Jangaon

సాక్షి, జనగామ: దానం నాగేందర్‌ వికెట్‌ పడింది. రెండో వికెట్‌ కడియం శ్రీహరిదేనంటూ మాజీ ఎమ్మెల్యే తాటికొండ రాజయ్య సంచలన వ్యాఖ్యలు చేశారు. బుధవారం ఆయన మీడియాతో మాట్లాడుతూ.. ‘‘సుప్రీంకోర్టు దెబ్బ తగిలితే రాజకీయ సమాధే. దమ్ముంటే ఎమ్మెల్యే పదవికి కడియం రాజీనామా చేయాలి. రాజీనామా చేసి వస్తే ఉప ఎన్నికల్లో తేల్చుకుందాం’’ అంటూ రాజయ్య సవాల్‌ విసిరారు.‘‘సర్వేలు అన్నీ నీకు అనుకూలం అంటున్నావు కదా.. రా చూసుకుందాం. నువ్వు నాలుగు సార్లు.. నేను నాలుగు సార్లు ఎమ్మెల్యేలుగా గెలిచాం. నువ్వు నేను ఇద్దరం మాజీ ఉప ముఖ్యమంత్రులమే. నాది ప్రజా బలం. నీది కుట్రలు కుతంత్రాల రాజకీయం. పదేపదే అటు ఢిల్లీకి ఇటు రేవంత్ రెడ్డి వద్దకు తన కూతురుతో కలిసి వెళ్తున్నాడు. అభివృద్ధి కోసం కాదు.. మంత్రి పదవి కోసం చక్కర్లు కొడుతున్నాడు. కడియం శ్రీహరి రాసి పెట్టుకో.. ఇక నీ జీవితంలో మంత్రివి కాలేవు. నువ్వుచేసిన అభివృద్ధిపై అంబేద్కర్ విగ్రహం వద్ద శ్వేతపత్రం విడుదల చేయాలి’’ అంటూ రాజయ్య డిమాండ్‌ చేశారు.ఇదీ చదవండి: వీరమాచినేని రామకృష్ణపై క్రిమినల్‌ కేసు

● కలెక్టర్‌ సందీప్‌కుమార్‌ ఝా జనగామ రూరల్‌: జిల్లాలో రెడ్‌క్రాస్‌ సంస్థ అభివృద్ధికి సమన్వయంతో పనిచేయాలని కలెక్టర్‌ సందీప్‌ కుమార్‌ ఝా నూతనంగా ఎన్నికైన మేనేజింగ్‌ కమిటీ సభ్యులకు సూచించారు. సోమవారం రాత్రి కలెక్టర్‌ను కొత్త కమిటీ సభ్యులు ఆయన్ను కలిశారు. ఈసందర్భంగా వారితో కలెక్టర్‌ మాట్లాడుతూ.. మూడోసారి చైర్మన్‌గా ఎన్నికై న డా. లవకుమార్‌ రెడ్డిని అభినందిస్తూ జిల్లాలో రెడ్‌క్రాస్‌ సొసైటీని బలోపేతం చేయాలన్నారు. జిల్లా రెడ్‌క్రాస్‌ సొసైటీకి 15 మంది మేనేజింగ్‌ కమిటీ సభ్యులు ఎన్నిక కావాలని ఇందుకోసం 17 మంది సభ్యులు నామినేషన్‌ పత్రాలు ఎన్నికల అధికారి, స్టేషన్‌ ఘన్‌పూర్‌ ఆర్డీఓ ఎస్‌.కిరణ్‌ ప్రకాశ్‌కు సమర్పించారు. ఏకగ్రీవం కావడానికి అనుగుణంగా కన్న పరశురాములు, కృష్ణజీవన్‌ బజాజ్‌ పోటీ నుంచి ఉపసంహరించుకోవడంతో మేనేజింగ్‌ కమిటీ సభ్యులు ఏకగ్రీవంగా ఎన్నికై నట్లు ప్రకటించారు. వెంటనే ఆఫీసు బేరర్స్‌ ఎన్నిక నిర్వహించి పూర్తిస్థాయి కార్యవర్గాన్ని ఎన్నికల అధికారి ప్రకటించారు. కలెక్టర్‌ ప్రెసిడెంట్‌గా వ్యవహరించే ఈ కార్యవర్గంలో చైర్మన్‌గా డా. డి.లవకుమార్‌ రెడ్డి, వైస్‌ చైర్మన్‌గా ఇ.ప్రభాకర్‌ రెడ్డి, కోశాధికారిగా గాదె క్యాథరిన్‌, రాష్ట్ర ఎం.సి. సభ్యుడిగా దొంతుల శేఖర్‌, మేనేజింగ్‌ కమిటీ సభ్యులుగా వేమల్ల నరసింహ రెడ్డి, ఎస్‌.శివరాజ్‌ యాదవ్‌, సీహెచ్‌ సురేందర్‌ రెడ్డి, పి.సత్యం, బి.రజినీ, జైన రమేశ్‌, పప్పు వెంకట్‌ రెడ్డి, పి.శ్రీనివాస్‌, పేర్వారం ప్రభాకర్‌, ఎ.హేమంత్‌రాజ్‌, ఎం.ఆంజనేయులు ఎన్నికయ్యారు.

లింగాలఘణపురం: కాంగ్రెస్‌ పార్టీతోనే గ్రామాలు అభివృద్ధి పథంలో దూసుకుపోతున్నాయని ఎమ్మెల్యే కడియం శ్రీహరి అన్నారు. మంగళవారం మండలంలోని వనపర్తిలో రూ.10 లక్షల సీసీ రోడ్లు, కొత్తపల్లిలో రూ.37.50 లక్షల సీసీ రోడ్లు, ఇందిరమ్మ ఇళ్లను ఆయన ప్రారంభించారు. వనపర్తిలో మరో రూ.20 లక్షల సీసీ రోడ్లకు శంకుస్థాపన చేశారు. ఈ సందర్భంగా ఆయా గ్రామాల్లో ఏర్పాటు చేసిన సమావేశాల్లో ముఖ్యఅతిథిగా మాట్లాడారు.. బీఆర్‌ఎస్‌, బీజేపీ అధికారం కోసం విషం చిమ్ముతున్నాయని, వారికి ఓటు అడిగే నైతిక హక్కు లేదన్నారు. సమావేశాల్లో సర్పంచ్‌లు వంచ శైలజ ఉపేందర్‌రెడ్డి, విష్ణు, తహసీల్దార్‌ ఆండాలు, ఎంపీడీఓ శివశంకర్‌రెడ్డి, మార్కెట్‌ కమిటీ వైస్‌ చైర్మన్‌ శివకుమార్‌, పార్టీ మండల అధ్యక్షుడు విజయ్‌మనోహర్‌, మాజీ జెడ్పీటీసీ, జిల్లా ఉపాధ్యక్షుడు వంశీధర్‌రెడ్డి, దిలీప్‌రెడ్డి, ఆయా గ్రామాల సర్పంచ్‌లు పాల్గొన్నారు. జిల్లా విద్యుత్‌ ఉద్యోగుల యూనియన్‌ కార్యవర్గం జనగామ: తెలంగాణ ఎలక్ట్రిసిటీ ఎంప్లాయీస్‌ యూనియన్‌ జిల్లా నూతన కార్యవర్గాన్ని మంగళవారం ఏకగ్రీవంగా ఎన్నుకున్నారు. జిల్లా అధ్యక్షుడిగా బి.వీరాంజనేయులు, కార్యదర్శిగా చెట్టిపల్లి నరేందర్‌రెడ్డి, సీనియర్‌ వర్కింగ్‌ ప్రెసిడెంట్‌గా బి.రాజ్‌కుమార్‌, కోశాధికారిగా కె.నారోత్తంరెడ్డి ఎన్నికయ్యారు. ఈ సందర్భంగా రాష్ట్ర సెక్రటరీ జనరల్‌ ఇనుగాల శ్రీధర్‌, కంపెనీ అధ్యక్షుడు మహేందర్‌ రెడ్డి, రాష్ట్ర సీనియర్‌ వర్కింగ్‌ ప్రెసిడెంట్‌ ఐలేష్‌ తదితరులు నూతన కార్యవర్గాన్ని అభినందించారు. ఉద్యోగుల సమస్యల పరిష్కారం, సంఘం అభివృద్ధిపై నాయకులు చర్చించారు. కార్యక్రమంలో జనగామ అధ్యక్షు డు మూల మహేందర్‌, కార్యదర్శి కోతి విజయ్‌ కుమార్‌, కోశాధికారి బి.యాకయ్య, ఘన్‌పూర్‌ నాయకులు శ్రీధర్‌, ఫయాజ్‌, కృష్ణరాజు, కంపెనీ జాయింట్‌ సెక్రటరీ బి.ప్రశాంత్‌రెడ్డి, రాష్ట్ర డిప్యూటీ జనరల్‌ సెక్రటరీ జి.రవీందర్‌రెడ్డి తదితరులు పాల్గొన్నారు. అనంతరం ఎన్పీడీసీఎల్‌ ఎస్‌ఈ సంపత్‌రెడ్డిని నూతన కమి టీ మర్యాద పూర్వకంగా కలిసింది. 50 ప్రగతినగరాల్లో ఓరుగల్లుకు చోటు వరంగల్‌ అర్బన్‌: దేశవ్యాప్తంగా ఉన్న 50 ప్రగతినగరాల్లో ఓరుగల్లు ఒకటిగా నిలిచింది. రాష్ట్రంలో హైదరాబాద్‌, వరంగల్‌కు చోటు లభించింది. ఈ మేరకు మంగళవారం న్యూఢిల్లీ నుంచి కేంద్ర గృహ నిర్మాణ, పట్టణ వ్యవహారాల మంత్రిత్వ శాఖ నిర్వహించిన వీడియో కాన్ఫరెన్స్‌లో కేంద్ర మంత్రి మనోహర్‌లాల్‌ ఖట్టర్‌ 50 ప్రగతి నగరాల వివరాలను వెల్లడించారు. సాలిడ్‌ వేస్ట్‌మేన్‌జ్‌మెంట్‌ రూల్స్‌–2026కు అనుగుణంగా నాలుగు రకాల వ్యర్థాలను మూలస్థాయిలోనే వేర్వేరుగా సేకరించాలని సూచించారు. పారిశుద్ధ్య సమస్యలు, ఫిర్యాదులను సులభతరం చేయడం, వాట్సాప్‌ ఆధారిత ప్రజా ఫిర్యాదుల వ్యవస్థకు సంబంధించిన మార్గదర్శకాలను కేంద్ర మంత్రి వివరించారు. నగరాల పరిశుభ్రతను మరింత మెరుగుపరచడంతో పాటు ప్రజలకు మెరుగైన పారిశుద్ధ్య సేవలు అందించేలా అధికారులు సమన్వయంతో పనిచేయాలని సూచించారు. వీడియో కాన్ఫరెన్స్‌లో హనుమకొండలోని కమిషనర్‌ క్యాంపు కార్యాలయం నుంచి గ్రేటర్‌ వరంగల్‌ కమిషనర్‌ టి.వెంకన్న, సీఎంహెచ్‌ఓ రాజారెడ్డి, ఎంహెచ్‌ఓ రాజేశ్‌ తదితరులు పాల్గొన్నారు. నేడు ‘డయల్‌ యువర్‌ డీఎం’ హన్మకొండ: ప్రయాణికులకు మెరుగైన రవాణా సౌకర్యాలు కల్పించేందుకు, సలహాలు సూచనలు స్వీకరించడానికి బుధవారం డయల్‌ యువర్‌ డీఎం కార్యక్రమం నిర్వహిస్తున్నట్లు ఆర్టీసీ వరంగల్‌–1 డిపో మేనేజర్‌ పుప్పాల అర్పిత తెలిపారు. ఉదయం 11 నుంచి మధ్యాహ్నం 12 గంటల వరకు హనుమకొండలోని వరంగల్‌–1 డిపో నుంచి డయల్‌ యువర్‌ డీఎం కార్యక్రమం నిర్వహించనున్నట్లు ఆమె ఒక ప్రకటనలో పేర్కొన్నారు. హైదరాబాద్‌, నిజామాబాద్‌, సిద్దిపేట, పాలకుర్తి, తరిగొప్పుల తదితర రూట్ల ప్రయాణికులు 9959226047 నంబర్‌కు ఫోన్‌చేసి సలహాలు, సూచనలు ఇవ్వాలని, సమస్యలు చెప్పాలని కోరారు.

జనగామ రూరల్‌: జిల్లా కేంద్రంలోని ఏబీవీ ప్రభుత్వ డిగ్రీ కళాశాలకు చెందిన విద్యార్థులు ఈనెల 16 నుంచి 19 వరకు బెంగళూరులో జరిగిన 1వ సౌత్‌ ఇండియా బాక్సింగ్‌ చాంపియన్‌ షిప్‌–2026లో రాష్ట్రం తరపున పాల్గొని కాంస్య పతకాలు సాధించారు. కళాశాలకు చెందిన తృతీయ సంవత్సరం బీఏ విద్యార్థినులు రమావత్‌ సాయి ప్రణతి 45–48 కేజీలు, అంజలి కొర్ర 65–70 కేజీల విభాగాల్లో ప్రతిభ కనబరిచారు. కళాశాల ప్రిన్సిపాల్‌ కె.శ్రీనివాస్‌, బీఏ విభాగాధిపతి జె. శ్రీదేవి, ఏఓ రాజ్‌ కుమార్‌, ఫిజికల్‌ డైరెక్టర్‌ కళ్యాణి విద్యార్థినులను అభినందించారు.

నిరంతర పర్యవేక్షణ విద్యార్థుల హాజరు నమోదులో జాప్యం లేకుండా ఒకరికి బదులు మరొకరు హాజరు వేయడం వంటి అక్రమాలకు చెక్‌ పెట్టేందుకే ముఖ గుర్తింపు విధానాన్ని తీసుకొచ్చారు. ముఖ్యంగా అధ్యాపకులు, సిబ్బంది సమయానికి విధులకు వస్తున్నారా? లేదా? అనేది స్పష్టంగా తెలుస్తుంది. ఉన్నతాధికారులు కూడా ఎప్పటికప్పుడు పర్యవేక్షణ చేసే అవకాశం ఉంటుంది. విద్యార్థుల హాజరు శాతం పెరిగి, పరీక్షల్లో మెరుగైన ఫలితాలు సాధించే అవకాశం ఉంది. జనగామ రూరల్‌: ప్రభుత్వ జూనియర్‌ కళాశాలల్లో విద్యార్థులు బోధనపై పట్టు సాధించి పాఠ్య విషయాలు కోల్పోకుండా సమయపాలన, హాజరు విషయంలో మరింత పారదర్శకత పాటించేలా ఇంట ర్మీడియట్‌ బోర్డు ప్రత్యేక దృష్టి సారించింది. ఇందులో భాగంగా అధ్యాపకులు, సిబ్బంది, విద్యార్థుల హాజరును ముఖ గుర్తింపు ఆధారంగా నమోదు చేసే ‘ఎఫ్‌ఆర్‌ఎస్‌’ (ఫేషియల్‌ రికగ్నేషన్‌ సిస్టమ్‌) పద్ధతి అమల్లోకి తెచ్చింది. గత ఏడాది బయోమెట్రిక్‌ విధానాన్ని అమలు చేసినప్పటికీ సాంకేతిక కారణాలతో ఆశించిన స్థాయిలో కొనసాగలేదు. దీంతో ఈ ఏడాది కొత్త సాఫ్ట్‌వేర్‌తో ముఖ గుర్తింపు హాజరు విధానానికి శ్రీకారం చుట్టింది. దీంతో జిల్లాలోని అన్ని ప్రభుత్వ జూనియర్‌ కళాశాలల్లో అమలు చేస్తున్నారు. అయితే ఇటీవల కలెక్టర్‌ సందీప్‌ కుమార్‌ ఝా ఎఫ్‌ఆర్‌ఎస్‌ విధానం అమలుపై డీఐఈఓ, సంబంధిత అధికారులకు దిశా నిర్దేశం చేశారు. అన్ని కళాశాలల్లో తప్పనిసరిగా చేపట్టేలా చర్యలు తీసుకుంటున్నారు. రోజుకు రెండు పూటల ఫొటోలు ప్రత్యేకంగా రూపొందించిన ప్రత్యేక యాప్‌ టీజీబీఐఈ (తెలంగాణ బోర్డు ఆఫ్‌ ఇంటర్మీడియట్‌ ఎడ్యుకేషన్‌) ద్వారా హాజరును నమోదు చేస్తున్నారు. కళాశాలల్లో విధులు నిర్వహించే అధ్యాపకులు, సిబ్బంది రోజుకు రెండుసార్లు (ఉదయం 9.30 గంటలలోపు, సాయంత్రం 4 గంటలకు) ముఖ గుర్తింపుతో హాజరు నమోదు ప్రక్రియ చేపడుతున్నారు. విద్యార్థుల హాజరును కూడా ఇదే విధానంలో నమోదు చేస్తున్నారు. మొబైల్‌లో కొత్త యాప్‌ను డౌన్‌లోడ్‌ చేసుకునే విధానం, దాని వినియోగంపై ఇప్పటికే అధ్యాపకులు, సిబ్బందికి అవగాహన కల్పించారు. 7 ప్రభుత్వ కళాశాలలు జిల్లాలో 8 ప్రభుత్వ జూనియర్‌ కళాశాలలు ఉన్నాయి. ఇందులో ప్రథమ, ద్వితీయ సంవత్సరం కలిపి సుమారు 2,500 మందికిపైగా విద్యార్థులు చదువుతున్నారు. వీరితో పాటు 200వరకు అధ్యాపకులు, సిబ్బంది ఉన్నారు. ఇప్పటికే సిబ్బంది రిజిస్ట్రేషన్‌ ప్రక్రియ పూర్తి కాగా, ప్రస్తుతం విద్యార్థుల వివరాల నమోదు కొనసాగుతోంది. సమర్థ పర్యవేక్షణ కోసమే.. ప్రభుత్వ జూనియర్‌ కళాశాలల్లో అధ్యాపకులు, సిబ్బంది, విద్యార్థుల హాజరును మరింత పారదర్శకంగా నమోదు చేయడంతో పాటు సమయపాలన పాటించేలా చేయడమే ఎఫ్‌ఆర్‌ఎస్‌ విధానం ప్రధాన ఉద్దేశం. టీజీబీఐఈ యాప్‌ ద్వారా ముఖ గుర్తింపు ఆధారంగా హాజరు నమోదు జరుగుతుంది. పూర్తిస్థాయిలో అమల్లోకి వచ్చిన తర్వాత కళాశాలల పనితీరును మరింత సమర్థంగా పర్యవేక్షించే అవకాశం ఉంటుంది. – సందీప్‌ కుమార్‌ ఝా, కలెక్టర్‌ ప్రభుత్వ జూనియర్‌ కళాశాలల్లో ‘ముఖ గుర్తింపు హాజరు’ విధానం రోజుకు రెండుసార్లు ఎఫ్‌ఆర్‌ఎస్‌ అటెండెన్స్‌ అధ్యాపకులు, సిబ్బంది, విద్యార్థులకు పూర్తిస్థాయిలో వర్తింపు ‘టీజీబీఐఈ’ యాప్‌ ద్వారా నమోదు ప్రత్యేక చర్యలు తీసుకుంటున్న అధికారులు జిల్లాలో 7 కళాశాలలు, 2,500 మందిపైగా విద్యార్థులు

● మున్సిపల్‌ చైర్‌పర్సన్‌ బాలమణి ● పురపాలికలో సహపంక్తి భోజనంజనగామ: చెత్తను రోడ్లపై, డ్రెయినేజీల్లో వేయకుండా స్వచ్ఛ జనగామ కోసం ప్రతీ పౌరుడు తమతో కలిసి రావాలని మున్సిపల్‌ చైర్‌పర్సన్‌ కడకంచి బాలమణి శ్రీనివాస్‌ పిలుపునిచ్చారు. మంగళవారం మున్సిపల్‌ కార్యాలయంలో పారిశుద్ధ్య కార్మికులు, కౌన్సిలర్లు, కమిషనర్‌, అధికారులు, సిబ్బందికి చైర్‌పర్సన్‌ సహపంక్తి భోజనం ఏర్పాటు చేశారు. ప్రజలు తడి, పొడి చెత్తను వేరు చేసి స్వచ్ఛ ఆటోల్లోనే వేయాలని, రోడ్లు, డ్రెయినేజీల్లో చెత్త వేయకుండా మున్సిపాలిటీ అందిస్తున్న సౌకర్యాన్ని సద్వినియోగం చేసుకోవాలని కోరారు. కార్యక్రమంలో కమిషనర్‌ రాజశేఖర్‌రెడ్డి, కౌన్సిలర్లు, అధికారులు తదితరులు పాల్గొన్నారు.

● ఏర్పాట్లు చేస్తున్న అధికారులు ● సీఎం రేవంత్‌ రెడ్డి ఆదేశాలతో సూపర్‌ స్పెషాలిటీ హాస్పిటల్‌ నిర్మాణ పనులు వేగవంతం కాశిబుగ్గ: వరంగల్‌లో నిర్మిస్తున్న 24 అంతస్తుల సూపర్‌ స్పెషాలిటీ ఆస్పత్రిలో మొదటి విడత ఓపీ సేవలు అందించేందుకు అధికారులు సన్నాహాలు చేస్తున్నారు. ఇందుకోసం 8 అంతస్తుల్లో ఏర్పాట్లు చేస్తున్నారు. డీఎంఈ డాక్టర్‌ వాణి, వరంగల్‌ కలెక్టర్‌ డాక్టర్‌ సత్యశారద పర్యవేక్షణతో పాటు సీఎంఓ అఽధికారుల చొరవతో పనులు వేగవంతంగా జరుగుతున్నాయి. కానీ, దసరా వరకు పనులు పూర్తయ్యే పరిస్థితి కనిపించడం లేదు. దీంతో అధికారులు ఒకడుగు ముందుకు వేసి ప్రాథమిక దశలో ఓపీ సేవలను ప్రజలకు అందుబాటులోకి తేవాలని యోచిస్తున్నారు. ఏర్పాట్లలో నిమగ్నమైన అధికారులు సీఎం రేవంత్‌రెడ్డి ఆదేశాలతో 24 అంతస్తుల సూపర్‌ స్పెషాలిటీ ఆస్పత్రి వైద్య సేవలను ప్రజలకు అందుబాటులో తీసుకురావడానికి అధికారులు తీవ్రంగా కృషి చేస్తున్నారు. దసరా వరకు ఓపీ సేవలు, అత్యవసరమైన ఎక్స్‌రే, ల్యాబ్‌, ఈసీజీ, డ్రెస్సింగ్‌కు ఏర్పాట్లు చేస్తున్నారు. ఓపీలో వైద్యపరీక్షల అనంతరం పేషెంట్లను అడ్మిట్‌ చేయాల్సి వస్తే వారిని ఎంజీఎంకు ఎలా తీసుకెళ్తారనే ప్రశ్నలు ఉత్పన్నమవుతున్నాయి. ఎంజీఎం అంబులెన్స్‌లను ఉపయోగిస్తారా, ప్రత్యేక వాహనాలను ఏర్పాటు చేస్తారా అనే విషయంపై స్పష్టత రావాల్సి ఉంది. కాగా, సూపర్‌ స్పెషాలిటీ వైద్యసేవల వివరాలను చెప్పడానికి ఎంజీఎం అధికారులు ఆసక్తి చూపడం లేదు.

● ఎమ్మెల్యే పల్లా రాజేశ్వర్‌రెడ్డి జనగామ: సంక్షేమ పథకాల అమలులో రాజకీయాలకు అతీతంగా అర్హులైన ప్రతి ఒక్కరికీ ప్రభుత్వ సహాయం అందేలా చూస్తానని ఎమ్మెల్యే పల్లా రాజేశ్వర్‌రెడ్డి అన్నారు. మంగళవారం తహసీల్దార్‌ కార్యాలయంలో కళ్యాణలక్ష్మి, షాదీ ముబారక్‌ లబ్ధిదారులకు చెక్కులు పంపిణీ చేశారు. ముఖ్య అతిథిగా హాజరైన ఎమ్మెల్యే జనగామ పట్టణానికి చెందిన 19 మంది, జనగామ రూరల్‌కు చెందిన 17 మంది లబ్ధిదారులకు చెక్కులు అందజేశారు. అనంతరం ఎమ్మెల్యే మాట్లాడుతూ.. పేద, మధ్యతరగతి కుటుంబాలకు ఈ పథకాలు ఎంతో ఉపయోగకరంగా ఉన్నాయని తెలిపారు. అర్హులకు ఎలాంటి ఇబ్బందులు లేకుండా పథకాల ప్రయోజనాలు అందేలా అధికారులు చర్యలు తీసుకోవాలని సూచించారు. అలాగే మున్సిపల్‌ చైర్‌పర్సన్‌ కడకంచి బాలమణి శ్రీనివాస్‌, ఏఎంసీ చైర్మన్‌ బనుక శివరాజ్‌ యాదవ్‌ కళ్యాణలక్ష్మి, షాదీముబారక్‌ చెక్కులను లబ్ధిదారులకు అందించారు. వారు మాట్లాడుతూ.. ప్రజా ప్రభుత్వంలో అర్హులైన ప్రతి ఒక్కరికి సంక్షేమ పథకాలు అందిస్తున్నామన్నారు.

సాక్షి ప్రతినిధి, వరంగల్‌: రైతులనుంచి ప్రభుత్వం సేకరించిన ధాన్యం.. రైసుమిల్లులకు కేటాయింపు.. మిల్లింగ్‌ చేసి సీఎంఆర్‌ బియ్యాన్ని ప్రభుత్వానికి అప్పగింత. ఇదీ సాధారణ ప్రక్రియ. కానీ ఉమ్మడి వరంగల్‌లో రబీ 2022–23 సీజన్‌కు సంబంధించిన లెక్కలు చూస్తే.. ధాన్యం కేటాయించి సుమారు మూడేళ్లు దాటినా రికవరీ మాత్రం పూర్తికాలేదు. కోట్ల రూపాయల విలువైన ధాన్యం, బియ్యం బకాయిలు మిల్లర్ల వద్దే నిలిచిపోయాయి. సీఎంఆర్‌ చెల్లించని మిల్లుల్లో వేలం వేసిన ధాన్యానికి సంబంధించిన లెక్కలు కూడా ప్రశ్నలు లేవనెత్తుతున్నాయి. కాగితాలపై లెక్కలు.. మిల్లులు దాటని బకాయిలు.. పౌరసరఫరాల సంస్థ ఇటీవల ప్రభుత్వానికి పంపిన నివేదిక ప్రకారం.. ఉమ్మడి వరంగల్‌లోని హనుమకొండ, వరంగల్‌, జనగామ, మహబూబాబాద్‌, ములుగు, జయశంకర్‌ భూపాలపల్లి జిల్లాల్లో ఇంకా ధాన్యం బకాయిలు ఉన్నాయి. 216 మిల్లులకు ఇచ్చిన 1,11,634 మెట్రిక్‌ టన్నుల ధాన్యానికి గాను 37,825 మెట్రిక్‌ టన్నులు మాత్రమే రికవరీ అయ్యాయి. మరో 73.809 మె.టన్నుల ధాన్యం మిల్లర్ల వద్ద ఉంది. విలువ పరంగా రూ.166.30 కోట్ల మేర రికవరీ చేయాల్సి ఉందని ఆ నివేదికలో పౌరసరఫరాల సంస్థ పేర్కొంది. రబీ 2022–23 సీజన్‌కు సంబంధించిన రికవరీ పూర్తికాకపోవడం అధికారుల పర్యవేక్షణపై ప్రశ్నలు లేవనెత్తుతోంది. వేలం వేసిన ధాన్యం జాడేది..? 2022–23 రబీలో సీఎంఆర్‌ రైసుమిల్లర్లు ఎంతకు చెల్లించకపోవడంతో పౌరసరఫరాల సంస్థ.. 216 మిల్లుల్లో ఉన్న రూ.250.92 కోట్ల విలువ చేసే 1,11,634 మె.టన్నుల ధాన్యం మొత్తానికి వేలం వేసింది. తీరా టెండర్లు ముగిశాక వెళ్లి చూస్తే చాలా మిల్లుల్లో ధాన్యం లేకపోవడంతో మళ్లీ రికవరీపైనే దృష్టి సారించారు. విజిలెన్స్‌ ఎన్‌ఫోర్స్‌మెంట్‌, పౌరసరఫరాల సంస్థలు సంయుక్తంగా పోలీసుశాఖ సహాయంతో రంగంలోకి దిగడంతో కొంత మేరకు వసూలైనా.. ఇంకా రూ. కోట్లల్లో పెండింగ్‌ పడ్డాయి. ఉమ్మడి వరంగల్‌లోని ఆరు జిల్లాల్లో 96 మిల్లుల వద్ద ఈ బకాయిలు ఉన్నట్లు నివేదిక పేర్కొంటోంది. జనగామ, వరంగల్‌ జిల్లాల్లో 54 మిల్లుల వద్ద బకాయిలు ఉన్నాయి. ములుగులో 13, హనుమకొండ, మహబూబాబాద్‌ జిల్లాల్లో 24, జయశంకర్‌ భూపాలపల్లి జిల్లాలో ఐదు మిల్లుల వద్ద బకాయిలు ఉన్నట్లు లెక్కలు చెబుతున్నాయి. ఇటీవల సైతం కొందరు మిల్లర్లు బకాయిలు చెల్లిస్తున్నప్పటికీ.. వసూళ్ల కోసం తదుపరి చర్యలపై చర్చ మొదలైంది. బకాయిదారులపై క్రిమినల్‌ కేసులు నమోదు చేయడమా? రెవెన్యూ రికవరీ యాక్టు కింద చర్యలు తీసుకోవడమా? బకాయిదారుల ఆస్తులను గుర్తించి జప్తు ప్రక్రియ చేపటడమా? అన్న అంశాలు కీలకంగా మారాయి. ఇప్పటికే నోటీసులు జారీ చేసిన మిల్లర్లు కొందరిపై పోలీసు కేసులు నమోదు చేయడం చర్చనీయాంశం అవుతోంది. 2022–23 సీఎంఆర్‌ డిఫాల్టర్‌ మిల్లులు: 216 రికవరీ కావాల్సిన ధాన్యం : 1,11,634 మె.టన్నులు ధాన్యం విలువ: రూ.250.92 కోట్లు.. రికవరీ చేసిన ధాన్యం: 37,825 మె.టన్నులు వసూలైన మొత్తం: రూ.84.61 కోట్లు బకాయి ఉన్న ధాన్యం: 73,809 మె.టన్నులు బకాయి మొత్తం: రూ.166.30 కోట్లు ఇంకా బకాయి ఉన్న మిల్లులు: 96 రైస్‌మిల్లర్ల వద్దే 2022–23 సీజన్‌ సీఎంఆర్‌ ఉమ్మడి జిల్లాలో రూ.166.30కోట్ల రికవరీ పెండింగ్‌.. జాడలేని 73,809 మె.టన్నుల వేలం ధాన్యం మొత్తం బకాయిలు 96 మిల్లుల వద్ద.. ప్రశ్నార్థకంగా మారిన వసూళ్లు తెరపైకి క్రిమినల్‌ కేసులు.. ఆర్‌ఆర్‌ యాక్టులు.. బకాయిదారుల ఆస్తుల వివరాలపై ‘విజిలెన్స్‌’ ఆరా!వివరాల సేకరణలో ‘విజిలెన్స్‌’ నిమగ్నంభారీగా బకాయిలు పేరుకుపోవడంతో బకాయిదారుల ఆస్తుల వివరాల సేకరణలో పౌరసరఫరాల సంస్థ, విజిలెన్స్‌ ఎన్‌ఫోర్స్‌మెంట్‌ అధికారులు నిమగ్నమైనట్లు సమాచారం. కొందరు బకాయి ఉన్న రైసుమిల్లర్లు తమ స్థిర, చరాస్తులను బినామీల పేరిట మార్పిడి చేశారన్న ప్రచారం ఉంది. మిల్లులను ఎత్తివేసి వాటి స్థానంలో ఫంక్షన్‌హాల్‌లు, సీడ్‌ మిల్లులుగా మార్చినట్లు కూడా చెబుతున్నారు. ఈ నేపథ్యంలో బకాయిదారుల ఆస్తుల వివరాల సేకరణ ‘విజిలెన్స్‌’ దృష్టి సారించారన్న చర్చ సర్వత్రా కలకలం రేపుతోంది. కాగా ఈ విషయమై ఉమ్మడి వరంగల్‌కు చెందిన ఓ జిల్లా పౌరసరఫరాలశాఖ అధికారిని సంప్రదించగా సీరియస్‌గా బకాయిల వసూళ్లు జరుగుతున్నాయని, తమను ఆ వివాదంలోకి లాగొద్దంటూ సమాధానం దాటవేశారు.

చీర, సారెతో వస్తున్న హీరో నాని, గద్దెల ప్రాంగణంలో చిత్రబృందం మేడారంలో వనదేవతలు సమ్మక్క, సారలమ్మను మంగళవారం ప్యారడైజ్‌ సినిమా హీరో నాని, నటుడు సంపూర్ణేష్‌ బాబు, నిర్మాత సుధాకర్‌ చెరుకూరి, దర్శకుడు ఓదెల శ్రీకాంత్‌, పాటల రచయిత కాసర్ల శ్యామ్‌ దర్శించుకుని మొక్కులు చెల్లించారు. అమ్మవార్లకు హీరో నాని నిలువెత్తు బంగారం(బెల్లం), చీర, సారె సమర్పించారు. మేడారం వచ్చే ముందుగా ములుగు గట్టమ్మ వద్ద ప్రత్యేక పూజలు జరిపారు. – ఎస్‌ఎస్‌ తాడ్వాయి/ములుగు

● సీపీఐ రాష్ట్ర కార్యదర్శి, ఎమ్మెల్యే కూనంనేని సాంబశివరావు ● ఏఐఎస్‌ఎఫ్‌ 90వ వార్షికోత్సవ సభహనుమకొండలో భారీ ర్యాలీ నిర్వహిస్తున్న విద్యార్థులు, ఏఐఎస్‌ఎఫ్‌ నాయకులు అఖిల భారత విద్యార్థి సమాఖ్య (ఏఐఎస్‌ఎఫ్‌) 90వ వార్షికోత్సవం సందర్భంగా సోమవారం హనుమకొండ పబ్లిక్‌ గార్డెన్స్‌ నుంచి కాకతీయ యూనివర్సిటీ ఆడిటోరియం వరకు భారీ ప్రదర్శన నిర్వహించారు. అనంతరం ఏర్పాటుచేసిన బహిరంగ సభలో సీపీఐ రాష్ట్ర కార్యదర్శి, ఎమ్మెల్యే కూనంనేని సాంబశివరావు, ఏఐఎస్‌ఎఫ్‌ జాతీయ ప్రధాన కార్యదర్శి దినేష్‌ సిరంగి రాజన్‌ తదితరులు పాల్గొని మాట్లాడారు. కేంద్రం విద్యావ్యవస్థ కాషాయీకరణకు కుట్ర చేస్తోందని, దీనిని అడ్డుకోవాల్సిన అవసరం ఉందని తెలిపారు. – కేయూ క్యాంపస్‌

● గ్రీవెన్స్‌లో కలెక్టర్‌ సందీప్‌ కుమార్‌ ఝా ఆదేశం ● ప్రజల నుంచి 371 దరఖాస్తుల స్వీకరణజనగామ రూరల్‌: కలెక్టర్‌ కార్యాలయంలోని మెయిన్‌ కాన్ఫరెన్స్‌ హాల్‌లో సోమవారం నిర్వహించిన ప్రజావాణిలో అదనపు కలెక్టర్‌ బెన్‌షాలోమ్‌తో కలిసి కలెక్టర్‌ సందీప్‌ కుమార్‌ ఝా ఫిర్యాదులను స్వీకరించి, పరిశీలించారు. ప్రజా వాణిలో ఎక్కువగా భూ, ఇందిరమ్మ ఇళ్లు, పెన్షన్‌ సమస్యలే ఉన్నా యి. ప్రజలు అందజేసిన అర్జీలపై ప్రత్యేక దృష్టి సారించాలని కలెక్టర్‌ సందీప్‌ కుమార్‌ ఝా అధికారులను ఆదేశించారు. ప్రజల నుంచి 371 అర్జీలను కలెక్టర్‌ స్వీకరించారు. వచ్చిన దరఖాస్తుల ను సంబంధిత శాఖల అధికారులకు కేటాయిస్తూ, త్వరితగతిన పరిష్కరించేందుకు కృషి చేయాలని సూచించారు. డీఆర్డీఓ భాస్కర్‌, మున్సిపల్‌ కమిషనర్‌ రాజశేఖర్‌ రెడ్డి, సీపీఓ చిన కోట్యానాయక్‌, వివిధ శాఖల జిల్లా అధికారులు పాల్గొన్నారు. దరఖాస్తుల్లో కొన్ని.. పట్టణంలోని 11వ వార్డు వీవర్స్‌ కాలనీ చెందిన కందగట్ల మధుసూదన్‌, తమ వీధిలో డ్రెయినేజీ కాలువ, సీసీ రోడ్డు లేక ఇబ్బంది పడుతున్నారని, మురుగు కాలువ, సీసీ రోడ్డు నిర్మాణం చేసి ప్రజలను ఆదుకోవాలని కలెక్టర్‌కు దరఖాస్తు అందజేశారు. జఫర్‌గఢ్‌ మండల తిడగు గ్రామానికి చెందిన వాసం వెంకటేశ్వర్లు తమకు రెండు ఎకరాల ఎనిమిది గుంటల భూమి వంశపారపర్యంగా సంక్రమించిందని, సంబంధిత భూమి ఇతరుల పేరిట రెవెన్యూ రికార్డుల్లో వస్తోందని, దానిని తొలగించి, తమ పేరును ఆన్‌లైన్‌లో నమోదు చేసి పట్టా పాసుబుక్‌, పహాణీలు అందజేయాలని కోరారు. బచ్చన్నపేట మండలం రామచంద్రాపురం గ్రామానికి చెందిన బండి వనజ, గతంలో నిర్వహించిన ప్రజాపాలన కార్యక్రమంలో భాగంగా ఇందిరమ్మ ఇల్లు కోసం దరఖాస్తు అందజేయగా ఆన్‌లైన్‌ పోర్టల్‌లో నమోదు కాలేదని తన దరఖాస్తును పరిశీలించి, ఇందిరమ్మ ఇల్లు మంజూరు చేయాలని కోరారు. లింగాల ఘణపురం మండలం వడిచెర్ల గ్రామం చెందిన బొట్ల అనసూర్య, తనది పేద కుటుంబం అని, కూలి పని చేసుకొని జీవనం సాగిస్తున్నారని, భూమి జాగా ఏమీ లేదని, ఉన్న ఇల్లు శిథిలావస్థలో ఉందని, ఇందరిమ్మ ఇల్లు మంజూరు చేయాలని కలెక్టర్‌ను వేడుకుంది. జనగామ మండలం సిద్ధెంకి గ్రామానికి చెందిన నీలగిరి భిక్షపతి, తన రెండు ఎకరాల ఐదు గుంటల భూమిని ఆన్‌లైన్‌ రికార్డుల్లో నమోదు చేయాలని కలెక్టర్‌కు వినతిపత్రం అందజేశాారు.

జనగామ: ఓటు హక్కును పరిరక్షించాలని, ఓటర్ల జాబితా సవరణ, ప్రత్యేక సమగ్ర సవరణ (ఎస్‌ఐఈర్‌) ప్రక్రియలో పూర్తి పారదర్శకత పాటించాల ని, ఓటు హక్కును హరిస్తే ఊరుకోమని కాంగ్రెస్‌ పార్టీ ఆధ్వర్యంలో సోమవారం జిల్లా కేంద్రంలో భారీ నిరసన కార్యక్రమం చేపట్టారు. డీసీసీ అధ్యక్షురాలు లకావత్‌ ధన్వంతి ఆధ్వర్యంలో నెహ్రూ పార్క్‌ నుంచి కలెక్టరేట్‌ వరకు స్టేషన్‌ ఘన్‌పూర్‌ ఎమ్మెల్యే కడియం శ్రీహరి, పాలకుర్తి ఎమ్మెల్యే మామిడాల యశస్వినిరెడ్డి, జనగామ నియోజకవర్గ కాంగ్రెస్‌ ఇన్‌చార్జి కొమ్మూరి ప్రతాప్‌రెడ్డి, టీపీసీసీ సభ్యులు, వైటీడీఏ మెంబర్‌ లక్ష్మీనారాయణ నాయక్‌, మున్సి పల్‌ చైర్‌పర్సన్‌ కడకంచి బాలమణిశ్రీనివాస్‌, కాంగ్రెస్‌ నాయకులు, కార్యకర్తలు భారీ ర్యాలీ నిర్వహించి కలెక్టరేట్‌ ఎదుట ధర్నా చేపట్టారు. అనంతరం ఎన్నికల సంఘం తీరును నిరసిస్తూ సీఈసీ జ్ఞానేశ్‌ కుమార్‌ దిష్టిబొమ్మను దహనం చేసి, కలెక్టర్‌కు వినతిపత్రం సమర్పించారు. అనంతరం స్టేషన్‌ ఘన్‌పూ ర్‌ ఎమ్మెల్యే కడియం శ్రీహరి మాట్లాడుతూ..అర్హత కలిగిన ఏ ఒక్క ఓటరును ఓటర్‌ జాబితా నుంచి తొలగించకుండా చర్యలు తీసుకోవాలని డిమాండ్‌ చేశారు. పాలకుర్తి ఎమ్మెల్యే యశస్వినిరెడ్డి మాట్లాడుతూ.. ఓటర్‌ జాబితాలో మార్పులు, తొలగింపులు, అభ్యంతరాలపై ప్రజలకు స్పష్టమైన సమాచా రం అందించాలని, ఎన్నికల వ్యవస్థపై నమ్మకం పెరిగేలా ఎన్నికల సంఘం వ్యవహరించాలన్నారు. ఓటు హక్కు పరిరక్షణ కోసం కాంగ్రెస్‌ నిరంతరం పోరాడుతుందని డీసీసీ అధ్యక్షురాలు ధన్వంతి లక్ష్మీ నారాయణ అన్నారు. జనగామ నియోజకవర్గ కాంగ్రెస్‌ ఇన్‌చార్జి కొమ్మూరి ప్రతాప్‌రెడ్డి మాట్లాడుతూ.. ఓటర్‌ జాబితా సవరణలో పారదర్శకత పాటించాలని, ఓటర్ల హక్కుల పరిరక్షణకు కాంగ్రెస్‌ శ్రేణులు ఐక్యంగా పోరాడాలని పిలుపునిచ్చారు. వైటీడీఏ మెంబర్‌ డాక్టర్‌ లక్ష్మీనారాయణ నాయక్‌ మాట్లాడుతూ.. ఓట్ల దోపిడీకి అడ్డుకట్ట వేయాలన్నారు. ప్రధాన ఎన్నికల కమిషనర్‌ జ్ఞానేశ్‌ కుమార్‌ రాజీనామా చేయాలని డిమాండ్‌ చేశారు. అనంతరం పలు డిమాండ్లతో కూడిన వినతి పత్రాన్ని కలెక్టర్‌ సందీప్‌ కుమార్‌ ఝాకు అందించారు. ఉన్న ఓటర్ల పేర్లు తొలగించకుండా చూడాలని, ఎన్నికల ప్రక్రియలో పూర్తి పారదర్శకత పాటించాలని వినతిపత్రంలో కోరారు. కార్యక్రమంలో గ్రంథాలయ చైర్మన్‌ మరుజోడు రాంబాబు, నాయకులు వేమళ్ల సత్యనారాయణరెడ్డి, ఏఎంసీ మార్కెట్‌ చైర్మన్‌ బనుక శివరాజు, లావణ్య, మంజుల, లింగాల జగదీష్‌చందర్‌రెడ్డి, గుడి వంశీధర్‌ రెడ్డి, నూకల బాల్‌రెడ్డి, ఉడత రవి, పట్టణ అధ్యక్షుడు దోర్నాల వెంకటేశ్వర్లు, లోక్కుంట్ల ప్రవీణ్‌, మాజిద్‌ అప్సర్‌, బడికే ఇందిర, బోనాసి క్రాంతి, జాయ మల్లేష్‌, అభిగౌడ్‌, మేడ శ్రీనివాస్‌, జిల్లెళ్ల సిద్ధారెడ్డి, చింతకింది మల్లేష్‌ తదితరులు ఉన్నారు. ఓట్ల దోపిడీకి అడ్డుకట్ట వేయాలి కలెక్టరేట్‌ ఎదుట కాంగ్రెస్‌ పార్టీ ఆధ్వర్యంలో భారీ ధర్నా సీఈసీ జ్ఞానేశ్‌ కుమార్‌ దిష్టిబొమ్మ దహనం

జనగామ: మున్సిపాలిటీ పరిధిలో పారిశుద్ధ్య నిర్వహణను మరింత సమర్థవంతంగా చేపట్టేందుకు నూతనంగా అందుబాటులోకి వచ్చిన స్వచ్ఛ ఆటోల ర్యాలీని సోమవారం నిర్వహించారు. మున్సిపాలిటీ పరిధిలోని అన్ని వార్డుల్లో ఇంటింటికీ వెళ్లి చెత్త సేకరణ చేపట్టడంతో పాటు ప్రజల్లో పారిశుద్ధ్యంపై అవగాహన కల్పించనున్నారు. ప్రతీ ఇంటి నుంచి తడి, పొడి చెత్తను వేర్వేరుగా సేకరించి స్వచ్ఛ ఆటోలకు అందించాలని, బహిరంగ ప్రదేశాల్లో చెత్త వేయకుండా మున్సిపల్‌ సిబ్బందికి సహకరించాలని కమిషనర్‌ రాజశేఖర్‌రెడ్డి సూచించారు. మున్సిపల్‌ చైర్‌పర్సన్‌ కడకంచి బాలమణిశ్రీనివాస్‌ మాట్లాడుతూ.. స్వచ్ఛ జనగామ లక్ష్యంగా మున్సిపాలిటీ నిరంతరం పని చేస్తోందన్నారు. కార్యక్రమంలో కౌన్సిలర్లు, వార్డు అధికారులు, మున్సిపల్‌ సిబ్బంది పాల్గొన్నారు. పట్టభద్రుల ఓటరు జాబితా డీ–నోవో తయారీపై నోటీసుజనగామ: వరంగల్‌–ఖమ్మం–నల్గొండ పట్టభద్రుల నియోజకవర్గ ఓటరు జాబితా డీ–నోవో (కొత్తగా) తయారీ ప్రక్రియలో భాగంగా మున్సిపల్‌ కార్యాలయంలో నోటీసు ప్రచురించినట్లు కమిషనర్‌ రాజశేఖర్‌రెడ్డి సోమవారం ఒక ప్రకటనలో పేర్కొన్నారు. 1అక్టోబర్‌ 2026 అర్హత తేదీగా నిర్ణయిస్తూ, నల్లగొండ అదనపు కలెక్టర్‌, ఎన్నికల నమోదు అధికారి జారీ చేసిన నోటీసును మున్సిపల్‌ కార్యాలయ నోటీస్‌ బోర్డుతో పాటు ప్రజలకు అందుబాటులో ఉండే ప్రముఖ ప్రదేశాల్లో ప్రదర్శించినట్లు తెలిపారు. ప్రజల సమాచారం కోసం నోటీసు ప్రతులతో పాటు ఫారం–18ను అందుబాటులో ఉంచినట్లు పేర్కొన్నారు. ఎన్నికల సం ఘం, తెలంగాణ ప్రధాన ఎన్నికల అధికారి ఆదేశాల మేరకు డీ–నోవో ఓటరు జాబితా తయారీపై అవసరమైన ప్రచారం నిర్వహిస్తున్నట్లు తెలిపారు. అర్హత కలిగిన పట్టభద్రులు సంబంధిత ఎన్నికల అధికారుల సూచనల మేరకు అవసరమైన ప్రక్రియను పూర్తి చేసుకోవాలని ఆయన సూచించారు. రెడ్‌క్రాస్‌ రాష్ట్ర మేనేజ్‌మెంట్‌ సభ్యుడిగా దొంతుల శేఖర్‌జనగామ: తెలంగాణ స్టేట్‌ రెడ్‌క్రాస్‌ సొసైటీ మేనేజ్‌మెంట్‌ సభ్యుడిగా జిల్లా కేంద్రానికి చెందిన దొంతుల శేఖర్‌ ఎన్నికయ్యారు. సోమవారం ఆయన మాట్లాడుతూ.. సేవా కార్యక్రమాలను మరింత విస్తృతం చేసేందుకు రెడ్‌క్రాస్‌ సరైన వేదికగా భావించి ఎన్నికల్లో పోటీ చేసి రాష్ట్ర మేనేజ్‌మెంట్‌ సభ్యుడిగా ఎన్నికై నట్లు తెలిపారు. రెడ్‌క్రాస్‌ ద్వారా జిల్లాలో విస్తృతంగా అవగాహన కార్యక్రమాలు, సేవా కార్యక్రమాలు నిర్వహించేందుకు కృషి చేస్తానన్నారు. తనకు ఈ అవకాశం కల్పించిన జిల్లా రెడ్‌క్రాస్‌ సభ్యులు, సహకరించిన ప్రతి ఒక్కరికీ కృతజ్ఞతలు తెలిపారు. అంతర్జాతీయ చెస్‌ పోటీల్లో ప్రతిభ బచ్చన్నపేట : అంతర్జాతీయ చెస్‌ టోర్నమెంట్‌లో మండలంలోని సాల్వాపూర్‌ గ్రామానికి చెందిన బోయిని అనిల్‌ సత్తా చాటారు. గ్రామానికి చెందిన బోయిని కర్ణాకర్‌ కుమారుడు అనిల్‌ పదో తరగతి చదువుతున్నాడు. ఆదివారం ఢిల్లీలో వాజీపూర్‌లో నిర్వహించిన అంతర్జాతీయ చెస్‌ టోర్నమెంట్‌లో 900 మంది విద్యార్థులకు పైగా పాల్గొనగా అనిల్‌ 15 ఏళ్ల విభాగంలో పాల్గొని అత్యంత ప్రతిభ చూపి 13వ స్థానంలో నిలిచాడు. గత ఆరు నెలల కాలంలో చైన్నె, మంగళూరు, ముంబాయి, ఢిల్లీ తదితర నగరాల్లో నిర్వహించిన వివిధ చెస్‌ పోటీల్లో పాల్గొని ఏకంగా తొమ్మిది అవార్డులు, కప్‌లను కైవసం చేసుకున్నాడు. ఈసందర్భంగా అనిల్‌ను సర్పంచ్‌ మిద్దెల శ్రీధర్‌గౌడ్‌, గ్రామస్తులు, తోటి విద్యార్థులు అభినందించారు.

● కారులో చిక్కుకున్న నాలుగేళ్ల బాలుడు ● 20 నిమిషాల ఉత్కంఠ స్టేషన్‌ఘన్‌పూర్‌: కారు డోర్‌ లాక్‌ కావడం, అందులో ముందు సీటులో నాలుగేళ్ల వయస్సున్న బాలుడు కూర్చుని ఉండటంతో 20 నిమిషాల పాటు ఉత్కంఠ నెలకొంది. ఈఘటన ఘన్‌పూర్‌ మున్సిపాలిటీ పరిధిలోని శివునిపల్లిలో సోమవారం జరిగింది. శివునిపల్లిలోని ఫైర్‌స్టేషన్‌ పక్కన ఉన్న టిఫిన్‌ సెంటర్‌లో టిఫిన్‌ తీసుకునేందుకు కుమారుడితో కారులో వచ్చిన ఓవ్యక్తి కారు దిగి డోర్‌ వేసి టిఫిన్‌ సెంటర్‌లోకి వెళ్లాడు. కారు ఆటోమెటిక్‌గా సెంట్రల్‌ లాక్‌ కావడంతో టిఫిన్‌ తీసుకుని వచ్చిన ఆ వ్యక్తి కారు డోర్‌ తీస్తే తెరుచుకోలేదు. ఎంత ప్రయత్నించినా డోర్‌ ఓపెన్‌ కాకపోవడంతో ఒక్కసారిగా తీవ్ర భయాందోళనకు గురయ్యాడు. కారు లోపల బాలుడు ఉండటం, డోర్‌ రాకపోవడంతో ఉత్కంఠ నెలకొనగా పలువురు అక్కడ గుమిగూడారు. డోర్‌ తీయాలని బయటి నుంచి వారు చెపుతున్నా బాలుడికి అర్థం కాలేదు. దాంతో అక్కడ ఓ యువకుడు తన సెల్‌ఫోన్‌లో యూట్యూబ్‌ ఆన్‌ చేసి కారు అద్దం ఎలా దించాలో చూపించడంతో బాలుడు కారు అద్దం కిందికి దించాడు. దాంతో అందరూ ఊపిరి పీల్చుకున్నారు.

సాక్షిప్రతినిధి, వరంగల్‌ : టీజీఎస్‌ ఆర్టీసీ గుర్తింపు యూనియన్‌ ఎన్నికల ప్రచారం ఊపందుకుంది. అక్టోబర్‌ 9న ఎన్నికలు జరగనున్న నేపథ్యంలో కార్మిక సంఘాలు పోటాపోటీగా ప్రచారం నిర్వహిస్తున్నాయి. ఈ నెల 26న ఎన్నికల గుర్తులు కేటా యించడంతో ప్రచారంలో మరింత జోష్‌ వ చ్చింది. షెడ్యూల్‌కు ముందే ప్రధాన యూని యన్లు రీజి యన్‌ స్థాయిలో సర్వసభ్య సమావేశాలు నిర్వహించి కార్మికులను ఎన్నికలకు సన్నద్ధం చేశాయి. వరంగల్‌ రీజియన్‌లోని 9 ఆర్టీసీ డిపోలతోపాటు రీజినల్‌ మేనేజర్‌ కార్యాలయం, జోనల్‌ స్టాఫ్‌ ట్రైనింగ్‌ కళాశాలలో పనిచేస్తున్న ఉద్యోగులు, కార్మికులు ఓటర్లుగా ఉన్నారు. కార్మికశాఖ ఇప్పటికే డ్రాఫ్ట్‌ ఓటరు జాబితాను విడుదల చేసి ఈనెల 25వరకు అభ్యంతరాల ను స్వీకరించింది. ఓటరు జాబితాను త్వరలోప్రకటించనుంది. మంగళవారం (నేడు) న మూనా బ్యాలెట్‌ను కార్మికశాఖ జారీ చేయనుంది. 12 యూనియన్లు.. రెండు కూటములు.. గుర్తింపు ఎన్నికల బరిలో మొత్తం 12యూనియన్లు ఉన్నాయి. అయితే ప్రధానంగా రెండు కూటముల మధ్యే పోటీ నెలకొంది. తెలంగాణ ఆర్టీసీ వర్కర్స్‌ యూనియన్‌ (అశ్వత్థామరెడ్డి వర్గం), స్టాఫ్‌ అండ్‌ వర్కర్స్‌ ఫెడరేషన్‌ (ఎస్‌డబ్ల్యూఎఫ్‌) ఒక కూటమిగా బరిలో ఉన్నాయి. ఎంప్లాయీస్‌ యూనియన్‌, నేషనల్‌ మజ్దూర్‌ యూనియన్‌ (ఎన్‌ఎంయూ), తెలంగాణ మజ్దూర్‌ యూనియన్‌ (టీఎంయూ–థామస్‌రెడ్డి వర్గం) మరో కూటమిగా పోటీ చేస్తున్నాయి. పొత్తుల ప్రకారం ఎస్‌డబ్ల్యూఎఫ్‌ ఖమ్మం, నల్లగొండ రీజియన్లలో పోటీ చేస్తుండగా.. తెలంగాణ ఆర్టీసీ వర్కర్స్‌ యూనియన్‌ వరంగల్‌తో పాటు రాష్ట్రంలోని ఇతర రీజియన్లు, అనుబంధ వర్క్‌షాపులు, రాష్ట్రస్థాయిలో పోటీ చేస్తోంది. మరో కూటమిలో ఎన్‌ఎంయూ వరంగల్‌ రీజియన్‌లో పోటీ చేస్తుండగా.. మిగతా రీజియన్లలో టీఎంయూ బరిలో ఉంది. క్లాస్‌–3 రాష్ట్రస్థాయి పోటీలో ఎంప్లాయీస్‌ యూనియన్‌ పోటీ చేస్తోంది. రాష్ట్ర, రీజియన్‌స్థాయి.. రెండు ఓట్లు.. గుర్తింపు ఎన్నికల్లో ప్రతీ కార్మికుడు రెండు ఓట్లు వేయాల్సి ఉంటుంది. క్లాస్‌–3లో రాష్ట్రస్థాయికి, క్లాస్‌–6లో రీజియన్‌ స్థాయికి ఓటు వేయనున్నారు. దీంతో రాష్ట్రస్థాయి కూటముల ప్రచారంతో పాటు వరంగల్‌ రీజియన్‌లో స్థానిక యూని యన్ల ప్రచారం కూడా జోరందుకుంది.ఆర్టీసీ వర్కర్స్‌ యూనియన్‌కు టీపీసీసీ మద్దతు.. కాంగ్రెస్‌ పార్టీ అనుబంధంగా ఉన్న తెలంగాణ ఆర్టీసీ వర్కర్స్‌ యూనియన్‌కు టీపీసీసీ సంపూర్ణ మద్దతు ప్రకటించింది. ఎన్నికల సమన్వయం కోసం టీపీసీసీ ఉపాధ్యక్షుడు బొంతు రామ్మోహన్‌ను ఇన్‌చార్జిగా నియమించింది. పార్టీ నాయకులు, కార్యకర్తలు ఇతర యూనియన్లను ప్రోత్సహించకుండా తెలంగాణ ఆర్టీసీ వర్కర్స్‌ యూనియన్‌కు సహకరించాలని సూచించినట్లు పార్టీ వర్గాలు తెలిపాయి. ఆర్టీసీ గుర్తింపు ఎన్నికల్లో హోరాహోరీ పోరు ‘విల్లు–బాణం’ ‘కాగడ’ మధ్యే సవాల్‌ బరిలో 12 యూనియన్లు.. రెండు కూటములు.. నేడు నమూనా బ్యాలెట్‌ను జారీ చేయనున్న కార్మికశాఖ..ఇద్దరి మధ్యే ప్రధాన పోటీ.. వరంగల్‌ రీజియన్‌లో క్లాస్‌–6కు ప్రధాన పోటీ తెలంగాణ ఆర్టీసీ వర్కర్స్‌ యూనియన్‌, ఎన్‌ఎంయూ మధ్యే కనిపిస్తోంది. తెలంగాణ ఆర్టీసీ వర్కర్స్‌ యూనియన్‌ ‘విల్లు–బాణం’ గుర్తుతో, ఎన్‌ఎంయూ ‘కాగడ’ గుర్తుతో బరిలో ఉన్నాయి. దీంతో వరంగల్‌ రీజియన్‌లో ఈ రెండు యూనియన్లు కార్మికులను ఆకట్టుకునేందుకు ముమ్మరంగా ప్రచారం చేస్తున్నాయి.

జనగామ: ఆల్‌ ఇండియా న్యూ పెన్షన్‌ స్కీమ్‌ ఎంప్లాయీస్‌ ఫెడరేషన్‌(ఏఐఎన్‌ పీఎస్‌ఈఎఫ్‌) జాతీయ ప్రధాన కార్యదర్శిగా పౌరసరఫరాల శాఖ ఎన్‌న్‌ఫోర్స్‌మెంట్‌ డిప్యూటీ తహసీల్దార్‌ మాచన రఘునందన్‌న్‌ ఎంపికయ్యారు. ఈ మేరకు ఫెడరేషన్‌న్‌ జాతీయ అధ్యక్షుడు మంజీత్‌ సింగ్‌ పటేల్‌ తన నియామకాన్ని ప్రకటించినట్లు రఘునందన్‌ సోమవారం జిల్ల కేంద్రంలో మాట్లాడుతూ తెలిపారు. దేశ వ్యాప్తంగా ఉద్యోగులకు ఒకే పింఛను విధానం అమలు చేయాలన్నదే తమ ప్రధాన డిమాండ్‌ అని పేర్కొన్నారు. జాతీయ ప్రధాన కార్యదర్శి బాధ్యతలతో పాటు దక్షిణ భారత ఇన్‌చార్జిగా కూడా రఘునందనన్‌్‌ కొనసాగనున్నారు.

జనగామ రూరల్‌: యువ వికాసం పథకం అమలు దిశగా అడుగులు పడుతున్నాయి. నవంబరు 19 నుంచి రాజీవ్‌ యువవికాసం పథకం స్వయం ఉపాధి యూనిట్లకు ఆర్థిక సహాయం అందించేలా చర్యలు చేపట్టాలని రాష్ట్ర ఆర్థిక మంత్రి భట్టివిక్రమార్క అధికారులను ఆదేశించడంతో పథకం అమలుపై ఆశలు చిగురిస్తున్నాయి. యువతకు స్వయం ఉపాధి కల్పించాలన్న లక్ష్యంతో ప్రభుత్వం రూపొందించిన యువ వికాసం పథకం లబ్ధికి 17 నెలలుగా దరఖాస్తుదారులు నిరీక్షిస్తున్నారు. ఏప్రిల్‌ 2025లో పథకం అమలుకు అధికారులు జిల్లావ్యాప్తంగా దరఖాస్తులను స్వీకరించారు. 30 వేలకుపైగా వినతులు అందాయి. వాటి పరిశీలన పూర్తయినా నేటికీ దరఖాస్తుదారులకు పథకం లబ్ధిచేకూరలేదు. దరఖాస్తులను కలెక్టర్‌ సమక్షంలో పారదర్శకంగా పరిశీలించి లబ్ధిదారులను ఎంపిక చేయాలని మంత్రి ఆదేశించడంతో నిరుద్యోగులు ఉపాధికి భరోసా లభించనుంది. రాయితీ ఇలా.. ప్రభుత్వం దరఖాస్తుదారులకు రూ.50 వేల నుంచి రూ.5 లక్షల వరకు రాయితీతో కూడిన రుణం అందించనుంది. రూ.50 వేల యూనిట్‌కు పూర్తిగా వంద శాతం లబ్ధి చేకూర్చనున్నారు. రూ.లక్ష యూనిట్‌కు 90 శాతం రాయితీ, రూ.2 లక్షల యూనిట్‌కు 80 శాతం రాయితీ, రూ. 4లక్షల యూనిట్‌కు 70 శాతం రాయితీ, రూ.5 లక్షల యూనిట్‌కు 60 శాతం రాయితీ కల్పించనున్నారు. పథకం లబ్ధి పొందేందుకు బీసీ సామాజిక వర్గ నిరుద్యోగులు అత్యధికంగా దరఖాస్తు చేసుకున్నారు. పథకం రుణంలో అత్యధికంగా రాయితీ ఉండటంతో సునాయాసంగా బ్యాంకులు రుణాలు మంజూరు చేసే అవకాశం ఉంది. పారదర్శకంగా ఎంపిక చేయాలి యువ వికాసం పథకం కింద దరఖాస్తు చేసుకున్న అర్హత గల లబ్ధిదారులకే వర్తింపజేయాలి. ఎలాంటి పైరవీలకు తావులేకుండా ఎంపిక ప్రక్రియ చేపట్టాలి. గ్రామసభల ద్వారా లబ్ధిదారులకు యూనిట్లు అందజేయాలి. –ఎల్లబోయిన హరీశ్‌, జిల్లా అధ్యక్షుడు, బీజేవైఎం 95 328 యూనిట్లు దరఖాస్తులు రాజీవ్‌ యువ వికాసం పథకం అమలుకు సన్నద్ధం నవంబర్‌లో ప్రారంభిస్తామని ప్రకటించిన ప్రభుత్వం నిరుద్యోగుల్లో చిగురిస్తున్న ఆశలు 17నెలలుగా ఎదురుచూపులుఎంపీడీఓల పర్యవేక్షణలో.. ఎంపీడీఓల పర్యవేక్షణలో లబ్ధిదారుల ఎంపిక ప్రక్రియ చేపట్టనున్నారు. ఇందులో బ్యాంకర్లను కూడా భాగస్వాములను చేస్తున్నారు. అయితే బ్యాంక్‌ సిబిల్‌ స్కోర్‌ను పరిగణలోకి తీసుకున్నట్లు తెలిసింది. ఎంపిక ప్రక్రియలో ఎవరి ప్రమేయం లేకుండా పారదర్శకంగా చేపట్టేలా కలెక్టర్‌ సందీప్‌ కుమార్‌ ఝా ప్రత్యేక చర్యలు చేపట్టారు. దరఖాస్తుల వివరాలు ఇలా..

● నెహ్రూ పార్క్‌ నుంచి కలెక్టరేట్‌ వరకు ర్యాలీ, ధర్నా ● డీసీసీ అధ్యక్షురాలు ధన్వంతిజనగామ: ఓట్ల చోరీ వ్యవహారం, ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌)పై కేంద్ర ఎన్నికల సంఘం తీరును నిరసిస్తూ కాంగ్రెస్‌ పార్టీ ఆధ్వర్యంలో ఈనెల 28న (సోమవారం) జిల్లా కేంద్రంలో భారీ నిరసన కార్యక్రమం నిర్వహించనున్నట్లు డీసీసీ అధ్యక్షురాలు ధన్వంతి తెలిపారు. ఆదివారం డీసీసీ కార్యాలయంలో ఏ ర్పాటు చేసిన విలేకరుల సమావేశంలో ఆమె మాట్లాడారు.. ఉదయం 10 గంటలకు నెహ్రూ పార్క్‌ నుంచి కలెక్టర్‌ కార్యాలయం వరకు ర్యాలీ నిర్వహించి, కలెక్టరేట్‌ ఎదుట ధర్నా చేపట్టనున్నట్లు వెల్లడించారు. అనంతరం కలెక్టర్‌కు వినతిపత్రం అందజేస్తామని తెలిపారు. కేంద్ర ఎన్నికల సంఘం ప్రధాన ఎన్నికల కమిషనర్‌ జ్ఞానేష్‌ కుమార్‌ రాజీనామా చేయాలని, ఎస్‌ఐఆర్‌ ప్రక్రియలో పూర్తి పారదర్శకత పాటించాలని డిమాండ్‌ చేశారు. వైటీడీఏ సభ్యుడు డాక్టర్‌ లక్ష్మీనారాయణ నాయక్‌ మాట్లాడుతూ.. డీసీసీ అధ్యక్షురాలు ధన్వంతి ఆధ్వర్యంలో ఎంపీ చామల కిరణ్‌కుమార్‌రెడ్డి, ఎంపీ కడియం కావ్య, స్టేషన్‌ ఘన్‌పూర్‌ ఎమ్మెల్యే కడియం శ్రీహ రి, పాలకుర్తి ఎమ్మెల్యే యశస్వినిరెడ్డి, జనగామ నియోజకవర్గ ఇన్‌చార్జ్‌ కొమ్మూరి ప్రతాప్‌రెడ్డి, హనుమాండ్ల ఝాన్సీరెడ్డి నాయకత్వంలో కార్యక్రమం నిర్వహించనున్నట్లు తెలిపారు. మారుజోడు రాంబా బు, లింగాల జగదీష్‌చందర్‌రెడ్డి, లోకుంట్ల ప్రవీణ్‌, బోనాసి క్రాంతి, జాయ మల్లేష్‌, మహేందర్‌రెడ్డి, చింతకింది మల్లేష్‌, శ్రవణ్‌బాబు, శ్రీనివాస్‌, మహేష్‌, కోట నాయక్‌, జనార్దన్‌, ప్రవీణ్‌, దామోదర్‌రెడ్డి, బాల్దె శ్రీశైలం, నర్సింహులు పాల్గొన్నారు.

