సూర్యాపేట: బీఆర్ఎస్ నాయకుడు చింతలపాటి మధు హత్య కేసును పోలీసులు చేధించారు. ఈ కేసులో ఐదుగురు నిందితుల‌ను పోలీసులు అరెస్ట్ చేశారు. మ‌రొక‌రు ప‌రారీలో ఉన్నార‌ని సూర్యాపేట జిల్లా ఎస్పీ నర‌సింహ‌ సోమ‌వారం మీడియా స‌మావేశంలో తెలిపారు. పాత‌క‌క్ష‌ల నేప‌థ్యంలోనే మధును మ‌ట్టుబెట్టార‌ని చెప్పారు. త‌న తండ్రి హ‌త్య‌కు ప్ర‌తీకారంగా ప్ర‌ధాన నిందితుడు మిద్దె జీవన్ ఈ హ‌త్య‌కు పాల్ప‌డినట్టు ఎస్పీ వెల్ల‌డించారు. అత‌డికి మరో ఐదుగురు స‌హ‌క‌రించార‌ని చెప్పారు.కాంగ్రెస్ పార్టీ నాయ‌కుడు మిద్దె రవీందర్ 2007లో యర్కారంలో హత్యకు గుర‌య్యాడు. త‌న తండ్రిని హ‌త్య చేసిన మ‌ధుపై ప్ర‌తీకారం తీర్చుకునేందుకు ర‌వీంద‌ర్‌ కొడుకు జీవన్ గ‌తంలో రెండు సార్లు హత్యాయత్నం చేసి విఫలం అయ్యాడు. తాజాగా పక్కా ప్లాన్‌తో మధును హత్య చేశాడు. కొంత‌కాలంగా సూర్యాపేట బాలాజీన‌గ‌ర్‌లో కుటుంబంతో పాటు నివ‌సిస్తున్న మ‌ధును ప‌థ‌కం ప్ర‌కారం బ‌య‌ట‌కు తీసుకొచ్చి క‌త్తుల‌తో న‌రికి చంపారు.చేపల కూరతో పార్టీ చేసుకుందామంటూ మ‌ధును చింత సైదులు శుక్ర‌వారం త‌న ఇంటికి పిలిచాడు. వీరితో పాటు మేదరి ప్రసాద్ అనే మ‌రో వ్య‌క్తి కూడా ఉన్నాడు. సాయంత్రం సైదులు, ప్రసాద్‌తో కలిసి మ‌ధు మ‌ద్యం సేవించాడు. అత‌డు మ‌త్తులోకి జారుకోగానే జీవన్‌కు సైదులు ఫోన్ చేశాడు. సోదరుడి వరుస అయ్యే ఆనంద్‌తో కలిసి మటన్ కొట్టే కత్తి తీసుకుని సైదులు ఇంటికి వ‌చ్చాడు జీవన్. ఆ తర్వాత జీవన్, సైదులు కత్తితో మధును విచక్షణారహితంగా నరికి చంపారు. మృతదేహాన్ని గొనెసంచితో మూట‌గ‌ట్టి, కారులో తీసుకెళ్లి యర్కారం వద్ద కల్వర్ట్‌లో పడేశారు.మధు హత్యకు సహకరించిన సైదులు భార్య ముల్కలపల్లి భవానీ పరారీలో ఉంద‌ని ఎస్పీ నర‌సింహ తెలిపారు. మిద్దె జీవన్, చింత సైదులు, మేదరి ప్రసాద్, మిద్దె ఆనంద్, కక్కిరేణి భరత్ చంద్‌ల‌ను అరెస్ట్ చేసిన‌ట్టు చెప్పారు. నిందితులతో పాటు కారు, బైక్, ఐదు ఫోన్లు స్వాధీనం చేసుకున్నామ‌న్నారు. ద‌ర్యాప్తు కొన‌సాగుతోంద‌ని ఎస్పీ అన్నారు. చ‌ద‌వండి: వ్య‌వ‌స్థ చ‌చ్చింది.. శవ‌మై న‌డిచింది!

కలెక్టర్‌ తేజస్‌ నంద్‌లాల్‌ పవార్‌ భానుపురి (సూర్యాపేట) : జిల్లాలో మూడురోజుల నుంచి ఎండ తీవ్రత, ఉష్ణోగ్రతలు పెరుగుతున్న నేపథ్యంలో ప్రజలు అప్రమత్తంగా ఉండాలని, తగిన జాగ్రత్తలు తీసుకోవాలని కలెక్టర్‌ తేజస్‌ నంద్‌లాల్‌ పవార్‌ ఆదివారం ఒక ప్రకటనలో సూచించారు. వృద్ధులు, గర్భిణులు, బాలింతలు, చిన్న పిల్లల విషయంలో ప్రత్యేక శ్రద్ధ వహించాలని కోరారు. ఉదయం 12 గంటల నుంచి సాయంత్రం 4 గంటల వరకు అత్యవసరం అయితే తప్ప ప్రజలు బయటకు రావద్దని సూచించారు. దాహం వేయకపోయినా తరచూ నీరు తాగాలని, మజ్జిగ, నిమ్మరసం, కొబ్బరి నీరు, ఓఆర్‌ఎస్‌ ద్రావణాలను తీసుకోవడం ద్వారా వడదెబ్బ బారిన పడకుండా ఉండవచ్చని తెలిపారు. బయటకు వెళ్లేటప్పుడు కాటన్‌ దుస్తులు ధరించాలని, తలకు టోపీ, రుమాలు, గొడుగు ఉపయోగించడం మంచిదని పేర్కొన్నారు. బాధితుల సహాయార్ధం కలెక్టరేట్‌లో ప్రత్యేక టోల్‌ఫ్రీ నంబర్‌ 6281492368ను ఏర్పాటు చేసినట్లు తెలిపారు.

హుజూర్‌నగర్‌ : హుజూర్‌నగర్‌లోని గడ్డిరెడ్డి ఫంక్షన్‌ హాల్లోని స్విమ్మింగ్‌ పూల్‌లో ఆదివారం జిల్లాస్థాయి ఈత పోటీలు నిర్వహించారు. వివిధ ప్రాంతాల నుంచి అనేక మంది పోటీల్లో పాల్గొన్నారు. అనంతరం విజేతలకు విద్యుత్‌ ఎస్‌ఈ శ్రీనివాస్‌ బహుమతులు అందించారు. ఈ సందర్భంగా ఆయన మాట్లాడుతూ పట్టణంలో మొదటిసారి నిర్వహించిన ఈత పోటీలకు మంచి స్పందన రావడం అభినందనీయమన్నారు. ఈ పోటీలలో 8 నుంచి 11 ఏళ్లలోపు విభాగంలో బేబీ జోహిత, 15 నుంచి 20 ఏళ్లలోపు వారిలో జి. వివేక్‌, 52 నుంచి 60 ఏళ్ల లోపు వారిలో ట్రాన్స్‌కో డీఈ వెంకట కృష్ణయ్య, జానిమియా, గురువయ్య, 70 ఏళ్ల పైబడిన వారిలో లింగారెడ్డి విజేతగా నిలిచారు. మహిళ విభాగాల్లో విజయలక్ష్మి, హర్షిత బహుతులు అందుకున్నారు. కార్యక్రమంలో మున్సిపల్‌ చైర్మన్‌ దొంతగాని శ్రీనివాస్‌, వైస్‌ చైర్మన్‌ తన్నీరు మల్లికార్జున్‌, ఫ్లోర్‌ లీడర్‌ కోతి సంపత్‌రెడ్డి, పట్టణ స్విమ్మింగ్‌ అసోసియేషన్‌ అధ్యక్షుడు జనార్దన్‌రెడ్డి, కార్యదర్శి వీరస్వామి, కోశాధికారి సైదారావు, గౌరవ సలహాదారులు గెల్లి రంగారావు, కొండయ్య, మోహన్‌రెడ్డి పాల్గొన్నారు.

చివ్వెంల(సూర్యాపేట) : సూర్యాపేట ప్రిన్సి పల్‌ జూనియర్‌ సివిల్‌ జడ్జి కోర్టులో అసిస్టెంట్‌ పబ్లిక్‌ ప్రాసిక్యూటర్‌గా విధులు నిర్వహిస్తున్న బి.హేమలత నాయుడు హైదరాబాద్‌లోని నాంపల్లి కోర్టుకు బదిలీ అయ్యారు. అక్కడ పనిచేస్తున్న సుప్రియ సుమన్‌ జైశ్వాల్‌ సూర్యాపేటకు రానున్నారు. ఈ మేరకు రాష్ట్ర ప్రాసిక్యుషన్‌ డైరెక్టర్‌ సాంబ శివారెడ్డి ఉత్తర్వులు జారీచేశారు. బదిలీపై వెళ్తున్న ఏపీపీని ఆదివారం ప్రిన్సిపల్‌ జూనియర్‌ సివిల్‌ జడ్జి గోపు రజిత, రెండవ అదనపు జూనియర్‌ సివిల్‌ జడ్జి మంచాల మమత శాలువాతో సత్కరించారు. కార్యక్రమంలో సూపరింటెండెంట్‌ దాసరి మధుసూదన్‌రావు, సిబ్బంది పాల్గొన్నారు. లక్ష్మీనరసింహస్వామికి నిత్య కల్యాణంమఠంపల్లి : మట్టపల్లి లక్ష్మీనరసింహస్వామి ఆలయంలో ఆదివారం అర్చకులు స్వామివారి నిత్యకల్యాణాన్ని వైభవంగా నిర్వహించారు. ఈ సందర్భంగా ఆలయంలో సుప్రభాతసేవ, నిత్యహోమం, గర్భాలయంలో మూలవిరాట్‌కు పంచామృతాభిషేకం చేపట్టారు. అనంతరం స్వామి, అమ్మవార్లలను పట్టు వస్త్రాలతో వధూవరులుగా అలంకరించి ఎదుర్కోళ్ల మహోత్సవ సంవాదం నిర్వహించారు. అనంతరం స్వామి అమ్మవార్లను గరుడ వాహనంపై ఆలయ తిరుమాడ వీధులలో ఊరేగింపు నిర్వహించారు. కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, చెన్నూరు విజయ్‌కుమార్‌, ఈఓ జ్యోతి, అర్చకులు రామాచార్యులు, పద్మనాభాచార్యులు, బ్రహ్మాచార్యులు, లక్ష్మీనరసింహమూర్తి, ఆంజనేయాచార్యులు, నాగభూషణం, భక్తులు పాల్గొన్నారు. సూర్యక్షేత్రంలో సౌరహోమంఅర్వపల్లి : జాజిరెడ్డిగూడెం మండలం తిమ్మాపురంలోని అఖండజ్యోతి స్వరూప సూర్యనారాయణస్వామి క్షేత్రంలో ఆదివారం భక్తులు పూజలు నిర్వహించారు. తెల్లవారుజామున సూర్యనారాయణస్వామిని ప్రత్యేకంగా అలంకరించి అభిషేకాలు జరిపారు. అనంతరం మహా సౌరహోమాన్ని నిర్వహించారు. వివిధ ప్రాంతాల నుంచి పెద్ద సంఖ్యలో భక్తులు తరలి వచ్చారు. కార్యక్రమంలో క్షేత్ర వ్యవస్థాపకులు కాకులారపు రజితజనార్దన్‌, గణపురం నరేష్‌, గిరి, అర్చకులు భీంపాండే, అంకిత్‌పాండే భక్తులు పాల్గొన్నారు.

ప్రాంతం గరిష్ఠ ఉష్ణోగ్రత ప్రాంతం గరిష్ఠ ఉష్ణోగ్రతతిరుమలగిరి (తుంగతుర్తి), భానుపురి (సూర్యాపేట) : సూర్యాపేట జిల్లా వ్యాప్తంగా ఎండ తీవ్రత కొనసాగుతోంది. ఆదివారం 13 మండలాల్లో 45 డిగ్రీలకు పైగా ఉష్ణోగ్రత నమోదైంది. మునుపెన్నడూ లేని విధంగా భానుడు తన ప్రతాపం చూపెడుతుండడంతో జిల్లా అగ్ని గుండంగా మారుతోంది. మోతె మండలం మామిళ్లగూడెంలో 46.2 డిగ్రీల గరిష్ట ఉష్ణోగ్రత నమోదైంది. దాంతో ప్రజలు విలవిల్లాడుతున్నారు. బయట ఎండతో పాటు వడగాలులు వీస్తుండగా.. ఇంట్లో ఉక్కపోతతో అవస్థలు పడుతున్నారు. ఉదయం 10 గంటలు దాటితే బయటకు వెళ్లలేని పరిస్థితి నెలకొంది. సోమవారం నుంచి రోహిణి కార్తె మొదలవుతుండగా ఉష్ణోగ్రతలు మరింత పెరిగే అవకాశం ఉంది. పెరిగిన వడగాలులుప్రస్తుతం ఎండతో పాటు వేడిగాలుల కారణంగా ఉష్ణోగ్రతలు పెరుగుతున్నాయి. వడగాలుల ప్రభావంతో ప్రజలు వడదెబ్బకు గురయ్యే ప్రమాదం ఉందని అధికారులు హెచ్చరికలు జారీ చేస్తున్నారు. వాతావరణ శాఖ అధికారులు సైతం ఆధునిక సాంకేతికతో ప్రజలకు సమాచారం చేరవేస్తున్నారు. తెలంగాణ ఇంటిగ్రేటెడ్‌ కమాండ్‌ అండ్‌ కంట్రోల్‌ సెంటర్‌ (టీజీఐసీసీ) ఎండ వేడిని సూచిస్తూ నేరుగా సెల్‌ఫోన్‌లకు హెచ్చరికలను పంపిస్తోంది. ఎండ వేడి ఏ ప్రాంతంలో, ఏ సమయంలో ఎక్కువగా ఉంటుంది, తీసుకోవాల్సిన జాగ్రత్తలను సూచిస్తూ మెసేజ్‌లు పంపుతోంది. జిల్లా అధికారులు సైతం వివిద సామాజిక మాధ్యమాల ద్వారా ప్రజలను ఎప్పటికప్పుడు హెచ్చరిస్తున్నారు. 13 మండలాల్లో అత్యధికంగా..మోతె మండలంలో అత్యధికంగా 46.2 డిగ్రీల గరిష్ఠ ఉష్ణోగ్రత నమోదైంది. కోదాడ మండలంలో 45.8 డిగ్రీలు, మేళ్లచెర్వు మండలంలో 45.8, మునగాల మండలంలో 45.7, చివ్వెంల మండలంలో 45.7, నడిగూడెంలో 45.6 డిగ్రీలు, పెన్‌పహాడ్‌, చిలుకూరు, సూర్యాపేట మండలాల్లో 45.5 డిగ్రీల చొప్పున, హుజూర్‌నగర్‌ మండలంలో 45.4, నూతనకల్‌ మండలంలో 45.3, చింతలపాలెం, మఠంపల్లి మండలాల్లో 45.1 డిగ్రీల గరిష్ట ఉష్ణోగ్రత నమోదైంది. అత్యల్పంగా జాజిరెడ్డిగూడెం మండలంలో 43.3 డిగ్రీలు నమోదైంది. నేటి నుంచి మరింత తీవ్రం ఈ నెల 25 నుంచి రోహిణి కార్తె ప్రారంభమై జూన్‌ 8 వరకు కొనసాగుతుంది. ఈ రోజుల్లో రోళ్లు పగిలే ఎండలు ఉంటాయని పెద్దలు చెబుతుంటారు. ప్రస్తుతం 46 డిగ్రీలు నమోదవుతుండగా రోహిణి కార్తెలో ఉష్ణోగ్రతలు మరింత పెరిగే అవకాశం ఉందని వాతావరణ శాఖ అధికారులు పేర్కొంటున్నారు. ఈ నేపథ్యంలో శరీరంలో నీటి నిల్వలు తగ్గకుండా చూసుకోవాలని, నీరు, పానీయాలు తాగుతూ ఉండాలని, ఉదయం 10 గంటల నుంచి సాయంత్రం 4 గంటల వరకు బయటకు వెళ్లవద్దని సూచిస్తున్నారు.మామిళ్లగూడెం 46.2 ఉర్లుగొండ 45.8 మేళ్లచెర్వు 45.8 మునగాల 45.7 తిరుమలగిరి (చివ్వెంల) 45.7 నడిగూడెం 45.6 పెన్‌పహాడ్‌ 45.5 చిలుకూరు 45.5 బలరాంతండా (సూర్యాపేట) 45.5మామిళ్లగూడెంలో 46.2 డిగ్రీల గరిష్ఠ ఉష్ణోగ్రత ఫ 13 మండలాల్లో 45 డిగ్రీలకు పైగానే.. ఫ వడగాలులతో జనం ఉక్కిరిబిక్కిరి ఫ నేటి నుంచి రోహిణి కార్తె

సూర్యాపేటటౌన్‌ : ప్రస్తుతం పాఠశాలలు, కళాశాలలకు వేసవి సెలవులు ఉండడంతో పిల్లలు, యువకులు వేడి నుంచి ఉపశమనం కోసం బావులు, చెరువులు, కాలువల వద్దకు వెళ్లే సందర్భాల్లో తగిన జాగ్రత్తలు తీసుకోవాలని, ఈత సరదా విషాదం కాకూడదని ఎస్పీ నరసింహ పేర్కొన్నారు. ఈ మేరకు ఆదివారం ఒక ప్రకటన విడుదల చేశారు. ఈత రానివారు బావులు, చెరువుల వద్దకు ఒంటరిగా వెళ్లకూడదని, ఈత నేర్చుకునే వారు తల్లిదండ్రులను వెంట తీసుకెళ్లాలని సూచించారు. తల్లిదండ్రులు పిల్లలను చెరువులు, కాల్వల వద్దకు వెళ్లకుండా చూడాలని పేర్కొన్నారు. ప్రజల వద్దకే పోలీసు సేవలుప్రజలకు పోలీసు సేవలు మరింత చేరువ చేసే లక్ష్యంతో జిల్లాలో ఆన్‌సైట్‌ –ఎఫ్‌ఐఆర్‌ విధానాన్ని సమర్థవంతంగా అమలు చేస్తున్నామని ఎస్పీ తెలిపారు. ఫిర్యాదు దారులు పోలీస్‌ స్టేషన్‌ కు రావాల్సిన అవసరం లేకుండా, సంఘటన జరిగిన ప్రదేశానికే వెళ్లి ఫిర్యాదులను స్వీకరించి ఎఫ్‌ఐఆర్‌ నమోదు చేసి బాధితులకు తక్షణ న్యాయం అందేలా చర్యలు తీసుకుంటున్నామని పేర్కొన్నారు. ప్రజలకు త్వరితగతిన, పారదర్శకంగా, నమ్మకమైన పోలీసు సేవలు అందించేందుకు ‘ఆన్‌సైట్‌ ఎఫ్‌ఐఆర్‌’ విధానాన్ని అమలు చేస్తున్నామన్నారు. మహిళపై లైంగిక దాడులు, చిన్న పిల్ల లపై జరిగే నేరాలు, రోడ్డు ప్రమాదాలు, దొంగతనాలు, చోరీలు, గొడవలు, మిస్సింగ్‌ కేసులు, లైంగిక వేధింపులు, బాల్యవివాహాలు, ర్యాగింగ్‌, వృద్ధులు, దివ్యాంగులు, అత్యవసర పరిస్థితుల్లో ఉన్న బాధితులకు ఈ విధానం ఎంతో మేలని పేర్కొన్నారు.ఫ ఎస్పీ నరసింహ

మునగాల : రోడ్డు ప్రమాదంలో మృతి చెందిన యువకుడి కుటుంబానికి గ్రామస్తులు అండగా నిలిచారు. రాజకీయాలు, కులమతాలకు అతీతంగా ఏకమై ఇల్లు నిర్మించి ఇచ్చారు. మండలంలోని కలకోవ గ్రామానికి చెందిన పనస సైదులు(25) నాలుగు నెలల క్రితం రోడ్డు ప్రమాదంలో మృతి చెందాడు. సైదులు తండ్రి అంతకు ముందే చనిపోగా తానే కూలిపనులు చేస్తూ తల్లిని పోషించుకునేవాడు. సైదులు మృతి చెందిన తర్వాత తల్లి వెంకటమ్మకు జీవనాధారం లేకుండా పోయింది. దానికి తోడు ఆమెకు ఉండడానికి ఇల్లు కూడా లేకపోవడంతో గ్రామానికి చెందిన గణేష్‌ యూత్‌ అండగా నిలిచింది. కుల, మతాలకు అతీతంగా గ్రామాన్ని ఏకం చేసింది. గ్రామస్తులు రూ.2.50 లక్షలు సేకరించి ఇంటిని నిర్మించి ఇచ్చారు. ఆదివారం గ్రామస్తులు కలిసికట్టుగా గృహప్రవేశం నిర్వహించారు.ఫ మృతుడి కుటుంబానికి గ్రామస్తుల చేయూత

బడి తెరిచే వేళాయే..సూర్యాపేటటౌన్‌ : ప్రభుత్వ పాఠశాలల్లో చదివే విద్యార్థులకు ప్రతి ఏడాది బడి తెరిచే నాటికి పుస్తకాలతో పాటు యూనిఫాం అందించేవారు. కానీ ఇప్పటి వరకు డ్రెస్‌ కుట్టేందుకు అవసరమైన క్లాత్‌ జిల్లాకు అందలేదు. మరో 18 రోజుల్లో పాఠశాలలు పునఃప్రారంభం కానుండగా యూనిఫాం కుట్టించి అందించడం సాధ్యం అయ్యే సూచనలు కనిపించడం లేదు. ఈ సారి నూతన విద్యా సంవత్సరంలో విద్యార్థులు మామూలు దుస్తుల్లోనే పాఠశాలలకు వెళ్లాల్సిన పరిస్థితి నెలకొంది. ఈ ఏడాది పాఠశాలల పునఃప్రారంభం రోజు పుస్తకాలు మాత్రమే ఇవ్వనుండగా.. యూనిఫాం ఆలస్యం కానుంది. జిల్లాలో 65 వేల మంది విద్యార్థులుజిల్లాలో 950 ప్రభుత్వ పాఠశాలలు ఉండగా ఇందులో 190 ఉన్నత, 80 ప్రాథమికోన్నత, 680 ప్రాథమిక పాఠశాలలు ఉన్నాయి. ఆయా పాఠశాలల్లో సుమారు 65వేల మంది విద్యార్థులు చదువుకుంటున్నారు. ప్రభుత్వం ప్రతి ఏడాది పాఠ్య పుస్తకాలతో పాటు రెండు జతల యూనిఫాం అందిస్తున్నారు. పాఠశాలల పునఃప్రారంభం రోజే ఒక జత, తరువాత మరోజత ఇచ్చేవారు. ఈ ఏడాది ఇప్పటి వరకు జిల్లాకు వస్త్రం రాకపోవడంతో ప్రధానోపాధ్యాయులు ఎదురుచూడాల్సిన పరిస్థితి నెలకొంది. ఒక్కో విద్యార్థికి రెండు జతలుప్రభుత్వం విద్యార్థులకు ఉచితంగా రెండు జతల యూనిఫామ్‌ అందిస్తోంది. ఇది పేద కుటుంబాలకు ఎంతో ఉపశమనంగా ఉంటున్నది. కొత్త విద్యాసంవత్సరం ప్రారంభంలో పిల్లలకు కొత్త దుస్తులు వస్తాయనే ఆశతో తల్లిదండ్రులు ఎదురుచూస్తున్నారు. కానీ క్లాత్‌ రాక ఆలస్యం కావడంతో ఈ సారి యూనిఫాం ఆలస్యమయ్యే అవకాశాలు ఉన్నాయని విద్యాశాఖ వర్గాలు చెబుతున్నాయి. పాఠశాలల వద్ద అస్పష్టత...జిల్లాలోని ప్రభుత్వ పాఠశాలల ప్రధానోపాధ్యాయులకు ఇప్పటివరకు యూనిఫామ్‌ క్లాత్‌ పంపిణీపై అధికారిక సమాచారం అందలేదు. ఈ విషయంలో స్పష్టత లేకపోవడంతో అయోమయం నెలకొంది. క్లాత్‌ వచ్చిన తర్వాత టైలర్లకు ఇచ్చి యూనిఫామ్‌లు సిద్ధం చేయించాల్సి ఉంటుంది. పాఠశాలల పునఃప్రారంభానికి మరికొన్ని రోజులే మిగిలి ఉండటంతో క్లాత్‌ సరఫరాను వేగవంతం చేయాలని విద్యార్థి సంఘాల నాయకులు, తల్లిదండ్రులు ప్రభుత్వాన్ని కోరుతున్నారు. క్లాత్‌ త్వరలోనే వస్తుంది : అశోక్‌, డీఈఓ ప్రభుత్వ పాఠశాలల్లో చదివే విద్యార్థులకు ప్రతి ఏడాది అందించే యూనిఫాం క్లాత్‌ త్వరలోనే వస్తుంది. రాగానే వెంటనే పాఠశాలల వారీగా మహిళా సంఘాలకు క్లాత్‌ను అందించి దుస్తులు కుట్టిస్తాం. ఇప్పటికే పాఠ్యపుస్తకాలు వచ్చాయి. పాఠశాలల పునఃప్రారంభం రోజే అందజేసేందుకు కృషి చేస్తాం.ఇప్పటి వరకు అందని యూనిఫాం క్లాత్‌ ఫ మరో 18 రోజుల్లో పాఠశాలలు పునఃప్రారంభం ఫ అప్పటివరకు దుస్తులు అందడం కష్టమే

భానుపురి (సూర్యాపేట) : బీఆర్‌ఎస్‌ నాయకుడు చింతలపాటి మధు హత్యతో కాంగ్రెస్‌కు సంబంధం లేదని, విచారణను ప్రభావితం చేసేందుకే మాజీ మంత్రి జగదీష్‌రెడ్డి కాంగ్రెస్‌ పార్టీపై నిరాధార ఆరోపణలు చేస్తున్నారని డీసీసీ అధ్యక్షుడు గుడిపాటి నర్సయ్య అన్నారు. ఆదివారం కాంగ్రెస్‌ పార్టీ జిల్లా కార్యాలయంలో ఏర్పాటు చేసిన విలేకరుల సమావేశంలో మాట్లాడారు. మాజీ మంత్రి జగదీష్‌రెడ్డి వ్యాఖ్యలను ఆయన తీవ్రంగా ఖండించారు. హత్య రాజకీయాలపై జగదీష్‌రెడ్డి మాట్లాడడం దెయ్యాలు వేదాలు వల్లించినట్లు, హాస్యాస్పదంగా ఉందని పేర్కొన్నారు. మధు హత్య పాత కక్షలతో జరిగిందా.. వ్యక్తిగత కక్షలతోనా అనేది పోలీసుల విచారణలో తేలుతుందన్నారు. ప్రస్తుతం సూర్యాపేట మంత్రి ఉత్తమ్‌కు మార్‌రెడ్డి, రాంరెడ్డి సర్వోత్తంరెడ్డి సారథ్యంలో ప్రశాంతంగా ఉందన్నారు. హత్యా రాజకీయాలను కాంగ్రెస్‌ పార్టీ ఏనాడూ ప్రోత్సహించలేదన్నారు. ఆ హత్యతో మా పార్టీకి సంబంధం లేదని, త్వరలోనే నిజాలు తేలుతాయని స్పష్టం చేశారు. మరోసారి కాంగ్రెస్‌ పార్టీ, నాయకులపై నిరాధారణమైన ఆరోపణలు చేస్తే సహించేది లేదని హెచ్చరించారు. సమావేశంలో కాంగ్రెస్‌ పార్టీ పట్టణ అధ్యక్షుడు అంజద్‌అలీ, మున్సిపల్‌ ఫ్లోర్‌ లీడర్‌ కుమ్మరికుంట్ల వేణుగోపాల్‌, జిల్లా వర్కింగ్‌ ప్రెసిడెంట్‌ అబ్దుల్‌ రహీం, పీసీసీ ఎస్సీ సెల్‌ వైస్‌ చైర్మన్‌ చింతమళ్ల రమేష్‌, జిల్లా కోశాధికారి కక్కిరేని శ్రీనివాస్‌, జిల్లా ఉపాధ్యక్షుడు దొంగరి గోవర్ధన్‌, కౌన్సిలర్‌ నాగుల వాసు, దండు మైసమ్మ ఆలయ చైర్మన్‌ తంగెళ్ల కరుణాకర్‌రెడ్డి, నాయకులు పాల్గొన్నారు.ఫ డీసీసీ అధ్యక్షుడు గుడిపాటి నర్సయ్య

భానుపురి (సూర్యాపేట) : వివిధ ఉద్యోగాలు సాధించిన యువతీయువకులు సేవాభావం కలిగి ఉండాలని కలెక్టర్‌ తేజస్‌ నంద్‌లాల్‌ పవార్‌ అన్నారు. ప్రజాపాలన– ప్రగతి ప్రణాళికలో భాగంగా రాష్ట్ర యువజన క్రీడల శాఖ ఆధ్వర్యంలో ఇటీవల నల్లగొండలో నిర్వహించిన జాబ్‌మేళాలో ఉద్యోగాలు సాధించిన వారికి శనివారం సూర్యాపేట కలెక్టరేట్‌లోని తన చాంబర్‌లో కలెక్టర్‌ నియామక పత్రాలు అందించి మాట్లాడారు. అదేవిధంగా సెకండ్‌ ఎడ్యుకేషన్‌ సీఎం కప్‌ 2025లో భాగంగా చెస్‌లో రాష్ట్ర స్థాయి మెడల్‌ సాధించిన ఓరుగంటి అనంతలక్ష్మిని సన్మానించి రూ.5వేల నగదు పురస్కారం అందజేశారు. ఈ కార్యక్రమంలో ఉద్యోగార్థులు తదితరులు పాల్గొన్నారు.

ఫ సీఎం పర్యటన సాగిందిలా..యాదగిరిగుట్ట : టెంపుల్‌ సిటీపై వేద పాఠశాల నిర్మాణానికి, మరికొన్ని అభివృద్ధి పనులు శంకుస్థాపన చేయడానికి వచ్చిన సీఎం సుమారు 2 గంటల 15 నిమిషాల పాటు యాదగిరిగుట్టలో గడిపారు. సీఎం.. శాసన మండలి చైర్మన్‌ గుత్తా సుఖేందర్‌రెడ్డి, మంత్రులు కోమటిరెడ్డి వెంకట్‌రెడ్డి, కొండా సురేఖ, అడ్లూరి లక్ష్మణ్‌లు ఉదయం 8.40 గంటలకు ప్రత్యేక హెలికాప్టర్‌ ద్వారా గుట్టకు చేరుకున్నారు. ● 8.53 గంటలకు ప్రత్యేక కార్వన్‌ బస్సులోకి వెళ్లిన సీఎం సంప్రదాయ దుస్తులను ధరించి వచ్చారు. ● 9.26 గంటలకు కంచి కామకోటి పీఠాధిపతి శంకర విజయేంద్ర సరస్వతి స్వామీజీ ఆధ్వర్యంలో అర్చకులు, పారాయణీకులు, వేద పండితులు, పూజారుల సమక్షంలో వేద పాఠశాల భూమి పూజకు శ్రీకారం చుట్టారు. ● 9.40 గంటలకు వేద పాఠశాలకు శంకుస్థాపన భూమి పూజను పూర్తి చేశారు. ● 9.42 గంటలకు వేద పాఠశాల నిర్మాణం చేసే ప్రాంగణంలో ఏర్పాటు చేసిన నిత్య కల్యాణ మండపం, గోశాల, దీక్షాపరుల సన్నిధానం, వేద పాఠశాల నిర్మాణాలకు సంబంధించిన వాటితో పాటు వివిధ అభివృద్ధి కార్యక్రమాల శిలాఫలకాలను ఆవిష్కరించారు. ● 10.03 గంటలకు యాదగిరీశుడి ఆలయంలోకి వెళ్లారు. త్రితల ద్వారం వద్ద ఆలయ అర్చకులు సీఎంకు పూర్ణ కుంభ స్వాగతం పలికారు. ● 10.10 గంటల నుంచి 10:21 గంటల వరకు గర్భాలయంలోని స్వయంభూలను దర్శించుకొని ప్రత్యేక పూజలు చేసి వచ్చారు. ● 10.22 గంటలకు ముఖ మండపంలో సీఎంతో పాటు మంత్రులకు ఆలయ అర్చకులు వేద ఆశీర్వచనం చేశారు. అనంతరం దేవాదాయ శాఖ ప్రిన్సిపల్‌ సెక్రటరీ శైలజా రామయ్యర్‌, కమిషనర్‌ హనుమంతరావు, ఆలయ ఈఓ భవానీ శంకర్‌, అనువంశిక ధర్మకర్త బి.నరసింహమూర్తిలు శ్రీస్వామి వారి ప్రసాదం, జ్ఞాపికలను అందజేశారు. ● 10.32 గంటలకు పశ్చిమ ద్వారం నుంచి బయటకు వచ్చారు. ● 10.55 గంటలకు హెలికాప్టర్‌ ద్వారా ముఖ్యమంత్రి రేవంత్‌రెడ్డి, మంత్రులు తిరిగి హైదరాబాద్‌కు వెళ్లారు.

తిరుమలగిరి (తుంగతుర్తి): ప్రభుత్వ పాఠశాలల్లో విద్యార్థులకు ప్రతిరోజు అల్పాహారం అందించాలని ప్రభుత్వం నిర్ణయించింది. జిల్లాలో 970 ప్రభుత్వ స్కూళ్లు ఉండగా 690 పీఎస్‌, 80 యూపీఎస్‌, 200 హైస్కూళ్లు ఉన్నాయి. ఈ విద్యా సంవత్సరం నుంచే అన్ని పాఠశాలల్లో అమలు చేయాలని సంకల్పించింది. అదేవిధంగా ఇంటర్‌ విద్యార్థులకు కూడా అమలు చేయాలని యోచిస్తోంది. ఈ పథకం కింద విద్యార్థులకు పౌష్టికాహారం అందించనున్నారు. రోజుకో రకమైన టిఫిన్‌తో పాటు రోజు విడిచి రోజు పాలు, రాగి, బెల్లం జావా సరఫరా చేయనున్నారు. పథకం లక్ష్యం..ప్రభుత్వ పాఠశాలలు, జూనియర్‌ కళాశాలల్లో విద్యార్థుల సంఖ్య, హాజరు శాతం పెంచడమే లక్ష్యంగా బ్రేక్‌ ఫాస్ట్‌ పథకం అమలు చేయబోతున్నారు. గత ఏడాది కొడంగల్‌ నియోజకవర్గంలో ఈ పథకం ప్రయోగాత్మకంగా అమలు చేశారు. అక్కడ విజయవంతం కావడంతో 2026–27 విద్యా సంవత్సరంలో రాష్ట్రమంతటా అమలు చేయాలని నిర్ణయించారు. విద్యార్థుల్లో పౌష్టికాహారలోపాన్ని, ఆకలిని అరికట్టి, శారీరక, మానసిక వికాసం పెంపొందించడం ఈ పథకం ముఖ్య ఉద్దేశమని చెబుతున్నారు. కాగా.. గత ప్రభుత్వ హయాంలో 2021లో కొద్ది నెలలు సీఎం బ్రేక్‌ ఫాస్ట్‌ పేరుతో 1నుంచి 10 తరగతులకు అల్పాహారం పథకం అమలు చేశారు. అప్పుడు పూరి, ఉప్మా, అటుకుల ఉప్మా, కిచిడీ విద్యార్థులకు అందించారు. అల్పాహారం సరఫరా ఎలా?ప్రతి రోజు మధ్యాహ్న భోజనంతోపాటు అల్పాహారం వంట ఏజెన్సీలతో పిల్లలకు అందించాలంటే ఇబ్బందులు ఎదురయ్యే అవకాశం ఉందని భావిస్తున్నారు. దీంతో బ్రేక్‌ ఫాస్ట్‌ పథకం వంటశాల ఒక చోట ఏర్పాటు చేసి అన్ని పాఠశాలలకు అల్పాహారం అందించేందుకు ఏర్పాట్లు చేస్తున్నారు. ఇందులో భాగంగా మండలానికి ఒక హైస్కూల్‌ను ఎంపిక చేసి అక్కడ మండలంలోని అన్ని ప్రభుత్వ పాఠశాలలకు, జూనియర్‌ కళాశాలలకు అల్పాహారం సరఫరా చేయాలని యోచిస్తున్నారు. విద్యార్థుల ముందు రోజు హాజరును పరిగణలోకి తీసుకుని అల్పాహారం స్కూళ్లకు అందిస్తారు. టిఫిన్‌తోపాటు మధ్యాహ్న భోజనంలో సోమ, శుక్రవారాల్లో ఉడకబెట్టిన కోడి గుడ్డు అందించనున్నారు. బ్రేక్‌ ఫాస్ట్‌ మెనూ ఇలా.. సోమవారం : దోశ – చట్నీ, చపాతి – కూర, మంగళవారం : మిల్లెట్‌ ఇడ్లీ (రెండు) – సాంబారు, జావ బుధవారం : పూరి (రెండు) – ఆలూ కుర్మా గురువారం : మిల్లెట్‌ ఇడ్లీ (రెండు) – సాంబారు, జావ శుక్రవారం : మిల్లెట్‌ ఉప్మా / పొంగల్‌, పాలు శనివారం : బోండా (రెండు) – చట్నీ, రాగి జావ ఫ ఈ విద్యా సంవత్సరం నుంచే ప్రభుత్వ పాఠశాలల్లో అమలు ఫ ఇంటర్‌ విద్యార్థులకూ అందించాలని యోచిస్తున్న ప్రభుత్వం

హుజూర్‌నగర్‌ : హుజూర్‌నగర్‌ పట్టణ స్విమ్మింగ్‌ అసోసియేషన్‌ ఆధ్వర్యంలో స్థానిక గడ్డిరెడ్డి ఫంక్షన్‌ హాల్‌లోని స్విమ్మింగ్‌ పూల్‌లో ఆదివారం జిల్లా స్థాయి ఈత పోటీలు నిర్వహిస్తున్నట్లు విద్యుత్‌ డీఈ వెంకటకిష్టయ్య, నిర్వాహకులు జనార్దన్‌, వీరస్వామి, సైదారావు శనివారం ప్రకటనలో తెలిపారు. ఆసక్తి గలవారు పోటీల్లో పాల్గొనవచ్చని పేర్కొన్నారు. మత్తు పదార్థాల నియంత్రణకు పోలీసుల తనిఖీలుకోదాడ రూరల్‌ : మత్తు పదార్థాల నియంత్రణలో భాగంగా నార్కోటిక్‌ డాగ్‌ (రోలెక్స్‌) సహాయంతో పోలీసులు శనివారం కోదాడ పట్టణంలో ముమ్మరంగా తనిఖీ నిర్వహించారు. రంగా థియేటర్‌ చౌరస్తా, బస్టాండ్‌ సెంటర్‌, ఖమ్మం క్రాస్‌రోడ్డు, పలు పాన్‌షాలు, కూరగాయాల మార్కెట్‌, టీ స్టాళ్లతోపాటు రద్దీగా ఉండే ప్రాంతాల్లో మత్తు పదార్థాల వాసనను పసిగట్టేలా డాగ్‌తో విస్తృత తనిఖీలు చేపట్టారు. ఈ సందర్భంగా సీఐ కె.శివశంకర్‌ మాట్లాడుతూ గంజాయి, డ్రగ్స్‌ వంటి మత్తు పదార్థాలను అమ్మినా, కొనుగోలు చేసినా, సేవించే వారిపైనా చట్టరీత్యా చర్యలు తీసుకుంటామని హెచ్చరించారు. ఉద్యమకారులకు న్యాయం చేయాలిసూర్యాపేట : రాష్ట్ర ప్రభుత్వం తెలంగాణ ఉద్యమకారులను గుర్తించి సరైన న్యాయం చేయాలని టీజేఏసీ ఉమ్మడి నల్లగొండ జిల్లా కోఆర్డినేటర్‌ కుంట్ల ధర్మార్జున్‌ కోరారు. శనివారం సూర్యాపేట పట్టణంలో రవి కన్వెన్షన్‌ హాల్‌లో నిర్వహించిన కోదాడ, హుజూర్‌నగర్‌, సూర్యాపేట, తుంగతుర్తి నియోజకవర్గాలకు చెందిన తెలంగాణ ఉద్యమకారుల జేఏసీ సమావేశంలో ఆయన మాట్లాడారు. సమావేశంలో డేవిడ్‌ కుమార్‌, గండూరి రమేష్‌, వెంకటేశ్వరరావు, అనంతుల మధు, నాగిరెడ్డి, మేకల నాగేశ్వరరావు, నాగిరెడ్డి, కేఎల్‌ఎన్‌.రావు, దుద్యాల రవీందర్‌రావు, ఎండి నజీర్‌, లక్ష్మీనారాయణ, నరసింహారావు, బ్రహ్మచారి, వనిత, అశోక్‌రెడ్డి, వెంకన్న, రమాశంకర్‌ పాల్గొన్నారు.

ఫ శ్రీనిధి రుణం సభ్యులకు పంచకుండా సొంతానికి వాడుకున్న సంఘం లీడర్‌ ఫ రుణం చెల్లించాలని బ్యాంకు నోటీసులు అందడంతో లీడర్‌ ఇంటి ఎదుట ఆందోళనకు దిగిన మహిళలు కోదాడ : సమభావన సంఘానికి మంజూరైన శ్రీనిధి రుణాన్ని సభ్యులకు పంచకుండా గ్రూప్‌ లీడర్‌ తన సొంత అవసరాలకు వాడుకోవడాన్ని నిరసిస్తూ శనివారం ఆ సంఘానికి చెందిన పలువురు మహిళలు సదరు గ్రూప్‌ లీడర్‌ ఇంటి ఎదుట ధర్నాకు దిగారు. ఈ సంఘటన శనివారం కోదాడ పట్టణ పరిధిలోని అజాద్‌నగర్‌లో చోటు చేసుకుంది. ఇందుకు సంబంధించిన వివరాలు ఇలా ఉన్నాయి. కోదాడ మున్సిపల్‌ పరిధిలోని ఆజాద్‌నగర్‌కు చెందిన శ్రీమణికంఠ సమభావన సంఘానికి శ్రీనిధి కింద రూ.4.60 లక్షల రుణం మంజూరైంది. ఈ డబ్బులను సంఘం మొదటి లీడర్‌ సభ్యులకు పంచకుండా తన సొంత అవసరాలకు వాడుకుంది. తీసుకున్న రుణాలు చెల్లించాలని బ్యాంకు నుంచి నోటీసులు రావడంతో అవాక్కయిన సభ్యులు శనివారం గ్రూప్‌ లీడర్‌ తమ్మిశెట్టి బుజ్జి ఇంటి ఎదుట ఆందోళన చేపట్టారు. ఈ వ్యవహారంలో గ్రూప్‌ రెండవ లీడర్‌కు కూడా ప్రమేయం ఉందని వారు ఆరోపించారు. అధికారులు దీనిపై విచారణ జరిపి తమకు న్యాయం చేయాలని కోరారు.

వృద్ధాప్య 53,205 దివ్యాంగ 18,458 వితంతు 56,277 ఒంటరి మహిళ 6795 చేనేత 873 కల్లుగీత 6,552 ఎయిడ్స్‌ 1205 పైలేరియా 2,109 డయాలసిస్‌ 258 మొత్తం 1,45,732 సూర్యాపేట : చేయూత పెన్షన్ల మంజూరుపై అధికార యంత్రాంగంలో కదలిక మొదలైంది. రాష్ట్ర అవతరణ దినోత్సవం సందర్భంగా జూన్‌ 2న కొత్త పింఛన్లను మంజూరు చేసేందుకు రాష్ట్ర ప్రభుత్వం సిద్ధమైంది. అందుకు గానూ లబ్ధిదారుల జాబితా సిద్ధం చేయాలని జిల్లా అధికారులకు ప్రభుత్వం నుంచి ఆదేశాలందాయి. ప్రభుత్వ ఆదేశాల మేరకు అర్హుల జాబితా సిద్ధం చేసేందుకు అధికారులు చర్యలు తీసుకుంటున్నారు. దాంతో నాలుగేళ్లుగా కొత్త పింఛన్ల కోసం ఎదురు చూస్తున్న దరఖాస్తు దారులు జాబితాలో తమ పేరు ఉంటుందనే ఆశతో ఉన్నారు. జిల్లాలో 1,45,732 పింఛన్‌దారులు సూర్యాపేట జిల్లాలో ఇప్పటి వరకు 1,45,732 మందికి ప్రభుత్వం పింఛన్లు అందిస్తోంది. ఇందులో అత్యధికంగా వితంతు పింఛన్లు 56,277 ఉండగా, 53,205 మందికి వృద్ధాప్య పింఛన్లు అందుతున్నాయి. చివరగా 2022 ఆగస్టులో కొత్తగా పింఛన్లను అప్పటి ప్రభుత్వం మంజూరు చేసింది. దాదాపు నాలుగేళ్లుగా వివిధ రకాల పింఛన్ల కోసం దరఖాస్తు చేస్తుకున్న వారు ప్రభుత్వం నుంచి ఎలాంటి ఆదేశాలు లేకపోవడంతో నిరాశలో ఉన్నారు. వృద్ధులు, దివ్యాంగులు, ఒంటరి మహిళలు, వితంతువులకు ప్రభుత్వం ప్రతినెలా అందిస్తున్న పింఛన్‌ డబ్బులే ఆధారమవుతున్నాయి. 20వేల దరఖాస్తులు కొత్త పింఛన్ల కోసం జిల్లాలో సుమారు 20వేల మంది దరఖాస్తు చేసుకున్నట్లు తెలుస్తోంది. కొత్త పింఛన్ల పంపిణీలో మొదటగా దివ్యాంగులు, తర్వాత వృద్ధులు, వితంతులకు ప్రాధాన్యత ఇవ్వనున్నారు. ఈ క్రమంలో 50 శాతానికి పైగా దరఖాస్తుదారులకు కొత్తగా పింఛన్లు మంజూరయ్యే అవకాశం ఉంది. పింఛన్ల మంజూరుకు అనుసరించాల్సిన విధి విధానాలపై ఇప్పటి వరకు ప్రభుత్వం నుంచి ఎలాంటి స్పష్టత రాలేదు. గతంలో వివిధ సందర్భాల్లో ఆయా కేటగిరీల వారీగా చేసుకున్న దరఖాస్తులను విచారిస్తారా..? లేదంటే కొత్తగా దరఖాస్తులు స్వీకరించనున్నారా..? అన్నది స్పష్టత లేదు. ఈ విషయమై జిల్లా గ్రామీణాభివృద్ధి శాఖ అధికారిని సంప్రదించేందుకు ప్రయత్నించగా అందుబాటులోకి రాలేదు. ఫ జూన్‌ 2 నుంచి కొత్త పింఛన్లు అందించేందుకు సిద్ధమైన ప్రభుత్వం ఫ లబ్ధిదారుల జాబితా సిద్ధం చేయాలని అధికారులకు ఆదేశాలు ఫ ఒకట్రెండు రోజుల్లో డీఆర్‌డీఓలకు అందనున్న ఉత్తర్వులు ఫ దరఖాస్తు దారుల్లో చిగురిస్తున్న ఆశలు

సూర్యాపేట : ఐక్యతతోనే బహుజనులకు రాజ్యాధికారం దక్కుతుందని మాజీ మంత్రి మోత్కుపల్లి నర్సింహులు అన్నారు. జిల్లా కేంద్రంలో జే ఫంక్షన్‌హాల్‌లో శుక్రవారం శ్రీమాదిగ మహాశక్తిశ్రీ నాయకులు సగరపు ప్రసాద్‌ ఆధ్వర్యంలో ఏర్పాటు చేసిన మాదిగల ఆత్మీయ సమ్మేళనానికి ఆయన హాజరై మాట్లాడారు. స్వాతంత్య్రం వచ్చి ఏడు దశాబ్దాలు గడుస్తున్నా మాదిగల బతుకులు మారడం లేదన్నారు. రాష్ట్రంలో 70 లక్షల మంది మాదిగలు ఉంటే అగ్రకులాల వారు అధికారాన్ని చలాయిస్తూ మాదిగలను, బహుజన కులాలను పావులుగా, ఓట్లు వేసే యంత్రాలుగా వాడుకుంటున్నారని ఆవేదన వ్యక్తం చేశారు. మాదిగల ఓట్లు మాదిగలకే వేసుకుంటే మన సత్తా ఏందో తెలుస్తదన్నారు. రాష్ట్రంలోని ప్రతి నియోజకవర్గంలో 50 వేల మందికి పైగా మాదిగలు ఉన్నారన్నారు. రిజర్వేషన్ల ఫలాలు అందించడంలో పాలకులు నిర్లక్ష్య వైఖరి ప్రదర్శిస్తున్నారని విమర్శించారు. కాంగ్రెస్‌ ప్రజా ప్రభుత్వంలో మాల కుటుంబాలకే, సీట్లు మంత్రి పదవులు దక్కాయన్నారు. కార్యక్రమంలో బీసీ పొలిటికల్‌ ఫ్రంట్‌ రాష్ట్ర చైర్మన్‌ బాలగోని బాలరాజ్‌ గౌడ్‌, ప్రొఫెసర్‌ కనకయ్య, దుర్గయ్య గౌడ్‌, బండారు సుధాకర్‌, కేవీ, మాచర్ల సైదులు, డేవిడ్‌, మస్తాన్‌, దయానంద్‌, జయశంకర్‌, సూరయ్య తదితరులు పాల్గొన్నారు.ఫ మాజీ మంత్రి మోత్కుపల్లి నర్సింహులు

ఫ డిప్యూటీ డీఎంహెచ్‌ఓ చంద్రశేఖర్‌ తుంగతుర్తి : ప్రస్తుతం అధిక ఉష్ణోగ్రతలు నమోదవుతున్న కారణంగా ప్రజలు వడదెబ్బ బారిన పడే ప్రమాదం ఉందని, ప్రజలు అప్రమత్తంగా ఉండాలని డిప్యూటీ డీఎంహెచ్‌ఓ గాజుల చంద్రశేఖర్‌ అన్నారు. శుక్రవారం మండల కేంద్రంలో వడదెబ్బతో మృతి చెందిన చర్లపల్లి సోమయ్య మృతదేహాన్ని ఆయన సందర్శించి, కుటుంబ సభ్యులను పరామర్శించారు. అనంతరం ప్రజలకు వడదెబ్బపై అవగాహన కల్పించారు. అత్యవసర పరిస్థితుల్లో మినహా మధ్యాహ్నం 12 గంటల నుంచి సాయంత్రం 4 గంటల వరకు బయటకు వెళ్లకుండా ఉండాలని సూచించారు. తలనొప్పి, అధిక చెమటలు, నీరసం, తల తిరగడం, శరీర ఉష్ణోగ్రత పెరగడం వంటి లక్షణాలు కనిపించిన వెంటనే సమీప ప్రభుత్వ ఆరోగ్య కేంద్రాని వెళ్లి వైద్య సేవలు పొందాలన్నారు. ఆయన వెంట రావులపల్లి ప్రాథమిక ఆరోగ్య కేంద్రం వైద్యాధికారి డాక్టర్‌ లింగమూర్తి, జిల్లా ఎపిడిమియాలజిస్ట్‌ సతీష్‌ కుమార్‌, సీహెచ్‌ఓ శ్రీనివాస్‌ రాజ్‌, హెచ్‌ఈఓ రవికుమార్‌, హెల్త్‌ అసిస్టెంట్లు కృష్ణమూర్తి, గాజుల సోమన్న, యాదగిరి, చారి, ఏ్‌ ఎంలు భారతి, శైలజ, ఆశ కార్యకర్తలు ఉన్నారు. తాడి మ్యూజికల్‌ ఫెస్టివల్‌ పెద్ద కుట్రతుంగతుర్తి : తాడి మ్యూజికల్‌ ఫెస్టివల్‌ కార్యక్రమం గౌడ్‌ల ఆత్మ గౌరవాన్ని దెబ్బతీసేలా ఉందని గౌడ విద్యార్థి సంఘం రాష్ట్ర అధ్యక్షుడు మొల్కపురి శ్రీకాంత్‌గౌడ్‌ అన్నారు. శుక్రవారం మండలంలోని అన్నారంలో నిర్వహించిన సమావేశంలో మాట్లాడారు. ఎక్విరియం ఈకో పార్క్‌ యజమాని రామ్‌ దేవ్‌ రావ్‌ ఆధ్వర్యంలో ఈ నెల 24న తాడి మ్యూజికల్‌ ఫెస్టివల్‌ నిర్వహించేందుకు ప్రయత్నం చేస్తున్నారన్నారు. కల్లుగీత కార్మికులు వృత్తిని కాపాడుకునే క్రమంలో ప్రమాదాలకు గురై ప్రాణాలు కోల్పోతుంటే.. కార్పొరేట్‌ వ్యవస్థ తాడి పేరుతో ఈవెంట్లు నిర్వహించి కోట్ల రూపాయల వ్యాపారం చేయాలని చూడడం దారుణమన్నారు. సమావేశంలో గౌడ సంక్షేమ, కల్లుగీత సంఘం నాయకులు గుండగాని నాగరాజుగౌడ్‌, మల్లేష్‌గౌడ్‌, ముత్తయ్యగౌడ్‌, సుధాకర్‌గౌడ్‌ పాల్గొన్నారు.

భానుపురి (సూర్యాపేట) : జిల్లా సగ్రాభివృద్ధి, సంక్షేమ పథకాల అమలుకు క్షేత్రస్థాయి అధికారులు కలికట్టుగా పని చేయాలని కలెక్టర్‌ తేజస్‌ నంద్‌లాల్‌ పవార్‌ పిలుపునిచ్చారు. శుక్రవారం స్థానిక రవిమహల్‌లో నిర్వహించిన ప్రజాపాలన ప్రగతి నివేదిక జిల్లాస్థాయి సమావేశంలో ఎస్పీ నరసింహతో కలిసి కలెక్టర్‌ పాల్గొన్నారు. ఈ సందర్భంగా ఆయన మాట్లాడుతూ అర్హులైన ప్రతి ఒక్కరికీ సంక్షేమ పథకాలు అందేలా అధికారులు బాధ్యతాయుతంగా వ్యవహరించాలన్నారు. గ్రామాల్లో మహిళా సంఘాలకు సొంత భవనాలు లేకపోతే ఎంపీడీఓ ద్వారా ప్రతిపాదనలు పంపిస్తే వెంటనే నిధులు మంజూరు చేస్తామని కలెక్టర్‌ స్పష్టం చేశారు. జిల్లాలో ఇప్పటివరకు 370కి పైగా భవనాల ప్రతిపాదనలు వచ్చాయని, ఇప్పటికే 200 భవనాలకు గ్రౌండింగ్‌ పూర్తి చేసినట్లు వెల్లడించారు. జిల్లాలోని 50 మంది ప్రత్యేక అవసరాల పిల్లల కోసం 342 ప్రత్యేక పరికరాలను అందజేస్తున్నట్లు ప్రకటించారు. మాదకద్రవ్యాలను నిర్మూలించాలి మాదక ద్రవ్యాలను నిర్మూలించాలని ఎస్పీ కె.నరసింహ పిలుపునిచ్చారు. రోడ్డు ప్రమాదాల నివారణ, సైబర్‌ మోసాలపై ప్రజల్లో మరింత చైతన్యం తీసుకురావాల్సిన అవసరం ఉందన్నారు. అనంతరం ప్రజా పాలన ప్రగతి నివేదికలో భాగంగా జిల్లా పోలీస్‌ శాఖ ఏర్పాటు చేసిన స్టాల్‌ను వారు సందర్శించారు. విధి నిర్వహణలో మృతి చెందిన ఇద్దరు ఉద్యోగుల పిల్లలకు కారుణ్య నియామక ఉత్తర్వులను అందించారు. కార్యక్రమంలో అదనపు కలెక్టర్‌ హరిసింగ్‌, పెరిక కార్పొరేషన్‌ చైర్మన్‌ దొంగరి వెంకటేశ్వర్లు, మున్సిపల్‌ చైర్‌పర్సన్‌ మొరిశెట్టి నివేదిత, వైస్‌చైర్మన్‌ షఫీఉల్లా, డీఆర్‌డీఓ సన్యాస య్య, జడ్పీ సీఈఓ శిరీష, హౌసింగ్‌ పీడీ సిద్ధార్థ, సీపీఓ కిషన్‌, డీఎస్‌సీడీఓ దయానందరాణి, అధి కారులు, సర్పంచులు, తదితరులు పాల్గొన్నారు.ఫ కలెక్టర్‌ తేజస్‌ నంద్‌లాల్‌ పవార్‌

భానుపురి (సూర్యాపేట) : సూర్యాపేట జిల్లా రెవెన్యూ అధికారిగా డి.ప్రేమ్‌రాజ్‌ను నియమిస్తూ ప్రభుత్వం ఉత్తర్వులు జారీ చేసింది. శుక్రవారం రాష్ట్ర వ్యాప్తంగా పలువురు డిప్యూటీ కలెక్టర్లు, స్పెషల్‌ గ్రేడ్‌ డిప్యూటీ కలెక్టర్లను ప్రభుత్వం బదిలీ చేసింది. ఇందులో భాగంగా ప్రొటోకాల్‌ విభాగంలో అదనపు కలెక్టర్‌గా పనిచేస్తున్న ప్రేమ్‌రాజ్‌ను సూర్యాపేట డీఆర్వోగా నియమించారు. ఇప్పటి వరకు డీఆర్వో పోస్టు ఖాళీగా ఉంది. 4న కోదాడ పెద్దచెరువు సంఘం ఎన్నికలుకోదాడ : కోదాడ పెద్దచెరువు మత్య్స సహకార సంఘానికి జూన్‌ 4న ఎన్నికలు నిర్వహించనున్నట్లు సహకార అధికారి వి. ఇందిర శుక్రవారం ఒక ప్రకటనలో తెలిపారు. కోదాడ బాలుర పాఠశాలలో ఉదయం 7 గంటల నుంచి మధ్యాహ్నం ఒంటి గంట వరకు రహస్య బ్యాలెట్‌ పద్ధతిలో పోలింగ్‌ ఉంటుందని పేర్కొన్నారు. మొత్తం 9 కార్యవర్గ స్థానాలకు ఎన్నికలు జరుగుతాయని తెలిపారు. ఎన్నికలలో పోటీ చేయాలనుకుంటున్నవారు ఈ నెల 25, 26, 28 తేదీలలో కోదాడ బాలుర పాఠశాలలో ఏర్పాటు చేసిన కేంద్రం వద్ద నామినేషన్‌లు దాఖలు చేయవచ్చని ఆమె పేర్కొన్నారు. లక్ష్మీనరసింహుడికి నిత్యకల్యాణంమఠంపల్లి : మట్టపల్లి లక్ష్మీనరసింహస్వామి దేవాలయంలో శుక్రవారం స్వామి నిత్య కల్యాణాన్ని అర్చకులు వైభవంగా నిర్వహించారు. ఈ సందర్భంగా ఆలయంలో సుప్రభాతసేవ, నిత్యహోమం, గర్భాలయంలోని మూలవిరాట్‌కు పంచామృతాభిషేకం చేపట్టారు. అనంతరం స్వామి అమ్మవార్లను పట్టు వస్త్రాలతో వధూవరులుగా అలంకరించి ఎదుర్కోళ్ల మహోత్సవ సంవాదం చేపట్టారు. కల్యాణ వేడుకలో భాగంగా విశ్వక్సేనపూజ, పుణ్యహవచనం, రక్షాబంధనం, రుత్విగ్వరణం, మదుఫర్కపూజ, మాంగల్యధారణ నిర్వహించారు. స్వామి అమ్మవార్లను గరుడ వాహనంపై ఆలయ తిరుమాడ వీధులలో ఊరేగింపు నిర్వహించారు. కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, చెన్నూరు విజయ్‌కుమార్‌, ఈఓ జ్యోతి, అర్చకులు పెద్ద సంఖ్యలో భక్తులు పాల్గొన్నారు. ధాన్యం కొనుగోళ్లలో తీవ్ర జాప్యంనూతనకల్‌ : ధాన్యం కొనుగోళ్ల విషయంలో ప్రభుత్వం నిర్లక్ష్యంగా వ్యవహరిస్తుందని, కొనుగోలు కేంద్రాల్లో రైతులు ధాన్యం పోసి నెలలు గడుస్తున్నా నేటికీ కాంటాలు వేయడం లేదని సీపీఐ జిల్లా కార్యదర్శి బెజవాడ వెంకటేశ్వర్లు, రైతు సంఘం జిల్లా కార్యదర్శి కంబాల శ్రీనివాస్‌ అన్నారు. శుక్రవారం మండల కేంద్రంలోని కొనుగోలు కేంద్రాలను వారు పరిశీలించారు. అనంతరం మాట్లాడుతూ వర్షాకాలం ప్రారంభమయ్యే సమయం ముంచుకొస్తున్నా కొనుగోలు కేంద్రాల్లో ఇంకా 30 శాతం ధాన్యం రాసులు ఉన్నాయన్నారు. ఇప్పటికై నా అధికారులు స్పందించి లారీల కొరత సమస్యను పరిష్కరించి కొనుగోళ్లను వేగవంతం చేయాలని కోరారు. వారి వెంట సీపీఐ జిల్లా కార్యవర్గ సభ్యులు బూర వెంకటేశ్వర్లు, మండల కార్యదర్శి తొట్ల ప్రభాకర్‌గౌడ్‌, రైతు సంఘం నాయకులు యానాల వెంకట్‌రెడ్డి, తదితరులు ఉన్నారు.

