Anakapalle

కశింకోట: నకిలీ పత్రాలతో ప్రభుత్వ సంస్థలను, బాధితున్ని మోసగించారనే అభియోగంపై ఇద్దరు నిందితులను అరెస్టు చేసినట్టు సీఐ అల్లు స్వామినాయుడు సోమవారం రాత్రి తెలిపారు. స్థానిక పోలీస్‌ స్టేషన్‌ పరిధిలో ఒక స్థల వివాదానికి సంబంధించి కోర్టు నుంచి అందిన ఎండార్స్‌మెంట్‌ పిటీషన్‌పై సమగ్ర దర్యాప్తు చేపట్టామన్నారు. దీనిలో భాగంగా జిల్లా రిజిస్ట్రేషన్‌ శాఖ అధికారులు, తహసీల్దార్‌ కార్యాలయం అధికారులు, కశింకోట పంచాయతీ కార్యాలయ అధికారులు, ఇతర ముఖ్య సాక్షులనుక్షుణ్ణంగా విచారించామన్నారు. సంబంధిత పత్రాలను పరిశీలించి నకిలీ, ఫోర్జరీ పత్రాలను ఉపయోగించి బాధితుడ్ని, ప్రభుత్వ సంస్థలను మోసగించినట్లు ప్రాథమికంగా నిర్థారించి స్థానికులైన ప్రధాన నిందితులు పెంటకోట నాయుడు, పెంటకోట సత్యనారాయణలను అరెస్టు చేసినట్టు తెలిపారు. వీరిని కోర్టులో హాజరుపర్చగా మేజిస్ట్రేట్‌ నిందితులకు 12 రోజులు జ్యుడిషియల్‌ రిమాండ్‌ విధించారన్నారు. సీఐ పర్యవేక్షణలో ఎస్‌ఐ కె. లక్ష్మణరావు కేసు దర్యాప్తు చేస్తున్నారు.

ఎంపికై న విద్యార్థులతో హెచ్‌ఎం సరోజిని, చైర్మన్‌ రాజేష్‌ తదితరులు నర్సీపట్నం: ఉమ్మడి జిల్లా స్థాయి స్కూల్‌ గేమ్స్‌ ఫెడరేషన్‌ పోటీల్లో చెట్టుపల్లి జెడ్పీ ఉన్నత పాఠశాలకు చెందిన ఏడుగురు విద్యార్థులు ప్రతిభ కనబరిచి రాష్ట్ర స్థాయి పోటీలకు ఎంపికయ్యారు. రెజ్లింగ్‌ పోటీల్లో బి.యశ్వంత్‌, ఎం.మహీధర్‌, టి.గౌతమ్‌(9వ తరగతి), రోషిణి(7వ తరగతి) ఈ నెల 10, 11, 12 తేదీల్లో పల్నాడు జిల్లాలో జరిగే రాష్ట్ర స్థాయి పోటీల్లో పాల్గొనున్నారు. వెయిట్‌ లిప్టింగ్‌ పోటీల్లో టి.లక్ష్మి(7వ తరగతి), కె.భవ్య(8వ తరగతి), ఎం.అమృతవల్లీ(9వ తరగతి) కాకినాడలో జరిగే రాష్ట్ర స్థాయి పోటీల్లో పాల్గొననున్నారు. క్రీడాకారులు, వ్యాయామ ఉపాధ్యాయిని గుడివాడ దేవిని హెచ్‌ఎం వి.సరోజిని, చైర్మన్‌ బి.రాజేష్‌, వైస్‌ చైర్మన్‌ నానాజీ, ఉపాధ్యాయులు అభినందించారు.

మాడుగుల దేవీ ఆలయం ఎదుట దసరా ఉత్సవాలకు పందిరి రాట వేస్తున్న దృశ్యం మాడుగుల : స్థానిక దేవి ఆలయం వద్ద దసరా ఉత్సవాలకు సంబందించి సోమవారం ఉదయం పందిరి రాట వేశారు. ఈ నెల 11 వ తేదీ నుంచి ప్రారంభం కానున్న దసరా ఉత్సవాలకు ఏర్పాట్లు కొనసాగుతున్నాయని కమిటీ వర్గాలు తెలిపాయి. కార్యక్రమంలో ఏఎంసీ చైర్మన్‌ పుప్పాల అప్పలరాజు, మాజీ ఎంపీపీ వేమవరపు రామధర్మజ, మాజీ సర్పంచ్‌లు దంగేటి సూర్యారావు, ఎడ్ల కళావతి, ఆలయ కమిటీ కార్యదర్శి అన్నంవీటి ప్రసాద్‌రావు సభ్యులు ఎస్వీరంగారావుతో పాటు కమిటీ సభ్యులు, భక్తులు పడాల అప్పలనాయుడు, పుట్టా మురళీ కృష్ణ, కరణం త్రినాదరావు, గ్రామస్తులు పాల్గొన్నారు.

తుమ్మపాల : జిల్లాలో నిషేధిత జాబితాలో నమోదై ఉన్న ఐదు మండలాలకు చెందిన భూములకు విముక్తి లభించింది. కలెక్టర్‌ ఆదేశాలతో కలెక్టరేట్‌లో నిర్వహించిన ప్రత్యేక డ్రైవ్‌లో భాగంగా పరవాడ, అచ్యుతాపురం, నక్కపల్లి, నర్సీపట్నం, కోటపాడు మండలాల్లోని పలు భూములను నిషేధిత జాబితా నుంచి తొలగిస్తూ జారీ చేసిన ఉత్తర్వులను కలెక్టరేట్‌లో సోమవారం జాయింట్‌ కలెక్టర్‌ శౌర్యమాన్‌ పటేల్‌, డీఆర్‌వో సత్యనారాయణరావు లబ్ధిదారులకు అందించారు. పరవాడ మండలం దేసపాత్రునిపాలెంలో 2.31 సెంట్లు, అచ్యుతాపురం మండలం ఇరువాడలో 5.76 సెంట్లు, నక్కపల్లి మండలం చినదొడ్డిగల్లులో 2.03 సెంట్లు, నర్సీపట్నం మండలం బలిఘట్టంలో 1.05 సెంట్లు, కోటపాడు మండలం గవరపాలెంలో 0.85 సెంట్లు మొత్తం 16 ఎకరాలకు పైగా భూములను నిషేధిత జాబితా నుంచి తొలగించేందుకు చర్యలు చేపట్టినట్టు అధికారులు తెలిపారు. సంబంధిత మార్పులు రిజిస్ట్రేషన్‌ రికార్డుల్లో అమలు చేయడానికి జిల్లా రిజిస్ట్రార్‌కు ఉత్తర్వులు జారీ చేశారు.

నర్సీపట్నం : నర్సీపట్నం రేంజర్‌గా సోమవారం వెంకటరావు బాధ్యతలు స్వీకరించారు. అల్లూరి జిల్లా సీలేరు రేంజర్‌గా పని చేస్తున్న వెంకటరావును నర్సీపట్నం రేంజర్‌గా నియమిస్తూ ప్రభుత్వం ఉత్తర్వులు జారీ చేసింది. నర్సీపట్నం రేంజర్‌ రాజేష్‌ను అల్లూరి జిల్లా లంబసింగికి బదిలీ అయ్యారు. బాధ్యతలు స్వీకరించిన వెంకటరావును సిబ్బంది మర్యాద పూర్వకంగా కలిసి పుష్పగుచ్చాలు అందజేసి అభినందనలు తెలియజేశారు. అటవీ సంపద పరిరక్షణకు కృషి చేస్తానని తనను కలిసిన విలేకర్లకు ఆయన తెలిపారు. అడవుల ఆవశ్యకత గురించి ప్రజల్లో విస్తృతంగా అవగాహన కల్పించేందుకు అవగాహన కార్యక్రమాలు చేపడతామన్నారు.

విద్యార్ధులకు బస్సు సౌకర్యం కల్పించాలనిపీడీఎస్‌ఓ జిల్లా కమిటీ నిరసన పట్టణ, గ్రామీణ ప్రాంతాల విద్యార్థులకు బస్సు సౌకర్యం కల్పించాలని డిమాండ్‌ చేస్తూ కలెక్టరేట్‌ వద్ద పీడీఎస్‌వో జిల్లా కమిటీ నాయకులు నిరసన వ్యక్తం చేశారు. ఈ సందర్భంగా పీడీఎస్‌వో జిల్లా కార్యదర్శి ఎస్‌.రుద్రి మాట్లాడుతూ బస్సుల్లో రద్దీ కారణంగా విద్యార్థులు ఇబ్బందులు పడుతున్నారని, ఆటోలను ఆశ్రయించాల్సి వస్తోందన్నారు. గతంలో నిలిపివేసిన బస్సులను పునరుద్ధరించడంతో పాటు కొత్త బస్సులు ఏర్పాటు చేయాలని కోరారు. చోడవరం–కోనాం, చోడవరం–అనకాపల్లి, చోడవరం–మాడుగుల, చోడవరం–రావికమతం, అనకాపల్లి–నర్సీపట్నం, యలమంచిలి–వెంకటాపురం, యలమంచిలి–బంగారంపాలెం రూట్లలో అదనపు బస్సులు ఏర్పాటు చేయాలని పీడీఎస్‌వో జిల్లా ఉపాధ్యక్షుడు కె.మణికుమార్‌ కోరారు. సమస్యలు పరిష్కరించకపోతే కలెక్టరేట్‌ వద్ద విద్యార్థులతో నిరసన చేపడతామని తెలిపారు.

యలమంచిలి : పెళ్లయినప్పటి నుంచి ఆ దంపతులిద్దరూ ఒకరినొదిలి ఒకరు ఉండేవారు కాదు. మూడు దశాబ్దాలకు పైగా ఎంతో అన్యోన్యంగా జీవించారు. ఆ దంపతుల అనురాగాన్ని చూసి విధికి కన్నుకుట్టిందేమో. సోమవారం వేకువజామున ఎప్పటిలాగే ఇంటి నుంచి పొలంలోకి గోమాతల నుంచి పాలు తీసేందుకు వెళ్తుండగా మృత్యువు కబళించింది. గుర్తు తెలియని వాహనం అతివేగంగా వచ్చి ఢీకొనడంతో భార్యా,భర్తలు అక్కడికక్కడే దుర్మరణం చెందారు. వారితో పాటు ఉన్న సైకిల్‌ను కిలోమీటరు దూరం వాహనం ఈడ్చుకుపోయింది. భార్యా, భర్తల మృతదేహాలు నుజ్జునుజ్జయ్యాయి. మృతురాలి తల మొండెం నుంచి వేరుపడింది. యలమంచిలి మండలం పులపర్తిలో తీవ్ర విషాదం నింపిన ఈ సంఘటనకు సంబంధించిన వివరాలివి... పులపర్తికి చెందిన శానాపతి పాపారావు(57), శానాపతి అమ్మాజీ (53) దంపతులు ఎంతో అన్యోన్యంగా వుండేవారు. పొలం పని చేసుకుని జీవనం సాగిస్తున్నారు. ఎప్పటిలాగా సోమవారం ఉదయం 5 గంటలకు ఇంటి నుంచి పొలంలోకి ఈ దంపతులిద్దరూ బయల్దేరారు. ఆవులకు, పాడి గేదెలకు గడ్డి వేసి, పాలు తీయడానికి బయల్దేరారు. పాపారావు సైకిల్‌ నడిపిస్తుండగా, అతని భార్య అమ్మాజీ ఆయన వెంట నడుస్తోంది. మరో ఐదు నిమిషాల్లో పొలంలోకి చేరకుంటామనుకునే లోగా వారి ఆశలను మృత్యువు చిదిమివేసింది. అనకాపల్లి నుంచి అడ్డరోడ్డు వైపు వెళ్తున్న గుర్తు తెలియని వాహనం ఢీకొనడంతో అక్కడికక్కడే ఆ దంపతులిద్దరూ మృతి చెందారు. ఈ ప్రమాదంలో పాపారావు భార్య అమ్మాజీ తల మొండెం నుంచి వేరవ్వడాన్ని చూసిన వారంతా భయాందోళన చెందారు. ఆమె తల సమీపంలో వున్న పొలంలోకి ఎగిరిపడింది. ఈ దంపతులకు ఒక కుమారుడున్నట్టు బంధువులు చెప్పారు. భార్యాపిల్లలతో హైదరాబాద్‌లో ఉంటున్న కుమారుడు తల్లిదండ్రుల మరణ వార్త విని హతాశుడయ్యాడు. ఈ సంఘటన గ్రామంలో తీవ్ర విషాద ఛాయలు నింపింది. ఒకరినొదిలి ఒకరుండలేని ఈ దంపతులిద్దరూ మరణంలో కూడా తిరిగిరాని లోకాలకు వెళ్లిపోయారు. సంఘటనపై యలమంచిలి రూరల్‌ పోలీసులు కేసు నమోదు చేశారు. ప్రమాదానికి కారణమైన వాహనం కోసం గాలింపు చర్యలు చేపడుతున్నట్టు యలమంచిలి రూరల్‌ ఇన్‌చార్జి ఎస్‌ఐ బెజవాడ రామకృష్ణ తెలిపారు. సమీపంలో పలు హైవే జంక్షన్లలో వున్న సీసీ కెమెరాల పుటేజీలను పోలీసులు పరిశీలిస్తున్నారు. ఒక లారీపై అనుమానం ఉండడంతో దాని కదలికలను గుర్తించేందుకు సాంకేతిక ఆధారాలు పరిశీలిస్తున్నారు. పాపారావు, అమ్మాజీల మృతదేహాలను యలమంచిలి మార్చురీకి తరలించి శవపంచనామా అనంతరం పోస్టుమార్టం పూర్తి చేసి కుటుంబసభ్యులకు అప్పగించారు. యలమంచిలిలో శవాగారం వద్దకు పెద్ద సంఖ్యలో గ్రామస్థులు చేరుకుని మృతుల కుటుంబసభ్యులకు సానుభూతి తెలిపారు. పోస్టుమార్టం అనంతరం పులపర్తిలో మృతులకు అంత్యక్రియలు పూర్తి చేశారు. గ్రామస్తులు శ్మశానవాటికకు తరలివచ్చి వీడ్కోలు చెప్పారు.

వీఆర్‌ఎస్‌ సొమ్ముకు.. సాక్షి, విశాఖపట్నం: కన్నతల్లి లాంటి కర్మాగారం కష్టాల్లో ఉందని యాజమాన్యం కోరగానే 1,600 మంది ఉద్యోగులు తమ శాశ్వత ఉద్యోగాలను త్యాగం చేశారు. దీంతో వైజాగ్‌ స్టీల్‌ప్లాంట్‌పై నెలకు సుమారు రూ.60 కోట్ల జీతాల భారం తగ్గింది. అయితే సంస్థను ఆదుకున్న ఆ ఉద్యోగులకే ఇప్పుడు యాజమాన్యం తీరని ద్రోహం తలపెడుతోంది. నిబంధనల ప్రకారం పదవీ విరమణ రోజే అందాల్సిన వీఆర్‌ఎస్‌ ప్రయోజనాలను ఏడాది గడుస్తున్నా పూర్తిగా చెల్లించకుండా నడివీధిన నిలబెట్టింది. కొందరికి 50 శాతం, మరికొందరికి 25 శాతం మాత్రమే చెల్లించి మిగిలిన మొత్తాన్ని వాయిదాల్లో ఇస్తామని తాజాగా సర్క్యులర్‌ జారీ చేయడం గమనార్హం. ఇదిలా ఉంటే.. కాగితాల్లో మాత్రం పూర్తి ప్యాకేజీ చెల్లించినట్లు చూపిస్తూ.. చేతికి అందని సొమ్ముపైనా టీడీఎస్‌ కోత విధించడం ఉద్యోగుల పాలిట ఆశనిపాతంగా మారింది. ఈ వ్యవహారంపై ప్రధాని కార్యాలయానికి, కేంద్ర ప్రభుత్వానికి ఉద్యోగ సంఘాలు ఫిర్యాదు చేశాయి. 2025 అక్టోబర్‌లో వీఆర్‌ఎస్‌–2 కింద, 2026 ఏప్రిల్‌లో వీఆర్‌ఎస్‌–3 కింద ఉద్యోగాల నుంచి వైదొలిగిన వారికి ఇప్పటికీ పూర్తి ప్యాకేజీ అందలేదు. వీఆర్‌ఎస్‌–2 ఉద్యోగులకు రెండు నెలల తర్వాత 50 శాతం మాత్రమే చెల్లించగా మిగతా సగం పెండింగ్‌లో ఉంది. వీఆర్‌ఎస్‌–3 ఉద్యోగులకు 25 శాతం మాత్రమే అందింది. తాజాగా సెప్టెంబర్‌ 28న జారీ చేసిన సర్క్యులర్‌లో అక్టోబర్‌ నుంచి మిగిలిన బకాయిలను ఆరు నెలల వాయిదాల్లో చెల్లిస్తామని యాజమాన్యం పేర్కొంది. వీఆర్‌ఎస్‌–2, 3లో జాప్యం స్టీల్‌ప్లాంట్‌ ఆర్థిక పరిస్థితిని గాడిలో పెట్టేందుకు కేంద్రం ప్రకటించిన రూ.11,440 కోట్ల పునరుద్ధరణ ప్యాకేజీలో భాగంగా వీఆర్‌ఎస్‌ పథకాన్ని ప్రవేశపెట్టారు. సంస్థ ప్రయోజనాల కోసం సుమారు 1,600 మంది ఉద్యోగులు స్వచ్ఛంద పదవీ విరమణ తీసుకున్నారు. ఆర్‌ఐఎన్‌ఎల్‌ సర్క్యులర్‌, ప్రభుత్వ రంగ సంస్థల విభాగం మార్గదర్శకాల ప్రకారం పూర్తి వీఆర్‌ఎస్‌ ప్యాకేజీని, ఆర్జిత సెలవుల మొత్తంతో సహా పదవీ విరమణ రోజే చెల్లించాల్సి ఉంది. వీఆర్‌ఎస్‌–2, 3 ఉద్యోగుల విషయంలో యాజమాన్యం జాప్యం చేస్తోంది. వాస్తవానికి 1,600 మంది సీనియర్‌ ఉద్యోగులు వైదొలగడంతో నెలకు రూ.60 కోట్ల వరకు ఆదా అవుతోంది. వీఆర్‌ఎస్‌ ప్యాకేజీ మొత్తాన్ని 2025 అక్టోబర్‌లోనే ఉద్యోగులకు చెల్లించినట్లు యాజమాన్యం రికార్డుల్లో చూపించింది. ఆ మొత్తానికి టీడీఎస్‌ కట్‌ చేసింది. వాస్తవానికి వీఆర్‌ఎస్‌–2 ఉద్యోగులకు 50 శాతం, వీఆర్‌ఎస్‌–3 ఉద్యోగులకు 25 శాతం మాత్రమే చెల్లించి.. సుమారు రూ.75 కోట్ల బకాయిలను ఏడాదిగా ఇవ్వకుండా తిప్పుతోంది. ప్రధాని కార్యాలయానికీ ఫిర్యాదు చేశాం నిబంధనల ప్రకారం వీఆర్‌ఎస్‌ బకాయిలను వెంటనే చెల్లించాలని కోరుతూ ప్రధాని కార్యాలయానికి, కేంద్ర ప్రభుత్వానికి ఫిర్యాదు చేశాం. కేంద్రం తక్షణమే జోక్యం చేసుకుని ఉద్యోగులకు రావాల్సిన బకాయిలన్నింటినీ వడ్డీతో సహా ఏకమొత్తంగా చెల్లించేలా ఆదేశాలు జారీ చేయాలి. – పాడి త్రినాథరావు, ప్రధాన కార్యదర్శి, విశాఖ స్టీల్‌ ఎంప్లాయిస్‌ యూనియన్‌

జాతీయ కరాటే పోటీల్లో సత్తా చాటిన విద్యార్థులతో కోచ్‌ శివ మునగపాక : మండలంలోని నారాయుడుపాలెం గ్రామానికి చెందిన అన్నపూర్ణ కరాటే అకాడమీ విద్యార్థులు జాతీయ స్థాయి కరాటే చాంపియన్‌షిప్‌ పోటీల్లో సత్తా చాటారు. ఈ నెల 4వ తేదీన కొత్తవలసలో నిర్వహించిన జాతీయ కరాటే పోటీల్లో అన్నపూర్ణ కరాటే అకాడమీ విద్యార్థులు పలు పతకాలు సాధించినట్టు కోచ్‌ శివ తెలిపారు. వి.ఇంద్రకుమార్‌ బ్లాక్‌బెల్ట్‌, వి.దుర్గా, యు.విశాల్‌, ఈ.జ్యోతి స్వరూప్‌, పి.నానాజీలు బంగారు పతకాలు సాధించారు. ఎ.లహరి, రజి, ఈశ్వర్‌, వాసంతి, యోగి తదితరులు కాంస్య పతకాలు సాధించినట్టు తెలిపారు.

రాంబిల్లి : ఐనాక్స్‌ ఎయిర్‌ కంపెనీని సోమవారం పరిశ్రమల శాఖ మంత్రి టీజీ భరత్‌ ప్రారంభించారు. ఈ సందర్భంగా ఆయన మాట్లాడుతూ, దాదాపు 200 కోట్ల రూపాయలతో 6 ఎకరాల విస్తీర్ణంలో ఐనాక్స్‌ కంపెనీ ఏర్పాటైందన్నారు. కరోనా కాలంలో ఐనాక్స్‌ కంపెనీ ఆక్సిజన్‌ అందించి వేలాది మంది ప్రాణాలను కాపాడిందన్నారు. పరిశ్రమలు ఏర్పాటు చేస్తామని చెప్పి ప్రభుత్వం నుంచి భూములు తీసుకొని పరిశ్రమలు ఏర్పాటు చేయకపోతే సంబంధిత యాజమాన్యాలకు నోటీసులు ఇచ్చి ఆయా భూములను స్వాధీనం చేసుకుంటామన్నారు. ఎమ్మెల్యే విజయ్‌కుమార్‌, రోడ్‌ డెవలప్‌మెంట్‌ కార్పొరేషన్‌ చైర్మన్‌ నాగేశ్వరరావు పాల్గొన్నారు.

పవర్‌ లిఫ్టింగ్‌ పోటీల్లో వివిధ విభాగాల్లో పతకాలు సాధించిన క్రీడాకారులతో బద్రినాథ్‌ అనకాపల్లి : ఈనెల 3, 4 తేదీల్లో ఎన్టీఆర్‌ జిల్లా తిరుపూరు గ్రామంలో రాష్ట్ర స్థాయి సబ్‌ జూనియర్‌, జూనియర్‌, సీనియర్‌ మాస్టర్స్‌ సీ్త్ర పురుషుల పవర్‌ లిఫ్టింగ్‌ పోటీలు జరిగాయి. ఈ పోటీల్లో జిల్లా క్రీడాకారులు పతకాలు సాధించినట్టు ఎస్‌ఎస్‌ఎస్‌ జిమ్‌ వ్యవస్థాపకుడు బద్రి సోమవారం చెప్పారు. సబ్‌ జూనియర్‌ విభాగంలో ఐ.గౌతమి స్విలర్‌ మెడల్‌, జూనియర్‌ విభాగంలో పి.యోగేంద్రకుమార్‌, కె.ప్రవల్లికలు గోల్డ్‌ మెడల్‌, సీనియర్‌ విభాగంలో ఎస్‌.గౌతమ్‌, ఎ.గణేష్‌ గోల్డ్‌ మెడల్‌, మాస్టర్‌ విభాగంలో జి.ఎల్‌వి.నాగరాజు, ఎ.గణేష్‌, బి.వి.రామకృష్ణ గోల్డ్‌ మెడల్‌, కె.శ్రీనివాస్‌ కాంస్య పతకాలు సాధించారు. టీం ఛాంపియన్‌షిప్‌ రాష్ట్రంలో మూడో స్థానం అనకాపల్లి జిల్లాకు రావడం జరిగిందన్నారు.

నర్సీపట్నం/గొలుగొండ: పదే పదే గంజాయి కేసుల్లో పట్టుబడితే పీడీ యాక్ట్‌ ప్రయోగిస్తామని రూరల్‌ సీఐ ఎల్‌.రేవతమ్మ హెచ్చరించారు. ఎన్‌డీపీఎస్‌ చట్ట కింద నర్సీపట్నం రూరల్‌ పోలీసులు సోమవారం అంతర్రాష్ట్ర గంజాయి స్మగ్లర్‌ను అరెస్ట్‌ చేశారు. సీఐ అందించిన వివరాల ప్రకారం.. డీఎస్పీ పి.శ్రీనివాసరావు పర్యవేక్షణలో గొలుగొండ మండలం పాత కేడీపేట గ్రామానికి చెందిన ఉప్పాటి వెంకటేష్‌(23) అల్లూరి జిల్లాలో గంజాయి కొనుగోలు చేసి విశాఖపట్నం, విజయవాడ, హైదరాబాద్‌ తదితర ప్రాంతాలకు తరలిస్తున్నాడు. ఇతనిపై గతంలో పలు పోలీస్‌ స్టేషన్లలో 4 గంజాయి కేసులు ఉన్నాయి. కేడీపేట 1 కేసు, కాకినాడ జిల్లా ఏలేశ్వరం పోలీసు స్టేషన్‌–2, అదే జిల్లా అన్నవరం పోలీసు స్టేషన్‌ –1 కేసు చొప్పున ఉన్నాయి. ఈ నేపథ్యంలో ఎస్పీ తుహిన్‌ సిన్హా ఆదేశాల మేరకు సీఐ రేవతమ్మ, ఎన్‌డీపీఎస్‌ సెల్‌ ఇన్‌స్పెక్టర్‌ పిల్లా రమేష్‌, కేడీపేట ఎస్సై రుషికేశ్వరరావు, సిబ్బంది నిందితుడిని అరెస్ట్‌ చేసి విశాఖ సెంట్రల్‌ జైలుకు తరలించారు.

రాష్ట్ర స్థాయి జూడో, వెయిట్‌లిఫ్టింగ్‌ పోటీలకు ఎంపికై న విద్యార్థులను అభినందిస్తున్న హెచ్‌ఎం ప్రసాద్‌ కశింకోట: స్థానిక డీపీఎన్‌ జెడ్పీ హైస్కూలుకి చెందిన ముగ్గురు విద్యార్థులు రాష్ట్ర స్థాయి జూడో, వెయిట్‌లిఫ్టింగ్‌ పోటీలకు ఎంపికయ్యారు. కొమ్మాదిలో జరిగిన ఉమ్మడి విశాఖ జిల్లా స్థాయి పోటీల్లో జూడోలో ఈ పాఠశాలకు చెందిన ఎస్‌.పవన్‌, జె. వినయ్‌కుమార్‌ ఎంపిక కాగా, అరకులో జరిగిన వెయిట్‌లిఫ్టింగ్‌ పోటీలో బొండా ప్రవీణ్‌ రాష్ట్ర స్థాయి పోటీలకు ఎంపికయ్యారు. వీరికి హెచ్‌ఎం ప్రసాద్‌, విద్యా కమిటీ ప్రతినిధులు, పీఈటీలు వి. ప్రభాకరరావు, పెంటకోట కమల, ఉపాధ్యాయులు అభినందనలు తెలిపారు.

పెబుత్వం మాది.. మాకే ఓటేయాలంటన్నారు.. సోమవారం రాత్రి టీడీపీ నాయకులు మా ఇంటికి వచ్చేరు. మీ భర్త ఎవరికి ఓటేస్తారని అడిగారు. వైఎస్సార్‌సీపీ నిలబెట్టిన కాశీకి ఓటేస్తామని చెబితే చెంపమీద కొడుతూ ఎలా వేస్తావు.. కూటమి పార్టీ బలపరిచిన అభ్యర్థికి ఓటేయకపోతే మీకు మంజూరు చేసిన సీఎం రిలీఫ్‌ ఫండ్‌ వెనక్కి ఇచ్చేయాల్సిందే అని బెదిరించారు. పెబుత్వం మాది మాకే ఓటేయాలి. వేయకపోతే ఊరుకోము అంటూ బెదిరించారు. ఇదెక్కడి న్యాయం.. – బోంది చినతల్లి, రాజయ్యపేట నా ఓటు నా యిష్టం... మా ఓటు మా ఇష్ట ప్రకారం వేసుకోడానికి అవ్వదా. మేము వైఎస్సార్‌సీపీ అభ్యర్థికి ఓటేస్తామని చెబితే ఎందుకు వేస్తారు, అని బెదిరిస్తున్నారు. ఒకరికి మాట ఇచ్చేసాం. మీ రాజకీయ నాయకుల్లా డబ్బులు తీసుకుని మాట మార్చము. మాకు నచ్చినట్లు ఓటేసుకుంటామంటే కుదరదు మా పార్టీకే వేయాలి అని బెదిరిస్తున్నారు. పెబుత్వం మాది మేము చెప్పినోళ్లకే ఓటేయాలి అంటున్నారు. ఇదెక్కడి న్యాయం. నా ఓటు నాకు నచ్చినోడికే వేస్తాను. –యజ్జల సత్తిబాబు, రాజయ్యపేట నక్కపల్లి : నక్కపల్లి, పాయకరావుపేట మండలాల్లోని 7 గ్రామాల్లో మైరెన్‌ ఫిషరమెన్‌ కో ఆపరేటివ్‌ సొసైటీలకు మంగళవారం ఎన్నికలు జరగనున్నాయి. ప్రత్యక్ష పద్ధతిలో చేతులు ఎత్తే విధానం ద్వారా సొసైటీ అధ్యక్ష, ఉపాధ్యక్షులను, ఇతర డైరెక్టర్లను ఎన్నుకుంటారు. పాయకరావుపేట నియోజకవర్గంలో 17 మత్య్సకార గ్రామాలున్నాయి. ఈ గ్రామాల్లో సుమారు 30 వేల మందికి పైగా మత్స్యకారులు నివసిస్తున్నారు. 7వేల మందికి పైగా మత్స్యకారులు బోట్లు, తెప్పలు, ఇంజను కలిగిన బోట్లపై వేట సాగిస్తుంటారు. ప్రస్తుతం 7 ఫిషర్‌మెన్‌ సొసైటీలకు ఎన్నికలు జరుగుతున్నాయి. మొత్తం 3374 మంది ఓటు హక్కు వినియోగించుకోనున్నారు. నక్కపల్లి మండలంలో రాజయ్యపేట (887 మంది సభ్యులు), బోయపాడు(635 మంది సభ్యులు), పెదతీనార్లలో (558 మంది), చినతీనార్ల (165 మంది), దొండవాక(278మంది), బంగారయ్యపేటలో (461మంది) సభ్యులు ఉన్నారు. పాయకరావుపేట మండలం పెంటకోటలో (360 మంది) తమ ఓటు హక్కు వినియోగించుకోనున్నారు. ప్రతిష్టాత్మకంగా ఎన్నికలు మంగళవారం ఉదయం ఎన్నికల నిర్వహణకు మత్స్యశాఖ అధికారులు ఏర్పాట్లు పూర్తి చేశారు. పార్టీ రహితంగా జరిగే ఎన్నికలు అయినప్పటికీ సొసైటీ ప్రెసిడెంట్‌గా బరిలో నిలిచిన అభ్యర్థికి ఏదో ఒక పార్టీ మద్దతు ఉంటుంది. దీంతో ఇరు పార్టీలకు చెందిన గ్రామ స్థాయి నాయకులు తమ మద్దతుదారు విజయానికి తీవ్రంగా కృషి చేస్తున్నారు. ఇక్కడ ఓట్లు కలిగిన వారిలో చాలా మంది వేటరీత్యా పూరి, పరదీప్‌, భువనేశ్వర్‌, శ్రీశైలం, నాగార్జునసాగర్‌ వంటి ప్రాంతాలకు వలస వెళ్లిపోయారు. బరిలో నిలిచిన అభ్యర్థులు ఆయా ప్రాంతాలకు వెళ్లి వీరందరిని కలిసి తమను గెలిపించాలని అభ్యర్థించడంతో పాటు రానుపోను దారి ఖర్చులు కూడా భరిస్తున్నారు. సొసైటీ ద్వారా ప్రభుత్వం మత్స్యకారుల కోసం అనేక సంక్షేమ పఽథకాలు అమలు చేస్తుంది. సబ్సిడీతో కూడిన ఇంజిన్లు, వలలు, బోట్లు, ఇతర వేట సామగ్రితో పాటు, పింఛన్లు, సబ్సిడీపై డీజిల్‌ వంటి సదుపాయాలు కల్పించడంతో ఈ సొసైటీ ప్రెసిడెంట్‌ పదవులకు తీవ్ర పోటీ ఏర్పడింది. ఎన్నికల సందర్భంగా ఘర్షణలు తలెత్తకుండా డీఎస్పీ పి.శ్రీనివాసరావు ఆధ్వర్యంలో పోలీసులు భారీ బందోబస్తు ఏర్పాటు చేస్తున్నారు. డివిజన్‌లో 144వ సెక్షన్‌ అమలు చేస్తున్నారు. ఎన్నికలు జరిగే అన్ని గ్రామాల్లోను డీఎస్పీ శ్రీనివాసరావు, సీఐ మురళి, ఎస్‌ఐ సన్నిబాబు పర్యటించారు. కూటమి ప్రలోభాలు.. బెదిరింపులువైఎస్సార్‌సీపీ బలపరచిన అభ్యర్థుల విజయావకాశాలు ఎక్కువగా ఉండడంతో కూటమి పార్టీల నాయకులు ఓటర్లను ప్రలోభపెడుతున్నారు. తాము మద్దతు ఇచ్చిన వారికి ఓటు వేయకపోతే రేషన్‌ కార్డులు నిలిపివేస్తాం, పింఛన్లు రద్దు చేస్తాం, ఇళ్ల స్థలాలు రాకుండా చేస్తామంటూ బెదిరింపులకు పాల్పడుతున్నారు. కాగా పెంటకోట, పెదతీనార్ల గ్రామాల్లో తమ పార్టీ బలపరచిన అభ్యర్థులు ఓడిపోతారనే భయంతో కూటమి నాయకులు ఈ రెండు సొసైటీ ఎన్నికలను వాయిదా వేయించే ప్రయత్నాలు చేస్తున్నారన్న ప్రచారం జరుగుతోంది. రాజయ్యపేటలో మత్స్యకార సొసైటీ ఎన్నికలు ప్రశాంతంగా నిర్వహించేలా చర్యలు తీసుకోవాలని వైఎస్సార్‌సీపీ రాష్ట్ర కార్యదర్శి వీసం రామకృష్ణ పోలీసులను కోరారు. కూటమి నాయకులు ఓటమి భయంతో ఎన్నికల్లో గలాటా సృష్టించి వాయిదా వేయాలని చూస్తున్నారన్నారు. తక్షణమే భారీ బందోబస్తు ఏర్పాటు చేసి స్వేచ్చగా ఓటు వేసుకునే ఆవకాశం కల్పించాలని కోరారు.

ఎస్పీ తుహిన్‌ సిన్హాను మర్యాదపూర్వకంగా కలిసిన ఎస్‌బీ డీఎస్పీ వి.బాజ్జీరావు అనకాపల్లి : అనకాపల్లి జిల్లా స్పెషల్‌ బ్రాంచ్‌ డీఎస్పీగా వి.బాబ్జీరావు సోమవారం బాధ్యతలను ఎస్పీ తుహిన్‌ సిన్హా కార్యాలయంలో స్వీకరించారు. అంతకుముందు ఎస్పీ తుహిన్‌ సిన్హాను మర్యాదపూర్వకంగా కలిసి పుష్పగుచ్ఛం అందజేశారు. ఈ సందర్బంగా డీఎస్పీ మాట్లాడుతూ 1995లో పోలీస్‌శాఖలో ఎస్‌ఐగా విధులు నిర్వహించి, విశాఖ ఉమ్మడి జిల్లాలో వివిధ పోలీస్‌స్టేషన్‌ల్లో ఎస్‌ఐ, సీఐగా పనిచేయడం జరిగిందన్నారు. ప్రస్తుతం సీఐడీ విభాగంలో పనిచేసి డీఎస్పీగా పదోన్నతిపై అనకాపల్లి జిల్లా ఎస్‌బీగా రావడం జరిగిందన్నారు. శాంతిభద్రతల పరిరక్షణకు స్పెషల్‌ బ్రాంచి విభాగం గుండెకాయ వంటిదన్నారు. సమస్యాత్మక ప్రాంతాలు, సంఘటనలపై ముందస్తు సమాచారాన్ని (ఇంటెలిజెన్స్‌) ఎప్పటికప్పుడు సేకరించి అప్రమత్తం చేయడంలో ఎస్‌బీ కీలక పాత్ర పోషిస్తుందన్నారు. ఆధునిక సాంకేతికతను ఉపయోగించి జిల్లాలో ప్రశాంతమైన వాతావారణంలో ఉండే విధంగా కృషి చేస్తామన్నారు.

యలమంచిలి రూరల్‌: తాను నటించిన పెదబాబు చిత్రంలో ‘నవ్వవయ్య బాబూ..నీ సొమ్మేం పోయింది నీ సోకేం పోయింది’ పాటకు అదిరే స్టెప్పులతో డాన్స్‌ చేసిన యువకుడ్ని నటుడు జగపతిబాబు ప్రశంసించారు. నా డాన్స్‌ని కూడా ఇమిటేట్‌ చేయగలిగినవాడున్నాడు అన్నమాట గొప్పోడివయ్యా అంటూ తన ఇన్‌స్టా అకౌంట్‌ జగ్గూభాయ్‌ ద్వారా యువకుడికి కామెంట్‌ పంపించారు. జగపతిబాబుతో పాటు జబర్దస్త్‌ కమేడియన్‌ అదిరే అభి కూడా యువకుడు పట్నాల రమణను అభినందిస్తూ పోస్ట్‌ చేశారు. ఈ కామెంట్లు సోషల్‌ మీడియాలో వైరల్‌ అయ్యాయి. తన డాన్స్‌తో ఉన్న వీడియో పోస్టు చేసిన ఇన్‌ స్ట్రాగామ్‌ ఖాతాకు ఇప్పటి వరకు 8 లక్షలకు పైగా వ్యూస్‌ వచ్చాయని రమణ తెలిపాడు. ఇటీవల తమ వీధిలో వినాయక నవరాత్రుల సందర్భంగా తాను స్టేజీపై చేసిన డాన్స్‌ను వీడియోగా చిత్రీకరించి సామాజిక మాధ్యమాల్లో పోస్టు చేసినట్టు చెప్పాడు.వీడియో బాగా వైరల్‌ కావడం,నటుడు జగపతిబాబు ప్రశంసించడం పట్ల రమణ సంతోషం వ్యక్తం చేశాడు.

క్రీడాకారులతో ప్రిన్సిపాల్‌ భానుమూర్తి పాయకరావుపేట: రాష్ట్ర స్థాయి క్రీడా పోటీలకు ఎంపికైన విద్యార్థులను శ్రీప్రకాష్‌ విద్యా సంస్థల అధినేత సి.హెచ్‌.వి.కె. నరసింహారావు, సంయుక్త కార్యదర్శి సీహెచ్‌.విజయ్‌ప్రకాష్‌ అభినందించారు. జిల్లా కబడ్డీ అసోసియేషన్‌ ఆధ్వర్యంలో గాంధీనగరంలో జరిగిన కబడ్డీ పోటీల్లో విద్యార్థులు పి. శివాజీ, పి.హేమంత్‌, ఎం.ప్రవీణ్‌కుమార్‌ ప్రతిభ చూపారు. కృష్ణా జిల్లా నూజివీడులో ఈ నెల 11 నుంచి 13 వరకు జరిగే రాష్ట్ర పోటీలు పాల్గొంటారని ప్రిన్సిపాల్‌ భాను మూర్తి తెలిపారు. స్కూల్‌ గేమ్స్‌ ఫెడరేషన్‌ ఆధ్వర్యంలో కృష్ణాపురంలో జరిగిన అండర్‌ –17 జిల్లా స్థాయి హ్యాండ్‌బాల్‌ పోటీల్లో ఆర్‌.నవీన్‌, రిషిరాజ్‌ ప్రతిభ చూపారు. వీరు ఈ నెల 9 నుంచి 11వ తేదీ వరకు తెనాలిలో జరిగే రాష్ట్ర పోటీల్లో పాల్గొంటారని తెలిపారు.

తుమ్మపాల: పీజీఆర్‌ఎస్‌కు వచ్చిన వినతుల పరిష్కారంలో అధికారులు తీవ్ర నిర్లక్ష్యం వహిస్తున్నారు. దీంతో ప్రతి సోమవారం అర్జీదారులు కలెక్టరేట్‌ చుట్టూ తిరగవలసి వస్తోంది. వ్యయప్రయాసలకోర్చి వచ్చి ఫిర్యాదు చేసినా పట్టించుకునే పరిస్థితి లేదని పలువురు వాపోతున్నారు. కలెక్టరేట్‌లో స్వీకరిస్తున్న అర్జీల్లో పునరావృతమైనవే ఎక్కువగా ఉంటున్నాయి. జిల్లాలో అన్ని శాఖల్లోనూ పునరావృత అర్జీలు నమోదవడం ఆయా శాఖల పనితీరుపై ప్రశ్నలు రేకెత్తిస్తోంది. ముఖ్యంగా రెవెన్యూ శాఖకు సంబంధించిన సమస్యలే అత్యధికంగా నమోదవుతున్నాయి. భూ సర్వే, పంచాయతీరాజ్‌, పోలీస్‌ శాఖలకు సంబంధించిన అర్జీల సంఖ్య కూడా అధికంగానే ఉంటోంది. గతంలో కొన్ని శాఖలకు మాత్రమే పరిమితమైన అర్జీలు ఇటీవల అన్ని శాఖల్లోనూ అధికంగా నమోదవుతున్నాయి. ఆయా శాఖల పరిధిలో ప్రజలకు క్షేత్రస్థాయిలో అందాల్సిన సేవలు సక్రమంగా అందకపోవడం, సమస్యలు స్థానికంగానే పరిష్కారం కాకపోవడంతోనే ప్రజలు కలెక్టరేట్‌కు పెద్ద ఎత్తున వచ్చి అర్జీలు అందజేస్తున్నారు. పీజీఆర్‌ఎస్‌లో అర్జీ నమోదు చేసిన తర్వాత సమస్య పరిష్కారంపై అధికారులు దృష్టి సారించడం లేదని విమర్శలు వస్తున్నాయి. కేవలం అర్జీదారులకు ఫోన్‌ చేసి వివరాలు అడిగి తెలుసుకునేందుకే పరిమితమవుతున్నారని, అనంతరం అర్జీని పరిష్కరించినట్లు నమోదు చేస్తున్నారని పలువురు అర్జీదారులు వాపోతున్నారు. జిల్లా అధికారుల వద్ద మొరపెట్టుకుంటున్నా పరిష్కారం చూపడం లేదని సోమవారం కలెక్టరేట్‌ వద్ద జరిగిన పీజీఆర్‌ఎస్‌లో పలువురు అసహనం వ్యక్తం చేశారు. మొత్తం 302 అర్జీలు నమోదు కాగా అత్యధికంగా పునరావృతమైనవే ఉన్నాయి. రెవెన్యూ శాఖకు సంబంధించి 176, సర్వే విభాగం 22, పంచాయతీరాజ్‌ 18, పోలీస్‌ 11, మిగిలినవి వివిధ శాఖలకు సంబంధించినవి ఉన్నాయి. అర్జీదారుల సమస్యలపై నిర్లక్ష్యం వద్దు... ప్రజల నుంచి వచ్చే అర్జీల పరిష్కారంలో అధికారులు నిర్లక్ష్యం వహించరాదని, సమస్యలను వ్యక్తిగతంగా తెలుసుకుని, క్షేత్రస్థాయిలో పర్యటించి సంతృప్తి చెందేలా పరిష్కరించాలని కలెక్టర్‌ విజయ కృష్ణన్‌ అధికారులను ఆదేశించారు. ముఖ్యంగా భూ సంబంధిత సమస్యలను రెవెన్యూ క్లినిక్‌ ద్వారా సత్వరమే పరిష్కరించాలన్నారు. సోమవారం కలెక్టరేట్‌ సమావేశ మందిరంలో నిర్వహించిన పీజీఆర్‌ఎస్‌, రెవెన్యూ క్లినిక్‌ కార్యక్రమంలో ఆమెతో పాటు జాయింట్‌ కలెక్టర్‌ శౌర్యమాన్‌ పటేల్‌, డీఆర్వో వై.సత్యనారాయణరావు అర్జీలు స్వీకరించారు.ఆయా అర్జీలపై సంబంధిత అధికారులను వివరాలు అడిగి తెలుసుకుని, సమస్యల పరిష్కారానికి తక్షణ చర్యలు తీసుకోవాలని ఆదేశించారు. ఈ కార్యక్రమంలో ఐసీడీఎస్‌ పీడీ సూర్యలక్ష్మి, జిల్లా ఎకై ్సజ్‌ అధికారి వి.సుధీర్‌, జిల్లా సర్వే, భూ రికార్డుల సహాయ సంచాలకులు గోపాల్‌రాజా, అన్ని శాఖల జిల్లా అధికారులు పాల్గొన్నారు. నిత్యావసర సరుకుల ధరలు తగ్గించాలి నిత్యావసర సరుకుల ధరలను తగ్గించి పేద, మధ్యతరగతి ప్రజలపై భారం పడకుండా చూడాలని డిమాండ్‌ చేస్తూ ఐద్వా జిల్లా అధ్యక్షురాలు పి.మాణిక్యం, కార్యదర్శి డి.డి.వరలక్ష్మి, కోశాధికారి కె.వి.ఎస్‌.సూర్యప్రభ, జాయింట్‌ సెక్రటరీ ఆర్‌.లక్ష్మిసత్య కలెక్టరేట్‌ వద్ద నిరసన వ్యక్తం చేసి, జేసీకి వినతిపత్రం అందజేశారు. బియ్యం, పప్పులు, వంట నూనెలు, పంచదార, ఉల్లిపాయలు, కూరగాయల ధరలు భారీగా పెరిగిపోయాయని, గ్యాస్‌, పెట్రోల్‌, డీజిల్‌ ధరల పెరుగుదలతో అదనపు భారం పడుతోందన్నారు. మరోవైపు ఎల్‌నినో ప్రభావంతో గ్రామీణ, పట్టణ ప్రాంతాల్లో పనులు తగ్గిపోవడంతో ఆదాయం పడిపోయి పేదలు, దిగువ మధ్యతరగతి కుటుంబాలు తీవ్ర ఇబ్బందులు ఎదుర్కొంటున్నారని చెప్పారు. రేషన్‌ దుకాణాల ద్వారా 14 రకాల నిత్యావసర సరుకులు అందజేస్తామని ప్రభుత్వం ప్రకటించినప్పటికీ, ఆ హామీ ఇంకా పూర్తిస్థాయిలో అమలు చేయకపోవడం దారుణమని విమర్శించారు. ఈ సమస్యల పరిష్కారం కోసం మహిళలతో సంతకాల సేకరణ కార్యక్రమం చేపట్టామని, జిల్లాలోని పలు మండలాల్లో సంతకాలు సేకరించినట్లు తెలిపారు. అక్రమ టోల్‌ వసూళ్లపై విచారణ జరపాలి ప్రభుత్వ నిబంధనలకు విరుద్ధంగా ఏఎంఆర్‌ సంస్థ అక్రమ టోల్‌ గేట్లను ఏర్పాటు చేసి, క్వారీల నుంచి తరలించే మెటీరియల్‌పై టన్నుకు రూ.170 చొప్పున అక్రమంగా వసూలు చేస్తోందని సీపీఎం అనకాపల్లి మండల కన్వీనర్‌ గంటా శ్రీరామ్‌ ఫిర్యాదు చేశారు. ప్రభుత్వానికి రావాల్సిన ఆదాయాన్ని అక్రమ వసూళ్లతో దోచుకుంటోందని ఆరోపించారు. ఈ వ్యవహారంపై సమగ్ర విచారణ జరిపి చర్యలు తీసుకోవాలని కోరారు. అక్రమ మైనింగ్‌ను అవకాశంగా తీసుకుని ఏఎంఆర్‌ సంస్థ ప్రతినిధులు బాబ్జి, సుధాకర్‌ ఆధ్వర్యంలో బృందాలుగా ఏర్పడి లారీలను వెంబడించి మరీ అక్రమంగా వసూళ్లు చేస్తున్నారని పేర్కొన్నారు. ప్రభుత్వంతో ఏఎంఆర్‌ సంస్థ చేసుకున్న ఒప్పందంలోని నిబంధనలను ఉల్లంఘిస్తూ వసూళ్లు జరపడంపై పూర్తిస్థాయి దర్యాప్తు నిర్వహించాలని కోరారు. అక్రమ మైనింగ్‌, అక్రమ రవాణాను అరికట్టి ప్రభుత్వానికి రావాల్సిన ఆదాయాన్ని రాబట్టాలన్నారు. కాంట్రాక్ట్‌ వైద్య ఉద్యోగులను రెగ్యులరైజ్‌ చేయాలి రాష్ట్ర వైద్య, ఆరోగ్య, కుటుంబ సంక్షేమ శాఖ పరిధిలో పనిచేస్తున్న కాంట్రాక్ట్‌ ఉద్యోగులను రెగ్యులరైజ్‌ చేయడంతో పాటు 100 శాతం గ్రాస్‌ జీతాన్ని పునరుద్ధరించాలని ఏపీ మెడికల్‌ అండ్‌ హెల్త్‌ కాంట్రాక్ట్‌ జాయింట్‌ యాక్షన్‌ కమిటీ డిమాండ్‌ చేసింది. ఈ మేరకు కలెక్టరేట్‌ వద్ద ప్లకార్డులతో ఆందోళన చేసి కలెక్టర్‌, జిల్లా వైద్య ఆరోగ్య శాఖ అధికారులకు వినతిపత్రం సమర్పించినట్లు కమిటీ ప్రతినిధులు తెలిపారు. స్టాఫ్‌ నర్సులు, ల్యాబ్‌ టెక్నీషియన్లు, ఫార్మసీ అధికారులు, ఇతర పారామెడికల్‌, అనుబంధ విభాగాల ఉద్యోగులు అత్యవసర వైద్య సేవల్లో కీలక పాత్ర పోషిస్తున్నట్టు చెప్పారు. అర్హత, అనుభవం ఉన్న సిబ్బంది దీర్ఘకాలంగా కాంట్రాక్ట్‌ ఉద్యోగులుగానే మిగిలిపోయామన్నారు. తమ డిమాండ్లను నెరవేర్చాలని కోరారు.

అభివృద్ధికి ఆవల.. సాక్షి, అనకాపల్లి : అభివృద్ధిని బూచిగా చూపి క్వారీ లీజులివ్వడంలో మైనింగ్‌ శాఖ అధికారులు అందెవేసిన చేయిగా మారారు. భవిష్యత్‌ తరాలకు చుక్కానిలా నిలిచే వనరుల్ని సద్వినియోగం చెయ్యడం, వాటికి భద్రత కల్పించడం అధికారుల బాధ్యత. కానీ అనకాపల్లి జిల్లాలో వివిధ ప్రభుత్వ శాఖలు చోద్యం చూస్తున్నాయి. చివరకు విజిలెన్స్‌ బృందం సైతం క్వారీ తవ్వకాల్లో లోపాలు కనపించాయని చెప్పినా చేతులు దులుపుకొని క్వారీ కార్యకలాపాలను నిర్వహించడం అనకాపల్లి జిల్లాలోనే సాధ్యమైందని చెప్పొచ్చు. వివరాల్లోకి వెళితే... అనకాపల్లి–అచ్యుతాపురం రహదారి విస్తరణ పనుల్ని ఒక ప్రైవేట్‌ సంస్థ చేపడుతోంది. నిర్వాసితులకు నష్టపరిహారం అందించడంతో పాటు, అలైన్‌మెంట్‌ మార్పులు, రహదారి పనులకు అవసరమైన మైనింగ్‌ నిక్షేపాలు లభించడంలో ఏర్పడిన ప్రతిష్టంభనను సాంకేతికంగా అధిగమించాల్సిన నిర్మాణ సంస్థ అధికారుల సాయంతో సహజ వనరుల దోపిడీకి పాల్పడుతోంది. నిస్సిగ్గుగా సాగుతున్న ఈ తతంగం సాక్షిగా ఆయా గ్రామాల ప్రజలు పాలకుల బెదిరింపులతో తెల్లముఖం వెయ్యడం తప్ప అడ్డుకోలేని దయనీయ స్థితిలో ఉన్నారు. అనుమతులు ఇవ్వడమే తప్పిదం..! అనకాపల్లి జిల్లా అచ్యుతాపురం మండలంలోని అందలాపల్లి కొండకు విశిష్టత ఉంది.సమీపంలో ఉన్న కొండకర్ల ఆవలో విడిది చేసే పక్షులకు రాత్రి వేళ ఆవాసంగా అందలాపల్లి కొండపై భాగాన ఉన్న వృక్షాలు ఉపయోగపడతాయి. దీనికి తోడు ఈ ఆవ సరిహాద్దుల్లో ఎకోటూరిజం మేరకు చిత్తడి నేలల పరిరక్షణ కమిటీలను కూడా గతంలో నియమించాలని, దీంట్లో స్థానికుల భాగస్వామ్యం తీసుకోవాలని నిర్ణయించారు. ఇంతటి ప్రాధాన్యం ఉన్న అందలాపల్లి కొండపై పర్యావరణ అనుమతులు లేకుండా ఎటువంటి తవ్వకాలు చేపట్టరాదు. పర్యావరణ అనుమతులు ఇచ్చేందుకు గతంలో ఉన్న జటిలమైన నిబంధనల్ని తూతూ మంత్రంగా మార్చిన ఇప్పటి ప్రభుత్వం స్థానిక పంచాయతీ పాలక వర్గం సమ్మతి లేకుండానే ఎన్‌ఓసీని జారీ చేశారు. ఈ క్రమంలో గతంలో ఇక్కడి క్వారీ ప్రాంతం వద్ద స్థానికులు నిరసన తెలిపిన సందర్భాలు కూడా ఉన్నాయి. అనుమతులు ఒక చోట... తవ్వకాలు మరో చోట అందలాపల్లి కొండ శిఖర భాగాన క్వారీకి అడ్డగోలుగా అనుమతి ఇచ్చారు. అది కూడా లూజ్‌ సాయిల్‌ను తవ్వుకొని రహదారి లెవెలింగ్‌కు ఉపయోగించుకోవాలనేది అడ్డగోలు అనుమతి సారాంశం. కానీ ఇక్కడ గ్రావెల్‌ అనేది లేదు. దీంతో పెద్ద పెద్ద బండరాళ్లను డ్రిల్లింగ్‌ చేసి మరీ పెకిలిస్తున్నారు. అనుమతుల్లో ఉన్న సర్వే నంబర్‌ కాకుండా పక్కన పూర్తిగా కొండను ధ్వంసం చేశారు. దీనికి పెద్ద పెద్ద సంస్థలు, ఆయా ప్రతినిధుల ఒత్తిడి ఉండడంతో ఇక్కడేం జరగనట్లు మైనింగ్‌ శాఖ మిన్నకుంటున్నది. తూతూ మంత్రంగా విజిలెన్స్‌... ఈ క్వారీపై గతంలో విజిలెన్స్‌కు ఫిర్యాదు చేసిన స్థానికులు సైతం ఆ విభాగ తీరును ప్రశ్నిస్తున్నారు. విజిలెన్స్‌ అధికారులు వచ్చి నామ మాత్రపు నివేదికతో కూడిన సంతకాలు తీసుకొని వదిలేశారు. దీంతో అక్రమ క్వారీ ద్వారా వచ్చిన బండరాళ్లను అచ్యుతాపురం–అనకాపల్లి రహదారి విస్తరణ పనుల లెవెలింగ్‌ పనులు దర్శనమిస్తున్నాయి. క్వారీ ఎక్కడ అనుమతి ఇచ్చారో, ఎక్కడి నుంచి మెటల్‌ తవ్వుతున్నారో క్షేత్ర స్థాయి పరిశీలన జరపని మైనింగ్‌ అధికారుల ఉదాసీన వైఖరి కారణంగా పొంతన లేని సీనరేజ్‌ వసూలు బిల్లుల్ని పట్టుకొని క్వారీ వాహనదారులు దర్జాగా అందలాపల్లి కొండను తొలిచేస్తున్నారు. ఈ కొండ పూర్తిగా కరిగిపోతే ఈ ప్రాంతానికి వరంగా ఉన్న పర్యాటక అందాలు కనుమరుగవ్వడం ఖాయమని స్థానికులు వాపోతున్నారు.