సాక్షిప్రతినిధి, వరంగల్‌: పట్టభద్రుల ఎమ్మెల్సీ ఎన్నికలకు సమయం దగ్గరపడుతుండడంతో రాజకీయ పార్టీలు అప్రమత్తమవుతున్నాయి. వరంగల్‌–ఖమ్మం–నల్లగొండ నియోజకవర్గంపై పట్టు సాధించేందుకు కాంగ్రెస్‌, బీఆర్‌ఎస్‌, బీజేపీ ఇప్పటి నుంచే కసరత్తు చేస్తున్నాయి. మరోవైపు ఎన్నికల సంఘం ఓటర్ల నమోదు ప్రక్రియకు షెడ్యూల్‌ ప్రకటించడంతో పార్టీలు ఆ పనిలో నిమగ్నమవుతున్నాయి. ఓటర్లను పెంచుకోవడం, తమకు అనుకూలమైన, గెలిచే అవకాశమున్న అభ్యర్థిని బరిలోకి దించడం లక్ష్యంగా పావులు కదుపుతున్నాయి. దీంతో ఉమ్మడి వరంగల్‌ రాజకీయాల్లో ఎమ్మెల్సీ ఎన్నికల సందడి మొదలైంది. ఓటర్ల జాబితా తయారీకి షెడ్యూల్‌ పట్టభద్రుల ఓటర్ల జాబితా తయారీకి ఎన్నికల సంఘం షెడ్యూల్‌ ప్రకటించింది. సోమవారం ఓటర్ల నమోదుకు నోటీసు వెలువడనుంది. నవంబర్‌ 6 వరకు ఓటరు నమోదుకు అవకాశం కల్పించింది. నవంబర్‌ 25న ముసాయిదా జాబితా, డిసెంబర్‌ 30న తుది జాబితా ప్రకటించనుంది. దీంతో అర్హులైన పట్టభద్రులను గుర్తించి ఓటర్లుగా నమోదు చేయించేందుకు పార్టీలు సిద్ధమవుతున్నాయి. గతంలో ఓటు ఉన్నవారు కూడా కొత్తగా దరఖాస్తు చేసుకోవాల్సి ఉండడంతో ప్రధాన పార్టీలు ఈ ప్రక్రియపై ప్రత్యేకంగా దృష్టి సారిస్తున్నాయి. కాంగ్రెస్‌లో టికెట్‌ ఫైట్‌! అధికార కాంగ్రెస్‌లో ఎమ్మెల్సీ టికెట్‌ కోసం ఆశావహులు ప్రయత్నాలు ముమ్మరం చేస్తున్నారు. గుత్తా అమిత్‌రెడ్డి, రాంరెడ్డి సర్వోత్తమ్‌రెడ్డి, పీవీ శ్రీనివాస్‌, చనగాని దయాకర్‌, టూరిజం కార్పొరేషన్‌ చైర్మన్‌ పటేల్‌ రమేశ్‌రెడ్డి, సింగాపురం ఇందిర పేర్లు అధిష్టానం పరిశీలనలో ఉన్నట్లు ప్రచారం జరుగుతోంది. వరంగల్‌, నల్లగొండ, ఖమ్మం జిల్లాల నుంచి మరికొందరు నేతలు కూడా అవకాశం కోసం ప్రయత్నిస్తున్నట్లు సమాచారం. అయితే అధిష్టానం ఎవరికి అవకాశం ఇస్తుందనేది ఆసక్తికరంగా మారింది. బీఆర్‌ఎస్‌ గురి.. గత ఎన్నికల్లో కోల్పోయిన స్థానాన్ని తిరిగి దక్కించుకోవాలని బీఆర్‌ఎస్‌ భావిస్తోంది. ఆ పార్టీ నుంచి ఏనుగుల రాకేశ్‌రెడ్డి పేరు ప్రధానంగా వినిపిస్తోంది. ఇప్పటికే ఆయన ఎమ్మెల్సీ నియోజకవర్గం పరిధిలో రౌండ్‌టేబుల్‌ సమావేశాలు నిర్వహిస్తున్నారు. పట్టభద్రులు, నిరుద్యోగులు, ఉద్యోగులతో సంబంధాలు పెంచుకోవడంపై పార్టీ అధిష్టానం సైతం దృష్టి సారిస్తున్నట్లు తెలుస్తోంది. అభ్యర్థి ఎంపికతో పాటు ఓటర్ల నమోదు కూడా కీలకం కానుంది. బీజేపీ కసరత్తు పట్టభద్రుల నియోజకవర్గంలో తమ బలాన్ని పెంచుకునేందుకు బీజేపీ కూడా సిద్ధమవుతోంది. గత ఎన్నికల్లో ఆ పార్టీ సీనియర్‌ గుజ్జుల ప్రేమేందర్‌ రెడ్డి రెండుసార్లు వరుస ఓటమికి గురైన విషయం తెలిసిందే. ఈ నేపథ్యంలో ఆయన మూడోసారి టికెట్‌ ఆశిస్తున్నా పార్టీ నాయకత్వం గెలుపు గుర్రాలపై దృష్టి పెట్టినట్లు పార్టీవర్గాల సమాచారం. ఎస్‌.ప్రకాశ్‌రెడ్డి, జి.మనోహర్‌రెడ్డి, నూకల నర్సిరెడ్డి, రాణి రుద్రమ, కాసం వెంకటేశ్వర్లు తదితరుల పేర్లు వినిపిస్తున్నాయి. అయితే అభ్యర్థి ఎవరనేది ఇంకా స్పష్టత రావాల్సి ఉంది. నిరుద్యోగమే ప్రధాన అస్త్రం.. ఈ ఎన్నికలో నిరుద్యోగ సమస్య, ఉద్యోగాల భర్తీ, ప్రభుత్వ శాఖల్లో ఖాళీలు, ఉద్యోగుల సమస్యలు ప్రధాన చర్చకు వచ్చే అవకాశం ఉంది. పట్టభద్రుల సమస్యలపై ఎవరు గట్టిగా మాట్లాడతారు? ఎవరు వారి మద్దతు కూడగడతారు? అనేది కీలకం కానుంది. కాగా, ఉమ్మడి వరంగల్‌ ఆరు జిల్లాల్లో పట్టభద్రుల ఓటర్ల నమోదు, ప్రచార కార్యక్రమాలపై ప్రధాన పార్టీలు నేటి నుంచి దృష్టి పెట్టనున్నాయి. ఓటర్ల జాబితాలో కొత్తగా ఎంతమంది చేరతారు? అభ్యర్థుల ఎంపికలో ఎలాంటి సమీకరణాలు తెరపైకి వస్తాయి? అనే అంశాలపై రాజకీయ వర్గాల్లో జోరుగా చర్చ సాగుతోంది. ఎమ్మెల్సీ పట్టభద్రుల ఎన్నికలపై మూడు పార్టీల గురి గెలుపు గుర్రాల వేటలో కాంగ్రెస్‌, బీఆర్‌ఎస్‌, బీజేపీ టికెట్‌ కోసం ఆశావహుల ప్రయత్నాలు నిరుద్యోగం, ఉద్యోగాలే ప్రధాన అస్త్రాలు నేడు ఓటర్ల నమోదుకు ఈసీ నోటీసుకార్యక్రమం తేదీ ఓటర్ల నమోదుకు నోటీసు సెప్టెంబర్‌ 28, 2026 పత్రికల్లో పునఃప్రకటన అక్టోబర్‌ 15, 25 అర్హత తేదీ నవంబర్‌ 1 దరఖాస్తుల స్వీకరణకు చివరి తేదీ నవంబర్‌ 6 ముసాయిదా ఓటర్ల జాబితా నవంబర్‌ 25 అభ్యంతరాలు, క్లెయిమ్‌ల స్వీకరణ నవంబర్‌ 25–డిసెంబర్‌ 10 తుది ఓటర్ల జాబితా డిసెంబర్‌ 30

జనగామ రూరల్‌: సామాజిక న్యాయం, వెనుకబడిన వర్గాల అభ్యున్నతి, ప్రజాసేవకు జీవి తాన్ని అంకితం చేసిన మహనీయుడు కొండా లక్ష్మణ్‌ బాపూజీ అని, ఆయన ఆశయాలు సమసమాజ నిర్మాణానికి స్ఫూర్తిదాయకమని కలెక్టర్‌ సందీప్‌ కుమార్‌ ఝా కొనియాడారు. ఆది వారం కలెక్టరేట్‌లోని జిల్లా వెనుకబడిన తరగతుల శాఖ ఆధ్వర్యంలో కొండా లక్ష్మణ్‌ బాపూజీ 111వ జయంతి సందర్భంగా కలెక్టర్‌ బాపూజీ చిత్రపటానికి పూలమాల వేసి ఘనంగా నివాళులర్పించారు. ఈ సందర్భంగా కలెక్టర్‌ మాట్లాడుతూ.. ప్రజల హక్కులు, సామాజిక న్యాయం కోసం బాపూజీ చూపిన మార్గం నేటి తరానికి ఆదర్శప్రాయమని అన్నారు. కార్యక్రమంలో అదనపు కలెక్టర్‌ బెన్‌షాలోమ్‌, ఆర్టీఏ సభ్యులు చిలువేరు అభిగౌడ్‌, కుల సంఘాల ప్ర తినిధులు, సభ్యులు, అధికారులు పాల్గొన్నారు. ప్రశాంతంగా వైద్య ఆరోగ్యశాఖ ఉద్యోగాల రాతపరీక్ష జనగామ రూరల్‌: జిల్లాలో వైద్య ఆరోగ్య శాఖలో వివిధ కేటగిరీల్లో పోస్టుల భర్తీకి కలెక్టరేట్‌ ఆదివారం కలెక్టర్‌ సందీప్‌ కుమార్‌ ఝా పర్యవేక్షణలో రాత పరీక్షను ప్రశాంతంగా నిర్వహించారు. 11 పోస్టులకు గాను 281 దరఖాస్తులు రాగా 233 మంది అభ్యర్థులు పరీక్షకు హాజరయ్యారు. ఫిజీషియన్‌ 1 పోస్టుకు గాను, మొత్తం 12 దరఖాస్తులు రాగా, 7 మంది అభ్యర్థులు పరీక్షకు హాజరయ్యారు. ఎంఎల్‌హెపీ 6 పోస్టులకు గాను,166 దరఖాస్తులు రాగా,130 మంది అభ్యర్థులు పరీక్షకు హాజరయ్యారు. ల్యాబ్‌ టెక్నీషియన్‌ 2 పోస్టులకు 96 దరఖాస్తులు రాగా, 90మంది అభ్యర్థులు పరీక్షకు హాజరయ్యారు. సైకియాట్రిస్ట్‌ 1 పోస్టుకు ఒక అభ్యర్థి దరఖాస్తు చేసుకోగా గైర్హాజరయ్యారు. ఆప్తాల్మిక్‌ అసిస్టెంట్‌ 1 పోస్టుకు గాను 6 దరఖాస్తులు రాగా, 6 మంది అభ్యర్థులు పరీక్షకు హాజరయ్యారు. అదనపు కలెక్టర్‌ బెన్‌షాలోమ్‌, ఉపాధి శాఖ అధికారి కుమారస్వామి పాల్గొన్నారు. బతుకమ్మతల్లి విగ్రహ నిర్మాణానికి భూమి పూజ జఫర్‌గఢ్‌: మండలంలోని సాగరం గ్రామంలో నూతనంగా చేపడుతున్న బతుకమ్మ తల్లి విగ్రహ నిర్మాణానికి భూమి ఆదివారం భూమి పూజ చేశారు. గ్రామానికి చెందిన పిన్నింటి అనిత చంద్రశేఖర్‌ దంపతులు బతుకమ్మ తల్లి విగ్రహ నిర్మాణానికి రూ.2.50 లక్షల విరాళంగా అందజేయగా సర్పంచ్‌ తాటికాయల మమత చేతన్‌ చేతుల మీదుగా భూమి పూజ చేసి పనులను ప్రారంభించారు. కాగా విగ్రహ దాత చంద్రశేఖర్‌ దంపతులను గ్రామస్తులు అభినందనలు తెలిపారు. కార్యక్రమంలో ఉప సర్పంచ్‌ సుమన్‌, వరికెల మహేశ్వర్‌రావు, కత్తుల కుమారస్వామి, గ్రామస్తులు పాల్గొన్నారు. డబుల్‌ బెడ్రూం వాసులకు న్యాయం చేయాలి జనగామ రూరల్‌: మూడో విడత డబుల్‌ బెడ్రూం ఇళ్లలో నివాసం ఉంటున్న పేదలకు న్యాయం చేయాలని సీపీఎం జిల్లా కార్యదర్శి మోకు కనకారెడ్డి డిమాండ్‌ చేశారు. ఆదివారం పట్టణ కమిటీ ఆధ్వర్యంలో చౌరస్తాలోని అంబేద్కర్‌ విగ్రహం దగ్గర నిరసన కార్యక్రమం చేపట్టారు. ఈసందర్భంగా ఆయన మాట్లాడుతూ.. పట్టణంలో మూడో విడత ఇళ్ల స్థలాలు కోల్పోయిన వారికి గత ప్రభుత్వం 72 మందికి డబుల్‌ బెడ్రూం ఇళ్లను డ్రా ద్వారా కేటాయించారన్నారు. గత ప్రభుత్వం ఇచ్చినవి చెల్లవని కాంగ్రెస్‌ ప్రభుత్వం నివాసం ఉంటున్న పేదల ఇల్లు కూడా డ్రా తీసి ఇతరులకు కేటాయించారని, దీంతో పేదల మధ్య ఘర్షణ జరిగే అవకాశం ఉందన్నారు. జిల్లా ఇన్‌చార్జ్‌ మంత్రి పొంగులేటి శ్రీనివాస్‌ రెడ్డి చొరవ తీసుకోవాలన్నారు. కార్యక్రమంలో బాల్నే వెంకట మల్లయ్య, కళ్యాణం లింగం, పాము శ్రీకాంత్‌ పగిడిపల్లి బాలమణి, ఎర్ర రజిత, మునిసిపట్ల జయ, మాదాసి సుధాకర్‌, గంపల సురేష్‌, కొమ్మ గళ్ళ ఎల్లయ్య తదితరులు పాల్గొన్నారు.

కాశిబుగ్గ: హైదరాబాద్‌లోని రవీంద్రభారతిలో ఆదివారం నిర్వహించిన ఆచార్య కొండా లక్ష్మణ్‌ బాపూజీ జయంతి వేడుకల్లో వరంగల్‌ కొత్తవాడలో తయారు చేసిన దర్రీస్‌లను రాష్ట్ర మంత్రులకు బహూకరించారు. జయంతి వేడుకలకు ఉమ్మడి వరంగల్‌ జిల్లా పరిధిలోని చేనేత సహకార సంఘాలు అధ్యక్షులు, కార్యవర్గ సభ్యులు, చేనేత కార్మికులు, పద్మశాలి సంఘాల నుంచి వంద మందికి పైగా తరలివెళ్లారు. ఈ సందర్భంగా బీసీ సంక్షేమశాఖ మంత్రి పొన్నం ప్రభాకర్‌, కార్మిక శాఖమంత్రి గడ్డం వివేక్‌ వెంకటస్వామికి చేనేత దర్రీస్‌లను అందజేశారు. చేనేత సంఘం ప్రతినిధులు చిప్ప వెంకటేశ్వర్లు, ఝెలుగం సాంబయ్య ఆధ్వర్యంలో ఉమ్మడి జిల్లా నుంచి అడిగొప్పుల సంపత్‌, దువ్వల రాజేందర్‌, ఎలగం రావిరాజ్‌, ఝెలుగం వెంకటమల్లు, చిన్న వీరస్వామి, వలుస లక్ష్మీనారాయణ, కూరపాటి సంపత్‌, బూర వేణుమాధవ్‌, ఓం ప్రకాశ్‌, మాటేటి రాములు, శ్రీనివాస్‌ తదితరులు పాల్గొన్నారు.

జఫర్‌గఢ్‌: రాష్ట్ర ప్రభుత్వం ఎంతో ప్రతిష్ఠాత్మకంగా చేపట్టిన ఇంటిగ్రేటెడ్‌ స్కేల్‌ నిర్మాణ పనులు శరవేగంగా సాగుతున్నాయి. ఇప్పటికే నిర్మాణ పనులు బేస్‌మెంట్‌ వరకు చేరుకున్నాయి. గురుకుల విద్యా విధానంలో విప్లవాత్మక మార్పును తీసుకొచ్చేందుకు గాను ఒకేచోట పేద విద్యార్థులకు విద్యా బోధన చేసేందుకు రాష్ట్ర ప్రభుత్వం యంగ్‌ ఇండియా ఇంటిగ్రేటెడ్‌ రెసిడెన్షియల్‌ పాఠశాలల నిర్మాణ పనులకు శ్రీకారం చుట్టింది. ఇందులో భాగంగా రూ.200 కోట్ల వ్యయంతో మండలంలోని కోనాయిచలం గ్రామ రెవెన్యూ పరిధిలోని స్టేషన్‌ఘన్‌పూర్‌కు వెళ్లే ప్రధాన రహదారిలో ఉన్న 21 ఎకరాల ప్రభుత్వ స్థలంలో పాఠశాలల భవన సముదాయ నిర్మాణ పనులు చేపడుతున్నారు. ఈ పనుల నిర్మాణానికి గాను గతేడాది మార్చి 16న సీఎం రేవంత్‌రెడ్డి స్టేషన్‌ఘన్‌పూర్‌ నియోజకవర్గ కేంద్రంలో వర్చువల్‌గా శంకుస్థాపన చేయగా ఈ ఏడాది ఫిబ్రవరి 10న ఎంపీ కావ్యతో కలసి ఎమ్మెల్యే కడియం భూమిపూజ చేసి పనులు ప్రారంభించారు. అన్ని వర్గాలకు ఒకేచోట.. ఎస్సీ, ఎస్టీ, బీసీ, మైనార్టీలకు సంబంధించిన నాలుగు గురుకులాల పాఠశాల విద్యార్థులు ఒకే చోట కలిసి చదువుకునే అవకాశం లభించనుంది. పేద వర్గాలకు చెందిన విద్యార్థులు అంతర్జాతీయ స్థాయి ప్రమాణాలతో కూడిన నాణ్యమైన విద్యా బోధనతో పాటు ఆధునిక మౌలిక వసతులు కల్పించనున్నారు. ఈ భవన నిర్మాణ పనులు 18 నెలల్లోగా పూర్తి చేసేందుకు ప్రభుత్వం గడువు విధించింది. పనులు ప్రారంభించిన నాటి నుంచి నిర్మాణ పనులు శరవేగంగా సాగుతున్నాయి. ఈ భవన నిర్మాణ పనులు పూర్తయితే 2,560 మంది విద్యార్థులు ఒకే ప్రాంగణంలో ఉండి 5వ తరగతి నుంచి ఇంటర్‌ వరకు చదువుకునే అవకాశం కలగనుంది. బేస్‌మెంట్‌ దశ పూర్తి.. ఇప్పటికే భవన నిర్మాణ పనులు బేస్‌మెంట్‌ దశ పూర్తి అయ్యింది. కొద్దిరోజుల క్రితం మొరం విషయంలో పనులు నిలిచిపోగా ఎమ్మెల్యే కడియం శ్రీహరి ప్రత్యేక చొరవ తీసుకోని కలెక్టర్‌తో మాట్లాడి సదరు కాంట్రాక్టర్‌ ద్వారా ప్రభుత్వానికి డీడీలు కట్టించడంతో తిరిగి నిర్మాణ పనులు మళ్లీ ఊపందుకున్నాయి. నిర్మాణ పనులు త్వరతగతిన చేపట్టేందుకు సదరు కాంట్రాక్టర్‌ భవన నిర్మాణ కార్మికులకు పనిచేసే చోటనే ప్రత్యేక షెడ్డులను ఏర్పాటు చేయడంతో రాత్రింబవళ్లు పనులు ముమ్మరంగా సాగతున్నాయి. స్కూల్‌ నిర్మాణం కోసం రూ.200 కోట్ల కేటాయింపు బేస్‌మెంట్‌ లెవల్‌ వరకు పూర్తయిన పనులు పేద విద్యార్థులకు అంతర్జాతీయ ప్రమాణాలతో విద్య

ఎస్‌ఎస్‌ తాడ్వాయి: మేడారం సమ్మక్క–సారలమ్మను దర్శించుకునేందుకు ఆదివారం భక్తులు వేలాదిగా తరలివచ్చారు. వివిధ ప్రాంతాలకు చెందిన భక్తులు ప్రైవేట్‌ వాహనాల్లో మేడారానికి చేరుకుని జంపన్నవాగులో పుణ్యస్నానాలు ఆచరించారు. కల్యాణకట్టలో భక్తులు అమ్మవార్లకు పుట్టు వెంట్రుకలు సమర్పించుకున్నారు. అనంతరం గద్దెల వద్ద పసుపు, కుంకుమ, చీరసారె, ఎత్తు బంగారం, ఒడి బియ్యం, కానుకలు సమర్పించి మొక్కులు చెల్లించుకున్నారు. యాటలను, కోళ్లను మొక్కుగా సమర్పించారు. అనంతరం వంటావార్పు చేసుకుని సహపంక్తి భోజనాలు చేశారు.

● వచ్చేనెల నుంచి కఠినంగా అమలు ● కొత్త గ్యాస్‌ కనెక్షన్లకు ఎదురుచూపులు ● జిల్లా వ్యాప్తంగా 1,60,016 కనెక్షన్లుజనగామ రూరల్‌: ఎల్పీజీ గ్యాస్‌ వినియోగదారులు ఈకేవైసీకి చేసుకోవడానికి గతంలో మూడు నెలల పాటు అవకాశం కల్పించారు. దీన్ని దృష్టిలో పెట్టుకుని వచ్చే నెల నుంచి ఈకేవైసీ అమలు చేసేందుకు అధికారులు కఠినంగా ప్రణాళిక సిద్ధం చేశారు. సబ్సిడీ గ్యాస్‌ సిలిండర్లు పక్కదారి పడుతున్నాయని గుర్తించిన కేంద్ర ప్రభుత్వం అక్రమాలను అరికట్టేందుకు కేంద్రం ఈకేవైసీని అమలు చేయాలని తీర్మానించింది. ఇందులో భాగంగా మూడు నెలలుగా లబ్ధిదారులకు సూచనలు చేస్తుండగా, కొంతమంది లబ్ధిదారుల్లో స్పందన కరువైంది. తెల్ల రేషన్‌కార్డు కలిగిన నిరుపేదలకు మహాలక్ష్మి పథకం రూ.500కే గ్యాస్‌ సిలిండర్‌ ఇస్తామని ఎన్నికల హామీలో భాగంగా కాంగ్రెస్‌ ప్రకటించిన సంగతి తెలిసిందే. అలాగే కేంద్ర ప్రభుత్వం సైతం ఉజ్వల పథకం కింద గ్యాస్‌ కనెక్షన్‌ పొందిన లబ్ధిదారులకు సబ్సిడీ అందిస్తోంది. ఇందుకోసం ఆన్‌లైన్‌లో తమ పూర్తి వివరాలు అందజేయాలని కొన్ని నెలలుగా ప్రభుత్వాలు ప్రకటనలు చేశాయి. గ్యాస్‌ వినియోగదారులు ఈ కేవైసీ చేసుకునేలా ఏజెన్సీలు ప్రోత్సహించాలని అధికారులు సూచిస్తున్నారు. జిల్లాలో పరిస్థితి. జిల్లాలో హెచ్‌పీ, భారత్‌, ఇండేన్‌ ఆయిల్‌ కంపెనీలకు చెందిన గ్యాస్‌ కనెక్షన్లు మొత్తం 1,60,016 ఉండగా డిస్ట్రిబ్యూటింగ్‌ ఏజెన్సీలు 12 వరకు ఉన్నారు. 86,154 మంది జనరల్‌ కేటగిరీ కనెక్షన్లు పొందగా అందులో దీపం పథకం కింద కనెక్షన్ల్లు 41,222, ఉజ్వల కనెక్షన్లు 18,070, సీఎస్‌ఆర్‌ కింద 14,570 కనెక్షన్ల్లు అందజేశారు. అంతేగాకుండా హెచ్‌పీ గ్యాస్‌ దాదాపు 30వేలు, భారత్‌ 60 వేలు, ఇండేన్‌ 70వేలు కనెక్షన్లు ఉన్నాయి. పట్టణ పరిధిలో వినియోగదారులు 21 రోజులు, గ్రామీణ ప్రాంతంలో 45 రోజుల అంతరంతో సిలిండర్లను బుకింగ్‌ చేసుకునేలా నిబంధనలు మార్చడంతో వినియోగదారులకు ఇబ్బందులు తప్పడంలేదు. ఎదురుచూస్తున్న ప్రజలు గతేడాది జిల్లాలో దాదాపు 15వేల మంది కొత్త రేషన్‌కార్డులు పొందారు. వారిలో అధిక మంది నూతన గ్యాస్‌ కనెక్షన్ల కోసం నిరీక్షిస్తున్నారు. మహాలక్ష్మి పథకం కింద వేల కుటుంబాలు రూ.500కు రాయితీ సిలిండర్‌ తీసుకుంటున్నారు. ఈ పథకానికి రేషన్‌ కార్డును ప్రామాణికంగా తీసుకున్నారు. కొత్త గ్యాస్‌ కనెక్షన్ల్లు మంజూరు నిలిచిపోవడంతో నూతన కార్డుదారులకు మహాలక్ష్మి పథకం ప్రయోజనం దక్కకుండా పోతోంది. దీపం పథకం కింద గ్యాస్‌ కనెక్షన్లు ఉన్నా లబ్ధిదారులు చనిపోతే వారి పేరిట ఉన్న కనెక్షన్లు వారి వారసుల పేరిట బదిలీ కావడం లేదు. నిబంధనలు కఠినతరం గ్యాస్‌ కనెక్షన్‌ ఉన్న లబ్ధిదారులు తప్పనిసరిగా ఈకేవైసీ చేసుకోవాలి. తుది గడువు ఏమిలేదని, లబ్ధిదారులు సంబంధిత ఏజెన్సీని సంప్రదించి చేయించుకోవాలి. రానున్న రోజుల్లో నిబంధనలు మరింత కఠినంగా ఉండనున్నాయి. సబ్సిడీకి ఈకేవైసీ తప్పనిసరి. అలాగే నూతనంగా రేషన్‌ కార్డు పొందిన లబ్ధిదారులు కొత్త కనెక్షన్ల జారీకి ఇంకా ఎలాంటి నిబంధనలు రాలేదు. –సురేష్‌ రెడ్డి, డీసీఎస్‌ఓ

● ఎమ్మెల్యే కడియం శ్రీహరి రఘునాథపల్లి: భారీ నీటిపారుదల శాఖ మంత్రిగా 24 యేళ్ల క్రితం తాను నాటిన దేవాదుల అనే మొక్క ఇప్పుడు మహా వృక్షమై వేలాది ఎకరాలకు సాగు, అనేక గ్రామాలకు తాగునీరు అందిస్తోందని ఎమ్మెల్యే కడియం శ్రీహరి అన్నారు. ఆదివారం మండలంలోని లక్ష్మితండా, ఇబ్రహీంపూర్‌, ఫతేషాపూర్‌లో రూ 2.45 కోట్ల విద్యుత్‌ సబ్‌స్టేషన్‌, రూ.51లక్షలతో సీసీ రోడ్లు, నూతనంగా నిర్మించిన ఇందిరమ్మ ఇళ్లను ఎమ్మెల్యే అధికారులు, ప్రజాప్రతినిదులు, కాంగ్రెస్‌ నాయకులతో కలిసి ప్రారంభించారు, అనంతరం ఇబ్రహీంపూర్‌లో సర్పంచ్‌ పోకల శ్రీనివాస్‌ అధ్యక్షతన జరిగిన సమావేశంలో ఎమ్మెల్యే మాట్లాడుతూ.. చీటకోడూర్‌, ఆలేరు కెనాల్‌లకు షట్టర్లు ఏర్పాటు చేసి యేటా ఫతేషాపూర్‌, ఇబ్రహీంపూర్‌ చెరువులు నింపేలా చర్యలు తీసుకుంటా అన్నారు. గత ఎమ్మెల్యే పనులు, పథకాలు, పార్టీ పదవులకూ కమీషన్లు తీసుకుంటూ చిల్లర, చిచోర పనులు తప్ప, నియోజకవర్గం అభివృద్ధికి చేసిందేమి లేదని ఆరోపించారు. నియోజకవర్గంలో రూ.1,600 కోట్లతో అభివృద్ధి పనులు జరుగుతున్నాయని, అధికారం కోల్పోయామనే అక్కసుతో బీఆర్‌ఎస్‌, అధికారం ఆశతో బీజేపీ నిత్యం ప్రభుత్వంపై చౌకబారు విమర్శలు చేస్తున్నాయని విమర్శించారు. ఆయా కార్యక్రమాల్లో ట్రాన్స్‌కో ఎస్‌ఈ చెరుకు సంపత్‌రెడ్డి, డీఈలు లక్ష్మినారాయణరెడ్డి, విజయ్‌కుమార్‌, ఈఈ అనూప్‌కుమార్‌, ఏడీఈలు స్వామిరెడ్డి, ముంతాజ్‌ హుస్సేన్‌, సుధాకర్‌, ఎంపీడీఓ కావ్య శ్రీనివాసన్‌, పీఆర్‌ డీఈ కిరణ్‌కుమార్‌, జిల్లా గ్రంథాలయ చైర్మన్‌ మారుజోడు రాంబాబు, కాంగ్రెస్‌ జిల్లా ఉపాధ్యక్షుడు లింగాల జగదీష్‌చందర్‌రెడ్డి, మండల అధ్యక్షుడు గాదె మహేందర్‌రెడ్డి, సర్పంచ్‌లు సుజాతసత్యనారాయణ, పయ్యావుల రవి, బొమ్మ వీరస్వామి, ఉప సర్పంచ్‌లు, ప్రజాప్రతినిధులు, నాయకులు పాల్గొన్నారు.

తాము చదువుకోలేక ఎదుర్కొన్న కష్టాలు తమ బిడ్డ పడకూడదని ఆ తల్లిదండ్రులు అనుకున్నారు. తాము చిందించిన ప్రతీ చెమట చుక్కను కూతుళ్ల భవిష్యత్తుకు పునాదిగా మార్చారు. మరికొందరు తల్లిదండ్రులు కొడుకు లేడని బాధపడలేదు. కూతుళ్లనే కుమారులుగా భావిస్తూ ఉన్నతస్థానాలకు వెళ్లాలని ఆశపడ్డారు. వారి నమ్మకాన్ని కూతుళ్లు నిలబెట్టారు. ఉన్నతస్థానాలకు ఎదిగి తల్లిదండ్రుల పేరు నిలబెట్టారు. నేడు (ఆదివారం) కూతుళ్ల దినోత్సవం (డాటర్స్‌ డే) సందర్భంగా ఉమ్మడి వరంగల్‌ జిల్లాలో తల్లిదండ్రుల కల నెరవేర్చిన కూతుళ్లు, కూతుళ్ల కోసం కష్టపడిన తల్లిదండ్రులపై ప్రత్యేక కథనాలు. కమర్షియల్‌ టాక్స్‌లో అసిస్టెంట్‌ కమిషనర్‌గా..హన్మకొండ: జిల్లాలోని నర్మెట మండలం బొమ్మకూర్‌ తండాకు చెందిన గిరిజన రైతు నున్సావత్‌ హరిసింగ్‌–లత దంపతుల కుమార్తె దివ్య తన తండ్రి కోరికను నెరవేర్చారు. పూటగడవని పరిస్థితుల్లో తాను ఉన్నత స్థితికి చేరుకోవాలనే ఆశ నెరవేరలేదని కాంట్రాక్ట్‌ ఉద్యోగిగా పనిచేస్తున్నట్లు తరచూ తన కుమార్తెకు హరిసింగ్‌ చెబుతుండేవాడు. దీంతో తండ్రి ఆశయాలను నెరవేర్చాలనే దృఢ సంకల్పంతో కూతురు దివ్య గత ఏడాది గ్రూప్‌–1లో ర్యాంక్‌ సాధించి ప్రస్తుతం కమర్షియల్‌ టాక్స్‌ విభాగంలో అసిస్టెంట్‌ కమిషనర్‌గా హైదరాబాద్‌ మియాపూర్‌లో విధులు నిర్వహిస్తున్నారు ఆమె. దీంతో తల్లితండ్రులు తమ కూతురు సాధించిన విజయం చూసి గర్వపడుతున్నారు. కూతురును చూసి గర్వపడుతున్నాం..హన్మకొండ : నిన్నుచూసి మేము తల్లిదండ్రులుగా ఎంతో గర్వపడుతున్నాం. కూతురు సహనా రెడ్డి చిన్ననాటి జ్ఞాపకాలను నెమరు వేసుకుంటూ ఆనందం పొందుతున్నాం. విద్య అనేది భవిష్యత్‌ను మార్చే శక్తి అని ధృడంగా నమ్మి మా కూతురును చదివించాం. కాకతీయ యూనివర్సిటీలో బీటెక్‌ పూర్తి చేసి, ఇండియన్‌ స్కూల్‌ ఆఫ్‌ బిజినెస్‌ స్కూల్‌ ఎంబీఏ పూర్తి చేసింది. మా ఆనందం.. ఆశలకు ప్రతీక అయిన నీవు. భవిష్యత్‌లో మరిన్ని ఉన్నత శిఖరాలను అధిరోహించాలని, నేటి సమాజానికి మార్గదర్శకురాలిగా నిలవాలని కోరుకుంటున్నాం.– గోపు రేణుక–సమ్మిరెడ్డి, హనుమకొండ

తాము చదువుకోలేక ఎదుర్కొన్న కష్టాలు తమ బిడ్డ పడకూడదని ఆ తల్లిదండ్రులు అనుకున్నారు. తాము చిందించిన ప్రతీ చెమట చుక్కను కూతుళ్ల భవిష్యత్తుకు పునాదిగా మార్చారు. మరికొందరు తల్లిదండ్రులు కొడుకు లేడని బాధపడలేదు. కూతుళ్లనే కుమారులుగా భావిస్తూ ఉన్నతస్థానాలకు వెళ్లాలని ఆశపడ్డారు. వారి నమ్మకాన్ని కూతుళ్లు నిలబెట్టారు. ఉన్నతస్థానాలకు ఎదిగి తల్లిదండ్రుల పేరు నిలబెట్టారు. నేడు (ఆదివారం) కూతుళ్ల దినోత్సవం (డాటర్స్‌ డే) సందర్భంగా ఉమ్మడి వరంగల్‌ జిల్లాలో తల్లిదండ్రుల కల నెరవేర్చిన కూతుళ్లు, కూతుళ్ల కోసం కష్టపడిన తల్లిదండ్రులపై ప్రత్యేక కథనాలు.కన్నవారి కలలు ఫలించాయిజనగామ జిల్లా: జిల్లాలోని రఘునాథపల్లికి చెందిన నోముల పార్వతి–యాకయ్యది వ్యవసాయాధార కుటుంబం. సమాజంలో విద్య లేకపోతే ఎదురయ్యే ఇబ్బందులను స్వయంగా అనుభవించిన ఆ దంపతులు కూతురిని సమాజానికి ఉపయోగపడే ఉన్నత స్థానంలో చూడాలని కలలు కన్నారు. వారి కాష్టాన్ని, త్యాగాలను అర్దం చేసుకున్న అశ్విని ఆహర్నిశలు శ్రమించి ఏడాది క్రితం వనపర్తి జూనియర్‌ సివిల్‌ జడ్జిగా ఎంపికయ్యారు. విజయవంతంగా బాధ్యతలు నిర్వరిస్తున్నారు. ‘కూతురు న్యాయమూర్తి కావాలన్న మా అశను తను నెరవేర్చింది. ఏడాది కాలంగా జడ్జిగా సేవలు అందిస్తున్న మా బిడ్డను చూస్తేంటే కడుపు నిండిపోతుంది. కూతుర్ల దినోత్సం వేళ ఒక కూతురిగా తను మాకు ఇచ్చిన అతి పెద్ద బహుమతి’అని అశ్విని తల్లిదండ్రులు పార్వతి, యాకయ్య ఎంతో ఆనందంగా తెలిపారు.తెలుగు బుక్‌ ఆఫ్‌ రికార్డ్స్‌లో చోటుమా పాప శ్రేష్ట ప్రవస్థి రెండో తరగతిలోనే ప్రపంచ తెలుగు మహాసభల్లో పాల్గొని వంద పద్యాలు కంఠస్థం చేసి జూనియర్స్‌ విభాగంలో అందరి ముందు వినిపించింది. అప్పటి మంత్రి లక్ష్మారెడ్డితో ప్రశంసలు అందుకుంది. ఆరేళ్ల వయసులో 16 నిమిషాల్లో 100 పద్యాలు వినిపించి తెలుగు బుక్‌ ఆఫ్‌ రికార్డ్స్‌లో చోటు దక్కించుకుంది. ఇంతవరకు ఈ రికార్డును రెండు తెలుగు రాష్ట్రాల్లో ఎవరూ కూడా బ్రేక్‌ చేయలేదు. ఇంకా పలు రంగాల్లో తన ప్రతిభ చాటుతోంది. ప్రస్తుతం ఇంటర్‌ ఫస్టియర్‌ చదువుతోంది.– శివగారి కిరణ్‌ కుమార్, జనగామ

జనగామ రూరల్‌: చాకలి ఐలమ్మ ఆశయాలు భావితరాలకు స్ఫూర్తిదాయకమని కలెక్టర్‌ సందీప్‌ కుమార్‌ ఝా కొనియాడారు. శనివారం కలెక్టరేట్‌లో జిల్లా వెనుకబడిన తరగతుల శాఖ ఆధ్వర్యంలో చాకలి ఐలమ్మ 131వ జయంతి సందర్భంగా కలెక్టర్‌ సందీప్‌ కుమార్‌ ఝా ఐలమ్మ చిత్రపటానికి పూలమాల వేసి ఘనంగా నివాళి అర్పించారు. ఈ సందర్భంగా కలెక్టర్‌ మాట్లాడుతూ.. తెలంగాణ సాయుధ రైతాంగ పోరాటంలో చాకలి ఐలమ్మ పోషించిన పాత్ర చిరస్మరణీయమన్నారు. కార్యక్రమంలో అదనపు కలెక్టర్‌ బెన్‌షాలోమ్‌, మార్కెట్‌ కమిటీ చైర్మన్‌ బనుక శివరాజ్‌ యాదవ్‌, జిల్లా వెనుకబడిన తరగతుల శాఖ అధికారి ఎన్‌.ఎల్‌.నరసింహరావు, తెలంగాణ రజక రిజర్వేషన్‌ సమితి జిల్లా ప్రధాన కార్యదర్శి కొలిపాక రాములు, జిల్లా పద్మశాలి సంఘం అద్యక్షుడు వేముల బాలరాజు, కుమ్మరి సంఘం అధ్యక్షుడు ఎద్నూరి బుచ్చయ్య, అభినాష్‌, కుల సంఘాల ప్రతినిధులు, సభ్యులు పాల్గొన్నారు. ‘రెడ్‌క్రాస్‌’ మేనేజ్‌మెంట్‌ కమిటీ సభ్యుడిగా వెంకట్‌ రెడ్డి జనగామ రూరల్‌: ఇండియన్‌ రెడ్‌ క్రాస్‌ సొసైటీ జిల్లా శాఖ ఆధ్వర్యంలో నిర్వహించిన ఎన్నికల్లో లయన్‌ పప్పు వెంకట్‌ రెడ్డి మేనేజ్‌మెంట్‌ కమిటీ సభ్యుడిగా ఎన్నికయ్యారు. స్టేషన్‌ ఘన్‌పూర్‌ రెవెన్యూ డివిజనల్‌ ఆఫీసర్‌ ప్రకాష్‌ ప్రిసైడింగ్‌ ఆఫీసర్‌గా వ్యవహరించి ఎన్నికల ప్రక్రియను పర్యవేక్షించారు. ఈసందర్భంగా వెంకట్‌ రెడ్డికి ధ్రువీకరణ పత్రాన్ని అందజేశారు. ఈ సందర్భంగా వెంకట్‌ రెడ్డి మాట్లాడుతూ.. ఇండియన్‌ రెడ్‌ క్రాస్‌ సొసైటీ ద్వారా జిల్లాలో మానవతా సేవలను మరింత విస్తరించేందుకు తన వంతు కృషి చేస్తానని తెలిపారు. ఉన్నత లక్ష్యాలను ఎంచుకోవాలి జనగామ రూరల్‌: విద్యార్థులు ఉన్నత లక్ష్యాలను ఎంచుకోని భవిష్యత్తులో గొప్పగా ఎదగాలని ఇంటర్మీడియట్‌ విద్యాధికారి జితేందర్‌ రెడ్డి ఆకాంక్షించారు. శనివారం పట్టణంలోని ప్రభుత్వ జూనియర్‌ కళాశాలలో కళాశాల ప్రిన్సిపల్‌ నాముని పావని కుమారి అధ్యక్షతన ఫస్టియర్‌ విద్యార్థులకు ఫ్రెషర్స్‌ డే నిర్వహించారు. ఈసందర్భంగా జితేందర్‌ రెడ్డి మాట్లాడు తూ.. కళాశాల విద్య భవిష్యత్తుకు బాటలు వేస్తుందన్నారు. ఉత్తమ విద్యను పొంది అంకిత భావంతో చదివి వంద శాతం ఫలితాలు తీసుకురావాలని సూచించారు. కార్యక్రమంలో కళా శాల స్టాఫ్‌ సెక్రటరీ వై. శ్రీకాంత్‌రెడ్డి, ఎన్‌ఎస్‌ ఎస్‌ కోఆర్డినేటర్‌ వస్కుల శ్రీనివాస్‌, కళాశాల ఎన్‌ఎస్‌ఎస్‌ ప్రోగ్రామ్‌ ఆఫీసర్‌ మరిపెల్ల రవిప్రసాద్‌, అధ్యాపకులు పాల్గొన్నారు. ఇన్‌ సర్వీస్‌ టీచర్ల టెట్‌లో 71.43శాతం ఉత్తీర్ణత జనగామ: ఇన్‌సర్వీస్‌ ఉపాధ్యాయుల కోసం నిర్వహించిన ఉపాధ్యాయ అర్హత పరీక్ష (టెట్‌) ఫలితాలు శనివారం విడుదలయ్యాయి. జిల్లాలో 231 మంది ఉపాధ్యాయులు పరీక్షకు హాజ రుకాగా 165 మంది ఉత్తీర్ణత సాధించారు. దీంతో జిల్లాలో 71.43 శాతం ఉత్తీర్ణత నమోదైంది. సబ్జెక్టుల వారీగా చూస్తే పేపర్‌–2 సోషల్‌ విభాగంలో అత్యధిక సంఖ్యలో ఉత్తీర్ణత సాధించారు. టెట్‌ పేపర్‌–1కు జిల్లాలో 43 మంది ఉపాధ్యాయులు పరీక్షకు హాజరుకాగా 29 మంది ఉత్తీర్ణత సాధించారు. ఈ విభాగంలో సుమా రు 67.44 శాతం ఉత్తీర్ణత నమోదైంది. ప్రాథమిక స్థాయి బోధనకు అర్హత సాధించేందుకు నిర్వహించిన ఈ పరీక్షలో ఉపాధ్యాయుల నుంచి మంచి స్పందన కనిపించింది. పేపర్‌–2లో మ్యాథ్స్‌, సైన్స్‌ విభాగానికి 97 మంది ఉపాధ్యాయులు హాజరుకాగా 69 మంది ఉత్తీర్ణత సాధించారు. ఈ విభాగంలో సుమారు 71.13 శాతం ఉత్తీర్ణత నమోదైంది. పేపర్‌–2 సోషల్‌ విభాగంలో 91 మంది పరీక్ష రాయగా 67 మంది ఉత్తీర్ణులయ్యారు. దీంతో ఈ విభాగంలో సుమారు 73.63 శాతం ఉత్తీర్ణత నమోదైంది. జిల్లాలో మూడు విభాగాల్లో కలిపి 231 మంది ఉపాధ్యాయులు పరీక్ష రాయగా 165 మంది అర్హత సాధించారు. ఇన్‌న్‌సర్వీస్‌ ఉపాధ్యాయులు టెట్‌ అర్హత సాధించడం ద్వారా తమ వృత్తిపరమైన అర్హతలను మరింత బలోపేతం చేసుకునే అవకాశం లభించినట్లయింది.

కాశిబుగ్గ: వరంగల్‌ దేశాయిపేటకు చెందిన ఆర్టీసీ రిటైర్డ్‌ ఉద్యోగి గాండ్ల ప్రభాకర్‌–రమాదేవికి ఇద్దరు కుమార్తెలు మౌనిక, మేఘన. ఇద్దరు ఆడపిల్లలు ఉన్నారన్నా చింత లేకుండా వారిని చదివించారు. పెద్దమ్మాయి మౌనిక కేఎంసీలో ఎంబీబీఎస్‌ పూర్తి చేసి, కాకినాడలోని రంగరాయ మెడికల్‌ కాలేజీలో పీడియాట్రిక్స్‌ పూర్తి చేశారు. ప్రస్తుతం ఉస్మానియా పరిధిలోని నీలోఫర్‌ ఆస్పత్రిలో డీఎం నియోనెటాలజీగా పనిచేస్తున్నారు. అదేవిధంగా చిన్నమ్మాయి మేఘన కూడా తామేమి తీసిపోనట్లుగా ఒంగోలులోని రిమ్స్‌లో ఎంబీబీఎస్‌ పూర్తి చేసి, ప్రస్తుతం గుంటూరులోని మెడికల్‌ కాలేజీలో ఆప్తాల్మాజీలో సెకండియర్‌ చదువుతున్నారు. ‘మాకు కొడుకులు లేరన్న చింత లేదు. ఇద్దరు ఆడపిల్లలు పుట్టినా లక్ష్మీదేవిలగా భావిస్తూ కష్టపడి చదివించాం. డాక్టర్లు కావడంతో మా జన్మ ధన్యమైంది.’అని తల్లిదండ్రులు ప్రభాకర్‌–రమాదేవి సగర్వంగా చెప్పారు.

● పనులు పరిశీలించిన ఎమ్మెల్యే కడియం రఘునాథపల్లి: మండలంలోని ఉత్తర ప్రాంతంలోని గ్రామాలతో పాటు ఇబ్రహీంపూర్‌ పెద్ద చెరువు మత్తడి నుంచి వృథాగా పోతున్న నీటిని శ్రీమన్నారాయణపురం గ్రామం వద్ద కెనాల్‌ ద్వారా నవాబుపేట రిజర్వాయర్‌లోకి మళ్లించామని ఎమ్మెల్యే కడియం శ్రీహరి తెలిపారు. వాగులో వృథాగా పోతున్న వరద నీటిని కెనాల్‌ ద్వారా నవాబుపేట రిజర్వాయర్‌కు మళ్లించే పనులను ఆయన క్షేత్రస్థాయిలో కాంగ్రెస్‌ నాయకులు, రైతులతో కలిసి శనివారం పరిశీలించారు. ఈ సందర్బంగా ఎమ్మెల్యే మాట్లాడుతూ.. వరద నీటి మళ్లింపుతో లింగాలఘణపురం, రఘునాథపల్లి మండలాల్లోని వేలాది ఆయకట్టుకు సాగు నీరందుతుందన్నారు. అనంతరం గ్రామంలో ఇటీవల మృతి చెందిన మాచర్ల యాదగిరిగౌడ్‌ కుటుంబాన్ని ఎమ్మెల్యే కడియం శ్రీహరి పరామర్శించారు. కార్యక్రమంలో కాంగ్రెస్‌ నాయకులు మారుజోడు రాంబాబు, లింగాల జగదీష్‌చందర్‌రెడ్డి, గంగిడి నరసింహారెడ్డి, లింగాజి, గాదె మహేందర్‌రెడ్డి, బొమ్మ వీరస్వామి, లోనె శ్రవణ్‌, గొరిగ రవి, నామాల బుచ్చయ్య, కోళ్ల రవిగౌడ్‌ తదితరులు పాల్గొన్నారు.

ఏటూరునాగారం: మాది రైతు కుటుంబం. ఎన్నో కష్టాలు పడి మా తల్లిదండ్రులు నన్ను పెంచి పెద్దచేశారు. ఇంటర్‌ వరకు చదువుకున్నాను. 19 సంవత్సరాలకే జైలు వార్డెన్‌ ఉద్యోగం వచ్చింది. పోలీసులను మావోయిస్టులు చంపుతున్నారని తల్లిదండ్రులు పోలీసులు ఉద్యోగానికి పంపలేదు. నాకు నలుగురు కుమార్తెలు. ప్రభుత్వ పాఠశాలలో చదివించి ఇంటి వద్ద నేనే ట్యూషన్‌ చెప్పేవాడిని. ఆ తర్వాత నా రెండో కుమార్తె ప్రసన్న లక్ష్మీని డిప్లొమా అగ్రికల్చర్‌ చదివించగా ఏఈఓగా ఉద్యోగం వచ్చింది. పెద్ద కుమార్తె పద్మను ఏఎన్‌ఎంగా ములుగు ఏరియా ఆస్పత్రిలో థియేటర్‌ అసిస్టెంట్‌గా ఔట్‌ సోర్సింగ్‌లో పనిచేస్తోంది. మూడో కుమార్తె ప్రియాంకకు ములుగు ఏరియా ఆస్పత్రిలో ల్యాబ్‌ అసిస్టెంట్‌గా ప్రభుత్వ ఉద్యోగం వచ్చింది. నాలుగో కుమార్తె రజిత కేంద్ర ప్రభుత్వం ఉద్యోగం రాగా ప్రస్తుతం హైదరాబాద్‌లోని హెడ్‌ క్వార్టర్స్‌లో వెటర్నరీ ల్యాబ్‌ టెక్నిషియన్‌గా ఉద్యోగం చేస్తోంది. నలుగురు కుమార్తైలెనా అధైర్యపడకుండా ప్రయోజకులను చేశా. వారు నా నామ్మకాన్ని నిలబెట్టడం తండ్రిగా ఎంతో సంతృప్తినిచ్చింది. – గోగు నగేశ్‌, ఏటూరునాగారం, ములుగు జిల్లా

● కోర్టు ఆదేశాల మేరకు సామగ్రి బయట ● అధికారి లేకపోవడంతో తిరుగుముఖంజనగామ రూరల్‌: జిల్లా వ్యవసాయ కార్యాలయ ఆస్తులు శనివారం జప్తు చేశారు. 2015, 2016 సంవత్సరాల్లో జిల్లా వ్యవసాయ శాఖ లబ్ధిదారులకు వ్యవసాయ పరికరాలను సబ్సిడీపై ఇచ్చేందుకు నిర్ణయించింది. ఈమేరకు దీప్తి ఇంజనీరింగ్‌ వెల్డింగ్‌ వర్క్స్‌ ఓనర్‌ కత్తుల రాజిరెడ్డి రూ. 18 లక్షల 45 వేల విలువైన పరికరాలు అందించాడు. వాటికి అప్పటి ప్రభుత్వం ఇచ్చిన డీడీలు బౌన్స్‌ కావడంతో బాధితుడు కోర్టును ఆశ్రయించాడు. దీంతో జిల్లా వ్యవసాయ కార్యాలయంలో ఉన్న ఆస్తులు, ఫర్నిచర్‌ జప్తు చేసుకోవాలని కోర్టు ఆదేశించింది. దీంతో కలెక్టరేట్‌లోని వ్యవసాయ శాఖ కార్యాలయంలోని ఫర్నిచర్‌ బయట పెట్టారు. జిల్లా అధికారి లీవులో ఉన్నారని వ్యవసాయ శాఖ సిబ్బంది చెప్పడంతో కోర్ట్‌ సిబ్బంది ఆ సామగ్రిని అక్కడే పెట్టి వెళ్లిపోయారు. తిరిగి 28న (సోమవారం) వచ్చి తదుపరి చర్యలు తీసుకోనున్నట్లు అధికారులు తెలిపారు.

● జూనియర్‌ సివిల్‌ జడ్జిగా అశ్విని రఘునాథపల్లి: జిల్లాలోని రఘునాథపల్లికి చెందిన నోముల పార్వతి–యాకయ్యది వ్యవసాయాధార కుటుంబం. సమాజంలో విద్య లేకపోతే ఎదురయ్యే ఇబ్బందులను స్వయంగా అనుభవించిన ఆ దంపతులు కూతురిని సమాజానికి ఉపయోగపడే ఉన్నత స్థానంలో చూడాలని కలలు కన్నారు. వారి కాష్టాన్ని, త్యాగాలను అర్దం చేసుకున్న అశ్విని ఆహర్నిశలు శ్రమించి ఏడాది క్రితం వనపర్తి జూనియర్‌ సివిల్‌ జడ్జిగా ఎంపికయ్యారు. విజయవంతంగా బాధ్యతలు నిర్వరిస్తున్నారు. ‘కూతురు న్యాయమూర్తి కావాలన్న మా అశను తను నెరవేర్చింది. ఏడాది కాలంగా జడ్జిగా సేవలు అందిస్తున్న మా బిడ్డను చూస్తేంటే కడుపు నిండిపోతుంది. కూతుర్ల దినోత్సం వేళ ఒక కూతురిగా తను మాకు ఇచ్చిన అతి పెద్ద బహుమతి’అని అశ్విని తల్లిదండ్రులు పార్వతి, యాకయ్య ఎంతో ఆనందంగా తెలిపారు.

మా పాప శ్రేష్ట ప్రవస్థి రెండో తరగతిలోనే ప్రపంచ తెలుగు మహాసభల్లో పాల్గొని వంద పద్యాలు కంఠస్థం చేసి జూనియర్స్‌ విభాగంలో అందరి ముందు వినిపించింది. అప్పటి మంత్రి లక్ష్మారెడ్డితో ప్రశంసలు అందుకుంది. ఆరేళ్ల వయసులో 16 నిమిషాల్లో 100 పద్యాలు వినిపించి తెలుగు బుక్‌ ఆఫ్‌ రికార్డ్స్‌లో చోటు దక్కించుకుంది. ఇంతవరకు ఈ రికార్డును రెండు తెలుగు రాష్ట్రాల్లో ఎవరూ కూడా బ్రేక్‌ చేయలేదు. ఇంకా పలు రంగాల్లో తన ప్రతిభ చాటుతోంది. ప్రస్తుతం ఇంటర్‌ ఫస్టియర్‌ చదువుతోంది. – శివగారి కిరణ్‌ కుమార్‌, జనగామ

కూతుళ్లు..నేడు కూతుళ్ల దినోత్సవం (డాటర్స్‌ డే)● అమ్మనాన్నల రెక్కల కష్టం.. కూతుళ్ల విజయాల ఆకాశం ● చదువుకోలేదన్న వెలితిని.. పిల్లల చదువుతో తుడిచేసుకున్న తల్లిదండ్రులు ● వారి ఆశలను వమ్ము చేయకుండా నెరవేర్చిన కూతుళ్లు ● ఉమ్మడి వరంగల్‌ జిల్లాలో ఉన్నతస్థానాలకు ఎదిగిన పలువురుకూతుర్ని చూసి గర్వపడుతున్నాం.. హన్మకొండ : నిన్నుచూసి మేము తల్లిదండ్రులుగా ఎంతో గర్వపడుతున్నాం. కూతురు సహనా రెడ్డి చిన్ననాటి నీ జ్ఞాపకాలను నెమరు వేసుకుంటా ఆనందం పొందుతున్నాం. విద్య అనేది భవిష్యత్తును మార్చే శక్తి అని దృఢంగా నమ్మి మా కూతురును చదివించాం. కాకతీయ యూనివర్సిటీలో బీటెక్‌ పూర్తి చేసి, ఇండియన్‌ స్కూల్‌ ఆఫ్‌ బిజినెస్‌ స్కూల్‌ ఎంబీఏ పూర్తి చేసింది. మల్టీ నేషనల్‌ ఫ్రాంక్లిన్‌ టెంపుల్‌టన్‌ కంపెనీలో ఏడాదికి రూ.75 లక్షల ప్యాకేజీతో ఉద్యోగం చేస్తూ సమాజంలో ఉన్నత స్థాయిలో నిలవడం మాకెంతో గర్వకారణం. మా ఆనందం.. ఆశలకు ప్రతీక అయిన నీవు. భవిష్యత్తులో మరిన్ని ఉన్నతశిఖరాలను అధిరోహించాలని, నేటి సమాజానికి మార్గదర్శకురాలిగా నిలవాలని కోరుకుంటున్నాం. –గోపు రేణుక, సమ్మిరెడ్డి, హనుమకొండ

● మంత్రికి ఎమ్మెల్యే పల్లా వినతిజనగామ: మున్సిపాలిటీ అభివృద్ధికి అవసరమైన నిధులను వెంటనే విడుదల చేసి పెండింగ్‌ పనులను పూర్తి చేయాలని మంత్రి పొంగులేటి శ్రీనివాసరెడ్డిని ఎమ్మెల్యే పల్లా రాజేశ్వర్‌రెడ్డి కోరారు. శనివారం మంత్రి పొంగులేటి శ్రీనివాసరెడ్డితో కలిసి ఎమ్మెల్యే పలు అభివృద్ధి కార్యక్రమాల్లో పాల్గొన్నారు. ఈ సందర్భంగా ఎమ్మెల్యే మాట్లాడుతూ.. గతంలో ఇందిరానగర్‌తో పాటు మూడు వార్డులకు మంజూరైన రూ.25 కోట్లు, ఎన్నికల సమయంలో మున్సిపాలిటీ అభివృద్ధికి మంజూరైన రూ.18.9 కోట్లను వెంటనే విడుదల చేయాలని కోరారు. రోడ్లు, డ్రెయినేజీలు, తాగునీటి సమస్యలకు శాశ్వత పరిష్కారం చూపాలని, షామీర్‌పేట వద్ద కిలోమీటర్‌ అప్రోచ్‌ రోడ్డుకు ఆర్‌అండ్‌బీ ద్వారా నిధులు మంజూరు చేయాలన్నారు. గండిరామారంలో వరద నీటిలో మునిగిన రెం డు పంపులను మరమ్మతు చేసి తాగునీటి సరఫరాను పునరుద్ధరించాలని కోరారు. ఇందిరమ్మ ఇళ్ల నిర్మాణాన్ని వేగవంతం చేసి అవసరమైన మేరకు అదనపు నిధులు కేటాయించాలని కోరారు.

జనగామ: జిల్లాలో పేదల కోసం అసంపూర్తిగా నిలిచిపోయిన ఇళ్లను పూర్తి చేసి నివాసయోగ్యంగా తీర్చిదిద్దేందుకు రూ.2 కోట్లతో పాటు మున్సిపాలిటీకి మరో రూ.25 కోట్లు మంజూరు చేస్తున్నట్లు రాష్ట్ర రెవెన్యూ, గృహ నిర్మాణ, పౌర సంబంధాల శాఖల మంత్రి పొంగులేటి శ్రీనివాస్‌రెడ్డి ప్రకటించారు. శనివారం జిల్లా కేంద్రంలోని ప్రెస్టన్‌ కళాశాల గ్రౌండ్‌లో ఇందిరమ్మ ఇళ్ల మంజూరు పత్రాల పంపిణీ కార్యక్రమ సభలో మంత్రి ముఖ్యఅతిథిగా పాల్గొన్నారు. భువనగిరి ఎంపీ చామల కిరణ్‌ కుమార్‌రెడ్డి, జనగామ ఎమ్మెల్యే పల్లా రాజేశ్వర్‌రెడ్డి, జనగామ మున్సిపల్‌ చైర్‌పర్సన్‌ కడకంచి బాలమణి శ్రీనివాస్‌, కలెక్టర్‌ సందీప్‌ కుమార్‌ ఝాతో కలిసి మంత్రి మాట్లాడారు.. గత ప్రభుత్వ హయాంలో వివిధ కారణాలతో నిర్మాణాలు మధ్యలోనే నిలిచిపోయిన ఇళ్లను గుర్తించి వాటిని పూర్తి చేసి పేద కుటుంబాలకు అందుబాటులోకి తీసుకురావాల్సిన బాధ్యత ప్రభుత్వంపై ఉందన్నారు. ఒక్క జనగామ నియోజకవర్గంలోనే కాకుండా రాష్ట్ర వ్యాప్తంగా గతంలో నిర్మాణాలు పూర్తికాక ఖాళీగా ఉన్న ఇళ్లను గుర్తిస్తున్నామని చెప్పారు. జనగామకు సంబంధించి అసంపూర్తిగా ఉన్న ఇళ్లను పూర్తి చేసేందుకు రూ.2 కోట్లు మంజూరు చేస్తున్నట్లు వెల్లడించారు. అర్హులైన లబ్ధిదారులను గుర్తించి వచ్చే దసరా నాటికి ఇళ్లు నివాసయోగ్యంగా ఉండేలా చర్యలు తీసుకుంటామని తెలిపారు. జనగామ జిల్లాలో సుమారు 500 కుటుంబాలు పూరి గుడిసెల్లో నివసిస్తున్నాయని, వచ్చే దసరా నాటికి ఇందులో అర్హులైన కుటుంబాలకు రూ.5 లక్షలతో ఇందిరమ్మ ఇళ్లు నిర్మించుకునేలా మంజూరు చేస్తామని మంత్రి ప్రకటించారు. మొండి గోడలు, స్లాబ్‌ స్థాయిలో నిలిచిపోతే ఆర్థిక పరిస్థితుల కారణంగా మొండి గోడల వద్ద, స్లాబ్‌ స్థాయిలో నిర్మాణాలు నిలిచిపోయిన ఇళ్లను కూడా పరిశీలించి రూ.2లక్షల నుంచి రూ.3 లక్షల వరకు సాయం అందిస్తామని మంత్రి పొంగులేటి తెలిపారు. మూడు నాలుగు విడతల్లోనూ అర్హులైన వారికి ఇందిరమ్మ ఇళ్లు మంజూరు చేస్తామని స్పష్టం చేశారు. ప్రభుత్వ స్థలాలు ఉన్న ప్రాంతాలను గుర్తించి నిరుపేదలకు ఇళ్ల స్థలాలు ఇచ్చే కార్యక్రమాన్ని చేపట్టాలని కలెక్టర్‌కు ఆదేశాలు జారీ చేసినట్లు మంత్రి వెల్లడించారు. ఏ గ్రామంలో, ఏ మున్సిపాలిటీలో ప్రభుత్వ ఆధీనంలో ఉన్న ఇళ్ల స్థలాలు అందుబాటులో ఉన్నాయో వివరాలు సేకరిస్తున్నామని చెప్పారు. మూడో విడతలో ఆయా ప్లాట్లకు ఇళ్లను కూడా మంజూరు చేసే కార్యక్రమం చేపడతామని తెలిపారు. జనగామ మున్సిపాలిటీ పరిధిలో మౌలిక వసతుల కల్పనకు దసరా నాటికి రూ.25 కోట్లతో అభివృద్ధి పనులు చేపట్టేందుకు నిధులను వెంటనే మంజూరు చేస్తామని మంత్రి హామీ ఇచ్చారు. కేంద్రం నుంచి తుది బిల్లుల విషయంలో ఆలస్యం జరిగిన సందర్భాల్లో రాష్ట్ర ప్రభుత్వమే ముందుకు వచ్చి చెల్లింపులు చేసిందన్నారు. అనంతరం 500 మంది అర్హులైన లబ్ధిదారులకు ఇంది రమ్మ ఇళ్ల మంజూరు పత్రాలను మంత్రి చేతుల మీ దుగా అందించారు. కార్యక్రమంలో డీసీపీ రాజమ హేంద్రనాయక్‌, రెవెన్యూ అదనపు కలెక్టర్‌ బెన్‌షాలోమ్‌, మున్సిపల్‌ కమిషనర్‌ రాజశేఖర్‌రెడ్డి, ఏ ఎంసీ చైర్మన్‌ బనుక శివరాజ్‌ యాదవ్‌, డీసీసీ అధ్యక్షురాలు ధన్వంతి నాయక్‌, వైటీడీఏ సభ్యులు డాక్టర్‌ లక్ష్మీనారాయణ నాయక్‌ తదితరులు పాల్గొన్నారు. అసంపూర్తి ఇళ్లకు రూ.2 కోట్లు మున్సిపాలిటీకి రూ.25 కోట్లు పూరిగుడిసెల కుటుంబాలకు రూ.5 లక్షలతో ఇందిరమ్మ ఇళ్లు మంత్రి పొంగులేటి శ్రీనివాస్‌రెడ్డి

● ప్రభుత్వానికి, కలెక్టర్‌కు టీఎన్‌జీఓ నాయకుల కృతజ్ఞతలుజనగామ: ఉద్యోగుల సమస్యల పరిష్కారం దిశగా ప్రభుత్వం సానుకూలంగా స్పందించడంపై టీఎన్‌జీఓ జిల్లా అధ్యక్షుడు, జిల్లా టీజీఈజేఏసీ చైర్మన్‌ ఖాజా షరీఫ్‌ హర్షం వ్యక్తం చేశారు. జిల్లా కేంద్రంలో శుక్రవారం ఆయన మాట్లాడుతూ.. పెండింగ్‌లో ఉన్న ఐదు డీఏల్లో రెండు డీఏలను దసరా సందర్భంగా చెల్లిస్తామని ప్రభుత్వం హామీ ఇవ్వడంపై ఉద్యోగుల్లో సంతోషం వెల్లివిరుస్తోందన్నారు. రాష్ట్ర ఉద్యోగుల జేఏసీ ఆధ్వర్యంలో 206 ఉద్యోగ సంఘా లతో కలిసి మారం జగదీశ్వర్‌, ఏలూరి శ్రీనివాస్‌ తదితరులు ఉద్యోగుల సమస్యలను పలు దశల్లో ప్రభుత్వం దృష్టికి తీసుకెళ్లారని తెలిపారు. జిల్లా ఉద్యోగుల సమస్యల పరిష్కారానికి సహకరిస్తున్న కలెక్టర్‌ సందీప్‌ కుమార్‌ ఝాకు కృతజ్ఞతలు తెలి పా రు. జిల్లా కార్యదర్శి పెండెల శ్రీనివాస్‌, రాష్ట్ర నాయకుడు పేర్వారం ప్రభాకర్‌, అసోసియేట్‌ అధ్యక్షుడు సానం రాజనర్సయ్య, జిల్లా కోశాధికారి ఎండీ హఫీ జ్‌, నాగార్జున, యశోద తదితరులు పాల్గొన్నారు.

● పలు అభివృద్ధి కార్యక్రమాలకు ప్రారంభోత్సవం ● మంత్రి పర్యటనకు పట్టణవ్యాప్తంగా స్వాగత తోరణాలు.. భారీ కటౌట్లు ● కొమ్మూరి ఆధ్వర్యంలో సన్నాహక సమావేశంజనగామ: జిల్లా కేంద్రంలో మున్సిపల్‌ పరిధిలోని పలు అభివృద్ధి కార్యక్రమాలను ప్రారంభించేందుకు ఈనెల 26న (శనివారం) మంత్రి పొంగులేటి శ్రీనివాస్‌రెడ్డి జిల్లా కేంద్రానికి రానున్న నేపథ్యంలో కాంగ్రెస్‌ శ్రేణులు భారీగా ఏర్పాట్లు చేస్తున్నాయి. జనగామ నియోజకవర్గ ఇన్‌చార్జ్‌ కొమ్మూరి ప్రతాప్‌ రెడ్డి ఆధ్వర్యంలో ఏర్పాట్లు కొనసాగుతున్నాయి. మంత్రికి స్వాగతం పలికేందుకు పట్టణంలోని ప్రధాన మార్గాల్లో భారీ కటౌట్లు, ఫ్లెక్సీలు, స్వాగత తోరణాలు ఏర్పాటు చేశారు. ఈ సందర్భంగా కొ మ్మూరి ప్రతాప్‌రెడ్డి ఆధ్వర్యంలో మున్సిపల్‌ చైర్‌పర్సన్‌ కడకంచి బాలమణిశ్రీనివాస్‌, ఏఎంసీ చైర్మన్‌ బనుక శివరాజ్‌ యాదవ్‌, చెంచారపు కరుణాకర్‌రెడ్డి, మేడ శ్రీనివాస్‌, దోర్నాల వెంకటేశ్వర్లు, గాదెపాక రామచందర్‌ తదితరులతో సన్నాహక సమావేశం నిర్వహించారు. మంత్రి పర్యటనకు ప్రజలు, ఇందిరమ్మ మహిళా లబ్ధిదారులు, ముఖ్య నాయకులు, కార్యకర్తలు పెద్ద సంఖ్యలో హాజరై కార్యక్రమాన్ని విజయవంతం చేయాలని కొమ్మూరి పిలుపునిచ్చారు. మరోవైపు మున్సిపల్‌ కార్యాలయంలో చైర్‌పర్సన్‌ బాలమణి శ్రీనివాస్‌ ఆధ్వర్యంలో కమిషనర్‌ రాజశేఖర్‌రెడ్డి, కౌన్సిలర్లు, నాయకులు ఏర్పాట్లను పరిశీలించారు. మంత్రి పర్యటన ఇలా.. ముందుగా మున్సిపల్‌ కార్యాలయంలో అభివృద్ధి కార్యక్రమాలను మంత్రి ప్రారంభించనున్నారు. అనంతరం పట్టణంలోని 13వ వార్డులో గృహప్రవేశ కార్యక్రమంలో పాల్గొని, అక్కడి నుంచి నేరుగా బహిరంగ సభకు హాజరుకానున్నారు. అవాంఛనీయ ఘటనలు చోటు చేసుకోకుండా పోలీసులు భారీ బందోబస్తు ఏర్పాటు చేస్తున్నారు. అభివృద్ధి, సంక్షేమ పనులకు శ్రీకారం జనగామ మున్సిపాలిటీకి రూ.1.77 కోట్ల విలువైన 16 చెత్త సేకరణ ఆటోలు, జేసీబీని జెండా ఊపి ప్రారంభిస్తారు. అలాగే 54 మంది శానిటరీ వర్కర్లు, ఎలక్ట్రీషియన్లు, డ్రైవర్లకు నియామక పత్రాలు అందజేస్తారు. రూ.2 కోట్లతో నిర్మించిన డంపింగ్‌ యార్డు షెడ్‌, మెషినరీ, రూ.38 కోట్లతో చేపట్ట నున్న మురుగునీటి శుద్ధి ప్లాంట్‌ (ఎస్‌టీపీ) పనులకు శంకుస్థాపన చేస్తారు. తరిగొప్పుల మండలంలో రూ.2.25 కోట్లతో నిర్మించిన తహసీల్దార్‌ కార్యాలయ భవనం, బచ్చన్నపేట మండలం కట్కూర్‌లోని జెడ్పీహెచ్‌ఎస్‌, ఎంపీపీఎస్‌ పాఠశాలల్లో రూ.38.75 లక్షలతో చేపట్టిన మరమ్మతు, పునరుద్ధరణ పనులను ప్రారంభిస్తారు. పోచన్నపేట ఎంపీపీఎస్‌లో రూ.24 లక్షలు, రామచంద్రాపురం ఎంపీపీఎస్‌లో రూ.23 లక్షలు, కోర్టు సమీపంలోని జెడ్పీహెచ్‌ఎస్‌ బాలికల పాఠశాలలో రూ.20 లక్షలతో చేపట్టనున్న అదనపు తరగతి గదుల నిర్మాణానికి శంకుస్థాపన చేస్తారు. జిల్లాలోని 12 కేజీబీవీలు, 15 పీఎంశ్రీ పాఠశాలలు, 28 జెడ్పీహెచ్‌ఎస్‌ బాలికల పాఠశాలల్లో రూ.1.92 కోట్లతో అవుట్‌డోర్‌ బాస్కెట్‌బాల్‌ కోర్టుల నిర్మాణ పనులకు శ్రీకారం చుడతారు. జీజీహెచ్‌లో రూ.19.25 లక్షలతో అంతర్గత సీసీ రోడ్డు, చంపక్‌హిల్స్‌ ఎంసీహెచ్‌లో రూ.7.35 లక్షలతో ఆక్సిజన్‌ ప్లాంట్‌కు సీసీ రోడ్డు, పార్కింగ్‌ ప్రాంతంలో గ్రావెల్‌, యూజీడీ పనులు ప్రారంభిస్తారు. ఐడీఓసీ వద్ద రూ.10 లక్షలతో పార్కింగ్‌ టైల్స్‌, ఫెన్సింగ్‌, రూ.31 లక్షలతో ప్రహరీ నిర్మాణ పనులకు శంకుస్థాపన చేస్తారు. మున్సిపాలిటీ పరి ధిలో 99 మంది డబుల్‌ బెడ్‌రూమ్‌ ఇళ్ల లబ్ధిదారుల గృహ ప్రవేశ కార్యక్రమంలో పాల్గొంటారు. 500 మంది లబ్ధిదారులకు ఇందిరమ్మ ఇళ్ల మంజూరు పత్రాలు పంపిణీ చేస్తారు.