యాదగిరిగుట్ట: సీఎం రేవంత్‌రెడ్డి శనివారం యాదగిరిగుట్టకు రానున్నారు. యాదగిరి శ్రీలక్ష్మీనరసింహస్వామి ఆలయ సన్నిధిలోని టెంపుల్‌ సిటీపై రూ.43 కోట్లతో, 15 ఎకరాల విస్తీర్ణంలో నిర్మించనున్న వేద పాఠశాలతో పాటు, విశాలమైన పార్కింగ్‌ సదుపాయాన్ని అందుబాటులోకి తీసుకువచ్చే పనులకు సీఎం రేవంత్‌రెడ్డి, కంచి కామకోటి పీఠాధిపతి శంకర విజయేంద్ర సరస్వతి స్వామిజీతో కలిసి శంకుస్థాపన పూజలు చేయనున్నారు. శనివారం ఉదయం సీఎం రేవంత్‌రెడ్డి ప్రత్యేక హెలికాఫ్టర్‌లో యాదగిరిగుట్టకు చేరుకుంటారు. ఇందుకు సంబంధించిన ఏర్పాట్లను అధికారులు పూర్తి చేశారు. ఏర్పాట్లను ప్రభుత్వ విప్‌ బీర్ల ఐలయ్య, దేవాదాయశాఖ కమిషనర్‌ హనుమంతరావు, కలెక్టర్‌ అనురాగ్‌ జయంతి, ఎస్పీ అక్షాంశ్‌ యాదవ్‌ శుక్రవారం పరిశీలించారు. వేద పాఠశాలకు శంకుస్థాపన చేసే స్థలాన్ని, కొండకు దిగువన వాహన పూజల వద్ద ఏర్పాటు చేసిన హెలీప్యాడ్‌ను ఆయన పరిశీలించారు. అనంతరం అధికారులతో సమీక్ష నిర్వహించారు. కొండపైన, ప్రెసిడెన్షియల్‌ సూట్‌, వేద పాఠశాల స్థలం, ఘాట్‌ రోడ్డు ప్రాంతాల్లో బాంబ్‌, డాగ్‌ స్క్వాడ్‌ బృందాలు తనిఖీ చేశాయి. ముస్తాబైన ఆలయం యాదగిరీశుడిని దర్శించుకునేందుకు నాల్గవ సారి వస్తున్న సీఎం రేవంత్‌రెడ్డికి ప్రత్యేక స్వాగతం పలికేందుకు ఆలయాధికారులు సిద్ధమయ్యారు. సీఎంను ఆకర్షించే విధంగా ఆలయాన్ని ముస్తాబు చేశారు. ఇప్పటికే పలువురు అర్చకులు, అధికారులకు ఈఓ భవాని శంకర్‌ బాధ్యతలను అప్పగించారు. సీఎం రేవంత్‌రెడ్డితో పాటు మంత్రులకు ఆశీర్వచనం చేసిన అనంతరం అందజేసే ప్రసాదాన్ని ప్రత్యేకంగా తయారు చేశారు.

మఠంపల్లి : మట్టపల్లి లక్ష్మీనరసింహస్వామి దేవాలయంలో బుధవారం అర్చకులు స్వామివారి నిత్య కల్యాణాన్ని విశేషంగా నిర్వహించారు. ఈ సందర్భంగా ఆలయంలో సుప్రభాతసేవ, నిత్యహోమం, గర్భాలయంలోని మూలవిరాట్‌కు పంచామృతాభి షేకం చేపట్టారు. అనంతరం స్వామి, అమ్మవార్లలను పట్టు వస్త్రాలంకరణతో వధూవరులుగా అలంకరించి ఎదుర్కోళ్ల మహోత్సవ సంవాదం నిర్వహించారు. నిత్యకల్యాణం అనంతరం స్వామి అమ్మవార్లను గరుడవాహనంపై ఆలయ తిరుమాడ వీధులలో ఊరేగింపు నిర్వహించారు. కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, చెన్నూరు విజయ్‌కుమార్‌, అర్చకులు రామాచార్యులు, పద్మనాభాచార్యులు, లక్ష్మీనరసింహమూర్తి, ఆంజనేయాచార్యులు, భక్తులు పాల్గొన్నారు. విద్యుత్‌ సరఫరా సరిగా జరిగేలా..మేళ్లచెరువు : వేసవిలో విద్యుత్‌ సరఫరా డిమాండ్‌ అధికంగా ఉంటుంది. దాంతో ట్రాన్స్‌ఫార్మర్లపై లోడ్‌ పడడం, హెచ్చుతగ్గులు వచ్చి ఇబ్బందులు ఎదురవుతాయి. దీనిని నివారించేందుకు మేళ్లచెరువు మండలంలోని జగ్గుతండా గ్రామ సర్పంచ్‌ మంజుల సుధాకర్‌నాయక్‌ ప్రత్యేక చర్యలు చేపడుతున్నారు. గ్రామపంచాయతీ పరిధిలోని ట్రాన్స్‌ఫార్మర్‌లకు ఉండే ఎర్త్‌లకు పంచాయతీ ట్యాంకర్‌ ద్వారా నీటిని పోయిస్తున్నారు. దీని వల్ల వేసవిలో విద్యుత్‌ సరఫరాలో వచ్చే హెచ్చు తగ్గులను నివారించవచ్చని సర్పంచ్‌ తెలిపారు. సాగర్‌లో టూరిజం హెరిటేజ్‌ వాక్‌నాగార్జునసాగర్‌ : తెలంగాణ టూరిజం వారోత్సవాల్లో భాగంగా బుధవారం నాగార్జునసాగర్‌లో హెరిటేజ్‌ టూరిజం వాక్‌ నిర్వహించారు. కలెక్టర్‌ ఆదేశాల మేరకు జిల్లా పర్యాటక అధికారి మహ్మద్‌ అక్బర్‌అలీ ఆధ్వర్యంలో స్థానిక టూరిజం విజయవిహార్‌ అతిథిగృహం ప్రాంగణంలో వాక్‌ చేశారు. జిల్లాలోని టూరిజం ప్రాంతాలకు సంబంధించిన బ్రోచర్‌లోని పలు ప్రాంతాలపై చర్చించారు. కార్యక్రమంలో టూరిజం గైడ్‌ సత్యనారాయణ, స్థానికులు నజీర్‌, అనిల్‌కుమార్‌, రాజగోపాల్‌, అడ్వకేట్‌ వినోద్‌కుమార్‌, మల్లికార్జున్‌, సిబ్బంది వెంకటస్వామి, అంజి, తులసి పాల్గొన్నారు.

సూర్యాపేట అర్బన్‌ : సీపీఐ (ఎంఎల్‌) న్యూడెమోక్రసీ రాష్ట్ర కమిటీ సభ్యుడు జలగం జనార్దన్‌ (జెన్ను సార్‌) 5వ వర్ధంతి సందర్భంగా గురువారం సూర్యాపేటలోని చండ్ర పుల్లారెడ్డినగర్‌లో సదస్సు నిర్వహించనున్నట్లు సీపీఐ(ఎంఎల్‌)మాస్‌ లైన్‌ జిల్లా నాయకుడు కారింగుల వెంకన్న తెలిపారు. బుధవారం జిల్లా కేంద్రంలోని కామ్రేడ్‌ విక్రమ్‌భవన్‌లో నిర్వహించిన సమావేశంలో ఆయన మాట్లాడారు. జెన్ను సార్‌ అనునిత్యం అణగారిన వర్గాల కోసం పోరాటాలు చేశారన్నారు. సదస్సుకు పార్టీ నాయకులు, అభిమానులు అధిక సంఖ్యలో హాజ రు కావాలని కోరారు. సమావేశంలో పీఓడబ్ల్యూ జిల్లా ప్రధాన కార్యదర్శి కొత్తపల్లి రేణుక, పీడీఎస్‌యూ రాష్ట్ర ఉపాధ్యక్షుడు ఎర్ర అఖిల్‌కుమార్‌, నాయకులు నవీన్‌రెడ్డి, శివ, కళ్యాణ్‌ పాల్గొన్నారు. యాదగిరీశుడికి సంప్రదాయ పూజలుయాదగిరిగుట్ట రూరల్‌ : యాదగిరిగుట్ట శ్రీలక్ష్మీనరసింహాస్వామి క్షేత్రంలో సంప్రదాయ పూజలు బుధవారం శాస్త్రోక్తంగా కొనసాగాయి. వేకువజామునే స్వామి వారిని మేల్కోలిపిన అర్చకులు సుప్రభాత సేవ చేపట్టారు. ఆ తర్వాత స్వయంభూ, ప్రతిష్ఠా అలంకారమూర్తులకు నిజాభిషేకం, తులసీదళ అర్చనతో కొలిచారు. ప్రధానాలయం ముఖమండపం ముందు సువర్ణ పుష్పార్చన మూర్తులకు అష్టోత్తర పూజలు చేశారు. ఇక ఆలయ ప్రాకార మండపంలో శ్రీ సుదర్శన నారసింహా హోమం, గజవాహన సేవ, నిత్యకల్యాణోత్సవం, బ్రహ్మోత్సవం తదతర నిత్యారాధనలు జరిపించారు. రాత్రి శయనోత్సవం జరిపించి ఆలయాన్ని ద్వార బంధనం చేశారు.

సాగర్‌ ప్రాజెక్టు దిగువన కృష్ణా నది తీరం మొసళ్లకు నిలయంగా మారింది. గురువారం శ్రీ 21 శ్రీ మే శ్రీ 2026- 8లోతిరుమలగిరి (తుంగతుర్తి) : ప్రాథమిక వ్యవసాయ సహకార సంఘాలకు నామినేటెడ్‌ విధానంలో పాలక మండళ్లను నియమించాలని రాష్ట్ర ప్రభుత్వం నిర్ణయించింది. ఈ మేరకు రాష్ట్ర స్థాయి అధికారులు జిల్లా అధికారులకు సమాచారం అందించారు. దాంతో జాబితాలను ఇవ్వాలని అధికారపార్టీ ఎమ్మెల్యేలు, సెగ్మెంట్ల బాధ్యులను జిల్లా అధికారులు కోరారు. దాంతో గ్రామాలలో మళ్లీ సందడి నెలకొంది. పదవి ఆశిస్తున్న నాయకులు తమ వంతుగా ప్రయత్నాలు మొదలు పెట్టారు. గడువు పొడిగింపుతో.. పాక్స్‌ల పాలకమండళ్లు, డీసీఎంఎస్‌, ఎన్‌డీసీసీబీ పాలకవర్గం గడువు 14 ఫిబ్రవరి 2025న ముగిసింది. దాంతో రాష్ట్ర ప్రభుత్వం వాటి గడువును మరో 6 నెలలు పొడిగించింది. అనంతరం మరో ఆరునెలల గడువును పొడిగిస్తూ 2025 ఆగస్టు 14న అధికారులు ఉత్తర్వులు జారీచేశారు. పొడిగింపు గడువు 2026 ఫిబ్రవరి 14 వరకు ఉన్నప్పటికీ రాష్ట్ర ప్రభుత్వం అన్ని పాలకవర్గాలను రద్దు చేసి పర్సన్‌ ఇన్‌చార్జీలను నియమిస్తూ 2025 డిసెంబరు 19న ఉత్తర్వులు జారీ చేసింది. 11 నుంచి 13 మంది జాబితా గత నెలలో జరిగిన మంత్రివర్గ సమావేశంలో పాక్స్‌లకు ఎన్నికలకు బదులుగా నామినేటెడ్‌ విధానంతో పాలక మండళ్లను ఏర్పాటు చేయాలని నిర్ణయించి ఈ మేరకు గత నెల 27న ప్రభుత్వం ఉత్తర్వులు జారీచేసింది. అయితే గడువు ఉండగానే పాలక మండళ్లను రద్దు చేయడం, ఎన్నికల విధానానికి బదులుగా నియమిత విధానానికి వెళ్లడంపై పలువురు నాయకులు హైకోర్టును ఆశ్రయించారు. ఈ మేరకు విచారణ జరిపిన కోర్టు పాత పాలక మండళ్లనే కొనసాగించాలని తీర్పు ఇచ్చింది. కోర్టు సూచన మేరకు ఈ నెల 5 నుంచి పాత పాలక మండళ్లను పునరుద్ధరించారు. అయితే ఈ పాలక మండళ్ల విషయం తేలాల్సి ఉండగానే.. నామినేటెడ్‌ విధానంలో ఒక్కో పాక్స్‌కు 11 నుంచి 13 మందితో కూడిన జాబితాను పంపాలని రాష్ట్ర ప్రభుత్వం సూచనలు జారీ చేసింది. 18 రకాల వివరాలు పంపాలి అధ్యక్షుడు, సభ్యులుగా నియమించేవారికి సంబంధించి 18 రకాల వివరాలను పంపాలని ప్రభుత్వం సూచించింది. మార్కెట్‌ కమిటీల మాదిరిగానే అధ్యక్షుడు, ఉపాధ్యక్షుడు, సభ్యులు, అధికారులు ఎఫీషియో సభ్యులుగా ఉండనున్నారు. అధికార పార్టీకి చెందిన శాసనసభ్యులు, సెగ్మెంట్‌ బాధ్యులు, జిల్లా ఇన్‌చార్జి మంత్రుల ద్వారా పాలకమండళ్ల ప్రతినిధులను ఎన్నిక చేసే అవకాశం ఉంది. అయితే ఆశావహులు అప్పుడే తమ ప్రయత్నాలను ముమ్మరం చేశారు. ఎరువులు, విత్తనాల విక్రయం, ధాన్యం మక్కల కొనుగోళ్లు, పెట్రోలు పంపుల నిర్వహణ, రుణాల పంపిణీ, బ్యాంకింగ్‌ కౌంటర్ల ద్వారా లావాదేవీల నిర్వహణ తదితర వాటితో పాక్స్‌లకు అమితమైన ప్రాధాన్యత ఉంది. దాంతో పాలక మండళ్లకు పోటీ ఎక్కువగానే ఉండనుంది. ఉమ్మడి జిల్లాలో సహకార సంఘాలు : 107 సూర్యాపేట జిల్లా : 44 నల్లగొండ జిల్లా : 42 యాదాద్రి భువనగిరి : 21పీఏసీఎస్‌లకు పాలకమండళ్లుఫ కొత్తగా నామినేట్‌ చేసేందుకు ప్రభుత్వం కసరత్తు ఫ జాబితా పంపాలంటూ ఆదేశాలు

సూర్యాపేటటౌన్‌ : గ్రామీణ, పట్టణ ప్రాంతాలలో టీబీ వ్యాధి అనుమానితుల నుంచి పరీక్షల నమూనాల సేకరణను పెంచాలని జిల్లా వైద్యారోగ్యశాఖ అధికారి డాక్టర్‌ పెండెం వెంకటరమణ సూచించారు. టీబీ ముక్త్‌ భారత్‌ అభియాన్‌ 100 రోజుల కార్యక్రమంలో భాగంగా 54 రోజుల ప్రగతిపై బుధవారం డీఎంహెచ్‌ఓ కార్యాలయంలో నిర్వహించిన సమీక్ష సమావేశంలో ఆయన మాట్లాడారు. ప్రయోగశాలల్లో పరీక్షల నాణ్యతను నిరంతరం పర్యవేక్షించాలని, రిపోర్టులు త్వరగా వచ్చేలా చూడాలన్నారు. ప్రాథమిక పరీక్షల్లో నెగటివ్‌ వచ్చినప్పటికీ, లక్షణాలు ఉంటే వెంటనే సాంపుల్స్‌ సేకరించి పరీక్షలకు పంపాలన్నారు. ఇప్పటి వరకు 21 గ్రామ పంచాయతీలు టీబీ ముక్త్‌గా మార్చినందుకు అభినందించారు. టీబీ వ్యాప్తి ఎక్కువగా ఉన్న 67 గ్రామాలను గుర్తించి 32 గ్రామాల్లో ప్రత్యేక శిబిరాలు ఏర్పాటు చేసినట్లు తెలిపారు. 6,818 ఎక్స్‌రేలు తీయడంతో పాటు 2,941 మందికి ల్యాబ్‌ పరీక్షలు నిర్వహించగా 149 టీబీ వ్యాఽధిగ్రస్తులను గుర్తించి చికిత్స అందించినట్లు పేర్కొన్నారు. సమావేశంలో టీబీ యూనిట్‌ ఆఫీసర్‌ డాక్టర్‌ పి.వెంకటపాపిరెడ్డి, ప్రోగ్రాం అధికారి డాక్టర్‌ శ్రీశైలం, డిప్యూటీ డెమో సంజీవ్‌రెడ్డి, ఫార్మసిస్ట్‌లు, సిబ్బంది పాల్గొన్నారు. ఫ డీఎంహెచ్‌ఓ వెంకటరమణ

భానుపురి (సూర్యాపేట) : ఎలాంటి తప్పులు లేని, అత్యంత పారదర్శకమైన ఓటర్ల జాబితాను రూపొందించడమే లక్ష్యం కావాలని కలెక్టర్‌ తేజస్‌ నంద్‌లాల్‌ పవార్‌ అన్నారు. బుధవారం కలెక్టరేట్‌లోని వీసీ సమావేశ మదిరంలో ప్రత్యేక ఓటర్ల జాబితా సవరణపై జిల్లా స్థాయి రాజకీయ పార్టీల ప్రతినిధులతో నిర్వహించిన సమీక్ష సమావేశంలో ఆయన మాట్లాడారు. భారత ఎన్నికల సంఘం నిబంధనల ప్రకారం జిల్లా యంత్రాంగం అత్యంత పారదర్శకంగా, ఖచ్చితమైన విచారణతో బాధ్యతాయుతంగా పనిచేస్తుందని స్పష్టం చేశారు. రాజకీయ నాయకులు సైతం క్షేత్రస్థాయిలో పర్యటించి పరిశీలన చేయాలని సూచించారు. ఇందుకోసం ప్రతి రాజకీయ పార్టీ తక్షణమే తమ బూత్‌ స్థాయి ఏజెంట్లను నియమించుకోవాలన్నారు. ఓటర్ల జాబితా ప్రత్యేక సవరణ కార్యక్రమం జూన్‌ 15 నుంచి ప్రారంభం అవుతుందన్నారు. జూన్‌ 15 నుంచి 24 వరకు బూత్‌ స్థాయి అధికారులకు పూర్తిస్థాయి శిక్షణ, ప్రిపరేషన్‌, జూన్‌ 25 నుంచి జూలై 24 వరకు బీఎల్‌ఓలు ఇంటింటికీ వెళ్లి సమగ్ర విచారణ చేస్తారన్నారు. జూలై 24న పోలింగ్‌ కేంద్రాలను ఓటర్ల సంఖ్యకు అనుగుణంగా మార్పు, జూలై 31న ఓటర్ల ముసాయిదా (డ్రాఫ్ట్‌) జాబితా ప్రచురణ, జూలై 31 నుంచి ఆగస్టు 30 వరకు ముసాయిదాపై అభ్యంతరాలు, క్లెయిమ్‌ల స్వీకరణ, సెప్టెంబర్‌ 28 వరకు అభ్యంతరాల పరిష్కారం, అక్టోబర్‌ 1న ఓటర్ల తుది జాబితా అధికారిక ప్రచురణ ఉంటుందని వివరించారు. బీఎల్‌ఓల పాత్ర అత్యంత కీలకం కొత్త ఓటర్ల నమోదు, జాబితా ప్రక్షాళనలో బూత్‌ స్థాయి అధికారుల పాత్ర అత్యంత కీలకమని కలెక్టర్‌ పేర్కొన్నారు. చనిపోయిన వారి పేర్లను తొలగించడం, వలస వెళ్లిన వారిని గుర్తించడంతో పాటు అర్హులైన కొత్త ఓటర్లను జాబితాలో చేర్చే బాధ్యత కూడా బీఎల్‌ఓలపై ఉందని కలెక్టర్‌ స్పష్టం చేశారు. సమావేశంలో అదనపు కలెక్టర్‌ బి. హరిసింగ్‌, రాజకీయ నాయకులు చకిలం రాజేశ్వర రావు, ఎండీ అబీద్‌, రవి, కరుణాకర్‌, ఎన్నికల సిబ్బంది పాల్గొన్నారు. ఫ కలెక్టర్‌ తేజస్‌ నంద్‌ లాల్‌ పవార్‌

సూర్యాపేటటౌన్‌ : రికార్డుల ప్రకారం తన సర్వీస్‌ పూర్తయినా.. అక్రమంగా సర్వీస్‌ రికార్డుల్లో తన పుట్టిన తేదీని దిద్దుకొని నాలుగేళ్లు అదనంగా ఉద్యోగంలో కొనసాగాడు ఓ రిటైర్డ్‌ ఉపాధ్యాయుడు. పదవీ విరమణ వయస్సు దాటినా నాలుగేళ్లు విధుల్లో కొనసాగి జీతం రూపంలో ప్రభుత్వ సొమ్మును కాజేశాడు. ఈ విషయమై స్వయాన అతడి కుమారుడే ఉన్నతాధికారులకు ఫిర్యాదు చేయడంతో అసలు విషయం బయట పడింది. అయినా అతడిపై చర్యలకు అధికారులు వెనకడుగు వేస్తున్నారనే ఆరోపణలు ఉన్నాయి. సర్వీస్‌బుక్‌లో తేదీ మార్పు మద్దిరాల మండలం చిన్ననెమిల గ్రామానికి చెందిన రిటైర్డ్‌ ఉపాధ్యాయుడు అల్లంనేని రంగారావు ఎస్‌జీటీగా విద్యాశాఖలో సేవలందించి 2004లో ఉద్యోగ విరమణ పొందారు. సదరు ఉపాధ్యాయుడి పుట్టిన తేదీ ఆయన చదివిన పాఠశాల (జడ్పీహెచ్‌ఎస్‌ తొర్రూర్‌) రికార్డుల ప్రకారంగా 12 నవంబర్‌ 1942గా ఉంది. అప్పుడు ఉన్న నిబంధనల ప్రకారం ఆయన 58 సంవత్సరాల సర్వీస్‌ పూర్తి చేసుకొని 2000 సంవత్సరంలో రిటైర్డ్‌ కావాల్సి ఉంది. అయితే కంప్యూటర్‌ వ్యవస్థ లేని సమయంలో సదరు ఉపాధ్యాయుడు తన సర్వీస్‌ బుక్‌లో చేతిరాతతో ఉన్న పుట్టిన తేదీని 1942కు బదులు 1946గా దిద్ది నాలుగేళ్లు అదనంగా కొలువులో కొనసాగారు. అధికారుల కళ్లుగప్పి 2004 వరకు విధుల్లో కొనసాగారు. నాలుగేళ్లు జీతం రూపంలో ప్రభుత్వ సొమ్మును కాజేశారు. తండ్రి అక్రమాలపై కుమారుడి ఫిర్యాదు అల్లంనేని రంగారావు కుమారుడు వెంకటేశ్వర్‌రావు ఈ విషయం తెలుసుకొని ప్రభుత్వ సొమ్మును దుర్వినియోగం చేసిన విషయమై కలెక్టర్‌, డీఈఓకు ఫిర్యాదు చేశారు. డైరెక్టరేట్‌ ఆఫ్‌ స్కూల్‌ ఎడ్యుకేషన్‌ హైదరాబాద్‌, అకౌంట్‌ జనరల్‌ ఆఫీస్‌కు సైతం ఫిర్యాదు చేశాడు. మండల విద్యాశాఖ అధికారులకు తగిన ఆధారాలతో ఫిర్యాదు చేసినప్పటికీ ఎలాంటి చర్యలు తీసుకోలేదని వెంకటేశ్వర్‌రావు ఆవేదన వ్యక్తం చేస్తున్నారు. ఈ విషయమై అధికారులు పూర్తిస్థాయిలో విచారణ చేపట్టి అవినీతికి పాల్పడిన రిటైర్డ్‌ ఉపాధ్యాయుడిపై చర్యలు తీసుకోవాలని ఆయన డిమాండ్‌ చేస్తున్నారు. రిటైర్డ్‌ ఉపాధ్యాయుడు అల్లంనేని రంగారావు విషయమై పూర్తిస్థాయిలో విచారణ జరిపి నివేదిక అందించాలని నూతనకల్‌ మండల విద్యాధికారికి ఆదేశించాం. సర్వీస్‌ పుస్తకంలో పుట్టిన తేదీ దిద్దుకొని నాలుగేళ్లు అదనంగా జీతం పొందినట్లు రుజువైతే ఆ డబ్బులను రికవరీ చేస్తాం. అతడిపై చర్యలు సైతం ఉంటాయి. – అశోక్‌, డీఈఓఫ పుట్టినతేదీ మార్చుకొని అదనంగా నాలుగేళ్లు సర్వీస్‌లో ఫ ప్రభుత్వాన్ని మోసగించిన రిటైర్డ్‌ టీచర్‌ ఫ తండ్రి అక్రమాలపై కుమారుడి ఫిర్యాదు

ఫ నెలాఖరు నాటికి ఉద్యోగుల బదిలీలు ఫ పలు శాఖల్లో జోరుగా పైరవీలు ఫ నచ్చిన చోటుకు మారేందుకు తిప్పలు ఫ గాడ్‌ ఫాదర్ల వద్దకు పరుగులుభానుపురి (సూర్యాపేట) : పలు ప్రభుత్వ శాఖల్లో నెలాఖరు నాటికి ఉద్యోగుల సాధారణ బదిలీలకు ప్రభుత్వం ఆదేశాలిచ్చింది. కొన్ని శాఖలకు మినహాయింపులు ఇవ్వగా.. బదిలీలు జరిగే శాఖల్లో నాలుగేళ్ల సర్వీసు పూర్తి చేసుకున్న వారికి తప్పనిసరిగా స్థానచలనం కావాల్సి ఉంది. ఈ నేపథ్యంలో ఉద్యోగులు పైరవీల జోరు పెంచారు. తమకు అనుకూలంగా ఉన్న చోటుకు మారేందుకు, స్థానచలనం కాకుండా ఉండేందుకు ఓవైపు జిల్లాస్థాయి అధికారులను, మరోవైపు ప్రజా ప్రతినిధులను ప్రసన్నం చేసుకునేందుకు పరుగులు తీస్తున్నారు. బదిలీల సందడి..! ఉపాధ్యాయులు, పోలీసులు, వాణిజ్య పన్నులు, అబ్కారీ, రవాణా, అటవీ శాఖల ఉద్యోగులు మినహా మిగతా 45 శాఖలకు పైగా ఉద్యోగులకు బదిలీలు తప్పనిసరిగా మారాయి. ఇందులోనూ నాలుగేళ్ల సర్వీసు పూర్తి చేసుకున్న వారికి తప్పరిసరిగా బదిలీలు చేపట్టాల్సి ఉంది. ఆయా శాఖల జిల్లా అధికారులు తమ శాఖల పరిధిలో ఉన్న ఉద్యోగుల బదిలీలను చేపట్టాల్సి ఉంటుంది. ఇప్పటికే ఆయా శాఖల్లో ఉన్న ఖాళీలను గుర్తించడం, బదిలీ అయ్యే ఉద్యోగుల లిస్టులను ప్రదర్శించడం వంటివి చేపట్టారు. ఆయా ఖాళీల ఆధారంగా 5 ఆప్షన్లతో కూడిన దరఖాస్తులను బదిలీ అయ్యే ఉద్యోగుల నుంచి స్వీకరించారు. కొన్నిశాఖల్లో ఒకట్రెండు రోజుల్లోనే కౌన్సిలింగ్‌ ప్రక్రియ చేపట్టనున్నారు. ఈ నేపథ్యంలో జిల్లా వ్యాప్తంగా ఆయా శాఖల్లో బదిలీ సందడి నెలకొంది. నచ్చిన కాడికి వెళ్లేందుకు..! సూర్యాపేట జిల్లా వ్యాప్తంగా 7,987 మంది ప్రభుత్వ ఉద్యోగులు ఉన్నారు. ఇందులో 2024లో చేపట్టిన బదిలీల్లో పలువురికి స్థానచలనం కాగా.. ప్రభుత్వ మినహాయింపులు, బదిలీలు అయ్యే శాఖల్లో దాదాపు 3వేలకు పైగా ఉద్యోగులు బదిలీ అయ్యే అవకాశం ఉంది. ప్రధానంగా పంచాయతీరాజ్‌ శాఖలో ఉద్యోగుల బదిలీలు అధికంగా జరగనున్నాయి. బదిలీ తప్పనిసరి అనుకున్న వారంతా తమకు అనుకూలమైన మండలాలు, ప్రాంతాలకు వెళ్లేందుకు పెద్ద ఎత్తున పైరవీలు చేస్తున్నారు. జిల్లాస్ధాయి అధికారులనే కాకుండా ప్రజాప్రతినిధులతో ఒత్తిడి తెస్తున్నారు. దాంతో పాటు ఉద్యోగ సంఘాల్లో వివిధ హోదాల్లో ఉన్న వారితో తమ పైరవీలను నడుపుతున్నారు. ఏది చేసైనా తమకు కావాల్సిన ప్రాంతాలు, పోస్టింగ్‌లను పొందేందుకు ప్రయత్నాలను ముమ్మరం చేశారు. ఈ నెల 25 నుంచి ఉద్యోగుల బదిలీలకు సంబంధించిన ఉత్తర్వులు రానున్నట్లు తెలుస్తోంది.

నాగారం : ఇంగ్లిష్‌ మీడియంలో ఇంటర్మీడియట్‌ చదవాలనుకునే గ్రామీణ ప్రాంత విద్యార్థులకు తెలంగాణ మోడల్‌ స్కూళ్లు వరంలా మారాయి. ఆదర్శ పాఠశాలల్లో చదువుకున్న విద్యార్థులు క్రీడలు, కళలు, సాంస్కతిక రంగాల్లో రాణిస్తున్నారు. ఇంటర్‌ ఫలితాల్లో మంచి ర్యాంకులు సాధిస్తున్నారు. 2026–2027 విద్యా సంవత్సరానికి ఇంటర్‌లో ప్రవేశానికి ఆన్‌లైన్‌లో దరఖాస్తునకు ఈ నెల 25 వరకు గడువు ఉంది. జిల్లాలో 9 మోడల్‌ స్కూళ్లు సూర్యాపేట జిల్లాలో 9 మోడల్‌ స్కూళ్లు ఉన్నాయి. నాగారం(పసునూర్‌),తిరుమలగిరి (అనంతారం), సూర్యాపేట (ఇమాంపేట), పెన్‌పహాడ్‌ (అనాజీపురం), నడిగూడెం (కర్విరాల), గరిడేపల్లి (గడ్డిపల్లి), ఆత్మకూర్‌(ఎస్‌), మట్టంపల్లి, మునగాల మండలాల్లో మోడల్‌ స్కూళ్లు, కళాశాలలు ఉన్నాయి. ఆయా కళాశాలల్లో ఎంపీసీ, బైపీసీ, సీఈసీ, ఏసీఈ కోర్సులు ఉన్నాయ. ఒక్కో కోర్సులో 40 సీట్ల చొప్పున మొత్తం జిల్లాలో 1,440 సీట్లు అందుబాటులో ఉన్నాయి. సీట్లను భర్తీకి పదో తరగతిలో ఉత్తీర్ణులైన విద్యార్థుల నుంచి దరఖాస్తులు స్వీకరించి మెరిట్‌ ఆధారంగా రోస్టర్‌ ప్రకారం ఎంపిక చేయనున్నారు. 100 మంది బాలికలకు హాస్టల్‌ వసతి సైతం కల్పిస్తారు. 25 తుది గడువు ఆదర్శ పాఠశాలలో ఇంటర్‌ ప్రథమ సంవత్సరంలో ప్రవేశానికి ఈ నెల 25 వరకు ఆన్‌లైన్‌లో దరఖాస్తులు చేసుకోవాల్సి ఉంటుంది. 27న మెరిట్‌ లిస్టు ప్రకటిస్తారు. ఎంపికై న విద్యార్థులకు 28 నుంచి 30 వరకు ఒరిజినల్‌ సర్టిఫికెట్ల పరిశీలన ఉంటుంది. జూన్‌ 1 నుంచి తరగతులు ప్రారంభిస్తారు. ఫ మోడల్‌ స్కూళ్లలో ఇంటర్‌ ప్రథమ సంవత్సరంలో అడ్మిషన్లు ఫ జిల్లాలో 9 మోడల్‌ స్కూళ్లు

సూర్యాపేట అర్బన్‌ : సూర్యాపేట మున్సిపాలిటీ పరిధిలో ఉన్న కుక్కలు చర్మవ్యాధులతో బాధపడుతున్నాయన్న సమాచారంతో హైదరాబాద్‌ బ్లూక్రాస్‌ షెల్టర్‌ డైరెక్టర్‌, సీఎఫ్‌ఓ ఎన్‌ఎస్‌కే కుమారి బుధవారం ప్రత్యేక వైద్యబృందంతో చేరుకొని చికిత్స చేపట్టారు. 25వ వార్డులో చర్మవ్యాధులతో ఉన్న కుక్కలను వలల సాయంతో పట్టుకుని వాటి నుంచి రక్త నమూనాలను సేకరించారు. అనంతరం ప్రత్యేక వ్యాక్సిన్‌ అందించారు. పలు వార్డుల్లోని శునకాల నుంచి రక్త నమూనాలు సేకరించారు. ఈ సందర్భంగా డాక్టర్‌ ఎన్‌ఎస్‌కే కుమారి మాట్లాడుతూ చర్మవ్యాధులతో బాధపడుతున్న కుక్కల విషయమై తమ వలంటీర్‌ అందించిన సమాచారం మేరకు సూర్యాపేటకు వచ్చినట్లు తెలిపారు. సుమారు పది కుక్కల నుంచి రక్త నమూనాలను సేకరించామని, వాటి నివేదికలు వచ్చిన అనంతరం తదుపరి కార్యాచరణ చేపడతామని చెప్పారు. ప్రస్తుతం కుక్కలకు వ్యాక్సిన్లు అందించామని తెలిపారు. ఈ కార్యక్రమానికి మున్సిపల్‌ చైర్‌పర్సన్‌ మొరిశెట్టి నివేదిత లక్షాది, కమిషనర్‌ హనుమంతరెడ్డి సహకారం అందించారని వివరించారు, కార్యక్రమంలో మున్సిపల్‌ ఫ్లోర్‌ లీడర్‌ కుమ్మరికుంట్ల వేణుగోపాల్‌, బ్లూ ఆఫ్‌ హైదరాబాద్‌ జిల్లా వలంటీర్‌ నరేందర్‌ నాయుడు, శానిటరీ ఇన్‌స్పెక్టర్‌ సారగండ్ల శ్రీనివాస్‌, 24, 25 వార్డు కౌన్సిలర్లు మన్నెం అరుణ మల్లేష్‌, కోడి శిరీష శివ, వైద్యులు పాల్గొన్నారు.

సూర్యాపేటటౌన్‌ : ఆన్‌లైన్‌లో మెడిసిన్‌ విక్రయాలకు వ్యతిరేకంగా సూర్యాపేట జిల్లా వ్యాప్తంగా బుధవారం మెడికల్‌ షాపుల బంద్‌ నిర్వహించారు. జిల్లా కేంద్రంలో మెడికల్‌ షాపుల యూనియన్‌ ఆధ్వర్యంలో స్వచ్ఛందంగా షాపులను మూసివేశారు. అనంతరం వాటి యజమానులు నిరసన ప్రదర్శన నిర్వహించారు. ఈ సందర్భంగా పలువురు నిర్వాహకులు మాట్లాడుతూ ఆన్‌న్‌ లైన్‌ సర్వీసు వల్ల మెడికల్‌ వ్యాపారులకు తీవ్ర నష్టం కలుగుతోందన్నారు. మెడికల్‌ షాపులను డ్రగ్‌ ఇన్‌స్పెక్టర్లు తనిఖీలు నిర్వహిస్తున్నారని. మరి ఆన్‌లైన్‌లోన విక్రయించే మందులను ఎవరు పరిశీలిస్తారని ప్రశ్నించారు. మత్తు టాబ్లెట్లు, నకిలీ మందులు ఆన్‌న్‌లైన్‌ ద్వారా సులభంగా అందుబాటులోకి వస్తున్నాయన్నారు. ప్రభుత్వం ఈ విధానాన్ని రద్దు చేయాలని కోరారు. కార్యక్రమంలో మెడికల్‌ షాపుల యజమానులు పాల్గొన్నారు.ఫ ఆన్‌లైన్‌లో మెడిసిన్‌ విక్రయాలపై నిరసన

కోదాడ : కోదాడ మున్సిపల్‌ కోఆప్షన్‌ పదవుల కోసం అధికార కాంగ్రెస్‌ పార్టీలో ఆశావహులకు ఎదురు చూపులు తప్పడం లేదు. ఈ పదవులను భర్తీచేయడంలో కీలకంగా వ్యవహరించే మంత్రి ఉత్తమ్‌ కుమార్‌రెడ్డి, కోదాడ ఎమ్మెల్యే పద్మావతి మాత్రం వీటిపై ఇప్పటి వరకు దృష్టి సారించలేదు. మున్సిపాలిటీ పాలక వర్గం అధికారం చేపట్టిన రెండు నెలలలోపు వీటిని నింపాల్సి ఉంది. అయినా మూడు నెలల దాటినా కోఆప్షన్‌ పదవుల భర్తీకి మాత్రం మోక్షం కలగడం లేదు. మునుపెన్నడూ లేనివిధంగా, రాష్ట్ర వ్యాప్తంగా ఉన్న మున్సిపాలిటీల కన్నా కోదాడలోనే అత్యధికంగా 57 మంది ఆశావహులు దరఖాస్తు చేసుకున్నారు. ముస్లిం మైనార్టీ కోటాలో ఉన్న ఒక్క పదవికి 17 మంది, క్రిస్టియన్‌ మైనార్టీ కోటాలో ఉన్న ఒక్క కోఆప్షన పదవికి మరో 17 మంది దరఖాస్తులు చేసుకున్నారు. అలాగే, మాజీ ప్రజాప్రతినిధులు, పరిపాలన అనుభవం ఉన్న వారి కోటాలోని రెండు స్థానాలకు 25 మంది దరఖాస్తు చేశారు. ఆశావహులు ఎక్కువగా ఉండడంతో.. కోఆప్షన్‌ పదవులు పరిమితంగా.. ఆశావహులు భారీ సంఖ్యలో ఉండడంతో పదవులకు నాయకులను ఎంపిక చేయడంలో మంత్రి, స్థానిక ఎమ్మెల్యే తర్జనభర్జన పడుతున్నట్లు తెలుస్తోంది. పదవులను భర్తీ చేయడం తేనె తుట్టెను కదిలించినట్లేనని వారు భావిస్తూ వాయిదా వేస్తున్నట్లు సమాచారం. మున్సి పల్‌ ఎన్నికల సమయంలో పలవురికి కోఆప్షన్‌ పదవులు ఇస్తామని హామీ ఇవ్వడంతో ప్రస్తుతం వారంతా తమకు అవకాశం కల్పించాలని నాయకులపై ఒత్తిడి తెస్తున్నారు. వీరిలో ఒకరికి ఇచ్చి మరొకరికి లేదంటే లేనిపోని సమస్యలు వస్తామని భావించి ఏకంగా మొత్తం ప్రక్రియనే వాయిదా వేసినట్లు సమాచారం. ఇలా ఎంతకాలం వాయిదా వేస్తారని.. ఏదో ఒకరోజు ఈ పదవులను భర్తీ చేయాల్సిందే కదా అని.. ఇప్పటికై నా మంత్రి ఉత్తమ్‌, ఎమ్మెల్యే పద్మావతి ప్రత్యేక దృష్టిసారించి ఆశావహులను కూర్చోబెట్టి నిర్ణయం తీసుకోవాలని పలువురు నేతలు అంటున్నారు. మాజీ ప్రజాప్రతినిధుల కోటాలో కోదాడ మాజీ సర్పంచ్‌లు ఎర్నేని బాబు, పారా సీతయ్య ఇద్దరు తమకు కోఆప్షన్‌ అవకాశం కల్పించాలని గట్టిగా కోరుతున్నారు. ప్రస్తుతం ఎర్నేనిబాబు సతీమణి కుసుమ కుమారి మున్సిపల్‌ చైర్‌పర్సన్‌గా ఉన్నారు. ఆమెకు మున్సిపల్‌ సమావేశాల్లో సహాయ సహకారాలు అందించాలంటే తాను మున్సిపల్‌ సమావేశాల్లో పాల్గొవాలని అందుకు తనకు కో ఆప్షన్‌ పదవి ఇవ్వాలని బాబు కోరుతున్నారు. మున్సిపల్‌ చైర్‌పర్సన్‌ పదవిని చెరిసగం కాలమని చెప్పారని, రెండున్నర సంవత్సరాల తరువాత తన సతీమణి పారా సత్యవతికి చైర్‌పర్సన్‌ పదవి ఇస్తామని ఒప్పందం జరిగినందున తనకు కూడ కోఆప్షన్‌ అవకాశం ఇవ్వాలని పారా సీతయ్య గట్టిగానే కోరుతున్నారు. ఇక ముస్లిం మైనార్టీ, క్రిస్టియన్‌ మైనార్టీలలో కూడా గట్టిపోటీనే ఉండడంతో ఈ పదవులు ఎవరిని వరిస్తాయో అర్థంకాని పరిస్థితి నెలకొంది. పది సంవత్సరాలుగా పదవులు లేకుండా ఉన్నామని.. ఇప్పుడు అవకాశం వచ్చినందున వెంటనే పదవులను భర్తీ చేయాలని కాంగ్రెస్‌ పార్టీలోని ఆశావహులు కోరుతున్నారు. ఫ భర్తీకాని కోదాడ మున్సిపల్‌ కోఆప్షన్‌ పదవులు ఫ రాష్ట్రంలోనే అత్యధికంగా దరఖాస్తులు ఫ రెండు నెలలు దాటినా దృష్టిపెట్టని మంత్రి ఉత్తమ్‌, ఎమ్మెల్యే పద్మావతి ఫ ఎదురుచూపుల్లో ఆశావహులు

సూర్యాపేట టౌన్‌ : సమాజ హితానికి పాటుపడాలని ఎస్పీ నరసింహ అన్నారు. కేసుల్లో సస్పెక్ట్‌ షీట్స్‌, హిస్టరీ షీట్స్‌, గంజాయి కేసుల్లో షీట్స్‌ ఉన్న వ్యక్తులకు సూర్యాపేట పట్టణ పోలీస్‌ స్టేషన్‌లో మంగళవారం డివిజన్‌ స్థాయి కౌన్సిలింగ్‌ నిర్వహించారు. ఈ సందర్భంగా ఎస్పీ మాట్లాడుతూ గతంలో చేసిన పనుల నుంచి పాఠాలు నేర్చుకుని సత్ప్రవర్తన కలిగి ఉండాలని సూచించారు. అసాంఘిక చర్యలకు, నేరాలకు పాల్పడుతూ ప్రజా జీవనానికి భంగం కలిగిస్తే రౌడీ షీట్స్‌, సస్పెక్ట్‌ షీట్స్‌ నమోదు చేస్తామని, పీడీ యాక్ట్‌ పెట్టి జైలుకు పంపిస్తామని హెచ్చరించారు. ప్రతినెలా కౌన్సిలింగ్‌ కార్యక్రమాలు నిర్వహిస్తామని, అందరిపై పోలీసు నిఘా ఉందని పేర్కొన్నారు. చట్టాన్ని ఉల్లంఘించి వ్యక్తులపై భౌతిక దాడులకు పాల్పడవద్దని కోరారు. గరిడేపల్లి, మేళ్లచెరువు, మునగాల, మోతె పోలీస్‌ స్టేషన్లలో నమోదైన హత్య కేసుల్లో జీవిత ఖైదీ శిక్షలు పడ్డాయని గుర్తుచేశారు. ఈ కార్యక్రమంలో సూర్యాపేట డీఎస్పీ ప్రసన్నకుమార్‌, పట్టణ ఇన్‌స్పెక్టర్‌ వెంకటయ్య, ఎస్‌ఐలు ఏడుకొండలు, సాయిరాం, శివతేజ, సిబ్బంది పాల్గొన్నారు. భౌతికదాడులకు పాల్పడొద్దు నూతనకల్‌ : సమాజంలో భౌతికదాడులు, అసాంఘిక కార్యక్రమాలకు పాల్పడే వారిపై కఠిన చర్యలు తప్పవని ఎస్పీ నరసింహ అన్నారు. మంగళవారం నూతనకల్‌ మండల కేంద్రంలో పోలీస్‌ స్టేషన్‌ను తనిఖీ చేశారు. స్టేషన్‌లో రికార్డులు పరిశీలించడంతో పాటు పోలీసు సిబ్బందిచే గౌరవ వందనం స్వీకరించారు. స్టేషన్‌ పరిసరాలను పరిశీలించి మొక్కలను నాటారు. ఈ సందర్భంగా మండలంలోని వివిధ గ్రామాల్లో ఉన్న పాతనేరస్తులు, రౌడీ షీటర్లకు కౌన్సిలింగ్‌ నిర్వహించి మాట్లాడారు. ప్రతి గ్రామంలో శాంతి భద్రతల పరిరక్షణకు కృషిచేయాలన్నారు. సీసీ కెమెరాలు ఏర్పాటు చేయడం కోసం గ్రామస్తులను చైతన్యవంతం చేస్తున్నట్లు తెలిపారు. ఈ కార్యక్రమంలో డీఎస్పీ ప్రసన్నకుమార్‌, నాగారం సీఐ నాగేశ్వరరావు, డీసీఆర్పీ ఇన్‌స్పెక్టర్‌ మగ్ధూమ్‌ అలీ, ఎస్‌ఐ నాగరాజు తదితరులు పాల్గొన్నారు.

తిరుమలగిరి (తుంగతుర్తి) : వారం రోజుల్లో ధాన్యం కొనుగోళ్ల లక్ష్యాన్ని పూర్తి చేస్తామని కలెక్టర్‌ తేజస్‌ నంద్‌లాల్‌ పవార్‌ అన్నారు. మంగళవారం ఆయన తిరుమలగిరి వ్యవసాయ మార్కెట్‌ యార్డులో అధికారులతో కలిసి అన్‌ లోడింగ్‌ పాయింట్‌ను పరిశీలించారు. ఈ సందర్భంగా ఆయన మాట్లాడుతూ ధాన్యం దిగుమతులు వేగవంతం చేయడానికి తిరుమలగిరి వ్యవసాయ మార్కెట్‌ యార్డులో అన్‌ లోడింగ్‌ పాయింట్‌ ఏర్పాటు చేసినట్లు తెలిపారు. ఆయన వెంట తిరుమలగిరి తహసీల్దార్‌ హరిప్రసాద్‌, డీటీ జాన్‌మహ్మద్‌, ఆర్‌ఐ సుజిత్‌రెడ్డి, వ్యవసాయ మార్కెట్‌ సూపర్‌వైజర్‌ అనిల్‌, ఎస్‌ఐ వెంకట్‌రెడ్డి ఉన్నారు. 2.60 లక్షల మెట్రిక్‌ టన్నుల ధాన్యం కొన్నాం తుంగతుర్తి : ఇప్పటి వరకు జిల్లాలో 2.60 లక్షల మెట్రిక్‌ టన్నుల ధాన్యం కొనుగోలు చేశామని కలెక్టర్‌ తేజస్‌ నంద్‌లాల్‌ పవార్‌ తెలిపారు. మంగళవారం తుంగతుర్తి వ్యవసాయ మార్కెట్‌తోపాటు వివిధ గ్రామాల్లో ధాన్యం కొనుగోలు కేంద్రాలను సందర్శించి మాట్లాడారు. అన్ని కేంద్రాల్లో హమాలీలు, లారీ కొరతలు లేకుండా అన్‌లోడింగ్‌ ప్రక్రియను వారం రోజుల్లో పూర్తిచేసేలా చూస్తామని వివరించారు. పలు సమస్యలను కేంద్రాల నిర్వాహకులు కలెక్టర్‌ దృష్టికి తీసుకెళ్లారు. ఆయన వెంట తహసీల్దార్‌ దయానందం, ఎంపీడీఓ శేషు కుమార్‌, ఎంపీఓ సందీప్‌ ,వ్యవసాయ శాఖ ఏడీఏ రమేష్‌ బాబు, ఏపీఎం యాదమ్మ, కేంద్రాల నిర్వాహకులు ఉన్నారు. ఫ కలెక్టర్‌ తేజస్‌ నంద్‌లాల్‌ పవార్‌

మోతె : రైతులను పట్టించుకోని కాంగ్రెస్‌ ప్రభుత్వాన్ని గద్దెదించాలని కోదాడ మాజీ ఎమ్మెల్యే బొల్లం మల్లయ్యయాదవ్‌ అన్నారు. కొనుగోలు కేంద్రాల్లో రైతుల సమస్యలను పట్టించుకోని రాష్ట్ర ప్రభుత్వం తీరును నిరసిస్తూ మంగళవారం మోతె మండల కేంద్రంలో సూర్యాపేట–ఖమ్మం జాతీయ రహదారిపై రైతులతో ధర్నా నిర్వహించారు. ఈ సందర్భంగా ఆయన మాట్లాడుతూ ఆరుగాలం శమటోడ్చి రైతులు పండించిన పంటను ప్రభుత్వం సకాలంలో కొనుగోలు చేయడం లేదని ఆరోపించారు. మాయమాటలు చెప్పి అధికారంలోకి వచ్చిన కాంగ్రెస్‌ తక్షణమే అధికారం నుంచి వైదొలగాలని డిమాండ్‌ చేశారు. కాంగ్రెస్‌ పాలనలో రైతులకు అడుగడుగునా కష్టాలు పడుతున్నారన్నారు. అనంతరం మోతెలోని కొనుగోలు కేంద్రాన్ని సందర్శించి ధాన్యం కాంటాలు ఎందుకు కావడంలేదని రైతులను అడిగి తెలుసుకున్నారు. రైతుల వడ్లు కొంటున్నామని కాంగ్రెస్‌ ప్రభుత్వం గొప్పలు చెప్పుకుంటుంది తప్ప ఆచరణలో పెట్టడం లేదన్నారు. ఈ కార్యక్రమంలో బీఆర్‌ఎస్‌ మండల పార్టీ అధ్యక్షుడు శీలం సైదులు, నాయకులు ఆరె లింగారెడ్డి, శంకర్‌నాయక్‌, మిక్కిలినేని సతీష్‌ తదితరులు పాల్గొన్నారు.ఫ మాజీ ఎమ్మెల్యే బొల్లం మల్లయ్యయాదవ్‌

నడిగూడెం : రాజ్యాంగ నిర్మాత డాక్టర్‌ బీఆర్‌.అంబేద్కర్‌ ఆశయ సాధనకు ప్రతిఒక్కరం కృషిచేద్దామని బీసీ, ఎస్సీ, ఎస్టీ జేఏసీ చైర్మన్‌ విశారదన్‌ మహరాజ్‌ పిలుపునిచ్చారు. నడిగూడెం మండలం తెల్లబల్లిలో అంబేద్కర్‌ యూత్‌ ఆధ్వర్యంలో ఏర్పాటు చేసిన అంబేద్కర్‌ విగ్రహాన్ని మంగళళవారం ఆయన ఆవిష్కరించారు. ఈ సందర్భంగా ఏర్పాటు చేసిన కార్యక్రమంలో ఆయన మాట్లాడారు. రాజ్యాంగం కల్పించిన హక్కుల పరిరక్షణ కోసం అందరూ ఐక్యంగా పోరాడాలన్నారు. రాబోయే రోజుల్లో జరిగే పోరాటంలో సబ్బండ వర్గాలు కలిసి రావాలన్నారు. ఈ కార్యక్రమంలో ఆ గ్రామ సర్పంచ్‌ ఇవలపంగు సరోజిని, అంబేద్కర్‌ యువజన సంఘం సభ్యులు, గ్రామస్తులు పాల్గొన్నారు. ఫ బీసీ, ఎస్సీ, ఎస్టీ జేఏసీ చైర్మన్‌ విశారదన్‌ మహరాజ్‌

భానుపురి (సూర్యాపేట) : ప్రజా పాలన–ప్రగతి ప్రణాళికలో భాగంగా ఈనెల 22న నిర్వహించనున్న జిల్లా స్థాయి సమావేశం విజయంతానికి అన్ని శాఖల అధికారులు సమన్వయంతో పనిచేయాలని అదనపు కలెక్టర్‌ బి.హరిసింగ్‌ అన్నారు. మంగళవారం కలెక్టరేట్‌లోని తన చాంబర్‌లోని జిల్లాలోని అన్ని శాఖల అధికారులు, ఆర్డీఓలు, సూర్యాపేట మున్సిపల్‌ కమిషనర్‌తో నిర్వహించిన వెబెక్స్‌ కాన్ఫరెన్‌న్స్‌లో ఆయన మాట్లాడారు. జిల్లా స్థాయి సమావేశం సందర్భంగా ప్రభుత్వ సంక్షేమ పథకాలపై సంబంధిత శాఖలు పవర్‌ పాయింట్‌ ప్రజెంటేషన్‌ ఇవ్వాలన్నారు. ఈ కార్యక్రమంలో జెడ్పీ సీఈఓ శిరీష, సీపీఓ కిషన్‌, డీపీఓ యాదగిరి, డీఎస్‌ఓ మోహన్‌ బాబు, కలెక్టరేట్‌ పరిపాలన అధికారి సుదర్శన్‌రెడ్డి, అగ్రికల్చర్‌ సూపరింటెండెంట్‌ శ్రవణ్‌ కుమార్‌ పాల్గొన్నారు. హైకోర్టు జడ్జ్జి చంద్రయ్య మృతికి సంతాపంచివ్వెంల(సూర్యాపేట) : తెలంగాణ హైకోర్టు రిటైర్డ్‌ జడ్జి జస్టిస్‌ చంద్రయ్య మృతికి సూర్యాపేట బార్‌ అసోసియేషన్‌ సభ్యులు సంతాపం వ్యక్తం చేశారు. మంగళవారం అసోసియేషన్‌ కార్యాలయంలో చంద్రయ్య చిత్ర పటానికి పూలమాల వేసి నివాళులర్పించారు. ఆయన సవలను కొనియా డారు. కార్యక్రమంలో బార్‌ అసోసియేషన్‌ అధ్యక్షుడు నూకల సుదర్శన్‌రెడ్డి, ప్రధాన కార్యదర్శి తళ్లమళ్ల హస్సేన్‌, ఉపాధ్యక్షుడు పోలెబోయిన నర్సయ్యయాదవ్‌, ఈసీ సభ్యులు వసంత సత్యనారాయణపిళ్లే యాదవ్‌, బొమ్మగాని శ్రీనివాస్‌, నాతి సవీందర్‌ కుమార్‌, గుంటూరు మధు, బి.వెంకటరత్నం, మీసాల శ్రీనివాస్‌, చనగాని ప్రణిత, భద్రయ్య, కట్ట సుధాకర్‌ పాల్గొన్నారు. ‘ప్లాస్టిక్‌ యూనిట్‌’ పనులు త్వరగా పూర్తిచేయాలినడిగూడెం : ప్లాస్టిక్‌ వేస్ట్‌ మేనేజ్‌మెంట్‌ యూ నిట్‌ పనులు త్వరగా పూర్తిచేయాలని జెట్పీ సీఈఓ బి.శిరీష ఆదేశించారు. మంగళవారం నడిగూడెం మండల కేంద్రం సమీపాన సాగర్‌ ఎడమ కాల్వ వెంట రూ.40 లక్షల వ్యయంతో నిర్మిస్తున్న ప్లాస్టిక్‌ వేస్ట్‌ మేనేజ్‌మెంట్‌ యూనిట్‌ పనులను ఆమె పరిశీలించి మాట్లాడారు. ఆమె వెంట జెట్పీ డిప్యూటీ సీఈఓ మహాలక్ష్మి, ఎంపీడీఓ ఎల్‌.మల్సూర్‌, పీఆర్‌ ఏఈ లావణ్య, ఎంపీఓ విజయలక్ష్మి, సర్పంచ్‌ దున్నా శ్రీనివాస్‌, పంచాయతీ కార్యదర్శి ఎలక ఉమారాణి, పలువురు వార్డు సభ్యులు ఉన్నారు. భూ సేకరణకు సహకరించాలి తిరుమలగిరి (తుంగతుర్తి) : భూ సేకరణకు రైతులంతా సహకరించాలని సూర్యాపేట ఆర్డీఓ వేణుమాధవరావు కోరారు. మంగళవారం తిరుమలగిరి తహసీల్దార్‌ కార్యాలయంలో చెన్నూరు ప్రధాన కాల్వ భూ సేకరణ అంశంపై గ్రామసభ నిర్వహించారు. ఈ సందర్భంగా ఆర్డీఓ మాట్లాడారు. ఈ సభలో తహసీల్దార్‌ హరిప్రసాద్‌, డీటీ జాన్‌ మహ్మద్‌, ఆర్‌ఐ సుజిత్‌రెడ్డి, రైతులు పాల్గొన్నారు.