అనకాపల్లి : యువత క్రీడా ప్రతిభను వెలికితీసేందుకు ఇండోర్‌ స్టేడియం ఎంతగానో ఉపయోగపడుతుందని కలెక్టర్‌ విజయకృష్ణన్‌ అన్నారు. స్థానిక గవరపాలెం ఇండోర్‌ స్టేడియంను సోమవారం ప్రారంభించారు. ఈ సందర్భంగా ఆమె మాట్లాడుతూ ప్రజలకు, యువత ఈ ఇండోర్‌ స్టేడియంను సద్వినియోగం చేసుకోవాలన్నారు. జీవీఎంసీ కమిషనర్‌ కేతన్‌ గార్గ్‌ మాట్లాడుతూ క్రీడా సదుపాయాలను అందుబాటులోకి తీసుకురావడంలో రాజీవ్‌గాంధీ ఇండోర్‌ స్టేడియం కీలకంగా నిలుస్తుందన్నారు. సీఎస్‌ఆర్‌ రూ.2కోట్ల నిధులతో స్టేడియంను అభివృద్ధి చేశామన్నారు. ఎమ్మెల్యే కొణతాల రామకృష్ణ, ఎన్‌టీపీసీ సింహాద్రీ ఎగ్జిక్యూటివ్‌ డైరెక్టర్‌ అయస్కాంత్‌ జెనా, కూటమి నాయకులు పాల్గొన్నారు.

ఉపాధి హామీ పథకం పేరు మారినా తీరు మారలేదు. ఈ ఏడాది జూలై 1 నుంచి వీబీజీరామ్‌జీగా కొత్త విధానంతో పథకం అమలవుతున్నా శ్రామికులకు సకాలంలో వేతనాలు అందడం లేదు. కొత్త విధానంలో పని దినాలు పెరగడంతో పాటు ప్రతి వారం సకాలంలో వేతనాలు వచ్చేస్తాయని అధికారులు గ్రామ సభల్లో చెప్పారు. కానీ క్షేత్రస్థాయిలో పరిస్థితి అందుకు భిన్నంగా ఉంది. వేతనాల్లేని.. జూన్‌ 8 తర్వాత నుంచి ఎదురుచూపులే ఇల్లు గడవక కూలీల ఇబ్బందులు వీబీజీరామ్‌జీ పథకం అమల్లోకి వచ్చినా మారని తీరు జిల్లాలో బకాయిలు 110.53 కోట్లు మొత్తం జాబ్‌ కార్డులు 2,73,320వేతనదారులు 2,44,8232026–27 ఆర్థిక సంవత్సరంలో పని దినాలు : 1,08,22,802 యలమంచిలి రూరల్‌: ఓ పక్క వర్షాలు కురవక జిల్లాలో పంటల సాగు గణనీయంగా తగ్గింది. వేసిన పంటలూ ఎండిపోయాయి. వ్యవసాయ పనులు దొరకడం లేదు. జిల్లాలో రాంబిల్లి, మాడుగుల మండలాలు మినహా మిగతా 22 మండలాలను అధికారులు కరువు మండలాలుగా ప్రకటించారు. ఉన్న ఊర్లు వదిలి వలస వెళ్లాల్సిన దుస్థితి దాపురించింది. ఈ కష్టకాలంలో కల్పతరువుగా నిలవాల్సిన ఉపాధి పథకం సకాలంలో వేతనాలు చెల్లించకపోవడంతో కూలీలకు కష్టాలు తెచ్చిపెడుతోంది.ఈ ఏడాది జూన్‌ 9 నుంచి జిల్లాలో చేసిన పనులకు బిల్లులు అందక శ్రామికులు ఆర్థిక ఇబ్బందులతో సతమతమవుతున్నారు. చేతిలో చిల్లిగవ్వ లేక నిత్యావసరాల కోసం అప్పులు చేయాల్సి వస్తోందని కూలీలు వాపోతున్నారు. రూ.110 కోట్ల బకాయిలు జిల్లాలో 2,44,823 మంది వేతనదారులకు 110.53 కోట్ల మేర బకాయిలు చెల్లించాల్సి ఉంది. వేతనాల కోసం ఎదురుచూస్తున్న వీరందని పరిస్థితి దయనీయంగా ఉంది. కేంద్ర, రాష్ట్రాల్లో అధికారంలో ఉన్న కూటమి ప్రభుత్వాలు కూలీల పరిస్థితిని పట్టించుకోకపోవడంతో వారంతా ఇబ్బందులు ఎదుర్కొంటున్నారు. ఇతర ప్రాంతాలకు వలసలు వెళ్లిపోదామన్నా కుటుంబ పరిస్థితులు అనుకూలించడం లేదని, వెంటనే బకాయి వేతనాలను చెల్లించండి మహాప్రభో అని వారంతా వేడుకుంటున్నారు. వేతనం పెంచినా.. వీబీజీరామ్‌జీ పథకం అమల్లోకి వచ్చిన తర్వాత రోజువారీ గరిష్ట వేతనాన్ని రూ.307 నుంచి రూ.312కి పెంచారు. ఎల్‌నినో ప్రభావంతో గ్రామాల్లో పనులకు వచ్చే కూలీల సంఖ్య కూడా గణనీయంగా పెరిగింది. గ్రామాల్లో జల వనరుల సంరక్షణ, పంట కాలువల్లో పూడికతీత, రోడ్లు, డ్రెయిన్ల నిర్మా ణం, పండ్ల తోటల పెంపకం వంటి పనులను చేశారు. ఆలస్యం లేకుండా త్వరగా వేతనాలు అందించడం వీబీజీరామ్‌జీ పథకం లక్ష్యం కాగా ఆరంభంలోనే వేతనాలకు శ్రామికులు ఇబ్బందులు పడే పరిస్థితులు నెలకొనడం పట్ల కూలీల నుంచి తీవ్ర అసంతృప్తి వ్యక్తమవుతోంది. పనులు చేసినా వేతనాలు లేవు ఈ ఏడాది జూన్‌ 30 వరకు మహాత్మాగాంధీ జాతీయ గ్రామీణ ఉపాధి హామీ పథకం కింద చేపట్టిన పనులకు రూ.54.64 కోట్లు, జూలై 1వ తేదీ నుంచి అమలవుతున్న వీబీజీరామ్‌జీ పథకం కింద రూ.55.89 కోట్లు మొత్తం రూ.110.53 కోట్ల బకాయిలు కూలీలకు చెల్లించాల్సి ఉంది. పాత, కొత్త పథకాల కింద పనులు చేసినా వేతనాలు అందని దుస్థితి జిల్లాలో నెలకొంది. బిల్లుల కోసం వేలాది కుటుంబాలు ఆశగా ఎదురుచూస్తున్నాయి.

కశింకోట: కశింకోటలోని డీపీఎన్‌జెడ్పీ హైస్కూలుకి చెందిన ఐదుగురు విద్యార్థులు రాష్ట్ర స్థాయి కుస్తీ పోటీలకు ఎంపికయ్యారు. కొయ్యూరులో స్కూల్‌ గేమ్స్‌ ఫెడరేషన్‌ ఆధ్వర్యంలో జరిగిన జిల్లా స్థాయి పోటీలో ఇక్కడి పాఠశాల నుంచి ఫ్రీ స్టయిల్‌ విభాగంలో డి. లోకేష్‌, జి. హరనాథ్‌, గ్రీకో రోమన్‌ విభాగంలో ఎ. స్వరూప్‌, జి. భరత్‌కుమార్‌, జి.చందులను రాష్ట్ర స్థాయి పోటీలకు ఎంపిక చేశారని హెచ్‌ఎం ఎన్‌.జె.వి ప్రసాద్‌ తెలిపారు. వీరు ఈ నెల 10,11 తేదీల్లో పల్నాడులో జరిగే రాష్ట్ర స్థాయి పోటీలో పాల్గొంటారని తెలిపారు. వీరిని ఆయనతోపాటు వ్యాయామ ఉపాధ్యాయులు వి.ప్రభాకరరావు, పెంటకోట కమల, ఉపాధ్యాయులు, పాఠశాల యాజమాన్య కమిటీ ప్రతినిధులు అభినందించారు. వెయిట్‌ లిఫ్టింగ్‌ పోటీల్లో... నర్సీపట్నం: మున్సిపాలిటీ పరిధి బలిఘట్టం జిల్లా పరిషత్‌ హైస్కూల్‌లో 8వ తరగతి చదువుతున్న మందడపు నాగశ్రీ స్కూల్‌ గేమ్స్‌ ఫెడరేషన్‌ ఆధ్వర్యంలో జరిగిన వెయిట్‌ లిప్టింగ్‌ పోటీల్లో మంచి ప్రతిభ కనబరిచి రాష్ట్ర స్థాయి పోటీలకు ఎంపికై ంది. ఈ నెల 9,10,11 తేదీల్లో కాకినాడలో జరిగే రాష్ట్రస్థాయి పోటీల్లో విద్యార్థిని పాల్గొంటుంది. క్రీడాకారిణి నాగశ్రీ, వ్యాయామ ఉపాధ్యాయుడు నాగేశ్వరరావును పాఠశాల హెచ్‌ఎం శ్రీదేవి, ఉపాధ్యాయులు ఐ.శ్రీనివాసరావు అభినందించారు.

పెందుర్తి: తన కుమారుడు మరణించినా.. అతడి కళ్ల ద్వారా మరో ఇద్దరికి చూపు కలగాలని భావించిన తల్లి మానవత్వాన్ని చాటుకున్నారు. పెందుర్తికి చెందిన పట్నాల అరవింద్‌ రామస్వామి (28) అనారోగ్యంతో కేజీహెచ్‌లో చికిత్స పొందుతూ మృతి చెందాడు. విషయం తెలుసుకున్న సాయి హెల్పింగ్‌ హ్యాండ్స్‌ చారిటబుల్‌ ట్రస్ట్‌ ప్రతినిధులు మృతుడి కుటుంబ సభ్యులను సంప్రదించి నేత్రదానంపై అవగాహన కల్పించారు. తీవ్ర విషాదంలోనూ అరవింద్‌ రామస్వామి తల్లి పట్నాల స్వరూప నేత్రదానానికి అంగీకరించారు. కేజీహెచ్‌లో మృతుడి నేత్రాలను ఎల్‌వీ ప్రసాద్‌ నేత్ర వైద్య సంస్థకు చెందిన రమ్య, వాణి సేకరించారు. ఈ సందర్భంగా ట్రస్ట్‌ అధ్యక్షుడు దాడి శ్రీను మాట్లాడుతూ.. కుటుంబ సభ్యుడిని కోల్పోయిన బాధలోనూ నేత్రదానానికి అంగీకరించిన స్వరూపను, ఆమె కుటుంబ సభ్యులను అభినందించారు. వారి కుటుంబానికి కృతజ్ఞతలు తెలిపారు.

కొమ్మాది: భీమిలి బీచ్‌ రోడ్డు మంగమారిపేట సాగరతీరంలో ఆదివారం షూటింగ్‌ సందడి నెలకొంది. దర్శకుడు రవిబాబు నేలకుడితి దర్శకత్వంలో ఎస్‌ఎల్‌వీ సినిమాస్‌ బ్యానర్‌పై తెరకెక్కుతున్న చిత్రానికి సంబంధించిన పలు సన్నివేశాలను ఇక్కడ చిత్రీకరించారు. ఈ షూటింగ్‌లో భాగంగా హీరో దుల్కర్‌ సల్మాన్‌, హీరోయిన్‌ పూజా హెగ్డే పాల్గొని సందడి చేశారు. ఆదివారం కావడంతో ఒకవైపు పర్యాటకులు, మరోవైపు చిత్ర బృందంతో మంగమారిపేట తీరం సందడిగా మారింది. సినీ తారలను చూసేందుకు సమీప ప్రాంతాల నుంచి అభిమానులు పెద్ద సంఖ్యలో తరలివచ్చారు. మంగమారిపేట బీచ్‌ వద్ద హీరో దుల్కర్‌ సల్మాన్‌, హీరోయిన్‌ పూజా హెగ్డే

రాంబిల్లి: సెజ్‌ రెండో విడత భూ సేకరణలో గల గొరపూడి భూముల్లో ఫెన్సింగ్‌ పనులను తక్షణమే ఆపాలని యలమంచిలి నియోజకవర్గ వైఎస్సార్‌సీపీ సమన్వయకర్త కరణం ధర్మశ్రీ డిమాండ్‌ చేశారు. ఆదివారం ఆయన వైఎస్సార్‌సీపీ జిల్లా అధ్యక్షుడు బొడ్డేడ ప్రసాద్‌తో కలిసి గొరపూడి శివారు అప్పన్నపాలెంకు చెందిన లాలం నర్సింగరావు మృతదేహాన్ని సందర్శించి కుటుంబసభ్యులకు ఽధైర్యం చెప్పారు. తమ భూములకు నష్టపరిహారం చెల్లించకుండా ఫెన్సింగ్‌ పనులు అధికారులు చేపట్టడంతో ఆందోళనకు లోనై తన తండ్రి మృతి చెందారని కుమార్తెలు నిరీష, కుమారి అన్నారు. కనీసం మృతదేహంపై టెంట్‌ కూడా అధికారులు వేసుకోకుండా చేశారని భార్య నారాయణమ్మ వాపోయారు. దీనికి స్పందించిన ధర్మశ్రీ అధికారుల తీరుపై ఆగ్రహం వ్యక్తం చేశారు. సమస్యను శాంతియుతంగా పరిష్కరించాలని ధర్మశ్రీ ఆర్డీవో రామలక్ష్మిని కోరారు. రైతులకు నష్టపరిహారం చెల్లించకుండా భూముల్లో ఫెన్సింగ్‌ పనులు చేస్తే చూస్తూ ఊరుకోమని తహసీల్దార్‌ పీవీ రత్నంకు స్పష్టం చేశారు. రాజ్యాంగం, కోర్టు నిబంధనలు కాదని ఫెన్సింగ్‌ వేస్తే రైతులతో కలిసి యంత్రాలతో ఫెన్సింగ్‌ తీసివేస్తామని ధర్మశ్రీ హెచ్చరించారు. నష్టపరిహారం చెల్లించకుండా భూములు స్వాధీనం చేసుకోవడం దారుణమని బొడ్డేడ ప్రసాద్‌ ద్వజమెత్తారు. రైతులకు తమ పార్టీ అండగా ఉంటుందన్నారు. జిల్లా కలెక్టర్‌ సమక్షంలో రైతులతో చర్చలు జరిపిన తర్వాతే పనులు నిర్వహించాలని అప్పటివరకు పనులు ఆపాలన్నారు. అలాగే మృతి చెందిన రైతు కుటుంబాన్ని ఆదుకోవాలన్నారు. దీనిపై తహసీల్దార్‌ పీవీ రత్నం మాట్లాడుతూ, ఈ భూములు లారస్‌ కంపెనీకి ప్రభుత్వం కేటాయించిందని, ఆయా కంపెనీ యాజమాన్యం రూ 25 లక్షలతో పాటు కుమార్తెలకు ఉద్యోగాలు ఇచ్చేందుకు అంగీకరించిందన్నారు. కాగా గొరపూడి వెళ్లేందుకు వస్తున్న ధర్మశ్రీని వెంకటాపురం వద్ద పోలీసులు అరగంట సేపు అడ్డుకున్నారు. ఈ కార్యక్రమంలో వైఎస్సార్‌సీపీ నాయకులు పిన్నంరాజు కిషోర్‌, గొట్టిముక్కల శ్రీనుబాబు, ధూళి నాగరాజు, ఎన్‌వీ సూర్యనారాయణ, శంకర్రావు, గొర్లె నర్సింగరావు, రుత్తల గణేష్‌ తదితరులు పాల్గొన్నారు.

మునగపాక: మండలంలోని తిమ్మరాజుపేట డావెన్సీ అంతర్జాతీయ పాఠశాలలో ఆదివారం నిర్వహించిన రాష్ట్రస్థాయి పుట్‌బాల్‌ పోటీలకు విశేష స్పందన వచ్చింది. మొత్తం 14 టీమ్‌లు ఈ పోటీల్లో పాల్గొన్నాయి. సింహాచలానికి చెందిన బూట్స్‌ టీమ్‌కు ప్రథమ స్థానం రాగా విశాఖకు చెందిన సిద్దార్ధ టీమ్‌ ద్వితీయ స్థానం సాధించింది. విజేతలకు పాఠశాల మేనేజింగ్‌ డైరెక్టర్‌ కర్రి సుందరయ్య, డైరెక్టర్‌ రమణాజీలు బహుమతులు అందించారు. ఈ సందర్భంగా వారు మాట్లాడుతూ విద్యార్థులు చదువుతో పాటు క్రీడల్లో రాణించాలన్నారు. తద్వారా ఉద్యోగ, ఉపాధి అవకాశాలు ఉంటాయన్నారు. క్రీడల ద్వారా మానసిక ఉల్లాసంతో పాటు శరీర ధారుఢ్యం పెరుగుతుందన్నారు. జిల్లా పుట్‌బాల్‌ అసోసియేషన్‌ అధ్యక్షుడు గణేష్‌, కార్యదర్శి రామకృష్ణ, సహాయ కార్యదర్శి నరేష్‌ల పర్యవేక్షణలో పోటీలు జరిగాయి. కార్యక్రమంలో పాఠశాల ఉపాధ్యాయులతో పాటు పలువురు క్రీడాకారులు పాల్గొన్నారు.

అనకాపల్లి: ఉత్తరాంధ్ర జిల్లా బహుజన ఉద్యోగుల ఆధ్వర్యంలో ఈనెల 11న న్యాయభేరి బహిరంగ సభ తుమ్మపాల పంచాయతీ ఏలేరు కాలువ వద్ద కల్యాణి వెంకటేశ్వర ఫంక్షన్‌ హాల్లో నిర్వహించడం జరుగుతుందని రిజర్వేషన్‌ పరిరక్షణ సమితి రాష్ట్ర యూత్‌ కన్వీనర్‌ శేఖర్‌, జిల్లా వర్కింగ్‌ అధ్యక్షుడు బోయిన చిన్నారావు అన్నారు. స్థానిక ఆర్టీసీ కాంప్లెక్స్‌ రహ దారి సీఐటీయూ కార్యాలయంలో ఆదివారం కరప త్రాలను ఆవిష్కరించారు. ఈ సందర్భంగా వారు మాట్లాడుతూ రాజ్యాంగ పరిరక్షణ, న్యాయ వ్యవస్థలో రిజర్వేషన్లు అమలు, ప్రభుత్వ ఉద్యోగాలలో చట్టం అమలు చట్టసభలలో బీసీలకు 44శాతం రిజర్వేషన్లు కల్పించాలన్నారు. కాంట్రాక్టు, అవుట్‌సోర్సింగ్‌ ఉద్యోగులను రెగ్యులర్‌ చేయాలని, పరిశ్రమల్లో స్థానిక యువతకు ఉద్యోగ అవకాశాలు కల్పించాలన్నారు. విశాఖ స్టీల్‌ప్లాంట్‌కు క్యాప్టివ్‌ గనులను కేటాయించి ప్రైవేటీకరణ అపాలని, 1/70 చట్టాలను కఠినంగా అమలు చేయాలని కోరుతున్నామన్నారు.

విశాఖవిద్య: ఆంధ్ర విశ్వవిద్యాలయానికి చెందిన వందల కోట్ల విలువైన భూములను ఇతర అవసరాలకు కేటాయించే ప్రతిపాదనలపై పూర్వ విద్యార్థులు, విద్యావేత్తలు, విశ్వవిద్యాలయ వర్గాల్లో తీవ్ర ప్రశ్నలు వ్యక్తమవుతున్నాయి. నగర నడిబొడ్డులో ఉన్న ఏయూ భూములను భవిష్యత్‌ అవసరాల కోసం కాపాడాల్సిన బాధ్యత యంత్రాంగంపై ఉందని వారు పేర్కొంటున్నారు. కంప్యూటర్‌ ఇంజినీరింగ్‌ విభాగం సమీపంలోని సుమారు రెండు ఎకరాల భూమిని సిటీ సెంట్రల్‌ లైబ్రరీ ఏర్పాటుకు కేటాయించే ప్రతిపాదనపై పునరాలోచించాలని కోరుతున్నారు. రూ.300 కోట్ల భూమి బదలాయింపా? ఏయూలో కీలక ప్రాంతంలో ఉన్న ఈ రెండు ఎకరాల భూమి ప్రస్తుత మార్కెట్‌ విలువ ప్రకారం సుమారు రూ.300 కోట్లకు తగ్గదని వర్గాలు పేర్కొంటున్నాయి. ఇంత విలువైన భూమిని బదలాయించే ముందు, దాని వల్ల విశ్వవిద్యాలయానికి కలిగే ప్రత్యక్ష, దీర్ఘకాలిక ప్రయోజనం ఏమిటో వెల్లడించాలని డిమాండ్‌ చేస్తున్నారు. భవిష్యత్‌ విస్తరణకు అవసరమయ్యే భూములను ఇప్పుడు ఇతర అవసరాలకు కేటాయించడం ఎంతవరకు సమంజసమనే ప్రశ్నలు తలెత్తుతున్నాయి. రూ.5 కోట్లతో వీఎస్‌ కృష్ణా లైబ్రరీ ఆధునికీకరణ సాధ్యం కాదా? సిటీ సెంట్రల్‌ లైబ్రరీ కోసం కొత్తగా భూమి కేటాయించే బదులు, ఇప్పటికే ఉన్న వీఎస్‌ కృష్ణా లైబ్రరీని ఆధునికీకరించాలని పూర్వ విద్యార్థులు సూచిస్తున్నారు. సుమారు రూ.5 కోట్లతో డిజిటల్‌ లైబ్రరీ, ఈ–జర్నల్స్‌, పరిశోధనా సదుపాయాలు, ఆధునిక పఠన గదులు ఏర్పాటు చేయవచ్చని పేర్కొంటున్నారు. వీఎస్‌ కృష్ణా లైబ్రరీ ఏయూ చరిత్రలో కీలక భాగమని, ఇక్కడ చదువుకున్న అనేక మంది విద్యార్థులు సివిల్‌ సర్వెంట్లు, వైద్యులు, న్యాయవాదులు, పోలీసు అధికారులు, పారిశ్రామికవేత్తలుగా ఎదిగారని గుర్తుచేస్తున్నారు. మెగా హాస్టళ్లపై సందేహాలు ఏయూలో ఇప్పటికే 40కి పైగా హాస్టళ్లు ఉన్నాయని, ప్రధాన సమస్య హాస్టళ్ల కొరత కాదని విద్యార్థి వర్గాలు చెబుతున్నాయి. నిర్వహణ, మరమ్మతులు, పారిశుధ్యం, మౌలిక సదుపాయాల ఆధునికీకరణపై దృష్టి పెట్టాలని సూచిస్తున్నారు. గతంలో ఒక్కో హాస్టల్‌లో సుమారు 200 మందికి మించకుండా ఉండే విధంగా ఏర్పాటు చేయడం వల్ల నిర్వహణ సులభంగా ఉండేదని పేర్కొంటున్నారు. భారీ వ్యయంతో మెగా హాస్టళ్ల నిర్మాణం ఎంతవరకు ప్రయోజనకరమనే ప్రశ్నలు వ్యక్తమవుతున్నాయి. రూ.44 కోట్ల మెగా మెస్‌.. సాధ్యమేనా? సుమారు 500 ఎకరాల విస్తీర్ణంలో ఉన్న ఏయూ క్యాంపస్‌లో రూ.44 కోట్లతో ఒకే మెగా మెస్‌ నిర్మించే ప్రతిపాదనపైనా చర్చ జరుగుతోంది. ఒకే మెస్‌ ద్వారా విద్యార్థుల భోజన సమస్యలను పరిష్కరించవచ్చని చెబుతున్నప్పటికీ, వేలాది మంది విద్యార్థులు ఒకే చోటకు వెళ్లడం వల్ల దూరం, రద్దీ, సమయపాలన, ఆహార పంపిణీ వంటి సమస్యలు తలెత్తే అవకాశం ఉందని పలువురు అభిప్రాయపడుతున్నారు. రూ.5 కోట్ల ఇంటర్నెట్‌ కేబులింగ్‌ వెనుక మతలబు క్యాంపస్‌లో ఇంటర్నెట్‌ కేబులింగ్‌ కోసం సుమారు రూ.5 కోట్లు ఖర్చు చేసే ప్రతిపాదనపైనా అభ్యంతరాలు వ్యక్తమవుతున్నాయి. కేబుల్‌, ఇంటర్నెట్‌ ఆపరేటర్లు ఉచితంగా కేబులింగ్‌ చేసేందుకు ముందుకు వస్తున్న పరిస్థితుల్లో, విశ్వవిద్యాలయ నిధులతో తవ్వకాలు చేపట్టాల్సిన అవసరం ఏమిటని ప్రశ్నిస్తున్నారు. ఏయూ ఇప్పటికే ఆప్టికల్‌ ఫైబర్‌, వైర్డ్‌, వైర్‌లెస్‌ నెట్‌వర్క్‌ సదుపాయాలు ఉన్నట్లు అధికారిక వెబ్‌సైట్‌లో పేర్కొన్న నేపథ్యంలో కొత్త కేబులింగ్‌ అవసరంపై స్పష్టత ఇవ్వాలని కోరుతున్నారు. 2018 భూమి ఆదాయం ఏది? 2018లో బీచ్‌ రోడ్డులోని సుమారు రెండు ఎకరాల ఏయూ భూమిని వుడాకు యుద్ధ విమానాల మ్యూజియం కోసం కేటాయించారని, దాని ద్వారా వచ్చే ఆదాయాన్ని విశ్వవిద్యాలయంతో పంచుకుంటామని అప్పట్లో చెప్పినప్పటికీ ఇప్పటివరకు ఏయూకు ఒక్క రూపాయి కూడా అందలేదని ఆరోపిస్తున్నారు. గతంలో ఇచ్చిన భూముల ప్రయోజనాలపై స్పష్టత లేకుండానే మరో విలువైన భూమిని కేటాయించే ప్రతిపాదనపై సమాధానం ఇవ్వాలని కోరుతున్నారు. నిర్ణయాలపై పారదర్శకత అవసరం ఏయూ భూముల కేటాయింపులు, భారీ నిర్మాణాలు, ఖర్చుల విషయంలో విశ్వవిద్యాలయా నికి కలిగే ప్రయోజనాలను బహిరంగంగా వెల్లడించాలని పూర్వ విద్యార్థులు, విద్యావేత్తలు కోరుతున్నారు. విలువైన ఆస్తులను కాపాడటంతో పాటు అనవసర వ్యయాలను నివారించాలని విజ్ఞప్తి చేస్తున్నారు.

అనకాపల్లి: జాతీయ రహదారి మారేడుపూడి పంచాయతీ సర్వే నంబర్‌ 357లో ప్రభుత్వ స్థలాల్లో కూటమి పాలనలో కబ్జాల పర్వం కొనసాగుతోంది. మారేడుపూడీ బీసీ కాలనీలో ఇప్పటికే ప్రభుత్వ స్థలాలను అక్రమించి, రెండు, మూడు అంతస్తుల భవనాలు నిర్మించారు. మరికొన్ని గృహాలు పక్కన ఉన్న ప్రభుత్వ స్థలంలో ముందుగా టార్పాలిన్లు కట్టి, మొక్కలు నాటి కొన్ని రోజులు గడిచిన తరువాత ప్రభుత్వ స్థలాన్ని దర్జాగా కబ్జా చేసి, గృహాల నిర్మాణానికి చర్యలు చేపడుతున్నారు. ఆదివారం మారేడుపూడి బీసీ కాలనీలో ముగ్గురు ప్రభుత్వ ఉద్యోగుల్లో ఒక వ్యక్తి పదవీ విరమణ చెందగా మరో ఇద్దరు ప్రభుత్వ శాఖలో పనిచేస్తూ దర్జాగా ప్రభుత్వ స్థలాన్ని అక్రమించి, ప్రహరీ గోడ నిర్మాణ పనులు చేపడుతున్నారు. గోడకు అడ్డంగా ఎర్రటి సైడ్‌వాల్‌ను నిర్మించి, దానికి అనుకుని సుమారుగా నాలుగు సెంట్లలో ప్రహరీ గోడ నిర్మాణం జరుగుతుంది. విషయం తెలుసుకున్న స్థానిక వీఆర్వో సంఘటన స్థలానికి చేరుకుని ప్రభుత్వ స్థలంలో ప్రహరీ గోడ నిర్మించవద్దని కోరగా అక్కడే నిర్మాణం చేపడుతున్న ప్రభుత్వ ఉద్యోగులు వీఆర్వో, వీఆర్‌ఏలపై దురుసుగా ప్రవర్తించారని స్థానిక ప్రజలు ఆవేదన వ్యక్తం చేస్తున్నారు. ప్రభుత్వ స్థలాల్లో రెవెన్యూ అధికారులు బోర్డులను ఏర్పాటు చేయాలని స్థానిక ప్రజలు సూచిస్తున్నారు. ఈ విషయంలో ఉన్నత స్థాయి రెవెన్యూ అధికారులు ప్రత్యేక చర్యలు చేపట్టాలని ప్రజలు కోరుతున్నారు.

నర్సీపట్నం: మున్సిపాలిటీ పరిధి పెదబొడ్డేపల్లి థెరిస్సా కాలనీకి చెందిన కృష్ణ ఓ గ్యాస్‌ ఏజెన్సీలో వినియోగదారుడుగా ఉన్నాడు. అతనికి గ్యాస్‌ అవసరమై పది వారం రోజుల క్రితం బుక్‌ చేసుకున్నారు. ఐదు రోజులు కావస్తున్నా.. సిలిండర్‌ రాలేదు. ఇళ్లకు పంపిణీ చేసే బాయ్‌కి ఫోన్‌ చేస్తే స్విచ్‌ ఆఫ్‌ వస్తోంది..డీలరుకు ఫోన్‌ చేస్తే స్పందించడం లేదు. సిలిండరు వస్తుందో..? రాదో..? తేలియక వినియోగదారులు అయోమయానికి గురయ్యాడు. గత్యంతరం లేక సదరు వ్యక్తి గ్యాస్‌ డీలర్‌ కార్యాలయానికి వెళ్లి ఆరా తీస్తే బుకింగ్‌ క్యాన్సిల్‌ అయినట్టు సిబ్బంది చెప్పారు. మరలా బుక్‌ చేసుకోవాలని సూచించారు. గొడౌన్‌కు వచ్చి సిలిండర్‌ తీసుకువెళ్లాలని సూచించారు. విధిలేని పరిస్థితిల్లో ఖాళీ సిలిండర్‌ అప్పగించి నిండిన సిలిండర్‌ తీసుకెళ్లేందుకు ఖరీదు రూ.960 అయితే రూ.వెయ్యి తీసుకున్నారని వినియోగదారుడు వాపోయారు. దందాలో సిబ్బంది పాత్ర గ్యాస్‌ సిబ్బంది సాంకేతికతను వినియోగించుకుని కొత్త తరహాలో దందాకు తెరతీశారు. వినియోగదారులకు తెలియకుండా సిలిండర్లను బుక్‌ చేసి పక్కదారిని వ్యాపారులకు విక్రయిస్తున్నారు. వాస్తవానికి వినియోగదారుడికి గ్యాస్‌ డెలివరీ చేసే సమయంలో ఫోన్‌కు ఓటీపీ వస్తుంది. డెలివరీ బాయ్‌కి ఆ ఓటీపీ చెబితే సిలిండర్‌ అందజేస్తారు. ఇవన్నీ చేయకుండా ఏజెన్సీ సిబ్బంది సాంకేతిక పరిజ్ఞానంతో వాటిని పక్కదారి పట్టిస్తున్నారు. నర్సీపట్నం, రోలుగుంట, గొలుగొండ, నాతవరం, మాకవరపాలెం, కోటవురట్ల మండలాల్లో సుమారు 45 వేల గ్యాస్‌ కనెక్షన్లు ఉన్నాయి. అందులో పేరుకే 500 పైనే వాణిజ్య కనెక్షన్లు ఉన్నాయి. టీ స్టాల్‌ దగ్గర నుంచి పెద్ద హోటళ్ల వరకు వేలల్లో ఉన్నాయి. వీరంతా డొమిస్టిక్‌ సిలిండర్లను వినియోగిస్తున్నారు. ప్రస్తుతం గృహ అవసరాలకు వినియోగించే సిలిండరు రూ.980, వాణిజ్య రకం(19కేజీలు) రూ.3500 ఉంది. ఇటీవల పశ్చిమాసియా యుద్ధం నేపథ్యంలో గ్యాస్‌ కొరత ఏర్పడింది. దీంతో వాణిజ్య సిలిండర్ల సరఫరా సంఖ్యను కుదించారు. వినియోగదారులకు గ్రామాల్లో 45 రోజుల నిబంధన పెట్టారు. దీన్ని అదునుగా తీసుకున్న గ్యాస్‌ ఏజెన్సీ నిర్వాహకులు హోటళ్లు, ఇతర వాణిజ్య అవసరాలకు గృహ వినియోగ సిలిండర్లను అక్రమ మార్గంలో ఒక్కొక్కటి రూ.1800 చొప్పున విక్రయిస్తున్నారు. ప్రస్తుతం కొరత తగ్గింది. కానీ దందాకు అలవాటు పడిన గ్యాస్‌ నిర్వాహకులు వినియోగదారులకు తెలియకుండా వారి పేరుతో బుక్‌ చేసి వ్యాపారులకు రూ.1800 చొప్పున అమ్ముకుంటున్నారు. అదనంగా వసూలు గ్యాస్‌ నిర్వాహకులు సిలిండర్‌ను డోర్‌ డెలివరీ ఇవ్వాల్సి ఉండగా ప్రధాన కూడళ్ల వద్ద వాహనాలను నిలిపి అక్కడికి వచ్చి తీసుకెళ్లాలని చెబుతున్నట్టు ఆరోపణలున్నాయి. అదేమని అడిగితే గోదాము దగ్గరకొచ్చి తెచ్చుకోండి..అంటూ నిర్లక్ష్యంగా సమాధానం చెబుతున్నారని ధర కంటే అదనంగా రూ.100 నుంచి రూ.150 వసూలు చేస్తున్నుట్టు వినియోగదారులు వాపోతున్నారు. ఈ విషయంపై సీఎస్‌డీటీ అశోక్‌ను వివరణ కోరగా బ్లాక్‌లో సిలిండర్లు విక్రయిస్తే ఏజెన్సీ నిర్వాహకులపై చర్యలు తీసుకుంటామన్నారు. డీలర్‌, కార్యాలయం సిబ్బంది వినియోగదారులకు జవాబుదారీగా ఉండాలని, ఫిర్యాదులు అందితే నిర్వాహకులపై చర్యలు తీసుకుంటామని స్పష్టం చేశారు.

రాంబిల్లి: దిమిలి గ్రామానికి చెందిన పౌరాణిక, సాంఘిక, జానపద కళాకారుడు, రిటైర్డు ప్రధానోపాధ్యాయుడు కోవెల వెంకటరావు ఆదివారం మృతి చెందారు. ఆయన గత 8 నెలలుగా అనారోగ్యంతో బాధపడుతున్నారు. ఉపాధ్యాయుడుగా, కళాకారుడుగా ఆయన పేరు సంపాదించారు. వరకట్న వేధింపులు, దేశ భక్తి మేళవింపులతో కట్టుబోలులో శతాబ్దాల క్రితం జరిగిన యధార్ధ ఘటనను బాలసన్యాసమ్మ పేరుతో నాటకాన్ని ఉమ్మడి విశాఖపట్నం , శ్రీకాకుళం, విజయనగరంతో పాటు ఉభయ గోదావరి ఇతర జిల్లాలో ప్రదర్శించారు. ఇందులో ఆయన హీరో చెంచన్న పాత్ర పోషించేవారు. శ్రీకృష్ణాంజనేయ యుద్ధం, సీతారామ కళ్యాణం వంటి పౌరాణిక నాటకాల్లో నటించారు. వెంకటరావు మాస్టారు అంత్యక్రియలు దిమిలిలో నిర్వహించారు. రాంబిల్లి మండల కళాకారుల సంఘం నాయకులు డి.వి. సన్నయ్య తదితరులు సంతాపం వ్యక్తం చేశారు.

సాక్షి, అనకాపల్లి: అనకాపల్లి జిల్లా నూతన పంచాయతీ అఽధికారిగా ఎం.కిరణ్‌కుమార్‌ను నియమిస్తూ ప్రభుత్వ ప్రధాన కార్యదర్శి కాంతిలాల్‌ దండే ఆదివారం ఉత్తర్వు లు జారీ చేశారు. ఇప్పటి వరకూ డీపీఓగా వ్యవహరిస్తున్న సందీప్‌ను అనకాపల్లి జిల్లా పరిషత్‌ డిప్యూటీ సీఈవోగా బదిలీ చేసిన నేపథ్యంలో కొత్త డీపీఓ నియామకం జరిగింది. కిరణ్‌కుమార్‌ ప్రస్తుతం బొబ్బిలి డీఎల్‌డీవోగా విధులు నిర్వహిస్తున్నారు. కాగా అనకాపల్లి డీఎల్‌డీవో మంజులావాణిని ముందుగా డీపీవోగా నియమిస్తూ జారీ చేసిన ఉత్తర్వుల్ని రద్దు చేశారు. కిరణ్‌ కుమార్‌ ఈ వారంలో బాధ్యతలు స్వీకరించే అవకాశం ఉంది.

రోలుగుంట: దళితులకు డీ పట్టా భూములు పునరుద్ధరణ చేయాలంటూ ఆదివారం రావికమతం తహసీల్దార్‌ కార్యాలయం వద్ద అందోళన చేశారుజ. దీనికి సారధ్యం వహించిన సీపీఎం జిల్లా ప్రతినిధి కె.గోవింద మాట్లాడుతూ గర్నికం గ్రామానికి చెందిన సాగులో ఉన్న వారి భూములను రెవెన్యూ రికార్డుల్లో గయాలీ భూములుగా మార్చేశారన్నారు. రీ సర్వే జరగక ముందే వెబ్‌ల్యాండ్‌ రికార్డుల్లో పట్టాదారుగా సాగుదారుగా నమోదు చేసి ఉన్నారన్నారు. రైతు భరోసా, ఎరువులు, విత్తనాలు , బ్యాంకు రుణాలు పొందే వారిని, రీ సర్వే అయిన తరువాత దళిత గిరిజన భూములను అన్యాయంగా ప్రభుత్వం రికార్డుల నుంచి తొలగించిందన్నారు. వారికి అన్నదాత సుఖీభవ వంటి పథకాలు అందడం లేదన్నారు. బ్యాంకు అధికారులు తీసుకున్న రుణాలు తీర్చలేదని, ఒత్తిడి తీసుకురావడంతో ప్రైవేటు వ్యాపారుల నుంచి అప్పులు తీసుకొని బ్యాంకు రుణాలు చెల్లించామని రుణగ్రస్తులు ఆవేదన వ్యక్తం చేశారు. తిరిగి రుణాలు ముంజూరు కావాలంటే వన్‌బీ కాపీ ఇస్తేనే రుణాలు మంజూరు అవుతాయని అధికారులు చెబుతున్నారన్నారు. వన్‌బీ రికార్డులో దళితుల పేర్లు లేవని, 2008లో ఇచ్చిన డీ పట్టాలు ఉన్నాయని తెలిపారు. బ్యాంకు అధికారులు రీ సర్వే అయిన తరువాత పట్టాదారు పాస్‌ పుస్తకాలివ్వాలంటున్నారని, కానీ రెవెన్యూ అధికారులు ఇవ్వడం లేదని ఆవేదన వ్యక్తం చేశారు. తక్షణమే మా భూములు రెవెన్యూ రికార్డుల్లో నమోదు చేసి, పట్టాదార్‌ పాస్‌ బుక్‌లు ఇవ్వాలని, లేకుంటే ఆందోళనకు దిగుతామని కార్యవర్గ సభ్యులు కె.గోవిందరావు, కె.వి.పి.ఎస్‌ జిల్లా నాయకుడు సిహెచ్‌.సూరిబాబు, ఎద్దుల కళ్యాణం తదితరులు పేర్కొన్నారు.

నాతవరం: గత ప్రభుత్వంలో ఏలేరు కాలువకు ప్రైవేట్‌ చానల్‌ (అనుసంధాన కాలువ) నిర్మాణం చేయడంతో ఇటీవల సంభవించిన తుఫాన్ల నుంచి ముంపు ముప్పు తలెత్తలేదు. గతంలో తుఫాన్లు సంభవించినపుడు ఏలేరు కాలువలో నీరు ఉప్పొంగి గండిపడడం జరిగేది. అలాగే కాలువకు ఇరువైపులా ఉన్న గ్రామాలతో పాటు పంట పొలాలు సైతం ముంపునకు గురికావడంతో తీవ్ర నష్టం కలిగించేది. ఈ సమస్య ఉమ్మడి తూర్పుగోదావరి జిల్లా ఏలేశ్వరం ప్రాజెక్టు నుంచి ఉమ్మడి విశాఖపట్నం జిల్లా పరిధిలో ఉన్న ఏలేరు కాలువ 154 కిలోమీటర్లు పొడవునా వెంటాడేది. తుఫాన్లు వచ్చినప్పుడల్లా ఏలేరు కాలువ అధికారులతో పాటు కాలువ సమీపంలో ఉన్న మండలాలు, అధికారులు, గ్రామస్తులు ఏలేరు కాలువ నీటి కారణంగా ఏ సమయంలో ఏప్రమాదం సంభవిస్తుందోనని భయం గుప్పెట్లో కాలం వెళ్లదీసేవారు. గత ప్రభుత్వం ఏలేరు కాలువ ప్రమాద సమయంలో గండి పడకుండా, గ్రామాలు ముంపునకు గురి కాకుండా చర్యలు చేపట్టారు. రూ 2 కోట్లతో ఏలేరు కాలువపై ప్రైవేట్‌ చానల్‌ నిర్మాణం చేపట్టారు. నాతవరం మండలంలో రాజుపేట అగ్రహారం వద్ద తాండవ నదిలోకి నీరు పోయే విధంగా అనకాపల్లి మండలంలో శారద నదిలోకి నీరు పోయే విధంగా ప్రైవేట్‌ చానల్స్‌ నిర్మాణం చేశారు. ఈ చానల్‌ ద్వారా ఏలేరు కాలువలో నీటిని విడుదల చేయడం ద్వారా ఇటీవల కురిసిన వర్షాలకు రెండు జిల్లాల పరిధిలో ఏలేరు కాలువకు ఎక్కడా గండి పడలేదు. అలాగే గ్రామాలకు ముంపునకు గురి కావడం గానీ పంట పొలాలకు ఎలాంటి నష్టం జరగలేదు. నాతవరం మండలంలో 18 కిలోమీటర్ల పొడవునా 12 గ్రామాలు మధ్యలోంచి ఏలేరు కాలువ ప్రవహిస్తుంది. జిల్లాలో నర్సీపట్నం, కోటవురట్ల, మాకవరపాలెం, కశింకోట, అనకాపల్లి, పరవాడ తదితర మండలాల మీదుగా విశాఖపట్నం స్టీల్‌ప్లాంటుకు ఏలేరు కాలువ ద్వారా నీరు ప్రవహిస్తుంది. ముంపు సమస్య తప్పింది ఏలేరు కాలువపై చానల్‌ నిర్మాణం చేయకముందు వర్షం పడినా, కాలువ ఊప్పొంగిన సమయంలో రాత్రి పగలనే తెలియకుండా కాలువపై తిరిగేవాళ్లం. అయినా ఏదో ఒక చోట నీటి ఉధృతికి కాలువ గండిపడడం పంటపొలాలు మునిగిపోవడం, లోతట్టు గ్రామాలు ముంపునకు గురి కావడం జరిగేది. గండి పడిన చోట పనులు చేసేందుకు రూ. లక్షలు ఖర్చు చేసేవాళ్లం. ఇటీవల తుఫాన్లు సమయంలో ఏలేరు కాలువకు ఎక్కడా గండి పడలేదు. పంటపొలాలు, గ్రామాలకు ఎలాంటి ఇబ్బంది లేదు. మేము కూడా కాలువపై ధైర్యంగా తిరుగుతున్నాం. –గోపినాథ్‌, ఏలేరు కాలువ జేఈ భయం గుప్పెట్లో కాలువ సమీప గ్రామాలు

డాబాగార్డెన్స్‌: శ్రీ కనకమహాలక్ష్మి దేవస్థానంలో ఈ నెల 11 నుంచి 20వ తేదీ వరకు శరన్నవరాత్రి ఉత్సవాలు వైభవంగా జరగనున్నాయి. ఈ సందర్భంగా అమ్మవారు వివిధ అలంకరణల్లో భక్తులకు దర్శనమివ్వనున్నారు. 11న ఆదిలక్ష్మి అలంకరణలో దర్శనమిచ్చే అమ్మవారికి లక్ష కుంకుమార్చన నిర్వహించనున్నారు. 12న ధనలక్ష్మిగా అలంకరించి లక్ష చామంతులతో పూజలు చేస్తారు. 13న ధాన్యలక్ష్మి అలంకరణలో దర్శనమివ్వగా, లడ్డూలతో సహస్రనామార్చన నిర్వహిస్తారు. 14న ధైర్యలక్ష్మిగా అలంకరించి తులసీదళాలతో సహస్రనామార్చన చేస్తారు. 15న సంతానలక్ష్మిగా అలంకరించి కలువపూలతో పూజలు నిర్వహిస్తారు. 16న విద్యాలక్ష్మి అలంకరణలో పంచపుష్పార్చన, 17న విజయలక్ష్మి అలంకరణలో గులాబీ పూలతో పూజలు నిర్వహించనున్నారు. 18న గజలక్ష్మి అలంకరణలో దర్శనమివ్వనున్న అమ్మవారికి లక్ష గాజులతో సహస్రనామార్చన చేస్తారు. 19న మహాలక్ష్మి అలంకరణలో శాకాంబరిగా వివిధ రకాల కూరగాయలతో పూజలు నిర్వహిస్తారు. చివరి రోజైన 20న స్వర్ణకవచాలంకరణలో దర్శనమివ్వనున్న అమ్మవారికి 108 పుష్పాలతో స్వర్ణ పుష్పార్చన చేయనున్నారు. రోజువారీ పూజలు ఇలా.. ప్రతిరోజూ ఉదయం 5 గంటలకు పంచామృతాభిషేకం, ఉదయం 9 నుంచి సాయంత్రం 5 గంటల వరకు అష్టలక్ష్మి అలంకరణలో అమ్మవారి దర్శనం కల్పిస్తారు. సాయంత్రం 6 గంటలకు పంచామృతాభిషేకం, రాత్రి 7 గంటల నుంచి సర్వదర్శనాలు ఉంటాయి.

తాటిచెట్లపాలెం: ప్రయాణికులకు సురక్షితమైన తాగునీరు అందేలా ప్రతి వారం తనిఖీలు నిర్వహించాలని సౌత్‌కోస్ట్‌ రైల్వే జనరల్‌ మేనేజర్‌ సందీప్‌ మాధుర్‌ అధికారులను ఆదేశించారు. రైల్వేస్టేషన్లు, కాలనీలు, ఆస్పత్రులు, హెల్త్‌ యూనిట్లు, పాఠశాలలు, కార్యాలయాల్లోని తాగునీటి వసతులను క్రమం తప్పకుండా పరిశీలించాలని సూచించారు. రైల్వే ప్రయాణికులకు అందుతున్న తాగునీటి నాణ్యతపై సౌత్‌కోస్ట్‌ రైల్వే ప్రత్యేక దృష్టి సారించినట్లు తెలిపారు. నాలుగు డివిజన్ల పరిధిలోని స్టేషన్లు, రైల్వే కాలనీలు, ఆస్పత్రులు, పాఠశాలలు, కార్యాలయాల్లో ఆకస్మిక తనిఖీలు చేపట్టడంతో పాటు నీటి నమూనాలను సేకరించి పరీక్షలు నిర్వహించినట్లు చెప్పారు. వారం రోజులు ప్రత్యేక డ్రైవ్‌ గత నెల 25 నుంచి ఈ నెల 1వ తేదీ వరకు నిర్వహించిన ప్రత్యేక డ్రైవ్‌లో సుమారు 70 స్టేషన్ల నుంచి 2,677 నమూనాలు సేకరించి రెసిడ్యువల్‌ క్లోరిన్‌ పరీక్షలు నిర్వహించినట్లు వివరించారు. 82 స్టేషన్ల నుంచి సేకరించిన 226 నమూనాల్లో బ్యాక్టీరియలాజికల్‌ పారామీటర్లను పరీక్షించగా అన్నింటిలోనూ ఫలితాలు సంతృప్తికరంగా ఉన్నాయన్నారు. ఏడు స్టేషన్ల నుంచి సేకరించిన ఏడు నమూనాలను రసాయన పరీక్షలకు పంపగా.. ఆరు నమూనాల ఫలితాలు సంతృప్తికరంగా వచ్చాయని, మరో నమూనా ఫలితం రావాల్సి ఉందని పేర్కొన్నారు. రైల్వే కాలనీల్లో సేకరించిన నమూనాల ఫలితాలు కూడా సంతృప్తికరంగా ఉన్నాయన్నారు. రైల్వే అధికారులు, సూపర్‌వైజర్లు ఆయా ప్రాంతాలను వ్యక్తిగతంగా పరిశీలించాలని, క్రమం తప్పకుండా ఆకస్మిక తనిఖీలు చేపట్టాలని జీఎం ఆదేశించారు.

డాబాగార్డెన్స్‌: విశాఖలో ఏర్పాటు చేస్తున్న ఏఐ డేటా సెంటర్ల వల్ల ప్రజలకు, పర్యావరణానికి తీవ్ర ముప్పు పొంచి ఉందని ఫ్రీ సాఫ్ట్‌వేర్‌ మూవ్‌మెంట్‌ ప్రతినిధి ఫణీంద్ర పేర్కొన్నారు. డాబాగార్డెన్స్‌లోని అల్లూరి విజ్ఞాన కేంద్రంలో ఆదివారం నిర్వహించిన మానవ హక్కుల వేదిక (హెచ్‌ఆర్‌ఎఫ్‌) 10వ జిల్లా మహాసభలో ఆయన మాట్లాడారు. 8 గిగావాట్ల ఏఐ డేటా సెంటర్ల నిర్వహణకు 40 గిగావాట్ల సోలార్‌ విద్యుత్‌, 5 టీఎంసీల నీరు అవసరమవుతుందన్నారు. పోలవరం నీటిని డేటా సెంటర్లకు తరలించే ప్రయత్నాలు జరుగుతున్నాయని ఆరోపించారు. డేటా సెంటర్లతో 1.8 లక్షల ఉద్యోగాలు వస్తాయని తొలుత ప్రచారం చేసి, ఆ తర్వాత ఆ సంఖ్యను 10 వేల నుంచి 20 వేల వరకు తగ్గించారని మండిపడ్డారు. పర్యావరణ అనుమతులు తొమ్మిది రోజుల్లోనే ఇచ్చారని, ప్రజాభిప్రాయ సేకరణ లేకుండానే ప్రాజెక్టులను ముందుకు తీసుకెళ్తున్నారని ఆగ్రహం వ్యక్తం చేశారు. ఏజెన్సీ ప్రాంతాల్లో పంప్‌డ్‌ స్టోరేజీ హైడ్రో ప్రాజెక్టుల పేరుతో అడవుల విధ్వంసం, గ్రామాల తరలింపు జరుగుతుందని ఆందోళన వ్యక్తం చేశారు. ఒకవైపు గ్రీన్‌ ఎనర్జీ అంటూనే శ్రీకాకుళంలో 3,200 మెగావాట్ల థర్మల్‌ విద్యుత్‌ కేంద్రం ఏర్పాటు చేస్తున్నారని మండిపడ్డారు. అనంతరం ఏఐ డేటా సెంటర్ల వల్ల ఎదురయ్యే ప్రమాదాలపై రూపొందించిన షార్ట్‌ఫిల్మ్‌ను ప్రదర్శించారు. హెచ్‌ఆర్‌ఎఫ్‌ ప్రతినిధి కె.అనురాధ అధ్యక్షతన జరిగిన కార్యక్రమంలో రాష్ట్ర ప్రధాన కార్యదర్శి వై.రాజేష్‌, తెలుగు రాష్ట్రాల సమన్వయ కమిటీ సభ్యుడు వీఎస్‌ కృష్ణ, ప్రతినిధులు సుధ, శరత్‌, ప్రజాసంఘాల ప్రతినిధులు పాల్గొన్నారు.

రావికమతం: మండలంలోని గర్నికం గ్రామంలో వ్యాపారి బండారు అచ్చుతరావు(60) ఇంటి ఆవరణలో ఆదివారం ఒంటిపై పెట్రోల్‌ పోసుకొని ఆత్మహత్యకు పాల్పడ్డారు. భార్య రమాదేవి ఫిర్యాదు మేరకు రావికమతం పోలీసులు కేసు నమోదు చేశారు. ఘటనపై ఎస్‌ఐ రఘువర్మ, స్థానికులు తెలిపిన వివరాలిలా ఉన్నాయి. బండారు అచ్చుతరావు (60) కొంతకాలంగా తీవ్ర అనారోగ్య సమస్యలతో బాధపడుతున్నాడు. అప్పుల వ్యవహారంలో మనస్థాపం చెంది ఆదివారం సాయంత్రం ఇంట్లో ఎవరూ లేని సమయంలో అచ్చుతరావు ఇంటి ఆవరణలో ఒంటిపై పెట్రోల్‌ పోసుకొని నిప్పంటించుకున్నాడు. మంటలు వ్యాపించి కలు వేయడంతో చుట్టుపక్కల వారు వెళ్లి చూసేసరికే శరీరం అంతా 80 శాతం వరకు కాలిపోయి మృతి చెందాడు. స్థానికులు 100కు ఫోన్‌ చేసి సమాచారం అందించారు. అచ్చుతరావుది వ్యాపార కుటుంబం. ఆయనకు భార్య రమాదేవి, కుమారుడు వెంకటేష్‌, కుమార్తె రామలక్ష్మి ఉన్నారు. కొడుకు, కూతురుకి వివాహం అయింది. గతంలో అచ్చుతరావు ఫ్యాన్సీ వ్యాపారం నిర్వహించేవారు. ప్రసుత్తం అతడి కుమారుడు బంగారు దుకాణం నిర్వహిస్తున్నాడు. మృతుడి భార్య ఫిర్యాదు మేరకు ఎస్‌ఐ రఘువర్మ పోలీస్‌ సిబ్బందితో కలిసి ఘటనా స్థలానికి వెళ్లి పరిశీలించారు. గర్నికం వీఆర్వో ప్రసాద్‌, వీఆర్‌ఏ సాయి, కుటుంబ సభ్యుల సమక్షంలో సంఘటనపై ఆరా తీశారు. కేసు నమోదు చేశారు. సోమవారం శవ పంచనామా నిర్వహించి మృతదేహాన్ని పోస్టుమార్టంకు తరిలిస్తామని ఎస్‌ఐ తెలిపారు.

