Corporate

పెట్రోల్, డీజిల్ ధరలతో ఇబ్బందులు పడుతున్న వాహనదారులకు.. సీఎన్‌జీ ధరల పెరుగుదల కూడా భారంగా మారుతోంది. ఇప్పటికే పుణెలో సీఎన్‌జీ ధరలు పెరగగా, తాజాగా ముంబైతో పాటు ముంబై మెట్రోపాలిటన్ రీజియన్ (MMR) పరిధిలోనూ ధరలు పెరిగాయి.మహానగర్ గ్యాస్ లిమిటెడ్ (MGL) కిలో సీఎన్‌జీపై రూ.1.50 పెంచుతూ నిర్ణయం తీసుకుంది. దీంతో కేజీ ధర రూ.91.50కి చేరింది. పెరిగిన ధరలు ఆదివారం నుంచి అమల్లోకి వచ్చాయి.ఈ ఏడాది జనవరిలో ముంబైలో కేజీ సీఎన్‌జీ ధర రూ.80.50గా ఉండేది. తాజాగా.. మరోసారి ధర పెరగడంతో కేవలం 11 నెలల కంటే తక్కువ వ్యవధిలోనే కేజీపై రూ.11 పెరిగింది. ఈ ఏడాది ఇప్పటివరకు ఎంజీఎల్ ఎనిమిది సార్లు సీఎన్‌జీ ధరలను పెంచింది. అంటే.. దాదాపు 14 శాతం మేర ధరలు పెరిగినట్లు స్పష్టమవుతోంది. ముఖ్యంగా ఈ ఏడాది ఇప్పటివరకు ఎంజీఎల్ ఎనిమిదిసార్లు సీఎన్‌జీ ధరలను పెంచింది. జనవరిలో రూ.80.50గా ఉన్న ధర.. ఇప్పుడు రూ.91.50కి చేరడంతో వాహనదారులు ఆందోళన చెందుతున్నారు.సీఎన్‌జీ ధరలను పెంచడానికి ప్రధాన కారణం.. గ్యాస్ కొనుగోలు ఖర్చులు పెరగడమే అని ఎంజీఎల్ వెల్లడించింది. అంతే కాకుండా.. మధ్యప్రాచ్యంలో కొనసాగుతున్న ఉద్రిక్త పరిస్థితులు, దేశీయంగా గ్యాస్ సరఫరా కేటాయింపులు తగ్గడం వంటి అంశాలు ఖర్చులను పెంచుతున్నాయని కంపెనీ తెలిపింది. ముఖ్యంగా అంతర్జాతీయ మార్కెట్ ధరలకు అనుగుణంగా మారే రీ-గ్యాసిఫైడ్ లిక్విఫైడ్ నేచురల్ గ్యాస్ (RLNG) వినియోగం పెరగడం వల్ల సీఎన్‌జీ కొనుగోలు ఖర్చులు అధికమవుతున్నాయని వివరించింది.

ప్రపంచంలో అత్యంత సంపన్నులుగా పేరుగాంచిన వ్యాపారవేత్తలంటే మనకు ముందుగా గుర్తొచ్చేది.. వారి ఆస్తులు, వ్యాపార విజయాలు, విలాసవంతమైన జీవితం. కానీ వీరిలో కొందరి వ్యక్తిగత జీవితాలు కూడా అప్పుడప్పుడు తీవ్ర వివాదాలకు దారితీస్తుంటాయి. ముఖ్యంగా వివాహేతర సంబంధాలు, లైంగిక వేధింపుల ఆరోపణలు వంటి వ్యవహారాలు బయటకు వచ్చినప్పుడు వారి వ్యక్తిగత ప్రతిష్టతో పాటు వారు నడిపించే కంపెనీలపైనా ప్రభావం పడుతుంది. ఒక్కోసారి ఇలాంటి వివాదాలు వారి పదవులకే ఎసరు పెడతాయి.ప్రపంచవ్యాప్తంగా గుర్తింపు పొందిన.. ఐదుగురు ప్రముఖులు తమ వ్యక్తిగత జీవితాలకు సంబంధించిన వివాదాలతో వార్తల్లో నిలిచారు. జాబితాలో ఎన్విడియా సీఈఓ జెన్సన్ హువాంగ్ నుంచి మైక్రోసాఫ్ట్ వ్యవస్థాపకుడు బిల్ గేట్స్ వరకు ఉన్నారు. వారి జీవితాల్లో చోటుచేసుకున్న వివాదాలు, వాటి ప్రభావాలు ఏమిటో వివరంగా తెలుసుకుందాం.