నంద్యాల: వేసవి ఆరంభంలో కనిపించే ఆ దృశ్యం.. ఈసారి వర్షాకాలంలోనే కనిపించింది. శ్రీశైలం జలాశయంలో నీటిమట్టం తగ్గడంతో కృష్ణమ్మ ఒడిలో మునిగిపోయిన సంగమేశ్వర ఆలయం మళ్లీ బయటపడింది. అయితే ఈసారి బయటపడిన వేగమే ఇప్పుడు చర్చనీయాంశంగా మారింది. జలాధివాసమైన ఐదు వారాలకే ఆలయ శిఖరం కనిపించడంతో.. రానున్న రోజుల్లో నీటి లభ్యత ఎలా ఉండబోతోందన్న ఆందోళనలు మొదలయ్యాయి.శ్రీశైలం జలాశయంలోకి వరద నీరు చేరినప్పుడు సప్త నదుల సంగమంలో కొలువైన ఈ ఆలయం క్రమంగా నీట మునుగుతుంది. సాధారణంగా నీటి మట్టం తగ్గి ఆలయం పూర్తిగా బయటపడటానికి చాలా నెలలు పడుతుంది. ముఖ్యంగా వేసవి ఆరంభంలోనే ఆలయ శిఖరం కనిపించడం ఆనవాయితీ. కానీ ఈసారి ఆగస్టు మొదటి వారంలో జలాధివాసమైన ఆలయ శిఖరం.. కేవలం ఐదు వారాల్లోనే బయటపడిందని ఆలయ అర్చకులు చెబుతున్నారు. తగ్గిన ఇన్‌ఫ్లో.. వేగంగా తగ్గిన నీటిమట్టంసంగమేశ్వర ఆలయం ఏడాదిలో నాలుగు నెలలు మాత్రమే తెరిచి ఉంటుంది. మిగతా ఎనిమిది నెలలు నీట మునిగి ఉంటుంది. శ్రీశైలం జలాశయంలో నీటిమట్టానికి అనుగుణంగా కనిపిస్తూ.. మళ్లీ కనుమరుగవుతూ ఉంటుంది. నీటిమట్టం 838 అడుగులకు చేరితే ఆలయంలోకి నీరు ప్రవేశిస్తుంది. 852 అడుగులకు చేరితే సాలాకార మండపం వరకు నీరు వస్తుంది. 865 అడుగులకు చేరితే ఆలయ శిఖరం పూర్తిగా నీటిలో మునిగిపోతుంది. అందుకే ఆలయ శిఖరం ఎప్పుడు బయటపడిందన్నది శ్రీశైలం జలాశయంలో నీటి నిల్వ పరిస్థితికి ఒక సూచికగా స్థానికులు భావిస్తుంటారు. క్లిక్‌ చేయండి: సంగమేశ్వరుడు చేసే ఈ అద్భుతం చూశారా?అయితే ఈసారి ఎగువ ప్రాంతాల్లో వర్షాలు తగ్గడంతో కృష్ణా నదికి వచ్చే వరద ప్రవాహం తగ్గింది. గత నెల రోజులుగా తాగు సాగునీటి కోసం విడుదల చేస్తున్నారు. ఇదే కాకుండా.. ఇంత కష్టకాలంలోనూ జలవిద్యుత్‌ కోసం నీటిని వినియోగించడం విమర్శలకు తావిస్తోంది. అయితే ప్రస్తుతం శ్రీశైలం రిజర్వాయర్‌లో 215 టీఎంసీలకు గానూ.. 118 టీఎంసీల నీరు ఉంది. ఈ లెక్కన.. నీటి మట్టం తగ్గడంతో మరో 15 నుంచి 20 రోజుల్లో ఆలయం పూర్తిగా బయటపడే అవకాశం ఉంది.గతంలో నెలల తరబడి నీటిలోనే..సంగమేశ్వర ఆలయం మునగడం, బయటపడటం కొత్తేమీ కాదు. గతంలోనూ శ్రీశైలం జలాశయం నిండిన సమయంలో ఆలయం నీటిలో మునిగిపోయింది. నీటిమట్టం తగ్గిన తర్వాత మళ్లీ బయటపడింది. అయితే సాధారణంగా ఈ ప్రక్రియకు నెలల సమయం పడుతుంది. అందుకే ఈసారి కేవలం ఐదు వారాల్లోనే శిఖరం బయటపడటం ప్రత్యేకంగా నిలిచింది. గత ఏడాది కూడా ఆలయం సుదీర్ఘకాలం నీటిలోనే ఉండి.. నీటిమట్టం తగ్గిన తర్వాత బయటపడింది. ఈ నేపథ్యంలో ఈసారి ఇంత త్వరగా బయటపడటంపై స్థానికంగా చర్చ జరుగుతోంది.ఎల్‌ నినో ప్రభావమేనా?వాతావరణ మార్పుల నేపథ్యంలో ఈ పరిణామం చోటు చేసుకోవడం గమనార్హం. వర్షాలు లేకపోయినా.. ఎగువన వరదతో ఆలయం నీట మునగడం ఆనవాయితీగా వస్తోంది. అయితే ఈసారి ఎల్‌ నినో ప్రభావం స్పష్టంగా కనిపిస్తోంది. ఎగువ ప్రాంతాల్లో వర్షపాతం, కృష్ణా నదికి వచ్చిన ఇన్‌ఫ్లో, శ్రీశైలం జలాశయం నుంచి నీటి విడుదల, సాగు–విద్యుత్‌ అవసరాలు.. ఇలా అనేక అంశాలు జలాశయంలో నీటిమట్టాన్ని ప్రభావితం చేశాయని నిపుణులు చెబుతున్నారు. సాధారణ సమయంతో పోలిస్తే ఇంత త్వరగా ఆలయం బయటపడటం మాత్రం నీటి పరిస్థితిపై ముందస్తు హెచ్చరికలా చూడాల్సిన అవసరం ఉందనే చర్చ జోరందుకుంది.

సాక్షి, నంద్యాల జిల్లా: ఆత్మకూరు పట్టణంలో ఒంటరి మహిళ రియాజున్నీసా (55) అనుమానాస్పద స్థితిలో మృతి చెందారు. ఇంటి బయట తాళం వేసి ఉండడంతో పలు అనుమానాలకు తావిస్తోంది. మృతురాలి భర్త రహమతుల్లా రిటైర్డ్ ఆర్టీసీ డ్రైవర్ రెండేళ్ల క్రితం మరణించారు. పిల్లలు లేకపోవడంతో మృతురాలు ఒంటరిగా జీవిస్తున్నారు. ఇంటి తాళం పగలగొట్టి మృతదేహాన్ని పరిశీలించిన పోలీసులు.. కేసు నమోదు చేసుకొని దర్యాప్తు చేపట్టారు.మరో ఘటనలో..భార్య తో గొడవపడి ఓ వ్యక్తి ఆత్మహత్య చేసుకున్నా డు. కర్నూలు నాలుగో పట్టణ పోలీస్‌స్టేషన్‌ పరిధిలోని వీకర్‌ సెక్షన్‌ కాలనీలో ఈ సంఘటన జరిగింది. పోలీసులు తెలిపిన వివ రాల మేరకు.. పింజరి నబీసా (37) మద్యానికి బానిసయ్యాడు. ఈ విషయంలో శుక్రవారం రాత్రి 11 గంటల సమయంలో భార్య పింజరి మాబీతో గొడవ జరిగింది.క్షణికావేశంలో ఆయన ఇంట్లోని పైకప్పు కర్రకు చీరతో ఉరి వేసుకుని వేలాడుతుండగా కుటుంబ సభ్యులు గమనించి కిందకు దించి కర్నూలు ప్రభుత్వాసుపత్రికి తరలించారు. అయితే అప్పటికే మృతిచెందినట్లు క్యాజువాలిటీ వైద్యులు నిర్ధారించారు. మృతుడి భార్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు పోలీసులు వెల్లడించారు.ఇదీ చదవండి: కోడలిని హతమార్చి.. బావిలోకి దూకి..!

హొళగుంద: బండిని లాగుతూ ఉన్నట్టుండి కుప్పకూలి ఒక ఎద్దు అక్కడికక్కడే మృతిచెందింది. ఈ దుర్ఘటన శుక్రవారం ఉదయం చోటుచేసుకుంది. హొళగుందకు చెందిన దిడ్డి నాగప్ప అనే రైతు తన ఎద్దులను బండికి కట్టి కోగిలతోట రోడ్డులో పొలం పనికి వెళ్తున్నాడు. ఒక ఎద్దు ఉన్నట్టుండి కిందపడిపోయి గిలగిల కొట్టుకుంటూ తీవ్ర అస్వస్థతకు గురై మృతి చెందింది. ఎద్దు విలువ దాదాపు రూ.80 వేలు ఉంటుందని రైతు విలపించాడు. వర్షాలు లేక పంటలు పండగ దివాలా తీస్తున్న సమయంలో కాడెద్దు మృతి చెందితే ఎలా బతకాలి అని రైతులు కన్నీటి పర్యంతమయ్యాడు. ఇదిలా ఉండగా రెండు రోజుల క్రితం ముద్దటమాగి గ్రామానికి చెందిన కురువ లింగన్న అనే రైతుకు చెందిన ఎద్దు కూడా పొలంలో మడక దున్నుతూ కుప్పకూలి మృత్యువాత పడింది.

పత్తికొండ: ప్రేమ వివాహం చేసుకున్న యువకుడిపై అమ్మాయి తరఫున బంధువులు దాడి చేయడంతో వారిపై చర్యలు తీసుకోవాలని కోరుతూ శుక్రవారం పత్తికొండలో యువకుడి కుటుంబసభ్యులు పోలీస్‌ స్టేషన్‌ ఎదుట ధర్నాకు దిగారు. అందోళనను కవరేజ్‌ చేయడం కోసం వెళ్లిన జర్నలిస్టులపై అర్బన్‌ సీఐ జయన్న రాయలేని భాషలో దూషణకు దిగారు. అంతటితో ఆగకుండా రిపోర్టర్‌ నాగరాజును మెడ పట్టుకొని బయటకు తోశాడు. దీంతో జర్నలిస్టు సంఘాల నాయకులు ఆగ్రహం చెందారు. పోలీస్‌స్టేషన్‌ ఎదుట ధర్నా చేశారు. ఈ సందర్భంగా ప్రజా సంఘాలు, జర్నలిస్టు యూనియన్‌ నాయకులు రాజాసాహెబ్‌, సాలురంగడు, నాగరాజు, రంగన్న మాట్లాడారు. పత్తికొండ పోలీస్‌స్టేషన్‌ ఏర్పడిన సమయం నుంచి ఎంతో మంది అధికారులు వచ్చారని, అందరూ హుందాగా వ్యవహరించారన్నారు. చట్టం ఏమిచెబుతుందో మరచిపోయి సీఐ జయన్న వ్యవహరిస్తున్నారని ఆరోపించారు. పోలీస్‌ స్టేషన్‌కు రావాలంటే సామాన్యులు భయపడే పరిస్థితిని తీసుకొచ్చారన్నారు. న్యాయం కోసం పోలీస్‌ స్టేషన్‌కు వచ్చే ప్రతివారిని అసభ్య పదజాలంతో దూషించడం దారుణమన్నారు. సీఐ ఆగడాలకు అడ్డుకట్ట వేయకపోతే ఎస్పీ కార్యాలయం ఎదుట దీక్ష చేస్తామన్నారు. జర్నలిస్టులు మధుబాబు, రాముడు, మంజునాథ్‌, నాగరాజు, షపీ, ఉపేంద్ర తదితరులు పాల్గొన్నారు.

కర్నూలు(అగ్రికల్చర్‌): ట్రాన్స్‌కో, డిస్కమ్‌లలో అభివృద్ధి, సాంకేతిక అంశాల్లో పురోగతి సాధించడంపై ప్రత్యేక దృష్టి సారించాలని విద్యుత్‌ శాఖ ఎస్‌ఈ ప్రదీప్‌కుమార్‌ సూచించారు. శుక్రవారం విద్యుత్‌ భవన్‌లోని ఎస్‌ఈ చాంబర్‌లో ట్రాన్స్‌కో, డిస్కమ్‌లకు సంబంధించిన టెక్నికల్‌ కమిటీ సమావేశం నిర్వహించారు. ఈ సందర్భంగా ఆయన మాట్లాడుతూ.. డిస్కమ్‌ పరిధిలోని హెచ్‌టీ సబ్‌ స్టేషన్‌లలో అదనపు 33 కేవీ ఫీడర్ల ఏర్పాటును ముమ్మరం చేయాలన్నారు. 132 కేవీ సబ్‌స్టేషన్‌, కర్నూలు నుంచి పోలీసు క్వార్టర్స్‌ ఫీడర్‌, 132 కేవీ సబ్‌స్టేషన్‌, ఎమ్మిగనూరు నుంచి నూతన పార్లపల్లి ఫీడర్‌, 220 కేవీ ఏపీ కార్బైడ్‌ సబ్‌ స్టేషన్‌ నుంచి 33/11 కేవీ ప్రభుత్వ సర్వజన వైద్యశాల సబ్‌ స్టేషన్‌ వరకు నూతన ఫీడర్ల ఏర్పాటుకు అవసరమైన అంచనాలను త్వరగా సమర్పించాలని సూచించారు. అదే విధంగా ఏపీ కార్బైడ్‌ సబ్‌స్టేషన్‌లో ఉన్న రెండు 33 కేవీ పవర్‌ ట్రాన్స్‌ఫార్మర్ల సామర్థ్యాన్ని 33.5 ఎంవీఏ నుంచి 50 ఎంవీఏకు పెంచే పనులకు ఇప్పటికే అనుమతులు లభించాయని తెలిపారు. అవసరమైన ట్రాన్స్‌ఫార్మర్లు కూడా అందుబాటులో ఉన్నందున పనులు సత్వరం చేపట్టాలన్నారు. ప్రస్తుతం ఎల్‌నినో ప్రభావం కారణంగా వర్షాభావ పరిస్థితులు ఏర్పడటం వల్ల విద్యుత్‌ ఉత్పత్తికి, డిమాండ్‌కు గణనీయమైన వ్యత్యాసం ఏర్పడటంతో అత్యవసర పరిస్థితుల్లో విద్యుత్‌ కోతలు విధించాల్సి వస్తుందని పేర్కొన్నారు. ఈ పరిస్థితులను ఎదుర్కొనేందుకు తక్షణం, దీర్ఘకాలిక చర్యలపై చర్చించారు. ఏపీ ట్రాన్స్‌కో ఎస్‌ఈ వెంకటేశ్వర్లు, ఈఈలు సురేష్‌కుమార్‌, రాజశేఖర్‌, చెన్నారెడ్డి, మహేష్‌కుమార్‌, విజయరాజు తదితరులు పాల్గొన్నారు.

హైకోర్టు శాశ్వత బెంచ్‌ను ● సీఎం చంద్రబాబుకు న్యాయవాదుల అల్టిమేటం ● కర్నూలులో భారీ బైక్‌ ర్యాలీ, కలెక్టరేట్‌ ఎదుట నిరసన ● మద్దతు తెలిపిన ప్రజా, విద్యార్థి, యువజన, మహిళా సంఘాలు కర్నూలు(సెంట్రల్‌): కర్నూలులో శాశ్వత హైకోర్టు బెంచ్‌ ఏర్పాటు చేస్తావా లేదంటే మా చావులను చూస్తావా అంటూ న్యాయవాదులు సీఎం చంద్రబాబునాయుడుకు అల్టిమేటం జారీ చేశారు. కర్నూలులో హైకోర్టు బెంచ్‌ అంటూ 2014 నుంచి కనీసం వందసార్లు అబద్ధాలు ఆడుతూ వస్తున్నారని, సిగ్గు అనిపించడంలేదా అని ప్రశ్నించారు. బార్‌ అసోసియేషన్‌ ఆధ్వర్యంలో శుక్రవారం న్యాయవాదులు కర్నూలులో బైక్‌ ర్యాలీ నిర్వహించారు. కోర్టు భవనం సముదాయం నుంచి కలెక్టరేట్‌ వరకు నిర్వహించిన ర్యాలీకి ప్రజాసంఘాలు మద్దతు తెలిపాయి. దీంతో రోడ్లన్నీ స్తంభించి పోయాయి. అనంతరం కలెక్టరేట్‌ ఎదుట నిరసన కార్యక్రమాన్ని చేపట్టారు. ఈ సందర్భంగా బార్‌ అసోసియేషన్‌ అధ్యక్షుడు చంద్రుడు, ప్రధాన కార్యదర్శి మహేశ్వరరెడ్డి, సీనియర్‌ న్యాయవాదులు నాగలక్ష్మీదేవి, వై.జయరాజు, మురళీ మాట్లాడుతూ.. శ్రీబాగ్‌ ఒడంబడిక ప్రకారం కర్నూలులో హైకోర్టు ఏర్పాటు చేయాల్సి ఉందన్నారు. హైకోర్టు బెంచ్‌ను ఏర్పాటు చేస్తానని ఎన్నికల ముందు టీడీపీ అధినేత చంద్రబాబు హామీ ఇచ్చారన్నారు. 2014 ఎన్నికల ముందు కూడా ఇదే హామీ ఇచ్చి కాలం గడిపారని గుర్తు చేశారు. మరోసారి ప్రజలను మోసం చేసేందుకు కాలం వెళ్లదీస్తుండడంతో ఉద్యమాలకు శ్రీకారం చుట్టినట్లు చెప్పారు. ప్రభుత్వం దిగి వచ్చి హైకోర్టు సర్క్యూట్‌ బెంచ్‌ను ఏర్పాటు చేస్తామని చెప్పడం దారుణమన్నారు. సర్క్యూట్‌ బెంచ్‌తో ఏమి చేసుకోవాలని ప్రశ్నించారు. శాశ్వత హైకోర్టు బెంచ్‌ను కర్నూలులో ఏర్పాటు చేయకపోతే పోరాటాలను మరింత ఉద్ధృతం చేస్తామని హెచ్చరించారు. నిరసనలో రాయలసీమ విద్యావంతుల వేదిక నాయకుడు రత్నం ఏసేపు విజయభాస్కరరెడ్డి, రైతు కూలీ సంఘం నాయకుడు సుంకన్న, ఎస్‌డీపీఐ నాయకుడు చాంద్‌బాషా, బుడగ జంగాల నాయకుడు తూర్పాటి మనోహర్‌, సీపీఎం నాయకుడు పుల్లారెడ్డి, సీపీఐ నాయకుడు రామకృష్ణారెడ్డి, బీసీ సంక్షేమ సంఘం నాయకుడు నక్కలమిట్ట శ్రీనివాసులు, రిటైర్డ్‌ ప్రొఫెసర్‌ మన్సూర్‌ రెహమాన్‌ పాల్గొన్నారు.

కౌతాళం: అమావాస్య సందర్భంగా శుక్రవారం ఉరుకుంద ఈరన్నస్వామికి ప్రత్యేక పూజలు నిర్వహించారు. తెల్లవారుజామున స్వామివారి మూలవిరాట్‌కు సుప్రభాతసేవ అనంతరం భక్తులను దర్శనానికి వదిలారు. దర్శనం కోసం గంటకు పైగా సమయం పట్టింది. భక్తుల సౌకార్యర్థం ఆదోని, ఎమ్మిగనూరు, కర్ణాటకలోని రాయచూరు, శిరుగుప్ప డిపోలవారు ప్రత్యేక బస్సులను నడిపారు. కౌతాళం పోలీసులు గట్టి బందోబస్తు ఏర్పాటు చేశారు. మల్లన్నకు నృత్యనీరాజనం శ్రీశైలంటెంపుల్‌: శ్రీశైల దేవస్థానం నిర్వహిస్తున్న ధర్మపథం కార్యక్రమంలో భాగంగా శుక్రవారం ఆలయ దక్షిణమాఢవీధిలోని నిత్యకళావేదికపై హైదరాబాద్‌కు చెందిన నృత్య అకాడమి వారు సంప్రదాయ నృత్యాన్ని ప్రదర్శించారు. ర్యక్రమంలో నాట్యగణపతి, ప్రణవాకారం, భో శంభో, శివపంచాక్షరి, శివాష్టకం తదితర గీతాలకు, అష్టకాలకు రమేష్‌, విశిష్ట, జీవిత, చరిత్ర, సహస్ర, నిత్యవర్షిణి, సాత్విక తదితరులు నృత్యప్రదర్శన ప్రదర్శించారు. మందు బాబులకు జైలు శిక్ష డోన్‌ టౌన్‌: మద్యం సేవించి వాహనాలు నడుపుతూ పట్టణ పోలీసులకు పట్టుబడిన ముగ్గు రు వ్యక్తులకు జైలు శిక్ష పడిందని సీఐ ఇంతియాజ్‌బాషా తెలిపారు. తెలంగాణ రాష్ట్రం మహబూబ్‌నగర్‌ పట్టణానికి చెందిన చిన్నబాబు అనే యువకునికి ఏడు రోజులు, పట్ట ణంలోని కొత్తపేటకు చెందిన ఈడిగ కుందనం ఉపేంద్రగౌడ్‌, చిగురమానుపేటకు చెందిన గుండెపోగు దేవేంద్రకు మూడు రోజుల పాటు జైలు శిక్షలు విధిస్తూ జడ్జి నూరుల్లా తీర్పు ఇచ్చినట్లు సీఐ తెలిపారు. మద్యం సేవించి వాహనాలు నడపటం వలన వారి ప్రాణాలతో పాటు అమాయక ప్రజల ప్రాణాలకు హాని కలుగుతుందని అన్నారు. మద్యం సేవించి వాహనాలు నడిపే వారి పట్ల పోలీసు, న్యాయశాఖలు కఠిన చర్యలు తీసుకుంటుందని సీఐ ఇంతియాజ్‌బాషా తెలిపారు. దోమల నివారణకు చెరువుల్లో ‘గంబూసియా’ విడుదల కర్నూలు(హాస్పిటల్‌): దోమల లార్వాల నివారణకు మలేరియా విభాగం ఆధ్వర్యంలో జిల్లాలోని పలు చెరువుల్లో గంబూసియా చేపల ను వదిలారు. జిల్లా మలేరియా అధికారి టి. వెంకటేశులు ఆధ్వర్యంలో శుక్రవారం జిల్లాలో ని కోడుమూరు, పత్తికొండ, దేవనకొండ, కర్నూలు రూరల్‌ సబ్‌ యూనిట్‌ పరిధిలోని వివిధ గ్రామాల్లో నీరు నిల్వ ఉన్న బావులు, నీ టి గుంతలు, చెరువులను పరిశీలించారు. దో మల లార్వా అభివృద్ధిని అరికట్టేందుకు ఈ చేపలను వదులుతున్నట్లు మలేరియా అధికారి వెంకటేశులు తెలిపారు. కార్యక్రమంలో అసిస్టెంట్‌ మలేరియా అధికారి ఎస్‌.విజయ్‌కుమా ర్‌, సబ్‌ యూనిట్‌ అధికారులు రంగస్వామి, వెంకటేశ్వర్లు, కృష్ణుడు, నజీర్‌ అహ్మద్‌, సూపర్‌వైజర్లు, హెల్త్‌ అసిస్టెంట్‌లు పాల్గొన్నారు. రేషన్‌ బియ్యం స్వాధీనం డోన్‌ రూరల్‌: ప్యాపిలి మండల కేంద్రంలో ఆటోలో అక్రమంగా తరలిస్తున్న 250 కేజీల రేషన్‌ బియ్యాన్ని రెవెన్యూ అధికారులు గురువారం రాత్రి పట్టుకొని ఎంఎల్‌ఎస్‌ పాయింట్‌కు తరలించారు. సమాచారం అందుకున్న ఆర్‌ఐ సుజాత, రెవెన్యూ అధికారులు సత్యనారాయణ, శివానందలు పాల్గొన్ని రేషన్‌ బియ్యం ఉన్న ఆటోను స్టేషన్‌కు తరలించి సీజ్‌ చేయించారు. కొందరు వ్యక్తులు ఇంటింటికి తిరిగి రేషన్‌ బియ్యాన్ని సేకరించి డోన్‌, ప్యాపిలి, కొత్తపల్లి, కేఈ కృష్ణమూర్తి నగర్‌ ప్రాంతాల్లో అధికార పార్టీ నేతలు ఏర్పాటు చేసిన పాయింట్‌కు తరలిస్తున్నారనే విమర్శలు ఉన్నాయి. పెద్ద మొత్తంలో ఆయా ప్రాంతాలకు చేరిన తర్వాత కర్ణాటక, మహారాష్ట్ర తదితర ప్రాంతాలకు రేషన్‌ బియ్యం అక్రమ రవాణా చేస్తున్నట్లు ఆరోపణలు ఉన్నాయి.

● 87 టీఎంసీలకు పడిపోయిన నీటి నిల్వ హొళగుంద: కర్ణాటక రాష్ట్రం హొస్పేట్‌ వద్ద నిర్మించిన తుంగభద్ర జలాశయానికి శుక్రవారం ఉదయం ఇన్‌ఫ్లో పూర్తిగా నిలిచిపోయింది. డ్యాం ఎగువ భాగంలోని ఆగుంబే, శృంగేరి, తీర్థనహళ్లీ, చిక్‌మంగళూరు, కొడుగు, వరనాడు, శివమొగ్గ, కొప్పి తదితర ప్రాంతాల్లో వర్షాలు పూర్తిగా తగ్గుముఖం పట్టాయి. దీంతో డ్యామ్‌కు ఇన్‌ఫ్లో గత కొద్ది రోజులుగా క్రమేణా తగ్గుతూ శుక్రవారం నాటికి జీరోగా నమోదైంది. ఇక 9,993 క్యూసెక్కులను డ్యాం నుంచి వివిధ కాలువలకు (ఔట్‌ఫ్లో) వదులుతున్నారు. డ్యాం పూర్తి సామర్థ్యం 1633 అడుగులతో 105.788 టీఎంసీలు కాగా శుక్రవారం ఉదయానికి 1628 అడుగుల వద్ద 87 టీఎంసీల నీరు నిల్వ ఉంది. ఇన్‌ఫ్లో తగ్గడంతో డ్యాంలో నీటి నిల్వ వేగంగా తగ్గుతూ వస్తుందని బోర్డు అధికారులు తెలిపారు. కొద్ది రోజులుగా ఎండలు, నీటి వాడుక పెరగడంతో రోజుకు ఒక టీఎంసీ చొప్పున నీరు డ్యాంలో ఖాళీ అవుతుంది. కాగా గత రెండేళ్లుగా రైతులు ఎల్లెల్సీ కింద పూర్థిస్థాయిలో పంటలు సాగు చేసుకోలేక పోతున్నారు. గతేడాది గేట్లు అమర్చే కారణంతో ఒక పంటకు మాత్రమే నోచుకోగా ఈ ఏడాది ఎల్‌నినో (వర్షాభావ) పరిస్థితి కారణంగా సాగునీటికే కాదు.. తాగునీటికి కూడా కష్టంగా మారే పరిస్థితి నెలకొంది. వర్షాకాలం ప్రభావం ఇంకా ఉన్నా ఎండాకాలాన్ని తలపిస్తున్న ఈ పరిస్థితిని తలుచుకుని వచ్చే ఎండాకాలంలో ఇంకా ఎలాంటి దారుణ పరిస్థితు లు ఏర్పడుతాయోనని అటు అధికారులు, ఇటు ప్రజలు ఆందోళనకు గురవుతున్నారు.

మహానంది: యథేచ్ఛగా గ్రావెల్‌ తవ్వకాలపై ‘సాక్షి’లో గురువారం ‘మట్టి .. కొల్లగొట్టి!’’ శీర్షికన ప్రచురితమైన కథనానికి జిల్లా మైనింగ్‌ శాఖ అధికారులు స్పందించారు. ఈ మేరకు నంద్యాల జిల్లా మైనింగ్‌ శాఖ ఏడీ వేణుగోపాల్‌, సిబ్బంది శుక్రవారం మహానంది మండలం బసవాపురం చెరువు పరిసరాల్లో జరుగుతున్న మట్టి తవ్వకాల వద్దకు చేరుకుని క్షేత్రస్థాయిలో పరిశీలించి వివరాలు సేకరి ంచారు. ఈ సందర్భంగా ఏడీ వేణుగోపాల్‌ మాట్లాడుతూ మైనింగ్‌శాఖ నుంచి ఎలాంటి అనుమతులు తీసుకోలేదన్నారు. నోటీసులు జారీ చేసి వివరణ కోరిన తర్వాత తదుపరి చర్యలు తీసుకుంటామని చెప్పారు. మహానంది మండల రెవెన్యూ అధికారులతో మాట్లాడి అవి ప్రభుత్వ భూములా లేక ప్రైవే టు భూములా అనే వివరాలు సేకరించి తదుపరి చట్టపరమైన చర్యలు తీసుకుంటామన్నారు. కాగా మైనింగ్‌ శాఖ అధికారులు వస్తున్నారన్న సమాచారం వెళ్లడంతో శుక్రవారం గ్రావెల్‌ తరలింపు ప్రక్రియకు తాత్కాలిక బ్రేక్‌ పడింది. మైనింగ్‌ శాఖతో పాటు పట్టించుకోవాల్సిన కీలక శాఖల అధికారులు అటువైపు వెళ్లకపోవడం పట్ల విమర్శలు వినిపిస్తున్నాయి. పేదలకు ప్రభుత్వం జీవనోపాధి కోసం ఇచ్చిన భూముల్లో మట్టిని తరలిస్తున్న వైనంపై ఎన్‌ఓసీ ఇచ్చారా..?, రైతుల అంగీకార పత్రం తీసుకున్నారా..?, పొల్యూషన్‌ కంట్రోల్‌ బోర్డు అనుమతి, ఎన్విరాన్‌మెంటల్‌ క్లియరెన్స్‌ లాంటివి ఉన్నాయా అన్నది తేలాల్సి ఉంది. ఓ కీలక శాఖ అధికారి నేనున్నా అంటూ భరోసా ఇచ్చి మరీ ప్రోత్సహిస్తున్నట్లు విమర్శలు వినిపిస్తున్నాయి. మిగిలిన శాఖల అధికారులు క్షేత్రస్థాయిలో పరిశీలించి నిబంధనల మేరకు అన్ని రకాల అనుమతులు ఉన్నాయా లేదా అన్నది పరిశీలిస్తే ఆశ్చర్యకరమైన విషయాలు వెలుగులోకి వచ్చే అవకాశం ఉందని సమీప పొలాల రైతులు చర్చించుకుంటున్నారు.

నంద్యాల(న్యూటౌన్‌): సోషల్‌ మీడియా రాకతో ఉత్తరం ఇప్పుడు చుట్టం చూపు అవుతుంది. నేటి తరానికి అసలు ఉత్తరం ఊసే తెలియకపోగా పాత తరం ఉత్తరం ఊసులు మర్చిపోతుంది. అందుకే ఉత్తరాన్ని గుర్తు చేసేందుకు పోస్టల్‌ శాఖ ’దాయ్‌ ఆఖర్‌’ కార్యక్రమాన్ని ఏటా దేశవ్యాప్తంగా నిర్వహిస్తుంది. అందులో భాగంగా ఈ ఏడాది ‘భూమాతకు ఒక లేఖ– ప్రకృతిని రక్షించడానికి నా వాగ్దానం’ అంశంపై లేఖలను ఆహ్వానిస్తోంది. 18 ఏళ్లలోపు వారు ఒక కేటగిరీగా, 18 ఏళ్లు పై బడిన వారిని మరొక కేటగిరీగా పరిగణిస్తారు. విజేతలకు నాలుగు కేటగిరీల్లో మొత్తం 12 బహుమతులు అందిస్తారు. ఈ ఏడాది జనవరి 1వ తేదీ నాటికి 18 సంవత్సరాల కంటే తక్కువ లేదా పైబడి ఉన్నారని తెలియజేస్తూ ధ్రువీకరణ పత్రాన్ని జతపరిచాలి. లేఖను తెలుగు, హిందీ, ఇంగ్లిష్‌ భాషల్లో రాసి అక్టోబరు 31వ తేదీలోగా నిర్ణీత చిరునామాకు పంపాల్సి ఉంటుంది. నగదు బహుమతులు ఇలా.. ఉత్తమ లేఖలను ఎంపికచేసి మొదటి, ద్వితీయ, తతీయ బహుమతులు అందజేస్తారు. మొదటి బహుమతికి రూ. 25 వేలు (రాష్ట్ర స్థాయి) రూ.50 వేలు (జాతీయ స్థాయి), రెండవ బహుమతికి రూ.10 వేలు (రాష్ట్ర స్థాయి), రూ25 వేలు (జాతీయ స్థాయి), మూడవ బహుమతికి రూ. 5 వేలు (రాష్ట్ర స్థాయి), రూ.10 వేలు (జాతీయ స్థాయి) అందిస్తారు. ఎలా రాయాలంటే.. ఎన్వలప్‌ కవర్‌లో పంపాలనుకునే వారు ఏ–4 సైజ్‌ పేపర్‌పై 1000 పదాలకు మించకుండారాసి పంపాలి. ఇన్‌ల్యాండ్‌ లెటర్‌ కార్డుపై రాసే వారు 500 పదాలకు మించకుండా రాయాల్సి ఉంటుంది. లేఖలను రాసిన నంద్యాల జిల్లా వారు ఎస్పీవోఎస్‌, నంద్యాల డివిజన్‌ అడ్రస్‌కు పంపాల్సి ఉంటుంది. ప్రజలు అవకాశాన్ని సద్వినియో గం చేసుకోవాలి. ఉత్తరాలపై ప్రజలకు, ఈ తరం వారికి తెలి యజేసేందుకు పోస్టల్‌ శాఖ దేశ వ్యాప్తంగా దాయ్‌ ఆఖరును నిర్వహిస్తోంది. ప్రోత్సాహకంగా నగదు బహుమతులు కూ డా అందజేస్తుంది. అక్టోబరు నెలాఖరుతో గడువు ము గుస్తుంది. ఆసక్తి ఉన్నవారు నిర్ణీత పదాల్లో లేఖను రాసి లేఖలను పంపాలి. నిర్ణీత తేదీ తర్వాత వచ్చే లేఖలను స్వీకరించం. – అప్పన్నస్వామి, పోస్టల్‌ సూపరింటెండెంట్‌, నంద్యాల హెడ్‌ పోస్టాఫీసులు 1 సబ్‌ పోస్టాఫీసులు 457 బ్రాంచి పోస్టాఫీసులు 283 జాతీయ స్థాయిలో తపాలాశాఖ లేఖా రచన పోటీలు ‘దాయ్‌ ఆఖర్‌’ పేరుతో లేఖల ఆహ్వానం అక్టోబర్‌ 31 వరకు అవకాశం విజేతలకు రూ. 50 వేల వరకు నగదు బహుమతులు

ఆస్పరి: కరెంట్‌ కోతతో ఉక్కపోతకు ఇంట్లో ఉండలేక రాత్రి పూట అంధకారంలో బయటకు వచ్చిన మహిళ పాముకాటుకు గురయ్యారు. ప్రాణాలతో పోరాటం చేస్తున్నారు. ఈ దుర్ఘటన గురువారం రాత్రి హలిగేర గ్రామంలో చోటుచేసుకుంది. అస్పరి మండలంలోని గ్రామీణ ప్రాంతాల్లో ఐదు రోజులుగా రాత్రి పూట విద్యుత్‌ కోతలు విధిస్తున్నారు. గురువారం రాత్రి హలిగేర గ్రామంలో కరెంట్‌ పోయింది. ఉక్కపోత తాళలేక ఇంట్లో నుంచి బయటకు వచ్చిన కీర్తన అనే మహిళను రక్త పింజరి పాము కాటు వేసింది. గ్రామస్తులు రక్త పింజరిని చంపేసి కీర్తనను ఆదోనిలోని ఒక ప్రవేట్‌ ఆస్పత్రిలో చేర్పించారు. మండలంలోని 27 గ్రామాల్లో సాయంత్రం 6 గంటల నుంచి రాత్రి 11 గంటల వరకు విద్యుత్‌ కోతలు విధిస్తున్నారని ప్రజలు తెలిపారు.

● కర్నూలులో ఈఎన్‌టీ వైద్యుల రాష్ట్రస్థాయి సదస్సు వర్క్‌షాపులో పాల్గొన్న వైద్య విద్యార్థులకు అవగాహన కల్పిస్తున్న దృశ్యంకర్నూలు(హాస్పిటల్‌): పెద్ద కోతలు లేకుండా సూక్ష్మమైన ఎండోస్కోపి సహాయంతో శస్త్రచికిత్స ఎలా చేయాలో ఈఎన్‌టీ వైద్యులు వివరించారు. కర్నూ లు నగరంలో మూడు రోజుల పాటు నిర్వహించే 44వ రాష్ట్రస్థాయి ఈఎన్‌టీ వైద్యుల సదస్సు ప్రారంభమైంది. ఇందులో భాగంగా శుక్రవారం కర్నూలు మెడికల్‌ కాలేజీలో ఐదు అంశాలపై వర్క్‌షాప్‌లు నిర్వహించారు. ఏపీ, తెలంగాణ, కర్ణాటక రాష్ట్రాల నుంచి 348 మంది ప్రతినిధులు ఈ సదస్సుకు హా జరయ్యారు. గొర్రె తలపై ఎండోస్కోపిక్‌ సైనస్‌ సర్జ రీ ఎలా చేయాలో చూపించారు. అలాగే గొర్రె ఊపిరితిత్తులు, కృత్రిమ నమూనాలపై బ్రాంకోస్కోపి విధానాన్ని వివరించారు. ఫేషియల్‌ ప్లాస్టిక్‌ సర్జరీపై శిక్షణ ఇచ్చారు. ముఖం రూపాన్ని, ఆకారాన్ని మెరుగుపరిచేందుకు, పునరుద్ధరించేందుకు చేసే వైద్య ప్రక్రియలను నిపుణులైన ఈఎన్‌టీ వైద్యులు వివరించారు. వర్క్‌షాప్‌ల అనంతరం నూతన వైద్యుల శాసీ్త్రయ పరిశోధనతో కూడిన రోగుల వైద్య/శస్త్రచికిత్స విధానాలను సమర్పించారు. ఈ సందర్భంగా ఈఎన్‌టీ వైద్యుల సంఘం రాష్ట్ర అధ్యక్షులు, నిర్వహణ కార్యదర్శి డాక్టర్‌ బి.జయప్రకాష్‌రెడ్డి, నిర్వాహక చైర్మన్‌ డాక్టర్‌ పి.హరికృష్ణ మాట్లాడుతూ ఇలా ంటి కార్య శిబిరాలు తరచుగా నిర్వహిస్తే వైద్యుల్లో నైపుణ్యం మెరుగుపడుతుందన్నారు. శని, ఆదివారా ల్లో రాష్ట్రస్థాయి మహాసభలు నంద్యాల రోడ్డులోని కె.ఫార్చూన్‌లో నిర్వహిస్తామన్నారు. వీటిని ఎన్‌టీఆర్‌ హెల్త్‌ యూనివర్సిటీ వైస్‌ ఛాన్స్‌లర్‌ డాక్టర్‌ పి.చంద్రశేఖర్‌ ప్రారంభిస్తారని తెలిపారు. కార్యక్రమంలో కోశాధికారి డాక్టర్‌ మహేంద్రకుమార్‌, ప్రభుత్వ ఆసుపత్రి సూపరింటెండెంట్‌ డాక్టర్‌ కె.వెంకటేశ్వర్లు, కర్నూలు మెడికల్‌ కాలేజీ ఇన్‌చార్జ్‌ ప్రిన్సిపాల్‌ డాక్టర్‌ పి.హరిచరణ్‌ పాల్గొన్నారు.

కౌతాళం: దైవదర్శనానికి వచ్చి మూర్చవ్యాధితో భక్తుడు మృతి చెందాడు. ఈ దుర్ఘటన శుక్రవారం ఉరుకుందలో చోటుచేసుకుంది. మృతుని కుటుంబ సభ్యులు తెలిపిన వివరాల మేరకు.. కర్నూలు నగరానికి చెందిన చాకలి నరసింహ, శివమ్మ దంపతుల కుమారుడు రేవంత్‌ (20) తన పిన్ని కుమారుడు సురేష్‌తో కలిసి స్వామి దర్శనానికి గురువారం రాత్రి ఉరుకుందకు వచ్చాడు. స్వామి దర్శనం అనంతరం అక్కడే బస చేశాడు. శుక్రవారం తెల్లవారుజామున స్థానికంగా ఉన్న ఎల్‌ఎల్‌సీలో స్నానం కోసం దిగి ఫిట్స్‌ రావడంతో మునిగిపోయాడు. కాలువలో గాలించగా ఉదయం 10గంటల ప్రాంతంలో శవమై తేలాడు. విషయం తెలుసుకున్న తల్లిదండ్రులు కర్నూలు నుంచి మధ్యాహ్నం అక్కడికి వచ్చారు. కుమారుడి మృతదేహాన్ని చూసి కన్నీటి పర్యంతమయ్యారు. మృతుని తండ్రి నరసింహ ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు హెడ్‌ కానిస్టేబుల్‌ దావూద్‌బాషా తెలిపారు. యానిమల్‌ యాక్ట్‌ కింద ముగ్గురు అరెస్ట్‌ ఎమ్మిగనూరురూరల్‌: మొసలిని హింసించిన కేసులో యానిమల్‌ యాక్ట్‌ కింద ముగ్గురు వ్యక్తులను అరెస్ట్‌ చేసినట్లు ఆదోని ఫారెస్ట్‌ రేంజ్‌ అధికారిణి తేజస్వి పేర్కొన్నారు. శుక్రవారం ఆమె మాట్లాడుతూ.. నందవరం మండలం నాగలదిన్నె సమీపంలో తుంగభద్ర నదిలో నీటి ప్రవాహం తగ్గటంతో మొసలి బయటకు వచ్చిందన్నారు. నది దగ్గర ఉన్న సి.బెళగల్‌ మండలం తిమ్మనదొడ్డికి చెందిన రామాంజనేయులు, నందవరం మండలం మిట్లసోమపురానికి చెందిన రామగోవిందు, సోమలగూడురుకు చెందిన తిక్కయ్య మొసలిని హింసించినట్లు సోషల్‌మీడియాలో వైరల్‌ అయిందన్నారు. వారిని పారెస్ట్‌ సిబ్బంది అరెస్ట్‌ చేసి ఎమ్మిగనూరు కోర్టులో హాజరు పరచగా జడ్జి రిమాండ్‌ విధించినట్లు తేజస్వి తెలిపారు. వన్యప్రాణులను హింసించినా, చంపినా శిక్షలు కఠినంగా ఉంటాయని చెప్పారు.

● లైసెన్స్‌ రెన్యూవల్‌కు మామూళ్ల వసూళ్లు ● పింఛన్‌ దరఖాస్తు సిఫారసుకు రూ.2 వేలు డిమాండ్‌ పగిడ్యాల: చేపల వేటనే జీవనాధారంగా కుటుంబ పోషణ చేస్తున్న మత్య్సకారుల లైసెన్స్‌ రెన్యూవల్‌, పింఛన్‌ దరఖాస్తు కోసం అధికారులు మామూళ్లు వసూళ్లు చేస్తున్నట్లు మత్స్యకారులు ఆరోపిస్తున్నారు. కూటమి ప్రభుత్వం కొత్త పింఛన్ల మంజూరు కోసం దరఖాస్తు గడువు ఈ నెల 16వ తేదీ వరకు అవకాశం కల్పించింది. మండలంలోని నెహ్రూనగర్‌ గ్రామంలో దాదాపు 1000 మందికి పైగా మత్య్సకార లైసెన్స్‌దారులు పింఛన్‌కు దరఖాస్తు చేసేందుకు సచివాలయాలకు క్యూ కట్టారు. అయితే గ్రామ మత్య్సశాఖ అసిస్టెంట్‌ లైసెన్స్‌ రెన్యూవల్‌ చేసేందుకు భారీ మొత్తంలో డబ్బులు గుంజుతున్నట్లు విమర్శలు వెల్లువెత్తాయి. ఏటా లైసెన్స్‌ రెన్యూవల్‌ చేసుకున్నా మత్య్సకారుల నుంచి రూ. 600, లైసెన్స్‌ రెన్యూవల్‌ చేసుకోకుండా రెండు, మూడేళ్లు ల్యాప్స్‌ అయిన వారి నుంచి రూ. 2 వేల నుంచి రూ. 3 వేల వరకు వసూలు చేస్తూ చేతివాటం ప్రదర్శిస్తున్నారనే ఆరోపణలు సర్వత్రా వినిపిస్తున్నాయి. మత్స్యకార పింఛన్‌ దరఖాస్తును సిఫారసు చేసేందుకు మత్య్సశాఖ అభివృద్ధి అధికారి సంతకం చేయాలంటే రూ. 2 వేలు సమర్పించుకోవాల్సిందేనని డిమాండ్‌ చేయడం సర్వత్రా చర్చనీయాంశంగా మారింది. అధికారులు అడిగిన డబ్బులు ఇవ్వకపోతే దరఖా స్తును సిఫారసు చేస్తారో లేదోననే అనుమానాలను మత్య్సకారులు వ్యక్తం చేస్తున్నారు. ఈ వసూళ్ల వెనుక గతంలో ఇక్కడ పని చేసి బదిలీ అయిన ఉద్యోగి పాత్ర ఉన్నట్లు చర్చ జరుగుతోంది. ఈ విషయమై నందికొట్కూరు మత్య్సశాఖ అభివృద్ధి అధికారి భరత్‌లాల్‌ను ‘సాక్షి’ వివరణ కోరగా లైసెన్స్‌ రెన్యూవల్‌ చేసేందుకు రూ. 500లు మాత్రమే చెల్లించాలన్నారు. మత్య్సకారుల నుంచి అక్రమ వసూళ్లకు ఎవరూ పాల్పడడం లేదన్నారు.

● చేతకాని సీఎం హయాంలో 38టీఎంసీలు కాదుకదా 3టీఎంసీలూ వాడుకోలేం ● రాయలసీమ ప్రజలపై ద్వేషంతోనే రాయలసీమ లిఫ్టు భూస్థాపితం ● పోతిరెడ్డిపాడు హెడ్‌ రెగ్యులేటర్‌ను పరిశీలించిన వైఎస్సార్‌సీపీ జిల్లా అధ్యక్షుడు, మాజీ ఎమ్మెల్యే శిల్పా, దారాసుధీర్‌ జూపాడుబంగ్లా: ముఖ్యమంత్రి చంద్రబాబు రాయలసీమ ప్రాంత ప్రజలు, రైతాంగంపై ప్రదర్శిస్తున్న కక్షపూరిత ధోరణిని వ్యతిరేకిస్తూ ప్రజలు, రైతులు తిరగబడాల్సిన సమయం ఆసన్నమైందని వైఎస్సార్సీపీ నంద్యాల జిల్లా అధ్యక్షుడు కాటసాని రాంభూపాల్‌రెడ్డి, శ్రీశైలం మాజీ ఎమ్మెల్యే శిల్పాచక్రపాణిరెడ్డి, నందికొట్కూరు సమన్వయకర్త డాక్టర్‌ దారా సుధీర్‌ అన్నారు. తెగిన పోతిరెడ్డిపాడు 9వ గేటు రోప్‌ను పరిశీలించటానికి శుక్రవారం వీరు పోతిరెడ్డిపాడు హెడ్‌రెగ్యులేటర్‌ వద్దకు చేరుకున్నారు. విషయం తెలుసుకొన్న నందికొట్కూరు రూరల్‌ సీఐ సుబ్రమణ్యం పోతిరెడ్డిపాడు గేట్లు మూసివేసి హెడ్‌రెగ్యులేటర్‌ వద్దకు వెళ్లకుండా అటకాయించారు. దీంతో వైఎస్సార్‌సీపీ నాయకులు, సీఐకి మధ్య వాగ్వివాదం చోటుచేసుకుంది. చివరికి ఆత్మకూరు డీఎస్పీ రామాంజనేయనాయక్‌ ఐదుగురికి అనుమతివ్వాలని సీఐకి సూచించినా.. కాటసాని, శిల్పా, దారాలను మాత్రమే అనుమతించారు. నందికొట్కూరు నియోజకవర్గ పరిశీలకుడు బుడ్డా శేషారెడ్డితో పాటు వైఎస్సార్‌సీపీ నాయకులను అనుమతించకపోవటంతో గేటు వద్దే నిలిచిపోయారు. పోతిరెడ్డిపాడు హెడ్‌రెగ్యులేటర్‌ తెగిన 9వ గేటు, విరిగిన 3వ గేటు ప్లంబర్‌బ్లాక్‌ను పరిశీలించారు. అనంతరం కాటసాని రాంభూపాల్‌రెడ్డి మాట్లాడుతూ రాయలసీమ రైతాంగం సంక్షేమానికి దివంగత ముఖ్యమంత్రి వైఎస్‌ రాజశేఖర్‌రెడ్డి 44వేల క్యూసెక్కుల నీటివిడుదలకు అనుగుణంగా 10గేట్లతో పోతిరెడ్డిపాడు హెడ్‌రెగ్యులేటర్‌ను నిర్మించారన్నారు. ఎస్సార్బీసీ కాల్వకు 19 టీఎంసీల నీటిని వాడుకోవాల్సిన అధికారం మనకు ఉందన్నారు. శ్రీశైలం జలాశయంలో 66 శాతం ఆంధ్రప్రదేశ్‌, 34 శాతం నీటిని తెలంగాణ వాడుకోవాల్సి ఉందన్నారు. తెలంగాణ రాష్ట్రం ఇష్టం వచ్చినట్లు నీటిని వాడుకుంటున్నా చంద్రబాబు అడ్డుకోకపోవడానికి కార ణం ఏంటో బహిర్గతం చేయాలన్నారు. తెలంగాణ దుశ్చర్యలను గమనించిన మాజీ సీఎం జగన్‌మోహన్‌రెడ్డి 840 అడుగుల నుంచే నీటిని వాడుకునేందుకు రాయలసీమ ఎత్తిపోతల పథకాన్ని నిర్మించి 90 శాతం మేర పూర్తిచేశారన్నారు. టీడీపీ అధికారంలోకి వచ్చాక రాయలసీమ లిఫ్టును సమాధి చేసి రాయలసీమ రైతాంగానికి, ప్రజలకు తాగు, సాగునీరులేకుండా చేశారని మండిపడ్డారు. చేతకాని సీఎం ఉన్నంత కాలం 38 టీఎంసీల నీళ్లు కాదు కదా 3 టీఎంసీలు కూడా వాడుకోలేని దరిద్రం దాపురించింది. 3, 9 గేట్లు పైకి లేపలేని పరిస్థితిని చూశాం. తొమ్మిదొవ గేటు రోప్‌ తెగిందనే విషయం తెలుసుకొని ఉదయం నందికొట్కూరు ఎమ్మెల్యే పోతిరెడ్డిపాడు వద్దకు వచ్చి ఉన్నగేట్లు మూసి వేయించారు. మరి గేట్లు మూసి ఏం సాధించాలనుకున్నాడో అర్థం కావటం లేదు. ఓటుకు నోటు కేసులోంచి బయటపడేందుకే చంద్రబాబు రాజధానిని వదులుకొని విజయవాడకు వచ్చారని, తెలంగాణ సీఎం రేవంత్‌రెడ్డి దీన్ని అలుసుగా తీసుకుని శ్రీశైలం నీటిని యథేచ్ఛగా వాడుకుంటున్నాడన్నారు. తెలంగాణలో నిర్మించిన, నిర్మిస్తు న్న ఏ ప్రాజెక్టుకు అనుమతుల్లేవన్నారు. – శిల్పా చక్రపాణిరెడ్డి, శ్రీశైలం మాజీ ఎమ్మెల్యే పోతిరెడ్డిపాడు మెయింటెనెన్స్‌ విషయంలో ప్రభుత్వానికి చిత్తశుద్ధి లేదు. రాయలసీమ ప్రజలకు నీళ్లు అలవాటు చేస్తే వారు ప్రశ్నిస్తారు. వారు ప్రశ్నిస్తే మన పరిస్థితి చాలా బ్యాడ్‌గా ఉంటుందనే ఉద్దేశంతో పోతిరెడ్డిపాడు హెడ్‌రెగ్యులేటర్‌ను చంద్రబాబునాయుడు పర్యవేక్షించకుండా శిథిలమయ్యేలా చేస్తున్నారు. – దారా సుధీర్‌, నందికొట్కూరు సమన్వయకర్త

కర్నూలు (టౌన్‌): ఉమ్మడి కర్నూలు జిల్లాలో పలువురికి వైఎస్సార్‌సీపీ పదవులు దక్కాయి. కర్నూలు జిల్లా ఆదోని నియోజకవర్గానికి చెందిన కాల గగ్గారి మధుసూధన్‌ను పార్టీ రాష్ట్ర యువజన విభాగం సంయుక్త కార్యదర్శిగా నియమించారు. అలాగే నంద్యాల జిల్లా బనగానపల్లె నియోజకవర్గానికి చెందిన ఆకుల నాగ లింగమయ్యను జిల్లా వీరశైవ లింగాయత్‌ విభాగం అధ్యక్షులుగా నియమించారు. పార్టీ కేంద్ర కార్యాలయం శుక్రవారం ఈ మేరకు ఒక ప్రకటన విడుదల చేసింది. దేవాలయాల ఆస్తుల పరిరక్షణకు చర్యలు కర్నూలు కల్చరల్‌: దేవాలయాల ఆస్తుల పరిరక్షణకు చర్యలు తీసుకోవాలని దేవదాయ ధర్మాదాయ శాఖ డిప్యూటీ కమిషనర్‌ ఎం.రామాంజనేయులు ఆదేశించారు. శుక్రవారం కర్నూలు డీసీ కార్యాలయంలో ఉమ్మడి కర్నూలు, అనంతపురం, కడప, చిత్తూరు జిల్లాల అసిస్టెంట్‌ కమిషనర్‌లు, ఇన్‌స్పెనక్టర్లతో సమీక్ష నిర్వహించారు. ఈ సందర్భంగా ఆయన మాట్లాడుతూ ఆలయ భూములు అన్యాక్రాంతం కాకుండా జాగ్రత్తలు తీసుకోవాలన్నారు. అన్యాక్రాంతమైన వాటిని స్వాధీనం చేసుకునేందుకు ప్రత్యేక చొరవ చూపాలన్నారు. సమావేశంలో కర్నూలు అసిస్టెంట్‌ కమిషనర్‌ సుధాకర్‌ రెడ్డి, నంద్యాల డిస్ట్రిక్ట్‌ ఎండోమెంట్‌ ఆఫీసర్‌ పాండురంగారెడి పాల్గొన్నారు. పోతిరెడ్డిపాడు హెడ్‌రెగ్యులేటర్‌

శ్రీశైలంటెంపుల్‌: శ్రీశైల భ్రమరాంబా మల్లికార్జున స్వామిఅమ్మవార్లను శ్రీశైల జగద్గురు పీఠాధిపతి చెన్నసిద్ధరామ శివాచార్య మహాస్వామి దర్శించుకుని ప్రత్యేక పూజలు నిర్వహించుకున్నారు. శుక్రవారం మల్లన్న దర్శనార్థం ఆలయం వద్దకు విచ్చేసిన ఆయనకు ఆలయ రాజగోపురం వద్ద దేవస్థాన ఈఓ, అర్చకస్వాములు స్వాగతం పలికారు. అనంతరం పీఠాధిపతి మల్లికార్జున స్వామివారికి రుద్రాభిషేకం, భ్రమరాంబాదేవిని దర్శించు కుని ప్రత్యేక పూజలు నిర్వహించుకున్నారు. అనంతరం అమ్మవారి ఆలయంలోని ఆశీర్వచన మండపంలో శ్రీశైల జగద్గురు పీఠాధిపతి చెన్నసిద్ధరామ శివాచార్య మహాస్వామి గౌరవార్థం వేదపండితులు వేదగోష్టి నిర్వహించారు. అనంతరం పీఠాధిపతి భక్తులకు అనుగ్రహభాషణ చేశారు. హజ్‌ యాత్రికులకు వైద్య పరీక్షలు గోస్పాడు: స్థానిక ప్రభుత్వ ఆసుపత్రిలో ఆసుపత్రి సూపరిండెంట్‌ డాక్టర్‌ జిలానీ, ఇన్‌చార్జ్‌ జిల్లా వైద్య ఆరోగ్య శాఖాధికారి డాక్టర్‌ శారదాబాయి ఆధ్వర్యంలో శుక్రవారం హజ్‌యాత్రికులకు వైద్య పరీక్షలు నిర్వహించారు. హజ్‌ యాత్ర–2027 వెళ్తున్న యాత్రికులకు రెండవ రోజు వైద్య శిబిరంలో భాగంగా వైద్య పరీక్షలు నిర్వహించారు. ఈ సందర్భంగా వారు మాట్లాడుతూ.. 150 మందికి వైద్య పరీక్షలు పూర్తి చేశామన్నారు. ప్రతి ఒక్కరికీ సీబీపీ, ఎల్‌ఎఫ్‌టీ, చెస్ట్‌ ఎక్స్‌రే, ఈసీజీ, ఆర్‌బీఎస్‌, బ్లడ్‌షుగర్‌ తదితర పరీక్షలు నిర్వహించి ఫిట్‌నెస్‌ సర్టిఫికెట్లు అందించామన్నారు. జిల్లా హజ్‌ సొసైటీ అధ్య క్షులు డాక్టర్‌ ఇంతియాజ్‌ అహమ్మద్‌ ఆధ్వర్యంలో యాత్రికులకు భోజన వసతి కల్పించారు. కార్యక్రమంలో డాక్టర్లు ప్రసన్న లక్ష్మి, శంకర్‌ నరేన్‌, మహమ్మద్‌ రఫీ, నుసృద్‌ పాల్గొన్నారు. ఎస్సార్బీసీ ఈఈ బాధ్యతల స్వీకరణ కొలిమిగుండ్ల(అవుకు): అవుకు ఎస్సార్బీసీ ఈఈగా భవాని ప్రసాద్‌రెడ్డి శుక్రవారం బాధ్యతలు చేపట్టారు. గోరుకల్లు ఈఈగా విధులు నిర్వహిస్తున్న ఆయనకు ఉన్నతాధికారులు అవుకు ఎస్సార్బీసీ అదనపు బాధ్యతలు అప్పగించారు. విధుల్లో చేరగానే డీఈలు, సిబ్బంది శుభాకాంక్షలు తెలిపారు. అవుకు రిజర్వాయర్‌, ఇతర స్లూయిస్‌లకు సంబంధించిన లీకేజీలను ప్రభుత్వం దృష్టికి తీసుకెళ్లి మరమ్మతులకు కృషి చేస్తామన్నారు. అంధుడి కుటుంబంపై కక్ష సాధింపు కొలిమిగుండ్ల: నిరుపేద అంధుడి కుటుంబంపై అధికార పార్టీ కార్యకర్తలు మానవత్వాన్ని మర్చిపోయి కక్ష సాధింపు చర్యలకు దిగారు. మండల కేంద్రం కొలిమిగుండ్ల ఎస్సీ కాలనీకి చెందిన నాగభూషణంకు పదేళ్ల క్రితం కంటి చూపు పూర్తిగా పోయింది. అప్పట్లో అధికారుల నిర్లక్ష్యం కారణంగా ఇప్పటి వరకు అతనికి పింఛన్‌ సైతం అంద డం లేదు. భార్య ఫక్కీరమ్మ ఎస్సీ ప్రాథమిక పాఠశాలలో ఐదేళ్ల నుంచి స్వీపర్‌గా పని చేస్తు వచ్చే వేతనంతో కుటుంబాన్ని పోషిస్తుండేది. ఇటీవల కాలనీకి చెందిన టీడీపీ కార్యకర్తలు ఉన్నట్లుండి ఫక్కీరమ్మను పనిలో నుంచి తొలగించి తమ వాళ్లను నియమించారు. ఇదేమని ప్రశ్నించినందుకు తనపై దాడికి పాల్పడ్డారని ఆమె ఆరోపించారు. ఈ విషయంపై పోలీస్‌ స్టేషన్‌లో ఫిర్యాదు చేస్తే దాడి చేసిన వాళ్లపై కాకుండా తిరిగి తమపైనే పోలీసులు కేసు నమోదు చేశారని ఆవేదన వ్యక్తం చేశారు. తనకు ఏడాది పాటు వేతనం రావాల్సి ఉందన్నారు. ప్రస్తుతం కుటుంబాన్ని పోషించేందుకు హోటల్‌తో పాటు ఇతర ఇళ్లలో పని చేస్తున్నానని వాపోయారు. తమలాంటి వాళ్లపైనా అధికార పార్టీ నేతలు కక్ష సాధింపు చర్యల కు పాల్పడటం సరికాదన్నారు.

● పోతిరెడ్డిపాడు హెడ్‌రెగ్యులేటర్‌ వద్ద వరుస ఘటనలు ● నిన్న తెగిన 9వ గేటు రోప్‌ ● నేడు 3వ గేటు ప్లంబర్‌బ్లాక్‌ కట్‌ ● మరమ్మతులకు మంజూరైన నిధులు ఏమైనట్లు రాయలసీమ ప్రాజెక్ట్‌లకు జీవనాడిగా ఉన్న పోతిరెడ్డిపాడు హెడ్‌రెగ్యులేటర్‌ నిర్వహణను చంద్రబాబు ప్రభుత్వం గాలికొదిలేసింది. నిర్వహణకు నిధులు మంజూరు చేస్తున్నట్లు ప్రకటిస్తున్నా ఆ నిధులతో పనులెక్కడ చేశారో అధికారులకే తెలియాలి. రెండు రోజుల వ్యవధిలో 9వ గేటు రోప్‌ తెగడం, 3వ గేటు ప్లంబర్‌బ్లాక్‌ కట్‌ కావడం చూస్తే నిర్వహణపై అనుమానాలు వ్యక్తమవుతున్నాయి. గతేడాది రూ.20 లక్షలు, ఈ ఏడాది రూ.46 లక్షల నిధులు మంజూరైనట్లు అధికారులు చెబుతున్నారు. అయితే పోతిరెడ్డిపాడు హెడ్‌రెగ్యులేటర్‌ రోప్‌ రోలర్లు తుప్పు పట్టి కనిపిస్తుండటంతో గేట్లకు మరమ్మతులు చేయడం లేదని తెలుస్తోంది. ఈ ఏడాది ఆలస్యంగా పోతిరెడ్డిపాడు నుంచి నీటిని విడుదల చేశారు. మరో వైపు నిధులు మంజూరయ్యాయని అధికారులు చెబుతున్నారు. అయితే గేట్లకు మరమ్మతులు చేయించకపోవడం వెనుక ఆంతర్యమేమిటని ప్రజలు ప్రశ్నిస్తున్నారు. గురువారం సాయంత్రం అధికారుల పర్యవేక్షణలో తొమ్మిదో గేటును పైకి ఎత్తి కిందికి దించేందుకు యత్నించగా గేటు రోప్‌ తెగిపోయింది. దీంతో గేటు గ్రూస్‌లో కిందికి దిగింది. శుక్రవారం మూడోవ గేటు ప్లంబర్‌బ్లాక్‌ కట్‌ కావడం అధికారులను ఆందోళనకు గురి చేస్తోంది. ఇలా ఒక్కొక్కగేటు ఓ రకంగా మరమ్మతులకు గురవుతుండటంతో నీటి విడుదలకు ఆటంకం కలిగే అవకాశం నెలకొంది. ఉన్నతాధికారులు వెంటనే పోతిరెడ్డి హెడ్‌రెగ్యులేటర్‌ను సందర్శించి లోపాలను గుర్తించి సరిచేయాల్సిన అవసరం ఉంది.

