ఉండటం కొబ్బరి రైతులకు కాస్త సంతృప్తినిస్తోంది. పండగల సీజన్‌లో పెరుగుతున్నందున ఈ ధరలు మరింత పెరగాలని వారు ఆశిస్తున్నారు.

ప్రభుత్వ సొమ్మును పచ్చ నేతలకు దోచిపెట్టడానికి చంద్రబాబు నాటకాలాడటం విడ్డూరంగా ఉంది. గతంలో వైఎస్‌ జగన్‌మోహన్‌రెడ్డి ప్రభుత్వంలో కరోనా వంటి విపత్కర సమయాల్లో ప్రజలకు విశేష సేవలందించిన మా పొట్టపై కొట్టారు. ప్రభుత్వ సొమ్ము దుబారా అన్నారు. ఇప్పుడు సొంత డప్పు కొట్టించుకోవడానికి సోషల్‌ మీడియా ఇన్‌ఫ్లుయెన్సర్లకు సర్కారు సొమ్ము చెల్లిస్తామనడం చంద్రబాబు దగాకోరుతనానికి నిదర్శనం. ఇచ్చిన హామీలన్నీ పక్కన పెట్టి, పచ్చ నేతలకు దోచిపెట్టడానికి ఆయన ఆడుతున్న నాటకాలను ప్రజలు గమనిస్తున్నారు. – ఎం.చాముండేశ్వరి, మాజీ వలంటీర్‌, ఆత్రేయపురం ప్రభుత్వం సమాధానం చెప్పాలివలంటీర్లకు గౌరవ వేతనం నెలకు రూ.5 వేలే ఇచ్చినా ప్రజలకు సేవ చేయాలనే ఉద్దేశంతో పని చేశాం. అధికారంలోకి వచ్చిన తర్వాత మమ్మల్ని కొనసాగిస్తామని చెప్పిన చంద్రబాబు ప్రభుత్వం ఆ హామీని అమలు చేయలేదు. ఇప్పుడు ప్రభుత్వ ప్రచారం కోసం సోషల్‌ మీడియాకు భారీగా చెల్లింపులు చేయాలనుకోవడం చూస్తే ప్రభుత్వ ప్రాధాన్యాలు ఏమిటో అర్థమవుతోంది. ప్రజల కోసం పని చేసిన వారికి ఉపాధి కల్పించకుండా, సొంత ప్రచారం కోసం ప్రజాధనం ఖర్చు చేయడంపై కూటమి ప్రభుత్వం సమాధానం చెప్పాలి. – పిసిని రాజేష్‌, మాజీ వలంటీర్‌, రఘుదేవపురం, సీతానగరం మండలం, తూర్పు గోదావరి జిల్లా

అమలాపురం రూరల్‌: ఎస్సీ, ఎస్టీ అట్రాసిటీ కేసుల్లో దర్యాప్తును వేగవంతం చేసి, బాధితులకు సత్వర న్యాయం, పరిహారం అందించాలని కలెక్టర్‌ ఆర్‌.మహేష్‌ కుమార్‌ అన్నారు. జిల్లా సాంఘిక సంక్షేమ శాఖ ఆధ్వర్యాన కలెక్టరేట్‌లో బుధవారం జరిగిన ఎస్సీ ఎస్టీ జిల్లా విజిలెన్స్‌, మానిటరింగ్‌ కమిటీ త్రైమాసిక సమావేశానికి ఆయన అధ్యక్షత వహించారు. ఈ సందర్భంగా మాట్లాడుతూ, ఎస్సీ, ఎస్టీల సంక్షేమం, భద్రత, హక్కుల పరిరక్షణ విషయంలో ఎలాంటి రాజీ ఉండకూడదని అన్నారు. ఎస్సీ, ఎస్టీ కాలనీలు, శ్మశాన వాటికల్లో మౌలిక వసతుల కల్పనపై ప్రత్యేక శ్రద్ధ వహించాలన్నారు. కమిటీ సభ్యులు, ప్రజాప్రతినిధులు ప్రస్తావించిన సమస్యలపై సంబంధిత శాఖలు తీసుకున్న చర్యలను కలెక్టర్‌ పరిశీలించారు. ఎస్సీ, ఎస్టీ శ్మశాన వాటికలు ఆక్రమణలకు గురవుతున్నాయని పలువురు సభ్యులు చెప్పారు. రీసర్వేలో శ్మశాన భూములను స్పష్టంగా గుర్తించి, హద్దులు నిర్ణయించి, రికార్డుల్లో నమోదు చేసేందుకు చర్యలు తీసుకోవాలని సంబంధిత అధికారులను కలెక్టర్‌ ఆదేశించారు. ఎమ్మెల్సీ కుడుపూడి సూర్యనారాయణరావు మాట్లాడుతూ, ఎస్సీ, ఎస్టీ వర్గాల సంక్షేమం, హక్కుల పరిరక్షణకు ప్రభుత్వం అమలు చేస్తున్న కార్యక్రమాలు అర్హులైన ప్రతి ఒక్కరికీ అందేలా అధికారులు శ్రద్ధ చూపాలని కోరారు. హాస్టళ్లలో విద్యార్థులకు మెరుగైన వసతులు కల్పించాలన్నారు. సమావేశంలో జిల్లా రెవెన్యూ అధికారి వి.సుబ్బారావు, అడిషనల్‌ ఎస్పీ మహేంద్ర మత్తే, అమలాపురం, కొత్తపేట ఆర్‌డీఓలు ఎం.సరళావతి, జీవీ సత్యనారాయణ, డీఎస్పీలు టీవీకే ప్రసాద్‌, ఎస్‌.మురళీమోహన్‌, జిల్లా సాంఘిక సంక్షేమ శాఖ అధికారి వెంకటకృష్ణ, సమగ్ర శిక్ష పీఓ జి.మమ్మీ, జిల్లా విద్యా శాఖ అధికారి మహబూబ్‌ షా, డీఆర్‌డీఏ పీడీ డి.రాంబాబు, జిల్లా లీడ్‌ బ్యాంక్‌ మేనేజర్‌ కేశవవర్మ, డీఎస్‌ఓ విజయ భాస్కర్‌, డ్వామా పీడీ రామ్‌గోపాల్‌, ఐసీడీఎస్‌ పీడీ బి.శాంతికుమారి కమిటీ సభ్యులు పుణ్యమంతుల రజని, చిన్న అప్పారావు, జె.శ్రీనివాసరాజు, మోహన్‌ కుమార్‌ దాడి తదితరులు పాల్గొన్నారు. గడువులోగా జల్‌ జీవన్‌ మిషన్‌ పనులు అమలాపురం రూరల్‌: గ్రామీణ ప్రాంతాల్లో చేపడుతున్న తాగునీటి సరఫరా, జల్‌ జీవన్‌ మిషన్‌ పనులను గడువులోగా పూర్తి చేయాలని కలెక్టర్‌ ఆర్‌.మహేష్‌ కుమార్‌ సంబంధిత అధికారులను ఆదేశించారు. తాగునీరు, పారిశుధ్యం తదితర అంశాలపై కలెక్టరేట్‌లో బుధవారం నిర్వహించిన సమీక్షా సమావేశంలో ఆయన మాట్లాడారు. తాగునీటి సరఫరాలో ప్రజలకు ఎలాంటి ఇబ్బందులూ తలెత్తకుండా ముందస్తు చర్యలు చేపట్టాలని సూచించారు. నీటి నాణ్యత పరీక్షలు – పీఆర్‌ వన్‌ పత్రికను ఆవిష్కరించారు.

అమలాపురం రూరల్‌: ఆడపిల్లల పట్ల వివక్షను పూర్తిగా నిర్మూలించి, భ్రూణ హత్యలకు అడ్డుకట్ట వేసేందుకు ప్రీ–కన్సెప్షన్‌, ప్రీ–నేటల్‌ డయాగ్నొస్టిక్‌ టెక్నిక్స్‌ (పీసీపీఎన్‌డీటీ) చట్టాన్ని పకడ్బందీగా అమలు చేయాలని జాయింట్‌ కలెక్టర్‌ వైఖోమ్‌ నైడియాదేవి ఆదేశించారు. కలెక్టరేట్‌లో బుధవారం జరిగిన మాతాశిశు మరణాల జిల్లా స్థాయి సలహా కమిటీ సమావేశంలో ఆమె మాట్లాడారు. జిల్లాలోని ప్రభుత్వ, ప్రైవేట్‌ స్కానింగ్‌ కేంద్రాలపై నిరంతరం తనిఖీలు చేయాలని అధికారులకు సూచించారు. స్కానింగ్‌ కేంద్రాల్లో ఫారమ్‌–ఎఫ్‌ నమోదు, గర్భిణుల వివరాలు, స్కానింగ్‌ రికార్డులు, ఇతర పత్రాలను నిశితంగా పరిశీలించాలన్నారు. నిబంధనలను ఉల్లంఘిస్తున్న కేంద్రాలను గుర్తించేందుకు వైద్య, ఆరోగ్య, రెవెన్యూ, పోలీసు శాఖలు సమన్వయంతో తనిఖీలు నిర్వహించాలని సూచించారు. అవసరమైతే సందర్భాల్లో డెకాయ్‌ ఆపరేషన్లు నిర్వహించాలన్నారు. చట్టవిరుద్ధంగా లింగ నిర్ధారణ పరీక్షలు నిర్వహించే వారిపై క్రిమినల్‌ కేసులు నమోదు చేసి, చట్టపరమైన చర్యలు తీసుకోవాలని ఆదేశించారు. ఈ సమావేశంలో ఇన్‌చార్జి జిల్లా వైద్య, ఆరోగ్య శాఖ అధికారి సత్యనారాయణ, అడిషనల్‌ ఎస్పీ మహేంద్ర మత్తే తదితరులు పాల్గొన్నారు.

అమలాపురం టౌన్‌: జిల్లా పోలీసు శాఖకు చెందిన బెల్జియన్‌ మాలినోయ్‌ జాతి (ఆడ) డాగ్‌ ‘మాయ’ నార్కో ట్రేడ్‌లో ద్వితీయ స్థానంతో రజత పతకం కై వసం చేసుకుంది. దీనికి మంగళగిరిలో నార్కోటిక్‌, ట్రాకర్‌ కోర్సులో ప్రత్యేక శిక్షణ ఇచ్చారు. ఈ శిక్షణలో నార్కోటిక్‌ (మత్తు) పదార్థాలను గుర్తించడంలో మాయ ప్రతిభ చాటింది. దీనికి స్పేర్‌ హ్యాండ్లర్‌, కానిస్టేబుల్‌ విజయ్‌ కుమార్‌ సహకారంతో డాగ్‌ హ్యాండ్లర్‌ కానిస్టేబుల్‌ జి.వెంకట అప్పారావు శిక్షణ ఇచ్చారు. మాయ పతకం సాధించడంపై ఎస్పీ రాహుల్‌ మీనా, ఏఎస్పీ మహేంద్ర మత్తే, డీఎస్‌డబ్ల్యూఓ, ఆర్‌ఐ కోటేశ్వరరావు హర్షం వ్యక్తం చేశారు. శిక్షణ ఇచ్చిన వారిని అభినందించారు. మత్తు పదార్థాల అక్రమ రవాణా, వినియోగాన్ని అరికట్టడంలో శిక్షణ పొందిన పోలీస్‌ డాగ్స్‌ కీలక పాత్ర పోషిస్తున్నాయని ఎస్పీ పేర్కొన్నారు. రాష్ట్ర స్థాయి బాక్సింగ్‌ పోటీలకు ఎంపిక అయినవిల్లి: రాష్ట్ర స్థాయి బాక్సింగ్‌ పోటీలకు అయినవిల్లి మండలం నల్లచెరువు జెడ్పీ హైస్కూలుకు చెందిన ముగ్గురు విద్యార్థులు రాష్ట్ర స్థాయికి ఎంపికయ్యారు. స్కూల్‌ గేమ్స్‌ ఫెడరేషన్‌ ఆఫ్‌ ఇండియా ఆధ్వర్యాన ఇటీవల పిఠాపురంలోని పీఆర్‌ ప్రభుత్వ ఉన్నత పాఠశాలలో ఉమ్మడి జిల్లాల స్థాయి బాక్సింగ్‌ సెలక్షన్‌ పోటీలు జరిగాయి. ఇందులో అండర్‌–14 విభాగంలో మొగలి ఆదికేశవ్‌ (8వ తరగతి) 40–42 కిలోలు, సుంకర వీరసాయి సూర్యకిరణ్‌ (9వ తరగతి) 32–34 కిలోలు, గుత్తుల మహేష్‌ కృష్ణ 42–44 కిలోల విభాగాల్లో రాష్ట్ర స్థాయికి ఎంపికయ్యారు. వీరు అక్టోబర్‌ 9 నుంచి 11వ తేదీ వరకు ప్రకాశం జిల్లా ఒంగోలులో జరిగే రాష్ట్ర స్థాయి బాక్సింగ్‌ పోటీల్లో పాల్గొంటారని పాఠశాల పీడీ పాయసం శ్రీనివాసరావు తెలిపారు. ప్రతిభ చూపిన విద్యార్థులను ఎంఈఓలు బండారు శేషగిరిరావు, పెచ్చెట్టి శ్రీనివాసరావు, ప్రధానోపాధ్యాయురాలు వై.ఝాన్సీ నాగజ్యోతి, ఉపాధ్యాయులు, నల్లచెరువు గ్రామ పెద్దలు అభినందించారు.

కొత్తపేట: న్యాయమైన డిమాండ్ల సాధన కోసం తాము చేపట్టిన నిరాకరణ దీక్షపై ప్రభుత్వం స్పందించకపోతే ఆత్మహత్యలే శరణ్యమని గ్రామ రెవెన్యూ సహాయకులు (వీఆర్‌ఏ) వాపోయారు. పలు డిమాండ్లతో వారు చేపట్టిన నిరవధిక ఆందోళనలో భాగంగా మండలంలోని వీఆర్‌ఏలు స్థానిక పాత తహశీల్దార్‌ కార్యాలయం వద్ద 14 రోజుల పాటు వివిధ రీతుల్లో నిరసన తెలిపిన విషయం తెలిసిందే. దీనికి కొనసాగింపుగా బుధవారం తాళ్లతో ఉరి వేసుకుని ఆత్మహత్య చేసుకున్నట్టుగా వినూత్న రీతిలో నిరసన తెలిపారు. సంఘం మండల ప్రధాన కార్యదర్శి పిల్లంగోరు బాలు మాట్లాడుతూ, తమ డిమాండ్లు నెరవేర్చాలని కోరుతూ జోరువానలో, మండుటెండలో 15 రోజులుగా నిరవధిక నిరసన తెలుపుతున్నా ప్రభుత్వం స్పందించడం లేదని వాపోయారు. ఇటువంటి పరిస్థితుల్లో తమకు ఆత్మహత్యలే శరణ్యమని ఆవేదన వ్యక్తం చేశారు. కార్యక్రమంలో సంఘం మండల అధ్యక్షుడు కె.భీమశంకరం, కోశాధికారి ఎస్‌.నాగభూషణం తదితరులు పాల్గొన్నారు. వివిధ క్రీడల్లో నేడు ఎంపికలు సాక్షి, అమలాపురం: స్కూల్‌ గేమ్స్‌ ఫెడరేషన్‌ ఆఫ్‌ ఇండియా (ఎస్‌జీఎఫ్‌ఐ) ఆధ్వర్యాన ఉమ్మడి తూర్పు గోదావరి జిల్లా పరిధికి సంబంధించి వివిధ క్రీడాంశాల్లో గురువారం ఎంపికలు జరగనున్నాయి. ఎస్‌జీఎఫ్‌ఐ జిల్లా కార్యదర్శులు కె.గణేశ్వరరావు, వైఎస్‌ఎస్‌ ఉషారాణి బుధవారం ఈ వివరాలు తెలిపారు. కాకినాడలోని జిల్లా క్రీడా మైదానంలో అండర్‌–14, అండర్‌–17 బాలబాలికల రెజ్లింగ్‌ (ఫ్రీ స్టైల్‌), అండర్‌–14, 17 బాలికల రగ్బీ ఎంపికలు జరుగుతాయి. అంబాజీపేట హైస్కూల్‌లో అండర్‌–17 బాలికల క్రికెట్‌ ఎంపికలు నిర్వహిస్తారు. జిల్లాలోని వ్యాయామోపాధ్యాయులు తమ పాఠశాలల క్రీడాకారులను ఈ ఎంపికల్లో పాల్గొనేలా చూడాలని వారు కోరారు. శనైశ్చరుని హుండీల ఆదాయం రూ.9.12 లక్షలు కొత్తపేట: కొత్తపేట మండలం మందపల్లిలో శనిదోష నివారణకు ప్రసిద్ధి చెందిన ఉమా మందేశ్వర (శనైశ్చర) స్వామి వారికి హుండీల ద్వారా రూ.9,12,351 ఆదాయం వచ్చింది. దేవదాయ, ధర్మాదాయ శాఖ అసిస్టెంట్‌ కమిషనర్‌, దేవస్థానం ఈఓ దారపురెడ్డి సురేష్‌బాబు ఈ విషయం తెలిపారు. ఆరు నెలల 7 రోజుల అనంతరం బుధవారం ఉదయం హుండీలను తెరచి, ఆదాయం లెక్కించారు. స్వామి వారి హుండీల ద్వారా రూ.8,11,454, క్షేత్ర పాలకుడు వేణుగో పాలస్వామి వారి హుండీల ద్వారా రూ.47,391, అన్నప్రసాదం హుండీ ద్వారా రూ.53,506 వచ్చాయని సురేష్‌బాబు వివరించారు. సీఈసీని వెంటనే తొలగించాలి అమలాపురం టౌన్‌: ప్రజాస్వామ్యానికి తూట్లు పొడుస్తూ, ఎన్నికల వ్యవస్థను భ్రష్టు పట్టించిన కేంద్ర ప్రధాన ఎన్నికల కమిషనర్‌ (సీఈసీ) జ్ఞానేష్‌ కుమార్‌ను తక్షణం ఆ పదవి నుంచి తొలగించాలని సీడబ్ల్యూసీ సభ్యుడు గిడుగు రుద్రరాజు డిమాండ్‌ చేశారు. జిల్లా కాంగ్రెస్‌ కమిటీ అధ్యక్షుడు కొత్తూరి శ్రీనివాస్‌ ఆధ్వర్యాన స్థానిక గడియారం స్తంభం సెంటర్లోని మహాత్మా గాంధీ విగ్రహం వద్ద బుధవారం జరిగిన ధర్నాలో ఆయన మాట్లాడారు. సర్‌ పేరిట సీఈసీ జ్ఞానేష్‌కుమార్‌ తప్పుడు మార్గంలో ఓటర్ల జాబితాలు రూపొందించేందుకు కారకుడైన ప్రధాని నరేంద్ర మోదీ కూడా రాజీనామా చేయాలని డిమాండ్‌ చేశారు. ఏఐసీసీ కార్యదర్శి జంగా గౌతమ్‌ తదితరులు ఈ ధర్నాలో పాల్గొన్నారు. వరద రక్షణ చర్యలకు సమగ్ర ప్రణాళిక అమలాపురం రూరల్‌: గోదావరి ఏటిగట్ల కోతను నివారించడంతో పాటు, వరదల సమయంలో నష్టం వాటిల్లకుండా శాశ్వత రక్షణ చర్యలు చేపట్టేందుకు సమగ్ర ప్రణాళిక రూపొందించాలని కలెక్టర్‌ మహేష్‌ కుమార్‌ అధికారులను, నిపుణులను ఆదేశించారు. ఏటిగట్ల పరిరక్షణపై సీఎస్‌ఐఆర్‌, పర్యావరణ నిపుణులు రూపొందించిన ప్రాథమిక నివేదికను ఆయన పరిశీలించారు. జిల్లాలో 14 సమస్యాత్మక ప్రాంతాలను గుర్తించామని, అక్కడ వరద ప్రవాహం, వేగం ఎంత మేరకుంది, ఏటిగట్లపై ఎంత స్థాయిలో ఒత్తిడి పడుతోంది, కోతకు ప్రధాన కారణాలు తదితర అంశాలను విశ్లేషిస్తున్నామని నిపుణులు వివరించారు.

అమలాపురం టౌన్‌: పశ్చిమ గోదావరి జిల్లా తణుకులో ఇటీవల జరిగిన 44వ ఏపీ అంతర్‌ జిల్లాల మాస్టర్స్‌ అథ్లెటిక్‌ చాంపియన్‌షిప్‌ పోటీల్లో అమలాపురానికి చెందిన మెహబూబ్‌ సిస్టర్స్‌ షహీరా, షకీలాలు పలు పతకాలు సాధించారు. 75 ప్లస్‌లో షహీరా, 65 ప్లస్‌ వయస్సులో షకీలా ఈ పోటీల్లో తలపడ్డారు. షహీరా 100 మీటర్ల పరుగు పందెంలో ప్రథమ స్థానంలో నిలిచి బంగారు పతకాన్ని కైవసం చేసుకున్నారు. లాంగ్‌ జంప్‌లో ద్వితీయ స్థానం సాధించి రజత, షాట్‌పుట్‌లో తృతీయ స్థానంతో కాంస్య పతకాలు అందుకున్నారు. మెహబూబ్‌ షకీలా హైజంప్‌, 100 మీటర్లు, 200 మీటర్ల పరుగు పందేల్లో ప్రథమ స్థానాల్లో నిలిచి మూడు బంగారు పతకాలు దక్కించుకున్నారు.

అమలాపురం రూరల్‌: ఓటర్ల జాబితా ప్రత్యేక సమగ్ర సవరణ (సర్‌) ప్రక్రియను జిల్లాలో సమర్థవంతంగా పూర్తి చేయాలని ఎన్నికల అధికారులను జిల్లా ఎలక్ట్రోరల్‌ రోల్‌ పరిశీలకురాలు బి.నవ్య ఆదేశించారు. సర్‌ ప్రక్రియపై కలెక్టర్‌ మహేష్‌ కుమార్‌, జాయింట్‌ కలెక్టర్‌ వైఖోమ్‌ నైడియాదేవితో కలసి ఈఆర్‌ఓలతో కలెక్టరేట్‌లో బుధవారం ఆమె సమీక్ష సమావేశం నిర్వహించారు. సర్‌ ప్రక్రియలో భాగంగా నమోదైన మొత్తం 57,902 కేసులకు సంబంధించి విచారణ పూర్తయిందని అధికారులు వివరించారు. అక్టోబర్‌ 12న తుది ఓటర్ల జాబితా ప్రచురణకు చర్యలు చేపడుతున్నామన్నారు. ఈ ఏడాది జనవరి 1 నుంచి సెప్టెంబర్‌ 10వ తేదీ వరకు వచ్చిన వివిధ దరఖాస్తులపై నవ్య సమీక్షించారు. ఫారం–6 కింద కొత్త ఓటరు నమోదుకు 1,462, ఫారం–6ఎ కింద 5, ఫారం–7 కింద 199, ఫారం–8 కింద 986 దరఖాస్తులు పెండింగ్‌లో ఉన్నాయని అధికారులు వివరించారు. ముమ్మిడివరం, రాజోలు నియోజకవర్గాల్లో ఫారం–8 దరఖాస్తుల తిరస్కరణ శాతంపై నవ్య అధికారులను అడిగి తెలుసుకున్నారు. కలెక్టర్‌ మాట్లాడుతూ, అర్హులైన ప్రతి ఓటరుకు ఓటు హక్కు ఉండేలా అధికారులు అప్రమత్తంగా వ్యవహరించాలని సూచించారు. సమావేశంలో జిల్లా రెవెన్యూ అధికారి వి.సుబ్బారావు తదితరులు పాల్గొన్నారు.

ఎండనక, వాననక ప్రతి నెలా ఒకటో తేదీ తెల్లవారుజామునే తలుపు తట్టి, పింఛన్లు అందించిన చేతులకు చిల్లిగవ్వ ఇచ్చేందుకు బడ్జెట్‌ సాకులు చెప్పిన ప్రభుత్వం.. ఇప్పుడు సోషల్‌ మీడియాలో తమ గొప్పలు చెప్పుకోవడానికి ప్రతి నెలా పారితోషికాలుగా వేలకు వేలు పంచేందుకు జీఓలు తేవడం ఎంతవరకూ న్యాయం? కరోనా వంటి విపత్కర పరిస్థితుల్లో సైతం ప్రాణాలకు తెగించి మరీ ప్రజలకు సేవలందించిన వలంటీర్ల కడుపు మీద కూటమి సర్కారు కొట్టింది. ఇప్పుడు పార్టీ డబ్బా కొట్టే ఇన్‌ఫ్లుయెన్సర్లకు ప్రజాధనాన్ని జీతాల రూపంలో దోచిపెట్టడం ప్రజాస్వామ్యానికే అవమానం. క్షేత్ర స్థాయిలో ప్రజల కష్టాలను తీర్చిన సేవకులు భారమయ్యారా? ఫోన్ల ముందు మైకులు పట్టుకుని భజన చేసే ప్రచారకులు ముఖ్యమయ్యారా? సేవకు ఇచ్చే గౌరవం ఇదేనా? – పెంకే శివ, వలంటీర్‌, అముజూరు, కె.గంగవరం మండలం సర్కారు తీరు బాధాకరం ప్రజలకు నేరుగా సేవలందించాం. వరదలు, కరోనా సమయంలోనూ వెనకడుగు వేయలేదు. మమ్మల్ని గాలికొదిలేశారు. మా గురించి పట్టించుకోకుండా సొంత ప్రచారానికి ప్రభుత్వం నిధులు కేటాయించడం బాధ కలిగిస్తోంది. – సాధానాల సత్యారావు, ఐ.పోలవరంసాక్షి, అమలాపురం: ఒకప్పుడు తెల్లవారుజామునే ఇంటి తలుపు తట్టి పింఛన్లు అందించిన సేవకులు.. కరోనా కష్టకాలంలో ప్రాణాలకు తెగించి మందులు, నిత్యావసరాలు చేరవేసిన సేవాసైనికులు.. గోదావరి వరదల్లో ముంపు బాధితులకు అండగా నిలిచిన ఆత్మబంధువులు.. నేడు ఉపాధి కోసం ఎదురు చూస్తున్నారు. గత సార్వత్రిక ఎన్నికల సమయంలో వలంటీర్ల వ్యవస్థను బలోపేతం చేస్తామని, నెలకు రూ.10 వేల గౌరవ వేతనం చెల్లిస్తామని చంద్రబాబు అండ్‌ కో కల్లబొల్లి కబుర్లు చెప్పారు. తీరా అధికారంలోకి వచ్చాక బడ్జెట్‌ కేటాయింపుల్లేవంటూ వలంటీర్లను పక్కన పెట్టారు. మరోవైపు సొంత ప్రచారం కోసం సోషల్‌ మీడియా ఇన్‌ఫ్లుయెన్సర్లకు కోట్లాది రూపాయలు చెల్లించేందుకు సిద్ధమవుతున్నారు. సర్కారు తీరుపై సర్వత్రా తీవ్ర విమర్శలు వస్తున్నాయి. సొంత డబ్బాకే ప్రాధాన్యం ఎంతో విశిష్ట సేవలందించిన వలంటీర్‌ వ్యవస్థను బడ్జెట్‌ సాకులతో రద్దు చేసిన చంద్రబాబు ప్రభుత్వం.. తాజాగా ప్రభుత్వ పథకాలు, అభివృద్ధి కార్యక్రమాల ప్రచారం కోసం సోషల్‌ మీడియా ఇన్‌ఫ్లుయెన్సర్ల విధానానికి తెర తీసింది. ఫాలోవర్ల సంఖ్య ఆధారంగా పారితోషికాలు చెల్లించే విధానానికి రాష్ట్ర మంత్రివర్గం ఇటీవల ఆమోదం తెలిపింది. దీంతో, ఎన్నో సేవలందించిన తమను గుర్తించకుండా, సొంత డబ్బా వాయించుకునేందుకు ప్రభుత్వం ప్రాధాన్యమిస్తోందనే అసంతృప్తి మాజీ వలంటీర్లలో వ్యక్తమవుతోంది. ఐ–టీడీపీ కార్యకర్తలకు ఉపాధి కల్పించేందుకే ప్రభుత్వం ఇదంతా చేస్తోందని వారు విమర్శిస్తున్నారు. హామీ అమలుపై స్పష్టత కావాలి మాకు నెలకు రూ.10 వేల గౌరవ వేతనం ఇస్తామని ఎన్నికల సమయంలో చెప్పారు. అధికారంలోకి వచ్చాక మమ్మల్ని పక్కన పెట్టారు. ఇప్పుడు ప్రచారం పేరుతో ఇన్‌ఫ్లుయెన్సర్లకు వేలాది రూపాయిలు ఇచ్చేందుకు సిద్ధమవుతున్నారు. మాకు ఇచ్చిన హామీ అమలుపై ప్రభుత్వం స్పష్టతనివ్వాలి. – పండు అంబేద్కర్‌, వలంటీర్‌, ఉప్పలగుప్తం ప్రాణాలకు తెగించి సేవలందించాం కరోనా, వరదలు, భారీ వర్షాల సమయంలో గ్రామాల్లోని ప్రజలకు అందుబాటులో ఉండి, ప్రాణాలకు తెగించి మరీ సేవలందించాం. కూటమి ప్రభుత్వం అధికారంలోకి వచ్చిన వెంటనే మాకు జీతాలు పెంచుతామని, విధుల్లోకి తీసుకుంటామని చంద్రబాబు ఊకదంపుడు ప్రచారం చేశారు. అధికారంలోకి వచ్చాక ఆ హామీని గాలికొదిలేశారు. ప్రాణాలకు తెగించి, సేవలందించిన వలంటీర్లను అభినందించాల్సిన వారే అవమానపరుస్తున్నారు. – కాండ్రేగుల నాగబాబు, వలంటీర్‌, వాకలగరువు, అంబాజీపేట ఫ విపత్తుల వేళ ప్రజలకు విశిష్ట సేవలందించిన వలంటీర్లు ఫ వారి పొట్ట కొట్టిన చంద్రబాబు సర్కారు ఫ నేడు సొంత ప్రచారానికి జనం డబ్బు ఖర్చుకు నిర్ణయం ఫ సోషల్‌ మీడియా ఇన్‌ఫ్లుయెన్సర్ల విధానంపై సర్వత్రా విమర్శలు ఫ ఐ–టీడీపీ కార్యకర్తల కోసమేనని వలంటీర్ల ఆవేదన

అమలాపురం రూరల్‌: ధవళేశ్వరం ప్రాంతంలోని మత్స్యకారులకు నిబంధనల మేరకు న్యాయం చేస్తామని కలెక్టర్‌ ఆర్‌.మహేష్‌ కుమార్‌ అన్నారు. కాటన్‌ బ్యారేజీ వద్ద గోదావరిలో రొయ్య పిల్లల సేకరణకు సంబంధించి, బొబ్బర్లంక మత్స్యకారులతో వివాదం ఏర్పడిన నేపథ్యంలో ధవళేశ్వరం బోట్స్‌మెన్‌, ఫిషర్‌మెన్‌ కో ఆపరేటివ్‌ సొసైటీ ప్రతినిధులతో కలెక్టరేట్‌లోని తన చాంబర్‌లో మంగళవారం ఆయన సమావేశమయ్యారు. ధవళేశ్వరం మత్స్యకార సొసైటీ ప్రతినిధులు మాట్లాడుతూ, ప్రభుత్వం నుంచి లీజుకు తీసుకుని రొయ్య పిల్లల సేకరణ చేపడుతున్నామని తెలిపారు. బొబ్బర్లంక మత్స్యకారుల వైఖరి తమపై ప్రభావం చూపుతోందని, ఇరు వర్గాలకు న్యాయం జరిగేలా చర్యలు తీసుకోవాలని కలెక్టర్‌ను కోరారు. దీనిపై నిబంధనల మేరకు సత్వర చర్యలు తీసుకుంటామని కలెక్టర్‌ హామీ ఇచ్చారు. దీనికి సంబంధించిన అన్ని అంశాలనూ సమగ్రంగా పరిశీలించి, ఎటువంటి వివాదాలకూ తావు లేకుండా సమస్యను పరిష్కరించాలని అధికారులకు సూచించారు. ఈ సమావేశంలో ఎస్పీ రాహుల్‌ మీనా, జిల్లా మత్స్యశాఖ అధికారి కె.కరుణాకరరావు, కాకినాడ స్టేట్‌ ఇన్‌స్టిట్యూట్‌ ఆఫ్‌ ఫిషరీస్‌ టెక్నాలజీ అధికారి కె.శ్రావణి తదితరులు పాల్గొన్నారు.

వేదికపై మిస్‌ యూనివర్స్‌ ఇండియా డాక్టర్‌ సృజనాదేవి, సినీ హీరోయిన్‌ మెహ్రీన్‌ కౌర్‌216 జాతీయ రహదారిపై సాగుతున్న 2కే వాకథాన్‌ప్రపంచ హృదయ దినోత్సవం (వరల్డ్‌ హార్ట్‌ డే) సందర్భంగా అమలాపురంలో మంగళవారం 2కే వాకథాన్‌ నిర్వహించారు. ఇందులో మిస్‌ యూనివర్స్‌ ఇండియా డాక్టర్‌ సృజనాదేవి, సినీ హీరోయిన్‌ మెహ్రీన్‌ కౌర్‌ సందడి చేశారు. స్థానిక ఎస్‌కేబీఆర్‌ కళాశాల నుంచి 216 జాతీయ రహదారిపై గడియార స్తంభం వరకూ సూర్య గ్లోబల్‌ హాస్పిటల్‌ ఆధ్వర్యాన జరిగిన ఈ వాకథాన్‌లో వేలాది మంది పాల్గొన్నారు. – అమలాపురం టౌన్‌

ఫ గత వైఎస్సార్‌ సీపీ ప్రభుత్వం వలంటీర్ల వ్యవస్థను ఏర్పాటు చేసి, ప్రజలకు వారి గడప వద్దనే సంక్షేమ పథకాలను అందించింది. ఫ అప్పట్లో జిల్లావ్యాప్తంగా సుమారు 9,581 మంది వలంటీర్లు పని చేసేవారు. ముఖ్యంగా గోదావరికి భారీ వరదలు వచ్చిన 2022 జూలై, ఆగస్టు నెలల్లో లంక గ్రామాల్లోని ప్రజలకు ఆహారం, తాగునీరు, నిత్యావసరాలు చేరవేయడంలో విశేష సేవలందించారు. ఉదయం, మధ్యాహ్నం ఆహారం తయారు చేసి, ముంపు బాధితులకు అందించేవారు. అలాగే, ఏటిగట్ల వద్ద పరిస్థితులను గమనిస్తూ అధికారులకు సమాచారం అందించేవారు. అత్యవసర పరిస్థితుల్లో వరద బాధితులకు అందుబాటులో ఉండేవారు. ఫ గ్రామ, వార్డు స్థాయిల్లో పింఛన్ల పంపిణీ, ప్రభుత్వ సంక్షేమ పథకాల సమాచారం, అర్హుల గుర్తింపు, అవసరమైన ధ్రువపత్రాలకు దరఖాస్తుల ప్రక్రియలో సహకారం వంటి ఎన్నో సేవలు అందించేవారు. ఫ కోవిడ్‌ సమయంలో ప్రాణాలకు తెగించి మరీ బాధితులకు మందులు, నిత్యావసరాలు చేరవేయడం ద్వారా ప్రజల మన్ననలు అందుకున్నారు.

అమలాపురం టౌన్‌: రెండున్నర దశాబ్దాలైనా కోనసీమ ప్రజలు నేటికీ రైలు కోసం ఎదురు చూపులు చూసే దుస్థితి నెలకొందని కోనసీమ రైల్వే సాధన సమితి (కేఆర్‌ఎస్‌ఎస్‌) స్టీరింగ్‌ కమిటీ ప్రతినిధి, ఎమ్మెల్సీ కుడుపూడి సూర్యనారాయణరావు అసహనం వ్యక్తం చేశారు. జిల్లా వాసుల చిరకాల కోర్కె అయిన రైలును త్వరితగతిన తీసుకురావాలని కేంద్ర, రాష్ట్ర ప్రభుత్వాలను డిమాండ్‌ చేశారు. ‘కోనసీమ రైలు కోసం ప్రజాగళం’ పేరిట కేఆర్‌ఎస్‌ఎస్‌ ఆధ్వర్యాన స్థానిక కల్వకొలను వీధిలో మంగళవారం జరిగిన రౌండ్‌ టేబుల్‌ సమావేశంలో ఆయన మాట్లాడారు. రైల్వే లైన్‌ నిర్మాణానికి కేంద్రం తగిన నిధులిస్తున్నా రాష్ట్ర ప్రభుత్వం భూసేకరణ నత్తనడకన నిర్వహిస్తోందని విమర్శించారు. ఈ నిర్లక్ష్యం వల్లనే ఈ రైల్వే లైను నిర్మాణంలో దశాబ్దాల తరబడి జాప్యం జరుగుతోందని అన్నారు. సమావేశానికి అధ్యక్షత వహించిన కేఆర్‌ఎస్‌ఎస్‌ స్టీరింగ్‌ కమిటీ కన్వీనర్‌ డాక్టర్‌ ఈఆర్‌ సుబ్రహ్మణ్యం మాట్లాడుతూ, కోటిపల్లి – నర్సాపుం రైల్వే లైనుకు మూడు నదులపై వంతెనల నిర్మాణం జరుగుతున్నా.. ఈ లైనుకు అవసరమైన భూసేకణ అంత వేగంగా జరగడం లేదని ఆవేదన వ్యక్తం చేశారు. కేఆర్‌ఎస్‌ఎస్‌ స్టీరింగ్‌ కమిటీ సభ్యుడు, పట్టణ చాంబర్‌ ఆఫ్‌ కామర్స్‌ అధ్యక్షుడు కల్వకొలను తాతాజీ మాట్లాడుతూ, కోనసీమ రైలు కోసం ఓ రోజు కోనసీమ బంద్‌కు పిలుపు ఇవ్వనున్నట్లు ప్రకటించారు. కాకినాడ రైల్వే ప్యాసింజర్స్‌ అసోసియేషన్‌ అధ్యక్షుడు వైడీ రామారావు మాట్లాడుతూ, కాకినాడను మెయిన్‌ లైన్‌లో కలపాలనే డిమాండుతో తాను కొన్ని దశాబ్దాలుగా పోరాడుతున్నానని చెప్పారు. త్వరలోనే కోనసీమ ప్రజాప్రతినిధుల సమక్షంలో అఖిలపక్ష సమావేశం నిర్వహించి, కేంద్ర, రాష్ట్ర ప్రభుత్వాల్లో కదలిక తీసుకురావాలని సమావేశం తీర్మానించింది. ఈ సమావేశంలో డాక్టర్లు, లాయర్లు, టీచర్లు, ప్రజా, రైతు, కార్మిక సంఘాల ప్రతినిధులు, విద్యార్థులు తదితర అన్ని వర్గాల వారూ కోనసీమ రైలు కోసం గళం విప్పారు. కేఆర్‌ఎస్‌ఎస్‌ ప్రతినిధులు సప్పా నాగేశ్వరరావు, ఉప్పుగంటి భాస్కరరావు, పోలిశెట్టి శివాజీ, ఎరగర్త వెంకటేశ్వరరావుతో పాటు వివిధ సంఘాల ప్రతినిధులు యెండూరి నాగేశ్వరరావు, కారెం వెంకటేశ్వరరావు, అయితాబత్తుల ఉమామహేశ్వరరావు, యాళ్ల బ్రహ్మానందం, మేడిద శ్రీనివాసరావు, వాసంశెట్టి సత్తిరాజు తదితరులు ప్రసంగించారు. ఫ రెండున్నర దశాబ్దాలైనా ఎదురు చూపులేనా? ఫ కోనసీమ ప్రజల చిరకాల కోర్కెను కేంద్ర, రాష్ట్ర ప్రభుత్వాలు తీర్చాలి ఫ భూసేకరణ వేగవంతం చేయాలి ఫ రౌండ్‌ టేబుల్‌ సమావేశంలో ఎమ్మెల్సీ సూర్యనారాయణరావు

అమలాపురం టౌన్‌: తమ హక్కులను కాపాడాలని, గత ఏడాది మార్చి నెలలో పార్లమెంట్‌ ఆమోదించిన పెన్షన్‌ రూల్స్‌ను తక్షణమే ఉపసంహరించుకోవాలని ప్రభుత్వ పెన్షనర్లు డిమాండ్‌ చేశారు. ఈ మేరకు అమలాపురంలోని జిల్లా ప్రభుత్వ పెన్షనర్ల భవనం వద్ద వారు మంగళవారం ధర్నా చేశారు. అనంతరం కలెక్టర్‌కు వినతిపత్రం అందజేశారు. ఆలిండియా స్టేట్‌ గవర్నమెంట్‌ పెన్షనర్స్‌ ఫెడరేషన్‌ (ఏఐఎస్‌జీపీఎఫ్‌) పిలుపు మేరకు మొత్తం 12 డిమాండ్ల సాధనకు ఈ ధర్నా నిర్వహించారు. ఎనిమిదో కేంద్ర వేతన సంఘం టెర్‌మ్స్‌ ఆఫ్‌ రిఫరెన్స్‌లో పెన్షన్‌ సవరణను చేర్చకపోవడాన్ని తీవ్రంగా వ్యతిరేకించారు. పెన్షనర్స్‌ కమ్యూనికేషన్‌ 15 సంవత్సరాల వసూలు మొత్తాన్ని 10 సంవత్సరాల 8 నెలలకు తగ్గించాలని, కేంద్ర ప్రభుత్వ పెన్షనర్లతో సమానంగా రాష్ట్ర ప్రభుత్వ పెన్షనర్లకు కూడా డీఏ, డీఆర్‌లు సకాలంలో అందించాలని, 65 నుంచి 75 సంవత్సరాల వయస్సు వరకూ ప్రతి 5 సంవత్సరాలకు 10 శాతం అదనపు పెన్షన్‌ పెంచాలని డిమాండ్‌ చేశారు. జిల్లా పెన్షనర్ల సంఘం అధ్యక్షుడు ఎన్‌సీహెచ్‌ కృష్ణమూర్తి, ప్రధాన కార్యదర్శి కేకేవీ నాయుడు ఆధ్వర్యాన జరిగిన ఈ ధర్నాలో అసోసియేషన్‌ ప్రతినిధులు ఎం.సాయి వరప్రసాదరావు, బీఆర్‌ కామేశ్వరరావు, జి.గోవిందరాజు, మెహబూబ్‌ షహీరా, కె.శ్రీనివాసరావు, జిల్లాలోని వివిధ ప్రాంతాల అసోసియేషన్‌ ప్రతినిధులు దేవళ్ల సత్యనారాయణ (మండపేట), కె.రాజేంద్రప్రసాద్‌ (కొత్తపేట), జి.సత్యనారాయణ (ఆలమూరు) తదితరులు పాల్గొన్నారు.

ఐ.పోలవరం/అయినవిల్లి: గోదావరి వరద క్రమంగా తగ్గుముఖం పడుతోంది. ఎగువ నుంచి ఇన్‌ఫ్లో తగ్గడంతో ధవళేశ్వరంలోని సర్‌ ఆర్థర్‌ కాటన్‌ బ్యారేజీ వద్ద ప్రవాహం తగ్గుతోంది. సోమవారం సాయంత్రం 6 గంటలకు 9,69,911 క్యూసెక్కులుగా ఉన్న మిగులు జలాలు మంగళవారం సాయంత్రం 6 గంటలకు 6,38,771 క్యూసెక్కులకు తగ్గాయి. వరద తగ్గుతూండటంతో గోదావరి పరీవాహక ప్రాంతాల ప్రజలు క్రమంగా ఊపిరి పీల్చుకుంటున్నారు. ధవళేశ్వరం బ్యారేజీ వద్ద సోమవారం రాత్రి 10 గంటలకు మిగులు జలాలు 9,47,047 క్యూసెక్కులకు, మంగళవారం ఉదయం 6 గంటలకు 8,33,506 క్యూసెక్కులకు, మధ్యాహ్నం 3 గంటలకు 6,71,221 క్యూసెక్కులకు, సాయంత్రం 6 గంటలకు 6,38,771 క్యూసెక్కులకు తగ్గాయి. వరద తగ్గుతున్నప్పటికీ జిల్లాలోని పలు ప్రాంతాల్లో ఇంకా ముంపు కొనసాగుతోంది. ముక్తేశ్వరం కాజ్‌వేపై ముంపు కాస్త తగ్గినప్పటికీ సాయంత్రం సమయానికి ఒక అడుగు మేర వరద నీరు ప్రవహిస్తోంది. పడవలపై రాకపోకలను అధికారులు నిలిపివేశారు. ప్రస్తుతం వాహనాల రాకపోకలు మొదలయ్యాయి. మామిడికుదురు మండలం అప్పనపల్లి కాజ్‌వేపై కూడా వరద నీరు తగ్గుముఖం పట్టింది. అయినప్పటికీ, రాకపోకలు సాగించే వీలు లేకపోవడంతో వాహనాలను మామిడికుదురు మీదుగా మళ్లిస్తున్నారు. వృద్ధ గౌతమీ పాయలోని పల్లపు ప్రాంతాల్లో ఇంకా వరద నీరు ఉంది. ఐ.పోలవరం మండలం మురమళ్ల రాఘవేంద్ర వారధి వద్ద వరద నీరు పాంచాల రేవు దాటి ఇళ్ల సమీపానికి చేరింది. మంగళవారం సాయంత్రం నుంచి నీటిమట్టం తగ్గుతూండటంతో స్థానికులు ఊపిరి పీల్చుకుంటున్నారు. పి.గన్నవరం మండలం కనకాయలంక కాజ్‌వేపై ఇంకా ముంపు కొనసాగుతోంది. పి.గన్నవరం అక్విడెక్టు వద్ద గోదావరి ప్రవాహం ఉధృతంగానే ఉంది. ధవళేశ్వరం వద్ద ప్రవాహం క్రమంగా తగ్గుతూండటంతో దిగువన ఉన్న జిల్లాలోనూ బుధవారం ఉదయం నాటికి వరద ఉధృతి మరిత తగ్గనుంది.

అమలాపురం రూరల్‌: అపర భగీరథుడు ఆర్థర్‌ కాటన్‌పై ఎమ్మెల్యే అయితాబత్తుల ఆనందరావు చేసిన వ్యాఖ్యలు బాధాకమని, ఆ మాటలు వెనక్కి తీసుకోవాలని వైఎస్సార్‌ సీపీ నియోజకవర్గ ఇన్‌చార్జి డాక్టర్‌ పినిపే శ్రీకాంత్‌ అన్నారు. జనుపల్లిలో కుమ్మరి కాలువ డ్రెయిన్‌ వల్ల ముంపునకు గురైన పొలాలను పార్టీ రైతు విభాగం జిల్లా అధ్యక్షుడు జిన్నూరి వెంకటేశ్వరరావుతో కలసి మంగళవారం ఆయన పరిశీలించారు. రైతులను అడిగి వివరాలు తెలుసుకున్నారు. కుమ్మరి కాలువ డ్రెయిన్‌లో ఆక్రమణలు, పూడికలు తొలగిస్తేనే ముంపు సమస్యకు పరిష్కారం లభిస్తుందని రైతులు వివరించారు. కుమ్మరి డ్రెయిన్‌ పొంగడంతో నల్లమిల్లి, జనుపల్లి గ్రామాల్లో వరి పంట ముంపునకు గురైందని ఆవేదన వ్యక్తం చేశారు. పంట నష్టపోతే రైతులకు రూ.5 వేలు, రూ.10 వేలు నష్టపరిహారం ఇవ్వడం కాదని, ముంపు సమస్యకు శాశ్వత పరిష్కారం చూపాలని ప్రభుత్వాన్ని డిమాండ్‌ చేశారు. తక్షణం కుమ్మరి కాలువ డ్రెయిన్‌లో పూడికలు, ఆక్రమణలను తొలగించేందుకు అధికారులు చర్యలు తీసుకోవాలని కోరారు. డాక్టర్‌ శ్రీకాంత్‌ మాట్లాడుతూ, భారీ వర్షాలు, డ్రెయిన్ల ఆక్రమణల వలన పంట చేలు మునిగి, తీవ్రంగా నష్టపోతున్న రైతులు తమ సమస్య పరిష్కరించాలంటూ ఎమ్మెల్యే ఆనందరావును ఆయన కార్యాలయంలో కలసి, విజ్ఞప్తి చేయగా.. అవన్నీ కాటన్‌ దొర చేసిన తప్పులంటూ ఆయన వ్యాఖ్యానించడం దారుణమని అన్నారు. రైతు సమస్యలకు పరిష్కారం చూపాల్సిన బాధ్యత ప్రజాప్రతినిఽధిగా ఎమ్మెల్యేపై ఉందన్నారు. ప్రభుత్వం తక్షణం చర్యలు చేపట్టి, రైతుల సమస్యకు పరిష్కారం చూపాలని డిమాండ్‌ చేశారు. కార్యక్రమంలో వైఎస్సార్‌ సీపీ గ్రామ కమిటీ అధ్యక్షుడు శ్రీను తదితరులు పాల్గొన్నారు.

ఆత్రేయపురం: పేరవరం గ్రామానికి చెందిన మాజీ ఎంపీపీ వాకలపూడి వెంకట కృష్ణారావు మంగళవారం వైఎస్సార్‌ సీపీలో చేరారు. తన పదవీ కాలంలో అందరి మన్ననలూ పొందుతూ వివాదరహితుడిగా ఆయన గుర్తింపు పొందారు. స్థానిక టీడీపీ నాయకుల తీరుపై విసుగు చెందానని, వైఎస్సార్‌ సీపీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డిపై అభిమానంతో ఆ పార్టీలో చేరుతున్నానని చెప్పారు. రానున్న ఎన్నికల్లో వైఎస్సార్‌ సీపీ తిరిగి అధికారంలోకి వస్తుందని ధీమా వ్యక్తం చేశారు. మాజీ ఎంపీపీ బెజవాడ హిమబిందు సతీష్‌, మాజీ ఎంపీటీసీ సభ్యులు వంకా దుర్గారావు, బెజవాడ శ్రీనివాస్‌ తదితరులు వెంకట కృష్ణారావుకు వైఎస్సార్‌ సీపీ కండువా కప్పి సాదరంగా పార్టీలోకి ఆహ్వానించారు. ఆయన చేరిక పట్ల వైఎస్సార్‌ సీపీ నాయకులు, కార్యకర్తలు పలువురు హర్షం వ్యక్తం చేశారు. బ్లాక్‌ స్పాట్ల వద్ద ప్రమాదాలను నివారించాలి అమలాపురం రూరల్‌: జిల్లాలో గుర్తించిన 11 బ్లాక్‌ స్పాట్ల వద్ద ప్రమాదాల నివారణకు తక్షణ చర్యలు చేపట్టాలని కలెక్టర్‌ మహేష్‌ కుమార్‌ అధికారులను ఆదేశించారు. కలెక్టరేట్‌లో మంగళవారం జరిగిన జిల్లా స్థాయి రోడ్డు భద్రతా కమిటీ సమావేశంలో ఆయన మాట్లాడారు. రోడ్డు ప్రమాదాల నివారణతో పాటు డ్రగ్స్‌ నిర్మూలన, మహిళ భద్రతపై సంబంధిత శాఖల అధికారులు సమన్వయంతో చర్యలు చేపట్టాలని ఆదేశించారు. ఆర్‌అండ్‌బీ, రాష్ట్ర, ప్రధాన జిల్లా రహదారులపై సమస్యలను గుర్తించి, త్వరితగతిన మరమ్మతులు పూర్తి చేయాలన్నారు. జొన్నాడ హైవే పనులను గడువులోగా, సర్వీస్‌ రోడ్ల పనులను వచ్చే నెల 31వ తేదీ నాటికి పూర్తి చేయాలని సంబంధిత సంస్థలను ఆదేశించారు. ఎస్పీ రాహుల్‌ మీనా మాట్లాడుతూ, జిల్లాలో రోడ్డు ప్రమాదాల నివారణకు పోలీసు, రవాణా శాఖలు సమన్వయంతో ప్రత్యేక తనిఖీలు నిర్వహించాలని అన్నారు. సమావేశంలో అమలాపురం, కొత్తపేట ఆర్‌డీఓలు ఎం.సరళావతి, జీవీవీ సత్యనారాయణ, జిల్లా రవాణా, అటవీ అధికారులు కె.శ్రీనివాసరావు, ఎంవీ ప్రసాదరావు, వివిధ శాఖల అధికారులు పాల్గొన్నారు. బధిరులకు సమానావకాశాలు కల్పించాలి అమలాపురం రూరల్‌: ఇతరులతో సమానంగా బధిరులు గౌరవం, అవకాశాలు పొందేలా అందరూ కృషి చేయాలని కలెక్టర్‌ మహేష్‌ కుమార్‌ అన్నారు. అంతర్జాతీయ బధిరుల వారోత్సవం, అంతర్జాతీయ సంకేత భాషా దినోత్సవం సందర్భంగా అంబేద్కర్‌ ఫంక్షన్‌ హాలులో మంగళవారం నిర్వహించిన అవగాహన కార్యక్రమంలో ఆయన మాట్లాడారు. విద్య, ఉపాధి, సంక్షేమం, సామాజిక భద్రత తదితర రంగాల్లో ప్రభుత్వం అమలు చేస్తున్న పథకాలు, కార్యక్రమాల ప్రయోజనాలు ప్రతి బధిరుడికీ చేరేలా చర్యలు తీసుకుంటామని చెప్పారు. ఎస్పీ రాహుల్‌ మీనా మాట్లాడుతూ, బధిరుల భద్రత, చట్టపరమైన రక్షణకు పోలీసు శాఖ ఎప్పుడూ అండగా ఉంటుందని అన్నారు. కార్యక్రమంలో విభిన్న ప్రతిభావంతులు, హిజ్రాలు, వయోవృద్ధుల సంక్షేమ శాఖ సహాయ సంచాలకుడు ఏవై శ్రీనివాస్‌ తదితరులు పాల్గొన్నారు. గడువులోగా రీసర్వే పూర్తి చేయాలిఅమలాపురం రూరల్‌: జిల్లాలో భూముల రీసర్వే ప్రక్రియను గడువులోగా పూర్తి చేయాలని కలెక్టర్‌ మహేష్‌ కుమార్‌ అధికారులను ఆదేశించారు. ప్రభుత్వ ప్రధాన కార్యదర్శి సాయిప్రసాద్‌, రాష్ట్ర భూ పరిపాలన ప్రధాన కమిషనర్‌ జి.విజయలక్ష్మి, రాష్ట్ర సచివాలయం నుంచి కలెక్టర్లు, జాయింట్‌ కలెక్టర్లు, ఆర్‌డీఓలు, రెవెన్యూ అధికారులతో మంగళవారం నిర్వహించిన వీడియో కాన్ఫరెన్స్‌లో ఆయన పాల్గొన్నారు. అనంతరం మాట్లాడుతూ, రీసర్వే పెండింగ్‌లో ఉన్న గ్రామాలపై ప్రత్యేకంగా దృష్టి సారించి, లక్ష్యాలను సకాలంలో పూర్తి చేయాలని అధికారులను ఆదేశించారు. ఈ–కేవైసీ నమోదు వేగవంతం చేయాలన్నారు. 22–ఎకు సంబంధించిన భూ సమస్యలపై క్షేత్ర స్థాయిలో సమగ్ర విచారణ చేపట్టాలని ఆదేశించారు. వీడియో కాన్ఫరెన్స్‌లో జాయింట్‌ కలెక్టర్‌ వైఖోమ్‌ నైడియాదేవి, జిల్లా రెవెన్యూ అధికారి వి.సుబ్బారావు, జిల్లా పరిపాలన శాఖ అధికారి కె.నాగలక్ష్మమ్మ, రెవెన్యూ సిబ్బంది పాల్గొన్నారు.