జనగామ రూరల్‌: జిల్లా చారిత్రక, సాంస్కృతిక విశిష్టతను ప్రతి ఒక్కరూ తెలుసుకోవాలని జిల్లా పర్యాటక అధికారి ఎన్‌ఎల్‌ నరసింహారావు సూచించారు. శుక్రవారం ప్రపంచ పర్యాటక దినోత్సవాన్ని పురస్కరించుకొని కలెక్టరేట్‌లో కలెక్టర్‌ సందీప్‌ కుమార్‌ ఝా ఆధ్వర్యంలో ఘనంగా నిర్వహించారు. ఈ సందర్భంగా పర్యాటక ప్రాధాన్యం, జిల్లా చారిత్రక, సాంస్కృతిక విశిష్టతను ప్రజలకు తెలియజేసే విధంగా పలు కార్యక్రమాలు నిర్వహించారు. యువ టూరిజం క్లబ్‌ల ఆధ్వర్యంలో నిర్వహించిన వివిధ పోటీల్లో విజేతలుగా నిలిచిన విద్యార్థులకు బహుమతులు అందజేసి అభినందించారు. అండర్‌–20 షాట్‌పుట్‌ విభాగంలో పుదుచ్చేరిలో నిర్వహించిన సౌత్‌ జోన్‌ జూనియర్‌ అథ్లెటిక్స్‌ ఛాంపియన్‌ షిప్‌లో మూడో స్థానం సాధించిన సునీత్‌ కుమార్‌ను ఘనంగా సన్మానించారు. కార్యక్రమంలో డీఐఈఓ జితేందర్‌రెడ్డి, రెడ్డి రత్నాకర్‌ రెడ్డి తదితరులు పాల్గొన్నారు. గవర్నర్‌ చేతుల మీదుగా నగదు పురస్కారం జఫర్‌గఢ్‌: మండలంలోని తమ్మడపల్లి (జి) ప్రభుత్వ ఉన్నత పాఠశాలకు చెందిన విద్యార్థిని గాదె శ్రీజ పదో తరగతిలో మండలంలో టాపర్‌గా నిలిచినందుకు గవర్నర్‌ శివప్రతాప్‌శుక్లా చేతుల మీదుగా రూ.50 వేల నగదు పురస్కారాన్ని అందుకున్నట్లు ప్రధానోపాధ్యాయుడు సీతారామయ్య తెలిపారు. శుక్రవారం ఆయన మాట్లాడుతూ.. శ్రీరాం గ్రూప్‌ సంస్థ వారు ప్రకటించిన రూ.50 వేల నగదు పురస్కారాన్ని గురువారం హైదరాబాద్‌లో జరిగిన కార్యక్రమంలో గవర్నర్‌ విద్యార్థినికి పురస్కారం అందించారన్నారు. ఈసందర్భంగా విద్యార్థినిని ఉపాధ్యాయులు తదితరులు అభినందించారు. ఇందిరమ్మ లబ్ధిదారులకు న్యాయం చేయాలి జనగామ రూరల్‌: డబల్‌ బెడ్రూం ఇళ్ల నిర్మాణం కోసం స్థలాలు ఇచ్చిన మూడో విడత ఇందిరమ్మ లబ్ధిదారులు 72 మందికి మంత్రి పొంగులేటి శ్రీనివాస్‌రెడ్డి చొరవ తీసుకుని న్యాయం చేయాలని సీపీఎం పట్టణ కార్యదర్శి జోగు ప్రకాశ్‌ కోరారు. శుక్రవారం జిల్లా కేంద్రంలో కళ్యాణం లింగం అధ్యక్షతన జరిగిన సమావేశంలో ఆయ న మాట్లాడారు. బూడిది గోపి, అజారు ద్దీన్‌, బాల్నె వెంకట మల్లయ్య, పల్లెర్ల లలిత, పగిడిపల్లి బాలమణి, పందిళ్ల కళ్యాణి, ప్రశాంత్‌, శ్రావణ్‌, జయ వరలక్ష్మి పాల్గొన్నారు.

జనగామ: రాష్ట్ర రెవెన్యూ, గృహ నిర్మాణ, సమాచార పౌరసంబంధాల శాఖల మంత్రి పొంగులేటి శ్రీనివాస్‌రెడ్డి పర్యటన నేపథ్యంలో పకడ్బందీగా ఏర్పాట్లు పూర్తి చేయాలని కలెక్టర్‌ సందీప్‌కుమార్‌ ఝా ఆదేశించారు. శుక్రవారం కలెక్టరేట్‌లో రెవె న్యూ అదనపు కలెక్టర్‌ బెన్‌షాలోమ్‌, డీసీపీ రాజమహేంద్ర నాయక్‌లతో కలిసి కలెక్టర్‌ సన్నాహక సమావేశం నిర్వహించారు. మున్సిపల్‌ కార్యాలయం, బస్టాండ్‌ ఎదురుగా ఉన్న ప్రెస్టన్‌ కళాశాల గ్రౌండ్‌లో నిర్వహించే కార్యక్రమాలకు వేదిక, పందిళ్లు తదితర ఏర్పాట్లను నిర్ణీత గడువులోగా పూర్తి చేయాలని అధికారులను ఆదేశించారు. అనంతరం కలెక్టర్‌ సందీప్‌ కుమార్‌ ఝా, అదనపు కలెక్టర్‌ బెన్‌షాలోమ్‌, డీసీపీ రాజమహేంద్ర నాయక్‌, మున్సిపల్‌ చైర్‌పర్సన్‌ బాలమణిశ్రీనివాస్‌తో కలిసి మున్సి పల్‌ కార్యాలయం, ప్రెస్టన్‌ కళాశాల గ్రౌండ్‌ను పరిశీలించారు. ఆర్డీఓ గోపీరాం, ఏసీపీ భీమ్‌శర్మ, మున్సిపల్‌ కమిషనర్‌ రాజశేఖర్‌రెడ్డి తదితరులు ఉన్నారు.

‘సీ్త్రనిధి’ యాప్‌..లింగాలఘణపురం: మహిళా స్వయం సహాయక సంఘాల్లో సీ్త్రనిధి రుణాలు తీసుకొనే సంఘ సభ్యుల రుణాల చెల్లింపులో ఇక నుంచి అక్రమాలకు తావులేకుండా చెక్‌ పెట్టనున్నారు. సెర్ప్‌ తీసుకొచ్చిన శ్రీమన సీ్త్రనిధి యాప్‌శ్రీతో ప్రతీ సభ్యురాలు నేరుగా తాము తీసుకున్న రుణాల చెల్లింపులో నేరుగా బ్యాంక్‌లోనే జమ చేసుకొనే అవకాశం కల్పించింది. గతంలో రుణం తీసుకున్న సభ్యురాలు సమావేశం రోజు సంఘం అధ్యక్షురాలు సమక్షంలో సీఏలకు చెల్లించడం జరిగేది. దీంతో అధ్యక్షురాలు ఆ డబ్బులను బ్యాంక్‌కు వెళ్లి సంఘం ఖాతాలో జమ చేయాల్సి ఉండేది. ఆ సమయంలో అధ్యక్షురాలు సభ్యులు చెల్లించిన డబ్బులు జమ చేయకుండా, ఒక వేళ తక్కువ జమ చేసిన సభ్యులకు బ్యాంక్‌కు వెళ్తే గాని తెలిసేదీ కాదు. దీంతో అక్రమాలకు అవకాశం కలిగేది. కొన్ని చోట్ల ఇలాంటి సంఘటనలు జరిగిన నేపథ్యంలో మన సీ్త్రనిధి యాప్‌ను తీసుకొచ్చింది. చెల్లింపులు..బకాయిలు.. మన సీ్త్రనిధి యాప్‌తో నేరుగా సభ్యురాలే తాను తీసుకున్న రుణం చెల్లింపుల లావాదేవీలను జరుపుకొనే అవకాశం ఏర్పడింది. యాప్‌ డౌన్‌లోడ్‌ చేసుకుంటే తాను తీసుకున్న అప్పు వివరాలు, చెల్లింపులు, ఇంకా ఎంత బకాయి ఉంది..ఏ సభ్యులు ఎంత చెల్లించింది.. అనే ప్రతి వివరాలను అందులోనే చూసుకోవచ్చు. అంతేకాకుండా సీ్త్రనిధి రుణం కోసం దరఖాస్తు చేసుకొనే అవకాశం కూడా ఉంటుంది. దీంతో సీ్త్రనిధి రుణాల వివరాలన్నీ డిజిటలైజ్‌ చేయడం జరుగుతుంది. జిల్లా వ్యాప్తంగా ఇలా.. జిల్లాలోని 12 మండలాలు, ఓరుగల్లు టీఎల్‌ఎఫ్‌ మెప్మాతో కలిసి జిల్లాలో 13,739 స్వయం సహాయక సంఘాలు ఉండగా అందులో 1,49,841 మంది సభ్యులు ఉన్నారు. ఇందులో 4,849 సంఘాల్లో 22,137 మంది సభ్యులు సీ్త్రనిధి రుణాలను తీసుకున్నారు. ఇందులో 4,010 సంఘాల్లోని 6,513 మంది సభ్యులు యాప్‌ను డౌన్‌లోడ్‌ చేసుకున్నారు. ఇంకా 9,694 సంఘాలు, అందులోని 1,43,328 మంది సభ్యులు సీ్త్రనిధి రుణాలను తీసుకోకుండా యాప్‌ను డౌన్‌లోడ్‌ చేసుకోకుండా ఉన్నారు. స్వయం సహాయక సంఘంలోని సభ్యులందరూ ఈ యాప్‌ను డౌన్‌లోడ్‌ చేసుకోవాలని అవగాహన కల్పిస్తున్నారు. అందులో భాగంగా ఇటీవల సీ్త్రనిధి సేట్‌ జనరల్‌ మేనేజర్‌ రాము, జిల్లా అసిస్టెంటెంట్‌ మేనేజర్‌ నిర్మల జిల్లాలో పర్యటించారు. ‘మన సీ్త్రనిధి’ పేరిట యాప్‌ తీసుకొచ్చిన సెర్ప్‌ నేరుగా బ్యాంక్‌ అకౌంట్లలో రుణాల చెల్లింపు రుణ వివరాలు తెలుసుకొనే అవకాశం సభ్యులకు అవగాహన కల్పిస్తున్న యంత్రాంగం

● డీసీపీ రాజమహేంద్రనాయక్‌ జఫర్‌గఢ్‌: నేరాల నియంత్రణ, శాంతిభద్రతల పరిరక్షణకు సీసీ కెమెరాల ఏర్పాటు ఎంతో దోహదం చేస్తుందని డీసీపీ రాజమహేంద్రనాయక్‌ పేర్కొన్నారు. సుస్త్రో ఆయిల్‌ కంపెనీ ఉప్పుగల్లు వారి సహకారంతో మండలంంలోని 14 గ్రామాల్లోని ప్రధాన కూడళ్లలో నూతనంగా ఏర్పాటు చేసిన సీసీ కెమెరాలను స్థానిక పోలీస్‌స్టేషన్‌లో డీసీపీ రాజమహేంద్రనాయక్‌ శుక్రవారం ప్రారంభించారు. ఈ సందర్భంగా డీసీపీ మాట్లాడుతూ.. గ్రామాల్లో జరుగుతున్న దొంగతనాలు, నేరాల తీరును తెలుసుకోవడంతో పాటు నేరస్తులను పట్టుకునేందుకు సీసీ కెమెరాలు ఎంతగానో ఉపయోగపడుతున్నాయన్నారు. సీసీ కెమెరాల ఏర్పాటుకు దాతలు, షాపుల యాజమానులు స్వచ్ఛందంగా ముందుకు రావాలన్నారు. కార్యక్రమంలో వర్ధన్నపేట ఏసీపీ అంబటి నర్సయ్య, సుస్త్రో ఆయిల్‌ కార్పొరేషన్‌ కంపెనీ అధినేత సంతోష్‌ జగ్ధని, సీఎస్‌ఆర్‌ హెడ్‌ సురేష్‌ రోండా, జనరల్‌ మేనేజర్‌ సుబ్బారెడ్డి, పబ్లిక్‌ రిలేషన్‌ విజయ్‌కుమార్‌ నాయర్‌, ఎగ్జిక్యూటివ్‌ డైరెక్టర్‌ డాక్టర్‌ కుమార్‌రాజా, హెచ్‌ఆర్‌ హెడ్‌ ధనవర్మ, ఎస్సై బి.రామారావు, సర్పంచ్‌లు కొడారి సాంబరాజు, పులి సమ్మయ్య, మమత సోమన్నతో పాటు పోలీస్‌ సిబ్బంది పాల్గొన్నారు.

సాక్షిప్రతినిఽధి, వరంగల్‌: ఉమ్మడి వరంగల్‌, ఖమ్మం జిల్లాల గ్రామీణ ప్రాంతాలకు రహదారి అనుసంధానంతోపాటు నీటి భద్రత, ఉపాధి అవకాశాలు, శాశ్వత ఆస్తుల సృష్టికి ప్రభుత్వం ప్రాధాన్యం ఇస్తోందని, ఇందులో భాగంగా రెండు పూర్వ జిల్లాల్లో హ్యామ్‌ రోడ్ల పనులను అక్టోబర్‌ 25 నుంచి దశలవారీగా ప్రారంభించేందుకు కార్యాచరణ సిద్ధమైందని రాష్ట్ర పంచాయతీరాజ్‌, గ్రామీణాభివృద్ధి శాఖ మంత్రి ధనసరి సీతక్క (అనసూయ) తెలిపారు. హనుమకొండ కలెక్టరేట్‌లో శుక్రవారం ఉమ్మడి వరంగల్‌, ఖమ్మం జిల్లాల పంచాయతీరాజ్‌, గ్రామీణాభివృద్ధి, గ్రామీణ నీటి సరఫరా, వీబీ జీరామ్‌జీ, ఎల్‌నినో సన్నద్ధత, హ్యామ్‌ రోడ్లపై సంబంధిత అధికారులతో మంత్రి సమీక్ష నిర్వహించారు. అనంతరం ఏర్పాటు చేసిన మీడియా సమావేశంలో వివరాలు వెల్లడించారు. వరంగల్‌ నుంచి ఖమ్మం వరకు పనుల కదలిక.. ఉమ్మడి వరంగల్‌ జిల్లాలోని గ్రామీణ ప్రాంతాలతో పాటు ఉమ్మడి ఖమ్మం జిల్లాలోనూ పనులను నిర్ణీత షెడ్యూల్‌ ప్రకారం ప్రారంభించాలని అధికారులను ఆదేశించినట్లు మంత్రి సీతక్క చెప్పారు. రెండు ఉమ్మడి జిల్లాల పరిధిలో 445 రహదారులను 1,366 కి.మీ. మేర అభివృద్ధి చేయనున్నట్లు తెలి పారు. ఇందుకోసం సుమారు రూ.1,130 కోట్ల వర కు వ్యయం కానుందని, ఇందులో 90 శాతం మేర ఇప్పటికే ఉన్న రహదారులను అభివృద్ధి చేయనుండగా.. 10 శాతం మేర కొత్త రహదారులు నిర్మించనున్నట్లు వివరించారు. ప్రతీ ఆవాసం నుంచి గ్రామానికి, గ్రామం నుంచి మండల కేంద్రానికి రహదారి సౌకర్యం ఉండాలన్నదే హ్యామ్‌ రోడ్ల లక్ష్యమని పేర్కొన్నారు. ఉపాధి అంటే కూలీ మాత్రమే కాదు.. ‘జలసిరి’తో నీటి భద్రత ఉపాధి హామీ (వీబీజీ రామ్‌జీ) పనులను పని దినాల కల్పనకే పరిమితం చేయకుండా గ్రామాల్లో శాశ్వత ఆస్తులను సృష్టించేలా మారుస్తున్నట్లు సీతక్క తెలిపారు. జలసిరి కార్యక్రమం కింద ప్రతీ ఇంటికి ఇంకుడు గుంత.. ప్రతీ ఊరికి ఊటకుంట.. ప్రతీ పంటకు పంటకుంట నిర్మించనున్నట్లు తెలి పారు. ఏజెన్సీ గ్రామాల్లో వాగుల వద్ద చెక్‌డ్యామ్‌లు నిర్మించి వర్షపు నీటిని నిల్వ చేయడం, భూగర్భ జలాలను పెంచడం లక్ష్యంగా పెట్టుకున్నట్లు చెప్పారు. గాంధీ జయంతి సందర్భంగా అక్టోబర్‌ 2న గ్రామ సమగ్ర ప్రణాళికలను రూపొందించి ఆవిష్కరించనున్నట్లు సీతక్క తెలిపారు. గ్రామ సర్పంచుల ఆధ్వర్యంలో ఆయా గ్రామాల్లో ఏ పనులు అవసరమో గుర్తించి అభివృద్ధి మ్యాప్‌ తయారు చేస్తామని చెప్పారు. ప్రస్తుతం ఉమ్మడి వరంగల్‌, ఖమ్మం జిల్లాల్లో అందుబాటులో ఉన్న నీటితో తాగునీటి అవసరాలకు సరిపడా నీరు ఉందని స్పష్టం చేశారు. అయినప్పటికీ వచ్చే వేసవిని దృష్టిలో పెట్టుకుని ఇప్పటి నుంచే ముందస్తు ప్రణాళిక రూపొందించాలని అధికారులను ఆదేశించారు. సమీక్షలో పంచాయతీరాజ్‌ శాఖ స్పెషల్‌ సీఎస్‌ దాన కిషోర్‌, కమిషనర్‌ దివ్య దేవరాజన్‌, హనుమకొండ, వరంగల్‌ జిల్లాల కలెక్టర్లు చాహత్‌ బాజ్‌పాయ్‌, సత్యశారద, స్పెషల్‌ కమిషనర్‌ శ్రీలక్ష్మి, అడిషనల్‌ కమిషనర్‌ రవీందర్‌, మిషన్‌ భగీరథ ఈఎన్‌సీ కృపాకర్‌ రెడ్డి, పంచాయతీరాజ్‌ ఈఎన్‌సీ జగదీశ్వర్‌, వరంగల్‌ బల్దియా కమిషనర్‌ వెంకన్నతో పాటు ఉమ్మడి వరంగల్‌, ఖమ్మం జిల్లాల అడిషనల్‌ కలెక్టర్‌లు, ఆయా శాఖల అధికారులు పాల్గొన్నారు. ఉపాధి పనులతోపాటు గ్రామాల్లో శాశ్వత ఆస్తుల సృష్టి ఏజెన్సీ గ్రామాల్లో వాగులపై చెక్‌డ్యామ్‌లు అక్టోబర్‌ 2న గ్రామ సమగ్ర ప్రణాళికలకు శ్రీకారం ఉమ్మడి వరంగల్‌, ఖమ్మం అధికారులతో మంత్రి ధనసరి సీతక్క సమీక్ష

మేము మా కూతురుప్రతీ తల్లిదండ్రికి తమ కూతుళ్లతో ప్రత్యేక అనుబంధం ఉంటుంది. అల్లారుముద్దుగా పెంచిన కూతురు ఉన్నతస్థానానికి ఎదిగితే ఆ విజయం చూసి మురిసిపోవడంలో ఉన్న ఆనందం మరెక్కడా ఉండదు. కూతురితో గడిపిన ప్రతీ విషయం ఓ తీపిజ్ఞాపకం. మీకూ అలాంటి తీపి జ్ఞాపకాలు, మీ కూతురు గొప్పతనం గురించి డాటర్స్‌ డే (కూతురు దినోత్సవం) సందర్భంగా ‘సాక్షి’తో పంచుకోండి. దీంతోపాటు తల్లిదండ్రి తమ కూతురుతో దిగిన సెల్ఫీఫొటో, మీ పేరు, ప్రాంతం వివరాలను ఈ నెల 26వ తేదీ సాయంత్రం 4గంటల్లోగా కింది వాట్సాప్‌ నంబర్‌కు పంపండి. వచ్చిన వాటిని స్క్రూటినీ చేసి 27వ తేదీ పత్రికలో ప్రచురిస్తాం.మీరు పంపాల్సిన వాట్సాప్‌ నంబర్‌ : 96420 01602

పాలకుర్తి టౌన్‌: గురుకులంలో విద్యార్థినులను ఎలుకలు కరిచిన ఘటన కలకలం రేపింది. ఈ ఘటన జనగామ జిల్లా పాలకుర్తి మండల కేంద్రంలోని తెలంగాణ సాంఘిక సంక్షేమ గురుకుల పాఠశాల, కళాశాలలో మంగళవారం రాత్రి జరగ్గా, ఆలస్యంగా గురువారం వెలుగులోకి వచ్చింది. ఈ పాఠశాలలో 8, 9, 10 తరగతులకు చెందిన 14 మంది విద్యార్థినులు మంగళవారం రాత్రి భోజనం చేసి వసతి గృహంలో నిద్రపోయారు. నిద్రలో ఉండగా వారి చేతులు, కాళ్లను ఏవో కరిచినట్లు గుర్తించారు. నిద్ర నుంచి లేచి చట్టుపక్కలా పరిశీలించగా ఎలుకలు కనిపించాయి. దీంతో విద్యార్థినులు బుధవారం ఉదయం ఇన్‌చార్జ్‌ ప్రిన్సిపాల్‌ వరలక్ష్మికి తెలిపారు. ప్రిన్సిపాల్‌ ఆ విషయాన్ని పాఠశాలలో ఉన్న ఏఎన్‌ఎం దృష్టికి తీసుకెళ్లారు. ఉన్నతాధికారుల సూచనల మేరకు ఆమె విద్యార్థినులతో మాట్లాడి వెంటనే మండల కేంద్రంలోని ప్రభుత్వ సామాజిక ఆరోగ్య కేంద్రానికి తీసుకెళ్లారు. 14 మంది విద్యార్థినులకు వైద్యపరీక్షలు చేసి యాంటీరేబిస్, టీటీ వ్యాక్సిన్లు ఇచ్చినట్లు సామాజిక ఆరోగ్య కేంద్రం మెడికల్‌ సూపరింటెండెంట్‌ వనం శ్రీనివాస్‌ తెలిపారు. కాగా, పాఠశాలలో పారిశుద్ధ్య సమస్య ఉందని, పరిష్కరించాలని ఇన్‌చార్జ్‌ ప్రిన్సిపాల్‌ వరలక్ష్మి స్థానిక ఎమ్మెల్యే యశస్వినిరెడ్డి, తహసీల్దార్, ఎంపీడీఓలకు లేఖ రాసినట్లు సమాచారం. బాలికల గురుకుల పాఠశాల పరిసరాల్లో చెత్త పేరుకుపోవడం, మురుగునీరు కాలువలు, ముళ్లపొదలు పెరగడం వల్ల ఎలుకలు, ఇతర విషకీటకాలు పెరుగుతున్నాయని పాఠశాల సిబ్బంది తెలిపారు. విద్యార్థుల ఆరోగ్యం, భద్రత దృష్టిలో ఉంచుకుని అధికారులు పారిశుద్ధ్యంపై ప్రత్యేక చొరవ చూపాలని విద్యార్థినుల తల్లిదండ్రులు కోరారు.

సాక్షిప్రతినిధి, వరంగల్‌: పార్టీ ఫిరాయింపుల వ్యవహారం ఉమ్మడి వరంగల్‌లో మరోసారి చర్చనీయా ంశంగా మారింది. ఖైరతాబాద్‌ ఎమ్మెల్యే దానం నాగేందర్‌పై హైకోర్టు వేసిన అనర్హత వేటు తీర్పును సుప్రీంకోర్టు సమర్థించడంతో స్టేషన్‌ఘన్‌పూర్‌ ఎమ్మెల్యే కడియం శ్రీహరిపై దాఖలైన అనర్హత పిటిషన్‌ వ్యవహారం మళ్లీ తెరపైకి వచ్చింది. బీఆర్‌ఎస్‌ నుంచి ఎమ్మెల్యేగా గెలిచి కాంగ్రెస్‌లో చేరిన వ్యవహారంలో కడియం శ్రీహరితోపాటు దానం నాగేందర్‌పై కూడా అనర్హత పిటిషన్లు దాఖలయ్యాయి. ఇద్దరి విషయంలోనూ విచారణ జరిపి, వారి వాదనలు స్వీకరించిన స్పీకర్‌ గడ్డం ప్రసాద్‌కుమార్‌ గత మార్చి 11న ఇద్దరిపై దాఖలైన అనర్హత పిటిషన్లను కొట్టివేశారు. ఫిరాయింపునకు సంబంధించి తగిన ఆధారాలు లేవని పేర్కొన్నారు. దీంతో కడియం శ్రీహరి వ్యవహారానికి అప్పట్లో తెరపడినట్లయింది. ‘కడియం’పై ఆ ప్రభావం ఎంత? మార్చి 11న స్పీకర్‌ ఇచ్చిన తీర్పును సవాల్‌ చేస్తూ బీజేపీ ఎమ్మెల్యే ఏలేటి మహేశ్వర్‌రెడ్డి, బీఆర్‌ఎస్‌ ఎమ్మెల్యే పాడి కౌశిక్‌రెడ్డి హైకోర్టును ఆశ్రయించారు. విచారణ అనంతరం సెప్టెంబర్‌ 18న తెలంగాణ హైకోర్టు స్పీకర్‌ నిర్ణయాన్ని పక్కనపెట్టి దానం నాగేందర్‌ను అనర్హుడిగా ప్రకటించింది. 2024 ఏప్రిల్‌ 23నుంచి ఆయన అసెంబ్లీ సభ్యత్వం రద్దయినట్లుగా కోర్టు పేర్కొంది. ఖైరతాబాద్‌ అసెంబ్లీ స్థానం ఖాళీ అయినట్లుగా కూడా ప్రకటించింది. దీంతో హైకోర్టు తీర్పును సవాల్‌ చేస్తూ దానం నాగేందర్‌ సుప్రీంకోర్టును ఆశ్రయించగా గురువారం ఆయన పిటిషన్‌ను కొట్టివేసింది. అదే రోజు స్పీకర్‌ కొట్టివేసిన కడియం శ్రీహరి అనర్హత పిటిషన్‌ విషయంలోనూ తదుపరి న్యాయపరమైన పరిణామాలు ఎలా ఉంటాయన్న చర్చ ఉమ్మడి జిల్లా రాజకీయాల్లో మొదలైంది. ‘కడియం’పై చేసిన ఫిర్యాదులేంటి..? 2023, డిసెంబర్‌ అసెంబ్లీ ఎన్నికల్లో స్టేషన్‌ఘన్‌పూర్‌నుంచి కడియం శ్రీహరి బీఆర్‌ఎస్‌ అభ్యర్థిగా గెలిచారు. అనంతరం 2024 మార్చి 31న సీఎం రేవంత్‌రెడ్డి, అప్పటి తెలంగాణ కాంగ్రెస్‌ ఇన్‌ఛార్జ్‌ దీపాదాస్‌ మున్షీల సమక్షంలో కాంగ్రెస్‌ కండువా కప్పుకున్నట్లు బీఆర్‌ఎస్‌ నేతలు ఫిర్యాదులో పేర్కొన్నారు. అదే సమయంలో ఆయన కుమార్తె కడియం కావ్య కాంగ్రెస్‌ వరంగల్‌ లోక్‌సభ అభ్యర్థిగా బరిలోకి దిగి విజయం సాధించారు. కడియం శ్రీహరి పార్టీ మార్పు, కుమార్తె తరఫున కాంగ్రెస్‌ అభ్యర్థిగా ప్రచారం చేయడం, బీఆర్‌ఎస్‌ కేసీఆర్‌ తదితరులపై చేసిన విమర్శలు కూడా అప్పట్లో బీఆర్‌ఎస్‌ అనర్హత పిటిషన్‌లో ప్రధానంగా ప్రస్తావించిన అంశాల్లో ఉన్నాయి. దానం తర్వాత.. కడియం సంగతేంటి? ఉమ్మడి జిల్లా కాంగ్రెస్‌ వర్గాల్లో హాట్‌టాపిక్‌ దానంపై హైకోర్టు వేటును సమర్థించిన సుప్రీం.. మార్చి 11న ఇద్దరినీ అనర్హత నుంచి తప్పించిన స్పీకర్‌ స్పీకర్‌ తీర్పుతో శ్రీహరికి అప్పట్లో ఊరట.. తాజాగా మళ్లీ చర్చ

● ఆరు మెడికల్‌ షాపులకు డీఎంహెచ్‌ఓ షోకాజ్‌ నోటీసులుస్టేషన్‌ఘన్‌పూర్‌: కలెక్టర్‌ ఆదేశాల మేరకు జిల్లా వైద్య ఆరోగ్యశాఖ అధికారి డాక్టర్‌ వాణిశ్రీ, జిల్లా ఔషధ నియంత్రణ అధికారుల ఆధ్వర్యంలో డివిజ న్‌ కేంద్రంలోని ప్రైవేటు క్లినిక్‌లు, మెడికల్‌షాపులను గురువారం తనిఖీలు నిర్వహించారు. వైద్య ఆరోగ్యశాఖ, ఔషధనియంత్రణ శాఖ అధికారులు మూడు బృందాలుగా ఏర్పడి మెడికల్‌ షాపులు, ఆప్టికల్స్‌, క్లినిక్‌లను విస్తృతంగా తనిఖీలు చేపట్టారు. ఈ సందర్భంగా డీఎంహెచ్‌ఓ డాక్టర్‌ వాణి శ్రీ మాట్లాడుతూ.. ఘన్‌పూర్‌లో నిబంధనలకు విరుద్ధంగా అర్హత లేని వారు వైద్య సేవలు అందిస్తున్నారనే ఫిర్యాదు మేరకు కలెక్టర్‌ ఆదేశాలతో తనిఖీ లను చేపట్టినట్లు తెలిపారు. ప్రభుత్వ అనుమతులు లేకుండా నిర్వహిస్తున్న ఆరు మెడికల్‌ షాపులకు షోకాజ్‌ నోటీసులు అందించామన్నారు. బస్టాండ్‌ సమీప క్లినిక్‌లో ఎలాంటి ప్రభుత్వ అనుమతులు లేకుండా నిర్వహిస్తున్న ల్యాబ్‌ను సీజ్‌ చేసినట్లు తెలిపారు. అదేవిధంగా రాజరాజేశ్వరి మెడికల్‌షాపులో నిర్వహిస్తున్న క్లినిక్‌ను, కట్ల దవాఖానాలో అనుమతులు లేకుండా నిర్వహిస్తున్న ఎక్స్‌రే మిషన్‌ను మూసివేసినట్లు తెలిపారు. తనిఖీల్లో ఔష ధ నియంత్రణ అడిషనల్‌ డైరెక్టర్‌ రాజ్యలక్ష్మీ, జిల్లా ఔషధ నియంత్ర అధికారి ఆలె బాలకిషన్‌, ఘన్‌పూర్‌ పీహెచ్‌సీ వైద్యాధికారి శ్రీవాణి పాల్గొన్నారు.

● కలెక్టర్‌ సందీప్‌ కుమార్‌ ఝా ● ప్రణాళిక అమలుపై సర్పంచులు, పంచాయతీ కార్యదర్శులకు శిక్షణజనగామ రూరల్‌: గ్రామాల సమగ్రాభివృద్ధే లక్ష్యంగా ‘వికసిత్‌ గ్రామ పంచాయతీ’ ప్రణాళిక అమలు చేయాలని ముఖ్యంగా తెలంగాణ జలసిరి పనులకు ప్రాధాన్యం ఇవ్వాలని కలెక్టర్‌ సందీప్‌కుమార్‌ ఝా ఆదేశించారు. గురువారం కలెక్టరేట్‌లో వీబీజీరామ్‌జీ 125 రోజుల ఉపాధి పని గ్యారంటీ, ఎల్‌నినో తీవ్ర వర్షాభావ పరిస్థితులను ఎదుర్కొనే ప్రణాళిక, తెలంగాణ జలసిరి పనులపై బచ్చన్నపేట, తరిగొప్పుల, నర్మెట, జనగామ మండలాల సర్పంచులు, పంచాయతీ కార్యదర్శులకు వికసిత్‌ గ్రామ పంచాయతీ ప్లాన్‌ తయారీ, అమలు శిక్షణ కార్యక్రమాన్ని నిర్వహించారు. ఈ సందర్భంగా కలెక్టర్‌ మాట్లాడుతూ.. నీటి సంరక్షణ, భూగర్భ జలాల పెంపు, వర్షాభావ పరిస్థితులను ఎదుర్కొనే పనులకు ప్రాధాన్యం ఇవ్వాలని సూచించారు. గ్రామీణ రోడ్లు, డబ్ల్యూబీఎం రోడ్లు, సీసీ రోడ్లు, కల్వర్టులు, ప్రభుత్వ పాఠశాల భవనాలు..తదితర నిర్మాణాలు, మరమ్మతులు కూడా ఈ పథకం ద్వారా చేపట్టవచ్చని వివరించారు. ఉద్యానవన, పశుసంవర్ధక, మత్స్యశాఖ, మిషన్‌ భగీరథ, తదితర శాఖల అధికారులు గ్రామాల అవసరాలకు అనుగుణంగా సర్పంచులతో సమన్వయం చేసుకొని పనులను ప్రణాళికాబద్ధంగా చేపట్టాలని సూచించారు. డీఆర్‌డీఓ భాస్కర్‌, అదనపు డీఆర్‌డీఓ సూరి, ఎఫ్‌ఆర్‌ఓ భాస్కర్‌, జిల్లా వ్యవసాయ అధికారి అంబికా సోనీ, డీపీఓ వెంకట్‌ రెడ్డి, మత్స్యశాఖ అధికారి రాణా ప్రతాప్‌, డీవీహెచ్‌ఓ మురళీధర్‌ రావు, ఈఈ పీఆర్‌ రవీందర్‌, మిషన్‌ భగీరథ ఇంట్రా ఈఈ శ్రీకాంత్‌, డీహెచ్‌ఎస్‌ఓ నర్సయ్య తదితరులు పాల్గొన్నారు. వ్యవసాయ ఉత్పత్తుల ఎగుమతులను ప్రోత్సహించాలి ప్రాసెస్డ్‌ ఆహార ఉత్పత్తుల ఎగుమతులపై రైతులకు అవగాహన కల్పించి ఎఫ్‌పీఓల ద్వారా వ్యవసాయ ఉత్పత్తుల ఎగుమతులను ప్రోత్సహించాలని కలెక్టర్‌ సందీప్‌ కుమార్‌ ఝా సూచించారు. కలెక్టరేట్‌లో వ్యవసాయ ఉత్పత్తుల ఎగుమతులపై రైతులు, రైతు ఉత్పత్తిదారుల సంస్థలు, సేంద్రీయ రైతులు, వ్యవసాయ పారిశ్రామికవేత్తలు, వ్యాపారులకు అవగాహన కార్యక్రమాన్ని నిర్వహించారు. కలెక్టర్‌ మా ట్లాడుతూ.. జిల్లాలో ఎగుమతులకు మంచి అవకాశాలు ఉన్నాయని, చిట్టి ముత్యాలు బియ్యం ఎగుమతులకు అధిక డిమాండ్‌ ఉందన్నారు. ఉత్పత్తుల ఎగుమతులకు సంబంధించిన అవకాశాలు, నాణ్య త ప్రమాణాలు, మార్కెటింగ్‌, సహాయం, ఎగుమతి ప్రక్రియపై పవర్‌ పాయింట్‌ ప్రజెంటేషన్‌ ద్వా రా అసిస్టెంట్‌ మేనేజర్‌ సుకేష్‌ వివరించారు. జిల్లా వ్యవసాయ అధికారి అంబికాసోని, మత్స్యశాఖ అధికారి రాణాప్రతాప్‌, జిల్లా ఉద్యానవన శాఖ అధి కారి నర్సయ్య, ఏపీడీ నూరుద్దీన్‌, నాబార్డ్‌ డీడీఎం విజయ్‌, లీడ్‌ డిస్ట్రిక్ట్‌ మేనేజర్‌ ప్రతిభ పాల్గొన్నారు.

● నెర్రెలు బారిన పొలాలకు జీవం ● వరి, ఆరుతడి పంటలకు మేలు.. ● పత్తికి నష్టమంటున్న రైతులు ● చీడపీడలపై ఆందోళనజనగామ: వానాకాలం సీజన్‌ ప్రారంభమైన తర్వాత జిల్లాలో తొలిసారిగా భారీ వర్షం కురవడంతో రైతాంగానికి ఊరట లభించింది. ఎల్‌నినో ప్రభావంతో వర్షాల జాడ లేక వాలిపోతున్న పత్తి మొక్కలు, నెర్రెలు బారిన వరి పొలాలు, ఎండిపోతున్న ఆరుతడి పంటలకు వర్షం ప్రాణం పోసింది. పెట్టుబడులు సైతం దక్కుతాయో లేదోనని ఆందో ళన చెందిన రైతుల్లో భారీ వర్షంతో ఆశలు చిగురించాయి. 3.30లక్షల ఎకరాల్లో సాగు జిల్లా వ్యాప్తంగా సుమారు 3.30 లక్షల ఎకరాల్లో వరి, పత్తి, మొక్కజొన్న తదితర వానాకాలం పంటలు సాగు చేశారు. సకాలంలో వర్షాలు లేకపోవడంతో భూగర్భజలాలు అడుగంటగా, సాగునీటి వనరులపై ఆధారపడి పంటలను కాపాడుకునేందు కు రైతులు ఇబ్బందులు పడ్డారు. తాజాగా కురిసిన వర్షంతో వాగుల్లోకి వరదనీరు చేరడంతోపాటు పలు చెరువులకు జలకళ వచ్చింది. మరికొన్ని మండలాల్లో వాగులు, కల్వర్టులపై నుంచి నీరు ఉప్పొంగి ప్రవహించింది. ప్రస్తుతం కురిసిన వర్షం పంటలకు కొంతమేర ప్రయోజనం చేకూర్చిందని రైతులు ఆనందం వ్యక్తం చేస్తున్నారు. మరో రెండు రోజులు వర్షాలు కురిసే అవకాశం ఉందన్న వాతావరణ శాఖ హెచ్చరికల నేపథ్యంలో జిల్లా యంత్రాంగం అప్రమత్తంగా ఉంది. నర్మెటలో ఊర చెరువు మత్తడి పోస్తుండగా, పాలకుర్తి లక్ష్మినారాయణపురం చెరువులోకి వరద నీరు చేరడంతో జలకళ సంతరించుకుంది. జనగామ మం డలం ఎర్రగుంట తండాలో వరిపంట నేల వాలిపోవడంతో రైతులు ఆందోళన చెందుతున్నారు. 52 చోట్ల మత్తళ్లు జిల్లాలో 771 చెరువులు ఉండగా, 52 మత్తళ్లు పోస్తున్నాయి. ఇందులో 75 నుంచి 100శాతం నిండిన చెరువులు 123, 50 నుంచి 75శాతం 99, 25 నుంచి 50శాతం 273 చెరువులు ఉన్నాయి. జిల్లాలో 72.8 మిల్లీ మీటర్ల భారీ వర్షం జిల్లాలో విస్తారంగా వర్షాలు కురిశాయి. జిల్లాలోని 20 ప్రాంతాల్లో (లొకేషన్లు) కలిపి 72.8 మిల్లీ మీటర్లుగా వర్షం నమోదైంది. చిల్పూర్‌ మండలం మల్కాపూర్‌లో అత్యధికంగా 110 మి.మీ. వర్షపాతం నమోదైంది. జఫర్‌గఢ్‌లో 108, దేవరుప్పులలో 103.5, కొడకండ్లలో 97.8, స్టేషన్‌ ఘన్‌పూర్‌ మండలం తాటికొండలో 89.3, దేవరుప్పుల కోలుకొండలో 83, తరిగొప్పుల అబ్దుల్‌ నాగారంలో 82.5, పాలకుర్తిలో 79, జనగామ మండలం వడ్లకొండలో 76.5 మి.మీ.ల వర్షపాతం నమోదయ్యాయి. జనగామ పట్టణంలో 72.8 మి.మీ. వర్షపాతం నమోదవగా, నర్మెటలో 69.3, పాలకుర్తి గూడూరులో 63, రఘునాథపల్లిలో 62, తరిగొప్పులలో 59.3, బచ్చన్నపేటలో 55, లింగాలఘన్‌ణపురంలో 51, పాలకుర్తి వావిలాలలో 50 మి.మీ. వర్షం కురిసింది. బచ్చన్నపేట మండలం పడమటి కేశ్వాపూర్‌లో 43, జఫర్‌గఢ్‌ కూనూర్‌లో 20.8 మి.మీ. నమోదైంది.

● మాజీ మంత్రులు ఎర్రబెల్లి, సత్యవతి రాథోడ్‌, ఎమ్మెల్యే పల్లా ● కేటీపీపీ సందర్శించిన బీఆర్‌ఎస్‌ బృందంగణపురం: కాంగ్రెస్‌ అసమర్థ పాలనతోనే రాష్ట్రంలో విద్యుత్‌ సంక్షోభం నెలకొందని.. దీంతో రైతులకు సాగునీరు అందక పంటలు ఎండిపోయి తీవ్రంగా నష్టపోయారని మాజీ మంత్రులు ఎర్రబెల్లి దయాకర్‌రావు, సత్యవతిరాథోడ్‌, జనగామ ఎమ్మెల్యే పల్లా రాజేశ్వర్‌రెడ్డి అన్నారు. జయశంకర్‌ భూపాలపల్లి జిల్లా గణపురం మండలంలోని కాకతీయ థర్మల్‌ విద్యుత్‌ కేంద్రం (కేటీపీపీ)ను గురువారం బీఆర్‌ఎస్‌ ఉమ్మడి వరంగల్‌ జిల్లా మాజీ మంత్రులు, ఎమ్మెల్యేలతోపాటు సీనియర్‌ నేతలు సందర్శించారు. అనంతరం ఏర్పాటు చేసిన విలేకరుల సమావేశంలో వారు మాట్లాడారు. రాష్ట్రంలో అన్ని వనరులు ఉన్నా వినియోగించుకోలేని కాంగ్రెస్‌ ప్రభుత్వం అసమర్థ పాలన చేస్తోందన్నారు. సింగరేణి సంస్థకు జెన్‌కో సంస్థ రూ.52 వేల కోట్ల బకాయి పడిందని.. దీంతో సింగరేణి బొగ్గును ఉత్పత్తి చేయకపోవడంతో విద్యుత్‌ ఉత్పత్తి చేయడం లేదన్నారు. తమ నాయకుడు కేటీఆర్‌ మాట్లాడితే స్పందించిన ముఖ్యమంత్రి రేవంత్‌రెడ్డి ఎంత డబ్బు ఖర్చు అయిన ఇతర ప్రాంతాల నుంచి విద్యుత్‌ కొనుగోలు చేయాలని చెప్పడం సిగ్గు చేటన్నారు. కేటీపీపీలో 1100 మెగా విద్యుత్‌ ఉత్పత్తికి గాను కేవలం 500 మెగావాట్ల విద్యుత్‌ ఉత్పత్తి మాత్రమే అవుతుందన్నారు. అధికారులను అడిగితే ఉత్పత్తి తగ్గిన విషయం వాస్తవమే అన్నారని తెలిపారు. రాష్ట్రంలో విద్యుత్‌ ఉత్పత్తిని సరిపడా చేసుకునే ప్లాంట్లు ఉన్నప్పటికీ చేతగానితనంతో ఉత్పత్తి చేయలేకపోతున్నారన్నారు. కాంగ్రెస్‌ ప్రభుత్వం వచ్చినప్పటి నుంచి సింగరేణి సంస్థ 2,900 కోట్ల రూపాయలు నష్టపోయిందన్నారు. జెన్‌కోకు రోజుకు 8వేల టన్నుల బొగ్గును సింగరేణి ఇవ్వాల్సి ఉండగా ఎందుకు ఇవ్వడం లేదన్నారు. తమ ప్రభుత్వ హయాంలో రెండు నెలల బొగ్గు నిల్వలు ఉండేవన్నారు. ఇప్పుడు కనీసం 15 రోజులకు సరిపడా బొగ్గు నిల్వలు లేవన్నారు. తమ ప్రభుత్వ పాలనలో 24 గంటల విద్యుత్‌ ఉత్పత్తి చేసి ప్రతీ ఎకరాకు సాగునీరు అందించామన్నారు. దేవాదులనుంచి గోదావరి నీటిని ఎత్తిపోసే తెలివి లేదన్నారు. కార్యక్రమంలో మాజీ ఎమ్మెల్యేలు గండ్ర వెంకటరమణారెడ్డి, తాటికొండ రాజయ్య, అరూరి రమేశ్‌, శంకర్‌ నాయక్‌, నాయకులు కాకులమర్రి లక్ష్మణ్‌ బాబు, బడే నాగజ్యోతి తదితరులు పాల్గొన్నారు.గంటపాటు ఉద్రిక్తత బీఆర్‌ఎస్‌ బృందాన్ని మొదట కేటీపీపీ లోపలికి వెళ్లకుండా బారికేడ్లను ఏర్పాటు చేసి పోలీసులు అడ్డుకున్నారు. దీంతో గంటపాటు ఉద్రిక్తత నెలకొంది. ఆగ్రహానికి గురైన మాజీ మంత్రులు ఎర్రబెల్లి దయాకర్‌ రావు, సత్యవతి రాథోడ్‌, ఎమ్మెల్యే పల్లా రాజేశ్వర్‌రెడ్డి తదితరులు బారికేడ్లను నెట్టివేసి ప్రధాన గేటు వద్ద ఆందోళన చేపట్టారు. స్పందించిన పోలీసులు వారి సొంత పూచికత్తుపై ప్లాంటులోకి అనుమతించారు. ప్లాంటును సుమారు గంటకు పైగా పరిశీలించిన బృందం సభ్యులు అనంతరం అధికారులతో మాట్లాడి వివరాలు తెలుసుకున్నారు.

జనగామ: పార్టీ ఫిరాయింపుల వ్యవహారంలో దానం నాగేందర్‌ అనర్హతపై తెలంగాణ హైకోర్టు ఇచ్చిన తీర్పును సుప్రీంకోర్టు గురువారం సమర్థించడం కాంగ్రెస్‌కు ఎదురుదెబ్బ అని ఎమ్మెల్యే పల్లా రాజేశ్వర్‌రెడ్డి అన్నారు. గురువారం ఆయన మాట్లాడుతూ.. దానం దాఖలు చేసిన పిటిషన్‌న్‌ను కొట్టివేస్తూ హైకోర్టు తీర్పులో జోక్యం చేసుకోవాల్సిన అవసరం లేదని సుప్రీంకోర్టు స్పష్టం చేయడాన్ని స్వాగతిస్తున్నామన్నారు. ప్రజల ఓట్లతో ఎన్నికై న ప్రజాప్రతినిధులు పార్టీలు మారడం ప్రజల తీర్పును అవమానించడమేనని అన్నారు. ఇకనైనా కాంగ్రెస్‌ ప్రభుత్వం పార్టీ ఫిరాయింపులను ప్రోత్సహించడం మానుకుని ప్రజల తీర్పును గౌరవించాలని పల్లా డిమాండ్‌ చేశారు.

కాశిబుగ్గ: వరంగల్‌లోని సూపర్‌ స్పెషాలిటీ ఆస్పత్రి నిర్మాణ పనులను వేగవంతం చేయడానికి అధికార యంత్రాంగం కసరత్తు చేస్తోంది. సీఎం రేవంత్‌రెడ్డి ఆదేశాలతో వివిధ శాఖల రాష్ట్ర, జిల్లాస్థాయి ఉన్నతాధికారులు కదిలారు. రాష్ట్రస్థాయి అధికారులతోపాటు జిల్లాస్థాయి అధికారులు సమన్వయంతో పని చేస్తూ ముందుకు వెళ్లడానికి తగిన ప్రణాళిక సిద్ధం చేసుకున్నారు. హైదరాబాద్‌లోని సనత్‌నగర్‌ టిమ్స్‌ ఆస్పత్రి మాదిరిగా రాత్రింబవళ్లు ఆస్పత్రి నిర్మాణ పనులు చేస్తున్నారు. ఈ నేపథ్యంలో అక్టోబర్‌ 18న ఓపీ సేవలను ప్రారంభించాలనే ఆలోచనలో ఉన్నట్లు తెలుస్తోంది. సీఎం రేవంత్‌రెడ్డి ఆదేశాలు పాటిస్తూ.. ఇటీవల హైదరాబాద్‌లో వరంగల్‌ సూపర్‌ స్పెషాలిటీ ఆస్పత్రిపై జరిగిన సమీక్షలో సీఎం రేవంత్‌రెడ్డి అధికారులకు సీరియస్‌గా చెప్పారు. 30 రోజుల్లో 24 గంటలు పనిచేస్తూ వరంగల్‌ సూపర్‌ స్పెషాలిటీ ఆస్పత్రి పనులు పూర్తి చేయాలని ఆదేశాలు జారీ చేశారు. దీంతో రాష్ట్రస్థాయిలోని ఐఏఎస్‌ అధికారులు సైతం టీంలుగా ఏర్పడి పనులను పూర్తి చేయడానికి కంకణం కట్టుకున్నట్లు తెలుస్తోంది. అలాగే, ఇటీవల ఎంజీఎంలో చోటు చేసుకున్న సంఘటనలు, ప్రతిపక్ష పార్టీల ఆందోళనలు, రోగుల ఇబ్బందులను దృష్టిలో ఉంచుకుని సూపర్‌ స్పెషాలిటీ ఆస్పత్రి పనులను సూపర్‌ వేగంతో పూర్తిచేసేందుకు కదిలారు. అయితే, ఎట్టి పరిస్థితుల్లో అక్టోబర్‌ 18న ఓపీ సేవలు ప్రారంభం చేయాలని ఆదేశాలు వచ్చినట్లు తెలుస్తోంది. దసరా కానుకగా రెండు రోజుల ముందు సూపర్‌ స్పెషాలిటీ ఆస్పత్రిని ప్రాథమికంగా ప్రారంభించాలని భావిస్తునట్లు సమాచారం. దీంతో దసరా పండుగ సందర్భంగా పేద ప్రజలకు వైద్య సేవలు అందించినట్లు ఉంటుందని ప్రభుత్వం ఆలోచిస్తున్నట్లు విశ్వసనీయ వర్గాల ద్వారా తెలిసింది. డీఎంఈ, కలెక్టర్‌ పర్యవేక్షణలో..తాజాగా బుధవారం సూపర్‌ స్పెషాలిటీ ఆస్పత్రి నిర్మాణ పనులను పర్యవేక్షించడానికి డీఎంఈ డాక్టర్‌ వాణి అధికారులతో కలిసి వచ్చినట్లు తెలుస్తోంది. సీఎంఓ, డీఏంఈ, హెల్త్‌ డిపార్ట్‌మెంట్‌లోని ఉన్నతాధికారులతో పాటు ఎల్‌ అండ్‌ టీ, ఆర్‌ అండ్‌ బీ అధికారులు సమన్వయం చేసుకుంటున్నట్లు సమాచారం. వీరు ప్రత్యేక సమావేశం ఏర్పాటు చేస్తూ, వరంగల్‌ కలెక్టర్‌ సత్యశారద పర్యవేక్షణలో పనులు త్వరితగతిన పూర్తి చేయడానికి సన్నాహాలు చేస్తున్నారు. నిర్మాణపు పనులను పరిశీలించి, ప్రజలకు వైద్యసేవలు త్వరగా అందించేందుకు ముందుకు వెళ్తున్నట్లు సమాచారం. ప్రారంభించేందుకు అధికారుల కసరత్తు దసరా కానుకగా ప్రజలకు వైద్య సేవలు అందించాలని ప్రభుత్వం నిర్ణయం? సీఎం ఆదేశాలతో కదిలిన యంత్రాగం

బచ్చన్నపేట : పాఠశాల విద్యార్థులు కంప్యూటర్‌ విద్యపై దృష్టి సారించాలని కలెక్టర్‌ సందీప్‌ కుమార్‌ ఝా అన్నారు. మండలంలోని పోచన్నపేట ఎంపీపీఎస్‌ను బుధవారం సందర్శించిన ఆయన కంప్యూటర్‌ ల్యాబ్‌ (ఏఎక్స్‌ఎల్‌)ను ప్రారంభించారు. పాఠశాల విద్యాబోధన, మౌళిక సదుపాయాలు, పరిశుభ్రత, మధ్యాహ్న భోజన ఏర్పాట్లను పరిశీలించారు. అనంతరం మాట్లాడుతూ.. మారుతున్న కాలానికి అనుగుణంగా విద్యార్థులు కంప్యూటర్‌ విద్యకు ప్రాధాన్యం ఇవ్వాలని అన్నారు. తరగతి గదిలో విద్యార్థులతో మాట్లాడి పలు ప్రశ్నలు వేశారు. కట్టెల పొయ్యిపై మధ్యాహ్న భోజనం వండకూడదని ఆగ్రహం వ్యక్తం చేస్తూ గ్యాస్‌ పొయ్యిపై వండాలని సూచించారు. విద్యార్థులను ఆరు బటయ కూర్చోబెట్టకుండా తరగతి గదుల్లో మాత్రమే ఉంచాలని హెచ్‌ఎంకు చెప్పారు. కార్యక్రమంలో ఎంఈఓ ఇర్రి వెంకట్‌రెడ్డి, సర్పంచ్‌ ఎండీ.ఫిరోజ్‌, హెచ్‌ఎం అమృత, ఉపాధ్యాయులు పాల్గొన్నారు. ఆయిల్‌ పామ్‌ సాగు విస్తరణకు కార్యచరణ జనగామ రూరల్‌: జిల్లాలో ఆయిల్‌ పామ్‌ సాగు విస్తరణకు ప్రత్యేక కార్యచరణ చేపట్టాలని కలెక్టర్‌ సందీప్‌ కుమార్‌ ఝా ఉద్యాన శాఖ అధికారులను ఆదేశించారు. కలెక్టరేట్‌లో బుధవారం ఉద్యాన తోటల పెంపకంపై నిర్వహించిన సమీక్ష సమావేశంలో కలెక్టర్‌ మాట్లాడారు. జిల్లాలో ప్రస్తుతం 590 ఎకరాల్లో ఆయిల్‌ పామ్‌ సాగు జరుగుతోందని, దానిని మరింత విస్తరించేందుకు రైతుల్లో అవగాహన కల్పించాలన్నారు. డ్రిప్‌ ఇరిగేషన్‌ను 430 ఎకరాల వరకు సరఫరా చేసినట్లు అధికారులు వివరించారు. మహిళా సంఘాలు, రైతు సేవా కేంద్రాల ద్వారా రైతులకు డ్రిప్‌ ఇరిగేషన్‌ పరికరాల విక్రయాలు చేపట్టేలా చర్యలు తీసుకోవాలని కలెక్టర్‌ సూచించారు. ఎంఐడీహెచ్‌ పథకం కింద సీడ్‌ ప్రాసెసింగ్‌ విస్తరించాలన్నారు. తేనెటీగల పెంపకం, పుట్టగొడుగుల సాగుపై శిక్షణ ఇవ్వాలన్నారు. ఇందుకోసం గుర్తించిన 24 మహిళా సంఘాలకు శిక్షణ, మార్కెటింగ్‌ అవకాశాలు కల్పించి, ఉత్పత్తికి ప్రణాళిక సిద్ధం చేయాలని ఆదేశించారు. జిల్లాలో వెదురు, అరటి తోటల పెంపకానికి అనువైన స్థలాలను గుర్తించాలని సూచించారు. అరటి సాగులో ఎకరానికి 1,100 మొక్కలు, మొక్కకు మొక్కకు మధ్య 1.8 మీటర్ల దూరం పాటించేలా అవగాహన కల్పించాలని స్పష్టం చేశారు. సమావేశంలో డీహెచ్‌ఎస్‌ఓ నర్సయ్య, డీఆర్‌డీఓ భాస్కర్‌, ఉద్యాన శాఖ అధికారులు పాల్గొన్నారు. కలెక్టర్‌ సందీప్‌ కుమార్‌ ఝా

జనగామ: ఎవరికి ఎప్పుడు అవసరం వచ్చినా.. రక్తదానం చేస్తూ స్ఫూర్తిగా నిలుస్తున్నారు.. పౌర సరఫరాల శాఖ ఎన్‌ఫోర్స్‌మెంట్‌ డిప్యూటీ తహసీల్దార్‌ మాచన రఘునందన్‌. జనగామ ప్రభుత్వ ఆస్పత్రిలో బుధవారం రెడ్‌క్రాస్‌ రక్తనిధికి 100వ సారి రక్తదానం చేశారు. ఈ సందర్భంగా ఆయన మాట్లాడుతూ.. రక్తదానం ద్వారా ఆపదలో ఉన్న వారి ప్రాణాలను కాపాడే అవకాశం లభిస్తుందన్నారు. ఆరోగ్యంగా ఉన్న వారు ఏడాదికి మూడు పర్యాయాలు రక్తదానం చేయవచ్చని తెలిపారు. 1999 నుంచి ఇప్పటి వరకు 100 సార్లు రక్తదానం చేశానని రఘునందన్‌ తెలిపారు. మోటార్‌ సైకిల్‌ రేసింగ్‌లో యువకుడి సత్తా జనగామ: జాతీయ స్థాయి మోటార్‌ సైకిల్‌ రేసింగ్‌ పోటీల్లో జనగామ మండలం సిద్దెంకి గ్రామానికి చెందిన రవీందర్‌ కుమారుడు బీదాని రాజేందర్‌ సత్తాచాటారు. చైన్నెలోని మద్రాస్‌ ఇంటర్‌నేషనల్‌ సర్క్యూట్‌లో ఈ నెలలో నిర్వహించిన ఇండియన్‌ నేషనల్‌ మోటార్‌ సైకిల్‌ రేసింగ్‌ ఛాంపియన్‌ షిప్‌–2026లో ఆయన ప్రతిభ కనబరిచారు. టీవీఎస్‌ ఆర్‌ఆర్‌ 310 ఓఎంసీ ఎక్స్‌పర్ట్‌ కేటగిరీ–రౌండ్‌ 2, రేస్‌–1లో రాజేందర్‌ ప్రథమ స్థానంలో నిలిచారు. ఈ మేరకు రాజేందర్‌ చైన్నెలో బుధవారం అవార్డు అందుకున్నారు. జాతీయ స్థాయిలో సిద్దెంకి గ్రామానికి గుర్తింపు తీసుకురావడంపై స్థానికులు రాజేందర్‌ను అభినందించారు. ఈదురుగాలులతో భారీ వర్షంజనగామ: జిల్లా కేంద్రంతోపాటు జిల్లాలోని 12 మండలాల పరిధిలో బుధవారం ఈదురు గాలులతో కూడిన భారీ వర్షం కురిసింది. వినాయక నిమజ్జన కార్యక్రమాలు ప్రారంభమయ్యే సమయంలోనే వర్షం ప్రారంభమైంది. సాయంత్రం 4 గంటల నుంచి ప్రారంభమైన వర్షం క్రమంగా తీవ్రత పెంచుకుంది. రాత్రి 8.30 గంటల సమయంలో దంచికొట్టిన వర్షానికి రహదారుల జలమయమయ్యాయి. పలుచోట్ల ఈదురుగాలులు వీచాయి. మరో రెండు రోజులపాటు వర్షాలు కురిసే అవకాశం ఉందని వాతావరణ శాఖ హెచ్చరికలు జారీ చేసిన నేపథ్యంలో జిల్లా అధికారులు అప్రమత్తమయ్యారు. విద్యుత్‌ తీగలు, నీటి వనరులు, లోతైన ప్రాంతాల వద్ద అప్రమత్తంగా ఉండాలని కోరుతున్నారు. దరఖాస్తుల ఆహ్వానం విద్యారణ్యపురి: హనుమకొండలోని కాకతీయ ప్రభుత్వ డిగ్రీ కళాశాలలో పీజీ కోర్సుల విద్యార్థుల బోధనకు అతిథి అధ్యాపకుల నియమకం కోసం దరఖాస్తులు ఆహ్వానిస్తున్నట్లు కాకతీయ ప్రభుత్వ డిగ్రీ కళాశాల ప్రిన్సిపాల్‌ ఆచార్య గుర్రం శ్రీనివాస్‌ బుధవారం ఒక ప్రకటనలో తెలిపారు. ఎమ్మెస్సీ మైక్రో బయాలజీ విభాగంలో రెండు పోస్టులకు, ఎమ్మెస్సీ కంప్యూటర్స్‌ ఒక పోస్టుకు, ఎంఏ తెలుగు ఒక పోస్టుకు అర్హులైన అధ్యాపకులు దరఖాస్తులు చేసుకోవాలని సూచించారు. సంబంధిత పీజీ సబ్జెక్టుల్లో 55 శాతానికి తక్కువ కాకుండా మార్కులు కలిగి ఉండాలని, ఎస్సీఎస్టీ అభ్యర్థులకు 50 శాతం మార్కులు ఉండాలని పేర్కొన్నారు. పీహెచ్‌డీ, నెట్‌, బోధనలో అనుభవం కలిగినవారికి ప్రాధాన్యం ఇవ్వనున్నట్లు తెలిపారు. అభ్యర్థులు ఈనెల 26 సాయంత్రం 4:30 గంటల్లోగా దరఖాస్తులు కళాశాలల్లో సమర్పించాలని సూచించారు.

ఉత్సాహంగా పాల్గొన్న భక్తులుజనగామ: నవరాత్రులు భక్తుల పూజలందుకున్న గణనాథులు బుధవారం నిమజ్జనానికి బయల్దేరారు. వినాయక చవితి ఉత్సవాల్లో భాగంగా జిల్లాలో సుమారు రెండు వేల వరకు విగ్రహాలు కొలువుదీరగా, మొదటి రోజు జిల్లా వ్యాప్తంగా 1,090 వినా యక విగ్రహాలను నిమజ్జనం చేసినట్లు అధికారులు తెలిపారు. బుధవారం సాయంత్రం నుంచి భారీ వర్షం కురిసినా.. భక్తులు ఉత్సాహంగా గణపతి విగ్రహాలతో శోభాయాత్ర నిర్వహించారు. లింగాలఘణపురం మండలం నెల్లుట్ల చెరువు వద్ద ప్రత్యేకంగా రెండు క్రేన్లు, రెండు తెప్పలతోపాటు 40 మంది గతఈతగాళ్లతో భారీ గేట్లు ఏర్పాట్లు చేశారు. భక్తిశ్రద్ధలతో శోభాయాత్ర జిల్లా కేంద్రంలో సాయంత్రం ఏడు గంటల నుంచి గణనాథుల నిమజ్జన యాత్ర సాగింది. కళాకారుల విన్యాసాలు, కోలాటాలు, భజనలు, చిన్నారులు, మహిళలు, యువత పాల్గొన్న సాంస్కృతిక కార్యక్రమాలతో శోభాయాత్రలు సందడిగా సాగాయి. నెహ్రూ పార్కు, కురుమవాడ, బాలాజీనగర్‌, జిల్లా ఆస్పత్రి ప్రాంతం, గోకుల్‌నగర్‌, గ్రీన్‌మార్కెట్‌, శ్రీనగర్‌కాలనీ నుంచి భారీ సంఖ్యలో విగ్రహాలను భక్తులు నెల్లుట్ల చెరువుకు తరలించారు. పూజలతో నిమజ్జనానికి శ్రీకారం నెల్లుట్ల చెరువు వద్ద డీసీపీ రాజమహేంద్ర నాయక్‌, మున్సిపల్‌ కమిషనర్‌ రాజశేఖర్‌రెడ్డి, ఏసీపీ భీమ్‌శర్మ, సీఐలు సత్యనారాయణరెడ్డి, శ్రీనివాస్‌రెడ్డి, వేణు ప్రత్యేక పూజలు నిర్వహించి నిమజ్జన కార్యక్రమాన్ని ప్రారంభించారు. పూలదండలు, అక్షింతలు, పూజా సామగ్రిని ప్రత్యేక వాహనంలోకి తరలించిన అనంతరం కేవలం విగ్రహాన్ని మాత్రమే నిమజ్జనం చేసేలా చర్యలు చేపట్టారు. ఇదిలా ఉండగా.. భారీ వర్షం, ఊరేగింపుల జోరు మధ్య నిమజ్జన శోభాయాత్ర కొనసాగింది. పోలీసులు, అధికారులు వర్షంలో తడుస్తూనే విధులు నిర్వహిస్తూ భక్తులకు ఇబ్బందులు కలగకుండా పర్యవేక్షించారు. చివరి రోజు మండపాల వద్ద భజనలు, లడ్డూ వేలం పాటలు, ఇతర పూజా సామగ్రి వేలం నిర్వహించగా భక్తులు పోటీపడి కొనుగోలు చేశారు. స్వాగత వేడుకలు నిమజ్జన శోభాయాత్ర సందర్భంగా విశ్వహిందూ పరిషత్‌, గణేష్‌ ఉత్సవ కమిటీ ఆధ్వర్యంలో స్వాగత వేడుకలు నిర్వహించారు. కార్యక్రమంలో డీసీపీ రాజమహేంద్ర నాయక్‌, ఏసీపీ భీంశర్మ, సీఐ సత్యనారాయణ రెడ్డి, ఎస్సై పాల్గొన్నారు. వీహెచ్‌పీ జిల్లా అధ్యక్షుడు ఎనగందుల భిక్షపతి, కార్యదర్శి మోహనకృష్ణ భార్గవ, ఉపాధ్యక్షుడు బచ్చు బాలనా రాయణ, కోశాధికారి దిడిగం లక్ష్మణ్‌ పాల్గొన్నారు. నేడు కొనసాగనున్న నిమజ్జనం జిల్లా కేంద్రంతోపాటు జిల్లాలోని పలు ప్రాంతాల్లో రెండో రోజు నేడు(గురువారం), 25వ తేదీ శుక్రవారం సైతం వినాయక నిమజ్జనం కొనసాగనుంది. పట్టణంలో 100, జిల్లా వ్యాప్తంగా మరో వెయ్యి విగ్రహాలు నిమజ్జనానికి సిద్ధంగా ఉన్నాయి. జిల్లా అధికారులు నెల్లుట్ల చెరువు వద్ద ఈ నెల 25 వరకు నిమజ్జన సేవలు అందించే విధంగా ఏర్పాట్లు చేశారు. జనగామ: నెల్లుట్ల చెరువులోకి విగ్రహాలను తీసుకెళ్తున్న డీసీపీ రాజమహేంద్రనాయక్‌, సీఐలు జనగామ: నెల్లుట్ల చెరువులో గణపయ్య నిమజ్జనం నెల్లుట్ల చెరువు వద్ద పకడ్బందీ ఏర్పాట్లు పర్యవేక్షించిన పోలీసులు, అధికారులు జిల్లా వ్యాప్తంగా నేడు కొనసాగనున్న నిమజ్జనాలువినాయక విగ్రహాల నిమజ్జనం సందర్భంగా డీసీపీ రాజమహేంద్ర నాయక్‌ ఆధ్వర్యంలో సుమారు 600 మంది పోలీసులు బందోబస్తు నిర్వహించారు. జిల్లా కేంద్రం నుంచి నెల్లుట్ల చెరువు వరకు ప్రధాన మార్గాల్లో ట్రాఫిక్‌ నియంత్రణ, ప్రమాదాల నివారణకు ప్రత్యేక చర్యలు చేపట్టారు. మున్సిపల్‌ కమిషనర్‌ రాజశేఖర్‌రెడ్డి ఆధ్వర్యంలో మున్సిపల్‌ ఉద్యోగులు, సిబ్బంది ఏర్పాట్లను పర్యవేక్షించారు. విద్యుత్‌ శాఖ ఎస్‌ఈ సంపత్‌రెడ్డి ఆధ్వర్యంలో నిమజ్జన మార్గాలు, చెరువు పరిసరాల్లో విద్యుత్‌ సరఫరాకు అంతరాయం కలగకుండా సిబ్బంది అప్రమత్తంగా ఉన్నారు.