సూర్యాపేట అర్బన్‌ : పుచ్చలపల్లి సుందరయ్య స్ఫూర్తితో మతోన్మాదానికి వ్యతిరేకంగా ఉద్యమిద్దామని సీపీఎం రాష్ట్ర కమిటీ సభ్యులు నెమ్మాది వెంకటేశ్వర్లు, కొలిశెట్టి యాదగిరిరావు అన్నారు. మంగళవారం కమ్యూనిస్టు ఉద్యమ నిర్మాత పుచ్చలపల్లి సుందరయ్య 41వ వర్ధంతి సందర్భంగా సూర్యాపేట జిల్లా కేంద్రంలోని సీపీఎం కార్యాలయంలో ఆయన చిత్రపటానికి పూలమాల వేసి నివాళులర్పించారు. ఈ సందర్భంగా వారు మాట్లాడుతూ త్యాగానికి నిలువెత్తు నిదర్శనం పుచ్చలపల్లి సుందరయ్య అని కొనియాడారు. విలువలతో కూడిన రాజకీయాలు చేయడం కమ్యూనిస్టులకే సాధ్యమని, ఇందుకు పుచ్చలపల్లి సుందరయ్యే ఆదర్శమన్నారు. భూస్వామ్య కుటుంబంలో పుట్టినప్పటికీ పెత్తందారి విధానాలకు వ్యతిరేకంగా చిన్ననాటి నుంచే పోరాటం చేసిన మహా నాయకుడిని సుందరయ్య అన్నారు. తెలంగాణలో భూస్వామ్య జమీందారీ రజాకార్లకు వ్యతిరేకంగా సాయుధ పోరాటం సాగించడంలో కీలకపాత్ర పోషించారన్నారు. వ్యవసాయ కార్మికులకు కూలి పెరగాలని, భూమి పంచాలని సంఘం పెట్టి విముక్తి పోరాటాలు చేశారన్నారు. ఈ కార్యక్రమంలో సీపీఎం జిల్లా కార్యదర్శి వర్గ సభ్యులు మట్టిపల్లి సైదులు కోట గోపి, జిల్లా కమిటీ సభ్యులు పులుసు సత్యం, ఎల్గూరి గోవింద్‌, మద్దెల జ్యోతి, మేకన బోయిన శేఖర్‌, వన్‌ టౌన్‌ కార్యదర్శి వల్లపుదాసు సాయికుమార్‌, నాయకులు చినపంగి నర్సయ్య, మేకనబోయిన సైదమ్మ, మామిడి సుందరయ్య, అబ్బగాని భిక్షం, దుర్గారావు తదితరులు పాల్గొన్నారు. ఫ సీపీఎం నేతలు నెమ్మాది వెంకటేశ్వర్లు, కొలిశెట్టి యాదగిరిరావు

భానుపురి (సూర్యాపేట) : చేయూత పథకం కింద రాష్ట్ర ప్రభుత్వం వివిధ వర్గాల వారికి పింఛన్లను అందిస్తోంది. కొందరికి పోస్టాఫీసుల్లో ఇస్తుండగా, మరి కొందరికి నేరుగా బ్యాంక్‌ అకౌంట్లలో జమ చేస్తోంది. ఈ పథకంలో కొన్ని అక్రమాలు కూడా చోటు చేసుకుంటున్నాయి. లబ్ధిదారులు చనిపోతే పింఛన్‌ డబ్బులు వారి వాతాల్లో జమ అవుతుండగా కుటుంబ సభ్యులు తీసుకుంటున్నారు. దీనిని అరికట్టి మృతి చెందిన లబ్ధిదారుల పేర్లను జాబితా నుంచి తొలగించేందుకు ప్రభుత్వం చర్యలు చేపట్టింది. ఇందుకోసం లబ్ధిదారుల సజీవ నిర్ధారణ (లైవ్‌నెస్‌ అథెంటికేషన్‌) సర్వే చేయాలని నిర్ణయించింది. బ్యాంకు ఖాతాలతోనే..గ్రామీణ ప్రాంతాల్లో గతేడాది జూలై నుంచి ఫేస్‌ రికగ్నసైడ్‌ యాప్‌ ద్వారా పింఛన్‌ మొత్తాన్ని లబ్ధిదారులకు అందిస్తున్నారు. దాంతో మరణించిన వారికి ఈ పింఛన్‌ అందే అవకాశం లేదు. అయితే డయాలసిస్‌, పైలేరియాతో పాటు కొందరు పింఛన్‌ దారుల బ్యాంక్‌ అకౌంట్లలో ప్రభుత్వం ఫించన్‌ మొత్తాన్ని జమ చేస్తోంది. ఇలా జిల్లా వ్యాప్తంగా సుమారు 2వేల మంది వరకు పింఛన్‌ పొందుతున్నారు. ఈ విధానంలో అక్రమాలు చోటు చేసుకునే అవకాశం ఉండడంతో ఆయా పింఛన్‌ దారులను పరిశీలించనున్నారు. తేలనున్న లబ్ధిదారులుప్రస్తుతం జిల్లాలో వృద్ధాప్య పింఛన్లు 53,205 మందికి, దివ్యాంగ పింఛన్లు 18,458 మందికి, వితంతు 56,277, ఒంటరి మహిళ 6795, చేనేత 873, కల్లుగీత కార్మికులు 6,552, ఎయిడ్స్‌ బాధితులు 1,205, పైలేరియా 2,109, డయాలసిస్‌ 258 మందికి అందుతున్నాయి. ఈ సర్వేతో బతికి ఉన్న లబ్ధిదారులు ఎంతమంది, ఎంతమంది మరణించారనే వివరాలు తెలియనున్నాయి.వివరాల సేకరణప్రభుత్వం నిర్వహిస్తున్న సర్వేలో భాగంగా.. బ్యాంకుల ద్వారా పింఛను తీసుకునే లబ్ధిదారుల ఇళ్లకు పట్టణాల్లో వార్డు అధికారులు, గ్రామాల్లో పంచాయతీ కార్యదర్శులు వెళ్తారు. వారి ఫోన్లలోని ముఖ గుర్తింపు యాప్‌ ద్వారా లబ్ధిదారుల ముఖాన్ని, కళ్లను స్కాన్‌ చేస్తారు. దాంతో ఆధార్‌ డేటా బేస్‌లోని వివరాలతో మ్యాచ్‌ అవుతుంది. మరణించిన లబ్ధిదారుల వివరాలను యాప్‌లో నమోదు చేస్తారు. ఇతర రాష్ట్రాలకు వెళ్లి స్థిరపడిన లబ్ధిదారుల విషయాన్ని స్థానికంగా విచారించి నిర్ధారిస్తారు. అందు బాటులో లేని వారికి మూడు నెలల గడువు ఇస్తారు. ఆ గడువులోగా వారు ఫేస్‌ రికగ్నిషన్‌ యాప్‌లో నమోదు చేసుకోవాలి. లేకపోతే లబ్ధిదారుల జాబితా నుంచి తొలగిస్తారు. చేయూత పింఛన్లలో అక్రమాల గుర్తింపునకు సర్వే పోస్టాఫీసులు, అకౌంట్లలో జమయ్యే పింఛన్ల పరిశీలన లైవ్‌నెస్‌ అథెంటికేషన్‌ సర్వేతో ముందుకు

మఠంపల్లి : మట్టపల్లి లక్ష్మీనరసింహస్వామి దేవాలయంలో సోమవారం స్వామివారి నిత్యకల్యాణాన్ని అర్చకులు ఘనంగా నిర్వహించారు. ఈ సందర్భంగా ఆలయంలో సుప్రభాతసేవ, నిత్యహోమం, గర్భాలయంలోని మూలవిరాట్‌కు పంచామృతాభిషేకం చేపట్టారు. స్వామి అమ్మవార్లలను పట్టు వస్త్రాలతో వధూవరులుగా అలంకరించి ఎదుర్కోళ్ల మహోత్సవ సంవాదం రక్తి కట్టించారు. అనంతరం విశ్వక్సేనపూజ, పుణ్యహవచనం, రక్షాబంధనం, రుత్విగ్వరణం, మధుఫర్కపూజ, మాంగల్యదారణ, తలంబ్రాలతో నిత్య కల్యాణాన్ని చేపట్టారు. అనంతరం స్వామి అమ్మవార్లను గరుడవాహనంపై ఆలయ తిరుమాడ వీధులలో ఊరేగింపు చేపట్టారు. క్షేత్రంలోని శివాలయంలో పార్వతీరామలింగేశ్వర స్వామి కి ఏకాదశ రుద్రాభిషేకం నిర్వహించారు. కార్య క్రమంలో ఆలయ అనువంశిక ధర్మకర్తలు, ఈఓ, అర్చకులు, భక్తులు పాల్గొన్నారు. పీఆర్సీ కమిటీ రిపోర్ట్‌ ప్రకటించాలిసూర్యాపేటటౌన్‌ : రాష్ట్ర ప్రభుత్వ ఉద్యోగ, ఉపాధ్యాయులకు సంబంధించిన నూతన పీఆర్‌సీ కమిటీ రిపోర్టును వెంటనే ప్రకటించాలని టీఎస్‌ యూటీఎఫ్‌ రాష్ట్ర కార్యదర్శి ఎన్‌.సోమయ్య ప్రభుత్వాన్ని డిమాండ్‌ చేశారు. సోమవారం స్థానిక సంఘం కార్యాలయంలో నిర్వహించిన జిల్లా ఆఫీస్‌ బేరర్‌ సమావేశంలో మాట్లాడారు. నూతన పీఆర్సీ కమిటీని వెంటనే ప్రకటించి అమలు చేయాలన్నారు. దీర్ఘకాలికంగా పెండింగ్‌లో ఉన్న ఉపాధ్యాయుల సమస్యలను పరిష్కరించాలని, పెండింగ్‌ బిల్లులను వెంటనే చెల్లించాలని, రిటైర్డ్‌ ఉద్యోగుల పెన్షనరీ బెనిఫిట్స్‌ వెంటనే చెల్లించాలని డిమాండ్‌ చేశారు. సమావేశంలో సంఘం జిల్లా ప్రధాన కార్యదర్శి ఎస్‌. అనిల్‌కుమార్‌, జిల్లా ఉపాధ్యక్షురాలు కె. అరుణభారతి, కోశాధికారి జి. వెంకటయ్య, జిల్లా కార్యదర్శిలు ఎన్‌. నాగేశ్వరరావు, వెలుగు రమేష్‌, చిలక రమేష్‌, కె.బాల సైదిరెడ్డి, డి.శ్రీనివాసచారి పాల్గొన్నారు. టీజీఆర్‌జేసీలో చిలుకూరు విద్యార్థి ప్రతిభచిలుకూరు : ప్రభుత్వం ఆదివారం విడుదల చేసిన టీజీఆర్‌జేసీ ప్రవేశ పరీక్షలో చిలుకూరు గ్రామానికి చెందిన కొడా రు కౌషిక్‌ సాయి రాష్ట్ర స్థాయిలో 24వ ర్యాంక్‌ సాధించాడు. కౌషిక్‌ సాయి పదవ తరగతిలో 564 మార్కులతో మండల టాపర్‌గా నిలిచాడు. ఈ సందర్భంగా కౌషిక్‌ సాయి మాట్లాడుతూ జేఈఈ మెయిన్‌లో ర్యాంక్‌ సాధించడమే తన లక్ష్యమన్నారు. కౌషిక్‌ సాయిని పలువురు అభినందించారు. కేవీలో అడ్మిషన్లురామగిరి(నల్లగొండ) : నల్లగొండ కేంద్రీయ విద్యాలయంలో ఖాళీగా ఉన్న సీట్లకు దరఖాస్తు చేసుకోవాలని ప్రిన్సిపాల్‌ జి.శ్రీనివాసులు సోమవారం ఒక ప్రకటనలో తెలిపారు. ఇంటర్‌ మొదటి సంవత్సరంలో 8 సీట్లు, 8వ తరగతిలో 4 సీట్లు ఖాళీగా ఉన్నాయని పేర్కొన్నారు. అర్హత, ఆసక్తి గల విద్యార్థులు ఈ నెల 25వ తేదీలోపు ఆన్‌లైన్‌లో దరఖాస్తు చేసుకోవాలని సూచించారు.

సాక్షి ప్రతినిధి, నల్లగొండ : జిల్లాలో ఎండల తీవ్రత పెరుగనుండటంతో వాతావారణ శాఖ రెడ్‌ అలర్ట్‌ ప్రకటించింది. జిల్లాలో ఇప్పటికే 44 డిగ్రీల వరకు గరిష్ట ఉష్ణోగ్రతలు నమోదు అవుతుండగా, అవి రానున్న మూడు నాలుగు రోజుల్లో మరింతగా పెరిగే అవకాశం ఉంది. ఇప్పటికే ఎండలకు తాళలేక ప్రజలు అల్లాడిపోతున్నారు. ఉదయం 9 గంటల నుంచే ఎండ తీవ్రత పెరుగుతుండడంతో జనం ఇళ్లకే పరిమితమవుతున్నారు. అయితే ఈ నెల 20, 21 తేదీల్లో జిల్లాలో 44 డిగ్రీలకంటే ఎక్కువగా గరిష్ట ఉష్ణోగ్రతలు నమోదు కానున్నట్లు వాతావరణ శాఖ ప్రకటించింది. దీంతో ఆ రెండు రోజులు రెడ్‌ అలర్ట్‌ను ప్రకటించింది. ప్రజలంతా అప్రమత్తంగా ఉండాలని కోరింది. సూర్యాపేట, యాదాద్రి భువనగిరి జిల్లాల్లోనూ ఆరెంజ్‌ అలర్ట్‌ ప్రకటించింది. ఇప్పటికే అల్లాడుతున్న జనం గతంలో కంటే ఈసారి ఎండల తీవ్రత పెరిగింది. గాలిలో తేమ శాతం తగ్గింది. ఎండలతో ప్రజలు ఆల్లాడిపోతున్నారు. ఇంట్లో కూడా వేడిని తాళలేక ఏసీలు, కూలర్లు పెట్టుకుంటున్నారు. అవసరమైతే తప్ప బయటకు రావడం లేదు. అయితే బుధ, గురువారాల్లో 44 డిగ్రీలకు దాటి గరిష్ట ఉష్ణోగ్రతలు నమోదవుతాయని వాతావరణ శాఖ అప్రమత్తం చేసింది. ఈనెల 25వ తేదీ నుంచి రోహిణి కార్తే కూడా ప్రారంభం అవుతుండటంతో ఎండలు మండిపోయే పరిస్థితి ఉంటుందని, అవసరమైతే తప్ప బయటకు రావద్దని ఇళ్ల వద్దే ఉండాలని వైద్యాధికారులు సూచిస్తున్నారు. ముఖ్యంగా వృద్ధులు, పిల్లలు జాగ్రత్తగా ఉండాలని చెబుతున్నారు. మధ్యాహ్నం వేళ బయటికి వెళ్లొద్దు ప్రస్తుతం అధిక ఉష్ణోగ్రతలు నమోదవుతుండటంతో ప్రజలు అప్రమత్తంగా ఉండాలి. ఉదయం 11 గంటల నుంచి మధ్యాహ్నం 4 గంటల వరకు బయటకు వెళ్లక పోవడం మంచిది. దాహం వేయక పోయినా ప్రతి గంటకు నీరు, ఓఆర్‌ఎస్‌, కొబ్బరి నీళ్లు, నిమ్మరసం వంటివి తాగాలి. తేలికపాటి, వదులుగా ఉండే కాటన్‌ దుస్తులు ధరిస్తే మంచిది. బయటకు వెళ్తే తప్పనిసరిగా గొడుగు, టోపీ, సన్‌ గ్లాసెస్‌ లేదా తలపై టవల్‌ వాడాలి. పిల్లలు, వృద్ధులు బయటకు వెళ్లకపోవడమే మంచిది. దోసకాయ, టమాటా, పుచ్చకాయ వంటి నీటి శాతం ఎక్కువగా ఉండే పండ్లు, కూరగాయలు తీసుకోవాలి. వడదెబ్బకు గురైన వ్యక్తిని వెంటనే నీడలో లేదా ఫ్యాన్‌, ఏసీ ఉన్న చల్లని ప్రదేశంలో పడుకోబెట్టాలి. తడి గుడ్డతో ఒళ్లు తుడవాలి. పరిస్థితి విషమిస్తే వెంటనే ఆసుపత్రికి తరలించాలి. – డాక్టర్‌ రాజీవ్‌, జనరల్‌ ఫిజీషియన్‌, జిల్లా కేంద్ర వైద్యశాల ఆస్పత్రిఫ 21,22 తేదీల్లో 44 డిగ్రీలు దాటనున్న గరిష్ట ఉష్ణోగ్రతలు ఫ సూర్యాపేట జిల్లాకు ఆరెంజ్‌ అలర్ట్‌ జారీ చేసిన వాతావరణ శాఖ ఫ నల్లగొండ జిల్లాకు రెడ్‌, యాదాద్రికి ఆరెంజ్‌ హెచ్చరిక ఫ ప్రజలు జాగ్రత్తగా ఉండాలని వైద్యుల సూచన

యాదగిరిగుట్ట రూరల్‌ : యాదగిరిగుట్ట లక్ష్మీనరసింహస్వామి ఆలయంలో సోమవారం సంప్రదాయ పూజలు కొనసాగాయి. కొండపైన యాదగిరి శ్రీ లక్ష్మీనరసింహ క్షేత్రానికి అనుబంధంగా ఉన్న శ్రీపర్వతవర్ధిని సమేత రామలింగేశ్వరస్వామి ఆలయంలో శివుడికి, రుద్రాభిషేకం, బిల్వార్చన సేవలు, అభిషేక పూజలు నిర్వహించారు. ప్రధానాలయంలోని స్వయంభూవులకు సుప్రభాతం అర్చన, ఆరాధనలు, అభిషేకాలు సహస్త్రనామార్చనలు అర్చకులు చేపట్టారు. ఆలయ ముఖ మండపంలోని ఉత్సవమూర్తులకు ప్రత్యేక పూజలతోపాటుగా, ప్రాకార మండపాల్లో శ్రీ సుదర్శన నారసింహా హోమం, కల్యాణోత్సవం, గజవాహనసేవ, బ్రహ్మోత్సవం, జోడుసేవలను నిర్వహించారు.

భానుపురి (సూర్యాపేట) : ప్రజావాణిలో ప్రజల నుంచి వచ్చిన దరఖాస్తుల సత్వర పరిష్కారానికి అధికారులు అధిక ప్రాధాన్యం ఇవ్వాలని కలెక్టర్‌ తేజస్‌ నంద్‌లాల్‌ పవార్‌ ఆదేశించారు. సోమవారం కలెక్టరేట్‌లో నిర్వహించిన ప్రజావాణి కార్యక్రమంలో ఆయన పాల్గొని ప్రజల నుంచి దరఖాస్తులు స్వీకరించారు. అనంతరం జిల్లా అధికారులతో నిర్వహించిన సమావేశంలో మాట్లాడారు. ప్రభుత్వ ఆదేశాల మేరకు జిల్లా, డివిజన్‌ స్థాయి ప్రజావాణిలో వచ్చిన దరఖాస్తులను తప్పనిసరిగా ఆన్‌లైన్‌ పోర్టల్‌లో నమోదు చేయాలన్నారు. అధికారులు ప్రజలు పెట్టుకున్న అర్జీలను పెండింగ్‌లో ఉంచకుండా, నిర్ణీత గడువులోగా పరిష్కరించాలన్నారు. డివిజన్‌ స్థాయి ప్రజావాణికి అన్ని శాఖల డివిజనల్‌ అధికారులు హాజరయ్యేలా జిల్లా అధికారులు పర్యవేక్షించాలన్నారు. స్థానిక సమస్యలు స్థానికంగానే పరిష్కారమైతే ప్రజలకు ఇబ్బందులు తప్పుతాయని పేర్కొన్నారు. కార్యక్రమంలో అదనపు కలెక్టర్‌ బి. హరిసింగ్‌, డీఆర్డీఓ పీడీ సన్యాయ్య, జెడ్పీ సీఈఓ శిరీష, డీఎంహెచ్‌ఓ వెంకటరమణ, డీఏఓ శ్రీధర్‌రెడ్డి, డీసీఓ ప్రవీణ్‌ కుమార్‌, డీఈఓ అశోక్‌, జిల్లా అధికారులు పాల్గొన్నారు. 23 వరకు పర్యాటక వారోత్సవాలు సూర్యాపేటటౌన్‌ : ప్రజాపాలన ప్రగతి ప్రణాళికలో భాగంగా పర్యాటకశాఖ షెడ్యూల్‌ ప్రకారం ఈ నెల 23 వరకు వివిధ కార్యక్రమాలను నిర్వహించనున్నట్లు కలెక్టర్‌ తేజస్‌ నంద్‌లాల్‌ పవార్‌ తెలిపారు. కార్యక్రమానికి సంబంధించిన వాల్‌ పోస్టర్లను సోమవారం కలెక్టరేట్‌లో ఆయన విడుదల చేశారు. ఈ సందర్భంగా కలెక్టర్‌ మాట్లాడుతూ రాష్ట్రంలో ఉన్న టూరిజం ప్రదేశాలు, మ్యూజియంలు, చారిత్రక కట్టడాల గురించి పర్యాటకులకు వివరించడానికి టూరి జం గైడ్‌లకు శిక్షణ ఇవ్వనున్నట్లు చెప్పారు. పురావస్తు శాస్త్రం కోర్సు, మ్యూజియాలజీ, లేదా గ్రాడ్యుయేట్‌లు అర్హులని తెలిపారు. వివరాలకు సెల్‌ : 9849905722. 9849905723 నంబర్లను సంప్రదించాలని సూచించారు. కార్యక్రమంలో క్రీడల అధికారి వెంకట్‌రెడ్డి తదితరులు పాల్గొన్నారు. కలెక్టర్‌ తేజస్‌ నంద్‌లాల్‌ పవార్‌

నల్లగొండ : రైతులు అరిగోస తీస్తుంటే హెలికాప్టర్‌ మంత్రులు ఎక్కడికి పోయారని మాజీ మంత్రి, సూర్యాపేట ఎమ్మెల్యే గుంటకండ్ల జగదీశ్‌రెడ్డి ప్రశ్నించారు. ధాన్యం కొనుగోళ్లలో జరుగుతున్న నిర్లక్ష్యంపై బీఆర్‌ఎస్‌ నల్లగొండ మాజీ ఎమ్మెల్యే కంచర్ల భూపాల్‌రెడ్డి ఆధ్వర్యంలో కలెక్టరేట్‌ ఎదుట సోమవారం రైతు మహాధర్నా నిర్వహించారు. ఈ సందర్భంగా మాజీ మంత్రి జగదీశ్‌రెడ్డి మాట్లాడుతూ జిల్లాలో క్వింటాకు 10 కేజీల చొప్పున కోత విధించి రైతులను ఇబ్బంది పెడుతున్నా.. జిల్లా మంత్రులు ఉత్తమ్‌కుమార్‌రెడ్డి, కోమటిరెడ్డి వెంకట్‌రెడ్డి పత్తాలేరని మండిపడ్డారు. ఆనాడు కేసీఆర్‌ ఉచిత విద్యుత్‌, రైతుబంధు ఇచ్చి ధాన్యం కొనుగోలు చేయడంతో రైతులు రారాజులా ఉన్నారని చెప్పారు. ఇప్పటి ప్రభుత్వానికి ముందుచూపు లేక రైతులను ఆగం చేసిందన్నారు. కరోనా సమయంలోనూ దేశమంతా ఇంటికే పరిమితమైతే తెలంగాణలో మాత్రం రైతు కల్లాల వద్దకు వెళ్లి ధాన్యం కొన్న చరిత్ర కేసీఆర్‌కు దక్కిందన్నారు. ప్రజలు రేవంత్‌రెడ్డి మాయమాటలు నమ్మి ఓట్లు వేస్తే మోసం చేశాడన్నారు. మంత్రులు ఏసీ రూమ్‌లకే పరిమితమయ్యారుఉమ్మడి నల్లగొండ జిల్లాలో ఉన్న ఇద్దరు మంత్రులు ఏసీ రూమ్‌లకే పరిమితమయ్యారని, రైతులను పట్టించుకోవడం లేదని బీఆర్‌ఎస్‌ రాష్ట్ర నాయకుడు ఆర్‌ఎస్‌.ప్రవీణ్‌కుమార్‌ ఆరోపించారు. 60 నుంచి 70 కార్ల కాన్వాయ్‌తో వెళ్లి కల్లాల వద్ద డ్రామాలు చేశారు తప్ప రైతుల గోస పట్టించుకోలేదన్నారు. రాష్ట్రంలో కాంగ్రెస్‌ నాయకులు దోచుకోవడం, దాచుకోవడం తప్ప రైతులను పట్టించుకోలేదన్నారు. మాజీ ఎమ్మెల్యే కంచర్ల భూపాల్‌రెడ్డి మాట్లాడుతూ రైతుల పరిస్థితి అగమ్యగోచరంగా ఉందని ప్రభుత్వానికి రైతులు గుణపాఠం చెప్పాలన్నారు. ధర్నాలో బీఆర్‌ఎస్‌ జిల్లా అధ్యక్షుడు రవీంద్రకుమార్‌, మాజీ ఎమ్మెల్యేలు భాస్కర్‌రావు, చిరుమర్తి లింగయ్య, కిషోర్‌కుమార్‌, ప్రభాకర్‌రెడ్డి, రాజ్యసభ మాజీ సభ్యుడు లింగయ్యయాదవ్‌, కంచర్ల కృష్ణారెడ్డి, కటికం సత్తయ్యగౌడ్‌, రేగట్టె మల్లికార్జున్‌రెడ్డి, రావుల శ్రీనివాస్‌రెడ్డి, కొండూరు సత్యనారాయణ, మాలే శరణ్యారెడ్డి తదితరులు పాల్గొన్నారు. రైతులు అరిగోస తీస్తున్నా వారికి పట్టదా.. ధాన్యం కొనుగోళ్లపై ప్రభుత్వానికి ముందు చూపులేదు మాజీ మంత్రి, సూర్యాపేట ఎమ్మెల్యే గుంటకండ్ల జగదీశ్‌రెడ్డి నల్లగొండ కలెక్టరేట్‌ ఎదుట రైతు మహాధర్నా

‘సాక్షి’ మైత్రి మహిళ ఆధ్వర్యంలో..సాక్షి మైత్రి మహిళ ఆధ్వర్యంలో ఈ నెల 22వ తేదీ నుండి జూన్‌ 21వ తేదీ వరకు బ్యూటీషియన్‌ కోర్సులో శిక్షణ ఇవ్వనున్నారు. ఆదివారం మినహా మిగిలిన రోజుల్లో ఉదయం 10 గంటల నుండి మధ్యాహ్నం ఒంటిగంట వరకు శిక్షణ ఇస్తారు. శిక్షణలో నేర్పించే అంశాలుఐబ్రోస్‌(త్రెడింగ్‌), వ్యాక్సింగ్‌, పెడిక్యూర్‌, మెనిక్యూర్‌, బ్లీచింగ్‌, స్కిన్‌ కేర్‌, హెయిర్‌ కేర్‌, ఫేస్‌ప్యాక్స్‌, హెయిర్‌ కట్స్‌, హెయిర్‌స్టైల్స్‌, హెన్నా ప్రిపరేషన్‌, బేసిక్‌ పింపుల్‌ ట్రీట్‌మెంట్‌, మేకప్స్‌ (బ్రైడల్‌, పార్టీ, లైట్‌ మేకప్స్‌), హెయిర్‌ మసాజ్‌, కమ్యూనికేషన్‌ అండ్‌ సెల్ఫ్‌ గ్రూమింగ్‌, శారీ డ్రాపింగ్‌. రిజిస్ట్రేషన్‌ స్వీకరించు తేదీలు : 16–05–2026 నుంచి 21–05–2026 వరకు సమయం : ఉదయం 10 గం. నుండి సాయంత్రం 6 గం.వరకు రిజిస్ట్రేషన్‌ ఫీజు : రూ.2,500/– వర్క్‌షాపు షెడ్యూల్‌ తేదీలు: 22–05–2026 నుండి 21–06–2026 వరకు శిక్షణ సమయం : ఉదయం 10 గంటల నుండి మధ్యాహ్నం ఒంటిగంట వరకుతన్విక బ్యూటీపార్లర్‌ అండ్‌ ట్రైనింగ్‌ సెంటర్‌, రోడ్‌ నెం.1బి, వీటి కాలనీ, నల్లగొండ. సంప్రదించవలసిన ఫోన్‌ : 8341151413, 9666013544రిజిస్ట్రేషన్‌ మరియు శిక్షణా స్థలం వివరాలుఫ కార్యక్రమంలో పాల్గొన్న వారికి సర్టిఫికెట్లు అందజేయబడతాయి

సూర్యాపేట : కేంద్ర ప్రభుత్వ విధానాలకు నిరస నగా ఆల్‌ ఇండియా ఆర్గనైజేషన్‌ ఆఫ్‌ కెమిస్ట్‌ అండ్‌ డ్రగ్గిస్ట్‌ అసోసియేషన్‌, తెలంగాణ అసోసియేషన్‌ ఆధ్వర్యంలో ఈ నెల 20న దేశవ్యాప్త పిలుపులో భాగంగా సూర్యాపేట జిల్లా వ్యాప్తంగా మెడికల్‌ షాపుల బంద్‌ నిర్వహించనున్నట్లు జిల్లా, పట్టణ, ఫార్మాస్యూటికల్‌ డిస్ట్రిబ్యూటర్స్‌ అసోసియేషన్‌ నాయకులు తెలిపారు. బంద్‌కు సంబంధించిన సమాచారాన్ని సోమవారం కలెక్టర్‌ తేజస్‌ నంద్‌లాల్‌ పవార్‌, ఎస్పీ కె. నరసింహ, జిల్లా డ్రగ్‌ ఇన్‌స్పెక్టర్‌తో పాటు ఇతర అధికారులకు ముందస్తుగా అందించారు. అనంతరం విలేకరులతో మాట్లాడారు. అక్రమ ఈ ఫార్మసీల వల్ల ప్రజా ఆరోగ్యానికి ముప్పు వాటిల్లే ప్రమాదం ఉందన్నారు. కోవిడ్‌ కాలంలో జారీ చేసిన తాత్కాలిక నోటిఫికేషన్‌ జీఎస్‌ఆర్‌ 220ను ఉపసంహరించుకోవా లని కోరా రు. కార్పొరేట్‌ సంస్థల అనైతిక డిస్కౌంట్లను అరికట్టేందుకు లెవెల్‌ ఫ్లేయింగ్‌ ఫీల్డ్‌ విధానాన్ని అమలు చేయాలని విజ్ఞప్తి చేశారు. బంద్‌ వల్ల ప్రజలకు ఇబ్బందులు కలుగకుండా సూర్యాపేటలోని బొడ్రా యి బజార్‌లో శ్రీ వినాయక మెడికల్‌ షాపు, పీఎస్‌ఆర్‌ సెంటర్‌లోని వేదశ్రీ మెడికల్‌ షాపు, ఎంజీ రోడ్‌లో కార్తికేయ మెడికల్‌ షాపు అందుబాటులో ఉంటాయని వెల్లడించారు. కార్యక్రమంలో కెమిస్ట్‌ అండ్‌ డ్రగ్గిస్ట్‌ అసోసియేషన్‌ జిల్లా అధ్యక్షుడు యామ ప్రభాకర్‌, ఫార్మాస్యూటికల్‌ డిస్ట్రిబ్యూటర్స్‌ అసోసియేషన్‌ అధ్యక్షుడు ముశం హరిప్రసాద్‌, జిల్లా ఆర్గనైజింగ్‌ సెక్రటరీ గోపగాని గిరిగౌడ్‌, పట్టణ ప్రధాన కార్యదర్శి శ్రీనివాస్‌, కోశాధికారి లింగయ్య, వెంకటేశ్వర్లు, తదితరులు పాల్గొన్నారు.

సూర్యాపేటటౌన్‌ : పాఠశాల విద్యాశాఖ, తెలంగాణ సాంఘీక శాస్త్రం ఫోరం సంయుక్తంగా హైదరాబాద్‌లో ఇటీవల నిర్వహించిన తెలంగాణ మోడల్‌ యునైటెడ్‌ నేషన్స్‌ కమిటీ పోటీల్లో సూర్యాపేట జిల్లా విద్యార్థులు రాష్ట్ర స్థాయి ప్రతిభ కనబరిచి మూడు బహుమతులు అందుకున్నారు. ప్రతిభ కనబరిచిన విద్యార్థులను డీఈఓ అశోక్‌ సోమవారం తన కార్యాలయంలో అభినందించారు. ఈ సందర్భంగా ఆయన మాట్లాడుతూ ఈ పోటీల్లో 23 జిల్లాల విద్యార్థులు పాల్గొనగా అంతర్జాతీయ అంశాలపై చర్చలు, ప్రసంగాలలో మునగాల టీజీఎంఎస్‌కు చెందిన హేమహాసిని, అనాజిపురం టీజీఎంఎస్‌కు చెందిన విరాట్‌ సూర్య, నూతనకల్‌ పీఎంశ్రీ జడ్పీహెచ్‌ఎస్‌కు చెందిన జి.సాత్విక్‌ ప్రతిభ కనబర్చినట్లు తెలిపారు. కార్యక్రమంలో ఏఎంఓ ఎ.హరికృష్ణ, సాంఘీక శాస్త్ర ఫోరం జిల్లా అధ్యక్షుడు వేముల సైదులు, గౌరవ అధ్యక్షుడు యడవల్లి జానయ్య, ఉపాధ్యక్షుడు గుర్రాల సోమయ్యగౌడ్‌, ప్రధాన కార్యదర్శి కొప్పుల కిరణ్‌, ఆర్థిక కార్యదర్శి సుదర్శన్‌రావు పాల్గొన్నారు. అభినందించిన డీఈఓ అశోక్‌

సూర్యాపేటటౌన్‌ : పోలీస్‌శాఖ ఎల్లప్పుడూ ప్రజ లకు అందుబాటులో ఉంటుందని ఎస్పీ నరసింహ అన్నారు. జిల్లా పోలీస్‌ కార్యాలయంలో సోమవారం నిర్వహించిన గ్రీవెన్స్‌ డే కార్యక్రమంలో ఆయన పాల్గొని ఫిర్యాదుదారుల నుంచి వినతులు స్వీకరించారు. ప్రజలకు త్వరితగతిన న్యాయం అందేలా, వారి సమస్యలను వెంటనే పరిష్కరించేలా చర్యలు తీసుకోవాలని అధికారులను ఆదేశించారు. చట్టబద్ధమైన విధానంలో ప్రతి ఫిర్యాదును పరిశీలించి బాధితులకు న్యాయం జరిగేలా చూస్తామని హామీ ఇచ్చారు. డీఎస్పీ కార్యాలయంలో...సూర్యాపేట డివిజన్‌ కార్యాలయంలో డీఎస్పీ ప్రసన్న కుమార్‌ పోలీస్‌ ప్రజావాణి కార్యక్రమం నిర్వహించి బాధితుల నుంచి ఫిర్యాదులు స్వీకరించారు. సమస్యలపై సంబంధిత అధికారులకు ఆదేశాలు ఇచ్చి భరోసా కల్పించారు. ప్రతి సోమవారం డివిజన్‌ స్థాయి పోలీస్‌ ప్రజావాణి కార్యక్రమం నిర్వహించనున్నట్లు ఆయన తెలిపారు.

అర్వపల్లి : జాజిరెడ్డిగూడెం మండలం తిమ్మాపురంలోని అఖండజ్యోతి స్వరూప సూర్యనారాయణస్వామి క్షేత్రంలో భక్తులు ఆదివారం ప్రత్యేక పూజలు నిర్వహించారు. తెల్లవారుజామున ఉషాపద్మిని ఛాయాసమేత సూర్యనారాయణస్వామిని ప్రత్యేకంగా అలంకరించి అభిషేకాలు జరిపారు. అనంతరం యజ్ఞశాలలో మహాసౌరహోమం నిర్వహించారు. అలాగే క్షేత్ర ఆవరణలోని కార్యసిద్ధి వీరహనుమాన్‌, శ్రీరామకోటి స్థూపాలను కూడా భక్తులు దర్శించుకున్నారు. కాగా వివిధ ప్రాంతాల నుంచి పెద్ద సంఖ్యలో భక్తులు తరలివచ్చారు. భక్తులకు అన్నప్రసాద వితరణ జరిపారు. ఈ కార్యక్రమంలో క్షేత్ర వ్యవస్థాపకులు కాకులారపు రజితజనార్ధన్‌, గణపురం నరేష్‌, యాదగిరి, ఇంద్రారెడ్డి, దేవిక, అర్చకులు భీంపాండే, అంకిత్‌పాండే పాల్గొన్నారు. లక్ష్మీనరసింహుడికి పూజలుమఠంపల్లి : మట్టపల్లి లక్ష్మీనరసింహస్వామి దేవాలయంలో ఆదివారం స్వామి వారికి అర్చకులు విశేష పూజలు నిర్వహించారు. ఈ సందర్భంగా ఆలయంలో సుప్రభాతసేవ, నిత్యహోమం, గర్భాలయంలోని మూలవిరాట్‌కు పంచామృతాభిషేకం చేశారు. స్వామి అమ్మవార్లలను పట్టు వస్త్రాలతో వధూవరులుగా అలంకరించి ఎదుర్కోళ్ల మహోత్సవ సంవాదం రక్తి కట్టించారు. అనంతరం విశ్వక్సేనపూజ, పుణ్యహవచనం, రక్షాబంధనం, రుత్విగ్వరణం, మదుఫర్కపూజ, మాంగల్యధారణ, తలంబ్రాలతో నిత్య కల్యాణాన్ని వైభవంగా నిర్వహించారు. కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, చెన్నూరు విజయ్‌కుమార్‌, ఈఓ జ్యోతి, అర్చకులు, భక్తులు పాల్గొన్నారు.

నాగారం : ప్రజల కోసం నిరంతరం తన కలం, గళంతో పోరాటాలు నిర్వహించిన సీపీఐ (ఎంఎల్‌) న్యూడెమోక్రసీ డివిజన్‌ కమిటీ సభ్యుడు, అరుణోదయ రాష్ట్ర కార్యవర్గ సభ్యుడు తడకమళ్ల నాగమల్లు జీవితం యువతకు ఆదర్శమని సీపీఐ (ఎంఎల్‌) న్యూడెమోక్రసీ జిల్లా కార్యదర్శి ఎం.డేవిడ్‌కుమార్‌ పేర్కొన్నారు. ఆదివారం నాగారం మండలం లక్ష్మాపురంలో నిర్వహించిన తడకమళ్ల నాగమల్లు సంతాప సభలో ఆయన చిత్రపటానికి పూలమాలలు వేసి నివాళులర్పించారు. ఈ సందర్భంగా డేవిడ్‌కుమార్‌ మాట్లాడుతూ నాగమల్లు ఆశయ సాధనకు ప్రతి ఒక్కరూ కృషి చేయాలని పిలుపునిచ్చారు. కార్యక్రమంలో ఐఎఫ్‌టీయూ జిల్లా కార్యదర్శి గంట నాగయ్య, న్యూడెమోక్రసీ పార్టీ నల్లగొండ జిల్లా కార్యదర్శి ఇందూరు సాగర్‌, అరుణోదయ రాష్ట్ర ప్రధాన కార్యదర్శి ఉదయగిరి, ఏఐకేఎంఎస్‌ జిల్లా ప్రధాన కార్యదర్శి బొడ్డు శంకర్‌, ఐఎఫ్‌టీయూఐ జిల్లా ఉపాధ్యక్షుడు కునుకుంట్ల సైదులు, పార్టీ జిల్లా కమిటీ సభ్యులు అలుగుబెల్లి వెంకటరెడ్డి, పోలేబోయిన కిరణ్‌కుమార్‌, అరుణోదయ జిల్లా ప్రధాన కార్యదర్శి కంచనపల్లి సైదులు, ఎర్ర ఉమేష్‌, గండు నగేష్‌, సామ నర్సిరెడ్డి, దాసరి శ్రీనివాస్‌, పీడీఎస్‌యూ జిల్లా అధ్యక్షులు పుల్లూరు సింహాద్రి, సర్పంచ్‌ రవీందర్‌, మాజీ సర్పంచ్‌ సుధాకర్‌, మల్లెపాక వెంకన్న, కళాకారులు అనుదీప్‌, మల్లేష్‌, తదితరులు పాల్గొన్నారు.

భానుపురి (సూర్యాపేట) : ధాన్యం సేకరణ ప్రక్రియను మరింత వేగవంతం చేసి, రోజుకు 15 వేల మెట్రిక్‌ టన్నులు కొనుగోలు చేయాలని కలెక్టర్‌ తేజస్‌ నంద్‌లాల్‌ పవార్‌ అధికారులను ఆదేశించారు. శనివారం జిల్లా, డివిజన్‌, మండల స్థాయి అధికారులతో ధాన్యం సేకరణపై వీడియో కాన్ఫరెన్స్‌ ద్వారా మాట్లాడారు. అధికారులు సమన్వయంతో పనిచేసి ధాన్యం కొనుగోలు చేయాలన్నారు. కొన్ని అనివార్య కారణాల వల్ల అనుకున్న స్థాయిలో ధాన్యం సేకరణ జరగడం లేదని అసంతప్తి వ్యక్తం చేశారు. ప్రారంభంలో రోజుకు 5 వేల నుంచి 10 వేల మెట్రిక్‌ టన్నుల ధాన్యం సేకరించినట్లు తెలిపిన ఆయన.. ఇకపై వేగాన్ని పెంచి రోజుకు 15 వేల మెట్రిక్‌ టన్నుల ధాన్యం సేకరించాలని ఆదేశించారు. కొనుగోలు కేంద్రాలకు లారీలు సమయానికి రావడం లేదని, వచ్చిన లారీలను కూడా సెంటర్‌ ఇన్‌చార్జిలు కొన్ని నిర్దిష్ట మిల్లులకు మాత్రమే ఎక్కువగా పంపిస్తున్నారని అభ్యంతరం వ్యక్తం చేశారు. దీంతో మిల్లుల వద్ద లారీలు గంటల తరబడి నిలిచిపోతున్నాయని తెలిపారు. తహసీల్దార్లు ప్రత్యేక బాధ్యత తీసుకొని, మిల్లుల వద్ద లారీలు నిలిచిపోయిన చోట త్వరితగతిన అన్‌ లోడింగ్‌ ప్రక్రియ జరిగేలా చూడాలన్నారు. లారీ మిల్లుకు చేరుకున్న 12 గంటలలోపు అన్‌ లోడింగ్‌ పూర్తి చేయాలన్నారు. ఒకవేళ అన్‌ లోడింగ్‌ చేయకపోతే ఆ లారీలను ప్రత్యామ్నాయ పాయింట్లకు మళ్లించాలని సూచించారు. ఏ మిల్లుకు ఎన్ని వాహనాలు వెళ్తున్నాయి, ఎంత అన్‌ లోడింగ్‌ జరిగింది అనే రిపోర్టుతో పాటు, కొనుగోలు కేంద్రాలకు ఎన్ని లారీలు వస్తున్నాయనే పూర్తి వివరాలను రోజువారీగా సమర్పించాలన్నారు. విధుల్లో ఎవరైనా నిర్లక్ష్యంగా వ్యవహరిస్తే శాఖాపరమైన చర్యలు తీసుకుంటామని హెచ్చరించారు. సమావేశంలో అదనపు కలెక్టర్‌ హరిసింగ్‌, డీఆర్‌డీఓ సన్యాసయ్య, డీఎస్‌ఓ మోహన్‌బాబు, డీసీఓ ప్రవీణ్‌కుమార్‌, డీఎం సివిల్‌ సప్లయీస్‌ శ్రీధర్‌రెడ్డి, డీఎంఓ నాగేశ్వరశర్మ, ఏఎస్‌ఓ శ్రీనివాస్‌రెడ్డి తదితరులు పాల్గొన్నారు. ఫ కలెక్టర్‌ తేజస్‌ నంద్‌లాల్‌ పవార్‌

సూర్యాపేట టౌన్‌ : డెంగీ బారిన పడకుండా ఉండాలంటే దోమల నివారణకు ఇళ్ల పరిసరాల్లో మురుగు నీరు నిల్వ ఉండకుండా ప్రజలు జాగ్రత్తలు తీసుకోవాలని జిల్లా వైద్యారోగ్యశాఖ అధికారి (డీఎంహెచ్‌ఓ)డాక్టర్‌ పెండెం వెంకటరమణ అన్నారు. జాతీయ డెంగీ దినోత్సవం సందర్భంగా సూర్యాపేట పట్ణంలోని గిరినగర్‌ పట్టణ ప్రాథమిక ఆరోగ్య కేంద్రంలో శనివారం నిర్వహించిన జిల్లా స్థాయి సమావేశంలో ఆయ న మాట్లాడారు. కూలర్లు, కొబ్బరి చిప్పలు, పాత టైర్లు, పూల కుండీలు, నీటి ట్యాంకులు వంటి ప్రాంతాల్లో నీరు నిల్వ ఉండకుండా చూ సుకోవాలన్నారు. జ్వరం, తలనొప్పి, కండరాల నొప్పులు, వాంతులు వంటి లక్షణాలు కనిపించిన వెంటనే సమీప ప్రభుత్వ ఆసుపత్రిని సంప్రదించాలన్నారు. కార్యక్రమంలో డిప్యూటీ డీఎంహెచ్‌వో డాక్టర్‌ చంద్రశేఖర్‌, ప్రోగ్రాం అధికారులు డాక్టర్‌ కోటి రత్నం, డాక్టర్‌ శ్రీశైలం, డాక్టర్‌ ప్రణీత్‌, ఎస్‌వో వీరయ్య, డిప్యూటీ డెమో సంజీవ్‌రెడ్డి పాల్గొన్నారు. లక్ష్మీనరసింహస్వామికి విశేష పూజలు ఐకేపీ కేంద్రంలో బస్తాలు, టార్పాలిన్లు దగ్ధం అర్వపల్లి : జాజిరెడ్డిగూడెం మండలం బొల్లంపల్లిలోని ఐకేపీ ధాన్యం కొనుగోలు కేంద్రంలో శుక్రవారం అర్థరాత్రి గన్నీ బ్యాగులు, టార్పాలిన్లు దగ్ధమయ్యాయి. అర్ధరాత్రి మంటలు రావడంతో స్థానికులు, కేంద్రం నిర్వాహకులు మంటలు ఆర్పడానికి ప్రయత్నించగా సాధ్యం కాకపోవడంతో సూర్యాపేట నుంచి ఫైర్‌ ఇంజన్‌ను పిలిపించి మంటలు ఆర్పివేయించారు. అప్పటికే 3,800 ఖాళీ గన్నీ బ్యాగులు, 6 టార్పాలిన్లు కాలిపోయాయి. సమీపంలోనే ఉన్న ఓ రైతు ధాన్యం రాశికి మంటలు అంటుకోగా నీళ్లుపోసి ఆర్పారు. సంఘటన స్థలాన్ని శనివారం సూర్యాపేట ఆర్‌డీఓ వేణుమాధవరావ్‌ సందర్శించారు. గుర్తుతెలియని వ్యక్తులు గన్నీబ్యాగులు, టార్పాలిన్లను దహనం చేశారని కేంద్రం నిర్వాహకులు పోలీసులకు ఫిర్యాదు చేశారు. కాలిపోయిన సామగ్రి విలువ సుమారు రూ.3 లక్షల వరకు ఉంటుందని తెలిపారు. ఆయన వెంట అదనపు డీఆర్‌డీఓ సురేష్‌, డీపీఎంలు అరుణ్‌, బెనర్జీ, తహసీల్దార్‌ శ్రీకాంత్‌, ఎస్‌ఐ సైదులు, ఏపీఎం రాంబాబు, సీసీలు నగేష్‌, నాగార్జున ఉన్నారు.

నార్కట్‌పల్లి : చెర్వుగట్టు పార్వతీ జడల రామలింగేశ్వర స్వామి దేవాలయంలో శనివారం రాత్రి అర్చకలు లక్ష పుష్పార్చన ప్రత్యేక పూజలు నిర్వహించారు. అమావాస్య కావడంతో వివిధ ప్రాంతాల నుంచి భక్తులు పెద్ద సంఖ్యలో తరలివచ్చారు. రాత్రి వేళ భక్తులకు దర్శనం కల్పించారు. ప్రధాన అర్చకుడు పోతులపాటి రామలింగేశ్వర శర్మ, సతీష్‌ శర్మ, సురేష్‌ శర్మ, శ్రీకాంత్‌ శర్మ పూజలు సాగాయి. భక్తులకు ఎలాంటి ఇబ్బందులు కలగకుండా వసతులు కల్పించారు. గట్టుపైన ట్రాఫిక్‌ జామ్‌ కాకుండా పోలీసులు పైకి వాహనాలను అనుమతించలేదు. కార్యక్రమంలో చెర్వుగట్టు దేవాలయ చైర్మన్‌ వరాల రమేష్‌, సర్పంచ్‌ నేతగాని కృష్ణ, ఈఓ మోహన్‌బాబు, ఎస్‌ఐ విష్ణుమూర్తి, డైరెక్టర్లు ప్రజ్ఞాపురం సత్యనారాయణ, నల్ల అనిత,ఇరుడుల సంపత్‌కుమార్‌, మర్రి లింగస్వామి, కమ్మలపల్లి మల్లేష్‌, రేగట్టె శ్రీనివాస్‌రెడ్డి, వీరెల్లి రఘునాథ్‌, శ్రీను, పాల మహేష్‌ తదితరులు పాల్గొన్నారు.

సూర్యాపేటటౌన్‌ : మిల్లుల్లో ధాన్యాన్ని వేగంగా దిగుమతి చేసుకోవాలని ఎస్పీ నరసింహ మిల్లర్లను ఆదేశించారు. శనివారం సూర్యాపేట రూరల్‌ పరిధి జనగామ రోడ్డులో ఉన్న వజ్ర రైస్‌ మిల్లులో ధాన్యం దిగుమతులను ఆయన పరిశీలించారు. కొనుగోలు కేంద్రాల నుంచి వచ్చిన ధాన్యాన్ని వాహనాల నుంచి త్వరితగతిన దిగుమతి చేసుకోవాలని మిల్లు యజమానులకు సూచించారు. రైతుల పక్షాన బాధ్యత తీసుకుని వారికి అండగా నిలవాలని కోరారు. మిల్లు యజమానులు, కార్మికులతో మాట్లాడి ధాన్యం దిగుమతి వివరాలు తెలుసుకున్నారు. ఆయన వెంట సూర్యాపేట రూరల్‌ ఎస్‌ఐ బాలునాయక్‌, సిబ్బంది ఉన్నారు.

ఫ ఆల్ట్రా సౌండ్‌ స్కానింగ్‌కు రెండు రోజులు ఆగాల్సిందే.. ఫ ప్రభుత్వ జనరల్‌ ఆసుపత్రిలో రోగుల ఇబ్బందులు ఫ మూలన పడిన యంత్రాలు.. పర్యవేక్షణ కరువు ఫ వినియోగంలో లేని ఎంఆర్‌ఐ స్కానింగ్‌ మిషన్‌ సూర్యాపేటటౌన్‌ : కడుపు నొప్పి, ఇతర అనారోగ్య సమస్యలతో ఆసుపత్రికి వెళ్తే ఆసుపత్రిలో సంబంధిత డాక్టర్‌.. రోగికి ఏమైందనే నిర్ధారణ కోసం ఆల్ట్రా సౌండ్‌ స్కానింగ్‌ రాస్తుండగా ఆ స్కానింగ్‌ తీయించేందుకు రోగులు రెండు మూడు రోజులు ఆగాల్సి వస్తోంది. రూ.కోట్లు ఖర్చు చేసి కొనుగోలు చేసిన యంత్రాలు మూలన పడటం, కిట్లు అందుబాటులో రోగులకు వైద్య సేవలు అందడం లేదు. 2డి ఎకో లాంటి మెషిన్లు, ఎంఆర్‌ఐ స్కానింగ్‌ మిషన్‌ను వినియోగంలోకి తేకుండా మూలకు పడేశారు. జిల్లా ఆసుపత్రి కావడంతో రోజుకు వందలాది మంది రోగులు ప్రభుత్వ జనరల్‌ ఆసుపత్రికి వస్తుంటారు. కేవలం 30 నుంచి 40 మందికి మాత్రమే అల్ట్రాసౌండ్‌ స్కానింగ్‌ చేస్తుండడంతో మిగిలిన వారు తీవ్ర ఇబ్బందులు ఎదుర్కొంటున్నారు. మిగతా వారికి నెంబర్లు ఇచ్చి రేపు రా.. లేకపోతే ఎల్లుండి రా అని సిబ్బంది చెబుతుండటం గమనార్హం. ప్రైవేట్‌ ల్యాబ్‌లలో స్కానింగ్‌ ఖర్చులు భరించలేక ప్రభుత్వ ఆసుపత్రిని ఆశ్రయిస్తే, ఇక్కడ టోకెన్ల పద్ధతి పేరిట రోజుకు కేవలం 30 మందికే పరిమితం చేయడంపై రోగులు ఆగ్రహం వ్యక్తం చేస్తున్నారు. ఉదయం 7 గంటలకే వచ్చి క్యూ లైన్లలో నిల్చున్నా, చివరకు అవుట్‌ పేషంట్‌ల సంఖ్య 30 దాటిందని.. రోజు కోటా పూర్తయిందని సిబ్బంది బంద్‌ చేస్తున్నారు. సమయపాలన పాటించని వైద్యులు వైద్యులు అందుబాటులో ఉండటం లేదని విమర్శలు ఉన్నాయి. వైద్యుల కోసం గంటల తరబడి నిరీక్షించాల్సి వస్తుందని రోగులు ఆవేదన వ్యక్తం చేస్తున్నారు. అలాగే కొంత మంది వైద్యులు రాకపోవడంతో నర్సులు, కింద స్థాయి సిబ్బందే రోగులకు మందులు రాస్తున్నారు. శనివారం వైద్యులు సమయానికి రాకపోవడంతో ఆర్థోపెడిక్‌, జనరల్‌ మెడిసిన్‌ విభాగాల్లో కింది స్థాయి సిబ్బందే రోగులను చూసి మందులు రాయడం గమనార్హం. అలాగే సిటీ స్కాన్‌ పరీక్షలను రేడియాలజిస్ట్‌ పర్యవేక్షణలో చేయాల్సి ఉండగా, కేవలం ల్యాబ్‌ టెక్నీషియన్లతో తీయిస్తున్నారు. ఆసుపత్రి సూపరింటెండెంట్‌ నెల రోజులుగా సెలవులో ఉన్నారు. దీంతో ఆసుపత్రిలో పర్యవేక్షణ కరువైంది. కొంతమంది వైద్యులు ప్రైవేట్‌ వ్యక్తులతో డ్యూటీలు చేయిస్తున్నట్లు తెలిసింది. రోగులు రాత్రి వేళలో ఆసుపత్రికి వస్తే అడ్మిట్‌ చేసుకోకుండా బెడ్‌లు సైతం ఇవ్వడం లేదని రోగులు చెబుతున్నారు. నియామకాల్లో జాప్యం.. ఆసుపత్రిలో కొన్ని అవుట్‌ సోర్స్‌ పోస్టులను ప్రభుత్వం గత నెల 18న విడుదల చేసింది. నెల రోజులలో జిల్లా స్థాయీలోనే నియమాలను చేపట్టాలని ఉత్తర్వులో పేర్కొంది. కానీ, సూపరింటెండెంట్‌ సెలవులో ఉండడంతో నేటికీ ఉద్యోగాలకు సంబందించిన నోటిఫికేషన్‌ ఇవ్వలేదు. దీంతో జిల్లాకి కేటాయించిన రెండు పోస్టులు రద్దయ్యే అవకాశాలు ఉన్నాయని అధికారులు చెప్తున్నారు. ఆల్ట్రా సౌండ్‌ స్కానింగ్‌ కోసం ఎదురు చూస్తున్న రోగులుమూలకు పడిన ఎక్స్‌రే మిషన్‌మా తమ్ముడు శ్రీనివాస్‌ కు కడుపు నొప్పితో పాటు కొంత మానసిక స్థితి బాగుండటం లేదు. శుక్రవారం సాయంత్రం ఆసుపత్రికి తీసుకొచ్చాం. సిబ్బంది నిర్లక్ష్యంగా సమాధానం చెబుతూ అడ్మిట్‌ చేసుకోలేదు. రాత్రంతా ఆరుబయటే పడుకున్నాం. ఉదయం డాక్టర్‌ వచ్చాక చూపించి ఆల్ట్రా సౌండ్‌ స్కానింగ్‌ రాయడంతో తీయించేందుకు వచ్చా. ఇక్కడకు వచ్చాక రేపు రా అని సిబ్బంది అంటుండటంతో వారితో గట్టిగా మాట్లాడి స్కానింగ్‌ తీయించాను. – శ్రీనివాస్‌, రాఘవపురం

సూర్యాపేట : చిన్నారులు లలిత కళల్లో రాణించాలని జిల్లా బాల్‌ భవన్‌ కన్వీనర్‌, జిల్లా విద్యాశాఖ అధికారి (డీఈఓ) కె.అశోక్‌ అన్నారు. ప్రజాపాలన–ప్రజా ప్రణాళికలో భాగంగా సూర్యాపేటలోని జిల్లా బాల్‌ భవన్‌ ఆధ్వర్యంలో స్థానిక జెడ్పీహెచ్‌ఎస్‌ (బి)లో విద్యా వారోత్సవాల సందర్భంగా ఆర్ట్‌ క్రాఫ్ట్‌ అండ్‌ కల్చరల్‌ డేను నిర్వహించారు. ఈ సందర్భంగా మండల విద్యాధికారి శ్రీనివాస్‌ గౌడ్‌, ఎస్‌ఓ సూర్యనారాయణ, హరికృష్ణ, పీడీ జెడ్పీహెచ్‌ఎస్‌ విఘ్నేశ్వరచారి, అభివృద్ధి కమిటీ సభ్యులు హమీద్‌ ఖాన్‌తో కలిసి డీఈఓ జ్యోతి ప్రజ్వలన చేసి మాట్లాడారు. ఈ సందర్భంగా చిన్నారులు తెలంగాణ సంస్కృతీ సంప్రదాయ నృత్యాలు లంబాడీ, కోలాటం, పేరిణి శివతాండవం ప్రదర్శనలు ఆకట్టుకున్నాయి. ఆర్ట్‌, క్రాఫ్ట్‌, కల్చరల్‌ డ్యాన్స్‌ పోటీలు నిర్వహించి వారిలో ఉత్తమ నైపుణ్యం చూపిన వారికి అతిథుల చేతుల మీదుగా మెమెంటో, సర్టిఫికెట్లు, గైడ్‌ టీచర్స్‌కి సర్టిఫికెట్లు అందజేసి అభినందించారు. ఈ కార్యక్రమంలో జిల్లా బాలభవన్‌ సూపరింటెండెంట్‌ బండి రాధాకృష్ణ, సిబ్బంది దాసరి యల్లయ్య, ఉమారాణి, సత్యనారాయణ సింగ్‌, అనిల్‌, సాయి, వీరయ్య, పద్మ పాల్గొన్నారు.

భానుపురి (సూర్యాపేట) : తెలంగాణ రాష్ట్రంలో 2028లో బీసీలు అధికారం చేపట్టడం ఖాయమని, తెలంగాణ గడ్డ బీసీలకు అడ్డాగా మారిందని ఈ సునామీని ఎవరూ ఆపలేరని బీసీ సంక్షేమ సంఘం జాతీయ అధ్యక్షుడు జాజుల శ్రీనివాస్‌గౌడ్‌ అన్నారు. శనివారం సూర్యాపేటలో బీసీ సంక్షేమ సంఘం రాష్ట్ర ఉపాధ్యక్షుడు బూర మల్సూర్‌గౌడ్‌ నివాసంలో ఏర్పాటు చేసిన విలేకరుల సమావేశంలో ఆయన మాట్లాడారు. రాజ్యాధికారం లక్ష్యంగా బీసీల్లో రాజకీయ చైతన్యం పెరిగిందని చెప్పారు. పిడికెడు శాతం ఉన్న వారి పాలన ఇంకెన్నాళ్లని ప్రశ్నించారు. బీసీలు బలమైన శక్తిగా ఎదిగారని ఇక అగ్రకులాల ఆటలు సాగవన్నారు. 2034 వరకు రేవంత్‌రెడ్డి సీఎంగా కొనసాగుతా అంటున్నాడని, బీఆర్‌ఎస్‌లో కూడా సార్‌ రావాలి ముఖ్యమంత్రి కావాలని ప్రగల్భాలు పలుకుతున్నారని, పదేళ్ల పరిపాలన సరిపోదా అని ఎద్దేవా చేశారు. జూలై 12న హైదరాబాద్‌లో బీసీల రాజకీయ ప్లీనరీ, ఆగస్టు 7న జాతీయ ఓబీసీ సమావేశం, సెప్టెంబర్‌లో రాష్ట్రవ్యాప్తంగా మూడు నెలలు పల్లె నుంచి పట్టణ వరకు బీసీల రాజ్యాధికార రథయాత్ర చేపడతామన్నారు. డిసెంబర్‌లో 10 లక్షల మందితో రాజకీయ యుద్ధభేరిని నిర్వహిస్తున్నట్లు తెలిపారు. సమావేశంలో బీసీ ఐకాస చైర్మన్‌ జాజుల లింగంగౌడ్‌, బీసీ విద్యార్థి సంఘం రాష్ట్ర జనరల్‌ సెక్రెటరీ ఉప్పల మధు యాదవ్‌, బీసీ టీచర్స్‌ యూనియన్‌ రాష్ట్ర అధ్యక్షుడు బెల్లంకొండ రామ్మూర్తిగౌడ్‌, బీసీ సంక్షేమ సంఘం జిల్లా అధ్యక్షుడు చల్లమల్ల నరసింహ, నిద్ర సంపత్‌నాయుడు, బెల్లంకొండ సైదులు, నేరెళ్ల దేవరాజుయాదవ్‌, మామిడి శ్రీనివాస్‌యాదవ్‌, పోతురాజు నరసయ్య, సూర్యగౌడ్‌, రాచకొండ సురేష్‌గౌడ్‌, బైరు విజయకృష్ణ, తండు అంజయ్య, అబ్బగాని వెంకటయ్య, పిల్లుట్ల శ్రీహరి తదితరులు పాల్గొన్నారు. ఫ తెలంగాణ గడ్డ బీసీలకు అడ్డాగా మారింది ఫ జాతీయ బీసీ సంక్షేమ సంఘం అధ్యక్షుడు జాజుల శ్రీనివాస్‌గౌడ్‌

కోదాడ రూరల్‌ : రైతుల నుంచి మిల్లర్ల దోపిడీని అరికట్టడంలో కాంగ్రెస్‌ ప్రభుత్వం పూర్తిగా విఫలమైందని బీజేపీ కిసాన్‌ మోర్చా జాతీయ కార్యవర్గ సభ్యుడు గోలి మధుసూదన్‌రెడ్డి ఆరోపించారు. శనివారం కోదాడ మండలంలోని అల్వాలపురంలో మామిడి తోటలను ఆయన పరిశీలించారు. అనంతరం నిర్వహించిన విలేకరుల సమావేశంలో మధుసూదన్‌రెడ్డి మాట్లాడారు. కొనుగోలు కేంద్రాల నుంచి మిల్లులకు తరలించిన ధాన్యానికి మిల్లర్లు కొర్రీలు పెడుతూ క్వింటాకు 5 కేజీల తరుగు తిస్తున్నారని ఆరోపించారు. ఇక కాంగ్రెస్‌ ప్రభుత్వం రూ.2 లక్షల రుణమాఫీని పూర్తి స్థాయిలో చేయకుండా రైతులను నట్టేటా ముంచిందని తెలిపారు. రుణాలు మాఫీ కాని రైతులు బ్యాంకుల చుట్టూ తిరుగుతూ ఇబ్బందులు పడుతున్నారని తెలిపారు. ప్రభుత్వం యాసంగి పంటకు క్వింటాల్‌కు రూ.500 బోనస్‌ ఇవ్వకుండా రైతులను మోసం చేస్తోందని అన్నారు. రాష్ట్రంలో ప్రధానమంత్రి ఫసల్‌ బీమా యోజన పథకాన్ని అమలు చేయాలని, రానున్న వానాకాలం సీజన్‌కు నాణ్యమైన విత్తనాలను రైతులకు అందుబాటులో ఉంచాలన్నారు. సేంద్రియ వ్యవసాయంపై రైతులకు అవగాహన కల్పించాలని ఆయన కోరారు. సమావేశంలో కిసాన్‌ మోర్చా రాష్ట్ర కోశాధికారి అశోక్‌రెడ్డి, నాయకులు చిట్టిబాబు, వెంకటరామయ్య, కృష్ణయ్య, నారాయణ, రామారావు, వెంకటనర్సయ్య, లక్ష్మణ్‌, శంకర్‌ తదితరులు ఉన్నారు. ఫ బీజేపీ కిసాన్‌ మోర్చా జాతీయ కార్యవర్గ సభ్యుడు గోలి మధుసూదన్‌రెడ్డి

నల్లగొండ : అర్హుల ఓట్లు పోకుండా జాగ్రత్తలు తీసుకుంటామని, సర్‌ విషయంలో అప్రమత్తతతో వ్యవహరిస్తామని రాష్ట్ర రోడ్లు భవనాలు, సినిమాటోగ్రఫి శాఖ మంత్రి కోమటిరెడ్డి వెంకట్‌రెడ్డి అన్నారు. శనివారం హైదరాబాద్‌లో ఓటర్ల జాబితా ప్రత్యేక సవరణ (స్పెషల్‌ ఇంటెన్సివ్‌ రివిజన్‌) సర్‌ బూత్‌ స్థాయిలో కాంగ్రెస్‌ పార్టీ బలోపేతం అంశాలపై ఏఐసీసీ ఇన్‌చార్జి మీనాక్షి నటరాజన్‌, టీపీసీసీ ప్రెసిడెంట్‌ మహేష్‌ కుమార్‌గౌడ్‌, ఏఐసీసీ సెక్రటరీ సచిన్‌ సావంత్‌ ఆధ్వర్యంలో జరిగిన జూమ్‌ మీటింగ్‌లో మంత్రి కోమటిరెడ్డి పాల్గొని మాట్లాడారు. నల్లగొండ, భువనగిరి లోక్‌సభల్లో చేపట్టే ఓటర్ల జాబితా సవరణకు పార్టీ శ్రేణులు సన్నద్ధంగా ఉండాలని అందుకు బూత్‌ లెవల్‌ కమిటీ బాధ్యతలు తీసుకోవాలన్నారు. అకారణంగా తొలగింపునకు గురైన ఓటర్లకు తిరిగి అప్పీల్‌ చేసుకోవడం, దరఖాస్తు చేసుకునేందుకు మూడు నెలల సమయం ఇచ్చేలా ఎన్నికల కమిషన్‌ జిల్లా కలెక్టర్లకు ఆదేశాలు ఇచ్చేలా కాంగ్రెస్‌ తరఫున తెలియజేయాలన్నారు. నామినేటెడ్‌, కార్పొరేషన్‌ పదవుల్లో 20, 30 ఏళ్లుగా పార్టీకి సేవ చేస్తున్న వారికి ఇవ్వాలని కోరారు. మంత్రి కోమటిరెడ్డి ప్రతిపాదనపై సానుకూలత వ్యక్తం చేసిన ఏఐసీసీ ఇన్‌చార్జి మీనాక్షి నటరాజన్‌ పార్టీ కోసం కష్టపడే వాళ్లకే పదవులు ఇస్తామని, అర్హులైన వారి పేర్లు మీరే ఇవ్వండి అని సూచించారు. ఉమ్మడి జిల్లాలో పార్టీ కోసం కష్టపడుతున్న సీనియర్‌ నాయకులు చాలా మంది ఉన్నారని, మంత్రి ఉత్తమ్‌, సీనియర్‌ నేత జానారెడ్డితో కలిసి సమాలోచనలు చేసి జాబితా ఇస్తామని తెలిపారు. ఫ మంత్రి కోమటిరెడ్డి వెంకట్‌రెడ్డి

తుంగతుర్తి : మలిదశ తెలంగాణ ఉద్యమానికి ఊపిరి పోసిన విప్లవ వీరుడు మారోజు వీరన్న అని బహుజన కమ్యూనిస్టు పార్టీ రాష్ట్ర కార్యదర్శి కె.పర్వతాలు, రాష్ట్ర నాయకుడు గాజుల శ్రీనివాస్‌ అన్నారు. కుల, వర్గ నిర్మూలన పోరాట సిద్ధాంతకర్త, మలిదశ తెలంగాణ ఉద్యమ నిర్మాత మారోజు వీరన్న 27వ వర్ధంతి సభను శనివారం మండలంలోని కొత్తగూడెం గ్రామంలో నిర్వహించారు. ఈ సందర్భంగా వీరన్న విగ్రహానికి వారు పూలమాలలు వేసి నివాళులర్పించారు. అనంతరం మాట్లాడుతూ.. వీరన్న బహుజన రాజ్యాధికారం కోసం పోరాడిన యోధుడని, అన్ని వర్గాల ప్రజల అభివృద్ధికి కృషి చేశారని గుర్తు చేశారు. ప్రస్తుత సమాజంలో విద్యా వికాసం జరగాల్సిన చోట దుర్మార్గపు విధానాలు రాజ్యమేలుతున్నాయని ఆవేదన వ్యక్తం చేశారు. జనగణనలో కులగణన చేపట్టాలని అన్ని పార్టీలు ముక్తకంఠంతో కోరుతున్నా కేంద్రంలోని బీజేపీ ప్రభుత్వం నిర్లక్ష్య వైఖరి అవలంబిస్తుందని అన్నారు. మహిళల అభ్యున్నతి పట్ల బీజేపీకి చిత్తశుద్ధి లేదని విమర్శించారు. ఈ కార్యక్రమంలో శ్రీహరియాదవ్‌, బత్తుల వెంకన్న, మారోజు చైతన్య, మారోజు దిశ, నారబోయిన వెంకట్‌, కుంట్ల ధర్మార్జున్‌, రాంబాబు, కొండ లింగయ్య, చెట్టుపల్లి కాశీరాం, వెంకటరెడ్డి, సురేందర్‌, వీరస్వామి, వెంకటరమణ, మట్టపల్లి లింగయ్య తదితరులు పాల్గొన్నారు.