సాక్షి, కాకినాడ‌ జిల్లా: ఏపీలో ప్రజాస్వామ్యం ఉందా? లేదా? అంటూ వైఎస్సార్‌సీపీ నేత, మాజీ మంత్రి కురసాల కన్నబాబు మండిపడ్డారు. మంగళవారం ఆయన మీడియాతో మాట్లాడుతూ.. నియంత సామ్రాజ్యంలా‌ ఉందని ప్రజలు అనుకుంటున్నారు.. ప్రశ్నించేవారిని అణిచివేసేలా దుర్మార్గంగా ప్రవర్తిస్తుంది. అధికారులను అడ్డదారుల్లో వాడుకుంటుందన్నారు. ఉద్యోగుల పట్ల చంద్రబాబుకు చాలా చులకన. అన్ని వర్గాలాన్నే ప్రభుత్వ ఉద్యోగులు కూడా మోసపోయారు. ఇప్పుడు సచివాలయం ఉద్యోగులు మోసపోయారు. పరిపాలన వికేంద్రీకరణ లక్ష్యంతో వైఎస్ జగన్ సచివాలయాలు ఏర్పాటు చేయాలని విప్లవాత్మకమైన నిర్ణయం తీసుకున్నారు. 15,004 సచివాలయాలు నిర్మించి.. 1,34,000 ఉద్యోగులను నియమించారు. సచివాలయం వ్యవస్థే వృధా అన్నట్లు మంత్రులు మాట్లాడుతున్నారు’’ అంటూ కన్నబాబు దుయ్యబట్టారు.‘‘అక్రమ కేసులు పెట్టి సచివాలయం ఉద్యోగులను భయబ్రాంతులకు గురి చేస్తున్నారు. ఆంద్రజ్యోతిలో సచివాలయాల మీద పచ్చి అబద్దాలను వండి వర్చారు. గ్రామాల్లోకి వెళ్లి సచివాలయాల ఉద్యోగులు ఎలా పని చేస్తున్నారో అడగండి. వైఎస్‌ జగన్ మీద ద్వేషం తప్పా.. మీకు మరేమీ లేదు. ఉద్యోగులను గౌరవంగా చూసుకుంటానని చంద్రబాబు ఎన్నికల‌ మానిఫెస్టోలో చెప్పారు. తమ‌ హక్కుల కోసం అడిగితే ఉద్యోగులపై కేసులు పెడతారా?...చంద్రబాబు చేతిలో పోలీస్ శాఖ కీలు బొమ్మగా మారిపోయింది. సచివాలయం ఉద్యోగులకు ఎలాంటి జీవోలు గత పాలనలో ఇచ్చామో ఆఫీస్‌కి వెళ్లి వెతుక్కోండి. సచివాలయం వ్యవస్థను రద్దు చేస్తారా? అని సూటిగా చంద్రబాబును అడుగుతున్నా?. సచివాలయ వ్యవస్థను కుదించే కార్యక్రమం చంద్రబాబు చేస్తున్నారు. కోవిడ్‌లో సచివాలయం ఒక యూనిట్‌గా ప్రజలకు సేవలందాయి. సచివాలయం ఉద్యోగులను వైఎస్ జగన్ ప్రభుత్వం చాలా గౌరవంగా చూసింది. మీ చేతగానితనాన్ని సచివాలయం ఉద్యోగులపై ఎందుకు రుద్దుతారు చంద్రబాబు?..ఉద్యోగుల‌ మీద ప్రజల్లో నెమ్మదిగా పాయిజన్ ఎక్కిస్తున్నారు. వచ్చిన ప్రభుత్వ ఆదాయం ఉద్యోగులకు సరిపోతుందని చెబుతున్నారు. పి-4 పథకంలో దాతలు దొరకకపోతే.. ఉద్యోగులే దాతలుగా మారాలని ఒత్తిడి తెచ్చారు. ఇప్పడు సచివాలయం ఉద్యోగులపై కేసులు పెట్టి పోలీస్ స్టేషన్ల చుట్టూ తిప్పిస్తున్నారు. మీ ఎల్లో మీడియా ఉందని పేట్రేగిపోతున్నారు. ప్రభుత్వాన్ని ఎవరూ ప్రశ్నించకూడదూ?. పెయిడ్ ఇన్‌ఫ్లుయెన్సర్లను తీసుకువచ్చారు. మీ తండ్రి కొడుకులను వాళ్లు తమ భుజాన ఎత్తుకుని మోయాలిఇన్‌ఫ్లుయెన్స్‌ కోల్పోయిన వాళ్లే ఇన్‌ఫ్లుయెన్సర్లను పెట్టుకుంటారు. అసలు సమస్యలను వదిలేసి వైఎస్ జగన్‌పై దూషణలతో ఎంతకాలం నెట్టుకొస్తారు. ఉద్యోగులు ఏం పాపం చేశారని వారిపై మీ రెడ్‌బుక్ ప్రయోగిస్తున్నారు. ఉద్యోగులు వాళ్ల హక్కుల కోసం ప్రశ్నిస్తే తప్పా..? ఎకరం రూ.99 లకు కార్పోరేట్ సంస్థలకు కట్టబెడితే ఒప్పా? అని ఎల్లో‌ మీడియాను అడుగుతున్నా....భీమడోలు షుగర్ ఫ్యాక్టరీని పప్పు బెల్లంలా గతంలో చంద్రబాబు అమ్మేశారు. ఇప్పుడు మరికొన్ని సహకార చక్కెర కర్మాగారాలను అమ్మేసే ప్రయత్నం జరుగుతుంది. రైతులు దీనికి ఒప్పుకోవడం లేదు. త్వరలో ఉద్యమానికి సిద్ధమవుతున్నారు. రాష్ట్రాన్ని అధోగతి పాలు చేస్తుంటే వైఎస్సార్‌సీపీ చూస్తూ ఊరుకోదు. సచివాలయం ఉద్యోగులపై కేసులు పెట్టడం దుర్మార్గం.. అమానుషం’’ అంటూ కురసాల కన్నబాబు ధ్వజమెత్తారు.ఇదీ చదవండి: కొల్లు రవీంద్రకు ఇదే నా ఛాలెంజ్: పేర్ని కిట్టు

ఏఐటీయూసీ జిల్లా ప్రధాన కార్యదర్శి సత్తిబాబు అమలాపురం టౌన్‌: గ్రామ, వార్డు సచివాలయాల ఉద్యోగులపై ప్రభుత్వం అణచివేత చర్యలకు పాల్పడటం దారుణమని ఏఐటీయూసీ జిల్లా ప్రధాన కార్యదర్శి కె.సత్తిబాబు అన్నారు. అమలాపురంలో సోమవారం ఆయన సాక్షితో మాట్లాడారు. నిరసనకు అనుమతి లేదంటూ ప్రభుత్వం ఎక్కడికక్కడ పోలీసులతో భయపెట్టే ప్రయత్నం చేసినప్పటికీ.. సచివాలయ ఉద్యోగులు తమ డిమాండ్ల సాధన కోసం వేలాదిగా విజయవాడ తరలి వెళ్లడం అభినందనీయమన్నారు. ఆందోళన చేపట్టిన సచివాలయ ఉద్యోగులకు భోజనం, నీళ్లు ఇవ్వకుండా, కాలకృత్యాలు కూడా తీర్చుకోనివ్వకుండా, 70 మందిపై కేసులు నమోదు చేయడం ప్రభుత్వం కక్ష సాధింపునకు నిదర్శమని ఆగ్రహం వ్యక్తం చేశారు. నిరసన తెలుపుతున్న ఉద్యోగులపై అమానుషంగా వ్యవహరించేలా పోలీసులకు ఆదేశాలు ఇవ్వడం సర్కారుకు తగదని అన్నారు. పోలీసులు ఎక్కడికక్కడ అడ్డుకట్ట వేస్తున్నా వారు ఆగకుండా ఉద్యోగులు ముందుకు దూసుకువెళ్లారన్నారు. పోలీసులు ఈడ్చుకుని వెళ్లినా మహిళా ఉద్యోగులు ఆందోళన కొనసాగించడం చూస్తూంటే ఉద్యోగాల పరంగా వారెంత ఇబ్బంది పడుతున్నారో, వారి పట్ల ప్రభుత్వం ఎంత కఠినంగా ఉందో అర్థమవుతోందని సత్తిబాబు ఆవేదన వ్యక్తం చేశారు. నేడు ప్రభుత్వ పెన్షనర్ల ధర్నాఅమలాపురం టౌన్‌: తమ డిమాండ్ల సాధన కోసం జిల్లాలోని ప్రభుత్వ పెన్షనర్లు మంగళవారం ఉదయం ధర్నా చేయనున్నారు. స్థానిక ఏవీఆర్‌ నగర్‌లోని రాష్ట్ర ప్రభుత్వ పెన్షనర్ల జిల్లా సంఘం భవనం వద్ద ఉదయం 10 నుంచి మధ్యాహ్నం ఒంటిగంట వరకు ధర్నా నిర్వహించి, కలెక్టర్‌కు వినతిపత్రం అందించనున్నారు. ప్రభుత్వ పెన్షనర్ల సంఘం జిల్లా అధ్యక్ష ప్రధాన కార్యదర్శులు ఎన్‌సీహెచ్‌ కృష్ణమూర్తి, కేకేవీ నాయుడు సోమవారం ఒక ప్రకటనలో ఈ విషయం తెలిపారు. రిటైరైన ప్రభుత్వ ఉద్యోగుల పెన్షన్‌ సవరణ చేయాలని, ఎనిమిదో కేంద్ర వేతన సంఘం టర్‌మ్స్‌ ఆఫ్‌ రిఫరెన్స్‌ సవరించాలని డిమాండ్‌ చేశారు. మొత్తం 12 డిమాండ్లతో ఈ ధర్నా చేపడుతున్నామని తెలిపారు. పెన్షనర్లందరూ మంగళవారం ఉదయం 10 గంటల్లోగా అమలాపురంలోని జిల్లా పెన్షనర్ల కార్యాలయానికి చేరుకుని, ధర్నాను విజయవంతం చేయాలని కోరారు. జెడ్పీ ప్రత్యేక అధికారిగా కలెక్టర్‌అమలాపురం రూరల్‌: కొత్తగా ఏర్పడిన డాక్టర్‌ బీఆర్‌ అంబేడ్కర్‌ కోనసీమ జిల్లా ప్రజా పరిషత్‌(జెడ్పీ)కు తొలి ప్రత్యేక అధికారిగా కలెక్టర్‌ ఆర్‌.మహేష్‌ కుమార్‌ సోమవారం కలెక్టరేట్‌లో బాధ్యతలు స్వీకరించారు. ఆయనను జెడ్పీ అధికారులు, సిబ్బంది మర్యాద పూర్వకంగా కలిసి శుభాకాంక్షలు తెలిపారు. పూలమొక్క అందజేసి అభినందనలు తెలిపారు. జెడ్పీ పరిధిలోని అభివృద్ధి, పరిపాలనా కార్యక్రమాలను సమన్వయంతో సమర్థవంతంగా అమలు చేయడంపై ప్రత్యేకంగా దృష్టి సారించాలని వారికి కలెక్టర్‌ సూచించారు. కార్యక్రమంలో జెడ్పీ పరిపాలనా అధికారులు సూర్యప్రకాష్‌, చిక్కం నాయుడు తదితరులు పాల్గొన్నారు. బోధనేతర భారం తగ్గించాలిఅల్లవరం: ఉపాధ్యాయులపై బోధనేతర భారం తగ్గించి, బోధనకే పరిమితం చేయాలని ఉపాధ్యాయ ఎమ్మెల్సీ గురుముర్తి ప్రభుత్వాన్ని డిమాండ్‌ చేశారు. అల్లవరం మండలం సామంతకుర్రు ఉన్నత పాఠశాలను సోమవారం ఆయన సందర్శించారు. ఈ సందర్భంగా మాట్లాడుతూ, ఉద్యోగుల వేతన సవరణ కోసం పీఆర్‌సీని వెంటనే ఏర్పాటు చేసి, ఐఆర్‌ ప్రకటించాలని డిమాండ్‌ చేశారు. పాఠశాలల్లో పరిపాలన, ఇతర బోధనేతర పనులకు సిబ్బందిని నియమించాలన్నారు. హిందీ, ఇంగ్లిష్‌, ఉర్దూ, సైకాలజీ తదితర అంశాలకు సంబంధించిన మెటీరియల్‌ తెలుగు మీడియంలో ఇస్తున్నారని, ఆయా సబ్జెక్టులకు మాతృభాషలోనే ఉండాలని గురుమూర్తి దృష్టికి ఉపాధ్యాయులు తీసుకెళ్లారు. దీనిపై ఆయన స్పందిస్తూ సమస్యల పరిష్కారానికి కృషి చేస్తానని హామీ ఇచ్చారు.

అమలాపురం టౌన్‌: కేంద్ర ఎన్నికల సంఘం చీఫ్‌ ఎలక్షన్‌ కమిషనర్‌ (సీఈసీ) జ్ఞానేష్‌ కుమార్‌ను తక్షణం ఆ పదవి నుంచి తొలగించాలని ప్రజా సంఘాలు, వామపక్షాల నాయకులు డిమాండ్‌ చేశారు. ఈ మేరకు అమలాపురం గడియారం స్తంభం సెంటర్‌లో సోమవారం సాయంత్రం ధర్నా నిర్వహించారు. రాజ్యాంగబద్ధమైన ఎన్నికల వ్యవస్థను జ్ఞానేష్‌ కుమార్‌ భ్రష్టు పట్టిస్తూ ప్రజాస్వామ్యాన్ని దెబ్బ తీస్తున్నారని ధ్వజమెత్తారు. సీపీఎం రాష్ట్ర కార్యదర్శివర్గ సభ్యుడు బి.బలరామ్‌ మాట్లాడుతూ, సీఈసీ ఏకపక్ష నిర్ణయాలు తీసుకుంటూ మిగిలిన ఇద్దరు కమిషన్ల సూచనలు, అభిప్రాయాలను పరిగణనలోకి తీసుకోకుండా ఓటర్ల జాబితా ప్రత్యేక సమగ్ర సవరణ (సర్‌) పేరిట దాదాపు 13 కోట్ల ఓట్లు తొలగించారని మండిపడ్డారు. మానవ హక్కుల వేదిక జిల్లా కార్యదర్శి ఎ.రవి మాట్లాడుతూ, విపక్షాల అభ్యంతరాలను పూర్తిగా నిర్లక్ష్యం చేశారని ఆరోపించారు. ఓటర్ల హక్కులను కాలరాసిన జ్ఞానేష్‌ కుమార్‌పై చట్టపరమైన చర్యలు తీసుకోవాలని డిమాండ్‌ చేశారు. సీపీఎం రాష్ట్ర కమిటీ సభ్యుడు దడాల సుబ్బారావు, ఏఐటీయూసీ జిల్లా ప్రధాన కార్యదర్శి కె.సత్తిబాబు, సీపీఎం జిల్లా కన్వీనర్‌ కారెం వెంకటేశ్వరరావు, జిల్లా ఆటో యూనియన్‌ అధ్యక్షుడు వాసంశెట్టి సత్తిరాజు తదితరులు మాట్లాడుతూ, ఎలక్షన్‌ కమిషనర్లను ఎంపిక చేసే కమిటీ నుంచి కేంద్ర హోం మంత్రిని తొలగించి, ఆ స్థానంలో సుప్రీంకోర్టు ప్రధాన న్యాయమూర్తి(సీజేఐ)కి ప్రాతినిధ్యం కల్పించాలని డిమాండ్‌ చేశారు. ధర్నాలో పౌర హక్కుల సంఘం నాయకులు అమలదాసు బాబూరావు, జిల్లెళ్ల మనోహర్‌ తదితరులు పాల్గొన్నారు.

తాళ్లరేవు: ప్రముఖ పర్యాటక ప్రదేశమైన కోరింగ అభయారణ్యంలోని కమ్యూనిటీ బేస్‌డ్‌ ఎకో టూరిజం (సీబీఈటీ) – చొల్లంగికి బెస్ట్‌ యూనిక్‌ ప్రాజెక్టు అవార్డు లభించింది. ప్రపంచ పర్యాటక దినోత్సవం రాష్ట్ర స్థాయి వేడుకల్లో భాగంగా రాష్ట్ర పర్యాటక మంత్రి కందుల దుర్గేష్‌ ఈ అవార్డును జిల్లా అటవీ శాఖ అధికారి ఎంవీ ప్రసాదరావుకు అందజేశారు. ఈ సందర్భంగా ప్రసాదరావు మాట్లాడుతూ, సీబీఈటీలో పని చేస్తున్న ఎగ్జిక్యూటివ్‌, ఎకో–టూరిజం సిబ్బంది కృషి ఫలితంగానే ఈ అవార్డు దక్కిందని అన్నారు. కోరింగ అభయారణ్యాన్ని ప్లాస్టిక్‌ రహిత టూరిజం కేంద్రంగా తీర్చిదిద్దుతున్నట్లు ఫారెస్ట్‌ రేంజర్‌ ఎస్‌ఎస్‌ఆర్‌ వరప్రసాద్‌ తెలిపారు.

● నీట మునిగిన కనకాయలంక కాజ్‌వే ● పడవలపై లంకవాసుల రాకపోకలు సాక్షి, అమలాపురం: గోదావరి వరద ఉధృతి జిల్లాలో మరింత పెరిగింది. ఎగువన భద్రాచలం, శబరి నదుల వద్ద వరద శాంతిస్తోంది. ధవళేశ్వరం బ్యారేజీ వద్ద మధ్యాహ్నం నుంచి వరద నిలకడగా ఉంది. కానీ, దిగువున ఉన్న జిల్లాలో మాత్రం ముంపు తీవ్రత పెరుగుతోంది. జిల్లాలోని గౌతమి, వృద్ధ గౌతమి, వైనతేయ, వశిష్ట నదీపాయల్లో వరద పెరిగింది. బ్యారేజీ వద్ద సోమవారం ఉదయం 6 గంటలకు 9,66,322 క్యూసెక్కుల వరద నీటిని దిగువకు విడిచిపెట్టారు. ఇది మధ్యాహ్నం 11 గంటలకు 9,69,911 క్యూసెక్కులకు పెరిగింది. వరద ప్రభావం పి.గన్నవరం మండలంపై అధికంగా ఉంది. ఇక్కడ గంటి పెదపూడిలంక, అరిగెలవారిపాలెం, ఊడిమూడిలంక, బూరుగులంకలకు ఇప్పటికే పడవల మీద రాకపోకలు సాగిస్తున్న విషయం తెలిసిందే. తాజాగా పశ్చిమ గోదావరి జిల్లా పరిధిలోకి వచ్చే కనకాయలంక కాజ్‌వే నీట మునిగింది. దీంతో, అక్కడి ప్రజలు కూడా పడవల పైనే రాకపోకలు సాగిస్తున్నారు. అయినవిల్లి – అయినవిల్లి లంక నడుమ కాజ్‌వేపై వరద ఉధృతి పెరిగింది. దీంతో, లంక గ్రామాలకు రాకపోకలు ఇబ్బందికరంగా మారాయి. అక్కడి ప్రజల రాకపోకల కోసం పడవలు ఏర్పాటు చేశారు. ముమ్మిడివరం, ఐ.పోలవరం, అల్లవరం, మామిడికుదురు మండలాల్లోని లోతట్టు లంక పొలాలు, కొబ్బరి తోటల్లో వరద నీరు చేరింది. పరిస్థితిని జిల్లా యంత్రాంగం ఎప్పటికప్పుడు పర్యవేక్షిస్తోంది. గోదావరి పరీవాహక ప్రాంతాలు, లంక గ్రామాలపై దృష్టి సారించింది. కోటిపల్లి – ముక్తేశ్వరం రేవు ప్రయాణాలు గతం నుంచే ఆగిపోగా, తాజాగా సఖినేటిపల్లి – నర్సాపురం రేవు ప్రయాణాలను కూడా నిలిపివేశారు. కాగా, ఎగువన ధవళేశ్వరం వద్ద సోమవారం రాత్రి 10 గంటల నుంచి గోదావరి వరద తగ్గుముఖం పడుతోంది.

మా భూమిని పక్క రైతులకు కలిపేశారు రీ సర్వేలో నా అత్త పేరిట ఉన్న భూమిలో 24 సెంట్లు పక్క రైతులకు కలిపేశారు. ఈ సమస్యపై అధికారులకు ఐదుసార్లు ఫిర్యాదు చేసినా పట్టించుకోలేదు. గొల్లవిల్లి గ్రామంలో దస్తావేజులో 74 సెంట్లు ఉన్న భూమిని వీఆర్‌ఓ, సర్వేయర్‌ పక్క రైతులకు కలిపి సర్వే చేసి, మా భూమి 50 సెంట్లే ఉందని చెబుతున్నారు. ఈ భూమిలో పెంకుటిల్లు, కొబ్బరి చెట్లు ఉన్నాయి. కలెక్టర్‌కు ఫిర్యాదు చేస్తున్నా ఈ సమస్య పరిష్కారం కావడం లేదు. ఇటీవల సంతకాలు ఫోర్జరీ చేసి, విద్యుత్‌ మీటర్లు తొలగించారు. మాకు న్యాయం చేయాలి. – గణేశుడు రాంబాబు, రైతు నాయకుడు, పంచాల చెరువు, నేదునూరు, అయినవిల్లి మండలం ● పీజీఆర్‌ఎస్‌పై అర్జీదారుల అసంతృప్తి ● పదేపదే తిరగాల్సి వస్తోందని ఆవేదన అమలాపురం రూరల్‌: సమస్యలపై ఫిర్యాదులు చేస్తున్నా అధికారులు పరిష్కరించడం లేదని, కానీ, పరిష్కరించినట్లు లేఖలపై సంతకాలు చేయించుకుంటున్నారని పలువురు అర్జీదారులు వాపోయారు. దీంతో, అవే సమస్యలపై అధికారులు చుట్టూ పదేపదే తిరగాల్సి వస్తోందని ఆవేదన వ్యక్తం చేశారు. మండల, పట్టణ కేంద్రాల్లోని అధికారులు తమ గోడు పట్టించుకొనకపోవడంతో జిల్లా కేంద్రం కలెక్టరేట్‌కు వస్తున్నామని, ఇక్కడ అర్జీలు ఇస్తున్నా అదే తంతు కొనసాగుతుందోనని అసంతృప్తి వ్యక్తం చేస్తున్నారు. కలెక్టరేట్‌లో సోమవారం నిర్వహించిన ప్రజా సమస్యల పరిష్కార వేదిక (పీజీఆర్‌ఎస్‌) కార్యక్రమానికి జిల్లావ్యాప్తంగా 251 మంది హాజరై, అర్జీలు సమర్పించారు. వారి నుంచి కలెక్టర్‌ ఆర్‌.మహేష్‌ కుమార్‌, జాయింట్‌ కలెక్టర్‌ వైఖోమ్‌ నైడియాదేవి, జిల్లా రెవెన్యూ అధికారి (డీఆర్‌ఓ) వి.సుబ్బారావు, సమగ్ర శిక్ష అదనపు ప్రాజెక్ట్‌ కో ఆర్డినేటర్‌ జి.మమ్మీ, డీఆర్‌డీఏ పీడీ డి.రాంబాబు అర్జీలు స్వీకరించారు. పోలీసు గ్రీవెన్స్‌కు 35 అర్జీలు అమలాపురం టౌన్‌: ఎస్పీ కార్యాలయంలో జరిగిన పీజీఆర్‌ఎస్‌ కార్యక్రమానికి 35 అర్జీలు వచ్చాయి. ఫిర్యాదీల నుంచి ఎస్పీ రాహుల్‌ మీనా, ఏఎస్పీ మహేంద్ర మత్తే అర్జీలు స్వీకరించారు. ఫిర్యాదీలతో నేరుగా మాట్లాడి వారి సమస్యల పరిష్కారానికి ప్రయత్నించారు. మెడికల్‌ పింఛను ఇప్పించండి పుట్టుకతోనే నేను దివ్యాంగుడిని. దివ్యాంగ పింఛను అందుతోంది. ఐదు నెలల క్రితం ఆపరేషన్‌ చేసి, రెండో కాలు తొలగించారు. నాకు ఏవిధమైన ఆదాయ వనరులూ లేవు. గతంలో కూలి పని చేసి కుటుంబాన్ని పోషించుకునేవాడిని. ఇప్పుడు మంచంపై పడి ఉంటున్నాను. నా దయనీయ పరిస్థితిని పరిశీలించి, మెడికల్‌ పెన్షన్‌ మంజూరు చేయాలి. – కట్టా పాండురంగ, అవిడి, కొత్తపేట మండలం మా భూమి మాకిప్పించండి మా తండ్రి కర్రి భైరవస్వామికి 1973 భూ సంస్కరణల రీత్యా అల్లవరం మండలం కొమరగిరిపట్నం సీతారామపురంలో ప్రభుత్వ వశమైన భూముల నుంచి సర్వే నంబర్‌ 1072/120, 1074/ఎ, 1074/2ఎ1లో రెండెకరాల భూమికి 1979లో పట్టాలు మంజూరు చేశారు. ఆ తరువాత మా తండ్రి అమాయకత్వాన్ని ఆసరాగా చేసుకుని గ్రామానికి చెందిన భూస్వామి ఆ భూములను తన ఆధీనంలో ఉంచుకున్నాడు. ప్రభుత్వ భూమిని సర్వే నంబర్‌ 1070–2బిలో 3.40 ఎకరాలు, 1074–2ఎ–4 సర్వే నంబర్‌లో 2.67 ఎకరాల భూమిని తనదిగా చెప్పుకొంటూ.. 3.40 ఎకరాల భూమిని అదే గ్రామానికి చెందిన బొమ్మిడి పల్లయ్యకు అనధికారికంగా విక్రయించాడు. 2.67 ఎకరాల్లో అంగాడి సత్యనారాయణకు ఒకటిన్నర ఎకరాలు అమ్మేశాడు. ఈ ప్రభుత్వ భూమిలో అనధికార చెరువులు తవ్వి, ఎటువంటి అనుమతులూ లేకుండా అక్రమ మార్గంలో విద్యుత్‌ కూడా పొందుతున్నాడు. నా తండ్రికి ప్రభుత్వం ఇచ్చిన భూమి కోసం పోరాడుతున్న నాకు రెండెకరాల భూమి అప్పగించాల్సి ఉండగా ఎకరం మాత్రమే ఇచ్చారు. నాకు చెందాల్సిన రెండెకరాల కోసం పీజీఆర్‌ఎస్‌లో ఫిర్యాదు చేయగా.. నా ఫిర్యాదు తప్పని, నా భూములు నదీపాతంలో కలిసిపోయాయని, ఆ భూములు సీతారామపురంలోని ఆక్రమణదారువేనని వీఆర్‌ఓ తప్పుడు నివేదిక ఇచ్చారు. పైగా, ఫిర్యాదీనైన నా సంతకం పెట్టించుకోకుండానే నేను గ్రామంలో ఉండటం లేదంటూ తప్పుడు నివేదిక ఇచ్చి, నా ఫిర్యాదును మూసివేశారు. ఈ నేపథ్యంలో మా పూర్వీకులకు ప్రభుత్వం మంజూరు చేసిన భూమిని వారసుడినైన నాకు ఇప్పించాలి. అనధికారికంగా విక్రయించిన ప్రభుత్వ భూమిని స్వాధీనం చేసుకోవాలి. వీఆర్‌ఓపై చర్యలు తీసుకోవాలి. – కర్రి చిన్నయ్య, సీతారామపురం, కొమరగిరిపట్నం, అల్లవరం మండలం

● వాతావరణ మార్పుల ప్రభావం ● జిల్లాను కుదిపేస్తున్న జ్వరాలు ● ఆస్పత్రులకు పెరుగుతున్న రోగులుజాగ్రత్తలు పాటించాలి వాతావరణంలో వచ్చిన మార్పుల వల్ల కొంత మందికి జ్వర లక్షణాలతో ఒళ్లు నొప్పులు, కళ్ల మంటలు, జలుబు, దగ్గు, తలనొప్పి సహజంగా వస్తాయి. ఇలాంటి లక్షణాలు రాకుండా ఉండాలంటే వర్షంతో తడవడం, ఫ్రిజ్‌లోని చల్లని నీరు తాగడం వంటివి తక్షణం మానేయాలి. నాన్‌ వెజిటేరియన్‌ వంటకాలకు దూరంగా ఉండాలి. కొన్ని రోజులు కాచి చల్లార్చిన నీరు తాగితే జ్వర లక్షణాల నుంచి బయట పడతారు. – డాక్టర్‌ కారెం రవితేజ, జనరల్‌ ఫిజీషియన్‌, ప్రభుత్వ ఏరియా ఆస్పత్రి, అమలాపురం జ్వరాలపై సర్వే జరుగుతోంది వాతావరణ మార్పుల వల్ల జిల్లాలో వస్తున్న జ్వరాలపై ప్రతి మండలంలోనూ ఆయా పీహెచ్‌సీల సిబ్బంది సర్వే చేస్తున్నారు. జ్వరం సోకిన వ్యక్తికి అక్కడికక్కడే రక్త పరీక్షలు చేస్తున్నారు. జ్వరం తీవ్రత ఎక్కువగా ఉంటే ప్రభుత్వ ఆస్పత్రికి వెళ్లాల్సిందిగా సిఫారసు చేస్తున్నారు. జిల్లాలోని అన్ని ప్రభుత్వ ఆసుపత్రుల్లోనూ జ్వర పీడితులకు వైద్యం అందుతోంది. మలేరియా తదితర బాధితులుంటే ప్రత్యేక వైద్యం అందించే ఏర్పాట్లు చేస్తున్నాం. – డాక్టర్‌ కేఎన్‌ శ్రీనివాస్‌, జిల్లా మలేరియా అధికారి, అమలాపురం అమలాపురం టౌన్‌: విపరీతమైన ఎండలు.. అంతలోనే ఎడతెరిపి లేకుండా కురిసిన భారీ వర్షాలు.. మళ్లీ చుర్రుమంటున్న సూరీడు.. ఇటువంటి వాతావరణ పరిస్థితుల్లో జిల్లాపై జ్వరాలు పంజా విసురుతున్నాయి. చాలా కుటుంబాల్లో కనీసం ఒకరైనా జలుబు, దగ్గు, జ్వరాలతో బాధ పడుతూ, ప్రభుత్వ, ప్రైవేటు ఆస్పత్రుల బాట పడుతున్నారు. జిల్లావ్యాప్తంగా వేలాది మంది జ్వరాలతో అవస్థలు పడుతున్నట్టు సమాచారం. ఒళ్లు కాలిపోతున్నట్టుగా జ్వరం, కళ్ల నుంచి నీరు కారడం, జలుబు, తలనొప్పి, దగ్గు వంటి లక్షణాలు అనేక మందిలో కనిపిస్తున్నాయి. జిల్లాలో రెండు ప్రభుత్వ ఏరియా ఆస్పత్రులు, 9 సామాజిక ఆరోగ్య కేంద్రాలు (సీహెచ్‌సీ), 49 ప్రాథమిక ఆరోగ్య కేంద్రాలు (పీహెచ్‌సీ) ఉన్నాయి. ఇవి కాకుండా 150 వరకూ ప్రైవేటు ఆస్పత్రులున్నాయి. ప్రతి ఆస్పత్రికీ జ్వరాలతో వస్తున్న వారి సంఖ్య ఎక్కువగానే ఉంటోందని వైద్యులు చెబుతున్నారు. ఆస్పత్రుల్లో చేరుతున్న వారి సంఖ్య తక్కువగానే ఉన్నప్పటికీ అవుట్‌ పేషెంట్లుగా ఆస్పత్రులకు వచ్చి, చూపించుకుంటున్న వారి సంఖ్య మరీ అధికంగా ఉంటోందని అంటున్నారు. ప్రభుత్వ ఏరియా ఆస్పత్రులకు రోజుకు 20 నుంచి 30 మంది వివిధ జ్వర లక్షణాలతో వస్తున్నారు. సీహెచ్‌సీలు, పీహెచ్‌సీలకు కూడా 10 మంది వరకూ జ్వర పీడితులు వస్తున్నారు. దాదాపు ప్రతి ప్రైవేటు ఆసుపత్రికి ఆరుగురు వరకూ వస్తున్నట్లు చెబుతున్నారు. డెంగీ, మలేరియా వ్యాప్తి! జిల్లావ్యాప్తంగా వైరల్‌ జ్వరాలతో పాటు డెంగీ, మలేరియా వంటి ప్రమాదకర జ్వరాలు కూడా వ్యాప్తి చెందుతున్నాయి. వైద్యులు చెబుతున్న సమాచారం ప్రకారం జిల్లాలో డెంగీ, మలేరియా జ్వరాలతో బాధ పడుతున్న వారు 12 మంది ఉన్నారు. అమలాపురం ప్రభుత్వ ఏరియా ఆస్పత్రిలో ఓ మహిళ డెంగీ జ్వరంతో బాధ పడుతూ ఆస్పత్రిలో చేరింది. జిల్లా వైద్య, ఆరోగ్య శాఖ సిబ్బంది ఓవైపు, ఫైలేరియా విభాగం సిబ్బంది మరోవైపు గ్రామాల్లో ఇంటింటా జ్వరాల సర్వేలు చేస్తున్నారు. ప్రతి మండలంలోనూ ఫీవర్‌ సర్వే ముమ్మరంగా జరుగుతోంది. ఇటీవల తీవ్ర వాయుగుండం వల్ల కురిసిన భారీ వర్షాల్లో కొందరు తడిశారు. వాయుగుండం తీరం దాటిన వెంటనే తీవ్రమైన ఎండలు కాస్తున్నాయి. వాతావరణంలో అకస్మాత్తుగా వచ్చిన ఈ మార్పుల వల్ల ప్రజలు జ్వరాల బారిన పడుతున్నారని వైద్యులు చెబుతున్నారు. మామిడికుదురు, పి.గన్నవరం, మలికిపురం, ముమ్మిడివరం తదితర మండలాల్లో జ్వర పీడితులు ఎక్కువగా ఉన్నారు.

ముమ్మిడివరం/కొత్తపేట: తమ సమస్యలను పరిష్కరించాలనే డిమాండుతో గ్రామ రెవెన్యూ సహాయకులు (వీఆర్‌ఏ) సమ్మె చేస్తున్న విషయం తెలిసిందే. ఈ ఆందోళనలో భాగంగా వారు సోమవారం ముమ్మిడివరంలో తహసీల్దార్‌ కార్యాలయం, కొత్తపేటలో పాత తహసీల్దార్‌ కార్యాలయాల ఎదుట ఒంటికాలిపై నిలబడి నిరసన తెలిపారు. పదమూడు రోజులుగా నిరసన తెలుపుతున్నా ప్రభుత్వం నుంచి ఎటువంటి స్పందనా లేదంటూ వారు ఆగ్రహం వ్యక్తం చేశారు. పేస్కేల్‌ అమలు చేయాలని, అర్హులైన వారికి ప్రమోషన్లు ఇవ్వాలని, నామినీలుగా ఉన్న వారిని రెగ్యులర్‌ చేయాలని, డీఏలు ఇవ్వాలని డిమాండ్‌ చేశారు. ముమ్మిడివరంలో జరిగిన నిరసనలో రామేశ్వరపు శ్రీనివాసరావు, మాగాపు రాము, గోదాశి సత్యనారాయణ, మంగా నాగయ్య, ఎ.లక్ష్మి తదితరులు.. కొత్తపేటలో జరిగిన కార్యక్రమంలో వీఆర్‌ఏల సంఘం మండల అధ్యక్షుడు కె.భీమశంకరం, ప్రధాన కార్యదర్శి పిల్లంగోరు బాలు, కోశాధికారి ఎస్‌.నాగభూషణం తదితరులు పాల్గొన్నారు.

అమలాపురం రూరల్‌: జిల్లా స్థాయిలో కలెక్టరేట్‌లో నిర్వహించే ప్రజా సమస్యల పరిష్కార వేదిక (పీజీఆర్‌ఎస్‌), రెవెన్యూ క్లినిక్‌ కార్యక్రమాలను ఈ నెల 28వ తేదీ సోమవారం యథావిధిగా నిర్వహిస్తామని జిల్లా కలెక్టర్‌ ఆర్‌.మహేష్‌కుమార్‌ ఆదివారం తెలిపారు. ఉదయం 10 గంటల నుంచి కలెక్టరేట్‌ గోదావరి భవన్‌లో ఈ కార్యక్రమం జరుగుతుందని ప్రజలు తమ అర్జీలను అందజేయవచ్చని సూచించారు. ఆన్‌లైన్‌లోనూ అర్జీలు నమోదు చేయవచ్చని తెలిపారు. తహసీల్దార్‌, ఎంపీడీవో కార్యాలయాల్లోనూ పీజీఆర్‌ఎస్‌ కార్యక్రమం జరుగుతుందని పేర్కొన్నారు. సమన్వయంతో నులిపురుగుల నివారణ అమలాపురం రూరల్‌: జిల్లాలోని అధికారులు, సిబ్బంది సమన్వయంతో జాతీయ నులిపురుగుల నివారణ కార్యక్రమాన్ని విజయవంతం చేయాలని డీఎం అండ్‌ హెచ్‌వో దుర్గారావు దొర ఆదివారం కోరారు. గతంలో వాయిదా పడిన జాతీయ నులిపురుగుల నివారణ దినోత్సవాన్ని సోమవారం నిర్వహించనున్నట్టు ఆయన చెప్పారు. జిల్లాలో అన్ని అంగన్‌వాడీ కేంద్రాలు, ప్రభుత్వ, ప్రైవేట్‌ పాఠశాలలు, ప్రభుత్వ, ప్రైవేట్‌ ఇంటర్మీడియట్‌ కళాశాలలు, ఐటీఐలు, నర్సింగ్‌ కళాశాలలు, ప్రైవేట్‌ డిగ్రీ, ఇంజినీరింగ్‌ కళాశాలల్లో ఒకటో సంవత్సరం విద్యార్థులకు మాత్రలు వేయించాలన్నారు. గైర్హాజరైన పిల్లలు, విద్యార్థులకు అక్టోబర్‌ ఐదో తేదీన మాత్రలు అందజేయనున్నట్టు తెలిపారు. వైద్య ఉద్యోగాలను తగ్గించే జీవోలు రద్దు చేయాలి ఏపీజీఈఏ జిల్లా సమావేశం డిమాండ్‌అమలాపురం టౌన్‌: వైద్యశాఖలో ఉద్యోగాలను క్రమేపీ తగ్గించేందుకు విడుదల చేసిన 143, 32 జీవోలను ప్రభుత్వం తక్షణమే రద్దు చేయాలని ఆంధ్రప్రదేశ్‌ ప్రభుత్వ ఉద్యోగుల సంఘం (ఏపీజీఈఏ) ఆధ్వర్యంలో జిల్లా వైద్య ఆరోగ్య శాఖ ఉద్యోగుల సమావేశం డిమాండ్‌ చేసింది. స్థానిక గొల్లగూడెం బైపాస్‌ రోడ్డులో గల ఏపీజీఈఏ జిల్లా శాఖ కార్యాలయంలో ఆదివారం జిల్లా ఆరోగ్య శాఖ ఉద్యోగుల సమావేశం జరిగింది. జిల్లా అధ్యక్షుడు కె.మల్లేశ్వరరావు మాట్లాడుతూ ఆ జీవోలను తక్షణమే రద్దు చేయాలని డిమాండ్‌ చేశారు. వచ్చే నవంబర్‌లో పశ్చిమ గోదావరి జిల్లా తాడేపల్లిగూడెంలో జరగనున్న వైద్య ఆరోగ్య శాఖ ఉద్యోగుల ప్రాంతీయ సమావేశాన్ని విజయవంతం చేయాలని ఆయన పిలుపునిచ్చారు. తూర్పుగోదావరి జిల్లా అధ్యక్షుడు పి.గిరిప్రసాద్‌వర్మ, పశ్చిమ గోదావరి జిల్లా అధ్యక్షుడు యాళ్ల మోహనరావు సమావేశానికి ముఖ్య అతిధులుగా హాజరై ప్రసంగించారు. సంఘ నేతలు ఎం.శ్రీనివాస్‌, యు.కుమారి, పి.కామేశ్వరరావు, జి.సద్గుణరావు, జి.ప్రసాద్‌ తదితరులు పాల్గొన్నారు. వీఆర్‌ఏల సమస్యలను వెంటనే పరిష్కరించాలి ఎమ్మెల్సీ బొమ్మి ఇజ్రాయిల్‌ఉప్పలగుప్తం: గతంలో వీఆర్‌ఏలకు హామీలు ఇచ్చి ప్రస్తుతం అధికారంలో ఉన్న కూటమి ప్రభుత్వం చిరుద్యోగులైన వీఆర్‌ఏల సమస్యలను వెంటనే పరిష్కరించాలని ఎమ్మెల్సీ బొమ్మి ఇజ్రాయిల్‌, వైఎస్సార్‌సీపీ రైతు విభాగం రాష్ట్ర అధ్యక్షుడు జిన్నూరి రామారావు (బాబి) డిమాండ్‌ చేశారు. ఆదివారం స్థానిక మండల పరిషత్‌ కార్యాలయం వద్ద వీఆర్‌ఏల సంఘ మండల అధ్యక్షుడు ఉందుర్తి అంజలరావు ఆధ్వర్యంలో కొనసాగుతున్న వీఆర్‌ఏల 12వ రోజు నిరసన శిబిరం వద్దకు వెళ్లి తమ మద్దతు తెలిపారు. పే స్కేల్‌, రెగ్యురలైజేషన్‌, పదోన్నతి వంటి విషయాలపై ప్రభుత్వం వెంటనే స్పందించి చిరుద్యోగులను ఆదుకోవాలని డిమాండ్‌ చేశారు. వైఎస్సార్‌సీపీ మహిళా విభాగం జిల్లా అధ్యక్షురాలు వంగా గిరిజాకుమారి, జిల్లా కార్యదర్శి పొగాకు శ్రీను, నేతలు సీహెచ్‌ విద్యాసాగర్‌, ఎల్‌.శ్రీను, పి.రమణ, జె.సురేష్‌, ఎస్‌.పట్టాభి తదితరులు పాల్గొన్నారు.

● పోలీసుల అదుపులో వ్యాపారి ● దొంగనోట్లకు బదులు టాయ్‌ కరెన్సీ ఇచ్చాడని ఘాతుకం ● యలమంచిలి సీఐ ధనుంజయ్‌ వెల్లడి అమలాపురం టౌన్‌: కిడ్నాప్‌నకు గురైన అనకాపల్లి జిల్లా యలమంచిలికి చెందిన కర్రి వర ప్రకాష్‌ది హత్యేనని అక్కడి సీఐ ధనుంజయ్‌ ఆదివారం వెల్లడించారు. దర్యాప్తు నిమిత్తం అమలాపురం వచ్చిన ఆయన మాట్లాడుతూ కోనసీమ జిల్లా అమలాపురం శ్రీరామపురం సెంటర్‌లో షణ్ముఖ సాయి జనరల్‌ స్టోర్స్‌ నిర్వహిస్తున్న వ్యాపారి కేదారశెట్టి నాగ విజయ్‌ గణేష్‌ ఈ హత్య కేసులో ప్రధాన నిందితుడు కాగా, రెండో నిందితుడు ముమ్మిడివరం మండలం మహిపాలచెరువు గ్రామానికి చెందిన ఆటో డ్రైవర్‌ రామాంజనేయులని ఆయన తెలిపారు. దొంగనోట్ల మార్పిడిలో జరిగిన మోసమే ప్రకాష్‌ హత్యకు దారి తీసినట్టు ఆయన అన్నారు. ఇక్కడి వ్యాపారి నాగ విజయ్‌ గణేష్‌ ఇంటికి వెళ్లి అతడిని అదుపులోకి తీసుకుని వరప్రకాష్‌ను హత్య చేసిన అల్లవరం మండలం గోడిలంక శ్మశానానికి వెళ్లి దర్యాప్తు చేశారు. కాగా రెండో నిందితుడు రామాంజనేయులు పరారీలో ఉన్నట్టు ఆయన తెలిపారు. హత్య జరిగిందిలా.. అమలాపురం వ్యాపారి నాగ విజయ్‌ గణేష్‌, అతడికి పరిచయస్తుడైన రామాంజనేయులు అక్రమ సంపాదనలో భాగంగా యలమంచిలికి చెందిన రమేష్‌, మరో ఇద్దరు వ్యక్తులకు అసలు నగదు ఇస్తే వారు బ్లాక్‌ మనీ ఇస్తారని తెలిపాడు. దీంతో వారిద్దరూ ఈ నెల 18న యలమంచిలికి చెందిన ముగ్గురినీ రాజమహేంద్రవరంలో కలుసుకున్నారు. వచ్చిన ముగ్గురూ ఒకే రకమైన బ్యాగ్‌లు తీసుకురాగా గణేష్‌, రామాంజనేయులు వారి వద్ద ఉన్న రూ.10 లక్షల అసలునోట్లు ఇచ్చి దొంగనోట్లను తీసుకున్నారు. ఇంతలో చిన్న పని ఉందని నమ్మించి రమేష్‌ అసలు నోట్లు పట్టుకుని అక్కడి నుంచి జారుకున్నాడు. మిగిలిన వారు కూడా వెళ్లిపోబోతుండగా రమేష్‌ వచ్చేవరకు ఉండాలని ఆదేశించాడు. అతడు ఎంతకీ రాకపోవడంతో అనుమానం వచ్చి బ్యాగ్‌లు తెరిచి చూడగా దొంగనోట్లు కాకుండా చిన్నపిల్లలు ఆడుకునే టాయ్‌ కరెన్సీ ఉన్నట్టు వ్యాపారి గుర్తించాడు. దీంతో వారిని పట్టుకోబోతుండగా వారు పలుగు పెట్టారు. ఈ క్రమంలో వ్యాపారికి వర ప్రకాష్‌ దొరికిపోయాడు. దీంతో వ్యాపారితో పాటు రామాంజనేయులు అతడిని కారులో అమలాపురం తీసుకువచ్చి గోడిలంక శ్మశానంలో గట్టిగా కొట్టారు. దీంతో అతడు చనిపోయాడు. ఎవరికీ అనుమానం రాకుండా ఆ మృతదేహాన్ని అర్ధరాత్రి వేళ ధవళేశ్వరం బ్యారేజీ వద్దకు తీసుకువచ్చి గోదావరిలో విసిరేశారు. 18వ తేదీ తెల్లవారు జామున వారు ఆ మృతదేహాన్ని గోదావరిలో పడేసినట్లు యలమంచిలి పోలీసులు తమ విచారణలో గుర్తించారు.

● జిల్లా వ్యాప్తంగా 19 ఏళ్లలోపు పిల్లలకు ఆల్బెండజోల్‌ పంపిణీ ● నేడు జాతీయ నులిపురుగుల నిర్మూలన కార్యక్రమం రాజమహేంద్రవరం రూరల్‌: పిల్లల ఎదుగుదలకు అవరోధంగా నిలుస్తున్న నులిపురుగుల నివారణకు సోమవారం జిల్లా వ్యాప్తంగా అధికారులు ఆల్బెండజోల్‌ మాత్రలను పంపిణీ చేసి జాతీయ నులి పురుగుల నిర్మూలన కార్యక్రమం నిర్వహిస్తున్నారు. నులి పురుగుల వల్ల కడుపులో నొప్పి, మంట, వికారం వంటి వాటితో అవస్థ పడుతూ పిల్లలు నీరసపడతారు. ఏడాది నుంచి 19 ఏళ్లలోపు పిల్లల్లో ఈ ఎదుగుదల, నులిపురుగుల సమస్య ఎక్కువగా ఉంటుంది. అపరిశుభ్రతే కారణం.. అపరిశుభ్రత వల్లే నులి పురుగులు ఎక్కువగా వ్యాపిస్తాయి. పరిసరాలు, వ్యక్తిగత పరిశుభ్రత పాటించని పిల్లలకు ఈ సమస్య ఎక్కువగా ఉంటుంది. కలుషిత నీరు, బహిరంగ ప్రదేశాల్లో మల విసర్జన వల్ల, కూరగాయలు శుభ్రం చేయకుండా వండడం, ఆహార పదార్థాలపై మూతలు లేకపోవడం వల్ల ఈ సమస్య ఉత్పన్నమవుతుంది. ఏడాది నుంచి రెండేళ్ల లోపు చిన్నారులకు అల్బెండజోల్‌ సగం మాత్ర (200 మిల్లీగ్రాములు) నీళ్లలో కలిపి పట్టించాలి. 2 నుంచి 19 ఏళ్లలోపు పిల్లలు 400 మిల్లీ గ్రాముల మాత్రను మధ్యాహ్నాం భోజనమయ్యాక చప్పరించేలా చేడాలి. జిల్లాలో 4,46,865 మందికి ఆల్బెండజోల్‌ మాత్రలు పంపిణీ చేయనున్నారు. సోమవారం వేయించుకోని వారికి వచ్చేనెల ఐదున మాత్రలను ఇవ్వనున్నారు. జిల్లాలో అంగన్‌వాడీ కేంద్రాలు, ప్రభుత్వ, ప్రైవేటు పాఠశాలలు, జూనియర్‌, పాలిటెక్నిక్‌ కళాశాలల్లో, బడి బయట పిల్లలకు ఈ మాత్రలు పంపిణీ చేయనున్నారు. స్కూల్‌ హెల్త్‌ ప్రోగ్రాంలో భాగంగా రాష్ట్రీయ బాల స్వాస్థ్య ఆరోగ్య మిషన్‌ ఆధ్వర్యంలో స్కూల్‌ హెల్త్‌ ప్రోగ్రామ్‌లో భాగంగా అల్బెండజోల్‌ మాత్రల పంపిణీ చేస్తున్నాం. కలెక్టర్‌ ఆదేశాలు మేరకు ఈ కార్యక్రమాన్ని విజయవంతం చేస్తాం. – డా.పి.కోమల, డీఎంహెచ్‌వో, తూర్పుగోదావరి జిల్లా

రాయవరం: మండలంలోని సోమేశ్వరం శివారు నాగవంశీయులపేట వద్ద ఆదివారం మధ్యాహ్నం రెండు వాహనాలు ఢీకొని ముగ్గురు గాయపడ్డారు. స్థానికులు తెలిపిన వివరాల ప్రకారం రామచంద్రపురం నుంచి మోటార్‌ సైకిల్‌పై ఇద్దరు వస్తుండగా, రాయవరం వైపు నుంచి మోటార్‌ సైకిల్‌ను నడిపించుకుంటూ మరో వ్యక్తి వస్తున్నాడు. ఆగి ఉన్న లారీని దాటే క్రమంలో ఆ ఇద్దరు వ్యక్తులు వాహనాన్ని నడిపిస్తూ వస్తున్న వ్యక్తిని ఢీకొట్టారు. దీంతో ముగ్గురికీ గాయాలయ్యాయి. క్షతగాత్రులను ఆస్పత్రికి తరలించారు. ఎస్సై డి.సురేష్‌బాబును వివరణ కోరగా తమకు ఎటువంటి ఫిర్యాదు అందలేదని తెలిపారు. చికిత్స పొందుతూ యువకుడి మృతి అనపర్తి: మోటార్‌ బైక్‌ జారిపడి గాయాలపాలైన వ్యక్తి చికిత్స పొందుతూ మృతి చెందాడు. బిక్కవోలు పోలీసులు, స్థానికులు తెలిపిన వివరాల ప్రకారం బిక్కవోలు గ్రామం కొత్తపేటకు చెందిన కల్లేపల్లి శివరామకృష్ణ (26) తాపీ పనితో పాటు శుభకార్యాలకు వంటలు కూడా చేస్తుంటాడు. ఈ నెల 21న గోకవరంలో శుభకార్యానికి వంట పనికి వెళ్లి 23వ తేదీ రాత్రి తిరిగి వస్తుండగా బలభద్రపురం కానేడు రోడ్‌ వద్ద పెట్రోలు బంకు సమీపంలో వర్షం వల్ల రోడ్డు కనపడక వాహనం అదుపుతప్పి పడిపోయాడు. ఈ ప్రమాదంలో అతడి తలకు తీవ్ర గాయం కావడంతో అటుగా వెళ్తున్న వారు 108 అంబులెన్సుకు సమాచారం ఇచ్చి అనపర్తి ఏరియా ఆస్పత్రికి ప్రధమ చికిత్స నిమిత్తం తరలించారు. అనంతరం మెరుగైన చికిత్సకు కాకినాడ జీజీహెచ్‌కు తరలించగా అక్కడ చికిత్స పొందుతూ ఆదివారం ఉదయం 10.45 గంటలకు మృతి చెందాడు. శివరామకృష్ణ తండ్రి ఫిర్యాదు మేరకు ఎస్సై రవిచంద్రకుమార్‌ కేసు దర్యాప్తు చేస్తున్నారు.

గత వైఎస్సార్‌ సీపీ ప్రభుత్వంలోనే చేనేత కుటుంబాలకు మేలు జరిగింది. ప్రతి చేనేత కార్మికుడికి ఏడాదికి రూ.24 వేలు అందజేసి వారిని ఆదుకున్నారు. కూటమి ప్రభుత్వంలో చేనేత కార్మికులకు తీవ్ర అన్యాయం జరుగుతోంది. బీసీలకు న్యాయం జరగాలంటే 2029లో వైఎస్‌ జగన్‌మోహన్‌రెడ్డిని ముఖ్యమంత్రిగా గెలిపించుకోవాలి. – చందన నాగేశ్వర్‌, ఏపీ గ్రీనింగ్‌ అండ్‌ బ్యూటిఫికేషన్‌ కార్పొరేషన్‌ మాజీ చైర్మన్‌ నాడు మామకు.. నేడు బీసీలకు బలహీన వర్గాలకు వైఎస్సార్‌ ఎంతో అండగా నిలిచారు. తూర్పు కాపులకు బీసీ సర్టిఫికెట్ల మంజూరులో ఎదురవుతున్న సమస్యను వైఎస్‌ రాజశేఖర్‌రెడ్డి వద్దకు తీసుకెళ్లగానే పరిష్కరించారు. దేశంలో నా బీసీలు, నా ఎస్సీలు, నా ఎస్టీలు అన్న దమ్మున్న నాయకుడు వైఎస్‌ జగన్‌ ఒక్కరే. నాడు మామ ఎన్టీఆర్‌కు వెన్నుపోటు పొడిచిన చంద్రబాబు... ఇప్పుడు బీసీలకు సైతం వెన్నుపోటు పొడిచారు. – రౌతు సూర్యప్రకాశరావు, మాజీ ఎమ్మెల్యే, రాజమహేంద్రవరం వ్యతిరేకతను ఓట్లుగా మలుచుకోవాలి వెన్నుపోటు పార్టీపై ఈ రెండున్నరేళ్లలో ప్రజల్లో తీవ్ర వ్యతిరేకత వచ్చింది. ఆ వ్యతిరేకతను ఓట్లుగా మలుచుకునేందుకు నేతలంతా దిశానిర్దేశం చేయాలి. గతంతో పోల్చితే వైఎస్సార్‌ సీపీ ఓట్లు షేర్‌ శాతం గణనీయంగా పెరగడంతో విజయం తథ్యం. 139 బీసీ కులాల మధ్య సమన్వయం సాధించాలి. వైఎస్‌ జగన్‌ బీసీలకు చేసిన మేలును ప్రజల్లోకి తీసుకువెళ్లాలి. – గూడూరు శ్రీనివాస్‌, పార్లమెంటు కో ఆర్డినేటర్‌, రాజమహేంద్రవరం అన్ని కులాలకూ సంక్షేమ పథకాలు మత్స్యకారులకు వైఎస్‌ జగన్‌ పాలనలో మేలు జరిగింది. వారి జీవనోపాధిని మెరుగుపరిచేందుకు రూ.3 వేల కోట్లతో 11 హార్బర్ల నిర్మాణం ప్రారంభించారు. అన్ని కులాల సంక్షేమానికి అనేక పథకాలు అమలు చేశారు. బీసీ సంఘాలను, నాయకులను చైతన్యపరిచి వైఎస్‌ జగన్‌మోహన్‌రెడ్డిని మరోసారి ముఖ్యమంత్రిని చేసేందుకు అంతా కృషి చేయాలి. –పొన్నాడ సతీష్‌, మాజీ ఎమ్మెల్యే, ముమ్మిడివరం వెన్నుపోటు పార్టీకి బుద్ధి చెప్పాలి చంద్రబాబు అధికారంలోకి వచ్చి బీసీలకు వెన్నుపోటు పొడిచారు. బీసీ రుణాలు మంజూరు చేయకుండా, సంక్షేమ పథకాలు అమలు చేయకుండా అన్నివిధాలా మోసం చేశారు. వెన్నుపోటు పార్టీకి ఓటుతో బుద్ధి చెప్పే సమయం ఆసన్నమైంది. రాబోయే స్థానిక సంస్థల ఎన్నికల్లో వైఎస్సార్‌ సీపీ అభ్యర్థుల విజయానికి ఐక్యంగా కృషి చేయాలి. – ఆవాల లక్ష్మీనారాయణ, పెరిక సామాజికవర్గ రాష్ట్ర అధ్యక్షుడు, కాకినాడ చరమగీతం పాడే సమయం వచ్చింది రాష్ట్రంలో బీసీలకు మేలు జరిగేది వైఎస్‌ జగన్‌మోహన్‌రెడ్డితోనే. గత ప్రభుత్వంలో అనేక సంక్షేమ పథకాలను అమలు చేశారు. వెన్నుపోటు పార్టీ ఎన్నికల్లో ఇచ్చిన ఏ ఒక్క హామీని అమలు చేయకుండా బీసీలకు వెన్నుపోటు పొడిచింది. బీసీలంతా చంద్రబాబు పాలనకు చరమగీతం పాడే సమయం దగ్గరపడింది. – కొండపల్లి దుర్గారావు, వైఎస్సార్‌ సీపీ జిల్లా బీసీ సెల్‌ అధ్యక్షుడు, తూర్పు గోదావరి

● హైదరాబాద్‌ నుంచి వచ్చిన భక్తుల వాహనంలో గుర్తింపు ● మద్యాన్ని పారబోయించి కొండపైకి పంపిన భద్రతా సిబ్బంది అన్నవరం: రత్నగిరిపై సత్యదేవుని దర్శనానికి వెళ్తున్న వాహనంలో పెద్ద సంఖ్యలో మద్యాన్ని ఆదివారం టోల్‌గేట్‌ వద్ద స్వాధీనం చేసుకున్నారు. వివరాల్లోకి వెడితే హైదరాబాద్‌కు చెందిన భక్తుల బృందం టెంపోలో సత్యదేవుని దర్శనానికి వచ్చారు. టోల్‌గేట్‌ వద్ద వారి వాహనాన్ని పరిశీలించిన భద్రతా సిబ్బంది తనిఖీ చేసి ప్రయాణికుల సీట్ల కింద దాచి ఉంచిన నాలుగు ఫుల్‌ బాటిల్‌ మద్యం సీసాలను గుర్తించారు. సీసాల్లోని మద్యాన్ని అక్కడి టబ్‌లో పారబోయాలని సూచించగా వారు సిబ్బందితో వాగ్వాదానికి దిగి సీసాలను స్వాధీనం చేసుకోండి తిరిగి వెళ్లేటపుడు తీసుకువెళ్తామని చెప్పారు. దీనికి సిబ్బంది అభ్యంతరం చెప్పగా తప్పని పరిస్థితుల్లో మద్యాన్ని పారబోసి రత్నగిరికి వెళ్లారు. వారు యానాంలో రూ.8 వేలకు ఆ మద్యాన్ని కొనుగోలు ట్రాన్స్‌పోర్టు విభాగం సూపరింటెండెంట్‌ రమణ తెలిపారు.