ప్రస్తుతం చుక్క నీరు లేని బావిఎండిన పంటలు.. అడుగంటిన బావులు.. నెర్రెలిచ్చిన చెరువులు.. జిల్లాలో కరువు విలయతాండవం చేస్తోంది. వేలాది రూపాయల పెట్టుబడితో సాగు చేసిన పంట పొలాలను రైతులు ఇక లాభం లేదని దున్నేస్తున్నారు. టీడీపీ పాలనలో కరువు ఏ స్థాయిలో విరుచుకుపడుతుందో ఈ బావిని చూస్తే అర్థమవుతోంది. 2022 అక్టోబర్‌ నెలలో కర్నూలు–నంద్యాల జాతీయ రహదారి పక్కనున్న పూడిచెర్ల పొలాల్లో ఓ బావి నిండు కుండను తలపించింది. ఇప్పుడు ఆ బావిలో చుక్క నీరు లేని పరిస్థితి. కరువు తీవ్రతకు ఈ దృశ్యం అద్దం పడుతుండగా.. ఈ దారిన వెళ్లే స్థానికులు ఎండిన బావిని చూసి రానున్న రోజులు ఇంకెంతటి దారుణ పరిస్థితులు ఉంటాయోనని ఆందోళన చెందుతున్నారు. – సాక్షి ఫొటోగ్రాఫర్‌, కర్నూలు

కర్నూలు(అగ్రికల్చర్‌): బ్యాంకింగ్‌లో ఐదు రోజుల పని దినాలను వెంటనే అమలు చేయాలని యునైటెడ్‌ ఫోరం ఆఫ్‌ బ్యాంక్‌ యూనియన్స్‌ జిల్లా నాయకులు డిమాండ్‌ చేశారు. యుఎఫ్‌బీయూ పిలుపు మేరకు ఉమ్మడి కర్నూలు జిల్లాలో చేపట్టిన బ్యాంకుల సమ్మె విజయవంతమైంది. సమ్మెలో భాగంగా కార్పొరేట్‌ బ్యాంకులు మినహా పబ్లిక్‌, ప్రైవేటు సెక్టారు బ్యాంకులు, గ్రామీణ బ్యాంకులు, సహకార బ్యాంకులు మూతపడ్డాయి. బ్యాంకుల సమ్మెకు ఏఐటీయూసీ, సీఐటీయూ మద్దతు ప్రకటించాయి. బ్యాంకుల మూతతో లావాదేవీలు స్తంభించిపోయాయి. యుఎఫ్‌బీయూ జిల్లా కన్వీనర్‌ ఇ.నాగరాజు నాయకత్వంలో బ్యాంకు ఉద్యోగులు జిల్లా పరిషత్‌ నుంచి రాజ్‌విహార్‌ మీదుగా ఐదు రోడ్ల కూడలి, రాజ్‌ థియేటర్‌ మీదుగా కేఇ ప్లాజా వరకు పెద్ద ఎత్తున నినాదాలు చేస్తూ ర్యాలీ చేపట్టారు. అనంతరం ధర్నా నిర్వహించారు. ఈ సందర్బంగా యూనియన్‌ ముఖ్య నేతలు మాట్లాడుతూ గత వేతన ఒప్పందంలో బ్యాంకుల యాజమాన్య సంస్థ ఐబీఏ ఐదు రోజుల బ్యాంకింగ్‌కు అంగీకరించి ఇప్పటికి రెండున్నరేళ్లు గడిచినా అమలు చేయకపోవడం దారుణమన్నారు. బ్యాంకు లాభాల్లో ప్రతి ఉద్యోగి పాత్రను గుర్తించి అందరికీ ఆమోదయోగ్యమైన పీఎల్‌ఐ విధానం తీసుకురావాలని కోరారు. ఇప్పటికై నా స్పందించకపోతే ఈ నెల 28, 29, 30 తేదీల్లో సమ్మె నిర్వహిస్తామని, అప్పటికీ స్పందించకపోతే అక్టోబరు 26 నుంచి నిరవధిక సమ్మె చేపడుతామని హెచ్చరించారు. కార్యక్రమంలో ఏఐబీఈఏ నాయకులు శివకృష్ణ, అనిల్‌ రెడ్డి, ఏఐబీవోసీ నాయకులు రాజు, పుష్పక్‌కుమార్‌, ఎన్‌సీబీఈ నాయకులు విద్యాసాగర్‌, శ్రీకాంత్‌, ఏపీజీబీ నాయకులు హనుమంతు, ఐబో నాయకులు మంజునాథ్‌, విజయ్‌, హనుమంతురెడ్డి, రాఘవేంద్ర తదితరులు పాల్గొన్నారు.

నంద్యాల(వ్యవసాయం): వినాయక చవితి ఉత్సవాల్లో భాగంగా మట్టి వినాయకుడిని పూజించి పర్యావరణాన్ని కాపాడుదామని ఐసీడీఎస్‌ పీడీ లీలావతి దేవి పేర్కొన్నారు. శుక్రవారం ఐసీడీఎస్‌ సూపర్‌వైజర్ల కార్యాలయంలో మట్టి వినాయకులను పంపిణీ చేశారు. ఈ సందర్భంగా వారు మాట్లాడు తూ.. కులమతాలకు అతీతంగా నిర్వహించే అతిపెద్ద పండుగ అని, ప్లాస్టారాఫ్‌ ప్యారీస్‌ విగ్రహాలను వాడకుండా మట్టి విగ్రహాలతో పూజించాలని వారు కోరారు. పండుగ అనంతరం ఇంట్లోనే వినాయక విగ్రహాలను నిమజ్జనం చేసుకోవచ్చని వారు తెలిపారు. ఈ కార్యక్రమంలో నోడల్‌ ఆఫీసర్‌ ఉమామహేశ్వరమ్మ, వన్‌స్టాఫ్‌ సెంటర్‌ సిబ్బంది తదితరులు పాల్గొన్నారు.

నంద్యాల: జిల్లాలోని పోతిరెడ్డిపాడు వద్ద ఉద్రిక్త పరిస్థితులు చోటు చేసుకున్నాయి. జూపాడు బంగ్లా సమీపంలోని పోతిరెడ్డిపాడు హెడ్‌ రెగ్యులేటర్‌ వద్ద 9వ గేటు ఎత్తుతుండగా రోప్ తెగిపోయి గేటు కింద పడిపోయిన సంగతి తెలిసిందే. దాంతో పోతిరెడ్డిపాడు హెడ్‌ రెగ్యులేటర్‌ పరిశీలనకు వైఎస్సార్‌సీపీ నేతలు అక్కడకు బయల్దేరి వెళ్లారు. .అయితే వైఎస్సార్‌సీపీ నేతలను పోలీసులు అడ్డుకున్నారు. గేటుకు తాళం వేసి మరీ అడ్డుకున్నారు పోలీసులు. మీడియాను సైతం అనుమతించలేదు. ప్రభుత్వం డొల్లతన బయటపడుతుందనే అక్కడకు వెళ్లిన తమను అడ్డకున్నారని వైఎస్సార్‌సీపీ విమర్శించింది. కాగా, శ్రీశైలం జలాశయం నుంచి నీటిని విడుదల చేసే సమయంలో పోతిరెడ్డిపాడు తొమ్మిదో నెంబరు ఐరన్‌ గేటుకు సంబంధించిన రోప్ అకస్మాత్తుగా తెగిపోయింది. గేట్లు ఎత్తుతున్న సమయంలో ఈ ప్రమాదం జరగడంతో గేటు ఊడిపోయి కింద పడిపోయింది. శ్రీశైలం బ్యాక్‌వాటర్ పూర్తి స్థాయిలో ప్రవహిస్తున్న తరుణంలో ఇది చోటు చేసుకుంది. ఇదీ చదవండి:మధ్యాహ్న భోజనం ఇంత అధ్వానమా?

గోస్పాడు: వరుణుడు కరుణించలేదు.. పాలకులు కనికరం చూపలేదు.. చివరకు ఆయకట్టు రైతుల ఆశలు ఆవిరయ్యాయి. ఖరీఫ్‌ ఆరంభం నుంచి ఎల్‌నినో భయం వెంటాడుతున్నా దేవుడిపై భారం వేసి సేద్యం పనులు చేపట్టారు. బోర్లు, బావుల కింద మొదట్లో సాగు ఊపందుకుంది. ఎలాగైనా వానలు కురుస్తాయి.. ప్రాజెక్ట్‌లు నిండుతాయనే భావనంతో విత్తనాలు వేశారు. అడపాదడపా వానలతో పంటలు మొలకెత్తినా తర్వాత వరుణుడు మొహం చాటేశాడు. రైతులకు నీటి సమస్య తీవ్రమైంది. పంటలను కాపాడుకునేందుకు రైతులు ప్రయత్నం చేసినా చివరకు దక్కించుకోలేకపోతున్నారు. ఇక చేసేదేమి లేక పంటలను కొందరు జీవాలు, పశువులకు మేతగా వదిలేశారు. మరికొందరు పంటను దున్నేసి ప్రత్యామ్నాయ పంటల సాగుకు సిద్ధమవుతున్నారు. జిల్లాలో 2.20 లక్షల హెక్టార్ల సాధారణ విస్తీర్ణం కాగా 1.30 లక్షల హెక్టార్లలో మాత్రమే సాగయింది. పూర్తిగా నమోదు కావాల్సిన పంటల సాగు ఇప్పటికీ కూడా సగభాగమే నమోదు అయిందంటే అందుకు వర్షాలు లేక పోవడమే కారణం. అయితే కృష్ణానది ఎగువ ప్రాంతంలో వర్షాలు కురిసి శ్రీశైలానికి భారీగా వరద నీరు చేరింది. ఈ క్రమంలో వెలుగోడు, గోరుకల్లు రిజర్వాయర్లను నింపారు. అయితే అధికారులు మాత్రం పంటల సాగుకు నీరు విడుదల చేయడం లేదు. తాగునీరు అవసరాల పేరుతో కుంటలు, నీటి ట్యాంకులు నింపేందుకు మాత్రమే అంటూ కేసీకి నీటిని విడుదల చేశారు. కనీసం పంటకు ఒక తడి నీరు పెడితే పంట చేతికందుతుందని రైతులు కోరుతున్నారు. పంటలను కాపాడుకోలేక.. జిల్లాలో అధికంగా సాగుచేసే పైర్లలో వరి ప్రధానమైనది. అయితే ఈ ఏడాది 70 వేల హెక్లార్ల సాధారణ విస్తీర్ణంలో ఇప్పటి వరకు 16 వేల హెక్టార్లు మాత్రమే సాగు అయినట్లు అధికారులు చెబుతున్నారు. మెక్కజొన్న, కంది, మినుము వంటి పైర్లు అంతంతమాత్రంగానే సాగు కాగా వేసిన పైర్లకు సాగునీరు అందక పైర్లు పెరుగుదల నిలిచిపోయి గిడిసబారి వాడిపోతున్నాయి. ఇక చేసేదేమి లేక పంటలను వదిలేసే వారు కొందరైతే.. మరికొందరు ఉన్నవాటిని కూడా దున్నేయాల్సిన పరిస్థితి నెలకొంది. ఈ ఏడాది వచ్చినంత దుర్భర పరిస్థితి ఎన్నడూ రాలేదని రైతులు ఆవేదన చెందుతున్నారు. వేలకు వేలు పెట్టుబడులు పెట్టి చివరకు పైర్లను కాపాడుకోలేకపోయారు. మినుము పైరులో రెండు బస్తాలలోపు దిగుబడులే వస్తుండగా వాటిలో కూడా నాణ్యమైన ధాన్యం ఉండటం లేదు. శ్రీశైలానికి వరదొచ్చినా సాగునీరు లేదాయె ఆరుతడి పంటలు సాగు చేసి నష్టపోయిన రైతులు బోర్లు, బావులు అడుగంటడంతో ఎండిన పంటలు

రాష్ట్రంలో వానలు లేక పంటలు పండక రైతులు ఇబ్బందులు పడుతున్నారు. నిత్యావసర ధరలు పెరిగి పేద, మధ్యతరగతి ప్రజలు అల్లాడుతున్నారు. వీరిని ఆదుకోవాల్సిన చంద్రబాబు సర్కారు ప్రేక్షక పాత్ర పోషిస్తుంది. ప్రశ్నించే వారిపై దాడులు, దౌర్జన్యాలతో చంద్రబాబు దుర్మార్గమైన పాలన సాగిస్తున్నారు. – పోచా బ్రహ్మానందరెడ్డి, నంద్యాల మాజీ ఎంపీ నంద్యాల(అర్బన్‌): రాబోవు స్థానిక సంస్థల ఎన్నికల్లో వైఎస్సార్‌సీపీ జెండా ఎగురవేసేందుకు ప్రతి ఒక్కరూ సిద్ధం కావాలని వైఎస్సార్‌సీపీ నంద్యాల జిల్లా అధ్యక్షుడు, పాణ్యం మాజీ ఎమ్మెల్యే కాటసాని రాంభూపాల్‌రెడ్డి పార్టీశ్రేణులకు పిలుపునిచ్చారు. నంద్యాల మండలం చాపిరేవుల గ్రామ సమీపంలోని ఎస్‌ఆర్‌ కన్వేన్షన్‌లో ఆదివారం కాటసాని రాంభూపాల్‌రెడ్డి ఆధ్వర్యంలో వైఎస్సార్‌సీపీ నంద్యాల జిల్లా స్థాయి సమావేశం నిర్వహించారు. పార్టీ నియోజకవర్గ ఇన్‌చార్జ్‌లు, మాజీ ప్రజాప్రతినిధులు, పార్టీ నాయకులు హాజరైన ఈ సమావేశంలో మొదట దివంగత నేత వైఎస్‌ రాజశేఖర్‌రెడ్డి ప్రతిమకు పూలమాలలు వేసి నివాళులర్పించారు. అనంతరం పార్టీ జిల్లా అధ్యక్షుడు కాటసాని రాంభూపాల్‌రెడ్డి మాట్లాడుతూ ఈనెల 8 నుంచి 11వ తేదీ వరకు నియోజకవర్గ స్థాయి సమావేశాలు, 12 నుంచి 22 వ తేదీ వరకు మండల స్థాయి సమావేశాలు నిర్వహించనున్నట్లు తెలిపారు. ఈనెల 23వ తేదీ నుంచి గ్రామ, వార్డు స్థాయిలో ఇంటింటికీ వెళ్లాలన్నారు. కూటమి ప్రభుత్వ వైఫల్యాలను, మోసాలను ప్రజలకు వివరించడంతో పాటు వైఎస్సార్‌సీపీ ప్రభుత్వ హయాంలో చేసిన మంచిని తెలియజేయాలని పార్టీ శ్రేణులకు పిలుపునిచ్చారు. ఇందుకు సంబంధించిన బుక్‌లెట్‌లను సైతం ప్రతి ఇంట్లో అందజేయాలని సూచించారు. అలాగే స్థానికంగా ప్రజల సమస్యలను తెలుసుకొని వాటి పరిష్కారానికి పోరాటం చేయాలని పిలుపునిచ్చారు. ప్రజలే వైఎస్సార్‌సీపీ బలమని చెప్పారు. పార్టీ శ్రేణులు ఐక్యంగా ఉంటూ స్థానిక సంస్థల ఎన్నికల్లో వైఎస్సార్‌సీపీ గెలుపునకు సైనికుల్లా పనిచేయాలన్నారు. కూటమి పాలనలో మెగా డీఎస్సీ దగా డీఎస్సీగా మారిందని విమర్శించారు. నిబంధనలకు విరుద్ధంగా అనర్హులకు ఉద్యోగాలు ఇచ్చి అర్హులకు అన్యాయం చేశారన్నారు. డీఎస్సీలో భారీగా అక్రమాలు జరిగాయన్నది జగమెరిగిన సత్యమని, అందుకే సీబీఐ విచారణకు కూటమి సర్కారు భయపడుతుందన్నారు. వెన్నుపోటు పాలన రెండున్నరేళ్లలో ఏ ఒక్క హామీ నెరవేర్చకుండా మహిళలు, నిరుద్యోగులు, రైతులను కూటమి ప్రభుత్వం వెన్నుపోటు పొడిచిందని వైఎస్సార్‌సీపీ పార్లమెంటరీ పరిశీలకురాలు, ఎమ్మెల్సీ కల్పలతారెడ్డి మండిపడ్డారు. అధికారం కోసం చంద్రబాబు మహిళలకు మాయమాటలు చెప్పారని ధ్వజమెత్తారు. కూటమి ప్రభుత్వంలో ప్రతి ఒక్కరూ దోచుకోవడం.. దాచుకోవడమే పనిగా పెట్టుకున్నారన్నారు. 2025లో నిర్వహించింది మెగా డీఎస్సీ అంటూ లోకేష్‌ గొప్పలు చెప్పుకుంటున్నారని, అది మెగా కాదు.. దగా డీఎస్సీ అని వైఎస్సార్‌సీపీ నిరూపించిందన్నారు. యువగళంలో ఉన్న వారికి ఉద్యోగాలు ఇప్పించుకునేందుకు డీఎస్సీ నిర్వహించారని విమర్శించారు. దమ్ముంటే అక్రమాలపై సీబీఐ విచారణ జరపాలని లేకపోతే లోకేష్‌ మంత్రి పదవికి రాజీనామా చేయాలని డిమాండ్‌ చేశారు. అనంతరం నియోజకవర్గ ఇన్‌చార్జ్‌లు, పరిశీలకులు, సీఈసీ, ఎస్‌ఈసీ సభ్యులకు పార్టీ గుర్తింపు కార్డులను కాటసాని అందజేశారు. కార్యక్రమంలో జిల్లా పరిషత్‌ చైర్మన్‌ ఎర్రబోతుల పాపిరెడ్డి, వైఎస్సార్‌సీపీ సీఈసీ సభ్యుడు పీపీనాగిరెడ్డి, శ్రీశైలం నియోజకవర్గ నాయకులు బుడ్డా శేషారెడ్డి, నంద్యాల అసెంబ్లీ పరిశీలకుడు సద్దల సూర్యనారాయణరెడ్డి, వైఎస్సార్‌సీపీ మహిళా నాయకురాలు శశికళారెడ్డి, సీఈసీ, ఎస్‌ఈసీ సభ్యులు రాష్ట్ర జాయింట్‌ సెక్రటరీలు, పార్టీ జిల్లా కమిటీ సభ్యులు, జిల్లా అనుబంధ విభాగాల నాయకులు, కార్యకర్తలు పాల్గొన్నారు. సీఎం చంద్రబాబు నిత్యావసర వస్తువుల ధరల నియంత్రణలో పూర్తిగా విఫలమయ్యారు. ప్రజా సంక్షేమాన్ని పట్టించుకోవడం లేదు. అయినా, ఏదో గొప్పగా చేశానంటూ ప్రచారం చేసుకుంటున్నారు. వాస్తవమేమిటో ఇంటింటికి వెళ్లి ప్రజలకు తెలియజేయాలి. అలాగే స్థానిక సంస్థల ఎన్నికల్లో గెలుపుకోసం సమష్ఠిగా పనిచేయాలి. – ఇసాక్‌బాషా, ఎమ్మెల్సీ ఈ నెల 23 నుంచి గ్రామ, వార్డు స్థాయిలో ఇంటింటి ప్రచారం కూటమి ప్రభుత్వ వైఫల్యాలను ప్రజల్లోకి తీసుకెళ్లాలి ప్రజా సమస్యలపై నిరంతర పోరాటం సాగించాలి ఎన్నికల్లో వైఎస్సార్‌సీపీ జెండా ఎగురవేయాలి వైఎస్సార్‌సీపీ శ్రేణులకు పార్టీ జిల్లా అధ్యక్షుడు కాటసాని పిలుపు

నంద్యాల(న్యూటౌన్‌): స్థానిక కలెక్టరేట్‌లోని పీజీఆర్‌ఎస్‌ హాలులో ఈనెల 7వ తేదీ సోమవారం ‘ప్రజా ఫిర్యాదుల పరిష్కార వేదిక’ కార్యక్రమాన్ని నిర్వహిస్తున్నట్లు జిల్లా కలెక్టర్‌ రాజకుమారి ఆదివారం ఒక ప్రకటనలో తెలిపారు. ఈ కార్యక్రమం ఉదయం 10 గంటలకు ప్రారంభమవుతుందన్నారు. అర్జీదారులు తమ దరఖాస్తు పరిష్కారం ఏ దశలో ఉందో తెలుసుకోవడం కోసం టోల్‌ ఫ్రీ నంబర్‌ 1100ను సంప్రదించవచ్చన్నారు. అలాగే అర్జీదారులు దరఖాస్తుల ప్రస్తుత సమాచారాన్ని meekosam.ap.gov.in వెబ్‌సైట్‌లో సంప్రదించి తెలుసుకోవచ్చన్నారు. అర్జీలను కూడా ఇలాగే నమోదు చేసుకోవచ్చన్నారు. అర్జీదారులందరూ ఈ అవకాశాన్ని వినియోగించుకోవాలన్నారు. జిల్లా కేంద్రంలో జరిగే ఈ కార్యక్రమానికి జిల్లా స్థాయి అధికారులందరూ తప్పనిసరిగా హాజరై ప్రజల నుంచి వినతులు స్వీకరించాలన్నారు. శ్రీశైలంలో భక్తుల రద్దీ శ్రీశైలంటెంపుల్‌: శ్రీశైల మహాక్షేత్రానికి భక్తులు పోటెత్తారు. ఆదివారం సెలవు రోజును పురస్కరించుకుని ఉభయ తెలుగు రాష్ట్రాల నుంచే కాకుండా ఇతర రాష్ట్రాల నుంచి సైతం వేలాది మంది భక్తులు తరలివచ్చారు. వేకువజామున్నే పాతాళగంగలో పుణ్యస్నానాలు ఆచరించిన భక్తులు మల్లన్న దర్శనానికి ఆలయ క్యూలైన్ల వద్ద బారులు తీరారు. భక్తుల రద్దీతో ఉచిత, శీఘ్ర, అతిశీఘ్ర దర్శన క్యూలు నిండిపోయాయి. భక్తుల శివనామ స్మరణతో ఆలయ ప్రాంగణం మారుమోగింది. భక్తులకు క్యూకంపార్ట్‌మెంట్లలో పాలు, తాగునీరు, అల్పాహారం, ప్రసాదం పంపిణీ చేశారు. భక్తుల రద్దీతో క్షేత్ర పురవీధులు కళకళలాడాయి. పోతిరెడ్డిపాడు నుంచి కొనసాగుతున్న నీటివిడుదల జూపాడుబంగ్లా: పోతిరెడ్డిపాడు హెడ్‌రెగ్యులేటర్‌ నుంటి నీటివిడుదల కొనసాగిస్తున్నట్లు ఏఈ విష్ణువర్ధన్‌రెడ్డి తెలిపారు. ఆదివారం ఆయన విలేకరులతో మాట్లాడుతూ శ్రీశైలం డ్యాంలో ఉదయం 868.80 అడుగుల నీటిమట్టం ఉండగా పోతిరెడ్డిపాడు వద్ద 867.80 అడుగుల నీటిమట్టం ఉన్నట్లు తెలిపారు. ఉన్నతాధికారుల ఆదేశాల మేరకు 4, 6 గేట్ల ద్వారా 8వేల క్యూసెక్కుల నీటిని ఎస్సారెమ్సీ కాల్వలోకి సరఫరా చేసినట్లు వెల్లడించారు. ఈ నీటిని బానకచర్ల నీటినియంత్రణ వ్యవస్థ నుంచి గాలేరినగరి సుజల స్రవంతి కాల్వకు 7వేల క్యూసెక్కులు, కేసీ ఎస్కేప్‌ కాల్వకు వెయ్యి క్యూసెక్కులు సరఫరా చేస్తున్నట్లు బానకచర్ల ఏఈ దేవేంద్ర తెలిపారు. సర్క్యూట్‌ బెంచ్‌ వద్దు.. శాశ్వత హైకోర్టు బెంచ్‌ కావాలి కర్నూలు: ‘సర్క్యూట్‌ బెంచ్‌ వద్దు.. కర్నూలులో హైకోర్టు శాశ్వత బెంచ్‌ కావాలి’ అంటూ నినాదాలతో న్యాయవాదులు హోరెత్తించారు. కర్నూలులో శాశ్వత హైకోర్టు బెంచ్‌ ఏర్పాటు చేయాలనే ప్రధాన డిమాండ్‌తో జిల్లా న్యాయవాదుల సంఘం ఆధ్వర్యంలో చేపట్టిన రిలే నిరాహారదీక్షలు 14వ రోజు ఆదివారం కొనసాగాయి. శాశ్వత హైకోర్టు బెంచ్‌ కర్నూలులో ఏర్పాటు చేయడం ద్వారా రాయలసీమ ప్రజలకు న్యాయ సేవలు మరింత అందుబాటులోకి వస్తాయని న్యాయవాదులు ప్లకార్డులను ప్రదర్శించారు. హైకోర్టు బెంచ్‌ కోసం కొంతకాలంగా వివిధ రూపాల్లో న్యాయవాదులు నిరసనలు, ఆందోళనలు నిర్వహిస్తున్నారు. ప్రభుత్వం సానుకూల నిర్ణయం తీసుకునేవరకు అన్ని పక్షాల రాజకీయ నేతలు, ప్రజాసంఘాల సహకారంతో ఉద్యమాన్ని మరింత తీవ్రతరం చేస్తామని న్యాయవాదుల సంఘం జిల్లా అధ్యక్షులు చంద్రుడు స్పష్టం చేశారు. న్యాయవాదుల దీక్షలో సాద్విక, నిస్సీ, జి.మురళీకృష్ణ, ఎస్‌.మహమ్మద్‌ అన్వర్‌ సాదత్‌, గోపాల్‌ యాదవ్‌, ఈదుల బాలాజీ రెడ్డితో పాటు న్యాయ విద్యార్థి హేమంతేశ్వర మునిరాజు పాల్గొన్నారు. న్యాయవాదులు పెద్ద ఎత్తున తమ విధులు బహిష్కరించి దీక్షా శిబిరాన్ని సందర్శించి రిలే నిరాహారదీక్షలో పాల్గొన్న వారికి పూలమాలలు వేసి దీక్షకు సంపూర్ణ మద్దతు ప్రకటించారు. న్యాయవాదుల సంఘం ప్రధాన కార్యదర్శి మహేశ్వర రెడ్డి, ఉపాధ్యక్షుడు రసూల్‌ ఖాన్‌ తదితరులు దీక్ష చేస్తున్న న్యాయవాదులకు మద్దతు తెలిపారు.

● భైరవాణిలో మట్టి తరలింపునకు అడ్డుకున్న ప్రజలుమహానంది: భైరవాణి చెరువులో మట్టి తరలింపును గోపవరం గ్రామస్తులు శనివారం రాత్రి అడ్డుకున్నారు. గ్రామ సమీపంలోని భైరవాణి చెరువులో రైతుల అవసరాల పేరుతో ఆగస్టు 28న 10,300 క్యూబిక్‌ మీటర్ల మేరకు పూడికతీతకు టీడీపీ నాయకులు అనుమతులు తీసుకున్నారు. రెండు రోజులు గ్రామ పరిధిలో రైతులకు మాత్రమే తరలిస్తున్నామని నమ్మించారు. నంద్యాల మండలం పొన్నాపురం, అయ్యలూరిమెట్ట, పెద్దకొట్టాల గ్రామాలతో పాటు సమీప గ్రామాల్లో ఉన్న ఇటుకల బట్టీలకు మట్టిని తరలించి సుమారు రూ. 14లక్షలు సంపాదించారని సోషల్‌ మీడియాల్లో వైరల్‌ కావడంతో గ్రామస్తులు ఆగ్రహం వ్యక్తం చేశారు. మొత్తం ఆరు టిప్పర్లను, జేసీబీని అడ్డుకుని నిరసన వ్యక్తం చేశారు. తరలిస్తున్న మట్టిని చెరువులోనే వేయించి టిప్పర్లను వెనక్కి పంపించారు. అనుమతులు ఉంటే అర్థరాత్రి వేళ ఎందుకు తరలిస్తున్నారని గ్రామస్తులు మండిపడుతున్నారు. అనుమతులకు విరుద్ధంగా మట్టి తరలింపునకు అడ్డుకట్ట వేయకపోతే జిల్లా అధికారులకు ఫిర్యాదు చేస్తామని హెచ్చరించారు.

ఖరీఫ్‌ సీజన్‌ దాదాపుగా చివరి దశకు వచ్చింది. కాల్వలకు నీరు విడుదల చేసి ఉంటే అంతో ఇంతో పంటలు చేతికందేవి. సాగునీరు అందకపోవడంతో పంటలన్నీ దెబ్బతిన్నాయి. పెట్టుబడిలో పైసా కూడా తిరిగి వచ్చే పరిస్థితి లేదు. ఈ ఖరీఫ్‌ సీజన్‌ రైతులకు అప్పులే మిగిల్చింది. – గోపాల్‌రెడ్డి, రైతు ఏటా వరి, మొక్కజొన్న తదితర పంటలతో వ్యవసాయం కళకళలాడేది. ఈ ఏడాది గతంలో ఎన్నడూ లేనంతగా కరువు దాపురించింది.ఎటు చూసి నా బీళ్లే కనిపిస్తున్నాయి. బోర్లు, కాల్వల కింద సాగు చేసిన పంటలకు నీరందక రైతులు దున్నేస్తున్నారు. కూటమి ప్రభుత్వం నంద్యాలను కరు వు జిల్లాగా ప్రకటించి రైతులను ఆదుకోవాలి. – మార్క్‌, కౌలు రైతు సంఘం జిల్లా నాయకులు

● ఉత్సవాల్లో డీజేకి అనుమతి లేదు ● వినాయక ఉత్సవ కమిటీ నిర్వాహకులతో ఏఎస్పీ నంద్యాల(వ్యవసాయం): వినాయక చవితి వేడుకల్లో మట్టి విగ్రహాల ఏర్పాటుకు ప్రాధాన్యమివ్వాలని ఏఎస్పీ సుస్మిత సూచించారు. ఆదివారం రామకృష్ణారెడ్డి డిగ్రీ కాలేజీ ఆడిటోరియంలో వినాయక ఉత్సవ కమిటీల నిర్వాహకులతో సమావేశం నిర్వహించారు. ఆమె మాట్లాడుతూ ప్రతి ఒక్కరూ పండుగను భక్తిశ్రద్ధలతో ఐదు రోజులు పాటు నిర్వహించుకోవాలన్నారు. ఎత్తైన విగ్రహాలు కాకుండా తక్కువ ఎత్తు ఉండే విగ్రహాలు ఏర్పాటు చేసుకోవాలన్నారు. మండపాల వద్ద అగ్ని ప్రమాదాలు జరగకుండా జాగ్రత్తలు తీసుకోవాలని సూచించారు. యువకులు నిమజ్జనోత్సవంలో మద్యం సేవించి పాల్గొంటే చర్యలు తప్పవని హెచ్చరించారు. సమస్యలు ఏవైనా ఉంటే కేంద్ర ఉత్సవ సమితి దృష్టికి తీసుకురావాలని సూచించారు. అలాగే ఉత్సవాల్లో డీజే ఏర్పాటుకు అనుమతులు ఇవ్వమన్నారు. అన్ని శాఖల అధికారులు సమన్వయంతో పనిచేసి వినాయక వేడుకలను విజయవంతం చేయాలని చెప్పారు. అనంతరం ఉత్సవాలకు సంబంధించిన వాల్‌ పోస్టర్లు విడుదల చేశారు. కార్యక్రమంలో ఆర్డీవో విశ్వనాథ, తహసీల్దార్‌ శ్రీనివాసులు, కమిషనర్‌ శేషన్న, డీఈ నాగరాజు, కేంద్ర సమితి సభ్యులు రామకృష్ణారెడ్డి, శ్రీనివాసులు పాల్గొన్నారు.

శ్రీశైలంటెంపుల్‌: శ్రీశైల దేవస్థానం నిర్వహిస్తున్న అన్నప్రసాద వితరణ పథకానికి పలువురు భక్తులు రూ.3 లక్షల విరాళాలు అందించారు. గురువారం నాగర్‌కర్నూలుకు చెందిన బాలనాగయ్య రూ.లక్ష, గుంటూరుకు చెందిన ఎం.అమృత రూ.లక్ష, గుంటూరు జిల్లా మంగళగిరికి చెందిన ఎం.రామకృష్ణారెడ్డి రూ.లక్ష విరాళాన్ని దేవస్థాన సహాయ కార్యనిర్వహణాధికారి ఎం.ఫణిధరప్రసాద్‌కు అందజేశారు. విరాళాలు అందించిన దాతలకు దేవస్థానం తరఫున స్వామివారి శేషవస్త్రాలను, లడ్డూప్రసాదాలను అందించి సత్కరించారు. సర్వర్‌ పని చేయదు.. విద్యుత్‌ ఉండదు! చాగలమర్రి: కొత్త పెన్షన్లకు దరఖాస్తు చేసుకునేందుకు వింతతువులు, వికలాంగులు, వృద్ధులు సచివాలయాల చుట్టూ తిరగాల్సి వస్తోంది. ఉదయం నుంచి సాయంత్రం వరకు వేచి ఉన్నా దరఖాస్తు పూర్తి కావడం లేదు. నెట్‌వర్క్‌ సరిగా లేక పోవడం, సర్వర్‌ డౌన్‌ అవుతుండటంతో దరఖాస్తుదారులు గంటల కొద్ది అక్కడే నిరీక్షించాల్సి వస్తోంది. మరో వైపు మండలంలో విద్యుత్‌ తీగల మరమ్మతులు జరుగుతుండటంతో అప్రకటిత విద్యుత్‌ కోతలు ఆటంకంగా మారాయి. దీంతో రోజుకు 5 నుంచి 10 లోపే దరఖాస్తులు ఆన్‌లైన్‌ అవుతున్నాయి. దీంతో దరఖాస్తుదారులు, సచివాలయ సిబ్బంది ఆందోళనకు గురవుతున్నారు. దరఖాస్తుకు ఆరు రోజులు గడువు కనిపిస్తున్నా.. అందులో మూడు రోజులు సెలవులు ఉండటంతో దరఖాస్తు ఎప్పుడు చేసుకోవాలని ప్రజలు వాపోతున్నారు. 15న ధ్రువపత్రాలతో హాజరు కావాలి నంద్యాల(న్యూటౌన్‌): జిల్లాలోని ఒకేషనల్‌ ఇన్‌స్ట్రక్టర్ల పెన్షనరీ బెన్‌ఫిట్స్‌ మంజూరు, ఫ్రీ రెగ్యులరైజేషన్‌ సర్వీసును పరిగణలోకి తీసుకునేందుకు సంబంధించిన ఉత్తర్వులను ప్రభుత్వం జారీ చేసిందని డీఈఓ జనార్దన్‌రెడ్డి గురువారం ఒక ప్రకటనలో తెలిపారు. ఈ మేరకు జిల్లాలో పని చేస్తున్న ఒకేషనల్‌ ఇన్‌స్ట్రక్టర్లందరూ తమ ఒరిజినల్‌ సర్వీస్‌ రిజిస్టర్‌, సంబంధిత ధ్రువపత్రాలతో ఈనెల 15న డీఈఓ కార్యాలయానికి చేరుకుని ధ్రువీకరణ ప్రక్రియ ను పూర్తి చేసుకోవాలన్నారు. నేటి నుంచి నాలుగు రోజులు బ్యాంకుల బంద్‌ కర్నూలు(అగ్రికల్చర్‌): బ్యాంకులకు ఐదు రోజుల పని విధానాన్ని వెంటనే అమలు చేయాలనే డిమాండ్‌తో అన్ని బ్యాంకు యూనియన్‌లు శుక్రవారం సమ్మె చేపట్టనున్నట్లు జిల్లా కన్వీనర్‌ నాగ రాజు తెలిపారు. యునైటెడ్‌ ఫోరం ఆఫ్‌ బ్యాంకు యూనియన్స్‌ పిలుపు మేరకు సమ్మెలో కార్పొరేట్‌ బ్యాంకులు మినహా పబ్లిక్‌ సెక్టారు, ప్రయివేటు సెక్టారు బ్యాంకులు, గ్రామీణ బ్యాంకులు, సహకార బ్యాంకులు పాల్గొంటాయన్నారు. ఈ నెల 11 నుంచి 14వ తేదీ వరకు బ్యాంకులు బంద్‌ కానున్నాయి. 11న సమ్మె పాటిస్తుండగా.. 12న రెండవ శనివారం, 13న ఆదివారం, 14న వినాయక చవితి సెలవులు ఉన్నాయి. బ్యాంకుల సమ్మెకు సీఐటీయూ మద్దతు ప్రకటించింది. వేలం పాటలో రూ.73 లక్షల ఆదాయం పాణ్యం: కొత్తూరు గ్రామంలో వెలిసిన శ్రీవల్లి సుబ్రమణ్యేశ్వరస్వామి ఆలయంలో గురువారం నిర్వహించిన తలనీలాల వేలం పాటలో రూ.73.20 లక్షల ఆదాయం వచ్చింది. ఈఓ రామకృష్ణ మాట్లాడుతూ.. అనంతపురం జిల్లాకు చెందిన పుల్లయ్య అనే పాట దారుడు అత్యధిక పాట పాడి వేలం దక్కించుకున్నారన్నారు. గత ఏడాది రూ.51.77 లక్షల ఆదాయం సమకూరగా గత ఏడాదితో పోలిస్తే ఈ ఏడాది రూ.21.42 లక్షలు అధిక ఆదాయం సమకూరినట్లు ఈఓ తెలి పారు. జిల్లా దేవదాయ శాఖ పర్యవేక్షణ అధికారి మోహన్‌ ఆధ్వర్యంలో వేలం నిర్వహించారు.

కర్నూలు సిటీ: కర్ణాటక రాష్ట్రంలోని హొస్పేట్‌ వద్ద ఉన్న తుంగభద్ర జలాశయంలో 89 టీఎంసీల నీరు ఉన్నా..ఔట్‌ ఫ్లో 9,819 క్యూసెక్కులు ఉన్నా.. కర్నూలు జిల్లాలోని తుంగభద్ర నదిలో చుక్కనీరు కనిపించడం లేదు. గతంలో ఎప్పుడూ లేని విధంగా నది తడారి ఎడారిగా కనిపిస్తోంది. నదిపై నిర్మించిన సుంకేసుల బ్యారేజీలో నీరు అడుగంటిపోయింది. కర్నూలు నగరపాలక సంస్థ పరిధిలోని ప్రజల తాగునీటి అవసరాల కోసం విడుదల చేస్తున్న నీటిని సైతం బుధవారం ఉదయం బంద్‌ చేశారు. ప్రథమ పూజ్యుడైన వినాయక నిమజ్జనానికి నీరు ఇవ్వలేమని మంత్రి టీజీ భరత్‌ చెప్పారు. దీంతో ముందస్తుగా డబ్బులు ఇచ్చి పెద్ద విగ్రహాలను తీసుకొచ్చిన భక్తులు తీవ్ర ఇబ్బందులు ఎదుర్కొంటున్నారు. ఇదీ దుస్థితి.. తుంగభద్ర నదిలో ఏటా 250 నుంచి 400 టీఎంసీలకుపైగా నీటి లభ్యత ఉంది. ఇందులో 10 శాతం నీటిని కూడా వినియోగించుకోని పరిస్థితులు ఉన్నాయి. ఈ ఏడాది వర్షాభావ పరిస్థితుల్లో సైతం డ్యాంకు 89 టీఎంసీల నీరు వచ్చి చేరింది. అయితే ఆ నీరుతో కనీసం ప్రజల తాగునీటి అవసరాలు కూడా తీర్చలేని దౌర్భాగ్య పరిస్థితులు నెలకొన్నాయి. టీబీ డ్యాం లో నీటి లభ్యతలో దమాషా ప్రకారం కేసీ కెనాల్‌కు ఐదు టీఎంసీల నీటి వాటా వస్తుంది. ఆ నీటిని నది ద్వారా విడుదల చేస్తే 20 శాతం కూడా రాదని ఇంజినీర్లు అంటు న్నారు. అయితే తుంగభద్ర దిగువ కాలువ నీటిని జీడీపీ (గాజులదిన్నెప్రాజెక్టు)కు మళ్లించి..అక్కడి నుంచి కేబీసీ కాలువ ద్వారా జి.శింగవరం సమీపంలో కేసీ కాలువకు తీసుకొచ్చేందుకు అవకాశం ఉంది. ఈ విషయం ఇంజినీర్లకు సైతం తెలిసినా ఎందుకు ఆ వైపుగా మంత్రిని, కలెక్టర్‌ను ఒప్పించలేకపోతున్నారని విమర్శలు వ్యక్తం అవుతున్నాయి. కేసీలోనే నిమజ్ఞనం చేసుకోవచ్చు గాజులదిన్నె ప్రాజెక్టులో ప్రస్తుతం 2.4 టీఎంసీల నీరు నిల్వ ఉంది. ఈ ప్రాజెక్టులోకి హంద్రీ–నీవా కాలువ 110 కి.మీ దగ్గర వైఎస్సార్‌సీపీ హయాంలో నిర్మించిన స్లూయిజ్‌ నుంచి 250 క్యూసెక్కుల నీరు వచ్చి చేరుతోంది. దీంతో పాటు తుంగభద్ర దిగువకాలువ పరిధిలోని తాగునీటి ట్యాంకులు నింపిన తరువాత ఆ నీటిని జీడీపీలోకి మళ్లించేందుకు అవకాశం ఉంది. ఈ ప్రాజెక్టు నుంచి ఎడమ కాలువ నీటి ని విడుదల చేసి 6 కి.మీ. దగ్గర క్రాస్‌ రెగ్యులేటర్‌ క్లోజ్‌ చేస్తే ఆ నీరు కర్నూలు బ్రాంచ్‌ కెనాల్‌ 7.78 కి.మీ దగ్గర నుంచి 42 కి.మీ. వరకు ప్రవహిస్తుంది. ఆ నీటిని ఉల్చాల దగ్గర ఓ వాగులో కి వదిలేస్తే జి.శింగవరం దగ్గర కేసీ కాలువలోకి చేరుతుంది. ఆ నీటితో కర్నూలు తాగునీటి అవసరాలు, ఆ నీటిలోనే కర్నూలు నగరంతో పాటు చుట్టు గ్రామాల ప్రజలు వినాయక నిమజ్జనం చేసుకునేందుకు అవకాశం ఉంది. కానీ టీడీపీ నేతలు ఆ దిశగా ఆలోచన చేయలేదు. విగ్రహాలు చిన్నవి ఏర్పాటు చేసుకోండి అంటూ భక్తుల మనోభావాలతో ఆడుకుంటున్నారనే అభిప్రాయం వ్యక్తమవుతోంది. తుంగభద్ర నదిలో కనిపించని నీరు వెలవెలబోతున్న సుంకేసుల జలాశయం వినాయక నిమజ్జనానికి తప్పని తిప్పలు గుండ్రేవుల నిర్మిస్తే..! కేసీ కాలువకు తుంగభద్ర జలాల్లో 31.9 టీఎంసీల నీటిని కేటాయించినా నిల్వ చేసుకునేందుకు రిజర్వాయర్లు లేవు. సుంకేసుల లో 1.2, అలగనూరు బ్యాలెన్సింగ్‌ రిజర్వా యర్‌లో 2.965 టీఎంసీలకు మాత్రమే నిల్వ చేయవచ్చు. ఏటేటా నీటి ప్రవాహ రోజులు తగ్గిపోవడంతో కేసీ కెనాల్‌ కింద సాగుకు, తాగునీటి అవసరాలకు ఇబ్బందులు పడాల్సి వస్తోంది. కేడబ్ల్యూడీటీ–1 కేటాయింపుల మేరకు నీటిని నిల్వ చేసుకునేందుకు దశాబ్దాలుగా డిమాండ్‌ చేస్తున్న గుండ్రేవులు ప్రాజెక్టును(20 టీఎంసీల నిల్వ సామర్థ్యం) నిర్మిస్తే నీటి కష్టాలు తొలుగుతాయి. కర్నూలు నగరంతో పాటు చుట్టూ ఉండే పల్లెల్లో వినాయక నిమజ్ఞనానికి ఎలాంటి నీటి కష్టాలు లేకుండా ఉంటాయి.

హొళగుంద: ఎల్లార్తిలో షేక్షావలి, షాషావలి తాతల ఉరుసు గురువారం జియారత్‌ కార్యక్రమంతో ప్రశాంతంగా ముగిసింది. ఇరు తెలుగు రాష్ట్రాల నుంచే కాకుండా కర్ణాటక, మహారాష్ట్ర, తమిళునాడు నుంచి భారీగా భక్తులు తరలివచ్చారు. దర్గాలను దర్శించుకుని మొక్కులు తీర్చుకున్నారు. ఉత్సవంలో భాగంగా 8న గంధం, 9న ఉరుసు, 10న జియారత్‌ కార్యక్రమాలు జరిగాయి. దర్గాల సయాద్‌ నసీన్‌ ముతవలి, పీఠాధిపతి నూర్‌బాబా ఖాద్రి భక్తులకు ధర్మసందేశాన్ని ఇచ్చి ఆశీర్వదించారు. ఏపీ వక్ఫ్‌బోర్డు ఆధ్వర్యంలో ఈఓ ఇమ్రాన్‌, ఇన్‌స్పెక్టర్‌ సోహెల్‌ పర్యవేక్షణలో జరిగిన ఉరుసులో ఎలాంటి అవాంఛనీయ సంఘటనలు జరగకుండా హొళగుంద ఎస్‌ఐ దిలీప్‌కుమార్‌ ఆధ్వర్యంలో పోలీసులు బందోబస్తు నిర్వహించారు. కర్నూలు(హాస్పిటల్‌): ఫైనాన్స్‌ వారి వేధింపులు తాళలేక ఓ యువకుడు ఆత్మహత్యాయత్నానికి పాల్పడ్డాడు. అంతకు ముందు ఒక వీడియో తీసి సోషల్‌ మీడియాలో పోస్ట్‌ చేయడంతో వైరల్‌గా మారింది. బాధితుని కథనం మేరకు.. దేవనకొండ మండలం ఈదుల దేవరబండ గ్రామానికి చెందిన సుంకన్న కుమారుడు బి.బ్రహ్మయ్య(32) ఊళ్లో తండ్రికి చెందిన ఐదు ఎకరాల పొలంలో వ్యవసాయం చేస్తున్నాడు. వర్షాలు సరిగ్గా కురవకపోవడంతో కోడుమూరులో ఓ చిన్న హోటల్‌ నిర్వహిస్తున్నాడు. ఆయన మూడున్నర ఏళ్ల క్రితం ఓ ప్రైవేటు ఫైనాన్స్‌ సంస్థలో రూ.10 లక్షల రుణం తీసుకున్నాడు. ప్రతి నెలా రూ.18వేలు కంతు చెల్లిస్తూ వచ్చాడు. అయితే మూడు నెలలుగా అతను కంతులు చెల్లించకపోవడంతో ఫైనాన్స్‌ సంస్థ నోటీసులు ఇచ్చింది. ఆ నోటీసులపై బ్రహ్మయ్య కోర్టును ఆశ్రయించారు. డిసెంబర్‌లోగా బకాయిలు చెల్లించాలని కోర్టులు ఉత్తర్వులు ఇచ్చింది. అయినా సరే ఫైనాన్స్‌ సంస్థ ప్రతినిధులు కొందరు నెలరోజులుగా బ్రహ్మయ్య వద్దకు వచ్చి బకాయిలు తీర్చాలని, లేకపోతే ఇంటిని స్వాధీనం చేసుకుంటామని బెదిరిస్తూ వచ్చారు. రెండు రోజుల క్రితం ఈ బెదిరింపులు మరీ ఎక్కువ కావడంతో బాధపడుతూ బ్రహ్మయ్య బుధవారం రాత్రి కోడుమూరులోని తన హోటల్‌ ఎదుట క్రిమిసంహారక మందు తాగాడు. చికిత్స నిమిత్తం వెంటనే అతన్ని కుటుంబసభ్యులు కర్నూలు ప్రభుత్వ సర్వజన వైద్యశాలకు తరలించారు. ఆసుపత్రిలో ప్రస్తుతం ఆయన కోలుకుంటున్నాడు. రైలు ఢీకొని వ్యక్తి మృతి కడప కోటిరెడ్డిసర్కిల్‌: కడప రైల్వేస్టేషన్‌లో గురువారం విషాదకర సంఘటన చోటుచేసుకుంది. రైలు పట్టాలు దాటుతున్న సమయంలో గుండప్ప అనే వ్యక్తిని రైలు ఢీకొనడంతో మృతి చెందాడు. మృతుడు కర్నూలు జిల్లా ప్యాపిలి మండలం పీఆర్‌ పల్లికి చెందిన వ్యక్తిగా గుర్తించారు. ఈ మేరకు కేసు నమోదు చేసినట్లు రైల్వే పోలీసులు తెలిపారు.

● విద్యాశాఖ జేడీ మువ్వా రామలింగం మంత్రాలయం రూరల్‌: విద్యతోనే ఉజ్వల భవిష్యత్తు ఉంటుందని ఏపీ రాష్ట్రవిద్యాశాఖ జేడీ మువ్వా రామలింగం అన్నారు. మాధవరం, విద్యానగర్‌లోని ఎస్‌ఎంకెవీ జిల్లా ఉన్నత పాఠశాలలను గురువారం ఆయన తనిఖీ చేశారు. మాధవరం జిల్లా ఉన్నత పాఠశాలలోని పదో తరగతి విద్యార్థుల సామర్థ్యాలను పరిశీలించారు. ఉపాధ్యాయులతో సమావేశం నిర్వహించి పదో తరగతిలో వంద శాతం ఉత్తీర్ణత సాధించాలని ఆదేశించారు. విద్యానగర్‌లోని ఎస్‌కేవీ హైస్కూల్‌లో ప్రధానోపాధ్యాయుడు, సిబ్బందితో మట్లాడుతూ.. 750 పైగా ఉన్న విద్యార్థులు ఉన్న హైస్కూల్‌ ప్రహారిగోడ లేక పోవడం ఆశ్యర్యానికి గురిచేసిందన్నారు. మంత్రాలయం ఆర్‌సీఎన్‌ పాఠశాలల్లో ప్రధానోపాధ్యాయుల సమావేశంలో మాట్లాడారు. అన్ని పాఠశాలల్లో 100 శాతం ఉత్తీర్ణత సాధించాలని ఆదేశించారు. ఎంఈఓలు నాగభూషణం, రాఘన్న, హెచ్‌ఎంలు బోజరాజు, రామాంజనేయులు పాల్గొన్నారు. వానల్లేక జొన్నపంట తొలగింపు మద్దికెర: వర్షాలు లేకపోవడంతో ఎండిపోతున్న జొన్న పంటను రైతు మిడుతూరు ప్రతాప్‌ గురువారం తొలగించారు. ఈ సందర్భంగా ఆయన మాట్లాడుతూ.. తాను మద్దికెర సమీపంలో మూడు ఎకరాల పొలాన్ని కౌలుకు తీసుకుని జూన్‌లో జొన్న సాగు చేశానన్నారు. అడపాదడపా వర్షాలతో పైరు పెరిగా ఆగస్టు నుంచి వానల్లేక ఎండిపోయిందన్నారు. పెట్టుబడి కింద రూ.75,000 ఖర్చు వచ్చిందని, పంట ఎండిపోతుండటంతో పశువులకు మేతగా వస్తుందని తొలగించినట్లు చెప్పారు. అంతర పంటగా వేసిన కంది కూడా ఎండిపోతోందని రాష్ట్ర ప్రభుత్వమే తమను ఆదుకోవాలని కోరారు. డోన్‌ ఏఎస్‌ఐ మృతి డోన్‌ టౌన్‌/ కర్నూలు (టౌన్‌): డోన్‌ పట్టణ పోలీసు స్టేషన్‌లో ఏఎస్‌ఐగా విధులు నిర్వహిస్తు న్న మద్దిలేటి (56) అనారోగ్య సమస్యలతో గురువారం మృతి చెందారు. గత కొంత కాలంగా అనారోగ్య సమస్యలతో బాధపడు తున్న ఆయనను ఇటీవల కుటుంబ సభ్యులు చికిత్స నిమిత్తం కర్నూలు ప్రభుత్వ ఆసుపత్రిలో చేర్పించారు. అయితే కోలుకొలేక మృతి చెందినట్లు వైద్యులు ధ్రువీకరించారు. విషయం తెలుసుకున్న డోన్‌ పట్టణ సీఐ ఇంతియాజ్‌బాషా కర్నూలుకు వెళ్లి అంత్యక్రియల్లో పాల్గొన్నారు. ఏఎస్‌ఐ కుటుంబ సభ్యులను పరామర్శించారు. భర్త మద్యానికి బానిస కావడంతో.. బనగానపల్లె రూరల్‌: భర్త మద్యానికి బానిసై రోజు వేధిస్తుండటంతో మనస్తాపం చెందిన ఓ మహిళ ఆత్మహత్యకు పాల్పడింది. పోలీసులు తెలిపిన వివరాల మేరకు.. బనగానపల్లె పట్టణంలోని బుడగజంగాల కాలనీకి చెందిన లక్ష్మీదేవి(45) భర్త పెద్ద తిరుపాల్‌ మద్యానికి బానిసై కుటుంబీకులతో రోజూ ఘర్షణ పడేవాడు. దీంతో లక్ష్మీదేవి తన భర్తతో మద్యం అలవాటు మానిపించేందుకు ఎంతో ప్రయత్నించింది. అయినా మార్పు రాకపోవడంతో గురువారం విష పౌడర్‌ను నీటిలో కలుపుకుని తాగి అపస్మారక స్థితికి చేరుకుంది. కుటుంబ సభ్యులు గుర్తించి వెంటనే స్థానిక ఆసుపత్రికి తరలించారు.. కాగా చికిత్స పొందుతూ కోలుకోలేక మృతి చెందినట్లు హెడ్‌కానిస్టేబుల్‌ జనార్దన్‌ రెడ్డి తెలిపారు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు తెలిపారు. మృతురాలికి ఇద్దరు సంతానం ఉన్నారు. ఇద్దరు నిందితుల అరెస్ట్‌ ఉయ్యాలవాడ: కాంట్రాక్టర్‌ను బెదిరించి డబ్బులు లాక్కపోయిన కేసులో ఇద్దరు నిందితులను అరెస్ట్‌ చేసినట్లు ఎస్‌ఐ రామిరెడ్డి తెలిపారు. ఎస్‌ఐ తెలిపిన వివరాల మేరకు.. బుధవారం సాయంత్రం కాంట్రాక్టర్‌ దూదేకుల జమాల్‌ బైక్‌పై వెళ్తుండగా గ్రామ సమీపంలో కాకరవాడ గ్రామానికి చెందిన ప్రసన్నకుమార్‌, రవి దాడి చేసి కొట్టి, బెదిరించి రూ. 5 వేలు నగదు దోచుకుని పారిపోయారు. బాధితుడి ఫిర్యాదు మేరకు పోలీసులు కేసు నమోదు చేసుకుని దర్యాప్తు చేపట్టారు. గురువారం ఉదయం ఉయ్యాలవాడ కరెంట్‌ ఆఫీస్‌ సమీపంలో ఇద్దరు నిందితులను అదుపులోకి తీసుకుని విచారించగా నేరం అంగీకరించారు. నిందితుల వద్ద నుంచి బైక్‌, రూ. 5 వేలు నగదు, రెండు బైక్‌ స్టీల్‌ స్టంప్స్‌ స్వాధీనం చేసుకున్నట్లు ఎస్‌ఐ తెలిపారు. నిందితులను కోర్టులో హాజరు పరచగా జడ్జి రిమాండ్‌ విధించారన్నారు.

ఆదోని: మండలంలోని గణేకల్లు సబ్‌స్టేషన్‌ ముందు ప్రధాన రహదారిపై సీపీఎం మండల కార్యదర్శివర్గ సభ్యులు వీరారెడ్డి, డి.రామాంజనేయులు ఆధ్వర్యంలో గురువారం రాత్రి స్థానికులు రాస్తారోకో నిర్వహించారు. సాయంత్రం 6 నుంచి రాత్రి 10 గంటల వరకు ఎలాంటి సమాచారం లేకుండా విద్యుత్‌ కోత విధించడం పట్ల ప్రజలు ఆగ్రహం వ్యక్తం చేశారు. కనీసం విషయం తెలుసుకుందామంటే అధికారుల ఫోన్లు కూడా పనిచేయడం లేదన్నారు. అప్రకటిత విద్యుత్‌ కోతలను ఎత్తివేయకపోతే పెద్ద ఎత్తున ఆందోళనలు చేస్తామని హెచ్చరించారు. రెండు రోజులుగా కోతలు కోవెలకుంట్ల: బనగానపల్లె నియోజకవర్గంలోని పలు మండలాల్లో లోడ్‌ రిలీఫ్‌(ఎల్‌ఆర్‌) పేరిట రెండు రోజులుగా రాత్రి వేళల్లో విద్యుత్‌ కోతలు విధిస్తుండటంతో ప్రజలు అల్లాడిపోతున్నారు. బుధవారం రాత్రి 6.30 గంటల నుంచి రాత్రి 11 గంటల వరకు విద్యుత్‌ కోత విధించగా.. గురువారం సాయంత్రం 6.45 గంటల నుంచి రాత్రి 8.20 గంటల వరకు విద్యుత్‌ సరఫరా నిలిపేశారు. రెండు రోజుల నుంచి ఎడాపెడా విద్యుత్‌ కోతలు విధిస్తుండటంతో ప్రజలు గంటల తరబడి చీకట్లో మగ్గుతున్నారు. ఉక్కపోతతో పాటు దోమల మోతతో ఉక్కిరిబిక్కిరవుతున్నారు.

కోడుమూరు రూరల్‌: వానలు లేక, పంటలు పండక తీవ్రంగా నష్టపోయిన కోడుమూరు మండలం పులకుర్తి గ్రామానికి చెందిన రైతు బోయ లక్ష్మన్న (35) ఉరివేసుకుని ఆత్మహత్య చేసుకున్నాడు. కుటుంబ సభ్యులు తెలిపిన వివరాల మేరకు.. బోయ లక్ష్మన్న తనకున్న రెండెకరాల పొలంతో పాటు మరో ఎనిమిది ఎకరాలను కౌలుకు తీసుకున్నాడు. ఈ ఏడాది ఎనిమిది ఎకరాల్లో పత్తి, రెండెకరాల్లో కంది పంట సాగు చేశాడు. వానల్లేక పంటలన్నీ మొలక దశలోనే ఎండిపోవడంతో తీవ్రంగా నష్టపోయాడు. పంటల సాగుకు, కుటుంబ అవసరాల కోసం చేసిన అప్పులు రూ.10 లక్షలకు చేరుకున్నాయి. గురువారం భార్య శారదమ్మ అన్నకు రాఖీ కట్టేందుకు పుట్టింటికి వెళ్లారు. మధ్యాహ్నం ఇంట్లో ఎవ్వరూ లేని సమయంలో రైతు బోయ లక్ష్మన్న ఉరేసుకుని ఆత్మహత్యకు పాల్పడ్డాడు. సాయంత్రం కుమారుడు సోమేష్‌ హైస్కూల్‌ నుంచి ఇంటికి రాగా తండ్రి బోయ లక్ష్మన్న ఉరేసుకుని ఉండటాన్ని గమనించి లబోదిబోమంటూ చుట్టుపక్కల వారిని పిలుచుకువచ్చాడు. అప్పటికే రైతు బోయ లక్ష్మన్న మృతి చెంది ఉన్నాడు. రైతుకు భార్య శారదమ్మతో పాటు, ఇద్దరు కుమార్తెలు, ఒక కుమారుడు ఉన్నాడు. కుటుంబ పెద్ద దిక్కు మృతితో కుటుంబ సభ్యులు శోకసంద్రంలో మునిగిపోయారు.

కర్నూలు(సెంట్రల్‌): మట్టితో చేసిన వినాయకులను పూజించి పర్యావరణానికి మేలు చేయాలని జిల్లా న్యాయ సేవాధికార సంస్థ కార్యదర్శి బి. లీలా వెంకట శేషాద్రి, కాలుష్య నియంత్రణ మండలి ప్రాంతీయాధికా పీవీ కిషోర్‌ రెడ్డి, ఎన్విరాన్‌మెంటల్‌ ఇంజినీరు జి.నరసింహులు, లయన్స్‌ క్లబ్‌ కార్యదర్శి రాయపాటి శ్రీనివాస్‌ సూచించారు. గురువారం జిల్లా న్యాయ సేవాధికార సంస్థ, పీసీబీ, లయన్స్‌ క్లబ్‌ ఆధ్వర్యంలో ఆధ్వర్యంలో ఏక్యాంపు మాంటిస్సోరి స్కూల్‌, కట్టమంచి రామలింగారెడ్డి మెమోరియల్‌ ప్రభుత్వ ఉన్నత పాఠశాల, కేశవరెడ్డి స్కూల్‌, శ్రీజ స్కూల్‌, దుపాడులోని అశోక ఉమెన్స్‌ ఇంజినీరింగ్‌ కాలేజీల్లో విద్యార్థులకు మట్టి వినాయకులను పూజించాలని కోరుతూ అవగాహన కల్పించారు. అలాగే విద్యార్థులను పర్యావరణహిత పద్ధతులను అవలంబించేలా మట్టి వినాయక విగ్రహాల తయారీ పోటీలు నిర్వహించారు. ఆయా పోటీల్లో గెలుపొందిన విద్యార్థులకు శుక్రవారం పీసీబీ కార్యాలయంలో బహుమతులను అందజేస్తామని అధికారులు తెలిపారు.

కౌతాళం: విద్యుత్‌ సరఫరాను సక్రమంగా అందించాలని కోరుతూ హాల్వి సబ్‌స్టేషన్‌ను ముట్టడించిన ఘటన బుధవారం రాత్రి 11గంటలకు చోటు చేసుకుంది. హాల్వి, గొతులదొడ్డి, వల్లూరు గ్రామస్తులు వందలాదిగా తరలివచ్చి హాల్వి విద్యుత్‌ సబ్‌స్టేషన్‌ను ముట్టడించారు. విద్యుత్‌ కోతలు సాయంత్రం 5 నుంచి రాత్రి 11గంటల వరకు విధించడం పట్ల ఆయా గ్రామస్తులు సిబ్బందితో వాగ్వాదానికి దిగి సబ్‌స్టేషన్‌కు తాళం వేశారు. రాత్రిళ్లు విద్యుత్‌ సరఫరా నిలిపేస్తే ఎలా బతికేదని వాపోయారు. ఏఈ, డీఈని పిలిపించండని రెండు గంటల పాటు సిబ్బందిని లోపలికి పోకుండా అడ్డుకున్నారు. రాత్రి 11గంటల తర్వాత విద్యుత్‌ సరఫరా పునరుద్ధరించడంతో శాంతించారు. పరిస్థితిలో మార్పు రాకపోతే పెద్ద ఎత్తున ఆందోళన చేస్తామని గ్రామస్తులు హెచ్చరించారు.

● ఆధ్య అగ్రిక్రాప్‌ సైన్స్‌ కంపెనీలో అధికారుల తనిఖీలు ● లోపాలను గుర్తించి హెచ్చరించిన వైనం జూపాడుబంగ్లా: తంగడంచ రెవెన్యూ పరిధిలోని ఆధ్య అగ్రిక్రాప్‌సైన్స్‌ ప్రైవేటు లిమిటెడ్‌ కంపెనీలో నిర్వహణ లోపాలు అధికారుల తనిఖీలో వెలుగు చూశాయి. గురువారం డిప్యూటీ డైరెక్టర్‌ ఆఫ్‌ అగ్రికల్చర్‌ గంగాధర్‌రావు, జిల్లా వ్యవసాయ అధికారి వెంకటేశ్వర్లు టెక్నికల్‌ ఏఓ ఆయూబ్‌బాషా, ఏడీఏ గిరీష్‌, ఏఓ కృష్ణారెడ్డి కంపెనీని తనిఖీ చేశారు. తనిఖీ నిమిత్తం అధికారులు వస్తున్నారన్న విషయం తెలుసుకున్న కంపెనీ నిర్వాహకులు ఉత్పత్తి నిలిపేసి లేబర్‌ను బయటకు పంపించేశారు. కంపెనీలో నిల్వ చేసిన డబ్బాలు, ప్రొడక్ట్‌ కవరింగ్‌ లేబుల్స్‌, ల్యాబ్‌లను అధికారులు పరిశీలించారు. ప్రస్తుతం తయారు చేస్తున్న 24 రసాయనిక మందులకు సంబంధించి యాంటీ డోస్‌ ఇంజెక్షన్లు కంపెనీలో అందుబాటులో లేకపోవటంతో నిర్వాహకులపై అధికారులు ఆగ్రహం వ్యక్తం చేశారు. సుమారు 80 మంది లేబర్‌ పనిచేస్తుండగా ప్రమాదకరమైన కెమికల్స్‌ వల్ల ప్రాణాపాయం సంభవిస్తే యాంటీడోస్‌ లేకుండా ఏం చేస్తున్నారని ప్రశ్నించారు. ప్రథమ చికిత్స గది, చికిత్స నిర్వహించేందుకు డాక్టర్‌ను నియమించకపోవటంతో నిర్వాహకులపై మండిపడ్డారు. అనంతరం జిల్లా వ్యవసాయ అధికారి వెంకటేశ్వర్లు విలేకరులతో మాట్లాడుతూ ఆధ్య కంపెనీలో 124 రకాల ప్రొడెక్టుల తయారీకి అనుమతి ఉన్నప్పటికీ ప్రస్తుతం 24 రకాల మందులు తయారుచేస్తున్నట్లు తెలిపారు. కంపెనీ నిర్వహణలో లోపాలను గుర్తించి సరి చేసుకోవాలని కంపెనీ యాజమాన్యానికి సూచించామన్నారు. తనిఖీ నివేదికను తయారు చేసి జిల్లా కలెక్టర్‌తో పాటు కమిషనర్‌కు అందజేస్తామన్నారు.