కోదాడ : కోదాడలో పోస్టాఫీస్‌కు సొంత భవనం నిర్మించాలని కోరుతూ పోస్టాఫీస్‌ భవన సాధన కమిటీ సభ్యులు శుక్రవారం గుంటూరులో కేంద్ర కమ్యూనికేషన్ల సహాయమంత్రి పెమ్మసాని చంద్రశేఖర్‌ను కలిసి వినతిపత్రం అందించారు. 80 వేల జనాభా ఉన్న కోదాడలో పోస్టాఫీస్‌కు సొంత భవనం లేక తీవ్ర ఇబ్బందిగా ఉందన్నారు. పట్టణ కేంద్రంలో పోస్టాఫీస్‌కు కోసం కేటాయించిన స్థలంలో భవన నిర్మాణం చేపట్టాలని వారు కేంద్ర మంత్రిని కోరారు. ఈ విషయాన్ని పరిశీలించి తగు చర్యలు తీసుకుంటానని మంత్రి హామీ ఇచ్చినట్లు కమిటీ సభ్యులు తెలిపారు. మంత్రిని కలిసిన వారిలో కమిటీ కన్వీనర్‌ గంధం బంగారు, డాక్టర్‌ సుబ్బారావు, రావెళ్ల సీతారామయ్య, ముత్తవరపు పాండురంగారావు, వేమూరి సురేష్‌ ఉన్నారు. ఉపాధిహామీ చట్టాన్ని రద్దు చేస్తే ఉద్యమం మునగాల : కేంద్రంలోని మోదీ ప్రభుత్వం ఉపాధిహామీ చట్టాన్ని రద్దు చేసి దాని స్థానంలో జీరాంజీ పథకాన్ని తీసుకురావాలని చేస్తున్న ప్రయత్నాన్ని వెంటనే విరమించుకోవాలని, లేని పక్షంలో పెద్ద ఎత్తున ఉద్యమం తప్పదని వ్యవసాయ కార్మిక సంఘం జిల్లా అధ్యక్షుడు ములకలపల్లి రాములు హెచ్చరించారు. ఉపాధిహామీ చట్టాన్ని రద్దు చేయడాన్ని నిరసిస్తూ శుక్రవారం నిర్వహించిన ‘గ్రామీణ బంద్‌’ నిర్వహించారు. మండలంలోని గణపవరం పరిఽధిలో చేపట్టిన బంద్‌ కార్యక్రమంలో ఆయన పాల్గొన్నారు. జీరాంజీ చట్టాన్ని రద్దు చేయాలని కోరుతూ స్థానిక గ్రామపంచాయతీ కార్యదర్శికి వినతిపత్రం అందించారు. కార్యక్రమంలో సంఘం మండల కార్యదర్శి చందా చంద్రయ్య, మాజీ సర్పంచ్‌ నాగేశ్వరమ్మ, నాయకులు అంజయ్య, వెంకన్న, ఉపాఽధికూలీలు, మేట్లు పాల్గొన్నారు.పుస్తక పఠనంతో విజ్ఞానం పెంపుసూర్యాపేట : విద్యార్థులు పుస్తక పఠనాన్ని అలవాటు చేసుకోవడం ద్వారా విజ్ఞానాన్ని పెంచుకోవచ్చని జిల్లా గ్రంథాలయ సంస్థ చైర్మన్‌ వంగవీటి రామారావు అన్నారు. విద్యా వారోత్సవాల్లో భాగంగా శుక్రవారం జిల్లా కేంద్రంలోని గ్రంథాలయంలో విద్యార్థులకు గ్రంథాలయ పరిచయ కార్యక్రమం నిర్వహించారు. సంస్థ కార్యదర్శి బి.బాలమ్మ గ్రంథాలయ వినియోగంపై అవగాహన కల్పించారు. కార్యక్రమంలో సహాయ గ్రంథ పాలకుడు వి.శ్యాంసుందర్‌రెడ్డి, నిర్మల, సృజన, భవాని, సిబ్బంది పాల్గొన్నారు. ఆండాళ్‌ అమ్మవారికి ఊంజల్‌ సేవోత్సవంయాదగిరిగుట్ట : యాదగిరి శ్రీలక్ష్మీనరసింహస్వామి వారి ఆలయంలో ఆండాళ్‌ అమ్మవారికి ఊంజల్‌ సేవోత్సవాన్ని అర్చకులు వైభవంగా నిర్వహించారు. శుక్రవారం అమ్మవారికి ప్రీతికరమైన రోజు కావడంతో ఆలయ ప్రథమ ప్రాకార మండపంలో అమ్మవారిని విశేషంగా అలంకరించి, తిరు, మాడ వీధుల్లో సంప్రదాయంగా ఊరేగించారు. మహిళా భక్తులు సేవోత్సవంలో పాల్గొని మంగళ హారతులను నివేదించారు. అనంతరం అర్చకులు అమ్మవారి సేవను అద్దాల మండపంలో అధిష్టించి ఊంజల్‌ సేవోత్సవాన్ని మంగళ వాయిద్యాల నడుమ, పాంచరాత్ర ఆగమశాస్త్రానుసారంగా వేద మంత్రాలతో నిర్వహించారు. ఇక ఆలయంలో శ్రీస్వామి అమ్మవార్లకు నిత్య పూజలను విశేషంగా జరిపించారు. ఆయా పూజల్లో భక్తులు పాల్గొని మొక్కులు తీర్చుకున్నారు.

ఆత్మకూర్‌.ఎస్‌ (సూర్యాపేట) : గోదాములకు వచ్చిన ధాన్యాన్ని వెంటనే దిగుమతి చేసుకునేలా చర్యలు తీసుకుంటున్నామని కలెక్టర్‌ తేజస్‌ నందలాల్‌ పవర్‌ అన్నారు. శుక్రవారం ఆత్మకూరు మండల కేంద్రంలోని ధాన్యం కొనుగోలు కేంద్రాన్ని, శ్రీరామ గోదామును ఆయన తనిఖీ చేశారు. ఈ సందర్భంగా ఆయన మాట్లాడుతూ జిల్లాలో మూడున్నర లక్షల మెట్రిక్‌ టన్నుల ధాన్యం అంచనా ఉండగా ఇప్పటికే 2.35 లక్షల మెట్రిక్‌ టన్నుల ధాన్యం కొనుగోళ్లు పూర్తయినట్లు చెప్పారు. గోదాముల వద్ద ధాన్యం దిగుమతి కోసం హమాలీల కొరత ఉన్నందున ప్రత్యామ్నాయ ఏర్పాట్లు చేస్తున్నామన్నారు. దిగుమతుల కోసం ప్రతి మండలానికి ఒక కమిటీని ఏర్పాటు చేసి ప్రతి మిల్లుకు ఒక ప్రత్యేక అధికారిని ఏర్పాటు చేసినట్లు చెప్పారు. మరో 10 రోజుల్లో ధాన్యం కొనుగోళ్లు పూర్తయ్యేందుకు చర్యలు తీసుకుంటామని స్పష్టం చేశారు. రైతులు కొన్ని కేంద్రాలలో ఇబ్బందులకు గురవుతున్నారని, అలాంటివి జరగకుండా చర్యలు తీసుకుంటున్నామన్నారు. ఆయన వెంట తహసీల్దార్‌ అమీన్‌ సింగ్‌, ఏఓ దివ్య, సర్పంచ్‌ ములకలపల్లి కాటయ్య, ఏపీఓ ఈశ్వర్‌, సీఈఓ లక్ష్మారెడ్డి, సీపీ ముత్తయ్య, పంచాయతీ కార్యదర్శి సుధాకర్‌, సోమిరెడ్డి సత్యనారాయణరెడ్డి ఉన్నారు. కొనుగోలు కేంద్రాల తనిఖీనూతనకల్‌ : మండల కేంద్రంలోని ధాన్యం కొనుగోలు కేంద్రాలను కలెక్టర్‌ తేజస్‌ నందలాల్‌ పవార్‌ శుక్రవారం ఆకస్మికంగా తనిఖీ చేశారు. కాంటా పూర్తయిన ధాన్యాన్ని మిల్లులకు తరలించడానికి లారీల కొరత ఉన్నందున అధికారులు సమన్వయంతో పనిచేసి రవాణా ఏర్పాట్లు చేయాలని ఆదేశించారు. ఆయన వెంట తహసీల్దార్‌ ఎం. శ్రీనివాసరావు, ఎస్‌ఐ నాగరాజు, ఎంపీఓ శశికళ, ఆర్‌ఐ హసన్‌, జీపీఓలు, పంచాయతీ కార్యదర్శులు, కేంద్రాల నిర్వాహకులు ఉన్నారు. కలెక్టర్‌ తేజస్‌ నందలాల్‌ పవార్‌

30 మంది కోదాడ వాసులు సహ నిర్మాతలుగా ..కోదాడ : తెలంగాణ రైతాంగ సాయుధ పోరాట యోధుడు, తొలి అమరుడు దొడ్డి కొమురయ్య జీవిత చరిత్రపై నిర్మిస్తున్న సినిమాకు కోదాడకు చెందిన 30 మంది సహ నిర్మాతలుగా ఉన్నారని చిత్రం నిర్మాణ కమిటీ చైర్మన్‌ అంకతి అనసూర్య తెలిపారు. సినిమా వాల్‌ పోస్టర్‌ను శుక్రవారం కోదాడలోని అంబేడ్కర్‌ విగ్రహం వద్ద చిత్రం నిర్మాణ కమిటీతో పాటు వివిధ సంఘాల ప్రతినిధులు, కళాకారులు ఆవిష్కరించారు. ఈ సందర్భంగా ఆమె మాట్లాడుతూ.. తెలంగాణ అమరవీరుల చరిత్రను వెలికి తీయాలనే ఉద్దేశ్యంతో ఈ సినిమా నిర్మిస్తున్నట్లు పేర్కొన్నారు. సినిమా దర్శకుడు ఎం.సేనాపతి మాట్లాడుతూ ఒక్కో జిల్లా నుంచి 26 మంది తెలంగాణ కళాకారులను తీసుకొని ఈ సినిమాను పూర్తిచేస్తామని తెలిపారు. కార్యక్రమంలో పందిరి నాగిరెడ్డి, రాయపూడి చిన్ని, ఇర్ల శ్రీనివాసరెడ్డి, రాపర్తి రామనర్సయ్య, రావూరి భవాని, తిరపతయ్య, తేరేజమ్మ, ఎస్‌ఎస్‌.రావు, కోదాటి గురవయ్య, సుంకర పుల్లారావు, మజహార్‌, కల్లూరి సుజాత, జగదీష్‌ పాల్గొన్నారు.

ఆత్మకూర్‌.ఎస్‌ (సూర్యాపేట) : మండలంలోని బొప్పారం గ్రామంలోని కొనుగోలు కేంద్రంలో తరుగు పేరుతో ధాన్యం కాజేశారని గురువారం రైతు ఆత్మహత్యాయత్నం చేశాడు. ఈ ఘటనపై సాక్షిలో వచ్చిన కథనానికి కలెక్టర్‌ స్పందించి విచారణకు ఆదేశించారు. శుక్రవారం కొనుగోలు కేంద్రాన్ని డీఎస్‌ఓ శోభన్‌బాబు సందర్శించారు. కొనుగోలు కేంద్రం నిర్వాహకులతో పాటు బాధిత రైతును, అక్కడ ఉన్న రైతులను వివరాలు అడిగి తెలుసుకున్నారు. కొనుగోలు కేంద్రాలకు వచ్చిన ధాన్యాన్ని పూర్తిస్థాయిలో కొనుగోలు చేస్తామని, రైతులు అధైర్య పడొద్దన్నారు. కేంద్రాలలో ఉన్న సమస్యలను రైతులు తమ దృష్టికి తీసుకురావాలని, ఎలాంటి అఘాయిత్యాలకు పాల్పడవద్దని సూచించారు. విచారణ నివేదికను జిల్లా కలెక్టర్‌కు అందించ నున్నట్లు తెలిపారు. ఆయన వెంట డీసీఓ శ్రీధర్‌, తహసీల్దార్‌ అమీన్‌ సింగ్‌, ఏఓ దివ్య, కేంద్ర నిర్వాహకులు ఉన్నారు.

సూర్యాపేటటౌన్‌ : డ్రగ్స్‌, గంజాయి వంటి మాదక ద్రవ్యాల నిరోధంలో భాగంగా ఎస్పీ నరసింహ ఆదేశాల మేరకు శుక్రవారం సూర్యాపేట పట్టణంలో పోలీసులు, యాంటి నార్కోటిక్‌ డాగ్‌ స్క్వాడ్‌ సిబ్బంది తనిఖీలు నిర్వహించారు. పీఎస్‌ఆర్‌ సెంటర్‌, ఖమ్మం అండర్‌ పాస్‌, బస్టాండ్‌ ప్రాంతాల్లో టీ దుకాణాలు, పాన్‌ షాపులలో విస్తృతంగా తనిఖీలు చేపట్టారు. ఈ సందర్భంగా పట్టణ ఎస్‌ఐలు ఏడుకొండలు, శివ తేజ మాట్లాడుతూ సూర్యాపేట పట్టణం జాతీయ రహదారిపై ఉన్నందున మాదక ద్రవ్యాల అక్రమ రవాణా, వినియోగాన్ని నిరోధించేందుకు విస్రృతంగా తనిఖీలు నిర్వహించినట్లు చెప్పారు. అనుమానిత ప్రదేశాల్లో నిత్యం తనిఖీలు చేపడుతున్నట్లు పేర్కొన్నారు. పట్టణంలో పటిష్ట భద్రత కల్పించడమే పోలీసుల లక్ష్యమన్నారు. తనిఖీల్లో పోలీసు సిబ్బంది పాల్గొన్నారు.

‘సాక్షి’ మైత్రి మహిళ ఆధ్వర్యంలో..సాక్షి మైత్రి మహిళ ఆధ్వర్యంలో ఈ నెల 22వ తేదీ నుండి జూన్‌ 21వ తేదీ వరకు బ్యూటీషియన్‌ కోర్సులో శిక్షణ ఇవ్వనున్నారు. ఆదివారం మినహా మిగిలిన రోజుల్లో ఉదయం 10 గంటల నుండి మధ్యాహ్నం ఒంటిగంట వరకు శిక్షణ ఇస్తారు. శిక్షణలో నేర్పించే అంశాలుఐబ్రోస్‌(త్రెడింగ్‌), వ్యాక్సింగ్‌, పెడిక్యూర్‌, మెనిక్యూర్‌, బ్లీచింగ్‌, స్కిన్‌ కేర్‌, హెయిర్‌ కేర్‌, ఫేస్‌ప్యాక్స్‌, హెయిర్‌ కట్స్‌, హెయిర్‌స్టైల్స్‌, హెన్నా ప్రిపరేషన్‌, బేసిక్‌ పింపుల్‌ ట్రీట్‌మెంట్‌, మేకప్స్‌ (బ్రైడల్‌, పార్టీ, లైట్‌ మేకప్స్‌), హెయిర్‌ మసాజ్‌, కమ్యూనికేషన్‌ అండ్‌ సెల్ఫ్‌ గ్రూమింగ్‌, శారీ డ్రాపింగ్‌. రిజిస్ట్రేషన్‌ స్వీకరించు తేదీలు : 16–05–2026 నుంచి 21–05–2026 వరకు సమయం : ఉదయం 10 గం. నుండి సాయంత్రం 6 గం.వరకు రిజిస్ట్రేషన్‌ ఫీజు : రూ.2,500/– వర్క్‌షాపు షెడ్యూల్‌ తేదీలు: 22–05–2026 నుండి 21–06–2026 వరకు శిక్షణ సమయం : ఉదయం 10 గంటల నుండి మధ్యాహ్నం ఒంటిగంట వరకుతన్విక బ్యూటీపార్లర్‌ అండ్‌ ట్రైనింగ్‌ సెంటర్‌, రోడ్‌ నెం.1బి, వీటి కాలనీ, నల్లగొండ. సంప్రదించవలసిన ఫోన్‌ : 8341151413, 9666013544రిజిస్ట్రేషన్‌ మరియు శిక్షణా స్థలం వివరాలుఫ కార్యక్రమంలో పాల్గొన్న వారికి సర్టిఫికెట్లు అందజేయబడతాయి

భానుపురి (సూర్యాపేట) : తాము పండించిన ధాన్యాన్ని అమ్ముకోవడానికి రైతులు అష్టకష్టాలు పడాల్సి వస్తున్నది. కొనుగోలు కేంద్రాల్లో కాంటాలు కాకుండా నెలల తరబడి ధాన్యం కుప్పల వద్దే పడిగాపులు కాయాల్సి వస్తుండగా.. మిల్లులకు వెళ్లిన లారీల్లోని ధాన్యం దిగుమతి కావడానికి మూడు, నాలుగు రోజులు పడుతోంది. చివరికి తాలు, తరుగు పేరుతో క్వింటాకు ఐదు, ఆరు కిలోలకు పైగానే కోత విధిస్తూ మిల్లర్లు రైతులను నిండా ముంచుతున్నారు. ఇదంతా కొనుగోలు కేంద్రం నిర్వాహకులు, మిల్లర్ల మధ్య సయోధ్యతోనే జరుగుతున్నట్లు రైతులు ఆరోపిస్తున్నారు. మిల్లుల వద్ద పడి గాపులురెండు రోజుల క్రితం వరకు జిల్లాలోని 335 కొనుగోలు కేంద్రాల్లో సగానికి పైగా ధాన్యం రాశులు కాంటాలకు నోచుకోలేదు. కొనుగోళ్లు ప్రారంభమై 50 రోజులు దాటినా.. ఇంకా కొనుగోళ్లు నత్త నడకన సాగడంపై రాష్ట్ర ప్రభుత్వం జిల్లా యంత్రాంగంపై ఆగ్రహం వ్యక్తం చేసింది. దాంతో ఆగమేఘాలపై జిల్లాలోని కొనుగోలు కేంద్రాల్లో ఉన్న ధాన్యాన్ని కాంటాలు పూర్తిచేసి మిల్లులకు తరలించారు. అయితే మిల్లుల్లో హమాలీల కొరతతో పాటు మిల్ల ర్లు కొర్రీలు పెట్టడంతో ధాన్యం లారీలు అక్కడే నిలిచిపోయింది. సెంటర్ల నుంచి మిల్లులకు వెళ్లిన లారీలు, ట్రాక్టర్లు తిరిగి రాకపోవడంతో సెంటర్లలో కాంటాలు సైతం నిలిచిపోయాయి. మూడు రోజులుగా మిల్లుల వద్ద లారీలు, ట్రాక్టర్ల యజమానులు పడిగాపులు కాయాల్సిన పరిస్థితి నెలకొంది. ఇప్పటికై నా అధికారులు స్పందించి మిల్లుల వద్దకు వెళ్లిన లారీల్లోని ధాన్యం బస్తాలను వెంటనే దిగుమతి చేయించి వాహనాలను సెంటర్లకు తరలించాలని, ఎలాంటి తరుగు లేకుండా ధాన్యాన్ని కొనుగోలు చేయాలని రైతులు డిమాండ్‌ చేస్తున్నారు. 2,42, 547 మెట్రిక్‌ టన్నులు సేకరణసూర్యాపేట జిల్లా వ్యాప్తంగా ఇప్పటి వరకు 2,42,547 మెట్రిక్‌ టన్నుల ధాన్యాన్ని పౌరసరఫరాల శాఖ సేకరించింది. శుక్రవారం ఒక్కరోజే 9,971 ధాన్యాన్ని సేకరించారు. ఇందులో 2,27,917 మెట్రిక్‌ టన్నుల ధాన్యాన్ని మిల్లులకు తరలించారు. మరో 14,630 మెట్రిక్‌ టన్నుల ధాన్యం ఆయా కొనుగోలు కేంద్రాల్లోనే పేరుకు పోయింది. ప్రధానంగా కొనుగోలు కేంద్రాల నుంచి మిల్లులకు తరలిన లారీలు, ట్రాక్టర్లు తిరిగి సెంటర్లకు రాకపోవడంతో సెంటర్ల నిర్వాహకులు కాంటాలు నిలిపివేశారు. ధాన్యం దిగుమతికి అడ్డంకులు తాలు, తరుగు పేరుతో కోతలు పెడుతున్న మిల్లర్లు ఇంకా కొనుగోలు కేంద్రాల్లోనే సగానికి పైగా ధాన్యం ఇబ్బందులు పడుతున్న రైతులుసగం బస్తాలు చిరిగినవే.. అర్వపల్లి : కొనుగోలు కేంద్రాలలో రైతులు తీసుకొచ్చిన ధాన్యం నింపేందుకు బస్తాల కొరతతో ఇబ్బందులు ఎదురవుతున్నాయి. కేంద్రాలకు ప్రభుత్వం నుంచి సరఫరా అయ్యే గన్నీ బ్యాగులలో సగానికిపైగా చిరిగి, పాడైన బస్తాలు వస్తున్నాయి. ఈ బస్తాలలో ధాన్యం నింపినా వాటికుండే రంద్రాల ద్వారా బయట పడుతున్నాయి. దాంతో రైతులు ఇబ్బందులు పడుతున్నారు. జాజిరెడ్డిగూడెం మండలం సూర్యానాయక్‌తండా ఐకేపీ కేంద్రానికి 25వేల గన్నీ బ్యాగులు రాగా అందులో 10వేల బ్యాగులు మాత్రమే కొత్తవి ఉండగా మిగతావన్నీ చిరిగి పాడైపోయి ఉన్నాయి. కొనుగోలు కేంద్రాలకు కొత్త గన్నీ బ్యాగులను సరఫరా చేయాలని రైతులు కోరుతున్నారు.

మఠంపల్లి : మట్టపల్లి లక్ష్మీనరసింహస్వామి దేవాలయంలో శుక్రవారం స్వామివారి నిత్య కల్యాణాన్ని అర్చకులు విశేషంగా నిర్వహించారు. ఈ సందర్భంగా ఆలయంలో సుప్రభాతసేవ, నిత్యహోమం, మూలవిరాట్‌కు పంచా మృతాభిషేకం చేపట్టారు. స్వామి అమ్మవార్లలను నూతన పట్టు వస్త్రాలంకరణతో వధూవరులుగా అలంకరించి ఎదుర్కోళ్ల మహోత్సవం సంవాదం రక్తి కట్టించారు. కల్యాణం అనంతరం స్వామి, అమ్మవార్లను గరుడ వాహనంపై ఆలయ తిరుమాడ వీధుల్లో ఊరేగింపు నిర్వహించారు. కార్య క్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, చెన్నూరు విజయ్‌కుమార్‌, అర్చకులు రామాచార్యులు, ఆంజనేయాచార్యులు, ఫణిభూషణ మంగాచార్యులు, అధిక సంఖ్యలో భక్తులు పాల్గొన్నారు.

కోదాడ : జనగణన కార్యక్రమంలో ప్రజలందరూ విధిగా పాల్గొని, వివరాలను అందించాలని సెన్సెస్‌ జాయింట్‌ డైరెక్టర్‌ రఘు అనుమోలు సూచించారు. శుక్రవారం కోదాడలో జరుగుతున్న జనగణన కార్యక్రమాన్ని ఆయన పరిశీలించారు. మే 11 నుంచి జూన్‌ 9 వరకు ఈ కార్యక్రమం జరుగుతుందన్నారు. ఎన్యూమరేటర్‌ ప్రతి ఇంటికి వెళ్లి వివరాలు సేకరిస్తారని చెప్పారు. కోదాడ పట్టణాన్ని 141 లిస్టింగ్‌ బ్లాక్‌లుగా విభజించి 131 మంది ఎన్యూమరేటర్లు, 22 మంది సూపర్‌వైజర్ల సాయంతో జనగణన నిర్వహిస్తున్నట్లు తెలిపారు. పట్టణంలోని బ్లాక్‌నెం 78లో సెల్ఫ్‌ ఎన్యూమరేషన్‌ 95 శాతం చేయించిన జూలకంటి సమత, సూపర్‌వైజర్‌ సాదె లక్ష్మీనారాయణను ఆయన అభినందించారు. ఆయన వెంట జిల్లా జనగణన అధికారి ఇస్లావత్‌ హోబలాల్‌, పట్టణ అసిస్టెంట్‌ అధికారి జి.రమేష్‌, తీగల నరేష్‌, ఆర్‌.నర్సింహారెడ్డి, కంటెం వేణుబాబు, పారా వీరయ్య, ఇస్మాయిల్‌ ఉన్నారు.

మానాపురం తండా నుంచి రూ.1400 కిరాయి పెట్టి ధాన్యం మార్కెట్‌కు తీసుకొచ్చాను. తీరా ఇక్కడికి వచ్చాక మార్కెట్‌ బంద్‌ అని చెబుతున్నారు. మాకు ముందస్తు సమాచారం లేదు. మార్కెట్‌ను త్వరగా ప్రారంభించాలి. – బోడ్యా, రైతు, మానాపురం తండా వ్యవసాయ మార్కెట్‌ యార్డులో 500 కుటుంబాలు ప్రతిరోజు పని చేస్తున్నాయి. మార్కెట్‌ యార్డుతోనే జీవనోపాధి పొందుతున్నాం. మార్కెట్‌ బంద్‌ కావడంతో ఇబ్బందులు ఎదుర్కొంటున్నాం. అధికారులు స్పందించి ప్రతిరోజు మార్కెట్‌ యార్డు నడిచేలా చూడాలి. –జీడి దాస్‌, హమాలీ యూనియన్‌ అధ్యక్షుడు

కోదాడరూరల్‌ : మిల్లర్లు ధాన్యం దిగుమతుల్లో జాప్యం చేస్తే చర్యలు తీసుకోవాల్సి ఉంటుందని కలెక్టర్‌ తేజస్‌ నంద్‌లాల్‌ పవార్‌ హెచ్చరించారు. బుధవారం కోదాడ పట్టణ పరిధిలోని తమ్మరలో పలు రైస్‌ మిల్లులను ఎస్పీ నరసింహతో కలిసి కలెక్టర్‌ తనిఖీ చేసి మాట్లాడారు. కొనుగోలు కేంద్రాల నుంచి వచ్చి ధాన్యం లారీలను తరుగు పేరుతో కొర్రీలు పెట్టకుండా అన్‌లోడ్‌ చేసి తిరిగి పంపించాలని అందునుగుణంగా కూలీలను ఏర్పాటు చేసుకోవాలన్నారు. ఆయన వెంట ఆర్టీఓ సూర్యనారాయణ, తహసీల్దార్‌ సంతోష్‌కిరణ్‌ఉన్నారు. ఘన వ్యర్థాల నిర్వహణ నియమాలు పాటించాలి భానుపురి (సూర్యాపేట) : ఘన వ్యర్థ్యాల నిర్వహణ నియమాలు పాటించాలని కలెక్టర్‌ తేజస్‌ నంద్‌లాల్‌ పవార్‌ కోరారు. బుధవారం కలెక్టరేట్‌లో నిర్వహించిన సాలిడ్‌ వేస్ట్‌ డిస్ట్రిక్ట్‌ మానిటరింగ్‌ కమిటీ సమీక్షా సమావేశంలో కలెక్టర్‌ మాట్లాడారు. జిల్లా అధికారులు సమన్వయంతో పనిచేసి, ఘన వ్యర్థాల నిర్వహణకు శానిటేషన్‌ ప్లాన్‌ ను గ్రామ పంచాయతీలు, మునిసిపాలిటీలు ప్రతిపాదనలు సిద్ధం చేసి వచ్చే 15 రోజుల్లోగా యాక్షన్‌ ప్లాన్‌ సమర్పించాలన్నారు. ప్రతి వ్యర్థ ఉత్పత్తిదారుడు ఘన వ్యర్థాలతో పర్యావరణ కాలుష్యం కలగకుండా నివారించేందుకు, తగ్గించేందుకు తగిన చర్యలు తీసుకోవాలన్నారు. కార్యక్రమంలో జిల్లా పరిషత్‌ సీఈఓ శిరీష, డీఆర్‌డీఓ సన్యాసయ్య, డీపీఓ యాదగిరి, సూర్యాపేట, కోదాడ, హుజూర్‌నగర్‌, నేరేడుచర్ల మున్సిపల్‌ కమిషనర్లు హనుమంత రెడ్డి, రమాదేవి, శ్రీనివాసు పాల్గొన్నారు. ఫ కలెక్టర్‌ తేజస్‌ నంద్‌లాల్‌ పవార్‌

కోదాడ మున్సిపాలిటీ పరిఽధిలోని కొమరబండ వై జంక్షన్‌ వద్ద సర్వేనంబర్‌ 48/3ఏ/1/, 48/3బీ/1లో ఉన్న 1.08 ఎకరాల ప్రభుత్వ భూమిని కొందరు ఆక్రమించేందుకు యత్నించారు. రెవెన్యూ అధికారులు రూ.80 వేలు ఖర్చు చేసి దాని చుట్టూ యుద్ధప్రాతిపదికన ఫెన్సింగ్‌ ఏర్పాటు చేశారు. ఇది ప్రభుత్వ భూమి అని బోర్డు ఏర్పాటు చేశారు. కానీ రాత్రికి రాత్రే కొందరు బోర్డును తొలగించారు. దాంతో అధికారులు సమీపంలోని గోడ మీద ‘ఇది ప్రభుత్వ భూమి..ఆక్రమిస్తే చర్యలు తీసుకుంటాం’ అని రాయించారు. దానిపైన కూడా కొందరు నల్లరంగు పూసి కనబడకుండా చేశారు. అయినా ఇప్పటి వరకు రెవెన్యూ అధికారులు ఎలాంటి చర్యలు తీసుకోలేదు. ఇదేమిటని ప్రశ్నిస్తే దానిపై కొందరు కోర్టుకు వెళ్లారని చెపుతూ కాలం వెళ్లదీస్తున్నారు. ఇదే గ్రామానికి చెందిన కొందరు సమీపంలోని సర్వే నంబర్‌పై తప్పుడు రిజిస్ట్రేషన్లు చేయించి ప్రభుత్వ భూమిని తమదిగా చూపుతున్నారనే ఆరోపణలు ఉన్నాయి. కోదాడ : కోట్ల రూపాయల విలువైన ప్రభుత్వ భూములు పరాధీనమవుతున్నాయి. ఆక్రమణలపై స్థానిక ప్రజలు అధికారులకు ఫిర్యాదు చేసినా ఎలాంటి చర్యలు తీసుకోవడం లేదనే ఆరోపణలు వినవస్తున్నాయి. మరి కొందరు అధికారులు కాసులకు కక్కుర్తిపడి దొడ్డిదారిని ఆక్రమణ దారులకు పట్టాదారు పాసుపుస్తకాలు జారీ చేస్తున్నారు. కోదాడ పట్టణ పరిధిలోని తమ్మర రెవెన్యూ పరిధిలో సర్వే నంబర్‌ 39లో అత్యంత విలువైన ప్రభుత్వ భూమి ఉంది. ఈ భూమి నుంచే కోదాడ –ఖమ్మం బైపాస్‌ రోడ్డు వేశారు. ఇక్కడ గతంలో 56 మంది లబ్దిదారులకు 14.13 ఎకరాల భూమిని అసైన్‌ చేయగా.. మరో 28 ఎకరాల ప్రభుత్వ భూమి మిగిలి ఉంది. ఈ భూమిని గ్రామానికి చెందిన కొందరు ఆక్రమించగా గతంలో ఇక్కడ పని చేసిన అధికారి వారికి అక్రమంగా పట్టాదారు పాస్‌పుస్తకాన్ని జారీ చేసినట్లు సమాచారం. ఈ విషయంలో గ్రామస్తులు ఫిర్యాదు చేయడంతో అధికారులు గతం సంవత్సరం సర్వే చేశారు. కానీ రాజకీయ ఒత్తిడితో ఆక్రమణ దారులపై చర్యలు తీసుకోలేదు. ఈ విషయమై ఎవరైనా ప్రశ్నిస్తే వారు కోర్టుకు వెళ్లారని చెబుతున్నారని స్థానికులు పేర్కొంటున్నారు. చెరువునే మాయం చేసినా... కోదాడ మున్సిపాలిటీ పరిధిలోని శ్రీరంగాపురం గ్రామానికి దక్షిణం వైపు 30 ఎకరాలలో సాగిచెరువు ఉండేది. 2008లో కోదాడ బైపాస్‌ రోడ్డు సర్వే చేసిన హైవే అధికారులు తయారు చేసిన మ్యాప్‌లో రోడ్డుకు సమీపంలో చెరువు ఉన్నట్లు స్పష్టంగా పేర్కొన్నారు. పట్టణం విస్తరించి భూముల రేట్లు పెరిగాయి. దాంతో కొందరు రియల్‌ ఎస్టేట్‌ వ్యాపారులు.. అధికారులను మచ్చిక చేసుకొని చెరువు కట్టకు గండిపెట్టి దశలవారీగా చెరువును ఆక్రమించారు. కోదాడ మాజీ సర్పంచ్‌ తమ్మర వెంకటేశ్వరరావు ఇచ్చిన సీలింగ్‌ ఎక్సెస్‌ భూములను సైతం కొందరు తమ పేరుతో మార్పిడి చేయించుకొని ఇటీవల రియల్‌ ఎస్టేట్‌ వ్యాపారికి కోట్ల రూపాయలకు అమ్ముకున్నట్లు సమాచారం. దీనికి సమీపంలోనే సర్వే నంబర్‌ 758లో దాదాపు రెండు ఎకరాల భూదాన భూమికూడా ఆక్రమణకు గురవుతుంది. ఉన్నతాధికారులు స్పందించి ప్రభుత్వ భూముల విషయంలో సమగ్ర విచారణ జరిపి వాటిని కాపాడాలని స్థానికులు కోరుతున్నారు. ఫ కబ్జాలో రూ.కోట్ల విలువైన భూములు ఫ ఫిర్యాదులు చేసినా చర్యలు శూన్యం ఫ అధికారులు సర్వే చేసి ప్రభుత్వ భూములను కాపాడాలని స్థానికుల వినతిసర్వేనంబర్‌ రెవెన్యూ విలేజ్‌ విస్తీర్ణం అసైన్‌ చేసింది మిగిలింది 39 తమ్మర 42.09 14.13 28.00 635 శ్రీరంగాపురం 31.21 7.00 24.00 758 కోదాడ 1.37 – 1.37 48/3ఏ/1/48/3బి/1 కొమరబండ 1.08 – 1.08 360 బండపాలెం 15.15 – 15.15

తిరుమలగిరి (తుంగతుర్తి) : ఎంకి చావు సుబ్బి పెళ్లికొచ్చినట్లు తయారైంది తిరుమలగిరి వ్యవసాయ మార్కెట్‌ పరిస్థితి. ప్రభుత్వం మొక్కజొన్నల కొనుగోలు కేంద్రాన్ని ప్రారంభించడం.. అంచనాలకు మించి మొక్కజొన్నలు రావడంతో మార్కెట్‌ యార్డు నిండిపోయింది. దీంతో గత శనివారం నుంచి మా ర్కెట్‌కు తాళం పడింది. ఫలితంగా అటు రైతన్నలు, ఇటు కూలీలు ఇబ్బందులు ఎదుర్కొంటున్నారు. కాంటాలు కాకపోవడంతో.. తిరుమలగిరి వ్యవసాయ మార్కెట్‌ జిల్లాలోనే పేరొందిన రెగ్యులర్‌ మార్కెట్‌. ప్రతిరోజు ధాన్యం, ఇతర పంటలు 10 వేల బస్తాలకు పైగానే వస్తుంటాయి. సూర్యాపేట జిల్లా నుంచే కాకుండా యాదాద్రి భువనగిరి, జనగామ, మహబూబాబాద్‌ జిల్లాల నుంచి కూడా రైతులు తమ పంటలను మార్కెట్‌ యార్డుకు తీసుకొస్తుంటారు. అయితే గత నెల 18వ తేదీన వ్యవసాయ మార్కెట్‌ యార్డులో మార్క్‌ఫెడ్‌ ఆధ్వర్యంలో మొక్కజొన్నల కొనుగోలు కేంద్రాన్ని ప్రారంభించారు. సూర్యాపేట జిల్లాలో రెండు మొక్కజొన్న కొనుగోలు కేంద్రాలు మాత్రమే ప్రారంభించడంతో తిరుమలగిరి కొనుగోలు కేంద్రానికి ఒకేసారి 20 వేల బస్తాలు వచ్చాయి. రైతులు వివిధ ప్రాంతాల నుంచి మొక్కజొన్నలు తీసుకొచ్చి మార్కెట్‌ యార్డులో ఎక్కడ పడితే అక్కడ పోశారు. దీనికితోడు మొక్కజొన్నలు తేమగా ఉండడంతో రైతులు ఇక్కడే ఆరబెడుతున్నారు. కొనుగోళ్లు ఆలస్యం కావడం, కాంటాలు కాకపోవడం, కాంటాలైన బస్తాలకు లారీలు సరిగ్గా రాక ఎగుమతులు ఆలస్యమవుతున్నాయి. ధాన్యం, మొక్కజొన్నల బస్తాలతో మార్కెట్‌ నిండిపోవడంతో గత శనివారం నుంచి వ్యవసాయ మార్కెట్‌ను బంద్‌ చేశారు. ఇబ్బందులు పడుతున్న హమాలీలు.. తిరుమలగిరి వ్యవసాయ మార్కెట్‌ యార్డులో హమాలీలు, స్వీపర్లు, దడ్వాయిలు మొత్తం 500 కుటుంబాలకుపైగానే వివిధ పనులు చేస్తుంటారు. ప్రతిరోజు మార్కెట్‌ నడిస్తేనే వీరికి ఉపాధి కలుగుతుంది. మార్కెట్‌లో క్రయ విక్రయాలు బంద్‌ కావడంతో తమ కుటుంబాలు వీధిన పడే అవకాశం ఉందని వీరు ఆవేదన వ్యక్తం చేస్తున్నారు. అధికారులు, పాలకవర్గం స్పందించి వ్యవసాయ మార్కెట్‌ యార్డు ప్రతిరోజు యథావిధిగా నడిచేలా చూడాలని కోరుతున్నారు. తక్కువ ధరకే విక్రయం వ్యవసాయ మార్కెట్‌ యార్డు బంద్‌ కావడంతో వివిధ ప్రాంతాల నుంచి వచ్చిన రైతులు తమ ధాన్యాన్ని ప్రైవేట్‌ వ్యాపారులకు తక్కువ ధరకే విక్రయించి పోతున్నారు. ధాన్యాన్ని ట్రాక్టర్లు, ఇతర వాహనాల్లో కిరాయికి తీసుకుని రావడంతో మరలా ఇంటికి తీసుకు పోలేక తక్కువ ధరకై నా ప్రైవేట్‌ వ్యక్తులకే విక్రయిస్తున్నారు. ఫ ధాన్యం, మొక్కజొన్న బస్తాలతో నిండిన తిరుమలగిరి వ్యవసాయ మార్కెట్‌ ఫ స్థలం లేక తాత్కాలికంగా మూసివేసిన అధికారులు ఫ రైతులకు అందని ముందస్తు సమాచారం ఫ ధాన్యం తీసుకొచ్చి ఇబ్బందులు పడుతున్న కర్షకులు ఫ ఉపాధి కోల్పోతున్న హమాలీలు, స్వీపర్లు

మునగాల: వైద్య సిబ్బంది తమ విధుల నిర్వహణలో నిర్లక్ష్యం వహిస్తే చర్యలు తప్పవని వైద్య ఆరోగ్యశాఖ జిల్లా పరిపాలన అధికారి డాక్టర్‌ కోటిరత్నం హెచ్చరించారు. మునగాల పీహెచ్‌సీ వైద్యాధికారి డాక్టర్‌ పోలేపల్లి రవీందర్‌పై ఇటీవల వచ్చిన అభియోగాలపై కలెక్టర్‌ ఆదేశానుసారం వైద్యశాఖ ఉన్నత అఽధికారుల కమిటీ బుధవారం విచారణ చేపట్టింది. ఈ విచారణ కమిటీలో వైద్యశాఖ జిల్లా పరిపాలన అధికారి డాక్టర్‌ కోటిరత్నం, కోదాడ డిప్యూటీడీఎంహెచ్‌ఓ ఎం.మాధవ్‌కుమార్‌ ఉన్నారు. వీరి ఆస్పత్రికి వెళ్లి వైద్యాధికారి రవీందర్‌తో పాటు, అభియోగాలు మోపిన ఎంఎల్‌హెచ్‌పీ దివ్యను విచారించారు. పరిపాలన అధికారి డాక్టర్‌ కోటిరత్నం, డిప్యూటీ డీఎంహెచ్‌ఓ డాక్టర్‌ ఎం.మాధవ్‌కుమార్‌ విలేకరులతో మాట్లాడుతూ తోటి ఉద్యోగుల పట్ల అనుచిత ప్రవర్తన, మానసిక వేధింపులకు తావు లేకుండా ,భవిష్యత్‌లో ఇలాంటి ఫిర్యాదులు పునరావృతం కాకుండా నివేదిక అనంతరం సీసీఏ నిబంధనలకు అనుగుణంగా క్రమశిక్షణ చర్యలు చేపడతామన్నారు. నివేదికను జిల్లా ఉన్నతాధికారులకు అందజేస్తామని తెలిపారు.

చిలుకూరు : సాగులో రైతులు ఆధునిక పద్ధతులు పాటించాలని ప్రొఫెసర్‌ జయశంకర్‌ తెలంగాణ రాష్ట్ర వ్యవసాయ విశ్వ విద్యాలయం శాస్త్రవేత్తలు డాక్టర్‌ రజికాంత్‌, డాక్టర్‌ శ్రీనివాస్‌ సూచించారు. రైతు ముంగిట్లో శాస్త్రవేత్తలు కార్యక్రమంలో భాగంగా బుధవారం చిలుకూరు మండలంలోని బేతవోలులో గల రైతు వేదికలో వానాకాలం సీజన్‌ సాగులో రైతులు తీసుకోవాల్సిన జాగ్రత్తలపై రైతులకు నిర్వహించిన అవగాహన సదస్సులో వారు మాట్లాడారు. రైతులు సేంద్రియ సాగుపై దృష్టి సారించాలని, తద్వారా తక్కువ ఖర్చుతో అధిక దిగుబడులు సాధించవచ్చన్నారు. కార్యక్రమంలో సర్పంచ్‌ వట్టికూటి నాగయ్య, ఏఓ శ్రీధర్‌, ఏఈవోలు చంద్రశేఖర్‌, శిరీష, వసీమా, రైతులు తదితరులు పాల్గొన్నారు.

పెన్‌పహాడ్‌: కొనుగోలు కేంద్రాల్లో తూకం పూర్తయిన ధాన్యం బస్తాలను వెంటనే లారీల్లో రైస్‌ మిల్లులకు తరలించి దిగుమతి చేసుకునేలా చూడాలని అదనపు కలెక్టర్‌ భూక్య హరిసింగ్‌ అన్నారు. బుధవారం పెన్‌పహాడ్‌ మండల పరిధిలోని అనంతారం గ్రామ శివారులోని మహాదేవ్‌ రైస్‌ మిల్లును తనిఖీ చేసి మాట్లాడారు. అవసరమైతే హమాలీల సంఖ్య పెంచుకోవాలన్నారు. అనంతరం తహసీల్దార్‌ కార్యాలయాన్ని తనిఖీ చేసిన అనంతరం ఆయన మాట్లాడుతూ ఓటరు జాబితా సవరణను త్వరితగతిన పూర్తి చేయాలన్నారు. ఈ కార్యక్రమంలో ఆర్డీఓ వేణుమాధవ్‌, తహసీల్దార్‌ రాజశేఖర్‌రెడ్డి, ఆర్‌ఐ రంజిత్‌రెడ్డి, సిబ్బంది పాల్గొన్నారు.సూర్యాపేటలో పరీక్ష రాస్తున్న విద్యార్థులుతిరుమలగిరిలో సెంటర్‌ గేట్‌ వద్ద నిరీక్షిస్తున్న విద్యార్థులు

సూర్యాపేటటౌన్‌ : ఇంటర్మీడియట్‌ సప్లిమెంటరీ పరీక్షలు బుధవారం ప్రారంభమయ్యాయి. ఉదయం మొదటి సంవత్సరం పరీక్ష జరగ్గా మొత్తం 723 మంది విద్యార్థులకు గాను 680 మంది హాజరు కాగా 43 మంది గైర్హాజరయ్యారు. అలాగే ద్వితీయ సంవత్సరం పరీక్ష మధ్యాహ్నం జరగ్గా 2,382 మంది విద్యార్థులకు గాను 2225 మంది హాజరు కాగా 157 మంది గైర్హాజరైనట్టు డీఐఈఓ సులోచన రాణి తెలిపారు. పరీక్షలు ప్రశాంతంగా జరిగినట్టు చెప్పారు. బక్రీద్‌కు కట్టుదిట్టమైన భద్రత సూర్యాపేటటౌన్‌ : బక్రీద్‌ పండుగ సందర్భంగా కట్టుదిట్టమైన భద్రతా ఏర్పాట్లు చేస్తున్నట్లు ఎస్పీ నరసింహ పేర్కొన్నారు. బక్రీద్‌కు భద్రతా ఏర్పాట్లపై బుధవారం అన్ని జిల్లాల పోలీస్‌ అధికారులతో హైదరాబాద్‌ నుంచి డీజీపీ సి.వి. ఆనంద్‌ వీడియోకాన్ఫరెన్స్‌ నిర్వహించారు. జిల్లా పోలీస్‌కార్యాలయంలో కాన్ఫరెన్స్‌లో ఎస్పీ పాల్గొన్న అనంతరం అధికారులతో మాట్లాడారు. పండుగను ప్రశాంత వాతావరణంలో నిర్వహించేలా ముందస్తు చర్యలు తీసుకున్నామన్నారు. గోవుల అక్రమ రవాణాపై ప్రత్యేక నిఘా ఏర్పాటు చేశామని వివరించారు. అంతర్‌ జిల్లా సరిహద్దుల్లో 8 చెక్‌ పోస్ట్‌ లు ఏర్పాటు చేసి 24 గంటలు తనిఖీలు నిర్వహిస్తున్నామన్నారు. మసీదులు, ప్రధాన కూడళ్ల వద్ద బందోబస్తు ఏర్పాటు చేయాలని ఆదేశించారు. ఈ కార్యక్రమంలో డీఎస్పీలు ప్రసన్న కుమార్‌, శ్రీనివాస్‌ రెడ్డి, డీసీఆర్బీ డీఎస్పీ రవి, స్పెషల్‌ బ్రాంచ్‌ ఇన్‌స్పెక్టర్‌ రామారావు, జిల్లా పశు సంవర్ధక శాఖ అధికారులు, వ్యసాయ మార్కెట్‌ అధికారులు, ఐటీ కోర్‌ ఆర్‌ఎస్‌ఐ రాజశేఖర్‌, సిబ్బంది పాల్గొన్నారు. ప్రభుత్వ బడులను బలోపేతం చేద్దాం కోదాడ: ప్రభుత్వ బడులను బలోపేతం చేసుకోవాల్సిన బాధ్యత ప్రతి ఒక్కరిపై ఉందని, స్ధానిక ప్రజాప్రతినిధులు దీనికి సహకరించాలని జిల్లా విద్యాధికారి అశోక్‌ కోరారు. ప్రజాపాలన కార్యక్రమంలో భాగంగా బుధవారం కోదాడలోని సీసీ రెడ్డి విద్యానిలయంలో కోదాడ నియోజకవర్గ స్ధాయి సర్పంచ్‌లు, మున్సిపల్‌ కౌన్సిలర్లకు నిర్వహించిన అవగాహన కార్యక్రమంలో ఆయన హాజరై మాట్లాడారు. ప్రభుత్వ పాఠశాలల్లో మెరుగైన వసతులు, అర్హత కలిగిన ఉపాధ్యాయులు ఉన్నారని తల్లిదండ్రులు సమీపంలోని ప్రభుత్వ పాఠశాలల్లో తమ పిల్లలను చేర్పించాలని కోరారు. ఈ విద్యా సంవత్సరం విద్యార్థులకు ఎడ్యుకేషన్‌ కిట్‌ అందిస్తున్నామని తెలిపారు. ప్రజాప్రతినిధులు తరచూ ప్రభుత్వ పాఠశాలలను సదర్శించి సూచనలు, సలహాలు ఇవ్వాలని కోరారు. ఈ కార్యక్రమంలో జిల్లా ఎంపీఓ రాంబాబు, డీఎల్‌పీఓ పార్థసారధి, ఎంఈఓలు సలీంషరీఫ్‌, శ్రీనివాసరావు, నరసింహారెడ్డి, వెంకటేశ్వర్లు, సత్యనారాయణ, గోపాలరావుతో పాటు పలువురు సర్పంచ్‌లు పాల్గొన్నారు.

సూర్యాపేట అర్బన్‌ : కేంద్ర ప్రభుత్వం రైతు పండించిన పంటలకు ప్రకటించిన మద్దతు ధరలు ఏమాత్రం ప్రయోజన కరంగా లేవని, వాటిని సవరించాలని అఖిల భారత రైతు కూలీ సంఘం రాష్ట్ర గౌరవ అధ్యక్షుడు వి. కోటేశ్వరరావు కోరారు. సూర్యాపేట పట్టణంలోని చండ్ర పుల్లారెడ్డి విజ్ఞాన కేంద్రంలో ఏఐకేఎంఎస్‌ జిల్లా కార్యవర్గ సమావేశం జిల్లా అధ్యక్షుడు పి. లక్ష్మయ్య అధ్యక్షతన నిర్వహించిన సమావేశంలో ఆయన మాట్లాడారు. ఈ మద్దతు ధరలు పెరుగుతున్న ధరలకు అనుగుణంగా లేవని అన్నారు. ముఖ్యంగా వరికి 72 రూపాయలు ప్రకటించడం సరైంది కాదన్నారు. వ్యవసాయానికి ఉపయోగించే ఎరువులు, వ్యవసాయ పనిముట్లపై పెద్ద ఎత్తున పెంచుతూ పంటలకు తక్కువ ధరలు ప్రకటించడం అంటే వ్యవసాయ రంగాన్ని మరింత దివాలా తీయించడం తప్ప మరొకటి కాదన్నారు. వరికి 2,441 అంటే 3.93శాతం, పత్తి6.2శాతం, మొక్కజొన్న 06శాతం పెరిగిందని అదే ఎరువులకు 18.50శాతం, వ్యవసాయ పనిముట్లకు 25శాతం రేట్లు పెంచిందన్నారు. ఈ విధంగా పెట్టుబడులకు పెద్ద ఎత్తున పెంచడం, మద్దతు ధరలు అతి తక్కువ పెంచడం సరైనది కాదన్నారు. సమావేశంలో రాష్ట్ర సహాయ కార్యదర్శి మండారి డేవిడ్‌ కుమార్‌, జిల్లా కార్యదర్శి బొడ్డు శంకర్‌, జిల్లా నాయకులు కాకి మోహన్‌ రెడ్డి, అహ్మద్‌ హుస్సేన్‌, అలుగుబెల్లి వెంకటరెడ్డి , కోట మధుసూదన్‌ రెడ్డి, మేకల కనకారావు, పి. నాగన్న పాల్గొన్నారు.

భానుపురి (సూర్యాపేట) : ఈ వేసవి సీజన్‌లో ఎండల తీవ్రత అధికంగానే ఉంది. ఉక్కపోత కారణంగా జిల్లా ప్రజలు అల్లాడిపోతున్నారు. గురువారం జిల్లావ్యాప్తంగా ఉక్కపోత ప్రజలను ఉక్కిరిబిక్కిరి చేసింది. ఉదయం నుంచే ఓ వైపు మబ్బుల ఎండ, మరోవైపు గాలి లేకపోవడంతో ఉక్క పోసింది. కనీసం ఇంట్లో నుంచి అడుగు తీసి బయట పెట్టలేని పరిస్థితి. రోహిణి కార్తె మరో 10 రోజులు ఉండగానే ఎండ, ఉక్కపోత, వేడిగాలులు రావడంపై ప్రజలు ఆందోళన చెందుతున్నారు. ప్రధానంగా చిన్నారులు, వృద్ధులు ఈ వాతావరణానికి తట్టుకోలేకపోతున్నారు. తీవ్ర వేడి..ఈసారి అకాల వర్షాలు కురవకపోవడంతో తీవ్ర వేడి నెలకొంది. కనీసం మోస్తరు వర్షం కురిసినా ఎండల తీవ్రత కొంతమేర తగ్గేది. గురువారం దాదాపు జిల్లాలోని 23 మండలాల్లో 40 డిగ్రీలకు పైగానే ఉష్ణోగ్రత నమోదైంది. అత్యధికంగా నూతనకల్‌ మండలంలో 42.8, పెన్‌పహాడ్‌ మండలంలో 42.6, నేరేడుచర్లలో 42.5 ఇలా... 11 మండలాల్లో 42 డిగ్రీలకు పైగా ఉష్ణోగ్రతలు నమోదయ్యాయి. తుంగతుర్తి మండలంలో 40.3 డిగ్రీల గరిష్ట ఉష్ణోగ్రత నమోదైంది. అల్లాడిన జనం..!గడిచిన రోజుల్లో ఎండ తీవ్రత ఉన్నప్పటికీ గాలి వీయడంతో జనం అంతగా ఇబ్బంది పడలేదు. గురువారం ఉదయం 7గంటల నుంచే జిల్లాలో వాతావరణం భిన్నంగా మారింది. అంతగా ఎండ లేకపోయినప్పటికీ ఏమాత్రం గాలి లేకపోవడంతో ఉక్కపోతతో జనం ఉక్కిరిబిక్కిరి అయ్యారు. సమయం గడుస్తున్న కొద్దీ ఎండ తీవ్రత అధికం కాగా.. ఉక్కపోత అలాగే ఉండిపోయింది. ప్రధానంగా రోడ్ల వెంట వ్యాపారులు, మార్కెట్లలో హమాలీలు, రైతులు, ఉపాధి హామీ కూలీల బాధ వర్ణనాతీతం. దీనికి తోడుగా జిల్లాలోని పలు మండలాల్లో ఈదురు గాలులకు చెట్ల విరిగి విద్యుత్‌ తీగలపై పడకుండా ఉండేందుకు అధికారులు విద్యుత్‌ సరఫరా నిలిపివేసి చెట్ల కొమ్మలను నరికివేస్తున్నారు. ఓ వైపు ఉక్కపోత.. మరోవైపు కరెంటు లేకపోవడంతో ఇళ్లలో జనం ఉండలేని పరిస్థితి నెలకొంది.జిల్లాలో గురువారం నమోదైన ఉష్ణోగ్రతలు ఇలా..మండలం గరిష్ట ఉష్ణోగ్రత నూతనకల్‌ 42.8 పెన్‌పహాడ్‌ 42.6 నేరేడుచర్ల 42.5 మోతె 42.4 చివ్వెంల 42.2 మేళ్లచెరువు 42.2 సూర్యాపేట 42.2 హుజూర్‌నగర్‌ 42.2 మునగాల 42.1 గరిడేపల్లి 42.0 మద్దిరాల 42.0 తిరుమలగిరి 41.9 నడిగూడెం 41.8 చిలుకూరు 41.5 మఽఠంపల్లి 41.2 ఆత్మకూర్‌ (ఎస్‌) 40.8 అనంతగిరి 40.5 కోదాడ 40.5 నాగారం 40.5 పాలకీడు 40.3 చింతలపాలెం 40.3 జాజిరెడ్డిగూడెం 40.3 తుంగతుర్తి 40.3ఫ జిల్లా అంతటా ఎండ తీవ్రత 40 డిగ్రీలకు పైగానే ఫ అల్లాడుతున్న ప్రజలు

మఠంపల్లి : మట్టపల్లి లక్ష్మీనరసింహస్వామి దేవాలయంలో మంగళవారం స్వామి వారి నిత్య కల్యాణాన్ని అర్చకులు విశేషంగా నిర్వహించారు. ఈ సందర్భంగా ఆలయంలో సుప్రభాతసేవ, నిత్యహోమం, మూలవిరాట్‌కు పంచామృతాభిషేకం చేపట్టారు. అనంతరం స్వామి అమ్మవార్లను గరుడవాహనంపై ఆలయ తిరుమాఢ వీధులలో ఊరేగింపు నిర్వహించారు. క్షేత్రపాలకుడైన ఆంజనేయస్వామికి నాగవళ్లీ దళాలతో ప్రత్యేక అర్చనలు నిర్వహించారు. కార్యక్రమంలో ఆలయ అనువంశిక ధర్మకర్తలు చెన్నూరు మట్టపల్లిరావు, చెన్నూరు విజయ్‌కుమార్‌, ఈఓ బి.జ్యోతి, అర్చకులు రామాచార్యులు, బదరీనారాయణాచార్యులు, ఆంజనేయాచార్యులు, భక్తులు పాల్గొన్నారు.