జెన్సన్ హువాంగ్ (ఎన్విడియా)ఎన్విడియా కో-ఫౌండర్, సీఈఓ జెన్సన్ హువాంగ్ వ్యక్తిగత జీవితానికి సంబంధించిన ఆరోపణలు ఇటీవల వైరల్ అవుతున్నాయి. అలిస్ హువాంగ్ అనే మహిళతో ఆయనకు సంబంధం ఉందంటూ.. ఈ వ్యవహారంతో పాటు, ఆమెకు చైనా నిఘా సంస్థలతో సంబంధాలు ఉండవచ్చనే అనుమానాలు తెరమీదకు వచ్చాయి. దీంతో జెన్సన్ హువాంగ్ వ్యక్తిగత జీవితం, కంపెనీ నాయకత్వంపై చర్చ మొదలైంది. ఆయన తన పదవికి సైతం రాజీనామా చేశారు.బిల్ గేట్స్ (మైక్రోసాఫ్ట్)మైక్రోసాఫ్ట్ సహ వ్యవస్థాపకుడు బిల్ గేట్స్ కూడా.. తన వ్యక్తిగత జీవితానికి సంబంధించిన వివాదంతో వార్తల్లో నిలిచారు. 2000 ప్రాంతంలో మైక్రోసాఫ్ట్‌లో పనిచేసే ఒక మహిళా ఉద్యోగితో ఆయనకు వివాహేతర సంబంధం ఉన్నట్లు 2021లో ఆయన ప్రతినిధి అంగీకరించారు. ఈ వ్యవహారంపై 2019లో కంపెనీ డైరెక్టర్ల బోర్డు విచారణ ప్రారంభించింది. ఆ తర్వాత 2020లో గేట్స్ బోర్డు నుంచి వైదొలిగారు. మరోవైపు.. 27 ఏళ్ల వైవాహిక జీవితానికి ముగింపు పలుకుతూ 2021లో భార్య మెలిండా గేట్స్‌తో విడాకులు తీసుకున్నారు.జెఫ్ బెజోస్ (అమెజాన్)అమెజాన్ వ్యవస్థాపకుడు జెఫ్ బెజోస్ వ్యక్తిగత జీవితం 2019లో అంతర్జాతీయంగా చర్చనీయాంశమైంది. అప్పట్లో ఆయన భార్య మెకెంజీ స్కాట్‌తో వివాహ బంధంలో ఉండగానే టీవీ యాంకర్ లారెన్ సాంచెజ్‌తో సంబంధం ఉన్నట్లు వార్తలు వచ్చాయి. వీరిద్దరి మధ్య జరిగిన వ్యక్తిగత సందేశాలు ఓ పత్రికలో ప్రచురితం కావడంతో ఈ వ్యవహారం మరింత హాట్ టాపిక్‌గా మారింది. ఆ తర్వాత బెజోస్, మెకెంజీ విడాకులు తీసుకున్నారు. అనంతరం 2025లో లారెన్ సాంచెజ్‌ను బెజోస్ వివాహం చేసుకున్నారు.టైగర్ వుడ్స్ (ప్రముఖ గోల్ఫ్ క్రీడాకారుడు)ప్రపంచ ప్రఖ్యాత గోల్ఫ్ ఆటగాడు టైగర్ వుడ్స్ వ్యక్తిగత జీవితం కూడా ఒకప్పుడు పెద్ద వివాదానికి కారణమైంది. 2009లో ఆయనకు పలువురు మహిళలతో వివాహేతర సంబంధాలు ఉన్నట్లు అమెరికన్ మీడియాలో కథనాలు వెలువడ్డాయి. ఈ ఆరోపణలు బయటకు రావడంతో ఆయన తీవ్ర విమర్శలు ఎదుర్కొన్నారు. చివరకు తన తప్పును అంగీకరిస్తూ కుటుంబానికి బహిరంగంగా క్షమాపణ చెప్పారు. ఈ వివాదం కారణంగా ఆయనతో వ్యాపార ఒప్పందాలు చేసుకున్న పలు కంపెనీలు తమ ప్రకటనల ఒప్పందాలను రద్దు చేసుకున్నాయి. 2010లో భార్యతో విడాకులు తీసుకున్నారు.స్టీవ్ విన్ (అమెరికన్ క్యాసినో వ్యాపారవేత్త)అమెరికాకు చెందిన ప్రముఖ క్యాసినో వ్యాపారవేత్త స్టీవ్ విన్ 2018లో లైంగిక దుష్ప్రవర్తన ఆరోపణలు ఎదుర్కొన్నారు. లాస్ వెగాస్ క్యాసినోల్లో పనిచేసిన పలువురు మహిళలు ఆయనపై అనుచిత ప్రవర్తనకు సంబంధించి ఆరోపణలు చేశారు. ఈ వ్యవహారంపై వాల్ స్ట్రీట్ జర్నల్ ప్రచురించిన కథనం అప్పట్లో పెద్ద సంచలనం సృష్టించింది. ఆరోపణలు తీవ్ర చర్చకు దారితీయడంతో స్టీవ్ విన్ తన కంపెనీ ఛైర్మన్, సీఈఓ పదవులకు రాజీనామా చేశారు.