ఎంపికై న ప్రభుత్వ పాఠశాలల విద్యార్థినులు నర్సీపట్నం : ఉమ్మడి జిల్లాల స్కూల్‌ గేమ్స్‌ రెజ్లింగ్‌ సెలెక్షన్‌ పోటీలు శనివారం అల్లూరి జల్లా కొయ్యూరు ఆశ్రమ స్కూల్‌లో జరిగాయి. పోటీల్లో ప్రతిభ కనబరిచిన జెడ్పీ హైస్కూల్‌ నుంచి మద్దిల కావ్య, సియాద్రి త్రివేణి, ఉపాటి మహాలక్ష్మి, వంతల నల్లి, జెడ్పీ బాలికల హైస్కూల్‌ నుంచి సకిరెడ్డి హరిణి, గవర్నమెంట్‌ హైస్కూల్‌ నుంచి నిహాల్‌ మొదటి స్థానంలో నిలిచారు. వీరంతా ఈ నెల 10 నుంచి 12వ తేదీ వరకు పల్నాడు జిల్లాలో జరి గే రాష్ట్ర స్థాయి రెజ్లింగ్‌ పోటీల్లో పాల్గొంటారని శాప్‌ కోచ్‌ అబ్బు తెలిపారు.

నర్సీపట్నం: ఎంప్లాయీస్‌ హెల్త్‌ స్కీమ్‌ బకాయిలు పేరుకుపోవడంతో ఉపాధ్యాయులు, ఉద్యోగులకు ఆస్పత్రుల్లో వైద్య సేవలు అందటం లేదని ఉపాధ్యాయ ఎమ్మెల్సీ గాదె శ్రీనివాసులనాయుడు వాపోయారు. శనివారం నర్సీపట్నంలో ఆయన మాట్లాడుతూ ఈ విషయాన్ని సీఎం చంద్రబాబునాయుడు దృష్టికి తీసుకెళ్లడంతో ప్రభుత్వ వాటా, ఉపాధ్యాయుల వాటాను నేరుగా ఎన్టీఆర్‌ ట్రస్ట్‌కు జమయ్యేటట్లు ఉత్తర్వులు ఇచ్చారన్నారు. పది రోజుల్లో హాస్పిటళ్లకు బిల్లులు చెల్లింపులు జరుగుతాయన్నారు. ఉద్యోగ సంఘాల చెల్లింపుల్లో 15 శాతం డిడక్షన్‌ చేసినట్లయితే అన్‌లిమిటెడ్‌ వైద్య సదుపాయాలు పొందేందుకు అవకాశం ఉంటుందన్నారు. ఈ అంశం ప్రభుత్వ పరిశీలనలో ఉందన్నారు. ఏకీకృత సర్వీసు రూల్స్‌ ఏర్పాటు మార్గం సుగమమైందన్నారు. స్కూల్‌ అసిస్టెంట్లు హెచ్‌ఎం(గ్రేడ్‌–2) జోనల్‌ క్యాడర్‌లను ఏర్పాటు చేస్తూ ఉత్తర్వులు ఇవ్వడం వల్ల దీర్ఘకాలికంగా పెండింగ్‌లో ఉన్న ఏకీకృత సర్వీసు రూల్స్‌కు మోక్షం లభించిందన్నారు. పీఆర్టీయూ జిల్లా అధ్యక్షుడు డి.గోపీనాథ్‌, జిల్లా అసోసియేషన్‌ అధ్యక్షుడు కురసా రమణ, మండల అధ్యక్షుడు అడిగర్ల వరహాలనాయుడు, జిల్లా కార్యదర్శి శ్రీను తదితరులు పాల్గొన్నారు.

చోడవరం : చెరకు రైతుల ఉసురు తీసింది టీడీపీ కూటమి ప్రభుత్వం. రైతుల బకాయిలకు గ్రాంట్‌ రూపంలో నిధులు ఇచ్చి ఆదుకుంటుందనుకున్న ప్రభుత్వం చివరికి ఫ్యాక్టరీని మూసివేసే దిశగా, అమ్మకానికి అనువుగా ఆదేశాలు ఇచ్చింది. తమ కనుసన్నల్లో ఉన్న రాజకీయ వ్యాపారులకు ఫ్యాక్టరీని అప్పజెప్పేందుకు, ఏపీఐఐసీకి పూర్తి హక్కులు కల్పిస్తూ విడుదల చేసిన జీఓపై రైతు సంఘాలు తీవ్ర ఆగ్రహం వ్యక్తం చేస్తున్నాయి. గెలిస్తే ఫ్యాక్టరీని అభివృద్ధి చేసి టన్నుకి రూ.4వేలు గిట్టుబాటు ధర ఇస్తామని ప్రగల్భాలు పలికిన కూటమి పార్టీల ఎమ్మెల్యేలు, ఎంపీ ఇపుడు రైతులను నిండా మోస ం చేశారన్న విమర్శలు వినిపిస్తున్నాయి. దశాబ్దాలుగా తీపిని పంచి... జిల్లాలో రైతులు చెరకు పంటతో తీపిని పంచి వేలాది మంది రైతులు, కూలీలు, కార్మికులకు జీవనాధారంగా ఉంటుందని 1962లో గోవాడ సుగర్‌ ఫ్యాక్టరీని స్థాపించారు. ఎన్ని ఒడిదుడుకులు వచ్చినా ఎక్కడా చెక్కుచెదరని ఆత్మ విశ్వాసంతో దినదినాభివృద్ధి చెందుతూ 24వేల మంది సభ్యరైతులు, 1500 మంది కార్మికులతో రోజువారీ క్రషింగ్‌ 1000 టన్నుల సామర్థ్యం నుంచి 5.25 లక్షల టన్నుల సామర్‌ాధ్యనికి విస్తరించింది. 2024 క్రషింగ్‌ సీజన్‌ వరకూ 62యేళ్లపాటు నిరాటకంగా పంచదార తయారీతో పాటు కోజనరేషన్‌ ప్లాంట్‌ ఏర్పాటు చేసుకొని కరెంటు ఉత్పత్తి చేసి సొంతానికి ఆ కరెంటును వినియోగిస్తూ మరో 50 లక్షలకు పైబడి యూనిట్లు విద్యుత్‌ను ఏపీఈపీడీసీఎల్‌కు అమ్ముతూ రాష్ట్రంలో అన్ని చక్కెర కర్మాగారాలకు ఒక దిక్సూచిలా గోవాడ సుగర్‌ ఫ్యాక్టరీ ఉండేది. అలాంటి ఫ్యాక్టరీకి 2013లో టీడీపీకి చెందిన పాలకవర్గం వచ్చి ఐదేళ్లపాలనలో సుమారు రూ. 130 కోట్లు వరకూ అప్పుల్లోకి తీసుకెళ్లారు.ఆ రోజు మొదలుకొని ఫ్యాక్టరీ అప్పుల ఊబిలోంచి బయటకు రాలేకపోయింది. ఆదుకున్న వైఎస్సార్‌..ఊపిరి తీస్తున్న చంద్రబాబు 2004లో మహానేత రాజశేఖరరెడ్డి ముఖ్యమంత్రి అయ్యాక చెరకు మద్దతు ధర టన్నుకు అప్పటి వరకూ రూ.750 ఉండే ధరను రూ.1350–1846 పెంచి చెరకు రైతులను ఆదుకున్నారు. తర్వాత 2019లో వై.ఎస్‌.జగన్‌మోహన్‌రెడ్డి ముఖ్యమంత్రి అయ్యాక రూ.90 కోట్లు వరకూ సాయం చేసి రైతులను, ఫ్యాక్టరీని ఐదేళ్లపాటు ఆదుకున్నారు. 2024లో టీడీపీ కూటమి ప్రభుత్వం వచ్చాక ఒక్క రూపాయి కూడా సాయం ఇవ్వకపోగా పూర్తిగా ఫ్యాక్టరీ క్రషింగ్‌నే నిలిపివేశారు. రెండేళ్లుగా ఫ్యాక్టరీ మహాజనసభలు సైతం నిర్వహించలేదు. 2023–24 క్రషింగ్‌ సీజన్‌లో చెరకు సరఫరా చేసిన రైతులకు ఇప్పటి వరకూ చెరకు పేమెంట్స్‌ చేయలేదు.అంతేకాదు కార్మికులకు ఏడాదిగా జీతాలు కూడా ఇవ్వలేదు. రైతులకు కార్మికులకు కలిసి సుమారు రూ.29కోట్లు తక్షణం చెల్లించాల్సి ఉంది. ఇందుకోసం ఏడాదిగా రైతులు, కార్మికులు, రైతు సంఘాలు, ప్రతిపక్షాలు ఆందోళనలు చేస్తూనే ఉన్నాయి. అయినా ఇప్పటికీ బకాయిలు చెల్లించలేదు. కార్మికులకు వీఆర్‌ఎస్‌లు ఇచ్చే దిశగా... ఫ్యాక్టరీని ఏపీఐఐసీకి ఇచ్చేయడం, క్రషింగ్‌ చేయకుండా రెండేళ్లుగా మూసివేయడంతో ఇక కార్మికులు, సిబ్బందిని కూడా ఇంటికి పంపించేందుకు రంగం సిద్ధం చేస్తున్నారు. వెయ్యి మంది కార్మికులు, సిబ్బందితో ఉండే ఈ ఫ్యాక్టరీలో కార్మికులను ఇప్పటికే విధులకు రానవసరంలేదని చెప్పగా పనిచేస్తున్న 50మంది యాజమాన్య సిబ్బందికి బలవంతంగా వీఆర్‌ఎస్‌ ఇచ్చి ఇంటికి పంపించేందుకు రంగం సిద్దం చేశారు. ఫ్యాక్టరీ అమ్మకానికి అంతా సిద్ధం రైతులకు చెల్లించాల్సిన రూ. 28.43 కోట్లు గ్రాంటు రూపంలోనో, వడ్డీలేని అప్పుగానో ఇచ్చి ఫ్యాక్టరీని నడిపించాల్సిన ప్రభుత్వం ఆ దిశగా ఆలోచన చేయలేదు. రైతులు, కార్మికుల పట్ల నిర్లక్ష్య ధోరణితో ప్రభుత్వం ఫ్యాక్టరీని ఏపీఐఐసీకి పూర్తి హక్కులతో అప్పగిస్తూ రూ. 250జీవోను కూడా విడుదల చేసింది. ఏపీఐఐసీ ఇచ్చిన డబ్బులతో రైతులకు బకాయిలు చెల్లిస్తున్నారు. అంటే ఫ్యాక్టరీని అమ్మేసి రైతులకు బకాయి డబ్బులు ఇస్తున్నారే తప్ప ప్రభు త్వం ఒక్క రూపాయి కూడా సాయం చేయలేదు. దీంతో 64యేళ్ల చరిత్ర ఉన్న గోవాడ సుగర్‌ ఫ్యాక్టరీ ఇక చరిత్రలో ఒక అధ్యాయంగా మిగిపోనుందనేది స్పష్టమవుతోంది. ఫ్యాక్టరీ అమ్మకాన్ని అడ్డుకుంటాం: రైతు సంఘాలు, ప్రతిపక్షాలు చెరకు రైతుల సమస్యలు పట్టించుకోకుండా ప్రభుత్వం తీసుకున్న నిర్ణయాన్ని అఖిలపక్ష పార్టీలు, రైతు సంఘాలు తీవ్రంగా వ్యతిరేకిస్తున్నాయి. 24వేల మంది చెరకు రైతులు, కార్మికుల జీవితాలతో చెలగాడం ఆడితే సహించేది లేదని వారంతా ధ్వజమెత్తుతున్నారు. ఫ్యాక్టరీని మూసివేసి అమ్మేసే పరిస్థితి తెస్తే ఉద్యమానికి దిగుతామని ఇప్పటికే వైఎస్సార్‌సీపీ, సీపీఐ, సీపీఎం, చెరకు రైతు సంఘాలు, కార్మిక, రైతు కూలీసంఘాలు ప్రభుత్వానికి అల్టిమేటం ఇచ్చాయి. గోవాడ సుగర్‌ ఫ్యాక్టరీఎన్నికల నాటి మాటలు.. నీటి మూటలు ఎన్నికల ముందు చంద్రబాబు, పవన్‌కల్యాణ్‌, లోకేష్‌, స్థానిక ఎంపీలు, ఎమ్మెల్యేలు అంతా ఫ్యాక్టరీని ఆదుకుంటాం. ఆధునికీకరిస్తాం, చెరకు రైతులకు టన్నుకి రూ. 4వేటు గిట్టుబాటు ధర ఇస్తామని అనేక హామీలు ఇచ్చారు. వారంతా ఇప్పుడు ఫ్యాక్టరీపై నోరు మెదపడం లేదు. చోడవరం ఎమ్మెల్యే కె.ఎస్‌.ఎన్‌.ఎస్‌ రాజు ఏకంగా చెరకు బదులు ప్రత్యామ్నాయంగా మొక్కజొన్న వేసుకోండంటూ రైతులకు బహిరంగంగానే చెబుతున్నారు. ఇప్పుడు ఫ్యాక్టరీ మూతబడిపోయినా ప్రభుత్వంపై ఎటువంటి ఒత్తిడి తీసుకురాకుండా ఇటు రైతులకు , కార్మికులకు తీవ్ర అన్యాయమే చేశారు. క్షేత్రస్థాయిలో ఫ్యాక్టరీని నమ్ముకొని చెరకు పండించిన 24వేల మంది రైతులు, కార్మికుల మనుగడ ఏమిటనే ఆలోచన కూడా ప్రభుత్వం చేయకపోవడంపై రైతులు ఆగ్రహంతో ఉన్నారు.తీయని మాటలతో.. నిండా ముంచారుఫ్యాక్టరీ గేటు వద్ద రైతులు, కార్మికుల ఆందోళన (ఫైల్‌)

అచ్యుతాపురం రూరల్‌ : వెదురువాడ మరిడిమాంబ కాలనీలో శుక్రవారం రాత్రి చోరీ జరిగింది. తెన్నేటి మోహన్‌రావు ఆయన భార్య లక్ష్మి నివాసం ఉంటున్న ఇంట్లోకి దొంగలు చొరబడి నాలుగు తులాల బంగారం, రూ.70వేల నగదు అపహరించారు. భార్యాభర్తలు శనివారం స్థానిక పోలీస్‌స్టేషన్‌లో ఇచ్చిన ఫిర్యాదుపై కేసు నమోదు చేసినట్టు ఎస్‌ఐ సుధాకర్‌ తెలిపారు. వివరాల్లోకి వెల్తే భార్యాభర్తలు సమీపంలోని అల్లుడి ఇంటికి వెళ్లి అక్కడే నిద్రించి, శనివారం ఉదయం ఇంటికి చేరుకునే సరికి చోరీ జరిగిన విషయం గుర్తించారు. మోహన్‌రావు అచ్యుతాపురం అయ్యప్పస్వామి ఆలయంలో అర్చకునిగా సేవలందిస్తున్నారు. సీఐ చంద్రశేఖర్‌రావు ఆధ్వర్యంలో క్లూస్‌, క్రైమ్‌ టీమ్‌లు ఆధారాలు సేకరిస్తున్నట్టు తెలిపారు. మరో మూడిళ్లలో...యలమంచిలి రూరల్‌ : పట్టణంలోని ఓరుగంటి వారి వీధి, న్యూ స్టేట్‌ బ్యాంక్‌ కాలనీల్లో శనివారం తెల్లవారుజామున పలు ఇళ్లలో చోరీలు జరిగాయని స్థానికులు తెలిపారు. ఓరుగంటి వారి వీధికి చెందిన చెక్క వాసుమాంబ ఇటీవల శ్రీశైలం తీర్థయాత్రకు వెళ్లారు. శనివారం సాయంత్రం 4 గంటల సమయంలో తిరిగి ఇంటికి చేరుకున్నపుడు ఇంటి తాళాలు పగులగొట్టి తలుపులు తెరిచి ఉన్నట్టు గమనించారు. ఇంట్లోకి వెళ్లి చూడగా బీరువా పగులగొట్టి అందులో భద్రపరచిన 5 తులాల బంగారు, కిలో వెండి వస్తువులు అపహరణకు గురైనట్టు గుర్తించి పట్టణ పోలీసులకు ఫిర్యాదు చేశారు. ఈ మేరకు కేసు నమోదు చేసినట్టు పట్టణ ఎస్‌ఐ సావిత్రి తెలిపారు. న్యూ స్టేట్‌ బ్యాంక్‌ కాలనీలో మళ్ల కన్నారావు, పద్మావతి ఇళ్లలో కూడా చోరీలు జరిగాయి. పట్టణ ఎస్‌ఐ సావిత్రి, జిల్లాకు చెందిన క్లూస్‌ టీం బృందం చోరీ జరిగిన ఇళ్లను పరిశీలించి, ఆధారాలు సేకరించారు. చోరీలు జరిగిన ఇళ్లన్నీ తాళం వేసి ఉన్నవే. ఆయా ఇళ్లలో వారు ఇతర ప్రాంతాలకు వివిధ పనులపై వెళ్లినట్టు తెలుస్తోంది.

అనకాపల్లి : రానున్న స్థానిక సంస్థల ఎన్నికల్లో పోటీకి వైఎస్సార్‌సీపీ సిద్ధంగా ఉందని మాజీ ఉప ముఖ్యమంత్రి బూడి ముత్యాలనాయుడు స్పష్టం చేశారు. అనకాపల్లిలోని పార్టీ కార్యాలయంలో శనివారం పార్టీ జిల్లా అధ్యక్షుడు బొడ్డేడ ప్రసాద్‌ అధ్యక్షతన జరిగిన జిల్లా ముఖ్య నాయకుల సమావేశంలో స్థానిక సంస్థల ఎన్నికల విషయమై చర్చించి ప్రసంగించారు. హైకోర్టు తీర్పు నేపథ్యంలో స్థానిక సంస్థల ఎన్నికలకు ఏ క్షణాన్నైనా ప్రకటన వెలువడవచ్చునన్నారు. ఇందుకు రాష్ట్ర ప్రభుత్వం, ఎన్నికల సంఘం సమాయత్తం అవుతున్నాయన్నారు. గత వైఎస్సార్‌సీపీ ప్రభుత్వంలో స్థానిక ఎన్నికల్లో ఎటువంటి అరాచకాలు చేయలేదన్నారు. కానీ కూటమి పాలనలో రెండున్నరేళ్లలో ఇచ్చిన హామీలేవీ నెరవేర్చలేకపోయారన్నారు. దీంతో గెలుస్తామనే నమ్మకం లేక స్వేచ్ఛగా ఎన్నికలు జరపకుండా ఏదో విధంగా అరాచకాలు చేసి, తప్పుడు కేసులతో స్థానిక ఎన్నికల్లో కూటమి ప్రభుత్వం గెలవాలని చూస్తోందని విమర్శించారు. ప్రభుత్వం ఎన్ని అరాచకాలు చేసినా, కేసులు పెట్టాలని, పోలీసులతో ఇబ్బందులు కలిగిస్తున్నా వెరవకుండా స్థానిక ఎన్నికల్లో పోటీ చేయడానికి సిద్ధంగా ఉన్నామన్నారు. పార్టీ శ్రేణులు పోటీకి సమాయత్తం చేశామన్నారు. ఈ విషయమై పార్టీ అధినేత వై.ఎస్‌.జగన్‌మోహన్‌రెడ్డి స్థానిక ఎన్నికలకు సమాయత్తంపై దిశానిర్దేశం చేశారన్నారు. స్థానిక ఎన్నికల్లో జిల్లా సమస్యలతో పాటు ఆయా నియోజకవర్గాల్లోను, మండలాల్లోని సమస్యలు, ప్రభుత్వ వైఫల్యాలను క్రోడీకరించి ఎన్నికల ప్రచారంలో దిగువ స్థాయి వరకు తీసుకెళ్లాలన్నారు. చోడవరం, మాడుగులకు సంబంధించి నడుస్తున్న గోవాడ సుగర్‌ ఫ్యాక్టరీని పూర్తి స్థాయిలో మూతపడే స్థితికి ఏ విధంగా తీసుకెళ్లారనే విషయాన్ని తీసుకెళ్లాలన్నారు. యలమంచిలిలో పంచదార్ల సమస్యను తీసుకు వచ్చారన్నారు. ఇలా నియోజక వర్గాల్లో ప్రభుత్వ వైఫల్యాలను ఎండగట్టాలన్నారు. ఎప్పుడు ఎన్నికలు వచ్చినా సిద్ధంగా ఉండాలని, విజయమే లక్ష్యంగా కలసికట్టుగా పని చేయాలని పార్టీ నాయకులు, శ్రేణులకు పిలుపు నిచ్చారు. పశ్చిమగోదావరి జిల్లా వైఎస్సార్‌సీపీ రీజనల్‌ కో–ఆర్డినేటర్‌, మాజీ మంత్రి గుడివాడ అమర్‌నాథ్‌, పార్టీ పార్లమెంటు పరిశాలకురాలు శోభా హైమావతి నియోజక వర్గాల పార్టీ సమన్వయకర్తలు కరణం ధరశ్రీ(యలమంచిలి), పెట్ల ఉమాశంకర్‌ గణేష్‌ (నర్సీపట్నం), కంబాల జోగులు (పాయకరావుపేట), అన్నంపురెడ్డి అదీప్‌రాజ్‌(పెందుర్తి) సమావేశంలో పాల్గొన్నారు. ఈ కార్యక్రమంలో వైఎస్సార్‌సీపీ ఉత్తరాంధ్ర జిల్లాల మహిళా విభాగం వర్కింగ్‌ అధ్యక్షురాలు ఈర్లె అనురాధ, పార్లమెంట్‌ పరిశీలకురాలు శోభా హైమావతి, మాజీ ఎంపీ బి.వి.సత్యవతి, వివిధ నియోజకవర్గాల పరిశీలకులు పి.సతీష్‌వర్మ, చిక్కాల రామారావు, దంతులూరి దిలీప్‌కుమార్‌, గండి రవి, పార్టీ పట్టణ అధ్యక్షుడు మందపాటి జానకీరామరాజు, నియోజకవర్గ యువజన విభాగం అధ్యక్షుడు జాజుల రమేష్‌ పాల్గొన్నారు.

తుమ్మపాల : జాతీయ గ్రామీణ ఉపాధి హామీ పథకంలో పనిచేస్తున్న ఫీల్డ్‌ అసిస్టెంట్లకు కనీస వేతనం రూ.26 వేలు ఇవ్వాలని, ఉద్యోగ భద్రత కల్పించాలని డిమాండ్‌ చేస్తూ కలెక్టరేట్‌ వద్ద ఏపి ఫీల్డ్‌ అసిస్టెంట్‌ జాయింట్‌ యాక్షన్‌ కమిటీ, సీఐటీయు ఆధ్వర్యంలో ఫీల్డ్‌ అసిస్టెంట్లు ఆందోళన చేసి జాయింట్‌ కలెక్టర్‌ శౌర్యమాన్‌ పటేల్‌కు వినతిపత్రం అందించారు. ఈ సందర్భంగా సీఐటీయు జిల్లా అధ్యక్షులు వి.వి.శ్రీనివాసరావు, జిల్లా కోశాధికారి గనిశెట్టి సత్యనారాయణ, ఫీల్డ్‌ అసిస్టెంట్‌ యూనియన్‌ నాయకులు కె.సూర్యనారాయణ, గోవిందు మాట్లాడుతూ ఉపాధి హామీ పథకంలో గత 19 సంవత్సరాల నుంచి పని చేస్తున్న ఫీల్డ్‌ అసిస్టెంట్లకు కేవలం రూ.5,745 వేతనంతో బతుకుతున్నారని ప్రభుత్వాలకు ఎన్నిసార్లు విన్నవించిన తమకు కనీస వేతనాలు అమలు చేయడకుండా తాత్సారం చేస్తున్నాయన్నారు. తమకు పెరుగుతున్న ధరలకు అనుగుణంగా కనీస వేతనం ఇవ్వాలని, ఫీల్డ్‌ అసిస్టెంట్లపై రాజకీయ జోక్యం పెరిగి తొలగింపులకు పాల్పడుతున్నారని, ఎటువంటి ఉద్యోగ భద్రతా లేకపోవడంతో ఉద్యోగులు అవస్థలు పడుతున్నారని అన్నారు. రాష్ట్రంలో కూటమి ప్రభుత్వం వచ్చిన తర్వాత సమస్యలు పరిష్కారం అవుతాయని ఆశించిన ఫీల్డ్‌ అసిస్టెంట్లకు గత రెండున్నర సంవత్సరాలుగా ఎటువంటి న్యాయం జరగకపోగా, పెద్ద ఎత్తున అన్యాయంగా అక్రమ తొలగింపులకు పాల్పడ్డారని, ఇలాంటి పరిస్థితులను తట్టుకోలేక కొంత మంది ఫీల్డ్‌ అసిస్టెంట్లు ఆత్మహత్యలు కూడా పాల్పడ్డారని అన్నారు. ఫీల్డ్‌ అసిస్టెంట్లకు ఉద్యోగ భద్రత కల్పించాలని డిమాండ్‌ చేశారు. తమ సమస్యలు పరిష్కారానికి ప్రభుత్వం స్పందించకపోతే తమ ఆందోళన మరింత ఉధృతం చేస్తామనిహెచ్చరించారు. ఈ నిరసన అనంతరం జాయింట్‌ కలెక్టర్‌కు వినతిపత్రం సమర్పించారు.

రాష్ట్రస్థాయి పోటీలకు ఎంపికై న వారిని అభినందిస్తున్న తహసీల్దార్‌ ప్రసాదరావు, పీడీ నూకరాజు కొయ్యూరు: ఉమ్మడి విశాఖ జిల్లా 70వ భారత పాఠశాల సమాఖ్య కుస్తీ పోటీలు శనివారం కొయ్యూరు బాలుర ఆశ్రమ పాఠశాల–1లో ఘనంగా నిర్వహించారు. తహశీల్దారు ప్రసాదరావు ఈ పోటీలను ప్రారంభించారు. అండర్‌–14, 17, 19 విభాగాలలో నిర్వహించిన ఈ పోటీలకు ఉమ్మడి జిల్లా వ్యాప్తంగా మొత్తం 160 మంది విద్యార్థులు హాజరయ్యారు. ప్రతిభ కనబరిచిన క్రీడాకారులు రాష్ట్రస్థాయి పోటీలకు ఎంపికయ్యారు. అండర్‌–14కు 10 మంది బాలురు, 10 మంది బాలికలు, అండర్‌–17కు 20 మంది బాలురు, 10 మంది బాలికలు, అండర్‌ 19కు 6 మంది బాలురు, 7 మంది బాలికలు చొప్పున 63 మంది క్రీడాకారులు రాష్ట్రస్థాయి పోటీలకు అర్హత సాధించినట్లు కొయ్యూరు కుస్తీ అకాడమీ కోచ్‌, పీడీ అంబటి నూకరాజు తెలిపారు. ఎంపికై న విద్యార్థులకు ఈ నెల 11 నుంచి 13 వరకు పల్నాడు జిల్లా (ఎన్టీఆర్‌ జిల్లా పరిధి)లో జరిగే రాష్ట్రస్థాయి పోటీలలో పాల్గొంటారని వెల్లడించారు.

చోడవరం: విద్యార్థుల ఫీజు రీయింబర్స్‌మెంటు, స్కాలర్‌ షిప్‌ బకాయిలు వెంటనే విడుదల చేయాలని పీడీఎస్‌వో రాష్ట్ర ప్రధాన కార్యదర్శి ఎ. సురేష్‌ డిమాండ్‌ చేశారు. ప్రగతిశీల ప్రజాస్వామ్య విద్యార్థి సంస్థ (పీడీఎస్‌వో) జిల్లా మహాజన సభ చోడవరంలో శనివారం జరిగింది. ఈ సందర్భంగా సురేష్‌ మాట్లాడుతూ విద్యార్థులకు రూ. 7 వేల కోట్లు ప్రభుత్వం చెల్లించాల్సి ఉందన్నారు. ధరలకు అనుగుణంగా హాస్టల్‌ విద్యార్థులకు మెస్‌ చార్జీ రూ. 3 వేలకు పెంచాలని, ఖాళీగా ఉన్న వార్డెన్స్‌, కుక్స్‌, కమాటీ, వాచ్‌మెన్‌ పోస్టులను వెంటనే భర్తీ చేయాలని డిమాండ్‌ చేశారు. హాస్టళ్లకు సొంత భవనాలు నిర్మాణానికి నిధులు మంజూరు చేయాలని, విద్యార్థులకు దుప్పట్లు, దోమతెరలు ఇవ్వాలన్నారు. జనసాహితీ జిల్లా కార్యవర్గ సభ్యుడు గౌరీశంకర్‌ మాట్లాడుతూ నీట్‌ వంటి అత్యున్నత పరీక్షల్లో సైతం పేపర్‌ లీకేజీలు జరిగితే విద్యార్థుల భవిష్యత్‌ ఏంటని ప్రశ్నించారు. అటువంటి పేపర్‌ లీకేజీలు జరగకుండా ప్రభుత్వం చర్యలు తీసుకోవాలన్నారు. సమావేశానికి ముందు మెయిన్‌రోడ్డుపై విద్యార్థులంతా భారీ ర్యాలీ నిర్వహించారు. చోడవరం, నర్సీపట్నం, ఎలమంచిలి ప్రాంతాల్లో బడిబస్సులు సకాలంలో లేక విద్యార్థులు ఇబ్బందులు పడుతున్నారని, వెంటనే బడిబస్సులు నడపాలని, అనకాపల్లిలో ప్రభుత్వం డిగ్రీ కాలేజీ ఏర్పాటు చేయాలని, నిరుద్యోగుల ఆకలి చావులు ఆగాలంటే ఉద్యోగ, ఉపాధి అవకాశాలు మెరుగుపర్చాలని తీర్మానాలు చేశారు. కార్యక్రమంలో పీడీఎస్‌వో రాష్ట్ర, జిల్లా ప్రతినిధులు ఎస్‌. రుద్రి, నందారపు భాస్కరరావు, బి. రాజేష్‌, కారే మణికుమార్‌, గౌతం కుమార్‌, పి. సాయి పాల్గొన్నారు. ఈ సందర్భంగా సంస్థ నూతన జిల్లా కార్యవర్గాన్ని ఎన్నుకున్నారు.

తుమ్మపాల : స్వచ్చాంధ్ర–స్వర్ణాంధ్ర కార్యక్రమంలో భాగంగా జిల్లాకు నాలుగు రాష్ట్ర స్థాయి అవార్డులు రావడం ఆనందంగా ఉందని కలెక్టర్‌ విజయ కృష్ణన్‌ ఒక ప్రకటనలో తెలిపారు. జిల్లాను అభివృద్ధి పథంలో నడిపించేందుకు నిరంతరం కృషి చేస్తామని, వచ్చే ఏడాది మరిన్ని అవార్డులు జిల్లాకు వచ్చేలా పనిచేస్తామని తెలిపారు. గాంధీ జయంతి సందర్భంగా శుక్రవారం విజయవాడ ఏ కన్వెన్షన్‌ సెంటర్‌లో నిర్వహించిన స్వచ్చాంధ్ర–స్వర్ణాంధ్ర కార్యక్రమంలో ముఖ్యమంత్రి చేతుల మీదుగా జిల్లా అధికారులకు అవార్డులను ప్రదానం చేసినట్లు ఆమె తెలిపారు. 50 వేలలోపు జనాభా కలిగిన మున్సిపాలిటీల కేటగిరీలో యలమంచిలి మున్సిపాలిటీ స్వచ్ఛ మున్సిపాలిటీగా ఎంపికై నందున అవార్డును మున్సిపల్‌ కమిషనర్‌ ప్రసాద్‌ రాజు అందుకున్నారు. గ్రామ పంచాయతీల కేటగిరీలో అనకాపల్లి మండలం మార్టూరు గ్రామపంచాయతీ స్వచ్ఛ గ్రామపంచాయతీగా ఎంపికై ందున అవార్డును అనకాపల్లి ఎంపీడీవో ఆశాజ్యోతి, పంచాయతీ కార్యదర్శి శ్రీనివాసరావు అందుకున్నారు. స్వచ్ఛ హాస్పిటల్‌ కేటగిరీలో అనకాపల్లి జీఏడీ ఆసుపత్రి ఎంపికై నందున ఆసుపత్రి తరఫున ఆయుష్‌ డాక్టర్‌ లావణ్య పురస్కారాలను అందుకున్నారు. స్వచ్ఛ హాస్టల్స్‌ కేటగిరీలో తాండవ ప్రభుత్వ గిరిజన సంక్షేమ ఆశ్రమ బాలికల పాఠశాల స్వచ్ఛ హాస్టల్‌ అవార్డును పాఠశాల హెచ్‌ఎం విమలకుమారి, సంక్షేమ అధికారి మంగవేణి అందుకున్నారు. ఈ సందర్భంగా నాలుగు అవార్డులు సాధించిన సంస్థలు, అధికారులు, సిబ్బందికి కలెక్టర్‌ విజయకృష్ణన్‌ అభినందనలు తెలిపారు.

అనకాపల్లి : పోలీస్‌ సిబ్బంది, హోంగార్డుల సంక్షేమాన్ని దృష్టిలో పెట్టుకుని అత్యవసర అనారోగ్య పరిస్థితుల్లో ఎదురయ్యే భారీ వైద్య ఖర్చుల భారం నుంచి కుటుంబాలకు పూర్తిరక్షణ కల్పించే లక్ష్యంతో ప్రత్యేక చర్యలు చేపట్టడం జరుగుతుందని అదనపు ఎస్పీ ఎల్‌.మోహన్‌రావు అన్నారు. ఎస్పీ కార్యాలయంలో హెల్త్‌ ఇన్సూరెన్స్‌, సంక్షేమ పథకాలు, వివిధ బ్యాంకు ప్రతినిధులతో అవగాహన సదస్సును శనివారం నిర్వహించారు. ఈ సందర్భంగా మాట్లాడుతూ రాష్ట్ర ప్రభుత్వం వివిధ బ్యాంకులతో కుదుర్చుకున్న ఒప్పందాలు, పోలీస్‌ శాలరీ ప్యాకేజీ ఆధారంగా ఈ కార్యక్రమన్ని నిర్వహించడం జరిగిందన్నారు. పోలీస్‌ కుటుంబాల ఆరోగ్య భధ్రతపై ప్రత్యేక దృష్టి సారించామన్నారు. ప్రస్తుత పరిస్థితుల్లో వైద్య చికిత్సల వ్యయం భారీగా పెరిగినందున, అదనపు రక్షణ అవసరం ఎంతైనా ఉందన్నారు. వివిధ బ్యాంకులు అందిస్తున్న ఆరోగ్య బీమా, టాప్‌–అప్‌ పాలసీలు ఉద్యోగుల కుటుంబాలకు ఎంతగానో ఉపయోగపడుతాయన్నారు. కేంద్ర ప్రభుత్వం సామాజిక భద్రతా పథకాలైన ప్రధానమంత్రి జీవన్‌జ్యోతి బీమా యోజన, ప్రధానమంత్రి సురక్షా బీమా యోజన, ఆటల్‌ పెన్షన్‌ యోజన ప్రతి ఒక్కరూ సద్వినియోగం చేసుకోవాలన్నారు. వివిధ బ్యాంక్‌ మేనేజర్లు ప్రతినిధులు మాట్లాడుతూ శాలరీ ప్యాకేజీ ద్వారా లభించే హెల్త్‌ పాలసీలు, ఫ్యామిలీ ఫ్లోటర్‌ ప్లాన్లు, తక్కువ ప్రీమియంతో అధిక కవరేజీ, క్యాష్‌లెస్‌ ట్రీట్‌మెంట్‌ నెట్‌వర్కు ఆస్పత్రుల వివ రాలు, టాప్‌–అప్‌ ప్లాన్ల వివరాలను వివరించారు. డీఎస్పీలు బాబ్జీరావు, రవికుమార్‌, సీఐలు రామకృష్ణారావు, టి.లక్ష్మి, శ్రీనివాసరావు, రమేష్‌ పాల్గొన్నారు.

కశింకోట : హరిదాసులను గుర్తించి ప్రభుత్వం ఆదుకోవాలని జై శ్రీమన్నారాయణ జిల్లా హరి దాసుల సంక్షేమ సంఘం అధ్యక్షుడు మైచర్ల అప్పారావు కోరారు. మండలంలోని తాళ్లపాలెం సంత వద్ద జిల్లా స్థాయి హరి దాసుల సంక్షేమ సంఘం సమావేశం శనివారం నిర్వహించారు. ఈ సందర్భంగా మాట్లాడుతూ సుమారు నాలుగు దశాబ్దాలుగా దాసరి కులస్తులు హరిదాసు వృత్తిని నమ్ముకొని జీవనం సాగిస్తున్నారన్నారు. జిల్లాలోని 9 మండలాల్లో హరి దాసులున్నప్పటికి ప్రభుత్వం నుంచి గుర్తింపు, ఆదరణ లేదన్నారు. హరి నామ స్మరణ చేస్తూ ప్రజల సుఖ సంతోషాలను ఆకాంక్షిస్తూ తమ వృత్తిని కొనసాగిస్తున్నామన్నారు. అడుగంటిపోతున్న హరిదాసుల వృత్తిని పరి రక్షిస్తూ ప్రభుత్వం తమను కళాకారులుగా గుర్తించాలన్నారు. గుర్తింపు కార్డులు మంజూరు చేసి, సంక్షేమ పథకాలను అందించాలని, సమావేశాలు నిర్వహించుకునేందుకు కమ్యూనిటీ భవనాలు ఏర్పాటు చేయాలని విజ్ఞప్తి చేశారు. సమాజ హితాన్ని కోరుకునే హరిదాసు వృత్తి అంతరించిపోకుండా తమ పిల్లలు, భవిష్యత్‌ తరాలు కూడా ఈ సంప్రదాయాన్ని కొనసాగించేలా తమ వంతు కృషి చేస్తున్నామన్నారు. సమావేశంలో జిల్లా సంఘం గౌరవాధ్యక్షుడు కోట్ల భీమరాజు, కార్యదర్శి కందుల నూకరాజు, కోశాధికారి మైచర్ల అప్పారావు తదితరులు మాట్లాడారు. జిల్లాలో సుమారు 104 మంది హరిదాసులు సమావేశంలో పాల్గొన్నారు.

బంగారుమెట్ట గోతుల్లో బోల్తా పడిన ట్రాక్టర్‌ బుచ్చెయ్యపేట: భీమునిపట్నం – నర్సీపట్నం(బీఎన్‌) రోడ్డులో బంగారుమెట్ట వద్ద ఆయిల్‌పామ్‌ గెలల లోడుతో వెళ్తున్న ట్రాక్టర్‌ బోల్తా పడింది. మాడుగుల మండలం కృష్ణపాలెంకు చెందిన రైతు తన పొలంలో పండిన ఆయిల్‌పామ్‌ గెలలను లోపూడి వద్ద ఫ్యాక్టరీకి తరలిస్తున్నాడు. శనివారం రాత్రి బంగారుమెట్ట గోతులు వద్ద ట్రాక్టర్‌ అదుపుతప్పి బోల్తా పడింది. దీంతో వడ్డాది, రావికమతం మధ్య వాహనాలు నిలిచిపోయి రాకపోకలకు తీవ్ర అంతరాయం ఏర్పడింది. దాంతో పామాయిల్‌ ఫ్యాక్టరీ నుంచి మరో ట్రాక్టర్‌ను రప్పించి గెలలను లోడ్‌ చేసి ట్రాఫిక్‌కు ఇబ్బందులు లేకుండా చేశారు. ప్రమాద సమయంలో గోతులు వద్ద వాహనదారులు లేకపోవడంతో పెద్ద ప్రమాదం తప్పింది. తక్షణమే రోడ్డు గోతులను పూడ్చాలని పలువురు కోరుతున్నారు.

స్కూల్‌ కమిటీ ఎన్నికల్లో టీడీపీ బరి తెగించింది. అధికార పార్టీ అభ్యర్ధులను గెలిపించాలని విద్యార్థుల తల్లిదండ్రులను బెదిరించారు. ఓటు వేయకపోతే మీ కుటుంబ సభ్యుల పింఛన్లు తొలగిస్తామని, ఇళ్లు మంజూరు చేయబోమని, పాఠశాల నుంచి మీ విద్యార్ధులను ఇళ్లకు పంపించేస్తామని భయభ్రాంతులకు గురి చేశారు.. అంతేకాకుండా డబ్బులు, చీరలు కూడా పంపిణీ చేసి తమకు అనుకూలంగా ఓటు వేసేలా ప్రలోభాలకు గురి చేశారు. వెరసి దేవాలయాల్లాంటి పాఠశాలలను రాజకీయ రొంపిలోకి దించడంపై విద్యార్థుల తల్లిదండ్రులు తీవ్ర ఆవేదన వ్యక్తం చేశారు. తమ పిల్లల భవిష్యత్తుపై ఆందోళన చెందుతున్నారు. బుచ్చెయ్యపేట : గత నెల 29న స్కూల్‌ కమిటీ ఎన్నికలు జరగ్గా ఆ రోజు వాయిదా పడిన 6 ఎస్‌ఎంసీ ఎన్నికలను తిరిగి శనివారం నిర్వహించారు. మేజర్‌ పంచాయతీ వడ్డాదిలో కోవెల అప్పనదొర జిల్లా పరిషత్‌ హైస్కూల్‌, కేజీబీవీ పాఠశాల వద్ద టీడీపీ నాయకులు స్ధానిక ఎన్నికలను తలపించేలా చెట్లు వేసి శిబిరాలు ఏర్పాటు చేశారు. ఓటు వేయకపోతే ప్రభుత్వ పథకాలు అందవని, మీ పిల్లలు ఇబ్బందులు పడతారని బెదిరింపులకు పాల్పడ్డారు. ఓటుకు రూ, 500 చొప్పున నగదు పంపిణీ చేశారు. సీతయ్యపేట, కరక, పీపీ అగ్రహారం తదితర గ్రామాల్లో టీడీపీ నాయకులు చీరలు పంపిణీ చేశారు. ఆర్‌.భీమవరంలో వైఎస్సార్‌సీపీకి, టీడీపీకి సమాన ఓట్లు రాగా అక్కడ అంగన్‌వాడీ టీచర్‌, ఆయా పోస్టులను ఇస్తామని ప్రలోభాలకు గురి చేసి దొడ్డిదారిలో గెలిచారు. స్వయంగా ఎమ్మెల్యే రాజుతో పాటు మండల టీడీపీ నాయకులు రెండు పాఠశాలల వద్ద శిబిరాల్లో పాల్గొని తమ అభ్యర్థులను గెలిపించుకునేందుకు కుయుక్తులు పన్నారు. హైస్కూల్‌, కేజీబీవీలో తమ అభ్యర్థులను గెలిపించేలా తల్లిదండ్రులను బెదిరింపులకు గురి చేశారు. గతంలో ఎన్నడూ లేని విధంగా కొత్తకోట సీఐ కోటేశ్వరరావుతో పాటు ఇతర మండలాల ఎస్‌ఐలను, పోలీసు సిబ్బందిని పాఠశాల వద్ద బందోబస్తు ఏర్పాటు చేసి విద్యా వ్యవస్థను కూడా రాజకీయ వ్యవస్థగా మార్చేశారని పలువురు తల్లిదండ్రులు ఆరోపించారు. పెదపూడిలో వైఎస్సార్‌సీపీ బలపరిచిన గుమ్మిడి తలుపునాయుడు చైర్మన్‌, కోరుబిల్లి తులసి వైస్‌ చైర్మన్‌గా ఎన్నికయ్యారు. సీతయ్యపేట హైస్కూల్‌లో చైర్మన్‌గా నందవరపు సత్తిబాబు, వైస్‌ చైర్మన్‌గా చీపురపల్లి లక్ష్మి వైఎస్సార్‌సీపీ బలపరిచిన అభ్యర్థులు గెలుపొందారు. వడ్డాది హైస్కూల్‌ చైర్మన్‌గా కోవెల వెంకట రమణ, వైస్‌ చైర్మన్‌గా భారతి, కేజీబీవీ చైర్మన్‌గా వెలుగుల వసంత, వైస్‌ చైర్మన్‌గా గాడి శ్రీను గెలుపొందారు. ఆర్‌.భీమవరంలో చైర్మన్‌గా రమణ, వైస్‌ చైర్మన్‌గా లావణ్య, చిన అప్పనపాలెంలో చైర్మన్‌గా మంగమ్మ, వైస్‌ చైర్మన్‌గా అప్పలనరస ఎన్నికయ్యారు. మరోసారి ఎస్‌ఎంసీ ఎన్నికలు వాయిదా అనకాపల్లి టౌన్‌ : జిల్లాలో మెత్తం 1432 ప్రభుత్వ పాఠశాలలో సెప్టెంబర్‌ 29న ఎస్‌ఎమ్‌సి ఎన్నికలు నిర్వహించగా, 1403 పాఠశాలలో ఎన్నికలు పూర్తి అయ్యాయి. మిగిలిన 29 పాఠశాలలో 50 శాతం కోరం పూర్తి కాకపోవడంతో ఎన్నికలు వాయిదా పడ్డాయి. వాయిదా పడిన 29 పాఠశాలల్లో శనివారం ఎన్నికలు నిర్వహించగా, ఇందులో 22 పాఠశాలల్లో ఎన్నికలు నిర్వహించారు. మిగిలిన ఆరు పాఠశాలలో ఎస్‌ఎంసీ ఎన్నికలు మరోసారి వాయిదా పడ్డాయని జిల్లా సమగ్రశిక్ష ప్రాజెక్ట్‌ కోఆర్డినేటర్‌ శ్రీరాములు తెలిపారు.

ఎస్‌.రాయవరం: మండలంలో ప్రభుత్వ భూముల ఆక్రమణలు కొనసాగుతూనే ఉన్నాయి. ఎకరాలకు ఎకరాలు ఆక్రమిస్తున్నా పట్టించుకునే వారే కరవయ్యారు. చినఉప్పలం ఆర్‌అండ్‌బీ రోడ్డుకు ఆనుకుని ప్రభుత్వ భూముల్లో దర్జాగా నిర్మాణాలు ప్రారంభించారు. స్థానికులు పీజీఆర్‌ఎస్‌లో ఫిర్యాదు చేసినా అధికారులు చర్యలు తీసుకోవడం లేదని విమర్శలు వ్యక్తమవుతున్నాయి. తిమ్మాపురంలో నిర్మాణదారులు ఎప్పటికప్పుడు రోడ్లు, కాలువలు, ప్రభుత్వ భూములు ఆక్రమిస్తున్నా పట్టించుకున్న నాథుడే లేడు. కొరుప్రోలులో సర్వే నంబర్‌ 252లో ఆక్రమణలు లెక్కకు మించి ఉన్నాయి. ప్రతి రోజూ గ్రామంలో ఏదో ఒక మూలన ప్రభుత్వ భూమిని ఆక్రమించి నిర్మాణాలు చేస్తూనే ఉన్నారు. కొందరు తాత్కాలిక నిర్మాణాలతో సరిపెట్టుకుంటే మరికొందరు శాశ్వత నిర్మాణాలు చేపట్టారు. గుర్రాజుపేట, రేవుపోలవరంలలో అక్రమ నిర్మాణాలు జోరుగా సాగుతున్నాయి. తీర ప్రాంత భూములను వ్యాపార కార్యకలాపాలు నిర్వహించేందుకు ఆక్రమించుకుంటున్నారు. ఉప్పరాపల్లి, వాకపాడు, బంగారమ్మపాలెం, ధర్మవరం అగ్రహారం, పెనుగొల్లు, గోకులపాడు, దార్లపూడి, వమ్మవరం గెడ్డపాలెం, పెదగుమ్ములూరు తదితర గ్రామాల్లో ప్రభుత్వ భూములను యథేచ్ఛగా ఆక్రమించి భవనాలు నిర్మిస్తున్నారు. ఆక్రమణలపై స్థానిక రెవెన్యూ అధికారులు సమగ్ర నివేదికలు ఇవ్వకపోవడంతో ఉన్నత స్థాయి అధికారులు చర్యలు తీసుకునేందుకు వెనుకాడుతున్నారని స్థానికులు చెబుతున్నారు. మండలంలో పలు గ్రామాల్లో పదుల సంఖ్యలో ఎకరాలు ఆక్రమణలకు గురవుతున్నా అధికారులు పట్టించుకోవడం లేదని స్థానికులు ఆరోపిస్తున్నారు. ప్రభుత్వ భూములు ఆక్రమిస్తే చర్యలు ప్రభుత్వ భూములు ఆక్రమిస్తే కఠిన చర్యలు తీసుకుంటాం. వీఆర్వోలతో చర్చించి ఆక్రమణలపై నివేదికలు తెప్పించి, చర్యలు తీసుకుంటాం. అందిన ఫిర్యాదుల మేరకు ఆక్రమణదారులకు నోటీసులు ఇచ్చి, నిర్మాణాలను అడ్డుకున్నాం. – జె.రమేష్‌బాబు, తహసీల్దార్‌, ఎస్‌.రాయవరం

కశింకోట : కశింకోట పోలీస్‌స్టేషన్‌లో నమోదైన మూడు దొంగతనం కేసుల్లో నేరం రుజువు కావడంతో ఇద్దరు నిందితులకు వేర్వేరు జైలు శిక్షలు విధిస్తూ అనకాపల్లి 12వ అదనపు మెట్రోపాలిటన్‌ కోర్టు మేజిస్ట్రేట్‌ ఎ.రమేష్‌ శనివారం తీర్పు చెప్పారు. సీఐ అల్లు స్వామినాయుడు అందజేసిన వివరాలివి. మండలంలోని తాళ్లపాలెం గ్రామానికి చెందిన కొల్లి సత్యవతి ఇంట్లో 2023లో 8 తులాల బంగారు ఆభరణాలు చోరీకి గురయ్యాయి. అదే గ్రామానికి చెందిన గమ్మిని నాగేశ్వరరావు ఇంట్లో కూడా ఈ ఏడాది బంగారు, వెండి ఆభరణాలతోపాటు రూ.లక్ష నగదు చోరీ అయింది. చెరకాం గ్రామానికి చెందిన గుర్రి దేముళ్లు ఇంట్లో గత ఏడాది బంగారు గొలుసు, ఉంగరాలు, చెవి దిద్దులు చోరీకి గురయ్యాయి. ఈ మేరకు బాధితులు చేసిన ఫిర్యాదు మేరకు వరుసగా ఎస్‌ఐలు జక్కుల నాగేశ్వరరావు,కె. లక్ష్మణరావు, పి. మనోజ్‌కుమార్‌ వేర్వేరుగా కేసులు నమోదు చేసి దర్యాప్తు చేసి కోటవురట్ల మండలం రాజుపేటకు చెందిన పొలమరశెట్టి దుర్గా ప్రసాద్‌, మునగపాక మండలం నాగులాపల్లికి చెందిన దొడ్డి ఆదిబాబు ఆయా నేరాలకు పాల్పడినట్టు గుర్తించారు. చోరీ సొత్తు రికవరీ చేసి కోర్టులో అభియోగపత్రాలు దాఖలు చేశారు. విచారణ అనంతరం తుది తీర్పునకు రావడం, నిందితులు దొంగతనాలు చేసినట్టు రుజువు కావడంతో దుర్గా ప్రసాద్‌కు 15 నెలల కఠిన కారాగార శిక్ష, రూ.1500 జరిమానా, ఆదిబాబుకు 3 నెలల కఠిన కారాగార శిక్ష, రూ.5 వేల జరిమానా విధిస్తూ 12వ మెట్రో పాలిటన్‌ మేజిస్ట్రేట్‌ తీర్పు చెప్పారు. సీఐ స్వామినాయుడు పర్యవేక్షణలో సమర్ధంగా దర్యాప్తు నిర్వహించి నిందితులకు శిక్ష పడేలా చేసిన పోలీసు అధికారులు, సిబ్బంది, పబ్లిక్‌ ప్రాసిక్యూటర్‌ ఆర్‌. వాణిలను పోలీసు సూపరింటెండెంట్‌ తుహిన్‌ సిన్హా అభినందించారు.

అల్లిపురం: నేల ఆరోగ్యంపై ప్రజల్లో అవగాహన కల్పించేందుకు నగరానికి చెందిన 58 ఏళ్ల చార్టర్డ్‌ సివిల్‌ ఇంజినీర్‌ సుబ్రహ్మణ్య శర్మ చల్లా చేపట్టిన ‘సేవ్‌ సాయిల్‌’ పరుగు యాత్ర కొనసాగుతోంది. ఇందులో భాగంగా శుక్రవారం విజయవాడలో నిర్వహించిన ‘స్వచ్ఛథాన్‌–2026’ హాఫ్‌ మారథాన్‌లో ఆయన 21.1 కిలోమీటర్ల పరుగును విజయవంతంగా పూర్తి చేశారు. ‘సేవ్‌ సాయిల్‌’ జెండాను చేతబూని నాలుగున్నరేళ్లుగా దేశవ్యాప్తంగా వివిధ పరుగు కార్యక్రమాల్లో పాల్గొంటున్న శర్మ ఇప్పటివరకు విశాఖ, విజయవాడ, కాకినాడ, అమలాపురం, హైదరాబాద్‌, బెంగళూరు, గోవా, రాయ్‌పూర్‌, భువనేశ్వర్‌, సంబల్‌పూర్‌, బలంగీర్‌ తదితర నగరాల్లో సుమారు 7,600 కిలోమీటర్లు పరుగెత్తారు. ఈ సందర్భంగా శర్మ మాట్లాడుతూ వాయు, జల కాలుష్యంపై ప్రజల్లో అవగాహన పెరుగుతున్నప్పటికీ, నేల ఆరోగ్యంపై మరింత చైతన్యం అవసరమన్నారు. నేల మనకు ఆహారాన్ని అందించడంతో పాటు సమస్త జీవ వ్యవస్థకు ఆధారంగా నిలుస్తుందని పేర్కొన్నారు. నేలను సంరక్షించి, దాని సారాన్ని పునరుద్ధరించాల్సిన ఆవశ్యకతను ప్రజలకు తెలియజేయడమే తన పరుగు యాత్ర లక్ష్యమని తెలిపారు. సద్గురు ప్రారంభించిన ‘సేవ్‌ సాయిల్‌’ ఉద్యమం స్ఫూర్తితో శర్మ నాలుగున్నరేళ్ల క్రితం ఈ పరుగు యాత్రను ప్రారంభించారు. అప్పటి నుంచి మారథాన్‌లు, సుదూర పరుగుల్లో పాల్గొంటూ నేల సంరక్షణ, సారవంతమైన మట్టి ప్రాధాన్యతపై ప్రజల్లో అవగాహన కల్పిస్తున్నారు. ‘స్వచ్ఛథాన్‌–2026’లో 21.1 కి.మీ. పరుగు పూర్తి చేయడం తన ‘సేవ్‌ సాయిల్‌’ ప్రచార యాత్రలో మరో మైలురాయిగా నిలిచిందని శర్మ తెలిపారు.

డుంబ్రిగుడ: మండలంలోని సొవ్వ పంచాయతీ పరిధిలోని కొరొంజిగుడ ఘాట్‌ రోడ్డు మలుపు వద్ద శుక్రవారం రోడ్డు ప్రమాదం జరిగింది. ఎదురెదురుగా వస్తున్న బైక్‌, స్కూటీ ఢీకొనడంతో ఐదుగురికి తీవ్ర గాయాలయ్యాయి. సొవ్వ వైపు నుంచి అరకు వారపు సంతకు బైక్‌పై గొప్పులవలస గ్రామానికి చెందిన నూకన్న, ఆయన భార్య డాలిమ్మతో పాటు మాలింగవలస గ్రామానికి చెందిన హరిశ్చంద్రప్రసాద్‌ ప్రయాణిస్తున్నారు. అదే సమయంలో అరకు వైపు నుంచి సొవ్వకు స్కూటీపై సొవ్వ వీఆర్పీ లక్ష్మి, ఆమె భర్త స్వామి వస్తుండగా.. కొరొంజిగుడ మలుపు వద్ద రెండు వాహనాలు ఎదురెదురుగా ఢీకొన్నాయి. ఈ ప్రమాదంలో బైక్‌పై ప్రయాణిస్తున్న ముగ్గురితో పాటు స్కూటీపై ఉన్న ఇద్దరికీ తీవ్ర గాయాలయ్యాయి. ప్రమాద విషయం తెలుసుకున్న సొవ్వ మాజీ సర్పంచ్‌, వైఎస్సార్‌సీపీ మండల ఉపాధ్యక్షుడు పొట్టంగి రామ్‌ప్రసాద్‌ తక్షణమే స్పందించారు. స్థానిక యువకులు గుంటా సాంబ, ఎస్‌. కృష్ణ, నాగేష్‌, చిన్న, కోటి తదితరులతో కలిసి వెంటనే అంబులెన్స్‌ను రప్పించి, క్షతగాత్రులను అరకులోయ ఏరియా ఆసుపత్రికి తరలించి మెరుగైన వైద్యం అందించారు.