బనగానపల్లె రూరల్‌: బనగానపల్లె జిల్లా పరిషత్‌ బాలికల ఉన్నత పాఠశాలలో 9వ తరగతి అభ్యసిస్తున్న విద్యార్థిని నుస్త్రత్‌ భగవద్గీత శ్లోకాల పారాయణ పొటీల్లో రాణిస్తూ ప్రశంసలు అందుకుంటున్నారు. పట్టణంలోని ఎన్జీఓ కాలనీలోని ముస్లిం కుటుంబానికి చెందిన గడ్డం మహబూబ్‌బాషా, దిల్‌షాద్‌బేగం దంపతుల కుమార్తె నుస్త్రత్‌ స్థానిక జెడ్పీ బాలికల ఉన్నత పాఠశాలలో 9వ తరగతి అభ్యసిస్తున్నారు. తల్లిదండ్రులు, ఉపాధ్యాయుల ప్రోత్సాహంతో పాఠశాలలో తెలుగు ఉపాధ్యాయురాలు గౌరి ఆధ్వర్యంలో భగవద్గీత శ్లోకాల పారాయణంపై శిక్షణ పొందారు. ఈ పాఠశాలలోని మొత్తం 22 మంది విద్యార్థినులు ఉపాధ్యాయురాలు గౌరి ఆధ్వర్యంలో గత ఎప్రిల్‌ 24వ తేదీ నుంచి జూన్‌ 11వ తేదీ వరకు ప్రతి రోజు సాయంత్రం సుమారు గంట పాటు భగవద్గీత శ్లోకాల పారాయణంలో శిక్షణ తీసుకున్నారు. వీరంతా జూలై 19న వైఎస్సార్‌ కడప జిల్లాలోని ప్రొద్దుటూరులోని ఇస్కాన్‌ సంస్థ ఆధ్వర్యంలో నిర్వహించిన దక్షిణ భారతదేశ స్థాయి భగవద్గీత పోటీల్లో పొల్గొన్నారు. మొదటి విడత పోటీలకు జెడ్పీ బాలికల ఉన్నత పాఠశాల విద్యార్థినులతో పాటు ఆంధ్రా, తెలంగాణ, కర్ణాటక రాష్ట్రాల నుంచి సుమారు వెయ్యి మంది విద్యార్థులు పాల్గొన్నారు. ఈ పోటీలు రెండు దశల్లో జరిగాయి. మొదటి దశలో 113 మంది విద్యార్థులను, రెండవ విడత భగవద్గీత పోటీలకు ఎంపిక చేయగా ఇందులో జెడ్పి బాలికల ఉన్నత పాఠశాల నుంచి ముస్లిం విద్యార్థిని నుస్త్రత్‌ పాటు మొత్తం 22 మంది విద్యార్థినులు ఎంపికయ్యారు. రెండవ దశ పోటీలు ఆగస్టు 2వ తేదీన జరిగాయి. భగవద్గీతలోని 108 శ్లోకాల నుంచి విద్యార్థులకు ఉపయోగపడే మొదటి 54 శ్లోకాలను తీసుకొని రెండవ స్థాయి పోటీలు నిర్వహించారు. ఇందులో బనగానపల్లె జెడ్పీ బాలికల పాఠశాల విద్యార్థులు నుస్త్రత్‌, శృతి ఇస్కాన్‌ సంస్థ ప్రతినిధులు అడిగిన శ్లోకాలను దోషరహితంగా, రాగయుక్తంగా, భావయుక్తంగా, శ్రావ్యంగా వినిపించారు. మొదటి బహుమతి రూ.లక్షను నుస్త్రత్‌ దక్కించుకోగా రెండవ బహుమతిని విద్యార్థిని శృతి గెలుచుకున్నారు. విద్యార్థిని నుస్త్రత్‌ ముస్లిం మతానికి చెందిన వారైనా భగవద్గీత శ్లోకాల పారాయణంలో ఎలాంటి భయం బెరుకు లేకుండా పోటీల్లో పాల్గొని ప్రతిభ చూపడంతో బనగానపల్లె ప్రాంత ప్రజలు అభినందిస్తున్నారు. అలాగే విద్యార్థిని నుస్త్రత్‌ గతేడాది నిర్వహించిన ఎన్‌ఎంఎంఎస్‌ పరీక్షల్లోనూ ప్రతిభ చాటి కేంద్ర ప్రభుత్వం నాలుగేళ్ల పాటు అందించే ఉపకార వేతనానికి ఎంపికై నట్లు హెచ్‌ఎం ప్రసాదరావు తెలిపారు. అలాగే 2024లో మిలాద్‌ ఉన్‌ నబీ సందర్భంగా బనగానపల్లె లాల్‌ మసీద్‌ కమిటీ ఆధ్వర్యంలో నిర్వహించిన మహమ్మద్‌ ప్రవక్త చరిత్రకు సంబంధించిన క్విజ్‌ పోటీల్లోనూ పాల్గొని బహుమతి సాధించినట్లు తల్లిదండ్రులు తెలిపారు. అసంశయం మహాబాహో మనో దుర్నిగ్రహం చలమ్‌శ్రీ అభ్యాసేన తు కౌంతేయ వైరాగ్యేణ చ గృహ్యతేశ్రీశ్రీ భావం: ఓ అర్జునా! చంచలమైన మనస్సును నియంత్రించడం కష్టమనేది నిజమే. కానీ, ‘అభ్యాసం’ అంటే పట్టుదలతో కూడిన నిరంతర సాధన ద్వారా దీనిని కచ్చితంగా సాధించవచ్చు. ఒక విషయాన్ని నేర్చుకోవడంలో రోజువారీ పట్టుదలే అభ్యాసం. భగవద్గీతలోని ఈ శ్లోకం బనగానపల్లెకు చెందిన ఓ విద్యార్థిని ప్రతిభకు ఉదాహరణగా చెప్పవచ్చు. ఎందుకంటే భగవద్గీతలో మొత్తం 18 అధ్యాయాలు, 700 శ్లోకాలు ఉన్నాయి. ఈ శ్లోకాల పారాయణ పొటీల్లో ముస్లిం మతానికి చెందిన విద్యార్థిని రాణిస్తూ ప్రశంసలు అందుకుంటున్నారు. భగవద్గీత శ్లోకాల పారాయణ పోటీల్లో రాణిస్తున్న ముస్లిం విద్యార్థిని నుస్త్రత్‌ దక్షిణ భారతదేశ స్థాయిలో ఇస్కాన్‌ నిర్వహించిన పోటీల్లో ప్రతిభ మొదటి బహుమతి రూ.లక్ష కై వసం చదువుల్లోనూ ముందంజ

ఆంధ్రా, కర్ణాటక, తెలంగాణ రాష్ట్ర సరిహద్దు ప్రాంత వాసుల జీవనాడి అయిన తుంగభద్ర జలాశయం అరుదైన విద్యుత్‌ కాంతులతో జిగేల్‌మంది. గురువారం టీబీ బోర్డు అధికారులు కొత్త రంగు రంగుల విద్యుత్‌ దీపాలను ఏర్పాటు చేసి ట్రయల్‌ రన్‌ చేశారు. జలాశయానికి సంబంధించి 33 క్రస్టుగేట్లు కలిగిన ప్రాంతం మొత్తం కర్ణాటక రాష్ట్ర జెండా (రాష్ట్రీయ జెండా) రంగుల లైట్లను ఏర్పాటు చేసి రాత్రి వాటిని పరీక్షించారు. ఇటివల స్వాతంత్య్ర దినోత్సవం రోజున జాతీయ జెండా రంగుల లైట్లు ఏర్పాటు చెసిన అధికారులు నవంబర్‌ 1న కర్ణాటక రాజ్యోత్సవను దృష్టిలో ఉంచుకుని ఈ దీపాలను ఏర్పాటు చేసి పరీక్షించినట్లు తెలుస్తోంది. ఈ దీపాలు వెలిగిన వేళ టీబీ డ్యాం ఈ కొత్త విద్యుత్‌ కాంతులతో ప్రకాశించింది. – హొళగుంద

కర్నూలు(సెంట్రల్‌): ఆంధ్రప్రదేశ్‌ వర్కింగ్‌ జర్నలిస్ట్‌ ఫెడరేషన్‌(ఏపీడబ్ల్యూజేఎఫ్‌) జిల్లా నాలుగవ, ఏపీ బ్రాడ్‌కాస్టింగ్‌ జర్నలిస్టు అసోసియేషన్‌ మొదటి జిల్లా మహాసభలను ఈనెల 19న కర్నూలులో నిర్వహిస్తున్నట్లు ఆ సంఘం రాష్ట్ర కార్యవర్గ సభ్యులు బి.గోరంట్లప్ప తెలిపారు. గురువారం కలెక్టరేట్లోని రెవెన్యూ భవన్‌లో జిల్లా మహాసభల పోస్టర్‌ను ఆవిష్కరించా రు. ఈ సందర్భంగా ఆయన మాట్లాడుతూ మహాసభలను కర్నూలు నగరంలోని జిల్లా పరిషత్‌ సమావేశ భవనంలో నిర్వహిస్తామన్నారు. జర్నలిస్టులకు ప్రభుత్వం ఇచ్చిన హామీలను అమ లు చేయాలని డిమాండ్‌ చేశారు. ఇళ్ల స్థలాలతోపాటు పెన్షన్‌ సౌకర్యం కల్పించాలన్నారు. జర్నలిస్టు ల హక్కుల పరిరక్షణకు ఏపీడబ్ల్యూజేఎఫ్‌ నిరంతర పోరాటం చేస్తుందన్నారు. జిల్లా మహాసభలకు అన్ని నియోజకవర్గాల జర్నలిస్టులు పెద్ద ఎత్తున తరలివచ్చి జయప్రదం చేయాలని కోరారు. కార్యక్రమంలో నగర అధ్యక్షుడు శివశంకర్‌, జిల్లా సీనియర్‌ నాయకులు పి.చంద్రయ్య, టిజి ప్రసాద్‌, డి.చంద్రమోహన్‌, వినయ్‌ కుమార్‌, శివన్న, ఫోటో జర్నలిస్ట్‌ అసోసియేషన్‌ నాయకులు డి.హుస్సేన్‌, వడ్డే శ్రీనివాసులు, విజయ్‌ కరణ్‌ తదితరులు పాల్గొన్నారు.

కర్నూలు కల్చరల్‌: రాయలసీమ యూనివర్సిటీ ఇంజినీరింగ్‌ కాలేజీ విద్యార్థులకు మెరుగైన ఇంటర్న్‌షిప్‌తో పాటు, ఉద్యోగావకాశాలు కల్పించడానికి కృషి చేస్తున్నట్లు వర్సిటీ వైస్‌ చాన్స్‌లర్‌ ఆచార్య వి. వెంకట బసవరావు తెలిపారు. గురువారం వర్సిటీలో జరిగిన సమావేశంలో ప్లేస్‌మెంట్స్‌కు ఎంపికై న 48 మంది విద్యార్థులను అభినందించారు. ఈ సందర్భంగా ఆయన మాట్లాడుతూ.. ఇటీవల వర్సిటీ ఇంజినీరింగ్‌ కాలేజీలో ఇంటర్న్‌షిప్‌ – ప్లేస్‌మెంట్‌ డ్రైవ్‌ నిర్వహించినట్లు పేర్కొన్నారు. పరిశ్రమల అవసరాలకు అనుగుణంగా విద్యార్థులకు సాంకేతిక పరిజ్ఞానం, కమ్యూనికేషన్‌ స్కిల్స్‌, ఆప్టిట్యూడ్‌, ఇంటర్వ్యూ నైపుణ్యాలను అందుబాటులోకి తీసుకొస్తున్నామన్నారు. విద్యార్థులకు మరిన్ని ఇంటర్న్‌షిప్‌, ప్లేస్‌మెంట్‌ అవకాశాలు కల్పించేందుకు ప్రముఖ సంస్థలతో సమన్వయం చేయాలని అధికారులకు సూచించారు. కార్యక్రమంలో వర్సిటీ రిజిస్ట్రార్‌ ఆచార్య బి.విజయకుమార్‌ నాయుడు, ఇంజినీరింగ్‌ కాలేజి ప్రిన్సిపాల్‌ ఆచార్య వెంకట సుందరానంద పుచ్చ, వర్సిటీ ట్రైనింగ్‌ అండ్‌ ప్లేస్‌మెంట్‌ సెల్‌ అధికారులు డాక్టర్‌ జి. సురేంద్ర పాల్గొన్నారు.

కోసిగి: ‘విజృంభిస్తున్న విషజ్వరాల’ అనే శీర్షికన గురువారం సాక్షి దినపత్రికలో వార్త ప్రచురితం కావడంతో అధికారులు స్పందించారు. కోసిగి ప్రాథమిక వైద్యాధికారి ఇబ్ర హీం, ఆదోని మలేరియా సబ్‌యూనియట్‌ ఆఫీసర్‌ మంజునాథ్‌ తమ సిబ్బందితో కలిసి గ్రామంలో మెడికల్‌ క్యాంప్‌ ఏర్పాటు చేశారు. గ్రామంలో వైద్య బృంద సభ్యులు ఇంటింటా తిరిగారు. జ్వరాలు ప్రబలిన వారిని పరీక్షలు చేసి ఆరోగ్య పరిస్థితుల అడిగి తెలుసుకున్నారు. గ్రామంలోని ప్రతి కాలనీలో మురుగు కాల్వలను శుభ్రం చేయించి బ్లీచింగ్‌ పౌడర్‌ను పంచాయతీ కార్యదర్శి అయ్యస్వామి చల్లించారు. దోమలు రాకుండా దోమ తెరలను వాడాలని సూచించారు. గ్రామంలో మూడు రోజుల పాటు హెల్త్‌ క్యాంప్‌ నిర్వహిస్తున్నట్లు వైద్యాధికారులు తెలిపారు. అధికారులు గ్రామానికి రావడంతో గ్రామ ప్రజలు సంతోషం వ్యక్తం చేసి ‘సాక్షి’ దినపత్రికకు కృతజ్ఞతలు తెలిపారు.

ఆళ్లగడ్డ: విద్యుత్‌ కోత వల్ల ఆక్సిజన్‌ అందక ఓ మహిళ ప్రాణాలు కోల్పోయింది. ఈ ఘటన నంద్యాల జిల్లాలో గురువారం చోటుచేసుకుంది. వివరాలు.. రుద్రవరం మండలం ముత్తలూరు దళిత కాలనీకి చెందిన పద్మావతి(45) కొన్నిరోజులుగా అనారోగ్యంతో బాధపడుతోంది. ఊపిరి తీసుకునేందుకు ఇబ్బందిగా ఉంటే ఇంటి వద్దే ఆక్సిజన్‌ పెట్టుకోవాలని వైద్యులు సూచించారు. దీంతో కుటుంబసభ్యులు ఓ మిషన్‌ తీసుకొచ్చి ఎప్పుడు అవసరమైతే అçప్పుడు దానితో ఆక్సిజన్‌ అందిస్తున్నారు. బుధవారం సా.6 గంటలకు గ్రామంలో విద్యుత్‌ కోత విధించడంతో ఉక్కపోతకు గురైన పద్మావతి ఉక్కిరిబిక్కిరితో శ్వాస పీల్చుకోవడానికి తీవ్రంగా ఇబ్బందిపడింది. ఎంతకూ విద్యుత్‌ రాకపోవడంతో పద్మావతి పరిస్థితి విషమించింది. దీంతో కుటుంబసభ్యులు ఆమెను ఆళ్లగడ్డ వైద్యశాలకు తరలిస్తుండగా మృతి చెందింది.

బొమ్మలసత్రం: పట్టణంలోని ఎంఎస్‌ నగర్‌కు చెందిన లక్ష్మిదేవి అనే మహిళ అదృశ్యమైనట్లు త్రీటౌన్‌ పోలీసులు బుధవారం తెలిపారు. సోమవారం ఇంటి నుంచి బయల్దేరిన లక్ష్మిదేవి రైల్వే స్టేషన్‌ వరకు వెళ్లినట్లు సీసీ కెమెరాల్లో నమోదైన దృశ్యాల ఆధారంగా వెలుగులోకి రాగా తర్వాత ఆమె కనిపించకుండా పోయిందన్నారు. లక్ష్మిదేవి కూతురు పావని ఫిర్యాదు మేరకు కేసు నమోదు చేసి దర్యాప్తు చేస్తున్నామన్నారు. ఆచూకీ తెలిసిన వారు సెల్‌ 81062 20337, 90525 06394 నంబర్లను సంప్రదించాలని కోరారు. సుంకులమ్మ ఆలయంలో చోరీ బేతంచెర్ల: మండల పరిధిలోని ఎం.పేండేకల్లు గ్రామంలో ఆదివారం రాత్రి సుంకులమ్మ ఆలయంలో హుండీని గుర్తు తెలియని వ్యక్తులు ఎత్తుకెళ్లారు. సోమవారం ఉదయం ఆలయ పూజారి వెళ్లి చూడగా చోరీ జరిగినట్లు వెలుగులోకి వచ్చింది. చోరీ విషయాన్ని గ్రామ పెద్దల దృష్టికి తీసుకెళ్లినా పట్టించుకోవడం లేదని భక్తులు ఆవేదన వ్యక్తం చేస్తున్నారు. ఇప్పటికై నా పోలీసు అధికారులు స్పందించి ఆలయానికి భద్రతా చర్యలు చేపట్టి, చోరీకి పాల్పడిన వారిపై కఠిన చర్యలు తీసుకోవడమే గాకుండా ఆలయ పరిసరాల్లో సీసీ కెమెరాలు ఏర్పాటు చేయాలని గ్రామస్తులు కోరుతున్నారు. కూలీ పనికి వెళ్లి పాముకాటుతో మృతి పాణ్యం: మండల పరిధిలోని తమ్మరాజుపల్లె గ్రామంలో పాముకాటుకు గురై వ్యవసాయ కూలీ మృతి చెందారు. బుధవారం ఎస్‌ఐ నరేంద్రకుమార్‌రెడ్డి తెలిపిన వివరాల మేరకు.. గ్రామానికి చెందిన మండలి రమాదేవి (32) రోజులాగే ఉదయం 6 గంటలకు బెండకాయలు తెంపేందుకు వెళ్లారు. 7 గంటల సమయంలో ఆమె ఎడమ కాలికి విష పురుగు కాటువేసింది. తోటి కూలీలు, కుటుంబసభ్యులు హటాహుటిన చికిత్స నిమిత్తం నంద్యాల జీజీహెచ్‌కు తరలించారు. పరిక్షించిన డాక్టర్లు ఆమె అప్పటికే మృతి చెందినట్లు నిర్ధారించారు. మృతురాలు రోజు కూలి పని చేసుకుంటూ కుటుంబానికి తనవంతు అండగా ఉన్నారు. మృతురాలికి భర్త మహేంద్ర, కుమారుడు, కుమార్తె ఉన్నారు. బాధిత కుటుంబసభ్యుల ఫిర్యాదు మేరకు కేసు నమోదు చేసినట్లు పోలీసులు తెలిపారు. దివ్యాంగ మైనర్‌పై అత్యాచారయత్నం ● కామాంధుడిని పట్టుకుని దేహశుద్ధి చేసిన స్థానికులు ఆళ్లగడ్డ: కామంతో కళ్లు మూసుకుపోయిన ఒక యువకుడు అభంశుభం తెలియని మానసిక దివ్యాంగురాలైన మైనర్‌ బాలికపై అత్యాచార యత్నానికి పాల్పడ్డాడు. ఏం జరుగుతుందో కూడా అర్థం చేసుకోలేని అమాయక బాలిక అతడి వికృత చేష్టలకు భయపడి కేకలు వేయడంతో గమనించిన కాలనీవాసులు కామాంధుడిని పట్టుకుని దేహశుద్ధి చేసిన ఘటన ఆళ్లగడ్డ పట్టణంలో బుధవారం చోటు చేసుకుంది. వివరాలు.. పట్టణ శివారులోని ఎంవీ నగర్‌ కాలనీకి చెందిన 15 ఏళ్ల బాలిక పుట్టుకతోనే మానసిక ఎదుగుదల లోపించింది. ఆ కాలనీ పరిధిలోని వీధుల్లో తిరుగుతుంటుంది. ఈ బాలికపై కన్నేసిన శివభార్గవ అనే యువకుడు బాలిక దొమ్మరికాలనీ సమీపంలోని రోడ్డు వెంట ఒంటరిగా వెళ్తుండగా మాయమాటలు చెప్పి పక్కనున్న ముళ్లపొదల్లోకి తీసుకెళ్లాడు. దస్తులు తొలగించి వికృత చేష్టలకు పాల్పడటంతో అభంశుభం తెలియని బాలిక భయంతో ఏడుస్తూ గట్టిగా కేకలు వేసింది. గమనించిన అటుగా వెళ్తున్న వారు అక్కడకు వెళ్లి బాలికను రక్షించి అకృత్యానికి పాల్పడుతున్న శివభార్గవను పట్టుకుని దేహశుద్ధి చేశారు. అనంతరం పోలీసులకు అప్పగించారు. పట్టణ పోలీసులు నిందితుడిపై పోక్సో కేసు నమోదు చేసి రిమాండ్‌కు తరలించారు. పత్తి పైరు దున్నివేత బనగానపల్లె: అసలే ఎల్‌నినో ప్రభావంతో వర్షాభావ పరిస్థితులు, ఇక యర్రనళ్లి ప్రభావంతో పత్తి పైరు దెబ్బతిందని, ఎన్ని క్రిమి సంహారక మందులు వాడినా ఫలితం లేకపోవడంతో రైతులు రోటావేటర్‌తో పైరును తొలగిస్తున్నారు. వ్యవసాయాధికారుల లెక్కల ప్రకారం మండలంలో రైతులు వ్యవసాయ బోర్లు, వర్షాధారం కింద సుమారు 1500 ఎకరాల్లో పత్తి పంటను సాగుచేశారు. ఎల్‌నినో ప్రభావంతో సకాలంలో వర్షాలు కురవకపోవడంతో పైరులో ఎదుగుదల లోపించింది. కాస్తోకూస్తో ఉన్న పైరును యర్రనళ్లి విపరీతంగా ఆశించినట్లు రైతులు వాపోతున్నారు. యర్రనళ్లి నివారణకు ఖరీదైన క్రిమి సంహారక మందులు వాడినా ఏమాత్రం అదుపుకాక పూత, పిందెలు నేల రాలుతుంటంతో దిగుబడిపై ఆశలు వదులుకుని పైరును తొలగిస్తున్నారు. దుక్కిసేద్యాలు, విత్తనాలు, వ్యవసాయ కూలీలు, రసాయన క్రిమి సంహారక మందులకు ఎకరానికి రూ.20–30వేలు పెట్టుబడి పెట్టినట్లు రైతులు వాపోతున్నారు. అప్పులు చేసి పెట్టుబడులు పెట్టామని ఇప్పుడు పంట పూర్తిగా దెబ్బతినడంతో తమ పరిస్థితి ఎమిటని వారు ఆందోళన చెందుతున్నారు. ప్రభుత్వం పంట నష్టపరిహారం అందించి ఆదుకోవాలని కోరుతున్నారు.

● ఆడబిడ్డను వదిలేసిన తల్లిదండ్రులు ఆలూరు: ఆలూరు మండలం కమ్మరచేడు గ్రామ సమీపంలోని బ్రహ్మయ్య దేవాలయం వద్ద అప్పడప్పుడే పుట్టిన ఆడ శిశువును వదిలేసి వెళ్లిన సంఘటన బుధవారం రాత్రి 9:30 గంటల సమయంలో జరిగింది. దేవాలయం ముందు కళ్లు తెరవని, అప్పుడప్పుడే పుట్టిన శిశువును వదిలేసిన విషయాన్ని దేవాలయం సమీపంలోని కొందరు గుర్తించారు. ఈ విషయాన్ని కమ్మరచేడు గ్రామస్తులకు దేవాలయ నిర్వాహకులు సమాచారం చేరవేశారు. కమ్మరచేడు గ్రామానికి చెందిన ఖాశీం అనే వ్యక్తి పసికందును ఇంటికి తీసుకెళ్లారు. ఈ విషయాన్ని తెలుసుకున్న కొందరు పోలీసుల సమక్షంలో ఆదోని ఏరియా ఆసుపత్రికి తీసుకెళ్లారు. అమ్మ ఒడిలో సేదతీరాల్సిన పసిబిడ్డకు ఆసుపత్రిలో చికిత్సలు చేస్తున్నారు.

హొళగుంద: మండల కేంద్రంలోని ఈబీసీ, సినిమా రోడ్‌ తదితర ప్రాంతాల్లోని ఇళ్లలో నిల్వ ఉంచిన రేషన్‌ బియ్యాన్ని బుధవారం సాయంత్రం డీఎస్‌ఓ (డిస్ట్రిక్‌ సివిల్‌ సప్‌లై ఆఫీసర్‌) రాజారఘువీర్‌ దాడులు చేసి పట్టుకున్నారు. విశ్వసనీయ సమాచారం మేరకు కర్నూలు నుంచి వచ్చిన ఆయన సీఎస్‌డీటీ దీప, తహసీల్దార్‌ లక్ష్మిరాజు, ఎస్‌ఐ దిలీప్‌కుమార్‌తో కలిసి దాడులు చేపట్టారు. ఈబీసీ కాలనిలోని ఓ వ్యక్తి ఇంట్లో తనిఖీలు చేసి అక్రమంగా నిల్వ ఉంచిన 15 బస్తాల (6.25 క్వీంటాళ్లు) రేషన్‌ బియ్యాన్ని సీజ్‌ చేశారు. అలాగే సినిమా రోడ్డులోని ఓ ఇంట్లో నిల్వ ఉంచిన 77 క్వింటాళ్లు (189 బస్తాలు) బియ్యాన్ని దాడులు చేసి పట్టుకోగా ఆ ఇంటి వారితో పాటు స్థానికులు డీఎస్‌ఓ, ఇతర అధికారులతో వాగ్వాదానికి దిగారు. అవి రేషన్‌ బియ్యం కాదని, రైతులు పండించిన బియ్యమని వాదించారు. అయితే బియ్యం నిల్వలో పీడీఎస్‌ బియ్యం కలిసినట్లు అనుమానాలు వ్యక్తమవుతున్నాయని వాటిని టెస్టింగ్‌ కోసం కర్నూలు ల్యాబ్‌కు పంపుతున్నట్లు తహసీల్దార్‌ లక్ష్మిరాజు తెలిపారు. రేషన్‌ బియ్యం కలిసి ఉంటే బాధ్యులపై కేసులు నమోదు చేసి బియ్యం బస్తాలను సీజ్‌ చేస్తామన్నారు. టెస్టింగ్‌ రిపోర్ట్‌ గురువారం సాయంత్రం వస్తుందని ఆయన వెల్లడించారు. మొత్తం బియ్యం బస్తాలను రెవెన్యూ అధికారుల ఆధీనంలో ఉంచారు. డీటీ నిజాముద్దీన్‌ తదితరులు వెంట ఉన్నారు.

కర్నూలు (టౌన్‌): మద్యం షాపుల లైసెన్సుల గడువు ఈ నెల 30న ముగుస్తున్నందున మరో ఏడాది పాటు రెన్యూవల్‌ చేయించేందుకు చర్యలు తీసుకోవాలని జిల్లా ప్రొహిబిషన్‌ అండ్‌ ఎకై ్సజ్‌ డిప్యూటీ కమిషనర్‌ శ్రీదేవి స్పష్టం చేశారు. బుధవారం సాయంత్రం స్థానిక ఎకై ్సజ్‌ డిప్యూటీ కమిషనర్‌ కార్యాలయంలో కర్నూలు, నంద్యాల జిల్లాల స్టేషన్‌ హౌస్‌ ఆఫీసర్లతో నేర సమీక్ష సమావేశం నిర్వహించారు. డిప్యూటీ కమిషనర్‌ మాట్లాడుతూ.. స్థానిక సంస్థల ఎన్నికల నేపథ్యంలో కర్నూలు, నంద్యాల జిల్లాలను నాటుసారా రహిత జిల్లాలుగా ప్రకటించేందుకు చర్యలు తీసుకోవాలన్నారు. నాటుసారా తయారు చేయకుండా పాత నేరస్తులపై నిఘా ఉంచాలని వారందరినీ సంబంధిత తహసీల్దార్ల ఎదుట బైండోవర్‌ చేయాలని ఆదేశించారు. పొరుగు రాష్ట్రాల మద్యం, నకిలీ మద్యం జిల్లాలోకి ప్రవేశించకుండా పాత నేరస్థులపై ప్రత్యేక నిఘా ఏర్పాటు చేయాలని స్పష్టం చేశారు. పొరుగు రాష్ట్రాల మద్యం కేసుల్లో, గ్రేవ్‌ క్రైం కేసుల్లో దర్యాప్తు పూర్తి చేసి అరెస్టు చేయకుండా ఉన్న పెండింగ్‌ కేసుల ముద్దాయిలను సత్వరమే అరెస్టు చేయాలని దర్యాప్తు అనంతరం చార్జ్‌షీటు కోర్టుకు సమర్పించాలని ఆదేశించారు. ప్రొహిబిషన్‌ ఎకై ్సజ్‌ అసిస్టెంట్‌ కమిషనర్‌ హనుమంతరావు, ఎకై ్సజ్‌ అధికారి సుధీర్‌ బాబు (కర్నూలు), రవికుమార్‌ (నంద్యాల), ఏఈఎస్‌లు రాజశేఖర్‌ గౌడ్‌, రామకృష్ణారెడ్డి, విజయకుమార్‌, కర్నూలు, నంద్యాల ఎకై ్సజ్‌ ఇన్‌స్పెక్టర్లు పాల్గొన్నారు.

కర్నూలు (టౌన్‌): వినాయక చవితి నవరాత్రి ఉత్సవాలు, నిమజ్జనోత్సవాలను కులమతాలకు అతీతంగా ప్రశాంత వాతావరణంలో నిర్వహించుకోవాలని ఎస్పీ విక్రాంత్‌ పాటిల్‌ సూచించారు. బుధవారం సాయంత్రం జిల్లా పోలీసు కార్యాలయంలోని వ్యాస్‌ ఆడిటోరియంలో గణేష్‌ ఉత్సవ కమిటీ ప్రతినిధులు, వివిధ మతాల పెద్దలు, శాంతి కమిటీ సభ్యులు, పోలీసు ఉన్నతాధికారులతో పీస్‌ కమిటీ సమావేశం నిర్వహించారు. ఎస్పీ మాట్లాడుతూ.. కర్నూలు జిల్లా మత సామరస్యానికి ప్రతీకగా నిలిచిందన్నారు. చట్టాన్ని గౌరవిస్తూ ఎవరి మనోభావాలకు భంగం కలుగకుండా ఉత్సవాలను నిర్వహించుకోవాలన్నారు. వాట్సప్‌, ఇన్‌స్ట్రాగామ్‌ వంటి సామాజిక మాద్యమాల్లో వచ్చే నిర్ధారణ లేని సందేశాలు, రెచ్చగొట్టే పోస్టులు, వీడియోలను గుడ్డిగా నమ్మవద్దన్నారు. అలాగే బాధ్యతారహితంగా ఇతరులకు షేర్‌ చేయవద్దన్నారు. అనుమానాస్పద సమాచారం ఉంటే తక్షణం పోలీసులకు తెలియజేయాలన్నారు. చట్ట ప్రకారం డీజేల శబ్ధం 70 డెసిబుల్స్‌ కంటే ఎక్కువ ఉంటే వాటిని సీజ్‌ చేస్తామన్నారు. వినాయక ఘాట్‌లో తగినంత నీటి లభ్యత లేని పక్షంలో నగర శివారులోని నన్నూరు టోల్‌ప్లాజా, ఉలిందకొండ ప్రాంతాల్లో నిమజ్జన ఏర్పాట్లకు తగిన చర్యలు ఉంటాయన్నారు. కర్నూలు నగరంలో గణేష్‌ నవరాత్రి ఉత్సవాలు, 9వ రోజు నిమజ్జన శోభాయాత్రలు ప్రశాంతంగా కొనసాగుతాయని సమావేశంలో గణేష్‌ ఉత్సవ కమిటీ ప్రతినిధులు, మత పెద్దలు హామీ ఇచ్చారు. కర్నూలు డీఎస్పీ రాఘవేంద్ర, సీఐలు, మత పెద్దలు, గణేష్‌ ఉత్సవ కమిటీ ప్రతినిధులు, శాంతి కమిటీ సభ్యులు పాల్గొన్నారు.

ఇటీవల కాలంలో ఆత్మహత్యకు పాల్పడే వారి సంఖ్య పెరుగుతోంది. ఇలాంటి వారిని గుర్తించి ప్రభుత్వ ఆసుపత్రిలోని మానసిక వైద్యులను సంప్రదించి చికిత్స అందేలా చేయాలి. అక్కడి వైద్యులు మందులతో పాటు కౌన్సెలింగ్‌ ఇచ్చి తిరిగి సాధారణ జీవితం గడిపేలా చేస్తారు. –డాక్టర్‌ చైతన్యకుమార్‌ నేరెళ్ల, మానసిక వైద్యులు, జిల్లా మానసిక ఆరోగ్య కార్యక్రమం ఆత్మహత్యలపై మాట్లాడకూడదని ఇప్పటికీ అపోహలు ఉన్నాయి. కానీ దీని గురించి చర్చిస్తే చాలా వరకు ఆత్మహత్యలను నివారించవచ్చు. ఇటీవల కాలంలో బెట్టింగ్‌కు అలవాటు పడి ఎక్కువ మంది యువత ఆత్మహత్యలకు పాల్పడుతున్నారు. పెద్దలు ఈ విషయమై చర్చించి పరిష్కారం కనుగొనాలి. –డాక్టర్‌ కె.నాగిరెడ్డి, సైకియాట్రిస్ట్‌, కర్నూలు

కౌతాళం: వరుణదేవా.. కరుణుంచు అని అన్నదాతలు వేడుకుంటున్నారు. వర్షాలు లేక రైతన్నలు సాగు చేసిన పంటలు కళ్ల ముందే ఎండిపోతుండడంతో రైతులు ఆందోళన చెందుతన్నారు. కొందరు రైతులు ఎలాగైనా పంటలను కాపాడుకునేందుకు ఎన్నో ప్రయత్నాలు చేస్తూ ఖర్చుతో కూడుకున్నా సరే వెనుకుంజ వేయకుండా ముందుకు సాగుతున్న సంఘటనలు కనిపిస్తున్నాయి. సాగు చేసిన మిరప పంటను కాపాడుకోవడానికి ట్యాంకర్‌ ద్వారా నీటిని తెప్పించి మగ్గుతో చెట్లకు పోస్తున్న దృశ్యం బుధవారం మండల పరిధిలోని బదినేహాల్‌ గ్రామంలో కనిపించింది. రైతు ముత్తమ్మ గారి నాగరాజు మిరప పైరు ఎండకుండా భార్య లక్ష్మితో పాటు కూలీల ద్వారా మొక్కలకు మగ్గుతో నీరు పోస్తున్నారు. తాను రెండెకరాల భూమిని కౌలుకు తీసుకుని ముందస్తుగా ఎకరాకు రూ.35 వేలు చొప్పున చెల్లించి పొలం సాగు చేసినట్లు రైతు తెలిపాడు. వర్షాభావ పరిస్థితుల వల్ల లేత దశలోనే పంట ఎండిపోతోందని ఇప్పడు కాపాడకపోతే పూర్తి నష్టం జరుగుతుందని చెప్పారు. పంటను కాపాడుకునేందుకు నీళ్ల ట్యాంకర్‌కు బాడుగకు తెచ్చుకుని మొక్కలకు పోస్తున్నట్లు తెలిపారు. ఇప్పటికే కౌలుతో పాటు రూ.60 వేల వరకు ఖర్చు పెట్టినట్లు చెప్పారు. మొక్కలకు నీళ్లు పోస్తే పెట్టిన పెట్టుబడైన వస్తుందన్న నమ్మకంతో పని చేస్తున్నట్లు రైతు నాగరాజు చెప్పారు. పంట చేతికొచ్చేటప్పటికి ఎంత ఖర్చవుతుందో అర్థం కావడం లేదని వాపోయారు.

కోసిగి: మండల పరిధిలోని జుమ్మాలదిన్నె గ్రామంలో విషజ్వరాలు విజృంభిస్తున్నాయి. గత వారం రోజులుగా గ్రామంలో 20 మందికి పైగా జ్వరం బారిన పడి ఆస్పత్రుల్లో చికిత్సలు పొందుతూ అవస్థలు పడుతున్నారు. గ్రామానికి చెందిన రాగయ్య అనే వ్యక్తి ఆదోనిలోని ప్రైవేట్‌ హాస్పిటల్‌లో చికిత్స చేయించుకోగా రూ.60 వేలు ఖర్చయినట్లు వాపోయారు. అలాగే తిక్కయ్య, కృష్ణ, మల్లేశ్వరితో పాటు మరో ముగ్గురు జ్వరంతో ఆదోనిలోని ప్రైవేట్‌ హాస్పిటల్‌లో చేరారు. ప్రసాద్‌, సునీత దంపతుల కుమారుడు వైభవ్‌ తేజ్‌ అనే బాలుడికి మూడు రోజులుగా కోసిగిలో వైద్య సేవలు అందించినా జ్వరం తగ్గడం లేదని తల్లిదండ్రులు వాపోయారు. రాజు, సువర్ణమ్మ దంపతుల పిల్లలు జస్వన్‌, మహిమాలీ, ఈషా జ్వరంతో చికిత్స పొందుతున్నారు. మరికొందరు స్థానికంగా ఆర్‌ఎంపీ డాక్టర్‌ వద్ద చికిత్సలు చేయించుకున్నట్లు తెలిపారు. గ్రామం చుట్టూ మట్టి దిబ్బలు, గ్రామంలో పారిశుద్ధ్యం లోపించడంతో దోమలు విజృంభిస్తున్నాయి. గ్రామంలో దోమల నివారణకు చర్యలు చేపట్టకపోవడంతో విషజ్వరాలు ప్రబలుతున్నట్లు గ్రామస్తులు ఆరోపిస్తున్నారు. ఇప్పటికై నా అధికారులు స్పందించి దోమలు నివారణ చర్యలు, పారిశుద్ధ్య పనులు చేయించాలని కోరుతున్నారు. కుమారుడికి మూడు రోజులుగా జ్వరం తగ్గలేదని చూపుతున్న తండ్రి ఆస్పత్రిలో వారం రోజులు చికిత్స పొందిన రాగయ్యఆదోనిలో ప్రైవేట్‌ ఆస్పత్రిలో చికిత్స పొందుతున్న తిక్కయ్య

● జిల్లా కలెక్టర్‌ రాజకుమారినంద్యాల (న్యూటౌన్‌): రెవెన్యూ సేవలను పారదర్శకంగా అందించాలని అధికారులను జిల్లా కలెక్టర్‌ రాజకుమారి రెవెన్యూ ఆదేశించారు. మానవ వనరుల అభివృద్ధి కేంద్రంలో జాయింట్‌ కలెక్టర్‌ సూరజ్‌ ధనుంజయ్‌తో కలిసి బుధవారం సమీక్ష నిర్వహించారు. 22ఏ నిషేధిత భూముల జాబితా, పట్టాదార్‌ పాస్‌ పుస్తకాల పంపిణీ, రీ–సర్వే, రెవెన్యూ–1 సేవలు, హౌసింగ్‌ ఫర్‌ ఆల్‌, భూసేకరణ, పీజీఆర్‌ఎస్‌, ఐవీఆర్‌ఎస్‌, ఓఆర్‌సిఎంఎస్‌ తదితర అంశాలపై పురోగతిని సమీక్షించారు. ప్రతి గ్రామంలో ఉన్న ప్రభుత్వ భూముల పూర్తి వివరాలు రెవెన్యూ అధికారుల వద్ద ఎప్పటికప్పుడు అందుబాటులో ఉండాలన్నారు. యానిమల్‌ కాంప్లెక్స్‌, వెల్‌నెస్‌ సెంటర్లు, ప్రాథమిక ఆరోగ్య కేంద్రాలు, పాఠశాలలు తదితర భవనాలకు భూములను ముందుగానే గుర్తించి ప్రతిపాదనలు సిద్ధం చేయాలన్నారు. ఆటోమేటెడ్‌ డ్రైవింగ్‌ టెస్టింగ్‌ ట్రాక్‌ ఏర్పాటుకు అవసరమైన భూమిని గుర్తించి, 15 రోజుల్లో ప్రతిపాదనలు పంపాలని పాణ్యం తహసీల్దార్‌ను కలెక్టర్‌ ఆదేశించారు. సమావేశంలో ట్రైనీ డిప్యూటీ కలెక్టర్‌ ప్రియాంక, ల్యాండ్‌ అండ్‌ సర్వే ఏడీ శ్రీరామ్‌, ఆర్డీఓలు, అన్ని మండలాల తహసీల్దార్లు, రెవెన్యూ అధికారులు తదితరులు పాల్గొన్నారు.

● నంద్యాల మాజీ ఎమ్మెల్యే శిల్పా రవిచంద్రకిశోర్‌రెడ్డిబొమ్మలసత్రం: సమాజంలో జరిగే అవినీతిని ప్రజలకు చూపించే జర్నలిస్టులు ప్రభుత్వానికి దేశద్రోహుల్లా కనిపిస్తున్నారా అని నంద్యాల మాజీ ఎమ్మెల్యే శిల్పా రవిచంద్రకిషోర్‌రెడ్డి , ఎమ్మెల్సీ ఇసాక్‌బాషా ప్రశ్నించారు. గత ఆదివారం అర్ధరాత్రి పోలీసులు అక్రమంగా నిర్బంధించి రిమాండ్‌కు తరలించిన జర్నలిస్టులు నాగచంద్రుడు, సురేష్‌ కుటుంబ సభ్యులను వారు బుధవారం పరామర్శించారు. అనంతరం మాజీ ఎమ్మెల్యే, ఎమ్మెల్సీలు మాట్లాడుతూ.. నిజాలను ప్రజలకు చూపించిన జర్నలిస్టులను రాజకీయ ఒత్తిళ్లతో అర్ధరాత్రి ఒంటిగంట సమయంలో తలుపులు బద్దలుకొట్టి అక్రమంగా నిర్బంధించడం చట్టవ్యతిరేకమన్నారు. పోలీసులు అలా అరెస్ట్‌ చేయటానికి జర్నలిస్టులు ఉగ్రవాదుల్లా, దేశద్రోహుల్లా కనిపిస్తున్నారా అంటూ ప్రశ్నించారు. న్యాయశాఖా మంత్రి ఎన్‌ఎమ్‌డీ ఫరూక్‌ కుమారులు అధికారిక కార్యక్రమాల్లో పాల్గొంటున్నారని విమర్శించారు. అనధికార వ్యక్తులు అధికారిక కార్యక్రమాల్లో పాల్గొనటం సరైందికాదన్నారు. టీవీ ఛానల్‌లో లోగుట్టు కార్యక్రమం ద్వారా మంత్రి కుమారులపై వచ్చిన కథనం వాస్తవం కాదా అని నిలదీశారు. వార్త ప్రసారాలపై ఏవైనా అభ్యంతరాలు ఉంటే చట్టపరమైన చర్యలు తీసుకోవాలి తప్ప అక్రమ కేసులు బనాయించడం సమంజసం కాదన్నారు. చంద్రబాబు పాలనను ప్రశ్నిస్తున్న వైఎస్సార్‌సీపీ సోషల్‌ మీడియా, జర్నలిస్ట్‌లను ప్రభుత్వం వేధింపులకు గురిచేస్తోందన్నారు. అధికార పార్టీకి పోలీసులు తొత్తులుగా వ్యవహరించటం బాధాకరమన్నారు.

● శేక్షావలి, షాషావలి దర్గాలను దర్శించుకున్న భక్తులు ● గంధం మోసిన పీఠాధిపతి నూర్‌బాబాహొళగుంద: రాష్ట్రంలో ప్రాధాన్యత కలిగిన దర్గాల్లో ఒకటైన ఎల్లార్తి శేక్షావలి, షాషావలి తాతల దర్గా ఉరుసులో భాగంగా బుధవారం ఉరుసుతో పాటు తెల్లవారుజామున దర్గాలకు చేరిన గంధం వేడుకలు అత్యంత వైభవంగా జరిగాయి. మత సామరస్యానికి ప్రతాకగా నిలిచే ఈ ఉత్సవాలను తిలకించడానికి రాష్ట్ర నలమూలల నుంచే కాకా పొరుగు రాష్ట్రాలైన తెలంగాణ, కర్ణాటక, తమిళనాడు, మహారాష్ట్ర నుంచి భక్తులు తరలి వచ్చారు. పురవీధుల్లో ఊరేగిన గంధం తెల్లవారుజామున దర్గా పీఠాధిపతి నూర్‌బాబా దర్గాలో ప్రత్యేక ఫాతెహాలు చదివి అక్కడి నుంచి గంధం మోసుకుని గ్రామ పురవీధుల గుండా ఊరేగింపుగా వెళ్లి తిరిగి దర్గాకు చేరుకున్నారు. ఈ సందర్భంగా భక్తులు, పకీరులు ప్రదర్శించిన కర్రసాము విన్యాసాలు, నృత్యాలు, పాటలు అమితంగా ఆకట్టుకున్నాయి. గంధం దర్గాకు చేరడంతో భక్తులు ఆయా దర్గాల్లో సమాధులను దర్శించుకుని నైవేద్యాలు, చాదర్లు సమర్పించి ప్రత్యేక ఫాతెహాలు చేశారు. బోర్డు ఆధ్వర్యంలో జరిగిన ఈ ఉరుసులో వివిధ ప్రాంతాల నుంచి వచ్చిన భక్తులకు అన్నదానం చేశారు. ఉత్సవంలో ఎలాంటి అవాంఛనీయ సంఘటనలు జరగకుండా పత్తికొండ డీఎస్పీ వెంకటరామయ్య పర్యవేక్షణలో ఆలూరు సీఐ రవిశంకర్‌రెడ్డి ఆధ్వర్యంలో హొళగుంద ఎస్‌ఐ దిలీప్‌కుమార్‌తో పాటు 60 మందికి పైగా పోలీసులు బందోబస్తు నిర్వహించారు. గురువారం జియారత్‌ కార్యక్రమంతో ఉత్సవాలు ముగియనున్నాయి. ఉత్సవంలో భక్తులకు ఎస్‌ఎస్‌వీ ఆధ్వర్యంలో ట్యాంకర్లతో మంచినీటి సరఫరా, ఆదోని మధు హాస్పిటల్‌ ఆధ్వర్యంలో ఉచిత వైద్య శిబిరం ఏర్పాటు చేశారు.

శ్రీశైలంటెంపుల్‌: రాష్ట్రంలోని ఏడు ప్రధాన ఆలయాలను సందర్శించే భక్తులకు ఆయా దేవస్థానాలు అందిస్తున్న సేవలపై ప్రభుత్వం తాజాగా నిర్వహించిన సర్వేలో శ్రీశైల ఆలయానికి చివరిస్థానం లభించింది. ప్రతి నెలా వాట్సప్‌, ఐవీఆర్‌ఎస్‌ ద్వారా దర్శనం సంతృప్తికరంగా జరిగిందా?, ఆలయాల్లో తాగునీటి వసతులు బాగున్నాయా?, ప్రసాదం తాజాగా, రుచిగా ఉందా?, పారిశుద్ద్యం సంతృప్తికరంగా ఉందా? అనే అంశాలపై సర్వే నిర్వహిస్తున్నారు. గత 4వ తేదీ నుంచి ఈ నెల 4వ తేదీ వరకు జరిపిన సర్వే వివరాలను సోమవారం వెల్లడించారు. ఈ సర్వేలో మొదటి ర్యాంక్‌ విజయవాడ, రెండో ర్యాంక్‌ ద్వారక తిరుమల, మూడో ర్యాంక్‌ శ్రీకాళహస్తి, నాల్గో ర్యాంక్‌ అన్నవరం, ఐదో ర్యాంక్‌ కాణిపాకం, ఆరో ర్యాంక్‌ సింహాచలం, చిట్టచివరి ఏడో ర్యాంక్‌ శ్రీశైల దేవస్థానానికి దక్కింది. గత ఆగస్టు నెలలో 67శాతం సంతృప్తి చెందితే సెప్టెంబరు నెలకు వచ్చేసరికి 65.5శాతానికి పడిపోయింది. అక్టోబర్‌ 11 నుంచి శ్రీశైలంలో దసరా మహోత్సవాలు శ్రీశైలం టెంపుల్‌: శ్రీశైల మహాక్షేత్రంలో అక్టోబర్‌ 11 నుంచి 20వ తేది వరకు దసరా మహోత్సవాలు నిర్వహిస్తున్నట్లు ఈఓ శ్రీనివాసరావు తెలిపారు. ఈ మహోత్సవాల ఏర్పాట్లకు సంబంధించి ప్రాథమిక సమావేశాన్ని బుధవారం దేవస్థానం పరిపాలన భవనంలోని సమీక్షా సమావేశ మందిరంలో నిర్వహించారు. ఈఓ మాట్లాడుతూ అన్ని విభాగాలు పరస్పర సమన్వయంతో ఉత్సవాలను విజయవంతం చేయాలన్నారు. భక్తులకు ఎలాంటి ఇబ్బందులు కలుగకుండా అన్ని విభాగాలు ప్రత్యేక శ్రద్ధ కనపర్చాలన్నారు. ఉత్సవాల సందర్భంగా తగిన విద్యుద్దీపాలంకరణ, సంప్రదాయ పద్ధతిలో ప్రత్యేకంగా పుష్పాలంకరణ, పోలీసు శాఖ సమన్వయంతో ట్రాఫిక్‌ సమస్య తలెత్తకుండా తగు ఏర్పాట్లు చేసుకోవాలని ఈఓ ఆదేశించారు. ఎస్సార్బీసీకి నేడు నీటి విడుదల బంద్‌ పాణ్యం: ఎస్సార్బీసీ ప్రధానకాల్వకు గురువారం నీటి విడుదల బంద్‌ చేస్తున్నట్లు నిలిపివేస్తున్నట్లు ఈఈ రాఘురామిరెడ్డి బుధవారం విలేకరులకు తెలిపారు. ఉన్నతాధికారులు ఆదేశాల మేరకు ఈ చర్యలు తీసుకున్నట్లు చెప్పారు. ఇప్పటికే ఎస్సార్బీసీ ప్రధాన కాల్వ నుంచి అవుకు జలాశయానికి తాగునీటి అవసరాల నిమిత్తం నీటిని తరలించినట్లు పేర్కొన్నారు. గురువారం ఉదయం నుంచి కాల్వకు గేట్లు మూసివేస్తామన్నారు. తదుపరి ఆదేశాల వచ్చేంత వరకు ఎస్సార్బీసీకి నీటిని విడుదల చేయబోమన్నారు. చనుగొండ్ల కొండల్లో చిరుత పులుల జంట డోన్‌ టౌన్‌: మండలంలోని చనుగొండ్ల గ్రామ సమీప కొండల్లో జంట చిరుత పులల సంచారం ప్రజలను భయాందోళనలకు గురి చేస్తున్నాయి. వ్యవసాయ పనులకు వెళ్లలేకపోతున్నారు. అటవీశాఖ అధికారులు చిరుత పులులను బంధించి సంరక్షణ కేంద్రాలకు తరలించాలని కోరుతున్నారు. శ్రీమఠం హుండీ ఆదాయం రూ.3.30 కోట్లు మంత్రాలయం: హుండీల్లోని కానుకలతో శ్రీరాఘవేంద్రస్వామి మఠానికి 16 రోజులకు గాను రూ 3.30 కోట్లు సమకూరింది. బుధవారం శ్రీమఠం రాజ్యాంగణ భవనంలో హుండీల లెక్కింపు కార్యక్రమం నిర్వహించారు. ఆగస్టు 24వ తేదీ నుంచి సెప్టెంబర్‌ 8 వరకు సంబంధించి 16 రోజుల హుండీ కానుకలు శ్రీమఠం అధికారులు లెక్కగట్టారు. అందులో నగదు రూపేణా రూ 3,20,66,639, నాణేలా రూపంలో రూ.10,02,500, అలాగే 47 గ్రాముల బంగారం, 632 గ్రాముల వెండి కానుకలు సమకూరినట్లు మేనేజర్‌ ఎస్‌.కె శ్రీనివాసరావు తెలిపారు. కార్యక్రమంలో ఏఏఓ మాధవశెట్టి, మేనేజర్‌–2 వెంటేష్‌ జోషి, ఇంజనీర్‌ సురేష్‌కోనాపూర్‌, అనంతపురాణిక్‌ పాల్గొన్నారు.

గాజులపల్లె, బసవాపురం గ్రామాల పరిధిలో గతంలో ప్రభుత్వం పేదలకు సాగు, జీవనాధార నిమిత్తం డీకేటీ భూములు ఇచ్చింది. నిబంధనల ప్రకారం వీటిని అమ్మడం, విక్రయించడం చట్టరీత్యా చెల్లదు. అయితే ఈ భూములకు సాగు నీరు సరిగా లేకపోవడంతో పాటు నల్లమల శివారులో ఉండటంతో కొందరు రైతులు అలాగే వదిలేశారు. ప్రస్తుతం ఎల్‌నినో ప్రభావంతో వర్షాలు కురవకపోవడం వలన కాంట్రాక్టర్లు వీటిపై కన్నేశారు. రైతులకు ఆశ చూపి ఎకర భూమిని రూ. 2 లక్షల నుంచి రూ. 3లక్షలు పెట్టి కొనుగోలు చేస్తూ గ్రావెల్‌, ఎర్రమట్టి తరలింపు చేస్తూ పొలాలను చెరువులుగా మారుస్తున్నారు. మరికొన్ని పొలాల కోసం కాంట్రాక్టర్లు అన్వేషిస్తున్నట్లు సమీప పొలాల రైతులు తెలుపుతున్నారు. ఒక పొలంలో 100 నుంచి 120 అడుగుల లోతుతో మట్టిని తీస్తే ఏర్పడే గుంతలతో భవిష్యత్తులో పక్క పొలాలకు నీళ్లు అందే పరిస్థితి లేదని ప్రస్తుతం సాగు చేస్తున్న రైతులు ఆవేదన వ్యక్తం చేస్తున్నారు.

ట్యాంకర్‌ ద్వారా నీరు పడుతున్న రైతు ఎల్‌నినో ప్రభావంతో వర్షాలు లేవు. పైగా బోరు బావుల్లో నీరు అడుగంటిపోతున్నాయి. వీటికి తోడు రాత్రి వేళల్లో లోడ్‌ రిలీఫ్‌ పేరుతో సుమారు రెండు గంటలకు పైగా విద్యుత్‌ సరఫరా నిలిపేస్తున్నారు. రైతులు తమ పంటలను కాపాడుకునేందుకు కంటి మీద కునుకు లేకుండా చేస్తున్న ప్రయత్నాలు కన్నీళ్లు పెట్టిస్తున్నాయి. మహానంది మండలం బొల్లవరం గ్రామంలోని ఓ రైతు తాను సాగు చేసిన మొక్కజొన్నను కాపాడుకునేందుకు ట్యాంకర్‌తో కేసీ నుంచి నీరు తెచ్చి పంటకు పారించుకున్నాడు. ఇది లా ఉండగా కేసీ కాలువ అధికారులు రైతులు ఫొటో లు తీసి బెదిరిస్తున్నారని రైతులు ఆవేదన వ్యక్తం చేస్తున్నారు. అధికారులు మానవత్వంతో స్పందించి తమపై కనికరం చూపాలని పలు గ్రామాల రైతులు వేడుకుంటున్నారు. – మహానంది

కోవెలకుంట్ల: ఈ ఏడాది ఖరీఫ్‌ సీజన్‌ రైతులకు కలిసిరాలేదు. వివిధ పంటలపై ఎల్‌నినో పంజా విసరడంతో నష్టాలు మూటగట్టుకోవాల్సి వస్తోంది. మినుము రైతు పరిస్థితి మరీ దారుణంగా తయారైంది. ఎకరాకు బస్తా దిగుబడి కూడా రాని పరిస్థితి. జిల్లాలోని 29 మండలాల పరిధిలో 10,188 హెక్టార్లలో మినుము సాగు చేయాల్సి ఉండగా ఆయా మండలాల పరిధిలో 12,451 హెక్టార్లలో సాగైంది. జిల్లాలో అత్యధికంగా ఆళ్లగడ్డ మండలంలో 2,464 హెక్టార్లలో, గోస్పాడు మండలంలో 2,300, దొర్నిపాడు మండలంలో 3,075, శిరువెళ్ల మండలంలో 1,070 హెక్టార్లలో సాగైంది. సేద్యాల, విత్తనాలు, రసాయన ఎరువులు, క్రిమి సంహారక మందులు, కలుపునివారణ, తదితర పెట్టుబడుల రూపంలో ఇప్పటి వరకు ఎకరాకు రూ. 18 వేల నుంచి రూ. 20 వేలకు పైగా వెచ్చించారు. పైరు చేతికందే వరకు వర్షాలు కురియకపోవడం, ఎండలు అధికం కావడం, విపరీతమైన గాలులు వీస్తుండటంతో పైరులో ఎదుగుదల ఆగిపోయింది. పైరు పూతకు రావాల్సి ఉండగా ఎండిపోతుండటంతో వేలాది ఎకరాల్లో పైరును దున్ని వేసి నష్టాలు చవి చూశారు. ఎకరాకు అరబస్తా దిగుబడులు గత ఏడాది మినుము సాగుతో నష్టాలు మూటగట్టుకున్న రైతులు ఈ ఏడాది ఆ నష్టాన్ని పూడ్చుకుందామని భావించి సాధారణ విస్తీర్ణాన్ని మించి మినుము పంట సాగు చేశారు. విత్తనం వేసినప్పటి నుంచి వరుణుడు ముఖం చాటేయడం, సాగునీటి వనరులు అందుబాటులో లేకపోవడంతో దిగుబడులపై తీవ్ర ప్రభావం చూపింది. బోర్లు, ఇతర సాగునీటి వనరులు అందుబాటులో ఉన్న రైతులు ఎకరాకు రూ. 6 వేల నుంచి రూ. 8 వేలు వెచ్చించి రెండు, మూడు తడులు సాగునీరు మళ్లించినా ప్రకృతి ప్రతికూల పరిస్థితులతో ప్రయోజనం లేకుండా పోయింది. ఎకరాకు కనీసం మూడు నుంచి నాలుగు బస్తాల దిగుబడులు వస్తాయనుకుంటే ప్రకృతి అనుకూలించకపోవడంతో ఎకరాకు అరబస్తా దిగుబడులు మాత్రమే రావడంతో రైతులు గగ్గోలు పెడుతున్నారు. విత్తనాలు, రసాయన ఎరువులు, క్రిమి సంహారక మందుల పిచికారీ, కలుపు, కోత, నూర్పిడి, తదితర పెట్టుబడుల రూపంలో వేలాది రూపాయలు వెచ్చించారు. వర్షాభావ పరిస్థితులతో దిగుబడులు భారీగా తగ్గి పెట్టుబడులు నేలపాలయ్యాయని రైతులు ఆవేదన వ్యక్తం చేస్తున్నారు. పైరుకోసం పెట్టిన పెట్టుబడిలో కనీసం ఒక భాగం దిగుబడులు కూడా రాకపోవడంతో దిగాలు చెందుతున్నారు. సొంత పొలాలు ఉండి మినుము సాగు చేసిన రైతులు పెట్టుబడుల రూపంలో నష్టపోగా కౌలుకు తీసుకుని సాగు చేసిన కర్షకులకు ఎకరాకు రూ. రూ. 40 వేల నుంచి రూ. 50 వేల వరకు నష్టం వాటిల్లడంతో లబోదిబోమంటున్నారు. వెంటాడిన వర్షాభావం జిల్లాలో 12,451 హెక్టార్లలో సాగైన మినుము పెట్టుబడి ఎకరాకు రూ. 20వేల పై మాటే ప్రారంభమైన కోత, నూర్పిడి పనులు ఎకరాకు బస్తాలోపే దిగుబడులు

ఈ ఏడాది ఖరీఫ్‌ సీజన్‌లో 15 ఎకరాల సొంత పొలంతో పాటు ఎకరాకు రూ. 18 వేలు కౌలు చెల్లించి మరో 15 ఎకరాలు కౌలుకు తీసుకుని 30 ఎకరాల్లో మినుము సాగు చేశాను. విత్తనాలు, రసాయన ఎరువులు, క్రిమి సంహారక మందులు, సాగునీటి తడులు, తదితర పెట్టుబడుల రూపంలో ఎకరాకు రూ. 20 వేలు ఖర్చుచేశాను. పైరు పూత, పిందె దశలో అధిక ఎండలు, చీడపీడల కారణంగా దిగుబడులపై తీవ్ర ప్రభావం పడింది. ఎకరాకు బస్తాకు మించి దిగుబడులు వచ్చే సూచనలు కనిపించడం లేదు. – సుబ్బరాయుడు, రైతు, జోళదరాశి, కోవెలకుంట్ల మండలం ఈ ఏడాది ఖరీఫ్‌లో 16 ఎకరాల్లో మినుము పంట వేశాను. పెట్టుబడుల రూపంలో ఎకరాకు 20 వేలు వెచ్చించాను. వర్షాభావ పరిస్థితులతో పైరు ఎండి పోవడంతో పది ఎకరాల్లో పంటను దున్ని వేశాను. మిగిలిన పైరులో దిగుబడులు వస్తాయనుకుంటే ఇటీవల తీవ్ర ఎండల కారణంగా ఎండిపోయింది. ఈ ఏడాది మినుము సాగుతో భారీ నష్టాలు చూడాల్సి వచ్చింది. అధికారులు పంట నష్టం చెల్లించి మినుము రైతులను ఆదుకోవాలి. – వెంకట్రామిరెడ్డి, రైతు, కంపమల్ల, కోవెలకుంట్ల మండలం

కూటమి ప్రభుత్వం కొత్త పింఛన్లకు దరఖాస్తు చేసుకోండి అంటూ ప్రకటన ఇచ్చే ముందు క్షేత్ర స్థాయిలో ఎదురయ్యే సమస్యలపై దృష్టి సారించలేదనే విమర్శలు వ్యక్తమవుతున్నాయి. వితంతు పింఛన్‌కు దరఖాస్తు చేసుకునే వారు రేషన్‌కార్డులో భర్తల పేరు తొలగించుకోవాల్సిందని చెప్పటంతో ఇప్పటికిప్పుడు ఎలా సాధ్యమంటూ ప్రశ్నిస్తున్నారు. ఈ మేరకు కొందరు తహసీల్దార్‌ కార్యాలయం వద్దకు పరుగులు తీస్తున్నారు. తహసీల్దార్‌ కార్యాలయానికి ఆన్‌లైన్‌లో వచ్చిన దరఖాస్తులను పరిశీలించి తహసీల్దార్‌ డిజిటల్‌ సంతకం చేసి పంపుతున్నారు. అయితే రేషన్‌కార్డులో చనిపోయిన వారి పేర్లు డిలీట్‌ కావడం లేదు. ఈ నేపథ్యంలో దరఖాస్తు గడువులోగా రేషన్‌కార్డులో పేర్లు తొలగిపోతాయా లేదా అనే సందిగ్ధంలో వితంతువులున్నారు. ఈ విషయమై తహసీల్దార్‌ చంద్రశేఖర్‌నాయక్‌ను వివరణ కోరగా.. సమస్య రాష్ట్ర వ్యాప్తంగా ఉన్నందున ప్రభుత్వం తగిన నిర్ణయం తీసుకోవాల్సి ఉంటుందన్నారు. – జూపాడుబంగ్లా సార్‌.. గడువు పొడిగించండి! 08 ఏఎల్‌ఆర్‌ 61. పింఛన్‌కు దరఖాస్తు చేసేందుకు సచివాలయం వద్దకు చేరుకున్న ప్రజలు కొత్త పింఛన్ల దరఖాస్తుకు గడువు పొడిగించాలని గ్రామీణ ప్రజలు కోరుతున్నారు. ఇప్పటికే రెండు రోజులు గడిచిపోయిందని, కుల, ఆదాయ ధ్రువీకరణ పత్రాల కోసం సమయం సరిపోవడం లేదని, పనులు మానుకుని అధికారుల చుట్టూ ప్రదక్షిణలు చేయలేకపోతున్నామని మండల కేంద్రమైన హాలహర్వికి చెందిన పింఛన్‌ దరఖాస్తుదారులు వాపోతున్నారు. మీ సేవా కేంద్రాలు, సచివాలయాల వద్ద సాంకేతిక సమస్యలతో దరఖాస్తుకు ఇబ్బందులు పడుతున్నామన్నారు. ఈనెల 16వ తేదీ వరకు ఉన్న గడువును ప్రభుత్వం నెలాఖరు వరకు పొడిగించాలని కోరుతున్నారు. – హాలహర్వి

కర్నూలు(అర్బన్‌): ఎన్‌టీఆర్‌ భరోసా పింఛన్‌ పథక ంలో భాగంగా వివిధ రకాల పింఛన్లకు దరఖాస్తు ప్రక్రి య ప్రారంభమైనా, డప్పు కళాకారుల విషయంలో స్పష్టత కొరవడింది. డప్పు కళాకారులు పింఛన్‌ కోసం దరఖాస్తు చేసుకునేందుకు ఆధార్‌కార్డు, రేషన్‌కార్డు/ఆదాయ ధృవీకరణ పత్రంతో పాటు సాంఘిక సంక్షేమ శాఖ జారీ చేసిన సర్టిఫికేట్‌ ను అందజేయాలని స్పష్టం చేశారు. కాగా, గతంలో జిల్లాలోని డప్పు కళాకారులకు గుర్తింపు కార్డులను అందించారు. అయితే ప్రస్తుతం పింఛన్ల దరఖాస్తు కు సచివాలయాలకు వెళితే సాంఘిక సంక్షేమ శాఖ జారీ చేసిన సర్టిఫికెట్‌ను అందజేయాలని కచ్చితంగా చెబుతున్నారని వాపోతున్నా రు. ఈ నేపథ్యంలోనే మంగళవారం జిల్లాలోని వివిధ ప్రాంతాలకు చెందిన డప్పు కళాకారులు పదుల సంఖ్యలో స్థానిక సాంఘిక సంక్షేమ శాఖ కార్యాలయానికి వచ్చి తమకు సర్టిఫికెట్లు అందించాలని కోరారు. అయి తే ఈ విషయంలో తమ శాఖకు చెందిన ఉన్నతాధికారుల నుంచి ఎలాంటి ఉత్తర్వులు రాలేదని సాంఘిక సంక్షేమ సాధికారత అధికారిణి బి.రాధిక చెబుతున్నా రు.పింఛన్లకు దరఖాస్తు సమయం చాలా తక్కువగా ఉండటం, మూడు రోజులు వరుస సెలవులు కావ డం దరఖాస్తుదారుల్లో ఆందోళన వ్యక్తమవుతోంది.