పై సంఘటనలను గమనిస్తే.. ఎంతటి సంపద, పేరు ప్రఖ్యాతులు ఉన్నా వ్యక్తిగత జీవితంలో ఎదురయ్యే వివాదాల నుంచి ఎవరూ పూర్తిగా తప్పించుకోలేరు. ముఖ్యంగా ప్రపంచవ్యాప్తంగా గుర్తింపు ఉన్న వ్యక్తుల విషయంలో ఇలాంటి ఆరోపణలు బయటకు వస్తే వాటి ప్రభావం వారి కుటుంబాలకే పరిమితం కాదు. వారు నిర్మించిన కంపెనీల ప్రతిష్ట, వ్యాపార సంబంధాలు, పెట్టుబడిదారుల నమ్మకంపైనా పడుతుంది. ఈ ఐదుగురి ఉదంతాలు దీనికి ఉదాహరణగా నిలుస్తున్నాయి.ఇదీ చదవండి: జెన్సన్ లేకపోతే ఎన్విడియా పరిస్థితి ఇదే..? మస్క్ హెచ్చరిక!

నవంబర్ నెలలో పలు పండుగలు నేపథ్యంలో.. బ్యాంకులకు వరుస సెలవులు వస్తున్నాయి. దీపావళి, ఛత్ పూజ, గురునానక్ జయంతి వంటి పండుగల కారణంగా దేశంలోని పలు రాష్ట్రాల్లో బ్యాంకులు మూతపడనున్నాయి. అయితే.. ఈ సెలవులు అన్ని రాష్ట్రాల్లో ఒకేలా ఉండవు. ఆయా ప్రాంతాల్లో జరుపుకునే పండుగలను బట్టి బ్యాంక్ హాలిడేస్ మారుతుంటాయి. అందువల్ల బ్యాంకు పనులపై బయటకు వెళ్లాలనుకునేవారు ముందుగానే సెలవుల వివరాలు తెలుసుకోవడం మంచిది.ముఖ్యంగా బ్యాంకుల్లో డబ్బులు డిపాజిట్ చేయడం, విత్‌డ్రా చేయడం, చెక్కుల క్లియరెన్స్ వంటి పనులు ఉన్నవారు సెలవుల జాబితాను తప్పకుండా.. ఒకసారి పరిశీలించాలి. లేదంటే బ్యాంకుకు వెళ్లిన తర్వాత బ్రాంచ్ మూసి ఉండటంతో ఇబ్బందులు ఎదుర్కోవాల్సి వస్తుంది.నవంబర్ 15: ఆదివారం కావడంతో దేశవ్యాప్తంగా బ్యాంకులకు సాధారణ సెలవునవంబర్ 16: ఛత్ పూజ సందర్భంగా పాట్నా, రాంచీ నగరాల్లో బ్యాంకులు పనిచేయవునవంబర్ 20: ఇగాస్ బగ్వాల్ పండుగ కారణంగా డెహ్రాడూన్‌లో బ్యాంకులకు సెలవురిజర్వ్ బ్యాంక్ ఆఫ్ ఇండియా (RBI) నిబంధనల ప్రకారం బ్యాంకుల సెలవులు జాతీయ, ప్రాంతీయ పండుగలను బట్టి నిర్ణయిస్తారు. జాతీయ సెలవులు దేశవ్యాప్తంగా వర్తిస్తే, ప్రాంతీయ పండుగల సెలవులు మాత్రం ఆయా రాష్ట్రాలు, నగరాలకే పరిమితమవుతాయి. అందుకే.. ఒక రాష్ట్రంలో బ్యాంకులు పనిచేస్తున్న రోజున మరో రాష్ట్రంలో సెలవు ఉండవచ్చు. ఖాతాదారులు తమ బ్యాంకు బ్రాంచ్‌ను సందర్శించే ముందు సెలవుల వివరాలను అధికారికంగా నిర్ధారించుకోవడం మంచిది.బ్యాంకులకు సెలవు ఉన్న రోజుల్లో బ్రాంచ్‌ల ద్వారా నిర్వహించే నగదు డిపాజిట్లు, విత్‌డ్రాలు, చెక్కుల క్లియరెన్స్ వంటి సేవలు అందుబాటులో ఉండవు. అయితే.. నెట్ బ్యాంకింగ్, మొబైల్ బ్యాంకింగ్, యూపీఐ సేవలు, ఏటీఎం వంటి డిజిటల్ సేవలను సాధారణంగా ఉపయోగించుకోవచ్చు. కాబట్టి బ్యాంకు పనులు ఉన్నవారు ముందుగానే ప్లాన్ చేసుకుంటే చివరి నిమిషంలో ఇబ్బందులు పడకుండా ఉండొచ్చు.ఇదీ చదవండి: జెన్సన్ లేకపోతే ఎన్విడియా పరిస్థితి ఇదే..? మస్క్ హెచ్చరిక!