పాయకరావుపేట: సీబీఎస్‌ఈ జాతీయ స్థాయి యోగా పోటీల్లో శ్రీప్రకాష్‌ విద్యార్థులు ప్రతిభ చాటారు. హర్యానాలోని కర్నాల్‌లో గత నెల 25 నుంచి 28 వరకు నిర్వహించిన పోటీల్లో గ్రూప్‌ యోగా విభాగంలో ద్వితీయ స్థానం సాధించి రజిత పతకాలు కై వసం చేసుకున్నారు. గ్రూప్‌ యోగా విభాగంలో బండారు దేవాన్ష్‌, పినపాత్రుని సోహ న్‌శ్రీ, చింతకాయల జయదీప్‌, చింతా రక్షిత్‌, కాలిబోయిన వెంకట్‌ పాల్గొన్నారు. వారి సమన్వయం, నైపుణ్యం న్యాయనిర్ణేతలను ఆకట్టుకుంది. విజేతలను విద్యాసంస్థల అధినేత నరసింహారావు, సంయుక్త కార్యదర్శి విజయప్రకాష్‌, సీనియర్‌ ప్రిన్సిపాల్‌ ఎంవీవీఎస్‌ మూర్తి, యోగాగురువులు సురేష్‌, జయంతి, ఉపాధ్యాయులు అభినందించారు.

రావికమతం: గర్నికం కస్తూర్బా గాంధీ బాలికా విద్యాలయం(కేజీబీవీ)లో నైట్‌ వాచ్‌వుమన్‌గా పని చేస్తున్న ఆకుల లక్ష్మి గురువారం రాత్రి అధిక మోతాదులో థైరాయిడ్‌, పెయిన్‌కిల్లర్‌ మాత్రలు మింగి ఆత్మహత్యకు యత్నించింది. ఇందుకు పని ఒత్తిడే కారణమని ఆమె భర్త తలుపులు ఆరోపించారు. అపస్మారక స్థితిలోకి వెళ్లిన లక్ష్మిని తోటి సిబ్బంది వెంటనే రావికమతం ప్రాథమిక ఆరోగ్య కేంద్రానికి తరలించి, అనంతరం మెరుగైన చికిత్స కోసం అనకాపల్లి ఎన్టీఆర్‌ ఆస్పత్రికి, అక్కడి నుంచి విశాఖపట్నం కేజీహెచ్‌కు తరలించారు. ప్రస్తుతం ఆమె కేజీహెచ్‌లో చికిత్స పొందుతోంది. ఘటనపై రావికమతం ఎస్‌ఐ రఘువర్మ, ఎంఈవో లింగమూర్తి, జిల్లా గర్ల్‌ చైల్డ్‌ డెవలప్‌మెంట్‌ అధికారి జమీమా శుక్రవారం కేజీబీవీని సందర్శించి ఉపాధ్యాయులు, సిబ్బంది, విద్యార్థులను విడివిడిగా విచారించారు. విచారణలో నైట్‌ వాచ్‌వుమన్‌పై ఎలాంటి అదనపు పని ఒత్తిడి లేదని తేలిందని అధికారులు తెలిపారు. కేజీబీవీ స్పెషల్‌ ఆఫీసర్‌ నాగలక్ష్మి మాట్లాడుతూ జాబ్‌ చార్ట్‌లో ఉన్న పనులనే అప్పగిస్తున్నామని, ఎలాంటి వేధింపులు లేవని స్పష్టం చేశారు.

పురస్కారాలు పొందిన గాయత్రి స్కూలు ఉపాధ్యాయులు విజయదుర్గ, హరిచందన కశింకోట: మండలంలోని తాళ్లపాలెంలో గాయత్రి స్కూలుకు చెందిన ఉపాధ్యాయులు ఎ.విజయదుర్గ, సి.హెచ్‌. హరిచందనలకు ఉభయ విశాఖ జిల్లా స్థాయి ఉత్తమ ఉపాధ్యాయ పురస్కారాలు లభించాయి. విశాఖపట్నంలో ఉభయ జిల్లాల ఆధ్వర్యంలో నిర్వహించిన కార్యక్రమంలో ఆదికవి నన్నయ యూనివర్సిటీ పూర్వ వైస్‌ చాన్సలర్‌ ఆచార్య ఎం.ముత్యాలనాయుడు, ఏపీపీయూఎస్‌ఎంఏ రాష్ట్ర మాజీ అధ్యక్షుడు ఎ.కృష్ణారెడ్డి, ప్రాంతీయ అధ్యక్షుడు ఎం.వి.రావు చేతుల మీదుగా వారు పురస్కారాలు అందుకున్నారు. ఈ సందర్భంగా పాఠశాల యాజమాన్య కమిటీ సభ్యులు, ఉపాధ్యాయులు శుక్రవారం వారిని అభినందించారు. చెరువులో పడి వృద్ధుడి మృతి

తాటిచెట్లపాలెం: సౌత్‌ కోస్ట్‌ రైల్వే విశాఖపట్నం డివిజన్‌ పరిధిలో విస్తృతంగా స్వచ్ఛతా హీ సేవా కార్యక్రమాలు నిర్వహించినట్లు డివిజనల్‌ రైల్వే మేనేజర్‌ లలిత్‌ బోహ్రా తెలిపారు. గాంధీ జయంతి సందర్భంగా శుక్రవారం డీఆర్‌ఎం కార్యాలయం వద్ద ఆయన మాట్లాడుతూ గత నెల 17 నుంచి ఈ నెల 2 వరకు చేపట్టిన స్వచ్ఛతా పక్షోత్సవాల ద్వారా ప్రయాణికులకు, ప్రజలకు శుభ్రత, పర్యావరణ పరిరక్షణపై అవగాహన కల్పించామన్నారు. రైల్వే అధికారులు, సిబ్బంది, సఫాయి మిత్ర, విద్యార్థులు, ప్రతినిధుల సహకారంతో సౌత్‌ కోస్ట్‌ రైల్వే ప్రధాన కార్యాలయం ద్వారా నిర్దేశించిన 700 క్లీన్లినెస్‌ టార్గెట్‌ యూనిట్స్‌లో 650 యూనిట్స్‌లో ప్రత్యేక కార్యక్రమాలు నిర్వహించి, పరిశుభ్రంగా ఉంచగలిగామని చెప్పారు. 130 ఏళ్ల విశాఖపట్నం రైల్వే స్టేషన్‌ వేడుకలను అత్యంత ఘనంగా నిర్వహించి.. హెరిటేజ్‌ గ్యాలరీ వంటివి ఏర్పాటు చేశామన్నారు. స్కూల్‌ విద్యార్థులకు ఎస్టీపీ ప్లాంట్ల పరిశీలన, చిత్రలేఖన పోటీలు, క్రీడలు, సామాజిక కార్యక్రమాలు నిర్వహించామన్నారు. రైల్వే సఫాయి మిత్రల సంక్షేమం కోసం ఆరోగ్య తనిఖీలు, అవగాహన కార్యక్రమాలు, సన్మానాలు చేసినట్లు తెలిపారు. అనంతరం డీఆర్‌ఎం కార్యాలయం నుంచి సైకిల్‌ ర్యాలీ, అవగాహన ర్యాలీలు నిర్వహించారు. డీఆర్‌ఎంతోపాటు రైల్వే అధికారులు, సిబ్బంది, శానిటేషన్‌ కార్మికులు, స్కౌట్స్‌, అండ్‌ గైడ్స్‌, డివిజనల్‌ కల్చరల్‌ అసోసియేషన్‌ ప్రతినిధులు, సౌత్‌ కోస్ట్‌ రైల్వే ఉమెన్స్‌ వెల్ఫేర్‌ ఆర్గనైజేషన్‌ డివిజన్‌ సభ్యులు పాల్గొన్నారు.

ఆరిలోవ: క్షణికావేశంలో తప్పులు చేసి పలువురు జైలుకు వస్తున్నారని ప్రిన్సిపల్‌ డిస్ట్రిక్ట్‌ అండ్‌ సెషన్స్‌ జడ్జి జి. శ్రీనివాస్‌ అన్నారు. కేంద్ర కారాగారంలో శుక్రవారం గాంధీ జయంతి సందర్భంగా ఖైదీల దినోత్సవాన్ని నిర్వహించారు. ఈ సందర్భంగా కలెక్టర్‌ ఎం. అభిషిక్త్‌ కిశోర్‌, జైలు సూపరింటిండెంట్‌ బి. చంద్రశేఖర్‌ తదితరులతో కలిసి గాంధీ, లాల్‌ బహదూర్‌ శాస్త్రి చిత్రపటాలకు పూలమాలలు వేసి నివాళులర్పించారు. ఖైదీల కోసం జైలు అధికారులు ముందుగా నిర్వహించిన క్రీడా పోటీల్లో ప్రతిభ కనబరిచిన వారికి న్యాయమూర్తి, కలెక్టర్‌ బహుమతులు అందజేశారు.ఇటీవల జైలులో నిర్వహించిన ఆఫీస్‌ అసిస్టెంట్‌ కోర్సు పూర్తి చేసిన ఖైదీలకు సర్టిఫికెట్లు అందించారు. అనంతరం న్యాయమూర్తి శ్రీనివాస్‌ మాట్లాడుతూ.. ప్రతికూల పరిస్థితులు, అనుకోని సంఘటనల కారణంగా చాలామంది తప్పులు చేస్తున్నారని అన్నారు. జైలులో శిక్ష అనుభవిస్తున్న కాలాన్ని శిక్షణ కాలంగా భావించాలని సూచించారు. విడుదలైన తర్వాత తిరిగి తప్పులు చేయకుండా మంచి పౌరులుగా సమాజంలో జీవించాలని ఆకాంక్షించారు.కలెక్టర్‌ అభిషిక్త్‌ కిశోర్‌ మాట్లాడుతూ.. జైలులో పరిశ్రమలు నిర్వహించి ఖైదీలతోనే పనులు చేయించడం మంచి పరిణామమన్నారు. దీనివల్ల వారికి ఉపాధి లభించడంతో పాటు ప్రవర్తనలోనూ మార్పు వస్తుందని ఆశాభావం వ్యక్తం చేశారు. కార్యక్రమంలో డీఎల్‌ఎస్‌ఏ కార్యదర్శి ఆర్‌. సన్యాసినాయుడు, జైలు డిప్యూటీ సూపరింటిండెంట్‌ సూర్యకుమార్‌, ద్వారకా ఏసీపీ మల్లేశ్వరరావు, జైలు సిబ్బంది తదితరులు పాల్గొన్నారు.

ఎస్పీ కార్యాలయంలో గాంధీజీ, లాల్‌బహుదూర్‌ శాసి్త్ర చిత్రపటాలకు పూలమాలలు వేసి నివాళులర్పిస్తున్న డీఎస్పీ శ్రీనివాసులు అనకాపల్లి: అహింస, సత్యం అనే ఆయుధాలతో బ్రిటిష్‌ పాలనకు ఎదురొడ్డి శాంతియుత పోరాటంతో దేశానికి స్వాతంత్య్రం సాధించిపెట్టిన మహాత్ముడు గాంధీజీ అని డీఎస్పీ ఈ.శ్రీనివాసులు అన్నారు. స్థానిక ఎస్పీ కార్యాలయంలో శుక్రవారం మహాత్మాగాంధీ, లాల్‌బహుదూర్‌ శాస్త్రి జయంతి సందర్భంగా వారి చిత్రపటాలకు పూలమాలలు వేసి నివాళులర్పించారు. ఈ సందర్భంగా ఆయన మాట్లాడుతూ నాలుగు దశాబ్దాలపాటు సాగిన గాంధీజీ సుదీర్ఘ పోరాటం బ్రిటిష్‌ సామ్రాజ్యాన్నే తలవంచేలా చేసిందన్నారు. బాపూజీ ఆలోచనలు, గాంధేయ సిద్ధాంతాలు నేటికీ ప్రపంచానికి మార్గదర్శకమని పేర్కొన్నారు. గ్రామ స్వరాజ్యం, స్వదేశీ, సామాజిక సామరస్యం ప్రతి ఒక్కరూ ఆచరించాల్సిన విలువలని తెలిపారు. అలాగే నిరాడంబరత, నిజాయితీకి ప్రతీక అయిన మాజీ ప్రధాని లాల్‌బహుదూర్‌ శాస్త్రి దేశానికి చేసిన సేవలను స్మరించుకున్నారు. ‘జై జవాన్‌, జై కిసాన్‌’నినాదంతో దేశ రక్షణ, ఆహార భద్రత ప్రాధాన్యతలను చాటిచెప్పిన మహానీయుడు శాస్త్రి అని కొనియాడారు. ఇద్దరు మహానీయుల త్యాగాలు, ఆదర్శాలు ప్రజలకు నిత్య స్ఫూర్తిగా నిలుస్తాయన్నారు.

నర్సీపట్నం: నర్సీపట్నం మండలం గురంధరపాలెం గ్రామంలో శుక్రవారం విషాదం చోటుచేసుకుంది. పాఠశాలకు సెలవు కావడంతో స్నేహితులతో కలిసి క్రికెట్‌ ఆడేందుకు వెళ్లిన పదో తరగతి విద్యార్థి చెరువులో మునిగి మృతి చెందాడు. క్షణాల్లో జరిగిన ఈ ప్రమాదం కుటుంబాన్ని శోకసంద్రంలో ముంచింది. రూరల్‌ ఎస్‌ఐ రామారావు తెలిపిన వివరాలిలా ఉన్నాయి. మేరకుం యనమిరెడ్డి చరణ్‌ శ్రీనివాస్‌రెడ్డి పట్టణంలోని నలంద పాఠశాలలో పదో తరగతి చదువుతున్నాడు. పాఠశాలకు సెలవు ఉండడంతో తోటి విద్యార్థులతో కలిసి జగనన్న కాలనీ సమీపంలోని లక్ష్మమ్మ చెరువు వద్ద ఉన్న మైదానంలో క్రికెట్‌ ఆడేందుకు వెళ్లాడు. ఆటలో భాగంగా బంతి చెరువులో పడడంతో దానిని తీసేందుకు చెరువులోకి దిగాడు. ఈ క్రమంలో ప్రమాదవశాత్తు మునిగిపోయాడు. విషయం తెలుసుకున్న తోటి విద్యార్థులు వెంటనే కుటుంబ సభ్యులకు సమాచారం అందించారు. దీంతో తల్లిదండ్రులు, బంధువులు చెరువు వద్దకు పరుగులు తీశారు. ఎస్‌ఐ రామారావు, సిబ్బంది, అగ్నిమాపక సిబ్బంది చెరువులో గాలింపు చేపట్టి విద్యార్థి మృతదేహాన్ని బయటకు తీశారు. కాసేపటి క్రితమే స్నేహితులతో ఆటలో మునిగిపోయిన బాలుడు రెప్పపాటులో ప్రాణాలు కోల్పోవడంతో గ్రామంలో విషాదం నెలకొంది. తల్లిదండ్రుల రోదనలు హృదయాలను కలిచివేస్తున్నాయి. ఈ ఘటనపై కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు.

వందేళ్ల చరిత్ర కలిగిన విజ్ఞాన ఖని.. ఆంధ్ర విశ్వవిద్యాలయం(ఏయూ)లో ఇప్పుడు విద్యార్థుల చదువులకంటే.. నిధుల మళ్లింపు, అడ్డగోలు అంచనాల పెంపు హాట్‌ టాపిక్‌గా మారాయి! వర్సిటీ ఖజానాలో ఉన్న సొమ్మును ఎవరికి నచ్చినట్లు వారు ధారాదత్తం చేస్తుంటే.. వర్సిటీ వర్గాలు, అలుమ్ని మాత్రం ‘మా ఏయూకు ఏమైంది?’అంటూ తలలు పట్టుకుంటున్నాయి. ఏయూలో విశాఖ విద్య: సొంత ఇంజినీరింగ్‌ విభాగం..సాంకేతిక నిపుణులు.. నిర్మాణ పనుల అనుభవం.. అన్నీ ఉన్నా భారీ పనులు మాత్రం బయట సంస్థకు! మరోవైపు వర్సిటీ అంతర్గత నిధులు రూ.కోట్లలో ఇతర అవసరాలకు మళ్లింపు. ఏకంగా రూ.250 కోట్ల మేర నిర్మా ణ పనులను ఏపీ విద్య, సంక్షేమ మౌలిక సదుపాయా ల అభివృద్ధి సంస్థ(ఏపీఈడబ్ల్యూఐడీసీ)కు అప్పగింత, రూ.300 కోట్లను ఏపీ ఫైనాన్షియల్‌ కార్పొరేషన్‌కు బదలాయింపు, జీతాలు, పెన్షన్లకూ అంతర్గత నిధులు వెచ్చించడం తదితర అంశాలు ఇప్పుడు ఏయూ వర్గాల్లో తీవ్ర చర్చనీయాంశంగా మారాయి. బయటి సంస్థకు రూ.250 కోట్ల పనులు? ఏయూకు ప్రత్యేక ఇంజినీరింగ్‌ విభాగం ఉంది. నిర్మాణ పనులకు అవసరమైన ఇంజినీర్లు, సాంకేతిక సిబ్బంది, అంచనాల తయారీ, టెండర్ల నిర్వహణ, పనుల పర్యవేక్షణ వంటి వ్యవస్థలు ఉన్నాయి. అయినప్పటికీ రూ.250 కోట్ల విలువైన నిర్మాణ పనులను ఏపీఈడబ్ల్యూఐడీసీకి అప్పగించడంపై అనుమానాలు తలెత్తుతున్నాయి. అక్కడ మైనస్‌ 15.. ఇక్కడ 15 ప్లస్‌ 7! వర్సిటీ వర్గాల ఆరోపణల మేరకు కొన్ని పనులు వర్సిటీ ఇంజినీరింగ్‌ విభాగం ద్వారా 15 శాతం తక్కువకే లభిస్తుండగా, ఏపీఈడబ్ల్యూఐడీసీ ద్వారా చేపట్టే పనులకు 12–15 శాతం ఎక్కువ కోట్‌ చేయడంతో పా టు, దానికి మరో 7 శాతం కన్సల్టెన్సీ చార్జీ అదనం. రూ.300 కోట్లు ఏపీ ఫైనాన్స్‌ కార్పొరేషన్‌కు! రిజిస్ట్రార్‌ పరిధిలోని వివిధ ఖాతాలు, అనుబంధ కళాశాలలు, దూరవిద్యా విభాగం ద్వారా సమకూరిన నిధులను సాధారణ రెవెన్యూ ఖాతాలోకి మళ్లించినట్లు వర్సిటీ వర్గాలు ఆరోపిస్తున్నాయి. అందులో భాగంగా.. జనవరి 29న రూ.150 కోట్లు, ఏప్రిల్‌ 15న మరో రూ.150 కోట్లను ఏపీ ఫైనాన్షియల్‌ కార్పొరేషన్‌కు బదలాయించినట్లు తెలిసింది. దీనిపైనా అనుమానాలు వ్యక్తమవుతున్నాయి. కొత్త ఈసీతో పాత నిర్ణయాలకు ‘రాటిఫికేషన్‌’? జూలై 31న కొత్త ఈసీ ఏర్పడింది.గతంలో తీసుకున్న పలు నిర్ణయాలను రాటిఫికేషన్‌ కోసం కొత్త ఈసీ ముందుంచినట్లు ఆరోపణలున్నాయి. గత ఈసీ అభ్యంతరం వ్యక్తం చేసిన కొన్ని అంశాలను కూడా కొత్త కమిటీ ముందు మళ్లీ ప్రవేశపెట్టి ఆమోదం పొందేందుకు ప్రయత్నించడం విమర్శలకు తావిస్తోంది. జీతాలు.. పెన్షన్లకూ సొంత నిధులేనా! ప్రభుత్వ ట్రెజరీ నుంచి రావాల్సిన బ్లాక్‌ గ్రాంట్‌ అందని సమయంలో కొన్ని నెలల జీతాలు, పెన్షన్లు వర్సిటీ అంతర్గత నిధుల నుంచి చెల్లించినట్లు సమాచారం. గతేడాది సెప్టెంబర్‌తో పాటు ఈ ఏడాది తొలి మూడు నెలల్లో ఈ విధంగా చెల్లింపుల వల్ల రూ.180 కోట్లకు పైగా అంతర్గత నిధులకు గండి పడిందని తెలుస్తోంది. ఈ చెల్లింపులను సెప్టెంబర్‌ 29న జరిగిన ఈసీ సమావేశంలో రాటిఫికేషన్‌ కోసం ఉంచి ఆమోదించినట్లు బోగట్టా. ఏళ్లుగా ఉన్న డిపాజిట్లు ఉపసంహరణ? పలు జాతీయ బ్యాంకుల్లో సంవత్సరాలుగా ఉన్న వర్సిటీ నిధులను ఉపసంహరించి సాధారణ రెవెన్యూ ఖాతాకు బదలాయించినట్లు ఆరోపణలున్నాయి. అంతర్గత నిధుల వినియోగం పెరుగుతున్న కొద్దీ భవిష్యత్తులో వర్సిటీ ఆర్థిక పరిస్థితిపై ప్రభావం పడుతుందన్న ఆందోళన ఉద్యోగ, అధ్యాపక వర్గాల్లో వ్యక్తమవుతోంది. ఈ నిధులు ఎవరి నిర్ణయంతో తరలించారు? ఏ ప్రాతిపదికన వినియోగించారు? అన్న ప్రశ్నలకు స్పష్టతనివ్వాలని సిబ్బంది కోరుతున్నారు. ఊసులో లేని రూ.500 కోట్ల సాయం హామీ వర్సిటీకి ప్రభుత్వం నుంచి రూ.500 కోట్ల ఆర్థిక సహాయం అందిస్తామని హామీ ఇచ్చినా ఇప్పటివరకు ఒక్క పైసా కూడా విడుదల కాలేదని వర్సిటీ వర్గాలు చెబుతున్నాయి. మరోవైపు వర్సిటీ అంతర్గత నిధులను భారీగా ఖర్చు చేయడం, ఇతర సంస్థలకు బదలాయించడం ఎందుకనే ప్రశ్న తలెత్తుతోంది. కబడ్డీ సబ్‌ జూనియర్‌ జిల్లా జట్టు ఎంపిక రేపు అనకాపల్లి: ఏపీ అంతర్‌ జిల్లాల 36వ సబ్‌ జూనియర్‌ కబడ్డీ పోటీలకు అనకాపల్లి జిల్లా జట్టు ఎంపిక ఆదివారం ఉదయం 9 గంటలకు స్థానిక జీవీఎంసీ గాంధీనగర్‌ హైస్కూల్‌లో నిర్వహించనున్నట్లు అనకాపల్లి కబడ్డీ అసోసియేషన్‌ అధ్యక్ష, కార్యదర్శులు శాంతకుమారి, దాడి శ్యామ్‌ప్రసాద్‌ శుక్రవారం ఒక ప్రకటనలో తెలిపారు. ఎంపికలో పాల్గొనే క్రీడాకారులు 2010 డిసెంబర్‌ 12 తరువాత జన్మించి ఉండాలని పేర్కొన్నారు. నిబంధనల ప్రకారం బాలురు 60 కిలోలు, బాలికలు 55 కిలోల లోపు బరువు ఉండాలని సూచించారు. మరిన్ని వివరాలకు 9705143380 నంబర్‌ను సంప్రదించాలని కోరారు. ఇంటర్‌ విద్యార్థిని అదృశ్యం యలమంచిలి రూరల్‌: మున్సిపాలిటీ పరిధి పెదపల్లికి చెందిన బంగారు గీతిక(16) అదృశ్యమైనట్టు యలమంచిలి ట్రాఫిక్‌ ఎస్‌ఐ బెజవాడ రామకృష్ణ తెలిపారు. యలమంచిలి ప్రభుత్వ జూనియర్‌ కళాశాలలో ఇంటర్మీడియట్‌ ద్వితీయ సంవత్సరం చదువుతున్న గీతిక గురువారం ఉదయం 10 గంటలకు ఇంటి నుంచి కళాశాలకు బయలుదేరి వెళ్లి సాయంత్రం తిరిగి ఇంటికి చేరుకోలేదు. కుటుంబ సభ్యులు ఆమె కోసం వెతికినా ఆచూకీ లభించలేదు. పుట్టుకతోనే మూగ, చెవుడుతో బాధపడుతున్న ఆమె కాలేజీ యూనిఫాంతోనే ఇంటి నుంచి వెళ్లినట్టు పోలీసులకు ఇచ్చిన ఫిర్యాదులో తండ్రి అప్పారావు పేర్కొన్నాడు. దీనిపై దర్యాప్తు చేస్తున్నామని ఎస్‌ఐ తెలిపారు. ఆమె ఆచూకీ తెలిస్తే 9490617629, 9440796104 నంబర్లకు ఫోన్‌ చేసి సమాచారం అందించాలని ఆయన కోరారు. అభ్యంతరాలున్నా.. అదే సంస్థకు పనులు! ఏపీఈడబ్ల్యూఐడీసీపై గతంలోనూ అభ్యంతరాలున్నట్లు వర్సిటీ వర్గాలు చెబుతున్నాయి. రూసా ఫేజ్‌–1లో భాగంగా 2016–18 మధ్య చేపట్టిన కొన్ని పనుల విషయంలో అప్పటి వీసీ జి.నాగేశ్వరరావు 2018లో ప్రభుత్వానికి లేఖ రాశారు. అందులో సంస్థ అదనంగా వసూలు చేస్తున్న 7 శాతం కన్సల్టెన్సీ చార్జీని ప్రస్తావించినట్లు సమాచారం. ఆ తరువాత వీసీ ప్రసాద్‌రెడ్డి హయాంలో వర్సిటీ ఇంజినీరింగ్‌ విభాగం ద్వారా పనులు చేపట్టడం వల్ల నిధులు ఆదా అయినట్లు సమాచారం. ఈ నేపథ్యంలో తాజా అంచనాల ఆమోదంపై సందేహాలు ముసురుకుంటున్నాయి. ఈస్ట్‌కోస్ట్‌కు అదనపు కోచ్‌ తాటిచెట్లపాలెం: ప్రయాణికుల రద్దీ దృష్ట్యా షాలిమర్‌–చర్లపల్లి (08045) ఈస్ట్‌కోస్ట్‌ ఎక్స్‌ప్రెస్‌కు ఈనెల 3 నుంచి 7వ తేదీ వరకు అదనంగా ఒక థర్డ్‌ ఏసీ కోచ్‌ను జత చేస్తున్నట్లు రైల్వే అధికారులు తెలిపారు. ఆరు మాసాల్లోనే అంచనాలు మూడింతలు! తొలుత ఏయూ ఇంజినీరింగ్‌ విభాగం రూ.45.75 కోట్లతో ఇంజినీరింగ్‌ కళాశాల సెంటినరీ బాయ్స్‌ హాస్టల్‌, రూ.34.80 కోట్లతో సైన్స్‌ కళాశాల గర్‌ల్స్‌ హాస్టల్‌, రూ.14.50 కోట్లతో ఇంజినీరింగ్‌ కళాశాల మెగా మెస్‌ నిర్మాణ అంచనాలు రూపొందించింది. దీన్ని మార్చి 31న జరిగిన పాలక మండలి(ఈసీ) సమావేశంలో ఆమోదించారు. అవే పనులను ఏపీఈడబ్ల్యూఐడీసీకి అప్పగించేటపుడు అంచనాలు గణనీయంగా పెంచడం ఆరోపణలకు తావిస్తోంది. పెరిగిన భారీ అంచనాలు బాయ్స్‌ హాస్టల్‌ – రూ.94.75 కోట్లు ఉమెన్స్‌ హాస్టల్‌ – రూ.73 కోట్లు మెగా మెస్‌ – రూ.42.40 కోట్లు

సింథియా: తూర్పు నావికాదళ కమాండ్‌ ప్రధాన కార్యాలయంలో కమాండ్‌ మెడికల్‌ ఆఫీసర్‌గా రియర్‌ అడ్మిరల్‌ డాక్టర్‌ జంధ్యాల శ్రీధర్‌ శుక్రవారం బాధ్యతలు స్వీకరించారు. 1993 జూన్‌ 30న భారత నౌకాదళంలో చేరిన ఆయన విశాఖలోని టింపనీ స్కూల్‌, పుణేలోని ఏఎఫ్‌ఎంసీ పూర్వ విద్యార్థి. చర్మవ్యాధుల వైద్య నిపుణుడైన ఆయనకు మూడు దశాబ్దాలకు పైగా సేవా అనుభవం ఉంది. కోవిడ్‌ సమయంలో విశాఖలోని ఐఎన్‌హెచ్‌ఎస్‌ కళ్యాణి కమాండింగ్‌ ఆఫీసర్‌గా, ముంబైలోని ఇన్‌స్టిట్యూట్‌ ఆఫ్‌ నేవల్‌ మెడిసిన్‌లో డైరెక్టర్‌, డీన్‌గా, ఐఎన్‌హెచ్‌ఎస్‌ అశ్వినీ, ఐఎన్‌హెచ్‌ఎస్‌ సంజీవనిలో సీనియర్‌ అడ్వైజర్‌గా కీలక బాధ్యతలు నిర్వహించారు.

యలమంచిలి రూరల్‌: యాభై వేల లోపు జనాభా ఉన్న పట్టణాల్లో స్వచ్ఛత ప్రమాణాల్లో యలమంచిలి పురపాలక సంఘం రాష్ట్రంలో రెండో స్థానంలో నిలిచింది. ఈ మేరకు స్వచ్ఛాంధ్ర కార్పొరేషన్‌ ఎండీ సునీల్‌ కుమార్‌రెడ్డి నుంచి అందిన సమాచార మేరకు శుక్రవారం విజయవాడలోని ఏ కన్వెన్షన్‌లో నిర్వహించిన కార్యక్రమంలో ముఖ్యమంత్రి చంద్రబాబు చేతుల మీదుగా పురపాలక కమిషనర్‌ బీజేఎస్‌ ప్రసాదరాజు స్వచ్ఛ అవార్డును స్వీకరించరాఉ. ఈ విజయానికి సహకరించిన పట్టణ ప్రజలు, పారిశుధ్య కార్మికులు, అధికారులకు కమిషనర్‌ కృతజ్ఞతలు తెలిపారు.

అనకాపల్లి టౌన్‌: సుదీర్ఘకాలంగా పరారీలో ఉన్న పాత కేసు నిందితుడిని పట్టణ పోలీసులు అరెస్ట్‌ చేశారు. ఉత్తరప్రదేశ్‌కు చెందిన ఓం ప్రకాశ్‌ యాదవ్‌ అలియాస్‌ ప్రకాశ్‌ యాదవ్‌పై 2011లో స్థానిక పోలీస్‌ స్టేషన్‌ పరిధిలో కేసు నమోదైంది. కేసు విచారణలో భాగంగా కోర్టు విధించిన వాయిదాలకు హాజరు కాకుండా నిందితుడు కొంతకాలంగా తప్పించుకుని తిరుగుతున్నాడు. దీంతో 10వ అదనపు జిల్లా సెషన్స్‌ న్యాయస్థానం నిందితుడిపై నాన్‌బెయిల్‌బుల్‌ వారెంట్‌ జారీ చేసింది. ఎస్పీ తుహిన్‌ సిన్హా ఆదేశాల మేరకు టౌన్‌ సీఐ ప్రేమ్‌కుమార్‌ పర్యవేక్షణలో ప్రత్యేక బృందం గాలింపు చేపట్టింది. కానిస్టేబుళ్లు టి.ఎస్‌.నాయుడు, జగ్గారావు పక్కా సమాచారంతో నిందితుడిని అదుపులోకి తీసుకుని మెజిస్ట్రేట్‌ న్యాయస్థానం ఎదుట హాజరుపరిచారు. నిందితుడికి న్యాయమూర్తి 14 రోజుల రిమాండ్‌ విధించినట్లు సీఐ తెలిపారు.

ఫెన్సింగ్‌ క్రీడాకారిణి పలివెల సాహితీ అచ్యుతాపురం రూరల్‌: ఉత్తరాఖండ్‌లో జరిగిన జాతీయ స్థాయి ఫెన్సింగ్‌ చాంపియన్‌షిప్‌లో ఎర్రవరం గ్రామానికి చెందిన పలివెల సాహితీ అండర్‌–17 విభాగంలో రజత పతకం సాధించి ప్రతిభ చాటింది. ప్రస్తుతం ఆమె నెల్లూరులోని అక్షర విద్యాలయంలో ఇంటర్మీడియట్‌ మొదటి సంవత్సరం చదువుతోంది. జాతీయ స్థాయి పోటీల్లో మెరుగైన ప్రదర్శన కనబరిచిన సాహితీని తల్లిదండ్రులు, గ్రామస్తులు అభినందించారు. భవిష్యత్తులో విద్యతో పాటు క్రీడల్లో మరిన్ని విజయాలు సాధించి ఉన్నత శిఖరాలు అధిరోహించాలని ఆకాంక్షించారు.

మునగపాక: దళితుల అభ్యున్నతికి మాజీ సీఎం వైఎస్‌ జగన్‌మోహన్‌రెడ్డి పెద్దపీట వేశారని వైఎస్సార్‌సీపీ జిల్లా అధ్యక్షుడు బొడ్డేడ ప్రసాద్‌ అన్నారు. ఈ నెల 11న నిర్వహించనున్న పార్టీ ఎస్సీ సెల్‌ జిల్లా విస్తృత స్థాయి సమావేశం విజయవంతంలో భాగంగా శుక్రవారం స్థానిక పార్టీ కార్యాలయంలో సన్నాహక సమావేశం నిర్వహించారు. ఈ సందర్భంగా ఆయన మాట్లాడుతూ దళితుల అభ్యున్నతికి ఎంతో కృషి చేసిన వైఎస్‌ జగన్‌ మరోసారి సీఎం కావడం కోసం ప్రతి ఒక్కరూ కృషి చేయాలన్నారు. రానున్న స్థానిక సంస్థల ఎన్నికల్లో వైఎస్సార్‌సీపీ విజయమే లక్ష్యంగా పాటు పడాలన్నారు. నియోజకవర్గాల సమన్వయకర్తల సూచనలు, సలహాలు పాటిస్తూ దళితుల ఐక్యతను చాటాలన్నారు. 11న జరగనున్న సమావేశానికి పెద్ద ఎత్తున దళితులు తరలిరావాలన్నారు. ఎస్సీ సెల్‌ జిల్లా ఽఅధ్యక్షుడు సురేష్‌ రాజు అధ్యక్షతన జరిగిన ఈ సమావేశంలో ఎస్సీ విభాగం రాష్ట్ర అధికార ప్రతినిధి అల్లంపల్లి రాజుబాబు, రాష్ట్ర ప్రధాన కార్యదర్శి ఐడీ బాబు, రాష్ట్ర కార్యదర్శులు వేచలపు ప్రకాష్‌, దండా జ్ఞానదీప్‌, సుధీర్‌, రాజాన బుజ్జి, కోనపల్లి రామ్మోహనరావు, దిమ్మల శివ, పలు నియోజకవర్గ, మండల శాఖ అధ్యక్షులు పాల్గొన్నారు. గాంధీ ఆశయ సాధనకు కృషి చేయాలి ప్రతి ఒక్కరూ జాతిపిత మహాత్మాగాంధీ ఆశయ సాధనకు పాటుపడాలని వైఎస్సార్‌సీపీ జిల్లా అధ్యక్షుడు బొడ్డేడ ప్రసాద్‌ పిలుపునిచ్చారు. స్థానిక పార్టీ కార్యాలయంలో గాంధీ జయంతి వేడుకల్లో భాగంగా బాపూజీ చిత్ర పటానికి ప్రసాద్‌తో పాటు పలువురు నేతలు నివాళులర్పించారు.

గతంలో పశువులకు వ్యాధి నిర్ధారణ పరీక్షల కోసం వ్యయ ప్రయాసలతో విశాఖ వెళ్లేవాళ్లం. మాజీ సీఎం వైఎస్‌ జగన్‌ అధికారంలోకి రాగానే పశువులకు బాగోకపోతే టోల్‌ప్రీ నంబరు 1962కు సమాచారం అందిస్తే పశువుల పాకల వద్దకు పశు అంబులెన్స్‌లు వచ్చి ప్రాథమిక చికిత్స అనంతరం మెరుగైన వైద్యం కోసం ప్రాంతీయ పశువైద్యశాలకు తరలించే సౌకర్యం కల్పించారు. అక్కడ అగ్రి టెస్టింగ్‌ ల్యాబ్‌లో 15 నిమిషాల్లో పరీక్షలు నిర్వహించి వ్యాధి నిర్ధారణ చేసి, మందులు అందజేసేవారు. ఒక్క రూపాయి ఖర్చు లేకుండా పశువులకు వైద్యం అందేది. ప్రస్తుతం మాడుగుల అగ్రి ల్యాబ్‌లో టెక్నీషియన్‌ లేకపోవడంతో శాంపుల్స్‌ తీసుకుని చోడవరం, అనకాపల్లి పంపిస్తున్నారు. దీంతో సకాలంలో వైద్యం అందడం లేదు. – తంటపురెడ్డి బన్నీ, పాడి రైతు, కొత్తపట్నం, అవురువాడ వీరానారాయణం పంచాయతీ

అనకాపల్లి: మహాత్మ గాంధీజీ ఆలోచనలను ఆచరిస్తూ పరిశుభ్రత, సేవాభావం వంటి విలువలను ప్రతి ఒక్కరూ పాటించాలని రాష్ట్ర హోంమంత్రి వంగలపూడి అనిత పిలుపునిచ్చారు. స్థానిక రింగ్‌రోడ్డులోని పెంటకోట కన్వెన్షన్‌ హాల్లో శుక్రవారం స్వచ్ఛాంధ్ర–స్వర్ణాంధ్ర అవార్డుల ప్రదానోత్సవ కార్యక్రమం కలెక్టర్‌ విజయకృష్ణన్‌ అధ్యక్షతన ఘనంగా జరిగింది. ముందుగా మహాత్మా గాంధీ జయంతి సందర్భంగా బాపూజీ చిత్రపటానికి హోంమంత్రి, కలెక్టర్‌, ఎమ్మెల్యే కొణతాల రామకృష్ణ పూలమాలలు వేసి నివాళులర్పించారు. ఈ సందర్భంగా హోంమంత్రి మాట్లాడుతూ పరిసరాలను పరిశుభ్రంగా ఉంచుకోవడం ప్రతి ఒక్కరి బాధ్యత అన్నారు. గోదావరి జలాలు ఉత్తరాంధ్రకు రావడం ఒకప్పుడు కలగా ఉండేదన్నారు. ప్రస్తుతం జిల్లాలో అన్ని రంగాల్లో అభివృద్ధి జరుగుతోందని తెలిపారు. కలెక్టర్‌ విజయకృష్ణన్‌ మాట్లాడుతూ స్వచ్ఛ ఆంధ్ర, స్వర్ణ ఆంధ్ర లక్ష్యాల సాధనలో భాగంగా జిల్లాను పరిశుభ్రంగా తీర్చిదిద్దేందుకు ప్రజలందరూ భాగస్వాములు కావాలని కోరారు. గాంధీ జయంతి సందర్భంగా ప్రతి ఏడాది రాష్ట్రంలో స్వచ్ఛ ఆంధ్ర అవార్డులు అందజేస్తున్నట్లు తెలిపారు. పారిశుధ్యం, పరిశుభ్రత, వ్యర్థాల నిర్వహణలో ఉత్తమ పనితీరు కనబరిచిన పట్టణ సంస్థలు, గ్రామ పంచాయతీలు, ప్రభుత్వ, వాణిజ్య, కమ్యూనిటీ సంస్థలను ప్రోత్సహించేందుకు ఈ అవార్డులు ప్రదానం చేస్తున్నామన్నారు. 2026లో నిర్వహించిన రెండు రాష్ట్ర స్థాయి సర్వేల ఆధారంగా జిల్లాకు మొత్తం 67 అవార్డులు లభించినట్లు వెల్లడించారు. ఈ కార్యక్రమంలో జాయింట్‌ కలెక్టర్‌ శౌర్యమాన్‌పటేల్‌, వివిధ కార్పొరేషన్ల చైర్మన్లు, జిల్లా అధికారులు పాల్గొన్నారు.

● మునగపాకలో గాంధీ విగ్రహానికి అంగన్‌వాడీల వినతి సీఎం చంద్రబాబుకు జ్ఞానోదయం కల్పించాలని కోరుతూ గాంధీజీ విగ్రహానికి వినతిపత్రం అందిస్తున్న సీఐటీయూ నేతలు, అంగన్‌వాడీ సిబ్బంది మునగపాక: ముఖ్యమంత్రి చంద్రబాబుకు జ్ఞానోదయం కలిగించి, ఎన్నికల ముందు ఇచ్చిన హామీలు అమలు చేసేలా బుద్ధి ప్రసాదించాలని కోరుతూ శుక్రవారం మునగపాకలో మహాత్మాగాంధీ విగ్రహానికి సీఐటీయూ మండల కార్యదర్శి ఎస్‌.బ్రహ్మాజీతో కలిసి అంగన్‌వాడీ సిబ్బంది వినతి పత్రం సమర్పించారు. ఈ సందర్భంగా ఆయన మాట్లాడుతూ అధికారంలోకి వస్తే ఆంగన్‌వాడీ సమస్యలను పరిష్కరిస్తామంటూ ఇచ్చిన హామీలను ప్రభుత్వం గాలికొదిలేసిందని ఆరోపించారు. ఇచ్చిన మాట నిలబెట్టుకునేలా సీఎం చంద్రబాబుకు మంచి జ్ఞానం కలగాలని కోరారు. మోసపూరిత హామీలతో అధికారంలోకి వచ్చిన ప్రభుత్వానికి రాబోయే రోజుల్లో ప్రజలు తగిన గుణపాఠం చెప్పడం ఖాయమని హెచ్చరించారు. ఈ కార్యక్రమంలో అంగన్‌వాడీ టీచర్లు రామలక్ష్మి, తులసి, అంజలి, తదితరులు పాల్గొన్నారు.

ల్యాబ్‌ ఉంది.. ప్రజలకు ఆరోగ్య కేంద్రాల వలే మూగజీవాలకు సైతం వైద్య పరీక్షలు అందుబాటులోకి తీసుకురావాలన్న సదుద్దేశంతో మాజీ సీఎం వైఎస్‌ జగన్‌మోహన్‌రెడ్డి అగ్రిల్యాబ్‌లకు శ్రీకారం చుట్టారు. వైఎస్సార్‌సీపీ హయాంలో జిల్లా వ్యాప్తంగా రూ.5.53 కోట్లతో ఏడు నియోజకవర్గాల్లో ఒక్కొక్కటి చొప్పున నిర్మించి 2023లోనే అందుబాటులోకి తీసుకొచ్చారు. వ్యవసాయ, మత్స్య, పశుసంవర్థక శాఖలను కలుపుతూ ఏర్పాటు చేసిన ఈ అగ్రిల్యాబ్‌లు చంద్రబాబు ప్రభుత్వం నిర్లక్ష్యం కారణంగా ప్రస్తుతం ఆశించిన స్థాయిలో సేవలు అందడం లేదు. ఇందుకు మాడుగుల నియోజకవర్గంలో ఉన్న అగ్రిల్యాబే నిదర్శనం. ఇక్కడ 2024 నుంచి ల్యాబ్‌ టెక్నీషియన్‌ లేక సేవలు పూర్తిగా నిలిచిపోయాయి. మాడుగుల: రైతులకు నాణ్యమైన విత్తనాలు, ఎరువులు, పశువైద్య సేవలు అందించాలనే లక్ష్యంతో వైఎస్సార్‌సీపీ ప్రభుత్వం జిల్లా వ్యాప్తంగా రూ.5.53 కోట్లతో 7 అగ్రి టెస్టింగ్‌ ల్యాబ్‌లను ఏర్పాటు చేసింది. 2023లో ప్రారంభమైన ఈ ల్యాబ్‌ల సేవలు ప్రస్తుతం ఆశించిన స్థాయిలో అందడం లేదు. ముఖ్యంగా మాడుగుల నియోజకవర్గంలో రూ.79 లక్షల వ్యయంతో నిర్మించిన డాక్టర్‌ వైఎస్సార్‌ అగ్రి టెస్టింగ్‌ ల్యాబ్‌లో ల్యాబ్‌ టెక్నీషియన్‌ లేకపోవడంతో సేవలు అందడం లేదు. జూలై 8, 2023న ప్రారంభమైన ఈ ల్యాబ్‌ ద్వారా పశువులకు సంబంధించిన రక్త, పేడ, మూత్ర పరీక్షలు, పాల నాణ్యత, దిగుబడి సమస్యల నిర్ధారణతో పాటు విత్తనాల మొలకశాతం, ఎరువుల నాణ్యత పరీక్షలు వేగంగా నిర్వహించేవారు. గంటలో ఫలితాలు అందించే ఆధునిక పరికరాలు అందుబాటులోకి తీసుకొచ్చారు. అయితే సిబ్బంది కొరతతో ప్రస్తుతం సేవలు అందడం లేదు. దీంతో రైతులు నమూనాలను చోడవరం, అనకాపల్లి వంటి దూర ప్రాంతాలకు పంపించాల్సి వస్తోంది. పరీక్షల ఫలితాలు ఆలస్యంగా రావడంతో పశువులకు తగిన సమయంలో చికిత్స అందడం లేదని పాడి రైతులు ఆవేదన వ్యక్తం చేస్తున్నారు.

సబ్బవరం/దేవరాపల్లి : అనకాపల్లి–ఆనందపురం జాతీయ రహదారిపై మండలంలోని చిన్నయ్యపాలెం వద్ద గురువారం రాత్రి జరిగిన రోడ్డు ప్రమాదంలో ఒక వ్యక్తి మృతి చెందాడు. స్థానిక ఎస్‌ఐ సింహాచలం తెలిపిన వివరాలు.. దేవరాపల్లి మండలంలోని రైవాడకు చెందిన సీర వెంకటరావు(52) చిన్నయ్యపాలెం వద్ద కాలకృత్యాలు తీర్చుకోనేందుకు వెళ్లి రోడ్డు దాటుతున్నాడు. అదే సమయంలో అనకాపల్లి నుంచి పెందుర్తి వైపు వెళ్తున్న కారు ఢీకొంది. దీంతో తీవ్రంగా గాయపడ్డ వెంకటరావు అక్కడికక్కడే మృతి చెందాడు. ఈ ఘటనపై కేసు నమోదు చేసి దర్యాప్తు చేస్తున్నట్లు ఎస్‌ఐ తెలిపారు. మృతదేహన్ని పోస్టుమార్టం నిమిత్తం అనకాపల్లి ఎన్టీఆర్‌ ప్రాంతీయ వైద్యశాలకు తరలించామన్నారు. రోడ్డు ప్రమాదంలో మృతి చెందిన వెంకటరావు

రోలుగుంట : ప్రభుత్వ పథకాలు మంజూరుకు ఏ అధికారికి ఒక రూపాయి కూడా ఇవ్వొద్దని, అర్హులందరికీ పథకాలు అందజేయడమే లక్ష్యంగా ప్రభుత్వం పని చేస్తోందని కలెక్టర్‌ విజయ కృష్ణన్‌ అన్నారు. మండలంలోని కంచుగుమల గ్రామంలో తొలిసారిగా ప్రభుత్వం చేపట్టిన పేదలకు సేవలు 2.0 కార్యక్రమాన్ని గురువారం ఎంపీడీవో వి.ఎస్‌.నాగేశ్వరరావు, పలు శాఖల అధికారులతో నిర్వహించారు. ఇక్కడ పాల్గొన్న కలెక్టర్‌ ఎన్టీర్‌ భరోసా పింఛన్లను లబ్ధిదారులు పంపిణీ చేశారు. మానసిక వికలాంగుడు జి.సుకుమార్‌కు రూ.15 వేలు, శారీరక దివ్యాంగుడు ఎస్‌.సింహాచలంకు రూ.6 వేలు, మరో లబ్ధిదారు ఇ.అప్పారావుకి రూ.4వేలు అందజేశారు. లబ్దిదారులతో నేరుగా మాట్లాడి వారి యోగక్షేమాలు తెలుసుకున్నారు. అనంతరం గ్రామంలో పలు శాఖల అధికారులతో ఏర్పాటు చేసిన సమావేశం పాల్గొన్నారు. ఐసీడీఎస్‌ ప్రాజెక్టు డైరెక్టర్‌ ఎన్‌.సూర్యలక్ష్మి మాట్లాడుతూ తమ శాఖ ద్వారా అంగన్‌వాడీల్లో చిన్నారులకు, గర్శిణులు, బాలింతలు, కిశోర బాలికలకు అందిస్తున్న పోషకాహరం, కేంద్రాల్లో చిన్నారుల కోసం తీసుకొంటున్న జాగ్రత్తలు, సేవలు గురించి తెలిపారు. వ్యవసాయాధికారి చిరంజీవి మాట్లాడుతూ రైతుకు కావాల్సిన రకాల వరి విత్తనాలు, ఎరువులు ఖరీఫ్‌ సీజన్‌లో సరఫరా చేయడం జరిగిందన్నారు. వర్షాలు కురవక రైతుల పరిస్థితి ప్రతికూలంగా ఏర్పడిందన్నారు. ఆ నష్టం కొంతమేర భర్తీ చేయడానికి జనుము, ఉలవలు రాగి విత్తనాలను 80 శాతం రాయితీపై సరఫరా చేసేందుకు సచివాలయాల్లో అందుబాటులో ఉంచామన్నారు. కేజీబీవీని సందర్శించిన జిల్లా కలెక్టర్‌ రోలుగుంట కేజీబీవీని కలెక్టర్‌ విజయకృష్ణన్‌ సందర్శించారు. తరగతి గదిలోకి వెళ్లి విద్యార్థినులకు అందుతున్న బోధనాశైలిని పరిశీలించి పలు సూచనలు చేశారు. విద్యార్థినులతో కలసి భోజనం చేశారు. 10వ తరగతి మిషన్‌ మార్చ్‌ కోసం ప్రిపరేషన్‌ ఎలా సాగుతుందని ప్రిన్సిపాల్‌ ఎన్‌.తులసిని ఆరా తీశారు.రోలుగుంట : తమ సమస్యలు పరిష్కారం కోరుతూ సీపీఎం ఆధ్వర్యంలో అర్ల పంచాయతీ శివారు కొండ శిఖరాగ్రాన ఉన్న గిరిజనులు స్థాఽనిక మండల కార్యాలయాల కూడలి వద్ద గల ఆర్‌అండ్‌బీ రోడ్డు నుంచి తహసీల్దార్‌ కార్యాలయం వరకూ డోలిమోతతో ప్రదర్శనగా వచ్చారు. స్థానిక కేజీబీవీని సందర్శించి తిరిగి వస్తున్న కలెక్టర్‌ విజయకృష్ణన్‌ను కలిశారు. సీపీఎం జిల్లా ప్రతినిధి గిరిజనుల సమస్యలు కలెక్టర్‌కు వివరించారు. అర్ల పంచాయతీ శివారు పీత్రుగెడ్డ, పెదగరువు, లోసింగి తదితర గిరిజన గ్రామాల్లో 65 మంది బడిఈడు పిల్లలున్నా పాఠశాల లేదన్నారు. వీరు రేషన్‌ కోసం, నిత్యావసర సరుకుల కోసం, అంగన్‌వాడీ పథకాల కోసం కొండ శిఖరాగ్రం నుంచి 13 కిలోమీటర్లు కిందకు రావాల్సి వస్తోందన్నారు. అర్ల నుంచి పీత్రి గెడ్డ గ్రామానికి 6 కిలోమీటర్లు బీటీ రోడ్డు కోసం రూ 4.10 కోట్లు మంజూరు కాగా, వైబీ పట్నం నుంచి లోసింగి, పెదగరువు గ్రామానికి రూ.2.50 కోట్లుతో బీటీ రోడ్డుకు ఎమ్మెల్యే రాజు శంకుస్థాపన చేసి వదిలేశారని తెలిపారు. వర్షాలకు రోడ్డు కొట్టుకుపోయిందన్నారు. రెండు కోట్ల రూపాయలు విత్‌డ్రా చేశారని, పనులు మద్యంతరంగా వదిలేశారని తెలిపారు. ఆర్వోఎఫ్‌ఆర్‌ పట్టాలిచ్చిన వారందరికీ న్యాయం చేయాలని కోరారు.

తుమ్మపాల : జిల్లాలో నమోదు కాని అన్ని ప్రైవేట్‌ క్లినికల్‌ ఎస్టాబ్లిష్‌మెంట్లు 15 రోజుల్లోగా తప్పనిసరిగా నమోదు చేసుకోవాలని జిల్లా వైద్య, ఆరోగ్య శాఖాధికారి డాక్టర్‌ ఆర్‌. అచ్యుత కుమారి ఒక ప్రకటనలో తెలిపారు. అల్లోపతిక్‌ ప్రైవేట్‌ మెడికల్‌ కేర్‌ ఎస్టాబ్లిష్‌మెంట్స్‌ (రిజిస్ట్రేషన్‌ అండ్‌ రెగ్యులేషన్‌న్‌) చట్టం–2002 ప్రకారం ప్రైవేట్‌ వైద్య సంస్థల నమోదు తప్పనిసరి అని తెలిపారు. జిల్లాలో ఇంకా నమోదు కాని క్లినిక్‌లు, ఆసుపత్రులు, నర్సింగ్‌ హోమ్స్‌, మెడికల్‌ ల్యాబొరేటరీలు, డయాగ్నస్టిక్‌ సెంటర్లు, ఫిజియోథెరపీ సెంటర్లు, పాలీక్లినిక్లు, డెంటల్‌ క్లినిక్లు, డెంటల్‌ ఆసుపత్రులు వైద్య సంస్థలు వెంటనే నమోదు ప్రక్రియ పూర్తి చేసుకోవాలని సూచించారు. నమోదు లేకుండా వైద్య సంస్థలను నిర్వహించడం చట్ట నిబంధనలకు విరుద్ధమని ఆమె స్పష్టం చేశారు. ప్రజలకు నాణ్యమైన వైద్య సేవలు అందించడంతో పాటు నిర్దేశిత చట్టపరమైన ప్రమాణాలను పాటించడం ప్రతి క్లినికల్‌ ఎస్టాబ్లిష్‌మెంట్‌ బాధ్యత అని పేర్కొన్నారు. నమోదు కాని సంస్థల నిర్వాహకులు ఎటువంటి ఆలస్యం చేయకుండా సంబంధిత అధికారులను సంప్రదించి 15 రోజుల్లోగా నమోదు చేసుకోవాలని కోరారు. గడువులోగా నమోదు చేసుకోని సంస్థలపై చట్టం ప్రకారం తగిన చర్యలు తీసుకుంటామని డీఎంహెచ్‌ఓ హెచ్చరించారు.