పాలకుర్తి టౌన్‌: గ్రామీణ ప్రాంత బాలికల్లో దాగి ఉన్న క్రీడా ప్రతిభను వెలికితీసేందుకు రగ్బీ వంటి పోటీలు దోహదపడతాయని సీఐ భరత్‌ సుమన్‌ అన్నారు. మండలంలోని చెన్నూరు ప్రభుత్వ ఉన్నత పాఠశాల క్రీడా మైదానంలో జిల్లాస్థాయి అస్మిత రగ్బీ సిటీ టోర్నమెంట్స్‌ ఆధ్వర్యంలో బుధవారం బాలికలకు –15, 18 విభాగాల్లో పోటీలు నిర్వహించారు. గ్రామీణ క్రీడాకారులకు రాష్ట్ర స్థాయి అవకాశాలు పొందేందుకు ఈ పోటీలు ఉపకరిస్తాయని తెలంగాణ రగ్బీ డెవలప్‌మెంట్‌ ఆఫీసర్‌ శేషు అన్నారు. కార్యక్రమంలో రగ్బీ జిల్లా అసోసియేషన్‌ జిల్లా అధ్యక్షుడు దొంతమల్ల గణేష్‌, కొండ రవి, మామిండ్ల సోంమల్లు, బాలబోయిన సందీప్‌, రావుల కుమారస్వామి, జోగు సంతోష్‌, సుష్మిత, నరేష్‌, పుస్కూరి రమేష్‌, జంపల పుష్పలీల, కారుపోతుల వేణు, కళింగరావు, క్రీడాకారులు పాల్గొన్నారు. చెన్నూరులో జిల్లాస్థాయి అస్మిత రగ్బీ పోటీలు

పాలకుర్తిటౌన్‌ (దేవరుప్పుల) : కాలం కలిసి రాక రైతులు గోస పడుతున్నా కాంగ్రెస్‌ ప్రభుత్వం ప్రత్యామ్నాయ చర్యలు చేపట్టడంలేదని మాజీ మంత్రి ఎర్రబెల్లి దయాకర్‌రావు విమర్శించారు. బుధవారం దేవరుప్పుల మండలంలోలో నిర్వహించిన పలు కార్యక్రమాల్లో పాల్గొన్న ఆయన బంజర గ్రామంలో రోడ్డు పక్కన పున్న చెరువులో ఉపాధి హామీ కూలీలతో మాట్లాడారు. ఈ సందర్భంగా కూలీలు మాట్లాడుతూ.. పంటలకు నీరందడంలేదని.. పంటలు ఎండిపోవడంతో ఉపాధి పనులకు వస్తున్నామని చెప్పారు. స్పందించిన ఎర్రబెల్లి మాట్లాడుతూ.. చెరువులకు సాగు నీరు అందించాలని, వందల ఎకరాలు సాగు చేయకుండా రైతులు ఇబ్బందులు పడుతున్నా ప్రభుత్వం పట్టించుకోవడంలేదన్నారు. రైతులకు ఏమి చేఆయలో తెలియని వ్యక్తి రాష్ట్రానికి సీఎంగా కొనసాగడం సిగ్గుచేటన్నారు. కార్యక్రమంలో దేవరుప్పుల మండల బీఆర్‌ఎస్‌ అధ్యక్షుడు తీగల దయాకర్‌, ఏల సుందర్‌, కరుణాకర్‌, నవీన్‌నాయక్‌, పానుగంటి కృష్ణ పాల్గొన్నారు. ● మాజీ మంత్రి ఎర్రబెల్లి దయాకర్‌రావు

జనగామ: వినాయక నిమజ్జన కార్యక్రమాలు సురక్షితంగా, సజావుగా జరిగేలా జిల్లాలో నిరంతర విద్యుత్‌ సరఫరాకు ఏర్పాట్లు చేసినట్లు ఎన్పీడీసీఎల్‌ ఎస్‌ఈ చెరుకు సంపత్‌రెడ్డి తెలిపారు. బుధవారం నిమజ్జన ఏర్పాట్లలో విద్యుత్‌ సేవలను పరిశీలించిన అనంతరం ఆయన మాట్లాడారు. నిమజ్జన ప్రాంతాల్లో విద్యుత్‌ అవసరాలకు అనుగుణంగా అదనపు డిస్ట్రిబ్యూషన్‌ ట్రాన్స్‌ఫార్మర్లు (డీటీఆర్‌) ఏర్పాటు చేశారు. జనగామ, స్టేషన్‌ఘన్‌పూర్‌ ప్రాంతాల్లో అత్యవసర పరిస్థితుల్లో వెంటనే సరఫరా పునరుద్ధరించేందుకు మొబైల్‌ ట్రాలీ డీటీఆర్‌లను సిద్ధంగా ఉంచామన్నారు. జనగామ నెల్లుట్ల చెరువు, ఘన్‌పూర్‌ పుట్టలమ్మ చెరువు, పాలకుర్తి తొర్రూరు (జి) ప్రాంతాల్లో ప్రత్యేక విద్యుత్‌ ఏర్పాట్లు చేపట్టినట్లు పేర్కొన్నారు. ప్రధాన నిమజ్జన ప్రాంతాలతోపాటు ఊరేగింపు మార్గాల్లో 24 గంటల పాటు విద్యుత్‌ సిబ్బందిని అందుబాటులో ఉంచి పర్యవేక్షణ చేపడుతున్నారు. భారీ వినాయక విగ్రహాలను తరలించే సమయంలో విద్యుత్‌ లైన్లకు సమీపంలో అప్రమత్తంగా ఉండాలని ఎస్‌ఈ సూచించారు. విద్యుత్‌ అత్యవసర పరిస్థితుల్లో 1912కు కాల్‌ చేయాలని సూచించారు. ఆయన వెంట డీఈ లక్ష్మినారా యణరెడ్డి తదితరులు ఉన్నారు.● ఎస్‌ఈ సంపత్‌రెడ్డి

లింగాలఘణపురం: ఇందిరమ్మ ఇల్లు ఆశించి చివరికి ఆ ఆశ తీరకముందే ఓ మహిళ అనంతలోకాలకు వెళ్లింది. ఈ ఘటన మండలంలోని నాగారంలో జరిగింది. గ్రామస్తుల కథనం ప్రకారం.. గ్రామానికి చెందిన మద్దూరి లక్ష్మి (58), చంద్రయ్య దంపతులు సోమవారం రాత్రి తమ పెంకుటింట్లో నిద్రిస్తున్నారు. భర్త మంచంపై పడుకోగా లక్ష్మి పక్కనే నేలపై పడుకుంది. అర్ధరాత్రి పెద్ద మట్టిపెళ్ల ఆమె తలపై పడగా గాయపడి స్పృహ కోల్పోయింది. మట్టి పెళ్ల చప్పుడుతో భర్త చంద్రయ్య లేచి చూడగా తలకు గాయాలై ఉండడంతో మరో గదిలో నిద్రి స్తున్న కొడుకు, కోడలిని లేపి వెంటనే జనగామలోని ఆస్పత్రికి తరలించారు. పరిస్థితి విషమంగా ఉండడంతో నిమ్స్‌కు తరలించగా చికిత్స పొందు తూ మంగళవారం మృతి చెందింది. రెండో విడతలోనైనా ఇందిరమ్మ ఇల్లు వస్తుందని ఆశించిన లక్ష్మి చివరికి గోడ కూలి చనిపోవడంతో కుటుంబ సభ్యుల రోదనలు మిన్నంటాయి. లక్ష్మికి ముగ్గురు కూతుళ్లు, కుమారుడు ఉన్నారు. ఇందిరమ్మ ఇల్లు కోసం రెండుసార్లు దరఖాస్తు చేసిన మహిళ చివరికి శిథిలావస్థలో ఉన్న ఇల్లు గోడ కూలీ మృతి

లింగాలఘణపురం: కట్టెల పొయ్యిపై వంట చేయడంపై కలెక్టర్‌ సందీప్‌కుమార్‌ ఝా ఆగ్ర హం వ్యక్తం చేశారు. మంగళవారం మండల కేంద్రంలోని మోడల్‌ స్కూల్‌లో ఆకస్మిక తనిఖీ చేశారు. ఈ సందర్భంగా పాఠశాలలో విద్యార్థుల అభ్యసన సామర్థ్యాలను, ఉపాధ్యాయుల బోధన తీరును పరిశీలించారు. అనంతరం వంటశాలను పరిశీలించేందుకు వెళ్లగా కట్టెల పొయ్యిపై వంట చేయడం గమనించి అసహనం వ్యక్తం చేస్తూ గ్యాస్‌పై మాత్రమే వంట చేయాలని ఆదేశించారు. వంట చేసే మహిళా సంఘ సభ్యులను మార్చాలని ప్రిన్సిపాల్‌ సునితను ఆదేశించారు. ఈ విషయంపై ప్రిన్సిపాల్‌ సునిత సంబంధిత సర్పంచ్‌ ఎడ్ల లావణ్యరాజు, గ్రామంలోని వీఓఏల అధ్యక్షులతో సమావేశం ఏర్పాటు చేసి వంట చేసే సభ్యులను కలెక్టర్‌ ఆదేశాలతో మార్చుతున్నామని, ఇతర మహిళలను నియమించాలని కోరారు. ప్రమాణాల పెంపుపై దృష్టి సారించాలి జనగామ రూరల్‌: జూనియర్‌ కళాశాలల్లో విద్యా ప్రమాణాలను మరింత మెరుగుపరిచేందుకు అవసరమైన చర్యలు చేపట్టాలని కలెక్టర్‌ సందీప్‌ కుమార్‌ ఝా అధికారులను, కళాశాలల ప్రిన్సిపాళ్లను ఆదేశించారు. కలెక్టరేట్‌లో సమీక్ష నిర్వహించారు. ఈసందర్భంగా కలెక్టర్‌ మాట్లాడుతూ..విద్యార్థులు, అధ్యాపకుల హాజరును ఎఫ్‌ఆర్‌ఎస్‌ ద్వా రా ప్రవేశ, నిష్క్రమణ సమయాల్లో తప్పనిసరిగా నమోదు చేసేలా చర్యలు తీసుకోవాలని సూచించారు. సమీక్షలో డీఐఈఓ జితేందర్‌ రెడ్డి, ఇంటర్మీడియట్‌ కళాశాలల ప్రిన్సిపాళ్లు పాల్గొన్నారు. ఎంజీఎం దుస్థితిపై ప్రశ్నిస్తే దాడి చేస్తారా?జనగామ: వరంగల్‌ ఎంజీఎం ఆస్పత్రి దుస్థితిని ప్రశ్నిస్తూ సందర్శనకు వెళ్లిన మాజీ చీఫ్‌ విప్‌, మాజీ ఎమ్మెల్యే దాస్యం వినయ్‌ భాస్కర్‌పై పోలీసులు వ్యవహరించిన తీరును ఎమ్మెల్యే డాక్టర్‌ పల్లా రాజేశ్వర్‌రెడ్డి మంగళవా రం తీవ్రంగా ఖండించారు. ఆస్పత్రిలో బెడ్లు, అంబులెన్స్‌ల కొరతతో పాటు పైకప్పులు పెచ్చులూడుతున్న దుస్థితిపై ప్రశ్నించిన మాజీ ఎమ్మెల్యేను అడ్డుకుని దాడి చేయడం దారుణమని పేర్కొన్నారు. ప్రజా సమస్యలను ప్రశ్నించినందుకు కడుపులో తన్నడం, గాయపర్చడం ఏ విధమైన ప్రజాస్వామ్య పాలన అని ప్రశ్నించారు. ఆస్పత్రుల పరిస్థితులను చక్కదిద్దాల్సిన ప్రభుత్వం, సమస్యలను ప్రశ్నించే వారిపై పోలీసులతో దాడులు చేయించడం సిగ్గుచేటన్నారు. పోలీసుల అత్యుత్సాహాన్ని వెంటనే అరికట్టాలని, వినయ్‌ భాస్కర్‌పై జరిగిన ఘటనపై సమగ్ర విచారణ జరిపి బాధ్యులపై చర్యలు తీసుకోవాలని డిమాండ్‌ చేశారు. బాగున్న రోడ్డును ధ్వంసం చేసి కొత్త నిర్మాణమా? జనగామ: మున్సిపాలిటీ పరిధిలోని 28వ వార్డులో బాగానే ఉన్న సీసీ రోడ్డును పూర్తిగా ధ్వంసం చేసి నూతన సీసీ రోడ్డు నిర్మాణ పనులు చేపడుతున్న అంశంపై సమగ్ర విచారణ జరపాలని కోరుతూ వాట్సాప్‌ వేదికగా మున్సిపల్‌ కమిషనర్‌కు మంగళవారం విజ్ఞప్తి చేశారు. భారీ వాహనాల రాకపోకలు పెద్దగా లేని చిన్న కాలనీ రోడ్డును పూర్తిగా తొలగించాల్సిన అవసరం ఏమిటన్న అంశాన్ని అధికారులు పరిశీలించాలని విజ్ఞప్తి చేశారు. రోడ్డు అక్కడక్కడ మాత్రమే దెబ్బతిన్నట్లయితే, తక్కువ ఖర్చుతో మరమ్మతులు చేపట్టవచ్చన్నారు. ఈ అంశంపై మున్సిపల్‌ కమిషనర్‌ స్వయంగా పర్యవేక్షించి పూర్తిస్థాయి విచారణ జరిపి వాస్తవాలను వెలుగులోకి తేవాలని కోరా రు. ఈ విషయమై కమిషనర్‌ మాట్లాడుతూ.. సీసీ రోడ్డు ధ్వంసానికి సంబంధించి ఇంజనీరింగ్‌ డిపార్టుమెంట్‌ డీఈ, ఏఈలతో పాటు కౌన్సిలర్లను పిలిచి మాట్లాడతామని, విచారణ జరుపుతామన్నారు. సీసీరోడ్డు నిర్మాణ సమయంలో ఏ స్థితిలో ఉందో అనే విషయమై డీఈ పరిశీలించారా లేదా అని కూడా ఆరా తీస్తామన్నారు. రైతు రిజిస్ట్రేషన్‌ ద్వారా రైతు ఐడీ పొందాలి జనగామ రూరల్‌: రైతు నమోదు చేసుకొని, రైతు ఐడీని పొందాలని కలెక్టర్‌ సందీప్‌ కుమార్‌ ఝా మంగళవారం ఒక ప్రకటనలో తెలిపారు. ఇప్పటికే రైతు నమోదు చేసుకున్న రైతులు సంబంధిత వెబ్‌సైట్‌ లింక్‌ను ఓపెన్‌ చేసి, తమ ఆధార్‌ నంబర్‌ నమోదు చేయాలని తెలిపారు. ఆధార్‌కు అనుసంధానమైన మొబైల్‌ నంబర్‌కు వచ్చిన ఓటీపీని నమోదు చేసిన ఫార్మర్‌ ఐడీ నంబర్‌ను తెలుసుకోవచ్చన్నారు. రైతులు ఈ అవకాశాన్ని వినియోగించుకోవాలన్నారు.

జనగామ: జిల్లాలో ఈనెల 23న (బుధవారం) జరగనున్న వినాయక నిమజ్జనానికి యంత్రాంగం సర్వం సిద్ధం చేసింది. కలెక్టర్‌ సందీప్‌ కుమార్‌ ఝా ఆదేశాల మేరకు పకడ్బందీ ఏర్పాట్లు చేపట్టారు. జిల్లాలో మొత్తం 770 చెరువులు ఉండగా, 2 వేలకుపైగా వినాయక ప్రతిమలు కొలువుదీరాయి. నిమజ్జనానికి ప్రధాన కేంద్రంగా నెల్లుట్ల చెరువు వద్ద ప్రత్యేక భద్రతా చర్యలు చేపట్టారు. జిల్లా కేంద్రం, లింగాల ఘణపురం, నెల్లుట్ల ప్రాంతాలకు చెందిన సుమారు 600 నుంచి 800 వరకు వినాయక విగ్రహాలు ఇక్కడ నిమజ్జనం చేసే అవకాశం ఉండటంతో భారీ ఏర్పాట్లు చేశారు. వర్షం వచ్చినా.. ఇబ్బంది లేకుండా నెల్లుట్ల చెరువు నిమజ్జన ప్రాంతానికి సమీపంలో సుమారు 100 మీటర్ల మేర రోడ్డును ఫార్మేషన్‌ చేశారు. కలెక్టర్‌ ఆదేశాల మేరకు మున్సిపల్‌ కమిషనర్‌ రాజశేఖర్‌రెడ్డి ఆధ్వర్యంలో భారీ వర్షం కురిసినా వాహనాలు బురదలో కూరుకుపోకుండా, నిమజ్జన కార్యక్రమానికి ఎలాంటి ఆటంకం కలగకుండా ముందస్తు చర్యలు చేపట్టారు. చెరువు వద్ద రెండు భారీ క్రేన్లు ఏర్పాటు చేశారు. నిమజ్జనానికి వచ్చే నిర్వాహకులు, భక్తుల రాకపోకలకు ప్రత్యేక ఎంట్రీ, ఎగ్జిట్‌ గేట్లను ఏర్పాటు చేశారు. రెండు బోట్లను అందుబాటులో ఉంచారు. 12 సీసీ కెమెరాలు.. 180 లైట్లు నెల్లుట్ల చెరువు చుట్టూ 12 సీసీ కెమెరాలు, 180 లైట్లు ఏర్పాటు చేశారు. వీటిని మూడు లొకేషన్ల ద్వారా ప్రత్యేక కంట్రోల్‌ రూమ్‌కు అనుసంధానం చేశారు. నిమజ్జన ప్రక్రియ, శోభాయాత్ర, చెరువు పరిసరాల్లో పరిస్థితులను నిరంతరం పర్యవేక్షించనున్నారు. 24 గంటలు పనిచేసేలా కంట్రోల్‌ రూమ్‌ను సిద్ధం చేశారు. వ్యర్థాలు వేరుగా.. నిమజ్జనంలో ఈసారి కొత్త విధానాన్ని అమలు చేస్తున్నారు. వినాయక విగ్రహాలతో పాటు వచ్చే పూల మాలలు, ఇతర వ్యర్థాలను చెరువులో వేయకుండా ప్రత్యేకంగా ఏర్పాటు చేసిన వాహనాల్లో సేకరించనున్నారు. వ్యర్థాలను తొలగించిన అనంతరం ఖాళీ విగ్రహాన్ని నిమజ్జనం చేసేలా చర్యలు చేపట్టారు. ఇందుకు 30 మంది పారిశుధ్య సిబ్బంది మూడు షిఫ్టుల్లో విధులు నిర్వహించనున్నారు. 40 మంది గజ ఈతగాళ్లు నెల్లుట్ల చెరువు వద్ద 40 మంది గజ ఈతగాళ్లను అందుబాటులో ఉంచారు. వీరు 20 మంది చొప్పున మూడు షిఫ్టుల్లో సేవలందించనున్నారు. నిమజ్జన ప్రాంతాల్లో నిరంతరాయంగా మెడికల్‌ క్యాంపులు, 108 అంబులెన్స్‌, ఫైర్‌ సేఫ్టీ, విద్యుత్‌ శాఖ ప్రత్యేక బృందాలు సేవలందించనున్నాయి. 300 మంది బందోబస్తు డీసీపీ రాజామహేంద్ర నాయక్‌ ఆధ్వర్యంలో ఏసీపీలు, ఎస్సైలతోపాటు 300 మంది పోలీసు సిబ్బందితో బందోబస్తు ఏర్పాటు చేశారు. ప్రధాన మార్గాల్లో ట్రాఫిక్‌కు అంతరాయం కలగకుండా ప్రత్యేక చర్యలు చేపట్టారు. జిల్లాలోని ఇతర ప్రధాన నిమజ్జన కేంద్రాలైన నర్మెట, చిల్పూరు మండలాలు గండిరామారం రిజర్వాయర్‌, బచ్చన్నపేట గుడి చెరు వు, పాలకుర్తి, తొర్రూరు(జే), దేవరుప్పుల ధర్మాపురం చెరువు, కొడకండ్ల రామవరం చెరువు, తరి గొప్పుల, రఘునాథపల్లి, ఇబ్రహీంపురం తదితర ప్రాంతాల్లోనూ ఏర్పాట్లు చేశారు. ఘన్‌పూర్‌, పాలకుర్తి చెరువుల వద్ద ఒక్కో క్రేన్‌ ఏర్పాటు చేశారు. నేటినుంచి 25 వరకు అధికారుల విధులు ఈ నెల 23 నుంచి 25వ తేదీ తెల్లవారుజాము వరకు అన్ని శాఖల జిల్లా అధికారులు విధుల్లో ఉండనున్నారు. జనగామ మున్సిపాలిటీలోని 30 వార్డుల వార్డు అధికారులు మూడు షిఫ్టుల్లో సేవలందించనున్నారు. నిమజ్జన కార్యక్రమం పూర్తయ్యే వరకు అధికారులు, సిబ్బంది సమన్వయంతో పనిచేయనున్నారు. నిమజ్జనం సందర్భంగా ఈ నెల 23 నుంచి 24వ తేదీ సాయంత్రం 6 గంటల వ రకు జిల్లాలోని వైన్స్‌, బార్లు మూసివేయాలని కలెక్టర్‌ ఆదేశాలు జారీ చేశారు. నెల్లుట్ల చెరువు వద్ద భారీ ఏర్పాట్లు పట్టణంలో 2వేలకు పైగా గణనాథుల ప్రతిమలు రెండు భారీ క్రేన్లు, నాలుగు బోట్లు సిద్ధం నేటి నుంచి రేపు సాయంత్రం 6 వరకు వైన్స్‌, బార్లు బంద్‌భద్రతకు ప్రాధాన్యం.. వినాయక నిమజ్జనంలో భద్రతకు అత్యంత ప్రాధాన్యం ఇస్తున్నాం. నీటిలోతు ఎక్కువగా ఉన్న ప్రాంతాల్లో హెచ్చరిక బోర్డులు, బారికేడ్లు ఏర్పాటు చేశాం. 24 గంటలు పనిచేసేలా కంట్రోల్‌ రూం, సీసీ కెమెరాల ద్వారా నిరంతర నిఘా కొనసాగుతుంది. నిమజ్జన ఘాట్ల వద్ద భద్రతతో పాటు శోభాయాత్ర సమయంలో ట్రాఫిక్‌కు అంతరాయం లేకుండా చర్యలు తీసుకుంటున్నాం. అత్యవసర సేవలన్నీ అందుబాటులో ఉంచాం. –సందీప్‌కుమార్‌ ఝా, కలెక్టర్‌

● డీసీపీ రాజమహేంద్ర నాయక్‌ జనగామ రూరల్‌: ఆయుర్వేద యోగా ఆరోగ్యకరమైన జీవనశైలి దైనందిన జీవితంలో తప్పనిసరిగా భాగం కావాలని డీసీపీ రాజమహేంద్ర నాయక్‌ అన్నారు. మంగళవారం 11వ ఆయుర్వేద దినోత్సవాన్ని పురస్కరించుకుని జిల్లా కేంద్రంలోని నెహ్రూ పార్క్‌ వద్ద ఆయుర్వేద వెల్‌నెస్‌ – యోగా వాక్‌ను డీసీపీ రాజ మహేంద్ర నాయక్‌ జెండా ఊపి ప్రారంభించారు. డీసీపీ మాట్లాడుతూ..ఆయుర్వేదం సూచించే నివారణాత్మక ఆరోగ్య విధానాలను జీవితంలో అమలు చేయాలని సూచించారు. డీఎంహెచ్‌ఓ వాణిశ్రీ మాట్లాడుతూ.. యోగా, ఆయుర్వేదం ద్వారా శారీరక, మానసిక ఆరోగ్యాన్ని మెరుగుపరుచుకోవచ్చని తెలిపారు. కార్యక్రమంలో జిల్లా ఆయుష్‌ అధికారి డాక్టర్‌ మమత, డా.సరిత, డీపీఎం కుమార్‌, వైద్యాధికారులు, ఏఎన్‌న్‌ఎంలు, ఆశా కార్యకర్తలు, విద్యార్థులు, ఆయుష్‌ సిబ్బంది పాల్గొన్నారు. నేడు మెగా ఆయుష్‌ వైద్యశిబిరం కలెక్టర్‌ సందీప్‌ కుమార్‌ ఝా ఆదేశాల మేరకు ఈనెల 23న మున్సిపల్‌ కార్యాలయంలోని కాన్ఫరెన్‌న్స్‌ హాల్‌లో మెగా ఆయుష్‌ వైద్య శిబిరం నిర్వహించనున్నట్లు ఆయుష్‌ అధికారి మమత ఒక ప్రకటనలో తెలిపారు. ఈ శిబిరంలో ఆయుర్వేద, హోమియో, యునాని, యోగా వైద్య సేవలు అందుబాటులో ఉంటాయని జిల్లా ప్రజలు వైద్య శిబిరాన్ని సద్వినియోగం చేసుకోవాలని కోరారు.

హన్మకొండ: టీజీఎస్‌ ఆర్టీసీ గుర్తింపు ఎన్నికల బిజీలో యూనియన్‌లు తలమునకలయ్యాయి. ఎన్నికల్లో పోటీ చేసేందుకు ఆసక్తి ఉన్న 11 యూనియన్‌లు సోమవారం కార్మిక శాఖకు లేఖ లు అందించాయి. మంగళవారం డిపోల వారీగా డ్రాఫ్ట్‌ ఓటర్ల జాబితాను డిపో మేనేజర్లు కార్మిక శాఖకు అందించారు. కార్మిక శాఖ తిరిగి యూని యన్‌లకు జాబితా ఇచ్చింది. డ్రాఫ్ట్‌ జాబితా ప్రకారం వరంగల్‌ రీజియన్‌లో మొత్తం 3,096 మంది ఓటర్లు ఉన్నారు. రీజినల్‌ మేనేజర్‌ కార్యాలయంలో 51 మంది ఓటర్లు ఉన్నారు. హనుమకొండ డిపోలో 537, భూపాలపల్లిలో 274, వరంగల్‌–1లో 484, మహబూబాబాద్‌ డిపోలో 250, తొర్రూరులో 303, నర్సంపేటలో 291, జనగామలో 403, పరకాలలో 244 మంది, వరంగల్‌–2 డిపోలో 259 మంది ఓటర్లు ఉన్నారు. ఈ నెల 24 వరకు ఓటర్ల జాబితాపై అభ్యంతరాలు స్వీకరించి 25న తుది ఓటర్ల జాబితాను విడుదల చేస్తారు. 26న యూనియన్‌లకు గుర్తులు కేటాయిస్తారు. లేఖలు ఇచ్చిన సంఘాలు.. ఎన్నికల్లో పోటీ చేయనున్నట్లు 11 యూని యన్‌లు కార్మిక శాఖకు సమ్మతి తెలిపాయి. వాటిలో స్టాఫ్‌ అండ్‌ వర్కర్స్‌ ఫెడరేషన్‌, ఎంప్లాయీస్‌ యూనియన్‌, టీఎస్‌ ఆర్టీసీ కార్మిక్‌ సంఘ్‌, తెలంగాణ జాతీయ మజ్దూర్‌ యూనియన్‌, తెలంగాణ ఆర్టీసీ వర్కర్స్‌ యూనియన్‌, ఆర్టీసీ సామాజిక తెలంగాణ మజ్దూర్‌ యూనియన్‌, నేషనల్‌ మజ్దూర్‌ యూని యన్‌, ఆర్టీసీ కార్మిక పరిషత్‌, బహుజన కార్మిక యూనియన్‌, బహుజన వర్కర్స్‌ యూనియన్‌ ఉన్నాయి. రాష్ట్ర, రీజియన్‌ వారీగా పొత్తు ఒప్పందాలు.. గెలుపు అవకాశాలను అంచనా వేసిన యూని యన్‌లు కలిసి పోటీ చేయాలని నిర్ణయించుకున్నా యి. ఈ మేరకు క్లాస్‌–3 (రాష్ట్ర), క్లాస్‌–6 (రీజి యన్‌) వారీగా ఒప్పందాలు కుదుర్చుకుంటున్నా యి. ఎంప్లాయీస్‌ యూనియన్‌ (ఈయూ), నేషనల్‌ మజ్దూర్‌ యూనియన్‌(ఎన్‌ఎంయూ) మధ్య పొత్తుపై ఒప్పందం కుదిరినట్లు ఆ యూనియన్‌ నాయకులు తెలిపారు. వరంగల్‌, ఖమ్మం రీజి యన్‌ (క్లాస్‌–6) ఎన్‌ఎంయూకు, రాష్ట్రంలోని మిగతా రీజియన్‌లు, క్లాస్‌–3కి ఎంప్లాయీస్‌ యూని యన్‌కు మద్దతు ఇచ్చేలా అంగీకారం కుదిరింది. ● తెలంగాణ ఆర్టీసీ వర్కర్స్‌ యూనియన్‌, స్టాఫ్‌ అండ్‌ వర్కర్స్‌ ఫెడరేషన్‌ (ఎస్‌డబ్ల్యూఎఫ్‌) మధ్య అవగాహన కుదిరినట్లు తెలిసింది. క్లాస్‌–6లో ఖమ్మం, నల్లగొండ రీజియన్‌లలో స్టాఫ్‌ అండ్‌ వర్కర్స్‌ ఫెడరేషన్‌, మిగతా రీజి యన్‌లు, క్లాస్‌–3లో తెలంగాణ ఆర్టీసీ వర్కర్స్‌ యూనియన్‌ పోటీలో ఉండేలా ఒప్పందం కుదిరినట్లు ఆ యూనియన్‌ వర్గాలు తెలి పా యి. ఈ మేరకు వరంగల్‌ రీజియన్‌లో తెలంగాణ ఆర్టీసీ వర్కర్స్‌ యూనియన్‌కు స్టాఫ్‌ అండ్‌ వర్కర్స్‌ ఫెడరేషన్‌ మద్దతు ఇస్తుంది. ● టీఎంయూ అశ్వత్థామ రెడ్డి వర్గం తెలంగాణ ఆర్టీసీ వర్కర్స్‌ యూనియన్‌గా పోటీ చేయనుంది. వరంగల్‌ రీజియన్‌లో తెలంగాణ ఆర్టీసీ వర్కర్స్‌ యూనియన్‌ (టీఎంయూ అశ్వత్థామ రెడ్డి వర్గం), ఎంప్లాయీస్‌ యూనియన్‌, స్టాఫ్‌ అండ్‌ వర్కర్స్‌ ఫెడరేషన్‌, నేషనల్‌ మజ్దూర్‌ యూనియన్‌లు బలంగా ఉన్నాయి. ● మిగతా యూనియన్‌లు ఉన్నప్పటికి అంతగా ప్రభావం చూపకపోవచ్చని కార్మిక వర్గాలు తెలిపాయి. ● ఈ రీజియన్‌లో తెలంగాణ ఆర్టీసీ వర్కర్స్‌ యూనియన్‌, నేషనల్‌ మజ్దూర్‌ యూనియన్‌ మధ్య పోటీ ముఖాముఖిగా జరిగే అవకాశముంది. ఈ నెల 26న గుర్తుల కేటాయింపుతో పోటీపై మరింత స్పష్టత రానుంది. పోటీకి ఆసక్తి తెలుపుతూ కార్మిక శాఖకు లేఖల అందజేత ఆర్టీసీ గుర్తింపు ఎన్నికల బిజీలో యూనియన్‌లు ఈయూ, ఎన్‌ఎంయూ మధ్య కుదిరిన పొత్తు వరంగల్‌ రీజియన్‌ ఎన్‌ఎంయూకు టీడబ్ల్యూయూతో జత కట్టిన ఎస్‌డబ్ల్యూఎఫ్‌..వరంగల్‌ రీజియన్‌ టీఆర్టీసీ వర్కర్స్‌ యూనియన్‌కు, ఎస్‌డబ్ల్యూఎఫ్‌కు ఖమ్మం, నల్లగొండ

లింగాలఘణపురం: మండలంలోని ప్రసిద్ధిగాంచిన జీడికల్‌ వీరాచల రామచంద్రస్వామి జాతర బ్రహ్మోత్సవాలు వైభవంగా జరగాలని స్టేషన్‌ఘన్‌పూర్‌ ఎమ్మెల్యే కడియం శ్రీహరి అన్నారు. నవంబర్‌లో జరగనున్న బ్రహ్మోత్సవాలపై మంగళవారం ఆల య ప్రాంగణంలో కలెక్టర్‌ సందీప్‌కుమార్‌ ఝాతో కలిసి సమీక్ష నిర్వహించారు. ఈ సందర్భంగా ఎమ్మెల్యే మాట్లాడుతూ జాతర ఏర్పాట్లపై అన్నీ శాఖల సమన్వయం కోసం ప్రత్యేక అధికారిని నియమించాలని కలెక్టర్‌ను కోరారు. అదేవిధంగా పారిశుద్ధ్యం, తాగునీరు, విద్యుత్‌, వైద్యంతోపాటు భక్తుల భద్రతపై పటిష్ట పోలీసు బందోబస్తు ఏర్పాటు చేయాలని సూచించారు. ఆలేరు నుంచి జీడికల్‌ రోడ్డులో అసంపూర్తిగా ఉన్న 3 కిలో మీటర్ల రోడ్డు పనులు కూడా త్వరలో పూర్తవుతాయని వివరించారు. చారిత్రక జీడికల్‌ వీరాచల రామచంద్రస్వామి ఆలయ విశిష్టతను మరింత పెంచేలా బ్రహ్మోత్సవాలను వైభవంగా నిర్వహించాలని, అందుకు అధికార యంత్రాంగం, ప్రజాప్రతినిధులు సహకరించాలని కోరారు. అనంతరం పలువురు లబ్ధిదారులకు సీఎంఆర్‌ఎఫ్‌ చెక్కులు అందజేశారు. సమావేశంలో డీసీపీ రాజమహేంద్రనాయక్‌, డీపీఓ వెంకట్‌రెడ్డి, ఆర్డీఓ గోపీరామ్‌, డీఎంహెచ్‌ఓ వాణిశ్రీ, ట్రాన్స్‌కో ఎస్‌ఈ సంపత్‌రెడ్డి, మిషన్‌ భగీరథ ఇంట్రా ఈఈ శ్రీకాంత్‌, పీఆర్‌ ఈఈ రవీందర్‌, మార్కెట్‌ వైస్‌ చైర్మన్‌ శివకుమార్‌, దేవస్థాన చైర్మన్‌ మూర్తి, తహసీల్దార్‌ అండాలు, ఎంపీడీఓ శివశంకర్‌రెడ్డి, ఈఓ వంశీ, సర్పంచ్‌ కె.మమత సంపత్‌, పార్టీ మండల అధ్యక్షుడు విజయ్‌మనోహర్‌, మాజీ జెడ్పీటీసీ గుడి వంశీధర్‌రెడ్డి, తదితరులు పాల్గొన్నారు. అభివృద్ధి పనులు వేగంగా పూర్తిచేయాలి జనగామ రూరల్‌: వీబీజీ రామ్‌జీ పథకం కింద ఇప్పటికే మంజూరై, చేపట్టిన అభివృద్ధి పనులను త్వరితగతిన పూర్తి చేసి, అందుబాటులోకి తీసుకురావాలని స్టేషన్‌ ఘన్‌పూర్‌ ఎమ్మెల్యే కడియం శ్రీహ రి అధికారులను ఆదేశించారు. మంగళవారం కలెక్టరేట్‌లో నీటిపారుదల, గ్రామీణాభివృద్ధి, విద్యుత్‌, మిషన్‌ భగీరథ, వ్యవసాయ శాఖల ద్వారా చేపడుతున్న అభివృద్ధి, సంక్షేమ పథకాల పనుల పురోగతిపై కలెక్టర్‌ సందీప్‌ కుమార్‌ ఝాతో కలిసి ఆయన సమీక్ష సమావేశం నిర్వహించారు. ఈ సందర్భంగా ఎమ్మెల్యే మాట్లాడుతూ.. ఈసారి వర్షపాతం తక్కువగా ఉన్నందున రాబోయే రోజుల్లో రైతులకు ఇబ్బందులు తలెత్తకుండా ముందస్తు ప్రణాళికలతో సిద్ధంగా ఉండాలన్నారు. జిల్లాలో వివిధ ప్రాజెక్టుల కింద పెండింగ్‌లో ఉన్న భూసేకరణను త్వరి తగతిన పూర్తి చేయాలన్నారు. కలెక్టర్‌ మాట్లాడు తూ.. పాఠశాలల ప్రహారీలు, అంగన్‌వాడీ భవనాల నిర్మాణ పనులకు ప్రాధాన్యం ఇచ్చి, వేగవంతంగా పూర్తి చేయాలని సంబంధిత శాఖల అధికారులను ఆదేశించారు. సమావేశంలో ఆర్డీఓ కిరణ్‌ ప్రకాష్‌, డీఆర్డీఓ భాస్కర్‌, డీఏఓ అంబికా సోనీ, నీటిపారుదల శాఖ ఎస్‌ఈ సీతారాం, విద్యుత్‌ శాఖ ఎస్‌ఈ సంపత్‌ రెడ్డి, మిషన్‌ భగీరథ ఇంట్రా ఈఈ శ్రీకాంత్‌ పాల్గొన్నారు. భక్తులకు ఎలాంటి అసౌకర్యం కలగొద్దు స్టేషన్‌ ఘన్‌పూర్‌ ఎమ్మెల్యే కడియం శ్రీహరి జీడికల్‌ వీరాచల రామచంద్రస్వామి జాతరపై సమీక్ష

ఎస్‌ఎన్‌సీయూలో మూడు స్థాయిల్లో సిబ్బంది విధులు నిర్వహిస్తూ ఫీడింగ్‌, ఫొటోథెరపీ, డీఎంఓ మానిటరింగ్‌ తదితర సేవలను నిరంతరం పర్యవేక్షిస్తున్నారు. వార్డులో ఏర్పాటు చేసిన సీసీ కెమెరాలను సూపరింటెండెంట్‌ గదికి అనుసంధానం చేశారు. అనుమతిలేని వ్యక్తులు లోనికి ప్రవేశించకుండా భద్రతా సిబ్బంది అప్రమత్తంగా ఉంటున్నారు. ఇటీవల ఎస్‌ఎన్‌సీయూ నుంచి ఓ శిశువును ఎత్తుకెళ్లిన ఘటనలో ఆస్పత్రి సిబ్బంది, సెక్యూరిటీ వెంటనే స్పందించి గంటల వ్యవధిలోనే శిశువును గుర్తించడం ఇందుకు ఉదాహరణ. జనగామ: జిల్లా కేంద్రంలోని మాతా శిశు సంరక్షణ ఆరోగ్య కేంద్రం (ఎంసీహెచ్‌)లోని నవజాత శిశువుల ప్రత్యేక సంరక్షణ కేంద్రం (ఎస్‌ఎన్‌సీయూ)లో భద్రతా చర్యలను కట్టుదిట్టం చేశారు. ఎంసీహెచ్‌లోని ఎస్‌ఎన్‌సీయూలో మూడు వార్డులు ఉండగా ప్రస్తుతం 15 మంది నవజాత శిశువులకు వైద్యసేవలు అందుతున్నాయి. వీరిలో నలుగురు క్రిటికల్‌ కేర్‌లో, మరో 11 మంది సాధారణ పరిశీలనలో ఉన్నారు. విద్యుత్‌పై ప్రత్యేక దృష్టి ఎస్‌ఎన్‌సీయూలోని సుమారు 80 శాతం పరికరాలు విద్యుత్‌పై ఆధారపడి పనిచేస్తున్నాయి. వార్మర్లు, ఇంక్యుబేటర్లు, పల్స్‌, బీపీ, సాచురేషన్‌ మల్టీ ప్యారామీటర్లు, సిరంజి పంపులు, ఫొటోథెరపీ, వెంటిలేటర్లు, సీపాప్‌ పరికరాలతో పాటు ఏసీలు, కంప్యూటర్లు, ప్రింటర్లు, ఇతర పవర్‌ పరికరాలు వినియోగంలో ఉన్నాయి. విద్యుత్‌ అంతరాయం ఏర్పడితే అత్యవసర సేవల కోసం జనరేటర్‌ సదుపాయం కూడా అందుబాటులో ఉంది. సాంకేతిక లోపాలు, ప్రమాదాలు తలెత్తకుండా ఎప్పటికప్పుడు విద్యుత్‌ ఆడిటింగ్‌ నిర్వహించడంతో పాటు ఇంజినీరింగ్‌ విభాగం తనిఖీలు చేపడుతోంది. ఎంసీహెచ్‌ ప్రారంభమైనప్పటి నుంచి ఎస్‌ఎన్‌సీయూలో విద్యుత్‌ సంబంధిత సాంకేతిక సమస్యలు తలెత్తలేదని అధికారులు చెబుతున్నారు. ప్రభుత్వం అప్రమత్తం ఆదిలాబాద్‌ రిమ్స్‌లో చోటుచేసుకున్న ఘటన నేపథ్యంలో రాష్ట్ర ప్రభుత్వం ఎంసీహెచ్‌లలోని ఎస్‌ఎన్‌ సీయూ వార్డుల భద్రత, వసతులపై ప్రత్యేకంగా ఆరా తీస్తోంది. ఇందుకు చెక్‌లిస్ట్‌ పంపడంతో పాటు ఏసీ లు, విద్యుత్‌ సేవలకు సంబంధించి సమస్యలు ఉంటే వెంటనే నివేదించాలని ఆదేశాలు జారీ చేసింది. భద్రతకు అత్యంత ప్రాధాన్యం ఎంసీహెచ్‌లోని ఎస్‌ఎన్‌సీయూలో నవజాత శిశువుల భద్రతకు అత్యంత ప్రాధాన్యం ఇస్తున్నాం. 24 గంటల పాటు వైద్యులు, సిబ్బంది పర్యవేక్షణ ఉంటుంది. సీసీ కెమెరాల ద్వారా నిరంతరం నిఘా కొనసాగుతోంది. విద్యుత్‌ అంతరాయం ఏర్పడినా సేవలకు ఆటంకం కలగకుండా జనరేటర్‌ అందుబాటులో ఉంది. విద్యుత్‌ పరికరాలను ఎప్పటికప్పుడు తనిఖీ చేస్తూ, సాంకేతిక లోపాలు తలెత్తకుండా ఆడిటింగ్‌ నిర్వహిస్తున్నాం. –డాక్టర్‌ మధుసూదన్‌రెడ్డి, ప్రొఫెసర్‌, హెచ్‌ఓడీ పీడియాట్రిక్స్‌ జిల్లా కేంద్రంలోని ఎస్‌ఎన్‌సీయూపై ప్రత్యేక నిఘా.. నవజాత శిశువుల కేంద్రంలో 24 గంటల పర్యవేక్షణ విద్యుత్‌ సమస్యలు తలెత్తకుండా ఎప్పటికప్పుడు ఆడిటింగ్‌ ఆదిలాబాద్‌ ఘటనతో అప్రమత్తం ఓపీ సేవల వద్ద ఉక్కపోత24 గంటల పర్యవేక్షణఓపీలో ఉక్కపోత ఎస్‌ఎన్‌సీయూలో భద్రతా చర్యలు పటిష్టంగా ఉన్నప్పటికీ ఎంసీహెచ్‌ ఓపీ సేవల వద్ద మరో సమస్య కనిపించింది. ప్రధాన హాల్‌లో సరైన వసతి సౌకర్యాలు ఉన్నప్పటికీ, పరీక్షల కోసం గంటల తరబడి వేచి ఉండే గర్భిణులు, బాలింతలు ఫ్యాన్లు లేకపోవడంతో ఉక్కపోతతో ఇబ్బందులు పడుతున్నారు.

పాలకుర్తి టౌన్‌: మండల కేంద్రంలోని శ్రీసోమేశ్వర లక్ష్మీనర్సింహస్వామి ఆలయంలో సోమవారం గణపతి నవరాత్రి ఉత్సవాల్లో భగంగా స్వామివారికి గణపతి అకారంలో అన్నపూజ నిర్వహించారు. భక్తులు అధిక సంఖ్యలో పాల్గొని అభిషేకాలు, అర్చనలు, కోడె మొక్కులు చెల్లించుకున్నారు. ఈఓ భాగం లక్ష్మీప్రసన్న, అర్చకులు, భక్తులు పాల్గొన్నారు. ఎస్‌ఐఆర్‌పై ప్రత్యేక దృష్టి సారించాలి ● రాష్ట్ర ప్రధాన ఎన్నికల అధికారి సి. సుదర్శన్‌ రెడ్డి జనగామ రూరల్‌: ఎస్‌ఐఆర్‌–2026 ప్రక్రియలో భాగంగా రానున్న 30 నుంచి 40 రోజులు ప్రత్యేక దృష్టి సారించి, నిర్దేశిత గడువులోగా అన్ని పనులను పూర్తి చేయాలని రాష్ట్ర ప్రధాన ఎన్నికల అధికారి సి. సుదర్శన్‌రెడ్డి ఆదేశించారు. సోమవారం హైదరాబాద్‌ నుంచి ఎస్‌ఐఆర్‌–2026 కార్యక్రమంపై కలెక్టర్లు, జిల్లా ఎన్నికల అధికారులతో ఆయన వీడియో కాన్ఫరెన్స్‌ ద్వారా సమీక్ష నిర్వహించారు. రాష్ట్ర ప్రధాన ఎన్నికల అధికారి మాట్లాడుతూ.. ప్రస్తుతం ఫారం–6, ఫారం–7, ఫారం–8 దరఖాస్తుల పరిష్కారాన్ని వేగవంతం చేయాలని సూచించారు. నోటీసులు జారీ చేయడంతో పాటు వాటిపై తదుపరి చర్యలు చేపట్టి దరఖాస్తులను ఎప్పటికప్పుడు పరిష్కరించాలని ఆదేశించారు. వీసీలో జనగామ ఆర్డీఓ గోపిరాం, ఎన్నికల వి భాగం సూపరింటెండెంట్‌ శ్రీధర్‌ పాల్గొన్నారు. నేడు ఆయుర్వేద వెల్‌నెస్‌ యోగా వాక్‌ జనగామ రూరల్‌: కలెక్టర్‌ సందీప్‌ కుమార్‌ ఝా ఆదేశాల మేరకు 11వ ఆయుర్వేద దినోత్సవాన్ని పురస్కరించుకుని ఈనెల 22వ తేదీన (మంగళవారం) ఉదయం 7 గంటలకు ఆయుర్వేదంపై అవగాహన కార్యక్రమం ఉంటుందని ఆయుష్‌ అధికారి మమత సోమవారం ఒక ప్రకటనలో తెలిపారు. యోగా, ఆరోగ్యకరమైన జీవనశైలి, ప్రకృతి ఆధారిత ఆరోగ్య విధానాలపై ప్రజల్లో అవగాహన కల్పించేందుకు ఆయుర్వేద వెల్‌నెస్‌ యోగా వాక్‌ను జిల్లాకేంద్రంలోని నెహ్రూ పార్క్‌ నుంచి కలెక్టరేట్‌ కార్యాలయం వరకు నిర్వహించనున్నట్లు, ప్రతీ ఒక్కరు పాల్గొని విజయవంతం చేయాలని కోరారు. చోరీ కేసులో నిందితుడికి జైలుశిక్ష రామగిరి(నల్లగొండ) : నల్లగొండ రూరల్‌ పోలీస్‌ స్టేషన్‌ పరిధిలో నమోదైన చోరీ కేసులో నిందితుడికి జైలు శిక్ష, జరిమానా విధిస్తూ నల్ల గొండలోని జేఎఫ్‌సీఎం స్పెషల్‌ మొబైల్‌ కోర్టు న్యాయమూర్తి డి.సాయిమేఘన సోమవారం తీర్పు వెలువరించారు. నల్లగొండ మండలం కమ్మగూడెం గ్రామానికి చెందిన పోలగోని సైదులు 2025 ఏప్రిల్‌ 30న ఇంటికి తాళం వేసి కుటుంబంతో కలిసి ఊరికి వెళ్లాడు. ఈ క్రమంలో గుర్తుతెలియని వ్యక్తులు సైదులు ఇంటి ప్రధాన ద్వారంతో పాటు బీరువా తాళాలు పగులగొట్టి బంగారు ఆభరణాలు దొంగిలించారు. బాధితుడి ఫిర్యాదు మేరకు నల్లగొండ రూరల్‌ పోలీసులు కేసు నమోదు చేశారు. పోలీసుల విచారణలో జనగామ జిల్లా పాలకుర్తి మండలం ఎర్రమల్లయ్యకుంటకు చెందిన సిరిగిరి సాయిబాబా అలియాస్‌ సాయికుమార్‌ అలి యాస్‌ సాయి ఈ దొంగతనానికి పాల్పడినట్లు తేలింది. నిందితుడిని కోర్టులో హాజరుపర్చిన పోలీసులు సరైన సాక్ష్యాధారాలను సమర్పించడంతో అతడికి 10 నెలల 15 రోజుల సాధారణ జైలు శిక్షతో పాటు రూ.3 వేల జరిమానా విధి స్తూ న్యాయమూర్తి తీర్పు వెలువరించారు. జరి మానా చెల్లించని పక్షంలో మరో 7 రోజులు జైలు శిక్ష అనుభవించాలని స్పష్టం చేశారు. నిమజ్జన ఏర్పాట్ల పరిశీలన స్టేషన్‌ఘన్‌పూర్‌: గణేశ్‌ నవరాత్రి ఉత్సవాల సందర్భంగా స్థానిక పుట్టలమ్మ చెరువు వద్ద నిర్వహించనున్న గణనాథుల విగ్రహాల నిమజ్జన ఏర్పాట్లను ఎన్పీడీసీఎల్‌ ప్రత్యేక అధికారి, ఎస్‌ఈ(విజిలెన్స్‌) పి.శ్రీకాంత్‌ సోమవారం పరిశీలించారు. విఘ్నేశ్వర నిమజ్జనం కోసం చేస్తున్న పనులను పరిశీలించి అధికారులకు తగిన సూచనలు అందించారు. ఉత్సవ కమిటీల నిర్వాహకులు విద్యుత్‌ భద్రతా జాగ్రత్తలను పాటిస్తూ ఎలాంటి ప్రమాదాలు జరుగకుండా ప్రశాంతంగా నిమజ్జనాలు చేసుకోవాలన్నారు. ఆయన వెంట డీఈ బి.సారయ్య, ఏడీఈ రణధీర్‌రెడ్డి, ఏఈలు పి.శంకర్‌, శివకుమార్‌, లైన్‌ ఇన్‌స్పెక్టర్‌ పెద్దిరెడ్డి, లైన్‌మన్‌లు వాసం శ్రీధర్‌, అన్వర్‌పాషా, కాంట్రాక్టర్‌ చల్లా రఘురెడ్డి, సిబ్బంది పాల్గొన్నారు.

● వైభవంగా వినాయక వివాహా మహోత్సవం ● కల్యాణఘట్టంతో పులకించిన భక్తజనంజనగామ: జిల్లా కేంద్రంలోని గణేశ్‌ వాడలో భక్తి శ్రద్ధలతో వినాయక నవరాత్రి ఉత్సవాలు కొనసాగుతున్నాయి. ఇందులో భాగంగా బొర్ర వెంకయ్య ఆలయ ప్రాంగణంలోని సుమారు 120 ఏళ్ల చరిత్ర కలిగిన గణపతి ఆలయంలో సోమవారం శ్రీ సిద్ధి బుద్ధి సమేత మహా గణపతి కల్యాణ మహోత్సవం వైభవంగా నిర్వహించారు. వేద పండితులు ప్రసాద శర్మ, చిదంబరం శాస్త్రి మంత్రోచ్ఛరణల నడుమ శాస్త్రోక్తంగా కల్యాణ క్రతువు నిర్వహించారు. సిద్ధి, బుద్ధి సమేతంగా కొలువైన విఘ్నేశ్వరుడికి ప్రత్యేక పూజలు, అభిషేకాలు నిర్వహించి, కల్యాణ ఘట్టాన్ని వైభవంగా జరిపారు. కాణిపాకం, సికింద్రాబాద్‌, కాజీపేటలోని ప్రసిద్ధ గణపతి ఆలయాల్లో జరిగే కల్యాణోత్సవాల తరహాలో ఏటా జనగామలోనూ సిద్ధి బుద్ధి సమేత మహా గణపతి కల్యాణాన్ని వైభవంగా నిర్వహించడం ప్రత్యేకత సంతరించుకుంది. భక్తజన సందోహం మధ్య ఊరేగింపు కల్యాణ మహోత్సవానికి అనుబంధంగా గణేశ్‌ వాడ కాలనీలోని సిద్ధి బుద్ధి గణేశ్‌ దేవాలయం ఆధ్వర్యంలో సిద్ధి బుద్ధి గణేశుడి ఊరేగింపు ఘనంగా నిర్వహించారు. దేవాలయం నుంచి వాస్తు గణపతి దేవాలయం, రైల్వేస్టేషన్‌, చెన్నకేశవస్వామి దేవాలయం వీధుల మీదుగా సుభాష్‌ చంద్రబోస్‌ విగ్రహం వరకు ఊరేగింపు కొనసాగింది. అనంతరం స్వామివారిని తిరిగి దేవాలయానికి తీసుకు వచ్చారు. కార్యక్రమానికి ఎమ్మెల్యే పల్లా రాజేశ్వర్‌రెడ్డి, మున్సిపల్‌ చైర్‌పర్సన్‌ బాలమణి శ్రీనివాస్‌ ముఖ్యఅతిథులుగా హాజరై ప్రత్యేక పూజల్లో పాల్గొన్నారు. నాయకులు గాడిపల్లి ప్రేమలతరెడ్డి, తాళ్ల సురేష్‌రెడ్డి, గునిగంటి రామకృష్ణ, ఉల్లెంగుల సందీప్‌, ఆలేటి నరేందర్‌, గోపగోని సుగుణాకర్‌ గౌడ్‌, సేవెల్లి మధు, దోర్నాల అనిత పాల్గొన్నారు.

● రాష్ట్ర భారీ నీటిపారుదల శాఖ మంత్రి ఉత్తమ్‌ కుమార్‌ రెడ్డి జనగామ రూరల్‌: రాష్ట్రంలోని నీటిపారుదల ప్రాజెక్టులకు అవసరమైన భూసేకరణ, అటవీ భూముల పరిహారం, ఆర్‌అండ్‌ఆర్‌ పనులను వేగవంతం చేయాలని రాష్ట్ర భారీ నీటిపారుదల శాఖ మంత్రి ఉత్తమ్‌ కుమార్‌ రెడ్డి అధికారులను ఆదేశించారు. సోమవారం హైదరాబాద్‌ నుంచి రాష్ట్రంలోని అన్ని నీటిపారుదల ప్రాజెక్టులకు సంబంధించిన పెండింగ్‌ భూసేకరణ, అటవీ భూముల పరిహారం, పునరావాసం–పునరావాస పునరుద్ధరణ (ఆర్‌అండ్‌ఆర్‌) పనుల పురోగతిపై మంత్రి ఉత్తమ్‌.. రవాణా శాఖ మంత్రి పొన్నం ప్రభాకర్‌, రాష్ట్ర ప్రభుత్వ ప్రధాన కార్యదర్శి సంజయ్‌ జాజు కలెక్టర్లతో వీడియో కాన్ఫరెన్స్‌ నిర్వహించారు. కలెక్టరేట్‌ నుంచి కలెక్టర్‌ సందీప్‌ కుమార్‌ ఝా హాజరయ్యారు. ఈసందర్భంగా మంత్రి ఉత్తమ్‌ కుమార్‌ రెడ్డి మాట్లాడుతూ.. భూసేకరణ లబ్ధిదారులకు పరిహారం చెల్లింపులను వేగవంతం చేయాలన్నారు. భూసేకరణ నిబంధనల ప్రకారం జరగాలని, రైతులకు ఎలాంటి అన్యాయం జరగకుండా పరిహారం మార్కెట్‌ విలువకు సాధ్యమైనంత సమీపంగా ఉండేలా చర్యలు తీసుకోవాలని ఆదేశించారు. రవాణా శాఖ మంత్రి మాట్లాడుతూ.. ఇప్పటికే అవార్డులు జారీ చేసిన భూములకు సంబంధించిన పరిహారం చెల్లింపులను మొదటి ప్రాధాన్యంగా పూర్తి చేయాలన్నారు. వీసీలో నీటిపారుదల శాఖ ఎస్‌ఈ సీతారాం, అధికారులు పాల్గొన్నారు.

జనగామ: చిన్నారుల్లో అధిక చక్కెర వినియోగాన్ని నియంత్రించి ఆరోగ్యకరమైన ఆహారపు అలవాట్లపై అవగాహన కల్పించేందుకు జిల్లాలోని ప్రతీ పాఠశాలలో ‘షుగర్‌ బోర్డు’ ఏర్పాటు చేయాలని కలెక్టర్‌ సందీప్‌కుమార్‌ ఝా ఆదేశాలు జారీ చేశారు. జాతీయ పోషణ్‌ మాహ్‌–2026లో భాగంగా జాతీయ బాలల హక్కుల పరిరక్షణ కమిషన్‌ (ఎన్‌ సీపీసీఆర్‌) సూచనల మేరకు ఉత్తర్వులు జారీ చేశారు. అన్ని యాజమాన్యాల పాఠశాలలకు వర్తింపు జిల్లాలోని ప్రభుత్వ, ప్రైవేట్‌ కేటగిరీలకు చెందిన 586 పాఠశాలల యాజమాన్యాల పాఠశాలల్లో షుగర్‌ బోర్డుల ఏర్పాటుకు సంబంధించి ఆదేశాలు వర్తించనున్నాయి. నోడల్‌ అధికారిగా జిల్లా విద్యాశాఖాధికారి, అసిస్టెంట్‌ నోడల్‌ అధికారిగా డిప్యూటీ విద్యాశాఖాధికారిని నియమించారు. మండల విద్యాధికారులు తమ పరిధిలోని అన్ని పాఠశాలలకు నోడల్‌ అధికారులుగా వ్యవహరించనున్నారు. పాఠశాలకు 50 మీటర్ల దూరంలో పాఠశాలల్లో మెస్‌, హాస్టల్‌ వంటశాలల్లో కార్బొనేటెడ్‌ పానీయాలు, ప్యాకేజ్డ్‌ తీపి పానీయాలు, అధిక కొవ్వు, ఉప్పు, చక్కెర కలిగిన ఆహార పదార్థాలు విక్రయించకూడదు. హైస్కూల్‌ గేట్లకు 50 మీటర్ల పరిధిలోని విక్రేతలను ఫుడ్‌ సేఫ్టీ అధికారులు తరుచూ తనిఖీ చేయాలి. మండల విద్యాధికారులు కనీసం 20 శాతం పాఠశాలల్లో బోర్డులను భౌతికంగా పరిశీలించాలి. మండల స్థాయి నివేదికలను అక్టోబర్‌ 5లోగా, జిల్లా నివేదికను అక్టోబర్‌ 7లోగా సమర్పించి, ఎన్‌సీపీసీఆర్‌కు అక్టోబర్‌ 9లోగా పంపించనున్నారు. షుగర్‌ బోర్డులో ఇవి తప్పనిసరిపాఠశాలల్లో ఏర్పాటు చేసే షుగర్‌ బోర్డుల్లో కేవలం చక్కెర పరిమాణాలే కాకుండా పలు ముఖ్యమైన ఆరోగ్య సూచనలు తప్పనిసరిగా పొందుపరచాలి. ఆహార పదార్థాల లేబుళ్లలో చక్కెరను సుక్రోజ్‌, గ్లూకోజ్‌, ఫ్రక్టోజ్‌, డెక్స్‌ట్రోజ్‌, మాల్టోజ్‌, కార్న్‌ సిరప్‌, హై ఫ్రక్టోజ్‌ కార్న్‌ సిరప్‌, ఇన్వర్ట్‌ షుగర్‌, మాల్టోడెక్స్‌ట్రిన్‌, తేనె, బెల్లం, ఫ్రూట్‌ జ్యూస్‌ కాన్సన్‌ ట్రేట్‌ తదితర పేర్లతో పేర్కొనే అవకాశం ఉందని విద్యార్థులకు తెలియజేయాలి. న్యూట్రిషన్‌న్‌ లేబుల్‌లోని టోటల్‌ షుగర్స్‌ను పరిశీలించాలని, 100 గ్రాములకు 22.5 గ్రాములకుపైగా చక్కెర అధికంగా, 5 గ్రాములు లేదా అంతకంటే తక్కువగా పరిగణిస్తారని బోర్డులో వివరించాలి. – సందీప్‌ కుమార్‌ ఝా, కలెక్టర్‌ ప్రతీ పాఠశాలలో షుగర్‌ బోర్డుల ఏర్పాటు ఈనెల 25లోగా బోర్డుల ఏర్పాటు పిల్లల ఆరోగ్యంపై కలెక్టర్‌ నజర్‌ అన్ని యాజమాన్యాల పాఠశాలలకు ఆదేశాలుప్రభుత్వ, స్థానిక సంస్థల పాఠశాలల్లో బోర్డు ఏర్పాటుకు సమగ్ర శిక్షలోని కాంపోజిట్‌ స్కూల్‌ గ్రాంట్‌ వినియోగించుకోవచ్చు. అది అందుబాటులో లేకుంటే పాఠశాలకు అందుబాటులో ఉన్న ఇతర గ్రాంట్లను ఉపయోగించాలి. ఎయిడెడ్‌, ప్రైవేట్‌, రెసిడెన్షియల్‌ సంస్థలు తమ సొంత నిధులతో ఏర్పాటు చేయాలి. 30లోగా పోషణ్‌ మిత్ర వీడియో25 గ్రాములకే పరిమితమా పాఠశాలల్లో ఏర్పాటు చేసే షుగర్‌ బోర్డులో రోజుకు పిల్లలు తీసుకునే అదనపు చక్కెర 25 గ్రాములకు మించకూడదని, అంటే సుమారు ఆరు టీ స్పూన్లకు పరి మితం చేయాలని సూచించారు. రెండు సంవత్సరాల లోపు పిల్లలకు అదనపు చక్కెర ఇవ్వకూడదని పేర్కొన్నారు. సాధారణంగా పిల్లలు తినే ఆహార పదార్థాల్లో దాగి ఉన్న చక్కెర వివరాలను కూడా బోర్డులో పొందుపరచాలి. 300 మిల్లీలీటర్ల కార్బొనేటెడ్‌ శీతల పానీయంలో సుమారు 32 గ్రాముల చక్కెర, 200 మిల్లీ లీటర్ల ప్యాకేజ్డ్‌ ఫ్రూట్‌ డ్రింక్‌లో 24 గ్రాములు, 250 మిల్లీ లీటర్ల ఎనర్జీ డ్రింక్‌లో 27 గ్రాములు, 50 గ్రాముల చాక్లెట్‌లో 25 గ్రాములు, 100 గ్రాముల క్రీమ్‌ బిస్కెట్లలో 30 గ్రాముల చక్కెర ఉంటుందని నమూనా బోర్డులో పేర్కొన్నారు. అధిక చక్కెరతో అనర్థాలు అధిక చక్కెర తీసుకోవడం వల్ల అధిక బరువు, స్థూలకాయం, టైప్‌–2 మధుమేహం, దంతక్షయం, ఫ్యాటీ లివర్‌, భవిష్యత్తులో అధిక రక్తపోటు, తరగతిలో ఏకాగ్రత తగ్గడం, నిద్రలో అంతరాయం వంటి సమస్యలు తలెత్తే అవకాశం ఉందని బోర్డులో అవగాహన కల్పించారు. నీరు, మజ్జిగ, కొబ్బరి నీరు, సాధారణ పాలు, పెరుగు, తాజా పండ్లు, శనగలు, వేరుశనగలు, మొలకలు, మధ్యాహ్న భోజనం వంటి ఆరోగ్యకరమైన ప్రత్యామ్నాయాలను ఎంచుకోవాలని పేర్కొన్నారు. 25లోగా ఏర్పాటు ప్రతీ పాఠశాలలో ఇందుకు సంబంధించి విద్యార్థులకు కనిపించేలా తెలుగు, ఇంగ్లిష్‌లో బోర్డు ఏర్పాటు చేయాలి. బోర్డు ఏర్పాటును ఈనెల 25లోగా పూర్తి చేసి, అదే రోజు జియోట్యాగ్‌ ఫొటోను సంబంధిత మండల విద్యాధికారి (ఎంఈఓ)కు పంపాలి. బోర్డుపై ఎలాంటి ఉత్పత్తి ప్రకటనలు, బ్రాండ్‌ పేర్లు ఉం డకూడదు. పాఠశాల పేరు, చేసిన తేదీ తప్పనిసరిగా ఉండాలి. ప్రైవేట్‌ పాఠశాలల విషయంలో నిబంధనల ఉల్లంఘనను ఆ పాఠశాల గుర్తింపు (రికగ్నిషన్‌)కు సంబంధించిన ఫైల్‌లో నమోదు చేయనున్నారు. పోషణ్‌ మిత్ర ఆరోగ్యకర ఆహారంపై అవగాహన వీడియోను ఈనెల 30లోగా ప్రతీ పాఠశాలలో విద్యార్థులకు ప్రదర్శించాలి. ప్రతీ పాఠశాలలో కనీసం ఒకరోజు ఉదయం అసెంబ్లీలో హిడెన్‌ షుగర్‌పై అవగాహన కల్పించడంతో పాటు 6వ తరగతి ఆపై విద్యార్థులకు ఆహార లేబుళ్లపై చక్కెర వివరాలు చదవడం గురించి ప్రత్యేక సెషన్‌ నిర్వహించాలి.

● స్టేషన్‌ ఘన్‌పూర్‌ ఎమ్మెల్యే కడియం శ్రీహరిస్టేషన్‌ఘన్‌పూర్‌: బీఆర్‌ఎస్‌ ప్రభుత్వంలో వైద్య ఆరోగ్యశాఖ మంత్రిగా, డిప్యూటీ సీఎంగా ఉన్న డాక్టర్‌ రాజయ్య బర్తరఫ్‌ అయ్యారని, అలాంటి వ్యక్తి తనపై విమర్శలు చేయడం సిగ్గుచేటని ఎమ్మెల్యే కడియం శ్రీహరి ఎద్దేవా చేశారు. కాంగ్రెస్‌ పార్టీ ఘన్‌పూర్‌ కార్యాలయంలో సోమవారం పార్టీ పట్టణ కమిటీ, అనుబంధ సంఘాల కమిటీలు, ముఖ్య నాయకులు, కార్యకర్తల సమావేశాన్ని నిర్వహించారు. పార్టీ పట్టణ కమిటీ అధ్యక్షుడు అంబటి కిషన్‌రాజ్‌ అధ్యక్షతన నిర్వహించిన సమావేశంలో ముఖ్య అతిథిగా హాజరైన ఎమ్మెల్యే మాట్లాడారు. కాంగ్రెస్‌ ప్రభుత్వంలో ఒక వికెట్‌ పడిందని, మరో వికెట్‌ పడుతుందని డాక్టర్‌ రాజయ్య వ్యాఖ్యలు చేయడం విడ్డూరంగా ఉందన్నారు. రాజయ్య హిట్‌ వికెట్‌ అయ్యాడని, అతడిని ప్రజలు ఎప్పుడో మర్చిపోయారని, కేవలం ఉనికిని చాటుకునేందుకు కాంగ్రెస్‌ ప్రభుత్వంపై, సీఎంపై, తనపై విమర్శలు చేస్తున్నాడని మండిపడ్డారు. నియోజకవర్గంలో రూ.1,600కోట్లతో అభివృద్ధి పనులు జరుగుతున్నాయని, హ్యామ్‌లో ఆర్‌అండ్‌బీలో 8, పీఆర్‌లో 23 మొత్తం 31 రోడ్లకు గాను రూ.401 కోట్లు నిధులు మంజూరయ్యాయన్నారు. కేసీఆర్‌ కుమార్తె కల్వ కుంట్ల కవిత చేస్తున్న ఆరోపణలకు కేటీఆర్‌, హరీశ్‌రావు సమాధానం చెప్పాలని డిమాండ్‌ చేశారు. సమావేశంలో మున్సిపల్‌ చైర్మన్‌ తాటికొండ వినయ్‌కుమార్‌, వైస్‌ చైర్మన్‌ నీల రాజమ్మగట్టయ్య, నాయకులు కనకం రమేశ్‌, పొన్న రవి, బూర్ల శంకర్‌, పోశాల కృష్ణ, మేకల మల్లేశం, గట్టు రమేశ్‌, గన్ను నర్సింహులు, గుర్రం రాజు, హరినాధ్‌, తోకల రాజు, సారయ్య, కౌన్సిలర్లు పాల్గొన్నారు.

● కలెక్టరేట్‌ ప్రజావాణిలో అధికారులకు కలెక్టర్‌ ఆదేశం ● ప్రజల నుంచి 481 అర్జీల స్వీకరణజనగామ రూరల్‌: పలు సమస్యలతో ప్రజలు సోమవారం కలెక్టరేట్‌లో నిర్వహించిన ప్రజావాణి కార్యక్రమానికి తరలివచ్చారు. ఈసందర్భంగా అదనపు కలెక్టర్‌ బెన్‌షాలోమ్‌తో కలిసి కలెక్టర్‌ సందీప్‌కుమార్‌ ఝా ప్రజలు ఇచ్చిన దరఖాస్తులను క్షుణ్ణంగా పరిశీలించి, సత్వరమే పరిష్కరించాలని కలెక్టర్‌ సందీప్‌ కుమార్‌ ఝా అధికారులను ఆదేశించారు. దరఖాస్తుల పరిష్కారానికి అత్యంత ప్రాధాన్యం ఇవ్వాలని పెండింగ్‌లో గల అర్జీల పరిష్కారంపై ప్రత్యేక దృష్టి సారించాలని సూచించారు. ప్రజావాణిలో మొత్తం 481 దరఖాస్తులను కలెక్టర్‌ స్వీకరించారు. జెడ్పీ సీఈఓ బలరామ రావు, డీఆర్డీఓ భాస్కర్‌, సీపీఓ చినకోట్యా నాయక్‌, వివిధ శాఖల జిల్లా అధికారులు పాల్గొన్నారు. దరఖాస్తుల్లో కొన్ని ఇలా.. రఘునాథపల్లి మండలం గబ్బెట గ్రామానికి చెందిన సీహెచ్‌.అఖిల..ప్రజాపాలన కార్యక్రమం కింద దరఖాస్తు చేసుకున్నారని, ఇందిరమ్మ ఇళ్ల పథకం కింద ఆర్థిక సహాయం మంజూరు చేయాలని అర్జీ సమర్పించారు. స్టేషన్‌ ఘన్‌పూర్‌ మండలం ఛాగల్‌ గ్రామానికి చెందిన సత్తు పోశాలు, తన ఒక ఎకరం 17 గుంటల భూమి, 2018 నుంచి తన పేరుపై రావడం లేదని, దానిని రద్దు చేసి తన పేరు భూమి పట్టా ఇప్పించాలని దరఖాస్తు అందజేశారు. దేవరుప్పుల మండలం సీతాపురం గ్రామానికి చెంది న డి.సత్తయ్య, తన భూమిని సర్వే చేసి, హద్దులు ఏర్పాటు చేయాలని కోరుతూ వినతి పత్రం అందించారు. నర్మెట మండలం కన్నెబోయినగూడెం గ్రామానికి చెందిన కలకుంట్ల అయిలమ్మ, తనకు స్థలం ఉందని, ఇందిరమ్మ ఇల్లు మంజూరు చేయాలని కోరుతూ దరఖాస్తు ఇచ్చారు. మొండ్రాయి గ్రామానికి చెందిన దేపాటి ఉమాలత తన కుమారుడు 5వ తరగతి చదువుతున్నాడని, స్కాలర్‌షిప్‌కు దరఖాస్తు చేసుకోవడానికి ఆదాయ ధ్రువీకరణ పత్రం అవపరం కాగా మీసేవలో దరఖాస్తు చేసుకున్నానని తెలిపింది. తనకు లక్షా యాబై వేల రూపాయలు ఆదాయం ఉందని అధికారులు ధ్రువీకరణ పత్రం ఇచ్చారని, లక్ష లోపు ఆదాయం ఉంటేనే స్కాలర్‌ షిప్‌కు అర్హులని వాపోయింది. తన భర్త అనారోగ్యంతో మృతి చెందగా తనతల్లిగారి ఇంటి వద్ద ఉంటూ కూలీ పని చేసుకోని కాలం వెల్లదీస్తున్నామని, అధికారులు విచారణ చేసి న్యాయం చేయాలని కోరింది.జిల్లాలోని 12 మండలాల్లో నిర్వహించిన ప్రజావాణి కార్యక్రమంలో 181 దరఖాస్తులు ఆయా మండల స్థాయి అధికారులు స్వీకరించారని కలెక్టర్‌ సందీప్‌కుమార్‌ ఝా తెలిపారు. ఇందులో రఘునాథపల్లి 34 , లింగాల గణపురం 32, అత్యధికం రాగా దేవరుప్పుల, కొడకండ్ల, స్టేషన్‌ఘన్‌పూర్‌లో 5 చొప్పున దరఖాస్తులు వచ్చాయన్నారు.ఇల్లు మంజూరు చేయండి.. పట్టణంలో 12 ఏళ్లుగా అద్దె భవనంలో ఉంటున్నాం. ముగ్గురు పిల్లలు కాగా నేను, నా భర్త సయ్యద్‌ కూలి పనులకు వెళ్తూ వచ్చే డబ్బులతో కుటుంబం గడవడం కష్టంగా ఉంది. ఇందిరమ్మ ఇల్లు కో సం ఆన్‌లైన్‌లో మూడు సార్లు దరఖా స్తు చేసినా మంజూరు కాలేదు. ఇందిరమ్మ ఇల్లు ఇచ్చి కలెక్టర్‌ ఆదుకోవాలి. –హసీయా బేగం, గిర్నిగడ్డ, జనగామపొలానికి దారి ఇవ్వడం లేదు కోమళ్ల నుంచి వీరారెడ్డి తండాకు బీటీ రోడ్డు మధ్య నుంచి సర్వే నెం.403/ఏ123లో 2ఎకరాల15 గుంటల వ్యవసాయ భూమి నా భర్త బాలాజీ పేరు మీద ఉంది. 30 సంవత్సరాల నుంచి వినియోగంలో ఉండగా ఇటీవల గ్రామానికి చెందిన కొంత మంది తనకు దారి లేదని సాగు చేయకుండా అడ్డుకుంటున్నారు. నా భర్త, కుమారుడు మరణించి ఒంటరిని కావడంతో దారి నుంచి వెళ్లనివ్వడం లేదు. కలెక్టర్‌ న్యాయం చేయాలి. –హలావత్‌ జ్యోతి, కోమళ్ల గ్రామం

జనగామ: జిల్లా కేంద్రంలోని తెలంగాణ సోషల్‌ వెల్ఫేర్‌ రెసిడెన్షియల్‌ కళాశాలలో సోమవారం అండర్‌–19 బాల,బాలికల ఉమ్మడి వరంగల్‌ జిల్లా ఫుట్‌బాల్‌ సెలక్షన్స్‌ నిర్వహించారు. ఉమ్మడి వరంగల్‌ జిల్లా నుంచి సుమారు 300 మంది బాల,బాలికలు పాల్గొని తమ క్రీడా ప్రతిభను ప్రదర్శించారు. ప్రతిభ కనబరిచిన క్రీడాకారులను రాష్ట్రస్థాయి పోటీలకు ఎంపిక చేశారు. ఎంపికై న వారు త్వరలో జరగనున్న రాష్ట్రస్థాయి పోటీల్లో పాల్గొననున్నారు. సెలక్షన్స్‌ను ఎస్‌జీఎఫ్‌ ఉమ్మడి వరంగల్‌ జిల్లా కార్యదర్శి శ్రీధర్‌ పర్యవేక్షించారు. క్రీడాకారులు క్రమశిక్షణతో పాల్గొని ప్రతిభను చాటుకోవడంపై నిర్వాహకులు అభినందనలు తెలిపారు. రాష్ట్రస్థాయి పోటీలకు ఎంపికై న క్రీడాకారులకు శుభాకాంక్షలు తెలియజేస్తూ అక్కడ కూడా రాణించాలని ఆకాంక్షించారు. కార్యక్రమంలో జూనియర్‌ కాలేజీ ప్రిన్సిపాల్‌ నరసింహులు గౌడ్‌, వైస్‌ ప్రిన్సిపాల్‌ నరేందర్‌, రవీందర్‌, కాలేజీ పీడీ కిషన్‌, స్పోర్ట్స్‌ కో ఆర్డినేటర్‌ శ్రీనివాస్‌, పీడీ ఘన్‌పూర్‌, జె.గోర్‌ సింగ్‌, ఎస్‌జీఎఫ్‌ జిల్లా కార్యదర్శి, కోచ్‌ లింగనాయక్‌, పీఈటీ వేణు, ప్రేమ్‌కుమార్‌, రాజన్న తదితరులు పాల్గొన్నారు.