ప్రపంచ టెక్నాలజీ రంగంలో దిగ్గజ సంస్థగా ఎదిగిన ఎన్విడియా (Nvidia) భవిష్యత్తుపై ఇప్పుడు ఆసక్తికరమైన చర్చ మొదలైంది. దీనికి కారణం టెస్లా, స్పేస్‌ఎక్స్ అధినేత ఎలాన్ మస్క్ చేసిన వ్యాఖ్యలే. మరిన్ని వివరాలు ఈ కథనంలో తెలుసుకుందాం.ఎన్విడియా నుంచి జెన్సన్ హువాంగ్ వెళ్లిపోతే.. కంపెనీకి కొన్ని కీలకమైన సమస్యలు ఎదురయ్యే అవకాశం ఉందని మస్క్ హెచ్చరించారు. ముఖ్యంగా కంపెనీకి అవసరమైన చిప్స్, ఇతర పరికరాలను సరఫరా చేసే సంస్థలతో ఉన్న సంబంధాలు దెబ్బతినే అవకాశం ఉందని అభిప్రాయపడ్డారు.వ్యాపార ఒప్పందాలుమస్క్ ప్రకారం.. ఎన్విడియాకు చెందిన కొన్ని ముఖ్యమైన సరఫరా ఒప్పందాలు అధికారిక కాంట్రాక్టుల కంటే జెన్సన్ హువాంగ్‌తో ఉన్న వ్యక్తిగత పరిచయాలు, నమ్మకం ఆధారంగా ఏర్పడ్డాయి. అంటే.. ఆయా సరఫరాదారులతో జెన్సన్‌కు ఉన్న మంచి సంబంధాల వల్లే కొన్ని వ్యాపార ఒప్పందాలు సాధ్యమయ్యాయని తెలుస్తోంది. ఇప్పుడు జెన్సన్ కంపెనీ నుంచి వెళ్లిపోతే, కొత్త నాయకత్వంతో కూడా ఆ సంస్థలు అదే విధంగా వ్యాపార సంబంధాలు కొనసాగిస్తాయా?, లేదా?.. అన్నది ప్రశ్నగా మారింది.ఎన్విడియా జెన్సన్ అవసరంఅందుకే.. జెన్సన్ హువాంగ్ తిరిగి ఎన్విడియా సీఈఓగా ఉండాలని మస్క్ చెబుతున్నారు. ఆయనను తిరిగి నియమించాలంటూ ప్రారంభించిన పిటిషన్‌పై తాను కూడా సంతకం చేస్తున్నానని తెలిపారు. జెన్సన్‌తో కలిసి పనిచేయడం గౌరవంగా భావిస్తానని కూడా చెప్పారు. దీన్నిబట్టి ఎన్విడియా వంటి సంస్థకు జెన్సన్ అనుభవం, నాయకత్వం ఎంత కీలకమో మస్క్ వ్యాఖ్యలు స్పష్టంగా చేస్తున్నాయి.1993లో ఎన్విడియాను స్థాపించిన జెన్సన్ హువాంగ్, మూడు దశాబ్దాలకు పైగా కంపెనీకి నాయకత్వం వహించారు. మొదట గ్రాఫిక్స్ చిప్స్ తయారు చేసే సంస్థగా ప్రారంభమైన ఎన్విడియాను ప్రపంచంలోనే ప్రముఖ ఏఐ చిప్స్ కంపెనీగా మార్చడంలో ఆయన కీలక పాత్ర పోషించారు. కాగా.. ఇటీవల ఆయన వ్యక్తిగత సంబంధాలపై కొన్ని మీడియా కథనాల్లో ఆరోపణలు రావడంతో ఆయన నాయకత్వంపై చర్చ మొదలైంది.ఇదీ చదవండి: EPFO అలర్ట్.. నవంబర్ 15లోగా ఈ పని పూర్తి చేయాల్సిందే!