నంద్యాల(న్యూటౌన్‌): కొత్త పింఛన్ల దరఖాస్తుల స్వీకరణ, పరిశీలన ప్రక్రియలో జాప్యానికి తావివ్వొ ద్దని కలెక్టర్‌ రాజకుమారి అధికారులను ఆదేశించారు. మంగళవారం నంద్యాల పట్టణంలోని అయ్యలూరు మెట్ట 1, 2 స్వర్ణ వార్డులను జిల్లా కలెక్టర్‌ సందర్శించారు. ఈ సందర్భంగా నూతన పింఛన్ల కోసం దర ఖాస్తు చేసుకునే విధానాన్ని స్వయంగా పరిశీలించి, దరఖాస్తుదారులతో మాట్లాడి వారి సమస్యలను తెలు సుకున్నారు. ఒక్కో దరఖాస్తు ప్రక్రియకు పడుతున్న సమయం, దరఖాస్తుకు అవసరమైన పత్రాలు, అర్హత ప్రమాణాలు తదితర వివరాలను సంబంధిత అధికారులను అడిగి తెలుసుకున్నారు. పింఛన్‌ కోసం వచ్చే వృద్ధులు, ఇతర లబ్ధిదారులకు ఎలాంటి ఇబ్బందులు కలగకుండా కూర్చునేందుకు కుర్చీలు, తాగునీరు తదితర మౌలిక సదుపాయాలను తప్పనిసరిగా అందుబాటులో ఉంచాలన్నారు. అర్హత కలిగిన ప్రతి ఒక్కరికీ పింఛన్‌ పథకం ప్రయోజనం అందేలా సమర్థవంతంగా పనిచేయాలన్నారు. అర్హులైన ప్రతి ఒక్కరికీ ప్రభుత్వ సంక్షేమ పథకాల ప్రయోజనాలు సులభంగా, పారదర్శకంగా, సకాలంలో అందేలా చర్యలు తీసుకోవాలని జిల్లా కలెక్టర్‌ రాజకుమారి అధికారులను ఆదేశించారు.

పింఛన్ల దరఖాస్తుకు సర్వర్‌ మొరాయిస్తుండటంతో రెండో రోజు మంగళవారం కూడా ప్రజలు ఇంటిముఖం పట్టారు. సోమవారం నుంచి దరఖాస్తు ప్రక్రియ ప్రారంభం కావడంతో అర్హులు సచివాలయాల వద్దకు చేరుకుంటున్నారు. అయితే సర్వర్‌ మొరాయించడంతో గంటల తరబడి పనులు మానుకుని అక్కడే వేచి ఉండాల్సి వస్తోంది. ఉదయం ఒకటి రెండు దరఖాస్తులు పూర్తయ్యేసరికి సర్వర్‌ మొరాయించడంతో ప్రజలు ఆందోళన చెందుతున్నారు. సాయంత్రమైనా దరఖాస్తులు పూర్తి కాకపోవడంతో ఇంటి దారి పట్టారు. – గోనెగండ్ల

శ్రీశైలం టెంపుల్‌: శ్రీశైలం సదర్శనకు అనునిత్యం వేలాది మంది భక్తులు తరలివస్తుంటారు. క్షేత్రంలో భక్తుల రద్దీతో ఇక్కడ ఏ వ్యాపారం చేసిన వ్యాపారులు మూడు పువ్వులు ఆరు కాయలుగా అభివృద్ధి చెందుతారు. ఇందుకోసం శ్రీశైల క్షేత్రంలో వ్యాపారం నిర్వహించుకునేందుకు పలువురు వ్యాపారులు ఆసక్తి చూపుతారు. వ్యాపారులతో పాటు తామేమి తక్కువ కాదు అన్నట్లు టీడీపీకి చెందిన ముఖ్యనేత తనకు ఉన్న వ్యాపారాన్ని విస్తరించేందుకు పావులు కదిపారు. తనకు ఉన్న డెయిరీ ద్వారా పాలు, పాల ఉత్పత్తులు విక్రయించుకునేందుకు దుకాణం కేటాయించాలని దేవస్థానానికి విజ్ఞప్తి చేశారు. దేవస్థాన ఉన్నతాధికారి టీడీపీ ముఖ్యనేత వద్ద స్వామిభక్తి పొందేందుకు అడిగిందే తడవుగా అగమేఘాల మీద అనుమతులు మంజూరు చేశారు. క్షేత్రంలో ప్రధాన కూడలి వద్ద దుకాణానికి స్థలం కేటాయించారు. దుకాణ నిర్మాణ పనులు సైతం చకాచకా జరిగిపోతున్నాయి. మాస్టర్‌ప్లాన్‌లో భాగంగానే గతంలో షాపులను తొలగించిన ప్రదేశంలో ఇప్పుడు మళ్లీ షాపు కేటాయించడంపై దేవస్థాన ఉన్నతాధికారి తీరుపై విమర్శలు వినిపిస్తున్నాయి. దేవస్థానం మాస్టర్‌ప్లాన్‌లో భాగంగా ప్రధాన ఆలయానికి ఎదురుగా ఉన్న దుకాణాలను సైతం తొలగించి రోడ్లను విస్తరణ చేశా రు. అలాగే నందిమండపం వద్ద సైతం ఉన్న దుకా ణాలను తొలగించి వారికి ప్రత్యామ్నాయంగా ఇతర ప్రదేశాలలో దుకాణాలు కేటాయించారు. క్షేత్ర అభి వృద్ధి కోసం గతంలో దుకాణాలు తొలగించిన చోట ఇప్పుడు అదే ప్రదేశంలో షాపు కేటాయించడం వెను క పెద్ద కథే నడిచిందని తెలుస్తోంది. ప్రభుత్వ పెద్దలు మెప్పు కోసం నిబంధనలను సైతం లెక్కచేయకుండా అనుమతలిచ్చినట్లు సమాచారం. దేవస్థానం ఉన్నతాధికారి పాలనలో దేవస్థానం భక్తుల సంతృప్తి స్థాయిలో చివరి స్థానానికి చేరిందని ప్రభుత్వ పెద్దలు మొట్టికాయలు వేస్తున్నా పట్టించుకోవడం లేదనే వాదనలు వినిపిస్తున్నాయి. టీడీపీ ముఖ్యనేత చెందిన డెయిరీ కాకుండా ఇంకా చాలా ప్రైవేట్‌ డెయిరీ లు సైతం శ్రీశైలంలో ఉన్నాయి. వాటికి కూడా ప్రధా న కూడలిలో స్థలాన్ని కేటాయించాలనే విజ్ఞప్తులు సైతం వస్తాయనే అవగాహన లేకుండా అనుమతులు ఇవ్వడంపై అధికారి తీరును పలువురు వ్యాపారులు ప్రశ్నిస్తున్నారు. ఈ విషయమై శ్రీశైల దేవస్థాన కార్యనిర్వహణాధికారిని వివరణ కోరగా.. సంఘం డెయిరీకి, వారి ఉత్పత్తులను అమ్ముకునేందుకు అనుమతి ఇవ్వడం జరిగిందన్నారు. శ్రీగిరిలో టీడీపీ నేత డెయిరీకి అగ్రతాంబూలం మాస్టర్‌ప్లాన్‌లో భాగంగా దుకాణాలు తొలగించిన ప్రదేశంలో డెయిరీకి స్థలం కేటాయింపు చకాచకా జరుగుతున్న నిర్మాణ పనులు దేవస్థాన ఉన్నతాధికారి తీరును ప్రశ్నిస్తున్న దుకాణదారులు

కొత్త పింఛన్ల దరఖాస్తుకు గడువు కొద్ది రోజులు మాత్రమే ఉండటంతో అర్హులైన ప్రజలు ఆందోళన చెందుతున్నారు. అర్హులైన వారు దరఖాస్తు చేసుకునేందుకు సచివాలయాల వద్ద బారులుదీరుతున్నారు. ముఖ్యంగా మండల కేంద్రమైన గడివేములలో రెండు సచివాలయాలు ఉన్నాయి. ఇందులో ఒకే ఒక్క డిజిటల్‌ అసిస్టెంట్‌ ఉండటంతో లబ్ధిదారులు గంటల కొద్ది వేచి ఉండాల్సిన పరిస్థితి నెలకొంది. ఇప్పటికై నా సంబంధిత అధికారులు స్పందించి సచివాలయాలకు సిబ్బందిని కేటాయించా లని పలువురు కోరుతున్నారు. – గడివేముల రుద్రవరం మండలం ఎల్లావత్తుల సచివాలయంలో విద్యుత్‌ కోతతో వేచి ఉన్న దరఖాస్తుదారులు

● సాగునీరు అందించడం సాధ్యం కాదు ● జిల్లా కలెక్టర్‌ రాజకుమారి నంద్యాల(న్యూటౌన్‌): తాగునీటి అవసరాల కోసం విడుదల చేసిన నీటిని అనధికారికంగా మళ్లిస్తే కఠిన చర్యలు తీసుకుంటామని జిల్లా కలెక్టర్‌ రాజకుమారి హెచ్చరించారు. ప్రస్తుత వర్షాభావ పరిస్థితుల్లో సాగునీరు అందించడం సాధ్యం కాదని, రైతులకు కఠినంగా కాకుండా మర్యాదపూర్వకంగా వివరించాలని అధికారులకు సూచించారు. కలెక్టరేట్‌లోని పీజీఆర్‌ఎస్‌ హాలులో సోమవారం ప్రజల నుంచి వినతులు స్వీకరించారు. అనంతరం అధికారులతో సమీక్ష నిర్వహించారు. అధిక ఉష్ణోగ్రతలు, తక్కువ వర్షపాతం నేపథ్యంలో ప్రజలకు తాగునీటి కొరత ఏర్పడకుండా ముందస్తు చర్యలు చేపట్టినట్లు తెలిపారు. జిల్లాలో 14 లక్షల పశుసంపద ఉన్నందున ప్రజలతో పాటు పశువుల తాగునీటి అవసరాలను తీర్చాలన్నాపరు. కేసీ కెనాల్‌, కొలిమిగుండ్ల బ్రాంచ్‌ కెనాల్‌, ఎస్‌ఆర్‌బీసీ కాలువల ద్వారా విడుదలైన నీటిలో ఒక్క నీటి బొట్టు కూడా వృథా కాకూడదన్నారు. ప్రతి కుంట, చెరువు, 13 ఎస్‌ఎస్‌ ట్యాంకులను నింపేలా చర్యలు తీసుకోవాలని ఆదేశించారు. ఇందుకు రెవెన్యూ, నీటిపారుదల, పంచాయతీరాజ్‌, పోలీస్‌ శాఖలు సమన్వయంతో పనిచేయాలన్నారు.

కర్నూలు(టౌన్‌): జిల్లాలోని అన్ని కోర్టుల ప్రాంగణాల్లో ఈనెల 12న జాతీయ లోక్‌ అదాలత్‌ నిర్వహిస్తున్నట్లు జిల్లా ప్రధాన న్యాయమూర్తి పి.వాసు తెలిపారు. సోమవారం స్థానిక జిల్లా కోర్టులోని కాన్ఫరెన్స్‌ హాలులో వీడియో కాన్ఫరెన్స్‌ నిర్వహించారు. ఆయన మాట్లాడుతూ కోర్టుల్లో పెండింగ్‌లోనివిల్‌, రాజీ కాదగిన కాంపౌండబుల్‌ క్రిమినల్‌ కేసులు, ఎకై ్సజ్‌ కేసులు, ఫ్యామిలీ కేసులు, చెక్‌బౌన్స్‌ కేసులను త్వరితగతిన పరిష్కరించేందుకు చర్యలు తీసుకోవాలన్నారు. ఎక్కువ కేసులు, 10 సంవత్సరాలు పైబడిన సివిల్‌ కేసులపై ప్రత్యేక దృష్టి సారించి లోక్‌ అదాలత్‌ను విజయవంతం చేయాలన్నారు. బార్‌ అసోసియేషన్‌ అధ్యక్షులు సహకారం అందించి ఎక్కువ కేసులు పరిష్కారమయ్యేలా చూడాలన్నారు. జిల్లా న్యాయసేవాధికార సంస్థ కార్యాదర్శి లీలా వెంకట శేషాద్రి, ఉమ్మడి కర్నూలు జిల్లాల న్యాయమూర్తులు, బార్‌ అసోసియేషన్‌ అధ్యక్షులు పాల్గొన్నారు.

బొమ్మలసత్రం: ఏపీ పోలీస్‌ స్పోర్ట్స్‌ మీట్‌లో సత్తాచాటిన నంద్యాల జిల్లా పోలీసులను సోమవారం జిల్లా పోలీసు కార్యాలయంలో ఎస్పీ సునిల్‌ షొరాన్‌ అభినందించారు. అనంతరం ఎస్పీ మాట్లాడుతూ.. నాగార్జున యూనివర్సిటీలో ఈనెల 1 నుంచి 4వ తేదీ వరకు పోటీలు నిర్వహించగా జిల్లా పోలీసులు ఏడు బంగారు, పది వెండి, 13 కాంస్య పతకాలు సాధించడం సంతోషమన్నారు. పోలీసు మహిళా విభాగంలో మార్షల్‌ ఆర్ట్స్‌, రెజ్లింగ్‌, ఆర్మ్‌ రెజ్లింగ్‌ తదితర క్రీడల్లో ఓవరాల్‌ చాంపియన్‌షిప్‌లో మొదటి స్థానంలో జిల్లా మహిళా పోలీసులు నిలవడం అభినందనీయమన్నారు. అలాగే పురుషులు రెండో స్థానంలో నిలవడం హర్షించదగ్గ విషయమన్నారు. జిల్లా అడిషనల్‌ ఎస్పీ ఖాదర్‌బాషా, ఏఆర్‌ అడిషనల్‌ ఎస్పీ చిన్నికృష్ణ, డీఎస్పీలు, శ్రీనివాసరావు, శ్రీనివాసరెడ్డి తదితరులు పాల్గొన్నారు.

ఆళ్లగడ్డ: అహోబిల క్షేత్రంలో ఏకాదశిని పురస్కరించుకుని సోమవారం విశేష పూజలు నిర్వహించారు. తెల్లవారుజామున మూలమూర్తులను సుప్రభాతసేవతో మేల్కొల్పి దివ్యదర్శనం అనంతరం నిత్యపూజలు చేశారు. అనంతరం ఉత్సవమూర్తులైన శ్రీదేవి, భూదేవి సమేత శ్రీ ప్రహ్లాదవరదస్వాములను ఆలయ ముఖద్వార మండపంలో కొలువుంచారు. పంచామృతాలతో అభిషేకించి వేద మంత్రోచ్ఛారణలు, మంగళవాయిద్యాల మధ్య ధూపదీపాలతో మహా మంగళహారతి అందించారు. రాత్రి విశేష అలంకరణలో స్వామి, అమ్మవార్లు పల్లకీపై కొలువుదీరి తిరువీధిలో విహరించారు.

బొమ్మలసత్రం: జిల్లా పోలీస్‌ కార్యాలయంలో సోమవారం నిర్వహించిన ప్రజా సమస్యల పరిష్కార వేదికకు 110 ఫిర్యాదులు అందాయి. ఈ సందర్భంగా ఎస్పీ సునీల్‌షొరాణ్‌ మాట్లాడుతూ.. కొన్ని ఫిర్యాదులను ఆయా పోలీస్‌ స్టేషన్‌ అధికారులతో మాట్లాడి పరిష్కరించామన్నారు. మరికొన్నింటిని ఆయా స్టేషన్‌ అధికారులకు బదిలీ చేశామన్నారు. ఫిర్యాదులు తిరిగి పునరావృతం కాకుండా చూడాలని అధికారులను ఆదేశించామన్నారు. పింఛన్లకు కొత్త దరఖాస్తుల స్వీకరణ నంద్యాల(న్యూటౌన్‌): ఎన్టీఆర్‌ భరోసా పింఛన్‌ పథకం కింద అర్హులైన కొత్త లబ్ధిదారుల నుంచి దరఖాస్తులను స్వీకరించేందుకు ప్రభుత్వం మార్గదర్శకాలను విడుదల చేసిందని జిల్లా కలెక్టర్‌ రాజకుమారి తెలిపారు. సోమవారం కలెక్టరేట్లోని పీజీఆర్‌ఎస్‌ హాల్లో ప్రజా సమస్యల పరిష్కార వేదిక కార్యక్రమం అనంతరం నూతన ఎన్టీఆర్‌ భరోసా పెన్షన్‌ పథకంపై జిల్లా, మండల స్థాయి అధికారులకు దిశానిర్దేశం చేశారు. ఈ సందర్భంగా కలెక్టర్‌ మాట్లాడుతూ.. ఎన్టీఆర్‌ భరోసా పింఛన్‌ పథకం కింద సెప్టెంబరు 7 నుంచి 16వ తేదీ వరకు స్వర్ణ గ్రామం, స్వర్ణ వార్డు కార్యాలయాల్లో కొత్త పింఛన్‌ దరఖాస్తులను స్వీకరించి, ఆన్‌లైన్‌ లో నమోదు చేయనున్నట్లు తెలిపారు. సమావేశంలో జాయింట్‌ కలెక్టర్‌ సూరజ్‌ ధనుంజయ్‌, డీఆర్‌ఓ రామునాయక్‌, జిల్లా అధికారులు పాల్గొన్నారు. పర్యాటక విశిష్టత అవార్డులకు దరఖాస్తుల ఆహ్వానం నంద్యాల(అర్బన్‌): సెప్టెంబర్‌ 27 ప్రపంచ పర్యాటక దినోత్సవాన్ని పురస్కరించుకొని రాష్ట్ర పర్యాటక విశిష్టత అవార్డులకు దరఖాస్తులు ఆహ్వానిస్తున్నట్లు జిల్లా టూరిజం శాఖ అధికారి సునీల్‌కన్నా సోమవారం ఒక ప్రకటనలో తెలిపారు. దరఖాస్తులను ఈనెల 18లోగా ముఖ్య కార్యనిర్వాహక అధికారి ఆంధ్రప్రదేశ్‌ పర్యాటక ప్రాధికార సంస్థ 5వ అంతస్తు, స్టాలిస్‌ కార్పొరేట్‌ ఆటోనగర్‌ విజయవాడకు పంపాలన్నారు. దరఖాస్తులను నిర్దేశిత నమూనాలో పోస్టు ద్వారా, స్వయంగా ఆర్డ్‌ కాపీ సమర్పించాలన్నారు. ప్రతి దరఖాస్తుతో 100 పదాలకు మించని సంక్షిప్త వివరణ ఉండాలన్నారు. వివరాలకు సెల్‌ : 9440841126, 8297098022కు సంప్రదించాలన్నారు. డ్రంకెన్‌ డ్రైవ్‌తో బస్సు డ్రైవర్‌కు జైలు చాగలమర్రి: మద్యం సేవించి బస్సు నడుపుతున్న వ్యక్తికి ఆళ్లగడ్డ స్పెషల్‌ కోర్టు మెజిస్ట్రేట్‌ రవికుమార్‌ ఐదు రోజులు సాధారణ జైలు శిక్ష విధించినట్లు చాగలమర్రి ఎస్‌ఐ ఎం. రాజారెడ్డి తెలిపారు. పోలీసులు తెలిపిన వివరాల ప్రకారం.. సెప్టెంబరు 7వ తేదీ తెల్లవారుజామున చాగలమర్రి టోల్‌ ప్లాజా వద్ద వాహనాల తనిఖీ చేస్తుండగా డ్రైవర్‌ విట్టల్‌ అతిగా మద్యం సేవించి హైదరాబాద్‌ నుంచి బస్సు నడుపుతూ వస్తున్నాడు. వాహనాన్ని ఆపి బ్లీతింగ్‌ అనలైజర్‌తో పరీక్షించగా 200ఎంజి పరిమితికి మించి మెతాదు నిర్ధారణ అయ్యింది. నిందితున్ని అరెస్టు చేసి ఆళ్లగడ్డ స్పెషల్‌ మెజిస్ట్రేట్‌ రవికుమార్‌ ఎదుట హాజరుపరచగా ఐదు రోజుల సాధారణ జైలు శిక్ష విధించినట్లు ఎస్‌ఐ ఎం రాజారెడ్డి తెలిపారు. అమ్మానాన్న మృతితో అనాథలుగా... ఆళ్లగడ్డ: తల్లిదండ్రులు మృతిచెందడంతో ఇద్దరు చిన్నారులు అనాథలుగా మారారు. ఈ విషాద ఘటన ఆళ్లగడ్డ పట్టణంలో చోటు చేసుకుంది. పట్టణంలోని పాలసాగరం సమీపంలో నివాసముండే కరీం బాషా (37), అతని భార్య నశీమున్‌లు ఇంట్లో వివిధ రకాల నూనెలను గానుగ ఆడించి జీవనం కొనసాగించే వారు. ఆరు నెలల కింత్రం నశీమున్‌ గానుగ మిషన్‌ ఆడిస్తూ ప్రమాదవశాత్తు అందులో పడి మృతి చెందారు. అప్పటి నుంచి ఇద్దరు కుమార్తెలు తస్లీం, సోఫియాల బాధ్యతను తండ్రి కరీం బాషా తీసుకున్నాడు. అయితే ఆదివారం రాత్రి గుండోపోటు రావడంతో మృతి చెందాడు. సోమవారం ఉదయం తండ్రి ఎంతకూ లేకపోవడంతో చిన్నారులు వెళ్లి ఎంత పిలిచినా పలకలేదు. భయపడిన చిన్నారులు గట్టిగా ఏడుస్తూ కేకలు వేయడంతో ఇరుగు పొరుగు వారు వచ్చి చూసి గుండెపోటుతో మృతి చెందినట్లు గుర్తించారు. తల్లిదండ్రులు లేక ఆ చిన్నారులు అనాథలుగా నిలిచారు. రాష్ట్ర ప్రభుత్వంస్పందించి ఆ చిన్నారుల చదువుల బాధ్యతను స్వీకరించి ఆదుకోవాలని ప్రజలు కోరుతున్నారు.కరీం బాషా కుమార్తెలు

తమకు అందించాల్సిన గౌరవ వేతనాలను పూర్తి స్థాయిలో పెండింగ్‌లో పెట్టడంతో జెడ్పీటీసీ సభ్యులు రాష్ట్ర అత్యున్నత న్యాయస్థానాన్ని ఆశ్రయించారు. ఈ అంశంపై పలుమార్లు జెడ్పీ సీఈఓ, ప్రభుత్వం దృష్టికి తీసుకువచ్చినా, ఎలాంటి ఫలితం కనిపించడం లేదని వారు ఆందోళన వ్యక్తం చేస్తున్నారు. పక్కనున్న వైఎస్సార్‌ కడప జిల్లాకు చెందిన జెడ్పీటీసీ సభ్యులకు జిల్లా పరిషత్‌ సాధారణ నిధుల నుంచి వేతనాలను అందించాలని ప్రభుత్వం ఉత్తర్వులను జారీ చేసింది. తమకు కూడా వేతనాలను అందించాలని ఉమ్మ డి జిల్లాకు చెందిన జెడ్పీటీసీలు కోరుతున్నారు. మరో ఇరవై రోజుల్లో తమ పదవీ కాలం పూర్తి అవుతున్న దృష్ట్యా పెండింగ్‌లో ఉంచిన గౌరవ వేతనాలను చెల్లించాలని స్థానిక సంస్థలకు చెందిన ప్రజా ప్రతినిధులు కోరుతున్నారు. ఆళ్లగడ్డ: ప్రజలు ఎన్నుకున్న ప్రజాప్రతినిధులు వారంతా.. పాలనా పరమైన అంశాల్లో వారి ఆమోదం (కోరం) తప్పనిసరి. ప్రభుత్వ కార్యక్రమాల్లో అధికారికంగా పాల్గొనాల్సిన వారిని చంద్రబాబు ప్రభుత్వం కరివేపాకులా తీసి పారేసింది. పంచాయతీరాజ్‌, గ్రామీణాభివృద్ధి శాఖలో అనేక సంస్కరణలు తీసుకువస్తున్నట్లు ప్రకటిస్తూ చిన్న చూపు చూస్తోంది. మరో ఇరవై రోజుల్లో జెడ్పీటీసీ, ఎంపీటీసీ సభ్యుల పదవీ కాలం ముగుస్తున్నా.. నేటికీ ప్రభుత్వం వేతనాల రూపంలో వీరికి కోట్ల రూపాయలను బకాయి పెట్టింది. స్థానిక సంస్థల ప్రజాప్రతినిధులకు అందించే గౌరవ వేతనాల విషయంలో రాష్ట్ర ప్రభుత్వం చాలా నిర్లక్ష్యంగా వ్యవహరిస్తోందనే అభిప్రాయం సర్వత్రా వ్యక్తమవుతోంది. అధికారంలోకి వచ్చినప్పటి నుంచి అదే తంతు! ‘మేం అధికారంలోకి వచ్చిన వెంటనే ఎంపీటీసీ సభ్యుల గౌరవ వేతనం పెంచుతాం.. స్థానిక సంస్థలకు పూర్వ వైభవం తెస్తాం’.. అని టీడీపీ అధినే చంద్రబాబు ఎన్నికల సమయంలో హామీ ఇచ్చారు. అధికారంలోకి వచ్చాక వేతనం పెంచడం దేవుడెరుగు పదవీకాలం ముగుస్తున్నా గౌరవ వేతనాన్ని ఇవ్వకుండా ఎంపీటీసీ సభ్యులను తీవ్రంగా వేధించారు. హోదాలో జిల్లా ప్రథమ పౌరుడైన జిల్లా పరిషత్‌ చైర్మన్‌కు ప్రభుత్వం నెలకు రూ.40 వేలు, జెడ్పీటీసీ సభ్యులకు రూ.6 వేలు, మండల పరిషత్‌ అధ్యక్షులకు రూ.6 వేలు, మండల పరిషత్‌ ప్రాదేశిక సభ్యులకు (ఎంపీటీసీలకు) రూ.3 వేలను గౌరవ వేతనంగా అందించాల్సి ఉంది. ఈ మొత్తం కేవలం వారి హోదాను గౌరవించి ఇవ్వాల్సి ఉంది. అయితే రాష్ట్రంలో కూటమి ప్రభుత్వం అధికారంలోకి వచ్చినప్పటి నుంచి ఇప్పటి వరకు జెడ్పీ చైర్మన్‌, జెడ్పీటీసీ, ఎంపీపీ, ఎంపీటీసీ సభ్యులకు సంబంధించిన గౌరవ వేతనాలపై పెదవి విప్పడం లేదు. గత వైఎస్సార్‌సీపీ ఐదేళ్ల పాలనలో స్థానిక సంస్థల ప్రజా ప్రతినిధుల గౌరవ వేతనాలకు ఎప్పటికప్పుడు నిధులు విడుదలవుతూ వచ్చాయి. 2024 ఎన్నికల కంటే ముందు మూడు, నాలుగు నెలలు మినహా మిగిలిన ఐదు సంవత్సరాల్లో గౌరవ వేతనాలను రెగ్యులర్‌గా విడుదల చేశారు. చంద్రబాబు ప్రభుత్వం ఏర్పడినప్పటి నుంచి ఈ ఏడాది ఆగస్టు వరకు దాదాపు 27 నెలలుగా స్థానిక సంస్థలకు చెందిన ప్రజా ప్రతినిధులకు చెల్లించాల్సిన గౌరవ వేతనాలను ప్రభుత్వం పెండింగ్‌లో పెట్టింది. పలు సమావేశాల్లో అడుగుతున్నా.. ఉమ్మడి కర్నూలు జిల్లాలోని పలు మండలాల్లో జరుగతున్న మండల సర్వసభ్య సమావేశాల్లో సభ్యులు తమ వేతనాలకు సంబంధించి పలు మార్లు ప్రశ్నిస్తున్నా, వినతి పత్రాలు అందిస్తున్నా, నేటి వరకు ఎలాంటి ఫలితం కనిపించడం లేదు. ఈ నేపథ్యంలోనే జిల్లా పరిషత్‌ సర్వసభ్య సమావేశాల్లో కూడా పలువురు సభ్యులు ఈ అంశాన్ని ప్రస్తావించినా, ఆశించిన స్థాయిలో ప్రయోజనం కనిపించడం లేదనే విమర్శలు ఉన్నాయి. జెడ్పీటీసీ, ఎంపీటీసీ సభ్యుల గౌరవ వేతనాలకు సంబంధించి జిల్లా పరిషత్‌ కార్యాలయం నుంచి పలుమార్లు పీఆర్‌అండ్‌ఆర్‌డీ కార్యాలయానికి కరస్పాండెన్స్‌ జరుగుతున్నా, వేతనాలు విడుదల చేసే అంశంలో మాత్రం స్పష్టత కొరవడింది. జెడ్పీటీసీలకు అందించాల్సిన గౌరవ వేతనాలకు సంబంధించిన బిల్లులను ఎప్పటికప్పుడు అప్‌లోడ్‌ చేశాం. గతంలో జెడ్పీటీసీలు అందించిన వినతి పత్రాలను కూడా ప్రభుత్వానికి పంపించారు. జిల్లా పరిషత్‌ సాధారణ నిధుల నుంచి జెడ్పీటీసీలకు గౌరవ వేతనాలు చెల్లించాలని ప్రభుత్వం నుంచి ఆదేశాలు వస్తే చెల్లించేందుకు చర్యలు తీసుకుంటాం. – ఆర్‌.సుధాకర్‌రెడ్డి, జెడ్పీ సీఈఓ అధికారిక లెక్కల ప్రకారం జెడ్పీ చైర్మన్‌తో పాటు జెడ్పీటీసీ, ఎంపీపీ, ఎంపీటీసీలకు ప్రభుత్వం ఈ ఏడాది ఆగష్టు నెల వరకు రూ.10,38,11,463లను బకాయి పడింది. జెడ్పీ చైర్మన్‌కు నెలకు రూ.40 వేల ప్రకారం 27 నెలలకు రూ.10.80 లక్షలు 52 మంది జెడ్పీటీసీ, కోఆప్షన్‌ సభ్యులకు నెలకు రూ.6 వేల ప్రకారం 27 నెలలకు రూ. 87.48లక్షలు 53 మంది ఎంపీపీ, 778 మంది ఎంపీటీసీలకు రూ.7,16,04,000 స్థానిక ప్రజాప్రతినిధులపై చంద్రబాబు ప్రభుత్వం ‘చిన్న చూపు’ జెడ్పీ చైర్మన్‌, జెడ్పీటీసీ సభ్యులకు 27 నెలలుగా అందని గౌరవ వేతనం ఎంపీపీ, ఎంపీటీసీ సభ్యులదీ ఇదే పరిస్థితి వీరికి ప్రభుత్వం చెల్లించాల్సింది రూ.8.95 కోట్లు మొత్తంగా రూ. 10.38 కోట్లు పెండింగ్‌ మరో 20 రోజుల్లో ముగియనున్న స్థానిక ప్రజాప్రతినిధుల పదవీ కాలం

ప్రతి నెలా ఇవ్వాల్సిన గౌరవ వేతనాలను పెండింగ్‌లో పెట్టడమేంటి? ఈ విషయంపై సహచర జెడ్పీటీసీలతో కలిసి సీఈఓ దృష్టికి తీసుకుపోయాం. నేటి వరకు గౌరవ వేతనాలను ప్రభుత్వం విడుదల చేయలేదు. రవాణా ఖర్చులు కూడా ఇవ్వడం లేదు. – డీ దొరబాబు, జెడ్పీటీసీ సభ్యుడు, ఆస్పరి గౌరవ వేతనాలను అందించే విషయంలో జరుగుతున్న జాప్యంపై ఇప్పటికే సహచర జెడ్పీటీసీలతో కలిసి న్యాయస్థానాన్ని ఆశ్రయించాం. పక్కనున్న వైఎస్సార్‌ కడప జిల్లాలో జెడ్పీ సాధారణ నిధుల నుంచి పెండింగ్‌లో ఉన్న జెడ్పీటీసీల గౌరవ వేతనాలను విడుదల చేయాలని ప్రభుత్వం ఆదేశాలు జారీ చేసింది. – ఈ రంగనాథ్‌గౌడ్‌, జెడ్పీటీసీ సభ్యుడు, ఓర్వకల్లు సర్పంచ్‌ కాలం గడువు ముగిసినా మేం ఇంకా పదవిలోనే కొనసాగుతున్నాం. అయినా పాలన అంతా ఎలాంటి పదవులు లేని టీడీపీ నేతలతోనే కొనసాగిస్తున్నారు. అధికారులు సైతం ప్రొటోకాల్‌ పాటించడం లేదు. గౌరవం ఇవ్వక పోయినా వేతనమైనా ఇస్తుందనుకుంటే అదీలేదు. గడువు ముగిసే లోపైనా ఇస్తారో లేదో? – ఎద్దుల రాజేశ్వరి, ఎఎంపీటీసీ సభ్యురాలు, చింతలచెరువు, చాగలమర్రి మండలం టీడీపీ అధికారంలోకి వచ్చినప్పటి నుంచి మాకు ఒక్క రూపాయి కూడా గౌరవ వేతనం ఇవ్వలేదు. నాకు రూ. 78 వేల వేతనం రావాలి? ఎప్పుడు ఇస్తారో తెలియదు. సొంత ఖర్చులతో ప్రతి మండల సమావేవానికి హాజరయ్యా. పదవీ కాలం ముగిసేలోపైనా బకాయిలు చెల్లిస్తారో లేదో? – పెద్ద పేరయ్య, ఎంపీటీసీ సభ్యుడు, హరివరం, ఉయ్యాలవాడ మండలం

● శ్రీశైలం ఎమ్మెల్యే బుడ్డా రాజశేఖరరెడ్డి తీరుపై వైఎస్సార్‌సీపీ రాష్ట్ర కార్యదర్శి బుడ్డా శేషారెడ్డి ధ్వజం వెలుగోడు: ఎల్‌నినో ప్రభావంతో రైతులు సాగునీటి కోసం తీవ్ర ఇబ్బందులు పడుతుంటే శ్రీశైలం ఎమ్మెల్యే బుడ్డా రాజశేఖర్‌రెడ్డి పొలానికి మాత్రం సాగునీరు ఎలా అందుతోందని వైఎస్‌ఆర్‌సీపీ రాష్ట్ర కార్యదర్శి బుడ్డా శేషారెడ్డి ప్రశ్నించారు. రైతుల కష్టాలను వివరిస్తూ, ఎమ్మెల్యే తీరును ఎండగడుతూ సోమవారం బుడ్డా శేషారెడ్డి ఓ వీడియో రిలీజ్‌ చేశారు. ‘‘ఒకవైపు ఎల్‌నినో ప్రభావంతో రైతులు సాగునీటి కోసం అల్లాడుతున్నారు. తాగునీటికి మాత్రమే నీళ్లు విడుదల చేస్తున్నామని అధికార పార్టీ నాయకులు, అధికారులు చెబుతున్నారు. అలాంటప్పుడు చెరువులు, కుంటలు నింపి పశువులకు నీరు అందించడంతో పాటు భూగర్భ జలాలను అభివృద్ధి చేయాల్సిన బాధ్యత ప్రభుత్వంపై ఉంది. కానీ కృష్ణా జలాలను, కాలువల ద్వారా వస్తున్న నీటిని చెరువులకు మళ్లించకుండా శ్రీశైలం ఎమ్మెల్యే బుడ్డా రాజశేఖర్‌రెడ్డి పొలానికి మాత్రం నేరుగా నీరు ఎలా పారుతోంది?’’ అని బుడ్డా శేషారెడ్డి ప్రశ్నించారు. మిగతా రైతుల పరిస్థితి ఏంటి? ‘‘కాలువల వెంట ఇరిగేషన్‌ అధికారులు, లస్కర్లను, సిబ్బందిని కాపలాగా పెట్టి తూముల వద్ద నిఘా ఏర్పాటు చేస్తున్నారు. ఆ నిఘా అంతా ఎమ్మెల్యే పొలాలకు నీళ్లు సక్రమంగా చేరేందుకేనా? మేడం కలెక్టర్‌ గారు, ఎస్పీ గారు క్షేత్రస్థాయిలోకి వచ్చి రైతుల పొలాలను పరిశీలించండి. పక్కనే ఉన్న పొలాలు నెర్రెలు వారి ఎండిపోతుంటే ఎమ్మెల్యే పొలంలో మాత్రం మనుషులను పెట్టి నీళ్లు పారిస్తున్నారు. మొన్ననే ఒక రైతు కొత్తగా బోరు వేసినా భూగర్భ జలాలు అందక కొద్దిసేపు నీరు వచ్చి మళ్లీ ఆగిపోతున్నాయి. నారుమడులు పూర్తిగా ఎండిపోయాయి. ఇటువంటి పరిస్థితుల్లో చెరువులు, కుంటలు నింపితే భూగర్భ జలాలు అభివృద్ధి చెందుతాయి. సొంత పొలాలకు మాత్రమే నీరు మళ్లించుకుంటే మిగతా రైతుల పరిస్థితి ఏంటి?’’ అని ఆవేదన వ్యక్తం చేశారు. చెప్పేది ఒకటి.. చేసేది మరొకటి ‘‘తెలుగుగంగ, కేసీ కెనాల్‌, ఇతర కాలువలకు నీళ్లు బ్రహ్మాండంగా పారినప్పుడు తాను రైతునని చెప్పుకోవడం సులభమే. పక్క రైతులు ప్రశ్నిస్తే అహంకారంతో సమాధానం చెప్పకుండా, ప్రజల కడుపుకొట్టే విధంగా వ్యవహరించడం ఎంతవరకు సమంజసం? చెప్పేది ఒకటి.. చేసేది మరొకటి అన్నట్టుగా వ్యవహరించకండి. రైతులందరికీ సమానంగా సాగునీరు అందించండి.’’ అని బుడ్డా శేషారెడ్డి పేర్కొన్నారు.

● రోడ్డు ప్రమాదంలో మహిళ మృతి ఆదోని అర్బన్‌: పట్టణ శివారులోని ఆలూరు–సిరుగుప్ప బైపాస్‌లోని పర్వతాపురం క్రాస్‌ వద్ద సోమవారం జరిగిన రోడ్డు ప్రమాదంలో ఓ మహిళ మృతి చెందింది. ట్రాఫిక్‌ పోలీసులు తెలిపిన వివరాల మేరకు.. కర్ణాటక రాష్ట్రం బళ్లారి జిల్లాలోని బుడుదూ రు గ్రామానికి చెందిన సోమశేఖర్‌, శాంతమ్మ(21)కు నాలుగు నెలల క్రితం వివాహమైంది. శ్రావణ మాసం కావడంతో బైక్‌పై బాబాయి కొడుకు ఆకాష్‌తో కలసి ఉరుకుంద క్షేత్రానికి బయలుదేరారు. ఆదోని పట్టణ సమీపంలోని ఆలూరు–సిరుగుప్ప బైపాస్‌లోని పర్వతాపురం క్రాస్‌ వద్ద స్పీడు బ్రేకర్‌ను గమనించకుండా వేగంగా వెళ్లడంతో వెనుక కూర్చున్న శాంతమ్మ(21) ఎగిరి కింద పడటంతో తీవ్రంగా గాయపడింది. ఆ క్రమంలో బైక్‌ అదుపు తప్పి కింద పడటంతో బాలుడు ఆకాష్‌కు గాయాలయ్యాయి. వెంటనే ఇద్దరిని ఆదోని ప్రభుత్వ ఆసుపత్రికి తరలించారు. వైద్యులు పరీక్షించి శాంతమ్మ అప్పటికే మృతి చెందినట్లు వైద్యులు నిర్ధారించారు. కేసు నమోదు చేసి దర్యాప్తు చేస్తున్నట్లు పోలీసులు తెలిపారు.

కర్నూలు(సెంట్రల్‌): నంద్యాలలో జర్నలిస్టులపై అక్రమ కేసులు పెట్టి అరెస్టు చేయడం అన్యాయమని ఏపీడబ్ల్యూజేఎఫ్‌ రాష్ట్ర కార్యవర్గ సభ్యుడు గోరంట్లప్ప, జిల్లా నాయకులు టీజీ ప్రసాదు, నగర అధ్యక్షుడు ఎం.శివశంకర్‌ అన్నారు. జర్నలిస్టుల అరెస్టులను నిరసిస్తూ సోమవారం కలెక్టరేట్‌ ఎదుట నిరసన కార్యక్రమం చేపట్టారు. ఈ సందర్భంగా వారు మాట్లాడుతూ.. నంద్యాలలో మంత్రి ఎన్‌ఎండీ ఫరూక్‌ కుమారులు చేస్తున్న అక్రమాలు, అన్యాయాలపై ఐ న్యూస్‌ చానెల్‌ చేసిన కథనంపై టీడీపీ నాయకులు, పోలీసులు వ్యవహరించిన తీరు దారుణంగా ఉందన్నారు. మొదటగా కొందరు టీడీపీ నాయకులు వార్తా కథనాన్ని యూట్యూబ్‌ నుంచి తొలగించాలని పోలీసుల ద్వారా రాయబారం నడిపారన్నారు. అయితే కథనాన్ని తొలగించే అధికారం తమ చేతిలో ఉండదని రిపోర్టర్లు చెప్పడంతో వారిపై డబ్బులు డిమాండ్‌ చేశారనే ఆరోపణలతో ఓ టీడీపీ నాయకుడితో ఫిర్యాదు తీసుకొని ముగ్గురు రిపోర్టర్లపై కేసు నమోదు చేయడం అన్యాయమన్నారు. అంతేగాక నంద్యాలలో ఉంటున్న ఇద్దరు రిపోర్టర్లను అర్ధరాత్రి ఇంటికి వెళ్లి కుటుంబ సభ్యు లు భయపడేలా అరెస్టు చేశారని, మరొకరి కోసం గాలిస్తున్నట్లు తెలుస్తోందన్నారు. ప్రజాస్వామ్యంలో నాలుగో స్తంభమైన మీడియాపై అక్రమ కేసులతో భయభ్రాంతులకు గురి చేయడం అన్యాయమన్నారు. అరెస్టు చేసిన వారిని వెంటనే విడుదల చేయాలని, కేసులను పూర్తిగా ఎత్తి వేయాలని కోరారు. జర్నలిస్టు సంఘాల నాయకులు పాల్గొన్నారు.

గోనెగండ్ల: రైతులు వర్షాభావ పరిస్థితులను అధిగమించాలని, ఇందుకు వ్యవసాయ అధికారుల సలహాలు, సూచనలు తీసుకోవాలని కేవీకే కార్యక్రమ సమన్వయకర్త డాక్టర్‌ కె. రాఘవేంద్ర చౌదరి, విస్తరణ శాస్త్రవేత్త డాక్టర్‌ టీ. చందన అన్నారు. సోమవారం కేవీకే బనవాసి ఆధ్వర్యంలో తాడిపత్రి జేసి దివాకర్‌ రెడ్డి వ్యవసాయ కళాశాల బీఎస్సీ అగ్రికల్చర్‌ చివరి సంవత్సరం 10 మంది విద్యార్థులతో కలసి పిల్లిగుండ్ల, ఒంటెడుదిన్నె గ్రామాల్లో పీఆర్‌ఏ పద్ధతులపై గ్రామీణ అవగాహన కార్యక్రమం చేపట్టారు. రైతులతో కలిసి గ్రామ పటం, రిసోర్స్‌ మ్యాపింగ్‌, ప్రాబ్లమ్‌ ట్రీ వంటి పీఆర్‌ఏ పద్ధతులను వివరించారు. మిరప, పత్తి, ఉల్లి తదితర పంటల్లో రైతులు ఎదుర్కొంటున్న సమస్యలను వివరించారు. వర్షాభావ పరిస్థితుల్లో దెబ్బతిన్న పంటలను క్షేత్రస్థాయిలో పరిశీలించి, గులాబీ రంగు పురుగు, పచ్చదోమ, తెల్లదోమ నివారణకు పసుపు నీలం జిగురు అట్టలను ఎకరానికి 10 చొప్పున ఏర్పాటు చేసుకోవాలన్నారు. పత్తిలో 13–0–45, మెగ్నీషి యం సల్ఫెట్‌ పిచికారి, వీఏఎం వినియోగం ద్వారా మొక్కల ఒత్తిడి తట్టుకునే శక్తి, పోషకాల వినియోగ సామర్థ్యాన్ని పెంచుకోవాలని రైతులకు శాస్త్రవేత్తలు సూచించారు. ఉల్లిలో తామర పురుగు, ఆకు మాడు సమస్యలకు ట్రైకోడెర్మా, సూడోమోనాస్‌ ఆధారిత జీవ నియంత్రణ పద్ధతులను వివరించారు. కార్యక్రమంలో కేవీకే సిబ్బంది, విద్యార్థులు, రైతులు పాల్గొన్నారు.

భూత్పూర్‌: జాతీయ రహదారిపై భూత్పూర్‌ పట్టణ సమీపంలోని బ్రిడ్జిపై ఆదివారం అర్ధరాత్రి జరిగిన రోడ్డు ప్రమాదంలో ఇద్దరు ప్రాణాలు కోల్పోగా.. ఓ మహిళ స్వల్ప గాయాలతో బయటపడింది. ఎస్‌ఐ నాగయ్య తెలిపిన వివరాల ప్రకారం.. ఆదివారం అర్ధరాత్రి జడ్చర్ల నుంచి కర్నూలు వైపు కోళ్ల లోడ్‌తో వెళ్తున్న ఓ డీసీఎం టైరు పంచర్‌ కావడంతో బ్రిడ్జిపై కుడివైపున ఆగిపోయింది. అదే సమయంలో వెనుక నుంచి కారులో వస్తున్న హరీశ్‌గౌడ్‌(26) పరిస్థితిని గమనించి డీసీఎం వెనుక కారును నిలిపాడు. ఇంతలో వెనుక నుంచి వేగంగా వచ్చిన మరో డీసీఎం కారును బలంగా ఢీకొట్టింది. దీంతో కారు ముందున్న డీసీఎం కిందకు దూసుకెళ్లింది. ఈ ప్రమాదంలో కారు నడుపుతున్న హరీశ్‌గౌడ్‌, కారును ఢీకొట్టిన డీసీఎం డ్రైవర్‌ జి.శేఖర్‌ (30) అక్కడికక్కడే మృతిచెందారు. వివాహానికి వెళ్తుండగా విషాదం మృతుడు హరీశ్‌గౌడ్‌ హైదరాబాద్‌లో కారు మెకానిక్‌గా పనిచేస్తున్నారు. ఆదివారం రాత్రి భార్య కల్యాణితో కలిసి బంధువుల వివాహానికి హాజరయ్యేందుకు ఆంధ్రప్రదేశ్‌లోని ఆదోని డివిజన్‌ బుర్కుంట గ్రామంలోని స్వగ్రామానికి బయలుదేరాడు. మార్గమధ్యంలో జరిగిన ప్రమాదం ఆ కుటుంబంలో విషాదాన్ని నింపింది. కల్యాణికి స్వల్ప గాయాలు కావడంతో 108 వాహనంలో మహబూబ్‌నగర్‌ జనరల్‌ ఆస్పత్రికి తరలించి చికిత్స అందించారు.

బేతంచెర్ల: పట్టణంలోని అల్లా బకాష్‌ దర్గా కాలనీలో మహిళపై దాడి చేసిన ముగ్గురు నిందితులను అరెస్టు చేసి రిమాండ్‌కు పంపినట్లు ఎస్‌ఐ రమేష్‌ బాబు సోమవారం తెలిపారు. వివరాల మేరకు.. గత నెల 31 పాత కక్షల నేపథ్యంలో మినుగ విజయ్‌, అతని అనుచరులు హసన్‌, విక్రమ్‌లు షేక్‌ హుస్సేన్‌బీ ఇంటికి వెళ్లి ఆమె కుమారుడిని చూపించాలంటూ ఆమెతో గొడవపడి దాడి చేసి గాయపరిచారు. ఈ ఘటనపై కేసు నమోదు చేసిన పోలీసులు ముగ్గురు నిందితులను సోమవారం కర్నూలు రహదారిలోని ఆంజనేయ స్వామి ఆలయం వద్ద అరెస్టు చేశారు. అనంతరం డోన్‌ కోర్టులో హాజరు పరచగా మెజిస్ట్రేట్‌ ముగ్గురికి రిమాండు విధించినట్లు ఎస్‌ఐ రమేష్‌ బాబు వెల్లడించారు. రోడ్డు ప్రమాదంలో వ్యక్తి మృతి పాములపాడు: కర్నూలు – ఆత్మకూరు రహదారిపై జరిగిన రోడ్డు ప్రమాదంలో కంబాలపల్లి గ్రామా నికి చెందిన గొల్ల జయకృష్ణ (26) మృతి చెందాడు. స్థానికులు తెలిపి న వివరాల మేరకు.. కర్నూలు నుంచి ఆత్మకూరు వైపు వెళ్తున్న ట్రాలీ వాహనం పంచర్‌ కావడంతో రహదారిపై పక్కకు నిలిపారు. పాములపాడు వైపు నుంచి బైక్‌పై జయ కృష్ణ స్వగ్రామానికి వెళ్తుండగా కంబాలిపల్లి వద్ద అదుపుతప్పి నిలిచి వున్న ట్రాలీ వాహనాన్ని ఢీకొన్నాడు. దీంతో తీవ్ర గాయాలు కావడంతో ఆత్మకూరు ప్రభుత్వ వైద్యశాలకు తరలించగా అప్పటికే మృతి చెందినట్లు డాక్టర్‌ నిర్ధారించారు. ఈ ఘటనపై పాములపాడు ఎస్‌ఐ తిరుపాలు కేసు నమోదు చేసుకొని దర్యాప్తు చేపట్టినట్లు తెలిపారు. మృతుడికి భార్య కళ్యాణి, ఇద్దరు కుమారులు ఉన్నారు. మెట్లపై నుంచి పడి..ఆదోని అర్బన్‌: పెద్దతుంబలం గ్రామానికి చెందిన రజాక్‌(35) సోమవారం ఇంట్లో మెట్లపై నుంచి కింద పడి మృతి చెందినట్లు పెద్దతుంబలం ఎస్‌ఐ విద్యశ్రీ తెలిపారు. తలకు తీవ్ర గాయాలు కావడంతో అక్కడికక్కడే మృతిచెందరన్నారు. మృతుడి భార్య గౌసియా, ఇద్దరు పిల్లలు ఉన్నారన్నారు. కేసు నమోదు చేసుకుని దర్యాప్తు చేస్తున్నట్లు ఎస్‌ఐ తెలిపారు. ఉరుకుందలో గుర్తు తెలియని వ్యక్తి మృతి కౌతాళం: ఉరుకుంద గ్రామం ఈరన్నస్వామి దేవాలయ పరిసర ప్రాంతంలోని ఆర్టీసీ బస్టాండ్‌ సమీపంలో సోమవారం దాదాపు 50 ఏళ్ల వయస్సు ఉన్న గుర్తు తెలియని వ్యక్తి మృతి చెందాడు. స్థానికులు సమాచారం కౌతాళంలో పోలీసులు ఘటన స్థలానికి చేరుకుని శవాన్ని పరిశీలించారు. మృతునికి సంబంధించిన ఆధారాలు లభించకపోవడంతో గుర్తు తెలియని శవంగా కేసు నమోదు చేసి దర్యాప్తు చేస్తున్నట్లు సీఐ యుగంధర్‌ తెలిపారు. మృతుని గురించి సమాచారం తెలిస్తే కౌతాళం పోలీసులను ఆశ్రయించాలన్నారు. కర్నూలు(హాస్పిటల్‌): చిన్న వయస్సులో గర్భం దాల్చడం తల్లీబిడ్డలకు ప్రమాదకరమని రాష్ట్రీయ కిశోర స్వాస్త్య కార్యక్రమ కన్సల్టెంట్‌ మల్లికార్జున చెప్పారు. సోమవారం కర్నూలు నగరంలోని పెద్దమార్కెట్‌ వద్ద ఉన్న ప్రభుత్వ బాలికల ఉన్నత పాఠశాలలో విద్యార్థినులకు టీనేజ్‌ గర్భంపై అవగాహన కార్యక్రమం నిర్వహించారు. కిశోర బాలికలకు బాల్యవివాహాల నివారణ, టీనేజీ గర్భదారణ దుష్పరిణామాలు, గర్భాశయ ముఖ ద్వార క్యాన్సర్‌ వ్యాక్సిన్‌పై అవగాహన కల్పించారు. బాల్యవివాహాలకు బలవంతం చేస్తే 1098కు సమాచారం ఇవ్వాలని సూచించారు. ఫ్లోరోసిస్‌ కన్సల్టెంట్‌ సుధాకర్‌ మాట్లాడుతూ నిల్వ చేసిన జంక్‌ఫుడ్‌ తినడం వల్ల ఆరోగ్య సమస్యలు వచ్చే అవకాశం ఉందన్నారు. ఉపాధ్యాయులు శ్రీవిద్య, ప్రొజెక్షనిస్టు ఖలీల్‌ పాల్గొన్నారు. టార్చ్‌ లైట్లతో నిరసన ఆదోని రూరల్‌: రాత్రి వేళ విద్యుత్‌ కోతలకు వ్యతిరేకంగా మండలంలోని పాండవగల్లులో సోమవారం రాత్రి సీపీఎం నాయకులు టార్చ్‌లైట్ల నిరసన వ్యక్తం చేశారు. ఈ సందర్భంగా సీపీఎం మండల కార్యదర్శి లింగన్న, మండల కార్యదర్శివర్గ సభ్యులు జె.రామాంజనేయులు మాట్లా డుతూ.. రాత్రి సమయాల్లో అధికారులు విద్యుత్‌ కోతలు విధించడం ఏమిటని ప్రశ్నించారు. ఉదయం పనులకు వెళ్లి సాయంత్రానికి ఇంటికి చేరుకున్న కూలీలు, ప్రజలకు విద్యుత్‌ కోతల వల్ల ఇబ్బందులు పడుతున్నారన్నారు. అప్రకటిత విద్యుత్‌ కోతలను నిలిపివేయకపోతే పెద్ద ఎత్తున విద్యుత్‌ సబ్‌స్టేషన్‌ ఎదుట ఆందోళన చేస్తామని హెచ్చరించారు. ఆందోళనలో సీపీఎం నాయకులు పాండురంగ, అనీఫ్‌బాషా, పార్టీ సభ్యులు నర్సిరెడ్డి, హనుమంతరెడ్డి, కొండయ్య, తాయప్ప, భీమాంజి, నాగరాజు పాల్గొన్నారు.

● మున్సిపల్‌ పారిశుద్ధ్య కార్మికురాలిపై దాడికి పాల్పడిన ఆరుగురు నిందితుల అరెస్ట్‌ఆదోని అర్బన్‌: మున్సిపల్‌ పారిశుద్ధ్య కార్మికురాలు నరసమ్మపై జరిగిన హత్యాయత్నం కేసును ఆదోని పోలీసులు 24 గంటల్లో ఛేదించారు. దారుణానికి ఒడిగట్టిన ఆరుగురు నిందితులను అరెస్ట్‌ చేశారు. స్థానిక టూటౌన్‌ పోలీస్‌స్టేషన్‌లో సోమవారం డీఎస్పీ వెంకటరమణ, టూటౌన్‌ సీఐ రాజశేఖర్‌రెడ్డి కేసు వివరాలను మీడియాకు వెల్లడించారు. పట్టణానికి చెందిన నరసమ్మ భర్త శీను ఐదేళ్ల క్రితం కుటుంబ కలహాలతో ఆత్మహత్యకు పాల్పడ్డాడు. అనంతరం మున్సిపాలిటీలో శీను ఉద్యోగం నరసమ్మకు లభించగా, అక్కడే పనిచేస్తున్న చిన్న ఈరన్నతో ఆమెకు పరిచయం ఏర్పడి వీరిద్దరూ కొంతకాలంగా సహజీవనం చేశారు. ఈ క్రమంలో ఈరన్న స్థానిక అమరావతినగర్‌కు చెందిన శిరీషను ప్రేమించి వివాహం చేసుకున్నాడు. అయితే నరసమ్మతో ఉన్న సంబంధాన్ని ఈరన్న కొనసాగించడానికి ప్రయత్నించడంతో అతని కుటుంబీకులు అడ్డు చెప్పారు. ఈ క్రమంలో నరసమ్మపై గతంలో శిరీష తన కుటుంబీకులతో కలసి దాడి చేసింది. వారిపై నరసమ్మ ఫిర్యాదు మేరకు కేసులయ్యాయి. దీంతో పెద్దలతో పంచాయతీ జరిపిన అనంతరం ఈరన్న, శిరీష సాయిబాబానగర్‌లో ఉంటున్నారు. నరసమ్మతో దూరంగా ఉండడం, కుటుంబ పరిస్థితులతో మనస్తాపానికి గురైన ఈరన్న ఈ ఏడాది జూలై 26వ తేదీన ఆత్మహత్యకు పాల్పడ్డాడు. ఈరన్న మృతికి నరసమ్మనే కారణమని భావించిన శిరీష కక్ష పెంచుకుని హత్య చేయాలని పథకం వేశారు. ఈ మేరకు ఆదివారం తెల్లవారుజామున ఆర్టీసీ కొత్త బస్టాండు సమీపంలో విధులు నిర్వహిస్తున్న నరసమ్మపై శిరీష, ఆమె తల్లి సుజాత, అత్తామామలు రాములమ్మ, ఈరన్న, ఆడబిడ్డ హేమ, చిన్నమ్మ అంజినమ్మలు దాడి చేశారు. కంట్లో కారం చల్లి పెట్రోల్‌ పోసి నిప్పంటించారు. నరసమ్మ కేకలు వేయడంతో సహ ఉద్యోగులు ఆదోని ప్రభుత్వ ఆసుపత్రికి తరలించారు. చికిత్స చేసిన వైద్యులు 70 శాతం శరీరం కాలిపోవడంతో పరిస్థితి విషమంగా ఉందని, మెరుగైన చికిత్స కోసం వైద్యులు కర్నూలుకు రెఫర్‌ చేసినట్లు డీఎస్పీ తెలిపారు. ఈ ఘటనపై నిందితుల కదలికలను గమనించి, ఇతర ప్రాంతాలకు పారిపోయేందుకు ప్రయత్నిస్తున్న సమయంలో అమరావతినగర్‌ రోడ్డు, బసాపురం జంక్షన్‌ సమీపంలో అరెస్టు చేసి రిమాండ్‌కు తరలించామన్నారు. కేసును 24 గంటల్లోపు చేధించిన టూటౌన్‌ సీఐ రాజశేఖర్‌రెడ్డి, సిబ్బందిని అభినందించామన్నారు.

● తుంభద్రమ్మ ఒడిలో ఓలలాలిడిన స్వామి వారు ● బ్రహ్మరథం పట్టిన భక్తులు కోసిగి/మంత్రాలయం: ఏటి గట్టున భక్తజనం వీక్షిస్తుండగా.. మంగళ వాయిద్యాలు మోగుతుండగా.. పండితులు వేద మంత్రోచ్ఛారణల మధ్య ఈరన్న స్వామి తుంగభద్రమ్మ ఒడిలో ఓలలాడారు. నృసింహుని పుణ్యస్నానంతో ఆధ్యాత్మిక తరంగాలతో తుంగభద్రమ్మ పరవశించింది. శ్రావణమాస ఉత్సవాల్లో భాగంగా ఉరుకుంద ఈరన్న స్వామి (లక్ష్మీనరసింహ స్వామి) పల్లకోత్సవం చివరి సోమవారం కడు వైభవంగా సాగింది. తెల్లవారుజామున ఆలయంలో ప్రత్యేక పూజలు చేసుకుని స్వామి వారి విగ్రహాన్ని పల్లకీలో కొలువుంచి పాదయాత్రగా ఉరుకుంద నుంచి కోసిగి మండలం కందుకూరు గ్రామం రామలింగేశ్వర స్వామి ఆలయం సమీపంలో ఉన్న తుంగభద్రనది చెంతకు చేరారు. ముందుగా ఆలయ డిప్యూటీ కమిషనర్‌ కె. వాణి ఆధ్వర్యంలో తుంగభద్రమ్మకు హారతులు పట్టి సారె సమర్పించారు. అనంతరం నరసింహా స్వామికి జై.. అంటూ .. స్వామి వారికి నదిలో పుణ్యస్నానం ఆచరించారు. అనంతరం నది ఒడ్డున దింపుడు కట్టపై స్వామి వారిని కొలువుంచి అభిషేకాలు గావించి మహామంగళ హారతులు ఇచ్చారు. భక్తులు స్వామి వారికి నారికేళాలు సమర్పించి మొక్కులు చెల్లించారు. తిరిగి యథావిధిగా పల్లకీలో ఊరేగింపుగా బయలు దేరారు. కందుకూరు గ్రామంలో స్వామి వారికి మేళతాళాలతో డప్పువాయిద్యాలతో గ్రామ ప్రజలు స్వాగతం పలికి బ్రహ్మరథం పట్టారు. అనంతరం కామన్‌దొడ్డి, తిప్పలదొడ్డి, కరణి, గ్రామాల మీదుగా ఉరుకుంద క్షేత్రానికి చేరుకున్నారు. ఆలయ సూపరింటెండెంట్‌ వెంకటేశ్వర రావు, రామ్మోహన్‌, ఉపప్రధాన అర్చకులు మహాదేవప్ప, సీనియర్‌ అసిస్టెంట్‌ వీరేష్‌లు ఉన్నారు. పల్లకోత్సవం ఊరేగింపులో ఎలాంటి అవాంఛనీయ సంఘటనలు జరుగకుండా కోసిగి, కౌతాళం సీఐలు మంజునాథ్‌, యుగంధర్‌, కోసిగి, ఎమ్మిగనూరు రూరల్‌, పెద్దకడబూరు ఎస్‌ఐలు రమేష్‌ రెడ్డి, శ్రీనివాసులు, మారుతి ఆధ్వర్యంలో పోలీస్‌ బందోబస్తు ఏర్పాటు చేశారు. ఊరూరా జాతర ఈరన్న స్వామి పల్లకీ చేరుకున్న గ్రామాల్లో జాతరను తలపించింది. కోసిగి మండలం కందుకూరు గ్రామంలో పల్లకీ చేరుకోగా స్వామి పాదాల చెంత భక్తులు నీటితో పాదాభిషేకం చేయగా, అడుగడునా కోక పాన్పులు పరుచగా పల్లకీ ముందుకు సాగింది. భక్తులు అడుగడునా నారికేళాలు సమర్పించి పూజలు చేపట్టారు. స్వామి పల్లకీ ముందుకు సాగిన గ్రామాల్లో గాజులు, మిఠాయి అంగళ్లు, చిన్నారుల రంగుల రాట్నాలు, బొమ్మలు అంగళ్లతో పండుగ వాతావరణం నెలకొంది.