జనగామ రూరల్‌: జనగామ, ఘన్‌పూర్‌ రెవెన్యూ డివిజన్‌ పరిధిలో ఖాళీగా ఉన్న చౌక ధరల దుకాణాల డీలర్‌ పోస్టులను భర్తీ చేసేందుకు కలెక్టరేట్‌లోని మెయిన్‌ కాన్ఫరెన్స్‌ హాల్లో కలెక్టర్‌ సందీప్‌ కుమార్‌ ఝా పర్యవేక్షణలో రాత పరీక్షను ప్రశాంతంగా నిర్వహించారు. జనగామ రెవెన్యూ డివిజన్‌ పరిధిలో బచ్చన్నపేట మండలంలోని కేసిరెడ్డిపల్లి గ్రామం, దేవరుప్పుల మండలంలోని గొల్లపల్లి గ్రామం, జనగామ మండలంలోని చౌదర్‌పల్లి, పెద్దపహాడ్‌ గ్రామాలు, రఘునాథపల్లి మండలంలోని గోవర్ధనగిరి, రఘునాథపల్లి, ఎల్లారెడ్డిగూడెం, కోమల్ల, భాంజిపేట గ్రామాల్లో, అలాగే ఘనపూర్‌ (స్టేషన్‌) రెవెన్యూ డివిజన్‌ పరిధిలో కొడకండ్ల మండలంలోని లక్ష్మక్కపల్లి గ్రామం, పాలకుర్తి మండలంలోని ముత్తారం గ్రామాల్లో చౌక ధరల దుకాణాల డీలర్‌ పోస్టులు ఖాళీలకు గాను మొత్తం 126 మంది అభ్యర్థులు దరఖాస్తు చేసుకోగా, వారిలో 115 మంది అభ్యర్థులు అర్హత సాధించారు. అర్హత సాధించిన 115 మంది అభ్యర్థుల్లో 111 మంది అభ్యర్థులు రాత పరీక్షకు హాజరుకాగా అనంతరం రాత పరీక్షకు హాజరైన 111 మంది అభ్యర్థులకు ఇంటర్వ్యూ నిర్వహించారు. కార్యక్రమంలో ఆర్డీఓ గోపీరాం, ఉపాధి శాఖ అధికారి కుమారస్వామి, డీసీఎస్‌ఓ సురేష్‌ రెడ్డి, డీ సెక్షన్‌ సూపరింటెండెంట్‌ వెంకటేశ్వర్లు, తదితరులు పాల్గొన్నారు. మీ సేవ కేంద్రాల ఏర్పాటుకు పరీక్ష.. జిల్లాలో 17 నూతన మీ–సేవ కేంద్రాల ఏర్పాటు, నిర్వహణ కోసం కలెక్టర్‌ కార్యాలయంలో కలెక్టర్‌ సందీప్‌ కుమార్‌ ఝా పర్యవేక్షణలో రాత పరీక్షను ప్రశాంతంగా నిర్వహించారు. ఈ నియామక ప్రక్రియకు మొత్తం 663 దరఖాస్తులు రాగా, పరిశీలన అనంతరం 638 మంది అభ్యర్థులు పరీక్షకు అర్హులుగా ఎంపికయ్యారు. పరీక్షకు అర్హత పొందిన 638 మందిలో 584 మంది అభ్యర్థులు పరీక్ష రాయగా, 54 మంది అభ్యర్థులు గైర్హాజరయ్యారు. కార్యక్రమంలో డీ సెక్షన్‌ సూపరింటెండెంట్‌ వెంకటేశ్వర్లు తదితరులు పాల్గొన్నారు.

● నేను జనగామ ఫ్లైఓవర్‌ను, శిథిలావస్థలో ఉన్నా పట్టించుకోరా? ● వాహనాల భారం.. ఆలనాపాలనా కరువు ● ప్రమాదం ముంచుకొస్తోంది, పట్టించుకునే వారేరి ● రెయిలింగ్‌ విరిగింది.. మెట్లదారి కూలింది.. ● దశాబ్దాల నా సేవలకు ఇదేనా ప్రతిఫలం ● ఫ్లైఓవర్‌ ఆత్మఘోష నేను జనగామ ఫ్లైఓవర్‌ను.. సుమారు మూడున్నర దశాబ్దాలుగా ఐదు రాష్ట్రాలకు జంక్షన్‌గా..ఈ ప్రాంత ప్రజలకు సేవలందిస్తున్నాను. ఒకప్పుడు నన్ను ఎంతో దృఢంగా నిర్మించారు. నేడు కాలం గడిచే కొద్దీ నా శరీరం శిథిలమవుతోంది. అయినా నా మీదుగా నిత్యం వందలాది వాహనాలు పరుగులు తీస్తూనే ఉన్నాయి. తమిళనాడు, ఆంధ్రప్రదేశ్‌, మహారాష్ట్ర, ఛత్తీస్‌గఢ్‌, గుజరాత్‌ వంటి రాష్ట్రాలకు వెళ్లే వాహనాలకు నేను కీలక మార్గంగా నిలుస్తున్నాను. కాకినాడ పోర్టు, విజయవాడ, సూర్యాపేట, సిద్దిపేట, మహారాష్ట్ర వైపు వెళ్లే వాహనాలు నా మీదుగా ప్రయాణిస్తున్నాయి. పారిశ్రామిక అవసరాలకు సంబంధించిన భారీ యంత్రాలతో కూడిన వాహనాలు సైతం ప్రతి నెలా పెద్ద సంఖ్యలో నాపై రాకపోకలు సాగిస్తున్నాయి. ఇంతటి ప్రాధాన్యం ఉన్న నేను మాత్రం ఇప్పుడు నిర్లక్ష్యానికి గురవుతున్నాను. నా మెట్లదారి శిథిలమై కూలిపోయింది. ఫుట్‌పాత్‌ దెబ్బతిని కుంగిపోయింది. రెయిలింగ్‌లు ఒక్కొక్కటిగా విరిగిపోతున్నాయి. రోడ్డుపై గుంతలు ఏర్పడ్డాయి. నా కింది భాగంలోని పెచ్చులు ఊడి ఇనుప చువ్వలు బయటకు కనిపిస్తున్నాయి. ఎప్పుడు ఏ భాగం ఊడిపడుతుందోనన్న భయం నాలోనూ, నన్ను ఉపయోగించే ప్రజల్లోనూ నెలకొంది. నా రెయిలింగ్‌ రెండు వైపులా పెరిగిన రాగిచెట్లు కూడా నన్ను మరింత ఇబ్బందులకు గురి చేస్తున్నాయి. వాటి కొమ్మలు నా నిర్మాణంలోకి చొచ్చుకువస్తున్నాయి. అప్పుడప్పుడు నామమాత్రంగా వాటిని తొలగిస్తున్నారు. కానీ శాశ్వత పరిష్కారం మాత్రం కనిపించడం లేదు. ఏళ్లుగా నా పరిస్థితిపై ప్రజలతో పాటు స్వచ్ఛంద సంస్థలు ఆందోళన వ్యక్తం చేస్తునే ఉన్నాయి. నా వయసు ఎంత, నా నిర్మాణ సామర్థ్యం ఇంకా ఎంతకాలం ఉంటుంది, చిన్నచిన్న మరమ్మతులతోనే నేను మళ్లీ బలపడగలనా లేక నా స్థానంలో కొత్త వంతెన అవసరమా అన్నది నిపుణులు పరిశీలించాలి. ఒకప్పుడు ఆర్‌అండ్‌బీ పరిధిలో ఉన్న నేను ఇప్పుడు జాతీయ రహదారి పరిధిలోకి వచ్చాను. దీంతో నా ఆలనాపాలన ఎవరు చూడాలన్నది కూడా నాకు అర్థం కావడం లేదు. ఒక శాఖ నుంచి మరో శాఖకు బాధ్యతలు మారుతున్నా.. నా గోడు మాత్రం అలాగే ఉంది. రోజురోజుకూ నాపై వాహనాల రద్దీ పెరుగు తోంది. నా వయసు పెరుగుతోంది. నా శరీరం బలహీనపడుతోంది. అయినా అధికారులు నన్ను చూసీచూడనట్లు వ్యవహరిస్తున్నారు. నేను కూలిపోవాలని కాదు, మరో ప్రమాదం జరగకముందే నన్ను పరీక్షించాలని కోరుకుంటున్నాను. నా సామర్థ్యాన్ని నిపుణులతో అంచనా వేయండి. అవసరమైతే మరమ్మతులు చేయండి. పనికిరాని స్థితికి చేరితే ప్రత్యామ్నాయ వంతెన నిర్మించండి. మూడున్నర దశాబ్దాలుగా జనగామ ప్రజలకు సేవ చేసిన నా గోడును ఇకనైనా వినండి. నేను ప్రమాదంగా మారిన తర్వాత కాదు, ప్రమాదం జరగకముందే నన్ను కాపాడండి. ఇట్లు మీ జనగామ ఫ్లైఓవర్‌ ఆత్మఘోషఫ్లైఓవర్‌ రెయిలింగ్‌పై ప్రమాదకరంగా రావి చెట్లు

హసన్‌పర్తి: ఎస్సై, కానిస్టేబుల్‌ ఉద్యోగార్థుల కోసం ఆదివారం నిర్వహించిన స్క్రీనింగ్‌ టెస్ట్‌కు మిశ్రమ స్పందన లభించింది. వరంగల్‌ కమిషనరేట్‌ పరిధి సీకేఎం కళాశాల, హనుమకొండలోని ఎస్‌వీఎస్‌ కళాశాల, జనగామలోని సీజేఐటీ ఇంజనీరింగ్‌ కళాశాల(యశ్వంతపురం రోడ్‌), పరకాలలోని ప్రభుత్వ జూని యర్‌ కళాశాల, నర్సంపేటలోని బిట్స్‌ ఇంజనీరింగ్‌ కళాశాలల్లో పరీక్ష కేంద్రాలు ఏర్పాటు చేశారు. ఆన్‌లైన్‌ ద్వారా అభ్యర్థులు స్క్రీనింగ్‌ టెస్ట్‌ కోసం పేర్లు నమోదు చేసుకున్నారు. మొత్తం 1,966 మంది పేర్లు నమోదు చేసుకుంటే 975 మంది మాత్రమే పరీక్షకు (54.7 శా తం) హాజరయ్యారు. కాగా, పరీక్ష కేంద్రాలను పోలీస్‌ కమిషనర్‌ శ్వేతతో పాటు డీసీపీలు పరీక్ష నిర్వహణ తీరును పర్యవేక్షించారు.వనజీవి జీవితాన్ని స్ఫూర్తిగా తీసుకోవాలిబచ్చన్నపేట : చెట్లు నాటడాన్ని ఉద్యమంగా చేపట్టిన వనజీవి రామయ్య జీవితాన్ని ఆదర్శంగా తీసుకోవాలని వీరనారి చాకలి అయిలమ్మ యూనివర్సిటీ వైస్‌ చాన్స్‌లర్‌ సూర్య అన్నారు. ఆదివారం మండల కేంద్రంలో రుగుతున్న వనజీవి రామయ్య చిత్రం చిత్రీకరణలో ఆయ న పాల్గొని మాట్లాడారు.. మండల కేంద్రంలో ప్రభుత్వ ఆస్పత్రిలో, వారాంతపు పశువుల సంతలో, పలు దేవాలయాల వద్ద పలు సన్నివేశాలను చిత్రీకరించారని తెలిపారు. ఈ చిత్రానికి దర్శకులుగా వేముగంటి, నిర్మాత నిడిగొండ నరేష్‌కుమార్‌, వనజీవి పాత్రలో బ్రహ్మాజీ, ఆయన భార్య పాత్రలో నాగరాణి నటిస్తున్నార ని డీఓపీ తోట రమణ, సంగీతం బల్లేపల్లి మోహన్‌లు వ్యవహరిస్తున్నారని తెలిపారు. చిత్ర బృందం దాసరి రంగన్న, వెంకట్‌, స్వాతి, వెంకట్‌రెడ్డి, వెంకటేశ్వర్లు పాల్గొన్నారు. భక్తిభావం.. పర్యావరణ వాదంజనగామ: వినాయక నవరాత్రి ఉత్సవాల్లో నిర్వాహకులు నూతన ఆలో చనకు శ్రీకారం చు ట్టారు. భక్తి భావా న్ని పెంపొందించడంతో పాటు పర్యావరణ పరిరక్షణకు తమ వంతు కృషి చేయాలనే ఉద్దేశంతో ఎలక్ట్రిక్‌ బైక్‌లను ప్రోత్సహిస్తూ లక్కీ లాటరీ కార్యక్రమాన్ని ఏర్పాటు చేశారు. పట్టణంలోని 25వ వార్డు జ్యోతి నగర్‌ కాలనీ శివ గణేశ్‌ యూత్‌, జ్యోతినగర్‌ కాలనీ గణేశ ఉత్సవ కమిటీ ఆధ్వర్యంలోని గణేశ్‌ ఉత్సవ కమిటీ ఈ వినూత్న కార్యక్రమానికి శ్రీకారం చుట్టింది. గణేశ్‌ మండపం వద్ద భక్తులు లక్కీ లాటరీకి సంబంధించిన టోకెన్లు తీసు కునేలా ప్రత్యేక విధానాన్ని ఏర్పాటు చేశారు. ‘భక్తి, పర్యావరణ బాధ్యత’ అనే సందేశంతో చేపట్టిన ఈ కార్యక్రమానికి భక్తుల నుంచి విశేష స్పందన లభిస్తోంది. పెట్రోల్‌, డీజిల్‌ వాహనాల వినియోగాన్ని తగ్గించి పర్యావరణ పరిరక్షణకు తమ వంతు సహకా రం అందించవచ్చని నిర్వాహకులు పేర్కొన్నా రు.

● కలెక్టర్‌ ఆదేశాలతో మున్సిపల్‌ కమిషనర్‌ చర్యలుజనగామ: పట్టణంలోని జిల్లా ప్రభుత్వ జనరల్‌ ఆస్పత్రి ప్రాంతం నుంచి సిద్దిపేట రోడ్డు మున్సిపల్‌ లిమిట్‌ వరకు రోడ్డుకు ఇరువైపులా అనధికారికంగా ఏర్పాటు చేసుకున్న వ్యాపార సముదాయాలు, ఫు ట్‌పాత్‌ వ్యాపారాలు, డబ్బాలు, తాత్కాలిక షెడ్ల తొ లగింపు ప్రక్రియకు ఆదివారం శ్రీకారం చుట్టారు. కలెక్టర్‌ సందీప్‌కుమార్‌ ఝా ఆదేశాల మేరకు మున్సిపల్‌ కమిషనర్‌ రాజశేఖర్‌రెడ్డి ఆధ్వర్యంలో అధికారులు ఈ చర్యలు చేపట్టారు. జిల్లా పరిషత్‌ కార్యాలయ ప్రాంతంలో రోడ్డుకు ఇరువైపులా ఏ ర్పాటు చేసిన టీ, సోడా, కూరగాయలు, సెలూన్లు, హోటళ్లు, ప్లాస్టిక్‌ సామగ్రి విక్రయ కేంద్రాలు తది తర వ్యాపారాలకు సంబంధిం చిన నిర్మాణాలను తొలగించారు. రోడ్లను విశాలంగా ఉంచడంతో పాటు ట్రాఫిక్‌కు, ప్రజల రాకపోకలకు ఇబ్బందులు లేకుండా, ప్రమాదాల నివారణకు ఈ చర్యలు చేపట్టినట్లు అధికారులు తెలిపారు. మున్సిపల్‌ పరిధిలోని రోడ్లు, డ్రెయినేజీలను ఆక్రమించి ఎవరూ వ్యాపారాలు నిర్వహించరాదని కమిషనర్‌ రాజశేఖర్‌రెడ్డి హెచ్చరించారు. ప్రస్తుతం రోడ్డుకు ఇరువైపులా ఏర్పాటు చేసుకున్న తాత్కాలిక షెడ్ల యజమానులకు ముందస్తుగా సమాచారం అందించి, వాటిని స్వచ్ఛందంగా తొలగించుకోవాలని సూచించినట్లు తెలిపారు. స్వచ్ఛ జనగామ, ప్రమాదాల నివారణ, విశాలమైన రహదారుల కోసం ప్రజలు మున్సిపల్‌ అధికారులకు సహకరించాలని కమిషనర్‌ కోరారు. ఆక్రమణల తొలగింపు ప్రక్రియ నిరంతరం కొనసాగుతుందని తెలిపారు.

జనగామ: జిల్లాలో కొత్తగా సామాజిక భద్రత పింఛన్ల కోసం భారీ సంఖ్యలో దరఖాస్తులు వచ్చాయి. మొత్తం 11,826 దరఖాస్తులు నమోదైనట్లు అధికారులు వెల్లడించారు. వీటిలో వితంతు పింఛ న్ల కోసం వచ్చిన దరఖాస్తులే అత్యధికంగా ఉండటం గమనార్హం. అనంతరం దివ్యాంగులు, గీత కార్మికులు, చేనేత కార్మికులు, భర్తలేని ఒంటరి మహిళల కేటగిరీల్లో దరఖాస్తులు వచ్చాయి. దీంతో జిల్లాలో సామాజిక భద్రత పింఛన్లపై ఆధారపడుతున్న వర్గాల్లో కొత్తగా అర్హత పొందే వారి సంఖ్య గణనీయంగానే ఉన్నట్లు దరఖాస్తుల గణాంకాలు స్పష్టం చేస్తున్నాయి. సగానికిపైగా.. 11,826 దరఖాస్తుల్లో 6,033 వితంతు పింఛన్లకు సంబంధించినవి. అంటే మొత్తం దరఖాస్తుల్లో సుమారు 51 శాతం ఈ కేటగిరీకి చెందినవే. కుటుంబంలో భర్తను కోల్పోయి ఆర్థిక భద్రత కోసం ప్రభు త్వ సామాజిక భద్రత పథకంపై ఆధారపడే మహిళల నుంచి పెద్ద సంఖ్యలో దరఖాస్తులు రావ డం గణాంకాల్లో ప్రతిబింబించింది. ఇక వితంతు, దివ్యాంగుల కేటగిరీలను కలిపితే 9,052 ద రఖాస్తులు వస్తాయి. 29 వరకు వెరిఫికేషన్‌ కొత్తగా వచ్చిన దరఖాస్తులపై ఈనెల 29వ తేదీ వర కు మండల స్థాయిలో వెరిఫికేషన్‌ కొనసాగనుంది. గెజిటెడ్‌ అధికారి హోదాలో ఉన్న మండల లెవల్‌ ఆఫీసర్‌ ఆధ్వర్యంలో ఈ పరిశీలన జరగనుంది. దరఖాస్తుదారులు సమర్పించిన వివరాలు, వారు పేర్కొన్న అర్హతలు, ధ్రువపత్రాలను పరిశీలించడంతో పాటు అవసరమైన క్షేత్రస్థాయి వివరాలను కూ డా పరిశీలించ నున్నారు. దరఖాస్తుల సంఖ్య ఎక్కువగా ఉండటంతో వెరిఫికేషన్‌న్‌ ప్రక్రియ కీలకంగా మారింది. దరఖాస్తు చేసిన ప్రతి ఒక్కరికీ పింఛన్‌ మంజూరు అవుతుందని కాకుండా, నిబంధనల ప్రకారం అర్హత నిర్ధారణ అనంతరం అర్హుల వివరాలను ఆన్‌లైన్‌లో నమోదు చేయనున్నారు. అర్హతే కీలకం ప్రస్తుతం దరఖాస్తుల స్వీకరణ పూర్తయి పరిశీలన దశకు చేరుకోవడంతో ఆశావహుల్లో ఉత్కంఠ నెలకొంది. మండల స్థాయిలో జరిగే వెరిఫికేషన్‌లో అర్హతలు నిర్ధారణ అయిన తర్వాతే తదుపరి ప్రక్రియ ముందుకు సాగనుంది. దీంతో 29వ తేదీ వరకు జరిగే పరిశీలనలో ఎన్ని దరఖాస్తులు అర్హత సాధిస్తాయి.. ఎన్ని అనర్హతకు గురవుతాయి.. ఏ కేటగిరీలో ఎంతమంది అర్హులుగా తేలుతారన్నది కీలకంగా మారింది. వెరిఫికేషన్‌ పూర్తయిన అనంతరం అర్హులైన దరఖాస్తుదారుల వివరాలను ఆన్‌్‌లైన్‌లో నమోదు చేయనున్నారు. ఈ ప్రక్రియ పూర్తయితే కొత్త పింఛన్ల మంజూరుకు సంబంధించిన తదుపరి దశకు మార్గం సుగమం కానుంది. వితంతు పింఛన్లకు అత్యధికం 29 వరకు మండల స్థాయిలో వెరిఫికేషన్‌ అర్హుల వివరాలు ఆన్‌లైన్‌లో నమోదుభర్తలేని ఒంటరి మహిళలు వితంతువులు 6,033 6,033 మొత్తం 11,826596చేనేత కార్మికులు 691 1,487దివ్యాంగులు 3,019 3,019 గీత కార్మికులు

మేం పీజీ పట్టాలందుకున్నాం..అంబరాన్నంటిన సంబురంకాజీపేట అర్బన్‌: నిట్‌ వరంగల్‌లోని అంబేడ్కర్‌ లెర్నింగ్‌ సెంటర్‌ ఆడిటోరియంలో ఆదివారం నిట్‌ 24వ స్నాతకోత్సవ సంబురం అట్టహాసంగా ముగిసింది. పీజీ పట్టాలందుకున్న విద్యార్థులు ఆకాశమే హద్దుగా ఆనందోత్సాహంతో మెడలోని కండువాలు ఎగురవేశారు. పీజీ, పీహెచ్‌డీ పూర్తి చేసుకున్న 1,067 మంది విద్యార్థులు ఆదివారం డిగ్రీ పట్టాలను బోర్డ్‌ ఆఫ్‌ గవర్నర్‌, సియాంట్‌ వ్యవస్థాపకుడు డాక్టర్‌ బీవీఆర్‌ మోహన్‌రెడ్డి చేతుల మీదుగా అందుకున్నారు. తొలిరోజు శనివారం టెక్సాస్‌ ఇన్‌స్ట్రుమెంట్స్‌ ఇండియా మేనేజింగ్‌ డైరెక్టర్‌ సంతోశ్‌కుమార్‌ చేతుల మీదుగా 945 మంది యూజీ విద్యార్థులు అందుకున్నారు. రెండు రోజుల స్నాతకోత్సవంలో మొత్తం 1,997 మంది డిగ్రీ పట్టాలు అందుకున్నారు. నిట్‌ విద్యార్థులు ప్రత్యేకం సమాజంలో నిట్‌ విద్యార్థులు ప్రత్యేకంగా నిలవాలని, పీజీ పూర్తి చేసుకున్న వారి కోసం దేశం ఎదురుచూస్తోందని నిట్‌ బోర్డ్‌ ఆఫ్‌ గవర్నర్‌, సియాంట్‌ వ్యవస్థాపకుడు డాక్టర్‌ బీవీఆర్‌.మోహన్‌రెడ్డి తెలిపారు. నూతన ఆవిష్కరణలకు నాంది పలుకుతూ పరిశ్రమల్లో అనుభవాన్ని సాధించి, స్వయంగా పరిశ్రమలను ఏర్పాటు చేసి తోటి విద్యార్థులకు ఉద్యోగావకాశాలు కల్పించే స్థాయికి ఎదగాలని సూచించారు. బాధ్యత నిర్వర్తించే సమయమిది.. విద్యార్థి దశ పూర్తి చేసుకుని డిగ్రీ పట్టాలందుకున్న విద్యార్థులకు పట్టాలతో తమ తల్లిదండ్రులు కన్నకలల బాధ్యతను నిర్వహించే సమయం వచ్చిందని నిట్‌ డైరెక్టర్‌ బిద్యాధర్‌ సుబుదీ తెలిపారు. నిట్‌లోని అత్యాధునిక బోధన, సౌకర్యాలను సద్వినియోగం చేసుకుని డిగ్రీ పట్టాలను అందుకున్న పీజీ విద్యార్థులు తాము నిట్‌ జెన్‌ జీ అనేలా ఆవిష్కరణలు చేపట్టాలన్నారు. ముగిసిన నిట్‌ 24వ కాన్వొకేషన్‌ పట్టాలు అందుకున్న 1,067 మంది పీజీ విద్యార్థులు డిగ్రీ పట్టాలందించిన నిట్‌ బోర్డ్‌ ఆఫ్‌ గవర్నర్‌ బీవీఆర్‌ మోహన్‌రెడ్డి డైరెక్టర్‌ గోల్డ్‌ మెడల్‌ సాధించిన ఆడెపు అంజలి, జలుమేడి భరణి ఉత్తమ పీహెచ్‌డీ థీసిస్‌, ఉత్తమ ఎంటెక్‌ డిసర్టేషన్‌ గోల్డ్‌ మెడల్స్‌ అందజేత

సాక్షి ప్రతినిధి, వరంగల్‌: వరుణుడు ముఖం చాటేసినా.. రైతు మాత్రం సాగును వీడలేదు. చినుకు కోసం ఆకాశం వైపు చూస్తూనే.. పంటను కాపాడుకునేందుకు చెమటోడుస్తున్నాడు. వర్షాభావం, కరెంట్‌ కోతలు వెంటాడుతున్నా పంటలు పండుతాయనే ధీమాతో ఉన్నాడు. ప్రతికూల పరిస్థితుల్లో రైతులను కదిలిస్తే చాలు కన్నీళ్లే వస్తున్నాయి. ఉమ్మడి వరంగల్‌లో ఈ వానాకాలం పరిస్థితి దారుణంగా మారింది. వ్యవసాయశాఖ తాజా గణాంకాలు సాగు పరిస్థితి, రైతు పట్టుదలకు అద్దం పడుతోంది. ఆరు జిల్లాల్లో సాధారణ సాగు విస్తీర్ణం 15.93 లక్షల ఎకరాలు కాగా.. గురువారం నాటికి 14.34 లక్షల ఎకరాల్లో పంటలు సాగయ్యాయి. అంటే దాదాపు 90 శాతం సాగు పూర్తయింది. ఇదే సమయంలో సాధారణంగా కురవాల్సిన 4,763.6 మిల్లీమీటర్ల వర్షపాతానికి 3,51 6.9 మిల్లీమీటర్లు మాత్రమే నమోదైంది. మొత్తంగా 26.2 శాతం లోటు వర్షపాతం నెలకొంది. పత్తి వైపే రైతు మొగ్గు జయశంకర్‌ భూపాలపల్లి జిల్లాలో సాధారణ సాగు విస్తీర్ణాన్ని మించి 102 శాతం సాగు నమోదవడం గమనార్హం. ములుగు జిల్లాలో మాత్రం 80 శాతంతో అత్యల్ప సాగు నమోదైంది. వర్షాభావ ప్రభావం వరి సాగుపై స్పష్టంగా కనిపిస్తోంది. ఆరు జిల్లాల్లో వరి సాధారణ సాగు విస్తీర్ణం 9,21,445 ఎకరాలు కాగా.. ఇప్పటివరకు 6,77,538 (73.5 శాతం) ఎకరాల్లోనే సాగైంది. నీటి లభ్యతపై అనిశ్చితి, వర్షాల కొరత కారణంగా వరి సాగు సాధారణ లక్ష్యానికి ఇంకా దూరంగానే ఉంది. సాగునీటి వనరులపై ఎక్కువగా ఆధారపడే పంట కావడంతో నీటి పరిస్థితిని బట్టి రైతులు నిర్ణయాలు తీసుకుంటున్నారు. మరోవైపు పత్తి సాగు మాత్రం సాధారణ లక్ష్యాన్ని దాటింది. ఉమ్మడి వరంగల్‌లో పత్తి సాధారణ సాగు విస్తీర్ణం 5,54,387 ఎకరాలు కాగా.. 5,62, 162 (101.4 శాతం) ఎకరాల్లో సాగైంది. పప్పుధాన్యాల సాధారణ సాగు విస్తీర్ణం 10,18,774 ఎకరా లు కాగా.. ఇప్పటివరకు 8,48,193 (83.3 శాతం) ఎకరాల్లో సాగు నమోదైంది. చినుకు కోసం ఎదురుచూపు.. వర్షాలు ఆశించిన స్థాయిలో లేకపోవడంతో రైతులు వర్షం కోసం ఎదురుచూస్తున్నారు. బోర్లు, బావులు, ఇతర నీటి వనరుల సాయంతో పంటలను కాపాడుకునేందుకు ప్రయత్నిస్తున్నారు. వర్షాభావం అధికంగా ఉన్న హనుమకొండ, వరంగల్‌ జిల్లాల్లో పరిస్థితి మరింత ఆందోళనకరంగా ఉంది. హనుమకొండలో సాధారణ వర్షపాతం 730.1 మిల్లీమీటర్లు కాగా 422.9 మిల్లీమీటర్లు మాత్రమే నమోదై 42.1 శాతం లోటు ఏర్పడింది. వరంగల్‌లో సాధారణ వర్షపాతం 773.6 మిల్లీమీటర్లు కాగా 484 మిల్లీమీటర్లు నమోదై 37.4 శాతం లోటు కనిపించింది. వర్షాభావ ప్రభావం భూగర్భజలాలపైనా కనిపిస్తోంది. ఈ నెల మొదటి పక్షం నాటికి జిల్లాలవారీగా భూగర్భజల మట్టం ఇలా నమోదైంది.. జయశంకర్‌ భూపాలపల్లి జిల్లాలో 10.22 మీటర్ల లోతు కాగా, జనగామలో 9.50 మీటర్లు, హనుమకొండలో 6.83 మీటర్లుగా నమోదైంది. అలాగే, వరంగల్‌లో 6.28 మీటర్లు, ములుగులో 5.13 మీటర్లు, మహబూబాబాద్‌ జిల్లాలో 4.70 మీటర్లుగా భూగర్భ జలమట్టం ఉంది. ఒకవైపు 26.2 శాతం వర్షాభావం.. మరోవైపు 90 శాతానికి చేరిన సాగు. వరి సాగు లక్ష్యానికి ఇంకా దూరంగా ఉన్నా.. పత్తి మాత్రం సాధారణ విస్తీర్ణాన్ని దాటింది. ఇక అప్పుల పాలే..మూడెకరాల భూమిలో వరి పంట సాగు చేశాను. ఇప్పటి వరకు సుమారు రూ.75 వేల పెట్టుబడి పెట్టాను. ప్రస్తుతం వరి పంట కీలకమైన పొట్ట దశకు చేరుకుంది. కరెంట్‌ కోత, వర్షాభావం వల్ల తగినంత నీరు అందడం లేదు. పరిస్థితి ఇలాగే ఉంటే పంట చేతికందక అప్పుల పాలు కావాల్సిందే. – బండారి నరేశ్‌, బచ్చన్నపేట రైతు వానాకాలంపై వరుణుడి చిన్నచూపు వర్షాభావం, కరెంట్‌ కోతలతో రైతులు సతమతం ఆరు జిల్లాల్లో 26.2 శాతం వర్షాభావం 14.34 లక్షల ఎకరాల్లో పంటలు ఉమ్మడి వరంగల్‌లో 90 శాతం సాగు

కాజీపేట అర్బన్‌: నిట్‌ వరంగల్‌ 24వ స్నాతకోత్సవ సంబురం అంబరాన్నంటింది. నిట్‌ క్యాంపస్‌లోని అంబేడ్కర్‌ లెర్నింగ్‌ సెంటర్‌ ఆడిటోరియంలో రెండు రోజులపాటు నిర్వహించనున్న కాన్వొకేషన్‌ మహోత్సవంలో తొలిరోజు శనివారం 930 మంది యూజీ, 22 మంది ఎగ్జిట్‌ డిగ్రీ పూర్తి చేసిన విద్యార్థులు పట్టాలు అందుకున్నారు. గౌరవ అతిథిగా నిట్‌ బోర్డ్‌ ఆఫ్‌ గవర్నర్‌, సియాంట్‌ వ్యవస్థాపకుడు డాక్టర్‌ బీవీఆర్‌ మోహన్‌రెడ్డి హాజరై అధికారికంగా స్నాతకోత్సవాన్ని ప్రారంభించారు. టెక్సాస్‌ ఇన్‌స్ట్రుమెంట్స్‌ ఇండియా మేనేజింగ్‌ డైరెక్టర్‌ సంతోశ్‌కుమార్‌ ముఖ్య అతిథిగా హాజరై విద్యార్థులకు గోల్డ్‌మెడల్స్‌, డిగ్రీ పట్టాలు అందించారు. వ్యక్తిత్వానికి దిక్సూచి.. నిట్‌ విద్యార్థులు వ్యక్తిత్వానికి దిక్సూచిగా నిట్‌ విద్యార్థులు నిలవాలని, వ్యక్తిత్వమే భవిష్యత్‌ను నిర్ణయిస్తుందని టెక్సాస్‌ ఇన్‌స్ట్రుమెంట్స్‌ ఇండియా మేనేజింగ్‌ డైరెక్టర్‌ సంతోశ్‌కుమార్‌ తెలిపారు. టెక్నికల్‌ స్కిల్స్‌, డిగ్రీలు, రెజ్యూమ్‌ ఒక వ్యక్తి కెరీర్‌కు సాఫ్ట్‌వేర్‌ వంటి వి కాగా, వ్యక్తిత్వం, నిజాయతీ, విశ్వసనీయత హార్డ్‌వేర్‌ వంటి రెండింటినీ బ్యాలెన్స్‌ చేసుకుంటూ జీవ నం కొనసాగించాలన్నారు. సెమీ కండక్టర్‌ పరిశ్రమలోని ఈల్డ్‌ను ఉదాహరణగా తీసుకుని వైఫల్యాలను అధిగమించి లక్ష్యాన్ని సాధించాలన్నారు. మైక్రో గ్రిడ్‌, వ్యవసాయ సెన్సార్లు, సురక్షిత తాగునీరు అందించడంలో ఎదురయ్యే సమస్యల పరిష్కారం నూతన ఆవిష్కరణలతోనే సాధ్యమని తెలిపారు. ఏఐ యుగంలోనూ ఇంజనీర్ల పాత్ర కీలకం నేటి ఏఐ యుగంలోనూ ఇంజనీర్ల పాత్ర కీలకమైందని నిట్‌ బోర్డ్‌ ఆఫ్‌ గవర్నర్‌, సియాంట్‌ వ్యవస్థాపకుడు డాక్టర్‌ బీవీఆర్‌.మోహన్‌రెడ్డి తెలిపారు. ‘ద రోల్‌ ఆఫ్‌ ద ఇంజనీర్స్‌ ఇన్‌ ద ఏఐ ఎరా’ అంశంపై మాట్లాడారు. వేగంగా విస్తరిస్తున్న ఆర్టిఫీషియల్‌ ఇంటెలిజెన్స్‌తో ఇంజనీర్ల బాధ్యతలు మరింతగా విస్తరిస్తున్నాయని, సమాజానికి సేవ చేయడానికి నిట్‌ విద్యార్థులు ముందుండాలన్నారు. విద్యార్థుల జీవితాల్లో నూతన అధ్యయనం స్నాతకోత్సవంలో డిగ్రీ పట్టాలను అందుకోవడం విద్యార్థుల జీవితాల్లో నూతన అధ్యాయానికి నాంది అని నిట్‌ డైరెక్టర్‌ బిద్యాధర్‌ సుబుదీ తెలిపారు. నిట్‌ వరంగల్‌లో విద్యార్థులకు 2026–27 విద్యా సంవత్సరంలో క్వాంటమ్‌ టెక్నాలజీ, ఆర్టిఫీషియల్‌ ఇంటెలిజెన్స్‌, ఎలక్ట్రికల్‌ వెహికిల్స్‌, మెటీరియల్‌ సైన్స్‌ అండ్‌ టెక్నాలజీ రంగంలో ఎంటెక్‌ విభాగంలో నూతన కోర్సులు ప్రారంభించినట్లు తెలిపారు. క్యాంపస్‌ సెలక్షన్స్‌లో యూజీ విద్యార్థులు 93.94 శాతం, పీజీ విభాగంలో 80.78 విద్యార్థులు సెలెక్ట్‌ అవుతున్నారని అత్యధిక ప్యాకేజీ రూ.1.27 కోట్లు నమోదైనట్లు తెలిపారు. నేడు పట్టాలందుకోనున్న పీజీ విద్యార్థులు.. నిట్‌ వరంగల్‌లో 24వ స్నాతకోత్సవంలో భాగంగా రెండో రోజు ఆదివారం పీజీ (బీటెక్‌, ఎంబీఏ, ఎంఎస్సీ)పీహెచ్‌డీ విద్యార్థులు బెస్ట్‌ పీహెచ్‌డీ ఽథీసిస్‌, బెస్ట్‌ ఎంటెక్‌ అవార్డులతో పాటు రోల్‌ ఆఫ్‌ హనర్‌ గోల్డ్‌ మెడల్స్‌ అందుకోనున్నారు. పీజీ విభాగంలో 945 పీజీ, 100 పీహెచ్‌డీ, 22 ఎగ్జిట్‌ డిగ్రీ పట్టాలను అందుకోనున్నారు. నిట్‌లో అంబరాన్నంటిన 24వ స్నాతకోత్సవం పట్టాలందుకున్న 930 యూజీ, 22 ఎగ్జిట్‌ డిగ్రీ విద్యార్థులు నేడు 1,067 మంది పీజీ విద్యార్థులకు ప్రదానం

మహబూబాబాద్‌ జిల్లా మరిపెడ మండల కేంద్రంలో నూతన జూనియర్‌ సివిల్‌ జడ్జి–కమ్‌ జ్యుడీషియల్‌ మేజిస్ట్రేట్‌ ఆఫ్‌ ఫస్ట్‌ క్లాస్‌ కోర్టు భవనాన్ని శనివారం హైకోర్టు న్యాయమూర్తులు జస్టిస్‌ ఈవీ వేణుగోపాల్‌, జస్టిస్‌ ఎన్‌.రాజేశ్వర్‌రావు, జస్టిస్‌ బి.ఆర్‌.మధుసూదన్‌రావులు ప్రారంభించారు. ప్రజలకు న్యాయవ్యవస్థను మరింత చేరువ చేయడంతోపాటు పెండింగ్‌ కేసులు పరిష్కారంలో వేగం పెంచడమే లక్ష్యంగా పనిచేయాలని సూచించారు. – మరిపెడ/మరిపెడ రూరల్‌ హైకోర్టు న్యాయమూర్తి జస్టిస్‌ ఈ.వి.వేణుగోపాల్‌ మరిపెడలో నూతన సివిల్‌ కోర్టు ప్రారంభం

స్టేషన్‌ఘన్‌పూర్‌: ఘన్‌పూర్‌ పట్టణ సమగ్ర అభివృద్ధికి ప్రజలు సహకరించాలని మున్సిపల్‌ చైర్మన్‌ తాటికొండ వినయ్‌కుమార్‌ కోరారు. ఘన్‌పూర్‌ మున్సిపాలిటీ కార్యాలయంలో శనివారం ఏర్పాటు చేసిన విలేకర్ల సమావేశంలో ఆయన మాట్లాడారు. స్టేషన్‌ఘన్‌పూర్‌, శివునిపల్లి, ఛాగల్లు కలిసి ఘన్‌పూర్‌ మున్సిపాలిటీగా ఏర్పడిందని, అయితే గత గ్రామ పంచాయతీలో పనిచేసిన 43 మంది పారిశుద్ధ్య సిబ్బంది మాత్రమే ఉన్నారని, అదనంగా కొత్త సిబ్బంది రాలేదన్నారు. మరో ముప్‌పై మందికి పైగా అవసరం ఉందన్నారు. పారిశుద్ధ్య సమస్య పరిష్కారంలో ప్రజలు సహకరించాలని, ఎక్కడ పడితే అక్కడ చెత్త, వ్యర్థాలు వేయవద్దన్నారు. ప్లాస్టిక్‌ వాడకాన్ని తగ్గించాలని, ప్లాస్టిక్‌ కవర్లు, వ్యర్ధాలు డ్రెయినేజీలో వేయొద్దన్నారు.

వీర గణనాథుడు 22వ వార్డులో శివసేన యూత్‌ అసోసియేషనత్‌ ఆధ్వర్యంలో చేపట్టిన మండపంలో ఆయుధాలు ధరించి ఉగ్రరూపంలో గణనాథుడు దర్శనమిస్తున్నాడు. ఈ వీర గణపతి విగ్రహం భక్తులను విశేషంగా ఆకట్టుకుంటోంది.కీరావతారంలో వినాయకుడు పట్టణంలోని 21వ వార్డు యువసేన యూత్‌ అసోసియేషన్‌ ఆధ్వర్యంలో చేపట్టిన మండపంలో అర్జునుడిని పరీక్షించడానికి శివుడు వేటగాడి (కిరావతారం) రూపంలో వచ్చిన కథ ఆధారంగా ఈ విగ్రహాన్ని రూపొందించారు. నీలవర్ణ దేహం, నాగాభరణం, చేతిలో విల్లు బాణం, వెనుక అమ్ములపొది, కిరీటంపై శివరూపంతో గణనాథుడు కిరావతారంలో దర్శనమిస్తున్నాడు.

స్టేషన్‌ఘన్‌పూర్‌: స్టేషన్‌ఘన్‌పూర్‌ డివిజన్‌తో పాటు చుట్టుపక్కల మండలాల ప్రజలకు త్వరలో వైద్య, ఆరోగ్య సమస్యల కష్టాలు తీరనున్నాయి. డివిజన్‌ కేంద్రమైన స్టేషన్‌ఘన్‌పూర్‌లో ప్రజలకు చిరకాల కోరికగా ఉన్న వందపడకల ఆస్పత్రి నిర్మాణ పనులు వడివడిగా సాగుతున్నాయి. డిసెంబర్‌ నెలాఖరులోపు పనులు పూర్తి చేసి నూతన సంవత్సరం జనవరిలో ఆస్పత్రి వైద్య సేవలు ప్రారంభించేలా పనులు చకచకా చేస్తున్నారు. జీప్లస్‌ 2 భవన నిర్మాణంతో పాటు మూడు ఫ్లోర్స్‌లో గదుల నిర్మాణాలు పూర్తయ్యాయి. పెయింటింగ్‌, వైరింగ్‌, కార్పెంటరీ తదితర పనులు చేయాల్సి ఉంది. ఆస్పత్రి చుట్టూ వంద ఫీట్ల రోడ్డు, డివైడర్స్‌ ఏర్పాటు పనులను చేపడుతున్నారు. నాలుగు ఎకరాల స్థలంలో ఆస్పత్రి నిర్మాణం చేస్తుండగా ఆస్పత్రి భవనాన్ని 75,438 చదరపు అడుగులు, గ్రౌండ్‌ ఫ్లోర్‌, ఫస్ట్‌ ఫ్లోర్‌, సెకండ్‌ ఫ్లోర్‌ మూడింటిని 24,705 స్క్వేర్‌ ఫీట్స్‌తో నిర్మాణం చేస్తున్నారు. రూ.45.50 కోట్లతో పనులు ప్రస్తుతం స్టేషన్‌ఘన్‌పూర్‌లో 30 పడకల ప్రభుత్వ ఆస్పత్రి ఉంది. ఈ ఆస్పత్రికి రోజూ ఓపీ దాదాపు 200 మంది వస్తుంటారు. ప్రాథమిక వైద్య సేవలు, నార్మల్‌ డెలివరీలు, జనరల్‌ వైద్య సేవలు అందుతున్నాయి. ఏదైనా అత్యవసర కేసులు, క్రిమిసంహార మందులు తాగిన వారిని, రోడ్డు ప్రమాదాల్లో తీవ్రంగా గాయపడిన వారిని వరంగల్‌ ఎంజీఎం ఆస్పత్రికి, జనగామ ఏరియా ఆస్పత్రికి రెఫర్‌ చేస్తున్నారు. అయితే దాదాపు 30 కి.మీ దూరంలో ఉన్న ఆస్పత్రులకు వెళ్లే సరికి క్షతగాత్రులు ప్రాణాలు విడిచిన సంఘటనలు ఉన్నాయి. ఆస్పత్రి నిర్మాణానికి స్థానిక ఎమ్మెల్యే కడియం శ్రీహరి ప్రత్యేక చొరవతో సీఎం రేవంత్‌రెడ్డిని ఒప్పించారు. 2025 జనవరి 20న స్టేషన్‌ఘన్‌పూర్‌లో వంద పడకల ఆస్పత్రి నిర్మాణానికి రూ.45.50 కోట్లు నిధులు సీఎం మంజూరీ చేయగా మార్చి 16న స్టేషన్‌ఘన్‌పూర్‌లో సీఎం రేవంత్‌రెడ్డి వర్చువల్‌గా ఆస్పత్రి నిర్మాణానికి శంకుస్థాపన చేయగా మే 12న ఎమ్మెల్యే కడియం శ్రీహరి పనులు ప్రారంభించారు. అధునాతన వైద్యసేవలు 24 గంటల వైద్య సేవలతో పాటు అంబులెన్స్‌ సేవలు, ఆపరేషన్‌ థియేటర్స్‌, బ్లడ్‌ బ్యాంకు, ట్రామాకేర్‌ సెంటర్‌ ఏర్పాటు చేయనున్నారు. ఆస్పత్రిలో జనరల్‌ వైద్య సేవలతో పాటు గైనిక్‌, సర్జన్‌, ఫీజిషియన్‌, పిల్లల వైద్యులు, దంత వైద్యులు, ఫిజియోథెరపీ, న్యూరో, మత్తు వైద్యులు తదితర వైద్య సేవలు అందుబాటులోకి వస్తాయి. జనవరి 2026 నుంచి అత్యాధునిక వైద్య సేవలు అందుబాటులోకి రానుండగా నియోజకవర్గ ప్రజలు హర్షం వ్యక్తం చేస్తున్నారు. ముమ్మరంగా సాగుతున్న ఘన్‌పూర్‌ వంద పడకల ఆస్పత్రి నిర్మాణ పనులు రూ.45.50 కోట్లతో జరుగుతున్న పనులు తీరనున్న ప్రజల వైద్య ఆరోగ్య కష్టాలు జనవరిలో అందుబాటులోకి ఆస్పత్రి సేవలు జనవరిలో ప్రారంభించేలా..త్వరలో వందపడకల ఆస్పత్రి నిర్మాణ పనులు పూర్తికానున్నాయి. జనవరిలో ఆస్పత్రిని ప్రారంభించేలా ఎమ్మెల్యే కడియం కృషి చేస్తున్నారు. వందపడకల ఆస్పత్రి ప్రారంభిస్తే నియోజకవర్గ ప్రజల చిరకాల కల నెరవేరుతుందన్నారు. – అంబటి కిషన్‌రాజ్‌, కాంగ్రెస్‌ పార్టీ పట్టణ అఽఽధ్యక్షుడుప్రజలకు అత్యాధునిక సేవలుత్వరలో వందపడకల ఆస్పత్రితో గ్రామీణ ప్రాంత ప్రజలకు మెరుగైన అత్యాధునిక వైద్యసేవలు అందుబాటులోకి రానున్నాయి. స్థానిక ఎమ్మెల్యే కడియం శ్రీహరి ప్రత్యేక చొరవతో ఘన్‌పూర్‌కు వంద పడకల ఆస్పత్రి వచ్చింది. రోడ్డు ప్రమాదాలకు గురైన వారికి త్వరగా మెరుగైన వైద్యసేవలు అందించి వారి ప్రాణాలను రక్షించవచ్చు. –డాక్టర్‌ సంధ్య, ఘన్‌పూర్‌ ఏరియా ఆస్పత్రి సూపరింటెండెంట్‌

● పదేళ్లుగా జీడికల్‌ యువకుల ప్రత్యేకం లింగాలఘణపురం: మండలంలోని జీడికల్‌ గ్రామంలో గణపతి నవరాత్రి ఉత్సవాల నిమజ్జనం అనంతరం యువకులంతా విహార యాత్రలకు వెళ్లి వస్తున్నారు. పదేళ్లుగా గ్రామంలోని యువజన సంఘాల ఆధ్వర్యంలో వేర్వేరుగా గణేష్‌ ఉత్సవాలను నిర్వహిస్తుంటారు. తొమ్మిది రోజుల పాటు భక్తిశ్రద్ధలతో వినాయకుడిని పూజించి గ్రామంలోని దేవుని చెరువులో నిమజ్జనం చేసిన మరుసటి రోజు విహారయాత్రలకు వెళ్తుంటారు. యువజన సంఘం సభ్యులు ప్రతీ నెల చీటీ నిర్వహించి పొదుపు డబ్బులతో పాటు చీటీ పాట పాడగా వచ్చిన మిత్తి డబ్బులు పోగు చేసుకొని ఇలా యాత్రలకు వెళుతుంటారు. చందాల డబ్బులతో కాకుండా చీటీ డబ్బులనే వినియోగిస్తారు. ఇదీ జీడికల్‌ గ్రామంలోని వీరాచల, వీరభద్ర, భజరంగ్‌, ఫ్రెండ్స్‌ యూత్‌ సంఘాలతో పాటు ఇతర యువజన సంఘాల ప్రత్యేకం. ఇప్పటి వరకు కాశీ, హరిద్వార్‌, ద్వారకా, మధ్యప్రదేశ్‌, యూపీ, యానాం, ముంబాయి, కోల్‌కత్తా, ఏపీ తదితర ప్రాంతాల్లోని దేవాలయాలను, పర్యాటక ప్రాంతాలను పర్యటించి వచ్చారు. ఈ ఏడాది కూడా ముంబాయి. గుజరాత్‌, తిరుపతి తదితర ప్రాంతాలకు వెళ్లేందుకు రైల్వే టికెట్లు బుక్‌ చేసుకున్నారు.

జనగామ రూరల్‌: జిల్లాలోని గ్రామ పంచాయతీల భద్రతకు, అభివృద్ధి, నేరాల అదుపు, పారదర్శక పాలనకు సీసీ టీవీ కెమెరాల ఏర్పాటు చేసేందుకు కలెక్టర్‌ సందీప్‌ కుమార్‌ ఝా శ్రీకారం చుట్టారు. జిల్లావ్యాప్తంగా సీసీ టీవీ కెమెరాల ఏర్పాటుకు మొత్తం రూ.కోటి 50 లక్షలు మంజూరయ్యాయని రాష్ట్రంలోనే తొలిసారిగా జిల్లాలోని గ్రామ పంచాయతీల్లో సీసీ టీవీ కెమెరాల ఏర్పాటు చేయనున్నట్లు వెల్లడించారు. ఈమేరకు శుక్రవారం కలెక్టరేట్‌లోని మినీ కాన్ఫరెన్స్‌ హాల్లో డీసీపీ రాజమహేంద్ర నాయక్‌, అదనపు కలెక్టర్‌ బెన్‌షాలోమ్‌తో కలిసి కలెక్టర్‌ పంచాయతీల్లో సీసీ టీవీ కెమెరాల ఏర్పాటుపై సమీక్షించారు.. ప్రతీ గ్రామంలో రెండు సీసీ టీవీ కెమెరాలను గ్రామ ప్రవేశ, నిష్క్రమణ (ఎంట్రీ–ఎగ్జిట్‌) ప్రాంతాల్లో ఏర్పాటు చేయనున్నారు. ప్రభుత్వ మార్గదర్శకాలు, సాంకేతిక ప్రమాణాలకు అనుగుణంగా చేపట్టేలా చర్యలు తీసుకుటుంటున్నారు. మొదటి దశలో మండలాల వారీగా మొత్తం 753 కెమెరాలను ఏర్పాటు చేయనున్నారు. ఈ ప్రక్రియ ఈ–టెండర్‌ విధానంలోనే చేపట్టాలని, జి.ఓ.నెం.52 నిబంధనల ప్రకారం టెండర్‌ నోటిఫికేషన్‌ జారీ చేయాలని ఆదేశించారు. టెండర్‌ నోటిఫికేషన్‌ను సంబంధిత వెబ్‌సైట్‌లో కూడా తప్పనిసరిగా ఉంచాలని సూచించారు. సీసీ టీవీ కెమెరాల ఏర్పాటు కోసం అవసరమైన కేబుల్‌ నెట్‌వర్క్‌, ఇంటిగ్రేటెడ్‌ సాఫ్ట్‌వేర్‌, వీడియో వాల్స్‌ ఏర్పాటుపై ప్రత్యేక దృష్టి పెట్టాలని సూచించారు. ముఖ్యంగా జాతీయ రహదారులు, మండల కేంద్రాల పరిసర ప్రాంతాల్లో సీసీ టీవీ పర్యవేక్షణకు ప్రాధాన్యం ఇవ్వనున్నారు. సమీక్షలో డీపీఓ వెంకట్‌రెడ్డి, ఏసీపీలు భీంశర్మ, నర్సయ్య, డీ సెక్షన్‌ సూపరింటెండెంట్‌ వెంకటేశ్వర్లు, సీ సెక్షన్‌ సూపరింటెండెంట్‌ ఫణికిశోర్‌, ఎస్‌హెచ్‌ఓలు పాల్గొన్నారు. బచ్చన్నపేట – 56, నర్మెట– 38, తరిగొప్పుల – 34, జనగామ రూరల్‌ – 167, లింగాల ఘణపురం – 54, రఘునాథపల్లి – 84, చిల్పూర్‌ – 42, స్టేషన్‌ ఘన్‌పూర్‌– 38, జఫర్‌గఢ్‌– 46, పాలకుర్తి – 80, కొడకండ్ల – 46, దేవరుప్పుల – 68 కెమెరాలను ఏర్పాటు చేయనున్నారు. గ్రామాల అభివృద్ధి నేరాల అదుపునకు సీసీ కెమెరాలు కీలకంగా ఉపయోగపడనున్నాయి. జిల్లా వ్యాప్తంగా అన్ని జీపీల్లో రెండు చొప్పున ఏర్పాటు చేయనున్నాం. ప్రభుత్వ నిబంధనల ప్రకారం ఈ టెండర్‌ ద్వారా ఏర్పాటుకు చర్యలు తీసుకుంటున్నాం. జిల్లాలోని అన్ని గ్రామ పంచాయతీల్లో సీసీ కెమెరాల ఏర్పాటు రాష్ట్రంలోనే తొలిసారిగా ఏర్పాటు ప్రభుత్వ మార్గదర్శకాల ప్రకారం ఈ–టెండర్‌ రూ. కోటి 50 లక్షలతో నిధులు: కలెక్టర్‌ సందీప్‌ కుమార్‌ ఝా

కాజీపేట అర్బన్‌: కీలక ఘట్టం ఆవిష్కృతం కానుంది. ఏళ్ల కల నెరవేరనుంది. విద్యార్థుల శ్రమ, అకుంఠిత దీక్షకు ఈనెల 19, 20వ తేదీల్లో ‘పట్టా’భిషేకం జరగనుంది. నిట్‌ వరంగల్‌లోని అంబేడ్కర్‌ లెర్నింగ్‌ సెంటర్‌ ఆడిటోరియంలో 24వ స్నాతకోత్సవం ఘనంగా నిర్వహించేందుకు అన్ని ఏర్పాట్లు చేశారు. క్యాంపస్‌లోని హోమీ బాబా సెమినార్‌హాల్‌లో శుక్రవారం ఏర్పాటు చేసిన విలేకరుల సమావేశంలో నిట్‌ డైరెక్టర్‌ బిద్యాధర్‌ సుబుదీ మాట్లాడుతూ.. విద్యార్థి జీవితంలో డిగ్రీ పట్టాల స్వీకరణ కీలక ఘట్టం అన్నారు. స్నాతకోత్సవం గురించి ఆయన తెలిసిన వివరాల ప్రకారం.. నిట్‌ 24వ కాన్వకేషన్‌–26లో రెండు రోజుల పాటు 1,997 మంది యూజీ, పీజీ విద్యార్థులు పట్టాలు అందుకోనున్నారు. తొలి రోజు శనివారం ఉదయం 10 గంటల నుంచి స్నాతకోత్సవం ప్రారంభం అవుతుంది. యూజీ విద్యార్థులు 930 మంది పట్టాలు స్వీకరిస్తారు. రెండో రోజు ఆదివారం పీజీ, పీహెచ్‌డీ విద్యార్థులు 1,067మంది అందుకుంటారు. ముఖ్య అతిథి టెక్సాస్‌ ఇండియా ఎండీ స్నాతకోత్సవానికి ముఖ్య అతిథిగా టెక్సాస్‌ ఇన్‌స్ట్రుమెంట్స్‌ ఇండియా మేనేజింగ్‌ డైరెక్టర్‌ సంతోశ్‌కుమార్‌ హాజరై పట్టాలు అందజేస్తారు. స్నాతకోత్సంలో నిట్‌ చైర్‌పర్సన్‌ సేయాంట్‌ సాఫ్ట్‌వేర్‌ కంపెనీ చైర్మన్‌ బీవీఆర్‌ మోహన్‌రెడ్డి అధ్యత వహించనున్నా రు. ప్రతీ విభాగంలో టాపర్లకు గోల్డ్‌మెడల్‌, ఓవరాల్‌ టాపర్‌కు ఇన్‌స్టిట్యూట్‌ గోల్డ్‌మెడల్‌తో పాటు ఇంజనీరింగ్‌ రంగంలో ప్రత్యేక పరిశోధనలకు ‘ఇన్నోవేటివ్‌ అప్లికేషన్స్‌ ఆఫ్‌ ఆటోమెటిక్‌ కంట్రోల్‌ టెక్నాలజీస్‌ టు ఏవియేషన్‌ అండ్‌ ఏరో స్పేస్‌ ఇంజనీరింగ్‌’ అంశంపై పరిశోధనలకు డాక్టర్‌ పద్మనాభన్‌ కె.మీనన్‌కు, ‘డాక్టర్‌ ఆఫ్‌ సైన్స్‌ డిగ్రీ, అడ్వాన్సింగ్‌ ఇండియాస్‌ సెమీ కండక్టర్‌ అంబీషన్స్‌ త్రూ విజనరీ టెక్నాలజీ లీడర్‌ షిప్‌’ అంశంపై పరిశోధనలకు ఆనంద్‌ రామమూర్తికి గౌరవ డాక్టర్‌ ఆఫ్‌ ఫిలా సఫీ (పీహెచ్‌డీ) పట్టాలు అందజేయనున్నారు. నిట్‌ వరంగల్‌లో నేడు, రేపు పట్టాల అందజేత స్వీకరించనున్న 1,997 మంది విద్యార్థులు విద్యార్థి జీవితంలో కీలక ఘట్టం : నిట్‌ డైరెక్టర్‌ బిద్యాధర్‌ సుబుదీ

జనగామ: పురపాలిక పరిధిలో ఎన్‌క్రోచ్‌మెంట్లు, ఫుట్‌పాత్‌ల ఆక్రమణలు, ఇరుకై న రోడ్లపై వ్యాపార, వాణిజ్య సంస్థల బోర్డులు ఏర్పాటు చేయడం, రహదారులను బ్లాక్‌ చేసే చర్యలపై ఇకనుంచి అధికారుల నిఘా పెరగనుంది. పట్టణంలో ప్రధాన రహదారులతో పాటు వాణిజ్య ప్రాంతాలపై నిరంతరం పర్యవేక్షణ చేపట్టేందుకు ఎన్‌న్‌ఫోర్స్‌మెంట్‌ (విజిలెన్స్‌) బృందాన్ని ఏర్పాటు చేస్తున్నారు. మున్సిపల్‌ చైర్‌పర్సన్‌ బాలమణి శ్రీనివాస్‌ ఆధ్వర్యంలో, కమిషనర్‌ రాజశేఖర్‌రెడ్డి పర్యవేక్షణ, ప్రభుత్వం, కలెక్టర్‌ సందీప్‌కుమార్‌ ఝా సహకారంతో పట్టణ అభివృద్ధిపై ప్రత్యేక దృష్టి సారిస్తున్నారు. రూ.90లక్షలతో 16వ ఆర్థిక సంఘం, జనరల్‌ ఫండ్‌ నిధులు, కలెక్టరేట్‌ బడ్జెట్‌ నుంచి మరో రూ.57 లక్షలతో అభివృద్ధి పనులకు శ్రీకారం చుట్టారు. ఇందుకు సంబంధించి కౌన్సిల్‌ ఆమోదం పొందగా, ఇక టెండర్లను పిలిచేందుకు అధికారులు సన్నద్ధమవుతున్నారు. ప్రధాన రహదారులపై ప్రత్యేక దృష్టి సిద్దిపేట, హైదరాబాద్‌, సూర్యాపేట, హనుమకొండ ప్రధాన రహదారులతో పాటు స్వర్ణ కళామందిర్‌, బాలాజీనగర్‌, రైల్వేస్టేషన్‌, నెహ్రూ పార్క్‌, అమ్మబావి తదితర వాణిజ్య ప్రాంతాలపై నిఘా పెట్టనున్నారు. పట్టణంలోని 30 వార్డుల పరిధిలో బృందం నిరంతరం పర్యటిస్తూ ఆక్రమణలు, రహదారులపై అడ్డంకులు, ఇతర సమస్యలను గుర్తించనుంది. ఇందుకోసం 16వ ఫైనాన్స్‌, జనరల్‌ ఫండ్‌ నుంచి రూ.18 లక్షలతో ఎన్‌ఫోర్స్‌మెంట్‌ వాహనం కొనుగోలుకు మున్సిపల్‌ కౌన్సిల్‌ తీర్మానం చేసింది. శానిటేషన్‌, టౌన్‌ప్లానింగ్‌, రెవెన్యూ తదితర విభాగాల అధికారులతో కూడిన బృందం ఈ వాహనంలో పట్టణంలో పర్యటించనుంది. వీధిలైట్ల నిర్వహణకు స్కైలిఫ్ట్‌ 30వార్డుల పరిధిలో వీధిలైట్లు, ఇతర ఎలక్ట్రికల్‌ పనుల మరమ్మతులు, నూతన లైట్ల ఏర్పాటుకు రూ.32 లక్షలతో స్కైలిఫ్ట్‌ కొనుగోలుకు కౌన్సిల్‌ ఆమోదం తెలిపింది. దీంతో విద్యుత్‌ సంబంధిత పనులను వేగంగా చేపట్టేందుకు అవకాశం ఏర్పడడమే కాకుండా, నిధులు సైతం ఆదా అయ్యే అవకాశం ఉంటుంది. ప్రభుత్వ భవనాల్లో అభివృద్ధి పనులు కలెక్టర్‌ నిధుల(డీఎంటీ)ద్వారా జిల్లా ప్రభుత్వ జనరల్‌ ఆస్పత్రిలో రూ.21 లక్షలతో సీసీ రోడ్లు, చంపక్‌హిల్స్‌ ఎంసీహెచ్‌లో రూ.7 లక్షలతో సీసీ రోడ్లు, కలెక్టరేట్‌ ప్రాంగణంలో రూ.29 లక్షలతో కాంపౌండ్‌ వాల్‌, టైల్స్‌ నిర్మాణ పనులు టెండర్ల దశకు చేరుకున్నాయి. మున్సిపల్‌ స్థలాలకు రక్షణ పురపాలక పరిధిలోని వెంచర్ల ద్వారా మున్సిపాలిటీకి కేటాయించిన 14 ప్లేసుల్లోని స్థలాలను రక్షించేందుకు రూ.10 లక్షలతో ప్రత్యేక కంచె ఏర్పాటు చేయనున్నారు. ఈ పనులను రెండు, మూడు రోజుల్లో ప్రారంభించేందుకు అధికారులు ఏర్పాట్లు చేస్తున్నారు. కొత్త వాహనాలకు త్వరలో ప్రారంభోత్సవాలు పట్టణ పారిశుధ్య నిర్వహణలో భాగంగా 16 నూతన చెత్త సేకరణ ఆటోలు, ఒక జేసీబీ కొనుగోలు చేశారు. వీటి ప్రారంభోత్సవంతో పాటు వివిధ అభివృద్ధి పనులకు శంకుస్థాపనలు చేసేందుకు మున్సిపల్‌ అధికారులు కసరత్తు చేస్తున్నారు. ఈ నెలలో మంత్రి పొంగులేటి చేతుల మీదుగా ప్రారంభోత్సవాలు, శంకుస్థాపనలు జరిగే అవకాశం ఉంది. రూ.18 లక్షలతో ఎన్‌ఫోర్స్‌మెంట్‌ వాహనం రూ.32 లక్షలతో స్కైలిఫ్ట్‌ చెత్త తరలింపునకు రూ.30 లక్షలతో బాబ్‌క్యాట్‌ యంత్రంచంపక్‌హిల్స్‌ డంపింగ్‌ యార్డులో తడి, పొడి చెత్తను తరలించేందుకు రూ.30 లక్షలతో బాబ్‌క్యాట్‌(మినీ జేసీబీ)కొనుగోలుకు కౌన్సిల్‌ ఆమోదం తీసుకుంది. పట్టణం నుంచి తరలించిన చెత్తను డంపింగ్‌ యార్డు నుంచి తడి, పొడి చెత్త తయారీ కేంద్రానికి తరలించడం, యార్డులో రహదారులకు అడ్డంగా పేరుకుపోయిన చెత్తను తొలగించ డం వంటి పనులకు దీనిని వినియోగించనున్నారు.