మాకవరపాలెం: మండలంలోని కొత్తపాలెంలో గురువారం యాకా గంగబాబు(40) చెట్టుపై నుంచి జారి పడి మృతి చెందాడు. తన ఇంటి ముందున్న మునగ చెట్టు కాడలు కోసేందుకు ఎక్కగా ప్రమాదవశాత్తూ కిందపడ్డాడు. తలకు తీవ్రగాయం కావడంతో వెంటనే కుటుంబ సభ్యులు ఓ ప్రైవేటు ఆస్పత్రికి తరలించారు. అప్పటికే మృతి చెందినట్టు నిర్థారించారు. మృతుడు లారీ డ్రైవర్‌గా పనిచేస్తున్నాడు. అతడికి భార్య, కుమార్తె ఉన్నారు. గంగబాబు మృతితో కుటుంబీకులు కన్నీరు మున్నీరుగా విలపిస్తున్నారు. కేసు నమోదు చేసినట్టు ఎస్‌ఐ దామోదర్‌నాయుడు తెలిపారు.

ఎంవీపీకాలనీ: ఎంవీపీ కాలనీలోని మహాత్మగాంధీ క్యాన్సర్‌ హాస్పటల్‌ అండ్‌ రీసెర్చ్‌ ఇన్‌స్టిట్యూట్‌ ఆధ్వర్యంలో 500 రోబోటిక్‌ క్యాన్సర్‌ శస్త్రచికిత్సలు విజయవంతంగా పూర్తిచేసినట్లు హాస్పటల్‌ మేనేజింగ్‌ డైరెక్టర్‌, చీఫ్‌ సర్జికల్‌ ఆంకాలజిస్ట్‌ డాక్టర్‌ మురళీకృష్ణ తెలిపారు. నగరంలోని ఓ ప్రైవేట్‌ హోటల్లో గురువారం నిర్వహించిన విలేకరుల సమావేశంలో ఆయన వివరాలు వెల్లడించారు. తెలుగు రాష్ట్రాల్లో ఈ ఘనత సాధించిన తొలి క్యాన్సర్‌ హాస్పటల్‌గా ఎంజీ క్యాన్సర్‌ హాస్పటల్‌ నిలిచిందన్నారు. 2018లో ఆంధ్రప్రదేశ్‌లో తొలి రోబోటిక్‌ శస్త్రచికిత్సల వ్యవస్థను తమ హాస్పటల్‌లో ఏర్పాటు చేయడంతో ఈ ప్రయాణం ప్రారంభమైందని తెలిపారు. క్యాన్సర్‌ శస్త్రచికిత్సల్లో ఆధునిక సాంకేతికతను వినియోగిస్తూ కచ్చితత్వం, నైపుణ్యంతో 500కు పైగా రోబోటిక్‌ క్యాన్సర్‌ సర్జరీలు విజయవంతం చేసినట్లు పేర్కొన్నారు. కన్సల్టెంట్‌ సర్జికల్‌ ఆంకాలజిస్ట్‌, రోబోటిక్‌ సర్జన్‌ డాక్టర్‌ బి. మురళీధర్‌ మాట్లాడుతూ శరీరంలోని ఇరుకై న భాగాల్లో మరింత కచ్చితత్వంతో శస్త్రచికిత్సలు నిర్వహించేందుకు రోబోటిక్‌ సాంకేతికత ఎంతో ఉపయోగపడుతుందన్నారు. 2018 నుంచే ఈ అధునాతన శస్త్రచికిత్సలను అందుబాటులోకి తీసుకురావడం ద్వారా ఉత్తరాంధ్ర ప్రజలకు సేవలందిస్తున్నామని తెలిపారు. సర్జికల్‌ ఆంకాలజిస్ట్‌, రోబోటిక్‌ సర్జన్‌ డాక్టర్‌ సత్య విజయ్‌ చిగురుపాటి, యూరో ఆంకాలజిస్ట్‌–రోబోటిక్‌ సర్జన్‌ డాక్టర్‌ రాహుల్‌ తేజ్‌, కన్సల్టెంట్‌ సర్జికల్‌ ఆంకాలజిస్ట్‌, రోబోటిక్‌ సర్జన్‌ డాక్టర్‌ ప్రేమ్‌ కమల్‌ పట్నాల, కన్సల్టెంట్‌ సర్జికల్‌ ఆంకాలజిస్ట్‌ డాక్టర్‌ గుడ్ల అనంత సాయికుమార్‌, కన్సల్టెంట్‌ గైనెక్‌ ఆంకాలజిస్ట్‌ డాక్టర్‌ హరిత మద్దిరాల తదితరులు రోబోటిక్‌ సర్జరీల ద్వారా క్లిష్టమైన కేసుల్లో అందించిన వైద్య సేవల అనుభవాలను వివరించారు. కార్యక్రమంలో పలువురు హాస్పటల్‌ వైద్యులు, సిబ్బంది పాల్గొన్నారు.

నక్కపల్లి : ఎంకి పెళ్లి సుబ్బిచావుకు వచ్చిందన్న చందంగా తయారయింది పునరావాసకాలనీకి తరలిపోయిన పింఛనుదారుల పరిస్థితి. ప్రతి నెలా పింఛను తీసుకునేందుకు 10 కిలోమీటర్లు వెళ్లాల్సి వస్తోందని మా వల్ల కావడం లేదంటూ పండుటాకులు గురువారం అధికారులకు మొరపెట్టుకున్నారు. వివరాల్లోకి వెళ్తే ఆర్సిలర్‌ మిట్టల్‌ స్టీల్‌ప్లాంట్‌ కొరకు ప్రభుత్వం మండలంలో పాటిమీద, మూలపర, అమలాపురం, తమ్మయ్యపేట గ్రామాల్లో నివశిస్తున్న వారిని ఖాళీ చేయించింది. వీరికి పెదబోదిగల్లం వద్ద పునరావాసం కల్పించి ఇళ్ల స్థలాలు కేటాయించడంతో వీరంతా సొంత ఊర్లను వదిలేసి పునరావాస కాలనికి వెళ్లిపోయారు. ఈ గ్రామాల పరిధిలో సుమారు 200 మందికి పైగా పింఛను తీసుకునే వృద్ధులు ఉన్నారు. వీరంతా ప్రతి నెలా ఒకటో తేదీన వారి వారి సొంత గ్రామాలకు వెళ్లి పింఛను తీసుకోవాల్సి వస్తోందని ఆవేదన వ్యక్తం చేస్తున్నారు. అనారోగ్యంతో మంచాన పడ్డవారు, వివిధ కారణాల వల్ల నడవలేని స్థితిలో ఉన్నవారు పింఛను తీసుకునేందుకు అమలాపురం సచివాలయానికి వెళ్లాల్సి వస్తోందని, ఇలా వెళ్లడానికి అనేక వ్యయ ప్రయాసలు పడాల్సి వస్తోందని పునరావాసకాలనీ వద్దకు తెచ్చి పింఛన్లు ఇచ్చే ఏర్పాటు చేయాలంటూ అమలాపురానికి చెందిన వృద్ధులు, వితంతువులు, వైఎస్సార్‌సీపీ రాష్ట్ర రైతు విభాగం కార్యదర్శి సూరాకాసుల గోవిందు ఆధ్వర్యంలో అధికారులను కలసి వినతి పత్రం అందజేశారు.

బీసీలపై చంద్రబాబుది కపట ప్రేమ. 34 శాతం రిజర్వేషన్లపై కోర్టు తీర్పు వ్యతిరేకంగా వస్తుందని తెలిసే కోర్టులో పిటిషన్‌ వేిశారు. ఎన్నికల్లో బీసీలకు బూటకపు వాగ్దానం చేసి లబ్ధి పొందాలని ప్రయత్నం చేశారు. చంద్రబాబుకు చిత్తశుద్ధి లేదు. సుప్రీంకోర్టు తీర్పుకు వ్యతిరేకంగా రిజర్వేషన్లు ఇస్తామని బీసీలను మోసం చేయాలని ప్రయత్నించి భంగపడ్డారు. జీవోలు ఇచ్చి బీసీలను మోసం చేసి సంబరాలు జరుపుకొన్నారు. తప్పును న్యాయంస్థానంపై నెట్టే ప్రయత్నం చేస్తున్నారు. బీసీలంతా ఇది గ్రహించాలి. వచ్చే ఎన్నికల్లో తగిన గుణపాఠం చెప్పాలి. –యలమంచిలి చందు, బీసీ సెల్‌ నాయకుడు, నక్కపల్లి

బీసీలపై చంద్రబాబు వైఖరి మొదటి నుంచి మోసపూరితమే. అమలు సాద్యం కాని జీవోలు, హామీలు ఇవ్వడం చంద్రబాబుకు వెన్నతో పెట్టిన విద్య. తన చేతకాని తనాన్ని ప్రతిపక్షాలు, న్యాయస్థానాలపై నెట్టేసి తప్పించుకునే ప్రయత్నం చేస్తున్నారు. యావత్‌ బీసీలంతా చంద్రబాబు కపట ప్రేమను గమనిస్తున్నారు. 34 శాతం రిజర్వేషన్లు సాధ్యం కాదని చంద్రబాబుకు తెలిసే జీవోలు ఇచ్చారు. దీని ద్వారా స్థానిక ఎన్నికల్లో లబ్ధిపొందాలని చూశారు. కోర్టు మొట్టికాయ వేసింది. చంద్రబాబు క్షమాపణ చెప్పాలి. –ఎల్లేటి సత్తిబాబు, చేనేత కార్మిక సంఘ నాయకుడు, నక్కపల్లి

కశింకోట: మండలంలోని కొత్తపల్లి గ్రామ శివారులో గంజాయి సేవిస్తున్న నలుగురు యువకులను పట్టుకొని గురువారం అరెస్టు చేశామని సీఐ అల్లు స్వామినాయుడు తెలిపారు. వారి వద్ద నుంచి గంజాయి, మోబైల్‌ ఫోన్‌, ద్విచక్ర వాహనం, గంజాయి సేవనానికి ఉపయోగించే సామగ్రిని స్వాధీనం చేసుకున్నామన్నారు. వివరాలిలా ఉన్నాయి. కొత్తపల్లి శివారులో దాడి చేసి యువకులు గంజాయి సేవిస్తున్నట్లు గుర్తించి పట్టుకున్నారు. పోలీసులను గమనించి వారు పరార్‌ అయ్యేందుకు ప్రయత్నించగా సీఐతోపాటు ఎస్‌ఐలు లక్ష్మణరావు, సతీష్‌, సిబ్బంది వెంబడించి వారిని అదుపులోకి తీసుకున్నారు. పట్టుబడిన వారిని మామిడి మనోజ్‌(18), అరిగా మహేష్‌(19), పేర్ని విజయకుమార్‌(18), మలిజేటి మధు (20)గా గుర్తించారు. రెండు రోజుల క్రితం పాడేరు ప్రాంతానికి వెళ్లిన సమయంలో దారి పక్కన గుర్తు తెలియని వ్యక్తి నుంచి రూ.500కు 50 గ్రాముల గంజాయి కొనుగోలు చేసినట్టు విచారణ సమయంలో వారు తెలిపారు. వారి నుంచి 30 గ్రాముల గంజాయి, గంజాయి సేవనానికి వినియోగించే వస్తువులు, మొబైల్‌ ఫోన్‌, గంజాయి కొనుగోలు, రవాణాకు వినియోగించిన బైక్‌ను పోలీసులు స్వాధీనం చేసుకున్నారు. కేసు నమోదు చేసి ఎన్‌డీపీఎస్‌ చట్ట ప్రకారం చర్యలు చేపడుతున్నట్టు సీఐ తెలిపారు.

తుమ్మపాల : జిల్లా పరిషత్‌ డిప్యూటీ ముఖ్య కార్యనిర్వహణాధికారిగా (డిప్యూటీ సీఈఓ) ఈ.సందీప్‌ గురువారం బాధ్యతలు స్వీకరించారు. ఈ సందర్భంగా జెడ్పీ కార్యాలయ సిబ్బంది ఆయనకు పుష్పగుచ్ఛాలు అందజేసి స్వాగతం పలికారు. బాధ్యతలు స్వీకరించిన అనంతరం సిబ్బందితో సమావేశమై జిల్లా అభివృద్ధి లక్ష్యాల సాధనకు ప్రతి ఉద్యోగి సమన్వయంతో, బాధ్యతాయుతంగా, సమయపాలనతో విధులు నిర్వహించాలని సూచించారు. ప్రభుత్వ సంక్షేమ, అభివృద్ధి పథకాలు క్షేత్రస్థాయిలో ప్రజలకు సక్రమంగా చేరేలా పారదర్శకంగా, సమర్థవంతంగా పనిచేయాలని కోరారు. సిబ్బంది సంక్షేమానికి తనవంతు సహకారం అందిస్తానని తెలిపారు. ఈ కార్యక్రమ ఏపీపీఆర్‌వోఎంఈ రాష్ట్ర అడ్హాక్‌ కమిటీ అధ్యక్షుడు ఎస్‌.సత్తిబాబు, నాలుగో తరగతి ఉద్యోగుల సంఘం రాష్ట్ర ఉపాధ్యక్షుడు చిట్టిబాబు, పరిపాలనాధికారి పి.వి.వి.ఎన్‌. మూర్తి, ఏఓ అమ్మాజి తదితరులు పాల్గొని నూతన డిప్యూటీ సీఈఓకు శుభాకాంక్షలు తెలిపారు.

విద్యార్థులను ఉద్దేశించి మాట్లాడుతున్న జిల్లా వృత్తి విద్యాధికారి వినోద్‌బాబు నర్సీపట్నం : పట్టణంలోని ప్రభుత్వ బాలుర జూనియర్‌ కళాశాలను జిల్లా ఇంటర్మీడియేట్‌ బోర్డు వృత్తి విద్యాధికారి మద్దిల వినోద్‌బాబు గురువారం ఆకస్మికంగా తనిఖీ చేశారు. విద్యార్థుల ప్రయోగశాల, అబ్జరేషన్‌ పుస్తకాలతో పాటు టీచింగ్‌ డైరీలు, నోట్స్‌లు, అటెండెన్స్‌ రిజిస్టర్లు, ఆఫీసు సంబంధిత రిజిస్టర్లను తనిఖీ చేశారు. ఈ ఏడాది శతశాతం ఉత్తీర్ణ సాధించే దిశగా అందరూ విద్యా బోధన చేయాలని పేర్కొన్నారు. అధ్యాపకులు అందరూ సమిష్టిగా కషి చేయాలన్నారు. అధ్యాపకులు చెప్పి అంశాలను అవగాహన చేసుకుని కష్ట పడి చదివి మంచి ఫలితాలు తీసుకువచ్చి కళాశాలకు మంచి పేరు తీసుకురావాలని సూచించారు.

అనకాపల్లి టౌన్‌: ప్రభుత్వ ఆస్పత్రిలో పేదలకు మెరుగైన వైద్యం అందించాల్సి ఉండగా, వైద్యుల నిర్లక్ష్యంతో తమ ఏడాది పసికందును కోల్పోయామని కుటుంబ సభ్యులు ఆరోపించారు. ఆనకాపల్లి ఎన్టీఆర్‌ ఆస్పత్రి క్రిటికల్‌ విభాగంలో ఈ విషాద ఘటన చోటు చేసుకుంది. కుటుంబ సభ్యులు తెలిపిన వివరాల ప్రకారం.. కశింకోట మండలం తేగాడ గ్రామానికి చెందిన నానుబిల్లి పరమేష్‌, సుగుణ దంపతుల ద్వితీయ కుమార్తెకు జలుబు, కొద్దిగా ఆయాసం రావడంతో గత నెల 29న ఆస్పత్రికి తీసుకురాగా ట్రీట్‌మెంట్‌ చేసి మందులు ఇచ్చి పంపించేశారు. ఈనెల 1న ఉదయం మళ్లీ తీసుకువచ్చారు. ఫరవాలేదు. మందులు వాడండి అని పంపిచేశారు. మళ్లీ గురువారం రాత్రి ఏడు గంటల సమయంలో చిన్నారికి ఊపిరి సమస్య ఎక్కువ అవడంతో ఆస్పత్రికి తీసుకువచ్చారు. తీసుకువచ్చిన వెంటనే సకాలంలో సిబ్బంది స్పందించక, వైద్యం అందక, చిన్నారికి ఉన్న అసలు సమస్యను స్పష్టంగా చెప్పక తమ పాప మృతి చెందిందని తండ్రి ఆవేదన వ్యక్తం చేశారు. పాపకు ఆక్సిజన్‌ పెట్టాలని తీసుకు వెళుతుండగా, పరిస్థితి విషమించిన అనంతరం పాప మృతి చెందిందని చెప్పడంతో కుటుంబ సభ్యులు కన్నీరు మున్నీరుగా విలపించారు. రెండు రోజులుగా వైద్యం కోసం తిరిగినా పాప ఆరోగ్య పరిస్థితిపై సరైన సమాచారం ఇవ్వలేదని, ఆస్పత్రి ఆవరణలో గ్రామానికి చెందిన గ్రామస్తులు, కుటుంబ సభ్యులు ధర్నాకు దిగారు. పాప మరణానికి కారకులైన వారిపై తగిన చర్యలు చేపట్టాలని, వైద్యుల నిర్లక్ష్యంతోనే పాప చనిపోయిందని, తమకు న్యాయం చేయాలని నినాదాలు చేశారు. పాప తండ్రి ఆటో డైవర్‌ కావడంతో కుటుంబ ఆర్థిక పరిస్థితి అంతంత మాత్రంగానే ఉందని కుటుంబ సభ్యులు తెలిపారు. వీరికి ప్రథమ సంతానం నాలుగేళ్ల పాప చరణి ఉంది. రెండో సంతానంగా పుట్టిన పాపకు 15 రోజుల క్రితమే పుట్టిన రోజు చేశామని ఆవేదన వ్యక్తం చేశారు. ఈ సంఘటనపై ఆస్పత్రి సూపరింటెండెంట్‌ రవికుమార్‌ను వివరణ కోరగా విచారణ జరిపి సంబంధిత వైద్య సిబ్బందిపై చర్యలు తీసుకుంటామన్నారు.

గాంధీ సందర్శించిన బెల్లం మార్కెట్‌లో ఆయనకు గుర్తుగా ఏర్పాటు చేసిన గాంధీ విగ్రహం అనకాపల్లి టౌన్‌ : స్వాతంత్య్ర ఉద్యమ చరిత్రలో అనకాపల్లికి ప్రత్యేక స్ధానం ఉంది. అనకాపల్లిని మహాత్మాగాంధీ నాలుగుసార్లు సందర్శించారు. ఇక్కడి వర్తకులు, ప్రజలతో మమేకం అయ్యారు. మెదటిసారిగా స్వాతంత్య్ర ఉద్యమ సమయంలో 1921 మార్చి 30న బరంపురం నుంచి బెజవాడ వెళుతున్నారని తెలుసుకున్న అనకాపల్లి ప్రజలు రైల్వేస్టేషన్‌కు చేరుకొని గాంధీకి ఘన స్వాగతం పలికి సత్కరించారు. అనంతరం గాంధీజీ రెండు నిమిషాలు హిందీలో ప్రసంగించారు. తిలక్‌ స్వరాజ్య నిధికి సేకరించిన విరాళాలు కోరుకొండ బుచ్చిరాజు, పెద్ది నూకయ్యశెట్టి తదితరులు అందజేశారు. ఖద్దరు నిధి వసూళ్లకు... తర్వాత 1929 మే 1న మహాత్మాగాంధీ ఖద్దరు నిధి వసూళ్ల నిమిత్తం చోడవరంలో జరిగిన బహిరంగ సభలో పాల్గొన్న తరువాత అనకాపల్లి చేరుకున్నారు. ఇప్పటి కాయగూరల మార్కెట్‌ అప్పటి బెల్లం మార్కెట్‌లో భారీ బహిరంగ సభ నిర్వహించారు. ఈ బహిరంగ సభకు భారీ స్ధాయిలో ప్రజలు హాజరయ్యారు. ఇక్కడి బెల్లం మార్కెట్‌లో ప్రసంగించారు. ఈ సభలోనే ఆసక్తికర సంభాషణ జరిగింది. ఇక్కడి మార్కెట్‌ కు తమ పేరు పెట్టుకుంటామని గాంధీని ఇక్కడి వర్తకులు, రైతులు కోరగా..తన పేరు పెట్టడంలో ఎలాంటి అభ్యంతరం లేదని, ఇక్కడ బెల్లం మాత్రమే అమ్మాలని..మద్యం అమ్మవద్దని చమత్కరించారు. సభకు వచ్చిన రైతులు, వర్తకులు విరాళాలు ఇవ్వగా, పలువురు మహిళలు తమ బంగారు వస్తువులను స్వచ్చందంగా అందజేసినట్లు కొందరు చెబుతుంటారు. బహిరంగ సభలో... ఇక మూడవసారి గాంధీజీ 1933లో అనకాపల్లి సందర్శించారు. విజయనగరం మహారాజా అలక్‌ నారాయణ గజపతికి చెందిన రోల్స్‌రాయిస్‌ కారులో ఉదయం అనకాపల్లి చేరుకొని స్థానిక నెహ్రుచౌక్‌ జంక్షన్‌ సమీపంలో ఉన్న అప్పటి గ్రంధి హనుమంతరావు ఎస్టేట్‌లో మధ్యాహ్నం వరకు విశ్రాంతి తీసుకొన్నారు. అనంతరం పట్టణంలో ఏర్పాటు చేసిన బహిరంగ సభలో పాల్గొన్నారు. అప్పటి మున్సిపల్‌ చైర్మన్‌ తమ్మన గంగరాజు శెట్టి, స్వాతంత్య్ర సమరయోధుడు డాక్టర్‌ గుళ్లపల్లి నారాయణ మూర్తి, కోరుకొండ లింగమూర్తి గాంఽధీజీని వేదికపై ఆహ్వానించారు. సభలో గాంధీజీ హరిజనోద్దరణకు ప్రతి ఒక్కరూ ముందుకు రావాలని కోరారు. రైలులో వచ్చి..మౌనవ్రతం చివరిసారిగా గాంధీజీ 1946లో ప్రత్యేక రైలులో అనకాపల్లి వచ్చారు. అప్పటి ఏపీ కాంగ్రెస్‌ కమిటీ అధ్యక్షుడు టంగుటూరి ప్రకాశం పంతులు గాంధీజీకి సాదరంగా స్వాగతం పలికారు. రైల్వేప్లాట్‌ఫాంపై ఏర్పాటు చేసిన వేదికపై ప్రసంగించారు. అయితే సభికులు గోల చేయడంతో గాంఽధీజీ మౌనవ్రతం పాటించారు. గాంధీజీ ప్రసంగాలకు స్ఫూర్తి పొందిన బెల్లం వర్తకులు కోరుకొండ బుచ్చిరాజు కుమారుడు సుబ్బరాజు, మరికొంత మంది క్విట్‌ ఇండియా ఉద్యమంలో పాల్గొని జైలుకు వెళ్లారు.

కోర్టులో నిలవదని తెలిసి కూడా బీసీలను మోసం చేసేందుకు, రాజకీయ ప్రయోజనాల కొరకు కూటమి ప్రభుత్వం 34 శాతం రిజర్వేషన్లు జీవోను ఇచ్చింది. గతంలో మాజీ సీఎం బీసీలకు రిజర్వేషన్లు కల్పిస్తూ జీవో ఇస్తే తన మనుషులతో అప్పట్లో సీఎం చంద్రబాబు కోర్టులో కేసు వేయించి అడ్డుకున్నారు. నిజంగా చంద్రబాబుకు బీసీల మీద ప్రేమ ఉంటే కేంద్ర ప్రభుత్వంలో భాగస్వాములుగా ఉన్నందున చట్టం చేస్తే బాగుంటుంది. లీగల్‌ సమస్యలు వస్తాయని తెలిసినా కూటమి ప్రభుత్వం బీసీలను తప్పుదోవ పట్టించేందుకు కుట్ర చేసింది. కోర్టు తీర్పు చంద్రబాబుకు చెంప పెట్టు. చివరకు ఆ నెపాన్ని వైఎస్సార్‌సీపీపై నెట్టేందుకు కూటమి నేతలు ప్రయత్నిస్తున్నారు. చట్టపరమైన నిబంధనలను పాటించకుండా జీవోలు ఇచ్చి బీసీ సామాజికవర్గానికి కూటమి ప్రభుత్వం అన్యాయం చేసింది.ఇప్పటికై నా బీసీలను మభ్యపెట్టే ఆలోచన విరమించుకోవాలి. – పెట్ల ఉమాశంకర్‌ గణేష్‌, మాజీ ఎమ్మెల్యే, నర్సీపట్నం హైకోర్టు తీర్పు చెంపపెట్టు బీసీల రిజర్వేషన్‌ 34 శాతం పెంచుతున్నామని గొప్పలు చెప్పిన ప్రభుత్వానికి హైకోర్టు తీర్పు చెంపపెట్టు. ఇటువంటి రిజర్వేషన్‌ అమలు కాదని తెలిసి ప్రభుత్వం నాటకాలు ఆడింది. ముఖ్యమంత్రి చంద్రబాబుకు చిత్తశుద్ధి లేదని ఇది తేటతెల్లం చేస్తోంది. స్థానిక సంస్థల ఎన్నికల నేపథ్యంలో బీసీలను మభ్య పెట్టాలని చూశారు. అది కోర్టు తీర్పుతో పారలేదు. –ఆళ్ల జగదీష్‌, వైఎస్సార్‌సీపీ మండల కార్యదర్శి, బీసీ వర్గం, వెదురుపర్తి (కశింకోట)ఎన్నికలప్పుడే చంద్రబాబుకు బీసీలు కనిపిస్తారా ? చంద్రబాబుకు ఎన్నికల సమయంలోనే కేవలం బీసీలు గుర్తువస్తారా..? బీసీలను మభ్య పెట్టేందుకు చంద్రబాబు వారికి రిజర్వేషన్లు పెంచుతున్నట్టు జీవోలను విడుదల చేశారు. పెంచిన రిజర్వేషన్లు బీసీలకు వర్తించవని ఆయనకి తెలిసీ ఇటువంటి జీవోలను ఇవ్వడం బీసీ వర్గాల వారిని మభ్యపెట్టడమే. –ఆదిరెడ్డి రామునాయుడు, బీసీ నాయకుడు, మాజీ సర్పంచ్‌, దాలివలస, కె.కోటపాడు మండలం రాష్ట్రంలో టీడీపీ ప్రభుత్వం బీసీలను మభ్యపెడుతుంది. ఈ నేపథ్యంలోనే ఎన్నికల్లో 34 శాతం సీట్లు బీసీలకు కేటాయించాలని ప్రభుత్వం జీవో తీసుకువచ్చింది. దానిని చట్టసభల్లో ఆమోదించకుండా బీసీలపై సవతితల్లి ప్రేమ నటిస్తుంది. రాజకీయాల్లో బీసీలను ఎదగదీయకుండా టీడీపీ ప్రభుత్వం కుట్రలో భాగమే ఈ ప్రయత్నం. రిజర్వేషన్లు పెంచడం వీలుకాదని తెలిసినప్పటికీ బీసీ కులాలపై ప్రేమ ఉన్నట్లు బయటకు చెప్పుకోవడానికి హైకోర్టును ఆశ్రయించింది. బీసీలకు రిరజ్వేషన్లు పెంచాలనే కృత నిశ్చయం ఉన్నట్టయితే చట్టసభల్లో ఆమోదం చేయాలి. – భీశెట్టి గంగప్పలనాయుడు, బీసీ నాయకుడు, మూలపేట, (మునగపాక మండలం) బీసీలకు 34 శాతం రిజర్వేషన్ల విషయంలో ముమ్మాటికీ చంద్రబాబుది మోసమే. చిత్తశుద్ధి లేదు. అమలు సాధ్యం కాని జీవోలు ఇచ్చి తప్పును న్యాయం స్థానంపైకి నెట్టేందుకు ప్రయత్నించారు. బీసీలంతా గమనిస్తున్నారు. మొదటినుంచి బీసీలంటే చంద్రబాబుకు చిన్నచూపే. కోర్టు తీర్పు చంద్రబాబు ప్రభుత్వానికి చెప్పు దెబ్బ. తక్షణమే బీసీలకు క్షమాపణ చెప్పాలి. –శీరంనర్సింహమూర్తి, బీసీనాయకుడు, నక్కపల్లి చిత్తశుద్ధి ఉంటే చట్టబద్ధం చేయాలి బీసీలకు క్షమాపణ చెప్పాలి

ప్రజల్ని మోసం చెయ్యడంలో చంద్రబాబు దిట్ట. రాజ్యాంగం మేరకు యాభై శాతం దాటి రిజర్వేషన్లు ఉండరాదు. కోర్టు 34 శాతం బీసీ రిజర్వేషన్లు కొట్టేస్తుందని తెలిసి కూడా కావాలని జీవో ఇచ్చారు. బీసీలకు న్యాయం చెయ్యడంలో నాటి సీఎంలు జగన్‌, వైఎస్సార్‌లు ముందుండే వారు.స్థానిక ఎన్నికల వేళ బీసీల పట్ల కపట ప్రేమ నటిస్తూ బాబు రాజకీయం చేస్తున్నారు. ఇప్పటికై నా ప్రజలు కళ్లు తెరవాలి. నిజాయితీగా పాలించే వారెవరో గుర్తించాలి. –పల్లె అప్పలనాయుడు, వైఎస్సార్‌సీపీ బీసీ సెల్‌ జిల్లా ప్రధాన కార్యదర్శి బీసీలకు చట్టపరమైన పరిష్కారం కావాలి బీసీలకు చట్టపరమైన పరిష్కారం కావాలి. బీసీలకు 34 శాతం రిజర్వేషన్లు కల్పించే జీవోలు న్యాయపరంగా నిలబడవని కూటమి ప్రభుత్వానికి ముందే తెలుసు. అయినా రాజకీయ ప్రయోజనాల కోసం హామీ ఇచ్చి బీసీలను మోసం చేసింది కూటమి ప్రభుత్వం. రాజ్యాంగబద్ధమైన సామాజిక న్యాయానికి వైఎస్సార్‌ కాంగ్రెస్‌ పార్టీ కట్టుబడి ఉంది. కోర్టు తీర్పు ఎలా ఉన్నా బీసీల రాజకీయ, సామాజిక సాధికారత, బీసీలకు దక్సాల్సిన వాటా విషయంలో వైఎస్సార్‌ కాంగ్రెస్‌ పార్టీ ఎట్టి పరిస్థితుల్లోనూ రాజీ పడదు. – అప్పికొండ శ్రీను, దొండపూడి వైఎస్సార్‌సీపీ బీసీ సెల్‌ అధ్యక్షుడు, రావికమతం మండలంజయహో బీసీ ...అంటూ హంగామా చేసిన చంద్రబాబుకు హైకోర్టులో చుక్కెదురైంది. సుప్రీంకోర్టు తీర్పు ఉన్నప్పటికీ 34 శాతం బీసీ రిజర్వేషన్లు అంటూ మభ్యపెట్టారు. కోర్టులో రిజర్వేషన్ల పెంపు అంశం నిలబడదని చంద్రబాబుకు తెలిసే కంటి తుడుపు చర్యగా 34 శాతం బీసీ రిజర్వేషన్ల జీవో తీసుకువచ్చారు. బీసీలందరూ ఇప్పటికై నా ఈ డ్రామాలను గ్రహించాలి. మహానేత వై.ఎస్‌ రాజశేఖరరెడ్డి మా శిష్ట కరణాల కులాన్ని బీసీ జాబితాలో చేర్చి ఎంతో మేలు చేశారు. –డబ్బీరు కామేశ్వరరావు, దిమిలి, శిష్ట కరణాలు సంఘం నాయకుడు బాబు పొలిటికల్‌ డ్రామా సుప్రీంకోర్టు తీర్పుల ప్రకారం పలు రాష్ట్రాల్లో స్థానిక ఎన్నికల్లో రిజర్వేషన్లు 50 శాతానికి మించకూడదని చాలా సార్లు స్పష్టమైంది. 34శాతం రిజర్వేషన్లు ఇస్తున్నామని జీవోలు జారీ చేయడం పెద్ద పొలిటికల్‌ డ్రామా ఇది బీసీలపై ప్రేమతో చేసింది కాదు. మేం ఇవ్వాలనుకున్నాం కానీ కోర్టులే కొట్టేసాయి అని నెపం న్యాయస్థానాలపైకి నెట్టేసి చేతులు దులుపుకోవాలని చూస్తున్నారు. జీవోల పేరుతో కూటమి ప్రభుత్వం బీసీలను మరోసారి మోసగించింది. బీసీ కులాల ప్రజలంతా కూటమి ప్రభుత్వానికి బుద్ధి చెబుతారు. –ఉద్దండం త్రినాధరావు, వైఎస్సార్‌సీపీ రాష్ట్ర బీసీ సెల్‌ కార్యదర్శి బీసీలకు మరోసారి అన్యాయం బీసీలకు 34 శాతం రిజర్వేషన్లు కల్పిస్తున్నట్లు ప్రభుత్వం ప్రకటించి, ఇప్పుడు కోర్టు తీర్పును సాకుగా చూపడం బీసీలను మోసం చేయడమే. బీసీలకు నిజంగా న్యాయం చేయాలన్న చిత్తశుద్ధి ఉంటే న్యాయపరమైన అడ్డంకులను అధిగమించేందుకు ప్రభుత్వం చర్యలు తీసుకోవాలి. బీసీల ప్రయోజనాల విషయంలో చంద్రబాబు ప్రభుత్వం అనుసరిస్తున్న వైఖరిపై బీసీ వర్గాల్లో తీవ్ర అసంతృప్తి నెలకొంది. – నోట్ల శేఖర్‌, బట్లపూడి గ్రామం, అనకాపల్లి మండలం. మాజీ డైరెక్టర్‌, రాష్ట్ర బీసీ యాదవ కార్పొరేషన్‌ చంద్రబాబుకు చిత్తశుద్ధి లేదు

అనకాపల్లి టౌన్‌ : పాఠశాలల్లో సహిత విద్యా విధానాన్ని సమర్ధంగా అమలు చేసి ప్రత్యేక అవసరాలు కలిగిన విద్యార్ధులకు సాధారణ విద్యార్ధులతో సమానంగా విద్యా అవకాశాలు కల్పించేందుకు అధికారులు ప్రత్యేక దృష్టి సారించాలని డీఈవో నాగేశ్వరరావు తెలిపారు. పట్టణ జీవీఎంసీ టౌన్‌ బాలికల ఉన్నత పాఠశాలలో సమగ్ర శిక్ష, విద్యాశాఖ ఆధ్వర్యంలో మండల విద్యాశాఖాధికారులకు సహిత విద్యపై ఒక రోజు అవగాహన కార్యక్రమం జరిగింది. ఈ సందర్భంగా ఆయన మాట్లాడుతూ సాధారణ విద్యార్థులతో పాటు ప్రత్యేక అవసరాలు కలిగిన విద్యార్థులు కలిసి చదువుకోవడమే సహిత విద్యా విధానం ప్రధాన లక్ష్యం అన్నారు. పాఠశాలల్లో కొత్తగా దివ్యాంగ విద్యార్థులను గుర్తించేందుకు కేంద్ర ప్రభుత్వం రూపొందించిన ప్రశస్త్‌ యాప్‌ ద్వారా స్క్రీనింగ్‌ ప్రక్రియ కొనసాగుతుందన్నారు. సాధారణ ఉపాధ్యాయులకు సహిత విద్యపై ఆన్‌లైన్‌ ద్వారా కోర్సును అందిస్తున్నామని, ఇవి క్షేత్ర స్థాయిలో అమలు అయ్యేలా ఎంఈవోలు పర్యవేక్షించాలని సూచించారు. ఈ కార్యక్రమంలో జిల్లా సహిత విద్య రిసోర్స్‌ పర్సన్‌ః బొడ్డు మహలక్ష్మినాయుడు, కోఆర్డినేటర్‌ బి. రామకృష్ణ నాయుడు, మండల విద్యాశాఖాధికారులు పాల్గొన్నారు.

కె.కోటపాడు: చౌడువాడ శారదానదిలో ఇసుక అక్రమంగా రవాణా చేస్తున్న వారిపై రెవెన్యూ అధికారులు గురువారం కొరడా ఝుళిపించారు. సాక్షిలో గత నెల 29న ప్రచురితమైన ‘మళ్లీ మొదలైన ఇసుక అక్రమ రవాణా’ శీర్షికతో కథనం ప్రచురితమైంది. దీనికి స్పందించిన తహసీల్దార్‌ బి.నాగరాజు, గ్రామ రెవెన్యూ అధికారి బండారు నాయుడు కలిసి శారదానది నుంచి ఇసుక అక్రమ రవాణా చేస్తున్న స్థావరాలను తనిఖీ చేశారు. ఇందులో భాగంగా ఇసుకను తరలించేందుకు సిద్ధంగా ఉంచిన మూడు ట్రాక్టర్లను పట్టుకున్నారు. వీటి యజమానులపై కేసును నమోదు చేయడంతో పాటు అపరాధరుసుం విధించారు. ఇసుక అక్రమ రవాణా చేసే వారిపై కఠిన చర్యలు తీసుకునేందుకు వెనుకాడబోమని తహసీల్దార్‌ హెచ్చరించారు. ఈ దాడుల్లో వీఆర్‌ఏలు కెల్లి అంజి, ఈశ్వరమ్మ, హరికృష్ణ పాల్గొన్నారు.

కలెక్టర్‌ నిశాంతి సాక్షి, పాడేరు: బాలల హక్కుల పరిరక్షణతో పాటు వారి భద్రత, సంక్షేమం కోసం అందరం కలిసికట్టుగా కృషి చేయాలని కలెక్టర్‌ టి. నిశాంతి పిలుపునిచ్చారు. విద్యా, సీ్త్ర శిశు సంక్షేమ శాఖల ఆధ్వర్యంలో స్థానిక శంకరన్‌ హాల్‌లో బాలల హక్కుల పరిరక్షణపై అవగాహన సదస్సు నిర్వహించారు. ఈ కార్యక్రమంలో వివిధ రంగాల్లో ప్రతిభ చూపిన ప్రతిభావంతులైన బాలికలకు కలెక్టర్‌ ఘనంగా బహుమతులు అందజేసి అభినందించారు. ఈ సందర్భంగా కలెక్టర్‌ నిశాంతి మాట్లాడుతూ... బాలల హక్కులకు సంబంధించిన అన్ని అంశాలపై అధికారులు నిరంతరం అప్రమత్తంగా ఉండి, రక్షణ చర్యలను పకడ్బందీగా అమలు చేయాలని ఆదేశించారు. బాలల హక్కులను పరిరక్షించడం కేవలం ప్రభుత్వ బాధ్యతే కాదని, సమాజంలోని ప్రతి ఒక్కరి బాధ్యత అని స్పష్టం చేశారు. చిన్నారులకు పౌష్టికాహారం, నాణ్యమైన విద్య, మెరుగైన వైద్యం , భద్రత కల్పించడమే తమ ప్రధాన ప్రాధాన్యత అని తెలిపారు. ముఖ్యంగా పాఠశాలల్లో బాలబాలికలు ఎలాంటి ఒత్తిడి లేకుండా చదువుకోవడానికి ప్రశాంతమైన వాతావరణాన్ని ఏర్పాటు చేయాలని ఉపాధ్యాయులకు సూచించారు. ఈ కార్యక్రమంలో డీఈవో భానుమూర్తిరాజు, వివిధ శాఖల జిల్లా అధికారులు, ఉపాధ్యాయులు, విద్యార్థులు పెద్ద సంఖ్యలో పాల్గొన్నారు.

సాక్షి, విశాఖపట్నం: దశాబ్దాల చిరకాల స్వప్నం నెరవేరి, దక్షిణ కోస్తా రైల్వే జోన్‌ అవతరించి వంద రోజులు గడిచిపోయాయి. విశాఖ కేంద్రంగా రైలు సర్వీసుల్లో విప్లవాత్మక మార్పులు వస్తాయని, ప్రయాణ కష్టాలు తీరుతాయని అంతా ఆశించారు. కానీ ఆ ఆశలన్నీ అడియాసలే అయ్యాయి. ‘జోన్‌ మనకి.. రైళ్లు పక్కోళ్లకు’ అన్న చందంగా ఇక్కడి పరిస్థితి తయారైంది. విశాఖ రైల్వే డివిజన్‌ అధికారుల నిర్లక్ష్యం, సాకుల కారణంగా కొత్త రెగ్యులర్‌ రైళ్లు పట్టాలెక్కకపోగా, ఇతర జోన్ల నుంచి వచ్చే స్పెషల్‌ రైళ్లు కూడా విశాఖ వైపు చూడకుండా బైపాస్‌ మీదుగానే వెళ్లిపోతున్నాయి. పిట్‌ లైన్లలో స్థలం లేదనే నెపంతో అధికారులు ప్రయాణికుల ఆశలపై నీళ్లు చల్లుతున్నారు. చెబుతున్నవన్నీ సాకులే.. జోన్‌ ఏర్పాటుకు ముందే నడుస్తున్న కొన్ని స్పెషల్‌ రైళ్లను మాత్రమే అధికారులు రెగ్యులర్‌ చేశారు. అంతకుమించి కొత్త జోన్‌ పరిధిలో కొత్తగా హెడ్‌క్వార్టర్స్‌ నుంచి ఒక్క సర్వీస్‌ కూడా మొదలు కాలేదు. పిట్‌ లైన్లు నిండిపోయాయని, కొత్త రైళ్లకు స్లాట్లు ఖాళీ లేవంటూ విశాఖ రైల్వే డివిజన్‌ అధికారులు ఉదాసీన వైఖరి ప్రదర్శిస్తున్నారు. సమస్యలను పరిష్కరించి కొత్త రైళ్లను తీసుకురావాలనే చిత్తశుద్ధి లోపించడంతో, జోన్‌ కేంద్రంగా విశాఖకు దక్కాల్సిన ప్రాధాన్యత రోజురోజుకీ కనుమరుగవుతోంది. ఇతర జోన్లకు వరంగా మారిన నిర్లక్ష్యం! విశాఖ డివిజన్‌ అధికారుల అలసత్వాన్ని పక్క రైల్వే జోన్లు తమకు అనుకూలంగా మలచుకుంటున్నాయి. దక్షిణ కోస్తా రైల్వే మీదుగా ఇతర జోన్లు అనేక ప్రత్యేక రైళ్లను ప్రవేశపెడుతున్నాయి. అయితే ఆ రైళ్లను నగరంలోకి తీసుకువచ్చేందుకు కూడా విశాఖ అధికారులు కనీస ఆసక్తి చూపడం లేదు. ట్రాక్‌లు ఖాళీ లేవనే కారణంతో ఆ రైళ్లన్నీ దువ్వాడ బైపాస్‌ మీదుగానే వెళ్లిపోతున్నాయి. ఫలితంగా నగర ప్రయాణికులకు ఆ సేవలు అందుబాటులోకి రావడం లేదు. మన ట్రాక్‌పై పక్క జోన్ల రైళ్ల పరుగులు! ప్రస్తుతం నడుస్తున్న పలు స్పెషల్‌ రైళ్ల వివరాలను పరిశీలిస్తే డివిజన్‌ అధికారుల తీరు స్పష్టమవుతోంది. శ్రీకాకుళం – చర్లపల్లి, సికింద్రాబాద్‌ – బరంపురం మధ్య నడుస్తున్న రెండు స్పెషల్‌ రైళ్లు దక్షిణ మధ్య రైల్వే ఆధ్వర్యంలోనే నడుస్తున్నాయి. వీటితో పాటు బెంగళూరు వీక్లీ (18509/10), తిరుపతి వీక్లీ (18505/06, 18507/08), కొల్లాం వీక్లీ (18501/02), చర్లపల్లి వీక్లీ (18527/28) వంటి దాదాపు 10 రైళ్లు సదరన్‌, సౌత్‌ సెంట్రల్‌ రైల్వే జోన్లకే పరిమితమయ్యాయి.మన జోన్‌ మీదుగా నడుస్తున్నా, స్థానిక అధికారుల చొరవ లేకపోవడంతో విశాఖ ప్రయాణికులకు ప్రయోజనం లేకుండా పో తోంది. ఈ రైళ్లు కూడా విశాఖ రైల్వేస్టేషన్‌కు రావడం లేదు. ఉన్న రైళ్లకూ మంగళం! కొత్త రైళ్లు రాకపోవడం ఒక ఎత్తయితే, ఏళ్ల తరబడి నడుస్తున్న పాత రైళ్లను సైతం అధికారులు రద్దు చేస్తుండటం ప్రయాణికులను తీవ్ర ఆందోళనకు గురిచేస్తోంది. విశాఖ కేంద్రంగా కొత్త జోన్‌ వస్తే రైల్వే సర్వీసులు మెరుగుపడతాయని ఆశించిన వారికి నిరాశే ఎదురైంది. అధికారుల నిర్లక్ష్యం ఇలాగే కొనసాగితే దక్షిణ కోస్తా రైల్వే జోన్‌ కేవలం కార్యాలయాలకు, కాగితాలకు, ఏసీ రూమ్‌లకే పరిమితమవుతుందనే విమర్శలు వ్యక్తమవుతున్నాయి.

అనకాపల్లి: జీవీఎంసీ విలీన గ్రామమైన కొప్పాక రైల్వే బ్రిడ్జి సమీపంలో ఈనెల 29న రాత్రి సమయంలో సికింద్రాబాద్‌ నుంచి శ్రీకాకుళం వెళుతున్న ఫలక్‌నుమా సూపర్‌ఫాస్టు ఎక్స్‌ప్రెస్‌ నుంచి బేహర తవిటయ్య అనే ప్రయాణికుడు ప్రమాదవశాత్తూ జారిపడి మృతిచెందినట్టు దువ్వాడ జీఆర్పీ ఎస్‌ఐ కె.టి.ఆర్‌.లక్ష్మి బుధవారం చెప్పారు. మృతదేహం వద్ద ఉన్న సెల్‌ఫోన్‌ ఆధారంగా మృతుడి కుటుంబసభ్యులకు సమాచారం అందించినట్టు ఎస్‌ఐ తెలిపారు. మృతుడిని శ్రీకాకుళం జిల్లా లక్కుపురం గ్రామానికి చెందిన బేహర తవిటయ్యగా గుర్తించడం జరిగిందన్నారు. కుటుంబ సభ్యుల సమక్షంలో మృతదేహానికి పోస్టుమార్టం నిర్వహించి అప్పగించడం జరిగిందన్నారు. కేసు నమోదు చేసి దర్యాప్తు చేస్తున్నామన్నారు.

కలెక్టరేట్‌ వద్ద బౌద్ధ సంఘాల నిరసనతుమ్మపాల: అనకాపల్లి మండలం శంకరం గ్రామంలోని ప్రముఖ బౌద్ధ పర్యాటక కేంద్రమైన బొజ్జన్నకొండ పేరును ‘బుద్ధునికొండ’గా మార్చాలని ఉభయ విశాఖ జిల్లాల బౌద్ధ సంఘాల సమాఖ్య ప్రతినిధులు డిమాండ్‌ చేశారు. ఈ మేరకు బుధవారం కలెక్టరేట్‌ గేటు వద్ద ఫ్లెక్సీలతో నిరసన ప్రదర్శన చేసి డీఆర్‌వో వై. సత్యనారాయణరావుకు వినతిపత్రం అందజేశారు. ఈ సందర్భంగా బౌద్ధ సంఘాల సమాఖ్య ప్రధాన కార్యదర్శి బోర వేణుగోపాల్‌ గౌతమ్‌ మాట్లాడుతూ శంకరంలో బొజ్జన్నకొండగా పిలవబడే బౌద్ధ క్షేత్రానికి ప్రాచీన చరిత్ర ఉందని, బుద్ధుని విగ్రహాలు, స్తూపాలు, చైత్యాలు, గుహలు బౌద్ధ అవశేషాలు అత్యంత ప్రాచుర్యం కలిగినవన్నారు. బొజ్జన్నకొండ పేరుతో ప్రజల్లో, పర్యాటకుల్లో కొంత అయోమయం నెలకొంటోందని, బుద్ధునికొండగా పేరు మార్చేందుకు ప్రభుత్వం చొరవ తీసుకుని అధికారికంగా ప్రకటించాలని కోరారు. సిద్ధార్థ సోషల్‌ సర్వీస్‌ అండ్‌ కల్చరల్‌ అసోసియేషన్‌ వ్యవస్థాపక అధ్యక్షుడు బల్లా నాగభూషణం మాట్లాడుతూ బౌద్ధ సంప్రదాయానికి సంబంధించిన చారిత్రక అవశేషాలతో ఉన్న ఈ ప్రాంతానికి బుద్ధునికొండ అనే పేరు మరింత సముచితంగా ఉంటుందని అన్నారు. బౌద్ధ క్షేత్రంలోని స్తూపాలు, చైత్యాలను ఇతర పేర్లతో పిలవడం వల్ల దాని చారిత్రక, బౌద్ధ ప్రాధాన్యం మరుగున పడుతోందన్నారు. బౌద్ధ క్షేత్ర ప్రతిష్ట, చారిత్రక ప్రాధాన్యాన్ని ప్రపంచానికి చాటేలా పేరు మార్పు చేయాలని ప్రభుత్వాన్ని కోరారు. ఈ కార్యక్రమంలో ప్రతినిధులు వి.వి.దుర్గారావు, గునుపూడి బాబులు, పల్లా బాబ్జి, నేలపూడి బాలరాజు, మట్టా కృష్ణారెడ్డి, గుడాల అచ్యుతరామారావు, ఎస్‌.దయాళ్‌రాజు, ఎస్‌.జాన్‌బాబు, పందిరి ధవళరాజు, గిలకల అప్పారావు, కాపారపు సత్యనారాయణ పాల్గొన్నారు.

మత్స్యకారుడు మృతి ఎస్‌.రాయవరం: బంగారమ్మపాలెం గ్రామానికి చెందిన మత్స్యకారుడు చేపల వేటకు వెళ్లి సముద్రంలో పడి బుధవారం మృతి చెందినట్టు ఎస్‌ఐ రమేష్‌ తెలిపారు. ఆయన అందించిన వివరాలిలా ఉన్నాయి. బంగారమ్మపాలెం మొగ నుంచి అయిదుగురు వ్యక్తులు బుధవారం ఉదయం చేపలవేటకు వెళ్లారు. తెప్పపై ఉంటూ వల కట్టుకుంటూ వెళ్లారు. తిరుగు ప్రయాణంలో వల ఎత్తుకునే సమయంలో సముద్రంలో బలమైన గాలులు వేయడం వల్ల అయిదుగురిలో ఒక్కరైన పేర్ల సోమేష్‌(53) సముదంలో పడిపోయాడు. ఈ క్రమంలో వలకు చిక్కుకు పోవడం వల్ల బయటకు తీసేలోపు ప్రాణాలు పోయాయని తోటి మత్స్యకారులు చెప్పినట్టు ఎస్‌ఐ తెలిపారు. ఈ మేరకు కేసు నమోదు చేసి దర్యాప్తు చేస్తున్నట్టు తెలిపారు.

ఐసీడీఎస్‌ జిల్లా ప్రాజెక్టు డైరెక్టర్‌ రాజ్యలక్ష్మి రోలుగుంట: పోషక విలువలతో కూడిన ఆహారం చిన్నారులకు అందజేసి వారి ఎదుగుదలకు అంగన్‌వాడీ కేంద్రాలు ఎంతగానో దోహదపడుతున్నాయని ఐసీడీఎస్‌ జిల్లా ప్రాజెక్టు డైరెక్టర్‌ ఎన్‌.రాజ్యలక్ష్మి అన్నారు. మండలస్థాయిలో రావికమతం ఐసీడీఎస్‌ సీడీపీవో మంగతాయారు రోలుగుంటలో గల బుచ్చింపేట, రోలుగుంట సెకార్లు సూపర్‌వైజర్లు హేమ, బేగం, వారి పరిధిలో ఉన్న అంగన్‌వాడీ కేంద్రాల టీచర్లతో కలసి పోషణ్‌ మాసం– 2026 కార్యక్రమాన్ని నిర్వహించారు. ఇక్కడ పాల్గొన్న జిల్లా పీడీ తమ శాఖ ద్వారా కేంద్ర ప్రభుత్వం గర్భిణులు, బాలింతలు, కిశోర బాలికలకు అందిస్తున్న సమతుల్య ఆహారం గురించి అవగాహన కల్పించారు. కేంద్రాలకు వస్తున్న చిన్నారుల ఆరోగ్యం, వారి ఎదుగుదలపై ఆయా కేంద్రాల టీచర్లు బాధ్యత వహించాలన్నారు. ఈ సందర్భంగా అంగన్‌వాడీ టీచర్లు తక్కువ ఖర్చుతో తయారు చేసిన పోషక విలువలు కలిగిన వంటకాలు ప్రదర్శించారు. వాటిని ఎంపీడీవో వి.ఎస్‌.నాగేశ్వరరావు, తహసీల్దార్‌ నాగమ్మ, నాయకులు గుములూరి చంద్రమౌలి, పంచాడ నాగచంద్ర, ఆడారి గణేశ్వరరావుతో తదితరులు రుచి చూసి అభినందించారు. మండలంలోని అంగన్‌వాడీ కేంద్రాల పరిధిలో గల బాలింతలు, గర్భిణులు, కిశోర బాలికలు, టీచర్లు, ఆయాలు పాల్గొన్నారు.