● వృద్ధురాలిపై దాడి చేసి బంగారు నగలు ఎత్తుకెళ్లిన దొంగ అరెస్ట్‌ ● నిందితుడి నుంచి బంగారు నగలు, బైక్‌ రికవరీ సి.బెళగల్‌: ఐదు రోజుల క్రితం సంగాల గ్రామంలో వృద్ధురాలిపై దాడి చేసి బంగారు నగలు ఎత్తుకెళ్లిన దొంగను పోలీసులు ఎట్టకేలకు పట్టుకున్నారు. మండల కేంద్రం సి.బెళగల్‌కు చెందిన బోయ గుంటి రంగన్నగా గుర్తించి అరెస్ట్‌ చేసి రిమాండ్‌కు తరలించారు. సోమవారం సి.బెళగల్‌ పోలీసు స్టేషన్‌లో కోడుమూరు సీఐ త్రబేజ్‌, ఎస్‌ఐ వేణుగోపాల్‌రాజుతో కలిసి నిందితుడి వివరాలను మీడియాకు వివరించారు. సీఐ వివరాల మేరకు.. సి.బెళగల్‌కు చెందిన బోయ గుంటి రంగన్న ఇంటి వద్ద వ్యవసాయ పనులు, జీవాలను పోషిస్తున్నాడు. ఇతను సమీపంలోని సంగాల గ్రామంలో ధ్యాన పిరమిడ్‌ కేంద్రానికి వెళ్లేవాడు. కాగా ధ్యాన కేంద్రం పక్కనే ఒంటరిగా నివాసముంటున్న వృద్ధురాలు ఇల్లూరి సంజీవమ్మ ధ్యాన పిరమిడ్‌లో నిత్యం జ్యోతి వెలిగిస్తూ ఉండేది. ఈ క్రమంలో వృద్ధురాలిని రంగన్న పరిచయం చేసుకుని ఆమె ఇంటిపై నిఘా ఉంచాడు. రోజూ ఆమె కదలికలను గమనిస్తూ ఆమె వద్ద ఉన్న నగలను దోచుకోవాలని పథకం వేశాడు. ఈ మేరకు ఈ నెల 3వ తేదీ ఉదయం హెల్మెట్‌ పెట్టుకుని ఇంట్లోకి ప్రవేశించాడు. రాడ్‌తో చంపుతా అంటూ వృద్ధురాలిని బెదిరించి, తర్వాత దాడి చేసి బంగారు గొలుసు, రెండు బంగారు గాజులను తీసుకుని పరారయ్యాడు. బాధితురాలి ఫిర్యాదు మేరకు సి.బెళగల్‌ పోలీసులు విచారణ చేపట్టి దొంగతనానికి పాల్పడిన రంగన్నను గుర్తించి అదుపులోకి తీసుకున్నారు. నిందితుడి నుంచి 8.9 తులాల బరువున్న రూ.13 లక్షల విలువ చేసే బంగారు నగలతో పాటు చోరీకి ఉపయోగించిన బైకు, హెల్మెట్‌, ఇనుపరాడ్‌, ఇతర వస్తువులను నిందితుడిని నుంచి సీజ్‌ చేసినట్లు సీఐ తెలిపారు. కాగా కేసును త్వరగా ఛేదించిన ఎస్‌ఐ వేణుగోపాల్‌రాజు, కానిస్టేబుల్‌ శ్రీనివాసులను సీఐ ప్రత్యేకంగా అభినందించారు. అదేవిధంగా కేసు ఛేదనలో ప్రతిభ చూపిన హెడ్‌ కానిస్టేబుల్‌ తిమ్మప్ప, కానిస్టేబుళ్లు శ్రీనివాసులు, ఈశ్వరయ్య, జానకిరాముడులను సీఐ, ఎస్‌ఐలు రివార్డుతో అభినందించారు.

కర్నూలు (టౌన్‌): ఇటీవల నాగార్జున యూనివర్సీటీలో ఈనెల 1 నుంచి 4వ తేదీ వరకు నిర్వహించిన ఏపీ పోలీసు స్పోర్ట్స్‌ మీట్‌లో కర్నూలు రేంజ్‌ క్రీడాకారులు 86 పతకాలు సాధించినట్లు కర్నూలు రేంజ్‌ డీఐజీ డాక్టర్‌ కోయ ప్రవీణ్‌ వెల్లడించారు. విజేతలను తన క్యాంపు కార్యాలయంలో సోమవారం ఆయన అభినందించారు. కర్నూలు, నంద్యాల, వైఎస్సార్‌ కడప, అన్నమయ్య జిల్లాలో 54 మంది పోలీసు అధికారులు, సిబ్బంది వివిధ క్రీడాంశాల్లో ప్రతిభ కనబరిచారన్నారు. మహిళల విబాగంలో ఓవరాల్‌ చాంపియన్‌షిప్‌గా మొదటి స్థానం, పురుషుల విభాగంలో రెండవ స్థానంలో నిలిచారని తెలిపారు. అలాగే సైంటిఫిక్‌ ఎయిడ్స్‌ ఇన్‌ ఇన్వెస్టిగేషన్‌ అండ్‌ క్రిమినాలజీ డ్యూటీ మీట్‌ విభాగంలో కర్నూలు రేంజ్‌కు చెందిన ఇన్‌స్పెక్టర్‌ ప్రథమ బహుమతి సాధించినట్లు తెలిపారు. కర్నూలు ఏఆర్‌ అడిషనల్‌ ఎస్పీ కృష్ణ మోహన్‌, నంద్యాల ఏఆర్‌ డీఎస్పీ శ్రీనివాసరావు, సీఐలు, ఆర్‌ఐలు, ఎస్‌ఐలు పాల్గొన్నారు. తల్లిని కాపాడే ప్రయత్నంలో.. ● తండ్రిపై కుమారుడి దాడి ● తీవ్ర గాయాలై తండ్రి మృతి వెల్దుర్తి: తండ్రి వివాహేతర సంబంధం ఆ కుటుంబంలో విషాదం మిగిల్చింది. అక్రమ సంబంధాన్ని ప్రశ్నించిన తల్లి గొంతు నులిపేస్తున్న తండ్రిని కుమారుడు కట్టెతో కొట్టడంతో తీవ్రంగా గాయపడి మృతి చెందాడు. ఈ ఘటన వెల్దుర్తి మండల కేంద్రం చోటుచేసుకుంది. ఎస్‌ఐ నరేశ్‌ తెలిపిన వివరాల మేరకు.. స్థానిక ఐజీ నగర్‌లో నివాసముంటున్న ఆటో డ్రైవర్‌ షేక్షావలి (45), మస్తాన్‌బీ దంపతులకు ఇద్దరు కుమారులు ఉన్నారు. షేక్షావలికి పట్టణంలోనే ఓ మహిళతో వివాహేతర సంబంధం ఉంది. ఈ విషయంపై కుటుంబంలో తరచూ గొడవలు జరుగుతుండేవి. ఈనెల 5వ తేదీ శనివారం రాత్రి ఇదే విషయమై దంపతుల మధ్య గొడవ జరిగింది. తన అక్రమ సంబంధాన్ని ప్రశ్నిస్తున్న భార్య మస్తాన్‌బీని షేక్షావలి గొంతు నులిమి దాడి చేస్తుండగా పెద్ద కుమారుడు మస్తాన్‌ వలి గమనించి తన తల్లిని కాపాడుకునే ప్రయత్నంలో పక్కనే ఉన్న కట్టెతో తండ్రి తలపై దాడిచేశాడు. దీంతో షేక్షావలికి తీవ్ర రక్తస్రావమైంది. మెట్లపై జారి పడ్డాడని గాయాలపాలైన తండ్రిని ఆటోలో స్థానిక ఆసుపత్రిలో చేర్చాడు. మెరుగైన వైద్యానికి కర్నూలు ఆసుపత్రికి తరలించగా చికిత్స పొందుతూ ఆదివారం రాత్రి మృతి చెందాడు. పోలీసుల విచారణలో అసలు విషయం వెలుగులోకి వచ్చింది. తన తల్లిని కాపాడే క్రమంలోనే మస్తాన్‌ వలి తన తండ్రిపై దాడిచేసినట్లు తేలింది. మృతుని సోదరుడు ఈదురుబాషా ఫిర్యాదు మేరకు మస్తాన్‌వలిపై సోమవారం కేసు నమోదు చేసినట్లు ఎస్‌ఐ తెలిపారు.

సాక్షి, కర్నూలు జిల్లా: ఆదోని ఆర్టీసీ బస్టాండ్ దగ్గర దారుణం జరిగింది. నర్సమ్మ (30) అనే మహిళపై గుర్తు తెలియని వ్యక్తులు పెట్రోల్ పోసి నిప్పంటించారు. ఆమె మున్సిపాలిటీ కాంట్రాక్ట్ వర్కర్క్‌గా విధులు నిర్వహిస్తున్నారు. తెల్లవారు జామున ఆర్టీసీ బస్టాండ్‌ ఎదురుగా విధులు నిర్వహిస్తున్న నర్సమ్మపై దాడి చేసిన దుండగులు.. పెట్రోల్ పోసి నిప్పంటించారు. స్థానికులు మంటలార్పి, 108 అంబులెన్స్‌లో ఆస్పత్రికి తరలించారు.

● వ్రతంలో పాల్గొన్న 1,233 మంది చెంచు, 500 మంది ఇతర భక్తులుశ్రీశైలంటెంపుల్‌: ధార్మిక కార్యక్రమ నిర్వహణలో భాగంగా శ్రీశైల దేవస్థానం శ్రావణ నాల్గవ శుక్రవారం ఉచిత సామూహిక వరలక్ష్మీ వ్రతాలను నిర్వహించింది. శుక్రవారం ఆలయ ఉత్తరద్వారం ఎదురుగా చంద్రవతి కళ్యాణ మండపంలో నిర్వహించిన సామూహిక వరలక్ష్మీ వ్రతంలో నంద్యాల, ప్రకాశం, పల్నాడు జిల్లాలోని పలు చెంచుగూడేలకు చెందిన 1,233 మంది చెంచు మహిళా భక్తులు, 500 మంది ఇతర మహిళా భక్తులు పాల్గొని వ్రతాన్ని జరిపించుకున్నారు. వ్రతాలకు కావలసిన పూజాద్య్రాలన్నింటిని దేవస్థానమే సమకూర్చింది. వ్రత కార్యక్రమంలో పాల్గొనే ప్రతి ఒక్కరి కోసం వేర్వేరుగా కలశాలను నెలకొల్పి శాస్త్రోక్తంగా వ్రతం జరిపించారు. వ్రతాన్ని జరిపించుకున్న వారందరికీ పూలు, గాజులు, కంకణాలు, తులసి మొక్క, శ్రీశైల ప్రభ మాసపత్రిక, మూడు రకాల ప్రసాదాలు, అమ్మవారి శేవస్త్రాలను కూడా అందజేశారు. సంప్రదాయబద్ధంగా జరిపిన వ్రతంలో మహాగణపతిపూజ, వేదికపై ఆశీనులను చేసిన స్వామిఅమ్మవార్ల ఉత్సవమూర్తులకు శాస్త్రోక్తంగా షోడశోపచార పూజలు జరిపించారు. వరలక్ష్మీవ్రతంలో భాగంగా భక్తులందరి చేత విడివిడిగా కలశస్థాపన చేయించి వరలక్ష్మీదేవిని సమంత్రకంగా అవాహన చేశారు. అనంతరం అర్చకులు వ్రతకథను పఠించి వ్రత మహిమా విశేషాలను భక్తులకు తెలియజేశారు. చివరిగా నీరాజన మంత్రపుష్పాలను జరిపి వ్రతసమాప్తి చేశారు. భక్తులందరికీ ప్రత్యేక క్యూలైన్‌ ద్వారా స్వామిఅమ్మవార్ల దర్శనం కల్పించారు.

● పొలంలో మృతదేహం లభ్యం ● విచారణ చేస్తున్న పోలీసులు పత్తికొండ రూరల్‌: పత్తికొండ మండల పరిధిలోని కోతిరాళ్ల గ్రామ పొలాల్లో గురువారం ఓ మహిళ దారుణ హత్యకు గురైంది. వివరాలు ఇలా ఉన్నాయి.. కోతిరాళ్లకు చెందిన హరిజన శాంతమ్మ (65) ఉదయం పొలం పనులకు వెళ్లి రాత్రయినా తిరిగి రాలేదు. కుటుంబ సభ్యులు పొలానికి వెళ్లి ఆమె కోసం వెతికారు. శాంతమ్మను గుర్తుతెలియని వ్యక్తులు బండరాళ్లతో మోది చంపిన స్థితిలో మృతదేహాన్ని గుర్తించి వెంటనే పోలీసులకు సమాచారం ఇచ్చారు. సమాచారం తెలుసుకున్న డీఎస్పీ వెంకట్రామయ్య, ఇన్‌చార్జ్‌ సీఐ శ్రీనివాసులునాయక్‌ గ్రామానికి చేరుకుని విచారణ చేపట్టారు. ఆస్తి వివాదం కారణంగా బంధువులే హత్య చేసి ఉంటారనే అనుమానంతో మృతురాలి కుమారుడు హరిజన కృష్ణ పోలీసులకు ఫిర్యాదు చేశారు. దీంతో పోలీసులు ఆ కోణంలో అనుమానితుల మీద విచారణ చేస్తున్నారు. శుక్రవారం ఉదయం డీఎస్పీ వెంకట్రామయ్య, ఇన్‌చార్జ్‌ సీఐ శ్రీనివాసులునాయక్‌, ఎస్‌ఐ రాందాస్‌ గ్రామానికి వెళ్లి హత్యకు దారి తీసిన పరిస్థితుల గురించి గ్రామస్తులను అడిగి తెలుసుకున్నారు. మృతిపై విచారణ చేశారు. అనంతరం మృతదేహాన్ని పోస్టుమార్టం నిమిత్తం పత్తికొండ ప్రభుత్వాసుపత్రికి తరలించారు. తర్వాత మృతదేహాన్ని కుటుంబ సభ్యులకు అప్పగించారు. హత్యకు కారణాలు తెలియాల్సి ఉంది.

డోన్‌ పాతపేట జిల్లా పరిషత్‌ ఉన్నత పాఠశాల తెలుగు ఉపాధ్యాయునిగా పని చేస్తున్న డాక్టర్‌ దేవేంద్రప్ప రాష్ట్ర స్థాయి ఉత్తమ ఉపాధ్యాయ పురస్కారానికి ఎంపికయ్యారు. తుగ్గలి మండలం రాంపల్లి గ్రామానికి చెందిన ఈయన 2002 డీఎస్సీలో ఎంపికై తెలుగు ఉపాధ్యాయునిగా అవుకు మండలం కునుకుంట్ల పాఠశాలలో చేరారు. ఈయన తెలుగు భాషపై పట్టు సాధించి సాహిత్యంపై అడుగులు వేశారు. విధులు నిర్వహించే పాఠశాలల్లో విద్యార్థులకు భాషాభివృద్ధి, బాల సాహిత్యం పట్ల ఆసక్తి కలిగించడంతో పాటు నైతిక విలువలు, సృజనాత్మక, క్రమశిక్షణ విషయాలను విద్యార్థులకు బోధిస్తూ ఆదర్శంగా నిలిచారు. సాహిత్యం పట్ల మక్కువతో ఆయన ఆశావాది, ఆభ్యుదయ భావకుడు, అంబేడ్కకర్‌ శతకం అనే గ్రంథాలు రచించారు. అలాగే సృజనా స్రవంతి, చదువు ఎదుగు, అనిత అనే కథానికలకు సంపాదకత్వం వహించారు. రాష్ట్రంలో అనేక సాహితి సంస్థల నుంచి పురస్కారాలు, సత్కారాలను పొందారు. ఈ క్రమంలో ఆయనను రాష్ట్ర ఉత్తమ ఉపాధ్యాయునిగా ఎంపికయ్యారు. ఈ పురస్కారం తనకు మరింత ప్రోత్సాహానిచ్చిందన్నారు. – డోన్‌ రూరల్‌

కర్నూలు (టౌన్‌): ఓటరు జాబితా సవరణ, ఓటరు కార్డులో పేర్లు, వివరాల మార్పుల పేరుతో సైబర్‌ నేరగాళ్లు మోసాలకు పాల్పడే అవకాశముందని, ప్రజలు అప్రమత్తంగా వ్యవహరించాలని శుక్రవారం సాయంత్రం జిల్లా ఎస్పీ విక్రాంత్‌ పాటిల్‌ ఒక ప్రకటనలో తెలిపారు. ఎన్నికల సంఘం ప్రతినిధులుగా పరిచయం చేసుకుని ఓటరు వివరాలు తప్పుగా ఉన్నాయని, దరఖాస్తు తిరస్కరణకు గురైందని చెప్పి సైబర్‌ నేరగాళ్లు మోసాలకు పాల్పడుతున్నారన్నారు. అనంతరం వాట్సాప్‌ ద్వారా నకిలీ లింకులు, అనుమానాస్పద ఏపీకే ఫైల్స్‌ పంపించి తక్కువ మొత్తంలో ప్రాసెసింగ్‌ ఫీజు చెల్లించాలంటూ బ్యాంకు, కార్డు వివరాలు, ఓటీపీలు సేకరించి నగదు కాజేసే అవకాశం ఉందన్నారు. జిల్లా ప్రజలు అప్రమత్తంగా ఉండాలని సూచించారు.

ఉమ్మడి కర్నూలు జిల్లాను కరువు అతలాకుతలం చేస్తోంది. ఎక్కడ చూసినా నోళ్లు తెరిచిన బీళ్లే. ఇక లాభం లేదని ఎండిపోయిన పొలాలను దున్నేస్తున్న దృశ్యాలు కన్నీళ్లు తెప్పించక మానవు. అప్పులు చేసి.. రెక్కలు ముక్కలు చేసుకొని పండించిన పంటలు మట్టిలోనే కలిసిపోతుంటే రైతుల ఆవేదన వర్ణనాతీతం. ఇంతటితో అయిపోలేదని, ముందుంది తీవ్రమైన కరువని శాస్త్రవేత్తలు హెచ్చరించడం మరింత ఆందోళన కలిగిస్తోంది. జలాశయాల్లో నీరులేక భూగర్భ జలాలు అడుగంటిపోయాయి. బావుల్లోకి తొంగి చూస్తే కన్నీళ్లే కనిపిస్తున్నాయి. వీటి కింద సాగుచేసిన పంటలు ఎక్కడికక్కడ ఎండిపోవడంతో రైతులు కన్నీరుమున్నీరవుతున్నారు. – సాక్షి ఫొటోగ్రాఫర్‌, కర్నూలు

● కర్నూలులో ఆశావహ పోలీసు అభ్యర్థుల మూడు రోజుల రిలే నిరాహారదీక్షలు ప్రారంభంకర్నూలు(సెంట్రల్‌): తమ ఓట్లతో గద్దెనెక్కిన చంద్రబాబునాయుడు, పవన్‌ కల్యాణ్‌, నారా లోకేష్‌ పదవులు పొంది తమనే మరచిపోయారని ఆశావహ పోలీసు అభ్యర్థులు తీవ్ర ఆవేదన చెందారు. శుక్రవారం కర్నూలులో ఎస్‌ఐ, కానిస్టేబుల్‌ నోటిఫికేషన్‌ను విడుదల చేయాలని కోరుతూ కర్నూలు, అనంతపురం, వైఎస్‌ఆర్‌ కడప జిల్లాలకు చెందిన ఆశావహ పోలీసు అభ్యర్థులు రిలే నిరాహార దీక్షలు చేపట్టారు. అయితే ప్రభుత్వం పోలీసులను అట్టుపెట్టి ఈ దీక్షలను అడ్డుకోవడానికి శతవిధాల ప్రయత్నించినా ఫలితం లేకపోయింది. నిరుద్యోగులు గ్రూపులుగా విడిపోయి నగరంలోని శ్రీకృష్ణ దేవరాయల సర్కిల్లో ఉన్న ధర్నా చౌక్‌కు చేరుకొని దీక్షలను ప్రారంభించారు. ఈ సందర్భంగా రాము, చైతన్య, అంజి, చంద్ర మాట్లాడుతూ గత వైఎస్‌ఆర్‌సీపీ ప్రభుత్వ హయాంలో ఎస్‌ఐ, కానిస్టేబుల్‌ నోటిఫికేషన్‌ వచ్చిందన్నారు. తరువాత నాలుగేళ్ల నుంచి నోటిఫికేషన్‌ కోసం ఎదురు చూస్తున్నా ఎందుకు విడుదల చేయడం లేదన్నారు. కూటమి ప్రభుత్వం అధికారంలోకి వచ్చి 27 నెలలు గడిచినా ఉద్యోగాల భర్తీకి ఎందుకు చర్యలు తీసుకోవడంలేదని ప్రశ్నించారు. ఎన్నికల సమయంలో సీఎం చంద్రబాబు, డిప్యూటీ సీఎం పవన్‌ కల్యాణ్‌, మంత్రి నారాలోకేష్‌ ప్రతి ఏడాది జాబ్‌క్యాలెండర్‌ అమలు చేస్తామని హామీ ఇచ్చారన్నారు. అయితే అధికారంలోకి వచ్చి రెండున్నరేళ్లు గడిచినా జాబ్‌ క్యాలెండర్‌లో ఒక్క పోస్టునైనా భర్తీ చేయలేకపోయారన్నారు. జాబ్‌ లేస్‌ క్యాలెండర్‌ను రూపొందించిన ప్రభుత్వం పోలీసు కానిస్టేబుల్‌, ఎస్‌ఐ పోస్టులను కేవలం 1,600 చూపడం అన్యాయమన్నారు. అసెంబ్లీలో హోంశాఖ మంత్రి అనిత, డీజీపీ చెప్పిన విధంగా 11,639 పోస్టుల భర్తీకి నోటిఫికేషన్‌ ఇవ్వాలన్నారు. పోలీసు అభ్యర్థులు వయో పరిమితి 35 సంవత్సరాలకు పెంచాలని డిమాండ్‌ చేశారు.

కొలిమిగుండ్ల: మండల పరిధిలోని అబ్దులాపురానికి చెందిన ఓ వివాహిత శుక్రవారం అనుమానాస్పద స్థితిలో మృతి చెందింది. వివరాలిలా ఉన్నాయి. గ్రామానికి చెందిన ఇటిక్యాల నాగరాజుకు అనంతపురం జిల్లా సద్దలదిన్నెకు చెందిన వరలక్ష్మికి (38)తో 20 ఏళ్ల క్రితం వివాహం జరిగింది. వీరికి ముగ్గురు కుమారులు సంతానం ఉన్నారు. భర్త రోజు మద్యం సేవిస్తూ ఉండేవాడు. వరలక్ష్మి క్రిమి సంహారక మందు తాగిందని తన బావమరిది దేవేంద్రకు ఫోన్‌ చేయడంతో తాడిపత్రికి తీసుకురావాలని సూచించాడు. అరగంట తర్వాత మళ్లీ ఫోన్‌ చేసి ఎలాంటి మందు తాగలేదని సమాధానం ఇచ్చాడు. తెల్లవారాక వరలక్ష్మి మృతి చెందిందని బావమరిదికి విషయం చేరవేశాడు. విషయం తెలుసుకున్న ఎస్‌ఐ నగీనా గ్రామానికి చేరుకొని మృతదేహాన్ని పరిశీలించారు. శరీరంపై ఎలాంటి గాయాలు లేవు, క్రిమిసంహారక మందు తాగినట్లు ఆనవాళ్లు కూడా లేవు. మృతురాలి కుటుంబ సభ్యుల ఫిర్యాదు మేరకు కేసు నమోదు చేసుకున్నారు. పోస్టుమార్టం నివేదిక వచ్చాక మృతికి గల కారణాలు తెలుస్తాయని ఎస్‌ఐ వెల్లడించారు. మోటార్ల చోరీ : నిందితుల అరెస్టు పాములపాడు: వ్యవసాయ బావుల వద్ద విద్యు త్‌ మోటార్ల చోరీ కేసులో నిందితులను అరెస్టు చేసినట్లు ఎస్‌ఐ తిరుపాలు తెలిపారు. ఆయన శుక్రవారం మాట్లాడుతూ.. మండలంలోని తుమ్మలూరు, క్రిష్ణరావుపేట, కోల్స్‌ ఆనందాపురం గ్రామాల్లో విద్యుత్‌ మోటార్లు చోరీకి గురైనట్లు బాధిత రైతుల నుంచి ఫిర్యాదులొచ్చాయన్నారు. ఈ మేరకు కేసు నమోదు చేసుకొని విచారణ చేపట్టామన్నారు. ఆత్మకూరు పట్టణంలోని వెంగళరెడ్డి నగర్‌కు చెందిన చంటి, నర్సమ్మ అనే ఇద్దరి నుంచి 5 మోటార్లు రికవరి చేసి అరెస్టు చేసినట్లు వెల్లడించారు. ప్రమాదవశాత్తు వలస కార్మికుడి మృతి ఓర్వకల్లు: రేకుల షెడ్డు నిర్మాణ పనుల్లో భాగంగా వెల్డింగ్‌ చేస్తుండగా ప్రమాదవశాత్తు వలస కార్మికుడు మృతి చెందిన సంఘటన మండలంలోని కన్నమడకల గ్రామ శివారులోని ఓ సిలికాన్‌ ఫ్యాక్టరీలో గురువారం రాత్రి చోటు చేసుకోగా శుక్రవారం వెలుగులోకి వచ్చింది. పోలీసులు తెలిపిన వివరాల మేరకు.. కన్నమడకల గ్రామ సమీపంలో కేఈ సోదరుల స్థలంలో హైదరాబాద్‌ ప్రాంతానికి చెందిన కొందరు వ్యక్తులు నూతన షెడ్‌ నిర్మాణం చేపట్టారు. పనుల్లో భాగంగా శ్రీకాకుళం జిల్లా, నర్సన్నపేట గ్రామానికి చెందిన రెడ్డి కిరణ్‌కుమార్‌ (27) పైపులకు వెల్డింగ్‌ చేస్తుండగా గురువారం సాయంత్రం కురిసిన గాలివానకు షెడ్‌కు నిర్మించిన ఇనుప పైపు ఊడి కిరణ్‌కుమార్‌పై పడింది. ఈ ప్రమాదంలో తీవ్రంగా గాయపడిన బాధితుడిని చికిత్స నిమిత్తం కర్నూలు ప్రభుత్వ ఆసుపత్రికి తరలించారు. ఆసుపత్రిలో చికిత్స పొందుతూ కోలుకోలేక శుక్రవారం మృతి చెందినట్లు పోలీసులు తెలిపారు. ఘటనపై కేసు నమోదు చేసుకొని విచారణ జరుపుతున్నట్లు ఏఎస్‌ఐ పాండురంగస్వామి తెలిపారు.

అందరి ఉపాధ్యాయుల్లా ఆమె పాఠశాలకు వెళ్లామా.. పాఠాలు చెప్పామా.. ఇంటికి తిరిగి వచ్చామా అనుకోలేదు. దాదాపు 28 ఏళ్ల ఉపాధ్యాయ వృత్తిలో ఆమె చూపిన అంకితభావానికి రాష్ట్ర స్థాయి ఉత్తమ ఉపాధ్యాయ అవార్డు వరించింది. దేవనకొండ మండలం కరివేముల ఎంపీపీఎస్‌ స్కూల్‌ హెచ్‌ఎంగా పనిచేస్తున్న శీలం జయమ్మ సొంతూరు వెలుగోడు మండలం వేగులగూడూరు. 1998 ఆగస్టు 21న హాలహర్వి మండలం హాలహర్వి ఆదిఆంధ్ర పాఠశాలలో సెకండరీ గ్రేడ్‌ టీచర్‌గా విధుల్లో చేరారు. తర్వాత దేవనకొండ మండలం కరివేముల, జూపాడుబంగ్లా మండలం మండ్లెం, నందికొట్కూరు మండల పరిషత్‌ ప్రాథమిక పాఠశాల (పేట)లో విధులు నిర్వర్తించారు. గతేడాది జూన్‌లో కరివేముల ఎంపీపీ పాఠశాలకు పీఎస్‌ హెచ్‌ఎంగా పదోన్నతిపై వచ్చారు. ఆమె ఎక్కడ విధులు నిర్వర్తించినా విద్యార్థుల్లో దాగిన ప్రతిభా నైపుణ్యాలను వెలికి తీయడం, విద్యార్థులు రెసిడెన్షియల్‌ పాఠశాలల్లో ఎంపికయ్యేలా ప్రోత్సహించడం, చదువుకు దూరంగా విద్యార్థుల ఇంటింటికి వెళ్లి తల్లిదండ్రులకు అవగాహన కల్పించి బడిలో చేర్పించారు. సాయంత్రం వేళల్లో విద్యార్థులకు ఉచితంగా ట్యూషన్‌ చెబుతూ విద్యలో వెనుకబడిన విద్యార్థులను తీర్చిదిద్దారు. కరివేముల పాఠశాలకు హెచ్‌ఎంగా వచ్చినప్పటి నుంచి పాఠశాలలో విద్యార్థుల సంఖ్య పెంచేందుకు కృషిచేశారు. అలాగే గ్రామంలో జానకి వావిలాల కృష్ణమూర్తి ట్రస్టు హాస్టల్‌ కూడా వచ్చింది. ఆమె సేవలను గుర్తించిన అధికారులు రాష్ట్రస్థాయి ఉత్తమ ఉపాధ్యాయ అవార్డుకు ఎంపిక చేశారు. అవార్డు రావడం ఆనందంగా ఉందని, తన సేవలను కొనసాగిస్తానని చెప్పారు. – దేవనకొండ

కర్నూలు (టౌన్‌): హైకోర్టు శాశ్వత బెంచ్‌పై ప్రభుత్వం స్పష్టమైన అధికారిక ప్రకటన చేసే వరకు ఉద్యమం ఆగదని జిల్లా న్యాయవాదుల సంఘం అధ్యక్షుడు బి.చంద్రుడు, ప్రధాన కార్యదర్శి టీ.మహేశ్వర రెడ్డి స్పష్టం చేశారు. శుక్రవారం స్థానిక జిల్లా కోర్టు ప్రాంగణంలో జిల్లా బార్‌ అసోసియేషన్‌ ఆధ్యర్యంలో కోర్టు విధులకు హాజరయ్యే సమయంలో ధరించే నల్లకోటుకు బదులుగా సివిల్‌ డ్రెస్‌లో కూర్చొని న్యాయవాదులు 12వ రోజు దీక్షలను కొనసాగించారు. వారు మాట్లాడుతూ.. కర్నూలులో హైకోర్టు శాశ్వత బెంచ్‌ ఏర్పాటు చేస్తే రాయలసీమ ప్రాంత ప్రజలకు న్యాయ సేవలు మరింత చేరువవుతాయన్నారు. ఇటీవల జరిగిన రాష్ట్ర మంత్రి వర్గ సమావేశంలో హైకోర్టు శాశ్వత బెంచ్‌పై ఎలాంటి ప్రకటన వెలువడకపోవడంపై న్యాయవాదులుగా తీవ్ర అంసతృప్తి వ్యక్తం చేస్తున్నామన్నారు. 12వ రోజు దీక్షల్లో ఈదుల బాలాజీ రెడ్డి, మురళీక్రిష్ణ, నేతన్యా, రాజేంద్రప్రసాద్‌, శ్రీనివాసరావు పాల్గొన్నారు. న్యాయవాదుల దీక్షలకు పలువురు మద్దతు సర్క్యూట్‌ బెంచ్‌ కాకుండా కర్నూలులో శాశ్వతంగా హైకోర్టు బెంచ్‌ ఏర్పాటు చేయాలని గత 11 రోజలుగా న్యాయవాదులు చేపడుతున్న రిలే నిరహార దీక్షలకు పలువురు తమ సంపూర్ణ మద్దతు ప్రకటిస్తున్నారు. రాయలసీమ యూనివర్సిటీ రిటైర్డు ప్రొఫెసర్‌ డాక్టర్‌ మన్సూర్‌ ఆలీఖాన్‌, రైతు సంఘం జిల్లా కార్యదర్శి రామకృష్ణ, లౌకిక రాజ్య పరిరక్షణ వేదిక కన్వీనర్‌ నరసింహా తదితరులు పాల్గొని సంఘీభావం తెలిపారు. ఈసీహెచ్‌ సమావేశానికి హాజరవ్వాలి కర్నూలు(సెంట్రల్‌): ఈసీహెచ్‌ పాలీక్లినిక్‌ నెల వారీ సమావేశానికి ప్రతి మాజీ సైనికుడు హాజ రై విజయవంతం చేయాలని కర్నూలు డిస్ట్రిక్ట్‌ ఎక్స్‌ సర్వీసుమెన్‌ హౌసింగ్‌ బిల్డింగ్‌ సొసైటీ అధ్యక్ష, కార్యదర్శులు యు.సుధాకర్‌, వెంకటేశ్వర్లు, ట్రెజరర్‌ మలికార్జున శుక్రవారం ఓ ప్రకటనలో కోరారు. మాజీ సైనికులకు సంబంధించి అధునాతన వైద్యం అందించడంలో ఈసీహెచ్‌ ఆఫీసర్‌ ఇన్‌చార్జ్‌ విఫలమైన నేపథ్యంలో అందరూ హాజరై హక్కుల కోసం నిలదీయా ల్సి ఉందన్నారు. ఆసుపత్రి ఎంప్యానెల్‌మెంట్‌, అందుబాటులో లేని వైద్య సదుపాయాలు, మందుల సరఫరా, రెఫరల్స్‌, వైద్య సేవల్లో ఎదురవుతున్న ఇబ్బందులు, ఇతర సమస్యలను సమావేశంలో చర్చించనున్న నేపథ్యంలో మాజీ సైనికులు హాజరు కావాలని కోరారు. ఇంటింటి సర్వేపై అభ్యంతరాల స్వీకరణ కర్నూలు(అర్బన్‌): గ్రామ పంచాయతీ ఎన్నికలకు సంబంధించి గుర్తించిన ఎస్సీ, ఎస్టీ, బీసీ ఓటర్ల జాబితాలపై అభ్యంతరాలు తెలపాలని జిల్లా పంచాయతీ అధికారి జి.భాస్కర్‌ కోరారు. శుక్రవారం కర్నూలు మండలం దిన్నెదేవరపాడు గ్రామ పంచాయతీ పరిధిలో ఏర్పాటు చేసిన గ్రామ సభకు ఆయన హాజరయ్యారు. ఈ సందర్భంగా డీపీఓ మాట్లాడుతూ ఎస్‌ఈసీ ఆదేశాల మేరకు గత నెల 18 నుంచి 24వ తేది వరకు జిల్లాలోని అన్ని గ్రామ పంచాయతీల్లో ఎస్‌సీ, ఎస్‌టీ, బీసీ ఓటర్ల గుర్తింపునకు ఇంటింటి సర్వే నిర్వహించామన్నారు. ఆ మేరకు గుర్తించిన ఆయా సామాజిక వర్గాలకు చెందిన ఓటర్ల జాబితాలపై ప్రజల నుంచి అభ్యంతరాలను స్వీకరించేందుకు ఈ నెల 3 నుంచి 6వ తేది వరకు అన్ని గ్రామ పంచాయతీల్లో గ్రామ సభలను నిర్వహిస్తున్నట్లు తెలిపారు. ఈ నెల 6వ తేది వరకు గ్రామ సభలను నిర్వహించి తుది ఓటరు జాబితాలను రూపొందిస్తామన్నారు. ఈ జాబితాలను జిల్లా కలెక్టర్‌ ఆమోదంతో 7వ తేదీన తుది జాబితాలను ప్రచురిస్తామన్నారు. కార్యక్రమంలో కర్నూలు ఎంపీడీఓ ఎల్‌.భరత్‌రెడ్డి, పంచాయతీ కార్యదర్శి జాకీర్‌ పాల్గొన్నారు. భక్తులు సంతృప్తి చెందేలా సౌకర్యాలు కల్పించాలిశ్రీశైలంటెంపుల్‌: శ్రీశైల యాత్రకు విచ్చేసే భక్తులందరూ సంతృప్తి చెందేలా ప్రతి ఒక్క సిబ్బంది కృషి చేయాలని శ్రీశైల దేవస్థాన ఈఓ శ్రీనివాసరావు అన్నారు. శ్రీశైల దేవస్థాన పరిపాలనాంశాలపై ఈఓ సమీక్ష సమావేశం నిర్వహించారు. శుక్రవారం దేవస్థాన పరిపాలన భవనంలోని సమావేశమందిరంలో నిర్వహించిన సమావేశానికి డీఈవో చంద్రశేఖర్‌, అన్ని యూనిట్‌ విభాగాల యూనిట్‌ అధికారులు, పర్యవేక్షకులు, ఏఈలు పాల్గొన్నారు. అన్ని విభాగాలు కూడా అధునిక సాంకేతికతను అందిపుచ్చుకోవాలని అన్నారు. రోజురోజుకు పెరుగుతున్న భక్తులరద్దీకి అనుగుణగా ఆయా మౌలిక సదుపాయాలు కల్పించేందుకు ఇంజనీరింగ్‌ అధికారులు శాసీ్త్రయ అంశాల ఆధారంగా ప్రణాళికలు రూపొందించుకోవాలని అన్నారు.

విధులు నిర్వహిస్తున్న పాఠశాల అభివృద్ధికి కృషి చేయడం, అక్కడ చదువుతున్న విద్యార్థుల ఉన్నతికి పాటుపడటంలో బనగానపల్లె పట్టణం కొండపేట ఎంపీపీఎస్‌ పాఠశాల ఉపాధ్యాయుడు సతీష్‌కుమార్‌ ముందంజలో ఉన్నారు. బనగానపల్లె పట్టణానికి చెందిన ఈయన 2002 అక్టోబరులో బనగానపల్లె మండలంలోని గిరిజన ప్రాంతమైన గులాం అలిబాద్‌ ఎంపీపీఎస్‌ పాఠశాలలో ఉపాధ్యాయుడిగా చేరారు. ఆ పాఠశాలలో 5వ తరగతి పూర్తి చేసిన బాలికలు చాలా మంది 6వ తరగతి చదివే అవకాశం లేక ఇళ్ల వద్దనే ఉండిపోయారు. ఆ సమస్యను సతీష్‌ ప్రభుత్వం దృష్టికి తీసుకెళ్లడంతో గ్రామానికి యూపీ పాఠశాల మంజూరైంది. 2009లో వెంకటాపురం ఎంపీయూపీఎస్‌ పాఠశాలలో సీనియర్‌ ఉపాధ్యాయులుగా చేరారు. అక్కడ గణితం, ఇంగ్లిషులో విద్యార్థులు వెనుకబడి ఉన్నారని గుర్తించి ప్రత్యేక ప్రణాళిక బోధనతో విద్యార్థులను తీర్చిద్దారు. ఎన్‌ఆర్‌ఐలు, గ్రామస్తుల సహకారంతో పాఠశాల అభివృద్ధికి కృషి చేశారు. 2017లో టంగుటూరు ఎంపీపీఎస్‌ పాఠశాలకు బదిలీ అయ్యారు. ఆయన విధులు నిర్వర్తించే పాఠశాలలో విద్యార్థులకు వసతులు కల్పించడం, విద్యా ప్రమాణాలు మెరుగుపరచడంలో తనదైన ముద్ర వేస్తున్నారు. తన సేవలను గుర్తించిన ప్రభు త్వం రాష్ట్ర ఉత్తమ ఉపాధ్యాయ అవార్డుకు ఎంపిక చేయడం ఆనందంగా ఉందన్నారు. – బనగానపల్లె

తరగతి బోధనతో పాటు ఉపాధ్యాయ శిక్షణ, సైన్స్‌ ప్రాజెక్టులు, క్విజ్‌లు, డిజిటల్‌ బోధన, విద్యార్థుల మార్గదర్శకత్వం వంటి అనేక రంగాల్లో కృషి చేస్తున్న ఆదోని మండలం విరుపాపురం జిల్లా పరిషత్‌ ఉన్నత పాఠశాల ఉపాధ్యాయుడు మైత్రి ఆదిమూర్తికి రాష్ట్ర ఉత్తమ ఉపాధ్యాయ అవార్డు వరించింది. ఆదోనికి చెందిన ఈయన 2003లో స్కూల్‌ అసిస్టెంట్‌ ఫిజిక్స్‌ ఉపాధ్యాయుడిగా ఎంపికయ్యారు. 2023లో జిల్లా ఉత్తమ ఉపాధ్యాయ పురస్కారం అందుకున్నారు. తరగతి బోధనకే పరిమితం కాకుండా గత 12 సంవత్సరాలుగా సర్వశిక్ష అభియాన్‌, ఆర్‌.ఎం.ఎస్‌.ఏ. శిక్షణలు, కాంప్లెక్స్‌ సమావేశాలు, పదో తరగతి ఓరియంటేషన్‌ తరగతులు, ఎన్నికల నిర్వహణపై శిక్షణ తదితర కార్యక్రమాల్లో రిసోర్స్‌ పర్సన్‌గా సేవలందించారు. అలాగే ఇన్‌స్పైర్‌, ఎన్‌సీఎస్‌సీ, కౌశల్‌ క్విజ్‌ వంటి కార్యక్రమాల కోసం అనేక మంది సైన్స్‌ ఉపాధ్యాయులకు శిక్షణ అందించారు. ఆదిమూర్తి మార్గదర్శకత్వంలో 2023లో ఒక విద్యార్థి జిల్లా స్థాయి ఎన్‌సీఎస్‌సీకి ఎంపికై రాష్ట్ర స్థాయి పోటీల్లో కూడా పాల్గొన్నారు. అలాగే పదో తరగతి భౌతిక శాస్త్రానికి సంబంధించిన ‘మార్గదర్శి’ స్టడీ మెటీరియల్‌ రచయితగా కూడా ఆయన సేవలందించారు. గత నాలుగేళ్లుగా కర్నూలు జిల్లాలో నిర్వహిస్తున్న కౌషల్‌ జిల్లా స్థాయి క్విజ్‌ కార్యక్రమంలో కీలక పాత్ర పోషిస్తూ క్విజ్‌ మాస్టర్‌గా కూడా వ్యవహరిస్తున్నారు. ఫిజికల్‌ సైన్స్‌కు సంబంధించిన యూట్యూబ్‌ చానల్‌ ద్వారా విద్యార్థులకు, ఉపాధ్యాయులకు బోధనా వనరులను అందిస్తున్నారు. ఆయన రూపొందించిన వీడియోలను 2.5 లక్షలకు పైగా విద్యార్థులు, ఉపాధ్యాయులు వీక్షించి ప్రయోజనం పొందారు. అంతే కాకుండా విద్యార్థుల అభ్యసన సామర్థ్యాన్ని అంచనా వేసేందుకు ఉపయోగపడే పలు మూల్యాంకన పత్రాలను రూపొందించారు. – ఆదోని

నిరుపేద కుటుంబంనుంచి ఉపాధ్యాయ వృత్తిలోకి వచ్చిన అతను పేద విద్యార్థులకు చుక్కానిగా నిలుస్తున్నారు. ఆత్మకూరు మండలం బాపునంతపు రం గ్రామానికి చెందిన వెంకటేశ్వర్లు 16 ఏళ్ల క్రితం 2010 నవంబర్‌లో ఉపాధ్యాయ వృత్తిని చేపట్టారు. ప్రస్తుతం కొట్టాలచెరువు చెంచుగూడెంలోని మండల పరిషత్‌ ఆదర్శ ప్రాథమిక పాఠశాలలో విధులు నిర్వ హిస్తున్నారు. చెంచుగిరిజన పిల్లలు చదువుకు దూరంగా ఉండడంతో వారి తల్లిదండ్రులతో మాట్లాడి పాఠశాలకు వచ్చేలా చేశారు. పాఠశాల భవనం శిథిలావస్థకు చేరుకోవడంతో సొంత ఖర్చులతో రంగులు వేయించారు. పాఠశాలలో ప్రత్యేక ఆధార్‌ క్యాంపు ఏర్పాటు చేసి విద్యార్థులకు కార్డులు అందజేశారు. వెదురుబొంగులతో అదనపు తరగతి గదిని ఏర్పాటు చేయించారు. ఆర్డీటీ సహకారంతో విద్యా వలంటరీ నియమించారు. దాతల సహకారంతో మినరల్‌ వాటర్‌ ఏర్పాటు చేయించారు. ఆయన సేవలను గుర్తించి రాష్ట్రస్థాయిలో ఉత్తమ ఉపాధ్యాయ అవార్డుకు ఎంపిక చేయడం పట్ల ఆనందం వ్యక్తం చేస్తూ.. చెంచు గిరిజన గూడెం విద్యార్థులు ఉన్నత స్థాయికి చేరుకోవాలన్నదే తన లక్ష్యమన్నారు. – ఆత్మకూరు

బండిఆత్మకూరు మండలం నారాయణపురం గ్రామానికి చెందిన జి.శ్రీనివాసులు 2012లో జూనియర్‌ లెక్చరర్ల నియామకంలో స్టేట్‌ టాపర్‌గా నిలిచారు. అప్పటి నుంచి 2021 సంవత్సరం వరకు మిడుతూరు ప్రభుత్వ జూనియర్‌ కాలేజీలో జంతుశాస్త్ర అధ్యాపకుడిగా పనిచేశారు. 2021లో కర్నూలు నగరంలోని కెవిఆర్‌ బాలికల జూనియర్‌ కాలేజీకి బదిలీపై వచ్చారు. ఎన్‌ఎస్‌ఎస్‌ కార్యక్రమాల్లో విద్యార్థులను భాగస్వాములను చేసి సేవా దృక్పథాన్ని పెంపొందించారు. అత్యుత్తమ ఫలితాలతో పాటు చదువులో వెనుకబడిన విద్యార్థుల్లో ఆత్మస్థైర్యం పెంపొందించేలా బోధన సాగిస్తున్నారు. కేవీఆర్‌ కాలేజీలో పని చేస్తున్న ఓ చిరుద్యోగి కిడ్నీలు పాడై చికిత్సకు ఇబ్బంది పడుతుండటంతో కొంత సొమ్ము వసూలు చేసి ఆ కుటుంబానికి అండగా నిలిచారు. గతేడాది జిల్లా స్థాయి ఉత్తమ ఉపాధ్యాయ అవార్డు అందుకున్నారు. – కర్నూలు సిటీ

నందికొట్కూరు: డీఎస్సీ అక్రమాలకు బాధ్యత వహిస్తూ విద్యా శాఖ మంత్రి నారా లోకేశ్‌ రాజీనామా చేయాలని వైఎస్సార్‌సీపీ విద్యార్థి విభాగం నంద్యాల జిల్లా అధ్యక్షుడు సురేష్‌ యాదవ్‌ డిమాండ్‌ చేశారు. శుక్రవారం పట్టణంలోని వైఎస్సార్‌సీపీ కార్యాలయంలో జరిగిన విలేకరుల సమావేశంలో ఆయన మాట్లాడారు. టెట్‌లో అర్హత లేకపోయినా 2025 డీఎస్సీలో ఉద్యోగాలు ఎలా ఇచ్చారో మంత్రి లోకేశ్‌ సమాధానం చెప్పాలని ప్రశ్నించారు. డీఎస్సీలో అక్రమాలకు పాల్పడి అర్హులైన అభ్యర్థుల జీవితాలతో చెలగాటమాడితే భవిష్యత్తులో తగిన మూల్యం చెల్లించక తప్పదని హెచ్చరించారు. టెట్‌ అర్హత లేకున్నా ఉద్యోగాలు ఇచ్చిన సంఘటన డీఈఓ కార్యాలయంలో సర్టిఫికెట్‌ వెరిఫికేషన్‌లో బయటపడిందని స్పష్టం చేశారు. డీఎస్సీ అవకతవకలపై మంత్రి నారా లోకేశ్‌ విసిరిన సవాళ్లను వైఎస్సార్‌సీపీ స్వీకరించి బహిరంగ చర్చకు సిద్ధమని చెప్పినా ఎందుకు ముందడుగు వేయలేదని నిలదీశారు. డీఎస్సీలో అక్రమాలను బయటకు తీసేందుకు సీబీఐకు అప్పగించాలని కోరారు. అలాగే సీఎం చంద్రబాబు ఎన్నికల సమయంలో చెప్పిన ప్రకారం నిరుద్యోగులకు నిరుద్యోగి భృతి నెలకు రూ.3 వేలు, విద్యార్థులకు ఫీజు రీయింబర్స్‌మెంట్‌ విడుదల చేయాలన్నారు. సూపర్‌సిక్స్‌ హామీలు అమలు చేయడంలో టీడీపీ ప్రభుత్వం ఘోరంగా విఫలమైందన్నారు. వైఎస్సార్‌సీపీ విద్యార్థి సంఘం నాయకులు అబ్దుల్లా, సతీష్‌రెడ్డి, శశాంక్‌, బన్నీ, చరణ్‌, మన్సూర్‌, రంగ, తదితరులు పాల్గొన్నారు. – డీఎస్సీ అక్రమాలపై సీబీఐ విచారణ జరపాలని డిమాండ్‌

విద్యార్థులు సులభంగా పాఠ్యాంశాలను అర్థం చేసుకునేలా బోధించేందుకు కొందరు ఉపాధ్యాయులు కృషి చేస్తుంటారు. అందులో తుగ్గలి మండలం లక్ష్మీతండా ప్రాథమిక పాఠశాల హెచ్‌ఎం అద్దంకి చంద్రమోహన్‌ ఒకరు. తుగ్గలి మండలం జొన్నగిరికి చెందిన ఆయన ప్రస్తుతం లక్ష్మీతండా ప్రాథమిక పాఠశాల హెచ్‌ఎంగా పనిచేస్తున్నారు. 2008లో ఉపాధ్యాయ వృత్తిలో చేరిన ఆయన పలు పాఠశాలల్లో పని చేశారు. టీఎల్‌ఎం (టీచింగ్‌, లెర్నింగ్‌, మీటీరియల్‌) రూపొందించారు. స్వతహాగా చేసిన టీఎల్‌ఎం ద్వారా విద్యార్థులకు బోధిస్తూ ఉత్తమ ఫలితాలు రాబడుతున్నారు. సాంకేతికత సాయం, క్షేత్రస్థాయిలో పర్యటిస్తూ విద్యార్థులకు సులభంగా అర్థమయ్యేలా వినూత్నంగా పాఠాలు బోధించడం ఆయన ప్రత్యేకత. వంద శాతం ఎన్‌రోల్‌ మెంట్‌, నో బ్యాగ్‌ డే, యోగా, క్విజ్‌, చిత్ర లేఖనం తదితర వాటిని అమలు చేస్తున్నారు. విద్యార్థులకు ఎక్కువగా గుర్తుండే విధంగా సబ్జెక్టుల్లోని ప్రతి అంశాన్ని ప్రయోగాత్మక పద్ధతిలో బోధించే విధంగా ఆయన చర్యలు తీసుకుంటూ విద్యార్థుల ఉన్నతికి, పాఠశాల అభివృద్ధికి కృషి చేస్తున్నారు. పాఠశాల ఆవరణలో కిచెన్‌ గార్డెన్‌ ఏర్పాటు చేశారు. జీ.ఎర్రగుడి పాఠశాలలో పనిచేసిన సమయంలో రాష్ట్ర స్వచ్ఛ విద్యాలయ పురస్కారం, 2024లో ఉపాధ్యాయ రత్న, 2025లో జిల్లా ఉత్తమ ఉపాధ్యాయ పురస్కారం అందుకున్నారు. రాష్ట్రస్థాయి ఉత్తమ ఉపాధ్యాయ అవార్డుకు ఎంపిక కావడం పట్ల చంద్రమోహన్‌ ఆనందం వ్యక్తం చేశారు. అవార్డుతో మరింత బాధ్యత పెరుగుతుందని, భవిష్యత్‌లో మరింత మెరుగైన విద్య అందించేందుకు కృషి చేస్తానని తెలిపారు. – తుగ్గలి

నంద్యాల(అర్బన్‌): దివంగత ముఖ్యమంత్రి వైఎస్‌ రాజశేఖర రెడ్డి వర్ధంతి పురస్కరించుకొని నంద్యాల చిత్రకారుడు చింతలపల్లె కోటేశ్‌ సూక్ష్మ పూల బొమ్మలతో రాజన్న చిత్రం గీసి పుష్పాంజ లి అర్పించారు. వైఎస్సార్‌ తనదైన శైలిలో చిరునవ్వులు చిందిస్తున్నట్లు చిత్రాన్ని రూపొందించారు. ఈ సందర్భంగా కోటేశ్‌ మాట్లాడుతూ.. మహానేత వైఎస్సార్‌ ఉమ్మడి ఆంధ్రప్రదేశ్‌ ముఖ్యమంత్రిగా అనేక సంక్షేమ పథకాలు అమలు చేసి పేదల గుండెల్లో చిరస్థాయిగా నిలిచారన్నారు. జలయజ్ఞం, ఉచిత విద్యుత్‌ వంటి పథకాలతో రైతు బాంధవుడిగా పేరు పొందారన్నారు. ఆయ న మరణం కోట్లాది ప్రజలను వేదనకు గురి చేసిందన్నారు. రాజన్న నవ్వు వికసించిన పువ్వుల వలే స్వచ్ఛంగా ఉంటుందని కొనియాడారు. వైద్యులా.. భూత వైద్యులా? ఆదోని: తనపై మహిళా డాక్టర్‌ క్షుద్రపూజలు చేయించిందంటూ ప్రభుత్వాస్పత్రి సూపరింటెండెంట్‌ పోలీసులకు ఫిర్యాదు చేయడం తీవ్ర చర్చ కు దారితీసింది. ఎమ్మిగనూరు ప్రభుత్వాస్పత్రిలో సూపరింటెండెంట్‌గా డాక్టర్‌ ఆది నాగేష్‌, అనస్థటిస్ట్‌గా డాక్టర్‌ లక్ష్మీ మోనాలిసా పనిచేస్తున్నారు. ఆది నాగేష్‌ ఆదోనిలో క్లినిక్‌ కూడా నడుపుతున్నారు. 3 రోజుల క్రితం క్లినిక్‌ నుంచి ఆయనకు అర్జంటుగా రావాలని ఫోన్‌ వచ్చింది. ఆయన హుటాహుటిన వెళ్లి సిబ్బందిని విచారించారు. క్లినిక్‌ ఎదుట నల్లటి కవర్‌ క్లినిక్‌ ప్రధాన ద్వారం ఎదుట ఒక నల్ల బ్యాగు ఉండటాన్ని ఆస్పత్రి సిబ్బంది గుర్తించారు. ఒక నర్సు భర్త ధైర్యం చేసి ఆ బ్యాగ్‌ను తెరిచి చూసి బిత్తరపోయారు. అందులో అనుమానాస్పద వస్తువులతో పాటు క్షుద్రపూజలు చేసిన సామగ్రి ఉంది. ఒక రాగి రేకు మీద డాక్టర్‌ ఆది నాగేష్‌ పేరు రాయబడి ఉంది. సీసీ కెమెరా ఫుటేజీతో కలకలం విషయం తెలుసుకున్న డాక్టర్‌ ఆది నాగేష్‌ సీసీ కెమెరా ఫుటేజీని పరిశీలించారు. ఓ మహిళ నల్లటి కవర్‌ను తీసుకొచ్చి ఆస్పత్రి ప్రధాన ద్వారం వద్ద ఉంచి వెళ్లినట్లు ఫుటేజీలో కనిపించింది. ఆ మహిళ తన సహద్యోగి డాక్టర్‌ లక్ష్మీ మోనాలిసాగా గుర్తించి బిత్తరపోయారు. ఆస్పత్రి సిబ్బంది కూడా షాక్‌కు గురయ్యారు. పోలీసుస్టేషన్‌కు చేరిన వివాదం తాను చేసిన తప్పును ఎంతకూ ఒప్పుకోకపోవడంతో డాక్టర్‌ లక్ష్మీ మోనాలిసాపై డాక్టర్‌ ఆది నాగేష్‌ ఆదోని టూటౌన్‌ పోలీసు స్టేషన్‌లో ఫిర్యాదు చేశారు. సీఐ రాజశేఖర్‌ రెడ్డి మాట్లాడుతూ.. ఇది నాన్‌ కాగ్నిజబుల్‌ కేసు కావడంతో కోర్టు అనుమతితో కేసు నమోదు చేసి విచారణ చేయాల్సి ఉంటుందని తెలిపారు. మరోవైపు తన ఫిర్యాదుపై కేసు నమోదు చేయాల్సిందేనని, అవసరమైతే జిల్లా ఎస్పీని కూడా కలుస్తానని డాక్టర్‌ ఆది నాగేష్‌ అంటున్నారు. మరో వైపు తాను ఎస్సీ సామాజిక వర్గానికి చెందిన మహిళనని, తాను కూడా డాక్టర్‌ ఆది నాగేష్‌పై అట్రాసిటీ కేసు పెడతానని తన సన్నిహితుల వద్ద డాక్టర్‌ లక్ష్మీ మోనాలిసా చెబుతున్నట్లు సమాచారం. దేవతతో రాజకీయం దేవనకొండ: సోదరుల్లా కలిసిమెలిసి ఉండే రెండు గ్రామాల మధ్య టీడీపీ నాయకులు రేపిన చిచ్చు వందల ఏళ్లుగా వస్తున్న సంప్రదాయానికి ముగింపు పలికింది. ఏకంగా మారెమ్మ దేవతను రాజకీయాలకు వాడుకోవడం ఆ పార్టీ నాయకులకే చెల్లింది. గద్దెరాళ్ల మారెమ్మ పుట్టినిల్లు అయిన పల్లెదొడ్డి నుంచి ప్రతి శ్రావణమాస మూడో మంగళవారం భక్తులు బోనాలతో వచ్చి అమ్మవారికి చల్ల సమర్పిస్తే రెండు గ్రామాలు సుఖసంతోషాలతో వర్ధిళ్లుతాయని ప్రజల నమ్మకం. అయితే గతంలో ఎప్పుడూ లేనివిధంగా జూన్‌ 5న కూటమి ప్రభుత్వ నాయకులు కొత్తగా ఆలయ కమిటీని ఏర్పరుచుకున్నారు.కమిటీలో చైర్మన్‌ పదవి మొదలుకుని మెంబర్ల దాకా పల్లెదొడ్డి గ్రామస్తులను ఎవరినీ సంప్రదించకుండా ఆలూరు టీడీపీ ఇన్‌చార్జ్‌ కనుసన్నల్లో నచ్చిన వారికి పదవులు ఇచ్చుకున్నారు. దీంతో ప్రశాంతంగా ఉండే గ్రామాల్లో చిచ్చు పెట్టినట్లు అయ్యింది. గద్దెరాళ్ల మారెమ్మ అంటేనే మొదటగా గుర్తుకొచ్చేది. అత్యధిక ప్రాధాన్యత సంతరించుకున్నది పల్లెదొడ్డి బోనాలు. ఇంతటి ప్రాధాన్యత ఉన్న గ్రామాన్ని వదిలి ఆలయంతో సంబంధం లేని గ్రామాల్లోని వారికి పదవులు ఇవ్వడంతో పల్లెదొడ్డివాసులు తీవ్ర ఆగ్రహం వ్యక్తం చేస్తున్నారు. మారెమ్మవ్వ ఆలయ కమిటీలో పల్‌దొడ్డి గ్రామవాసులకు ప్రాధాన్యత కల్పించలేదని, అలాంటి చోట తమ ఊరి బోనాలు కూడా అవసరం లేదని, తమ గ్రామంలోనే బోనాల సంబరం జరుపుకుంటామని గ్రామ పెద్దలందరూ తీర్మానించుకున్నారు. వందల ఏళ్ల సాంప్రదాయానికి స్వస్తి పలుకుతున్నా దేవదాయ శాఖ అధికారుల్లో మాత్రం ఎలాంటి స్పందన లేదు. దీంతో ఈ శ్రావణమాసం మూడో మంగళవారం అమ్మ వారికి చల్లదనం పల్లెదొడ్డి, గద్దెరాళ్ల ప్రజలు ఎవరి ఊళ్లలో వారు జరుపుకున్నారు. అసలే ఒక పక్క వర్షాలు లేక కరువు తాండవిస్తోందని, మరో పక్క గ్రామాల ప్రజలు ఎవరికి వారుగా ఉంటే వచ్చే ఏడాది మార్చి లేదా ఏప్రిల్‌లో జరిగే అమ్మవారి దేవరలో ఎలాంటి సంఘటనలు జరుగుతాయోనని ప్రజలు ఆందోళన చెందుతున్నారు.

కోవెలకుంట్ల: మహానేత జలయజ్ఞం పేరుతో చేపట్టిన ప్రాజెక్టులు ఆయా జిల్లాల రైతాంగానికి ఊపిరిలూదా యి. రెండు టీఎంసీల సామర్థ్యం ఉన్న అవుకు రిజర్వాయర్‌ను రూ.70 కోట్లతో నాలుగు టీఎంసీల సామర్థ్యానికి పెంచేందుకు 2005 నవంబర్‌లో శంకుస్థాపన చేశారు.దీని ద్వారా కర్నూలు,కడప జిల్లాల్లో 77,200 ఎకరాలకు సాగునీరు, రిజర్వాయర్‌కు అనుసంధానంగా జీఎన్‌ఎస్‌ఎస్‌ వరద కాల్వ నుంచి కడప, చిత్తూరు, నెల్లూరు జిల్లాల్లో 2.67 లక్షల ఎకరాలకు సాగునీరు, 640 గ్రామాల్లో 20 లక్షల మందికి తాగునీరు అందించాలన్నది లక్ష్యం. శ్రీశైలం జలాశ యం నుంచి అవుకు రిజర్వాయర్‌లోకి నీరు చేరేందుకు 30 వ ప్యాకేజీ కింద రూ.401 కోట్లతో 12 కిలోమీటర్ల మే ర రెండు సొరంగ మార్గాలను ఏర్పాటు చేసి 20 వేల క్యూసెక్కుల వరదజలాలను రిజర్వాయర్‌లో నింపు తున్నారు. వైఎస్సార్‌ కలల సాకారమైన అవుకు రిజర్వాయర్‌ సీమ జిల్లాలకు కల్పతరువుగా మారింది.

