Corporate

భారతీయుల బ్యాంకింగ్‌ వ్యవహారాల్లో కీలక మార్పు చోటుచేసుకుంటోంది. ఒకప్పుడు పొదుపు ఖాతా, జీతం జమ, క్రెడిట్‌ కార్డు, వ్యక్తిగత రుణం, గృహ రుణం.. ఇలా అన్ని అవసరాలకూ ఒకే బ్యాంకుపై ఆధారపడే సంప్రదాయం ఉండేది. ఇప్పుడు ఆ విధానానికి కాలం చెల్లుతోంది. డిజిటల్‌ బ్యాంకింగ్‌, ఫిన్‌టెక్‌ వేదికలు, ఆన్‌లైన్‌ దరఖాస్తులు అందుబాటులోకి రావడంతో వినియోగదారులు తమ ప్రతి ఆర్థిక అవసరానికీ వేర్వేరు సంస్థలను ఎంచుకుంటున్నారు. ఫలితంగా ‘ఒక కస్టమర్‌- ఒక బ్యాంకు’ అనే పాత భావన స్థానంలో ‘అవసరానికి తగిన బ్యాంకు’ అనే కొత్త ధోరణి బలపడుతోందని నిపుణులు చెబుతున్నారు.క్రెడిట్‌ కార్డులతో మొదలైన మార్పుఈ పరిణామానికి క్రెడిట్‌ కార్డు మార్కెట్‌ తొలి వేదికగా నిలిచింది. రోజువారీ కొనుగోళ్లపై అధిక రివార్డులు ఇచ్చే కార్డు ఒకటి, విమాన ప్రయాణాలు, లాంజ్‌ సదుపాయాలకు మరోటి, ఇంధన ఖర్చుల తగ్గింపునకు ఇంకొకటి.. ఇలా వినియోగదారులు తమ ఖర్చుల స్వభావాన్ని బట్టి కార్డులను ఎంచుకుంటున్నారు. ఇదే ధోరణి ఇతర బ్యాంకింగ్‌ సేవలకూ విస్తరించింది. ఒక బ్యాంకులో జీతం ఖాతా, మరో బ్యాంకులో క్రెడిట్‌ కార్డు, మూడో సంస్థలో గృహ రుణం, అధిక వడ్డీ ఇచ్చే చోట ఫిక్స్‌డ్‌ డిపాజిట్‌.. పట్టణ వినియోగదారుల్లో ఇటువంటి బ్యాంకింగ్‌ విధానం పెరుగుతోంది.డిజిటల్‌ వేదికలే చోదకశక్తిస్మార్ట్‌ఫోన్‌ ఆధారిత సేవలు, డిజిటల్‌ కేవైసీ, ఫిన్‌టెక్‌ మార్కెట్‌ప్లేస్‌లు ఈ మార్పును వేగవంతం చేస్తున్నాయి. బ్యాంకులు, బ్యాంకింగేతర ఆర్థిక సంస్థలు (ఎన్‌బీఎఫ్‌సీలు) అందించే వడ్డీ రేట్లు, రుణ నిబంధనలు, రివార్డులను ఒకే వేదికపై పోల్చుకునే అవకాశం వినియోగదారులకు లభిస్తోంది. క్రెడిట్‌ బ్యూరోలు, అకౌంట్‌ అగ్రిగేటర్లు, జీఎస్టీ సమాచారం వంటి డిజిటల్‌ వ్యవస్థల ద్వారా ఆర్థిక సమాచార వినియోగం కూడా రుణదాతల మధ్య పోటీని ప్రభావితం చేస్తోంది. అమెజాన్‌–ఐసీఐసీఐ బ్యాంకు, ఫ్లిప్‌కార్ట్‌–యాక్సిస్‌ బ్యాంకు, టాటా న్యూ–హెచ్‌డీఎఫ్‌సీ బ్యాంకు వంటి కో-బ్రాండెడ్‌ భాగస్వామ్యాలు కొత్త కస్టమర్లను ఆకర్షించేందుకు బ్యాంకులు అనుసరిస్తున్న వ్యూహాలకు ఉదాహరణలు.అప్రమత్తత అవసరంఈ పరిణామం వినియోగదారులకు మెరుగైన సేవలు, పోటీ వడ్డీ రేట్లు, అధిక రివార్డులు పొందే అవకాశాన్ని కల్పిస్తోంది. అయితే, ఎక్కువ ఖాతాలు లేదా కార్డులు ఉండటమే ఆర్థిక ప్రయోజనానికి హామీ కాదని గుర్తుంచుకోవాలి. మినిమం బ్యాలెన్స్‌ నిబంధనలు, వార్షిక రుసుములు, రుణాల వడ్డీ, చెల్లింపుల గడువులు, ఖాతాల నిర్వహణను సమీక్షించాలి. డిజిటల్‌ రుణ యాప్‌ల విషయంలో రుణదాత నియంత్రణ సంస్థ పరిధిలో ఉన్నాడో లేదో పరిశీలించడం, వ్యక్తిగత సమాచారాన్ని భద్రంగా ఉంచడం కీలకం.మొత్తంగా.. ప్రధాన బ్యాంకు ప్రాధాన్యం పూర్తిగా కనుమరుగయ్యే పరిస్థితి లేకపోయినా అది ఒక్కటే అన్ని అవసరాలనూ తీర్చే సంస్థగా ఉండకపోవచ్చు. కస్టమర్లను నిలబెట్టుకునేందుకు బ్యాంకులు సేవల నాణ్యత, డిజిటల్‌ అనుభవం, వడ్డీ రేట్లు, రివార్డులపై మరింత పోటీ పడాల్సి ఉంటుంది. వినియోగదారులకూ బ్యాంకింగ్‌ సర్వీసుల ఎంపిక స్వేచ్ఛ పెరుగుతోంది. ఆ స్వేచ్ఛను ప్రయోజనకరంగా మార్చుకోవడానికి మాత్రం ఖర్చుల నియంత్రణ, ఆర్థిక క్రమశిక్షణ తప్పనిసరి.ఇదీ చదవండి: ఇష్టానికి వ్యతిరేకంగా పెళ్లి చేసుకున్నా ఆస్తి ఇవ్వాలా?

వంటనూనెతో కొలెస్ట్రాల్‌ నియంత్రణ, గుండె ఆరోగ్యం మెరుగుదల సాధ్యమన్న ప్రచారంపై భారత ఆహార భద్రత, ప్రమాణాల ప్రాధికార సంస్థ (ఎఫ్‌ఎస్‌ఎస్‌ఏఐ) చర్యలకు ఉపక్రమించింది. ‘ఫ్రీడమ్‌ కుకింగ్‌ రైస్‌ బ్రాన్‌ ఆయిల్‌’కు సంబంధించి తప్పుదోవ పట్టించే ఆరోగ్య ప్రయోజనాల ప్రకటనలు చేసినట్లు ఆరోపణలతో జెమిని ఎడిబుల్స్‌ అండ్‌ ఫ్యాట్స్‌ ఇండియా లిమిటెడ్‌, బిగ్‌బాస్కెట్‌ నిర్వహణ సంస్థ ఇన్నోవేటివ్‌ రిటైల్‌ కాన్సెప్ట్స్‌, ఫ్లిప్‌కార్ట్‌ ఇండియాలకు షోకాజ్‌ నోటీసులు జారీ చేసింది.నిబంధనలకు విరుద్ధంగా..సదరు ప్రచారంలో చెడు కొలెస్ట్రాల్‌ను తగ్గించి, మంచి కొలెస్ట్రాల్‌ను కొనసాగించడం లేదా పెంచడం సాధ్యమని పేర్కొన్నట్లు నియంత్రణ సంస్థ తెలిపింది. అలాగే, సహజ ఓరిజనాల్‌ పరిమాణం 10,000 పీపీఎంకు మించి ఉంటుందని ప్రచారం చేసిన అంశాన్నీ ప్రస్తావించింది. ఈ వాదనలు వినియోగదారుల్లో ఆరోగ్య ప్రయోజనాలపై అపోహలు కలిగించే అవకాశముందని ఎఫ్‌ఎస్‌ఎస్‌ఏఐ అభ్యంతరం వ్యక్తం చేసింది.ఆహార ఉత్పత్తుల ప్రకటనలు, ఆరోగ్య సంబంధిత వాదనలపై 2018 నాటి నిబంధనల ప్రకారం రైస్‌ బ్రాన్‌ ఆయిల్‌కు ఇటువంటి కొలెస్ట్రాల్‌, గుండె ఆరోగ్య ప్రయోజనాలు అనుమతిలో లేవని స్పష్టం చేసింది. ఈ వ్యవహారంలో ఆహార భద్రత, ప్రమాణాల చట్టం–2006 కింద ఎందుకు చర్యలు తీసుకోకూడదో వివరణ ఇవ్వాలని మూడు సంస్థలను ఆదేశించింది.ఈ-కామర్స్‌ లైసెన్సుపైనా ప్రశ్నలుఇదే సమయంలో, జెమిని ఎడిబుల్స్‌ తన సొంత ఈ-కామర్స్‌ వెబ్‌సైట్‌ ద్వారా ఆహార ఉత్పత్తులను విక్రయిస్తున్నప్పటికీ ఆ కార్యకలాపాలకు అవసరమైన చెల్లుబాటు అయ్యే సెంట్రల్‌ లైసెన్సు లేదని ఎఫ్‌ఎస్‌ఎస్‌ఏఐ పేర్కొంది. ఈ పరిణామం ఆహార ఉత్పత్తుల ఆన్‌లైన్‌ విక్రయాల్లో ప్రకటనల విశ్వసనీయత, నియంత్రణ నిబంధనల అమలుపై దృష్టి సారించేలా చేసింది. అయితే, నోటీసుల జారీ అనేది తప్పులకు తుది నిర్ధారణ కాదు. సంబంధిత సంస్థల వివరణలు, తదుపరి విచారణ ఆధారంగానే చట్టపరమైన చర్యలపై నిర్ణయం వెలువడనుంది.ఇదీ చదవండి: రోజూ చూసే రూపీ సింబల్ వెనుక దాగున్న రహస్యాలు

దేశీయ విమానయాన రంగానికి అనుకూల కేంద్రంగా మారుతున్న హైదరాబాద్ వేదికగా కీలక పరిణామం చోటుచేసుకుంది. ప్రముఖ ఎయిర్‌క్రాఫ్ట్ మెయింటెనెన్స్, రిపేర్ అండ్ ఓవర్‌హాల్ (ఎంఆర్‌ఓ) సంస్థ ‘జీఎంఆర్ ఏరో టెక్నిక్’ (GMR Aero Technic), కెనడాకు చెందిన విమాన మాడిఫికేషన్, సర్టిఫికేషన్ దిగ్గజం ‘కార్పొరేషన్ లాజిక్ ఎయిర్ ఇంక్’(Logic Air)తో అవగాహనా ఒప్పందం కుదుర్చుకుంది. భారతీయ, అంతర్జాతీయ విమానయాన మార్కెట్లకు అవసరమైన విమాన ఇంజినీరింగ్, మాడిఫికేషన్స్‌, సర్టిఫికేషన్ పరిష్కారాలను అందించడమే ఈ భాగస్వామ్యం ముఖ్య ఉద్దేశం.ఈ వ్యూహాత్మక భాగస్వామ్యం ద్వారా విమానాల సాధారణ నిర్వహణ, రీ-డెలివరీ ప్రోగ్రామ్‌లు, ట్రాన్సిషన్ చెక్స్ సమయాల్లో ఎలాంటి అంతరాయం లేకుండా ఎయిర్‌క్రాఫ్ట్ మాడిఫికేషన్ పరిష్కారాలను అందించనున్నారు. ముఖ్యంగా మిడిల్ ఈస్ట్, ఆసియా-పసిఫిక్ ప్రాంతాలలోని ఆపరేటర్లను లక్ష్యంగా చేసుకుని లాజిక్ ఎయిర్ అందించే ‘సప్లిమెంటరీ టైప్ సర్టిఫికేట్’ డేటా ఆధారంగా ఆధునీకరణ సేవలను విస్తరించనున్నారు. ఎయిర్‌లైన్స్, లీజింగ్ కంపెనీలు, కార్గో ఆపరేటర్లకు అత్యుత్తమ సేవలు అందించడమే కాకుండా భారతదేశంలో ఇన్‌స్టాలేషన్, శిక్షణ, మెయింటెనెన్స్, దీర్ఘకాల మద్దతు అందించే స్థానిక సాంకేతిక సామర్థ్యాలను ఈ ఒప్పందం బలోపేతం చేస్తుందని సంస్థ ప్రతినిధులు స్పష్టం చేశారు.ఈ సందర్భంగా జీఎంఆర్ ఏరో టెక్నిక్ ప్రెసిడెంట్ అశోక్ గోపీనాథ్ మాట్లాడుతూ, ‘లాజిక్ ఎయిర్ ఇంజినీరింగ్, సర్టిఫికేషన్ నైపుణ్యంతో మా ఎంఆర్ఓ మౌలిక సదుపాయాలు తోడవ్వడం వల్ల కస్టమర్లకు ఏకీకృత పరిష్కారాలు వేగంగా అందుతాయి. ఇది భారత్, మిడిల్ ఈస్ట్, ఆసియా-పసిఫిక్ రీజియన్‌లోని విమానయాన రంగానికి ఎంతో లబ్ధి చేకూరుస్తుంది’ అని పేర్కొన్నారు.ఇదీ చదవండి: రోజూ చూసే రూపీ సింబల్ వెనుక దాగున్న రహస్యాలు

అధికారికంగా నమోదు చేసిన సేవలకు, వాస్తవ సదుపాయాలకు తేడా ఉంటే వినియోగదారుల హక్కుల పరిరక్షణ చట్టం ప్రకారం కఠిన చర్యలు తప్పవని చండీగఢ్ స్టేట్ కన్స్యూమర్ డిస్ప్యూట్స్ రెడ్రెసల్ కమిషన్ స్పష్టం చేసింది. ఐఆర్‌సీటీసీ (IRCTC) పోర్టల్‌లో చూపించిన సదుపాయాలు వాస్తవంలో లభించకపోవడంతో దాఖలైన పిటిషన్‌ను విచారించిన కమిషన్, బాధితుడికి రూ.20,000 పరిహారం చెల్లించాలని ఆదేశించింది.అసలేం జరిగింది?చండీగఢ్‌కు చెందిన 72 ఏళ్ల భారతేందు సూద్ మే 2024లో చిత్తోర్‌గఢ్ రైల్వే స్టేషన్‌లో రూ.333 చెల్లించి ఐఆర్‌సీటీసీ పోర్టల్ ద్వారా రిటైరింగ్ రూమ్ బుక్ చేసుకున్నారు. వయోభారం, ఆరోగ్య సమస్యల కారణంగా వెస్ట్రన్ టాయిలెట్ ఉన్న గదిని ఎంచుకున్నారు. అయితే, అక్కడికి చేరుకున్నాక ఆ గదిలో ఇండియన్ టాయిలెట్ ఉండటంతో ఆయన తీవ్ర ఇబ్బందికి గురయ్యారు. దీంతో ఆ గదిని ఉపయోగించకుండానే తాళాలను అధికారులకు అప్పగించి రిఫండ్ కోరారు. కానీ, రైల్వే అధికారులు రిఫండ్ ఇచ్చేందుకు నిరాకరించారు.వినియోగదారుల ఫోరంలో ఫిర్యాదుసేవా లోపం, అనుచిత వ్యాపార ధోరణిపై సూద్ డిస్ట్రిక్ట్ కన్స్యూమర్ కమిషన్‌ను ఆశ్రయించారు. తొలుత జిల్లా ఫోరం రూ.3,333 (రూ.333 రీఫండ్ + రూ.3,000 పరిహారం) ఇవ్వాలని తీర్పునిచ్చింది. అయితే ఈ పరిహారం తన మానసిక వేదనకు, న్యాయపోరాటానికి అయిన ఖర్చులకు సరిపోదని భావించిన సూద్ స్టేట్ కమిషన్‌లో అప్పీల్ చేశారు.స్టేట్ కమిషన్ తీర్పుపద్మా పాండే, రాజేష్ కుమార్ ఆర్యలతో కూడిన స్టేట్ కమిషన్ ధర్మాసనం జిల్లా ఫోరం ఇచ్చిన రూ.3,000 పరిహారం కేవలం ‘టోకెన్’ ప్రాతిపదికన మాత్రమే ఉందంటూ, దాన్ని రూ.20,000లకు పెంచింది. వినియోగదారుడికి జరిగిన మానసిక వేదన, సమయం వృథా కావడం, సేవా లోపాన్ని పరిగణనలోకి తీసుకుని ఈ నిర్ణయం తీసుకున్నట్లు పేర్కొంది. మొత్తం బుకింగ్ సొమ్ము రూ.333 ను 9% వడ్డీతో రీఫండ్ చేయాలని, 30 రోజుల్లోగా రూ.20,000 పరిహారాన్ని చెల్లించాలని ఐఆర్‌సీటీసీ, రైల్వే శాఖలను కమిషన్ ఆదేశించింది. నిర్ణీత గడువులోగా చెల్లించకపోతే వడ్డీ రేటును 12 శాతానికి పెంచుతామని హెచ్చరించింది.ఇదీ చదవండి: రోజూ చూసే రూపీ సింబల్ వెనుక దాగున్న రహస్యాలు

అంతర్జాతీయ మార్కెట్‌లో.. చమురు ధరల్లో వస్తున్న మార్పులకు అనుగుణంగా భారత ప్రభుత్వం పెట్రోల్, డీజిల్ ఎగుమతులపై పన్నులను సవరించింది. అక్టోబర్ 16 నుంచి పెట్రోల్ ఎగుమతులపై పన్నును లీటరుకు రూ. 0.50 నుంచి రూ. 2.50కు పెంచగా, డీజిల్ ఎగుమతులపై పన్నును రూ. 16 నుంచి రూ. 8.50కు తగ్గించింది. అంటే పెట్రోల్‌పై పన్ను ఐదు రెట్లు పెరిగితే, డీజిల్‌పై రూ. 7.50 తగ్గింది. ఈ కొత్త పన్ను రేట్లు మరో 15 రోజుల పాటు అమల్లో ఉంటాయి.ప్రభుత్వం పెట్రోల్‌పై పన్ను పెంచి, డీజిల్‌పై ఎందుకు తగ్గించిందనే ప్రశ్న చాలామందికి రావచ్చు. దీనికి ప్రధాన కారణం అంతర్జాతీయ చమురు మార్కెట్‌లో చోటుచేసుకుంటున్న మార్పులు. విదేశాల్లో ఇంధన ధరలు ఎక్కువగా ఉన్నప్పుడు, చమురు శుద్ధి సంస్థలు దేశీయ మార్కెట్‌లో విక్రయించడం కంటే విదేశాలకు ఎగుమతి చేయడానికి ఎక్కువ ఆసక్తి చూపవచ్చు. దీనివల్ల దేశంలో ఇంధన సరఫరాపై ఒత్తిడి ఏర్పడే అవకాశం ఉంటుంది. అలాంటి పరిస్థితులను నియంత్రించడానికి ప్రభుత్వం ఎగుమతులపై పన్నులు విధిస్తుంది.నిజానికి.. ప్రభుత్వం ఈ పన్నులను ఒకేసారి నిర్ణయించి, శాశ్వతంగా అమలు చేయడం లేదు. అంతర్జాతీయ ముడి చమురు ధరలు, యుద్ధ పరిస్థితులు, ఇంధన సరఫరాను బట్టి ప్రతి 15 రోజులకు ఒకసారి సమీక్షిస్తోంది. గతంలో 2024లో విండ్‌ఫాల్ పన్నులను తొలగించిన ప్రభుత్వం, 2026 మార్చిలో పశ్చిమాసియాలో యుద్ధం తీవ్రం కావడం, చమురు ధరలు పెరగడం వంటి పరిణామాల నేపథ్యంలో మళ్లీ ఎగుమతి పన్నులను ప్రవేశపెట్టింది.ప్రభుత్వం తీసుకున్న నిర్ణయంతో పెట్రోల్ ధరలు పెరుగుతాయా?, డీజిల్ ధరలు తగ్గుతాయా? అని అనుకోకూడదు. ఎందుకంటే ఈ మార్పులు విదేశాలకు ఎగుమతి చేసే ఇంధనంపై మాత్రమే వర్తిస్తాయి. దేశీయంగా వినియోగించే పెట్రోల్, డీజిల్‌పై ఉన్న పన్నుల్లో ఎలాంటి మార్పు చేయలేదు. అందువల్ల ఈ నిర్ణయం కారణంగా పెట్రోల్ ధరలు పెరుగుతాయని లేదా డీజిల్ ధరలు తగ్గుతాయని కచ్చితంగా చెప్పలేం.ఇదీ చదవండి: పసిడి ప్రియులకు శుభవార్త.. బంగారం ధరలు ఇలా..

భారత్‌లో స్టార్‌లింక్ సేవల ప్రారంభంపై.. ఎలాన్ మస్క్, రిలయన్స్ ఇండస్ట్రీస్ మధ్య మాటల యుద్ధం మొదలైంది. స్టార్‌లింక్‌కు అనుమతులు రావడంలో ఎదురవుతున్న సమస్యలపై మస్క్ చేసిన వ్యాఖ్యలపై తాజాగా రిలయన్స్ స్పందించింది. తాము పోటీకి ఎప్పుడూ భయపడలేదని, భారత్‌లో వ్యాపారం చేయాలనుకునే ప్రతి కంపెనీ ఇక్కడి చట్టాలు, నిబంధనలను పాటించాల్సిందేనని స్పష్టం చేసింది.పోటీకి మేం భయపడలేదు!స్టార్‌లింక్ విషయంలో జరుగుతున్న పరిణామాలపై రిలయన్స్ ఒక ప్రకటన విడుదల చేసింది. భారత్‌లో స్వదేశీ కంపెనీలైనా, విదేశీ సంస్థలైనా ప్రభుత్వం అందరికీ ఒకే విధమైన విధానాన్ని అనుసరిస్తోందని తెలిపింది. తమ జియో శాటిలైట్ ఇంటర్నెట్ సేవలకు కూడా ఇంకా అనుమతులు రావాల్సి ఉందని పేర్కొంది.భారత్‌లో పెట్టుబడులు పెట్టడానికి, కొత్త టెక్నాలజీని తీసుకురావడానికి అన్ని సంస్థలకు అవకాశాలు ఉన్నాయని రిలయన్స్ తెలిపింది. అయితే, వ్యాపారం చేసే ప్రతి కంపెనీ దేశ చట్టాలను గౌరవించాలని స్పష్టం చేసింది. శాటిలైట్ ఇంటర్నెట్ రంగంలోకి స్టార్‌లింక్ రావడాన్ని కూడా స్వాగతిస్తున్నామని పేర్కొంది.జియో ప్రయాణం..పోటీకి తాము ఎందుకు భయపడబోమో చెప్పడానికి రిలయన్స్ తన జియో ప్రయాణాన్ని ఉదాహరణగా చూపించింది. 2016లో టెలికాం రంగంలోకి అడుగుపెట్టినప్పుడు జియోకు ఒక్క కస్టమర్ కూడా లేడని గుర్తుచేసింది. అప్పటికే మార్కెట్‌లో అనేక కంపెనీలు ఉన్నప్పటికీ, తక్కువ ధరలకు డేటా అందిస్తూ వినియోగదారుల ఆదరణ పొందామని వెల్లడించింది.ప్రస్తుతం జియోకు 53 కోట్లకు పైగా కస్టమర్లు ఉన్నారని కంపెనీ పేర్కొంది. వినియోగదారులకు ఎవరు మెరుగైన సేవలు అందిస్తారనేదే పోటీలో ముఖ్యమని రిలయన్స్ స్పష్టం చేసింది. ఇప్పుడు శాటిలైట్ ఇంటర్నెట్ రంగంలోనూ ఇదే విధంగా పోటీని స్వాగతిస్తున్నామని వెల్లడించింది.అసలు వివాదంఎలాన్ మస్క్‌కు చెందిన స్పేస్‌ఎక్స్ సంస్థ స్టార్‌లింక్ ద్వారా శాటిలైట్ ఆధారిత ఇంటర్నెట్ సేవలను అందిస్తోంది. సాధారణ బ్రాడ్‌బ్యాండ్ కనెక్షన్లు అందుబాటులో లేని ప్రాంతాల్లో కూడా ఇంటర్నెట్ అందించడం దీని ప్రత్యేకత. భారత్‌లో ఈ సేవలను ప్రారంభించేందుకు స్టార్‌లింక్ అనుమతుల కోసం ఎదురుచూస్తోంది.అయితే.. అనుమతులు, స్పెక్ట్రమ్ కేటాయింపు విషయంలో ఆలస్యం జరుగుతోందంటూ అక్టోబర్ 7న మస్క్ విమర్శలు చేశారు. కొంతమంది వ్యాపారవేత్తలు స్టార్‌లింక్‌కు అడ్డుపడుతున్నారనే అర్థం వచ్చేలా వ్యాఖ్యానించారు.దీనిపై మరుసటి రోజు భారత కమ్యూనికేషన్ల మంత్రిత్వ శాఖ స్పందించింది. వివక్ష చూపుతున్నారనే ఆరోపణలు నిరాధారమైనవని పేర్కొంది. శాటిలైట్ కమ్యూనికేషన్ రంగంలో అనుమతుల ప్రక్రియ న్యాయంగా కొనసాగుతోందని, సంబంధిత మూడు సంస్థల భద్రతా పరిశీలన కూడా జరుగుతోందని వివరించింది.అంబానీని ఉద్దేశించిన మస్క్ప్రభుత్వ వివరణ వచ్చిన కొన్ని గంటల తర్వాత మస్క్ మరోసారి స్పందించారు. స్టార్‌లింక్ 165కు పైగా దేశాల్లో పనిచేస్తోందని, భారత్‌లో నిబంధనలను పాటించేందుకు ఐదేళ్లుగా ప్రయత్నిస్తున్నామని పేర్కొన్నారు. అయినా.. భారత్‌లో అనుమతి ఎందుకు రావడం లేదని ప్రశ్నిస్తూ, ''భారత్‌కు అసలైన బాస్ అంబానీనా?'' అని వ్యాఖ్యానించారు.ఇదీ చదవండి: అమెరికా గ్రీన్ కార్డుల వివాదం.. బ్రాడ్ స్మిత్ హెచ్చరిక!వినియోగదారులకు ఏమిటి లాభం!స్టార్‌లింక్ భారత్‌లో సేవలు ప్రారంభిస్తే, ముఖ్యంగా గ్రామీణ ప్రాంతాలు, మారుమూల ప్రదేశాల్లో ఇంటర్నెట్ సౌకర్యం మెరుగుపడే అవకాశం ఉంది. మరోవైపు, జియో కూడా శాటిలైట్ ఇంటర్నెట్ సేవలను అందించేందుకు ప్రయత్నిస్తోంది.ఈ రెండు సంస్థల మధ్య భవిష్యత్తులో పోటీ పెరిగే అవకాశం ఉంది. దీనివల్ల ఇంటర్నెట్ ధరలు, సేవల నాణ్యత, కనెక్టివిటీ విషయంలో వినియోగదారులకు ప్రయోజనం కలగవచ్చు. అయితే.. స్టార్‌లింక్ సేవలు ఎప్పుడు ప్రారంభమవుతాయి, వాటి ధరలు ఎంత ఉంటాయనేది ఇంకా స్పష్టత రావాల్సి ఉంది.Statement from Reliance Industries In light of recent remarks about Reliance and the Indian market, we wish to place the facts on record. Like every Indian enterprise, Reliance has grown in an India that welcomes investment and innovation, homegrown or international, that improve the lives of the people. That openness rests on the rule of law. As the Government of India has stated, it applies the same process to every applicant, Indian or foreign. Jio's own satellite services await clearances. At Reliance, we have never feared competition. We see it as the truest test of who serves the customer best. Jio itself entered India's crowded telecom market in 2016 as the newest player, with not a single customer. In just ten years, Jio has earned the trust of over 530 million customers and given Indians some of the best digital infrastructure and most affordable data in the world. We welcome competition in satellite communications, including Starlink. Every player, Jio included, must serve the people of India and abide by the laws and policies of the land.— Reliance Industries Limited (@RIL_Updates) October 16, 2026

అమెరికాలో విదేశీ ఉద్యోగులకు గ్రీన్ కార్డులు ఇచ్చే విషయంలో.. ట్రంప్ ప్రభుత్వం తీసుకుంటున్న నిర్ణయాలు టెక్ రంగంలో చర్చకు దారితీశాయి. ముఖ్యంగా భారతీయ ఐటీ ఉద్యోగులపై ఈ నిర్ణయాల ప్రభావం ఎలా ఉంటుందనే ఆసక్తి నెలకొంది. దీనిపై మైక్రోసాఫ్ట్ అధ్యక్షుడు బ్రాడ్ స్మిత్ స్పందించారు.బ్రాడ్ స్మిత్ హెచ్చరికగ్రీన్ కార్డుల విషయంలో అమెరికా తీసుకున్న నిర్ణయంపై బ్రాడ్ స్మిత్ ఆందోళనను వ్యక్తం చేశారు. విదేశీ ఉద్యోగులకు అమెరికాలో శాశ్వతంగా స్థిరపడే అవకాశాలను తగ్గిస్తే.. భవిష్యత్తులో టెక్నాలజీ రంగం నష్టపోయే ప్రమాదం ఉందని ఆయన హెచ్చరించారు. ఎందుకంటే.. అమెరికాలోని టెక్ కంపెనీలు ప్రపంచంలోని వివిధ దేశాల నుంచి ప్రతిభావంతులైన ఉద్యోగులను నియమించుకుంటాయి. అలాంటి వారికి అవకాశాలు తగ్గిస్తే.. వారు ఇతర దేశాలకు వెళ్లే అవకాశం ఉంటుంది. దీంతో అమెరికా కంపెనీలు నైపుణ్యం కలిగిన ఉద్యోగులను కోల్పోవచ్చని స్మిత్ అభిప్రాయపడ్డారు.జేడీ వాన్స్ ఆరోపణమైక్రోసాఫ్ట్ హెచ్-1బీ వీసా విధానాన్ని దుర్వినియోగం చేసిందని అమెరికా ఉపాధ్యక్షుడు జేడీ వాన్స్ ఆరోపించారు. దీనిపై స్పందించిన బ్రాడ్ స్మిత్ ఆ ఆరోపణలను పూర్తిగా ఖండించారు. తమ కంపెనీ విదేశీ ఉద్యోగులకు తక్కువ జీతాలు ఇస్తుందనే వాదనను కూడా ఆయన అంగీకరించలేదు. ఉద్యోగి ఏ దేశానికి చెందినవారైనా, వారి ఇమ్మిగ్రేషన్ స్థితితో సంబంధం లేకుండా ఒకే విధమైన వేతన వ్యవస్థను అనుసరిస్తామని ఆయన వివరించారు.9000 మంది అమెరికన్లను ఉద్యోగాలుఅంతేకాకుండా.. మైక్రోసాఫ్ట్ గత ఏడాది 9,000 మందికి పైగా అమెరికాలో జన్మించిన ఉద్యోగులను నియమించుకుందని స్మిత్ తెలిపారు. కాబట్టి.. విదేశీ ఉద్యోగులను నియమించుకుంటున్నామనే కారణంతో అమెరికా పౌరులకు ఉద్యోగాలు ఇవ్వడం లేదని భావించడం సరికాదని ఆయన చెప్పాలనుకున్నారు.గ్రీన్ కార్డు వివాదం.. భారతీయ ఐటీ ఉద్యోగులను ప్రభావితం చేస్తాయి. ఎందుకంటే చాలా మంది భారతీయ నిపుణులు H-1B వీసాల ద్వారా అమెరికాలో పనిచేస్తున్నారు. వారిలో చాలామంది భవిష్యత్తులో గ్రీన్ కార్డు పొంది అక్కడే స్థిరపడాలని ఆశిస్తారు. కానీ.. గ్రీన్ కార్డు ప్రక్రియపై ఆంక్షలు విధిస్తే సమస్యలు ఎదుర్కోవాల్సి వస్తుంది.ఇదీ చదవండి: అమెజాన్‌కు పోటీగా మస్క్ ఈ కామర్స్!

ఆర్టిఫిషియల్ ఇంటెలిజెన్స్ (AI) వేగంగా అభివృద్ధి చెందుతున్న తరుణంలో.. ఆన్‌లైన్ షాపింగ్ చేయడంలో కూడా సహాయకారిగా ఉంటోంది. మనకు కావాల్సిన వస్తువులను వెతకడం, వాటి ధరలను పోల్చడం, ఆర్డర్లు చేయడం వంటి పనులలో ఏఐ అసిస్టెంట్ల సహాయపడుతున్నాయి. కానీ.. అమెజాన్ తన వెబ్‌సైట్‌లో ఏఐ బాట్‌లు వినియోగదారుల తరఫున షాపింగ్ చేయడంపై కొన్ని ఆంక్షలు విధిస్తోంది.ఒక ఎక్స్ యూజర్ తన గ్రోక్ ఏఐ బాట్ అమెజాన్‌లో రిటర్న్స్ నిర్వహించడానికి ఉపయోగపడుతోందని.. అయితే, అమెజాన్ ఏఐ బాట్‌లను అడ్డుకుంటోందని ఆరోపించారు. ప్రజలు తమ ఏఐ అసిస్టెంట్ల ద్వారా షాపింగ్ చేయలేకపోతే.. మరో ఆన్‌లైన్ స్టోర్‌కు మారే అవకాశం ఉందని అభిప్రాయపడ్డాడు. అంతేకాకుండా.. ఎలాన్ మస్క్ కొత్తగా 'ఎక్స్ షాప్' పేరుతో ఒక ఆన్‌లైన్ షాపింగ్ ప్లాట్‌ఫారమ్‌ను ప్రారంభిస్తే బాగుంటుందని సూచించారు.అమెజాన్‌కు పోటీ మస్క్ కంపెనీ?దీనికి స్పందించిన మస్క్, అమెజాన్‌కు పోటీగా ఒక సంస్థను ప్రారంభిస్తే బాగుంటుందని అన్నారు. అయితే.. ఆ సంస్థ ఎలా పనిచేస్తుంది?, ఎప్పుడు ప్రారంభమవుతుంది?, అనే వివరాలను ఆయన వెల్లడించలేదు. కానీ.. అమెజాన్ తన వెబ్‌సైట్‌లో ఏఐ ఏజెంట్ల వినియోగంపై ఆంక్షలు విధించడానికి కారణం భద్రత, గోప్యత అని చెబుతోంది.మెటా సంస్థకు చెందిన మ్యూస్ ఏఐ అసిస్టెంట్‌ను కూడా అమెజాన్‌లో వినియోగదారుల తరఫున షాపింగ్ చేయకుండా అడ్డుకుంటోందని కంపెనీ చెబుతోంది. దీనికి కారణం.. మ్యూస్ తమ అనుమతి లేకుండా వెబ్‌సైట్‌ను ఉపయోగించడంతో పాటు, వినియోగదారుల లాగిన్ వివరాలను సేకరించి స్టోర్ చేస్తున్నట్లు అమెజాన్ ఆరోపించింది.ఆన్‌లైన్ షాపింగ్‌లో ఏఐ పాత్రదీన్నిబట్టి చూస్తే.. భవిష్యత్తులో ఆన్‌లైన్ షాపింగ్‌లో ఏఐ పాత్ర మరింత పెరగనున్నట్లు స్పష్టంగా అర్థమవుతోంది. ఉదాహరణకు.. మనకు ఒక ఫోన్ కొనాలని ఉంటే, మనమే వివిధ వెబ్‌సైట్లలో వెతకకుండా ఏఐ అసిస్టెంట్‌కు మన అవసరాలను చెబితే, అది ధరలు, ఫీచర్లను పోల్చి మంచి ఫోన్‌ను సూచిస్తుంది. అవసరమైన అనుమతులు ఉంటే కొనుగోలు ప్రక్రియలో కూడా సహాయం చేస్తుంది. ఇలాంటి సౌకర్యాలను అందించే సంస్థలకు భవిష్యత్తులో మంచి అవకాశాలు ఉంటాయని నిపుణులు చెబుతున్నారు.ఇదీ చదవండి: SBI ఖాతాదారులకు షాక్.. పెరిగిన లోన్ వడ్డీ రేట్లు!

దీపావళి పండుగ వేళ పెద్ద స్క్రీన్‌ టీవీ కొనాలనుకునే వినియోగదారులకు శాంసంగ్‌ ఇండియా అదిరిపోయే ఆఫర్లను ప్రకటించింది. ‘బిగ్‌, బిగ్గర్‌, బిగ్గెస్ట్‌’ పేరుతో ప్రత్యేక పండుగ ప్రచారాన్ని ప్రారంభించింది. ఇందులో భాగంగా ఎంపిక చేసిన మోడళ్లను కొనుగోలు చేసేవారికి మరో విజన్‌ ఏఐ టీవీని లేదా సౌండ్‌బార్‌ను ఉచితంగా అందించనుంది. వీటితోపాటు క్యాష్‌బ్యాక్‌, ఈఎంఐ సదుపాయాలు, ఎక్స్‌టెండెడ్‌ వారంటీ వంటి ప్రయోజనాలను ప్రకటించింది.రూ.1.59 లక్షల విలువైన టీవీ ఉచితం!ఈ ప్రచారంలో భాగంగా అర్హత కలిగిన శాంసంగ్‌ టీవీ మోడల్‌ను కొనుగోలు చేస్తే.. గరిష్ఠంగా రూ.1,59,990 విలువైన మరో విజన్‌ ఏఐ టీవీని ఉచితంగా పొందవచ్చు. లేదంటే రూ.1,10,990 వరకు విలువైన శాంసంగ్‌ సౌండ్‌బార్‌ను ఎంచుకోవచ్చు. అయితే, ఈ రెండింటిలో ఏదో ఒక ప్రయోజనాన్ని మాత్రమే పొందగలరు. ఏ టీవీ మోడల్‌ను కొనుగోలు చేశారనే దానిపై ఉచితంగా లభించే ఉత్పత్తి, దాని విలువ ఆధారపడి ఉంటాయి.20 శాతం వరకు క్యాష్‌బ్యాక్‌ఉచిత ఉత్పత్తులతోపాటు విజన్‌ ఏఐ టీవీలపై గరిష్ఠంగా 20 శాతం వరకు క్యాష్‌బ్యాక్‌ అందిస్తున్నట్లు శాంసంగ్‌ తెలిపింది. ఒకేసారి పూర్తి మొత్తాన్ని చెల్లించలేని వినియోగదారుల కోసం జీరో డౌన్‌పేమెంట్‌ ప్లాన్లను కూడా అందుబాటులోకి తెచ్చింది. అంతేకాకుండా మూడేళ్ల సమగ్ర వారంటీ ప్రయోజనాన్ని ప్రకటించింది. అయితే, ఈ ఆఫర్లకు వర్తించే అర్హతలు, నిబంధనలను కొనుగోలుదారులు ముందుగా తెలుసుకోవాలి.ఉచిత స్ట్రీమింగ్‌ ఛానెల్స్‌..‘మేడ్‌ ఫర్‌ ఇండియా’ ప్లస్‌ ప్రయోజనాల్లో భాగంగా శాంసంగ్‌ పలు అదనపు సదుపాయాలను అందిస్తోంది. శాంసంగ్‌ ఆర్ట్‌ ప్లస్‌ ద్వారా ఆర్ట్‌ స్టోర్‌కు మూడు నెలల ఉచిత యాక్సెస్‌ లభిస్తుంది. శాంసంగ్‌ టీవీ ప్లస్‌లో 200కు పైగా స్ట్రీమింగ్‌ ఛానెల్స్‌ను ఉచితంగా వీక్షించవచ్చు. శాంసంగ్‌ ఫైనాన్స్‌ ప్లస్‌ ద్వారా పేపర్‌లెస్‌ ఫైనాన్సింగ్‌ సదుపాయం పొందవచ్చు. శాంసంగ్‌ కేర్‌ ప్లస్‌ పొడిగించిన వారంటీ కవరేజీని అందించగా.. శాంసంగ్‌ సౌండ్‌ ప్లస్‌ మెరుగైన ఆడియో అనుభవంపై దృష్టి పెడుతుంది.

రిలయన్స్‌ ఇండస్ట్రీస్‌కు చెందిన డిజిటల్‌ సేవల విభాగం జియో ప్లాట్‌ఫామ్స్‌ ఐపీఓకి సిద్ధమవుతున్నవేళ జియో (Jio) పుట్టుకకు సంబంధించిన ఆసక్తికరమైన కథనాన్ని రిలయన్స్ నాన్-ఎగ్జిక్యూటివ్ డైరెక్టర్ ఇషా అంబానీ (Isha Ambani) పంచుకున్నారు. జియో ప్రారంభం వెనుక కథ ఇపుడు నెట్టింట విశేషంగ ఆనిలుస్తోంది.జియో ప్లాట్‌ఫామ్స్ ఇనీషియల్ పబ్లిక్ ఆఫరింగ్ (IPO) కోసం రెడ్ హెర్రింగ్ ప్రాస్పెక్టస్ (RHP) దాఖలు చేసిన తర్వాత విలేకరుల సమావేశంలో ఇషా అంబానీ జియో కంపెనీ ఆవిర్భావానికి తన సోదరుడు ఆకాష్ అంబానీతో పంచుకున్న ఒక అనుభవమే కారణమని పేర్కొన్నారు. అమెరికాలో చదువుకుంటున్న ఈషా అంబానీ, ఆకాశ్ అంబానీలు సెలవులకు ముంబైలోని తమ ఇంటికి వచ్చినప్పుడు ఒక ఘటన జరిగింది. ఈషా తన కాలేజీ అసైన్‌మెంట్‌ను ఆన్‌లైన్‌లో సబ్‌మిట్ చేయాల్సి ఉండగా, ఇంటర్నెట్ సరిగ్గా పని చేయకపోవడంతో సబ్‌మిట్ చేయలేకపోయారు. దీంతో దేశంలో డేటాసేవలు, ఇంటర్నెట్‌ వేగం మీద ఆలోచన మొదలైంది. అమెరికాలో ఉన్న మెరుగైన ఇంటర్నెట్ కనెక్టివిటీ భారత్‌లో ఎందుకు లేదు? అనే విషయమై ఇషా అంబానీ, ఆకాశ్‌ అంబానీ మధ్య చర్చ జరిగింది. ఆ చర్చోపచర్చలే జియో ఆవిర్భావానికి నాంది పలికాయి.భారత్‌లోని ఇంటర్నెట్ డిమాండ్‌ను తీర్చడానికి ఒక డిజిటల్ టెక్నాలజీ ప్లాట్‌ఫారమ్‌ను సృష్టించాలని ఆకాశ్ అంబానీ భావించారు. ఈ ఆలోచనే 2016 సెప్టెంబర్‌లో రిలయన్స్ జియో వాణిజ్య పరంగా ప్రారంభం కావడానికి మార్గం సుగమం చేసింది. ప్రారంభంలోనే జియో అన్‌లిమిడెట్‌ వాయిస్ ,డేటా సేవలతో మార్కెట్లోకి ప్రవేశించి, భారతదేశంలో మొబైల్ ఇంటర్నెట్ సేవల్లో విప్లవం సృష్టించింది. దాదాపు ఒక దశాబ్దం తరువాత, రిలయన్స్ జియో పబ్లిక్ మార్కెట్లలోకి ప్రవేశించడానికి సిద్ధమవుతోంది. దేశంలోనే అతిపెద్ద ఐపీఓతో చరిత్ర సృష్టించడానికి సిద్ధమవుతోంది.ఇదీ చదవండి: చికాగోలో సామూహిక అత్యాచారం కలకలం : ‘నా టర్న్’ఎపుడు‌ అంటూ రచ్చ?!జియో ఐపీవో (IPO) విశేషాలుజియో ప్లాట్‌ఫామ్స్ తన తొలి పబ్లిక్ ఆఫరింగ్ (IPO) కోసం రెడ్ హెరింగ్ ప్రాస్పెక్టస్ (RHP) ను ఇప్పటికే దాఖలు చేసింది. ఈ ఐపీఓ అక్టోబర్‌ 21న ప్రారంభమై, అక్టోబర్‌ 23న ముగియనుంది. ఈ సందర్భంగా జియో మేనేజింగ్ డైరెక్టర్ ఆకాష్ అంబానీ మాట్లాడుతూ భారతదేశాన్ని డేటా సమృద్ధిగా లభించే దేశంగా మార్చడమే జియో లక్ష్యమని పేర్కొన్నారు. జియో అత్యంత వేగవంతమైన 4G నుండి 5Gకి పరివర్తనను సాధించిందని ఆకాష్ అంబానీ పేర్కొన్నారు. సరఫరా పరిమితుల కారణంగానే దేశంలో గతంలో డేటా కొరత ఉండేదని, 14వ ఆపరేటర్‌గా 2016లో తాము మార్కెట్లోకి ప్రవేశించే నాటికి వన్‌ జీబీ డేటా సుమారు రూ. 228 ధర ఉండేదని, డౌన్‌లోడ్ వేగం 2.5 Mbps ఉండేదని గుర్తు చేశారు. ఐపీఓ ద్వారా వచ్చిన నిధులు అప్పులు తగ్గించడానికే ఉపయోగ పడతాయనీ, జియో అప్పులు లేని సంస్థగా మారే దిశగా పయనిస్తోందన్నారు.ఇదీ చదవండి: జర్మనీలో అగ్నిప్రమాదం : ముగ్గురు భారతీయులు సజీవ దహనం

న్యూఢిల్లీ: విదేశీ మారక నిర్వహణ చట్టం (ఫెమా) నిబంధనల ఉల్లంఘన కేసు విచారణలో భాగంగా రిలయన్స్‌ పవర్‌ (ఆర్‌పీఎల్‌)కి చెందిన సుమారు రూ. 2,033 కోట్ల అసెట్స్‌ను ఎన్‌ఫోర్స్‌మెంట్‌ డైరెక్టరేట్‌ (ఈడీ) జప్తు చేసింది. ఆర్‌పీఎల్‌ బ్యాంక్‌ బ్యాలెన్స్‌లు, ససాన్‌ పవర్‌లో షేర్లు వీటిలో ఉన్నట్లు ఒక ప్రకటనలో తెలిపింది. ఈడీ ఆరోపణల్లో నిజం లేదని, తమ వాటాదారుల ప్రయోజనాలను కాపాడేందుకు చట్టపరంగా తగు చర్యలు తీసుకుంటామని ఆర్‌పీఎల్‌ పేర్కొంది.బ్రిటీష్‌ వర్జిన్‌ ఐలాండ్స్, కేమ్యాన్‌ ఐలాండ్స్‌లోని నిర్దిష్ట కంపెనీలకి ఇచ్చిన రూ. 2,101.46 కోట్ల రుణాలను ఆర్‌పీఎల్‌ రైటాఫ్‌ చేయడంపై సెబీ చర్యలు తీసుకున్న నేపథ్యంలో ఈడీ దృష్టి ఈ కేసుపై పడింది. 2006లో విదేశీ కరెన్సీ కన్వర్టబుల్‌ బాండ్ల జారీ ద్వారా రిలయన్స్‌ నేచురల్‌ రిసోర్సెస్‌ (తదుపరి ఆర్‌పీఎల్‌లో విలీనం అయ్యింది) సమీకరించిన 300 మిలియన్‌ డాలర్లలో 275 మిలియన్‌ డాలర్లు ఇందుకోసం దురి్వనియోగం చేసినట్లు ఈడీ ఆరోపణలు ఉన్నాయి.

ముంబైలోని ప్రఖ్యాత హెచ్.ఎన్. రిలయన్స్ ఫౌండేషన్ ఆసుపత్రిలో అరుదైన జన్యుపరమైన వ్యాధితో పోరాడుతున్న బాలుడు వేదాంశ్‌కు అనంత్‌ అంబానీ అండగా నిలిచారు. వేదాంశ్ కుటుంబానికి గతంలో తాను ఇచ్చిన మాటను నిలబెట్టుకుంటూ ఈ చికిత్సకు పూర్తి స్థాయి భరోసా కల్పించారు. అత్యుత్తమ వైద్యుల నియామకమే కాకుండా కుటుంబ సభ్యుల విమాన ప్రయాణ టికెట్లు, హోటల్ బస, రవాణా, ఆహార వసతితో పాటు అన్ని రకాల అత్యవసర ఏర్పాట్లను రిలయన్స్ ఫౌండేషన్ స్వయంగా పర్యవేక్షిస్తోంది.గత రెండు మూడు రోజులుగా ముంబై ఆసుపత్రిలో వేదాంశ్ ఆరోగ్య పరిస్థితిపై వైద్యులు పలు కీలక పరీక్షలు నిర్వహించారు. జన్యు చికిత్స పూర్తయిన తర్వాత పాటించాల్సిన జాగ్రత్తలు, వివిధ ఇన్‌ఫెక్షన్ల నుంచి బాలుడిని రక్షించే విధానాలపై వైద్య నిపుణులు కుటుంబ సభ్యులకు ప్రత్యేక అవగాహన కల్పించారు. ప్రస్తుతం వైద్య పరీక్షలకు సంబంధించిన రిపోర్టులు నెదర్లాండ్స్ నుంచి మరో 15-20 రోజుల్లో రానున్నట్లు తెలుస్తోంది.ఈ నివేదికలు అందిన తర్వాత వైద్యులు వాటిని పరిశీలించి పరిస్థితి అనుకూలిస్తే తదుపరి జన్యు చికిత్స ప్రక్రియను అధికారికంగా ప్రారంభించనున్నారు. ఈ మొత్తం ప్రక్రియ సమయం తీసుకునేదైనప్పటికీ ప్రస్తుతం వేదాంశ్ ఆరోగ్యం నిలకడగా ఉందని కుటుంబ సభ్యులు తెలిపారు. వేదాంశ్ కోలుకోవాలని ఆకాంక్షిస్తూ ఆర్థిక సాయం అందించిన ప్రతి ఒక్కరికి, వీడియోలను షేర్ చేసి ప్రార్థనలు చేసిన శ్రేయోభిలాషులకు కుటుంబ సభ్యులు ప్రత్యేక కృతజ్ఞతలు తెలిపారు. వైద్యుల నుంచి అధికారిక సమాచారం అందిన వెంటనే చికిత్స తదుపరి దశ వివరాలను వెల్లడిస్తామని స్పష్టం చేశారు. కష్టకాలంలో ఆపన్నహస్తం అందించిన అనంత్‌ అంబానీ మానవతా దృక్పథంపై ప్రశంసలు వ్యక్తమవుతున్నాయి.అసలేమైందంటే..చిన్నారి వేదాంశ్ స్పైనల్ మస్క్యులర్ అట్రోఫీ టైప్-1 వంటి అత్యంత అరుదైన, జన్యుపరమైన వ్యాధితో బాధపడుతున్నాడు. ఈ ప్రాణాంతక వ్యాధికి అవసరమైన జన్యు చికిత్స, మందుల ఖర్చు లక్షల రూపాయలతో కూడుకున్నది కావడంతో సాధారణ మధ్యతరగతి కుటుంబానికి ఆ మొత్తం భరించడం అసాధ్యంగా మారింది. చిన్నారి ప్రాణాలు కాపాడుకోవడం కోసం కుటుంబ సభ్యులు సోషల్ మీడియా వేదికగా సహాయం కోరడంతో ఆ వీడియోలు వైరల్ అయ్యాయి. ఈ క్రమంలో ఈ ఉదంతం అనంత్‌ అంబానీ దృష్టికి వెళ్లింది. ఆయన స్పందిస్తూ ఆ కుటుంబానికి అండగా నిలుస్తానని మాటిచ్చి ముంబైలోని రిలయన్స్ ఫౌండేషన్ ఆసుపత్రిలో మెరుగైన వైద్యానికి ఏర్పాట్లు చేశారు. View this post on Instagram A post shared by Mayuresh Gujar 🎬 (@mayuusic_vines_)ఇదీ చదవండి: ఇంట్లో మహారాణులు.. పెట్టుబడుల్లో ప్రేక్షకులు!

పానీయాల మార్కెట్‌లో ఇప్పటికే క్యాంపా కోలాతో పోటీ పెంచిన రిలయన్స్ కంపెనీ.. ఇప్పుడు మరో కొత్త విభాగంలోకి అడుగుపెట్టింది. రిలయన్స్ కన్జ్యూమర్ ప్రొడక్ట్స్ తాజాగా 'జాయ్‌ల్యాండ్' (Joyland) పేరుతో ఫ్లేవర్డ్ మిల్క్‌ను మార్కెట్లోకి తీసుకొచ్చింది. ముందుగా ఈ ఉత్పత్తిని సంస్థ తమిళనాడులో ప్రారంభించింది. దీని ధరను రూ.20గా నిర్ణయించింది. దీంతో ఇప్పటికే మార్కెట్లో ఉన్న అమూల్, ఐటీసీ వంటి కంపెనీలకు గట్టి పోటీ ఏర్పడింది.స్ట్రాబెర్రీ, వెనిల్లా రుచుల్లో..జాయ్‌ల్యాండ్ ఫ్లేవర్డ్ మిల్క్‌ను పాల ఆధారిత పదార్థాలతో తయారు చేస్తున్నారు. ప్రస్తుతం కంపెనీ దీనిని స్ట్రాబెర్రీ, వెనిల్లా రుచుల్లో అందుబాటులోకి తీసుకొచ్చింది.కాగా.. ఫ్లేవర్డ్ మిల్క్ మార్కెట్‌లో ఇప్పటికే అమూల్ కూల్, మదర్ డెయిరీ, నందిని, సన్‌ఫీస్ట్ స్మూధ్, కావిన్స్ వంటి బ్రాండ్లు ఉన్నాయి. వీటికి ఇప్పటికే వినియోగదారుల్లో మంచి గుర్తింపు ఉంది. ఇలాంటి సమయంలో.. రిలయన్స్ కూడా ఈ రంగంలోకి రావడంతో కంపెనీల మధ్య పోటీ పెరగనుంది.ఇదీ చదవండి: నేనింకా దొంగనేనా?.. విజయ్ మాల్యా సంచలన ట్వీట్ధరలో తేడా లేదుఇప్పటికే రిలయన్స్ రూ.10 ధరతో క్యాంపా కోలాను మార్కెట్లోకి తీసుకొచ్చింది. కోకా-కోలా, పెప్సీ వంటి అంతర్జాతీయ బ్రాండ్లకు పోటీ ఇవ్వాలనే లక్ష్యంతో అడుగులు వేసింది. ఇప్పుడు ఫ్లేవర్డ్ మిల్క్ మార్కెట్‌లోకి ప్రవేశించడం ద్వారా తన పానీయాల వ్యాపారాన్ని మరింత విస్తరించాలని చూస్తోంది. అయితే, ఈసారి ధర విషయంలో పెద్దగా మార్పు లేదు. ఎందుకంటే.. ఇప్పటికే ఉన్న బ్రాండ్లు కూడా దాదాపు ఇదే ధరల వద్ద ఉత్పత్తులను విక్రయిస్తున్నాయి. కాబట్టి రిలయన్స్ కొత్త ఉత్పత్తి ఏ మాత్రం ఆదరణ పొందుతుందో వేచి చూడాలి.Media Release - Reliance Consumer Products marks strategic entry into the ready-to-drink dairy category with the launch of Joyland Flavoured Milk Made with authentic dairy ingredients, Joyland delivers dairy goodness and taste at ₹20 Chennai, 14th October 2026: Reliance Consumer Products Limited (RCPL), the FMCG arm of Reliance Industries Limited (RIL), today announced the launch of Joyland flavoured milk in Tamil Nadu, marking its strategic entry into the ready-to-drink dairy market. Made with authentic dairy ingredients and priced at ₹20, Joyland brings consumers in the state a range that combines the goodness of dairy with flavours such as Strawberry and Vanilla. The launch extends RCPL’s Total Beverage portfolio, reinforcing its commitment to bringing world-class products to consumers at accessible prices. Staying true to the company’s promise of ‘Global Quality at Affordable Price’, Joyland offers authentic taste and a quality dairy experience in a convenient, ready-to-drink format. T Krishnakumar, Director, Reliance Consumer Products Limited, said: “Our entry into the ready-to-drink dairy market is a significant step in extending RCPL’s portfolio and widening the choices we offer consumers. With Joyland, we are bringing together authentic dairy ingredients, quality and affordability to make world-class products accessible to more households. Tamil Nadu marks the beginning of this journey, as we build Joyland into a broader dairy beverages portfolio and progressively expand its reach across India.” Backed by RCPL’s distribution infrastructure, retail scale and consumer insights, Joyland is available in Tamil Nadu with immediate effect. The launch reflects the company’s long-term commitment to the ready-to-drink dairy market, with plans to introduce additional flavours and expand into multiple dairy beverage categories. Following its launch in Tamil Nadu, Joyland will be progressively rolled out across India. About Reliance Consumer Products Limited (RCPL) Reliance Consumer Products Limited (RCPL), the FMCG arm of Reliance Industries Limited (RIL), is on a mission to empower the everyday life of consumers. With a strong commitment to innovation and consumer satisfaction, RCPL blends global standards with local insights to create products that resonate with consumers while being accessible to everyone at honest prices and within an arm’s length of desire. Backed by the robust infrastructure and trust of RIL, the company aims to offer solutions that cater to the evolving needs of consumers, fostering long-term relationships with communities and contributing to the nation’s growth. RCPL is on a journey of shaping the future of the consumer goods industry by meeting the diverse needs of households and communities, offering solutions that are world-class, trusted, value-driven and reflect the evolving lifestyle of today’s consumer.— Reliance Industries Limited (@RIL_Updates) October 14, 2026

సంగీత విభాగంలో కృత్రిమ మేధ (జనరేటివ్‌ ఏఐ) విప్లవాత్మక మార్పులు తెస్తున్న తరుణంలో అసలైన పాటలకు, ఏఐ సృష్టించిన మ్యూజిక్‌కు మధ్య వ్యత్యాసం గుర్తించడం శ్రోతలకు కష్టతరంగా మారుతోంది. ఈ నేపథ్యంలో డిజిటల్ కంటెంట్ రంగంలో పారదర్శకతను మరింత పెంచేందుకు ప్రముఖ వీడియో దిగ్గజం యూట్యూబ్ కీలక నిర్ణయం తీసుకుంది. ప్రధానంగా జనరేటివ్ ఏఐ సాయంతో తయారైన పాటలను స్పష్టంగా గుర్తించేలా ప్రత్యేక లేబుల్స్‌ను ప్రవేశపెడుతున్నట్లు ప్రకటించింది.సంగీత ప్రియుల నుంచి వస్తున్న డిమాండ్లు, అభిప్రాయాలను పరిగణలోకి తీసుకుంటూ ఈ విధానం తీసుకొస్తున్నట్లు యూట్యూబ్ వెల్లడించింది. దీనిద్వారా ఒక పాటను కంపోజ్ చేయడంలో లేదా వోకల్స్ (గాత్రం) అందించడంలో ఏఐ మోడల్స్‌ను ఏ మేరకు వినియోగించారనే విషయం శ్రోతలకు సులభంగా అర్థమవుతుంది. తొలి విడతగా ఈ లేబులింగ్ ప్రక్రియను ‘యూట్యూబ్ మ్యూజిక్’ ప్లాట్‌ఫామ్‌పై ప్రారంభించగా త్వరలోనే ప్రధాన యూట్యూబ్ యాప్‌నకు కూడా విస్తరించనున్నట్లు కంపెనీ స్పష్టం చేసింది.అధికారిక భాగస్వాముల సహకారంతో గుర్తింపుఏఐ ద్వారా రూపుదిద్దుకున్న పాటలను గుర్తించేందుకు యూట్యూబ్ తన సొంత అత్యాధునిక డిటెక్షన్ టూల్స్‌తో పాటు మ్యూజిక్ పార్ట్‌నర్లు అందించే డిస్‌క్లోజర్స్ (సమాచారం)ను కూడా ఉపయోగిస్తోంది. ఏ పాటలైతే ప్రధానంగా జనరేటివ్ ఏఐ సహాయంతో రూపొందించబడ్డాయో వాటికి మ్యూజిక్ ప్లేయర్‌పైనే నేరుగా ఈ లేబుల్స్ కనిపిస్తాయని తెలిపింది.కేవలం యూట్యూబ్ మాత్రమే కాకుండా, అంతర్జాతీయంగానూ మ్యూజిక్ స్ట్రీమింగ్ ప్లాట్‌ఫామ్‌లు సైతం ఏఐ టెక్నాలజీ నియంత్రణపై దృష్టి సారిస్తున్నాయి. యాపిల్ మ్యూజిక్, స్పాటిఫై, టైడల్ వంటి సంస్థలు కూడా ఏఐ మ్యూజిక్‌ను ట్యాగ్ చేయడానికి లేదా వేరుగా గుర్తించడానికి విధానాలను అమలు చేస్తున్నాయి. మరోవైపు రియా (RIAA), ఐఎఫ్‌పీఐ (IFPI), గ్రామీలు, సాగ్-అఫ్రా (SAG-AFTRA) వంటి ప్రముఖ అంతర్జాతీయ సంగీత సంస్థలు సైతం ఏఐ-జనరేటెడ్ లేదా ఏఐ-అసిస్టెడ్ లేబుల్స్ ఉండాలని వాదిస్తున్నాయి.ఇదీ చదవండి: ఇంట్లో మహారాణులు.. పెట్టుబడుల్లో ప్రేక్షకులు!

తన విలాసవంతమైన జీవనశైలిపై వస్తున్న విమర్శలకు వ్యాపారవేత్త విజయ్ మాల్యా మరోసారి స్పందించారు. ''నా సొంత డబ్బుతో రాజులా బతకడం నేరమా?'' అంటూ ప్రశ్నించారు. తన నుంచి వసూలు చేసిన ఆస్తుల విలువ, బ్యాంకులకు చెల్లించాల్సిన బకాయిలతో పోలిస్తే.. ఎక్కువగా ఉందని ఆయన గతంలోనూ పలుమార్లు వాదించారు. తాజాగా కర్ణాటక హైకోర్టు ఉత్తర్వులను ప్రస్తావిస్తూ, తనను ఇంకా దొంగగా లేదా మోసగాడిగా పిలవడం సరైనదేనా? అని ప్రశ్నించారు.విజయ్ మాల్యా ట్వీట్ఎక్స్‌ (X) వేదికగా కోర్టు ఉత్తర్వులను షేర్ చేసిన మాల్యా.. వాటిని జాగ్రత్తగా చదవాలని కోరారు. తన సొంత డబ్బుతో విలాసవంతమైన జీవితం గడపడమే తనకు పెద్ద నేరంగా మారిందని వ్యాఖ్యానించారు. చివరికి న్యాయం గెలుస్తుందని, దేవుడు అన్నీ చూస్తున్నాడని పేర్కొన్నారు.బ్యాంకుల బకాయిల కంటే ఎక్కువ ఆస్తులు రికవరీ అయ్యాయనే విషయం మీద చర్చ జరుగుతోంది. కేంద్ర ఆర్థిక మంత్రి నిర్మలా సీతారామన్ లోక్‌సభలో వెల్లడించిన వివరాలను కర్ణాటక హైకోర్టు ఉత్తర్వులు ప్రస్తావించాయి. యునైటెడ్ బ్రూవరీస్ లిమిటెడ్ (UBL) షేర్లకు అదనంగా రూ.14,131.6 కోట్ల విలువైన ఆస్తులను బ్యాంకుల కన్సార్టియానికి తిరిగి అందించినట్లు అందులో పేర్కొన్నారు. అయితే.. కింగ్‌ఫిషర్ ఎయిర్‌లైన్స్‌కు ఇచ్చిన రుణానికి సంబంధించి బ్యాంకుల క్లెయిమ్ రూ.6,203 కోట్లుగా ఉంది.అయితే.. ఈ వ్యవహారంలో మరో అంశాన్ని కూడా కోర్టు ప్రస్తావించింది. మాల్యా విలాసవంతమైన జీవనశైలి, వ్యక్తిగత ఆడంబరం కారణంగా బ్యాంకుల క్లెయిమ్‌లకు ముగింపు పలకడం కష్టమవుతోందని అభిప్రాయపడినట్లు ఉత్తర్వుల్లో పేర్కొన్నారు.ఆస్తుల రికవరీతనపై కొనసాగుతున్న క్రిమినల్ కేసులను రద్దు చేయాలని విజయ్ మాల్యా కోరుతున్నారు. 2020లో బాంబే హైకోర్టును ఆశ్రయించిన ఆయన.. బ్యాంకులకు చెందిన బకాయిల విషయంలో ఆస్తుల రికవరీ జరిగిందని, అందువల్ల కేసులను కొనసాగించాల్సిన అవసరం లేదని వాదించారు. అయితే.. బ్యాంకుల కన్సార్టియం ఆయన వాదనను వ్యతిరేకించింది. కేసులో జప్తు చేసిన కొన్ని షేర్లు ఇంకా అలాగే ఉన్నాయని, వాటిని విక్రయించలేదని తెలిపింది.ప్రస్తుతం ఈ వ్యవహారం రెండు కోణాల్లో కొనసాగుతోంది. ఒకటి బ్యాంకులకు రావాల్సిన రుణాలను తిరిగి వసూలు చేసే ప్రక్రియ. రెండోది బ్యాంకు మోసం, నేరపూరిత కుట్ర, మనీలాండరింగ్ ఆరోపణలపై ఎన్‌ఫోర్స్‌మెంట్ డైరెక్టరేట్ (ED), సెంట్రల్ బ్యూరో ఆఫ్ ఇన్వెస్టిగేషన్ (CBI) చేపట్టిన క్రిమినల్ చర్యలు.ఇదీ చదవండి: పసిడి ధరల పతనం.. వరుసగా నాలుగో రోజు డౌన్!ఆస్తులు తిరిగి ఇచ్చేస్తే కేసులు ముగిసిపోతాయా? అనే ప్రశ్నకు దర్యాప్తు సంస్థలు మాత్రం భిన్నమైన సమాధానాలు చెబుతున్నాయి. సుమారు రూ.14,132 కోట్ల విలువైన ఆస్తులను స్టేట్ బ్యాంక్ ఆఫ్ ఇండియా (SBI)కు తిరిగి అందించినట్లు ఈడీ పేర్కొన్నప్పటికీ, ఆస్తుల రికవరీతో క్రిమినల్ కేసులు ఆటోమేటిక్‌గా ముగిసిపోవని స్పష్టం చేసింది.Order passed by a Division Bench of the Hon’ble Karnataka High Court. I sincerely request you to read carefully. Am I still a Chor or Cheat ? I lived life Kingsize with my own money and that was my biggest crime for which I am being punished . There is a God above for all of us. Someday Justice will prevail.— Vijay Mallya (@TheVijayMallya) October 14, 2026

ప్రపంచవ్యాప్తంగా ఆర్టిఫిషియల్ ఇంటెలిజెన్స్ (AI) రంగంలో గట్టి పోటీ నెలకొంది. ఈ పోటీలో ముందుండేందుకు ఓపెన్ఏఐ ఎప్పటికప్పుడు.. తన సాంకేతిక సామర్థ్యాలను మరింత పెంచుకునే దిశగా అడుగులు వేస్తోంది. ఇందులో భాగంగా.. సంస్థలో కీలక నాయకత్వ మార్పు చోటుచేసుకుంది. ఇప్పటివరకు ఇన్‌ఫ్రాస్ట్రక్చర్ విభాగాన్ని పర్యవేక్షించిన సచిన్ కట్టి స్థానంలో ఉదయ్ రుద్దరాజుకు బాధ్యతలు అప్పగించింది.ఉదయ్ రుద్దరాజు గత ఏడాది ఓపెన్ ఏఐలో చేరారు. జూలైలో కంప్యూట్ విభాగానికి చీఫ్ టెక్నాలజీ ఆఫీసర్‌గా బాధ్యతలు చేపట్టారు. ఇప్పుడు సంస్థలోని ఇన్‌ఫ్రాస్ట్రక్చర్, కంప్యూటింగ్ విభాగాలను ఆయన పర్యవేక్షించనున్నారు. కాగా.. సచిన్ కట్టి రాబోయే కొన్ని వారాల్లో తన ప్రస్తుత బాధ్యతల నుంచి తప్పుకుని, కంపెనీలో సలహాదారుగా కొనసాగనున్నారు. సంస్థలో పనిచేసిన సమయంలో కట్టి పలు భారీ డేటా సెంటర్ ప్రాజెక్టులను పర్యవేక్షించారు.ఓపెన్ఏఐ డేటా సెంటర్లపై ఎక్కువ దృష్టిపెడుతోంది. దీనికి కారణం చాట్‌జీపీటీ వంటి ఏఐ వ్యవస్థలు పనిచేయాలంటే భారీ కంప్యూటింగ్ సామర్థ్యం అవసరం. ఇందుకోసం అధిక సామర్థ్యం కలిగిన చిప్‌లు, సర్వర్లు, నిరంతర విద్యుత్ సరఫరా, శీతలీకరణ వ్యవస్థలు అవసరమవుతాయి. వీటన్నింటినీ ఏర్పాటు చేయడానికి భారీగా పెట్టుబడులు పెట్టాల్సి ఉంటుంది.ఓపెన్ఏఐ అధినేత శామ్ ఆల్ట్‌మన్ కూడా భవిష్యత్తులో ఏఐ అభివృద్ధికి అవసరమైన భౌతిక మౌలిక సదుపాయాల కోసం ట్రిలియన్ డాలర్ల స్థాయిలో ఖర్చు చేయాల్సి రావచ్చని గతంలో పేర్కొన్నారు.ఇదీ చదవండి: రూ.6.99 లక్షలకే.. 2026 టయోటా గ్లాంజా!

ఉక్రెయిన్-రష్యా యుద్ధంలో సాంకేతికత సరికొత్త వివాదానికి కేంద్రబిందువైంది. ఉక్రెయిన్ సైనిక డ్రోన్ల దాడులు, గగనతల రక్షణ వ్యూహాలను తీవ్రంగా దెబ్బతీసేలా ఎలాన్ మస్క్‌కు చెందిన స్పేస్‌ఎక్స్ సంస్థ ‘స్టార్‌లింక్’ సేవలను నిలిపివేయడం అంతర్జాతీయంగా కలకలం రేపింది. రష్యాపై పోరులో కీలకమైన కమ్యూనికేషన్ వ్యవస్థకు ఆంక్షలు ఎదురుకావడం ఉక్రెయిన్‌ను రక్షణపరంగా కిందకులాగేలా చేసింది.అమెరికా-రష్యా మధ్య మారుతున్న రాజకీయ సమీకరణాలు, రష్యాతో యూఎస్‌ డీజిల్ ఒప్పందాల నేపథ్యంలో ఈ ఆంక్షలు అమల్లోకి రావడం గమనార్హం. ఉక్రెయిన్‌ అధ్యక్షుడు జెలెన్‌స్కీ ప్రభుత్వానికి, వైట్‌హౌస్‌కు మధ్య సంబంధాలు క్షీణించడమే ఈ పరిణామాలకు కారణమని దౌత్య నిపుణులు విశ్లేషిస్తున్నారు.మస్క్‌ స్పందన ఇదే..ఈ వివాదంపై ఎలాన్ మస్క్ స్పందిస్తూ.. స్టార్‌లింక్ అనేది ప్రధానంగా పౌర అవసరాలు, రక్షణ రంగానికి ఉద్దేశించిన వాణిజ్య సేవ మాత్రమేనని స్పష్టం చేశారు. దాన్ని ఆచరణాత్మక, దురాక్రమణ సైనిక చర్యలకు ఉపయోగించలేమని తేల్చిచెప్పారు. అలాగే, సైనిక స్థాయి కమ్యూనికేషన్ల కోసం ఉద్దేశించిన స్టార్‌షీల్డ్ (Starshield) సేవలు, వాటిపై విధించే ఆంక్షలు పూర్తిగా అమెరికా ప్రభుత్వం, సైన్యం నియంత్రణలోనే ఉంటాయని ఆయన వెల్లడించారు.‘అమెరికా వైఖరి బాధాకరం’ఉక్రేనియన్ సైన్యంలోని డ్రోన్ యూనిట్లు, ముఖ్యంగా హులియైపోల్ సెక్టార్‌లో పనిచేస్తున్న బలగాలు కమ్యూనికేషన్ వైఫల్యం వల్ల కీలక మిషన్లను రద్దు చేసుకోవాల్సి వచ్చింది. యుద్ధభూమిలో సమాచార సమన్వయం లోపించడం ఉక్రెయిన్ ప్రతిఘటనను బలహీనపరుస్తోంది. అమెరికా వైఖరిలో వస్తున్న ఈ మార్పు తమకు అత్యంత బాధాకరమని జెలెన్‌స్కీ ఆవేదన వ్యక్తం చేశారు. శాంతి చర్చల్లో పురోగతి లేకపోవడం, ఇటు సాంకేతిక ఆంక్షలు ఉక్రెయిన్‌ను మరింత ప్రమాదకర స్థితిలోకి నెడుతున్నాయి. అంతర్జాతీయ కూటముల్లో మారుతున్న ఈ వ్యూహాత్మక పొత్తులు రాబోయేకాలంలో యుద్ధ పరిస్థితులను పూర్తిగా మార్చే సూచనలు కనిపిస్తున్నాయని కొందరు అంచనా వేస్తున్నారు.ఇదీ చదవండి: ఇంట్లో మహారాణులు.. పెట్టుబడుల్లో ప్రేక్షకులు!

ఇన్వెస్టర్లు ఎంతో ఆసక్తిగా ఎదురుచూస్తున్న జియో ప్లాట్‌ఫామ్స్‌ ఐపీవో పట్టాలెక్కింది. ఇష్యూ ఈ నెల 21న ప్రారంభం కానున్నట్లు డైవర్సిఫైడ్‌ దిగ్గజం రిలయన్స్‌ ఇండస్ట్రీస్‌ పేర్కొంది. ఇష్యూకి రూ. 1,065–1,119 ధరల శ్రేణి ప్రకటించింది. తద్వారా రూ. 30,213 కోట్లు సమీకరించనుంది. వెరసి దేశీయంగా అతిపెద్ద ఐపీవోగా రికార్డు సృష్టించనుంది. ముంబై: ప్రయివేట్‌ రంగ దిగ్గజం రిలయన్స్‌ ఇండస్ట్రీస్‌కు చెందిన డిజిటల్, టెలికం విభాగం జియో ప్లాట్‌ఫామ్స్‌ పబ్లిక్‌ ఇష్యూకి రూ. 1,065–1,119 ధరల శ్రేణి ప్రకటించింది. ఇందుకు కంపెనీ బోర్డు తాజాగా గ్రీన్‌ సిగ్నల్‌ ఇచ్చింది. ఇష్యూ ఈ నెల 21న ప్రారంభమై 23న ముగియనుంది. యాంకర్‌ ఇన్వెస్టర్లకు 19న షేర్లను ఆఫర్‌ చేయనుంది. ఇష్యూలో భాగంగా రూ. 10 ముఖ విలువగల 27 కోట్ల ఈక్విటీ షేర్లను తాజాగా జారీ చేయనున్నట్లు తుది ప్రాస్పెక్టస్‌లో రిలయన్స్‌ ఇండస్ట్రీస్‌ పేర్కొంది. తద్వారా రూ. 30,213 కోట్లు సమీకరించనుంది. దీంతో ఇంతక్రితం(2024లో) రూ. 27,879 కోట్లు సమీకరించిన హ్యుందాయ్‌ మోటార్‌ ఇండియా పబ్లిక్‌ ఇష్యూని అధిగమించనుంది. వెరసి దేశీయంగా అతిపెద్ద ఐపీవోగా రికార్డ్‌ సృష్టించే అవకాశముంది. ఈ ఇష్యూ ద్వరా కంపెనీ విలువ రూ. 10 లక్షల కోట్లకుపైగా చేరవచ్చని విశ్లేషకులు భావిస్తున్నారు. భారీ ఐపీవోలు హ్యుందాయ్‌ మోటార్, ఎల్‌ఐసీ (రూ. 20,557 కోట్లు) ఆఫర్లలో ప్రమోటర్లు వాటాలు విక్రయించగా.. జియో తాజా ఈక్విటీ జారీతో నిధులు సమీకరిస్తుండటం గమనార్హం! 28కల్లా లిస్టింగ్‌...జియో ప్లాట్‌ఫామ్స్‌ ఈ నెల 28కల్లా స్టాక్‌ ఎక్సే్ఛంజీలలో లిస్ట్‌కానున్నట్లు తెలుస్తోంది. కాగా.. అర్హతగల ఉద్యోగులకు ఒక్కో షేరుకి రూ. 54 చొప్పున డిస్కౌంట్‌ను ఆఫర్‌ చేస్తోంది. రిటైల్‌ ఇన్వెస్టర్లు కనీసం 12 షేర్లకు(ఒక లాట్‌) దరఖాస్తు చేసుకోవలసి ఉంటుంది. ఇష్యూ పరిమాణంలో రిలయన్స్‌ వాటాదారులకు రూ. 2,500 కోట్లు, జియో ఉద్యోగులకు రూ. 500 కోట్లు విలువైన షేర్లను రిజర్వ్‌ చేసింది. ఇష్యూ నిధులను అనుబంధ సంస్థ రిలయన్స్‌ జియో ఇన్ఫోకామ్‌కు చెందిన కొన్ని రుణాల చెల్లింపుతోపాటు.. సాధారణ కార్పొరేట్‌ అవసరాలకు వెచ్చించనుంది. గతేడాది (2025–26) జియో ప్లాట్‌ఫామ్స్‌ కన్సాలిడేటెడ్‌ నికర లాభం 15 శాతం ఎగసి రూ. 30,049 కోట్లను తాకింది. మొత్తం ఆదాయం సైతం 15 శాతం వృద్ధితో రూ. 1,46,885 కోట్లకు చేరింది. 52.4 కోట్లమందికిపైగా సబ్‌్రస్కయిబర్లను కలిగి ఉంది. 2026 జనవరి–మార్చి త్రైమాసికంలో రూ. 214 ఏఆర్‌పీయూ సాధించింది. మొత్తం రుణాలు 3 శాతం తగ్గి రూ. 70,781 కోట్లకు పరిమితమయ్యాయి. ఈ ఏడాది జూన్‌ 19న క్యాపిటల్‌ మార్కెట్ల నియంత్రణ సంస్థ సెబీకి ముసాయిదా ప్రాస్పెక్టస్‌ దాఖలు చేయడం ద్వారా ఐపీవోకు ఆగస్ట్‌లో అనుమతి పొందిన సంగతి తెలిసిందే. కంపెనీలో రిలయన్స్‌ ఇండస్ట్రీస్‌ వాటా 66.43 శాతంకాగా.. గ్లోబల్‌ టెక్నాలజీ దిగ్గజాలు మెటా, గూగుల్‌ సంయుక్తంగా 17.7 శాతం వాటా పొందాయి.

ముంబయి: దాదాపు 50 ఏళ్ల తరవాత... మరో చరిత్రకు రిలయన్స్‌ గ్రూపు సిద్ధమవుతోంది. స్టాక్‌ మార్కెట్లంటే సంపన్న ట్రేడర్లకు, కొన్ని వ్యాపార వర్గాలకే పరిమితమైన ఆ కాలంలో... రిలయన్స్‌ ఇండస్ట్రీస్‌ ఐపీఓ ద్వారా స్టాక్‌ మార్కెట్లను మధ్య తరగతి కుటుంబాల్లోకి తీసుకొచ్చారు ధీరూభాయ్‌ అంబానీ. ఆ విప్లవంతో దేశంలో ఇన్వెస్ట్‌మెంట్‌ సంస్కృతే సమూలంగా మారిపోయింది. మళ్లీ ఇపుడు జియో ఐపీఓ ద్వారా ఆయన వారసుడు ముకేశ్‌ అంబానీ ఇన్వెస్టర్ల తలుపు తడుతున్నారు. సామాన్యులు పెద్ద పెద్ద కంపెనీల వస్తువుల్ని కొనటం తప్ప ఆ కంపెనీ వాటాదార్లుగా ఎందుకు కాకూడదు? ధీరూభాయ్‌కి వచి్చన ఈ ఆలోచనే 1977లో రిలయన్స్‌ ఐపీఓకు దారి చూపించింది. రిలయన్స్‌ టెక్స్‌టైల్‌ ఇండస్ట్రీస్‌ రూ.10 ముఖవిలువ కలిగిన షేరును ఆఫర్‌ చేయటంతో ఇష్యూ 7.19 రెట్లు ఓబర్‌ సబ్‌స్క్రయిబ్‌ అయ్యింది. బంగారంలో, బ్యాంకు ఖాతాల్లో డబ్బు దాచుకునే పొదుపు సంస్కృతిని ఇది మార్చేసింది. చాలామంది ఇన్వెస్టర్లు దీర్ఘకాలం తమ షేర్లు విక్రయించకుండా కొనసాగటంతో... వారూ రిలయన్స్‌ వృద్ధిలో భాగమయ్యారు. డివిడెండ్లు, బోనస్‌ షేర్లను కలుపుకుంటే ఈ 50 ఏళ్లలో రిలయన్స్‌ ఇండస్ట్రీస్‌ ఇన్వెస్టర్లు సాధారణ వడ్డీకన్నా కొన్ని వందల రెట్లు లాభపడ్డారనే చెప్పాలి. ఇపుడు జియో ఐపీఓ ద్వారా రిలయన్స్‌ మరో చరిత్రాత్మక ఘట్టానికి సిద్ధమయ్యింది. ధీరూభాయ్‌ వారసుడు ముకేశ్‌ అంబానీ సారథ్యంలో జియో దేశీ టెలికం స్థితిగతులనే మార్చేసిన జియో... డేటా ధరల్ని చుక్కల్లోంచి కిందికి దింపటంతో పాటు కోట్ల మందికి ఇంటర్నెట్‌ సరీ్వసులనూ అందిస్తోంది. ఈ నెల 21న ప్రారంభమయ్యే ఈ ఐపీఓ 23న ముగుస్తుంది. వాస్తవానికి రిలయన్స్‌ ఇండస్ట్రీస్‌ (ఆర్‌ఐఎల్‌) వాటాదారులకు కూడా ఈ ఐపీఓ ద్వారా బాగా లబ్ధి చేకూరుతుందనే అంచనాలున్నాయి. ఎందుకంటే ఐపీఓ తరవాత కూడా జియోలో రిలయన్స్‌ ఇండస్ట్రీస్‌ వాటాయే ఎక్కువ. ఇపుడు జియో డిజిటల్‌ వ్యాపారాల్ని ఐపీఓ ద్వారా అన్‌లాక్‌ చేయటంతో ఆ విలువ రిలయన్స్‌ షేర్‌హోల్డర్లకూ దక్కుతున్నట్టే. నిజానికి రిలయన్స్‌ వారసత్వం ఇపుడు మూడో తరం చేతుల్లోకి వచి్చనట్లే. ఎందుకంటే ఐపీఓకు వస్తున్న జియో ప్లాట్‌ఫామ్స్‌కు ఆకాశ్‌ అంబానీ నేతృత్వం వహిస్తుండగా గ్రూపు రిటైల్‌ వ్యాపారానికి ఇషా అంబానీ సారథ్యం వహిస్తున్నారు. అనంత్‌ అంబానీ ఆర్‌ఐఎల్‌ ఎగ్జిక్యూటివ్‌ డైరెక్టరుగా కొనసాగుతూ ఇతర రంగాల్లోకి విస్తరణను పర్యవేక్షిస్తున్నారు. నిజానికి రిలయన్స్‌ ఇండస్ట్రీస్, రిలయన్స్‌ జియో మధ్య మరో సామీప్యం కూడా ఉంది. వ్యాపారాన్ని ప్రారంభించిన దశాబ్ద కాలంలోనే పబ్లిక్‌ ఇష్యూకు రావటం. 1966లో గుజరాత్‌ లోని నరోడాలో టెక్స్‌టైల్‌ మిల్లును స్థాపించిన «ధీరూభాయ్‌ అంబానీ... దాని ద్వారా విమల్‌ బ్రాండ్‌ను పరిచయం చేశారు. 11 ఏళ్ల తరవాత.. 1977లో కంపెనీని ఐపీఓకు తెచ్చారు. జియోది కూడా దాదాపుగా అలాంటి చరిత్రే. 2016 సెపె్టంబర్లో రిలయన్స్‌ జియో ఆరంభమయ్యింది. దాదాపు 10 ఏళ్ల తరవాత... 2026 అక్టోబర్లో కంపెనీ పబ్లిక్‌ ఇష్యూకు వస్తోంది. బహుశా... చరిత్ర పునరావృత్తమవ్వటమంటే ఇదేనేమో!!.