హైదరాబాద్‌: కేవలం సాయం చేయడంతోనే సేవ పూర్తికాదని, బాధితులకు స్వావలంబన దిశగా అవకాశాలు కల్పించాలని ప్రముఖ నటుడు, సామాజిక సేవకుడు సోనూసూద్‌ అన్నారు. ఆకలితో ఉన్నవారికి ముందుగా ఆహారం అందించాలని, ఆ తర్వాత వారు తమ కాళ్లపై తాము నిలబడేలా సహకరించాలని సూచించారు. హైదరాబాద్‌లోని హైటెక్స్‌ ది డెబ్యూట్‌లో శుక్రవారం నిర్వహించిన సింపోజియం ఏడో ఎడిషన్‌ ‘ది హ్యూమానిటీ ఇన్‌ అస్‌: వాట్‌ డజ్‌ ఇట్‌ మీన్‌ టు కేర్‌?’ కార్యక్రమంలో ఆయన మాట్లాడారు.ఈ చర్చా కార్యక్రమంలో గూంజ్‌, గ్రామ స్వాభిమాన్‌ వ్యవస్థాపకుడు, రామన్‌ మెగసెసే అవార్డు గ్రహీత అన్షు గుప్తా పాల్గొన్నారు. ఎన్డీటీవీ మాజీ ఎగ్జిక్యూటివ్‌ ఎడిటర్‌ ఉమా సుధీర్‌ చర్చను సమన్వయం చేశారు. సేవ అంటే మిగిలిపోయిన వస్తువులను పంపిణీ చేయడం మాత్రమే కాదని, ప్రజల నిజమైన అవసరాలను గుర్తించి, వారి ఆత్మగౌరవాన్ని కాపాడుతూ సమాజాన్ని సాధికారత దిశగా నడిపించాలని అన్షు గుప్తా పేర్కొన్నారు. సేవ పేరుతో ప్రజల్లో ఇతరులపై ఆధారపడే పరిస్థితి సృష్టించకూడదని అన్నారు.ఈ సందర్భంగా సంక్షేమ పథకాలపై ప్రభుత్వాలు చేసే వ్యయంపైనా చర్చ జరిగింది. రాష్ట్రాలు తమ ఆదాయ సామర్థ్యం, అప్పుల భారం, అభివృద్ధి ప్రాధాన్యతలను పరిగణనలోకి తీసుకుని సంక్షేమానికి బడ్జెట్‌లో తగిన మొత్తాన్ని కేటాయించాలని సింపోజియం వ్యవస్థాపకుడు, ఎంపీఎం గ్రూప్‌ సీఎండీ గిరీష్‌ మల్లపాణి సూచించారు. ఆరోగ్యం, విద్య, పోషకాహారం, సామాజిక భద్రత వంటి అత్యవసర సంక్షేమ కార్యక్రమాలకు, ఎన్నికల సమయంలో ప్రకటించే ఉచిత పథకాలకు మధ్య స్పష్టమైన తేడా ఉండాలని అభిప్రాయపడ్డారు.సంక్షేమ వ్యయంపై బాధ్యతాయుతమైన, పారదర్శకమైన ఆర్థిక విధానాన్ని రూపొందించేందుకు పార్లమెంట్‌లో చర్చ జరగాలని పలువురు అభిప్రాయపడ్డారు. అయితే, అత్యవసర సామాజిక భద్రతా పథకాలకు లేదా అసాధారణ పరిస్థితులను ఎదుర్కొంటున్న రాష్ట్రాలకు ఇబ్బంది కలిగించేలా కఠినమైన పరిమితులు విధించకూడదని పేర్కొన్నారు. ఈ చర్చలో మాజీ పోలీస్‌ కమిషనర్‌ ఏకే ఖాన్‌, మాజీ ప్రభుత్వ ప్రధాన కార్యదర్శి డాక్టర్‌ సమీర్‌ శర్మ కూడా పరిపాలనా పరమైన అభిప్రాయాలను పంచుకున్నారు.