గత ప్రభుత్వంలో రెండేళ్లు కరోనా వచ్చినపుడు మా వలంటీర్లంతా ఇంటింటికి తిరిగి వైద్య సేవలతో పాటు అప్పటి జగన్‌మోహన్‌రెడ్డి ప్రభుత్వం అందించిన ప్రతి సంక్షేమ పథకాన్ని ప్రజలకు అందేలా చేశాం. ఉదయం నుంచి రాత్రి వరకు పనిచేస్తే మాకు నెలకు రూ.5 వేలు జీతం ఇస్తేనే ప్రభుత్వ నిధులు వృధా చేస్తున్నారని చంద్రబాబు డప్పు కొట్టేవారు. ఇప్పుడు సోషల్‌ మీడియా పేరిట తమ వారికి వేల జీతాలు దోచిపెట్టేలా ప్రభుత్వ తీరు కనిపిస్తుంది. – మజ్జి సోమేష్‌, మాజీ వలంటీర్‌, పొట్టిదొరపాలెం, బుచ్చెయ్యపేట మండలం

డుంబ్రిగుడ: ప్రభుత్వ భూముల అక్రమణలను అరికట్టడంలో రెవెన్యూ శాఖ అధికారులు తీవ్ర నిర్లక్ష్యం ప్రదర్శిస్తున్నారని గిరిజన సంఘం జిల్లా ఉపాధ్యక్షుడు టి. సూర్యనారాయణ మండిపడ్డారు. బుధవారం ఆయన విలేకరులతో మాట్లాడుతూ అధికారుల తీరుపై తీవ్ర ఆగ్రహం వ్యక్తం చేశారు. గత కొంతకాలంగా అరకు పంచాయతీ కేంద్రంలోని సర్వే నంబర్‌ 54/3 పరిధిలో, నేరేడువలస పాఠశాల సమీపంలో సుమారు ఎకరా 16 సెంట్ల ప్రభుత్వ భూమి ఉందని రెవెన్యూ అధికారులే చెబుతున్నారని తెలిపారు. కానీ, ఇంతవరకు ఆ భూమి వద్ద ఎలాంటి హెచ్చరిక బోర్డులను ఏర్పాటు చేయకపోవడం వెనుక రెవెన్యూ అధికారుల తీరుపై పలు అనుమానాలు వ్యక్తమవుతున్నాయన్నారు. ఈ విషయంపై ఇప్పటికే ఈ నెల 19న జిల్లా కలెక్టర్‌కు ఫిర్యాదు చేసినట్లు ఆయన గుర్తుచేశారు. ఇప్పటికై నా రెవెన్యూ అధికారులు స్పందించి, అక్రమణకు గురవుతున్న ప్రభుత్వ భూములను పరిరక్షించి తక్షణమే హెచ్చరిక బోర్డులు ఏర్పాటు చేయాలని డిమాండ్‌ చేశారు. లేనియెడల గిరిజన సంఘం ఆధ్వర్యంలో ఆందోళన కార్యక్రమాలను ఉధృతం చేస్తామని హెచ్చరించారు. ఈ కార్యక్రమంలో గిరిజన సంఘం మండల కార్యదర్శి పాంగి సత్యనారాయణ, పాంగి మోహన్‌దాసు, డొంబు తదితరులు పాల్గొన్నారు. అధికారుల తీరుపై గిరిజన సంఘ ఆగ్రహం

సాక్షి, విశాఖపట్నం: స్వచ్ఛ ఆంధ్ర–2026 పురస్కారాలను రాష్ట్ర ప్రభుత్వం బుధవారం ప్రకటించింది. ఉమ్మడి విశాఖకు పలు కేటగిరీల్లో పురస్కారాలు దక్కాయి. స్వచ్ఛ బస్‌ స్టేషన్‌ కేగిరీలో ద్వారకా బస్‌ స్టేషన్‌, స్వచ్ఛ టూరిస్ట్‌–హెరిటేజ్‌ ప్రదేశాల్లో అల్లూరి సీతారామరాజు జిల్లాలోని అరకు పైనరీ ప్రథమ స్థానాల్లో నిలిచాయి. మహావిశాఖపట్నం నగరపాలక సంస్థ(జీవీఎంసీ) మూడు కేటగిరీల్లో పురస్కారాలు దక్కించుకుంది. స్వచ్ఛ ప్రభుత్వ కార్యాలయ కేటగిరీలో ద్వితీయ స్థానం, స్వచ్ఛ మున్సిపాలిటీలు(3 లక్షలు అంతకు మించిన జనాభా) కేటగిరీలో తృతీయ స్థానంలో నిలిచింది. స్వచ్ఛ వారియర్స్‌లో జీవీఎంసీ వెస్ట్‌ జోన్‌కు చెందిన వై.నాగరాజు తృతీయస్థానంలో నిలిచి పురస్కారం దక్కించుకున్నారు. స్వచ్ఛ స్కూళ్ల కేటగిరీలో జిల్లా పరిషత్‌ ఉన్నత పాఠశాల(చంద్రంపాలెం), స్వచ్ఛ గ్రామ పంచాయతీల్లో అనకాపల్లి జిల్లా మార్టూరు, స్వచ్ఛ ఆస్పత్రుల్లో జీఏడీ అనకాపల్లి, సీహెచ్‌సీ పెందుర్తి, యూపీహెచ్‌సీ చినముషిడివాడ, స్వచ్ఛ హాస్టళ్లలో అనకాపల్లి జిల్లా తాండవలోని జీటీడబ్ల్యూ ఆశ్రమ పాఠశాల(బాలికలు), స్వచ్ఛ విలేజ్‌ ఆర్గనైజేషన్స్‌లో విశాఖలోని చిన్నాపురం విలేజ్‌ ఆర్గనైజేషన్‌(ద్వితీయ), స్వచ్ఛ దేవాలయాలు, మత సంబంధిత ఇనిస్టిట్యూషన్స్‌లో శ్రీ వరాహ లక్ష్మీనరసింహ స్వామి దేవస్థానం(తృతీయ) పురస్కారం దక్కించుకున్నాయి. స్వచ్ఛ హోటళ్లలో నోవోటెల్‌ విశాఖపట్నం వరుణ్‌బీచ్‌ మాత్రమే పురస్కారం పొందింది. వీరికి ఈ నెల 2న విజయవాడలో జరిగే కార్యక్రమాల్లో పురస్కారాలు అందించనున్నారు.

ఆడపిల్లలంటే అంత అలుసా ప్యాకేజీపై హామీ ఇచ్చి మోసం చేస్తారా? ఆర్‌అండ్‌ఆర్‌ ప్యాకేజీ ఇవ్వకపోతే పోరాటం తప్పదు చంద్రబాబు సర్కారుపై ధ్వజమెత్తిన మిట్టల్‌ స్టీల్‌ నిర్వాసితులు తహసీల్దార్‌ కార్యాలయం వద బైఠాయించిన నిర్వాసితులుఇల్లు లేదు..ఉపాధి కూడా లేదు నక్కపల్లి: స్టీల్‌ప్లాంట్‌, బల్క్‌ డ్రగ్‌పార్క్‌ కోసం ప్రభుత్వం వేంపాడు, చందనాడ, బుచ్చిరాజుపేట, రాజయ్యపేట, అమలాపురం పాటిమీద, మూలపర గ్రామాల్లో 4500 ఎకరాలు ఏపీఐఐసీ ద్వారా సేకరించారు. వీటిలో ఆర్సిలర్‌ మిట్టల్‌ స్టీల్‌ప్లాంట్‌కు 2200 ఎకరాలు, బల్క్‌డ్రగ్‌ పార్క్‌కు 2 వేల ఎకరాలు కేటాయించారు. స్టీల్‌ప్లాంట్‌ కోసం కేటాయించిన భూముల్లో పాటిమీద, మూలపర, తమ్మయ్యపేట గ్రామాలున్నాయి. వీటిలో సుమా రు 1000 మంది వరకు నివసిస్తున్నారు. ఇక్కడ 850 మందిని నిర్వాసితులుగా గుర్తించారు. ఆర్‌అండ్‌ఆర్‌ ప్యాకేజీ కోసం జాబితా సిద్ధం చేసింది. వీరి ఇళ్లను ఖాళీ చేయించి బోదిగ్లల్లం వద్ద పునరావాసకాలనీ ఏర్పాటు చేశారు. అక్కడ వీరందరికి ఐదుసెంట్ల ఇంటి స్థలం ఆర్‌అండ్‌ఆర్‌ ప్యాకేజీ కింద రూ.9.80లక్షలు చెల్లించారు. నివాస ప్రాంతాలను ఖాళీ చేయించే సమయంలో ప్రభుత్వం యజమానితోపాటు, మేజర్లయిన కొడుకులు, వివాహాలు కాని ఆడపిల్లలకు ఇంటి స్థలం, ఆర్‌అండ్‌ఆర్‌ ప్యాకేజీ ఇస్తామని హామీ ఇచ్చింది. దీంతో నిర్వాసితులు తమ ఇళ్లను తొలగించేందుకు అంగీకరించారు. తీరా ఇళ్లు తొలగించిన తర్వాత నిర్వాసితులకు ప్రభుత్వం అన్యాయం చేసింది. ఒక ఇంట్లో యజమాని ఇద్దరు కొడుకులు, ఇద్దరు కుమార్తెలు ఉంటే మగవారికి మాత్రమే నష్టపరిహారం, ప్యాకేజీ ఇచ్చి మిగిలిన వారికి మొండిచేయి చూపించింది. వివాహాలైన ఆడపిల్లలకు నష్టపరిహారం ఇవ్వకుండా మోసం చేసింది. నాటి హామీలేమయ్యాయి...? 2014లో భూములు స్వాధీనం చేసుకునే సమయంలో నిర్వాసిత కుటుంబాల్లో వివాహాలు కాని ఆడపిల్లలకు ప్యాకేజీ ఇస్తామని హామీ ఇచ్చారు. 2024లో అధికారంలోకి వచ్చేక భూములు స్వాధీనం చేసుకోవడం మొదలు పెట్టారని అలాగే గత ఏడాది స్టీల్‌ప్లాంట్‌కు భూములు కేటాయించిన తర్వాత నివాస ప్రాంతాలు కూడా తొలగిస్తున్నారని నిర్వాసితులు తెలిపారు. ఇప్పుడు ప్యాకేజీ ఇవ్వాలని కోరితే ప్రభుత్వం, అధికారులు ఏ సమాధానం చెప్పడం లేదంటూ బాధితులు కన్నీటి పర్యంత మవుతున్నారు. ఇంట్లో ఇద్దరు కొడుకులు ఒకరికే ప్యాకేజీ ఇచ్చారని, ఇంటి యజమానికి నష్టపరిహారం ఇచ్చాం కాబట్టి ఇళ్లు ఖాళీ చేయాల్సిందేనంటూ బెదిరించి ఒత్తిడి తెచ్చి ఖాళీ చేయించారని వారు ఆరోపిస్తున్నారు. ఇలా ప్రభుత్వం ఇచ్చిన హమీలో ఆర్‌ఆండ్‌ ఆర్‌ప్యాకేజీకి అర్హత ఉన్న ఆడపిల్లలు సుమారు 250 మంది ఉన్నారు. వీరందరికి వివాహాలయ్యాయి. ఆర్‌అండ్‌ ఆర్‌ప్యాకేజీని లాంఛనాలు కింద ఆశ చూపించి వివాహాలు చేసామని తీరా ఇప్పుడు ప్రభుత్వం వీరికి నష్టపరిహారం చెల్లించకపోవడంతో అత్తింటి వారితో ఇబ్బందులు వస్తున్నాయంటూ బాధితులు ఆరోపిస్తున్నారు. ఇళ్లు కూల్చే సమయంలో నిర్వాసిత కుటుంబాల్లో అనారోగ్యంతో మంచాన పడిన వారు ఉన్నారని వారి పట్ల కనికరం లేకుండా గడువు ఇవ్వకుండా పొక్లెయిన్‌లతో ఇళ్లు కూల్చేశారని తెలిపారు. రెండేళ్ల నుంచి కలెక్టర్‌, ఆర్‌డీవో, ఏపీఐఐసీ కార్యాలయాల చుట్టు తిరుగుతున్నా పట్టించుకోవడం లేదన్నారు. వివాహం కాని ఆడపిల్లలకు ఆర్‌అండ్‌ఆర్‌ ప్యాకేజీ ఇప్పిస్తానని హోంమంత్రి కూడా హామీ ఇచ్చి, నిలబెట్టుకోలేదన్నారు. ప్రభుత్వం చేసిన మోసంతో రగిలిపోతున్న వీరంతా బుధవారం స్టీల్‌ప్లాంట్‌ రోడ్డు ఎదుట ధర్నాకు దిగారు. తమకు ఇచ్చిన హామీలు నెరవేర్చే వరకు పోరాటం ఆపే ప్రసక్తి లేదని తేల్చిచెప్పారు. ఆందోళనకు వైఎస్సార్‌సిసీపీ, రాష్ట్ర కార్యదర్శి వీసం రామకృష్ణ, నాయకత్వం వహించారు. మండల వైఎస్సార్‌సీపీ అధ్యక్షుడు గొర్ల గోవిందు, పార్టీ రాష్ట్ర రైతు విభాగం కార్యదర్శి సూరాకాసుల గోవిందు, మాజీ వైస్‌ ఎంపీపీ వీసం నానాజీ, నిర్వాసిత నాయకులు తళ్ల భార్గవ్‌, అప్పలరాజు, గంటా తిరుపతిరావు, రావి చిన్ని, ఎం.గోవిందు, పిక్కితాతీలు, నూకరాజు పాల్గొన్నారు. నాకు కూల్చేసిన ఇంటికి నష్టపరిహారం ఇచ్చారు. స్థలానికి డబ్బులు ఇవ్వలేదు. ఎంత దారుణం. స్థలానికి డబ్బులు ఇవ్వాలని రెండేళ్ల నుంచి తిరుగుతున్నాను పట్టించుకోలేదు. ఉన్న పళంగా ఊరొదిలేసి పోయాం ఎలా బతుకుతాం. కాటికి కాలు చాచిన వయసులో ఇలా బాధపెట్టడం ఎంత వరకు సమంజసం. చంద్రబాబు మాటలు నమ్మి సర్వం కోల్పోయి రోడ్డున పడ్డాం. ఇలా సేత్తాడని అనుకోలేదు. –రావి నూకరాజు, పాటిమీద వివాహాలు కాని ఆడపిల్లలకు ఆర్‌అండ్‌ఆర్‌ ప్యాకేజీ ఇస్తామని చంద్రబాబు ప్రభుత్వం హామీ ఇచ్చి మోసం చేసింది. పెళ్లిళ్లు అయిపోయాయని చెప్పి ఇవ్వడం మానేసింది. ప్రభుత్వ హామీని నమ్మి బాధితులంతా ఇళ్లు ఖాళీ చేయడానికి ఒప్పుకున్నా రు. ఇళ్లు కూల్చేసి వారందరినీ కట్టుబట్టలతో తగిలేశారు. ఇప్పుడు పరిహారం ఇవ్వమంటున్నారు. బాధితుల తరపున వైఎస్సార్‌సీపీ పోరాటం చేస్తుంది. పరిహారం చెల్లించకపోతే పనులు అడ్డుకుంటాం. –వీసం రామకృష్ణ, వైఎస్సార్‌సీపీ, రాష్ట్ర కార్యదర్శి హామీలు నమ్మి రోడ్డున పడ్డాం బాధితుల తరఫున పోరాడతాం నేను ఉన్న ఇంటికి నష్టపరిహారం ఇచ్చారు. ఇంటి స్థలం ఇవ్వలేదు. అలాగే నా కుమార్తెకు ఆర్‌అండ్‌ఆర్‌ ప్యాకేజీ ఇవ్వలేదు. దీనికోసం రెండేళ్లుగా అధికారుల చుట్టూ తిరుగుతున్నాను. ప్రభుత్వం ఇచ్చిన హామీ నిలబెట్టుకోలేదు. భూములు తీసుకునేటప్పుడు ఇచ్చిన హామీల్లో ఒక్కటి కూడా నెరవేర్చడం లేదు. స్థానికులకు ఇక్కడ ఉపాధి కల్పించడం లేదు. ఇతర ప్రాంతాల వారికి పనులు కల్పిస్తున్నారు. –రావి వరహాలు, పాటిమీద

కలెక్టర్‌ విజయకృష్ణన్‌ ఆదేశాలు తుమ్మపాల: జల్‌జీవన్‌మిషన్‌ (జేజేఎం) కింద మంజూరైన తాగునీటి పథకాల పనులను యుద్ధప్రాతిపదికన వేగవంతం చేసి నిర్దేశిత గడువులోగా పూర్తి చేయాలని కలెక్టర్‌ విజయకృష్ణన్‌ అధికారులను ఆదేశించారు. బుధవారం కలెక్టరేట్‌లో ఆర్‌డబ్ల్యూఎస్‌ అధికారులతో జేజేఎం పనుల పురోగతి, వ్యక్తిగత మరుగుదొడ్ల నిర్మాణంపై నిర్వహించిన సమావేశంలో ఆమె మాట్లాడుతూ ఇప్పటివరకు ఉన్న బిల్లుల చెల్లింపుల ప్రక్రియ పూర్తయినందున ఇక పనుల్లో జాప్యాన్ని సహించేది లేదన్నారు. నిలిచిపోయిన పనులను వెంటనే పునఃప్రారంభించి, ప్రారంభమైన పనులను త్వరితగతిన పూర్తి చేయాలని సూచించారు. డివిజనల్‌ ఇంజినీర్లు, అసిస్టెంట్‌ ఇంజినీర్లు క్షేత్రస్థాయిలో నిరంతరం పర్యటించి పనుల వేగం, నాణ్యతను పరిశీలించాలన్నారు. జిల్లాలో జేజేఎం కింద రూ.675.95 కోట్ల అంచనా వ్యయంతో మొత్తం 886 పనులు మంజూరయ్యాయని తెలిపారు. జేజేఎంతో పాటు ఇంటింటి మరుగుదొడ్ల నిర్మాణ పనులను కూడా వేగవంతం చేయాలని ఆదేశించారు. ఈ కార్యక్రమంలో ఆర్‌డబ్ల్యూఎస్‌ ఎస్‌ఈ, డీఈలు, జేఈలు, ఈఈలు పాల్గొన్నారు. పింఛన్ల పంపిణీలో పారదర్శకత అనకాపల్లి: పింఛన్ల పంపిణీ పారదర్శకంగా, వేగవంతంగా జరగాలని, సంబంధిత అధికారులకు కలెక్టర్‌ విజయకృష్ణన్‌ స్పష్టమైన ఆదేశాలు జారీ చేశారు. బుధవారం కలెక్టరేట్‌లో వీడియో కాన్ఫరెన్స్‌ హాల్లో నిర్వహించిన సమీక్ష సమావేశంలో జాయింట్‌ కలెక్టర్‌ శౌర్యమాన్‌పటేల్‌తో సమావేశం నిర్వహించారు. ఈ సందర్భంగా ఆమె మాట్లాడుతూ అక్టోబర్‌ 1 నుంచి సంక్షేమ దినోత్సవం సందర్భంగా పింఛన్ల పంపిణీ, క్షేత్రస్థాయి విధులపై ప్రభుత్వ ఉద్యోగులందరూ బాధ్యతాయుతంగా నిర్వర్తించాలన్నారు. గతంలో ఒక డిజిటల్‌ అసిస్టెంట్‌ నకిలీ బ్యాంక్‌ స్టాంప్‌, రశీదులతో రూ.1.5 లక్షల నిధులను దుర్వినియోగం చేసినందుకు అతనిపై క్రిమినల్‌ చర్యలు చేపట్టి సస్పెండ్‌ చేయడం జరిగిందని, క్షేత్రస్థాయిలో సరైన పరిశీలన లేకుండా నివేదికలు సమర్పించే అధికారులపై కూడా భవిష్యత్తులో సహ–నిందితులుగా కేసు నమోదు చేసి తీవ్ర చర్యలు తీసుకుంటామన్నారు. మే నుంచి సెప్టెంబర్‌ వరకు వరుసగా ప్రతికూల అభిప్రాయాలు వచ్చిన నక్కపల్లి, కె.కోటపాడు, మాకవరపాలెం, చీడికాడ, కోటవురట్ల, అచ్యుతాపురం, నాతవరం, రోలుగుంట మండలాలపై మండల నియోజకవర్గ ప్రత్యేక అధికారులు ప్రత్యేక దృష్టి సాఽరించాలన్నారు. జిల్లాలో దాదాపు 4,867 మంది లబ్ధిదారుల మొబైల్‌ నంబర్లు ఇంకా డేటాబేస్‌లో అప్‌డేట్‌ కాలేదని, మండలాల వారీగా ఈ రిపోర్టును ఎంపీడీవో గ్రూప్‌లో షేర్‌ చేస్తామని, కేటాయించిన సిబ్బంది ద్వారా లబ్ధిదారుల ఫోన్‌ నంబర్లను సేకరించి అప్‌డేట్‌ చేయించాలన్నారు. పారిశ్రామిక ప్రమాదాలు నివారించాలి జిల్లాలో పారిశ్రామిక ప్రమాదాల నివారణకు అధికారులు తరచూ సేఫ్టీ ఆడిట్లను నిర్వహించాలని కలెక్టర్‌ విజయకృష్ణన్‌ అధికారులను ఆదేశించారు. బుధవారం తమ కార్యాలయలో డిస్ట్రిక్ట్‌ క్రైసిస్‌ గ్రూప్‌తో సమీక్ష సమావేశం జరిగింది. గత సమావేశాల్లో తీసుకున్న నిర్ణయాలు, వాటి అమలు గురించి సుదీర్ఘంగా చర్చించారు. ఈ సందర్భంగా ఆమె మాట్లాడుతూ పారిశ్రామిక భద్రత, అత్యవసర పరిస్థితులు, రసాయన, పారిశ్రామిక ప్రమాదాల నివారణ, విపత్తు నిర్వహణ చర్యలపై అధికారులు సేఫ్టీ ఆడిట్లను నిర్వహించాలని ఆమె ఆదేశించారు. ఆఫ్‌సైట్‌ ఎమర్జెన్సీ ప్లాన్‌’ పూర్తిచేయాలని, వెండర్స్‌ ఖరారు చేసి, పర్చేజ్‌ ఆర్డర్‌ ప్రపోజల్‌ను ఫ్యాక్టరీస్‌ డిపార్ట్‌మెంట్‌కు సమర్పించాల్సి ఉందన్నారు. ఈ కార్యక్రమంలో జిల్లా స్థాయి అధికారులు, పరిశ్రమల ప్రతినిధులు, భద్రతా నిపుణులు పాల్గొన్నారు.

దేవరాపల్లి: గంజాయి అక్రమ రవాణా చేస్తూ పట్టుబడిన ఇద్దరు యువకులను దేవరాపల్లి పోలీసులు బుధవారం అరెస్టు చేశారు. వారి వద్ద నుంచి 2 కిలోల గంజాయిని స్వాధీనం చేసుకున్నారు. దీనికి సంబంధించి స్థానిక ఎస్‌ఐ వి.సత్యనారాయణ తెలిపిన వివరాలిలా ఉన్నాయి. తమిళనాడుకు చెందిన కిరుబహరన్‌ రామచంద్రన్‌, విజయసామ్‌ విశాఖపట్నం మీదుగా ఒడిశా చేరుకొని రూ. 7 వేలుకు 2కిలోల గంజాయిని కొనుగోలు చేశారు. గంజాయి ని బ్యాగులో వేసుకొని ఒడిశా నుంచి అరకు, అనంతగిరి మీదుగా ప్రయాణించి దేవరాపల్లి మండలం కాశీపురం మీదుగా తరలిస్తుండగా పోలీసులకు పట్టుబడ్డారు. సమ్మెదలో వాహనాలు అందుబాటులో లేక పోవడంతో నడుచుకుంటూ వస్తున్న వీరిని అనుమానంతో అదుపులోకి తీసుకున్నారు. వీరి నుంచి 2 కిలోల గంజాయిని స్వాధీనం చేసుకున్నారు. పట్టుబడిన గంజాయి విలువ సుమారు రూ.లక్ష ఉంటుందని పోలీసులు తెలిపారు. పట్టుబడిన ఇద్దరు యువకులు గంజాయి, మద్యం ఇతర వ్యసనాలకు బానిసై గంజాయి అక్రమ రవాణా చేసి సంపాదించాలనే నిర్ణయంతో ఇక్కడికి వచ్చినట్టు తమవిచారణలో వెల్లడైందన్నారు. వారిపై కేసు నమోదు చేసి దర్యాప్తు చేపట్టినట్లు ఎస్‌ఐ తెలిపారు.

మునగపాక: క్రీడల ద్వారా మానసిక ఉల్లాసంతో పాటు శరీర దారుఢ్యం పెరుగుతుందని మాజీ జెడ్పీటీసీ మళ్ల సంజీవరావు, వైఎస్సార్‌సీపీ జిల్లా అధికార ప్రతినిధి ఆడారి కాశీబాబు అన్నారు. స్థానిక నందీశ్వర కళా ప్రాంగణంలో మరిడిమాంబ అమ్మవారి పండగ సందర్భంగా వైఎస్సార్‌సీపీ జిల్లా అధ్యక్షుడు బొడ్డేడ ప్రసాద్‌ సహకారంతో ఏర్పాటు చేసిన కబడ్డీ పోటీలను బుధవారం రాత్రి వారు ప్రారంభించారు. మాజీ సర్పంచ్‌ దిమ్మల అప్పారావు, వ్యాపారవేత్త పొలిమేర కృష్ణ, వైఎస్సార్‌సీపీ జిల్లా ఆర్గనైజింగ్‌ కార్యదర్శి పిన్నమరాజు రవీంద్రరాజు, పార్టీ నేతలు కోనపల్లి రామ్మోహనరావు,కాండ్రేగుల జగన్‌, రాజా న బుజ్జి, భీశెట్టి ఈశ్వరరావు, పెంటకోట శ్రీనివాసరావు, ఆడారి రమణబాబు, సూరిశెట్టి దుర్గునాయుడు, పీలా శివ, కొణతాల సంతోష్‌, నాగసూరి, మళ్ల హేమంత్‌ తదితరులు పాల్గొన్నారు. రిఫరీగా వెలగా రామకృష్ణ వ్యవహరించారు. నూతలగుంటపాలెం పాఠశాల తనిఖీ

అనకాపల్లి: వీధి దీపాల మరమ్మతులకు వెళ్లిన ఓ విద్యుత్‌ లైన్‌మన్‌ ప్రమాదవశాత్తూ విద్యుత్‌ షాక్‌కు గురై ట్రాన్స్‌ఫార్మర్‌పై ఇరుక్కుపోయిన ఘటన బుధవారం మండలంలో రేబాక గ్రామంలో చోటు చేసుకుంది. స్థానికులు, తాళ్ల సాయంతో లైన్మెన్‌ను కిందకు దించి, 108 వాహనంలో ఆసుపత్రికి తరలించడంతో ప్రాణాపాయం తప్పింది. రేబాక పాలిటెక్నిక్‌ కళాశాలకు వెళ్లే మార్గంలో వీధి దీపాలు వెలగకపోవడంతో వాటిని సరిచేసేందుకు విద్యుత్‌ లైన్‌మన్‌ మంత్రి ఆదినారాయణ ట్రాన్స్‌ఫార్మర్‌ ఎక్కారు. ఈ క్రమంలో ప్రమాదవశాత్తూ విద్యుత్‌ షాక్‌కు గురయ్యారు. దీంతో కుడి చేయి, మెడ భాగంలో గాయాలైనట్లు స్థానికులు తెలిపారు. విద్యుత్‌ షాక్‌కు గురైన ఆయన ట్రాన్‌న్స్‌ఫార్మర్‌పైనే ఇరుక్కుపోవడంతో అక్కడున్న స్థానికులు వెంటనే స్పందించి, తాళ్లు కట్టి జాగ్రత్తగా కిందికి దించారు. అనంతరం 108 వాహనంలో అనకాపల్లి పట్టణంలోని ఓ ప్రైవేట్‌ ఆసుపత్రికి తరలించారు. ఘటనపై విద్యుత్‌ శాఖ అధికారులు వివరాలు సేకరిస్తున్నారు.

ఇల్లు కూల్చే సమయంలో నా భార్య చావుబతుకుల మధ్య ఉంది. ఇల్లు ఖాళీ చేయడానికి సమయం కోరినా పట్టించుకోలేదు. నిర్దాక్షిణ్యంగా ఇంటి యంత్రాల సాయంతో కూల్చేసారు. ఇది చూసి నా భార్య ప్రాణాలొదిలేసింది. అయినా అధికారులకు జాలి కలగలేదు. ఇంటిని పడగొట్టేసారు. నష్టపరిహారం పూర్తిగా ఇవ్వలేదు. నా కొడుక్కి ప్యాకేజీ ఇవ్వాలి..అంతవరకు ఇల్లు ఖాళీ చేయను అని చెప్పినా వినలేదు. నా కొడుక్కి, మనవరాలికి నష్టపరిహారం కోసం రెండేళ్లుగా తిరుగుతున్నాను.. పట్టించుకోవడం లేదు. –రావి తాతారావు, పాటిమీద గ్రామం

తుమ్మపాల: సమగ్ర శిక్ష ద్వారా ప్రభుత్వ, జిల్లా పరిషత్‌, మున్సిపల్‌ ఉన్నత పాఠశాలల్లో పనిచేస్తున్న ఆర్ట్‌, క్రాఫ్ట్‌, పీఈటీ కాంట్రాక్టు ఉపాధ్యాయులను విద్యాశాఖలో విలీనం చేసి రెగ్యులర్‌ చేయాలని డిమాండ్‌ చేస్తూ బుధవారం కలెక్టరేట్‌ వద్ద ఽఉపాధ్యాయులు ధర్నా చేశారు. ఈ సందర్భంగా వారు మాట్లాడుతూ విద్యాహక్కు చట్టంలో భాగంగా 2012 నుంచి సమగ్ర శిక్ష ద్వారా కాంట్రాక్టు ఉపాధ్యాయులుగా పనిచేస్తున్నామని, తమ సేవలను గుర్తించి విద్యాశాఖలో విలీనం చేసి క్రమబద్ధీకరించాలన్నారు. గతంలో అమలు చేసిన ఎంటీఎస్‌ విధానం ప్రకారం ఎస్‌జీటీ స్కేల్‌ రూ.32,670 చెల్లించాలని, హెచ్‌ఆర్‌ పాలసీ అమలు చేయాలని డిమాండ్‌ చేశారు. రిటైర్మెంట్‌ వయస్సును 62 ఏళ్లకు పెంచడంతో పాటు రిటైర్మెంట్‌ బెనిఫిట్స్‌ కల్పించాలన్నారు. వేతనంతో కూడిన మెడికల్‌ లీవులు, ఈపీఎఫ్‌, హెల్త్‌కార్డు సౌకర్యాలు కల్పించాలని, ప్రతినెలా ఒకటో తేదీన వేతనాలు చెల్లించాలన్నారు. విధుల్లో ఉన్న ఉద్యోగి మృతి చెందితే చెల్లించే ఎక్స్‌గ్రేషియాను రూ.2 లక్షల నుంచి రూ.5 లక్షలకు, ప్రమాదవశాత్తూ మృతి చెందితే రూ.5 లక్షల నుంచి రూ.10 లక్షలకు పెంచాలని కోరారు. సంక్షేమ పథకాలు వర్తింపజేయాలని, డిప్యూటేషన్లు రద్దు చేయాలని, ఉద్యోగులను ‘పార్ట్‌టైం’గా పేర్కొనే విధానాన్ని తొలగించాలని ప్రభుత్వాన్ని డిమాండ్‌ చేశారు.

అనకాపల్లి: జిల్లాలో సహకార సంఘాలు ద్వారా రైతులకు కావలసిన ఎరువులు అందుబాటులో ఉన్నాయని సహాకార సంఘాల జిల్లా చైర్మన్‌ కోట్ని బాలాజీ అన్నారు. స్థానిక గాంధీనగరం అన్నపూర్ణ బ్యాంక్‌ వద్ద బుధవారం మహాజన సభ సభ్యులతో జరిగింది. ఈ సందర్భంగా ఆయన మాట్లాడుతూ గత సీజన్‌లో 2024–25 సంవత్సరంలో 186 టన్నుల ఎరువులు రైతులకు అందజేయగా, ఈ సీజన్‌లో ఇప్పటివరకు 151 టన్నులు ఎరువులు రైతులకు సరపరా చేయడమైందన్నారు. రైతులు ఎరువుల కోసం, ఎవరూ ఇబ్బంది పడకుండా, అన్నపూర్ణబ్యాంక్‌ సహకార సంఘం వద్ద నేటికి 40 టన్నులు ఎరువులు నిల్వలు ఉన్నాయన్నారు. సభ్యులకు వ్యవసాయ రుణాలతో పాటు ఇతర అవసరాల నిమిత్తం ప్రతిరోజు బంగారు ఆభరణాలపై తక్కువ వడ్డీతో, కేవలం రూ.75 పైసలకి రుణాలు ఇవ్వడం జరుగుతుందన్నారు. ఈ కార్యక్రమంలో సహాకర సంఘం సభ్యులు, డైరెక్టర్లు, ఉద్యోగులు తదితరులు పాల్గొన్నారు. సహకార సంఘాల జిల్లా చైర్మన్‌ కోట్ని బాలాజీ

● మళ్లీ ఎన్నికలు జరపాల్సిందే ● పప్పుశెట్టిపాలెంలో తల్లిదండ్రుల డిమాండ్‌ గొలుగొండ: పప్పుశెట్టిపాలెం ప్రభుత్వ పాఠశాలలో మంగళవారం నిర్వహించిన విద్యా కమిటీ ఎన్నికలు సక్రమంగా జరగలేదని, ఉపాధ్యాయులు అధికార పార్టీకి కొమ్ముకాయడం వల్లే వైఎస్సార్‌సీపీ మద్దతుదారులకు అన్యాయం జరి గిందని, మళ్లీ ఎన్నికలు జరిపే వరకు మా పిల్లలను బడికి పంపేదిలేదని పప్పుశెట్టిపాలెం పాఠశాల విద్యార్థుల తల్లిదండ్రులు స్పష్టం చేశారు. ఎన్నికలో అక్రమాలను నిరసిస్తూ బుధవారం ఆందోళన చేశారు. ఈసందర్భంగా పలువురు మాట్లా డుతూ ఎన్నికల్లో అక్రమాలపై జిల్లా విద్యాశాఖ అధికారులకు, నర్సీపట్నం ఆర్డీవోకు ఫిర్యాదు చేసినట్టు చెప్పారు. మళ్లీ ఎన్నికలు జరిపిన తరువాతే పిల్లలను పాఠశాలకు పంపుతామన్నారు. ఈ పాఠశాలలో 1 నుంచి ఐదు వరకు 35 మంది విద్యార్థులుండగా బుధవారం 20 మంది విద్యార్థులు హాజరుకాలేదు. దీనిపై జిల్లా విద్యాశాఖ స్పందించాలని గ్రామస్తులు కోరుతున్నారు.

నర్సీపట్నం: ఉమ్మడి విశాఖ జిల్లా స్థాయి ఉషూ స్కూల్‌ గేమ్స్‌ ఎంపిక పోటీలు పరవాడలో జరిగాయి. 17 నుంచి 19 సంవత్సరాల విభాగంలో నర్సీపట్నం నుండి 15 మంది బాలికలు పాల్గొనగా, ఆరుగురు ఎంపికయ్యారు. ఈ ఎంపిక పోటీల్లో 80 మందికి పైగా బాలికలు పాల్గొన్నారు. 17 సంవత్సరాల విభాగంలో కావ్య, హరణి, స్వాతి, 19 ఏళ్ల విభాగంలో చందన, ప్రేమ్‌జ్యోతి, ప్రణీతి రాష్ట్రస్థాయి పోటీలకు అర్హత సాధించారు. జిల్లా పరిషత్‌ హైస్కూల్‌ ఫిజికల్‌ డైరెక్టర్‌ బుల్లబ్బాయి, జెడ్పీ బాలికల హైస్కూల్‌ పీఈటీ లక్ష్మీ, రమేష్‌ ఆధ్వర్యంలో విద్యార్థులు పాల్గొన్నారు. వీరికి కోచ్‌గా ప్రియాంక వ్యవహరించారు. వీరందరినీ నింజాస్‌ అకాడమీ ప్రతినిధులు అభినందించారు.

మాకవరపాలెం: రైతులకు ఇష్టం లేకుంటే పరిశ్రమల ఏర్పాటును నిలిపివేస్తామని స్పీకర్‌ చింతకాయల అయ్యన్నపాత్రుడు అన్నారు. పల్లె పండగ–3లో భాగంగా మండలంలోని శెట్టిపాలెంలో పలు అభివృద్ధి పనులకు ఆయన బుధవారం శంకుస్థాపన చేశారు. ఈ సందర్భంగా ఆయన మాట్లాడుతూ మండలంలోని తూటిపాల ప్రాంతంలో డేటా సెంటర్‌ ఏర్పాటును వ్యతిరేకిస్తూ ఇటీవల రైతులు వినతులు అందజేయడంతో పాటు మీడియా ముఖంగా వెల్లడించారు. ఈ సందర్భంగా స్పీకర్‌ మాట్లాడుతూ పరిశ్రమల ఏర్పాటుతో గ్రామాలాభివృద్ధి చెందుతాయని ఉద్దేశంతో ప్రభుత్వంతో మాట్లాడి పరిశ్రమల ఏర్పాటుకు నిర్ణయించామని, కానీ రైతులు వ్యతిరేకించడంతో నిలివేస్తున్నామన్నారు. పల్లెపండగ–3లో పనులకు నియోజకవర్గానికి కేటాయించిన రూ.43.59 కోట్లు నిధులను సక్రమంగా వినియోగించాలని, నాణ్యత లేకుండా పనులు చేస్తే ఊరుకునేదిలేదని హెచ్చరించారు. మాకవరపాలెంలోని శ్మశానవాటికలో అపరిశుభ్రతలో అధికారులపై అసహనం వ్యక్తం చేశారు. మండల ప్రత్యేకాధికారి కిషోర్‌కుమార్‌, జనసేన నియోజకవర్గ ఇన్‌చార్జి సూర్యచంద్ర, టీడీపీ మండల అధ్యక్షుడు పాత్రుడు, శెట్టిపాలెం మాజీ సర్పంచ్‌ రామునాయుడు, ఎంపీడీవో చాయిసుధ, నాయకులు పాల్గొన్నారు.స్పీకర్‌ అయ్యన్నపాత్రుడు

రాజవొమ్మంగి: తనకు దక్కాల్సిన ఆస్తి మరొకరికి దక్కుతుందేమోనని ఓయువకుడిని అతి క్రూరంగా హత్య చేసిన సంఘటన రాజవొమ్మంగి మండలం వట్టిగెడ్డలో జరిగింది. సోమవారం జరిగిన ఈ ఘటన బుధవారం వెలుగు చూసింది. ఈ మేరకు రంపచోడవరం డీఎస్పీ అష్రఫ్‌ అలీ బుధవారం రాత్రి రాజవొమ్మంగి పోలీస్‌స్టేషన్‌లో విలేకరుల సమావేశం ఏర్పాటు చేశా రు. ఆయన కథనం ప్రకారం అనకాపల్లి జిల్లా, గొలుగొండ మండలం కృష్ణదేవిపేటకు చెందిన రాంబాబు, పార్వతి దంపతులు వరుసకు మేనల్లుడు అయిన వీరబాబు అనే యువకుడిని చేరదీసి పెంచుకొంటున్నారు. వీరబాబు ఆ కుటుంబంలో అన్నీతానై రాంబాబు, పార్వతిలను కన్న తల్లిదండ్రులుగా చూసుకుంటున్నాడు. కాగా అంతకు ముందు రాంబాబు, పార్వతి దంపతులు వట్టిగెడ్డ గ్రామానికి చెందిన పల్లి శ్రీనును కూడా దత్తత తీసుకున్నారు. తనను దత్తత తీసుకున్న రాంబాబు, పార్వతి తనను అలసత్వం చేస్తూ వీరబాబును బాగా చూసుకుంటున్నారని, భవిష్యత్తులో వారికి చెందిన రూ.కోట్ల ఆస్తి కూడా వీరబాబుకే రాసేస్తారనే శ్రీను అక్కసు పెంచుకున్నాడు. వీరబాబును హత్య చేసేందుకు పల్లి శ్రీను కుట్ర పన్నాడు. ఈ క్రమంలో వీరబాబును సరదాగా వట్టిగెడ్డ తీసుకువచ్చి అక్కడ పొలాల్లో అతి కిరాతకంగా హతమార్చి గొయ్యి తీసి పాతిపెట్టాడు. అప్పటికే వీరబాబుపై కృష్ణదేవిపేటలో మిస్సింగ్‌ కేసు నమోదు కావడంతో పోలీసులు రంగప్రవేశం చేశారు. రాంబాబు, పార్వతి ఇచ్చిన ఫిర్యాదు మేరకు ఇది పల్లి శ్రీను పనేనని పోలీసులు అతనిని అదుపులోకి తీసుకుని విచారించారు. ఈ క్రమంలో అసలు విషయం బయటకు వచ్చింది. ఘటనా ప్రాంతంలో డీఎస్పీ అష్రఫ్‌ అలీ పరిశీలించి, అక్కడ రక్తపు మరకలు, వీరబాబును పాతిపెట్టిన చోట ఆనవాళ్లను నిర్ధారించారు. చీకటి పడడంతో ఫోరెన్సిక్‌ నిపుణులను రప్పించి గురువారం కేసు మరింత లోతుగా దర్యాప్తు చేస్తామని డీఎస్పీ తెలిపారు. ఈ హత్యలో శ్రీనుకు వట్టిగెడ్డకు చెందిన మరో ఇద్దరు సహకరించినట్టు పోలీసులు అనుమానిస్తున్నారు. వారి ఆచూకీ కోసం గాలిస్తున్నారు. విలేకరుల సమావేశంలో సీఐ సన్యాసినాయుడు, ఎస్‌ఐ వెంకట్రావు తదితరులు పాల్గొన్నారు.

బుచ్చెయ్యపేట: మండలంలో గల బంగారుమెట్ట గ్రామంలో విద్యుత్‌ సరఫరా అయ్యే రైతుల వ్యవసాయ ట్రాన్స్‌ఫారం(డీపీ)ని గుర్తు తెలియని వ్యక్తులు పట్టుకుపోయారు. మంగళవారం రాత్రి భీమునిపట్నం, నర్సీపట్నం (బీఎన్‌) రోడ్డును ఆనుకుని డాల్ఫిన్‌ డెయిరీ దగ్గరలో ఉన్న డీపీకి విద్యుత్‌ సరఫరాను నిలిపివేశారు. ట్రాన్స్‌ఫారంను కిందికి దించి డీపీని పగలగొట్టారు. డీపీలో ఉన్న రాగి వైర్‌ను, కరెంట్‌ ఆయిల్‌ను పట్టుకుపోయారు. బుధవారం ఉదయం తమ పొలాల్లో ఉన్న మోటార్లకు విద్యుత్‌ సరఫరా రాకపోవడంతో రైతులు డీపీ వద్దకు వెళ్లారు. విద్యుత్‌ ఫీజు పోయి ఉంటుందని చూడడానికి వెళ్లగా డీపీ పగలగొట్టి ఉండడం చూసి రైతులు అవాక్కయ్యారు. వెంటనే విద్యుత్‌శాఖ అధికారులకు ఫిర్యాదు చేశారు. వారం రోజుల కిందటే ఇక్కడకు దగ్గరలోనే ఉన్న మరో ట్రాన్స్‌ఫారంను దొంగలు పగలగొట్టి రాగి వైర్‌ను పట్టుకుపోయారు. ఎవరో కావాలని రాత్రిపూట దొంగతనాలకు పాల్పడుతున్నారని పోలీసులు విద్యుత్‌ డీపీలు దొంగతనాలు చేసే వారిపై దృష్టి సారించాలని రైతులు కోరుతున్నా రు. అసలే వర్షాలు లేక పంటలకు సాగునీరు అందక ఇబ్బందులు పడుతున్నామని, తక్షణం డీపీ ఏర్పాటు చేసి విద్యుత్‌ సదుపాయం కల్పించి వ్యవసాయ మోటార్లకు నీరు అందేలా చేయాలని బాధి త రైతులు కోలాటి నాగేశ్వరరావు, దాసరి రాజు, పర్రే రాజు, కె.నాగేశ్వరరావు కోరుతున్నారు.

చీడిగుమ్మలలో నిలిచిన ఎన్నిక గొలుగొండ: అధికార బలంతో కూటమి నేతలు పెట్రేగిపోయారని, బడి అని మరిచి బరితెగించారని, ఒత్తిడి తెచ్చి చీడిగుమ్మల హైస్కూల్‌లో ఎస్‌ఎంసీ ఎన్నికలు జరగకుండా అడ్డుకున్నారని తల్లిదండ్రులు ఆరోపిస్తున్నారు. వారికి పోలీసులు కూడా వంతపాడారని, గెలవలేకే ఈ దుశ్చర్యకు పాల్పడ్డారని మండిపడుతున్నారు. ఈ హైస్కూల్లో స్కూల్‌ మేనేజ్‌మెంట్‌ కమిటీ ఎన్నికలు మంగళవారం నిర్వహించారు. డైరెక్టర్ల ఎన్నికల్లో మొదటి నాలుగు స్థానాలు వైఎస్సార్‌సీపీ కై వసం చేసుకోవడంతో కంగుతిన్న కూటమి నాయకులకు ఏం చేయాలో తెలియక అధికారులపై ఒత్తిడి తీసుకురావడంతో పాటు గొడవలు సృష్టించి, కుర్చీలు, బల్లలు విసిరి నానా రాద్ధాంతం చేయడంతో ఎన్నికలు నిలుపుదల చేశారని స్థానికులు చెబుతున్నారు. నర్సీపట్నం, గొలుగొండ నుంచి వచ్చిన పోలీసులు సైతం అధికార పార్టీకి కొమ్ముకాసి భయభ్రాంతులకు గురిచేశారని పలువురు బహిరంగంగా ఆరోపిస్తున్నారు. ప్రశాంతంగా ఎన్నికలు జరగవలసిన చోట రచ్చ చేసి విద్యార్థులు, ఉపాధ్యాయులను ఇబ్బందులకు గురి చేశారని విద్యార్థుల తల్లిదండ్రులు అంటున్నారు. ఎన్నికలు ఎప్పుడు పెట్టినా గెలిచి తీరుతాం చీడిగుమ్మల హైస్కూల్‌ విద్యాకమిటీ ఎన్నికలు ఎప్పుడు నిర్వహించినా వైఎస్సార్‌సీపీ గెలిచి తీరు తుందని మాజీ జెడ్పీటీసీ సుర్ల గిరిబాబు తెలిపారు. అధికార పార్టీ నాయకులు అడ్డుగోలుగా గొడవలు సృష్టించి, పోలీసులతో బలవంతంగా ఎన్నికలు నిలుపుదల చేశారని ఆయన ఆరోపించారు.

ఏఎంసీలో రెండు నెలల్లో ముగ్గురు పీజీ వైద్య విద్యార్థుల బలవన్మరణం చదువుల ఒత్తిడా.. పనిభారమా.. వ్యవస్థాగత సమస్యలా? మానసిక ఆరోగ్యం, మెంటార్‌షిప్‌, డ్యూటీ గంటలపై మళ్లీ ప్రశ్నలుమెడికోల మరణమృదంగంమహారాణిపేట: వైద్యో నారాయణో హరి అంటారు. ప్రాణాపాయంలో ఉన్న వారికి ప్రాణం పోసే వైద్యులను దేవుళ్లుగా భావిస్తారు. అలాంటి వైద్యులను తయారు చేసే విద్యా ప్రాంగణంలోనే యువ మెడికోలు తమ జీవితాలను అర్థాంతరంగా ముగించుకోవడం వైద్య వర్గాల్లో ఆందోళన కలిగిస్తోంది. విశాఖలోని ఆంధ్రా మెడికల్‌ కాలేజీలో ఇటీవల కాలంలో చోటుచేసుకుంటున్న పరిణామాలు ఇప్పుడు యావత్‌ వైద్య రంగాన్ని, సమాజాన్ని తీవ్ర దిగ్భ్రాంతికి గురిచేస్తున్నాయి. కేవలం రెండు నెలల వ్యవధిలోనే ముగ్గురు పీజీ వైద్య విద్యార్థులు వరుసగా ఆత్మహత్యలకు పాల్పడటం తీవ్ర సంచలనం సృష్టిస్తోంది. అసలు మెడికల్‌ కాలేజీల్లో ఏం జరుగుతోంది? ఇది కేవలం విద్యార్థుల వ్యక్తిగత ఒత్తిడేనా? లేక మన విద్యా వ్యవస్థే వారిని బలితీసుకుంటోందా? అన్న ప్రశ్నలు ఉత్పన్నమవుతున్నాయి. రెండు నెలల్లో ముగ్గురు పీజీలు డాక్టర్‌ను తయారు చేయాలన్న తల్లిదండ్రుల కల.. ఏళ్ల తరబడి సాగిన కఠోర శ్రమ.. వైద్య వృత్తిపై సమాజం పెట్టుకున్న నమ్మకం.. ఇవన్నీ ఒక్క విషాదంతో ఛిద్రమవుతున్నాయి. ఏఎంసీలో ఇటీవల చోటుచేసుకున్న వరుస ఘటనలు వైద్య విద్యార్థులపై ఉన్న ఒత్తిడిని మరోసారి చర్చనీయాంశంగా మార్చాయి. జూలై 24న పీజీ విద్యార్థి కాశీలమల్ల ఠాగూర్‌నాథ్‌ (31) బలవన్మరణానికి పాల్పడ్డారు. ఈ నెల 24న జనరల్‌ మెడిసిన్‌ పీజీ విద్యార్థిని డాక్టర్‌ పి.శైలజ రామనగర్‌లోని తన నివాసంలో ప్రాణాలు కోల్పోయారు. ఈ నెల 28న ఈఎన్‌టీ మొదటి సంవత్సరం పీజీ విద్యార్థిని శ్రావణి (27) కూడా బలవన్మరణానికి పాల్పడ్డారు. వరుస ఘటనలు చోటుచేసుకోవడంతో ఏఎంసీ ప్రాంగణంలో తీవ్ర విషాదం నెలకొంది. అసలు సమస్య ఎక్కడ? వరుస ఘటనల నేపథ్యంలో మెడికల్‌ కాలేజీల్లో పీజీ విద్యార్థులు ఎదుర్కొంటున్న పరిస్థితులపై సమగ్ర పరిశీలన అవసరమనే అభిప్రాయాలు వ్యక్తమవుతున్నాయి. ప్రతి ఘటనకు వ్యక్తిగత కారణాలు ఉండొచ్చని, అయితే ఒక్క కారణంతోనే ఇలాంటి విషాదాలను విశ్లేషించడం సరికాదని వైద్య నిపుణులు చెబుతున్నారు. విద్యార్థుల విద్యా సంబంధిత ఒత్తిడి, పనిభారం, నిద్ర, విశ్రాంతి పరిస్థితులు, కుటుంబ అంశాలు, కాలేజీలో అందుతున్న మానసిక సహాయం వంటి అన్ని కోణాలను పరిశీలించాల్సిన అవసరం ఉంది. డ్యూటీ గంటలపై దృష్టి పీజీ వైద్య విద్యార్థులు దీర్ఘకాలం విధుల్లో ఉండాల్సిన పరిస్థితులు వారి విశ్రాంతిపై ప్రభావం చూపుతున్నాయా? వరుసగా ఎక్కువ గంటలు పనిచేయాల్సి రావడం వల్ల శారీరక, మానసిక ఒత్తిడి పెరుగుతోందా? డ్యూటీల కేటాయింపు, రొటేషన్ల అమలు, విశ్రాంతి సమయాలపై నిబంధనలు సమర్థంగా అమలవుతున్నాయా? అనే ప్రశ్నలు ఉత్పన్నమవుతున్నాయి. మెంటార్‌షిప్‌ ఎంత వరకు? విద్యార్థులకు ఎదురయ్యే సమస్యలను స్వేచ్ఛగా చెప్పుకునేందుకు ప్రతి విభాగంలో సమర్థవంతమైన మెంటార్‌షిప్‌ వ్యవస్థ ఉందా? ఫిర్యాదులు, వ్యక్తిగత సమస్యలు, విద్యా ఒత్తిళ్లను చర్చించేందుకు వారికి నమ్మకమైన వేదిక అందుబాటులో ఉందా? సమస్యను చెప్పుకుంటే తమ విద్యా ప్రగతి లేదా భవిష్యత్తుపై ప్రభావం పడుతుందనే భయం ఏమైనా ఉందా? అన్నది కూడా పరిశీలించాల్సిన అంశమే. మహిళా మెడికోల పరిస్థితులపై పరిశీలన మహిళా పీజీ విద్యార్థులకు డ్యూటీల కేటాయింపు, రాత్రి విధులు, పని ప్రదేశంలో భద్రత, వ్యక్తిగత పరిస్థితులకు అనుగుణంగా సహాయక వ్యవస్థలు ఎలా ఉన్నాయి? అనే అంశాలపైనా దృష్టి సారించాల్సిన అవసరం ఉంది. ఇకనైనా వ్యవస్థ కళ్లు తెరవాలి జరిగిన విషాదాన్ని తిరిగి మార్చడం సాధ్యం కాదు. అయితే ఈ ఘటనల నుంచి పాఠాలు నేర్చుకుని భవిష్యత్తులో ఇలాంటి పరిస్థితులు పునరావృతం కాకుండా చర్యలు తీసుకోవడం మాత్రం సాధ్యమే. ప్రతి మెడికల్‌ కాలేజీలో విద్యార్థుల మానసిక ఆరోగ్యాన్ని విద్యలో అంతర్భాగంగా పరిగణించి, అందుబాటులో ఉండే కౌన్సెలింగ్‌ వ్యవస్థను బలోపేతం చేయాలి. పీజీ విద్యార్థుల పనిగంటలు, రొటేషనల్‌ డ్యూటీ విధానం, విశ్రాంతి సమయాల అమలును పర్యవేక్షించాలి. సమస్యలను ఎలాంటి భయం లేకుండా చెప్పుకునే నిష్పాక్షిక వ్యవస్థను ఏర్పాటు చేయాలి. విద్యార్థులు ఒత్తిడిలో ఉన్నప్పుడు వెంటనే సహాయం పొందేలా మెంటార్‌షిప్‌, కౌన్సెలింగ్‌ సేవలను అందుబాటులోకి తీసుకురావాలి. వైద్య విద్యార్థులు ఒత్తిడికి గురికావద్దు వైద్య విద్యార్థులు ఎలాంటి ఒత్తిళ్లకు గురికావద్దు. అధ్యాపకులు, ఇతరుల నుంచి ఏమైనా సమస్యలు ఉంటే నా దృష్టికి తీసుకురావాలి. సమస్యలకు ఆత్మహత్య పరిష్కారం కాదు. చర్చలు, కౌన్సెలింగ్‌ ద్వారా సమస్య పరిష్కరించుకోవచ్చు. దీనిపై వైద్య విద్యార్థులతో వ్యక్తిగతంగా మాట్లాడి కౌన్సెలింగ్‌ ఇచ్చాను. – డాక్టర్‌ సంధ్యాదేవి, ప్రిన్సిపాల్‌, ఆంధ్రా మెడికల్‌ కాలేజ్‌సమస్యలకు ఆత్మహత్య పరిష్కారం కాదు సమస్యలు పరిష్కారం కావడం లేదని ఆత్మహత్య చేసుకోవాలన్న ఆలోచన చేయకూడదు. మానసిక సమస్యలు ఉంటే ఎవరైనా నన్ను నేరుగా కలవాలి. వారికి కౌన్సెలింగ్‌ ఇస్తాను. నా పరిధిలో సమస్యలను పరిష్కరించేందుకు ప్రయత్నిస్తాను. ఆత్మహత్యలు ఏ సమస్యకూ పరిష్కారం కాదు. – డాక్టర్‌ కె.వి.రామిరెడ్డి, సూపరింటెండెంట్‌, ప్రభుత్వ మానసిక వైద్యశాల

మునగపాక : స్థానిక ఇందిరమ్మ కాలనీలో మంగళవారం పట్టపగలు చోరీ సంఘటన చోటు చేసుకుంది. వివరాలిలా ఉన్నాయి. మునగపాక ఇందిరమ్మ కాలనీలో పట్నాల నానిబాబు కుటుంబ సభ్యులతో నివాసం ఉంటున్నారు. నానిబాబు ఆటో డ్రైవర్‌గా పనిచేస్తూ ఉదయం 7.30 గంటలకు బయటకు వెళ్లాడు. ఇతని భార్య కూడా పనికి వెళ్లింది. పిల్లలు స్కూల్‌కు వెళ్లారు. మధ్యాహ్నం 1.30 గంటలకు నానిబాబు ఇంటికి వచ్చి తాళం తీసి ఇంటిలోపలికి వెళ్లే సరికి బీరువా తెరిచి ఉండడాన్ని గుర్తించి దొంగతనం జరిగినట్టు గ్రహించారు. సమాచారం అందుకున్న పోలీసులు సంఘటన స్థలానికి వెళ్లి పరిసరాలు పరిశీలించారు పావుతులం బంగారు ఉంగరం, అరతులం బంగారు చైన్‌తో పాటు మూడు జతల వెండి పట్టీలు అపహరణకు గురైనట్లు నిర్ధారించారు. కేసు నమోదు చేసి దర్యాప్తు చేస్తున్నట్లు ఎస్‌ఐ ప్రసాదరావు తెలిపారు.