జనగామ: ఎమ్మెల్యే పల్లా రాజేశ్వర్‌రెడ్డిపై ఆరోపణలు చేసే ముందు కాంగ్రెస్‌ నాయకులు గుండైపె చేయి వేసుకుని ఆత్మవిమర్శ చేసుకోవాలని మార్కెట్‌ మాజీ చైర్మన్‌ సిద్దిలింగం, మున్సిపల్‌ మాజీ చైర్‌పర్సన్‌ పోకల జమున, బీఆర్‌ఎస్‌ పట్టణ అధ్యక్షుడు తాళ్ల సురేష్‌రెడ్డి అన్నారు. శుక్రవారం జిల్లా కేంద్రంలోని ఎమ్మెల్యే క్యాంపు కార్యాలయంలో నిర్వహించిన విలేకరుల సమావేశంలో వారు మాట్లాడుతూ.. ఎమ్మెల్యే పల్లా ప్రజల్లో ఉంటూ వారి కష్టసుఖాల్లో పాలుపంచుకుంటున్నారని, ఆయనపై ఆరోపణల్లో నిజం ఉంటే హైకోర్టు సిట్టింగ్‌ జడ్జితో విచారణ జరిపించాలని సవాల్‌ చేశారు. మంత్రి సీతక్క జనగామకు వచ్చి రూ.17 కోట్లతో అభివృద్ధి పనులు చేపట్టామని చెబుతున్నారని, ఏయే పనులకు ఎంత నిధులు ఖర్చు చేశారో పూర్తి నివేదికను ప్రజల ముందు విడుదల చేయాలని డిమాండ్‌ చేశారు. ఇళ్లను 22ఏ నిషేధిత జాబితాలో చేర్చడంతో రుణాలు, రిజిస్ట్రేషన్లకు ఇబ్బందులు వచ్చేలా సృష్టించారన్నారు. విద్య, వైద్య రంగాల్లో సేవలు అందిస్తూ ప్రజలకు అండగా నిలిచే పల్లాపై ఆరోపణలు చేస్తే ఊరుకునేది లేదన్నారు. సమావేశంలో కౌన్సిలర్లు ఉడుగుల కిష్టయ్య, సేవెళ్ల మధుసూదన్‌, వాంకుడోతు అనిత, పానుగంటి సువార్త, ఎనుగుందుల అనూషకృష్ణ, మంజుల, ఉల్లెంగుల నర్సింగ్‌, మామిడాల రాజు, దామెర రాజు, గునిగంటి రామకృష్ణ, ఉల్లెంగుల సందీప్‌, కొమ్మురాజు, అస్లాం తదితరులు పాల్గొన్నారు. కాంగ్రెస్‌ నాయకులపై మండిపడ్డ బీఆర్‌ఎస్‌ నాయకులు

జనగామ: జిల్లాలోని ఎమ్మెల్యే పల్లా రాజేశ్వర్‌రెడ్డి, మాజీ ఎమ్మెల్యే ముత్తిరెడ్డి యాదగిరిరెడ్డి, మాజీ మంత్రి ఎర్రబెల్లి దయాకర్‌ రావు తదితరులకు సంబంధించిన భూములు, ఆస్తుల రికార్డులను కూడా చట్టపరమైన నిబంధనల ప్రకారం పరిశీలించాలని టీపీసీసీ స్పోక్స్‌పర్సన్‌ నూక కిరణ్‌ కుమార్‌ యాద వ్‌, డీసీసీ అధ్యక్షురాలు ధన్వంతి లక్ష్మీనారాయణ గురువారం కలెక్టర్‌కు లిఖితపూర్వకంగా వినతిపత్రం అందజేశారు. సంబంధిత భూముల రికార్డులు, రిజిస్ట్రేషన్లు, మ్యూటేషన్లను పరిశీలించి సమగ్ర విచారణ జరపాలని కోరారు. ఈసందర్భంగా వా రు మాట్లాడుతూ.. తాము ఎవరి మీద ముందస్తుగా ఆరోపణలు చేయడం లేదని, రికార్డులను పూర్తి గా పరిశీలించి వాస్తవాలను తేల్చాలని అన్నారు. ఆయా భూముల రికార్డులను పూర్తిగా పరిశీలించి వాస్తవాలను తెలియజేయాలని కోరారు. వాస్తవాలు వెలుగులోకి తేవాలి ఉద్యమ సమయంలో సెంటు భూమి కూడా లేని వారికి పదేళ్లలో వందల ఎకరాల భూములు ఎలా వచ్చాయో ప్రజలకు సమాధానం చెప్పాలని కాంగ్రెస్‌ పార్టీ జిల్లా స్పోక్స్‌పర్సన్‌ నూక కిరణ్‌ యాదవ్‌, డీసీసీ అధ్యక్షురాలు లకావత్‌ ధన్వంతి లక్ష్మీనారాయణ డిమాండ్‌ చేశారు. జిల్లా కేంద్రంలోని కాంగ్రెస్‌ పార్టీ కార్యాలయంలో నిర్వహించిన విలేకరుల సమావేశంలో వారు మాట్లాడారు.. మాజీ ముఖ్య మంత్రి కేసీఆర్‌ కుటుంబానికి సంబంధించిన భూ ములు, ఫాంహౌస్‌ల విస్తీర్ణం, భూముల కొనుగో ్లు, బదలాయింపులు తదితర అంశాలపై అధికారిక రికార్డుల ఆధారంగా వాస్తవాలను ప్రజల ముందుంచాలని కోరారు. 22–ఏ నిషేధిత జాబితాలో ఉన్నట్లు పేర్కొంటున్న భూముల ప్రస్తుత పరిస్థితిపై స్పష్టత అవసరమన్నారు. కార్యక్రమంలో వైటీడీఏ మెంబర్‌ లక్ష్మీనారాయణ నాయక్‌, మున్సిపల్‌ చైర్‌పర్సన్‌ కడకంచి బాలమణిశ్రీనివాస్‌, పార్టీ జిల్లా ఉపాధ్యక్షుడు జగదీష్‌ చంద్రారెడ్డి, ఎర్రమల్ల సుధాకర్‌, పట్టణ అధ్యక్షుడు దోర్నాల వెంకటేశ్వర్లు, ఆర్టీఏ సభ్యుడు అభిగౌడ్‌, లోకుంట్ల ప్రవీణ్‌, బడికె ఇంది ర, మాజిద్‌ అప్సర్‌, నారాయణరెడ్డి, ప్రదీప్‌ యాదవ్‌, కళ్యాణి, రాజమౌళి, కౌన్సిలర్‌ సుమలత, వేమల్ల పద్మ, మల్లేశం తదితరులు పాల్గొన్నారు. కలెక్టర్‌కు వినతి పత్రం అందించిన కాంగ్రెస్‌ నాయకులు

● వెల్ది మోడల్‌ స్కూల్‌లో ప్రత్యేక వర్క్‌షాపురఘునాథపల్లి: రాబోయే రాష్ట్రస్థాయి రోబోటిక్‌ గో ల్డ్‌ ఛాలెంజ్‌ పోటీలకు విద్యార్థులను సన్నద్ధం చేసే ఉద్దేశంతో మండలంలోని వెల్ది మోడల్‌ స్కూల్‌లో శుక్రవారం ప్రత్యేక రోబోటిక్‌ వర్క్‌షాపు నిర్వహించారు. ఒన్నోవేషన్‌ కోచ్‌ సుహాస్‌ పర్యవేక్షణలో వి ద్యార్థులకు రోబోటిక్స్‌కు సంబంధించిన పలు అంశాలపై శిక్షణ అందించారు. వర్క్‌షాపులో భాగంగా విద్యార్థులు రూపొందించిన వివిధ రోబోటిక్‌ ప్రాజెక్టులను ప్రదర్శించి వాటి పనితీరును వివరించారు. ఇన్‌చార్జ్‌ ప్రిన్స్‌పాల్‌ గడ్డం జయశ్రీ, ఆంగ్ల ఉపాధ్యాయుడు కందగట్ల గణేష్‌తో పాటు ఇతర ఉపాధ్యాయులు విద్యార్థుల ప్రాజెక్టులను పరిశీలించి వాటి అభివృద్ధికి అవసరమైన సూచనలు, సలహాలు అందించారు. విద్యార్థుల సృజనాత్మకత, ప్రతిభను అభినందించారు. రాష్ట్రస్థాయి పోటీల్లో ప్రతిభ కనబరిచేలా విద్యార్థులు కృషి చేయాలని సూచించారు. రోబోటిక్స్‌పై అసక్తిని పెంపొందిస్తూ విద్యార్థులకు శిక్షణ అందిస్తున్న ఇన్నోవేషన్‌ కోచ్‌ సుహాస్‌ను ఈ సందర్భంగా అభినందించారు.

పట్టణ ప్రజలకు మెరుగైన మౌలిక వసతులు, పారిశుధ్య సదుపాయాలు కల్పించడంతో పాటు రహదారులపై ఆక్రమణలు, ఫుట్‌పాత్‌ల ఆక్రమణలను నియంత్రించేందుకు చర్యలు చేపడుతున్నాం. 30 వార్డుల్లో సమస్యలను గుర్తించి వెంటనే పరిష్కరించేలా ఎన్‌ఫోర్స్‌మెంట్‌ వ్యవస్థను బలోపేతం చేస్తున్నాం. – కడకంచి బాలమణిశ్రీనివాస్‌, మున్సిపల్‌ చైర్‌పర్సన్‌కలెక్టర్‌ ఆదేశాల మేరకు చైర్‌పర్సన్‌, కౌన్సిల్‌ సహకారంతో పట్టణంలో రహదారులకు అడ్డంగా ఏర్పాటు చేసే బోర్డులు, ఆక్రమణలు, పారిశుధ్య సమస్యలపై నిరంతర పర్యవేక్షణ చేపడతాం. ఎన్‌న్‌ఫోర్స్‌మెంట్‌ బృందం 30 వార్డుల్లో పర్యటిస్తుంది. కొత్త వాహనాలు, స్కైలిఫ్ట్‌, బాబ్‌క్యాట్‌ వంటి యంత్రాల వినియోగంతో పారిశుధ్యం, వీధిలైట్లు, ఇతర మౌలిక సదుపాయాల నిర్వహణను మరింత వేగవంతం చేస్తాం. – రాజశేఖర్‌రెడ్డి, మున్సిపల్‌ కమిషనర్‌

సాక్షిప్రతినిధి, వరంగల్‌: వరంగల్‌–ఖమ్మం–నల్లగొండ పట్టభద్రుల ఎమ్మెల్సీ నియోజకవర్గానికి ఓటర్ల జాబితా తయారీ ప్రక్రియ ప్రారంభమైంది. ఎన్నికల సంఘం తాజా షెడ్యూల్‌ను విడుదల చేయడంతో కసరత్తు మొదలైంది. ఇప్పటికే ఓటరుగా నమోదైన వారు సైతం మళ్లీ ఫారం–18 ద్వారా దరఖాస్తు చేసుకోవాల్సి ఉంటుంది. పాత జాబితాలో పేరు ఉన్నదనే కారణంతో కొత్త జాబితాలో పేరు ఆటోమేటిక్‌గా కొనసాగదు. 2021లో 5.05 లక్షల మంది.. 2024 ఉప ఎన్నికలో తగ్గిన ఓటర్లు.. వరంగల్‌–ఖమ్మం–నల్లగొండ పట్టభద్రుల ఎమ్మెల్సీ స్థానానికి 2021 మార్చిలో ఎన్నికలు జరిగాయి. అప్పటి జాబితాలో 5,05,565 మంది ఓటర్లు ఉన్నారు. ఇందులో 3,32,634 మంది పురుషులు, 1,72,864 మంది మహిళలు, 67 మంది ఇతర ఓటర్లు ఉన్నారు. ఉమ్మడి వరంగల్‌ జిల్లా పరిధిలో 1,81,313 మంది ఓటర్లు నమోదయ్యారు. ఆ ఎన్నికల్లో పల్లా రాజేశ్వర్‌రెడ్డి విజయం సాధించారు. కాగా, 2023 అసెంబ్లీ ఎన్నికల్లో జనగామ నియోజకవర్గంనుంచి పల్లా రాజేశ్వర్‌రెడ్డి ఎమ్మెల్యేగా గెలుపొందారు. దీంతో ఆయన ఎమ్మెల్సీ పదవికి రాజీనామా చేయడంతో 2024లో ఉప ఎన్నిక నిర్వహించారు. ఈ ఉప ఎన్నికలో తీన్మార్‌ మల్లన్న విజయం సాధించారు. 2024 ఉప ఎన్నిక తుది ఓటర్ల జాబితాలో 4,61,806 మంది పట్టభద్ర ఓటర్లు ఉన్నారు. ఇందులో 2,87,007 మంది పురుషులు, 1,74,794 మంది మహిళలు, ఐదుగురు ఇతర ఓటర్లు ఉన్నారు. అవసరమైన అర్హతలు ఉండాలి.. పట్టభద్రుల ఎమ్మెల్సీ ఓటర్ల జాబితాను కొత్తగా రూపొందించనున్నారు. ఇందుకోసం అర్హులైన పట్టభద్రులు నిర్ణీత గడువులో ఫారం–18 సమర్పించాలి. గతంలో ఇదే నియోజకవర్గంలో ఓటు వేసినవారు, ప్రస్తుతం ఓటు ఉన్నవారు కూడా కొత్తగా దరఖాస్తు చేసుకోవాల్సి ఉంటుంది. దరఖాస్తుతో విద్యార్హతకు సంబంధించిన ధ్రువీకరణ పత్రాలను సమర్పించాలి. ఓటు హక్కు పొందేందుకు డిగ్రీ ఉంటే సరిపోదు. ఎన్నికల నిబంధనల ప్రకారం నిర్ణీత అర్హత తేదీ నాటికి పట్టభద్రుడై ఉండటంతోపాటు అవసరమైన అర్హతలతో గడువులోగా దరఖాస్తు చేసుకోవాలి. 2021 ఎన్నికతో పోలిస్తే 2024 ఉప ఎన్నిక నాటికి ఓటర్ల సంఖ్య తగ్గింది. ఇప్పుడు మరోసారి కొత్తగా పట్టభద్రుల ఓటర్ల జాబితాను రూపొందించనుండడంతో ఈసారి ఎంతమంది అర్హులు దరఖాస్తు చేసుకుంటారు? తుది జాబితాలో ఓటర్ల సంఖ్య ఎంతకు చేరుతుంది? అన్నది ఆసక్తికరంగా మారింది. అర్హత ఉన్న ప్రతీ పట్టభద్రుడు ఫారం–18 దరఖాస్తు చేయడం కీలకం. నవంబర్‌ 6 తర్వాత మిగిలిన ప్రక్రియ కొనసాగి, డిసెంబర్‌ 30న తుది ఓటర్ల జాబితా వెలువడనుంది. ఇదిలా ఉండగా ఇప్పటికే ఓటర్ల నమోదుపై దృష్టి సారించిన ప్రధాన పార్టీలు.. పోటాపోటీగా నమోదు చేయించేందుకు వ్యూహరచనలో ఉన్నాయి. ఈ నేపథ్యంలో 2021 ఎన్నికలకంటే ఈసారి 15 నుంచి 25 శాతం వరకు ఓటర్లు పెరగవచ్చన్న చర్చ జరుగుతోంది. ఎమ్మెల్సీ ఓటుకు మళ్లీ ‘ఫారం–18’ సమర్పించాల్సిందే ఈనెల 28న నోటీసు.. నవంబర్‌ 6 వరకు దరఖాస్తుల స్వీకరణ నవంబర్‌ 25న ముసాయిదా.. డిసెంబర్‌ 30న తుది జాబితా

జనగామ రూరల్‌: పీఎం–డీడీకేవై (ప్రధానమంత్రి ధన్‌ ధాన్య కృషి యోజన) పథకం 2025–2031 వరకు అమలయ్యే కేంద్ర ప్రభుత్వ అత్యంత ప్రతిష్ఠాత్మక కార్యక్రమమని, సంబంధిత శాఖల అధికారులు అత్యంత ప్రాధాన్యంగా తీసుకుని సమన్వయంతో అమలు చేయాలని కలెక్టర్‌ సందీప్‌ కుమార్‌ ఝా అధికారులను ఆదేశించారు. గురువారం కలెక్టరేట్‌లో పీఎం డీడీకేవై పథకం కింద పోర్టల్‌లో డేటా నమోదుపై సంబంధిత అధికారులతో సమీక్ష సమావేశం నిర్వహించారు. సమావేశంలో డీఏఓ అంబికా సోనీ, డీవీహెచ్‌ఓ మురళీధర్‌ రావు, మత్స్య శాఖ అధికారి రాణా ప్రతాప్‌, సీపీఓ చినకోట్యా నాయక్‌, ఎల్డీఎం ప్రతిభ, డీఆర్డీఓ భాస్కర్‌, డీహెచ్‌ఎస్‌ఓ నర్సయ్య, ఏపీడీ నూరుద్దీన్‌, డీసీఓ కరుణ పాల్గొన్నారు. వీబీజీరామ్‌జీ పనులు వేగవంతమవ్వాలి వీబీజీరామ్‌జీ పనులను వేగవంతంగా పూర్తి చేయాలని కలెక్టర్‌ సందీప్‌ కుమార్‌ ఝా అధికారులను అదేశించారు. కలెక్టరేట్‌లో జిల్లాలో అమలు చేస్తున్న పనుల పురోగతిపై సంబంధిత అధికారులతో సమావేశం నిర్వహించారు. నాణ్యతా ప్రమాణాలకు అనుగుణంగా సకాలంలో ప్రారంభించి, పూర్తి చేయాలని ఆదేశించారు. సమావేశంలో డీఆర్‌డీఓ భాస్కర్‌, జెడ్పీ సీఈఓ బలరామారావు, ఏపీడీ నూరుద్దీన్‌,డీపీఓ వెంకట్‌ రెడ్డి పాల్గొన్నారు. కలెక్టర్‌ సందీప్‌ కుమార్‌ ఝా

జనగామ రూరల్‌: శిల్పకళ, నిర్మాణరంగం, చేతివృత్తులు, సాంకేతిక నైపుణ్యాలకు విశ్వకర్మ భగవానుడి సేవలు స్ఫూర్తిదాయకమని కలెక్టర్‌ సందీప్‌ కుమార్‌ ఝా అన్నారు. గురువారం కలెక్టర్‌ కార్యాలయంలో జిల్లా వెనుకబడిన తరగతుల శాఖ ఆధ్వర్యంలో భగవాన్‌ విరాట్‌ విశ్వకర్మ జయంతి సందర్భంగా విశ్వకర్మ చిత్రపటా నికి జ్యోతి ప్రజ్వలన చేసి పూలమాలలు వేశా రు. ఈ సందర్భంగా కలెక్టర్‌ మాట్లాడుతూ..విశ్వకర్మ భగవానుడు తన అపారమైన సృజనాత్మకత, అసమాన ప్రతిభతో సమాజ ప్రగతికి విశేషంగా దోహదపడ్డారని కొనియాడారు. కార్యక్రమంలో అదనపు కలెక్టర్‌ బెన్‌షాలోమ్‌, జిల్లా వెనుకబడిన తరగతుల శాఖ అధికారి ఎన్‌.ఎల్‌.నరసింహరావు, జిల్లా విశ్వబ్రాహ్మణ కుల సంఘం అధ్యక్షులు రామేశ్వరాచారి, ఉపాధ్యక్షుడు ఉప్పలయ్య చారి, విశ్వబ్రాహ్మణ కుల మహిళా సంఘం ఉపాధ్యక్షులు గంగాభవాని, పట్టణ వడ్రంగి సంఘం అధ్యక్షుడు సాంబయ్య చారి, విశ్వబ్రాహ్మణ ఐక్య సంఘం జిల్లా అధ్యక్షుడు దిగోజు నరసింహచారి తదితరులు పాల్గొన్నారు. జీఓ 97ను రద్దు చేయాల్సిందేస్టేషన్‌ఘన్‌పూర్‌: పాలిటెక్నిక్‌ విద్యను నిర్వీర్యం చేసేలా ఉన్న జీఓ 97ను రద్దు చేయాలని డిమాండ్‌ చేస్తూ ఘన్‌పూర్‌ పాలిటెక్నిక్‌ కళాశాల విద్యార్థులు డివిజన్‌ కేంద్రంలో గురువారం ర్యాలీ, మానవహారం, రాస్తారోకో చేపట్టారు. పాలిటెక్నిక్‌ కళాశాల నుంచి స్థానిక శివాజీ చౌక్‌ వరకు విద్యార్థులు పెద్దఎత్తున ర్యాలీ చేపట్టారు. అనంతరం శివాజీ చౌక్‌ వద్ద మానవహా రంతో పాటు రాస్తారోకో చేపట్టి రాష్ట్ర ప్రభుత్వానికి, సీఎంకు వ్యతిరేకంగా నినదించారు. దాదాపు 20 నిమిషాల పాటు మానవహారం, రాస్తారోకో చేపట్టగా ట్రాఫిక్‌ స్తంభించింది. పాలిటెక్నిక్‌ విద్యార్థులకు జనసేన పార్టీ నాయకులు మద్దతు తెలుపుతూ నిరసనలో పాల్గొన్నారు. ఈ సందర్భంగా ఆ పార్టీ రాష్ట్ర నాయకుడు గాదె పృథ్వీ మాట్లాడుతూ.. జీఓ 97ను రద్దు చేసి పాలిటెక్నిక్‌ విద్యను పరిరక్షించాలని డిమాండ్‌ చేశారు. కార్యక్రమంలో పార్టీ నాయకులు ఆమంచ సునీల్‌, ఎండీ.రజాక్‌, కొలిపాక వంశీకృష్ణ, ప్రశాంత్‌రెడ్డి, సాయి, బన్నీ, విక్రమ్‌కుమార్‌,నితిన్‌ తదితరులు పాల్గొన్నారు. మిడ్‌ పరీక్షలను బహిష్కరించిన అఽధ్యాపకులు జీఓ 97ను రద్దు చేయాలని డిమాండ్‌ చేస్తూ రాష్ట్రంలోని 59 ప్రభుత్వ పాలిటెక్నిక్‌ కళాశాలల అధ్యాపకుల బృందాలు తీసుకున్న నిర్ణయం మేరకు ఘన్‌పూర్‌ ప్రభుత్వ పాలిటెక్నిక్‌ కళాశాలలో మిడ్‌ పరీక్షలను పూర్తిగా బహిష్కరిస్తున్నట్లు అధ్యాపకులు స్పష్టం చేశారు. జీఓ 97ను రద్దు చేసే వరకు మిడ్‌ పరీక్షల నిర్వహణకు సహకరించేది లేదని తేల్చిచెప్పారు. భద్రకాళి ఆలయ ఆదాయం రూ.72 లక్షలు హన్మకొండ కల్చరల్‌: శ్రీభద్రకాళి దేవాలయంలో గురువారం హుండీ లెక్కింపు నిర్వహించా రు. 76 రోజులకు రూ.72,30,387 ఆదాయం లభించిందని వరంగల్‌ దేవాదాయశాఖ అసిస్టెంట్‌ కమిషనర్‌, ఆలయ ఈఓ రామల సునీత తెలిపారు. 628 యూఎస్‌ఏ డాలర్లు, 5 కెనడా డాలర్లు, 110 యూఏఈ దిరమ్స్‌, 10 బ్యాంక్‌ ఆఫ్‌ ఇంగ్లండ్‌ పౌండ్స్‌, 60 బ్యాంక్‌ ఆఫ్‌ అరేబియా మానిటరీ అథారిటీ, 10 యూరోలు లభించాయని తెలిపారు.

జనగామ: పట్టణంలోని యశ్వంతాపూర్‌ బీఆర్‌ఎస్‌ జిల్లా పార్టీ కార్యాలయంలో జాతీయ సమైఖ్యతా దినోత్సవం పురస్కరించుకుని ఎమ్మెల్యే పల్లా రాజేశ్వర్‌రెడ్డి జాతీయ జెండా, మాజీ మంత్రి ఎర్రబెల్లి దయాకర్‌రావు పార్టీ పతాకావిష్కరణ చేశారు. కార్యక్రమంలో ప్రజాప్రతినిధులు, నాయకులు ఉన్నారు. డీసీసీ కార్యాలయంలో ప్రజాపాలన వేడుకలుజనగామ: జిల్లా కేంద్రంలోని డీసీసీ కార్యాలయంలో గురువారం ప్రజాపాలన వేడుకలు ఘనంగా జరిగాయి. ముఖ్య అతిథిగా ప్రభుత్వ విప్‌, ఆలేరు ఎమ్మెల్యే బీర్ల అయిలయ్య హాజరయ్యారు. డీసీసీ అధ్యక్షురాలు లకావత్‌ ధన్వంతి జాతీయ జెండా ఆవిష్కరించారు. కార్యక్రమంలో వైటీడీఏ సభ్యుడు డాక్టర్‌ లక్ష్మీనారాయణనాయక్‌, మున్సిపల్‌ చైర్‌పర్సన్‌ బాలమణిశ్రీనివాస్‌ తదితరులు పాల్గొన్నారు.

జనగామ: అంతరించిపోతున్న పౌరాణిక పద్య నాటక కళను భావితరాలకు పరిచయం చేయడంతో పాటు విద్యార్థుల్లో భారతీయ సంస్కృతి, సంప్రదాయాలు, నైతిక విలువలపై అవగాహన కల్పించాలనే ఉద్దేశంతో శ్రీ వెంకటేశ్వర కళాపరిషత్‌ జనగామ ఆధ్వర్యంలో శ్రీ కృష్ణరాయబారం పద్యనాటక ప్రదర్శన నిర్వహించారు. గురువారం జిల్లా కేంద్రంలోని సాంఘిక సంక్షేమ గురుకుల కళాశాలలో కళా పరిషత్‌ గౌరవ సలహాదారు, గౌతమ్‌ మోడల్‌ స్కూల్‌ డైరెక్టర్‌, మోతే సురేందర్‌రెడ్డి పర్యవేక్షణలో నాటక ప్రదర్శన జరిగింది. ఈ కార్యక్రమానికి రాష్ట్ర నాటక సమాఖ్య అధ్యక్షుడు ఆకుల సదానందం, పోతన కళాపీఠం అధ్యక్షుడు జె.ఎన్‌.శర్మ ముఖ్య అతిథులుగా హాజరై కార్యక్రమాన్ని ప్రారంభించారు. ఈ సందర్భంగా వారు మాట్లాడుతూ.. సాంకేతికతకు విద్యార్థులు దగ్గరవుతున్న ప్రస్తుత తరుణంలో కళలు, సంస్కృతి, సంప్రదాయాలను వారికి పరిచయం చేయడం అవసరమన్నారు. శ్రీ కృష్ణ రాయబారం వంటి నాటకాలు వినోదంతో పాటు ధర్మం, సత్యం, నీతి, బాధ్యత, దేశభక్తి, మానవతా విలువలను తెలియజేస్తాయని పేర్కొన్నారు. కార్యక్రమంలో డాక్టర్‌ డి.లవకుమార్‌, కన్నా పరశురాములు, సాంఘిక సంక్షేమ గురుకుల పాఠశాల ప్రధానాచార్యుడు ఎ.నరసింహులు, ఎనగందుల భిక్షపతి, శ్రీ వెంకటేశ్వర కళాపరిషత్‌ గౌరవ అధ్యక్షుడు అయ్యప్పశాస్త్రి, అధ్యక్షుడు వెంకటేశ్వర్లు, కార్యదర్శి నాగరాజు శర్మ, కోశాధికారి రాజనరసింహులు, అంజనేయ శర్మ, శ్రీనివాస్‌, రమణారెడ్డి, సా ంబమూర్తి, విష్ణుచరణ్‌ పాల్గొన్నారు. జిల్లా కేంద్రంలో పద్య నాటక ప్రదర్శన నాటకాలతో భారతీయ సంస్కృతి భావితరాలకు పరిచయం: వక్తలు

● ఎస్సీ యువత స్వయం ఉపాధికి సబ్సిడీ రుణాలు ● ఎస్సీ కార్పొరేషన్‌ ద్వారా దరఖాస్తుల స్వీకరణ ● జిల్లాకు 214 యూనిట్లు.. దరఖాస్తులు 1,824 ● మండలాల్లో కొనసాగుతున్న ఇంటర్వ్యూలు ● యూనిట్ల సంఖ్య పెంచాలంటున్న నిరుద్యోగులుజనగామ రూరల్‌: నిరుద్యోగులు స్వయం ఉపాధితో ఆర్థికంగా ఎదగాలన్న లక్ష్యంతో 2025–26 ఆర్థిక సంవత్సరానికి గాను ఎలక్ట్రిక్‌ టూ వీలర్‌, ఎలక్ట్రిక్‌ త్రీ వీలర్‌, సోలార్‌ పంప్‌ కంట్రోల్‌ సబ్సిడీ ద్వారా అందించేందుకు ఎస్సీ కార్పొరేషన్‌ ఆధ్వర్యంలో స్వయం ఉపాధి పథకం కింద దరఖాస్తులు స్వీకరించారు. జిల్లాకు 214 యూనిట్లు రాగా లబ్ధిదారుల నుంచి 1,824 దరఖాస్తులు వచ్చాయి. జిల్లా వ్యాప్తంగా 12 మండలాల్లో ఇప్పటికే మండలాల్లో దరఖాస్తుల పరిశీలనతో పాటు అభ్యర్థుల ఎంపికకు ఇంటర్వ్యూలు జరుగుతున్నాయి. ప్రక్రియ పూర్తయిన వారు ఆయా బ్యాంక్‌లకు వివరాలను అందజేస్తున్నారు. పథకానికి ఎంపికై న వారికి 70 శాతం నుంచి 100 శాతం సబ్సిడీ ద్వారా అందించనున్నారు. స్వయం ఉపాధితో ఆర్థికంగా నిలదొక్కుకోవాలనుకున్న వారికి మంచి అవకాశం. అయితే నిరుద్యోగుల ఆశలకు యూనిట్ల పరిమితి తక్కువ ఉండడంతో ఇబ్బందిగా మారింది. అర్హత ఉన్న ప్రతి ఒక్కరికి అవకాశం దక్కే అవకాశం లేదు. ఆశావాహుల ఎదురుచూపులు స్వయం ఉపాధి పథకం కింద యూనిట్‌ వస్తే ఉపాధి పొందవచ్చని నిరుద్యోగులు భావిస్తున్నారు. అందుకే భారీ సంఖ్యలో దరఖాస్తులు రాగా ప్రస్తుతం యూనిట్ల సంఖ్య తక్కువగా ఉండటంతో ఎవరికీ అవకాశం వస్తుందోనని ఆశావాహులు ఎదురుచూస్తున్నారు. లబ్ధిదారుల ఎంపికలో కలెక్టర్‌ సందీప్‌కుమార్‌ ఝా ఎలాంటి పైరవీలకు తావులేకుండా నిబంధనల ప్రకారం ప్రక్రియ పూర్తి చేయాలని అదేశాలు జారీ చేశారు. దరఖాస్తుల సంఖ్యకు అనుగుణంగా యూనిట్ల సంఖ్యను పెంచితే మరింత మంది నిరుద్యోగులకు స్వయం ఉపాధి కల్పించే అవకాశం ఉంటుందని పేర్కొంటున్నారు.నిరుద్యోగ ఎస్సీ యువతకు ఉపాధి కల్పించేందుకు సబ్సిడీ ద్వారా రుణాల అందజేయడం మంచి పరిణామమే. అయితే యూనిట్ల సంఖ్య తక్కువ ఉండడంతో తక్కువ మందికే లబ్ధి చేకూరనుంది. ప్రభుత్వం స్పందించి యూనిట్ల సంఖ్య పెంచాలి. వందల రూపాయల ఖర్చు పెట్టుకోని ఆశతో యువత ఎదురుచూస్తున్నారు. వారి ఆర్థిక స్థితిగతులు పరిశీలించి అధికారులు న్యాయం చేయాలి. –ఎలబోయిన హరీశ్‌, జిల్లా అధ్యక్షుడు, బీజేవైఎం స్వయం ఉపాధి కల్పించేందుకు లబ్ధిదారుల ఎంపిక ప్రక్రియ కొనసాగుతోంది. బడ్జెట్‌ రాగానే ఎంపికై న లబ్ధిదారులకు యూనిట్లు అందిస్తాం. లబ్ధిదారుల ఎంపిక కోసం ఆయా ఎంపీడీఓలు ఇంటర్వ్యూలు నిర్వహిస్తున్నారు. ఆయా మండలాలకు టార్గెట్లు ఇచ్చాం. – మాధవీలత, ఈడీ, ఎస్సీ కార్పొరేషన్‌స్కీం పేరు యూనిట్స్‌ వచ్చిన దరఖాస్తులు ఈవీ టూవిల్లర్‌ 99 405 ఈవీ ట్రీవిల్లర్‌ 50 771 సోలార్‌ పంప్‌ కంట్రోల్‌ 11 50 పాడి పశువులు 54 606 మొత్తం 214 1832

సాక్షిప్రతినిధి, వరంగల్‌: ఓరుగల్లు కేంద్రంగా సాగిన సైబర్‌ నేరాల వ్యవహారంలో విస్తుపోయే అంశాలు వెలుగులోకి వస్తున్నాయి. ఇతర రాష్ట్రాలనుంచి వచ్చిన వ్యక్తులు వరంగల్‌ పరిసరాల్లో మకాం వేసి.. స్థానికంగా పరిచయాలు పెంచుకుని సైబర్‌ నేరాలకు అవసరమైన మ్యూల్‌ బ్యాంకు ఖాతాల వ్యవహారానికి తెరలేపినట్లు పోలీసులు గుర్తించారు. ఈ కేసులో ఇప్పటివరకు 22 మందిని అరెస్టు చేసి రిమాండ్‌కు తరలించగా.. మరో నలుగురు పరారీలో ఉన్నట్లు పోలీసులు పేర్కొన్నారు. ఆ కీలక నిందితులు నలుగురు ఎక్కడ? అనే చర్చ ఉత్కంఠ రేపుతోంది. ఉమ్మడి వరంగల్‌లో పలువురితో దోస్తానా.. అరెస్టయిన 22 మందిలో గణనీయమైన సంఖ్యలో ఉమ్మడి వరంగల్‌ ప్రాంతానికి చెందినవారే ఉండటం కేసులో కీలక అంశంగా మారింది. ఒడిశా, ఛత్తీస్‌గఢ్‌, ఉత్తరప్రదేశ్‌లకు చెందిన నరేంద్ర హైల్‌, సంకల్ప్‌ ఖైతాన్‌, హషీమ్‌లు.. మరో నలుగురు వరంగల్‌లో మకాం వేశారు. వీరు హనుమకొండలోని భవానీనగర్‌లో నివసిస్తున్నట్లు పోలీసులు గుర్తించారు. వరంగల్‌, హనుమకొండ, జనగామ, జయశంకర్‌ భూపాలపల్లి, ములుగు జిల్లాలకు చెందినవారు ఈ జాబితాలో ఉన్నారు. కరీంనగర్‌కు చెందిన ఇద్దరు, ఇతర రాష్ట్రాలకు చెందిన ముగ్గురు కూడా ఉన్నారు. దీంతో బయట ప్రాంతాలనుంచి వచ్చిన వ్యక్తులకు స్థానికంగా ఎవరు సహకరించారు? పరిచయాలు ఎలా ఏర్పడ్డాయి? ఖాతాల సమకూర్చడంలో ఎవరి పాత్ర ఎంత? అనే కోణాల్లో దర్యాప్తు సాగుతోంది. రెండు ఠాణాల్లో కేసులు.. కూపీ లాగితే కదిలిన డొంక.. మ్యూల్‌ ఖాతాలు, సైబర్‌ లింకులు, నేరాలకు సంబంధించిన ఈ వ్యవహారంపై మొదట వరంగల్‌ సైబర్‌ క్రైమ్‌ పోలీస్‌స్టేషన్‌లో క్రైం నం.29/2026, ఆజంజాహీ మిల్స్‌ కాలనీ పోలీస్‌స్టేషన్‌లో క్రైం నం.672/2026గా కేసులు నమోదయ్యాయి. నిందితులపై బీఎన్‌ఎస్‌ 316(2), 318(4), 319(2), 338, 336(3), 351(2), 111 ఆర్‌/డబ్ల్యు 3(5) సెక్షన్లతో పాటు ఐటీ యాక్ట్‌ 66–సి, 66–డి కింద కేసులు నమోదు చేశారు. అక్కడినుంచే విచారణ చేపట్టిన పోలీసులు సాంకేతికత సహాయంతో అత్యంత గోప్యంగా నేరస్తుల కూపీ లాగారు. సైబర్‌ నేరాల్లో ఉపయోగించేందుకు బ్యాంకు ఖాతాలను సమకూర్చుకునే క్రమంలో స్థానికంగా పలువురిని సంప్రదించినట్లు కేసు వివరాలు సేకరించారు. ఈ కేసులో ఇప్పటికే 22 మందిని అరెస్టు చేసిన పోలీసులు.. మరో నలుగురి కోసం ఇతర రాష్ట్రాల్లో గాలింపు చేపట్టారు. కమీషన్‌ ఇస్తామనే ఆశ చూపడం.. ఖాతాలు/బ్యాంకింగ్‌ వివరాలు సమకూర్చుకోవడం.. వాటిని నేర కార్యకలాపాలకు వినియోగించడం వంటి కోణాల్లో పోలీసులు ఇంకా దర్యాప్తు చేస్తున్నారు. అయితే ఖాతాల ద్వారా జరిగిన లావాదేవీలు, కొల్లగొట్టిన మొత్తానికి సంబంధించిన పూర్తి వివరాలు ఆ దర్యాప్తు పూర్తయితే గాని తేలాల్సి ఉంది. రాష్ట్రాల సరిహద్దులు దాటిన నెట్‌వర్క్‌.. ఈ కేసులో నిందితుల వివరాలను పరిశీలిస్తే తెలంగాణతో పాటు ఒడిశా, ఛత్తీస్‌గఢ్‌, ఉత్తరప్రదేశ్‌ ప్రాంతాల అనుసంధానం కనిపిస్తోంది. బయట ప్రాంతాలనుంచి వచ్చిన వ్యక్తులు వరంగల్‌లో మకాం వేసి స్థానికులతో సంబంధాలు ఏర్పరచుకున్నారా? లేక స్థానికంగా ఉన్న వ్యక్తులను ఇతర రాష్ట్రాల నెట్‌వర్క్‌ సంప్రదించిందా? అన్నది పోలీసుల దర్యాప్తులో తేలాల్సి ఉంది. అరెస్ట్‌ చేసిన వారినుంచి లభించిన సమాచారం, బ్యాంకు ఖాతాలు, డిజిటల్‌ ఆధారాలు, ఫోన్‌ కమ్యూనికేషన్ల ఆధారంగా నెట్‌వర్క్‌లోని మిగిలిన వ్యక్తులపై దృష్టి సారించినట్లు తెలుస్తోంది. ముఖ్యంగా పరారీలో ఉన్న నలుగురి ఆచూకీ లభిస్తే మ్యూల్‌ ఖాతాల వ్యవహారం వెనుక ఉన్న పూర్తి నెట్‌వర్క్‌, నగదు లావాదేవీలు, స్థానిక–అంతర్రాష్ట్ర సంబంధాలపై మరింత స్పష్టత వచ్చే అవకాశం ఉంది.ఓరుగల్లుకు ‘సైబర్‌’ లింకులు.. తిష్టవేసిన నేరస్తులు ఢిల్లీ, హరియాణా, ఒడిశా, ఛత్తీస్‌గఢ్‌ నుంచి వచ్చి మకాం మ్యూల్‌ ఖాతాల బాగోతానికి శ్రీకారం ఉమ్మడి జిల్లాకు చెందిన పలువురితో దోస్తానా కమీషన్‌ ఆశ చూపి కోట్లు కొల్లగొట్టే స్కెచ్‌ గుట్టు రట్టు చేసిన వరంగల్‌ పోలీసులు ఢిల్లీ, ఒడిశా, ఛత్తీస్‌గఢ్‌, యూపీకి పోలీసు టీమ్‌లు

● అమరుల త్యాగాల స్ఫూర్తితో సంక్షేమం, అభివృద్ధికి పెద్దపీట ● బైరాన్‌పల్లి నుంచి ఆకునూరు వరకు ఉద్యమ క్షేత్రాలే.. ● ప్రజాపాలన వేడుకల్లో ప్రభుత్వ విప్‌ బీర్ల అయిలయ్యజనగామ: తెలంగాణ సాయుధ పోరాటంలో జిల్లా ప్రాంతం కీలకపాత్ర పోషించిందని ఆలేరు ఎమ్మెల్యే, ప్రభుత్వ విప్‌ బీర్ల ఐలయ్య గుర్తుచేశారు. భూమి కోసం, భుక్తి కోసం, వెట్టిచాకిరీ విముక్తి కోసం నాడు ప్రజలు సాగించిన పోరాటం తెలంగాణ చరిత్రలో చిరస్థాయిగా నిలిచిందన్నారు. గురువారం కలెక్టరేట్‌ ఆవరణలో నిర్వహించిన తెలంగాణ ప్రజాపాలన దినోత్సవ వేడుకల్లో కలెక్టర్‌ సందీప్‌ కుమార్‌ ఝా, డీసీపీ రాజామహేంద్ర నాయక్‌(ఐపీఎస్‌), మున్సిపల్‌ చైర్‌పర్సన్‌ కడకంచి బాలమణిశ్రీనివాస్‌తో కలిసి విప్‌ ముఖ్య అతిథిగా హాజరయ్యారు. ముందుగా విద్యార్థులు జాతీయ గేయాలాపన చేయగా, విప్‌ జాతీయ జెండా ఎగురవేశారు. పోలీసు గౌరవ వందనం స్వీకరించిన తర్వాత బీర్ల అయిలయ్య మాట్లాడారు.. 1948 సెప్టెంబర్‌ 17న హైదరాబాద్‌ సంస్థానం భారతావనిలో ఐక్యమైన సందర్భంగా ప్రజాపాలన దినోత్సవాన్ని నిర్వహించుకుంటున్నామని తెలిపారు. నాటి నిజాం నిరంకుశ పాలనకు వ్యతిరేకంగా తెలంగాణ ప్రజలు సంఘటితమై సాయుధ పోరాటం సాగించారని పేర్కొన్నారు. చాకలి ఐలమ్మ నిజాం నిరంకుశత్వాన్ని ధైర్యంగా ఎదురించి పోరాట స్ఫూర్తిని చాటారని, ఆమె కు కొండా లక్ష్మణ్‌ బాపూజీ అండగా నిలిచారని గుర్తుచేశారు. కడవెండికి చెందిన దొడ్డి కొమురయ్య, నల్లా నర్సింహులు వంటి ఎందరో వీరులు కీలక పాత్ర పోషించారని తెలిపారు. బైరాన్‌న్‌పల్లి, శిలారాంపూర్‌, కూటిగల్‌, తార్కూరు, ఆకునూర్‌ వంటి గ్రామాల్లోనూ నిజాం నిరంకుశ పాలనకు వ్యతిరేకంగా ప్రజలు పోరాడారని, అనేక మంది అమరులయ్యారని అన్నారు. సంక్షేమమే లక్ష్యంగా ప్రజాపాలన నాటి పోరాటాల స్ఫూర్తితో ప్రజల ఆకాంక్షలకు అనుగుణంగా ప్రభుత్వం సంక్షేమానికి పెద్దపీట వేస్తోందని బీర్ల అయిలయ్య అన్నారు. మహాలక్ష్మి పథకం ద్వారా జిల్లాలో 3 కోట్ల 91 లక్షల 38 వేల 829 మంది మహిళా ప్రయాణికులు ఉచిత రవాణా సౌకర్యాన్ని వినియోగించుకున్నారని తెలిపారు. నిరుపేదల సొంతింటి కలను నెరవేర్చేందుకు ఇందిరమ్మ ఇళ్ల పథకంలో 5,756 ఇళ్లు మంజూరు కాగా, 5,426 ఇళ్లు గ్రౌండింగ్‌ అయ్యాయని తెలిపారు. 2,605 ఇళ్ల నిర్మాణాలు పూర్తయ్యాయని, ఇప్పటివరకు రూ.157.56 కోట్లు లబ్ధిదారులకు చెల్లించినట్లు పేర్కొన్నారు. ఉపాధి, శిక్షణ శాఖ ద్వారా 11 నోటిఫికేషన్లు జారీ చేసి 164 పోస్టుల భర్తీకి 1,47 2 మంది అభ్యర్థులకు పరీక్షలు నిర్వహించి, ఫలితాలు వెల్లడించడంతో పాటు నియామక ప్రక్రియను పూర్తి చేసినట్లు వివరించారు. విద్యలోనూ ముందంజ పీజీఐ ర్యాంకింగ్‌లో 2024–25, 2025–26లో వరుసగా రెండేళ్లు జిల్లా రాష్ట్రంలో ప్రథమ స్థానంలో నిలిచిందన్నారు. విద్యార్థుల్లో గణిత భయాన్ని తొలగించేందుకు ఫాస్ట్‌ మ్యాథ్స్‌ పుస్తకాలు, ఆంగ్ల భాషా నైపుణ్యాల పెంపునకు ఇంగ్లిష్‌ గ్రామర్‌ పుస్తకాలను అందిస్తున్నట్లు తెలిపారు. ప్రజాపాలన దినోత్సవ వేడుకల్లో వివిధ పాఠశాలలకు చెందిన విద్యార్థినులు తెలంగాణ సంస్కృతిని చాటి చెబుతూ జానపద గేయాలతో పాటు కూచిపూడి, భరతనాట్యం తదితర సాంస్కృతిక కార్యక్రమాలతో అలరించారు. విద్యార్థులు ప్రదర్శించిన ఉత్తమ ప్రతిభకు ప్రభుత్వ విప్‌ బీర్ల అయిలయ్య, కలెక్టర్‌, ఉన్నతాధికారులు, అధికారులు, ఉద్యోగులు, ప్రజలు అభినందనలు తెలిపారు.

జనగామ రూరల్‌: చేయూత పింఛన్‌ కోసం దరఖాస్తు చేసుకున్న మున్సిపల్‌ పరిధిలోని ఇళ్లను బుధవారం మున్సిపల్‌ కమిషనర్‌ రాజశేఖర్‌రెడ్డి క్షేత్రస్థాయి పరిశీలన చేశారు. ఈ సందర్భంగా కమిషనర్‌ మాట్లాడుతూ జనగామ పట్టణ పరిధిలో చేయూత పింఛన్‌లకు 1,030 దరఖాస్తులు రాగా ప్రభుత్వం నిర్దేశించిన నిబ ంధనలకు మేరకు క్షేత్రస్థాయిలో తనిఖీ చేస్తున్నామన్నారు. ఇప్పటివరకు 150కి పైగా దరఖాస్తుదారుల క్షేత్రస్థాయి విచారణ పూర్తి చేశామన్నారు. మున్సిపల్‌ అధికారులు, సిబ్బంది సమన్వయంతో చర్యలుచేపడుతున్నారన్నారు. ‘ప్రజాపాలన’కు ఏర్పాట్లు పూర్తి జనగామ: తెలంగాణ ప్రజాపాలన దినోత్సవ (సెప్టెంబర్‌ 17) వేడుకలకు అన్ని ఏర్పాట్లు చేసినట్లు కలెక్టర్‌ సందీప్‌ కుమార్‌ ఝా బుధవారం ఒక ప్రకటనలో తెలిపారు. తెలంగాణ ప్రజాపాలన దినోత్సవ వేడుకల్లో భాగంగా కలెక్టరేట్‌ ఆవరణలో నేడు ఉదయం 8:50 గంటలకు జరిగే వేడుకలకు ప్రభుత్వ విప్‌, ఆలేరు ఎమ్మెల్యే బీర్ల ఐలయ్య ముఖ్యఅతిథిగా హాజరుకానున్నారు. 8:56 గంటలకు పోలీస్‌ గౌరవ వందనం అనంతరం జాతీయ గేయాలాపన (వందేమాతరం), తెలంగాణ రాష్ట్ర గీతావళి (జయ జయహే తెలంగాణ) ఆలపిస్తారు. ఉదయం 9:10 నిమిషాలకు జాతీయ పతాకా న్ని ఎగుర వేస్తారు. అనంతరం ముఖ్యఅతిథి ప్రసంగం, 9:30 నిమిషాలకు విద్యార్థులు, కళాబృందాల ఆధ్వర్యంలో సాంస్కృతిక కార్యక్రమాలు నిర్వహిస్తారు. సీజనల్‌ వ్యాధులపై అప్రమత్తత అవసరం పాలకుర్తి టౌన్‌: సీజనల్‌ వ్యాధులపై వైద్యసిబ్బంది అప్రమత్తంగా ఉండాలని డీసీహెచ్‌ఎస్‌ డాక్టర్‌ సంధ్య, డీఎంహెచ్‌ఓ డాక్టర్‌ వాణీశ్రీ సూచించారు. బుధవారం మండలకేంద్రంలోని ప్రభుత్వ ఆస్పత్రిని వారు సందర్శించారు. ఆస్పత్రిలో మందుల నిల్వలు, ల్యాబ్‌, ఓపీ రికార్డులను, సిబ్బంది హాజరు పట్టికను తనిఖీ చేశారు. అనంతరం వైద్యులు, సిబ్బందితో సమీక్ష నిర్వహించారు. విధుల నిర్వహణ, పారిశుద్ధ్య చర్యలపై ఆరా తీశారు. జ్వరాలు, డెంగీ, మలేరియా అనుమానిత కేసులను వెంటనే గుర్తించి పరీక్షలు చేయాలని ఆదేశించారు. గ్రామాల్లో వ్యాధులపై అవగాహన కల్పించాలన్నారు. ప్రజలకు మెరుగైన వైద్య సేవలు అందించడంతో పాటు సీజనల్‌ వ్యాధులపై అప్రమత్తంగా ఉండాలన్నారు. ఈ సమావేశంలో మెడికల్‌ సూపరింటెండెంట్‌ శ్రీనివాస్‌, వైద్యాధికారి బండి ఉష, సిబ్బంది తదితరులు పాల్గొన్నారు.

ఆన్‌లైన్‌ లావాదేవీలు విస్తరిస్తున్న వేళ యూపీఐ చా ర్జీల భారం మధ్య తరగతి ప్రజలపై భారం పడనుంది. కేంద్ర ప్రభుత్వం డిజిటల్‌ చెల్లింపులపై మర్చంట్‌ డిస్కౌంట్‌ రేట్‌ (ఎండీఆర్‌) తీసుకురావడంతో మరింత భారం పడనుంది. ఫలితంగా మార్కెట్‌లో పోటీ ఉంటే మార్జిన్‌ తగ్గించుకోవడం, లేకపోతే చార్జీలను ధరలో కలపడం తప్పదని వ్యాపారులు చెబుతున్నారు. ప్రస్తుతం మార్కెట్‌లో సుమారు 70 శాతం లావాదేవీలు ఆన్‌లైన్‌లోనే జరుగుతున్నాయి. రూ.2 జిరాక్స్‌ నుంచి రూ.2 లక్షల కొనుగోళ్ల వరకు యూపీఐ వినియోగం పెరిగింది. రోజుకు రూ.10 వేల ఆన్‌లైన్‌ వ్యాపారం చేసే వీధి వ్యాపారికి సైతం సుమారు రూ.200 వరకు అదనపు చార్జీ పడే అవకాశం ఉందంటున్నారు. ప్రస్తుత యూపీఐ చార్జీల విధానం, రేట్లు, భారం ఎవరిపై పడుతుందన్న అంశంపై స్పష్టత రావాల్సి ఉంది. జిల్లాలో రోజు వారీగా సుమారు రూ.75 కోట్ల వ్యాపారం జరుగుతుండగా, అందులో రూ.16.26 కోట్లకు పైగా ఆన్‌లైన్‌ లావాదేవీలే జరుగుతున్నాయి. డిజిటల్‌ చెల్లింపుల్లో ఉచితాల కాలానికి పరిమితులు విధించే అడుగులు పడుతున్నాయి. రోజురోజుకూ పెరుగుతున్న యూపీఐ లావాదేవీలపై నిర్వహణ వ్యయాన్ని తట్టుకునేందుకు ప్రభుత్వం కొత్త మార్గదర్శకాలను విడుదల చేసింది. పరిమితి దాటిన పెద్ద మొత్తాల వర్తక లావాదేవీలపైనే చార్జీలు పడే అవకాశం ఉండటంతో వర్తక వ్యాపారులు (ఆన్‌లైన్‌) హద్దులు దాటకుండా జాగ్రత్త పడాల్సిన అవసరం ఉంది. –జనగామ ఆన్‌లైన్‌ లావాదేవీలపై కొత్త నిబంధనలు వినియోగదారుడికి భారం లేదు అక్టోబర్‌ 15 నుంచి అమలులోకి.. జిల్లాలో రోజువారీగా రూ.16.26 కోట్ల ఆన్‌లైన్‌ లావాదేవీలు రూ.2వేలకు మించితే.. వచ్చే నెల 15 నుంచి రూ.2వేలకు మించిన పర్సన్‌ టు మర్చంట్‌ చెల్లింపుల పై 0.4 శాతం ఎండీఆర్‌ (మర్చంట్‌ డిస్కౌంట్‌ రేటు)ను వ్యాపారులు చెల్లించాలి. ఒక్కో లా వాదేవీకి గరిష్టంగా రూ.3 వేలకు రూ.12, రూ.50వేలకు రూ.200, రూ.75వేలకు లేదా అంతకంటే ఎక్కువకు రూ.300 చెల్లించాల్సి ఉంటుంది. పర్సన్‌ టు పర్సన్‌ బదిలీల సమయంలో రూ.2వేల వరకు యూపీఐ చెల్లింపులు పూర్తిగా ఉచితం కాగా చిన్న వ్యాపారులు నెలకు రూ.1 లక్ష వరకు స్వీకరించే చెల్లింపులకు ఎండీఆర్‌ మినహాయింపు ఉంటుంది. జిల్లాలో రోజువారీ ఆన్‌లైన్‌ లావాదేవీలు కేటగిరీ దుకాణాలు వ్యాపారం (రూపాయల్లో) మెడికల్‌ షాపులు 250 75లక్షలు ఎలక్ట్రానిక్స్‌ 40 1.50కోట్లు ఐరన్‌, సిమెంట్‌ 60 1కోటి బార్‌, రెస్టారెంట్‌, వైన్స్‌ 56 50లక్షలు కిరాణం, జనరల్‌ 650 4.25కోట్లు (హోల్‌సేల్‌, రిటైల్‌) ఫర్టిలైజర్స్‌ 200 1కోటి (సీజనల్‌ వ్యాపారం) చిరు వ్యాపారాలు 1,000 1కోటి ప్రైవేట్‌ హాస్పిటల్స్‌ 150 50లక్షలు (చిన్నా,పెద్ద) హోటల్స్‌ 110 1.20కోట్లు (రెస్టారెంట్లు, దాబా, టీ) పెట్రోల్‌ బంకులు 93 51లక్షలు బట్టల దుకాణాలు 80 1కోటి మటన్‌, చికెన్‌ 100 20లక్షలు ఆటో మొబైల్స్‌, టైర్స్‌ 35 35లక్షలు ఎలక్ట్రికల్స్‌, మోటార్స్‌ 100 1కోటి టైల్స్‌ 20 50లక్షలు ఏజెన్సీలు 30 1కోటి

జనగామ: పట్టణంలోని రైల్వేస్టేషన్‌ ఏరియా ప్రభుత్వ ఉన్నత పాఠశాలలో చొల్లేటి యశోద రెడ్డి ట్రస్ట్‌ వ్యవస్థాపక అధ్యక్షుడు, పాఠశాల పూర్వ వి ద్యార్థి, ఎన్నారై డాక్టర్‌ చొల్లేటి రాజా నరేందర్‌రెడ్డి ఆధ్వర్యంలో 2025–26 విద్యాసంవత్సరంలో పదో తరగతిలో ఉత్తమ ప్రతిభ కనబరిచిన విద్యార్థులకు రూ.50వేల నగదు పారితోషికాలను అందించారు. బుధవారం పాఠశాల ఇన్‌చార్జ్‌ ప్రధానోపాధ్యాయులు ఎండీ అప్సర్‌ అధ్యక్షతన జరిగిన కార్యక్రమంలో ఎన్‌ఆర్‌ఐ ముఖ్యఅతిథిగా పాల్గొని పదిలో ఉత్తమ ప్రతిభ కనబరిచిన 10 మంది విద్యార్థులకు రూ.50 వేల నగదుతో పాటు జ్ఞాపికను అందించారు. ఈ సందర్భంగా విద్యార్థులు రాజానరేందర్‌ రెడ్డికి కృతజ్ఞతలు తెలిపారు. ఇన్‌చార్జ్‌ ప్రధానోపాధ్యాయుడు ఎండీ అప్సర్‌ మాట్లాడుతూ పాఠశాల నుంచి ఎవరైనా విద్యార్థులు ఎంబీబీఎస్‌ చదివితే వారికి కావాల్సిన సహాయం చేస్తానన్నారు. ఈ కా ర్యక్రమంలో ఉపాధ్యాయులు ఎన్‌.అనిత ఉన్నారు.

●● హనుమకొండలో అత్యధికంగా 1.27 లక్షల మంది.. ● మహబూబాబాద్‌లో 80,253.. భూపాలపల్లిలో మహిళా కార్మికుల వాటా అధికం ● తయారీ, వ్యాపారం, సేవారంగ సంస్థలు పరిగణనలోకి.. ● ఆరు జిల్లాల్లో 2.56 లక్షల అసంఘటిత సంస్థలు వరంగల్‌ డెస్క్‌: ఉమ్మడి వరంగల్‌ జిల్లాలో అసంఘటిత రంగం పెరిగిపోయింది. వ్యవసాయేతర అసంఘటిత రంగంలో ఆరు జిల్లాల పరిధిలో కలిపి సుమారు 3.48 లక్షల మంది కార్మికులు పనిచేస్తున్నట్లు జాతీయ గణాంకాల కార్యాలయం (ఎన్‌ఎస్‌ఓ) చేపట్టిన వార్షిక సర్వే అస్యూజ్‌–2025లో వెల్లడించింది. కేంద్ర ప్రభుత్వం ఇటీవల ఈ సర్వే నివేదికను వెల్లడించింది. ఈ నివేదికలో జిల్లాల వారీగా అసంఘటిత సంస్థలు, కార్మికుల వివరాలు పొందుపర్చారు. ఈ నివేదికలోని జిల్లాల అంచనాలు గ్రామీణ, పట్టణ ప్రాంతాలను కలిపి రూపొందించినట్లు పేర్కొంది. అసంఘటిత సంస్థల్లో హనుమకొండ జిల్లా అగ్రస్థానంలో ఉండగా.. ఆ తర్వాత మహబూబాబాద్‌ నిలిచింది. మొత్తం ఆరు జిల్లాల్లో కలిపి 2.56 లక్షల అసంఘటిత సంస్థలు ఉన్నట్లు అంచనా వేశారు. ఉమ్మడి వరంగల్‌లో అసంఘటిత కార్మికులు

● కలెక్టర్‌ సందీప్‌ కుమార్‌ ఝాజనగామ రూరల్‌: ప్రత్యేక అవసరాలు గల పిల్లలకు శిబిరంలో అన్ని వసతులు కల్పించడంతో పాటు నా ణ్యమైన ఉపకరణాలు అందించాలని కలెక్టర్‌ సందీప్‌ కుమార్‌ ఝా అధికారులను ఆదేశించారు. బు ధవారం జిల్లాకేంద్రంలోని జెడ్పీహెచ్‌ఎస్‌ బాలికల పాఠశాలలో సమగ్ర శిక్ష, భారత కృత్రిమ అవయవాల తయారీ సంస్థ సంయుక్తంగా సహాయ ఉపకరణాల గుర్తింపు, నిర్ధారణ శిబిరాన్ని ఆయన ప్రా రంభించారు. ఈ సందర్భంగా కలెక్టర్‌ మాట్లాడుతూ అంగవైకల్యంతో శిబిరానికి వచ్చిన వారికి సరైన వైద్య పరీక్షలు నిర్వహించాలని, పిల్లలతో పాటు వారి తల్లిదండ్రులకు భోజనం, వసతులు కల్పించాలన్నారు. నిర్ధారణ ఆధారంగా ట్రై సైకిళ్లు, వీల్‌ చైర్లు, చేతికర్రలు, కాలిపర్స్‌, తదితర సహాయ ఉపకరణాలు సరఫరా చేస్తామన్నారు. ఈ కార్యక్రమంలో ఎంఈఓ అధికారి ఎస్‌. ప్రకాష్‌, సీఎంఓ నాగరాజు, వైద్యులు పాల్గొన్నారు. విద్యార్థుల భవిష్యత్‌కు బంగారు బాటలు.. విద్యార్థులకు గుణాత్మకమైన విద్యను అందించి వారి భవిష్యత్‌కు బంగారు బాటలు వేయాలని కలెక్టర్‌ సందీప్‌కుమార్‌ ఝా ఉపాధ్యాయులకు సూచించారు. జిల్లాకేంద్రంలోని జెడ్పీహెచ్‌ఎస్‌ బాలికల పాఠశాలను ఆయన ఆకస్మికంగా సందర్శించి పాఠశాలలోని తరగతి గదులు, డిజిటల్‌ తరగతి గదులు, పరిసరాలను పరిశీలించారు. అనంతరం విద్యార్థులతో నేరుగా మాట్లాడి, హిందీ, సైన్స్‌ సబ్జెక్టుల్లో వారి అభ్యాస సామర్థ్యాన్ని పరీక్షించారు. విద్యార్థులకు సులభంగా అర్థమయ్యే విధంగా పాఠాలు బోధించారు. ప్రత్యామ్నాయ పంటలను ప్రోత్సహించాలి బచ్చన్నపేట: వరికి బదులు ప్రత్యామ్నాయ పంటల సాగును ప్రోత్సహించాలని కలెక్టర్‌ సందీప్‌కుమార్‌ ఝా అన్నారు. బుధవారం మండలంలోని కేసిరెడ్డిపల్లి, భోనకొల్లూర్‌ గ్రామాల్లో పర్యటించి వివిధ పంటల క్షేత్రస్థాయి పరిశీలన చేశారు.

జనగామ/జఫర్‌గఢ్‌: భూమి కోసం, భుక్తి కోసం, వెట్టిచాకిరి విముక్తి కోసం తెలంగాణ ప్రజలు సాగించిన సాయుధ పోరాటంలో జఫర్‌గఢ్‌ మండలంలోని తమ్మడపల్లి(జి) గ్రామంలో 12 మంది కమ్యూనిస్టు పోరాట యోధులు అమరులయ్యారు. అప్పట్లో నైజాం పాలకుల ఏజెంట్లుగా వ్యవహరించిన రజాకార్ల నాయకుడు ఖాదరెల్లి జఫర్‌గఢ్‌ చుట్టుపక్కల గ్రామాల ప్రజలు, రైతుల నుంచి లేవి, శిస్తు, తాటి చెట్ల పన్నులు వసూలు చేసేందుకు జవానులను గ్రామాలకు పంపి పీడించేవాడు. శిస్తులు చెల్లించని వారిని దోపిడీ, దౌర్జన్యకర విధానాలతో శారీరకంగా, మానసికంగా ఇబ్బందులకు గురిచేయడంతో పాటు మహిళలను చెరబట్టి అత్యాచారాలకు పాల్పడేవారు. ఈ ఆగడాలకు వ్యతిరేకంగా కమ్యూనిస్టు దళ నాయకులు నల్ల నర్సింహులు, కృష్ణమూర్తి, యాదగిరిరావు, నెల్లుట్ల మోహన్‌రావు నేతృత్వంలో ఈ ప్రాంత ప్రజలు రజాకార్ల నాయకుడు ఖా దరెల్లి ఇంటిపై దాడి చేశారు. దీంతో రజాకార్లు తమ్మడపల్లి(జి)గ్రామాన్ని చుట్టుముట్టి గ్రామానికి చెందిన 20 మందిని బందించారు. ఈ ఘట నలో చాడ అనంతరెడ్డి, బత్తిని బక్క రాజయ్య, దొంతూరి చిన్న రాజయ్య, ఎరుకల ఇద్దయ్య, గుం డెమల్ల పోశాలు, చెదలు నర్సయ్య, ఎండీ ఖాసీం, రామయ్య, దిడ్డి పెరుమయ్య, కొమటి నర్సింహరామయ్య, కుంట పెద్దాపురం అక్కడికక్కడే అసువులు బాశారు. కూనూర్‌ గ్రామానికి చెందిన నెల్లుట్ల సుశీలదేవి అలియాస్‌ అచ్చమాంబ కూడా సాయుధ పోరాటంలో పాల్గొన్నారు. ఆమె భర్త మోహన్‌రావు మృతి చెందగా, వృద్ధాప్యంలో ఉన్న సుశీలదేవి ప్రస్తుతం వరంగల్‌లోని శాంతినగర్‌లో నివాసముంటున్నారు. తమ్మడపల్లి (జి)లో రజాకార్ల దమనకాండ జిల్లాలో సాయుధ పోరాట జ్ఞాపకాలు నైజాం పాలనకు వీరోచితంగా పోరాటాలు పుస్తకాల్లో చదివి గుర్తు చేసుకుంటున్న నేటి యువతరం తెలంగాణ గడ్డపై పేద రైతుల గుండెల్లో రగిలిన స్వేచ్ఛా జ్వాలే తెలంగాణ సాయుధ పోరాటం. నిజాం నిరంకుశ పాలన, జమీందారుల దోపిడీ, భూస్వాముల అణచివేతకు వ్యతిరేకంగా ప్రజలు ఐక్యంగా పోరాడారు. గ్రామీణ ప్రజల్లో హక్కులపై చైతన్యం రగిలించి, సామాజిక మార్పుకు బాటలు వేసిన ఈ ఉద్యమం తెలంగాణ చరిత్రలో త్యాగానికి, ధైర్యానికి, పోరాట స్ఫూర్తికి ప్రతీకగా నిలుస్తుంది. – మీసాల సుధాకర్‌, పీజీటీ, తెలుగు, లింగాలఘణపురంతెలంగాణ రైతాంగ సాయుధ పోరాట చరిత్ర మరువలేనిది. రజాకార్ల దురాగతాలకు వ్యతిరేకంగా సాగిన పోరులో అనేక మంది వీరులు తమ ప్రాణాలను కోల్పోయారు. జఫర్‌గఢ్‌ ప్రాంతంలో రజాకార్ల ఏజెంట్‌ ఖాదరెల్లికి వ్యతిరేకంగా సాగిన పోరులో కమ్యూనిస్టు వీరులు ప్రాణాలు కోల్పోయారని గుర్తు చేశారు. – ఉల్లి శివరాజు, ఎంఏ, జఫర్‌గఢ్‌

హోల్‌సేల్‌ దుకాణాల నుంచి వేల రూపాయల సరుకులు తెస్తాం. వ్యాపారులపై పన్ను విధిస్తే ఆ భారాన్ని కస్టమర్లపైనే వేయాల్సి వస్తుంది. ఎంఆర్‌పీ కంటే ఎక్కువకు విక్రయిస్తే గిరాకీ తగ్గుతుంది. – పులిగిల్ల పాండురంగం, బచ్చన్నపేట ప్రభుత్వం యూపీఐకి అలవాటు చేసిన తర్వాత ఇప్పుడు అధిక టర్నోవర్‌ వ్యాపారులపై చార్జీలు విధిస్తే, భవిష్యత్‌లో ఆ భారాన్ని కొనుగోలుదారులపైనే మోపే అవకాశం ఉంది. విధానాన్ని ఉపసంహరించాలి. – అంచూరి సురేష్‌, వినియోగదారుడు, జఫర్‌గఢ్‌ ఫోన్‌న్‌పే, గూగుల్‌పే వంటి డిజిటల్‌ లావాదేవీలపై చార్జీలు విధిస్తే వాణిజ్య వ్యాపారాలు దెబ్బతింటాయి. వ్యాపారులు, వినియోగదారులపై భారం పడకుండా కేంద్రం సానుకూలంగా స్పందించాలి. – దిడ్డి సత్యనారాయణ, కిరాణా షాపు, స్టేషన్‌ఘన్‌పూర్‌

పాఠశాల లేని నివాస ప్రాంతంలోని విద్యార్థులకు రవాణా భత్యం నిధులను సమగ్రశిక్ష మంజూరు చేసింది. జిల్లాల వారీగా సమగ్ర చిత్రం ఇలా..1 నుంచి ఎస్‌ఏ–1 పరీక్షలు ఉమ్మడి వరంగల్‌ జిల్లాలోని అన్ని యాజమాన్యాల పరిధిలోని పాఠశాలల విద్యార్థులకు సమ్మిటివ్‌ అసెస్‌మెంట్‌ పరీక్షలు అక్టోబర్‌ 1 నుంచి నిర్వహించనున్నారు. అసంఘటిత సంస్థలు15,369ములుగు జనగామ వరంగల్‌ భూపాలపల్లి మహబూబాబాద్‌ హనుమకొండ84,06713,971కార్మికులు38,26042,84128,72740,67835,90216,71646,40135,59480,25356,7291,26,908హనుమకొండ85,144

ఊపిరి పోసినజనగామ: జిల్లాలో సోమవారం గంటన్నర పాటు కురిసిన భారీ వర్షంతో ఎండిపోతున్న వరి, పత్తి, మొక్కజొన్న పంటలకు జీవం వచ్చింది. చెరువులు, కుంటల్లోకి నీరు చేరగా పలు చోట్ల వాగులు పొంగిపొర్లాయి. భూగర్భ జలాలు పెరిగే అవకాశం ఉండటంతో అన్నదాతల్లో ఆనందం వెల్లివిరిసింది. దేవరుప్పుల మండలం రాంబోజిగూడెం వాగులోని చెక్‌డ్యాం ఎగువ ప్రాంతాల నుంచి వచ్చిన నీటితో నిండి మత్తడి పోస్తోంది. స్థానికంగా భారీ వర్షాలు లేకున్నా నీటి ప్రవాహం రావడంతో రైతులు ఆనందం వ్యక్తం చేస్తున్నారు. జిల్లాలో నర్మెటలో అత్యధిక వర్షం కురిసింది. మండలాల వారీగా... జనగామ మండలంలో రెండు రోజుల వర్షంతో పంటలకు ఊరట కలిగించింది. మోస్తరు వర్షం పడినా భారీ వరదలు లేకపోవడంతో చెరువుల్లో 10 నుంచి 20 శాతం లోపు నీరు చేరింది. భూగర్భ జలాలు అడుగంటడంతో ఎండిపోయే దశలో ఉన్న వరి పంటలకు వర్షం మేలు చేసింది. చిన్న కాలువల్లో నీటి ప్రవాహంతో బోర్లు సమృద్ధిగా పోస్తున్నాయి. స్టేషన్‌న్‌ ఘన్‌న్‌పూర్‌లో 73 చెరువులు, కుంటల పరిధిలో 50 నుంచి 75 శాతం, మరికొన్ని గ్రామాల్లో 25 నుంచి 50 శాతం నీరు చేరింది. తాటికొండ–కొత్తపల్లి వాగు పొంగిపొర్లగా వల్లభరాయి, రాఘవపూర్‌ బంజరు చెరువుల మత్తడులు పోశాయి. నర్మెటలో వెల్దండ చెరువు మత్తడి వరకు చేరగా మిగిలిన వాటిలో 50 నుంచి 70 శాతం నీరు చేరింది. జఫర్‌గఢ్‌లో 13 చెరువులు, 88 కుంటల్లోకి కొద్దిపాటి నీరు చేరింది. కొడకండ్లలో 30 చెరువుల పరిధిలో 25–50 శాతం నీరు చేరగా, నర్సింగాపురం చౌటకుంట నిండి అలుగు పోస్తోంది. బచ్చన్నపేటలో 18 చెరువులు, 100 కుంటలకు సుమారు 10 శాతం నీరు చేరింది. లింగాలఘణపురంలో భారీ వర్షం లేకున్నా పత్తి, వరి, మొక్కజొన్న తదితర పంటలకు మేలు జరిగింది. జిల్లాలో చెరువుల నీటిమట్టాల స్థితిగతులు జిల్లా వ్యాప్తంగా 771 చిన్న నీటిపారుదల చెరువుల పరిధిలో 50,416 ఎకరాల ఆయకట్టు ఉంది. ప్ర స్తుతం 43 చెరువులు అలుగు పారుతుండగా, 85 చెరువులు 75 నుంచి 100 శాతం వరకు నిండాయి. మరో 86 చెరువులు 50 నుంచి 75 శాతం, 74 చెరువులు 25 నుంచి 50 శాతం నిల్వ కలిగి ఉన్నాయి. అత్యధికంగా 483 చెరువుల్లో 0 నుంచి 25 శాతం లోపే నీరుంది. ప్రధాన రిజర్వాయర్లు, ప్రాజెక్టుల్లో నీటినిల్వలు జిల్లా పరిధిలో గండిరామవరం రిజర్వాయర్‌ 84.84శాతం, కన్నెబోయినగూడెం రిజర్వాయర్‌లో 80.41, వెల్దండ రిజర్వాయర్‌లో 75.30, అశ్వరావుపల్లి రిజర్వాయర్‌లో 69.73, బొమ్మకూరు రిజర్వాయర్‌లో 64.26, ఆర్‌ఎస్‌ ఘన్‌పూర్‌ 61.20 రిజర్వాయర్‌లో నీటి నిల్వలు కలిగి ఉన్నాయి. నష్కల్‌ రిజర్వాయర్‌లో 55.29శాతం, చీటకోడూరు రిజర్వాయర్‌లో 44.87శాతం, నవాబుపేట రిజర్వాయర్‌లో 34.77 శాతం నిండాయి. చెరువులు, కుంటలకు జలకళ మత్తళ్లు పోస్తున్న పలు చెరువులు జిల్లాలో నర్మెటలో అత్యధిక వర్షం

జనగామ: వర్షాకాలంలో వరద నీరు, డ్రెయినేజీ సమస్యలు, నీటినిల్వలు, లీకేజీలను తక్షణమే పరి ష్కరించేందుకు మున్సిపాలిటీ ప్రత్యేక చర్యలు చేపట్టింది. వర్షం కురుస్తున్న సమయంలో మున్సిపల్‌ కమిషనర్‌ రాజశేఖర్‌రెడ్డి పట్టణంలోని పలు ప్రాంతాల్లో క్షేత్రస్థాయిలో పర్యటించి డ్రెయినేజీల పరి స్థితి, వరద నీటి ప్రవాహం, నీటి నిల్వలను పరి శీలించారు. సమస్యలను వెంటనే పరిష్కరించాలని సిబ్బందిని ఆదేశించారు. వర్షాల సమయంలో నీరు నిలిచిపోవడం, డ్రెయినేజీలు పొంగిపొర్లడం, లీకేజీలు లేదా వరద నీటి ప్రవాహానికి ఆటంకాలు ఏర్పడితే ప్రత్యేక బందాలు వెంటనే అక్కడికి చేరుకుని చర్యలు చేపట్టేలా ఏర్పాట్లు చేశారు.