ప్రస్తుతం ప్రపంచ వ్యాప్తంగా జాబ్‌ మార్కెట్‌లో అనిశ్చిత పరిస్థితులు నెలకొన్నాయి. ఓ వైపు ఏఐపై పెట్టుబడులు, మరోవైపు పెరుగుతున్న వ్యయాల నేపథ్యంలో కంపెనీలు ఉద్యోగుల జీతాల పెంపుపై ఆచితూచి అడుగులు వేస్తున్నాయి. ఈ క్రమంలో 2027లో అసలు వేతనాలు పెరుగుతాయా.. పెరిగితే ఎంత మేర పెరగొచ్చు.. యాజమాన్యాలు ఏం ఆలోచిస్తున్నాయి?2027లో ఉద్యోగుల వేతనాలు మోస్తరుగా పెరగనున్నాయి. వృద్ధి ఆశయాలు, పెరుగుతున్న శ్రామిక శక్తి వ్యయాలు, నైపుణ్యం కలిగిన ఉద్యోగుల కోసం పోటీని తీవ్రతరం చేస్తూ కంపెనీల యాజమాన్యాలు స్థిరమైన వేతన పరిహార బడ్జెట్లను నిర్వహిస్తున్న క్రమంలో 2027లో దేశంలో ఉ‍ద్యోగుల జీతాలు 9.1 శాతం మేర పెరుగుతాయని ఒక నివేదిక తెలిపింది. గ్లోబల్ ప్రొఫెషనల్ సర్వీసెస్ సంస్థ అయోన్ 2026-27కు గానూ భారత్‌లో వార్షిక వేతన పెరుగుదల, టర్నోవర్ సర్వే ఈమేరకు అంచనా వేసింది. ఇది 2026లో నమోదైన వాస్తవ సగటు వేతన పెరుగుదల 9 శాతంతో పోలిస్తే పెద్దగా మారడం లేదు. ఈ సర్వే 45 పరిశ్రమలలో 1,200 కి పైగా సంస్థల డేటాను విశ్లేషించింది. దీంతో ఇది దేశంలోని అతిపెద్ద వేతన పరిహార అధ్యయనాలలో ఒకటిగా నిలిచింది.సర్వే ముఖ్యాంశాలుబలమైన దేశీయ వినియోగం, స్థిరమైన పెట్టుబడులు, ఎగుమతి వృద్ధి వ్యాపార విశ్వాసానికి మద్దతు ఇస్తూనే ఉన్నాయి. కంపెనీలు వ్యయ క్రమశిక్షణను కొనసాగిస్తూ ప్రతిభలో పెట్టుబడులు పెట్టడానికి వీలు కల్పిస్తాయి.రంగాల వారీగా చూస్తే నాన్-బ్యాంకింగ్ ఫైనాన్షియల్ కంపెనీలు 2027లో అత్యధికంగా 10.1 శాతం వేతన పెరుగుదలను అందించనున్నాయి. ఇంధన రంగంలో 9.9 శాతం, రియల్ ఎస్టేట్, ఇన్ఫ్రాస్ట్రక్చర్ రంగంలో 9.8 శాతం వేతనాలు పెరిగే అవకాశం ఉంది.ప్రతిభను నిలుపుకోవడంలో పెరుగుతున్న సవాళ్లను కూడా నివేదిక హైలైట్ చేసింది. మొత్తం అట్రిషన్ 2025లో 16.2 శాతం, 2024లో 17.1 శాతం నుండి 2026లో 18 శాతానికి పెరిగింది.అదే సమయంలో, కంపెనీలు తమ కార్యకలాపాలలో ఏఐని వేగంగా ఏకీకృతం చేస్తున్నాయి. ఉత్పాదకతను AI సాధనాల స్వీకరణ సంవత్సరం క్రితం 46.1 శాతం ఉండగా 2026లో 56 శాతానికి పెరిగింది. అలాగే అన్ని ప్రధాన ఉద్యోగ కేటగిరీల్లోనూ ఏఐ వినియోగం విస్తరించింది.యాజమాన్యాలు జీతాల పెంపు విషయంలో లక్ష్య విధానాన్ని ఎక్కువగా అవలంబిస్తున్నారని అయోన్‌ టాలెంట్ సొల్యూషన్స్ ఇండియా పార్టనర్, రివార్డ్స్ కన్సల్టింగ్ లీడర్ రూపాంక్ చౌదరి తెలిపారు. "బలమైన దేశీయ వినియోగం, స్థిరమైన పెట్టుబడి, ఎగుమతి వృద్ధి వ్యాపార విశ్వాసానికి మద్దతు ఇస్తూనే ఉన్నాయి. యాజమాన్యాలు వ్యయ క్రమశిక్షణను కొనసాగిస్తూనే ప్రతిభలో పెట్టుబడి పెట్టడాన్ని కొనసాగిస్తున్నాయి" అని పేర్కొన్నారు. యాజమాన్యాలు విస్తృత శ్రామిక శక్తిని, వేతన కోడ్ వ్యయ చిక్కులను అంచనా వేయాలని, దీన్ని ఉద్యోగులకు మెరుగ్గా తెలియజేయాలని అయోన్ టాలెంట్ సొల్యూషన్స్ ఇండియా అసోసియేట్ పార్టనర్ అమిత్ కుమార్ ఒట్వానీ సూచించారు.

దేశ ఆర్థిక రంగంలో రిటైల్ ఇన్వెస్టర్లకు సులభతరమైన పెట్టుబడి అవకాశాలను అందించేందుకు పలు కంపెనీలు ప్రయత్నిస్తున్నాయి. అందులో భాగంగా పైసాబజార్‌తో భాగస్వామ్యం కలిగిన ‘పీబీ మనీ’కు మార్కెట్ నియంత్రణ సంస్థ సెబీ నుంచి ‘ఆన్‌లైన్ బాండ్ ప్లాట్‌ఫారమ్ ప్రొవైడర్’ (ఓబీపీపీ) లైసెన్స్ లభించింది. ఈ లైసెన్స్‌ ద్వారా రిటైల్ మదుపరులకు బాండ్ మార్కెట్‌ను మరింత చేరువ చేయనున్నట్లు కంపెనీ తెలిపింది.ఎండ్‌-టు-ఎండ్‌ సేవలుఈ కొత్త లైసెన్స్‌తో పీబీ మనీ సంస్థ బాండ్లలో పెట్టుబడులు పెట్టే కస్టమర్ల ప్రయాణాన్ని పూర్తిగా స్వయంగా నిర్వహించనుంది. ఇన్వెస్టర్ల ఆన్‌బోర్డింగ్, కేవైసీ ప్రక్రియ నుంచి మొదలుకుని, బాండ్ల అన్వేషణ, ఆర్డర్ ప్లేస్‌మెంట్, చెల్లింపుల సమన్వయం, పెట్టుబడి అనంతర సేవల వరకు అన్నింటినీ ఈ వేదిక చూసుకుంటుంది. పైసాబజార్‌తో కుదుర్చుకున్న వ్యూహాత్మక భాగస్వామ్యం ద్వారా దేశవ్యాప్తంగా ఉన్న విస్తృత కస్టమర్ వర్గాలు పైసాబజార్ ప్లాట్‌ఫారమ్ ద్వారా ఈ ప్రక్రియను పూర్తి చేసుకోవచ్చు.రిటైల్ రంగానికి సరికొత్త ఆదాయ మార్గంసాధారణంగా బాండ్లు రిటైల్ ఇన్వెస్టర్లలో ఇంకా పూర్తిస్థాయిలో ప్రాచుర్యం పొందలేదు. అయితే ఇవి క్రమబద్ధమైన వడ్డీ ఆదాయాన్ని అందించడంతో పాటు పెట్టుబడి పోర్ట్‌ఫోలియోను విస్తరించుకోవడానికి (డైవర్సిఫికేషన్) ఎంతో దోహదపడతాయి. పెట్టుబడి ప్రక్రియపై పూర్తి నియంత్రణను కలిగి ఉండటం ద్వారా వినియోగదారులు బాండ్లను సులభంగా అర్థం చేసుకోవడానికి, అన్వేషించడానికి, పెట్టుబడులు పెట్టడానికి పీబీ మనీ లక్ష్యంగా పెట్టుకున్నట్లు అధికారులు తెలిపారు.ఈ సందర్భంగా పీబీ మనీ డైరెక్టర్, పైసాబజార్ సీఈఓ సంతోష్ అగర్వాల్ మాట్లాడుతూ..‘వినియోగదారుల మారుతున్న ఆర్థిక అవసరాలను తీర్చడమే మా ప్రధాన ధ్యేయం. ఇందులో పెట్టుబడులు కీలకమైన భాగం. పీబీ మనీకి వచ్చిన ఓబీపీపీ లైసెన్స్ ద్వారా కస్టమర్లకు బాండ్ల పెట్టుబడి ప్రయాణం మరింత సులభతరమవుతుంది’ అన్నారు.ఇదీ చదవండి: బంగారం ధరలు ఢమాల్‌.. ఇదే మంచి ఛాన్స్‌!

భారతదేశపు అతిపెద్ద ప్రభుత్వ రంగ జీవిత బీమా సంస్థ లైఫ్‌ ఇన్సూరెన్స్‌ కార్పొరేషన్‌ ఆఫ్‌ ఇండియా (ఎల్‌ఐసీ) వినియోగదారుల విభిన్న అవసరాలను దృష్టిలో ఉంచుకుని ఒకేసారి మూడు కొత్త ప్లాన్లను ఆవిష్కరించింది. మారుతున్న ఆర్థిక పరిస్థితులు, పెరుగుతున్న వైద్య ఖర్చులకు అనుగుణంగా న్యూ జీవన్‌ ధార, హెల్త్‌ షీల్డ్‌, క్యాన్సర్‌ కవర్‌ పేరిట ఈ పథకాలను అందుబాటులోకి తెచ్చింది.కొత్త ప్లాన్ల వివరాలున్యూ జీవన్‌ ధార: ఇది ఒక నాన్-లింక్డ్, నాన్-పార్టిసిపేటింగ్, యాన్యుటీ (రిటైర్‌మెంట్) ప్లాన్. ఉద్యోగ విరమణ తర్వాత స్థిరమైన ఆదాయాన్ని కోరుకునే వారికి ఇది ఉపయోగపడుతుంది. ఇందులో పాలసీదారులు తమ అవసరాలకు తగినట్లుగా సింగిల్ లేదా రెగ్యులర్ ప్రిమియం చెల్లింపు పద్ధతులను ఎంచుకోవచ్చు. వాయిదా వేసిన యాన్యుటీ కాలపరిమితిలో కూడా ఆర్థిక భద్రత లభించడం దీని ప్రత్యేకత.హెల్త్‌ షీల్డ్‌: మొత్తం కుటుంబానికి ఆరోగ్య రక్షణ అందించడమే లక్ష్యంగా ఈ సమగ్ర హెల్త్ ఇన్సూరెన్స్ ప్లాన్‌ను రూపొందించారు. ఆసుపత్రి వైద్య ఖర్చులు, తీవ్ర అనారోగ్యాలు, అత్యవసర చికిత్సలకు ఈ పథకం కింద పూర్తిస్థాయి ఆర్థిక కవరేజీ లభిస్తుంది. నాణ్యమైన వైద్యం అందించడంలో కుటుంబాలకు ఇది కొండంత అండగా నిలుస్తుంది.క్యాన్సర్‌ కవర్‌: క్యాన్సర్ వంటి మహమ్మారి బారిన పడినప్పుడు అయ్యే వాస్తవ చికిత్స వ్యయాలతో సంబంధం లేకుండా నిర్ధారణ అయిన వెంటనే నిర్ణీత ఆర్థిక ప్రయోజనాన్ని అందించే ప్రత్యేక ప్లాన్ ఇది. ఈ పథకం కింద ప్రీమియం మినహాయింపు, ముందస్తు క్యాన్సర్ దశల్లోనూ ఆర్థిక సాయం, అలాగే క్రమబద్ధమైన ఆదాయ ప్రయోజనాలు అందుతాయి.మారుతున్న సమాజంలో పదవీ విరమణ అనంతరం ఆర్థిక స్వతంత్రతతో పాటు నాణ్యమైన వైద్య సంరక్షణ అత్యవసరంగా మారాయి. ఈ మూడు ప్లాన్లు రిటైర్మెంట్ సెక్యూరిటీ, హెల్త్ ఇన్సూరెన్స్, క్యాన్సర్‌ డిసీజ్ కవరేజీలు అందిస్తున్నాయని కంపెనీ చెప్పింది. ఈ పథకాలకు సంబంధించిన పూర్తి వివరాలు, అర్హతల నిబంధనల కోసం వినియోగదారులు ఎల్‌ఐసీ అధికారిక వెబ్‌సైట్‌ను గానీ, సమీప శాఖను గానీ సంప్రదించవచ్చు.ఇదీ చదవండి: బంగారం ధరలు ఢమాల్‌.. ఇదే మంచి ఛాన్స్‌!

కృత్రిమ మేధ (ఏఐ) మౌలిక సదుపాయాలపై వ్యయాలు భారీగా పెరిగిపోతుండటం, సాఫ్ట్‌వేర్‌ పరిశ్రమలో అనిశ్చితి నెలకొనడంలాంటి అంశాల కారణంగా వార్షిక వేతనాల పెంపునకు ఈ ఏడాది విరామం ఇచ్చినట్లు దేశీ టెక్నాలజీ సంస్థ జోహో కార్పొరేషన్‌ వ్యవస్థాపకుడు శ్రీధర్‌ వెంబు తెలిపారు. అలాగే మార్కెటింగ్‌ వ్యయాలను కూడా తగ్గించుకున్నట్లు వివరించారు.‘అంతర్జాతీయంగా సాఫ్ట్‌వేర్‌ రంగంలో ఉద్యోగావకాశాల పరిస్థితి అంత ఆశావహంగా లేదు. సాఫ్ట్‌వేర్‌ వ్యాపార భవిష్యత్తు అనిశ్చితిగా ఉంది. ఏఐ వల్ల ఖర్చులు పెరిగిపోయాయి. డేటా సెంటర్లకు కావాల్సిన సర్వర్ల రేట్లు ఏకంగా 4 రెట్లు ఎగియడం, ఏఐ వినియోగం వేగంగా పెరగడం ఇందుకు కారణం. వీటిని కట్టడి చేసేందుకు మేము ప్రయతి్నస్తున్నాం. ఇక అంతర్జాతీయంగా భౌగోళిక రాజకీయ ఉద్రిక్తతల వల్ల కూడా సంక్లిష్ట పరిస్థితులు నెలకొన్నాయి’ అని సోషల్‌ మీడియా ప్లాట్‌ఫాం ఎక్స్‌లో చేసిన ఒక పోస్టులో ఆయన వివరించారు.ప్రతికూల పరిస్థితులను అధిగమించేందుకు ‘మా కంపెనీలో మార్కెట్‌ బడ్జెట్‌ను కుదించుకున్నాం. అలాగే ఈ ఏడాది వేతనాల పెంపు ఉండదని ఉద్యోగులకు తెలియజేశాం. దీన్ని నివారించలేకపోవడంపై వారిని క్షమాపణలు కోరాను. పరిస్థితిని అర్థం చేసుకున్నందుకు ఉద్యోగులకు కృతజ్ఞతలు’ అని శ్రీధర్‌ పేర్కొన్నారు. భారీ స్థాయిలో ఉద్యోగాల కోతను నివారించేందుకు అన్ని విధాలుగా ప్రయత్నిస్తామని, కానీ సాఫ్ట్‌వేర్‌ ఉద్యోగాల పరిస్థితి అంత ఆశావహంగా కనిపించడం లేదని వివరించారు. తమను తాము సరికొత్తగా తీర్చిదిద్దుకోవడంపై కసరత్తు చేస్తున్నామని, ఇది పని చేసిందా లేదా అనేది వచ్చే 3–5 ఏళ్లలో తెలుస్తుందన్నారు.ఇదీ చదవండి: రచ్చకెక్కిన టీవీఎస్ ఫ్యామిలీ వార్

రిటర్నుల ఆధారంగా మాత్రమే ఏఐలో పెట్టుబడులకు తెరతీయవలసి ఉన్నట్లు ఆదిత్య బిర్లా గ్రూప్‌ చైర్మన్‌ కుమార మంగళం బిర్లా తాజాగా స్పష్టం చేశారు. అంతేగానీ బస్‌ మిస్సవుతామేమో అన్న భయం(ఫోమో)తో ఏఐను అందిపుచ్చుకోవాలని ప్రయత్నించరాదని పేర్కొన్నారు. ఏడాదిక్రితం వేసిన ప్రణాళికలను పక్కనపెట్టి బిర్లా గ్రూప్‌ క్రమంగా ఏఐ పెట్టుబడులను చేపట్టనున్నట్లు 2026 బ్లూమ్‌బెర్గ్‌ న్యూ ఎకానమీ సదస్సులో వెల్లడించారు.ఫోమో కారణంగా ఏఐపై స్పందించలేమని, ఒక క్రమపద్ధతిలో మాత్రమే దీనిపై ముందుకు వెళ్లదలచినట్లు తెలియజేశారు. వివిధ బిజినెస్‌లకు అనుగుణంగా ఏఐ ఆధారిత అప్లికేషన్లు మారుతుంటాయని, కొన్ని విభాగాలలో టెక్నాలజీ కస్టమర్లతో మమేకమయ్యేందుకు ఉపయోగపడుతుందని వివరించారు. మరికొన్నిచోట్ల తయారీ సామర్థ్యంలోనూ, ఫైనాన్షియల్‌ సర్వీసుల్లో నికర వడ్డీ మార్జిన్ల మెరుగుకు ప్రయోజనం చేకూరుతుందని పేర్కొన్నారు.ఇదీ చదవండి: రచ్చకెక్కిన టీవీఎస్ ఫ్యామిలీ వార్

ప్రపంచంలో రెండవ అతిపెద్ద టెలికాం ఆపరేటర్ అయిన భారతీ ఎయిర్‌టెల్.. తన వినియోగదారుల కోసం కొత్తగా రూ.348 ప్రీపెయిడ్ ప్లాన్‌ను ప్రారంభించింది. ఈ ప్లాన్ వ్యాలిడిటీ ఎంత?, రోజువారీ డేటా? వంటివి మాత్రమే కాకుండా.. ఇతర సదుపాయాలు ఏమైనా లభిస్తాయా? అనే విషయాలు ఇక్కడ తెలుసుకుందాం.భారతీ ఎయిర్‌టెల్‌ కొత్త రీఛార్జ్‌ ప్లాన్‌ (రూ.348) వ్యాలిడిటీ.. 28 రోజులు. ప్రతిరోజూ 2 జీబీ డేటా, 100 ఎస్ఎంఎస్లు, అపరిమిత వాయిస్‌ కాలింగ్‌ సదుపాయాలు లభిస్తాయి. వీటితో పాటు ఏడాది పాటు అడోబ్‌ ఎక్స్‌ప్రెస్‌ ప్రీమియం సబ్‌స్క్రిప్షన్‌ను ఉచితంగా పొందవచ్చు. సాధారణంగా ఈ సబ్‌స్క్రిప్షన్‌ కోసం చెల్లించాల్సిన మొత్తంతో పోలిస్తే, వినియోగదారులకు రూ.4 వేల వరకు ఆదా అవుతుందని కంపెనీ చెబుతోంది. ఫొటోలు, పోస్టర్లు, సోషల్‌ మీడియా డిజైన్లు రూపొందించుకోవాలనుకునే వారికి ఈ ప్రయోజనం ఉపయోగకరంగా ఉంటుంది.ఈ ప్లాన్‌లో డేటా, కాలింగ్‌ సదుపాయాలతో పాటు భద్రతకు సంబంధించిన కొన్ని ఫీచర్లు కూడా ఉన్నాయి. స్పామ్‌ కాల్స్‌ గురించి అలర్ట్‌లు రావడంతో పాటు.. మోసపూరిత లింకులను బ్లాక్‌ చేసే సదుపాయాలు లభిస్తాయని ఎయిర్‌టెల్‌ పేర్కొంది. అంతేకాకుండా.. 30 రోజుల పాటు ఉచితంగా హలోట్యూన్స్‌ సదుపాయాన్ని కూడా అందిస్తోంది. దీంతో తక్కువ ధరలో రోజువారీ మొబైల్‌ అవసరాలను తీర్చుకోవాలనుకునే వారికి ఈ ప్లాన్‌ ఒక మంచి ఎంపికగా నిలుస్తుంది.ఇదీ చదవండి: 2026 రేడియాన్ బైక్ లాంచ్.. రూ.67000 మాత్రమే!

దేశంలోనే ప్రముఖ పారిశ్రామిక దిగ్గజమైన టీవీఎస్ గ్రూప్‌ కుటుంబంలో ఆస్తుల పంపిణీకి సంబంధించిన విభేదాలు రచ్చకెక్కాయి. సుదర్శన్ శ్రీనివాసన్, లక్ష్మీ వేణుల మధ్య ఆర్థిక యాజమాన్య హక్కుల విభజన ప్రక్రియ సజావుగా సాగడం లేదని స్పష్టమవుతోంది. వేణు శ్రీనివాసన్ కుటుంబంలో ఆర్థిక సమానత్వం, అన్-లిస్టెడ్ ఆస్తుల మూల్యాంకనం, పన్నుపరమైన చిక్కులు ఈ వివాదానికి ప్రధాన కారణాలుగా మారుతున్నాయి.పరిష్కారం కాని ఆర్థిక యాజమాన్య హక్కులుమల్లికా శ్రీనివాసన్, డాక్టర్ లక్ష్మీ వేణు ఉమ్మడిగా విడుదల చేసిన ప్రకటనలో.. 2020లో టీవీఎస్ గ్రూప్ స్థాయి ప్రమోటర్ల మధ్య జరిగిన వ్యాపారాల విభజన ఒప్పందం వేరు, తమ కుటుంబ అంతర్గత ఆస్తుల పంపిణీ వేరని స్పష్టం చేశారు. కుటుంబ ఆస్తులన్నీ కేవలం ఒకే వ్యక్తికి చెందుతాయని, వారు ఏకపక్షంగా నిర్ణయం తీసుకోగలరనే వాదన సరికాదని పేర్కొన్నారు. మేనేజ్‌మెంట్ బాధ్యతలకు తగిన పారితోషికం లభించినప్పటికీ అసలైన ఆర్థిక ఆస్తుల పంపిణీ ఇప్పటికీ ముగింపునకు రాలేదని తెలిపారు.వివాదం నేపథ్యంటీవీఎస్ మోటార్ కంపెనీ చైర్మన్ సుదర్శన్ వేణు, ఆయన సోదరి లక్ష్మీ వేణు మధ్య కుటుంబ ఆస్తుల పంపిణీ విషయంలో స్పష్టత కొరవడింది. ట్రస్ట్ నిర్మాణాలు, హోల్డింగ్ కంపెనీలలో తమకు తగిన సమాన ఆర్థిక హక్కులు రావాలని లక్ష్మీ వేణు పక్షం కోరుతుండగా, యాజమాన్య నియంత్రణకు సంబంధించి భిన్నాభిప్రాయాలు తలెత్తాయి.2024 మార్చిలో కుటుంబ సభ్యుల మధ్య కుదిరిన అవగాహన ఒప్పందం కేవలం బ్రాండ్ వినియోగం, పోటీ వ్యాపారాలకు దూరంగా ఉండటం వంటి నిబంధనలకే పరిమితమైందని, అంతేకాని అది కుటుంబ సంపద లేదా ఆస్తుల ఆర్థిక పరిష్కారానికి సంబంధించిన ఒప్పందం కాదని లక్ష్మీ వేణు, తల్లి మల్లికా శ్రీనివాసన్ స్పష్టం చేయడంతో ఈ వివాదం బహిర్గతమైంది.కంపెనీల విలువల్లో వ్యత్యాసంటీవీఎస్ మోటార్స్, టీవీఎస్ హోల్డింగ్స్ వంటి సంస్థల మార్కెట్ విలువలు వేల కోట్లలో ఉండటం, భవిష్యత్ వారసత్వ ప్రణాళికలో భాగంగా ట్రస్టుల ద్వారా ప్రయోజనాలు ఒకరికే మెజారిటీగా దక్కేలా ఏర్పాట్లు జరుగుతున్నాయనే చర్చ రావడంతో కుటుంబ ఆస్తుల సమాన పంపిణీ అంశం తెరపైకి వచ్చింది.అన్-లిస్టెడ్ ఆస్తులు, పన్ను నిబంధనల చిక్కులులిస్టెడ్ కంపెనీల మార్కెట్ విలువను సులభంగా నిర్ణయించగలిగినప్పటికీ కుటుంబానికి చెందిన పలు అన్-లిస్టెడ్ ఆస్తులు, హోల్డింగ్ కంపెనీల షేర్ల విలువను పారదర్శకంగా లెక్కించడం సవాలుగా మారింది. దీనితో పాటు, ఆస్తులు, షేర్ల బదిలీ సమయంలో ఎదురయ్యే క్యాపిటల్ గెయిన్స్ ట్యాక్స్ సంబంధిత చిక్కులు ఈ విభజన ప్రక్రియను మరింత సంక్లిష్టం చేస్తున్నాయి. ఏకాభిప్రాయంతో సమస్యను పరిష్కరించుకోవడానికి ఇప్పటివరకు ప్రయత్నించామని అయితే బయటకు వస్తున్న కథనాల దృష్ట్యా వాస్తవాలను వెల్లడించాల్సి వచ్చిందని లక్ష్మీ వేణు, మల్లికా శ్రీనివాసన్ పేర్కొన్నారు.ఇదీ చదవండి: బంగారం.. ధరాభారం ఖతం!

సాక్షి,న్యూఢిల్లీ: యూపీఐ లావాదేవీలపై కేం‍ద్రం కీలక నిర్ణయం తీసుకుంది. రూ.2వేలు అంతకంటే ఎక్కువ మొత్తంతో కూడిన మర్చంట్ (వ్యాపార) యూపీఐ లావాదేవీలపై అదనపు ఛార్జీలు విధిస్తున్నట్లు ప్రభుత్వం స్పష్టం చేసింది. ఈ నిబంధనను దీపావళి పండగ తర్వాత అమల్లోకి తీసుకురానున్నట్లు అధికారిక వర్గాలు వెల్లడించాయి.మర్చంట్‌ డిస్కౌంట్‌ రేట్‌ (ఎండీఆర్‌) ఛార్జీలు ఇప్పటికే అమల్లోకి రావాల్సి ఉంది. అయితే, పండుగ సీజన్‌ కారణంగా ఈ అమలును వాయిదా వేయొచ్చంటూ పలు నివేదికలు వెలుగులోకి వచ్చాయి. ఆ నివేదికలను ప్రస్తావిస్తూ... యూనిఫైడ్ పేమెంట్స్ ఇంటర్‌ఫేస్ (యూపీఐ) లావాదేవీలపై మర్చంట్ డిస్కౌంట్ రేట్ అమలును దీపావళి తర్వాత వరకు వాయిదా వేసినట్లు నేషనల్ పేమెంట్స్ కార్పొరేషన్ ఆఫ్ ఇండియా (ఎన్‌పీసీఐ) మంగళవారం తెలిపింది.యూపీఐ, స్ట్రీరింగ్ కమిటీ పర్సన్‌-టూ-మర్చంట్‌ (P2M) లావాదేవీలపై ఎండీఆర్‌ ఛార్జీలను దీపావళి పండుగ తర్వాత తక్షణమే అమలు చేయాలని భావిస్తోంది. దీనిని ఎప్పుడు అమలు చేయాలి? ఆ తేదీ, ఇతర వివరాలను త్వరలోనే ప్రకటిస్తామని ఎన్‌పీసీఐ అధికారికంగా వెల్లడించింది.ప్రస్తుతం భారత్‌లో ఎలాంటి అదనపు రుసుము లేకుండా ఉచితంగా సాగుతున్న యూపీఐ చెల్లింపుల విధానంలో ఈ నిర్ణయం పెద్దఎత్తున చర్చకు దారితీసే అవకాశం ఉంది. సాధారణ వినియోగదారులపై దీని ప్రభావం ఏ విధంగా ఉండబోతుందనే దానిపై సర్వత్రా ఉత్కంఠ నెలకొంది.ఇదిలా ఉంటే, బ్యాంకులు తమ సీఏఎస్‌ఏ (సీఏఎస్‌ఏ- కరెంట్ అకౌంట్ సేవింగ్స్ అకౌంట్) డిపాజిట్ల ద్వారా ఇప్పటికే భారీ వడ్డీ మార్జిన్‌లను ఆర్జిస్తున్నాయని ఇటీవల ఐఐటీ-బాంబే నివేదిక వెలుగులోకి వచ్చింది. యూపీఐ ఎకోసిస్టమ్‌ను నిర్వహించడానికి, మెరుగుపరచడానికి బ్యాంకులు ఆ నిధులను ఉపయోగించాలని ఆ నివేదిక సూచించింది. అయినప్పటికీ, మర్చంట్ లావాదేవీల ఫీజు అమలు దిశగా ప్రభుత్వం అడుగులు వేస్తుండటం గమనార్హం.

దేశంలో ఆరోగ్య సంరక్షణ సేవల్లో పారదర్శకత, జవాబుదారీతనాన్ని పెంపొందించే దిశగా కేంద్ర ప్రభుత్వం కీలక నిర్ణయం తీసుకుంది. ప్రైవేటు, ప్రభుత్వ ఆసుపత్రులు, క్లినిక్‌లు తదితరాలు తమ వద్ద అందుబాటులో ఉన్న వివిధ వైద్య సేవలు, పడకల రుసుము, టెస్ట్‌ల ధరల పట్టికను రోగులకు స్పష్టంగా కనిపించేలా ప్రదర్శించాలని కేంద్ర ఆరోగ్య, కుటుంబ సంక్షేమ మంత్రిత్వ శాఖ రాష్ట్రాలు, కేంద్రపాలిత ప్రాంతాలను ఆదేశించింది.ఈ మేరకు కేంద్ర ఆరోగ్య శాఖ కార్యదర్శి పుణ్యసలిల శ్రీవాస్తవ అన్ని రాష్ట్రాలు, కేంద్రపాలిత ప్రాంతాల ప్రభుత్వాలకు లేఖ రాశారు. క్లినికల్ ఎస్టాబ్లిష్‌మెంట్స్ (రిజిస్ట్రేషన్ అండ్ రెగ్యులేషన్) చట్టం కింద నిర్దేశించిన నిబంధనలను కఠినంగా అమలు చేయాలని చెప్పారు. తద్వారా రోగులకు ముందస్తుగానే వ్యయ సమాచారం అందుబాటులో ఉంటుందని స్పష్టం చేశారు.రేట్ల పట్టిక ప్రదర్శన తప్పనిసరికేంద్ర ఆదేశాల ప్రకారం, ప్రతి వైద్య కేంద్రం తమ రిసెప్షన్ లేదా ఆవరణలోని ప్రముఖ ప్రదేశాలలో స్థానిక భాషతో పాటు ఆంగ్లంలో కూడా వివిధ సేవల రుసుముల వివరాలను ప్రదర్శించాలి. ఓపీడీ ఫీజు, ఐసీయూ పడకల ధరలు, డయాగ్నోస్టిక్ పరీక్షలు, ప్రధాన శస్త్రచికిత్సల అంచనా వ్యయాల జాబితాను స్పష్టంగా ఉంచాలి. చికిత్స ముగిసాక అదనపు లేదా అస్పష్ట రుసుములతో రోగుల కుటుంబాలపై ఆర్థిక భారం పడకుండా చూడటమే ఈ చర్య ప్రధాన లక్ష్యం.ఇదీ చదవండి: బంగారం.. ధరాభారం ఖతం!

స్టార్‌లింక్‌ ఇంటర్నెట్‌ సేవలను భారత్‌లో భారీ రేట్లు పెట్టి ఎవరూ కొనరని స్పేస్‌ఎక్స్‌ అధినేత ఎలాన్‌ మస్క్‌ పేర్కొన్నారు. కాబట్టి సరీ్వసులకు ఆదరణ లభించాలంటే తక్కువ ధరకే అందించాల్సి ఉంటుందని వ్యాఖ్యానించారు. పోటీ ఉంటేనే వినియోగదారులకు మేలు జరుగుతుందని సోషల్‌ మీడియా ఎక్స్‌లో పోస్ట్‌ చేశారు. పనిలోపనిగా రిలయన్స్‌ ఇండస్ట్రీస్‌ అధినేత ముకేశ్‌ అంబానీపై మరోసారి అక్కసు వెళ్లగక్కారు.The ridiculous arguments by Ambani’s army of Internet shills make no sense On the one hand, they say Starlink couldn’t possibly compete with the amazing low prices offered by Ambani’s de facto monopoly in India and then, in the same breath, they essentially claim that Starlink would be too strong of a competitor! This is absurd hypocrisy and hyperbole. The reality is that competition would greatly benefit the average citizen in India by giving them more choices, as it always does. Ambani’s profits will be lower, but he is not going out of business. And, obviously, if Starlink is too expensive in India, no one will buy it, so SpaceX will need to make pricing affordable.— Elon Musk (@elonmusk) October 10, 2026భారత్‌లో స్టార్‌లింక్‌ ఎంట్రీని వ్యతిరేకిస్తూ, అంబానీకి మద్దతుగా నిలుస్తున్న వారిపై మస్క్‌ తీవ్ర వ్యాఖ్యలు చేశారు. ‘ఓవైపు భారత్‌లో గుత్తాధిపత్యం చలాయిస్తున్న అంబానీ అందించే అత్యంత అద్భుతమైన చౌక ఆఫర్లతో మేము పోటీపడలేమని అంటారు. మరోవైపు, స్టార్‌లింక్‌ వస్తే అంబానీకి గట్టి పోటీ ఉంటుందనీ అంటారు. ఇదొక అర్థంపర్థం లేని వ్యవహారం. ఇది హిపోక్రసీ. వాస్తవం ఏమిటంటే పోటీ పెరిగితే సగటు భారతీయ పౌరులకు మరిన్ని ఆప్షన్లు అందుబాటులోకి రావడం వల్ల ఎప్పట్లాగే వారికి మేలు జరుగుతుంది. అంబానీ లాభాలు తగ్గుతాయి. కానీ ఆయన వ్యాపారమేమీ మూతబడదు‘ అని మస్క్‌ వ్యాఖ్యానించారు. శాటిలైట్‌ ఇంటర్నెట్‌ సేవలు, భారీ ఐపీవో కోసం రిలయన్స్‌ జియో పెద్ద ఎత్తున సన్నాహాలు చేసుకుంటున్న నేపథ్యంలో అంబానీపై మస్క్‌ విమర్శలు ప్రాధాన్యం సంతరించుకున్నాయి.ఇదీ చదవండి: పండగ ఆఫర్లు.. ఆన్‌లైన్‌ షాపింగ్‌.. బీ అలర్ట్!

న్యూఢిల్లీ: ఐటీ సేవల దేశీ దిగ్గజం హెచ్‌సీఎల్‌ టెక్నాలజీస్‌ ఈ ఏడాది రెండో త్రైమాసికం (2026–27, క్యూ2)లో ఆసక్తికర ఫలితాలు సాధించింది. వార్షిక ప్రాతిపదికన కన్సాలిడేటెడ్‌ నికర లాభం 21% ఎగసి రూ. 5,132 కోట్లను తాకింది. మెరుగుపడిన మార్జిన్లు, అడ్వాన్స్‌డ్‌ ఏఐ బిజినెస్‌ జోరు ఇందుకు సహకరించాయి. గతేడాది (2025–26) ఇదే కాలంలో రూ. 4,235 కోట్లు ఆర్జించింది. మొత్తం ఆదాయం సైతం 11%పైగా వృద్ధితో రూ. 35,620 కోట్లకు చేరింది. గత క్యూ2లో రూ. 31,942 కోట్ల టర్నోవర్‌ అందుకుంది. త్రైమాసికవారీగా అంటే ఈ ఏడాది తొలి క్వార్టర్‌ (ఏప్రిల్‌–జూన్‌)తో పోలిస్తే నికర లాభం 11%, ఆదాయం 3% చొప్పున పెరిగాయి. వాటాదారులకు షేరుకి రూ. 12 చొప్పున మధ్యంతర డివిడెండ్‌ ప్రకటించింది. ఇందుకు ఈ నెల 16 రికార్డ్‌డేట్‌కాగా.. ఈ ఏడాది 10,000 మంది ఫ్రెషర్స్‌కు ఉపాధి కల్పించనున్నట్లు కంపెనీ వెల్లడించింది. 2.5–4 శాతం గైడెన్స్‌ పూర్తి ఏడాదికి ఆదాయ అంచనాలను హెచ్‌సీఎల్‌ టెక్‌ తాజాగా 2.5–4%గా సవరించింది. తొలుత 1–4% మధ్య ఆదాయ పురోగతిని అంచనా వేసింది. పటిష్ట డీల్స్, ఏఐ ఆధారిత సర్వీసులు ఇందుకు మద్దతివ్వనున్నట్లు కంపెనీ ఎండీ, సీఈవో సి.విజయకుమార్‌ పేర్కొన్నారు. కాగా.. ఐటీ సర్వీసుల బిజినెస్‌ నుంచి ఆదాయం రూ. 26,938 కోట్లు సాధించింది. గత క్యూ2లో ఇది రూ. 23,693 కోట్లుకాగా.. ఇంజనీరింగ్, ఆర్‌అండ్‌డీ సర్వీసుల టర్నోవర్‌ రూ. 5,423 కోట్ల నుంచి రూ. 5,973 కోట్లకు బలపడింది. హెచ్‌సీఎల్‌ సాఫ్ట్‌వేర్‌ ఆదాయం మాత్రం రూ. 2,826 కోట్ల నుంచి రూ. 2,709 కోట్లకు క్షీణించింది. ఇతర విశేషాలు → ఉద్యోగుల సంఖ్య 6,450 పెరిగి 2,30,339కు చేరింది. క్యూ1లో 3,292 మంది తగ్గారు. → ఉద్యోగ వలసల(అట్రిషన్‌) రేటు 12.8 శాతంగా నమోదైంది. → ఆర్డర్ల బుకింగ్స్‌ 27 శాతం ఎగసి 3.3 బిలియన్‌ డాలర్లకు చేరాయి. → ఇబిట్‌ మార్జిన్లు 16.9 శాతం నుంచి 18.2 శాతానికి మెరుగుపడ్డాయి. → ఏఐ ఆదాయం 78 శాతం జంప్‌చేసి 21.9 కోట్ల డాలర్లను తాకింది. ఆంత్రోపిక్‌తో జతఏఐ సేవల దిగ్గజం ఆంత్రోపిక్‌తో అంతర్జాతీయ భాగస్వామ్యాన్ని ఏర్పాటు చేసుకున్నట్లు హెచ్‌సీఎల్‌ టెక్నాలజీస్‌ తాజాగా పేర్కొంది. దీనిలో భాగంగా ఎజెంటిక్‌ ఏఐ సొల్యూషన్లకు తెరతీసేందుకు ప్రత్యేక బిజినెస్‌ యూనిట్‌ను నెలకొల్పనుంది. దీంతో క్లాడ్‌ వినియోగం ద్వారా ఎంటర్‌ప్రైజ్‌ క్లయింట్స్‌కు ఎజెంటిక్‌ ఏఐ సొల్యూషన్లు సమకూర్చనుంది. మరోపక్క సాఫ్ట్‌వేర్‌ విభాగం ఎంపిక చేసిన ప్రొడక్టులకు ఏఐ మోడల్స్‌ను అనుసంధానించనున్నట్లు కంపెనీ వెల్లడించింది. వెరసి ఎంటర్‌ప్రైజ్‌లు ఎజెంటిక్‌ ఏఐను మిళితం చేసుకోవడం ద్వారా తక్కువ మానవ వనరుల వినియోగంతో భద్రత, సైబర్‌సెక్యూరిటీ, గవర్నెన్స్‌లను పటిష్టపరచుకోవచ్చని తెలియజేసింది. ఐటీ సర్వీసుల బృందం ఆంత్రోపిక్‌ క్లాడ్, కోవర్క్, క్లాడ్‌ కోడ్‌ వినియోగం ద్వారా ఇండస్ట్రీ సొల్యూషన్లు అందించనున్నట్లు వివరించింది.ఫలితాల నేపథ్యంలో కంపెనీ షేరు 0.5 శాతం లాభపడి రూ. 1,223 వద్ద ముగిసింది.

భారతదేశానికి చెందిన, ఎన్‌పీసీఐ ధృవీకృత టెక్నాలజీ సర్వీస్ ప్రొవైడర్ వియోనా ఫిన్‌టెక్ తన డిజిటల్ చెల్లింపుల టెక్నాలజీని ఆఫ్రికా దేశాలకు విస్తరించనుంది. జింబాబ్వేలో వియోనా ట్యాప్ అండ్ పే ప్లాట్‌ఫారాన్ని ప్రవేశపెట్టేందుకు చర్యలు ప్రారంభించింది. ఈ దిశగా జింబాబ్వే ప్రభుత్వంతో చర్చలు జరుగుతున్నట్లు సంస్థ తెలిపింది.వియోనా ట్యాప్ అండ్ పే అనేది ఎన్‌ఎఫ్‌సీ ఆధారిత సాఫ్ట్‌పీఓఎస్. త్వరలో అందుబాటులోకి రానుంది. ఆండ్రాయిడ్ స్మార్ట్‌ఫోన్లనే కాంటాక్ట్‌లెస్ పీఓఎస్‌లుగా మార్చుకోవచ్చు. దీంతో చిన్న, మధ్య తరహా వ్యాపారులు ప్రత్యేకమైన పీఓఎస్ యంత్రాలను కొనుగోలు చేయాల్సిన అవసరం లేకుండా పోతుంది.జింబాబ్వేలోనూ యూపీఐ ప్లాట్‌ఫారం ప్రవేశపెట్టేందకు రిజర్వ్ బ్యాంక్ ఆఫ్ జింబాబ్వే, ఎన్‌పీసీఐ ఇంటర్నేషనల్ పేమెంట్స్ లిమిటెడ్ (NIPL) మధ్య చర్చల జరుగుతున్న నేపథ్యంలో వియోనా ఆఫ్రికాలో వ్యాపార విస్తరణ చేపట్టడం గమనార్హం.భారతదేశంలో అభివృద్ధి చెందిన డిజిటల్ పబ్లిక్ ఇన్‌ఫ్రాస్ట్రక్చర్‌ను అనేక ఆఫ్రికా దేశాల్లోనూ ఏర్పాటు చేసేందుకు ప్రయత్నిస్తున్న సమయంలో వ్యాపారుల చెల్లింపు స్వీకరణ మౌలిక సదుపాయాలను అందించడంపై వియోనా దృష్టి సారించింది. జింబాబ్వేలో స్థానిక అక్వైరింగ్ బ్యాంకులు, పేమెంట్ సర్వీస్ ప్రొవైడర్లు (PSPs), వ్యాపార నెట్‌వర్క్‌లతో భాగస్వామ్య అవకాశాలను సంస్థ పరిశీలిస్తోంది.ఆఫ్రికాలో డిజిటల్ ఫైనాన్స్ రంగం వేగంగా అభివృద్ధి చెందుతోంది. ఆఫ్రికానెండా స్టేట్ ఆఫ్ ఇన్‌క్లూజివ్ ఇన్‌స్టంట్ పేమెంట్ సిస్టమ్స్ ఇన్ ఆఫ్రికా 2025 నివేదిక ప్రకారం, 2024లో ఆఫ్రికా దేశాల్లోని తక్షణ చెల్లింపు వ్యవస్థలు సుమారు రెండు ట్రిలియన్ డాలర్ల విలువైన 64 బిలియన్ లావాదేవీలను ప్రాసెస్ చేశాయి. 2025 జూన్ నాటికి 31 దేశాల్లో 36 ఇన్‌స్టంట్ పేమెంట్ వ్యవస్థలు అమలులో ఉన్నాయని నివేదిక పేర్కొంది.ఎన్‌పీసీఐ ధృవీకృత భాగస్వామిగా వియోనాకు యూపీఐ అనుగుణ చెల్లింపు వ్యవస్థలను నిర్వహించడం, విస్తరించడం వంటి అనుభవం ఉంది. ఈ నేపథ్యంలో కేంద్ర బ్యాంకులు, అక్వైరింగ్ బ్యాంకులు, స్థానిక పేమెంట్ సర్వీస్ ప్రొవైడర్లకు ఎన్‌ఐపీఎల్ మద్దతుతో పనిచేసే చెల్లింపు స్విచ్‌లకు నేరుగా అనుసంధానించగల వ్యాపార చెల్లింపు స్వీకరణ సాంకేతికతను అందించనున్నట్లు సంస్థ తెలిపింది.జాతీయ చెల్లింపు వ్యవస్థలు క్లియరింగ్ ప్రక్రియను నిర్వహించినప్పటికీ, రోజువారీ వాణిజ్య లావాదేవీల విజయానికి వ్యాపారుల భాగస్వామ్యం కీలకమని వియోనా పేర్కొంది. ఈ నేపథ్యంలో, సాధారణ స్మార్ట్‌ఫోన్లనే డిజిటల్ చెల్లింపు టెర్మినల్స్‌గా మార్చే ట్యాప్ అండ్ పే ప్లాట్‌ఫారం సూక్ష్మ వ్యాపారులకు ప్రత్యేక పీఓఎస్ పరికరాల అవసరం లేకుండానే జాతీయ చెల్లింపు నెట్‌వర్క్‌లను వినియోగించుకునే అవకాశాన్ని కల్పిస్తుందని వివరించింది.భారతదేశంతో పాటు ఎంపిక చేసిన ఆఫ్రికా దేశాల్లో వియోనా ట్యాప్ అండ్ పే వాణిజ్య సేవల పూర్తి స్థాయి ప్రారంభం సంబంధిత చెల్లింపు నెట్‌వర్క్ సర్టిఫికేషన్లు, స్థానిక నియంత్రణ సంస్థల అనుమతులు పూర్తైన అనంతరం చేపట్టనున్నట్లు సంస్థ వెల్లడించింది.ఇదీ చదవండి: ఇన్వెస్టర్లకు గుడ్‌న్యూస్.. లాభాల వర్షం కురిపించిన EV స్టాక్!

భారతి ఎంటర్‌ప్రైజెస్ వ్యవస్థాపకుడు, ఛైర్మన్ సునీల్ భారతి మిత్తల్‌కు ఫ్రెంచ్ రిపబ్లిక్ అధ్యక్షుడు ఎమ్మాన్యుయేల్ మాక్రోన్ ''షెవాలియర్ డె ల్ ఓర్డ్రే నేషనల్ డే లా లెజియన్ డి ఆనర్'' (Knight of the National Order of the Legion of Honour) గౌరవంతో సత్కరించనున్నట్లు ప్రకటించారు.ఇది 1802లో నెపోలియన్ బోనపార్ట్ స్థాపించిన.. లెజియన్ ఆఫ్ ఆనర్ ఫ్రెంచ్ రిపబ్లిక్ ప్రదానం చేసే అత్యున్నత పౌర పురస్కారం. భారత్-ఫ్రాన్స్ ఆర్థిక సంబంధాలను బలోపేతం చేయడంలో ఆయన చూపిన దీర్ఘకాలిక నిబద్ధతకు, అలాగే టెలికమ్యూనికేషన్స్ అండ్ డిజిటల్ మౌలిక సదుపాయాల రంగాల్లో సాధించిన విశిష్ట విజయాలకు గుర్తింపుగా ఈ గౌరవాన్ని మిత్తల్‌కు ప్రకటించారు.ఈ సందర్భంగా భారత్‌లో ఫ్రాన్స్ రాయబారి థియెరీ మాథూ మాట్లాడుతూ.. "సునీల్ భారతి మిత్తల్ ముప్పై ఏళ్లకుపైగా కాలంగా ఫ్రాన్స్‌కు నిజమైన స్నేహితుడిగా ఉన్నారు. 1992లో ఎయిర్‌టెల్ ప్రారంభ దశ నుంచే ఆయనకు ఫ్రాన్స్‌తో అనుబంధం ఉంది. ఈ సంబంధాలను ఆయన ఎప్పటికప్పుడు బలోపేతం చేస్తూ, ఇండియా - ఫ్రెంచ్ వ్యాపార భాగస్వామ్యంతో ఎంతటి విజయాలు సాధించవచ్చో చూపించారు. ప్రస్తుతం ఆయన యూటెల్‌సాట్ ఉపాధ్యక్షునిగా కొనసాగుతూ.. శాటిలైట్ అండ్ డిజిటల్ సాంకేతిక రంగాల్లో భారత్-ఫ్రాన్స్ సహకారాన్ని మరింత ముందుకు తీసుకెళ్తున్నారు. ఈ లెజియన్ ఆఫ్ ఆనర్ పురస్కారం ద్వారా ఫ్రాన్స్ అధ్యక్షుడు భారతదేశంలో ఫ్రాన్స్‌ను దీర్ఘకాలిక భాగస్వామిగా నిలబెట్టడంలో విశేష కృషి చేసిన ఒక గొప్ప వ్యాపార నాయకుడిని సత్కరిస్తున్నారు" అని అన్నారు.ఈ గౌరవంపై స్పందించిన సునీల్ భారతి మిత్తల్ మాట్లాడుతూ.. ''ఫ్రాన్స్ రిపబ్లిక్ అందించిన ఈ విశిష్ట గౌరవానికి నేను ఎంతో కృతజ్ఞుడిని. 1992లో ఎయిర్‌టెల్ ప్రారంభమైనప్పుడు.. భారతదేశంలో మొబైల్ టెలిఫోనీని ప్రవేశపెట్టినప్పటి నుంచి నా ఫ్రాన్స్ అనుబంధం ప్రారంభమైంది. ప్రస్తుతం యూరోపియన్ శాటిలైట్ సంస్థ యూటెల్‌సాట్ సహాధ్యక్షునిగా ఆ బంధం కొనసాగుతోంది. ఫ్రెంచ్ రిపబ్లిక్ అధ్యక్షుడు ఎమ్మాన్యుయేల్ మాక్రోన్ కు నా హృదయపూర్వక కృతజ్ఞతలు తెలియజేస్తూ, భారత్-ఫ్రాన్స్ ఆర్థిక సంబంధాలను మరింత బలోపేతం చేయడానికి నా కట్టుబాటును మరోసారి పునరుద్ఘాటిస్తూ ఈ గౌరవాన్ని స్వీకరిస్తున్నాను'' అని పేర్కొన్నారు.ఈ పురస్కారానికి సంబంధించిన అధికారిక చిహ్నాన్ని 2026 అక్టోబర్ 28, బుధవారం, న్యూఢిల్లీలోని ఫ్రెంచ్ రాయబార కార్యాలయంలో నిర్వహించే ప్రత్యేక కార్యక్రమంలో ప్రదానం చేయనున్నారు. కాగా ఇప్పటికే 2007లో మిత్తల్ గారికి భారతదేశ అత్యున్నత పౌర పురస్కారాల్లో ఒకటైన పద్మభూషణ్ పురస్కారం లభించింది. 2024లో ఆయన బ్రిటిష్ సామ్రాజ్యంలోని అత్యున్నత గౌరవాల్లో ఒకటైన "నైట్ కమాండర్ ఆఫ్ ద మోస్ట్ ఎక్సలెంట్ ఆర్డర్ ఆఫ్ ది బ్రిటిష్ ఎంపైర్ (KBE)" బిరుదును కింగ్ చార్ల్స్ III చేత స్వీకరించిన తొలి భారత పౌరుడిగా గుర్తింపు పొందారు.

ఐటీ రంగంలో ఆర్టిఫిషియల్ ఇంటెలిజెన్స్ (AI) ప్రభావం రోజురోజుకూ గణనీయంగా పెరుగుతోంది. కంపెనీలు కొత్త ఉద్యోగులను నియమించుకునే సమయంలో కూడా ఏఐ, డిజిటల్ టెక్నాలజీలపై అవగాహన ఉన్నవారికి ఎక్కువ ప్రాధాన్యత ఇస్తున్నాయి. దీనికి టాటా కన్సల్టెన్సీ సర్వీసెస్ (TCS) నియామకాలే ఓ మంచి ఉదాహరణ.డిగ్రీ ఉంటే సరిపోదుటీసీఎస్ చీఫ్ ఆపరేటింగ్ ఆఫీసర్ అరతి సుబ్రమణియన్ వెల్లడించిన వివరాల ప్రకారం.. జూలై నుంచి సెప్టెంబర్ మధ్య కంపెనీ సుమారు 4,500 మంది ఉద్యోగులను నియమించుకుంది. వీరిలో 25 నుంచి 30 శాతం మందికి ప్రత్యేకమైన ఏఐ నైపుణ్యాలు ఉండగా.. దాదాపు 80 శాతం మందికి ఆధునిక టెక్నాలజీలపై అవగాహన ఉంది. అంటే.. కంపెనీలు ఇప్పుడు ఉద్యోగులను తీసుకునేటప్పుడు కేవలం డిగ్రీలు, సర్టిఫికెట్లు మాత్రమే కాకుండా.. కొత్త టెక్నాలజీలను ఉపయోగించి పనిచేయగల సామర్థ్యాన్ని కూడా చూస్తున్నాయి.ఇలాంటి పరిస్థితిలో ఫ్రెషర్లకు ఎక్కువ అవకాశాలు వస్తాయా?, లేక అనుభవం ఉన్న ఉద్యోగులకే ఎక్కువ ప్రయోజనం ఉంటుందా? అనే ప్రశ్న చాలామందిలో ఉంది. కానీ.. ఎవరికైతే ఏఐ గురించి ఎక్కువ స్కిల్స్ తెలిసి ఉంటాయో.. వారికి తొందరగా ఉద్యోగం వచ్చే అవకాశం ఉందని నిపుణులు చెబుతున్నారు.అనుభవం ఉంటే మంచి అవకాశాలునిజానికి కొత్తగా ఉద్యోగాల్లోకి వచ్చే వారికి ఏఐ టూల్స్ నేర్చుకోవడం కొంత సులభంగా ఉంటుంది. కానీ అనుభవం ఉన్న ఉద్యోగులు ఏఐ టూల్స్ నేర్చుకుంటే మంచి అవకాశాలు లభిస్తాయి. దీనిపై టీసీఎస్ సీఈఓ కే. కృతివాసన్ మాట్లాడుతూ.. కొత్త విషయాలు నేర్చుకోవడానికి సిద్ధంగా ఉన్న అనుభవజ్ఞులకు తమ అనుభవం ఎంతో ఉపయోగపడుతుందని తెలిపారు. ఎందుకంటే.. వారికి ఇప్పటికే టెక్నాలజీపై అవగాహనతో పాటు, కస్టమర్ల అవసరాలు, వ్యాపార విధానాలు, సమస్యలను పరిష్కరించే పద్ధతుల గురించి కూడా తెలిసి ఉంటుంది. ఆ అనుభవానికి ఏఐ నైపుణ్యాలు తోడైతే వారు మరింత సమర్థవంతంగా పనిచేయగలరని అన్నారు.ఇక్కడ ఒక ముఖ్యమైన విషయం గుర్తుంచుకోవాలి. ఏఐ టూల్స్ ఉపయోగించడం వచ్చినంత మాత్రాన ఉద్యోగానికి అవసరమైన అన్ని నైపుణ్యాలు ఉన్నట్లు కాదు. ఉదాహరణకు, చాట్‌జీపీటీ ఉపయోగించి కోడ్ రాయడం లేదా రిపోర్టులు తయారు చేయడం నేర్చుకోవచ్చు. కానీ ఆ కోడ్ సరిగ్గా పనిచేస్తుందా, రిపోర్టులోని సమాచారం నిజమా, ఆ ఫలితం కంపెనీ అవసరాలకు సరిపోతుందా అనే విషయాలను కూడా తెలుసుకోవాలి. ఏఐ ఇచ్చిన సమాధానాన్ని గుడ్డిగా నమ్మకుండా, దాన్ని పరిశీలించి సరైన నిర్ణయం తీసుకోవడం ముఖ్యం.ఇదీ చదవండి: వెండి భారీ పతనం.. అసలు కారణం ఇదే!

భారతీయ రైల్వేలో ప్రతిరోజూ లక్షలాది మంది ప్రయాణికులు రాకపోకలు సాగిస్తుంటారు. ప్రయాణికుల సౌకర్యం, భద్రత కోసం రైల్వే శాఖ పలు ఏర్పాట్లు చేస్తోంది. ముఖ్యంగా మహిళలు, వృద్ధులు, దివ్యాంగుల ప్రయాణాన్ని మరింత సౌకర్యవంతంగా మార్చేందుకు ప్రత్యేక నిబంధనలు అమలులో ఉన్నాయి. అయితే, ఒంటరిగా ప్రయాణించే మహిళలకు టికెట్‌ బుకింగ్‌ సమయంలో ఎలాంటి సదుపాయాలు అందుబాటులో ఉన్నాయి? 45 ఏళ్లు పైబడిన మహిళలకు లోయర్‌ బెర్త్‌ ఎలా కేటాయిస్తారు? ఈ కథనంలో తెలుసుకుందాం..ఒంటరి మహిళలకు ప్రత్యేకంగా సీటు కేటాయిస్తారా?ఐఆర్‌సీటీసీ వెబ్‌సైట్‌ లేదా యాప్‌ ద్వారా టికెట్‌ బుక్‌ చేసుకునే మహిళలకు, ముఖ్యంగా ఒంటరి మహిళకు సీటు కేటాయింపు విషయంలో వ్యవస్థ ప్రత్యేకంగా పనిచేస్తుంది. ఒంటరి మహిళా ప్రయాణికురాలికి అందరూ పురుషులు ఉన్న క్యాబిన్‌లో కాకుండా అప్పటికే మహిళలు ఉన్న క్యాబిన్‌లో సీటు కేటాయించేందుకు ప్రయత్నిస్తుంది.ఉదాహరణకు రైలు బోగీలో బెర్తులు క్యాబిన్‌లుగా విభజించి ఉంటాయి. సైడ్‌ లోయర్‌, సైడ్‌ అప్పర్‌ కాకుండా ఒక్కో క్యాబిన్‌లో అటు వైపు మూడు, ఇటు వైపు మూడు మొత్తం ఆరు బెర్తులు ఉంటాయి. ఇప్పుడు ఈ ఆరంటిలో 5 బెర్తులు ఇప్పటికే పురుషుల కేటాయించి ఉంటే ఆ మిగిలిన ఒక్క ఖాళీ బెర్తు ఒంటరి మహిళా ప్రయాణికురాలికి సిస్టమ్‌ బెర్త్‌ కేటాయించదు. ఒక్క మహిళ అయినా ఉండే మరో క్యాబిన్‌లో బెర్త్‌ కేటాయించేందుకు ప్రయత్నిస్తుంది. అయితే అన్ని సందర్భాల్లో సాధ్యం కాకపోవచ్చు. రిజర్వేషన్‌ సీట్ల కేటాయింపు అందుబాటులో ఉన్న బెర్తులు, ప్రయాణ తరగతి, కోటాలు, ఇతర రిజర్వేషన్‌ నిబంధనలపై ఆధారపడి ఉంటుంది.మహిళలకు ప్రత్యేక బెర్తుల కోటారైల్వే అధికారిక సమాచారం ప్రకారం.. ఎక్కువ దూరం ప్రయాణించే మెయిల్‌, ఎక్స్‌ప్రెస్‌ రైళ్లలో స్లీపర్‌ క్లాస్‌లో మహిళల కోసం ఆరు బెర్తులతో ప్రత్యేక కోటా ఉంది. వయసుతో సంబంధం లేకుండా ఒంటరిగా ప్రయాణించే మహిళలు లేదా మహిళల బృందాలు ఈ కోటా ద్వారా బెర్తులు పొందవచ్చు. అయితే, ఈ కోటా అందుబాటు రైలు, ప్రయాణ తరగతి, బుకింగ్‌ పరిస్థితులపై ఆధారపడి ఉంటుంది.45 ఏళ్లు దాటిన మహిళలకు లోయర్‌ బెర్త్‌ ప్రాధాన్యంరైల్వేలో లోయర్‌ బెర్త్‌ కేటాయింపునకు సంబంధించి మహిళలు తెలుసుకోవాల్సిన ముఖ్యమైన విషయం మరొకటి ఉంది. స్లీపర్‌, ఏసీ త్రీటైర్‌, ఏసీ టూటైర్‌ వంటి నిర్దిష్ట రిజర్వేషన్‌ తరగతుల్లో 45 ఏళ్లు పైబడిన మహిళలకు, వృద్ధ ప్రయాణికులకు, దివ్యాంగులకు వర్తించే నిబంధనల ప్రకారం లోయర్‌ బెర్త్‌ల కేటాయింపులో ప్రాధాన్యం కల్పించే ఏర్పాట్లు ఉన్నాయి. అయితే, ఈ సదుపాయం అందరికీ తప్పనిసరిగా లోయర్‌ బెర్త్‌ లభిస్తుందనే హామీ కాదు. అందుబాటులో ఉన్న బెర్తులు, ప్రయాణ తరగతి, వర్తించే నిబంధనలను బట్టి కేటాయింపు జరుగుతుంది.టికెట్‌పై అప్పర్‌ బెర్త్‌ వస్తే ఏం చేయాలి?టికెట్‌ బుక్‌ చేసుకున్నప్పుడు అప్పర్‌ లేదా మిడిల్‌ బెర్త్‌ వచ్చిన మహిళలు, వృద్ధులు రైలులో లోయర్‌ బెర్త్‌ కావాలనుకుంటే టికెట్‌ తనిఖీ అధికారి (టీటీఈ)ని సంప్రదించవచ్చు. అదే రైలులో ఖాళీగా ఉన్న లోయర్‌ బెర్త్‌ అందుబాటులో ఉంటే, వర్తించే నిబంధనల ప్రకారం బెర్త్‌ మార్పునకు అవకాశం ఉండవచ్చు.ఇదీ చదవండి: రియల్‌ ఎస్టేట్‌ సంపాదనలో ఇదో కొత్త ఐడియా!

దేశీయ సిమెంట్ రంగానికి మళ్లీ ధరల మంట తాకనుంది. అక్టోబర్ మూడో వారం (మిడ్-అక్టోబర్) నుంచి దేశంలో సిమెంట్ తయారీ సంస్థలు సిమెంట్ బస్తాపై రూ.10 నుంచి రూ.15 వరకు ధరలను పెంచే యోచనలో ఉన్నాయని ఆర్థిక పరిశోధనా సంస్థ ‘ఎమ్‌కే రీసెర్చ్’ ప్రాథమిక నివేదిక వెల్లడించింది.ధరల పెంపునకు కారణాలుఉత్పత్తి వ్యయాలు పెరగడం, ప్రధానంగా ఇంధన వ్యయాలు, ప్యాకింగ్ మెటీరియల్ ధరలు అధికం కావడమే ఈ నిర్ణయానికి మూలకారణమని రీసెర్చ్ నివేదిక విశ్లేషించింది. రెండో త్రైమాసికంలో అధిక ఇంధన బిల్లులు, నెగెటివ్ ఆపరేటింగ్ లెవరేజ్ ప్రభావంతో టన్నుకు రూ.200 నుంచి రూ.250 వరకు సీక్వెన్షియల్ రాబడి క్షీణత నమోదు కావచ్చని భావిస్తున్నారు. ఈ లాభాల తగ్గుదలను భర్తీ చేసుకునేందుకే కంపెనీలు ధరల పెంపు మార్గాన్ని ఎంచుకుంటున్నాయి.డిమాండ్, మార్కెట్ సరళిధరలు పెరుగుతున్నప్పటికీ సిమెంట్ రంగానికి డిమాండ్ స్థిరంగానే ఉందని ఎమ్‌కే రీసెర్చ్ పేర్కొంది. 2027 ఆర్థిక సంవత్సరం తొలి అర్ధభాగంలో పరిశ్రమ ఉత్పత్తి, విక్రయాలు దాదాపు 7% నుంచి 8% వార్షిక వృద్ధిని నమోదు చేయవచ్చని అంచనా వేసింది. ప్రాథమికంగా నాన్-ట్రేడ్ విభాగమే ఈ సిమెంట్ డిమాండ్‌ను నడిపిస్తోంది. రాబోయే పండుగలు, పనుల సీజన్, ప్రైవేట్ రియల్ ఎస్టేట్ రంగాలు పెరగడం, మౌలిక వసతుల కల్పన ప్రక్రియలు ఈ డిమాండ్‌ను రాబోయే ఏడాదిన్నర పాటు సుస్థిరంగా ఉంచుతాయని నివేదిక అభిప్రాయపడింది. వర్షాకాలం ముగిసి నిర్మాణ రంగాలు ఊపందుకుంటున్న తరుణంలో ఈ ధరల పెంపు గృహ నిర్మాణదారులు, బిల్డర్లు, మౌలిక వసతుల ప్రాజెక్టులపై అదనపు భారాన్ని మోపనుంది.ఇదీ చదవండి: పండగ ఆఫర్లు.. ఆన్‌లైన్‌ షాపింగ్‌.. బీ అలర్ట్!

బంగారం షాపింగ్‌ అంటే ఎవరికి ఇష్టముండదు.. నగలు కొనడానికి కుటుంబమంతా పిల్లాపాపలతో కలిసి జువెలరీ షాపుల్లో వాలిపోతుంటారు. అయితే అక్కడ చమక్కుమనిపించే నగలతోపాటు చంపేసే వస్తువులూ ఉంటాయి.. ప్రకాశించే పసిడి నగలతోపాటు ప్రాణాలు తీసే పదార్థాలూ ఉంటాయి.హైదరాబాద్‌లో ఇలా బంగారు నగల షాపింగ్‌కు వెళ్లిన కుటుంబంలో జువెలరీ షాపు విషాదం నింపింది. అక్కడ బంగారు నగల తయారీలో ఉపయోగించేందుకు ఉంచిన సైనైడ్‌ పదార్థాన్ని ఓ చిన్నారి నోట్లో వేసుకోగా నిమిషాల్లో మృత్యు ఒడికి చేరింది. ఈ నేపథ్యంలో బంగారం నగల దుకాణంలో వినియోగించే సైనైడ్‌ ఏంటి? ఎందుకు వాడతారు?.. ఎవరు ఉపయోగించవచ్చు.. నిబంధనలు ఏంటి? ఈ కథనంలో తెలుసుకుందాం..ఏంటీ సైనైడ్‌?బంగారు నగల తయారీ, మరమ్మతులు, శుద్ధి ప్రక్రియల్లో కొన్ని సందర్భాల్లో సైనైడ్‌ ఆధారిత రసాయనాలను ఉపయోగిస్తారు. అయితే ఇది సాధారణంగా ఉపయోగించే రసాయనం కాదు. అత్యంత విషపూరితమైన సైనైడ్‌ను ఎవరు పడితే వారు కొనుగోలు చేయడం, నిల్వ చేయడం లేదా వినియోగించడం సురక్షితం కాదు. భారతదేశంలో దీని వినియోగానికి వర్తించే నియంత్రణలు రసాయనం రకం, దాని వినియోగం, నిల్వ పరిమాణం, వ్యాపార స్వభావం ఆధారంగా మారతాయి.బంగారు నగల దుకాణాలు, నగల తయారీ వర్క్‌షాపుల్లో ప్రధానంగా రెండు రకాల సైనైడ్‌ సమ్మేళనాలు ఉపయోగిస్తారు. వాటిలో ఒకటి సోడియం సైనైడ్‌. దీన్ని బంగారం రికవరీ, శుద్ధి ప్రక్రియల్లో ఉపయోగిస్తారు. ఇక పొటాషియం సైనైడ్‌ను బంగారు పూత, కొన్ని లోహ ఉపరితలాల శుద్ధి ప్రక్రియల్లో ఉపయోగిస్తారు. ప్రతి నగల దుకాణంలో ఈ రసాయనాలను వాడరు. సాధారణ నగల విక్రయ దుకాణాల కంటే, బంగారు పూత వేసే ప్రత్యేక వర్క్‌షాపులు, బంగారం రికవరీ యూనిట్లలో వీటి వినియోగం ఎక్కువగా ఉంటుంది. ఈ రెండు రసాయనాలూ అత్యంత విషపూరితమైనవి. వీటి నిర్వహణలో తేడా వస్తే ప్రాణాపాయానికి దారితీయవచ్చు.సైనైడ్‌ను ఎవరు ఉపయోగించవచ్చు?సైనైడ్‌ను ఉపయోగించడానికి కేవలం బంగారు నగల వ్యాపారి కావడం సరిపోదు. సంబంధిత పనికి శిక్షణ పొందిన సిబ్బంది, తగిన భద్రతా ఏర్పాట్లు, చట్టబద్ధమైన రసాయన నిర్వహణ వ్యవస్థ ఉండాలి. సాధారణ నగల రిటైలర్‌ నగలు విక్రయించడానికి సైనైడ్‌ అవసరం లేదు. బంగారు పూత వర్క్‌షాప్‌లలో ఉపయోగించే ప్రక్రియ, రసాయనం, స్థానిక నిబంధనలకు అనుగుణంగా ఉండాలి. బంగారం శుద్ధి లేదా రికవరీ యూనిట్‌లో పారిశ్రామిక భద్రత, రసాయన నిల్వ, వ్యర్థాల నిర్వహణ నిబంధనలు వర్తిస్తాయి. శిక్షణ లేని వ్యక్తి స్వయంగా ప్రయోగించడం లేదా అనధికారికంగా నిర్వహించడం అత్యంత ప్రమాదకరం.సైనైడ్‌ వినియోగానికి నిబంధనలు ఉన్నాయా?తాజాగా అందుబాటులో ఉన్న ప్రభుత్వ సమాచారం ప్రకారం.. పర్యావరణ, అటవీ, వాతావరణ మార్పుల మంత్రిత్వ శాఖ పరిధిలోని ‘ప్రమాదకర రసాయనాల నియమాలు, 1989’ ప్రమాదకర రసాయనాల తయారీ, నిల్వ, దిగుమతి వంటి అంశాలకు నియంత్రణలు విధిస్తాయి. వర్తించే షెడ్యూళ్లు, పరిమాణ పరిమితులు, రసాయనం వర్గీకరణను బట్టి బాధ్యతలు మారతాయి.సైనైడ్‌ ఉపయోగించే విద్యుత్‌ లోహ పూత ప్రక్రియలకు వర్తించే కర్మాగార భద్రతా నిబంధనల్లో కార్మికుల వైద్య పర్యవేక్షణ, అత్యవసర సన్నద్ధత వంటి అంశాలు ఉన్నాయి. ఢిల్లీ కార్మిక శాఖ ప్రచురించిన నిబంధనల్లో సైనైడ్‌ వాడే పూత ప్రక్రియల కోసం ప్రత్యేక అత్యవసర ఏర్పాట్ల ప్రస్తావన ఉంది.భారతీయ ప్రమాణాల సంస్థ (BIS) 2024లో విద్యుత్‌ పూత ప్రక్రియల్లో ఉపయోగించే సోడియం, పొటాషియం సైనైడ్‌లకు సంబంధించిన IS 2780 ప్రమాణాన్ని సమీక్షించింది.సైనైడ్‌ కలిగిన ద్రావణాలు, మిగులు రసాయనాలను సాధారణ మురుగునీటిలో లేదా బహిరంగ ప్రదేశాల్లో పారవేయకూడదు. సంబంధిత కాలుష్య నియంత్రణ మండలి నిబంధనలు, ప్రమాదకర వ్యర్థాల నిర్వహణ అవసరాలను పరిశీలించాలి.సైనైడ్‌కు ప్రత్యామ్నాయాలు ఉన్నాయా?భారత ప్రభుత్వ శాస్త్రీయ పరిశోధనా సంస్థ CSIR–నేషనల్‌ మెటలర్జికల్‌ లాబొరేటరీ బంగారు పూత ఉన్న ఉపరితలాల నుంచి బంగారాన్ని తిరిగి సేకరించడానికి సైనైడ్‌ రహిత ప్రక్రియను అభివృద్ధి చేసింది. ఈ సాంకేతికతలో అయోడిన్‌, పొటాషియం అయోడైడ్‌ ఉపయోగిస్తారు. బంగారం వర్క్‌ షాపుల్లో మితిమీరిన సైనైడ్‌ వినియోగం కొనుగోలుదారులకే కాదు.. దాన్ని ఉపయోగించే కార్మికులకు కూడా ప్రమాదకరమే.

భారత్, జపాన్ దేశాల మధ్య సాంస్కృతిక బంధాన్ని మరింత బలోపేతం చేస్తూ, సాంప్రదాయ పుష్ప అలంకరణ కళ ‘ఇకేబానా’ (Ikebana) ప్రచారంలో సేవలు అందించిన హైదరాబాద్‌కు చెందిన ఇకేబానా నిపుణురాలు నిర్మలా అగర్వాల్ జపాన్ ప్రభుత్వ ప్రతిష్టాత్మక గౌరవాన్ని అందుకున్నారు. భారత్-జపాన్ సాంస్కృతిక సంబంధాల అభివృద్ధికి గాను ఆమెకు ‘కాన్సుల్ జనరల్స్ కమెండేషన్ అవార్డు’ను జపాన్ కాన్సులేట్ జనరల్ అధికారికంగా ప్రకటించి ప్రధానం చేసింది.దేశవ్యాప్తంగా ప్రదర్శనలుశతాబ్దాల నాటి జపనీస్ పుష్పాలంకరణ విద్య అయిన ‘ఇకేబానా’ కేవలం పువ్వుల అమరిక మాత్రమే కాదు.. అది ప్రకృతి, మానవ జీవితాల సమతుల్యతకు, శాంతికి నిదర్శనం. నిర్మలా అగర్వాల్ కొన్ని దశాబ్దాలుగా హైదరాబాద్‌తో పాటు దేశ వ్యాప్తంగా ప్రదర్శనలు, వర్క్‌షాప్‌లు, శిక్షణా శిబిరాలు నిర్వహిస్తూ ఈ వినూత్న కళను భారతీయ ప్రజల్లోకి విస్తృతంగా తీసుకెళ్లారు.‘జపాన్ కాన్సులేట్ నుంచి ఈ అరుదైన పురస్కారం అందుకోవడం గర్వకారణంగా ఉంది. నా ఇకేబానా ప్రయాణంలో సహకరించిన ప్రతి ఒక్కరికీ హృదయపూర్వక ధన్యవాదాలు. ప్రతీ పువ్వు పుట్టుక నుంచి కొత్త విషయం నేర్చుకోవచ్చు. ప్రకృతి మాటలను ప్రేమగా వినడం నాకు ఈ జపనీస్ కళే నేర్పించింది. ఈ అవార్డు నా సేవలను మరింత విస్తృతం చేసేందుకు ప్రేరణగా నిలుస్తుంది’ అని నిర్మలా అగర్వాల్ అన్నారు.ఇరు దేశాల బంధానికి వంతెనరెండు భిన్న సంస్కృతులను అనుసంధానించడంలో ఇటువంటి కళాత్మక మార్పిడులు కీలక పాత్ర పోషిస్తాయని దౌత్యవేత్తలు కొనియాడారు. అంతర్జాతీయ స్థాయిలో భాగస్వామ్యాన్ని పెంపొందించడంలో, రెండు దేశాల పౌరుల మధ్య అవగాహనను పెంచడంలో నిర్మలా అగర్వాల్ కృషి ప్రశంసనీయమని కాన్సులేట్ పేర్కొంది. హైదరాబాద్ కేంద్రంగా అంతర్జాతీయ వేదికలపై స్థానిక కళాకారులు సాధిస్తున్న ఈ రకమైన గుర్తింపు నగరం సాంస్కృతిక వైవిధ్యానికి ప్రత్యక్ష నిదర్శనం. నిర్మలా అగర్వాల్‌కు లభించిన ఈ గౌరవం పట్ల పలువురు దౌత్యవేత్తలు, కళాభిమానులు, ప్రముఖులు అభినందనలు తెలిపారు.ఇదీ చదవండి: పండగ ఆఫర్లు.. ఆన్‌లైన్‌ షాపింగ్‌.. బీ అలర్ట్!

దసరా, దీపావళి పండగల సీజన్ వచ్చిందంటే చాలు ఈ-కామర్స్ దిగ్గజాలైన ఫ్లిప్‌కార్ట్, అమెజాన్ వంటి సంస్థలు భారీ డిస్కౌంట్లు, బిగ్ సేల్స్ ప్రకటనలతో వినియోగదారులను ఆకర్షిస్తాయి. ఆకర్షణీయమైన ప్రకటనలు చూసి మురిసిపోయి, తొందరపాటులో కొనుగోళ్లు చేస్తే సైబర్ నేరగాళ్ల వలలో పడే ప్రమాదం ఉంది. పండగ షాపింగ్‌ను సురక్షితంగా చేసుకోవడానికి ప్రతి వినియోగదారుడు కొన్ని కీలకమైన అంశాలపై అవగాహన పెంచుకోవాలి.ఆన్‌లైన్ షాపింగ్‌లో జరిగే ప్రధాన మోసాలుఫేక్ వెబ్‌సైట్లు, ఫిషింగ్ లింకులు: అసలైన ఈ-కామర్స్ సైట్లను పోలిన నకిలీ వెబ్‌సైట్లు (ఫిషింగ్‌ సైట్లు) సృష్టించి సోషల్ మీడియా లేదా వాట్సాప్ మెసేజ్‌ల ద్వారా రూ.99లకే స్మార్ట్‌ఫోన్, 90 శాతం డిస్కౌంట్ అంటూ ఊరించే లింకులను పంపుతారు. ఈ లింకులను క్లిక్ చేస్తే వ్యక్తిగత, బ్యాంకు వివరాలు సైబర్ కేటుగాళ్ల చేతికి చిక్కుతాయి.డార్క్ ప్యాటర్న్స్: కొన్ని సంస్థలు ‘ఫేక్ అర్జెన్సీ’ వాతావరణాన్ని సృష్టిస్తాయి. ‘ఈ ఆఫర్ కేవలం మరో 2 నిమిషాలు మాత్రమే ఉంటుంది.. స్టాక్ కేవలం ఒకటి మాత్రమే మిగిలింది’ అని హడావుడి చేసి ఆలోచించే సమయం ఇవ్వకుండా కొనుగోలు చేసేలా ఒత్తిడికి గురిచేస్తాయి.ఫేక్ రివ్యూలు, ఎంఆర్‌పీ మాయాజాలం: వస్తువుల అసలు ధర కంటే ఎంఆర్‌పీని బాగా పెంచి చూపి దానికి భారీ డిస్కౌంట్ ఇస్తున్నట్లు భ్రమ కలిగిస్తారు. అలాగే, సదరు వస్తువు నాణ్యతను పెంచి చూపేందుకు నకిలీ రివ్యూలు, రేటింగ్‌లను ఉపయోగిస్తారు.పేమెంట్ గేట్‌వే మోసాలు: ఆన్‌లైన్ పేమెంట్ చేసే సమయంలో యూపీఐ పిన్ నంబర్ ఎంటర్ చేస్తే డబ్బులు డిపాజిట్ అవుతాయని నమ్మించి మోసం చేయడం లేదా నకిలీ పేమెంట్ లింక్‌ల ద్వారా బ్యాంక్ అకౌంట్ ఖాళీ చేస్తారు.తీసుకోవాల్సిన ముందస్తు జాగ్రత్తలువెబ్‌సైట్ చిరునామాను పరిశీలించండి: ఏ సైట్‌లోనైనా షాపింగ్ చేసే ముందు అడ్రస్ బార్‌లో ‘https://’, లాక్ (Padlock) సింబల్ ఉందో లేదో సరిచూసుకోండి. నకిలీ వెబ్‌సైట్ల డొమైన్ పేర్లలో అక్షరాల తేడాలు (ఉదాహరణకు amazon బదులు amazonn) ఉంటాయి.ధరల పోలిక, హిస్టరీ చెక్: ఆఫర్ నిజమైనదేనా అని తెలుసుకోవడానికి వేర్వేరు ప్లాట్‌ఫామ్‌లలో ఆ వస్తువు ధరను సరిపోల్చండి. ‘ప్రైస్ ట్రాకర్’ టూల్స్ ఉపయోగించి ఆ వస్తువు అసలు ధర గతంలో ఎంత ఉందో చెక్ చేయవచ్చు.కస్టమర్ రివ్యూలు: కేవలం 5-స్టార్ రేటింగ్‌లను మాత్రమే నమ్మకుండా, నెగటివ్ రివ్యూలు (1 లేదా 2 స్టార్ రేటింగ్స్) కూడా చదవండి. వెరిఫైడ్ బయ్యర్లు ఇచ్చిన కామెంట్లను సరిచూసుకోండి.సురక్షితమైన పేమెంట్ విధానాలు: పేమెంట్ చేసేటప్పుడు ఎప్పుడూ క్రెడిట్ కార్డు లేదా వర్చువల్ డెబిట్ కార్డులను ఉపయోగించడం సురక్షితం. అపరిచిత సైట్లలో షాపింగ్ చేసేటప్పుడు క్యాష్ ఆన్ డెలివరీ ఎంచుకోవడం ఉత్తమం.ఓటీపీ, పిన్ గోప్యత: యూపీఐ ద్వారా డబ్బులు స్వీకరించడానికి ఎప్పుడూ పిన్‌ నంబర్ ఎంటర్ చేయాల్సిన అవసరం లేదు. కేవలం డబ్బులు పంపేటప్పుడు మాత్రమే పిన్ కొట్టాలి. బ్యాంక్ క్రెడెన్షియల్స్, ఓటీపీలను ఎవరితోనూ పంచుకోవద్దు.ఒకవేళ మీరు ఆన్‌లైన్ మోసానికి గురైతే తక్షణమే జాతీయ సైబర్ క్రైమ్ హెల్ప్‌లైన్ నంబర్ 1930కి కాల్ చేసి ఫిర్యాదు చేయండి లేదా cybercrime.gov.in వెబ్‌సైట్‌లో ఫిర్యాదు నమోదు చేయాలి. పండుగ సంబరాల్లో అప్రమత్తతే సరైన రక్షణ!ఇదీ చదవండి: సూపర్ ఎల్‌నినో ఎఫెక్ట్‌.. ప్రమాదంలో దేశ ఆహార రంగం!