సాక్షి, రాజమహేంద్రవరం/ రాజమహేంద్రవరం రూరల్‌/ ధవళేశ్వరం: ఎప్పటికీ బీసీల ఆత్మ బంధువు మాజీ సీఎం వైఎస్‌ జగన్‌మోహన్‌రెడ్డేనని బీసీ నేతలు ముక్తకంఠంతో చెప్పారు. గత ఎన్నికల సమయంలో చంద్రబాబు మాయమాటలు చెప్పి అధికారంలోకి వచ్చారన్నారు. దగా చేసిన వెన్నుపోటు పార్టీ వంచనపై బీసీలు గర్జించారు. జనాభాలో సగం కంటే ఎక్కువగా బీసీలు ఉన్నప్పటికీ నేటికీ కులవృత్తిదారులుగానే చంద్రబాబు చూస్తున్నాడని ధ్వజమెత్తారు. ఓటు బ్యాంకుగా వాడుకుంటూ రాజకీయ ప్రాతినిధ్యం కల్పించకుండా చిన్నచూపు చూస్తున్నాడని మండిపడ్డారు. సంక్షేమ పథకాలు అమలు చేయకపోవడంతో పాటు ఫీజు రీయింబర్స్‌మెంట్‌ బకాయిలు పేరుకుపోవడంతో ఎక్కువగా బీసీ, ఎస్సీ, ఎస్టీ, మైనార్టీ విద్యార్థులే ఆర్థికంగా నష్టపోతున్నారని ఆవేదన వ్యక్తం చేశారు. జ్యోతీరావు ఫూలే ఆశయాలను ఆచరణలో అమలు చేసి బలహీన వర్గాలకు మేలు చేసింది దివంగత మహానేత వైఎస్సార్‌, ఆయన తనయుడు వైఎస్సార్‌ సీపీ అధినేత వైఎస్‌ జగన్‌మోహన్‌రెడ్డి అని అన్నారు. నా బీసీలు అని చెప్పే దమ్మున్న జగన్‌ మళ్లీ గెలిస్తేనే బీసీలకు మంచి రోజులొస్తాయని.. దీనికోసం అంతా ఐక్యంగా ముందుకు సాగుదామని ప్రతినబూనారు. వెన్నుపోటు పార్టీ వంచనపై బీసీల గర్జన సదస్సు మాజీ మంత్రి, వైఎస్సార్‌ సీపీ తూర్పు గోదావరి జిల్లా అధ్యక్షుడు, రాజమహేంద్రవరం రూరల్‌ నియోజకవర్గ ఇన్‌చార్జి చెల్లుబోయిన వేణుగోపాలకృష్ణ అధ్యక్షతన కాతేరులో ఆదివారం జరిగింది. ముందుగా జ్యోతీరావు ఫూలే, దివంగత మహానేత వైఎస్సార్‌ విగ్రహాలకు నివాళులర్పించారు. అనంతరం మాజీ మంత్రులు బొత్స సత్యనారాయణ, సీదిరి అప్పలరాజు, ధర్మాన కృష్ణదాస్‌, బూడి ముత్యాలనాయుడు, విడదల రజని, జోగి రమేష్‌, మాజీ స్పీకర్‌ తమ్మినేని సీతారాం, ఎమ్మెల్సీ రమేష్‌యాదవ్‌ మాట్లాడుతూ చంద్రబాబు పాలన తీరును ఎండగట్టారు. తొలుత ఇటీవల మృతి చెందిన వైఎస్సార్‌ సీపీ ప్రచార కమిటీ రాష్ట్ర అధ్యక్షుడు దివంగత కాకుమాను రాజశేఖర్‌ చిత్రపటం వద్ద నివాళులర్పించారు. నియోజకవర్గాల కోఆర్డినేటర్లు పిల్లి సూర్యప్రకాష్‌, గుడాల గోపి, వివిధ విభాగాల కార్పొరేషన్ల మాజీ చైర్మన్లు మామిడి శ్రీకాంత్‌, గుబ్బల తమ్మయ్య, సంకిస భవానీప్రియ, పార్టీ రాష్ట్ర కార్యదర్శులు గుబ్బల తులసీకుమార్‌, చెల్లుబోయిన శ్రీనివాస్‌, ఒమ్మి రఘురామ్‌, పాటి శివకుమార్‌, వాసిరెడ్డి జమీల్‌, వివిధ జిల్లాల బీసీ సెల్‌ అధ్యక్షులు అల్లి రాజబాబు, మట్టపర్తి నాగేంద్ర, నెరుసు చిరంజీవులు, శివకుమార్‌ గౌడ్‌, చిప్పడ నరసింహారావు, మానికొండ వెంకటేశ్వరరావు, దార్ల పాపయ్య, కాకినాడ మాజీ మేయర్‌ పి.సరోజ, ఏఎంసీ మాజీ చైర్మన్లు, వైఎస్సార్‌ సీపీ బీసీ మహిళా విభాగం జిల్లా అధ్యక్షురాలు మార్తి లక్ష్మి తదితరులు పాల్గొన్నారు. రాష్ట్ర ప్రచార కమిటీ అధ్యక్షుడు దివంగత కాకుమాను రాజశేఖర్‌ చిత్రపటానికి నివాళులర్పిస్తున్న తమ్మినేని, బొత్స సత్యనారాయణ, వేణు, భరత్‌రామ్‌ తదితరులుబీసీ గర్జనకు హాజరైన నేతలు రిజర్వేషన్ల పేరిట డ్రామా.. స్థానిక సంస్థల ఎన్నికలు సమీపిస్తుండడంతో 34 శాతం రిజర్వేషన్ల పేరిట డ్రామాకు చంద్రబాబు తెరతీశాడు. వాస్తవానికి బీసీలకు మేలు చేయాలనే చిత్తశుద్ధి వెన్నుపోటు పార్టీ నాయకుడికి లేదు. రాజకీయ ప్రాతినిధ్యం కల్పించే ఉద్దేశమే ఉంటే పవన్‌ కళ్యాణ్‌ పక్కన కూర్చునే అర్హత ఉన్న ఒక్క బీసీ ఎమ్మెల్యే దొరకలేదా..? వైఎస్‌ జగన్‌ ముగ్గురు బీసీలను ఉప ముఖ్యమంత్రులను చేస్తే వెన్నుపోటు పార్టీ నాయకుడు ఒక్కరినీ డిప్యూటీ సీఎంను చేయలేదు. ప్రతి మహిళకు నెలకు రూ.1,500 ఇస్తామని మోసం చేశారు. రూ.9 వేల కోట్ల ఫీజు రీయింబర్స్‌మెంట్‌ బకాయిలు చెల్లించకపోవడంతో బీసీ విద్యార్థులే నష్టపోతున్నారు. బీసీ రక్షణ చట్టం తీసుకొస్తామని కాలయాపన చేస్తున్నారు. బలహీనవర్గాల గొంతుకగా వైఎస్సార్‌ సీపీ పోరాడుతుంది. వైఎస్‌ జగన్‌ సీఎం అయితేనే బలహీన వర్గాలకు ప్రాధాన్యం దక్కుతుంది. – చెల్లుబోయిన వేణుగోపాలకృష్ణ, మాజీ మంత్రి, వైఎస్సార్‌ సీపీ జిల్లా అధ్యక్షుడు ఫ వైఎస్‌ జగన్‌తోనే బలహీన వర్గాల సంక్షేమం ఫ చంద్రబాబు పాలనలో వెన్నుపోటు, దగా ఫ ఎన్నికల వేళ ఓట్ల కోసం మళ్లీ ఎత్తుగడలు ఫ రాజకీయ ప్రాతినిధ్యం కల్పించడంలో చిన్నచూపు ఫ రెండున్నరేళ్లలో బలహీన వర్గాలకు చేసిందేమీ లేదు ఫ వెన్నుపోటు పార్టీ వంచనపై బీసీ గర్జనలో వైఎస్సార్‌ సీపీ నేతలు బీసీ గర్జనలో చేసిన తీర్మానాలుఫ బీసీలకు 34 శాతం రిజర్వేషన్‌ కల్పించేందుకు చట్టం చేయాలి. ఫ తక్షణమే ఉప ముఖ్యమంత్రి పదవి బీసీలకు ఇవ్వాలి. ఫ ఆదరణ పథకం పేరుతో బడ్జెట్‌లలో కేటాయించిన రూ.3 వేల కోట్లతో తక్షణమే పనిముట్లు ఇవ్వాలి. ఫ 50 సంవత్సరాలు నిండిన బీసీలకు రూ.4 వేల చొప్పున పింఛన్‌ మంజూరు చేయాలి. ఫ ఫీజు రీయింబర్స్‌మెంట్‌ బకాయిలు రూ.9 వేల కోట్లు విడుదల చేయాలి. ఫ రైతులకు ఉచిత పంటల బీమా పథకం అమలుకు చర్యలు తీసుకోవాలి. ఫ 18 నుంచి 60 ఏళ్ల మధ్య మహిళలకు నెలకు రూ.1,500 ఇస్తామన్న హామీ వెంటనే ఆచరణలో పెట్టాలి. ఫ ఆరోగ్యశ్రీ పథకాన్ని పూర్తి స్థాయిలో అమలు చేసి పేదల ఆరోగ్యానికి బాసటగా నిలవాలి. ఫ బీసీ నేతలపై కేసులు, వేధింపులు తక్షణమే ఆపాలి. ఫ బీసీలకు 150 రోజుల పాటు ఉపాధి హామీ పథకం అమలు చేయాలి. ఫ చట్టసభల్లో రాజ్యాధికారం కోసం బీసీ రిజర్వేషన్‌ బిల్లు ఆమోదించేలా కేంద్ర ప్రభుత్వంపై ఒత్తిడి తీసుకురావాలి. ఫ బీసీ కార్పొరేషన్‌ రుణాల కోసం 3 లక్షల అప్లికేషన్లు రాగా, వారికి తక్షణమే రుణాలు మంజూరు చేయాలి.

● గ్యాస్‌ కిక్‌లకు గురవుతున్న బావులు ● ఓఎన్‌జీసీకి సవాలుగా మారుతున్న వైనం ● నాడు మోరి–7లో.. మొన్న కరవాక –27లో ప్రొడక్షన్‌ టెస్టింగ్‌లలో తప్పిన బ్లో అవుట్లు ● ఓఎన్జీసీకి సవాల్‌గా మారిన డ్రిల్లింగ్‌లు మలికిపురం: అది 1995వ సంవత్సరం. కేజీ బేసిన్‌లో రాజోలు దీవిలోని కేజీ బేసిన్‌లో ఓఎన్జీసీ కార్యకలాపాలు ముమ్మరంగా జరుగుతున్న రోజులు. ఆ ఏడాది మార్చి నెలలో మండలం చింతలమోరిలో మోరి వెస్ట్‌–7 బావిలో సుమారు రెండు నెలల పాటు 2,700 మీటర్ల లోతుకు ఓఎన్‌జీసీ విజయవంతంగా డ్రిల్లింగ్‌ నిర్వహించింది. ఈ బావిలో అపార చమురు, గ్యాస్‌ నిక్షేపాలు ఉన్నాయని గుర్తించిన సిబ్బంది ఆనందోత్సాహాలతో ఉత్పత్తి పరీక్షలకు శ్రీకారం చుట్టారు. పరీక్షలు ప్రశాంతంగా సాగుతున్న సమయంలో ఒక్కసారిగా గ్యాస్‌ ఎగజిమ్మింది. ఈ హఠాత్‌ పరిణామంతో షాక్‌ తిన్న అధికారులు, ఈ బావిలో బ్లో–అవుట్‌ ప్రమాదం ఉందని గుర్తించి ఉన్నతాధికారులకు పరిస్థితి వివరించారు. నిక్షేపాలు పుష్కలంగా ఉండడంతో ఈ బావిని వదులు కోలేని ఓఎన్జీసీ అప్పటి అధునాత సాంకేతిక పరికరాలతో సుమారు మరో రెండు నెలల పాటు శ్రమించినప్పటికీ ఫలితం లేదు. వెల్‌ నుంచి బారీగా గ్యాస్‌కిక్‌లు వచ్చాయి. దీంతో చేసేది లేక అధికారులు ఆ బావిని మూసేశారు. అనంతరం ఇక్కడి డ్రిల్లింగులలో పలు బావులో ఇబ్బందులు ఏర్పడినప్పటికీ అదే పాయింట్‌లో మరో వెల్‌ ఏర్పాటు చేసి విజయం సాధించారు. అయితే మోరి–7 బావి ఇప్పటికీ తెరవ లేక మొత్తం సైట్‌ మూసేశారు. సుమారు 15 ఏళ్ల అనంతరం కాట్రేనిపాడులోని కరవాక–27 బావిలో ఓఎన్‌జీసీకి మోరి–7 బావికి మించిన తీవ్ర సమస్య ఎదురైంది. 2011 ఏప్రిల్‌ నెలలో ఈ బావిలో డ్రిల్లింగ్‌ ప్రారంభించారు. ఆ ఏడాది సెప్టెంబరు వరకూ సుమారు 3200 మీటర్ల లోతు డ్రిల్లింగ్‌ చేసి అపార చమురు, గ్యాస్‌ నిక్షేపాలు ఉన్నట్టు గుర్తించారు. ప్రొడక్షన్‌ టెస్టింగ్‌ పనుల్లో ఇబ్బందులు ఏర్పడి అప్పట్లో బ్లో–అవుట్‌ ప్రమాదం తప్పింది. ఆ వెల్‌ను మూసివేసిన అదికారులు అక్టోబరు నెలలో పక్కనే మరో బావి వేసి డ్రిల్లింగ్‌ ప్రారంభించారు. మరో మూడు నెలలపాటు శ్రమించిన సిబ్బంది ప్రస్తుతం 3,886 మీటర్ల లోతు డ్రిల్లింగ్‌ చేశారు. మళ్లీ అదే పరిస్థితి పునరావృతం అయింది. ప్రొడక్షన్‌ టెస్టింగ్‌ చేపట్టిన ఈ బావి నుంచి రెండు రోజుల పాటు ముడి చమురు, గ్యాస్‌ ఎగజిమ్మాయి. ఈ బావిలో సెకనుకు 7 వేల క్యూబిక్‌ మీటర్ల పీడనం నమోదైంది. సాధారణ స్థాయి మూడు వేలకు పీడనం దిగితే ఈ బావిని వినియోగించవచ్చని భావించారు. కానీ ఈ బావిని కూడా అప్పట్లో మూసేశారు. అదే పరిస్థితి ఈ ఏడాది జనవరి నెల ఐదో తేదీన మలికిపురం మండలంలోని ఇరుసుమండ గ్రామంలో మోరి–5 బావిలో ఎదురైంది. ఇటీవల ఇలాంటి మూతపడిన బావులను పునరుద్ధరించి ఉత్పత్తి ప్రారంభించే పనులలో బాగంగా డీప్‌ సంస్థ డ్రిలింగ్‌ ప్రారంభించింది. ఈ బావిని కూడా మోరి–7, కరవాక–27 బావుల మాదిరిగానే 2012 సంవత్సరంలో అనేక ఇబ్బందులు పడి బ్లో అవుట్‌ ప్రమాదం పొంచి ఉండడంతో మూసేశారు. డీప్‌ సంస్థ గత జనవరి నెలలో దీనిని ప్రారంభించి భారీగా ఉన్న గ్యాస్‌ నిల్వలను అదుపు చేయలేకపోవడంతో బోఅవుట్‌ సంభవించింది. వారం తరువాత ఉన్నత స్థాయి అధికారుల జోక్యంతో దానిని అదుపు లోనికి తెచ్చేందుకు చర్యలు తీసుకున్నారు. అయితే బావిలోనే ఏర్పడిన మార్పులతో దానికదే మూసుకుపోయి బ్లోఅవుట్‌ అదుపులోకి వచ్చింది. ప్రస్తుతం ఇలాంటి బావులను తెరిచే పనులలో ఇక్కడ గుత్తేదారు సంస్థలు నిమగ్నమయ్యాయి. సముద్ర తీరంలోని కరవాక, తూర్పుపాలెం గ్రామాలలోని సుమారు పది బావులను ప్రస్తుతం డ్రిల్లింగ్‌ చేస్తున్నారు. అలాగే ప్రస్తుతం సముద్ర తీరంలో ఇటీవల ఉత్పత్తిలో ఉన్న బావుల నుంచి సైతం గ్యాస్‌ కిక్‌లు రావడంతో మరమ్మతులు చేయడం, అతి కష్టం మీద అదుపు చేస్తున్న సంఘటనలు ఇక్కడ చోటు చేసుకున్నాయి. తూర్పుపాలెంలోని కేఎస్‌పీ–46 బావి సైతం తరచూ మొరాయిస్తూ సిబ్బందికి సవాలు విసురుతోంది. గత జనవరిలో ఇరుసుమండలోని మోరి–5 బావిలో సంభవించిన బ్లో అవుట్‌రాజోలు మండలం పొన్నమండ చమురు బావిలో గ్యాస్‌ లీకేజీని నియంత్రిస్తున్న సిబ్బంది

గోదావరిలోకి దూకి వ్యక్తి ఆత్మహత్యాయత్నం ఐ.పోలవరం: మురమళ్ల వంతెనపై ఓ వ్యక్తి ఆత్మహత్యాయత్నానికి పాల్పడగా స్థానిక జాలర్లు అతడిని రక్షించారు. వివరాల్లోకి వెళితే మండలం కేశనకుర్రు (చిన్న కేశనకుర్రు) పల్లెగూడెం గ్రామానికి చెందిన మల్లాడి శ్రీను కుటుంబ కలహాలతో మురమళ్ల వంతెన పై నుంచి గోదావరిలోకి దూకి ఆత్మహత్యాయత్నం చేశాడు. గోదావరిలో కొట్టుకుపోతున్న అతడిని స్థానిక మత్స్యకారులు రక్షించారు. సమాచారం అందుకున్న పోలీసులు అక్కడికి చేరుకుని శ్రీనును అదుపులోకి తీసుకుని పోలీసు స్టేషన్‌కు తరలించారు. శ్రీను భార్య పుట్టింటికి వెళ్లి తిరిగి రాకపోవడంతో మనస్తాపానికి గురై ఆత్మహత్యాయత్నం చేసినట్టు పోలీసులు తెలిపారు.

● కుక్క కాటును నిర్లక్ష్యం చేస్తే ప్రమాదం ● సత్ఫలితాలివ్వని ఏబీసీ శస్త్ర చికిత్సలు ● నేడు ప్రపంచ ర్యాబిస్‌ నివారణ దినం అందుబాటులో ఏఆర్‌వీ జిల్లాలోని అన్ని ప్రభుత్వ ఆస్పత్రుల్లో యాంటీ రేబిస్‌ వ్యాక్సిన్లు (ఏఆర్‌వీ) అందుబాటులో ఉన్నాయి. కుక్క కరిచిన వెంటనే అధైర్య పడకుండా సమీప ఆస్పత్రికి వెళ్లి చికిత్స చేయించుకోవాలి. – ఎం.సుమలత, జిల్లా కన్వీనర్‌, ఆర్‌బీఎస్‌కే, అమలాపురం ఆలమూరు: కేవలం కుక్కల వల్లే కాకుండా పిల్లి, నక్క, డేగ వంటి జంతువుల వల్ల కూడా రేబిస్‌ వ్యాధి వచ్చే ప్రమాదం ఉన్నప్పటికీ ఇంటా బయటా ఎక్కువగా ప్రజలు కుక్క కాట్లకే త్వరగా గాయపడి ఈ వ్యాధి బారిన పడుతుంటారు. వీధి కుక్కల సంతతి అంతకంతకూ పెరిగిపోతున్న నేపథ్యంలో తగిన జాగ్రత్తలు తీసుకోవలసిన అవసరం మనపైనే ఉంది. యాంటీ బర్త్‌ కంట్రోల్‌ (ఏబీసీ) శస్త్ర చికిత్సల వల్ల అంతగా ప్రయోజనం కనిపించడం లేదన్నది నిర్వివాదాంశం. 2024లో పశుసంవర్థక శాఖ గణాంకాల ప్రకారం ఉమ్మడి తూర్పుగోదావరి జిల్లాలో 95,571 కుక్కలు ఉన్నాయి. కాగా 2025–26 మధ్య కాలంలో సుమారు 16 వేల మంది కుక్క కాట్లకు గురయ్యారు. 2030 చివరి నాటికి ర్యాబిస్‌ రహిత దేశంగా అవ్వాలన్న కేంద్ర ప్రభుత్వ లక్ష్యం కనుచూపు మేరలో కనపడడం లేదు. రేబిస్‌ నిరోధక టీకాను కనుగొన్న లూయీ పాశ్చర్‌ వర్ధంతిని పురస్కరించుకుని ఏటా సెప్టెంబర్‌ 28న ర్యాబిస్‌ నివారణ దినోత్సవాన్ని నిర్వహిస్తున్న నేపథ్యంలో కుక్కకాటు వల్ల ఎదురయ్యే దుష్పరిణామాల గురించి చర్చించుకోవడం అవసరం. రేబిస్‌ వ్యాధి లక్షణాలు ● రేబిస్‌ సోకిన రోగికి గొంతు మింగుడు పడదు. ● ఆహారం తినలేక ఆరోగ్యం క్షీణిస్తుంది. ● నీళ్లను చూస్తే భయపడుతుంటారు. ● వ్యాధి తీవ్రత పెరిగే కొద్దీ మందబుద్ధులవుతారు.

● బెండపూడి రోడ్డు ప్రమాదంలో ఇద్దరి మృతి ● యూట్యూబర్‌ రాజు, శివాజీగా గుర్తింపు ● వెనుక నుంచి ట్రాలీ లారీ ఢీకొని ప్రమాదం అన్నవరం/శంఖవరం: వారిద్దరూ చిన్ననాటి స్నేహితులు. ఒకటే ఊరు. ఏం చేసినా ఇద్దరూ కలిసే చేసేవారు. ఎన్ని జన్మల స్నేహమో ఈ జన్మలోనూ జతగా వెళ్లిపోయారు. వివరాల్లోకి వెళితే.. బెండపూడి వద్ద జాతీయ రహదారిపై శనివారం రాత్రి జరిగిన రోడ్డు ప్రమాదంలో శంఖవరం మండలం కొత్తూరు గ్రామానికి చెందిన పలివెల వెంకట జవహర్‌లాల్‌ కుమార్‌ రాజు (రాజు) (41), కర్రి శివ గణేష్‌ (శివాజీ) (41) మృతి చెందారు. రాత్రి 10.30 గంటల సమయంలో హైవేపై బైక్‌ మీద వెళ్తూ బెండపూడికి వెళ్లేందుకు కుడివైపునకు తరగ్గా అదే సమయంలో వెనుకనుంచి వస్తున్న ట్రాలీ లారీ వీరిని బలంగా ఢీకొనడంతో వారి తలలకు తీవ్ర గాయాలై అక్కడికక్కడే మృతి చెందారు. వారి బైక్‌ను లారీ కొంత దూరం లాక్కుపోయింది. ట్రాలీకి సపోర్టుగా అమర్చిన రాడ్లు రాజును రోడ్డు మీద లాక్కునిపోవడంతో అతడి శరీరం ఛిద్రమైంది. ఇద్దరి శరీరాల మీదుగా ట్రాలీ టైర్లు ఎక్కడం శరీరాలు నుజ్జయ్యాయి. రాజు ఆర్‌ఆర్‌ న్యూస్‌ యూట్యూబ్‌ ఛానల్‌ నడుపుతూ అనేక సామాజిక అంశాలపై వార్తలు ప్రసారం చేస్తూ గుర్తింపు పొందాడు. తొండంగి పోలీసులు కేసు నమోదు చేసి దర్యాప్తు చేస్తున్నారు. కొంతంగి కొత్తూరులో విషాదఛాయలు మృతి చెందిన ప్రాణ స్నేహితులూ పలివల రాజా, కర్రి శివాజీ శంఖవరం మండలం కొంతంగి కొత్తూరు గ్రామానికి చెందిన వారు కావడంతో ఆ గ్రామంలో విషాద ఛాయలు అలముకున్నాయి. పలివల రాజా యూట్యూబ్‌ చానల్‌ రిపోర్టర్‌గా, శివాజీ సామాజిక సేవల్లో చురుగ్గా పాల్గొనేవాడని గ్రామస్తులు తెలిపారు. రాజా వివాహమై కుమార్తె, కుమారుడు ఉండగా, శివాజీకి కుమారుడు ఉన్నాడు. వారిద్దరి మృతితో ఆ రెండు కుటుంబాలూ రోడ్డునపడ్డాయి. వారి మృతితో వారిళ్ల వద్ద కుటుంబ సభ్యుల రోదనలు మిన్నంటాయి. వారిద్దరి కుటుంబాలను స్థానిక ఎమ్మెల్యే వరుపుల సత్యప్రభ పరామర్శించి విచారం వ్యక్తం చేశారు.

● గోదావరి పొదల్లో అపస్మారక స్థితిలో గుర్తింపు ● ప్రథమ చికిత్స అనంతరం మెరుగైన చికిత్సకు రాజమహేంద్రవరం జీజీహెచ్‌కు తరలింపు ఆత్రేయపురం: స్థానిక గౌతమి గోదావరిలో మునిగి గల్లంతైన చిట్టిబాబు ఆదివారం మృత్యుంజయుడిగా బయటపడ్డాడు. వివరాల్లోకి వెళితే గ్రామానికి చెందిన పందిరి నాగమణి మృతి చెందడంతో ఆమె అంతిమ సంస్కారాల నిమిత్తం తాపేశ్వరానికి చెందిన తన అల్లుడు కాకిలేటి చిట్టిబాబు వచ్చి స్నానాల కోసం బంధువులతో పాటు పుష్కరఘాట్‌లో దిగగా నీటి ప్రవాహానికి గల్లంతైన విషయం తెలిసిందే. శనివారం అర్ధరాత్రి వరకూ గాలించినా ఫలితం లేకపోయింది. దీంతో చిట్టిబాబు కుమారుడు కాకిలేటి రాహుల్‌కుమార్‌ ఎస్సై రాము, తహసీల్దార్‌ ఆర్‌.డి.రామచంద్రమూర్తి, వీఆర్వో జ్యోతికి ఫిర్యాదు చేశారు. కాగా ఆదివారం తెల్లవారుజాము నుంచి అతడి బంధుమిత్రులు మళ్లీ గాలింపు మొదలుపెట్టగా నది గట్టున పొదలలో అపస్మారక స్థితిలో ఉన్న అతడిని వారు గుర్తించారు. వెంటనే అతడిని స్థానిక పీహెచ్‌సీకి తరలించి ప్రాథమిక చికిత్స చేసి మెరుగైన చికిత్స నిమిత్తం రాజమహేంద్రవరం జీజీహెచ్‌కు తరలించారు. చిట్టిబాబు ఆరోగ్యంగా ఉండడంతో తాపేశ్వరంలోని బంధుమిత్రులు ఊపిరి పీల్చుకున్నారు.

చంద్రబాబు బీసీలను ఓటు బ్యాంకుగా వినియోగించుకుని, అధికారంలోకి వచ్చిన తర్వాత వెన్నుపోటు పొడవడం పరిపాటిగా మారింది. ఇప్పుడు ఓట్లు వేసిన బీసీలంతా చంద్రబాబు పాలనను చూసి కన్నీళ్లు తెచ్చుకుంటున్నారు. 2029లో వైఎస్‌ జగన్‌మోహన్‌రెడ్డిని ముఖ్యమంత్రిని చేసేందుకు బీసీలంతా తమ సత్తా చాటాలి. – నవుడు వెంకటరమణ, రాష్ట్ర బీసీ సెల్‌ వర్కింగ్‌ ప్రెసిడెంట్‌ ఉప ముఖ్యమంత్రిగా బీసీలు పనికిరారా! కూటమి ప్రభుత్వంలో బీసీలకు ఉప ముఖ్యమంత్రి పదవి ఇవ్వలేదు. బీసీలు ఉప ముఖ్యమంత్రిగా పనికిరారా..??. బీసీలకు స్థానిక సంస్థల ఎన్నికల్లో 34 శాతం రిజర్వేషన్‌ ఇస్తామని చంద్రబాబు జీఓ ఇచ్చారు. నాలుక గీసుకోవడానికి కూడా జీఓలు పనికిరావు. చంద్రబాబు బీసీలను వాడుకుంటున్నారు. బీసీలకు మంచి చేయాలనే ఉద్దేశం వైఎస్‌ జగన్‌మోహన్‌రెడ్డికి మాత్రమే ఉంది. రానున్న స్థానిక సంస్థల ఎన్నికలు మన ఆత్మగౌరవానికి సంబంధించినవి. ఆ సెమీ ఫైనల్స్‌లో వైఎస్సార్‌ సీపీ విజయం సాధిస్తేనే చంద్రబాబుకు బుద్ధి వస్తుంది. – మార్గాని భరత్‌రామ్‌, మాజీ ఎంపీ, వైఎస్సార్‌ సీపీ జాతీయ అధికార ప్రతినిధి డీఎస్సీ అక్రమాలపై జైలుకెళ్లడం ఖాయం వైఎస్‌ జగన్‌మోహన్‌రెడ్డి ప్రభుత్వంలో రాష్ట్రంలో బీసీలకు నామినేటెడ్‌ పదవులతో పాటు సంక్షేమ పథకాలు అందించారు. డీఎస్సీ స్పోర్ట్స్‌ కోటా అక్రమాలపై చంద్రబాబు, లోకేశ్‌ జైలుకెళ్లడం ఖాయం. స్థానిక సంస్థల ఎన్నికల్లో బీసీల్లో చిన్నస్థాయి కులాలకు సైతం ప్రాధాన్యం కల్పించి వారిని రాజకీయంగా ప్రోత్సహించాలి. 2029 ఎన్నికల్లో వైఎస్‌ జగన్‌ను ముఖ్యమంత్రిని చేసేందుకు బీసీలంతా ఐక్యంగా కృషి చేయాలి. – కుడుపూడి సూర్యనారాయణరావు, ఎమ్మెల్సీ రాజకీయ ప్రాధాన్యం కల్పించారు గత ప్రభుత్వంలో శాలివాహన (కుమ్మరి) కులస్తులకు రాజకీయ ప్రాధాన్యం కల్పించారు. నా భార్య మోహినికి మండల పరిషత్‌ అధ్యక్షురాలిగా అవకాశం కల్పించారు. ప్రతి గ్రామంలో మహాత్మ జ్యోతిరావు ఫూలే విగ్రహాలను వైఎస్సార్‌ సీపీ తరుఫున ఏర్పాటు చేయాల్సిన అవసరం ఉంది. వైఎస్‌ జగన్‌ సీఎం అయితేనే బీసీలకు న్యాయం జరుగుతుంది. – బొండాడ వెంకన్నబాబు, వైఎస్సార్‌ సీపీ జిల్లా ఉపాధ్యక్షుడు, తూర్పుగోదావరి 50 ఏళ్లకే పింఛన్‌ ఏదీ? అధికారంలోకి రాగానే బీసీలకు 50 ఏళ్లకే పింఛన్‌ ఇస్తానన్న చంద్రబాబు 27 నెలలు గడిచినా అందించడం లేదు. రాష్ట్రంలో విశ్వ బ్రాహ్మణులు 20 లక్షల మంది ఉన్నారు. వారికి వెన్నుపోటు పార్టీ న్యాయం చేయలేదు. 2029లో వైఎస్‌ జగన్‌ సీఎం కావడం ఖాయం. – పాపయ్యచారి, విశ్వబ్రాహ్మణ కార్పొరేషన్‌ మాజీ చైర్మన్‌

● ఆ దిశగా కార్యకర్తలు పని చేయాలి ● ఎమ్మెల్సీ తోట త్రిమూర్తులు పిలుపుఉప్పలగుప్తం: వైఎస్సార్‌ సీపీ కార్యకర్తలు శక్తిమంతంగా పని చేసి, వచ్చే సార్వత్రిక ఎన్నికల్లో వైఎస్సార్‌ సీపీని అధికారంలోకి తీసుకొచ్చి, వైఎస్‌ జగన్‌మోహన్‌రెడ్డిని ముఖ్యమంత్రిని చేసుకోవాలని ఎమ్మెల్సీ తోట త్రిమూర్తులు పిలుపునిచ్చారు. ఉప్పలగుప్తంలోని పార్టీ బూత్‌ కమిటీల విభాగం జిల్లా అధ్యక్షుడు చీకట్ల కిషోర్‌ నివాసంలో ఆదివారం ఏర్పాటు చేసిన ఆత్మీయ సమావేశంలో ప్రముఖ పారిశ్రామికవేత్త చలమలశెట్టి సునీల్‌, వైఎస్సార్‌ సీపీ అమలాపురం, పి.గన్నవరం నియోజకవర్గాల కో ఆర్డినేటర్లు డాక్టర్‌ పినిపే శ్రీకాంత్‌, గన్నవరపు శ్రీనివాసరావుతో కలసి ఎమ్మెల్సీ త్రిమూర్తులు పాల్గొన్నారు. మండలానికి తొలిసారి వచ్చిన సునీల్‌ను ఆయన అభిమానులు చీకట్ల కిషోర్‌ ఆధ్వర్యాన గజమాలతో సత్కరించి, వేద పండితుల సమక్షంలో పూర్ణకుంభంతో స్వాగతించారు. ఈ సందర్భంగా సునీల్‌ మాట్లాడుతూ, తమ పరిశ్రమలు అనేకచోట్ల ఉన్నాయని, ఈ జిల్లాలో సైతం అనువైన ప్రాంతాల్లో అనుకూలమైన పరిశ్రమలు ఏర్పాటు చేసి, యువతకు చేయూతనిస్తామని అన్నారు. డాక్టర్‌ శ్రీకాంత్‌ మాట్లాడుతూ, తమ నియోజకవర్గ అభివృద్ధిపై ప్రత్యేక దృష్టి పెట్టాలని కోరారు. కార్యక్రమంలో పార్టీ రైతు విభాగం రాష్ట్ర అధ్యక్షుడు జిన్నూరి రామారావు (బాబీ), పార్టీ అమలాపురం నియోజకవర్గ పరిశీలకుడు కటకంశెట్టి ఆదిత్య, రాష్ట్ర కార్యదర్శి జక్కంపూడి వాసు, జిల్లా ఉపాధ్యక్షుడు కూనపురెడ్డి రాంబాబు, జిల్లా మహిళా విభాగం అధ్యక్షురాలు వంగా గిరిజా కుమారి, పార్టీ మండల అధ్యక్షుడు బద్రి బాబ్జీ, జిల్లా కార్యదర్శి పొగాకు శ్రీను, యువజన విభాగం మండల అధ్యక్షుడు ఓగూరి విజయకుమార్‌, బూత్‌ కమిటీ, ఆర్‌టీఐ విభాగం అధ్యక్షులు కోటుం లోవరాజు, పోలిశెట్టి వీర్రాజు, నాయకులు కుంచే స్వామి, నల్లా నాయుడు, తదితరులు పాల్గొన్నారు.

అమలాపురం టౌన్‌: స్మృతి (జ్ఞాపకం లేదా ధర్మ శాస్త్రాలు) ఆధారంగా వచ్చినదే స్మార్త విద్య అని మండలం పేరూరు శివారు విశ్వేశ్వర అగ్రహారానికి చెందిన స్మార్త పండితులు కర్రా భాస్కరావధానులు అన్నారు. శ్రీకోనసీమ వేద శాస్త్ర సన్మాన సభ సంస్థ ఆధ్వర్యంలో స్థానిక శ్రీసత్యసాయి కళ్యాణ మండపంలో ఆదివారం జరిగిన స్మార్తాగమ అపర విద్వత్సభలో ఆయన స్మార్త విద్య పరమార్ధాన్ని వివరించారు. ఆశ్వాలాయనాది మహర్షులు అందించిన గృహ్య సూత్రాల ప్రకారం స్మార్త విద్య కొనసాగుతోందని తెలిపారు. సభకు పశ్చిమ గోదావరి జిల్లా భీమవరం మావుళ్లమ్మ దేవస్థానం ఆస్థాన విద్యాంసుడు బ్రహ్మశ్రీ యావని వేంకట రామచంద్రసోమయాజి ఘనపాఠి అధ్యక్షత వహించి మాట్లాడుతూ వేదం ఎవరికై నా శిరోధార్యమని, స్మార్త విద్య అంటే హిందూ ధర్మ శాస్త్రాల ప్రకారం గృహస్తులు ఆచరించాల్సిన నిత్య, నైమిత్తిక కర్మలు, పూజా విధానాలు తెలిపే వైదిక విద్య అని అన్నారు. బ్రహ్మశ్రీ శంకరమంచి శాంతి బాబు, బ్రహశ్రీ వడ్లమాని సుబ్రహ్మణ్య ఘనపాఠి, బహ్మశ్రీ బాదంపూడి ఫణిశర్మ, బ్రహ్మశ్రీ పాణంగిపల్లి సూర్యనారాయణాచార్యులు, పంచాంగ కర్త పిడపర్తి భాస్కర సుబ్రహ్మణ్య శాస్త్రి, ప్రయాగ కిషోర్‌శర్మ, గరిమెళ్ల విశ్వనాథశాస్త్రి సభా వేదికపై ఆశీనులై స్మార్త విద్య ప్రాధాన్యాన్ని వివరించారు. విద్వత్సభ శ్రీకోనసీమ వేద శాస్త్ర సన్మాన సభ అధ్యక్షుడు గుళ్లపల్లి ప్రభాకర ఫణి రాజా, కార్యదర్శి గుళ్లపల్లి వెంకట్రామ్‌ ఆధ్వర్యంలో జరిగింది.

సాక్షి, అమలాపురం: కోనసీమ జిల్లాలోని గోదావరి నదీపాయల్లో వరద పోటు పెరుగుతోంది. ఎగువ ప్రాంతాల్లో కురుస్తున్న భారీ వర్షాలతో భద్రాచలం, శబరి పరీవాహక ప్రాంతాల నుంచి వరద ప్రవాహం క్రమేపీ పెరుగుతోంది. ధవళేశ్వరం సర్‌ ఆర్థర్‌ కాటన్‌ బ్యారేజీ వద్ద ఇన్‌ఫ్లో భారీగా పెరగడంతో.. బ్యారేజ్‌ గేట్లు ఎత్తివేసి దిగువకు పెద్ద ఎత్తున నీరు విడుదల చేస్తున్నారు. కోనసీమపై సోమవారం ఉదయం నుంచి వరద ప్రభావం కనిపించనుంది. ప్రస్తుతం బ్యారేజీ వద్ద సుమారు సాయంత్రం ఆరు గంటల సమయంలో 6.30 లక్షల క్యూసెక్కుల వరద ప్రవాహం ఉండగా.. రాత్రికి ఎనిమిది లక్షల క్యూసెక్కులకు చేరుకునే అవకాశం ఉందని అధికారులు అంచనా వేస్తున్నారు. దీంతో కోనసీమలోని గోదావరి పాయల్లో వరద ఉధృతి మరింత పెరిగే అవకాశముంది. లంకలకు ముంపు ముప్పు.. వైనతేయ, వశిష్ట, వృద్ధ గౌతమి గోదావరి పాయల్లో నీటి ప్రవాహం క్రమంగా పెరుగుతోంది. అన్నంపల్లి, పి.గన్నవరం అక్విడెక్టుల వద్ద వరద నీరు ఉరకలేస్తోంది. ఐ.పోలవరం, అయినవిల్లి, ముమ్మిడివరం, మామిడికుదురు, కె.గంగవరం తదితర మండలాల్లో గోదావరి పాయల మధ్య ఉన్న లంక గ్రామాలను ఆనుకుని వరద ప్రవహిస్తోంది. ప్రస్తుతం ప్రధాన గ్రామాలకు ముంపు ప్రమాదం లేకపోయినా.. వరద మరింత పెరిగితే లోతట్టు ప్రాంతాల్లోకి, కొబ్బరి తోటలు, ఇతర వ్యవసాయ భూముల్లోకి వరద నీరు చేరే అవకాశం ఉందని అధికారులు చెబుతున్నారు. ముమ్మిడివరం మండలంలోని ఠాన్నేల్లంక, కూనాలంక, గురజాపులంక, అయినవిల్లి మండలంలోని కొండుకుదురులంక, కె.గంగవరం మండలంలోని శేరులంక తదితర లంక గ్రామాల్లోని లోతట్టు తోటల్లోకి వరద నీరు చేరే అవకాశం ఉంది. దీంతో ఆయా ప్రాంతాల ప్రజలు అప్రమత్తంగా ఉండాల్సిన పరిస్థితి ఏర్పడింది. వరద ఉధృతి మరింత పెరిగితే రేవుల వద్ద ఆంక్షలు విధించే అవకాశం ఉంది. ఇప్పటికే కోటిపల్లి–ముక్తేశ్వరం రేవును మూసివేశారు. పరిస్థితిని బట్టి మరికొన్ని రేవుల్లో పడవ ప్రయాణాలను నిలిపివేసేందుకు అధికారులు సిద్ధమవుతున్నారు. కనాయిలంక కాజ్‌వే మునిగే అవకాశం పి.గన్నవరం సరిహద్దులో పశ్చిమగోదావరి జిల్లా పరిధిలోని కనాయిలంక కాజ్‌వే ఆదివారం రాత్రికి వరద నీటిలో మునగనుంది. భద్రాచలం వద్ద ఉదయం 11 గంటల సమయానికి వరద 8.68 లక్షలుగా ఉంది. దీనికి శబరి వరద తోడైంది. ధవళేశ్వరం బ్యారేజ్‌ వద్ద తొలి ప్రమాద హెచ్చరిక వరకు వరద పెరుగుతుందని అంచనా వేస్తున్నారు. ఎగువ నుంచి వరద ప్రవాహం మరింత పెరిగితే పరిస్థితిని బట్టి హెచ్చరికలు జారీ చేసే అవకాశం ఉంది. మూడు రోజుల్లో 121.87 టీఎంసీలు ధవళేశ్వరం బ్యారేజీ నుంచి సముద్రంలోకి మిగులు జలాల విడుదల 24 నుంచి 27 వరకు 121.876 టీఎంసీలుగా ఉంది. 24న 1,145.278 టీఎంసీలుగా ఉన్న మిగులు జలాలు 27 నాటికి 1,267.154 టీఎంసీలకు చేరాయి. ఎగువ ప్రాంతాల నుంచి వరద ప్రవాహం మరింత పెరుగుతున్న నేపథ్యంలో కోనసీమలో గోదావరి పాయల ఉధృతి కూడా క్రమంగా పెరుగుతోంది. నెమ్మదిగా పెరుగుతున్న గోదావరి ప్రస్తుతం 6.30 లక్షల క్యూసెక్కులు రాత్రికి 8 లక్షలకు చేరువలో ఎగువన భద్రచలం.. శబరికి పెరుగుతున్న వరద కోనసీమ జిల్లాపై సోమవారం ఉదయం నుంచి ప్రభావం మూడు రోజుల్లో సముద్రంలోకి 121.15 టీఎంసీలు

పి.గన్నవరం(డాక్టర్ బి.ఆర్ అంబేద్కర్ కోనసీమ జిల్లా): ఇటీవల పి గన్నవరం ఎమ్మెల్యే గెడ్డి సత్యనారాయణ సమక్షంలో తమ పార్టీ నుంచి భారీ చేరికలు అని చెప్పి మీడియాను తప్పుదోవ పట్టించారని వైఎస్సార్‌సీపీ నేత గన్నవరపు శ్రీనివాస్‌ ఆగ్రహం వ్యక్తం చేశారు. తెలుగుదేశం పార్టీ కార్యకర్తలను జనసేన పార్టీలో చేర్చుకొని, వారిని వైఎస్సార్‌సీపీ కార్యకర్తలుగా చూపించారన్నారు. ముంగండపాలెంలో టిడిపి కార్యకర్తలను వైఎస్సార్‌సీపీ కార్యకర్తలుగా చూపించడం విడ్డూరంగా ఉందన్నారు. వైఎస్సార్‌సీపీ నుంచి వచ్చారని చెబుతున్న వారి టీడీపీ సభ్యత్వాలు బయటపెడుతున్నామన్నారు. టీడీపీ నేతలను జనసేనలో చేర్చుకునే ఈ హడావుడి చేస్తున్నారని మండిపడ్డారు.

సాక్షి, తూర్పుగోదావరి జిల్లా: కూటమి ప్రభుత్వంలో ఉప ముఖ్యమంత్రిగా బీసీలు పనికిరారా? అంటూ వైఎస్సార్‌సీపీ నేత, మాజీ ఎంపీ మార్గాని భరత్‌ రామ్‌ మండిపడ్డారు. రాజమండ్రి రూరల్‌ కాతేరులో నిర్వహించిన ‘వెన్నుపోటు పార్టీ వంచన’పై బీసీ గర్జన సభలో ఆయన మాట్లాడుతూ.. చంద్రబాబు బీసీలను వాడుకుంటున్నారంటూ ఆగ్రహం వ్యక్తం చేశారు.బీసీలకు మంచి చేయాలనే ఉద్దేశం వైఎస్‌ జగన్‌కు మాత్రమే ఉంది. ప్రభుత్వానికి బుద్ధి వచ్చే విధంగా తీర్పు ఇవ్వాలి. రేపు జరగబోయే స్థానిక సంస్థల యుద్ధం మన ఆత్మగౌరవానికి సంబంధించింది.‌ ఆత్మగౌరవం నిలబడాలంటే వైఎస్సార్‌సీపీ విజయం సాధించాలని మార్గాని భరత్‌ పిలుపునిచ్చారు.మాజీ మంత్రి సీదిరి అప్పలరాజు మాట్లాడుతూ.. మన నాయకుడు గతంలోనే జయహో బీసీ అంటూ నినాదం ఇచ్చారు. వెన్నుపోటు నాయకులు అలవికాని, అబద్ధపు హామీలు ఇచ్చి అధికారంలోకి వచ్చారు. ఎంతకాలం ఇటువంటి పరిపాలన?. బీసీలను ఆర్థికంగా, రాజకీయంగా గుర్తించింది వైఎస్‌ జగన్‌ మాత్రమే. బీసీలకు 34 శాతం రిజర్వేషన్ ఇచ్చేస్తామని ఇప్పుడు చెప్పటం మరో వెన్నుపోటు. బీసీలు గుర్తింపు పెరగాలంటే వైఎస్‌ జగన్‌ను మళ్లీ ముఖ్యమంత్రిని చేసుకోవాలి’’ అని ఆయన పేర్కొన్నారు.జోగి రమేష్ మాట్లాడుతూ.. రానున్న ఎన్నికల్లో కూటమి ప్రభుత్వాన్ని గోదావరిలో కలిపేందుకు సిద్ధంగా ఉండండి. ఉభయ గోదావరి జిల్లాల్లో మార్పు వచ్చింది‌.‌ దానికారణం బీసీలే.. బీసీ, ఎస్సీ, ఎస్టీ మైనారిటీల్లో ఇంటికి ఇద్దరు ఉద్యోగస్తులయ్యారంటే అది కేవలం వైఎస్సార్ చలవే. సాధారణ నాయకులను సైతం అసెంబ్లీలో కూర్చోబెట్టిన ఘనత వైఎస్‌ జగన్‌కే దక్కుతుంది.. 29 రాష్ట్రాల్లో ఓకే నాయకుడు.. ఒకే పార్టీ, ఒకే అజెండాతో 40 శాతం ఓట్లు సాధించిన ఒకే ఒక్క నాయకుడు వైఎస్ జగన్

వైఎస్సార్‌సీపీ జిల్లా అధ్యక్షుడు జగ్గిరెడ్డి కొత్తపేట: రాష్ట్ర వ్యాప్తంగా గ్రామ రెవెన్యూ సహాయకులు (వీఆర్‌ఏలు) న్యాయమైన డిమాండ్లను పరిష్కరించాలని కోరుతూ చేస్తున్న నిరసన కార్యక్రమాలకు వైఎస్సార్‌సీపీ జిల్లా అధ్యక్షుడు, మాజీ ఎమ్మెల్యే చిర్ల జగ్గిరెడ్డి పార్టీ తరపున సంపూర్ణ మద్దతు తెలిపారు. స్థానిక పాత తహసీల్దార్‌ కార్యాలయం వద్ద వీఆర్‌ఏలు చేపట్టిన దీక్షలు 11వ రోజుకు చేరుకున్న నేపథ్యంలో శనివారం దీక్షా శిబిరాన్ని సందర్శించిన జగ్గిరెడ్డి వారికి సంఘీభావం తెలిపారు. వారి సమస్యలను, డిమాండ్లను అడిగి తెలుసుకున్నారు. ఈ సందర్భంగా ఆయన మాట్లాడుతూ 11 రోజులుగా ఎండను, వర్షాన్ని, కుటుంబ పరిస్థితులను లెక్కచేయకుండా తమ న్యాయమైన హక్కుల కోసం వీఆర్‌ఏలు దీక్ష చేస్తున్నప్పటికీ ప్రభుత్వం స్పందించకపోవడం బాధాకరమన్నారు. గ్రామస్థాయిలో ప్రభుత్వ పరిపాలన, సంక్షేమ కార్యక్రమాల అమలు, రెవెన్యూ శాఖ కార్యకలాపాల్లో వీఆర్‌ఏలు కీలక పాత్ర పోషిస్తున్నారని చెప్పారు. వారికి న్యాయమైన వేతనం, ఉద్యోగ భద్రత కల్పించాల్సిన బాధ్యత ప్రభుత్వంపై ఉందన్నారు. ప్రస్తుతం పెరిగిన నిత్యావసర వస్తువుల ధరలు, కుటుంబ ఖర్చుల నేపథ్యంలో నెలకు లభిస్తున్న గౌరవ వేతనం సరిపోదని, వారి సేవలకు అనుగుణంగా గౌరవప్రదమైన వేతనం అందించాల్సిన అవసరం ఉందని చెప్పారు. వారి నిరసన దీక్షను రాజకీయ కోణంలో చూడకుండా మానవతా దృక్పథంతో ప్రభుత్వం వెంటనే స్పందించాలని కోరారు. వీఆర్‌ఏల న్యాయమైన డిమాండ్లను వైఎస్సార్‌సీపీ అధినేత, మాజీ సీఎం వైఎస్‌ జగన్‌మోహన్‌రెడ్డి నాయకత్వంలో ప్రభుత్వం దృష్టికి తీసుకెళ్లేందుకు తమ వంతు కృషి చేస్తామని హామీ ఇచ్చారు. ఆయన వెంట పార్టీ నేతలు గొల్లపల్లి డేవిడ్‌రాజు, మార్గన గంగాధరరావు, ముసునూరి వెంకటేశ్వరరావు, ముత్యా వీరభద్రరావు, జెడ్పీటీసీ మాజీ సభ్యురాలు గూడపాటి రమాదేవి, కుర్రా శ్రీను తదితరులు ఉన్నారు. 11వ రోజు దీక్షలో వీఆర్‌ఏల సంఘ జిల్లా నాయకుడు పిల్లంగోరు బాలు, నేతలు కే భీమశంకరం, సత్యనారాయణ, ఇస్సాక్‌, లవరాజు, ఎస్‌.నాగభూషణం తధితరులు పాల్గొన్నారు.

● పెరుగుతున్న వరద గోదావరి ● జిల్లాలో పొంగి పొర్లుతున్న డ్రెయిన్లు ఐ.పోలవరం/ అయినవిల్లి/ పి.గన్నవరం: గోదావరి వరద క్రమేపీ అధికమవుతోంది. ఎగువ ప్రాంతాల్లో కురుస్తున్న భారీ వర్షాలతో ధవళేశ్వరం కాటన్‌ బ్యారేజీ వద్ద ఇన్‌ ఫ్లో భారీగా పెరిగింది. ఈ ప్రభావం జిల్లాలోని గోదావరి నదీపాయల్లో కనిపిస్తోంది. గడిచిన మూడు రోజుల నుంచి వరద ఉధృతి పెరుగుతోంది. ధవళేశ్వరం కాటన్‌ బ్యారేజ్‌ వద్ద ఈ నెల 24న ఉదయం ఆరు గంటలకు 1,37,099 క్యూసెక్కులు ఉండగా, అది కాస్తా 25న 3,50,387 క్యూసెక్కులకు చేరింది. శనివారం 26వ తేదీ ఉదయం 6 గంటలకు ఇన్‌ ఫ్లో ఏకంగా 5,02,021 క్యూసెక్కులకు పెరిగింది. ఉధృతంగా ప్రవహిస్తూ.. వైనతేయ, వశిష్ట, వృద్ధ గౌతమి గోదావరి పాయల్లో వరద ఉధృతంగా ప్రవహిస్తోంది. ఆదివారం ఉదయం నుంచి వరద మరింత పెరిగే అవకాశం ఉందని అధికారులు అంచనా వేస్తున్నారు. అన్నంపల్లి, పి.గన్నవరం ఆక్విడెక్టుల వద్ద వరద నీరు ఉరకలేస్తూ ప్రవహిస్తోంది. ఐ.పోలవరం, అయినవిల్లి, ముమ్మిడివరం, మామిడికుదురు, కె.గంగవరం తదితర మండలాల్లో గోదావరి పాయల మధ్య ఉన్న లంక గ్రామాలను ఆనుకుని వరద ప్రవహిస్తోంది. ప్రస్తుతానికి లంక గ్రామాలకు ఎటువంటి ముంపు ప్రమాదం లేదని అధికారులు చెబుతున్నా, రేవులపై ఆంక్షలు మొదలయ్యాయి. ఇప్పటికే కోటిపల్లి – ముక్తేశ్వరం రేవును మూసివేశారు. వరద తీవ్రతను బట్టి మిగిలిన రేవులను కూడా మూసివేసి పడవ ప్రయాణాలను నిలిపివేయడానికి అధికారులు సిద్ధమవుతున్నారు. బండారులంక ఎగువ కౌశిక, గోరింకల డ్రైన్ల ముంపు నీరు పి.గన్నవరం మండలం ముంజవరం పొట్టు వద్ద వైనతేయలోకి దిగాల్సి ఉంది. అలాగే శంకరగుప్తం డ్రైనేజీ, కేశనపల్లి, గొంది అవుట్‌ఫాల్‌ స్లూయిస్‌ల ద్వారా ఐ.పోలవరం మండలంలోని నార్త్‌ అడ్డాల, సౌత్‌ అడ్డాల డ్రైన్ల నీరు వృద్ద గౌతమీలోకి దిగాల్సి ఉంది. వరద ఉండటంతో ఆశించిన స్థాయిలో ముంపు నీరు దిగడం లేదు.