కరుణ, ఆర్థిక క్రమశిక్షణ రెండూ సమాంతరంగా సాగాలని ఈ కార్యక్రమంలో వక్తలు పేర్కొన్నారు. సంక్షేమం కేవలం ఆర్థిక సాయం అందించడానికే పరిమితం కాకుండా ఉపాధి అవకాశాలు, జీవనోపాధిని మెరుగుపరిచి ప్రజలను స్వావలంబులుగా తీర్చిదిద్దాలని అభిప్రాయపడ్డారు. వివిధ విద్యాసంస్థల సహకారంతో గతంలో నిర్వహించిన చర్చల ఆధారంగా రూపొందించిన శ్వేతపత్రాలను కూడా సింపోజియం ప్రచురిస్తోంది. ఇందులో భాగంగా సైబర్‌ భద్రతపై రూపొందించిన శ్వేతపత్రాన్ని శుక్రవారం విడుదల చేశారు.సింపోజియం అనేది ‘వేర్‌ విజనరీస్‌ కన్వర్జ్‌’ అనే నినాదంతో ఏర్పాటైన స్వతంత్ర, రాజకీయేతర, లాభాపేక్షలేని జ్ఞాన వేదిక. వివిధ రంగాలకు చెందిన మేధావులు, విధాన రూపకర్తలు, మార్పు కోసం కృషి చేసేవారు, నిపుణులను ఒకచోట చేర్చి సమాజాన్ని ప్రభావితం చేసే అంశాలపై చర్చలు నిర్వహిస్తోంది. గిరీష్‌ మల్లపాణి, ఐఏఎస్‌ అధికారి జయేశ్‌ రంజన్‌, శ్రుతి మల్లపాణి దీని వ్యవస్థాపకులు. వింగ్‌ కమాండర్‌ ఆశా వశిష్ట్‌ సీఈఓగా వ్యవహరిస్తున్నారు.

న్యూఢిల్లీ: వాలెట్‌ సర్వీసులను అందించే దిశగా తమ అనుబంధ సంస్థ పేటీఎం పేమెంట్స్‌ సర్వీసెస్‌ (పీపీఎస్‌ఎల్‌)కి రిజర్వ్‌ బ్యాంక్‌ నుంచి సూత్రప్రాయ అనుమతులు లభించినట్లు వన్‌97 కమ్యూనికేషన్స్‌ వెల్లడించింది. ప్రీపెయిడ్‌ పేమెంట్‌ సాధనాలకు సంబంధించి నవంబర్‌ 13న ఆర్‌బీఐ ఈ మేరకు ఆథరైజేషన్‌ ఇచ్చినట్లు వివరించింది. సైబర్‌ సెక్యూరిటీ సహా సిస్టం ఆడిట్‌ నిర్వహించాల్సిందిగా రిజర్వ్‌ బ్యాంక్‌ సూచించినట్లు తెలిపింది.ఇది పూర్తయి, తుది అనుమతి లభించిన తర్వాతే పీపీఎస్‌ఎల్‌ ప్రీపెయిడ్‌ పేమెంట్‌ సాధనాలను జారీ చేసేందుకు వీలవుతుందని వన్‌97 కమ్యూనికేషన్స్‌ పేర్కొంది. పేటీఎం 2014లో ప్రారంభించిన వాలెట్‌ వ్యాపారాన్ని 2017లో పేటీఎం పేమెంట్స్‌ బ్యాంక్‌నకు (పీపీబీఎల్‌) బదలాయించింది. అయితే నిబంధనలను పాటించడం లేదనే అరోపణలపై కొత్త డిపాజిట్లు, క్రెడిట్లను స్వీకరించకుండా 2024లో జనవరిలో ఆర్‌బీఐ ఆంక్షలు విధించింది. తదుపరి 2026 ఏప్రిల్‌లో పీపీబీఎల్‌ బ్యాంకింగ్‌ లైసెన్సును రద్దు చేసింది.