గడిచిన దశాబ్దంలో వైద్య పరీక్షలు తెచ్చిన విప్లవం అంతా ఇంతా కాదు. ఇపుడు చాలా పరీక్షలకు ఆసుపత్రులో, డయాగ్నస్టిక్‌ సెంటర్లో అవసరం లేదు. ఇంటికే వచ్చి శాంపిల్స్‌ తీసుకుంటారు. కొన్ని పరీక్షలు అక్కకే చేసేస్తున్నారు!!. అంతేకాదు. అనారోగ్యం వస్తేనే పరీక్షలు చేయించుకునే కాలం పోయింది. ఎలాంటి సమస్యలూ లేకున్నా... ప్రతి ఆరు నెలలకో, ఏడాదికో ప్రివెంటివ్‌ చెకప్‌ చేసుకునే వారి సంఖ్య పెరుగుతోంది. వీటన్నింటి ఫలితమే... మన డయాగ్నస్టిక్స్‌ మార్కెట్‌ ఇపుడు రూ.లక్ష కోట్లు దాటేసింది. మరి ఈ రంగంలో విన్నర్‌ ఎవరు? చాలా డయాగ్నస్టిక్‌ సెంటర్లు లిస్టవుతున్న ఈ పరిస్థితుల్లో ఎవరి పనితీరు ఎలా ఉంది? ఇన్వెస్టర్లు ఎలాంటి కంపెనీల్లో ఇన్వెస్ట్‌ చేయాలి? ఇవన్నీ వివరించేదే ఈ ‘హెల్త్‌కేర్‌ ఎకానమీ పార్ట్‌–3’.ఓ రక్తం చుక్క... శరీరంలో ఉన్న చాలా సమస్యల్ని చెబుతుంది. ఓ ఎంఆర్‌ఐతో... నరాలకు సంబంధించిన సమస్యలుంటే తెలుస్తుంది. ఓ బయాప్సీతో కేన్సర్‌ను కనుక్కోవచ్చు. ఓ మాలిక్యులర్‌ పరీక్షతో ఇన్ఫెక్షన్‌ స్థాయిని తెలుసుకోవచ్చు. ఇదీ... ఆరోగ్య రంగంలో డయాగ్నోస్టిక్స్‌ పోషిస్తున్న పాత్ర. కాకపోతే ఇన్వెస్టర్లు చూడాల్సిన అత్యంత ప్రధానమైన అంశం మరొకటుంది. అది... ఈ రంగం ఏటా 20–24 శాతం పెరుగుతుండటం. మరి ఆ పెరిగే మార్కెట్‌తో లబ్ధి పొందేదెవరు? ఎక్కువ పరీక్షలు చేసేదెవరు? గడిచిన ఐదేళ్లలో డయాగ్నోస్టిక్‌ రంగంలో పోటీ విపరీతంగా పెరిగింది. ధరలు ఎక్కడ తక్కువుంటే అక్కడికే జనం వెళుతుండటంతో... పెద్దగా ధరలు పెంచే పరిస్థితి లేదు. దీంతో ఎక్కువ పరీక్షలు చేసేవారికే ఎక్కువ రెవెన్యూ... ఎక్కువ లాభాలు అనే పరిస్థితి ఏర్పడింది. అలాగని ఎక్కువ సెంటర్లు పెడితే లాభాలపై ప్రభావం పడుతోంది. కాబట్టి తక్కువ సెంటర్లతోనో, ఇంటిదగ్గరే శాంపిల్స్‌ తీసుకునే మోడల్‌తోనో ఎక్కువ పరీక్షలు చేసే కంపెనీలే విజేతలుగా నిలవబోతున్నాయి. విజయ డయాగ్నస్టిక్స్‌... మార్జిన్లలో ఆధిపత్యం ఈ గ్రూపులో ఎక్కువగా దృష్టి పెట్టాల్సిన కంపెనీ ఇదేనని చెప్పొచ్చు. ఎందుకంటే పాథాలజీపైనే ఫోకస్‌ పెట్టిన డాక్టర్‌ లాల్‌ పాథ్‌ల్యాబ్స్‌ మాదిరి కాకుండా... హైదరాబాద్‌ కేంద్రంగా పనిచేసే ఈ కంపెనీ పాథాలజీ, రేడియోలజీ రెండింట్లోనూ తన ప్రత్యేకతను నిలబెట్టుకుంటూ వస్తోంది. సీటీ, ఎంఆర్‌ఐ, అ్రల్టాసౌండ్, ఎక్స్‌రే, పాథాలజీ వంటివన్నీ ఉన్న ఆల్‌రౌండర్‌గా ఈ సంస్థను చూడొచ్చు. నిజానికి రేడియోలజీ వల్ల ఆర్థికాంశాలు పూర్తిగా మారిపోతాయి. ఎందుకంటే బ్లడ్‌ శాంపిల్‌ను ఒకచోట సేకరించి మరోచోటికి పంపించవచ్చు కానీ... ఎంఆర్‌ఐ కోసం వచ్చిన పేషెంట్‌ను బ్లడ్‌ శాంపిల్‌ మాదిరి రవాణా చేయలేం. రేడియోలజీ పరికరాలు పేషెంట్లకు చేరువలో ఉండాల్సిందే. అప్పుడే ఎక్కువ మంది వస్తారు. కానీ దీనికి పెట్టుబడులూ ఎక్కువే కావాలి. కాకపోతే ఎక్కువ పేషెంట్లొచ్చి వాడకం పెరిగే కొద్దీ ఈ రేడియోలజీ తెచ్చే లాభాలు చాలా ఎక్కువ. ఈ విషయాన్ని విజయ డయాగ్నస్టిక్స్‌ తాజా ఫలితాలు చూసి అర్థం చేసుకోవచ్చు. ఈ ఏడాది తొలి త్రైమాసికంలో విజయ రెవెన్యూ ఏకంగా 22.8 శాతం... అంటే రూ.231 కోట్లు పెరిగింది. ఎబిటా ఏకంగా 34 శాతం పెరిగి రూ.99 కోట్లకు చేరింది. నికరలాభం కూడా 37.6 శాతం పెరిగి రూ.53 కోట్లకు చేరింది. అన్నిటికన్నా ముఖ్యం... మార్జిన్ల శాతం. ఎబిటా మార్జిన్‌ ఏకంగా 42.7 శాతానికి చేరింది. ఇది గతేడాది 39.1 శాతంగా ఉంది. అంటే... ప్రస్తుతం అన్నిచోట్లా కేంద్రాలున్నాయి. పరికరాలున్నాయి. వీటికి మరింత మంది పేషెంట్లు జతవుతున్నారు. ఇప్పటికే యంత్రాలను కొనుగోలు చేసిన నేపథ్యంలో వాటి వాడకం పెరుగుతోంది. అది లాభాల్ని పెంచుతోంది. నిర్వహణ పరంగా మెరుగైన స్థాయిని సాధించటమంటే ఇదే. పరీక్షా కేంద్రాలను పెంచటం కాదు... వాటిని ఏ స్థాయిలో వాడుతున్నామన్నది ముఖ్యం. విజయ విషయంలో కలిసి వస్తున్నది ఇదే.థైరోకేర్‌... పరీక్షల కర్మాగారం ఈ కంపెనీది వినూత్నమైన మోడల్‌. ఎక్కడికక్కడ వేలాది ల్యాబొరేటరీలతో విస్తరించిన డయాగ్నస్టిక్స్‌ కంపెనీ కాదిది. ప్రధానమైన అన్ని ప్రాంతాల్లోనూ శాంపిల్స్‌ను సేకరించే వేలాది మందితో అనుసంధానమై విస్తరించిన పరీక్షల కర్మాగారమిది. ఆటోమేషన్‌తో పాటు భారీ ఎత్తున ప్రాసెసింగ్‌ చేయగలిగిన సామర్థ్యం ఈ కంపెనీ సొంతం. దీనివల్ల ప్రతి టెస్ట్‌కూ అయ్యే ఖర్చులు తక్కువ. శాంపిల్‌ సేకరణను ఎక్కడికక్కడ ఫ్రాంచైజీ తరహాలో వ్యక్తులకు అప్పగించటమనే కొత్త విధానానికీ శ్రీకారం చుట్టిందీ సంస్థ. ఇవన్నీ కలిసి 2026 మూడవ త్రైమాసికంలో కంపెనీ ఆదాయాన్ని 18 శాతం పెంచి రూ.196 కోట్లకు చేర్చాయి. ఎబిటా మార్జిన్‌ దాదాపుగా 34 శాతం ఉంది. ఆటోమేషన్‌ కారణంగా సంస్థ ఎక్కువ శాంపిళ్లను ప్రాసెస్‌ చేయగలుగుతోంది. కాకపోతే దీనికి సవాళ్లూ ఉన్నాయి. అందులో ప్రధానమైంది ధరల్లో పోటీ. ఎక్కువ పరీక్షలు చేయగలుగుతోంది కానీ... పోటీ కారణంగా ఎక్కువ ధరల్ని నిర్ణయించలేకపోతోంది. ఇన్వెస్టర్లు ఈ సంస్థ పరీక్షల సంఖ్యతో పాటు ప్రతి టెస్ట్‌కూ వస్తున్న రెవెన్యూను కూడా గమనించాల్సి ఉంటుంది. 3బి బ్లాక్‌బయో డీఎక్స్‌... అన్నీ ఒకలాంటివి కావు... డయాగ్నస్టిక్స్‌ రంగం ఎలా మారుతోందో తెలియజేయడానికి 3బీ బయో సరైన ఉదాహరణ. ఎందుకంటే ఇది శాంపిళ్లను సేకరించే సంప్రదాయ కంపెనీ కాదు. మాలిక్యులర్‌ డయాగ్నోస్టిక్స్, డయాగ్నస్టిక్‌ ఉత్పత్తుల కంపెనీ. కాబట్టి ఎలాంటి ఉత్పత్తులను మార్కెట్లోకి తెస్తోంది? మాలిక్యులర్‌ టెస్టింగ్‌ ఏ స్థాయిలో ఉంది? కిట్ల అమ్మకాలు ఎలా ఉన్నాయి? టెక్నాలజీ– ఎగుమతులు– ఉత్పత్తుల అభివృద్ధి ఏ స్థాయిలో ఉన్నాయి? అన్నవే ఈ కంపెనీ పనితీరును ముందుకు తీసుకెళతాయన్నది ఇన్వెస్టర్లు గమనించాలి.క్రిస్నా... ఇదో విభిన్నమైన సంస్థ ఈ సంస్థ ప్రత్యేకత పీపీపీ నమూనాయే. ఎందుకంటే పాథాలజీ, రేడియోలజీ సేవలందించడానికిది ప్రభుత్వాలతోను, ప్రభుత్వ ఆసుపత్రులతోను ఒప్పందాలు చేసుకుంది. ప్రత్యేకించి టైర్‌–2, టైర్‌–3 పట్టణాల్లో. దీనివల్ల ఈ సంస్థకు పేషెంట్ల తాకిడి చాలా ఎక్కువ. కానీ ప్రైవేటు మార్కెట్‌ రేట్లతో పోలిస్తే ఇది వసూలు చేసే రేట్లు చాలా తక్కువ. కాబట్టి క్రిస్నా సంస్థ మిగతా కంపెనీలకన్నా ఎక్కువ పరీక్షలు చేస్తూ ఉండొచ్చు. కానీ ప్రతి పేషెంట్‌పై విజయ డయాగ్నస్టిక్స్‌ మాదిరి లాభాలను మాత్రం ఆర్జించలేదు. అలాగని ఈ కంపెనీకి ఇదేమీ ప్రతికూలత కాదు. కాకపోతే ఈ తక్కువ ధరల వల్ల పరీక్షలు పెరుగుతున్నాయా? పరికరాలను సమర్థంగా వినియోగించగలుగుతున్నారా? కాంట్రాక్టు వ్యవధి దీర్ఘకాలమేనా? నిర్వహణ సామర్థ్యం ఏ స్థాయిలో ఉంది? వంటివన్నీ చూడాల్సి ఉంటుంది. ఈ ఏడాది తొలి త్రైమాసికంలో కంపెనీ రెవెన్యూ 22 శాతం పెరిగి రూ.236 కోట్లకు చేరుకుంది. కాకపోతే ఎబిటా మార్జిన్‌ 27 నుంచి 25 శాతానికి పడిపోయింది. రాజస్థాన్‌ ప్రాజెక్టుకు సంబంధించి మానవ వనరులు, లాజిస్టిక్స్‌ వ్యయాలు పెరిగాయని, దీనివల్ల రెవెన్యూ కూడా మున్ముందు పెరుగుతుందని కంపెనీ చెబుతోంది. ఇన్వెస్టర్లు గమనించాల్సిన మరో విషయమేంటంటే ప్రభుత్వాలు దీర్ఘకాలం కస్టమర్లుగా కొనసాగుతాయి. కానీ బిల్లుల చెల్లింపులు మాత్రం చాలా ఆలస్యంగా ఉంటాయి. తనకు బిల్లులు రావటానికి పడుతున్న కాలం 150 రోజులకు చేరినట్లు క్రిస్నా ఇదివరకు వెల్లడించింది. అంటే చాలా పేమెంట్లు దాదాపు 5 నెలలు ఆలస్యమవుతున్నాయి. డాక్టర్‌ లాల్‌ పాథ్‌ల్యాబ్స్‌... విస్తరణే లక్ష్యం పాథాలజీలో సంప్రదాయ హబ్‌ అండ్‌ స్పోక్‌ మోడల్‌కు స్పష్టమైన ఉదాహరణ ఈ కంపెనీ. ఎందుకంటే ప్రతి కలెక్షన్‌ పాయింట్లోనూ అత్యాధునిక ల్యా బ్‌ అవసరం లేదు. స్థానికంగా సేకరించే శాంపిల్‌ను శాటిలైట్‌ లేదా రిఫరెన్స్‌ ల్యాబ్‌కు తరలించి... అక్కడి అత్యాధునిక పరికరాలతో పరీక్ష చేయొచ్చు. శాంపిల్‌ సేకరణ కేంద్రాలను తేలిగ్గా పెంచుకోవచ్చు. 2025 ఆర్థిక సంవత్సరంలో ఈ క ంపెనీ రూ.2,461 కోట్ల ఆదాయాన్ని, దానిపై రూ.696 కోట్ల ఎబిటాను సా« దించింది. అందుకోసం 8.46 కోట్ల శాంపిల్స్‌ను ప్రా సెస్‌ చేసింది. ఈ వేగం అంతకంతకూ పెరుగుతోంది. ఈ ఏడాది తొలి త్రైమాసికంలో కంపెనీ రెవెన్యూ రూ.798 కోట్లకు చేరింది. అంతకు ముందు సంవత్సరంతో పోలిస్తే ఏకంగా 20 శాతం పెరిగింది. పేషెంట్ల సంఖ్య 8.2 శాతం, శాంపిల్స్‌ 10.7 శాతం, ప్రతి పేషెంట్‌పై వచ్చే ఆదాయం 10 శాతం పెరిగాయి. ఎబిటా రూ.247 కోట్లుగా నమోదైంది. ఈ సంస్థ మార్జిన్లు ఏకంగా 31 శాతానికి చేరాయి. ఇన్వెస్టర్లు గమనించాల్సింది ఇలాంటి వృద్ధినే. సెంటర్లు పెంచటం, ఎక్కువ పరీక్షలు చేయటానికే పరిమితం కాకుండా రెవెన్యూ, లాభాలపై దృష్టి పెట్టి ముందుకు వెళుతోంది. ఇందుకోసం బ్రాండ్, డాక్టర్లతో సంబంధాలు, కలెక్షన్‌ నెట్‌వర్క్‌ విస్తరణ, లాజిస్టిక్స్, రిఫరెన్స్‌ ల్యాబొరేటరీల పెంపు, మరిన్ని పరీక్షలను చేర్చటంపై ఫోకస్‌ పెట్టింది. వేలకొద్దీ శాంపిళ్లను ప్రాసెస్‌ చేయటానికి ఒక మార్గమంటూ ఏర్పడ్డాక మరిన్ని శాంపిల్స్‌ను ప్రాసెస్‌ చేయటానికి పెద్దగా ఖర్చులుండవు. ఇదే ఈ కంపెనీ విజయ రహస్యం. మెట్రోపోలిస్‌... పరీక్షల్లో ప్రత్యేకత ఇదికూడా పాథాలజీ ఫోకస్‌తో నడుస్తున్నదే. కానీ దీని పెట్టుబడులు మాత్రం ఒకింత ప్రత్యేకం. మెట్రోపాలిటన్‌ మార్కెట్లలో విస్తరించిన ఈ కంపెనీ కొన్ని ప్రత్యేక పాథాలజీ పరీక్షలకు ప్రాధాన్యమిస్తోంది. ఎందుకంటే సాధారణంగా చేసే బ్లడ్‌ గ్లూకోజ్‌ స్థాయిలు, సీబీసీ, థైరాయిడ్‌ వంటి పరీక్షలకు పోటీ ఎక్కువ. కానీ అంకాలజీ, హిస్టోపాథాలజీ, జెనెటిక్స్, మాలిక్యులర్‌ డయాగ్నస్టిక్స్‌ వంటి అధునిక పరీక్షల్లో పోటీ తక్కువ. నిజానికి ఒక కంపెనీని ఎన్ని పరీక్షలు చేస్తోందన్న ఒకే ఒక అంకెంతో అంచనా వేయటం సరికాదు. ఎందుకంటే తాను చేసే పరీక్షల్లో ఆధునికాంశాలను ప్రవేశపెట్టడం వల్ల ఒక కంపెనీ పరీక్షల శాతం 10 పెరిగి... రెవెన్యూ 15 శాతం పెరగొచ్చు. మరో కంపెనీ పరీక్షల సంఖ్య 20 శాతం పెరిగినా... పోటీ కారణంగా రెవెన్యూ 10 శాతమే పెరగొచ్చు. ఇదిగో... మెట్రో పోలిస్‌ డయాగ్నస్టిక్స్‌ను కూడా రెండో కేటగిరీ సంస్థగానే చూడాలి. ఎందుకంటే ఈ సంస్థ ప్రత్యేక పరీక్షలను ఎప్పటికప్పుడు పెంచుకుంటూ వెళుతోంది. పేషెంట్ల సంఖ్యతో పాటు ప్రత్యేక పరీక్షలను ఎన్నింటిని కొత్తగా తెస్తున్నారు? నెట్‌వర్క్‌ ఏ స్థాయిలో విస్తరిస్తోంది? ఖర్చులు అంతకంతకూ తగ్గుతూ ఆపరేషన్స్‌ సౌలభ్యం ఏ స్థాయిలో పెరుగుతోంది? అనే అంశాలు మెట్రోపోలిస్‌ విషయంలో మున్ముందు జాగ్రత్తగా గమనించాల్సి ఉంది. ఇవి గనక సరిగా ఉంటే... అప్పుడు దీనిపై దృష్టి పెట్టొచ్చు. చందన్‌ హెల్త్‌కేర్‌... దూకుడుగా విస్తరణ పాథాలజీ, రేడియోలజీ రెండింట్లోనూ ఉండి... దూకుడుగా విస్తరిస్తున్న చందన్‌ హెల్త్‌కేర్‌ను కూడా ఇన్వెస్టర్లు వాచ్‌లిస్ట్‌లో పెట్టుకోవచ్చు. యూపీకి చెందిన ఈ కంపెనీ ఇటీవలే ఇతర నగరాలకూ విస్తరించటం మొదలుపెట్టింది. ఈ ఏడాది సెపె్టంబరు నాటికి సంస్థ ఫ్రాంఛైజీ నెట్‌వర్క్‌ 500 కేంద్రాలను దాటింది. ఇందులో కొన్ని ఇతర డయాగ్నస్టిక్‌ కంపెనీల నుంచి కొన్న సెంటర్లూ ఉన్నాయి. కాకపోతే ఇన్వెస్టర్లు గమనించాల్సిన అంశమేంటంటే విస్తరణ దూకుడుగా ఉన్నంత మాత్రాన రాబడి ఆ స్థాయిలో వస్తుందని కాదు. అక్కడి అద్దెలు, సిబ్బంది ఖర్చులు, యంత్రాల నిర్వహణ, తరుగుదల, మార్కెటింగ్‌... ఇవన్నీ పోగా లాభాలు ఎంత వస్తాయనేది ప్రధానం. సురక్ష డయాగ్నోస్టిక్స్‌.. తూర్పున కొత్త స్టోరీ పాథాలజీ పరీక్షలను దేశమంతటా విస్తరించటం హబ్‌ అండ్‌ స్పోక్‌ మోడల్‌లో మరీ అంత కష్టమేమీ కాదు. కానీ సురక్ష మాత్రం విభిన్న మార్గాన్ని ఎంచుకుంది. మొదట తూర్పు భారతంలో విస్తరించి... ఆ తరవాతే మిగతా ప్రాంతాలకు వెళ్లాలనుకుంది. పాథాలజీతో పాటు రేడియోలజీ, మెడికల్‌ కన్సల్టేషన్‌ సేవల్ని అందిస్తున్న ఈ సంస్థ... 2026 ఆర్థిక సంవత్సరంలో రూ.310 కోట్ల రెవెన్యూను, రూ.98.6 కోట్ల ఎబిటాను సాధించింది. అంతకు ముందటేడాది రెవెన్యూ రూ..252 కోట్లే. కాకపోతే ఎబిటా మార్జిన్లు మాత్రం 33.8 శాతం నుంచి 31.8 శాతానికి తగ్గాయి. నికరలాభం కూడా అంతంతమాత్రంగానే పెరిగింది. అంటే రెవెన్యూ 23 శాతం పెరిగినా ఎబిటా మాత్రం 16 శాతమే పెరిగింది. నికరలాభానికొచ్చేసరికి పెరుగుదల కేవలం 1 శాతం. దీన్నిబట్టి పరీక్షల్లో, రెవెన్యూలో వృద్ధి కనిపించినా అది లాభాల్లో ఉండకపోవచ్చన్నది ఇన్వెస్టర్లు అర్థం చేసుకోవాలి. ఈ ఏడాది తొలి త్రైమాసికం ఫలితాల్లో ఊహించని మార్పులొచ్చాయి. రెవెన్యూ 21 శాతం పెరగ్గా... ఎబిటా 28 శాతం... నికరలాభం ఏకంగా 40 శాతం పెరిగాయి. ఎబిటా మార్జిన్‌ పెరిగి ఏకంగా 36 శాతానికి చేరింది. మరి ఈ పెరుగుదల ఇలాగే కొనసాగుతుందా? అదే ఇన్వెస్టర్లు గమనించాల్సింది.అసలైన రిస్కు ఇదే... కంపెనీలు వేటికవి దూకుడుగా విస్తరించడానికే ప్రయతి్నస్తున్నాయి. కాకకపోతే ఆసుపత్రులు, ఫార్మా కంపెనీలు, డిజిటల్‌ హెల్త్‌ కంపెనీలు, ఈ ఫార్మసీలు... ఇవన్నీ డయాగ్నస్టిక్‌ రంగంపై కన్నేశాయి. తాము కూడా ఇందులో ప్రవేశించటం ద్వారా ఎంతో కొంత సంపాదించవచ్చని గమనించాయి. తమ డయాగ్నస్టిక్స్‌ సామర్థ్యాన్ని పెంచుకుంటున్నాయి. ఇది డయాగ్నస్టిక్‌ కంపెనీలకు పెద్ద రిస్కే. కాబట్టి ఈ మార్పులతో పాటు ఇన్వెస్టర్లు గమనించాల్సిన అంశాలు ప్రధానంగా ఎవరు ఎక్కువ పరీక్షలు చేస్తున్నారు? ఎవరు ఎక్కువ మార్జిన్లు సాధిస్తున్నారు? పెట్టిన పెట్టుబడిపై ఎవరు ఎక్కువ ఆదాయాన్ని ఆర్జిస్తున్నారు? ఈ మూడే అసలైన విజేతను నిర్ణయిస్తాయి. ఎవరి వాటా ఎంత? ఓ డయాగ్నస్టిక్‌ సెంటర్లో ఒక పేషెంట్‌ రూ.1000 చెల్లించాడనుకుందాం. మరి అందులో ఎవరి వాటా ఎంత? శాంపిల్‌ కలెక్షన్‌ సెంటర్‌కు పోతున్నదెంత? డయాగ్నస్టిక్‌ సెంటర్‌కు వెళుతున్నదెంత? టెస్టింగ్‌ కిట్లకెంత? పరీక్షా యంత్రాల వాటా ఎంత? లాజిస్టిక్స్‌కు... డాక్టర్‌కు లేదా టెక్నాలజీ ప్లాట్‌ఫామ్‌కు వెళుతున్నదెంత? అసలు ఈ వెయ్యిలో ఎక్కువ భాగం ఎవరిది? ఇది కదా ఇన్వెస్టర్లు చూడాల్సింది? ఎలా తెలుసుకోవాలి మరి?... తదుపరి భాగంలో...రమణమూర్తి మంథా

దసరా, దీపావళి వంటి పండుగల సీజన్ వచ్చిందంటే చాలు.. కొత్త బట్టలు, స్మార్ట్‌ఫోన్లు, టీవీలు, ఫ్రిజ్‌లు లాంటి వస్తువులు కొనుగోలు చేసేందుకు చాలామంది ఆసక్తి చూపిస్తారు. ముఖ్యంగా.. ఆన్‌లైన్‌లో భారీ డిస్కౌంట్లు, బ్యాంక్ ఆఫర్లు, ఎక్స్ఛేంజ్ డీల్స్ అందుబాటులో ఉండటంతో షాపింగ్ చేసేవారి సంఖ్య రోజురోజుకూ పెరుగుతోంది. ఈసారి కూడా పండుగల సేల్స్‌లో ఇదే ట్రెండ్ కనిపిస్తోంది.ప్రముఖ ఈ-కామర్స్ సంస్థలు ప్రారంభించిన సేల్స్‌కు వినియోగదారుల నుంచి భారీ స్పందన లభించింది. కేవలం 48 గంటల్లోనే (రెండు రోజుల్లో) ఏకంగా రూ.24,200 కోట్ల విలువైన వస్తువులు అమ్ముడైనట్లు రెడ్‌సీర్ స్ట్రాటజీ కన్సల్టెంట్స్ నివేదిక వెల్లడించింది.రెండు రోజుల్లోనే..అమెజాన్, ఫ్లిప్‌కార్ట్, మీషో, జియో వంటి ఈ-కామర్స్ ప్లాట్‌ఫామ్‌లలో పండుగల సేల్స్ ప్రారంభం కావడంతో ఆన్‌లైన్ షాపింగ్ ఊపందుకుంది. రెడ్‌సీర్ నివేదిక ప్రకారం.. మొదటి రెండు రోజుల్లోనే దేశవ్యాప్తంగా సుమారు 6 కోట్ల నుంచి 6.5 కోట్ల మంది వినియోగదారులు ఈ సేల్స్‌లో పాల్గొన్నారు. వీరు మొత్తం 8 కోట్ల నుంచి 9 కోట్ల వరకు ఆర్డర్లు చేసినట్లు అంచనా.సాధారణ రోజుల్లో జరిగే వ్యాపారంతో పోలిస్తే ఈ రెండు రోజుల్లో నమోదైన అమ్మకాలు సుమారు ఆరు రెట్లు ఎక్కువగా ఉండటం విశేషం. అంటే, పండుగల సమయంలో ఆన్‌లైన్ షాపింగ్‌కు ప్రజలు ఎంత ప్రాధాన్యం ఇస్తున్నారో ఈ గణాంకాలు స్పష్టం చేస్తున్నాయి. మరోవైపు.. నిత్యావసరాలు, ఇతర వస్తువులను తక్కువ సమయంలో ఇంటికి చేర్చే క్విక్ కామర్స్ సేవలకు కూడా డిమాండ్ పెరిగింది. ఈ విభాగంలో సాధారణ రోజులతో పోలిస్తే నాలుగు నుంచి ఐదు రెట్లు అధిక వ్యాపారం నమోదైనట్లు నివేదిక పేర్కొంది.స్మార్ట్‌ఫోన్ సేల్స్ ఇలాఈ పండుగల సేల్స్‌లో స్మార్ట్‌ఫోన్లు అత్యధిక అమ్మకాలు సాధించిన ఉత్పత్తులుగా నిలిచాయి. కొత్త ఫోన్లు కొనుగోలు చేయాలనుకునేవారికి భారీ డిస్కౌంట్లు, పాత ఫోన్లపై ఎక్స్ఛేంజ్ ఆఫర్లు అందుబాటులో ఉండటంతో చాలామంది ఈ అవకాశాన్ని ఉపయోగించుకున్నారు. నివేదికలో వెల్లడైన.. మొత్తం అమ్మకాల్లో స్మార్ట్‌ఫోన్ల వాటా 38 నుంచి 40 శాతం వరకు ఉంది. వీటి విలువ సుమారు రూ.9,100 కోట్ల నుంచి రూ.9,600 కోట్లుగా అంచనా వేశారు.గృహోపకరణాలకు డిమాండ్స్మార్ట్‌ఫోన్ల తర్వాత కన్స్యూమర్ ఎలక్ట్రానిక్స్, గృహోపకరణాలు మంచి అమ్మకాలను నమోదు చేశాయి. టీవీలు, ఫ్రిజ్‌లు, వాషింగ్ మెషీన్లు వంటి వస్తువులను కొనుగోలు చేసేందుకు చాలామంది ఆసక్తి చూపించారు. ఈ విభాగం మొత్తం అమ్మకాల్లో 25 నుంచి 27 శాతం వాటాను దక్కించుకున్నట్లు నివేదిక అంచనా వేసింది. వీటి అమ్మకాల విలువ సుమారు రూ.6,000 కోట్ల నుంచి రూ.6,500 కోట్ల వరకు ఉంది.ఫ్యాషన్ ఉత్పత్తుల సేల్స్కొత్త బట్టలు, చెప్పులు, ఇతర ఫ్యాషన్ ఉత్పత్తుల కొనుగోళ్లు కూడా జోరుగా సాగాయి. మొత్తం అమ్మకాల్లో.. ఫ్యాషన్ విభాగం 15 నుంచి 18 శాతం వాటాను పొందినట్లు అంచనా. ఈ విభాగం ద్వారా.. సుమారు రూ.3,630 కోట్ల నుంచి రూ.4,350 కోట్ల విలువైన అమ్మకాలు జరిగినట్లు నివేదిక పేర్కొంది. ముఖ్యంగా తక్కువ ధరల్లో అందుబాటులో ఉండే ఫ్యాషన్ దుస్తులకు చిన్న పట్టణాల నుంచి కూడా మంచి స్పందన లభిస్తోంది.చిన్న పట్టణాల్లోనూ కూడా..గతంలో ఆన్‌లైన్ షాపింగ్ ఎక్కువగా మెట్రో నగరాలకే పరిమితమై ఉండేది. కానీ ఇప్పుడు టైర్-2 నగరాలు, చిన్న పట్టణాల్లోనూ ఈ-కామర్స్ వినియోగం పెరుగుతోంది. ఇంటి వద్దకే వస్తువులు డెలివరీ కావడం, ధరలను పోల్చి చూసుకునే అవకాశం ఉండటం, ఆన్‌లైన్ ఆఫర్లు అందుబాటులో ఉండటం ఇందుకు ప్రధాన కారణాలుగా చెప్పవచ్చు.ఇదీ చదవండి: యమహా పండుగ ఆఫర్స్.. బైక్ కొనేందుకు మంచి ఛాన్స్!

చీర అనేది సాంప్రదాయ వస్త్రధారణ కావచ్చు, కానీ.. అది ఒక మహిళ తెలివితేటలు, సామర్థ్యాలను నిర్ణయిస్తుందా?. ఈ విషయంపై రాజ్యసభ సభ్యురాలు, రచయిత్రి సుధా మూర్తి స్పందించారు.మహిళలు చీర కట్టుకుంటే తక్కువగా చూడటం, వారికి ఇంగ్లీష్ రాదని లేదా వృత్తిపరమైన నైపుణ్యాలు తక్కువగా ఉంటాయని భావించడం సరైన పద్ధతి కాదని సుధా మూర్తి పేర్కొన్నారు. ఒక వ్యక్తి తెలివితేటలను, జ్ఞానాన్ని వారు ధరించే దుస్తులను బట్టి అంచనా వేయకూడదని ఆమె స్పష్టం చేశారు. చీర కట్టుకున్న మహిళలు కూడా కార్పొరేట్ రంగంలో ఆత్మవిశ్వాసంతో రాణించగలరని అన్నారు. ఇటీవల ఇన్‌ఫ్లుయెన్సర్ ఐశ్వర్య డీకేఎస్ హెగ్డేతో జరిగిన సంభాషణలో.. సుధా మూర్తి ఈ విషయాలను వెల్లడించారు.ప్రతిభను నిరూపించుకోవాలిమహిళలు స్మార్ట్‌గా, శక్తివంతంగా కనిపించాలంటే పాశ్చాత్య దుస్తులు లేదా సూట్లు మాత్రమే ధరించాలనే అభిప్రాయాన్ని ఆమె ప్రశ్నించారు. మహిళలు చీరలు ధరించి కూడా పెద్ద కంపెనీల సమావేశాల్లో, బోర్డ్‌రూమ్‌లలో తమ ప్రతిభను నిరూపించుకోవాలని తాను కోరుకుంటున్నట్లు చెప్పారు.తాను చీర ధరించి విమానాశ్రయాలకు వెళ్లినప్పుడు కొందరు తనను 'బెహన్‌జీ' అని పిలిచేవారని సుధా మూర్తి గుర్తుచేసుకున్నారు. చీర కట్టుకున్నందుకు తనకు ఇంగ్లీష్ సరిగా రాదని, పరిజ్ఞానం తక్కువని, ఉన్నత వర్గాల జీవనశైలి గురించి తెలియదని కొందరు భావించినట్లు ఆమె తెలిపారు.అయితే.. ఒక వ్యక్తి జ్ఞానం, సామర్థ్యాలకు వారు ధరించే దుస్తులకు ఎలాంటి సంబంధం లేదని సుధా మూర్తి అన్నారు. తాను ఎలాంటి దుస్తులు ధరించినా.. తన జ్ఞానం మారదని పేర్కొన్నారు. భారతీయ సంస్కృతిలో చీరకు ప్రత్యేకమైన స్థానం ఉందని, అది ఎప్పటికీ హుందాగా కనిపించే దుస్తుల్లో ఒకటని అన్నారు.సాధారణంగా కార్పొరేట్ కార్యాలయాల్లో ఫార్మల్ దుస్తులు, సూట్లు ధరించేవారిని ఎక్కువ ప్రొఫెషనల్‌గా చూస్తుంటారు. కానీ.. సంప్రదాయ దుస్తులు ధరించే మహిళలకు కూడా అదే గౌరవం, గుర్తింపు ఇవ్వాలని సుధా మూర్తి అభిప్రాయపడ్డారు.ఇదీ చదవండి: రైల్వే గైడ్‌లైన్స్.. ట్రైన్‌లో వీరికి టికెట్ అవసరం లేదు!సోషల్ మీడియాలో ప్రశంసలుసుధా మూర్తి చేసిన వ్యాఖ్యలపై సోషల్ మీడియాలో పలువురు సానుకూలంగా స్పందించారు. దుస్తులను బట్టి ఒక వ్యక్తి తెలివితేటలను లేదా సామర్థ్యాలను అంచనా వేయకూడదని ఆమె చెప్పిన మాటలను ప్రశంసించారు. నిజమైన ప్రతిభ అనేది దుస్తుల్లో కాకుండా జ్ఞానం, వ్యక్తిత్వం, ఆత్మవిశ్వాసంలో ఉంటుందని పలువురు అభిప్రాయపడ్డారు. View this post on Instagram A post shared by Aisshwarya DKS Hegde (@aisshwarya_dkshegde)

సాధారణంగా చాలామంది రైళ్లలో ప్రయాణించడానికి ఆసక్తి చూపుతారు. దీనికి కారణం తక్కువ ఖర్చుతో దూర ప్రాంతాలకు చేరుకోవచ్చు, కుటుంబంతో కలిసి ప్రయాణించవచ్చు. అయితే.. ఫ్యామిలీతో కలిసి ప్రయాణించేటప్పుడు ముఖ్యంగా చిన్న పిల్లల టికెట్ల విషయంలో చాలామందికి సందేహాలు వస్తుంటాయి. ఏ వయసు పిల్లలకు టికెట్ అవసరం లేదు?, ఎవరికి హాఫ్ టికెట్ తీసుకోవాలి?, పిల్లలకు ప్రత్యేక బెర్త్ కావాలంటే ఏం చేయాలి?, అనే విషయాలు ముందుగానే తెలుసుకుంటే ప్రయాణ సమయంలో ఇబ్బందులు ఎదురుకావు.రైల్వే నిబంధనల ప్రకారం.. ఐదు సంవత్సరాల కంటే తక్కువ వయసున్న పిల్లలు ప్రత్యేక బెర్త్ తీసుకోకుండా ఉచితంగా ప్రయాణించవచ్చు. అంటే.. తల్లిదండ్రులు తమతో పాటు చిన్న పిల్లలను తీసుకెళ్లినప్పుడు వారి కోసం ప్రత్యేక టికెట్ తీసుకోవాల్సిన అవసరం ఉండదు. అయితే.. పిల్లలకు ప్రత్యేకంగా బెర్త్ కేటాయించరు. తల్లిదండ్రులతో పాటు ఒకే బెర్త్‌పై ప్రయాణించాల్సి ఉంటుంది. ఒకవేళ చిన్నారికి ప్రత్యేక బెర్త్ కావాలనుకుంటే మాత్రం సంబంధిత టికెట్ ధర చెల్లించి బుక్ చేసుకోవాలి.ఇక ఐదు సంవత్సరాలు నిండిన పిల్లల విషయంలో టికెట్ నిబంధనలు కొంత భిన్నంగా ఉంటాయి. ముఖ్యంగా ఐదు నుంచి పన్నెండు సంవత్సరాల లోపు పిల్లలకు ప్రత్యేక బెర్త్ అవసరమా?, లేదా? అనే విషయాన్ని బట్టి టికెట్ బుకింగ్‌లో తేడా ఉంటుంది. ఈ వయసు పిల్లలకు ప్రత్యేక బెర్త్ కేటాయించరు, బెర్త్ కావాలనుకుంటే టికెట్ ధర చెల్లించి బుక్ చేసుకోవాలి.పన్నెండు సంవత్సరాలు నిండిన పిల్లలకు సాధారణంగా పెద్దలతో సమానంగా టికెట్ తీసుకోవాలి. కాబట్టి.. రైలు టికెట్ బుక్ చేసుకునే ముందు పిల్లల వయసును సరిగ్గా నమోదు చేయడం చాలా ముఖ్యం. ఆన్‌లైన్‌లో టికెట్ బుక్ చేసేటప్పుడు వయసు వివరాల్లో పొరపాట్లు జరిగితే ప్రయాణ సమయంలో సమస్యలు ఎదురయ్యే అవకాశం ఉంటుంది.అలాగే, పిల్లలతో ప్రయాణించేటప్పుడు వారి వయసును ధ్రువీకరించడానికి అవసరమైన పత్రాలను వెంట ఉంచుకోవడం మంచిది. ఆధార్ కార్డు వంటి గుర్తింపు పత్రాలు ఉపయోగపడవచ్చు. ముఖ్యంగా ఎక్కువ దూరం ప్రయాణించే సమయంలో పిల్లలకు ప్రత్యేక బెర్త్ బుక్ చేసుకుంటే వారు సౌకర్యవంతంగా విశ్రాంతి తీసుకోవడానికి వీలుంటుంది.ఇదీ చదవండి: మరోసారి పెరగనున్న రీఛార్జ్ ధరలు.. ఈసారి ఎంతంటే?

మొబైల్ ఫోన్ ఉపయోగిస్తున్న ప్రతి ఒక్కరికీ.. రీఛార్జ్ అనేది తప్పనిసరి ఖర్చుగా మారింది. ఇలాంటి సమయంలో ఎయిర్‌టెల్, జియో, వొడాఫోన్ ఐడియా టెలికాం కంపెనీలు రీఛార్జ్ ధరలను మరోసారి పెంచడానికి సన్నద్ధమవుతున్నట్లు సమాచారం. దీనికి సంబంధించిన మరిన్ని వివరాలు ఈ కథనంలో తెలుసుకుందాం.సెంట్రమ్ ఇన్‌స్టిట్యూషనల్ రీసెర్చ్ విడుదల చేసిన నివేదిక ప్రకారం.. రాబోయే నాలుగు నుంచి ఐదు నెలల్లో టెలికాం కంపెనీలు రీఛార్జ్ ధరలను 12 నుంచి 15 శాతం వరకు పెంచే అవకాశం ఉంది. అయితే.. ఇది కేవలం ఒక అంచనా మాత్రమే. ఇప్పటివరకు ఏ టెలికాం సంస్థ కూడా ధరల పెంపుపై అధికారిక ప్రకటన చేయలేదు.టెలికాం రంగంలో పోటీ తగ్గడం.. ధరలు పెరిగే అవకాశానికి ప్రధాన కారణంగా నివేదిక పేర్కొంది. ప్రస్తుతం ఎయిర్‌టెల్, జియో, వొడాఫోన్ ఐడియా వంటి ప్రధాన ప్రైవేట్ కంపెనీలు మార్కెట్‌లో కొనసాగుతున్నాయి. ఈ పరిస్థితుల్లో కంపెనీలు తమ ఆదాయాన్ని పెంచుకోవడానికి రీఛార్జ్ ప్లాన్ల ధరలను పెంచే అవకాశం ఉందని విశ్లేషకులు భావిస్తున్నారు.ఒకవేళ 12 నుంచి 15 శాతం ధరల పెంపు అమలైతే.. ప్రస్తుతం రూ.299 ఉన్న రీఛార్జ్ ప్లాన్ ధర సుమారు రూ.335 నుంచి రూ.344 వరకు చేరవచ్చు. అదే విధంగా రూ.349 ప్లాన్ ధర దాదాపు రూ.391 నుంచి రూ.401 వరకు పెరిగే అవకాశం ఉంటుంది. అయితే, ఇవి కేవలం ఉదాహరణలు మాత్రమే. కంపెనీలు నిజంగా ధరలు పెంచితే ఏ ప్లాన్ ధర ఎంత మారుతుందనేది వాటి అధికారిక ప్రకటన తర్వాతే తెలుస్తుంది.ఇదీ చదవండి: జియో రీచార్జ్‌: 28 రోజుల ప్లాన్.. 42జీబీ డేటా!

వాషింగ్ట‌న్‌ : ప్రపంచ కుబేరుడు ఎలాన్ మస్క్, భార‌త్ టెలికాం దిగ్గజం ముకేశ్ అంబానీల మధ్య శాటిలైట్ ఇంటర్నెట్ సేవ‌ల వినియోగంపై వివాదం మ‌రింత ముదిరింది. సోషల్ మీడియా వేదికగా మస్క్ చేస్తున్న వరుస విమర్శలు, వాటికి వస్తున్న కౌంటర్లు ఇప్పుడు వ్యాపార వర్గాల్లోనే కాక రాజకీయంగానూ తీవ్ర చర్చనీయాంశంగా మారాయి. ఈ నేపథ్యంలో అంబానీకి మ‌ద్దుత‌గా ప్ర‌చారం చేస్తున్న వారిపై మస్క్ ప్ర‌శ్న‌ల వ‌ర్షం కురిపించారు. భార‌త్‌లో స్టార్‌లింక్ సేవలు ప్రారంభం కాకపోవడానికి గల జాప్యంపై ఆగ్రహం వ్యక్తం చేస్తూనే.. అంబానీ అనుచర వర్గాన్ని, ఇంటర్నెట్‌లో ఆయనకు అనుకూలంగా ప్రచారం చేసేవారిని అంబానీస్ ఆర్మీ ఆఫ్ ఇంటర్నెట్ షిల్స్ అంటూ తీవ్ర పదజాలంతో దూషించారు. వీరి వాదనల్లో ఎంతమాత్రం నిజం లేదని, ఇదొక పెద్ద కపట నాటకమని ఎత్తు చూపారు. ఇందులో ప్రధానంగా రెండు పరస్పర విరుద్ధమైన వాదనలు వినిపిస్తున్నాయని హైలెట్ చేశారు. అంబానీ సృష్టించిన డిఫ్యాక్టో గుత్తాధిపత్యం కారణంగా ఇస్తున్న అతి తక్కువ ధరలతో స్టార్‌లింక్ అసలు పోటీ పడలేదని ఒకవైపు వాదిస్తారు. అదే సమయంలో, స్టార్‌లింక్ గనుక మార్కెట్లోకి వస్తే అది తమకు అత్యంత బలమైన పోటీదారుగా మారుతుందని, తమ వ్యాపారాన్ని దెబ్బతీస్తుందని మరోవైపు భయపడతారు. ఒకవైపు జియో ధరలతో స్టార్‌లింక్ నిలవలేదంటారు, మళ్లీ అదే ఊపులో స్టార్‌లింక్ చాలా పెద్ద పోటీ ఇస్తుందని ఆందోళన చెందుతారు. ఇదెక్కడి వైరుధ్యం? ఇది అర్థం లేని వాద‌న‌ అని మస్క్ దుయ్యబట్టారు.ఈ సంద‌ర్భంగా మ‌స్క్ ఎక్స్ వేదిక‌గా ట్వీట్ చేశారు. మార్కెట్‌లో పోటీ ఎప్పుడూ కూడా అంతిమ వినియోగదారుడైన సామాన్యుడికే ఎక్కువ ప్రయోజనాలను చేకూరుస్తుందని మస్క్ బలంగా వాదిస్తున్నారు. మార్కెట్‌లో ఎంపికలు పెరిగితే ప్రజలకు మెరుగైన సేవలు అందుతాయని ఆయన అభిప్రాయపడ్డారు.ఈ పోటీ వల్ల ముకేశ్ అంబానీ లాభాలు కొంతమేర తగ్గవచ్చునేమో కానీ, అంత మాత్రాన ఆయన వ్యాపార సామ్రాజ్యం ఏమీ మూతపడిపోదని మస్క్ స్పష్టం చేశారు. అలాగే, భార‌త్‌లో స్టార్‌లింక్ ధరలు గనుక మరీ ఎక్కువగా ఉంటే సహజంగానే ఎవరూ కొనుగోలు చేయరని, కాబట్టి ఇక్కడి మార్కెట్‌కు తగినట్లుగా ధరలను అందుబాటులో ఉంచుకోవాల్సిన బాధ్యత స్పేస్‌ఎక్స్ పైనే ఉంటుందని ఆయన స్పష్టం చేశారు.మొత్తానికి, భార‌త్‌లో అపారమైన డిజిటల్ మార్కెట్‌ను కైవసం చేసుకోవడానికి గ్లోబల్ టెక్కీ ఎలాన్ మస్క్‌కు, దేశీయ కుబేరుడు ముకేశ్ అంబానీకి మధ్య నడుస్తున్న ఈ కోల్డ్ వార్ కేవలం వ్యాపార పోరు మాత్రమే కాదు. భవిష్యత్ ఇంటర్నెట్ రంగంపై ఆధిపత్యం కోసం జరుగుతున్న పెద్ద యుద్ధం. ఈ టెక్కీల పోరులో ప్రభుత్వ నిబంధనలు ఎలా ఉంటాయో, సామాన్యుడికి అంతిమంగా ఎలాంటి ప్రయోజనం దక్కుతుందో కాలమే నిర్ణయించాలి!ఇదీ చ‌ద‌వండి : బీజేపీ ప్రచారానికి నిధులు!

సాధారణంగా.. మొబైల్ రీఛార్జ్ చేసేటప్పుడు డేటా, అన్‌లిమిటెడ్ కాలింగ్‌తో పాటు అదనంగా ఏమైనా ప్రయోజనాలు లభిస్తాయా?, అని చాలామంది చూస్తుంటారు. అలాంటి వారి కోసం దేశీయ టెలికాం దిగ్గజం.. రిలయన్స్ జియో అందిస్తున్న రూ.299 రీఛార్జ్ ప్లాన్‌ ఉపయోగకరంగా ఉంటుంది.జియో అందించే.. రూ.299 రీఛార్జ్‌ ద్వారా 18 నెలల పాటు గూగుల్ జెమిని ప్రో సబ్‌స్క్రిప్షన్‌ను ఉచితంగా పొందే అవకాశం ఉంది. ప్లాన్ వ్యాలిడిటీ 28 రోజులు. ఇందులో రోజుకు 1.5జీబీ డేటా చొప్పున మొత్తం 42 జీబీ డేటా లభిస్తుంది. దీనితో పాటు అన్‌లిమిటెడ్ వాయిస్ కాలింగ్, రోజుకు 100 SMSలు కూడా పొందవచ్చు. అదనంగా జియోటీవీ, జియోఏఐక్లౌడ్ సబ్‌స్క్రిప్షన్లు కూడా ఈ ప్లాన్‌లో ఉన్నాయి.రోజువారీ డేటా పూర్తయిన తరువాత.. ఇంటర్నెట్ వేగం 64 Kbpsకు తగ్గుతుంది. కాబట్టి ఎక్కువగా వీడియోలు చూసేవారు, రోజంతా ఇంటర్నెట్ ఉపయోగించేవారు తమ డేటా అవసరాలను బట్టి ఈ ప్లాన్‌ను ఎంచుకోవడం మంచిది.సాధారణంగా మొబైల్ రీఛార్జ్‌తో పాటు AI సేవలను కూడా ఉపయోగించాలనుకునేవారికి ఈ ప్లాన్ ఉపయోగకరంగా ఉంటుంది. ముఖ్యంగా విద్యార్థులు, ఉద్యోగులు, కంటెంట్ క్రియేటర్లు జెమిని వంటి ఏఐ టూల్స్‌ను తమ రోజువారీ పనుల్లో ఉపయోగించుకోవచ్చు.ఇదీ చదవండి: చాట్‌జీపీటీ సాయం.. సివిల్ సర్వీసెస్‌లో విజయం!

ప్రపంచ కుబేరుడు, స్పేస్ ఎక్స్ సీఈవో ఎలాన్ మస్క్‌కు భారత ఐటీ సంస్థ జోహో సీఈవో శ్రీధర్ వెంబు అదిరిపోయే కౌంటర్‌ ఇచ్చారు. తన శాటిలైట్‌ కమ్యూనికేషన్‌ వ్యాపారం స్టార్‌లింక్‌కు భారత మార్కెట్‌లో తలుపులు తెరుచుకోకపోవడంతో అసహనానికి గురవుతున్న ఎలాన్‌ మస్క్‌.. భారత్‌ ఏకాధిపత్యాన్ని ప్రోత్సహిస్తోదని, పోటీకి అవకాశం కల్పించడం లేదంటూ.. భారతీయ పారిశ్రామికవేత్త ముకేశ్‌ అంబానీ గురించి, భారత ప్రభుత్వం గురించి విమర్శలు చేస్తూ ట్వీట్‌ చేశారు. దానికి శ్రీధర్ వెంబు ఘాటుగా స్పందించారు.మస్క్ పోస్ట్‌ను రీట్వీట్ చేస్తూ.. ‘ప్రపంచంలోనే అతి తక్కువ డేటా ధరలు భారతదేశంలో ఉన్నాయి. ప్రయాణ సమయాల్లో ఎక్కడ వైఫై దొరుకుతుందా అని ఆతృత పడకుండా నా కంప్యూటర్‌కు నా ఫోన్‌ డేటాను లింక్‌ చేసుకుని పనిచేసుకోగలను. డేటా ధరలు అందుబాటులో ఉండటంతో చాలా మంది భారతీయుల దగ్గర పెద్ద డేటా ప్లాన్లతో డ్యూయల్ సిమ్ ఫోన్లు ఉంటాయి’ అంటూ రాసుకొచ్చారు.ఇంకా భారతదేశంలో ప్రపంచంలో మందుల ధరలు తక్కువగా ఉంటాయని, అందుకే బయటి దేశాలవాళ్లు ఇక్కడికి వచ్చి మందులు కొనుక్కుంటారని పేర్కొన్నారు. ఇక ప్రపంచంలోనే అతి తక్కువ ఖర్చుతో కూడిన చెల్లింపు వ్యవస్థ యూపీఐ భారత్‌లోనే ఉందన్నారు. పోటీ గురించి మాట్లాడుతున్న మస్క్‌.. తన ఎలక్ట్రిక్‌ కార్ల సంస్థ టెస్లాకు చైనా నుంచి పోటీ లేకుండా రక్షణ కల్పించుకుని అమెరికా మార్కెట్‌లో ఎక్కువ ధరలు ఉండేలా చేసుకున్నారన్నారు.భారత ప్రధాని నరేంద్ర మోదీ దేశంలో ఏ రంగంలోనూ ఏకాధిపత్యానికి అవకాశం లేకుండా, అన్ని రంగాల్లో ఆరోగ్యకరమైన పోటీకి అవకాశం కల్పిస్తున్నారన్నారు. అందుకే దేశంలో ధరలు సామాన్యులకు అందుబాటులో ఉన్నాయన్నారు.India has the among the lowest data prices in the world. It is so good that I don't even bother to connect to local Wifi when I travel in India and just tether my phone to work on my computer. Indians routinely have dual SIM phones with large data plans because they are so affordable. Ambani's launch of Jio is directly responsible for the low data prices Indians enjoy. India has among the lowest drug prices in the world (and going lower still). People who visit India buy medicines to take home quite regularly now. India has among the lowest cost payment systems in the world in UPI. On the other hand, Tesla is protected from Chinese competition in the US market, keeping EV prices higher in America than elsewhere. Prime Minister Modi has worked hard to create a competitive economy where the benefits flow to the average Indian. His government does not tolerate monopolies. He has also actively promoted and encouraged a massive surge in startups and that is the best signal of a highly competitive economy. Directly due to Modi government policy, Indian startups are making major advances in low cost rockets and that poses a threat to SpaceX the same say the Chinese EVs threaten Tesla. These are the facts Elon.— Sridhar Vembu (@svembu) October 10, 2026

న్యూఢిల్లీ: ఎఫ్‌ఎంసీజీ, డైవర్సిఫైడ్‌ దిగ్గజం ఐటీసీలో తాజాగా జీక్యూజీ పార్ట్‌నర్స్‌ 2.91 శాతం వాటా విక్రయించింది. బీఎస్‌ఈ బ్లాక్‌డీల్స్‌ ప్రకారం 14 దశలలో మొత్తం 36.5 కోట్ల షేర్లను విక్రయించింది. ఒక్కో షేరుకీ రూ. 257.35 ధరలో 2.91% వాటా అమ్మివేసింది. తద్వారా రూ. 9,395 కోట్లకుపైగా అందుకుంది.మరోపక్క యూకే ఇన్వెస్ట్‌మెంట్‌ ట్రస్ట్స్‌ అలియెన్స్‌ విటన్‌ 16.11 లక్షల ఐటీసీ షేర్లను రూ. 41.5 కోట్లకు విక్రయించింది. బీఎస్‌ఈ షేర్‌ హోల్డింగ్‌ వివరాల ప్రకారం 2026 జూన్‌ చివరికల్లా ఐటీసీలో జీక్యూజీ 1.06% వాటా కలిగి ఉంది. గోల్డ్‌మన్‌ శాక్స్‌ ట్రస్ట్‌–2, గోల్డ్‌మన్‌ శాక్స్‌ జీక్యూజీ పార్ట్‌నర్స్‌ ఇంటర్నేషనల్‌ అపార్చునిటీస్‌ ఫండ్‌ వద్ద మరో 2.06% వాటా ఉంది.

సాధారణంగా రైళ్లలో ప్రయాణికుల టికెట్లను తనిఖీ చేసే టీసీలంటే తెల్లక చొక్కా, నల్ల ప్యాంటు, పైన ఓ నల్లని కోటు వేసుకుని కనిపిస్తారు. కానీ పశ్చిమ రైల్వే ముంబై డివిజన్‌ పరిధిలోని టీసీలు మాత్రం కొత్త ‘లుక్కు’.. టెక్కుతో కనిపిస్తున్నారు. పశ్చిమ రైల్వే (వెస్ట్రన్‌ రైల్వే) పరిధిలోని ముంబై డివిజన్‌ రైలు టికెట్లను తనిఖీలో కొత్తదనానికి శ్రీకారం చుట్టింది. అత్యంత రద్దీగా ఉండే ముంబై రైళ్లలో టికెట్ తనిఖీ సాంకేతిక పరిజ్ఞానాన్ని పశ్చిమ రైల్వే అప్ గ్రేడ్ చేస్తోంది. ఇందులో భాగంగా టికెట్ తనిఖీ సిబ్బంది కోసం ప్రత్యేకంగా రూపొందించిన జాకెట్లను ప్రవేశపెట్టింది. ఈ జాకెట్‌లో ఇంటిగ్రేటెడ్ బాడీ కెమెరాతో పాటు ఇతర ఎలక్ట్రానిక్ పరికరాలు ఉంచుకోవడం కోసం పాకెట్లు ఉంటాయి. పైలట్ ప్రాజెక్ట్‌ కింద ప్రస్తుతం 30 జాకెట్లను సిబ్బందికి అందజేసింది. టీసీలు వీటిని ధరించి రైళ్లలో ప్రయాణికుల టికెట్లను తనిఖీ చేస్తున్నారు.జాకెట్ల ప్రత్యేకతలుటీసీలకు అందించిన కొత్త జాకెట్లను పలు ప్రత్యేకతలతో రూపొందించారు. విధుల్లో ఉన్న టీసీల వద్ద టికెట్లను తనిఖీ చేసే హ్యాండ్-హెల్డ్ టెర్మినల్స్, ఎలక్ట్రానిక్ ఫేర్ కలెక్షన్‌ మెషీన్లు, వాయిస్ యాంప్లిఫైయర్లు ఉంటాయి. వీటిని తమతో తీసుకెళ్లడానికి టీసీలు ఇబ్బందులు పడుతుంటారు. ఆ ఇబ్బందులు లేకుండా వీటిని పెట్టుకోవడానికి ఈ జాకెట్లలో ప్రత్యేక జేబులు ఇచ్చారు. అలాగే హెడ్ సెట్ పెట్టుకునేందుకూ ప్రత్యేక ఏర్పాటు ఉంది.ఇక కొత్త జాకెట్ ప్రధాన ఫీచర్లలో ఒకటి దాని ఇంటిగ్రేటెడ్ బాడీ కెమెరా. టికెట్ తనిఖీ సిబ్బంది, ప్రయాణీకుల మధ్య పరస్పర చర్యలకు మరింత పారదర్శకత, జవాబుదారీతనాన్ని తీసుకురావడానికి ఈ కెమెరా ఉద్దేశం. టికెట్‌ తనిఖీ సమయంలో టీసీలు, ప్రయాణికుల మధ్య జరుగుతున్నదంతా ఈ బాడీ కెమెరా రికార్డ్‌ చేస్తుంది. దీంతో సిబ్బంది చేతివాటం ప్రదర్శించడం గానీ, ప్రయాణికులు దురుసుగా ప్రవర్తించడం గానీ కట్టడి చేసేందుకు వీలవుతుంది. అంటే ‘ఒకే దెబ్బకు రెండు పిట్టలు’ అన్న మాట!ఈ ప్రయోగాత్మక చొరవ విజయవంతమైతే ముంబై డివిజన్‌ వ్యాప్తంగా మరింత మంది టికెట్ తనిఖీ సిబ్బందికి ఈ జాకెట్లను అందించడాన్ని వెస్ట్రన్‌ రైల్వే పరిగణించవచ్చు.🚨 Western Railway ticket-checking staff get new jackets with integrated bodycam technology. https://t.co/zHVNCA0zkO— Indian Tech & Infra (@IndianTechGuide) October 8, 2026

ప్రముఖ కూల్ డ్రింక్స్ సంస్థ కోకా-కోలాకు చెందిన ప్రసిద్ధ షుగర్-ఫ్రీ పానీయం డైట్ కోక్ ప్రియం కానుంది. దేశంలో అల్యూమినియం క్యాన్ల కొరత, తయారీ వ్యయం భారీగా పెరగడంతో రిటైలర్లు డైట్ కోక్ ధరలను ఒక్కసారిగా పెంచేశారు. ఢిల్లీ-ఎన్‌సీఆర్, ముంబై, బెంగళూరు, గోవా వంటి ప్రధాన నగరాల్లో 330 మి.లీ డైట్ కోక్ క్యాన్ ధరను రికార్డు స్థాయిలో రూ.50 నుంచి రూ.70కి పెంచినట్లు మార్కెట్ వర్గాలు పేర్కొంటున్నాయి. కోకా-కోలా సొంత ప్లాంట్లలో తయారయ్యే క్యాన్లపై ఇప్పటికీ రూ.50 ఎంఆర్‌పీ మాత్రమే ముద్రించి ఉన్నప్పటికీ మార్కెట్లో కొన్నిచోట్ల మాత్రం రూ.70కి విక్రయిస్తుండటం గమనార్హం.పెరిగిన ఖర్చులు.. రెట్టింపైన డిమాండ్పశ్చిమాసియా యుద్ధ ప్రభావంతో మార్కెట్లో అల్యూమినియం లభ్యత తగ్గిపోయింది. దాంతో క్యాన్-గ్రేడ్ అల్యూమినియం ధరలు ఏడాది వ్యవధిలోనే 30 శాతం వరకు పెరిగాయి. ఈ భారాన్ని భరించలేక బాటిళ్ల తయారీ కంపెనీలు, స్థానిక వ్యాపారులు ధరలు పెంచక తప్పడం లేదని స్పష్టం చేస్తున్నారు. మరోవైపు, గడిచిన ఏడాది కాలంలో జీరో-కాలరీ పానీయాలకు డిమాండ్ రెట్టింపు కావడం కూడా ఈ ధరల పెంపునకు కారణంగా కనిపిస్తోంది.ఈ అంశంపై కోకా-కోలా సంస్థ ప్రతినిధి స్పందిస్తూ ‘భారతీయ నిబంధనలకు కట్టుబడి ప్యాక్‌పై ముద్రించిన ఎంఆర్‌పీ ధరకే విక్రయించాలని ట్రేడ్ భాగస్వాములందరికీ సూచిస్తున్నాం. స్వతంత్ర బాట్లర్లు, రిటైలర్లు తీసుకునే ధరల నిర్ణయాలపై కంపెనీకి నేరుగా నియంత్రణ ఉండదు’ అని వివరణ ఇచ్చారు.ఇదీ చదవండి: భారత్‌కు ‘స్టార్‌లింక్’ నిజంగా సంజీవనియా..?

దేశీయ ఔషధ నియంత్రణ, ప్రామాణిక వ్యవస్థలో రెండు కీలక అంశాలపై కేంద్ర ఆరోగ్య మంత్రిత్వ శాఖ దృష్టి సారించింది. భారత ఫార్మాకోపియా కమిషన్ (ఐపీసీ) ఇటీవల విడుదల చేసిన 7వ ఎడిషన్ ‘నేషనల్ ఫార్ములేరీ ఆఫ్ ఇండియా’ (ఎన్‌ఎఫ్‌ఐ 2026)లో సెంట్రల్ డ్రగ్స్ స్టాండర్డ్ కంట్రోల్ ఆర్గనైజేషన్ (సీడీఎస్‌సీఓ) నుంచి అధికారిక అనుమతి లేని కనీసం ఐదు రకాల మందులు, వాటి వేరియంట్లు ఉన్నట్లు డ్రగ్ కంట్రోలర్ జనరల్ ఆఫ్ ఇండియా (డీసీజీఐ) తీవ్ర అభ్యంతరం వ్యక్తం చేసింది.వైద్యులు, ఫార్మసిస్టులకు ప్రామాణిక మార్గదర్శిగా భావించే ఎన్‌ఎఫ్‌ఐ మ్యాన్యువల్‌లో మిథిలీన్ బ్లూ జెల్/ఇంజెక్షన్, ఫ్లూమాజెనిల్, ఫోలినిక్ యాసిడ్, పైరిడోస్టిగ్మైన్, ఆల్టెప్లేస్ వంటి ఔషధాలు సీడీఎస్‌సీఓ ఆమోదం లేకుండానే చేర్చినట్లు గుర్తించారు. అంతర్జాతీయంగా దేశీయ ఫార్మా నియంత్రణ వ్యవస్థ విశ్వసనీయతపై ఇది ప్రతికూల ప్రభావం చూపే ప్రమాదముందని ఐపీసీకి పంపిన ప్రత్యేక లేఖలో డీసీజీఐ స్పష్టం చేసింది. ఈ పొరపాటుపై సమగ్ర నివేదిక కోరడంతోపాటు ఎన్‌ఎఫ్‌ఐ 2026 ఆన్‌లైన్ వర్షన్ అందుబాటులో లేకపోవడంపై తీవ్ర ఆందోళన వ్యక్తం చేసింది.ప్రిస్క్రిప్షన్ ఔషధాల ప్రకటనల వ్యాప్తికి చెక్మరొకవైపు, షెడ్యూల్ H, H1, X ల కిందకు వచ్చే ప్రిస్క్రిప్షన్ ఆధారిత ఔషధాల (యాంటీబయాటిక్స్, సైకోట్రోపిక్ డ్రగ్స్) పంపిణీ, ప్రచారంలో అక్రమాలకు అడ్డుకట్ట వేసేందుకు కేంద్ర ప్రభుత్వం సిద్ధమైంది. ఇప్పటివరకు కేవలం తయారీదారులకు మాత్రమే పరిమితమైన ప్రకటనల ముందస్తు అనుమతి నిబంధనలను ఇప్పుడు రిటైలర్లు, హోల్‌సేలర్లు, పంపిణీదారులకు కూడా వర్తింపజేయాలని నిర్ణయించింది.డ్రగ్స్ టెక్నికల్ అడ్వైజరీ బోర్డ్ (DTAB) ప్రతిపాదనల మేరకు డ్రగ్స్ రూల్స్, 1945 లోని రూల్ 65 కింద నూతనంగా సబ్‌-రూల్ (22)ను చేర్చుతూ కేంద్ర ఆరోగ్య మంత్రిత్వ శాఖ ముసాయిదా నోటిఫికేషన్ విడుదల చేసింది. కేంద్ర ప్రభుత్వ ముందస్తు అనుమతి లేకుండా ప్రిస్క్రిప్షన్ ఔషధాలను విచ్చలవిడిగా ప్రచారం చేయడం ఇకపై చట్టరీత్యా నేరమవుతుంది. ఔషధాల దుర్వినియోగాన్ని అరికట్టడానికి, ప్రజారోగ్య పరిరక్షణకు ఈ సవరణలు కీలకమైనవని నిపుణులు అభిప్రాయపడుతున్నారు.ఇదీ చదవండి: భారత్‌కు ‘స్టార్‌లింక్’ నిజంగా సంజీవనియా..?

హైదరాబాద్, బిజినెస్‌ బ్యూరో: పండగల సీజన్‌ సందర్భంగా ఐసీఐసీఐ బ్యాంక్‌ వార్షిక ‘ఫెస్టివ్‌ బొనాంజా’ని ప్రకటించింది. ఆన్‌లైన్‌ షాపింగ్, మొబైల్స్, ఎల్రక్టానిక్స్, ఫరి్నచర్‌ వంటిæ కొనుగోళ్లకు సంబంధించి ప్రత్యేక ఆఫర్లను అందిస్తున్నట్లు తెలిపింది. తమ క్రెడిట్, డెబిట్‌ కార్డులు, నెట్‌ బ్యాంకింగ్‌ తదితర సాధనాల ద్వారా చేసే కొనుగోళ్లపై డీల్స్, డిస్కౌంట్లు, క్యాష్‌బ్యాక్‌లు ఉంటాయని వివరించింది. కొత్త ఐఫోన్‌ డ్యుయో, 18ప్రో వంటి ఫోన్లపై రూ. 7,000 వరకు తక్షణ క్యాష్‌బ్యాక్, గూగుల్‌ పిక్సెల్‌ 11పై రూ. 10,000 వరకు, ఎల్‌జీ, శాంసంగ్, హాయర్‌ బ్రాండ్‌ ఎల్రక్టానిక్స్‌ ఉత్పత్తులపై రూ. 30,000 వరకు, మేక్‌మైట్రిప్‌ హాలిడే ప్యాకేజీలపై రూ. 35,000 వరకు డిస్కౌంట్లు అందిస్తున్నట్లు తెలిపింది.

న్యూఢిల్లీ: ఆఫ్రికాలోని డిజిటల్‌ ఫైనాన్షియల్‌ సర్వీసుల ప్లాట్‌ఫామ్‌ ఎయిర్‌టెల్‌ మనీ తాజాగా లండన్‌ స్టాక్‌ ఎక్సే్ఛంజీ (ఎల్‌ఎస్‌ఈ)లో లిస్టయ్యింది. తద్వారా యూకే మార్కెట్లో దీర్ఘకాలంగా భారతీ ఎంటర్‌ప్రైజెస్‌కు గల పెట్టుబడుల ఆసక్తికి ప్రోత్సా హాన్నిచ్చినట్లు ఎయిర్‌టెల్, భారతీ ఎంటర్‌ప్రైజెస్‌ వ్యవస్థాపకుడు, చైర్మన్‌ సునీల్‌ మిట్టల్‌ వ్యాఖ్యానించారు. ఎల్‌ఎస్‌ఈలో ఎయిర్‌టెల్‌ మనీ విజయవంత లిస్టింగ్‌ పట్ల హర్షం వ్యక్తం చేశారు. ప్రపంచంలోనే పెట్టుబడులకు యూకే ఆకర్షణీయ మార్కెట్‌కాగా.. తాజా లిస్టింగ్‌ తమ విశ్వాసానికి మరింత బలాన్నిచ్చినట్లు పేర్కొన్నారు. అనుబంధ సంస్థ ద్వారా 2024లో బీటీ గ్రూప్‌లో 24.5% వాటా కొనుగోలు చేయడం, 2020లో యుటెల్‌శాట్‌ (గతంలో వన్‌వెబ్‌)లో యూకే ప్రభుత్వంతోపాటు వాటాను పొందడం, ఆతిథ్య రంగ కంపెనీ స్కాటిష్‌ రిసార్ట్‌ గ్లెనీజెల్స్‌లో పెట్టుబడులు తదితరాలను ఈ సందర్భంగా ప్రస్తావించారు. యూకే ఇన్వెస్టర్ల ఆధారంగా 2019లో ఎయిర్‌టెల్‌ ఆఫ్రికాను ఎల్‌ఎస్‌ఈలో లిస్ట్‌ చేసినట్లు చెప్పారు. ఎల్‌ఎస్‌ఈలో ఎయిర్‌టెల్‌ మనీ కండిషనల్‌ ట్రేడింగ్‌ ద్వారా లిస్టయ్యింది. ఆఫర్‌ ధర షేరుకి 1.96 పౌండ్లుకాగా.. తొలి దశ ట్రేడింగ్‌లో గరిష్టంగా 2 పౌండ్లు, కనిష్టంగా 1.94 పౌండ్లను తాకింది. మార్కెట్‌ విలువ 5.3 బిలియన్‌ పౌండ్ల (7 బి. డాలర్లు)కు చేరింది. ఈ నెల 14 నుంచి అన్‌కండిషనల్‌ విధానంలో ట్రేడవుతుంది. ఎయిర్‌టెల్‌ ఆఫ్రికాలో భారతీ ఎయిర్‌టెల్‌ వాటా 79.2% కాగా.. ఎయిర్‌టెల్‌ ఆఫ్రికాకు ఎయిర్‌టెల్‌ మనీలో 77.85% వాటా ఉంది. వెరసి ఎయిర్‌టెల్‌ మనీలో ఎయిర్‌టెల్‌కు పరోక్షంగా 61.6% వాటా లభించింది.

న్యూఢిల్లీ: ప్రయివేట్‌ రంగ డైవర్సిఫైడ్‌ దిగ్గజం రిలయన్స్‌ ఇండస్ట్రీస్‌ గ్రూప్‌ కంపెనీ జియో ప్లాట్‌ఫామ్స్‌ పబ్లిక్‌ ఇష్యూకి రూ. 1,065–1,119 ధరల శ్రేణి ప్రకటించనున్నట్లు తెలుస్తోంది. ఐపీవో ఈ నెల 21న ప్రారంభం కానున్నట్లు సంబంధిత వర్గాలు అంచనా వేశాయి. యాంకర్‌ ఇన్వెస్టర్లకు 19న షేర్లను కేటాయించనున్నట్లు పేర్కొన్నాయి. దీనిలో భాగంగా రిలయన్స్‌ గ్రూప్‌ డిజిటల్, టెలికం సేవల దిగ్గజం జియో ప్లాట్‌ఫామ్స్‌ 27 కోట్లకుపైగా ఈక్విటీ షేర్లను కొత్తగా జారీ చేయనుంది. తద్వారా రూ. 30,200 కోట్లు సమీకరించే వీలున్నట్లు తెలియజేశాయి. వెరసి దేశీయంగా అతిపెద్ద ఐపీవోగా రికార్డ్‌ సృష్టించే అవకాశముంది. దీంతో కంపెనీ విలువ రూ. 10 లక్షల కోట్లకుపైగా చేరవచ్చని విశ్లేషకులు భావిస్తున్నారు. ఈ నెల 28కల్లా స్టాక్‌ ఎక్సే్ఛంజీలలో లిస్ట్‌ కానున్నట్లు అభిప్రాయపడ్డారు. ఈ ఏడాది జూన్‌లో క్యాపిటల్‌ మార్కెట్ల నియంత్రణ సంస్థ సెబీకి ముసాయిదా ప్రాస్పెక్టస్‌ దాఖలు చేయడం ద్వారా ఐపీవోకు ఆగస్ట్‌లో అనుమతి పొందిన సంగతి తెలిసిందే. కాగా.. తొలుత ఐపీవో ద్వారా రూ. 35,000 కోట్లు సమీకరించే వీలున్నట్లు అంచనాలు వెలువడగా.. కంపెనీ మార్కెట్‌ విలువను సైతం ఒక దశలో రూ. 13 లక్షల కోట్లకుపైగా అంచనా వేసిన విషయం విదితమే.

అమెరికాలో ఉద్యోగాలు చేస్తున్న భారతీయ ఐటీ నిపుణులకు గ్రీన్ కార్డ్ విషయంలో కొత్త సమస్యలు ఎదురవుతున్నాయి. టీసీఎస్, విప్రో, ఇన్ఫోసిస్, హెచ్‌సీఎల్ వంటి ప్రముఖ కంపెనీలకు సంబంధించిన 'పీఈఆర్ఎమ్' (పెర్మనెంట్ లేబర్ సరిఫికేషన్ ప్రోగ్రామ్) ప్రక్రియపై అమెరికా కార్మిక శాఖ ఆంక్షలు విధించినట్లు వార్తలు వెలువడ్డాయి. ఈ పరిణామాలపై జోహో వ్యవస్థాపకుడు శ్రీధర్ వెంబు (Sridhar Vembu) స్పందిస్తూ.. అమెరికాలో పనిచేస్తున్న భారతీయులు స్వదేశానికి తిరిగి వచ్చి, దేశ అభివృద్ధికి కృషి చేయాలని పిలుపునిచ్చారు.పీఈఆర్ఎమ్ ప్రక్రియగ్రీన్ కార్డ్ అంటే.. అమెరికాలో శాశ్వతంగా నివసించేందుకు అనుమతించే హోదా. అక్కడ ఉద్యోగాలు చేస్తున్న చాలామంది భారతీయులు భవిష్యత్తులో గ్రీన్ కార్డ్ పొందాలని ఆశిస్తుంటారు. అయితే.. ఈ ప్రక్రియలో పీఈఆర్ఎమ్ అనే దశ చాలా కీలకం. దీని ప్రకారం, ఒక విదేశీ ఉద్యోగిని శాశ్వతంగా నియమించుకునే ముందు, ఆ ఉద్యోగానికి సరైన అర్హతలున్న అమెరికా ఉద్యోగులు అందుబాటులో లేరని యజమాని నిరూపించాల్సి ఉంటుంది.అమెరికా కార్మిక శాఖ ఆరోపణల ప్రకారం.. కొన్ని కంపెనీలు పీఈఆర్ఎమ్ విధానాన్ని సక్రమంగా ఉపయోగించలేదనే అనుమానాలు ఉన్నాయి. అందువల్ల కొత్త దరఖాస్తులను స్వీకరించకపోవడం, ఇప్పటికే పెండింగ్‌లో ఉన్న దరఖాస్తుల ప్రక్రియను నిలిపివేయడం వంటి చర్యలు చేపట్టినట్లు సమాచారం. అయితే.. ఈ చర్య వల్ల ఆ కంపెనీల్లో పనిచేస్తున్న భారతీయుల H-1B వీసాలు ఆటోమేటిక్‌గా రద్దు కావు. ప్రధానంగా గ్రీన్ కార్డ్ ప్రక్రియలో ఉన్నవారికి ఆలస్యం, అనిశ్చితి ఎదురయ్యే అవకాశం ఉంది.భారతీయుల పట్ల వ్యతిరేక భావనఅమెరికా సాంకేతిక అభివృద్ధిలో భారతీయులు ఎంతో ముఖ్యమైన పాత్ర పోషించారని పేర్కొన్నారు. భారతీయ ఇంజినీర్లు, సాఫ్ట్‌వేర్ నిపుణులు, పరిశోధకులు తమ ప్రతిభతో అమెరికా ఆర్థిక వ్యవస్థకు, సాంకేతిక రంగానికి గణనీయమైన సేవలు అందించారని ఆయన అభిప్రాయపడ్డారు. అయితే.. ఇంతటి సేవలు అందించినప్పటికీ అమెరికాలోని కొంతమంది భారతీయుల పట్ల వ్యతిరేక భావన పెరుగుతోందనే ఆందోళనను శ్రీధర్ వెంబు వ్యక్తం చేశారు.కష్టపడి సంపాదించిన నైపుణ్యాలను భారతదేశ అభివృద్ధికి ఉపయోగించాలని, దేశంలోనే కొత్త సంస్థలను స్థాపించి సాంకేతిక రంగాన్ని మరింత బలోపేతం చేయాలని వెంబు పిలుపునిచ్చారు.ఇదీ చదవండి: భారత్‌ స్టార్‌లింక్‌ పంచాయితీలో బిగ్‌ ట్విస్ట్‌!భారతదేశంలోనే మంచి కంపెనీలను స్థాపించి, కొత్త ఉద్యోగాలను సృష్టించి, ప్రపంచ స్థాయిలో పోటీపడే సాంకేతిక సంస్థలను నిర్మించాల్సిన అవసరం ఉంది. విదేశాల్లో సంపాదించిన అనుభవం, పరిజ్ఞానం మన దేశానికి ఉపయోగపడితే భారతదేశం మరింత వేగంగా అభివృద్ధి చెందుతుందని వెంబు పేర్కొన్నారు.Indians have made a major contribution to America's technological prowess. Yet, a big part of America no longer wants us. Indians who are on a visa in the US face the painful prospect of uprooting the life you have built with hard work. Let this be the birth pains of a bold new future. Come back, let's build India 🙏— Sridhar Vembu (@svembu) October 9, 2026

న్యూఢిల్లీ: సాఫ్ట్‌వేర్‌ సేవల దేశీ దిగ్గజం టాటా కన్స ల్టెన్సీ సర్వీసెస్‌(టీసీఎస్‌) ప్రస్తుత ఆర్థిక సంవత్సరం(2026–27) రెండో త్రైమాసిక ఫలితాలు విడుదల చేసింది. తద్వారా టాటా గ్రూప్‌ ఐటీ దిగ్గజం క్యూ2(జూలై–సెపె్టంబర్‌) ఫలితాల సీజన్‌కు తెరతీసింది. వార్షికంగా క్యూ2లో నికర లాభం 15 శాతం వృద్ధితో రూ. 13,884 కోట్లను తాకింది. గతేడాది(2025–26) ఇదే కాలంలో రూ. 123,075 కోట్లు ఆర్జించింది. త్రైమాసికవారీగా అంటే ఈ ఏడాది క్యూ1(ఏప్రిల్‌–జూన్‌)లో సాధించిన రూ. 13,349 కోట్లతో పోలిస్తే లాభం దాదాపు 4% పెరిగింది. షేరుకి రూ. 12 డివిడెండ్‌ వాటాదారులకు టీసీఎస్‌ బోర్డు తాజాగా షేరుకి రూ. 12 చొప్పున డివిడెండ్‌ ప్రకటించింది. ఇందుకు ఈ నెల 14 రికార్డ్‌ డేట్‌గా నిర్ణయించింది. క్యూ2లో టీసీఎస్‌ ఆదాయం 11 శాతంపైగా పుంజుకుని రూ. 73,188 కోట్లకు చేరింది. గతేడాది క్యూ2లో రూ. 65,799 కోట్ల ఆదాయం అందుకోగా.. ఈ ఏడాది క్యూ1లో రూ. 72,275 కోట్ల టర్నోవర్‌ సాధించింది. వెరసి త్రైమాసికవారీగా ఆదాయంలో నామమాత్ర పురోగతి నమోదైంది. ఆర్టీఫిషియల్‌ ఇంటెలిజెన్స్‌(ఏఐ) విభాగం ఆదాయం 3 బిలియన్‌ డాలర్లను తాకినట్లు కంపెనీ సీవోవో ఆర్తి సుబ్రమణ్యన్‌ వెల్లడించారు. ఈ ఏడాది క్యూ1లో ఇది 2.6 బిలియన్‌ డాలర్లుకాగా.. క్యూ2లో మొత్తం 9.6 బిలియన్‌ డాలర్ల విలువైన కొత్త కాంట్రాక్టులు పొందినట్లు కంపెనీ వెల్లడించింది. క్యూ1లో 9.5 బిలియన్‌ డాలర్ల ఆర్డర్లు అందుకున్న సంగతి తెలిసిందే. ఇతర విశేషాలు → క్యూ2లో 4,258 మంది ఉద్యోగులను జత చేసుకుంది. → దీంతో మొత్తం సిబ్బంది సంఖ్య 5,98,056కు చేరింది. → ఉద్యోగ వలస(అట్రిషన్‌) 13.3 శాతంగా నమోదైంది. → పన్నుకు ముందు లాభాల మార్జిన్‌ 24% గా నమోదైంది. → ఎనర్జీ, రిసోర్సెస్, యుటిలిటీస్‌ బిజినెస్‌లు వార్షికంగా 5.7 శాతం వృద్ధి అందుకున్నాయి. → ఇది అన్ని విభాగాలలోకెల్లా అత్యధికంకాగా.. కన్జూమర్‌ బిజినెస్‌ 1 శాతం క్షీణించింది. → ఉత్తర అమెరికా నుంచి ఆదాయం 1.5% పుంజుకుంది. → భారత్‌లో అత్యంత వేగవంత వృద్ధి(6%) సాధించింది. → మార్కెట్లు ముగిశాక ఫలితాలు వెలువడ్డాయి. ఈ నేపథ్యంలో టీసీఎస్‌ షేరు బీఎస్‌ఈలో 0.4 శాతం తగ్గి రూ. 2,075 వద్ద ముగిసింది.అన్నిటా వృద్ధి.. అన్ని అంతర్జాతీయ మార్కెట్లు, అత్యధిక పారిశ్రామిక విభాగాలలో పురోభివృద్ధి సాధించాం. ఈ త్రై మాసికంలో 2 ప్రత్యేక డీల్స్‌ కుదుర్చుకున్నాం. త ద్వారా పోర్షే, బెస్ట్‌ బయ్‌తో కొత్త విభాగాల ట్రాన్స్‌ఫార్మేషన్‌ భాగస్వామ్యాలకు తెరతీశాం. క్లయింట్లతో కలసి రిపీటబుల్‌ వేల్యూ ప్లాట్‌ఫామ్స్‌ను నిర్మిస్తున్నాం. దీంతో ఏఐను భారీస్థాయిలో పారిశ్రామికీకరించేందుకు వీలుంటుంది. – కె.కృతివాసన్, సీఈవో, టీసీఎస్‌

న్యూఢిల్లీ: భారత్‌లో శాటిలైట్ ఇంటర్నెట్ సేవలను ప్రారంభించేందుకు ప్రయత్నిస్తున్న ప్రపంచ కుబేరుడు, ఎక్స్ అధినేత ఎలాన్ మస్క్ భారత్‌ టెలికాం రంగంపై తీవ్ర వ్యాఖ్యలు చేశారు. తన ‘స్టార్‌లింక్’ సంస్థకు భారత్‌లో లైసెన్స్ మంజూరు కావడంలో జరుగుతున్న జాప్యంపై ఆయన నేరుగా ముఖేష్ అంబానీ పేరును ప్రస్తావిస్తూ సంధించిన ప్రశ్నలు ప్రస్తుతం దేశవ్యాప్తంగా పెను ప్రకంపనలు సృష్టిస్తున్నాయి. భారత్‌లో దశాబ్దాలుగా టెలికాం, డేటా రంగం ఎదుగుదలపై ప్రముఖ డేటా సెంటర్ నిపుణుడు గగన్‌దీప్ సింగ్ సప్రా సోషల్ మీడియా వేదికగా స్పందిస్తూ..‘నేను భారత్‌లో గత 30 సంవత్సరాలకు పైగా డేటా కేంద్రాలను నిర్మించి నడుపుతున్నాను. మన దేశంలో ఇంటర్నెట్ డైల్ అప్ దశ నుండి గిగాబిట్ వేగంగా ఎదగడాన్ని నేను కళ్లారా చూశాను. అదే సమయంలో ఇక్కడ పోటీని ఎలా అడ్డుకుంటున్నారో కూడా నేను చూశాను’అని రాసుకొచ్చారు.ఈ పోస్ట్‌పై డాక్టర్ అనిరుద్ధ మలపాణి స్పందిస్తూ ప్రభుత్వ విధానాలపై తీవ్ర విమర్శలు గుప్పించారు.‘సామాన్య పౌరుల ప్రయోజనాల కంటే బడా పెట్టుబడిదారుల ప్రయోజనాలను కాపాడటానికే ప్రభుత్వం ఎక్కువ ఆసక్తి చూపుతోంది’ అని ఆయన మండిపడ్డారు. అనిరుద్ధ మలపాణి చేసిన ఈ వ్యాఖ్యలను, ఇతర చర్చలను ఉటంకిస్తూ ఎలాన్ మస్క్ ఎక్స్ వేదికగా స్పందించారు.‘ప్రపంచవ్యాప్తంగా 165 దేశాలకు పైగా స్టార్‌లింక్‌కు లైసెన్స్ ఉంది. భారత ప్రభుత్వానికి సంబంధించిన ప్రతి ఒక్క చట్టాన్ని, నిబంధనను గత ఐదేళ్లుగా మేము తూచా తప్పకుండా పాటిస్తున్నాము. అయినప్పటికీ ఇప్పటివరకు లైసెన్స్ ఎందుకు రాలేదు? భారత్‌లో అసలు బాస్ అంబానీయేనా? అని ప్రశ్నించారు. అసలు నేపథ్యం ప్రపంచంలోని అత్యంత లాభదాయకమైన, వేగంగా అభివృద్ధి చెందుతున్న టెలికాం మార్కెట్లలో భారత్‌ ఒకటి. ఇక్కడ జియో, ఎయిర్‌టెల్ వంటి దిగ్గజ కంపెనీల మధ్య తీవ్ర పోటీ నెలకొని ఉంది. తమ సంస్థ దేశవ్యాప్తంగా గేట్‌వేలను ఏర్పాటు చేసి, అన్ని భద్రతా నిబంధనలను పాటించినప్పటికీ కేవలం కొన్ని కార్పొరేట్ శక్తుల గుత్తాధిపత్యాన్ని కాపాడటానికే అనుమతులు అడ్డుకుంటున్నారని మస్క్ పరోక్షంగా ఆరోపిస్తున్నారు.కాగా, స్టార్‌లింక్ ఆరోపణలను తోసిపుచ్చిన కమ్యూనికేషన్స్ మంత్రిత్వ శాఖ, అన్ని లైసెన్స్ ప్రక్రియలు,భద్రతా తనిఖీలు నిబంధనల ప్రకారమే జరుగుతున్నాయని స్పష్టం చేసింది. ఒక విదేశీ టెలికాం దిగ్గజం నేరుగా దేశీయ పారిశ్రామిక దిగ్గజం పేరును ప్రస్తావిస్తూ చేసిన ఈ వ్యాఖ్యలు వ్యాపార, రాజకీయ వర్గాల్లో తీవ్ర దుమారం రేపుతున్నాయి.Starlink is licensed in over 165 countries and has spent five years complying with every single law and requirement of the government of India, so why still no license? Is Ambani the real boss of India?— Elon Musk (@elonmusk) October 8, 2026

ఈ-కామర్స్‌ దిగ్గజం అమెజాన్‌లో మరోసారి ఉద్యోగ కోతలు చోటుచేసుకున్నాయి. కంపెనీ ప్రధాన ఆన్‌లైన్‌ షాపింగ్‌ కార్యకలాపాలను నిర్వహించే స్టోర్స్‌ విభాగంలో 1,000 మందిలోపు వైట్‌కాలర్‌ ఉద్యోగులపై ఈ ప్రభావం పడింది. అమెరికా, భారత్‌, బ్రిటన్‌లోని ఉద్యోగులు తాజా పునర్వ్యవస్థీకరణలో ప్రభావితమైనట్లు రాయిటర్స్‌ తెలిపింది. అయితే భారత్‌లో ఎంతమంది ఉద్యోగాలు కోల్పోయారనే విషయాన్ని అమెజాన్‌ వెల్లడించలేదు.తాజా కోతలు కస్టమర్‌ సర్వీస్‌, సెల్లింగ్‌ పార్ట్‌నర్‌ సర్వీసెస్‌, మార్కెట్‌ప్లేస్‌ సపోర్ట్‌, రిటైల్‌ ఇంజినీరింగ్‌ తదితర విభాగాల్లో ఉన్నట్లు అంతర్గత సమాచారాన్ని ఉటంకిస్తూ రాయిటర్స్‌, బిజినెస్‌ ఇన్‌సైడర్‌ నివేదించాయి. ఈ సమయంలో అమెజాన్‌ అమెరికాలో ‘ప్రైమ్‌ బిగ్‌ డీల్‌ డేస్‌’ సేల్‌ కార్యక్రమాన్ని నిర్వహిస్తోంది. భారత్‌లోనూ పండుగల షాపింగ్‌ సీజన్‌ కొనసాగుతున్న సమయంలోనే తాజా ఉద్యోగ కోతలు వెలుగులోకి వచ్చాయి.‘వ్యాపార ప్రాధాన్యతలకు అనుగుణంగా మార్పులు’ఉద్యోగ కోతలను అమెజాన్‌ ధ్రువీకరించినప్పటికీ, వీటిని ‘తక్కువ సంఖ్యలో’ ఉద్యోగాల తొలగింపుగా పేర్కొంది. స్టోర్స్‌ వ్యాపారంలోని కొన్ని విభాగాల నిర్మాణాన్ని మార్చామని, కొత్త వ్యవస్థ తమ ప్రస్తుత ప్రాధాన్యతలను మరింత సమర్థంగా అమలు చేయడానికి దోహదపడుతుందని కంపెనీ ప్రతినిధి తెలిపారు. ప్రభావిత ఉద్యోగులకు పరివర్తన సమయంలో సహాయం అందిస్తామని పేర్కొన్నారు.బెజోస్‌ ఏమన్నారంటే.. అమెజాన్‌ వ్యవస్థాపకుడు, ఎగ్జిక్యూటివ్‌ చైర్మన్‌ జెఫ్‌ బెజోస్‌ (Jeff Bezos) తాజా వ్యాఖ్యల్లో కొవిడ్‌ మహమ్మారి సమయంలో కంపెనీ భారీగా నియామకాలు చేపట్టిందని చెప్పారు. ప్రజలు ఇళ్లకే పరిమితమై ఆన్‌లైన్‌లో పెద్దఎత్తున కొనుగోళ్లు చేయడంతో అమెజాన్‌ ఉద్యోగుల సంఖ్యను గణనీయంగా పెంచాల్సి వచ్చిందని, ఇప్పుడు ఆ కాలం తర్వాత సంస్థను పునర్వ్యవస్థీకరిస్తున్నామని ఆయన వివరించారు.అమెజాన్‌ గత ఏడాది అక్టోబర్‌లోనూ తన కార్పొరేట్‌ వర్క్‌ఫోర్స్‌లో సుమారు 14,000 ఉద్యోగాలను తగ్గిస్తున్నట్లు ప్రకటించింది. సంస్థాగత స్థాయిలను తగ్గించడం, బ్యూరోక్రసీని కుదించడం, కీలక ప్రాధాన్యతలకు వనరులను మళ్లించడం ఈ చర్యల ఉద్దేశమని అప్పట్లో తెలిపింది.అనంతరం 2026 జనవరిలో మరో 16,000 పాత్రలను తొలగించింది. ఈ రెండు ప్రధాన దశల్లోనే దాదాపు 30,000 ఉద్యోగాలపై ప్రభావం పడింది. జనవరి కోతల సందర్భంగా కొన్ని ప్రాంతాల్లో కొత్త నియామకాలు కొనసాగుతాయని, అమెరికాలోని ఎక్కువ మంది ప్రభావిత ఉద్యోగులకు అంతర్గతంగా మరో ఉద్యోగం వెతుక్కోవడానికి 90 రోజుల సమయం ఇచ్చినట్లు అమెజాన్‌ తెలిపింది.