భానుపురి (సూర్యాపేట) : ధాన్యం సేకరణ ప్రక్రియను వేగవంతం చేయాలని కలెక్టర్‌ తేజస్‌ నంద్‌లాల్‌ పవార్‌ అధికారులను ఆదేశించారు. మంగళవారం సంబంధిత శాఖల అధికారులతో ధాన్యం కొనుగోళ్లపై నిర్వహించిన సమావేశంలో (వెబెక్స్‌) ఆయన మాట్లాడారు. అకాల వర్షాల ముప్పును దృష్టిలో ఉంచుకుని యుద్ధ ప్రాతిపదికన కొనుగోళ్లు చేపట్టాలన్నారు. జిల్లాలో ఈ సీజన్‌లో 3.50 లక్షల మెట్రిక్‌ టన్నుల ధాన్యం వచ్చే అవకాశం ఉందని అంచనా వేయగా, సోమవారం వరకు 2 లక్షల మెట్రిక్‌ టన్నులు సేకరించామని కలెక్టర్‌ తెలిపారు. మిల్లుల వద్ద అన్‌ లోడింగ్‌ ప్రక్రియ నెమ్మదించడంపై కలెక్టర్‌ అసహనం వ్యక్తం చేశారు. మిల్లుల వద్ద హమాలీల సంఖ్యను రెండింతలు పెంచి, మూడు షిఫ్టుల్లో పనులు జరిగేలా చూడాలని ఆదేశించారు. ధాన్యం దిగుమతి చేసుకోవడంలో నిర్లక్ష్యం వహించే మిల్లర్లపై చట్టపరమైన చర్యలతో పాటు కేసులు నమోదు చేస్తామని హెచ్చరించారు. అవసరమైతే ప్రైవేట్‌, అదనపు గోదాములను అద్దెకు తీసుకుని ధాన్యాన్ని నిల్వ చేయాలని సూచించారు. ధాన్యం తరలింపు కోసం ప్రస్తుతం ఉన్న 670 లారీలు సరిపోవడం లేదని, అదనపు లారీలు, డీసీఎంలను ఏర్పాటు చేసేందుకు పోలీస్‌, రవాణా శాఖ అధికారులు సమన్వయంతో పనిచేయాలన్నారు. కొనుగోలు కేంద్రం నుంచి మిల్లుకు 5 కిలోమీటర్ల లోపు దూరం ఉంటే, లారీల కోసం వేచి చూడకుండా ట్రాక్టర్ల ద్వారా ధాన్యం తరలించాలని సూచించారు. ప్రతి కొనుగోలు కేంద్రం వద్ద గన్నీ బ్యాగులు, హమాలీలు అందుబాటులో ఉండేలా తహసీల్దార్లు, మండల అధికారులు బాధ్యత తీసుకోవాలన్నారు. ప్రతి మిల్లు వద్ద అన్‌ లోడింగ్‌ ప్రక్రియను పర్యవేక్షించడానికి ఒక ఇంచార్జ్‌ అధికారిని నియమించాలని సూ చించారు. ఈ సమావేశంలో ఎస్పీ నరసింహ, అదనపు కలెక్టర్‌ హరిసింగ్‌, జిల్లా పరిషత్‌ సీఈవో శిరీష, డీఆర్డీడీవో సన్యాసయ, డీఎస్‌వో మోహన్‌ బాబు, డీఏఓ శ్రీధర్‌రెడ్డి, డీసీవో ప్రవీణ్‌కుమార్‌, వివిధ శాఖల జిల్లా అధికారులు పాల్గొన్నారు. ధాన్యం కొనుగోలు కేంద్రాన్ని పరిశీలించిన కలెక్టర్‌ అర్వపల్లి : జాజిరెడ్డిగూడెం మండలం తిమ్మాపురంలోని పీఏసీఎస్‌ ధాన్యం కొనుగోలు కేంద్రాన్ని మంగళవారం కలెక్టర్‌ తేజస్‌నంద్‌లాల్‌ పవార్‌ పరిశీలించారు. లారీల కొరత లేకుండా చర్యలు తీసుకుంటున్నట్లు చెప్పారు. ప్రతి రోజు ధాన్యం కొనుగోళ్లను సంబంధిత అధికారులు పర్యవేక్షించాలని కోరారు. కలెక్టర్‌ వెంట తహసీల్దార్‌ శ్రీకాంత్‌, ఏఓ గణేష్‌, ఎంపీడీఓ ఝాన్సీ, సీఈఓ సత్యనారాయణ, ఏఈఓ సత్యం ఉన్నారు. మిల్లుల పరిశీలన.. తిరుమలగిరి (తుంగతుర్తి) : తిరుమలగిరి, తొండ గ్రామంలోని ధాన్యం కొనుగోలు కేంద్రాలను కలెక్టర్‌ తేజస్‌ నంద్‌లాల్‌ పవార్‌ మంగళవారం పరిశీలించారు. అదేవిధంగా ఏఎస్‌ఆర్‌ రైస్‌ ఇండస్ట్రీ, సోమేశ్వర రైస్‌ ఇండస్ట్రీ మిల్లులను సందర్శించి, ధాన్యం అన్‌ లోడింగ్‌ ప్రక్రియను చూశారు. మిల్లులకు వచ్చిన ధాన్యాన్ని వెంటనే అన్‌ లోడ్‌ చేయాలని సూచించారు. తరుగు పేరుతో రైతులను ఇబ్బంది పెడితే కఠిన చర్యలు తప్పవని హెచ్చరించారు. ఫ కలెక్టర్‌ తేజస్‌ నంద్‌లాల్‌ పవార్‌ ఫ మిల్లుల వద్ద అన్‌ లోడింగ్‌ నెమ్మదించడంపై ఆగ్రహం నాగారం : ఐకేపీ కేంద్రాల్లో రైతులకు ఇబ్బందులు కలగకుండా ధాన్యం కొనుగోళ్లు చేపట్టాలని కలెక్టర్‌ తేజస్‌ నంద్‌లాల్‌ పవార్‌ ఆదేశించారు. మంగళవారం నాగారం మండల పరిధిలోని ఈటూరులో ధాన్యం కొనుగోలు కేంద్రాన్ని తనిఖీ చేశారు. రైతులతో మాట్లాడి సమస్యలను అడిగి తెలుసుకున్నారు. కలెక్టర్‌ మాట్లాడుతూ తరుగు పేరుతో రైతులను ఇబ్బంది పెడితే కఠిన చర్యలు తప్పవని హెచ్చరించారు. మిల్లులకు వచ్చిన ధాన్యాన్ని వెంటనే దిగుమతి చేసుకోవాలని సూచించారు. కొనుగోలు చేసిన ధాన్యాన్ని ఎప్పటికప్పుడు రైస్‌ మిల్లులకు తరలించేలా రవాణా సౌకర్యాలను పర్యవేక్షించాలని ఆదేశించారు. కార్యక్రమంలో తహసీల్దార్‌ దేవేంద్రప్రసాద్‌, రైస్‌ మిల్లర్లు, యజమానులు, రైతులు తదితరులు పాల్గొన్నారు.

సూర్యాపేటటౌన్‌ : ఇంటర్మీడియట్‌ అడ్వాన్స్‌డ్‌ సప్లిమెంటరీ పరీక్షలు బుధవారం నుంచి ప్రారంభం కానున్నాయి. ఉదయం మొదటి సంవత్సరం, మధ్యాహ్నాం ద్వితీయ సంవత్సరం పరీక్ష నిర్వహించనున్నారు. పరీక్షల్లో ఎలాంటి మాస్‌ కాఫీయింగ్‌ జరగకుండా పటిష్ట చర్యలు తీసుకోనున్నట్టు ఇంటర్మీడియట్‌ అధికారులు చెబుతున్నారు. జిల్లాలో ఇంటర్మీడియట్‌ అడ్వాన్స్‌డ్‌ సప్లిమెంటరీ పరీక్షలు నిర్వహించేందుకు జిల్లాలో 20 పరీక్ష కేంద్రాలను ఏర్పాటు చేశారు. జిల్లాలో ఇంటర్‌ మొదటి, ద్వితీయ సంవత్సం విద్యార్థులు కలిపి మొత్తం 7142 మంది విద్యార్థులు పరీక్షకు హాజరు కానున్నారు. మొదటి సంవత్సరం విద్యార్థులకు ఉదయం 9గంటల నుంచి మధ్యాహ్నం 12గంటల వరకు, ద్వితీయ సంవత్సరం విద్యార్థులకు మధ్యాహ్నం 2.30గంటల నుంచి సాయంత్రం 5.30గంటల వరకు పరీక్షలను నిర్వహించనున్నారు. ఏర్పాట్లు పూర్తి చేశాం.. ఇంటర్‌ సప్లిమెంటరీ పరీక్షలకు సంబంధించి ఏర్పాట్లు పూర్తి చేశాం. విద్యార్థులు ప్రశాంతమైన వాతావరణంలో పరీక్షలను రాయాలి. ఎలాంటి అవకతవకలు జరగకుండా పకడ్బందీగా ఏర్పాట్లు చేశాం. పరీక్షలు పారదర్శకంగా జరిగేలా చర్యలు చేపట్టాం. పరీక్ష కేంద్రాల సమీపంలోని జీరాక్స్‌ సెంటర్లను మూసి వేయాలి. పరీక్ష కేంద్రాల వద్ద పోలీస్‌ బందోబస్తు ఉంటుంది. – సులోచన రాణి, డీఐఈవోఫ 20 పరీక్ష కేంద్రాలు ఏర్పాటు ఫ హాజరు కానున్న 7,142 మంది విద్యార్థులు

సాక్షి, యాదాద్రి : కొంతకాలంగా ఆర్థిక సంక్షోభంలో కొట్టుమిట్టాడుతున్న నల్లగొండ – రంగారెడ్డి జిల్లాల పాల ఉత్పత్తిదారుల పరస్పర సహాయ సహకార సంఘానికి(నార్ముల్‌– మదర్‌ డెయిరీ) ఎట్టకేలకు మోక్షం లభించింది. సీఎం రేవంత్‌ రెడ్డి ఆదేశాల మేరకు, పశుసంవర్ధక శాఖ మంత్రి వాకిటి శ్రీహరి సమక్షంలో నార్ముల్‌ – మదర్‌డెయిరీ, ఎన్‌డీడీబీ మధ్య మంగళవారం అవగాహన ఒప్పందం కుదిరింది. తక్షణ సాయంగా రూ.27కోట్ల చెక్కును ఎన్‌డీడీబీ అందజేసింది. ఇందులో రూ. 10 కోట్లతో బుధవారం ఆరు నెలల పెండింగ్‌ పాల బిల్లులు చెల్లించనున్నారు. సీఎం ఆదేశాలతో.. నార్ముల్‌– మదర్‌డెయిరీ పరిధిలో 50 వేల మంది రైతులు ఉన్నారు. 311 రిజిష్టర్‌ సొసైటీలు ఉన్నాయి. రోజూ 50 వేల లీటర్ల పాల సేకరణ చేస్తున్నారు. నార్ముల్‌ రూ.70కోట్ల అప్పుల్లో ఉంది. కష్టాల కడలిలో ఉన్న పాడిరైతులను గట్టెక్కించాలని ఎమ్మెల్యేలు సీఎంను కొంతకాలంగా కోరుతూ వచ్చారు. దీంతో స్పందించిన సీఎం ఎన్‌డీడీబీతో ఎంఓయూకు చర్యలు చేపట్టాలని పశు సంవర్ధక శాఖ మంత్రి, ఉన్నత స్థాయి అధికారులకు బాధ్యతలు అప్పగించారు.ఈనెల 4న రాష్ట్ర కేబినెట్‌ ఆమోదం కూడా తెలిపింది. మంగళవారం హైదరాబాద్‌లోని మినిస్టర్‌ క్వార్టర్స్‌లో ఉన్న పశు సంవర్ధకశాఖ మంత్రి వాకిటి శ్రీహరి, ప్రభుత్వ విప్‌ బీర్ల ఐలయ్య, నార్ముల్‌ చైర్మన్‌ మధుసూదన్‌రెడ్డి, డైరెక్టర్ల సమక్షంలో మదర్‌డెయిరీ, ఎండీఎన్‌డీడీబీ ప్రతి నిధుల మధ్య ఒప్పందం కుదిరింది. ఇక.. క్రమం తప్పకుండా బిల్లులు ఒప్పందం ప్రకారం నార్ముల్‌ పాలసేకరణ చేస్తుంది. ఎన్‌డీడీబీ, ఢిల్లీ మదర్‌ డెయిరీలు పాల ఉత్పత్తుల తయారీ, మార్కెటింగ్‌ చేస్తాయి. నార్ముల్‌ –మదర్‌డెయిరీ రోజూ లక్ష లీటర్లకుపైగా పాల సేకరణ చేయాలని లక్ష్యంగా పెట్టుకుంది. రైతులకు ప్రతి 15 రోజులకోసారి బిల్లులు చెల్లించాలని నిర్ణయించారు. నార్ముల్‌ కొనుగోలు చేసి ఇచ్చే ప్రతి లీటరు పాలకు ఎన్‌డీడీబీ రూ.6.50 కమీషన్‌ చెల్లిస్తుంది. ఈ ఆదాయంతో ఉద్యోగుల జీతాలు చెల్లించడంతో పాటు మెయింటెనెన్స్‌ చేస్తారు. ముందుగా ఆరు నెలల బిల్లులు పాడి రైతుల బిల్లులు చెల్లించేందుకు రూ. 10 కోట్ల చెక్కు, అప్పు చెల్లించేందుకు రూ. 17 కోట్ల చెక్కుతో కలిపి మొత్తం రూ. 27 కోట్లు నార్ముల్‌– మదర్‌ డెయిరీకి ఎన్‌డీడీబీ అందజేసింది. ముందుగా ఆరు నెలల పెండింగ్‌ పాల బిల్లులను బుధవారం చెల్లిస్తారు. అలాగే నల్లగొండ జిల్లా చిట్యాల వద్ద ఉన్న నార్ముల్‌–మదర్‌ డెయిరీ భూమి 29.37 ఎకరాలను ఎన్‌డీడీబీ కొనుగోలు చేసి రూ. 40 కోట్లు చెల్లిస్తుంది. మరో రూ.28 కోట్లు సాఫ్ట్‌లోన్‌ ఇస్తుంది. నార్ముల్‌–ఎన్‌డీడీబీ మధ్య కుదిరిన ఒప్పందం ఫ రూ. 27 కోట్లు విడుదల ఫ నేడు పాడి రైతులకు పెండింగ్‌ బిల్లుల చెల్లింపులుఎన్‌డీడీబీతో నార్ముల్‌– మదర్‌ డెయిరీతో ఎంఓయూ కుందిరింది. ఒప్పందం కుదిరిన వెంటనే ఎన్‌డీడీబీ రూ.10 కోట్లు నార్ముల్‌ ఖాతాలో జమ చేసింది. ఈ డబ్బులను రైతుల పెండింగ్‌ పాల బిల్లులు చెలిస్తాం. నార్ముల్‌కు పూర్వ వైభవం తీసుకువస్తాం. – గుడిపాటి మధుసూదన్‌రెడ్డి, మదర్‌ డెయిరీ చైర్మన్‌

మోతె : వానకాలం సీజన్‌లో సాగుకు ముందు రైతులు విత్తనాలను సిద్ధం చేసుకోవాలని, వాటి ఎంపికలో జాగ్రత్తలు పాటించాలని వ్యవసాయ శాస్త్రవేత్త చంద్రశేఖర్‌ సూచించారు. సోమవారం మండలంలోని రావిపహాడ్‌ గ్రామ రైతువేదికలో రైతుముంగిట్లో శాస్త్రవేత్తలు కార్యక్రమంలో భాగంగా రైతులకు అవగాహన సదస్సు నిర్వహించారు. ఈ సందర్భంగా ఆయన మాట్లాడుతూ రైతులు రసాయన ఎరువుల పిచికారీలో తీసుకోవాల్సిన జాగ్రత్తలపై వివరించారు. మితిమీరిన ఎరువుల వినియోగంతో భూసారం తగ్గి పంట దిగుబడి తగ్గుతుందన్నారు. నూతన వరి వంగడాలు, సేంద్రియ వ్యవసాయం, పంటమార్పిడిపై ఒక్క రోజు శిక్షణ ఇచ్చారు. కార్యక్రమంలో మండల వ్యవసాయ అధికారి అరుణ, ఏఈఓ త్రివేణి, ఉద్యానవన అధికారి అనిల్‌, రైతులు పాల్గొన్నారు.

సూర్యాపేటటౌన్‌ : పశువుల అక్రమ రవాణా, ఇసుక, వరి ధాన్యం, పీడీఎస్‌ బియ్యం రవాణా జరగకుండా పోలీసు శాఖ పటిష్ట నిఘా పెట్టామని ఎస్పీ నరసింహ తెలిపారు. చెక్‌ పోస్టులలో ప్రతి వాహనాన్ని క్షుణ్ణంగా తనిఖీ చేస్తునట్లు తెలిపారు. హైదరాబాద్‌ – విజయవాడ జాతీయ రహదారిపై టేకుమట్ల వద్ద అంతర్‌ జిల్లా చెక్‌ పోస్ట్‌ను ఎస్పీ మంగళవారం పరిశీలించారు. చెక్‌ పోస్ట్‌ రికార్డులను పరిశీలించారు. సాధారణ ప్రయాణికులకు ఇబ్బంది కలగకుండా తనిఖీ చేయాలని సిబ్బందికి సూచించారు. తనిఖీల సమయంలో చెక్‌ పోస్ట్‌ సిబ్బంది స్వీయ రక్షణ పాటించాలన్నారు. జిల్లా వ్యాప్తంగా ముఖ్యమైన ప్రాంతాలలో అంతర్‌రాష్ట్ర, అంతర్‌ జిల్లా సరిహద్దు చెక్‌ పోస్టులు ఏర్పాటు చేశామమన్నారు. ఎవరైనా అక్రమ రవాణాకు పాల్పడినట్లైతే చట్టపరమైన కఠిన చర్యలు తీసుకుంటామని హెచ్చరించారు. రైతులు వ్యవసాయ అవసరాల నిమిత్తం సంతలో కొనుగోలు చేసిన పశువుల రవాణా చేస్తే సంత అధికారులు, పశువుల వైద్యుల అనుమతి పత్రాలు వెంట తీసుకువెళ్లాలన్నారు. ఆయన వెంట సూర్యాపేట రూరల్‌ సీఐ రాజశేఖర్‌, ఎస్సై బాలునాయక్‌, చెక్‌ పోస్ట్‌ విధులు నిర్వహణ సిబ్బంది, జాతీయ రహదారుల సిబ్బంది ఉన్నారు. ఫ ఎస్పీ నరసింహ

కోదాడ : ప్రజలు చెల్లించిన పన్నులను వేతనాలుగా తీసుకుంటున్న కోదాడ మున్సిపల్‌ అధికారులు నిర్లక్ష్యంగా విధులు నిర్వహిస్తున్నారు. తమ వద్ద పనిచేస్తున్న అవుట్‌ సోర్సింగ్‌ కార్మికులు ఎందరనే వివరాలు వారికి తెలియకపోవడం గమనార్హం. గత పాలకవర్గాలు, వాటి పెద్దలు ఇష్టారాజ్యంగా కోదాడ మున్సిపాలిటీలో తమ అనుయాయులను ఉద్యోగులుగా పెట్టుకున్నారు. ఇదే అదునుగా తామేమీ తక్కువ కాదన్నట్లు కొందరు అధికారులు కూడా ఉద్యోగాలు ఇచ్చుకున్నారు. కానీ ఇప్పటికీ ఉద్యోగుల వివరాలు తేలకపోవడంతో మూడు రోజుల క్రితం నూతన పాలకవర్గం మొత్తం కార్మికులను మున్సిపల్‌ కార్యాలయం వద్దకు పిలిచి ఫిజికల్‌ వెరిఫికేషన్‌ చేసింది. దీనిలో పనిచేయని 8మంది ఉద్యోగుల పేరుతో ప్రతినెలా రూ.1.20 లక్షలు అదనంగా చెల్లిస్తున్నట్లు ప్రాథమికంగా నిర్ధారణకు వచ్చినప్పటికీ కార్మికుల సంఖ్యలో స్పష్టత రాకపోవడం గమనార్హం. 22 ఏజెన్సీల ద్వారా పనిచేస్తున్న కార్మికులుకోదాడ మున్సిపాలిటీలో గతంలో 21 అవుట్‌ సోర్సింగ్‌ ఏజెన్సీల ద్వారా 183 మంది వరకు కార్మికులు పనిచేసేవారు. గత పాలకవర్గంలో పెద్దలు దిగిపోతూ 22వ ఏజెన్సీ ద్వారా మరో 8 మందిని నియమించారు. దీంతో ప్రస్తుతం ఏజెన్సీల సంఖ్య 22కు చేరింది. ఈ 22వ ఏజెన్సీని ఎవరు.. ఎప్పుడు తీసుకున్నారనే విషయంలో స్పష్టత లేకపోవడం అనుమానాలకు తావిస్తోంది. ఒక్క మున్సిపాలిటీలో ఇన్ని ఏజెన్సీలు ఎందుకు ఉన్నాయో అర్థం కావడం లేదని కౌన్సిలర్లు చెబుతున్నారు. ఇక మున్సిపాలిటీకి అన్నిరకాల వాహనాలు కలిపి 20 వరకు ఉన్నాయి. కానీ, 40 మంది వరకు డ్రైవర్ల పేరుతో పనిచేస్తున్నారని, వీరిని ఎవరు నియమించారు.? ఎక్కడ పనిచేస్తున్నారనే విషయంలో అధికారులకే స్పష్టత లేదని పలువురు కౌన్సిలర్లు ఆరోపిస్తున్నారు.అక్కడ నేనే.. ఇక్కడ నేనే! ఇదిలా ఉండగా కొందరు కార్మికుల పేర్లు రెండు ఏజెన్సీల్లో నమోదై ఉండడాన్ని మూడు రోజుల క్రితం ఫిజికల్‌ వెరిఫికేషన్‌ చేసిన నూతన పాలకవర్గం గుర్తించినట్లు సమాచారం. ఇలా 20 మంది వరకు కార్మికుల పేర్లు రెండు ఏజెన్సీల్లో నమోదు చేసి ఒక్కొక్కరికి రెండు వేతనాలు ఇస్తున్నారని వెంటనే వారిని నిలిపివేయాలని కోరినట్లు తెలిసింది. కొందరు విధులకు హాజరు కాకుండానే వేతనాలు తీసుకుంటున్నారు. కార్మికుల రోజువారీ హాజరు కూడా బయోమెట్రిక్‌ విధానంలో కాకుండా సాధారణ రిజిస్టర్లలో నమోదు చేస్తున్నారని, దీనివల్లే అక్రమాలు చోటు చేసుకుంటున్నాయనేది కొందరి వాదన. హాజరు విధానాన్ని పూర్తిగా ప్రక్షాళన చేయాలని, పనిచేసే వారికే వేతనాలు చెల్లించాలని, ఒకరి పేరుతో ఇద్దరికి వేతనాలు ఇచ్చిన వారిపై చర్యలు తీసుకోవాలని పలువురు కౌన్సిలర్లు డిమాండ్‌ చేస్తున్నారు.కోదాడ మున్సిపాలిటీలో అవుట్‌సోర్సింగ్‌ కార్మికుల విషయంలో గతంలో జరిగిన అవకతవకలపై నూతన పాలకవర్గం దృష్టిసారించాలి. పూర్తి ప్రక్షాళన చేసి పనిచేసే కార్మికులకే వేతనాలు ఇవ్వాలి. ఇప్పటి వరకు దుర్వినియోగమైన డబ్బును తిరిగి రాబట్టాలి. –రాయపూడి చిన్ని, ప్రజాచైతన్య వేదిక కన్వీనర్‌

నాగార్జునసాగర్‌ : లక్షలాది ఎకరాలకు సాగునీరు, వందలాది గ్రామాలకు తాగునీరు అందించే నాగార్జునసాగర్‌ ఎడమ కాల్వ నిర్వహణపై ప్రజాప్రతినిధులు, ఉన్నతాధికారులు తీవ్ర నిర్లక్ష్యం వహిస్తున్నారని ఆయకట్టు రైతులు ఆరోపిస్తున్నారు. కాల్వలో పేరుకుపోయిన బండరాళ్లు నీటి ప్రవాహానికి ప్రధాన అడ్డంకిగా మారాయని వారు ఆవేదన వ్యక్తం చేస్తున్నారు. కాల్వ సామర్థ్యం ప్రకారం ప్రవహించాల్సిన నీటికి, వాస్తవ ప్రవాహానికి పొంతన ఉండటం లేదని చెబుతున్నారు. కాల్వలో 11 లక్షల క్యూసెక్కులు ప్రవహించాల్సి ఉండగా, పూడిక, రాళ్ల వల్ల అది 9 నుంచి 10 లక్షల క్యూసెక్కులకు పడిపోయింది. అయితే, ఎడమ కాల్వ వద్ద ఉన్న గేజీ మీటర్‌ మాత్రం 13 లక్షల క్యూసెక్కుల ప్రవాహాన్ని చూపిస్తుండడం గమనార్హం. అధికారుల లెక్కల్లో తప్పులు ఉన్నాయని దీని ద్వారా స్పష్టమవుతోంది. కూలుతున్న దరులు.. పెరిగిన అడ్డంకులు కాల్వకు ఇరువైపులా ఉన్న రాతి దరులు వర్షాలకు నానుతుండటంతో అప్పుడప్పుడు కాల్వలోకి కూలిపోతున్నాయి. పదేళ్ల క్రితం వాటిని తొలగించారు. కానీ కాల్వ దరులను మాత్రం లైనింగ్‌ చేయలేదు. దరులపై చెట్లు పెరిగి, వాటి వేర్లు బలంగా పాకడంతో రాళ్లు వదులై నీటిలో పడుతున్నాయి. చిన్న రాళ్లు ప్రవాహానికి కొట్టుకుపోయి బొయ్యారం (టన్నెల్‌) లోకి చేరుతుండగా, పెద్ద బండరాళ్లు మాత్రం కాల్వలోనే ఉండిపోయి నీటి వేగాన్ని తగ్గిస్తున్నాయి. జలాశయం లోపల ఉన్న అప్రోచ్‌ కెనాల్‌లో పడిన రాళ్లను ఇప్పటి వరకు తొలగించకపోవడం అధికారుల ఉదాసీనతకు నిదర్శనం. చేపల వేట కోసం కొందరు ఉపయోగిస్తున్న నాటు బాంబుల వల్ల కూడా ఈ రాతి దరులు బీటలు వారి నీటిలో పడుతున్నట్లు స్థానికులు చెబుతున్నారు. రాళ్లు తొలగించేందుకు ఇదే తగిన సమయం ప్రస్తుతం జలాశయంలో నీటిమట్టం తగ్గింది. అప్రోచ్‌ ఛానల్‌ మొత్తం బయటపడటంతో, అందులో పేరుకుపోయిన బండరాళ్లను తొలగించడానికి ఇదే సరైన సమయమని రైతులు సూచిస్తున్నారు. తూము ముందు భాగంలో ఉన్న అడ్డంకులను తొలగిస్తేనే వచ్చే సీజన్‌ నాటికి నీటి సరఫరా సజావుగా సాగుతుంది.ఫ ఎడమకాల్వ అప్రోచ్‌ కెనాల్‌, తూము వద్ద కూలుతున్న దరులు ఫ ఏళ్లు గడుస్తున్నా తొలగించని అధికారులు ఫ లైనింగ్‌ చేయాలని రైతుల డిమాండ్‌ మరమ్మతులకు నిధులిస్తేనే.. కాల్వ దరులు పటిష్టంగా ఉండాలంటే ‘షార్ట్‌క్రీటింగ్‌’ పద్ధతిని చేపట్టాలని రిటైర్డ్‌ ఇంజనీర్లు సూచిస్తున్నారు. సన్నని ఇనుప జాలీని అమర్చి సిమెంట్‌తో లైనింగ్‌ చేయడం వల్ల దరులు కూలకుండా ఉంటాయి. ఇలా చేయడం వల్ల దరులపై చెట్లు మొలిచే అవకాశం కూడా ఉండదు. పెద్ద బండలకు డ్రిల్లింగ్‌ చేసి ఇనుప రాడ్లను అమర్చడం ద్వారా అవి కాల్వలో పడకుండా శాశ్వత పరిష్కారం చూపవచ్చు. ఇప్పటికై నా ప్రభుత్వం స్పందించి, కాల్వ మరమ్మతులకు యుద్ధప్రాతిపదికన నిధులు మంజూరు చేయాలని ఆయకట్టు రైతాంగం డిమాండ్‌ చేస్తోంది.

వాలీబాల్‌ నేర్చుకుందాం.. వేసవి సెలవుల్లో కోదాడ బాలుర ఉన్నత పాఠశాలలో వాలీబాల్‌ క్రీడలో ఉచితంగా శిక్షణ ఇస్తున్నారు.మార్కెట్‌ చిన్నగా..సోమవారం శ్రీ 11 శ్రీ మే శ్రీ 2026- 8లోతిరుమలగిరి (తుంగతుర్తి) : ఉమ్మడి జిల్లాలోనే రెండవ అతి పెద్దదైన తిరుమలగిరి వ్యవసాయ మార్కెట్‌లో స్థలం కొరత వేధిస్తోంది. ఈ మార్కెట్‌కు సంవత్సరం పొడవునా ధాన్యం, వేరుశనగ, మొక్కజొన్న, కందులు, పెసళ్లు వస్తుంటాయి. యాసంగి, వానాకాల సీజన్ల సమయంలో భారీగా ధాన్యం వచ్చినప్పుడు స్థలం సరిపోవడం లేదు. ప్రతి సీజన్‌లో రోజూ పదివేల నుంచి 30 వేల బస్తాల ధాన్యంతో పాటు ఇతర పంట ఉత్పత్తులను రైతులు తీసుకొస్తారు. 20 వేల బస్తాల కంటే ఎక్కువ ధాన్యం వచ్చిన రోజు స్థలం సరిపోక మార్కెట్‌లోని రెండు గేట్ల ముందు నుంచి లోపలికి వెళ్లే దారిలో సైతం ధాన్యం రాశులు పోస్తున్నారు. దీంతో రైతులు, వ్యాపారులు ఇబ్బందులు ఎదుర్కొవాల్సి వస్తోంది. తొమ్మిదిన్నర ఎకరాల్లో మార్కెట్‌ తిరుమలగిరి వ్యవసాయ మార్కెట్‌ 1973 వరకు సూర్యాపేట వ్యవసాయ మార్కెట్‌కు అనుబంధంగా ఉండేది. 1993లో సూర్యాపేట–జనగామ ప్రధాన రహదారి వారాంతపు స్థలం పక్కన ఉన్న తొమ్మిదిన్నర ఎకరాల్లో ఏర్పాటు చేశారు. వ్యవసాయ మార్కెట్‌ అభివృద్ధి చెందుతుండడంతో మార్కెట్‌ కార్యాలయం, రైతు విశ్రాంతి భవనం, ఈనామ్‌ కార్యాలయం ఏర్పాటు చేశారు. గోదాములతోపాటు వర్షం వస్తే పంట ఉత్పత్తులు తడవకుండా 9 రేకుల షెడ్లు నిర్మించారు. నాలుగు ఎకరాలలో గదులు, గోదాములు, చెట్లు పోను మిగతా ఐదున్నర ఎకరాల్లో ఓపెన్‌ ప్లాట్‌ఫారం ఉంది. కొత్తగా మొక్కజొన్న కొనుగోలు కేంద్రం మార్కెట్‌లో కొత్తగా గతనెల 20న మార్క్‌ఫెడ్‌ ఆధ్వర్యంలో మొక్క జొన్న కొనుగోలు కేంద్రం ఏర్పాటు చేశారు. జిల్లాలో సూర్యాపేట,తిరుమలగిరి మార్కెట్‌లలోనే కేంద్రం ఏర్పాటు చేశారు. రైతులు తిరుమలగిరికే మొక్కజొన్న పంటను తీసుకొస్తున్నారు. ప్రస్తుతం మార్కెట్‌లో 90 రాశులు పోశారు. 15 వేల బస్తాల మొక్క జొన్నలను మార్కెట్‌కు తీసుకొచ్చారు. దీనికి తోడు మార్క్‌ఫెడ్‌ ద్వారా కొనుగోలు చేసిన 3 వేల బస్తాలు ఎగుమతి కాగా 10 వేల బస్తాలు మార్కెట్‌లోఉన్నాయి. మొక్క జొన్నల ఎగుమతులు, కాంటాలు కాక ఆలస్యమవుతున్నాయి. ఒక్కో రైతు తీసుకొచ్చిన మొక్క జొన్నల అమ్మకానికి పది రోజులకు పైగా సమయం పడుతోంది. రైతులు రోజూ వచ్చే ధాన్యంతోపాటు ఇతర పంటలు తీసుకొస్తుండడంతో మార్కెట్‌లో స్థలం సరిపోవడం లేదు. ఎగుమతులు ఆలస్యం అవుతుండడంతో మార్కెట్‌ ఒకరోజు నడిస్తే రెండు రోజులు సెలవులు ఇవ్వాల్సివస్తోంది.బాధితుల ఇంటి వద్ద నుంచే కేసులు నమోదుసూర్యాపేటటౌన్‌ : పోలీస్‌ స్టేషన్‌ చుట్టూ తిరగాల్సిన అవసరం లేకుండానే సంఘటనలపై బాధితుల ఇళ్లకు వెళ్లి ఫిర్యాదు స్వీకరించి అక్కడి నుంచే కేసు నమోదు చేస్తున్నట్టు జిల్లా ఎస్పీ నరసింహ ఆదివారం ఒక ప్రకటనలో తెలిపారు. తెలంగాణ రాష్ట్ర పోలీస్‌ శాఖ ఆధ్వర్యంలో నిర్వహిస్తున్న బాధితుల ఇంటి వద్ద నుంచే కేసు నమోదు, ఎఫ్‌ఐఆర్‌ ఎట్‌ డోర్‌ స్టెప్‌ కార్యక్రమాన్ని సూర్యాపేట జిల్లా పోలీసు శాఖ పటిష్టంగా ముందుకు తీసుకెళ్తూ బాధితులకు ఇంటివద్దే పోలీసు సేవలు అందిస్తున్నట్లు తెలిపారు. సంఘటనలపై సమాచారం అందుకున్న వెంటనే వేగంగా బాధితుల ఇంటికి సంబంధిత పోలీసు అధికారులు చేరుకుని పారదర్శకమైన సేవలు అందిస్తున్నారని తెలిపారు. ఈ కార్యక్రమం ద్వారా వారం రోజుల్లో బాధితుల ఇంటి వద్దకు వెళ్లి 111 కేసులు నమోదు చేశామన్నారు. ప్రజలు ఈ అవకాశాన్ని సద్వినియోగం చేసుకోవాలని, సమస్యలపై డయల్‌ 100, ఫోన్‌ ద్వారా సమాచారం అందించి పోలీస్‌ స్టేషన్‌కు రావాల్సిన అవసరం లేకుండానే కేసులు నమోదు చేసుకోవాలని కోరారు. మెరుగైన విద్య, వైద్యం ప్రభుత్వమే అందించాలిసూర్యాపేటటౌన్‌ : ప్రభుత్వ పాఠశాలలు, ప్రభుత్వ వైద్యాలయాల్లో కార్పొరేట్‌ స్థాయిలో సౌకర్యాలు కల్పించడం ద్వారా సామాన్య ప్రజలతో పాటు ఉద్యోగ, ఉపాధ్యాయులకు విద్య, వైద్యం ఉచితంగా అందించవచ్చని డీటీఎఫ్‌ రాష్ట్ర అధ్యక్షుడు ఎం.సోమయ్య పేర్కొన్నారు. సూర్యాపేట జిల్లా కేంద్రంలో జిల్లా అధ్యక్షుడు పబ్బతి వెంకటేశ్వర్లు అధ్యక్షతన నిర్వహించిన డీటీఎఫ్‌ ఐదవ జిల్లా వార్షిక కౌన్సిల్‌ సమావేశానికి ఆయన హాజరై మాట్లాడారు. ఉద్యోగ, ఉపాధ్యాయులు, పెన్షనర్లకు రావాల్సిన పెండింగ్‌ బిల్లులు వెంటనే చెల్లించాలన్నారు. రాష్ట్ర ప్రధాన కార్యదర్శి టి లింగారెడ్డి మాట్లాడుతూ 2003 డీఎస్సీ ఉపాధ్యాయులకు పాత పెన్షన్‌ విధానం అమలు చేయకుండా ప్రభుత్వం సుప్రీం కోర్టు లో స్పెషల్‌ లీవ్‌ పిటిషన్‌ వేయడం సరికాదన్నారు. మొత్తంగా సీపీఎస్‌ విధానాన్ని రద్దుచేసి పాత పెన్షన్‌ విధానాన్ని పునరుద్ధరించాలన్నారు. డీఏలు మంజూరు చేయడంలో, పీఆర్‌సీ అమలు చేయడంలో ప్రభుత్వం జాప్యం చేస్తోందన్నారు. ఈ సమావేశంలో రాష్ట్ర కార్యదర్శి రేపాక లింగయ్య, జిల్లా ప్రధాన కార్యదర్శి కొచ్చెర్ల వేణు, బీవీ రావు, అసిస్టెంట్‌ ప్రొఫెసర్‌ ఎ.పున్నయ్య, బి.వెంకటేశం, పి.వెంకులు, సత్తయ్య, వెంకటేశ్వర్లు, జె. రమణ, జి.ఆనంద్‌ భాస్కర్‌, సీహెచ్‌.సింహాద్రి, బి. క్రాంతికుమార్‌ తదితరులు పాల్గొన్నారు. ఆర్డీఓ కార్యాలయాల్లోనూ ప్రజావాణిభానుపురి (సూర్యాపేట) : ఇక నుంచి ప్రతి సోమవారం ఆర్డీఓ కార్యాలయాల్లోనూ ప్రజావాణి కార్యక్రమం నిర్వహించనున్నట్లు కలెక్టర్‌ తేజస్‌ నంద్‌ లాల్‌ పవార్‌ ఆదివారం ఒక ప్రకటనలో తెలిపారు. డివిజన్‌ స్థాయి ప్రజావాణికి అన్ని ఏర్పాట్లు చేయాలని ఆయన ఆర్డీఓలను ఆదేశించారు. ఇప్పటివరకు జిల్లా కేంద్రంలో మాత్రమే ప్రజావాణి కార్యక్రమాన్ని నిర్వహించామని, అయితే ప్రభుత్వ ఆదేశాల మేరకు ఇక పై ప్రతి సోమవారం ఆర్డీఓ కార్యాలయంలో ప్రజావాణి ఉంటుందని స్పష్టం చేశారు. డివిజన్‌ సాయి ప్రజావాణి కార్యక్రమాన్ని రెవెన్యూ డివిజనల్‌ అధికారి నిర్వహిస్తారని తెలిపారు. డివిజన్‌ పరిధిలోని డివిజనల్‌ అధికారులు అందరూఈ ప్రజావాణి కార్యక్రమానికి హాజరు కావాలని ఆదేశించారు. డీఎస్పీ కార్యాలయాల్లోకూడా పోలీస్‌ ప్రజావాణిసూర్యాపేటటౌన్‌ : ఇక నుంచి ప్రతి సోమవారం డివిజన్‌ స్థాయిలో డీఎస్పీ కార్యాలయాల్లో కూడా పోలీస్‌ ప్రజావాణి ఉంటుందని జిల్లా ఎస్పీ నరసింహ ఆదివారం ఒక ప్రకటనలో తెలిపారు. డివిజన్‌ పరిధిలోని ప్రజలు వారి సమస్యలపై డీఎస్పీ కార్యాలయంలో నిర్వహించే పోలీస్‌ ప్రజావాణి కార్యక్రమంలో డీఎస్పీలకు ఫిర్యాదు చేయవచ్చని సూచించారు. కోదాడ, సూర్యాపేట డీఎస్పీ కార్యాలయాలలో పోలీస్‌ ప్రజావాణి కార్యక్రమాన్ని నిర్వహించనున్నట్లు తెలి పారు. డీఎస్పీ కార్యాలయాల్లో ప్రజా వాణికి అన్ని ఏర్పాట్లు చేయాలని డీఎస్పీలను ఆదేశించారు. ప్రజలు, బాధితులు, ఫిర్యాదుదారులు ఈ అవకాశాన్ని సద్విని యోగం చేసుకోవాలని కోరారు.ఫ ఫిల్మ్‌ ఫెస్టివల్‌లో ధరించనున్న బ్రాండ్‌ అంబాసిడర్‌ రష్మీ ఠాకూర్‌ ఫ కోదాడ మున్సిపాలిటీలో అవుట్‌ సోర్సింగ్‌ కార్మికుల సంఖ్యలో తేడా ఫ 22 ఏజెన్సీల ద్వారా పనిచేస్తున్న కార్మికులు ఫ ఎవరు.. ఎక్కడ పని చేస్తున్నారో అధికారులకే తెలియని పరిస్థితి ఫ మూడు రోజుల క్రితం ఫిజికల్‌ వెరిఫికేషన్‌ చేసిన పాలకవర్గంమార్కెట్‌కు ప్రతిరోజూ ధాన్యం, ఇతర పంట ఉత్పత్తులు అధికంగా వస్తాయి. మార్కెట్‌లో మొక్క జొన్నల కొనుగోలు కేంద్రాన్ని ఏర్పాటు చేయడం వల్ల స్థలం సరిపోవడం లేదు. ఈ కేంద్రాన్ని మార్కెట్‌ పక్కనే ఉన్న సంతలో ఏర్పాటు చేయాలి. – వై.ధీన్‌దయాళ్‌, బీజేపీ నాయకుడు, తిరుమలగిరి తిరుమలగిరి వ్యవసాయ మార్కెట్‌ యార్డులోనే ఇంటిగ్రేటెడ్‌ మార్కెట్‌ నిర్మాణం పనులు చేపట్టడం అనాలోచిత నిర్ణయం. వెంటనే వాటి నిర్మాణాలు తొలగించి ఆ స్థలాన్ని రైతులు పంట ఉత్పత్తులను నిల్వ చేసుకునేందుకు అందుబాటులోకి తేవాలి. – కడెం లింగయ్య, రైతు సంఘం నాయకుడు, తిరుమలగిరి తిరుమలగిరి వ్యవసాయ మార్కెట్‌లో స్థలం కొరత ఫ ఏడాది పొడవునా పంట ఉత్పత్తుల రాక ఫ సీజన్‌లో పోటెత్తుతున్న ధాన్యం ఫ కొత్తగా మొక్కజొన్న కొనుగోలు కేంద్రం ఏర్పాటు ఫ ఇబ్బందులు పడుతున్న రైతులు, వ్యాపారులు మధ్యలోనే ఆగిన ‘ఇంటిగ్రేటెడ్‌’ నిర్మాణం ఈ వ్యవసాయ మార్కెట్‌ యార్డు ఆవరణలోనే మున్సిపాలిటీకి సంబంధించిన వెజ్‌, నాన్‌ వెజ్‌, ఇంటిగ్రేటెడ్‌ మార్కెట్‌ నిర్మాణం కోసం 2023 సెప్టెంబర్‌ 5న ఎకరా స్థలంలో ఏర్పాటు చేయడానికి శంకుస్థాపన చేశారు. నిర్మాణం పనులు పిల్లర్ల వరకు పూర్తయి మధ్యలోనే ఆగిపోయింది. ఇప్పటికే మార్కెట్‌లో స్థలం సరిపోవడం లేదనుకుంటే ఈ ఇంటిగ్రేటెడ్‌ మార్కెట్‌ నిర్మాణం వల్ల మరో ఎకరం స్థలం వృథాగా పోతుంది. ఈ స్థలంలో 10 వేల నుంచి 15 వేల బస్తాల ధాన్యం పోయడానికి అవకాశం ఉండేదని రైతులు అంటున్నారు. అధికారులు స్పందించి మొక్క జొన్న కొనుగోలు కేంద్రాన్ని వేరేచోటకు మార్చి, ఇబ్బందులు లేకుండా మార్కెట్‌ నడిచేలా చూడాలని రైతులు, వ్యాపారులు కోరుతున్నారు.

భానుపురి (సూర్యాపేట) : పేద ప్రజలకు ప్రయోజనం చేకూరేలా కేంద్ర ప్రభుత్వం ఓ పథకాన్ని తీసుకొచ్చింది. ఇంటి పెద్ద ఏదైనా కారణంతో మరణిస్తే రూ.2 లక్షల ఆర్థిక ప్రయోజనం కల్పించనుంది. మరణించిన తర్వాత జాతీయ కుటుంబ ప్రయోజన పథకం కింద దరఖాస్తు చేసుకున్న వారికి ఈ సొమ్మును అందించనుంది. గతంలో దరఖాస్తులను తహసీల్దార్లు విచారణ చేసి నివేదికలను కలెక్టర్లకు పంపితే నిధులు మంజూరు చేసేవారు. ఈ క్రమంలో జాప్యం చోటు చేసుకునేది. ప్రస్తుతం లబ్ధి పొందే విధానంలో మార్పులు చేస్తూ కేంద్రం ఉత్తర్వులు వెలువరించింది. గ్రామీణ ప్రాంతాల్లో ఎంపీడీఓలు, పుర, నగరపాలికల్లో కమిషనర్లకు అర్హులను గుర్తించే అధికారాన్ని అప్పగించారు. ఇందుకు నిర్దిష్ట గడువు కూడా విధించడంతో దరఖాస్తులు త్వరితగతిన పరిష్కారమయ్యే అవకాశాలున్నాయి. దరఖాస్తులు ఇలా..ఆహార భద్రత కార్డు, మృతుడి ఆధార్‌ కార్డు, గ్రామపంచాయతీ నుంచి తీసుకున్న మరణ ధ్రువీకరణ పత్రం, మృతుడి వయస్సు నిర్ధారణ పత్రం, దరఖాస్తుదారుని ఆధార్‌ కార్డు, ఆదాయ ధ్రువీకరణ పత్రం, కుటుంబ సభ్యుల ధ్రువీకరణ పత్రం, దరఖాస్తుదారుని బ్యాంకు ఖాతా పుస్తకాలన్ని జతచేసి మీసేవ కేంద్రంలో దరఖాస్తు చేసుకున్న తర్వాత పత్రాలను ఎంపీడీఓ కార్యాలయాల్లో అందించాల్సి ఉంది. పది రోజుల్లో పరిశీలన..బాధిత కుటుంబ సభ్యులు అన్ని పత్రాలు జతచేసి ఎంపీడీఓ, పుర, నగరపాలక సంస్థ కార్యాలయాల్లో అందించిన పది రోజుల వ్యవధిలో విచారణ పూర్తిచేసి నివేదికలు సమర్పించాలి. గతంలో రెవెన్యూ శాఖ పరిధిలో ఉండడంతో క్షేత్ర స్థాయి విచారణలో జాప్యం చోటు చేసుకునేది. రెవెన్యూ శాఖలో వివిధ రకాల పనులు ఉండడంతో ఈ దరఖాస్తుల పరిశీలనకు అధికారులకు సమయం లేకుండా పోయేది. ఈ సమస్యను గుర్తించిన ప్రభుత్వం తాజా మార్పులు తీసుకురావడంతో వేగంగా నిధులు మంజూరయ్యే అవకాశాలున్నాయి.ఫ కీలక మార్పులు తెచ్చిన కేంద్రం ఫ తహసీల్దార్ల నుంచి ఎంపీడీఓలకు బాధ్యతలు ఫ ఇంటి పెద్దను కోల్పోయిన పేద కుటుంబాలకు రూ.2 లక్షల సాయం18 నుంచి 60 ఏళ్ల లోపు.. కుటుంబాన్ని పోషించే 18 నుంచి 60 ఏళ్ల లోపు వ్యక్తిని కోల్పోయిన వారు గ్రామాల్లో అయితే పంచాయతీ కార్యాలయాలు, పట్టణాల్లో పురపాలికల్లో దరఖాస్తు చేసుకోవాలి. సంబంధిత అధికారులు క్షేత్ర స్థాయిలో విచారణ చేపట్టి మంజూరుకు సిఫార్సు చేస్తే ఎవరి ప్రమేయం లేకుండా నిధులు నేరుగా బాధితుల బ్యాంకు ఖాతాల్లో జమఅవుతాయి. 2017, ఏప్రిల్‌ 13 తర్వాత మరణించిన వారి కుటుంబ సభ్యులు దీనికి దరఖాస్తు చేసుకునే అవకాశం ఉంది.

భూదాన్‌పోచంపల్లి : ఫ్రాన్స్‌ రాజధాని పారిస్‌లో ఈ నెల 17 నుంచి 21 వరకు 79వ కేన్స్‌ ఇంటర్నేషనల్‌ ఫిల్మ్‌ ఫెస్టివల్‌ సందర్భంగా నిర్వహిస్తున్న ఇంటర్నేషనల్‌ ఫ్యాషన్‌ షోలో తెలంగాణ ఇక్కత్‌ బ్రాండ్‌ అంబాసిడర్‌ రష్మీ ఠాకూర్‌ పోచంపల్లి ఇక్కత్‌ వస్త్రాలను ధరించి రెడ్‌ కార్పెట్‌ వాక్‌ చేయనుంది. అదేవిధంగా ప్రీ ఈవెంట్‌ పార్టిసిపేషన్‌, ర్యాంప్‌ అండ్‌ స్టైలింగ్‌ చేయనున్నారు. హౌజ్‌ ఆఫ్‌ వెండోమ్‌ ప్యారిస్‌, కేంద్ర జౌళి మంత్రిత్వ శాఖ సంయుక్తంగా నిర్వహిస్తున్న ఫ్యాషన్‌ షోకు మన దేశం నుంచి తెలంగాణకు చెందిన రష్మీ ఠాకూర్‌ను ఎంపిక చేశారు. ఫ్యాషన్‌ షోకు అవసరమైన ఇక్కత్‌ వస్త్రాలను పోచంపల్లి ప్రొడ్యూసర్‌ కంపెనీ సీఈఓ తడక రమేశ్‌ ఆదివారం రష్మీ ఠాకూర్‌కు పంపించారు. తడక రమేశ్‌ మాట్లాడుతూ.. కేంద్ర ప్రభుత్వం వీవర్స్‌ సర్వీస్‌ సెంటర్‌ ద్వారా తమకు ఇక్కత్‌ వస్త్రాలను అందించేందుకు అవకాశం కల్పించిందని అన్నారు. ఆదివారం రూ.లక్ష విలువైన ఎంపిక చేసిన ఇక్కత్‌ వస్త్రాలను అందజేశామన్నారు. తనకు ర్యాంప్‌ వాక్‌లో చేనేత కళాకారుడిగా పాల్గొనే అవకాశం వచ్చిందన్నారు.

చిలుకూరు : వేసవిలో ఆకుకూరలు, కూరగాయలకు ఎక్కువ డిమాండ్‌ ఉండడంతో చిలుకూరు మండలంలోని పలు గిరిజన తండాల్లో వాటిని సాగు చేయడానికి గిరిజన రైతులు ఆసక్తి చూపుతున్నారు. చిలుకూరు మండలంలోని జానకీనగర్‌, దూదియాతండా, శీత్లాతండా, కొమ్ముబండ తండా, సీతరాంతండా గ్రామాల్లో గిరిజన రైతులు ఎక్కువగా ఆకు కూరలు, కూరగాయలు సాగు చేస్తున్నారు. తమకున్న కొద్దిపాటి భూముల్లో బోర్లు, వ్యవసాయ బావుల కింద 5 గుంటలు, 10 గుంటల భూమిలో ఆకు కూరలు సాగు చేస్తున్నారు. ప్రతి సంవత్సరం ఈ గ్రామాల్లో దాదాపుగా 50 మందికి పైగా రైతులు 20 ఎకరాల్లో ఆకుకూరలు, కూరగాయలు సాగు చేస్తున్నారు. గతంలో దళారులకు అమ్మి మోసపోయిన గిరిజనులుగిరిజన తండా రైతులు తాము పండించిన పంటలను స్వయంగా విక్రయిస్తున్నారు. గతంలో దళారులకు అమ్మి తీవ్రంగా నష్ట్రపోయామని.. దీంతో తామే స్వయంగా అమ్మకుంటున్నామని పలువురు గిరిజన రైతులు అంటున్నారు. గిరిజన తండా రైతులు ఉదయం వేళల్లో మోటార్‌ బైక్‌లపై వివిధ రకాలు ఆకు కూరలు, కూరగాయలను కట్టుకొని చిలుకూరు మండలంలోని పలు గ్రామాల్లో, హుజూర్‌నగర్‌, కోదాడ పట్టణాల్లో విక్రయిస్తున్నారు. మహిళలు గంపలతో ఇంటింటికీ తిరుగుతూ తండాల చుట్టు పక్కల గ్రామాల్లో అమ్ముతుంటారు. ప్రధానంగా గిరిజన రైతులు గోంగూర, బచ్చలకూర, తోటకూర, పాలకూర, పుదీనా, కొత్తిమీర లాంటి ఆకుకూరలు.. వంకాయలు, దొండకాయలు, బెండకాయలు, దోసకాయలు లాంటి కూరగాయలు సాగు చేస్తూ అమ్ముకుంటున్నారు. ఆకు కూరలను ప్రతి పది రోజుల ఒకసారి కోసి కట్టలు కట్టి విక్రయిస్తామని పలువురు గిరిజన రైతులు తెలిపారు.ఫ ఆకుకూరలు, కూరగాయల సాగుపై గిరిజనుల ఆసక్తి ఫ ఎరానికి రూ.10 వేల నుంచి 15 వేల వరకు ఆదాయం ఫ సబ్సిడీపై విత్తనాలు, పురుగు మందులు అందించాలని వినతిఎండాకాలంలో నిత్యం కాపలా.. కూరగాయల సాగుకు ఎకరానికి రూ.10 వేల నుంచి రూ.15 వేల వరకు ఆదాయం వస్తోందని రైతులు అంటున్నారు. కాగా ఎండాకాలంలో రైతులు తమ గేదెలను అడవికి వదలడం వల్ల ఆకు కూరలు, కూరగాయల తోటల వద్ద నిత్యం కాపలా ఉండాల్సి వస్తోందని గిరిజన రైతులు చెబుతున్నారు. అలాగే ప్రభుత్వం సాగుకు కావాల్సిన విత్తనాలను సబ్సిడీపై అందిస్తే ఇంకా మరి కొంత మంది రైతులు సాగుపై ఆసక్తి చూపుతారని పేర్కొంటున్నారు. ఈ వేసవిలో ప్రస్తుతం మా కుటుంబ సభ్యులం బచ్చలకూర, గోంగూర, పాలకూర తదితర ఆకు కూరలు సాగు చేశాం. ప్రతి రోజు సాగులో పని ఉంటుంది. మందులు కొట్టడం, కూరగాయల సాగులో గడ్డి తీయడం లాంటి పనులు చేస్తున్నాం. ప్రతిరోజు ఆకుకూరలను స్వయంగా గ్రామంలో తిరుగుతూ అమ్ముకుంటున్నా, రోజుకు రూ.1000 వరకు వస్తున్నాయి, విత్తనాల రేట్లు కూడా విపరీతంగా ఉన్నాయి. ప్రభుత్వం సబ్సిడీపై విత్తనాలు సరఫరా చేయాలి.– భూక్యా లక్కి, దూదియాతండా

నడిగూడెం : రాష్ట్రంలో శాంతి భద్రతలు కరువయ్యాయని బీఆర్‌ఎస్‌ రాష్ట్ర నాయకుడు ఆర్‌ఎస్‌.ప్రవీణ్‌కుమార్‌ ఆరోపించారు. శుక్రవారం నడిగూడెం మండల కేంద్రంలో కోదాడ మాజీ ఎమ్మెల్యే బొల్లం మల్లయ్యయాదవ్‌తో కలిసి నిర్వహించిన విలేకరుల సమావేశంలో ఆయన మాట్లాడారు. రాష్ట్రంలో ఒక మాజీ ఐపీఎస్‌ భార్య హత్యకు గురైందని, శాంతి భద్రతలు గాడి తప్పాయనడానికి ఈ ఘటన నిదర్శనమన్నారు. కరీంనగర్‌లో పట్టపగలే జ్యువెలరీ దుకాణంలో దొంగతనం జరిగిందని, ఈ ఘటనలో ఇంతవరకు దుండగులను పట్టుకోలేకపోయారన్నారు. బీఆర్‌ఎస్‌ నాయకులపై సీఎం రేవంత్‌రెడ్డి తప్పుడు కేసులు బనాయించి జైల్లో పెట్టాలని చూస్తున్నారని ఆరోపించారు. శాంతి భద్రతలను అదుపు చేయడంలో విఫలమైన సీఎం రేవంత్‌రెడ్డి రాజీనామా చేయాలని డిమాండ్‌ చేశారు. అనంతరం కోదాడ మాజీ ఎమ్మెల్యే బొల్లం మల్లయ్య యాదవ్‌ మాట్లాడుతూ.. కోదాడలో జరిగిన దళిత యువకుడి లాకప్‌ డెత్‌, ఈ నెల 6న కోదాడలో భార్యను భర్త చంపడం శాంతి భద్రతల లోపాలకు నిదర్శనమన్నారు. ఈ సమావేశంలో బీఆర్‌ఎస్‌ మండల అధ్యక్షుడు పల్లా నర్సిరెడ్డి, మండల సమన్వయకర్త అనంతుల ఆంజనేయులు, భోనగిరి ఉపేందర్‌, జలీల్‌, కాసాని ఉపేందర్‌ పాల్గొన్నారు. స్వేరోస్‌పై యువతకు అవగాహన కల్పించాలి మోతె : స్వేరోస్‌పై విద్యార్థులకు, యువతకు అవగాహన కల్పించాలని స్వేరోస్‌ వ్యవస్థాపకుడు ఆర్‌ఎస్‌ ప్రవీణ్‌కుమార్‌ అన్నారు. శుక్రవారం ఆయన మోతె మండల కేంద్రంలో స్వేరోస్‌ ముఖ్య కార్యకర్తలతో మాట్లాడారు.అనంతరం స్వేరోస్‌ సూర్యాపేట జిల్లా కోశాధికారి జిల్లపల్లి శివకృష్ణ–దీపిక దంపతుల కుమార్తెకు నామకరణం చేసి ఆశీర్వదించారు. కార్యక్రమంలో స్వేరోస్‌ ఇంటర్నేషనల్‌ చీఫ్‌ కన్వీనర్‌ బల్గూరి దుర్గయ్య, స్వేరోస్‌ రాష్ట్ర అధ్యక్షుడు చిలకపత్దిని వీరయ్య, సూర్యాపేట జిల్లా అధ్యక్షుడు బొల్లికొండ వీరాస్వామి, నిర్మల, రవికుమార్‌, మండల అధ్యక్షుడు దున్నపోతులు దుర్గారావు పాల్గొన్నారు. భీమ్‌ హోం నిర్మిస్తాం చిలుకూరు : ఇటీవల మృతి చెందిన చిలుకూరు గ్రామానికి చెందిన స్వేరోస్‌ నాయకుడు గురువయ్య కుటుంబానికి స్వేరోస్‌ ఆధ్వర్యంలో భీమ్‌ హోం నిర్మించి ఇస్తామని స్వేరోస్‌ వ్యవస్థాపకుడు, బీఆర్‌ఎస్‌ పార్టీ రాష్ట్ర ప్రధాన కార్యదర్శి ఆర్‌ఎస్‌ ప్రవీణ్‌కుమార్‌ అన్నారు. చిలుకూరులోని జేజే నగర్‌లో ఇటీవల మృతి చెందిన స్వేరోస్‌ నాయకుడు కందుకూరి గురువయ్య కుటుంబాన్ని ఆర్‌ఎస్‌ ప్రవీణ్‌కుమార్‌ శుక్రవారం పరామర్శించారు. గురువయ్య చిత్రపటానికి పూలమాల వేసి నివాళులర్పించారు. ఈ సందర్భంగా ఆయన మాట్లాడుతూ గురువయ్య పిల్లల బాధ్యతను స్వేరోస్‌ చూసుకుంటుందని అన్నారు. కార్యక్రమంలో జిల్లా అధ్యక్షుడు బొల్లికొండ వీరస్వామి, కందుకూరి ఉపేందర్‌, ముదిగొండ చిరంజీవి పాల్గొన్నారు.ఫ బీఆర్‌ఎస్‌ రాష్ట్ర ప్రధాన కార్యదర్శి ఆర్‌ఎస్‌.ప్రవీణ్‌కుమార్‌

భానుపురి (సూర్యాపేట) : ప్రస్తుత యాసంగి సీజన్‌ 2025–26 కు సంబంధించి 1.85 లక్షల మెట్రిక్‌ టన్నుల ధాన్యం రైతుల నుంచి సేకరించి రైస్‌ మిల్లులకు పంపించామని కలెక్టర్‌ తేజస్‌ నంద్‌లాల్‌ పవార్‌ తెలిపారు. శుక్రవారం కలెక్టరేట్‌లో అదనపు కలెక్టర్‌, జిల్లా రైస్‌ మిల్లర్లతో నిర్వహించిన సమీక్ష సమావేశంలో ఆయన మాట్లాడారు. జిల్లాలో ఇంకా సుమారు 1.55 లక్షల మెట్రిక్‌ టన్నుల వరి ధాన్యం వస్తుందని అంచనా వేస్తున్నామన్నారు. రైతుల నుంచి సేకరించిన ధాన్యం మిల్లుల వద్దకు వచ్చిన వెంటనే అన్‌ లోడింగ్‌ చేయాలని సూచించారు. రైస్‌ మిల్లర్ల సమస్యలు ఏమైనా ఉంటే తమ దృష్టికి తీసుకురావాలన్నారు. ధాన్యం కొనుగోలుకు సంబంధించి ఎలాంటి సమస్య రాకుండా చూడాలన్నారు. ధాన్యం మిల్లింగ్‌ పూర్తి చేసిన తదుపరి సీఎంఆర్‌ పెండింగ్‌ లేకుండా ఎఫ్‌సీఐ కి బియ్యం అందజేయాలన్నారు. కస్టమ్‌ మిల్లింగ్‌ రైస్‌ అందించడంలో నిర్లక్ష్యం వహిస్తే కఠిన చర్యలు తీసుకుంటామని హెచ్చరించారు. సివిల్‌ సప్లయ్‌ అధికారులు, రైస్‌ మిల్లర్లు సమన్వయంతో పనిచేయాలని సూచించారు. కార్యక్రమంలో అదనపు కలెక్టర్‌ హరిసింగ్‌, డీఎస్‌ఓ మోహన్‌బాబు, జిల్లా సివిల్‌ సప్లయ్‌ మేనేజర్‌ శ్రీధర్‌రెడ్డి, రైస్‌ మిల్లర్లు తదితరులు పాల్గొన్నారు. కలెక్టర్‌ తేజస్‌ నంద్‌లాల్‌ పవార్‌

భానుపురి (సూర్యాపేట) : సూర్యాపేట జిల్లా నూతన రెవెన్యూ అదనపు కలెక్టర్‌గా బి.హరిసింగ్‌ శుక్రవారం బాధ్యతలు స్వీకరించారు. అనంతరం కలెక్టర్‌ తేజస్‌ నంద్‌లాల్‌ పవార్‌ను కలెక్టరేట్‌లోని కలెక్టర్‌ ఛాంబర్‌లో మర్యాదపూర్వకంగా కలిశారు. ఈ సందర్భంగా హరిసింగ్‌కు కలెక్టర్‌ శుభాకాంక్షలు తెలిపారు. బాధ్యతలు స్వీకరించిన అదనపు కలెక్టర్‌కు జిల్లా రెవెన్యూ అధికారులు, కలెక్టరేట్‌ సిబ్బంది శుభాకాంక్షలు తెలిపారు. 11వ తేదీ నుంచి విద్యా వారోత్సవాలుసూర్యాపేటటౌన్‌ : రాష్ట్ర ప్రభుత్వం ప్రతిష్టాత్మకంగా చేపట్టిన ప్రజా పాలన–ప్రగతి ప్రణాళిక కార్యక్రమంలో భాగంగా ఈ నెల 11 నుంచి 17వ తేదీ వరకు విద్యా వారోత్సవాలు నిర్వహించనున్నట్లు జిల్లా విద్యాశాఖ అధికారి అశోక్‌ శుక్రవారం ఒక ప్రకటనలో తెలిపారు. మే 11 నుంచి ఎంపిక చేయబడిన పాఠశాలల్లో 15 రోజుల సమ్మర్‌ క్యాంప్‌ నిర్వహించనున్నట్లు పేర్కొన్నారు. ఇంటర్‌ సప్లిమెంటరీ పరీక్షలకు పకడ్బందీ ఏర్పాట్లుభానుపురి (సూర్యాపేట) : ఇంటర్మీడియట్‌ అడ్వాన్స్‌డ్‌ సప్లిమెంటరీ పరీక్షలు ఈ నెల 13వ తేదీ నుంచి ప్రారంభం కానున్నందున పకడ్బందీగా ఏర్పాట్లు చేయాలని అదనపు కలెక్టర్‌ బి.హరిసింగ్‌ సంబంధిత శాఖ అధికారులను ఆదేశించారు.. శుక్రవారం కలెక్టరేట్‌లో అడిషనల్‌ కలెక్టర్‌ చాంబర్‌లో ఇంటర్మీడియట్‌ సప్లిమెంటరీ పరీక్షలపై విద్యాశాఖ అధికారులతో సమావేశం నిర్వహించారు. ఈ నెల 13 నుంచి 21వ తేదీ వరకు థియరీ పరీక్షలు జరుగుతాయని, మొదటి సంవత్సరం విద్యార్థులకు ఉదయం 9 గంటల నుంచి 12గంటల వరకు, రెండో సంవత్సరం విద్యార్థులకు మధ్యాహ్నం 2:30 నుంచి 5:30 వరకు పరీక్షలు ఉంటాయని తెలిపారు. పరీక్షల నిర్వహణలో ఎలాంటి అక్రమాలకు తావులేకుండా సీసీ కెమెరాల నిఘా, పోలీస్‌ బందోబస్తు ఏర్పాటు చేయాలని సూచించారు. కార్యక్రమంలో అడిషనల్‌ ఎస్పీ రవీందర్‌రెడ్డి, డీఐఈఓ బి.సులోచనరాణి, భానునాయక్‌, ప్రసాద్‌, సంబంధిత శాఖల అధికారులు పాల్గొన్నారు. రైతులు ఆర్థికంగా బలోపేతం కావాలి చిలుకూరు : రైతులు వ్యవసాయంతోపాటు పాడి పరిశ్రమను అనుబంధ రంగంగా ఎంచుకుంటే ఆర్థికంగా బలోపేతం అవుతారని జిల్లా పశువైద్యాధికారి డాక్టర్‌ బి.శ్రీనివాస్‌రావు అన్నారు. శుక్రవారం ప్రజా పాలన–ప్రగతి ప్రణాళిక కార్యక్రమంలో భాగంగా చిలుకూరు పశువైద్యశాలలో పశువైద్య శిబిరంతోపాటు మేలు జాతి దూడల ప్రదర్శనను సర్పంచ్‌ కొల్లు పుల్లమ్మ నాగయ్యతో కలిసి ప్రారంభించారు. ఈ సందర్భంగా ఆయన మాట్లాడుతూ.. మేలు జాతి గ్రాసాలను పెంచుకోవాలని, అప్పుడే తక్కువ ఖర్చుతో పాల ఉత్పిత్తి అధికంగా పెంచవచ్చన్నారు. మేలుజాతి దూడలు, మేలు జాతి గడ్డి ప్రదర్శనలను ప్రజాప్రతినిధులు, అధికారులతో కలిసి తిలకించారు. అనంతరం ఈ ఏడాది అత్యధికంగా పాలు పోసిన రైతులు సుజాత, శ్రీనులను ఘనంగా సన్మానించారు. పశువైద్య శిబిరంలో 63 పశువులకు ఉచిత గర్భకోష వ్యాధి చికిత్స చేశారు. కార్యక్రమంలో జిల్లా మత్స్య సొసైటీ అధికారి నాగులనాయక్‌, డీసీఓ ప్రవీణ్‌, ఏడీఏ డాక్టర్‌ పెంటయ్య, ఏడీఓ ప్రశాంతికుమారి, మండల పశువైద్యాధికారి వీరారెడ్డి, మండల వ్యవసాయాధికారి శ్రీధర్‌, సర్పంచ్‌ కొల్లు పుల్లమ్మ నాగయ్య, ఉప సర్పంచ్‌ బెల్లంకొండ నాగయ్య, ఫ్యాక్స్‌ చైర్మన్‌ అలసకాని జనార్దన్‌, గ్రామ మత్స్యసొసైటీ అధ్యక్షుడు రామకృష్ణ, రైతులు తదితరులు పాల్గొన్నారు.