నాతవరం : వచ్చే ఎన్నికల్లో తాను పోటీ చేయనని మీకు ఇష్టం వచ్చిన వారికి ఓట్లు వేసుకోవచ్చునని అసెంబ్లీ స్పీకరు చింతకాయల అయ్యన్నపాత్రుడు ప్రజలను ఉద్దేశించి అన్నారు. మండలంలో డి.యర్రవరంలో పల్లె పండగ కార్యక్రమంలో భాగంగా మంగళవారం నల్లకొండమ్మ తల్లి ఆలయానికి వెళ్లే రోడ్డుకు రూ. 80 లక్షలు, గ్రామంలో వీఽధి రోడ్లకు రూ.16 లక్షలతో సిమెంటు రోడ్ల నిర్మాణానికి శంకుస్థాపన చేశారు. అనంతరం మండల పార్టీ అధ్యక్షుడు నందిపల్లి వెంకటరమణ అధ్యక్షతన ఏర్పాటు చేసిన సభలో అయ్యన్న మాట్లాడారు. తనకు 70 ఏళ్లు వయస్సు పైబడుతుందని, ఇప్పుడున్న నాయకులతో రాజకీయం చేయడం కష్టమన్నారు. తన పదవీ కాలం అనంతరం అరుణాచలం దేవుని సన్నిధిలో ఇల్లు కట్టుకుని భార్యతో కలిసి ఉండాలని కోరుకుంటున్నానన్నారు. నాతవరం మండలానికి 148 పనులకు రూ.21 కోట్లు, నర్సీపట్నం మండలం 104 పనులకు రూ.5 కోట్లు 44 లక్షలు, మాకవరపాలెం మండలానికి 76 పనులకు రూ.10 కోట్లు 10 లక్షలు, గొలుగొండ మండలానికి 93 పనులకు రూ. 6 కోట్లు 20 లక్షలు మంజూరు చేశానన్నారు. సరుగుడు జలపాతానికి ప్రత్యేకంగా కోటి రూపాయలు మంజూరు చేశానన్నారు. ఆయా పనులు నాణ్యతగా చేయించే బాధ్యత స్థానిక నాయకులపై ఉందన్నారు. బాధ్యతగా పని చేయని నాయకులు పక్కకు తప్పుకుంటే కొత్త నాయకులు వస్తారని అన్నారు. కార్యక్రమంలో రాష్ట్ర బీసీ కార్పొరేషన్‌ డైరెక్టరు రాజాన వీర సూర్య చంద్ర, నర్సీపట్నం అర్డీవో వి.వి.రమణ, తాండవ ప్రాజెక్టు కమిటీ చైర్మన్‌ కరక సత్యనారాయణ, తహసీల్దార్‌ చందనరేఖ, ఎంపీడీవో సత్య శ్రీనివాస్‌, మాజీ ఎంపీపీ నేతల విజయకుమార్‌, మాజీ సర్పంచ్‌ సత్యవతి పాల్గొన్నారు.

అవార్డు అందుకుంటున్న హైమావతి అచ్యుతాపురం రూరల్‌ : మండలంలోని నునపర్తి గ్రామానికి చెందిన జూరెడ్డి హైమావతి జాతీయ స్థాయి బాల్‌ బ్యాడ్మింటన్‌ పోటీల్లో సత్తా చాటారు. ఈ నెల 24 నుంచి 28వ తేదీ వరకూ చిత్తూరు జిల్లా శ్రీకాళహస్తిలో జరిగిన 72వ జాతీయ సీనియర్‌ మహిళా, పురుషుల బాల్‌ బ్యాడ్మింటన్‌ ఛాంపియన్‌షిప్‌–2026లో ఆంధ్రప్రదేశ్‌ జట్టు తరపున పాల్గొని, రాష్ట్ర జట్టు మూడో స్థానం సాధించడంలో కీలకంగా నిలిచారు. పోటీల్లో హైమావతి ప్రతిభకు గుర్తింపుగా బాల్‌ బ్యాడ్మింటన్‌ ఫెడరేషన్‌ ఆఫ్‌ ఇండియా ‘స్టార్‌ ఆఫ్‌ ఇండియా’ అవార్డును అందజేసింది. హైమావతి తండ్రి ట్రాక్టర్‌ డ్రైవర్‌గా, తల్లి రోజువారీ కూలీగా పనిచేస్తున్నప్పటికీ క్రీడపై కుమార్తెకు ఉన్న ఆసక్తిని ప్రోత్సహించారు. జాతీయ స్థాయిలో రాణించి ప్రతిష్టాత్మక అవార్డు అందుకున్న హైమావతిని శ్రీరామ బాల్‌ బ్యాడ్మింటన్‌ అసోసియేషన్‌ చైర్మెన్‌ ఆర్‌.వి.వి.నగేష్‌, జిల్లా జిల్లా అసోసియేషన్‌ ప్రధాన కార్యదర్శి గొంప నరసింహనాయుడు, అసోసియేషన్‌ ఆర్గనైజింగ్‌ సెక్రటరీ పెదపూడి శంకర్రావు, జిల్లా కార్యవర్గ సభ్యులు, సీనియర్‌ క్రీడాకారులు, తల్లిదండ్రులు, గ్రామస్తులు అభినందిస్తున్నారు.

నర్సీపట్నం : దేశ, విదేశాల్లో అల్లూరి జిల్లా, ఒడిశా సరిహద్దు ప్రాంతాల్లో సాగవుతున్న గంజాయి మత్తు వెదజల్లుతుంది. గంజాయి రూపం మార్చుకుంటోంది. పోలీసుల కళ్లు కప్పి మాఫియా కొత్త దారిలో స్మగ్లింగ్‌కు పాల్పడుతుంది. గంజాయిని ద్రవ రూపంలోకి మార్చి..నిఘా కళ్లను ఏమార్చేందుకు స్మగ్లర్లు శతవిధాలా ప్రయత్నిస్తున్నారు. అధికారులు దీనిపై ప్రత్యేక దృష్టిని పెట్టి కొరడా ఝుళిపిస్తున్నా, కేసులు నమోదు చేస్తున్నా గంజాయి రవాణాకు తెర పడడం లేదు. పొడి నుంచి లిక్విడ్‌ తయారీ... ఇంత వరకు పొడి గంజాయి దేశంలోని కొన్ని రాష్ట్రాలకు రవాణా అయ్యేది. గంజాయి మాఫియా పొడి గంజాయిని లిక్విడ్‌గా మార్చి దేశ సరిహద్దులు దాటించి రూ.లక్షలు ఆర్జిస్తున్నారు. పొడి గంజాయి కంటే.,లిక్విడ్‌ గంజాయికి అంతర్జాతీయంగా మంచి డిమాండ్‌ ఉండడంతో ఏజెన్సీలో పండించిన గంజాయిని లిక్విడ్‌ రూపంలో మార్చి రాష్ట్రాల సరిహద్దులు దాటిస్తున్నారు. పెడదారి పట్టిన యువత మత్తును ఆస్వాదించేందుకు లిక్విడ్‌ గంజాయికి రూ.లక్షలు వెచ్చిస్తున్నారు. ఇటీవల కాలంలో స్పెషల్‌ ఎన్‌ఫోర్స్‌మెంట్‌ అధికారులు, పోలీసుల నిఘా పెరగడంతో ఏజెన్సీలో పండించిన గంజాయిని ఇతర రాష్ట్రాలకు తరలించడం కష్టసాధ్యంగా మారింది. ●గొలుగొండ పోలీసులు ఈ ఏడాది జూలై 14న రూ.33 లక్షలు విలువైన 2 కిలోల లిక్విడ్‌ గంజాయి స్వాధీనం చేసుకుని, ఐదుగురు వ్యక్తులను అరెస్టు చేశారు. ●నాతవరం పోలీసులు ఆగస్టు 25న సుమారు రూ.2 కోట్లు విలువ చేసే 14.7 కిలోల లిక్విడ్‌ గంజాయిని స్వాధీనం చేసుకున్నారు. ముగ్గురు వ్యక్తులను అరెస్ట్‌ చేసి రిమాండ్‌కు తరలించారు. ●గొలుగొండ పోలీసులు ఈ నెల 10న సుమారు రూ.28 లక్షల విలువైన 2కిలోల గంజాయిని స్వాధీనం చేసుకుని, యువతి, యువకుడిని అరెస్ట్‌ చేశారు. ఈ మధ్య కాలంలో అధికంగా లిక్విడ్‌ గంజాయితోనే స్మగ్లర్లు పట్టుబడుతుండడం గమనార్హం. సరిహద్దు గ్రామాల్లో తయారీ కేంద్రాలు అల్లూరి జిల్లా, ఒడిశా సరిహద్దుల్లో ఉన్న గ్రామాలతో పాటు ఏజెన్సీలో ధారకొండ, జి.మాడుగుల, సీలేరు ప్రాంతాలు లిక్విడ్‌ గంజాయి తయారీకి కేంద్రాలుగా మారాయి. ఇక్కడ నుండే లిక్విడ్‌ గంజాయి అంతర్జాతీయ మార్కెట్‌కు చేరుతోంది. ప్రాంతాన్ని బట్టి రేటు.. ప్రాంతాన్ని బట్టి లిక్విడ్‌ గంజాయి రేటు పెరుగుతుంది. విశాఖ ఏజెన్సీలో కిలో రూ.లక్ష ఉంటుంది. రాష్ట్ర సహద్దు దాటి తమిళనాడు, తెలంగాణ, ఉత్తరప్రదేశ్‌, మహారాష్ట్ర, కర్ణాటక రాష్ట్రాలకు వెళ్లే సరికి కిలో లిక్విడ్‌ గంజాయి రూ. 2 లక్షల వరకు ధర పలుకుతుంది. విదేశాలలో కిలో రూ.5 లక్షల వరకు డిమాండ్‌ ఉందని బోగట్టా. హుక్కా ద్వారా... హుక్కా పీల్చే అలవాటు చాలా రాష్ట్రాల్లో ఉంది. హుక్కాలో కొన్ని చుక్కల లిక్విడ్‌ గంజాయి వేసి ఆస్వాదిస్తుంటారు. యువకులు, విద్యార్థులు సిగరెట్లపై ఇంక్‌ పిల్లర్లతో రెండు నుంచి మూడు చుక్కలు వేసుకొని దమ్ము లాగుతారు. చాక్లెట్‌ మధ్యలో ఈ లిక్విడ్‌ గంజాయిని ఉంచి అమ్మకం చేస్తున్నారు. వివిధ రూపాల్లో లిక్విడ్‌ గంజాయిని సేవించి మత్తును ఆస్వాదిస్తున్నారు. అల్లూరి ఏజెన్సీ శీలావతి రకం గంజాయి పొడి, లిక్విడ్‌ రూపంలో దేశ, విదేశాల్లో మత్తును వ్యాపిజేస్తుంది. మూలాలు నాశనం చేసేందుకు చర్యలు లిక్విడ్‌ గంజాయి రవాణాకు అడ్డు కట్ట వేస్తున్నాం. ఎక్కడికక్కడ చెక్‌పోస్టులు ఏర్పాటు చేసి నిరంతరం తనిఖీలు చేయిస్తున్నాం. దీని మూలాలు కనుక్కొని వాటిని నాశనం చేసేందుకు చర్యలు చేపట్టాం. మరింత నిఘా ఏర్పాటు చేసి వీలైనంత వరకు దీనిని అరికట్టేందుకు చర్యలు చేపడుతున్నాం. ప్రజలు కూడా పోలీసులకు సమాచారం ఇచ్చి సహకరించాలి. ఈ మధ్య కాలంలో లిక్విడ్‌ గంజాయి రవాణాను ఛేదించాం. గంజాయి స్మగ్లింగ్‌కు పాల్పడితే చర్యలు తీవ్రంగా ఉంటాయి. అవసరమైతే పీడీ యాక్టు ప్రయోగించి, ఆస్తులను సైతం జప్తు చేస్తాం. –పి.శ్రీనివాసరావు, డీఎస్పీ, నర్సీపట్నం లిక్విడ్‌ తయారీ... ఏజెన్సీలో సేకరించిన కిలోల కొద్దీ ఎండు గంజాయిని టోల్యూన్‌ కెమికల్‌ అయిల్‌తో రాతంత్రా నానబెడతారు. ఇలా నానిన గంజాయిని ఆ మర్నాడు ఉదయాన్నే గుడ్డలో వేసి పిండగా వచ్చిన రసాన్ని కుక్కర్లో ఉడికిస్తారు. కుక్కర్‌ నుంచి వచ్చిన అవిరి బయటకు పోయే మార్గం వద్ద ప్లాస్టిక్‌ రాగి ట్యూబ్‌ ఏర్పాటు చేసి దాని చివరి భాగం బాటిల్‌లోకి పెట్టి దానిలో గాలి చొరవబడకుండా గుడ్డ ఏర్పాటు చేస్తారు. కుక్కర్‌లోని ద్రవం బాగా ఉడికిన తర్వాత ఆవిరి కుక్కర్‌కు బిగించిన సీసా నుంచి బాటిల్‌లోకి పడతారు. చిక్కగా వచ్చిన ద్రవాన్ని లిక్విడ్‌ గంజాయిగా కిలో ప్యాకెట్లుగా చేసి రవాణా చేస్తున్నారు. దీనిని తయారు చేసేందుకు ఇతర రాష్ట్రాల నుంచి అనుభవజ్ఞులను తీసుకొచ్చి స్థానికంగా ఉన్న గిరిజన యువతకు తర్ఫీదు ఇస్తున్నారు. 25 కిలోల ఎండు గంజాయిని ప్రొసెస్‌ చేస్తే కిలో లిక్విడ్‌ గంజాయి వస్తుంది.

నర్సీపట్నం : నర్సీపట్నం బీజేపీలో విభేదాలు చోటు చేసుకున్నాయి. పార్టీలో కొందరు వ్యవహరిస్తున్న తీరుతో బీజేపీ ఓబీసీ మోర్చ అధ్యక్ష పదవికి డాక్టర్‌ కె.వి.సత్యనారాయణ మంగళవారం రాజీనామా చేశారు. ఈ సందర్భంగా ఆయన విలేకర్లతో మాట్లాడుతూ పార్టీని బలోపేతం చేయాల్సిన కీలక సమయంలో స్థానిక క్యాడర్‌ అభిప్రాయాలను పరిగణలోకి తీసుకోకుండా కొందరు వ్యవహరిస్తున్న తీరు బాధ కలిగించిందన్నారు. పార్టీకి నష్టం కలిగిస్తున్నారని సంబంధిత వ్యక్తులను గతంలో పార్టీ అధిష్టానం దూరం పెట్టిందన్నారు. ఇప్పుడు మళ్లీ అదే వ్యక్తులకు ప్రాధాన్యం కల్పించడం బాధ కలిగిస్తుందన్నారు. జిల్లా అధ్యక్ష పదవికి మాత్రమే రాజీనామా చేసానని, పార్టీలో కార్యకర్తగా కొనసాగుతానన్నారు. స్థానిక సంస్థల ఎన్నికలకు సంబంధించి కూటమి సమన్వయ సమావేశాల్లో పార్టీ క్యాడర్‌కు తగిన ప్రాధాన్యం ఇవ్వకపోవడం బాధగా ఉందన్నారు. ఇప్పటికై నా పార్టీ అధినాయకత్వం దృష్టిసారించాలని ఆయన కోరారు.

అనకాపల్లి టౌన్‌ : జిల్లాలో ప్రభుత్వ పాఠశాలల్లో స్కూల్‌ మేనేజ్‌మెంట్‌ కమిటీ ఎన్నికల ప్రక్రియ ప్రశాంతంగా పూర్తి అయ్యిందని సమగ్రశిక్ష అడిషనల్‌ ప్రోజెక్ట్‌ కోఆర్డినేటర్‌ కె.శ్రీరాములు తెలిపారు. నిబంధనల ప్రకారం నిర్వహించిన ఈ ఎన్నికల ప్రక్రియలో అధిక సంఖ్యలో పాఠశాలల్లో కమిటీలు ఏకగ్రీవంగా ఏర్పాటయ్యాయి. మొత్తం 1,432 పాఠశాల్లో ఎస్‌ఎంసీ ఎన్నికల ప్రక్రియ చేపట్టగా, 1,064 పాఠశాలల్లో కమిటీలు ఏకగ్రీవంగా ఎన్నికయ్యాయి. మరో 338 పాఠశాలలో ఎన్నికలు నిర్వహించి ఎస్‌ఎంసీలను ఏర్పాటు చేశారు. 30 పాఠశాలల్లో ఎన్నికకు సరిపడా సభ్యులు లేని కారణంగా ఎన్నికలు వాయిదా వేశామన్నారు. దీంతో జిల్లాలోని అత్యధిక పాఠశాలల్లో స్కూల్‌ మేనేజ్‌మెంట్‌ కమిటీల ఏర్పాటు ప్రక్రియ పూర్తి అయ్యిందని తెలిపారు. పాఠశాలల అభివృద్ధి, విద్యార్థులకు మెరుగైన విద్యా వాతావరణం కల్పించడం, తల్లిదండ్రుల భాగ స్వామ్యాన్ని పెంచడంలో ఎస్‌ఎంసీలు కీలక పాత్ర పోషిస్తారని తెలిపారు. ఎన్నికల ప్రక్రియ ప్రశాంతంగా నిర్వహించినందుకు సహకరించిన ఎంఈవోలు, మండల నోడల్‌ అధికారులు, ప్రధానోపాధ్యాయులు, ఉపాధ్యాయులు, సంబంధిత తల్లిదండ్రులకు ఏపీసీ అభినందనలు తెలిపారు. ఫంగిడిలో టీడీపీ నేత రుబాబు బుచ్చెయ్యపేట : మండలంలోని పెదపూడి శివారు ఫంగిడి గ్రామంలో ఎస్‌ఎంసీ ఎన్నికల్లో టీడీపీ నాయకులు బరి తెగించారు. చిన్న పిల్లలు చదువుకునే దేవాలయం లాంటి పాఠశాలలోకి పోలీసులను సైతం తోసుకొని వచ్చి అధికార పార్టీ అభ్యర్థిని గెలిపించాలని విద్యార్థుల తల్లిదండ్రులను,అధికారులను సైతం బెదిరించారు. టీడీపీకి ఆ గ్రామంలో పట్టు లేదని తెలిసి ఓడిపోతామని తెలిసి కూడా దొడ్డి దారిలో గెలవాలని అక్కడ టీడీపీ నాయకుడు డబ్బులు ఎర చూపాడు. విద్యార్థి తండ్రికి రూ, 50 వేలు ఫోన్‌ పే చేయగా అతను మాత్రం నిజాయితీకే ఓటు వేస్తానని చెప్పి తిరిగి యాభై వేలు నగదును టీడీపీ నాయకుడికి ఫోన్‌ పే చేశాడు. దీంతో టీడీపీ నాయకులు ఓడిపోతున్నామని తెలిసి అక్కడున్న పోలీసులను సైతం తోసుకుంటూ ఎన్నికల గదిలోకి వెళ్లి విద్యార్థుల తల్లిదండ్రులపైన, అధికారులపై గొడవకు దిగి ఎన్నికను వాయిదా వేసేలా చేశారు. ఫంగిడి ప్రాథమిక పాఠశాలలో మొత్తం 24 మంది విద్యార్థులున్నారు. వీరిలో 19 మంది తల్లిదండ్రులకు మాత్రమే ఓటు హక్కు ఉంది. మంగళవారం జరిగిన స్కూల్‌ కమిటీ ఎన్నికల్లో భాగంగా 11 మంది వైఎస్సార్‌సీపీ బలపరిచిన అభ్యర్థికి మద్దతు తెలపగా ఐదుగురు మాత్రం టీడీపీ బలపరిచిన అభ్యర్థికి మద్దతు తెలిపారు. వైఎస్సార్‌సీపీ అభ్యర్ధి గెలుస్తున్నారని తెలిసి బయట నుంచి టీడీపీ కార్యకర్తలు పాఠశాల గదిలోకి చొరబడ్డారు. అక్కడ డ్యూటీలో ఉన్న మహిళా పోలీసును సైతం తోసుకుంటూ వచ్చి అలజడి సృష్టించారు. దీంతో అక్కడే ఉన్న ఏంఈవో పి.గీత, హెచ్‌ఎం శాంతి కుమారిలు ఎన్నికల నిర్వహణకు భద్రత లేదని ఎన్నికను వాయిదా వేసినట్టు ప్రకటించారు. కోరం ఉన్నప్పటికి టీడీపీ నాయకులు చెప్పినట్టుగా అధికారులు నడుచుకొని భద్రత లేదని ఎన్నిక వాయిదా వేయడంపై తల్లిదండ్రులు ఆగ్రహం చెందారు. భద్రత లేని పాఠశాలలో మా పిల్లలను చదివించమని గ్రామానికి చెందిన పలువురు తమ పిల్లలను ఇకపై బడికి పంపమని హెచ్‌ఎంకు తెలిపి లెటర్లు ఇచ్చారు. మాజీ ఎంపీటీసీ ఒకరు ఎలాగైనా టీడీపీ అభ్యర్థిని గెలిపించాలని రెండు రోజులుగా ఒత్తిడి తెస్తున్నాడని రూ, 50 వేలు ఫోన్‌ పే చేయగా రిటర్న్‌ చేశానని గ్రామానికి చెందిన కోరుబిల్లి కలిపిరాజు విలేకరులకు తెలిపారు.

● పట్టించుకోని అధికారులు ● జేసీ ఆదేశాలే బేఖాతరు కె.కోటపాడు: మండలంలో మళ్లీ ఇసుక అక్రమ రవాణా జోరుగా సాగుతోంది. నిత్యం యథేచ్ఛగా తరలిస్తున్నా.. రెవెన్యూ అధికారులు తమకేమీ పట్టనట్లు వ్యవహరి స్తున్నారు. ఇసుక రవాణాను నియంత్రించి, వాల్టా చట్టాన్ని కాపాడాల్సిన అధికారులే ఇసుక అక్రమార్కులకు వత్తాసు పలుకుతున్నట్లు ఆరోపణలు వినిపిస్తున్నాయి. మండలంలో చౌడువాడ శారదానదితో పాటు పరీవాహక ప్రాంతం నుంచి ఇసుకను అక్రమంగా తరలిస్తున్నా రు. ఇసుక తరలింపుపై చౌడువాడ గ్రామానికి చెందిన నాయకులు ఆగస్టు 7న కె.కోటపాడులో నిర్వహించిన ‘ఒక నెల–ఒక నియోజకవర్గం–నాలుగు సందర్శనలు’ కార్యక్రమంలో జాయింట్‌ కలెక్టర్‌ శౌర్యమన్‌ పటేల్‌కు ఫిర్యాదు చేశారు. చౌడువాడ వద్ద శారదా నదీ పరీవాహక ప్రాంతాన్ని గతంలోనే ఇరిగేషన్‌, రెవెన్యూ అధికారులు బ్లాక్‌ జోన్‌గా ప్రకటించారు. శారదానది నుంచి నాలుగు ఇరిగేషన్‌ కాలువలకు నీరు వెళ్లాల్సి ఉంది. దీంతో పాటు చౌడువాడ గ్రామ ప్రజలకు తాగునీరు అందించేందుకు శారదానదిలో బోర్ల నిర్మాణం చేపట్టారు. దీంతో ఈ ప్రాంతాన్ని బ్లాక్‌జోన్‌గా అధికారులు గుర్తించి ఇసుక తవ్వకాలు జరపకూడదని హెచ్చరించారు. ఇదే విషయాన్ని నాయకులు జేసీకి వివరించారు. వెంటనే స్పందించిన జేసీ చర్యలు తీసుకోవాలని రెవెన్యూ అధికారులను ఆదేశించారు. దీంతో స్థానిక రెవెన్యూ అధికారులు ఇసుక తవ్వకాలు జరుగుతున్న ప్రాంతంలో తనిఖీ చేశారు. అనంతరం రెండు రోజుల పాటు ఇసుక అక్రమ తవ్వకాలను నిలిపివేశారు. తరువాత అధికారులు పట్టించుకోకపోవడంతో మళ్లీ ఇసుకను తరలిస్తున్నారు. కొందరు చౌడువాడ నుంచి ఇతర మండలాలకు తరలిస్తుండగా, మరి కొందరు గ్రామ శివార్లులో పోగులుగా వేసి రాత్రి సమయాల్లో ఇసుకను లారీలపై తరలిస్తున్నారు. కూటమి నాయకుల అండదండలతోనే అక్రమ రవాణా జోరుగా సాగుతోందని స్థానికు ఆరోపిస్తున్నారు. అడ్డుకట్టవేస్తాం చౌడువాడ శారదానదీ పరీవాహక ప్రాంతం నుంచి ఇసుక అక్రమంగా తరలిస్తే చర్యలు తీసుకుంటాం. ఇసుక తవ్వకాలపై ఫిర్యాదు వచ్చిన నేపథ్యంలో ఆయా ప్రాంతాల్లో తనిఖీలు చేశారు. త్వరలోనే గ్రామస్తులతో సమావేశం నిర్వహిస్తాం. కమిటీ వేసి అక్రమ ఇసుక రవాణాకు అడ్డుకట్ట వేస్తాం. – నాగరాజు, తహసీల్దార్‌, కె.కోటపాడు

అనకాపల్లి: కూటమి ప్రభుత్వం అధికారం చేపట్టిన తరువాత రాష్ట్రంలో మైనింగ్‌ను దోచుకుని తింటుందని, ఏఎంఆర్‌ సంస్థ అక్రమ చెక్‌ పోస్టులు, నగదు వసూళ్లు తక్షణమే తొలగించాలని సీపీఎం మండల కన్వీనర్‌ గంటా శ్రీరామ్‌ అన్నారు. స్థానిక సీపీఎం కార్యాలయంలో మంగళవారం జరిగిన సమావేశంలో ఆయన మాట్లాడారు. జిల్లా వ్యాప్తంగా ఏఎంఆర్‌ సంస్థ మైనింగ్‌ చెక్‌పోస్టులను ఏర్పాటు చేసి కోట్లాది ప్రభుత్వ ధనాన్ని దోచుకుంటున్నారని ఆయన ఆరోపించారు. క్వారీ యాజమాన్యం చెక్‌ పోస్టుల వద్ద ట్రాక్టర్‌ల యాజమానుల వద్ద రెండేళ్లుగా రుసుముల పేరిట భారీగా దోచుకున్నారని ఆరోపించారు. రాష్ట్ర మైనింగ్‌ శాఖను పక్కనపెట్టి ఏఎంఆర్‌ సంస్థ ద్వారా కూటమి నాయకులు కోట్లాది రూపాయలు దోచుకోవడం అన్యాయమన్నారు. ఎంపీ సి.ఎం.రమేష్‌ ఆధ్వర్యంలో జిల్లాలో మైనింగ్‌ దందా పెరిగిపోయిందన్నారు. సీపీఎం జిల్లా కమిటీ సభ్యుడు వి.వి.శ్రీనివాసరావు మాట్లాడుతూ రోజువారి కూలి పనులు చేసుకుని జీవనం సాగిస్తున్న ట్రాక్టర్‌ ఓనర్స్‌, డ్రైవర్స్‌ మైనింగ్‌ మాఫియా దౌర్జన్యాలకు బలైపోతున్నారన్నారు. రానున్న సార్వత్రిక ఎన్నికల్లో గ్రామీణ ప్రజలు ప్రభుత్వానికి బుద్ధి చెప్పినట్టయితే గ్రామాల్లో మైనింగ్‌ను కాపాడుకోవచ్చన్నారు. కార్యక్రమంలో సీపీఎం మండల నాయకులు కాళ్ల తేలయ్యబాబు, బుగిడి నూక అప్పారావు, కె.ఈశ్వరరావు, ఉరిగిటి సూర్య నారాయణ పాల్గొన్నారు.

మునగపాక : రానున్న స్థానిక సంస్థల ఎన్నికల్లో వైఎస్సార్‌సీపీ విజయమే లక్ష్యంగా ప్రతీ ఒక్కరూ కష్టపడి పనిచేయాలని ఆ పార్టీ నియోజకవర్గ సమన్వయకర్త కరణం ధర్మశ్రీ కోరారు. మునగపాకలోని పార్టీ కార్యాలయంలో మంగళవారం పార్టీ జిల్లా అధ్యక్షులు ప్రసాద్‌తో కలిసి ఆయన క్లస్టర్‌ ఇన్‌చార్జిలతో సమావేశమయ్యారు. ఈ సందర్భంగా ఆయన మాట్లాడుతూ అక్టోబర్‌లో స్థానిక సంస్థల ఎన్నికలు జరుగుతాయని, ఇందుకోసం పార్టీ తరఫున బలమైన అభ్యర్థులను ఎంపిక చేసుకోవాలన్నారు. ప్రతి గ్రామంలో సర్పంచ్‌లతో ఎంపీటీసీలు గెలిచేలా చూడాలన్నారు. ఇందుకోసం క్లస్టర్‌ ఇన్‌చార్జిలు బాధ్యత తీసుకొని గెలుపు గుర్రాలను గుర్తించి వారి విజయం కోసం కష్టపడి పనిచేయాలన్నారు. మాజీ సీఎం వై.ఎస్‌.జగన్‌మోహన్‌రెడ్డి హయాంలో అమలు జరిగిన సంక్షేమ పథకాలను వివరించడంతో పాటు కూటమి ప్రభుత్వ వైఫల్యాలను ప్రజల్లోకి తీసుకువెళ్లాలన్నారు. ప్రతి ఒక్కరూ తమకు ఉన్న అవకాశాలను సద్వినియోగం చేసుకుంటూ పార్టీ జెండాలు రెపరెపలాడేలా చూడాలన్నారు. పార్టీ మండల కన్వీనర్‌ ఆడారి అచ్చియ్యనాయుడు, మాజీ జెడ్‌పీటీసీ మళ్ల సంజీవరావు, మాజీ ఎంపీపీ దాసరి అప్పారావు, మాజీ వైస్‌ ఎంపీపీ దొడ్డి వరహాలు, క్లస్టర్‌ ఇన్‌చార్జిలు షేక్‌ ఇస్నాయిల్‌, కాండ్రేగుల నూకరాజు, సుందరపు తాతాజీ, మొల్లేటి శంకర్‌, పెంటకోట హరేరామ, పెంటకోట నాయుడు, చేకూరి రామరాజు, బొడ్డేడ శ్రీను, ఇల్లా నాగేశ్వరరావు, బొద్దపు శ్రీరామమూర్తి, మొల్లేటి వినోద్‌ పాల్గొన్నారు. పార్టీ కోసం కష్టపడే వారికి తగిన గుర్తింపు పదవులు శాశ్వతం కాదని పార్టీ కోసం కష్టపడి పనిచేయాలని వైఎస్సార్‌సీపీ నేతలు కరణం ధర్మశ్రీ, బొడ్డేడ ప్రసాద్‌ కోరారు. వైఎస్సార్‌సీపీ విద్యార్థి విభాగం జిల్లా కార్యదర్శిగా నియమితులైన మొల్లేటి వినోద్‌ మంగళవారం ఇరువురు నేతలను మర్యాదపూర్వకంగా కలిసారు. ఈ సందర్భంగా వినోద్‌ను సత్కరించి మాట్లాడుతూ పార్టీలో కష్టపడి పనిచేసే వారికి తగిన గుర్తింపు ఉంటుందన్నారు. మాజీ సీఎం జగన్‌మోహన్‌రెడ్డి ఆశయాలను ప్రజల్లోకి తీసుకువెళ్లాలని సూచించారు.

డాబాగార్డెన్స్‌ (విశాఖ): బురుజుపేటలో కొలువైన కనకమహాలక్ష్మి దేవస్థానంలో మంగళవారం 108 స్వర్ణ పుష్పాలతో అష్టదళ పద్మారాధన నిర్వహించారు. ఉదయం 8 నుంచి 9 గంటల వరకు నిర్వహించిన ఈ పూజలో పలువురు ఉభయదాతలు పాల్గొని తరించారు. ఈ కార్యక్రమంలో ఆలయ ఈవో కె.శోభారాణి, వేద పండితులు, ఆలయ సిబ్బంది పాల్గొన్నారు. ప్లాస్టిక్‌ నిషేధం పర్యావరణ పరిరక్షణ, విశ్వశాంతిని కాంక్షిస్తూ కనకమహాలక్ష్మి అమ్మవారి ఆలయంలో ప్లాస్టిక్‌ వినియోగాన్ని పూర్తిగా నిషేధించినట్టు ఆలయ ఈవో ఓ ప్రకటనలో పేర్కొన్నారు. అమ్మవారి అభిషేకానికి తీసుకొచ్చే పాలు, పూజా సామగ్రి విషయంలో ప్లాస్టిక్‌ కవర్లకు బదులుగా గుడ్డ సంచులు, స్టీల్‌ పాత్రలు, గ్లాస్‌ బాటిల్స్‌, మేదరి బుట్టలు వంటి ప్రత్యామ్నాయాలను వినియోగించి దేవస్థానానికి సహకరించాలని ఆమె భక్తులను కోరారు.

యలమంచిలి రూరల్‌ : జాతీయ స్థాయి తైక్వాండో పోటీలకు యలమంచిలి క్రీడాకారిణి ఎం.హర్షిత ఎంపికై నట్టు తైక్వాండో కోచ్‌ నగిరెడ్డి సత్యనారాయణ తెలిపారు. ఇటీవల శ్రీకాకుళంలో జరిగిన తైక్వాండో పోటీల్లో బంగారు పతకం సాధించిన పట్టణానికి చెందిన ఆమె వచ్చే నెల 2వ తేదీ నుంచి 4వ తేదీ వరకు మధ్యప్రదేశ్‌ ఇండోర్‌లో జరగనున్న 43వ జాతీయ తైక్వాండో చాంపియన్‌షిప్‌ పోటీల్లో రాష్ట్రం తరపున ప్రాతినిధ్యం వహించనున్నట్టు ఆయన చెప్పారు. జాతీయ పోటీలకు ఎంపికై న హర్షితను న్యూఏపీ తైక్వాండో అసోసియేషన్‌ అధ్యక్ష, కార్యదర్శులు ఎం.అచ్చంనాయుడు, వేణుగోపాలరావు అభినందించారు.

మేం చేసిన తప్పేంటి? ఎన్నికల ముందు సీఎం చంద్రబాబు, డిప్యూటీ సీఎం పవన్‌కళ్యాణ్‌లు వలంటీర్లను తొలగించం..అధికారంలోకి వస్తే మీ సేవలను కొనసాగిస్తాం..నెలకు రూ,10వేలు అందించి ఆదుకుంటామని బహిరంగ సభల్లో చెప్పారు. అధికారంలోకి వచ్చిన వెంటనే అసలు మీకు జీఓనే లేదని మమ్మల్ని మోసగించి వెన్నుపోటు పొడిచారు. ఇపుడు టీడీపీ కార్యక్రమాలను ప్రచారం చేయడానికి ఇన్‌ప్లుయెన్సర్లను అందలం ఎక్కిస్తున్నారు. ఇది ప్రభుత్వ ఖజానాకు భారం కాదా.? – కంటే పద్మరేఖ, మాజీ వలంటీర్‌, మంగళాపురం, బుచ్చెయ్యపేట మండలం ఎన్నికల ప్రచారంలో మా వలంటీర్ల వ్యవస్థను ఆకాశానికెత్తిన పెద్దమనిషి గెలిచిన తర్వాత తొలగించి రోడ్డున పడేశారు. ఈ వ్యవస్థలో లోపాలేంటో ప్రభుత్వ పెద్దలు చెప్పాలి. ప్రజాధనం మాకోసం ఖర్చు చేసినా అది ప్రజలకు ఉపయోగపడే సేవలకే ఖర్చయింది. కానీ సోషల్‌ మీడియా ఇన్‌ఫ్లుయెన్సర్ల పేరుతో పెద్ద మొత్తంలో ఖర్చు చేయడం సబబు కాదు. చాలా మంది వలంటీర్లు ప్రస్తుత ప్రభుత్వ హామీలను నమ్మి ఓట్లు వేసి మోసపోయారు. – మెట్ట మాధురి, మాజీ వలంటీర్‌

మాట్లాడుతున్న సూపరింటెండెంట్‌ ఇంజినీర్‌ పి.ప్రసాద్‌అనకాపల్లి : జిల్లాలో విద్యుత్‌ వినియోగం పెరిగిందని, వినియోగదారులకు అనుగుణంగా అనకాపల్లి ఎన్టీఆర్‌ బెల్లం మార్కెట్‌, బుచ్చెయ్యపేట మండలంలో, సుబ్బవరం మండలం మంగళపాలెం పరిసర ప్రాంతాల్లో కొత్తగా 130 కేవీ సబ్‌స్టేషన్లు, అనకాపల్లి మండలం కోడూరు గ్రామంలో 230 కేవీ సబ్‌స్టేషన్‌ ఏర్పాటు చేసేందుకు చర్యలు చేపట్టడం జరుగుతుందని ఏపీ ఈపీడీసీఎల్‌ జిల్లా సూపరింటెండెంట్‌ ఇంజినీర్‌ పి.ప్రసాద్‌ అన్నారు. స్థానిక గవరపాలెం జిల్లా విద్యుత్‌శాఖ కార్యాలయంలో మంగళవారం విలేకరుల సమావేశం నిర్వహించారు. ఈ సందర్భంగా ఆయన మాట్లాడుతూ ఎక్కడైనా విద్యుత్‌ సమస్య ఉన్నట్టయితే 1912కు ఆన్‌లైన్‌లో ఫిర్యాదు చేస్తే సమస్య త్వరితగతిన పరిష్కరిస్తామని తెలిపారు. గృహాల్లో విద్యుత్‌ లోడ్‌ను బట్టి ఎంసీబీలు వాడడం వల్ల గృహపరికరాలు పాడవకుండా భద్రంగా ఉంటాయన్నారు. జిల్లాలో పీఎం సూర్యఘర్‌ కింద 10వేల కనెక్షన్లు మంజూరు చేయగా కేంద్ర ప్రభుత్వం 50 శాతం వినియోగదారునికి రాయితీ ఇస్తుందని తెలిపారు. ఈ స్కీమ్‌ వచ్చే ఏడాది మార్చితో ముగుస్తుందని, వినియోగదారుల అవకాశాన్ని వినియోగించుకోవాలన్నారు. ఎస్సీ, ఎస్టీ గృహాలకు జిల్లాలో ఉచితంగా 12 వేల కనెక్షన్లు అందజేశామన్నారు. పీఎం కుసుమ అగ్రి కింద 250 ఎకరాల్లో సోలార్‌ పవర్‌ రైతులకు అందజేస్తున్నామన్నారు. ప్రతి గృహంలో సోలార్‌ విద్యుత్‌ను ఏర్పాటు చేసుకుని పొదుపుగా వాడుకోవాలన్నారు. కార్యక్రమంలో యు.కె.జి. ప్రసాద్‌, మహ్మద్‌ జెయిన్‌ ఉల్లా, కుమారీ గౌరీ ప్రసాద్‌ పాల్గొన్నారు.

తుమ్మపాల : అన్ని మండలాల్లో అభివృద్ధి పనులను వేగవంతంగా పూర్తి చేసి ప్రజలకు మెరుగైన మౌలిక సదుపాయాలు అందేలా అధికారులు సమన్వయంతో పనిచేయాలని కలెక్టర్‌ విజయకృష్ణన్‌ ఆదేశించారు. సోమవారం సాయంత్రం కలెక్టరేట్‌ నుంచి మండల అభివృద్ధి అధికారులు, ఉప మండల అభివృద్ధి అధికారులు, ఆర్‌డబ్ల్యూఎస్‌, వ్యవసాయం, విద్యుత్‌, డీఆర్‌డీఏ, డీపీఓ, నీటిపారుదల శాఖల అధికారులతో నిర్వహించిన వీడియో కాన్ఫరెన్స్‌లో ఆమె మాట్లాడారు. పీజీఆర్‌ఎస్‌లో వచ్చిన 280 వినతులను మంగళవారం క్షేత్రస్థాయిలో పరిశీలించి పరిష్కరించాలని అధికారులను ఆదేశించారు. అధికారులు క్షేత్రస్థాయిలో అందుబాటులో ఉండి ప్రజల సమస్యలను ప్రత్యక్షంగా తెలుసుకోవాలన్నారు. వరి పంటలను బీమా పరిధిలోకి తీసుకురావాలని, బీమా పరిధిలోకి రాని పంటలకు పీఎండీఎస్‌ విధానం ద్వారా సహజ వ్యవసాయ నిపుణుల సహకారంతో రక్షణ కల్పించాలని తెలిపారు. రానున్న ఐదు రోజుల్లో పంచాయతీ కార్యదర్శులు గ్రామాల్లోని చెరువులను పరిశీలించి, నిమజ్జనం చేసిన విగ్రహాల వ్యర్థాలు, దుమ్ము, ధూళిని తొలగించి పరిశుభ్రంగా ఉంచేలా చర్యలు తీసుకోవాలని ఆదేశించారు. గ్రామీణాభివృద్ధి కోసం ప్రతి గ్రామం, మండలం, నియోజకవర్గంలో చేపడుతున్న రూ.200 కోట్ల అభివృద్ధి పనులను స్పష్టంగా ప్రజలకు తెలియజేయాలని, ఇందుకు ఎమ్మెల్యేలతో సమన్వయం చేసుకోవాలని సూచించారు. ప్రతి నెలా ఒకటో తేదీని సంక్షేమ దినోత్సవంగా నిర్వహించాలన్నారు. ఉదయం పింఛన్ల పంపిణీ పూర్తి చేసి, మధ్యాహ్నం ఎంపీడీఓలు క్షేత్రస్థాయిలో పర్యటించాలని ఆదేశించారు. ఐవీఆర్‌ఎస్‌ ఫీడ్‌బ్యాక్‌, పీజీఆర్‌ఎస్‌ సమస్యలు, సంక్షేమ పథకాల అమలుపై ప్రజలతో చర్చించి, వారి సమస్యలను తెలుసుకోవాలని సూచించారు. ప్రమాదకర కూడళ్లు, మలుపుల వద్ద వైర్‌లెస్‌ లైట్ల ఏర్పాటుకు అంచనాలు సిద్ధం చేయాలని, అవసరమైన చోట్ల మండల పరిషత్‌ నిధులతో సైన్‌ బోర్డులు, జీబ్రా క్రాసింగ్‌లు, స్పీడ్‌ బ్రేకర్లు ఏర్పాటు చేయాలని ఎంపీడీఓలను ఆదేశించారు. ప్రమాదకరంగా మారిన పాత, శిథిలావస్థలో ఉన్న పాఠశాల భవనాల కూల్చివేత ప్రక్రియను బుధవారంలోగా పూర్తి చేయాలని సూచించారు. ఆర్‌డబ్ల్యూఎస్‌ విభాగంలో గత రెండు నెలల్లో రూ.67 కోట్ల నిధులు విడుదలైనట్టు తెలిపారు. జల్‌జీవన్‌ మిషన్‌ పనుల పురోగతిపై కూడా సమీక్షించారు. ఇప్పటివరకు కాంట్రాక్టర్లకు రూ.67 కోట్ల విలువైన బిల్లులు చెల్లించినట్టు తెలిపారు. ప్రతి మండలంలో ఎంపీడీఓలు కాంట్రాక్టర్లతో సమావేశమై పనులను త్వరగా పూర్తి చేయించాలని, పనులు పూర్తిచేయని కాంట్రాక్టర్ల ఒప్పందాలను రద్దు చేసే చర్యలు చేపట్టాలని ఆదేశించారు.

●చోడవరం నియోజకవర్గంలో రోడ్ల దుస్థితి చూసి ప్రయాణికులు చీదరించుకుంటున్నారు. ●బీఎన్‌ రోడ్డులో పెద్దపెద్ద గోతులు పడి చెరువులను తలపించేలా మారినా పాలకులు, ఆర్‌అండ్‌బీ అధికారులు చోద్యం చూడడంపై మండిపడుతున్నారు. ●బీఎన్‌ రోడ్డులో లోపూడి వద్ద కేబీ రోడ్డులో కందిపూడి వద్ద ఉన్న కల్వర్టులు కుంగిపోయి రంధ్రాలు పడి కూలిపోవడానికి సిద్ధంగా ఉన్నాయి. ●కేబీ రోడ్డు నుంచి పెదమదీన, గున్నెంపూడి రోడ్డు, బుచ్చెయ్యపేట జంక్షన్‌ నుంచి కేపీ ఆగ్రహారం, పోలేపల్లి వెళ్లే రోడ్లు, కేబీ రోడ్డు నుంచి పి.భీమవరం, బీఎన్‌ రోడ్డు నుంచి గౌరీపట్నం వెళ్లే రోడ్డు గోతుల పడి రాకపోకలకు జనం తీవ్ర అవస్ధలు పడుతున్నారు.

అనకాపల్లి : గ్రామీణ ప్రాంతాల్లో కొండలను పిండి చేసుకుని ఏఎంఆర్‌ యాజమాన్యం కోట్లాది రూపాయలను దోచుకుంటోందని, దీనిపై అధికార, ప్రతిపక్ష పార్టీలు చూసీ చూడనట్టు వ్యవహరిస్తున్నాయని జిల్లాలో కొంతమంది స్థానిక ప్రజలు చెప్పడం జరిగిందని ఏపీ మాజీ ఇంటిలిజెన్స్‌ డీజీపీ ఎ.బి.వెంకటేశ్వరరావు అన్నారు. ఈ విషయమై నిబంధనలు అతిక్రమిస్తున్న ఏఎంఆర్‌ యాజమాన్యంపై చట్టపరమైన చర్యలు తీసుకోవాలని కోరుతున్నామన్నారు. మండలంలో మార్టూరు జంక్షన్‌ వద్ద అక్రమంగా లారీల నుంచి నగదు వసూలు చేస్తున్న ఏఎంఆర్‌ యాజమాన్యంపై ప్రభుత్వం తక్షణమే చర్యలు చేపట్టాలని ప్రజాసంఘాలు, కమ్యూనిస్టు పార్టీలు ఆధ్వర్యంలో సోమవారం ధర్నా చేపట్టారు. అక్కడ నుంచి పట్టణ పోలీస్‌స్టేషన్‌కు చేరుకుని సీఐ జి.ప్రేమ్‌కుమార్‌కు ఏఎంఆర్‌ యాజమాన్యంపై లిఖితపూర్వకంగా ఫిర్యాదు చేశారు. ఈ సందర్భంగా మాజీ డీజీ విలేకరులతో మాట్లాడుతూ ఏఎంఆర్‌ సంస్థలో పని చేస్తున్న కొంతమంది వ్యక్తులు చట్టబద్ధత లేకుండా చెక్‌పోస్టులు ఏర్పాటు చేసి నగదు వసూలు చేస్తున్నారని అన్నారు. ఒక్కో చెక్‌పోస్టు వద్ద ఇద్దరు వ్యక్తులను నియమించి స్టాంప్‌ ప్యాడ్‌ ఉపయోగించి, నగదు వసూలు చేస్తున్నట్టు ఆయన పేర్కొన్నారు. దీనిపై లారీ డ్రైవర్లను ఆరా తీయగా రోజూ ఏఎంఆర్‌ యాజమాన్యం లారీలను ఆపి అక్రమంగా నగదు వసూలు చేస్తున్నారని తెలిపారని, నగదు చెల్లించకుండా వాహనాలను తీసుకుని వెళుతున్న సమయంలో చెక్‌పోస్టు వద్ద ఉన్న వ్యక్తులు బైక్‌పై లారీ వెంటపడి భయబ్రాంతులకు గురిచేస్తున్నారని ఆరోపించారు. రాష్ట్రంలో ఇదో రకం రౌడీరాజ్యంలా ఉందని, ఈ అక్రమాలపై పోలీస్‌స్టేషన్లలో ఫిర్యాదు చేసినప్పటికీ పట్టించుకోవడం లేదన్నారు. రాష్ట్రాన్ని పూర్తి స్థాయి బీహార్‌గా మార్చేందుకు సీఎం చంద్రబాబు, కూటమి నాయకులు కంకణం కట్టుకున్నారన్నారు. ఇటువంటి అన్యాయాలపై ప్రజల గొంతు వినిపించాలనే దృఢ సంకల్పంతో పోరాడుతున్నామన్నారు. రాష్ట్రంలో పూర్తి స్థాయిలో లా అండ్‌ ఆర్డర్‌ పాలన లేకుండా పోయిందన్నారు. నిబంధనలు అతిక్రమిస్తున్న ఏఎంఆర్‌ యాజమాన్యంపై హైకోర్టులో కేసులు వేయడం జరుగుతుందన్నారు. కార్యక్రమంలో ప్రజాసంఘాల నాయకులు, కమ్యూనిస్టు పార్టీ నాయకులు గంటా శ్రీరామ్‌, నల్లమోతు చక్రవర్తి, మల్లారెడ్డి అజయ్‌, మొల్లేటి నవీన, దాడి ప్రసాధ్‌, రాజాన దొరబాబు పాల్గొన్నారు.

సంక్రాంతి కల్లా గోతులు లేని రోడ్లు చూస్తారని ఊకదంపుడు ఉపన్యాసాలు ఇచ్చారు..రహదారులన్నీ అద్దంలా మెరిపిస్తామన్నారు.. కానీ రెండు సంక్రాంతి పండగలు గడిచిపోయాయి. రోడ్లు అద్దంలా కాదు..అధ్వానంగా మారాయి. గత ప్రభుత్వంలో నిధులు మంజూరైన రహదారులను పట్టించుకోవడం మానేశారు. కనీసం తాము శిలాఫలకాలు వేసిన రోడ్లయినా పూర్తి చేయాలన్న చిత్తశుద్ధి కనబరచడం లేదు. అక్కడక్కడా మరమ్మతులు చేపట్టి గొప్పగా ప్రచారం చేసుకున్న రోడ్లలో నాసిరకం పనుల డొల్లతనం ఇటీవలి వర్షాలకు బయటపడింది. ఫలితం నరకప్రాయమైన రహదారుల్లో జనం ప్రాణాలు అరచేతుల్లో పెట్టుకుని ప్రయాణిస్తున్నారు. హామీలను అమలు చేయలేని కూటమి పాలకుల తీరును ఛీత్కరిస్తున్నారు. గోతిలో పడిన హామీలు..● కూటమి పాలనలో దయనీయంగా రోడ్లు ● అధికారంలోకి వచ్చిన తర్వాత చేపట్టిన ప్యాచ్‌ వర్క్‌ పనులు నాసిరకమే ● విస్తరణ పనులున్న చోట వాహనదారుల పరిస్థితి దయనీయం ● అంతులేని కథలా బి.ఎన్‌.రోడ్డులో వాహనదారుల కష్టాలు ● పాలకుల నిర్లక్ష్యం.. జనానికి శాపం సాక్షి, అనకాపల్లి : కూటమి ప్రభుత్వం అధికారంలోకి వచ్చిన తర్వాత జిల్లాలో రహదారుల పరిస్థితి దయనీయంగా మారింది. గత ప్రభుత్వ హయాంలో రహదారుల అభివృద్ధి అంశంపై విరుచుకుపడిన అప్పటి ప్రతిపక్ష పార్టీలు తీరా కూటమి ద్వారా అధికారంలోకి వచ్చిన తర్వాత చేతులెత్తేశారు. మొదట్లో ప్యాచ్‌ వర్క్‌లని చెప్పి నాసిరకం పనులు చేసి మమ అనిపించారు. ఈ రెండేళ్లలో రహదారుల మరమ్మతుల పేరు తో లక్షలాది రూపాయలు ఖర్చు చేసినా కొద్దికాలానికే మళ్లీ గుంతలమయంగా మారాయి. ఏ రోడ్డు చూసినా ఏమున్నది గర్వకారణం జిల్లాలో నిర్మాణంలో ఉన్న రహదారుల పరిస్థితి ఒక రకంగా ఉంటే, గోతుల మయంగా మారిన రహదారులది మరో రకం దుస్థితి. నర్సీపట్నం–ఘాట్‌ రోడ్డులో వాహనదారులు నానా ఇబ్బందులు పడుతున్నా ఆ శాఖ అధికారులకు చీమకుట్టినట్టయినా లేదు. ఇటీవల కురిసిన వర్షాలకు జిల్లాలోని ప్రధాన పట్టణాల్లోని రోడ్లన్నీ చెరువులను తలపించాయి. చీడికాడ మండలంలోని వరాహపురం, కట్టువాన అగ్రహారం వెళ్లే రోడ్డులో 50 నుంచి వంద మీటర్ల వరకూ గోతులు ఏర్పడ్డా యి. రోలుగుంట మండల కేంద్రం గోతులతో దర్శనమిస్తోంది. కశింకోట మండలంలో జాతీయ రహదారి కూడా గోతులతో దర్శనమిస్తోంది. అనకాపల్లి–అచ్యుతాపురం రహ దారి విస్తరణలో భారీ వాహనాలను నియంత్రించక స్థానికులు ఇబ్బందుల పాలవుతున్నారు. చాలా ప్రాంతాల్లో మండలాలను అనుసంధానం చేసే రహదారులకు అతీగతీ లేకుండా పోయింది. అచ్యుతాపురం మండలంలోని పర్యాటక ప్రాంతమైన కొండకర్ల గ్రామంలోకి వెళ్లే రహదారులు తీవ్రంగా ధ్వంసం అయ్యాయి.

బురదమయంగా మారిన బోడిగరువు, నేరెళ్లపూడి మట్టి రోడ్డు దుస్థితి ●నియోజకవర్గంలో దేవరాపల్లి నుంచి వాలాబు వెళ్లే రోడ్డులో అడుగుకో గుంత, గజానికో గొయ్యి అన్న చందంగా మారింది. ●చింతలపూడి పంచాయతీ సమ్మెద నుంచి బోడిగరువు, నేరెళ్లపూడి గ్రామాలకు వెళ్లే రహదారి ఇటీవల కురిసిన వర్షాలకు బురదమయంగా మారింది. కాలిబాట సైతం లేని ఈ రెండు గ్రామాలకు గత ప్రభుత్వ హయాంలో అప్పటి డిప్యూటీ సీఎం బూడి ముత్యాలనాయుడు రూ.2 కోట్లు నిధులు మంజూరు చేసి సగం మేర మట్టి పనులు పూర్తి చేశారు. కూటమి ప్రభుత్వం వచ్చి రెండున్నరేళ్లు కావస్తున్నా నేటికీ పూర్తి చేయలేదు. ●వీరభద్రపేట గ్రామానికి సుమారు రూ.84 లక్షలతో చేపట్టిన రహదారి నిర్మాణ పనులు అసంపూర్తిగా నిలిచిపోయాయి. కాశీపురం నుంచి గవరవరం వరకు తారురోడ్డు విస్తరణకు గత ప్రభుత్వ హయాంలో అప్పటి డిప్యూటీ సీఎం బూడి ముత్యాలనాయుడు రూ.20 కోట్ల నిధులతో సగానికి పైగా పనులు పూర్తి చేశారు. కూటమి ప్రభుత్వం వచ్చాక మిగిలిన కొద్దిపాటి పనులు చేయడానికి సాకులు చెబుతోంది. ●ఎం.అలమండ నుంచి మామిడిపల్లి గ్రామాలకు 4.5 కి.మీ మేర తారురోడ్డు నిర్మాణానికి గత వైఎస్సార్‌సీపీ ప్రభుత్వ హయాంలో రూ. 2.80 కోట్లు మంజూరు చేసి అప్పట్లోనే పనులు ప్రారంభించారు. ఆ తర్వాత కూటమి ప్రభుత్వం నిర్లక్ష్యంతో రాళ్లు తేలి అసంపూర్తిగా దర్శనమిస్తున్నాయి.

●నియోజకవర్గంలోని ముఖ్యంగా తుమ్మపాల–మార్టూరు, మామిడిపాలెం, వెంకిపాలెం, కుంచంగి తదితర గ్రామాలకు వెళ్లే రహదారులపై భారీ గుంతలు ఏర్పడ్డాయి. ●అనకాపల్లి మండలంలో మినరల్స్‌ ఫండ్స్‌తో చేపట్టే రోడ్లతో పాటు పలు శాఖల ద్వారా చేపట్లే రోడ్ల కాంట్రాక్టర్లపై తీవ్ర వత్తిడి తెచ్చి నిధుల్లో సగానికి పైగా వసూలు చేయడంతో రోడ్లు మరింత నాసిరకంగా తయారవుతున్నాయి. ●గత ఏడాది తుమ్మపాల నుంచి చోడవరం వరకు రోడ్డుపై గోతుల మరమ్మతులకు ఖర్చు చేసిన రూ.10 లక్షలు బుడిదలో వేసిన చందంగా యథావిధిగా గోతులు ఏర్పడ్డాయి. ●కశింకోట మండలంలో అచ్చెర్ల జంక్షన్‌ నుంచి అచ్చెర్ల గ్రామానికి వెళ్లే 3 కిలోమీటర్ల రోడ్డు, అక్కడి నుంచి మోసయ్యపేట, గోకివానిపాలెం గ్రామాలకు వెళ్లే కిలోమీటర్‌ పైగా రోడ్లు ఏళ్ల తరబడి గతుకులతో నిండి ఉన్నాయి. ఈ రోడ్ల పునర్నిర్మాణానికి సుమారు రూ.3.75 కోట్లు మంజూరైనట్లు అధికారులు చెబుతున్నారు. ఇది జరిగి ఆరు నెలలు కావస్తున్నా పనులు మాత్రం ప్రారంభం కాని దుస్థితి. ●ఉగ్గినపాలెం గ్రామానికి రోడ్డుకు రూ.85 లక్షలు మంజూరైనట్టు చెబుతున్నా దీనికి కూడా టెండర్‌ వేయడానికి ముందుకు రాని దుస్థితి. కన్నూరుపాలెం–తీడ శివారు కచ్చర్లపాలెం రోడ్డుకు సుమారు 3 కోట్ల నిధులు మంజూరైనా పనులు ఎక్కడ వేసిన గొంగడి అన్న చందంగా ఉన్నాయి.