సాధారణంగా ఉద్యోగులంటే యాజమాన్యాలకు చులకన. వారికి జీతం ఇవ్వడమే ఎక్కువ అనే ధోరణిలో చాలా యాజమాన్యాలు ఉంటాయి. ఇంక ఉద్యోగుల బాగోగులు ఏంటి, వారు కార్యాలయాలకు ఎలా వస్తున్నారు.. ఎంత ప్రయాసపడుతున్నారు... ఎవరు పట్టించుకుంటారు? కానీ, చైనాలో ఓ యజమాని పట్టించుకున్నారు. తమ ఉద్యోగులకు ఏకంగా బీఎండబ్ల్యూ కార్లు బహుమతి ఇచ్చారు.ఉద్యోగుల కష్టాన్ని గుర్తించిన ఓ రెస్టారెంట్ యజమాని వారికి ఊహించని బహుమతి ఇచ్చారు. అత్యుత్తమ పనితీరు కనబరిచిన సిబ్బందికి ఏకంగా కొత్త బీఎండబ్ల్యూ కార్లను బహుమతిగా అందించి సోషల్ మీడియాలో ప్రశంసలు అందుకుంటున్నారు. చైనాలోని హెనాన్‌ ప్రావిన్స్‌ జియావోజువోకు చెందిన బీఫ్‌ హాట్‌పాట్‌ రెస్టారెంట్‌ చైన్‌ యజమాని మా యాన్లీ ఈ అరుదైన నిర్ణయం తీసుకున్నారు.మా యాన్లీ తన సిబ్బందిలో చాలామంది ప్రతిరోజూ ఎలక్ట్రిక్‌ స్కూటర్లపై విధులకు వస్తున్న విషయాన్ని గమనించారు. ముఖ్యంగా చలి, వర్షం, బలమైన గాలులు వీచే సమయంలో వారు తీవ్ర ఇబ్బందులు పడుతున్నారని గుర్తించారు. ఓ రోజు చలి గాలులకు ఉద్యోగుల్లో ఒకరి ముఖం ఎర్రగా మారి పని ప్రదేశానికి చేరుకోవడం ఆమెను తీవ్రంగా కదిలించింది. తాను సౌకర్యవంతమైన కారులో ప్రయాణిస్తున్నప్పుడు, తన కోసం పనిచేసే ఉద్యోగులు మాత్రం ప్రతికూల వాతావరణంలో స్కూటర్లపై ఎందుకు ప్రయాణించాలన్న ఆలోచన ఆమెకు వచ్చింది.ఈ క్రమంలో సెప్టెంబర్‌ 24న కొంతమంది ఉద్యోగులను సమావేశం ఉందంటూ బీఎండబ్ల్యూ డీలర్‌షిప్‌కు తీసుకెళ్లారు. అక్కడికి వెళ్లిన తర్వాతే అసలు విషయం వారికి తెలిసింది. ఎంపిక చేసిన అత్యుత్తమ ఉద్యోగులకు కొత్త బీఎండబ్ల్యూ కార్లను బహుమతిగా ఇస్తున్నట్లు ప్రకటించడంతో వారు ఒక్కసారిగా ఆశ్చర్యపోయారు. ఒక్కో కారు విలువ సుమారు 3 లక్షల యువాన్లు (దాదాపు రూ.43 లక్షలు)గా ఉన్నట్లు సౌత్‌ చైనా మార్నింగ్‌ పోస్ట్‌ తెలిపింది. ఈ కార్లను మా యాన్లీ రెండు వారాల ముందే పూర్తిగా చెల్లించి కొనుగోలు చేసినట్లు హెనాన్‌ టీవీ కథనాలను ఉటంకిస్తూ ఆ పత్రిక వెల్లడించింది. ఉద్యోగులు తమ జేబు నుంచి ఎలాంటి డబ్బూ చెల్లించాల్సిన అవసరం లేకుండానే కార్లను అందుకున్నారు.ఈ అనూహ్య బహుమతిపై ఉద్యోగులు ఆనందం వ్యక్తం చేశారు. “ఇంతటి బహుమతి వస్తుందని ఎప్పుడూ ఊహించలేదు. బీఎండబ్ల్యూ షోరూమ్‌కు వెళ్తున్నప్పుడు బాస్‌ పెద్ద బొమ్మ ఇస్తానని మాత్రమే చెప్పారు” అని ఉద్యోగి లీ జీ పేర్కొన్నట్లు సౌత్‌ చైనా మార్నింగ్‌ పోస్ట్‌ తెలిపింది.తన నిర్ణయానికి కారణాన్ని మా యాన్లీ ఇలా వివరించారు. రెస్టారెంట్‌ అభివృద్ధి తన ఒక్కరి కృషితో సాధ్యపడలేదని, మొత్తం సిబ్బంది కలిసికట్టుగా పనిచేయడం వల్లే వ్యాపారం వృద్ధి చెందిందని చెప్పారు. తాను వ్యాపారం ద్వారా పొందుతున్న ఫలితాల్లో ఉద్యోగులు కూడా భాగస్వాములు కావాలని భావిస్తున్నట్లు తెలిపారు. “నేను సౌకర్యంగా ప్రయాణించగలిగినప్పుడు నా ఉద్యోగులు మాత్రం చలిలో ఎందుకు ఇబ్బంది పడాలి?” అన్నదే తన ఆలోచనగా ఆమె వివరించారు.ఈ ఘటన చైనా సోషల్‌ మీడియాలో విస్తృతంగా చర్చనీయాంశమైంది. ఉద్యోగుల కష్టాన్ని గుర్తించి ఇంత ఖరీదైన బహుమతి ఇవ్వడంపై పలువురు మా యాన్లీని ప్రశంసిస్తున్నారు. ఉద్యోగుల పనితీరును గుర్తించి యజమానులు ఏ విధంగా ప్రోత్సహించాలనే అంశంపై కూడా ఈ ఘటన చర్చకు దారితీసింది.ఇదీ చదవండి: కొత్త జాబ్‌ బూమ్‌: ఆశలన్నీ ఈ ఉద్యోగాలపైనే!

ఔషధ కంపెనీలు అందించే బహుమతులు, నగదు ప్రయోజనాలు, ఆతిథ్యం వంటి ప్రోత్సాహకాలు వైద్యులు రాసే ప్రిస్క్రిప్షన్లను ప్రభావితం చేస్తున్నాయా? ఇటువంటి అనైతిక మార్కెటింగ్‌ పద్ధతులను నియంత్రించేందుకు మరింత సమర్థవంతమైన చట్టబద్ధ వ్యవస్థ అవసరమా? అనే కీలక ప్రశ్నలపై సుప్రీంకోర్టు దృష్టి సారించింది. ఈ అంశాన్ని సమగ్రంగా పరిశీలించేందుకు కేంద్ర ప్రభుత్వం ఒక నిపుణుల కమిటీని ఏర్పాటు చేయాలని కోర్టు సూచించింది.వైద్యుల స్వతంత్ర నిర్ణయాలపై ప్రభావంఫార్మా సంస్థల మార్కెటింగ్‌ విధానాలు ప్రజారోగ్యం, ఔషధాల ధరలు, వైద్యుల స్వతంత్ర నిర్ణయాలపై ‍ప్రభావం చూపుతున్నాయనే అనుమానాలు వ్యక్తం అవుతున్నాయి. గతంలోనూ సుప్రీంకోర్టు వైద్యుల ప్రిస్క్రిప్షన్లు ఫార్మా కంపెనీల నుంచి లభించే ప్రయోజనాలతో ప్రభావితమయ్యే అవకాశాన్ని ఎత్తి చూపింది. ఇది తీవ్రమైన ప్రజా ప్రయోజన సమస్యగా పేర్కొంది. ఇలాంటి ప్రయోజనాల వ్యయం చివరికి ఔషధ ధరల్లోకి చేరి రోగులపై భారం పెంచే ప్రమాదం ఉందని కూడా కోర్టు రికార్డుల్లో ప్రస్తావించింది.యూసీపీఎంపీకి చట్టబద్ధతపై చర్చఇప్పటికే కేంద్ర ప్రభుత్వం యూనిఫాం కోడ్ ఫర్ ఫార్మాస్యూటికల్స్ మార్కెటింగ్ ప్రాక్టీసెస్ (యూసీపీఎంపీ), 2024ను అమల్లోకి తెచ్చింది. దీని ప్రకారం ఔషధ కంపెనీలు వైద్యులు, వారి కుటుంబ సభ్యులకు బహుమతులు, నగదు ప్రయోజనాలు, ఆతిథ్యం అందించడాన్ని నిషేధించింది. ఫార్మా కంపెనీలు తమ ఉద్యోగులు, మెడికల్‌ రిప్రజెంటేటివ్‌ల చర్యలకు బాధ్యత వహించాల్సి ఉంటుంది. ఉల్లంఘనలపై ఫిర్యాదుల స్వీకరణ, విచారణ కూడా ఉంటుంది.అయితే యూసీపీఎంపీ ప్రస్తుతం మార్గదర్శకాల ఆధారిత వ్యవస్థగానే ఉంది. దీనికి చట్టబద్ధత తేవాలనే చర్చ సాగుతోంది. కొత్త కమిటీ పరిశీలన ద్వారా నియంత్రణలో ఉన్న లోపాలు, అమలు సామర్థ్యం, బాధ్యత నిర్ధారణ వంటి అంశాలపై స్పష్టత వచ్చే అవకాశం ఉంది.ఇదీ చదవండి: తులం బంగారం కొంటే ఎంత ఖర్చు? నేటి గోల్డ్‌ రేట్లు!

దేశంలో సరకు రవాణాలో తన వాటాను పెంచేందుకు భారతీయ రైల్వే చర్యలు చేపడుతోంది. అందులో భాగంగా వ్యాగన్ల నిర్వహణ, తనిఖీలను కృత్రిమ మేధ, మెషిన్‌ లెర్నింగ్‌, సెన్సార్‌ ఆధారిత పర్యవేక్షణతో మరింత ఆధునికీకరిస్తోంది. ఈక్రమంలో రైల్వే వ్యాగన్లలో వేలాడుతున్న, వదులైన లేదా గల్లంతైన భాగాలను గుర్తించే మెషిన్‌ విజన్‌ ఇన్‌స్పెక్షన్‌ సిస్టమ్‌ (ఎంవీఐఎస్‌)కు ప్రాధాన్యం పెరుగుతోంది.2026 మార్చి నాటికి నార్త్‌ఈస్ట్‌ ఫ్రాంటియర్‌ రైల్వేలో మూడు, డెడికేటెడ్‌ ఫ్రైట్‌ కారిడార్‌ కార్పొరేషన్‌ (డీఎఫ్‌సీసీఐఎల్‌) పరిధిలో రెండు, సౌత్‌ ఈస్ట్‌ సెంట్రల్‌ రైల్వేలో ఒక ఎంవీఐఎస్‌ను ప్రయోగాత్మకంగా పరీక్షించాలని యోచిస్తున్నారు. డీఎఫ్‌సీసీఐఎల్‌తో కుదిరిన ఒప్పందం మేరకు రైల్వే నెట్‌వర్క్‌లో మరో నాలుగు ఎంవీఐఎస్‌లను ప్రవేశపెట్టే చర్యలు కొనసాగుతున్నాయి.వైఫల్యాలకు ముందే హెచ్చరికలువ్యాగన్లలో లోపాలను ముందుగానే గుర్తించేందుకు ఆన్‌లైన్‌ మానిటరింగ్‌ ఆఫ్‌ రోలింగ్‌ స్టాక్‌ (ఓఎంఆర్‌ఎస్‌), వీల్‌ ఇంపాక్ట్‌ లోడ్‌ డిటెక్టర్లు (డబ్ల్యూఐఎల్‌డీ)ను కూడా విస్తరిస్తున్నారు. తాజా అధికారిక సమాచారం ప్రకారం దేశవ్యాప్తంగా 25 ఓఎంఆర్‌ఎస్‌, 24 డబ్ల్యూఐఎల్‌డీ వ్యవస్థలు పనిచేస్తున్నాయి. ఇవి చక్రాలు, బేరింగులు తదితరాల పనితీరును పర్యవేక్షించి వైఫల్యాలకు ముందే హెచ్చరికలు అందించడంలో కీలకంగా మారాయి.ఇదే సమయంలో సరకు రవాణాను మరింత అనుకూలంగా మార్చేందుకు వ్యాగన్‌ డిజైన్‌ విధానంలోనూ సంస్కరణలు చేపట్టారు. 2026 జులైలో ప్రకటించిన కొత్త విధానం ప్రకారం ఉక్కు, పెట్రోలియం, రసాయనాలు, పాలు, ప్లాస్టిక్‌తో సంబంధం ఉన్న సరుకు అవసరాలకు అనుగుణంగా ప్రత్యేక వ్యాగన్‌ డిజైన్లను ప్రతిపాదించవచ్చు. వేగవంతమైన నిర్వహణ, అధిక భద్రత, మెరుగైన సరకు రవాణా సామర్థ్యం దిశగా రైల్వే చర్యలు చేపడుతోంది.ఇదీ చదవండి: తులం బంగారం కొంటే ఎంత ఖర్చు? నేటి గోల్డ్‌ రేట్లు!

పండుగ సీజన్‌ మొదలైపోయింది. దసరా, దీపావళి పండుగలు వెంటవెంటనే వస్తున్నాయి. దీంతో షాపింగ్‌ హంగామా కూడా అప్పుడే ప్రారంభమైంది. ఈ నేపథ్యంలో ప్రముఖ ఆన్‌లైన్‌ షాపింగ్‌ సంస్థలు తమ ఆఫర్ల జాతరను ప్రకటించేశాయి.దేశీయ ఈ-కామర్స్ సంస్థ ఫ్లిప్ కార్ట్ తమ అతిపెద్ద సేల్‌ ‘ది బిగ్ బిలియన్ డేస్ 2026’ను ప్రకటించింది. ఫ్లిప్ కార్ట్ ది బిగ్ బిలియన్ డేస్ సేల్‌ 13వ ఎడిషన్ అక్టోబర్ 9 నుంచి ప్రారంభమవుతుందని ఫ్లిప్ కార్ట్ తాజాతా వెల్లడించింది. ప్లస్, బ్లాక్, ఫ్లిప్ కార్ట్ క్రెడిట్ కార్డు సభ్యులకు అక్టోబర్ 8 నుంచి ఎర్లీ యాక్సెస్ ప్రారంభమవుతుంది.పదమూడేళ్ల క్రితం ప్రారంభమైన ‘ది బిగ్ బిలియన్ డేస్’ భారతదేశపు అతి పెద్ద పండుగ షాపింగ్‌ సేల్‌గా ప్రసిద్ధి చెందింది. ఈసారి సేల్‌ సందర్భంగా దేశవ్యాప్తంగా పెద్ద సంఖ్యలో విక్రేతల భాగస్వామ్యం అవుతున్నారు. కృత్రిమ మేధస్సు (ఏఐ) ఆధారింత నడిచే షాపింగ్ అనుభవాన్ని అందించబోతున్నారు. ఇప్పటి వరకు ఫ్లిప్ కార్ట్ అత్యంత విస్తృతమైన సప్లై ఛైయిన్ నెట్ వర్క్ దేశవ్యాప్తంగా 8,200కు పైగా ఫుల్ ఫిల్ మెంట్ కేంద్రాలు డెలివరీ సదుపాయాలకు విస్తరించింది.ఫ్లిప్ కార్ట్ గ్రూప్ సీఈవో కళ్యాణ్ కృష్ణమూర్తి మాట్లాడుతూ ‘పదమూడేళ్ల క్రితం భారతదేశంలో డిజిటల్ కామర్స్ అనేది ఒక కొత్తదనం.నేడు అది మౌలికంగా మారింది. 50 కోట్ల మంది నమోదిత కస్టమర్లు, 14 లక్షల విక్రేతలతో బిగ్ బిలియన్ డేస్ బహుశా ఆ మార్పుకు స్పష్టమైన వార్షిక రుజువు’ అని పేర్కొన్నారు. ఈ సంవత్సరం మొదటిసారిగా లేహ్, కార్గిల్‌ని ప్రాంతాలకు సరఫరా గొలుసును విస్తరించామని, ఒక్క ఈ పండుగ సీజన్‌ కోసమే దాదాపు 75,000 మందిని నియమించుకున్నామని వివరించారు.ఈసారి బిగ్‌ బిలియన్‌ డేస్‌ సేల్‌లో రోజువారీ నిత్యావసరాల నుండి ఫ్లాగ్ షిప్ ఎలక్ట్రానిక్స్, ప్రీమియం ఫ్యాషన్, బ్యూటీ, భారీ అప్లయన్స్‌లు, పండుగ బహుమతుల వరకు ప్రతి కేటగిరీలోని బ్రాండ్ల నుండి 15 కోట్ల ఉత్పత్తులను అందుబాటులోకి తెస్తుతున్నట్లు ఫ్లిప్‌కార్ట్‌ వెల్లడించింది. 13వ ఎడిషన్ లో మొబైల్స్, టీవీలు, ఫ్రిడ్జ్‌లు, ఏసీలు, వాషింగ్‌ మిషన్లు వంటి భారీ అప్లయన్స్‌లు, బ్యూటీ, పర్సనల్‌ కేర్‌లో విస్తృతమైన కొత్త లాంచ్ లైనప్ ఉంటుందని, 1,200 పైగా ఫ్యాషన్ ట్రెండ్‌ ఉత్పత్తులు అత్యల్ప ధరలకు లభిస్తాయని వివరించింది.ఇదీ చదవండి: ఎయిర్‌టెల్‌ యూజర్లకు షాక్‌.. ప్లాన్‌ల ధరలు పెంపు

ఫార్మా ఉత్పత్తులకు సంబంధించి ప్రపంచ దేశాలు చైనాకు ప్రత్యామ్నాయాలను అన్వేషిస్తుండటం భారత్‌లోని చిన్న, మధ్య తరహా సంస్థలకు (ఎస్‌ఎంఈ) ప్రయోజనకరంగా మారుతోంది. చైనాకు వెళ్లాల్సిన ఆర్డర్లు మన సంస్థలకు వస్తున్నాయి. వీటిల్లో ప్రధానంగా డ్రగ్‌ ఇంటర్మీడియరీ కాంట్రాక్టులు ఉంటున్నాయి. సీపీహెచ్‌ఐ వరల్డ్‌వైడ్‌ ఎగ్జిబిషన్‌లో పాల్గొంటున్న దేశీ ఎస్‌ఎంఈ సంస్థలు ఈ విషయాలు తెలిపాయి. ఈ ఎక్స్‌పోలో సుపర్ణ కెమికల్స్, డెక్కన్‌ న్యూట్రాస్యూటికల్స్‌ తదితర 40 సంస్థలు ఇందులో పాల్గొంటున్నాయి.దేశీయంగా ముడివనరులు, కార్మికులపై వ్యయాలు తక్కువగా ఉండటంతో ఇంటర్మీడియట్స్‌, ఏపీఐల (యాక్టివ్‌ ఫార్మా ఇంగ్రీడియెంట్స్‌) విషయంలో భారత్‌ దీటుగా పోటీనిస్తోందని క్లారియోన్‌ ఆర్గానిక్స్‌ డైరెక్టర్‌ వివేక్‌ తివారీ తెలిపారు. దీనితో గతంలో చైనాకి వెళ్లిన అమెరికన్‌ కంపెనీల ఆర్డర్లు ఇప్పుడు తమకు వస్తున్నాయని పేర్కొన్నారు. అయితే, కంపెనీలు చైనాను పూర్తిగా విడిచిపెట్టడం లేదని, భారత్‌లాంటి ప్రత్యామ్నాయ వనరులను తయారు చేసుకుంటున్నాయని ఫైన్‌కెమ్‌ సీఈవో భరత్‌ ధనక్‌ చెప్పారు. మరోవైపు, భారత్‌ ఇప్పటికీ ముడివస్తువుల కోసం చైనాపైనే ఆధారపడుతోంది కాబట్టి ధరల విషయంలో పూర్తి స్థాయిలో పోటీపడలేకపోతోందనే అభిప్రాయాన్ని మరికొన్ని సంస్థలు తెలిపాయి.ఇదీ చదవండి: ‘ఓటు హక్కు హరిస్తే’.. న్యాయస్థానాల హెచ్చరిక

ప్రస్తుత ఆర్థిక సంవత్సరం రెండో త్రైమాసికంలో దేశీ ఐటీ దిగ్గజాల ఆదాయాల వృద్ధి అంతంత మాత్రంగానే ఉండనుంది. అయితే మార్జిన్లు మాత్రం నిలకడగా కొనసాగనున్నాయి. డిస్క్రెషనరీ వ్యయాలను క్లయింట్లు తగ్గించుకుంటున్న నేపథ్యంలో ఏఐ కారణంగా సంప్రదాయ సర్వీసుల ఆదాయాలపై ఎంత మేర ప్రభావం పడుతుంది, బుకింగ్స్‌ ఎంత వరకు ఆదాయాల కింద మారతాయి అనే అంశాలపై కంపెనీలు ప్రధానంగా దృష్టి పెట్టొచ్చని నిపుణులు అంచనా వేస్తున్నారు.త్రైమాసికాలవారీగా తొలి క్వార్టర్‌తో పోలిస్తే టాప్‌ 5 ఐటీ కంపెనీల ఆదాయాలు రెండో త్రైమాసికంలో పెద్దగా మార్పేమీ లేకుండా 0.5–1 శాతం మాత్రమే వృద్ధి చెందవచ్చని రీసెర్చ్‌ సేవల సంస్థ అన్‌ఎర్త్‌ఇన్‌సైట్‌ పేర్కొంది. ‘‘క్యూ1తో పోలిస్తే క్యూ2 అంత మెరుగ్గా ఏమీ ఉండకపోవచ్చు. ఎందుకంటే ఖర్చుల విషయంలో క్లయింట్ల బడ్జెట్లలో పెద్దగా మార్పేమీ కనిపించడం లేదు. భౌగోళిక–రాజకీయ ఉద్రిక్తతల కారణంగా అంతగా అవసరం లేని వాటిపై ఖర్చుల విషయంలో కంపెనీలు ముందుకెళ్లడం లేదు. కాంట్రాక్టులపై నిర్ణయాలు తీసుకోవడానికి కూడా చాలా సమయం పట్టేస్తోంది’’ అని సంస్థ వ్యవస్థాపకుడు గౌరవ్‌ వాసు తెలిపారు.మరోవైపు, గతంలో దక్కించుకున్న కాంట్రాక్టుల నుంచి ఆదాయం రావడం మొదలు కావడం వల్ల క్రితం త్రైమాసికంతో పోలిస్తే క్యూ2 కొంత మెరుగ్గా కనిపించవచ్చని గార్ట్‌నర్‌ సీనియర్‌ ప్రిన్సిపల్‌ అనలిస్ట్‌ బిశ్వజిత్‌ మైతీ తెలిపారు. అయినప్పటికీ ఉత్పాదకతపై మరింతగా దృష్టి పెట్టడమనేది కొనుగోలు నిర్ణయాలను ప్రభావితం చేస్తుండటం వల్ల విస్తృత స్థాయిలో మార్కెట్లో పరిస్థితుల్లో పెద్దగా మార్పు లేదని ఆయన పేర్కొన్నారు. ఈ నేపథ్యంలో ప్రస్తుత మార్కెట్‌ ట్రెండ్స్‌ని బట్టి చూస్తుంటే దిగ్గజ ఐటీ సేవల కంపెనీల వృద్ధి ఒక మోస్తరుగానే ఉండొచ్చని ఆయన పేర్కొన్నారు. అక్టోబర్‌ 8న టాటా కన్సల్టెన్సీ సర్వీసెస్‌ (టీసీఎస్‌) బోణీతో క్యూ2 ఆర్థిక ఫలితాల సీజన్‌ ప్రారంభం కానుంది. ఆక్టోబర్‌ 12న హెచ్‌సీఎల్‌ టెక్, 23న ఇన్ఫోసిస్‌ తమ ఫలితాలను ప్రకటించనుండటంతో నిపుణుల అంచనాలు ప్రాధాన్యం సంతరించుకున్నాయి.పూర్తి సంవత్సరానికి గైడెన్స్‌ యథాతథం..పూర్తి ఆర్థిక సంవత్సరానికి సంబంధించి గరిష్ట ఆదాయ వృద్ధి అంచనాలను కొన్ని కంపెనీలు స్వల్పంగా 0.5 శాతం మేర పెంచినప్పటికీ, మిగతావాటి గైడెన్స్‌లో పెద్దగా మార్పులు ఉండకపోవచ్చని భావిస్తున్నట్లు వాసు తెలిపారు. టాప్‌ సంస్థల ఆదాయాలు 3–4 శాతం మేర పెరగొచ్చని అన్‌ఎర్త్‌సైట్‌ పేర్కొంది. అది కూడా డిమాండ్‌ పుంజుకోవడం వల్ల కాకుండా ఇతర సంస్థల కొనుగోళ్లు, విలీన లావాదేవీల వల్ల సాధ్యపడొచ్చని వివరించింది. టెక్‌ సేవల పరిశ్రమలో ఈ ఆర్థిక సంవత్సరంలో ఇప్పటివరకు 3.6 బిలియన్‌ డాలర్ల విలువ చేసే 14 విలీన, కొనుగోళ్ల డీల్స్‌ నమోదైనట్లు పేర్కొంది.మార్జిన్లపై ఒత్తిడి..ప్రస్తుతం బుకింగ్స్‌ పటిష్టంగానే ఉన్నా, అవి ఆదాయంగా మారడంలో జాప్యం జరుగుతోంది. నిర్ణయాలు తీసుకోవడానికి దాదాపు 12–18 నెలల వరకు సమయం పట్టేయొచ్చనే అంచనాలు ఉన్నాయి. మార్జిన్లపై ఒత్తిడి కొనసాగుతుందని వాసు తెలిపారు. వేతనాల పెంపు ప్రభావాల నుంచి కంపెనీలు ఇప్పుడిప్పుడే కుదురుకుంటున్నాయని, ఏఐపై పెట్టిన పెట్టుబడుల ప్రయోజనాలను డీల్స్‌ ద్వారా రాబట్టుకునే ప్రయత్నాలు పూర్తి స్థాయిలో జరగాల్సి ఉందని వివరించారు. మార్జిన్లను పెంచుకోవాలంటే కేవలం సర్వీసులకే పరిమితం కాకుండా, అప్లికేషన్లు, ప్లాట్‌ఫాంలు మొదలైన వాటిని కూడా విక్రయించాల్సి ఉంటుందని వాసు చెప్పారు.టీసీఎస్, ఇన్ఫోసిస్, హెచ్‌సీఎల్‌టెక్‌లాంటి సంస్థల మార్జిన్లు స్వల్పంగా మెరుగుపడొచ్చని, మధ్య స్థాయి సంస్థలు తమ ప్రస్తుత మార్జిన్లు నిలబెట్టుకోగలవని పేర్కొన్నారు. మరోవైపు, పెరగడానికి పెద్దగా అవకాశాలు లేకుండా మార్జిన్లు స్థిరంగా కొనసాగవచ్చని గార్ట్‌నర్‌ తెలిపింది. వినియోగాన్ని పెంచుకోవడం, ఆటోమేషన్‌తో ఉత్పాదకత పెరుగుతున్నప్పటికీ ఏఐపై పెట్టుబడులు పెట్టాల్సి వస్తుండటం, వేతనాలను పెంచడం, రేట్లను తగ్గించాలంటూ క్లయింట్ల నుంచి డిమాండ్లు వస్తుండటం వల్ల ఆ ప్రయోజనాలు పరిమితంగానే ఉంటున్నాయని వివరించింది. అటు క్లయింట్లు.. సాంకేతికతపై ఆచితూచి ఖర్చు చేస్తున్నాయని మైతీ పేర్కొన్నారు. రిసు్కలు తగ్గించే, వ్యయాలను నియంత్రించే, నిర్దిష్ట ఫలితాలను అందించే వాటికే ప్రాధాన్యతనిస్తున్నట్లు చెప్పారు. ఆదాయాలకు ఏఐ దన్ను..కంపెనీలు నెమ్మదిగా ఏఐ ఆదాయాలను ప్రకటిస్తున్నాయి. జూన్‌ త్రైమాసికంలో తమ మొత్తం ఆదాయంలో ఏఐ వాటా 8.2 శాతంగా ఉన్నట్లు ఇన్ఫోసిస్‌ వెల్లడించగా, వార్షిక ప్రాతిపదికన ఏఐ ఆదాయం 2.6 బిలియన్‌ డాలర్ల స్థాయిలో ఉంటుందని టీసీఎస్‌ వెల్లడించింది. ఈ నేపథ్యంలో పరిశ్రమలో ఏఐ ఆధారిత ఆదాయం వాటా 5 శాతం స్థాయిలో ఉందని వాసు చెప్పారు. అమెరికా, యూరప్‌ క్లయింట్ల బడ్జెట్‌లో అధిక భాగాన్ని ఏఐ ప్లాట్‌ఫాంలు, స్టార్టప్‌లకు కేటాయించడం పెరుగుతోందన్నారు. శాప్, ఒరాకిల్‌ లాంటి సాఫ్ట్‌వేర్‌ వెండార్లు.. ఏఐని పొందుపర్చిన మరిన్ని ఉత్పత్తులను విక్రయిస్తున్నాయని పేర్కొన్నారు. జెనరేటివ్, ఏజెంటిక్‌ ఏఐ మొదలైన వాటితో మేనేజ్డ్‌ సర్వీసెస్‌, సర్వీస్‌ డెస్క్‌ విధుల్లో ఉద్యోగుల అవసరం తగ్గుతోందని గార్ట్‌నర్‌ వివరించింది.ఇదీ చదవండి: ‘ఓటు హక్కు హరిస్తే’.. న్యాయస్థానాల హెచ్చరిక

దేశీయ సాంకేతిక (ఐటీ) ఉద్యోగ రంగం మళ్లీ పూర్వవైభవం వైపు వేగంగా పరుగులు తీస్తోంది. మందగమనం నుంచి కోలుకుంటూ 2026 అక్టోబర్‌లో క్రియాశీల ఐటీ ఉద్యోగాల సంఖ్య 1.23 లక్షలకు చేరింది. ఇది గత 18 నెలల్లోనే అత్యధికం కావడం విశేషం. ప్రముఖ హెచ్‌ఆర్‌ సర్వీసెస్ సంస్థ ‘ఎక్స్‌ఫెనో’ విడుదల చేసిన తాజా నివేదిక ప్రకారం.. గతేడాది అక్టోబర్‌తో పోలిస్తే టెక్ నియామకాలు 17 శాతం, సెప్టెంబర్‌తో పోలిస్తే 5 శాతం వృద్ధి నమోదు చేశాయి. 2026 జూన్ నాటి కనిష్ఠ స్థాయి నుంచి రికవరీ క్రమంగా పుంజుకుంటూ వస్తోంది.ఐటీ సేవల రంగానిదే అగ్రస్థానంఈ రికవరీలో ఐటీ సేవల విభాగాలు కీలకంగా మారాయి. ఒక్క అక్టోబర్‌లోనే ఈ విభాగంలో 66,000 క్రియాశీల ఖాళీలు నమోదయ్యాయి. ఇది గతేడాదితో పోలిస్తే ఏకంగా 57 శాతం ఎక్కువ. ఆర్టిఫిషియల్ ఇంటెలిజెన్స్, డేటా అనలిస్ట్, టెక్నికల్ లీడ్ పాత్రలకు ఊహించని రీతిలో డిమాండ్ పెరిగిందని నివేదిక పేర్కొంది. మరోవైపు, గ్లోబల్ కేపబిలిటీ సెంటర్లు (జీసీసీ) కూడా 18,000 ఖాళీలతో (ఏటా 64% వృద్ధి) బలంగా నిలిచాయి.అనుభవజ్ఞులకే ప్రాధాన్యంప్రస్తుత నియామకాల ట్రెండ్‌ను పరిశీలిస్తే కంపెనీలు అనుభవజ్ఞులైన నిపుణులకే మొదటి ప్రాధాన్యం ఇస్తున్నాయి. మొత్తం ఉద్యోగాల్లో 55 శాతం (68,000) మిడ్-సీనియర్ స్థాయి పాత్రలే ఉన్నాయి. ఎంట్రీ లెవెల్ ఉద్యోగాలు 15,000గా నమోదయ్యాయి. మొత్తం ఖాళీలలో 76 శాతం (93,000) ఫుల్‌టైమ్‌ ఉద్యోగాలే కావడం గమనార్హం.హైదరాబాద్‌, బెంగళూరుల్లో జోరు..దేశవ్యాప్తంగా నమోదైన ఖాళీల్లో 67 శాతం (83,000) ప్రధాన మెట్రో నగరాల్లోనే ఉన్నాయి. 31,000 ఉద్యోగాలతో బెంగళూరు ప్రథమ స్థానంలో నిలవగా హైదరాబాద్‌ 14,000 ఉద్యోగాలతో రెండో స్థానాన్ని దక్కించుకుంది. ముఖ్యంగా హైదరాబాద్ నెలకు నెల 27 శాతం, ఏటా 40 శాతం బలమైన వృద్ధిని సాధించింది. ఇక పని విధానంలోనూ స్పష్టమైన మార్పు కనిపిస్తోంది. వర్క్ ఫ్రమ్ ఆఫీస్ విధానానికే కంపెనీలు మొగ్గు చూపుతున్నాయి. మొత్తం ఖాళీలలో ఏకంగా 81 శాతం (1,00,000) ఆఫీసు ఆధారిత ఉద్యోగాలే కాగా, వర్క్ ఫ్రమ్ హోమ్ (10,000), హైబ్రిడ్ (13,000) నియామకాలతో క్రమంగా తగ్గుముఖం పట్టాయి.ఇదీ చదవండి: ‘ఓటు హక్కు హరిస్తే’.. న్యాయస్థానాల హెచ్చరిక

రిలయన్స్‌ కన్జ్యూమర్‌ ప్రొడక్ట్స్‌కు ఢిల్లీ హైకోర్టులో ఊరట లభించింది. క్యాంపా బ్రాండ్‌కు చెందిన పానీయాలను ‘ఎనర్జీ డ్రింక్స్‌’గా మార్కెటింగ్‌ చేయడాన్ని కొనసాగించేందుకు న్యాయస్థానం మధ్యంతర అనుమతి ఇచ్చింది. అధిక కెఫైన్‌ ఉన్న పానీయాలకు ‘ఎనర్జీ డ్రింక్‌’ అనే లేబుల్‌ ఉపయోగించడాన్ని నిలిపివేయాలని ఫుడ్‌ సేఫ్టీ అండ్‌ స్టాండర్డ్స్‌ అథారిటీ ఆఫ్‌ ఇండియా (ఎఫ్‌ఎస్‌ఎస్‌ఏఐ) జూన్‌ 30న ఆదేశించిన నేపథ్యంలో ఈ పరిణామం చోటుచేసుకుంది.ఎఫ్‌ఎస్‌ఎస్‌ఏఐ ఆదేశాలను సవాలు చేస్తూ రిలయన్స్‌ కన్జ్యూమర్‌ అక్టోబర్‌ 1న ఢిల్లీ హైకోర్టును ఆశ్రయించింది. విచారణ సందర్భంగా రిలయన్స్‌కు ముందుగా నోటీసు ఎందుకు ఇవ్వలేదని ఎఫ్‌ఎస్‌ఎస్‌ఏఐని కోర్టు ప్రశ్నించింది. నియంత్రణ సంస్థ తన నిర్ణయాన్ని సరిదిద్దుకోవడానికి ఇప్పటికీ అవకాశం ఉందని వ్యాఖ్యానించింది. కేసు తదుపరి విచారణను నవంబర్‌ 5న చేపట్టనుంది.ఎఫ్‌ఎస్‌‌ఎస్‌ఏఐ వాదనలేమిటి?‘ఎనర్జీ డ్రింక్‌’ అనేది స్వతంత్రంగా గుర్తింపు పొందిన ఫుడ్‌ కేటగిరీ కాదని ఎఫ్‌ఎస​్‌ఎస్‌ఏఐ వాదించింది. అధిక కెఫైన్‌ ఉన్న పానీయాలను ఆ పేరుతో మార్కెట్‌ చేయడంపై వర్తించే ఫుడ్‌ స్టాండర్డ్స్‌కు అనుగుణంగా క్యాంపా లేదన్నది అభ్యంతరం. సమస్య పానీయం కాదు.. ఎనర్జీ డ్రింక్‌ అనే పదమే అని ఎఫ్‌ఎస​్‌ఎస్‌ఏఐ కోర్టులో స్పష్టం చేసింది. అంటే ఉత్పత్తిని నిషేధించడం తమ ఉద్దేశం కాదని, లేబుల్‌పై ఆ వివరణను తొలగించడమే తమ చర్యల లక్ష్యమని పేర్కొంది.కంపెనీపై ప్రభావం ఎంత?ఈ వివాదం రిలయన్స్‌ పానీయాల వ్యాపారంపై ప్రభావం చూపింది. తన పిటిషన్‌లో 16.8 కోట్ల క్యాన్లు, 12 కోట్ల ప్లాస్టిక్‌ బాటిళ్లు సిద్ధంగా ఉన్న నిల్వలతో పాటు మరో 40 కోట్ల క్యాన్లు, 36 కోట్ల బాటిళ్లకు ‘ఎనర్జీ డ్రింక్‌’ లేబుల్‌తో ప్యాకేజింగ్‌ సిద్ధంగా ఉందని కంపెనీ పేర్కొంది. కొన్ని రాష్ట్రాల్లో నిల్వలను స్వాధీనం చేసుకోవడం, ఈ-కామర్స్‌ వేదికల నుంచి ఉత్పత్తులను తొలగించడం వల్ల వ్యాపార కార్యకలాపాలకు తీవ్ర అంతరాయం కలిగిందని తెలిపింది.ఇదే అంశంపై పెప్సీకో, మాన్‌స్టర్‌ బెవరేజ్‌ కూడా ఎఫ్‌ఎస్‌ఎస్‌ఏఐని సవాలు చేశాయి. మరోవైపు రెడ్‌బుల్‌కు సైతం ఢిల్లీ హైకోర్టు ఇటీవల ఊరటనిచ్చింది. దీంతో అధిక కెఫైన్‌ పానీయాల లేబులింగ్‌పై ఎఫ్‌ఎస్‌ఎస్‌ఏఐ తీసుకున్న చర్యలు ఇప్పుడు వరుస న్యాయపరమైన సవాళ్లను ఎదుర్కొంటున్నాయి.ఇదీ చదవండి: జీఎస్టీలో ‘రూల్స్‌’ మారుతాయా? అరెస్టులపై చర్చ

రిలయన్స్ జియో తన వినియోగదారుల కోసం అందిస్తున్న రీఛార్జ్ ప్లాన్‌లో రూ.889 ప్లాన్ ఒకటి. ఈ ప్లాన్ రీఛార్జ్ చేసుకుంటే లభించే ప్రయోజనాలు ఏమిటి?, వ్యాలిడిటీ ఎంత?, అనే వివరాలను ఈ కథనంలో తెలుసుకుందాం.జియో అందించే రూ.889 రీఛార్జ్ ప్లాన్‌ వ్యాలిడిటీ 84 రోజులు. ఈ వ్యవధిలో రోజుకు 1.5జీబీ హై-స్పీడ్ డేటా చొప్పున మొత్తం 126జీబీ డేటా లభిస్తుంది. దీంతో పాటు అన్‌లిమిటెడ్ వాయిస్ కాల్స్, రోజుకు 100 SMSలను కూడా పొందవచ్చు.ఈ ప్లాన్‌లో కేవలం డేటా, కాలింగ్ ప్రయోజనాలే కాకుండా.. కొన్ని అదనపు సబ్‌స్క్రిప్షన్లు కూడా ఉన్నాయి. ఇందులో జియోసావన్ ప్రో, జియోటీవీ, జియోఏఐక్లౌడ్ వంటి సేవలు లభిస్తాయి. ముఖ్యంగా.. మ్యూజిక్, టీవీ కంటెంట్, క్లౌడ్ స్టోరేజ్ వంటి వాటిని ఉపయోగించే వారికి ఈ బెనిఫిట్స్ ఉపయోగపడవచ్చు.ఇక ఈ ప్లాన్‌లో మరో ప్రత్యేక ప్రయోజనం జియోహాట్‌స్టార్ మొబైల్ సబ్‌స్క్రిప్షన్. అంటే.. అర్హత ఉన్న కస్టమర్లు తమ జియో నంబర్‌తో జియోహాట్‌స్టార్‌లో లాగిన్ అయి ఈ ప్రయోజనాన్ని పొందవచ్చు. అయితే.. ప్రస్తుత ప్లాన్ గడువు ముగిసిన తర్వాత కూడా జియోహాట్‌స్టార్‌ ప్రయోజనాన్ని కొనసాగించాలంటే, 48 గంటల్లోపు అర్హత కలిగిన మరో ప్లాన్‌తో రీఛార్జ్ చేయాల్సి ఉంటుంది.ఇదీ చదవండి: జియో రీచార్జ్‌: 30 రోజుల ప్లాన్.. 25జీబీ డేటా!

యాపిల్ వ్యవస్థాపకుడు స్టీవ్ జాబ్స్ మరణించి 2026 అక్టోబర్ 5 నాటికి 15 ఏళ్లు పూర్తయ్యాయి. అయితే.. ఆయన ప్రపంచాన్ని, ముఖ్యంగా టెక్నాలజీ రంగాన్ని ప్రభావితం చేసిన తీరు ఇప్పటికీ కొనసాగుతూనే ఉంది. జాబ్స్‌ను గుర్తు చేసుకుంటూ యాపిల్ మాజీ సీఈఓ, ఆయనకు అత్యంత సన్నిహిత మిత్రుడు టిమ్ కుక్, ప్రస్తుత ఆపిల్ సీఈఓ జాన్ టెర్నస్ సోషల్ మీడియా వేదికగా భావోద్వేగ నివాళులు అర్పించారు.టిమ్ కుక్ప్రపంచంపై తమదైన ముద్ర వేసేవారు కొందరు ఉంటారు, అలాగే ప్రపంచాన్ని పూర్తిగా మార్చేసేవారు కూడా కొందరు ఉంటారు. స్టీవ్ ప్రపంచాన్ని మాత్రమే కాకుండా.. ఎంతోమంది జీవితాలను మార్చాడు. నా జీవితాన్ని కూడా ఆయన మార్చేశారు అని టిమ్ కుక్ పేర్కొన్నారు. అతను సృష్టించిన ప్రతిదానిలోనూ, అతను స్ఫూర్తినిచ్చిన ప్రతి ఒక్కరిలోనూ అతని స్ఫూర్తి ఇప్పటికీ జీవిస్తూనే ఉందని అన్నారు.There are people who leave a mark on the world, and then there are people who change it entirely. Steve changed the world and so many lives in the process. He certainly changed my life forever. His spirit lives on in everything he created and everyone he inspired. https://t.co/8p08BcSlTS— Tim Cook (@tim_cook) October 5, 2026జాన్ టెర్నస్ప్రస్తుత యాపిల్ సీఈఓ జాన్ టెర్నస్ కూడా జాబ్స్‌ను గుర్తు చేసుకున్నారు. ఒక ఉత్పత్తిలో ప్రతి చిన్న విషయానికి, ప్రతి అనుభవానికి, ప్రతి వ్యక్తికి ప్రాధాన్యం ఇవ్వాలని జాబ్స్ నేర్పిన విధానం ఇప్పటికీ యాపిల్‌లో పనిచేసే ఉద్యోగులకు మార్గదర్శకంగా ఉందని ఆయన చెప్పారు. స్టీవ్ జాబ్స్ నుంచి నేర్చుకున్న విషయాలకు తాను ఎప్పటికీ కృతజ్ఞుడినని టెర్నస్ పేర్కొన్నారు.The way Steve taught us to care about every detail, every experience, every person, still guides our work today. Forever grateful.— John Ternus (@johnternus) October 5, 2026స్టీవ్ జాబ్స్ ఆలోచనా విధానంనిజానికి స్టీవ్ జాబ్స్ ఆలోచనా విధానం.. యాపిల్ సంస్థలో ఇప్పటికీ కనిపిస్తుంది. టెక్నాలజీ ఎంత క్లిష్టంగా ఉన్నా, దాన్ని వినియోగదారులకు సులభంగా, అందంగా, ఉపయోగించడానికి అనుకూలంగా అందించాలనేది ఆయన ప్రధాన లక్ష్యాల్లో ఒకటి. హార్డ్‌వేర్, సాఫ్ట్‌వేర్ రెండింటినీ కలిపి ఒక మంచి వినియోగదారు అనుభవాన్ని అందించడంపై ఆయన ప్రత్యేకంగా దృష్టి పెట్టేవారు.ప్రస్తుతం యాపిల్ ఆర్టిఫిషియల్ ఇంటెలిజెన్స్ (AI), స్పేషియల్ కంప్యూటింగ్, కొత్త తరహా హార్డ్‌వేర్ వంటి రంగాల్లోకి విస్తరిస్తున్నప్పటికీ, ఉత్పత్తులను తయారు చేసే విధానంలో జాబ్స్ ఆలోచనలు ఇప్పటికీ ప్రభావం చూపుతున్నాయని ఈ నివాళులు స్పష్టం చేస్తున్నాయి.స్టీవ్ జాబ్స్ తన ఆరోగ్యం క్షీణించిన సమయంలో.. యాపిల్ సీఈఓ బాధ్యతలను టిమ్ కుక్‌కు అప్పగించారు. జాబ్స్ మరణించిన తర్వాత కుక్ సంస్థను ముందుకు నడిపించారు. ఇప్పుడు యాపిల్ సంస్థకు.. హార్డ్‌వేర్ రంగంలో అనుభవం ఉన్న జాన్ టెర్నస్ నాయకత్వం వహిస్తున్నారు.ఇదీ చదవండి: రాజీనామా లెటర్‌తో బాస్‌కు షాక్.. బయటపడ్డ అసలు నిజం!

డేటా లోకలైజేషన్‌ నిబంధనలకు అనుగుణంగా భారత్‌లో జనరేట్‌ అయ్యే డేటాను ఇక్కడి సర్వర్ల ద్వారానే ప్రాసెసింగ్‌ చేయడాన్ని ప్రారంభించినట్లు ఆంథ్రోపిక్‌ వెల్లడించింది. క్లాడ్‌ ఓపస్‌ 5, సోనెట్‌ 5, హైకూ 4.5 తదితర ఏఐ మోడల్స్‌కి దీన్ని వర్తింపచేస్తున్నట్లు పేర్కొంది.దీని ప్రకారం క్లాడ్‌ ఏఐలో వచ్చే క్వెరీలను భారత్‌లోని సర్వర్లలోనే కంపెనీ ప్రాసెస్‌ చేస్తుంది. తమ కస్టమర్ల అభ్యర్ధనల మేరకు ఈ నిర్ణయం తీసుకున్నట్లు ఆంథ్రోపిక్‌ ఎండీ (ఇండియా) ఇరీనా ఘోష్‌ పేర్కొన్నారు. భారత్‌లో విస్తరించే క్రమంలో కొన్నాళ్ల క్రితమే సంస్థ బెంగళూరులో కార్యాలయం ప్రారంభించింది.

ఉద్యోగం అంటే.. కేవలం జీతం కోసం పనిచేయడం మాత్రమే కాదు. రోజులో ఎక్కువ సమయం గడిపే ప్రదేశం ఆఫీస్.. కావడంతో అక్కడ మంచి వాతావరణం, గౌరవం, పని-వ్యక్తిగత జీవితం మధ్య సమతుల్యత కూడా చాలా ముఖ్యం. అయితే.. కొన్నిసార్లు ఉద్యోగులకు పని ప్రదేశంలో ఎదురయ్యే పరిస్థితులు తీవ్ర ఒత్తిడికి గురిచేస్తాయి. తాజాగా రెడ్డిట్‌లో ఓ ఉద్యోగి పంచుకున్న అనుభవం సోషల్ మీడియాలో వైరల్ అయింది.ఒక రెడ్డిట్‌ యూజర్ తన ఉద్యోగ అనుభవాన్ని షేర్ చేశారు. ఇందులో.. తాను చేరినప్పుడు సాధారణ కార్పొరేట్ ఉద్యోగం లభించిందని భావించానని, కానీ అక్కడికి వెళ్లిన తర్వాత పరిస్థితులు పూర్తిగా భిన్నంగా ఉన్నాయని చెప్పారు. తన బాస్ ఉద్యోగులపై తీవ్ర స్థాయిలో నిఘా పెట్టేవారని ఆయన ఆరోపించారు.ఆఫీసులో హై-డెఫినిషన్ సీసీటీవీ కెమెరాలను ఏర్పాటు చేసి ఉద్యోగుల కంప్యూటర్ స్క్రీన్లను కూడా జూమ్ చేసి చూడగలిగేవారని ఆయన పేర్కొన్నారు. ఉద్యోగులు ఎవరితో చాట్ చేస్తున్నారు, ఏ పని చేస్తున్నారు వంటి విషయాలను కూడా గమనించేవారని ఆరోపించారు. దీంతో.. ఉద్యోగులపై నమ్మకం లేని వాతావరణం ఏర్పడిందని ఆయన చెప్పుకొచ్చారు.వారానికి ఏడురోజులు పనిఇంతటితో పరిస్థితి ఆగలేదని ఆ ఉద్యోగి తెలిపారు. వారానికి ఏడు రోజులు పనిచేయాల్సి వచ్చేదని, వారాంతాలు, సెలవులు, లీవులు కూడా లేకుండా పని చేయించేవారని చెప్పారు. కొన్నిసార్లు రాత్రి 2 గంటల వరకు ఆఫీసులో ఉండాల్సి వచ్చేదని ఆరోపించారు. ఆలస్యంగా ఆఫీసుకు వచ్చిన ఉద్యోగులను శిక్షగా బయట నిలబెట్టేవారని కూడా పేర్కొన్నారు.సాయంత్రం సమయంలో.. ఉద్యోగులను బాల్కనీలో ఉంచి, ఆ రోజు ఆఫీసుకు రాని ఉద్యోగుల గురించి బాస్ విమర్శలు చేసేవారని కూడా ఆయన తన అనుభవంలో వివరించారు. ఇలాంటి పరిస్థితులు నెలల తరబడి కొనసాగడంతో తాను తీవ్రంగా అలసిపోయానని, మానసికంగా కూడా ఒత్తిడికి గురయ్యానని చెప్పారు.చివరికి ఆ ఉద్యోగి తన ఉద్యోగానికి రాజీనామా చేయాలని నిర్ణయించుకున్నారు. అయితే.. సాధారణంగా రాజీనామా చేసే విధంగా కాకుండా, తనకు ఎదురైన ప్రతి విషయాన్ని వివరంగా రాసి రెజిగ్నేషన్ ఈమెయిల్‌ను మొత్తం టీమ్‌కు పంపించారు. తన బాస్ ప్రవర్తన, పని పరిస్థితులు, తాను ఎదుర్కొన్న ఇబ్బందులను ఆ మెయిల్‌లో స్పష్టంగా పేర్కొన్నట్లు చెప్పారు.మరుసటి రోజు ఉదయమే ఆఫీసుకు వెళ్లి తన వస్తువులను తీసుకున్నారు. ఆ సమయంలో తన బాస్ ఇంకా నిద్రలోనే ఉన్నారని, ఎలాంటి గొడవకు వెళ్లకుండా అక్కడి నుంచి వెళ్లిపోయానని తెలిపారు. ఆ ఆఫీసు నుంచి బయటకు రావడాన్ని తనకు ఒక ‘కార్పొరేట్ జైలు నుంచి విముక్తి’ లాగా అనిపించిందని వివరించారు.నెటిజన్ల స్పందనఈ పోస్ట్‌కు సోషల్ మీడియాలో నెటిజన్ల నుంచి పెద్ద ఎత్తున స్పందనలు వచ్చాయి. కొందరు ఆ ఉద్యోగికి మద్దతుగా నిలిచారు. ఒకరు రాజీనామా మెయిల్‌కు బాస్ ఏమైనా స్పందించారా అని అడగగా, ఉద్యోగి 'లేదు.. అతని అహంకారం అందరికంటే పెద్దది' అని సమాధానమిచ్చారు. మరో వ్యక్తి ఆ ఉద్యోగికి మద్దతు తెలుపుతూ, ఇలాంటి వ్యక్తులపై చర్యలు తీసుకోవాలని, అవసరమైతే విషయం బయటకు తీసుకురావాలని వ్యాఖ్యానించారు. ఇంకొకరు మాత్రం ఉద్యోగి ఆ పరిస్థితి నుంచి బయటపడినందుకు సంతోషంగా ఉందని, ఇక ముందు అతనికి మంచి రోజులు వస్తాయని ధైర్యం చెప్పారు.ఇదీ చదవండి: ప్రతి ఏడాది హైక్ వస్తున్నా.. జీతం తక్కువేనా?: కారణం ఇదే!

చమురు ధరల పెరుగుదలతో ప్రపంచ దేశాలు అల్లాడిపోతున్నాయి. పెట్రోల్‌, డీజిల్‌ ధరలు ప్రజలకు తీవ్ర భారంగా మారాయి. దాయాది దేశం పాకిస్థాన్‌లో పరిస్థితి మరింత అధ్వానంగా ఉంది. దీంతో ఆ దేశ ప్రభుత్వం సామాన్య వాహనదారులకు ఊరటనిచ్చే నిర్ణయాన్ని అమలు చేస్తోంది.ఇంధన ధరల పెరుగుదలతో ఆర్థిక ఇబ్బందులు ఎదుర్కొంటున్న సామాన్యులకు ఊరట కల్పించేందుకు పాకిస్థాన్‌ ప్రభుత్వం ప్రత్యేక పెట్రోల్‌ సబ్సిడీ పథకాన్ని అమలు చేస్తోంది. ప్రధాని షెహబాజ్‌ షరీఫ్‌ ప్రారంభించిన ఈ ప్రధానమంత్రి స్పెషల్‌ ఫ్యూయల్‌ రిలీఫ్‌ స్కీమ్‌ కింద మోటార్‌సైకిళ్లు, ఆటో రిక్షాలు, చింగ్చీ (Qingqi) వాహనాలతో పాటు 800 సీసీ వరకు ఇంజిన్‌ సామర్థ్యం ఉన్న చిన్న కార్లకు రాయితీ అందుతోంది. ప్రపంచ మార్కెట్లలో చమురు ధరలు పెరగడం, పశ్చిమాసియా ఉద్రిక్తతల ప్రభావంతో దేశీయంగా ఇంధన ధరలు భారమవుతున్న నేపథ్యంలో ప్రభుత్వం ఈ చర్య చేపట్టింది.తాజా మార్పుల ప్రకారం మోటార్‌సైకిల్‌, ఆటో రిక్షా, చింగ్చీ వినియోగదారులకు వారానికి రూ.500 (పాకిస్థాన్‌ రూపాయలు) చొప్పున, నెలకు నాలుగు టోకెన్ల ద్వారా గరిష్ఠంగా రూ.2,000 వరకు ఇంధన ఉపశమనం లభిస్తుంది. తొలుత అమలు చేసిన 5 లీటర్ల కనీస పెట్రోల్‌ కొనుగోలు నిబంధనను ప్రభుత్వం తొలగించింది. అంటే తక్కువ పరిమాణంలో పెట్రోల్‌ కొనుగోలు చేసినా అర్హత ఉన్న వినియోగదారుడికి రూ.500 రాయితీ వర్తిస్తుంది. ఈ మార్పు ప్రజల నుంచి వచ్చిన అభిప్రాయాల ఆధారంగా తీసుకున్నట్లు ప్రధాని కార్యాలయం వెల్లడించింది.800 సీసీ వరకు చిన్న కార్లకు మాత్రం వేరే విధానం కొనసాగుతోంది. ప్రతి పది రోజులకు 10 లీటర్ల పెట్రోల్‌పై లీటరుకు రూ.100 చొప్పున రాయితీ లభిస్తుంది. అంటే ఒక్క టోకెన్‌కు గరిష్ఠంగా రూ.1,000 వరకు ప్రయోజనం పొందవచ్చు. ప్రభుత్వం తొలుత ప్రకటించిన విధానంలో ద్విచక్ర, త్రిచక్ర వాహనాలకు నెలకు 20 లీటర్లు, 800 సీసీ వరకు కార్లకు నెలకు 30 లీటర్ల వరకు రూ.100 చొప్పున రాయితీ ఇవ్వాలని నిర్ణయించింది. అనంతరం వినియోగదారుల ఇబ్బందులను దృష్టిలో పెట్టుకుని విధానంలో మార్పులు చేసింది.20 ఏళ్ల వాహనాలకూ అర్హతసబ్సిడీ పరిధిని ప్రభుత్వం మరింత విస్తరించింది. తొలుత పాత వాహనాలపై ఉన్న పరిమితిని సడలిస్తూ 2006 జనవరి 1 లేదా ఆ తర్వాత రిజిస్టర్‌ అయిన మోటార్‌సైకిళ్లు, రిక్షాలు, చింగ్చీ వాహనాలను కూడా పథకంలోకి తీసుకొచ్చింది. అంతేకాకుండా మోటార్‌సైకిల్‌, రిక్షా వినియోగదారులకు తప్పనిసరిగా వాహనం తమ పేరుమీదే ఉండాలన్న నిబంధనను కూడా తొలగించినట్లు ప్రభుత్వం తెలిపింది. దీంతో అద్దె వాహనాలను ఉపయోగించే అర్హులకూ ప్రయోజనం అందే అవకాశం ఏర్పడింది.అర్హత కలిగిన వారు 9771 నంబర్‌కు ఎస్‌ఎంఎస్‌ ద్వారా ఉచితంగా నమోదు చేసుకోవచ్చు. దరఖాస్తుదారుల జాతీయ గుర్తింపు కార్డు, వారి పేరుతో ఉన్న సిమ్‌, వాహన రిజిస్ట్రేషన్‌ వివరాలను డిజిటల్‌ వ్యవస్థ ద్వారా తనిఖీ చేస్తున్నారు. నకిలీ దరఖాస్తులు, ఒకే వ్యక్తి పేరుతో బహుళ క్లెయిమ్‌లను అడ్డుకోవడమే దీని ఉద్దేశం.ఇప్పటికే 60 లక్షలకు పైగా రిజిస్ట్రేషన్లుపథకం అమలులోకి వచ్చిన కొద్ది రోజుల్లోనే భారీ స్పందన వచ్చింది. సెప్టెంబర్‌ 25 నాటికి 58 లక్షలకు పైగా ప్రజలు నమోదు చేసుకోగా, సుమారు 61 లక్షల టోకెన్లు జారీ అయ్యాయి. 47 లక్షల మంది ఇప్పటికే ఈ సదుపాయాన్ని వినియోగించుకున్నట్లు పాకిస్థాన్‌ ప్రభుత్వం వెల్లడించింది. అనంతరం సెప్టెంబర్‌ 27 నాటికి రిజిస్ట్రేషన్లు 60 లక్షలు దాటినట్లు పెట్రోలియం శాఖ మంత్రి తెలిపారు.ఇదిలా ఉండగా, పాకిస్థాన్‌లో అక్టోబర్‌ ప్రారంభంలో పెట్రోల్‌ ధరలో స్వల్ప మార్పులు చోటుచేసుకున్నాయి. అంతర్జాతీయ మార్కెట్‌ పరిణామాల ఆధారంగా అక్టోబర్‌ 1 నుంచి పెట్రోల్‌ ధర లీటరుకు రూ.387.40గా నిర్ణయించారు. అయితే అక్టోబర్‌ 6 నుంచి మరోసారి లీటరుకు రూ.0.88 పెంచినట్లు తాజా సమాచారం వెల్లడించింది. ఈ నేపథ్యంలో ఇంధన ధరల భారాన్ని తగ్గించేందుకు ప్రభుత్వం అమలు చేస్తున్న సబ్సిడీ పథకం సామాన్య వాహనదారులకు కీలక ఉపశమనంగా మారింది.

న్యూఢిల్లీ: అంతర్జాతీయంగా అనిశ్చితి, సవాళ్లు నెలకొన్నప్పటికీ భారత ఆర్థిక వ్యవస్థ పటిష్టంగానే ఉందని టాటా సన్స్‌ చైర్మన్‌ ఎన్‌. చంద్రశేఖరన్‌ తెలిపారు. దీర్ఘకాలిక వృద్ధిని నిలబెట్టుకోవాలంటే ఆధునిక తయారీ రంగంలో ఉద్యోగాల కల్పన, ఇంధన భద్రతలాంటి అంశాలు కీలకమని ఆయన పేర్కొన్నారు. విస్తృత స్థాయిలో విస్తరించిన వికసిత్‌ భారత్‌ 2047 విజన్‌ను సాకారం చేసుకోవాలంటే అంతర్జాతీయ స్థాయి మౌలిక సదుపాయాలు, సంస్థలు, మేధోహక్కుల పునాదుల ఆధారంగా సమ్మిళిత, సుస్థిర అభివృద్ధిని సాధించాల్సి ఉంటుందని తెలిపారు. ఇండియన్‌ ఫౌండేషన్‌ ఫర్‌ క్వాలిటీ మేనేజ్‌మెంట్‌ (ఐఎఫ్‌క్యూఎం) సదస్సులో పాల్గొన్న సందర్భంగా చంద్రశేఖరన్‌ ఈ విషయాలు చెప్పారు. భారత ఆర్థిక వ్యవస్థ పనితీరు భేషుగ్గా ఉందని, ప్రపంచవ్యాప్తంగా అనిశ్చితి నెలకొన్నప్పటికీ గత అనేక సంవత్సరాలుగా అంచనాలకు మించి వృద్ధి సాధిస్తోందని ఆయన పేర్కొన్నారు. దేశీయంగా డిమాండ్, సరీ్వసుల ఎగుమతులతో పాటు విధానాలపరంగా ప్రభుత్వ దన్ను మొదలైనవి ఇందుకు దోహదపడుతున్నాయని వివరించారు. వాహన విక్రయాలు, రుణాలు, విద్యుత్, సిమెంటుకు డిమాండ్‌ గణనీయంగా పెరుగుతోందని చంద్ర చెప్పారు. నాణ్యతకు ప్రాధాన్యం.. సుదీర్ఘకాలం పాటు నిలకడగా వృద్ధి సాధించాలంటే ఇంధన భద్రత సహా చాలా అంశాలు కలిసి రావాలని చంద్రశేఖరన్‌ చెప్పారు. జపాన్‌ ఆటోమొబైల్‌ దిగ్గజం టయోటాను ప్రస్తావిస్తూ, ఆ సంస్థ నాణ్యతకు ఎంత ప్రాధాన్యమిచ్చేది వివరించారు. వాహనాల తయారీలోనే కాకుండా కొత్త ఆవిష్కరణలు, ఉత్పాదకత విషయంలో కూడా నాణ్యతకు కంపెనీ పెద్దపీట వేస్తుందని పేర్కొన్నారు. అదేవిధంగా కూడా నాణ్యత ద్వారానే అంతర్జాతీయంగా పోటీపడే సామర్థ్యాలను జర్మనీ సాధించిందని చంద్రశేఖరన్‌ చెప్పారు. భారత్‌లో కూడా ఆ విధమైన పరివర్తన రావాల న్నారు. ఈవీలే పరిష్కార మార్గం కాదు.. కాలుష్యాన్ని తగ్గించేందుకు ఎలక్ట్రిక్‌ వాహనాలు మాత్రమే పరిష్కార మార్గం కాబోవని టీవీఎస్‌ మోటార్స్‌ గౌరవ చైర్మన్‌ వేణు శ్రీనివాసన్‌ తెలిపారు. నిర్దిష్ట టెక్నాలజీపైనే ఆధారపడటం కాకుండా ఎలాంటి సాంకేతికతను వాడినా సరే అంతిమంగా ఉద్గారాలను తగ్గించడమే లక్ష్యంగా, వినియోగదారులకు మరిన్ని ఆప్షన్లను అందుబాటులోకి తేవాల్సిన అవసరం ఉందని పేర్కొన్నారు. పెట్రోల్‌లో ఇథనాల్‌ను కలపాలనే ప్రభుత్వ విధానమనేది ఇంధన దిగుమతులపై ఎక్కువగా ఆధారపడటాన్ని తగ్గించేందుకు తోడ్పడుతుందని ఆయన చెప్పారు.

దుబాయ్: అత్యుత్తమ ప్రతిభ కనబరుస్తూ విద్యార్థుల భవిష్యత్తును తీర్చిదిద్దడంలో కీలక పాత్ర పోషిస్తున్న ఉపాధ్యాయులు, అధ్యాపకులకు దుబాయ్ ప్రభుత్వం గోల్డెన్ వీసా సదుపాయాన్ని కల్పిస్తోంది. దుబాయ్ క్రౌన్ ప్రిన్స్, యూఏఈ ఉప ప్రధాన మంత్రి, రక్షణ మంత్రి, దుబాయ్ ఎగ్జిక్యూటివ్ కౌన్సిల్ చైర్మన్ షేక్ హమ్దాన్ బిన్ మొహమ్మద్ బిన్ రషీద్ అల్ మక్తూమ్ ఆదేశాల మేరకు ఈ కార్యక్రమాన్ని అమలు చేస్తున్నారు.ప్రపంచ ఉపాధ్యాయ దినోత్సవం సందర్భంగా ఈ కార్యక్రమానికి సంబంధించిన వివరాలను వెల్లడించారు. ప్రైవేట్ ప్రారంభ బాల్య విద్యా కేంద్రాలు, పాఠశాలలు, ఉన్నత విద్యా సంస్థల్లో పనిచేస్తున్న అత్యుత్తమ విద్యావేత్తలను గుర్తించి గోల్డెన్ వీసా కోసం ఎంపిక చేస్తున్నారు. విద్యార్థుల అభ్యాస అనుభవాలను మెరుగుపరచడంతోపాటు విద్యా రంగంలో వినూత్న మార్పులకు కృషి చేస్తున్న ఉపాధ్యాయులను ప్రోత్సహించడం ఈ కార్యక్రమం ప్రధాన ఉద్దేశం.ఈ చొరవ దుబాయ్ ‘ఎడ్యుకేషన్‌ 33’ (E33) వ్యూహంలో భాగంగా కొనసాగుతోంది. ప్రతిభావంతులైన అధ్యాపకులను ఆకర్షించడం, వారిని ఎమిరేట్‌లో కొనసాగించేలా ప్రోత్సహించడం ద్వారా విద్యా వ్యవస్థను మరింత బలోపేతం చేయాలని E33 లక్ష్యంగా పెట్టుకుంది. విద్యా రంగాన్ని భవిష్యత్ అవసరాలకు అనుగుణంగా తీర్చిదిద్దడంలో ఉపాధ్యాయులను కీలక భాగస్వాములుగా దుబాయ్ ప్రభుత్వం గుర్తిస్తోంది.గోల్డెన్ వీసా ప్రయోజనాలు• 10 సంవత్సరాల నివాసం: ఎటువంటి ఎంప్లాయర్ స్పాన్సర్‌షిప్ (కంపెనీ/యాజమాన్యం మద్దతు) అవసరం లేకుండా దుబాయ్‌లో నివసించవచ్చు. పనిచేయవచ్చు.• కెరీర్ స్వేచ్ఛ: ఒక విద్యా సంస్థ నుంచి మరొక దానికి మారడానికి లేదా కెరీర్ మార్గాలను ఎంచుకోవడానికి పూర్తి స్వేచ్ఛ ఉంటుంది.• కుటుంబ స్పాన్సర్‌షిప్: వీసా పొందిన ఉపాధ్యాయులు తమ కుటుంబ సభ్యులను కూడా స్పాన్సర్ చేయవచ్చుఫీజు ఎలా ఉంటుందంటే..దుబాయ్‌లో ఉపాధ్యాయుల కోసం ఇచ్చే 10 సంవత్సరాల గోల్డెన్ వీసా మొత్తం ప్రభుత్వ ఫీజు సాధారణంగా 2,800 నుంచి 4,500 దిర్హమ్‌ల వరకు (భారతీయ కరెన్సీలో రూ.64,000 నుంచి రూ.1,03,000) ఉంటుంది. ఈ మొత్తం ఖర్చు వీసా జారీ రుసుము, 10 సంవత్సరాల ఎమిరేట్స్ ఐడీ, మెడికల్ ఫిట్‌నెస్ టెస్ట్, స్టేటస్ మార్పు.. ఇలా వేర్వేరు సేవలకు విడివిడిగా ఉంటుంది.835 మందికిపైగా దరఖాస్తులు2024 అక్టోబర్ 5న ఈ గోల్డెన్ వీసా కార్యక్రమాన్ని ప్రారంభించినప్పటి నుంచి 835 మందికిపైగా అధ్యాపకులు దరఖాస్తు చేసుకున్నారు. అభ్యర్థుల ఎంపికలో విద్యార్హతలు, వృత్తిపరమైన విజయాలు, విద్యా రంగానికి చేసిన సేవలు, సమాజంపై చూపిన ప్రభావం వంటి అంశాలను పరిశీలిస్తున్నారు. తల్లిదండ్రులు, విద్యార్థుల నుంచి వచ్చిన సానుకూల అభిప్రాయాలకు కూడా ప్రాధాన్యం ఇస్తున్నారు.

చైనాలో బ్యాంకింగ్‌ రంగాన్ని కుదించే ప్రక్రియ వేగం పుంజుకుంది. 2025లో ఒక్క ఏడాదిలోనే 670కి పైగా బ్యాంకింగ్‌ సంస్థలు మూతపడటం లేదా విలీనమవడం ఇందుకు నిదర్శనం. చైనా నేషనల్‌ ఫైనాన్షియల్‌ రెగ్యులేటరీ అడ్మినిస్ట్రేషన్‌ (NFRA) అధికారిక గణాంకాలను ఆధారంగా చేసుకున్న ఫిచ్‌ రేటింగ్స్‌ విశ్లేషణలో ఈ విషయం వెల్లడైంది.గ్రామీణ బ్యాంకులపైనే ప్రధాన దృష్టిచైనా ప్రభుత్వం ముఖ్యంగా చిన్న, గ్రామీణ, ప్రాంతీయ బ్యాంకులను ఏకీకృతం చేస్తోంది. తక్కువ అభివృద్ధి చెందిన ప్రాంతాల్లో పనిచేసే ఈ సంస్థల్లో ఆస్తుల నాణ్యత బలహీనంగా ఉండటం, మూలధన నిల్వలు పరిమితంగా ఉండటం, పాలనా లోపాలు ఉండటం వంటి సమస్యలు ఎక్కువగా ఉన్నాయని ఫిచ్‌ పేర్కొంది. అందుకే చిన్న సంస్థలను విడివిడిగా కొనసాగించడం కంటే వాటిని పెద్ద బ్యాంకుల్లో విలీనం చేయడం ద్వారా పర్యవేక్షణను సులభతరం చేయాలని అధికారులు ప్రయత్నిస్తున్నారు.NFRA గణాంకాల ప్రకారం 2025 చివరి నాటికి చైనాలో బ్యాంకింగ్‌ సంస్థల సంఖ్య 3,139కి తగ్గింది. నాలుగేళ్ల వ్యవధిలో ఇది సుమారు 23 శాతం క్షీణత. ఇటీవలి మూసివేతల్లో అత్యధికం గ్రామీణ బ్యాంకులదే కాగా, నగర స్థాయి ప్రాంతీయ బ్యాంకులపై కూడా నియంత్రణ సంస్థల దృష్టి పెరిగింది.పెరుగుతున్న మొండి బకాయిలు.. తగ్గుతున్న లాభాలుచిన్న బ్యాంకుల ఆర్థిక పరిస్థితిపై ఒత్తిడి వాటి పనితీరు గణాంకాల్లోనూ కనిపిస్తోంది. 2026 తొలి అర్ధభాగంలో గ్రామీణ బ్యాంకుల ఆస్తులపై రాబడి (ROA) 0.45 శాతానికి పడిపోయింది. 2021లో ఇది 0.56 శాతంగా ఉండేది. అదే సమయంలో ఈ బ్యాంకుల నిరర్థక ఆస్తులు (NPLs) 2.8 శాతానికి చేరాయి. మొత్తం బ్యాంకింగ్‌ రంగం సగటు 1.5 శాతంతో పోలిస్తే ఇది గణనీయంగా ఎక్కువ.చిన్న సంస్థల లోన్‌బుక్‌ల్లో చిన్న వ్యాపారాలు, రియల్‌ ఎస్టేట్‌ డెవలపర్లు, స్థానిక ప్రభుత్వ ఆర్థిక వాహక సంస్థలకు సంబంధించిన రుణాల వాటా ఎక్కువగా ఉండటం కూడా సమస్యగా మారింది. ఆస్తి రంగంలో దీర్ఘకాలిక మందగమనం, స్థానిక ప్రభుత్వాల రుణభారం, తక్కువ వడ్డీ రేట్ల వాతావరణం చిన్న బ్యాంకుల మార్జిన్లపై ఒత్తిడి పెంచుతున్నాయి.వ్యవస్థ మొత్తం కుప్పకూలే ప్రమాదం ఉందా?చిన్న బ్యాంకుల పరిస్థితి ఆందోళనకరంగా ఉన్నప్పటికీ, వాటి సమస్యలు వెంటనే దేశవ్యాప్త బ్యాంకింగ్‌ సంక్షోభంగా మారే అవకాశం తక్కువేనని ఫిచ్‌ అంచనా వేసింది. ఇందుకు ప్రధాన కారణం ఈ బ్యాంకుల కార్యకలాపాలు ఎక్కువగా స్థానిక పరిధికే పరిమితం కావడం, ఇతర బ్యాంకులతో వాటి అంతర్‌బ్యాంక్‌ సంబంధాలు సాపేక్షంగా తక్కువగా ఉండటమే. అయితే చిన్న రుణదాతల ప్రాథమిక బలహీనతలు సమీప కాలంలో కొనసాగవచ్చని రేటింగ్‌ సంస్థ పేర్కొంది.ఆర్థిక మందగమన ప్రభావంబ్యాంకింగ్‌ రంగంలో ఈ పునర్వ్యవస్థీకరణ జరుగుతున్న సమయంలో చైనా ఆర్థిక వ్యవస్థ కూడా కొంత మందగించింది. 2026 రెండో త్రైమాసికంలో చైనా జీడీపీ వృద్ధి 4.3 శాతంగా నమోదైంది. తొలి అర్ధభాగంలో వృద్ధి 4.7 శాతంగా ఉంది. అధికారిక గణాంకాల ప్రకారం రియల్‌ ఎస్టేట్‌ రంగం తొలి అర్ధభాగంలో 0.2 శాతం క్షీణించింది.

మరోసారి పెరిగిన విమాన ఛార్జీలు!విమాన ప్రయాణం చేయాలనుకునే వారికి.. ఇండిగో ఎయిర్‌లైన్స్‌ మరోసారి షాక్ ఇచ్చింది. విమాన ఇంధనం ఏవియేషన్ టర్బైన్ ఫ్యూయల్ (ఏటీఎఫ్) ధరలు వరుసగా పెరుగుతుండటంతో దేశీయ, అంతర్జాతీయ విమానాలపై ఇంధన సర్‌ఛార్జ్‌ను పెంచుతున్నట్లు ఇండిగో ప్రకటించింది. పూర్తి సమాచారం కోసం ఇక్కడ క్లిక్ చేయండి.కొడుకు ఆస్తిపై తండ్రికి హక్కు లేదా?కొడుకు సంపాదించిన ఆస్తి విషయంలో.. తల్లిదండ్రులకు హక్కు ఉంటుందా?, లేక కొడుకు మరణించిన తర్వాత ఆస్తి మొత్తం భార్య, పిల్లలకే చెందుతుందా? అనే సందేహం చాలామందిలో ఉంటుంది. ముఖ్యంగా.. ఒక వ్యక్తి వీలునామా (Will) రాయకుండా మరణించినప్పుడు ఆస్తి ఎవరికి చెందుతుందనే విషయం తెలుసుకోవడం చాలా ముఖ్యం. పూర్తి సమాచారం కోసం ఇక్కడ క్లిక్ చేయండి.గోల్డ్ రేటు మళ్లీ పెరుగుతుందా?బంగారం ధరల్లో ఈ ఏడాది ప్రారంభం నుంచి ఊహకందని హెచ్చుతగ్గులు కనిపిస్తున్నాయి. ఒక దశలో ఔన్సుకు 5,450 డాలర్ల వరకు చేరిన గోల్డ్, తర్వాత పరిస్థితులు మారడంతో సుమారు 3,942 డాలర్లకు పడిపోయింది. పూర్తి సమాచారం కోసం ఇక్కడ క్లిక్ చేయండి.భారత్‌-అమెరికా వాణిజ్య చర్చలకు బ్రేక్‌?భారత్‌–అమెరికా ద్వైపాక్షిక వాణిజ్య ఒప్పందం (బీటీఏ) చర్చలు కీలక దశకు చేరుకున్నాయి. ఇరుదేశాల మధ్య చర్చలు కొనసాగుతున్నప్పటికీ.. మరిన్ని రాయితీలు ఇవ్వడం లేదా తీసుకోవడం కష్టంగా మారిందని కేంద్ర ఆర్థిక మంత్రి నిర్మలా సీతారామన్‌ స్పష్టం చేశారు. ఇరుపక్షాలు ఈ చర్చల్లో కీలక స్థాయికి చేరుకున్నాయని ఆమె వ్యాఖ్యానించారు. పూర్తి సమాచారం కోసం ఇక్కడ క్లిక్ చేయండి.