హుజూర్‌నగర్‌ : బీజేపీ, కాంగ్రెస్‌ పార్టీలు రహస్య పొత్తులు పెట్టుకుని బీఆర్‌ఎస్‌ నాయకులపై దాడులకు పాల్పడుతున్నారని మాజీ మంత్రి, సూర్యాపేట ఎమ్మెల్యే జగదీష్‌రెడ్డి ఆరోపించారు. శుక్రవారం హుజూర్‌నగర్‌లో ఆయన విలేకరులతో మాట్లాడారు. కేంద్రమంత్రి బండి సంజయ్‌.. తమ ఎమ్మెల్యేలపై దాడి చేయించడం హేయమైన చర్య అన్నారు. కేటీఆర్‌పై చేసిన అనుచిత వ్యాఖ్యలను బండి సంజయ్‌ ఉపసంహరించుకోవాలని డిమాండ్‌ చేశారు. రాష్ట్రంలో హింస పాలన నడుస్తోందని, ప్రభుత్వం అన్ని విధాలా విఫలమైందని విమర్శించారు. సమస్యలను దాన్ని పక్కదారి పట్టించేందుకే డైవర్షన్‌న్‌ పాలిటిక్స్‌ చేస్తూ కాంగ్రెస్‌ బీజేపీ కలిసి పనిచేస్తున్నాయని అన్నారు. ఎవరు ఎన్ని దాడులు చేసినా, కవ్వించినా రాష్ట్రంలో మళ్లీ వచ్చేది బీఆర్‌ఎస్‌ ప్రభుత్వమే అన్నారు. మాజీ సీఎం కేసీఆర్‌ సభతో కాంగ్రెస్‌, బీజేపీలకు భయం పట్టుకుందని అన్నారు. ఆయన వెంట బీఆర్‌ఎస్‌ నాయకులు వి.నరసింహారెడ్డి, పిల్లుట్ల రఘు, మారిపెద్ది శ్రీనివాస్‌, జక్కుల నాగేశ్వరరావు తదితరులు ఉన్నారు.ఫ మాజీ మంత్రి, సూర్యాపేట ఎమ్మెల్యే జగదీష్‌రెడ్డి

మద్దిరాల : యువత మద్యం, డ్రగ్స్‌, ఇతర మాదకద్రవ్యాలకు బానిసలు కావొద్దని అడిషనల్‌ ఎస్పీ పాలకూరి నారాయణ, డీఎస్పీ ప్రసన్నకుమార్‌ అన్నారు. శుక్రవారం మద్దిరాల మండల పరిధిలోని పోలుమల్ల గ్రామంలో పోలుమల్ల స్పోర్ట్స్‌ క్లబ్‌ ఆధ్వర్యంలో డ్రగ్‌ ఫ్రీ సొసైటీ, రోడ్డు సేఫ్టీపై యువతకు 2 కే రన్‌ ఏర్పాటు చేశారు. అడిషనల్‌ ఎస్పీ నారాయణ, డీఎస్పీ ప్రసన్నకుమార్‌, ఎంపీడీఓ సత్యనారాయణరెడ్డి ముఖ్య అతిథులుగా హాజరై జెండా ఊపి 2 కే రన్‌ ప్రారంభించారు. అనంతరం గ్రామ పంచాయతీ వద్ద ఏర్పాటు చేసిన పోలుమల్ల స్పోర్ట్స్‌ క్లబ్‌ లోగో ఆవిష్కరణ కార్యక్రమంలో వారు పాల్గొన్ని జ్యోతి ప్రజ్వలన చేశారు. ఈ సందర్భంగా అడిషనల్‌ ఎస్పీ మాట్లాడుతూ.. యువత డ్రగ్స్‌, మద్యానికి బానిసలై తమ జీవితాలను నాశనం చేసుకుంటున్నారని అన్నారు. పోలుమల్ల యువత చక్కటి నిర్ణయం తీసుకుని డ్రగ్‌ ఫ్రీ సొసైటీ, రోడ్డు సేఫ్టీపై 2 కే రన్‌ నిర్వహించడం అభినందనీయమన్నారు. అనంతరం గోరెంట్ల తెలుగు ఉపాధ్యాయుడు ప్రభాకర్‌ వినూత్న వేషధారణలో డ్రగ్స్‌, మాదకద్రవ్యాల నివారణపై యువతకు అవగాహన కల్పించారు. కార్యక్రమంలో ఎస్‌ఐ ఎం.వీరన్న, సర్పంచ్‌ రేసు లింగయ్య, ప్రధానోపాధ్యాయుడు సయ్యద్‌ జహీర్‌, వెంకటయ్య, ఎలిపెద్ది రవి, స్పోర్ట్స్‌శ్రీ క్లబ్‌ అధ్యక్షుడు జటంగి శ్రవణ్‌కుమార్‌, రేసు సతీష్‌, రేసు తరుణ్‌, మామునూరి ఉపేందర్‌, రాకేష్‌, అంజి, ప్రవీణ్‌కుమార్‌, సాయిరెడ్డి, ఉమేష్‌, మహేష్‌, రవికాంత్‌ తదితరులు పాల్గొన్నారు. అడిషనల్‌ ఎస్పీ పాలకూరి నారాయణ

సూర్యాపేట : ఆల్‌ ఇండియా స్టేట్‌ బ్యాంక్‌ ఆఫ్‌ ఇండియా స్టాఫ్‌ ఫెడరేషన్‌ పిలుపులో భాగంగా శుక్రవారం సూర్యాపేట రీజియన్‌ కార్యాలయం వద్ద ఎస్‌బీఐ యూనియన్‌ నాయకులు ఆందోళన నిర్వహించారు. ఈ సందర్భంగా వారు మాట్లాడుతూ తమ న్యాయమైన 16 డిమాండ్లను వెంటనే అమలు చేయాలని కోరారు. మూడు దశాబ్దాలుగా నిలిచిపోయిన మెసెంజర్ల నియామకాలు చేపట్టాలని, ఆర్మ్‌డ్‌ గార్డుల నియామకం, ఎన్‌పీ ఉద్యోగులకు పెన్షన్‌ ఫండ్‌ మేనేజర్‌ మార్చుకునే అవకాశం కల్పించాలని కోరారు. 2019 తరువాత నియమితులైన ఉద్యోగులకు ఇంటర్‌ సర్కిల్‌ బదిలీలు చేపట్టాలని, ఔట్‌సోర్సింగ్‌ నియామకాలు నిలిపివేయాలని డిమాండ్‌ చేశారు. అదేవిధంగా పెండింగ్‌లో ఉన్న ఇతర సమస్యలను పరిష్కరించాలని కోరారు. కార్యక్రమంలో సూర్యాపేట రీజినల్‌ సెక్రటరీ అయితగోని మహేష్‌, సురేష్‌, నవీన్‌, క్రాంతి, కిశోర్‌, ప్రియాంక, చందు, కిరణ్‌, నవ్య, పుష్ప, మమత పాల్గొన్నారు.

కోదాడరూరల్‌ : ఇతర రాష్ట్రాల నుంచి తెలంగాణలోకి వచ్చే ప్రతి వాహనాన్ని క్షుణంగా తనిఖీ చేయాలని చేయాలని ఎస్పీ నరసింహ పోలీస్‌ అధికారులు, సిబ్బందిని ఆదేశించారు. గురువారం కోదాడ మండలం రామాపురం క్రాస్‌రోడ్‌ వద్ద గల అంతరాష్ట్ర చెక్‌ పోస్టును ఆయన తనిఖీ చేశారు. ఏపీతో పాటు ఇతర రాష్ట్రాల నుంచి ధాన్యం, పీడీఎస్‌ బియ్యం, మద్యం, ఇసుక వంటివి అక్రమ రవాణా జరగకుండా సిబ్బంది అప్రమత్తంగా ఉండాలన్నారు. ఆయన వెంట డీఎస్పీ శ్రీనివాస్‌రెడ్డి, అనంతగిరి ఎస్‌ఐ నవీన్‌, ట్రాఫిక్‌ ఎస్‌ఐ అంజిరెడ్డి ఉన్నారు. ప్రజలకు అందుబాటులో ఉండాలి సూర్యాపేటటౌన్‌ : ప్రభుత్వ అధికారులు ఎల్లప్పుడు ప్రజలకు అందుబాటులో ఉండాలని ఎస్పీ నరసింహ సూచించారు. నూతనంగా నియామకమైన డిప్యూటీ తహసీల్దార్లకు పోలీసు అంశాలపై శిక్షణలో భాగంగా గురువారం వారు ఎస్పీని కలిశారు. ఈ సందర్భంగా ఎస్పీ వారికి పలు విషయాలపై సలహాలు, సూచనలు చేశారు. వారం రోజులపాటు పోలీసులతో కలిసి పని చేయడంపై శిక్షణ ఉంటుందని తెలిపారు.

ఫ రాష్ట్ర మార్కెంటింగ్‌ జాయింట్‌ డైరెక్టర్‌ శ్రీనివాస్‌ చివ్వెంల(సూర్యాపేట) : సాగులో యాంత్రీకరణ ద్వారా అధిక దిగుబడులు పొందవచ్చని రాష్ట్ర వ్యవసాయ మార్కెటింగ్‌ జాయింట్‌ డైరెక్టర్‌ శ్రీనివాస్‌ అన్నారు. గురువారం మండల కేంద్రంలోని రైతువేదికలో రైతు వారోత్సవాల్లో భాగంగా వ్యవసాయ, విద్యుత్‌ శాఖల ఆధ్వర్యంలో నిర్వహించిన నియోజకవర్గ స్థాయి సమీక్ష సమావేశంలో ఆయన మాట్లాడారు. ప్రభుత్వం అందిస్తున్న సాగు యంత్రాలను సద్వినియోగం చేసుకోవాలని సూచించారు. యంత్రాల సాయంతో సాగు చేయడం వల్ల పెట్టుబడి తగ్గించడంతో పాటు కూలీల కొరతను అధిగమించవచ్చన్నారు. పురుగుల మందులు స్ప్రే చేసేందుకు డ్రోన్‌లను వినియోగించాలన్నారు. తెలంగాణ వ్యవసాయ విశ్వవిద్యాలయం ప్రధాన శాస్త్రవేత్తలు అరుణ కుమారి, సునీత పలు విషయాలపై రైతులకు అవగాహన కల్పించారు. విద్యుత్‌శాఖ డీఈ విద్యాసాగర్‌ మాట్లాడుతూ పీఎం కుసుమ్‌ కాంపోటెంట్‌ పథకం, మోడల్‌ సోలార్‌ వేజ్‌ కార్యక్రమంపై వివరించారు. కార్యక్రమంలో డీఏఓ శ్రీధర్‌రెడ్డి, డీసీఓ ప్రవీణ్‌కుమార్‌, డీఎంఓ నాగేశ్వర్‌శర్మ, ఏడీఏ జ్ఞానేశ్వరి, ట్రాన్స్‌కో ఏడీఈ రాములునాయక్‌, టౌన్‌ ఏడీ శ్రీనివాస్‌రావు, ఏఈ మల్లయ్య, చివ్వెంల, ఆత్మకూర్‌(ఎస్‌), పెన్‌పహాడ్‌, సూర్యాపేట ఏఓలు వెంకటేశ్వర్లు, అనిల్‌కుమార్‌, దివ్య, కృష్ణ సందీప్‌, సర్పంచ్‌లు, ఏఈఓలు, రైతులు పాల్గొన్నారు.

నల్లగొండ : నల్లగొండలోని రాంనగర్‌లో గల ఎస్‌బీఐ ఆర్‌సెటి (స్టేట్‌ బ్యాంకు ఆఫ్‌ ఇండియా గ్రామీణ స్వయం ఉపాధి శిక్షణ సంస్థ)లో నల్లగొండ, సూర్యాపేట జిల్లాల గ్రామీణ నిరుద్యోగ మహిళలకు టైలరింగ్‌లో ఉచిత శిక్షణ ఇవ్వనున్నట్టు ఆ సంస్థ డైరెక్టర్‌ సియాజిరాయ్‌ ఒక ప్రకటనలో తెలిపారు. ఈ నెల 13వ తేదీలోగా ఆసక్తి గల మహిళలు దరఖాస్తు చేసుకోవాలని పేర్కొన్నారు. శిక్షణకు హాజరయ్యే మహిళలకు ఉచిత వసతి, భోజన సౌకర్యం కల్పించనున్నట్లు తెలిపారు. పూర్తి వివరాలకు సెల్‌ : 9701009265 నంబర్‌కు సంప్రదించాలని కోరారు. ఇంటర్‌ సప్లిమెంటరీ విద్యార్థులపై ప్రత్యేక శ్రద్ధనడిగూడెం : ఇంటర్‌లో ఫెయిల్‌ అయిన విద్యార్థులకు ప్రత్యేక తరగతులు నిర్వహించాలని, అధ్యాపకులు వారిపై ప్రత్యేక శ్రద్ధ వహించా లని జిల్లా ఇంటర్మీడియట్‌ అధికారి సులోచనా రాణి సూచించారు. గురువారం మండల కేంద్రంలోని ప్రభుత్వ జూనియర్‌ కళాశాలను ఆమె తనిఖీ చేశారు. అనంతరం అధ్యాపకులతో సమావేశమై పలు విషయాలపై మట్లాడారు. ఈ నెల 13 నుంచి నిర్వహించనున్న ఇంటర్మీడియట్‌ అడ్వాన్స్‌ సప్లిమెంటరీ పరీక్షలలో విద్యార్థులందరూ ఉత్తీర్ణులయ్యే విధంగా అధ్యాపకులు కృషి చేయాలన్నారు. అనంతరం వచ్చే విద్యా సంవత్సరం అడ్మిషన్‌లకు సంబంధించిన కరపత్రాలను ఆమె ఆవిష్కరించారు. ఆమె వెంట ప్రిన్సిపాల్‌ డి.విజయనాయక్‌, అధ్యాపకులు డాక్టర్‌.జానిపాషా, కర్నాటి శ్రీధర్‌, మహేష్‌, ఈశ్వర్‌, ఉపేందర్‌, శ్రీనివాస్‌, వీరన్న, నాగరాజు, మదార్‌ ఉన్నారు. ప్రజలకు మెరుగైన వైద్య సేవలు అందించాలిపెన్‌పహాడ్‌ : ప్రజలకు మెరుగైన సేవలు అందించాలని ఆయుష్మాన్‌ ఆరోగ్య మందిర్‌ నేషనల్‌ హెల్త్‌ మిషన్‌ జిల్లా ప్రాజెక్ట్‌ అధికారి ఉమామహేశ్వరి సూచించారు. గురువారం మండల కేంద్రంతో పాటు లింగాల గ్రామంలోని ప్రాథమిక ఆరోగ్య కేంద్రాలను హెల్త్‌ ఎడ్యుకేటర్‌ శ్రీదేవితో కలిసి ఆమె సందర్శించారు. ఆయా కేంద్రాలలో అందుతున్న వైద్య సేవలను, రికార్డులను పరిశీలించారు. నేషనల్‌ హెల్త్‌ మిషన్‌ ద్వారా అందుతున్న నిధుల వినియోగం, వాటి వ్యయ వివరాలు, మందుల నిల్వలకు సంబంధించిన స్టాక్‌ రికార్డులను తనిఖీ చేశారు. ఆమె వెంట మండల వైద్యాధికారి రాజేష్‌, ఎంఎల్‌హెచ్‌పీ రవీందర్‌, నసీమ ఉన్నారు. వృద్ధాశ్రమాలలో వసతులు కల్పించాలిమునగాల : వృద్ధాశ్రమాల్లో తగిన వసతులు కల్పించాలని జిల్లా సంక్షేమ అధికారి కె.నర్సింహారావు ఆదేశించారు. మండలంలోని ముకుందాపురం శివారులో గల ఇందిర అనాథ, వృద్ధాశ్రమాన్ని గురువారం ఆయన తనిఖీ చేశారు. ఆశ్రమానికి సంబంధించిన రికార్డులను పరి శీలించారు. ఈ సందర్భంగా ఆయన మాట్లాడుతూ జిల్లా కలెక్టర్‌ ఆదేశాల మేరకు వృద్ధా శ్రమాలలో తనిఖీలు చేపట్టినట్లు తెలిపారు. సదరు వృద్ధాశ్రమంలో వసతులపై ఆయన సంతృప్తి వ్యక్తం చేశారు. ఆయన వెంట ఆశ్రమ వ్యవస్థాపకురాలు నాగిరెడ్డి విజయమ్మ, ఇన్‌చార్జి వాచేపల్లి జ్యోతి ఉన్నారు. యాదగిరీశుడికి పూజలుయాదగిరిగుట్ట: యాదగిరిగుట్ట శ్రీలక్ష్మీనరసింహస్వామి వారి ఆలయంలో గురువారం సంప్రదాయ పూజలు కొనసాగాయి. తెల్లవారు జామునే ఆలయాన్ని తెరచిన అర్చకులు శ్రీస్వామి అమ్మవార్లకు సుప్రభాతం జరిపించారు. అనంతరం స్వయంభూ, ప్రతిష్ఠా అలంకారమూర్తులకు నిజాభిషేకం, తులసీ దళాలతో అర్చన, ఆరాధన, బాల భోగం, సహస్ర నామార్చన వంటి పూజలు చేపట్టారు. ఇక ఆలయ ప్రథమ ప్రాకార మండపంలో శ్రీసుదర్శన నారసింహ హోమం, గజ వాహన సేవ, నిత్య కల్యాణం, బ్రహ్మోత్సవం వంటి కై ంకర్యాలను భక్తులచే నిర్వహించారు. ముఖ మండపంలో సువర్ణ పుష్పార్చన మూర్తులకు అష్టోత్తర పూజలు జరిపించారు. సాయంత్రం ఆలయ తిరు, మాడ వీధుల్లో జోడు సేవలను ఘనంగా ఊరేగించారు.

అర్వపల్లి : ధాన్యం కొనుగోళ్లలో ప్రభుత్వం పూర్తిగా విఫలమైందని సీపీఎం రాష్ట్ర కార్యదర్శి వర్గ సభ్యుడు జూలకంటి రంగారెడ్డి విమర్శించారు. అర్వపల్లిలోని ధాన్యం కొనుగోలు కేంద్రాన్ని గురువారం పార్టీ నాయకులతో కలిసి ఆయన సందర్శించారు. రైతులతో మాట్లాడి వారి ఇబ్బందులు తెలుసుకున్నారు. అనంతరం ఆయన మాట్లాడుతూ లారీల కొరతతో ధాన్యం ఎగుమతులు కాక రైతులు ఇబ్బందులు పడుతున్నారని చెప్పారు. మిల్లర్లు తాలు పేరుతో ధాన్యం తూకాల్లో కోతలు విధిస్తున్నారని పేర్కొన్నారు. కేంద్రాలలో సకాలంలో కాంటాలు, ధాన్యం ఎగుమతులు కాక రైతులు ఇబ్బందులు పడుతున్నా ప్రభుత్వం స్పందించడం లేదన్నారు. వెంటనే ధాన్యం కొనుగోళ్లను వేగవంతం చేసి రైతులకు సకాలంలో బిల్లులు చెల్లించి ఆదుకోవాలని కోరారు. ఆయన వెంట సీపీఎం జిల్లా కార్యదర్శి మల్లు నాగార్జున్‌రెడ్డి, రాష్ట్ర కార్యదర్శివర్గ సభ్యులు మల్లు లక్ష్మి, కొలిశెట్టి యాదగిరిరావు, నెమ్మాది వెంకటేశ్వర్లు, జిల్లా నాయకులు దండ వెంకట్‌రెడ్డి, పులుసు సత్యం, కొప్పుల రజిత, పార్టీ మండల కార్యదర్శి వజ్జె శ్రీనివాస్‌, నాయకులు శిగ వెంకన్న, బొడ్డు సైదులు, అబ్బులు, కొమ్ము విజయ్‌, సంపతి వెంకన్న, సుజాత, శిగ శ్రీను ఉన్నారు.

హుజూర్‌నగర్‌ : వచ్చే ఎన్నికల్లో తెలంగాణలో బీజేపీ ప్రభుత్వం ఏర్పాటు ఖాయమని మాజీ ఎంపీ, బీజేపీ రాష్ట్ర ఉపాధ్యక్షుడు డాక్టర్‌ బూర నర్సయ్యగౌడ్‌ అన్నారు. గురువారం హుజూర్‌నగర్‌కు వచ్చిన ఆయన స్థానిక విలేకరులతో మాట్లాడారు. దేశ వ్యాప్తంగా బీజేపీ విజయపథంలో దూసుకుపోతుందన్నారు. అస్సాం, పశ్చిమ బెంగాల్‌, పుదుచ్చేరిలో ప్రజలు బీజేపీకి భారీ మద్దతు తెలిపారని పేర్కొన్నారు. ఈ నెల 10న సికింద్రాబాద్‌ పరేడ్‌ గ్రౌండ్స్‌లో నిర్వహించనున్న భారీ బహిరంగ సభకు ప్రధాని నరేంద్ర మోదీ హాజరు కానున్నారని తెలిపారు. దాంతో పాటు వేల కోట్ల రూపాయల అభివృద్ధి పనులకు ప్రధాని వర్చువల్‌ విధానంలో శంకుస్థాపనలు, ప్రారంభోత్సవాలు చేస్తారని చెప్పారు. సభను విజయవంతం చేయడానికి జిల్లా నలుమూలల నుంచి యువత, మహిళలు, రైతులు, మేథావులు, కార్మికులు, అభిమానులు అధిక సంఖ్యలో తరలి రావాలని కోరారు. సమావేశంలో బీజేపీ జిల్లా అధ్యక్షురాలు శ్రీలత, పట్టణ అధ్యక్షులు కొండ హరీష్‌, నాయకులు మల్సూర్‌, కె కోటిరెడ్డి, చంద్రయ్య, శ్రీనివాస్‌, విజయ్‌, నాగరాజు, బల్వంత్‌ సింగ్‌, రామారావు, పృథ్వి పాల్గొన్నారు.

భానుపురి (సూర్యాపేట) : గ్రామీణ ప్రాంత కూలీలు ఉపాధి హామీ పనుల బాట పడుతున్నారు. వారం రోజుల క్రితం వరకు ఉపాధి పనులపై పెద్దగా ఆసక్తి చూపలేదు. ఏ గ్రామ పంచాయతీలో చూసినా 50 మందికి మించి పనులకు హాజరు కాలేదు. ప్రస్తుతం వ్యవసాయ పనులు మందగించడంతో ఉపాధి హామీ పనులకు హాజరయ్యే కూలీల సంఖ్య పెరుగుతోంది. ఉపాధి కూలీల సంఖ్యను పెంచేందుకు కలెక్టర్‌ తేజస్‌ నంద్‌లాల్‌ పవార్‌ 10 రోజులుగా ప్రత్యేక చొరవ తీసుకుంటున్నారు. పని ప్రదేశంలో నీడ, మంచినీరు వంటి వసతులు కల్పించాలని, ప్రతి గ్రామపంచాయతీలో కనీసం 100 మంది కూలీలు పనులకు హాజరయ్యేలా చూడాలని అధికారులను ఆదేశించారు. ఈ మేరకు చర్యలు చేపట్టడంతో కూలీల సంఖ్య కూడా పెరుగుతోంది. ఎండల తీవ్రత అధికంగా ఉన్నా.. ఉదయం 6 గంటలకే పనులు మొదలవుతుండడంతో కూలీలు ఆసక్తి చూపుతున్నారు. పనులకు వెళ్లిన వారికి మంచి కూలి పడుతుండడంతో మిగతా వారు సైతం ఇటువైపుగా వస్తున్నారు. జిల్లాలో 1,66,707 జాబ్‌కార్డులు సూర్యాపేట జిల్లాలో మొత్తం 1,66,707 జాబ్‌ కార్డులు ఉన్నాయి. 2026–27 ఆర్థిక సంవత్సరంలో జిల్లాలోని కూలీలకు సుమారు 20,86,820 పనిదినాలు కల్పించాలని కేంద్ర, రాష్ట్ర ప్రభుత్వాలు లక్ష్యాన్ని నిర్దేశించాయి. ఏప్రిల్‌ ఒకటో తేదీ నుంచి కేంద్ర ప్రభుత్వం మహాత్మాగాంధీ జాతీయ గ్రామీణ ఉపాధిహామీ పథకాన్ని వీక్షిత్‌ భారత్‌ – రోజ్‌గార్‌, ఆజీవికా మిషన్‌ (వీబీ–జీ రామ్‌జీ)గా మార్చింది. గతంలో ఈ పథకం కింద కూలీల హాజరు కోసం ఉన్న నేషనల్‌ మొబైల్‌ మానిటరింగ్‌ సిస్టమ్‌ (ఎన్‌ఎంఎంఎస్‌) యాప్‌ను ఉన్నతీకరించింది. దాంతో కూలీలు ఉదయం పని మొదలు పెట్టే ముందు ఒకసారి, తర్వాత 4 గంటలకు మరోసారి ఫొటోలు దిగాల్సి ఉంటుంది. అప్పుడే కూలీల వేతనం నేరుగా వారి అకౌంట్లలో జమ అవుతుంది. వ్యవసాయ పనులు లేక.. సూర్యాపేట జిల్లాలో 4.80 లక్షల ఎకరాల్లో వరి సాగైంది. వరికోతలు ముగియడంతో రైతులంతా ధాన్యం అమ్మకం, వరిగడ్డి సేకరణ పనుల్లో నిమగ్నమయ్యారు. భూమిలేని కూలీలు మిరపచేను ఏరేందుకు జిల్లాలోని వివిధ ప్రాంతాలతో పాటు ఇతర ప్రాంతాలకు వెళ్లి వస్తున్నారు. ప్రస్తుతం ఈ పనులన్నీ ముగిశాయి. ధాన్యం అమ్మకాలు చివరి దశకు చేరగా, మిరప చేనులు ఏరడం కూడా అయిపోయింది. దాంతో కూలీలంతా ఉపాధి హామీ పనులకు వెళ్తున్నారు. ఈ క్రమంలోనే పనులకు హాజరయ్యే కూలీల సంఖ్య క్రమంగా పెరుగుతోంది. గత నెల 29న జిల్లావ్యాప్తంగా 28,335 మంది కూలీలు పనులకు హాజరు కాగా బుధవారం 43,667 మంది హాజరయ్యారు. వారం రోజుల్లోనే 15,332 మంది కూలీలు పెరిగారు. జిల్లాకు అధికారులు నిర్ధేశించిన లక్ష్యంలో ఇప్పటి వరకు కేవలం 17.56 శాత కూలీలకు మాత్రమే పనులు కల్పించారు. ఇప్పటి వరకు జిల్లాలో 3,66,438 పని దినాలను పూర్తి చేశారు. జాబ్‌కార్డులు : 1,66,707పనిదినాల లక్ష్యం : 20,86,820ఇప్పటి వరకు కల్పించిన పనిదినాలు : 3,66,438 ప్రతి గ్రామపంచాయతీకి సగటున : 84 మందికి ఫ ఉపాధిహామీ పనులకు పెరుగుతున్న హాజరుశాతం ఫ వ్యవసాయ పనులు లేక కూలికి ఫ మండుటెండను సైతం లెక్కచేయకుండా కూలీల రాక ఫ బుధవారం ఒక్కరోజే జిల్లా వ్యాప్తంగా 43,667 మంది హాజరుజిల్లాలోని అన్ని ప్రాంతాల్లో ఉపాధిహామీ పనులకు కూలీల హాజరు శాతం పెరుగుతుండడంతో రానున్న రోజుల్లో పనిదినాలు కూడా అధికం కానున్నాయి. మరో నెలరోజుల పాటు పనులను కల్పించేందుకు వీలుగా జిల్లా యంత్రాంగం ప్రణాళికలు రూపొందిస్తోంది. ఇప్పటి వరకు జిల్లా వ్యాప్తంగా ప్రతి గ్రామపంచాయతీకి సగటున రోజుకు 84 మంది కూలీలకు పనులు కల్పిస్తున్నారు. ఈ క్రమంలో అత్యధికంగా మద్దిరాల మండలంలో గ్రామపంచాయతీకి సగటున 139 మందికి, ఆత్మకూర్‌ (ఎస్‌) మండలంలో 127, నూతనకల్‌లో 123 మందికి చొప్పున పనులను కల్పిస్తున్నారు. అత్యల్పంగా పాలకీడు మండలంలోని గ్రామపంచాయతీల్లో కేవలం 38 మందికి మాత్రమే పనులు కల్పిస్తున్నారు.

అర్వపల్లి : అర్వపల్లి శివారులోని విద్యుత్‌ ఉపకేంద్రంలో ఉన్న ఏఈ కార్యాలయ భవనం పూర్తిగా శిథిలావస్థకు చేరింది. 40 ఏళ్ల క్రితం సబ్‌ స్టేషన్‌ ఏర్పాటు చేసే సమయంలోనే ట్రాన్స్‌కో ఏఈ కార్యాలయం, స్టోర్‌ రూం, ఆపరేటర్‌ గదితో పాటు ఇతర గదులను నిర్మించారు. ప్రస్తుతం ఇవి శిథిలమయ్యాయి. భవనంపై చెట్లు పెరుగుతున్నాయి. దాంతో ఏఈతో పాటు సిబ్బంది భయం భయంగా విధులు నిర్వర్తిస్తున్నారు. ఇవి కూలితే సిబ్బంది ప్రాణాలకే ప్రమాదం. ఉన్నతాధికారులు స్పందించి శిథిలమైన భవనం స్థానంలో కొత్తది నిర్మించాలని సిబ్బంది కోరుతున్నారు.

సూర్యాపేట జిల్లా: కుటుంబ కలహాలతో భార్యను కత్తితో పొడిచి దారుణంగా హత్య చేశాడు భర్త. ఈ ఘటన సూర్యాపేట జిల్లా కోదాడ బస్టాండ్‌ ఎదరుగా బుధవారం జరిగింది. వివరాలు.. ఖమ్మం జిల్లా నేలకొండపలి్లకి చెందిన బత్తుల శిరీష(24), కోదాడ పట్టణ పరిధిలోని బాబునగర్‌కు చెందిన పాయిలి మణిదీప్‌ ఐదేళ్ల కిందట ప్రేమ వివాహం చేసుకున్నారు. వీరికి మూడేళ్ల వయసున్న కుమారుడు ఉన్నాడు. భార్యాభర్తల మధ్య కొంతకాలంగా గొడవలు జరుగుతున్నాయి. దీంతో కోదాడ పట్టణ పోలీస్‌ స్టేషన్‌లో మణిదీప్‌ ఫిర్యాదు చేయడంతో..ఆ కేసు నిమిత్తం శిరీష తన పెద్దమ్మను తీసుకొని బుధవారం పోలీస్‌ స్టేషన్‌కు వచ్చింది. రాత్రి కావడంతో పోలీసులు గురువారం ఉదయం రమ్మని చెప్పడంతో శిరీష, ఆమె పెద్దమ్మ కలిసి ఏపీలోని జగ్గయ్యపేటకు వెళ్లేందుకు కోదాడ బస్టాండ్‌ ఎదురుగా ఉన్న ఆటోస్టాండ్‌ వద్దకు చేరుకున్నారు. జగ్గయ్యపేటకు వెళ్లే ఆటోలో ఎక్కి కూర్చున్న శిరీషను ఆమె భర్త కిందకు లాగి కత్తితో పొడిచే ప్రయత్నం చేయగా స్థానికులు అడ్డుకున్నారు. వారిని నెట్టేసి ఆమె ఛాతీలో నాలుగైదుసార్లు పొడవడంతో తీవ్ర రక్తస్రావమై కిందపడిపోయింది. స్థానికులు ఆమెను ప్రభుత్వ ఆస్పత్రికి తరలించగా చికిత్స పొందుతూ మృతి చెందింది. పోలీసులు నిందితుడిని అదుపులోకి తీసుకున్నారు. మృతురాలి పెద్దమ్మ వెంకమ్మ ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. ఉలిక్కిపడిన కోదాడకోదాడ పట్టణ పోలీస్‌ స్టేషన్‌కు కూతవేటు దూరంలో జన సంచారం ఉండే బస్టాండ్‌ సెంటర్‌లో ఈ హత్య జరగడంతో పట్టణ ప్రజలు ఉలిక్కిపడ్డారు. హత్య జరిగిన వార్త వాట్సాప్‌లో ప్రచారం కావడంతో ప్రజలు భయబ్రాంతులకు గురయ్యారు.Cctv record Kodad lo near rk tea stall daggara murder jarigindi https://t.co/JTyAE5Roen pic.twitter.com/jNWyrK3DTt— chintu (@MchintuM) May 7, 2026

మోత్కూరు: దళిత బంధు నిధులు విడుదల కాకుండా ఎమ్మెల్యే మందుల సామేల్‌ అడ్డుకుంటున్నారని పలువురు లబ్ధిదారులు ఆరోపించారు. ఈవిషయంలో మోతూరులో ఎమ్మెల్యేతో వారు వాగ్వాదానికి దిగారు. ఈ సందర్భంగా విలేకరులో వారు మాట్లాడారు. గత ప్రభుత్వం దళిత బంధు పథకాన్ని మొదటి విడత విజయవంతంగా అమలు చేసిందని , 2023లో రెండో విడతలో భాగంగా మోత్కూరు, అడ్డగూడూరు మండలాలకు చెందిన 254 మంది లబ్ధిదారుల అకౌంట్లలో రూ.3 లక్షల చొప్పన జమ చేసిందన్నారు. అసెంబ్లీ ఎన్నికలు వచ్చి కోడ్‌ అమల్లోకి రావడంతో రూ.3 లక్షలు జమ చేసిన బ్యాంకు ఖాతాలను ఫ్రీజ్‌ చేసిందన్నారు. అంతటితో పథకం ఆగిపోయిందని కానీ యూనిట్లు మంజూరైన వారికి గ్రౌండింగ్‌ పూర్తి చేయాలని 2025లో ఎస్సీ కార్పొరేషన్‌ ఎం.డీ ఆదేశాలు జారీ చేశారన్నారు. రాష్ట్రంలో అన్ని జిల్లాల్లో అమలుకు చర్యలు తీసుకున్నారుకానీ యాదాద్రి భువనగిరి జిల్లాలో మాత్రం పట్టించుకోవడం లేదని ఆరోపిస్తున్నారు. అడ్డగూడూరు, మోత్కూరు మండలాలకు చెందిన 254 మంది కుటుంబాల లబ్ధిదారులకు మాత్రం నిధులు విడుదల కాకుండా ఎమ్మెల్యే అడ్డుకుంటున్నారని ఆరోపిస్తున్నారు. ఒక దళిత ఎమ్మెల్యే అయి ఉండి దళితుల పొట్ట కొడుతున్నాడని ఆందోళన వ్యక్తం చేశారు. ఎమ్మెల్యే చొరవ తీసుకొని గ్రౌండింగ్‌ పూర్తి చేసి నిధులు విడుదలయ్యేలా చూడాలని లేకుంటే రాష్ట్ర సచివాలయాన్ని ముట్టడిస్తామని హెచ్చరించారు. ఈ కార్యక్రమంలో దళిత బంధు లబ్ధిదారులు కూరెళ్ల రమేష్‌, బండి వెంకటేష్‌, దాసరి నరేష్‌, బుషిపాక శ్రీకాంత్‌, ఆనంద్‌, నాగరాజు, ఆనందం తదితరులు పాల్గొన్నారు. ఫ దళిత బంధు లబ్ధిదారుల ఆరోపణ ఫ ఎమ్మెల్యే సామేల్‌తో వాగ్వాదం

కోదాడరూరల్‌ : ఏళ్ల తరబడి అద్దె భవనాల్లో కొనసాగుతున్న కోదాడ రవాణా శాఖ కార్యాలయం ఎట్టకేలకు బుధవారం గుడిబండ శివారులోని సొంత భవనంలోకి మారింది. ప్రభుత్వ గుడిబండ శివారులోని లెప్రసీ వైద్యశాలలో రెండు ఎకరాల స్థలాన్ని కేటాయించడంతో అధికారులు కార్యాలయాన్ని అక్కడి తరలించారు. అక్కడ ఉన్న పాత భవనానికి మరమ్మతులు చేసి కార్యకలాపాలు ప్రారంభించారు. ఇక నుంచి వాహనదారులు గుడిబండకు రావాలని అధికారులు తెలిపారు. ఈ కార్యక్రమంలో ఉమ్మడి జిల్లా డిప్యూటీ ట్రాన్స్‌పోర్టు కమిషనర్‌ ఎన్‌.వాణి, డీటీఓ జయప్రకాశ్‌రెడి, ఎంవీఐ ఎస్‌కె.జిలానీ, సిబ్బంది పాల్గొన్నారు. ఆలయ భూముల కౌలుపై బహిరంగ విచారణహుజూర్‌నగర్‌ : అమరవరంలోని శ్రీఅమరలింగేశ్వరస్వామి ఆలయ భూముల కౌలు విషయమై బుధవారం ఆలయ ఈఓ గుజ్జుల కొండారెడ్డి విచారణ జరిపారు. ఈ సందర్భంగా ఆయన మాట్లాడుతూ.. ఆలయ అర్చకులకు చెందిన భూముల కౌలు విషయంలో కొందరు దేవాదాయ శాఖ సహాయ కమిషనర్‌కు ఫిర్యాదు చేసినట్లు తెలిపారు. ఏసీ ఆదేశాల మేరకు ఉపసర్పంచ్‌ కర్నాటి వీర నాగిరెడ్డి, ఆలయ అర్చకులు, గ్రామస్తుల సమక్షంలో బహిరంగ విచారణ జరిపినట్లు ఆయన చెప్పారు. విచారణ నివేదికను ఏసీకి సమర్పించనున్నట్లు ఆయన తెలిపారు. అర్చకులు ఎల్‌.లక్ష్మమ్మ, నగేష్‌శర్మ, పాల్గొన్నారు. నిస్వార్థంగా ప్రజాసేవ చేస్తేనే గుర్తింపునకిరేకల్‌ : ప్రజలకు నిస్వార్థంగా సేవ చేస్తేనే ప్రజాప్రనిధులకు మంచి గుర్తింపు లభిస్తుందని ప్రభుత్వ విప్‌, నకిరేకల్‌ ఎమ్మెల్యే వేముల వీరేశం అన్నారు. నకిరేకల్‌ మున్సిపల్‌ పాలవర్గం ఐదేళ్ల పదవీకాలం బుధవారంతో ముగియడంతో మున్సిపల్‌ కార్యాలయం ఆవరణలో పాలకవర్గానికి ఏర్పాటు చేసిన వీడ్కోలు, సన్మాన కార్యక్రమానికి ఆయన హాజరయ్యారు. ఈ సందర్భంగా పాలకవర్గాన్ని ఘనంగా సన్మానించి మాట్లాడారు. రాజకీయ నాయకులకు పదవీ విరమణ అనేది ఉండదని, రాబోయే రోజుల్లోనూ మరిన్ని పదవులు అధిరోహించేలా ప్రజలకు సేవలందించాలన్నారు. మున్సిపల్‌ చైర్‌పర్సన్‌ చౌగోని రజితా శ్రీనివాస్‌గౌడ్‌ అధ్యక్షతన జరిగిన ఈ వీడ్కోలు సన్మాన కార్యక్రమంలో మున్సిపల్‌ వైస్‌ చైర్‌పర్సన్‌ మురారిశెట్టి ఉమారాణి కృష్ణమూర్తి, కౌన్సిలర్లు కందాల భిక్షంరెడ్డి, రాచకొండ సునీల్‌, గాజుల సుకన్య, పన్నాల పావని శ్రీనివాస్‌రెడ్డి, యాసారపు లక్ష్మీవెంకన్న, మట్టిపల్లి కవితా వీరు, గర్శకోటి సైదులు, పోతుల సునీత రవీందర్‌, చౌగోని అఖిల లక్ష్మీనారయణ, చౌగోని రాములమ్మ సైదులు, గడ్డం స్వామి, వంటెపాక సోమలక్ష్మి, బానోతు వెంకన్న తదితరులు పాల్గొన్నారు.

భానుపురి (సూర్యాపేట) : రైతులను నిలువునా ముంచే నకిలీ విత్తనాల విక్రయదారుల పట్ల కఠినంగా వ్యవహరిస్తామని కలెక్టర్‌ తేజస్‌ నంద్‌లాల్‌ పవార్‌ హెచ్చరించారు. మండల స్థాయిలో టాస్క్‌ ఫోర్స్‌, పోలీసులు, వ్యవసాయ అధికారులు సమన్వయంతో ప్రత్యేక తనిఖీలు చేపట్టాలని, రైతులు కూడా గుర్తింపు పొందిన డీలర్ల వద్దే విత్తనాలు కొనుగోలు చేయాలని సూచించారు. బుధవారం సూర్యాపేట వ్యవసాయ మార్కెట్‌ యార్డులో శ్రీప్రజా పాలన – ప్రగతి ప్రణాళికశ్రీలో భాగంగా మార్కెటింగ్‌, అనుబంధ శాఖలు, ఉద్యాన పట్టు పరిశ్రమ, పశు సంవర్థక శాఖ ఆధ్వర్యంలో నిర్వహించిన రైతు అవగాహన కార్యక్రమంలో ఆయన పాల్గొన్నారు. సాగు విధానాలు, ప్రభుత్వ పథకాలపై రైతులకు దిశానిర్దేశం చేశారు. సూర్యాపేటలో నూతనంగా భూ పరీక్ష కేంద్రాన్ని ఏర్పాటు చేసినట్లు కలెక్టర్‌ వెల్లడించారు. భూసార పరీక్షల నివేదిక ఆధారంగా ఏ భూమిలో ఏ పంట వేస్తే అధిక దిగుబడి వస్తుందో వ్యవసాయ అధికారులు సూచిస్తారని తెలిపారు. పర్యావరణ పరిరక్షణ, ఖర్చు తగ్గింపులో భాగంగా నానో యూరియా వినియోగంపై రైతుల్లో అవగాహన పెంచాలని అధికారులను ఆదేశించారు. వ్యవసాయాన్ని లాభసాటిగా మార్చేందుకు ప్రభుత్వం ఆధునిక సాంకేతికతను, ప్రోత్సాహకాలను అందిస్తోందని తెలిపారు. వ్యవసాయ మార్కెట్‌ కమిటీ చైర్మన్‌ కొప్పుల వేణారెడ్డి మాట్లాడుతూ.. త్వరలోనే సూర్యాపేటలో మామిడి మార్కెట్‌ ప్రారంభం కాబోతున్నట్లు వెల్లడించారు. సూర్యాపేటలో నిరుపయోగంగా ఉన్న ఇంటిగ్రేటెడ్‌ మార్కెట్‌ను రూ.31లక్షలతో మరమ్మతులు పూర్తి చేసి త్వరలోనే మంత్రి ఉత్తమ్‌ కుమార్‌ రెడ్డి చేతుల మీదిగా ప్రారంభిస్తామని పేర్కొన్నారు. ఈ కార్యక్రమంలో మార్కెట్‌ కమిటీ వైస్‌ చైర్మన్‌ గట్టు శ్రీనివాసరావు, మున్సిపల్‌ వైస్‌ చైర్మన్‌ షఫీ ఉల్లా, జిల్లా వ్యవసాయ శాఖ అధికారి శ్రీధర్‌రెడ్డి, జిల్లా మార్కెటింగ్‌ అధికారి నాగేశ్వర్‌ శర్మ, జిల్లా సహకార అధికారి ప్రవీణ్‌ కుమార్‌ తదితరులు పాల్గొన్నారు.ఫ కలెక్టర్‌ తేజస్‌ నంద్‌లాల్‌ పవార్‌

అనంతగిరి : తల్లిదండ్రులు లేని, వదిలివేయబడిన పిల్లలకు మిషన్‌ వాత్సల్య పథకం వరం లాంటిదని బాలల పరిరక్షణ కోదాడ ప్రాజెక్ట్‌ అధికారి విద్యాసాగర్‌ అన్నారు. బుధవారం అనంతగిరి మండల కేంద్రంలోని గ్రామపంచాయితీ కార్యాలయంలో బుధవారం బాలల పరిరక్షణ విభాగం, మహిళా శిశు సంక్షేమ శాఖ ఆధ్వర్యంలో గ్రామ స్థాయి బాలల పరిరక్షణ కమిటీని ఏర్పాటు చేశారు. ఈ సందర్భంగా మిషన్‌ వాత్సల్య పథకం, బాలల చట్టాలపై నిర్వహించిన అవగాహన సదస్సులో ఆయన మాట్లాడారు. మిషన్‌ వాత్సల్య పథకం కింద నెలకు రూ.4వేలతో పాటు రక్షణ, సంరక్షణ అవసరమైన పిల్లలకు బాలల హోమ్స్‌లో ఆశ్రయం కల్పించనున్నట్లు తెలిపారు. ఐసీడీఎస్‌ సూపర్‌వైజర్‌ రజిని మాట్లాడుతూ.. బాల్యవివాహాలు చేయడం నేరమని తెలిపారు. కార్యక్రమంలో సర్పంచ్‌ నకిరికంటి వీరభద్రమ్మ, ఉసర్పంచ్‌ గవిని రామకృష్ణ యాదవ్‌, ఏఎస్‌ఐ లింగారెడ్డి, పంచాయతీ కార్యదర్శి శ్రీవిద్య, అంగన్‌వాడీ టీచర్లు సుగుణమ్మ, నర్సమ్మ, ఆశా కార్యకర్త, గర్భిణులు, బాలింతలు, మహిళలు, తదితరులు పాల్గొన్నారు.

సూర్యాపేట అర్బన్‌ : జనగణనలో భాగంగా ఆన్‌లైన్‌లో స్వీయ గణన చేసుకోవడం ప్రతి ఒక్కరి బాధ్యత అని సూర్యాపేట మున్సిపల్‌ చైర్‌ పర్సన్‌ మొరిశెట్టి నివేదిత లక్షాది అన్నారు. ప్రజలందరూ స్వచ్ఛందంగా తమ వివరాలను నమోదు చేసుకోవాలని కోరుతూ బుధవారం జిల్లా కేంద్రంలో మారథాన్‌ ర్యాలీ నిర్వహించారు. ర్యాలీని ప్రారంభించిన అనంతరం చైర్‌ పర్సన్‌ మీడియాతో మాట్లాడుతూ స్వీయ గణన ద్వారా ప్రజలు తమ వివరాలను స్వయంగా, ఖచ్చితత్వంతో నమోదు చేసుకునే అవకాశం ఉందని తెలిపారు. ఈ నెల 10వ తేదీ లోపు ఆన్‌లైన్‌ పోర్టల్‌ లేదా మొబైల్‌ యాప్‌ ద్వారా కుటుంబం వివరాలను నమోదు చేసుకోవాలని విజ్ఞప్తి చేశారు. కార్యక్రమంలో మున్సిపల్‌ వైస్‌ చైర్మన్‌ షఫీ ఉల్లా, ఆర్డీఓ ఆర్‌. వేణు మాధవరావు, సీపీఓ ఎల్‌.కిషన్‌, సెన్సెస్‌ జిల్లా ఇన్‌చార్జి ఇస్లావత్‌ హోబాలాల్‌, డీఎంహెచ్‌ఓ డాక్టర్‌ పెండెం వెంకటరమణ, మున్సిపల్‌ కమిషనర్‌ సీహెచ్‌. హనుమంతరెడ్డి, కలెక్టర్‌ కార్యాలయ, రెవెన్యూ, మున్సిపల్‌ సిబ్బంది, ఎన్యూమరేటర్లు, సూపర్‌వైజర్లు పాల్గొన్నారు.

సూర్యాపేటటౌన్‌ : ఉద్యోగోన్నతితో బాధ్యతలు పెరుగుతాయని ఎస్పీ నరసింహ అన్నారు. ఆర్ముడ్‌ రిజర్వ్‌లో అసిస్టెంట్‌ సబ్‌ ఇన్‌స్పెక్టర్‌గా పనిచేస్తున్న వెంకన్న, తిరుపతయ్యలు ఆర్‌ఎస్‌ఐలుగా ప్రమోషన్‌ పొందారు. అదేవిధంగా హెడ్‌ క్వార్టర్స్‌లో ఏఎస్‌ఐగా పనిచేస్తున్న రామకోటి ఎస్‌ఐగా, గరిడేపల్లి పీఎస్‌లో హెడ్‌ కానిస్టేబుల్‌ వెంకటయ్యకు ఏఎస్‌ఐగా ప్రమోషన్‌ వచ్చింది. బుధవారం జిల్లా పోలీస్‌ కార్యాలయంలో ఎస్పీ నరసింహ వారికి ప్రమోషన్‌ ఉత్తర్వులు అందజేసి శుభాకాంక్షలు తెలిపారు. విధి నిర్వహణలో అప్రమత్తంగా ఉండి ప్రజలకు ఉత్తమ సేవలు అందించాలని సూచించారు. ఆరోగ్యం పట్ల, కుటుంబాల పట్ల జాగ్రత్తలు తీసుకోవాలన్నారు. ఈ కార్యక్రమంలో ఏఆర్‌ డీఎస్పీ నరసింహచారి పాల్గొన్నారు. అకాల వర్షాలతో జాగ్రత్తరానున్న మూడు రోజులు వడగండ్లతో కూడిన వర్షం కురిసే అవకాశం ఉన్నట్లు వాతావరణ శాఖ సూచించిందని, ధాన్యం ఆరబోసిన రైతులు అప్రమత్తంగా ఉండాలని ఎస్పీ నరసింహ సూచించారు. బుధవారం సూర్యాపేట మండలంలోని పిన్నాయిపాలెం గ్రామ శివారులో ధాన్యం ఆరబోసిన రైతులతో మాట్లాడి జాగ్రత్తలు పాటించాలని సూచనలు చేశారు. పంట తడవకుండా టార్పాలిన్లు, పట్టాలు అందుబాటులో ఉంచుకోవాలని కోరారు. ఎండ వేడి వల్ల వడదెబ్బకు గురికాకుండా జాగ్రత్తలు పాటించాలన్నారు.