ఆళ్లగడ్డ: పట్టణ శివారు పాలసాగరం వ్యవసాయ పొలంలో ఓ వ్యక్తి దారుణ హత్యకు గురైన సంఘటన మంగళవారం వెలుగు చూసింది. ఆంజనేయులు (27)ను ఎవరో దారుణంగా హత్య చేశారు. పోలీసులు, స్థానికులు తెలిపిన వివరాల మేరకు.. పట్టణంలోని నాయీ బ్రాహ్మణ కాలనీకి చెందిన ఆంజనేయులుకు ఐదేళ్ల క్రితం రుద్రవరం మండలం లింగందిన్నె గ్రామానికి చెందిన సుబ్బులుతో వివాహం అయ్యింది. అతడు సోమవారం రాత్రి ఇంటి వద్ద ఉండగా ఇద్దరు గుర్తు తెలియని వ్యక్తులు వచ్చి బయటకు వెళ్లి వద్దామని చెప్పి తీసుకెళ్లారు. ఈ క్రమంలో మంగళవారం పట్టణ శివారులోని పాలసాగరం రోడ్డులోని మొక్కజొన్న తోటలో ఓ వ్యక్తి హత్యకు గురైనట్లు పోలీసులకు సమాచారం రావడంతో వెళ్లి చూడగా మృతుడు ఆంజనేయులుగా గుర్తించారు. అతని భార్య సుబ్బులు ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు సీఐ నాగరాజరావు తెలిపారు. మృతదేహం పడిఉన్న చోట మద్యం బాటిల్లు ఉండటంతో మద్యం మత్తులో ఘర్షణ జరిగి హత్య చేశారా? లేక వివాహేతర సంబంధం కారణమా? ఇతర కారణం ఉందా? అనే కోణంలో పోలీసులు దర్యాప్తు చేస్తున్నారు. మృతుడికి ఇద్దరు పిల్లలు ఉన్నారు

డోన్‌ టౌన్‌ (ప్యాపిలి)/డోన్‌: తమది రైతు ప్రభుత్వం అంటూ టీడీపీ నాయకులు చెబుతున్న మాటలకు, క్షేత్రస్థాయిలో జరుగుతున్న దోపిడీకి పొంతన లేకుండా పోతోంది. రైతులకు అందాల్సిన సబ్సిడీ వేరుశనగ విత్తనకాయలను అధికారుల అండదండలతో టీడీపీ నాయకులు బ్లాక్‌ మార్కెట్‌కు తరలించి సొమ్ము చేసుకుంటున్నారనే ఆరోపణలు వినిపిస్తున్నాయి. దీనిపై నాలుగు రోజుల క్రితం ‘సాక్షి’ దినపత్రికలో ప్రచురితమైన కథనం మరువకముందే సబ్సిడీ వేరుశనగను బ్లాక్‌ మార్కెట్‌కు తరలించిన సంఘటన వెలుగులోకి వచ్చింది. ఆగస్టు 29న డోన్‌ నియోజకవర్గంలోని ఎనుగుమర్రి గ్రామంలో ఎమ్మెల్యే కోట్ల సూర్యప్రకాష్‌రెడ్డి సబ్సిడీ వేరుశనగ విత్తనాల పంపిణీ కార్యక్రమాన్ని ప్రారంభించారు. గ్రామానికి మంజూరైన విత్తనాలను అర్హులైన రైతులకు అందించకుండా గ్రామ టీడీపీ నాయకుల సిఫార్సుతో కొద్దిమంది ఆ పార్టీ వారికి అందించి మిగతా విత్తనాలను బ్లాక్‌ మార్కెట్‌కు తరలించినట్లు ఆరోపణలు ఉన్నాయి. గ్రామంలోని సచివాలయంలో ఉంచిన స్టాకును అదే గ్రామానికి చెందిన వ్యాపారికి విక్రయించగా సదరు వ్యక్తి వాటిని రెండు వాహనాల్లో బ్లాక్‌ మార్కెట్‌కు తరలించినట్లు ప్రజలు ఆరోపిస్తున్నారు.

● వైభవంగా 6వ రోజు ఆరాధన వేడుకలు ● ఆకట్టుకున్న సాంస్కృతిక కార్యక్రమాలు మంత్రాలయం: మంగళకర వాయిద్య నాదాలు.. భక్తజనుల జయజయ పఠనాలు.. పండితుల వేద ఘోషల మధ్య ఉత్సవమూర్తి ప్రహ్లాదరాయులు అశ్వ వాహనంపై కొలువుదీరారు. పండితుల ఉయ్యాల జంపాలతో ఉత్సవమూర్తి శ్రీమఠం ప్రాంగణ వీధుల్లో కడు వైభవంగా ఊరేగారు. రాఘవేంద్రుల 355వ ఆరాధన సప్తరాత్రోత్సవాల్లో భాగంగా మంగళవారం ప్రహ్లాదరాయలకు అశ్వవాహన సేవ గావించారు. పీఠాధిపతి సుబుధేంద్రతీర్థుల ఆశీస్సులతో ముందుగా ఊంజల మంటపంలో ఉత్సవమూర్తికి చతుర్వేద పారాయణం గావిస్తూ ఉయ్యాల సేవ నిర్వహించారు. అనంతరం ప్రాంగణ వీధుల్లో అశ్వ వాహనంపై కనుల పండువగా ఊరేగింపు సాగింది. ఆనవాయితీలో భాగంగా చెక్క, వెండి, అంభారి, స్వర్ణ, నవరత్న రథాలపై ఉత్సవమూర్తిని ఊరేగించారు. 6వ రోజు వేడుకల్లో రాఘవేంద్రుల మూల బృందావనానికి విశేష పూజలు, రాయరు పాదపూజ, మూలదేవర సంస్థాన పూజ చేపట్టారు. ఈ వేడుకలు భక్తులను విశేషంగా ఆకట్టుకున్నాయి. మఠం ఏఏఓ మాధవశెట్టి, మేనేజర్‌–1 శ్రీనివాసరావు, మేనేజర్‌–2 వెంకటేష్‌జోషి, మేనేజర్‌–3 శ్రీపతి ఆచార్‌, మేనేజర్‌–4 సురేష్‌ కోనాపూర్‌, ధార్మిక సహాయకాధికారి వ్యాసరాజాచార్‌, ద్వారపాలక అనంతస్వామి పాల్గొన్నారు. నేటి కార్యక్రమాలు ఆరాధన ఆఖరిరోజు సందర్భంగా సర్వ సమర్పణోత్సవం జరుగనుంది. ఉత్సవం సందర్భంగా ఏకకాలంలో పంచవాహనాలపై ఉత్సవమూర్తి ప్రహ్లాదరాయులు, రాఘవేంద్రులను శ్రీమఠం ప్రాంగణ వీధుల్లో ఊరేగిస్తారు. ఉదయం అనుమంత్రాలయం తుంగభద్ర గ్రామం మృత్తిక బృందావన క్షేత్రంలో ఆరాధన వేడుకలు, రథయాత్ర నిర్వహిస్తారు.

ఆళ్లగడ్డ: మాజీ ఎమ్మెల్యే గంగుల బిజేంద్రారెడ్డిని పోలీసులు గృహ నిర్బంధం చేశారు. వైఎస్సార్‌ కాంగ్రెస్‌ పార్టీ పిలుపు మేరకు వెలుగోడు రిజర్వాయర్‌ సందర్శనకు వెళ్లేందుకు సిద్ధమైన ఆయనను మంగళవారం ఉదయం పట్టణ పోలీసులు అడ్డుకున్నారు. ప్రభుత్వం నుంచి ఆదేశాలు ఉన్నాయని బయటకు వెళ్లేందుకు వీల్లేదని అడ్డుకోవడంతో కాసేపు ఉద్రిక్తత చోటు చేసుకుంది. అనంతరం ఆయన మాట్లాడుతూ.. రాష్ట్రంలో తెలుగుదేశం పార్టీ అధికారంలోకి వచ్చిన తర్వాత ప్రజాస్వామ్యాన్ని అపహాస్యం చేస్తున్నారని మండిపడ్డారు. రిజర్వాయర్‌ సందర్శనకు వెళ్తే కూడా ప్రభుత్వం ఎందుకు బెంబేలెత్తుందో అర్థం కావడం లేదన్నారు. వెలుగోడు రిజర్వాయర్‌ నుంచి తెలుగుగంగ, కేసీ కెనాల్‌ ఆయకట్టుకు నీరు విడుదల చేయాలని ప్రశ్నిస్తే పోలీసులతో గృహ నిర్భంధం చేయడం సమంజసం కాదన్నారు. పోలీసుల అడ్డంకులు సృష్టించినా రైతుల పక్షాన తమ పోరాటం ఆగదని స్పష్టం చేశారు. ఉరుకుంద హుండీ ఆదాయం రూ.1.41కోట్లు కౌతాళం: జిల్లాలో ప్రసిద్ధి చెందిన పుణ్యక్షేత్రాల్లో ఒకటైన ఉరుకుంద ఈరన్న స్వామి దేవాలయంలో శ్రావణమాసం మూడవ గురు, సోమవారాలకు సంబంధించి ఆరు రోజుల హుండీని మంగళవారం లెక్కించారు. ఆలయ డిప్యూటీ కమిషనర్‌ వాణి ఆధ్వర్యంలో లెక్కింపు కార్యక్రమం చేపట్టారు. నగదు రూపంలో రూ.1,41,05,560 రాగా.. వెండి 25 కేజీల 300 గ్రాములు, బంగా రం 16 గ్రాముల 980 మిల్లీగ్రాములు వచ్చినట్లు ఈఓ వెల్లడించారు. అలాగే యుఎస్‌ఏ డాలర్లు 8 వచ్చాయన్నారు. లెక్కింపు కార్యక్రమంలో హుండీ పర్యవేక్షణాధికారి కమలాకర్‌, దేవాలయ సిబ్బ ందితో పాటు ప్రధాన అర్చకుడు ఈరప్పస్వామి, ఉపప్రధాన అర్చకుడు మహదేవస్వామి, ముఖ్యఅర్చకులు, ఆలయ పర్యవేక్షకులు వెంకటేష్‌, మల్లికార్జున తదితరులు పాల్గొన్నారు. పీఆర్‌ ఎస్‌ఈగా కేజేఎస్‌ చంద్రారెడ్డి బాధ్యతల స్వీకరణ కర్నూలు(అర్బన్‌): పంచాయతీరాజ్‌ పర్యవేక్షక ఇంజనీరుగా కేజేఎస్‌ చంద్రారెడ్డి మంగళవారం బాధ్యతలు స్వీకరించారు. ఇప్పటి వరకు ఇక్క డ ఎస్‌ఈగా విధులు నిర్వహించిన జి.ప్రభాకర్‌రెడ్డి గత ఆగస్టు 31న పదవీ విరమణ చేశారు. ఆయన స్థానంలో నెల్లూరు జిల్లా పీఆర్‌ క్వాలిటీ కంట్రోల్‌ విభాగంలో ఈఈగా విధులు నిర్వహిస్తున్న కేజేఎస్‌ చంద్రారెడ్డికి ఎస్‌ఈగా పదోన్నతి కల్పించి ఇక్కడకు పోస్టింగ్‌ ఇచ్చారు. ఈ నేపథ్యంలోనే నూతన ఎస్‌ఈని ఇంజినీర్లు కలిసి పూలబొకేలతో అభినందనలు తెలిపారు. ముగిసిన బీమా గడువు కర్నూలు(అగ్రికల్చర్‌): ఖరీఫ్‌ సీజన్‌లో జిల్లాలో 3,48,390 హెక్టార్లలో పంటలు సాగయ్యాయి. ఈ సీజన్‌కు సంబంధించి వాతావరణ ఆధారిత బీమా కింద వేరుశనగ, పత్తి.. ప్రధానమంత్రి ఫసల్‌ బీమా యోజన కింద వరి, మొక్కజొన్న, కందులు, జొన్న, ఆముదం, మిర్చి, కొర్ర, సజ్జ, ఉల్లి నోటిఫై అయ్యాయి. వాతావరణ ఆధారిత బీమా కింద ప్రీమియం చెల్లింపు గడువు జూలై చివరితో పూర్తి కాగా.. ప్రధానమంత్రి ఫసల్‌ బీమా కింద ప్రీమియం చెల్లింపు గడువు ఆగస్టు 31తో ముగిసింది. నోటిఫై చేసిన పంటలు 3,40,842 హెక్టార్లలో సాగయ్యాయి. ఇందులో 3,30,482.74 హెక్టార్లకు ప్రీమియం చెల్లించినట్లు స్పష్టమవుతోంది. మొత్తం 2,86,322 మంది రైతులు ప్రీమియం చెల్లించారు. నంద్యాల జిల్లాలో వాతావరణ ఆధారిత బీమా, ప్రధానమంత్రి ఫసల్‌ బీమా కింద 1,00,094 హెక్టార్లకు ప్రీమియం చెల్లించారు. ఈ జిల్లాలో 1,48,546 మంది రైతులు పంటల బీమా చేసుకోగా.. ఇందులో బ్యాంకుల నుంచి రుణాలు పొందిన రైతులు 6,725 మంది ఉండగా.. నాన్‌ లోని ఫార్మర్స్‌ 1,41,821 మంది ఉండటం గమనార్హం. క్వింటా ఉల్లి రూ.4,139 కర్నూలు(అగ్రికల్చర్‌): ఎల్‌నినో ప్రభావంతో దేశవ్యాప్తంగా ఉల్లి సాగు తగ్గిపోవడంతో కొరత ఏర్పడుతోంది. కర్నూలు జిల్లాలో 19,241 హెక్టార్ల సాధారణ సాగు ఉండగా కేవలం 4,988 హెక్టార్లలో సాగయింది. మార్కెట్‌కు ఉల్లి తక్కువగా వస్తోంది. కేవలం 686 క్వింటాళ్ల ఉల్లిగడ్డలు మార్కెట్‌కు రాగా కనిష్టంగా రూ. 2,393, గరిష్టంగా రూ.4,139 ధర లభించగా.. సగటు ధర రూ.3,839 నమోదైంది. కర్నూలు మార్కెట్‌లో వేరుశనగ ధర క్వింటాకు గరిష్ట ధర రూ.9,329, ఆదోని మార్కెట్‌లో రూ.8,999 ప్రకారం ధర లభించింది. ఆదోని మార్కెట్‌కు పత్తి 1,064 క్వింటాళ్లు వచ్చింది. కనిష్ట ధర రూ.5,469, సగటు ధర రూ.9,769 పలికింది.

నందవరం: ‘చదువుకోవాలని ఉంది. కేజీబీవీలో సీటు ఇప్పించండి.. మేడం’ అంటూ పెద్దకడబూరు మండలం, కమ్మలదిన్నెకు చెందిన కురవ కావేరి జిల్లా కలెక్టర్‌ ఏ.సిరిని వేడుకుంది. మంగళవారం స్థానిక జెడ్పీహెచ్‌ఎస్‌ పాఠశాలను ఆకస్మికంగా తనిఖీ చేసిన జిల్లా కలెక్టర్‌కు కేజీబీవీలో సీటు కేటాయించాలని కోరుతూ కావేరి వినతి పత్రం అందజే సింది. 7వ తరగతి వరకు చదివానని, తర్వాత తల్లిదండ్రులు చదివించలేకపోవడంతో మధ్యలోనే వదిలేశానని తెలిపింది. కేజీబీవీలో దరఖాస్తు చేసుకు న్నా సీటు రాకపోవడంతో చదువుకోలేకపోయానని ఆవేదన వ్యక్తం చేసింది. ప్రస్తుతం నందవరం మండల కేంద్రంలో అమ్మమ్మ ఇంట్లో ఉంటూ పనులు చేసుకుంటున్నానని, తనకు కస్తూర్బాలో సీటు ఇప్పి ంచి చదివించాలని జిల్లా కలెక్టర్‌ను ఆ బాలిక వేడుకుంది. కలెక్టర్‌ స్పందిస్తూ కేజీబీవీలో సీటు కేటాయి స్తామని హామీ ఇవ్వడంతో కావేరి సంతోషం వ్యక్తం చేసింది.

నంద్యాల(న్యూటౌన్‌): ఇండియన్‌ రెడ్‌క్రాస్‌ సొసైటీ ఆధ్వర్యంలో ప్రజలకు విశిష్ట సేవలు అందించినందు కు జిల్లా కలెక్టర్‌ రాజకుమారికి రెడ్‌క్రాస్‌ బంగారు పతకం, ప్రశంసా పత్రం లభించింది. మంగళవారం విజ యవాడలో ఇండియన్‌ రెడ్‌క్రాస్‌ సొసైటీ రాష్ట్ర కమిటీ ఆధ్వర్యంలో నిర్వహించిన రాష్ట్ర వార్షిక సర్వసభ్య సమావేశంలో 2024–25 సంవత్సరానికి రాష్ట్రంలోని వివిధ జిల్లాల్లో రెడ్‌క్రాస్‌ ద్వారా విశిష్ట సేవలు అందించిన కలెక్టర్లను రాష్ట్ర గవర్నర్‌ సయ్యద్‌ అబ్దుల్‌ నజీర్‌ సత్కరించారు. నంద్యాల జిల్లాలో రెడ్‌క్రాస్‌ సొసైటీ ఆధ్వర్యంలో బ్లడ్‌ స్టోరేజ్‌ యూనిట్‌ ఏర్పాటు, ప్రధానమంత్రి భారతీయ జన ఔషధి కేంద్రం ప్రారంభం, ‘మీ ఇంటికి మీ డాక్టర్‌’ కార్యక్రమం అమలు తదితర ప్రజోపయోగ కార్యక్రమాలను సమర్థవంతంగా అమ లు చేసినందుకు కలెక్టర్‌ రాజకుమారికి ఈ పురస్కారం లభించింది.

కర్నూలు(టౌన్‌): ప్రజల గుండెల్లో కొలువైన దివంగత ముఖ్యమంత్రి డాక్టర్‌ వైఎస్‌ రాజశేఖర్‌ రెడ్డి వర్ధంతి కార్యక్రమాలు బుధవారం వైఎస్సార్‌ కాంగ్రెస్‌ పార్టీ ఆధ్వర్యంలో నిర్వహించనున్నారు. 2004 సంవత్సరం మే నెలలో ముఖ్యమంత్రిగా బాధ్యతలు చేపట్టిన డాక్టర్‌ వైఎస్‌ రాజశేఖర్‌ రెడ్డి ఐదేళ్ల పాలన స్వర్ణ యుగాన్ని తలపించింది. 2009 సంవత్సరం ఏప్రిల్‌లో మరోసారి ముఖ్యమంత్రిగా బాధ్యతలు చేపట్టిన ఆయన సరికొత్త చరిత్రకు నాంది పలికారు. ఆయన పాలనలో రూపుదిద్దుకున్న ఆరోగ్యశ్రీ, 108, 104, ఫీజు రీయింబర్స్‌మెంట్‌, ఉచిత విద్యుత్‌ వంటి ఎన్నో సంక్షేమ కార్యక్రమాలు పార్టీలు, కులమతాలకు అతీతంగా అందించడం ద్వారా ప్రజల గుండెల్లో చెరగని ముద్ర వేసుకున్నారు. 2009 సెప్టెంబర్‌ 2న నల్లమల అడవుల్లో జరిగిన హెలికాప్టర్‌ ప్రమాదంలో ఆయన తుదిశ్వాస విడిచారు. మహానేత మరణించి 17 సంవత్సరాలు గడుస్తున్నా ఇప్పటికీ ఆ చిరునవ్వు మదిమదిలో సజీవంగా ఉండటం విశేషం. ప్రతి ఏడాది ఆయన వర్ధంతి కార్యక్రమాల్లో ప్రజలు తమకు చేకూరిన లబ్ధిని గుర్తు చేసుకొని మనసులోనే నివాళులర్పిస్తున్నారు. జిల్లా వ్యాప్తంగా అన్ని నియోజకవర్గ కేంద్రాల్లో పార్టీ సమన్వయకర్తలు, పార్టీ శ్రేణులతో పాటు కర్నూలు నగరంలో వైఎస్సార్‌ వర్ధంతి కార్యక్రమాల నిర్వహణకు ఏర్పాట్లు చేశారు. కర్నూలులోని స్టేట్‌ బ్యాంకు వద్దనున్న వైఎస్సార్‌ సర్కిల్‌లో ఆయన విగ్రహానికి పూలమాలలు వేసి నివాళులు అర్పించనున్నారు. అలాగే జిల్లాలో గురురాఘవేంద్ర, హంద్రీనీవా, పోతిరెడ్డిపాడు, అవుకు రిజర్వాయర్‌ వంటి ఎన్నో ప్రాజెక్టులు పూర్తి చేసిన ఘనత ఆయనకే సొంతం. ఈ నేపథ్యంలో వైఎస్సార్‌ వర్ధంతిని పురస్కరించుకొని ఆయా ప్రాజెక్టులు, రిజర్వాయర్ల నుంచి నీళ్లు తీసుకొచ్చి బుధవారం వైఎస్సార్‌ విగ్రహాలకు జలాభిషేకం చేయనున్నట్లు పార్టీ వర్గాలు వెల్లడించాయి.

నేడు మహానేత డాక్టర్‌ వైఎస్‌ రాజశేఖర రెడ్డి వర్ధంతి కరువు నేలలో జలసిరులు కృష్ణగిరి: జిల్లాలో నిత్యం కరువుతో అల్లాడుతున్న పత్తికొండ నియోజకవర్గాన్ని హంద్రీ – నీవా కాలువ ఏర్పాటు చేసి కృష్ణాజలాలతో సస్యశ్యామలం చేసింది మహానేత డాక్టర్‌ వైఎస్‌ రాజశేఖర రెడ్డి. అలాగే కృష్ణగిరి, పందికోన రిజర్వాయర్లను ఏర్పాటు చేసి దాదాపు 80 వేల ఎకరాలకు సాగు నీరు అందించారు. దేవనకొండ, తుగ్గలి, కృష్ణగిరి, డోన్‌ మండలంలోని 50 గ్రామాలకు, డోన్‌ పట్టణానికి గాజులదిన్నె ప్రాజెక్టు ద్వారా రూ.55 కోట్లతో తాగునీరు అందించారు. వెల్దుర్తి మండలంలో మల్లెపల్లె వద్ద ఎత్తిపోతల పథకం, కృష్ణగిరి మండలంలో కృష్ణగిరి, కంబాలపాడు, ఆలంకొండ ఎత్తిపోతల పథకాలతోపాటు కృష్ణగిరి సమీపంలో 0.016 టీఎంసీలతో రిజర్వాయర్‌ ద్వారా ఏడు గ్రామాల్లోని 5,100 ఎకరాలకు సాగునీరు అందించారు. అలాగే పత్తికొండ మండలంలోని పందికోన వద్ద ఒకటిన్నర టీఎంసీల సామర్థ్యంతో 60 వేల ఎకరాలకు సాగునీరు అందించేలా ఏర్పాటుచేశారు. దీంతోపాటు లక్కసాగరం వద్ద, దేవనకొండ మండలం గుండ్లకొండ ఎత్తిపోతల పథకం సమీపంలో చానల్‌ కాలువలు ఏర్పాటు చేశారు. వీటి ద్వారా మరో 5,100 ఎకరాలకు సాగునీరు అందుతోంది. జలయజ్ఞంతోపాటు ఈ ప్రాంత ప్రజలకు అన్ని సంక్షేమ ఫలాలు అందింది కూడా వైఎస్సార్‌ పాలనలోనే అనేది జగమేరిగిన సత్యం. అందుకే ఇక్కడి ప్రజలు అయనను అనుదినం స్మరించుకుంటున్నారు. రైతు బాంధవుడు తుగ్గలి: వరుస కరువులతో 2004కు ముందు రైతులు కష్టాలతో కొట్టుమిట్టాడే రోజులవి. భూములు సాగుకు నోచుకోక బీడుగా మారాయి. మరోవైపు విద్యుత్‌ చార్జీల భారం. రైతులు వ్యవసాయం చేయడానికి వెనుకాడే పరిస్థితి. ఆ సమయంలో అధికారం చేపట్టిన వైఎస్‌ రాజశేఖర రెడ్డి రైతుల రుణమాఫీ చేయడంతో పాటు బోర్ల ద్వారా వ్యవసాయం చేసుకోవడానికి ఉచిత విద్యుత్‌ పథకాన్ని అమలు చేశారు. అప్పటి ప్రతిపక్ష తెలుగుదేశం పార్టీ నేతలు వైఎస్సార్‌ ఉచిత విద్యుత్‌ ఇస్తానంటే హేళన చేశారు. కానీ రైతు సంక్షేమం కోసం తాను ఎంత ఖర్చు అయినా చేస్తానని రైతులకు ఉచిత విద్యుత్‌ ఇచ్చి ప్రతిపక్ష పార్టీ నాయకులకు మాట ఆడలేని పరిస్థితి తెచ్చారు. ఇప్పటికీ ఆ పథకం కొనసాగుతుండటం ఆయన చలువే అని రైతులు గుర్తు చేసుకుంటున్నారు. పత్తికొండ నియోజకవర్గంలో కృష్ణగిరి, పందికోన వద్ద రిజర్వాయర్లు నిర్మించి వేలాది ఎకరాలకు సాగునీరు అందేలా కృషి చేశారు.

నంద్యాల(అర్బన్‌): వరద ప్రభావంతో నంద్యాలలో సర్వం కోల్పోయి ని రాశ్రయులుగా మారిన వారికి డాక్టర్‌ వైఎస్సార్‌ అండగా నిలిచారు. 2007 జూన్‌ 21న పట్టణం వరద ముంపునకు గురై అధికంగా నష్టపోయింది. వరద తాకిడికి గురైన ప్రాంతాల్లో జూన్‌ 24న వైఎస్సార్‌ స్వయంగా పర్యటించి, బాధితులను పరామర్శి ంచారు. ప్రజల కష్టాన్ని కళ్లారా చూసి న వైఎస్సార్‌ వరద ముప్పు నుంచి కాపాడతానని హామీ ఇచ్చారు. ఆ మేరకు శ్యామ కాలువ, కుందూ నది,మద్దిలేరును వెడల్పు చేసి వరద ముప్పు తప్పించడానికి రూ.92 కోట్లను మంజూరు చేశారు. వైఎస్‌ నగర్‌, పీవీ నగర్‌లలో తాగునీటి సౌకర్యం, రోడ్లు, డ్రె యిన్లకు రూ.3.62 కోట్లను మంజూరు చేశారు. ఆయ న హయాంలో నంద్యాల నియోజకవర్గంలో దాదాపు రూ.250 కోట్లతో అభివృద్ధి పనులు చేపట్టారు.

● బస్సు టైర్‌ పేలి ముగ్గురికి గాయాలు ● భయాందోళనకు గురైన ప్రయాణికులు ● రద్దీలో అస్వస్థతకు గురైన మహిళ మృతి పత్తికొండ: గమ్యస్థానాలకు చేరకుండా మార్గం మధ్యలోనే మరమ్మతులకు గురై ఆగిపోతూ ఆర్టీసీ బస్సులు హడలెత్తిస్తున్న సంఘటనలతో ప్రయాణికులు కలవరపడుతున్నారు. మంగళవారం ఉదయం పత్తికొండ నుంచి ఆదోనికి బయలుదేరిన ఆదోని డిపోకు చెందిన ఏపీ 39 యూఎస్‌ 5609 నంబరు గల బస్సు దేవనబండ–ఆటికెలగుండు గ్రామాల మధ్య టైర్‌ పేలడంతో ఆగిపోయింది. పేలుడు తీవ్రతకు టైర్‌ ఉన్న చోట సీట్‌లో కూర్చున్న హోసూరు, పత్తికొండ, ఆదోనికి చెందిన వెంకటేష్‌, కార్తీక్‌, గిరి అనే ప్రయాణికులు గాయాల పాలయ్యారు. ఉన్నఫళంగా పెద్ద శబ్దంతో టైరు పేలడంతో బస్సులో ఉన్న ప్రయాణికులు కాసేపు ఏమి జరిగిందో అర్థం కాక తీవ్ర భయాందోళనకు గురయ్యారు. అనంతరం ప్రయాణికులు 108కు సమాచారం ఇవ్వడంతో అక్కడికి చేరుకున్న అంబులెన్స్‌ వాహనం సిబ్బంది గాయపడిన వారిని ఆస్పరి ప్రభుత్వ ఆసుపత్రికి తరలించారు. రోడ్డుపై ఘటన జరగడంతో ముప్పు తప్పిందని, రక్షణ గోడలు లేని వంతెన వద్ద టైరు పేలి ఉంటే పెద్ద ప్రమాదం జరిగి ఉండేదని ప్రయాణికులు వాపోయారు. డిపో మేనేజర్‌పై మండిపాటు ఆదోని, పత్తికొండ రెండు డిపోలకు మేనేజర్‌గా వ్యవహరిస్తున్న రెహమాన్‌పై ప్రయాణికులు తీవ్ర స్థాయిలో మండిపడుతున్నారు. పత్తికొండ డిపోలో కాలం చెల్లిన బస్సులలో ప్రతిరోజు ప్రయాణం నరకప్రాయంగా మారింది. బస్టాండ్‌ నుంచి బయలుదేరిన బస్సులు గమ్యస్థానాలకు చేరకుండా అనునిత్యం మార్గం మధ్యలో నిలిచిపోతున్న ఘటనలు ఇటీవల ఎక్కువయ్యాయి. దీనికితోడు పత్తికొండ బస్టాండ్‌కు వచ్చే ఇతర డిపోల సిబ్బంది ఇష్టారాజ్యంగా బస్సులు నడుపుతూ ప్రయాణికులను తీవ్ర ఇబ్బందులకు గురి చేస్తున్నారు. ఇతర డిపోలకు చెందిన బస్సులు సమయపాలన లేకుండా నడపడం వల్ల అందుబాటులో ఉన్న బస్సులపై రద్దీ తీవ్రత పడుతుంది. దీంతో బస్సులో ప్రయాణం చేసేవారు అవస్థల నడుమ ప్రయాణాలు చేస్తున్నారు. అదే విదంగా రద్దీ వల్ల సోమవారం సాయంత్రం పత్తికొండ బస్డాండ్‌లో గుంతకల్‌కు చెందిన హసీనా అనే మహిళ తీవ్ర అస్వస్థతకు గురై వైద్య చికిత్స పొందుతూ కోలుకోలేక చనిపోయింది. పత్తికొండ డిపో మేనేజర్‌గా ఉన్న రెహమాన్‌ సంక్రమంగా విధులకు రాకపోవడం పాటు ఇక్కడ పనిచేసే సిబ్బంది విధులపై కూడా సంక్రమంగా పర్యవేక్షణ చేయడం లేదు. దీంతో మేనేజర్‌ నిర్లక్ష్యం వల్ల ప్రయాణికులు ఇబ్బందులు పడుతున్నారు. ఇవే సమస్యలపై నేరుగా గతంలో చాలా మంది రీజనల్‌ మేనేజర్‌ శ్రీనువాసులుకు ఫిర్యాదు చేసినా పట్టించుకోకపోవడంపై తీవ్ర విమర్శలు వ్యక్తమవుతున్నాయి. తోపులాటలో అస్వస్థతకు గురైన మహిళ మృతి కర్నూలు నుంచి గుంతకల్‌కు బస్సులో ప్రయాణిస్తున్న గుంతకల్‌కు చెందిన హసీనా (55) అనే మహిళ సోమవారం సాయంత్రం పత్తికొండ బస్టాండ్‌లో వాష్‌రూమ్‌కు దిగింది. తిరిగి బస్సు ఎక్కే క్రమంలో రద్దీ వల్ల జరిగిన తోపులాటలో ఊపిరి అందక స్పృహ తప్పి కింద పడిపోయింది. ఆమె కుమారుడు స్థానికుల సహకారంతో వెంటనే పత్తికొండ ప్రభుత్వ ఆసుపత్రికి తరలించారు. పరిస్థితి విషమంగా ఉండటంతో విధుల్లో ఉన్న వైద్యాధికారి మణిదీప్‌ ఆమెకు వైద్య చికిత్సలు నిర్వహించారు. అయితే ఆమె కోలుకోలేక మృతి చెందింది. బస్సులో రద్దీ వల్లనే తన అమ్మ అకారణంగా చనిపోయిందని కుమారుడు దాదాపీరా ఆవేదన వ్యక్తం చేశారు. ఇలాంటి ఘటనలకు ఎవరు బాధ్యత వహిస్తారని కుటుంబసభ్యులు ప్రశ్నించారు.

కర్నూలు(హాస్పిటల్‌): కర్నూలు ప్రభుత్వ సర్వజన వైద్యశాల ఆవరణలోని దిశ, వన్‌స్టాప్‌ సెంటర్‌ను గురువారం జిల్లా న్యాయ సేవాధికార సంస్థ కార్యదర్శి బి.లీలా వెంకటశేషాద్రి తనిఖీ చేశారు. ఆయా కార్యాలయాలకు సంబంధించి రిజిస్టర్‌లను పరిశీలించారు. వన్‌స్టాప్‌ సెంటర్‌లో చేరే వారి వివరాలను, వారి రికార్డులను సక్రమంగా నిర్వహించాలని, సంబంధిత సంతకాలు కచ్చితంగా తీసుకోవాలని అక్కడి సిబ్బందిని ఆదేశించారు. బాధితులకు విక్టిమ్‌ కాంపెన్సేషన్‌ త్వరగా అందేలా కృషి చేయాలని అక్కడి సిబ్బందికి చెప్పారు. అక్కడున్న నివాసితులకు లీగల్‌ సర్వీసెస్‌ యాక్ట్‌ – 1987 ద్వారా ఉచిత న్యాయ సహాయం పొందేందుకు అర్హులని తెలిపారు. వారి భోజన, వసతి సదుపాయాల గురించి అడిగి తెలుసుకున్నారు. చట్టపరమైన సమస్యలు వస్తే లీగల్‌ సర్వీసెస్‌ టోల్‌ ఫ్రీ నంబర్‌ 15100కు కాల్‌చేస్తే సమస్యలను పరిష్కరిస్తామని చెప్పారు.

డోన్‌ రూరల్‌: రాష్ట్రంలోని ప్రభుత్వ పారిశ్రామిక శిక్షణ సంస్థ(ఐటీఐ)ల్లో ఏర్పాటు చేస్తున్న ఆర్టిఫీషియల్‌ ఇంటెలిజెన్స్‌ ల్యాబ్‌లకు సంబంధించి కాంట్రాక్ట్‌ ప్రాతిపదికన వివిధ పోస్టుల భర్తీకి దరఖాస్తులకు ఆహ్వానిస్తున్నట్లు ఐటీఐ డిప్యూటీ డైరెక్టర్‌ జింకా శ్రీకాంత్‌, ఐటీఐ ప్రిన్సిపాల్‌ నాగకేశాలు గురువారం ఒక ప్రకటనలో తెలిపారు. డేటా అనోటేటర్‌ అసిస్టెంట్‌ (3) ఓసీ, డేటా క్యూరెటర్‌ అసిస్టెంట్‌ (3) ఓసీ–1, బీసీ–1, ఎస్సీ–1, పోస్టులు డోన్‌ ఐటీఐలో అందుబాటులో ఉన్నాయన్నారు. అర్హత కలిగిన అభ్యర్థులు ఒరిజినల్‌ సర్టిఫికెట్లతో దరఖాస్తు చేసుకోవాల్సి ఉంటుందని, అభ్యర్థులు ఎంపికకు సంబంధించి 22 సెప్టెంబర్‌ సాయంత్రం 5 గంటల్లోపు వివరాలను సమర్పించాలని అధికారులు సూచించారు. పూర్తి వివరాలకు దగ్గర్లోని ఐటీఐ ప్రధానాధికారిని సంప్రదించాలని పేర్కొన్నారు. నియామక ప్రకియ డిప్యూటీ డైరెక్టర్‌ రీజినల్‌ ఆఫీస్‌, ప్రభుత్వ ఇండస్ట్రియల్‌ ట్రైనింగ్‌ ఇన్‌స్టిట్యూట్‌ క్యాంపస్‌, పద్మావతిపురం, తిరుచానూర్‌ రోడ్డు, తిరుపతి కార్యాలయం ఆధ్వర్యంలో నిర్వహించనున్నట్లు తెలిపారు. ఉరి వేసుకొని యువకుడి ఆత్మహత్య డోన్‌ టౌన్‌: మండలంలోని చింతలపేట గ్రామానికి చెందిన వెంకటేశ్వర్లు కుమారుడు కుమ్మరి వెంకటస్వామి (27) చెట్టుకు ఉరి వేసుకొని ఆత్మహత్యకు పాల్పడిన సంఘటన ఆలస్యంగా వెలుగులోకి వచ్చింది. గత ఆగస్టు 28న తండ్రి మందలించడంతో వెంకటస్వామి ఇంటి నుండి వెళ్లిపోయి గ్రామ సమీపంలో గోసానిపల్లె నుంచి ధర్మారం గ్రామానికి వెళ్లే మట్టి రోడ్డు గుండా పొలాల్లోకి వెళ్లి చెట్టుకు ఉరి వేసుకొని ఆత్మహత్యకు పాల్పడినట్లు రూరల్‌ పోలీసులు తెలిపారు. వెంకటస్వామికి నాలుగు సంవత్సరాల క్రితం హరిప్రియ అనే యువతితో వివాహం జరిగింది. ఉడుములపాడు సమీపంలోని ఒక ప్రైవేట్‌ ఫ్యాక్టరీలో పని చేస్తూ జీవనం సాగించేవారు. ఇంటి నుంచి వెళ్లిపోయిన అతని కోసం కుటుంబ సభ్యులు పలుచోట్ల వెతికినా ఆచూకీ తెలియలేదు. ఈ క్రమంలో గురువారం అటు వైపు పొలం పనులకు వెళ్లిన వారికి దుర్వాసన రావడంతో మృతదేహాన్ని గుర్తించి పోలీసులకు సమాచారం ఇచ్చారు. తల్లి లక్ష్మిదేవి ఇచ్చిన ఫిర్యాదు మేరకు రూరల్‌ పోలీసులు కేసు నమోదు చేసుకొని విచారణ జరుపుతున్నారు. ఆటో ఢీకొని వ్యక్తి మృతి కర్నూలు (సిటీ): కర్నూలు రూరల్‌ మండల పరిధిలోని ఇ.తాండ్రపాడు గ్రామంలో ఆటో ఢీకొనడంతో గాయపడిన వ్యక్తి చికిత్స పొందుతూ కోలుకోలేక మృతిచెందాడు. అదే గ్రామంలోని టీజీ నగర్‌కు చెందిన ఎం.రాజేంద్ర బాబు (56) బార్బర్‌ షాప్‌ నిర్వహిస్తున్నాడు. రాత్రి షాప్‌కు మూత వేసి ఇంటికి వెళ్తుండగా గ్రామ సమీపంలోని వంతెన వద్ద ఇ.తాండ్రపాడుకు చెందిన ఆటో డ్రైవర్‌ వెంకటేశ్వర్లు వెనుక నుంచి వచ్చి ఢీకొట్టారు. ప్రమాదంలో రాజేంద్రబాబుకు తీవ్ర గాయాలైనప్పటికీ ఆటోడ్రైవర్‌ అలాగే ముందుకెళ్లిపోయాడు. అదే దారిలో వెళ్తున్న కొందరు గుర్తించి కుటుంబ సభ్యులకు సమాచారమివ్వడంతో కర్నూలు ప్రభుత్వాసుపత్రికి తరలించారు. చికిత్స పొందుతూ బుధవారం అర్ధరాత్రి కోలుకోలేక మృతిచెందాడు. మృతుడికి భార్య ఎన్‌.శంకరమ్మ, ఇద్దరు కూతుర్లు, కుమారుడు ఉన్నారు. మృతుడి భార్య ఫిర్యాదు మేరకు తాలూకా పోలీసులు కేసు నమోదు చేసి విచారిస్తున్నారు. ఏఎస్‌ఐ కుటుంబానికి ఇన్సూరెన్స్‌ చెక్కు అందజేత బొమ్మలసత్రం: కారు ప్రమాదంలో మృతిచెందిన ఆళ్లగడ్డ ఏఎస్‌ఐ సురేష్‌రెడ్డి కుటుంబానికి రూ. 20.80 లక్షల చెక్కును జిల్లా ఎస్పీ సునీల్‌ షోరాణ్‌ గురువారం అందించారు. ఎస్పీ మాట్లాడుతూ.. ఏఎస్‌ఐ సురేష్‌రెడ్డి ఈఏడాది 7వ నెలలో కారు ప్రమాదంలో మృతిచెందాడన్నారు. గ్రూప్‌ పర్సనల్‌ యాక్సిడెంట్‌ ఇన్సూరెన్స్‌ ద్వారా మంజూరైన చెక్కును ఆయన కుటుంబ సభ్యులకు అందజేశామన్నారు. మృతిచెందిన పోలీస్‌ కుటుంబాలకు తాము ఎల్లప్పుడూ అందుబాటులో ఉంటామన్నారు. కార్యక్రమంలో ఎస్పీతో పాటు అడిషనల్‌ ఎస్పీ అడ్మిన్‌ ఖాదర్‌బాషా, కార్యాలయ అధికారులు వీరన్న, కవిత, జిల్లా పోలీస్‌ అసోసియేషన్‌ అధ్యక్షులు స్వామినాయక్‌ ఉన్నారు. హైకోర్టు బెంచ్‌ సాధించే వరకు ఉద్యమం కర్నూలు: కర్నూలులో శాశ్వత హైకోర్టు బెంచ్‌ సాధించేవరకు ఉద్యమం కొనసాగిస్తామని న్యా యవాదులు స్పష్టం చేశారు. వారి రిలే నిరాహార దీక్షలు 11వ రోజు గురువారం కొనసాగాయి. న్యాయవాదులు నిస్సీ, గౌతమ్‌ శేఖర్‌, తులసి ఈ శ్వర్‌ రెడ్డి తదితరులు దీక్షలో కూర్చున్నారు. జిల్లా బార్‌ అసోసియేషన్‌ ఆధ్వర్యంలో కొనసాగుతున్న న్యాయవాదుల విధుల బహిష్కరణ ఈనెల 11వ తేదీ వరకు కొనసాగించాలని తీర్మానించారు. ఈ మేరకు ఏకగ్రీవంగా తీర్మానించినట్లు బార్‌ అసోసియేషన్‌ అధ్యక్షుడు చంద్రుడు తెలిపారు.

కర్నూలు(అగ్రికల్చర్‌): ఉద్యాన పంటల్లో ఎగుమతులకు అవకాశాలు ఎక్కువగా ఉన్నాయని, అయితే సాగులో తగిన జాగ్రత్తలు చేపట్టి నాణ్యత ప్రమాణాలు పాటించాలని ఐ కార్‌ ప్రధాన శాస్త్రవేత్త విజయ్‌ అవినాష్‌ లింగం సూచించారు. కర్నూలులోని ఉద్యాన భవన్‌లో గురువారం రైతు ఉత్పత్తిదారుల సంస్థలను ప్రపంచ విజయం దిశగా సాధికారత సాధించడం, ఎగుమతుల సన్నాహకాలపై సమగ్ర శిక్షణలో భాగంగా జిల్లాలోని ఎఫ్‌పీఓల ప్రతినిధులకు ఎగుమతులపై అవగాహన సదస్సు జరిగింది. ముఖ్య అతిథిగా హాజరైన ఐ కార్‌ ప్రధాన శాస్త్రవేత్త మాట్లాడుతూ.. పవర్‌ పాయింట్‌ ప్రజెంటేషన్‌ ద్వారా ఉద్యాన ఉత్పత్తుల ఎగుమతులపై అవగాహన కల్పించారు. ఏఏ పంటలకు ఎగుమతులకు అవకాశాలు ఉన్నాయి. ఎగుమతులలో రైతు ఉత్పత్తిదారుల సంఘాల పాత్ర తదితర వాటిని వివరించారు. కర్నూలు జిల్లా ఉద్యాన పంటల సాగుకు నిలయంగా మారుతోందని, ఎగుమతులకు అవకాశం ఉన్నప్పుడే పండించిన పంటలకు గిట్టుబాటు ధరలు లభిస్తాయని పేర్కొన్నారు. ఉద్యాన శాఖ, నాబార్డు, డీఆర్‌డీఏ ఆధ్వర్యంలో రైతు ఉత్పత్తిదారుల సంఘాలు బాగా పని చేస్తున్నాయని, ఎగుమతులకు అవకాశం కల్పించడం ద్వారా సంఘాలు మరింత అభివృద్ధి చెందుతాయని పేర్కొన్నారు. వివిధ సంఘాల ప్రతినిధుల అనుమానాలను నివృత్తి చేశారు. ఎగుమతులకు నాబార్డు, ఎపిడా సంపూర్ణంగా సహకరిస్తున్నాయని, ఈ అవకాశాలను సద్వినియోగం చేసుకోవాలని సూచించారు. ఇండియన్‌ ఇనిస్టిట్యూషన్‌ ఆప్‌ ప్లాంటేషన్‌ మేనేజ్‌మెంట్‌ ప్రతినిధి నబిరసుల్‌, నాబార్డు డీడీఏం సుబ్బారెడ్డి, ఎపిడా మేనేజర్‌ పెద్దస్వామి, జిల్లా ఉద్యాన అధికారి రాజాకృష్ణారెడ్డి, డీఆర్‌డీఏ పీడీ శ్రీధర్‌రావు తదితరులు పాల్గొన్నారు.

నంద్యాల(న్యూటౌన్‌): మహిళలు పారిశ్రామికవేత్తలుగా రాణించాలని డీఆర్‌డీఏ పీడీ శ్రీధర్‌రెడ్డి అన్నారు. గురువారం స్థానిక డీఆర్‌డీఏ కార్యాలయంలో నేషనల్‌ ఎంటర్‌ పెన్యూర్‌ డే క్యాంపెయిన్‌, పీఎంఎఫ్‌ఎంఈ గ్రాడ్యుయేషన్‌డే పై అవగాహన కార్యక్రమం నిర్వహించారు. ఈ సందర్భంగా ఆయన ఆయన మాట్లాడుతూ.. ఈ ఏడాదికి బ్యాంక్‌ లింకేజీ రుణం కింద రూ.1,342 కోట్ల లక్ష్యం కాగా ఇప్పటి వరకు రూ.573 కోట్లు మంజూరయ్యాయన్నారు. అలాగే సీ్త్రనిధి ద్వారా ఈ ఏడాదికి రూ.378 కోట్ల రుణం లక్ష్యం కాగా ఇప్పటి వరకు రూ.127.74 కోట్లు ఇచ్చామన్నారు. మండలాల వారీగా సాధించాల్సిన లక్ష్యాలు, యాక్షన్‌ ప్లాన్‌ తయారు చేసుకొని ముందుకెళ్లాలని ఆదేశించారు. కార్యక్రమంలో యూనియన్‌ బ్యాంక్‌ ఆఫ్‌ ఇండియా రీజనల్‌ మేనేజర్‌ అనిల్‌ మాట్లాడుతూ మహిళలు డీపీఎంఎస్‌, ఏపీఎంలు, మండల సమాఖ్య అధ్యక్షులు, యూనియన్‌ బ్యాంక్‌ అధికారులు పాల్గొన్నారు.

మహానంది: మహానంది మండలం బొల్లవరం గ్రామానికి చెందిన బండారు శేఖర్‌ (45) ఎండుతున్న పొలాన్ని చూసి ఆవేదనతో గుండెపోటుకు గురై గురువారం మృతిచెందినట్లు కుటుంబ సభ్యులు తెలిపారు. గ్రామానికి చెందిన శేఖర్‌ తనకున్న కొద్దిపాటి పొలంతో పాటు 5.50 ఎకరాలు కౌలుకు తీసుకుని సాగు చేస్తున్నాడు. ఇటీవల వర్షాలు లేక వరి పంట ఎండిపోవడంతో ఆందోళన చెందాడు. ఈ మేరకు గత రెండు రోజుల నుంచి పొలం ఎండిపోతోందని కుటుంబ సభ్యులతో చెబుతూ మనోవేదనకు గురయ్యాడు. పొలం ఎండిపోతే పోయింది.. అప్పులు ఎలాగైనా తీర్చుకుందామని కుటుంబ సభ్యులు ఓదార్చుతూ వచ్చారు. అయినప్పటికీ మనోవేదనకు గురైన ఆయన గురువారం తెల్లవారుజామున గుండెపోటుకు గురికావడంతో చికిత్స నిమిత్తం నంద్యాలలోని ఓ ప్రైవేటు ఆసుపత్రికి తరలించారు. ఆయన కోలుకోలేక మృతిచెందినట్లు కుటుంబ సభ్యులు తెలిపారు. మృతిచెందిన శేఖర్‌కు కుమారుడు, కుమార్తె ఉన్నారు.

నంద్యాల(న్యూటౌన్‌): పట్టణంలోని మధుమణి ఆసుపత్రి ఆడిటోరియంలో నంద్యాల జిల్లా బాక్సింగ్‌ అసోసియేషన్‌ ఆధ్వర్యంలో ఇంటర్‌ జోనల్‌ బాక్సింగ్‌ చాంపియన్‌షిప్‌ పోటీలు ప్రారంభించినట్లు డాక్టర్‌ మధుసూదనరావు, అసోసియేషన్‌ చైర్మన్‌ డాక్టర్‌ రవికృష్ణ తెలిపారు. వారు గురువారం మాట్లాడుతూ.. ఇటీవల రాష్ట్ర ప్రభుత్వం తిరుపతిలో ప్రతిష్టాత్మకంగా నిర్వహించిన రాష్ట్రస్థాయి అమరావతి క్రీడా పోటీల్లో బాక్సింగ్‌లో జిల్లా క్రీడాకారులు ఒక బంగారు పతకం, నాలుగు రజత పతకాలు సాధించి తృతీయ స్థాయిలో నిలవడం గర్వకారణమన్నారు. నంద్యాల జిల్లాల్లో బాక్సింగ్‌ శిబిరాలు, రాష్ట్రస్థాయి బాక్సింగ్‌ చాంపియన్‌షిప్‌ పోటీలు నిర్వహిస్తామని ప్రకటించారు. క్రీడాకారులు నిరంతర సాధన ద్వారా విజయాలు సాధించాలని ఆకాంక్షించారు. నంద్యాల జిల్లా బాక్సింగ్‌ కార్యదర్శి ఫయాజ్‌ మాట్లాడుతూ.. ఈ పోటీల్లో ఉమ్మడి జిల్లాతో పాటు అన్నమయ్య జిల్లాల నుంచి 150 మందికి పైగా క్రీడాకారులు పాల్గొంటున్నారని, వివిధ వెయిట్‌ కేటగిరీల్లో బాలబాలికలకు వేర్వేరుగా పోటీలు నిర్వహిస్తున్నట్లు చెప్పారు. జిల్లా బాక్సింగ్‌ అసోసియేషన్‌ నాయకులు ఫయాజ్‌, నూర్‌బాషా, చంద్రశేఖర్‌, నాగేంద్ర, ఆనంద్‌, ఉపేంద్ర, గణేష్‌, చంద్ర తదితరులు పాల్గొన్నారు.

కర్నూలు కల్చరల్‌: రాయలసీమ విశ్వవిద్యాలయం విద్యార్థి సంఘం నేత, నంద్యాల ఎంపీ బైరెడ్డి శబరి అనుచరుడు బుధవారం రాత్రి వర్సిటీలో వీరంగం సృష్టించాడు. వీసీని కలవడానికి అనుమతివ్వలేదనే కారణంతో వీసీ పీఏతో మొదలైన దూషణల పర్వం, వీసీ డ్రైవర్‌, ఒక సామాజిక వర్గానికి చెందిన ఉద్యోగులు, ఉద్యోగ సంఘాల నాయకులను అసభ్య పదజాలంతో విరుచుపడ్డాడు. వర్సిటీ రిజిస్ట్రార్‌ ప్రొఫెసర్‌ బి.విజయ్‌కుమార్‌ నాయుడు ఎదుటే దూషణల పర్వం కొనసాగింది. రిజిస్ట్రార్‌ను ఉద్దేశించి ‘‘కడపలో ఉన్నప్పుడు రెస్పెక్ట్‌ ఉండేది, ఇప్పుడు అది పోయింది, నీ విషయంలో జోక్యం చేసుకోలేదు. వీసీకి, రిజిస్ట్రార్‌కు నేను ఎంత సపోర్ట్‌ చేశానో తెలుసా’’ అంటూ విరుచుకుపడ్డాడు. ‘‘మా ఆడబిడ్డపై దాడి చేస్తారా.. మా గవర్నమెంట్‌ ఇది, ఎవరు నన్ను ఆపేది, అయితే సస్పెండ్‌ చేస్తారు అంతే కదా. ఇక్కడ అందరి జాతకాలు తెలుసు. ఒక్కొక్కరి దగ్గర రూ.50 వేలు, రూ.లక్ష తీసుకొని డ్రామాలు చేస్తారా’’ అంటూ వీరంగం సృష్టించాడు. బైరెడ్డి శబరి అక్కకు ఒక్క ఫోన్‌ చేస్తే.. అంటూ బెదిరింపులకు పాల్పడ్డాడు. చివరకు రిజిస్ట్రార్‌ ఇలాగే చేస్తే పోలీసులను పిలవాల్సి వస్తుందని చెప్పడంతో ఆయనతో పాటు మాట్లాడటానికి రిజిస్ట్రార్‌ ఛాంబర్‌కు వెళ్లాడు. విద్యార్థులు గొడవ పడితేనే సస్పెండ్‌, వర్సిటీని బహిష్కరించే వర్సిటీ అధికారులు, మరి వర్సిటీ పరిపాలనాధికారి ఎదుటే, పరిపాలనా భవనంలోనే ఇష్టానుసారం అసభ్య పదజాలంతో దూషణలకు పాల్పడ్డ విద్యార్థి సంఘం నాయకునిపై ఏమి చర్యలు తీసుకుంటారోననే చర్చ వర్సిటీలో సాగుతోంది.

శ్రీశైలంటెంపుల్‌: శ్రీశైల దేవస్థానంలో ఇంజినీరింగ్‌ విభాగం అత్యంత కీలకం. ఈ విభాగం ద్వారా క్షేత్రంలో అభివృద్ధి కార్యక్రమాలు జరుగుతుంటాయి. శ్రీగిరిలో త్వరలో సుమారు రూ.800 కోట్లతో మూడు విడతలుగా మాస్టర్‌ ప్లాన్‌ పనులకు శంకుస్థాపన చేసి, పనులను ప్రారంభించాలని ట్రస్ట్‌బోర్డు ఆశిస్తోంది. అయితే దేవస్థానంలో విధులు నిర్వహిస్తున్న ఇద్దరు ఎగ్జిక్యూటివ్‌ ఇంజినీర్లు (ఈఈ) రిటైర్‌ కావడంతో ఆ పోస్టులు ఖాళీగా ఉన్నాయి. ఇన్‌చార్జ్‌ డీఈఈ హోదాలో ఇద్దరు ఏఈఈలు విధులు నిర్వహిస్తున్నారు. ఈ క్రమంలో క్షేత్రంలో ఇంజినీర్ల కొరతతో అభివృద్ధి పనులకు అటంకం కలగనుంది. దేవస్థానంలో ఇంజినీర్ల కొరత రాష్ట్రంలో అతిపెద్ద పుణ్యక్షేత్రాల్లో శ్రీశైల మహాక్షేత్రం రెండవది. శ్రీశైల దేవస్థానం ఇంజినీరింగ్‌ విభాగంలో ఈఈలు ఇద్దరు ఉండాలి. అలాగే సివిల్‌–2, ఎలక్ట్రికల్‌–1, వాటర్‌ సఫ్లై–1 ఇలా నలుగురు డిప్యూటీ ఈఈలు ఉండాలి. అలాగే హెడ్‌ డ్రాఫ్ట్‌స్‌మెన్‌–ఒకరు, డ్రాఫ్ట్‌స్‌మెన్‌–ఇద్దరు ఉండాలి. ఒక్కో డీఈఈ కింద ఐదుగురు సహాయ ఇంజినీర్లు ఉండాలి. ఒక్కో ఏఈకి ఒక వర్క్‌ ఇన్‌స్పెక్టర్‌ ఉండాలి. అంతేగాకుండా ఎలక్ట్రీషియన్లు, ప్లంబర్స్‌, ఫిట్టర్‌, పంప్‌ ఆపరేటర్‌, సూపర్‌వైజర్స్‌, మేషన్‌ (మేస్త్రి), కార్పెంటర్‌, వెల్డర్‌, పెయింటర్‌, హెల్పర్స్‌ ఉండాలి. దేవస్థానంలోని ఇద్దరు ఈఈల్లో ఒకరు జూన్‌లో, మరొకరు ఆగస్టులో రిటైర్‌ అయ్యారు. దీంతో రెండు ఈఈ పోస్టులు ఖాళీగా ఉన్నాయి. నలుగురు డీఈఈలకు గాను ఎవరు లేరు. 20 మంది ఏఈలకు గాను నలుగురు రెగ్యులర్‌, మరికొంత మంది కాంట్రాక్ట్‌, ఔట్‌సోర్సింగ్‌ ప్రాతిపదికన విధులు నిర్వహిస్తున్నారు. డ్రాఫ్ట్‌స్‌మెన్‌ ఒకరు మాత్రమే ఉన్నారు. అంతేగాకుండా ఇద్దరు ఏఈఈలు, ఇన్‌చార్జ్‌ డిప్యూటీ ఎగ్జిక్యూటివ్‌ (సివిల్‌, ఎలక్ట్రికల్‌) ఇంజినీర్లుగా విధులు నిర్వహిస్తున్నారు. అనుభవం ఉన్న అధికారి అయితే.. సుమారు రూ.800 కోట్లతో మూడు విడతల్లో చేపట్టనున్న మాస్టర్‌ప్లాన్‌ అభివృద్ధి పనులు వేగవంతం కావాలంటే గతంలో దేవస్థానంలో పనిచేసిన అనుభవం కలిగిన అధికారిని ఈఈగా నియమించాలనే వాదన వినిపిస్తోంది. రూ.800కోట్ల అభివృద్ధి పనులు ఎటువంటి అంతరాయం లేకుండా వేగంగా, క్షేత్రంలో మౌలిక వసతులు, దేవస్థాన ఇంజినీరింగ్‌ పనులపై అవగాహన ఉండి గతంలో క్షేత్రంలో పనిచేసిన ఈఈను శ్రీశైలానికి డెప్యూటేషన్‌ లేదా బదిలీపై నియమించాలని కొన్ని నెలల క్రితం ఈఓ రాష్ట్ర దేవదాయశాఖ కమిషనర్‌కు లేఖ సైతం రాశారు. అయితే టీడీపీ ముఖ్యనేత అనుచరుడు ఆర్‌అండ్‌బీ శాఖలో ఈఈగా ఉన్న ఓ అధికారిని దేవస్థాన ఈఈగా డెప్యూటేషన్‌పై తీసుకురావాలని విశ్వ ప్రయత్నాలు చేస్తున్నట్లు తెలుస్తోంది. ఇప్పటికై నా దేవదాయ శాఖ అధికారులు శ్రీశైల దేవస్థానంలోని ఇంజినీరింగ్‌ విభాగంపై దృష్టిసారించి అనుభవం, అర్హత కలిగిన ఇంజినీర్లను నియమించి, మాస్టర్‌ప్లాన్‌ పనులు పూర్తి నాణ్యతతో నిర్మించేలా పర్యవేక్షణ చేసేందుకు అవరమైన పూర్తిస్థాయి ఇంజినీర్లను నియమిస్తారో లేక టీడీపీ ముఖ్య నాయకుడి అనుచరుడి సూచించిన ఆర్‌అండ్‌బీ శాఖ ఈఈని డెప్యూటేషన్‌పై నియమిస్తారో చూడాలి. శ్రీశైల దేవస్థానంలో అభివృద్ధి పనులకు ఇంజినీర్లు కరువు దేవస్థానంలోని ఇద్దరు ఎగ్జిక్యూటివ్‌ ఇంజినీర్లు రిటైర్డ్‌ శ్రీగిరిలో త్వరలో మూడు విడతల్లో రూ.800 కోట్లతో మాస్టర్‌ప్లాన్‌ పనులు రూ.800 కోట్ల మాస్టర్‌ప్లాన్‌కు ఆటంకం టీడీపీ ప్రభుత్వం ఏర్పాటైనప్పటి నుంచి శ్రీశైల దేవస్థానంలో ఒక్క అభివృద్ధి కార్యక్రమం చేపట్టలేదు. దేవస్థాన ట్రస్ట్‌బోర్డు సుమారు రూ.800 కోట్లతో మూడు విడతల్లో మాస్టర్‌ప్లాన్‌లో భాగంగా క్యూకాంప్లెక్స్‌, పబ్లిక్‌ ఎనిమిటీస్‌, టాయిలెట్స్‌, సాలు మండపాలు నిర్మించాలని భావిస్తున్నారు. అయితే దేవస్థానంలో ఈఈలు లేకపోవడంతో మాస్టర్‌ప్లాన్‌ పనులు ఆలస్యం అయ్యే అవకాశం ఉంది. మాస్టర్‌ప్లాన్‌ పనులకు సంబంధించి టెండర్ల ప్రక్రియ, నాణ్యతతో నిర్మాణ పనులు, పర్యవేక్షణ చేపట్టేందుకు దేవస్థానంలో ఈఈలు లేరు. ఈ నేపథ్యంలో దేవస్థానంలో మాస్టర్‌ప్లాన్‌ అమలుకు ఆటంకం ఏర్పడే అవకాశం ఉంది.

శ్రీశైలం ప్రాజెక్ట్‌: శ్రీశైలం జలాశయంలో గురువారం సాయంత్రానికి 144.8036 టీఎంసీల నీరు నిల్వ ఉంది. డ్యాం నీటి మట్టం 870.70 అడుగులకు చేరుకుంది. జలాశయానికి వస్తున్న ఇన్‌ఫ్లో కంటే దిగువ ప్రాజెక్ట్‌లకు విడుదల చేస్తున్న ఔట్‌ఫ్లో ఎక్కువగా ఉండడం వలన జలాశయ నీటిమట్టం రోజురోజుకు పడిపోతుంది. జూరాల ప్రాజెక్ట్‌ నుంచి కేవలం 8,328 క్యూసెక్కుల వరద నీరు శ్రీశైలంకు విడుదలవుతుంది. బుధవారం నుంచి గురువారం వరకు జలాశయం నుంచి దిగువ ప్రాజెక్ట్‌లకు 27,434 క్యూసెక్కుల నీటిని విడుదల చేశారు. ఐటీఐలో ప్రవేశానికి దరఖాస్తుల ఆహ్వానం శ్రీశైలంప్రాజెక్ట్‌: శ్రీశైలం (సున్నిపెంట) ప్రభుత్వ ఐటీఐలో ప్రవేశానికి దరఖాస్తులు ఆహ్వానిస్తున్నట్లు ప్రిన్సిపాల్‌ ఏ.రవీంద్రబాబు గురువారం ఒక ప్రకటనలో తెలిపారు. అభ్యర్ధులు www. itiadmissions.ap.gov.in వెబ్‌సైట్‌లో ఈనెల 7వ తేదీలోగా దరఖాస్తు చేసుకోవాలన్నారు. పదవ తరగతిలో మెరిట్‌ ప్రకారం 7వ తేదీ మధ్యాహ్నం 2.30లకు శ్రీశైలం ఐటీఐలో కౌన్సెలింగ్‌ నిర్వహిస్తామన్నారు. అభ్యర్ధులు తమ ఒరిజినల్‌ సర్టిఫికెట్లతో కౌన్సెలింగ్‌కు హాజరు కావాలని తెలిపారు. వివరాలకు 9493252324, 9441181072ను సంప్రదించాలని పేర్కొన్నారు. ఫలించిన శిల్పా పోరాటం ● కేసీ, కుందూకు నీటి విడుదల బండి ఆత్మకూరు: సాగు, తాగునీటి సమస్యల పరిష్కారం కోసం శ్రీశైలం నియోజకవర్గ మాజీ శాసన సభ్యులు శిల్పా చక్రపాణి రెడ్డి చేపట్టిన సమర శంఖారావం కార్యక్రమం ఫలితాన్నిచ్చింది. వెలుగోడు రిజర్వాయర్‌లో నీరు అందుబాటులో ఉన్నప్పటికీ కాలువలకు ప్రభుత్వం నీటిని విడుదల చేయలేదు. దీంతో రైతులు, ప్రజల సమస్యలను ప్రభుత్వం దృష్టికి తీసుకెళ్లేందుకు ఈనెల ఒకటవ తేదీన శిల్పా ఆధ్వర్యంలో నిర్వహించిన ఆందోళనకు పిలుపునకు రైతులు, ప్రజలు పెద్ద ఎత్తున తరలివచ్చారు. వెంటనే వీబీఆర్‌ నుంచి కాల్వలకు నీటిని విడుదల చేయాలని డిమాండ్‌ చేశారు. ఆ సమయంలో అధికారులు హామీ ఇచ్చిన మేరకు గురువారం కుందూ, కేసీ కెనాల్‌కు వెయ్యి క్యూసెక్కుల నీటిని విడుదల చేశారు. దీంతో ఆయా గ్రామాల్లో నెలకొన్న తాగునీటి సమస్య పరిష్కారం కానుంది. దీంతో ప్రజలు, రైతులు హర్షం వ్యక్తం చేస్తున్నారు.