విమాన ప్రయాణం చేయాలనుకునే వారికి.. ఇండిగో ఎయిర్‌లైన్స్‌ మరోసారి షాక్ ఇచ్చింది. విమాన ఇంధనం ఏవియేషన్ టర్బైన్ ఫ్యూయల్ (ఏటీఎఫ్) ధరలు వరుసగా పెరుగుతుండటంతో దేశీయ, అంతర్జాతీయ విమానాలపై ఇంధన సర్‌ఛార్జ్‌ను పెంచుతున్నట్లు ఇండిగో ప్రకటించింది.కొత్త ఛార్జీలు అక్టోబర్ 6 నుంచి చేసే అన్ని కొత్త బుకింగ్‌లకు వర్తించనున్నాయని సంస్థ పేర్కొంది. దీంతో ప్రయాణికులు టికెట్ కోసం గతంలో కంటే కొంత ఎక్కువ మొత్తాన్ని చెల్లించాల్సి ఉంటుంది.ఇటీవల ఏటీఎఫ్ ధరలు వరుసగా పెరుగుతున్నాయి. గత వారంలోనే లీటర్ ఇంధన ధర రూ.16 మేర పెరగగా, అంతకుముందు ఆగస్టులో రూ.5, సెప్టెంబర్‌లో మరో రూ.6.28 చొప్పున పెరిగింది. విమానయాన సంస్థల మొత్తం నిర్వహణ ఖర్చుల్లో ఇంధన వ్యయం దాదాపు 40 శాతం వరకు ఉంటుంది. దీంతో ఇంధన ధరలు పెరిగిన ప్రతిసారీ విమానయాన సంస్థలపై ఆర్థిక భారం పెరుగుతుంది. ఈ భారాన్ని కొంతవరకు తగ్గించుకునేందుకే ఇంధన సర్‌ఛార్జ్‌ను పెంచుతున్నట్లు ఇండిగో తెలిపింది.దేశీయ విమానాల విషయానికి వస్తే.. ప్రయాణించే దూరాన్ని బట్టి ఛార్జ్ మారుతుంది. 500 కిలోమీటర్ల వరకు ఉన్న మార్గాలకు రూ.375, 1,000 కిలోమీటర్ల వరకు రూ.600, 1,500 కిలోమీటర్ల వరకు రూ.900, 2,000 కిలోమీటర్ల వరకు రూ.1,150 ఛార్జ్ వసూలు చేయనున్నారు. 2,000 కిలోమీటర్ల కంటే ఎక్కువ దూరం ప్రయాణించాలనుకుంటే.. ఒక్కో ప్రయాణికుడిపై రూ.1,300 వరకు ఛార్జ్ పడనుంది. అంటే ప్రయాణ దూరం పెరిగే కొద్దీ టికెట్ ధర పెరుగుతుంది.అంతర్జాతీయ ప్రయాణికులపై ఈ ప్రభావం మరింత ఎక్కువగా ఉంటుంది. సార్క్ దేశాలకు వెళ్లే విమానాలపై రూ.1,000 నుంచి రూ.3,000 వరకు ఛార్జ్ విధించనున్నారు. ఆఫ్రికా మార్గాల్లో రూ.6,000 వరకు, యూరప్ వెళ్లే విమానాలపై ఏకంగా రూ.10,000 వరకు అదనపు ఛార్జ్ ఉంటుంది.ఇదీ చదవండి: జియో రీచార్జ్‌: 30 రోజుల ప్లాన్.. 25జీబీ డేటా!

దేశీయ టెలికాం దిగ్గజం.. రిలయన్స్ జియో తన కస్టమర్ల కోసం అందిస్తున్న రీచార్జ్‌ ప్లాన్‌లో రూ.355 ప్లాన్ ఒకటి. ఈ ప్లాన్ రీఛార్జ్ చేసుకుంటే వచ్చే ప్రయోజనాలు ఏమిటి?, వ్యాలిడిటీ ఎంత?, అనే వివరాలను ఈ కథనంలో తెలుసుకుందాం.రూ.355 జియో రీఛార్జ్ ప్లాన్‌ వ్యాలిడిటీ 30 రోజులు. మొత్తం 25 జీబీ హై-స్పీడ్ డేటా లభిస్తుంది. అంటే.. రోజుకు ప్రత్యేకంగా డేటా లిమిట్ కాకుండా, 30 రోజుల వ్యవధిలో మీ అవసరానికి అనుగుణంగా 25జీబీ డేటాను ఉపయోగించుకోవచ్చన్నమాట. డేటా పూర్తయిన తర్వాత ఇంటర్నెట్ స్పీడ్ 64 Kbpsకి తగ్గుతుంది. దీంతో పాటు అన్‌లిమిటెడ్ వాయిస్ కాల్స్, రోజుకు 100 SMSలు కూడా లభిస్తాయి.ఈ ప్లాన్‌లో ముఖ్యంగా జియోహాట్‌స్టార్‌ మొబైల్ సబ్‌స్క్రిప్షన్ కూడా ఉంది. అంటే రీఛార్జ్‌తో పాటు మొబైల్‌లో జియోహాట్‌స్టార్‌ కంటెంట్‌ను ఆస్వాదించే అవకాశం లభిస్తుంది. అయితే.. ప్లాన్ గడువు ముగిసిన 48 గంటల్లోపు అర్హత ఉన్న మరో ప్లాన్‌తో రీఛార్జ్ చేయాలి. అలా చేస్తేనే జియోహాట్‌స్టార్‌ ప్రయోజనం కొనసాగుతుంది. జియోహాట్‌స్టార్‌, జియోఏఐక్లౌడ్ వంటి సేవలను ఉపయోగించేటప్పుడు ఇదే జియో నంబర్‌తో లాగిన్ అవ్వాల్సి ఉంటుంది.ఇక ఈ ప్లాన్‌లో మరో ప్రయోజనం జియోఏఐక్లౌడ్ ద్వారా ఉచితంగా 50GB క్లౌడ్ స్టోరేజ్. ఫొటోలు, వీడియోలు, డాక్యుమెంట్లు వంటి ఫైళ్లను ఆన్‌లైన్‌లో సేవ్ చేసుకోవడానికి ఇది ఉపయోగపడుతుంది. ముఖ్యంగా.. ఫోన్ స్టోరేజ్ తక్కువగా ఉన్నవారికి ఈ అదనపు క్లౌడ్ స్టోరేజ్ ఉపయోగకరంగా ఉంటుంది.ఇదీ చదవండి: జియో రూ.449 రీచార్జ్‌ ప్లాన్: ప్రయోజనాలివే!

చెన్నైకి చెందిన డీఏసీ డెవలపర్స్ మేనేజింగ్ డైరెక్టర్ సతీష్ కుమార్ సంతానంకు 2026 గ్లోబల్ చేంజ్ మేకర్ అవార్డు దక్కింది. ఐక్యరాజ్యసమితిలో జరిగిన రెండో సమ్మిట్‌లో ఆయనకు ఈ గౌరవం లభించింది. ప్రపంచంలోని వివిధ దేశాలకు చెందిన ఇంజినీర్లు, వైద్యులు, శాస్త్రవేత్తలు, విద్యావేత్తలు పాల్గొన్న ఈ కార్యక్రమంలో సుస్థిర అభివృద్ధి, పర్యావరణ పరిరక్షణ, భవిష్యత్ తరాల జీవన విధానం వంటి అంశాలపై ఆయన మాట్లాడారు.తన ప్రసంగంలో సతీష్ కుమార్ సంతానం.. తమిళనాడుకు చెందిన చారిత్రక నిర్మాణాలను ప్రత్యేకంగా ప్రస్తావించారు. వేల సంవత్సరాల క్రితం నిర్మించిన కల్లణై ఆనకట్టను ప్రజల అవసరాలను దృష్టిలో పెట్టుకుని నిర్మించిన అద్భుతమైన ఇంజినీరింగ్‌కు ఉదాహరణగా చెప్పారు. అలాగే తంజావూరులోని బృహదీశ్వర ఆలయం తమిళుల నిర్మాణ నైపుణ్యం, శాస్త్రీయ పరిజ్ఞానం, ఇంజినీరింగ్ ప్రతిభను ప్రపంచానికి చాటే గొప్ప వారసత్వంగా వివరించారు.తమిళుల గొప్ప మానవతా ఆలోచన అయిన ''ప్రపంచమంతా నా స్వగ్రామం, ప్రజలందరూ నా బంధువులు'' అనే భావనను కూడా ఆయన తన ప్రసంగంలో గుర్తుచేశారు. ప్రపంచంలోని ప్రతి ప్రాంతం మనదే, ప్రతి మనిషి మనవాడే అనే ఈ ఆలోచన నేటి ప్రపంచంలో కూడా ఎంతో అవసరమని చెప్పారు. ప్రకృతితో కలిసి జీవించడం, నీటిని కాపాడుకోవడం, స్వచ్ఛమైన ఇంధనాన్ని ఉపయోగించడం, ఆహార భద్రతను పెంచడం వంటి అంశాలపై కూడా ఆయన మాట్లాడారు.ఈ అంశాలను అంతర్జాతీయ వేదికపై ప్రస్తావించిన సతీష్ కుమార్ సంతానంకు డా. జియోవన్నీ జింగ్ చేతుల మీదుగా 2026 గ్లోబల్ చేంజ్ మేకర్ అవార్డు అందించారు. ముఖ్యంగా తమిళనాడుకు చెందిన పురాతన నిర్మాణాలు, ఇంజినీరింగ్ ప్రతిభ గురించి ఆయన చేసిన ప్రస్తావన అక్కడి వారిని ఎంతో ఆకట్టుకుంది.

ప్రపంచ టెక్ దిగ్గజం యాపిల్ ఇప్పుడు ఓ విచిత్రమైన ఉద్యోగ ప్రకటనతో వార్తల్లోకి వచ్చింది. ఐఫోన్లు, మ్యాక్‌లతో ఏ మాత్రం సంబంధం లేని ఈ పోస్టు యంత్రాల నిర్వహణకు సంబంధించింది. అమెరికాలోని కాలిఫోర్నియా శాంటా క్లారాలో ‘ఐకప్ సప్లై స్పెషలిస్ట్’ పోస్టు కోసం యాపిల్ ప్రకటన ఇచ్చింది. ఉద్యోగులందరికీ విరామ గదుల్లో తాజా కాఫీ అందుబాటులో ఉండేలా చూడటమే ఈ ఉద్యోగి బాధ్యత.వేతనం ఎంత?ఈ పోస్టుకు గంటకు 27.75 నుంచి 36.05 డాలర్ల వరకు (భారత కరెన్సీలో సుమారు రూ.2,670–3,500) బేసిక్ పే నిర్ణయించారు. గరిష్ఠ వేతనాన్ని రోజుకు ఎనిమిది గంటల పని చొప్పున లెక్కిస్తే సుమారు రూ.28 వేలు అవుతుంది.బాధ్యతలేమిటి?ఎంపికైన వ్యక్తి వేర్వేరు ప్రాంతాలకు వాహనంలో వెళ్లి గరిష్ఠంగా 90 బీన్-టు-కప్ కాఫీ యంత్రాలను శుభ్రం చేసి స్టోరేజీని మేనేజ్‌ చేయాలి. కాఫీ గింజలు, ఇతర సామగ్రిని నింపడం, వాటిని శుభ్రపరచడం రోజువారీ పనుల్లో భాగం. ‘యాపిల్‌లో మేం కాఫీ ఎక్కువగా తాగుతాం. ఈ ఉద్యోగంలోకి రావాలనుకునే అభ్యర్థులకు అసాధారణ సేవాభావం ఉండాలి’ అని యాపిల్‌ కోరింది. అయితే ‘ఐకప్’ అనే పేరును యాపిల్ 2014 నుంచే వాడుతోంది.కంపెనీ ఆఫర్‌ చేస్తున్న వేతనాన్ని భారత కరెన్సీలోకి మార్చి చూస్తే ఆకర్షణీయంగా కనిపిస్తుంది. కానీ అమెరికాలో జీవన వ్యయం, పన్నులు, గంటల ఆధారిత వేతన విధానాన్ని పరిగణనలోకి తీసుకోవాలి. ఇది ఇంజినీరింగ్ ఉద్యోగం కాదు, క్షేత్రస్థాయి సర్వీసు జాబ్‌. అయినా ఉద్యోగుల సౌకర్యాన్ని ఇంత సీరియస్‌గా చూసే యాపిల్ సంస్కృతి ఈ ప్రకటనలో కనిపిస్తోంది.ఇదీ చదవండి: పసిడి ధరలపై ఓ లుక్కేయండి!

మందుల తయారీ ఫార్మా కంపెనీలది!. వాడేది రోగులు!. కానీ... ఆ రెండింటికీ మధ్య ఉండి మందుల్ని రోగులకిచ్చేది మాత్రం ఆసుపత్రులు. హెల్త్‌కేర్‌ గొలుసులో టాప్‌గేర్‌ వీటిదే. దేశంలో ఆదాయాలు పెరుగుతున్నకొద్దీ హెల్త్‌కేర్‌పై పెట్టే ఖర్చూ పెరుగుతోంది. అందుకే కొత్త ఆసుపత్రులొస్తున్నాయి. ఉన్న ఆసుపత్రులు పడకలు పెంచుతున్నాయి. కొత్త బ్రాంచీలు తెరుస్తున్నాయి. కొన్నయితే ఫైవ్‌స్టార్‌ హోటళ్లను తలదన్నే సౌకర్యాలు కల్పిస్తున్నాయి. మరి వీటిలో లాభపడేదెవరు? ఎక్కువ పడకలు ఉన్నదెవరికి? వాటిని లాభసాటిగా వినియోగిస్తున్నదెవరు? దేశంలోని టాప్‌ ఆసుపత్రుల్లో ఇన్వెస్టర్లకు లాభాలిచ్చే సత్తా వేటికుంది? వీటినెలా ఎంచుకోవాలి? అసలు హాస్పిటల్‌ స్టాక్స్‌ సురక్షితమైనవేనా? వీటి వివరాలన్నీ ఈ వారం ‘హెల్త్‌కేర్‌ ఎకానమీ’ స్టోరీలో చూద్దాం...‘‘ప్రైవేటు ఆసుపత్రులు ఎవ్వరినీ వదలటం లేదు. మందుల్ని తమ సొంత ఫార్మసీల్లోనే కొనాలంటూ... వాటిపై 10 రెట్ల ధర వసూలు చేస్తున్నాయి. అసలు మందులపై మార్జిన్లు 16% మించకూడదని ప్రభుత్వం నిబంధనను పెట్టొచ్చు కదా?’’ అంటూ గతవారం సుప్రీంకోర్టు చేసిన వ్యాఖ్యలతో పెద్ద ఆసుపత్రుల షేర్లన్నీ భారీగా పతనమయ్యాయి. కొన్ని గంటల్లో వేల కోట్ల మార్కెట్‌ క్యాప్‌ ఆవిరైపోయింది. దీన్నిబట్టే ఈ ఆసుపత్రులు ఆర్జిస్తున్న లాభాలను అర్థం చేసుకోవచ్చు. పేషెంట్లకు అందించే వైద్యంపైనే కాకుండా... తమ ఫార్మీసీల్లో విక్రయించే మందులపై ఇవి ఫార్మా కంపెనీలకన్నా ఎక్కువ లాభాలు ఆర్జిస్తున్నాయని తెలుసుకోవచ్చు. ఇన్వెస్టర్లు ఈ కోణాన్ని కూడా చూడాలి. ఎందుకంటే ఆదాయ మార్గాలు పెంచుకుంటూ దేశంలోని వ్యవస్థీకృత ఆసుపత్రులు విస్తరణ దశను చేరుకున్నాయి. పడకలు పెంచుతున్నాయి. ఈ పడకల్ని లాభసాటిగా మార్చటమనేది తదుపరి దశ. ఆ దశను విజయవంతంగా దాటగలిగేవే వెల్త్‌ క్రియేటర్లు. ఒక ఆసుపత్రిలో ఆక్యుపెన్సీ ఏ స్థాయిలో ఉంది? ప్రభుత్వ స్కీముల పరిధిలోనివారేనా... లేక ఎలాంటి పేషెంట్లు వస్తున్నారు? ఫీజులు ప్రీమియం స్థాయిలో ఉన్నాయా... లేక సాధారణంగానా? ఎలాంటి వైద్యసేవలందుతున్నాయి? వైద్యుల రేటింగ్‌ ఎలా ఉంది? ఇదిగో... ఇలాంటి అంశాలే ఒక ఆసుపత్రి షేరు భవిష్యత్తును నిర్ణయిస్తాయి. రెండు పెద్ద ఆసుపత్రులు ఒకేస్థాయిలో పడకల సంఖ్యను పెంచినా ఒకటి రాణించడానికి, మరోటి రాణించకపోవటానికి కారణాలు ఇవే. రేటింగ్‌ సంస్థ ఇక్రా అంచనాల ప్రకారం... వచ్చే రెండేళ్లలో ఆక్యుపెన్సీతో పాటు సగటు పేషెంట్‌పై వచ్చే రాబడి పెరుగుతుంది. దీంతో ప్రధాన ఆసుపత్రుల ఆదాయం 13–15 శాతం పెరగొచ్చు. వచ్చే ఐదేళ్లూ ఆసుపత్రుల సామర్థ్యంలో కీలకంగా మారొచ్చు. ఐదేళ్లలో...అత్యంత భారీ పెరుగుదల 2026–2030 ఆర్థిక సంవత్సరాల మధ్య 18 ప్రధాన ఆసుపత్రులు ఏకంగా 34వేల పడకలు అదనంగా సమకూరుస్తాయన్నది ఇక్రా అంచనా. 2025 మార్చి సామర్థ్యంతో పోలిస్తే ఇది ఏకంగా 50 శాతం ఎక్కువ. దీనర్థమేంటి? ఆసుపత్రుల ఇన్‌ఫ్రాతో పాటు ఐసీయూ పరికరాలు, మెడికల్‌ డివైజ్‌లు, వైద్య పరీక్షలు, సర్జికల్‌ వస్తువులు, ఫార్మసీ, హెల్త్‌కేర్‌ ఐటీ, బీమా, వైద్యులు, పారా మెడికల్‌ సిబ్బంది, డిశ్చార్జి తరవాతి సంరక్షణ ఇవన్నీ కూడా మరో 50 శాతం పెరుగుతాయనేగా? ఇన్వెస్టర్లు చూడాల్సిందివే... → ఆక్యుపెన్సీ: వెయ్యి పడకలున్న రెండు ఆసుపత్రుల్లో ఒకటి 75 శాతం... మరొకటి 45 శాతం ఆక్యుపెన్సీతో నడుస్తున్నాయనుకోండి. వాటికి పోలికే లేనట్టు లెక్క. → ఆక్యుపైడ్‌ బెడ్‌పై రాబడి: ప్రతి ఆక్యుపైడ్‌ బెడ్‌పై రాబడి (ఏఆర్‌పీఓబీ) ఎంత వస్తుందన్నది ప్రీమియం ధరలు... క్లిష్టమైన వైద్య సేవలు... స్పెషాలిటీ సరీ్వసులు... మెరుగైన ఇన్‌ఫ్రా... బీమా– ప్రైవేటు పేమెంట్ల నిష్పత్తి తదితరాలపై ఆధారపడుతుంది. ఇంకా ఎబిటా మార్జిన్, పెట్టిన మూలధనంపై వచ్చే రాబడి (ఆర్‌ఓసీఈ), విస్త రణ వేగం, రుణాలు కూడా చూడాల్సి ఉంటుంది.ప్రధాన లిస్టెడ్‌ ఆసుపత్రులు ఇవే... → అపోలో హాస్పిటల్స్‌ → మ్యాక్స్‌ హెల్త్‌కేర్‌ → మణిపాల్‌ హెల్త్‌ → ఆస్టర్‌ డీఎం క్వాలిటీ కేర్‌ → ఫోరి్టస్‌ హెల్త్‌కేర్‌ → గ్లోబల్‌ హెల్త్‌/మెదాంతా → కిమ్స్‌ → రెయిన్‌బో చి్రల్డన్స్‌ → యథార్త్‌ హాస్పిటల్స్‌ → జుపిటర్‌ లైఫ్‌లైన్, → కోవై మెడికల్‌ సెంటర్, ఆర్టెమిస్, షల్బీ వంటి చిన్న ఆసుపత్రులూ ఉన్నాయి.అపోలో హాస్పిటల్స్‌ అపోలో కేవలం ఆసుపత్రే కాదు. 8,352 బెడ్లు, సొంత ఫార్మసీ బ్రాండ్‌తో పాటు డయాగ్నస్టిక్స్, డిజిటల్‌ హెల్త్, హెల్త్‌కేర్‌ సేవలందించే సమగ్ర హెల్త్‌కేర్‌ వ్యవస్థ. 2027 తొలి క్వార్టర్లో కన్సాలిడేటెడ్‌ ఆదాయం రూ.7,043 కోట్లు. కన్సాలిడేటెడ్‌ ఎబిటా రూ.1,092 కోట్లు. ఇవి 21 శాతం, 28 శాతం పెరిగినట్లు లెక్క. ఆక్యుపెన్సీ రేషియో దాదాపు 70 శాతం. గడిచిన రెండు త్రైమాసికాల్లోనే 5 కొత్త ఆసుపత్రుల్ని ఆరంభించింది. రకరకాల హెల్త్‌కేర్‌ వ్యాపారాలుండటం అనుకూలం.మ్యాక్స్‌ హెల్త్‌కేర్‌ ప్రీమియం హెల్త్‌కేర్‌ నెట్‌వర్క్‌ ఈ సంస్థ సొంతం. ప్రత్యేకించి నార్త్‌ ఇండియాలో జోరుగా విస్తరిస్తోంది. ఈ ఏడాది తొలి క్వార్టర్లో ఆదాయం 16.7 శాతం పెరిగి రూ.2,366 కోట్లుగా, ఎబిటా 14.2 శాతం పెరిగి 639 కోట్లుగా నమోదైంది. కానీ లాభం 5 శాతమే పెరిగింది. పడకలు పెరిగితే ఆదాయం పెరుగుతుంది కానీ... లాభాలు ఆ స్థాయిలో పెరగవనటానికి మ్యాక్స్‌ ఉదాహరణ. విస్తరణ మొత్తం లాభాల దశలోకి రావటానికి మరికొన్నాళ్లు పట్టొచ్చు.మణిపాల్‌ హెల్త్‌ ఇటీవలి విస్తరణ, కన్సాలిడేషన్‌తో మణిపాల్‌ హెల్త్‌ దేశంలో అతిపెద్ద వ్యవస్థీకృత ఆసుపత్రుల్లో ఒకటిగా మారింది. మూడేళ్లుగా 29 శాతం కాంపౌండెడ్‌ వార్షిక వృద్ధిని సాధిస్తుండటంతో వాల్యుయేషన్‌ ఏకంగా 220 రెట్లు దాటేసింది. భవిష్యత్‌ వృద్ధిని కూడా ఈ విలువ సూచిస్తోంది కనక ఇన్వెస్టర్లు జాగ్రత్త పడటం అవసరం.ఆస్టర్‌ డీఎం క్వాలిటీ కేర్‌తో విలీనం పూర్తయ్యాక ఆస్టర్‌ డీఎం పరిమాణం బాగా పెరిగింది. దీంతో 2026 ఆర్థిక సంవత్సరం మొత్తం ఆదాయం రూ.9,273 కోట్లకు, ఆపరేటింగ్‌ ఎబిటా రూ.2,013 కోట్లకు చేరాయి. మొత్తం 10,623 బెడ్లతో అతిపెద్ద ఆసుపత్రిగా నిలవగా వచ్చేనాలుగేళ్లలో ఈ కంపెనీ మరో 2500 పడకల్ని జత చేసే ప్రయత్నాల్లో ఉంది. దీనికోసం రూ.2,700 కోట్లు పెట్టుబడి పెడుతోంది. వీటిని లాభాల్లోకి తేగలుగుతుందా? దానికి ఎన్నాళ్లు పడుతుంది? అనేదే ఇన్వెస్టర్లు చూడాల్సింది.యథార్థ్‌ హాస్పిటల్స్‌ ఢిల్లీ ఎన్‌సీఆర్‌తో పాటు ఉత్తర భారతంలోని టైర్‌–2, టైర్‌–3 ప్రాంతాల్లో వే గంగా విస్తరిస్తున్న సంస్థ ఇది. ఈ ఏడాది తొలి త్రైమాసికంలో రూ.392 కోట్ల ఆదాయాన్ని రూ.92 కోట్ల ఎబిటాను సాధించింది. 68% ఆక్యుపెన్సీ ఉన్న ఈ సంస్థలో 24.9% వాటా కోసం ఇటీవలే అడ్వెంట్‌ ఇంటర్నేషనల్‌ సంస్థ రూ.3,150 కోట్లు వెచ్చించింది. ప్రస్తుతం 2,800 పడకలున్న ఈ సంస్థ త్వరలో దీన్ని 3,250కి చేర్చాలనే ప్రయత్నాల్లో ఉంది. భారీ అంతర్జాతీయ ఇన్వెస్ట్‌మెంట్‌ సంస్థలు దేశీ ఆసుపత్రుల్లో భారీ వృద్ధిని ఆశిస్తున్నారని, ఇన్వెస్ట్‌మెంట్లకూ సిద్ధంగా ఉన్నారని చెప్పటానికి యథార్థ్‌ హాస్పిటల్స్‌ తాజా డీల్‌ ఒక ఉదాహరణ.గ్లోబల్‌ హెల్త్‌/మెదాంతా పేషెంట్ల సంఖ్యను బట్టి కాకుండా వారికి అందిస్తున్న సేవల ఆధారంగా అంచనా వేయాల్సిన సంస్థ ఇది. ఎందుకంటే కేన్సర్, కార్డియాక్, న్యూరో, అవయవ మారి్పడి, పిల్లల సర్జరీల వంటి సంక్లిష్ట చికిత్సలందిస్తూ టెరిషరీ, క్వాటర్నరీ సేవల ఆసుపత్రిగా ఎదుగుతున్న సంస్థ ఇది. రోగుల సంఖ్య తక్కువైనా వారికందించే సేవల విలువ అధికం కాబట్టి ఆదాయాలూ ఆ స్థాయిలోనే ఉంటున్నాయి. ఈ ఏడాది క్యూ1లో రూ.1,326 కోట్ల ఆదాయాన్ని సాధించిందీ సంస్థ. నారాయణ హృదయాలయ రోగుల సంఖ్యలో మిగతావాటికన్నా ముందుండే సంస్థ ఇది. భారీ పేషెంట్లు, సమర్థ కార్యకలాపాలు, సమగ్రమైన కార్డియాక్‌ కేర్‌ వ్యవస్థ, అందుబాటు ధరలు... ఇవన్నీ ఈ ఆసుపత్రి ప్రత్యేకతలు. గతేడాది రూ.7,986 కోట్ల ఆదాయాన్ని, రూ.1,717 కోట్ల ఎబిటాను సాధించింది. వేగంగా విస్తరిస్తున్న ఈ సంస్థ... ఇదివరకటి ఆదాయాలను, లాభాలను కాపాడుకోగలదా? లేదా? అన్నదే ఇన్వెస్టర్లు చూడాల్సింది.కిమ్స్‌ తెలుగు రాష్ట్రాల్లో వేగంగా విస్తరిస్తున్న కిమ్స్‌... గతే డాది రూ.3,921 కోట్ల ఆదాయాన్ని, రూ.828 కోట్ల ఎబిటాను సాధించింది. ఈ ఏడాది క్యూ1లో 36.1% వృద్ధితో రూ. 1,196 కోట్ల ఆదాయం ఆర్జించింది. ఎబి టా వృద్ధి 20.1%గా ఉంది. ఎబిటా మార్జిన్లు పెరుగుతున్నా లాభం గతేడాదితో పోలిస్తే తగ్గి రూ.37 కోట్లుగా నమోదైంది. విస్తరణ జోరు నేపథ్యంలో తరుగుదల, ఫైనాన్సింగ్‌ ఛార్జీలు తాత్కాలికంగా లాభాలపై ప్రభావం చూపిస్తున్నట్లు గమనించాలి.రెయిన్‌బో చిల్డ్రన్స్‌ ఇది సాధారణ ఆసుపత్రికాదు. పసి పిల్లలు, మహిళలు, ఫెర్టిలిటీ, తల్లీబిడ్డ సంరక్షణ వంటి స్పెషాలిటీ సేవలకే పరిమితమైన ఆసుపత్రి. గతేడాది రూ.1,747 కోట్ల ఆదాయంపై రూ.282 కోట్ల ఆదాయాన్ని సాధించిన ఈ సంస్థ తొలి క్వార్టర్లో రూ.470 కోట్ల ఆదాయాన్ని, రూ.135 కోట్ల ఎబిటాను సాధించింది. మిగతా ఆసుపత్రులతో పోలిస్తే ఆక్యుపెన్సీ చాలా తక్కువ. 41 శాతమే. కానీ స్పెషాలిటీ సేవల కారణంగా తన ఆదాయాలను మాత్రం నిలబెట్టుకుంటోంది. ఆక్యుపెన్సీ పెరిగితే ఈ సంస్థ లాభాలూ భారీగానే ఉండొచ్చు. ఇన్వెస్టర్లు గమనించాల్సిందిదే.ఫోరి్టస్‌ హెల్త్‌కేర్‌ఆసుపత్రులొక్కటే కాదు. ఎజిలస్‌ డయాగ్నస్టిక్స్‌ కూడా దీని సొంతం. గతేడాది రూ. 9,128 కోట్ల కన్సాలిడేటెడ్‌ ఆదాయాన్ని సాధించగా దీన్లో ఎజిలస్‌ ఆదాయం రూ.1,527 కోట్లు. ఆక్యుపె న్సీ రేషియో 68%. కాకపోతే రూ.2,334 కోట్ల రుణాలున్నాయి. ఇన్వెస్టర్లు గమనించాల్సిందొకటే. విలీనాలతో ఫోరి్టస్‌ వేగంగా విస్తరిస్తోంది. కాకపోతే దానికి రుణాలు తీసుకుంటోంది. విలీనం చేసుకునే ఆసుపత్రుల ఇంటిగ్రేషన్, రుణాల చెల్లింపు, సమర్థ నిర్వహణపైనే భవిష్యత్‌ పెరుగుదల ఉంటుంది.తాజా ఫలితాలు చెప్పేదేంటంటే... → గ్రూప్‌–ఎ: దేశీ ఆసుపత్రులను గనక తాజా ఫలితాలను బట్టి విశ్లేíÙస్తే బలమైన వృద్ధితో పాటు మంచి మార్జిన్లున్న గ్రూప్‌–ఎలో అపోలో, మెదాంతా, ఆస్టర్, రెయిన్‌బో ఆసుపత్రులను చేరొర్చు. ఆరోగ్యకరమైన మార్జిన్లతో పాటు సమర్థమైన నిర్వహణ తీరును కూడా ఈ ఆసుపత్రుల్లో గమనించవచ్చు. → గ్రూప్‌–బి: విస్తరణను మున్ముందు లాభాలుగా ఎలా మార్చగలుగుతాయనే వాచ్‌లిస్ట్‌లో ఉండాల్సిన ఆసుపత్రులివి. మ్యాక్స్, ఫోరి్టస్, కిమ్స్, నారాయణ హృదయాలయ ఈ జాబితాలోకి వస్తాయి. → గ్రూప్‌–సి: ప్రాంతీయ స్థాయిలో వేగంగా విస్తరిస్తున్న ఈ సంస్థలో తాజాగా అడ్వెంట్‌ ఇంటర్నేషనల్‌ పెట్టుబడి పెట్టడమనేది కీలక పరిణామం. ప్రాంతీయ మోడల్‌లో మంచి లాభాలున్నాయని అంతర్జాతీయ సంస్థలు భావిస్తున్నట్లు ఈ పరిణామం చెబుతోంది. చివరిగా చెప్పాల్సిందొకటే. పైన పేర్కొన్న షేర్లలో కొన్ని 55 రెట్ల పీఈ వద్ద ట్రేడవుతూ ఉంటే కొన్ని ఏకంగా 200–220 రెట్ల పీఈ వద్ద ట్రేడవుతున్నాయి. ఎంత మంచి షేరైనా మనం ఏ ధర వద్ద కొంటున్నామనేది ముఖ్యం. 200 పీఈ వద్ద ట్రేడయ్యే సంస్థ... ఎంత మంచి వృద్ధిని నమోదు చేసినా షేరు ధరలో పెరుగుదల పరిమితంగానే ఉంటుందని అర్థం చేసుకోవాలి. కానీ ఒకవేళ ఆదాయాల్లో తేడాలొస్తే పతనం భారీగా ఉంటుంది. ఇలాంటి షేర్లలో రివార్డు కన్నా రిస్కే ఎక్కువ. వీటికి దూరంగా ఉంటేనే మంచిది. అలా కాకుండా నిలకడగా పెరుగుతూ... తక్కువ పీఈ వద్ద ట్రేడయ్యే షేర్లయితే రాబడి కూడా అదే స్థాయిలో ఉంటుంది. → సుప్రీంకోర్టు వ్యాఖ్యలతో ఒకేరోజు ప్రధాన ఆసుపత్రుల షేర్లు భారీగా పతనమవటాన్ని ఇన్వెస్టర్లు తేలిగ్గా తీసుకోవాల్సిన పనిలేదు. సుప్రీంకోర్టు చేసిన వ్యాఖ్యలు గనక ప్రభుత్వం అమల్లోకి తెచ్చి... మందుల మార్జిన్లపై నియంత్రణలు పెడితే అది ఖచ్చితంగా వీటి లాభాలపై ప్రభావం చూపిస్తుంది. ఆ రిస్కును కూడా ఇన్వెస్టర్లు గమనిస్తూనే ఉండాలి.‘పరీక్ష’లో పాసయ్యేదెవరు? డయాగ్నస్టిక్స్‌ అంటే... ఒక సమగ్ర సమాచార వ్యవస్థ. పేషెంట్‌కు ఏం జరుగుతోందో వైద్యులకు చెప్పే ఇన్ఫర్మేసన్‌ సిస్టమ్‌. కొన్నాళ్ల కిందటి వరకూ వైద్య పరీక్షలంటే దగ్గర్లోని ఆసుపత్రికో, లాబోరేటరీకో వెళ్ళాల్సి వచ్చేది. కానీ ఇపుడవి ఇంటికొచ్చేశాయి. లోకల్‌ లాబోరేటరీల స్థానంలో ఆర్గనైజ్డ్‌ డయాగ్నస్టిక్‌ చెయిన్లు వచ్చాయి. అవిపుడు ఇంటిగ్రేటెడ్‌ డయాగ్నస్టిక్‌ ప్లాట్‌ఫారాలుగా మారుతున్నాయి. లక్ష కోట్ల ఈ మార్కెట్లో నిలిచేదెవరు? ‘పరీక్ష’ల్లో పాసై గెలిచేదెవరు? వచ్చే వారం ‘హెల్త్‌కేర్‌ ఎకానమీ పార్ట్‌–3’లో.... రమణమూర్తి మంథా

దుబాయ్: భారతీయ స్టార్టప్‌లను యూఏఈ వ్యాపార, పెట్టుబడి వ్యవస్థతో అనుసంధానించేందుకు దుబాయ్‌ వరల్డ్‌ ట్రేడ్‌ సెంటర్‌ (DWTC)కు చెందిన సెంట్రల్‌ ‘డెస్టినేషన్‌ ఎక్స్‌పాండ్‌ నార్త్‌ స్టార్‌’ కార్యక్రమాన్ని ప్రకటించింది. ఇందులో భాగంగా ఎంపికైన 100 మంది భారతీయ స్టార్టప్‌ వ్యవస్థాపకులకు దుబాయ్‌లో వారం రోజులపాటు వ్యాపార అవకాశాలు, పెట్టుబడిదారులతో సమావేశాలు, అంతర్జాతీయ మార్కెట్‌ పరిచయం కల్పించనున్నారు.ఈ కార్యక్రమాన్ని భారతదేశానికి విస్తరించే క్రమంలో చెన్నై, బెంగళూరు, కొచ్చి, కోజికోడ్‌, తిరువనంతపురం నగరాల్లో సెంట్రల్‌ రోడ్‌షోలు నిర్వహించనున్నారు. కేరళ ప్రభుత్వానికి చెందిన ఇన్ఫోపార్క్‌, సైబర్‌పార్క్‌, టెక్నోపార్క్‌, కర్ణాటక డిజిటల్‌ ఎకానమీ మిషన్‌తో పాటు హైలైట్‌ బిజినెస్‌ పార్క్‌, కాఫిట్‌, జీ-టెక్‌ తదితర సంస్థలు ఈ కార్యక్రమానికి మద్దతు ఇస్తున్నాయి. స్టార్టప్‌ తమిళనాడుతో భాగస్వామ్యంపైనా చర్చలు జరుగుతున్నట్లు సమాచారం.దుబాయ్‌ మార్కెట్‌తో నేరుగా అనుసంధానంఎంపికయ్యే స్టార్టప్‌లకు దుబాయ్‌లోని కస్టమర్లు, కార్పొరేట్‌ సంస్థలు, పెట్టుబడిదారులతో నేరుగా సమావేశమయ్యే అవకాశం లభిస్తుంది. తద్వారా భారతీయ కంపెనీలు తమ ఉత్పత్తులు, సేవలను గల్ఫ్‌ మార్కెట్‌కు పరిచయం చేయడంతోపాటు యూఏఈ నుంచి ఇతర అంతర్జాతీయ మార్కెట్లకు విస్తరించే అవకాశాలను అన్వేషించవచ్చు.కార్యక్రమంలో ఎంపికైన 100 మంది వ్యవస్థాపకులు దుబాయ్‌లో జరిగే గైటెక్స్‌ గ్లోబల్‌, ఎక్స్‌పాండ్‌ నార్త్‌ స్టార్‌ కార్యక్రమాల్లో పాల్గొనే అవకాశం పొందుతారని సెంట్రల్‌ చీఫ్‌ ఎగ్జిక్యూటివ్‌ ఆఫీసర్‌ రఫీజ్‌ రహ్మతుల్లా తెలిపారు. సెంట్రల్‌ హబ్‌ను ఉపయోగించుకుని తమ కార్యకలాపాలను విస్తరించుకునే అవకాశాలు కూడా కల్పించనున్నట్లు ఆయన వెల్లడించారు.డిసెంబరులో ఎక్స్‌పాండ్‌ నార్త్‌ స్టార్‌ 2026ఎక్స్‌పాండ్‌ నార్త్‌ స్టార్‌ 2026 కార్యక్రమం డిసెంబర్‌ 8 నుంచి 10 వరకు దుబాయ్‌ ఎగ్జిబిషన్‌ సెంటర్‌, ఎక్స్‌పో సిటీ దుబాయ్‌లో జరగనుంది. ప్రపంచవ్యాప్తంగా స్టార్టప్‌ వ్యవస్థాపకులు, వెంచర్‌ క్యాపిటల్‌ సంస్థలు, పెట్టుబడిదారులు, కార్పొరేట్‌ ప్రతినిధులను ఒకే వేదికపైకి తీసుకురావడం దీని ప్రధాన లక్ష్యం.ఈ ఏడాది కార్యక్రమంలో AI, డీప్‌టెక్‌, క్లైమేట్‌ టెక్‌, హెల్త్‌టెక్‌, కొత్త పెట్టుబడి మార్గాలు, GCC సహా అభివృద్ధి చెందుతున్న మార్కెట్లలో స్టార్టప్‌ల విస్తరణ వంటి అంశాలకు ప్రాధాన్యం ఇవ్వనున్నారు.కాగా, సెంట్రల్‌ దుబాయ్‌లో తన కార్యకలాపాలను విస్తరిస్తూ రెండు కొత్త బిజినెస్‌ సెంటర్లను ప్రారంభించినట్లు నిర్వాహకులు తెలిపారు. దీంతో భారతీయ స్టార్టప్‌లకు దుబాయ్‌లో తాత్కాలిక వ్యాపార ప్రవేశం నుంచి స్థానికంగా కార్యకలాపాలు ఏర్పాటు చేసుకునే వరకు మరింత విస్తృతమైన అవకాశాలు అందుబాటులోకి రానున్నాయి.

ఈ రోజు బంగారం ధరలు ఇలా..వారం రోజులుగా పెరుగుతూ, తగ్గుతూ వచ్చిన బంగారం ధరలు.. ఈ రోజు (ఆదివారం) స్థిరంగా ఉన్నాయి. దీంతో దేశంలోని ప్రధాన నగరాల్లో పసిడి ధరలలో ఎలాంటి మార్పు కనిపించలేదు. వెండి ధరల్లో కూడా ఎలాంటి తేడా లేదు. హైదరాబాద్, విజయవాడలలో 24 క్యారెట్ల 10 గ్రాముల ధర రూ.1,49,180 వద్ద, 22 క్యారెట్ల ధర రూ.1,36,750 వద్ద ఉన్నాయి. పూర్తి సమాచారం కోసం ఇక్కడ క్లిక్ చేయండి.ఈ వారం బ్యాంక్ హాలిడేస్..బ్యాంకుకు వెళ్లి మాత్రమే చేయాల్సిన పనులు ఏవైనా ఉంటే.. తప్పకుండా బ్యాంక్ హాలిడేస్ గురించి తెలుసుకోవాలి. బ్యాంకులకు సెలవులు ఎప్పటికప్పుడు.. రాష్ట్రాన్ని, ప్రాంతాన్ని బట్టి మారుతుంటాయి. సాధారణంగా రెండో, నాలుగో శనివారాలు, ఆదివారాలతో పాటు జాతీయ, రాష్ట్ర పండుగలు, ఇతర ప్రాంతీయ పండుగల రోజుల్లో బ్యాంకులు పనిచేయవు. పూర్తి సమాచారం కోసం ఇక్కడ క్లిక్ చేయండి.ప్రతి ఏడాది హైక్ వస్తున్నా.. జీతం తక్కువేనా?ఉద్యోగం చేస్తున్న ప్రతి ఒక్కరికీ జీతం చాలా ముఖ్యం. కానీ కెరీర్ ప్రారంభంలో మనం తీసుకునే జీతం.. తర్వాత మన సంపాదనపై కూడా ప్రభావం చూపించే అవకాశం ఉంది. ముఖ్యంగా.. మొదటి ఉద్యోగంలోనే తక్కువ జీతంతో చేరి, ఆ తర్వాత ప్రతిసారీ కంపెనీ మారినప్పుడు పాత జీతంపై కొంత శాతం మాత్రమే పెంచుకుంటూ వెళ్తే.. ఏళ్ల తర్వాత కూడా మన జీతం చాలా తక్కువగా ఉండొచ్చు. ఈ విషయాన్ని వ్యాపారవేత్త వన్యా గోయెల్ వెల్లడించారు. పూర్తి సమాచారం కోసం ఇక్కడ క్లిక్ చేయండి.డబ్బు విలువ పడిపోతే?.. కియోసాకి హెచ్చరికరిచ్ డాడ్ పూర్ డాడ్ పుస్తక రచయిత రాబర్ట్ కియోసాకి తన ఎక్స్ ఖాతాలో ఒక పోస్ట్ చేశారు. ఇందులో డబ్బు విషయంలో ముందుగానే సిద్ధంగా ఉండటం ఎందుకు ముఖ్యమో చాలా సింపుల్ ఉదాహరణతో వివరించారు. పూర్తి సమాచారం కోసం ఇక్కడ క్లిక్ చేయండి.

ఉద్యోగం చేస్తున్న ప్రతి ఒక్కరికీ జీతం చాలా ముఖ్యం. కానీ కెరీర్ ప్రారంభంలో మనం తీసుకునే జీతం.. తర్వాత మన సంపాదనపై కూడా ప్రభావం చూపించే అవకాశం ఉంది. ముఖ్యంగా.. మొదటి ఉద్యోగంలోనే తక్కువ జీతంతో చేరి, ఆ తర్వాత ప్రతిసారీ కంపెనీ మారినప్పుడు పాత జీతంపై కొంత శాతం మాత్రమే పెంచుకుంటూ వెళ్తే.. ఏళ్ల తర్వాత కూడా మన జీతం చాలా తక్కువగా ఉండొచ్చు. ఈ విషయాన్ని వ్యాపారవేత్త వన్యా గోయెల్ వెల్లడించారు.వన్యా గోయెల్ ప్రకారం.. కెరీర్ ప్రారంభంలో తక్కువ జీతం తీసుకునే ఉద్యోగులు చాలాసార్లు ఒక రకమైన శాలరీ సైకిల్‌లో చిక్కుకుపోతారు. అంటే.. కొత్త కంపెనీలో జీతం నిర్ణయించేటప్పుడు కూడా వారి పాత జీతాన్నే ఆధారంగా తీసుకుంటారు.ఉదాహరణకు ఒక ఉద్యోగి తన కెరీర్‌ను ఏడాదికి రూ.6 లక్షల జీతంతో ప్రారంభించాడనుకుందాం. ఉద్యోగం మారినప్పుడు 20 శాతం హైక్ వస్తే.. జీతం రూ.7.2 లక్షలకు చేరుతుంది. ఆ తర్వాత మరో హైక్‌తో రూ.8.6 లక్షలు కావచ్చు. తర్వాత రూ.10.3 లక్షలు. ఇలా చూస్తే ప్రతి దశలో జీతం పెరుగుతూనే ఉంటుంది. కానీ అతని అనుభవం, నైపుణ్యాలకు మార్కెట్‌లో ఇంకా ఎక్కువ జీతం లభించే అవకాశం ఉంది. అంటే.. జీతం పెరుగుతున్నప్పటికీ.. మార్కెట్‌తో పోలిస్తే వెనుకబడిపోతున్నాం అనేది స్పష్టంగా అర్థమవుతుంది.ఎంత హైక్ వస్తుందని కాదుఇక్కడే వన్యా గోయెల్ ఒక ముఖ్యమైన విషయం చెబుతున్నారు. ఉద్యోగులు ప్రతిసారీ ''నాకు ఎంత శాతం హైక్ వస్తుంది?'' అని మాత్రమే ఆలోచించకూడదు. కొన్ని సందర్భాల్లో సాధారణ హైక్ కాకుండా.. శాలరీ కరెక్షన్ అవసరం కావచ్చు. అంటే.. మనం చేస్తున్న పని, మనకున్న అనుభవం, బాధ్యతలు, మార్కెట్‌లో ఉన్న శాలరీ రేంజిని బట్టి జీతాన్ని ఒకేసారి సరిచేసుకోవాల్సిన అవసరం ఉంటుంది.ఉదాహరణకు ఒక ఉద్యోగి మార్కెట్‌లో రూ.15 లక్షల జీతం పొందే స్థాయిలో ఉన్నా.. అతని ప్రస్తుత జీతం రూ.10 లక్షలు అనుకుందాం. కొత్త కంపెనీ 20 శాతం హైక్ ఇచ్చినా జీతం రూ.12 లక్షలకే చేరుతుంది. కాగితంపై చూస్తే మంచి హైక్ వచ్చినట్టే కనిపిస్తుంది. కానీ మార్కెట్‌తో పోలిస్తే అతను ఇంకా వెనుకబడే ఉంటాడు.మార్కెట్ వాల్యూ తెలుసుకోఅందుకే ఉద్యోగులు తమ మార్కెట్ వాల్యూ ఏమిటో తెలుసుకోవడం చాలా ముఖ్యం. మనం ఎంత జీతం తీసుకుంటున్నామన్నదే మన విలువను నిర్ణయించదు. మన స్కిల్స్, అనుభవం, బాధ్యతలు, పనితీరు అలాగే కంపెనీకి మనవల్ల వస్తున్నా ఫలితాలు మన విలువను నిర్ణయిస్తాయి.మరో విషయం ఏమిటంటే.. కష్టపడి పనిచేయడం మాత్రమే కెరీర్ ఎదుగుదలకు సరిపోదు. మనం చేసిన పనిని, సాధించిన ఫలితాలను ఇతరులకు కూడా తెలియజేయాలి. ఉదాహరణకు.. ''నేను చాలా కష్టపడి పనిచేశాను అని చెప్పడం కంటే.. నా పని వల్ల కంపెనీకి ఇంత రెవెన్యూ పెరిగింది, ఖర్చు ఇంత తగ్గింది, ఇంతమంది కస్టమర్స్ పెరిగారు'' అని స్పష్టంగా చెప్పగలిగితే, మన విలువను అర్థం చేసుకోవడం ఇతరులకు సులభం అవుతుంది. అవసరమైనప్పుడు జీతం గురించి మాట్లాడటానికి కూడా వెనుకాడకూడదు.ఇదీ చదవండి: డబ్బు విలువ పడిపోతే?.. సిద్ధంగా ఉండాలంటున్న కియోసాకి

బ్యాంకుకు వెళ్లి మాత్రమే చేయాల్సిన పనులు ఏవైనా ఉంటే.. తప్పకుండా బ్యాంక్ హాలిడేస్ గురించి తెలుసుకోవాలి. బ్యాంకులకు సెలవులు ఎప్పటికప్పుడు.. రాష్ట్రాన్ని, ప్రాంతాన్ని బట్టి మారుతుంటాయి. సాధారణంగా రెండో, నాలుగో శనివారాలు, ఆదివారాలతో పాటు జాతీయ, రాష్ట్ర పండుగలు, ఇతర ప్రాంతీయ పండుగల రోజుల్లో బ్యాంకులు పనిచేయవు.అక్టోబర్ 10 (శనివారం): నెలలోని రెండవ శనివారం సందర్భంగా.. భారతదేశవ్యాప్తంగా బ్యాంకు శాఖలు మూసివేయబడతాయి. బెంగళూరు, కోల్‌కతాలో మహాలయ అమావాస్య సందర్భంగా బ్యాంకులకు సెలవు.అక్టోబర్ 11 (ఆదివారం): సాధారణ వారపు ఆదివారం సెలవుదినం సందర్భంగా భారతదేశవ్యాప్తంగా బ్యాంకు శాఖలు మూసివేయబడతాయి. అయితే అక్టోబర్ 5 నుంచి 9 వరకు బ్యాంకులు యధావిధిగా పనిచేస్తాయి.అందుబాటులో బ్యాంకింగ్ సేవలుబ్యాంకులకు సెలవు ఉన్నప్పటికీ.. డిజిటల్ బ్యాంకింగ్ సేవలు అందుబాటులో ఉంటాయి. మొబైల్ బ్యాంకింగ్, నెట్ బ్యాంకింగ్ ద్వారా చాలా లావాదేవీలు చేసుకోవచ్చు. యూపీఐ చెల్లింపులు కూడా కొనసాగుతాయి. అవసరమైతే ఏటీఎం ద్వారా నగదు తీసుకోవచ్చు. అయితే.. బ్యాంకు బ్రాంచ్‌కు నేరుగా వెళ్లి చేయాల్సిన పనులు మాత్రం సెలవు రోజుల్లో జరగవు. చెక్కుల క్లియరెన్స్, బ్రాంచ్‌లో చేయాల్సిన కొన్ని లావాదేవీలు వాయిదా పడవచ్చు.కాబట్టి బ్యాంకు బ్రాంచ్‌లో ఏదైనా ముఖ్యమైన పని ఉంటే.. సెలవు రోజులను ముందుగానే చూసుకుని మీ పనిని ప్లాన్ చేసుకోవడం మంచిది. అలాగే మీ ప్రాంతంలోని బ్రాంచ్‌కు సెలవు వర్తిస్తుందా లేదా అనే విషయాన్ని బ్యాంకు అధికారిక మార్గాల ద్వారా ఒకసారి నిర్ధారించుకోవచ్చు.ఇదీ చదవండి: అక్టోబర్‌లో బ్యాంకులకు వరుస సెలవులు.. ఏయే రోజుల్లో అంటే?

దుబాయ్‌: యూఏఈ లాటరీ లక్కీ డే డ్రాలో ఒక విజేత ఏకంగా 50 లక్షల దిర్హమ్‌లు (సుమారు రూ.13 కోట్లు) గెలుచుకున్నారు. శనివారం (అక్టోబర్ 3, 2026) నిర్వహించిన 261003వ డ్రాలో ఇది రెండో బహుమతి. గ్రాండ్ ప్రైజ్ అయిన 3 కోట్ల దిర్హమ్‌లను మాత్రం ఎవరూ గెలుచుకోలేకపోయారు. తాజా డ్రాలో పాల్గొన్నవారిలో పలువురు వివిధ కేటగిరీల్లో నగదు బహుమతులను సొంతం చేసుకున్నారు.విజేత సంఖ్యలు ఇవే..తాజా లక్కీ డే డ్రాలో డేస్ విభాగంలో 12, 17, 4, 5, 18, 14 నంబర్లు విజేత సంఖ్యలుగా నిలిచాయి. నెలల విభాగంలో 10 నంబర్ వచ్చింది. మొత్తం ఆరు డేస్ నంబర్లను సరిగ్గా సరిపోల్చిన ఒక విజేత 50 లక్షల దిర్హమ్‌ల రెండో బహుమతిని గెలుచుకున్నారు. ఆరు డేస్ నంబర్లతో పాటు నెలల నంబర్‌ను కూడా సరిగ్గా సరిపోల్చిన విజేత ఎవరూ లేకపోవడంతో 3 కోట్ల దిర్హమ్‌ల జాక్‌పాట్‌ బహుమతి ఎవరికీ దక్కలేదు.ముగ్గురికి చెరో 50 వేల దిర్హమ్‌లుఇక లక్కీ ఛాన్స్ ఐడీ విభాగంలో ముగ్గురు విజేతలు (CU7185090, AE0396336, BP4042367) ఒక్కొక్కరు 50,000 దిర్హమ్‌ల చొప్పున గెలుచుకున్నారు. ఇక డేస్ విభాగంలోని ఐదు నంబర్లతో పాటు నెలల నంబర్‌ను సరిపోల్చిన మరో విజేతకు 1 లక్ష దిర్హమ్‌ల మూడో బహుమతి లభించింది. అంతేకాకుండా 54 మంది విజేతలు చెరో 1,000 దిర్హమ్‌లు, 7,966 మంది తలా 100 దిర్హమ్‌లు గెలుచుకున్నారు. తాజా డ్రాలో అన్ని కేటగిరీలను కలిపి మొత్తం 8,025 మంది బహుమతులు అందుకున్నారు.అక్టోబర్ 7న తదుపరి డ్రాలక్కీ డే తదుపరి డ్రా అక్టోబర్ 7న బుధవారం నిర్వహించనున్నారు. ఈ డ్రాలో మరోసారి 3 కోట్ల దిర్హమ్‌ల గ్రాండ్ ప్రైజ్‌తో పాటు ఇతర నగదు బహుమతులు గెలుచుకునే అవకాశం ఉంటుంది. లాటరీ నిర్వాహకులు వెల్లడించిన షెడ్యూల్ ప్రకారం వారానికి రెండుసార్లు డ్రాలు నిర్వహిస్తున్నారు.

2026 ఏషియన్ గేమ్స్‌లో అద్భుతమైన ప్రతిభ కనబరిచిన చికితా తానిపర్తిపై ప్రశంసల వర్షం కురుస్తోంది. జపాన్‌లో జరిగిన ఈ క్రీడా వేదికపై ఆమె చూపిన ప్రతిభకు నీతా అంబానీ అభినందనలు తెలిపారు.చికిత సాధించిన ఘనత పట్ల స్పందించిన నీతా అంబానీ.. ''నువ్వు సాధించిన విజయంతో అమ్మాయిలందరూ గర్వపడేలా చేశావు. మన దేశంతో పాటు, ప్రపంచవ్యాప్తంగా ఎంతోమంది అమ్మాయిలకు నువ్వు స్ఫూర్తిగా నిలవబోతున్నావు'' అంటూ ప్రశంసించారు.చికితా తానిపర్తి ప్రదర్శన కేవలం ఒక క్రీడా విజయం మాత్రమే కాదు. ఎంతోమంది యువతులకు ప్రేరణగా నిలిచే విజయం. ముఖ్యంగా క్రీడల్లో అమ్మాయిలు తమ ప్రతిభను నిరూపించుకోవడానికి ఇలాంటి విజయాలు మరింత ఉత్సాహాన్ని ఇస్తాయి. అంతర్జాతీయ స్థాయి క్రీడా వేదికపై అద్భుత ప్రదర్శన చేయడం ద్వారా చికిత తన ప్రతిభను చాటుకున్నారు. ఆమె సాధించిన విజయాన్ని అభినందిస్తూ నీతా అంబానీ చేసిన వ్యాఖ్యలు కూడా ఇప్పుడు నెట్టింట్లో వైరల్ అవుతున్నాయి.“You make all girls so proud. You are going to be an inspiration for so many girls of our country and around the world.” Reliance Foundation, Founder and Chairperson Mrs. Nita Ambani applauds the performance of golden girl Chikitha Taniparthi as the Asian Games 2026. pic.twitter.com/hSGNISrNdz— Nita Mukesh Ambani (@NitaMukeshAmban) October 3, 2026

విమానంలో ప్రయాణించేటప్పుడు మనలో చాలామంది ముందుగా ఆలోచించేది భోజనం గురించే. చికెన్ బిర్యానీ వస్తుందా? పాస్తా ఉంటుందా? వెజ్ మీల్ తీసుకోవాలా? అంటూ మెనూ గురించి ఆలోచిస్తుంటాం. అయితే.. విమానం ముందుభాగంలో కూర్చొని దాన్ని నడిపించే ఇద్దరు పైలట్లు మాత్రం ఒకే భోజనం తినరని బహుశా చాలామందికి తెలియకపోవచ్చు. ఈ కథనంలో ఆ వివరాలు తెలుసుకుందాం.విమానంలోని ఇద్దరు పైలట్లు ఒకే భోజనం తినకపోవడానికి కారణం.. ప్రత్యేక సదుపాయం కాదు. దీని వెనుక ప్రయాణికుల భద్రతకు సంబంధించిన ఓ ముఖ్యమైన కారణం ఉంది.అందుకే వేరు వేరు భోజనంఒకే రకమైన ఆహారం ఇద్దరు పైలట్లు తిన్నారని అనుకుందాం. ఆ ఆహారం కలుషితమై ఉంటే, ఇద్దరికీ ఒకేసారి ఫుడ్ పాయిజనింగ్ అయ్యే అవకాశం ఉంటుంది. విమానం గాల్లో ఉన్న సమయంలో.. కెప్టెన్, కో-పైలట్ ఇద్దరూ ఒకేసారి అనారోగ్యానికి గురైతే పరిస్థితి ప్రమాదకరంగా మారొచ్చు. అందుకే.. చాలా విమానయాన సంస్థలు ఇద్దరు పైలట్లకు వేర్వేరు భోజనాలు అందించే విధానాన్ని పాటిస్తాయి. ఉదాహరణకు ఒక పైలట్ చికెన్ మీల్ తీసుకుంటే, మరొక పైలట్ వెజిటేరియన్ లేదా వేరే రకమైన మీల్ తీసుకోవచ్చు.వేరువేరు భోజనాలు అందించడం వల్ల.. అనారోగ్యం వచ్చినా, మరో పైలట్ ఆరోగ్యంగా ఉండి విమానాన్ని సురక్షితంగా నడిపించే అవకాశం ఉంటుంది. అంతే కాకుండా.. కొన్ని సుదీర్ఘ విమాన ప్రయాణాల్లో పైలట్లు ఒకేసారి భోజనం చేయకుండా వేర్వేరు సమయాల్లో తినే విధానాన్ని కూడా పాటిస్తారు.ఇలా చేయడం వల్ల ప్రమాదాన్ని మరింత తగ్గించవచ్చు. ఉదాహరణకు ముందుగా భోజనం చేసిన పైలట్‌కు కొంతసేపటి తర్వాత అనారోగ్య లక్షణాలు కనిపిస్తే, రెండో పైలట్ అదే ఆహారం తీసుకోకుండా జాగ్రత్త పడవచ్చు.ప్రత్యేకమైన చట్టం ఉందా?ఇద్దరు పైలట్లు తప్పనిసరిగా వేర్వేరు భోజనాలు తినాలనే ఒకే విధమైన ప్రత్యేకమైన చట్టం లేదు. సాధారణంగా ఇది ఆయా విమానయాన సంస్థలు తమ భద్రతా విధానాల్లో భాగంగా పాటించే జాగ్రత్త. విమాన ప్రయాణంలో చిన్న సమస్య కూడా పెద్ద ప్రమాదంగా మారే అవకాశం ఉంటుంది. అందుకే సాధ్యమైనంత వరకు ప్రతి రిస్క్‌ను ముందుగానే తగ్గించేందుకు ఇలాంటి జాగ్రత్తలు తీసుకుంటారు.విమానంలో సాధారణంగా పలువురు క్యాబిన్ సిబ్బంది ఉంటారు. వారిలో ఒకరు అనారోగ్యానికి గురైనా మిగిలిన సిబ్బంది ప్రయాణికులను చూసుకోగలరు. కానీ.. కాక్‌పిట్‌లో సాధారణంగా ఇద్దరు పైలట్లే ఉంటారు. ఇద్దరూ ఒకేసారి అనారోగ్యానికి గురైతే విమాన నిర్వహణపై నేరుగా ప్రభావం పడుతుంది. అందుకే పైలట్ల విషయంలో ఇలాంటి జాగ్రత్తలకు ఎక్కువ ప్రాధాన్యత ఇస్తారు.ఇదీ చదవండి: ఇండియాలో పైలట్ జీతాలు ఎంతో తెలుసా?

దేశంలో అతిపెద్ద ప్రైవేట్‌ ఇంధన రిటెయిలర్లలో ఒకటైన నయారా ఎనర్జీ.. పెట్రోల్‌, డీజిల్‌ ధరలను పెంచింది. పెట్రోల్‌ ధరను లీటర్‌కు రూ.5, డీజిల్‌ ధరను లీటర్‌కు రూ.3 చొప్పున పెంచుతున్నట్లు ప్రకటించింది. ఈ కొత్త ధరలు వెంటనే అమల్లోకి వస్తాయని వెల్లడించింది.అంతర్జాతీయ మార్కెట్‌లో ముడిచమురు ధరలు పెరగడం.. ఈ ధరల పెంపునకు ప్రధాన కారణమని తెలుస్తోంది. భారతదేశంలో పెట్రోల్‌, డీజిల్‌ ధరల పెరుగుదల.. అంతర్జాతీయ ముడిచమురు ధరలు, రూపాయి విలువ, రవాణా ఖర్చులు, కేంద్ర-రాష్ట్ర పన్నులు వంటి అనేక అంశాలపై ఆధారపడి ఉంటాయి. కాబట్టి.. నయారా ఎనర్జీ పెంచిన ధరలు అన్ని రాష్ట్రాల్లో ఒకే విధంగా ఉండకపోవచ్చు. ఆయా రాష్ట్రాల్లో అమలులో ఉన్న స్థానిక పన్నుల కారణంగా తుది ధరల్లో తేడాలు ఉంటాయి.నయారా ఎనర్జీ.. దేశవ్యాప్తంగా అనేక పెట్రోల్‌ బంకులను నిర్వహిస్తోంది. కాబట్టి ఈ ధరల పెంపు నయారా బంకుల్లో ఇంధనం కొనుగోలు చేసే వినియోగదారులపై నేరుగా ప్రభావం చూపుతుంది. ముఖ్యంగా.. రోజువారీ వాహనాలను ఉపయోగించే ప్రజలకు పెట్రోల్‌, డీజిల్‌ ఖర్చులు పెరగడం వల్ల నెలవారీ రవాణా వ్యయం కూడా పెరిగే అవకాశం ఉంటుంది.నయారా ఎనర్జీ ఇంధన ధరలను పెంచడం ఇదే మొదటిసారి కాదు. ఈ ఏడాది మార్చిలో కూడా కంపెనీ పెట్రోల్‌, డీజిల్‌ ధరలను పెంచింది. తాజాగా మరోసారి ధరలు పెంచడంతో నయారా బంకుల్లో ఇంధనం కొనుగోలు చేసే వినియోగదారులు అదనపు భారం భరించాల్సి ఉంటుంది.ఇదీ చదవండి: AIతో ఉద్యోగాలకు ముప్పు.. కానీ వీరు మాత్రం సేఫ్!

చాలామంది యువత ఆకాశంలో విమానం నడపాలని కలలు కంటుంటారు. ఎందుకంటే.. పైలట్ ఉద్యోగం గౌరవప్రదమైన జాబ్ మాత్రమే కాకుండా, మంచి కెరీర్ అవకాశాలను కూడా అందిస్తుంది. అయితే.. భారతదేశంలో పైలట్ కావాలనుకునే వారికి ప్రధానంగా రెండు మార్గాలు ఉన్నాయి. ఒకటి సివిల్ ఏవియేషన్ ద్వారా కమర్షియల్ పైలట్ అవ్వడం. మరొకటి ఇండియన్ ఎయిర్ ఫోర్స్‌లో చేరి పైలట్ అవ్వడం.ఈ రెండు మార్గాలు ఒకదానికొకటి కొంచెం భిన్నంగా ఉంటాయి. అందుకే.. ముందుగా ఈ ఉద్యోగం గురించి పూర్తిగా తెలుసుకుని, మనకు ఏ మార్గం సరిపోతుందో నిర్ణయించుకోవాలి.కమర్షియల్ పైలట్కమర్షియల్ పైలట్ అంటే.. సాధారణంగా ఎయిర్‌లైన్ కంపెనీల్లో విమానాలను నడిపే పైలట్. వీరు ప్రయాణికులను ఒక ప్రదేశం నుంచి మరొక ప్రదేశానికి తీసుకెళ్తారు. కొంతమంది పైలట్స్ కార్గో విమానాలను కూడా నడుపుతారు. కమర్షియల్ పైలట్ కావాలంటే సాధారణంగా 12వ తరగతిలో మ్యాథమెటిక్స్, ఫిజిక్స్ చదివి ఉండాలి. ఆ తర్వాత పైలట్ ట్రైనింగ్ స్కూల్‌లో చేరి విమానం నడపడం గురించి శిక్షణ తీసుకోవాలి.ఇండియాలో సివిల్ ఏవియేషన్ పైలట్లకు లైసెన్స్ ఇచ్చే సంస్థ డీజీసీఏ(Directorate General of Civil Aviation). పైలట్ కావడానికి నిర్ణీత ఫ్లయింగ్ గంటలు పూర్తి చేయడంతో పాటు, అవసరమైన రాత, ఇతర పరీక్షలను కూడా పాస్ అవ్వాల్సి ఉంటుంది. అలాగే మెడికల్ టెస్టుల్లో కూడా అర్హత సాధించాలి. అనుభవం పెరిగే కొద్దీ.. పైలట్ వివిధ ఉన్నత స్థానాలకు ఎదగవచ్చు. మొదట ఫస్ట్ ఆఫీసర్‌గా పని చేసి, తర్వాత అనుభవం వచ్చినప్పుడు కెప్టెన్‌గా ఎదిగే అవకాశం ఉంటుంది.ఎయిర్ ఫోర్స్ పైలట్పైలట్ అవ్వడానికి మరో మార్గం ఇండియన్ ఎయిర్ ఫోర్స్‌లో చేరడం. ఎయిర్ ఫోర్స్ పైలట్‌గా విమానాలను నడపడమే కాకుండా దేశ రక్షణకు సంబంధించిన విధుల్లో కూడా పాల్గొనాలి.ఈ మార్గంలో సాధారణ ఎయిర్‌లైన్ పైలట్ కంటే ఎంపిక ప్రక్రియ, శిక్షణ, వైద్య ప్రమాణాలు వేరుగా ఉంటాయి. రాత పరీక్షలు, శారీరక పరీక్షలు, వైద్య పరీక్షలు, ఇతర ఎంపిక ప్రక్రియలను పూర్తి చేయాలి. ఎయిర్ ఫోర్స్ పైలట్ ఉద్యోగంలో.. క్రమశిక్షణ చాలా ముఖ్యం. విమానాలను నడపడంతో పాటు దేశ భద్రతకు సంబంధించిన బాధ్యతలను కూడా నిర్వహించాల్సి ఉంటుంది.పైలట్ జీతంపైలట్ జీతం అందరికీ ఒకేలా ఉండదు. వారు పనిచేసే కంపెనీ, వారి అనుభవం, హోదా, ఫ్లయింగ్ గంటలను బట్టి జీతం మారుతుంది.ఉదాహరణకు, కొన్ని అంచనాల ప్రకారం.. ఎయిర్ ఇండియాలో ప్రారంభ స్థాయి పైలట్‌కు నెలకు సుమారు రూ.1.67 లక్షలు ఉండవచ్చు. అనుభవం పెరిగిన తర్వాత కొన్ని స్థాయిల్లో నెలకు రూ.5.56 లక్షలు వరకు ఆదాయం ఉండవచ్చని చెబుతారు.ఎయిర్ ఫోర్స్‌లో కూడా జీతం హోదా, అనుభవాన్ని బట్టి మారుతుంది. సీనియర్ స్థాయిలో సంవత్సరానికి సుమారు రూ.10 లక్షల నుంచి రూ.25 లక్షల వరకు ఆదాయం ఉండవచ్చని సమాచారం. మరోవైపు కమర్షియల్ ఎయిర్‌లైన్స్‌లో అనుభవం ఉన్న సీనియర్ కెప్టెన్లు సంవత్సరానికి చాలా ఎక్కువ ఆదాయం పొందే అవకాశం ఉంటుంది.ఇదీ చదవండి: ఇదే జరిగితే.. బంగారం రూ.3 లక్షలకు!

ప్రముఖ గ్లోబల్ టెక్నాలజీ సంస్థ జోహో విద్యార్థుల కోసం కీలక నిర్ణయాన్ని ప్రకటించింది. తమ స్వదేశీ సర్వర్‌లెస్ ప్లాట్‌ఫామ్ ‘క్యాటలిస్ట్’ సేవలను విద్యార్థులకు పూర్తి ఉచితంగా అందించనున్నట్లు కంపెనీ సహ వ్యవస్థాపకుడు, చీఫ్ సైంటిస్ట్ శ్రీధర్ వెంబు వెల్లడించారు. క్లౌడ్ ఇన్‌ఫ్రా వ్యయాల భయం లేకుండా యువ డెవలపర్లు రియల్-టైమ్ అప్లికేషన్లను అభివృద్ధి చేసేందుకు ఈ నిర్ణయం దోహదపడుతుందని పేర్కొన్నారు.అమెజాన్ వెబ్ సర్వీసెస్ (ఏడబ్ల్యూఎస్‌) లేదా గూగుల్ క్లౌడ్ వంటి విదేశీ దిగ్గజాలపై ఆధారపడకుండా జోహో ఆరంభంలోనే సొంత క్లౌడ్ ఇన్‌‌ఫ్రాస్ట్రక్చర్‌ను నిర్మించుకుంది. డేటాబేస్‌లు, ఐడెంటిటీ, మెసేజింగ్, సెర్చ్, స్టోరేజ్, కంప్యూట్ వ్యవస్థలను సొంతంగా రూపొందించుకుంది. ఈ అంతర్గత సాంకేతికత ఆధారంగానే ‘క్యాటలిస్ట్’ ప్లాట్‌‌ఫామ్ రూపుదిద్దుకుంది. ప్రారంభంలో జోహో ఉత్పత్తుల విస్తరణ కోసం రూపొందించిన ఈ సర్వర్‌లెస్ ప్లాట్‌ఫామ్ ఇప్పుడు ఇతర డెవలపర్ల ఆదరణను కూడా పొందుతోంది.‘మనం మన సొంత క్లౌడ్ ఇన్‌ఫ్రాస్ట్రక్చర్‌ను నిర్మించుకున్నాం. విద్యార్థులు తమ ఆలోచనలను నిజమైన ఉత్పత్తులుగా మార్చడానికి అవసరమైన మౌలిక వసతులను కల్పించడమే మా ముఖ్య లక్ష్యం’ అని శ్రీధర్ వెంబు అన్నారు. విద్యార్థులకు ఉచితంగా సాంకేతికతను అందించడం ద్వారా భారతదేశంలో ఆవిష్కరణల వేగం పెరుగుతుందని విశ్లేషకులు భావిస్తున్నారు. మౌలిక వసతుల ఖర్చులు లేకుండా కోడింగ్, ప్రోగ్రామింగ్ నేర్చుకునే వారికి జోహో నిర్ణయం మెరుగైన అవకాశంగా మారనుంది.ఇదీ చదవండి: నేలవాలిన అపరంజి ధరలు

పరారీలో ఉన్న ప్రముఖ పారిశ్రామికవేత్త, కింగ్‌ఫిషర్ ఎయిర్‌లైన్స్ వ్యవస్థాపకుడు విజయ్ మాల్యా బ్యాంకుల బకాయిలకు సంబంధించి బొంబాయి హైకోర్టులో కీలక పరిణామం చోటుచేసుకుంది. బ్యాంకుల కన్సార్టియంకు చెల్లించాల్సిన అసలు, వడ్డీ మొత్తాలు పూర్తిగా రికవరీ అయ్యాయంటూ మాల్యా చేస్తున్న వాదనలను స్టేట్ బ్యాంక్ ఆఫ్ ఇండియా (ఎస్‌బీఐ) నేతృత్వంలోని బ్యాంకుల బ్యాంకింగ్ కన్సార్టియం ఖండించింది. ఈ మేరకు బొంబాయి హైకోర్టులో అఫిడవిట్‌ను దాఖలు చేసింది.డెట్ రికవరీ ఆఫీసర్ ద్వారా ఇప్పటివరకు రూ.10,270 కోట్లను తాత్కాలికంగా రికవరీ చేసినప్పటికీ ఈ ఏడాది ఆగస్టు 31 నాటికి మాల్యా నుంచి ఇంకా రూ.8,751.86 కోట్ల మేర బకాయిలు రాబట్టాల్సి ఉందో బ్యాంకులు స్పష్టం చేశాయి. డెట్ రికవరీ ట్రిబ్యునల్ (డీఆర్‌టీ)లో దావా వేయడానికి ముందే రూ.544.58 కోట్లు రికవరీ కాగా న్యాయపరమైన ఇతర ఖర్చులను మినహాయించి ఈ ఏడాది జనవరిలో దాఖలు చేసిన అఫిడవిట్ నాటికి రూ.8,135.63 కోట్లు బకాయిలు ఉన్నట్లు బ్యాంకులు పేర్కొన్నాయి. వడ్డీ పెరగడంతో ఆగస్టు చివరి నాటికి ఈ మొత్తం రూ.8,751.86 కోట్లకు చేరిందని కన్సార్టియం వివరించింది.మాల్యా వాదనలు భిన్నంగా..తమ నుంచి బ్యాంకులు ఇప్పటికే అసలు కంటే ఎక్కువ మొత్తాన్ని రికవరీ చేసుకున్నాయని, కాబట్టి తనపై ఉన్న నేరపూరిత కేసులను కొట్టివేయాలని కోరుతూ మాల్యా 2020లో బొంబాయి హైకోర్టును ఆశ్రయించారు. అయితే, ఎన్‌ఫోర్స్‌‌మెంట్ డైరెక్టరేట్ (ఈడీ) వాదనలు వినిపించిన అనంతరం హైకోర్టు ఆదేశాల మేరకు ఎస్‌బీఐ ఈ తాజా జవాబు అఫిడవిట్‌ను దాఖలు చేసింది. తదుపరి విచారణను ధర్మాసనం అక్టోబర్ 13కు వాయిదా వేసింది. బ్యాంకులకు రూ.8,700 కోట్లకు పైగా ఇంకా చెల్లించాల్సి ఉందన్న ఈ అధికారిక ప్రకటనతో మాల్యా న్యాయపోరాటానికి పెద్ద ఎదురుదెబ్బ తగిలింది.ఇదీ చదవండి: స్కూల్ పుస్తకాల్లో ‘ఇన్‌కమ్ టాక్స్’ పాఠాలు

ముంబై: ప్రయివేట్‌ రంగ ఎన్‌బీఎఫ్‌సీ దిగ్గజం బజాజ్‌ ఫైనాన్స్‌ నిధుల సమీకరణ బాట పట్టింది. అర్హతగల సంస్థాగత ఇన్వెసర్లకు షేర్ల జారీ(క్విప్‌)తోపాటు ప్రిఫరెన్షియల్‌ వారంట్ల జారీ ద్వారా రూ. 17,500 కోట్లు సమీకరించనున్నట్లు కంపెనీ వెల్లడించింది. ఇందుకు కంపెనీ బోర్డు అనుమతించినట్లు తెలియజేసింది. తాజా ప్రతిపాదన ప్రకారం క్విప్‌ ద్వారా రూ. 11,700 కోట్లు సమకూర్చుకోనున్నట్లు తెలియజేసింది. మరో రూ. 5,800 కోట్ల విలువైన వారంట్లను ప్రిఫరెన్షియల్‌ ప్రాతిపదికన జారీ చేయనున్నట్లు వివరించింది. వీటిని అదే సంఖ్యలో ఈక్విటీ షేర్లుగా మారి్పడి చేసుకునేందుకు వీలుంటుందని పేర్కొంది. క్విప్‌లో భాగంగా రూ. 1 ముఖ విలువగల ఈక్విటీ షేర్లను జారీ చేయనుంది.

న్యూఢిల్లీ: దేశంలో డేటా సెంటర్ల ఏర్పాటుకు అత్యంత ఆకర్షణీయమైన పాలసీని అమలు చేస్తున్న రాష్ట్రాల్లో తెలంగాణ టాప్‌లో నిలిచింది. ముఖ్యంగా విద్యుత్‌ రాయితీలు ఇతరత్రా నియంత్రణపరమైన ప్రోత్సాహకాల కల్పనలో ముందంజలో ఉంది. అంతర్జాతీయ రేటింగ్‌ ఏజెన్సీ ఎస్‌అండ్‌పీ గ్లోబల్‌ ఎనర్జీ తాజా నివేదిక ‘ఇండియా ఫార్వార్డ్‌: రీఇమేజినింగ్‌ గ్రోత్‌’లో ఈ విషయాన్ని వెల్లడించింది. మౌలిక వసతులు, మూలధనం, నియంత్రణ యంత్రాంగాల రూపంలో విస్తృత ప్యాకేజీలను అందిస్తున్న మహారాష్ట్ర, ఉత్తరప్రదేశ్‌ తర్వాత స్థానాల్లో ఉన్నాయి. ఇక గుజరాత్‌ ఊరించే విద్యుత్‌ ప్రోత్సాహకాలు, సులభతరమైన వ్యాపార విధానాల (ఈజ్‌ ఆఫ్‌ డూయింగ్‌ బిజినెస్‌–ఈఓడీబీ)పై ఫోకస్‌ చేస్తూ పెద్దయెత్తున క్లౌడ్‌ కంప్యూటింగ్‌ దిగ్గజాలను (హైపర్‌స్కేలర్స్‌) ఆకర్షిస్తోంది. మొత్తంమీద డేటా సెంటర్‌ పాలసీ అట్రాక్టివ్‌నెస్‌ ఇండియా (డీసీపీఏఐ) ఇండెక్స్‌లో ముందంజలో ఉన్న ఈ నాలుగు రాష్ట్రాలు 50–100 మధ్యలో స్కోర్‌ చేశాయి. ఐటీ, ఐటీఈఎస్, డేటా సెంటర్లు, గ్లోబల్‌ కేపబిలిటీ సెంటర్ల (జీసీసీలు)కు సంబంధించి 19 రాష్ట్రాల విధానాలను మదింపు చేసి ఈ ఇండెక్స్‌ను రూపొందించారు. ప్రధానంగా విద్యుత్, భూమి, మూలధనం (క్యాపిటల్‌), నిర్వహణ–సాంకేతికపరమైన మద్దతు, నియంత్రణపరమైన, ఈఓడీబీ కార్యాచరణ.. ఈ నాలుగు అంశాలను ర్యాంకింగ్స్‌ కోసం పరిగణనలోకి తీసుకున్నారు. 42–45 మధ్య స్కోర్‌ చేసిన రెండో అంచె రాష్ట్రాల్లో ఒడిశా, హరియాణా, ఆంధ్రప్రదేశ్, కర్ణాటక ఉన్నాయి. 30–40 స్కోర్‌తో మూడో అంచెలో రాజస్తాన్, తమిళనాడు, పశి్చమబెంగాల్‌ నిలిచాయి.నివేదికలో ఇతర ముఖ్యాంశాలివీ... → డేటా సెంటర్ల పరిశ్రమ భారీ విస్తరణ నేపథ్యంలో రాష్ట్రాల మధ్య తీవ్రమైన పోటీ నెలకొంది. → ప్రస్తుతం భారత్‌లో డేటా సెంటర్ల సామర్థ్యం 1.5 గిగావాట్లు (జీడబ్ల్యూ) కాగా.. వచ్చే దశాబ్దకాలంలో 5 జీడబ్ల్యూ సామర్థ్యం గల డేటాసెంటర్లు ఏర్పాటు కానున్నాయి. అదనంగా మరో 6–7 జీడబ్ల్యూ సామర్థ్యాన్ని జోడించేందుకు కంపెనీలు కసరత్తు చేస్తున్నాయి. → మొత్తంమీద చూస్తే 2031–32 నాటికి దేశంలో డేటా సెంటర్ల సామర్థ్యం 26.3 జీడబ్ల్యూకు చేరే అవకాశం ఉంది. → దీనిప్రకారం హీటింగ్, వెంటిలేషన్, ఎయిర్‌ కండిషనింగ్, ఆపరేషనల్‌ లోడ్స్‌ సహా డేటా సెంటర్ల నుంచి మొత్తం విద్యుత్‌ డిమాండ్‌ 2025–35 మధ్యలో వార్షికంగా (సీఏజీఆర్‌) 18 శాతం చొప్పున పెరుగుతుందని అంచనా.

న్యూఢిల్లీ: పెట్రోలియం లైసెన్స్‌ నిబంధనలకు సంబంధించి సాధారణ ఉల్లంఘనలను క్రిమినల్‌ పరిధి నుంచి తప్పించి భారీ జరిమానాలు విధించేలా కేంద్రం కొత్త ప్రతిపాదనలను తెరపైకి తెచ్చింది. అయితే, ప్రజా భద్రత, కీలకమైన మౌలిక సదుపాయాలకు భంగం కలిగించే తీవ్రమైన నేరాలు, అనధికారిక పెట్రోలియం కార్యకలాపాలు మాత్రం క్రిమినల్‌ నేరాల కిందే కొనసాగనున్నాయి. పెట్రోలియం చట్టం 1934ని మార్చేందుకు ఉద్దేశించిన సవరణల ముసాయిదాలో కేంద్ర పెట్రోలియం, సహజ వాయువు శాఖ ఈ మేరకు ప్రతిపాదనలు చేసింది.ప్రతిపాదిత సవరణలను ప్రచురించిన తేదీ నుంచి 30 రోజుల్లోగా ప్రజలు, పరిశ్రమ వర్గాలు తమ అభిప్రాయాలు, సూచనలను తెలియజేయాల్సి ఉంటుంది. వీటి ప్రకారం లైసెన్స్‌ నిబంధనల ఉల్లంఘన విషయంలో క్రిమినల్‌ ప్రాసిక్యూషన్‌ కాకుండా అడ్మిని్రస్టేటివ్‌ వ్యవస్థ కింద చర్యలు ఉంటాయి. తొలిసారిగా ఉల్లంఘిస్తే నిర్దిష్ట అధికారి రూ. 2.5 కోట్ల వరకు సివిల్‌ పెనాల్టీ విధించవచ్చు. పదే పదే ఉల్లంఘిస్తే ఇది రూ. 5 కోట్ల వరకు పెరుగుతుంది. తీవ్రతను బట్టి ఆంక్షలు విధించేందుకు లేదా లైసెన్సును రద్దు చేసేందుకు కూడా అధికారి సిఫార్సు చేయొచ్చు.లైసెన్సు లేకుండా అనధికారికంగా పెట్రోలియం కార్యకలాపాలు నిర్వహిస్తే మూడేళ్ల వరకు జైలు శిక్ష, రూ. 25 కోట్ల వరకు జరిమానా విధించే అవకాశం ఉంటుంది. మోసపూరితంగా లైసెన్సు తీసుకుంటే ఐదేళ్ల వరకు జైలు శిక్ష, జరిమానా ఉంటాయి. కీలక పెట్రోలియం మౌలిక సదుపాయాలు దెబ్బతినేందుకు కారణమైతే 10 ఏళ్ల వరకు జైలు శిక్ష, రూ. 25 కోట్ల వరకు జరిమానా విధిస్తారు. 1970 నుంచి ఈ చట్టాన్ని మార్చలేదు.