నడిగూడెం : నాగార్జునసాగర్‌ ఎడమ కాల్వ ఆధునీకరణ పనులు ఈ ఏడాది చేపట్టే పరిస్థితి కనిపించడం లేదు. సాగర్‌ ఎడమ కాల్వ నడిగూడెం మండల పరిధిలో.. కృష్ణానగర్‌ డీప్‌కట్‌ (119 కిలో మీటరు) నుంచి రామాపురం, చాకిరాల, సిరిపురం గ్రామాల మీదుగా కాగితరామచంద్రాపురం వరకు (132 కిలో మీటరు వరకు) ఉంది. ఈ కాల్వ క్రింద ఎల్‌–33, ఎల్‌–34, ఎల్‌–35, ఎల్‌–36 ఎత్తిపోతల పథకాలతో పాటు, కొమరబండ మేజరు, కొత్తగూడెం మేజరు, పాలారం మేజరు కాల్వలున్నాయి. వీటి కింద నడిగూడెం మండలంతో పాటు, అనంతగిరి, కోదాడ మండలాలకు ఆయకట్టు విస్తరించి ఉంది. అయితే, రామాపురం, చాకిరాల, సిరిపురం, కాగితరామచంద్రాపురం గ్రామాల సమీపాన పలు చోట్ల కాల్వ లైనింగ్‌ దెబ్బతిన్నది. కొన్ని చోట్ల కాల్వ కట్ట బలహీనంగా మారింది. సిరిపురం డీప్‌కట్‌ సమీపాన కాల్వ కట్టకు వర్షపు నీటితో లోతైన బుంగలు ఏర్పడ్డాయి. గతంలో 2008 సంవత్సరం నుంచి 2016 సంవత్సరం వరకు సాగర్‌ ఎడమ కాల్వకు ప్రపంచ బ్యాంకు నిధులతో ఆధునీకరణ పనులు చేపట్టారు. కానీ, అప్పట్లో పలు చోట్ల కాల్వ కట్ట బాగుండంతో ఆ ప్రాంతాలలో పనులు చేపట్టలేదు. దీంతో నేడు ఆ కాల్వ కట్టలు బలహీనమై ప్రమాదకరంగా మారాయి. లైనింగ్‌ దెబ్బతిన్నది. ఎలాంటి ప్రమాదం జరగకముందే మరమ్మతులు చేపట్టాలని రైతులు కోరుతున్నారు. రెండేళ్ల క్రితం భారీగా గండ్లు2024 సెప్టెంబరులో భారీ వర్షాలు కురవడంతో పాలేరు రిజర్వాయర్‌ వెనుక జలాలు సాగర్‌ కాల్వలోకి రావడంతో రెండు చోట్ల గండ్లు పడి కాల్వ తెగిపోయింది. కాగితరామచంద్రాపురం సమీపాన 132 కిలోమీటరు వద్ద, ఖమ్మం జిల్లా పరిధిలో 133 కిలో మీటరు వంతెన వద్ద గండ్లు పడడంతో నడిగూడెం, అనంతగిరి మండలాలతో పాటు ఖమ్మం జిల్లా కూసుమంచి మండలంలో వందల ఎకరాలు పంట పొలాలు నీట మునిగాయి. అప్పుడు ప్రభుత్వం అత్యవసరంగా రూ.2.10 కోట్లు నిధులు మంజూరు చేసి, యుద్ధ ప్రాతిపదికన కట్టకు పడిన గండ్లను తాత్కాలికంగా పూడ్చివేశారు. ప్రభుత్వం స్పందించి సాగర్‌ కాల్వ లైనింగ్‌ దెబ్బతిన్న ప్రాంతంలో శాశ్వత మరమ్మతులు చేపట్టాలని, వర్షా కాలం లోపే పనులు మొదలుపెట్టాలని రైతులు విజ్ఞప్తి చేస్తున్నారు. దెబ్బతింటున్న తూములు నడిగూడెం మండల పరిధిలోని చాకిరాల 123 కిలో మీటరు వద్ద కొత్తగూడెం మేజరు తూము, కాగితరామచంద్రాపురం వద్ద ఉన్న మాధారం తూములకు ఏళ్ళ తరబడి మరమ్మతులు లేకపోవడంతో దెబ్బతింటున్నాయి. తూముల వెంట ఉన్న కట్ట లైనింగ్‌ దెబ్బతిని కోతకు గురవుతోంది. నిధులు మంజూరైన వెంటనే పనులు చేపడతాం కాగితరామచంద్రాపురం సమీపాన 132 కిలో మీటరు వద్ద శాశ్వత పనులు చేసేందుకు రూ.1.36 కోట్లు అంచానాలతో ప్రభుత్వానికి ప్రతిపాదనలు పంపాము. నిధులు మంజూరైన వెంటనే పనులు చేపడుతాము. మిగతా చోట్ల కాల్వ కట్టల మరమ్మతు అంశం ప్రభుత్వం దృష్టికి తీసుకెళ్లాం. రామాపురం వద్ద కొమరబండ మేజరు కాల్వ తూముకు రూ.74.75 లక్షలతో శాశ్వతంగా కొత్త తూము నిర్మిస్తున్నాం. రెండు నెలల్లో పనులు పూర్తవుతాయి. – రఘు, నీటి పారుదల శాఖ డీఈఫ గతంలో కాల్వ తెగి వందల ఎకరాల్లో మునిగిన పంట ఫ అప్పట్లో తాత్కాలికంగానే మరమ్మతు ఫ కాల్వ ఆధునీకరణ పనులు చేపట్టాలని రైతుల వినతి ఫ వర్షాకాలం సమీపిస్తున్నా పనుల ఊసే లేదు

సూర్యాపేటటౌన్‌ : నీట్‌ పరీక్ష ఆదివారం ప్రశాంతంగా జరిగింది. జిల్లాలో మొత్తం ఐదు పరీక్ష కేంద్రాలు ఏర్పాటు చేశారు. మొత్తం 887 మంది విద్యార్థులకు 865 మంది హాజరయ్యారు. మధ్యాహ్నం 2 గంటల నుంచి సాయంత్రం 5 గంటల వరకు పరీక్ష జరిగింది. ఉదయం 11 గంటల నుంచే విద్యార్థులకు పరీక్ష కేంద్రంలోకి అనుమతించారు. మధ్యాహ్నం 1.30 గంటల వరకు విద్యార్థులను క్షుణ్ణంగా పరీక్షించి మరీ పరీక్ష కేంద్రంలోకి అనుమతించారు. పరీక్ష కేంద్రాల వద్ద పోలీసులు భారీ భద్రత ఏర్పాటు చేశారు. అధికారులు సైతం ఎప్పటికప్పుడు పరీక్ష కేంద్రాలను సందర్శించి పరీక్ష జరుగుతున్న తీరును పరిశీలించారు. 865 మంది హాజరు జిల్లా కేంద్రంలోని ప్రభుత్వ జూనియర్‌ కళాశాలలో 168 మంది విద్యార్థులకు 164 మంది, తెలంగాణ మైనార్టీ రెసిడెన్షియల్‌ స్కూల్‌ దురాజ్‌పల్లిలో 240 మందికి 236, తెలంగాణ మోడల్‌స్కూల్‌ ఇమాంపేటలో 240 మందికి 233, జిల్లా కేంద్రంలోని తెలంగాణ సోషల్‌ వెల్ఫేర్‌ రెసిడెన్షియల్‌ బాలుర జూనియర్‌ కళాశాల 144 మంది విద్యార్థులకు 141 మంది, తెలంగాణ సోషల్‌ వెల్ఫేర్‌ కళాశాల ఇమాంపేటలో 95 మంది విద్యార్థులకు గాను 91 మంది హాజరయ్యారు. మొత్తం మీద 97.5శాతం హాజరు నమోదైంది. నీట్‌ పరీక్ష సందర్భంగా జిల్లాలో ఏర్పాటు చేసిన ఐదు కేంద్రాల వద్ద పోలీసులు పటిష్ట బందోబస్తు ఏర్పాటు చేశారు. సూర్యాపేటలోని ప్రభుత్వ జూనియర్‌ కళాశాల, తెలంగాణ సోషల్‌ వెల్ఫేర్‌ రెసిడెన్షియల్‌ కళాశాల వద్ద బందోబస్తు ఏర్పాట్లను ఎస్పీ నరసింహ పరిశీలించారు. ఈ సందర్భంగా ఆయన మాట్లాడుతూ నిబంధనల మేరకు పరీక్ష కేంద్రాల వద్ద పోలీసు భద్రత కల్పించామన్నారు. పరీక్ష సామగ్రి, పత్రాల తరలింపులో అధికారులతో సమన్వయం చేసుకుంటూ తగిన జాగ్రత్తలు తీసుకున్నట్లు చెప్పారు. విద్యార్థులకు అసౌకర్యం కలుగకుండా ఏర్పాట్లు చేసినట్లు పేర్కొన్నారు. ఆయన వెంట పట్టణ సీఐ వెంకటయ్య, నిర్వాహణ అధికారులు ఉన్నారు. ఫ జిల్లాలో ఐదు సెంటర్లలో నిర్వహణ ఫ 97.5శాతం మంది విద్యార్థులు హాజరు

గరిడేపల్లి : సమాజ ఉన్నతికి విద్య కీలకమని తెలంగాణ విద్యా కమిషన్‌ చైర్మన్‌ ఆకునూరి మురళి అన్నారు. ఆదివారం గరిడేపల్లి మండల పరిధిలోని వెలిదండ గ్రామంలో గ్రామ విద్యాభివృద్ధి కమిటీ ఆధ్వర్యంలో నిర్వహించిన సాంస్కృతిక మేళా కార్యక్రమంలో ఆయన పాల్గొని మాట్లాడారు. ప్రభుత్వ పాఠశాలలను పూర్తి సౌకర్యాలతో నిర్వహించినప్పుడే ఉత్తమ సమాజం ఆవిష్కరించబడుతుందన్నారు. రాష్ట్రంలో ప్రభుత్వ పాఠశాలల్లో చదువుతున్న విద్యార్థుల సంఖ్య వేగంగా పడిపోతోందని, విద్యార్థులందరికీ ఉచితంగా నాణ్యమైన విద్యను అందించటానికి తెలంగాణ పబ్లిక్‌ స్కూల్‌ విధానాన్ని ప్రయోగాత్మకంగా అమలు చేస్తున్నట్లు తెలిపారు. ప్రజల అభివృద్ధి ఎజెండాలో విద్య ముందుగా ఉండాలని పేర్కొన్నారు. తగినన్ని తరగతి గదులు, తగినంత మంది ఉపాధ్యాయులు, గ్రంథాలయం, ల్యాబ్‌లు, ఆట స్థలంతో పాఠశాలలు వికసిల్లాలని ఆకాంక్షించారు. ఈ కార్యక్రమంలో ప్రజా గాయని విమలక్క, పోటు రంగారావు, అంబటి నాగయ్య, పోటు రామారావు, మేదరమట్ల వెంకటేశ్వరరావు, మేకల నాగేశ్వరరావు, గ్రామాభివృద్ధి కమిటీ సభ్యులు పాల్గొన్నారు ఫ తెలంగాణ విద్యా కమిషన్‌ చైర్మన్‌ ఆకునూరి మురళి

మఠంపల్లి : మట్టపల్లి లక్ష్మీనరసింహస్వామి తిరుకల్యాణోత్సవంలో భాగంగా ఆదివారం అర్చకులు వసంతసేవ, చక్రతీర్థం, మహాలక్ష్మీహోమం, మహాపూర్ణాహుతిని వైభవంగా నిర్వహించారు. ఈ సందర్భంగా ఆలయంలో వైఖానస సంప్రదాయంలో ప్రాతఃకాలార్చన, సుప్రభాతసేవ, ద్రవిడ ప్రబంధ సేవాకాలం, మూలవిరాట్‌కు పంచామృతాభిషేకం, ప్రత్యేకఅర్చనలు చేశారు. అనంతరం మంగళ వాయిద్యాలు, వేదమంత్రాలతో వసంతసేవ, చక్రతీర్థస్నానానికి స్వామి, అమ్మవార్లను తరలించారు. ప్రహ్లాద స్నానఘట్టం వద్ద అర్చకులు, ధర్మకర్తలు ప్రభోది మంత్ర పుష్పనీరాజనాలతో రాజ్యలక్ష్మీ చెంచులక్ష్మీ సమేత లక్ష్మీనరసింహస్వామికి వసంతసేవ, చక్రతీర్థస్నానం నిర్వహించారు. అర్చకులు, ధర్మకర్తలు, భక్తులు రంగులు చల్లుకుంటూ కేరింతలతో వసంతసేవ సంబరాలు పూర్తి చేశారు. అనంతరం హోమం మహాపూర్ణాహుతి చేపట్టారు. సాయంత్రం దోపోత్సవం, అశ్వవాహనోత్సవం, ధ్వజారోహనం చేపట్టారు. తిరుకల్యాణోత్సాల్లో భాగంగా సోమవారం రాత్రి స్వామివారికి పుష్పయాగం, ద్వాదశ సేవలు, శృంగార డోలోత్సవం, పవళింపుసేవ నిర్వహించనున్నట్లు అర్చకులు తెలిపారు. కార్యక్రమంలో ఆలయ అనువంశిక ధర్మకర్తలు మట్టపల్లిరావు, విజయ్‌కుమార్‌, సర్పంచ్‌ రామిశెట్టి విజయశాంతి అప్పారావు, బజ్జూరు వెంకటరమణ, కాంతారావు, ఈఓ జ్యోతి, సహాయ యాజ్ఞికుడు నారాయణం హరికిరణాచార్యులు, అర్చకులు, ఆలయ సిబ్బంది, పెద్ద సంఖ్యలో భక్తులు పాల్గొన్నారు.

ప్రజా పాలన– ప్రగతి ప్రణాళికలో భాగంగా ప్రభుత్వం ఆరు రోజుల పాటు రైతు వారం కార్యక్రమం నిర్వహించనుంది. ఈ కార్యక్రమాలకు రైతులు హాజరై వ్యవసాయ, అనుబంధ శాఖలు, ఇతర శాఖలు అందించే విలువైన సలహాలు సూచనలు తీసుకోవాలి. ఈ కార్యక్రమాన్ని సద్వినియోగం చేసుకోవాలి. –శ్రీధర్‌రెడ్డి, జిల్లా వ్యవసాయశాఖ అధికారి భానుపురి (సూర్యాపేట) : ప్రజాపాలన– ప్రగతి ప్రణాళికలో భాగంగా రాష్ట్ర ప్రభుత్వం ఈ నెల 4 నుంచి 9 వరకు రైతు వారం నిర్వహించనుంది. కేంద్ర, రాష్ట్ర ప్రభుత్వాలు రైతులకు అమలు చేస్తున్న అభివృద్ధి, సంక్షేమ పథకాలపై వారికి అవగాహన కల్పించడంతో పాటు అవి రైతులకు చేరేలా చేయడమే లక్ష్యంగా ఈ కార్యక్రమాన్ని నిర్వహించనుంది. గ్రామ, మండల నియోజకవర్గ స్థాయిలో వ్యవసాయశాఖ, దాని అనుబంధ శాఖలు రైతువారం కార్యక్రమంలో భాగస్వాములు కానున్నాయి. వ్యవసాయంలో సాగు, సస్యరక్షణ చర్యలు, సేంద్రియ వ్యవసాయం, ఇతర అంశాలపై రైతులకు అవగాహన కల్పించనున్నారు. ఆరు రోజులపాటు కార్యక్రమాలు ఇలా.. ఫ సోమవారం జిల్లా వ్యవసాయ శాఖ ఆధ్వర్యంలో రైతు వేదికల్లో రైతులతో సమావేశం ఏర్పాటు చేసి నేల ఆరోగ్య పరిరక్షణ సమతుల్య ఎరువుల యాజమాన్యం, ప్రకృతి వ్యవసాయం అదే విధంగా పౌర సరపరాల శాఖ వినియోగదారులు కోరుకునే సన్న వరి రకాల సాగుపై రైతులకు అవగాహన కల్పించనున్నారు. భూసార పరీక్షల నిర్వహణ కోసం మట్టి నమూనాలను సేకరించనున్నారు. ఫ మంగళవారం ఉద్యానవన, మత్స్య శాఖతో పాటు మార్కెటింగ్‌ శాఖల ఆధ్వర్యంలో నియోజకవర్గ స్థాయిలో సమావేశాలు నిర్వహించనున్నారు. అందులో ఉద్యాన సాగు విస్తీర్ణం పెంపుదల ప్రత్యామ్నాయ పంటల సాగుతో పాటు ప్రభుత్వం అందించే సబ్సిడీపై రైతులకు అవగాహన కల్పించనున్నారు. పంటల దిగుబడులకు అవసరమైన మార్కెటింగ్‌ సౌకర్యాలపై రైతులకు అవగాహన కల్పిస్తారు. ఫ బుధవారం బ్యాంకులు, సహకార సంఘాల ఆధ్వర్యంలో రైతు వేదికల్లో రైతులతో సమావేశాలు నిర్వహిస్తారు. బ్యాంకుల ద్వారా రైతులకు అందించే దీర్ఘకాలిక, స్వల్పకాలిక పంట రుణాలు సహకార సంఘాల ద్వారా రైతులకు అందించే సేవలు, వ్యవసాయ ఉత్పత్తులకు మార్కెటింగ్‌ అవకాశాల అవగాహన కల్పిస్తారు. ఫ గురువారం నియోజకవర్గ స్థాయిలో విద్యుత్‌, రెడ్‌కో శాఖల ఆధ్వర్యంలో సమావేశాలు నిర్వహిస్తారు. అందులో వ్యవసాయ క్షేత్రాల్లో సౌర విద్యుత్‌ కేంద్రాల ఏర్పాటు, పీఎం కుసుమ్‌ వ్యవసాయ యాంత్రీకరణ, రుణాలపై ప్రభుత్వ సబ్సిడీ వినియోగం లాభాలపై అధికారులు రైతులకు వివరించనున్నారు. ఫ శుక్రవారం పశు సంవర్థక శాఖ, మత్స్య, నీటిపారుదల శాఖల ఆధ్వర్యంలో పాడిపరిశ్రమ, పశు జాతి అభివృద్ధి, దూడల ప్రదర్శన, గడ్డి విత్తనాలు, వేసవిలో పశు సంరక్షణపై గ్రామస్థాయిలో రైతులతో సమావేశాలు ఏర్పాటు చేయనున్నారు. మత్స్య శాఖ ఆధ్వర్యంలో చెరువులో కలుపు మొక్కల నివారణ, వ్యాధుల నివారణ, మత్స్య అధికోత్పత్తిపై వివరించానున్నరు. ఫ శనివారం గ్రామస్థాయిలో రైతులతో నీటిపారుదల శాఖ ఆధ్వర్యంలో సమావేశాలు నిర్వహించి సమర్థ నీటి విడుదల కోసం గేట్ల నిర్వహణ, ఎత్తిపోతల పథకాల మరమ్మతు, కాల్వలు, చెరువుల్లో కంపచెట్లు, గుర్రపుడెక్క తొలగింపు, సమతుల్య నీటి వినియోగం, కార్యాలయాల పరిశుభ్రతపై రైతులకు అవగాహన కల్పిస్తారు. ఫ జిల్లాలో నేటి నుంచి రైతులకు అవగాహన సదస్సులు ఫ వ్యవసాయ, అనుబంధ శాఖల ఆధ్వర్యంలో నిర్వహణ ఫ తొలిరోజు మట్టి నమూనా ఫలితాల కార్డులు అందజేత

అర్వపల్లి : ప్రత్యేక అవసరాలు గల పిల్లల కోసం నిర్వహించే భవిత కేంద్రాలకు సొంత భవనాలు సమకూరుతున్నాయి. తుంగతుర్తి నియోజకవర్గంలో జాజిరెడ్డిగూడెం, నాగారం, మద్దిరాల, నూతనకల్‌ మండలాల్లో భవిత కేంద్రాల భవనాలను నిర్మించారు. ఒక్కో భవనానికి రూ.9.50 లక్షలను ప్రభుత్వం విడుదల చేసింది. నాగారంలో పనులు పూర్తి చేసి రంగులు కూడా వేశారు. అర్వపల్లిలో రంగులు వేసే పనులు జరుగుతున్నాయి. నూతనకల్‌, మద్దిరాల మండలాల్లో పనులు పూర్తికావస్తున్నాయి. ఇప్పటివరకు భవనాలను శిథిలమైన, ఇరుకై న ప్రభుత్వ పాఠశాలల గదులలో నిర్వహిస్తున్నారు. నూతన భవనాలకు రంగురంగుల బొమ్మలతో ఆకర్షణీయంగా మార్చారు.

భానుపురి (సూర్యాపేట) : జిల్లాలోని పలు మండలాల్లో ఈదురు గాలులతో కూడిన అకాల వర్షం రైతులను ఆగమాగం చేసింది. ఆదివారం సాయంత్రం ఒక్కసారిగా మబ్బులు పట్టి ఈదురుగాలులు వీచాయి. అక్కడక్కడ వర్షం కురిసింది. దాంతో కొనుగోలు కేంద్రాల్లో ఉన్న తమ ధాన్యాన్ని కాపాడుకునేందుకు రైతులు ఉరుకులు పరుగులు తీశారు. సూర్యాపేట మార్కెట్‌ యార్డులో రైతులు పోసిన ధాన్యం కొంత మేరకు తడిసింది. ఈదురు గాలుల ధాటికి విద్యుత్‌ సరఫరాకు తీవ్ర అంతరాయం ఏర్పడింది. పగలు ఎండ.. సాయంత్రం వర్షం జిల్లాలో మూడు నాలుగు రోజులుగా ఎండ తీవ్రత అధికంగా ఉంటోంది. ఉష్ణోగ్రతలు 40 నుంచి 45 డిగ్రీల మధ్య నమోదవుతున్నాయి. ఆదివారం కూడా ఉదయం 9 గంటల నుంచే ఎండతీవ్రత, ఉక్కపోతతో ప్రజలు ఇబ్బంది పడ్డారు. సాయంత్రం నాలుగు గంటల సమయంలో ఒక్కసారిగా వాతావరణంలో మార్పులు చోటు చేసుకుని ఈదురుగాలులతో కూడిన జల్లులు పడ్డాయి. రైతుల పరుగులు సాయంత్రం నాలుగు గంటల సమయంలో ఆకా శం మేఘావృతమై ఈదురుగాలు వీయడంతో కొనుగోలు కేంద్రాల్లో ధాన్యం తడవకుండా కాపాడుకునేందుకు రైతులు పరుగులు తీశారు. ధాన్యం రాశులపై పట్టాలను కప్పుకునేందుకు ప్రయత్నించగా ఈదురు గాలుల ధాటికి కొట్టుకుపోవడంతో ఇబ్బంది పడ్డారు. చివ్వెంల, నాగారం, అర్వపల్లి మండలాల్లోని ఐకేపీ కేంద్రాల్లో ఉన్న ధాన్యం బస్తాలు, తిరుమలగిరి మార్కెట్‌లో పోసిన మక్కలు కొద్దిమేర తడిశాయి. సూర్యాపేట వ్యవసాయ మార్కెట్‌ యార్డులో సోమవారం ధాన్యం అమ్ముకునేందుకు ఆదివారం మధ్యాహ్నం నుంచి రైతులు తీసుకు వచ్చిన ధాన్యం రాశులు కొంత మేరకు తడిశాయి. మార్కెట్‌ సిబ్బంది అందించిన పట్టాలు ఈదురు గాలులకు లేచి పోయా యి. వర్షం పెద్దగా రాకపోవడంతో రైతులు ఊపిరి పీల్చుకున్నారు. ఫ పలు ప్రాంతాల్లో ఈదురు గాలులతో కూడిన మోస్తరు వర్షం ఫ తడిసిన ఐకేపీ కేంద్రాల్లోని ధాన్యం ఫ నేలకూలిన చెట్లు, విద్యుత్‌ స్తంభాలు ఫ విద్యుత్‌ సరఫరాకు తీవ్ర అంతరాయం

అర్వపల్లి : జాజిరెడ్డిగూడెం మండలం తిమ్మాపురంలోని అఖండజ్యోతి స్వరూప సూర్యనారాయణస్వామి క్షేత్రంలో ఆదివారం ప్రత్యేక పూజలు నిర్వహించారు. తెల్లవారుజామున స్వామిని ప్రత్యేకంగా అలంకరించి అభిషేకాలు జరిపారు. అనంతరం మహాసౌరహోమాన్ని నిర్వహించారు. క్షేత్ర ఆవరణలోని కార్యసిద్ధి వీరహనుమాన్‌, రామకోటి స్థూపాలను వివిధ ప్రాంతాల నుంచి వచ్చిన భక్తులు దర్శించుకున్నారు. కార్యక్రమంలో క్షేత్ర వ్యవస్థాపకులు కాకులారపు రజితజనార్ధన్‌, గణపురం నరేష్‌, ఇంద్రారెడ్డి, అర్చకులు భీంపాండే, అంకిత్‌పాండే, శ్రీరాంపాండే, భక్తులు పాల్గొన్నారు. ఇంటర్‌లో ప్రవేశానికి దరఖాస్తులుచిలుకూరు : మహాత్మా జ్యోతిబాఫూలే బీసీ గురుకులాల్లో ఇంటర్మీడియట్‌లో ప్రవేశానికి విద్యార్థులు దరఖాస్తు చేసుకోవాలని గురుకులాల జిల్లా కన్వీనర్‌ డాక్టర్‌ బాసిరెడ్డి లక్ష్మమ్మ ఆదివారం ఒక ప్రకటనలో సూచించారు. జిల్లాలోని 9 గురుకుల జూనియర్‌ కళాశాలలు ఉండగా.. ఇందులో 5 బాలుర, 4 బాలికల కళాశాలలు ఉన్నట్లు తెలిపారు. ఆయా కళాశాలల్లో ఇంటర్‌ ప్రథమ సంవత్సరంలో ప్రవేశానికి ఈ నెల 12 వరకు ఆన్‌లైన్‌లో దరఖాస్తు చేసుకోవాలని సూచించారు. 10వ తరగతి ఉత్తీర్ణీత సాధించిన వారు దరఖాస్తు చేసుకునేందుకు అర్హులని పేర్కొన్నారు. విద్యార్థులు ఈ అవకాశాన్ని వినియోగించుకోవాలని కోరారు. ఐఎన్‌టీయూసీ జిల్లా జనరల్‌ సెక్రటరీగా వెంకన్నసూర్యాపేట : ఐఎన్‌టీయూసీ జిల్లా జనరల్‌ సెక్రటరీగా బూర్గుల వెంకన్నను నియమించారు. ఈ మేరకు జిల్లా కేంద్రంలోని సంఘం భవన్‌లో ఆదివారం నిర్వహించిన ఐఎన్‌టీయూసీ ఆవిర్భావ దినోత్సవంలో యూనియన్‌ జిల్లా అధ్యక్షుడు ఆలకుంట్ల బాలృష్ణ, రాష్ట్ర ప్రధాన కార్యదర్శి ఎరగాని నాగన్న, రాష్ట్ర ఆర్గనైజింగ్‌ సెక్రటరీ బంటు చొక్కయ్యగౌడ్‌ వెంకన్నకు నియామక పత్రం అందించారు. ఈ సందర్భంగా వెంకన్న మాట్లాడుతూ తన నియామకానికి కృషి చేసిన వారికి కృతజ్ఞతలు తెలిపారు. కార్మికులు ఎదుర్కొంటున్న సమస్యల పరిష్కారానికి కృషి చేస్తానన్నారు. జాబ్‌మేళా విజయవంతం నల్లగొండ : నల్లగొండలో నిర్వహించిన మెగా జాబ్‌మేళా విజయవంతం అయ్యిందని జిల్లా యువజన సర్వీసులు, క్రీడల అభివృద్ధి అధికారి అక్బర్‌ అలి ఆదివారం ఒక ప్రకటనలో తెలిపారు. జాబ్‌ మేళాలకు ఈ నెల 2న 125 కంపెనీలు, 2000 మంది నిరుద్యోగులు హాజరు కాగా, 3న 23 కంపెనీలు, 150 మంది నిరుద్యోగులు హాజరైనట్లు తెలిపారు. ఈ జాబ్‌మేళా ద్వారా అనేక మందికి ఉద్యోగాలు లభిచాయని తెలిపారు. ధ్యానంతో ఆరోగ్యాన్ని కాపాడుకోవచ్చు అర్వపల్లి : ధ్యానంతో ప్రతి ఒక్కరూ ఆరోగ్యాన్ని కాపాడుకోవచ్చని సూర్యాపేట హార్ట్‌ఫుల్‌ నెస్‌ సంస్థ ఇన్‌చార్జి ఎం. వెంకటరంగారావు అన్నారు. అర్వపల్లిలోని ధ్యాన శిక్షణ కేంద్రంలో ఆదివారం శ్రీరామచంద్రమిషన్‌, హార్ట్‌ఫుల్‌నెస్‌ సంస్థల ఆధ్వర్యంలో ఉచిత ధ్యాన శిక్షణ కార్యక్రమాన్ని నిర్వహించారు. ధాన్యంతో మానసిక ప్రశాంతత చేకూరుతుందన్నారు. ఈ కేంద్రంలో ప్రతి ఆదివారం ధ్యాన శిక్షణ ఇస్తున్నట్లు చెప్పారు. చుట్టు పక్కల మండలాల ప్రజలు ఈ ధ్యాన శిక్షణ కార్యక్రమానికి హాజరుకావాలని కోరారు. ఈ కార్యక్రమంలో అభ్యసకులు వనం రమేష్‌, మేకల సత్యనారాయణ, రాగి అనిల్‌, మనుబోతుల వీరయ్య, కేశబోయిన వీరయ్య, ఉమారాణి పాల్గొన్నారు.

అర్వపల్లి: ధాన్యం కొనుగోళ్లలో రాష్ట్ర ప్రభుత్వం విఫలమైందని సీపీఎం రాష్ట్ర కార్యదర్శి జాన్‌వెస్లీ విమర్శించారు. సూర్యాపేట జిల్లా జాజిరెడ్డిగూడెం మండలం రామన్నగూడెంలో బుధవారం ఎఫ్‌పీఓ ధాన్యం కొనుగోలు కేంద్రాన్ని సందర్శించారు. ఈసందర్భంగా ధాన్యాన్ని పరిశీలించి రైతులతో మాట్లాడారు. నూతనంగా ఏర్పాటు చేసిన యాప్‌ల ద్వారా రైతులు తీవ్ర ఇబ్బందులు పడుతున్నారని చెప్పారు. కొనుగోలు కేంద్రాలలో సమస్యలు తాండవిస్తున్నాయని తెలిపారు. తాలు, బెరుకుల సాకుతో మిల్లర్లు, నిర్వాహకులు రైతులను దొచుకుంటున్నారని ఆరోపించారు. లారీల కొరతతో కేంద్రాలలో ఎక్కడి ధాన్యం అక్కడే నిలిచిపోతోందన్నారు. ధాన్యం డబ్బులు వెంటనే చెల్లించాలన్నారు. సీఎం వెంటనే జోక్యం చేసుకొని ధాన్యం కొనుగోళ్లలో సమస్యలను పరిష్కరించి రైతులను ఆదుకోవాలని కోరారు. ఆయన వెంట సీపీఎం జిల్లా కార్యదర్శి మల్లు నాగార్జున్‌రెడ్డి, కొలిశెట్టి యాదగిరిరావు, మల్లు లక్ష్మి, ముల్కలపల్లి రాములు, నెమ్మాది వెంకటేశ్వర్లు, మండల కార్యదర్శి వజ్జె శ్రీనివాస్‌, పులుసు సత్యం, కోట రమేష్‌, స్కైలాబ్‌బాబు, దేవరకొండ యాదగిరి, వజ్జ వినయ్‌,బూర్గుల ప్రభాకర్‌ ఉన్నారు.ఫ సీపీఎం రాష్ట్ర కార్యదర్శి జాన్‌వెస్లీ

సూర్యాపేట అర్బన్‌ : సూర్యాపేట మున్సిపల్‌ పరిధిలోని 15వ వార్డు భాగ్యనగర్‌ కాలనీలో తాగునీటి సమస్యను పరిష్కరించాలని డిమాండ్‌ చేస్తూ ఆ కాలనీవాసులు బుధవారం ఖాళీ బిందెలతో సూర్యాపేట–దంతాలపల్లి రహదారిపై ఆందోళనకు దిగారు. ఈ సందర్భంగా పలువురు మాట్లాడుతూ ప్రజా ప్రతినిధులు, అధికారులకు ఎన్నిసార్లు విన్నవించిన కాలనీలోని నీటి సమస్యను తీర్చడం లేదని వాపోయారు. నెల రోజులుగా కనీస అవసరాలకు కూడా నీరు అందడం లేదని, గతంలో ఎన్నడూలేని విధంగా ఈసారి నీటి సమస్య తీవ్రరూపం దాల్చిందని ఆవేదన వ్యక్తం చేశారు. భాగ్యనగర్‌పై మున్సిపల్‌ అధికారులు ప్రత్యేక శ్రద్ధ వహించి నీటి సమస్యను పరిష్కరించాలని కోరారు. ఈ కార్యక్రమంలో కాలనీ వాసులు పెద్ద సంఖ్యలో పాల్గొన్నారు.

సూర్యాపేటటౌన్‌ : జూన్‌ 5వ తేదీ నుంచి 12వ తేదీ వరకు పది సప్లిమెంటరీ పరీక్షలు నిర్వహించనున్నట్లు జిల్లా విద్యాశాఖ అధికారి కె.అశోక్‌ బుధవారం ఒక ప్రకటనలో తెలిపారు. సప్లిమెంటరీ పరీక్ష కోసం మే 14వ తేదీ వరకు విద్యార్థులు పరీక్ష ఫీజు చెల్లించాలని, రూ.50 అపరాధ రుసుంతో పరీక్షకు రెండు రోజుల ముందు వరకు పరీక్ష ఫీజు చెల్లించుకోవచ్చని సూచించారు. విద్యార్థులు మార్కుల రీకౌంటింగ్‌ కోసం రూ.500 రుసుం చెల్లించాలని కోరారు. రీ వెరిఫికేషన్‌ కోసం విద్యార్థులు ఒక్కో సబ్జెక్టుకు రూ.1000 చెల్లించి రీవెరిఫికేషన్‌తో పాటు ఆన్సర్‌ బుక్‌ పొందవచ్చన్నారు. వివరాలకు పాఠశాల హెచ్‌ఎంను సంప్రదించాలని సూచించారు. తిరు కల్యాణోత్సవాలు ప్రారంభంమఠంపల్లి: మట్టపల్లి శ్రీలక్ష్మీనరసింహస్వామి క్షేత్రంలో మేనెల 4వ తేదీ జరగనున్న శ్రీరాజ్య లక్ష్మిచెంచులక్ష్మి సమేత శ్రీలక్ష్మీనరసింహస్వామి తిరుకల్యాణోత్సవాలను బుధవారం రాత్రి ఆలయ అనువంశిక ధర్మకర్తలు చెన్నూరు మట్టపల్లిరావు, విజయ్‌కుమార్‌ ,అర్చకులు ప్రత్యేక పూజలతో వైభవంగా ప్రారంభించారు. ఈనెల 30 అర్ధరాత్రి నుంచి శ్రీస్వామి వారి ఎదుర్కోళ్లతో కల్యాణోత్సవం ప్రారంభమై తెల్లవారు జామున ముగుస్తుందని అర్చకులు తెలిపారు. ఈసందర్భంగా విష్వక్సేనారాధన, పుణ్యాహవచనం, రుత్విగ్వరణం, రక్షాబంధనం, అఖండ దీపారాధన, మృత్యంగ్రహణం, అంకురారోపణం, ధ్వజారోహణం, నవకుంభారోపణము, అగ్ని ప్రతిష్ఠాపన పూజా కార్యక్రమాలను సహాయ యాజ్ఞీకులు హరికిరణాచార్యులు, అర్చకులు ఘనంగా నిర్వహించారు. ఈ కార్యక్రమంలో అర్చకులు తూమాటి శ్రీనివాసా చార్యులు, రామాచార్యులు, కృష్ణమాచార్యులు , పద్మనాభాచార్యులు బదరీనా రాయణా చార్యులు, లక్ష్మీనరసింహ మూర్తి, బ్రహ్మచార్యులు ,ఫణిభూషణ మంగాచార్యులు, ఆంజనేయాచార్యులు పాల్గొన్నారు. మట్టి నమూనా ఆధారంగా ఎరువుల వినియోగంకోదాడరూరల్‌ : రైతులు వ్యవసాయ భూముల్లో మట్టి నమూనా పరీక్షలు చేయించి, వాటి ఆధారంగా ఎరువులను వాడాలని కేవీకే గడ్డిపల్లి శాస్త్రవేత్త ఎ.కిరణ్‌ సూచించారు. బుధవారం మండల పరిధిలోని చిమిర్యాల రైతు వేదికలో కేవీకే, వ్యవసాయ శాఖ ఆధ్వర్యంలో సమగ్ర ఎరువుల యాజమాన్యంపై రైతులకు నిర్వహించిన అవగాహన సమావేశంలో ఆయన పాల్గొని మాట్లాడారు. యూరియా వాడకాన్ని తగ్గించడం ద్వారా నేల ఆరోగ్యాన్ని కాపాడుకోవచ్చని, పంట మార్పిడితో తెగుళ్లను నివారించవచ్చని తెలిపారు. పచ్చిరొట్ట ఎరువుల వాడకంతో భూసారాన్ని పెంచుకోవచ్చని చెప్పారు. రైతులు సంప్రదాయ పంటలతో పాటు వాణిజ్య, పప్పు దినుసులు, ఉద్యానవన పంటలను సాగు చేసి ఆర్థికంగా బలపడాలని అన్నారు. ఈ కార్యక్రమంలో ఎంఏఓ పాలెం రజిని, సర్పంచ్‌ కొత్త గురవయ్య, ఏఈఓ మహేష్‌, రైతులు పాల్గొన్నారు.

మఠంపల్లి : మండల కేంద్రంలోని మేరీమాత పుణ్యక్షేత్రం వార్షికోత్సవాలను పురస్కరించుకుని నిర్వహించిన రెండు రాష్ట్రాల స్థాయి ఎడ్ల పందేలు మంగళవారం అర్ధరాత్రి ముగిశాయి. శుభోదయ యువజన సంఘం అధ్యక్షుడు గాదె జయభారత్‌రెడ్డి బుధవారం విజేతలను ప్రకటించారు. సీనియర్స్‌ కేటగిరీలో ఏపీలోని బాపట్ల జిల్లా వేటపాలెంకు చెందిన గిత్తలు ప్రథమ బహుమతి గెలుపొందాయి. అదేవిధంగా రెండో బహుమతిని కృష్ణా జిల్లా ఎడ్లపాడు గిత్తలు, మూడో బహుమతిని గుంటూరు జిల్లా కాకుమాను గిత్తలు, నాలుగో బహుమతిని సూర్యాపేట జిల్లా మఠంపల్లికి చెందిన గాదె సుందరమ్మ గిత్తలు గెలుపొందాయి. విజేతలకు స్థానిక సర్పంచ్‌ వీరలక్ష్మిపాపయ్య, ఉప సర్పంచ్‌ కొత్తపల్లి శౌరీ, పాలకవర్గ సభ్యులు బహుమతులు అందజేశారు. ఈ కార్యక్రమంలో మాజీ సర్పంచ్‌ స్రవంతీకిషోర్‌రెడ్డి, మాజీ ఉప సర్పంచ్‌ లూర్థుమారెడ్డి, శుభోదయ యువజన సంఘం సభ్యులు, చర్చి కమిటీ సభ్యులు పాల్గొన్నారు. మేడేను జయప్రదం చేయాలిసూర్యాపేట అర్బన్‌ : మే ఒకటిన మేడే సందర్భంగా జిల్లాలోని అన్ని గ్రామాలలో ఎర్ర జెండాలు ఎగురవేయాలని టీయూసీఐ జిల్లా అధ్యక్షుడు గొడ్డలి నరసయ్య పిలుపునిచ్చారు. బుధవారం జిల్లా కేంద్రంలోని లెనిన్‌నగర్‌లో మేడే పోస్టర్‌ను ఆవిష్కరించి మాట్లాడారు. కేంద్రంలోని బీజేపీ ప్రభుత్వం కార్మిక హక్కులను కాలరాజేసందుకు లేబర్‌ కోడ్‌లను తీసుకు వచ్చిందన్నారు. నాలుగు లేబర్‌ కోడ్‌లు రద్దయ్యే వరకు కార్మిక లోకం ఉద్యమించాలని పిలుపునిచ్చారు. కార్యక్రమంలో పీడీఎస్‌యూ రాష్ట్ర మాజీ ఉపాధ్యక్షుడు ఎర్ర అఖిల్‌ కుమార్‌, టీయూసీఐ జిల్లా ఉపాధ్యక్షుడు ఎస్‌కే గులాం, జిల్లా కోశాధికారి ఐతరాజు వెంకన్న, నాయకులు భీమనపల్లి సురేష్‌, ప్రవీణ్‌, పాల్వాయి అనసూర్య, రేణుక, ఖాసీం, వెంకన్న పాల్గొన్నారు.

తిరుమలగిరి( తుంగతుర్తి) : యాసంగి సీజన్‌ ముగింపు దశకు వస్తోంది. వానాకాలం సాగుకు రైతులు సన్నాహాలు చేసుకుంటున్నారు. ఎరువుల కంపెనీలు మాత్రం అదును చూసి ఎరువుల ధరలను పెంచాయి. ఈ మేరకు డీలర్లకు ఆయా కంపెనీల ప్రతినిధులు సమాచారం ఇచ్చారు. దీంతో జిల్లాలోని రైతులపై ఆర్థిక భారం పడనుంది. ఎరువుల రకాలను బట్టి రూ. 75 నుంచి రూ. 350 వరకు ధరలు పెరగడం గమనార్హం. పశ్చిమాసియా దేశాలలో జరుగుతున్న యుద్ధ ప్రభావంతో ఎరువుల తయారీకి వాడే ముడిసరకుల ధరలు పెరిగాయి. సరకును రవాణ చేసే నౌకలకు బీమా సంస్థలు విధించే ప్రీమియం ఇతర పనులు ఎక్కువ కావడంతో ఎరువుల ధరలు పెంచామని కంపెనీ సంస్థలు చెబుతున్నాయి. రూ.300లకు విక్రయం యాసంగిలో రైతులకు సకాలంలో యూరియా దొరక్క తీవ్ర ఇబ్బందులు పడ్డారు. ఎరువులు అధికంగా వాడుతున్నారని యాప్‌ను తీసుకురావడంతో ఇబ్బందులు తొలగలేదు. బస్తా డీఏపీ వాస్తవ ధర రూ. 1,350 ఉంటే గిట్టుబాటు కావడం లేదని గతేడాది డీలర్లు విక్రయించేందుకు ఆసక్తి చూపలేదు. బస్తా యూరియా నిర్ణీత ధర రూ. 265లుండగా ఇప్పటికీ రూ. 300లకు విక్రయిస్తారు. 2.17లక్షల టన్నుల ఎరువుల వాడకం గ్రామాలలో పశు సంపద తగ్గిపోవడం సేంద్రియ ఎరువులు లేవు. దీంతో రైతులు తమ పంటలకు పోషకాలను అందించేందుకు రసాయన ఎరువులను వాడాల్సిన పరిస్థితి ఏర్పడింది. జిల్లాలో వానాకాలం సాధారణ సాగు 6.19 లక్షల ఎకరాల విస్తీర్ణం ఉంది. సుమారు 3.27 లక్షల వరకు రైతులు ఉన్నారు. జిల్లాలో ప్రధానంగా వరి, పత్తి, కంది, పెసర, జొన్న, వేరుశనగ వంటి పంటలను సాగుచేస్తున్నారు. రెండు సీజన్‌లకు గాను 2.17 లక్షల మెట్రిక్‌ టన్నుల ఎరువులను ఉపయోగించనున్నారు. దీని ప్రకారం జిల్లా రైతుల పై సుమారు కోట్లలో భారం పడనుంది. ఎరువుల రకం పాత ధర కొత్త ధర (50 కిలోలు) (రూ.లో) (రూ .లో) 20–20–013 1500 1800 16–20–013 1400 1750 14–35–14 2150 2350 15–15–15–09 1650 1950 10–23–26 1950 2025 సింగిల్‌ సూపర్‌ పాస్పేట్‌ 615 775 పొటాష్‌ 1850 1975 16–16–16 1675 2050 24–24–0 2000 2300 ఫ వానాకాలం సాగు వేళ పెరిగిన ఎరువుల ధరలు ఫ బెంబేలెత్తుతున్న రైతులు ఫ జిల్లా కర్షకులపై రూ.కోట్లలో భారం

సూర్యాపేటటౌన్‌ : ప్రభుత్వం బుధవారం విడుదల చేసిన పదో తరగతి వార్షిక పరీక్ష ఫలితాలలో సూర్యాపేట జిల్లాలో 98.60 శాతం మంది విద్యార్థులు ఉత్తీర్ణత సాధించారు. ఫలితాలలో బాలుర కంటే బాలికలే పైచేయి సాధించారు. అత్యధిక పాఠశాలల్లో 100 శాతం ఉత్తీర్ణత సాధించి ఈ కేటగిరిలో జిల్లా రాష్ట్రంలోనే 7వ స్థానంలో నిలిచింది. గతేడాది 14వ స్థానంలో ఉండగా ఈ సారి ఉత్తీర్ణతశాతం పెరిగింది. ఇమాంపేట జెడ్పీహెచ్‌ఎస్‌కు చెందిన నరిగే తేజశ్రీ అత్యధికంగా 583 మార్కులు సాధించింది. ఈసారి ప్రభుత్వ పాఠశాలలు మెరుగైన ఫలితాలు సాధించాయి. 12,178 మంది పాస్‌ జిల్లాలో మొత్తం 12,351 మంది విద్యార్థులు పదో తరగతి పరీక్ష రాయగా 12,178 మంది పాసై 98.60శాతం ఉత్తీర్ణత సాధించడంతో సూర్యాపేట రాష్ట్రంలో 7వ స్థానంలో నిలిచింది. 173 మంది విద్యార్థులు ఫెయిలయ్యారు. ఇందులో 6376 మంది బాలురు పరీక్ష రాయగా 6272 మంది పాసై 98.37శాతం ఉత్తీర్ణత సాధించారు. బాలికలు 5975 మంది పరీక్ష రాయగా 5906 మంది పాసై 98.85 శాతం ఉత్తీర్ణత సాధించారు. ప్రభుత్వ విద్యాసంస్థల్లో వందశాతం ఉత్తీర్ణత జిల్లాలోని పలు ప్రభుత్వ పాఠశాలలు, గురుకులాలు, మోడల్‌ స్కూళ్లు 100 శాతం ఉత్తీర్ణత సాధించి సత్తాచాటాయి. జిల్లాలో 112 ప్రభుత్వ జెడ్పీ ఉన్నత పాఠశాలలు 100 శాతం ఉత్తీర్ణత సాధించాయి. 14 కేజీబీవీలు, మూడు మోడల్‌ స్కూల్స్‌, 17 రెసిడెన్షియల్స్‌ పాఠశాలలు సైతం 100శాతం ఉత్తీర్ణత సాధించి సత్తాచాటాయి. ప్రభుత్వ పాఠశాలల్లో ఉదయం, సాయంత్రం వేళల్లో ప్రత్యేక తరగతులు నిర్వహించడం వల్ల మెరుగైన ఫలితాలు వచ్చాయి. అక్కల సాయిచరణ్‌ (581), జెడ్పీహెచ్‌ఎస్‌ తిరుమలగిరినరిగె తేజశ్రీ(583) జెడ్పీహెచ్‌ఎస్‌, ఇమాంపేట పావని(580) మోడల్‌ స్కూల్‌, ఇమాంపేటసహారిక(575) మైనార్టీ గురుకుల పాఠశాల హుజూర్‌నగర్‌గతేడాది పదో తరగతిలో 11,508 మంది విద్యార్థులు పాసై 96.81శాతం ఉత్తీర్ణత సాధించగా సూర్యాపేట జిల్లా రాష్ట్రంలో 14వ స్థానంలో నిలిచింది. ఈ ఏడాది 12,178 మంది విద్యార్థులు పాసై 98.60 శాతం ఉత్తీర్ణత సాధించడంతో 7వ స్థానానికి ఎగబాకింది. విద్యార్థులు అత్యధికంగా ఉత్తీర్ణత సాధించడంపై ఉపాధ్యాయులు, విద్యాశాఖ అధికారులు హర్షం వ్యక్తం చేశారు. ఫ సూర్యాపేట జిల్లాలో 98.60 శాతం ఉత్తీర్ణత ఫ సత్తాచాటిన ప్రభుత్వ విద్యాలయాలు ఫ గతేడాది కంటే పెరిగిన ఉత్తీర్ణత ఫ రాష్ట్రంలో జిల్లాకు 7వ స్థానం

సూర్యాపేటటౌన్‌ : డ్రగ్స్‌ తో యువత జీవితం మసి అవుతుందని దానిని మానేస్తే జీవితం ఖుషీ అవుతుందని, డ్రగ్స్‌ మన సమాజాన్ని, మన పిల్లలను పట్టి పీడిస్తోందని ఎస్పీ నరసింహ అన్నారు. తెలంగాణ రాష్ట్ర ప్రభుత్వం ప్రతిష్టాత్మకంగా నిర్వహిస్తున్న 99 రోజుల కార్యాచరణ ప్రజాపాలన ప్రగతి ప్రణాళిక కార్యక్రమంలో భాగంగా బుధవారం సూర్యాపేట జిల్లా కేంద్రంలో బాలల భద్రత, మహిళా భద్రత, డ్రగ్స్‌ నిర్మూలనపై విద్యార్థులు, ఆశా కార్యకర్తలు, స్థానిక పౌరులతో కలిసి సూర్యాపేట పట్టణ పోలీసులు అవగాహన ర్యాలీని నిర్వహించారు. ఈ కార్యక్రమాన్ని ఎస్పీ నర్సింహ ప్రారంభించారు. ఈ సందర్భంగా ఎస్పీ మాట్లాడుతూ ప్రస్తుత సమాజంలో డ్రగ్స్‌ అనేది అత్యంత ప్రమాదకర స్థాయిలో పాతుకుపోయిందని, దీనిని కూకటివేళ్లతో తీసివేయాల్సిన బాధ్యత ప్రతి ఒక్క పౌరునిపై ఉందన్నారు. మహిళల భద్రత, బాలల భద్రతకు పోలీస్‌ శాఖ పటిష్టంగా కృషి చేస్తోందన్నారు. దీనికోసం షీ టీం సిబ్బంది, భరోసా టీం సిబ్బంది, మానవ అక్రమ రవాణా నిరోధక బృందాలు, శాంతిభద్రతల పోలీసులతో కలిసి పని చేస్తున్నాయని తెలిపారు. మహిళలపై , బాలలపై వేధింపులు జరిగినా వెంటనే స్థానిక పోలీసులకు లేదా డయల్‌ 100 కు, 112 టోల్‌ ఫ్రీ నంబర్‌ కు సమాచారం ఇవ్వాలని కోరారు. ఫిర్యాదులు చేస్తే పోలీసులు మీ ఇంటి వద్దకు, మీరు ఉంటున్న ప్రదేశానికి వచ్చి ఫిర్యాదులు స్వీకరించి అక్కడే కేసులు నమోదు చేసి ఎఫ్‌ఐఆర్‌కాపీ అందజేస్తారన్నారు. ఈ కార్యక్రమంలో డీఎస్పీ ప్రసన్నకుమార్‌, పట్టణ ఇన్‌స్పెక్టర్‌ వెంకటయ్య, మానవ అక్రమ రవాణా నిరోధక టీం ఇన్‌స్పెక్టర్‌ శివకుమార్‌, పట్టణ ఎస్‌ఐలు ఐలయ్య, సాయిరాం, ఏడుకొండలు, వెంకన్న, షీ టీం ఎస్‌ఐ నీలిమ, విద్యార్థులు, ఆశా కార్యకర్తలు, యువకులు తదితరులు పాల్గొన్నారు. ఫ ఆకర్షణకులోను కావొద్దు ఫ ఎస్పీ నరసింహ సూచన

కోదాడ : పాలక వర్గాలు మారినా కోదాడ మున్సిపాలిటీలో ఓ మాజీ కౌన్సిలర్‌ భర్త హవా మాత్రం తగ్గడం లేదు. రాజకీయ నాయకుడిగా, కాంట్రాక్టర్‌గా ఉన్న ఆయన మున్సిపాలిటీలో అధికారులు, పాలకులకు దగ్గరి వ్యక్తిగా వ్యవహరిస్తూ అన్ని రకాల పనులను చక్కబెడుతున్నాడు. రాష్ట్రంలో ఏ పార్టీ అధికారంలోకి వస్తే ఆ పార్టీలో ఉంటూ తాజాగా మున్సిపాలిటీలో తాను చెప్పిందే వినాలంటూ హుకుం జారీ చేయడం తాజా మున్సిపల్‌ కౌన్సిలర్లకు మింగుడుపడడం లేదని సమాచారం. కోదాడ మున్సిపాలిటీ ఏర్పడినప్పటి నుంచి పాలకవర్గాలతో సన్నిహితంగా ఉంటున్న సదరు నాయకుడికి మున్సిపాలిటీలో పాలన, కాంట్రాక్టులు, అధికారుల పనితీరు, లోటుపాట్లపై పూర్తి అవగాహన ఉండడంతో నూతన పాలకవర్గ పెద్దలు కూడా ఆయనకే అన్ని పనులు అప్పగిస్తుండడంతో ఆయన చెప్పిందే వేదంగా నడుస్తున్నదని పలువురు కౌన్సిలర్లు పేర్కొంటున్నారు. అనుభవమే పెట్టుబడి.. కోదాడ మున్సిపాలిటీ తొలి పాలకవర్గం 2014లో ఏర్పడింది. అప్పటి పాలకవర్గ ముఖ్యులు ఆయన బంధువులు కావడంతో సదరు కాంట్రాక్టర్‌ అధికార, అనధికార కార్యక్రమాలను చక్కబెట్టేవాడు. 2019లో రెండవసారి పాలకవర్గంలో తన సతీమణి కౌన్సిలర్‌ కావడంతో పాటు అప్పటి ఎమ్మెల్యేకు ముఖ్యఅనుచరుడిగా ఉంటూ మున్సిపాలిటీలోనూ హవా చెలాయించాడు. నాడు మున్సిపాలిటీలో కోట్ల రూపాయల కాంట్రాక్టు పనులను ఆయనే చేసేవాడని పలువురు కాంట్రాక్టర్లు అంటున్నారు. ప్రస్తుతం కూడా అధికార పార్టీలోకి మారి పాలకవర్గ పెద్దల చెంతకు చేరి మరోసారి చక్రం తిప్పుతుండడంతో పలువురు కౌన్సిలర్లు అసంతృప్తిగా ఉన్నట్లు సమాచారం. కౌన్సిల్‌ తీర్మానాలు లేకుండానే... మున్సిపాలిటీలో ఏమైనా పనులు చేయాలన్నా కౌన్సిల్‌ తీర్మానం తప్పనిసరి. కౌన్సిల్‌ సమావేశం నిర్వహించి, తీర్మానం చేసి, టెండర్లు పిలవడానికి ఎక్కువ సమయం పడుతుందనే సాకుతో సదరు కాంట్రాక్టర్‌ కోదాడ మున్సిపాలిటీలో లక్షల రూపాయల పనులను తానే సొంతంగా చేయడం ప్రస్తుతం పట్టణంలో చర్చనీయాంశమైంది. ఇటీవల కోదాడలోని ఉత్తమ్‌ పద్మావతినగర్‌లో కోదాడ అర్బన్‌ పార్కు పునరుద్ధరణ పనులను మున్సిపల్‌ చైర్‌పర్సన్‌ ప్రతిష్టాత్మకంగా తీసుకొని యుద్ధ ప్రాతిపదికన చేయిస్తున్నారు. అయితే తీర్మానం చేసేందుకు సమయం పడుతుందనే సాకుతో సదరు మాజీ కౌన్సిలర్‌ భర్త సొంత ఖర్చుతో లక్షల రూపాయల పనులు చేయడం విమర్శలకు తావిస్తోంది. దీనికి అధికారులు అడ్డు చెబితే బదిలీ చేయిస్తానని బెదిరిస్తున్నట్లు విమర్శలున్నాయి. కోదాడ మున్సిపాలిటీలో మాజీ కౌన్సిలర్‌ భర్త వ్యవహారం ప్రస్తుతం హాట్‌టాపిక్‌గా మారింది. ఫ కౌన్సిల్‌ తీర్మానం లేకుండానే పనులు ఫ అధికారులకు బెదిరింపులు

భానుపురి (సూర్యాపేట) : జిల్లాలోని ప్రతి నివాస ప్రాంతంలో ప్రజల అవసరాలకు సరిపడా తాగునీటి సరఫరా జరిగేలా చర్యలు తీసుకోవాలని కలెక్టర్‌ తేజస్‌ నంద్‌లాల్‌ పవార్‌ అధికారులకు సూచించారు. ప్రస్తుత వేసవిలో ఎక్కడ కూడా దాహార్తి సమస్య తలెత్తకుండా పకడ్బందీ పర్యవేక్షణ జరపాలన్నారు. బుధవారం కలెక్టరేట్‌ సమావేశ మందిరంలో ఎంపీడీఓలు, ఆర్‌డబ్ల్యూఎస్‌ ఏఈలు, ఎంపీఓలు ఇతర అధికారులతో కలెక్టర్‌ మంచినీటి సరఫరా స్థితిగతులపై సమీక్ష నిర్వహించారు. ఒక్కో మండలం వారీగా నీటి సరఫరా పరిస్థితి, అందుబాటులో ఉన్న నీటి వనరులు, చేపట్టాల్సిన మరమ్మతులు తదితర అంశాలను అడిగి తెలుసుకున్నారు. వేసవి సీజన్‌ను దృష్టిలో పెట్టుకుని తాగునీటి సరఫరా వ్యవస్థను క్షేత్రస్థాయిలో నిరంతరం పర్యవేక్షణ జరపాలని కలెక్టర్‌ సూచించారు. రానున్న రెండు మూడు నెలలు ఎంతో కీలకమైనందున నీటి సరఫరా విషయంలో ఏ దశలోనూ నిర్లక్ష్యానికి తావులేకుండా అప్రమత్తతతో వ్యవహరించాలన్నారు. ఏ ఒక్క నివాస ప్రాంతంలోనూ నీటి కొరత ఏర్పడకుండా ప్రణాళికాబద్ధంగా వ్యవహరిస్తూ, అవసరమైన చోట యుద్ధప్రాతిపదికన మరమ్మతు పనులు చేపట్టాలని ఆదేశించారు. మరమ్మతులు చేపట్టే విషయాన్ని ప్రజలకు సైతం ముందుగానే తెలియజేస్తే వారు తగిన విధంగా సన్నద్ధం అవుతారని సూచించారు. బోరు బావులకు అవసరమైన చోట తక్షణమే మరమ్మతులు జరిపించాలని, చేతి పంపులకు ఫ్లషింగ్‌ చేయించాలని తెలిపారు. అన్ని గ్రామ పంచాయతీలు, మున్సిపల్‌ పట్టణాలలో తాగునీటి సరఫరాపై సంబంధిత శాఖల అధికారులు పరస్పర సమన్వయంతో పని చేయాలన్నారు. క్షేత్రస్థాయిలో సిబ్బంది పనితీరును పక్కాగా పర్యవేక్షణ జరపాలని, తాను కూడా ఆకస్మిక తనిఖీలు నిర్వహిస్తానని, ఎక్కడైనా నిర్లక్ష్యానికి తావిస్తే బాధ్యులపై కఠిన చర్యలు తీసుకుంటామని హెచ్చరించారు. మంచినీటి ట్యాంకులను క్రమం తప్పకుండా శుభ్రం చేయించాలని ఆదేశించారు. మారుమూల నివాస ప్రాంతాలకు సైతం రక్షిత మంచి నీటిని అందించేందుకు అధికారులు కృషి చేయాలన్నారు. ఈ సమావేశంలో జెడ్పీ సీఈఓ శిరీష, మిషన్‌ భగీరథ ఈఈ అరుణాకర్‌ రెడ్డి, ఆర్‌డబ్ల్యూఎస్‌ ఈఈ శ్రీనివాసరావు, డీపీఓ యాదగిరి, అడిషనల్‌ డీఆర్డీఓ ఆయా మండలాల ఎంపీడీఓలు, ఎఈఈ, ఎంపిఓ, ఎంపీఓలు తదితరులు పాల్గొన్నారు. ఫ కలెక్టర్‌ తేజస్‌ నంద్‌లాల్‌ పవార్‌

పెన్‌పహాడ్‌ : డ్రగ్స్‌ రహిత సమాజం కోసం ప్రతి ఒక్కరూ కృషి చేయాలని జిల్లా సంక్షేమ అధికారి కె. నరసింహారావు అన్నారు. మంగళవారం మండల కేంద్రంలోని కస్తూర్బాగాంధీ బాలికల విద్యాలయంలో మిషన్‌ వాత్సల్య పథకం కింద జిల్లా బాలల పరిరక్షణ విభాగం, మహిళాభివృద్ధి శిశు సంక్షేమ శాఖ ఆధ్వర్యంలో అవగాహన కార్యక్రమం నిర్వహించారు. ఈ సందర్భంగా ఆయన మాట్లాడుతూ బాలికలు తమ ఆరోగ్యంపై ప్రత్యేక శ్రద్ధ వహించాలని, జీవిత లక్ష్యాలపై దృష్టి కేంద్రీకరించాలని సూచించారు. చిన్న వయసులో గర్భధారణ వల్ల కలిగే ఆరోగ్య సమస్యలు, చదువులో అంతరాయం వంటి అంశాలను వివరించారు. సమావేశంలో సీడబ్ల్యూసీ చైర్మన్‌ రమణారావు, బాలల పరిరక్షణ విభాగం అధికారి రవికుమార్‌, డిప్యూటీ డీఎంహెచ్‌ఓ చంద్రశేఖర్‌, సీడబ్ల్యూసీ మెంబర్‌ ధనమ్మ, ఎంఈఓ రవి, ఎస్‌ఓ ఆసియా జబీనా పాల్గొన్నారు.ఫ జిల్లా సంక్షేమ అధికారి నరసింహారావు

సూర్యాపేటటౌన్‌ : ప్రజాపాలన ప్రగతి ప్రణాళికలో భాగంగా జిల్లా యువజన, క్రీడలశాఖ ఆధ్వర్యంలో వచ్చేనెల 2న నల్లగొండ పట్టణంలో జాబ్‌మేళా నిర్వహించనున్నట్లు జిల్లా కలెక్టర్‌ తేజస్‌ నంద్‌లాల్‌ పవార్‌ తెలిపారు. మంగళవారం కలెక్టరేట్‌లో జాబ్‌మేళా పోస్టర్లను ఆయన ఆవిష్కరించి మాట్లాడారు. ఇంటర్‌ నుంచి పోస్ట్‌ గ్రాడ్యుయేషన్‌ వరకు విద్యార్హత కలిగిన ఉమ్మడి నల్లగొండ జిల్లాకు చెందిన యువతకు మార్కెటింగ్‌, ఫైనాన్స్‌, బ్యాంకింగ్‌, హెల్త్‌ కేర్‌, ఐటీ బిజినెస్‌ సర్వీసెస్‌, కస్టమర్‌ సర్వీస్‌, హాస్పిటాలిటీ, డిజిటల్‌ మీడియా, లాజిస్టిక్స్‌ తదితర రంగాలలో ఉపాధి కల్పించేందుకు ఈ జాబ్‌మేళా నిర్వహిస్తున్నట్లు చెప్పారు. ఇందులో 50కి పైగా కంపెనీల వారు పాల్గొననున్నట్లు పేర్కొన్నారు. జాబ్‌ మేళాలో పాల్గొనే వారు https://satg.telangana. gov.in/prajapalana/ వెబ్‌ సైట్‌ ద్వారా తమ పేరు నమోదు చేసుకోవాలన్నారు. సూర్యాపేట జిల్లాలోని నిరుద్యోగ యువతీ యువకులు అధిక సంఖ్యలో పాల్గొని ఈ అవకాశాన్ని సద్వినియోగం చేసుకోవాలని కోరారు. ఇతర వివరాలకు జిల్లా యువజన, క్రీడల అధికారి సెల్‌ : 9100949979 నెంబర్‌ను సంప్రదించాలని సూచించారు.