కూటమి ప్రభుత్వం వచ్చి రెండేళ్లు గడిచినా నియోజకవర్గంలో రోడ్లపై గోతులు మాత్రం అలాగే ఉన్నాయి. ●యలమంచిలి–అచ్యుతాపురం, యలమంచిలి రేగుపాలెం, పులపర్తి–ఏటికొప్పాక, యలమంచిలి సైతారుపేట మార్గాలతో పాటు,16వ నెంబరు జాతీయ రహదారి నుంచి పలు గ్రామాలకు వెళ్లే రహదారుల్లో అధిక శాతం రోడ్లు గుంతలతో ఉన్నాయి. ఆ రోడ్లకు అప్పుడప్పుడు చేపడుతున్న మరమ్మతు పనుల్లో నాణ్యత లోపించడంతో కొద్ది రోజులకే అవి మళ్లీ గుంతలుగా మారుతున్నాయి. ●మునగపాక మండలంలో పాటిపల్లి మోడల్‌ స్కూల్‌కు విద్యార్దులు ఆటోలతో పాటు సైకిళ్లపై అలాగే నడుచుకుంటూ రాకపోకలు సాగిస్తున్నారు.

అర్జీల పరిష్కారంలో నిర్లక్ష్యం వద్దు తుమ్మపాల: పీజీఆర్‌ఎస్‌లో ప్రజల నుంచి స్వీకరించిన అర్జీల పరిష్కారంలో అధికారులు నిర్లక్ష్యం వహించరాదని కలెక్టర్‌ విజయ కృష్ణన్‌ ఆదేశించారు. సోమవారం కలెక్టరేట్‌ సమావేశ మందిరంలో నిర్వహించిన పీజీఆర్‌ఎస్‌, రెవెన్యూ క్లినిక్‌ కార్యక్రమాల్లో ఆమెతో పాటు జాయింట్‌ కలెక్టర్‌ శౌర్యమాన్‌ పటేల్‌, డీఆర్వో వై.సత్యనారాయణరావు ప్రజల నుంచి అర్జీలు స్వీకరించారు. మొత్తం 265 ఫిర్యాదులు నమోదయ్యాయి. ఈ సందర్భంగా కలెక్టర్‌ మాట్లాడుతూ ప్రజల నుంచి అందిన అర్జీలను సంబంధిత అధికారులు వెంటనే పరిశీలించి గడువులోగా పరిష్కరించాలన్నారు. అర్జీదారులతో అధికారులు నేరుగా మాట్లాడి సమస్య స్వరూపాన్ని తెలుసుకోవాలని సూచించారు. పరిష్కారం సాధ్యం కాని అర్జీల విషయంలో కారణాలను అర్జీదారులకు స్పష్టంగా వివరించాలని సూచించారు. తద్వారా అర్జీలు తిరిగి నమోదయ్యే పరిస్థితిని నివారించవచ్చన్నారు. పీజీఆర్‌ఎస్‌కు వచ్చిన అర్జీదారుల కోసం జిల్లా యంత్రాంగం ఆధ్వర్యంలో ఉచిత భోజన సదుపాయం ఏర్పాటు చేశారు.ఈ కార్యక్రమంలో జిల్లా ఎకై ్సజ్‌ అధికారి వి.సుధీర్‌, జిల్లా సర్వే, భూ రికార్డుల సహాయ సంచాలకులు గోపాల్‌రాజ, జిల్లా వ్యవసాయ అధికారి ఆశాదేవి, ఐసీడీఎస్‌ పీడీ సూర్యలక్ష్మి పాల్గొన్నారు. ఎన్నిసార్లు మొరపెట్టుకున్నా... వ్యయప్రయాసలకోర్చి వచ్చి పీజీఆర్‌ఎస్‌లో ఎన్నిసార్లు మొరపెట్టుకున్నా మా గోడు ఎవరూ పట్టించుకోవడం లేదని, సమస్యలు పరిష్కారం కావడం లేదని పలువురు అసహనం వ్యక్తం చేశారు. కలెక్టరేట్‌ గేటు వద్ద కొందరు నిరసన వ్యక్తం చేశారు. ఫ్లైఓవర్‌ నిర్మాణాన్ని నిలిపివేయాలి అనకాపల్లి పట్టణంలోని లక్ష్మీదేవిపేట రైల్వేగేటు నుంచి భీమునిగుమ్మం వీధి వరకు చేపట్టనున్న ఫ్లైఓవర్‌ నిర్మాణాన్ని నిలిపివేయాలని అంబేడ్కర్‌ ఎడ్యుకేషన్‌ సొసైటీ ప్రతినిధులు డిమాండ్‌ చేశారు. ఈ మేరకు కలెక్టరేట్‌ వద్ద నిరసన వ్యక్తం చేశారు. ఈ సందర్భంగా పలువురు మాట్లాడుతూ భీమునిగుమ్మం వీధిలో సుమారు 250 దళిత కుటుంబాలు నివసిస్తున్నాయని, ఫ్లైఓవర్‌ నిర్మాణం చేపడితే అక్కడ ఉన్న డాక్టర్‌ బి.ఆర్‌. అంబేడ్కర్‌ మున్సిపల్‌ పాఠశాల విద్యార్థులు ప్రమాదాల బారిన పడే అవకాశం ఉందని ఆందోళన వ్యక్తం చేశారు. ఇళ్ల వద్ద రహదారి వెడల్పు తగ్గడంతో వాహనాలు, పాదచారుల రాకపోకలకు ఇబ్బందులు తలెత్తే అవకాశం ఉందన్నారు. అంబేడ్కర్‌ విగ్రహం, రైల్వే స్టేషన్‌ పరిసరాలు కూడా కనిపించకుండా పోయే పరిస్థితి ఏర్పడుతుందన్నారు. జిల్లా అధికారులు ప్రతిపాదిత ఫ్లైఓవర్‌ ప్రాంతాన్ని, రైల్వే స్టేషన్‌ వద్ద మోడల్‌ రైలు ఏర్పాటుకు చేపట్టిన పనుల ప్రాంతాన్ని పరిశీలించి, ప్రజలకు ఇబ్బందులు కలగకుండా తగిన నిర్ణయం తీసుకోవాలని అంబేడ్కర్‌ ఎడ్యుకేషన్‌ సొసైటీ ప్రతినిధులు కోరారు. అంతకు ముందు కలెక్టర్‌కు ఈ సమస్యలపై అర్జీ అందజేశారు. ఎస్సీ బాధితులకు సత్వర పరిష్కారం కల్పించాలి షెడ్యూల్డ్‌ కులాలకు చెందిన వ్యక్తుల కేసుల్లో సత్వరమే పరిష్కారం కల్పించాలని డిమాండ్‌ చేస్తూ బహుజన సమాజ్‌వాది పార్టీ ఆధ్వర్యంలో కలెక్టరేట్‌ వద్ద నిరసన వ్యక్తంచేశారు. ఈ సందర్భంగా పార్టీ జిల్లా అధ్యక్షుడు మల్లవరపు లోవచందు మాట్లాడుతూ ఎస్సీ, ఎస్టీ అట్రాసిటీ కేసుల్లో చట్టం, నిబంధనలకు అనుగుణంగా కఠిన చర్యలు తీసుకోవాలన్నారు. స్థానిక పోలీసులపైనే ఆరోపణలు ఉన్న సందర్భాల్లో అదే యంత్రాంగంతో దర్యాప్తు చేయడం వల్ల ప్రయోజనం ఉండదని తెలిపారు. అటువంటి కేసులను స్వతంత్ర దర్యాప్తు సంస్థ లేదా ఉన్నతస్థాయి దర్యాప్తు బృందానికి అప్పగించాలని కోరారు. అనంతరం కలెక్టర్‌కు అర్జీ అందజేశారు.

రాంబిల్లి : దిమిలి గ్రామానికి చెందిన యువతి తాడి పూర్ణ(19) అదృశ్యమైనట్టు సోమవారం రాత్రి తల్లి శారద పోలీసులకు ఫిర్యాదు చేశారు. ఆదివారం ఉదయం 10 గంటల సమయంలో ఇంటి నుంచి తన కుమార్తె వెళ్లిపోయిందని ఆయా ఫిర్యాదులో పేర్కొన్నట్టు సీఐ నర్సింగరావు తెలిపారు. కేసు నమోదు చేసి దర్యాప్తు చేస్తామని సీఐ తెలిపారు. కాగా ఆదివారం పూర్ణ ఇంటి నుంచి వెళ్లిపోవడంతో తల్లిదండ్రులు, కుటుంబసభ్యులు ఆమె కోసం వెతుకుతుండగా దిమిలి గ్రామ శారద నది ఒడ్డున పూర్ణ చెప్పులు కనిపించడంతో ఆందోళన చెంది, సోమవారం పోలీసులను ఆశ్రయించారు. తల్లిదండ్రులు తనకు ఇష్టం లేని పెళ్లి నిశ్చయించడమే ఆమె అదృశ్యానికి కారణంగా భావిస్తున్నారు. ఇంటర్‌ పూర్తి చేసిన పూర్ణ డిగ్రీ చదివేందుకు ఆసక్తి చూపుతోంది. ఏమైనా తమ కుమార్తె సురక్షితంగా ఇల్లు చేరుతుందని తల్లిదండ్రులు కొండంత ఆశగా ఎదురు చూస్తున్నారు.

● నలుగురికి గాయాలు, ఒకరి పరిస్థితి విషమం కొక్కిరాపల్లి హైవే కూడలి వద్ద కారును ఢీకొన్న లారీ యలమంచిలి రూరల్‌ : భీమవరం నుంచి విశాఖపట్నం వైపు వెళ్తున్న చేపల లోడుతో వెళ్తున్న వ్యాన్‌ యలమంచిలి మండలం కొక్కిరాపల్లి హైవే కూడలి వద్దకు చేరుకున్న సమయంలో బ్రేక్‌ పనిచేయకపోవడంతో వాహనాన్ని అదుపు చేసే క్రమంలో రోడ్డు మధ్యలో ఉన్న డివైడర్‌పైకి ఎక్కించాడు. వ్యాన్‌ అదుపుతప్పి డివైడర్‌ అవతల వైపునకు దూసుకుపోయింది. అదే సమయంలో విశాఖపట్నం నుంచి అమలాపురం వెళ్తున్న కారు రావడంతో చేపల వ్యాన్‌ ఢీకొట్టింది. వెనుక వస్తున్న మరొక లారీ కూడా కారును ఢీకొంది. దీంతో కారు నుజ్జయింది. కారు వెనుక సీట్లో కూర్చున్న సి. హేమంత్‌, సి.వీరయ్య, కె.రమేష్‌, హైదరాబాద్‌కు చెందిన లారీ డ్రైవర్‌ ఎం.శ్రీనివాస్‌ తీవ్రంగా గాయపడ్డారు. వీరిలో ఒకరి పరిస్థితి విషమంగా ఉన్నట్టు యలమంచిలి ట్రాఫిక్‌ ఎస్‌ఐ బి.రామకృష్ణ తెలిపారు. గాయపడినవారిని హైవే అంబులెన్సు వాహనంలో అనకాపల్లి ఎన్‌టీఆర్‌ ఆస్పత్రికి తరలించినట్టు తెలిపారు. వాహనాల రాకపోకలకు అంతరాయం కలగకుండా తక్షణ చర్యలు చేపట్టినట్టు తెలిపారు. ఘటనపై కేసు నమోదు చేశామన్నారు.

అర్జీదారుని సమస్య వింటున్న ఎస్పీ తుహిన్‌ సిన్హా అనకాపల్లి: స్థానిక ఎస్పీ కార్యాలయంలో సోమవారం నిర్వహించిన పీజీఆర్‌ఎస్‌కు 45 అర్జీలు వచ్చాయి. జిల్లాలోని వివిధ ప్రాంతాల నుంచి వచ్చిన వారి నుంచి ఎస్పీ తుహిన్‌ సిన్హా అర్జీలు స్వీకరించారు. ఈ సందర్భంగా ఆయన మాట్లాడుతూ చట్టపరిధిలోని సమస్యలను వారం రోజుల్లో పరిష్కరించేందుకు చర్యలు చేపట్టనున్నట్టు చెప్పారు. భూ తగాదాలు, ఆస్తి గొడవలు, ఆర్థిక మోసాలు, గృహ కలహాలు, శాంతిభద్రతలు, ఇతర విభాగాలకు చెందిన సమస్యలపై అర్జీలు వచ్చాయన్నారు. ఈ కార్యక్రమంలో అదనపు ఎస్పీ ఎల్‌.మోహన్‌రావు, సీఐ రమణయ్య, ఎస్‌ఐ శ్రీనివాసరావు తదితరులు పాల్గొన్నారు.

● తహసీల్దార్‌ కార్యాలయం వద్ద సీపీఎం నిరసన కె.కోటపాడు తహసీల్దార్‌ కార్యాలయం వద్ద నిరసన చేస్తున్న సీపీఎం నాయకులు కె.కోటపాడు: వర్షాభావ పరిస్థితుల వల్ల జిల్లా రైతులు నష్టపోయిన దృష్ట్యా ప్రభుత్వం ఆదుకోవాలని సీపీఎం మండల కార్యదర్శి రొంగలి ముత్యాలనాయుడు కోరారు. అనకాపల్లిని కరువు జిల్లాగా ప్రకటించాలని డిమాండ్‌ చేస్తూ పార్టీ నాయకులు సోమవారం స్థానిక తహసీల్దార్‌ కార్యాలయం వద్ద నిరసన చేపట్టారు. ఈ సందర్భంగా ముత్యాలనాయుడు మాట్లాడుతూ అప్పులు చేసి వరినారు మడులను సిద్ధం చేశారని, వర్షాలు లేక అవి ఎండిపోవడంతో రైతులు అప్పులను మూటకట్టుకోవాల్సిన పరిస్థితి ఏర్పడిందని వాపోయారు. ప్రభుత్వం రైతులకు పంట నష్టం అందించడంతో పాటు ఉపాధి పని దినాలను 200 రోజులు కల్పించి రోజుకి రూ.600 వేతనం ఇవ్వాలని కోరారు. నాయకులు ఈర్లె నాయుడుబాబు, గండి నాయినిబాబు, గాడి ప్రసాద్‌ పాల్గొన్నారు.

యలమంచిలి రూరల్‌: రెండ్రోజులు నిర్బంధం.. ఆపై చిత్రహింస.. దారుణంగా హత్య చేసి గోదావరిలో మృతదేహం పడేసి పరారీ.. ఇదీ యలమంచిలి పట్టణం పాత స్టేట్‌ బ్యాంక్‌ కాలనీకి చెందిన వ్యాపారి కర్రి వర ప్రకాష్‌రావు(49) హత్య కేసులో బయటపడిన సంచలన విషయాలు. కేసుకు సంబంధించి పరవాడ డీఎస్పీ బి మోహన్‌రావు సోమవారం యలమంచిలి పట్టణ పోలీస్‌ స్టేషన్‌లో మీడియా సమావేశంలో వెల్లడించిన వివరాల ప్రకారం.. ఈ నెల 16వ తేదీన కార్ల వ్యాపారి కర్రి వరప్రకాష్‌ అదృశ్యం కేసులో మొబైల్‌ ఫోన్‌ కాల్‌ డేటా ఆధారంగా దర్యాప్తు ప్రారంభించి వరప్రకాష్‌రావు హత్యకు గురైనట్టు,అతని మృతదేహాన్ని నిందితులు గోదావరిలో పడేసినట్టు గుర్తించారు. గాజువాకకు చెందిన చీమకుర్తి జగదీష్‌, తూర్పుగోదావరి జిల్లా ముమ్మిడివరం మండలం అనాతవరానికి చెందిన కూడుపూడి రామాంజనేయులు(పండు), కోనసీమ జిల్లా అమలాపురం గారపాటివారి వీధికి చెందిన వ్యాపారి కేదార్‌శెట్టి విజయ్‌ గణేష్‌లతోపాటు యలమంచిలికి చెందిన కర్రి వరప్రకాష్‌రావుకు మాత్రమే తెలిసిన రమేష్‌ కరెన్సీ మార్పిడి లావాదేవీల నిమిత్తం ఈ నెల 16న రాజమహేంద్రవరంలో ఓ చోట కలుసుకున్నారు. రూ.10 లక్షల అసలు కరెన్సీ నోట్లకు రూ.40 లక్షల నకిలీ నోట్లు ఇవ్వడానికి కుదిరిన ఒప్పందంలో భాగంగా రమేష్‌ మరొక వ్యక్తితో కలిసి విజయ్‌ గణేష్‌ను ఏమార్చి రూ.10 లక్షల అసలు కరెన్సీతో పరారయ్యారు. రూ.2.5 లక్షలిచ్చి బయటపడిన జగదీష్‌ తమను మోసం చేశారని తెలుసుకున్న విజయ్‌ గణేష్‌, రామాంజనేయులు కలిసి జగదీష్‌, వర ప్రకాష్‌లను కారులో అమలాపురం తీసుకెళ్లారు. రూ.10 లక్షల నష్టాన్ని నలుగురు సమానంగా రూ.2.5 లక్షలు చొప్పున ఇచ్చుకోవాలని అంగీకారానికి వచ్చారు. జగదీష్‌ తమ కుటుంబ సభ్యులతో మాట్లాడుకుని రూ.2.5 లక్షలు చెల్లించడంతో అతడిని నిందితులు వదిలిపెట్టారు. వరప్రకాష్‌ను కూడా రూ.2.5 లక్షలు చెల్లించాలని ఎంత ఒత్తిడి చేసినా స్పందన లేకపోవడంతో నిందితులు అతడిని హత్య చేశారు. ఇందుకు మరో ఇద్దరు సహకరించినట్టు పోలీసుల దర్యాప్తులో తేలింది. నిందితుల్లో ఒకరైన విజయ్‌ గణేష్‌ను సోమవారం అరెస్టు చేసి న్యాయమూర్తి ఎదుట ప్రవేశపెట్టారు. మరో నిందితుడు రామాంజనేయులు పరారీలో ఉండగా, మిగిలిన నిందితులను గుర్తించాల్సి ఉందని డీఎస్పీ తెలిపారు. కేసును కోనసీమ జిల్లా అల్లవరం పోలీస్‌ స్టేషన్‌కు బదిలీ చేయనున్నట్టు తెలిపారు.

నిర్వాహకుల చేతుల మీదుగా స్టార్‌ ఆఫ్‌ ఇండియా అవార్డు అందుకుంటున్న సాంబశివ రావికమతం : మండలంలోని టి.అర్జాపురం గ్రామానికి చెఽందిన పడాల సాంబశివ బాల్‌ బ్యాడ్మింటన్‌ క్రిడలో స్టార్‌ ఆఫ్‌ ఇండియా అవార్డుకు ఎంపికయ్యాడు. దేశవ్యాప్తంగా బాల్‌ బ్యాడ్మింటన్‌ క్రీడాకారుల్లో ఐదుగురిని స్టార్‌ ఆఫ్‌ ఇండియాగా ఎంపిక చేయగా వారిలో ఏపీ నుంచి ఇద్దరు ఉన్నారు. ఉమ్మడి విశాఖ జిల్లా నుంచి టి.అర్జాపురం గ్రామానికి చెఽందిన పడాల సాంబశివతో పాటు నునపర్తికి చెందిన వీర్రాజు కూడా ఉన్నారు. శ్రీకాళహస్తిలో నిర్వహించిన 72వ సీనియర్‌ నేషనల్‌ మెన్‌ బ్యాడ్మింటన్‌ ఛాంపియన్‌షిప్‌ 2026–27 క్రీడాపోటీలు జరిగాయి. ఈ పోటీల్లో దేశ వ్యాప్తంగా పురుఽషుల విభాగంలో 33 జట్లు మహిళల విభాగంలో 28జట్లు పాల్గొన్నారు. ఏపీ నుంచి 10 మంది క్రీడాకారులతో కూడిన బాల్‌ బాడ్మింటన్‌ జట్టు పాల్గొంది. ఏపీ జట్టు మెరుగైన ప్రదర్శన ద్వారా ఫైనల్‌కు చేరుకుంది. ఫైనల్‌లో సోమవారం ఆల్‌ ఇండియా రైల్వేస్‌ –ఏపి జట్లు తలపడ్టాయి. ఈ పోటీలో రైల్వేస్‌ ప్రథమ స్థానంలో నిలవగా, ఏపి జట్టు రన్నరప్‌గా నిలిచింది. ఈ పోటీల్లో ఉత్తమ ప్రతిభ చూపిన క్రీడాకారులకు స్టార్‌ ఆఫ్‌ ఇండియాకు ఐదుగురిని ఎంపిక చేశారు. దీనిలో ఏపీ తరపున టి.అర్జాపురం హైస్కూల్‌కు చెందిన పడాల సాంబశివ ఉత్తమ ప్రతిభ చూపడంతో స్టార్‌ ఆఫ్‌ ఇండియాగా ఎంపికయ్యాడు. నిర్వాహకుల చేతుల మీదుగా అవార్డు అందుకున్నాడు. అతనిని టి.అర్జాపురం హైస్కూల్‌ పీడీ రమేష్‌నాయుడు, ఉపాధ్యాయులు, గ్రామస్తులు అభినందించారు.

●కూటమి ప్రభుత్వం అధికారంలోకి వచ్చిన తర్వాత నియోజకవర్గంలో కొత్తగా ఒక్క రోడ్డు వేసిన దాఖలాలు కనిపించడం లేదు. ●జాతీయ రహదారి నుంచి సారిపల్లిపాలెం మీదుగా చుక్కలవారి లక్ష్మీపురం, జానకయ్యపేట, చినతీనార్ల, పెదతీనార్ల, దొండవాక వెళ్లు రోడ్డు పెద్ద పెద్ద గోతులతో రెండేళ్ల నుంచి చాలా అధ్వానంగా ఉంది. ఇటీవల రోడ్డు పనులు ప్రారంభించినా పూర్తి చేయలేదు. ●వెదుళ్లపాలెంనుంచి సీతంపాలెం, రామకృష్ణాపురం నుంచి పెద దొడ్డిగల్లు, గుల్లిపాడు నుంచి రమణయ్యపేట మీదుగా రేబాక వెళ్లే రోడ్డు పరిస్థితి కూడా దయనీయం. పోలవరం కాలువ తవ్వకాల వల్ల రోడ్లు ఛిద్రమయ్యాయి. ●పెదదొడ్డిగల్లు, సీతంపాలెం గ్రామాలకు చెందిన విద్యార్థులు బోదిగల్లంలో ఉన్న జెడ్పీ ఉన్నత పాఠశాలకు వెళ్లాలంటే కాలినడక తప్పసైకిళ్లు, ఆటోలపై రాకపోకలు సాగించేందుకు వీలు లేని పరిస్దితి. ●పాయకరావుపేట పట్టణంలో మెయిన్‌రోడ్డును నాలుగు లైన్లుగా విస్తరించేందుకు శంకుస్థాపన చేశారు. 9 నెలలు పూర్తయినా విస్తరణ పనులు మందకొడిగా జరుగుతున్నాయి. నెలరోజులుగా పనులు నిలిచిపోయాయి.

తాను చేయని తప్పును ఒప్పుకోవాలని రాజకీయ ఒత్తిడితో బెదిరించి రూ.10 వేలను ఫోన్‌పే ద్వారా బలవంతంగా చెల్లించేలా చేశారని ఆరోపిస్తూ ఓ ఆటో ఫైనాన్స్‌ సంస్థ ఉద్యోగి ఆళ్ల దుర్గాప్రసాద్‌ కశింకోట పోలీసులపై పీజీఆర్‌ఎస్‌లో ఎస్పీకి ఫిర్యాదు చేశాడు. కశింకోటకు చెందిన ఓ వ్యక్తి సంస్థ ద్వారా రుణంపై ఆటో తీసుకుని రెండు నెలలుగా వాయిదాలు చెల్లించకపోవడంతో ఈ నెల 20న ఆటోను సీజ్‌ చేసి కంపెనీ యార్డుకు తీసుకెళ్లినట్టు తెలిపాడు. బకాయిలు చెల్లించి ఆటోను తీసుకెళ్లిపోయిన వ్యక్తి ఫిర్యాదు మేరకు ఈ నెల 21న కశింకోట పోలీసులు తనకు ఫోన్‌ చేసి స్టేషన్‌కు రావాలని ఆదేశించారని, స్టేషన్‌కు వెళ్లిన అనంతరం తన సెల్‌ఫోన్‌, ఐడీ కార్డును తీసుకున్నారని, తనపై ఫిర్యాదు ఉందంటూ ఒక గదిలో ఉంచి తాను రూ.30 వేలు అప్పు తీసుకున్నట్టు పేపర్‌పై రాయించి, బెదిరించి సంతకం చేయించారని తెలిపాడు. అదే సమయంలో ఫిర్యాదు చేసిన వ్యక్తికి రూ.10 వేలు ఫోన్‌ పే చేయాలని ఒత్తిడి చేయడంతో భయపడి ఆ మొత్తాన్ని చెల్లించినట్లు తెలిపాడు. మిగిలిన రూ.20 వేలను రెండు నెలల్లో చెల్లించాలని బెదిరించారని ఆరోపించాడు. ఈ వ్యవహారంపై సమగ్రంగా విచారణ జరిపి, తనకు న్యాయం చేయడంతో పాటు బాధ్యులపై తగిన చర్యలు తీసుకోవాలని కోరాడు.

మునగపాక : బాలికలు, మహిళలు ఆత్మ విశ్వాసంతో వ్యవహరించాలని డీఈవో జి.జి.ఎస్‌ నాగేశ్వరరావు పిలుపునిచ్చారు. మండలంలోని పాటిపల్లి కస్తూరిబా గాంధీ బాలికల విద్యాలయంలో రాణీ లక్ష్మీబాయి సెల్ఫ్‌ డిఫెన్స్‌ శిక్షణ కార్యక్రమాన్ని సోమవారం ఆయన ప్రారంభించారు. ఈ సందర్భంగా ఆయన మాట్లాడుతూ బాలికల్లో అత్మవిశ్వాసం, ధైర్యం, భద్రత వంటి అంశాలపై మరింత అవగాహన కల్పించేందుకు శిక్షణ దోహదపడుతుందన్నారు. ప్రమాదకర పరిస్థితులను గుర్తించి తమను రక్షించుకునేందుకు అవసరమయ్యే నైపుణ్యాలు పెంచుకోవాలన్నారు. జిల్లా జీసీడీవో జమీమా, బండి ఇన్‌స్టిట్యూట్‌ ఆఫ్‌ మార్షల్‌ ఆర్ట్స్‌ ఉత్తరాంధ్ర ఇన్‌చార్జి చారి, అనకాపల్లి ఇన్‌చార్జి అప్పారావు, కరాటే కోచ్‌ శివ, హెచ్‌ఎం జి.ప్రమీల కార్యక్రమంలో పాల్గొన్నారు. అనంతరం డీఈవో నాగేశ్వరరావును పలువురు ఘనంగా సత్కరించారు.

నక్కపల్లి : మండలంలోని రాజయ్యపేటలో ఓ ఇంట్లో సోమవారం చోరీ జరిగింది. సుమారు రూ.9 లక్షల విలువైన వెండి, బంగారు ఆభరణాలు అపహరణకు గురయ్యాయి. బాధితురాలు పోలీసులకు తెలిపిన మేరకు వివరాలివి. గ్రామానికి చెందిన చోడిపల్లి చిట్టమ్మ ఉదయం తన ఇంటి తలుపులు వేసుకొని తాళం వేయకుండా వేరొకరి ఇంటికి వెళ్లింది. గంట తర్వాత ఇంటికి వచ్చి చూసేసరికి వెనుక వైపు తలుపులు తెరిచి ఉన్నాయి. ఇంట్లో ట్రంక్‌ పెట్టె కనిపించలేదు. ఈ పెట్టెలో ఉన్న రెండు తులాల బంగారు గాజులు, రెండు తులాల పుస్తెల తాడు, 20 తులాల వెండి పట్టీలు కనిపించలేదు. తన ఇంట్లో దొంగతనం జరిగినట్టు గుర్తించిన ఆమె పోలీసులకు ఫిర్యాదు చేసింది. సీఐ జె. మురళి తన సిబ్బందితో వెళ్లి చోరీ జరిగిన ఇంటిని పరిశీలించారు. కేసు నమోదు చేసి దర్యాప్తు చేస్తున్నామని సీఐ తెలిపారు.

కశింకోట: మద్యం బెల్టు దుకాణాలు యథేచ్ఛగా నిర్వహిస్తున్నారని, అధికారుల దృష్టికి తీసుకెళ్లినా పట్టించుకోవడం లేదని కల్లు గీత కార్మిక సంఘం జిల్లా కార్యదర్శి యర్రా దేముడు విమర్శించారు. స్థానిక నూకాంబిక అమ్మవారి ఆలయం వద్ద సోమవారం జరిగిన జిల్లా కల్లు గీత కార్మికుల సంఘం సమావేశంలో ఆయన మాట్లాడారు. బెల్టు దుకాణాల నిర్మూలనకు కలెక్టర్‌ కార్యాలయం వద్ద ధర్నా నిర్వహించి వినతి పత్రం అందజేశామన్నారు. బెల్టు దుకాణాల వల్ల గీత కార్మికుల జీవనోపాధి కోల్పోవాల్సి వస్తోందని ఆవేదన వ్యక్తం చేశారు. మద్యం దుకాణాల లైసెన్స్‌ నవీకరణను ప్రభుత్వం నిలుపుదల చేసి, గీత వృత్తి కార్మికులను ఆదుకోవాలని డిమాండ్‌ చేశారు. కేవలం 20 శాతం మద్యం దుకాణాలను గీత కార్మికులకు కేటాయించడం సమంజసం కాదన్నారు. వీటి సంఖ్యను పెంచి గీత కార్మికుల జీవనోపాధి మెరుగుపర్చాలని కోరారు. గతంలో అమలు చేసిన ఆదరణ పథకాన్ని ప్రభుత్వం పునరుద్ధరించాలని డిమాండ్‌ చేశారు. సంఘం జిల్లా అధ్యక్షుడు బత్తిన నాగేశ్వరరావు అధ్యక్షతన జరిగిన సమావేశంలో సంఘ సభ్యులు కట్టా ఈశ్వరరావు, రాయి ఆనంద్‌, గండిబోయిన అప్పారావు, దొడ్డి నారాయణ, సన్యాసిరావు తదితరులు పాల్గొన్నారు.

అనకాపల్లి: పరవాడ మండలంలో పెద్ద చెరువులోకి ఫార్మా వ్యర్థాలు విడుదల చేసిన రాంకీ యాజమాన్యంపై క్రిమినల్‌ చర్యలు తీసుకోవాలని సీపీఎం కేంద్ర కమిటీ సభ్యుడు కె.లోకనాథం అన్నారు. స్థానిక సీపీఎం కార్యాలయంలో ఆదివారం జరిగిన సమావేశంలో ఆయన మాట్లాడారు. పెద్దచెరువులో మొల్లెడిగడ్డలో నుంచి సన్యాసి చెరువు మీదుగా ఫార్మా వ్యర్థ రసాయనిక జలాలలను ఏ విధమైన శుద్ధి చేయకుండా పర్యావరణ నిబంధనలను ఉల్లంఘించిన రాంకీ యాజమాన్యంపై క్రిమినల్‌ చర్యలు తీసుకోవాలన్నారు. రాష్ట్ర పర్యావరణ శాఖ మంత్రి పవన్‌ కల్యాణ్‌ ఇచ్చిన నోటీసులను స్వాగతించారని, నోటీసులు ఇచ్చి చేతులు దులుపుకొంటే సరిపోదన్నారు. బహిరంగ ప్రదేశాల్లో కాలువలు, చెరువులు, గెడ్డల్లోకి వ్యర్థ రసాయనిక జలాలను విడుదల చేయడం వల్ల భూగర్భ జలాలు నాశనమవుతాయన్నారు. ఫార్మా వ్యర్థ జలాలను ఒక్కసారిగా కాలువలు, గెడ్డలు చెరువుల్లోకి విడుదల చేయడం వల్ల ప్రజలు తీవ్ర అనారోగ్యానికి గురౌవుతున్నట్టు తెలిపారు. ప్రభుత్వం తక్షణమే చర్యలు తీసుకోవాలని ఆయన డిమాండ్‌ చేశారు. ఈ కార్యక్రమంలో సీపీఎం జిల్లా కార్యదర్శి జి.కోటేశ్వరరావు, జిల్లా కార్యవర్గ సభ్యులు ఆర్‌.శంకరరావు, గనిశెట్టి సత్యనారాయణ పాల్గొన్నారు.

ఎఫ్‌ఆర్‌కే కిట్లు మూలకే..రేషన్‌ బియ్యం..యలమంచిలి రూరల్‌ : జిల్లాలో రేషన్‌ బియ్యం అక్రమాలు వ్యవస్థీకృతంగా మారాయి. నియోజకవర్గాలు, ప్రాంతాలు, రైస్‌మిల్లుల వారీగా దళారు లు, మిల్లర్లు, డీలర్లు బృందాలుగా ఏర్పడి మొత్తం వ్యవహారం నడిపిస్తున్నారు. కూటమి పార్టీల నాయకులతో పాటు పౌరసరఫరాలు, పోలీసు, రెవెన్యూ అధికారులకు నెలవారీ మామూళ్లు ముట్టజెప్పడంతో చౌక బియ్యం అక్రమ రవాణా యథేచ్ఛగా సాగుతోందన్న ఆరోపణలు వినిపిస్తున్నాయి. బియ్యం దందాను అరికట్టాల్సిన అధికారులు తనిఖీలు నామమాత్రంగా చేపడుతూ అక్రమార్కులకు సహకారం అందిస్తున్నారన్న విమర్శలు ఉన్నాయి. ఎక్కడైనా పీడీఎస్‌ బియ్యం పట్టుబడితే నామమాత్రంగా 6ఏ కేసు నమోదు చేసి,జరిమానాలతో సరిపెడుతున్నారు. చౌక దుకాణాల్లో బియ్యం పంపిణీపై ఎప్పటికప్పుడు తనిఖీలు చేయాల్సిన మండల, జిల్లా స్థాయి అధికారులు నిర్లక్ష్యంగా వ్యవహరిస్తున్నారన్న ఆరోపణలున్నాయి. ఫలితంగా చౌక దుకాణాల డీలర్లు ప్రతి నెలా ఒకటో తేదీ నుంచే దందాకు తెరతీస్తున్నారు. లబ్ధిదారులకు బియ్యం పంపిణీ చేయకుండా వేలిముద్రలు వేయించుకుని డబ్బు ఇస్తున్నారు. నిర్భయంగా నెల మొదట్లోనే స్టాకు లేదు డబ్బులు తీసుకెళ్లండని డీలర్లు బాహాటంగానే చెబుతున్నారు. కొందరు డీలర్‌లైతే వేలిముద్రలు వేయించుకున్న తర్వాత లబ్ధిదారులకు డబ్బులు కూడా ఆలస్యంగా చెల్లిస్తుండడం విశేషం. ఫిర్యాదులు చేస్తున్నా పౌరసరఫరాల అధికారులు డీలర్లకే వత్తాసు పలుకుతుండడంతో లబ్ధిదారులు ఏమీ చేయలేకపోతున్నారు. అక్రమార్కులపై 6ఏ కేసులతో సరి చౌక బియ్యం అక్రమ రవాణాకు సంబంధించి ఎక్కడైనా పట్టుబడితే ఆయా డీలర్లు,మిల్లర్లపై 6ఏ కేసులు నమోదు చేసి చేతులు దులుపుకొంటున్నారు. జిల్లాలో 1069 డిపోల ద్వారా ప్రతి నెలా 15.3 లక్షల మంది లబ్ధిదారులకు 7652 మెట్రిక్‌ టన్నుల బియ్యాన్ని అందజేస్తున్నారు.దీనిలో 40 నుంచి 50 శాతానికి పైగా పక్కదారి పడుతున్నట్టు సమాచారం లబ్ధిదారులకు కేజీకి రూ.15 నుంచి రూ.17 వరకు ఇస్తున్నారు.వీటిని డీలర్లు వ్యాపారులకు అధిక ధరకు అమ్ముకుని లాభపడుతున్నారు. జిల్లాలో గత రెండేళ్లలో 234 వరకు 6ఏ కేసులు నమోదయ్యాయి.జరిమానాలతో సరిపెట్టడంతో అక్రమార్కులు మరింతగా రెచ్చిపోతున్నారు. నిజానికి తరచూ 6ఏ కేసులు నమోదవుతున్న నిందితులపై పీడీ యాక్టు పెట్టాల్సి ఉన్నా జిల్లాలో ఎక్కడా ఆ దాఖలాలు కనిపించడం లేదు.దీంతో చౌక బియ్యం అక్రమ రవాణాకు అడ్డుకట్ట పడడం లేదన్న విమర్శలున్నాయి. తాత్కాలిక డీలర్లకు కూటమి నేతల అండ ఇక జిల్లాలో ఖాళీగా ఉన్న రేషన్‌ డీలర్ల స్థానంలో చౌక డిపోలకు నియమిస్తున్న తాత్కాలిక డీలర్లు కూటమి నాయకుల అండతో మరింతగా రెచ్చిపోతున్నారు. తమకు ఫలానా ఎమ్మెల్యే,స్థానిక కూటమి నాయకుల అండ ఉందంటూ బరితెగిస్తున్నా అధికారులు పట్టించుకోవడం లేదు. తాత్కాలిక డీలర్లుగా కాగితాల్లో మహిళల పేర్లే ఉంటున్నా తెరవెనుక వ్యవహారాలన్నీ వారి భర్తలే చక్కబెడుతున్నారు. బియ్యం అమ్మకాలు, రవాణా, ఇలా అన్నీ వారే చేస్తారు.శాశ్వత డీలర్లు వస్తే తమకు అవకాశం ఉండదనే ఉద్దేశంతో ఇదే అదునుగా జేబులు నింపుకొంటున్నారు. జిల్లాలో డిపోలు 1069 లబ్ధిదారులు : 15.3 లక్షలు ప్రతి నెలా చౌకబియ్యం పంపిణీ : 7652 మెట్రిక్‌ టన్నుల పక్కదారి పట్టేది :40 నుంచి 50 శాతం బియ్యానికి బదులు లబ్ధిదారుకు చెల్లించేది : కిలోకు రూ.15– రూ.17 జిల్లాలో రెండేళ్లలో నమోదైన6ఎ కేసులు : 234 పంపిణీకి ముందే..బియ్యం పక్కదారి బాహాటంగా రేషన్‌ అక్రమాలు నిరుపయోగంగా ఎఫ్‌ఆర్‌కే కిట్లు చౌక బియ్యం అక్రమార్కులపై 6ఏ కేసులతో సరి అధికారుల అండతో పేట్రేగుతున్న బియ్యం మాఫియా యలమంచిలి మున్సిపాలిటీ పరిధి తెరువుపల్లిలో గతేడాది జూలై 10వ తేదీన న్యూ వెంకటేశ్వరా రైసు మిల్లు యజమాని వ్యానులో అక్రమంగా తరలిస్తున్న 15 టన్నుల రేషన్‌ బియ్యాన్ని పోలీసులు పట్టుకున్నారు.గతేడాది ఆగస్టు 8వ తేదీ రాత్రి యలమంచిలి మండలం ఏటికొప్పాక రైల్వేగేటు సమీపంలో లారీలో తరలిస్తున్న 6.5 టన్నుల చౌక బియ్యాన్ని డీటీ స్వాధీనపర్చుకుని పౌరసరఫరాలఅధికారులకు అప్పగించారు. ఈ ఏడాది జూలై 5వ తేదీన విజిలెన్సు అధికారులు జరిపిన తనిఖీల్లో యలమంచిలి పట్టణం సైతారుపేట రోడ్డులో ఉన్న 6వ నెంబరు రేషన్‌ దుకాణంలో అక్రమంగా నిల్వ చేసిన 43 క్వింటాళ్ల బియ్యంతో పాటు దుకాణాన్ని సీజ్‌ చేశారు. అయితే కూటమి పార్టీల నేతల ఒత్తిడితో వివరాలు బయటకు వెల్లడించకపోవడం గమనార్హంఅక్రమాలపై కఠిన చర్యలు తప్పవు రేషన్‌ షాపుల్లో డీలర్లు నిబంధనల ప్రకారం వ్యవహరించాలి. అక్రమాలకు పాల్పడితే కఠిన చర్యలు తప్పవు. చౌక బియ్యం అక్రమ రవాణా జరగకుండా ఎప్పటికప్పుడు డీలర్లను హెచ్చరిస్తున్నాం. తనిఖీల్లో పట్టుబడినా, ఫిర్యాదులు మా దృష్టికి వచ్చినా 6ఏ కేసులు పెడతాం. డీలర్లు లబ్ధిదారుల వేలిముద్రలు తీసుకుని బియ్యం ఇవ్వకుండా డబ్బులు ఇస్తున్నట్టు మా దృష్టికి రాలేదు. లబ్ధిదారులకు ఏమైనా ఇబ్బందులుంటే అధికారులకు ఫిర్యాదు చేస్తే పరిష్కారమవుతాయి. పోషకాలు కలిగిన రేషన్‌ బియ్యం ఆరోగ్యానికి ఎంతో మంచిది. లబ్ధిదారులు వాటిని ఉపయోగించుకోవాలి. – కె.వరహాలు, తహసీల్దార్‌, యలమంచిలిపీడీఎస్‌ బియ్యం పక్కదారి పట్టకుండా ఉండేందుకు పౌరసరఫరాల శాఖ అందజేసిన ఎఫ్‌ఆర్‌కే(ఫోర్టిఫైడ్‌ రైస్‌ కెర్నల్‌) ఐరన్‌ స్పాట్‌ కిట్లు మూలకు చేరాయి. పౌర సరఫరాల అధికారులు వీటిని వినియోగించకపోవడంతో అవన్నీ బీరువాలకే పరిమితమయ్యాయి. ఇదే సమయంలో విజిలెన్సు అధికారుల తనిఖీల్లో మాత్రం తరచూ చౌక బియ్యం పట్టుబడుతోంది. రేషన్‌ బియ్యంలో ప్రతి వంద గింజలకు ఐరన్‌, బీ12, ఫోలిక్‌ యాసిడ్‌ తదితర పోషకాలు ఉండే పోర్టిఫైడ్‌ బియ్యపు గింజలను కలుపుతారు. సాధారణ బియ్యంలో అవి ఉండవు. ప్రజా పంపిణీ వ్యవస్థ ద్వారా పంపిణీ చేసిన బియ్యాన్ని పక్కదారి పట్టిస్తే తనిఖీల్లో గుర్తించేందుకు వీలుగా ప్రతి మండలానికి ఒక ఎఫ్‌ఆర్‌కే కిట్టు సరఫరా చేశారు. కిట్టులో రసాయనాలతో పరీక్షిస్తే తరలించేది ఏ బియ్యమో వెంటనే తెలిసిపోతుంది. అయినా జిల్లాలో అధికారులు మాత్రం ఆ దిశగా చర్యలు తీసుకోవట్లేదు.

సాక్షి, విశాఖపట్నం: రాష్ట్రంలోని సహకార రంగ సంస్థలను నిర్వీర్యం చేసి, ఇప్పుడు గోవాడ షుగర్‌ ఫ్యాక్టరీని అమ్మేందుకు ప్రభుత్వం ప్రయత్నిస్తోందని మాజీ మంత్రి గుడివాడ అమర్‌నాథ్‌, మాజీ ఎమ్మెల్యే కరణం ధర్మశ్రీ ఆరోపించారు. రూ.3 వేల కోట్ల విలువైన సహకార చక్కెర కర్మాగారాల ఆస్తులను బినామీలకు అప్పగించే కుట్ర జరుగుతోందని, దీనిని అడ్డుకునేందుకు న్యాయపోరాటానికై నా సిద్ధమని తెలిపారు. మాజీ మంత్రి గుడివాడ అమర్‌నాథ్‌ మాట్లాడుతూ.. సహకార చక్కెర కర్మాగారాల భూముల విక్రయానికి మంత్రుల ఉపసంఘాన్ని ఏర్పాటు చేసి కేబినెట్‌ ఆమోదం తెలిపిందన్నారు. రాష్ట్రంలో మిగిలిన ఏకైక సహకార షుగర్‌ ఫ్యాక్టరీ అయిన గోవాడను కూడా విక్రయించేందుకు ప్రయత్నిస్తున్నారని విమర్శించారు. చోడవరం, మాడుగుల ప్రాంతాలకు చెందిన 25 వేల మంది రైతులు ఈ ఫ్యాక్టరీపై ఆధారపడి ఉన్నారని, 2025 వరకు క్రషింగ్‌ జరిగిందన్నారు. తమ ప్రభుత్వ హయాంలో రూ.90 కోట్లు తీసుకొచ్చి ఫ్యాక్టరీని కాపాడామని తెలిపారు. ప్రస్తుతం రైతులకు చెల్లించాల్సిన రూ.30 కోట్ల బకాయిలు, కార్మికులకు ఇవ్వాల్సిన రూ.5 కోట్లను చెల్లించకుండా ప్రభుత్వం జాప్యం చేస్తోందని ఆరోపించారు. ఈ నెల 28న రైతుల పక్షాన మహాజన సభ నిర్వహించనున్నామని తెలిపారు. బకాయిల చెల్లింపునకు ప్రభుత్వం ముందుకు వస్తుందని భావించామని, కానీ గోవాడ ఆస్తులను విక్రయించి చెల్లిస్తామని చెప్పడం దారుణమన్నారు. ఫ్యాక్టరీ భూములను ప్రైవేటు వ్యక్తులకు అప్పగించే నిర్ణయాలను విరమించుకోవాలని డిమాండ్‌ చేశారు. అనకాపల్లి జిల్లాలోని తుమ్మపాల, ఏటికొప్పాక, తాండవ షుగర్‌ ఫ్యాక్టరీలతో పాటు గోవాడ, రాష్ట్రంలోని ఇతర కర్మాగారాలకు చెందిన 770 ఎకరాలకు పైగా భూములను విక్రయించాలని ప్రభుత్వం నిర్ణయించిందని ఆరోపించారు. కోర్టు వివాదాల్లో ఉన్న తుంపాల, నెల్లూరు, కొవ్వూరు ఫ్యాక్టరీల భూముల విక్రయంపై కూడా ఆయన అభ్యంతరం వ్యక్తం చేశారు.వైఎస్సార్‌ హయాంలో షుగర్‌ ఫ్యాక్టరీలకు నిధులు అందించి ఆదుకున్నారని, వైఎస్సార్సీపీ ప్రభుత్వంలో మూతపడిన కర్మాగారాలను తెరిపించేందుకు చర్యలు తీసుకున్నామని తెలిపారు. పంచదార విక్రయాల ద్వారా వచ్చిన ఆదాయంతో రైతులు, కార్మికులకు సహాయం చేశామని పేర్కొన్నారు.2024 గోవాడ షుగర్‌ ఫ్యాక్టరీ జనరల్‌ బాడీ సమావేశంలో గతంలో రూ.90 కోట్ల కంటే ఎక్కువ నిధులు తీసుకొస్తామని చెప్పిన ప్రజాప్రతినిధులు.. ఇప్పుడు భూముల విక్రయంపై మాట్లాడుతున్నారని విమర్శించారు. ఫుడ్‌ ప్రాసెసింగ్‌ జోన్ల పేరుతో సమస్యను పక్కదారి పట్టిస్తున్నారని ఆరోపించారు.కరణం ధర్మశ్రీ మాట్లాడుతూ.. తాను చోడవరం చక్కెర కర్మాగారంలో రైతుగా, షేర్‌ హోల్డర్‌గా ఉన్నానని తెలిపారు. సహకార వ్యవస్థను బలోపేతం చేయకుండా బలహీనం చేసే విధానాలను చంద్రబాబు అనుసరించారని ఆరోపించారు.చంద్రబాబు హయాంలో 11 సహకార చక్కెర కర్మాగారాలు నిర్వీర్యమయ్యాయని, 2004లో వైఎస్సార్‌ అధికారంలోకి వచ్చాక తాండవ, ఏటికొప్పాక, తుంపాల, భీమసింగి ఫ్యాక్టరీలను తిరిగి పనిచేసేలా చేశారని తెలిపారు. చోడవరం ఫ్యాక్టరీని కూడా గతంలో విక్రయించేందుకు ప్రయత్నించారని ఆరోపించారు.అనకాపల్లి జిల్లాలోని ఏటికొప్పాక, తుమ్మపాల, తాండవ, భీమసింగి షుగర్‌ ఫ్యాక్టరీలపై లక్ష మంది రైతులు ఆధారపడి ఉన్నారని, వాటికి ఏడాదికి 5 లక్షల టన్నుల క్రషింగ్‌ సామర్థ్యం ఉందన్నారు. రైతులకు కేంద్ర మద్దతు ధరతో పాటు అదనంగా రూ.200 బోనస్‌గా ఇచ్చామని తెలిపారు. సమావేశంలో మాజీ ఎమ్మెల్యే చింతలపూడి వెంకట రామయ్య, నియోజకవర్గ పరిశీలకులు గండి రవికుమార్‌ పాల్గొన్నారు. సహకార చక్కెర కర్మాగారాల ఉసురు తీస్తున్న ప్రభుత్వం ప్రభుత్వం వెనక్కి తగ్గకపోతే తీవ్రస్థాయిలో ఉద్యమం మాజీ మంత్రి గుడివాడ అమర్‌నాథ్‌

పాయకరావుపేట : విద్యుత్‌ షాక్‌కు గురై వ్యక్తి మృతి చెందినట్టు ఎస్‌ఐ ఆలీ తెలిపారు. మండలంలో గల సత్యవరం గ్రామానికి చెందిన గేదెల మల్లేశ్వరరావు (60) అను వ్యక్తి పెదరాంభద్రపురం గ్రామానికి చెందిన రైతు తమలపాకు తోటలో పని చేయుటకు వెళ్ళాడు. తమలపాకు తోటలో వున్న విద్యుత్‌ స్తంభం కరెంట్‌ వైర్లు తెగి పని చేసుకుంటున్న మల్లేశ్వరరావు పై పడినవి. విద్యుత్‌ షాక్‌కు గురై అక్కడికక్కడే మరణించినట్టు ఎస్‌ఐ తెలిపారు. మృతదేహాన్ని పోస్టుమార్టం నిమిత్తం నక్కపల్లి ప్రభుత్వ ఆసుపత్రికి తరలించడం జరిగిందని, అనంతరం మృతదేహాన్ని కుటుంబ సభ్యులకు అప్పగించడం జరిగిందని, కేసు నమోదు చేసి దర్యాప్తు చేస్తున్నట్టు ఎస్‌ఐ ఆలీ తెలిపారు.

విశాఖ విద్య: మధ్యంతర ఆదేశాలను అమలు చేయకపోవడం, కోర్టు ఉత్తర్వులను ఉద్దేశపూర్వకంగా ధిక్కరించడంపై ఆంధ్రప్రదేశ్‌ హైకోర్టు ఏయూ వీసీ, ఇతర బాధ్యులపై తీవ్ర ఆగ్రహం వ్యక్తం చేసింది. ఈ వ్యవహారంలో ఆంధ్ర విశ్వవిద్యాలయం వైస్‌ చాన్సలర్‌ ప్రొఫెసర్‌ జీపీ రాజశేఖర్‌, రిజిస్ట్రార్‌ ప్రొఫెసర్‌ కె. రాంబాబులకు కోర్టు ధిక్కరణ నోటీసులు జారీ చేసింది. ఈ నెల 29న న్యాయమూర్తి జస్టిస్‌ న్యాయపతి విజయ్‌ సమక్షంలో వ్యక్తిగతంగా గానీ, లేదా తమ న్యాయవాది ద్వారా గానీ హాజరుకావాలని స్పష్టమైన ఆదేశాలు ఇచ్చింది. కేసు వివరాలు ఇవీ.. ఆంధ్ర విశ్వవిద్యాలయం ఇంజినీరింగ్‌ కళాశాలలోని కంప్యూటర్‌ సైన్స్‌, ఎలక్ట్రానిక్స్‌ విభాగాల్లో సెల్ఫ్‌ సపోర్ట్‌ ఇంజినీరింగ్‌ కోర్సుల కోసం జాతీయ స్థాయి ప్రకటన ద్వారా సుమారు మూడేళ్ల క్రితం 11 మంది అడహాక్‌ ఫ్యాకల్టీ నియామకం జరిగింది. విశ్వవిద్యాలయ ఎగ్జిక్యూటివ్‌ కౌన్సిల్‌ అనుమతితోనే తమ నియామకాలు జరిగాయని అడహాక్‌ అధ్యాపకులు కోర్టుకు పేర్కొన్నారు.వీరు దాఖలు చేసిన రిట్‌ పిటిషన్‌ (16953/2026)ను పరిశీలించిన న్యాయస్థానం, వారి సేవలను కొనసాగించాలని హైకోర్టు మధ్యంతర ఆదేశాలు జారీ చేసింది. అయితే వర్సిటీ యంత్రాంగం కోర్టు ఆదేశాలను పక్కనపెట్టి తమను విధుల నుంచి తొలగించిందని బాధితులు తెలిపారు. అంతే కాకుండా తమ స్థానంలో ప్రత్యామ్నాయంగా కొందరిని నియమించారని ఆరోపిస్తూ బాధితులు హైకోర్టులో ధిక్కరణ పిటిషన్‌ దాఖలు చేశారు. కలెక్టర్‌, ఈసీ వివక్ష తాజా కోర్టు ఆదేశాలపై ఇప్పటికే కలెక్టర్‌కు, ఏయూ ఎగ్జిక్యూటివ్‌ కౌన్సిల్‌కు వినతిపత్రాలు సమర్పించినప్పటికీ యంత్రాంగం నుంచి ఎలాంటి స్పందన రాలేదని బాధిత అడహాక్‌ ఫ్యాకల్టీ ఆవేదన వ్యక్తం చేసింది. క్యాంపస్‌లో తమతో సమాన హోదా ఉన్న ఇతర కాంట్రాక్ట్‌ బోధనా సిబ్బంది, నాన్‌–టీచింగ్‌ సిబ్బంది పట్ల ఒకలా, తమ పట్ల మరోలా వ్యవహరిస్తూ తీవ్ర వివక్ష చూపిస్తున్నారని ఆరోపించారు. ఈ అంశాలన్నింటినీ హైకోర్టు దృష్టికి తీసుకెళ్తామని స్పష్టం చేశారు.ఈ నేపథ్యంలోనే ధిక్కరణ పిటిషన్‌ను విచారణకు స్వీకరించిన హైకోర్టు, ఈ నెల 29న తమ ముందు హాజరై వివరణ ఇవ్వాలని వీసీ, రిజిస్ట్రార్‌లను ఆదేశించింది. కోర్టు ధిక్కరణపై వీసీ, రిజిస్ట్రార్‌కు నోటీసులు ఈనెల 29న వ్యక్తిగతంగాహాజరుకావాలని ఆదేశాలు. మధ్యంతర ఉత్తర్వులనుఖాతరు చేయకపోవడంపై సీరియస్‌ వీసీ తలకు తాత్కాలిక అధ్యాపకుల తొలగింపు వ్యవహారం