దుబాయ్‌ నుంచి టెల్‌ అవీవ్‌కు వెళ్తున్న ఫ్లై దుబాయ్‌ విమానం క్రాష్‌ అవకుండా తన ప్రాణాలకు తెగించి ప్రయాణికుల ప్రాణాలను కాపాడిన భారతీయ పైలట్‌ కెప్టెన్‌ స్మిత్‌ మచ్చార్‌కు ప్రముఖ ఫార్మా సంస్థ మాన్‌కైండ్‌ ఫార్మా రూ.కోటి నజరానాను ప్రకటించింది. ఆయన ధైర్యసాహసాలను గుర్తిస్తూ ఈ మొత్తాన్ని కెప్టెన్‌ మచ్చార్‌, ఆయన కుటుంబానికి అందించనున్నట్లు సంస్థ వైస్‌ చైర్మన్‌, మేనేజింగ్‌ డైరెక్టర్‌ రాజీవ్‌ జునేజా లేఖ ద్వారా తెలిపారు.సెప్టెంబర్‌ 30న దుబాయ్‌ నుంచి టెల్‌ అవీవ్‌కు వెళ్తున్న ఫ్లై దుబాయ్‌ FZ1073 విమానంలో కెప్టెన్‌ మచ్చార్‌ అసమాన తెగువను చూపించారు. సుమారు 33 వేల అడుగుల ఎత్తులో ప్రయాణిస్తున్న సమయంలో కాక్‌పిట్‌లో కెప్టెన్‌ మచ్చార్‌తో కో-పైలట్‌ ఘర్షణకు దిగి తీవ్రంగా గాయపరిచాడు. ఈ క్రమంలో విమానం ప్రమాదం దిశగా తీవ్ర వేగంతో కిందికి దూసుకెళ్తుందని గమనించిన కెప్టెన్‌ మచ్చార్‌ అతి కష్టం మీద కాక్‌పిట్‌ తలుపు తెరవడంతో సిబ్బంది, ప్రయాణికులు లోపలికి చేరుకుని పరిస్థితిని అదుపులోకి తీసుకురావడానికి సహకరించారు. అనంతరం విమానం టబుక్‌లో సురక్షితంగా ల్యాండ్‌ అయింది. విమానంలో సిబ్బంది సహా 182 మంది ప్రయాణికులు ఉన్నారు.ఈ ఘటనలో కెప్టెన్‌ మచ్చార్‌ చూపిన ధైర్యాన్ని ప్రశంసిస్తూ.. ‘సంక్షోభ సమయంలో ఆయన ప్రదర్శించిన ధైర్యం, సమయ స్ఫూర్తి, బాధ్యత ప్రపంచవ్యాప్తంగా ఎంతోమందిని ప్రభావితం చేశాయని మాన్‌కైండ్‌ ఫార్మా ఎండీ రాజీవ్‌ జునేజా పేర్కొన్నారు. ఆయన కాపాడిన ప్రాణాల విలువను డబ్బును పోల్చలేమని, ఈ రూ.కోటి నజరానా తమ కృతజ్ఞతను వ్యక్తం చేసే చిన్న ప్రయత్నం మాత్రమేనని తెలిపారు.కాగా, ఈ ఘటనలో కెప్టెన్‌ మచ్చార్‌ పాత్రను భారత ప్రధాని నరేంద్ర మోదీ, ఇజ్రాయెల్‌ ప్రధాని బెంజమిన్‌ నెతన్యాహు కూడా ప్రశంసించారు. తీవ్రంగా గాయపడినప్పటికీ ఆయన చూపిన తెగువ విమానంలో ఉన్నవారిని రక్షించడంలో కీలకంగా నిలిచిందని నెతన్యాహు పేర్కొన్నారు.

బంగారం అంటే సాధారణంగా చిన్న కడ్డీలు, ఆభరణాలే గుర్తుకొస్తాయి. కానీ యూఏఈలోని షార్జాలో ఏకంగా 2.12 మీటర్ల ఎత్తైన బంగారు కడ్డీ సందర్శకులను ఆకట్టుకుంటోంది. షార్జా ఎక్స్‌పో సెంటర్‌లో జరుగుతున్న 58వ వాచ్‌ అండ్‌ జ్యువెలరీ మిడిల్‌ ఈస్ట్‌ షోలో దీనిని ప్రదర్శిస్తున్నారు. బులియన్ ట్రేడింగ్ కంపెనీ (బీటీసీ) ప్రదర్శిస్తున్న ఈ కడ్డీకి ప్రపంచంలోనే ఎత్తైన బంగారు కడ్డీగా గిన్నిస్ వరల్డ్ రికార్డ్స్ గుర్తింపు లభించింది.ఈ బంగారు కడ్డీ ఎత్తు 2.12 మీటర్లు (6 అడుగుల 11.5 అంగుళాలు). బరువు సుమారు 30 కిలోలు కాగా, ప్రస్తుత బంగారం ధరల ప్రకారం దీని విలువ 15 మిలియన్ దిర్హామ్‌లకు (సుమారు రూ.39 కోట్లు) పైగా ఉంటుందని ‘ఎమారత్ అల్ యౌమ్’ పేర్కొంది. అయితే ఈ కడ్డీని విక్రయించేందుకు కాకుండా గిన్నిస్ రికార్డు ప్రదర్శనలో భాగంగా ఉంచినట్లు తెలిపింది.ఎత్తు చూసుకోవచ్చుబంగారు కడ్డీని సాధారణ రూపంలో కాకుండా భారీ గోల్డెన్ రూలర్‌ తరహాలో నిలువుగా ఏర్పాటు చేశారు. సందర్శకులు కడ్డీ పక్కన నిలబడి తమ ఎత్తును చూసుకోవచ్చు. దీంతో బంగారు కడ్డీ పక్కన నిలబడి ఫొటోలు తీసుకునేందుకు సందర్శకులు పెద్ద సంఖ్యలో ఆసక్తి చూపుతున్నారు. కడ్డీ పక్కనే గిన్నిస్ వరల్డ్ రికార్డ్స్ ధ్రువీకరణ పత్రాన్ని కూడా ప్రదర్శిస్తున్నారు.

యూఎస్‌లో విదేశీలు ఉద్యోగాలు చేసేందుకు ఉపయోగించే హెచ్1బీ వీసా ప్రోగ్రామ్‌పై అమెరికా ఉపాధ్యక్షుడు జేడీ వాన్స్ కీలక వ్యాఖ్యలు చేశారు. ప్రస్తుత హెచ్1బీ వ్యవస్థ పూర్తిగా లోపభూయిష్టంగా మారిందని, అవసరమైతే ఈ కార్యక్రమాన్ని పూర్తిగా రద్దు చేయడానికి తాను మద్దతు ఇస్తానని పేర్కొన్నారు. ముఖ్యంగా.. అమెరికన్ ఉద్యోగుల స్థానంలో, తక్కువ జీతాలకు విదేశీ ఉద్యోగులను నియమించేందుకు కొన్ని కంపెనీలు ఈ వీసా విధానాన్ని ఉపయోగిస్తున్నాయని ఆయన ఆరోపించారు.అమెరికన్ ఉద్యోగాలపై ప్రభావంఒక అమెరికన్ అకౌంటెంట్‌కు ఏడాదికి 60 వేల డాలర్లు చెల్లించే కంపెనీ, అదే పనిని 45 వేల డాలర్లకు విదేశీ ఉద్యోగితో చేయించుకుంటే అది అత్యుత్తమ ప్రతిభను తీసుకురావడం కాదని వాన్స్ తన అభిప్రాయాన్ని వెల్లడించారు. ఇలాంటి విధానం అమెరికన్ల ఉద్యోగాలను ప్రభావితం చేస్తుందని ఆయన పేర్కొన్నారు. అయితే.. హెచ్1బీ ద్వారా అధిక నైపుణ్యాలు ఉన్న విదేశీ నిపుణులను తీసుకురావడాన్ని తాను వ్యతిరేకించడం లేదని వివరించారు.ఇదే సమయంలో హెచ్1బీ దరఖాస్తులకు లక్ష డాలర్ల ఫీజు విధించడాన్ని వాన్స్ సమర్థించారు. తక్కువ ఖర్చుతో విదేశీ ఉద్యోగులను నియమించుకునే ఉద్దేశంతో.. కంపెనీలు హెచ్1బీను ఉపయోగించకుండా నిరోధించడమే ఈ భారీ ఫీజు లక్ష్యమని చెప్పారు. అలాగే.. అమెరికా ప్రభుత్వం హెచ్1బీ ఎంపికలో అధిక జీతాలు వచ్చే ఉద్యోగాలకు ప్రాధాన్యత ఇవ్వడంతో పాటు, దరఖాస్తు చేస్తున్న కంపెనీలు అమెరికన్ ఉద్యోగులను తొలగించాయా? లేదా?.. అనే విషయాన్ని కూడా పరిశీలించేలా నిబంధనలను కఠినతరం చేస్తోంది.జేడీ వాన్స్ వ్యాఖ్యలపై ఆసక్తిహెచ్1బీ వీసాలు ఐటీ నిపుణులకు ఎంతో ముఖ్యమైనవి కావడంతో.. జేడీ వాన్స్ వ్యాఖ్యలపై భారత్‌లో కూడా ఆసక్తి నెలకొంది. ముఖ్యంగా అమెరికాలో ఉద్యోగాలు చేస్తున్న లేదా అక్కడ ఉద్యోగాల కోసం ప్రయత్నిస్తున్న భారతీయ టెక్ నిపుణులపై భవిష్యత్తులో ఈ నిబంధనల ప్రభావం ఎలా ఉంటుందనేది ప్రస్తుతం చర్చనీయాంశంగా మారింది. అయితే ఇప్పుడు కూడా హెచ్1బీ కార్యక్రమం కొనసాగుతూనే ఉంది. దానిపై ప్రభుత్వం మరింత కఠినమైన నియంత్రణలు తీసుకొస్తోంది.ఇదిలా ఉండగా.. కొన్ని H-1B దరఖాస్తులపై విధించిన లక్ష డాలర్ల ఫీజుపై అమెరికా కోర్టుల్లో న్యాయపరమైన సవాళ్లు కూడా కొనసాగుతున్నాయి. ఫీజును అమలు చేసే సమయంలో ప్రభుత్వం అనుసరించాల్సిన పరిపాలనా ప్రక్రియలను పాటించలేదనే వాదనలు కోర్టుల్లో వినిపించాయి. దీంతో.. ఫీజు అమలుపై న్యాయపరమైన ఆంక్షలు వచ్చాయి.ఇదీ చదవండి: గాంధీ ఫొటోకు ముందు.. భారత కరెన్సీపై ఏముండేది?

డైవర్సిఫైడ్‌ దిగ్గజం రిలయన్స్‌ ఇండస్ట్రీస్‌ డిజిటల్‌ సర్వీసుల అనుబంధ కంపెనీ జియో ప్లాట్‌ఫామ్స్‌ పబ్లిక్‌ ఇష్యూవైపు వడివడిగా అడుగులేస్తోంది. ఇందుకు వీలుగా ఇప్పటికే విదేశాలలో నిర్వహిస్తున్న రోడ్‌షోలు చివరి దశకు చేరినట్లు తెలుస్తోంది. దీంతో క్యాపిటల్‌ మార్కెట్ల నియంత్రణ సంస్థ సెబీకి ప్రధాన ప్రాస్పెక్టస్‌ దాఖలు చేసే సన్నాహాలు ప్రారంభించనున్నట్లు సంబంధిత వర్గాలు పేర్కొన్నాయి.కంపెనీ ఎండీ, రిలయన్స్‌ జియో చైర్మన్‌ ఆకాశ్‌ అంబానీ, రిలయన్స్‌ రిటైల్‌ వెంచర్స్‌ ఎగ్జిక్యూటివ్‌ డైరెక్టర్‌ ఇషా అంబానీ ఆధ్వర్యంలో రోడ్‌షోలు నిర్వహిస్తున్నట్లు తెలియజేశాయి. యూకే, దుబాయ్, సింగపూర్, హాంకాంగ్‌లలో తొలి దశ రోడ్‌షోలు చేపట్టినట్లు వెల్లడించాయి. ఇప్పటికే కంపెనీ లిస్టింగ్‌ ప్రణాళికలను సెబీ అనుమతించింది. జూన్‌లో సెబీకి అందించిన ప్రాథమిక పత్రాల ప్రకారం 27 కోట్ల ఈక్విటీ షేర్లను కొత్తగా జారీ చేయనుంది. ఇవి ఇష్యూ తదుపరి ఈక్విటీ మూలధనంలో 2.9 శాతం వాటాకు సమానంకాగా.. 3.8 బిలియన్‌ డాలర్లు సమీకరించే వీలున్నట్లు అంచనా. వెరసి దేశీయంగా అతిపెద్ద ఐపీవోగా రికార్డ్‌ నెలకొల్పే అవకాశముంది. లిస్టింగ్‌లో కంపెనీ విలువ సైతం 137 బిలియన్‌ డాలర్లకు చేరవచ్చని పరిశ్రమ వర్గాలు మదింపు చేస్తున్నాయి. కంపెనీలో రిలయన్స్‌ ఇండస్ట్రీస్‌ వాటా 66.4 శాతంకాగా.. మెటా, గూగుల్‌ సంయుక్తంగా 17.7 శాతం వాటా కలిగి ఉన్న విషయం విదితమే.ఐనాక్స్‌ క్లీన్‌ ఎనర్జీలిస్టింగ్‌కు వీలుగా ఐనాక్స్‌ క్లీన్‌ఎనర్జీ దాఖలు చేసిన ముసాయిదా ప్రాస్పెక్టస్‌ను సెబీ తాత్కాలికంగా పక్కనపెట్టింది. ఐనాక్స్‌జీఎఫ్‌ఎల్‌ గ్రూప్‌ కంపెనీ ఐపీవో ద్వారా రూ. 10,000 కోట్లు సమీకరించే ప్రణాళికలు వేసింది. దీనిలో భాగంగా రూ. 8,000 కోట్ల విలువైన ఈక్విటీని తాజాగా జారీ చేయనుంది. వీటికి జతగా మరో రూ. 2,000 కోట్ల విలువైన షేర్లను ప్రమోటర్‌ దేవాన్ష్‌ జైన్‌ విక్రయానికి ఉంచనున్నారు. కంపెనీ సెప్టెంబర్‌ 29న సెబీకి ప్రాస్పెక్టస్‌ అందించిన సంగతి తెలిసిందే. అయితే సెబీ వెబ్‌సైట్‌ వివరాల ప్రకారం ఎలాంటి కారణాలు ప్రకటించకుండా ప్రాస్పెక్టస్‌ను తాత్కాలికంగా పక్కనపెట్టినట్లు తెలుస్తోంది. ఐపీవోకు వస్తే కంపెనీ ప్రయివేట్‌ రంగంలో టాప్‌ ర్యాంక్‌ పునరుత్పాక ఇంధన దిగ్గజంగా నిలిచే అవకాశముంది.ఇదీ చదవండి: బ్లాక్‌మనీని వైట్‌గా ఎలా మారుస్తున్నారో తెలుసా?

దుబాయ్‌: యూఏఈలో ప్రైవేట్‌ రంగ ఉద్యోగుల వేతన చెల్లింపులపై ప్రభుత్వం పర్యవేక్షణను మరింత కట్టుదిట్టం చేసింది. ఉద్యోగుల జీతాలు ఆలస్యమైతే వెంటనే కఠిన చర్యలు తీసుకోకుండా.. ముందుగా సంబంధిత సంస్థలకు ఎలక్ట్రానిక్‌ నోటిఫికేషన్లు, హెచ్చరికలు జారీ చేసి సమస్యను పరిష్కరించుకునే అవకాశం కల్పించే విధానాన్ని మానవ వనరులు, ఎమిరేటైజేషన్‌ మంత్రిత్వ శాఖ (MOHRE) స్పష్టం చేసింది. ఉల్లంఘన కొనసాగితే నిర్ణయించిన కాలక్రమం ప్రకారం పరిపాలనా, చట్టపరమైన చర్యలు తీసుకుంటారు.ముందుగా నోటీసు.. ఆ తర్వాత చర్యకొత్త వేతన రక్షణ వ్యవస్థ (WPS)లో భాగంగా వేతన చెల్లింపులను ఎలక్ట్రానిక్‌ విధానంలో పర్యవేక్షిస్తారు. జీతాల చెల్లింపులో ఆలస్యం గుర్తించిన తర్వాత సంస్థలకు అలర్ట్‌లు, నోటిఫికేషన్లు పంపిస్తారు. దీని ఉద్దేశం కంపెనీలకు తమ తప్పిదాన్ని సరిదిద్దుకునేందుకు అవకాశం ఇవ్వడంతోపాటు ఉద్యోగుల వేతన హక్కులను వేగంగా రక్షించడం.జీతం చెల్లించాల్సిన గడువు ఇదే2026 జూన్‌ 1 నుంచి అమల్లోకి వచ్చిన మంత్రి తీర్మానం నంబర్‌ 340 ప్రకారం.. ఎమిరేటైజేషన్‌ మంత్రిత్వ శాఖ పరిధిలోని ప్రైవేట్‌ రంగ సంస్థలు గత నెలకు సంబంధించిన వేతనాలను తదుపరి నెల మొదటి తేదీలోగా చెల్లించాలి. ఆ గడువు దాటితే WPSలో చెల్లింపు ఆలస్యంగా పరిగణిస్తారు. మొత్తం చెల్లించాల్సిన వేతనాల్లో కనీసం 85 శాతం నిర్ణీత గడువులో చెల్లించిన సంస్థను సమ్మతి ప్రమాణాలకు అనుగుణంగా పరిగణించే విధానాన్ని కూడా నిబంధనలు నిర్దేశించాయి.ఆలస్యం కొనసాగితే దశలవారీ చర్యలువేతనాలు చెల్లించకుండా ఆలస్యం కొనసాగితే చర్యలు క్రమంగా కఠినతరం అవుతాయి. రెండో రోజు నుంచి సంస్థలకు హెచ్చరికలు, నోటిఫికేషన్లు వెళ్లవచ్చు. ఐదో రోజు వరకు చెల్లింపులు సరిచేయకపోతే కొత్త వర్క్‌ పర్మిట్ల జారీపై ఆంక్షలు విధించే అవకాశం ఉంటుంది. 11వ రోజుకు చేరినప్పుడు ఆరు నెలల వ్యవధిలో పునరావృత ఉల్లంఘనలకు పరిపాలనా జరిమానాలు, సంస్థ వర్గీకరణను మూడో కేటగిరీకి తగ్గించడం వంటి చర్యలు ఉండొచ్చు.16వ రోజు కూడా వేతన బకాయిలు పరిష్కారం కాకపోతే, నిర్దిష్ట ప్రమాణాలకు లోబడి ప్రభావిత ఉద్యోగుల తరఫున వ్యక్తిగత లేదా సామూహిక కార్మిక వివాదాలను నమోదు చేసే ప్రక్రియ ప్రారంభమవుతుంది. 21వ రోజు నాటికి పరిస్థితిని బట్టి బకాయి వేతనాల రికవరీకి ఎగ్జిక్యూటివ్‌ చర్యలు, ఆస్తులపై ముందస్తు జప్తు, బాధ్యులపై ప్రయాణ నిషేధం, తదుపరి చట్టపరమైన చర్యలు వంటి కఠిన చర్యలు తీసుకునే అవకాశం ఉంది.కార్మికులు ఎక్కువగా ఉన్న రంగాలపై ప్రత్యేక దృష్టినిర్మాణం, రవాణా–నిల్వ, భద్రతా సేవలు, పారిశుద్ధ్యం, రిక్రూట్‌మెంట్‌ వంటి అధిక సంఖ్యలో కార్మికులు పనిచేసే రంగాల్లో ప్రమాద ఆధారిత పర్యవేక్షణకు ప్రాధాన్యం ఇస్తున్నారు. పెద్ద సంఖ్యలో ఉద్యోగుల వేతనాలు ఆలస్యమైతే ఉపాధి సంబంధాలు, వ్యాపార కార్యకలాపాలపై ప్రభావం ఎక్కువగా ఉండే అవకాశం ఉండటంతో ఈ రంగాలపై ప్రత్యేక దృష్టి పెట్టినట్లు మానవ వనరులు, ఎమిరేటైజేషన్‌ మంత్రిత్వ శాఖ తెలిపింది.నెలకు రూ.లక్షల కోట్ల వేతన చెల్లింపులుయూఏఈ వేతన రక్షణ వ్యవస్థ ద్వారా ప్రతి నెలా 37 బిలియన్‌ దిర్హామ్‌లకు పైగా వేతన చెల్లింపులు జరుగుతున్నాయి. దేశంలోని దాదాపు 6 లక్షల ప్రైవేట్‌ రంగ సంస్థలు ఈ వ్యవస్థ పరిధిలో ఉన్నాయని తాజా వివరాలు వెల్లడిస్తున్నాయి. 90కుపైగా బ్యాంకులు, ఎక్స్ఛేంజ్‌ హౌస్‌లు, ఇతర ఆర్థిక సంస్థలు WPS ద్వారా వేతన చెల్లింపుల సేవలను అందిస్తున్నాయి.

పశ్చిమాసియాకు ఎగుమతులపై అదనపు బీమా కవరేజీని 2027 మార్చి 31 వరకు పొడిగిస్తున్నట్లు డీజీఎఫ్‌టీ (డైరెక్టరేట్‌ జనరల్‌ ఆఫ్‌ ఫారిన్‌ ట్రేడ్‌) ఒక నోటిఫికేషన్‌లో తెలిపింది. ఎక్స్‌పోర్ట్‌ క్రెడిట్‌ గ్యారంటీ కార్పొరేషన్‌ (ఈసీజీసీ) నుంచి తీసుకున్న క్రెడిట్‌ రిస్క్‌ బీమాకి సంబంధించిన అదనపు కవరేజీ వాస్తవానికి సెప్టెంబర్ 30తో ముగిసింది. సాధారణంగా క్రెడిట్‌ రిస్కులో 85-90 శాతం వరకు మొత్తానికి ఈసీజీసీ కవరేజీ ఇస్తుంది.అయితే, పశ్చిమాసియాలో ఉద్రిక్త పరిస్థితుల నేపథ్యంలో ఈ ఏడాది మార్చి 19న ప్రకటించిన ’రిలీఫ్‌’ స్కీము కింద 95 శాతం వరకు పొందవచ్చు. అదనపు కవరేజీకి అయ్యే రుసుముల భారాన్ని కేంద్రం భరిస్తుంది. కాగా, ఎగుమతి సుంకాల రిఫండ్‌ స్కీమ్‌ (ఆర్‌వోడీటీఈపీ)ని డిసెంబర్‌ 31 దాకా మరో మూడు నెలల పాటు పొడిగిస్తున్నట్లు డీజీఎఫ్‌టీ తెలిపింది.ఇది కూడా సెప్టెంబర్‌ 30తో ముగిసింది. స్కీము పొడిగింపును స్వాగతించిన పరిశ్రమ వర్గాలు.. దీన్ని మరింత దీర్ఘకాలం పాటు పెంచాలని కోరాయి. 2021లో ప్రవేశపెట్టిన ఈ స్కీము కింద 0.3–3.9 శాతం వరకు రిఫండ్‌ లభిస్తుంది. తయారీ, పంపిణీ ప్రక్రియకు సంబంధించి కేంద్రం, రాష్ట్రాల నుంచి రీయింబర్స్‌మెంట్‌ లభించని సుంకాలు, పన్నులు మొదలైన వాటి భారాన్ని కొంత తగ్గించేందుకు ఇది ఉపయోగపడుతుంది.

దేశంలో డిజిటల్‌ కనెక్టివిటీ పెంచడంలో కీలక పాత్ర పోషిస్తున్న జియో.. తన 10వ వార్షికోత్సవం సందర్భంగా మరో ఆఫర్‌ను తీసుకొచ్చింది. దీనికి సంబంధించిన మరిన్ని వివరాలు ఈ కథనంలో వివరంగా తెలుసుకుందాం.4జీ ఫోన్‌.. రూ.1,499జియో అందిస్తున్న ఆఫర్‌లో భాగంగా జియో భారత్ 4జీ ఫోన్‌ను రూ.1,499కి అందిస్తున్నారు. అంతేకాదు.. ఫోన్‌తో పాటు ఆరు నెలల పాటు ఉచిత కనెక్టివిటీ ప్రయోజనాలు కూడా లభిస్తాయి. ఇందులో ప్రతి నెల 14జీబీ డేటా, అన్‌లిమిటెడ్‌ వాయిస్‌ కాలింగ్‌ వంటి ప్రయోజనాలు ఉన్నాయి.ఇక్కడ ఆసక్తికరమైన విషయం ఏంటంటే.. సాధారణంగా 2జీ వినియోగదారులు నెలకు దాదాపు రూ.199 రీఛార్జ్‌ చేసుకుంటే, ఆరు నెలలకు సుమారు రూ.1,200 ఖర్చవుతుంది. ఇప్పుడు జియో తీసుకొచ్చిన ఈ ఆఫర్‌లో రూ.1,499కే 4జీ ఫోన్‌తో పాటు ఆరు నెలల కనెక్టివిటీ ప్రయోజనాలు లభిస్తాయి. ఈ లెక్కన చూస్తే.. 2G నుంచి 4Gకి అప్‌గ్రేడ్‌ అయ్యే ఫోన్‌ ఖర్చు కేవలం రూ.299 మాత్రమే అవుతుంది.500లకు పైగా టీవీ ఛానల్స్జియో భారత్ కేవలం ఫోన్‌ కాల్స్‌, మెసేజ్‌లకే పరిమితమయ్యే సాధారణ ఫీచర్‌ ఫోన్‌ కాదు. ఇందులో జియో టీవీ ద్వారా 500లకు పైగా టీవీ ఛానళ్లు చూడొచ్చు. లైవ్‌ క్రికెట్‌, సినిమాలు, ఎంటర్‌టైన్‌మెంట్‌ కంటెంట్‌ కూడా అందుబాటులో ఉంటుంది. డిజిటల్‌ చెల్లింపులు చేసుకునే అవకాశం కూడా ఉంది. జియోపే ద్వారా యూపీఐ పేమెంట్స్‌, పేమెంట్‌ అలర్ట్స్‌, సౌండ్‌బాక్స్‌ వంటి ఫీచర్లు అందిస్తున్నారు. కుటుంబ సభ్యులతో ఎప్పుడూ కనెక్ట్‌గా ఉండేందుకు సేఫ్టీ ఫీచర్లు, లొకేషన్‌ మానిటరింగ్‌ వంటి సదుపాయాలు కూడా ఉన్నాయి.ఇక ఫోన్‌ విషయానికి వస్తే.. ఇది 2.4 అంగుళాల డిస్‌ప్లే పొందుతుంది. 2000mAh బ్యాటరీ, 4G కనెక్టివిటీ ఉన్నాయి. అంటే.. సాధారణ ఫీచర్‌ ఫోన్‌ కంటే మరిన్ని డిజిటల్‌ సదుపాయాలను తక్కువ ఖర్చుతో ఉపయోగించుకోవచ్చన్నమాట. ఇప్పటికీ 2G ఫోన్‌ వాడుతున్న వారికి 4G ప్రపంచంలోకి అడుగుపెట్టేలా జియో ఈ ఆఫర్‌ను తీసుకొచ్చింది.ఇదీ చదవండి: భూకంపం వచ్చినా ఇల్లు సేఫ్‌.. జపాన్‌ కొత్త టెక్నాలజీ!

ప్రపంచ సాంకేతిక దిగ్గజం అమెజాన్‌ చేపట్టిన బూమరాంగ్ హైరింగ్ (మాజీ ఉద్యోగులను తిరిగి విధుల్లోకి తీసుకోవడం) కార్పొరేట్ వర్గాల్లో చర్చనీయాంశమైంది. ఇటీవల వ్యయ నియంత్రణ, ఆర్గనైజేషన్ రీస్ట్రక్చరింగ్ పేరుతో సుమారు 30,000 మంది కార్పొరేట్ సిబ్బందిపై లేఆఫ్స్ వేటు వేసిన సంస్థ ఇప్పుడు ఏఐ, క్లౌడ్ కంప్యూటింగ్ (ఏడబ్ల్యూఎస్‌), మెషిన్ లెర్నింగ్ విభాగాల కోసం మాజీ ఉద్యోగుల వైపే మొగ్గు చూపుతోంది.లేఆఫ్స్ తర్వాత మారిన సమీకరణాలుగత కొన్ని త్రైమాసికాలుగా లేఆఫ్స్‌‌ను ఫ్రేమ్ చేసిన విధానం, ఇప్పుడు కొత్త నియామకాల ప్రాధాన్యతలు వేర్వేరుగా ఉన్నాయి. సంస్థ పునర్నిర్మాణంలో భాగమే ఇదని, సాధారణ రిక్రూట్‌మెంట్ విధానంలో పూర్వ ఉద్యోగులను సంప్రదించడం సాధారణమేనని అమెజాన్‌ ప్రతినిధి హెలీ సిల్వా స్పష్టం చేశారు. అయితే, అంతర్గతంగా లేఆఫ్స్ బాధితులతో పాటు నైపుణ్యం కలిగిన నిపుణుల కోసం రిక్రూటర్లు ప్రత్యక్ష ఈ-మెయిళ్లు ద్వారా ఇంటర్వ్యూ ఆఫర్లను అందిస్తున్నట్లు కథనాలు చెబుతున్నాయి.కార్పొరేట్ సంస్కృతిపై ప్రశ్నలుబూమరాంగ్ ఉద్యోగులను నియమించుకోవడం వల్ల శిక్షణ సమయం (ఆన్‌బోర్డింగ్‌ టైమ్‌) తగ్గడమే కాకుండా సంస్థ శైలిపై వారికి ముందే అవగాహన ఉండడం ప్లస్ పాయింట్. కానీ, నిపుణులు ఈ ధోరణిని భిన్నంగా విశ్లేషిస్తున్నారు. ఒక్కసారి లేఆఫ్స్‌కు గురైన లేదా వర్క్ ఫ్రమ్ హోమ్/ఆఫీస్ నిబంధనల వల్ల సంస్థను వీడిన అనుభవజ్ఞులు మళ్లీ ఉద్యోగ భద్రతపై నమ్మకంతో తిరిగి వస్తారా అనేది ప్రధాన ప్రశ్న. ఆర్టిఫిషియల్ ఇంటెలిజెన్స్ రంగంలో గ్లోబల్ పోటీ పెరిగిన వేళ నైపుణ్యం ఉన్న ప్రతిభావంతులు వేగంగా దొరక్కపోవడమే ఈ పునరాలోచనకు కారణమని విశ్లేషకులు భావిస్తున్నారు.ఇదీ చదవండి: సోషల్‌ మీడియా ఫిర్యాదులకు మోక్షమెప్పుడు?

హైదరాబాద్‌: రెసిడెన్షియల్‌ రూఫ్‌టాప్‌ సోలార్‌ కంపెనీ ఫ్రెయర్‌ ఎనర్జీ ప్రచారకర్తగా ప్రముఖ క్రికెటర్‌ రోహిత్‌ శర్మ నియమితులయ్యారు. ఈ సందర్భంగా ’సోలార్‌ హో, తో ఫ్రెయర్‌ హో’ పేరిట జాతీయ స్థాయిలో ప్రచార కార్యక్రమాన్ని కంపెనీ ఆవిష్కరించింది.సౌరభ్‌ మర్దా, రాధికా చౌదరీ ప్రారంభించిన హైదరాబాద్‌ సంస్థ ఫ్రెయర్‌ ఎనర్జీ గత పదేళ్లలో 40 పైచిలుకు నగరాల్లో 20,000కు పైగా సోలార్‌ సిస్టమ్‌లను ఇన్‌స్టాల్‌ చేసింది. పీఎం సూర్య ఘర్‌ ముఫ్త్‌ బిజిలీ యోజన కింద దేశీయంగా రెండో అతి పెద్ద రెసిడెన్షియల్‌ రూఫ్‌టాప్‌ సోలార్‌ సంస్థగా కార్యకలాపాలు సాగిస్తోంది.

అబుదాబి: యునైటెడ్ అరబ్ ఎమిరేట్స్‌ (UAE)లో వాహనదారులకు ఇంధన ధరల రూపంలో మరోసారి షాక్‌ తగిలింది. అక్టోబర్‌ నెలకు పెట్రోల్‌, డీజిల్‌ ధరలను భారీగా పెంచుతూ యూఏఈ ఇంధన ధరల కమిటీ నిర్ణయం తీసుకుంది. కొత్త ధరలు అక్టోబర్‌ 1, 2026 నుంచి అమల్లోకి వచ్చాయి. సెప్టెంబర్‌తో పోలిస్తే అన్ని రకాల పెట్రోల్‌, డీజిల్‌ ధరలు పెరిగాయి.అక్టోబర్‌లో సూపర్‌ 98 పెట్రోల్‌ ధర లీటరుకు 4.40 దిర్హమ్‌లకు చేరింది. సెప్టెంబర్‌లో ఇది 3.80 దిర్హమ్‌లుగా ఉండగా.. లీటరుకు 0.60 దిర్హమ్‌ పెరిగింది. అంటే సుమారు 15.8 శాతం పెరుగుదల. ఇక స్పెషల్‌ 95 పెట్రోల్‌ ధర 3.69 దిర్హమ్‌ల నుంచి 4.28 దిర్హమ్‌లకు చేరింది. దీంతో లీటరుకు 0.59 దిర్హమ్‌ పెరగ్గా.. పెరుగుదల సుమారు 16 శాతంగా నమోదైంది.అదేవిధంగా ఈ-ప్లస్‌ 91 పెట్రోల్‌ ధర 3.61 దిర్హమ్‌ల నుంచి 4.21 దిర్హమ్‌లకు పెరిగింది. లీటరుకు 0.60 దిర్హమ్‌ పెరగడంతో ఇది 16.6 శాతం పెరిగింది. డీజిల్‌ ధర కూడా 4.30 దిర్హమ్‌ల నుంచి 4.80 దిర్హమ్‌లకు చేరింది. అంటే లీటరుకు 0.50 దిర్హమ్‌ పెరుగుదలతో 11.6 శాతం అధికమైంది.ప్రపంచ చమురు ధరల ప్రభావంయూఏఈలో ఇంధన ధరలను ప్రతి నెలా సమీక్షించి సవరించే విధానం అమల్లో ఉంది. అంతర్జాతీయ ఇంధన మార్కెట్‌లో ధరల కదలికలను పరిగణనలోకి తీసుకుని వచ్చే నెలకు సంబంధించిన రిటైల్‌ ధరలను నెలాఖరులో ఇంధన ధరల కమిటీ ప్రకటిస్తుంది. అక్టోబర్‌ ధరలు కూడా ఈ నెలవారీ ధరల విధానం కిందనే నిర్ణయించినట్లు అధికారిక ప్రకటన తెలిపింది.కాగా సెప్టెంబర్‌లో కూడా యూఏఈలో ఇంధన ధరలు పెరిగాయి. తాజాగా అక్టోబర్‌లో మరింత భారీగా పెరగడంతో వరుసగా రెండో నెలలోనూ వాహనదారులపై ఇంధన భారం పెరిగింది. ఈ-ప్లస్‌ 91 పెట్రోల్‌లో 16.6 శాతం పెరుగుదల నమోదవడం అక్టోబర్‌ నెలలో అన్ని ఇంధన రకాలలో అత్యధికం.

న్యూఢిల్లీ: నేషనల్‌ కంపెనీ చట్ట అపిల్లేట్‌ ట్రిబ్యునల్‌ (ఎన్‌సీఎల్‌ఏటీ) తాజాగా ఎస్సెల్‌ గ్రూప్‌ చైర్మన్‌ సుభాష్‌ చంద్ర పిటిషన్‌పై రుణదాతలకు నోటీసులు జారీ చేసింది. ఈ అంశంపై విచారణను అక్టోబర్‌ 29, 30న చేపట్టనున్నట్లు పేర్కొంది.నేషనల్‌ కంపెనీ చట్ట ట్రిబ్యునల్‌(ఎన్‌సీఎల్‌టీ)కి చెందిన ఐదుగురు సభ్యుల బెంచ్ సెప్టెంబ‌ర్‌ 1న జారీ చేసిన ఆదేశాలను వ్యతిరేకిస్తూ చంద్ర అపిల్లేట్‌ ట్రిబ్యునల్‌కు దరఖాస్తు చేశారు. చంద్ర వ్యక్తిగత దివాలా అంశంపై అంతక్రితం ఆయనకు అనుకూలంగా ఎన్‌సీఎల్‌టీ ఇచ్చిన తీర్పుపై స్టే ఇస్తూ, చంద్ర ఆస్తులను ఇతరులకు బదలాయించకుండా ఐదుగురు సభ్యుల బెంచ్‌ ఆదేశాలివ్వడం తెలిసిందే. ఇదీ చ‌ద‌వండి: ఐపీవో స్ట్రీట్‌.. 5 కంపెనీల లిస్టింగ్‌ బాట

న్యూఢిల్లీ: ఈ కేలండర్‌ ఏడాదిలో కదం తొక్కుతున్న ప్రైమరీ మార్కెట్ల స్పీడ్‌ కొనసాగుతోంది. తాజాగా 5 కంపెనీలు లిస్టింగ్‌ బాట పట్టాయి. ఇందుకు అనుగుణంగా క్యాపిటల్‌ మార్కెట్ల నియంత్రణ సంస్థ సెబీకి ముసాయిదా ప్రాస్పెక్టస్‌ దాఖలు చేశాయి. జాబితాలో రాయల్‌ చైన్, ఎవర్‌బ్రాండ్స్‌ ఇండియా, జేబీ ఎకోటెక్స్, స్టాక్‌గ్రో, టెక్నోపెయింట్స్‌ చేరాయి. వివరాలు చూద్దాం..జ్యువెలరీ కంపెనీ బంగారు ఆభరణ తయారీ, విక్రేత రాయల్‌ చైన్‌ పబ్లిక్‌ ఇష్యూ ద్వారా 1,000 కోట్లు సమీకరించాలని భావిస్తోంది. దీనిలో భాగంగా రూ. 850 కోట్ల విలువైన ఈక్విటీని కొత్తగా జారీ చేయనుంది. వీటికి జతగా మరో రూ. 150 కోట్ల విలువైన షేర్లను ప్రమోటర్లు, ప్రస్తుత వాటాదారులు ఆఫర్‌ చేయనున్నారు. ఈక్విటీ జారీ నిధులను రుణ చెల్లింపులు, సాధారణ కార్పొరేట్‌ అవసరాలకు వెచ్చించనుంది. సాంకేతిక ఆధారిత ఒరిజినల్‌ డిజైన్‌ తయారీ(ఓడీఎం)తో బంగారు ఆభరణాలు రూపొందించే కంపెనీ ప్రధాన కస్టమర్లలో జ్యువెలరీ దిగ్గజాలు టైటాన్, కల్యాణ్, పీఎన్‌ గాడ్గిల్, సెంకో గోల్డ్, కళామందిర్‌ జ్యువెలర్స్, తంగమాయిల్‌ తదితరాలున్నాయి. రికో, సార్, అనమిత్ర, ఆలిషాన్, ఇండిగో తదితర సొంత బ్రాండ్లను సైతం కలిగి ఉంది.సబ్‌వే రెస్టారెంట్లు సబ్‌వే రెస్టారెంట్ల నిర్వాహక కంపెనీ ఎవర్‌బ్రాండ్స్‌ ఇండియా ఐపీవో ద్వారా రూ. 600 కోట్లు అందుకోవాలని ఆశిస్తోంది. ఇందుకు వీలుగా ఈక్విటీ షేర్లను తాజాగా జారీ చేయనుంది. ఇష్యూ నిధులలో రూ. 327 కోట్లు కొత్త సబ్‌వే స్టోర్ల ఏర్పాటుపై వెచ్చించనుంది. మరో రూ. 125 కోట్లు సొంత అనుబంధ సంస్థ కలినరీ బ్రాండ్స్‌ ఇండియా రుణ చెల్లింపులకు వినియోగించనుంది. మిగిలిన నిధులను సాధారణ కార్పొరేట్‌ అవసరాలకు కేటాయించనుంది. గతంలో కలినరీ బ్రాండ్స్‌గా కార్యకలాపాలు కలిగిన కంపెనీ సొంత బ్రాండు ఫ్రెష్‌ అండ్‌ హానెస్ట్‌కాగా.. సబ్‌వే, లవజ్జా, దిల్మా బ్రాండ్లను కలిగి ఉంది. స్టాక్‌గ్రో బ్రాండ్‌తో స్టాక్‌ మార్కెట్‌ రీసెర్చ్, అడ్వయిజరీ ప్లాట్‌ఫామ్‌ స్టాక్‌గ్రో మాతృ సంస్థ అసెట్‌గ్రో ఫిన్‌టెక్‌ ఐపీవో ద్వారా రూ. 2,000–2,500 కోట్లమధ్య సమీకరించనుంది. అయితే ఇందుకు గోప్యతా విధానంలో సెబీకి దరఖాస్తు చేసింది. దీంతో ప్రస్తుతం ఇష్యూ వివరాలు అందుబాటులో లేవు. ఇష్యూలో భాగంగా రూ. 800 కోట్ల విలువైన ఈక్విటీని తాజాగా జారీ చేయనున్నట్లు తెలుస్తోంది. మిగిలిన నిధులకు ప్రస్తుత వాటాదారులు షేర్లను ఆఫర్‌ చేయనున్నట్లు సంబంధిత వర్గాలు పేర్కొన్నాయి.ఇదీ చ‌ద‌వండి: న‌మో భార‌త్ రైళ్ల‌లో ట్రిప్ పాస్పెట్‌ బాటిల్స్‌ రీసైక్లింగ్‌ ప్రధానంగా పెట్‌ బాటిల్స్‌ను రీసైక్లింగ్‌ చేసే జేబీ ఎకోటెక్స్‌ ఐపీవోలో భాగంగా రూ. 400 కోట్ల విలువైన ఈక్విటీని తాజాగా జారీ చేయనుంది. అంతేకాకుండా మరో 1.29 కోట్ల ఈక్విటీ షేర్లను ప్రమోటర్లు ఆఫర్‌ చేయనున్నారు. ఈక్విటీ జారీ నిధులలో రూ. 320 కోట్లను కంపెనీతోపాటు, అనుబంధ సంస్థకు చెందిన రుణ చెల్లింపులకు వినియోగించనుంది. మిగిలిన నిధులను సాధారణ కార్పొరేట్‌ అవసరాలకు వెచ్చించనుంది. 2012లో ఏర్పాటైన కంపెనీ పెట్‌ బాటిల్స్‌ రీసైక్లింగ్‌సహా రీసైకిల్డ్‌ పెట్‌ ప్రొడక్టులను రూపొందిస్తోంది. వీటిని వివిధ ప్యాకేజింగ్‌లలో వినియోగిస్తారు. ఇదీ చ‌ద‌వండి: ఫాస్టాగ్‌ వార్షిక పాస్‌ల జోరు.. కీల‌క‌ మైలురాయిపెయింట్స్, కోటింగ్స్‌ పెయింట్లు, కోటింగ్స్‌ తయారీ కంపెనీ టెక్నోపెయింట్స్‌ అండ్‌ కెమికల్స్‌ ఐపీవో ద్వారా రూ. 500 కోట్ల సమీకరణకు ప్రణాళికలు వేసింది. దీనిలో భాగంగా రూ. 325 కోట్ల విలువైన ఈక్విటీని కొత్తగా జారీ చేయనుంది. వీటికి జతగా మరో రూ. 175 కోట్ల విలువైన షేర్లను ప్రస్తుత వాటాదారులు విక్రయానికి ఉంచనున్నారు.

అంతర్జాతీయ ఫుడ్ డెలివరీ, లాజిస్టిక్స్ దిగ్గజం ‘డోర్‌డాష్‌’ భారత మార్కెట్‌లోకి అడుగుపెట్టింది. దేశంలోనే తొలి డెవలప్‌మెంట్ సపోర్ట్ కేంద్రాన్ని హైదరాబాద్‌లో బుధవారం ప్రారంభించింది. ఈ నూతన కార్యాలయాన్ని తెలంగాణ పరిశ్రమలు, ఐటీ శాఖ మంత్రి దుద్దిళ్ల శ్రీధర్ బాబు ఆవిష్కరించారు.ఐటీ, గ్లోబల్ కార్యకలాపాలకు ఊతంప్రస్తుతం 500 మంది నిపుణులతో కార్యకలాపాలు ప్రారంభించిన ఈ కేంద్రం రాబోయే కొద్ది సంవత్సరాల్లో తన ఉద్యోగుల సంఖ్యను 3,000 మార్కుకు పెంచాలని లక్ష్యంగా పెట్టుకుంది. ఈ గ్లోబల్ సెంటర్ ప్రధానంగా రెండు విభాగాలపై దృష్టి సారిస్తుంది. ప్రపంచవ్యాప్తంగా డోర్‌డాష్‌కి ఇది మూడో అతిపెద్ద కస్టమర్ ఎక్స్‌పీరియన్స్ అండ్ ఇంటిగ్రిటీ గ్లోబల్ సర్వీస్ సెంటర్ కావడం విశేషం. ప్రపంచవ్యాప్తంగా ఉన్న 5.6 కోట్లకు పైగా నెలవారీ యాక్టివ్ యూజర్లకు ఈ కేంద్రం ద్వారా సాంకేతిక సేవలు అందనున్నాయి.హైదరాబాద్‌ గ్లోబల్ ఇన్నోవేషన్ హబ్: మంత్రిప్రారంభోత్సవంలో మంత్రి శ్రీధర్ బాబు మాట్లాడుతూ ‘ప్రపంచవ్యాప్తంగా 40కి పైగా దేశాల్లో కార్యకలాపాలు సాగిస్తున్న డోర్‌డాష్ సంస్థ వృద్ధికి హైదరాబాద్‌ను ఎంచుకోవడం నగరానికి దక్కిన గొప్ప గుర్తింపు. ఇది లోకల్ డిజిటల్ కామర్స్, హైపర్‌లోకల్ ఎకోసిస్టమ్‌ను మరింత బలోపేతం చేస్తుంది. స్విగ్గీ, జొమాటో వంటి భారతీయ యాప్‌లకు స్ఫూర్తినిచ్చిన డోర్‌డాష్ హైదరాబాద్‌లో అడుగుపెట్టడం ఇక్కడి ఐటీ ప్రతిభకు నిదర్శనం’ అని పేర్కొన్నారు.ఇదీ చదవండి: ఈరోజు పెరిగినా రూ.లక్షన్నర కిందే బంగారం!

కర్ణాటకలోని ప్రముఖ చమురు శుద్ధి కర్మాగారం మంగళూరు రిఫైనరీ అండ్ పెట్రోకెమికల్స్ లిమిటెడ్ (ఎంఆర్‌పీఎల్‌) ప్రాంగణంలో బుధవారం మధ్యాహ్నం తీవ్రస్థాయి పేలుడు సంభవించింది. రిఫైనరీ యూనిట్‌లోని బాయిలర్ పేలడమే ఈ ఘోర ప్రమాదానికి ప్రాథమిక కారణమని అనుమానిస్తున్నారు. ఈ ఘటనలో కనీసం తొమ్మిది మంది ఉద్యోగులు గాయపడగా, వారిని స్థానిక ఆసుపత్రులకు తరలించి అత్యవసర వైద్య సేవలందిస్తున్నట్లు ప్రాథమిక సమాచారం.పేలుడు ధాటికి సమీపంలోని జోకట్టె, బాజ్పే, సురత్కల్ సహా పరిసర ప్రాంతాలు తీవ్రంగా కంపించాయి. కొద్ది దూరంలోని మంగళూరు అంతర్జాతీయ విమానాశ్రయం అడ్మినిస్ట్రేటివ్ ఆఫీసు అద్దాలు సైతం రాలిపడ్డాయి. ప్రమాదం జరిగిన వెంటనే ఆకాశాన్ని కమ్మేసిన నల్లటి దట్టమైన పొగలు స్థానిక ప్రజల్లో తీవ్ర భయాందోళనలు రేకెత్తించాయి.ప్రమాద సమాచారం అందుకున్న వెంటనే న్యూ మంగళూరు పోర్ట్ అథారిటీతోపాటు కద్రి, పాండేశ్వర్ ఫైర్ స్టేషన్ల నుంచి అగ్నిమాపక యంత్రాలు సంఘటనా స్థలానికి చేరుకుని మంటలను అదుపులోకి తెచ్చేందుకు శ్రమిస్తున్నాయి. స్థానిక పోలీసులు, జిల్లా యంత్రాంగం రెస్క్యూ ఆపరేషన్లను పర్యవేక్షిస్తున్నాయి.ఈ సంఘటన నేపథ్యంలో ఎంఆర్‌పీఎల్‌ యాజమాన్యం, సాంకేతిక నిపుణుల బృందం ప్రమాదానికి గల కచ్చితమైన కారణాలను తెలుసుకునేందుకు దర్యాప్తు ప్రారంభించింది. ప్రజలెవరూ ఆందోళన చెందవద్దని, పరిస్థితిని అదుపులోకి తెచ్చేందుకు అన్ని ముందస్తు జాగ్రత్త చర్యలు తీసుకుంటున్నామని ఎంపీ బ్రిజేష్ చౌతా, స్థానిక అధికారులు విజ్ఞప్తి చేశారు. కాగా, ఈ ప్రమాద వార్త బయటకు రావడంతో ఎంఆర్‌పీఎల్‌ షేర్ల విలువ ఒకేసారి 5 శాతం వరకు క్షీణించింది.ఇదీ చదవండి: ఈరోజు పెరిగినా రూ.లక్షన్నర కిందే బంగారం!

టాటా సన్స్ లిస్టింగ్ ప్రక్రియ వ్యాపార వర్గాల్లో వేడి పుట్టిస్తోంది. టాటా సన్స్ హ్యాండిల్ చేస్తున్న కోర్ ఇన్వెస్ట్‌మెంట్ కంపెనీ (సీఐసీ) హోదాను వదులుకునేందుకు ఆర్‌బీఐ ఇటీవల అంగీకరించకపోవడంతో టాటా సన్స్ ఐపీఓకు వెళ్లక తప్పనిసరి పరిస్థితి ఏర్పడింది. ఈ క్రమంలో దాదాపు 18.37 శాతం వాటా కలిగిన షాపూర్జీ పల్లోంజీ (ఎస్‌పీ) గ్రూప్ చర్యలు ఇప్పుడు ఆర్థిక వర్గాల్లో చర్చనీయాంశమయ్యాయి.రూ.25,000 కోట్ల ఆఫర్టాటా సన్స్ లిస్టింగ్‌ను నివారించే ఉద్దేశంతో ఎస్‌పీ గ్రూప్ ఛైర్మన్ షాపూర్ మిస్త్రీ 3 శాతం వాటాను దాదాపు రూ.25,000 కోట్లకు తిరిగి టాటా సన్స్‌కే విక్రయించేందుకు ప్రతిపాదన తెచ్చారు. అయితే, టాటా సన్స్ బోర్డు 4:1 మెజారిటీతో ఈ బైబ్యాక్ ఆఫర్‌ను తిరస్కరించింది. ఫలితంగా, టాటా సన్స్ లిస్టింగ్ అనివార్యమైంది. ఐపీఓ ప్రతిపాదనను స్వాగతిస్తూ షాపూర్ మిస్త్రీ ‘ఆర్‌బీఐ స్పష్టమైన మార్గదర్శకాల నేపథ్యంలో టాటా సన్స్ లిస్టింగ్ అనేది వాటాదారులు, ట్రస్టుల మధ్య వారధిగా పనిచేస్తుంది. ఇది పారదర్శకతకు నిదర్శనం’ అని పేర్కొన్నారు.రుణాల ఒత్తిడి.. ఎస్‌పీ గ్రూప్ వ్యూహంగత కొన్నేళ్లుగా ఎస్‌పీ గ్రూప్‌పై తీవ్రమైన రుణ భారం ఉంది. ఈ గ్రూప్ రుణాల విలువ దాదాపు రూ.60,000 కోట్లుగా అంచనా. ఇటీవలే ఎస్‌పీ గ్రూప్ రూ.15,100 కోట్ల ప్రైవేట్ క్రెడిట్ బాండ్లను 18.95% అధిక వడ్డీ రేటుతో సేకరించింది. టాటా సన్స్‌లోని తమ వాటాను తదనుగుణంగా సెక్యూరిటీగా కూడా ఉంచింది. సెప్టెంబర్ చివరినాటికి రూ.3,500 కోట్ల రుణాన్ని చెల్లించగా రాబోయే రోజుల్లో మిగిలిన చెల్లింపులు చేయాల్సి ఉంది.విశ్లేషకుల ప్రకారం, ప్రస్తుతం టాటా సన్స్ విలువ రూ.9 లక్షల కోట్ల నుంచి రూ.12.5 లక్షల కోట్ల మధ్య ఉంటుందని అంచనా. ఈ లెక్కన ఎస్‌పీ గ్రూప్ వద్ద ఉన్న 18.37% వాటా విలువ రూ.1.5 లక్షల కోట్ల నుంచి రూ.2.2 లక్షల కోట్ల వరకు ఉంటుంది. ఈ పబ్లిక్ లిస్టింగ్ పూర్తయితే ఎస్‌పీ గ్రూప్‌నకు కావాల్సిన లిక్విడిటీ లభించి తమ రుణాల భారాన్ని సులువుగా తగ్గించుకునే అవకాశం ఏర్పడుతుంది.ఇదీ చదవండి: ఈరోజు పెరిగినా రూ.లక్షన్నర కిందే బంగారం!

దేశంలోనే అతిపెద్ద చమురు విక్రయ సంస్థ ఇండియన్ ఆయిల్ కార్పొరేషన్ (ఐఎసీఎల్‌) తన వ్యాపారాన్ని మరింత విస్తరిస్తోంది. కేవలం పెట్రోల్, డీజిల్ విక్రయాలకే పరిమితం కాకుండా సొంత బ్రాండ్ పేరుతో ప్యాకేజ్డ్ డ్రింకింగ్ వాటర్ మార్కెట్‌లోకి అడుగుపెట్టేందుకు రంగం సిద్ధం చేస్తోంది. దేశవ్యాప్తంగా ఉన్న తన 43,000కు పైగా రిటైల్ అవుట్‌లెట్ల భారీ నెట్‌వర్క్‌‌ను వినియోగించుకుంటూ ఈ వ్యాపారాన్ని విస్తరించాలని ప్రతిపాదించింది.ఇంధనేతర ఆదాయమే ప్రధాన లక్ష్యంఐఓసీఎల్ ప్రస్తుతం వార్షికంగా ఉన్న రూ.200 కోట్ల ఇంధనేతర (నాన్‌ ఫ్యుయెల్‌) రాబడిని ఏకంగా రూ.760 కోట్లకు పెంచుకోవాలనే వ్యూహాత్మక లక్ష్యంతో ఉంది. ఇందులో భాగంగా స్థూల మార్కెట్ విలువను రూ.11,000 కోట్లకు పైగా చేరుకోవాలని భావిస్తోంది. రోజువారీగా దాదాపు 3.2 కోట్లకు పైగా వినియోగదారులు సందర్శించే 19.5 కోట్ల చదరపు అడుగుల ఐఓసీఎల్ అవుట్‌లెట్ స్పేస్‌ను వాణిజ్యపరంగా ఉపయోగించుకోవడమే ఈ ప్రాజెక్ట్ ప్రధాన ఉద్దేశం.హైవే అవుట్‌లెట్లపై ప్రత్యేక దృష్టిమొత్తం నెట్‌వర్క్‌లో దాదాపు సగం, అంటే 21,435 హైవే అవుట్‌‌లెట్లు ఈ వాటర్ బాటిళ్ల విక్రయంలో కీలక పాత్ర పోషించనున్నాయి. ప్రయాణికులకు తాగునీటి అవసరం ఎక్కువగా ఉండే ఈ ప్రాంతాల్లో ముందుగా ప్రారంభించి ఆపై అర్బన్, సెమీ-అర్బన్ బంకులకు విస్తరించనున్నారు. ప్రారంభంలో 250 ఎంఎల్‌, 500 ఎంఎల్‌, ఒక లీటర్ పెట్‌ బాటిళ్లను అందుబాటులోకి తేనున్నారు. భవిష్యత్తులో ప్రీమియం వాటర్, నేచురల్ మినరల్ వాటర్, ఆల్కలైన్ వాటర్, ఫంక్షనల్ హైడ్రేషన్ ఉత్పత్తులను కూడా ప్రవేశపెట్టే ఆలోచనలో కంపెనీ ఉంది.అగ్రిగేటర్ల భాగస్వామ్యంఈ బిజినెస్ మోడల్ కోసం ఐఓసీఎల్ ఎక్స్‌ప్రెషన్ ఆఫ్ ఇంట్రెస్ట్ (ఈఓఐ) దాఖలు చేసింది. మ్యానుఫ్యాక్చరింగ్, క్వాలిటీ అస్యూరెన్స్, సప్లై చైన్, లాజిస్టిక్స్ బాధ్యతలను మల్టీ-ఇయర్ మోడల్‌లో ఎంపిక చేసిన అగ్రిగేటర్లు చూసుకుంటారు. అయితే, బ్రాండ్ యాజమాన్యం, ప్రొడక్ట్ ప్రైసింగ్, డీలర్ మార్జిన్లపై పూర్తి నియంత్రణ మాత్రం ఐఓసీఎల్ వద్దే ఉంటుంది.భారీ మార్కెట్ఇండియా బ్రాండ్ ఈక్విటీ ఫౌండేషన్ నివేదిక ప్రకారం, భారతదేశ ప్యాకేజ్డ్ డ్రింకింగ్ వాటర్ మార్కెట్ 2025 నాటికి రూ.32,040 కోట్లకు చేరగా 2032 నాటికి ఇది రూ.57,850 కోట్లకు పెరుగుతుందని అంచనా. ఇప్పటికే హెచ్‌యూఎల్, డాబర్, పీవీఆర్ వంటి దిగ్గజాలతో భాగస్వామ్యం కలిగిన ఐఓసీఎల్ తాజా నిర్ణయంతో ప్యాకేజ్డ్ వాటర్ రంగంలో తన మార్కెట్ వాటాను గణనీయంగా దక్కించుకునేందుకు చర్యలు చేపడుతోంది.ఇదీ చదవండి: ఈరోజు పెరిగినా రూ.లక్షన్నర కిందే బంగారం!

తీవ్ర వర్షాభావ పరిస్థితులు, కరవుతో అతలాకుతలమవుతున్న మహారాష్ట్రలో రైతులకు ఉపశమనం అందించేందుకు రాష్ట్ర ప్రభుత్వం కీలకమైన నిర్ణయం తీసుకుంది. రాష్ట్రంలో నెలకొన్న కరవు పరిస్థితుల దృష్ట్యా పంట రుణాల వసూళ్ల కోసం రైతుల ఇళ్లకు వెళ్లవద్దని బ్యాంకులు, పరపతి సంఘాలను రెవెన్యూ మంత్రి చంద్రశేఖర్ బవాన్కులే సారథ్యంలోని ‘కరవు సహాయక క్యాబినెట్ సబ్‌కమిటీ’ ఆదేశించింది. రుణ వసూళ్ల ప్రక్రియను తాత్కాలికంగా నిలిపివేసేలా అధికారిక సర్క్యులర్ జారీ చేయాల్సిందిగా ఆర్‌బీఐని కోరేందుకు ఉన్న అవకాశాలను పరిశీలించాలని ప్రభుత్వ ప్రధాన కార్యదర్శి రాజేష్ అగర్వాల్‌ను కమిటీ ఆదేశించింది.రాష్ట్రంలోని మొత్తం 358 తాలూకాలలో 74 శాతానికి పైగా, అంటే 265 తాలూకాల్లో తీవ్ర కరవు పరిస్థితులు దాపురించాయని ప్రభుత్వం వెల్లడించింది. 2016 (2020లో సవరించిన) కరవు నిర్వహణ నియమావళిలోని ‘ట్రిగ్గర్-1’ (25 శాతం కంటే ఎక్కువ వర్షపాత లోటు, వరుసగా 21 రోజుల పొడి వాతావరణం) ఆధారంగా ఈ తాలూకాలను కరవు ప్రాంతాలుగా ప్రకటించారు. మరో 43 తాలూకాలు ‘ట్రిగ్గర్-2’ (పంటల విస్తీర్ణం-నష్టం, భూగర్భ జలాలు, జలాశయాల నీటిమట్టం ఆధారంగా) పరిధిలోకి వస్తున్నాయని, వీటికి జాప్యం లేకుండా వెంటనే జీవో జారీ చేయాలని ఐఏఎస్ అధికారిణి వినీతా వేద్ సింఘాల్ పేర్కొన్నారు.తీవ్ర నీటి ఎద్దడి.. భవిష్యత్తు కార్యాచరణపట్టణ ప్రాంతాల్లో 10% నీటి సరఫరా కోత విధించాలని, ప్రస్తుతం సేకరించిన నీటిని వచ్చే ఏడాది జూన్ వరకు లభ్యమయ్యేలా బఫర్ స్టాక్‌గా నిర్వహించాలని కమిటీ నిర్ణయించింది. ప్రస్తుతం రాష్ట్రంలో 560 ట్యాంకర్ల ద్వారా తాగునీరు అందిస్తుండగా రాబోయే 10 నెలల పాటు మంచినీరు, పశువుల మేత కొరత రాకుండా సమగ్ర ప్రణాళికలు సిద్ధం చేస్తున్నారు. తీవ్ర నీటి కొరత ఉన్న ప్రాంతాల్లో గృహ, వాణిజ్య నిర్మాణ అనుమతులను తాత్కాలికంగా నిలిపివేయాలని పర్యావరణ మంత్రి పంకజా ముండే సూచించారు. సరస్సుల చుట్టూ జరిగే నీటి దొంగతనాలను అరికట్టేందుకు విద్యుత్తు కనెక్షన్లు తొలగించాలని మంత్రి గిరీష్ మహాజన్ ఆదేశించారు.ఇదీ చదవండి: ఈరోజు పెరిగినా రూ.లక్షన్నర కిందే బంగారం!

క్యాపిటల్‌ మార్కెట్ల నియంత్రణ సంస్థ సెబీ వినోద్‌ అదానీపై కేసును ఎత్తివేస్తున్నట్లు ప్రకటించింది. ఆఫ్‌షోర్‌ ఫండ్స్‌ను నియంత్రిస్తున్నారనేందుకు ఎలాంటి ఆధారాలూ లభించలేదని తెలియజేసింది. డైవర్సిఫైడ్‌ దిగ్గజం అదానీ గ్రూప్‌ చైర్మన్‌ గౌతమ్‌ అదానీకి సోదరుడైన వినోద్‌ ఆఫ్‌షోర్‌ ఫండ్స్‌ ద్వారా నాలుగు గ్రూప్‌ కంపెనీలలో ఇన్వెస్ట్‌ చేశారన్న అభియోగాలు రుజువుకాలేదని స్పష్టం చేసింది.వినోద్‌ అదానీతోపాటు మరో 11మందిపై అక్రమాల ఆరోపణ కేసును ఉపసంహరిస్తున్నట్లు 81 పేజీల తుది ఆదేశాలలో సెబీ పేర్కొంది. రెండు విదేశీ పోర్ట్‌ఫోలియో ఇన్వెస్ట్‌మెంట్‌ సంస్థలు ఎమర్జింగ్‌ ఇండియా ఫోకస్‌ ఫండ్స్‌(ఈఐఎఫ్‌ఎఫ్‌), ఈఎం రిసర్జెంట్‌ ఫండ్‌(ఈఎంఆర్‌) పెట్టుబడి నిర్ణయాలను వినోద్‌ ప్రభావితం చేయలేదని తమ దర్యాప్తులో తేలినట్లు వివరించింది. అంతేకాకుండా అదానీ పవర్‌లో ఒపల్‌ ఇన్వెస్ట్‌మెంట్స్‌ పెట్టుబడి నిర్ణయాలలోనూ వినోద్‌ పాత్ర ఉన్నట్లు వెల్లడికాలేదని సెబీ హోల్‌టైమ్‌ సభ్యులు కమలేష్‌ చంద్ర వార్ష్‌నీ జారీ చేసిన ఆదేశాలలో పేర్కొన్నారు.ఇదీ చదవండి: కీలక వడ్డీ రేటు పెంపునకు ఆర్‌బీఐ సిద్ధం?

అక్టోబర్ 2026లో పండుగలు ఎక్కువగా ఉండటంతో బ్యాంకులకు పది రోజుల కంటే ఎక్కువ సెలవులు రానున్నాయి. దుర్గాపూజ, దసరా, విజయదశమి, లక్ష్మీపూజ, కర్వా చౌత్ వంటి పండుగలతో పాటు రెండో, నాలుగో శనివారాలు, ఆదివారాలు కూడా బ్యాంకులు మూసి ఉంటాయి. అయితే ఈ సెలవులు అన్ని రాష్ట్రాల్లో ఒకేలా ఉండవు. పండుగలను బట్టి ఒక్కో రాష్ట్రం, నగరంలో వేర్వేరు తేదీల్లో బ్యాంకులకు సెలవులు ఉంటాయి. కాబట్టి.. బ్యాంకులకు వెళ్లి చేయాల్సిన ముఖ్యమైన పనులు ఉంటే ముందుగానేసెలవులను చెక్ చేసుకోవడం మంచిది.సెలవుల జాబితాఅక్టోబర్ 2: గాంధీ జయంతి - దేశవ్యాప్తంగా బ్యాంకులకు సెలవు.అక్టోబర్ 10: మహాలయ అమావాస్య - బెంగళూరు, కోల్‌కతాలో సెలవు. ఇదే రోజు రెండో శనివారం.అక్టోబర్ 17: మహా సప్తమి - అగర్తలలో సెలవు.అక్టోబర్ 19: దుర్గాపూజ / మహాష్టమి / మహానవమి - పలు రాష్ట్రాలు, నగరాల్లో బ్యాంకులకు సెలవు.అక్టోబర్ 20: దసరా / విజయదశమి - అనేక ప్రాంతాల్లో బ్యాంకులు మూసి ఉంటాయి.అక్టోబర్ 21: విజయదశమి / దుర్గాపూజ - అగర్తలా, బెంగళూరు, గ్యాంగ్‌టక్, గువాహటి, కొచ్చి, కోల్‌కతా, తిరువనంతపురం మొదలైన ప్రాంతాల్లో సెలవు.అక్టోబర్ 22,23: దుర్గాపూజ / దసైన్ - గ్యాంగ్‌టక్‌లో బ్యాంకులకు సెలవు.అక్టోబర్ 24: నాలుగో శనివారం - దేశవ్యాప్తంగా బ్యాంకులు మూసి ఉంటాయి.అక్టోబర్ 26: లక్ష్మీపూజ / మహర్షి వాల్మీకి జయంతి / యాక్సెసిబిలిటీ డే - కొన్ని ప్రాంతాల్లో సెలవు.అక్టోబర్ 29: కర్వా చౌత్ - సిమ్లాలో బ్యాంకులకు సెలవు.అక్టోబర్ 31: సర్దార్ వల్లభ్‌భాయ్ పటేల్ జయంతి - అహ్మదాబాద్‌లో సెలవు.ఆదివారాలు: అక్టోబర్‌లో వచ్చే అన్ని ఆదివారాల్లో బ్యాంకు శాఖలు సాధారణంగా పనిచేయవు.ఈ సెలవుల కారణంగా బ్యాంక్ బ్రాంచ్ సేవలు అందుబాటులో ఉండకపోయినా, డిజిటల్ బ్యాంకింగ్ సేవలు మాత్రం కొనసాగుతాయి. ఇంటర్నెట్ బ్యాంకింగ్, మొబైల్ బ్యాంకింగ్, యూపీఐ, డెబిట్, క్రెడిట్ కార్డులు, అలాగే ఏటీఎం సేవలు సాధారణంగా పనిచేస్తాయి. కాబట్టి తప్పకుండా బ్యాంకుకు వెళ్లి చేయాల్సిన పనులు మాత్రమే వాయిదా పడతాయి.ఇదీ చదవండి: రేషన్ కార్డుదారులకు బిగ్ షాక్.. 1.58 కోట్ల కార్డులు రద్దు?

అక్టోబర్ 1 నుంచి 31 వరకు సెంట్రల్ రైల్వే పరిధిలో ప్రత్యేక టికెట్ తనిఖీ డ్రైవ్ నిర్వహించనున్నారు. ఈ తనిఖీలు కేవలం టికెట్ లేకుండా ప్రయాణించే వారికే మాత్రమే పరిమితం కావు. రాయితీ టికెట్లు, ప్రత్యేక రిజర్వేషన్ కోటాలు, రైల్వే పాసులు, గ్రూప్ బుకింగ్స్‌పైనా అధికారులు ప్రత్యేకంగా దృష్టి పెట్టనున్నారు. రైల్వే స్టేషన్లతో పాటు.. లోకల్ రైళ్లలో కూడా తనిఖీలు నిర్వహిస్తారు.రాయితీ లేదా ప్రత్యేక కోటాలో టికెట్ బుక్ చేసుకున్న ప్రయాణికులు తమ అర్హతను నిరూపించేందుకు తప్పకుండా ఒరిజినల్ ఐడీ ప్రూఫ్ వెంట తీసుకెళ్లాలి. ఆధార్, పాస్‌పోర్ట్, పాన్ కార్డు, డ్రైవింగ్ లైసెన్స్, ఓటర్ ఐడీ, కేంద్ర లేదా రాష్ట్ర ప్రభుత్వం ఇచ్చిన ఫొటో ఐడీ, గుర్తింపు పొందిన విద్యాసంస్థ ఇచ్చిన విద్యార్థి ఐడీ వంటి పత్రాలను ఉపయోగించవచ్చు. ఫోన్‌లో ఉన్న ఐడీ ఫొటో లేదా జిరాక్స్ కాపీ కంటే ఒరిజినల్ డాక్యుమెంట్ వెంట ఉంచుకోవడం మంచిది.ఒకే టికెట్‌పై పలువురు ప్రయాణిస్తున్నప్పుడు కూడా ఈ నిబంధనలు వర్తిస్తాయి. గ్రూప్ బుకింగ్‌లో టికెట్‌లో పేరు ఉన్న ప్రయాణికుల్లో కనీసం ఒకరు అవసరమైన ఒరిజినల్ ఐడీ ప్రూఫ్ చూపించాలి. అలాగే ఈ-పాస్ లేదా ప్రివిలేజ్ టికెట్ ఆర్డర్ (PTO)తో ప్రయాణించే వారు కూడా ఒరిజినల్ ఐడీని వెంట ఉంచుకోవడంతో పాటు, ప్రయాణానికి ముందు వాటిని నిర్దేశించిన 'అథారిటీ టు ట్రావెల్'గా మార్చుకున్నారో లేదో చూసుకోవాలి.టికెట్ తనిఖీల సమయంలో ప్రయాణికుల వద్ద ఉన్న టికెట్లు నిజమైనవేనా, వారు ఉపయోగిస్తున్న రాయితీ లేదా కోటాకు అర్హులేనా అనే విషయాలను అధికారులు పరిశీలిస్తారు. అన్‌రిజర్వుడ్ టికెట్లను కూడా తనిఖీ చేస్తారు. అవసరమైనప్పుడు టికెట్ నిజమైనదా కాదా తెలుసుకోవడానికి టికెట్ చెకింగ్ సిబ్బంది టీటీఈ యాప్‌ను కూడా ఉపయోగించనున్నారు. సరైన టికెట్ లేదా అవసరమైన పత్రాలు లేకపోతే రైల్వే నిబంధనల ప్రకారం చర్యలు తీసుకునే అవకాశం ఉంది.ఇదీ చదవండి: రేషన్ కార్డుదారులకు బిగ్ షాక్.. 1.58 కోట్ల కార్డులు రద్దు?

ప్రముఖ టెలికాం దిగ్గజం రిలయన్స్ జియో తన వినియోగదారుల కోసం ఎప్పటికప్పుడు సరసమైన రీఛార్జ్ ప్లాన్స్ అందిస్తుంటుంది. ఈ కథనంలో రూ.100 కంటే తక్కువ ధరలో అందుబాటులో ఉన్న రెండు రీఛార్జ్ ప్లాన్స్ గురించి తెలుసుకుందాం.రూ.55 ప్లాన్జియో తన ప్రీపెయిడ్ వినియోగదారుల కోసం కేవలం రూ.55కే ఒక ప్రత్యేక టీవీ వోచర్‌ను అందుబాటులోకి తీసుకొచ్చింది. ఈ ప్లాన్ ద్వారా తక్కువ ధరలోనే ప్రీమియం లైవ్ టీవీ ఛానళ్లను చూడవచ్చు. అయితే.. ఇది సాధారణ రీచార్జ్ ప్లాన్ కాదు. ఎందుకంటే.. ఈ వోచర్‌ను ఉపయోగించాలంటే ఇప్పటికే యాక్టివ్‌లో ఉన్న ఒక బేస్ ప్రీపెయిడ్ ప్లాన్ తప్పనిసరిగా ఉండాలి. బేస్ ప్లాన్ లేకపోతే ఈ వోచర్ పనిచేయదు.రూ.55 ప్లాన్ వ్యాలిడిటీ 30 రోజులు. అయితే దీని ద్వారా 10ఎంబీ డేటా మాత్రమే లభిస్తుంది. డేటా పరంగా పెద్దగా ఉపయోగం లేకపోయినప్పటికీ.. టీవీ ఛానల్స్ చూడటానికి పనికొస్తుంది. జియోటీవీ యాప్‌లో 1,000కుపైగా లైవ్ టీవీ ఛానళ్లను వీక్షించవచ్చు. ఇందులో జియోస్టార్, సోనీ ఎంటర్‌టైన్‌మెంట్, సన్ టీవీ నెట్‌వర్క్, వార్నర్ బ్రదర్స్ డిస్కవరీ, ఈటీవీ వంటి ప్రముఖ నెట్‌వర్క్‌లకు చెందిన ఛానల్స్ అందుబాటులో ఉంటాయి.స్టార్ ప్లస్ హెచ్‌డీ, కలర్స్ హెచ్‌డీ, సోనీ సెట్ హెచ్‌డీ, సోనీ సబ్ హెచ్‌డీ వంటి ప్రముఖ ఛానళ్లను కూడా వీక్షించవచ్చు. అయితే జియోస్టార్‌కు చెందిన స్పోర్ట్స్ ఛానళ్లు ఈ ప్లాన్‌లో ఉండవు. తక్కువ ఖర్చుతో మొబైల్‌లో లైవ్ టీవీ చూడాలనుకునే జియో వినియోగదారులకు ఈ రూ.55 ప్లాన్ మంచి ఎంపిక.రూ.77 ప్లాన్జియో రూ.77 ప్లాన్ అందించడం వెనుక ప్రధాన ఉద్దేశం ఓటీటీ ప్రయోజనాలను అందించడమే. ఎందుకంటే ఈ ప్లాన్ రీఛార్జ్ చేసుకుంటే కేవలం 3 జేబీ డేటా మాత్రమే లభిస్తుంది. ఇది కూడా కేవలం 5 రోజుల వ్యాలిడిటీ మాత్రమే.సోనీలివ్ ఓటీటీ 30 రోజుల పాటు ఉచితంగా లభిస్తుంది. సోనీలివ్ ద్వారా కంటెంట్‌ను చూడటానికి ఆసక్తి ఉన్న వినియోగదారులు జియోటీవీ యాప్ ద్వారా దానిని స్ట్రీమ్ చేసుకోవచ్చు. జియోటీవీ యాప్ ఆండ్రాయిడ్, ఐఓఎస్ వినియోగదారులకు అందుబాటులో ఉంది.ఇదీ చదవండి: పిల్లలు, వృద్ధుల భద్రత కోసం జియోషీల్డ్

సినిమా చూసి కాస్త రిలాక్స్ అవుదామని థియేటర్‌కు వెళ్తే.. స్క్రీన్ మీద నిమిషాల తరబడి ప్రకటనలు వేస్తూ మీ విలువైన సమయాన్ని వృథా చేస్తున్నారని ఎప్పుడైనా విసుగు చెందారా? ‘అందరూ భరిస్తున్నారు కదా, మనమెందుకు గొడవ పడటం’ అని చాలామంది ఊరుకుంటారు. కానీ హైదరాబాద్‌కు చెందిన ఒక న్యాయవాది మాత్రం ఆ ఉదాసీనతను పక్కనపెట్టి చట్టపరంగా పోరాడారు!రాత్రి 10.35 గంటలకు ప్రారంభం కావాల్సిన చిత్రం కోసం టికెట్ బుక్ చేసుకుని వెళ్తే పీవీఆర్‌ మల్టీప్లెక్స్ యాజమాన్యం ఏకంగా 22 నిమిషాల పాటు వాణిజ్య ప్రకటనలే ప్రదర్శించింది. దీంతో సినిమా ఆలస్యమై లేట్‌ నైట్‌ ఇంటికి చేరుకోవాల్సి వచ్చింది. ఈ ఉల్లంఘనపై ఆయన వినియోగదారుల కమిషన్‌ను ఆశ్రయించగా.. సంస్థకు రూ.75,000 జరిమానా విధిస్తూ తీర్పు వెలువడింది. ప్రేక్షకుల సమయాన్ని తేలిగ్గా తీసుకునే థియేటర్ యాజమాన్యాలకు చెక్ పెట్టిన ఈ ఆసక్తికర వివరాలు ఇప్పుడు చూద్దాం.కేసు వివరాలుహైదరాబాద్‌కు చెందిన ఒక న్యాయవాది 2025 జూన్ 20న రాత్రి 10.35 గంటల షోకు ధనుష్, నాగార్జున నటించిన ‘కుబేర’ సినిమా చూడటానికి పీవీఆర్ థియేటర్‌లో రెండు టికెట్లు బుక్ చేసుకున్నారు. రాత్రి 10.30 గంటలకే థియేటర్‌కు చేరుకుని సీట్లలో కూర్చున్నప్పటికీ సినిమా మాత్రం నిర్ణీత సమయానికి ప్రారంభం కాలేదు. వాణిజ్య ప్రకటనలు, ఇతర ట్రైలర్లు ప్రదర్శించడంతో రాత్రి 10.52 గంటలకు (దాదాపు 22 నిమిషాలు ఆలస్యంగా) సినిమా మొదలైంది. దీనివల్ల షో పూర్తయి ఇంటికి చేరేసరికి రాత్రి 2 గంటలకు బదులు 3 గంటలైందని, ఇది తన విశ్రాంతిని, వ్యక్తిగత పనులను తీవ్రంగా ప్రభావితం చేసిందని పేర్కొంటూ ఆయన వినియోగదారుల కమిషన్‌ను ఆశ్రయించారు.ప్రజా సమాచార, ప్రసార మంత్రిత్వ శాఖ మార్గదర్శకాల ప్రకారం సామాజిక అవగాహన ప్రకటనలు గరిష్టంగా రెండు నిమిషాలు మాత్రమే ఉండాలి. నియమాలను ఉల్లంఘించి యాడ్స్ వేయడం అనుచిత వ్యాపార ధోరణి కిందకు వస్తుందని ఫిర్యాదుదారు వాదించారు. కాగా, ప్రకటనలు వేయడం తమ వ్యాపార హక్కుఅని పీవీఆర్ సంస్థ సమర్థించుకున్నప్పటికీ కమిషన్ ఆ వాదనను తోసిపుచ్చింది.వినియోగదారుల కమిషన్ తీర్పుకమిషన్ ఈ వ్యవహారాన్ని తీవ్రంగా పరిగణించి సంస్థకు ఆదేశాలు ఇచ్చింది. దాని ప్రకారం.. ఫిర్యాదుదారునికి ఎదురైన మానసిక ఆందోళన, అసౌకర్యానికి గాను రూ.20,000 పరిహారం చెల్లించాలి. కోర్టు ఖర్చుల కింద రూ.5,000 అందజేయాలి. నిబంధనల ఉల్లంఘనకు గాను రూ.50,000 జిల్లా వినియోగదారుల సంక్షేమ నిధికి జరిమానా రూపంలో జమ చేయాలి. భవిష్యత్తులో ఈ తరహా అనుచిత వ్యాపార పద్ధతులను వెంటనే నిలిపివేయాలని స్పష్టం చేసింది. సినిమా థియేటర్లలో నిర్ణీత సమయాన్ని పాటించకుండా ప్రేక్షకులను ఇబ్బంది పెట్టే యాజమాన్యాలకు ఈ తీర్పు హెచ్చరికగా నిలుస్తుందని నిపుణులు భావిస్తున్నారు.ఇదీ చదవండి: బంగారం ధరలు దిగివచ్చిన వేళ.. ఒక్కరోజే ఇలా..

ఆర్టిఫిషియల్ ఇంటెలిజెన్స్, జనరేటివ్ ఏఐ రాకతో గ్లోబల్ ఐటీ రంగం వేగంగా మారుతోంది. సాంప్రదాయ ఐటీ సర్వీసుల నమూనా నుంచి ఉన్నత స్థాయి సాంకేతిక పరిష్కారాల వైపు ఐటీ పరిశ్రమ అడుగులు వేస్తోంది. ఈ క్రమంలో భారతీయ ఐటీ దిగ్గజం ఇన్ఫోసిస్ తన పనితీరు, మానవ వనరుల నిర్మాణంలో కీలకమైన వ్యూహాత్మక మార్పు చేపడుతోంది.కంపెనీలో మొత్తం 3,20,000 మందికి పైగా ఉన్న ఉద్యోగుల్లో మూడో వంతు (సుమారు 25% నుంచి 33 శాతం) మందిని ప్రత్యేక నైపుణ్యాలు కలిగిన స్పెషలిస్ట్ పాత్రల్లోకి మార్చేందుకు ప్రతిపాదన సిద్ధం చేసింది. దీనితో పాటు ‘ఫ్రాంటియర్ ఇంజినీర్లు’గా పిలిచే 6,000 మంది నిపుణులతో కూడిన ఒక అత్యున్నత సాంకేతిక బృందాన్ని ఏర్పాటు చేయనుంది.ఈ నిర్ణయానికి సంబంధించిన ముఖ్యాంశాలుప్రామాణిక కోడింగ్, పర్యవేక్షణ వంటి సాధారణ పనుల స్థానంలో ఏఐ, క్లౌడ్, సైబర్ సెక్యూరిటీ, డేటా సైన్స్ వంటి అభివృద్ధి చెందుతున్న రంగాల్లో నిపుణులను తయారుచేయడమే ఈ రీ-స్కిల్లింగ్ ప్రణాళిక ముఖ్య ఉద్దేశం.ఐఐటీలు, ప్రముఖ ఇండియన్ ఇన్‌స్టిట్యూట్లు, అమెరికా క్యాంపస్‌ల నుంచి అత్యుత్తమ ప్రతిభావంతులైన 6,000 మంది ఇంజినీర్లను ఎంపిక చేయనున్నారు. అంతర్జాతీయ ఏఐ ల్యాబ్‌లతో పోటీపడి మరీ వీరిని రిక్రూట్ చేసుకుంటున్నారు.ఐటీ పరిశ్రమలో ఇన్నాళ్లూ కొనసాగిన సిబ్బంది సంఖ్య ఆధారిత ఆదాయ నమూనా స్థానంలో నైపుణ్య ఆధారిత అత్యుత్తమ సేవలను అందించడమే లక్ష్యంగా పెట్టుకుంది.లేఆఫ్స్ కావు.. పునర్నిర్మాణమే!ఈ ప్రక్రియ ఉద్యోగుల తగ్గింపు (లేఆఫ్స్) కోసం కాదని ఉద్యోగుల సామర్థ్యాన్ని పెంచే రీబ్యాలెన్సింగ్ చర్య మాత్రమేనని సంస్థ స్పష్టం చేసింది. వాషింగ్టన్‌లో ఇటీవల జరిగిన వార్షిక కాన్ఫరెన్స్‌లో ఈ వ్యూహాన్ని కంపెనీ యాజమాన్యం వెల్లడించింది. మొత్తానికి, సాంప్రదాయ ఐటీ శకానికి ముగింపు పలుకుతూ ఏఐ ఆధారిత నూతన సాంకేతిక యుగానికి ఐటీ ప్రాజెక్టులను సిద్ధం చేయడంలో ఇన్ఫోసిస్ తీసుకున్న ఈ నిర్ణయం మిగతా భారతీయ ఐటీ సంస్థలకు కూడా మార్గదర్శకంగా నిలవనుందని కొందరు భావిస్తున్నారు.ఇదీ చదవండి: బంగారం ధరలు దిగివచ్చిన వేళ.. ఒక్కరోజే ఇలా..

క్రికెట్‌ క్రీడలో ఎన్నో రికార్డులు తిరగరాసిన భారత క్రికెట్ దిగ్గజం, ‘భారతరత్న’ సచిన్ తెందుల్కర్‌ సాంకేతిక పరిజ్ఞానంలోనూ సరికొత్త ఇన్నింగ్స్ ప్రారంభించారు. ప్రముఖ ఆర్టిఫిషియల్ ఇంటెలిజెన్స్ సంస్థ ‘ఓపెన్ ఏఐ’తో అధికారికంగా భాగస్వామ్యం కుదుర్చుకున్నారు. చాట్‌జీపీటీ సామర్థ్యాన్ని, దానివల్ల కలిగే ప్రయోజనాలను ప్రజల్లోకి బలంగా తీసుకెళ్లడమే ఈ భాగస్వామ్యం ముఖ్య ఉద్దేశం.సాంకేతికతను విస్తృత స్థాయిలో ప్రజలకు చేరువ చేయడంలో భాగంగా ఓపెన్ ఏఐ ఈ భాగస్వామ్యాన్ని ప్రకటించింది. దీనికి సంబంధించి సచిన్ సోషల్ మీడియా ప్లాట్‌ఫామ్ ‘ఎక్స్’లో ఆసక్తికర వీడియోను పంచుకున్నారు. ఆ వీడియోలో చాట్‌జీపీటీ సచిన్‌ను గుర్తించడానికి పది ప్రశ్నలు అడగడం, చివరికి చాట్‌జీపీటీ సచిన్‌ను సరిగ్గా గుర్తించడం నెటిజన్లను విశేషంగా ఆకట్టుకుంటోంది.సచిన్ మాటల్లో చాట్‌జీపీటీ వినియోగంచాట్‌జీపీటీ తన రోజువారీ జీవితంలో ఏ విధంగా సహాయపడుతుందో సచిన్ వివరించారు. ‘నాకు ఎప్పుడూ కొత్త విషయాలు తెలుసుకోవాలనే ఉత్సుకత ఉంటుంది. ఒక ప్రశ్న ఆలోచిస్తే మరో ప్రశ్న పుట్టుకొస్తుంది. ఈ అలవాటును ప్రోత్సహించడంలో చాట్‌జీపీటీ నాకు ఎంతగానో ఉపయోగపడింది’ అని సచిన్ పేర్కొన్నారు. ఇటీవల తన కుటుంబంతో కలిసి ఫ్యామిలీ ట్రిప్ ప్రణాళికను రూపొందించడంలోనూ చాట్‌జీపీటీ ఎంతో సమర్థవంతంగా పనిచేసిందని తెలిపారు.భారత్‌లో ఓపెన్ ఏఐ విస్తరణఇటీవలే బీసీసీఐతో ఒప్పందం చేసుకున్న ఓపెన్ ఏఐ ఇప్పుడు సచిన్ తెందుల్కర్‌తో చేతులు కలపడం ద్వారా భారత మార్కెట్‌లో డిజిటల్ పరిజ్ఞానాన్ని మరింత వేగంగా ప్రజల్లోకి తీసుకెళ్లేందుకు ప్రణాళికలు చేపడుతోంది. ఏఐ సాంకేతికతను కేవలం సాంకేతిక నిపుణులకే కాకుండా ప్రతీ ఒక్కరూ తమ దైనందిన జీవితంలో సమస్యల పరిష్కారానికి సాధనంగా ఉపయోగించుకోవాలని సచిన్ కోరారు. ఈ భాగస్వామ్య పరిణామాలను క్రీడా, సాంకేతిక వర్గాలు ఆసక్తిగా గమనిస్తున్నాయి.ఇదీ చదవండి: బంగారం ధరలు దిగివచ్చిన వేళ.. ఒక్కరోజే ఇలా..