ఎన్విడియా (Nvidia) నుండి జెన్సెన్ హువాంగ్ రాజీనామా ప్రభావంఎంతో తెలిస్తే షాక్‌ అవ్వాల్సిందే. కంపెనీ నుంచి అనూహ్య నిష్క్రమణతో 63 ఏళ్ల మాజీ సీఈఓ వ్యక్తిగత సంపదలో సుమారు రూ. 900 కోట్లు (108 మిలియన్ డాలర్ల ) నష్టపోయాడు . కంపెనీలో ఇంకా పూర్తిస్థాయిలో ఆయనకు చెందాల్సి ఉన్న (అన్‌వెస్టెడ్) స్టాక్ అవార్డులను ఆయన కోల్పోనుండటమే ఇందుకు కారణం. ఆయన మొత్తం సంపదతో పోలిస్తే ఈ ఆర్థిక నష్టం చాలా చిన్నది. ఈ చిప్ తయారీ సంస్థలో ఉన్న వాటాల రూపంలోనే ఆయన సంపదలో దాదాపు 97% ఉంది.బ్లూమ్‌బెర్గ్ నివేదిక ప్రకారం.. హువాంగ్ అంచనా నికర విలువ 138.4 బిలియన్ డాలర్లు కాగా, అందులో ఆయన వదులు కోవాల్సిన ఈక్విటీ పరిహారం కేవలం 0.08శాతం మాత్రమే. మరో మాటలో చెప్పాలంటే, ఆయన నిష్క్రమణ వల్ల చెప్పుకోదగ్గ మొత్తంలోనే నష్టం వాటిల్లినప్పటికీ, అది బిలియనీర్ హోదాపై పెద్దగా ప్రభావం చూపదు.ఎన్విడియా ఈక్విటీ పరిహార విధానం ప్రకారం, ఎగ్జిక్యూటివ్‌లు కంపెనీలో తమ నిరంతర సేవలను ముగించినప్పుడు, వారికి ఇంకా పూర్తిస్థాయిలో బదిలీ కాని రిస్ట్రిక్టెడ్ స్టాక్ యూనిట్లను (RSUs) కోల్పోతారు. ఈ నిబంధన కారణంగానే హువాంగ్ ఈ నష్టాన్నిఎదుర్కోవాల్సి వచ్చింది. హువాంగ్ వద్ద సుమారు 3,46,000 అన్‌వెస్టెడ్ RSUలు ఉన్నాయి. కంపెనీ ఈక్విటీ ప్రోత్సాహక ప్రణాళిక కింద నిర్దేశిత పనితీరు లక్ష్యాలను చేరుకున్నట్లయితే, ఇవి దాదాపు 3,10,000 ఎన్విడియా షేర్లుగా మారేవి. అయితే, ఆయన నిష్క్రమణతో ఈ షేర్లు ఇకపై ఆయనకు అందుబాటులో ఉండవు. స్టాక్ ఆప్షన్లు, ప్యాకేజీలు, ఇతర పెట్టుబడుల రూపంలో సంపదను విస్తరించుకునే ఇతర టెక్ ఎగ్జిక్యూటివ్‌ల మాదిరిగా కాకుండా, హువాంగ్ సంపదలో అత్యధిక భాగం ఎన్విడియా షేర్ల యాజమాన్యంతోనే ముడిపడి ఉంది.సహ-వ్యవస్థాపకుడైన హువాంగ్ కంపెనీలో దాదాపు 3.5శాతం ఓటింగ్ వాటాను కలిగి ఉన్నారని బ్లూమ్‌బెర్గ్ తెలిపింది. ఆయన అంచనా సంపదలో దాదాపు 97% ఒక్క ఎన్విడియా వాటాల నుండే వస్తోంది. ఎన్విడియాకు ఒకే తరగతి షేర్లు మాత్రమే ఉన్నాయి, అంటే ప్రత్యేక తరగతి స్టాక్ ద్వారా హువాంగ్‌కు ఎలాంటి ప్రత్యేక లేదా అదనపు ఓటింగ్ హక్కులు లేవు. మొత్తం సంపదతో పోల్చి చూస్తే ఆయన సాధారణ నగదు వేతనం కూడా చాలా తక్కువే. గత రెండేళ్లలో ప్రతి సంవత్సరం హువాంగ్ సుమారు 7.5 మిలియన్ డాలర్ల నగదు పరిహారం అందుకున్నారు, ఇది ఆయన మల్టీ-బిలియన్ డాలర్ల సంపదలో ఒక చిన్న భాగం మాత్రమే.ఇదీ చదవండి: 21 ఏళ్ల క్రితం రూ. 14.5 కోట్ల ‘దీవి’ కొన్న హీరో.. ఇపుడెలా ఉంది?మరోవైపు హువాంగ్ రాజీనామా వార్తలతో న్యూయార్క్ ట్రేడింగ్‌లో ఎన్విడియా షేర్లు ఒక దశలో 14శాతం దాకా కుప్పకూలి పోయాయి. దీంతో హువాంగ్ నికర విలువ నుండి 6 బిలియన్ డాలర్లకు పైగా ఆవిరైపోయింది. ఆయన కోల్పోతున్న 108 మిలియన్ డాలర్ల ఈక్విటీ అవార్డుల కంటే మార్కెట్ ఆధారితమైన ఈ నష్టం చాలా రెట్లు ఎక్కువ. ఎన్విడియా మార్కెట్ విలువతో ఆయన వ్యక్తిగత సంపద ఎంత లోతుగా ముడిపడి ఉందో ఇది స్పష్టం చేస్తోంది. ఇదీ చదవండి: హువాంగ్ రాజీనామా : అనూహ్య పరిణామం, బోర్డు అంగీకరిస్తుందా?