జనగామ రూరల్‌: జిల్లా అభివృద్ధి లక్ష్యంగా కేంద్ర, రాష్ట్ర ప్రభుత్వాలు అమలు చేస్తున్న సంక్షేమ, అభివృద్ధి పథకాలు క్షేత్రస్థాయిలో అర్హులైన ప్రతీ లబ్ధిదారుడికి సకాలంలో చేరేలా అధికారులు బాధ్యతాయుతంగా పని చేయాలని వరంగల్‌ పార్లమెంట్‌ సభ్యురాలు, జిల్లా అభివృద్ధి సమన్వయ, పర్యవేక్షణ (దిశా) కమిటీ చైర్‌పర్సన్‌ కడియం కావ్య అధి కారులను ఆదేశించారు. వ్యవసాయ రంగానికి అధి క ప్రాధాన్యం ఇవ్వాలని సూచించారు. మంగళవా రం కలెక్టరేట్‌లో జిల్లా గ్రామీణాభివృద్ధి శాఖ ఆధ్వర్యంలో కేంద్ర ప్రభుత్వ అభివృద్ధి, సంక్షేమ కార్యక్రమాల అమలు, పురోగతిపై జిల్లా అభివృద్ధి సమన్వయ, పర్యవేక్షణ కమిటీ(దిశా) సమావేశాన్ని నిర్వహించారు. సమావేశానికి స్టేషన్‌ ఘన్‌పూర్‌ ఎమ్మెల్యే కడియం శ్రీహరి, కలెక్టర్‌ సందీప్‌ కుమార్‌ ఝా, డీసీపీ రాజమహేంద్ర నాయక్‌, అదనపు కలెక్టర్‌ బెన్‌షాలోమ్‌ దిశా కమిటీ సభ్యురాలు కేసిరెడ్డి మాధవి, దిశా కమిటీ సభ్యులు బక్క శ్రీను, కొర్ర వెంకటేష్‌ నాయక్‌, మున్సిపల్‌ చైర్మన్‌లు కడకంచి బాలమణి, తాటికొండ వినయ్‌కుమార్‌ హాజరయ్యారు. పలు శాఖల అధికారులు తమ శాఖల్లో అమలవుతున్న పథకాలపై వివరించారు. అనంతరం ఎంపీ కావ్య మాట్లాడుతూ.. జిల్లాలో విద్యార్థుల సంక్షేమం, నాణ్యమైన విద్య అందించడం, ప్రభుత్వ పాఠశాలల్లో మౌలిక సదుపాయాల కల్ప న, విద్యా ప్రమాణాల మెరుగుదల కోసం కలెక్టర్‌ సందీప్‌ కుమార్‌ ఝా తీసుకుంటున్న ప్రత్యేక చొర వ అభినందనీయమన్నారు. ఎంపీ ల్యాడ్స్‌ నిధుల కింద మంజూరు చేసిన మూడు నెలల్లో పనులు ప్రారంభం కాకపోతే వెంటనే వాటిని రద్దు చేయాల ని, వినియోగించిన నిధులను ఎప్పటికప్పుడు పోర్టల్‌లో నవీకరించాలని ఆదేశించారు. పట్టణ మురుగునీరు నెల్లుట్ల చెరువులోకి చేరకుండా వెంటనే చర్యలు తీసుకోవాలన్నారు. జిల్లాలో సొంత భవనాలు లేని అంగన్‌వాడీ కేంద్రాలకు భవనాల నిర్మాణంపై ప్రత్యేక దృష్టి సారించాలని ఎంపీ సూచించారు. సమావేశంలో ఆర్డీఓలు గోపీరాం, కిరణ్‌ ప్రకాష్‌, మున్సిపల్‌ కమిషనర్లు రాజశేఖర్‌ రెడ్డి, రాధాకృష్ణ, అన్ని శాఖల అధికారులు పాల్గొన్నారు. 15ఎస్టీజీ059–సమావేశంలో మాట్లాడుతున్న ఏఐఎస్‌ రాష్ట్ర కార్యదర్శి లక్ష్మణ్‌ దిశా కమిటీ సమావేశంలో చైర్‌పర్సన్‌, వరంగల్‌ ఎంపీ కడియం కావ్య

జనగామ రూరల్‌: తెలంగాణ ప్రజాపాలన దినోత్సవ వేడుకలను ఘనంగా నిర్వహించాలని అదనపు కలెక్టర్‌ బెన్‌షాలోమ్‌ వివిధ శాఖల అధికారులను ఆదేశించారు. మంగళవారం కలెక్టరేట్‌లో ఈ నెల 17న జరగబోయే తెలంగాణ ప్రజాపాలన దినోత్సవ వేడుకల ఏర్పాట్లపై సంబంధిత అధికారులతో సమీక్ష సమావేశాన్ని నిర్వహించారు. ఈసందర్భంగా ఆయన మాట్లాడుతూ.. అన్ని ప్రభుత్వ కార్యాలయాల్లో ఉదయం 9 గంటల వరకు జాతీయ జెండాను ఎగురవేయాలన్నారు. అలాగే కలెక్టరేట్‌లో ముఖ్యఅతిథితో ఉదయం 9 గంటలకు జాతీయ జెండా ఆవిష్కరణ ఉంటుందని, అనంతరం అమరులకు నివాళులర్పించడం జరుగుతుందన్నారు. ఏసీపీ భీంశర్మ, డీఎం సీఎస్‌ హాతీరామ్‌, కలెక్టరేట్‌ ఏఓ రవికిరణ్‌, సూపరింటెండెంట్‌ వెంకటేశ్వర్లు, సంబంధిత జిల్లా అధికారులు పాల్గొన్నారు. జనగామ రూరల్‌: సమగ్ర శిక్ష, భారత కృత్రిమ అవయవాల తయారీ సంస్థ సంయుక్త ఆధ్వర్యంలో ఈనెల 16న (బుధవారం) ఉదయం 10 గంటల నుంచి జిల్లా కేంద్రంలోని కోర్టు సమీపంలో ఉన్న బాలికల ఉన్నత పాఠశాలలో ప్రత్యేక అవసరాలు గల పిల్లల వైద్య పరి శీలన, ఉచిత పరికరాల గుర్తింపు శిబిరం నిర్వహించనున్నట్లు కలెక్టర్‌ సందీప్‌ కుమార్‌ ఝా మంగళవారం ఒక ప్రకటనలో తెలిపారు. సదరం సర్టిఫికెట్‌తో పాటు నమోదు రశీదు, ఆధార్‌ కార్డ్‌, 2 పాస్‌పోర్ట్‌ సైజు ఫొటోలు, ఉపాధ్యాయులు , తల్లిదండ్రుల ఐడెంటిటీ ప్రూఫ్‌తో విద్యార్థులు హాజరు కావాలని అన్నారు. వైకల్య శాతాన్ని పరిశీలించి అవసరమైన వినికిడి యంత్రాలు, వీల్‌ఛైర్లు, కాలీపర్స్‌, వైట్‌ కేస్‌, ట్రై సైకిళ్లు, ఇతర సహాయక పరికరాలను అంచనా వేసి ఎంపిక చేయనున్నట్లు వివరించారు. జనగామ రూరల్‌: జిల్లా కేంద్రంలోని ఏబీవీ ప్ర భుత్వ డిగ్రీ కళాశాలలో మంగళవారం ఎప్‌సెట్‌–2026 సర్టిఫికెట్‌ వెరిఫికేషన్‌ ప్రారంభమైందని కళాశాల ప్రిన్సిపాల్‌ కె.శ్రీనివాస్‌ తెలిపా రు. మొదటి రోజు 240 పైగా మంది విద్యార్థుల సర్టిఫికెట్‌ వెరిఫికేషన్‌ పూర్తి చేసినట్లు పేర్కొన్నారు. కార్యక్రమంలో కళాశాల వైస్‌ ప్రిన్సిపాల్‌ బి. భవాని, జె.శ్రీదేవి, చీఫ్‌ వెరిఫికేషన్‌ ఆఫీసర్‌ రవీందర్‌ నాయక్‌ పాల్గొన్నారు. స్టేషన్‌ఘన్‌పూర్‌: విద్యార్థుల హక్కులు, ప్రభుత్వ విద్యారంగ పరిరక్షణ కోసం ఏఐఎస్‌ఎఫ్‌ నిరంతర పోరాటాలు చేస్తోందని సంఘం రాష్ట్ర కార్యదర్శి పుట్ట లక్ష్మణ్‌ అన్నారు. డివిజన్‌ కేంద్రంలో ఏఐఎస్‌ఎఫ్‌ జిల్లా మహాసభలను మంగళవారం నిర్వహించారు. ఈ సందర్భంగా ముందుగా ఏఐఎస్‌ఎఫ్‌ మాజీ జాతీ య అధ్యక్షుడు సయ్యద్‌ వలిఉల్లా ఖాద్రీ జెండా ఆవిష్కరించారు. అనంతరం ఏఐఎస్‌ఎఫ్‌ జిల్లా కార్యదర్శి మహమ్మద్‌ యూనిస్‌ అధ్యక్షతన ని ర్వహించిన మహాసభలో రాష్ట్ర కార్యదర్శి లక్ష్మ ణ్‌ మాట్లాడుతూ.. కేంద్ర, రాష్ట్ర ప్రభుత్వాలు ప్రభుత్వ విద్యారంగంపై నిర్లక్ష్యంగా వ్యవహరిస్తున్నాయన్నారు. పాలిటెక్నిక్‌ విద్యను నిర్వీర్యం చేసేలా ఉన్న జీఓ 97ను వెంటనే రద్దు చేయాలని డిమాండ్‌ చేశారు. కార్యక్రమంలో జిల్లా నాయకులు ఎండీ.రహ్మతుల్లా, పృథ్వీరాజ్‌, అక్షయ్‌, జీవన్‌, రాము, రోహిత్‌, నిఖిల్‌ తదితరులు పాల్గొన్నారు.జనగామ: కొత్త చేయూత పెన్షన్ల మంజూరుకు దరఖాస్తుల స్వీకరణ గడువును ఈ నెల 16వ తేదీ(బుధవారం) సాయంత్రం 5 గంటల వర కు పొడిగించినట్లు ప్రభుత్వం బుధవారం ఉత్తర్వులు వెలువరించింది. మూడు రోజులుగా వరుస సెలవులు ఉన్న నేపథ్యంలో దరఖాస్తుదారుల సౌకర్యార్థం గడువు పొడిగించినట్లు అధికారులు పేర్కొన్నారు. జనగామ: జిల్లా ప్రభుత్వ జనరల్‌ ఆస్పత్రి కంటి విభాగం ఆధ్వర్యంలో ధర్మకంచ ప్రభుత్వ ఉన్నత పాఠశాలలో మంగళవారం విద్యార్థుల కు కంటి పరీక్షలు నిర్వహించారు. జేడీఏన్‌పీసీ బీ, డీఎంహెచ్‌ఓ, జిల్లా అంధత్వ నియంత్రణ సొసైటీ పర్యవేక్షణలో ఆర్‌బీఎస్‌కే బృందం సమన్వయంతో విద్యార్థులకు కంటి పరీక్షలు నిర్వహించారు. 44 మంది విద్యార్థుల్లో రిఫ్రాక్టివ్‌ లోపాలు గుర్తించారు. వారికి అవసరమైన కళ్లద్దాలు అందించాలని సిఫారసు చేశారు.

దర్యాప్తు వేగం, ట్రాఫిక్‌ అమలులో..సాక్షి, వరంగల్‌ : నేరం చేసిన వ్యక్తిలో భయం కలగాలంటే కేవలం ఎఫ్‌ఐఆర్‌ నమోదు చేస్తే సరిపోదు. నిందితుడిని గుర్తించి పట్టుకోవడం, దర్యాప్తును వేగంగా పూర్తి చేయడం, పక్కా ఆధారాలతో చార్జ్‌షీట్‌ దాఖలు చేయడం...ఆపై కోర్టులో నేరం రుజువై శిక్ష పడేలా చేయడమే అసలైన పోలీసింగ్‌కు గీటురాయి. ఈ మొత్తం ప్రక్రియలో ఏ ఒక్క దశలో లోపం ఏర్పడినా నేరస్తుల్లో భయం తగ్గే అవకాశముంది. ఈ నేపథ్యంలో పోలీస్‌శాఖ గత ఆరు నెలల పనితీరుతో రూపొందించిన ‘క్లస్టర్‌ వైజ్‌ యూనిట్స్‌ పెర్ఫార్మెన్స్‌ స్కోర్‌కార్డు’ ఉమ్మడి వరంగల్‌ ప్రాంతంలోని నాలుగు పోలీస్‌ యూనిట్ల పనితీరులో ఉన్న తేడాలను స్పష్టం చేస్తోంది. దర్యాప్తు వేగం, ట్రాఫిక్‌ అమలులో వరంగల్‌ పోలీసు కమిషనరేట్‌ ముందంజలో ఉండగా, భూపాలపల్లి, ములుగు శిక్షల శాతంలో మంచి ఫలితాలు సాధించాయి. చార్జిషీట్‌ల నమోదులో మహబూబాబాద్‌ ముందుంది. ఇలా అన్ని యూనిట్లు అన్నింట్లోనూ మెరుగైతే ఉమ్మడి వరంగల్‌లో నేరాల నియంత్రణ సులభమై నేరగాళ్లలో వణుకు పుట్టనుంది. రాష్ట్రవ్యాప్తంగా క్లస్టర్ల వారీగా ర్యాంకులిలా..● క్లస్టర్‌–1లో ఐదు పోలీస్‌ కమిషనరేట్లు ఉంటే హైదరాబాద్‌ పోలీస్‌ కమిషనరేట్‌ మొదటి స్థానంలో ఉంటే, వరంగల్‌ కమిషనరేట్‌ రెండో స్థానంలో నిలిచింది. ● క్లస్టర్‌–3లో 11 పోలీసు యూనిట్లుండగా మహబూబాబాద్‌ అఖరి స్థానంలో నిలిచింది. ● క్లస్టర్‌–4లో 10 పోలీసు యూనిట్లుండగా జయశంకర్‌ భూపాలపల్లి 9వ, ములుగు 10వ స్థానాల్లో ఉన్నాయి. దీంతో ఒకే ప్రాంతానికి చెందిన పోలీస్‌ యూనిట్ల మధ్య పనితీరు సూచీల్లో గణనీయమైన వ్యత్యాసం కనిపిస్తోంది. ఇంకా మెరుగుపర్చుకోవాల్సిన అవసరముంది.ట్రాఫిక్‌ నిబంధనల అమలు, ఈ–చలాన్లు ఇలా..ఆరు నెలల పనితీరుపై రాష్ట్ర పోలీస్‌శాఖ స్కోర్‌కార్డుకేసు నమోదైన తర్వాత దర్యాప్తు పూర్తిచేసి కోర్టులో చార్జ్‌షీట్‌ దాఖలు చేయడం న్యాయ ప్రక్రియలో అత్యంత కీలక దశ. ఈ విషయంలో మహబూబాబాద్‌ నాలుగు యూనిట్లలో ముందుంది. ముఖ్యంగా ములుగులో దర్యాప్తు పూర్తి చేసి చార్జ్‌షీట్‌ దాఖలు చేసే రేటు మిగిలిన యూనిట్లతో పోలిస్తే తక్కువగా ఉండటం కాస్త ఆందోళన కలిగించే అంశమని పోలీస్‌ వర్గాలు అంటున్నాయి. శిక్షల శాతంలో భూపాలపల్లి, ములుగు, చార్జిషీట్‌లో మహబూబాబాద్‌ నేరాల నియంత్రణలో మనోళ్ల పెర్ఫార్మెన్స్‌ వెల్లడి ఎఫ్‌ఐఆర్‌నుంచి శిక్షల వరకు పనితీరుతో మార్కుల శాతం అన్ని విభాగాల్లో మెరుగైతేనే ఉమ్మడి వరంగల్‌లో నేరగాళ్లకు చెక్‌

స్టేషన్‌ఘన్‌పూర్‌: టెక్నికల్‌ ఎడ్యుకేషన్‌ శాఖను ఇతర శాఖల్లో విలీనం చేయకుండా డిపార్ట్‌మెంట్‌ ఆఫ్‌ టెక్నికల్‌ ఎడ్యుకేషన్‌గానే యథాతథంగా కొనసాగించాలని టీపీ జేఏసీ నాయకులు సుదర్శన్‌రెడ్డి, యాదయ్య డిమాండ్‌ చేశారు. పాలిటెక్నిక్‌ విద్యను నిర్వీర్యం చేసే జీఓ 97ను రద్దు చేయాలని డిమాండ్‌ చేస్తూ స్టేషన్‌ఘన్‌పూర్‌ పాలిటెక్నిక్‌ కళాశాల అధ్యాపకులు, సిబ్బంది చేస్తున్న నిరసన కార్యక్రమాలు మంగళవారంతో 30వ రోజుకు చేరాయి. ఈ సందర్భంగా లంచ్‌ అవర్‌లో నిరసన వ్యక్తం చేశా రు. అనంతరం స్థానిక ఆర్‌డీఓ కార్యాలయం వద్ద నిరసన చేపట్టి ఆర్‌డీఓ, తహసీల్దార్‌ కార్యాలయాల్లో వినతిపత్రాలను అందించారు. కార్యక్రమంలో అశోక్‌, శ్రీధర్‌రెడ్డి, కిరణ్‌కుమార్‌, రవీందర్‌, శ్రీకర్‌, అనీల్‌కుమార్‌, సుదర్శన్‌రెడ్డి, రాజు, జావీద్‌పాషా, నరేష్‌, ప్రశాంత్‌ తదితరులు పాల్గొన్నారు.

జనగామ రూరల్‌: స్టేషన్‌ ఘన్‌పూర్‌ నియోజకవర్గంలోని స్టేషన్‌ ఘన్‌పూర్‌, లింగాలఘణపురం, జఫర్‌గఢ్‌ మండలాల పరిధిలో గల 108 డబుల్‌ బెడ్‌రూమ్‌ ఇళ్ల లబ్ధిదారుల ఎంపికకు శనివారం కలెక్టర్‌ కార్యాలయంలోని మెయిన్‌ కాన్ఫరెన్స్‌ హాల్‌లో డ్రా నిర్వహించారు. అదనపు కలెక్టర్‌ బెన్‌షాలోమ్‌తో కలిసి కలెక్టర్‌ సందీప్‌ కుమార్‌ ఝా అధ్యక్షతన డ్రా పద్ధతి ద్వారా పారదర్శకంగా నిర్వహించారు. ఈ సందర్భంగా కలెక్టర్‌ మాట్లాడుతూ.. లబ్ధిదారుల ఎంపిక కోసం మూడు వనరుల నుంచి అర్హుల జాబితా సిద్ధం చేసినట్లు తెలిపారు. ఇందిరమ్మ ఇళ్ల ఎల్‌ టూ జాబితా, ప్రజావాణి దరఖాస్తుదారులు, ప్రజా ప్రతినిధులు లిఖితపూర్వకంగా అందజేసిన పేర్లు ఈ మూడు జాబితాల్లోని ప్రతి అర్హత కుటుంబాన్ని ఏకీకృత జాబితాలో చేర్చినట్లు చెప్పారు. డ్రా అనంతరం ఎంపికై న కుటుంబా లకు తాత్కాలిక కేటాయింపు ఉత్తర్వులు జారీ చేసి, మండల స్థాయి బృందాలు అర్హతలను క్షేత్రస్థాయిలో పరిశీలిస్తాయని తెలిపారు. అర్హత నిర్ధారణ అనంతరం తుది కేటాయింపు ఉత్తర్వులు జారీ చేసి గృహాల స్వాధీనం కల్పిస్తామని వెల్లడించారు. కార్యక్రమంలో ఆర్డీఓ కిరణ్‌ ప్రకాష్‌, ఆడిట్‌ అధికారి దేవేందర్‌, తహసీల్దార్లు స్వప్న, శ్రీనివాస్‌, ఆండాలు పాల్గొన్నారు. గణేష్‌ నిమజ్జనానికి పకడ్బందీ ఏర్పాట్లుజనగామ: గణేష్‌ ఉత్సవాల సందర్భంగా లింగాలఘణపురం మండలం నెల్లుట్ల చెరువులో గణేష్‌ విగ్రహాల నిమజ్జనానికి పకడ్బందీ ఏర్పాట్లు చేస్తున్నట్లు మున్సిపల్‌ కమిషనర్‌ రాజశేఖర్‌రెడ్డి తెలిపారు. శనివారం కలెక్టర్‌ ఆదేశాల మేరకు డీసీపీ రాజామహేంద్ర నాయక్‌ (ఐపీఎస్‌), ఆర్డీఓ గోపీరాం, మున్సిపల్‌ చైర్‌పర్సన్‌ బాలమణిశ్రీనివాస్‌తో కలిసి వివిధ శాఖల సమన్వయంతో ఏర్పాట్లను పర్యవేక్షించారు. ఎలాంటి అవాంఛనీయ ఘటనలు చోటు చేసుకోకుండా భద్రతకు ప్రత్యేక ప్రాధాన్యం ఇస్తున్న ట్లు పేర్కొన్నారు. సంబంధిత శాఖల అధికారులతో సమన్వయం చేసుకుంటూ ఏర్పాట్లు పూర్తి చేస్తున్నట్లు చెప్పారు. ట్రాఫిక్‌ నియంత్రణ, పారిశుద్ధ్యం, విద్యుత్‌, తాగునీరు, లైటింగ్‌, భద్రత తదితర అంశాలపై ప్రత్యేక దృష్టి సారిస్తున్నట్లు తెలిపారు. నవోదయ ప్రవేశాలకు దరఖాస్తుల ఆహ్వానం జనగామ రూరల్‌: జవహర్‌ నవోదయ విద్యాలయాల్లో 2027–28 విద్యా సంవత్సరానికి 9వ, 11వ తరగతుల్లో లేటరల్‌ ఎంట్రీ ద్వారా ప్రవేశాలకు ఆన్‌లెన్‌ దరఖాస్తులు ఆహ్వానిస్తున్నట్లు జవహర్‌ నవోదయ విద్యాలయం పీఎం పాఠశాల మామూనూర్‌ ఇన్‌చార్జి ప్రిన్సిపాల్‌ టి.రమేశ్‌ శనివారం ఒక ప్రకటనలో తెలిపారు. 9వ తరగతి ప్రవేశానికి జవహర్‌ నవోదయ విద్యాలయం ఉన్న అదే జిల్లాలోని ప్రభుత్వ లేదా ప్రభుత్వ గుర్తింపు పొందిన పాఠశాలలో 8వ తరగతి చదివి, విద్యా సంవత్సరం పూర్తి చేయాలి. 11వ తరగతి ప్రవేశానికి అర్హత అదే జిల్లాలోని ప్రభుత్వ లేదా ప్రభుత్వ గుర్తింపు పొందిన పాఠశాలలో 10వ తరగతి చదివి, విద్యా సంవత్సరం పూర్తి చేయాలి. ఆన్‌లైన్‌ రిజిస్ట్రేషన్‌ ఈనెల 30 వరకు ఉందని లేటరల్‌ ఎంట్రీ సెలక్షన్‌ టెస్ట్‌ 2027 ఏప్రిల్‌ 10న ఉంటుందని 75 శాతం సీట్లు గ్రామీణ ప్రాంత విద్యార్థులకు, 25 శాతం సీట్లు పట్టణ ప్రాంత విద్యార్థులకు రిజర్వేషన్‌ ఉంటుందని తెలిపారు. రెడ్‌క్రాస్‌ సొసైటీ ఎన్నికల ఓటర్ల జాబితా విడుదలజనగామ రూరల్‌: ఇండియన్‌ రెడ్‌క్రాస్‌ సొసైటీ అధ్యక్షుడు కలెక్టర్‌ సందీప్‌కుమార్‌ ఝా ఆదేశానుసారం, జనగామ ఇండియన్‌ రెడ్‌క్రాస్‌ సొసై టీ నిర్వహణ కమిటీ సభ్యుల ఎన్నికల నిర్వహణకు ఎన్నికల అధికారిగా జిల్లా ఉపాధి కల్ప నాధికారి కుమారస్వామిని నియమించారు. ఇందులో భాగంగా ఈనెల 9వ తేదీన అర్హత కలిగిన ఓటర్ల జాబితాను ప్రచురించారు. జాబితాపై ఏవైనా అభ్యంతరాలు ఉన్నా, అర్హత కలిగిన సభ్యులు 14వ తేదీలోపు ఎన్నికల అధికారి రెవెన్యూ డివిజనల్‌ అధికారి కార్యాలయం, అంబేడ్కర్‌ నగర్‌, జనగామలో లిఖితపూర్వకంగా సమర్పించాలన్నారు. 15వ తేదీన అందిన అభ్యంతరాలు పరిశీలించి, జాబితాలో మార్పులు, చేర్పులపై అభిప్రాయాలను స్వీకరిస్తారు. అనంతరం తుది నిర్ణయం కోసం ె16న రాష్ట్ర శాఖకు జాబితాను పంపించనున్నట్లు తెలిపారు. 19న తుది ఓటరు జాబితా ప్రచురించడంతో పాటు అదే రోజు ఎన్నికల నోటిఫికేషన్‌, షెడ్యూల్‌ను విడుదల చేయనున్నట్లు చెప్పారు.

జనగామ రూరల్‌: తెలంగాణ గుర్తింపు పొందిన పాఠశాలల యాజమాన్య సంఘం ఆధ్వర్యంలో ‘ఉత్తమ ఉపాధ్యాయుల అవార్డు వేడుకలు’ శనివారం జనగామ–సూర్యాపేట రోడ్డులోని ఓ ఫంక్షన్‌ హాల్‌లో ఘనంగా నిర్వహించారు. జిల్లా వ్యాప్తంగా 60 పాఠశాలల నుంచి ఎంపికై న 120 మంది ఉత్తమ ఉపాధ్యాయులను అవార్డులు, ప్రశంసా పత్రాలతో ఘనంగా సత్కరించారు. ఈసందర్భంగా ట్రస్మా రాష్ట్ర అధ్యక్షుడు సదుల మధుసూదన్‌ మాట్లాడుతూ..విద్యార్థుల విద్యాభివృద్ధి, క్రమశిక్షణ, వ్యక్తిత్వ వికాసం, నైతిక విలువలు, ప్రతిభా వికాసం, భవిష్యత్‌ నిర్మాణంలో ఉపాధ్యాయులు అందిస్తున్న విశిష్ట సేవలను గుర్తించి, వారిని మరింత ప్రోత్సహించడం ఈ కార్యక్రమం ఉద్దేశ్యమని తెలిపారు. రాష్ట్ర ప్రధాన కార్యదర్శి ఎన్‌.రమేశ్‌ రావు, రాష్ట్ర కోశాధికారి పి.రాఘవేందర్‌ రెడ్డి, రాష్ట్ర సలహాదారు ప్రభాకర్‌ రెడ్డి, జిల్లా అధ్యక్షుడు వెంకట్‌రెడ్డి, జిల్లా కార్యదర్శి రాపాక విజయ్‌, కోశాధికారి పి.ఉపేందర్‌ రెడ్డి, ఎన్‌.రామ్‌రెడ్డి, మల్లేశం పాల్గొన్నారు.

సాక్షి ప్రతినిధి, వరంగల్‌: వరంగల్‌ తూర్పు ఎమ్మెల్యే, మాజీ మంత్రి కొండా సురేఖ, మాజీ ఎమ్మెల్సీ కొండా మురళి ఢిల్లీ పర్యటనకు సిద్ధమవుతున్నట్లు సమాచారం. శనివారం సాయంత్రమే వారు హనుమకొండలోని రాంనగర్‌ నివాసానికి చేరుకున్నారు. ఆదివారం ఉదయం 10 గంటలకు ముఖ్య కార్యకర్తలతో సమావేశం నిర్వహించనున్నారు. ఇప్పటికే కార్యకర్తలకు ఫోన్‌ చేసి సమావేశానికి హాజరు కావాలని కొండా మురళి సమాచారం ఇచ్చినట్లు తెలిసింది. ఈసమావేశంలో నియోజకవర్గంలోని తాజా రాజకీయ పరిణామాలు, పార్టీ కార్యక్రమాలు, స్థానిక సమస్యలు, భవిష్యత్‌ కార్యాచరణపై చర్చించే అవకాశం ఉన్నట్లు పార్టీ వర్గాలు చెబుతున్నాయి. ముఖ్యంగా రానున్న రాజకీయ పరిణామాల నేపథ్యంలో.. కార్యకర్తల అభిప్రాయాలను తెలుసుకోవడంతోపాటు పార్టీ శ్రేణులకు దిశానిర్దేశం చేసే అవకాశం ఉందని తెలుస్తోంది. కీలక బాధ్యత అప్పగిస్తారా? సమావేశం అనంతరం కొండా సురేఖ ఢిల్లీకి వెళ్లనున్నట్లు సమాచారం. అక్కడ కాంగ్రెస్‌ అధిష్టానం పెద్దలను కలిసే అవకాశం ఉందని ప్రచారం జరుగుతోంది. ఈపర్యటనకు సంబంధించి అధికారిక సమాచారం ఇంకా వెలువడాల్సి ఉంది. ఢిల్లీలో పార్టీ సంస్థాగత వ్యవహారాలు, తెలంగాణ రాజకీయ పరిస్థితులు, వరంగల్‌ ప్రాంతంలో పార్టీ బలోపేతం వంటి అంశాలపై చర్చ జరిగే అవకాశముందని కాంగ్రెస్‌ వర్గాల్లో చర్చ సాగుతోంది. అయితే, సురేఖకు కీలక బాధ్యత అప్పగించే అంశంపై పార్టీ వర్గాల్లో ఆసక్తికరమైన చర్చ జరుగుతున్నట్లు తెలుస్తోంది. రాష్ట్రంలో పార్టీకి సంబంధించిన ఏదైనా ముఖ్యమైన బాధ్యతను అప్పగించనున్నారా? లేక పార్టీ సంస్థాగత వ్యవహారాల్లో ప్రత్యేక పాత్ర కల్పించనున్నారా? అనే ప్రశ్నలు రాజకీయ వర్గాల్లో వినిపిస్తున్నాయి. దీనిపై స్పష్టత రావాలంటే ఢిల్లీ పర్యటన పూర్తయ్యే వరకు వేచి చూడాల్సిందేనని నాయకులు అంటున్నారు. రాజకీయ వర్గాల్లో ఉత్కంఠ ఇటీవల తెలంగాణ కాంగ్రెస్‌ వ్యవహారాల ఇన్‌చార్జ్‌ మీనాక్షి నటరాజన్‌ కొండా దంపతులతో మాట్లాడారు. ఈనేపథ్యంలో ఈ అంశంపై రాజకీయ వర్గాల్లో ఆసక్తి నెలకొంది. ఆ భేటీలో రాష్ట్ర రాజకీయాలు, పార్టీ పరిస్థితులు, కొండా దంపతుల రాజకీయ పాత్రపై చర్చ జరిగినట్లు సమాచారం. అప్పటి నుంచే సురేఖకు పార్టీపరంగా కొత్త బాధ్యత దక్కవచ్చనే ఊహాగానాలు ఊపందుకున్నాయి. మరోవైపు, కొండా దంపతులకు వరంగల్‌ జిల్లాలో ఉన్న రాజకీయ ప్రభావాన్ని పార్టీ అధిష్టానం పరిగణనలోకి తీసుకుంటోందని వారి అనుచరులు భావిస్తున్నారు. రాబోయే రోజుల్లో పార్టీ కార్యక్రమాలను విస్తృతంగా నిర్వహించేందుకు, కేడర్‌ను సమన్వయం చేసేందుకు సురేఖ సేవలను వినియోగించుకోవచ్చనే అభిప్రాయం వ్యక్తమవుతోంది. అయితే, ఇవన్నీ ప్రస్తుతానికి పార్టీ వర్గాల్లో జరుగుతున్న చర్చలేనని, అధికారిక ప్రకటన వెలువడిన తర్వాతే అసలు విషయం స్పష్టమవుతుందని నాయకులు చెబుతున్నారు. దీంతో ఆదివారం రాంనగర్‌లో జరగనున్న కార్యకర్తల సమావేశం, అనంతరం కొండా సురేఖ ఢిల్లీ పర్యటనపై ఉత్కంఠ నెలకొంది. సమావేశంలో కొండా దంపతులు చేసే వ్యాఖ్యలు, ఢిల్లీ పర్యటనపై వెల్లడించే వివరాలు, పార్టీ అధిష్టానంతో జరిగే చర్చలపై కాంగ్రెస్‌ శ్రేణులు ఆసక్తిగా ఎదురుచూస్తున్నాయి. పర్యటన వెనుక మతలబు ఏంటో.. కాంగ్రెస్‌ వర్గాల్లో సర్వత్రా చర్చ రాంనగర్‌లో నేడు కార్యకర్తలతో కీలక భేటీ.. తర్వాత హస్తినకు పయనం శనివారం హనుమకొండకు చేరుకున్న ‘కొండా ’ దంపతులు కొండా సురేఖకు ‘పెద్ద బాధ్యత’ ఏంటది?

హన్మకొండ కల్చరల్‌: ఒకప్పుడు పబ్లిక్‌గార్డెన్‌ వద్ద నిర్వహించిన గణేశ్‌ ఉత్సవాన్ని 1933లో హనుమకొండలోని రాజరాజనరేంద్రాంధ్రభాషా నిలయంలోకి మార్చారు. 67 సంవత్సరాల క్రితం వేయిస్తంభాల దేవాలయానికి మార్చగా.. అప్పటి నుంచి నూతన గజానన మండలి అధ్వర్యంలో గణపతి ఉత్సవాలు నిర్వహిస్తూ వచ్చారు. దేవాదాయశాఖ ఆధ్వర్యంలో ఉత్సవాలు నిర్వహిస్తున్నారు. పర్యావరణ పరిరక్షణ కోసం మట్టివినాయకులను ప్రతిష్ఠించాలని పర్యావరణ ప్రేమికుల సూచన మేరకు 15 ఏళ్లుగా మట్టి వినాయకులను ప్రతిష్ఠిస్తున్నారు. కాగా, రాష్ట్రంలోని వివిధ ప్రాంతాల నుంచి వేయిస్తంభాల ఆలయంలోని గణపతి నవరాత్రి ఉత్సవాలకు భక్తులు తరలిరావడం ఇక్కడి ప్రత్యేకత. అదేవిధంగా నిమజ్జనం రోజున కూడా వేయిస్తంభాల దేవాలయం వినాయక నిమజ్జనోత్సవ రథాన్ని దర్శించుకోవడానికి ప్రజలు మంగళ హారతులతో ఎదురుచూస్తారు.

జనగామ: పట్టణంలోని వీవర్స్‌ కాలనీలో గణేశ్‌ నవరాత్రి ఉత్సవాలకు ఆరు దశాబ్దాలకు పైగా చరిత్ర ఉంది. శ్రీ బాలభక్త ఆంజనేయస్వామి సహిత శ్రీ భక్తమార్కండేశ్వర దేవాలయ ఆవరణలో 1961లో ప్రారంభమైన ఈ ఉత్సవాలు ఈ ఏడాది 65వసారి వైభవంగా నిర్వహించేందుకు ఏర్పాట్లు చేస్తున్నారు. పద్మశాలి కులస్తులు అధికంగా నివసించే ఈ కాలనీలో చేనేత వృత్తిపై ఆధారపడే కుటుంబాలు ఏటా ఉత్సవాలను సమష్టి కృషితో నిర్వహించడం ఆనవాయితీగా మారింది. దేవాలయ కమిటీ, కార్యవర్గాన్ని ఎన్నుకుని వారి ఆధ్వర్యంలో నవరాత్రి వేడుకలు జరుపుతున్నారు. ప్రతిరోజు భజనలు, సాంస్కృతిక కార్యక్రమాలతో ఆధ్యాత్మిక వాతావరణం నెలకొల్పుతున్నారు. కాలానుగుణంగా ఖర్చులు పెరిగినా సంప్రదాయాన్ని కొనసాగించేందుకు కాలనీ వాసులు ముందుకు వస్తున్నారు.

● పలు డిమాండ్ల పరిష్కారం కోరుతూ కలెక్టరేట్‌ ఎదుట నిరసన ● అదనపు కలెక్టర్‌కు వినతిపత్రంజనగామ: రాష్ట్ర రైస్‌ మిల్లర్ల కమిటీ పిలుపు మేరకు జిల్లాలో రైస్‌ మిల్లర్లు మిల్లింగ్‌ ప్రక్రియను నిరవధికంగా నిలిపివేస్తున్నట్లు ప్రకటించారు. ఈ మేరకు జిల్లా రైస్‌ మిల్లర్స్‌ వెల్ఫేర్‌ అసోసియేషన్‌ ఆధ్వర్యంలో శనివారం కలెక్టరేట్‌ ఎదుట నిరసన చేపట్టారు. అనంతరం అదనపు కలెక్టర్‌ బెన్‌షాలోమ్‌కు వినతి పత్రం అందజేశారు. జిల్లా అధ్యక్షుడు పెద్ది వెంకటనారాయణ గౌడ్‌ ఆధ్వర్యంలో జరిగిన కార్యక్రమంలో 30 మంది రైస్‌ మిల్లర్లు పాల్గొన్నారు. రైస్‌ మిల్లర్ల కమిటీ పేర్కొన్న డిమాండ్లు, సమస్యలను ప్రభుత్వం పరిష్కరించాలని కోరుతూ వినతిపత్రంలో వివరించారు. మిల్లింగ్‌ చేసిన ధాన్యానికి అనుగుణంగా బియ్యం ప్రొక్యూర్‌మెంట్‌ విషయంలో కేంద్ర, రాష్ట్ర ప్రభుత్వాల నుంచి తగిన చర్యలు లేక ఇబ్బందులు ఎదురవుతున్నాయని పేర్కొన్నారు. మిల్లింగ్‌ చేసిన ధాన్యంలో డ్యామేజ్‌, నూకలు, తదితర కారణంగా 15 నుంచి 20 శాతం వరకు వచ్చే తరుగు (షార్ట్‌ఫాల్‌)ను పీవీ చేసినప్పటికీ అధికారులు పరిగణనలోకి తీసుకోవడం లేదని ఆరోపించారు. దీంతో సివిల్‌ సప్లయీస్‌, ఎన్‌ఫోర్స్‌మెంట్‌ అధికారులు కేసులు నమోదు చేస్తున్నారని, ఈ పరిస్థితుల్లో మిల్లింగ్‌ ప్రక్రియ కొనసాగించడం కష్టంగా మారిందని తెలిపారు. ప్రధాన డిమాండ్లు సీఎంఆర్‌ అగ్రిమెంట్‌ ఇబ్బందులకు ఆమోదయోగ్యంగా ఉండేలా రూపొందించాలని, టన్నీ మిల్లింగ్‌ విధానానికి సంబంధించి బాయిల్డ్‌, రబీ పంటలకు వేర్వేరుగా నిర్ణయాలు తీసుకోవాలన్నారు. క్వింటాల్‌ ధాన్యానికి మిల్లింగ్‌ ఛార్జీని రూ.150కు పెంచాలని, పాత గన్నీ బ్యాగ్‌ ధరను రూ.11గా నిర్ణయించాలని విజ్ఞప్తి చేశారు. 2014 నుంచి రావాల్సి న సివిల్‌ సప్లయీస్‌ మిల్లింగ్‌, ట్రాన్స్‌పోర్ట్‌, డ్రైయేజ్‌, కన్సిడియేషన్‌ చార్జీలను వెంటనే చెల్లించాలని, తమ సమస్యలను సానుకూలంగా పరిశీలించి తక్షణమే పరిష్కరించాలని రైస్‌ మిల్లర్లు కోరారు. సమస్యలు పరిష్కారమయ్యే వరకు మిల్లింగ్‌ ప్రక్రియను నిలిపివేస్తున్నట్లు అదనపు కలెక్టర్‌కు ఇచ్చిన వినతిలో స్పష్టం చేశారు.

● జిల్లా ప్రధాన న్యాయమూర్తి బి.ప్రతిమ జనగామ రూరల్‌: కక్షిదారులు పంతాలకు పట్టింపులకు పోకుండా సామరస్యంగా సమస్యలు పరిష్కరించుకోవాలని జిల్లా ప్రధాన న్యాయమూర్తి బి.ప్రతిమ సూచించారు. జిల్లా న్యాయసేవా అధికార సంస్థ ప్రధాన న్యాయమూర్తి బి.ప్రతిమ ఆధ్వర్యంలో శనివారం జిల్లా కేంద్రంలోని కోర్టులో జాతీయ లోక్‌ అదాలత్‌ను నిర్వహించారు. ఈసందర్భంగా పలువురికి రాజీ పత్రాలను అందజేశారు. కుటుంబ సభ్యులు పంతాలకు పోకుండా కేసు పెట్టకుండా గ్రామ పరిధిలోనే పరిష్కరించుకోవాలని రాజీ మార్గం ఉత్తమమైందన్నారు. లోక్‌ అదాలత్‌లో ఐదు బెంచ్‌ల ద్వారా కేసులను పరిష్కరించారు. మొదటి బెంచ్‌కు ప్రధాని న్యాయమూర్తి బి. ప్రతిమ, న్యాయవాది ఉపేందర్‌, రెండో బెంచ్‌కు సీనియర్‌ సివిల్‌ జడ్జి శంకర శ్రీదేవి, కె.సునీతారాణి, మూడో బెంచ్‌కు జూనియర్‌ సివిల్‌ జడ్జి జి.శశి, బి.స్వప్న, నాలుగో బెంచ్‌కు అదనపు జూనియర్‌ సివిల్‌ జడ్జి కె.సందీప్‌, రాగల శ్రీహరి, ఐదో బెంచ్‌కు స్టేషన్‌ ఘన్‌పూర్‌ జూనియర్‌ సివిల్‌ జడ్జి కె.శివలీల, విజయభాస్కర రావు ప్రాతినిథ్యం వహించారు. లోక్‌ అదాలత్‌లో ప్రీ లిటిగేషన్‌ కేసులో సివిల్‌, క్రిమినల్‌ కేసులు 475 పరిష్కరించి వారి నుంచి రూ. 22,11,198 వసూలు కాగా సివిల్‌ కేసులు 172 కు గాను రూ. 24,75,000 క్రిమినల్‌ కేసులు 983 లకు రూ.24,03,950 వసూలు కాగా మొత్తం కేసులు 1,630లకు రూ. 70,90,148 వసూలు చేశారు.

నర్సంపేట: నర్సంపేటలోని హైస్కూల్‌ సమీపంలో 20 మంది యువకుల కమిటీతో ఏర్పడ్డ ప్రగతి నగర్‌ గణేశ్‌ ఉత్సవ కమిటీ 50 ఏళ్లుగా వినాయక చవితి ఉత్సవాలను నిర్వహిస్తూ వస్తోంది. 1977లో ఏర్పడినప్పటి నుంచి కాలనీలోని సభ్యులంతా ఉత్సాహంగా పాల్గొంటున్నారు. మొదట్లో తోపుడు బండిలో వినాయకుడిని ఏర్పాటు చేసుకోగా, ఆ తర్వాత ఎడ్లబండిపై నిమజ్జన శోభాయాత్ర నిర్వహించారు. ప్రస్తుతం హైస్కూల్‌ సమీపంలో మండపాన్ని ఏర్పాటు చేసుకొని తొమ్మిది రోజుల పాటు ప్రత్యేక పూజలు నిర్వహిస్తూ నిమజ్జనాన్ని వైభవంగా నిర్వహిస్తున్నారు. 50 ఏళ్లక్రితం గణేశ్‌ ఉత్సవాలు ప్రారంభించాం. మొదట్లో నిమజ్జనం చేసేందుకు తోపుడు బండి పై వినాయకుడిని తీసుకెళ్లేవాళ్లం. నిమజ్జన శోభాయాత్రలో ఆయిల్‌ డబ్బాను కొట్టుకుంటూ శబ్దాలు చేస్తూ వెళ్లేవాళ్లం. అప్పటి ఆనందమే వేరు. ప్రస్తుతం డీజే పెట్టాల్సి వస్తోంది. – గీత గోవిందం సురేశ్‌, ఉత్సవ కమిటీ బాధ్యుడు

● డీసీపీ రాజమహేంద్రనాయక్‌ జనగామ: వినాయక నవరాత్రి ఉత్సవాలను ప్రశాంత వాతావరణంలో నిర్వహించుకుందామని డీసీపీ రాజమహేంద్రనాయక్‌ పిలుపునిచ్చారు. శుక్రవారం విశ్వహిందూ పరిషత్‌ జిల్లా కార్యదర్శి డాక్టర్‌ మోహనకృష్ణ భార్గవ ఆధ్వర్యంలో జిల్లా వ్యాప్తంగా ఏర్పాటు చేసే వినాయక మండపాల నిర్వాహకులకు పోలీస్‌ యంత్రాంగం సహకరించాలని డీసీపీని కలిసి వినతిపత్రం సమర్పించారు. కార్యక్రమంలో జిల్లా ఉపాధ్యక్షుడు బచ్చుబాలనారాయణ, కోశాధికారి దిడిగం లక్ష్మణ్‌, భజరంగ్‌దళ్‌ సాయితేజ భార్గవ, గుమ్మడవెల్లి ఉమేష్‌, లింగాలఘణపురం అధ్యక్షుడు శివరామకృష్ణ, సేవా ప్రముఖ్‌ బత్తిని శ్రీనివాస్‌, పట్టణ ఉపాధ్యక్షుడు రవికుమార్‌, రాజు పాల్గొన్నారు. 11జెజిఎన్‌057:డీసీపీకి వినతి చేస్తున్న వీహెచ్‌పీ ప్రతినిధులు

పాలకుర్తి టౌన్‌ (దేవరుప్పుల): ఓటరు జాబితా ప్రత్యేక సమగ్ర సవరణ (ఎస్‌ఐఆర్‌) ప్రకియలో హియరింగ్‌, ధ్రువీకరణ పత్రాల పరిశీలన వేగవతం చేయాలని కలెక్టర్‌ సందీప్‌ కుమార్‌ ఝా అధికారులను ఆదేశించారు. శుక్రవారం దేవరుప్పు ల మండల కేంద్రంలోని గ్రామ పంచాయతీలో జరుగుతున్న ఎస్‌ఐఆర్‌ ప్రక్రియను ఆయన పరి శీలించారు. అనంతరం గ్రామంలో బండిపల్లి పద్మ, తోటకూర శారద నిర్మిస్తున్న ఇందిరమ్మ ఇళ్ల నిర్మాణ పనులను కలెక్టర్‌ పరిశీలించారు. అలాగే మండల కేంద్రంలోని ఆధునిక వ్యవసాయ మార్కె ట్‌ గోదాములను పరిశీలించారు. ఎంపీడీఓ మేన క, ఆర్‌ఐ కె.రాజు, పంచాయతీ కార్యదర్శి సతీష్‌ రెడ్డి, సంబంధిత అధికారులు పాల్గొన్నారు. మిషన్‌ శిఖరం–70 సూచికలను అమలుచేయాలి జనగామ రూరల్‌: మిషన్‌ శిఖరం–70 సూచికలను అత్యంత కచ్చితత్వంతో అమలు చేయాలని కలెక్టర్‌ సందీప్‌ కుమార్‌ ఝా ఆదేశించారు. కలెక్టరేట్‌లో మిషన్‌ శిఖరం 70 సూచికల అమలుపై అదనపు కలెక్టర్‌ బెన్‌షాలోమ్‌తో కలిసి సంబంధిత జిల్లా అధికారులతో సమీక్ష సమావేశం నిర్వహించారు. కలెక్టర్‌ మాట్లాడుతూ.. జిల్లాలోని అన్ని ప్రభుత్వ పాఠశాలల్లో ఫాస్ట్‌ మ్యాథ్స్‌ సాధన, ఇంగ్లిష్‌ బోధన తప్పనిసరిగా నిర్వహించాలన్నారు. సమావేశంలో జిల్లా వైద్య ఆరోగ్య శాఖ అధికారి వాణిశ్రీ, ఈఈ పీఆర్‌ రవీందర్‌, అగ్నిమాపక శాఖ అధికారి రేమండ్‌ బాబు, తదితరులు పాల్గొన్నారు. త్వరితగతిన ఎస్సీ యాక్షన్‌ ప్లాన్‌ పనులు ఎస్సీ యాక్షన్‌ ప్లాన్‌ పెండింగ్‌లో ఉన్న పనులను పూర్తి చేసి, లబ్ధిదారులకు సకాలంలో ప్రయోజనాలు అందేలా చర్యలు తీసుకోవాలని కలెక్టర్‌ సందీప్‌ కుమార్‌ ఝా ఆదేశించారు. కలెక్టరేట్‌లో ఎస్సీ యాక్షన్‌ ప్లాన్‌ అమలుపై సమావేశం నిర్వహించి, పురోగతిని సమీక్షించారు. సమీక్షలో లీడ్‌ డిస్ట్రిక్ట్‌ మేనేజర్‌ ప్రతిభ, మున్సిపల్‌ కమిషనర్లు రాజశేఖర్‌రెడ్డి, రాధాకృష్ణ, పశుసంవర్ధక శాఖ అధికారి మురళీధర్‌ రావు పాల్గొన్నారు. ఆయుష్‌ సేవలను సమర్థవంతంగా అందించాలి ప్రజలకు ఆయుష్‌ వైద్య సేవలను సమర్థవంతంగా అందించాలని కలెక్టర్‌ సందీప్‌కుమార్‌ ఝా సూచించారు. కలెక్టరేట్‌లో నిర్వహించిన సమీక్షలో ఆయన మాట్లాడుతూ.. జనగామ, ఘన్‌పూర్‌ (స్టేషన్‌) మున్సిపాలిటీల్లో జాతీయ ఆయుర్వేద దినోత్సవం సందర్భంగా ప్రత్యేక ఆయుష్‌ వైద్య శిబిరాలు నిర్వహించాలని ఆదేశించారు. సమావేశంలో జిల్లా వైద్యఆరోగ్య శాఖాధికారి వాణిశ్రీ, జిల్లా ఆయుష్‌ కో–ఆర్డినేటర్‌ మమత, వైద్య సిబ్బంది పాల్గొన్నారు. ధాన్యం కొనుగోళ్లకు పక్కా ప్రణాళికలు జనగామ: వానాకాలం ధాన్యం కొనుగోళ్లకు పకడ్బందీ ఏర్పాట్లు చేసి, రైతులకు ఎలాంటి ఇబ్బందులు కలగకుండా చర్యలు తీసుకోవాలని కలెక్టర్‌ సందీప్‌ కుమార్‌ ఝా అధికారులను ఆదేశించారు. కలెక్టరేట్‌లో రెవెన్యూ అదనపు కలెక్టర్‌ బెన్‌షాలోమ్‌తో కలిసి వ్యవసాయ, పౌరసరఫరాలు, సహకార, మార్కెటింగ్‌, డీఆర్‌డీఓ, రవాణా శాఖల అధికారులతో సమీక్ష నిర్వహించారు. కలెక్టర్‌ మాట్లాడుతూ.. జిల్లాలో ఐకేపీ, సహకార, మెప్మా ఆధ్వర్యంలో అవసరమైన కొనుగోలు కేంద్రాలను ఏర్పాటు చేసి, అనువైన ప్రదేశాలను ముందుగానే గుర్తించాలని సూచించారు. సమావేశంలో డీఆర్‌డీఓ భాస్కర్‌, జిల్లా సివిల్‌ సప్లయ్‌ అధికారి సురేష్‌రెడ్డి, డీఎం సీఎస్‌ హతిరామ్‌, జిల్లా వ్యవసాయ శాఖ అధికారి అంబికా సోనీ, డీసీఓ కరుణ పాల్గొన్నారు. కలెక్టర్‌ సందీప్‌కుమార్‌ ఝా

జనగామ: వినాయక చవితి వేళ జిల్లాలో ఆధ్యాత్మిక సందడి నెలకొంది. గణనాథుల విగ్రహాలు భక్తులను ఆకట్టుకుంటుండగా, రాజస్థాన్‌ నుంచి వచ్చిన కళాకారులు తమ నైపుణ్యంతో మట్టి, పీఓపీ(ప్లాస్టర్‌ ఆఫ్‌ పారిస్‌) ప్రతిమలకు అందమైన రూపాలుగా తీర్చిదిద్దారు. మూ డు నుంచి 15 అడుగుల వరకు విగ్రహాలు అందుబాటులో ఉండగా, భారీగా అమ్మకాలు జరుగుతున్నాయి. రంగురంగుల గణపయ్యలతో వీధులు కళకళలాడుతుండగా, పూజా సామగ్రి, అలంకరణ, లైటింగ్‌ వ్యాపారాలు ఊపందుకున్నాయి. వినాయక చవితి పండుగకు మరో రెండు రోజులు మాత్రమే ఉండడంతో జిల్లా కేంద్రంలో వినాయక విగ్రహాల అమ్మకాలు జోరందుకున్నాయి. పెరిగిన ముడిసరుకు ధరలు ముడిసరుకు ధరలు పెరగడంతో ఈ ఏడాది ఒక్కో విగ్రహంపై సుమారు రూ.1,000 నుంచి రూ.2,000 వరకు ధర పెరిగినట్లు తయారీదారులు చెబుతున్నారు. రాజస్థాన్‌ నుంచి వచ్చిన కుటుంబాలు గత రెండున్నర దశాబ్దాలుగా జిల్లా కేంద్రంలో విగ్రహాల తయారీ, విక్రయాలు కొనసాగిస్తున్నాయి. సుమారు ఆరు నెలల ముందు నుంచే పీఓపీ విగ్రహాల తయారీ ప్రక్రియను ప్రారంభించారు. రంగురంగుల రూపాల్లో ప్రత్యేక ఆకర్షణ కళాకారులు తమ నైపుణ్యంతో ఆకర్షణీయమైన రూపాలు, రంగురంగుల అలంకరణలతో వినాయక ప్రతిమలను తీర్చిదిద్దుతున్నారు. ఈ ఏడాది ఇప్పటి వరకు సుమారు 2 వేల విగ్రహాలను తయారు చేసినట్లు నిర్వాహకులు తెలిపారు. వాటిలో దాదాపు 40 శాతం ఇప్పటికే అమ్ముడుపోగా.. మరో 60 శాతం విక్రయానికి సిద్ధంగా ఉన్నాయి. వందల మందికి ఉపాధి వినాయక చవితి ఉత్సవాలు తయారీదారులు, కళాకారులు, డెకరేషన్‌, లైటింగ్‌, సౌండ్‌ సిస్టమ్‌, రవాణా, పూజా సామగ్రి వ్యాపారులకు ఉపాధి కల్పిస్తున్నాయి. మరోవైపు జిల్లా వ్యాప్తంగా లక్షలాది మంది భక్తులు తొమ్మిది రోజుల పాటు గణనాథుడిని భక్తిశ్రద్ధలతో పూజించేందుకు ఏర్పాట్లు చేసుకుంటున్నారు.రూ.3 వేల నుంచి రూ.60 వేల వరకు జిల్లా కేంద్రంలోని ప్రెస్టన్‌ ఏరియాతో పాటు హనుమకొండ రోడ్డులోని రేణుకా ఎల్లమ్మ ఆలయం సమీపంలో రాజస్థాన్‌ నుంచి వచ్చిన తయారీదారులు విగ్రహాలను సిద్ధం చేస్తున్నారు. ప్రస్తుతం మూడు అడుగుల నుంచి 15 అడుగుల ఎత్తు వరకు వినాయక విగ్రహాలు అందుబాటులో ఉన్నాయి. పరిమాణం, ఆకృతి, అలంకరణను బట్టి రూ.3వేల నుంచి రూ.5వేలు, రూ.8వేలు, రూ.10వేలు, రూ.15వేలు, రూ.20వేలు, రూ.30వేలు, రూ.40వేలు, రూ.60వేల వరకు ధరలు పలుకుతున్నాయి. తీరొక్క రూపం.. ఆకట్టుకొనే విగ్రహం జోరందుకున్న వినాయక ప్రతిమల అమ్మకాలు గణపయ్య రాకతో ఆధ్యాత్మిక శోభ విగ్రహాలకు పెరిగిన డిమాండ్‌ ఊపందుకున్న అనుబంధ వ్యాపారాలుఅనుబంధ వ్యాపారానికి ఊపు విగ్రహాల విక్రయాలతో పాటు పూజా సామగ్రి, కాషాయ జెండాలు, లైటింగ్‌ సామగ్రి, టార్పాలిన్‌ కవర్లు, డెకరేషన్‌ ఫ్లెక్సీలు, ఆర్చీలు, సౌండ్‌ సిస్టమ్స్‌ తదితరాల వ్యాపారం కూడా జోరందుకుంది. హనుమకొండ, సిద్దిపేట, హైదరాబాద్‌, సూర్యాపేట రోడ్లలోని తయారీ కేంద్రాలతో పాటు హైదరాబాద్‌ అంబర్‌ పేట, ధూల్‌పేట తదితర ప్రాంతాల నుంచి హోల్‌సేల్‌గా విగ్రహాలను తీసుకొచ్చి విక్రయిస్తున్నారు. పట్టణంలో సుమారు పది వరకు వినాయక విగ్రహాల విక్రయ కేంద్రాలు ఏర్పాటయ్యాయి.

● గణేష్‌ మండపాలు, నిమజ్జన మార్గాల్లో తనిఖీలు ● ఎన్పీడీసీఎల్‌ అధికారుల ప్రత్యేక దృష్టిజనగామ: వినాయక చవితి వేడుకల్లో విద్యుత్‌ ప్రమాదాల నివారణకు ఎన్పీడీసీఎల్‌ ప్రత్యేక చర్యలు చేపట్టింది. పండుగ నేపథ్యంలో గణేష్‌ మండపాలు, విద్యుత్‌ అలంకరణ ప్రాంతాలు, విగ్రహాల తరలింపు, నిమజ్జన మార్గాల్లో ప్రత్యేక తనిఖీలు చేపడుతున్నారు. ప్రభుత్వ మార్గదర్శకాల మేరకు గణేష్‌ మండపాలకు ఉచిత విద్యుత్‌ సరఫరా అందించనున్నారు. విద్యుత్తు శాఖ ఆధ్వర్యంలో మండపాల వివరాలను క్షేత్రస్థాయి అధికారులు సేకరిస్తూ, అవసరమైన విద్యుత్‌ లోడ్‌ను అంచనా వేస్తున్నారు. నాణ్యమైన ఐఎస్‌ఐ గుర్తింపు కలిగిన వైర్లు, పరికరాలను మాత్రమే ఉపయోగించాలని, తగిన సామర్థ్యం కలిగిన ఎంసీబీ, ఆర్‌సీసీబీ, ఈ ఎల్‌సీబీ వంటి రక్షణ పరికరాలను ఏర్పాటు చేయాలని ఉత్సవ కమిటీలకు వివరిస్తున్నారు. విద్యుత్‌ స్తంభాలపై టీవీ కేబుల్‌, ఇంటర్నెట్‌ తదితర కమ్యూనికేషన్‌న్‌ వైర్లు గజిబిజిగా లేకుండా సంబంధిత ప్రొవైడర్లతో సమన్వయం చేసుకోవాలని క్షేత్ర స్థాయి అధికారులను ఆదేశించారు.

● ఎన్పీడీసీఎల్‌ డైరెక్టర్‌ (ఆపరేషన్స్‌) మధుసూదన్‌ జనగామ రూరల్‌: ఎన్పీడీసీఎల్‌ పరిధిలో విద్యుత్‌ సరఫరా వ్యవస్థను మరింత పటిష్టం చేసి వినియోగదారులకు నాణ్యమైన నిరంతర విద్యుత్‌ సరఫరా చేయాలని ఎన్పీడీసీఎల్‌ డైరెక్టర్‌ (ఆపరేషన్స్‌) మధుసూదన్‌ అన్నారు. శుక్రవారం వడ్లకొండ, అడవికేశపూర్‌ సబ్‌స్టేషన్‌లో నూతనంగా నిర్మాణం చేస్తున్న ఉన్న 33/11 కేవీ సబ్‌స్టేషన్‌ పనులను పరిశీలించారు. ఎర్రగొల్లపహాడ్‌ ఫీడర్‌ లోడ్‌ను బై–వెరిఫికేషన్‌ చేసి, నూతన బ్రేకర్‌ను చార్జ్‌ చేశారు. ప్రజల విజ్ఞప్తులపై తక్షణమే స్పందించాలని అధికారులకు స్పష్టం చేశారు. కార్యక్రమంలో సూపరింటెండింగ్‌ ఇంజనీర్‌ సంపత్‌ రెడ్డి, జనగామ డివిజన్‌ ఇంజనీర్‌ లక్ష్మీనారాయణరెడ్డి, డివిజనల్‌ ఇంజనీర్‌ (ఎంఆర్టీ) విజయ్‌ కుమార్‌, ఏడీఈలు వేణుగోపాల్‌, సుధాకర్‌, ఏఈ శ్రీ రామ్‌ పాల్గొన్నారు. చిల్పూరులో.. చిల్పూరు: ప్రస్తుతం విద్యుత్‌ ఉత్పత్తి తగ్గి వినియోగం పెరిగినా వినియోగదారులకు సరిపడా విద్యుత్‌ సరఫరా చేస్తున్నామని ఎన్పీడీసీఎల్‌ డైరెక్టర్‌ (ఆపరేషన్స్‌) మధుసూదన్‌ తెలిపారు. మండలంలోని రాజవరం, చిన్నపెండ్యాల, మల్కాపూర్‌ గ్రామాల్లోని 33/11 కేవీ ట్రాన్స్‌కో సబ్‌ స్టేషన్‌లను స్టేషన్‌ఘన్‌పూర్‌ డీఈ సారయ్యతో కలిసి పరిశీలించారు. కార్యక్రమంలో ఏడీఈ రణధీర్‌రెడ్డి, ఏఈలు సురేష్‌, శ్వేత, శంకర్‌, శివకుమార్‌, ఎస్‌ఎల్‌ఐ నీలం ఐలేష్‌ తదితరులు పాల్గొన్నారు. నర్మెటలో.. నర్మెట: వినియోగదారులకు అంతరాయం కలగకుండా నాణ్యమైన విద్యుత్‌ను అందించాలని ఎన్పీడీసీఎల్‌ డైరెక్టర్‌ (ఆపరేషన్స్‌) మధుసూదన్‌ అన్నారు. మండల కేంద్రంలోని 132 / 33 , 33 / 11 సబ్‌ స్టేషన్‌లను ఆకస్మికంగా తనిఖీ చేసిన ఆయన సిబ్బందితో సమీక్ష నిర్వహించారు. ఏడీఈ సుధాకర్‌, ఏఈ మెట్టురాం, ఎస్‌ఎల్‌ఐ సురేందర్‌ రెడ్డి, ఎల్‌ఐలు స్వామి, బాలు, ఏఎల్‌ఎం సురేష్‌ పాల్గొన్నారు.

పాలకుర్తి టౌన్‌: తెలంగాణ పోలీస్‌ నియామక మండలి(టీజీపీఆర్‌బీ) ఆధ్వర్యంలో 7,437 పోలీసు ఉద్యోగాల భర్తీకి జరుగుతున్న దరఖాస్తు ప్రక్రియలో ఆధార్‌ ఫేస్‌ అథెంటికేషన్‌ అభ్యర్థులకు సమస్యగా మారింది. ఎస్సై, కానిస్టేబుల్‌ ఉద్యోగానికి దరఖాస్తు చేసుకునే ప్రక్రియలో ఫేస్‌ అథెంటికేషన్‌ తప్పనిసరి చేయడంతో పలుమార్లు ప్రయత్నించినా స్కాన్‌ కావడం లేదు. మొబైల్‌లో ఫేస్‌ స్కాన్‌ చేస్తున్న సమయంలో ఎర్రర్‌ రావడంతో తదుపరి దశకు వెళ్లలేకపోతున్నారు. ఇంటర్నెట్‌ సరిగా ఉన్నప్పటికీ సమస్య కొనసాగుతోంది. దీంతో అభ్యర్థులు ఆందోళన చెందుతున్నారు. ఫేస్‌ అథెంటికేషన్‌ సమస్యలను వెంటనే పరిష్కరించి, దరఖాస్తు పూర్తి చేసుకునేలా ప్రత్యామ్నాయ అవకాశం కల్పించాలని అధికారులను కోరుతున్నారు. దరఖాస్తు గడువు ఈనెల 16 వరకే ఉండడంతో అప్పటిలోగా సమస్య పరిష్కరించాలని అభ్యర్థులు విజ్ఞప్తి చేస్తున్నారు. స్కాన్‌ కావడం లేదుకానిస్టేబుల్‌ ఉద్యోగం కోసం ఎంతో ఆశతో దరఖాస్తు చేసుకున్నా. ఫేస్‌అథెంటికేషన్‌ కోసం పలుమార్లు ప్రయత్నించినా స్కాన్‌ కావడం లేదు. మరో మొబైల్‌లోనూ ప్రయత్నించినా సమస్య పరిష్కారం కాలేదు. దరఖాస్తు గడువు ముగిసేలోగా అథెంటికేషన్‌ పూర్తి కాకపోతే ఉద్యోగ అవకాశాన్ని కోల్పోయే పరిస్థితి వస్తుందని భయంగా ఉంది. అభ్యర్థులు సాంకేతిక సమస్యలతో నష్టపోకుండా అధికారులు వెంటనే స్పందించి ప్రత్యామ్నాయ అవకాశం కల్పించాలి. –గోనె రశ్మిత, రాఘవపురం, పాలకుర్తి ఎస్సై, కానిస్టేబుల్‌ అభ్యర్థుల అవస్థలు ప్రత్యామ్నాయ అవకాశం కల్పించాలని వేడుకోలు

●ఈ నెల 19, 20న పోటీలు జనగామ: గుడాల ఫ్యామిలీ ఫౌండేషన్‌ ఆధ్వర్యంలో నిర్వహిస్తున్న చెస్‌ ఛాంపియన్‌షిప్‌ –2026 మెగా ఫైనల్స్‌కు రంగం సిద్ధమైంది. జిల్లా వ్యాప్తంగా నాలుగు నెలలుగా ప్రభుత్వ, ప్రైవేట్‌, సోషల్‌ వెల్ఫేర్‌, మోడల్‌ స్కూళ్లలో నిర్వహించిన స్కూల్‌ లెవల్‌ చెస్‌ పోటీలు పూర్తయ్యాయి. ఆయా పాఠశాలల్లో ప్రతిభ కనబరిచిన విద్యార్థులతో మెగా ఫైనల్స్‌ నిర్వహించేందుకు నిర్వాహకులు ఏర్పాట్లు చేస్తున్నారు. ఈ పోటీల్లో ప్రతిభ కనబరిచిన సుమారు 400 మంది విద్యార్థులు మెగా ఫైనల్స్‌కు ఎంపికయ్యారు. ఈ నెల 19, 20 తేదీల్లో రెండు రోజుల పాటు జిల్లా కేంద్రంలోని హైదరాబాద్‌ రోడ్డు సాయిరాం కన్వెన్షన్‌లో మెగా ఫైనల్స్‌ నిర్వహించనున్నారు. మెగా ఫైనల్స్‌కు ఫౌండేషన్‌ చైర్మన్‌ గుడాల శ్రీనివాస్‌, కో–చైర్మన్‌ వేణు శ్రీధర్‌ హాజరుకానున్నారు. దళితుల ఆత్మగౌరవాన్ని పరిరక్షించేది కాంగ్రెస్సేజనగామ: దళితుల ఆత్మగౌరవం, సామాజిక న్యాయం, సమానత్వం, రాజ్యాంగ హక్కుల పరిరక్షణలో కాంగ్రెస్‌ పార్టీ ముందంజలో ఉందని టీపీసీసీ అధికార ప్రతినిధి నూక కిరణ్‌ యాదవ్‌ అన్నారు. కాంగ్రెస్‌ పార్టీ జిల్లా కార్యాలయంలో శుక్రవారం నిర్వహించిన విలేకరుల సమావేశంలో ఆయన మాట్లాడారు.. ముఖ్యమంత్రి రేవంత్‌రెడ్డి నాయకత్వంలోని కాంగ్రెస్‌ ప్రభుత్వం వివిధ కార్పొరేషన్‌ బోర్డుల్లో ఎస్సీ, ఎస్టీ వర్గాలకు చెందిన నాయకులకు పదవులు, బాధ్యతలు కల్పిస్తూ సామాజిక న్యాయానికి పెద్దపీట వేస్తోందన్నారు. డీసీసీ అధ్యక్షురాలు ధన్వంతి లక్ష్మీనారాయణ మాట్లాడుతూ.. కులం ఆధారంగా అవమానించడం, వివక్ష చూపడం రాజ్యాంగ స్ఫూర్తికి విరుద్ధమన్నారు. ౖసమావేశంలో వైటీడీఏ సభ్యుడు డాక్టర్‌ లక్ష్మీనారాయణనాయక్‌, మున్సిపల్‌ చైర్‌పర్సన్‌ బాలమణి శ్రీనివాస్‌, నాయకులు ఎర్రమల సుధాకర్‌, పట్టణ కాంగ్రెస్‌ అధ్యక్షుడు దోర్నాల వెంకటేశ్వర్లు, లింగాల జగదీష్‌ చందర్‌రెడ్డి, బడికె ఇందిరా, వేముల మల్లేష్‌, నరేందర్‌ పవార్‌, బెలిదే వెంకన్న, కౌన్సిలర్లు అనిత, రజినీ, సుమలత, ఉమ, డీసీసీ ప్రధాన కార్యదర్శి మేడ శ్రీనివాస్‌, అభిగౌడ్‌, శ్రీశైలం, బొట్ల శ్రీనివాస్‌, చంద్రమౌళి ఉన్నారు. నిట్‌ డిప్యూటీ డైరెక్టర్‌గా రతీశ్‌కుమార్‌ కాజీపేట అర్బన్‌: నిట్‌ వరంగల్‌కు తొలిసారిగా డిప్యూటీ డైరెక్టర్‌గా ప్రొఫెసర్‌ పి.రతీశ్‌కుమార్‌ను నియమిస్తూ శుక్రవారం నిట్‌ వరంగల్‌ బోర్డు ఉత్తర్వులు జారీ చేసింది. 6 నెలల కిత్రం దేశవ్యాప్తంగా ఉన్న అన్ని నిట్‌లలో డిప్యూటీ డైరెక్టర్లను నియమించాలనే కేంద్ర మానవ వనరులల, విద్యాశాఖ ఆదేశాల మేరకు నిట్‌ వరంగల్‌లో డిప్యూటీ డైరెక్టర్‌ను నియమించారు. నాడు 31 నిట్‌లలో తొలి నిట్‌ వరంగల్‌గా నిలవగా.. ఇప్పుడు తొలి డిప్యూటీ డైరెక్టర్‌ను నియమించుకుని తొలి నిట్‌ వరంగల్‌గా నిలిచింది. ‘చైర్‌పర్సన్‌పై కుట్రలు’జనగామ: జనగామ పురపాలక సంఘ చైర్‌పర్సన్‌గా బీసీ మహిళ ఎన్నిక కావడం కొందరు జీర్ణించుకోవడం లేదని, అందుకే ఆమెను ఇబ్బందులకు గురిచేసే ప్రయత్నాలు జరుగుతున్నాయని కాంగ్రెస్‌ నాయకులు ఆరోపించారు. శుక్రవారం నియోజకవర్గ కాంగ్రెస్‌ కార్యాలయంలో ఏర్పాటు చేసిన విలేకరుల సమావేశంలో జిల్లా ప్రధాన కార్యదర్శి మేడ శ్రీనివాస్‌, పట్టణ కాంగ్రెస్‌ అధ్యక్షుడు దోర్నాల వెంకటేశ్వర్లు, సీనియర్‌ నాయకుడు వంగాల మల్లారెడ్డి, కౌన్సిలర్లు నీరటి రజిని, మంత్రి సుమలత, మిద్దెపాక భాస్కర్‌ మాట్లాడారు.. బీఆర్‌ఎస్‌ పదేళ్ల పాలనలో ఏం జరిగిందో ప్రజలకు తెలుసని, మహిళా చైర్‌పర్సన్‌ ను లక్ష్యంగా చేసుకుని విమర్శలు చేయడం మంచి పద్ధతి కాదన్నారు. సమావేశంలో గాదెపాక రాంచందర్‌, కౌన్సిలర్‌ భరద్వాజ్‌, అనిత తదితరులు పాల్గొన్నారు.