దేశీయ రైల్వే రవాణా వ్యవస్థను ఆధునీకరించడం, ప్రయాణికుల సౌకర్యాలను మెరుగుపరచడం, సరుకు రవాణా సామర్థ్యాన్ని పెంచడమే లక్ష్యంగా భారతీయ రైల్వే శాఖ రూ.345 కోట్ల విలువైన కీలక మౌలిక సదుపాయాల ప్రాజెక్టులకు ఆమోదం తెలిపింది. ఈ మేరకు రైల్వే మంత్రిత్వ శాఖ అధికారిక ప్రకటన విడుదల చేసింది. ఈ నూతన ప్రాజెక్టుల్లో ఆంధ్రప్రదేశ్, ఒడిశా, ఉత్తరప్రదేశ్ రాష్ట్రాలకు ప్రాధాన్యత లభించింది.ఆంధ్రప్రదేశ్‌కు నూతన వీక్లీ ఎక్స్‌ప్రెస్ఆంధ్రప్రదేశ్‌లోని కోస్తా, రాయలసీమ ప్రాంతాల మధ్య రైలు అనుసంధానాన్ని మరింత బలోపేతం చేస్తూ దక్షిణ తీర రైల్వే (సౌత్‌ కోస్ట్‌ రైల్వే) పరిధిలో మచిలీపట్నం - కర్నూలు సిటీ మధ్య కొత్త ట్రై-వీక్లీ (వారానికి మూడు రోజులు) ఎక్స్‌ప్రెస్ రైలు సర్వీస్‌కు రైల్వే శాఖ అనుమతి ఇచ్చింది.499 కిలోమీటర్ల మేర సాగే ఈ రైలు విజయవాడ మీదుగా నడుస్తుంది. మచిలీపట్నంలో సోమ, బుధ, శనివారాల్లో సాయంత్రం 04:55 గంటలకు బయలుదేరి మరుసటి రోజు ఉదయం 05:45 గంటలకు కర్నూలు సిటీ చేరుకుంటుంది. తిరుగు ప్రయాణంలో కర్నూలు సిటీలో మంగళ, గురు, ఆదివారాల్లో ఉదయం 09:30 గంటలకు బయలుదేరి అదే రోజు రాత్రి 21:35 గంటలకు మచిలీపట్నం చేరుకుంటుంది. ఈ రైలు గుడివాడ, విజయవాడ, నరసరావుపేట, వినుకొండ, దొనకొండ, మార్కాపూర్ రోడ్, గిద్దలూరు, నంద్యాల తదితర ముఖ్యమైన స్టేషన్లలో ఆగుతుంది.యూపీలో కవచ్ 4.0సరుకు రవాణాలో కీలకమైన ఒడిశాలోని బార్బిల్-బోలానిఖదాన్ 6 కిలోమీటర్ల సింగిల్ లైన్ సెక్షన్‌ను రూ.122 కోట్ల అంచనా వ్యయంతో డబ్లింగ్ (రెండో ట్రాక్) చేయడానికి ఆమోదం తెలిపారు. ఇది ఇనుప ఖనిజం, పెల్లెట్ల రవాణా సామర్థ్యాన్ని ఏటా మరో 8.9 మిలియన్ టన్నులకు పెంచుతుంది.మరోవైపు రైలు ప్రమాదాల నివారణకు ఉద్దేశించిన స్వదేశీ పరిజ్ఞానం ‘కవచ్ 4.0’ విస్తరణకు పెద్దపీట వేశారు. ఉత్తర ఈశాన్య రైల్వే పరిధిలోని వారణాసి డివిజన్‌కు చెందిన 614.75 రూట్ కిలోమీటర్లలో రూ.223 కోట్ల అంచనా వ్యయంతో ఈ సురక్షిత వ్యవస్థను ఏర్పాటు చేయనున్నారు. ఈ ప్రాజెక్టుల వల్ల ప్రయాణికులకు సమయం ఆదా కావడంతో పాటు సరుకు రవాణా వేగవంతమై దేశ ఆర్థిక వ్యవస్థకు కొత్త ఊపు లభించనుంది.ఇదీ చదవండి: అలర్ట్‌.. అక్టోబరు 1 నుంచి నిబంధనలు మార్పు

న్యూఢిల్లీ: క్యాపిటల్‌ మార్కెట్ల నియంత్రణ సంస్థ సెబీ తాజాగా మూడు కంపెనీల ప్రాస్పెక్టస్‌లకు గ్రీన్‌ సిగ్నల్‌ ఇచ్చింది. దీంతో పయనీర్‌ ఫిల్‌మెడ్, టాన్బో ఇమేజింగ్‌ ఇండియా, ఫంక్షనల్‌ అండ్‌ ఇన్నోవేటివ్‌ ఫుడ్స్‌ పబ్లిక్‌ ఇష్యూలు చేపట్టేందుకు మార్గమేర్పడింది. ఈ కంపెనీలు సెబీకి ప్రస్తుత ఏడాది ఏప్రిల్‌– ఆగస్ట్‌ మధ్య కాలంలో ముసాయిదా ప్రాస్పెక్టస్‌ దాఖలు చేశాయి. పయనీర్‌ ఫిల్‌మెడ్‌ ఐపీవో ద్వారా రైల్వే పరికరాల తయారీ కంపెనీ పయనీర్‌ ఫిల్‌మెడ్‌ రూ. 500 కోట్లు సమీకరించాలని ఆశిస్తోంది. దీనిలో భాగంగా రూ. 250 కోట్ల విలువైన ఈక్విటీని తాజాగా జారీ చేయనుంది. వీటికి జతగా మరో రూ. 250 కోట్ల విలువైన షేర్లను కంపెనీ ప్రమోటర్‌ గ్రూప్‌ సంస్థలు విక్రయానికి ఉంచనున్నాయి. పయనీర్‌ ఫేకర్‌ ఐటీ ఇన్‌ఫ్రాడెవలపర్స్, ఆజ్‌టెక్‌ ఇండియా విడిగా రూ. 125 కోట్ల విలువైన షేర్లు చొప్పున విక్రయించనున్నాయి. కాగా.. ఈక్విటీ జారీ నిధులను రాజస్తాన్‌లోని సాలార్‌పూర్‌(భివాడీ)లో గేర్‌బాక్స్‌ తయారీ యూనిట్‌ ఏర్పాటు, విండ్‌ జనరేటర్‌ విడిభాగాల తయారీ యూనిట్‌ ఏర్పాటుతోపాటు సాధారణ కార్పొరేట్‌ అవసరాలకు వెచ్చించనుంది. టాన్బో ఇమేజింగ్‌ పబ్లిక్‌ ఇష్యూలో భాగంగా టాన్బో ఇమేజింగ్‌కు చెందిన ప్రస్తుత వాటాదారులు 1,80,85,246 ఈక్విటీ షేర్లను ఆఫర్‌ చేయనున్నారు. దీంతో ఇష్యూ నిధులు కంపెనీకికాకుండా వాటాదారులకు చేరనున్నాయి. 2003లో ఏర్పాటైన టాన్బో ఇమేజింగ్‌ ఇండియా ప్రధానంగా గ్లోబల్‌ డిఫెన్స్‌ ఎల్రక్టానిక్స్‌ తయారు చేస్తోంది. డిజైన్, అభివృద్ధి, తయారీ చేపడుతోంది. సెన్సింగ్, ప్రాసెసింగ్, కమ్యూనికేషన్, గైడెన్స్‌ సిస్టమ్స్‌ రూపొందిస్తోంది. ఫంక్షనల్‌ ఫుడ్స్‌ పబ్లిక్‌ ఇష్యూలో భాగంగా ఫంక్షనల్‌ అండ్‌ ఇన్నోవేటివ్‌ ఫుడ్స్‌ 60 లక్షల ఈక్విటీ షేర్లను కొత్తగా జారీ చేయనుంది. అంతేకాకుండా మరో 25 లక్షల షేర్లను కంపెనీ ప్రమోటర్‌ సెంథిల్‌ కుమార్‌ చిన్నుసామి విక్రయానికి ఉంచనున్నారు. ఈక్విటీ జారీ నిధులను పెట్టుబడి వ్యయాలకు వెచ్చించనుంది. తమిళనాడులోని నమక్కల్, మధ్యప్రదేశ్‌లోని ధార్‌లో రెండు తయారీ యూనిట్లను నెలకొల్పనుంది. మిగిలిన నిధులను రుణ చెల్లింపులకు వినియోగించనుంది. అనుబంధ సంస్థ క్రిస్టీ క్వాలిటీ ఫుడ్స్‌(ఇండియా) రుణాలు సైతం తీర్చనుంది. వీటితోపాటు దీర్ఘకాలిక వర్కింగ్‌ క్యాపిటల్, సాధారణ కార్పొరేట్‌ అవసరాలకు సైతం కేటాయించనుంది. కంపెనీ సమీకృత ఫుడ్‌ కాంట్రాక్ట్‌ తయారీ కంపెనీగా కార్యకలాపాలు విస్తరించింది. రెడీ టు ఈట్, రెడీ టు కుక్‌ ఉత్పత్తులతోపాటు షుగర్‌ ఆల్టర్నేటివ్స్, స్పైసెస్‌ తదితర ప్రొడక్టులను విక్రయిస్తోంది.

టాటా గ్రూప్‌కు చెందిన హోల్డింగ్ కంపెనీ టాటా సన్స్ విషయంలో టాటా ట్రస్ట్స్ కీలక నిర్ణయం తీసుకుంది. టాటా సన్స్‌లో 66 శాతం వాటా ఉన్న టాటా ట్రస్ట్స్.. కంపెనీని స్టాక్ మార్కెట్‌లో లిస్ట్ చేయకుండా కొనసాగించే దిశగా పునర్‌వ్యవస్థీకరణకు ప్రతిపాదించింది.ఈ పునర్‌వ్యవస్థీకరణలో భాగంగా టాటా ఎలక్ట్రానిక్స్ సిస్టమ్స్ సొల్యూషన్స్ ప్రైవేట్ లిమిటెడ్ (TESS), టాటా కన్సల్టింగ్ ఇంజినీర్స్ (TCE) రెండు కంపెనీలను టాటా సన్స్‌లో విలీనం చేయాలని ప్రతిపాదించారు. ఈ ప్రతిపాదనను పరిశీలించాలని టాటా ట్రస్ట్స్.. టాటా సన్స్ బోర్డును కోరింది. అయితే.. దీనికోసం అవసరమైన నియంత్రణ సంస్థల అనుమతులు తీసుకోవాల్సి ఉంటుంది. ముఖ్యంగా రిజర్వ్ బ్యాంక్ ఆఫ్ ఇండియా (RBI) నుంచి ముందస్తు నిరభ్యంతర పత్రం (NOC) పొందాల్సి ఉంటుంది.టాటా సన్స్ ప్రస్తుతం ప్రధానంగా టాటా గ్రూప్‌లోని వివిధ కంపెనీల్లో పెట్టుబడులు కలిగి ఉన్న హోల్డింగ్ కంపెనీగా ఉంది. కొత్త ప్రతిపాదన ప్రకారం TESS, TCEలను టాటా సన్స్‌లో విలీనం చేస్తే.. టాటా సన్స్‌కు నేరుగా వ్యాపార కార్యకలాపాలు, ఆదాయాలు ఉండే అవకాశం ఏర్పడుతుంది. అంటే కంపెనీ మళ్లీ ఒక ఆపరేటింగ్ కంపెనీగా మారుతుందన్నమాట.దీంతో టాటా సన్స్‌ నాన్-బ్యాంకింగ్ ఫైనాన్షియల్ కంపెనీ (NBFC) లేదా కోర్ ఇన్వెస్ట్‌మెంట్ కంపెనీ (CIC) నిబంధనల పరిధిలోకి రాకుండా ఉండే అవకాశం ఉంటుందని టాటా గ్రూప్ భావిస్తోంది. ఫలితంగా కంపెనీని స్టాక్ మార్కెట్‌లో లిస్ట్ చేయాల్సిన అవసరం కూడా తప్పుతుందని టాటా ట్రస్ట్స్ భావిస్తోంది.నిజానికి.. టాటా సన్స్‌కు గతంలోనే సొంత వ్యాపార కార్యకలాపాలు ఉండేవి. 2004లో టీసీఎస్‌ను ప్రత్యేక అనుబంధ సంస్థగా విడదీయడానికి ముందు టాటా సన్స్ నేరుగా వ్యాపారం చేస్తూ ఆదాయాన్ని ఆర్జించేది. ఇప్పుడు ప్రతిపాదించిన విలీనంతో టాటా సన్స్‌ను మళ్లీ అదే తరహా ఆపరేటింగ్ మోడల్‌లోకి తీసుకురావాలని చూస్తున్నారు.టాటా సన్స్‌ను స్టాక్ మార్కెట్‌లో లిస్ట్ చేయకుండా.. అన్‌లిస్టెడ్ ప్రైవేట్ కంపెనీగా కొనసాగించాలన్నది టాటా ట్రస్ట్స్ ప్రతిపాదనగా ఉంది. టాటా సన్స్‌లో మెజారిటీ వాటా.. టాటా ట్రస్ట్స్‌దే కావడంతో ఈ విషయంలో వాటి నిర్ణయానికి ప్రాధాన్యం ఉంది.ఇదీ చదవండి: ఫిక్స్‌డ్ డిపాజిట్‌ చేస్తున్నారా.. RBI కొత్త రూల్స్ తెలుసా?

యూపీఐ చెల్లింపులపై మర్చంట్ డిస్కౌంట్ రేట్ (MDR) ఛార్జీలు విధంచాలనే.. నిర్ణయానికి వ్యతిరేకంగా, దేశవ్యాప్తంగా ఉన్న మొబైల్ ఫోన్ రిటెయిలర్లు నిరసనకు సిద్ధమవుతున్నారు. రూ.2,000కు మించిన యూపీఐ లావాదేవీలపై 0.4 శాతం ఎండీఆర్ ఛార్జీలు విధించే ప్రతిపాదన తమ వ్యాపారాలపై అదనపు భారం పెంచుతుందని రిటెయిలర్లు చెబుతున్నారు.ఆల్ ఇండియా మొబైల్ రిటెయిలర్స్ అసోసియేషన్ (AIMRA) అక్టోబర్ 2న 'నో యూపీఐ డే' నిర్వహించాలని ప్రకటించింది. గాంధీ జయంతి రోజున దేశవ్యాప్తంగా వేలాది మొబైల్ షాపుల యజమానులు యూపీఐ, క్యూఆర్ కోడ్ ద్వారా చెల్లింపులను స్వీకరించకుండా నిరసన తెలపనున్నారు.కేవలం క్యాష్, కార్డు పేమెంట్స్ మాత్రమేనిరసనలో భాగంగా మొబైల్ షాపుల్లో ఉన్న యూపీఐ క్యూఆర్ కోడ్ స్టాండ్లను నల్లటి గుడ్డతో కప్పివేయనున్నట్లు సమాచారం. ఆ రోజు కస్టమర్ల నుంచి యూపీఐ లేదా క్యూఆర్ స్కాన్ ద్వారా చెల్లింపులు తీసుకోకుండా.. నగదు లేదా కార్డు ద్వారా మాత్రమే పేమెంట్లు స్వీకరించాలని రిటెయిలర్లు నిర్ణయించినట్లు అసోసియేషన్ తెలిపింది.వ్యాపార లావాదేవీలపై ఎండీఆర్ ఛార్జీలు విధించకుండా.. ప్రస్తుతం ఉన్న జీరో-ఎండీఆర్ విధానాన్ని కొనసాగించాలని కోరుతూ ఆర్థిక మంత్రిత్వ శాఖకు కూడా లేఖ రాసినట్లు ఏఐఎంఆర్ఏ వెల్లడించింది.ఆదాయం తగ్గే అవకాశం!రిటెయిలర్ల ప్రకారం.. ముఖ్యంగా చిన్న వ్యాపారులపై ఈ ఛార్జీల ప్రభావం ఎక్కువగా ఉంటుంది. నెలకు రూ.5 లక్షల నుంచి రూ.30 లక్షల వరకు యూపీఐ లావాదేవీలు చేసే వ్యాపారులకు 0.4 శాతం ఎండీఆర్ కూడా గణనీయమైన భారంగా మారుతుందని వారు చెబుతున్నారు. దీనివల్ల నెలకు రూ.2,000 నుంచి రూ.12,000 వరకు ఆదాయం తగ్గే అవకాశం ఉందని అసోసియేషన్ వైస్ ప్రెసిడెంట్ తర్వీంద్ సింగ్ పేర్కొన్నారు.మొబైల్ ఫోన్ రిటెయిల్ వ్యాపారంలో ఇప్పటికే లాభాల మార్జిన్ తక్కువగా ఉంటుందని వ్యాపారులు చెబుతున్నారు. అలాంటి పరిస్థితుల్లో అదనంగా 0.4 శాతం ఎండీఆర్ ఛార్జీ విధిస్తే తమ లాభాలపై ప్రభావం పడుతుందని వారు ఆందోళన వ్యక్తం చేస్తున్నారు. దేశవ్యాప్తంగా రిటెయిలర్లపై నెలకు సుమారు రూ.40 కోట్లు, ఏడాదికి దాదాపు రూ.500 కోట్ల వరకు అదనపు భారం పడే అవకాశం ఉందని అసోసియేషన్ అంచనా.డిజిటల్ చెల్లింపులను ప్రోత్సహించడంతో పాటు.. చిన్న, మధ్య తరహా వ్యాపారులపై అదనపు ఆర్థిక భారం పడకుండా ప్రభుత్వం చర్యలు తీసుకోవాలని మొబైల్ రిటెయిలర్లు కోరుతున్నారు. తమ వ్యాపారాల్లో యూపీఐ వినియోగం పెరిగిన నేపథ్యంలో కొత్త ఎండీఆర్ ఛార్జీలు అమలైతే, దాని ప్రభావం నేరుగా తమ లాభాలపై పడుతుందని చెబుతున్నారు. అందుకే జీరో-ఎండీఆర్ ఛార్జీ విధానాన్ని కొనసాగించాలని డిమాండ్ చేస్తున్నారు.ఇదీ చదవండి: కేవలం రూ.20 చెల్లిస్తే.. రూ.2 లక్షలు అకౌంట్లోకి!

ప్రస్తుతం బ్యాంకు ఉద్యోగుల అంశం మరోసారి చర్చలోకి వచ్చింది. సెప్టెంబర్‌ 28 నుంచి 30 వరకు దేశవ్యాప్తంగా మూడు రోజుల సమ్మెకు యునైటెడ్‌ ఫోరం ఆఫ్‌ బ్యాంక్‌ యూనియన్స్‌ (UFBU) పిలుపునిచ్చింది. ప్రధానంగా ఐదు రోజుల బ్యాంకింగ్‌ వారాన్ని అమలు చేయాలన్న డిమాండ్‌ నేపథ్యంలో ఈ సమ్మె ప్రతిపాదించారు. అయితే సెప్టెంబర్‌ 27 రాత్రి ఇండియన్‌ బ్యాంక్స్‌ అసోసియేషన్‌ (IBA), యూఎఫ్‌బీయూ మధ్య చర్చలు జరగడంతో సమ్మెను వాయిదా వేశారు. మిగిలిన శనివారాలను సెలవులుగా ప్రకటించే అంశంపై ఇరు వర్గాల ప్రతినిధులతో ఉన్నతస్థాయి కమిటీ ఏర్పాటు చేయాలని నిర్ణయించారు.ప్రభుత్వ బ్యాంకుల్లో జీతాలు ఎలా ఉంటాయి?పబ్లిక్‌ సెక్టార్‌ బ్యాంకుల ఉద్యోగులకు 12వ ద్వైపాక్షిక వేతన ఒప్పందం ప్రకారం సవరించిన పే స్కేల్స్‌ అమల్లో ఉన్నాయి. ఈ ఒప్పందం 2024 మార్చిలో కుదిరింది. 2022 నవంబర్‌ 1 నుంచి అమలయ్యేలా కొత్త వేతన స్కేల్స్‌ రూపొందించారు. క్లరికల్‌ సిబ్బందికి ప్రారంభ బేసిక్‌ పే రూ.24,050గా నిర్ణయించారు. అంతకుముందు ఇది రూ.17,900గా ఉండేది.అయితే బేసిక్‌ పేనే ఉద్యోగి చేతికి వచ్చే మొత్తం జీతం కాదు. దీనికి డియర్‌నెస్‌ అలవెన్స్‌ (DA), హౌస్‌ రెంట్‌ అలవెన్స్‌ (HRA), ఇతర అలవెన్సులు, ప్రత్యేక చెల్లింపులు జత అవుతాయి. మరోవైపు ప్రావిడెంట్‌ ఫండ్‌, పెన్షన్‌/NPS వంటి కోతలు ఉంటాయి.ఆఫీసర్‌గా చేరితే ఎంత?పబ్లిక్‌ సెక్టార్‌ బ్యాంకుల్లో జూనియర్‌ మేనేజ్‌మెంట్‌ గ్రేడ్‌ స్కేల్‌-I అధికారులకు 12వ ద్వైపాక్షిక ఒప్పందం ప్రకారం ప్రారంభ బేసిక్‌ పే రూ.48,480 నుంచి మొదలవుతుంది. స్కేల్‌-I నుంచి స్కేల్‌-VII వరకు అధికారుల సవరించిన బేసిక్‌ పే స్కేల్‌ రూ.48,480 నుంచి రూ.1,73,860 వరకు ఉంటుంది. అర్హతలు, అనుభవం, ప్రమోషన్‌, ఇంక్రిమెంట్ల ఆధారంగా వేతనం పెరుగుతుంది.దేశంలో అతిపెద్ద ప్రభుత్వ రంగ బ్యాంకు అయిన తాజా ఎస్‌బీఐ (SBI) పీఓ నియామక నోటిఫికేషన్‌లో జూనియర్‌ మేనేజ్‌మెంట్‌ గ్రేడ్‌ స్కేల్‌-I ప్రారంభ బేసిక్‌ పే రూ.48,480గా పేర్కొంది. అదనంగా డీఏ, హెచ్‌ఆర్‌ఏ, సీసీఏ, పీఎఫ్‌, ఎన్‌పీఎస్‌, మెడికల్‌, లీవ్‌ ట్రావెల్‌, లీజ్‌ రెంటల్‌ వంటి ప్రయోజనాలు ఉంటాయని తెలిపింది. ముంబై కేంద్రంగా ప్రారంభ స్థాయి వార్షిక వేతనం (CTC) సుమారు రూ.20.43 లక్షలుగా పేర్కొంది. ఇందులో బ్యాంకు చెల్లించే వివిధ ప్రయోజనాలు, వసతి/లీజ్‌ సదుపాయాలు, రిటైర్మెంట్‌ కాంట్రిబ్యూషన్లు తదితరాలు కూడా ఉండొచ్చు.ప్రైవేట్‌ బ్యాంకుల్లో లెక్క వేరే..హెచ్‌డీఎఫ్‌సీ (HDFC), ఐసీఐసీఐ (ICICI), యాక్సిస్‌ వంటి ప్రైవేట్‌ బ్యాంకుల్లో ప్రభుత్వ బ్యాంకుల మాదిరిగా దేశవ్యాప్తంగా ఒకే విధమైన పే స్కేల్‌ ఉండదు. ఉద్యోగి నిర్వహించే పాత్ర, నగరం, అనుభవం, బ్యాంకు, విక్రయ లక్ష్యాలు, పనితీరు ఆధారంగా ప్యాకేజీ మారుతుంది.కస్టమర్‌ సర్వీస్‌, బ్రాంచ్‌ ఆపరేషన్స్‌ వంటి ఎంట్రీ లెవల్‌ ఉద్యోగాల నుంచి రిలేషన్‌షిప్‌ మేనేజర్‌, క్రెడిట్‌ అనలిస్ట్‌, బ్రాంచ్‌ మేనేజర్‌ వంటి స్థాయిలకు వెళ్లే కొద్దీ వేతనంలో గణనీయమైన తేడా కనిపిస్తుంది. ఉదాహరణకు 2026లో ఇండీడ్‌ డేటా ప్రకారం భారతదేశంలో బ్రాంచ్‌ మేనేజర్‌ సగటు బేసిక్‌ జీతం నెలకు సుమారు రూ.27,581గా ఉంది. నగరం, సంస్థ, అనుభవాన్ని బట్టి ఈ మొత్తం గణనీయంగా మారుతోంది. క్రెడిట్‌ అనలిస్ట్‌ వంటి ప్రత్యేక నైపుణ్యం అవసరమైన ఉద్యోగాలకు సుమారు రూ.9 లక్షల వార్షిక సగటు బేసిక్‌ పే ఉంటోంది.ఇన్వెస్ట్‌మెంట్‌ బ్యాంకింగ్‌లో భారీ ప్యాకేజీలు?ఇన్వెస్ట్‌మెంట్‌ బ్యాంకింగ్‌ సాధారణ రిటైల్‌ బ్యాంకింగ్‌ ఉద్యోగంతో పోలిస్తే పూర్తిగా భిన్నమైన విభాగం. కార్పొరేట్‌ ఫైనాన్స్‌, క్యాపిటల్‌ మార్కెట్లు వంటి ప్రత్యేక కార్యకలాపాల్లో పనిచేసే వారికి అనుభవం, సంస్థ, బాధ్యతను బట్టి అధిక వేతనాలు లభించవచ్చు. ముఖ్యంగా అంతర్జాతీయ ఆర్థిక సంస్థల్లో బోనస్‌ కూడా మొత్తం పరిహారంలో పెద్ద భాగంగా ఉండొచ్చు.అనుభవం పెరిగేకొద్దీ జీతం పెరుగుదలబ్యాంకింగ్‌లో కెరీర్‌ ప్రారంభ దశలో జీతం కంటే ఉద్యోగి పనిచేసే కేడర్‌, ప్రమోషన్లు, ప్రత్యేక నైపుణ్యాలు, బాధ్యతల విస్తృతి కీలకంగా మారతాయి. ప్రభుత్వ బ్యాంకుల్లో క్లర్క్‌ నుంచి ఆఫీసర్‌, మేనేజర్‌, సీనియర్‌ మేనేజ్‌మెంట్‌ స్థాయికి ఎదిగే కొద్దీ నిర్దిష్ట పే స్కేల్‌, ఇంక్రిమెంట్లు, అలవెన్సులు పెరుగుతాయి. ప్రైవేట్‌, విదేశీ బ్యాంకుల్లో మాత్రం ప్రమోషన్‌తో పాటు పనితీరు ఆధారిత వేరియబుల్‌ పే, బోనస్‌, సంస్థ మార్పు ద్వారా ప్యాకేజీలో పెద్ద మార్పులు రావచ్చు.ఇదీ చదవండి: సీఎంల జీతాలపై ట్యాక్స్‌లు కట్టేది మనమే!!

ఫిన్‌టెక్‌ సంస్థ ఫోన్‌పే గ్రామీణ ప్రాంతాల్లో కార్యకలాపాల విస్తరణ కోసం భారీ ప్రణాళికల్లో ఉంది. వీటి ప్రకారం రాబోయే ఏడాది వ్యవధిలో 20,000 మందికి పైగా సేల్స్‌ సిబ్బందిని నియమించుకోనుంది. 50 లక్షలకు పైగా పేమెంట్‌ డివైజ్‌లను (స్మార్ట్‌స్పీకర్లు, పీవోఎస్‌ డివైజ్‌లు సహా) ఏర్పాటు చేయనుంది.వీటిలో సుమారు 50 శాతం పైగా డివైజ్‌లను గ్రామీణ ప్రాంతాల్లో ఏర్పాటు చేయనుంది. తద్వారా చిన్న పట్టణాలు, గ్రామీణ ప్రాంతాల్లో కూడా డిజిటల్‌ చెల్లింపు సేవలను మరింతగా అందుబాటులోకి తేనుంది. సరళమైన నిబంధనలతో కొత్త కారి్మక చట్టాలు, పెద్ద ఎత్తున ఉద్యోగులను నియమించుకునేందుకు దోహదపడతాయని ఫోన్‌పే తెలిపింది.అలాగే, ఇటీవల ప్రకటించిన ఎండీఆర్‌ కింద వసూలయ్యే మొత్తంలో 5 శాతాన్ని ప్రత్యేక నిధికి కేటాయించడమనేది చిన్న వ్యాపారుల్లో డిజిటల్‌ చెల్లింపుల విధానాన్ని మరింత ప్రాచుర్యంలోకి తెచ్చేందుకు సహాయకరంగా ఉంటుందని వివరించింది.ఇదీ చదవండి: ఏఐ ట్రైనింగ్‌ నిలిపివేత.. ఓపెన్‌ఏఐ సంచలన నిర్ణయం

హెల్త్‌కేర్‌... ఈ మాట వినగానే గుర్తుకొచ్చేది ఆసుపత్రులు... ఫార్మా కంపెనీలే. మరి డయాగ్నస్టిక్స్‌... వైద్య పరికరాలు... హెల్త్‌టెక్‌.. ఆరోగ్య బీమా... టెలీ టూరిజం.. టెలీ మెడిసిన్‌ వీటి సంగతేంటి? వీటి చుట్టూ అల్లుకున్న వందలాది అనుబంధ రంగాల మాటేంటి? గత ఏడాది ఏకంగా 600 బిలియన్‌ డాలర్లను దాటేయటంతో పాటు ఏటా 22.5 శాతం చొప్పున కాంపౌండెడ్‌ వృద్ధిని నమోదు చేస్తోందంటే భారత హెల్త్‌కేర్‌ రంగం ఎంత పెద్దదో తేలిగ్గానే అర్థంచేసుకోవచ్చు. పైపెచ్చు 2023లో దేశ జీడీపీలో 3.3 శాతంగా ఉన్న హె ల్త్‌కేర్‌ ఖర్చు 2030 నాటికి 5 శాతాన్ని మించిపోతాయనేది ఆర్థిక సంస్థల అంచనా. ఈ నేపథ్యంలో హెల్త్‌కేర్‌ రంగంలో ఎక్కువ వృద్ధిని నమోదు చేసే పరిశ్రమలేంటి? ఎక్కడ ఇన్వెస్ట్‌ చేయాలి? భవిష్యత్‌ లీడర్లెవరు? ఏ కంపెనీల పరిస్థితి ఎలా ఉంది? ఎక్కడ ఎక్కువ రాబడులొస్తాయి? దీనిపై ‘సాక్షి వెల్త్‌’ అందిస్తున్న ప్రత్యేక కథనాల్లో మొదటి కథనమిది. దశాబ్దాలుగా దేశంలో హెల్త్‌కేర్‌ అంటే ఫార్మా సంస్థలే. హెల్త్‌కేర్‌ వృద్ధిపై ఇన్వెస్టర్లు ఏం మాట్లాడినా మందుల తయారీ కంపెనీలు... జనరిక్‌ మందులు... ఏపీఐల గురించే. కానీ పరిస్థితి మారింది. మన హెల్త్‌కేర్‌ ఎకానమీలో ఇపుడు ఆసుపత్రులు, ఆరోగ్య బీమా, డయాగ్నస్టిక్స్, మెడికల్‌ డివైజ్‌లు, స్పెషాలిటీ కేర్, హెల్త్‌టెక్, మెడికల్‌ టూరిజం, హోమ్‌ హెల్త్‌కేర్‌ కంపెనీలు కూడా చేరాయి. సమగ్ర ఆరోగ్య సంరక్షణ వ్యవస్థ ఆవిష్కృతమయ్యింది. ఇది అంతకంతకూ పెరుగుతోంది. మరి జనం ఖర్చులు పెరగటం వల్లే ఇదంతా సాధ్యమయ్యిందా? కానే కాదు. జనం ఆయుష్షు పెరిగింది. జీవనశైలి మారింది. ఆరోగ్యాన్ని రక్షించుకునే ప్రివెంటివ్‌ కేర్‌పై శ్రద్ధ... బీమా కవరేజీ పెరిగాయి. స్పెషాలిటీ వైద్య సేవల కోసం ప్రభుత్వ ఆసుపత్రుల బదులు చాలామంది వ్యవస్థీకృత ప్రయివేటు ఆసుపత్రులకు మళ్లారు. ఆసుపత్రుల పడకలు పెరిగాయి. వైద్యపరీక్షల్లో ఆధునికత పెరిగింది. వైద్య పరికరాలకు ప్రాధాన్యం పెరిగింది. ఈ హెల్త్‌కేర్‌ ప్రతిదశలోకీ డిజిటల్‌ టెక్నాలజీ చొచ్చుకుపోయింది. వీటన్నిటి ఫలితమే సమగ్ర హెల్త్‌కేర్‌ ఎకానమీ. హెల్త్‌ డెలివరీ @ రూ.10 లక్షల కోట్లు! హెల్త్‌కేర్‌ పరిశ్రమపై తాజాగా సెబీ నిర్వహించిన సమావేశంలో 2025లో హెల్త్‌కేర్‌ డెలివరీ పరిశ్రమ రూ.7 లక్షల కోట్ల రెవెన్యూను నమోదు చేసినట్లు అంచనా వేశారు. ఇది 2028 ఆర్థిక సంవత్సరానికల్లా 10–12 శాతం వార్షిక వృద్ధితో 9.8 లక్షల కోట్లను చేరుతుందని పేర్కొన్నారు. అదే సమావేశంలో... మెడికల్‌ డివైజెస్, డయాగ్నస్టిక్స్‌ మార్కెట్లు గత ఏడాది రూ.లక్ష కోట్ల ఆదాయాన్ని చూశాయని, ఇవి 11–12 శాతం వృద్ధిని నమోదు చేస్తున్నాయని అంచనా వేశారు. ఇక ఫార్మా, హెల్త్‌ ఇన్సూరెన్స్, మెడికల్‌ ఎక్విప్‌మెంట్, సర్జికల్స్, హెల్త్‌టెక్, స్పెషాలిటీ కేర్, రిహాబిలిటేషన్, హోమ్‌ హెల్త్‌కేర్, మెడికల్‌ టూరిజంలను కూడా కలిపితే ఎకానమీ ఎంత పెద్దదో తెలుస్తుంది. కాబట్టి ఇన్వెస్టర్లకు ఏదో ఒక రంగంలో కాకుండా మొత్తం వ్యవస్థలో అవకాశాలు ఎక్కువన్నది అర్థమవుతుంది. మందులొక్కటే కాదు... మొత్తం వ్యవస్థపై ఖర్చు మనం ఎక్కువగా ఏ మందులు వాడుతున్నామన్నది గతంలో ఇన్వెస్టర్లు చూసిన కోణం. కానీ ఇపుడు... దేనిపై ఖర్చు చేస్తున్నారన్నదే ముఖ్యం. ఆరోగ్య బీమాతో మొదలుపెడితే... ఒక పేషెంట్‌ తన వ్యాధి నుంచి బయటపడేందుకు ఆసుపత్రి... డయాగ్నస్టిక్‌ సెంటర్‌... సీటీ/ఎంఆర్‌ఐ/పెట్‌ స్కాన్‌... మెడికల్‌ డివైజ్‌... సర్జికల్‌ ఇంప్లాంట్‌.. కన్సూమబుల్స్‌... ఫార్మసీ... ఫాలో అప్‌ పరీక్షలు.. హోమ్‌ హెల్త్‌కేర్‌... డిజిటల్‌ పర్యవేక్షణ .. వీటన్నింటిపై ఖర్చుచేస్తాడు. ఆ పేషెంట్‌ నుంచి వీటన్నిటికీ ఆదాయం వస్తుంది. కాబట్టి ఇన్వెస్టర్లు ఈ మొత్తం వ్యవస్థను చూడాల్సి ఉంటుంది. హెల్త్‌కేర్‌ ఎందుకు పెరుగుతోందంటే...ఆరోగ్యంపై పెరుగుతున్న శ్రద్ధ అనారోగ్యం బారిన పడకుండా ప్రివెంటివ్‌ పరీక్షలు, స్పెషలిస్ట్‌ కన్సల్టేషన్లు, డయాగ్నస్టిక్‌ సేవలు, ప్రివెంటివ్‌ మెడిసిన్‌ తీసుకోవటంపై మన వాళ్లలో బాగా శ్రద్ధ పెరుగుతోంది. తాజా ఎన్‌ఎస్‌ఓ హెల్త్‌ సర్వేలో... 2017–18తో పోలిస్తే త మకు వ్యాధులున్నాయని చెప్పినవారి సంఖ్య 2025లో బాగా పెరిగింది. అదేసమయంలో గ్రామీణ ప్రాంతాల్లో ప్రభుత్వ వైద్య సదుపాయాలను వినియోగించుకున్నవారి సంఖ్య బాగా పెరిగింది. దీనర్థం హెల్త్‌కేర్‌ మార్కెట్‌ పెరుగుతోందనే. జీవనశైలి వ్యాధులు దేశంలో డయాబెటిస్, గుండె సంబంధ వ్యాధులు, కేన్సర్, కిడ్నీ వ్యాధులు, ఊబకాయం, హైపర్‌టెన్షన్‌ వంటి వ్యాధులు పెరుగుతున్నాయి. వీటికి సాధారణంగా ఒకసారి వైద్యం చేస్తే సరిపోదు. ఏళ్ల తరబడి... దశాబ్దాల తరబడి హెల్త్‌కేర్‌ వినియోగం అవసరం. ఉదాహరణకు మధుమేహంతో ఉన్న వ్యక్తి తరచూ డాక్టర్ని కలవాలి. రక్త పరీక్షలు చేయించాలి. రెగ్యులర్‌గా మందులు తీసుకోవాలి. అవసరమైతే ఆసుపత్రిలో చేరాలి. దీర్ఘకాలం పర్యవే„ý ణ అవసరమైన వ్యాధి ఇది. అందుకే ఇలాంటి వ్యాధులు పెరుగుతున్నకొద్దీ హెల్త్‌కేర్‌ డిమాండూ పెరుగుతుంది. పెరిగిన ఆయుఃప్రమాణం హెల్త్‌కేర్‌ ఎకానమీతో జనం ఆయుఃప్రమాణం పెరిగింది. ఆసుపత్రులు, చికిత్సల కోసం యువత ఎక్కువ ఖర్చు చేయకున్నా వయసు మళ్లినవారికి తప్పటం లేదు. గుండె, కేన్సర్, కీళ్లు, కళ్లు, కిడ్నీ, రిహాబిలిటేషన్, దీర్ఘకాల మందులు, హోమ్‌ హెల్త్‌కేర్, సహాయకులపై వీరు ఎక్కువ ఖర్చుచేస్తున్నారు. దీనివల్ల సంప్రదాయ ఆసుపత్రులను దాటి అవకాశాలు పెరుగుతున్నాయి. మున్ముందు హెల్త్‌కేర్‌ అనేది పేషెంట్‌ ఆసుపత్రి నుంచి డిశ్చార్జి కావటంతోనే ఆగిపోదు. హోమ్‌కేర్, వృద్ధుల సంరక్షణ, రిమోట్‌ పర్యవేక్షణ పెరుగుతాయి. ఈ రంగంలో భవిష్యత్తు ఇన్వెస్ట్‌మెంట్‌ అవకాశాలను గుర్తించవచ్చు కూడా. బీమా.. సమగ్ర మార్పు ఆసుపత్రి బిల్లు కోసం అప్పులపాలై జీవితాంతం ఇబ్బందులు పడ్డ దృష్టాంతాలు ఇప్పటికీ ఉన్నా... గతంకన్నా తగ్గాయి. కారణం... బీమాపై అవగాహన పెరగటం. ఇపుడు హెల్త్‌కేర్‌పై చేస్తున్న ఖర్చులు అత్యధికం బీమా కంపెనీల నుంచో, ప్రభుత్వ స్కీముల నుంచో చేస్తున్నవే తప్ప వ్యక్తుల నుంచి కాదు. అందుకే 2013–14లో 1.3 లక్షల కోట్లుగా ఉన్న ప్రభుత్వ ఖర్చు 2022–23 నాటికి 3.85 లక్షల కోట్లకు పెరిగింది. ఇదే సమయంలో మొత్తం ఆరోగ్య రంగంపై పెడుతున్న ఖర్చులో ప్రభుత్వ వాటా 28 శాతం నుంచి 43.7 శాతానికి పెరగ్గా... వ్యక్తులు సొంతంగా చేస్తున్న ఖర్చు 64 శాతం నుంచి 43.4 శాతానికి పడిపోయింది. ఆర్థికంగా ఇది అత్యంత ప్రాధాన్యమున్న పరిణామం. ఎందుకంటే ప్రభుత్వ లేదా బీమా కవరేజీ ఉన్న సందర్భాల్లో జనం చికిత్స విషయంలో పెద్దగా వెనకాడరు. త్వరగా నిర్ణయం తీసుకుంటారు. దీనివల్ల మొత్తం ఆరోగ్య ఎకానమీపై పెట్టే ఖర్చు పెరుగుతుంది. విస్తరణ అవకాశాలెక్కువే... జాతీయ హెల్త్‌ పాలసీ ప్రకారం ప్రతి వెయ్యి మందికి రెండు ఆసుపత్రి పడకలుండాలి. కానీ ఇపుడున్నది 1.4 మాత్రమే. అందులో ప్రభుత్వానిది 0.6. ఈ గ్యాప్‌తో విస్తరణకు ఎంత అవకాశముందో అర్థమవుతుండగా ప్రయివేటు రంగం దీన్ని అందుకోవటానికి వేగంగా అడుగులేస్తోంది. వచ్చే నాలుగేళ్లలో 18 ప్రముఖ ఆసుపత్రులో మరో 34వేల పడకలు జత చేయనున్నాయనేది తాజా ‘ఇక్రా’ అ«ంచనా. కాకపోతే ఇలా పడకలు పెరుగుతున్న కొద్దీ... ఆరోగ్య రంగంపై పెట్టే ఖర్చు కూడా మరింత పెరుగుతుంది. వీటివల్ల ప్రధానం ఆసుపత్రి భవనం.. మెడికల్, ఐసీయూ, డయాగ్నస్టిక్‌ పరికరాలు, సర్జికల్‌ ఉత్పత్తులు, డాక్టర్లు, నర్సులు, ఫార్మసీ, బీమా, హెల్త్‌కేర్‌ ఐటీ... ఇలా అన్నీ పెరుగుతాయి. అందుకే ఆసుపత్రి ఆదాయం ఒక్కటే కాకుండా ఆసుపత్రి విస్తరణ వల్ల మొత్తం హెల్త్‌కేర్‌ ఎకానమీపై ప్రభావం ఉంటుందని అర్థం చేసుకోవాలి. ఆరోగ్య రంగ దిగ్గజాలను ఇలా చూడొచ్చు...ఆసుపత్రులు 2026 హెల్త్‌కేర్‌ రివ్యూ ప్రకారం ఆసుపత్రుల రెవెన్యూ 15 శాతం వృద్ధి చెందుతోంది. బెడ్‌ ఆక్యుపెన్సీ 60–75 శాతం వరకూ ఉంది. → అపోలో హాస్పిటల్స్‌ → మ్యాక్స్‌ హెల్త్‌కేర్‌ → ఫోరి్టస్‌ హెల్త్‌కేర్‌ → ఆస్టర్‌ డీఎం హెల్త్‌కేర్‌ → మెదాంతా/ గ్లోబల్‌ హెల్త్‌ → నారాయణ హృదయాలయ → కిమ్స్‌ → రెయిన్‌బో చిల్డ్రన్స్‌ → యథార్థ్‌ హాస్పిటల్స్‌ డయాగ్నస్టిక్స్‌ కన్సాలిడేషన్, విస్తరణ, హోమ్‌ కలెక్షన్, డిజిటల్‌ బుకింగ్, ప్రత్యేక పరీక్షలతో వ్యవస్థీకృత డయాగ్నస్టిక్‌ కంపెనీలు వేగంగా విస్తరిస్తున్నాయి. 2026 ఆర్థిక సంవత్సరంలో ఇవి 15 శాతం వృద్ధిని నమోదు చేశాయి. 25 శాతానికిపైగా ఎబిటా మార్జిన్లను సాధించాయి. → డాక్టర్‌ లాల్‌ పాత్‌ల్యాబ్స్‌ → మెట్రోపోలిస్‌ హెల్త్‌కేర్‌ → విజయ డయాగ్నస్టిక్స్‌ → థైరోకేర్‌ → క్రిస్నా డయాగ్నస్టిక్స్‌ → సురక్షా డయాగ్నస్టిక్స్‌ మెడికల్‌ డివైజెస్, సర్జికల్‌ ప్రొడక్ట్స్‌ ఈ రంగంలో చాలా కంపెనీలు ఇప్పటికీ అన్‌లిస్టెడ్‌గానే ఉన్నాయి. కాబట్టి ఇందులో లిస్టయ్యే కంపెనీలను ఇన్వెస్టర్లు జాగ్రత్తగా గమనించాల్సిన అవసరం ఉంది. → పాలీ మెడిక్యూర్‌ → ప్రివెస్ట్‌ డెంట్‌ప్రో → న్యురెకా → జీకేబీ ఆప్తాల్మిక్స్‌ → శ్రీ పేస్‌ట్రానిక్స్‌ → హేమంత్‌ సర్జి్కల్‌ ఆరోగ్య బీమా హెల్త్‌కేర్‌కు ఫైనాన్సింగ్‌ ఇంజిన్‌గా పనిచేస్తున్న ఈ రంగం... ప్రివెంటివ్‌ కేర్‌పై పెరుగుతున్న అవగాహన కారణంగా వేగంగా వృద్ధి చెందుతోంది. ఇందులో స్టాండలోన్‌ కంపెనీలు తక్కువే. → స్టార్‌ హెల్త్‌ → నివా బూపా → ఐసీఐసీఐ లాంబార్డ్‌ (డైవర్సిఫైడ్‌) సీఆర్‌ఓ/ సీడీఎంఓ భారత ఫార్మా ఎగుమతులిపుడు జనరిక్‌ మందులకే పరిమితం కాదు. డ్రగ్‌ డిస్కవరీ, క్లినికల్‌ రీసెర్చ్, కాంట్రాక్ట్‌ డెవలప్‌మెంట్, తయారీ, స్పెషాలిటీ కెమిస్ట్రీ, బయాలాజిక్స్‌ వంటి రంగాల్లో అంతర్జాతీయ కంపెనీలు భారత సంస్థలపై ఆధారపడుతున్నాయి. దీంతో సీఆర్‌ఓ/సీడీఎంఓ అవకాశాలు పెరుగుతున్నాయి. → సింజీన్‌ ఇంటర్నేషనల్‌ → అరాజెన్‌ లైఫ్‌సైన్సెస్‌ → సాయి లైఫ్‌ సైన్సెస్‌ → ఆంథెమ్‌ బయోసైన్సెస్‌ → న్యూలాండ్‌ ల్యా»ొరేటరీస్‌ → గ్లాండ్‌ ఫార్మా → పిరమల్‌ ఫార్మా → లారస్‌ ల్యాబ్స్‌ → దివీస్‌ ల్యాబొరేటరీస్‌ హెల్త్‌టెక్, డిజిటల్‌ హెల్త్‌ పేషెంట్‌ రికార్డులు, డయాగ్నస్టిక్‌ చిత్రాలు, ల్యాబ్‌ రిపోర్ట్‌లు, బిల్లింగ్, బీమా క్లెయిమ్‌లు, ప్రిస్క్రిప్షన్లు... ఇలా అన్నింటికీ డిజిటల్‌ సేవలు అవసరమే. → టాటా ఎలక్సీ → పెర్సిస్టెంట్‌ సిస్టమ్స్‌ → కొఫోర్జ్‌ → ఇన్ఫోసిస్‌ → టీసీఎస్‌ → విప్రో → ఎంఫసిస్‌ ఇంకా హోమ్‌ హెల్త్‌కేర్, వృద్ధుల సంరక్షణ, మెడికల్‌ టూరిజం వంటి రంగాల్లో విస్తృతమైన అవకాశాలున్నా వీటిలో లిస్టెడ్‌ కంపెనీలు ప్రత్యేకంగా ఏమీ లేవు. చాలా ఆసుపత్రులు ఈ సేవల్ని అందిస్తుండగా... కొన్ని స్టార్టప్‌లు సైతం వేగంగా ఎదుగుతున్నాయి. కాబట్టి ఈ రంగాల్లో అవకాశాలను, మార్పులను ఇన్వెస్టర్లు గమనిస్తూ ఉండాలి.తదుపరి భాగంలో... ఆసుపత్రుల కేరాఫ్‌ ఎవరిది? అపోలో.. మాక్స్‌.. ఫోర్టిస్‌.. ఆస్టర్‌.. మెదాంతా.. నారాయణ.. కిమ్స్‌.. రెయిన్‌బో.. యథార్థ్‌ ఇవన్నీ అగ్రశ్రేణి ఆసుపత్రులే. మరి వీరిలో బాగా లబ్ధి పొందేదెవరు? ఎవరి ఆర్థిక పనితీరు అద్భుతంగా ఉండబోతోంది? తదుపరి 50వేల పడకల్లో ఎవరి వాటా ఎంత? ఇన్వెస్టర్లు చూడాల్సిందేంటి?.. వచ్చేవారం ‘సాక్షి వెల్త్‌’లో తెలుసుకుందాం. రమణమూర్తి మంథా

మీ పేరుతో సిమ్ కార్డు ఉందా.. జాగ్రత్త!మన పేరుతో సిమ్ తీసుకోవడం, దాన్ని అవసరం లేనప్పుడు వేరే వ్యక్తికి ఇవ్వడం సాధారణంగానే అనిపిస్తుంది. కానీ.. ఇకపై ఈ విషయంలో తప్పకుండా కొంత జాగ్రత్త వహించాల్సిందే. నిర్లక్ష్యం వహిస్తే మాత్రం.. భారీ జరిమానా చెల్లించడంతో పాటు, మూడేళ్లు జైలుపాలయ్యే అవకాశం కూడా ఉంటుంది. పూర్తి వివరాల కోసం ఇక్కడ క్లిక్ చేయండి.మొబైల్‌ రీఛార్జ్‌లపై కేంద్రం శుభవార్తమొబైల్‌ రీఛార్జ్‌లపై కేంద్ర శుభవార్త చెప్పింది. ఇప్పటివరకు చాలా టెలికాం కంపెనీలు 28 రోజుల వ్యాలిడిటీతో రీఛార్జ్ ప్లాన్లను అందిస్తున్న విషయం తెలిసిందే. దీంతో నెలకు ఒకసారి రీఛార్జ్ చేస్తున్నామని భావించే వినియోగదారులు ఏడాదిలో 12 సార్లు కాకుండా.. 13 సార్లు రీఛార్జ్ చేయాల్సి వస్తోంది. దీనికి ప్రత్యామ్నాయంగా ఇప్పుడు కొత్త వ్యాలిడిటీ ఆప్షన్లు అందుబాటులోకి తీసుకురావాలని టెలికాం రెగ్యులేటరీ అథారిటీ ఆఫ్ ఇండియా (TRAI) కీలక నిర్ణయం తీసుకుంది. పూర్తి వివరాల కోసం ఇక్కడ క్లిక్ చేయండి.జియో ఫ్రీ రీచార్జ్‌ ఆఫర్ గురించి తెలుసా?కొత్త ఫోన్ కొంటున్నారా? అయితే 6 నెలలు రీచార్జ్‌ ఉచితంగా పొందే అవకాశం ఉందని మీకు తెలుసా? కొత్త ఫోన్‌ కొనుగోలు చేయాలనుకునే జియో వినియోగదారులకు రిలయన్స్ జియో ప్రత్యేక ఆఫర్ ప్రకటించింది. జియో 10వ వార్షికోత్సవం సందర్భంగా 2026 సెప్టెంబర్ 15 నుంచి అక్టోబర్ 20 వరకు ఈ ఆఫర్ అందుబాటులో ఉంటుంది. పూర్తి వివరాల కోసం ఇక్కడ క్లిక్ చేయండి.రైల్వే టికెట్ బుకింగ్‌లో కీలక మార్పు!ట్రైన్ టికెట్‌ ఆన్‌లైన్‌లో బుక్ చేసి.. యూపీఐ ద్వారా పేమెంట్ చేసేవారు 2026 అక్టోబర్ 15 నుంచి ఓ కొత్త మార్పు గమనించనున్నారు. రూ.2000 కంటే ఎక్కువ విలువైన టికెట్ల విషయంలో ఈ కొత్త నిబంధన వర్తిస్తుంది. పూర్తి వివరాల కోసం ఇక్కడ క్లిక్ చేయండి.ఇళ్ల అమ్మకాల్లో హైదరాబాద్ జోరు..దేశంలోని ప్రధాన నగరాల్లో ఇళ్ల విక్రయాల జోరు కొంత మందగించింది. 2026 జూలై-సెప్టెంబర్ త్రైమాసికంలో (Q3) దేశంలోని తొమ్మిది కీలక నగరాల్లో మొత్తం 1,03,170 ఇళ్లు అమ్ముడయ్యాయి. గతేడాది ఇదే కాలంలో నమోదైన 1,09,420 యూనిట్లతో పోలిస్తే అమ్మకాలు 6 శాతం తగ్గాయి. అంతకుముందు త్రైమాసికంతో పోల్చినా విక్రయాలు 4 శాతం తగ్గినట్లు ఎన్‌ఎస్‌ఈ నమోదిత రియల్ ఎస్టేట్ డేటా అనలిటిక్స్ సంస్థ ప్రాప్‌ఈక్విటీ విశ్లేషణ వెల్లడించింది. పూర్తి వివరాల కోసం ఇక్కడ క్లిక్ చేయండి.

మొబైల్‌ రీఛార్జ్‌లపై కేంద్ర శుభవార్త చెప్పింది. ఇప్పటివరకు చాలా టెలికాం కంపెనీలు 28 రోజుల వ్యాలిడిటీతో రీఛార్జ్ ప్లాన్లను అందిస్తున్న విషయం తెలిసిందే. దీంతో నెలకు ఒకసారి రీఛార్జ్ చేస్తున్నామని భావించే వినియోగదారులు ఏడాదిలో 12 సార్లు కాకుండా.. 13 సార్లు రీఛార్జ్ చేయాల్సి వస్తోంది. దీనికి ప్రత్యామ్నాయంగా ఇప్పుడు కొత్త వ్యాలిడిటీ ఆప్షన్లు అందుబాటులోకి తీసుకురావాలని టెలికాం రెగ్యులేటరీ అథారిటీ ఆఫ్ ఇండియా (TRAI) కీలక నిర్ణయం తీసుకుంది. ఇది దేశీయ ప్రీపెయిడ్ మొబైల్ వినియోగదారులకు శుభవార్త అనే చెప్పాలి.30 రోజుల వ్యాలిడిటీసెప్టెంబర్ 22న ట్రాయ్ జారీ చేసిన టెలికాం వినియోగదారుల రక్షణ (13వ సవరణ) నిబంధనలు, 2026 ప్రకారం.. టెలికాం సంస్థలు 28 రోజుల ప్లాన్‌ల స్థానంలో, 30 రోజుల వ్యాలిడిటీతో వాయిస్, ఎస్ఎంఎస్ సేవలకు సంబంధించిన ప్లాన్లను అందుబాటులో ఉంచాలి.నిజానికి ఈ సమస్యను రాజ్యసభ ఎంపీ రాఘవ్ చద్దా మార్చి 11న పార్లమెంటులో ప్రస్తావించారు. 28 రోజుల వ్యాలిడిటీ కారణంగా వినియోగదారులు ఏడాదికి అదనంగా ఒకసారి రీఛార్జ్ చేయాల్సి వస్తోందని వివరించారు. వినియోగదారులకు 30 రోజుల వ్యాలిడిటీతో పాటు మరిన్ని సౌకర్యవంతమైన ఆప్షన్లు ఇవ్వాలని కోరారు. దీనికి సంబంధించిన వీడియో సోషల్ మీడియాలో వైరల్ అవుతోంది.స్పెషల్ ప్లాన్మొబైల్ వాడే ప్రతి ఒక్కరికీ డేటా అవసరం ఉండదు. కొంతమంది ఫోన్‌ను కేవలం కాల్స్ చేయడానికి, ఎస్ఎంఎస్ పంపడానికి మాత్రమే ఉపయోగిస్తుంటారు. అలాంటి వారు డేటా ఉన్న ప్లాన్ కోసం అదనంగా డబ్బు చెల్లించాల్సిన అవసరం లేకుండా.. ప్రత్యేకమైన వాయిస్+ఎస్ఎంఎస్ ప్లాన్‌ను ఎంచుకునే అవకాశం కల్పించాలని కోరారు.ట్రాయ్ నిబంధనల ప్రకారం.. టెలికాం కంపెనీలు కేవలం వాయిస్, ఎస్ఎంఎస్ సేవలు అందించే ప్రత్యేక టారిఫ్ వోచర్లను అందించాలి. వీటిలో 30 రోజుల ఆప్షన్ ఉండాలి. అలాగే.. ప్రతి నెల ఒకే తేదీన రీఛార్జ్ చేసుకునే అవకాశం కల్పించే ప్లాన్ కూడా ఉండాలి. దీనితో పాటు కనీసం ఒక దీర్ఘకాలిక వాయిస్, ఎస్ఎంఎస్ ప్లాన్ కూడా అందుబాటులో ఉండాలి.ఇదీ చదవండి: ఖాతాదారులకు అలర్ట్‌: 5 రోజులు బ్యాంకులు బంద్!అంటే.. ఇకపై డేటా అవసరం లేని వినియోగదారులకు తమ అవసరానికి తగ్గట్టుగా ప్లాన్ ఎంచుకునే అవకాశం ఉంటుంది. 30 రోజుల వ్యాలిడిటీ ఉన్న ప్లాన్‌ను ఎంచుకుంటే నెలకు ఒకసారి అదే తేదీకి రీఛార్జ్ చేసుకోవడం సులభంగా ఉంటుంది. అయితే.. ఏ కంపెనీ ఎంత ధరకు ఏ ప్రయోజనాలతో ప్లాన్ అందిస్తుంది? అనేది మాత్రం ఆయా టెలికాం సంస్థలపై ఆధారపడి ఉంటుంది.Good news for Prepaid Mobile Users in IndiaThe Govt just introduced Telecom Consumer Protection (Thirteenth Amendment) Regulations, 2026, consumers will now have:• 30-day recharge plans, reducing the need for 13 monthly recharges to 12 in a year• Voice and SMS-only plans… pic.twitter.com/mfWVfMWNqR— Raghav Chadha (@raghav_chadha) September 27, 2026

ఈ వారం బ్యాంకులో ఏదైనా పని ఉందా?, అయితే.. ఒకసారి బ్యాంకు సెలవులు చూసుకుని వెళ్లడం మంచిది. ఎందుకంటే.. సెప్టెంబర్ 28 నుంచి అక్టోబర్ 4 వరకు ఐదు రోజులు బ్యాంకు సేవలకు అంతరాయం ఏర్పడే అవకాశం ఉంది. ముఖ్యంగా సెప్టెంబర్ 28 నుంచి 30 వరకు బ్యాంకు ఉద్యోగుల సమ్మె, అక్టోబర్ 2న గాంధీ జయంతి, ఆ తరువాత వచ్చే ఆదివారం కారణంగా బ్యాంకు శాఖలు మూసి ఉంటాయి.సెప్టెంబర్ 28, 29, 30 తేదీల్లో యునైటెడ్ ఫోరమ్ ఆఫ్ బ్యాంక్ యూనియన్ (UFBU) ఆధ్వర్యంలో మూడు రోజుల దేశవ్యాప్త బ్యాంకు సమ్మెకు పిలుపునిచ్చారు. పెర్ఫార్మెన్స్ లింక్డ్ ఇన్సెంటివ్ (PLI) విధానం అమలుతో పాటు, ఐదు రోజుల బ్యాంకింగ్ వారం, పాత పెన్షన్ విధానం పునరుద్ధరణ వంటి పలు డిమాండ్లపై బ్యాంకు ఉద్యోగ సంఘాలు ఈ సమ్మెకు పిలుపునిచ్చాయి.అయితే.. ఈ సమ్మె ప్రభావం అన్ని బ్యాంకులపై ఒకే విధంగా ఉండకపోవచ్చు. ముఖ్యంగా ప్రభుత్వ రంగ బ్యాంకుల శాఖల్లో సేవలకు అంతరాయం ఏర్పడే అవకాశం ఉంది. చాలా ప్రైవేట్ బ్యాంకులు ఈ మూడు రోజుల్లో సాధారణంగానే పనిచేసే అవకాశం ఉంది. కాబట్టి బ్రాంచ్‌కు వెళ్లే ముందు మీ బ్యాంకు పనిచేస్తుందో లేదో ఒకసారి చెక్ చేసుకోవడం మంచిది.అక్టోబర్ 2న మహాత్మా గాంధీ జయంతి సందర్భంగా దేశవ్యాప్తంగా బ్యాంకులకు సెలవు ఉంటుంది.అక్టోబర్ 4 ఆదివారం. కాబట్టి దేశవ్యాప్తంగా బ్యాంకులకు సెలవు. అంటే మొత్తం మీద వచ్చేవారంలో బ్యాంకులు పనిచేసేది కేవలం రెండు రోజులు మాత్రమే అని తెలుస్తోంది.అయితే బ్యాంకు బ్రాంచ్ మూసి ఉంటే అన్ని బ్యాంకింగ్ సేవలు ఆగిపోతాయని కంగారుపడాల్సిన అవసరం లేదు. ప్రస్తుతం చాలా బ్యాంకింగ్ పనులను ఆన్‌లైన్‌లోనే చేసుకునే అవకాశం ఉంది. యూపీఐ, మొబైల్ బ్యాంకింగ్, ఇంటర్నెట్ బ్యాంకింగ్ ద్వారా డబ్బు పంపడం, బిల్లులు చెల్లించడం, ఖాతాల మధ్య నగదు బదిలీ చేయడం వంటి పనులు సాధారణంగా చేసుకోవచ్చు. అలాగే ఏటీఎంలు కూడా సాధారణంగా అందుబాటులో ఉంటాయి. నగదు విత్‌డ్రా చేయడం వంటి సేవలను ఏటీఎం ద్వారా ఉపయోగించుకోవచ్చు. అయితే ఏటీఎంలో నగదు అందుబాటులో ఉండటం ఆయా బ్యాంకుల నిర్వహణపై ఆధారపడి ఉంటుంది.ఇదీ చదవండి: రైల్వే టికెట్ బుకింగ్‌లో కీలక మార్పు!

ట్రైన్ టికెట్‌ ఆన్‌లైన్‌లో బుక్ చేసి.. యూపీఐ ద్వారా పేమెంట్ చేసేవారు 2026 అక్టోబర్ 15 నుంచి ఓ కొత్త మార్పు గమనించనున్నారు. రూ.2000 కంటే ఎక్కువ విలువైన టికెట్ల విషయంలో ఈ కొత్త నిబంధన వర్తిస్తుంది. దీనికి సంబంధించిన మరిన్ని వివరాలు ఈ కథనంలో వివరంగా తెలుసుకుందాం.ప్రభుత్వ నిబంధనల ప్రకారం.. యూపీఐ ద్వారా ఒక వ్యక్తి, వ్యాపార సంస్థకు చెల్లింపు చేసినప్పుడు మర్చంట్ డిస్కౌంట్ రేట్ (MDR) చెల్లించాల్సి ఉంటుంది. కొత్త రూల్ ప్రకారం రూ.2,000 కంటే ఎక్కువ విలువైన కొన్ని యూపీఐ మర్చెంట్ లావేదేవీలపై 0.4 శాతం ఎండీఆర్ ఉంటుంది. కానీ టెలికమ్యూనికేషన్లు, భీమా, రైల్వే టికెటింగ్‌ వంటి వాటిని స్పెషల్ కేటగిరీలో పెట్టారు. అందుకే.. రైల్వే టికెట్‌కు రూ.2,000 కంటే ఎక్కువ యూపీఐ చెల్లించినప్పుడు 0.4 శాతం కాకుండా.. ఒక్కో లావాదేవీకి కేవలం రూ.5 ఎండీఆర్ వర్తిస్తుంది.ఉదాహరణకు.. మీరు రూ.3,000 విలువైన రైల్వే టికెట్‌ను యూపీఐ ద్వారా బుక్ చేశారనుకుంటే.. అప్పుడు ఎండీఆర్ రూ.5 ఉంటుంది. కానీ మీరు రూ.3005 చెల్లించాల్సిన అవసరం లేదు. ఎందుకంటే.. 5 రూపాయల అనేది మర్చెంట్ సైడ్ ఛార్జ్. కాబట్టి ప్రయాణికుడి నుంచి అదనంగా డబ్బు వసూలు చేయకూడదని ప్రభుత్వం స్పష్టం చేసింది. బ్యాంకులు కూడా మర్చెంట్లను ఈ ఛార్జీని కస్టమర్లపై వేయకుండా చూసుకోవాలని సూచించాయి.అదే విధంగా రూ.10,000 విలువైన టికెట్‌ను యూపీఐ ద్వారా బుక్ చేసినా ఎండీఆర్ రూ.5గానే ఉంటుంది. సాధారణ మర్చెంట్ లావాదేవీ అయితే 0.4 శాతం ప్రకారం రూ.10వేలకు 40 రూపాయలు అయ్యేది. కానీ రైల్వే టికెటింగ్‌కు ప్రత్యేక రూల్ ఉండటంతో ఇక్కడ రూ.5 మాత్రమే వర్తిస్తుంది. అయితే రూ. 2,000 వరకు ఉన్న అర్హత కలిగిన యూపీఐ లావాదేవీల మీద ఎండీఆర్ ఉండదు.ఇదీ చదవండి: బంపరాఫర్.. ఐఫోన్ కొనుగోలుపై రూ.70 వేలు తగ్గింపు!

ఆర్టిఫిషియల్‌ ఇంటెలిజెన్స్‌ (AI) ఆధారిత మోసాలు ఎంత ప్రమాదకరంగా మారుతున్నాయో ఇటలీలో జరిగిన భారీ బ్యాంకింగ్‌ మోసం మరోసారి బయటపెట్టింది. ఇటలీకి చెందిన అతిపెద్ద రుణదాత ఇంటెసా సాన్పాలోకు చెందిన ప్రైవేట్‌ బ్యాంకింగ్‌ విభాగం ఫిడ్యూరామ్‌ నుంచి మోసగాళ్లు సుమారు 95 మిలియన్‌ యూరోలు (సుమారు రూ.10,360 కోట్లు) విదేశీ ఖాతాలకు బదిలీ చేయించుకున్నట్లు రాయిటర్స్‌ నివేదించింది. ఇందులో సుమారు 53 మిలియన్‌ యూరోలు తిరిగి రికవరీ చేసినప్పటికీ, దాదాపు 36 మిలియన్ యూరోలు ఇంకా ఆచూకీ లేకుండా పోయినట్లు ఈ వ్యవహారంపై అవగాహన ఉన్న వర్గాలు తెలిపాయి.అసలు మోసం ఎలా జరిగిందంటే..ఈ ఘటన 2026 ఫిబ్రవరిలో జరిగింది. అప్పట్లో ఫిడ్యూరామ్‌ చైర్మన్‌గా ఉన్న పాలో మోలెసినికి ఇంటెసా సాన్పాలో సీఈఓ కార్లో మెస్సినా నుంచి వచ్చినట్లుగా కనిపించిన ఓ వాట్సాప్‌ సందేశం వచ్చింది. విదేశాల్లో జరుగుతున్న ఓ అత్యవసర ఆర్థిక లావాదేవీని పూర్తి చేయడానికి ఫిడ్యూరామ్‌ ట్రెజరీ నుంచి వెంటనే నిధులు బదిలీ చేయాలని అందులో కోరారు.ఈ సందేశాన్ని మరింత నమ్మేలా చేయడానికి మోసగాళ్లు మరో అడుగు ముందుకేశారు. ఓ ప్రముఖ అంతర్జాతీయ న్యాయ సంస్థకు చెందిన సీనియర్‌ భాగస్వామి నుంచి కాల్‌ వచ్చినట్లుగా ఏర్పాటు చేశారు. మోలెసినికి ఆ న్యాయవాది పరిచయం ఉండటంతో, ఫోన్‌లో వినిపించిన గొంతు కూడా నిజమైనదిగానే అనిపించింది. అయితే ఆ గొంతును ఏఐ సాంకేతికతతో క్లోన్‌ చేసినట్లు దర్యాప్తు వర్గాలు తెలిపాయి.చైనా, హాంకాంగ్‌కు బదిలీలుఅభ్యర్థన నిజమైనదేనని భావించిన మోలెసిని ఫిడ్యూరామ్‌ ఆర్థిక విభాగాన్ని సంప్రదించి వరుసగా నిధులు బదిలీ చేయాలని ఆదేశించారు. దీంతో సుమారు 95 మిలియన్ యూరోలు చైనా, హాంకాంగ్‌ సహా విదేశీ ఖాతాలకు తరలిపోయాయి.అయితే ఫిడ్యూరామ్‌ వ్యవస్థలు కొద్దిసేపటికే లావాదేవీల్లో అసాధారణతలను గుర్తించాయి. వెంటనే ఇతర బ్యాంకులు, అంతర్జాతీయ దర్యాప్తు సంస్థలను అప్రమత్తం చేశారు. చైనా, పోర్చుగల్‌, ఇటలీ అధికారుల మధ్య సహకారంతో భారీ మొత్తాన్ని తిరిగి స్వాధీనం చేసుకోగలిగారు. రాయిటర్స్‌ ప్రకారం సుమారు 53 మిలియన్‌ యూరోలు రికవరీ అయ్యాయి. కొన్ని ఇటాలియన్‌ మీడియా నివేదికల్లో రికవరీ మొత్తం సుమారు 59 మిలియన్‌ యూరోలుగా పేర్కొనడం గమనార్హం.మిగిలిన నిధులు పలు విదేశీ ఖాతాల ద్వారా తరలిపోయి, చివరకు క్రిప్టోకరెన్సీలుగా మార్చినట్లు సమాచారం. దీంతో వాటి ఆచూకీ కనుగొనడం మరింత క్లిష్టంగా మారింది. సుమారు 36 మిలియన్‌ యూరోలు ఇంకా కనిపెట్టాల్సి ఉందని దర్యాప్తు వర్గాలు తెలిపాయి.మోలెసినిపై కేసు లేదుఈ మోసానికి సంబంధించి పాలో మోలెసిని లేదా ఫిడ్యూరామ్‌కు చెందిన ఇతర ఎగ్జిక్యూటివ్‌లపై దర్యాప్తు జరుగుతున్నట్లు సమాచారం లేదు. అయితే మిలన్‌ ప్రాసిక్యూటర్లు కంప్యూటర్‌ మోసం అనుమానంతో ఐరోపా వెలుపల నివసిస్తున్న ఓ విదేశీ వ్యక్తిపై దర్యాప్తు ప్రారంభించినట్లు రాయిటర్స్‌ పేర్కొంది.కాగా మోలెసిని 2026 మార్చిలో వ్యక్తిగత కారణాలను చూపుతూ ఫిడ్యూరామ్‌ చైర్మన్‌ పదవికి రాజీనామా చేశారు. అప్పట్లో ఆయన వైదొలగడానికి సంబంధించిన మరిన్ని వివరాలను సంస్థ వెల్లడించలేదు.గతంలోనూ ఇటలీలో ఏఐ వాయిస్‌ మోసంఇటలీలో ఏఐ వాయిస్‌ క్లోనింగ్‌ ఆధారిత మోసం ఇదే మొదటిసారి కాదు. 2025 ఫిబ్రవరిలో రక్షణ మంత్రి గైడో క్రొసెట్టో గొంతును ఏఐతో అనుకరిస్తూ పలువురు ప్రముఖ ఇటాలియన్‌ వ్యాపారవేత్తలను మోసగాళ్లు సంప్రదించారు. మధ్యప్రాచ్యంలో బందీలుగా ఉన్న జర్నలిస్టులను విడిపించేందుకు డబ్బు అవసరమంటూ నమ్మించే ప్రయత్నం చేశారు. మాజీ ఇంటర్‌ మిలాన్‌ యజమాని మాసిమో మొరాట్టి దాదాపు 1 మిలియన్‌ యూరోలు బదిలీ చేసినట్లు అధికారులు తెలిపారు. ఆ మొత్తాన్ని అధికారులు అనంతరం స్తంభింపజేశారు.

ముంబైలోని చెంబూర్‌లో ఉన్న ఒక చిన్న చోలే భటూరే రెస్టారెంట్. దీని పేరు ఢిల్లీ సే (Delhi Se). ఇది ఒకప్పుడు దాదాపు రూ. 18 లక్షల అప్పులో కూరుకుపోయి మూతపడటానికి సిద్ధమైంది. కానీ నేడు.. కోట్లు సంపాదిస్తూ బాగా పాపులర్ అయింది. దీనికి కారణం నటి అనుష్క శర్మ చోలే భటూరే ఆర్డర్ చేయడమే. మరిన్ని వివరాలు ఈ కథనంలో చూసేద్దాం.మూతపడే స్థితి నుంచి..జస్పాల్ సింగ్ ఖాల్సా, మహీందర్ సింగ్ ఖాల్సా అనే ఇద్దరు సోదరులు 2021 అక్టోబర్‌లో 'ఢిల్లీ సే'ను ప్రారంభించారు. మొదట అది కేవలం 250 చదరపు అడుగుల చిన్న షాప్ మాత్రమే. అందులో మూడు టేబుళ్లు, తొమ్మిది సీట్లు మాత్రమే ఉండేవి. ప్రారంభంలో.. వ్యాపారం బాగానే ఉన్నప్పటికీ, 2022 జనవరి నుంచి కస్టమర్లు తగ్గడం మొదలైంది. సెప్టెంబర్ నాటికి పరిస్థితి మరింత దారుణంగా మారింది. దాదాపు రూ.18 లక్షల అప్పు పేరుకుపోవడంతో రెస్టారెంట్‌ను మూసేయాలని సోదరులు నిర్ణయించుకున్నారు.అయితే అదే సమయంలో వారి జీవితాన్ని మార్చే ఒక సంఘటన జరిగింది. 2022 సెప్టెంబర్‌లో స్టాండప్ కమెడియన్ అభిషేక్ ఉపమన్యు ఢిల్లీ సేకి వచ్చి చోలే భటూరే తిన్నారు. అప్పట్లో.. ఆయన ఎవరో కూడా సోదరులకు తెలియదు. కానీ.. మరుసటి రోజు నుంచే రెస్టారెంట్‌కు కస్టమర్లు పెరగడం మొదలైంది. తర్వాత వారికి తెలిసింది ఏమిటంటే, అభిషేక్ ఉపమన్యు తన ఇన్‌స్టాగ్రామ్ స్టోరీలో తమ రెస్టారెంట్ గురించి ప్రస్తావించారు అని.అనుష్క శర్మ ఇన్‌స్టా పోస్ట్ఆ తర్వాత ఈ రెస్టారెంట్ గురించి అనుష్క శర్మకు కూడా తెలిసింది. ఆమె భర్త, క్రికెటర్ విరాట్ కోహ్లీకి చోలే భటూరే అంటే చాలా ఇష్టం. ముంబైలో అసలైన ఢిల్లీ రుచిలో చోలే భటూరే కోసం అనుష్క వెతుకుతున్న సమయంలో ఢిల్లీ సే గురించి తెలుసుకున్నారు.ఒక రోజు విరాట్ కోహ్లీ ఇంటి నుంచి రెస్టారెంట్‌కు ఫోన్ వచ్చింది. రెండు ప్లేట్ల చోలే భటూరే జుహూకు పంపాలని అడిగారు. కానీ జస్పాల్‌కు అది నిజమైన ఫోన్ కాల్ అనిపించలేదు. ఎవరో తనను ఆటపట్టిస్తున్నారని అనుకున్నారు. ఎందుకంటే రెండు ప్లేట్ల ధర అప్పట్లో కేవలం రూ.120 మాత్రమే. పైగా చెంబూర్ నుంచి జుహూకు డెలివరీ చేయాలి.ఫోన్ చేసిన వ్యక్తి డెలివరీ ఖర్చు కూడా ఇస్తామని, బ్యాంక్ వివరాలు పంపాలని చెప్పడంతో జస్పాల్‌కు మరింత అనుమానం వచ్చింది. చివరికి ఆమె విరాట్ కోహ్లీ ఇంటి నుంచి ఫోన్ చేస్తున్నానని చెప్పినా ఆయన నమ్మలేకపోయారు. అయినా.. చివరకు ఆర్డర్‌ను తీసుకుని జుహూకు వెళ్లి చోలే భటూరే డెలివరీ చేశారు.ఆ తర్వాత అసలు ట్విస్ట్ వచ్చింది. 'ముంబైలో చివరకు ఢిల్లీ రుచిలో ఉండే చోలే భటూరే దొరికాయని' అనుష్క శర్మ తన ఇన్‌స్టాలో పోస్ట్ చేశారు. ఈ రెస్టారెంట్ గురించి తనకు అభిషేక్ ఉపమన్యు ద్వారా తెలిసిందని కూడా చెప్పారు. ఆ ఒక్క పోస్టుతో ఢిల్లీ సే రెస్టారెంట్ పరిస్థితి పూర్తిగా మారిపోయింది.మారిపోయిన రెస్టారెంట్ పరిస్థితికొద్ది సమయంలోనే రెస్టారెంట్ ముందు భారీగా జనం చేరుకున్నారు. ఫోన్లు ఆగకుండా మోగాయి. కొంతమంది ఆరు, పది ప్లేట్ల చొప్పున ఆర్డర్ చేయడం మొదలుపెట్టారు. రెస్టారెంట్‌లో ఉన్న సరుకులు సరిపోలేదు. పరిస్థితి ఎంతగా పెరిగిందంటే, బయట భారీగా జనం చేరడంతో పోలీసులు కూడా అక్కడికి రావాల్సి వచ్చింది.మొదట రోజుకు కేవలం 8 కిలోల చోలే మాత్రమే తయారు చేసేవారు. కానీ మూడు రోజుల్లోనే అది 100 కిలోలకు చేరింది. సరుకు సరిపోకపోవడంతో చుట్టుపక్కల ఇళ్లవారిని కూడా సహాయం అడిగారు. 'మీ ఇంట్లో చోలే నానబెట్టి పెట్టండి, నేను వచ్చి తీసుకెళ్తాను' అని అడిగేవారు. కొంతమంది కస్టమర్లు రెండు మూడు ప్లేట్ల కోసం కూడా గంటల తరబడి వేచి ఉండాల్సి వచ్చింది.నెలకు రూ.2 కోట్లుఇంతకుముందు నెలకు కేవలం రూ.1 నుంచి 1.5 లక్షల వరకు అమ్మకాలు జరిగే పరిస్థితి నుంచి ఇప్పుడు నెలకు సుమారు రూ.2 కోట్ల అమ్మకాలు జరుగుతున్నాయని సోదరులు చెబుతున్నారు.ఇప్పటికే ఢిల్లీ సేకి చెంబూర్, ములుండ్, అంధేరీ వెస్ట్, వాషీ ప్రాంతాల్లో నాలుగు ఔట్‌లెట్లు ఉన్నాయి. రోజుకు 3,000కు పైగా ప్లేట్ల చోలే భటూరే అమ్ముతున్నామని వారు చెబుతున్నారు. రోజూ సుమారు 125 కిలోల చోలే నానబెడుతున్నారు. ఒకప్పుడు రూ.18 లక్షల అప్పులతో రెస్టారెంట్‌ను మూసేయాలని అనుకున్న ఇద్దరు సోదరులు, ఇప్పుడు కోట్ల రూపాయల వ్యాపారాన్ని నడుపుతున్నారు.ఇదీ చదవండి: బంపరాఫర్.. ఐఫోన్ కొనుగోలుపై రూ.70 వేలు తగ్గింపు!