వెనక్కి నెట్టేసి..సాక్షి, రాజమహేంద్రవరం: చంద్రబాబు బీసీలకు వెన్నుపోటు పొడిచాడని ఆయా వర్గాలు మండిపడుతున్నాయి. ఒక్క బీసీ ఎమ్మెల్యేను కూడా ఉప ముఖ్యమంత్రిని చేసి తమ పక్కన కూర్చోబెట్టుకునేందుకు ఇష్టపడడం లేదని, బలహీన వర్గాల విషయంలో చంద్రబాబు అనుసరించే ద్వంద్వ వైఖరికి ఇదే నిదర్శనమని అంతా అంటున్నారు. సంక్షేమ పథకాలు అందించడంలోనూ, రాజకీయ ప్రాతినిధ్యం కల్పించడంలోనూ పూర్తిగా మోసం చేశారని ఆవేదన వ్యక్తం చేస్తున్నారు. కూటమి ప్రభుత్వం అధికారంలోకి వచ్చి 27 నెలలు గడిచిన నేపథ్యంలో బీసీలకు ఇచ్చిన హామీల అమలుపై ప్రశ్నలు సంధిస్తున్నారు. పింఛన్లు, మహిళలకు ఆర్థిక సాయం, స్థానిక సంస్థల్లో రిజర్వేషన్లు, మంత్రివర్గంలో ప్రాతినిధ్యం వంటి అంశాలపై బీసీ సంఘాలు తమ అసంతృప్తిని వ్యక్తం చేస్తున్నాయి. మమ అని‘పింఛన్‌’.. 50 ఏళ్ల వయసు దాటిన బీసీలకు పింఛన్‌ అందిస్తామని ఎన్నికల సమయంలో చంద్రబాబు ఇచ్చిన హామీపై నేటికీ కార్యాచరణ ప్రారంభం కాలేదు. ఉమ్మడి జిల్లాలో లక్షల మంది అర్హులు పింఛన్ల కోసం ఆశగా ఎదురుచూస్తున్నారు. మహిళలకు రూ.1,500 సాయం ఊసేలేదు మహిళలకు ఆర్థిక భరోసా కల్పిస్తామని కూటమి ఎన్నికల సమయంలో ఇచ్చిన హామీ కూడా అమలుకు నోచుకోలేదు. గత వైఎస్సార్‌ సీపీ ప్రభుత్వంలో బీసీ నేస్తం పథకం ద్వారా అర్హులైన బీసీ మహిళలకు ఏడాదికి రూ.18 వేల చొప్పున ఆర్థిక సాయం అందించేవారు. కూటమి ప్రభుత్వం ఎన్నికల సమయంలో 18 నుంచి 60 ఏళ్ల మధ్య వయసున్న మహిళలకు నెలకు రూ.1,500 చొప్పున ఇస్తామని హామీ ఇచ్చి ఓట్లు వేయించుకుంది. దీనికోసం తూర్పుగోదావరి జిల్లాలో 2.3 లక్షల మందికి పైగా బీసీ మహిళలు ఆశగా ఎదురు చూస్తున్నారు. ఉప ముఖ్యమంత్రిగా నో చాన్స్‌ ఉప ముఖ్యమంత్రి పదవి చేపట్టేందుకు ఒక్క బీసీ ఎమ్మెల్యే కూడా దొరకలేదా అని ఆయా వర్గాలు ప్రశ్నిస్తున్నాయి. గత వైఎస్సార్‌ సీపీ ప్రభుత్వంలో ముగ్గురు బీసీ ఎమ్మెల్యేలకు ఉప ముఖ్యమంత్రి పదవులు ఇచ్చారని ఆ పార్టీ వర్గాలు గుర్తుచేస్తున్నాయి. హామీలిచ్చి.. ఆనక మరిచి.. గత ఎన్నికల సమయంలో చంద్రబాబు అండ్‌ కో బీసీలపైనా వరాల జల్లు కురిపించారు. తీరా ఎన్నికలయ్యాక ఆ హామీల అమలునే మరిచిపోయారు. వాటిని పరిశీలిస్తే... బీసీలకు 50 ఏళ్లకే నెలకు రూ.4 వేల పింఛన్‌. బీసీల రక్షణ కోసం ప్రత్యేక చట్టం. బీసీ సబ్‌ ప్లాన్‌ ద్వారా ఐదేళ్లలో లక్షన్నర కోట్ల రూపాయల ఖర్చు. స్థానిక సంస్థలు, నామినేటెడ్‌ పదవుల్లో 34 శాతం రిజర్వేషన్‌. చట్టసభల్లో బీసీలకు 33 శాతం రిజర్వేషన్‌ కోసం తీర్మానం చేసి కేంద్ర ప్రభుత్వానికి పంపించడం. తక్కువ జనాభా ఉండడంతో ఎన్నికల్లో పోటీ చేయలేని వర్గాలకు నామినేషన్‌ ద్వారా రాజకీయ భాగస్వామ్యం కల్పించడం. దామాషా ప్రకారం బీసీ కార్పొరేషన్లకు నిధులివ్వడంతో పాటు స్వయం ఉపాధికి ఐదేళ్లలో రూ.10 వేల కోట్ల ఖర్చు. రూ.5 వేల కోట్లతో ఆదరణ పథకం పునరుద్ధరిస్తామని హామీ. గొర్రెల పెంపకం యూనిట్లకు రాయితీలివ్వడంతో పాటు వాటికి బీమా సౌకర్యం కల్పించడం. పవర్‌లూమ్‌లకు 500 యూనిట్లు, హ్యాండ్లూమ్‌లకు 200 యూనిట్ల ఉచిత విద్యుత్‌ సౌకర్యం కల్పించడం. దేవాలయాల్లో పనిచేసే నాయీ బ్రాహ్మణులకు రూ.25 వేల గౌరవ వేతనమివ్వడంతో పాటు వారి షాపులకు 200 యూనిట్ల వరకూ ఉచిత విద్యుత్‌ కల్పించడం. బీసీలకు 45 శాతం సీట్లిచ్చిన జగన్‌ గత వైఎస్సార్‌ సీపీ ప్రభుత్వంలో స్థానిక సంస్థల ఎన్నికల్లో బీసీలకు 45 శాతం మేర సీట్లు వైఎస్‌ జగన్‌మోహన్‌రెడ్డి కేటాయించారని ఆ పార్టీ వర్గాలు, బీసీ సంఘాల ప్రతినిధులు గుర్తు చేసుకుంటున్నారు. నామినేటెడ్‌ పదవుల్లోనూ సామాన్యులను కూర్చోబెట్టిన మనసున్న నాయకుడని కొనియాడుతున్నారు. అప్పట్లోనే 34 శాతం రిజర్వేషన్ల అమలుకు ప్రయత్నిస్తే, నాడు ప్రతిపక్షంలో ఉన్న చంద్రబాబు న్యాయపరమైన చిక్కులు సృష్టించారని ఆరోపిస్తున్నారు. ప్రస్తుతం స్థానిక సంస్థల ఎన్నికలు సమీపిస్తుండడం వల్లే బీసీలకు 34 శాతం రిజర్వేషన్ల డ్రామాకు చంద్రబాబు తెరతీశారనే ఆరోపణలు వినిపిస్తున్నాయి. ఫ బీసీలకు చంద్రబాబు దగా ఫ పింఛన్ల నుంచి రాజకీయ ప్రాతినిధ్యం వరకూ మోసమే ఫ బీసీ డిక్లరేషన్‌ పేరిట ఎన్నికల వేళ బూటకపు ప్రచారం ఫ వెన్నుపోటు పార్టీ వంచనపై బీసీల గర్జన నేడు ఫ హాజరుకానున్న వైఎస్సార్‌ సీపీ ఉమ్మడి గోదావరి జిల్లాల నాయకులు

మాజీ ఎంపీ చింతా అనురాధ ఆగ్రహం అల్లవరం : ప్రజలకు, ప్రభుత్వాన్ని చేరువ చేయాలన్న లక్ష్యంతో మాజీ ముఖ్యమంత్రి వైఎస్‌ జగన్‌మోహన్‌రెడ్డి వలంటీర్‌ వ్యవస్థను ఏర్పాటు చేసి లబ్ధిదారుడి చెంతకే సంక్షేమ పథకాలను అందిస్తే, కూటమి ప్రభుత్వం మాత్రం సోషల్‌ మీడియా ఇన్‌ఫ్లుయెన్సర్లకు చెల్లింపులకు పాల్పడుతోందని మాజీ ఎంపీ చింతా అనురాధ మండిపడ్డారు. ఈ మేరకు శనివారం ఒక ప్రకటన విడుదల చేశారు. సంక్షేమ ఫలాలను ఇంటికి చేర్చే వలంటీర్లను తొలగించి వారి నోట్లో మట్టికొట్టారని ధ్వజమెత్తారు. నిరుద్యోగులకు నెలకు రూ.3 వేలు ఇస్తామని ప్రకటించి రెండేళ్లయినా ఒక్క నిరుద్యోగికి భృతి ఇచ్చావా అని ప్రశ్నించారు. వలంటీర్లకు రూ.5 వేల గౌరవ వేతనాన్ని రూ.10 వేలకు పెంచుతామని హామీ ఇచ్చి తీరా అధికారంలోకి వచ్చిన తర్వాత ఆ వ్యవస్థనే కనమరుగు చేశారని మండిపడ్డారు. బాబూ.. నీ పాలనలో నిరుద్యోగులకు భృతి లేదు, వలంటీర్లకు రూ.10 వేలు వేతనం లేదు.. సోషల్‌ మీడియా ఇన్‌ఫ్లుయెన్సర్లకు మాత్రం నెలనెలా చెల్లింపులకు నిధులు ఎక్కడ నుంచి తెస్తావంటూ ప్రశ్నించారు. ఇది ప్రజా పాలనా.. ప్రచార పాలనా అని నిలదీశారు. ప్రజలకు ఉపయోగపడే వ్యవస్థని నిర్వీర్యం చేసి ప్రభుత్వ ప్రచారానికి కొత్త వ్యవస్థను తేవడమేమిటని ప్రశ్నించారు. ప్రజలకు కావాల్సింది సోషల్‌ మీడియా ప్రచారం కాదని, అభివృద్ధి, సంక్షేమం అని తెలిపారు. ఉత్సాహభరితంగా 5కే రెడ్‌ రన్‌ అమలాపురం రూరల్‌: హెచ్‌ఐవీ (ఎయిడ్స్‌)పై యువతలో అవగాహన కల్పించిందుకు అమలాపురంలో శనివారం నిర్వహించిన 5కే రెడ్‌ రన్‌ ఉత్సాహభరిత వాతావరణంలో జరిగింది. రాష్ట్ర ఎయిడ్స్‌ నియంత్రణ సంస్థ, డిస్ట్రిక్ట్‌ ఇంటిగ్రేటెడ్‌ స్ట్రాటజీ ఫర్‌ హెచ్‌ఐవీ, ఎయిడ్స్‌ (దిశ), జిల్లా స్పోర్ట్స్‌ అథారిటీ సంయుక్త ఆధ్వర్యంలో ఈ కార్యక్రమం చేపట్టారు. భట్నవిల్లి హైవే వద్ద నిర్వహించిన ఈ పోటీలను ఇన్‌చార్జి డీఎంహెచ్‌వో, జిల్లా లెప్రసీ, ఎయిడ్స్‌ అండ్‌ టీబీ అధికారి శ్రీనివాస్‌ ప్రారంభించారు. జిల్లాలోని ప్రభుత్వ, ప్రైవేటు కళాశాలలకు చెందిన 140 మంది యువతీయువకులు ఉత్సాహంగా పాల్గొన్నారు. మహిళలు, పురుషులకు వేర్వేరుగా పోటీలు నిర్వహించి విజేతలకు నగదు బహుమతులు అందజేశారు. విజేతలను విజయవాడలో నిర్వహించే రాష్ట్రస్థాయి 5కే రెడ్‌ రన్‌ పోటీలకు పంపించనున్నట్టు శ్రీనివాస్‌ తెలిపారు. నాకో సాంకేతిక నిపుణురాలు నాజియా హుస్సేన్‌, దిశ క్లినికల్‌ సర్వీస్‌ ఆఫీసర్‌ ఎ.బుజ్జిబాబు తదితరులు పాల్గొన్నారు.

వాడపల్లి వెంకన్న దర్శనానికి పోటెత్తిన భక్తులు ఆత్రేయపురం: గోవింద.. హరి గోవింద నామ స్మరణ మార్మోగింది. కోనసీమ తిరుమల వాడపల్లి వేంకటేశ్వర స్వామివారి దేవస్థానం భక్తులతో కిక్కిరిసింది. ఏడు ప్రదక్షిణలు, ఏడేడు జన్మల పుణ్యఫలంగా భావించి స్వామివారిని సుమారు లక్షకు పైగా భక్తులు శనివారం దర్శించుకున్నారని ఆలయ ఈఓ, దేవదాయ శాఖ ఉప కమిషనర్‌ నల్లం సూర్య చక్రధరరావు తెలిపారు. పెద్ద సంఖ్యలో భక్తు లు కాలినడకన సైతం వచ్చారు. ఆలయంలో వేకువ జామునే సుప్రభాత సేవ, తొలి హారతి, నీరాజనం, ఐశ్వర్య లక్ష్మీహోమం, బాల భోగం వంటి కార్యక్రమాలను ఆలయ అర్చకులు, వేద పండితులు ఆగమ శాస్త్రానుసారం నిర్వహించారు. ఆలయ ఆవరణలో వేంచేసియున్న క్షేత్రపాలకులు, అన్నపూర్ణ సమేత విశ్వేశ్వరస్వామి వారిని భక్తులు దర్శించారు. పెద్ద సంఖ్యలో భక్తులు వకుళామాత అన్నదాన భవనంలో స్వామివారి తీర్థప్రసాదాలు స్వీకరించారు. రూ.54,65,715 ఆదాయం సమకూరింది. ఆర్యవైశ్య సేవా ట్రస్ట్‌ ఆధ్వర్యంలో భక్తులకు ప్రసాదాలు పంపిణీ చేశారు. ఆలయ చైర్మన్‌ ముదునూరి వెంకటరాజు, కమిటీ సభ్యులు ఏర్పాట్లను పర్యవేక్షించారు.

సాక్షి, అమలాపురం: జిల్లాలో మొత్తం 146 మద్యం దుకాణాలు ఉండగా, 134 దుకాణాలు రెన్యువల్‌ అయ్యాయి. మరో 12 దుకాణాలకు టెండర్‌ విధానం అమలు చేస్తున్నారు. రెన్యువల్‌ అయిన దుకాణాలకు చంద్రబాబు ప్రభుత్వం లైసెన్స్‌ ఫీజులు గణనీయంగా పెంచింది. గతంలో దుకాణాలకు తొలి ఏడాది రూ.61.50 లక్షలు, రెండో ఏడాది రూ.71.50 లక్షలు లైసెన్స్‌ ఫీజుగా నిర్ణయించారు. రెండో ఏడాది లైసెన్స్‌ ఫీజుకు రూ.27.25 లక్షల కలిపి ఈ ఏడాదికి రూ.98.75 లక్షలుగా నిర్ణయించారు. పర్మిట్‌ రూమ్‌ కోసం మరో రూ.7.50 లక్షలు చెల్లించాల్సి ఉంటుంది. మొత్తం అన్నీ కలిపి రూ.1.06 కోట్లు. ఇక కొత్తగా దుకాణాలకు నిర్వహించే టెండర్ల ధరావతు రూ.2 లక్షలుగా ఉన్న నాన్‌ రిఫండబుల్‌ డీడీని రూ.3 లక్షలకు పెంచారు. లైసెన్స్‌ ఫీజులతో పాటు అన్నీ పెరిగినా, ఇస్తానన్న కమీషన్‌లో ఆరు శాతం తగ్గించి ఇస్తున్నా దుకాణదారులు మాత్రం వెనకడుగు వేయడం లేదు. పెరిగిన భారం మందుబాబులపైనే.. లైసెన్స్‌ ఫీజులు, డీడీలు, పర్మిట్‌ రూమ్‌ రుసుములతో పాటు దుకాణాల అద్దెలు, సిబ్బంది వేతనాలు, విద్యుత్‌, రవాణా, నిర్వహణ ఖర్చులు వ్యాపారులకు అదనంగా ఉంటాయి. ఎకై ్సజ్‌, పోలీసులకు ఇచ్చే మామూళ్లు వీటికి అదనం. పెట్టుబడి పెరిగిన నేపథ్యంలో ఆ మొత్తాన్ని తిరిగి రాబట్టుకునేందుకు మద్యం విక్రయాల్లో బహిరంగ దోపిడీ చేస్తున్నారు. జిల్లా వ్యాప్తంగా క్వార్టర్‌ బాటిల్‌పై ఎమ్మార్పీ ధర కంటే రూ.10 నుంచి రూ.20 వరకు అదనంగా వసూలు చేస్తున్నారు. రెన్యువల్స్‌ పేరుతో సర్కారు దోపిడీ లైసెన్స్‌, పర్మిట్‌ రూమ్‌ పేరిట భారీగా ఫీజులు అయినా వెనక్కి తగ్గని దుకాణదారులు ఇప్పటికే ఎమ్మార్పీ కన్నా అధిక ధరకు మద్యం విక్రయాలు అదనపు ఫీజులతో మరింత వసూలుకు రెడీ కోనసీమ జిల్లాలో 146 మద్యం దుకాణాలు 134 మద్యం దుకాణాలు రెన్యువల్‌ మందుబాబుల జేబుకు చిల్లు బెల్టుషాపుల్లో ఇంకో మోత మద్యం దుకాణాల వద్దే పరిస్థితి ఇలా ఉంటే.. బెల్టుషాపుల్లో ధర మరింత మండుతోంది. ఒక్కో మద్యం దుకాణం పరిధిలో సుమారు 15 నుంచి 20 వరకు బెల్టుషాపులు ఉన్నట్టు సమాచారం. గ్రామాలు, శివారు ప్రాంతాల్లో అనధికారికంగా సాగుతున్న ఈ విక్రయ కేంద్రాల్లో క్వార్టర్‌పై రూ.20 నుంచి రూ.30 వరకు అదనంగా వసూలు చేస్తున్నారు. మద్యం దుకాణాలకు సెలవు ఉన్న రోజుల్లో రూ.50 అదనంగా చేసి అమ్మకాలు చేస్తున్నారంటే పరిస్థితిని అర్థం చేసుకోవచ్చు. ఇంత జరుగుతున్నా ఎకై ్సజ్‌ అధికారులు నోరుమెదపడం లేదు. ఎమ్మార్పీ కన్నా అదనంగా అమ్మడం జిల్లాలో బహిరంగంగానే సాగుతోంది. అయినా ప్రభుత్వ పెద్దల నుంచి వస్తున్న ఆదేశాలతో ఎకై ్సజ్‌ అధికారులు చూసీచూడనట్టుగా వదిలేస్తున్నారు. దీనికితోడు జిల్లాలో ముమ్మిడివరం నియోజకవర్గం పరిధిలో ఏకంగా 45 షాపుల సిండికేట్‌లో ఒక కీలక నేత సోదరుడికి వాటాలున్నాయి. అమలాపురం నేతకు దుకాణాల్లో వాటాలు ఉండగా, కొత్తపేటలో ఒక కీలక దేవస్థానం పాలకవర్గ నేతకు ఏకంగా 62 షాపుల్లో వాటాలుండటం గమనార్హం. కూటమి పార్టీ నేతల హవా కూడా ఎకై ్సజ్‌ అధికారుల చేతులకు బంధనాలు వేస్తోంది.

ఉప్పలగుప్తం: జనసేన ప్రాతినిధ్యం వహిస్తున్న నిడదవోలు నియోజకవర్గం ఉండ్రాజవరంలో రంగా అభిమానులపై కూటమి ప్రభుత్వ నాయకుల కనుసన్నల్లో పోలీసులు లాఠీచార్జి చేస్తూ దౌర్జన్యానికి పాల్పడటం దారుణమని వైఎస్సార్‌సీపీ యువజన విభాగం రాష్ట్ర కార్యదర్శి, కాపు సంఘ నాయకుడు సలాది సతీష్‌ అన్నారు. వంగవీటి మోహనరంగా విగ్రహాన్ని శుక్రవారం అర్ధరాత్రి తొలగించడం, అక్కడి యువకులపై పోలీసులు లాఠీచార్జి చేయడాన్ని తీవ్రంగా ఖండించారు. ఈ మేరకు శనివారం ఆయన విలేకరులతో మాట్లాడారు. గత కొంతకాలంగా రంగా విగ్రహ ఏర్పాటుకు స్థానిక ఎమ్మెల్యేను అభ్యర్థిస్తున్నా వారికి అనుమతి ఇవ్వడంలో కూటమి నేతలు బెట్టు చూపించారన్నారు. దీనిపై శనివారం ఘటనాస్థలికి వచ్చిన రంగా కుమార్తె ఆశాకిరణ్‌పై సైతం పోలీసులు విరుచుకుపడిన తీరు దారుణమన్నారు. ఆశాకిరణ్‌కు ప్రభుత్వం రక్షణ కల్పించాలని, రంగా విగ్రహాన్ని అభిమానులు చూపించిన స్థానంలో ఏర్పాటు చేయాలని సతీష్‌ డిమాండ్‌ చేశారు.

రాజమహేంద్రవరం రూరల్‌: వెన్నుపోటు పార్టీ వంచనపై బీసీ గర్జన జోన్‌–2 ఉమ్మడి తూర్పు, పశ్చిమగోదావరి జిల్లాల బీసీ నాయకుల సమావేశం కాతేరులోని వెంకటాద్రి గార్డెన్స్‌లో ఆదివారం ఉదయం 9.30 గంటలకు జరుగుతుందని మాజీ మంత్రి, వైఎస్సార్‌ సీపీ జిల్లా అధ్యక్షుడు చెల్లుబోయిన శ్రీనివాస వేణుగోపాలకృష్ణ, పార్టీ రాష్ట్ర బీసీ సెల్‌ అధ్యక్షుడు, ఎమ్మెల్సీ రాచపల్లి రమేష్‌యాదవ్‌ తెలిపారు. శనివారం కాతేరులోని వెంకటాద్రి గార్డెన్స్‌లో ఏర్పాట్లను వారు పరిశీలించారు. ఈ సమావేశానికి రాష్ట్ర మాజీ మంత్రులు, శాసనసభ్యులు, శాసనమండలి సభ్యులు, మాజీ ప్రజాప్రతినిధులు హాజరవుతారని, మేధావులు, న్యాయవాదులు, వైద్యులు, బీసీ నేతలంతా హాజరై విజయవంతం చేయాలని చెల్లుబోయిన వేణు, రాచపల్లి రమేష్‌ యాదవ్‌ పిలుపునిచ్చారు.

సాక్షి, అమలాపురం: కోనసీమలో జిల్లా పరిషత్‌ కార్యకలాపాలు శుక్రవారం నుంచి అధికారికంగా ప్రారంభమయ్యాయి. ఇప్పటివరకు ఉమ్మడి తూర్పుగోదావరి జిల్లా పరిధిలో కొనసాగిన పరిపాలనకు తెరపడి సొంత జిల్లా పరిషత్‌ ఏర్పాటుతో స్థానిక పాలనకు కొత్త అధ్యాయం మొదలైంది. అమలాపురం మండల పరిషత్‌ కార్యాలయం పైభాగంలోని బ్లాక్‌లో నూతన జిల్లా పరిషత్‌ కార్యాలయాన్ని ఏర్పాటు చేశారు. రాష్ట్ర ప్రభుత్వం ఇటీవల మంజూరు చేసిన పోస్టులకు అనుగుణంగా జిల్లాకు కేటాయించిన సీఈఓ, డీఈ, ఇతర సెక్షన్ల సిబ్బంది శుక్రవారం సాయంత్రం విధుల్లో చేరారు. జిల్లాలో 19 మండల పరిషత్తులతో కొత్త జిల్లా పరిషత్‌ ఏర్పడింది. ఇప్పటి వరకు అన్ని ఫైళ్లు కాకినాడ జిల్లా పరిషత్‌కే వెళ్లాల్సి వచ్చేది. ఇక నుంచి అన్ని అభివృద్ధి పనులు, పంచాయతీల పాలన, ఉపాధి హామీ, పారిశుధ్యం, వీధి దీపాలు, నిధుల కేటాయింపులు వంటి అంశాలన్నీ అమలాపురం కేంద్రంగానే పర్యవేక్షించనున్నారు. నూతన జిల్లా పరిషత్‌ ఏర్పాటు వల్ల మండల అధికారులు, సర్పంచులు కాకినాడ వరకు వెళ్లాల్సిన అవసరం తప్పిందని, త్వరితగతిన పనులు పూర్తవుతాయని సిబ్బంది తెలిపారు.

సాక్షి, అమలాపురం: వైఎస్సార్‌ సీపీ రాష్ట్ర అనుబంధ విభాగాల్లో జిల్లాకు పెద్దపీట వేశారు. పార్టీ అధ్యక్షుడు, మాజీ ముఖ్యమంత్రి వైఎస్‌ జగన్‌మోహన్‌రెడ్డి ఆదేశాల మేరకు రాష్ట్ర పార్టీ కమిటీ, వివిధ అనుబంధ విభాగాల్లో పదవులు భర్తీ చేస్తూ పార్టీ కేంద్ర కార్యాలయం శుక్రవారం ప్రకటన విడుదల చేసింది. ఇందులో జిల్లాకు చెందిన 9 మందికి ప్రాధాన్యం కల్పించడం విశేషం. ముమ్మిడివరానికి చెందిన నేల కిషోర్‌ కుమార్‌ను రాష్ట్ర జాయింట్‌ సెక్రటరీగా నియమించారు. రాష్ట్ర అనుబంధ విభాగాల్లో నియమితులైన వారిలో కాలే రాజబాబు (ముమ్మిడివరం) కల్చరల్‌ వింగ్‌ జనరల్‌ సెక్రటరీగా, సానబోయిన మల్లికార్జునరావు (ముమ్మిడివరం) బీసీ సెల్‌ జనరల్‌ సెక్రటరీగా, జన శంకరరావు (రాజోలు) వీవర్స్‌ వింగ్‌ జనరల్‌ సెక్రటరీగా, కరెల్లా రమేష్‌ (అమలాపురం) వీవర్స్‌ వింగ్‌ సెక్రటరీగా, ముదునూరి వీవీ సత్యసుబ్బరాజు (ముమ్మిడివరం) వాణిజ్య విభాగం సెక్రటరీగా, దంగేటి రుద్ర, బొంతు గోవింద్‌శెట్టి (అమలాపురం) పంచాయతీరాజ్‌ వింగ్‌ సెక్రటరీలుగా, కుడుపూడి శివశంకరరావు (ముమ్మిడివరం) పంచాయతీరాజ్‌ వింగ్‌ జాయింట్‌ సెక్రటరీగా, చప్పిడి వెంకటేశ్వరరావు (అమలాపురం) వలంటీర్స్‌ వింగ్‌ సెక్రటరీలుగా నియమితులయ్యారు. కాకుమానుకు నివాళి అల్లవరం: గుంటూరులోని శాప్‌ కార్యాలయం వద్ద నిర్వహించిన నిరసన కార్యక్రమంలో పాల్గొని గుండెపోటుకు గురై మృతి చెందిన వైఎస్సార్‌ సీపీ రాష్ట్ర అధికార ప్రతినిధి కాకుమాను రాజశేఖర్‌ పార్ధివదేహాన్ని ఎమ్మెల్సీ ఇజ్రాయిల్‌ సందర్శించారు. ఒంగోలులోని ఆయన నివాసం వద్ద రాజశేఖర్‌ పార్ధవదేహానికి పూలమాల వేసి నివాళులర్పించారు. రాజశేఖర్‌ మృతి పార్టీకి తీరని లోటుగా, పార్టీ కోసం నిస్వార్థంగా పని చేశారని ఇజ్రాయిల్‌ కన్నీటి పర్యంతమయ్యారు. ఆయన వెంట ఏపీ ఎస్సీ సెల్‌ కార్యదర్శి పలివెల సుధాకర్‌, వైఎస్సార్‌ సీపీ సోషల్‌ మీడియా జిల్లా కార్యదర్శి ఆకుమర్తి రమేష్‌, సోషల్‌ మీడియా ఎగ్జిక్యూటివ్‌ మెంబర్‌ మంద దుర్గారావు, ఆకుమర్తి దుర్గారావు, కొండేటి సురేష్‌బాబు ఉన్నారు. కొత్త కార్యవర్గం ఎన్నికఅమలాపురం టౌన్‌: జిల్లా లైసెన్స్‌ టెక్నికల్‌ పర్సన్‌ (ఎల్‌టీపీ) ఇంజినీర్ల సంఘం సర్వసభ్య సమావేశం స్థానిక యెండూరి కన్వెన్షన్‌ హాలులో శుక్రవారం జరిగింది. ఈ సందర్భంగా సంఘ నూతన కార్యవరాన్ని ఏకగ్రీవంగా ఎన్నుకున్నారు. జిల్లా సంఘ అధ్యక్షుడిగా ఐ.బాలకృష్ణ, కార్యదర్శిగా మలిశెట్టి నాగేశ్వరరావు, కోశాధికారిగా సుదర్శనం శ్రీకాంత్‌లను ఎన్నుకున్నారు. నూతన కార్యవర్గాన్ని వెల్ఫేర్‌ అసోసియేషన్‌ ఆఫ్‌ ఎల్‌టీపీ ఏపీ జనరల్‌ సెక్రటరీ పీవీఎన్‌ మాణిక్యాలరావు అభినందించారు. సమావేశంలో రాష్ట్ర కార్యవర్గం నుంచి అరిగెల సుబ్బారావు, ఏడిద దొరబాబు, కొవ్వూరి రామచంద్రారెడ్డి, శ్రీనివాసరావు, వి.కన్నబాబు, కృష్ణంరాజు తదితరులు ప్రసంగించారు. నేడు ‘5కే రెడ్‌ రన్‌’ మారథాన్‌ అమలాపురం రూరల్‌: యువత, ప్రజల్లో హెచ్‌ఐవీ, ఎయిడ్స్‌, లైంగిక సంక్రమిత వ్యాధులపై సమగ్ర అవగాహన కల్పించేందుకు అమలాపురంలో శనివారం ‘5కే రెడ్‌ రన్‌’ మారథాన్‌ నిర్వహించనున్నట్లు కలెక్టర్‌ ఆర్‌.మహేష్‌ కుమార్‌ తెలిపారు. ఈ మారథాన్‌ శనివారం ఉదయం 6 గంటలకు భట్నవిల్లి హైవే వద్ద ప్రారంభమై, ఐదు కిలోమీటర్ల మేర కొనసాగుతుందని తెలిపారు. వీఆర్‌ఏల వినూత్న నిరసన కొత్తపేట: స్థానిక పాత తహసీల్దార్‌ కార్యాలయం వద్ద మండల వీఆర్‌ఏలు వివిధ రీతుల్లో నిరసన తెలియజేసిన విషయం తెలిసిందే. 10వ రోజు మెయిన్‌ రోడ్డులో భిక్షాటన చేస్తూ నిరసన తెలిపారు. తమ డిమాండ్లు పరిష్కరించాలని సమ్మె చేస్తున్నా.. ప్రభుత్వం స్పందించకపోవడం దారుణమన్నారు. రోడ్డున పడ్డాం.. ఆకలితో అలమటిస్తున్నాం.. భిక్షం వేయండి బాబూ అంటూ వ్యాపారులను వీఆర్‌ఏలు వేడుకుంటూ నిరసన తెలిపారు. మండల సంఘ అధ్యక్షుడు కె.భీమశంకరం, ప్రధాన కార్యదర్శి పిల్లంగోరు బాలు, కోశాధికారి ఎస్‌.నాగభూషణం తధితరులు పాల్గొన్నారు.

అమలాపురం టౌన్‌: జిల్లాలోని మొత్తం 146 మద్యం దుకాణాలకు 12 దుకాణాలు తప్ప మిగిలిన 134 దుకాణాలు రెన్యువల్‌ అయ్యాయి. 12 దుకాణాలు రెన్యూవల్‌ కాకపోవటంతో ఎకై ్సజ్‌ శాఖ ఆ దుకాణాల లైసెన్స్‌ల మంజూరుకు నోటిఫికేషన్‌ జారీ చేసిందని జిల్లా ఎకై ్సజ్‌ అధికారి ఆర్‌ఎస్‌ కుమారేశ్వరరావు తెలిపారు. 2026–27 సంవత్సరానికి రెన్యువల్‌ అనంతరం 12 దుకాణాల లైసెన్స్‌ల మంజూరుకు ఈ నోటిఫిషన్‌ విడుదలైందన్నారు. లైసెన్స్‌ల కాల పరిమితి 2026 అక్టోబర్‌ 1 నుంచి 2027 సెప్టెంబర్‌ 30వ తేదీ వరకూ ఉంటుందని అన్నారు. ఆసక్తి గల దరఖాస్తుదారులు వచ్చే నెల 1వ తేదీ రాత్రి 12 గంటలలోపు ఆన్‌లైన్‌ లేకుంటే, ఆఫ్‌లైన్‌ విధానంలో దరఖాస్తులు సమర్పించాలని సూచించారు. ఒక్కో దరఖాస్తుకు రూ. 3,00,000 దరఖాస్తు రుసుం ఉంటుందని, ఈ మొత్తాన్ని జిల్లా ఎకై ్సజ్‌ అధికారి పేరుతో చెల్లించాలన్నారు. అదనంగా రూ.1000 ప్రాసెసింగ్‌ ఫీజును కమిషనర్‌, ప్రొహిబిషన్‌ అండ్‌ ఎకై ్సజ్‌, ఏపీ మంగళగిరి పేరుతో తీయాలన్నారు. అమలాపురం ఎక్సైజ్‌ స్టేషన్‌ పరిధిలో అమలాపురం 1, కొత్తపేట ఎకై ్సజ్‌ స్టేషన్‌ పరిధిలో కొత్తపేట 3 దుకాణాలు, రాజోలు ఎకై ్సజ్‌ స్టేషన్‌లో రాజోలు 2 దుకాణాలు, రామచంద్రపురం ఎకై ్సజ్‌ స్టేషన్‌ పరిధిలో రామచంద్రపురం 6 దుకాణాలు, ఆలమూరు ఎకై ్సజ్‌ స్టేషన్‌లో ఆలమూరులో ఒక దుకాణానికి దరఖాస్తులు సమర్పించాలన్నారు. దరఖాస్తుల పరిశీలన వచ్చే నెల 5వ తేదీ ఉదయం 8 గంటలకు అమలాపురం కలెక్టరేట్‌లోని గోదావరి భవన్‌లో జిల్లాలోని 12 దుకాణాలకు లాటరీ ద్వారా ఎంపిక ఉంటుంది. జిల్లా కలెక్టర్‌, జాయింట్‌ కలెక్టర్‌ సమక్షంలో ఈ ప్రక్రియ నిర్వహిస్తారు. కోనసీమ జిల్లాలో 12 దుకాణాలకు లైసెన్స్‌లు మంజూరు కావాల్సి ఉండగా, ఒక దుకాణం మాత్రం తూర్పుగోదావరి జిల్లా ఎకై ్సజ్‌ పరిధిలో ఆలమూరు మండలం మద్యం లైసెన్స్‌ దుకాణం ఉందని కుమారేశ్వరరావు వివరించారు. జిల్లా ఎకై ్సజ్‌ శాఖ గణంకాల ఆధారంగా మొత్తం 13 దుకాణాలుగా నమోదు చేశారని తెలిపారు. ఫ 1 వరకూ దరఖాస్తుల స్వీకరణ ఫ 5న లాటరీ విధానంలో ఎంపిక

ఐ.పోలవరం: కేంద్ర పాలిత ప్రాంతం పుదుచ్చేరి పరిధిలోని యానాం నుంచి కృష్ణా జిల్లాకు అక్రమంగా తరలిస్తున్న మద్యాన్ని ఐ.పోలవరం పోలీసులు పట్టుకున్నారు. ఎస్సై ఎంవీవీ రవీంద్రబాబు కథనం ప్రకారం.. ఐ.పోలవరం మండలంలోని పాత ఇంజరం పోలీస్‌ స్టేషన్‌ పరిధిలో పోలీసులు శుక్రవారం మధ్యాహ్నం వాహనాలు తనిఖీ చేస్తున్నారు. ఆ సమయంలో యానాం వైపు నుంచి వస్తున్న ఏపీ 39 టీయూ 1898 నంబర్‌ కారును ఆపి తనిఖీ చేశారు. అందులో ఏడు బాక్సుల్లో ఉన్న వివిధ రకాల 36 మద్యం బాటిళ్లను గుర్తించారు. కారులో ఉన్న కృష్ణా జిల్లా గుడ్లవల్లేరుకు చెందిన ముగ్గురిని అదుపులోకి తీసుకుని, మద్యం, కారును స్వాధీనం చేసుకున్నారు. దీనిపై కేసు నమోదు చేసి, దర్యాప్తు చేస్తున్నారు. పట్టివేత వెనుక మరో కోణం! ఈ మద్యం పట్టివేత వెనుక మరో కోణం ఉందని స్థానికులు అంటున్నారు. ఓవర్‌టేక్‌ విషయంలో మద్యం తరలిస్తున్న కారును మరో కారు యజమాని అడ్డుకుని మురమళ్ల సమీపంలో వాగ్వాదానికి దిగినట్లు వారు చెబుతున్నారు. ఈ క్రమంలో జరిగిన ఘర్షణలో మద్యం తరలిస్తున్న కారు అద్దాలు పగిలాయి. అదే సమయంలో అటుగా వెళుతున్న ముమ్మిడివరం సీఐ మోహన్‌ కుమార్‌ వారి వద్దకు వెళ్లారు. ఈ క్రమంలో ఆ కారులో మద్యం బాటిళ్లున్న విషయం గుర్తించారని, దీనిపై సమాచారం అందడంతో పోలీసులు ఆ మద్యం స్వాధీనం చేసుకున్నారని అంటున్నారు. అసలు ఏం జరిగిందనే విషయం పోలీసులు నిర్ధారించాల్సి ఉంది.

చంద్రబాబు ప్రభుత్వాన్ని ప్రశ్నిస్తే సోషల్‌ మీడియా ఇన్‌ప్లూయెన్సర్ల మీద కేసులు పెడుతున్నారు. అదే వారికి అనుకూలంగా ప్రచారం చేస్తే డబ్బులు ఇవ్వడానికి సిద్ధపడుతున్నారు. ఇదెక్కడి న్యాయం. ఇలాంటి విధానం ఏ రాష్ట్రంలోనూ లేదు. –పోతురాజు బాబూరావు, గొల్లపాలెం, కాజులూరు మండలం ప్రజాధనాన్ని దోచిపెట్టేందుకే.. సోషల్‌ మీడియా ఇన్‌ఫ్లుయెన్సర్ల పేరుతో టీడీపీ కార్యకర్తలకు ప్రజాధనం కట్టబెట్టే ప్రయత్నం దారుణం. ఎన్నికల్లో ఇచ్చిన హామీ మేరకు నిరుద్యోగ భృతి, కొత్త పింఛన్లను ముందుగా అర్హులకు అందించాలి. ప్రజలకు ప్రయోజనం లేని నిర్ణయాలను మానుకోవాలి. – కాండ్రేగుల దుర్గ, అంబాజీపేట

నీట మునిగిన ఆత్రేయపురం పోలీస్‌ స్టేషన్‌భారీ వర్షాలకు అధ్వానంగా మారిన పెదపట్నం–మానేపల్లి రోడ్డుసాక్షి, అమలాపురం: తీవ్ర వాయుగుండం ప్రభావంతో జిల్లాను రెండున్న రోజుల పాటు వర్షం ముంచెత్తింది. మంగళవారం అర్ధరాత్రి నుంచి శుక్రవారం తెల్లవారు జాము వరకు ఎడతెరిపి లేకుండా కురిసిన వర్షం శుక్రవారం ఉదయం ఎనిమిది గంటలకు తెరిపిచ్చింది. పలుచోట్ల ఎండ కూడా రావడంతో ప్రజలు ఊపిరిపీల్చుకున్నారు. రహదారులపై చేరిన వర్షపు నీరు క్రమంగా తగ్గుముఖం పట్టింది. అయితే వరుస వర్షాలతో పంట కాలువలు, డ్రైన్లు పొంగిపొర్లడంతో లోతట్టు ప్రాంతాల్లో పరిస్థితి పూర్తిగా సాధారణం కాలేదు. జిల్లాలో గురువారం ఉదయం నుంచి శుక్రవారం ఉదయం వరకు సగటున 51.3 మిల్లీమీటర్ల వర్షపాతం నమోదైంది. రామచంద్రపురంలో అత్యధికంగా 102.2 మిల్లీమీటర్లు, మలికిపురంలో అత్యల్పంగా 24.6 మిల్లీమీటర్ల వర్షం కురిసింది. ఆత్రేయపురంలో 46.4, ఆలమూరులో 40.2, రావులపాలెంలో 64.2, కొత్తపేటలో 70.6, కె.గంగవరంలో 44.2, ఐ.పోలవరంలో 40.8, ముమ్మిడివరంలో 56.4, అయినవిల్లిలో 56.6, పి.గన్నవరంలో 39.8, అంబాజీపేటలో 49.8, మామిడికుదురులో 47.4, రాజోలులో 49.2, సఖినేటిపల్లిలో 59, అల్లవరంలో 43.4, అమలాపురంలో 39.8, ఉప్పలగుప్తంలో 55.2, కాట్రేనికోనలో 45.2 మిల్లీమీటర్ల వర్షపాతం నమోదైంది. 10 వేల ఎకరాల్లో చేలల్లో ముంపు వరుస వర్షాలతో ఐ.పోలవరం, ముమ్మిడివరం, అల్లవరం, ఉప్పలగుప్తం, అమలాపురం, మలికిపురం, మామిడికుదురు, రాజోలు మండలాల్లో సుమారు 10 వేల ఎకరాల్లో వరి చేలు వర్షం బారినపడ్డాయి. ప్రస్తుతం పొలాల్లో నిలిచిన నీటితో పెద్దగా నష్టం లేకపోయినా.. మురుగునీటి కాలువల ద్వారా నీరు సకాలంలో బయటకు వెళ్లకపోతే పంట దెబ్బతినే అవకాశం ఉందని రైతులు చెబుతున్నారు. అయితే అమలాపురం మండలం నల్లమిల్లి, జనుపల్లిలో మాత్రం చేలు దెబ్బతినే పరిస్థితి నెలకొంది. మరోవైపు వరుసగా కురిసిన వర్షాలతో జనజీవనం కొంత స్తంభించింది. రహదారులు, లోతట్టు ప్రాంతాల్లో నీరు నిలిచిపోవడంతో ప్రజలు ఇబ్బందులు ఎదుర్కొన్నారు. శుక్రవారం ఉదయం నుంచి వర్షం తెరపివ్వడంతో పరిస్థితి కొంత మెరుగుపడింది. ఈ వర్షాలు ఈ ఏడాది ఇప్పటివరకు ఉన్న వర్షాభావ పరిస్థితులకు కొంతమేర ఉపశమనం కలిగించాయని రైతులు భావిస్తున్నారు. పెరుగుతున్న గోదావరి వర్షం తగ్గుముఖం పట్టిన సమయంలో గోదావరి వరద మాత్రం క్రమంగా పెరుగుతోంది. ఈ నెల 24వ తేదీ ఉదయం ధవళేశ్వరం బ్యారేజీ వద్ద 1,37,099 క్యూసెక్కులుగా ఉన్న ఇన్‌ఫ్లో శుక్రవారం సాయంత్రం ఆరు గంటలకు 4.10 లక్షల క్యూసెక్కులకు చేరింది. దీంతో పి.గన్నవరం, అన్నంపల్లి అక్విడెక్టుల వద్ద కూడా వరద ఉధృతి పెరిగింది. భద్రాచలం వద్ద కూడా వరద ప్రవాహం పెరిగినా.. అధికారులు ముందుగా అంచనా వేసినంత వేగంగా పెరుగుదల కనిపించలేదు. ప్రస్తుత పరిస్థితులను బట్టి కోనసీమలో అంచనా వేసిన స్థాయిలో భారీ వరద వచ్చే సూచనలు కనిపించడం లేదని సాగునీటి పారుదల శాఖ అధికారులు చెబుతున్నారు. మరో 1.50 లక్షల క్యూసెక్కుల వరకు వరద పెరిగినా పరిస్థితి అదుపులోనే ఉంటుందని అంచనా వేస్తున్నారు. దీంతో గోదావరి లంక గ్రామాల ప్రజలు కొంత ఊపిరి పీల్చుకుంటున్నారు. అయినప్పటికీ వరద ప్రవాహం పెరుగుతున్న నేపథ్యంలో లోతట్టు, లంక ప్రాంతాల ప్రజలు అప్రమత్తంగా ఉండాలని అధికారులు సూచిస్తున్నారు. నీట మునిగిన పోలీస్‌ స్టేషన్‌ ఆత్రేయపురం: భారీ వర్షాలకు ఆత్రేయపురం పోలీస్‌ స్టేషన్‌ నీట మునిగింది. కనీసం స్టేషన్‌కు వెళ్లడానికి వీల్లేకుండా మోకాలు లోతు నీరు చేరింది. స్టేషన్‌లోకి సైతం నీరు రావడంతో పోలీస్‌ సిబ్బంది రికార్డులు, కంప్యూటర్లు, ఆయుధ సామగ్రి పాడవుతుందని ఆందోళన చెందుతున్నారు. కాగా నీటిని మోటార్ల ద్వారా అల్లూరి పార్కులోని చెరువులోకి తోడుతున్నారు. ఫ జిల్లాపై వాయుగుండం ప్రభావం ఫ రెండు రోజులు ఎడతెరిపి లేని వర్షాలు ఫ శుక్రవారం ఉదయం నుంచి కాస్త ఊరట

ఫ కూటమి నేతల మధ్య స్థల సర్వే వివాదం ఫ సమిశ్రగూడెంలో పడగ విప్పిన ఆధిపత్య పోరు ఫ మంత్రి దుర్గేష్‌కు పరస్పర ఫిర్యాదులు ఫ చెరువు సుందరీకరణ పనులకు ఆటంకం నిడదవోలు రూరల్‌: కూటమి నాయకుల మధ్య అంతర్గత విభేదాలు, ఆధిపత్య పోరుతో నిడదవోలు మండలం సమిశ్రగూడెంలో అభివృద్ధి పనులకు తీవ్ర ఆ టంకం ఏర్పడింది. స్వార్థ ప్రయోజనాల కోసం స్థానిక నేతలు ఒత్తిడి తేవడంతో.. అటు పనులు సాగించలేక, ఇటు నిర్ణయాలు తీసుకోలేక అధికారులు నలిగిపోతున్నారు. ఒకవైపు ప్రభుత్వ భూమిని ఆక్రమించి, సొంత అవసరాలకు రోడ్డు వేసుకునేందుకు కూటమిలోని జనసేన నేత ఒకరు ప్రయత్నిస్తూంటే.. దానిని అడ్డుకుంటూ అదే కూటమిలోని టీడీపీ నాయకుడు ఒకరు ఏకంగా మంత్రి కందుల దుర్గేష్‌కు ఫిర్యాదు చేయడం స్థానికంగా తీవ్ర సంచలనం సృష్టించింది. వివరాలివీ.. సమిశ్రగూడెంలో ప్రధాన చెరువును అభివృద్ధి చేయడంతో పాటు చుట్టూ వాకింగ్‌ ట్రాక్‌, చిల్ట్రన్‌ పార్క్‌, ఓపెన్‌ జిమ్‌ ఏర్పాటుకు రూ.50 లక్షలతో పనులు చేపట్టారు. చిల్ట్రన్‌ పార్కు ఏర్పాటు చేసే ప్రభుత్వ స్థలం జనసేన నాయకుడి స్థలం పక్కనే ఉంది. ఈ నేపథ్యంలో ఆ స్థలాన్ని సర్వే చేయాలంటూ టీడీపీ గ్రామ కమిటీ అధ్యక్షుడు రెవెన్యూ, గ్రామ పంచాయతీ అధికారుల దృష్టికి తీసుకువెళ్లాడు. దీనిపై మంత్రి దుర్గేష్‌కు సైతం ఫిర్యాదు చేశాడు. ఈ నేపథ్యంలో సర్వే చేసేందుకు వచ్చిన అధికారులను జనసేన నేత అడ్డుకుని వెనక్కి పంపించేశాడు. అక్కడితో ఆగకుండా ప్రభుత్వాసుపత్రి వెనుక నుంచి తన కల్యాణ మండపానికి వెళ్లేందుకు సొంత స్థలంలో రోడ్డు నిర్మించాలంటూ అధికారులపై ఒత్తిడి తీసుకురావడంతో ఈ వ్యవహారం మరింత వివాదాస్పదంగా మారింది. నలిగిపోతున్న అధికారులు ఒకవైపు ఆక్రమణలు, చెరువు సుందరీకరణ పనులకు అడ్డంకులు, మరోవైపు కూటమి పార్టీల నేతల మధ్య ఫిర్యాదుల పర్వంతో స్థానిక పంచాయతీ, రెవెన్యూ అధికారులు తీవ్ర ఒత్తిడికి గురవుతున్నారు. ఆక్రమణలను నిర్ధారించడానికి, సరిహద్దులను గుర్తించడానికి సర్వేకు సిద్ధమైన అధికారులను జనసేన నాయకుడు తన రాజకీయ బలంతో అడ్డుకున్నారని, నిబంధనల ప్రకారం పని చేద్దామంటే అధికార కూటమి నేతలు బెదిరింపులకు దిగుతున్నారని, దీంతో ఎటు తేల్చుకోలేక తాము ఇబ్బందులు పడుతున్నామని అధికారులు వాపోతున్నారు. కూటమి నేతలు తక్షణం వర్గ పోరుకు స్వస్తి పలికి, చెరువు అభివృద్ధి పనులను వేగవంతం చేయడంతో పాటు పంచాయతీ స్థలాన్ని కాపాడాలని గ్రామస్తులు డిమాండ్‌ చేస్తున్నారు.

సంక్షేమ పథకాలకు నిధులు లేవంటున్న ప్రభుత్వం సోషల్‌ మీడియా ప్రచారానికి ప్రత్యేక పాలసీ తీసుకురావడం దారుణం. ఇచ్చిన హామీలను అమలు చేయకుండా ప్రజాధనాన్ని ప్రచారానికి వినియోగించడం సరికాదు. ఈ నిర్ణయం సరైంది కాదు. – ఎస్‌.రాంజీ హర్షవర్ధన్‌, బీటెక్‌, కొమరగిరి, ఐ.పోలవరం మండలం ముందు పథకాలు అమలు చేయండి ఎన్నికల ముందు చాలా పథకాలు అమలు చేస్తామన్నారు కదా. ముందు వాటిని ప్రజలకు అందించడం ముఖ్యం. పింఛన్ల కోసం ఇప్పుడు దరఖాస్తులు అడిగారు. ఎప్పుడు ఇస్తారనేది మాత్రం చెప్పడం లేదు. ప్రభుత్వం ప్రజా ప్రయోజన కార్యక్రమాలు అమలు చేయాలి. –పితాని ఏసుబాబు, సూర్యానగర్‌, అమలాపురం మున్సిపాలిటీ ఆడబిడ్డ నిధి ఎప్పుడిస్తావ్‌ బాబూ.. ఎన్నికల్లో ఇచ్చిన హామీ మేరకు ఆడబిడ్డ నిధి, 50 ఏళ్లకే పింఛన్‌ వంటివి అమలు చేయకుండా సోషల్‌ మీడియా ప్రచారానికి ప్రజాధనం ఖర్చు చేయడం దారుణం. గతంలో డ్వాక్రా రుణమాఫీ అని ఓట్లేయించుకుని మోసం చేశారు. ఇప్పుడు ఆడబిడ్డ పేరుతో మరోసారి మోసం చేస్తున్నారు. – కర్రా లక్ష్మి, కొత్తపేట

ఫ వైఎస్సార్‌ సీపీ జిల్లా అధ్యక్షుడు చెల్లుబోయిన వేణు ఫ వెన్నుపోటు పార్టీ వంచనపై రేపు బీసీ గర్జన ఫ 34 నియోజకవర్గాల ప్రతినిధులతో కాతేరులో నిర్వహణ ఫ ఉమ్మడి ఉభయ గోదావరి జిల్లాల నుంచి హాజరు కానున్న నేతలు రాజమహేంద్రవరం రూరల్‌: కూటమి ప్రభుత్వ పాలనలో బీసీలకు జరుగుతున్న ద్రోహంపై చర్చించేందుకు ఉమ్మడి తూర్పు, ఉమ్మడి పశ్చిమ గోదావరి జిల్లాల పరిధిలోని 34 నియోజకవర్గాలకు చెందిన బీసీ ప్రజాప్రతినిధులు, మాజీ ప్రజాప్రతినిధులు, నాయకులు, విద్యాధికులతో ఆదివారం సమావేశం నిర్వహిస్తున్నారు. ‘వెన్నుపోటు పార్టీ వంచనపై బీసీ గర్జన’ పేరిట నిర్వహిస్తున్న రాజమహేంద్రవరం రూరల్‌ కాతేరులోని వెంకటాద్రి గార్డెన్స్‌లో ఆ రోజు ఉదయం 10 గంటలకు నిర్వహిస్తున్నారు. వైఎస్సార్‌ సీపీ జిల్లా అధ్యక్షుడు, మాజీ మంత్రి చెల్లుబోయిన శ్రీనివాస వేణుగోపాలకృష్ణ ఈ వివరాలు తెలిపారు. గర్జన ఏర్పాట్లను ఆయన, ఎమ్మెల్సీ కవురు శ్రీనివాస్‌, పార్టీ బీసీ విభాగం రాష్ట్ర వర్కింగ్‌ ప్రెసిడెంట్‌, జోన్‌–2 కో ఆర్డినేటర్‌ నవుడు వెంకట రమణ, ఏపీ గ్రీనింగ్‌ అండ్‌ బ్యూటీఫికేషన్‌ కార్పొరేషన్‌ మాజీ చైర్మన్‌, పార్టీ రాష్ట్ర కార్యదర్శి చందన నాగేశ్వర్‌ తదితరులు శుక్రవారం పరిశీలించారు. బీసీలకు వెన్నుపోటు పార్టీ ద్రోహం ఈ సందర్భంగా వేణు విలేకర్లతో మాట్లాడుతూ, బీసీలకు గత వైఎస్‌ జగన్‌ ప్రభుత్వం ఎంతో ప్రాధాన్యం ఇచ్చిందని అన్నారు. కానీ, పదవులు, పథకాల్లో బీసీలకు వెన్నుపోటు పార్టీ ప్రభుత్వం దారుణమైన ద్రోహం చేస్తోందని ధ్వజమెత్తారు. ప్రచారం తప్పతే బీసీలకు ఈ ప్రభుత్వం చేసిందేమీ లేదన్నారు. దాదాపు రెండున్నరేళ్లుగా కూటమి ప్రభుత్వం చేస్తున్న మోసాన్ని ప్రతి బీసీ సామాజిక వర్గీయుడికీ అర్థమయ్యే రీతిలో కార్యాచరణ రూపొందించామని చెప్పారు. ఈ దిశగా కాతేరులో నిర్వహిస్తున్న గర్జన సమావేశానికి బీసీ ప్రజాప్రతినిధులు, నామినేటెడ్‌ పదవులు నిర్వహించిన నాయకులు, డాక్టర్లు, లాయర్లు తదితర విద్యాధికులు హాజరు కావాలని చేశారు. పార్టీ ప్రముఖులు బొత్స సత్యనారాయణ, ధర్మాన ప్రసాదరావు, ధర్మాన కృష్ణదాసు, పిల్లి సుభాష్‌చంద్రబోస్‌, సీదిరి అప్పలరాజు, తమ్మినేని సీతారాం, బూడి ముత్యాలనాయుడు, విడదల రజని, అనిల్‌ కుమార్‌ యాదవ్‌, జోగి రమేష్‌, ఎమ్మెల్సీ కుడుపూడి సూర్యనారాయణరావు తదితరులు ఈ సమావేశానికి హాజరవుతారని తెలిపారు. బీసీలు వెన్నెముక అని చెబుతూనే ఆ వర్గాలకు కూటమి ప్రభుత్వం ఏవిధంగా ద్రోహం చేస్తోందో ప్రపంచానికి తెలియజేయాలన్న అజెండాతోనే ఈ సమావేశం ఏర్పాటు చేస్తున్నామని వేణు చెప్పారు. ఎమ్మెల్సీ కవురు శ్రీనివాస్‌ మాట్లాడుతూ, వెన్నుపోటు పార్టీ మోసాలపై జరిగే ఈ సమావేశం బీసీలకు అత్యంత కీలకమని అన్నారు. దీనికి అందరూ తరలివచ్చి బీసీలకు జరుగుతున్న మోసంపై గళమెత్తాలని కోరారు. వైఎస్సార్‌, వైఎస్‌ జగన్‌ చేసిన మేలును కూడా తెలియజేస్తామని చెప్పారు. నవుడు వెంకట రమణ మాట్లాడుతూ, మాజీ మంత్రి చెల్లుబోయిన వేణు ఆధ్వర్యంలో జరిగే ఈ సభను విజయవంతం చేసేందుకు కార్యాచరణ రూపొందించామని, అన్ని ఏర్పాట్లూ పూర్తి చేశామని చెప్పారు. బీసీలందరూ ఈ సమావేశానికి హాజరు కావాలని కోరారు. చందన నాగేశ్వర్‌ మాట్లాడుతూ, వైఎస్‌ జగన్‌ హయంలో బీసీలకు ఎంతో మేలు చేసారని, కూటమి ప్రభుత్వం తీవ్ర అన్యాయం చేస్తోందని అన్నారు. బీసీలకు జరుగుతున్న అన్యాయాన్ని కాతేరు సదస్సు వేదికగా ప్రపంచం ముందుకు తీసుకెళ్లాలని కోరారు. బీసీ విభాగం జిల్లా అధ్యక్షుడు కొండపల్లి దుర్గారావు మాట్లాడుతూ, కూటమి ప్రభుత్వం బీసీలకు మనుగడ లేకుండా చేస్తోందని విమర్శించారు. కార్యక్రమంలో పార్టీ నాయకులు రుఖియా సయ్యద్‌, చాపా రాజా, యెజ్జు వాసు, ఆచంట కల్యాణ్‌, వాసంశెట్టి శ్రీనివాస్‌, కొల్లి నాని తదితరులు పాల్గొన్నారు.