తుంగతుర్తి : కీటక జనిత వ్యాధులపై వైద్య సిబ్బంది నిరంతరం నిఘా ఉంచాలని జిల్లా ప్రోగ్రామ్‌ అధికారి జి. ప్రసిద్ధి సూచించారు. మంగళవారం ప్రజాపాలన– ప్రగతి ప్రణాళిక కార్యక్రమంలో భాగంగా తుంగతుర్తి సామాజిక ఆరోగ్య కేంద్రం, రావులపల్లి ప్రాథమిక ఆరోగ్య కేంద్రాన్ని ఆయన తనిఖీ చేశారు. రికార్డులను పరిశీలించారు. సిబ్బంది ప్రజలకు అందుబాటులో ఉండాలని, గ్రామాలు, పట్టణాల్లో దోమల నివారణకు ఏసీఎం పిచికారీ చేయాలని ఆదేశించారు. అనంతరం సిబ్బందితో సమీక్ష నిర్వహించారు. కుష్టు, టీబీ వ్యాధులపై అవగాహన కార్యక్రమాలు నిర్వహించాలని సూచించారు. ఆయన వెంట ఏఎంఓ మోతీలాల్‌, వైద్యాధికారి డాక్టర్‌ లింగమూర్తి, వైద్య సిబ్బంది ఉన్నారు. మట్టపల్లిలో పరమపదోత్సవం మఠంపల్లి : మట్టపల్లి లక్ష్మీనరసింహస్వామి ఆలయంలో తిరుకల్యాణోత్సవాలలో భాగంగా నిర్వహిస్తున్న అధ్యయనోత్సవాల్లో మంగళవారం పరమపదోత్సవ పూజలను అర్చకులు నిర్వహించారు. ఈ సందర్భంగా విష్వక్సేనాది మహర్షులకు, సకలదేవతలకు, ఆళ్వారాలకు అర్చనలతో పాటు మహానివేదన చేశారు. కార్యక్రమంలో ఆలయ అనువంశి ధర్మకర్తలు చెన్నూరు మట్టపల్లిరావు, విజయ్‌కుమార్‌, ఈఓ జ్యోతి, అర్చకులు రామాచార్యులు, పద్మనాభాచార్యులు, బదరీనారాయణా చార్యులు, లక్ష్మీనరసింహ మూర్తి, ఆంజనేయాచార్యులు, అనంతాచార్యులు, నరసింహా చార్యులు, పెద్ద సంఖ్యలో భక్తులు పాల్గొన్నారు. జనగణన వివరాలు పక్కాగా సేకరించాలితిరుమలగిరి(తుంగతుర్తి) : జన గణన 2027 వివరాలు పకడ్బందీగా సేకరించాలని సూర్యాపేట ఆర్డీఓ వేణుమాధవరావు అన్నారు. మంగళవారం అనంతారం మోడల్‌ స్కూల్‌లో జన గణన శిక్షణ తరగతులను పరిశీలించారు. ఈ సందర్భంగా ఆయన మాట్లాడుతూ ప్రస్తుతం జరుగుతున్న స్వీయ గణనపై ప్రజలకు అవగాహన కల్పించాలన్నారు. కార్యక్రమంలో తహసీల్దార్‌ హరిప్రసాద్‌, ఎంపీఎస్‌ఓ కిషన్‌, ఫీల్డ్‌ ట్రైనర్లు అశోక్‌రెడ్డి, సత్యనారాయణరెడ్డి, టెక్నికల్‌ అసిస్టెంట్‌ నరేందర్‌, ఆర్‌ఐ సుజిత్‌రెడ్డి పాల్గొన్నారు. హక్కుల సాధనకు ఉద్యమించాలిహుజూర్‌నగర్‌ : హక్కుల సాధనకు కార్మిక సంఘాలు ఏకమై సమరశీల పోరాటాలకు సిద్ధం కావాలని ఏఐటీయూసీ జిల్లా అధ్యక్షుడు జడ శ్రీనివాస్‌ అన్నారు. మంగళవారం హుజూర్‌నగర్‌లోని సీపీఐ కార్యాలయంలో ఇందిరాల వెంకటేశ్వర్లు అధ్యక్షతన జరిగిన ఏఐటీయూసీ అనుబంధ కార్మిక సంఘాల సమావేశంలో ఆయన మాట్లాడారు. కార్మికులు పోరాటాల ద్వారా సాధించుకున్న 44 కార్మిక చట్టాలను కేంద్ర ప్రభుత్వం నాలుగు కోడ్‌లుగా విభజించి చట్టం చేసిందని తెలిపారు. కార్మిక సంఘాలు ఏకమై మేడే స్ఫూర్తితో కార్మిక చట్టాలను కాపాడుకోవాలని అన్నారు. మేడే ఉత్సవాలను వాడవాడన ఘనంగా నిర్వహించాలని తెలిపారు. కార్యక్రమంలో సీపీఐ రాష్ట్ర కౌన్సిల్‌ సభ్యుడు యల్లావుల రాములు, పట్టణ కార్యదర్శి గుండు వెంకటేశ్వర్లు, బిల్డింగ్‌ వర్కర్స్‌ యూనియన్‌ జిల్లా ప్రధాన కార్యదర్శి జెట్టి ప్రసాద్‌, నాయకులు దగ్గుబాటి సత్యానందం, బెల్లంకొండ రామ్మూర్తి, రామిశెట్టి సుబ్బారావు, పంకజ్‌, రమేష్‌, శివ, జక్కుల రమణ పాల్గొన్నారు.

సూర్యాపేటటౌన్‌ : యువత చెడు అలవాట్లతో తమ భవిష్యత్‌ను నాశనం చేసుకోవద్దని, బాగా చదువుకొని ఉన్నత స్థానానికి ఎదగాలని ఎస్పీ నరసింహ సూచించారు. ప్రజాపాలన ప్రగతి ప్రణాళిక 99 రోజుల కార్యక్రమంలో నిర్వహిస్తున్న బాలల భద్రత, డ్రగ్స్‌ నిర్మూలనలో భాగంగా మంగళవారం జిల్లా కేంద్రంలోని నారాయణ జూనియర్‌ కళాశాలలో పట్టణ పోలీసు, షీ టీం, మానవ అక్రమ రవాణా నిరోధక బృందం ఆధ్వర్యంలో ఏర్పాటు చేసిన అవగాహన కార్యక్రమంలో ఆయన మాట్లాడారు. పోలీసు శాఖ ప్రజల భద్రత, రక్షణ, శాంతి భద్రతల పరిరక్షణకు అనుక్షణం కృషి చేస్తుందన్నారు. యువత చెడు అలవాట్లకు, మత్తు పదార్థాలకు బానిసలు కావొద్దని, స్పల్ప ఆనందం కోసం వెళితే భవిష్యత్‌లో సమస్యలు వస్తాయని చెప్పారు. సోషల్‌ మీడియా ద్వారా మంచిని నేర్చుకోవాలని, చెడు సావాసాలు, స్నేహాలకు గురికావద్దన్నారు. బాలికలను వేధింపులకు గురి చేస్తే పోక్సో చట్టాల ప్రకారం కఠినమైన చర్యలు తీసుకుంటామని హెచ్చరించారు. కార్యక్రమంలో పట్టణ ఇన్‌స్పెక్టర్‌ వెంకటయ్య, ఎస్‌ఐలు, షీ టీం బృందం పాల్గొన్నారు.

చిలుకూరు : వచ్చేనెల ఒకటో తేదీ నుంచి అంగన్‌వాడీ కేంద్రాలకు వేసవి సెలవులు మంజురు చేస్తూ ప్రభుత్వం ఉత్తర్వులు జారీ చేసింది. మే ఒకటి నుంచి 31వ తేదీ వరకు సెలవులుగా ప్రకటించింది. అంగన్‌వాడీ కేంద్రాలకు వచ్చే పిల్లలకు, గర్భిణులు, బాలింతలకు ప్రతి రోజు అందించే పౌష్టికాహారాన్ని ముందస్తుగానే పంపిణీ చేయనున్నారు. గతంలో అంగన్‌వాడీ టీచర్‌, ఆయా ఒకరి తర్వాత మరొకరు 15 రోజులు సెలవులు తీసుకొని మిగతా రోజుల్లో పిల్లల ఇంటికి వెళ్లి పౌష్టికాహారం ఇచ్చే వారు. కానీ ఈ సారి మాత్రం మందస్తుగానే సరుకులు పంపిణీ చేసి అంగన్‌వాడీ కేంద్రాన్ని పూర్తిగా మూసి వేయనున్నారు. వేసవి నుంచి ఉపశమనం అంగన్‌వాడీ కేంద్రాలకు మూడేళ్ల నుంచి ఆరేళ్ల లోపు చిన్నారులు వచ్చి పౌష్టికాహారం తీసుకోవడంతో పాటు పూర్వ ప్రాథమిక విద్యను నేర్చుకుంటున్నారు. ప్రస్తుతం వేసవి తీవ్రత అధికంగా ఉండడంతో అద్దె భవనాల్లో, ఉక్కపోత మధ్య పిల్లలు, సిబ్బంది ఇబ్బందులు పడే అవకాశం ఉంది. దాంతో ప్రభుత్వం నెలరోజుల పాటు కేంద్రాలకు సెలవులు ప్రకటించింది. అందించే సరుకులివే.. కందిపప్పు: చిన్నారులకు రోజుకు 15 గ్రాముల చొప్పున 25 రోజులకు 375 గ్రాములు, గర్భిణులు, బాలింతలకు రోజుకు 30 గ్రాముల చొప్పున మొత్తం 750 గ్రాములు ఇవ్వనున్నారు. బియ్యం : చిన్నారులకు రోజుకు 75 గ్రాముల చొప్పున 25 రోజులకు కేజీ 875 గ్రాములు, గర్భిణులు, బాలింతలకు రోజుకు 150 గ్రాముల చొప్పున 3.750 కేజీలు నూనె: చిన్నారులకు రోజుకు 5 గ్రాముల చొప్పున 25 రోజులకు 125 గ్రాములు, గర్భిణులు, బాలింతలకు రోజుకు 16 గ్రాముల చొప్పున మొత్తం 400 గ్రాములు. పాలు: చిన్నారులకు రోజుకు 250 ఎమ్‌ఎల్‌ చొప్పు న 25 రోజులకు 5 లీటర్లు పంపిణీ చేయనున్నారు. క్రోడిగుడ్లు: చిన్నారులకు, గర్బిణులు, బాలింతలకు రోజుకు ఒకటి చొప్పున 25 పంపిణీ చేయనున్నారు.సూర్యాపేట జిల్లాలో మొత్తం 1209 అంగన్‌వాడీ కేంద్రాలు ఉన్నాయి. వీటిలో 5,600 మంది గర్భిణిలు, 4,100 మంది బాలింతలు, 47,683 మంది చిన్నారులున్నారు. ఇందులో 0–3 వయసు ఉన్న వారు 29,388 మంది, 3–5 వయస్సు ఉన్న వారు 19,717 మంది ఉన్నారు. మే నెలలో 31 రోజులు ఉండగా ఆదివారాలు, ప్రభుత్వ సెలవులు పోను 25 రోజులకు గానూ పౌష్టికాహారం పంపిణీ చేయనున్నారు. ఫ మే1 నుంచి అంగన్‌వాడీ కేంద్రాలకు వేసవి సెలవులు ఫ చిన్నారుల ఇంటికే పౌష్టికాహారం ఫ 25 రోజుల సరుకులు అడ్వాన్స్‌గా అందజేత

కోదాడ : కోదాడ సమీపంలోని గుడిబండ కేంద్రంగా మట్టిదందా జోరుగా సాగుతోంది. ప్రభుత్వ భూములు, గుట్టలను గుట్టుచప్పుడు కాకుండా రాత్రి సమయాల్లో తవ్వుతూ మట్టిని టిప్పర్ల ద్వారా తరలిస్తూ ప్రధాన రహదారి పక్కనే డంపు చేస్తున్నారు. ఆ తర్వాత ట్రాక్టర్ల ద్వారా వెంచర్లకు తరలిస్తూ లక్షల్లో ఆర్జిస్తున్నారనే ఆరోపణలు వెల్లువెత్తుతున్నాయి. గత ప్రభుత్వ హయంలో మట్టి దందాలో చక్రం తిప్పిన వారే తాజాగా పార్టీ మారి ఇదే దందాను కొనసాగిస్తున్నట్లు తెలిసింది. ఎలాంటి అనుమతులు లేకుండా ప్రభుత్వ భూములను కొల్లగొడుతున్నా, పచ్చటి గుట్టలను మింగేస్తున్నా రెవెన్యూ అధికారులుగాని, పోలీసులుగాని, మైనింగ్‌శాఖ అధికారులుగాని పట్టించుకోకపోవడంపై ప్రజలు విస్మయం వ్యక్తం చేస్తున్నారు. ప్రభుత్వ భూములే లక్ష్యంగా.. కోదాడ మండలంలోని గుడిబండ, కాపుగల్లు, రెడ్లకుంట, కూచిపూడి, తొగర్రాయి గ్రామాల సమీపంలో గుట్టలు, ఏనెలు ఉన్నాయి. ఇవి ప్రభుత్వానికి చెందినవి కావడం, వ్యవసాయయోగ్యంగా లేక పోవడంతో కొందరు అక్రమార్కులు వీటిపై కన్నేశారు. భారీ ప్రోక్లెయిన్స్‌తో గుట్టలను పెకిలించి మట్టిని తీస్తున్నారు. పెద్ద ట్రిప్పర్లలో మట్టిని నింపి రాత్రి సమయాల్లో నేరుగా కోదాడలోని వెంచర్లలోకి తరలిస్తున్నారు. మరి కొందరు మట్టిని కోదాడ– మేళ్లచెరువు రోడ్డు పక్కనే డంపు చేసి ఉదయం వేళల్లో ట్రాక్టర్ల ద్వారా కోదాడ పట్టణంలో ఇల్లు కట్టుకునే వారికి, వెంచర్ల నిర్వాహకులకు అమ్ముతూ లక్షల్లో ఆర్జిస్తున్నారు. హోల్‌సేల్‌గా కొని.. రిటైల్‌గా అమ్మకం... ప్రస్తుతం కోదాడ పట్టణంలో ఇళ్ల నిర్మాణం జోరుగా సాగుతోంది. దాంతో మట్టికి డిమాండ్‌ ఏర్పడింది. దీనిని అక్రమార్కులు తమకు అనకూలంగా మార్చుకుంటున్నారు. రాత్రి సమయంలో ప్రభుత్వ భూముల నుంచి మట్టిని భారీ టిప్పర్ల సాయంతో మైదాన ప్రాంతానికి తరలించి డంప్‌ చేస్తున్నారు. ఉదయం వేళల్లో మట్టిని ట్రాక్టర్ల ద్వారా రిటైల్‌గా అమ్ముతున్నారు. ఒక ట్రిప్పర్‌ మట్టిని నాలుగైదు వేలకు కొనుగోలు చేసి.. దానిని రిటైల్‌గా రూ.10 వేలకు అమ్ముకుంటున్నారు. కోదాడకు చెందిన ఇద్దరు, కాపుగల్లుకు చెందిన ఒకరు, గుడిబండకు చెందిన ఒకరు ఈ దందాలో కీలకపాత్ర పోషిస్తున్నారని సమాచారం. ఇందిరమ్మ ఇళ్ల పేరుతో.. కోదాడ నియోజకవర్గ పరిధిలోని పైలెట్‌ గ్రామాలలో మినహా మిగతా చోట్ల ఎక్కడా ఇందిరమ్మ ఇళ్ల నిర్మాణం జరగడం లేదు. కానీ మట్టిదందా చేస్తున్నవారు మాత్రం తాము ఇందిరమ్మ ఇళ్ల పేరుతో యథేచ్ఛగా తరలిస్తున్నారు. అధికారులకు ఫిర్యాదు చేసినా పట్టించుకోవడం లేదని స్థానికులు ఆరోపిస్తున్నారు. వాళ్లు ఇందిరమ్మ ఇళ్లకు మట్టి తీసుకెళుతున్నారని చెబుతూ కనీసం విచారణ కూడా చేపట్టడం లేదని స్థానికులు ఆరోపిస్తున్నారు. సంబంధిత ఉన్నతాధికారులు ఈ విషయమై దృష్టిసారించి మట్టి దందాను అరికట్టి ప్రభుత్వ భూములను, గుట్టలను కాపాడాలని ఆయా గ్రామాల ప్రజలు కోరుతున్నారు.అనుమతులు లేకుండా ప్రభుత్వ భూముల్లోంచి మట్టిని తరలిస్తే కఠిన చర్యలు తీసుకుంటాం. వాహనాలను సీజ్‌ చేయడంతో పాటు క్రిమినల్‌ కేసులు నమోదు చేస్తాం. కోదాడ మండల పరిధిలోని ప్రభుత్వ భూముల్లో మట్టి దందా సాగుతున్న విషయం మా దృష్టికి రాలేదు. మట్టి తవ్వకాలపై విచారణ జరిపి చర్యలు తీసుకుంటాం. – సీహెచ్‌. సూర్యనారాయణ, ఆర్డీఓ కోదాడ ఫ గుట్టల్లో గుట్టుగా మట్టి తవ్వకంఫ రోడ్డుపక్కనే డంపుచేసి.. హోల్‌సేల్‌గా అమ్మకం ఫ నిత్యం లక్షల్లో వ్యాపారం ఫ పట్టించుకోని రెవెన్యూ అధికారులు

కోదాడ : జాతీయస్థాయి గోల్‌షూట్‌బాల్‌ పోటీలకు కోదాడకు చెందిన కుడుముల చరణ్‌, మండలంలోని మంగళితండాకు చెందిన ఇబ్రహీం ఎంపికై నట్లు పీఈటీలు రాజ్‌కుమార్‌, మట్టయ్య మంగళవారం ఒక ప్రకటనలో తెలిపారు. ఈ నెల 25 నుంచి 27 వరకు మోత్కూరులో జరిగిన రాష్ట్రస్థాయి పోటీల్లో వారు పాల్గొని ప్రతిభ కనబర్చడంతో జాతీయస్థాయికి ఎంపిక చేసినట్లు పేర్కొన్నారు. మే 28 నుంచి 30 వరకు ఢిల్లీలో జరిగే జాతీయస్థాయి పోటీలలో వీరు తెలంగాణ రాష్ట్ర జట్టు తరఫున పాల్గొనున్నట్లు తెలిపారు. ఆర్‌టీఎం నియామకానికి దరఖాస్తులు నల్లగొండ : నల్లగొండలోని ప్రాంతీయ శిక్షణ కేంద్రంలో రీజనల్‌ ట్రైనింగ్‌ మేనేజర్‌ (ఆర్‌టీఎం) తాత్కాలిక ప్రాతిపదికన నియామకానికి దరఖాస్తులు ఆహ్వానిస్తున్నట్లు కలెక్టర్‌ చంద్రశేఖర్‌ మంగళవారం ఒక ప్రకటనలో తెలిపారు. ఈ నెల 29, 30 తేదీల్లో దరఖాస్తులు సమర్పించాలని సూచించారు.

అర్వపల్లి, మునగాల, ఆత్మకూర్‌(ఎస్‌) : జిల్లాలో పెట్రోల్‌ కష్టాలు తీరడం లేదు. పెట్రోల్‌, డీజిల్‌ కొరత కారణంగా వాహనదారులు తీవ్ర ఇబ్బందులు ఎదుర్కొంటున్నారు. సూర్యాపేట జిల్లాలోని బంక్‌లలో పెట్రోల్‌, డీజిల్‌ స్టాక్‌ అయిపోవడంతో అవి మూతపడ్డాయి. స్టాక్‌ ఉన్న బంక్‌లలో వాహనాలు బారులుదీరాయి. మండుటెండలో గంటల కొద్దీ లైన్‌లో నిల్చొని మరీ పెట్రోల్‌, డీజిల్‌ పోయించుకోవాల్సిన పరిస్థితి నెలకొంది. అర్వపల్లి మండలంలో రెండు రోజులుగా డీజిల్‌ కొరత తీవ్రమైంది. ప్రస్తుతం వ్యవసాయ పనులు ముమ్మరంగా జరుగుతుండటంతో వాహనాలకు డీజిల్‌ వాడకం పెరిగింది. దీనికి తోడు తుంగగూడెం ఇసుక రీచ్‌ నుంచి ప్రతిరోజు 400 ట్రాక్టర్‌ల ఇసుక రవాణా జరుగుతోంది. ఆయా వాహనాలకు ప్రతిరోజు వేల లీటర్ల డీజిల్‌ అవసరం. పెట్రోల్‌, డీజిల్‌ కొరత కారణంగా ఆయా వాహనాలు బంక్‌ల వద్ద బారులు దీరుతున్నాయి. అర్వపల్లితో పాటు తిమ్మాపురంలోని బంక్‌లలో డీజిల్‌ కోసం క్యూలైన్‌లలో క్యాన్‌లు, డ్రమ్‌లు పెట్టారు. మునగాల మండలంలోని జాతీయ రహదారిపై గల బరాఖత్‌గూడెం, మునగాల, ముకుందాపురం, ఆకుపాముల, తాడువాయి గ్రామాల శివారులో ఉన్న ఏడు పెట్రోల్‌ బంక్‌లలో స్టాక్‌ వచ్చిన నాలుగైదు గంటలలోనే ఖాళీ అవుతోంది. క్యూలో ఉన్నవారికి సైతం పెట్రోల్‌, డీజిల్‌ దొరికే పరిస్థితి లేదు. మంగళవారం ఏడు బంక్‌లలోనూ నో స్టాక్‌ బోర్డులు పెట్టారు. పెట్రోల్‌ కోసం సూర్యాపేటకు ఆత్మకూర్‌(ఎస్‌) మండల కేంద్రంతో పాటు నెమ్మికల్‌, ఏపూరు పెట్రోల్‌ బంకులు స్టాక్‌ లేక మూత పడ్డాయి. దాంతో రెతులు సూర్యాపేటకు వచ్చి డీజిల్‌ను ఆటోల్లో తీసుకెళుతున్నారు. మంగళవారం మండల కేంద్రంలోని పెట్రోల్‌ బంక్‌కు డీజిల్‌ రావడంతో వాహనదారులు బారులు దీరారుఫ జిల్లాలో పెట్రోల్‌, డీజిల్‌ కొరత ఫ బంకుల్లో నోస్టాక్‌ బోర్డులు ఫ ఇబ్బందులు పడుతున్న వాహనదారులు

తిరుమలగిరి (తుంగతుర్తి) : తిరుమలగిరి వ్యవసాయ మార్కెట్‌లో తక్కువ ధరకు ధాన్యాన్ని కొనుగోలు చేసి ఐకేపీ, పీఏసీఎస్‌ కేంద్రాల్లో ప్రభుత్వ మద్దతు ధరకు అమ్మకాలు చేస్తున్నారనే ఆరోపణలపై జిల్లా కలెక్టర్‌ ఆదేశాలతో జిల్లా మార్కెటింగ్‌ అధికారి నాగేశ్వరశర్మ ఆధ్వర్యంలో మంగళవారం తనిఖీలు నిర్వహించారు. ఈ సందర్భంగా వ్యవసాయ మార్కెట్‌లో కొనుగోళ్లు, అమ్మకాలపై విచారణ చేసి రికార్డులను పరిశీలించారు. రాత్రి ఏ సమయంలో ట్రాక్టర్లు, డీసీఎంలు బయటకు వెళ్లాయనే విషయాన్ని నిర్ధారించేందుకు సీసీ పుటేజీలను పరిశీలించారు. శనివారం రాత్రి ధాన్యం లోడుతో వెళ్లిన డీసీఎం ఎటువైపు వెళ్లిందనే విషయమై వివరాలు సేకరించారు. అనంతరం జలాల్‌పురం, గొట్టిపర్తి, వెంపటి ధాన్యం కొనుగోలు కేంద్రాలను పరిశీలించి వివరాలు సేకరించారు. గొట్టిపర్తి కేంద్రంలో రైతులతో మాట్లాడారు. గత యాసంగి సీజన్‌ నుంచి ఈ దందా సాగుతోందని రైతులు అధికారికి వివరించారు. ఈ విషయమై సేకరించిన వివరాలతో పూర్తి నివేదికను జిల్లా కలెక్టర్‌కు తెలియజేస్తామన్నారు. కార్యక్రమంలో డీఎస్‌ఓ మోహన్‌బాబు, సివిల్‌ సప్‌లై డీఎం శ్రీధర్‌రెడ్డి, డీసీఓ ప్రవీణ్‌కుమార్‌, ఆర్డీఓ వేణుమాధవరావు, తహసీల్దార్‌ హరిప్రసాద్‌, మార్కెట్‌ కార్యదర్శి సురేష్‌, డీటీసీఎస్‌ రాజశేఖర్‌, ఆర్‌ఐలు శ్రీకాంత్‌రెడ్డి, సుజిత్‌రెడ్డి, సిబ్బంది పాల్గొన్నారు. అక్రమార్కులపై పోలీసులకు ఫిర్యాదు భానుపురి (సూర్యాపేట) : తిరుమలగిరి వ్యవసాయ మార్కెట్లో రైతుల నుంచి కొనుగోలు చేసి గొట్టిపర్తి ఐకేపీ కేంద్రంలో రైతుల పేరిట విక్రయిస్తున్నారన్న ఆరోపణల నేపథ్యంలో కలెక్టర్‌ విచారణకు ఆదేశించారు. జిల్లా అధికారులతో కూడిన విచారణ బృందం మార్కెట్‌ను సందర్శించి విచారించారు. మార్కెట్‌లో రైతుల నుంచి కొనుగోలు చేసి ఐకేపీకి తరలిస్తున్నట్లు విచారణలో తేల్చారు. ఇందులో కమిషన్‌ ఏజెంట్‌ సోమా ఆంజనేయులు, డ్రైవర్‌ మణికుమార్‌ పాత్ర ఉన్నట్లు గుర్తించారు. అక్రమాలలో ఇంకా ఎవరెవరి పాత్ర ఉన్నదో తేల్చేందుకు తిరుమలగిరి పోలీస్‌ స్టేషన్లో అధికారులు ఫిర్యాదు చేశారు. ఫ తిరుమలగిరి మార్కెట్‌లో తనిఖీలు

సూర్యాపేట టౌన్‌ : మాతా శిశు మరణాలను తగ్గించాలని జిల్లా వైద్యారోగ్యశాఖ అధికారి డాక్టర్‌ పెండెం వెంకటరమణ అన్నారు. సోమవారం సూర్యాపేట జిల్లా కేంద్రంలో వైద్యారోగ్యశాఖ కార్యాలయంలో ఆశా నోడల్‌ అధికారులు, ఆశాలకు శిక్షణ కార్యక్రమం నిర్వహించారు. ఈ సందర్భంగా ఆయన మాట్లాడుతూ గర్భిణుల నమోదు, ఏఎన్‌సీ చెకప్‌లు, సురక్షిత ప్రసవం, బాలింతల సంరక్షణ, శిశు టీకాలు, పోషకాహారం, బాలల వృద్ది పర్యవేక్షణ వంటి అంశాలపై సమగ్ర అవగాహన కల్పించబడుతోందన్నారు. అర్హులైన బాలికలకు హెచ్‌పీవీ వ్యాక్సిన్‌ 100శాతంతోపాటు డ్రాప్‌ ఔట్‌, లెప్ట్‌ ఔట్‌, మిస్డ్‌ ఔట్‌ లేకుండా 0–5 సంవత్సరాల పిల్లలకు వ్యాక్సిన్‌ ఇప్పించాలన్నారు. ఈ కార్యక్రమంలో డాక్టర్‌ శ్రీశైలం, డిప్యూటీ డెమో వి.సంజీవ్‌రెడ్డి, డీపలో ఉమామహేశ్వరి, ఉపేందర్‌, శంకర్‌, ఆశా నోడల్‌ అధికారులు, ఆశా కార్యకర్తలు పాల్గొన్నారు.

భానుపురి (సూర్యాపేట) : ప్రభుత్వ బాలసదనం, అనాథాశ్రమాల్లో ఉండే పిల్లలకు అన్ని వసతులు సమకూర్చాలని కలెక్టర్‌ తేజస్‌ నంద్‌లాల్‌ పవార్‌ అన్నారు. సోమవారం ప్రజా పాలన–ప్రగతి పాలన కార్యక్రమంలో భాగంగా మహిళా శిశు సంక్షేమ శాఖ జిల్లా బాలల పరిరక్షణ విభాగం ఆధ్వర్యంలో సూర్యాపేటలోని ప్రభుత్వ బాలసదనం, అనాధాశ్రమాల్లో నివసిస్తున్న అనాథ, సంరక్షణ అవసరమున్న పిల్లలకు ధ్రువీకరణ పత్రాల పంపిణీ చేశారు. ఈ కార్యక్రమంలో అదనపు కలెక్టర్‌ కె.సీతారామారావు, జిల్లా సంక్షేమ అధికారి నర్సింహారావు, బాలల అధికారి రవికుమార్‌, బాల సంక్షేమ సమితి చైర్మన్‌ బి.రమణారావు పాల్గొన్నారు. కలెక్టర్‌ తేజస్‌ నంద్‌లాల్‌ పవార్‌

సూర్యాపేట టౌన్‌ : పట్టణ పరిధిలోని రాజీవనగర్‌ యూపీహెచ్‌సీలో కాంట్రాక్ట్‌ ఏఎన్‌ఎంగా పనిచేస్తున్న పోలేటి నాగమణిని జిల్లా కలెక్టర్‌ ఆదేశాల మేరకు విధుల నుంచి పూర్తిగా తొలగిస్తూ ఉత్తర్వులు జారీ చేసినట్టు డీఎంహెచ్‌ఓ డాక్టర్‌ పెండెం వెంకటరమణ సోమవారం ఒక ప్రకటనలో తెలిపారు. శిశు విక్రయం కేసులో నాగమణి పోలీసులకు రెడ్‌ హ్యాండెడ్‌గా దొరకడంతో అరెస్టు చేసి జైలు పంపించామన్నారు. ఈ కేసుకు సంబంధించి జరుగుతున్న విచారణలో భాగంగా విధుల పట్ల నిర్లక్ష్యంగా వ్యవహరించిన నాగమణిని విధుల నుంచి తొలగిస్తూ కలెక్టర్‌ ఉత్తర్వులు జారీ చేసినట్టు చెప్పారు. శాఖలో పని చేసే ఉద్యోగులు విధుల పట్ల బాధ్యతాయుతంగా వ్యవహరించాలని సూచించారు. లేబర్‌ కోడ్‌ల రద్దుకు పోరాడుదాంసూర్యాపేట అర్బన్‌ : కేంద్ర ప్రభుత్వం తీసు కొచ్చిన నాలుగు లేబర్‌ కోడ్‌లో రద్దు చేసేవరకూ పోరాడుదామని భారత కార్మిక సంఘాల సమాఖ్య (ఐఎఫ్‌టీయూ) జిల్లా ప్రధాన కార్యదర్శి గంట నాగయ్య అన్నారు. సూర్యాపేటలో సోమవారం ఐఎఫ్‌టీయూ జిల్లా కమిటీ ఆధ్వర్యంలో మేడే పోస్టర్‌ ఆవిష్కరించి మాట్లాడారు. మేడే వేడుకలను గ్రామగ్రామాన ఘనంగా నిర్వహించాలని పిలుపునిచ్చారు. ఈ కార్యక్రమంలో ఐఎఫ్‌టీయూ జిల్లా ఉపాధ్యక్షుడు కునుకుంట్ల సైదులు, హమాలీ యూనియన్‌ అధ్యక్షుడు దొనకొండ సైదులు, పురుషోత్తం, గురుమల్లు, పాలబిందేల వెంకన్న, రమేష్‌ పాల్గొన్నారు.

సూర్యాపేట టౌన్‌ : ఉమ్మడి ఆంధ్రప్రదేశ్‌ పాలనలో అడుగుఅడుగునా అణచివేతకు గురైన తెలంగాణను ఉమ్మడి పాలన నుంచి విముక్తి చేసి ప్రత్యేక రాష్ట్రం సాధించిన ఘనత మాజీ ముఖ్యమంత్రి కేసీఆర్‌దేనని బీఆర్‌ఎస్‌ జిల్లా పార్టీ అధ్యక్షుడు బడుగుల లింగయ్య యాదవ్‌ అన్నారు. బీఆర్‌ఎస్‌ ఆవిర్భావ దినోత్సవ సందర్భంగా సోమవారం సూర్యాపేట జిల్లా బీఆర్‌ఎస్‌ కార్యాలయంలో పార్టీ జెండాను ఆయన ఆవిష్కరించి మాట్లాడారు. తెలంగాణ ప్రజల చిరకాల స్వప్నం ప్రత్యేక తెలంగాణ రాష్ట్ర ఏర్పాటును సాకారం చేసింది బీఆర్‌ఎస్‌ అన్నారు. కేసీఆర్‌ సచ్చుడో తెలంగాణ వచ్చుడో అనే నినాదంతో ప్రాణాలకు తెగించి కేసీఆర్‌ తెలంగాణ ప్రత్యేక రాష్ట్రాన్ని సాధించారని గుర్తు చేశారు. కాంగ్రెస్‌ ప్రభుత్వం, ముఖ్యమంత్రి రేవంత్‌రెడ్డి ఆచరణ సాధ్యంకాని హామీలు ఇచ్చి అధికారంలోకి వచ్చి ప్రజలను నట్టేట ముంచారన్నారు. కాంగ్రెస్‌ ప్రభుత్వం ప్రజలకు ఇచ్చిన హామీలు అమలు అయ్యే వరకు ప్రధాన ప్రతిపక్షంగా బీఆర్‌ఎస్‌ ప్రజల పక్షాన పోరాడుతుందన్నారు. ఈ కార్యక్రమంలో నిమ్మల శ్రీనివాస్‌గౌడ్‌, వై.వెంకటేశ్వర్లు, అనిల్‌రెడ్డి, అమరవాది శ్రవణ్‌ పాల్గొన్నారు.

భానుపురి (సూర్యాపేట) : రాష్ట్రవ్యాప్తంగా పది నెలల్లో దాదాపు 15 వేల పెండింగ్‌ ఆర్టీఐ కేసులను పరిష్కరించినట్లు తెలంగాణ రాష్ట్ర ప్రధాన సమాచార కమిషనర్‌న్‌ డాక్టర్‌ జి.చంద్రశేఖర్‌రెడ్డి తెలిపారు. సోమవారం సూర్యాపేట జిల్లా కలెక్టరేట్‌లో నిర్వహించిన సమాచార హక్కు చట్టం (ఆర్టీఐ)–2005 అవగాహన సదస్సుకు సమాచార కమిషనర్లు పివి శ్రీనివాస్‌ రావు, మోహసినా పర్వీన్‌, దేశాల భూపాల్‌, బోరెడ్డి అయోధ్యరెడ్డి, కలెక్టర్‌ తేజస్‌ నంద్‌లాల్‌ పవార్‌, ఎస్పీ నరసింహతో కలిసి ఆయన హాజరై మాట్లాడారు. రెండేళ్ల క్రితం వరకు కమిషన్‌ లేకపోవడంతో కమిషన్‌ లెవెల్‌లో దాదాపు 28 వేల కేసుల వరకు పెండింగ్‌లో ఉన్నట్లు వివరించారు. వాటిలో 18 వేల కేసుల హియరింగ్‌ పూర్తి చేసుకొని 16 వేల కేసుల్లో ప్రజలకు సమాచారం అందించామన్నారు. ప్రతి సంవత్సరం రాష్ట్ర వ్యాప్తంగా 1.20 లక్షల మంది ప్రజలు ఆర్టీఐ ద్వారా సమాచారం తీసుకుంటున్నారని తెలిపారు. మొదటి దశలో 50 శాతం కేసులను జిల్లాల పర్యటనలో పరిష్కారం చూపామని, మరో 50 శాతం కేసులను త్వరలో పరిష్కారం చేస్తామని స్పష్టం చేశారు. సూర్యాపేట జిల్లా ప్రజలకు సమాచార హక్కు చట్టంపై ఎక్కువ అవగాహన కలిగి ఉన్నారని, అందుకే సూర్యాపేట జిల్లా నుంచి భారీగా సమాచారం కోసం దరఖాస్తు చేసుకున్నారని తెలిపారు. పౌరులు అడిగిన సమాచారాన్ని గడువులోగా అందించాల్సిన భాద్యత అధికారులపై ఉందన్నారు. రాష్ట్ర ప్రధాన సమాచార కమిషనర్‌ చంద్రశేఖర్‌రెడ్డి

గరిడేపల్లి : సాగు భూములు నిస్సారం కోల్పోకుండా ఉండాలంటే రసాయన ఎరువులు, యూరియాను అధికంగా వాడొద్దని తెలంగాణ వ్యవసాయ విశ్వవిద్యాలయం శాస్త్రవేత్తలు సుకుమార్‌, శ్రీనివారెడ్డి అన్నారు. రాష్ట్ర వ్యవసాయ శాఖ మంత్రి తుమ్మల నాగేశ్వరరావు పిలుపు మేరకు సోమవారంరాష్ట్రవ్యాప్తంగా చేపట్టిన రైతు ముంగింట్లో శాస్త్రవేత్తలు కార్యక్రమంలో భాగంగా మండలం పొనుగోడు గ్రామాన్ని శాస్త్రవేత్తల బృందం పర్యటించింది. ఈ సందర్భంగా వ్యవసాయ విశ్వవిద్యాలయం, తెలంగాణ వ్యవసాయ శాఖ సంయుక్త ఆధ్వర్యంలో జరిగిన ఈ సదస్సులో వారు మాట్లాడారు. ఏప్రిల్‌ 27 నుంచి మే 23 వరకు శాస్త్రవేత్తలు నేరుగా గ్రామాలకే వచ్చి రైతులకు సాగులో మెళకువలు నేర్పుతారని తెలిపారు. ఈ కార్యక్రమంలో సర్పంచ్‌ కటకం వేణు, మండల వ్యవసాయ అధికారి ప్రీతం కుమార్‌, ఏఈఓ మనోజ్‌, రైతులు కటకం రమేష్‌, కటకం గోపయ్య, సుందరి నాగేంద్రబాబు, దేవిరెడ్డి, లింగయ్య, సత్యనారాయణరెడ్డి రైతులు పాల్గొన్నారు.

మేళ్లచెరువు : మండల కేంద్రంలోని శ్రీఇష్టకామేశ్వరీ సమేత శ్రీస్వయంభుశంభులింగేశ్వరస్వామి ఆయలంలో సోమవారం స్వామి వారికి ప్రత్యేక పూజలు నిర్వహించారు. ఈ సందర్భంగా స్వామివారికి గణపతిపూజ, పుణ్యాహవచనం, మహాన్యాస పూర్వక ఏకాదశ రుద్రాభిషేకం, సహస్రనామార్చన, మహాలింగార్చన, పుష్పార్చన అనంతరం గోపూజ కార్యక్రమం నిర్వహించారు. మధ్యాహ్నం భక్తులకు అన్నదానం చేశారు. ఈ కార్యక్రమంలో ఈఓ శంభిరెడ్డి అర్చకులు విష్ణువర్ధన్‌శర్మ, ధనుంజయశర్మ పాల్గొన్నారు. వైభవంగా అధ్యయనోత్సవాలుమఠంపల్లి : మట్టపల్లి శ్రీలక్ష్మీనరసింహస్వామి క్షేత్రంలో జరుగుతున్న తిరుకల్యాణోత్సవాల్లో భాగంగా రెండో రోజైన సోమవారం అధ్యయనోత్సవాల పూజలను అర్చకులు వేదమంత్రాలతో వైభవంగా నిర్వహించారు. ఈ సందర్భంగా ఆళ్వారాదులకు ప్రత్యేక అర్చనలు, మహానివేదన గావించి తీర్థప్రపాదాలు అందజేవారు. ఈ కార్యక్రమంలో ఆలయ అనువంశి ధర్మకర్తలు చెన్నూరు మట్టపల్లిరావు, విజయ్‌కుమార్‌, ఈఓ జ్యోతి, అర్చకులు రామాచార్యులు, పద్మనాభాచార్యులు, బదరీ నారాయణాచార్యులు, లక్ష్మీనరసింహమూర్తి, ఆంజనేయాచార్యులు, అనంతాచార్యులు, నరసింహాచార్యులు, భక్తులు పాల్గొన్నారు. ఎంజీయూలో ప్రయోగశాలలు ప్రారంభంనల్లగొండ టూటౌన్‌ : ఎంజీ యూనివర్సిటీ ఇంజనీరింగ్‌ కాలేజీలో సోమవారం యూనివర్సిటీ వీసీ ఖాజా అల్తాఫ్‌ హుస్సేన్‌ వివిధ ప్రయోగశాలలను ప్రారంభించారు. కార్యక్రమంలో రిజిస్ట్రార్‌ కొప్పుల అంజిరెడ్డి, ఆకుల రవి, కళాశాల ప్రిన్సిపాల్‌ ఆచార్య రేఖ, హరీష్‌ కుమార్‌, జయంతి, సుధారాణి, సాంబశివరావు పాల్గొన్నారు. చరిత్ర అధ్యయనానికి శాసీ్త్రయ పద్ధతులు తప్పనిసరి నల్లగొండ టూటౌన్‌ : చరిత్ర అధ్యయనంలో ఖగోళ శాస్త్రం, శాసీ్త్రయ పద్ధతులు, పరిశోధనా విధానం వంటి అంశాలు అవసరమని ఎంజీయూ చరిత్ర విభాగం ప్రొఫెసర్‌ కె.అశోక్‌ అన్నారు. సోమవారం నల్లగొండలోని ఎంజీ యూనివర్సిటీలో యువత కోసం చరిత్ర, చరిత్ర రచన ఎందుకు, ఎలా అనే అంశంపై ఏర్పాటు చేసిన సదస్సులో ఆయన మాట్లాడారు. గతాన్ని అర్థం చేసుకోవడం ద్వారా వర్తమానాన్ని సమర్థంగా విశ్లేషించి, భవిష్యత్తును సముచితంగా నిర్మించుకోవడమే చరిత్ర అన్నారు. కార్యక్రమంలో చరిత్ర విభాగం అధ్యాపకులు విజయబాబు, పనస రామకృష్ణ, షరీఫ్‌, శ్రీనివాస్‌, వివేక్‌, విద్యార్థులు పాల్గొన్నారు.

భానుపురి (సూర్యాపేట) : కార్మికుల హక్కుల సాధన కోసం ప్రాణ త్యాగం చేసిన డ్రైవర్‌ శంకర్‌గౌడ్‌ లాంటి అమరవీరుల స్ఫూర్తితో ఆర్టీసీని రక్షించుకుని హక్కులను సాధించుకుందామని ఆర్టీసీ కార్మిక సంఘాల నాయకులు పిలుపునిచ్చారు. సోమవారం స్థానిక డిపో ఆవరణలో ఆర్టీసీ సమ్మె సందర్భంగా ప్రాణత్యాగం చేసిన నర్సంపేట డిపోకు చెందిన డ్రైవర్‌ శంకర్‌ గౌడ్‌ సంతాప సభను నిర్వహించారు. ఈ సందర్భంగా వారు మాట్లాడుతూ శంకర్‌ గౌడ్‌ ప్రాణత్యాగం సమ్మె డిమాండ్ల పరిష్కారానికి ప్రభావితం చేసిందన్నారు. కార్యక్రమంలో కార్మిక సంఘాల నాయకులు బత్తుల సుధాకర్‌, డీఆర్‌ కుమార్‌, పీఎం రావు, సేవియా, లక్ష్మయ్య, రవి, నాగరాజు, డి సి నాయక్‌, మోహన్‌, పీసీ శేఖర్‌, అక్బర్‌, సందేశ్‌, అనిజిత్‌, వీరయ్య, ఎల్లమ్మ,, శ్రీదేవి అలివేలు, రజిత పాల్గొన్నారు.

సూర్యాపేట టౌన్‌ : ప్రజా సమస్యలను చట్టపరంగా పరిష్కరిస్తామని జిల్లా ఎస్పీనరసింహ అన్నారు. సోమవారం సూర్యాపేట జిల్లా పోలీస్‌ కార్యాలయంలో జరిగిన గ్రీవెన్స్‌ డేలో ఫిర్యాదుదారులను నుంచి వినతులు స్వీకరించి మాట్లాడారు. ప్రజా సమస్యల పరిష్కారానికి సంబంధిత అధికారులకు ఫోన్‌ ద్వారా తక్షణ ఆదేశాలు, సూచనలు చేసి సమస్యల పరిష్కారానికి అవసరమైన దిశానిర్దేశం చేశారు. ఎలాంటి సమస్యలు ఉన్నా ప్రజలు పైరవీలు లేకుండా, మూడో వ్యక్తి ప్రమేయం లేకుండా, నిర్భయంగా పోలీస్‌ సేవలను వినియోగించుకోవాలని సూచించారు. శాంతి భద్రతలను కాపాడుతూ ప్రజలకు మరింత చేరువగా ఉండడమే లక్ష్యంగా పోలీస్‌ శాఖ పనిచేస్తోందన్నారు. డ్రగ్స్‌ నిర్మూలన, పిల్లల భద్రత అందరి బాధ్యత డ్రగ్స్‌ నిర్మూలన, పిల్లల భధ్రత అందరి బాధ్యత అని జిల్లా ఎస్పీ నరసింహ అన్నారు. సోమవారం సూర్యాపేటలో ప్రజా పాలన– ప్రగతి ప్రణాళిక 99 రోజుల కార్యక్రమంలో భాగంగా సోమవారం జిల్లా పోలీసు శాఖ ఆధ్వర్యంలో బాలల భద్రత, మాదక ద్రవ్యాల నిర్మూలనపై అవగాహన కార్యక్రమం నిర్వహించారు. ఈ సందర్భంగా ఆయన మాట్లాడుతూ జిల్లాలోని అన్ని పోలీస్‌ స్టేషన్ల పరిధిలో ఉన్న పోలీసు అధికారులు విద్యార్థులు, యువతకు మాదక ద్రవ్యాల వల్ల కలిగే అనర్థాలపై అవగాహన కల్పించారన్నారు. ఈ కార్యక్రమాలు జిల్లా వ్యాప్తంగా మే 2వ తేదీ వరకు నిర్వహిస్తామని తెలిపారు. బాలల భద్రతను పర్యవేక్షించడం, వ్యసనాలకు అలవాటుపడ్డ వారిలో మార్పు తేవడం, నేటి యువతను పట్టిపీడిస్తున్న డ్రగ్స్‌ మహమ్మారిని జిల్లా నుండి పారదోలడమే ముఖ్య ఉద్దేశమని పేర్కొన్నారు. ఎక్కడైనా అసాంఘిక కార్యకలాపాలు లేదా మాదక ద్రవ్యాల విక్రయాలు జరిగితే వెంటనే పోలీసులకు సమాచారం అందించి జిల్లా అభివృద్ధిలో భాగస్వాములు కావాలని కోరారు. జిల్లా ఎస్పీ నరసింహ

సూర్యాపేట టౌన్‌ : నూతన విద్యాసంవత్సరం ప్రారంభం నాటికి జిల్లాలోని అన్ని ప్రభుత్వ పాఠశాలలకు సరఫరా చేయాల్సిన పాఠ్యపుస్తకాలపై విద్యా శాఖ ముందస్తుగానే దృష్టి సారించింది. ఇప్పటికే పాఠశాలలకు వేసవి సెలవులు ప్రారంభమయ్యాయి. నెలన్నర తర్వాత బడులు తెరుచుకోనున్నాయి. కొత్త విద్యా సంవత్సరం ప్రారంభం రోజునే విద్యార్థుల చేతుల్లో పాఠ్య పుస్తకాలు ఉండేలా అధికారులు చర్యలు తీసుకుంటున్నారు. ఇందులో భాగంగా ఇప్పటికే 72.87శాతం పాఠ్య పుస్తకాలు వచ్చేశాయి. మిగిలిన పుస్తకాలు కూడా త్వరలోనే రానున్నాయి. జిల్లాకు 3,41,350 పుస్తకాలు అవసరంజిల్లాలోని 1 నుంచి 10వ తరగతి వరకు చదువుతున్న 60వేల మంది విద్యార్థులకు ఆయా సబ్జెక్టులకు సంబంధించి 3,41,350 పుస్తకాలు అవసరమని విద్యా శాఖ గుర్తించింది. ఇప్పటి వరకు 2,48,770(72.87శాతం) పుస్తకాలు జిల్లాకు చేరుకున్నాయి. వాటిని జిల్లా కేంద్రంలోని జెడ్పీ బాలుర పాఠశాలలోని గోదాములో భద్రపరుస్తున్నారు. తెలుగు, హిందీ, ఉర్దూ, ఇంగ్లిష్‌ మీడియం పుస్తకాల పంపిణీ దృష్ట్యా ఏడాదిలో రెండు విడతల్లో పార్ట్‌ 1, పార్ట్‌ 2గా పాఠ్యపుస్తకాలను ముద్రిస్తూ విడతల వారీగా సరఫరా చేస్తున్నారు. ప్రతి పుస్తకంపై వరుస సంఖ్య, కూ ఆర్‌ కోడ్‌ను ముద్రించడంతో ఉచిత పుస్తకాలు పక్కదారి పట్టకుండా పకడ్బందీ చర్యలు తీసుకుంటున్నారు. ఏ వరుస సంఖ్య పుస్తకాలు ఏ పాఠశాలకు వెళతాయనే అంశాలను ప్రత్యేక రిజిస్టర్‌లో నమోదు చేయనున్నారు. జూన్‌ మొదటి వారంలో పంపిణీవిద్యార్థులకు అందించాల్సిన పుస్తకాలు మే నెలలో పూర్తి స్థాయిలో గోదాముకు రానున్నాయి. ఈ పుస్తకాలను జూన్‌ మొదటి వారంలో మండలంలోని ఎమ్మార్సీలకు పంపించి అక్కడి నుంచి సంబంధిత పాఠశాలలకు పంపిణీ చేయనున్నారు. పాఠశాలలు పునఃప్రారంభం రోజే విద్యార్థుల చేతుల్లో కొత్త పాఠ్య పుస్తకాలు ఉండేందుకు విద్యా శాఖ ఏర్పాట్లు చేస్తోంది. ఇప్పటికే ముందస్తు బడిబాట సైతం నిర్వహిస్తున్నారు. ఈ బడిబాటలో ప్రైవేట్‌ పాఠశాలల్లో చదివే విద్యార్థులను, బడిబయట విద్యార్థులను గుర్తించి ప్రభుత్వ పాఠశాలల్లో చేర్పించనున్నారు.ఫ ఇప్పటికే జిల్లా కేంద్రానికి చేరిన 72.87 శాతం ఫ జెడ్పీ బాలుర పాఠశాల గోదాములో భద్రపరిచిన అధికారులు ఫ పాఠశాలలు పునఃప్రారంభం రోజే అందజేసేందుకు ఏర్పాట్లుపాఠశాలల పునఃప్రారంభం రోజే పంపిణీ చేస్తాం విద్యార్థులకు పాఠశాలలు పునఃప్రారంభం రోజే పాఠ్య పుస్తకాలు పంపిణీ చేస్తాం. విడతల వారీగా పాఠ్య పుస్తకాలు వస్తున్నాయి. ఇప్పటికే 72శాతం పుస్తకాలు వచ్చాయి. మిగతావి కూడా త్వరలోనే వస్తాయి. వచ్చిన వాటిని గోదాములో నిల్వ చేస్తున్నాం. పూర్తిస్థాయిలో వచ్చిన తర్వాత జూన్‌ మొదటి వారంలో ఎంఈఓల ఆధ్వర్యంలో సంబంధిత పాఠశాలలకు అందజేస్తాం. – అశోక్‌, జిల్లా విద్యా శాఖ అధికారి

అర్వపల్లి: జాజిరెడ్డిగూడెం మండలం తిమ్మాపురంలోని అఖండజ్యోతి స్వరూప సూర్యనారాయణస్వామి క్షేత్రంలో భక్తులు ఆదివారం ప్రత్యేక పూజలు నిర్వహించారు. తెల్లవారుజామున ఉషాపద్మిని ఛాయాసమేత సూర్యనారాయణస్వామిని ప్రత్యేకంగా అలంకరించి అభిషేకాలు జరిపారు. అనంతరం యజ్ఞశాలలో మహాసౌరహోమాన్ని నిర్వహించారు. అలాగే క్షేత్ర ఆవరణలోని కార్యసిద్ధి వీరహనుమాన్‌, శ్రీరామకోటి స్థూపాలను కూడా భక్తులు దర్శించుకున్నారు. కాగా వివిధ ప్రాంతాల నుంచి పెద్ద సంఖ్యలో భక్తులు తరలివచ్చారు. స్వామి క్షేత్రానికి తరలివచ్చిన భక్తులకు తీర్థప్రసాదాలు అందజేసి అన్నప్రసాద వితరణ జరిపారు. ఈ కార్యక్రమంలో క్షేత్ర వ్యవస్థాపకురాలు కాకులారపు రజితజనార్దన్‌, గణపురం నరేష్‌, ఇంద్రారెడ్డి, అర్చకులు భీంపాండే, అంకిత్‌పాండే, శ్రీరాంపాండే, భక్తులు పాల్గొన్నారు. బాధితుల ఇంటి నుంచే కేసులు నమోదు ఫ ఎస్పీ నరసింహ సూర్యాపేటటౌన్‌ : పోలీస్‌ స్టేషన్‌ చుట్టూ తిరగాల్సిన అవసరం లేకుండానే బాధితుల ఇళ్లకు వెళ్లి ఫిర్యాదు స్వీకరించి ఇంటి వద్ద నుంచే కేసు నమోదు చేస్తున్నామని ఎస్పీ నరసింహ ఆదివారం ఒక ప్రకటనలో తెలిపారు. రాష్ట్ర పోలీస్‌ శాఖ ఆధ్వర్యంలో నిర్వహిస్తున్న బాధితుల ఇంటి వద్ద నుంచే కేసు నమోదు, ఎఫ్‌ఐఆర్‌ ఎట్‌ డోర్‌ స్టెప్‌ కార్యక్రమాన్ని సూర్యాపేట జిల్లా పోలీసు శాఖ పటిష్టంగా అమలు చేస్తోందన్నారు. సమాచారం అందుకున్న వెంటనే సంఘటనా స్థలానికి, బాధితుల ఇంటికి పోలీసు అధికారులు చేరుకుని పారదర్శకంగా సేవలు అందిస్తున్నారని తెలిపారు. వారం రోజులుగా బాధితుల ఇంటి నుంచి 101 కేసులు నమోదు చేశామన్నారు. ఎస్సీ, ఎస్టీ అట్రాసిటీ ఆకృత్యాలు, విద్యాసంస్థల్లో ర్యాగింగ్‌, బాల్య వివాహాలు జరిగే సమయంలో సమాచారం అందుకున్న వెంటనే బాధితుల ఇంటి వద్దకు, లేదా వారికి అనుకూలమైన ప్రదేశంలో ఫిర్యాదు స్వీకరించి కేసు నమోదు చేసి పత్రాన్ని అందజేస్తున్నామన్నారు. సమస్యలపై 100 నంబర్‌కు ఫోన్‌ ద్వారా సమాచారం అందించాలని కోరారు. డ్రగ్స్‌ నిర్మూలనపై నేటి నుంచి అవగాహన సూర్యాపేట టౌన్‌ : ప్రజాపాలన–ప్రగతి ప్రణాళిక కార్యక్రమంలో భాగంగా రాష్ట్ర ప్రభుత్వం సూచించిన 5వ అంశం పిల్లల భద్రత, డ్రగ్స్‌ నిర్మూలనపై పోలీసు శాఖ ఆధ్వర్యంలో సోమవారం నుంచి వారం రోజుల పాటు జిల్లా వ్యాప్తంగా ప్రజా అవగాహన కార్యక్రమాలు నిర్వహిస్తామని ఎస్పీ నరసింహ ఆదివారం ఒక ప్రకటనలో తెలిపారు. విద్యార్థులు, యువత మత్తుకు అలవాటు పడి నేరాలకు పాల్పడుతున్నారని, వాటి బారినుంచి కాపాడుకోవాల్సిన బాధ్యత అందరిపై ఉందని పేర్కొన్నారు. గంజాయి సరఫరా, వినియోగంపై, గతంలో గంజాయి కేసుల్లో ఉన్న వారిపై, వినియోగించే వారిపై పోలీసు నిఘా ఉంచామని తెలిపారు. వీరికి కౌన్సిలింగ్‌ లాంటి కార్యక్రమాలు నిర్వహిసామని పేర్కొన్నారు. అవగాహన కార్యక్రమాల్లో అధికారులు, ప్రజాప్రతినిధులు, ప్రజలు, యువత భాగస్వామ్యం కావాలని, మాదకద్రవ్యాల రహిత ఆరోగ్యకర సమాజ నిర్మాణంలో భాగస్వామ్యం కావాలని కోరారు.

హుజూర్‌నగర్‌ : వారంతా నలభై ఏళ్ల క్రితం పదవ తరగతి చదివిన పూర్వ విద్యార్థులు. పూర్వ విద్యార్థుల ఆత్మీయ సమ్మేళనం పేరుతో ఒకే వేదికపై కలిశారు. వారే హుజూర్‌నగర్‌ ప్రభుత్వ బాలుర ఉన్నత పాఠశాలలో 1985–86 బ్యాచ్‌ పదో తరగతి విద్యార్థులు. వీరు ఆదివారం హుజూర్‌నగర్‌ పట్టణంలోని వర్తక సంఘం భవనంలో ఆత్మీయ సమ్మేళనాన్ని ఘనంగా జరుపుకున్నారు. ఈ సందర్భంగా ఒకరినొకరు ఆప్యాయంగా పలకరించుకుని రోజంతా గత తీపి జ్ఞాపకాలను నెమరేసుకుంటూ ఆనందంగా గడిపారు. అనంతరం అప్పట్లో తమకు పాఠాలు బోధించిన గురువులను ఘనంగా సన్మానించారు. తొలుత పాఠశాల ప్రాంగణంలో సహా విద్యార్థి గొర్రె సదాశివానందరెడ్డి రూ.లక్ష ఆర్థిక సాయంతో నిర్మించిన భారతదేశ చిత్రపటాన్ని ఎంఈఓ భూక్య సైదా నాయక్‌, హెడ్మాస్టర్‌ తాతరాజు శ్రీనివాసరావు, రిటైర్డ్‌ ఉద్యోగుల సంఘం నాయకులు ఎంఎస్‌ఎన్‌ రాజు ప్రారంభించారు. కార్యక్రమంలో దామోదరా చార్యులు, రాము గురుపాదం, గోపాల్‌దాస్‌, వెంకటేశ్వర్లు, గణేష్‌, భిక్షపతి, మహబూబ్‌ అలీ, శ్రీను, మురళి, సక్రు, దాదాపు 70 మంది పూర్వ విద్యార్థులు పాల్గొన్నారు.

భానుపురి (సూర్యాపేట) : జనగణన –2027 కార్యక్రమంలో భాగంగా స్వీయ గణనకు అవకాశం కల్పించామని, ప్రజలు దీనిని సద్వినియోగం చేసుకొని తమ కుటుంబ వివరాలను ఆన్‌లైన్‌లో నమోదు చేయాలని కలెక్టర్‌ తేజస్‌ నంద్‌లాల్‌ పవార్‌ సూచించారు. ఆదివారం కలెక్టరేట్‌ సమావేశ మందిరంలో స్వీయ గణనపై ప్రింట్‌ అండ్‌ ఎలక్ట్రానిక్‌ మీడియా ప్రతినిధులకు అవగాహన కార్యక్రమం నిర్వహించారు. ఈ సందర్భంగా పవర్‌ పాయింట్‌ ప్రజంటేషన్‌ ద్వారా స్వీయ గణన నమోదు ప్రక్రియను వివరించారు. మే 10వరకు ఈ ప్రక్రియ అందుబాటులో ఉంటుందని, ప్రజలు తమ ఇంటి, కుటుంబ సభ్యుల సమాచారం, సౌకర్యాలు మొదలైన అంశాలను అధికారిక వెబ్‌ పోర్టల్‌ ద్వారా సులభంగా నమోదు చేయవచ్చన్నారు. జనగణనలో మొదటి సారిగా స్వీయ గణనను ప్రవేశపెట్టడం దేశాన్ని డిజిటల్‌ దిశగా తీసుకెళ్లే ప్రక్రియలో ముఖ్యమైన అడుగు అన్నారు. ప్రతి కుటుంబం తప్పకుండా స్వీయ గణనలో పాల్గొనాలని కోరారు. కార్యక్రమంలో ముఖ్య ప్రణాళిక అధికారి కిషన్‌, డీఎంహెచ్‌ఓ వెంకటరమణ, ఎస్‌ఓ ఇస్లావత్‌ ఓబులాలు, ఎస్‌ఓవి రామారావు, ఎం.రాజేష్‌, తదితరులు పాల్గొన్నారు.

భానుపురి (సూర్యాపేట) : రాష్ట్ర ప్రభుత్వం ఆర్యవైశ్యులకు అండగా ఉంటుందని, ఏ ప్రభుత్వం చేయని విధంగా వాసవి కన్యకా పరమేశ్వరి జయంతి వేడుకలను అధికారికంగా నిర్వహిస్తున్నదని రాష్ట్ర పర్యాటక అభివృద్ధి కార్పొరేషన్‌ చైర్మన్‌ పటేల్‌ రమేష్‌రెడ్డి అన్నారు. ఆదివారం కలెక్టరేట్‌ సమావేశ మందిరంలో జిల్లా యువజన, క్రీడలశాఖ ఆధ్వర్యంలో వాసవి కన్యకా పరమేశ్వరి అమ్మవారి జయంతి వేడుకలను కలెక్టర్‌ తేజస్‌ నంద్‌లాల్‌ పవార్‌ అధ్యక్షతన నిర్వహించారు. ముందుగా జ్యోతి ప్రజ్వల చేసి వేడుకలను ప్రారంభించారు. అనంతరం ఆయన మాట్లాడుతూ రాష్ట్ర ముఖ్యమంత్రి రేవంత్‌రెడ్డి అమ్మవారి త్యాగాన్ని గుర్తించి జయంతి వేడుకలను అధికారికంగా నిర్వహిస్తున్నట్లు తెలిపారు. ఆర్యవైశ్యలకు పెద్దపీట వేస్తున్న ప్రభుత్వం ఆర్యవైశ్య కార్పొరేషన్‌ ఏర్పాటు చేసిందని గుర్తు చేశారు. వారికి సముచిత స్థానం కల్పించేందుకు సూర్యాపేట మున్సిపల్‌ చైర్‌పర్సన్‌గా మొరిశెట్టి నివేదితకు అవకాశం కల్పించిందని చెప్పారు. వాసవిమాత జయంతిని వచ్చే సంవత్సరం పెద్ద ఎత్తున నిర్వహించుకునేందుకు కృషి చేస్తామన్నారు. కార్యక్రమంలో మున్సిపల్‌ చైర్‌పర్సన్‌ మొరిశెట్టి నివేదిత, వైస్‌ చైర్మన్‌ షఫీ ఉల్లా, ఏఎంసీ వైస్‌ చైర్మన్‌ గట్టు శ్రీనివాస్‌, ఏఐసీసీ సభ్యుడు రాంరెడ్డి సర్వోత్తమ్‌రెడ్డి, డీఎంహెచ్‌ఓ వెంకటరమణ, సంక్షేమ అధికారి కె.నరసింహారావు, యువజన సంక్షేమ అధికారి వెంకట్‌రెడ్డి, ఆర్యవైశ్య సంఘం జిల్లా అధ్యక్షుడు వెంపటి వెంకటేశ్వరరావు, కోశాధికారి లక్ష్మీకాంత్‌, పట్టణ అధ్యక్షుడు మంచాల రంగయ్య, కార్యదర్శి కలకోట లక్ష్మయ్య, బండారు రాజా, తోట శ్యాం ప్రసాద్‌ పాల్గొన్నారు. పర్యాటక అభివృద్ధి కార్పొరేషన్‌ చైర్మన్‌ పటేల్‌ రమేష్‌రెడ్డి