జనగామ: విద్యా వ్యవస్థలో అంతర్జాతీయ స్థాయి ఉత్తమ విధానాలను అధ్యయనం చేసేందుకు రాష్ట్ర ప్రభుత్వం చేపట్టిన ‘టీచర్స్‌ ఎక్స్‌పోజర్‌ విజిట్‌ అండ్‌ ఎడ్యుకేషనల్‌ ఎక్సేంజ్‌ ప్రోగ్రామ్‌’కు జిల్లాకు చెందిన ఉపాధ్యాయులు ఎంపికయ్యారు. రాష్ట్ర వ్యాప్తంగా రెండో విడతలో 33 మంది ప్రధానోపాధ్యాయులు, ఉపాధ్యాయులను ఫిన్లాండ్‌ పర్యటనకు ఎంపిక కాగా జిల్లా నుంచి ఇద్దరు ఉన్నారు. రఘునాథపల్లి మండలం మండెలగూడెం జిల్లా పరిషత్‌ ఉన్నత పాఠశాల ప్రధానోపాధ్యాయులు ఎన్‌.రాజపాల్‌రెడ్డి(గెజిటెడ్‌ హెచ్‌ఎం)ఫేజ్‌–1 పరిధిలో ఎంపిక కాగా, చిల్పూరు మండలం పల్లగుట్ట జిల్లా పరిషత్‌ ఉన్నత పాఠశాలలో స్కూల్‌ అసిస్టెంట్‌గా విధులు నిర్వహిస్తున్న కె.నీలిమ ఫేజ్‌–2 పరిధిలో ఎంపిక అయ్యారు. ఈ పర్యటనలో భాగంగా ఉపాధ్యాయులు ఫిన్లాండ్‌, సింగపూర్‌, వియత్నాం, జపాన్‌ దేశాల్లో పర్యటించాల్సి ఉండగా, ప్రస్తుత విడతలో 40 మంది ప్రతినిధుల (ఉపాధ్యాయులు, అధికారుల బృందం ఈ నెల 26 నుంచి వచ్చే నెల 3 వరకు ఫిన్లాండ్‌లో పర్యటించనున్నారు. ప్రత్యేక అవసరాలు గల పిల్లలకు విద్య అందిస్తున్న నాకు ఈ అవకాశం రావడం చాలా సంతోషంగా ఉందని ఉపాధ్యాయురాలు నీలిమ చెప్పారు. ఫిన్లాండ్‌ పర్యటనకు ఎంపిక కావడంపై ప్రధానోపాధ్యాయులు విజయ్‌ కుమార్‌, ఉపాధ్యాయులు, అమ్మ ఆదర్శ పాఠశాల కమిటీ చైర్మన్‌, సభ్యులు నీలిమకు అభినందనలు తెలిపారు. అంతర్జాతీయ విద్య అధ్యయనానికి ఎంపిక ఈనెల 26 నుంచి అక్టోబర్‌ 3 వరకు పర్యటన

జనగామ: వినాయక చవితి పర్వదినాన్ని పురస్కరించుకుని పర్యావరణ పరిరక్షణపై ప్రజల్లో అవగాహన కల్పించే ఉద్దేశంతో వాస్విక్‌ ఫౌండేషన్‌ ఆధ్వర్యంలో హైదరాబాద్‌ రాజ్‌భవన్‌లో గవర్నర్‌ చేతుల మీదుగా మట్టి గణపతులను పంపిణీ చేశారు. గవర్నర్‌ మాట్లాడుతూ.. పర్యావరణహితమైన మట్టి గణపతులను పంపిణీ చేస్తూ ప్రజ ల్లో చైతన్యం కల్పిస్తున్న వాస్విక్‌ ఫౌండేషన్‌ చైర్మన్‌ నిడిగొండ నరేష్‌ ప్రజాపతి, వైస్‌ చైర్మన్‌ నూకల భాస్కర్‌రెడ్డిని అభినందించారు. కార్యక్రమంలో ఫౌండేషన్‌ అడ్వైజర్‌ సమ్మిరెడ్డి, ఐఐటీ ఖరగ్‌పూర్‌ సైంటిస్ట్‌ వేదాద్రి, ఆరూరి శ్రీశైలం, నార్లపురం భాస్కర్‌, శ్రీకాంత్‌, అచ్యుతరావు, తమ్మడి మహేష్‌, మహేందర్‌ వర్మ, నవీన్‌, సందీప్‌ తదితరులు పాల్గొన్నారు.

జనగామ రూరల్‌: క్రీడాపోటీలతో విద్యార్థుల్లో క్రమశిక్షణ పెంపొందుతుందని అదనపు కలెక్టర్‌ బెన్‌ షాలోమ్‌ అన్నారు. పట్టణంలోని ధర్మకంచ మినీ స్టేడియంలో 14, 17 సంవత్సరాల బాలబాలికల 70వ పాఠశాలల క్రీడలు (ఎస్‌జీఎఫ్‌) జిల్లా స్థాయి కబడ్డీ, ఖోఖో, వాలీబాల్‌ ఎంపిక పోటీలు గురువారం ప్రారంభమయ్యాయి. జిల్లా వ్యాప్తంగా 1,000 మందికి పైగా క్రీడాకారులు, 100 మందికి పైగా వ్యాయామ ఉపాధ్యాయులు ఈ పోటీల్లో పాల్గొనగా.. అదనపు కలెక్టర్‌ బెన్‌ షాలోమ్‌ క్రీడలను ప్రారంభించి మాట్లాడారు. విద్యార్థులు చదువుతోపాటు క్రీడల్లో రాణించాలన్నారు. ఎస్‌జీఎఫ్‌ జిల్లా కార్యదర్శి గోర్‌సింగ్‌ మాట్లాడుతూ ఇక్కడ ఎంపికయ్యే క్రీడాకారులు ఈ నెలాఖరులో వరంగల్‌లో నిర్వహించే ఉమ్మడి వరంగల్‌ జిల్లా స్థాయి ఎంపికల్లో పాల్గొంటారని తెలిపారు. కార్యక్రమంలో జిల్లా వ్యాయామ విద్య ఉపాధ్యాయులు హనుమంతరావు, గంగిశెట్టి మనోజ్‌కుమార్‌, అశోక్‌కుమార్‌, లచ్చిరాం, వీర్యానాయక్‌, పాండ్యా, మాధవి, సుమలత, సంగీత మాధురి, సుధారాణి, రమాదేవి, సుశీల, ఇంద్రసేనారెడ్డి, కొండ రవి, శ్రీనివాస్‌, అశోక్‌, యాది పాల్గొన్నారు. పనులు పారదర్శకంగా చేపట్టాలి పాలకుర్తి టౌన్‌ (దేవరుప్పుల) : జిల్లాలో జరుగుతున్న కాడాస్ట్రల్‌ రీ–సర్వే పనులను నిర్దేశిత వ్యవధిలో పారదర్శకంగా చేపట్టాలని అదనపు కలెక్టర్‌ బెన్షాలోమ్‌ అధికారులను ఆదేశించారు. గురువా రం దేవరుప్పుల మండలంలోని చౌడూర్‌ గ్రామంలో కొనసాగుతున్న కాడాస్ట్రల్‌ రీ–సర్వే పనులను ఆయన పరిశీలించారు. అలాగే సర్వే బృందాల రోజువారీ పనితీరు, ప్రతిబృందం పురోగతి, రోజుకు పూర్తి చేస్తున్న విస్తీర్ణం, తదితర అంశాలపై వివరాలను అడిగి తెలుసుకున్నారు. ఆయన వెంట డీఐ మహేందర్‌, ఎల్‌ఎస్‌ఎస్‌లు ఉన్నారు. అదనపు కలెక్టర్‌ బెన్‌ షాలోమ్‌

జనగామ: జనగామ మున్సిపాలిటీ 18వ వార్డు బీఆర్‌ఎస్‌ కౌన్సిలర్‌ గోపగాని సుగుణాకర్‌పై విధించిన సస్పెన్షన్‌ ఎత్తివేయాలని కోరుతూ బీఆర్‌ఎస్‌ కౌన్సిలర్లు, నాయకులు సజ్జ దుర్గా ప్రసాద్‌, సేవెల్లి మధు, మామిడాల రాజు, ఎనగందలు కృష్ణ, గునిగంటి రామకృష్ణ గురువారం మున్సిపల్‌ అడ్మినిస్ట్రేషన్‌, అర్బన్‌ డెవలప్‌మెంట్‌ శాఖ కమిషనర్‌, డైరెక్టర్‌కు ఫిర్యాదు చేశారు. అనంతరం వారు మాట్లాడుతూ సస్పెన్షన్‌ నిబంధనలకు విరుద్ధంగా, ఏకపక్షంగా విధించారని ఆరోపించారు. 18వ వార్డులో యూఎఫ్‌డీసీ నిధులతో చేపడుతున్న డ్రెయినేజీల నిర్మాణం నాసిరకంగా చేపడుతున్నారని గుర్తించిన కౌన్సిలర్‌ సుగుణాకర్‌ డీఈకి, మున్సిపల్‌ కమిషనర్‌కు ఫోన్‌ చేసి, వాట్సాప్‌ ద్వారా ఫొటోలు పంపినా స్పందించకుండా నిర్లక్ష్యం వహించారని, దీంతో మున్సిపల్‌ వాట్సాప్‌ గ్రూపులో సుగుణాకర్‌ డ్రెనేజీ పనుల అవకతవకలపై ప్రశ్నించారని తెలిపా రు. దీంతో మున్సిపల్‌ సర్వసభ్య సమావేశంలో సుగుణాకర్‌పై సస్పెన్షన్‌ ఉత్తర్వులు జారీ చేయడంపై దారుణమన్నారు. మొత్తం వ్యవహారంపై విచారణ జరిపించాలని విజ్ఞప్తి చేశారు. మున్సిపల్‌ అడ్మినిస్ట్రేషన్‌ డైరెక్టర్‌కు బీఆర్‌ఎస్‌ కౌన్సిలర్ల ఫిర్యాదు

జనగామ: తెలంగాణ సాయుధ రైతాంగ పోరులో చాకలి అయిలమ్మ పోరాటం స్ఫూర్తిదాయకమని కలెక్టర్‌ సందీప్‌ కుమార్‌ ఝా అన్నారు. చాకలి ఐలమ్మ వర్ధంతి సందర్భంగా గురువారం కలెక్టరేట్‌లో జిల్లా వెనుకబడిన తరగతుల సంక్షేమ శాఖ ఆధ్వర్యంలో నిర్వహించిన కార్యక్రమంలో కలెక్టర్‌ సందీప్‌ కుమార్‌ ఝా, తెలంగాణ మహిళా కమిషన్‌ సభ్యురాలు, చాకలి ఐలమ్మ మనుమరాలు చిట్యాల శ్వేత హాజరయ్యారు. ఈసందర్భంగా అయిలమ్మ చిత్రపటం వద్ద నివాళులర్పించారు. అనంతరం కలెక్టర్‌ మట్లాడుతూ.. సామాజిక అన్యాయం, జమీందారీ వ్యవస్థ, దోపిడీకి వ్యతిరేకంగా అయిలమ్మ పోరాటం ఆత్మగౌరవానికి ప్రతీక అన్నారు. విస్నూర్‌ దేశ్‌ముఖ్‌ దోపిడీకి వ్యతిరేకంగా అయిలమ్మ చేసిన పోరాటం తెలంగాణ చరిత్రలో చిరస్థాయిగా నిలిచిందన్నారు. తెలంగాణ మహిళా కమిషన్‌ సభ్యురాలు, చాకలి ఐలమ్మ మనుమరాలు శ్వేత మాట్లాడుతూ.. ఐలమ్మ ఆత్మగౌరవానికి రాష్ట్ర ప్రభుత్వం విశేష గుర్తింపు ఇవ్వడం సంతోషకరమన్నారు. చాకలి ఐలమ్మ పోరాట చరిత్రను నేటి తరం తెలుసుకోవాల్సిన అవసరం ఉందన్నారు. ఆమె పేరు భారత దేశంలోనే కాకుండా విదేశాల్లోనూ గౌరవంగా నిలిచిందని, రష్యా, జపాన్‌, చైనా, సోవియట్‌ దేశాల్లో కూడా అయిలమ్మ పేరిట గ్రంథాలయాలు ఏర్పాటు చేశారన్నారు. కార్యక్రమంలో అదనపు కలెక్టర్‌ బెన్‌షాలోమ్‌, మున్సిపల్‌ చైర్‌పర్సన్‌ కడకంచి బాలమణిశ్రీనివాస్‌, ఆర్టీఏ సభ్యుడు చిలువేరు అభిగౌడ్‌, జిల్లా బీసీ సంక్షేమ శాఖ అధికారి నరసింహరావు, తెలంగాణ రజక వృత్తిదారుల సంఘం జిల్లా అధ్యక్షుడు మైలారం వెంకటేశ్వర్లు, కొలిపాక నరసింహులు, ఎదునూరి మదార్‌, శివరాజ్‌ యాదవ్‌, పరశురాములు, బక్క శ్రీనివాస్‌ పాల్గొన్నారు. కలెక్టర్‌ సందీప్‌ కుమార్‌ ఝా

జనగామ రూరల్‌: హెచ్‌ఐవీ నియంత్రణ, నివారణ కార్యక్రమంలో 95–95–95 జాతీయ లక్ష్యాలను విజయవంతంగా సాధించి ‘సురక్షిత్‌ జిల్లా’గా గుర్తింపు పొందిన వైద్య ఆరోగ్య శాఖ అధికారులు, సిబ్బందిని కలెక్టర్‌ సందీప్‌ కుమార్‌ ఝా గురువా రం కలెక్టరేట్‌లో అభినందించారు. హెచ్‌ఐవీ, ఎయి డ్స్‌ కేసుల గుర్తింపు, చికిత్సకు అనుసంధానం, చికి త్స పొందుతున్న వారిలో వైరల్‌ సప్రెషన్‌ సాధించడంపై జాతీయ లక్ష్యాలను పూర్తి చేసి గుర్తింపు పొందిందన్నారు. ప్రోగ్రామ్‌ ఆఫీసర్‌ శ్రావ్య, మెడికల్‌ ఆఫీసర్‌ సంతోష్‌, సెలీనా, ప్రోగ్రామ్‌ మేనేజర్‌ స్వప్న మాధురి, సహయోగి రవీందర్‌ పాల్గొన్నారు. లక్ష్యాలను పూర్తి చేయాలి జిల్లాలో ఉద్యాన, వ్యవసాయ, గ్రామీణాభివృద్ధి శాఖల ద్వారా అమలు చేస్తున్న పథకాల లక్ష్యాలను పూర్తి చేయాలని కలెక్టర్‌ సందీప్‌ కుమార్‌ ఝా ఆదేశించారు. గురువారం కలెక్టరేట్‌లో ఉద్యాన శాఖ అధికారులతో సమావేశం నిర్వహించారు. ఈ ఆర్థిక సంవత్సరానికి 2,000 ఎకరాల్లో ఆయిల్‌ పామ్‌ సా గు లక్ష్యంగా ఉండగా, ఇప్పటివరకు 523 ఎకరాల్లో ప్లాంటేషన్‌ పూర్తయిందని తెలిపారు. వారం రోజు ల్లో అదనంగా 250 ఎకరాల ప్లాంటేషన్‌ లక్ష్యాన్ని పూర్తి చేయాలన్నారు. ప్రతీ మండలంలో ఇద్దరు మహిళా రైతులను తేనెటీగల పెంపకం కోసం గు ర్తించడం, పుట్టగొడుగుల పెంపకంపై శిక్షణ ఇవ్వాలన్నారు. డీఏఓ అంబికా సోనీ, ఉద్యాన అధికారి నర్సయ్య, అదనపు డీఆర్డీఓ సూరి పాల్గొన్నారు. సకాలంలో పూర్తి చేయాలి పశుసంవర్ధక శాఖ లక్ష్యాలను సకాలంలో పూర్తి చేయాలని కలెక్టర్‌ సందీప్‌కుమార్‌ ఝా అన్నారు. గురువారం కలెక్టరేట్‌లో జిల్లాలో పశుసంవర్ధక శాఖ అమలు చేస్తున్న నేషనల్‌ డిజిటల్‌ లైవ్‌స్టాక్‌ మిషన్‌, భారత్‌ పశుధన్‌ పోర్టల్‌, 2026–27 పనితీరు, వ్యాక్సినేషన్‌, కృత్రిమ గర్భధారణ, కాన్సెప్షన్‌ రేట్‌, తదితర కార్యక్రమాల పురోగతిపై సమీక్ష నిర్వహించారు. భారత్‌ పశుధన్‌ పోర్టల్‌లో మొత్తం 40,219 మంది పశుపాలకులు నమోదై ఉండగా, వారిలో 15,487 మంది ఆధార్‌ వివరాలు నవీకరించాల్సి ఉందన్నారు. జిల్లాలో మొత్తం 27 పశువైద్య సంస్థలు ఉండగా.. 23 ప్రాథమిక పశువైద్య కేంద్రాలు, 4 ఏరియా వెటర్నరీ ఆస్పత్రులు ఉన్నాయని, అన్ని సంస్థల మ్యాపింగ్‌ భారత్‌ పశుధన్‌ పోర్టల్‌లో పూర్తయిందని తెలిపారు. ఈఏడాది 24,100 కృత్రిమ గర్భధారణలు వార్షిక లక్ష్యంగా నిర్దేశించగా 5,513 సాధించామని తెలిపారు. పశుసంవర్ధక అధికారి మురళీధర్‌ రావు, మున్సిపల్‌ కమిషనర్లు రాజశేఖర్‌ రెడ్డి, రాధాకృష్ణ పాల్గొన్నారు. కలెక్టర్‌ సందీప్‌ కుమార్‌ ఝా అభినందన

రఘునాథపల్లి: మండలంలోని నిడిగొండలోని పలు సర్వే నంబర్ల భూ రికార్డుల్లో చోటు చేసుకున్న మార్పులపై కలెక్టర్‌ సందీప్‌కుమార్‌ఝా సుమోటో రివిజన్‌ చేపట్టి షోకాజ్‌ నోటీసు జారీ చేశారు. నిడిగొండ గ్రామానికి చెందిన మాసంపల్లి శాంతోజి సమర్పించిన పిటిషన్‌, రఘునాథపల్లి తహసీల్దార్‌ నివేదిక ఆధారంగా ఈ చర్యలు తీసుకున్నారు. 1981 నాటి సప్లిమెంటరీ సేత్వార్‌ ప్రకారం సర్వే నంబర్లు 191, 192,193,194లలోని కొన్ని భూభాగాలు పట్టాగా, మరికొన్ని రోడ్డుగా నమోదయ్యాయి. అయితే 1991–92 నుంచి పహణీల్లో అనూహ్య మార్పులు చోటు చేసుకున్నట్లు తేలింది. రోడ్డు కోసం సేకరించిన స్థలం పట్టా భూమిలో కలవడం, పట్టా భూములు సర్కారీగా మారడం వంటి వ్యత్యాసాలు గుర్తించారు. జాతీయ రహదారి నిర్మాణంలో స్వాధీనం చేసుకున్న కొన్ని భూములను ఆర్‌అండ్‌బీగా పేర్కొన్న అంశంపైనా పూర్తిస్థాయి విచారణ జరపనున్నారు. ఈ సర్వే నంబర్లలో హక్కులు, సాగు, పట్టా ఉన్న వారు తమ వద్ద ఉన్న ఆధారాలతో ఈ నెల 21న అభ్యంతరాలు, 24న కలెక్టరేట్‌ కోర్టు హాల్‌లో విచారణ నిర్వహించనున్నట్లు తెలిపారు. సమయపాలన పాటించాలిరఘునాథపల్లి: వైద్యారోగ్య సిబ్బంది సమయపాలన పాటించాలని డీఎంహెచ్‌ఓ వాణిశ్రీ అన్నారు. గురువారం ఉదయం ఆమె రఘునాథపల్లి ప్రాథమిక ఆరోగ్యకేంద్రాన్ని ఆకస్మికంగా తనిఖీ చేశారు. ఆస్పత్రిలో అందుతున్న వైద్య సేవలు, సిబ్బంది హాజరు రిజిస్టర్‌, జాతీయ ఆరోగ్య కార్యక్రమాల అమలు తీరును పరిశీలించారు. ప్రభుత్వం అమలు చేస్తున్న జాతీయ ఆరోగ్య కార్యక్రమాలను సమర్థవంతంగా నిర్వహించాలని ఆదేశించారు. ఆస్పత్రిలో ప్రసవాల సంఖ్యను పెంచేందుకు సిబ్బంది కృషి చేయాలన్నారు. సీజనల్‌ వ్యాధులపై ప్రజలకు అవగాహన కల్పిస్తూ, వ్యాధుల నియంత్రణకు తగు చర్యలు చేపట్టాలని సూచించారు. కార్యక్రమంలో మండల వైద్యాధికారి స్రవంతి, సీహెచ్‌ఓలు రామ్‌కిషన్‌, జయపాల్‌రెడ్డి, సూపర్‌వైజర్‌ సులోచన, వైద్య సిబ్బంది పాల్గొన్నారు. స్పార్క్‌ ఫేస్‌ ఆఫ్‌ ఇండియా–26కు నిట్‌ డైరెక్టర్‌ ఎంపిక కాజీపేట అర్బన్‌: నిట్‌ వరంగల్‌ డైరెక్టర్‌ బిద్యాధర్‌ సుబుదీని ఇండియా స్పార్క్‌ సంస్థ ఇండియా స్పార్క్‌ ఫేస్‌ ఆఫ్‌ ఇండియా–26కు ఎంపిక చేసి గురువారం సత్కరించింది. 2023వ సంవత్సరం నుంచి నిట్‌ వరంగల్‌ డైరెక్టర్‌గా, 30 ఏళ్ల నుంచి విద్యా పరిశోధన రంగాల్లో వివిష్ట ప్రతిభ కనబరుస్తున్న నిట్‌ డైరెక్టర్‌ను ఇండియా స్పార్క్‌ ఫేస్‌ ఆఫ్‌ ఇండియా–26కు ఎంపిక చేసినట్లు ఇండియా స్పార్క్‌ సంస్థ సీఈఓ రూపా తంతి తెలిపారు. హన్మకొండ కల్చరల్‌: గణపతి నవరాత్రి ఉత్సవాలను మత సామరస్యంతో, కులాలకు అతీతంగా ధార్మిక నిష్టతో జరుపుకోవాలని హంపీ విద్యారణ్య పీఠాధిపతి గోవిందానంద సరస్వతీస్వామి అన్నారు. బుధవారం రాత్రి హనుమకొండలోని వేయిస్తంభాల ఆలయాన్ని స్వామీజీ సందర్శించి రుద్రేశ్వరస్వామికి మహాస్యాసపూర్వక రుద్రాభిషేకం, పంచామృతాభిషేకం నిర్వహించుకున్నారు. ఈసందర్భంగా ఆలయ ఈఓ అనిల్‌కుమార్‌, ప్రధానార్చకుడు గంగు ఉపేంద్రశర్మ ఆయనను ఆలయ మర్యాదలతో స్వాగతించారు. పూజల అనంతరం ఆలయ మహామండపంలో స్వామీజీకి పండ్లు తాంబూలం అందజేశారు. భక్తులను ఉద్దేశించి స్వామిజీ అనుగ్రహభాషణం చేశారు. స్వామీజీ మాట్లాడుతూ.. వరంగల్‌లోనే చాతుర్మాస దీక్ష నిర్వహిస్తున్నానని, జిల్లాలోని దేవాలయాలను సందర్శించి శిథిలమైన దేవాలయాలను పునర్జీవింపజేసేందుకు ప్రభుత్వానికి నివేదిక అందజేస్తానని పేర్కొన్నారు.

జనగామ: వానాకాలం (2026–27)కు సంబంధించి నిర్వహిస్తున్న డిజిటల్‌ క్రాప్‌ సర్వే(డీసీఎస్‌)లో జిల్లా 23.4 శాతం ప్రగతిని నమోదు చేసింది. జిల్లాలోని 176 రెవెన్యూ గ్రామాల్లో 5,61,222 వ్యవసాయ క్షేత్రాలను సర్వే చేయాల్సి ఉండగా, ఇప్పటి వరకు 1,31,424 క్షేత్రాల వివరాలను సేకరించారు. దీంతో నిర్దేశించిన మొత్తం క్షేత్రాల్లో దాదాపు నాలుగో వంతు సర్వే పూర్తయింది. డిజిటల్‌ సర్వేలో జనగామ జిల్లా.. రాష్ట్రంలో 10వ స్థానంలో నిలిచింది. జిల్లాలో డిజిటల్‌ పంటల సర్వే కోసం 176 మంది వలంటీర్లు రిజిస్టర్‌ చేసుకున్నారు. వీరిలో 173 మంది యాప్‌ను ఇన్‌స్టాల్‌ చేసుకుని సర్వే ప్రారంభించారు. మొత్తం 5,61,222 ఫార్మ్‌ ఫీల్డ్స్‌ కేటాయించగా, 1,31,424 ఫీల్డ్స్‌ సర్వే పూర్తయింది. మిగిలిన క్షేత్రాల వివరాల సేకరణ రోజువారీగా కొనసాగుతోంది. మొత్తం 5,61,222 క్షేత్రాల్లో ఇప్పటి వరకు 1,31,424 క్షేత్రాల సర్వే పూర్తికాగా.. ఇంకా 4,29,798 క్షేత్రాల సర్వే పూర్తి చేయాల్సి ఉంది. అంటే జిల్లాలో కేటాయించిన క్షేత్రాల్లో సుమారు 76.6 శాతం సర్వే మిగిలి ఉంది. ప్రస్తుతం ఉన్న ప్రగతిని పరిశీలిస్తే మిగిలిన క్షేత్రాల సర్వేను వేగవంతం చేయాల్సిన అవసరం కనిపిస్తోంది. గ్రామాల వారీగా సర్వేను పర్యవేక్షిస్తూ వలంటీర్లకు అవసరమైన సహకారం అందిస్తే క్షేత్రాల నమోదులో మరింత పురోగతి సాధించే అవకాశం ఉంది. డిజిటల్‌ పంటల సర్వే రాష్ట్ర వ్యాప్తంగా 21.4 శాతం పూర్తయిన సమయంలో జనగామ జిల్లాలో 23.4 శాతం పూర్తయి రాష్ట్ర సగటు కంటే 2 శాతం ముందుంది. రాష్ట్రంలోని జిల్లాల ప్రగతిలో జనగామ 10వ స్థానంలో నిలిచింది. జిల్లా స్థాయిలో నమోదైన ఈ ప్రగతి పంటల వివరాల డిజిటల్‌ నమోదు ప్రక్రియలో జనగామ ముందంజలో ఉందని సూచిస్తోంది. జిల్లాలో 5,61,222 క్షేత్రాల్లో 1,31,424 క్షేత్రాల వివరాలు నమోదు కావడంతో ఇప్పటి వరకు సర్వే చేసిన క్షేత్రాల వాటా 23.4 శాతంగా ఉంది. మరోవైపు 4,29,798 క్షేత్రాలు సర్వే కోసం మిగిలి ఉన్నాయి. 173 మంది వలంటీర్లు ఇప్పటికే యాప్‌ ద్వారా సర్వేలో పాల్గొంటుండటంతో మిగిలిన క్షేత్రాల నమోదును వేగవంతం చేయడం కీలకంగా మారింది. క్షేత్రస్థాయిలో పంటల వివరాల నమోదు పూర్తయితే జిల్లాలో సాగు విస్తీర్ణం, పంటల పరిస్థితిపై మరింత స్పష్టమైన డిజిటల్‌ సమాచారం అందుబాటులోకి వచ్చే అవకాశం ఉంది.కేటాయించిన రెవెన్యూ గ్రామాలు 176కేటాయించిన వ్యవసాయ క్షేత్రాలు 5,61,222పూర్తయిన వ్యవసాయ క్షేత్రాలు 1,31,424మిగిలిన ఫార్మ్‌ ఫీల్డ్‌ 4,29,798సర్వే ప్రారంభించిన వలంటీర్లు 173శాతం పూర్తయిన డిజిటల్‌ ప్రక్రియ 23.4 రాష్ట్రంలో జనగామ జిల్లా స్థానం 10 23.4 శాతం పూర్తయిన డిజిటల్‌ ప్రక్రియ 176 రెవెన్యూ గ్రామాల్లో నిర్వహణ

నర్మెట: రైతులు ప్రత్యామ్నాయ పంటలవైపు అడుగు వేయాలని ఎంఆర్‌ఎంఏ 2.0, మైసూర్‌ సీఎస్‌బీ–సీఎస్‌ఆర్‌టీఐ శాస్త్రవేత్తలు అన్నారు. సర్పంచ్‌ లింగాల హైమ రమేష్‌ అధ్యక్షతన గురువారం మచ్చుపహాడ్‌లో ఏర్పాటు చేసిన రైతు అవగాహన సదస్సులో శాస్త్రవేత్తలు రవివర్మ, శ్రీనాథ్‌, యాదాద్రి భువనగిరి, జనగామ జిల్లాల డీఎస్‌ఓలు నవీన్‌, పాపిరెడ్డి, ములుగు ఆర్‌ఎస్‌ఆర్‌ఎస్‌ అధిపతి తిరుపతి రెడ్డి మాట్లాడారు. సంప్రదాయ పద్ధతిలో కాకుండా నూతన శాసీ్త్రయ విధానంలో మార్కెట్‌ డిమాండ్‌ను దృష్టిలో ఉంచుకుని సాగు చేపట్టాలన్నారు. రైతులు ఆర్థికంగా ఎదిగితేనే గ్రామీణ, దేశ ఆర్థిక వ్యవస్థ బలోపేతమవుతుందని అన్నారు. పంట మార్పిడిలో భాగంగా అపరాలు, సిరిధాన్యాలతోపాటుగా మల్బరీ సాగు చేపట్టాలని, క్లస్టర్‌ విధానంలో సామూహికంగా 50 ఎకరాలకు మించి మల్బరీ సాగు చేపడితే సాంకేతిక మార్గదర్శకత్వం అందించనున్నట్లు తెలిపారు.

జనగామ రూరల్‌: ఉప సర్పంచ్‌ల చెక్‌ పవర్‌ను తొలగించాలని కోరుతూ కొంతమంది సర్పంచులు కలెక్టర్‌కు వినతిపత్రం సమర్పించడం సరికాదని జిల్లా ఉప సర్పంచుల ఫోరం నాయకులు పేర్కొన్నారు. ఈమేరకు గురువారం కలెక్టర్‌ను కలిసి తమ అభిప్రాయాలను, వాస్తవ పరిస్థితులను వివరించారు. అసందర్భంగా ఉప సర్పంచుల ఫోరం జిల్లా అధ్యక్షుడు పండుగ హరీశ్‌ ముదిరాజ్‌ కలెక్టర్‌ను కలిసి వినతిపత్రం అందజేసి, మాట్లాడారు. గ్రామపంచాయతీల్లో పారదర్శకత, జవాబుదారీతనం, సమష్టి నిర్ణయాలు ఉండాలంటే సర్పంచ్‌తోపాటు ఉప సర్పంచ్‌కు బాధ్యతలు, అధికారాలు ఉండాలని అన్నారు. అధికారాల విషయంలో పరస్పరం విభేదించకుండా గ్రామాభివృద్ధి కోసం సర్పంచ్‌, ఉ ప సర్పంచ్‌, వార్డు సభ్యులు సమన్వయంతో పనిచేయాలని సూచించారు. గ్రామాలకు నిధులు తీసుకురావడం, పెండింగ్‌లో ఉన్న అభివృద్ధి పనులను పూర్తి చేయడం, ప్రజలకు మౌలిక వసతులు కల్పించడంపై పాలకవర్గాలు దృష్టి సారించాల్సిన సమయంలో చెక్‌ పవర్‌ తొలగించాలని కోరడం బాధాకరమన్నారు. వ్యక్తిగత ఆధిపత్యం కోసం కాకుండా ప్రజల సంక్షేమం, సమగ్ర అభివృద్ధే లక్ష్యంగా ముందుకు సాగాలని పిలుపునిచ్చారు. కార్యక్రమంలో ఫోరం జిల్లా ప్రధాన కార్యదర్శి కృష్ణారెడ్డి, కార్యదర్శులు పుప్పాల కర్ణాకర్‌, కిషన్‌ గౌడ్‌, జిల్లా సోషల్‌ మీడియా కన్వీనర్‌ రాజిరెడ్డి, తిరుపతిరెడ్డి, కిరణ్‌ గౌడ్‌, చిలువేరు మహేందర్‌, వెంకటరాజ్‌ గౌడ్‌, కొండబోయిన రాజు యాదవ్‌, అనిల్‌ కుమార్‌, పాపిరెడ్డి, నరేందర్‌, ఉడుతల రాజు, సంపత్‌ రెడ్డి, రవి, సంపత్‌, సందీప్‌, కల్యాణ్‌ పాల్గొన్నారు.ఉపసర్పంచ్‌ల ఫోరం జిల్లా అధ్యక్షుడు హరీశ్‌

జనగామ: జిల్లాలో ఎస్‌ఐఆర్‌ ప్రక్రియలో నోటీసుల జారీ, వాటి డెలివరీ, విచారణ తదితర అంశాలకు సంబంధించిన ప్రక్రియ కొనసాగుతోంది. జనగామ, స్టేషన్‌ ఘన్‌పూర్‌, పాలకుర్తి అసెంబ్లీ నియోజకవర్గాల పరిధిలో 1,63,891 కేసులు ఉండగా, వీటిలో 1,63,890 నోటీసులు జనరేట్‌ చేశారు. 1,32,250 నోటీసులు డెలివరీ కాగా, 31,640 నోటీసులు డెలివరీకి పెండింగ్‌లో ఉన్నాయి. ఇప్పటి వరకు 39,068 కేసుల్లో విచారణ పూర్తికాగా.. 47,186 కేసులకు హియరింగ్‌ డేట్‌ నమోదైంది. 57 కేసులు లాప్స్‌ కాగా, 6,414 కేసులకు రీషెడ్యూల్‌ తేదీ నమోదైంది. 2,993 కేసులు లాప్స్‌ టోటల్‌గా నమోదయ్యాయి. తుది ప్రచురణకు 32,308 కేసులు ఇన్‌ఎలిజిబుల్‌గా గుర్తించగా, మొత్తం 225 కేసులు నోటీసుల జనరేషన్‌ కు సంబంధించి పార్క్‌ చేసినట్లు రిపోర్టులో పేర్కొంది. జనగామ నియోజకవర్గంలో.. జనగామ నియోజకవర్గంలో 55,974 కేసులు ఉండగా 55,972 నోటీసులు జనరేట్‌ అ య్యాయి. వీటిలో 37,450 నోటీసులు డెలివరీ కాగా, మరో 18,522 నోటీసులు డెలివరీకి పెండింగ్‌లో ఉన్నా యి. 5,106 కేసుల్లో విచారణ పూర్తయింది. 16,167 కేసులకు హియరింగ్‌ డేట్‌ నమోదైంది. 2,259 కేసులకు రీషెడ్యూల్‌ తేదీ ఉండగా, 995 కేసులు లాప్స్‌ అయినట్లు రిపోర్టులో నమోదైంది. తుది ప్రచురణకు 2,815 కేసులు ఇన్‌ఎలిజిబుల్‌గా గుర్తించగా, నోటీసుల జనరేషన్‌కు సంబంధించి 4 కేసులు పార్క్‌ చేసినట్లు గణాంకాలు చూపుతున్నాయి. ‘స్టేషన్‌’లో.. స్టేషన్‌ ఘన్‌పూర్‌ నియోజకవర్గంలో 37,963 కేసులు నమోదుకాగా.. 37,964 నోటీసులు జనరేట్‌ అయ్యాయి. 34,866 నోటీసులు డెలివరీ కాగా.. మరో 3,098 నోటీసులు డెలివరీకి పెండింగ్‌లో ఉన్నాయి. 12,050 కేసుల్లో విచారణ పూర్తయింది. 9,702 కేసులకు హియరింగ్‌ డేట్‌ నమోదైంది. 53 కేసులు లాప్స్‌ కాగా, 1,741 కేసులకు రీషెడ్యూల్‌ తేదీ నమోదైంది. 780 కేసులు లాప్స్‌ టోటల్‌గా నమోదయ్యాయి. తుది ప్రచురణకు 10,262 కేసులు ఇన్‌ఎలిజిబుల్‌గా గుర్తించగా, నోటీసుల జనరేషన్‌కు సంబంధించి 221 కేసులు పార్క్‌ చేసినట్లు రిపోర్టులో ఉంది. పాలకుర్తిలో.. పాలకుర్తి నియోజకవర్గంలో అత్యధికంగా 69,954 కేసులు నమోదయ్యాయి. ఇదే సంఖ్యలో నోటీసులు జనరేట్‌ అయ్యాయి. వీటిలో 59,934 నోటీసులు డెలివరీ కాగా, 10,020 నోటీసులు డెలివరీకి పెండింగ్‌లో ఉన్నాయి. 21,912 కేసుల్లో విచారణ పూర్తయింది. 21,317 కేసులకు హియరింగ్‌ డేట్‌ నమోదైంది. 4 కేసులు లాప్స్‌ కాగా, 2,414 కేసులకు రీషె డ్యూల్‌ తేదీ నమోదైంది. 1,218 కేసులు లాప్స్‌ టో టల్‌గా నమోదయ్యాయి. తుది ప్రచురణకు 39 కే సులు ఇన్‌ఎలిజిబుల్‌గా గుర్తించగా, నోటీసుల జనరేషన్‌కు సంబంధించి పార్క్‌ చేసిన కేసులు లేవు. జిల్లాలో నోటీసుల జనరేషన్‌ ప్రక్రియ దాదాపు పూ ర్తికాగా, ప్రస్తుతం నోటీసుల డెలివరీ, హియరింగ్‌, రీషెడ్యూల్‌, తదుపరి పరిశీలన ప్రక్రియలపై అధికా రులు దృష్టి సారించినట్లు స్పష్టమవుతోంది. జిల్లాలో కొనసాగుతున్న విచారణ మొత్తం కేసులు 1,63,891

జనగామ రూరల్‌: ప్రజాకవి కాళోజీ నారాయణరావు తెలంగాణ ఆత్మను, ప్రజల జీవనాన్ని తన కవిత్వంలో ప్రతిబింబించిన మహోన్నత వ్యక్తి అని, ఆయన ఆశయాలను ప్రతిఒక్కరూ అనుసరించాల ని కలెక్టర్‌ సందీప్‌ కుమార్‌ ఝా అన్నారు. బుధవా రం జిల్లా పాఠశాల విద్యాశాఖ ఆధ్వర్యంలో తెలంగాణ భాషా దినోత్సవం సందర్భంగా ప్రజాకవి కాళోజీ నారాయణరావు 112వ జయంతిని కలెక్టర్‌ కార్యాలయంలో నిర్వహించారు. ఈ సందర్భంగా కలెక్టర్‌ సందీప్‌కుమార్‌ ఝా కాళోజీ చిత్రపటానికి పూలమాల వేసి నివాళులర్పించారు. అనంతరం ఆయన మాట్లాడుతూ కాళోజీ తెలుగు మాత్రమే కాకుండా ఉర్దూ, హిందీ, మరాఠీ, ఆంగ్లం తదితర భాషల్లో కవితలు రచించిన బహుభాషా కోవిదుడిగా నిలిచారన్నారు. కాళోజీ ఆశయాలు, మానవతా దృక్పథం, సామాజిక న్యాయం కోసం చూపిన మార్గాన్ని ప్రతిఒక్కరూ అనుసరించాలని పిలుపునిచ్చారు. ఈ కార్యక్రమంలో అదనపు కలెక్టర్‌ బెన్‌షాలోమ్‌, అధికారులు, సర్పంచులు పాల్గొన్నారు. అలాగే కాళోజీ జయంతి సందర్భంగా జనగామ మున్సిపల్‌ కార్యాలయంలో చైర్మన్‌ కడకంచి బాలమణి, కమిషనర్‌ రాజశేఖర్‌రెడ్డి నారాయణరావు చి త్రపటానికి పూలమాల వేసి నివాళులర్పించారు. కలెక్టర్‌ సందీప్‌కుమార్‌ ఝా

జనగామ: రహదారి, ఫుట్‌పాత్‌ ప్రాంతాన్ని ఆక్రమిస్తూ నిర్మాణాలు చేపట్టారన్న ఫిర్యాదుల మేరకు జనగామ మున్సిపల్‌ అధికారులు బుధవారం చర్యలు చేపట్టారు. హైదరాబాద్‌ రోడ్డులోని శ్రీ లైఫ్‌కేర్‌ హాస్పిటల్‌కు సంబంధించిన పలు నిర్మాణాలను మున్సిపల్‌ సిబ్బంది తొలగించారు. రోడ్డు వైపున ఏర్పాటు చేసిన మెట్లు, జనరేటర్‌, ట్రాన్స్‌ఫార్మర్‌కు సంబంధించిన నిర్మాణాలు రాకపోకలకు ఇబ్బందికరంగా మారుతున్నాయన్న ఫిర్యాదులు అధికారుల దృష్టికి వెళ్లగా, మున్సిపల్‌ సిబ్బంది యంత్రాలతో అక్కడికి చేరుకుని ఆక్రమణగా గుర్తించిన నిర్మాణాలను తొలగించారు. ప్రజల రాకపోకలకు ఆటంకం కలిగించే విధంగా ప్రభుత్వ, మున్సిపల్‌ స్థలాలు, రహదారులు, ఫుట్‌పాత్‌లను ఆక్రమించడం నిబంధనలకు విరుద్ధమని అధికారులు పేర్కొన్నారు. కాగా పట్టణంలో రహదారులు, ఫుట్‌పాత్‌లు, ప్రభుత్వ, మున్సిపల్‌ స్థలాలను ఆక్రమించి నిర్మాణాలు చేపడితే నిబంధనల ప్రకారం చర్యలు తీసుకుంటామని మున్సిపల్‌ కమిషనర్‌ రాజశేఖర్‌రెడ్డి హెచ్చరించారు.

జనగామ: జనగామ వైద్య కళాశాలకు పీజీ సీట్ల కేటాయింపునకు సంబంధించి నేషనల్‌ మెడికల్‌ కౌన్సిల్‌ (ఎన్‌ఎంసీ) బృందం బుధవారం మరోసారి కళాశాలను సందర్శించి వసతి, వైద్య సౌకర్యాలను పరిశీలించింది. గుజరాత్‌కు చెందిన అనస్తీషియా విభాగం ఇన్‌స్పెక్టర్‌, ఆంధ్రప్రదేశ్‌లోని కడపకు చెందిన గైనకాలజీ విభాగం ప్రతినిధులు పరిశీలనలో పాల్గొన్నారు. మెడికల్‌ కళాశాల ప్రిన్సిపాల్‌ డాక్టర్‌ నాగమణి, జనగామ ప్రభుత్వ జనరల్‌ ఆస్పత్రి సూపరింటెండెంట్‌ డాక్టర్‌ శంకర్‌తో కలిసి ఎన్‌ఎంసీ బృందం పీజీ సీట్ల కేటాయింపునకు అవసరమైన మౌలిక వసతులు, బోధనా సిబ్బంది, వైద్య పరికరాలు, ఇతర సౌకర్యాలను పరిశీలించారు. చంపక్‌హిల్స్‌లోని ప్రస్తుత మెడికల్‌ కళాశాలతో పాటు నూతనంగా ప్రారంభానికి సిద్ధంగా ఉన్న కళాశాల భవనాన్ని బృందం పరిశీలించింది. 11 పీజీ సీట్లకు సంబంధించి తాజా పరిశీలన పూర్తయింది. జనగామ మెడికల్‌ కళాశాలకు వివిధ విభాగాల్లో కలిపి మొత్తం 50 పీజీ సీట్లు కేటాయించే అవకాశం ఉంది. ఇందుకు సంబంధించిన ఫ్యాకల్టీ, బోధన, వైద్య పరికరాలు, మౌలిక వసతులు, వసతి సౌకర్యాల వివరాలతో కూడిన సమగ్ర నివేదికను ఎన్‌న్‌ఎంసీకి అధికారులు ఇప్పటికే ఆన్‌లైన్‌లో అప్‌లోడ్‌ చేశారు. కేంద్ర బృందం పరిశీలన అనంతరం పీజీ సీట్ల కేటాయింపుపై స్పష్టత వచ్చే అవకాశం ఉంది.

జనగామ, స్టేషన్‌ఘన్‌పూర్‌ మున్సిపల్‌ కార్యాలయాల్లో పౌరులకు వేగవంతమైన, పారదర్శకమైన సేవలు అందించాలనే లక్ష్యంతో ప్రభుత్వం ప్రవేశ పెట్టిన ‘సిటిజన్‌ చార్ట్‌’ సేవల్లో జాప్యం జరుగుతోంది. జనన, మరణ ధ్రువీకరణ పత్రాలు, పింఛన్‌ సేవలు, ఇంటి నిర్మాణ అనుమతులు, నల్లా పన్ను, టౌన్‌ ప్లానింగ్‌ తదితర సేవల కోసం పట్టణ ప్రజలు మున్సిపల్‌ కార్యాలయాల చుట్టూ కాళ్లరిగేలా తిరుగుతున్నారు. బుధవారం జిల్లాలోని రెండు మున్సిపాలిటీ సేవలు, సిటిజన్‌ చార్ట్‌ అమలుపై ‘సాక్షి’ క్షేత్రస్థాయిలో పరిశీలించింది. –జనగామజనన, మరణ ధ్రువీకరణ పత్రాల జారీలో ఆలస్యం జనగామ మున్సిపాలిటీలో సిటిజన్‌ చార్ట్‌ అమలు, సేవల విషయంలో కొంత మెరుగుదల కనిపిస్తున్నా.. జనన, మరణ ధ్రువీకరణ పత్రాలు, పింఛన్‌ సేవల్లో ప్రజలు ఇబ్బందులు పడుతున్నారు. రెవెన్యూ, టౌన్‌ ప్లానింగ్‌, శానిటేషన్‌ తదితర విభాగాల్లో సేవలు సజావుగా అందుతున్నాయి. ఆగస్టు నుంచి సెప్టెంబర్‌ వరకు 30 ఇళ్ల నిర్మాణ అనుమతులు మంజూరు చేయగా.. రెండు దరఖాస్తులు స్వల్ప సవరణ కోసం హోల్డ్‌లో ఉంచి, వాటిని పూర్తి చేయాలని యజమానులకు సూచించారు. అయితే జనన, మరణ ధ్రువపత్రాల కోసం వచ్చిన వారికి సంబంధిత అధికారి అందుబాటులో లేకపోవడం, సరైన సమాచారం అందకపోవడంతో ఇబ్బందులు తప్పడం లేదు. ఇక పింఛన్‌ కోసం వచ్చే వారికి ఎవరిని సంప్రదించాలో స్పష్టత లేకపోవడంతో ఆవేదన వ్యక్తమవుతోంది. కమిషనర్‌ రాజశేఖర్‌రెడ్డి, చైర్‌పర్సన్‌ కడకంచి బాలమణి శ్రీనివాస్‌ ఎప్పటికప్పుడు సిబ్బందిని అప్రమత్తం చేస్తున్నారు. కలెక్టర్‌ కూడా పురపాలిక సేవలపై ప్రత్యేకంగా పర్యవేక్షిస్తున్నారు. పేరుకే మున్సిపాలిటీ.. కనిపించని సిటిజన్‌ చార్ట్‌ బోర్డు స్టేషన్‌ఘన్‌పూర్‌: డివిజన్‌ కేంద్రమైన స్టేషన్‌ఘన్‌పూర్‌ మున్సిపాలిటీగా ఏర్పడి దాదాపు రెండు సంవత్సరాలు గడిచి పోతున్నా ప్రధాన శాఖల అధికారులందరూ ఇన్‌చార్జ్‌లు గానే ఉండడంతో పురపాలికలో పూర్తిస్థాయిలో సేవలు అందడం లేవు. మున్సిపాలిటీ కార్యాలయంలో ఉండాల్సిన సిటిజన్‌ చార్ట్‌ కార్యాలయ మాడిఫికేషన్‌లో భాగంగా పదిరోజుల క్రితం తొలగించారు. ప్రస్తుతం సిటిజన్‌ చార్ట్‌ కనిపించడం లేదు. సిటిజన్‌ చార్ట్‌లో పేర్కొన్న విధంగా ఏ ఒక్క పని జరగడం లేదు. టౌన్‌ ప్లానింగ్‌ అధికారి ఇన్‌చార్జ్‌ కావడం, ప్రతీ వారం శుక్ర, శనివారాల్లో మాత్రమే రావడంతో ఇంటి నిర్మాణాల అనుమతుల కోసం వచ్చే ప్రజలు రోజుల తరబడి తిరగాల్సి వస్తుంది. మున్సిపల్‌ కమిషనర్‌, మేనేజర్‌, ఏఈ, సీనియర్‌ అసిస్టెంట్‌, అకౌంటెంట్‌ మినహా అందరూ ఇన్‌చార్జ్‌లే ఉన్నారు. వివిధ సర్టిఫికెట్ల కోసం మున్సిపాలిటీకి వస్తున్న ప్రజలు రోజుల తరబడి తిరగాల్సి వస్తుంది. సర్టిఫికెట్ల జారీలో ఆలస్యం ఇబ్బందుల్లో పట్టణ వాసులు ‘సాక్షి’ విజిట్‌లో పలు విషయాలు వెలుగులోకి..

జనగామ రూరల్‌: మట్టి గణపతులను పూజించి ప్రతిఒక్కరూ పర్యావరణాన్ని కాపాడాలని కలెక్టర్‌ సందీప్‌ కుమార్‌ ఝా అన్నారు. బుధవారం కలెక్టర్‌ కార్యాలయంలోని మెయిన్‌ కాన్ఫరెన్స్‌ హాల్లో అదనపు కలెక్టర్‌ బెన్‌షాలోమ్‌, డీసీపీ రాజమహేంద్ర నాయక్‌లతో కలిసి గణేష్‌ ఉత్సవ కమిటీ సభ్యులు, ముస్లిం శాంతి కమిటీ సభ్యులు, మండపాల నిర్వాహకులతో గణేష్‌ నవరాత్రి ఉత్సవాలు, నిమజ్జనం కార్యక్రమాలపై సమన్వయ సమావేశాన్ని నిర్వహించారు. ఈ సందర్భంగా కలెక్టర్‌ మాట్లాడుతూ జిల్లాలో మొత్తం 770 చెరువులు ఉన్నాయని, దాదాపుగా జిల్లాలో 2వేల గణేష్‌ ప్రతిమల నిమజ్జనం జరుగుతుందన్నారు. గణేష్‌ మండపాల వద్ద రాకపోకలకు ఎటువంటి ఇబ్బందులు లేకుండా ప్రవేశ, నిష్క్రమణ మార్గాలను స్పష్టంగా గుర్తించే విధంగా బోర్డులు ఏర్పాటు చేయాలన్నారు. వీధి లైటింగ్‌ పూర్తిస్థాయిలో పనిచేసేలా చూడాలని డీపీఓకు ఆదేశించారు. నిమజ్జన ఘాట్‌ల వద్ద భద్రతకు అత్యంత ప్రాధాన్యం ఇవ్వాలన్నారు. అన్ని శాఖలతో సమన్వయంతో ఉత్సవాలను విజయవంతం చేయాలన్నారు. జిల్లాలో శోభాయాత్ర సాగే ప్రధాన మార్గాల్లో, నిమజ్జన ఘాట్ల వద్ద పోలీస్‌ శాఖ పటిష్టమైన పోలీస్‌ బందోబస్తు ఏర్పాటు చేయాలన్నారు. డీసీపీ మాట్లాడుతూ వినాయక మండపాల నిర్వాహకులు పోలీస్‌ శాఖ వెబ్‌సైట్‌లో పూర్తి వివరాలను నమోదు చేసి, అనుమతి పొందాలన్నారు. అనంతరం తెలంగాణ కాలుష్య నియంత్రణ మండలి రూపొందించిన గోడ పత్రికలను ఆవిష్కరించారు. ఈ కార్యక్ర మంలో ఆర్డీఓలు గోపీరాం, కిరణ్‌ ప్రకాష్‌, వర్ధన్నపేట ఏసీపీలు భీం శర్మ, నర్సయ్య, మున్సిపల్‌ కమిషనర్‌లు రాజశేఖర్‌ రెడ్డి, రాధాకృష్ణ, డీపీఓ వెంకట్‌ రెడ్డి, మత్స్య శాఖ అధికారి రాణా ప్రతాప్‌, ఎస్‌ఈ ఎన్పీడీసీఎల్‌ సంపత్‌ రెడ్డి, డీఎంహెచ్‌ఓ వాణి శ్రీ, ఆర్టీఓ శిల్ప తదితరులు పాల్గొన్నారు. కలెక్టర్‌ సందీప్‌ కుమార్‌ ఝా

జనగామ: గ్రామ పంచాయతీలకు అవసరమైన నిధులు విడుదల చేయడంతో పాటు సర్పంచుల హక్కులను పరిరక్షించాలని కోరుతూ జిల్లా సర్పంచుల ఫో రం ఆధ్వర్యంలో బుధవారం కలెక్టర్‌కు వినతిపత్రం సమర్పించారు. జిల్లాలోని వివిధ గ్రామాల సర్పంచులు కలిసి తమ సమస్యలను కలెక్టర్‌ దృష్టికి తీసుకెళ్లారు. ఈ సందర్భంగా సర్పంచులు మాట్లాడుతూ గ్రామాల్లో ప్రజలకు అత్యంత చేరువగా పనిచేసే ప్రజాప్రతినిధులు సర్పంచులేనని, గ్రామంలో ఏ సమస్య తలెత్తినా ప్రజలు తొలుత సర్పంచులను ఆశ్రయిస్తారన్నారు. అయితే గ్రామాల అభివృద్ధికి బాధ్యత వహిస్తున్న సర్పంచులకు తగిన అధికారాలు, నిధులు, విధుల్లో ప్రాధాన్యం లేకపోవడంతో ఇబ్బందులు ఎదురవుతున్నాయన్నారు. పెండింగ్‌ నిధులను విడుదల చేసి, సర్పంచ్‌లకు రావాల్సిన హక్కులు కల్పించాలన్నారు. తమ వినతిపై ప్రభుత్వం, జిల్లా అధికారులు సానుకూలంగా స్పందించి సమస్యలను త్వరగా పరిష్కరిస్తారని సంఘం జిల్లా అధ్యక్షుడు శ్రీధర్‌ ఆశాభావం వ్యక్తం చేశారు. కలెక్టర్‌కు జిల్లా సర్పంచ్‌ల ఫోరం వినతి

జనగామ: జిల్లాలో పంటల సాగు సవాల్‌గా మారింది. పొలంలో పంట ఉన్నా, కీలక దశలో తగినంత తేమ అందకపోవడంతో పంటలపై వాతావరణ ఒత్తిడి పెరుగుతోంది. ఎల్‌నినో పరిస్థితులతో పాటు వర్షాల అసమాన పంపిణీ, పొడి విరామాలు జిల్లాలో సాగుకు సవాల్‌గా మారాయి. సెప్టెంబర్‌, అక్టోబర్‌ నెలలు పంటల పెరుగుదల, పూత, కాయ, గింజ అభివృద్ధి దశలకు కీలకం కావడంతో రైతులు అప్రమత్తంగా ఉండాలని వ్యవసాయ నిపుణులు సూచిస్తున్నారు. ఇందుకు సంబంధించి జనగామ రైతు విజ్ఞాన కేంద్రం శాస్త్రవేత్త డాక్టర్‌ వి.రమ్య వెల్లడించారు. ఈ ఏడాది జూన్‌ 1 నుంచి సెప్టెంబర్‌ 2 వరకు జిల్లాలో సాధారణ వర్షపాతం 517.9 మి.మీ. కాగా 291.5 మి.మీ. మాత్రమే నమోదై 43.7 శాతం లోటు కనిపించింది. జిల్లాకు నైరుతి రుతుపవనాల సాధారణ వర్షపాతం 670.1 మి.మీ.గా ఉంది. జిల్లాలో 3.26 లక్షల ఎకరాల్లో సాగు వర్షాభావ పరిస్థితుల మధ్య కూడా జిల్లాలో సాగు గణనీయంగానే కొనసాగింది. సెప్టెంబర్‌ 2 నాటికి 3,26,548 ఎకరాల్లో పంటలు సాగయ్యాయి. సాధారణ సాగు విస్తీర్ణం 3,59,281 ఎకరాలు కాగా 91 శాతం సాగు పూర్తయింది. గతేడాది ఇదే సమయానికి 3,24,013 ఎకరాల్లో సాగు నమోదవగా, ఈ ఏడాది స్వల్పంగా పెరిగింది. పెరిగిన పత్తి సాగు.. పంటల సాగు నమూనాలో స్వప్ప మార్పు కనిపిస్తోంది. గతేడాది 1,80,898 ఎకరాల్లో ఉన్న వరి ఈ ఏడాది 1,54,404 ఎకరాలకు తగ్గింది. మరోవైపు ప త్తి 1,20,016 నుంచి 1,38,325 ఎకరాలకు పెరిగింది. మొక్కజొన్న 7,976 నుంచి 8,508 ఎకరాలకు, నిఘా తప్పనిసరి.. వర్షాల మధ్య పొడి విరామాలు పెరిగితే పంటల్లో తేమ ఒత్తిడి, పోషక లోపాలు, పురుగు, తెగుళ్ల సమస్యలు ఉధృతమయ్యే అవకాశం ఉంది. రైతులు వారానికి కనీసం రెండుసార్లు పొలాన్ని పరిశీలించి ఆకుల రంగు మారడం, వాడిపోవడం, పెరుగుదల మందగించడం, పురుగుల ఉనికి, కాయలు, బోళ్లకు నష్టం వంటి లక్షణాలను ప్రారంభ దశలోనే గుర్తించాలి. వరిలో ఆకు ముడత, కాండం తొలుచు పురుగులను గమనించాలి. పత్తిలో తామర పురుగులు, పేనుబంక, తెల్లదోమతో పాటు గులాబీ రంగు పు రుగు ఉనికిని పరిశీలించాలి. పసుపు, నీలం జిగురు ఉచ్చులతో పురుగులను పర్యవేక్షించవచ్చు. మొక్కజొన్న, కంది, పెసర, మినుము పంటల్లోనూ తేమ, పోషకాలు,పురుగుల నియంత్రణపై శ్రద్ధ అవసరం. వర్షం పడిన వెంటనే.. వర్షం పడిన వెంటనే పురుగు మందులు పిచికారీ చేయకూడదు. పంట దశ, పురుగు లేదా తెగులు తీవ్రత, నేల తేమ, వాతావరణ పరిస్థితులను పరిశీలించిన తర్వాతే శాసీ్త్రయ సిఫారసు మేరకు మందులు వినియోగించాలి. అందుబాటులో ఉన్న నీటిని పొదుపుగా వినియోగిస్తూ, పంటను కాపాడేందుకు ముందస్తు చర్యలు చేపట్టాలి. పత్తిలో తామర పురుగులు, పేనుబంక, తెల్లదోమ నివారణకు వేపనూనె 1,500 పీపీఎం 5 మి.లీ, అసిఫేట్‌ 1.5 గ్రా. లేదా ఫ్లోనికామిడ్‌ 0.3 గ్రా.లీటరు నీటికి కలిపి పిచికారీ చేయాలి. గులాబీరంగు పురుగు కోసం పువ్వులు, కాయలను పరిశీలించాలి. విత్తిన 45 రోజుల నుంచి ఎకరానికి 4 లింగాకర్షక బుట్టలు ఏర్పాటు చేసి పర్యవేక్షించాలి. పురుగు ఉధృతి కనిపిస్తే ఎకరానికి 8 లింగాకర్షక బుట్టలు, 4 కార్డుల త్రికోగ్రామా వదిలి, అవసరమైతే ఎమామెక్టిన్‌ బెంజోయేట్‌ 0.5 గ్రా., స్పినెటోరామ్‌ 0.9 మి.లీ. లేదా థయోడికార్బ్‌ 1.5 గ్రా. లీటరు నీటికి కలిపి పిచికారీ చేయాలి. మొక్కజొన్నలో నీటి ఎద్దడి ఉంటే యూరియా 2 శాతం ద్రావణాన్ని పిచికారీ చేయాలి. వర్షాల తర్వాత ఎకరాకు 25 కిలోల యూరియా అదనంగా వేయవచ్చు. కత్తెర పురుగు నివారణకు అజాదిరాక్టిన్‌ 1,500 పీపీఎం 5 మి.లీ., ఎమా మెక్టిన్‌ బెంజోయేట్‌ 0.4 గ్రా. లేదా క్లోరాంట్రానిలిప్రోల్‌ 0.4 మి.లీ. లీటరు నీ టికి కలిపి పిచికారీ చేయాలి. కందిలో అధిక తేమతో కాండం ముడత, తెగులు వచ్చే అవకాశం ఉన్నందున పంటను గమనించాలి. బెట్ట పరిస్థితుల్లో పే నుబంక నివారణకు 20 గ్రా. యూరియా లేదా 10 గ్రా. మల్టీ–కే లేదా పాలీఫీడ్‌ను లీ టరు నీటికి కలిపి పిచికారీ చేయాలి. పెసర, మినుములో బెట్ట పరిస్థితుల్లో పొటాషియం నైట్రేట్‌ 0.5 శాతం లేదా 19:19:19 0.5 శాతం ద్రావణాన్ని పిచికారీ చేయాలి. తెల్ల దోమకు అసిటామిప్రిడ్‌ 0.2 గ్రా. లేదా డైఫెన్‌థయురాన్‌ 1.25 గ్రా. లీటరు నీటికి పిచికారీ చేయాలి. పంటలను కాపాడుకునేందుకు రైతుల పోరాటం జిల్లాలో 43.7 శాతం లోటు వర్షపాతం 3.26 లక్షల ఎకరాల్లో ఖరీఫ్‌ సాగు పురుగు ఉధృతి ఆధారంగానే పిచికారీ జనగామ రైతు విజ్ఞాన కేంద్రం శాస్త్రవేత్త డాక్టర్‌ వి.రమ్యపంట 2025 2026 వరి 1,80,898 1,54,404 పత్తి 1,20,016 1,38,325 మొక్కజొన్న 7,976 8,508 కంది 3,477 7,475 పెసర 1,247 3,411 వేరుశనగ 75 1,912 మొత్తం 3,24,013 3,26,548

జనగామ రూరల్‌: రాజీమార్గంతోనే కక్షిదారుల సమస్యలు పరిష్కారం అవుతాయని జిల్లా ప్రధాన న్యాయమూర్తి బి.ప్రతిమ అన్నారు. బుధవారం ఆమె మాట్లాడుతూ జాతీయ న్యాయ సేవాధికార సంస్థ, న్యూ ఢిల్లీ తెలంగాణ న్యాయ సేవాధికార సంస్థ ఆదేశాల మేరకు ఈనెల 12న శనివారం జాతీయ లోక్‌ అదాలత్‌ను నిర్వహించుతున్నట్లు తెలిపారు. ఇందులో రాజీకి పడదగిన క్రిమినల్‌ కేసులు, సివిల్‌ కేసులు, కుటుంబ తగాదా కేసులు, డబ్బు రికవరీకి సంబంధించిన కేసులు, మోటార్‌ వెహికల్‌ యాక్సిడెంట్‌ కేసులు, చిట్‌ ఫండ్‌ కేసులు, ఎలక్ట్రిసిటీ కేసులు, చెక్కుబౌన్స్‌ కేసులు పరిష్కరించబడుతాయన్నారు. లోక్‌ అదాలత్‌ను కక్షిదారులు, న్యాయవాదులు సద్వినియోగించుకోవాలన్నారు. జెడ్పీసీఈఓగా బాధ్యతల స్వీకరణజనగామ రూరల్‌: జెడ్పీసీఈఓగా పి.బలరాం బుధవారం బాధ్యతలు స్వీకరించారు. గతంలో పని చేసిన రంగారావు పదవీ విరమణ పొందగా ఆయన స్థానంలో జీహెచ్‌ఎంసీలో పనిచేసిన బలరాం బదిలీపై జనగామ జెడ్పీసీఈఓగా బాధ్యతలు చేపట్టారు. 16న ప్రత్యేక అవసరాల పిల్లల గుర్తింపు శిబిరం జనగామ రూరల్‌: ప్రత్యేక అవసరాలు గల విద్యార్థులకు వైద్య పరికరాల గుర్తింపు శిబిరాన్ని నిర్వహించనున్నట్లు కలెక్టర్‌ సందీప్‌కుమార్‌ ఝా బుధవారం ఒక ప్రకటనలో తెలిపారు. సమగ్ర శిక్ష భారత కృత్రిమ అవయవాల తయారీ సంస్థ సంయుక్త ఆధ్వర్యంలో ఈనె 16న (బుధవారం) ఉదయం 10 గంటల నుంచి జనగామ కోర్టు సమీపంలోని బాలికల ఉన్నత పాఠశాలలో జిల్లా స్థాయి ప్రత్యేక అవసరాలు గల పిల్లల వైద్య పరిశీలన, ఉచిత పరికరాల గుర్తింపు శిబిరం నిర్వహించనున్నట్లు తెలిపారు. సదరం సర్టిఫికెట్‌ యూడీఐడీ కార్డ్‌, ఆధార్‌ కార్డు, 2 పాస్‌పోర్ట్‌ సైజు ఫొటోలతో ప్రత్యేక అవసరాలు కలిగిన విద్యార్థులు పాల్గొనాలన్నారు. విద్యార్థుల వైకల్య శాతాన్ని పరిశీలించి అవసరమైన వినికిడి యంత్రాలు, వీల్‌ చైర్లు, కాలీపర్స్‌, ట్రై సైకిళ్లు, ఇతర సహాయక పరికరాలను అంచనా వేసి ఎంపిక చేయనున్నట్లు పేర్కొన్నారు. ఎన్‌ఎస్‌యూఐ ఆరు జిల్లాల అధ్యక్షుల నియామకం సాక్షి ప్రతినిధి, వరంగల్‌: కాంగ్రెస్‌ అనుబంధ విద్యార్థి విభాగమైన ఎన్‌ఎస్‌యూఐ బలోపేతంపై అధి ష్టానం దృష్టిపెట్టింది. ఈ మేరకు ఉమ్మడి వరంగల్‌ పరిధిలోని ఆరు జిల్లాలకు నూతన జిల్లా అధ్యక్షులను నియమించారు. సంఘం జాతీయ అధ్యక్షుడు వినోద్‌ ఝాకర్‌ ఆమోదంతో రాష్ట్ర అధ్యక్షుడు యాదవల్లి వెంకటస్వామి బుధవారం ఈ నియామక ఉత్తర్వులు జారీ చేశారు. హనుమకొండకు వేణుచారి, వరంగల్‌–బొల్లం నితిన్‌కుమార్‌, జనగామ–దేశగాని హరగోపాల్‌గౌడ్‌, జయశంకర్‌ భూపాలపల్లి–పురుషోత్తం అనూప్‌, మహబూబా బాద్‌ – బి.చంటి, ములుగు–ఎం.నవనీత్‌ను నియమించారు. కొత్తగా నియమితులైన జిల్లా అధ్యక్షుల ఆధ్వర్యంలో ఆయా జిల్లాల్లో విద్యార్థుల సమస్యలను గుర్తించి పోరాటాలు చేపట్టడంతోపాటు, కళాశాలలు, విశ్వవిద్యాలయాల్లో ఎన్‌ఎస్‌యూఐ కార్యకలాపాలను విస్తరించే అవకాశం ఉంది. అమృత్‌ భారత్‌ పనుల తనిఖీ కాజీపేట రూరల్‌: కాజీపేట జంక్షన్‌లో జరుగుతున్న అమృత్‌ భారత్‌ నిర్మాణ పనులను బుధవారం సికింద్రాబాద్‌ రైల్వే డీఈఎన్‌ సెంట్రల్‌ అధికారి ప్రంజల్‌ కేశర్‌వాణి తనిఖీ చేశారు. కాజీపేట అమృత్‌ భారత్‌ పనులు, స్టేషన్‌ ఎదుట ఉన్న సర్క్యులేటింగ్‌ ఏరియాలో జరుగుతున్న అభివృద్ధి పనులను ఆయన తనిఖీ చేసి అభివృద్ధి పనుల నిర్మాణంలో నాణ్యతా ప్రమాణాలు పాటించాలని స్థానిక అధికారులకు, కాంట్రాక్టర్లకు పలు సూచనలిచ్చారు. ఈతనిఖీలో కాజీపేట ఐఓడబ్ల్యూ శ్రీనివాస్‌, స్థానిక రైల్వే సూపర్‌వైజర్లు, వర్క్‌ సూపర్‌వైజర్‌ పి.శ్రీనివాస్‌ పాల్గొన్నారు. ఆర్టీసీ తాత్కాలిక బస్టాప్‌ కాజీపేట రైల్వేస్టేషన్‌లో అమృత్‌భారత్‌ అభివృద్ధి పనుల నేపథ్యంలో స్టేషన్‌ ముందున్న ఆర్టీసీ లోకల్‌ బస్టాప్‌ను రైల్వే అధికారులు కాజీపేట రైల్వే స్టేడియానికి బుధవారం తరలించారు. పనులు పూర్తయ్యేవరకు ఇక్కడి నుంచే ప్రయాణికులు రాకపోకలు సాగించాల్సి ఉంటుందని హనుమకొండ లోకల్‌ బస్‌ ఆర్టీసీ డిపో మేనేజర్‌ ధరంసింగ్‌ తెలిపారు.