సాక్షి టాస్క్‌ఫోర్స్‌: పరిపాలనలో పారదర్శకతతో పాటు, జవాబుదారీతనం ఉందంటూ డబ్బా కొట్టుకోవడంలో కూటమి నాయకులు ఎప్పుడూ ముందుంటారు. కానీ, ఓ గ్రామ పంచాయతీ నిధులు పక్కదారి పట్టాయంటూ అదే గ్రామానికి చెందిన వ్యక్తి నేరుగా కలెక్టర్‌కు ఫిర్యాదు చేసినప్పటికీ, దానిపై విచారణకే నెలలు గడిపేశారు. తీరా విచారణ పూర్తయ్యాక, అక్రమాలు నిగ్గు తేల్చడంలో ఇంకా మీనమేషాలు లెక్కిస్తున్నారు. ఇదంతా కావాలనే కాలయాపన చేస్తున్నట్లుగా ఉందని గ్రామస్తులు బాహాటంగా విమర్శిస్తున్నారు. ఏం జరిగిందంటే.. తూర్పు గోదావరి జిల్లా కలెక్టరేట్‌కు కూతవేటు దూరంలో ఉన్న కడియం మండలంలోని కడియపులంక పంచాయతీలో.. నిబంధనలకు విరుద్ధంగా 15వ ఆర్థిక సంఘం నిధులు దాదాపు రూ.25 లక్షల వరకు ఖర్చు చేసినట్లు చూపారంటూ గత ఆగస్టులో ఆ గ్రామానికి చెందిన ఓ వ్యక్తి కలెక్టర్‌కు ఫిర్యాదు చేశారు. అలాగే డీజిల్‌, బ్లీచింగ్‌, తాగునీరు, పన్నుల విధింపు వ్యవహారాల్లో సైతం భారీగా నిధులు పక్కదారి పట్టించి, ప్రభుత్వ ఆదాయానికి గండి కొట్టారని ఆరోపించారు. ఒక్కో ఖర్చుకు రెండుసార్లు బిల్లులు చెల్లించడం, చేయని పనులకు చేసినట్లుగా బిల్లులు పెట్టడం, ఎం.బుక్‌లో నమోదు చేయకుండానే ఖర్చులు చూపడం.. ఇలా అనేక అక్రమాలు దాదాపు ఏడాదిన్నరగా జరిగినట్లు ఆరోపణలు వెల్లువెత్తాయి. దీనిపై డీఎల్‌పీఓ నాగలత ఆధ్వర్యాన నలుగురు పంచాయతీ కార్యదర్శులతో విచారణ కమిటీ ఏర్పాటు చేశారు. వారు దాదాపు నెల రోజుల పాటు విచారణ జరిపి, ఉన్నతాధికారులకు పది రోజుల కిందట నివేదిక అందజేశారు. అయితే, అక్రమాలు జరిగాయా? లేదా? జరిగితే ఎంత సొమ్ము పక్కదారి పట్టింది? నిధుల దుర్వినియోగం జరిగితే పంచాయతీ కార్యదర్శిపై ఏం చర్యలు తీసుకుంటున్నారనే ప్రశ్నలకు అధికారులు ఇప్పటి వరకూ ఎటువంటి వివరాలూ వెల్లడించలేదు. అక్రమాలు నిజమని తేలితే సంబంధిత సిబ్బందిని సస్పెండో, బదిలీయో చేసి, మరింత లోతుగా విచారణ జరపడంతో పాటు, సదరు సొమ్ము రికవరీకి చర్యలు చేపట్టాలి. కానీ, కడియపులక పంచాయతీ వ్యవహారంలో అటువంటిదేమీ జరగకపోవడం విడ్డూరంగా ఉందని గ్రామస్తులు విమర్శిస్తున్నారు. మండలంలోని పలు పంచాయతీల్లో కూడా బిల్లు కలెక్టర్లు వసూలు చేసిన పన్నులను పక్కదారి పట్టించిన ఘటనలున్నాయని, అయితే అవి బయటకు రాకుండా సంబంధిత అధికారులకు ‘తాయిలాలు’ అందజేసి మాఫీ చేసుకుంటున్నారనే ఆరోపణలు కూడా వస్తున్నాయి. దోచింది కొండంత.. వెలుగు చూసేది గోరంత పన్ను వసూళ్ల వ్యవహారాల్లో అనేక అక్రమాలు చోటు చేసుకుంటాయన్నది బహిరంగ రహస్యం. ఇలా అక్రమాలకు పాల్పడే వారిని కొంత మంది ఉన్నతాధికారులతో సహా వాటాలు పంచుకుని కాపాడుతున్నారన్న ఆరోపణలున్నాయి. దీనికి తగినట్టుగానే అధికారుల తీరు కూడా ఉంటోందని పలువురు విమర్శిస్తున్నారు. ఎంత సొమ్ము పక్కదారి పట్టినప్పటికీ.. అధికారికంగా కొంత మాత్రమే చూపిస్తున్నారని, తద్వారా ఆ సొమ్ము వెనక్కు చెల్లించేసి, తరువాత కూడా ఆ ఉద్యోగిని అదే స్థానంలో కొనసాగిస్తున్నారని చెబుతున్నారు. అందువల్లనే కొందరు కింది స్థాయి ఉద్యోగులు ఎటువంటి జంకూ లేకుండా నిధుల దుర్వినియోగానికి, అక్రమాలకు పాల్పడుతున్నారని అంటున్నారు. కడియపులంక పంచాయతీలో జరిగిన అవకతవకల ఆరోపణలపై విచారణ చేపట్టిన అధికారులు, డీఎల్‌పనోను సంప్రదించేందుకు ప్రయత్నించగా స్పందించలేదు. ఫ కడియపులంక పంచాయతీలో నిధుల దుర్వినియోగంపై కలెక్టర్‌కు ఫిర్యాదు ఫ రోజుల తరబడి విచారణ ఫ ఇప్పటికీ బయటకు రాని నివేదిక ఫ అక్రమార్కులను కాపాడేందుకేనని అనుమానాలు

కొత్తపేట: స్థానిక చింతామణి గణపతి శతాబ్ది ఉత్సవాలు అత్యంత వైభవంగా నిర్వహించిన ఆర్యవైశ్య సంఘ నాయకులను ముస్లిం సంఘ నాయకులు ఘనంగా సత్కరించారు. ఆర్యవైశ్య సంఘం నాయకుడు, ఉత్సవ కమిటీ చైర్మన్‌ యెండూరి పవన్‌కుమార్‌ తదితర ఆధ్వర్యంలో 9 రోజుల పాటు వివిధ కార్యక్రమాలు నిర్వహించారు. ఈ మేరకు స్థానిక కమ్మిరెడ్డిపాలెం జామియా మసీద్‌లో శుక్రవారం నమాజ్‌ తర్వాత మండల ముస్లిం, మైనార్టీ సంఘ నాయకుడు, కళాసాహితి సభ్యుడు షేక్‌ గౌస్‌, మసీదు, షాదీఖానా కమిటీ ప్రెసిడెంట్‌ షేక్‌ కాజాబాబు ఆధ్వర్యంలో యెండూరి పవన్‌కుమార్‌, ఆర్యవైశ్య సంఘ సభ్యుడు, సత్యసాయి సేవా సమితి కన్వీనర్‌ కంకటాల సత్యనారాయణమూర్తి (కేఎస్‌ఎన్‌)ను ఘనంగా సత్కరించారు. కుల, మతాలు వేరైనా అందరూ కలిసిమెలిసి ఉండాలనే ఉద్దేశంతో ఈ చిరు సత్కారం చేశామని వారన్నారు.

వై.రామవరం: మండలంలోని చింతలపూడి పంచాయతీ బంగారుబందలు గ్రామానికి చెందిన బలిజె సుబ్బమ్మ (56) ప్రమాదవశాత్తూ కొండవాగులో జారి పడి మృతి చెందింది. గ్రామస్తుల కథనం ప్రకారం.. గ్రామ శివారులోని కొండవాగుకు గురువారం ఉదయం బహిర్భూమికి వెళ్లిన ఆమె ఎంతకూ తిరిగి రాలేదు. కుటుంబ సభ్యులు, స్థానికులు వాగు పరిసరాల్లో గాలించినా సాయంత్రం వరకు జాడ తెలియరాలేదు. లోతట్టు గ్రామం కావడం, మార్గం మధ్యలో కొండ వాగులు ఉధృతంగా పొంగి పొర్లుతూండటం, విద్యుత్‌ సరఫరా లేక, సెల్‌ టవర్లు పని చేయక ఈ సమాచారం శుక్రవారం ఉదయం ఆలస్యంగా వెలుగులోకి వచ్చింది. వెంటనే తహసీల్దార్‌ శ్రీరాములుదొర, ఎంపీడీఓ బాపన్నదొర, ఎస్సై పృథ్వీయాదవ్‌, డిప్యూటీ ఎంపీడీఓ శ్రీనివాసరాజులు ఆ గ్రామానికి అగ్నిమాపక శకటాన్ని, సిబ్బందిని తీసుకుని వెళ్లారు. వాగు కాస్త శాంతించడంతో గ్రామస్తుల సహకారంతో సంఘటన స్థలం వద్ద గాలించగా.. సుబ్బమ్మ మృతదేహం కొండవాగులో శుక్రవారం మధ్యాహ్నం లభ్యమైంది. ఆమె మృతదేహాన్ని గ్రామస్తులు జోలి కట్టుకుని అక్కడి నుంచి గ్రామంలోకి తీసుకొచ్చారు. కొండవాగులు పొంగుతూండటంతో మృతదేహాన్ని పోస్టుమార్టం నిమిత్తం ఆసుపత్రికి తరలించేందుకు ఆటంకం ఏర్పడింది.

యానాం: గోదారోళ్లకు పులస తర్వాత చీరమేను చేప రుచేవేరు. చిన్న సైజులో ఉండే చీరమేను చేప పేరు చెబితే అందరూ లొట్టలేసుకుని తింటారు. సీజనల్‌ చేప కావడంతో ముఖ్యంగా సెప్టెంబర్‌, అక్టోబర్‌, నవంబర్‌ నెలల్లో శీతాకాలం ప్రారంభం సమయంలో ఇది గోదావరి నదీ ముఖద్వారం వద్ద అంటే గోదావరి (తీపినీరు), సముద్రం (ఉప్పునీరు) కలిసే ప్రదేశాల్లో వాటికి ఆక్సిజన్‌ ఎక్కువగా ఉండే బ్రాకిస్‌ వాటర్‌లో లభిస్తుంది. చీరమేనును సోల, సేరు, తవ్వ, గ్లాసు, బకెట్‌ కొలతల్లో అమ్ముతుంటారు. యానాం మార్కెట్‌లో లభిస్తుండటంతో మాంసాహార ప్రియులు చీరమేను కొనుగోలుకు ఆసక్తి కనబరుస్తున్నారు. శుక్రవారం ప్లాస్టిక్‌ బకెట్‌లో ఉన్న 10 కిలోల చీరమేను ధర రూ.26 వేలకు పలికింది.

జీజీయూలో నిర్వహించిన హెచ్‌ఆర్‌ సదస్సు రాజానగరం: చదువుతో పాటు పరిశ్రమలకు అవసరమైన నైపుణ్యాలను పెంపొందించుకుంటేనే మంచి ఉద్యోగావకాశాలను పొందగలుగుతారని రాజానగరం సమీపంలోని గోదావరి గ్లోబల్‌ యూనివర్సిటీ (జీజీయూ) చానల్సర్‌ కేవీవీ సత్యనారాయణరాజు (చైతన్యరాజు) అన్నారు. క్యాంపస్‌లో శుక్రవారం జరిగిన హెచ్‌ఆర్‌ సదస్సులో ఆయన మాట్లాడుతూ విద్యార్థులకు ఉజ్వలమైన భవిష్యత్తును అందించుటలో ఇటువంటి సదస్సులు ఎంతగానో తోడ్పడతాయన్నారు. కార్యక్రమంలో వీసీ డాక్టర్‌ యు.చంద్రశేఖర్‌, ప్రొ.వీసీ డాక్టర్‌ కేవీబీ రాజు, రిజిస్ట్రార్‌ డాక్టర్‌ పీఎంఎంఎస్‌ శర్మ, వివిధ సాఫ్ట్‌వేర్‌ సంస్థలకు చెందిన హెచ్‌ఆర్‌ నిపుణులు, అధ్యాపకులు, విద్యార్థులు పాల్గొన్నారు.

మడికి నుంచి దుళ్ల వెళ్ళే రోడ్డులో విద్యుత్‌ తీగలపై పడిన భారీ వక్షం వాయంగుండం కారణంగా కురిసిన వర్షాలకు అయినవిల్లిలో కొబ్బరితోటల్లోకి చేరిన నీరు అమలాపురం పట్టణం విద్యుత్‌ నగర్‌ రోడ్లు ముంపునకు గురైన దృశ్యంసాక్షి, అమలాపురం: ముఖం వాచేలా ఎదురుచూసినా రాని వర్షం.. గడచిన రెండు రోజులుగా బెంబేలెత్తించేలా కురిసింది. బంగాళాఖాతంలో ఏర్పడిన తీవ్ర వాయుగుండం ‘ఆర్నాబ్‌’ ప్రభావంతో కోనసీమ జిల్లా రెండో రోజూ తడిసిముద్దయింది. బుధవారం రాత్రి నుంచి గురువారం సాయంత్రం వరకు తెరపనేది లేనట్టుగా కురుస్తున్న వర్షంతో పల్లెలు, పట్టణాలు జలమయమయ్యాయి. ఎల్‌ నినో తర్వాత కరువుతీరా వర్షం కురిసిందని రైతులు సంబరపడేలోపే, రెండో రోజు కురిసిన కుండపోత వర్షం అన్నదాత గుండెల్లో గుబులు రేపింది. తీవ్ర వాయుగుండం ప్రభావంతో డాక్టర్‌ బీఆర్‌ అంబేడ్కర్‌ కోనసీమ జిల్లాలో రెండో రోజు కూడా తెరిపి లేకుండా భారీ వర్షం కురుస్తోంది. జిల్లాలో 24 గంటల్లో సగటున 125.6 మి.మీ. వర్షపాతం నమోదైంది. అత్యధికంగా కొత్తపేట మండలంలో 172.6 మిల్లీ మీటర్ల వర్షం కురవగా, అత్యల్పంగా రాజోలు మండలంలో 81 మిల్లీమీటర్ల వర్షం కురిసింది. లోతట్టు ప్రాంతాలు జలమయం వర్షాలకు జిల్లా కేంద్రమైన అమలాపురంతో పాటు రామచంద్రపురం మున్సిపాలిటీ, ముమ్మిడివరం నగర పంచాయతీలలో లోతట్టు ప్రాంతాలు నీట మునిగాయి. రోడ్లు, డ్రైన్లు ఏకమవ్వడంతో నీరు దిగే పరిస్థితి లేకుండా పోయింది. అమలాపురంలో గరిగుండ చెరువు, అశోక్‌నగర్‌, సావరం వంటి ప్రాంతాల్లో మోకాలు లోతున నీరు నిలిచిపోవడంతో వాహనచోదకులు, స్థానికులు ఇక్కట్ల పాలయ్యారు. ఈదురుగాలులకు కొన్నిచోట్ల భారీగా చెట్లు విరిగి పడడంతో ట్రాఫిక్‌కు అంతరాయం ఏర్పడింది. ముమ్మిడివరం నగర పంచాయతీ శివారు సురాయిచెరువులు, కొత్తలంక, కాట్రేనికోన మండలాల్లో విద్యుత్‌ సరఫరాకు అంతరాయం ఏర్పడింది. భారీ వర్షాలకు పెదపూడి మండలంలో భారీ నష్టం చోటుచేసుకుంది. కరకుదురు, చింతపల్లి, పెదపూడి, పెద్దాడ, జి.మామిడిడ తదితర గ్రామాల్లో తీవ్ర నష్టం జరిగింది. 14 విద్యుత్‌ స్తంభాలు, 10 చెట్లు, ఒక ఇల్లు కూలిపోయాయి. ఇల్లు కూలిన ఘటన సంపర గ్రామంలో జరిగింది. బుధవారం అర్ధరాత్రి వీచిన ఈదురు గాలులకు, భారీ వర్షానికి నందంపూడిలో పశువుల పాక కూలిపోయి రెండు పాడె గేదెలు మృతి చెందాయి. మరో రెండు పశువులు తీవ్ర గాయాలతో బయటపడ్డాయి. ఆలమూరు మండలం మడికి జాతీయ రహదారిపై భారీ వృక్షం కూలిపోయి విద్యుత్‌ తీగలపై పడింది. దీంతో విద్యుత్‌ స్తంభం ఒరిగిపోయింది. ఆ సమయంలో అక్కడ ఎవరూ లేకపోవడం ప్రమాదం తప్పింది. జనజీవనం అస్తవ్యస్తం గత రెండు రోజులుగా కురిసిన వర్షాలతో జిల్లాలో జనజీవనం స్తంభించిపోయింది. ప్రజలు ఇబ్బందులు పడ్డారు. వ్యాపారులు, వ్యవసాయ ఉత్పత్తుల ఎగుమతులు నిలిచిపోయాయి. తోపుడు బండ్లు, రోడ్ల వెంబడి చిన్నచిన్న వ్యాపారాలు చేసుకునే చిరు వ్యాపారులు ఎక్కువగా ఇబ్బంది పడ్డారు. వరుసగా రెండో రోజు కూడా వ్యాపారం లేకుండా పోయింది. అన్నదాతల్లో గుబులు వాయుగండం అన్నదాతను ఆందోళనలోకి నెట్టివేసింది. అమలాపురం మండలం నల్లమిల్లి, జనుపల్లి, అల్లవరం మండలం దేవగుప్తం, దేవగుప్తం రావుపాలెం వంటి ప్రాంతాల్లో వరిచేలు పెద్ద ఎత్తున నీట మునిగాయి. కాట్రేనికోన, ముమ్మిడివరం, మలికిపురం, ఐ.పోలవరం తదితర మండలాల్లో సైతం వర్షం వల్ల చేలు మంపుబారిన పడ్డాయి. అమలాపురం నియోజకవర్గం పరిధిలో వాసాలతిప్ప, కూనవరం, ముమ్మిడివరం నియోజకవర్గం పరిధిలో అయినాపురం, నార్త్‌ అడ్డాల్‌, రాజోలు దీవిలో శంకరగుప్తం డ్రెయిన్లు పొంగి పొర్లుతున్నాయి. కోనసీమ జిల్లాలో ఈ ఏడాది ఖరీఫ్‌ ఆలస్యమైంది. చేలు పొట్టపోసుకునే దశలో ఉన్నాయి. ఈ కారణంగా ముంపుబారిన పడినా పెద్దగా నష్టం ఉండదని వ్యవసాయ శాఖ అధికారులు చెబుతున్నారు. వర్షాలు కొనసాగితే తీర ప్రాంత మండలాల్లోని వరిచేలల్లో మరింత ముంపు పెరిగే అవకాశముంది. కలెక్టరేట్‌లో కంట్రోల్‌ రూమ్‌ ఏర్పాటు తీవ్ర వాయుగండం ప్రభావంతో భారీ వర్షాలు కురుస్తుండడంతో జిల్లా యంత్రాంగం అప్రమత్తమైంది. జిల్లా కలెక్టరేట్‌లో కంట్రోల్‌ రూమ్‌ ఏర్పాటు చేశారు. కంట్రోల్‌ రూమ్‌ నంబర్‌ : 08856 293104 మండలం కురిసిన వర్షం (మి.మీటర్లలో) కొత్తపేట – 172.6 కాట్రేనికోన – 153.6 ఆత్రేయపురం – 153.4 రామచంద్రపురం – 152.6 రావులపాలెం – 152.4 ఉప్పలగుప్తం – 149.6 ముమ్మిడివరం – 148.2 అయినవిల్లి – 144.6 ఐ.పోలవరం – 134.4 అమలాపురం – 127.0 కె.గంగవరం – 119.4 అంబాజీపేట – 119.0 అల్లవరం – 107.0 ఆలమూరు – 106.8 సఖినేటిపల్లి – 102.2 మామిడికుదురు – 91.0 పి.గన్నవరం – 87.2 మలికిపురం – 84.0 రాజోలు – 81.0 వాయుగుండం ప్రభావంతో రెండోరోజూ భారీ వర్షాలు స్తంభించిన జనజీవనం నీట మునిగిన రోడ్లు, లోతట్టు ప్రాంతాలు ముంపుబారిన పంట పొలాలు పొంగి ప్రవహిస్తున్న పంట కాలువలు, డ్రెయిన్లు కూలిన భారీ వృక్షాలు, విద్యుత్‌ స్తంభాలు

సాక్షి, అమలాపురం: ప్రజా ప్రయోజనాల కన్నా స్వార్థ ప్రయోజనాలకు పెద్ద పీట వేస్తే.. ఫలితాలు ఎలా ఉంటాయనే దానికి ఈ రెండు రోడ్లు ఒక ఉదాహరణ. నిర్మించి రెండు, మూడు నెలలు కాకుండానే ఈ రోడ్ల నాణ్యత బట్టబయలైంది. ఈ ఏడాది భారీ వర్షాలు లేక ఇన్ని రోజులూ బయటపడని రోడ్ల నాణ్యత తీవ్ర వాయుగుండం నేపథ్యంలో కేవలం రెండు రోజుల పాటు కురిసిన వర్షాలతో వీటి డొల్లతనం బయటపడింది. అమలాపురం మండలం ఈదరపల్లి నుంచి ఇందుపల్లి వరకు (ఎన్‌కౌంటర్‌ వంతెన మీదుగా) నిర్మించిన రహదారి రెండుగా విడిపోయింది. ఈ రహదారిని సుమారు రూ.1.50 కోట్లతో గత వేసవిలో నిర్మించారు. అంతకుముందు ఇక్కడ గ్రావెల్‌ రోడ్డు ఉండేది. స్థానికేతరుడైన ఒక కూటమి ప్రజాప్రతినిధికి చెందిన వ్యాపార ప్రయోజనాల కోసం భారీ వాహనాలు వెళ్లేందుకు వీలుగా గత వేసవిలో ఈ రహదారిని ఆఘమేఘాల మీద నిర్మించారు. అమలాపురం నియోజకవర్గంలో పలు రహదారులు అధ్వానంగా ఉన్నప్పటికీ ఇక్కడ మాత్రం నాయకుని ప్రయోజనాల కోసం రోడ్డు నిర్మాణం వేగంగా పూర్తి చేశారు. కౌశికను ఆనుకుని నిర్మించిన ఈ రోడ్డు కృంగిపోకుండా రిటైనింగ్‌ వాల్‌ నిర్మాణం చేపట్టారు. అయినా కూడా రోడ్డు రెండుగా చీలిపోయింది. 200 అడుగుల మేర.. అడుగు వెడల్పున రోడ్డు రెండుగా చీలిపోవడం గమనార్హం. నిర్మాణం లోపభూయిష్టంగా సాగిందనే విషయాన్ని ఇది తేటతెల్లం చేసింది. దీనికితోడు రోడ్డు దిగువన పాత భవనాలకు చెందిన ఇటుకు బొంత, ఇతర సిమెంట్‌ రద్దు వేసి దాని మీద గ్రావెల్‌, బీటీ వేశారనే విమర్శలు కూడా ఉన్నాయి. దీనిపై పంచాయతీరాజ్‌ అధికారులు నోరుమెదపడం లేదు. ఈదరపల్లి – ముక్కామల రోడ్డు సైతం.. అమలాపురం రూరల్‌: ఈదరపల్లి – ముక్కామల మధ్య బైపాస్‌ రోడ్డు అవినీతి బీటలు తీసింది. ఆధునీకరించిన నెల రోజులకే ఈ రోడ్డు కుంగిపోయిన విషయాన్ని సాక్షి ‘బైపాస్‌ రోడ్డుకు అవినీతి బీటలు’ అనే శీర్షికన వెలుగులోకి తెచ్చిన విషయం తెలిసిందే. రిటైనింగ్‌ వాల్స్‌ నిర్మాణం చేసిన చోట రోడ్డు కుంగిపోవడం విడ్డూరం. నెల రోజుల పాటు కాలువకు నీరు నిలిపి.. ఆయకట్టును ఎండబెట్టి మరీ నిర్మించిన రోడ్డు రెండు నెలలకే కుంగిపోయింది. రిటైనింగ్‌ వాల్‌ నిర్మించిన చోటే కుంగిపోయిన ముక్కామల – ఈదరపల్లి బైపాస్‌ రోడ్డు కూటమి పాలనలో అవినీతికి ఈ రోడ్లే తార్కాణం – డాక్టర్‌ పినిపే శ్రీకాంత్‌ కూటమి నేతల అవినీతి, అక్రమాలకు ఈ రెండు రోడ్ల డొల్లతనమే ఒక మచ్చుతునక అని వైఎస్సార్‌సీపీ కో ఆర్డినేటర్‌ డాక్టర్‌ పినిపే శ్రీకాంత్‌ విమర్శించారు. రోడ్లు కుంగిపోవడంపై ఆయన స్పందిస్తూ.. రెండు నెలల వ్యవధిలోనే ముక్కామల–ఈదరపల్లి బైపాస్‌ రోడ్డు కుంగిపోవడం దారుణమన్నారు. ఈ రోడ్డును సకాలంలో పూర్తిచేయకపోవడం వల్ల రైతులు నష్టపోవడంతో పాటు ప్రమాదం జరిగి ఇద్దరు మృత్యువాత పడ్డారని ఆయన గుర్తు చేశారు. ఇక ఈదరపల్లి– ఇందుపల్లి రోడ్డు రెండుగా విడిపోవడం చూస్తుంటే అమలాపురం నియోజకవర్గంలోనూ.. రాష్ట్ర వ్యాప్తంగా కూటమి పాలనలో నిర్మిస్తున్న రహదారుల్లో నాణ్యత ఏపాటిదో అర్థమవుతోందన్నారు. నిత్యం నీతి, నిజాయతీల గురించి మాట్లాడే కూటమి నేతలు ఈ రోడ్ల డొల్లతనం మీద స్పందించాలని ఆయన డిమాండ్‌ చేశారు. అమలాపురం ఎమ్మెల్యే అయితాబత్తుల ఆనందరావు ఎస్‌.యానాంలో జరిగే సంక్రాంతి సంబరాలకు విదేశీయులను తీసుకువస్తానని, ఈ ప్రాంత అందాలను చూపుతానని గొప్పగా చెబుతున్నారని, వారికి నాణ్యత లేక రెండుగా విడిపోతున్న రోడ్లను కూడా చూపించాలని శ్రీకాంత్‌ ఎద్దేవా చేశారు.

సాక్షి, అమలాపురం: ఉమ్మడి తూర్పుగోదావరి జిల్లా పరిషత్‌ వ్యవస్థలో కొత్త అధ్యాయం ప్రారంభం కానుంది. ఉమ్మడి జిల్లా పరిషత్‌ నాలుగు జిల్లా పరిషత్‌లుగా విడిపోయి డాక్టర్‌ బీఆర్‌ అంబేడ్కర్‌ కోనసీమ జిల్లా పరిషత్‌ కొత్తగా ఏర్పడనుంది. రాష్ట్ర ప్రభుత్వం జారీ చేసిన జీవో 115, 116 ప్రకారం జిల్లాకు 19 మండలాలతో శుక్రవారం నుంచి కొత్త జిల్లా పరిషత్‌ పరిపాలన మొదలుకానుంది. జిల్లాల పునర్వ్యవస్థీకరణ నేపథ్యంలో దాని పరిధి మారుతోంది. కాకినాడ, తూర్పుగోదావరి, డాక్టర్‌ బీఆర్‌ అంబేడ్కర్‌ కోనసీమ, పోలవరం జిల్లాల పరిధిలో కొత్త జిల్లా పరిషత్‌లు ఏర్పడుతున్నాయి. దీంతో స్థానిక సంస్థల పరిపాలన మరింత వికేంద్రీకృతం కానుంది. ఇక నుంచి ఆయా జిల్లాల పరిధిలోనే జెడ్పీ వ్యవహారాలు కొనసాగనున్నాయి. కోనసీమ జిల్లా పరిషత్‌కు అమలాపురం ఎంపీడీవో కార్యాలయాన్ని కేంద్రంగా నిర్ణయించారు. ప్రస్తుతం ఉమ్మడి జిల్లా పరిషత్‌ పరిధిలో పనిచేస్తున్న అధికారులు, సిబ్బందిని కొత్త జిల్లా పరిషత్‌లకు మండలాల నిష్పత్తి ఆధారంగా కేటాయించే ప్రక్రియ ఇప్పటికే పూర్తయింది. దీంతో కొత్త జెడ్పీ కార్యాలయ నిర్వహణకు అవసరమైన సిబ్బంది అందుబాటులోకి రానున్నారు. కలెక్టర్‌ ఆధ్వర్యంలో ప్రత్యేక పాలన.. కొత్త జిల్లా పరిషత్‌కు ప్రత్యేకాధికారిగా జిల్లా కలెక్టర్‌ ఆర్‌.మహేష్‌ కుమార్‌ను ప్రభుత్వం నియమించింది. అధికారికంగా జీవో రావాల్సి ఉంది. జిల్లా పరిషత్‌ విభజన ఉత్తర్వుల్లో ఈ విషయాన్ని పేర్కొన్న విషయం తెలిసిందే. ఉమ్మడి జిల్లా పరిషత్‌ పాలకవర్గం గడువు గురువారం రాత్రితో ముగియడంతో ఎన్నికై న జెడ్పీ పాలకవర్గం ఏర్పడే వరకు కలెక్టర్‌ ఆధ్వర్యంలో పరిపాలన కొనసాగనుంది. కొత్త జిల్లా పరిషత్‌ కార్యాలయంలో పరిపాలనాపరమైన విధులు నిర్వహించేందుకు సీఈవోతో పాటు అడ్మినిస్ట్రేటివ్‌ ఆఫీసర్‌, సీనియర్‌ అసిస్టెంట్లు, జూనియర్‌ అసిస్టెంట్లు, టైపిస్టులు, ఆఫీస్‌ సబార్డినేట్లు పనిచేయనున్నారు. జిల్లా పరిషత్‌ పరిపాలన, కార్యాలయ వ్యవహారాలు, రికార్డుల నిర్వహణ, ఉత్తర ప్రత్యుత్తరాలు తదితర బాధ్యతలను వీరు నిర్వహించనున్నారు. 19 మండలాలతో ఏర్పాటు అమలాపురం ఎంపీడీవో కార్యాలయం కేంద్రంగా పరిపాలన ప్రత్యేకాధికారిగా జిల్లా కలెక్టర్‌ నియామకం అధికారుల వికేంద్రీకరణ పూర్తి నేటి నుంచి ప్రత్యేక పాలన

అమలాపురం రూరల్‌: బంగాళాఖాతంలో ఏర్పడిన తీవ్ర తుపాను కారణంగా జిల్లా వ్యాప్తంగా భారీ వర్షాలు కురుస్తుండటంతో కలెక్టర్‌ ఆదేశాల మేరకు అంబేడ్కర్‌ కోనసీమలో జిల్లాలోని అన్ని యాజమాన్య పాఠశాలలకు శుక్రవారం కాంపెన్సేటరీ సెలవు ప్రకటించినట్టు డీఈవో మహబూబ్‌ బాషా తెలిపారు. అంబేడ్కర్‌ కోనసీమ జిల్లాలో ఉప విద్యాశాఖ అధికారులకు, మండల విద్యాశాఖ అధికారులకు, అన్ని యాజమాన్య పాఠశాలల ప్రధానోపాధ్యాయులకు సెలవును ఆమలు చేయాలని ఆయన సూచించారు. వాడపల్లి వెంకన్న ఆదాయం రూ.2.50 కోట్లు ఆత్రేయపురం: కోనసీమ తిరుమలగా ప్రసిద్ధిగాంచిన వాడపల్లి వెంకటేశ్వర స్వామి 37 రోజుల హుండీల ఆదాయం రూ.2 కోట్ల 50 లక్షల 11 వేల 671 లభించినట్టు ఆలయ ఈవో, దేవదాయ శాఖ ఉప కమిషనర్‌ నల్లం సూర్యచక్రధరరావు తెలిపారు. ఆలయ ఆవరణలోని హుండీలను బుధవారం దేవదాయ శాఖ అధికారులు వి.సత్యనారాయణ, ఎస్‌టీపీటీ శ్రీనివాస్‌, దేవాలయాల ఈవోలు ఎస్‌.సత్య మహేంద్ర, వై.సత్యనారాయణ సమక్షంలో లెక్కించారు. ప్రధాన, విశ్వేశ్వర స్వామి హుండీలతో కలిపి రూ.2 కోట్ల 4 లక్షల 24 వేల 921, అన్నప్రసాద వితరణ ద్వారా రూ.45,86,750 లభించాయని చెప్పారు. 84 గ్రాముల బంగారం, 1.617 కిలోల వెండి, 13 దేశాలకు చెందిన 86 విదేశీ కరెన్సీ నోట్లు వచ్చాయన్నారు. వీఆర్‌ఏల అర్ధనగ్న నిరసన కొత్తపేట: గ్రామ రెవెన్యూ సహాయకులు (వీఆర్‌ఏ) పలు డిమాండ్లతో చేపట్టిన నిరవధిక నిరసన కార్యక్రమంలో భాగంగా గురువారం కొత్తపేట మండల వీఆర్‌ఏలు అర్ధనగ్నంగా నిరసన తెలిపారు. ఎనిమిది రోజుల పాటు స్థానిక పాత తహసీల్దార్‌ కార్యాలయం వద్ద వివిధ రీతుల్లో నిరసన తెలియజేసిన వీఆర్‌ఏలు తొమ్మిదో రోజు అర్ధనగ్న ప్రదర్శన జరిపారు. ప్రభుత్వం ముందుంచిన డిమాండ్లు నెరవేర్చాలని కోరుతూ నినాదాలు చేశారు. అనంతరం స్థానిక కాపు కళ్యాణ మండపం వద్ద ఎమ్మెల్యే బండారు సత్యానందరావును కలిసి వినతిపత్రం సమర్పించారు. తమ న్యాయమైన కోర్కెలను ప్రభుత్వం దృష్టికి తీసుకువెళ్లి పరిష్కరించేందుకు కృషి చేయాలని కోరారు. కార్యక్రమంలో సంఘ మండల అధ్యక్షుడు కే భీమశంకరం, ప్రధాన కార్యదర్శి పిల్లంగోరు బాలు, కోశాధికారి ఎస్‌ నాగభూషణం తదితరులు పాల్గొన్నారు.

అమలాపురం టౌన్‌: అక్టోబర్‌ నాలుగున రాజమహేంద్రవరంలో జరగనున్న కాంట్రాక్ట్‌ అవుట్‌ సోర్సింగ్‌ ఉద్యోగుల గోదావరి మహా గర్జనను విజయవంతం చేయాలని ఏపీ స్టేట్‌ గవర్నమెంట్‌ కాంట్రాక్ట్‌ అవుట్‌ సోర్సింగ్‌ ఎంప్లాయీస్‌ ఫెడరేషన్‌ జేఏసీ జిల్లా కార్యవర్గ ప్రతినిధులు పిలుపునిచ్చారు. స్థానిక ప్రభుత్వ ఏరియా ఆస్పత్రి ప్రాంగణంలో గురువారం జరిగిన నిరసన కార్యక్రమంలో వారు ప్రసంగించారు. సమాన పనికి సమాన వేతనం ఇవ్వాలని, ఉద్యోగ భద్రత కల్పించాలని ఈ సందర్భంగా డిమాండ్‌ చేశారు. అనంతరం గోదావరి మహా గర్జన పోస్టర్లను ఆవిష్కరించారు. ఉమ్మడి ఉభయ గోదావరి జిల్లాల స్థాయిలో రాజమహేంద్రవరంలో జరగనున్న ప్రాంతీయ మహా గర్జన సదస్సుకు కాంట్రాక్ట్‌, అవుట్‌ సోర్సింగ్‌ ఉద్యోగులు తరలిరావాలని జేఏసీ నేత నూకపెయ్యి గంగాధర్‌ విజ్ఞప్తి చేశారు. జేఏసీ ప్రతినిధులు పి.నాగలక్ష్మి, నాగారపు శ్రీనివాసరావు, సుమతి, అనంతకుమారి, సీహెచ్‌ కృష్ణ సురేష్‌, బి.శ్రీనివాసరావు తదితరులు పాల్గొన్నారు.కాంట్రాక్ట్‌ అవుట్‌ సోర్సింగ్‌ ఉద్యోగుల జేఏసీ పిలుపు

అమలాపురం రూరల్‌: జిల్లాలో కురుస్తున్న భారీ వర్షాలు, రానున్న గోదావరి వరదల నేపథ్యంలో జిల్లా యంత్రాంగం, పోలీస్‌ శాఖ పూర్తి స్థాయిలో అప్రమత్తంగా ఉన్నాయని కలెక్టర్‌ ఆర్‌.మహేష్‌ కుమార్‌ తెలిపారు. కలెక్టరేట్‌లో గురువారం ఏర్పాటుచేసిన సమావేశంలో జిల్లా ఎస్పీ రాహుల్‌ మీనా, జాయింట్‌ కలెక్టర్‌ వై. ఖోమ్‌ నైడియా దేవిలతో కలసి ఆయన మాట్లాడారు. ప్రజల రక్షణ, భద్రతే ప్రధాన లక్ష్యంగా ముందస్తు చర్యలు చేపడుతున్నామని వెల్లడించారు. గాలి వేగం గంటకు 30 కిలోమీటర్ల కంటే తక్కువగా ఉండటంతో జిల్లాలో పెద్దగా నష్టం సంభవించలేదన్నారు. ఎగువ ప్రాంతాల్లో కురుస్తున్న భారీ వర్షాల కారణంగా రానున్న రెండు రోజుల్లో గోదావరిలో భారీగా వరద నీరు చేరే అవకాశం ఉందని కలెక్టర్‌ తెలిపారు. సెప్టెంబర్‌ 26 నాటికి సుమారు 10 లక్షల క్యూసెక్కుల వరద ప్రవాహంతో మొదటి ప్రమాద హెచ్చరిక స్థాయికి, సెప్టెంబర్‌ 27 నాటికి రెండో ప్రమాద హెచ్చరిక స్థాయికి వరద చేరే అవకాశం ఉందన్నారు. ఈ నేపథ్యంలో గోదావరి పరీవాహక ప్రాంతాలు, లోతట్టు ప్రాంతాలపై ప్రత్యేక దృష్టి సారించి పరిస్థితులను ఎప్పటికప్పుడు పర్యవేక్షిస్తున్నట్టు తెలిపారు. వాతావరణ పరిస్థితులు, వర్షపాతం, పిడుగుపాటు హెచ్చరికలను ఎప్పటికప్పుడు తెలుసుకునేందుకు రాష్ట్ర ప్రభుత్వం రూపొందించిన ‘అవేర్‌’ యాప్‌ను ప్రజలంతా డౌన్‌లోడ్‌ చేసుకోవాలన్నారు. భారీ వర్షాల కారణంగా విద్యుత్‌, తాగునీరు, డ్రైనేజీ తదితర అత్యవసర సమస్యలు ఏర్పడితే ప్రజలు జిల్లా స్థాయి కంట్రోల్‌ రూమ్‌ను 08856–293104 నంబర్‌లో సంప్రదించాలని కలెక్టర్‌ సూచించారు. వరద ముప్పుపై అప్రమత్తతతో పనిచేయాలి అమలాపురం రూరల్‌: ప్రస్తుత భారీ వర్షాలతో గోదావరి వరద ముప్పు పొంచి ఉన్న నేపథ్యంలో ఎలాంటి ప్రాణ, ఆస్తి నష్టం జరగకుండా అధికారులు పూర్తి అప్రమత్తతతో పనిచేయాలని కలెక్టర్‌ ఆర్‌.మహేష్‌కుమార్‌ ఆదేశించారు. గురువారం కలెక్టరేట్‌ నుంచి వీడియో కాన్ఫరెన్స్‌ ద్వారా వరద పరిస్థితులు, పింఛన్‌ దరఖాస్తుల పరిశీలన, పింఛన్ల పంపిణీకి ఏర్పాట్లు, ఎలక్టోరల్‌ రోల్‌ పరిశీలన తదితర అంశాలపై ఆర్‌డీవోలు, డీఎస్పీలు, ఎంపీడీవోలు, తహసీల్దార్లతో సమీక్షించారు. ఎలక్టోరల్‌ రోల్‌ సవరణ పనులను నిర్దేశిత గడువులోగా పూర్తి చేయాలని ఈ సందర్భంగా చెప్పారు. పాఠశాలలు, అంగన్‌వాడీ కేంద్రాలకు స్థానిక పరిస్థితులకు అనుగుణంగా సెలవులు ప్రకటించాలని చెప్పారు. శిథిలావస్థలో ఉన్న భవనాలను గుర్తించి వాటి సమీపంలోకి విద్యార్థులు వెళ్లకుండా రక్షణ చర్యలు చేపట్టాలని ఆదేశించారు. విలేకరుల సమావేశంలో కలెక్టర్‌, ఎస్పీ

సాంకేతిక లోపాలతోనే.. సదరం సర్టిఫికెట్లలో అర్హులకు అనర్హత వస్తోందనే విషయంలో కొంత నిజం ఉంది. దీనిని సాంకేతిక లోపంగా గుర్తించాం. ఈవిధంగా ఇటీవల నా వద్దకు ఇద్దరు వచ్చారు. అర్హులైనప్పటికీ అనర్హులుగా వైకల్యం శాతం రావడంతో.. సంబంధిత వైద్యునితో మాట్లాడి, సదరం సర్టిఫికెట్‌లో వచ్చిన శాతాన్ని పోల్చి, తిరిగి వారికి అర్హులుగా ధ్రువపత్రం ఇచ్చాం. దీనిపై కలెక్టర్‌తో మాట్లాడతాను. ఈవిధంగా ఎవరికై నా జరిగితే.. మా వద్దకు వస్తే రికార్డులు సరిచూసి, సమస్య పరిష్కరిస్తాం. సదరం సర్టిఫికెట్ల జారీలో వైకల్యం శాతాన్ని సరిగ్గా చూడకుండా, సొమ్ముకు కక్కుర్తి పడి ఇష్టారాజ్యంగా ఎవరైనా వ్యవహరిస్తే చర్యలు తీసుకుంటాం. దీనిపై సమాచారం ఉంటే వెంటనే మాకు ఫిర్యాదు చేయండి. – డాక్టర్‌ సోఫియా, సూపరిండెంటెంట్‌, జిల్లా ప్రభుత్వాసుపత్రి, రాజమహేంద్రవరం కంబాలచెరువు (రాజమహేంద్రవరం): దివ్యాంగుల జీవితాలకు భరోసా అందించేందుకు సదరం సర్టిఫికెట్‌ అత్యంత కీలకం. ప్రభుత్వం అందించే పింఛన్‌, వివిధ సంక్షేమ పథకాలు, విద్య, ఉపాధి, రాయితీలు తదితర ప్రయోజనాలకు సదరం సర్టిఫికెట్‌లో పేర్కొన్న వైకల్యం శాతం ఆధారంగానే అర్హత నిర్ణయిస్తారు. అలాంటి కీలక ధ్రువపత్రం కోసం వచ్చే దివ్యాంగులకు రాజమహేంద్రవరం ప్రభుత్వాసుపత్రి(జీజీహెచ్‌)లో విచిత్రమైన అనుభవాలు ఎదురవుతున్నాయి. ఇక్కడ ప్రతి మంగళవారం సదరం శిబిరం నిర్వహిస్తారు. దీనికి అధిక సంఖ్యలో దివ్యాంగులు వస్తూంటారు. అయితే, వీరికి అక్కడి వైద్యులు ఇస్తున్న ధ్రువపత్రంలో పేర్కొంటున్న వైకల్యం శాతానికి, నిజజీవితంలో వారికున్న వైకల్యానికి పొంతన ఉండటం లేదు. శాతం ఎక్కడ మారుతోంది? సదరం ప్రక్రియలో వైద్యులు, సంబంధిత నిపుణులు నిర్వహించే పరీక్షలే ప్రాథమిక ఆధారం కావాలి. పరీక్షల సమయంలో ఒక స్థాయి వైకల్యం నమోదవుతున్నా.. తుది సర్టిఫికెట్‌ ఇచ్చేసరికి ఆ శాతం తగ్గిపోతోందని బాధితులు ఆవేదన వ్యక్తం చేస్తున్నారు. ఒకవేళ తొలిసారి నిర్వహించిన పరీక్షా ఫలితాలకు, తుది ధ్రువపత్రంలోని శాతానికి తేడా ఉంటే దానికి కారణాలేమిటి, ఏదైనా నిర్ణీత ఫార్ములా ప్రకారం లెక్కిస్తున్నారా, ఏదైనా ఇతర వైద్య పరీక్షను కూడా పరిగణనలోకి తీసుకుంటున్నారా వంటి విషయాలను అభ్యర్థులకు స్పష్టంగా తెలియజేయాల్సిన అవసరం ఉంది. బాధితుడికి వివరించే వ్యవస్థ ఏదీ? సదరం ధ్రువీకరణకు ఆసుపత్రికి వస్తున్న దివ్యాంగులు గంటల తరబడి వేచి ఉంటారు. వివిధ విభాగాల్లో పరీక్షలు చేయించుకుంటారు. అవసరమైన పత్రాలన్నీ సమర్పిస్తారు. చివరకు వారికిచ్చే ధ్రువపత్రంలో తన వైకల్య శాతం ఎంత, ఎందుకు అలా నిర్ధారించారనే విషయాలు మాత్రమే కాకుండా ఆ శాతం ఎలా వచ్చిందో తెలుసుకునే హక్కు కూడా ఉండాలి. ఈ ప్రక్రియలో స్పష్టత లేకపోతే బాధితుడు ఎవరిని ఆశ్రయించాలి, తన పరీక్షా నివేదికపై అభ్యంతరం ఉంటే ఎవరికి ఎలా అప్పీల్‌ చేయాలి, వైకల్య శాతం తప్పుగా నమోదైందని భావిస్తే పునఃపరీక్షకు అవకాశం ఉందా, దీనంతటికీ ఎవరు బాధ్యత వహిస్తారనే విషయాలను అధికార యంత్రాంగం స్పష్టం చేయాలి. దళారుల దందా సదరం ధ్రువీకరణకు వస్తున్న దివ్యాంగుల అమాయకత్వాన్ని అవకాశంగా తీసుకుని ఆసుపత్రి పరిసరాల్లో కొందరు దళారులు సహాయం పేరుతో దందా సాగిస్తున్నారు. పరీక్షలు త్వరగా పూర్తి చేయిస్తామని, ఈ మొత్తం ప్రక్రియలో సహకరిస్తామని దివ్యాంగులను నమ్మిస్తున్నారు. సర్టిఫికెట్‌ విషయంలో హామీలు ఇస్తున్నారని, ధ్రువపత్రం జారీ చేసే వైద్యులతో మంతనాలు జరుపుతున్నారనే ఆరోపణలు కూడా వస్తున్నాయి. ఇటువంటి వ్యవహారాలపై అధికారులు దృష్టి పెట్టాల్సి ఉంది. పాపం వెంకటేశ్వరరావు రాజమహేంద్రవరం నగరానికి చెందిన ఎలుబండి మోహన వెంకటేశ్వరరావు అనే వ్యక్తికి ఎడమ చెవి పూర్తిగా వినిపించదు. కుడి చెవి చాలా కొద్దిగా మాత్రమే, అదీ చాలా గట్టిగా అరిస్తేనే వినిపిస్తుంది. వినికిడికి సంబంధించి అతని వైకల్యం 70 శాతం పైగా ఉంటుంది. కానీ, సదరం శిబిరంలో వైద్యులు జారీ చేసిన ధ్రువపత్రంలో కేవలం 17 శాతమే వైకల్యమున్నట్లు పేర్కొన్నారు. అయితే, అదే వెంకటేశ్వరరావుకు రాజమహేంద్రవరం ప్రభుత్వాసుపత్రిలో అంతకుముందు ఓ ఆడియాలజీ పరీక్ష నిర్వహించారు. ఆ పరీక్ష నివేదిక ప్రకారం అతడి కుడి చెవికి ప్యూర్‌ టోన్‌ యావరేజ్‌ (పీటీఏ) 91 డెసిబుల్స్‌, ఎడమ చెవికి పీటీఏ 56 డెసిబుల్స్‌గా నమోదు చేశారు. కుడి చెవికి హియరింగ్‌ లాస్‌, ఎడమ చెవికి కాస్త తీవ్రంగాను వినికిడి లోపం ఉన్నట్లు నమోదు చేశారు. ఎడమ చెవికి హియరింగ్‌ ఎయిడ్‌ ఉపయోగించాలని కూడా సిఫారసు చేశారు. కానీ, చివరకు సదరం ధ్రువపత్రంలో మాత్రం వైకల్యం 17 శాతమే ఉన్నట్లు ఏవిధంగా నిర్ధారించారో ఎవ్వరికీ అర్థం కాని పరిస్థితి. ఒక్క వెంకటేశ్వరరావుకే కాదు.. ఇదే సమస్యను పలువురు దివ్యాంగులు ఎదుర్కొంటున్నారు. కొంత మంది వైద్యులు లేదా సిబ్బంది కాసులకు కక్కుర్తి పడి సదరం శిబిరంలో ఈవిధంగా సర్టిఫికెట్లు ఇస్తున్నారనే ఆరోపణలు వస్తున్నాయి. దీనివలన ఎంతో మంది దివ్యాంగులు అర్హులైనప్పటికీ అనర్హులుగానే మిగిలిపోతూ, ప్రభుత్వ పథకాలకు దూరమవుతున్నారు. దివ్యాంగుల బతుకులతో చెలగాటం సర్టిఫికెట్ల జారీలో వింతలు అసలు వైకల్యానికి.. వైద్యుల ధ్రువీకరణకు ఆమడ దూరం ప్రభుత్వాసుపత్రిలో అర్హులకు అన్యాయం!

● ఊపందుకున్న ఊహాగానాలు ● కార్తికమాసం నాటికి నియమిస్తారంటూ ప్రచారంఅన్నవరం: ప్రముఖ పుణ్యక్షేత్రమైన అన్నవరంలోని వీర వెంకట సత్యనారాయణస్వామివారి దేవస్థానానికి త్వరలోనే కొత్త ఈఓ వస్తారంటూ జోరుగా ప్రచారం సాగుతోంది. రెవెన్యూ విభాగానికి చెందిన ఒక మహిళా అధికారి డైరెక్ట్‌గా రాష్ట్ర ప్రభుత్వంలోని చినబాబు అండతో ప్రయత్నాలు చేస్తుండగా, పాత ఈఓ ఒకరు మళ్లీ ఇక్కడకు వచ్చేందుకు ఆసక్తి చూపుతున్నారన్న ప్రచారం జరుగుతోంది. దేవదాయశాఖ ఉన్నతాధికారులు మాత్రం రెవెన్యూ విభాగ అధికారి కన్నా దేవదాయశాఖ అధికారినే నియమించాలనే ఆలోచనలో ఉన్నట్టు సమాచారం. అన్నవరం దేవస్థానం ఇన్‌చార్జి ఈవోగా కోనసీమలోని వాడపల్లి దేవస్థానం ఈఓ నల్లం సూర్యచక్రధరరావు ఆరు నెలలుగా బాధ్యతలు నిర్వహిస్తున్న విషయం తెలిసిందే. అయితే తలుపులమ్మ దేవస్థానం ఈఓ విశ్వనాథరాజును వాడపల్లికి నియమించి, సూర్యచక్రధరరావును అన్నవరానికి రెగ్యులర్‌గా, తలుపులమ్మ దేవస్థానానికి ఇన్‌చార్జిగా నియమిస్తారనే ప్రచారం సాగుతోంది. కార్తికమాసం లోపు ఈ మార్పులు జరగవచ్చని సమాచారం. వారానికి మూడు రోజులు ప్రస్తుతం ఇన్‌చార్జి ఈవోగా పనిచేస్తున్న సూర్యచక్రధరరావు అన్నవరంలో మూడు రోజులు, వాడపల్లి దేవస్థానంలో నాలుగు రోజులు పనిచేస్తున్నారు. వాడపల్లికి ఇటీవల కాలంలో భక్తుల రాక బాగా పెరిగింది. శనివారం రోజు సుమారు లక్షకు పైగా వస్తుండడంతో ఈవో శుక్రవారం నుంచి అక్కడే ఉండి ఏర్పాట్లు పర్యవేక్షిస్తున్నారు. మళ్లీ ఆదివారం మధ్యాహ్నం నుంచి మూడు రోజుల పాటు అన్నవరం దేవస్థానంలో ఉంటున్నారు. మధ్యలో క్యాంపులు, వాడపల్లిలో ఇతర కార్యక్రమాలకు హాజరు కావాల్సి వస్తోంది. వాస్తవానికి వాడపల్లి అంత కాకపోయినా శని, ఆదివారాలలో సత్యదేవుని ఆలయానికి కూడా భక్తులు పోటెత్తుతారు. శనివారం పూర్తిగా, ఆదివారం మధ్యాహ్నం వరకు ఈఓ అన్నవరం దేవస్థానంలో ఉండకపోవడం సమస్యగా మారింది. అయితే ఈవో లేని రోజుల్లో మిగిలిన ఉద్యోగుల పర్యవేక్షణ ఉండడం లేదనే విమర్శలు వస్తున్నాయి.

గోపాలపట్నం: విశాఖ నగరంలో చైన్‌ స్నాచింగ్‌లకు పాల్పడుతున్న అంతర్రాష్ట్ర ముఠాను ఎయిర్‌పోర్టు క్రైమ్‌ పోలీసులు అరెస్టు చేశారు. ఎయిర్‌పోర్టు క్రైమ్‌ పోలీస్‌ స్టేషన్‌లో గురువారం నిర్వహించిన విలేకర్ల సమావేశంలో క్రైమ్‌ ఏసీపీ ఎ.వెంకటరావు, వెస్ట్‌ సబ్‌ డివిజన్‌ క్రైమ్‌ సీఐ తిరుమలరావు ఈ వివరాలు వెల్లడించారు. వారి కథనం ప్రకారం.. నగరంలోని మురళీనగర్‌, మాధవధార ప్రాంతాల్లో ఆగస్టు 17న ఇందన సుశీల, ఉషారాణిల మెడలో బంగారు గొలుసులు, పుస్తెలతాళ్లు అపహరించిన ఘటనలపై పోలీసులు కేసులు నమోదు చేసి, దర్యాప్తు చేపట్టారు. సీసీ కెమెరా ఫుటేజీలు, సాంకేతిక ఆధారాలతో నిందితులను గుర్తించిన పోలీసులు ఎస్సై కె.రవికిషోర్‌ ఆధ్వర్యాన ఆరు ప్రత్యేక బృందాలతో గాలింపు చేపట్టి, అరెస్టు చేశారు. ప్రధాన నిందితుడు మహేంద్ర సింగ్‌ ర్యాపిడో బైక్‌ రైడర్‌గా పని చేస్తూ మధురవాడ వద్ద చంద్రంపాలెంలో నివసిస్తున్నాడు. రాజస్థాన్‌లోని పాగౌర్‌ జిల్లా పంచవటి గ్రామానికి చెందిన అతడిపై ఆంధ్రప్రదేశ్‌, తెలంగాణ రాష్ట్రాల్లో సుమారు 40 చైన్‌ స్నాచింగ్‌ కేసులున్నాయి. 2012–15 మధ్య హైదరాబాద్‌ జీడిమెట్ల, కూకట్‌పల్లి, కేపీహెచ్‌బీ కాలనీ, బాలానగర్‌, సనత్‌నగర్‌, బహీర్‌బాద్‌, మియాపూర్‌, అల్వాల్‌, 2024లో బాచుపల్లి, జగద్గిరిగుట్ట, అంధ్రప్రదేశ్‌లోని చేబ్రోలు ప్రాంతాల్లో చైన్‌ స్నాచింగ్‌లకు పాల్పడ్డాడు. 2025–26 మధ్య రాజమహేంద్రవరం ప్రకాష్‌ నగర్‌లో 2, శ్రీకాకుళం 2, ఖాజీపేట 2, అనకాపల్లి 2, కాకినాడ సర్పవరం 2, నెల్లూరు బాలాజీనగర్‌ 2, విశాఖలో 2 చోట్ల దొంగతనాలకు పాల్పడ్డాడు. దొంగిలించిన బంగారాన్ని కొమ్మాది జంక్షన్‌కు చెందిన మండ్రు లతా రత్నాకర్‌ సహకారంతో అనకాపల్లి గోల్డ్‌ మార్కెట్‌లో విక్రయించేవాడు. నిందితుల నుంచి 65 గ్రాముల బంగారం, రూ.5.55 లక్షల నగదును పోలీసులు స్వాధీనం చేసుకున్నారు. నిందితులను రిమాండ్‌కు తరలించారు. రాత్రి వేళ ఒంటరిగా ప్రయాణించేటప్పుడు విలువైన ఆభరణాలు ధరించవద్దని, అనుమానాస్పద వ్యక్తులు కనిపించినా, దాడి చేసినా వెంటనే 112కు లేదా సమీప పోలీస్‌ స్టేషన్‌కు సమాచారం ఇవ్వాలని పోలీసులు సూచించారు.