● రెండున్నర నెలలుగా జాడలేని వర్షాలు ● దాదాపు అన్ని పంటల్లో దిగుబడులు జీరో ● ఉమ్మడి జిల్లాలో రూ.2500 కోట్ల పెట్టుబడి మట్టిపాలు ● కర్నూలు జిల్లాలో 43 శాతం, నంద్యాల జిల్లాలో 43.1 శాతం లోటు వర్షపాతం ● ప్రత్యామ్నాయ పంటలకు అవకాశం లేనట్లే.. పాణ్యం మండలం కొణిదేడులో నీరు లేక నెర్రలిచ్చిన వరి పొలంకర్నూలు జిల్లాలో 3,44,171 హెక్టార్లలో పంటలు సాగు చేయగా.. హెక్టారుకు రూ.50 వేల ప్రకారం రూ.1,720 కోట్ల పెట్టుబడి నష్టం జరిగింది.నంద్యాల జిల్లాలో 1,55,477 హెక్టార్లలో పంటలు సాగు చేయగా.. కేవలం పెట్టుబడి రూపంలోనే రూ.773 కోట్లు మట్టిపాలయింది.

16 ఎకరాల్లో పత్తి సాగు చేశాం. అంతరపంటగా కంది వేసుకున్నా. రెండున్నర నెలలుగా చినుకు జాడ లేదు. పత్తి, కంది పంటలు పూర్తిగా దెబ్బతిన్నా యి. ఎకరాకు సగటున రూ.20 వేల వరకు పెట్టుబడి పెట్టాం. మొత్తంగా రూ.3.20 లక్షల వరకు పెట్టుబడిని కోల్పోయాం. గతంలో ఎప్పుడూ ఇంతటి దారుణమైన పరిస్థితులు లేవు. – శ్రీనివాసరెడ్డి, రైతు, వెల్దుర్తి సొంత పొలం ఆరు ఎకరాలు ఉంటే, 34 ఎకరాలు కౌలుకు తీసుకున్నాం. ఇప్పటి వరకు మిర్చి 10 ఎకరాలు, కంది 15 ఎకరాలు, సద్దలు 8 ఎకరాల ప్రకారం 33 ఎకరాల్లో పంటలు వేశాం. వర్షాలు లేకపోవడం వల్ల ఏడు ఎకరాలు ఖాళీగా ఉంది. సాగు చేసిన పంటలకు ఎకరాకు రూ.15వేల ప్రకారం రూ.4.95 లక్షలు పెట్టుబడి పెట్టాం. ఎకరాకు కౌలు రూ.10 వేల నుంచి రూ.15 వేల వరకు ఉంది. పంటలు పండకపోయినప్పటి కౌలు మాత్రం రూ.3.40 లక్షలు చెల్లించాల్సి ఉంది. మొత్తంగా రూ.8.35 లక్షలు నష్టం వాటిళ్లుతోంది. కరువు మా జీవితాన్ని పూర్తిగా కాటేసింది. – లింగరాజు, రైతు, మద్దికెర

ఇప్పటికే కర్నూలు జిల్లాలో పత్తి, ఉల్లి, మొక్కజొన్న తదితర పంటలు దాదాపు 28వేల హెక్టార్లలో... నంద్యాల జిల్లాలో 30వేల హెక్టార్లలో పంటలను దున్నేశారు. ప్రత్యామ్నాయంగా జొన్న, కొర్ర, స్వల్పకాలిక రకాలైన కంది, పెసర, అలసంద, ఉలువలు, వంటి పంటలు సాగు చేసుకోవచ్చు. ప్రత్యామ్నాయ పంటల సాగుకు కూడా వర్షాల అవసరం ఉంది. కనీసం 100 మి.మీ వర్షపాతం నమోదు కావాలి. ఎల్‌నినో ప్రభావం వచ్చే ఏడాది మార్చి వరకు ఉంటుందని కేంద్ర, రాష్ట్ర ప్రభుత్వాలు ప్రకటిస్తున్నాయి. వర్షాలే లేకపోతే ప్రత్యామ్నాయ పంటల సాగు ఎలా అనే ప్రశ్న ఉత్పన్నమవుతోంది. ఎల్‌నినో తీవ్రతను పరిశీలిస్తే ఈ సారి రబీ సీజన్‌పైనా ఆశలు వదులు కోవాల్సిందేనని తెలుస్తోంది. కర్నూలు(అగ్రికల్చర్‌): ఖరీఫ్‌ సీజన్‌లో మూడు నెలలు గడచిపోయాయి. మామూలుగా ఈ పాటికి చెరువులు, కుంటలు, వాగులు, వంకలు జలకళను సంతరించుకోవాల్సి ఉంది. కానీ ఉమ్మడి జిల్లాలో ఎటు చూసినా ఏడారి పరిస్థితులే కనిపిస్తున్నాయి. కర్నూలు జిల్లాలో 3,44,171 హెక్టార్లలో పంటలు సాగయ్యాయి. నంద్యాల జిల్లాలో 1,55,648 హెక్టార్లలో పంటలు వేశారు. దాదాపు అన్ని పంటలు నెల నుంచి 90 రోజుల దశలో ఉన్నాయి. కర్నూలు జిల్లాలో పత్తి 2,32,671 హెక్టార్లలో సాగయింది. మామూలుగా పత్తిలో ఈ పాటికి ఒకసారి పత్తి తీస్తారు. మొదటి సారి పత్తి తీయడంలోనే ఎకరాకు 3–4 క్వింటాళ్ల దిగుబడి రావాల్సి ఉంది. అలాంటిది పత్తి వేసి 90 రోజులు గడుస్తున్నా కిలో దిగుబడి కూడా తీయలేని పరిస్థితి. పత్తి మొక్కలు కనీసం 3–4 అడుగుల ఎత్తు పెరగాలి. ఈ సారి ఏర్పడిన అనావృష్టి వల్ల ఒక్క అడుగు ఎత్తు కూడా పెరగకపోవడం కరువు తీవ్రతకు అద్దం పడుతోంది. ఒక్క పత్తిలోనే కాదు.. వేరుశనగ, కంది, ఆముదం తదితర అన్ని పంటల్లోనూ ఇదే పరిస్థితి నెలకొంది. నంద్యాల జిల్లాలో మొక్కజొన్న, కంది, మినుము, వరి, పత్తి ప్రధాన పంటలు. ఒక్క డోన్‌ నియోజకవర్గం మినహా మిగిలిన అన్ని ప్రాంతాలకు నీటిపారుదల సదుపాయం ఉంది. కానీ మొదటిసారి నీటిపారుదల స్తంభించింది. సాగైన పంటల్లో దిగుబడులు దాదాపు జీరో కావచ్చని వ్యవసాయ శాస్త్రవేత్తలే స్పష్టం చేస్తున్నారు. దెబ్బతీసిన ఎల్‌నినో.. వరుసగా 21 రోజులు వర్షం లేకపోతే ఒక డ్రై స్పెల్‌గా పరిగణిస్తారు. ఇటు కర్నూలు, అటు నంద్యాల జిల్లాల్లో జూన్‌ 14న ఆశాజనకంగా వర్షాలు కురిశాయి. ఆ తర్వాత అక్కడక్కడ తేలికపాటి వర్షాలు మినహా ఎక్కడా భారీ వర్షం లేదు. అంటే దాదాపు రెండున్నర నెలలుగా వర్షాలు లేకపోవడం ఇదే మొదటిసారి. ఉమ్మడి జిల్లాలో దాదాపు ప్రతి మండలంలో మూడు డ్రై స్పెల్‌లు రావడం సర్వత్రా ఆందోళన కలిగిస్తోంది. నంద్యాల జిల్లాలో ఏప్రిల్‌ నుంచి ఆగస్టు వరకు సాధారణ వర్షపాతం 428.3 మి.మీ ఉండగా.. 243.8 మి.మీ వర్షపాతం మాత్ర మే నమోదైంది. కర్నూలు జిల్లాలో జూన్‌ నుంచి ఆగస్టు వరకు 286.4 మి.మీ సాధారణ వర్షపాతం ఉండగా.. 164.5 మి.మీకే పరిమితమైంది. గత 50 ఏళ్లలో అనేక సార్లు ఎల్‌నినో ప్రభావం ఏర్పడింది. అయితే వర్షాలు కాస్త మెరుగ్గానే కురిశాయి. ఈ సంవత్సరం ఏర్పడిన ఎల్‌నినోను అత్యంత తీవ్రమైనదిగా పేర్కొంటున్నారు.

కర్నూలు: వివాహేతర సంబంధానికి అడ్డుగా ఉన్నాడని ఓ మహిళ తన భర్తను కడతేర్చిన çఘటన ఆళ్లగడ్డ పట్టణంలో చోటు చేసుకుంది. ఈ దారుణానికి ఒడిగట్టిన మహిళతో పాటు ఆమె ప్రియుడు, సహకరించిన మరో వ్యక్తిని పోలీసులు మంగళవారం అరెస్ట్‌ చేశారు. స్థానిక పట్టణ పోలీస్‌ స్టేషన్‌లో ఏర్పాటు చేసిన మీడియా సమావేశంలో డీఎస్పీ శ్రీనివాసరావు నిందితుల వివరాలు వెల్లడించారు. పట్టణంలోని నాయీబ్రాహ్మణ కాలనీలో నివాసముండే ఆంజనేయులు (27)కు రుద్రవరం మండలం లింగందిన్నె గ్రామానికి చెందిన సుబ్బులుతో ఐదేళ్ల క్రితం వివాహమైంది. వీరికి ఇద్దరు కూతుర్లు ఉన్నారు. ఈ క్రమంలో సుబ్బులుకు చాగలమర్రి మండలం తోడేండ్లపల్లె గ్రామానికి చెందిన గురుప్రసాద్‌ ఏర్పడిన పరిచయం వివాహేతర సంబంధంగా మారింది. విషయం తెలుసుకున్న ఆంజనేయులు భార్యను హెచ్చరిస్తూ వచ్చాడు. ఈ నేపథ్యంలో ఎలాగైనా భర్తను అడ్డుతొలగించుకోవాలని సుబ్బులు తన ప్రియుడు గురుప్రసాద్‌తో కలిసి కుట్ర పన్నింది. ఈ మేరకు గురుప్రసాద్, అతని స్నేహితుడు షరీఫ్‌ ఆదివారం రాత్రి ఆంజనేయులను మద్యం తాగుదామంటూ నమ్మించి పాలసాగరం రోడ్డులోని మొక్కజొన్న పొలంలోకి తీసుకెళ్లారు. అక్కడ ఆంజనేయులకు మద్యం తాగించి తర్వాత రాళ్లతో తలపై మోది హత్య చేశారు. సోమవారం హత్య విషయం వెలుగులోకి వచ్చింది. అయితే మృతుడి భార్య ఏమి తెలియనట్లు ఎవరో గుర్తు తెలియని వ్యక్తులు ఇంటి దగ్గరున్న తన భర్తను పిలుచుకు పోయారని, తెల్లారే సరికి హత్య చేశారని నమ్మబలికింది. ఆమె మాటలపై అనుమానం వచ్చిన పోలీసులు తమదైన శైలిలో విచారించగా తన ప్రియుడితో కలిసి ఈ హత్య చేయించినట్లు ఒప్పుకుంది. దీంతో సుబ్బులు, గురుప్రసాద్‌తో పాటు హత్య కు సహకరించిన షరీఫ్‌ను అరెస్ట్‌ చేసి రిమాండ్‌కు తరలించినట్లు డీఎస్పీ తెలిపారు. కాగా హత్య జరిగిన ఒక రోజులోనే కేసును ఛేదించి నిందితులను అరెస్ట్‌ చేసిన సీఐ నాగరాజారావు, ఎస్‌ఐ చిన్న పీరయ్యను డీఎస్పీ అభినందించారు.

కర్నూలు(సెంట్రల్‌): ఓర్వకల్‌ విమనాశ్రయంలో రాష్ట్రంలోనే తొలి పైలట్‌ శిక్షణ కేంద్రం ఏర్పాటైంది. గత వైఎస్సార్‌సీపీ ప్రభుత్వంలోనే మైసూరుకు చెందిన ఓరియంట్స్‌ ఫ్లైట్స్‌ ఏవియేషన్‌ అకాడమీ శిక్షణ కేంద్రం ఏర్పాటుకు ముందుకొచ్చింది. ఈ నేపథ్యంలో ఆ సంస్థకు విమానాశ్రయంలో 1.2 ఎకరాలు కేటాయించగా.. శిక్షణనిచ్చేందుకు అధునాత హ్యాంగర్‌ భవనాన్ని సిద్ధం చేశారు. గత ఆగస్టు 22న ప్రారంభోత్సవానికి ఆ సంస్థ అన్ని ఏర్పాట్లు పూర్తి చేసింది. అయితే ఆగస్టు 18న ఓర్వకల్‌ డ్రోన్‌ సిటీలో కేంద్ర పౌర విమానయాన శాఖమంత్రి రామ్మోహన్‌నాయుడు పర్యటించారు. ఆ సమయంలో విషయాన్ని అధికారులు ఆయన దృష్టికి తీసుకెళ్లారు. అయితే మంత్రి లోకేష్‌తో శిక్షణ కేంద్రాన్ని ప్రారంభిస్తే ఆయన మెప్పు పొందవచ్చనే ఉద్దేశంతో అనధికార ఆదేశాలిచ్చి కార్యక్రమాన్ని వాయిదా వేయించినట్లుగా చర్చ జరుగుతోంది. శిక్షణ విమానాల ట్రయల్‌ రన్‌ విజయవంతం చైన్నెలోని హిందుస్తాన్‌ గ్రూపు ఆఫ్‌ ఇన్‌స్టిట్యూషన్స్‌లో ఓరియంట్‌ ఫ్లైట్స్‌ ఏవియేషన్‌ అకాడమీ ఉంది. ఈ సంస్థ మైసూరులో 12 ఏళ్లుగా పైలట్‌ శిక్షణనిస్తోంది. రెండో కేంద్రాన్ని కర్నూలులో ఏర్పాటు చేయాలని నిర్ణయించింది. సంస్థ వద్ద సెస్నా, టెక్నామ్‌ బ్రాండ్ల సింగిల్‌ ఇంజిన్‌, మల్టీ ఇంజిన్‌ శిక్షణ విమానాలు ఉన్నాయి. మైసూరులో ఉన్న శిక్షణ కేంద్రంలో మూడింటిని ఇకపై కర్నూలు విమానాశ్రయంలో ఉంచాలని భావిస్తున్నారు. ఇప్పటికే శిక్షణ విమానాలను కర్నూలుకు తీసుకొచ్చి ఉంచారు. అంతేకాక కర్నూలులో పైలట్‌ శిక్షణకు సంబంధించి తరగతి గది బోధనకే పరిమితమైన పైలట్లకు శిక్షణ ఇచ్చి ట్రయల్‌ రన్‌ విజయవంతం చేసింది. డైరక్టర్‌ జనరల్‌ ఆఫ్‌ సివిల్‌ ఏవియేషన్‌ ప్రమాణాల ప్రకారం సుమారు వంద కోట్లతో అకాడమీ ఏర్పాటుకు ఎలాంటి ఇబ్బందులు తలెత్తకపోవడంతో ప్రారంభానికి ఆగస్టు 22వ తేదీని ముహూర్తంగా నిర్ణయించారు. ఇంతలోనే ఇలా... కొన్ని రోజుల్లో ప్రారంభోత్సవాన్ని పూర్తి చేసేందుకు మంత్రులు బీసీ జనార్ధన్‌రెడ్డి, టీజీ భరత్‌గుప్తా అపాయింట్‌మెంట్‌ తీసుకున్నారు. ఆ మేరకు ఆహ్వాన పత్రికలు ముద్రించడం, నాయకులకు ఆహ్వానాలు పలకడం పూర్తయింది. అయితే కేంద్ర మంత్రి ఆదేశాలతో ప్రారంభోత్సవ కార్యక్రమం వాయిదా పడింది. మంత్రి నారా లోకేష్‌ ఎప్పుడు వస్తారో తెలియని పరిస్థితుల్లో.. ఆయన వచ్చే వరకు ప్రారంభించేందుకు చర్యలు తీసుకోవద్దని చెప్పడంతో అకాడమీ నిర్వాహకులు దిక్కుతోచని స్థితిలో పడ్డారు. ఇప్పటికే కొందరు విద్యార్థులు పైలట్‌ శిక్షణ పొందుతున్నారు. అయితే ప్రస్తుతం వీరి శిక్షణ తరగతి గదికే పరిమితమైంది. పైలట్‌ శిక్షణకు ప్రాక్టికల్స్‌ అత్యంత ముఖ్యం. అలాంటిది విద్యార్థుల ఆశలను ఎగరనివ్వకుండా రాజకీయ స్వార్థంలో ఓ నేత శిక్షణ కేంద్రం ప్రారంభోత్సవాన్ని అడ్డుకోవడం విమర్శలకు తావిస్తోంది. ఏవియేషన్‌ పైలట్‌ శిక్షణ కేంద్రం ప్రారంభం వాయిదా

వెల్దుర్తి: ‘మీ ప్రభుత్వంలో ఇచ్చిన స్కూల్‌ బ్యాగ్‌లు ఎంతటి నాణ్యతగా ఉన్నాయో చూడండి. రెండు నెలలకే మొత్తం చినిగిపోయి తిరిగి కుట్టించుకునేందుకు కూడా వీలులేకుండా పోయాయి. ఇదేనా మీ పథకాల నాణ్యత’ అంటూ పత్తికొండ మాజీ ఎమ్మెల్యే కంగాటి శ్రీదేవి రాష్ట్ర విద్యాశాఖ మంత్రి లోకేశ్‌ను సూటిగా ప్రశ్నించారు. బుధవారం ఆమె వెల్దుర్తి మండలంలో వైఎస్సార్‌ వర్ధంతి సందర్భంగా పాతబస్టాండులో వైఎస్సార్‌ విగ్రహానికి పూలమాల వేసి నివాళి అర్పించారు. అనంతరం మాట్లాడుతూ టీడీపీ ప్రభుత్వం ఇచ్చిన హామీలను విస్మరించి నాణ్యతలేని పథకాలు అమలు చేస్తోందన్నారు. సర్వేపల్లి రాధాకృష్ణన్‌ విద్యార్థి మిత్ర కిట్లను చూస్తే ఆ విషయం ఇట్టే అర్థమవుతుందన్నారు. ఇదే సందర్భంలో సమావేశం జరుగుతున్న ప్రాంతంలో తిరుగాడుతున్న కృష్ణగిరి మండలం ఎరుకులచెరువుకు చెందిన 6వ తరగతి విద్యార్థిని కె.రాణి, ఆమె తల్లి స్కూల్‌ బ్యాగుల ప్రస్తావన విని సమావేశం వద్దకు వచ్చారు. మాజీ ఎమ్మెల్యే ప్రసంగం అనంతరం విద్యార్థిని తన స్కూల్‌ బ్యాగ్‌ రెన్నెల్లకే చినిగిపోయిందని మాజీ ఎమ్మెల్యేకు చూపుతూ, కొత్తది కొనివ్వమని నాన్నను అడిగితే తిడుతున్నాడని.. అమ్మ కొనిస్తా, లేకపోతే కుట్టిస్తా పద అంటూ వెల్దుర్తికి తీసుకువచ్చిందని ఆవేదన వ్యక్తం చేసింది. అనంతరం మాజీ ఎమ్మెల్యే మాట్లాడుతూ తమ ప్రభుత్వంలో ఇచ్చిన జగనన్న విద్యా కానుక బ్యాగులు ఇప్పటికీ నాణ్యతతో చెక్కుచెదరలేదన్నారు. చంద్రబాబు, ఆయన కుమారుడు లోకేశ్‌ ఇచ్చిన బ్యాగులు నాణ్యత ఎలా ఉన్నాయో ప్రతి విద్యార్థి, తల్లిదండ్రులు, ఉపాధ్యాయులు, అధికారులు, చివరికి టీడీపీ నాయకులకే తెలుసన్నారు. మరి విద్యాశాఖ మంత్రి లోకేశ్‌కు ఈ విషయం తెలియకపోవడం విడ్డూరంగా ఉందన్నారు.

● జూపాడుబంగ్లా వద్ద కేసీ కాల్వలో దిగి రైతులు, వైఎస్సార్సీపీ శ్రేణుల ఆందోళన జూపాడుబంగ్లా: వెంటనే కర్నూలు–కడప కాల్వకు సాగునీటినిచ్చి రైతులను ఆదుకోకపోతే ఆత్మహత్యలే శరణ్యమని రైతులు అన్నారు. జూపాడుబంగ్లా సమీపంలోని కేసీ కాల్వ క్రాస్‌రెగ్యులేటర్‌ వద్ద కాల్వలోకి దిగి రైతులు, వైఎస్సార్సీపీ నాయకులు బుధవారం నిరసన తెలిపారు. ‘రైతుల పట్ల కూటమి ప్రభుత్వం నిర్లక్ష్యవైఖరి నశించాలి..నశించాలి, కేసీ కాల్వకు సాగునీటి విషయంలో ఎంపీ, ఎమ్మెల్యేలు మౌనం వీడాలి’ అని నినాదాలు చేశారు. శ్రీశైలం డ్యాం నిర్మాణం కోసం సర్వం త్యాగం చేసిన రైతులకు సాగునీరివ్వకుండా కాలక్షేపం చేయటం చంద్రబాబు ప్రభుత్వానికి తగదన్నారు. శ్రీశైలం డ్యాంలో 872 అడుగుల నీటిమట్టం ఉన్నా కేసీ కాల్వకు సాగునీరివ్వకపోవటంతో ఖరీఫ్‌లో సాగుచేసిన పంటలను దున్నేయాల్సి వచ్చిందని ఆవేదన వ్యక్తం చేశారు. ఎకరాకు రూ.40వేల పెట్టుబడి పెట్టి సాగుచేసిన మొక్కజొన్న కళ్లెదుట ఎండిపోతుండటంతో చూడలేక దున్నేశామని రైతులు ఆవేదన వ్యక్తం చేశారు. శ్రీశైలం జలాశయం నీటిని హంద్రీ–నీవా కాల్వ ద్వారా అనంతపురానికి తరలిస్తుండగా కేసీ కాల్వ రైతులకు ఇవ్వకపోవడం వెనుక ఆంతర్యమేమిటని ప్రశ్నించారు. కేసీ కాల్వకు సాగునీటి సరఫరా విషయమై ఎంపీ బైరెడ్డి శబరి, ఎమ్మెల్యే గిత్త జయసూర్య మౌనం వీడాలన్నారు. జూపాడుబంగ్లా మండలాన్ని కరువు మండలంగా ప్రకటించి ఎకరాకు రూ.50 వేల పంటనష్టపరిహారం ప్రకటించాలన్నారు. రబీసీజన్‌కు అవసరమైన విత్తనాలను ఉచితంగా రైతులకు అందజేయాలని డిమాండ్‌ చేశారు. వైఎస్సార్సీపీ రైతు విభాగ రాష్ట్ర కార్యదర్శి మద్దిలేటిరెడ్డి, రాష్ట్ర ఎస్సీ సెల్‌ ప్రధాన కార్యదర్శి వై.వెంకటరమణ, జిల్లా ప్రధాన కార్యదర్శి కోసిక తిరుమలేశ్వరరెడ్డి, అధికార ప్రతినిధి నాగార్జునరెడ్డి, మండల కన్వీనర్‌ తోకల కృష్ణారెడ్డి, తరుణ్‌కుమార్‌రెడ్డి, చిన్నమల్లయ్య, జంగాలసుంకన్న, లక్ష్మన్నగౌడు, నరసింహయాదవ్‌, రామకృష్ణ, సురేష్‌, హరికృష్ణ, ఆనంద్‌, హుసేన్‌, గోపాల్‌రెడ్డి, శివకుమార్‌రెడ్డి, వెంకటరమణ, లింగన్న, రంగస్వామిగౌడు, పబ్బతివెంకటేశ్వర్లు, తదితరులు పాల్గొన్నారు.

కర్నూలు: రాయలసీమపై ముఖ్యమంత్రి చంద్ర బాబు నాయుడు వివక్ష చూపుతున్నారని వైఎస్సార్‌సీపీ నంద్యాల,కర్నూలు జిల్లాల అధ్యక్షులు కాట సాని రాంభూపాల్‌ రెడ్డి, ఎస్వీ మోహన్‌రెడ్డి, కర్నూ లు పార్లమెంటు ఇన్‌చార్జి బుట్టా రేణుక, మాజీ మేయర్‌ బీవై రామయ్య విమర్శించారు. కర్నూలు లో శాశ్వత హైకోర్టు బెంచ్‌ ఏర్పాటు చేయాలనే ప్రధాన డిమాండ్‌తో జిల్లా బార్‌ అసోసియేషన్‌ ఆధ్వ ర్యంలో కొనసాగుతున్న రిలే నిరాహారదీక్షల శిబిరాన్ని వైసీపీ నేతలు బుధవారం సందర్శించి తమ సంఘీభావాన్ని ప్రకటించారు. ఈ సందర్భంగా మా ట్లాడుతూ కొన్ని సంవత్సరాలుగా కర్నూలు న్యాయవాదులు హైకోర్టు ఏర్పాటుకు పోరాటం చేస్తున్నప్పటికీ ప్రభుత్వం నుంచి స్పష్టమైన ప్రకటన రాకపోవడం సిగ్గుచేటన్నారు. కర్నూలును న్యాయ రాజధానిగా వైఎస్‌ జగన్‌మోహన్‌ రెడ్డి గుర్తించి ప్రకటన చేస్తే సుప్రీం కోర్టులో కేసులు వేయించిన ఘనత చంద్రబాబుదని విమర్శించారు. గ్రంథాలయ సంస్థ మాజీ చైర్మన్‌ సుభాష్‌ చంద్రబోస్‌, వైసీపీ కురువ సంఘం రాష్ట్ర నాయకులు గడ్డం రామకృష్ణ, వైసీపీ రాష్ట్ర కార్యదర్శి సిట్రా సత్యనారాయణమ్మ, లీగల్‌ సెల్‌ రాష్ట్ర కార్యదర్శి సువర్ణా రెడ్డి తదితరులు దీక్షా శిబిరాన్ని సందర్శించి మద్దతు ప్రకటించారు. హామీని నెరవేర్చాలని కోరుతూ.. రాయలసీమ ప్రాంతం కోసం ఏపీ హైకోర్టు బెంచ్‌ను ఏర్పాటు చేస్తామన్న హామీని నెరవేర్చాలని కోరుతూ జిల్లా కోర్టు బయట 50 మందికి పైగా మహిళా న్యాయవాదులు బుధవారం రిలే నిరాహారదీక్షల్లో పాల్గొన్నారు. ఏపీ హైకోర్టు సీనియర్‌ న్యాయవాది వై.జయరాజు వారికి పూలమాలలు అందించి అభినందించారు. బార్‌ అసోసియేషన్‌ జిల్లా అధ్యక్షుడు చంద్రుడు ఈ కార్యక్రమానికి అధ్యక్షత వహించగా సీనియర్‌ న్యాయవాది నాగలక్ష్మి దేవి సమన్వయకర్తగా వ్యవహరించారు.

గడివేముల: ఆరుగాలం కష్టపడి సాగు చేస్తున్న పంటలపై పందులు స్వైర విహారం చేయడంతో రైతులు నష్టపోతున్నారు. గడివేముల సమీపంలోని పొలాల్లో మొక్కజొన్న, పత్తి, సోయాబీన్‌ పంటలపై పందులు దాడులు చేస్తున్నాయి. గ్రామానికి చెందిన కౌలు రైతు వెంకటేశ్వర్లు సాగు చేసిన మొక్కజొన్న పంటపై పందులు దాడి చేయంతో పంటంతా ధ్వంసమైంది. మరో నెలలో చేతికి రావాల్సిన పంట మొత్తం నాశనమైంది. పందుల నిర్వాహకులకు హెచ్చరించినా పట్టించుకోవడం లేదని రైతులు వాపోతున్నా రు. పందులకు భయపడి రాత్రిళ్లు పొలం వద్ద కాపలా ఉండాల్సి వస్తోందని రైతులు చెబుతున్నారు. వచ్చే నెల 9న తుది ఓటరు జాబితా నంద్యాల(అర్బన్‌): తుది ఓటరు జాబితా ప్రచురణ అక్టోబర్‌ 9న ఉంటుందని జిల్లా కలెక్టర్‌ రాజకుమారి బుధవారం ఒక ప్రకటనలో పేర్కొన్నారు. పారదర్శకంగా ఓటరు జాబితా తయారీకి చర్యలు చేపడుతున్నామన్నారు.‘సర్‌’లో భాగంగా ఈనెల 10 వరకు అభ్యంతరాలు,దరఖాస్తుల స్వీకరణ ఉంటుందని తెలిపారు. అభ్యంతరాలు, దరఖాస్తుల పరిష్కారం చూపిన తర్వాత ఓటరు జాబితా ప్రచురణ ఉంటుందని పేర్కొన్నారు. ఓటరు వివరాలు తెలుసుకునేందు కు వెబ్‌సైట్‌, మొబైల్‌ ద్వారా 1950 నంబరుకు ఈసీఐ స్పేస్‌ ఓటరు ఐడీ కార్డు నంబరుతో మెసేజ్‌ చేస్తే ఓట రు వివరాలు తెలుసుకోవచ్చన్నారు. కొత్తగా ఓటరు నమో దుకు వెబ్‌సైట్‌కు ఈసీఐనెట్‌ మొబైల్‌ అప్లికేషన్‌, ఎలక్ట్రోరల్‌ రిజిస్ట్రేషన్‌ అధికారి, అసిస్టెంట్‌ ఎలక్ట్రోరల్‌ రిజిస్ట్రేషన్‌ అధికారి, బీఎల్‌ఓలను సంప్రదించి దరఖాస్తును సమర్పించుకోవాలన్నారు. ముసాయిదా ఓటరు జాబితాలో ఎలాంటి అభ్యంతరాలు ఉన్నా సంబంధిత ఈఆర్‌ఓ, ఏఈఆర్‌ఓ, బీఎల్‌ఓలు, జిల్లా ఎన్నికల అధికారి దృష్టికి తీసుకొని పోవచ్చన్నారు. పదేళ్ల బాలికపై వృద్ధుడి అత్యాచారయత్నం వెలుగోడు: పదేళ్ల బాలికపై ఆరవై ఏళ్ల వృద్ధుడు అత్యాచారయత్నానికి పాల్పడిన ఘటన వెలు గు చూసింది. పోలీసుల వివరాల ప్రకారం.. సెప్టెంబరు 1న మధ్యాహ్నం ఇంటి వద్ద ఆడుకుంటున్న బాలికకు వెలుగోడు పట్టణానికి చెందిన వృద్ధుడు చిన్న బయన్న మాయమాటలు చెప్పాడు. ఊరి బయట ఉన్న శివాలయం వెను క చెట్ల పొదల్లోకి బాలికను తీసుకెళ్లి అత్యాచారయత్నానికి పాల్పడ్డాడు. బాలిక బంధువులు ఇచ్చిన ఫిర్యాదు మేరకు కేసు నమోదు చేసి దర్యాప్తు చేపట్టినట్లు ఎస్‌ఐ సురేష్‌ తెలిపారు. మహానంది: మహానంది దేవస్థానం పరిధిలోని దుకాణాలపై బుధవారం తూనికలు, కొలతల శాఖ అధికారులు దాడులు నిర్వహించారు. దేవస్థానం పరిధిలో వ్యాపారాలు నిర్వహిస్తున్న వారు ఎమ్మార్పీ కంటే అధికంగా విక్రయిస్తూ భక్తుల సొమ్మును దోచుకుంటున్నారని కొందరు భక్తులు ఇటీవల జిల్లా కలెక్టర్‌ రాజకుమారికి ఫిర్యాదు చేశారు. ఈ నేపథ్యంలో జిల్లా కలెక్టర్‌ ఆదేశాల మేరకు ఇన్‌స్పెక్టర్‌ నాగరాజు, సిబ్బంది బాషా, తదితరులు దాడులు చేశారు. ఎమ్మార్పీ కంటే అధికంగా విక్రయిస్తున్న వారికి రూ. 2 వేల వరకు జరిమానాలు విధించారు. పట్టించుకోని దేవస్థానం అధికారులు.. మహానంది దేవస్థానం పరిధిలో తోపుడు బండ్లతో పాటు తాత్కాలిక దుకాణాలను ఏర్పాటు చేసుకుని సుమారు వంద మందికిపైగా వివిధ వ్యాపారాలు నిర్వహిస్తున్నారు. అయితే వ్యాపారులు తమకు ఇష్టం వచ్చినట్లు వ్యవహరిస్తూ భక్తుల నుంచి అధికంగా వసూలు చేస్తూ దోచుకుంటున్నారు. ఈ విషయంపై దేవస్థానం అధికారులు ఏనాడూ పట్టించుకున్న పాపాన పోలేదని భక్తులు మండిపడుతున్నారు. గతంలో దుకాణాల వద్ద టీ, కాఫీ, కూల్‌డ్రింక్స్‌, తదితర వస్తువుల ధరలను సూచిస్తూ బోర్డులు ఏర్పాటు చేశా రు. కానీ వ్యాపారులు మాత్రం వాటిని రెండు మూడు రోజులు మాత్రమే ఉంచి మూలన పడేశారు. వ్యాపారులపై తగిన చర్యలు తీసుకుని ఎమ్మార్పీకే విక్రయించేలా చర్యలు తీసుకోవాలని భక్తులు కోరుతున్నారు.

● గతంలో ‘డయల్‌ యువర్‌ ఈఓ’ కార్యక్రమంతో అధికారుల దృష్టికి భక్తుల సమస్యలు ● ఉత్సవాలు, ముఖ్యమైన పర్వదినాల పేరుతో ఎగనామం ● నామమాత్రంగా ఏర్పాటు చేసిన ఫిర్యాదు బాక్సులు ఉపయోగంలేని ఫిర్యాదుల బాక్స్‌లు శ్రీశైలంటెంపుల్‌: శ్రీశైల దేవస్థానం సాధారణ భక్తులకు మెరుగైన సౌకర్యాలు కల్పిస్తున్నట్లు ప్రకటిస్తున్నా.. కనీసం వారి సమస్యలను తెలుసుకునేందుకు అధికారులు ప్రయత్నం చేయడం లేదు. మల్లన్న దర్శనానికి వచ్చే భక్తులకు ఎదురైన కష్టాలను చెప్పుకునేందుకు దేవస్థానం అవకాశం ఇవ్వడం లేదు. శ్రీశైల క్షేత్రంలో కొలువైన భ్రమరాంబా సమేతా మల్లికార్జున స్వామి కటాక్షం పొందేందుకు ఉభయ తెలుగు రాష్ట్రాల నుంచే కాకుండా ఇతర రాష్ట్రాల నుంచి సైతం వేలాది మంది భక్తులు నిత్యం తరలివస్తారు. క్షేత్రానికి వచ్చే భక్తులకు దర్శన సౌకర్యాలు, పలు ఆర్జితసేవలు, లడ్డూప్రసాదాలు, అన్నప్రసాద వితరణ, వైద్యసౌకర్యాలు, వసతి, టికెట్ల కౌంటర్లు, డోనేషన్‌ కౌంటర్లు, సాంస్కృతిక కార్యక్రమాలు, ఉద్యానవనాల నిర్వహణ, పార్కింగ్‌ తదితర సౌకర్యాలను కల్పిస్తోంది. ఈ క్రమంలో దేవస్థానం ఆధ్వర్యంలో భక్తులకు కల్పిస్తున్న సౌకర్యాలు భక్తులకు ఏవిధంగా ఉపయోగపడుతున్నాయి. ఇంకా ఎటువంటి సౌకర్యాలు మెరుగుపర్చాలి, ఆర్జితసేవల నిర్వహణ ఎలా ఉంది, స్వామిఅమ్మవార్ల అలంకార దర్శన సౌకర్యాలు, స్పర్శదర్శనం, దర్శన సమయ వేళలు, ఇంకా పలు విషయాలపై భక్తుల నుంచి వారి అభిప్రాయాలు తెలుసుకోవడం, క్షేత్రాభివృద్ధికి భక్తుల నుంచి సలహాలు, సూచనలు తెలుసుకోవడం, భక్తుల అసౌకర్యాలపై ఫిర్యాదులు స్వీకరించడం వాటిని పరిష్కరించడం, తదుపరి పునరావృతం కాకుండా చూడాలనే ముఖ్య ఉద్దేశంతో ఈ కార్యక్రమాన్ని టీటీడీ తరహాలో ఏర్పాటు చేశారు. మోగని ‘డయల్‌ యువర్‌ ఈఓ’ ఫోన్‌ భక్తుల నుంచి వచ్చిన సూచనల మేరకు, రాష్ట్ర దేవదాయశాఖకమిషనర్‌ ఆదేశాల మేరకు తిరుమల తిరుపతి దేవస్థానం తరహాలో డయల్‌ యువర్‌ ఈఓ కార్యక్రమాన్ని 2021 డిసెంబరు 22న అట్టహాసంగా ప్రారంభించారు. ఇందుకోసం ప్రత్యేకంగా 08524–287111నెంబరును కేటాయించారు. ప్రతి బుధవారం ఉదయం 11 నుంచి 12 గంటల వరకు భక్తులు ఫోన్‌ చేసి తమ సలహాలు, సూచనలు, ఫిర్యాదులు చేయవచ్చునని తెలిపారు. కార్యక్రమం అనంతరం అన్ని విభాగాల అధికారులతో, సిబ్బందితో ఈఓ సమీక్షించి భక్తుల నుంచి వచ్చిన ఆయా సమస్యలను పరిష్కరిస్తామన్నారు. కొన్ని వారాల పాటు సజావుగానే ఈ కార్యక్రమాన్ని నిర్వహించారు. అనంతరం వారానికి ఒకరోజు కాకుండా నెలలో ఒక రోజు మాత్రమే నిర్వహించారు. కూటమి ప్రభుత్వం అధికారంలోకి వచ్చిన అనంతరం శ్రీశైల దేవస్థానంలో ముఖ్య పర్వదినాలు, ముఖ్యమైన రోజులు, ఉత్సవాలు, బ్రహ్మోత్సవాలు తదితర కార్యక్రమాల నిర్వహణ సాకుతో కార్యక్రమానికి మొత్తానికి ఎగనామం పెట్టారు. దేవస్థానం డయల్‌ యువర్‌ ఈఓ కార్యక్రమానికి ప్రత్యామ్నాయంగా ఫిర్యాదుల బాక్స్‌లను ఏర్పాటు చేశారు. దేవస్థాన పరిపాలన భవనం వద్ద, వసతి గదుల కేంద్రాల వద్ద, సీఆర్‌వో కార్యాలయం, క్యూలైన్ల వద్ద, అన్నప్రసాద వితరణ భవనం వద్ద తదితర ప్రదదేశాలలో ఫిర్యాదుల బాక్స్‌లు ఏర్పాటు చేశారు. కానీ ఫిర్యాదుల బాక్స్‌లపై అవగాహన లేని భక్తులు వాటిని వినియోగించడం లేదు. అసలు ఫిర్యాదు బాక్స్‌లు ఉన్నాయో లేదో భక్తులకు అవగాహన లేదు. ఇప్పటికై న దేవస్థాన అధికారులు స్పందించి గతంలో నిర్వహించిన డయల్‌ యువర్‌ ఈఓ కార్యక్రమాన్ని పునఃప్రారంభించి ఆ కార్యక్రమం ద్వారా భక్తుల నుంచి సలహాలు, సూచనలు, ఫిర్యాదులు స్వీకరించి వాటిని పరిష్కరించి క్షేత్రాభివృద్ధికి దోహదపడాల్సిన అవసరం ఎంతైనా ఉందని పలువురు భక్తులు కోరుతున్నారు.

మంత్రాలయం: శ్రీరాఘవేంద్రుల 355వ ఆరాధన సప్తరాత్రోత్సవాలు అట్టహాసంగా ముగిశాయి. వేడుకల్లో భాగంగా శనివారం పీఠాధిపతి సుబుధేంద్రతీర్థుల నేతృత్వంలో రాత్రి ఉత్సవమూర్తి ప్రహ్లాదరాయలకు సర్వ సమర్పణోత్సవం నిర్వహించారు. ఉత్సవమూర్తిని పంచవాహనాలపై ఊరేగించారు. గజ, అశ్వ, సింహ, మయూరం వాహనాలపై కొలువుంచి పీఠాధిపతి సుబుధేంద్రతీర్థులు వాహ నోత్సవానికి శ్రీకారం పలికారు. అశేష భక్తజన వాహిని మధ్య రాయరు ఎంతో రమణీయంగా ఊరేగారు. అనంతరం ఊంజల మంటపంలో రాయరుకు ఉయ్యాల, ఛామర్ల సేవ కానిచ్చారు. యోగీంద్ర మంటపంలో చేపట్టిన సాంస్కృతిక కార్యక్రమాలు భక్తులను ఆకట్టుకున్నాయి. మంత్రాలయం మండలంలో అనుమంత్రాలయంగా పేరుగాంచిన తుంగభద్రలో ఆఖరి రోజు ఉత్సవాలు నిర్వహించారు. పీఠాధిపతి సుబుధేంద్రతీర్థులు గ్రామాన్ని చేరుకుని మృత్తిక బృందావనానికి విశేష పూజలు చేపట్టారు. అనంతరం పండితులు, భక్తులు వసంతోత్సవం జరుపుకుని మంగళహారతులు పట్టారు. వేడుకలో భక్తులకు రాఘవేంద్రుల వైభవాన్ని ప్రవచించారు.

కర్నూలు(టౌన్‌): మాజీ ఎమ్మెల్యే, వైఎస్సార్‌సీపీ కర్నూలు జిల్లా అధ్యక్షులు ఎస్వీ మోహన్‌ రెడ్డి, విజయమనో హరి దంపతుల కుమారుడు జనక్‌దత్తారెడ్డి, శ్రీయల వివాహ రిసెప్షన్‌కు మాజీ ముఖ్య మంత్రి వైఎస్‌ జగన్‌మోహన్‌రెడ్డి గురువారం కర్నూలుకు రానున్నారు. ఉదయం బెంగళూరు నుంచి బయలు దేరి 11.40 గంటలకు ఎస్‌టీబీసీ కళాశాల మైదానంలోని హెలిపాడ్‌కు చేరుకుంటారు. అక్కడి నుంచి 12 గంటలకు సుంకేసుల రోడ్డులోని సెయింట్‌ జోసఫ్‌ కళాశాలలో ఏర్పా టు చేసిన రిసెప్షన్‌కు హాజరవుతారు. నూతన వధువరూలను ఆశీర్వదించి 20 నిముషాలు అక్కడే ఉంటారు. అనంతరం 12.35 గంటలకు తిరిగి బెంగళూరుకు బయలుదేరి వెళతారు. కాగా రిసెప్షన్‌కు పార్టీకి చెందిన మాజీ మంత్రులు, మా జీ ఎమ్మెల్యేలు, పార్టీ నేతలు హాజరవుతున్నారు. మెగా డీఎస్సీ టీచర్‌ విద్యార్హతలపై విచారణ కర్నూలు(సిటీ): మెగా డీఎస్సీ స్పోర్ట్స్‌ కోటా ఎస్‌జీటీ టీచర్‌ విద్యార్హతలపై బుధవారం జిల్లా విద్యాశాఖ కార్యాలయంలో విచారణ చేపట్టారు. కౌతాళం మండలం వల్లూరు ఎంపీపీఎస్‌లో ఎస్‌జీటీ టీచర్‌గా ఈడిగ ప్రభాకర్‌ పనిచేస్తున్నారు. ఈయన మెగా డీఎస్సీ 2025 స్పోర్ట్స్‌ కోటాలో ఎస్‌జీటీ టీచర్‌గా ఎంపికయ్యారు. ఈయన విద్యార్హతలపై అనేక ఆరోపణలు విస్తృత ప్రచారం కావడంతో డీఈఓ ఎల్‌.సుధాకర్‌ విచారణ చేపట్టారు. కర్నూలు డిప్యుటీ డీఈఓ శ్రీధర్‌ బాబు, కల్లూరు ఎంఈఓ–2 వనజకుమారి ప్రభాకర్‌ సర్టిఫికెట్లను పరిశీలించారు. ఆ సందర్భంగా ఈడిగ ప్రభాకర్‌ టెట్‌ అర్హత పొందలేదని అంగీకరించారు. విచారణ నివేదికను స్కూల్‌ ఎడ్యుకేషన్‌ డైరెక్టర్‌కు పంపించనున్నట్లు డీఈఓ వెల్లడించారు. విద్యుత్‌ శాఖ ఎస్‌ఈగా శ్రీనివాసరెడ్డి నంద్యాల(అర్బన్‌): ఏపీఎస్పీడీసీఎల్‌ నంద్యాల జిల్లా విద్యుత్‌ శాఖ ఎస్‌ఈగా(సూపరింటెండెంట్‌ ఇంజనీర్‌) శ్రీనివాసరెడ్డి బుధవారం బాధ్యతలు చేపట్టారు. స్థానిక కార్యాలయంలో ఈఈగా విధులు నిర్వహిస్తున్న శ్రీనివాసరెడ్డి పదోన్నతిపై ఎస్‌ఈగా బాధ్యతలు తీసుకున్నారు. ఎస్‌ఈగా విధులు నిర్వహిస్తున్న సుధాకర్‌కుమార్‌ చీఫ్‌ ఎగ్జిక్యూటివ్‌ ఇంజినీర్‌గా తిరుపతికి పదోన్నతిపై వెళ్లారు. ఎస్‌ఈగా బాధ్యతలు చేపట్టిన శ్రీనివాసరెడ్డిని ఏపీపవర్‌ డిప్లొమా ఇంజినీరింగ్‌ అసోసియేషన్‌ సర్కిల్‌ సెక్రటరీ రామయ్య, ప్రెసిడెంట్‌ జ్ఞానసూర్యుడు, డీ–1 ఏఈ నాగరాజు, చంద్రశేఖర్‌, తదితరులు కలిసి అభినందనలు తెలిపారు

సంక్షేమ ప్రదాత.. రైతు బాంధవుడు..పేదల దేవుడు.. ఆర్యోగ‘సిరి’ కల్పించిన మహానేత దివంగత నేత డాక్టర్‌ వైఎస్‌ రాజశేఖర్‌రెడ్డి ఇప్పటికీ ప్రజల గుండెల్లో సజీవంగా ఉన్నారు. భౌతికంగా దూరమై 17 సంవత్సరాలు గడిచినా రాజన్నా..నిన్ను మరువలేం అంటూ బుధవారం కర్నూలు, నంద్యాల జిల్లాల్లో వైఎస్సార్‌ వర్ధంతిని నిర్వహించారు. మహానేత విగ్రహాలకు వైఎస్సార్‌సీపీ నేతలు, ప్రజలు, అభిమానులు పూలమాలలు వేసి నివాళులర్పించారు. నియోజకవర్గ కేంద్రాల్లో జలాభిషేకాలు చేసి అప్పటి పాలనను గుర్తు చేసుకున్నారు. రాజకీయాలతో సంబంధం లేకుండా కులమతాలకు అతీతంగా కలిగిన లబ్ధిని స్మరించుకున్నారు. జోహార్‌ వైఎస్సార్‌ అంటూ నినాదాలను హోరెత్తించారు. పేదలకు దుస్తులు అందించి, అన్నదానం చేసి, రోగులకు పాలు, పండ్లు పంపిణీ చేసి, రక్తదానం నిర్వహించి అభిమానం చాటుకున్నారు. ● కర్నూలులో మహానేత విగ్రహానికి హంద్రీ– నీవా జలాలతో అభిషేకం చేశారు. వైఎస్సార్‌సీపీ కర్నూలు జిల్లా అధ్యక్షుడు ఎస్వీ మోహన్‌ రెడ్డి, కర్నూలు పార్లమెంటరీ సమన్వయకర్త బుట్టా రేణుక, పార్టీ రాష్ట్ర అధికార ప్రతినిధి బీవై రామయ్య పాల్గొన్నారు. ● కల్లూరు శరీన్‌నగర్‌లో వైఎస్సార్‌ విగ్రహానికి హంద్రీ– నీవా జలాలతో వైఎస్సార్‌సీపీ నంద్యాల జిల్లా అధ్యక్షుడు కాటసాని రాంభూపాల్‌రెడ్డి జలాభిషేకం చేశారు. రాయలసీమకు కృష్ణాజలాలు తీసుకొచ్చిన మహానేతను రైతులు ఎప్పటికీ మరువబోరన్నారు. ● ఆదోనిలో మాజీ ఎమ్మెల్యే సాయి ప్రసాద్‌ రెడ్డి ఆధ్వర్యంలో మోటార్‌ సైకిళ్ల ర్యాలీ నిర్వహించారు. ● వెల్దుర్తిలో మాజీ ఎమ్మెల్యే కంగాటి శ్రీదేవి, ఆళ్లగడ్డలో మాజీ ఎమ్యెల్యే గంగుల బిజేంద్రనాఽథ్‌రెడ్డి వైఎస్సార్‌ చిత్రపటానికి పూలమాలలు వేసి నివాళులర్పించారు. ● బనగానపల్లిలో మాజీ ఎమ్యెల్యే కాటసాని రామిరెడ్డి మాట్లాడుతూ.. ముస్లింలకు నాలుగు శాతం రిజర్వేషన్‌ ఇచ్చి వారి పురోగతికి వైఎస్సార్‌ దోహదపడ్డారన్నారు. ● ఎమ్మిగనూరు ప్రభుత్వ ఆసుపత్రిలో రోగులకు పాలు, పండ్లు పంపిణీ చేశారు. నల్లకాల్వ వద్ద ఉన్న స్పృతివనంలో వైఎస్సార్‌ విగ్రహానికి నివాళులర్పించారు. –కర్నూలు (టౌన్‌)/ బొమ్మలసత్రం

కౌతాళం: తుంగభద్ర నది పరివా హకంలో వేర్వేరు చోట్ల రెండు భా రీ మొసళ్లను స్థా నికులు బంధించారు. కౌతాళం మండలం మేళిగనూరు గ్రామ సమీపంలోని రామలింగేశ్వర దేవాలయం వెనుక భాగంలో గుంతలో ఉన్న భారీ మొసలి ఉండటంతో గ్రామస్తులు కొన్ని రోజులుగా భయాందోళన చెందుతున్నారు. కాగా నదిలో నీటి ప్రవాహం తగ్గడంతో బుధవారం గుంతలో ఉన్న మొసలిని పెద్ద పెద్ద తాళ్లతో బంధించారు. ఈ విషయాన్ని అదోని అటవీ శాఖ అధికారులకు సమాచారం అందించడంతో ఫారెస్ట్‌ ఆఫీసర్‌ తేజశ్వని ఆధ్వర్యంలో సిబ్బంది అక్కడికి చేరుకుని ప్రత్యేక వాహనంలో మొసలిని తీసుకెళ్లారు. నీటి ప్రవాహం ఎక్కువగా ఉన్న చోట వదిలేస్తామని చెప్పారు. నాగలదిన్నె బ్రిడ్జి వద్ద.. నందవరం: నాగలదిన్నె గ్రామంలో తుంగభద్ర నది బ్రిడ్జి వద్ద గుంతలో ఉన్న మొసలిని బుధవారం రైతులు బంధించారు. నదిలో నీరు లేకపోవడంతో మోటర్‌ ద్వారా గుంతలోని నీటి పంపు చేయడానికి వెళ్లారు. వరదల్లో కోట్టుపోయిన పాత బ్రిడ్జి పిల్లర్‌ వద్ద గుంతలో నీటి తోడేందుకు రైతులు విద్యుత్‌ మోటర్‌ వేశారు. నీటి తోడే సమయంలో గుంతలో మొసలి బయటపడింది. వెంటనే రైతులు తాళ్లతో మొసలిని బంధించి తెలంగాణపైపు తుంగభద్ర నది గుంతల్లో వదిలేశారు.

వరుణుడి జాడ లేదు. వాగులు, వంకలు ఎండిపోయాయి. బోర్లలో భూగర్భ జలాలు అడుగంటాయి. చేతికొచ్చిన పంటను కాపాడుకునేందుకు రైతులు అష్టకష్టాలు పడుతున్నారు. బోర్లు ఎండిపోవడంతో ప్రత్యామ్నాయంగా ట్యాంకర్ల ద్వారా నీటిని తెప్పించి పంటకు అందిస్తున్నారు. ఆవులదొడ్డి గ్రామంలో సుధాకర్‌ అనే రైతు 3 ఎకరాల్లో ఉల్లి సాగుకు ఇప్పటి వరకు సుమారు రూ.7 లక్షలు వెచ్చించాడు. పంట చేతికొచ్చే సమయంలో నీరు అందక రోజుకు రూ.12 వేల చొప్పున ట్యాంకర్లతో నీటిని తరలిస్తున్నాడు. మరో 30 రోజులు పాటు ఇదే పరిస్థితి ఉంటే అదనంగా రూ.3 లక్షలు ఖర్చవుతుందని ఆయన ఆవేదన వ్యక్తం చేశాడు. గ్రామంలో చాలా మంది రైతుల పరిస్థితి ఇలానే ఉందని, పెట్టిన పెట్టుబడులు పోతాయన్న భయంతో అప్పులు చేసి మరీ నీటిని కొనుగోలు చేస్తూ కన్నీటి పర్యంతమవుతున్నారు. ప్రభుత్వ తక్షణమే స్పందించి ఉల్లి రైతులను ఆదుకోవాలని ఆవులదొడ్డి గ్రామ మాజీ స్పరంచ్‌ మద్దిలేటి డిమాండ్‌ చేశారు. – డోన్‌ రూరల్‌

గోస్పాడు: జిల్లెల్ల గ్రామానికి చెందిన తెలుగు వెంకటరాముడు (56) ఆత్మహత్యకు పాల్పడ్డాడు. మృతుడు సూసైడ్‌ లేఖలో పేర్కొన్న వివరాల మేరకు.. గ్రామంలోని గంగమ్మ గుడికి సంబంధించిన లెక్కలు చూస్తుండేవాడు. అయితే గుడికి సంబంధించిన డబ్బులు వెంకట రాముడు వాడుకుంటున్నాడని ఆరోపణలు రావడంతో కుల పంచాయితీలో లెక్కలు చూపించి మొత్తం తన కుల సంఘానికి అప్పగించాడు. అయినా కూడా తప్పుడు లెక్కలు రాసి డబ్బులు దోచుకున్నాడని కొంతమంది అవమానించడంతో మనస్తాపం చెందాడు. ఈ మేరకు మంగళవారం అర్ధరాత్రి సమయంలో వెంకట రాముడు కేసీ కెనాల్‌ సమీపంలో కానుగ చెట్టుకు ఉరేసుకుని మృతి చెందాడు. తన చావుకు గ్రామానికి చెందిన కృష్ణారెడ్డి, నారాయణరెడ్డి, మల్లికార్జునరెడ్డి, శేఖర్‌రెడ్డి, పుల్లయ్య, టోపీ రాజు, చిన్న ఓబులేసు కారణమని సూసైడ్‌ నోట్‌ రాశాడు. మృతుని కుమారుడు హరికృష్ణ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు గోస్పాడు ఎస్‌ఐ సుధాకర్‌ రెడ్డి తెలిపారు. అంగన్‌వాడీల్లో పోస్టుల భర్తీకి దరఖాస్తుల ఆహ్వానం నంద్యాల(అర్బన్‌): అంగన్‌వాడీల్లో పోస్టుల భర్తీకి దరఖాస్తులు ఆహ్వానిస్తున్నట్లు ఐసీడీఎస్‌ పీడీ లీలావతిదేవి బుధవారం ఒక ప్రకటనలో తెలిపారు. జిల్లాలో మూడు మెయిన్‌ అంగన్‌వాడీ కార్యకర్తల, 52 అంగన్‌వాడీ ఆయా పోస్టులు ఖాళీగా ఉన్నాయని పేర్కొన్నారు. అంగన్‌వాడీ కార్యకర్త పోస్టుకు అభ్యర్థినులు 01–07–2026 నాటికి 21 సంవత్సరాలు వయస్సు నిండి 35ఏళ్ల లోపు వారై ఉండాలని తెలిపారు. వివాహితులై స్థానిక నివాసితురాలై ఉండాలని, ఎస్సీ, ఎస్టీ ప్రాంతాల్లో 21 సంవత్సరాల వయస్సు నిండిన వారు లేకపోతే 18 ఏళ్లలోపు వారిని పరిగణనలోకి తీసుకుంటామని పేర్కొన్నారు. అభ్యర్థినులు తప్పని సరిగా పదో తరగతి పాస్‌ అయి ఉండాలన్నారు. ఆయా పోస్టుకు పదో తరగతి పాస్‌ అయి 01–07–2026 నాటికి 21 సంవత్సరాలు నిండి 35ఏళ్లలోపు వారై ఉండాలన్నారు. పుట్టిన తేదీ, కులధ్రువీకరణ పత్రం, విద్యార్హత ధ్రువీకరణ పత్రం, నివాస స్థల ధ్రువీకరణ పత్రం, వితంతువు అయినచో భర్త మరణ పత్రం, దివ్యాంగురాలు అయితే వికలత్వ సర్టిఫికెట్‌, వితంతువు అయితే ఆధార్‌ కార్డు, రేషన్‌ కార్డు జిరాక్స్‌తో జతపరిచి ఈనెల 5 నుంచి 18లోగా సంబంధిత సీడీపీఓ కార్యాలయంలో అందజేయాలన్నారు. డ్రంకెన్‌ డ్రైవ్‌ చేసిన నలుగురికి జైలు డోన్‌ టౌన్‌: మద్యం తాగి వాహనాలు నడిపిన నలుగురు వ్యక్తులకు జడ్జి నూరుల్లా జైలు శిక్ష లు విధించినట్లు సీఐ ఇంతియాజ్‌బాషా తెలిపారు. పట్టణంలోని కొండపేటకు చెందిన చాక లి తిరుమలేసుకు నాలుగు రోజులు, కోట్ల విజయభాస్కర్‌రెడ్డి నగర్‌కు చెందిన నీలకంఠ, కొండపేటకు చెందిన ఈడిగ వెంకటేశ్వర్లు, డోన్‌ మండలం తాడూరు గ్రామానికి చెందిన దస్తగిరికి రెండు రోజుల పాటు జైలు శిక్ష విధించిన ట్లు సీఐ చెప్పారు. మద్యం తాగి వాహనాలు నడిపితే వారి ప్రాణాలతో పాటు అమాయక ప్రజల ప్రాణాలకు హాని కలుగుతుందని అన్నారు. పేకాట రాయుళ్ల అరెస్ట్‌ చిప్పగిరి: ఖాజీపురం కొట్టాల శివారు ప్రాంతంలో పేకాట ఆడుతున్న ఏడుగురిని పోలీసులు అరెస్ట్‌ చేశారు. ఎస్‌ఐ సీవీ నరసిహులు తెలిపిన వివరాల మేరకు.. గుట్టుగా పేకాట శిబిరం నిర్వహిస్తున్నట్లు సమాచారం అందుకున్న ఎస్‌ఐ బుధవారం మధ్యాహ్నం సిబ్బందితో వెళ్లి దాడి చేశారు. పేకాట రాయుళ్లలో ఆరుగురు వ్యక్తులు, ఓ మహిళ ఉన్నారు. వారి వద్ద నుంచి రూ 32,250 నగదు, నాలుగు ద్విచక్ర వాహనాలు, ఒక ఆటో స్వాధీనం చేసుకున్నారు. కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.

మంత్రాలయం: శ్రీమఠం బ్రాండ్‌తో భక్తులను మోసగిస్తున్నా అడిగే వారు లేరు. నిబంధనలకు విరుద్ధమని తెలిసినా చర్యలు చేపట్టరు. దోపిడీపై భక్తులు మొత్తుకుంటున్నా వినేవారు కరువయ్యారు. ఎవరి ఆశీస్సులు ఉన్నాయో తెలియదు.. అనుమతులు ఎవరిచ్చారో బయటకు చెప్పరు.. దేవాదాయశాఖ నిబంధనలకు విరుద్ధంగా శ్రీమఠంలోపల ఓ వ్యాపారి కొన్నేళ్లుగా దుకాణం నిర్వహిస్తున్నాడు. దేవాదాయ శాఖ నిబంధనల ప్రకారం ఆలయ ప్రాంగణాల్లో ఎటువంటి వ్యాపార దుకాణాలు ఉండరాదు. బయట వ్యక్తుల ఆధీనంలో ఎలాంటి వ్యాపారాలు చేపట్టరాదు. ఒకవేళ ఉంటే ఆలయ ఆధీనంలో రసీదులతో కూడిన లావాదేవీలు చేపట్టాలి. అంతేగాక దేవాదాయ శాఖ నియమం ప్రకారం అందులో అర్చన కుంకుమ, పరిమళ విభూతి, నియమ నిబంధన పూజా పదార్థాలు మాత్రమే విక్రయించాలి. ఎట్టి పరిస్థితుల్లోనూ ప్రైవేటు వ్యక్తులు ఆలయ ప్రాంగణాల్లో వ్యాపారాలకు తావు ఉండదు. మఠంలో ఓ ప్రైవేటు వ్యక్తి దోపిడీకి అనుమతి ఎవరిచ్చారో అంతు చిక్కడం లేదు. ప్రాంగణంలోని గ్రామ దేవత మంచాలమ్మ గర్భాలయానికి వెనుక భాగంలో రాఘవేంద్రుల గర్భమఠానికి ఈశాన్య దిక్కున పెద్ద దుకాణం కేటాయించి ‘న్యూ శ్రీ రాఘవేంద్రస్వామి పూజా బండార్‌’ పేరుతో వ్యాపారం నిర్వహిస్తున్నాడు. కర్ణాటకలోని ఉడిపీ ప్రాంతానికి చెందిన పరమేష్‌ అనే వ్యక్తి 15 ఏళ్ల క్రితం శ్రీమఠం ప్రధాన ముఖద్వారం కుడివైపు చిన్న క్యాసెట్ల అంగడి పెట్టుకున్నాడు. భక్తి గేయాల క్యాసెట్లు, సీడీలు, డీవీడీలు అమ్ముకుంటూ కాలం వెల్లదీశాడు. ఇప్పటికీ ఆయనను స్థానికులు క్యాసెట్ల పరమేష్‌ అని ముద్దుగా పిలుచుకుంటారు. కొన్నేళ్ల తర్వాత శ్రీమఠంలోనే దుకాణం తెరిచాడు. చేతి దారాలు మొదలు తపంబు పీఠాల వరకు వ్యాపారం నడుస్తోంది. అక్కడ ఏ వస్తువు కొన్నా బయట దుకాణాల్లో ధరల కంటే ఐదోవంతు ఎక్కువ. ఉదాహరణకు రాగి చెంబు బయట దుకాణంలో రూ.200కు లభిస్తే అదే చెంబు ఇక్కడ మాత్రం రూ.1000కి అంటగడతారు. ఇలా ప్రతి వస్తువుపై అంతే. ఎవరైనా భక్తులు ప్రశ్నిస్తే ఇదీ శ్రీమఠం బ్రాండ్‌ అంటూ బురిడీ కొట్టిస్తున్నారనే విమర్శలు ఉన్నాయి. శ్రీమఠంలో ప్రైవేటు పూజా బండార్‌ లేనప్పుడు క్షేత్రంలో 20 దాకా పూజా సామగ్రి దుకాణాలు ఉండేవి. కొందరు బండ్లపైనే పెట్టుకుని జీవనం సాగించే వారు. అయితే మఠంలో బండార్‌ పెట్టడంతో చిరు వ్యాపారులు రోడ్డున పడి వ్యాపారాలు వదులుకున్నారు. భక్తులను దోచుకుంటున్న వ్యాపారిపై శ్రీమఠం అధికారులకు ఎందుకంత ప్రేమో తెలియడం లేదు. అది దేహ రహస్యంగానే మిగిలింది.