చాలామంది ఉద్యోగం చేసేవారు.. సొంతంగా బిజినెస్ చేయాలని అనుకుంటారు. అయితే వ్యాపారం అనేది ఒక పసిబిడ్డ లాంటిదని కాంట్రారియన్ థింకింగ్ వ్యవస్థాపకురాలు కోడీ సాంచెజ్ చెబుతున్నారు. ఇంతకీ ఆమె ఎందుకలా అన్నారు?, దీనికి గల కారణాలు ఏమిటి అనే విషయాలను ఇక్కడ తెలుసుకుందాం.కోడీ సాంచెజ్ ప్రకారం.. ఒక బిడ్డ పుట్టినప్పుడు, తనంతట తాను ఏ పని చేసుకోలేదు. తల్లిదండ్రులే జాగ్రత్తగా చూసుకోవాలి, తినిపించాలి, నడిపించాలి. ఇలా ప్రతి విషయంలో సహాయం చేయాలి. కొత్తగా ప్రారంభించిన వ్యాపారం కూడా అలాగే ఉంటుంది. మొదట్లో యజమానే అన్నీ చూసుకోవాలి. కస్టమర్లను సంపాదించడం నుంచి డబ్బులు చూసుకోవడం వరకు ప్రతి విషయానికీ యజమాని సమయం, శ్రమ వెచ్చించాలి.కొంతకాలం తర్వాత.. బిడ్డ నడవడం నేర్చుకుంటుంది. కానీ మొదట్లో ఎవరో ఒకరి చేయి పట్టుకుని నడుస్తుంది. వ్యాపారం కూడా ఒక దశలో ఇలాగే ఉంటుంది. కొంత ఆదాయం రావడం మొదలవుతుంది, ఉద్యోగులు చేరుతారు, పనులు కొంత సిస్టమ్‌లోకి వస్తాయి. అయినా యజమాని సహాయం, పర్యవేక్షణ అవసరమే.ఆ తర్వాత ఒక దశలో బిడ్డ తనంతట తానే నడవడం, పరుగెత్తడం మొదలుపెడుతుంది. మంచి వ్యాపారం కూడా చివరికి అలాంటి స్థాయికి చేరాలి. యజమాని ప్రతి చిన్న పనిని స్వయంగా చేయాల్సిన అవసరం లేకుండా, ఉద్యోగులు, సిస్టమ్స్ కలిసి వ్యాపారాన్ని నడిపించాలి.అయితే.. ఇక్కడ గుర్తుంచుకోవాల్సిన విషయం ఏమిటంటే, ప్రతి వ్యాపారం ఒకే వేగంతో ఎదగదు. కొన్ని వ్యాపారాలు త్వరగా స్వతంత్రంగా మారుతాయి. మరికొన్ని వ్యాపారాలకు ఎక్కువ సమయం, ఎక్కువ శ్రద్ధ అవసరం కావచ్చు. అది సహజమే.ఇదీ చదవండి: అందుకే.. బంగారం ధరలు తగ్గుతున్నాయ్!వ్యాపారం మొదట మనపై ఆధారపడుతుంది, తర్వాత మన సహాయంతో ఎదుగుతుంది, చివరికి మనం ప్రతి రోజు దాని వెనుక నిలబడాల్సిన అవసరం లేకుండా పనిచేసే స్థాయికి చేరుతుంది. కాబట్టి.. వ్యాపారాన్ని ప్రారంభించడం ఎంత ముఖ్యమో, దాన్ని మన మీద పూర్తిగా ఆధారపడకుండా నిర్మించడం కూడా అంతే ముఖ్యం. ఒక తల్లిదండ్రి తన బిడ్డను ఎప్పటికీ చేయి పట్టుకుని నడిపించరు. ఒకరోజు ఆ బిడ్డ తనంతట తానే నడవాలి. అదే విధంగా ఒక వ్యాపారం కూడా ఒకరోజు యజమాని సహాయం లేకుండానే ముందుకు సాగే స్థాయికి చేరాలి.A business is like a baby: - first it’s fully dependent on you - then it starts walking with your help - and finally it's running around on its own Some grow faster than others, but they all follow a similar path.— Codie Sanchez (@Codie_Sanchez) September 10, 2026

దేశంలో బ్యాంకింగ్ సేవలు మరోసారి తీవ్ర అంతరాయాన్ని ఎదుర్కొనే పరిస్థితి ఏర్పడింది. ఏడు ప్రధాన ప్రతినిధి సంఘాలు, సుమారు ఎనిమిది లక్షల మంది బ్యాంకింగ్ సిబ్బందికి ప్రాతినిధ్యం వహిస్తున్న ‘యునైటెడ్ ఫోరమ్ ఆఫ్ బ్యాంక్ యూనియన్స్’ (యూఎఫ్‌బీయూ) సెప్టెంబర్ 28 నుంచి 30 వరకు (మూడు రోజుల పాటు) దేశవ్యాప్త సమ్మెకు పిలుపునిచ్చింది. కార్మిక శాఖ డెప్యూటీ చీఫ్ లేబర్ కమిషనర్‌తో జరిపిన సమన్వయ చర్చలు విఫలం కావడమే ఈ నిర్ణయానికి తక్షణ కారణం.ప్రధాన డిమాండ్లు.. ఉద్యోగుల వాదనయుఎఫ్‍బీయూ ప్రధాన డిమాండ్.. వారానికి 5 రోజుల పనిదినాల విధానాన్ని తక్షణమే అమలు చేయడం. ప్రస్తుతం రెండో, నాలుగో శనివారాల్లో మాత్రమే బ్యాంకులు మూసి ఉంటున్నాయి. అన్ని శనివారాలనూ సెలవు దినాలుగా ప్రకటించాలని యూనియన్లు పట్టుబడుతున్నాయి.శనివారం సెలవు ఇస్తే సోమవారం నుంచి శుక్రవారం వరకు రోజూ అదనంగా 40 నిమిషాల సమయం పని చేయడానికి తాము సిద్ధంగా ఉన్నామని ఉద్యోగుల పక్షం స్పష్టం చేసింది.ఆర్‌బీఐ, ఐఆర్‌డీఏఐ, సెంట్రల్ గవర్నమెంట్, ఐటీ రంగాల్లో ఇప్పటికే ఐదు రోజుల పనిదినాలు ఉన్నాయని యూనియన్‌ చెబుతోంది. తీవ్రమైన మానసిక ఒత్తిడి, సిబ్బంది కొరత, పనిభారం అనుభవిస్తున్న బ్యాంకు సిబ్బంది ఆరోగ్యం, కుటుంబ సమతుల్యత(వర్క్‌లైఫ్‌ బ్యాలెన్స్‌) దృష్ట్యా ఇది అత్యంత అవసరమని తెలియజేస్తోంది.విశ్రాంత ఉద్యోగుల పెన్షన్ అప్‌డేషన్‌, నేషనల్ పెన్షన్ సిస్టమ్ (ఎన్‌పీఎస్‌) స్థానంలో పాత పెన్షన్ స్కీమ్ పునరుద్ధరణ, పర్ఫార్మెన్స్ లింక్డ్ ఇన్సెంటివ్ (పీఎల్‌ఐ) విధానంలో మార్పులు వంటివి యూనియన్ల ఇతర ప్రధాన డిమాండ్లుగా ఉన్నాయి.ప్రభుత్వం, బ్యాంక్ యాజమాన్యాల వైఖరిఐదు రోజుల విధానాన్ని అమలు చేస్తే దేశ ఆర్థిక లావాదేవీలపై ముఖ్యంగా గ్రామీణ ప్రాంత ప్రజలు, చిన్న వ్యాపారులపై ప్రతికూల ప్రభావం పడుతుందని కేంద్రం భావిస్తోంది. 2024 మార్చి వేతన ఒప్పంద సమయంలో.. ఐదు రోజుల బ్యాంకింగ్‌ సూత్రప్రాయంగా పరిశీలనలో ఉందని సంతకాలు జరిగాయి తప్ప, దీనిపై ప్రభుత్వం నుంచి తుది ఆమోదం లభించలేదని ఆర్థిక మంత్రిత్వ శాఖ వర్గాలు అంటున్నాయి. సెప్టెంబర్ 30 అర్ధవార్షిక క్లోజింగ్ రోజు కావడంతో సమ్మె వల్ల వ్యాపార, పన్ను ఖాతాల సర్దుబాట్లు నిలిచిపోతాయని, అందుకే సమ్మెను విరమించుకోవాలని ప్రభుత్వం విజ్ఞప్తి చేసింది. సమ్మె ప్రభావాన్ని తగ్గించేందుకు వీలుగా సెప్టెంబర్ 27 ఆదివారం నాడు ప్రభుత్వ రంగ బ్యాంకులను, ఆర్‌ఆర్‌బీలను తెరిచి ఉంచాలని ఆర్‌బీఐ సమ్మతి తెలిపింది.యథావిధిగా యూపీఐ, నెట్‌ బ్యాంకింగ్‌ సేవలుయూపీఐ, నెట్ బ్యాంకింగ్ సేవలు యథావిధిగా పనిచేస్తున్నప్పటికీ బ్రాంచ్ బ్యాంకింగ్, చెక్కుల క్లియరెన్స్, పెద్ద మొత్తంలో నగదు డిపాజిట్లు నిలిచిపోయే ప్రమాదం ఉంది. సెప్టెంబర్ 30 నాటికి యూనియన్లు సమస్య పరిష్కారం లభించకపోతే అక్టోబర్ 26 నుంచి నిరవధిక సమ్మెకు దిగుతామని హెచ్చరిస్తున్నాయి. సమస్య తీవ్రతరం కాకముందే ప్రభుత్వం, బ్యాంకింగ్ యూనియన్లు స్పందించి వివాదానికి శాశ్వత పరిష్కారం కనుగొనాలని కోరుతున్నాయి.ఇదీ చదవండి: ఆధార్ వ్యవస్థనే అబ్బురపరిచిన కవలలు

భారత్‌లో యునైటెడ్ ఫోరమ్ ఆఫ్ బ్యాంక్ యూనియన్స్ (యూఎఫ్‌బీయూ) సెప్టెంబర్ 28 నుంచి 30 వరకు సమ్మెకు పిలుపునిచ్చింది. ఈ దేశవ్యాప్త బ్యాంకింగ్ సమ్మె ప్రభావం గల్ఫ్ దేశాల్లోని ఎన్ఆర్ఐలపై, ముఖ్యంగా యుఏఈ నుంచి భారత్‌కు పంపే రెమిటెన్స్‌లపై పడనుంది. సెప్టెంబర్ 30 నాటి అర్ధవార్షిక ఆర్థిక ముగింపు సమయానికే ఈ సమ్మె రావడం ప్రాధాన్యత సంతరించుకుంది.సమ్మె కారణంగా బ్యాంకు శాఖల ద్వారా జరిగే ప్రత్యక్ష లావాదేవీలకు విఘాతం కలగనుంది. యూఏఈ ఎక్స్ఛేంజ్ హౌస్‌ల ద్వారా జరిగే డిజిటల్ నిధుల బదిలీలు పనిచేసినప్పటికీ భారతదేశంలోని రిసీవ్‌ బ్యాంకుల వద్ద సిబ్బంది ప్రాసెసింగ్ అవసరమైన రెమిటెన్స్‌లు జాప్యం అయ్యే అవకాశముంది. ఎన్ఆర్ఐలు అత్యవసర నిధుల బదిలీల విషయంలో అప్రమత్తంగా ఉండాలని నిపుణులు హెచ్చరిస్తున్నారు.ఆదివారం ప్రత్యేక బ్యాంకింగ్సమ్మె వల్ల కస్టమర్లకు కలిగే అసౌకర్యాన్ని తగ్గించేందుకు భారత రిజర్వ్ బ్యాంక్ సత్వర చర్యలు చేపట్టింది. సెప్టెంబర్ 27 ఆదివారం నాడు ప్రభుత్వ బ్యాంకులు, ప్రాంతీయ గ్రామీణ బ్యాంకుల పరిధిలోని శాఖలు, కరెన్సీ చెస్ట్‌లను ఓపెన్‌లోనే ఉంటాయి. దీనివల్ల ఖాతాదారులు సమ్మెకు ముందే తమ అత్యవసర బ్యాంకింగ్ పనులను పూర్తి చేసుకునే అవకాశం లభించింది. ప్రైవేట్ బ్యాంకులు సమ్మెలో పాల్గొననప్పటికీ ఆదివారం వాటి పనివేళలపై సంబంధిత బ్యాంకు నిబంధనలను పరిశీలించాల్సి ఉంటుంది.దీనికితోడు, సెప్టెంబర్ 28 నుంచి 30 వరకు ఏటీఎంలపై విధించే పరిమితి దాటిన లావాదేవీల రుసుములను ఇండియన్ బ్యాంక్ వంటి పలు ప్రభుత్వ రంగ బ్యాంకులు తాత్కాలికంగా రద్దు చేశాయి. కస్టమర్లు ఏ ఇతర బ్యాంకు ఏటీఎం నుంచైనా ఎటువంటి అదనపు ఛార్జీలు లేకుండా ఉచితంగా నగదు ఉపసంహరించుకోవచ్చు.యూపీఐ, ఇంటర్నెట్, మొబైల్ బ్యాంకింగ్, ఏటీఎం సేవలు యథావిధిగా అందుబాటులో ఉంటాయని, పండుగ వేళ ముందస్తుగా కేంద్ర ప్రభుత్వ ఉద్యోగులు, పెన్షనర్లకు జీతాల చెల్లింపులకు మార్గం సుగమం చేశామని అధికారులు వెల్లడించారు. వీక్లీ ఐదు రోజులు బ్యాంకింగ్ అమలు చేయాలన్న ప్రధాన డిమాండ్‌తో బ్యాంకర్లు ఈ సమ్మెకు దిగుతున్నారు.ఇదీ చదవండి: ఆధార్ వ్యవస్థనే అబ్బురపరిచిన కవలలు

ఆన్‌లైన్‌ షాపింగ్‌ చేస్తున్నారా.. కొత్త రూల్స్‌ తెలుసా?ఈ రోజుల్లో ఆన్‌లైన్ షాపింగ్ సర్వ సాధారణం అయిపోయింది. ఉన్నచోటు నుంచే మొబైల్‌లోనే కావలసిన వస్తువులను బుక్ చేసుకుంటున్నారు, ఇంటికి తెప్పించుకుంటున్నారు. ఇది చాలా సౌకర్యంగా ఉన్నప్పటికీ.. ఇందులో కూడా ప్రమాదాలు కూడా ఉన్నాయి. మనం ఆన్‌లైన్‌లో వస్తువు కొనుగోలు చేసినప్పుడు పేరు, ఫోన్ నంబర్, చిరునామా, పాస్‌వర్డ్, బ్యాంక్ లేదా చెల్లింపు వివరాలు వంటి వ్యక్తిగత సమాచారం కూడా ఆన్‌లైన్‌లోకి వెళ్తుంది. కాబట్టి.. షాపింగ్ చేసేటప్పుడు తప్పకుండా కొన్ని జాగ్రత్తలు తీసుకోవాలి. పూర్తి వివరాల కోసం ఇక్కడ క్లిక్ చేయండి.సరికొత్త టాటా ఏరిస్‌ లాంచ్దేశీయ వాహన తయారీ దిగ్గజం టాటా మోటార్స్.. మార్కెట్లో ఏరిస్‌ను లాంచ్ చేసింది. దీని ప్రారంభ ధర రూ. 5.29 లక్షలు (ఎక్స్-షోరూమ్). కంపెనీ ఈ సెడాన్ కోసం బుకింగ్స్ స్వీకరించడం ప్రారంభించింది. డెలివరీలు అక్టోబర్ 11 నుంచి మొదలవుతాయి. ఇది మారుతి సుజుకి డిజైర్, హ్యుందాయ్ ఆరా వంటి వాటికి ప్రధాన ప్రత్యర్థిగా ఉంటుంది. పూర్తి వివరాల కోసం ఇక్కడ క్లిక్ చేయండి.100% ఇథనాల్‌ కారు.. లాంచ్‌ ఎప్పుడంటే?పెట్రోల్‌కు ప్రత్యామ్నాయంగా ఇథనాల్‌ వినియోగాన్ని ప్రోత్సహిస్తున్న కేంద్ర ప్రభుత్వం.. ఫ్లెక్స్‌-ఫ్యూయల్‌ వాహనాల దిశగా మరో కీలక అడుగు వేస్తోంది. 100 శాతం ఇథనాల్‌తో నడిచే టయోటా ఇన్నోవా వాహనం అక్టోబర్‌లో విడుదల కానుందని కేంద్ర రోడ్డు రవాణా, రహదారుల శాఖ మంత్రి నితిన్‌ గడ్కరీ తెలిపారు. ఈ వాహనం విడుదల కార్యక్రమానికి తనను ఆహ్వానించినట్లు ఢిల్లీలో జరిగిన ఓ కార్యక్రమంలో ఆయన వెల్లడించారు. అయితే, అక్టోబర్‌ వాణిజ్య విడుదల తేదీని టయోటా కిర్లోస్కర్‌ మోటార్‌ (TKM) ఇప్పటివరకు అధికారికంగా ప్రకటించలేదు. పూర్తి వివరాల కోసం ఇక్కడ క్లిక్ చేయండి.అందుకే.. బంగారం ధరలు తగ్గుతున్నాయ్!బంగారం ధరల్లో ప్రస్తుతం కొంత తగ్గుదల కనిపిస్తోంది. ఈ వారం ఇప్పటి వరకు పసిడి రేటు దాదాపు 1.7 శాతం తగ్గింది. అయితే.. శుక్రవారం మాత్రం అంతర్జాతీయ మార్కెట్‌లో స్పాట్ గోల్డ్ ధర 0.6 శాతం పెరిగి ఔన్సుకు 4,304.71 డాలర్లకు చేరింది. అమెరికా గోల్డ్ ఫ్యూచర్స్ కూడా 1 శాతం పెరిగి 4,340 డాలర్లకు చేరాయి. పూర్తి వివరాల కోసం ఇక్కడ క్లిక్ చేయండి.ఆధార్ వ్యవస్థనే అబ్బురపరిచిన కవలలుడిజిటల్ యుగంలో ప్రతి పౌరుడికీ ‘ఆధార్’ ప్రాథమిక గుర్తింపుగా మారింది. వేలిముద్రలు, కంటిపాప (ఐరిస్) స్కాన్ల ఆధారంగా డిజిటల్ సిస్టమ్ ప్రతి ఒక్కరినీ విడివిడిగా గుర్తిస్తుంది. అయితే, ప్రకృతి సృష్టించిన ఒక అరుదైన పోలిక ఆధార్‌కే సవాలుగా నిలిచింది. ఉత్తర ప్రదేశ్‌లోని రాంపూర్‌కు చెందిన 10వ తరగతి కవలలు ఖిజ్రా జుబేర్, తూబా జుబేర్ల విషయంలో నమోదైన ఘటన సాంకేతిక నిపుణులను, ప్రభుత్వ యంత్రాంగాన్ని విస్మయానికి గురిచేసింది. పూర్తి వివరాల కోసం ఇక్కడ క్లిక్ చేయండి.

ఈ రోజుల్లో ఆన్‌లైన్ షాపింగ్ సర్వ సాధారణం అయిపోయింది. ఉన్నచోటు నుంచే మొబైల్‌లోనే కావలసిన వస్తువులను బుక్ చేసుకుంటున్నారు, ఇంటికి తెప్పించుకుంటున్నారు. ఇది చాలా సౌకర్యంగా ఉన్నప్పటికీ.. ఇందులో కూడా ప్రమాదాలు కూడా ఉన్నాయి. మనం ఆన్‌లైన్‌లో వస్తువు కొనుగోలు చేసినప్పుడు పేరు, ఫోన్ నంబర్, చిరునామా, పాస్‌వర్డ్, బ్యాంక్ లేదా చెల్లింపు వివరాలు వంటి వ్యక్తిగత సమాచారం కూడా ఆన్‌లైన్‌లోకి వెళ్తుంది. కాబట్టి.. షాపింగ్ చేసేటప్పుడు తప్పకుండా కొన్ని జాగ్రత్తలు తీసుకోవాలి.భారత ప్రభుత్వం.. ఆన్‌లైన్ షాపింగ్‌లో వినియోగదారులకు మరింత రక్షణ కల్పించడానికి ''వినియోగదారుల రక్షణ (ఈ-కామర్స్) (సవరణ) నిబంధనలు, 2026'' జారీ చేసింది. ఈ రూల్స్ జనవరి 2027 నుంచి అమల్లోకి రానున్నాయి.విక్రేత ఎవరో చూడాలిమనం ఏ వస్తువు కొనుగోలు చేస్తున్నామని మాత్రమే కాకుండా, దాన్ని ఎవరు అమ్ముతున్నారో కూడా చూడాలి. విక్రేత పేరు, చిరునామా, రేటింగ్, కన్స్యూమర్ సర్వీస్ వివరాలను పరిశీలించాలి. ముఖ్యంగా ఖరీదైన వస్తువులు కొనేటప్పుడు మరింత జాగ్రత్త వహించాలి. మంచి ఫోటోలు, మంచి రివ్యూస్ ఉన్నంత మాత్రాన సెల్లర్ నిజమైనవాడని అనుకోకూడదు.పేమెంట్ చేసేటప్పుడుపేమెంట్ చేసే ముందు వెబ్‌సైట్ అడ్రస్ చూడాలి. మనం ఉపయోగిస్తున్నది నిజమైన షాపింగ్ వెబ్‌సైట్ అవునో.. కాదో చెక్ చేయాలి. ఎవరైనా ఓటీపీ, యూపీఐ పిన్, ఏటీఎం పిన్, కార్డు పిన్ లేదా పాస్‌వర్డ్‌ అడిగితే ఇవ్వకూడదు. పేమెంట్ సమయంలో అకస్మాత్తుగా వేరే వెబ్‌సైట్ ఓపెన్ అయితే తప్పకుండా జాగ్రత్త పడాలి.సెర్చ్ విషయంలోషాపింగ్ వెబ్‌సైట్‌లో సెర్చ్ చేసినప్పుడు మొదట కనిపించే వస్తువునే తొండరపడి కొనేయకూడదు. బహుశా అది ప్రకటన కావొచ్చు. విక్రేత వివరాలు, వస్తువు వివరాలు, రివ్యూలు చూసిన తరువాతనే వస్తువును కొనుగోలు చేయాలి. ప్లాట్‌ఫామ్‌ బయట వెళ్లి పేమెంట్ చేయమని కనిపిస్తే.. అలాంటి వాటిని నమ్మకూడదు.డార్క్ ప్యాటర్న్‌కొన్ని వెబ్‌సైట్లు మనకు తెలియకుండానే.. అదనపు సర్వీస్ లేదా చేంజెస్ తీసుకునేలా కన్ఫ్యూజ్‌ ఆప్షన్స్ చూపిస్తాయి. అంటే.. వినియోగదారుని గందరగోళానికి గురిచేస్తాయి. వీటినే డార్క్ ప్యాటర్న్‌ అంటారు. అలాగే పేమెంట్ ఫెయిల్డ్ వంటి మెసేజ్ చూపించి మళ్లీ కార్డు డీటెయిల్స్ లేదా పాస్‌వర్డ్‌ అడిగితే వెంటనే నమ్మకూడదు. ఏదైనా అనుమానంగా అనిపిస్తే అధికారిక వెబ్‌సైట్ చూడాలి.వ్యక్తిగత సమాచారం విషయంలోఆన్‌లైన్ షాపింగ్‌ చేసేటప్పుడు అవసరమైన మేరకు మాత్రమే వ్యక్తిగత సమాచారం ఇవ్వాలి. ఏ సమాచారం ఎందుకు అడుగుతున్నారనే విషయాన్ని ముందు తెలుసుకోవాలి. అంతే కాకుండా.. అన్ని షాపింగ్‌ వెబ్‌సైట్లకు ఒకే పాస్‌వర్డ్‌ ఉపయోగించకూడదు. కఠినమైన పాస్‌వర్డ్‌ ఉపయోగించడం మంచిది.చెల్లింపు వివరాలు ముఖ్యంఏదైనా వస్తువును కొనుగోలు చేసే సమయంలో పేమెంట్ చేసిన తరువాత.. ఇన్వాయిస్, ఆర్డర్ కన్ఫర్మేషన్, పేమెంట్ రిసిప్ట్ వంటివి సేవ్ చేసుకోవాలి. విక్రేతతో జరిపిన సంభాషణ కూడా సేవ్ చేసుకోవడం మంచిది. తర్వాత ఏదైనా సమస్య వస్తే ఈ సమాచారం ఆధారంగా ఫిర్యాదు చేయడానికి ఉపయోగపడుతుంది.ఇదీ చదవండి: ఉద్యోగం మానేస్తే.. హెల్త్ ఇన్సూరెన్స్ పోతుందా?

హైదరాబాద్‌లో శుక్రవారం జరిగిన ఇండో-అమెరికన్‌ ఛాంబర్‌ ఆఫ్‌ కామర్స్‌ (ఐఏసీసీ) తొలి డిజిటల్‌ ఇన్‌ఫ్రాస్ట్రక్చర్‌ సదస్సులో 100 మందికి పైగా వ్యాపార, విధాన, సాంకేతిక రంగాల ప్రముఖులు పాల్గొన్నారు. భారత్‌లో కృత్రిమ మేధస్సు (ఏఐ) అభివృద్ధికి అవసరమైన చిప్‌లు, డేటా సెంటర్లు, క్లౌడ్‌ సాంకేతికత, సైబర్‌ భద్రత, పచ్చ ఇంధనం వంటి కీలక మౌలిక సదుపాయాలపై సదస్సులో చర్చించారు.ఐఏసీసీ ఆంధ్రప్రదేశ్‌, తెలంగాణ శాఖ ఆధ్వర్యంలో జరిగిన ఈ కార్యక్రమానికి CtrlS డేటాసెంటర్స్‌ ప్రెజెంటింగ్‌ పార్ట్‌నర్‌గా వ్యవహరించింది. భారత్‌లో డిజిటల్‌ వృద్ధి, ఏఐ ఆవిష్కరణలకు బలమైన, సురక్షితమైన మౌలిక సదుపాయాలను అభివృద్ధి చేసేందుకు కార్యాచరణ ప్రణాళిక రూపొందించడం సదస్సు ప్రధాన ఉద్దేశం.ఐఏసీసీ ఆంధ్రప్రదేశ్‌, తెలంగాణ చైర్‌పర్సన్‌ డాక్టర్‌ శ్రీదేవి దేవిరెడ్డి స్వాగత ప్రసంగం చేశారు. “భారత్‌ అపూర్వమైన డిజిటల్‌ విప్లవం అంచున ఉంది. ప్రపంచస్థాయి డేటా సెంటర్లు, గ్లోబల్‌ కెపాబిలిటీ సెంటర్లు (జీసీసీలు), బలమైన సైబర్‌ భద్రత, ఏఐకి అనుకూలమైన సురక్షిత సాంకేతికతలతో స్థిరమైన భవిష్యత్తును నిర్మిస్తున్నాం” అని ఆమె అన్నారు. హైదరాబాద్‌, తెలంగాణ ఈ డిజిటల్‌ వ్యవస్థకు నాయకత్వం వహించే స్థితిలో ఉన్నాయని శ్రీదేవి తెలిపారు. పరిశ్రమ, ప్రభుత్వం, ఆర్థిక రంగాల ప్రముఖులను ఒకే వేదికపైకి తీసుకురావడం ద్వారా కీలక భాగస్వామ్యాలను ఏర్పాటు చేయడమే సదస్సు లక్ష్యమని చెప్పారు.ఫీనిక్స్‌ గ్రూప్‌ గ్రూప్‌ డైరెక్టర్‌, కేంద్ర వాణిజ్య, పరిశ్రమల మంత్రిత్వ శాఖకు చెందిన సెజ్‌ ఎగుమతి ప్రోత్సాహక మండలి (సీజెడ్‌ఈపీసీ) చైర్మన్‌, ఐఏసీసీ డైరెక్టర్‌ శ్రీకాంత్‌ బాడిగ థీమ్‌ అడ్రస్‌ ఇచ్చారు. CtrlS డేటాసెంటర్స్‌ సీఐఎస్‌ఓ, కంప్లయన్స్‌ డైరెక్టర్‌ చంద్రశేఖర్‌ శర్మ జీ మౌలిక సదుపాయాల భద్రతపై ప్రారంభ ప్రసంగం చేశారు. ఐఏసీసీ మాజీ జాతీయ అధ్యక్షుడు, గ్లోబల్‌ ఇన్ఫోవిజన్‌ ప్రైవేట్‌ లిమిటెడ్‌ మేనేజింగ్‌ డైరెక్టర్‌ ఎస్‌. పూర్ణచంద్రరావు ప్రత్యేక ప్రసంగం చేశారు.భారత్‌-అమెరికా సహకారంపై దృష్టిహైదరాబాద్‌లోని అమెరికా కాన్సులేట్‌ జనరల్‌ కాన్సల్‌ లారా విలియమ్స్‌ గౌరవ అతిథిగా పాల్గొన్నారు. భారత్‌-అమెరికా సాంకేతిక, వాణిజ్య సహకారాన్ని మరింత బలోపేతం చేయాల్సిన అవసరాన్ని ఆమె వివరించారు.మిషన్‌ 500, కాంపాక్ట్‌, ట్రస్ట్‌, పాక్స్‌ సిలికా వంటి కార్యక్రమాలు కేవలం విధానపరమైన రూపకల్పనలు కావని.. తెలంగాణ, దక్షిణ భారతదేశంలో పెట్టుబడులు, సరఫరా గొలుసు భాగస్వామ్యాలు, మార్కెట్‌ అవకాశాలకు అవి ప్రత్యక్ష మార్గాలను అందిస్తున్నాయని లారా విలియమ్స్‌ అన్నారు.భాగస్వామ్యాల్లో అవకాశాలను చూసే పారిశ్రామికవేత్తలు, ఇంజినీర్లు, తయారీదారుల సహకారంతోనే భారత్‌-అమెరికా సంబంధాలు బలపడుతున్నాయని ఆమె పేర్కొన్నారు.CtrlS డేటాసెంటర్స్‌ సీఐఎస్‌ఓ, కంప్లయన్స్‌ డైరెక్టర్‌ చంద్రశేఖర్‌ శర్మ మాట్లాడుతూ.. డిజిటల్‌ మౌలిక సదుపాయాలు కేవలం సహాయక వ్యవస్థగా కాకుండా డిజిటల్‌ ఆర్థిక వ్యవస్థకు పునాదిగా మారుతున్నాయని అన్నారు. ఏఐ, క్లౌడ్‌, హైపర్‌స్కేల్‌ కంప్యూటింగ్‌, ఎడ్జ్‌ కంప్యూటింగ్‌, భారీ డేటా ఆధారిత అప్లికేషన్ల కలయికతో మౌలిక సదుపాయాల అవసరాలు మారుతున్నాయని చెప్పారు.ఏఐ, డిజిటల్‌ మౌలిక సదుపాయాలపై చర్చCtrlS డేటాసెంటర్స్‌ సీఐఓ అనిల్‌ నామా “భారత్‌ ఏఐ, క్లౌడ్‌ రంగ భవిష్యత్తు” అనే అంశంపై కీలక ప్రసంగం చేశారు. వివిఫై ఇండియా ఫైనాన్స్‌ మేనేజింగ్‌ డైరెక్టర్‌ అనిల్‌ పినపాల “నిర్మాణం, విస్తరణ ప్రయాణం”పై ప్రసంగించారు.సదస్సులో రెండు ప్రధాన చర్చా కార్యక్రమాలు నిర్వహించారు. మహానిమ్‌ ఇండియా సహ వ్యవస్థాపకుడు, సీఈఓ వర్మ కోనాలా నిర్వహించిన “భారత్‌ ఏఐ, డిజిటల్‌ మౌలిక సదుపాయాలకు పెట్టుబడులు” చర్చలో భారత్‌ ఇన్నొవేషన్‌ ఫండ్‌ సహ వ్యవస్థాపకుడు శ్యామ్‌ మీనన్‌, CtrlS గ్లోబల్‌ డేటాసెంటర్‌ ఆపరేషన్స్‌ అధ్యక్షుడు రాహుల్‌ ధర్‌, అగ్రాణి ల్యాబ్స్‌ వైస్‌ ప్రెసిడెంట్‌ పadminి గోపాలకృష్ణన్‌ పాల్గొన్నారు.CtrlS సర్వీస్‌ డెలివరీ ఈవీపీ శ్రీని రెడ్డి నిర్వహించిన “డిజిటల్‌ ఆర్థిక వ్యవస్థకు శక్తి: స్థిరత్వం, భద్రత, హరిత మార్పు” చర్చలో గ్రీన్‌కో గ్రూప్‌ చీఫ్‌ సస్టెయినబిలిటీ ఆఫీసర్‌ డాక్టర్‌ పరవస్తు రాంబాబు, ఈవై సైబర్‌ సెక్యూరిటీ భాగస్వామి కృష్ణ శాస్త్రి పెండ్యాల, బజాజ్‌ ఎలక్ట్రానిక్స్‌ సీటీఓ అన్నపూర్ణ కుచిభట్ల పాల్గొన్నారు.

వంటనూనెల దిగుమతులపై తగ్గించిన సుంకాల ప్రయోజనాలను వినియోగదారులకు పూర్తి స్థాయిలో బదిలీ చేయాలని కంపెనీలకు కేంద్ర ఆహార శాఖ సూచించింది. ఇందుకు సంబంధించి డిస్ట్రిబ్యూటర్లకి అందించే ధరలను, గరిష్ట రిటైల్‌ ధరలను (ఎంఆర్‌పీ) సవరించాలని పేర్కొంది. కంపెనీలన్నీ ఈ సూచనలను అమలు చేసేలా చూడాలంటూ వంట నూనెల సంస్థల సంఘాలను ఆదేశించింది.కేంద్రం బుధవారం ముడి సన్‌ఫ్లవర్‌ ఆయిల్‌పై బేసిక్‌ కస్టమ్స్‌ డ్యూటీని (బీసీడీ) 10 శాతం నుంచి సున్నా స్థాయికి, రిఫైన్డ్‌ సన్‌ఫ్లవర్‌ ఆయిల్‌పై 32.5 శాతం నుంచి 22.5 శాతానికి తగ్గించింది. అలాగే, ముడి సోయాబీన్‌ ఆయిల్, పామాయిల్‌పై బీసీడీ 10 శాతం నుంచి 5 శాతానికి, రిఫైన్డ్‌ సోయాబీన్‌ ఆయిల్, పామాయిల్‌పై 32.5 శాతం నుంచి 27.5 శాతానికి తగ్గింది. అంతర్జాతీయంగాను, దేశీయంగాను వంట నూనెల మార్కెట్లలో పరిణామాలను ప్రభుత్వం ఎప్పటికప్పుడు సమీక్షిస్తూ, తగు చర్యలు తీసుకుంటూ ఉంటుందని ఆహార శాఖ ఒక అధికారిక ప్రకటనలో వివరించింది.మరోవైపు, దిగుమతి సుంకాల తగ్గింపు నేపథ్యంలో వంట నూనెల రిటైల్‌ ధరలు తగ్గగలవని పరిశ్రమ సంఘం ఐవీపీఏ తెలిపింది. పండుగ సీజన్‌లో డిమాండ్‌కి తగ్గట్లుగా లభ్యత ఉండేలా చూడటానికి ప్రాధాన్యమివ్వాల్సి ఉంటుందని వివరించింది. భారత్‌ దాదాపు 60 శాతం వంట నూనెలను దిగుమతి చేసుకుంటోంది. అధిక దిగుమతులు, రూపాయి క్షీణత కారణంగా అక్టోబర్‌తో ముగిసే మార్కెటింగ్‌ సంవత్సరంలో వంట నూనెల దిగుమతుల బిల్లుల భారం 9 శాతం ఎగిసి రూ. 1.75 లక్షల కోట్లకు చేరుతుందని అంచనా.ఇదీ చదవండి: యూపీఐ ఛార్జీలపై క్లారిటీ ఇచ్చేసిన ఆర్థిక మంత్రి

అమెరికా అధ్యక్షుడు డొనాల్డ్‌ ట్రంప్‌.. చైనా అధ్యక్షుడు జి జిన్‌పింగ్‌కు గురువారం (సెప్టెంబర్‌ 24) వైట్‌హౌస్‌లో ఘన విందు ఇచ్చారు. వైట్‌హౌస్‌ ఈస్ట్‌ రూమ్‌లో జరిగిన ఈ స్టేట్‌ డిన్నర్‌కు జిన్‌పింగ్‌ తన భార్య పెంగ్‌ లియువాన్‌తో కలిసి హాజరయ్యారు. ట్రంప్‌, ప్రథమ మహిళ మెలానియా ట్రంప్‌ ఆతిథ్యమిచ్చిన ఈ కార్యక్రమానికి అమెరికా ప్రభుత్వంలోని కీలక అధికారులు, సుప్రీంకోర్టు న్యాయమూర్తులు, చట్టసభ సభ్యులు, ప్రముఖ వ్యాపారవేత్తలు, టెక్‌ దిగ్గజాలు కలిపి 134 మంది అతిథులు ఆహ్వానితులుగా ఉన్నారు.ఈ విందులో అమెరికా టెక్నాలజీ రంగానికి చెందిన ప్రముఖుల హాజరు ప్రత్యేక ఆకర్షణగా నిలిచింది. టెస్లా, స్పేస్‌ఎక్స్‌ అధినేత ఎలాన్‌ మస్క్‌, యాపిల్‌ బోర్డు చైర్మన్‌ టిమ్‌ కుక్‌, ఎన్విడియా సీఈవో జెన్సన్‌ హువాంగ్‌, ఓపెన్‌ఏఐ సీఈవో సామ్‌ ఆల్ట్‌మన్‌, మెటా సీఈవో మార్క్‌ జుకర్‌బర్గ్‌, అమెజాన్‌ వ్యవస్థాపకుడు జెఫ్‌ బెజోస్‌, ఏఎండీ సీఈవో లిసా సూ తదితరులు పాల్గొన్నారు. మైక్రోసాఫ్ట్‌ సీఈవో సత్య నాదెళ్ల, గూగుల్‌ సీఈవో సుందర్‌ పిచాయ్‌ కూడా ఈ జాబితాలో ఉన్నారు.విందులో భారతీయ మూలాలున్న ఐదుగురువైట్‌హౌస్‌ విడుదల చేసిన అతిథుల జాబితా ప్రకారం.. భారతీయ మూలాలున్న ఐదుగురు ప్రముఖులకు ఈ విందులో చోటు దక్కింది. వారిలో అమెరికా ఉపాధ్యక్షుడు జేడీ వాన్స్‌ సతీమణి, సెకండ్‌ లేడీ ఉషా వాన్స్‌ ఉన్నారు. టెక్నాలజీ రంగం నుంచి మైక్రోసాఫ్ట్‌ ఛైర్మన్‌, సీఈవో సత్య నాదెళ్ల, ఆల్ఫాబెట్‌, గూగుల్‌ సీఈవో సుందర్‌ పిచాయ్, మైక్రాన్‌ టెక్నాలజీ ఛైర్మన్‌, ప్రెసిడెంట్‌, సీఈవో సంజయ్‌ మెహ్రోత్రా హాజరయ్యారు. సంజయ్‌ మెహ్రోత్రా భార్య సంగీతా మెహ్రోత్రా కూడా అతిథుల జాబితాలో ఉన్నారు.అయితే ఈ కార్యక్రమానికి భారత ప్రభుత్వ ప్రతినిధులు ఎవరూ అతిథుల జాబితాలో లేరు. భారతీయ మూలాలున్న ప్రముఖులు మాత్రం అమెరికా రాజకీయ, వ్యాపార, సాంకేతిక రంగాల్లో తమ స్థానానికి అనుగుణంగా ఆహ్వానం అందుకున్నారు.ఒకే వేదికపై టెక్‌, ఫైనాన్స్‌ దిగ్గజాలువిందులో టెక్నాలజీ రంగంతో పాటు అమెరికా ఆర్థిక, పారిశ్రామిక రంగాలకు చెందిన ప్రముఖులు కూడా పాల్గొన్నారు. జేపీ మోర్గాన్‌ చేజ్‌ సీఈవో జేమీ డైమన్‌, బ్లాక్‌రాక్‌ సీఈవో లారీ ఫింక్‌, బ్లాక్‌స్టోన్‌ అధినేత స్టీఫెన్‌ స్క్వార్జ్‌మన్‌, గోల్డ్‌మన్‌ శాక్స్‌ సీఈవో డేవిడ్‌ సోలమన్‌, సిటీగ్రూప్‌ సీఈవో జేన్‌ ఫ్రేజర్‌, మాస్టర్‌కార్డ్‌ సీఈవో మైఖేల్‌ మైబాక్‌ వంటి ప్రముఖులు కూడా హాజరయ్యారు. సుప్రీంకోర్టు చీఫ్‌ జస్టిస్‌ జాన్‌ రాబర్ట్స్‌, న్యాయమూర్తులు అమీ కోనీ బారెట్‌, బ్రెట్‌ కవనాగ్‌ కూడా అతిథుల జాబితాలో ఉన్నారు.ఇదీ చదవండి: ఆస్తులు ఉచితమే.. అప్పులూ ఉచితమే!!

అమెరికాలోని వర్జీనియాకు చెందిన మహిళకు.. ఒక రోజు ఊహించని అదృష్టం కలిసొచ్చింది. ఆమె ఏకంగా 2 మిలియన్ డాలర్ల లాటరీ గెలుచుకుంది. సాధారణంగా.. ఇంత పెద్ద మొత్తంలో డబ్బు గెలిస్తే ఎవరైనా ఆనందంతో ఉద్యోగానికి వెళ్లడం మానేసి, కుటుంబ సభ్యులతో కలిసి సంబరాలు చేసుకుంటారు. కానీ ఈ మహిళ మాత్రం అందుకు భిన్నంగా వ్యవహరించింది.ఆ రోజు ఆమెకు పని విషయంలో చాలా ఒత్తిడిగా అనిపించింది. మధ్యాహ్నం లంచ్ బ్రేక్ సమయంలో ఏదైనా తినడానికి బయటకు వెళ్లిన ఆమె, అదృష్టాన్ని కూడా పరీక్షించుకోవాలని అనుకుంది. అలా.. లవ్ ఫుడ్ మార్ట్ అనే షాపుకు వెళ్లి 20 డాలర్స్ పెట్టి “ప్లాటినం 7ఎస్” అనే స్క్రాచ్-ఆఫ్ లాటరీ టికెట్ కొనుగోలు చేసింది.టికెట్ కొనుగోలు చేసి.. అక్కడే దానిని స్క్రాచ్ చేసి చూడగా, తాను కొనుగోలు చేసిన టికెట్‌కు ఏకంగా 2 మిలియన్ డాలర్ల (రూ.19 కోట్ల కంటే ఎక్కువ) జాక్‌పాట్ తగిలింది. ఒక్కసారిగా జీవితమే మారిపోయేంత డబ్బు గెలిచినా, ఆమె అక్కడ పెద్దగా హంగామా చేయలేదు. ఎందుకంటే అప్పటికే ఆమె లంచ్ బ్రేక్ సమయం అయిపోతోంది!ఆమె టికెట్‌ను జాగ్రత్తగా తన దగ్గర పెట్టుకుని, ఏమీ జరగనట్టుగా తిరిగి తన ఉద్యోగానికి వెళ్లింది. అక్కడ మిగిలిన పనిని కూడా పూర్తి చేసింది. తరువాత వర్జీనియా లాటరీ అధికారులతో మాట్లాడుతూ.., “నేను తిరిగి పనికి వెళ్లి ఏమీ జరగనట్టుగా నటించాల్సి వచ్చింది” అని చెప్పింది.ఆమెకు బహుమతిని తీసుకునే సమయంలో రెండు అవకాశాలు ఇచ్చారు. 2 మిలియన్ డాలర్లను 30 సంవత్సరాల పాటు విడతలుగా తీసుకోవచ్చు లేదా ఒకేసారి నగదు రూపంలో తీసుకోవచ్చు. ఆమె ఒకేసారి నగదు తీసుకోవాలని నిర్ణయించుకుంది. ఇంత పెద్ద మొత్తంలో లాటరీ గెలుచుకున్నప్పటికీ.. ఆమె తన పేరును కూడా బయటకు వెల్లడించలేదు. వర్జీనియా చట్టం ప్రకారం, కొన్ని సందర్భాల్లో లాటరీ విజేతలు తమ పేరు, స్వస్థలం వంటి వివరాలను రహస్యంగా ఉంచుకోవచ్చు. ఆమె కూడా అదే విధానాన్ని ఎంచుకుంది.ఇక్కడ అందరినీ ఆశ్చర్యపరిచిన విషయం ఏమిటంటే.. ఆమె డబ్బు గెలుచుకోవడం కాదు. అంత మొత్తం గెలుచుకున్నప్పటికీ.. పని పూర్తి చేయడానికి ఆఫీసుకు వెళ్లడం. జీవితంలో ఒక్కసారిగా ఇంత పెద్ద అదృష్టం వచ్చినా, తన రోజువారీ బాధ్యతను పూర్తి చేసి ఇంటికి వెళ్లిన ఈ మహిళ కథ అందుకే సోషల్ మీడియాలో వైరల్ అయింది. అయితే.. ఆ తర్వాత ఆమె ఉద్యోగానికి రాజీనామా చేసిందా లేదా అన్న విషయం మాత్రం తెలియలేదు.ఇదీ చదవండి: ఇలా ఎవరైనా లీవ్ అడుగుతారా?: హర్ష గోయెంకా ట్వీట్

ప్రసిద్ధ హిమాలయ పుణ్యక్షేత్రం కేదార్‌నాథ్‌లో భక్తుల రద్దీతో పాటు వ్యర్థాల వినియోగం తీవ్ర స్థాయికి చేరింది. సమాచార హక్కు చట్టం (ఆర్‌టీఐ) ద్వారా కేదార్‌నాథ్ నగర్ పంచాయతీ వెల్లడించిన అధికారిక గణాంకాల ప్రకారం, 2026 ఏప్రిల్ నుంచి ఆగస్టు వరకు కేవలం ఐదు నెలల వ్యవధిలోనే అక్కడ ఏకంగా 50.30 మెట్రిక్ టన్నుల వ్యర్థాలు పేరుకుపోయాయి. ఇది గత మూడు సంవత్సరాల్లో నమోదైన మొత్తం వార్షిక వ్యర్థాల కంటే అత్యధికం కావడం గమనార్హం.గత మూడేళ్ల గణాంకాలు ఇలా..2023: 32.58 మెట్రిక్ టన్నులు2024: 26.10 మెట్రిక్ టన్నులు2025: 21.40 మెట్రిక్ టన్నులు2026 (ఏప్రిల్ - ఆగస్టు): 50.30 మెట్రిక్ టన్నులుఈ ఏడాది వ్యర్థాల పరిమాణం 2023తో పోలిస్తే 54 శాతం, 2024తో పోలిస్తే 93 శాతం, అలాగే గత ఏడాది (2025)తో పోలిస్తే 135 శాతానికి పైగా (సుమారు 2.5 రెట్లు) పెరిగింది. ఈ యాత్రా సీజన్‌లో మే నెలలోనే అత్యధికంగా 16.3 టన్నుల చెత్త సేకరించారు. ఇప్పటివరకు దాదాపు 15.42 లక్షల మంది భక్తులు ఆలయాన్ని దర్శించుకున్నారు.ప్లాస్టిక్ వ్యర్థాలు, ల్యాండ్‌ఫిల్స్ పరిస్థితిఈ ఐదు నెలల్లో సుమారు 20 మెట్రిక్ టన్నుల ప్లాస్టిక్ వ్యర్థాలు రాగా అందులో 18.5 టన్నులను (92.5%) ప్రాసెస్ చేసినట్లు అధికారులు తెలిపారు. మిగిలిన మిశ్రమ వ్యర్థాల పారవేతకు స్థానిక యంత్రాంగం ల్యాండ్‌ఫిల్‌లపై ఆధారపడుతోంది. గత ఐదేళ్లలో కేదార్‌నాథ్‌లో నాలుగు ల్యాండ్‌ఫిల్‌లను నిర్మించారు. మొత్తం 30,000 చదరపు అడుగుల ల్యాండ్‌ఫిల్ విస్తీర్ణంలో ప్రస్తుతం 28,000 చదరపు అడుగుల స్థలం అందుబాటులో ఉందని నగర్ పంచాయతీ స్పష్టం చేసింది.పర్యావరణవేత్తల ఆందోళనచోరాబారీ గ్లేషియర్ కింద మందాకిని నదీ పరివాహక ప్రాంతంలో ఉన్న కేదార్‌నాథ్ అత్యంత సున్నితమైన పర్యావరణ వ్యవస్థను కలిగి ఉంది. ఇక్కడ అధికంగా ల్యాండ్‌ఫిల్‌లను ఉపయోగించడం వల్ల భూగర్భ జలాలు, నదీ జలాలు కలుషితమయ్యే ప్రమాదం ఉందని పర్యావరణ నిపుణులు హెచ్చరిస్తున్నారు. కేవలం భక్తుల సంఖ్యనే కాకుండా క్షేత్ర స్థాయి వ్యర్థాల శుద్ధి సామర్థ్యాన్ని పరిగణనలోకి తీసుకుని యాత్రా నిర్వహణ విధానాలను పునసమీక్షించాల్సిన అవసరం ఉందని అభిప్రాయపడుతున్నారు.ఇదీ చదవండి: భారత్‌లో అత్యంత సంపన్న నటులు వీరే..

వినియోగదారుల ఆరోగ్యాన్ని కాపాడేందుకు, ఆహార పదార్థాల్లో నాణ్యతా ప్రమాణాలు పెంచేందుకు భారత ఆహార భద్రత, ప్రమాణాల ప్రాధికార సంస్థ (ఎఫ్‌ఎస్‌ఎస్‌ఏఐ) మరో కీలక అడుగు వేసింది. పాలు, పాల పదార్థాలతో కాకుండా వెజిటబుల్ ఆయిల్స్, స్టార్చ్‌లతో తయారుచేసే అనలాగ్ పన్నీర్ ఉత్పత్తి, విక్రయాలపై దేశవ్యాప్తంగా నిషేధం విధించేందుకు ముసాయిదా నిబంధనలను విడుదల చేసింది.‘పన్నీర్’ పేరు వాడితే చర్యలు!పాలు, పాల పదార్థాలతో కాకుండా తయారుచేసే కృత్రిమ ఉత్పత్తులకు ఇకపై ‘పన్నీర్’ అనే పేరును ఉపయోగించకూడదని ఎఫ్‌ఎస్‌ఎస్‌ఏఐ ప్రతిపాదించింది. ‘అనలాగ్ ఇన్ డెయిరీ కాంటెక్స్ట్’ కింద లైసెన్సులు పొందిన సంస్థలు తమ ఉత్పత్తుల లేబుళ్లు, మార్కెటింగ్ ప్రచారాల్లో ‘పన్నీర్’ అనే పదాన్ని పూర్తిగా తొలగించాలి. ఆహార భద్రత ప్రామాణిక (అమ్మకాల నిషేధ, పరిమితులు) సవరణ నిబంధనలు-2026 ముసాయిదాపై వాటాదారులు, ప్రజాభిప్రాయాల సేకరణకు 60 రోజుల వ్యవధి కేటాయించారు.క్షేత్రస్థాయి పరిస్థితి.. నిషేధాలుమార్కెట్లలోనూ, హోటళ్లలోనూ పాలతో చేసిన అసలైన పన్నీర్‌కు బదులుగా పామాయిల్, వృక్ష సంబంధిత కొవ్వులు, రసాయనాలతో తయారుచేసిన అనలాగ్ ఉత్పత్తుల వినియోగం విపరీతంగా పెరిగింది. ఇది తక్కువ ధరకు లభించడంతో హోటళ్లు, రెస్టారెంట్లు ఎక్కువగా వినియోగిస్తున్నాయి. ఇది వినియోగదారులను మోసం చేయడమే కాకుండా ఆరోగ్యంపై దుష్ప్రభావం చూపుతోంది.ఇప్పటికే మహారాష్ట్ర, గుజరాత్ వంటి రాష్ట్రాలు ప్రజారోగ్య ప్రయోజనాలను దృష్టిలో ఉంచుకుని అనలాగ్ పన్నీర్ విక్రయాలపై నిషేధం విధించగా ప్రముఖ ఫుడ్ డెలివరీ యాప్ జొమాటో కూడా తమ ప్లాట్‌ఫామ్‌లో అనలాగ్ డెయిరీ పదార్థాలను వాడే రెస్టారెంట్లను తొలగిస్తామని ప్రకటించింది. కేంద్ర నియంత్రణ సంస్థ తీసుకోబోతున్న ఈ నిర్ణయంతో నిజమైన పాల ఉత్పత్తిదారులు, డెయిరీ రైతులకు మేలు జరగనుంది.ఇదీ చదవండి: భారత్‌లో అత్యంత సంపన్న నటులు వీరే..

విద్యార్థులకు దేశీయంగా విమాన ప్రయాణాన్ని మరింత అందుబాటులోకి తెచ్చే దిశగా ఎయిరిండియా ఎక్స్‌ప్రెస్‌ ప్రత్యేక ఆఫర్‌ ప్రకటించింది. దీని ప్రకారం దేశీ ప్రయాణాలకు సంబంధించి 10 శాతం రాయితీ అందిస్తోంది. అక్టోబర్‌ 20 వరకు ఈ ఆఫర్‌ అందుబాటులో ఉంటుంది.సాధారణంగా అమల్లో ఉండే 15 కేజీల చెక్‌ ఇన్‌ బ్యాగేజీకి అదనంగా మరో 10 కేజీల బ్యాగేజీ సదుపాయం, కంపెనీ వెబ్‌సైట్‌ లేదా యాప్‌ ద్వారా బుక్‌ చేసుకునే వారికి కేవలం రూ. 99కే ప్రయాణ తేదీని మార్చుకునే అవకాశం లభిస్తుంది. 12 ఏళ్లు పైబడి, చెల్లుబాటయ్యే స్టూడెంట్‌ ఐడీ కలిగి ఉన్న విద్యార్థులకు ఇది వర్తిస్తుంది. విద్యార్థులు ఎయిర్‌ ఇండియా ఎక్స్‌ప్రెస్‌ అధికారిక వెబ్‌సైట్‌లోని Student Fare విభాగాన్ని సందర్శించి ఆఫర్‌ వివరాలను తెలుసుకోవచ్చు.ఇదీ చదవండి: భారత్‌లో అత్యంత సంపన్న నటులు వీరే..

భారీ విస్తరణ బాటలో ఉన్న అపోలో హాస్పిటల్స్‌ డైరెక్టరుగా (ప్రాజెక్ట్స్‌) ఉపాసన కామినేని కొణిదెల నియమితులయ్యారు. దేశవ్యాప్తంగా కొత్త ఆస్పత్రులను ఏర్పాటు చేయడం, ప్రస్తుత హాస్పిటల్స్‌ను అప్‌గ్రేడ్‌ చేయడం తదితర అంశాలకు సంబంధించిన ప్రణాళికలను ఆమె పర్యవేక్షించనున్నారు.ప్రపంచ స్థాయి వైద్య సేవలు దేశీయంగా ప్రజలకు కూడా అందుబాటులో ఉండాలనే ఉద్దేశంతో తమ తాతగారు ప్రతాప్‌ సి.రెడ్డి అపోలో హాస్పిటల్స్‌ని నిర్మించారని, దాన్ని మరింతగా ముందుకు తీసుకెళ్లడం తమ లక్ష్యమని ఉపాసన తెలిపారు. ప్రస్తుతం సంస్థ సీఎస్‌ఆర్‌ విభాగానికి వైస్‌ చైర్‌పర్సన్‌గా అమె వ్యవహరిస్తున్నారు. అపోలో హాస్పిటల్స్‌ దాదాపు రూ. 8,600 కోట్ల పెట్టుబడులతో హైదరాబాద్, చెన్నై, ముంబై సహా దేశవ్యాప్తంగా పలు నగరాల్లో కార్యకలాపాలు విస్తరిస్తోంది.ఇదీ చదవండి: భారత్‌లో అత్యంత సంపన్న నటులు వీరే..

దేశంలోని పలు తీరప్రాంతాల పరిసరాలను శుభ్రపరిచే మరో దశ కార్యక్రమం పూర్తి చేసినట్టు హెచ్‌సీఎల్‌ టెక్‌ ఆధ్వర్యంలోని కార్పొరేట్‌ సామాజిక బాధ్యతా విభాగమైన హెచ్‌సీఎల్‌ ఫౌండేషన్‌ డైరెక్టర్‌ డాక్టర్‌ నిధి పుంధిర్‌ తెలిపారు.కర్ణాటక, కేరళ, తమిళనాడు, పుదుచ్చేరి, ఆంధ్రప్రదేశ్, ఒడిశా రాష్ట్రాలలోని 50 తీరప్రాంతాలలో చేపట్టిన పారిశుధ్య కార్యక్రమాన్ని విజయవంతంగా పూర్తి చేసినట్లు వెల్లడించారు. హెచ్‌సీఎల్‌ గ్రూప్‌ 50వ వార్షికోత్సవాన్ని పురస్కరించుకుని గత ఆగస్టు 11న ఈ కార్యక్రమాన్ని ప్రారంభించామని, ఎం.ఎస్‌. స్వామినాథన్‌ రీసెర్చ్‌ ఫౌండేషన్, పీపుల్స్‌ యాక్షన్‌ ఫర్‌ డెవలప్‌మెంట్, డెవలప్‌మెంట్‌ రీసెర్చ్‌ కమ్యూనికేషన్‌ అండ్‌ సర్వీసెస్‌ సెంటర్, స్పందన్, రీఫ్‌వాచ్‌ మెరైన్‌ కన్జర్వేషన్, ప్లాన్ఃఎర్త్, యానిమల్‌ వారియర్స్‌ కన్జర్వేషన్‌ సొసైటీ, ప్లాన్‌ ఫౌండేషన్ ల సహకారంతో పూర్తి చేశామని వివరించారు.కుందపుర (కర్ణాటక), కొచ్చి (కేరళ), రామనాథపురం - తూత్తుకుడి (తమిళనాడు), ఒంగోలు (ఆంధ్రప్రదేశ్‌), దక్షిణ - ఉత్తర 24 పరగణాలు (పశ్చిమ బెంగాల్‌), పూరి (ఒడిశా) ప్రాంతాలలో శుభ్రతా కార్యక్రమాలు నిర్వహించామని చెప్పారు. ఈ కార్యక్రమాల్లో తమ ఉద్యోగులు, స్థానిక సంఘాలు పర్యావరణ భాగస్వాములు పాల్గొన్నారని, వీధి నాటకాలు, ఇసుక శిల్పాలు , సముద్ర వ్యర్థాల ప్రదర్శనలతో సహా అవగాహన కార్యక్రమాలను కూడా నిర్వహించామని తెలియజేశారు. ఈ కార్యక్రమంలో 7,000 మందికి పైగా స్వచ్ఛంద కార్యకర్తలు సంఘ సభ్యులను పాల్గొన్నారని.తీరప్రాంతాల నుంచి 54,000 కేజీలకు పైగా సముద్ర వ్యర్థాలను సేకరించి, బాధ్యతాయుతంగా నిర్మూలించడం జరిగిందన్నారు. పర్యావరణ సమతుల్యత, జీవనోపాధి సమాజ శ్రేయస్సుకు ఆరోగ్యకరమైన సముద్రాలు, పరిశుభ్రమైన తీరప్రాంతాలు అత్యంత కీలకం కాగా. మన తీరప్రాంత పర్యావరణ వ్యవస్థల పట్ల సంరక్షణ బాధ్యతాయుతమైన సంస్కృతిని పెంపొందించడంలో సహాయపడటానికి, శాశ్వత పర్యావరణ మార్పుకు భాగస్వాములందరి నిరంతర భాగస్వామ్యం అవసరం అని అభిప్రాయపడ్డారు. హెచ్‌సిఎల్‌ ఫౌండేషన్‌ దాని భాగస్వాములు కలిసి తమ తీరప్రాంత , సముద్ర పరిరక్షణ మిషన్‌ కింద తొలి దశ నుంచి ఇప్పటివరకు 8,29,610 కిలోగ్రాములకు పైగా ఘోస్ట్‌ నెట్‌లు సముద్ర వ్యర్థాలను తొలగించారన్నారు.

ఈ రోజుల్లో విదేశాలకు వెళ్లాలనుకునే చాలామంది భారతీయులు వీసా సమస్యలను ఎదుర్కొంటున్నారు. ఒక దేశానికి ప్రయాణించాలంటే ముందుగా వీసా తీసుకోవాలి, ఎన్నో పత్రాలు సమర్పించాలి, కొన్నిసార్లు వారాల తరబడి వేచి ఉండాలి. ఈ సమస్యలపై హైదరాబాద్‌కు చెందిన వ్యాపారవేత్త జితేంద్ర ఎమ్మాని తన అసంతృప్తిని సోషల్ మీడియా వేదికగా వ్యక్తం చేశారు.జితేంద్ర ఎమ్మాని కోజీఫార్మ్స్.ఇన్ వ్యవస్థాపకుడు. ఆయన భారతీయ పాస్‌పోర్ట్‌ను విమర్శిస్తూ.. ''పూర్తిగా పనికిరానిది'' అని పేర్కొన్నారు. అంటే, మన పాస్‌పోర్ట్ వల్ల అంతర్జాతీయ ప్రయాణంలో పెద్దగా స్వేచ్ఛ లభించడం లేదని ఆయన ఆవేదన వ్యక్తం చేశారు.జితేంద్ర తన పోస్టులో.. వీసా కోసం రోజుల తరబడి వేచి ఉండకుండా, వందలాది పత్రాలు సమర్పించకుండా.. మంచి దేశాలకు వెళ్లలేమని అన్నారు. భారతీయ పాస్‌పోర్ట్‌తో చాలా దేశాలకు వెళ్లాలంటే ముందుగానే వీసా పొందాల్సి రావడం, ఆ ప్రక్రియలో ఎదురయ్యే ఇబ్బందులు తనను నిరాశకు గురిచేస్తున్నాయని వెల్లడించారు.అమెరికా వీసా ఉన్న భారతీయులకు కొన్ని ఇతర దేశాలకు ప్రయాణించే విషయంలో అదనపు సౌకర్యాలు లభించే అవకాశం ఉంటుంది. అందుకే.. కొంతమంది అమెరికా వీసాను ఒక రకమైన ప్రయాణ సౌలభ్యంగా భావిస్తారు. అయితే అమెరికా వీసా పొందడం కూడా అంత సులభం కాదు. ఈ విషయాన్ని ప్రస్తావిస్తూ జితేంద్ర ఎమ్మాని, ''భారతీయ పాస్‌పోర్ట్‌కు ఇతర దేశాల్లో ప్రవేశం కల్పించడానికి అమెరికా వీసా ఎందుకు అవసరం?'' అని ప్రశ్నించారు.ఇది కేవలం ప్రయాణ సమస్య గురించి మాత్రమే కాదు. ఒక భారతీయ పౌరుడు తన దేశంలో పన్నులు చెల్లిస్తున్నప్పటికీ, విదేశాలకు వెళ్లేటప్పుడు ఎందుకు ఇన్ని అడ్డంకులు ఎదుర్కోవాల్సి వస్తోందనే ప్రశ్నను కూడా ఆయన లేవనెత్తారు.ఏడాదికి రూ.కోటి ట్యాక్స్!జితేంద్ర ఎమ్మాని ప్రతి సంవత్సరం ప్రత్యక్షంగా, పరోక్షంగా కలిపి సుమారు రూ.75 లక్షల నుంచి రూ.1 కోటి వరకు పన్నులు చెల్లిస్తున్నానని పేర్కొన్నారు. అయినప్పటికీ.. తనకు దేశంలోనూ, అంతర్జాతీయంగానూ తగిన ప్రయోజనాలు కనిపించడం లేదని అన్నారు.పన్నులు చెల్లించే పౌరులకు మెరుగైన ప్రభుత్వ సేవలు, సౌకర్యాలు, అంతర్జాతీయ ప్రయాణ అవకాశాలు ఉండాలని ఆశించడం సహజం. అదే సమయంలో.. భారతీయ పాస్‌పోర్ట్‌కు పరిమిత సౌకర్యాలు ఉండటం వల్ల చాలామంది ఇతర దేశాల పాస్‌పోర్ట్‌లు లేదా పౌరసత్వం పొందేందుకు ప్రయత్నిస్తున్నారని జితేంద్ర అన్నారు. విదేశాల్లో ఉద్యోగాలు, వ్యాపార అవకాశాలు, ప్రయాణ స్వేచ్ఛ వంటి కారణాలు కూడా కొంతమందిని ఇతర దేశాల పౌరసత్వం వైపు ఆకర్షించవచ్చు.తన పోస్టు.. చివరలో జితేంద్ర ఎమ్మాని దేశ పరిస్థితులను మెరుగుపరచాల్సిన అవసరాన్ని ప్రస్తావించారు. గతాన్ని నిందిస్తూ మరికొన్ని దశాబ్దాలు గడపకుండా, దేశంలో ఉన్న సమస్యలను పరిష్కరించేందుకు చర్యలు తీసుకోవాలని ఆయన అభిప్రాయపడ్డారు.జితేంద్ర పోస్టు సోషల్ మీడియాలో చర్చకు దారితీసింది. కొంతమంది భారతీయులు పన్నులు చెల్లిస్తున్నప్పటికీ అంతర్జాతీయ ప్రయాణంలో ఇబ్బందులు ఎదుర్కొంటున్నారని ఆయనతో ఏకీభవించారు. మరికొందరు భారతీయ పాస్‌పోర్ట్‌పై, వీసా నిబంధనలపై తమ అభిప్రాయాలను వ్యక్తం చేశారు.Our Passport is absolutely useless. Can’t go anywhere good without waiting for days for the Visa or submitting a thousand pages. No wonder so many Indians are chasing other passports. A valid US visa is the shortcut many use. Why do we need a US stamp to let an Indian…— Jitendra Emmani (@JitendraEmmani) September 22, 2026

ఉద్యోగం నుంచి ముందస్తు విరమణ పొంది స్వేచ్ఛాయుత జీవితాన్ని గడపాలని ఆశిస్తున్న పట్టణ భారతీయుల సంఖ్య వేగంగా పెరుగుతోంది. అయితే, ఆ ఆకాంక్షకు తగినట్లుగా ఆర్థిక సంసిద్ధత మాత్రం ఇంకా పూర్తిస్థాయిలో రూపుదిద్దుకోలేదు. యాక్సిస్ మ్యాక్స్ లైఫ్ ఇన్సూరెన్స్, కాంటార్ భాగస్వామ్యంతో నిర్వహించిన ‘భరోసా టాక్స్ ఇండియా రిటైర్మెంట్ ఇండెక్స్ స్టడీ (IRIS 6.0)’ ఆరో విడత అధ్యయనంలో ఈ విషయాలు వెల్లడయ్యాయి. 2026 నాటికి భారత పట్టణ ప్రజల రిటైర్మెంట్ ఇండెక్స్ స్కోర్ 49గా నమోదైంది (2025లో 48).ముందస్తు విరమణపై మక్కువఅధ్యయనం ప్రకారం, ప్రతి పది మంది పట్టణ భారతీయుల్లో ఏడుగురు సంప్రదాయ పదవీ విరమణ వయస్సు (58–60 ఏళ్లు) కంటే ముందే రిటైర్ కావాలని కోరుకుంటున్నారు. వీరిలో సగం మంది 50 ఏళ్లలోనే ఆర్థిక స్వాతంత్య్రం సాధించాలని లక్ష్యంగా పెట్టుకున్నారు. అయితే, తాము నిర్దేశించుకున్న లక్ష్య నిధిలో సగటున కేవలం 28 శాతం మాత్రమే ఇప్పటివరకు సమకూర్చుకోవడం గమనార్హం. కేవలం 11 శాతం మంది మాత్రమే తమ పొదుపు జీవితాంతం సరిపోతుందని ధీమాగా ఉన్నారు.చిన్న వయస్సులోనే పెట్టుబడుల బాటప్రస్తుతం యువత మొదటి జీతం అందుకున్నప్పటి నుంచే రిటైర్మెంట్ ప్రణాళికపై దృష్టి సారిస్తున్నారు. సగటున 31 ఏళ్ల వయస్సులోనే ఈ ఆలోచన మొదలవుతుండగా జనరేషన్ జెడ్ (జెన్‌ జీ) విభాగంలో ఇది 29 ఏళ్లకే ప్రారంభమవుతోంది. జనరేషన్ జెడ్‌లో 62%, మిలీనియల్స్‌లో 70% మంది ఇప్పటికే పెట్టుబడులు మొదలుపెట్టారు.ఆరోగ్య భద్రతకే తొలి ‍ప్రాధాన్యంరిటైర్మెంట్ జీవితంలో శారీరక దృఢత్వానికి భారతీయులు ప్రాధాన్యమిస్తున్నారు. 75 శాతం మంది పదవీ విరమణ తర్వాత కూడా ఆరోగ్యంగా ఉండాలని కోరుకుంటుండగా, 52 శాతం మందికి ఆరోగ్య బీమా ఉంది. మరోవైపు, ఈ ఇండెక్స్‌లో ద్వితీయ శ్రేణి (టైర్‌-2) నగరాలు మెరుగైన ప్రగతిని సాధించి స్కోరును 44 నుంచి 48కి పెంచుకున్నాయి. మహిళల భరోసా టాక్స్ స్కోర్ పురుషులతో సమానంగా 49గా నమోదై ఆర్థిక, ఆరోగ్య విషయాల్లో సమతుల్య దృక్పథాన్ని ప్రదర్శించారు.యాక్సిస్ మ్యాక్స్ లైఫ్ సీఈఓ సుమిత్ మదన్ తెలిపినట్లుగా.. పదవీ విరమణ అనేది కేవలం ఒక వయస్సుకు చేరుకోవడం కాదు. భవిష్యత్తును స్వేచ్ఛగా నిర్ణయించుకునే ఆర్థిక సామర్థ్యాన్ని సాధించడమే. సంకల్పం బలంగా ఉన్నప్పటికీ లక్ష్య నిధిని సమకూర్చుకోవడంలో క్రమశిక్షణతో కూడిన ఆర్థిక ప్రణాళిక భారతీయులకు తక్షణ అవసరమని ఈ నివేదిక స్పష్టం చేస్తోంది.ఇదీ చదవండి: భారత్‌లో అత్యంత సంపన్న నటులు వీరే..

గ్లోబల్‌ ఐటీ ప్రొఫెషనల్‌ సర్వీసెస్‌ సంస్థ యాక్సెంచర్‌ బెంగళూరులో తన కార్యాలయ విస్తరణను కొనసాగిస్తోంది. సంస్థ అదనంగా 1.26 లక్షల చదరపు అడుగుల కార్యాలయ స్థలాన్ని లీజుకు తీసుకోవడంతో నగరంలో దాని మొత్తం ఆఫీస్‌ ఫుట్‌ప్రింట్‌ 5.67 లక్షల చదరపు అడుగులకు చేరినట్లు అందుబాటులో తెలుస్తుంది.లీజు ఒప్పందం, అద్దె వివరాలుకొన్ని మీడియా సంస్థల నివేదిక ప్రకారం, బెల్లందూర్‌లోని ప్రిటెక్‌ పార్క్‌ సెజ్‌లో యాక్సెంచర్‌ సొల్యూషన్స్‌ ప్రైవేట్‌ లిమిటెడ్‌ ఈ విస్తరణ చేపట్టింది. 4.41 లక్షల చదరపు అడుగుల స్థలానికి లీజు పునరుద్ధరణతో పాటు మరో 1.26 లక్షల చదరపు అడుగుల స్థలాన్ని సంస్థ అదనంగా తీసుకుంది. ప్రాపర్టీ లావాదేవీ సమాచార సంస్థ ప్రాప్‌స్టాక్‌ వివరాల ఆధారంగా ఈ సమాచారం వెల్లడైంది.కొత్త ఒప్పందం ప్రకారం, మొత్తం 5,66,617 చదరపు అడుగుల ఛార్జబుల్‌ ఏరియా సంస్థ అధీనంలో ఉంటుంది. చదరపు అడుగుకు నెలవారీ అద్దె రూ.76.20గా నిర్ణయించినట్లు పత్రాల ఆధారంగా తెలుస్తుంది. దీంతో పెరిగిన నెలవారీ అద్దె వ్యయం సుమారు రూ.4.32 కోట్లకు చేరనుంది. ఐదేళ్ల లీజు కాలానికి మొత్తం అద్దె చెల్లింపులు దాదాపు రూ.269 కోట్లుగా అంచనా వేశారు. ఒప్పందంలో రూ.16.11 కోట్ల సెక్యూరిటీ డిపాజిట్‌, ప్రతి మూడేళ్లకు 12 శాతం అద్దె పెంపు నిబంధన ఉన్నాయి.ఐటీ కార్యాలయ మార్కెట్‌పై ప్రభావంబెంగళూరులోని బెల్లందూర్‌ ప్రాంతం ఔటర్‌ రింగ్‌ రోడ్‌ వెంట కీలక వాణిజ్య కార్యాలయ కేంద్రంగా కొనసాగుతోంది. భారీ కార్యాలయ లీజులు, ముఖ్యంగా గ్లోబల్‌ కెపాబిలిటీ సెంటర్లు (జీసీసీలు) నగర వాణిజ్య రియల్‌ ఎస్టేట్‌ డిమాండ్‌లో ప్రాధాన్యం పొందుతున్నాయి. అయితే, యాక్సెంచర్‌ తాజా లీజు విస్తరణకు సంబంధించి సంస్థ అధికారికంగా వివరాలు వెల్లడించాల్సి ఉంది.ఇదీ చదవండి: భారత్‌లో అత్యంత సంపన్న నటులు వీరే..

సినిమాలో పంచ్‌ డైలాగ్‌లతో థియేటర్లను హోరెత్తించిన హీరోలు.. తెరపై తమదైన శైలిలో నటనతో ప్రేక్షకుల హృదయాలను గెలుచుకున్న స్టార్లు.. ఇప్పుడు సంపదలోనూ చర్చనీయాంశంగా మారారు. ‘బాద్‌షా’ షారుఖ్‌ ఖాన్‌ నుంచి ‘మాస్‌’ ఇమేజ్‌తో మెప్పించిన నాగార్జున, ‘మెగాస్టార్‌’ చిరంజీవి, ‘మెగా పవర్‌స్టార్‌’ రామ్‌చరణ్‌ వరకు.. వీరి సినీ ప్రయాణం కేవలం హిట్‌ సినిమాలు, పంచ్‌ డైలాగ్‌లకే పరిమితం కాలేదు. నటనతో సంపాదించిన ఆదాయాన్ని వ్యాపారాలు, పెట్టుబడులు, బ్రాండ్‌ భాగస్వామ్యాలుగా విస్తరించి రూ.కోట్లు గడిస్తున్నారు. హురున్‌ రిచ్‌ లిస్ట్‌ 2026 జాబితాలో టాప్‌ 10 నటుల వివరాలు కింద తెలియజేశాం.భారతదేశంలో టాప్ 10 అత్యంత ధనిక నటులు (2026)ర్యాంక్నటుడుఅంచనా ఆస్తి (రూ. కోట్లలో)1షారూఖ్ ఖాన్10,0002నాగార్జున అక్కినేని5,0003అమితాబ్ బచ్చన్4,0004సల్మాన్ ఖాన్3,0005హృతిక్ రోషన్2,5006అక్షయ్ కుమార్2,3007ఆమిర్ ఖాన్1,8008చిరంజీవి1,7009వెంకటేష్ దగ్గుబాటి1,65010రామ్ చరణ్1,400స్టార్‌ హీరోలకు డబ్బు వచ్చే మార్గాలెన్ని?సినిమాల్లో నటించడం ద్వారా వచ్చే పారితోషికమే కాదు.. తెరవెనుక వ్యాపారాలు, పెట్టుబడులు, ప్రకటనలు, సినిమా నిర్మాణం వంటి అనేక మార్గాల్లోనూ అగ్ర నటులు ఆదాయం ఆర్జిస్తారు. ఆస్తుల విలువ, వ్యాపార వాటాలు, పెట్టుబడులు, బ్రాండ్‌ ఆదాయాలు, అప్పులు వంటి అంశాలు కూడా సంపద అంచనాల్లో ప్రభావం చూపుతాయని గుర్తించాలి.సినిమా పారితోషికం: హీరోలుగా, నటులుగా సినిమాల్లో నటించినందుకు రెమ్యునరేషన్‌ అందుకుంటారు. కొన్నిసార్లు లాభాల్లో వాటా లేదా ప్రాఫిట్‌ షేరింగ్‌ ఒప్పందాలు కూడా ఉండొచ్చు. నటుడి మార్కెట్‌, సినిమా బడ్జెట్‌, పాత్ర, ఒప్పంద నిబంధనలను బట్టి ఆదాయం మారుతుంది.బ్రాండ్‌ ఎండార్స్‌మెంట్లు: ప్రముఖ కంపెనీల ఉత్పత్తులు, సర్వీసులకు బ్రాండ్‌ అంబాసిడర్లుగా వ్యవహరించి పారితోషికం పొందుతారు. ఉదాహరణకు.. షారుఖ్‌ ఖాన్‌ పెప్సీ, హ్యుందాయ్‌, నోకియా వంటి బ్రాండ్లను గతంలో ప్రమోట్‌ చేశారు.సినిమా నిర్మాణ సంస్థలు: సొంత ప్రొడక్షన్‌ హౌస్‌ల ద్వారా సినిమాలు, వెబ్‌ సిరీస్‌లు, విజువల్‌ ఎఫెక్ట్స్‌, డిస్ట్రిబ్యూషన్‌ వంటి వ్యాపారాల్లో పాల్గొంటారు.రియల్‌ ఎస్టేట్‌, ఆస్తుల పెట్టుబడులు: ఇళ్లు, భూములు, వాణిజ్య ఆస్తుల్లో పెట్టుబడులు పెట్టడం ద్వారా వాటి విలువ పెరగవచ్చు. అద్దె ఆదాయం లేదా ఆస్తి విక్రయం ద్వారా లాభాలు రావచ్చు. అయితే ఆస్తి విలువ పెరగడం, చేతికి వచ్చే నగదు ఆదాయం రెండూ ఒకటి కావు.ఇతర వ్యాపారాలు, కంపెనీల వాటాలు: రెస్టారెంట్లు, వినోద రంగ సంస్థలు, క్రీడా జట్లలో వాటాలు, ఇతర వ్యాపార భాగస్వామ్యాల ద్వారా ఆదాయం లేదా ఆస్తి విలువ పెరుగుదల పొందవచ్చు. నాగార్జునకు ఎంటర్‌టైన్‌మెంట్‌ వ్యాపారాలు, క్రీడా పెట్టుబడులతో సంబంధం ఉన్నట్లు పబ్లిక్‌ రికార్డులు, గత నివేదికలు పేర్కొంటున్నాయి.టెలివిజన్‌ షోలు, హోస్టింగ్‌: బిగ్‌బాస్‌, కౌన్‌ బనేగా కరోడ్‌పతి వంటి కార్యక్రమాలను నిర్వహించడం, జడ్జిగా వ్యవహరించడం, టెలివిజన్‌ ప్రాజెక్టుల్లో పాల్గొనడం ద్వారా పారితోషికం పొందుతారు. సల్మాన్‌ ఖాన్‌, అమితాబ్‌ బచ్చన్‌ వంటి నటుల టీవీ హోస్టింగ్‌ ఆదాయంపై మీడియా నివేదికలు ఉన్నాయి.సొంత బ్రాండ్లు, ఉత్పత్తులు: దుస్తులు, ఫ్యాషన్‌, సౌందర్య ఉత్పత్తులు, ఫిట్‌నెస్‌, ఇతర వినియోగ వస్తువుల బ్రాండ్లలో పెట్టుబడులు లేదా భాగస్వామ్యాలు ఉండవచ్చు. బ్రాండ్‌ యాజమాన్యం, లైసెన్సింగ్‌, లాభాల వాటా వంటి ఒప్పందాలను బట్టి ఆదాయం మారుతుంది.ఈవెంట్లు, స్టేజ్‌ షోలు: ప్రైవేట్‌ కార్యక్రమాల్లో పాల్గొనడం, స్టేజ్‌ ప్రదర్శనలు, ప్రత్యేక అతిథిగా హాజరు, అంతర్జాతీయ ఈవెంట్లలో భాగస్వామ్యం వంటి వాటికి పారితోషికం పొందవచ్చు.వాయిస్‌ ఓవర్‌, డబ్బింగ్‌: వాయిస్‌ యాక్టింగ్‌, డబ్బింగ్‌, సినిమా ప్రచార కార్యక్రమాలు, ప్రత్యేక మీడియా ప్రాజెక్టులు, కంటెంట్‌ భాగస్వామ్యాల ద్వారా కూడా ఆదాయం రావచ్చు. ప్రతి నటుడికి ఇవి నిరంతర ఆదాయ మార్గాలుగా ఉండాల్సిన అవసరం లేదు.ఆర్థిక పెట్టుబడులు, ఇతర ఆదాయాలు: షేర్లు, ఫండ్లు, స్టార్టప్‌లు, భాగస్వామ్య పెట్టుబడులు, బ్యాంకు వడ్డీలు వంటి ఆర్థిక మార్గాలు ఉండవచ్చు. అయితే ఈ జాబితాలోని ప్రతి నటుడి వ్యక్తిగత పెట్టుబడి వివరాలు బహిరంగంగా ధ్రువీకరించలేదు.ఇదీ చదవండి: మల్కాజిగిరి - కామారెడ్డి మధ్య రైల్వే ‘కవచ్ 4.0’

భారత ఇన్సూరెన్స్ నియంత్రణ, అభివృద్ధి సంస్థ (ఐఆర్‌డీఏఐ) దేశీయ బీమా రంగంలో పారదర్శకతను పెంచేందుకు, వినియోగదారుల ప్రయోజనాలను పరిరక్షించేందుకు పంపిణీ నిబంధనల్లో కీలక ప్రతిపాదనలు చేసింది. పాలసీల తప్పుడు విక్రయాలను (మిస్‌ సెల్లింగ్‌) అరికట్టడం, నిర్వహణ వ్యయాలను తగ్గించడం, క్లెయిమ్‌ల ప్రక్రియను సులభతరం చేయడమే లక్ష్యంగా ఈ మార్పులను తీసుకొచ్చింది.కమిషన్ విధానంలో మార్పులుఇప్పటివరకు ఇన్సూరెన్స్ ఏజెంట్లు, బ్రోకర్లకు పాలసీ ప్రారంభంలోనే ఒకేసారి అధిక మొత్తంలో కమిషన్ చెల్లించే పద్ధతి ఉంది. దీనివల్ల క్లయింట్‌కు అవసరం లేకపోయినా పాలసీలను అంటగట్టే ధోరణి పెరుగుతోందన్న విమర్శలు వచ్చాయి. దీన్ని నియంత్రించేందుకు ఐఆర్‌డీఏఐ కమిషన్ చెల్లింపులను పాలసీ కాలవ్యవధి ఉన్నన్ని రోజులు విస్తరించాలని ప్రతిపాదించింది. ఇకపై కస్టమర్‌కు నిరంతరం సేవలు అందించే సలహాదారుల శ్రమ ఆధారంగానే పారితోషికం లభిస్తుంది.నిర్వహణ వ్యయం తగ్గించేందుకు ప్రణాళికబీమా కంపెనీల నిర్వహణ వ్యయాన్ని అదుపు చేసేందుకు ఐఆర్‌డీఏఐ ఐదేళ్ల ప్రత్యేక ప్రణాళికను రూపొందించింది. దీని ప్రకారం లైఫ్ ఇన్సూరెన్స్ కంపెనీలు తమ నిర్వహణ వ్యయాన్ని రాబోయే ఐదేళ్లలో 12.5 శాతానికి, జనరల్ ఇన్సూరెన్స్ కంపెనీలు 20 శాతానికి తగ్గించుకోవాల్సి ఉంటుంది. అలాగే, బ్యాంకులు లేదా ఆర్థిక సంస్థలు రుణాలు ఇచ్చే సమయంలో నిర్బంధంగా బీమా పాలసీలను ముడిపెట్టడాన్ని ఐఆర్‌డీఏఐ నిషేధించింది.మోటార్ ఇన్సూరెన్స్‌పై ప్రత్యేక దృష్టిథర్డ్ పార్టీ మోటార్ ఇన్సూరెన్స్ వంటి నిర్బంధ పాలసీలలో కమీషన్లను తగ్గించి డిజిటల్ కొనుగోలు విధానాలను ప్రోత్సహించనుంది. అంతేకాకుండా, వాహనదారులు తమకు అనుకూలమైన సర్వీస్ సెంటర్లలో క్యాష్‌లెస్‌ సేవలందుకునే హక్కును కల్పించనుంది.వినియోగదారులకే ప్రయోజనంపంపిణీ ఏజెన్సీలను ప్రధానంగా మూడు విభాగాలుగా వర్గీకరించి సమర్థవంతంగా నియంత్రించనున్నారు. ‘బీమా సుగమ్‌’ వంటి డిజిటల్ ప్లాట్‌ఫారమ్‌ల విస్తరణతో సాధారణ పౌరులకు పాలసీల కొనుగోలు మరింత చవకగా, పారదర్శకంగా మారనుంది. ఈ కొత్త నిబంధనలు అమలులోకి వస్తే భారత బీమా రంగం ప్రపంచ ప్రమాణాలకు అనుగుణంగా మారి మరింత విశ్వసనీయతను సాధిస్తుందని మార్కెట్‌ వర్గాలు భావిస్తున్నాయి.ఇదీ చదవండి: మల్కాజిగిరి - కామారెడ్డి మధ్య రైల్వే ‘కవచ్ 4.0’

లెగో గ్రూప్‌ హైదరాబాద్‌లోని ఇనార్బిట్‌ మాల్‌లో తొలి లెగో సర్టిఫైడ్‌ స్టోర్‌ను ప్రారంభించింది. ఆంపిల్‌ గ్రూప్‌తో కలిసి ఏర్పాటు చేసిన ఈ 3,500 చదరపు అడుగుల స్టోర్‌ను టాలీవుడ్‌ స్టార్‌ రానా దగ్గుబాటి ప్రారంభించారు. అలాగే, ఒక ప్రత్యేకమైన లెగో మొజాయిక్‌ను ఆవిష్కరించారు. హైదరాబాద్‌ను కేవలం ఒక నగరంగానే కాకుండా, ఒక అనుభూతిగా చిత్రీకరిస్తూ, మాస్టర్‌ బిల్డర్‌ రీతమ్‌ భట్నాగర్‌ 49,200 లెగ్ధో ఇటుకలను ఉపయోగించి ఈ మొజాయిక్‌ను రూపొందించారని ఈ సందర్భంగా సంస్థ ప్రతినిధులు తెలిపారు.చార్మినార్, హుస్సేన్‌ సాగర్‌ నుంచి ఇరానీ చాయ్‌ స్టాల్‌ వరకు, నగరంలోని సుప్రసిద్ధ ప్రదేశాలు సాంస్కృతిక చిహ్నాలను ప్రదర్శిస్తూ, 7 అడుగుల పొడవు, 5 అడుగుల వెడల్పు ఉన్న మొజాయిక్‌ హైదరాబాద్‌ స్ఫూర్తిని ప్రతిబింబించేలా రూపొందింది.ఈ సందర్భంగా రానా మాట్లాడుతూ ‘‘హైదరాబాద్‌కు కొత్తగా, సరదా వినోదాన్ని పంచేది ఏదైనా రావడం నాకు ఎప్పుడూ ఆనందంగా అనిపిస్తుంటుంది ఆటల్ని ఏ వయసు వారైనా ఆస్వాదించవచ్చు. కుటుంబంతో కలిసి ఈ తరహా ఆటలు ఆడడం,. గడపడం చాలా ఆనందాన్ని ఇస్తుంది అది నాకు చాలా ఇష్టం.’’ అని అన్నారు.