● విద్యుత్‌ వైర్లకు తగిలిన బరకం ● షాక్‌తో యువకుడి మృతి ● మరో ఇద్దరికి తీవ్ర గాయాలు ● బి.దొడ్డవరంలో ఘటన మామిడికుదురు: గణేష్‌ నిమజ్జనం సందర్భంగా బి.దొడ్డవరం గ్రామంలో అపశ్రుతి చోటు చేసుకుంది. ఈ సంఘటనకు సంబంధించి స్థానికులు, నగరం ఎస్సై ఎ.పద్మారావు బుధవారం తెలిపిన వివరాలివీ.. గ్రామం ఎంట్రన్స్‌లో ఉన్న వినాయకుని ఆలయం వద్ద ఏర్పాటు చేసిన వినాయకుని విగ్రహం నిమజ్జనం ఊరేగింపును బుధవారం ఘనంగా ఏర్పాటు చేశారు. విగ్రహాన్ని నిమజ్జనం చేసి, భక్తులు ట్రాక్టర్‌పై రాత్రి తిరిగి వస్తున్నారు. గ్రామంలోని ఆంజనేయస్వామి ఆలయం సమీపానికి వచ్చేసరికి ఆ ట్రాక్టర్‌లోని డీజే బాక్సులపై వేసిన బరకం గాలికి ఎగిరి 11 కేవీ విద్యుత్‌ తీగలకు తాకింది. దీంతో, ఒక్కసారిగా మంటలు చెలరేగాయి. ట్రాక్టర్‌ టైర్లకు సైతం మంటలు వ్యాపించాయి. దానిపై ఉన్న ముమ్మిడివరం మండలం అయినాపురానికి చెందిన ఇళ్ల సాయిచందు (25), అల్లవరం మండలం తూర్పులంకకు చెందిన బడుగు దుర్గాప్రసాద్‌, పంపాని వీర సాయి శంకర్‌ ఒక్కసారిగా విద్యుత్‌ షాక్‌కు గురై, కిందకు దూకేశార. తీవ్రంగా గాయపడిన ఈ ముగ్గురినీ అమలాపురంలోని ఓ ప్రైవేటు ఆస్పత్రికి తరలించారు. అక్కడ చికిత్స పొందుతూ సాయిచందు మృతి చెందాడు. మరో బాధితుడు దుర్గాప్రసాద్‌ పరిస్థితి ఆందోళనకరంగా ఉండటంతో మెరుగైన వైద్యం కోసం కాకినాడలోని ప్రైవేటు ఆస్పత్రికి తరలించారు. మృతుడు సాయిచందు తండ్రి శ్రీనివాసరావు ఫిర్యాదు మేరకు ఈ సంఘటనపై పోలీసులు కేసు నమోదు చేశారు. అవివాహితుడైన సాయిచందు మృతితో అతడి కుటుంబ సభ్యులు కన్నీరుమున్నీరుగా విలపించారు. చేతికి అంది వచ్చిన కొడుకు దూరమయ్యాడని పెద్ద పెట్టున రోదించారు.

● పోలీసు వాహనం కూడా ధ్వంసం ● రాంగ్‌ రూట్‌లో అతి వేగంగా డ్రైవింగ్‌ ● కటకటాల్లోకి నిందితుడు అమలాపురం టౌన్‌: నైట్‌ పెట్రోలింగ్‌ విధులు నిర్వహిస్తున్న ఓ ఎస్సై పైకే ఓ ప్రబుద్ధుడు కారుతో దూసుకెళ్లాడు. వివరాలివీ.. స్థానిక కొంకాపల్లికి చెందిన చల్లా ఫణికుమార్‌ (ఫణి) తన కారు(ఏపీ 04 ఆర్‌ 1111)తో అమలాపురం ఆర్టీసీ బస్‌ స్టేషన్‌ రోడ్డులో బుధవారం అర్ధరాత్రి రాంగ్‌ రూట్‌లో, అతి వేగంగా దూసుకొస్తున్నాడు. ఆ సమయంలో అక్కడ పట్టణ ఎస్సై ఎన్‌ఆర్‌ కిషోర్‌బాబు నైట్‌ పెట్రోలింగ్‌లో ఉన్నారు. ఫణి తన కారు నిర్లక్ష్యంగా నడుపుతూ ఆయన పైకి దూసుకొచ్చి ఢీకొట్టాడు. అక్కడితో ఆగకుండా అక్కడే ఆగి ఉన్న పోలీసు వాహనాన్ని కూడా ఢీకొని, అక్కడి నుంచి పరారయ్యాడు. అతడి కారు చక్రం మీద నుంచి దూసుకుపోవడంతో ఎస్సై కిషోర్‌బాబు ఎడమ పాదానికి తీవ్ర గాయమైంది. ఆయనను పోలీసు సిబ్బంది తక్షణం ఆస్పత్రికి తరలించారు. మరికొంత మంది పోలీసులు ఫణి కారును వెంబడించి, అతడిని పట్టుకునేందుకు ప్రయత్నించారు. ఈ క్రమంలో ఫణి ఈదరపల్లి గ్రామం మీదుగా ఉన్న కొంకాపల్లి బైపాస్‌ రోడ్డులో కలెక్టర్‌ బంగ్లాకు వెళ్లే రోడ్డు వద్ద కారుతో పొదల్లోకి దూసుకుపోయాడు. అనంతరం, ఆ కారును అక్కడే వదిలేసి పరారయ్యాడు. ప్రభుత్వ అధికారిని గాయపరచడంతో పాటు పోలీసు వాహనంపై దాడికి విఫలయత్నం చేసిన ఫణి ఆచూకీ కోసం పోలీసులు గాలించి, గురువారం ఉదయం పట్టుకున్నారు. అతడిపై కేసు నమోదు చేసి, అరెస్టు చేసినట్లు పట్టణ సీఐ పి.వీరబాబు తెలిపారు. నిందితుడిని కోర్టులో హాజరు పరిచి, కేసు దర్యాప్తు చేస్తున్నామని చెప్పారు. కారు బీభత్సం కొత్తపేట: స్థానిక సంత మార్కెట్‌ సెంటర్‌లోని వినాయకుడి ఆలయం ఎదురుగా బుధవారం తెల్లవారుజామున సుమారు 4 గంటల సమయంలో ఓ కారు అదుపు తప్పి బీభత్సం సృష్టించింది. ఒక్కసారిగా షాపుల వైపు దూసుకొచ్చి, మెట్లను, అక్కడే ఉన్న ఐరన్‌ స్టాండ్లను ధ్వంసం చేసింది. కారు కూడా నుజ్జయ్యింది. కారులో డ్రైవర్‌తో పాటు మరొకరున్నారు. స్వల్ప గాయాలతో వారు పెను ప్రమాదం నుంచి తప్పించుకున్నారని స్థానికులు తెలిపారు. టైరు పంక్చర్‌ కావడం వల్లే కారు అదుపు తప్పినట్లు డ్రైవర్‌ చెప్పారు. పోలీసుల జోక్యం లేకుండా ఇరు పక్షాలూ రాజీ పడినట్టు సమాచారం.

కొబ్బరి రకం ధర (రూ.) కొత్త కొబ్బరి (క్వింటాల్‌) 16,000 – 17,000 కొత్త కొబ్బరి (రెండో రకం) 15,000 – 16,000 కురిడీ కొబ్బరి (పాతవి) గండేరా (వెయ్యి) 26,500 గటగట (వెయ్యి) 23,500 కురిడీ కొబ్బరి (కొత్తవి) గండేరా (వెయ్యి) 25,500 గటగట (వెయ్యి) 22,500 నీటికాయ పాత (ముక్కుడు) కాయ (వెయ్యి) 21,000 – 22,000 కొత్త (పచ్చి) కాయ (వెయ్యి) 21,000 – 22,000 కొబ్బరి నూనె (15 కిలోలు) 5,000 కిలో 350

వినాయక చవితి పర్వదినం మొదలు తొమ్మిది రోజుల పాటు పూజలందుకున్న గణనాథుడు తిరిగి గంగమ్మ ఒడిని చేరి.. అక్కడి నుంచి తల్లిదండ్రుల చెంతకు పయనమవుతున్నాడు. జిల్లావ్యాప్తంగా వేలాది మండపాల్లో కొలువుదీరి, పూజలందుకున్న గణేశుని నిమజ్జనోత్సవాలను భక్తులు బుధవారం కోలాహలంగా నిర్వహించారు. ఎడతెరిపి లేని వర్షాన్ని సైతం లెక్క చేయకుండా.. బాజాభజంత్రీలు, నృత్యాలు, బాణసంచా కాల్పుల నడుమ భారీ ఊరేగింపులు నిర్వహిస్తూ.. గోదావరి పాయలు, కాలువల్లో ఏకదంతుని విగ్రహాలను నిమజ్జనం చేశారు. – కె.గంగవరం వినాయకుని విగ్రహాన్ని పడవపై తీసుకెళ్లి, గౌతమీ గోదావరిలో నిమజ్జనం చేస్తున్న భక్తులు

వానావరణంతొలిసారి సాధారణం కన్నా అధికంగా.. ఎల్‌నినో ప్రభావంతో నైరుతి రుతుపవనాలు ప్రవేశించిన జూన్‌ నుంచి ఆగస్టు వరకూ మూడు నెలల పాటు లోటు వర్షపాతమే నమోదైంది. ఈ నెలలో మాత్రమే సాధారణం కన్నా అధిక వర్షపాతం నమోదు కావడం విశేషం. ఈ నెలలో వరుసగా ఏర్పడిన రెండు అల్పపీడనాలు వర్షపాతం లోటును కొంత మేర పూడ్చాయి. ఈ నెల 1 నుంచి 23వ తేదీ వరకూ జిల్లా సాధారణ వర్షపాతం 130.1 మిల్లీమీటర్లు కాగా, ఇప్పటి వరకు 161.8 మిల్లీమీటర్లు నమోదు కావడం గమనార్హం. దీని ప్రకారం ఈ నెలలో సాధారణం కన్నా 23.8 శాతం అధిక వర్షపాతం నమోదైంది. అయితే, మొత్తం నైరుతి రుతుపవనాల సీజన్‌ చూస్తే ఇప్పటికీ వర్షపాతం లోటు కొనసాగుతూనే ఉంది. జూన్‌ 1 నుంచి ఈ నెల 23వ తేదీ వరకు జిల్లా సాధారణ వర్షపాతం 714.2 మిల్లీమీటర్లు కాగా, ఇప్పటి వరకు 425 మిల్లీమీటర్లు మాత్రమే (40.5 శాతం లోటు) నమోదైంది.నైరుతి రుతుపవనాల సీజన్‌లో నెలవారీగా వర్షపాతం (మిల్లీమీటర్లలో) నెల సాధారణం కురిసింది లోటు/అధికం (శాతం) జూన్‌ 112.5 57.9 –49 జూలై 240.1 124 –48 ఆగస్టు 231.5 81.3 –65 సెప్టెంబర్‌ 130.1 161.8 +23.8 (23 వరకు)

అల్లవరం: మెగా డీఎస్పీ నియమకాల్లో జరిగిన అక్రమాలు, అవకతవకలను ప్రశ్నిస్తున్న వైఎస్సార్‌ సీపీ శ్రేణులపై కేసులు నమోదు చేసి, రౌడీ షీట్లు ఓపెన్‌ చేయడాన్ని మాజీ ఎంపీ, వైఎస్సార్‌ సీపీ మహిళా విభాగం జోన్‌–2 వర్కింగ్‌ ప్రెసిడెంట్‌ చింతా అనురాధ బుధవారం ఒక ప్రకటనలో తీవ్రంగా ఖండించారు. కూటమి ప్రభుత్వం అఽధికారంలోకి వచ్చినప్పటి నుంచీ ప్రశ్నించే హక్కును కాలరాస్తోందన్నారు. ప్రభుత్వ అవినీతి, అక్రమాలను ప్రశ్నిస్తున్న వారిపై కేసులు నమోదు చేయడం, జైల్లో పెట్టడం పరిపాటిగా మార్చుకున్నారని ధ్వజమెత్తారు. డీఎస్సీలో అక్రమాలను ప్రశ్నిస్తున్న వైఎస్సార్‌ సీపీ శ్రేణుల్లో 51 మందిపై కేసులు నమోదు చేయాలని ప్రభుత్వం ఆదేశాలు ఇవ్వడంపై ఽమండిపడ్డారు. డీఎస్సీ నియమకాల్లో తప్పుల మీద తప్పులు చేసిన కూటమి ప్రభుత్వం, ఆ తప్పులను ప్రశ్నిస్తున్న వారిపై కేసులు పెట్టడం చాలా దారుణమని అన్నారు. డీఎస్సీ నియమకాల్లో పారదర్శకతపై తలెత్తుతున్న ప్రశ్నలకు సమాధానం చెప్పాల్సిన బాధ్యత ప్రభుత్వంపై ఉందన్నారు. విజయవాడ శాప్‌ కార్యాలయం వద్ద జరిగిన నిరసన కార్యక్రమంలో కొంత మందిపై కేసులు పెట్టడం, మరికొందరిపై కఠిన చర్యలకు పాల్పడడం ద్వారా అసలు సమస్యను ప్రభుత్వం పక్కదారి పట్టించేందుకు ప్రయత్నిస్తోందని అన్నారు. ప్రజా సమస్యలపై ప్రశ్నించిండం, నిరసన తెలపడం రాజ్యాంగం కల్పించిన హక్కు అని, దీనిని కాలరాస్తే సహించేది లేదని హెచ్చరించారు. పోలీసులు అధికార పార్టీకి వంత పాడటం మానుకోవాలని హితవు పలికారు. ఎల్లకాలం కూటమి ప్రభుత్వం అధికారంలో ఉండదన్న విషయాన్ని గుర్తుంచుకోవాలని అనురాధ అన్నారు.

● వానలో తడుస్తూ జలదీక్ష ● సమస్యలు పరిష్కరించాలని డిమాండ్‌కొత్తపేట/అంబాజీపేట/పి.గన్నవరం/ఆలమూరు: పేస్కేల్‌ అమలు చేయాలని, నామినీలుగా పని చేస్తున్న వారిని వీఆర్‌ఏలుగా నియమించాలనే పలు డిమాండ్లతో గ్రామ రెవెన్యూ సహాయకులు (వీఆర్‌ఏ) చేపట్టిన నిరవధిక సమ్మె ఎనిమిదో రోజుకు చేరింది. ఏడు రోజుల పాటు పలు రకాలుగా నిరసనలు తెలిపిన వారు బుధవారం వినూత్నంగా జలదీక్ష నిర్వహించారు. ఎడతెరిపి లేకుండా కురుస్తున్న వానలో తడుస్తూనే వారు జలదీక్ష ద్వారా నిరసన తెలిపారు. ● కొత్తపేట మండల వీఆర్‌ఏలు స్థానిక పాత రామాలయం వీధి రోడ్డు చివరన బొబ్బర్లంక – ముక్తేశ్వరం కాలువలో ఈ కార్యక్రమం నిర్వహించారు. ఈ సందర్భంగా వీఆర్‌ఏల సంఘం జిల్లా నాయకుడు పిల్లంగోరు బాలు మాట్లాడుతూ, రాష్ట్రవ్యాప్తంగా సుమారు 20 వేల మందికి పైగా వీఆర్‌ఏలు పని చేస్తున్నారని, తమకు రూ.10,500 వేతనం మాత్రమే ఇస్తూండటంతో కుటుంబ పోషణకు ఇబ్బందిగా ఉందని తెలిపారు. విధుల్లో మరణించిన వారి కుటుంబాల్లో అర్హులకు కారుణ్య నియామకాలు చేపట్టాలని, రీసర్వే, ఎన్నికల విధులు, భూమి శిస్తు వసూళ్లు, వాచ్‌మన్‌ విధులు తదితర అదనపు బాధ్యతల నుంచి మినహాయింపు ఇవ్వాలని డిమాండ్‌ చేశారు. కార్యక్రమంలో సంఘం మండల అధ్యక్షుడు కె.భీమశంకరం, కోశాధికారి ఎస్‌.నాగభూషణం తదితరులు పాల్గొన్నారు. ● అంబాజీపేట మండల వీఆర్‌ఏలు బీవీ సత్యనారాయణ, సీహెచ్‌ నాగేశ్వరరావు, జి.రామకృష్ణ, ఎం.భాస్కరరావులు మొసలపల్లి ప్రధాన పంట కాలువలో అర్ధనగ్న ప్రదర్శన చేపట్టారు. జీవితాల్లో ఎదుగుదల లేక తీవ్ర అవస్థలు ఎదుర్కొంటున్నామని ఆవేదన వ్యక్తం చేశారు. అర్హత కలిగిన వీఆర్‌ఏలకు ప్రమోషన్లు ఇవ్వాలని, వీఆర్‌ఓ, అటెండర్‌, నైట్‌ వాచ్‌మన్‌ పదోన్నతి కోటాను 30 నుంచి 70 శాతానికి పెంచాలని డిమాండ్‌ చేశారు. ● పి.గన్నవరం మండలానికి చెందిన వీఆర్‌ఏలు వైనతేయ గోదావరి నదీపాయలో జలదీక్ష నిర్వహించారు. వీఆర్‌ఏల సంఘం కొత్తపేట డివిజన్‌ అధ్యక్షుడు గోగన్నమఠం ఆంజనేయులు, గౌరవాధ్యక్షుడు కుంపట్ల రామకృష్ణ, మండల వీఆర్‌ఏల సంఘ అధ్యక్షుడు ఆకుమర్తి శ్రీకృష్ణ శ్రీనివాసరావు, కార్యదర్శి యార్లగడ్డ మహాలక్ష్మి, ఉపాధ్యక్షుడు పల్లేరు చిట్టి వెంకన్న తదితరులు పాల్గొన్నారు. ● వీఆర్‌ఏల సంఘం ఆలమూరు మండల అధ్యక్షుడు తాతపూడి ఇస్సాక్‌ ఆధ్వర్యాన స్థానిక కోరంగి పెద్ద పంట కాలువలో వీఆర్‌ఏలు అర్ధనగ్నంగా జలదీక్ష చేపట్టారు. తెలంగాణ ప్రభుత్వం అమలు చేస్తున్న పే స్కేల్‌ ఇవ్వాలని డిమాండ్‌ చేశారు. సంఘం మండల కార్యదర్శి కె.శివరామారావు, ఉపాధ్యక్షుడు భువనగిరి ఏసు, సలహాదారు వి.నాగేశ్వరరావు తదితరులు ఈ దీక్షలో పాల్గొన్నారు.

● పలువురికి తీవ్ర గాయాలు ● గణేశ నిమజ్జనం ఊరేగింపులో ఘటనఅంబాజీపేట: గణేష్‌ నిమజ్జనం ఊరేగింపు సందర్భంగా అంబాజీపేటలో రెండు సామాజిక వర్గాల మధ్య ఘర్షణ చోటు చేసుకుంది. స్థానికుల కథనం ప్రకారం.. గంగలకుర్రు గుంటమామిడి తోటకు చెందిన ఒక సామాజిక వర్గానికి చెందిన గణేశ ఉత్సవ కమిటీ సభ్యులు నిమజ్జన కార్యక్రమంలో భాగంగా బుధవారం రాత్రి ఊరేగింపు నిర్వహించారు. అదే సమయంలో గుంటమామిడితోట నుంచి మరో సామాజిక వర్గం వారు రావులమ్మ ఆలయం మీదుగా ఊరేగింపుగా వెళ్తుతున్నారు. ఆ సమయంలో ఆలయం వద్ద గణపతి పూజలు నిర్వహిస్తున్న గంగలకుర్రు గుంటమామిడి తోటకు చెందిన వారు వైఎస్సార్‌ సీపీ జెండాలను చూసి అక్కడి నుంచి ఊరేగింపును ముందుకు తీసుకెళ్లాలని చెప్పారు. దీంతో, ఇరు వర్గాల మధ్య మాటామాటా పెరిగి కొట్లాటకు దారి తీసింది. దీంతో, ఓ సామాజిక వర్గానికి చెందిన నాగేశ్వరరావు, వాసు, హరికృష్ణ, ఆనంద్‌ శ్రీధర్‌, రాము, మణికుమార్‌, రమేష్‌లకు తీవ్రగాయాలయ్యాయి. వీరితో పాటు మరో సామాజిక వర్గానికి చెందిన నరసింహమూర్తి, లక్ష్మీనారాయణ, మల్లికార్జునరావు, వరప్రసాద్‌, సతీష్‌, బాలసుబ్రమణ్యాలకు కూడా తీవ్ర గాయాలవడంతో ఆసుపత్రికి తరలించారు. సంఘటన స్థలానికి పి.గన్నవరం సీఐ రుద్రరాజు భీమరాజు, అంబాజీపేట ఎస్సై షేక్‌ సుభానీ చేరుకున్నారు. సంఘటన స్థలాన్ని పరిశీలించి, కేసు నమోదు చేసినట్లు ఎస్సై సుభాని తెలిపారు.

మామిడికుదురు: అప్పనపల్లి శ్రీ బాల బాలాజీ స్వామి వారి మాస కల్యాణాన్ని బుధవారం అత్యంత వైభవంగా నిర్వహించారు. వేద మంత్రాలు, మంగళ వాయిద్యాలు, భక్తుల కోలాహలం నడుమ ఈ ఉత్సవం అత్యంత వేడుకగా జరిగింది. స్వామి వారి జన్మనక్షత్రం శ్రవణం కావడంతో ఆలయంలో ఉదయం నుంచే ప్రత్యేక పూజలు నిర్వహించారు. అధిక సంఖ్యలో తరలి వచ్చిన భక్తుల గోవింద నామస్మరణతో ఆలయ ప్రాంగణం మార్మోగింది. కల్యాణోత్సవాన్ని ఈఓ ఎం.రాంబాబురెడ్డి పర్యవేక్షించారు. భారతీయ సంస్కృతికి మూలస్తంభాలు వేదాలు అమలాపురం టౌన్‌: భారతీయ సంస్కృతికి నాలు గు వేదాలు మూల స్తంభాలని ఘనపాఠులు అన్నారు. అమలాపురం సత్యసాయి కల్యాణ మండపంలో బుధవారం జరిగిన 64వ కోనసీమ వేద శాస్త్ర సన్మాన సభలో వారు ఉపన్యసించారు. సభకు అధ్యక్షత వహించిన దువ్వూరి ఫణి యజ్ఞేశ్వర సోమయాజులు ఘనపాఠి మాట్లాడుతూ, అనంతమైన జ్ఞానాన్ని వ్యాస మహర్షి రుగ్వేదం, యజుర్వేదం, సామవేదం, అధర్వణ వేదాలుగా విభజించారని చెప్పారు. శృంగేరి ఆస్థాన విద్వాంసుడు విశ్వనాథ గోపాలకృష్ణశాస్త్రి వేద సభ విశిష్టత గురించి వివరించారు. ప్రవా రామకృష్ణ సోమయాజి వైదిక ధర్మం – విశ్వ మానవ శ్రేయ స్సు అనే అంశంపై ప్రసంగించారు. టీటీడీ పాలక మండలి సభ్యుడు విష్ణుభట్ల నాగ శంకర వేంకట లక్ష్మీనారాయణ ఘనపాఠి వైదిక వాఙ్మయం విశిష్టతను విశ్లేషించారు. తంగిరాల సుబ్రహ్మణ్య సో మయాజులు అధర్వణ వేదం, యజుర్వేద క్రమంపై అనుగ్రహ భాషణం చేశారు. వడ్లమాని సుబ్రహ్మణ్య ఘనపాఠి వేద రక్షణ ఆవశ్యకతను వివరించారు. గుళ్లపల్లి సీతారామ శ్రీహర ఘనపాఠి వేద విద్యార్థులకు వేదాధ్యయనం గురించి చెప్పారు. ఉభయ తెలుగు రాష్ట్రాల నుంచి దాదాపు 200 మంది వేద పండితులు ఈ వేద సభకు హాజరయ్యారు. కడియాల వేంకట సత్య సీతారామ ఘనపాఠి ఆధ్వర్యాన ఒకేసారి 200 మంది వేద పండితులు ఏకకంఠంతో చెప్పిన వేదస్వస్తితో అమలాపురం పట్టణం పులకించింది. అనంతరం వేద పండితులను సత్కరించారు. శ్రీ కోనసీమ వేద శాస్త్ర సన్మాన సభ సంస్థ అధ్యక్ష కార్యదర్శులు గుళ్లపల్లి ప్రభాకర ఫణి రాజా, గుళ్లపల్లి వెంకట్రామ్‌ ఆధ్వర్యంలో ఈ కార్యక్రమం జరిగింది. జనగణన హౌస్‌ లిస్టింగ్‌ ప్రక్రియ నూరు శాతం పూర్తి అమలాపురం రూరల్‌: జనగణనలో భాగంగా మొదటి దశలో హౌస్‌ లిస్టింగ్‌ ప్రక్రియ జిల్లాలో నూరు శాతం పూర్తి చేశామని జిల్లా రెవెన్యూ అధి కారి (డీఆర్‌ఓ) వి.సుబ్బారావు తెలిపారు. అమరావతిలోని రాష్ట్ర సచివాలయం నుంచి జనగణన డైరెక్టర్‌ జె.నివాస్‌ అన్ని జిల్లాల కలెక్టర్లు, జాయింట్‌ కలెక్టర్లతో బుధవారం నిర్వహించిన వీడియో కాన్ఫరెన్స్‌లో కలెక్టరేట్‌ నుంచి ఆయన పాల్గొన్నారు. మొత్తం జనగణన ప్రక్రియలో డేటా నాణ్యత కచ్చితత్వానికి ప్రాధాన్యం ఇవ్వాలని చెప్పారు. సమావేశంలో సెన్సస్‌ జిల్లా ఇన్‌చార్జి తరుణ్‌ తదితరులు పాల్గొన్నారు. దోపిడీ కేసులో ఇద్దరికి మూడేళ్ల జైలు కొత్తపేట: దోపిడీ కేసులో ఇద్దరు నిందితులకు మూడేళ్ల జైలుశిక్ష విధిస్తూ అమలాపురం రెండో అదనపు జిల్లా సెషన్స్‌ జడ్జి జి.చంద్రమౌళీశ్వరి బుధవారం తీర్పు చెప్పారు. పోలీసుల కథనం ప్రకారం.. వానపల్లికి చెందిన కుక్కునూరి సూరిబాబుపై 2013 ఫిబ్రవరి 3వ తేదీ అర్ధరాత్రి ముగ్గురు వ్యక్తులు కత్తితో దాడి చేసి, సెల్‌ఫోన్‌, రూ.6 వేల నగదు దోచుకెళ్లారు. అయినవిల్లి మండలం నేదునూరుకు చెందిన సానబోయిన ప్రసా ద్‌, అంబాజీపేటకు చెందిన ఖండవల్లి సూరిబా బు, కాగిత శ్రీనులను నిందితులుగా పోలీసులు గుర్తించారు. ఈ కేసు అప్పీల్‌ సమయంలో కాగిత శ్రీను అనారోగ్యంతో మృతి చెందాడు. విచారణ అనంతరం మిగిలిన ఇద్దరు నిందితులకు మూడేళ్ల చొప్పున జైలుశిక్ష విధిస్తూ న్యాయమూర్తి తీర్పు చెప్పారు. ఎస్పీ రాహుల్‌ మీనా, కొత్తపేట డీఎస్పీ సుంకర మురళీమోహన్‌ పర్యవేక్షణలో రావులపాలెం రూరల్‌ సీఐ సీహెచ్‌ విద్యాసాగర్‌, కొత్తపేట ఎస్సై జి.సురేంద్ర, కోర్టు హెడ్‌ కానిస్టేబుల్‌ జి.ప్రభాకరరావులు సాక్షులను సమర్థవంతంగా కోర్టులో ప్రవేశపెట్టారు. అడిషనల్‌ పీపీ అడపా ప్రసాద్‌ ప్రాసిక్యూషన్‌ నిర్వహించారు.

నిర్మించిన నెల రోజులకే దిగిపోయిన ఈదరపల్లి – ముక్కామల రోడ్డుఅమలాపురం రూరల్‌: ఈదరపల్లి – ముక్కామల మధ్య బైపాస్‌ రోడ్డు అవినీతి బీటలు తీసింది. ఆధునికీకరించిన నెల రోజులకే ఈ రోడ్డు కుంగిపోయింది. జూలై నెలలో కోట్లాది రూపాయల ఖర్చుతో పంట కాలువ వైపు రక్షణ గోడ నిర్మించారు. పాలగుమ్మి, నడిపూడి, మొసలపల్లి, నేదునూరు, పెద్దపాలెం, ముక్కామల ప్రాంతాల్లో కాలువకు రివిట్‌మెంట్‌ నిర్మించారు. కొత్తగా బీటీ రోడ్డు వేశారు. అప్పట్లో నెల రోజుల పాటు పంట కాలవకు నీరు నిలిపి వేసి మరీ ఈ పనులు చేశారు. నీరు నిలిపివేయడంపై జల వనరుల శాఖ మంత్రి నిమ్మల రామానాయుడు సంబంధిత కాంట్రాక్టర్‌పై మండిపడి, కేసు కూడా నమోదు చేయించారు. అనంతరం, గత ఆగస్టు నెలలో రోడ్డు పనులు మొక్కుబడిగా చేసి, మమ అనిపించారు. నెల రోజులు కూడా పూర్తి కాకుండానే ఈ రోడ్డు కుంగిపోయి ప్రమాదకరంగా తయారైంది. దీనిపై వాహనదారులు మండిపడుతున్నారు. తక్షణమే ఈ రోడ్డుకు మరమ్మతులు చేయాలని అధికారులను డిమాండ్‌ చేస్తున్నారు.

అమలాపురం రూరల్‌: జిల్లాలోని ఎనిమిది మండలాల పరిధిలో మాత్రమే వరి సాగుపై కరవు ప్రభావం కొంత మేరకు ఉందని కలెక్టర్‌ ఆర్‌.మహేష్‌ కుమార్‌ తెలిపారు. జిల్లాలో పంటల సాగు విస్తీర్ణం, భూగర్భ జలాల పరిస్థితి, సాగునీటి వనరులు, వర్షపాతం తదితర అంశాలపై కలెక్టరేట్‌లో మంగళవారం నిర్వహించిన సమీక్షలో ఆయన మాట్లాడారు. జిల్లాలోని అన్ని మండలాల సాధారణ గణాంకాల ఆధారంగా కొన్ని ప్రాంతాల్లో కరవు పరిస్థితులు నమోదవుతున్నట్లు కనిపిస్తున్నప్పటికీ, క్షేత్ర స్థాయి నిజ నిర్ధారణ సూచికల ఆధారంగా వరి పంటపై ప్రస్తుతం గణనీయమైన కరవు ప్రభావం లేదని చెప్పారు. వరి సాగు పరిస్థితులు, పంటపై వర్షాభావ ప్రభావం తదితర అంశాలను క్షేత్ర స్థాయి వాస్తవ పరిస్థితులకు అనుగుణంగా పరిశీలించాలని అధికారులను ఆదేశించారు. ఆ గణాంకాల ఆధారంగా ముందస్తు ప్రణాళికలు రూపొందించుకోవాలన్నారు. లోటు వర్షపాతం నేపథ్యంలో పశుగ్రాసం, పశు పోషణకు సంబంధించిన పరిస్థితులను నిరంతరం పర్యవేక్షిస్తున్నామని అధికారులు కలెక్టర్‌కు వివరించారు. ప్రస్తుత భారీ వర్షాల కారణంగా పంటలు, ఆస్తులకు నష్టం వాటిల్లకుండా ప్రత్యేక చర్యలు చేపట్టాలని కలెక్టర్‌ ఆదేశించారు. సమావేశంలో జిల్లా రెవెన్యూ అధికారి వి.సుబ్బారావు, జిల్లా ముఖ్య ప్రణాళిక అధికారి ఎం.మురళీకృష్ణ, జిల్లా పశు సంవర్ధక, వ్యవసాయ, మత్స్యశాఖల అధికారులు బి.నాగేశ్వరరావు, ఎం.వెంకట రామారావు, ఎ.కరుణాకరరావు తదితరులు పాల్గొన్నారు. క్షేత్ర స్థాయికి వెళ్తేనే పీజీఆర్‌ఎస్‌ సమస్యలు పరిష్కారం అమలాపురం రూరల్‌: ప్రజా సమస్యల పరిష్కార వేదిక(పీజీఆర్‌ఎస్‌)లో వస్తున్న సమస్యలు క్షేత్ర స్థాయిలో పర్యటిస్తేనే పరిష్కారమవుతాయని డివిజన్‌, మండల స్థాయి అధికారులకు కలెక్టర్‌ మహేష్‌ కుమార్‌ దిశానిర్దేశం చేశారు. ప్రభుత్వ ప్రధాన కార్యదర్శి సాయి ప్రసాద్‌, భూ ప్రధాన పరిపాలన అధికారి జయలక్ష్మి రాష్ట్ర సచివాలయం నుంచి అన్ని జిల్లాల కలెక్టర్లు, జాయింట్‌ కలెక్టర్లతో మంగళవారం నిర్వహించిన వీడియో కాన్ఫరెన్స్‌లో ఆయన పాల్గొన్నారు. అనంతరం అధికారులతో మాట్లాడుతూ, 22–ఎ నిషేధిత భూముల రీ సర్వే పనులు వేగవంతం చేసి, పరిష్కారానికి చర్యలు తీసుకోవాలని ఆదేశించారు. మడ అడవుల భూముల రీ సర్వే పనులు కూడా వేగవంతం చేయాలని ఆదేశించారు.

మలికిపురం: కోనసీమ, పశ్చిమ గోదావరి జిల్లాల ప్రజల చిరకాల కలల వారధికి టెండర్ల ప్రక్రియ ముగిసినా, అనుమానాల నీలినీడలు మాత్రం వీడటం లేదు. వశిష్ట గోదావరి నదిపై సఖినేటిపల్లి – నర్సాపురం మధ్య వంతెన నిర్మించాలనేది శతాబ్దానికి పైబడిన స్వప్నం. ఇక్కడ వంతెన లేకపోవడంతో ప్రతి రోజూ సుమారు 20 వేల మంది ప్రజలు ప్రమాదకర పరిస్థితుల్లో పడవలు, పంట్లపై గోదావరి దాటుతూ రాకపోకలు సాగిస్తున్నారు. పలువురు విద్యార్థులు సైతం తమ చదువుల కోసం రోజూ నర్సాపురం వెళ్లి వస్తూంటారు. ఇక్కడ వంతెన నిర్మిస్తే ఈ విద్యార్థులతో పాటు బాపట్ల జిల్లా రేపల్లె నుంచి కృష్ణా జిల్లా మచిలీపట్నం, పశ్చిమ గోదావరి జిల్లా నర్సాపురం, కోనసీమ జిల్లాలోని సఖినేటిపల్లి, ఓడలరేవు, యానాం మీదుగా కాకినాడ వరకూ తీర ప్రాంత ప్రజలకు రాకపోకలు ఎంతో సులభతరమవుతాయి. 1910 నుంచే.. సఖినేటిపల్లి – నర్సాపురం వంతెన నిర్మాణానికి 1910లో అప్పటి బ్రిటిష్‌ ప్రభుత్వం రూ.70 వేలు మంజూరు చేసింది. దేశానికి స్వాతంత్య్రం వచ్చిన తరువాత 1970లో అప్పటి కేంద్ర మంత్రి బ్రహ్మదత్‌, 1985లో అప్పటి ముఖ్యమంత్రి ఎన్‌టీ రామారావు మరోసారి శంకుస్థాపన చేశారు. అయినప్పటికీ ఈ మూడు విడతల్లోనూ వంతెన నిర్మాణం సాకారం కాలేదు. 2004 ఎన్నికల్లో అప్పటి సీఎం చంద్రబాబు నాయుడు ఫ్లోటింగ్‌ బ్రిడ్జి పేరుతో శంకుస్థాపన చేశారు. అది కూడా మరుగున పడింది. వైఎస్‌ రాజశేఖరరెడ్డి ముఖ్యమంత్రిగా ఉన్న సమయంలో 2008లో ఈ వంతెనకు శంకుస్థాపన చేశారు. నిధుల కొరత ఉన్నప్పటికీ పలు విధానాల్లో వంతెన నిర్మాణం పూర్తి చేసేందుకు కృషి చేశారు. అంతలోనే వైఎస్‌ హఠాణ్మరణం చెందడంతో ఆయన రూపొందించిన కార్యాచరణను కొన్ని శక్తులు తరువాతి కాలంలో అడ్డుకున్నాయి. జగన్‌ చొరవతో.. ఇక్కడి ప్రజల చిరకాల ఆకాంక్షను గమనించిన గత ముఖ్యమంత్రి వైఎస్‌ జగన్‌మోహన్‌రెడ్డి 2021లో ఈ వంతెన డిజైన్‌లో స్వల్ప మార్పులు చేశారు. 216 జాతీయ రహదారికి అనుసంధానం చేస్తూ.. వశిష్ట నదిపై అప్రోచ్‌కు ఇబ్బందులు లేకుండా సఖినేటిపల్లి – నర్సాపురం బదులు.. కాస్త దూరంగా రామేశ్వరం – రాజుల్లంక మధ్య కేంద్ర ప్రభుత్వం సహకారంతో రూ.400 కోట్ల అంచనాతో వంతెన మంజూరు చేయించారు. వంతెన, రోడ్డు నిర్మాణానికి అవసరమైన భూసేకరణ కోసం తొలి విడతగా రూ.65 కోట్లు కూడా విడుదల చేశారు. ఉభయ జిల్లాల్లో 38 హెక్టార్ల భూమి సేకరించారు. నగదు చెల్లింపులు కూడా దాదాపు పూర్తయ్యాయి. అయితే, గుడిమెళ్లంకలోని ప్రధాన పంట కాలువపై ఫ్లై ఓవర్‌ నిర్మాణం జరిగే చోటు మార్చాలంటూ కూటమి సానుభూతిపరులు కోర్టుకు వెళ్లారు. దీంతో, అప్పట్లో వైఎస్‌ జగన్‌ చేయాల్సిన భూమిపూజ రెండుసార్లు వాయిదా పడింది. నిర్మాణం ఇలా.. మలికిపురం మండలం దిండి వద్ద జాతీయ రహదారి నుంచి బైపాస్‌ మార్గం ప్రారంభమవుతుంది. రామరాజులంక, పెదతిప్ప, గుడిమెళ్లంక, మలికిపురం, సఖినేటిపల్లి మండలం టేకిశెట్టిపాలెం అంతర్వేదిపాలెం, సఖినేటిపల్లి, రామేశ్వరం మీదుగా గోదావరి నది దాటి పశ్చిమ గోదావరి జిల్లాలోకి ఈ రోడ్డు ప్రవేశిస్తుంది. అక్కడి నుంచి రాజుల్లంక, పీచుపాలెం మీదుగా సీతారామపురం వద్ద జాతీయ రహదారి 216కు అనుసంధానంమయ్యేలా ఈ వంతెన, రోడ్డు డిజైన్‌ రూపొందించారు. మొత్తం రోడ్డు పొడవు 23.2 కిలోమీటర్లు కాగా ఇందులో రాజుల్లంక – రామేశ్వరం మధ్య గోదావరి నదిపై 1,100 మీటర్ల మేర వంతెన నిర్మిస్తారు. అంచనాలు రూ.600 కోట్లకు.. ఈ ప్రాజెక్టు తాజా అంచనాలు సుమారు రూ.600 కోట్లకు చేరాయి. ఈ వంతెన, రోడ్డు నిర్మాణానికి టెండర్లు పిలిచారు. స్కైలార్‌ ఇన్‌ఫ్రా రూ.334 కోట్లకు, వల్లభనేని కన్‌స్ట్రక్షన్‌ రూ.576 కోట్లకు, నితిన్‌ సాయి కన్‌స్ట్రక్షన్స్‌ రూ.507 కోట్లకు, రాజస్థాన్‌కు చెందిన బీఆర్‌కే సంస్థ రూ.299 కోట్లకు టెండర్లు దాఖలు చేశాయి. నిబంధనల ప్రకారం అతి తక్కువగా రూ.299 కోట్లకు టెండర్‌ వేసిన బీఆర్‌కే సంస్థకు టెండరు ఖరారైంది. దీనికి సంబంధించిన తుది ప్రక్రియ ఇంకా పూర్తి కావాల్సి ఉంది. ఫ సఖినేటిపల్లి – నర్సాపురం వంతెనకు టెండరు ఖరారు ఫ అంచనా సుమారు రూ.600 కోట్లు ఫ రూ.299 కోట్లకే దక్కించుకున్న రాజస్థాన్‌ సంస్థ ఫ వ్యయం సగానికి సగం కుదింపు ఫ ఇంత తక్కువ సొమ్ముతో బైపాస్‌ కం వంతెన పనులు సాధ్యమేనా! ఫ నిర్మాణంపై ఎన్నో సందేహాలు ఆచరణ సాధ్యమేనా? సాధారణంగా అధికారులు రూపొందించిన అంచనాల కంటే తక్కువకే నిర్మాణ సంస్థలు టెండర్లు దాఖలు చేస్తూంటాయి. ఆధునిక యంత్రాలను ఉపయోగించడంతో పాటు నిర్మాణంలో తక్కువ ఖర్చయ్యే పద్ధతులు అవలంబిస్తాయి. అలాగే, అంచనాల్లోని అనవసరపు ఖర్చులను తగ్గిస్తాయి. తద్వారా తాము పేర్కొన్న వ్యయానికే ఆయా నిర్మాణాలను నాణ్యతా ప్రమాణాలతో పూర్తి చేసేందుకు ఆయా సంస్థలు ప్రణాళికలు రూపొందించుకుంటాయి. అయితే, వ్యయాన్ని ఎంతగా నియంత్రించినప్పటికీ వశిష్ట గోదావరిపై వంతెన, రోడ్డు నిర్మాణాన్ని రూ.299 కోట్లతో పూర్తి చేయడం ఆచరణ సాధ్యం కాకపోవచ్చని నిపుణులు చెబుతున్నారు. దీనికి వారు అనేక కారణాలు చెబుతున్నారు. ఫ ఈ ప్రాంతంలో నేల దృఢత్వం తక్కువ. లూజ్‌ సాయిల్‌ (మెత్తటి నేల) ఉండటంతో ఇక్కడ గట్టి నేల లేదా రాతిపొరలు చాలా లోతులో ఉంటాయి. అందువలన పిల్లర్ల పునాదులను 30 నుంచి 50 మీటర్ల లోతు నుంచి నిర్మించాల్సి ఉంటుంది. దీనికి భారీగా ఐరన్‌, కాంక్రీట్‌ అవసరమవుతాయి. ఫ గోదావరి వరదల సమయంలో నదిలోని ఇసుక కొట్టుకుపోతుంది. ఈ ఇసుక కోత వలన వంతెన పునాదులు దెబ్బ తినకుండా ఉండాలంటే సాధారణం కంటే మరింత లోతుగా, బలంగా పిల్లర్లు వేయాల్సి ఉంటుంది. ఫ వంతెనకు ఇరువైపులా నిర్మించే అప్రోచ్‌ రోడ్ల నిర్మాణంలో నేలను గట్టి పరచడానికి జాతీయ రహదారుల సంస్థ ప్రమాణాలకు అనుగుణంగా ప్రత్యేక సాంకేతికతను వినియోగించాలి. ఫ మెత్తటి నేలలు, నీటిలో పనులు చేయడానికి భారీ హైడ్రాలిక్‌ రిగ్స్‌, క్రేన్లు అవసరమవుతాయి. వీటి నిర్వహణ ఖర్చులు చాలా అధికంగా ఉంటాయి. ఫ ఇటువంటి సవాళ్ల నడుమ కేవలం రూ.299 కోట్లతో ఈ వంతెన, రోడ్డు నిర్మాణం సాధ్యం కాకపోవచ్చని స్వయంగా కొంత మంది అధికారులే అంటున్నారు. ఫ దీనిపై ఉన్నతాధికారులు, ఆ సంస్థ ప్రతినిధులు ఎటువంటి నిర్ణయం తీసుకుంటారో వేచి చూడాల్సిందే.

రాజానగరం: తిరుమలేశుని లడ్డూ ప్రసాదంలో జంతువుల కొవ్వు కలిసిందంటూ తప్పుడు ప్రచారం చేసిన సీఎం, డిప్యూటీ సీఎంలు భక్తులకు బహిరంగ క్షమాపణలు చెప్పాలని వైఎస్సార్‌ సీపీ అమలాపురం పార్లమెంటరీ నియోజకవర్గ పరిశీలకురాలు జక్కంపూడి విజయలక్ష్మి డిమాండ్‌ చేశారు. లడ్డూ ప్రసాదంలో జంతువుల కొవ్వు కలవలేదని ఈడీ కూడా నిర్ధరించిన నేపథ్యంలో.. తూర్పు గోదావరి జిల్లా రాజానగరం రావుల చెరువు గట్టున కొలువు దీరిన వేంకటేశ్వర స్వామి వారిని పార్టీ నాయకులతో కలసి ఆమె మంగళవారం దర్శించుకుని, ప్రత్యేక పూజలు చేశారు. గుడి మెట్లను నీటితో కడిగి, పసుపు, కుంకుమలతో బొట్లు పెట్టారు. అనంతరం విలేకర్లతో మాట్లాడుతూ, కోట్లాది మంది భక్తుల మనోభావాలు తినేలా, ప్రతిపక్షాన్ని టార్గెట్‌ చేస్తూ ఆడిన లడ్డూ డ్రామాపై చంద్రబాబు, పవన్‌ కల్యాణ్‌ సమాధానం చెప్పాలని అన్నారు. లడ్డూ ప్రసాదంలో కల్తీ జరిగిందని 2024లో ఈ పెద్దలు చేసిన ఆరోపణలపై సుప్రీంకోర్టు పర్యవేక్షణలో సీబీఐ ప్రత్యేక బృందం దర్యాప్తు చేపట్టిందన్నారు. తాజాగా వెలువడిన ఈడీ దర్యాప్తులో కూడా లడ్డూ ప్రసాదంలో జంతువుల కొవ్వు కలవలేదనే విషయం స్పష్టమైందని అన్నారు. రాజకీయ స్వార్థం కోసం స్వామి వారి లడ్డూ ప్రసాదాన్ని చంద్రబాబు వివాదంలోకి తీసుకువచ్చారని ఆగ్రహం వ్యక్తం చేశారు. సనాతన ధర్మం గురించి మాట్లాడే పవన్‌ కల్యాణ్‌ ఈ వ్యవహారంపై ఇప్పుడు ఏం సమాధానం చెబుతారని ఆమె ప్రశ్నించారు. చంద్రబాబు, పవన్‌ కల్యాణ్‌ సమాధానం చెప్పాలి వైఎస్సార్‌ సీపీ నాయకురాలు జక్కంపూడి విజయలక్ష్మి రాజానగరం వేంకటేశ్వరస్వామి ఆలయంలో పూజలు

యానాం: పుస్తెలు అమ్మి అయినా పులస చేప తినాలనే నానుడి గోదావరి జిల్లాల్లో ఉంది. కానీ, ప్రస్తుతం పుస్తెలు అమ్మితే వచ్చే సొమ్ము కూడా సరిపోని రీతిలో వీటి ధరలు పలుకుతున్నాయి. యానాం వద్ద గౌతమీ గోదావరిలో మంగళవారం మత్స్యకారుల వలకు చిక్కిన పులస చేపకు రూ.26 వేల అత్యధిక ధర పలికింది. స్థానిక పుష్కర ఘాట్‌ వద్ద నిర్వహించిన వేలం పాటలో ఈ చేపను కోటిపల్లికి చెందిన మత్స్యకారుడు రూ.26 వేలకు దక్కించుకుని, తిరిగి మరో వ్యక్తికి రూ.27 వేలకు విక్రయించాడు. ఈ సీజన్‌లో అత్యధిక ధర పలికిన పులస ఇదే కావడం విశేషం. గోదావరికి ఎర్రనీరు రావడంతో ఆగస్టు నుంచి సెప్టెంబర్‌ వరకు పులస చేపలు పడుతూంటాయి. ఈ సీజన్‌లో చాలా తక్కువగానే పులసలు పడ్డాయి. దీంతో, వీటి ఖరీదు వేల రూపాయలు పలుకుతోంది. సామాన్యులకు అందనంత భారీ ధరలో ఈ చేప ఉందని పులస ప్రియులు నిరుత్సాహం వ్యక్తం చేస్తున్నారు.

అమలాపురం రూరల్‌: ఏపీ రెవెన్యూ సర్వీసెస్‌ అసోసియేషన్‌ (ఏపీఆర్‌ఎస్‌ఏ) రాష్ట్ర ఉపాధ్యక్షుడిగా అమలాపురం తహసీల్దార్‌ వీఎస్‌ దివాకర్‌ నాలుగోసారి ఏకగ్రీవంగా ఎన్నికయ్యారు. విజయవాడలోని అసోసియేషన్‌ రాష్ట్ర కార్యాలయంలో ఈ ఎన్నిక జరిగింది. ఉపాధ్యక్షుడిగా ఎన్నికై న నేపథ్యంలో కలెక్టర్‌ మహేష్‌ కుమార్‌ను దివాకర్‌ కలెక్టరేట్‌లో మంగళవారం మర్యాదపూర్వకంగా కలుసుకున్నారు. ఆయనను కలెక్టర్‌ సత్కరించి, అభినందనలు తెలిపారు. ఉద్యోగ సంఘం బాధ్యతలు సమర్థవంతంగా నిర్వహించాలని ఆకాంక్షించారు. కార్యక్రమంలో అమలాపురం ఆర్‌డీఓ సరళావతి, సంఘం జిల్లా కార్యదర్శి శ్రీనివాస్‌, అమలాపురం డివిజన్‌ అధ్యక్షుడు పలివెల అశోక్‌ ప్రసాద్‌, ఆర్గనైజింగ్‌ సెక్రటరీ ఇబ్రహీం, గ్రామ రెవెన్యూ అధికారుల సంఘం జిల్లా గౌరవాధ్యక్షుడు సాధనాల ఏలేశ్వరరావు తదితరులు పాల్గొన్నారు. హైవేపై అక్రమంగా పార్కింగ్‌ ఫ రవాణా శాఖ మెరుపు దాడులు ఫ 15 వాహనాలపై కేసులు అమలాపురం రూరల్‌: పేరూరు, పాశర్లపూడి, కూడలి వద్ద 216వ నంబర్‌ జాతీయ రహదారిపై వాహనాల అక్రమ పార్కింగ్‌పై రవాణా శాఖ మంగళవారం మెరుపు దాడులు చేసింది. హైవేపై అనధికారికంగా నిలిపి ఉంచిన 15 రవాణా వాహనాలపై కేసులు నమోదు చేసి, రూ.45,500 అపరాధ రుసుం విధించినట్లు జిల్లా రవాణా శాఖ అధికారి దేవిశెట్టి శ్రీనివాసరావు తెలిపారు. రహదారి భద్రత ఉల్లంఘన కింద అక్రమంగా నిలిపిన బస్సులు, ట్రాక్టర్లు, ఇసుక లారీలపై కేసులు నమోదు చేసి, వాటిని అక్కడి నుంచి తొలగించామని పేర్కొన్నారు. ఇటీవల జాతీయ రహదారిపై జరిగిన రోడ్డు ప్రమాదాలకు అక్రమంగా నిలిపిన వాహనాలే కారణమని అన్నారు. ఆయా ప్రదేశాల్లో వెంటనే హెచ్చరిక బోర్డులు ఏర్పాటు చేసేందుకు జాతీయ రహదారుల అభివృద్ధి సంస్థ (ఎన్‌హెచ్‌ఏఐ) సత్వర చర్యలు తీసుకోవాలన్నారు. పోలీసు, రవాణా, ఎన్‌హెచ్‌ఏఐ సమన్వయంతో రోడ్డు ప్రమాదాలను అరికట్టే దిశగా కృషి చేస్తామని డీటీఓ తెలిపారు. తనిఖీల్లో మోటార్‌ వెహికల్‌ ఇన్‌స్పెక్టర్లు రవికుమార్‌, కౌశిక్‌ పాల్గొన్నారు.

కొత్త జిల్లా పరిషత్‌ల ఏర్పాటుకు సమయం దగ్గర పడుతూండటంతో విభజన ప్రక్రియను ప్రభుత్వం వేగవంతం చేసింది. జెడ్పీ పరిధిలోని 62 మండలాలకు చెందిన ఉద్యోగులను కొత్తగా పునర్వ్యవస్థీకరించిన నాలుగు జిల్లాలకు తాత్కాలికంగా కేటాయిస్తూ పంచాయతీరాజ్‌, గ్రామీణాభివృద్ధి శాఖ కమిషనర్‌ వీఆర్‌ కృష్ణతేజ మైలవరపు ఉత్తర్వులు జారీ చేశారు. దీని ప్రకారం ఉమ్మడి జిల్లా నుంచి ఏర్పడిన కొత్త జిల్లాలకు మండలాల వారీగా ఉద్యోగులను విభజించారు. మొత్తం 106 మంది సిబ్బంది ఉండగా, వారిని మండలాల నిష్పత్తి ప్రకారం విభజించారు. జిల్లా హెడ్‌ కాకుండా మిగిలిన సిబ్బంది కేటాయింపులు ఇలా.. హోదా మొత్తం జిల్లాల వారీగా కేటాయించిన సిబ్బంది పోస్టులు తూర్పు గోదావరి కాకినాడ కోనసీమ పోలవరం అడ్మినిస్ట్రేటివ్‌ ఆఫీసర్‌ 11 2 4 3 2 సీనియర్‌ అసిస్టెంట్‌ 24 5 8 7 4 జూనియర్‌ అసిస్టెంట్‌ 42 8 14 13 7 టైపిస్ట్‌ 7 2 2 2 1 ఆఫీస్‌ సబార్డినేట్‌ 18 3 6 6 3 ఫ డ్రైవర్లు ముగ్గురు, రికార్డు అసిస్టెంట్లు ఇద్దరు, క్లాస్‌–4 సిబ్బంది నలుగురిని కూడా నిష్పత్తి వారీగా విభజించారు. యూడీ స్టెనో, ఎల్‌డీ స్టెనో, దఫేదార్‌/ల్యాబ్‌ అసిస్టెంట్‌ పోస్టులు ప్రస్తుతం ఖాళీగా ఉన్నట్లు పేర్కొన్నారు.

తమకు ఇళ్ల స్థలాలు చూపించాలని డిమాండ్‌ చేస్తూ ఈదరపల్లి బైపాస్‌ రోడ్డులో నివాసం ఉంటున్న సర్కస్‌ కళాకారులు కలెక్టరేట్‌ వద్ద ధర్నా చేశారు. గత వైఎస్సార్‌ సీపీ ప్రభుత్వంలో పది కుటుంబాలకు సమసన గ్రామంలో రెండు సెంట్ల ఇళ్ల స్థలాలిచ్చారని తెలిపారు. కూటమి ప్రభుత్వం వచ్చిన తరువాత రెండేళ్లుగా తమకు స్థలాలు చూపించ లేదని మహిళలు ఆవేదన వ్యక్తం చేశారు. ఇప్పుడు తాము నివాసం ఉంటున్న గుడారాలు ఖాళీ చేయాలంటూ అధికారులు ఒత్తిడి చేస్తున్నారని సంఘం నాయకుడు శ్రీనివాస్‌ వాపోయారు. గతంలో ఇచ్చిన ప్రభుత్వ పట్టాలకు సంబంధించి తమకు ఇళ్ల స్థలాలు చూపించాలని కోరుతూ డీఆర్‌ఓకు వినతిపత్రం అందజేశారు.