సాక్షి, నంద్యాల: నంద్యాల జిల్లాలోని బండి ఆత్మకూరు వద్ద ఉద్రిక్తత చోటుచేసుకుంది. వెలుగోడు రిజర్వాయర్‌ నుంచి వెంటనే నీటిని విడుదల చేసి చెరువులను నింపాలంటూ వైఎస్సార్‌సీపీ నేతలు ‘చలో వెలుగోడు రిజర్వాయర్‌’ పిలుపునిచ్చారు. ఈ క్రమంలో వెలుగోడుకు వెళ్తున్న వైఎస్సార్‌సీపీ నేతలు శిల్పా చక్రపాణి, రవిలను శిల్పా రవిని పోలీసులు అడుగడుగునా అడ్డుకోవడంతో ఉద్రిక్తత నెలకొంది..ఈ నేపథ్యంలో రైతుల కోసం నీళ్లు అడిగితే అడ్డుకుంటారా? అని పోలీసుల తీరుపై వైఎస్సార్‌సీపీ నేతలు ఆగ్రహం వ్యక్తం చేస్తున్నారు. పోలీసులు ఎన్ని ఆంక్షలు పెట్టినా వెలుగోడు రిజర్వాయర్లను ముట్టడిస్తామని శిల్పాచక్రపాణి రెడ్డి స్పష్టం చేశారు. మరోవైపు.. బస్టాండ్ వద్ద రైతులు నిరసన తెలుపుతున్నారు. చంద్రబాబు డౌన్ డౌన్ అంటూ.. వెంటనే కేసీ కెనాల్‌కు నీరు విడుదల చేయాలని డిమాండ్‌ చేశారు. వెలుగోడు నుండి నీటిని విడుదల చేసి చెరువుల నింపాలని మాజీ ఎమ్మెల్యేలు శిల్పా చక్రపాణి రెడ్డి, శిల్పా రవి కూటమి సర్కార్‌ను కోరారు. సాగునీరు అందక రైతులు ఇబ్బందులు పడుతున్నారని, తక్షణమే నీటి విడుదలపై ప్రభుత్వం నిర్ణయం తీసుకోవాలని డిమాండ్‌ చేశారు.ఇదీ చదవండి: టీడీపీ ఎమ్మెల్యే పుట్టాపై కేసు నమోదు

కోడుమూరు రూరల్‌: ఎక్కడైనా దేవుళ్లకు భక్తులు పాలు, పండ్లు, ఫలహారాలను నైవేద్యంగా పెట్టి పూజిస్తారు. కోడుమూరు కొండపైన వెలసిన శ్రీకొండలరాయుడికి మాత్రం భక్తులు తేళ్లనే నైవేద్యంగా సమర్పించి పూజలు నిర్వహిస్తున్నారు. ప్రతి యేడాది శ్రావణమాసంలో వచ్చే మూడవ సోమవారం ఈ వింత ఆచారాన్ని కోడుమూరు ప్రజలు దశాబ్దాలుగా కొనసాగిస్తున్నారు. విషపురుగులైన తేళ్లను చూస్తే ఎవరికై నా వెన్నులో వణుకు పుట్టాల్సిందే. అయితే కోడుమూరు కొండపైన మాత్రం భక్తులు చిన్న చిన్న రాళ్లను ఎత్తుతూ వాటి కింద ఉండే తేళ్లను ఎలాంటి బెరుకు లేకుండా చేతులతో పట్టుకొని శ్రీకొండలరాయుడుకు సమర్పించడం ఇక్కడ విశేషం. ఒక వేళ తేలును పట్టుకునే క్రమంలో కుట్టినా స్వామి వారి ఆలయం చుట్టు మూడు సార్లు ప్రదక్షిణ చేస్తే తగ్గిపోతుందని ఇక్కడి భక్తుల నమ్మకం. సోమవారం సాయంత్రం వేలాదిమంది ప్రజలు కాలినడకన కొండపైకి చేరుకొని శ్రీకొండలరాయుడికి తేళ్లను సమర్పించి ప్రత్యేక పూజలు నిర్వహించారు. ఈ సందర్భంగా కొండలరాయుడు ఆలయం వద్ద భక్తుల సందడి నెలకొంది. నాలుకపై, చేతులపై తేళ్లను ఉంచుకున్న యువకులు

బొమ్మలసత్రం: జిల్లా పోలీస్‌ కార్యాలయంలో సోమవారం నిర్వహించిన ప్రజా సమస్యల పరిష్కార వేదిక కార్యక్రమంలో అర్జీదారుల నుంచి 98 ఫిర్యాదులు అందాయి. జిల్లా ఎస్పీ సునీల్‌ షొరాణ్‌ మాట్లాడుతూ.. జిల్లాలో వివిధ ప్రాంతాల నుంచి వచ్చిన అర్జీదారులతో నేరు గా మా ట్లాడి సమస్యలు తెలుసుకున్నామన్నా రు. క్రిమినల్‌ కేసులకు సంబంధించి నేరుగా స్టేషన్‌ అధికారులతో మాట్లాడి సమస్యను అక్కడికక్కడే పరిష్కరించామన్నారు. మరికొన్ని సమస్యలను ఆయా స్టేషన్‌ అధికారుల వద్దకు పంపి ఇరు పక్షాల వారికి న్యాయం జరిగేలా చూడాలని ఆదేశించామన్నారు. నేటి నుంచి ఎన్‌టీఆర్‌ భరోసా పింఛన్ల పంపిణీ నంద్యాల(న్యూటౌన్‌): జిల్లాలో ఎన్‌టీఆర్‌ భరోసా పింఛన్లు 1వ తేదీ నుంచి పంపిణీ చేస్తున్నట్లు డీఆర్‌డీఏ పీడీ శ్రీధర్‌రెడ్డి సోమవారం ఒక ప్రకటనలో పేర్కొన్నారు. జిల్లాలో 2,09,732 మంది పింఛన్‌ దారులకు రూ.90.87 కోట్లు మంజూరైనట్లు తెలిపారు. పంచాయతీ కార్యదర్శులు, వీఆర్‌ఓలు, సచివాలయ ఉద్యోగులు ఉదయం 6గంటలకే వెళ్లి పింఛన్లను పంపిణీ చేయాలన్నారు. పంపిణీలో ఎలాంటి అవకతవకలు జరిగినా చర్యలు తప్పవన్నారు. వృద్ధులు, వికలాంగులు, వితంతువులు, అంగవైకల్యం కల వారు పింఛన్లు సద్వినియోగం చేసుకోవాలన్నారు. హక్కులు సాధించే వరకు ఉద్యమం నంద్యాల(అర్బన్‌): ప్రభుత్వ ఉద్యోగుల హక్కులను సాధించే వరకు ఏపీ జేఏసీ అమరావతి పోరాటాలు సాగిస్తుందని ఏపీ జేఏసీ అమరావతి నంద్యాల జిల్లా చైర్మన్‌ రామచంద్రారావు తెలిపారు. ఉద్యోగుల పీఆర్సీని అమలు చేసి డీఏలను వెంటనే విడుదల చేయాలని, ఔట్‌ సోర్సింగ్‌ ఉద్యోగుల క్రమబద్ధ్దీకరణ, తదితర డిమాండ్ల సాధన కోసం జిల్లాలోని వివిధ శాఖలకు చెందిన ఉద్యోగులు సోమవారం కలెక్టరేట్‌లోని పీజీఆర్‌ఎస్‌లో కలెక్టర్‌ రాజకుమారికి ఉద్యమ కార్యాచరణ నో టీసును అందజేశారు. ఈ సందర్భంగా రామచంద్రారావు మాట్లాడుతూ.. ప్రభుత్వ ఉద్యోగులకు చెల్లించాల్సిన పెండింగ్‌ బకాయిలు విడుదల చేయాలని, పెరుగుతున్న ధరలకు అనుగుణంగా డీఏ బకాయిలను చెల్లించాలన్నారు. ఉద్యోగుల హక్కులు సాధించేంత వరు కు ఐక్యంగా ఉద్యమిద్దామని పిలుపునిచ్చారు. కుటుంబ సంక్షేమాన్ని దృష్టిలో ఉంచుకొని ప్రతి ఉద్యోగి బాధ్యతగా ఉద్యమ కార్యక్రమంలో పాల్గొని ఉద్యోగుల ఐక్యతను చాటాలన్నారు. కార్యక్రమంలో జిల్లా ఏపీ జేఏసీ అమరావతి ఉమెన్‌ వింగ్‌ చైర్మన్‌ విజయకుమార్‌, అన్నమ్మ, మాధవిరెడ్డి, సరస్వతిబాయి, విజయశేఖర్‌, నాగరాజు తదితరులు పాల్గొన్నారు.

● జిల్లా కలెక్టర్‌కు అర్జీ ఇచ్చిన యువజన నాయకులుకర్నూలు(సెంట్రల్‌): దొంగ బిల్లులతో సీజనల్‌ హాస్టళ్ల నిధులను స్వాహా చేశారని, వారిపై చర్యలు తీసుకోవాలని జిల్లా కలెక్టర్‌ డాక్టర్‌ ఏ.సిరికి యూఎస్‌ఎఫ్‌ఐ, బీసీ, ఎస్సీ, ఎస్టీ, మైనార్టీ విద్యార్థి, యువజన సమాఖ్య నాయకులు అర్జీ ఇచ్చారు. వెల్దుర్తి, కృష్ణగిరి, తుగ్గలి మండల్లాలోని 30 సీజనల్‌ హాస్టళ్లను ప్రభుత్వం పొదుపు మహిళలకు ఇస్తే వాటిని పత్తికొండ ఎమ్మెల్యే బంధువులు తీసుకున్నారని అర్జీలో పేర్కొన్నారు. వాటిని వారే నిర్వహణ చేసి దొంగ బిల్లులతో నిధులను కాజేశారని ఉదహరించారు. కర్నూలు బీక్యాంపు గవర్నమెంట్‌ బాలుర ఉన్నత పాఠశాలకు గణిత శాస్త్ర ఉపాధ్యాయుడిని నియమించాలని జిల్లా ఎస్సీ, ఎస్టీ విజిలెన్స్‌ సభ్యుడు గుడిపల్లి సురేందర్‌ వినతిపత్రం ఇచ్చారు. కర్నూలు రూరల్‌ మండలం బి.తాండ్రపాడు, పసుపల, సూదిరెడ్డిపల్లె, నూతనపల్లె గ్రామాలకు తాగు, సాగునీటిని అందజేయాలని వైఎస్సార్‌సీపీ ఎంపీటీసీ సభ్యుడు బోయ హనుమంతు అర్జీ ఇచ్చారు. కలెక్టరేట్‌లోని సునయన ఆడిటోరియంలో సోమవారం ప్రజా సమస్యల పరిష్కార వేదిక (పీజీఆర్‌ఎస్‌) నిర్వహించారు. జిల్లా నలుమూలల నుంచి వచ్చిన ప్రజల నుంచి అధికారులు అర్జీలు స్వీకరించారు. అర్జీదారులు సంతృప్తి చెందేలా నాణ్యమైన పరిష్కారాలు చూపించాలని, రీఓపెన్‌, ఇంప్రాపర్‌ రెడ్రెసల్‌ కేసులు పూర్తిగా తగ్గిపోవాలని అధికారులను జిల్లా కలెక్టర్‌ డాక్టర్‌ ఏ. సిరి ఆదేశించారు. జిల్లా రెవెన్యూ అధికారి వెంకట నారాయణమ్మ, స్పెషల్‌ డిప్యూటీ కలెక్టర్లు అనురాధ, శివ ప్రసాద్‌ రెడ్డి, రామసుబ్బయ్య పాల్గొన్నారు.

డోన్‌: అభివృద్ధి పనులకు నయా పైసా తెచ్చే యోగ్యత లేని వ్యక్తి ఏ మొహం పెట్టుకుని ప్రారంభోత్సవాలు చేస్తున్నారని డోన్‌ ఎమ్మెల్యే కోట్ల సూర్యప్రకాష్‌రెడ్డిని మాజీ మంత్రి బుగ్గన రాజేంద్రనాథ్‌రెడ్డి విమర్శించారు. సోమవారం డోన్‌లోని తన స్వగృహంలో విలేకరుల సమావేశంలో మాట్లాడారు. ఇటీవల ఎమ్మెల్యే కోట్ల తన స్థాయిని దిగజార్చుకొని విపక్ష పార్టీలకు చెందిన ప్రజాప్రతినిధులపై నోరుపారేసుకోవడం సరికాదన్నారు. ప్రభుత్వ ప్రోటోకాల్‌ ప్రకారం జెడ్పీ చైర్మన్‌ ఎర్రబోతుల పాపిరెడ్డి రాష్ట్ర కేబినెట్‌ హోదా ఉన్న వ్యక్తి అని, ఆ విషయం ఎమ్మెల్యేకు తెలియకపోవడం శోచనీయమన్నారు. జెడ్పీ, ఎంపీపీ, రాష్ట్ర ప్రభుత్వ నిధులతో నిర్మించిన ఎంపీపీ భవనాన్ని ప్రారంభించేందుకు అనేక మార్లు తేదీలు ఇచ్చినా ఎమ్మెల్యే ఎందుకు వాయిదాలు వేశారో ప్రజలకు సమాధానం చెప్పాలన్నారు. ప్రారంభించేందుకు తేదీలు ఖరారు చేసిన ఎంపీడీఓ వెంకటేశ్వరరెడ్డి ఎమ్మెల్యే కోట్ల బెదిరింపులకు భయపడి జెడ్పీ చైర్మన్‌తో పాటు ప్రజాప్రతినిధులపై ఎలా కేసులు పెడతారన్నారు. ఈ విషయంలో ఎంపీడీఓను త్వరలో కోర్టుకు లాగుతామని బుగ్గన హెచ్చరించారు. విపక్ష పార్టీలు ప్రాతినిథ్యం వహిస్తున్న ఆలూరు, మంత్రాలయం నియోజకవర్గాల్లో ఎమ్మెల్యే లు విరూపాక్షి, బాలనాగిరెడ్డిల ప్రమేయం లేకుండా ప్రారంభోత్సవాలు ఎలా చేస్తున్నారని నిలదీశారు. బేతంచెర్ల నగరపాలక సంస్థకు పైసా కూడా తేకుండా, చైర్మన్‌ చలంరెడ్డిని పిలవకుండానే భూమి పూజలు, ప్రారంభోత్సవాలు ఎలా చేస్తున్నారని ప్రశ్నించారు. అక్రమ కేసులకు భయపడేది లేదు.. వైఎస్సార్‌సీపీ ప్రజాప్రతినిధులపై తప్పుడు కేసులు బనాయించి జైలు పాలు చేసినా భయపడేది లేదని బుగ్గన అన్నారు. చేతనైతే అభివృద్ధి చేయాలే కానీ.. నీచ రాజకీయాలకు పాల్పడం సరికాదన్నారు. పోలీస్‌ స్టేషన్‌కు కూతవేటు దూరంలో టీడీపీకి చెందిన అల్లరి మూకలైన సుదీష్‌ అనుచరులు ఎంపీడీఓ కార్యాలయం గేటు తాళం పోలీసుల సమక్షంలో పట్టపగలే పగులగొట్టినా కేసు ఎందుకు నమోదు చేయలేదని బుగ్గన ఎమ్మెల్యేను సూటిగా ప్రశ్నించారు. నియోజకవర్గ వ్యాప్తంగా అక్రమ రేషన్‌, మద్యం వ్యాపారాలు చేస్తున్నదెవరని, ఇసుక, అక్రమ మైనింగ్‌, గంజాయి వ్యాపారాలు కొన సాగిస్తున్నది ఎవరో ఎమ్మెల్యే ప్రజలకు చెప్పాలన్నారు. చేతనైతే అభివృద్ధి పనులు పూర్తి చేయి.. అర్ధరహిత వ్యాఖ్యలతో రెచ్చగొట్టడం కాకుండా గత ప్రభుత్వంలో చేపట్టిన అభివృద్ధి పనులను వెంటనే పూర్తి చేయాలని, సిద్ధంగా ఉన్న భవనాలను వెంటనే ప్రారంభించి ప్రజలకు అందుబాటులోకి తేవాలని ఎమ్మెల్యే కోట్లకు మాజీ మంత్రి బుగ్గన సవాల్‌ చేశారు. వాటర్‌ గ్రిడ్‌, హంద్రీ నీవా కాలువ నీటి ద్వారా చెరువులను నింపే కార్యక్రమాన్ని కొనసాగించాలన్నారు. వెటర్నటీ, బేతంచెర్ల పాలిటెక్నిక్‌, ఐటీఐ, ఎస్సీ బాలికల ఆశ్రమ పాఠశాల భవనాల టెండర్‌లను ఎందుకు రద్దు చేశారో స్పష్టం చేయాలన్నారు. ఇంటిగ్రేటెడ్‌ మార్కెట్‌, ఐటీడీఆర్‌ వెంటనే పూర్తి చేయాలన్నారు. నియోజకవర్గంలోని మదిలేట్టి స్వామి, గుండాల చెన్నకేశవ స్వామి, కంభగిరిస్వామి, పాలుట్ల రంగస్వామి, ముచ్చట్ల మల్లికార్జున స్వామి ఆలయాల జీర్ణోద్ధరణ పనులకు రూ.1.50 కోట్లను కార్బస్‌ ఫండ్‌గా తన సొంత డబ్బును చెల్లించిన విషయాన్ని బుగ్గన ఈ సందర్భంగా గుర్తు చేశారు. సమావేశంలో ఎంపీపీ రేగటి రాజశేఖర్‌రెడ్డి, జెడ్పీటీసీ బద్దల రాజ్‌కుమార్‌, మార్కె ట్‌ యార్ట్‌ మాజీ చైర్మెన్‌ రామచంద్రుడు, వలంటీర్‌ సంఘం జిల్లా అధ్యక్షులు పోస్ట్‌ ప్రసాద్‌, మండల, పట్టణ పార్టీ అధ్యక్షులు సోమేష్‌ యాదవ్‌, మల్లికార్జునరెడ్డి, పార్టీ నాయకులు జాకీర్‌ హుస్సేన్‌, సుధాకర్‌ యాదవ్‌, మదిలేట్టి, అక్బర్‌ బాషా తదితరులు పాల్గొన్నారు. ప్రోటోకాల్‌ కూడా తెలియదా? దిగజారుడు వ్యాఖ్యలు మానుకో ఎంపీడీఓను కోర్టుకు లాగుతాం డోన్‌ ఎమ్మెల్యే కోట్లపై మాజీ మంత్రి బుగ్గన ఆగ్రహం

● రద్దీ తోపులాటలో అపస్మారక స్థితిలోకి మహిళపత్తికొండ: ఆర్టీసీ బస్సులో ప్రయాణికుల రద్దీతో ఓ మహిళ అపస్మారక స్థితిలోకి వెళ్లిన ఘటన సోమవారం సాయంత్రం పత్తికొండ ఆర్టీసీ బస్టాండ్‌లో చోటు చేసుకుంది. గుంతకల్‌ పట్టణంలోని ధర్మవరం గేట్‌కు చెందిన హసీనా తన కుమారుడు దాదా పీరాతో కలిసి ఉదయం వైద్య పరీక్షల కోసం కర్నూలుకు వెళ్లింది. ఓ ప్రయివేట్‌ ఆసుపత్రిలో వైద్యులను సంప్రదించింది. అనంతరం కర్నూలు నుంచి ఏపీ 39యుఎల్‌ 1662 బస్సులో గుంతకల్‌కు బయలుదేరింది. కూర్చోవడానికి సీటు కూడా దొరికింది. అయితే సాయంత్రం సమయంలో బస్సు పత్తికొండ బస్టాండ్‌కు రాగానే వాష్‌రూమ్‌ కోసం కిందకు దిగింది. ఆ సమయంలో గుంతకల్‌ వైపు బస్సులు తక్కువగా ఉంటాయి. దీనికితోడు దాదాపు 3గంటలు పాటు గుంతకల్‌ వైపు వెళ్లే బస్సులు రాలేదు. దాదాపు 200 మంది ప్రయాణికులు గుంతకల్‌ వైపు వెళ్లడానికి బస్టాండ్‌లో నిరీక్షిస్తున్నారు. దీంతో వచ్చిన బస్సు కోసం ప్రయాణికులు చుట్టుముట్టారు. ఈక్రమంలో వాష్‌రూమ్‌ ముగించుకొని బస్సు ఎక్కుతున్న సమయంలో రద్దీ వల్ల ప్రయాణికులు ఒకరికొకరు విపరీతంగా తోసుకున్నారు. తోపులాటలో హసీనా అక్కడే సృహతప్పి పడిపోయింది. బస్సులో ఉన్న కుమారుడు దాదా పీరా గమనించి కిందికి దిగివచ్చి కాసేపు సపర్యలు చేశాడు. విషయం తెలుసుకుని పక్కనే ఉన్న లాడ్జీలో పని చేస్తున్న హనుమాన్‌, నాగేష్‌ అనే యువకులు అక్కడికి చేరుకొని కుమారుడు సహాయంతో ఆటోలో పత్తికొండ ప్రభుత్వాసుపత్రికి తరలించారు. మహిళను పరీక్షించిన వైద్యులు సృహలో లేనందున ప్రాథమిక చికిత్సలు నిర్వహించి మెరుగైన వైద్యం కోసం కర్నూలు ప్రభుత్వ అసుపత్రికి రెఫర్‌ చేసినట్లు వైద్య సిబ్బంది తెలిపారు. బస్సులో రద్దీ వల్ల జరిగిన తోపులాట మా అమ్మ ప్రాణాలకు ముప్పు తెచ్చిందని కుమారుడు దాదా పీరా బోరున విలపించాడు. ఇంతటి దారుణమైన ఘటన చోటు చేసుకున్నా ఆర్టీసీ సిబ్బంది తమకేమీ సంబంధం లేనట్లు ఆమెను కిందకు దింపి వెళ్లిపోవడం గమనార్హం.

● రైతులు ఆందోళనలు చేస్తున్నా కన్నెత్తి చూడని వైనం ఆత్మకూరు: శ్రీశైలం జలాశయం పూర్తి స్థాయి నీటి మట్టానికి చేరుకున్నా జిల్లాలోని సాగునీటి కాల్వలు వెలవెలబోతున్నాయి. రైతులు ఒక్క పంటకై నా సాగునీటిని అందించి ఆదుకోండని ఆందోళనలు చేస్తున్నా పాలకుల్లో చలనం కలగడం లేదు. ఓ వైపు వైఎస్సార్‌సీపీ ఆధ్వర్యంలో పార్టీ జిల్లా అధ్యక్షుడు కాటసాని రాంభూపాల్‌రెడ్డి ఆధ్వర్యంలో సాగునీటి కోసం పోరాటం ఉద్ధృతం చేస్తున్నారు. సోమవారం నంద్యాలలో మాజీ ఎమ్మెల్యే శిల్పా రవి కలెక్టరేట్‌ ముట్టడి విజయవంతమైంది. మంగళవారం వెలుగోడు రిజర్వాయర్‌ ముట్టడికి వైఎస్సార్సీపీ మాజీ ఎమ్మెల్యే శిల్పా చక్రపాణిరెడ్డి పిలుపునిచ్చారు. బనగానపల్లె మాజీ ఎమ్మెల్యే కాటసాని రామిరెడ్డి ఆధ్వర్యంలో సాగునీరు విడుదల చేయాలంటూ కూటమి ప్రభుత్వంపై విరుచుకుపడుతున్నారు. కాగా అధికారంలో ఉన్న కూటమి నేతలు మాత్రం సాగునీటి విడుదల విషయంలో మౌనం దాల్చడంపై సర్వత్రా విమర్శలు వ్యక్తమవుతున్నాయి. తెలుగుగంగ, ఎస్సార్‌బీసీ, సిద్ధాపురం చెరువును నింపడంలో కూటమి ప్రభుత్వం విఫలమైంది. జిల్లాలోని కూటమి ఎమ్మెల్యేలు బుడ్డా రాజశేఖర్‌రెడ్డి, జయసూర్య, భూమా అఖిలప్రియ, గౌరు చరిత, మంత్రులు ఫరూక్‌, జనార్ధన్‌రెడ్డి సాగునీరు విడుదలపై నోరు మెదపకపోవడంతో రైతులు ఆందోళన వ్యక్తం చేస్తున్నారు. పంటలు ఎండుతున్నా పట్టనట్లు వ్యవహరిస్తున్నారు. జల కళ సంతరించుకున్న వీబీఆర్‌కల్లూరు: రైతుల కళ్లు ఆకాశం వైపు చూస్తుండగా.. వారి కళ్లలో నీళ్లు ఎండుతున్న పంటలను చూస్తున్నాయి. వర్షం కోసం రైతులు పూజలు, ప్రార్థనలు చేశారు. అయినా వరుణుడు కరుణించలేదు. రైతుల మొర ఆలకించిన కృష్ణమ్మ ఎగువ నుంచి భూములను తడిపేందుకు పరుగున వచ్చి చేరింది. అయినా ఆయకట్టు కనుచూపు మేర బీళ్లుగా కనిపిస్తోంది. సాగునీటి కాల్వలు వెలవెలబోతున్నాయి. ఈ క్రమంలో వైఎస్సార్‌సీపీ రైతు పక్షాన పోరాటం ఉద్ధృతం చేసింది. సాగునీటిని విడుదల చేయాలని కూటమి ప్రభుత్వం ఒత్తిడి చేస్తోంది. పార్టీ నాయకులు రైతులతో కలసి పోరుబాట పట్టారు. మంగళవారం వీబీఆర్‌ ముట్టడికి పిలుపునిచ్చారు. ఈ మేరకు రైతు శంఖారావం పేరుతో చేపట్టనున్న ఈ కార్యక్రమానికి రైతులు, ప్రజలు తరలి రావాలని వైఎస్సార్‌సీపీ నంద్యాల జిల్లా అధ్యక్షులు కాటసాని రాంభూపాల్‌రెడ్డి, శ్రీశైలం మాజీ ఎమ్మెల్యే శిల్పా చక్రపాణిరెడ్డి పిలుపునిచ్చారు. సోమవారం కల్లూరులోని కాటసాని నివాసంలో మీడియా సమావేశం నిర్వహించారు. ఈ సందర్భంగా వారు మాట్లాడుతూ.. అన్నదాతల కోసం ‘రైతు శంఖారావం’ కార్యక్రమం తలపెట్టగా గత నాలుగు రోజులుగా ప్రభుత్వం నోటీసులు ఇస్తూ రైతులను భయభ్రాంతులకు గురి చేయడం ఎంత వరకు సమంజసమని ప్రశ్నించారు. రైతులు, ట్రాక్టర్ల యజమానులు, వైఎస్సార్‌సీపీ నాయకులకు నోటీసులు ఇస్తున్నారన్నారు. జెండాలు, అజెండాలను పక్కన పెట్టి రైతాంగం తరఫున పోరాటం చేయా ల్సిన అవసరం ఉందన్నారు. రైతులకు జరుగుతున్న అన్యాయాన్ని ప్రభుత్వం దృష్టికి తీసుకెళ్లాలనే ఉద్దేశంతో వీబీఆర్‌ ముట్టడి కార్యక్రమం చేస్తున్నామన్నారు. గురుశిశ్యుల ఒప్పందంతో సీమలో కరువు.. అడ్డగోలుగా తెలంగాణ ప్రభుత్వం జలదోపిడీ చేస్తుంటే కూటమి ప్రభుత్వం, టీడీపీ నాయకులు ఏ మాత్రం చలించడం లేదని కాటసాని, శిల్పా విమర్శించారు. గురుశిశ్యుల ఒప్పందంతో రాయలసీమలో కరువు ఛాయలు కనిపిస్తున్నాయన్నారు. శ్రీశైలం ప్రాజెక్టులోకి వచ్చిన జలాలను సక్రమంగా వినియోగించుకుంటే కనీసం ఒక పంటైనా పండించుకునే వాళ్లమన్నారు. సాగునీటి ప్రాజెక్టులు, రిజర్వాయర్‌లపై టీడీపీ నాయకులకు అవగాహన లేదన్నారు. 1995 నుంచి 2004 వరకు తొమ్మిదేళ్లు చంద్రబాబు నాయుడు ముఖ్యమంత్రిగా ఉన్న సమయంలో రాయలసీమకు ఏం చేశారో ప్రజలకు వివరించాలన్నారు. గోరుకల్లు రిజర్వాయర్‌పై గత చరిత్ర తెలుకుని టీడీపీ నాయకులు మాట్లా డాలన్నారు. సమావేశంలో మాజీ మేయర్‌ బీవై రామ య్య పాణ్యం నియోజకవర్గ పరిశీలకులు సూర్యప్రకా ష్‌రెడ్డి, వైఎస్సార్‌సీపీ నాయకులు అక్కిమి హనుమంతురెడ్డి, శివారెడ్డి, మహేశ్వర్‌రెడ్డి, శ్రీనివాసులు యాద వ్‌, రమణారెడ్డి, గోపాల్‌రెడ్డి, తాజా మాజీ కార్పొరేటర్లు సాన శ్రీనివాసులు, దండు లక్ష్మీకాంతరెడ్డి, విక్రమసింహరెడ్డి, ఎరుకల వెంకటేశ్వర్లు పాల్గొన్నారు. కూటమి ప్రభుత్వ తీరుతోనే కరువు చంద్రబాబు రాయలసీమకు ఏం చేశారో చెప్పాలి తెలంగాణ జలదోపిడీని అడ్డుకోవాలి వీబీఆర్‌ ముట్టడిని అడ్డుకోలేరు పోలీసు నోటీసులకు ఎవరూ భయపడరు రైతు శంఖారావానికి తరలిరండి వైఎస్సార్‌సీపీ నంద్యాల జిల్లా అధ్యక్షులు కాటసాని రాంభూపాల్‌రెడ్డి, మాజీ ఎమ్మెల్యే శిల్పా చక్రపాణిరెడ్డి

సి.బెళగల్‌: ప్రభుత్వ గుర్తింపు లేని జీనియస్‌ గ్లోబల్‌ స్కూల్‌ను ఎంఈఓ జ్యోతి సీజ్‌ చేశారు. సోమవారం ఎంఈఓ తన కార్యాలయ అధికారులు, పోలీస్‌ సిబ్బందితో కలిసి మండల కేంద్రమైన సి.బెళగల్‌లోని ప్రైవేట్‌ పాఠశాలకు చేరుకుని ఈ మేరకు చర్యలు తీసుకున్నారు. ఈ సందర్భంగా ఆమె మాట్లాడుతూ.. పాఠశాల నిర్వహణకు అనుమతులు, గుర్తింపు లేని విషయమై గతంలో యాజమాన్యానికికి మూడు గడువు నోటీస్‌లు ఇచ్చామన్నారు. గడువులోగా గుర్తింపును పొందలేదని, అదేవిధంగా పాఠశాలను నిర్వహించడంపై విద్యార్థి సంఘాలు, ప్రజా సంఘాల సభ్యులు ఫిర్యాదుల మేరకు విచారించామన్నారు. ప్రస్తుతం పాఠశాలలో చదువుతున్న విద్యార్థుల చదువులకు ఆటంకం కలుగకుండ చర్యలు తీసుకుంటున్నట్లు ఎంఈఓ తెలిపారు. ఆమె వెంట ఎంఐఎస్‌ రాజారావు, సీఆర్పీ నాగేష్‌, హెడ్‌కానిస్టేబుల్‌ క్రిష్ణ గౌడ్‌, కానిస్టేబుల్‌ సత్యరాజు తదితరులు ఉన్నారు. అంత్యక్రియలకు వెళ్లి తిరిగి వస్తుండగా.. ● ఆటో బోల్తా పడి వ్యక్తి మృతి బేతంచెర్ల: హెచ్‌ కొట్టాల గ్రామ సమీపాన జాతీయ రహదారిపై ఆటో బోల్తాపడిన ప్రమాదంలో ఒకరు మృతి చెందగా, మరో ముగ్గురికి గాయాలయ్యాయి. నంద్యాల మండలం పుసులూరుకు చెందిన ఎర్రగొండ నాగయ్య, ఆటో డ్రైవర్‌తో పాటు 8 మంది మండలంలోని ఆర్‌ కొత్తపల్లె గ్రామంలో ఆదివారం పాముకాటుతో మృతి చెందిన గురు మోహన్‌ అంత్యక్రియలకు వెళ్లి ఆటోలో తిరిగి వస్తుండగా ఈ ప్రమాదం చోటు చేసుకుంది. డ్రైవర్‌ పక్కన్న కూర్చున్న ఎర్రగొండ నాగయ్యపై ఆటో పడటంతో తీవ్రగాయాలయ్యాయి. 108 వాహనంలో బేతంచెర్ల సీహెచ్‌సీకి తరలించగా అప్పటికే మృతి చెందినట్లు వైద్యులు నిర్ధారించారు. మరో ముగ్గురికి గాయాలు కావడంతో చికిత్స అందిస్తున్నారు. సమాచారం అందుకున్న పోలీసులు సంఘటన స్థలానికి చేరుకుని ప్రమాదానికి గల కారణాలను పరిశీలించారు. మృతుని సోదరుడు రామ సుబ్బయ్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్‌ఐ రమేష్‌ బాబు సోమవారం తెలిపారు. వన్‌స్టాప్‌ సెంటర్లలో పోస్టుల భర్తీకి దరఖాస్తుల ఆహ్వానం ● ఐసీడీఎస్‌ పీడీ పీ విజయ కర్నూలు(అర్బన్‌): కర్నూలు, ఆదోనిలోని వన్‌స్టాప్‌ సెంటర్లలో పలు రకాల పోస్టుల భర్తీకి అర్హులైన వారి నుంచి దరఖాస్తులను ఆహ్వానిస్తున్నట్లు మహిళాభివృద్ధి, శిశు సంక్షేమ శాఖ ప్రాజెక్టు డైరెక్టర్‌ పీ విజయ తెలిపారు. సోమవారం ఆమె విలేఖరులతో మాట్లాడుతూ ఆయా పోస్టులకు దరఖాస్తు చేసుకునే అభ్యర్థుల వయస్సు 2025 జూలై 1వ తేదీ నాటికి 18 నుంచి 39 సంవత్సరాల లోపు ఉండాలన్నారు. ఎస్సీ, ఎస్టీ, బీసీ అభ్యర్థులకు ఐదు సంవత్సరాలు, దివ్యాంగులకు 10 సంవత్సరాల సడలింపు ఉంటుందన్నారు. కర్నూలు, ఆదోనిలో నివాసం ఉంటున్న వారికి ప్రాధాన్యత ఇస్తామని పేర్కొన్నారు. పూర్తి నోటిఫికేషన్‌, ఇతర వివరాలకు కలెక్టరేట్‌లోని తమ కార్యాలయం, www. kurnool.ap.gov.in వెబ్‌సైట్‌లో సంప్రదించాలన్నారు. కర్నూలులో కేసు వర్కర్‌ (ఎస్సీగ్రూపు– 2 మహిళలకు), ఆదోనిలో కేసు వర్కర్‌ (ఎస్టీ మహిళ), పారా మెడికల్‌ సర్సనల్‌ (ఎస్టీ మహిళ), సైకో సోషియల్‌ కౌన్సిలర్‌ (ఓసీ మహిళలకు) పోస్టులకు అర్హులైన వారు ఈ నెల 1 నుంచి 6వ తేదీలోగా దరఖాస్తు చేసుకోవాలన్నారు. నంద్యాల(వ్యవసాయం): పట్టణంలో గణేశ మహోత్సవ కేంద్ర సమితి ఆధ్వర్యంలో సోమవారం ఉత్తరాది మఠంలో కేంద్ర కార్యాలయాన్ని ప్రారంభించారు. కార్యక్రమానికి రాష్ట్ర ఉపాధ్యక్షులు నగర గౌరవాధ్యక్షులు డాక్టర్‌ రామకృష్ణారెడ్డి, అధ్యక్షులు గంగిశెట్టి విజయ్‌ కుమార్‌, కార్యవర్గ సభ్యులు హాజరయ్యారు. ఈ సందర్భంగా వారు మాట్లాడు తూ.. వినాయక చవితి ఉత్సవాలు ఈ నెల 14వ తేదీ సోమవారం పండుగతో ప్రారంభమై 18వ తేదీ నిమజ్జనం కార్యక్రమంతో పూర్తవుతుందన్నారు. 5 రోజుల చవితి వేడుకులను ఘనంగా నిర్వహించుకుందామన్నారు. ఎత్తైన విగ్రహాలు కాకుండా చిన్నవి ప్రతిష్టించి పూజించాలన్నారు. కార్యక్రమంలో మాజీ మున్సిపల్‌ వైస్‌ చైర్మన్‌ గంగిశెట్టి శ్రీధర్‌, కృష్ణమాచార్యులు, సత్యనారాయణ, డమాంశంకర్‌, చంద్రమోహన్‌, గాజుల హరిబాబు, పుల్లయ్య, ఈరన్న స్వామి, మురళీధర్‌రెడ్డి, రామారావు వెంకటసుబ్బయ్య, చంద్రశేఖర్‌ సుహాసిని, తదితరులు పాల్గొన్నారు.

శ్రీశైలంటెంపుల్‌: ఇల కై లాసమైన శ్రీగిరి క్షేత్రాభివృద్ధిని పర్యవేక్షిస్తూ.. భక్తుల మెరుగైన సౌకర్యాలు కల్పిస్తూ.. దేవస్థానం సొమ్మును కాపాడుతూ ప్రతి పైసాకు లెక్క చెప్పాల్సిన ఓ ఉన్నతాధికారే దేవస్థానం ఆదాయానికి గండి కొడుతున్నారు. భ్రమరాంబా మల్లికార్జున స్వామిఅమ్మవార్ల దర్శనానికి వచ్చే భక్తులు సమర్పించే కానుకలతో క్షేత్రంలో పలు అభివృద్ధి కార్యక్రమాలు జరుగుతుంటాయి. దేవస్థాన ఉన్నతాధికారి నివాసం ఉండి పరిపాలన సాగించేందుకు గతంలో ప్రత్యేక గృహం లేకపోవడంతో దాతలు నిర్మించిన కాటేజీలను వినియోగించుకుంటూ పాలన సాగించేవారు. దాతలు నిర్మించిన కాటేజీలను వినియోగిస్తే ఆ దాతకు, భక్తులకు ఇబ్బందులు ఎదురవుతాయి, దేవస్థానానికి రోజువారి అద్దె రూపంలో వచ్చే ఆదాయం కూడా దేవస్థానం కోల్పోతుందని భావించి సుమారు రూ.కోటికి పైగా భక్తుల సొమ్మును వెచ్చించి ఉన్నతాధికారి కోసం భవనం నిర్మించారు. భవనం పూర్తయినప్పటికీ ఇంతవరకు ఆ భవనంలోకి వెళ్లేందుకు ఉన్నతాధికారికి మనసు రావడం లేదు. దీంతో ఇటు కాటేజీ రోజు వారి అద్దె దేవస్థానం కోల్పోవడం, నూతన భవనానికి వెచ్చించి ధనం వృథాగా మారుతుంది. ప్రస్తుతం ఉన్నతాధికారి నివాసం ఉంటున్న కాటేజీ రోజు వారి అద్దె రూ.10 వేలు. నెలకు రూ.3లక్షలు ఇలా సంవత్సరానికి రూ.36 లక్షలు, రెండేళ్లకు రూ.72 లక్షలు. ఉన్నతాధికారి వ్యవహారశైలితో రెండేళ్లలో దేవస్థానం రూ.72 లక్షలు కోల్పోవాల్సి వచ్చింది. అంతేకాకుండా నూతన భవనానికి ఖర్చు చేసిన రూ.కోటికి పైగా సొమ్ము సైతం వృథా అవుతుంది. దేవదాయ శాఖ ఆదేశాలు బేఖాతర్‌.. కొన్ని నెలల క్రితం ఉన్నతాధికారిగా వచ్చిన ఈయన దేవస్థానం పరిధిలో ఓ దాత భక్తుల సౌకర్యార్థం అధునాతన హంగులతో ఇంద్రభవనం లాంటి కాటేజీని నివాసంగా మార్చుకున్నారు. అ భవనం విశాలవంతం, సౌకర్యవంతంగా ఉండి ‘ఇంద్ర’భవనాన్ని తలపిస్తుండడంతో ఆ భవనాన్ని వదలేక పోతున్నట్లు తెలుస్తుంది. అయితే ఉన్నతాధికారి తీరుపై దేవస్థానం ఆదాయానికి గండి పడుతున్న విషయం కొన్ని నెలల క్రితం దేవదాయశాఖ మంత్రి, ఉన్నతాధికారుల దృష్టికి వెళ్లింది. వెంటనే కాటేజీని ఖాళీ చేసి నూతన భవనంలోకి వెళ్లాలని దేవదాయ శాఖ ఆదేశించినా బేఖాతర్‌ చేశారు. నూతన భవనంలో చిన్నపాటి మరమ్మతులు ఉన్నాయని త్వరలోనే వెళ్తానంటూ వాయిదాలు వేస్తూ ఇంద్ర భవనాన్ని వదలడం లేదని విమర్శలు ఉన్నాయి. అయ్యగారి సేవలో ఏడుగురు ఉద్యోగులు ఉన్నతాధికారికి సేవలందించేందుకు దేవస్థానంలో వివిధ విభాగాల్లో పనిచేసే ఏడుగురు ఉద్యోగులు ఉన్నారు. అయ్యగారి నివాసం వద్ద ఉదయం ఒకరు, మధ్యాహ్నం ఒకరు, రాత్రి ఇద్దరు సెక్యూరిటీ గార్డులు విధులు నిర్వహిస్తారు. సీసీ, అటెండర్‌, డ్రైవర్‌, వంట మనిషి, స్వీపర్‌, గోవు సంరక్షణకు గోశాల నుంచి ఒక ఉద్యోగి ఇలా ఏడుగురు సిబ్బంది రెండు షిఫ్ట్‌లలో విధులు నిర్వహిస్తారు. ‘భక్తుల సొమ్ము వృథా అవుతే నా కేంటి’ అన్నట్లు వ్యవహరించడంతో ఆ ఉన్నతాధికారి వ్యవహారశైలి ప్రస్తుతం చర్చనీయాంశంగా మారుతుంది. ఆదర్శం మరచిన అధికారి శ్రీశైల దేవస్థానంలో పనిచేసే అధికారులకు, కింది స్థాయి ఉద్యోగులకు ఉన్నతాధికారి ప్రవర్తన ఆదర్శంగా ఉండాలి. అయితే ప్రస్తుతం దేవస్థానంలో విధులు నిర్వహిస్తున్న ఉన్నతాధికారి తీరు ఆ విధంగా లేదనే విమర్శలు వినిపిస్తున్నాయి. అధునాతన హంగులతో, అన్ని సౌకర్యాలతో, దేవాలయానికి కూతవేటు దూరంలో రూ.కోటిగా నిధులు వెచ్చించి నిర్మించిన భవనంలోకి ఉన్నతాధికారి మాత్రం వెళ్లరు. సమయానికి రవాణా, భద్రత, అంతర్గత రహదారులు, డ్రైనేజ్‌, తాగునీటి సౌకర్యాలు లేని ఎక్కడో దేవస్థానానికి 8కి.మీ దూరంలోని సున్నిపెంటలో నిర్మించిన దేవస్థాన ఉద్యోగుల వసతి గృహానికి మాత్రం ఉద్యోగులు వెళ్లాల్సిందేనని ఒత్తిడి తీసుకువస్తారని పలువురు ఉద్యోగులు విమర్శిస్తున్నారు. ఇప్పటికై న దేవదాయశాఖ మంత్రి, ఆ శాఖ ఉన్నతాధికారులు స్పందించి శ్రీశైల దేవస్థానంలో ఉన్నతాధికారి నివాసం ఉంటున్న కాటేజీని ఖాళీ చేయించి, ఉన్నతాధికారి కోసం నిర్మించిన నూతన భవనంలోకి మకాం మార్చి కాటేజీని భక్తులకు అందుబాటులోకి తీసుకురావాల్సిన అవసరం ఎంతైనా ఉందని పలువురు భక్తులు కోరుతున్నారు. దాత కట్టించిన కాటేజీలో ఉన్నతాధికారి నివాసం దేవస్థానం నిర్మించిన నూతన భవనం నిరుపయోగం రెండేళ్లలో దేవస్థానం ఆదాయానికి రూ. 72 లక్షల గండి శ్రీశైలంలో చర్చనీయాంశంగా ఉన్నతాధికారి వైఖరి

● వైఎస్సార్‌సీపీ నేతలను నాలుగు గంటలు స్టేషన్‌లో ఉంచిన సీఐడోన్‌: ఓ కేసులో కండీషన్‌ బెయిల్‌ పొంది పోలీసు స్టేషన్‌లో సంతకం పెట్టేందుకు వచ్చిన వైఎస్సార్‌సీపీ నేతలను సీఐ దాదాపు నాలుగు గంటల పాటు స్టేషన్‌లోనే నిరీక్షించి, నీరసించేలా చేశారు. ప్రోటోకాల్‌ పాటించకుండా ఈనెల 23వ తేదీన డోన్‌ పట్టణంలోని నూతన ఎంపీడీఓ కార్యాలయాన్ని ప్రారంభించారని ఎంపీడీఓ వెంకటేశ్వరరెడ్డి ఫిర్యాదు మేరకు జెడ్పీ చైర్మెన్‌ ఎర్రబోతుల పాపిరెడ్డితో పాటు వైఎస్సార్‌సీపీ నేతలపై పోలీసులు కేసు పెట్టారు. కాగా వారు కండీషన్‌ బెయిల్‌పై విడుదలైన సంగతి తెలిసిందే. అయితే కండీషన్‌ బెయిల్‌లో భాగంగా సోమవారం పోలీస్‌ స్టేషన్‌లో సంతకం చేసేందుకు ఎంపీపీ రేగటి రాజ్‌శేఖర్‌రెడ్డి, జెడ్పీటీసీ సభ్యుడు బద్దల రాజ్‌కుమార్‌లతో పాటు పలువురు ఎంపీటీసీలు, నాయకులు పోస్టు ప్రసాద్‌, రామచంద్రుడు తదితరులు ఉదయం చేరుకున్నారు. సంతకం చేసి వెళ్తుండగా.. సీఐ ఇంతియాజ్‌ బాషా బయటకు వెళ్తూ ‘తాను తిరిగి వచ్చే వరకు అక్కడే ఉండండి’ అంటూ వెళ్లిపోయారు. దా దాపు నాలుగు గంటలు గడిచినా సీఐ తిరిగి రాలేదు. చివరకు నాయకుల్లో కొందరికి షుగర్‌ ఉందని, మధ్యాహ్నం భోజనం చేయాలని ఎస్‌ఐ శరత్‌కుమార్‌రెడ్డికి చెప్పడంతో ఆయన పంపించేశారు. అయితే కూటమి నేతల ఒత్తిడి మేరకు సీఐ అలా వ్యవహించారనే విమర్శలు ఉన్నాయి. సీఐ బయటకు వెళ్లిన సమయంలో ఎటువంటి కార్యక్రమాలు కూడా లేవని, కూటమి నేతల వేధింపుల్లో భాగంగానే తమను నాలుగు గంటల పాటు స్టేషన్‌లో ఉంచారని వైఎస్సార్‌సీపీ నాయకులు విమర్శిస్తున్నారు.

● అంగరంగ వైభవంగా రాఘవేంద్రుల మహారథోత్సవం ● హెలికాప్టర్‌తో మహారథంపై పుష్పవృష్టి మంత్రాలయం: నింగిన పుష్పవృష్టి.. భువిన భక్తజన సాగరం.. పండితులు వేద ఘోషలు.. కళాకారుల సంప్రదాయ ప్రదర్శనల మధ్య వేదమూర్తి శ్రీరాఘవేంద్ర స్వామి రథోత్సవం సోమవారం కనులపండువగా సాగింది. రాఘవేంద్రుల 355వ ఆరాధన సప్తరాత్రోత్సవాల్లో భాగంగా శ్రీమఠం పీఠాధిపతి సుబుధేంద్రతీర్థులు ఆశీస్సులతో ఉత్సవమూర్తి మహారథోత్సవం అంగరంగ వైభవంగా జరిగింది. ఉత్తరారాధనలో భాగంగా ముందుగా ఉత్సవమూర్తి ప్రహ్లాదరాయులను గురుసార్వభౌమ వేద పాఠశాలకు మంగళ వాయిద్యాలతో ఊరేగింపుగా తీసుకొచ్చారు. అక్కడ పాఠశాల విద్యార్థులు వేద పఠనం కానిస్తూ విశేష పూజలు చేశారు. అక్కడి నుంచి శ్రీమఠం మూల బృందావనం చేరుకోగా స్వామిజీ ఉత్సవమూర్తి బుగ్గలకు గంధం పూసి వసంతోత్స వానికి శ్రీకారం పలికారు. గర్భాలయంలో అర్చకులు, పండితులు, పీఠాధిపతి గులాలు చల్లుకుని ఆచార వైభవాన్ని స్పృశింపజేశారు. మంగళవాయిద్యాలు, ఉత్సవ పతాకాలతో ఉత్సవమూర్తితో మహారథం చెంతకు చేరుకున్నారు. మహారథం చుట్టూ ప్రదక్షిణలు ఉత్సవమూర్తి మహారథం చేరుకోగా పీఠాధిపతి రథచక్రాలకు నారీకేళాలు సమర్పించి అర్చనలు చేశారు. ఉత్సవమూర్తితో మహారథం చుట్టూ ప్రదక్షిణలు చేశారుస. మహారథంపై కొలువుదీరిన తరుణాన భక్తజనులు గోవిందా.. గోవిందా.. అంటూ ప్రణమిల్లుతూ స్మరణ చేసుకున్నారు. రథంపై ఆశీనులైన స్వామిజీ ప్రవచనం ముగియగానే రథయాత్రకు అంకురార్పణ పలికారు. వంద అడుగుల దూరం చేరుకోగా స్వామిజీ హెలికాప్టర్‌పై నుంచి పుష్ప వృష్టి కురిపించారు. మంత్రాలయం పురవీధుల్లో గంటన్నర పాటు రథయాత్ర సాగింది. తిరిగి శ్రీమఠానికి చేరుకుని పూజా మందిరంలో స్వామిజీ మూల, జయ, దిగ్వజయ సంస్థాన పూజ గావించారు. ఎస్పీ విక్రాంత్‌పాటిల్‌ నేతృత్వంలో పోలీస్‌ బందోబస్తు ఏర్పాటు చేశారు. పండిత కేసరి రాజా ఎస్‌. గిరియాచార్‌, శ్రీమఠం ఏఏవో మాధవశెట్టి, మేనేజర్‌–1 శ్రీనివాసరావు, మేనేజర్‌–2 వెంకటేష్‌జోషి పాల్గొన్నారు.వర్షాలు కురిసి సుఖసంతోషాలు ప్రసాదించాలి శ్రీమఠం పీఠాధిపతి సుబుధేంద్రతీర్థులు మాట్లాడుతూ వర్షాభావ పరిస్థితులతో ప్రజానీకం అల్లాడిపోతున్నారని, రాఘవేంద్రుల అనుగ్రహంతో వర్షాలు కురిసి సుఖసంతోషాలు ప్రసాదించాలన్నారు. భక్తుల సహకారంతో శ్రీమఠంలో భక్తులకు వసతి కల్పనకు బాటలు వేస్తున్నామన్నారు. శ్రీమఠం వైభవానికి మరింతగా శ్రమిస్తామని పేర్కొన్నారు. నేపాల్‌లో వరద విపత్తుపై స్వామిజీ విచారం వ్యక్తం చేశారు. బాధిత దేశానికి శ్రీమఠం సహాయ, సహకారాలు అందించేందుకు సిద్ధంగా అవుతోందని తెలిపారు.

నంద్యాల: రైతుల సాగు నీటి హక్కు కోసం వైఎస్సార్‌సీపీ ఎందాకై నా పోరాటం చేస్తుందని మాజీ ఎమ్మెల్యే శిల్పా రవిచంద్రకిశోర్‌రెడ్డి అన్నారు. రైతులు, ప్రజలకు సాగునీరు, తాగునీరు అందించాలనే డిమాండ్‌తో వైఎస్సార్‌సీపీ ఆధ్వర్యంలో చేపట్టిన కలెక్టరేట్‌ ముట్టడి విజయవంతమైంది. సోమవారం పట్టణంలోని నూనెపల్లె నుంచి కలెక్టర్‌ కార్యాలయం వరకు మాజీ ఎమ్మెల్యే శిల్పా రవిచంద్రకిశోర్‌రెడ్డి, మాజీ ఎంపీ పోచా బ్రహ్మానందరెడ్డి ఎమ్మెల్సీ ఇసాక్‌బాషా, రాష్ట్ర మార్క్‌ఫెడ్‌ మాజీ చైర్మన్‌ పీపీ నాగిరెడ్డి, నంది రైతు సమైక్య అధ్యక్షుడు రామ సుబ్బారెడ్డి, వైఎస్సార్‌సీపీ రాష్ట్ర కౌన్సిల్‌ మెంబర్స్‌ రామలింగారెడ్డి, సాయినాథ్‌ రెడ్డి, వైఎస్సార్‌సీపీ నాయకులు, కార్యకర్తలు భారీ ర్యాలీ నిర్వహించారు. వందలాది మంది రైతులు, రైతు సంఘాల ప్రతినిధులు, పార్టీ శ్రేణులు పెద్ద ఎత్తున తరలిరావడంతో నంద్యాల కలెక్టరేట్‌ ప్రాంగణం నినాదాలతో దద్దరిల్లింది. రోడ్డుపై బైఠాయించి నిరసన తాగు, సాగునీరు అందించకుండా నిద్రపోతున్న టీడీపీ ప్రభుత్వం మేల్కొనాలని, ప్రజలకు అత్యవసరమైన నీరు అందించలేని సీఎం రాజీనామా చేయాలని, శ్రీశైలంలో నీరు ఉన్నా చెరువులు, రిజర్వాయర్లు, కుంటలు ఎందుకు నింపడం లేదని ప్రభుత్వాన్ని నిలదీస్తూ కలెక్టరేట్‌ ఎదుట వైఎస్సార్‌సీపీ నేతలు, రైతులు రోడ్డుపై గంట పాటు బైఠాయించారు. దీంతో వాహనాలు ఎక్కడికక్కడ నిలిచి పోయాయి. కలెక్టర్‌ బయటకు వచ్చి రైతులు, ప్రజల సమస్యలు విని నీరు ఎప్పుడు విడుదల చేస్తారో తెలపాలని భీష్మించారు. అనంతరం కలెక్టరేట్‌లో కలెక్టర్‌ రాజకుమారిని కలిసి రైతులు, ప్రజల సమస్యలను వైఎస్సార్‌సీపీ నాయకులు వివరించారు. తాగునీటికి రెండు, మూడు రోజుల్లో నీటిని విడుదల చేస్తామని కలెక్టర్‌ రాజకుమారి హామీ ఇచ్చారు. ఆందోళనలో రాష్ట్ర రైతు విభాగం సెక్రటరీ రత్నబాబు చౌదరి, రాష్ట్ర మహిళా విభాగం జనరల్‌ సెక్రటరీ శశికళా రెడ్డి, వైఎస్సార్‌సీపీ జిల్లా ఉపాధ్యక్షుడు దాల్‌మిల్‌ అమీర్‌బాషా, నంద్యాల ఎంపీపీ శెట్టి ప్రభాకర్‌, మాజీ మార్కెట్‌ యార్డ్‌ చైర్మన్లు పురుషోత్తం రెడ్డి, విజయ శేఖర్‌ రెడ్డి, మహేశ్వరరెడ్డి, వైఎస్సార్‌సీపీ నంద్యాల మండల అధ్యక్షుడు బసవేశ్వర రెడ్డి, మాజీ మున్సిపల్‌ చైర్‌ పర్సన్‌ మాబున్నిషా, నంద్యాల జిల్లా కమిటీ సభ్యులు, ఎంపీటీసీలు, నంద్యాల, గోస్పాడు మండలాల రైతులు, పార్టీ నాయకులు పాల్గొన్నారు. అధికారులూ.. రైతుల గోడు వినండి– శిల్పా రవి శ్రీశైలం ప్రాజెక్ట్‌లో నీరు నిల్వ ఉన్నా.. సాగునీటికి నీరు విడుదల చేయడం లేదు. కనీసం తాగునీటికై నా నీరు ఎందుకు విడుదల చేయలేదో టీడీపీ ప్రభుత్వం సమాధానం చెప్పాలి. చెరువులు, కుంటలు ఎండిపోయి, పంటలు బీళ్లువారుతుంటే ప్రభుత్వం చోద్యం చూస్తోంది. పాలకులపై నమ్మకం పోయింది. అధికారులు రైతుల కష్టాలు, కన్నీళ్లు చూసి నీటిని విడుదల చేయండి. జగన్‌ ప్రభుత్వంలో రైతులకు అన్ని రకాలుగా భరోసాగా నిలిచాం. ప్రభుత్వ వైఖరిలో మార్పు రాకపోతే పోరాటం మరింత ఉద్ధృతం చేస్తాం. కూటమి ప్రభుత్వం హామీలను విస్మరించడంతో రైతు లు, యువత, ఉద్యోగులు రోడ్లపైకి వచ్చి నిరసన తెలుపుతున్నారు. నిత్యావసర సరుకుల ధరల నియంత్రణకు పంటలు సాగు చేయాలి. రైతులకు అవసరమైన వాటిని అందించలేని ప్రభుత్వం మద్యాన్ని మాత్రం డోర్‌ డెలివరీ చేస్తోంది’ నీటి విడుదలలో జాప్యమెందుకు? కూటమి ప్రభుత్వం మొద్దు నిద్ర వీడాలి మాజీ ఎమ్మెల్యే శిల్పా రవిచంద్రకిశోర్‌రెడ్డి కలెక్టరేట్‌ ముట్టడికి తరలివచ్చిన రైతులు రెండు మూడు రోజుల్లో నీటి విడుదలకు కలెక్టర్‌ హామీ

కర్నూలు(అర్బన్‌): దివ్యాంగుల బ్యాక్‌లాగ్‌ ఉద్యోగాల మెరిట్‌, తిరస్కరణ జాబితాలను విడుదల చేసినట్లు విభిన్న ప్రతిభావంతులు, హిజ్రాలు, వయో వృద్ధుల సంక్షేమ శాఖ సహాయ సంచాలకులు రయిస్‌ఫాతిమా సోమవారం ఒక ప్రకటనలో తెలిపారు. ఈ జాబితాలను తమ కార్యాలయ నోటీసుబోర్డు, డిస్ట్రిక్ట్‌ వెబ్‌సైట్‌ https://kurnool.ap.gov.inలో ఉంచినట్లు పేర్కొన్నారు. ల్యాబ్‌ టెక్నిషియన్‌ గ్రేడ్‌ –2 (వీహెచ్‌ జనరల్‌), జూనియర్‌ అసిస్టెంట్‌ ( వీహెచ్‌ జనరల్‌), జూనియర్‌ అసిస్టెంట్‌ (హెచ్‌హెచ్‌ జనరల్‌), జూనియర్‌ అసిస్టెంట్‌ (ఓహెచ్‌ జనరల్‌ ), జూనియర్‌ ఆడిటర్‌ (ఓహెచ్‌ జనరల్‌), టైపిస్టు ( వీహెచ్‌ జనరల్‌), టైపిస్టు ( హెచ్‌హెచ్‌ జనరల్‌ ), ఎల్‌డీ కంప్యూటర్‌ ( హెచ్‌హెచ్‌ జనరల్‌), ఏఎన్‌ఎం గ్రేడ్‌ –3, (హెచ్‌హెచ్‌ జనరల్‌) పోస్టులకు దరఖాస్తు చేసుకున్న అభ్యర్థులు ఫైనల్‌ మెరిట్‌ జాబితా, తిరస్కరణ జాబితాలను చూసుకోవాలని ఆమె కోరారు. మేళిగనూరు ప్రజలకు మొసలి భయం కౌతాళం: మేళిగనూరు గ్రామ సమీపంలోని రామలింగేశ్వర దేవాలయం వెనుక నీళ్లలో మొసలి తిరుగుతుండటంలో ప్రజలు భయాందోళన చెందుతున్నారు. రైతులు అటువైపు పొలాలకు వెళ్లలేకపోతున్నారు. కూలీలు సైతం పనులకు వెళ్లేందుకు జంకుతున్నారు. ఇటీవల హోస్పెట్‌ డ్యాం నుంచి స్పల్పంగా వదిలిన నీరు తుంగభద్ర నదిలో ప్రవహిస్తోంది. ఈ నీటి ప్రవాహంలో మొసలి వచ్చిందా లేదంటే గతంలో ఉన్నదేనా అన్న అనుమానాలు వస్తున్నాయి. మొసలి నుంచి తమను కాపాడాలని ప్రజలు కోరుతున్నారు. యోగా పోటీల్లో ఆదోని విద్యార్థిని ప్రతిభ ఆదోని అర్బన్‌: విశాఖపట్నం వేదికగా నిర్వహించిన 51వ ఆంధ్రప్రదేశ్‌ రాష్ట్ర స్థాయి యోగా స్పోర్ట్స్‌ చాంపియన్‌షిప్‌–2026 పోటీల్లో ఆదోని పట్టణానికి చెందిన నిథాలి డి.జైన్‌ అద్భుత ప్రతిభ కనబరిచారు. ఆగస్టు 29న జరిగిన పోటీల్లో రాష్ట్రవ్యాప్తంగా వివిధ ప్రాంతాల నుంచి క్రీడాకారులతో పోటీపడి నిథాలి రాష్ట్రస్థాయిలో మూడో ర్యాంకు సాధించారు. ఈనెల 30న ప్రకటించిన ఫలితాల ప్రకారం ఆమె ప్రతిష్టాత్మక జాతీయస్థాయి పోటీలకు అధికారికంగా ఎంపికయ్యారు. స్థానిక లీలాస్‌ పాఠశాలలో 6వ తరగతి చదువుతున్న విద్యార్థిని నిథాలి పట్టణంలోని మహావీర్‌ డిజిటల్స్‌ అధినేత దినేష్‌భరత్‌షా కుమార్తె. చిన్న వయసులోనే యోగాలో కఠినమైన ఆసనాలను చక్కగా ప్రదర్శించి న్యాయనిర్ణేతల ప్రశంసలు అందుకున్నారు. డ్రంకెన్‌ డ్రైవ్‌లో ఇద్దరికి జైలు శిక్ష నంద్యాల(వ్యవసాయం)/బేతంచెర్ల: డ్రంకెన్‌ డ్రైవ్‌లో పట్టుబడిన ఇద్దరికి నిందితులకు జైలు శిక్ష పడింది. నంద్యాల ట్రాఫిక్‌ ఇన్‌స్పెక్టర్‌ ఆర్‌జీ సుబ్రహ్మణ్యం ఆధ్వర్యంలో పోలీసులు శ్రీనివాస నగర్‌ వద్ద వాహనాలు తనిఖీ చేపట్టగా.. షేక్‌ ఫయాజ్‌ పట్టుపడ్డాడు. నిందితుడిని సోమవారం కోర్టులో హాజరు పరచగా స్పెషల్‌ జ్యుడిషియల్‌ మెజిస్ట్రేట్‌ ఆఫ్‌ సెకండ్‌ క్లాస్‌ న్యాయమూర్తి మద్దెల శ్రీనివాసరెడ్డి ఏడు రోజుల జైలు శిక్ష విధిస్తూ తీర్పు ఇచ్చారు. అలాగే బేతంచెర్లలో పట్టుబడిన రామాంజనేయులుకు జ్యుడిషియల్‌ సెకండ్‌ క్లాస్‌ మేజిస్ట్రేట్‌ నూరుల్లా రెండు రోజుల శిక్ష విధించినట్లు సీఐ వెంకటేశ్వరరావు తెలిపారు.

డి.కొట్టాల, శ్రీరంగాపురం, ఎల్లావత్తులతో పాటు చుట్ట పక్కల గ్రామాల ప్రజల తాగు నీటి అవసరాల కోసం, పశువుల దాహం తీర్చడానికి పూర్వం సుబ్బ య్య అనే దాత డి. కొట్టాల సమీపంలో 226/1, 226/2, 226/3 సర్వే నంబర్ల పరిధిలోని కుంట నిర్మాణానికి 7.54 ఎకరాల పొలాన్ని విరాళంగా ఇచ్చారు. చుట్టూ పెద్ద కట్టలు పోయించి కుంటగా తయారు చేయించినట్లుగా గ్రామస్తులు తెలుపుతున్నారు. సమాజ శ్రేయస్సు కోసం దాత నిర్మించిన కుంట నేడు ఆక్రమణకు గురైంది. కుంటలో నీరు నిల్వ ఉంటే చుట్టు పక్కల వ్యవసాయ బోర్లలో భూగర్భ జలాలు పెరుగుతాయని భావించిన కొంద రు గ్రామస్తులు స్వచ్ఛందంగా హైకోర్టును ఆశ్రయించారు. కోర్టు పరిధిలో ఉన్న విషయం తెలిసి కూడా అధికార పార్టీ నేతలు భారీ నిర్మాణాలు చేపట్టడం తీ వ్ర చర్చనీయాంశంగా మారింది. అధికారులు సైతం కోర్టుకు సమాధానం చెప్పాల్సి వస్తుందని తెలిసి కూడా అక్రమ నిర్మాణాలను అడ్డుకోలేకపోతున్నారు.