అమలాపురం టౌన్‌: తెలుగు సామాజిక, సాహిత్య రంగాలకు నవయుగ వైతాళికుడు గురజాడ అప్పారావు అందించిన సేవలు అజరామరమని ఎస్పీ రాహుల్‌ మీనా అన్నారు. తన కార్యాలయంలో సోమవారం జరిగిన గురజాడ జయంతి కార్యక్రమంలో ఆయన మాట్లాడారు. తొలుత గురజాడ చిత్రపటానికి పూలమాల వేసి వందనం అర్పించారు. ఏఎస్పీ మహేంద్ర మత్తే, ఇతర పోలీస్‌ అధికారులు కూడా గురజాడ చిత్రపటానికి పూలమాలలు వేసి, నివాళులర్పించారు. ఆర్మ్‌డ్‌ రిజర్వ్‌ (ఏఆర్‌) డీఎస్పీ సుబ్బరాజు, స్పెషల్‌ బ్రాంచి సీఐ వి.పుల్లారావు, ఏఆర్‌ ఆర్‌ఐ బ్రహ్మానందం, ఎస్పీ కార్యాలయ ఏఏఓ బాలాజీ తదితరులు గురజాడ సేవలను కొనియాడారు. గురజాడది ప్రత్యేక ముద్ర అమలాపురం రూరల్‌: గురజాడ అప్పారావు సాహిత్య సేవలు చిరస్మరణీయమని జిల్లా రెవెన్యూ అధికారి (డీఆర్‌ఓ) వి.సుబ్బారావు అన్నారు. తెలుగు సాహిత్య రంగంలో తనదైన ముద్ర వేసిన మహాకవి అని అన్నారు. గురజాడ జయంతి సందర్భంగా కలెక్టరేట్‌లో ఆయన చిత్రపటానికి డీఆర్‌ఓ, ఇతర అధికారులు పూలమాలలు వేసి నివాళులర్పించారు. కన్యాశుల్కం నాటకం ద్వారా సమాజంలోని సామాజిక దురాచారాలపై తనదైన శైలిలో గురజాడ ప్రశ్నించారని అన్నారు. దేశమంటే మట్టి కాదోయ్‌, దేశమంటే మనుషులోయ్‌ అనే సందేశం ద్వారా దేశభక్తి, మానవతా విలువలను ప్రజల్లో పెంపొందించారని కొనియాడారు. కార్యక్రమంలో జిల్లా పరిపాలన, విద్య, వైద్య, ఆరోగ్య, పర్యాటక శాఖల అధికారులు కె.నాగలక్ష్మమ్మ, మెహబూబ్‌ బాషా, ఎం.దుర్గారావుదొర, అన్వర్‌ తదితరులు పాల్గొన్నారు. చమురు సంస్థల నిర్లక్ష్యంతోనే గ్యాస్‌ పైప్‌ లైన్ల లీకేజీ అమలాపురం రూరల్‌: చమురు సంస్థల నిర్లక్ష్యంతోనే జిల్లాలో గ్యాస్‌ పైప్‌లైన్ల లీకేజీ వంటి సంఘటనలు జరుగుతున్నాయని ఎమ్మెల్సీ కుడుపూడి సూర్యనారాయణరావు అన్నారు. కలెక్టరేట్‌ వద్ద సోమవారం ఆయన విలేకర్లతో మాట్లాడారు. 1980 నుంచి పలు చమురు సంస్థలు జిల్లాలోని సముద్ర తీర ప్రాంతం నుంచి హైడ్రోకార్బన్‌ నిల్వలను తరలించుకుపోతున్నా, ఇక్కడి ప్రజలకు న్యాయం చేయడం లేదని విమర్శించారు. సముద్ర తీరంలో జీవరాశులు నాశనమవుతున్నా కేంద్ర, రాష్ట్ర ప్రభుత్వాలు స్పందించడం లేదని అన్నారు. వశిష్ట ఎస్‌–1 టెర్మినల్‌, గాడిమొగ, ధీరూభాయ్‌ 1, 2, కేజీ–3 బ్లాక్‌ పరిధిలో పైప్‌లైన్ల లీకేజీల వల్ల అగ్ని ప్రమాదాలు జరుగుతున్నాయని వివరించారు. ఈ ప్రాంతంలోని సముద్రంలో దొరికే చేపల వల్ల బ్లడ్‌ క్యాన్సర్‌ వంటి వ్యాధులు సంభవిస్తున్నాయని ఆందోళన వ్యక్తం చేశారు. నగరంలో 2014లో జరిగిన ప్రమాదం వల్ల అనేక మంది మృతి చెందారని, పాతకాలం నాటి పైప్‌లైన్లే దీనికి కారణమని అన్నారు. పైపులైన్లు మార్చాలంటూ డీఆర్‌ఓ సుబ్బారావుకు ఎమ్మెల్సీ కుడుపూడి వినతిపత్రం అందజేశారు.

పట్టాదారు పాస్‌ పుస్తకం ఇవ్వలేదు మా గ్రామంలో సర్వే నంబర్‌ 52/3లో 20 సెంట్ల భూమిని 2024లో కొనుగోలు చేశాం. పట్టాదారు పాస్‌ పుస్తకం కోసం దరఖాస్తు చేస్తే గ్రామకంఠం భూమి అని చెబుతూ అధికారులు నిరాకరించారు. జిరాయితీ మెరక భూమిగా ఈ భూమి అమ్మిన వ్యక్తి పేరిట గతంలో పట్టాదారు పాస్‌ పుస్తకం ఉందని చెప్పినా అధికారులు పట్టించుకోలేదు. మా భూమిని పక్క రైతు భూమితో కలిపి రీ సర్వేలో మొత్తం 25 సెంట్లు ఆన్‌లైన్‌ చేశారు. మా భూమికి విడిగా ఆన్‌లైన్‌ చేసి, పట్టాదారు పాస్‌ పుస్తకం ఇవ్వాలని పీజీఆర్‌ఎస్‌లో ఫిర్యాదు చేసి తిరుగుతున్నా న్యాయం జరగడం లేదు. – కముజు శ్యామల, సత్యనారాయణ దంపతులు, పశువుల్లంక, ఐ.పోలవరం మండలంఅమలాపురం రూరల్‌: ప్రభుత్వ కార్యాలయాల చుట్టూ ప్రదక్షిణలు చేస్తూ అర్జీలు ఇవ్వడమే తప్ప తమ సమస్యలు పరిష్కారానికి నోచుకోవడం లేదని ప్రజలు ఆవేదన వ్యక్తం చేశారు. కలెక్టరేట్‌లో సోమవారం జరిగిన ప్రజా సమస్యల పరిష్కార వేదిక (పీజీఆర్‌ఎస్‌) కార్యక్రమంలో జిల్లాలోని వివిధ ప్రాంతాల నుంచి వచ్చిన 295 మంది వివిధ సమస్యలపై అర్జీలు సమర్పించారు. వారి నుంచి జిల్లా రెవెన్యూ అధికారి (డీఆర్‌ఓ) వి.సుబ్బారావు, సమగ్ర శిక్ష అదనపు ప్రాజెక్ట్‌ కో ఆర్డినేటర్‌ జి.మమ్మీ, ఆర్‌డీఓ సరళాదేవి తదితరులు అర్జీలు స్వీకరించారు. పోలీస్‌ గ్రీవెన్స్‌కు 36 అర్జీలు అమలాపురం టౌన్‌: ఎస్పీ కార్యాలయంలో సోమవారం జరిగిన పీజీఆర్‌ఎస్‌ కార్యక్రమంలో 36 అర్జీలు వచ్చాయి. పలు ప్రాంతాల నుంచి వచ్చిన ప్రజల నుంచి ఎస్పీ రాహుల్‌ మీనా, ఏఎస్పీ మహేంద్ర మత్తే ఫిర్యాదులు స్వీకరించారు.హౌసింగ్‌లో అవకతవకలు కూటమి ప్రభుత్వం వచ్చిన తర్వాత హౌసింగ్‌ లోన్‌ ఇస్తామని అధికారులు చెప్తే పాత ఇంటిని కూల్చి కొత్తగా నిర్మించుకున్నాను. అధికారులు వచ్చి మా ఇంటి నిర్మాణ పనుల ఫొటోలు తీసుకుని వెళ్లారు. చివరకు నా పేరు హౌసింగ్‌ లోన్‌ లబ్ధిదారుల జాబితాలో రాలేదు. మా గ్రామంలో గతంలో లోన్లు పొంది, రెండంతస్తులు బిల్డింగులు ఉండి, అక్రమ లే అవుట్‌లో ఇళ్లు నిర్మించుకున్న వాళ్లకు అధికారులు హౌసింగ్‌ రుణాలు అందిస్తున్నారు. అముడా పరిధిలో మోడల్‌ విలేజ్‌గా ఎంపికై న మా గ్రామంలో హౌసింగ్‌ రుణాల అవకతవకలపై పూర్తి విచారణ జరపాలి. – నందుల సత్యనారాయణ, విలసవిల్లి, ఉప్పలగుప్తం మండలం ఖాళీ బిందెలతో నిరసన తమకు తాగునీరు ఇవ్వాలని డిమాండ్‌ చేస్తూ భట్నవెల్లి గ్రామ పంచాయతీ శివారు కొత్తచెరువు దళితపేటకు చెందిన 30 కుటుంబాల ప్రజలు, మహిళలు కలెక్టరేట్‌ వద్ద సోమవారం ఖాళీ బిందెలతో నిరసన తెలిపారు. దళితపేటలో వంద సంవత్సరాల నుంచి జీవిస్తున్నా మౌలిక సదుపాయాలు కల్పించడంలో అధికారులు, ప్రజాప్రతినిధులు వివక్ష చూపుతున్నారనిటావేదన వ్యక్తం చేశారు. తాగునీరు ఇవ్వడం లేదని, వీధి దీపాలు, రోడ్లు, డ్రైనేజీ వంటి సౌకర్యాలకు నోచుకోలేదని అన్నారు. జల్‌ జీవన్‌ మిషన్‌లో భాగంగా ప్రతి ఇంటికీ తాగునీటి కుళాయి వేయడంలో అధికారులు నిర్లక్ష్యం చూపారని వారి ఆందోళనకు మద్దతు తెలిపిన బహుజన్‌ సమాజ్‌ పార్టీ నియోజకవర్గ ఇన్‌చార్జి పొలమూరి మోహన్‌బాబు అన్నారు. దళితపేటకు కిలోమీటరు దూరంలో ఎమ్మెల్యే అయితాబత్తుల ఆనందరావు ఇల్లు ఉందని, అయినప్పటికీ అక్కడి వారిపై వివక్ష చూపుతున్నారని విమర్శించారు. దళితపేటలో వెంటనే తాగునీరు, డ్రైనేజీ, రోడ్డు, వీధి దీపాల వంటి మౌలిక సౌకర్యాలు కల్పించాలని డిమాండ్‌ చేశారు. ఈమేరకు పీజీఆర్‌ఎస్‌లో డీఆర్‌ఓ సుబ్బారావుకు వినతిపత్రం అందజేశారు.ఫ పీజీఆర్‌ఎస్‌కు అర్జీల వెల్లువ ఫ ప్రదక్షిణలే తప్ప పరిష్కారం లేదని ప్రజల ఆవేదన

రావులపాలెం: తిరుమ ల లడ్డూలో జంతువుల కొవ్వు కలిసిందంటూ తప్పుడు ప్రచారం చేసిన ముఖ్యమంత్రి చంద్రబాబు, డి ప్యూటీ సీఎం పవన్‌ కల్యాణ్‌లు ప్రజలకు తక్షణం క్షమాపణ చెప్పాలని వైఎస్సార్‌ సీపీ జిల్లా అధ్యక్షుడు, మాజీ ఎమ్మెల్యే చిర్ల జగ్గిరెడ్డి డిమాండ్‌ చేశారు. శ్రీవారి లడ్డూ ప్రసాదంలో ఎటువంటి జంతువుల కొవ్వులూ కలవలేదంటూ కేంద్ర దర్యాప్తు సంస్థ ఎన్‌ఫోర్స్‌మెంట్‌ డైరెక్టరేట్‌ (ఈడీ) స్పష్టం చేసిందని గుర్తు చేశారు. ఎటువంటి నిర్ధరణలూ లేకుండా తిరుమల లడ్డూ ప్రసాదంలో జంతువుల కొవ్వు కలిసిందంటూ చంద్రబాబు, ఇంకో అడుగు ముందుకేసి బాత్‌రూములు కడిగే కెమికల్స్‌తో లడ్డూలు తయారు చేసి, అయోధ్యకు పంపారంటూ పవన్‌ కల్యాణ్‌ 2024లో తప్పుడు ఆరోపణలు చేశారని గుర్తు చేశారు. అదే సమయంలో నెయ్యి పేరుతో వెజిటబుల్‌ ఆయిల్స్‌, రసాయన పదార్థాలతో కల్తీ జరిగినట్టు కూడా చంద్రబాబు అన్నారన్నారు. వారి దుష్ప్రచారం దేశంలోనే కాకుండా ప్రపంచవ్యాప్తంగా ఉన్న కోట్లాది మంది భక్తుల్లో తీవ్ర ఆందోళనకు కారణమైందన్నారు. ఈ నేపథ్యంలో గతంలో సీబీఐ, తాజాగా ఈడీ.. లడ్డూ తయారీకి ఉపయోగించిన నెయ్యిలో ఎటువంటి జంతు కొవ్వులూ కలవలేదని స్పష్టమైందన్నారు. రాజకీయ ప్రత్యర్థులను ఎదుర్కొనే క్రమంలో తిరుమల వంటి అత్యంత పవిత్రమైన క్షేత్రాన్ని రాజకీయ వివాదాల్లోకి లాగడం సరి కాదని హితవు పలికారు. ఇకనైనా తప్పుడు ప్రచారంతో ప్రజల్లో అనుమానాలు, భయాందోళనలు సృష్టించకుండా వాస్తవాలు వివరించాలని డిమాండ్‌ చేశారు. ఈడీ దర్యాప్తు ద్వారా వెలుగులోకి వచ్చిన వాస్తవాల నేపథ్యంలో.. భక్తుల మనోభావాలను గౌరవిస్తూ చంద్రబాబు, పవన్‌ కల్యాణ్‌ బాధ్యతాయుతంగా వ్యవహరించాలని జగ్గిరెడ్డి సూచించారు. ఫ చంద్రబాబు, పవన్‌ కల్యాణ్‌లకు జగ్గిరెడ్డి డిమాండ్‌ ఫ తిరుమల లడ్డూలో జంతువుల కొవ్వు కలిసిందంటూ అసత్య ప్రచారం చేశారు ఫ అది అబద్ధమంటూ ఈడీ వెల్లడించిందని స్పష్టీకరణ

అమలాపురం టౌన్‌: గత ప్రభుత్వంలో ముఖ్యమంత్రి వైఎస్‌ జగన్‌మోహన్‌రెడ్డి పేదల పక్షపాతిగా బీసీల అభ్యున్నతికి ఎన్నో కార్యక్రమాలు, పథకాలు అమలు చేశారని వైఎస్సార్‌ సీపీ బీసీ విభాగం నేతలు అన్నారు. వీటిని కూటమి ప్రభుత్వం భ్రష్టు పట్టించిందని విమర్శించారు. ఈ మేరకు అమలాపురంలో ఆదివారం జరిగిన వైఎస్సార్‌ సీపీ బీసీ విభాగం రౌండ్‌ టేబుల్‌ సమావేశంలో పలు తీర్మానాలను ఆమోదించారు. బీసీ సెల్‌ జిల్లా అధ్యక్షుడు మట్టపర్తి నాగేంద్ర అధ్యక్షతన జరిగిన ఈ సమావేశంలో మాజీ మంత్రి, రాష్ట్ర బీసీ నేత చెల్లుబోయిన శ్రీనివాస వేణుగోపాలకృష్ణ ఈ తీర్మానాలను ప్రవేశపెట్టి ప్రభుత్వాన్ని ప్రశ్నించారు. ఇవీ తీర్మానాలు ఫ ఆదరణ పథకం పేరుతో బడ్జెట్‌లో రూ.3 వేల కోట్లు కేటాయించి, రూ.3 కూడా ఖర్చు చేయకుండా బీసీలను ఈ ప్రభుత్వం మోసం చేసింది. గడచిన మూడు బడ్జెట్లలో బీసీలకు అన్యాయం చేసింది. తక్షణమే బీసీలకు ఆదరణ పథకంలో రూ.3 వేల కోట్లతో పనిముట్లు ఇవ్వాలి. ఫ త్వరలో జరగనున్న స్థానిక సంస్థల ఎన్నికల్లో బీసీలకు 34 శాతం రిజర్వేషన్లు అమలు చేస్తున్నట్లు నోటి మాటగా కూటమి ప్రభుత్వం ప్రకటించింది. ఈ రిజర్వేషన్లను చట్టబద్ధతతో ప్రకటించాలి. ఫ బీసీలకు రక్షణ చట్టాన్ని కేంద్ర ప్రభుత్వం ద్వారా ఆమోదింపజేయాలి. ఫ రాష్ట్ర ఉప ముఖ్యమంత్రి పదవి బీసీలకు ఇవ్వాలి. ఫ 50 సంవత్సరాలు నిండిన వారికి పెన్షన్లు ఇస్తామంటూ ఎన్నికల్లో చంద్రబాబు ఇచ్చిన హామీని అమలు చేసి తీరాలి. ఫ రాష్ట్రంలో మద్యం ఏరులై పారుతోంది. ఒక అధికారిక మద్యం షాపునకు అనుబంధంగా అనధికారికంగా అనేక బెల్టు షాపులు వెలిశాయి. పర్మిట్‌ రూముల పేరిట మద్యం దుకాణాలను బార్లుగా చేశారు. ఎక్కడికక్కడ సిండికేట్లుగా ఏర్పడి మద్యాన్ని ఎంఆర్‌పీ కంటే అధిక ధరలకు అమ్మడాన్ని తక్షణమే అరికట్టాలి. మద్యం షాపుల పరంగా నెలకొన్న అనేక సమస్యలను తక్షణమే పరిష్కరించాలి. ఫ రైతులకు ఉచిత పంటల బీమా అమలు చేయాలి. ఫ వ్యవసాయ రంగం పలు సమస్యలతో సతమతమవుతున్న నేపథ్యంలో ఎన్నికల్లో చంద్రబాబు ఇస్తామన్న రూ.20 వేల సాయాన్ని రైతులకు తక్షణం ఇవ్వాలి. ఫ ఆరోగ్యశ్రీ పథకాన్ని పూర్తి స్థాయిలో అమలు చేసి, పేదల ఆరోగ్యానికి బాసటగా నిలవాలి. ఫ రాష్ట్రవ్యాప్తంగా రూ.9 వేల కోట్ల ఫీజు రీయింబర్స్‌మెంట్‌ బకాయిలను తక్షణం చెల్లించాలి. ఫ రాష్ట్రవ్యాప్తంగా పేదలకు ఇళ్లు ఇస్తామంటూ 3 లక్షల దరఖాస్తులు తీసుకున్నారు. తక్షణం ఆ పేదలకు ఇళ్లు ఇవ్వాలి. ఫ ఆడబిడ్డలకు నెలకు రూ.1,500 ఇస్తామన్న హామీని కూడా వెంటనే అమలు చేయాలి. ఫ వైఎస్సార్‌ సీపీ బీసీ విభాగం నేతల డిమాండ్‌ ఫ రౌండ్‌ టేబుల్‌ సమావేశంలో పలు తీర్మానాలు

చెంచు కులానికి చెందిన నేను కూలి పనులు చేసుకుంటూ ప్రభుత్వ, ప్రైవేటు ప్రాంతాల్లో చిన్నచిన్న గుడారాలు వేసుకుంటూ జీవిస్తున్నాం. మా పిల్లలు ముమ్మిడివరం నగర పంచాయితీలోని ప్రభుత్వ పాఠశాలలో ప్రాథమిక, ఉన్నత పాఠశాలల్లో చదువుతున్నారు. వారికి సంబంధించిన రికార్డులు, టీసీల్లో ఎస్టీ, ఉపకులం చెంచులుగా రికార్డు చేసి ఇచ్చారు. కానీ, ప్రభుత్వ ఉత్తర్వుల మేరకు మమ్మల్ని షెడ్యూల్డ్‌ ట్రైబ్‌(ఎస్టీ)గా గుర్తిస్తూ కుల ధ్రువీకరణ పత్రాలు ఇచ్చేందుకు వివిధ మండలాల్లో తహసీల్దార్లు నిరాకరిస్తున్నారు. దీంతో, మా పిల్లల ఉన్నత చదువులు, స్కాలర్‌షిప్‌, ప్రభుత్వ సంక్షేమ పథకాల వంటి వాటికి దరఖాస్తు చేసుకోవడంలో ఇబ్బంది అవుతోంది. దీనిపై డీఆర్‌ఓకు ఫిర్యాదు చేశాం. – అవుల మరియమ్మ, ముమ్మిడివరం నగర పంచాయతీ

కొత్తపేటలో మోకాళ్లపై నిలుచుని నిరసన తెలుపుతున్న వీఆర్‌ఏలు ఐ.పోలవరంలో రైతులకు వినతిపత్రాలు అందజేస్తున్న వీఆర్‌ఏలు కొత్తపేట/ఐ.పోలవరం: పే స్కేల్‌ అమలు, వీఆర్‌ఏలుగా నామినీల నియామకం, అర్హులకు ప్రమోషన్లు, డీఏ, కనీస వేతన చట్టం అమలు తదితర సమస్యలు పరిష్కరించాలనే డిమాండ్లతో గ్రామ రెవెన్యూ సహాయకులు (వీఆర్‌ఏ) సోమవారం వినూత్న నిరసనలు చేపట్టారు. కొత్తపేటలోని స్థానిక పాత తహసీల్దార్‌ కార్యాలయం వద్ద ఆరు రోజులుగా నిర్వహిస్తున్న శిబిరంలో మోకాళ్లపై నిలబడి నిరసన తెలిపారు. తమ న్యాయమైన కోర్కెలు నెరవేర్చాలని డిమాండ్‌ చేశారు. కార్యక్రమంలో వీఆర్‌ఏల సంఘం నాయకుడు పిల్లంగోరు బాలు, మండల సంఘం అధ్యక్షుడు కె.భీమశంకరం, కోశాధికారి ఎస్‌.నాగభూషణం తదితరులు పాల్గొన్నారు. ఐ.పోలవరం తహసీల్దార్‌ కార్యాలయం ఎదుట వివిధ గ్రామాల ప్రజలు, రైతులు, నాయకులకు వీఆర్‌ఏలు వినతిపత్రాలు అందజేసి, వినూత్నంగా నిరసన తెలిపారు. ఆయా వర్గాల వారికి తమ సమస్యలు వివరించారు. మండల వీఆర్‌ఏల సంఘం ఆధ్వర్యాన జరిగిన ఈ కార్యక్రమంలో గాలి సత్యనారాయణ, వి.గంగాధరరావు, సానబోయిన సత్యనారాయణ, బి.సుదర్శనరావు తదితరులు పాల్గొన్నారు.

తూర్పుగోదావరి: పాము కాటును గమనించక పోవడంతో చికిత్స ఆలస్యమై చిన్నారి మృతి చెందిన ఘటన చింతలచెరువు గ్రామంలో విషాదాన్ని నింపింది. వివరాల్లోకి వెళితే కృష్ణవరం పంచాయతీ చింతలచెరువులో కుర్సం ధర్మరాజు, విజయ దంపతుల ఆరేళ్ల పెద్ద కుమారుడు జై ప్రణయ్‌ (6) స్థానిక పాఠశాలలో ఒకటో తరగతి చదువుతున్నాడు. శనివారం ఉదయం 11 గంటల వేళ తల్లి విజయ ఇంటి ఆవరణలోని అరటి గెల కోసి కాయలు తీస్తుండగా వాటి మధ్య ఉన్న కట్లపాము ఆమె చేతిపై పడింది. దీంతో ఆమె విదిలించుకోగా అది పక్కనే ఉన్న దుస్తులలో నక్కింది. బాలుడి పెదనాన్న వచ్చి దానిని చంపేశాడు. ఆ తరువాత తల్లి పొలం పనులకు వెళ్లిపోయింది. కాగా ఆదివారం తెల్లవారు జామున ప్రణవ్‌ నోటి నుంచి నురగలు రావడం, పాము కాటు పడిన గుర్తులు ఉండి వాపు రావడాన్ని గమనించిన తల్లిదండ్రులు హుటాహుటిన 30 కిలోమీటర్ల దూరంలో ఉన్న భద్రాచలంలోని ప్రైవేటు ఆస్పత్రికి తీసుకువెళ్లారు. అక్కడ చికిత్స అందిస్తుండగానే ఆ బాలుడు మృతి చెందాడు. చికిత్స ఆలస్యం కావడం వల్లే బాలుడు మృతి చెందాడని వైద్యులు తెలిపారు.

అమలాపురం రూరల్‌: జిల్లాలో ఖరీఫ్‌ ధాన్యం సేకరణకు వాహన యజమానులు సహకరించాలని జిల్లా రవాణాధికారి దేవిశెట్టి శ్రీనివాసరావు విజ్ఞప్తి చేశారు. ధాన్యం సేకరణలో సరిపడా వాహనాలను సమకూర్చడం కీలక అంశమని, ట్రాక్టర్‌ ట్రైలర్‌, లారీల యజమానులు స్వచ్ఛందంగా ముందుకొచ్చి రైతు సేవా కేంద్రాల్లో వివరాలు నమోదు చేసుకోవాలని కోరారు. జీపీఎస్‌ ట్రాకర్‌ విధిగా ప్రతి వాహనానికీ అమర్చుకోవాలని చెప్పారు. ఇందుకు లారీ యజమానుల సంఘం సహకరించాలని పేర్కొన్నారు. పోరాడేందుకు మళ్లీ అవకాశమివ్వండి ఎమ్మెల్సీ గోపిమూర్తి అమలాపురం టౌన్‌: ఉపాధ్యాయ సమస్యలపై పోరాడేందుకు తనను మరోసారి ఎన్నుకోవాలని ఎమ్మెల్సీ గోపిమూర్తి కోరారు. యూటీఎఫ్‌ జిల్లా శాఖ మధ్యంతర కౌన్సిల్‌ సమావేశం స్థానిక సంఘ కార్యాలయంలో ఆదివారం జరిగింది. ఈ సందర్భంగా గోపిమూర్తి తనకు ఎమ్మెల్సీగా మళ్లీ అవకాశమివ్వాలని కోరారు. యూటీఎఫ్‌ జిల్లా అధ్యక్షుడు జీవీ రమణ మాట్లాడుతూ ఉపాధ్యాయ ఎమ్మెల్సీగా బొర్రా గోపిమూర్తిని మళ్లీ గెలిపించాలని పిలుపునిచ్చారు. సంఘ రాష్ట్ర కార్యదర్శి జ్యోతిబసు మాట్లాడుతూ ఉపాధ్యాయులను టెట్‌ నుంచి మినహాయించాలని డిమాండ్‌ చేశారు. మాజీ ఎమ్మెల్సీ ఐవీ వెంకటేశ్వరరావు, యూటీఎఫ్‌ జిల్లా ప్రధాన కార్యదర్శి ఎంటీవీఏఎస్‌ సుబ్బారావు, నేతలు పెంకే వెంకటేశ్వరరావు, పి.శ్రీనివాసరావు, కె.శ్రీనివాసరావు తదితరులు పాల్గొన్నారు. నేడు యథావిధిగా పీజీఆర్‌ఎస్‌˘ అమలాపురం రూరల్‌: అమలాపురం కలెక్టరేట్‌లో సోమవారం యథావిధిగా జిల్లా స్థాయి ప్రజా సమస్యల పరిష్కార వేదిక (పీజీఆర్‌ఎస్‌) కార్యక్రమం నిర్వహిస్తున్నట్టు జిల్లా ఇన్‌చార్జి కలెక్టర్‌ వైఖోమ్‌ నిడియా దేవి తెలిపారు. కలెక్టరేట్‌తో పాటు రెవెన్యూ డివిజన్‌, మండల తహసీల్దార్‌, మున్సిపల్‌ కార్యాలయాలు, గ్రామ, వార్డు సచివాలయాల్లో పీజీఆర్‌ఎస్‌ అర్జీలను స్వీకరిస్తారని చెప్పారు. ప్రజలు తమ సమస్యలను సంబంధిత అధికారుల దృష్టికి తీసుకువచ్చి పరిష్కరించుకోవాలని సూచించారు. ముందస్తు అరెస్టులు చట్ట వ్యతిరేకంఐలు జిల్లా ప్రధాన కార్యదర్శి గుదిమెళ్ళ శ్రీ భాస్కరాచార్యులుపిఠాపురం: ముఖ్యమంత్రి, మంత్రుల పర్యటన నేపథ్యంలో ప్రతిపక్షాలు, ప్రజాసంఘాల నేతలను ముందస్తు అరెస్టుల పేరుతో అదుపులోకి తీసుకోవడం, గృహ నిర్బంధాలకు పాల్పడడం చట్ట వ్యతిరేకమని, అప్రజాస్వామికమని ఆల్‌ ఇండియా లాయర్స్‌ యూనియన్‌ (ఐలు) జిల్లా ప్రధాన కార్యదర్శి గుదిమెళ్ళ శ్రీభాస్కరాచార్యులు తెలిపారు. ఆదివారం ఆయన విలేకరులతో మాట్లాడుతూ ప్రజాస్వామ్యంలో ప్రజలే ప్రభువులని పోలీసులు గుర్తుంచుకోవాలన్నారు. చట్ట ప్రకారం, నిబంధనల మేరకు వ్యవహరించాల్సిన పోలీసులు వాటిని పక్కనపెట్టి అధికార పార్టీ మెప్పు కోసం కాకినాడ జిల్లాలో సీపీఎం, సీఐటీయూ, ప్రజా సంఘాల నాయకులను ముందస్తు అరెస్టుల పేరుతో పోలీస్‌ స్టేషన్లకు తరలించడం, గృహనిర్బంధాలకు పాల్పడటం, వేధించడాన్ని తీవ్రంగా ఖండిస్తున్నట్టు చెప్పారు. ఇటువంటి పద్ధతులు ప్రజాస్వామ్యంలో మంచివి కాదని హితవు పలికారు. ప్రజలు ఎన్నుకున్న ముఖ్యమంత్రి, మంత్రులకు వారు జిల్లాకు వచ్చినప్పుడు ఆ ప్రజలు సంఘాల ఆధ్వర్యంలో తమ కష్టాలు, సమస్యలు చెప్పుకొనే, వినతి పత్రాలు సమర్పించుకునే అవకాశం లేకుండా పోలీసులు అడ్డుకుంటున్నారని విమర్శించారు. పవన్‌ కళ్యాణ్‌ పర్యటన నేపథ్యంలో సీపీఎం, సీఐటీయూ ప్రజా సంఘాల నేతల ముందస్తు అరెస్టులు, గృహనిర్బంధాలకు పోలీసులు దిగారని తెలిపారు. కాకినాడ రూరల్‌ మండలం సీఐటీయూ కార్యదర్శి టి.రాజా ఆసుపత్రి పనిమీద వెళ్తున్నప్పటికీ అతన్ని పోలీసులు అదుపులోకి తీసుకోవడం మానవ హక్కుల ఉల్లంఘన అన్నారు. భవిష్యత్తులో జిల్లాలో సీఎం, మంత్రుల పర్యటన సందర్భంగా ప్రతిపక్షాల, ప్రజా సంఘాల నాయకులను ముందస్తు అరెస్టుల పేరుతో అదుపులోకి తీసుకోకుండా, గృహనిర్బంధాలకు పాల్పడకుండా ముఖ్యమంత్రి, ఉప ముఖ్యమంత్రి స్పష్టమైన ఆదేశాలు జిల్లా ఎస్పీ, కలెక్టర్లకు ఇవ్వాలని, ప్రజల రాజ్యాంగపరమైన హక్కులు కాపాడాలని విజ్ఞప్తి చేశారు.

పాము కాటు లక్షణాలు ఇవీ.. ● తీవ్రమైన జ్వరంతో పాటు రక్తపోటు రావచ్చు. ● భరించలేని నొప్పి, కనురెప్పలు మూతపడడం. ● కాటు పడిన చోట వాపు రావడం, శరీరం పాలిపోవడం.ఆలమూరు: ఉమ్మడి తూర్పుగోదావరి జిల్లా వ్యాప్తంగా గ్రామీణ ప్రాంతాలే అత్యధికంగా ఉండడంతో సహజంగానే పాముల వంటి విష కీటకాల బెడద సహజంగానే ఉంటుంది. పొలాలు, మొక్కలు, తుప్పలు పేరుకుపోయిన ప్రదేశాల్లో ఇవి ఎక్కువగా తారసపడుతుంటాయి. దీంతో ఆయా ప్రాంతాల్లో పనులు చేసుకునే వారు, పాదచారులు సహజంగానే వాటి కాట్లకు గురవుతుంటారు. కాటు వేసి తప్పించుకునే పాము ఏ స్థాయి విషపూరితమైనదో తెలియదు. అందువల్ల చిన్న పాము కాటును సైతం సంప్రదాయ చికిత్స కాకుండా సమీపంలోని ఆస్పత్రికి వెళ్లి చికిత్స తీసకోవలసిన ఆవశ్యకత ఎంతైనా ఉంది. కోనసీమ, కాకినాడ, తూర్పుగోదావరి, పోలవరం జిల్లాల వ్యాప్తంగా ఈ నెల 19 నుంచి 25వ తేదీ వరకు అంతర్జాతీయ పాముకాటు అవగాహన వారోత్సవాలు నిర్వహిస్తున్న నేపథ్యంలో వైద్యశాఖ ప్రజలను అప్రమత్తం చేస్తూ అవగాహన కల్పిస్తోంది. పాము కాట్ల నుంచి రక్షించే వ్యాక్సిన్‌ ఏఎస్‌వీ (యాంటీ స్నేక్‌ వీనమ్‌)ని 1895లో ప్రాన్స్‌కు చెందిన ఫిజీషియన్‌ ఆల్బెర్ట్‌ కాల్మెట్టే కనుగొన్నారు. ఇది దేశవ్యాప్తంగా అన్ని ఆస్పత్రుల్లో అందుబాటులో ఉంటుంది. పాముకాట్ల కేసుల్లో దేశంలో రెండో స్థానంలో ఉన్న మన రాష్ట్రంలో ఉమ్మడి తూర్పుగోదావరి జిల్లా నాలుగో స్థానంలో ఉంది. ఉమ్మడి జిల్లా వ్యాప్తంగా 23 ప్రభుత్వ, ఏరియా ఆస్పత్రులోను, 158 పట్టణ, గ్రామీణ పీహెచ్‌సీలలో దీనిని అందుబాటులో ఉంచారు. ఇటీవలి కాలంలో 108 వాహనాల్లో సైతం ఉంచుతున్నారు. ఏటా సుమారు 500 మంది వరకూ పాముకాట్లకు గురవుతుండగా సకాలంలో చికిత్స అందక సుమారు పది శాతం మంది మృత్యువాత పడుతున్నట్టు అధ్యయనాలు చెప్తున్నాయి. ఈ ఏడాది ఇప్పటి వరకూ సుమారు 350 కేసులు నమోదు కాగా, ఆరుగురు మృతి చెందారు. జాతిని బట్టి ప్రాణాపాయం సాధారణంగా కోస్తా జిల్లా పరిసరాల్లో అనేక విష సర్ప జాతులు ఉన్నా కట్లపాము, రక్త పింజర, తాచు పాము, పొడపాము కాట్ల వల్లే ఎక్కువ మరణాలు సంభవిస్తున్నట్లు వైద్యులు చెబుతున్నారు. రక్తపింజర కాటు వేస్తే రెండు గంటల తరువాత, తాచుపాము కాటు వేస్తే అరగంటలో, కట్లపాము కాటు వేస్తే నిమిషాల వ్యవధిలో విషం శరీరమంతా పాకి ప్రాణాపాయానికి అవకాశం ఉంది. ఆలస్యమైతే ప్రాణాపాయం తప్పదు సంప్రదాయ వైద్యం, చికిత్సలు వద్దు అన్ని ఆస్పత్రుల్లో అందుబాటులో ఏఎస్‌వీ ఉమ్మడి జిల్లా వ్యాప్తంగా 25వ తేదీ వరకు అంతర్జాతీయ పాముకాటు అవగాహన వారోత్సవాలువ్యాక్సిన్లు అందుబాటులో ఉన్నాయి పాముకాటుకు గురైన వ్యక్తులు మనోస్థైర్యాన్ని కోల్పోకుండా వీలైనంత త్వరగా చికిత్స అందజేయాలి. అన్ని ఆస్పత్రులలోనూ ఏఎస్‌వీ వ్యాక్సిను అందుబాటులో ఉన్నాయి. – ఎం.దుర్గారావు దొర, జిల్లా వైద్యారోగ్యశాఖ, అమలాపురంతీసుకోవలసిన జాగ్రత్తలు కాటు పడిన వెంటనే సబ్బునీటితో కడగాలి కాటు వేసిన మూడు గంటలలోపు ఏఎస్‌వీ వేయించి వైద్యం అందించాలి. వ్యవయాయ క్షేత్రాల్లో పనిచేసే వారు పాదరక్షలు ధరించాలి. పెస్ట్‌ కంట్రోల్‌ వినియోగించడం ద్వారా పాముల సంచారాన్ని అరికట్టవచ్చు.

అమలాపురం టౌన్‌: స్థానిక మహిపాలవీధిలోని మున్సిపల్‌ పాఠశాల హెచ్‌ఎం మలిశెట్టి మూర్తి (ఎంఎస్‌ఎన్‌ మూర్తి)కి చెందిన రెండస్తుల డాబా ఇంట్లో ఆదివారం తెల్లవారుజామున విస్ఫోటం సంభవించి ఇంటిపై అంతస్తు 50 శాతం దెబ్బతింది. ఈ ప్రమాదంలో తీవ్రంగా గాయడిన మూర్తి పెద్ద కుమారుడు సాయిరామ్‌ను వైద్యం కోసం కిమ్స్‌ ఆస్పత్రికి తరలించారు. సుమారు రూ.10 లక్షల వరకూ ఆస్తి నష్టం సంభవించినట్లు అగ్ని మాపక సిబ్బంది అంచనా వేశారు. డీఎస్పీ టీఎస్‌ఆర్‌కే ప్రసాద్‌, సీఐ పి.వీరబాబు ఘటన స్థలాన్ని, జరిగిన నష్టాన్ని పరిశీలించారు. ఈ ఘటనపై దర్యాప్తు చేస్తున్నట్టు డీఎస్పీ తెలిపారు. పై అంతస్తు గదులను పూర్తిగా మూసివేయడం వల్ల ఇంట్లోని ఇన్వెర్టర్‌ బ్యాటరీ పేలి విద్యుత్‌ షార్ట్‌ సర్క్యూట్‌ కావడం వల్ల సమీపంలో ఉన్న సగం వాడి వదిలేసిన సిలిండర్‌ నుంచి గ్యాస్‌ లీకై ఈ పేలుడు జరిగి ఉండవచ్చని అంచనా వేస్తున్నారు. ఇంటిలో పేలుడు పదార్థాలేవీ లేవని ఆయన తెలిపారు. క్లూస్‌ టీమ్‌ వచ్చి ఆధారాలు సేకరించి రాజమండ్రి రీజినల్‌ ఫోరెన్సిక్‌ ల్యాబ్‌కు తరలించారు. తెల్లవారు జాము 4.45 గంటలకు ఇంటి పై అంతస్తులో పెద్ద శబ్దం వచ్చిందని, పిడుగుపాటు వల్ల ఈ పేలుడు జరిగి ఉండవచ్చని ఇంటోని వారు చెప్తున్నారు. కానీ ఆ సమయంలో అటువంటి వాతావరణ పరిస్థితి ఏమీ లేదని పోలీసులు తెలిపారు. పరుపు నుంచి మంటలు పై అంతస్తులో మూర్తి ఇద్దరి కుమారులు నిద్రిస్తుండగా మంచంపై పరుపు నుంచి మంటలు వ్యాపించడం, శ్లాబ్‌ సీలింగ్‌ ఊడి పడడం, గోడలు, కిటికీలు, తలుపులు దెబ్బతినడండో పెద్ద కుమారుడు సాయిరామ్‌ కంగారు పడి పక్క ఇంటివైపు దూకేశాడు. దీంతో అతడు తీవ్రంగా గాయపడ్డాడు. కాగా చిన్న కుమారుడు క్షేమంగానే ఉన్నాడు. ఈ ఘటనతో విద్యుత్‌ సరఫరా నిలిచిపోవడంతో ఏం జరుగుతోందో తెలియక బాధిత కుటుంబం, ఇరుగుపొరుగువారు అయోమయానికి గురయ్యారు. సాయిరామ్‌ను ఆస్పత్రికి తరలించేందుకు 108 అంబులెన్స్‌కు ఫోన్‌ చేసినా స్పందించలేదని, ఫైర్‌ సిబ్బంది కూడా కొద్ది సేపటికి వచ్చి పరుపు నుంచి వచ్చిన మంటలను అదుపు చేశారని స్థానికులు తెలిపారు. 50 శాతం మేర దెబ్బతిన్న పై అంతస్తు రూ.10 లక్షల ఆస్తి నష్టమని అంచనా ఇన్వెర్టర్‌ బ్యాటరీ పేలడం.. విద్యుదాఘాతంతో మంటలు వ్యాపించి ఖాళీ సిలిండర్‌ సైతం పేలినట్టు చెప్తున్న బాధితులు కేసు దర్యాప్తు చేస్తున్న పోలీసులు

అమలాపురం టౌన్‌: వెన్నుపోటు పాలనతో ముఖ్యమంత్రి చంద్రబాబు ప్రతిసారీ బీసీలను నిలువునా మోసం చేస్తున్నారని వక్తలు విమర్శించారు. చంద్రబాబు పాలనలో ప్రస్తుతం రాష్ట్రం ప్రమాదం అంచున ఉందని, ఈ మోసపూరిత సర్కారును జనాభాలో 52 శాతం ఉన్న బీసీలే కాపాడాలని పిలుపునిచ్చారు. స్థానిక యెండూరి ఫంక్షన్‌ హాలులో వైఎస్సార్‌సీపీ బీసీ సెల్‌ జిల్లా రౌండ్‌ టేబుల్‌ సమావేశం ఆ విభాగం జిల్లా అధ్యక్షుడు మట్టపర్తి నాగేంద్ర అధ్యక్షతన ఆదివారం నిర్వహించారు. ఈ నెల 27న రాజమహేంద్రవరంలో జరగనున్న ఉమ్మడి ఉభయగోదావరి జిల్లాల స్థాయి వైఎస్సార్‌సీపీ బీసీ గర్జన సభను విజయవంతం చేయాలని నేతలు కోరారు. వెన్నుపోటు పార్టీ, వెన్నుపోటు పాలనపై ఈ సభ చర్చిస్తుందని పార్టీ బీసీ సెల్‌ రాష్ట్ర వర్కింగ్‌ ప్రెసిడెంట్‌ నౌడు వెంకటరమణ చెప్పారు. ఉమ్మడి ఉభయ గోదావరి జిల్లాల్లోని బీసీలు పెద్ద ఎత్తున తరలిరావాలని ఆయన పిలుపునిచ్చారు. చంద్రబాబు నాడు మామ ఎన్టీఆర్‌కు వెన్నుపోటు పొడిచారని, ఆ తర్వాత సీఎం అయినప్పుడు ఎస్సీలను, తర్వాత బీసీలను, ఇప్పుడు రాష్ట్రాన్ని వెన్నుపోటుతో మోసం చేస్తున్నారని నౌడు వెంకటరమణ, మాజీ మంత్రి చెల్లుబోయిన వేణుగోపాలకృష్ణ అన్నారు. బీసీలను చట్టసభలకు అత్యధికంగా పంపిన ఘనత వైఎస్‌ జగన్‌దేనన్నారు. బీసీలకు స్థానిక సంస్థల్లో అత్యధిక పదవులు వరించేలా చేసిందీ ఆయననేనని చెప్పారు. ఎమ్మెల్సీ, ఉభయ తెలుగు రాష్ట్రాల శెట్టిబలిజ మహానాడు కన్వీనర్‌ కుడిపూడి సూర్యనారాయణరావు మాట్లాడుతూ బీసీలే వెన్నెముక అని అబద్ధాల పాలన చేసే చంద్రబాబుకు అదే బీసీలు వచ్చే ఎన్నికల్లో బుద్ధి చెబుతారని స్పష్టం చేశారు. ముమ్మిడివరం, రామచంద్రపురం నియోజకవర్గాల పార్టీ కో ఆర్డినేటర్లు పొన్నాడ సతీష్‌కుమార్‌, పిల్లి సూర్యప్రకాష్‌ మాట్లాడుతూ ప్రస్తుతం బీసీల మంత్రం జపిస్తున్న చంద్రబాబు బీసీలకు రిజర్వేషన్లు పెంచినట్లు కొత్త డ్రామాకు తెరతీశాడని, కోర్టులో నిలబడని బీసీల రిజర్వేషన్‌ శాతంపై అభూతకల్పనలతో ప్రచారం చేసుకుంటున్నారని విమర్శించారు. వైఎస్సార్‌, జగన్‌లే బీసీలను తలెత్తుకునేలా చేశారని వారు గుర్తుచేశారు. బీసీ నేతలు పితాని బాలకృష్ణ, చెల్లుబోయిన శ్రీనివాసరావు, కుడుపూడి బాబు, గొవ్వాల రాజేష్‌, కుడుపూడి భరత్‌ భూషణ్‌, భరణికాన బాబు, యల్లమిల్లి బోస్‌, దొమ్మేటి సత్యమోహన్‌, సంసాని బులినాని, గుత్తుల చిరంజీవిరావు, దొమ్మేటి వెంకటేశ్వరరావు, కముజు రమణ, అల్లి రాంబాబు, జి.వీరన్న, దార్ల పాపయ్యాచార్యులు, విత్తనాల ఇంద్రశేఖర్‌ తదితరులు పాల్గొన్నారు. ప్రమాదం అంచున ఉన్న రాష్ట్రాన్ని బీసీలే రక్షించాలి బీసీలకు చట్టసభలు, స్థానిక సంస్థల్లో రిజర్వేషన్లు కల్పించిన ఘనత జగన్‌దే 27న రాజమహేంద్రవరంలో ఉమ్మడి ఉభయ గోదావరి జిల్లాల స్థాయి వైఎస్సార్‌సీపీ బీసీ సభ బీసీలు అత్యధికంగా తరలివచ్చి బలం, సత్తా చూపించాలి బీసీ సెల్‌ వర్కింగ్‌ ప్రెసిడెంట్‌ వెంకటరమణ, మాజీ మంత్రి వేణు, ఎమ్మెల్సీ సూర్యనారాయణరావు పిలుపు

అమలాపురం టౌన్‌: ఆటోలో ప్రయాణికురాలు మరచిపోయిన బంగారు ఆభరణాల బ్యాగ్‌ను డ్రైవర్‌ పోలేటి సతీష్‌ స్థానిక పట్టణ పోలీస్‌స్టేషన్‌లో అప్పగించి తన నిజాయతీని చాటుకున్న ఘటన ఆదివారం జరిగింది. సఖినేటిపల్లి మండలం గొంది గ్రామానికి చెందిన నల్లి వనిత అమలాపురం ప్రభుత్వ ఆస్పత్రిలో టీబీ జిల్లా సూపర్‌వైజర్‌గా పనిచేస్తున్నారు. స్థానిక ఎర్ర వంతెన వద్దనున్న వసతి గృహంలో ఉంటున్నారు. సొంతూరు వెళ్లిన ఆమె తిరిగి హాస్టల్‌కు వచ్చేందుకు ఆదివారం రాత్రి 7.30 గంటలకు అమలాపురం గడియారం స్తంభం సెంటర్‌లో రూ.6 లక్షల విలువైన బంగారు ఆభరణాలు ఉన్న బ్యాగ్‌తో ఆటో ఎక్కారు. ఎర్రవంతెన వద్దకు వెళ్లిన తర్వాత బ్యాగ్‌ను ఆటోలో మరిచిపోయి దిగిపోయారు. దీంతో బ్యాగ్‌ను గమనించిన అయినవిల్లికి చెందిన ఆటో డ్రైవర్‌ సతీష్‌ తక్షణమే పట్టణ పోలీస్‌ స్టేషన్‌కు తీసుకొచ్చి సీఐ పి.వీరబాబుకు అప్పగించాడు. తర్వాత వనిత కొద్దిసేపటికి తన నగలు పోయినట్టు ఫిర్యాదు ఇచ్చేందుకు పోలీస్‌ స్టేషన్‌కు వచ్చారు. అప్పటికే ఆటో డ్రైవర్‌ సతీష్‌ బ్యాగ్‌ను తీసుకొచ్చి ఇచ్చిన విషయాన్ని ఆమెకు వివరించిన పోలీసులు బ్యాగ్‌ను ఆమెకు అప్పగించారు. ఈ సందర్భంగా ఆటో డ్రైవర్‌ సతీష్‌ నిజాయతీని మెచ్చి సీఐ వీరబాబు, పట్టణ ఎస్సైలు కిషోర్‌బాబు, శ్రీనివాసరావు, జోషిల సమక్షంలో ఘనంగా సత్కరించి అభినందించారు. సతీష్‌కు వనిత కృతజ్ఞతలు తెలిపారు.రూ.6 లక్షల బంగారు ఆభరణాల బ్యాగ్‌ పోలీసులకు అప్పగింత

● ఒడ్డున లభ్యమైన పాదరక్షలు, వస్తువులు ● కేసు దర్యాప్తు చేస్తున్న పోలీసులు తాళ్లపూడి: స్నేహితుడిని కలసి వస్తానని చెప్పి ఇంటి నుంచి వెళ్లిన సాఫ్ట్‌వేర్‌ ఇంజినీర్‌ అనుమానాస్పద స్థితిలో అదృశ్యమయ్యాడు. కుటుంబ సభ్యులు, తాళ్లపూడి పోలీసుల కథనం ప్రకారం మండలంలోని బల్లిపాడు గ్రామానికి చెందిన పెండ్యాల జ్యోతి స్వరూప్‌కుమార్‌ (25) హైదరాబాద్‌లో సాఫ్ట్‌వేర్‌ ఉద్యోగిగా పనిచేస్తున్నాడు. శనివారం సాయంత్రం వేగేశ్వరపురంలో ఉన్న తన స్నేహితుడిని కలసి వస్తానని ఇంటి నుంచి వెళ్లాడు. ఈ క్రమంలో బల్లిపాడు గోదావరి రేవు వద్ద కొద్దిసేపు గడిపిన స్వరూప్‌ గోదావరి అందాలను వీడియో తీసి, దానికి పాటను జోడించి తన వాట్సప్‌ స్టేటస్‌గా పెట్టుకున్నాడు. దానిని పలువురు స్నేహితులు సైతం వీక్షిచారు. కొద్ది సేపటికే అతని జాడ తెలియకపోవడం, ఫోన్‌ చేసినా స్పందించకపోవడంతో కుటుంబ సభ్యులు, స్నేహితులు ఆందోళనకు గురయ్యారు. వెంటనే తాళ్లపూడి పోలీసులకు సమాచారం ఇచ్చారు. ఎస్సై టి.రామకృష్ణ వెంటనే ఘటన స్థలానికి చేరుకుని అక్కడ స్వరూప్‌ వేసుకున్న చెప్పులు ఒడ్డున ఉండగా, అతని ఫోన్‌ మరో చోట ఉంచడాన్ని గుర్తించారు. ప్రమాద వశాత్తు గోదావరిలో పడి గల్లంతై ఉంటాడని పోలీసులు, ఫైర్‌ సిబ్బంది, మత్స్యకారులు గాలింపు చేపట్టారు. స్వరూప్‌ ఆ కుటుంబంలో రెండో కుమారుడు. కాగా పెద్ద కుమారుడు, కుమార్తె కూడా సాఫ్ట్‌వేర్‌ ఉద్యోగులుగానే స్థిరపడ్డారు. స్వరూప్‌ ఆచూకీ తెలియకపోవడంతో ఆ కుటుంబంలో తీవ్ర విషాదఛాయలు అలముకున్నాయి. ఘటనా ప్రదేశాన్ని తహసీల్దార్‌ లక్ష్మీ లావణ్య, రెవెన్యూ స్బింది, తాళ్లపూడి ఎస్సై టి.రామకృష్ణ పరిశీలించారు. పోలీసులు కేసు దర్యాప్తు చేస్తున్నారు.

కాకినాడ రూరల్‌: ఆంధ్ర కాపు సద్భావన సంఘం తాత్కాలిక నూతన అధ్యక్షుడిగా ముమ్మడి సత్యనారాయణను ఆదివారం ఏకగ్రీవంగా ఎన్నుకున్నారు. స్థానిక ఎన్‌ఎఫ్‌సీఎల్‌ రోడ్డులోని శుభం కాపు కల్యాణ మండపంలో ఈ ఎన్నిక నిర్వహించారు. సంఘ గౌరవాధ్యక్షుడు బసవ ప్రభాకరావు, చిట్నీడి శ్రీనివాస్‌, సలాది మూర్తి మాట్లాడుతూ కాపు సద్భావన సంఘం ఆంధ్ర సద్భావన సంఘంగా మారిందన్నారు. సత్యనారాయణ మాట్లాడుతూ సంఘం బలోపేతానికి కృషి చేస్తానన్నారు. కార్యక్రమంలో సభ్యులు రంగనాయకులు, రెడ్నం రాజా, కొప్పిశెట్టి శ్రీను, గంగిరెడ్డి మూర్తి, జంక్షణ బాబ్జీ, అడపా ప్రకాశరావు పాల్గొన్నారు. చెస్‌లో గీతాశ్రీ ప్రతిభపాలకొల్లు సెంట్రల్‌: పాలకొల్లులో ఆదివారం రాష్ట్రస్థాయి ఓపెన్‌ ర్యాపిడ్‌ చెస్‌ పోటీలు ఉత్సాహంగా జరిగాయి. స్థానిక బ్రాడీపేట బైపాస్‌ రోడ్డులో యూరోకిడ్స్‌లో అనసూయ చెస్‌ అకాడమీ ఆధ్వర్యంలో పోటీలు నిర్వహించారు. విజేతలలో ఒకరిగా నిలచిన కోనసీమ జిల్లాకు చెందిన కొట్టాల గీతశ్రీకి జిల్లా చెస్‌ అసోసియేషన్‌ అధ్యక్షుడు మాదాసు కిశోర్‌ రూ.30 వేల నగదు బహుమతి అందజేశారు. ఉత్సాహంగా అంతర్‌ రాష్ట్ర కరాటే పోటీలుఅమలాపురం రూరల్‌: మండలంలోని సమనస ఢిల్లీ పబ్లిక్‌ స్కూల్‌లో పవర్‌ కిక్‌ షోటోకాన్‌ కరాటే అసోసియేషన్‌ ఆధ్వర్యంలో నిర్వహించిన రెండో అంతర్‌ రాష్ట్ర ఇన్విటేషనల్‌ ఓపెన్‌ కరాటే చాంపియన్‌షిప్‌–2026 పోటీలు ఆదివారం ఘనంగా జరిగాయి. రాష్ట్రంలోని వివిధ జిల్లాల నుంచి 900 మందికి పైగా విద్యార్థులు పాల్గొని ప్రతిభ ప్రదర్శించారు. విజేతలకు ఏఎస్పీ ఎం.మహేంద్ర, పాఠశాల డైరెక్టర్‌ నంద్యాల మనువిహార్‌ పతాకాలు, ప్రశంసా పత్రాలు అందజేశారు. విద్యుదాఘాతంతో ఐదు గేదెలు మృతిరైతుకు న్యాయం చేస్తామన్న ఏడీఈ కాట్రేనికోన: మండలం చిర్రయానం రోడ్డులో కిందకు వేలాడుతున్న విద్యుత్‌ తీగలు తగిలి ఆదివారం ఐదు పాడి గేదెలు మృతి చెందాయి. ఈ ఘటనతో వాటి యజమాని, రైతు పాలెపు రామకృష్ణకు రూ.8 లక్షలు నష్టం వాటిల్లింది. చిర్రయానం–గచ్చకాయల పోర సరిహద్దు వద్ద మేతకు వచ్చిన గేదెలలో ఒక గేదె కొమ్ములు ఆ తీగలకు తగలడంతో మృతి చెందింది. మిగిలిన గేదెలు చనిపోయిన గేదెను వాసన చూస్తూ తాకడంతో అవి కూడా మృతి చెందాయి. వాటిని చూసిన రైతు భోరున విలపించాడు. సమాచారం అందుకున్న విద్యుత్‌ శాఖ ఏడీఈ డి.శ్రీనివాసరావు ఘటనా స్థలానికి చేరుకుని రైతుకు తగిన న్యాయం చేస్తామని హామీ ఇచ్చారు. సముద్ర తీరం వెంబడి వీచే తీవ్రమైన గాలుల వల్ల స్తంభాలు ఒరిగిపోవడం, విద్యుత్‌ తీగలు తెగి వేలాడుతుంటాయని, ఈ ప్రమాదాలను అరికట్టేందుకు కవర్‌ కండక్టర్‌ కేబుల్‌ ఏర్పాటుకు కృషి చేస్తామని ఏడీఈ తెలిపారు.

ఏం తినాలో అర్థం కావడం లేదు ఇదివరకు రూ.150కి చేతి సంచి నిండా కూరగాయలు వచ్చేవి.. ఇప్పుడు రూ.500 పెట్టినా సంచి నిండటం లేదు. ఉల్లిపాయల ధర పెరగడంతో పులుసుతో పూట గడపడం కూడా భారంగా మారింది. కర్రీ పాయింట్‌లో రూ.15 ఉన్న ప్యాకెట్‌ కూర ఇప్పుడు రూ.20కి చేరింది. ప్రతి వస్తువుకూ ధర పెరుగుతుండటంతో ఏం కొనాలో.. ఏం తినాలో అర్థం కావడం లేదు. – పోతుల చంద్రావతి, గృహిణి, కొత్తపేట బియ్యం ధరలు ఎక్కువయ్యాయి ఇటీవల బియ్యం ధరలు విపరీతంగా పెరిగాయి. పెరిగిన ధరల వల్ల రోజుకు అదనంగా రూ.30 ఖర్చవుతోంది. మా కుటుంబంలో ఎనిమిది మంది సభ్యులున్నారు. ధరల పెరుగుదల ప్రభావం తీవ్రంగా పడుతోంది. – కర్రి గనికమ్మ, కర్రివానిరేవు, ముమ్మిడివరం మండలం సాక్షి, అమలాపురం: ప్రస్తుత మార్కెట్‌లో పెరుగుతున్న నిత్యావసర వస్తువులు, నూనెలు, కూరగాయలు, పెట్రోల్‌, డీజిల్‌ ఇలా పెరుగుతున్న ధరలు చూస్తే సామాన్యుల నెలవారీ బడ్జెట్‌ తలకిందులవుతోంది. ఆదాయం మాత్రం అదే స్థాయిలో ఉండటంతో నెలాఖరుకు వచ్చేసరికి చేతిలో మిగిలేది ఏమీ ఉండటం లేదని మధ్యతరగతి కుటుంబాలు వాపోతున్నాయి. ధరల పెరుగుదలతో ఇప్పటికే కుటుంబ అవసరాల్లో కోతలు పెట్టుకుంటున్న సామాన్యులు.. పొదుపు, పిల్లల చదువు, వైద్యం వంటి భవిష్యత్‌ అవసరాలపై మాత్రం ఇది తీవ్ర ప్రభావం చూపుతుందని ఆందోళన చెందుతున్నారు. ఒక్కసారిగా ‘ఉల్లి’క్కిపాటు కోస్తేనే కన్నీళ్లు తెచ్చే ఉల్లిపాయ, ఈ రోజుల్లో మార్కెట్‌లో దాని ధర చూస్తేనే కళ్లలో నీరు తెప్పిస్తోంది. కూరల్లో ఉల్లి లేకపోతే రుచి లేదు.. మార్కెట్‌లో కొనేందుకు జేబులో డబ్బు లేదు! బంగారంతో పోటీ పడుతున్నట్టు ఉల్లి రేటు పెరుగుతోంది. గత నెల రోజుల వ్యవధిలో ఉల్లిపాయ ధర గణనీయంగా పెరిగింది. కర్నూలు తదితర ప్రాంతాల నుంచి సాధారణంగా వచ్చే ఉల్లిపాయల సరఫరాలో మార్పులు రావడం, ఇతర ప్రాంతాల నుంచి సరుకు తీసుకురావాల్సి రావడం వల్ల రవాణా ఖర్చులు పెరుగుతున్నాయని వ్యాపార వర్గాలు చెబుతున్నాయి. దీనికి తోడు హోల్‌సేల్‌ మార్కెట్‌లో భారీగా సరకును నిల్వ ఉంచడం, డిమాండ్‌కు అనుగుణంగా సరఫరా లేకపోవడం వంటి అంశాలు కూడా ధరలపై ప్రభావం చూపుతున్నాయి. ప్రస్తుతం మార్కెట్‌లో కిలో ఉల్లి ధర రూ.65 పైమాటే ఉంది. నెల రోజుల్లో కిలో రూ.25 నుంచి ఈ మొత్తానికి పెరిగిపోవడంతో వినియోగదారులు గగ్గోలు పెడుతున్నారు. ముద్ద దిగక.. పెరుగుతున్న బియ్యం ధరతో సామాన్యుల నోటికి ముద్ద చేరడం లేదు. రేషన్‌ బియ్యం తినలేక, బయట మార్కెట్‌లో కొనలేక సామాన్యులు నలిగిపోతున్నారు. పేద, మధ్యతరగతి కుటుంబాలు సైతం నాణ్యతను బట్టి మార్కెట్‌లో బియ్యం కొనుగోలు చేయాల్సి వస్తోంది. వివిధ రకాల బియ్యం ధరలు పెరగడంతో నెలకు అవసరమైన బియ్యం కోసం అదనపు ఖర్చు అవుతోంది. 25 కిలోల సన్న బియ్యం బస్తా రూ.2 వేలు పెట్టి కొనుగోలు చేయాల్సిన పరిస్థితి నెలకొంది. నెల రోజుల క్రితం అదే బస్తా రూ.1400 ఉండగా, ఒక్కసారిగా రూ.600 పెరిగింది.బియ్యం ధరలు (కేజీకి) బీపీటీ రకాలు : రూ.65 హెచ్‌ఎంటీ రకాలు : రూ.72 రా రైస్‌ : రూ.72 హెచ్‌ఎంటీ మసర్‌ : రూ.56 నిత్యావసరాలు పంచదార : రూ.65 మినప్పప్పు : రూ.130 మినపగుళ్లు : రూ.170 కందిపప్పు : రూ.150 శనగపప్పు : రూ.100 వేరుశెనగ గుళు : రూ.170 ఏపీ శనగపప్పు : రూ.110 చింతపండు : రూ.140 పెసరపప్పు : రూ.130 మైదా : రూ.60 బియ్యం నూక : రూ.55 కరాచీ : రూ.60 వంటనూనె : రూ.182 జీడిపప్పు : రూ.450 వెల్లుల్లి : రూ.320 ఎండుమిర్చి : రూ.320 కారం : రూ.250 ఉప్పు ప్యాకెట్‌ : రూ.30 బెల్లం : రూ.75 కూరగాయల ధరలు ఉల్లిపాయలు : రూ.60 నుంచి రూ.70 వంకాయలు : రూ.60 పచ్చి మిర్చి : రూ.60 చిక్కుడుకాయ : రూ.120 క్యారెట్‌ : రూ.50 నుంచి రూ.60 పెట్రోల్‌, డీజిల్‌ ధరలు పెట్రోల్‌ లీటరు : రూ.117.41 డీజిల్‌ లీటరు : రూ.104.49 గ్యాస్‌ ధరలు గృహ సిలిండర్‌ : రూ.972 (14 కేజీలు) వాణిజ్య సిలిండర్‌ : రూ.2866 (19 కేజీలు) పెరుగుతున్న ధరలు.. తరిగిపోతున్న ఆదాయం బియ్యం, పప్పులు, నూనె, కూరగాయల ధరల మోత పెట్రోల్‌, డీజిల్‌, గ్యాస్‌ భారం అదనం నెలవారీ కుటుంబ బడ్జెట్‌ తారుమారు ఆదాయం పెరగక.. ఖర్చులు మాత్రం పెరుగుతూ సామాన్యుల అవస్థలు ఆర్థికంగా చితికిపోతున్న పేద కుటుంబాలు ఇంధన ధరల భారం అన్నింటిపైనా పడుతోంది పెట్రోల్‌, డీజిల్‌ ధరల పెరుగుదల కేవలం వాహనదారులపైనే కాకుండా రవాణా వ్యవస్థ ద్వారా అన్ని వస్తువుల ధరలపైనా ప్రభావం చూపుతోంది. రవాణా ఖర్చులు పెరిగితే కూరగాయలు, కిరాణా సరకుల ధరలు కూడా పెరిగే అవకాశం ఉంటుంది. యుద్ధం తరువాత డీజిల్‌, పెట్రోల్‌ ధరలు పెరగడం వల్ల కూడా ఇప్పుడు నిత్యావసర, కూరగాయల ధరలు పెరగడానికి కారణమైంది. – తాడి వెంకటరెడ్డి, పీఏసీఎస్‌ మాజీ వైస్‌ చైర్మన్‌, మొగలిపాలెం, రామచంద్రపురం మండలం రూ.20 వేలు సరిపోవడం లేదు ధరల పెరుగుదలతో కుటుంబ నెలవారీ బడ్జెట్‌ రెట్టింపైంది. రూ.20 వేలు ఒక మూలకు రావడం లేదు. తినడానికి కొనుక్కునేవాటికి పిల్లల చదువు, ప్రయాణ ఖర్చులను కూడా కలుపుకుంటే రూ.30 వేలు దాటుతోంది. ఆదాయం పెరగలేదు.. కానీ ఖర్చులు మాత్రం రెండు, మూడు రెట్లు పెరిగాయి. – గున్నేపల్లి భీమ్‌ శంకర్‌, ముస్లిం వీధి, అమలాపురం

అమలాపురం టౌన్‌ : రవణం వీధిలోని శ్రీ సర్వమంగళ ఆలయంలోకి ప్రవేశించిన వర్షపు నీరుఅమలాపురం టౌన్‌ : మెయిన్‌ రోడ్డుపై నిలిచిపోయిన వర్షం నీరుఅమలాపురం, అంబాజీపేట మండలాల్లో ఆదివారం కురిసిన భారీ వర్షంతో రహదారులు జలమయమయ్యాయి. డ్రైనేజీలు పొంగి ప్రవహించాయి. దీంతో రాకపోకలకు వాహనదారులు తీవ్ర ఇబ్బందులు పడ్డారు. ఎడతెరిపి లేకుండా కురిసిన వర్షానికి పలు కాలనీలు, వీధులు జలమయమయ్యాయి. పలు ఇళ్లు, ఆలయాల్లోకి వర్షపు నీరు ప్రవేశించింది. అమలాపురంలో మున్సిపల్‌ కమిషనర్‌ వి.నిర్మల్‌కుమార్‌ పట్టణంలో ముంపునకు గురైన వీధుల్లో డ్రెయిన్లు త్వరగా లాగేలా సిబ్బందితో చర్యలు చేపట్టారు. భారీ వర్షాలకు అంబాజీపేట మండలంలోని కొబ్బరి, కోకో, అరటి, కూరపాదులు నీట మునిగాయి. – అమలాపురం టౌన్‌/ అంబాజీపేట

● వేతనాల మంజూరులో ప్రభుత్వం నిర్లక్ష్యం ● మరో మూడు రోజుల్లో పదవీకాలం ముగింపు ● ఆవేదన వ్యక్తం చేస్తున్న ఎంపీటీసీ సభ్యులుఅంబాజీపేట: కూటమి ప్రభుత్వం అధికారం చేపట్టి రెండున్నరేళ్లు అవుతున్నా ప్రజాప్రతినిధులను అగౌరవ పరుస్తూనే ఉంది కూటమి ప్రభుత్వం. ఎంపీటీసీలకు వైఎస్సార్‌ సీపీ ప్రభుత్వ హయాంలో రెండు విడతలుగా గౌరవ చెల్లించగా, 2024 జూన్‌ నెలలో కూటమి ప్రభుత్వం ఏర్పాటైన తర్వాత వారంతా పూర్తి నిర్లక్ష్యానికి గురవుతున్నారు. జిల్లాలో అమలాపురంలో 61 మంది, పి.గన్నవరం 79, రావులపాలెం 86, ముమ్మిడివరం 52, రాజోలు 63, రామచంద్రపురం 59 మంది ఎంపీటీసీ సభ్యులు ఉన్నారు. వీరికి 32 నెలల వేతనం అందాల్సి ఉంది. ఈ నెల 23తో వారి పదవీ కాలం ముగియనుంది. పలు సమావేశాల్లో వారికి అందాల్సిన గౌరవ వేతనాల కోసం బడ్జెట్లు ప్రవేశపెట్టినా ప్రజా ప్రతినిధుల ఖాతాల్లో ఒక్క రూపాయి విదల్చడం లేదు. అధిక శాతం ఎంపీటీసీ సభ్యులు వైఎస్సార్‌ సీపీ వారు కావడం వల్లే నిధులు మంజూరు చేయడం లేదని వారు అంటున్నారు. స్థానిక ఎంపీడీఓ కార్యాలయంలో జరగనున్న మండల సర్వసభ్య సమావేశంలో సమస్యలు పరిష్కారమవుతాయని ప్రజాప్రతినిధులు ఎదురుచూస్తున్నారు. ప్రజలు నేరుగా ఎన్నుకున్న తమను పదవిని బట్టి గౌరవించడం ప్రభుత్వం బాధ్యత అని, తమకు ఇవ్వాల్సిన గౌరవ వేతనాలు బకాయి పెట్టడం ఎంతవరకు సమంజసమని వారు ఆవేదన వ్యక్తం చేస్తున్నారు. కూటమి ప్రభుత్వం ఏర్పాడిన తరువాత గత రెండున్నరేళ్లలో ఎంపీటీసీల పేరున ఒక్క అభివృద్ధి పనీ చేపట్టలేకపోయారు. గతంలో వైఎస్సార్‌ సీపీ అధికారంలో ఉండగా ఎంపీటీసీలకు ప్రాముఖ్యం ఇస్తు గ్రామాల అభివృద్ధికి నిధులు మంజూరు చేశారు. చంద్రబాబు ప్రభుత్వం వచ్చాక అభివృద్ధి పనులు సాగడం లేదు. కేవలం 85 శాతం మంది వైఎస్సార్‌ సీపీ ఎంపీటీసీలుగా ఉన్నారనే నిధులు, అభివృద్ధిని అడ్డుకున్నారని పలువురు విమర్శిస్తున్నారు.బిల్లులు పెడుతున్నా మంజూరు చేయరు ప్రభుత్వం ఎంపీటీసీ సభ్యులను చిన్నచూపు చూడడంలో ఆంతర్యమేమిటో తెలియడం లేదు. తమకు రావలసిన వేతనాలు చెల్లించడానికి ఇంత ప్రాధేయపడాలా? వేతనాల బిల్లులు పెడుతున్నా మంజూరు చేయకపోవడం దౌర్భాగ్యం. రెండు సార్లు బడ్జెట్‌ సమావేశం జరిగినా అందులోను కేటాయించలేదు. ఎంపీటీసీలపై నిర్లక్ష్యంగా వ్యహరించడం కూటమి ప్రభుత్వానికి మంచిది కాదు. – దొమ్మేటి వెంకటేశ్వరరావు, ఎంపీపీ, మాచవరం

● 9 మంది మత్స్యకారులు సురక్షితం ● ధ్వంసమైన పడవ.. రూ.30 లక్షల ఆస్తి నష్టం ఐ.పోలవరం: సముద్రంలో ఓ బోటు మునిగిన ఘటనలో తొమ్మిది మంది మత్స్యకారులు సురక్షితంగా బయటపడ్డారు. వివరాలివీ.. ఐ.పోలవరం మండలంలోని మత్స్యకార గ్రామమైన భైరవపాలేనికి చెందిన తొమ్మిది మంది మత్స్యకారులు ఐదు రోజుల క్రితం చింతా శ్రీనుకు చెందిన మర పడవపై సముద్రంలో వేటకు వెళ్లారు. చేపల వేట అనంతరం తిరిగి వస్తుండగా ఆదివారం రాత్రి బలమైన ఈదురు గాలులు వీచాయి. దీంతో వారి బోటు ఒక్కసారిగా సముద్రంలో మునిగిపోయింది. అందులోని వారిని అక్కడే మరో బోటులో ఉన్న మత్స్యకారులు రక్షించి, సురక్షితంగా ఒడ్డుకు తీసుకొచ్చారు. సముద్రంలో మునిగిన బోటు గాలుల తాకిడికి మొగ వద్దకు కొట్టుకు వచ్చింది. అది పూర్తిగా ధ్వంసమైందని, ఐదు రోజుల పాటు కష్టపడి సంపాదించిన మత్స్యసంపద కూడా నీటమునిగిందని, సుమారు రూ.30 లక్షల ఆస్తినష్టం వాటిల్లిందని చింతా శ్రీను ఆవేదన వ్యక్తం చేశారు.

మొబైల్‌ వాహనాన్ని ప్రారంభించిన ఎస్పీ అమలాపురం టౌన్‌: నేర పరిశోధనలో శాసీ్త్రయ ఆధారాల సేకరణకు ప్రత్యేకంగా రూపొందించిన మొబైల్‌ ఫోరెన్సిక్‌ వాహనం పోలీసుల దర్యాప్తులో ఎంతో కీలకంగా ఉంటుందని జిల్లా ఎస్పీ రాహుల్‌ మీనా అన్నారు. జిల్లాకు కేటాయించిన మొబైల్‌ ఫోరెన్సిక్‌ వాహనాన్ని స్థానిక జిల్లా ఎస్పీ కార్యాలయ ప్రాంగణంలో శనివారం ఆయన ప్రారంభించారు. ఈ వాహనం నేర స్థలానికి నేరుగా చేరుకుని అక్కడిక్కడే ఆధారాలను గుర్తించడం, సేకరించడం, భద్ర పరచడం, డాక్యుమెంటేషన్‌ చేయడం వంటి పనులు చేస్తుందని ఈ సందర్భంగా ఎస్పీ వివరించారు. నేరస్తుల సాధారణ భౌతిక ఆధారాల సేకరణ, కంటికి కనిపించని ఆధారాలను గుర్తించేందుకు హై–ఇంటెన్సిటీ ఫోరెన్సిక్‌ లైట్‌ వంటి ఆధునాతన పరికరాలు ఈ వాహనంలో ఉన్నాయని తెలిపారు. ఈ వాహనంలో రక్తం, వీర్యం వంటి జీవ ఆధారాల ప్రాథమిక పరీక్ష, సేకరణ కిట్లు, డీఎస్‌ఏ నమూనా సేకరణ కిట్‌, మాదక ద్రవ్యాలు, పేలుడు పదార్థాల స్క్రీనింగ్‌ కిట్లు, గన్‌ షాట్‌ రెసిడ్యూ సేకరణ కిట్‌, బుల్లెట్‌ హోల్‌ పరిశీలన కిట్‌, ట్రేస్‌ ఎవిడెన్స్‌ కోసం స్టీరియో మైక్రో స్కోప్‌, డీఎస్‌ఎల్‌ఆర్‌ కెమెరా, బాడీ–వార్న్‌ కెమెరా వంటి ఆధునాతన సదుపాయాలు ఉంటాయని ఆయన చెప్పారు. వాహనంలో జీపీఎస్‌, సీసీ టీవీ, డ్యాష్‌ బోర్డు కెమెరా, వెయింగ్‌ బ్యాలెన్స్‌, మినీ రిఫ్రిజేటర్‌, ఎల్‌ఈడీ స్క్రీన్‌, పబ్లిక్‌ అనౌన్స్‌మెంట్‌ సిస్టం, బార్‌ కోడ్‌ స్కానర్‌, థర్మల్‌ ప్రింటర్‌, జనరేటర్‌ వంటి పరికరాలతో పాటు డిజిటల్‌ ఇన్వెస్టిగేషన్‌ కిట్‌ సదుపాయం కూడా ఉంటుందని వివరించారు. పోలీసుల దర్యాప్తులో ఈ వాహనంలో ఉన్న సదుపాయాలు ఎంతో కీలకం కానున్నయని ఎస్పీ తెలిపారు. ఈ పరికరాలు సేకరించిన ఆధారాలు సంబంధిత కేసును దర్యాప్తు చేస్తున్న అధికారికి అందించి కోర్టుల్లో సునాయాసంగా అందజేసేలా ఉపయోగపడతాయని చెప్పారు. ఇద్దరు ఉద్యోగులు వాహనంలో ఉండి పరికరాలు ఆపరేట్‌ చేస్తారన్నారు. వాహనం ప్రారంభ కార్యక్రమంలో స్పెషల్‌ బ్రాంచి సీఐ వి.పుల్లారావు, డీసీఆర్‌బీ సీఐ రాజేష్‌, ఏఆర్‌ ఆర్‌ఐ బ్రహ్మానందం తదితరులు పాల్గొన్నారు.

దక్షిణ కోస్తా రైల్వే చొరవతో తొలిసారిగా మహారాష్ట్రకు కాకినాడ రూరల్‌: కలప గుజ్జును రైలు మార్గంలో రవాణా చేసే కార్యక్రమానికి దక్షిణ కోస్తా రైల్వే శ్రీకారం చుట్టింది. భారతీయ రైల్వే చరిత్రలో తొలిసారిగా కాకినాడ పోర్టు నుంచి మహారాష్ట్రలోని భిగ్వాన్‌కు ఒక సరుకుగా దీనిని లోడ్‌ చేసి రవాణాను శనివారం ప్రారంభించింది. రోడ్డు మార్గం నుంచి రైలు మార్గానికి విజయవంతంగా మళ్లించడం ద్వారా సరకు రవాణా ఆదాయానికి కొత్త వనరుకు తెరతీసింది. గత 15 ఏళ్లుగా కాకినాడ నుంచి మహారాష్ట్రలోని కాగితపు పరిశ్రమలకు దిగుమతి చేసుకున్న కలప గుజ్జును రోడ్డు మార్గం ద్వారానే రవాణా చేసేవారు. ఈ రవాణాను రైలు మార్గానికి మళ్లించే అవకాశాలను గుర్తించిన దక్షిణ కోస్తా రైల్వే, పరిశ్రమ ప్రతినిధులతో చర్చలు జరిపి, వాస్తవ లోడింగ్‌ అవసరాలు, సుంకాల (టారిఫ్‌) విధానాన్ని పరిశీలించింది. వాస్తవానికి ఒక్కో వాగన్‌కు 45–50 టన్నుల కలప గుజ్జును మాత్రమే లోడ్‌ చేయగల సామర్థ్యం ఉంటుందని, అయితే రైల్వే వసూలు చేసే చార్జీల విధానం మాత్రం 65.1 టన్నుల సామర్థ్యం ఆధారంగా ఉండటం వల్ల రోడ్డు మార్గంతో పోలిస్తే రైలు రవాణా ఖరీదైనదిగా మారిందని గమనించారు. ఈ సమస్యను పరిష్కరించేందుకు, దక్షిణ కోస్తా రైల్వే పరిశ్రమ వర్గాలతో చర్చలు జరిపి, కలప గుజ్జు రవాణాకు తగిన రేట్లను నిర్ణయించాలని ఈ ఏడాది జూలైలో రైల్వే బోర్డుకు ఒక ప్రతిపాదన పంపింది. ఈ ప్రతిపాదన మేరకు, సరకు రవాణా టారిఫ్‌లోని క్లాస్‌–110 కింద కలప గుజ్జును ఒక వస్తువుగా చేర్చారు. దీనివల్ల రవాణా చార్జీలు గణనీయంగా తగ్గాయి. ఫలితంగా రోడ్డు మార్గం కంటే రైలు మార్గం ద్వారా రవాణా చేయడం మరింత చౌకగా మారింది. దీంతో 1061 కిలోమీటర్ల మేర సాగే సుదూర రవాణా రోడ్డు మార్గం నుంచి రైలు మార్గానికి విజయవంతంగా మళ్లింది. దిగుమతి చేసుకున్న కలప గుజ్జును తీసుకెళ్తున్న మొట్టమొదటి ’బోస్ట్‌’ (రేక్‌) కాకినాడలో లోడ్‌ చేయడంతో మహారాష్ట్రలోని భిగ్వాన్‌కు బయలుదేరింది. రూ.20 కోట్ల వార్షిక ఆదాయం.. ఒక్కో రేక్‌ (గూడ్స్‌ రైలు) రవాణా ద్వారా దాదాపు రూ.40 లక్షల ఆదాయం సమకూరుతుంది. తద్వారా దక్షిణ కోస్తా రైల్వేకు సంవత్సరానికి సుమారు 1.5 లక్షల టన్నుల అదనపు లోడింగ్‌తో పాటు, అంచనా ప్రకారం దాదాపు రూ.20 కోట్ల వార్షిక సరకు రవాణా ఆదాయం సమకూరుతుందని భావిస్తున్నారు. ఈ రవాణా మార్గాన్ని గుర్తించి, అభివృద్ధి చేసి విజయవంతంగా మళ్ళించడంలో సమష్టిగా కృషి చేసిన ప్రిన్సిపల్‌ చీఫ్‌ ఆపరేషన్స్‌ మేనేజర్‌ వినీత్‌ కుమార్‌, ప్రిన్సిపల్‌ చీఫ్‌ కమర్షియల్‌ మేనేజర్‌ కె.సాంబశివరావు, విజయవాడ డీఆర్‌ఎం మోహిత్‌ సోనకియాతో పాటు మొత్తం బృందాన్ని దక్షిణ కోస్తా రైల్వే జీఎం సందీప్‌ మాథుర్‌ అభినందించారు.

జస్టిస్‌ బులుసు శివశంకర్‌ అమలాపురం రూరల్‌: కోనసీమలో అనాదిగా వేదం పరిఢవిల్లుతోందని తెలంగాణ రాష్ట్ర పోలీస్‌ కంప్లయింట్‌ అథారిటీ చైర్మన్‌ జస్టిస్‌ బులుసు శివశంకర్‌ అన్నారు. మండలంలోని సాకుర్రు గ్రామంలో రాణి హయగ్రీవ అవధాని వేద శాస్త్ర పరిషత్‌, ఆత్రేయ మహర్షి వేద శాస్త్ర పరిషత్‌ ఆధ్వర్యంలో గుల్లపల్లి దత్తాత్రేయ ఘనాపాటి అధ్యక్షతన శనివారం నిర్వహించిన వార్షిక వేద సభలో ఆయన ముఖ్య అతిథిగా ప్రసగించారు. కోనసీమ వేదాలకు పుట్టినిల్లని, అటువంటి సీమలో వేద శాస్త్ర పరిషత్తులు సభలు నిర్వహించడం ఎంతో ప్రశంసనీయమని చెప్పారు. గోదావరి జిల్లా నుంచి వేద పండితులు అధిక సంఖ్యలో పాల్గొని వేద స్వస్తి నిర్వహిచారు. విశ్వనాథ గోపాలకృష్ణ ఘనాపాటి, వడ్లమాని సుబ్రమణ్య ఘనాపాటి, దువ్వూరి ప్రకాశ అవధానులు, తిరుమల తిరుపతి దేవస్థానం పండితుడు చిన్న ఆంజనేయ ఘనాపాటి ప్రసం గించారు. ఈ సందర్భంగా శతాధిక స్మార్త పండితుడు గరిమెళ్ళ విశ్వనాథంను సత్కరించారు.

● రైతులు తీవ్రంగా నష్టపోతున్నారు ● చంద్రబాబు తీరుపై వైఎస్సార్‌సీపీ జిల్లా అధ్యక్షుడు జగ్గిరెడ్డి విమర్శలు రావులపాలెం: రాష్ట్రంలో కరువు పరిస్థితులు స్పష్టంగా కనిపిస్తున్నాయని, రైతుల పక్షపాతినని చెప్పుకొనే చంద్రబాబు ఇప్పటివరకు కరువు మండలాలను ఎందుకు ప్రకటించలేదో చెప్పాలని వైఎస్సార్‌సీపీ జిల్లా అధ్యక్షుడు చిర్ల జగ్గిరెడ్డి డిమాండ్‌ చేశారు. స్థానిక వైఎస్సార్‌సీపీ క్యాంపు కార్యాలయంలో శనివారం ఏర్పాటుచేసిన విలేకరుల సమావేశంలో ఆయన మాట్లాడారు. రాష్ట్రవ్యాప్తంగా 50 శాతం వర్షపాత లోటు ఉంటే, ఒక్క డాక్టర్‌ బీఆర్‌ అంబేడ్కర్‌ కోనసీమ జిల్లాలోనే 57 శాతం లోటు నమోదైందన్నారు. ఈ పరిస్థితుల్లో పక్క ఉన్న కర్ణాటక వంటి రాష్ట్రాలు ఆగస్టు 28వ తేదీనే కరువు మండలాలను ప్రకటించాయన్నారు. కరువు ప్రకటన లేకపోవడం వల్ల రైతులు తీవ్రంగా నష్టపోతారని చెప్పారు. కరువు మండలాలు ప్రకటిస్తే రైతులకు ఎంతో మేలు జరుగుతుందని, బ్యాంకుల రుణాలు రీషెడ్యూల్‌ అవుతాయని, క్రాప్‌ ఇన్సూరెన్స్‌ వర్తిస్తుందని, ఇన్‌పుట్‌ సబ్సిడీ అందుతుందని వివరించారు. ఇవేవీ ఇవ్వకూడదనే ఉద్దేశంతోనే చంద్రబాబు ప్రభుత్వం కరువు మండలాలను ప్రకటించడం లేదని విమర్శించారు. మోంథా తుపాను బకాయిలే రూ.800 కోట్లు ఉన్నాయని, కరువు ప్రకటిస్తే రూ.6 వేల కోట్లకు పైగా ఇన్‌పుట్‌ సబ్సిడీ ఇవ్వాల్సి వస్తుందనే నెపంతో ప్రభుత్వం కాలయాపన చేస్తోందని చెప్పారు. యూరియా కూడా ఇవ్వట్లేదు.. జిల్లాలో కనీసం యూరియా కూడా దొరకని పరిస్థితి ఉందని, రైతులు బ్లాక్‌ మార్కెట్‌లో ఎరువులు కొనుక్కోవాల్సి వస్తోందని జగ్గిరెడ్డి తెలిపారు. జిల్లాకు ప్రాతినిధ్యం వహిస్తున్న వ్యవసాయ మంత్రి కొబ్బరి, కోకో, కంద వంటి పంటలకు కేజీ యూరియా కూడా ఇవ్వడం లేదన్నారు. క్యాబేజీకి 3 కేజీలు కావాల్సి ఉంటే అర కేజీ మాత్రమే ఇస్తున్నారన్నారు. మరోవైపు ఎరువుల ధరలను విపరీతంగా పెంచేశారన్నారు. దీనివల్ల ఎకరాకు రూ.10 వేలు అదనపు భారం పడుతుందని చెప్పారు. కాలువ చివరి భూములకు సాగునీరందడం లేదని తెలిపారు. టన్నుకు రూ.26 వేల వరకు మేత ధర పెంచి ఆక్వా రైతునూ కోలుకోలేని దెబ్బతీశారని విమర్శించారు. నిత్యావసరాల ధరలు మండిపోతుండటంతో సామాన్య ప్రజలు అల్లాడిపోతున్నారని చెప్పారు. తక్షణమే రాష్ట్రంలో వర్షాభావ మండలాలను ’కరువు మండలాలు’గా ప్రకటించాలని వైఎస్సార్‌ సీపీ తరపున డిమాండ్‌ చేస్తున్నామన్నారు. అక్రమార్జనలో బిజీగా కూటమి నేతలు నియోజకవర్గాల్లో బెల్ట్‌ షాపులు, లిక్కర్‌ కమీషన్ల ద్వారా వచ్చే లాభాలను పంచుకోవడంలోనే కూటమి నాయకులు బిజీగా ఉన్నారని, సందుసందునా బెల్ట్‌ షాపులు నడుస్తున్నా ప్రభుత్వం పట్టించుకోవడం లేదని దుయ్యబట్టారు. మద్యంలో స్థానిక ఎమ్మెల్యే రూ.3 కోట్ల వరకు మామూళ్ళు తీసుకుని తమ్ముళ్ళకు నష్టాలను పంచారని వాళ్ళ నాయకులే చెబుతున్నారన్నారు. సమావేశంలో నేతలు కె.శ్రీనివాసరావు, జి.రమాదేవి, ఎం.గంగాధరరావు, బి.కరుణాకరం, టి.శ్రీను తదితరులు పాల్గొన్నారు.

సాక్షి, అమలాపురం: ఒకటి కాదు.. రెండు కాదు.. పాతికేళ్లు దాటింది. కోనసీమ రైల్వే ప్రాజెక్టుకు పనులు ప్రారంభించి రజతోత్సవమవుతోంది. శంకుస్థాపన నాటి ఆశలు ఇప్పటికీ సాకారం కాలేదు. కోనసీమకు రైలు వస్తుందన్న కల ఇంకా పట్టాలకెక్కలేదు. అమలాపురం వేదికగా 2000 నవంబర్‌ 16న అప్పటి కేంద్ర రైల్వే మంత్రి మమతా బెనర్జీ కోటిపల్లి–నరసాపురం రైల్వే లైన్‌కు శంకుస్థాపన చేశారు. కాకినాడ నుంచి కోటిపల్లి వరకు పూర్తయిన ఈ రైల్వే లైన్‌ అక్కడి నుంచి ముందుకు సాగడం లేదు. మొత్తం 57.21 కిలోమీటర్ల ఈ రైల్వే మార్గం కోనసీమను రైల్వే పటంలోకి తీసుకురావడంతో పాటు వరి, కొబ్బరి, అరటి, ఆక్వా తదితర వ్యవసాయ ఉత్పత్తుల రవాణాకు కూడా కీలకంగా మారుతుందని స్థానికులు ఎన్నో ఆశలు పెట్టుకున్నారు. 25 ఏళ్ల దాటినా అవే ఎదురు చూపులు 2000–01లో ప్రాజెక్టు రైల్వే బడ్జెట్‌లోకి వచ్చింది. తొలినాళ్లలో సుమారు రూ.329 కోట్లుగా ఉన్న అంచనా వ్యయం కాలక్రమంలో భారీగా పెరిగి రూ.2120 కోట్లకు చేరింది. 2023 మార్చి నాటికి రైల్వే శాఖ రూ.1181 కోట్లు ఖర్చు చేసింది. అయినా రైలు పరుగులు పెట్టే పరిస్థితి రాలేదు. ప్రాజెక్టు జాప్యం కోనసీమలో అసంతృప్తికి ప్రధాన కారణంగా మారింది. నవంబరు నాటికి పాతకేళ్లవుతున్నా 2026లోనూ కోటిపల్లి–నరసాపురం కొత్త రైల్వే లైనన్‌ కొనసాగుతున్న ప్రాజెక్టుల జాబితాలోనే ఉండిపోయింది. మూడు వంతెనలకు సంబంధించి పిల్లర్లు మాత్రమే పూర్తయ్యాయి. వాటిపై గెడ్డర్ల నిర్మాణం జరగడం లేదు. గౌతమీ నదిపై గెడ్డర్ల నిర్మాణాలకు టెండర్లు ఖరారై మూడేళ్లు కావస్తున్నా పనులు మొదలు కాలేదు. భూసేకరణే అతి పెద్ద సమస్య కోటిపల్లి–నరసాపురం రైల్వే లైన్‌కు మొత్తం 421.35 హెక్టార్ల భూమి అవసరమని 2024లో కేంద్రం తెలిపింది. అందులో అప్పటికి రాష్ట్ర ప్రభుత్వం 162.52 హెక్టార్లను మాత్రమే రైల్వేకు అప్పగించింది. మిగిలిన భూమి అందుబాటులోకి రాకపోవడంతో పనులు వేగంగా సాగలేదని కేంద్రం స్పష్టం చేసింది. అందుబాటులో ఉన్న భూముల్లో మాత్రం పనులు కొనసాగుతున్నాయని తెలిపింది. ఆ తర్వాత భూసేకరణ ప్రక్రియలో కొంత పురోగతి వచ్చినప్పటికీ సమస్య పూర్తిగా పరిష్కారం కాలేదు. అమలాపురం–గుడిమెల్లంక మధ్య అలైన్‌మెంట్‌ మార్పుపై 2024–25లో హైకోర్టులో పిటిషన్లు దాఖలయ్యాయి. భూసేకరణకు సంబంధించిన అభ్యంతరాలు, పరిహారం అంశాలు కూడా ప్రాజెక్టు వేగాన్ని ప్రభావితం చేస్తున్నాయి. గోదావరి పాయలపై.. మూడు భారీ వంతెనలు కోనసీమ రైల్వే ప్రాజెక్టులో అత్యంత క్లిష్టమైన భాగం గోదావరి పాయలపై వంతెనల నిర్మాణం. గౌతమీ, వైనతేయ, వశిష్ఠ నదులపై భారీ రైల్వే వంతెనలు నిర్మించాల్సి ఉంది. ఈ మూడు వంతెనల పనులు వివిధ దశల్లో కొనసాగుతున్నట్టు రైల్వేశాఖ అధికారులు చెబుతున్నారు. గడచిన రెండున్నరేళ్లుగా కేవలం రెండు, మూడు పిల్లర్ల పనులు మాత్రమే పూర్తయ్యాయి. మరీ ముఖ్యంగా గడచిన ఏడాది కాలంగా దాదాపు పనులు నిలిచిపోయాయి. భూసేకరణ ఒకవైపు.. వంతెనల నిర్మాణం మరోవైపు.. పెరుగుతున్న నిర్మాణ వ్యయం ఇంకోవైపు.. ఇలా ప్రాజెక్టు ముందుకు సాగుతున్న ప్రతి దశలో కొత్త సవాళ్లు ఎదురవుతున్నాయి. నిరసన తెలిపినా బాబు నుంచి స్పందన లేదు ఇటీవల భూసేకరణకు నిధులు, పరిహారం, పనుల వేగవంతంపై స్పష్టమైన హామీ ఇవ్వాలని డిమాండ్‌ చేస్తూ విద్యార్థులు, ప్రజా సంఘాల ప్రతినిధులు నిరసనలు చేపట్టారు. ముఖ్యమంత్రి చంద్రబాబు ఈ నెల తొమ్మిదిన అంబాజీపేట పర్యటనకు వచ్చిన నేపథ్యంలో కోనసీమ రైల్వేలైన్‌ అంశం చర్చనీయాంశమైంది. ప్రాజెక్టుకు భూసేకరణ సమస్య పరిష్కారం, రాష్ట్ర వాటా నిధుల విడుదల, కేంద్రంతో సమన్వయం వంటి అంశాలపై స్పష్టత వస్తుందని ప్రజా సంఘాలు ఆశించాయి. పర్యటనలో ఈ ప్రాజెక్టుపై చంద్రబాబు నుంచి నిర్దిష్టమైన హామీ రాకపోవడం గమనార్హం. కూటమి అధికారంలోకి వచ్చి రెండున్నరేళ్లవుతోంది. వచ్చే రెండున్నరేళ్లలోనూ ఈ ప్రాజెక్టు పూర్తయ్యే పరిస్థితి కనిపించడం లేదు. జగన్‌ హయాంలో రూ.50 కోట్ల కేటాయింపులు.. మాజీ ముఖ్యమంత్రి వైఎస్‌ జగన్‌మోహన్‌రెడ్డి ప్రభుత్వ హయాంలో 2023లో భూసేకరణకు రూ.50 కోట్ల కేటాయింపులు చేశారు. ప్రభుత్వం మారిన తరువాత భూ సేకరణ వివాదాలుగా మారింది. దీనిపై ప్రభుత్వానికి చిత్తశుద్ధి లేకపోవడం కూడా ఒక కారణం. మరోవైపు ప్రాజెక్టును త్వరగా పూర్తి చేయాలని కోనసీమ జేఏసీ, రైల్వే సాధన సమితి తదితర ప్రజా సంఘాలు ఆందోళనలు చేస్తున్నాయి. హామీలు గాలికొదిలేశారు.. చంద్రబాబుతో పాటు ఉప ముఖ్యమంత్రి పవన్‌ కల్యాణ్‌ తదితరులు ప్రాజెక్టు పూర్తి చేస్తామని గతంలో హామీలు ఇచ్చిన నేపథ్యంలో ఇప్పుడు ఆ హామీలు కార్యరూపం దాల్చేలా చర్యలు చేపట్టాలని కోనసీమ ప్రజలు కోరుతున్నారు. రైల్వే ప్రాజెక్టు పనులు నిలిచిపోవడానికి రాష్ట్ర వాటా బకాయిలు, భూమి అప్పగింతలో జాప్యమే కారణమని కేంద్రం చెబుతోంది.

కోనసీమ తిరుమల వాడపల్లి శ్రీ వెంకటేశ్వర స్వామి వారి దర్శనానికి శనివారం భారీ సంఖ్యలో భక్తులు విచ్చేశారు. లక్ష మందికి పైగా భక్తులు స్వామివారిని దర్శించారని ఆలయ ఈవో నల్లం సూర్యచక్రధరరావు తెలిపారు. అధిక సంఖ్యలో భక్తుల రాకతో ఆలయ ప్రాంగణం, క్యూలైన్లు కిక్కిరిసిపోయాయి. భక్తులు వేద ఆశీర్వచనం, విశిష్ట దర్శనం, ఉచిత దర్శనం ద్వారా స్వామిని దర్శించి మొక్కులు తీర్చుకున్నారు. పెద్ద సంఖ్యలో భక్తులు స్వామివారి ఉచిత అన్న ప్రసాదం, తీర్థప్రసాదాలు స్వీకరించారు. – ఆత్రేయపురం దర్శనానికి క్యూలైన్‌లలో వేచి ఉన్న భక్తులు u

కొత్తపేట: స్కూల్‌ గేమ్స్‌ ఫెడరేషన్‌ (ఎస్‌జీఎఫ్‌) బాలికల విభాగం జిల్లా సెక్రటరీగా మండలంలో పలివెల జెడ్పీ హైస్కూలు పీడీ య ర్రంశెట్టి శేషసత్య ఉషారాణి నియమితులయ్యారు. ఈ మేరకు పాఠశాల విద్యా శాఖ కమిషనర్‌ ఉత్తర్వులు జారీ చేసినట్టు ఉషారాణి శనివారం తెలిపారు. ఖో–ఖో క్రీడలో 8 సార్లు జాతీయ స్థాయిలో పాల్గొన్న క్రీడాకారిణి అయిన ఉషారాణి వ్యాయామ ఉపాధ్యాయినిగా 1996లో సర్వీస్‌లో చేరారు. ఆమెను ఎంఈఓలు మట్టపర్తి హరిప్రసాద్‌, కే లీలావతి, పలివెల పాఠశాల హెచ్‌ఎం ఇందిరాబాయి తదితరులు అభినందించారు.

మాజీ ఎంపీ అనురాధ డిమాండ్‌ అల్లవరం: తిరుమల తిరుపతి దేవస్థానంలో కలియుగ దైవం శ్రీ వెంకటేశ్వర స్వామి వారికి సమర్పించే లడ్డు ప్రసాదం తయారీలో ఉపయోగించే నెయ్యిలో ఎలాంటి జంతు కొవ్వు అవశేషాలూ లేవని ఈడీ నిర్ధారించిందని, ఈ నేపథ్యంలో సీఎం చంద్రబాబు నాయుడు, ఉప ముఖ్యమంత్రి పవన్‌ కళ్యాణ్‌ భక్తులకు క్షమాపణలు చెప్పాలని మాజీ ఎంపీ చింతా అనురాధ డిమాండ్‌ చేశారు. ఈ మేరకు శనివారం ఆమె ఒక ప్రకటన విడుదల చేశారు. తాజాగా వెలువడిన ఈడీ దర్యాప్తు వివరాలతో లడ్డు వ్యవహారానికి తెరపడిందని ఆమె తెలిపారు. రాజకీయ ప్రయోజనాల కోసం చంద్రబాబు, పవన్‌, కూటమి నేతలు.. కోట్లాది మంది శ్రీవారి భక్తుల మనోభావాలను దెబ్బతీసేలా ఆరోపణలు చేశారని విమర్శించారు. పవిత్రమైన శ్రీవారి ప్రసాదాన్ని రాజకీయాలకు ఉపయోగించుకుని, వైఎస్సార్‌సీపీ ప్రభుత్వంపై, వైఎస్‌ జగన్‌మోహన్‌రెడ్డిపై దుష్ప్రచారం చేయడం దారుణమని పేర్కొన్నారు. భక్తుల విశ్వాసాలకు సంబంధించిన పవిత్రమైన అంశాలను రాజకీయ ప్రయోజనాల కోసం ఉపయోగించుకోవడం ఇకనైనా మానుకోవాలని కూటమి నేతలకు హితవు పలికారు. కూటమి ప్రభుత్వం ఎన్ని దుష్ప్రచారాలు చేసినా నిజం తేటతెల్లమైందని ఆమె తెలిపారు. నాలుగో రోజుకు చేరిన వీఆర్‌ఏల సమ్మె పి.గన్నవరం: తమ డిమాండ్లను అమలు చేయాలని కోరుతూ పి.గన్నవరం తహసీల్దార్‌ కార్యాలయం వద్ద వీఆర్‌ఏలు చేపట్టిన సమ్మె శనివారం నాటికి నాలుగో రోజుకు చేరుకుంది. నామినీలుగా పనిచేస్తున్నవారిని వీఆర్‌ఏలుగా నియమించాలని, అర్హత ఉన్న వీఆర్‌ఏలకు పదోన్నతి కల్పించాలని డిమాండ్‌ చేశారు. ఆందోళన కార్యక్రమంలో మండల వీఆర్‌ఏల సంఘ అధ్యక్ష కార్యదర్శులు ఆకుమర్తి శ్రీకృష్ణ శ్రీనివాసరావు, యార్లగడ్డ మహాలక్ష్మి, గౌరవాధ్యక్షుడు చిలకపాటి చిన్నారావు, ఉపాధ్యక్షుడు పల్లేరు చిట్టి వెంకన్న, కుంపట్ల రామకృష్ణ తదితరులు పాల్గొన్నారు. జూనియర్‌ సివిల్‌ జడ్జిల బదిలీలు కాకినాడ లీగల్‌: పలువురు జూనియర్‌ సివిల్‌ జడ్జిలకు కొత్త నియామకాలు, బదిలీలు చేస్తూ హైకోర్టు శుక్రవారం ఉత్తర్వులు జారీ చేసింది. చిత్తూరు జిల్లా పుంగనూరు ఒకటో అదనపు జూనియర్‌ సివిల్‌ జడ్జిగా విధులు నిర్వహిస్తున్న కె.కృష్ణవంశీని బదిలీపై కాకినాడ నాలుగో అదనపు జూనియర్‌ సివిల్‌ జడ్జిగా నియమించారు. కర్నూలు జిల్లా ఆదోని రెండో అదనపు జూనియర్‌ సివిల్‌ జడ్జి ఆత్మకూరి వెంకట సాయి శ్రీవల్లిని బదిలీపై కాకినాడ ఒకటో జూనియర్‌ సివిల్‌ జడ్జిగా నియమిస్తూ ఆదేశాలిచ్చింది.

పిఠాపురం: ఉష్ణోగ్రతల్లో అస్తవ్యస్త మార్పులకు పట్టు రైతులు తీవ్రంగా నష్టపోతున్నారు. రేయింబవళ్లు కష్టపడి పెంచిన పట్టు పురుగులు గూళ్లు అల్లుకునే నాలుగు, ఐదు దశల్లో చనిపోతుండడంతో కనీస పెట్టుబడులు రాక రూ.కోట్లలో నష్టపోతున్నారు. వాతావరణంలో విపరీత మార్పుల వల్ల ‘ప్రాచీన్‌’, ’గ్రాసరీ’ వంటి వైరల్‌ వ్యాధులు వ్యాపించి గూడు పెట్టే దశలో పురుగులు చనిపోతుండడం ఒక కారణమైతే, ప్రభుత్వ, ప్రైవేటు చాకీ సెంటర్ల నుంచి సరఫరా అయ్యే గుడ్లు, పురుగులలో నాణ్యతా లోపం మరో కారణమని రైతులు అంటున్నారు. లక్షల్లో పెట్టుబడి ఎకరం మల్బరీ తోట నిర్వహణకు ప్రతి విడతకూ రూ.70 వేల నుంచి రూ.లక్ష వ్యయమవుతుంది. పురుగులు గూళ్లు అల్లే చివరి నాలుగు, ఐదు దశల్లో ఉష్ణోగ్రతల్లో విపరీత మార్పుల వల్ల అవి చనిపోతుండడంతో పెట్టుబడులు, కష్టం వృథాపోతున్నాయి. ప్రభుత్వం, పట్టు పరిశ్రమల శాఖ తక్షణం స్పందించి ఆదుకోవాలని రైతులు ఆందోళన వ్యక్తం చేస్తున్నారు. ఉమ్మడి జిల్లాలో సాగు ఇలా.. రాష్ట్రంలో పలమనేరు, హిందూపురంతో పాటు జిల్లాలో గొల్లప్రోలు మండలం చేబ్రోలులో పట్టుగూళ్ల కొనుగోలు కేంద్రాలు ఉన్నాయి. ఉమ్మడి జిల్లాలో కోనసీమలోని అమలాపురం, రాజమహేంద్రవరం మినహా ఎజన్సీలో 5, పెద్దాపురం డివిజన్‌లో 12, కాకినాడ డివిజన్‌లో 2 మండలాల్లో 4500 ఎకరాల్లో 1100 మంది రైతులు మల్బరీ సాగు చేసేవారు. ఇలా రోజుకు ఐదు టన్నుల పట్టుగూళ్లు దిగుబడి ఉండేది. ప్రభుత్వ ప్రోత్సాహం కరువు గతంలో జిల్లాలో పండించిన పట్టుగూళ్లకు కేజీ రూ.550 వరకు ధర పలకగా ప్రస్తుతం రూ.250 కూడా పలకక రైతులు నష్టపోతున్నారు. ప్రభుత్వం ఇవ్వాల్సిన ఇన్సెంటివ్‌ సైతం రూ.4 కోట్ల మేర బకాయి పెట్టింది. షెడ్ల నిర్మాణానికి ప్రోత్సాహకాలు లేవు. వీటన్నింటికీ తోడు తెగుళ్ల బెడదతో పురుగులు గూళ్ల కట్టని పరిస్థితి నెలకొంది. పక్క పొలాల్లో పురుగు మందుల వల్లే.. రైతుల విజ్ఞప్తితో మల్బరీ పంటలను పరిశీలించిన శాస్త్రవేత్తలు సమీప పొలాల్లో పిచికారీ చేస్తున్న పురుగు మందుల వల్లే పట్టు పురుగులు చనిపోతున్నాయని చెప్తున్నారు. పంట నష్టాలకు కారణమవుతున్న తెగుళ్ల నివారణ చర్యలను ఇప్పటికీ అధికారులు చెప్పకపోవడంతో అసలు సాగుకు దూరమయ్యే పరిస్థితి నెలకొందని రైతులు అంటున్నారు. చేబ్రోలులో కనుమరుగు కానున్న మల్బరీ తోటలు చేబ్రోలులో పట్టు పురుగుల పెంపకం షెడ్‌ గూళ్లు కట్టే వేళ చనిపోతున్న పట్టు పురుగులు ఉష్ణోగ్రతల్లో తీవ్ర మార్పులతో వైపరీత్యం రూ.లక్షల్లో ఖర్చుచేసి నష్టపోతున్న రైతులు మూడు వేల నుంచి 300ఎకరాలకు పడిపోయిన మల్బరీ సాగు పట్టించుకునే వారు లేరు పంటలు నష్టపోతున్నా అధికారులు పట్టనట్టు వ్యవహరిస్తున్నారు. చేబ్రోలులో ఇప్పటికే 50 మంది వరకు రైతులు తీవ్ర నష్టాల పాలయ్యారు. కలెక్టర్‌ మా సమస్యను పరిశీలించి ఆదుకోవాలి. – వులవకాయల రాంబాబు, పట్టు రైతు, చేబ్రోలు, గొల్లప్రోలు మండలం సాగంటేనే భయమేస్తోంది గతంలో పట్టు సాగంటే పరుగులు తీసే రైతులు నేడు భయపడుతున్నారు. ఇప్పటికే చాలా మంది పంటకు దూరమయ్యారు. మండలంలో పట్టు సాగు లేకుండా పోయే పరిస్థితి ఎదురవుతోంది. పట్టు పురుగు గూడు ఎందుకు కట్టడం లేదో శాస్త్రవేత్తలు పరిశోధించి నివారణ చర్యలు సూచించాలి. – ఓరుగంటి రామారావు, పట్టు రైతు, చేబ్రోలు, గొల్లప్రోలు మండలం

అమలాపురం రూరల్‌: జిల్లాలో పెన్షన్‌ దరఖాస్తుల క్షేత్రస్థాయి పరిశీలన వేగవంతం చేయాలని ఇన్‌చార్జి కలెక్టర్‌ వైఖోమ్‌ నిడియా దేవి అధికారులను ఆదేశించారు. ఈ మేరకు సంబంధిత జిల్లా అధికారులు, మున్సిపల్‌ కమిషనర్లు, ఎంపీడీవోలు, డీపీవో, డీఎల్‌డీవోలతో శుక్రవారం ఆమె కలెక్టరేట్‌ నుంచి టెలీ కాన్ఫరెన్స్‌ నిర్వహించారు. జిల్లా వ్యాప్తంగా వివిధ పింఛన్ల కోసం మొత్తం 38,598 దరఖాస్తులు అందినట్టు ఈ సందర్భంగా కలెక్టర్‌ తెలిపారు. నిర్దేశిత గడువులోగా క్షేత్రస్థాయిలో వాటి పరిశీలన ప్రక్రియ పూర్తిచేయాలని చెప్పారు. ఎకై ్సజ్‌, మత్స్య, చేనేత తదితర శాఖలకు సంబంధించిన దరఖాస్తులను ఆయా శాఖల అధికారులు పరిశీలించాలన్నారు. వెల్ఫేర్‌ అసి స్టెంట్లు, వార్డు సెక్రటరీల లాగిన్లలో ఉన్న వృద్ధాప్య, వితంతు, దివ్యాంగ పెన్షన్‌ దరఖాస్తులను ఈ నెల 21 నాటికి తప్పనిసరిగా పరిశీలించి తదుపరి లాగిన్లకు పంపించాలని ఆదేశించారు. అక్టోబర్‌ రెండో తేదీ వరకు నిర్వహించనున్న స్వచ్ఛతా హీ సేవా పక్షోత్సవాల్లో భాగంగా ప్రతి మూడో శనివారం ప్రత్యేక పారిశుధ్య కార్యక్రమాలు నిర్వహించాలని అధికారులను ఆదేశించారు. డీఆర్‌డీఏ పీడీ రాంబాబు, డీపీవో శాంతి కుమారి తదితరులు పాల్గొన్నారు. జిల్లా ఇన్‌చార్జి కలెక్టర్‌

ఆలమూరు: మండలంలోని పెదపళ్లకు చెందిన దివ్యాంగులైన ఇలపర్తి ఉమాదేవి, సుంకర శ్రీనివాసుకు పింఛన్‌ దరఖాస్తులను తిరస్కరించడంపై ఆ గ్రామస్తులు ఆగ్రహం వ్యక్తం చేశారు. దివ్యాంగులైన వారిద్దరూ సుమారు 90 శాతం అంగవైకల్యంతో తీవ్రమైన అనారోగ్య సమస్యతో బాధపడుతున్నారు. తమ పని సైతం తాము చేసుకోలేని స్థితిలో ఉన్నారు. ఇటీవల ప్రభుత్వం మంజూరు చేసిన సదరం సర్టిఫికెట్‌లో వారికి 90 శాతం అంగవైకల్యాన్ని నమోదు చేసినా ‘టెంపరరీ’ అని పేర్కొనడం వారి పాలిట శాపంగా మారింది. వారిద్దరూ ఆన్‌లైన్‌లో పింఛన్‌ కోసం దరఖాస్తు చేసుకోగా అవి తిరస్కరణకు గురయ్యాయి. దీనిపై ఆగ్రహం చెందిన దివ్యాంగుల కుటుంబ సభ్యులు గ్రామ పంచాయతీ వద్ద నిరసన వ్యక్తం చేశారు. తమ ఆవేదనను కూటమి నేతల దృష్టికి తీసుకువెళ్ళినా పట్టించుకోలేదని వారు వాపోయారు. వైద్యారోగ్య శాఖ అధికారుల నిర్లక్ష్యం వల్ల అసలైన దివ్యాంగులకు టెంపరరీ సర్టిఫికెట్‌ మంజూరు చేయడాన్ని నిరసిస్తూ వారి కుటుంబ సభ్యులు పార్టీలకతీతంగా పలువురు నేతలను తీసుకువెళ్లి ఆలమూరులో తహసీల్దార్‌ కందుల కుశరాజు, ఎంపీడీఓ ఎ.రాజు, మండల ప్రత్యేక అధికారి లక్ష్మీ ప్రత్యూషకు ఫిర్యాదు చేశారు.