రైలులో చోరీ ఘటన కలకలం రేపింది. ఎవరో ఆగంతకులు తనను తోసేసి తన బంగారు నగలు, పాస్‌పోర్ట్‌ దొంగిలించారని ఆరోపిస్తూ ఓ మహిళ సోషల్‌ మీడియాలో చేసిన పోస్ట్‌ తీవ్ర చర్చనీయాంశంగా మారింది. ఝార్ఖండ్‌లోని సాహిబ్‌గంజ్‌ సమీపంలో ఈ ఘటన జరిగినట్లు ఆమె వెల్లడించారు. రైలులో ప్రయాణికుల భద్రతపై ప్రశ్నలు లేవనెత్తుతూ రైల్వే అధికారులను నిలదీశారు. చోరీ ఘటనకు వెంటనే బాధ్యత రైల్వే శాఖను తీసుకోవాలని డిమాండ్‌ చేశారు.శృతి అనే మహిళ సామాజిక మాధ్యమం ఎక్స్‌లో ఈ ఘటనకు సంబంధించిన రెండు వీడియోలను పోస్టు చేశారు. రైలు నంబర్‌ 13071 (హౌరా–జమాల్‌పూర్‌ ఎక్స్‌ప్రెస్‌)లోని ఏ1 కోచ్‌, 51వ నంబర్‌ సీటులో ప్రయాణిస్తున్న సమయంలో తనను ఎవరో తోసివేశారని, కిందపడటంతో గాయాలయ్యాయని ఆమె ఆరోపించారు. ఈ క్రమంలో తన బంగారు ఆభరణాలు, పాస్‌పోర్ట్‌ కనిపించకుండా పోయాయని పేర్కొన్నారు.ఏసీ కోచ్‌లలోనే ప్రయాణికులకు భద్రత లేకపోతే అధిక ధరలు చెల్లించి టికెట్లు ఎందుకు కొనాలని ఆమె ప్రశ్నించారు. ఘటన జరిగిన సమయంలో ఫిర్యాదు చేసేందుకు రైల్వే అధికారి కూడా అందుబాటులో లేరని ఆవేదన వ్యక్తం చేశారు. అదే రైలులోని మరో కోచ్‌లోనూ ఇలాంటి ఘటన జరిగినట్లు ఆమె ప్రస్తావించారు. రైల్వే మంత్రిత్వ శాఖ, రైల్వే సేవ అధికారిక ఖాతాలను ట్యాగ్ చేస్తూ ఈ ఘటనపై బాధ్యత తీసుకుని అత్యవసర చర్యలు తీసుకోవాలని డిమాండ్ చేశారు.ఈ సంఘటన సోషల్ మీడియా వినియోగదారుల నుంచి పెద్ద ఎత్తున స్పందనలను రేకెత్తించింది. చాలా మంది భారతీయ రైళ్లలో ప్రయాణికుల భద్రత, సేఫ్టీ గురించి ఆందోళన వ్యక్తం చేశారు.కాగా ఈ పోస్టుపై రైల్వే అధికారిక ఫిర్యాదుల ఖాతా ‘రైల్వే సేవ’ స్పందించింది. ప్రయాణ వివరాలు, పీఎన్‌ఆర్‌ లేదా యూటీఎస్‌ నంబర్‌, మొబైల్‌ నంబర్‌ను డైరెక్ట్‌ మెసేజ్‌ ద్వారా పంపాలని సూచించింది. అలాగే రైల్‌ మదద్‌ పోర్టల్‌లో ఫిర్యాదు చేయాలని లేదా 139 హెల్ప్‌లైన్‌కు కాల్‌ చేయాలని తెలిపింది.తదనంతరం శృతి ఫిర్యాదు రైల్‌ మదద్‌లో నమోదైనట్లు, ఫిర్యాదు నంబర్‌ను ఎస్‌ఎంఎస్‌ ద్వారా పంపినట్లు రైల్వే సేవ వెల్లడించింది. ఈ విషయాన్ని తదుపరి చర్యల కోసం సంబంధిత అధికారులకు పంపినట్లు రైల్వే ప్రొటెక్షన్‌ ఫోర్స్‌ (ఆర్‌పీఎఫ్‌) కూడా తెలిపింది.ఇదీ చదవండి: రైల్వే టికెట్‌ రిజర్వేషన్‌లో కీలక మార్పులు రాబోతున్నాయా?I was deliberately pushed and robbed of gold jewellery & my passport aboard Train 13071 Coach A1 Seat 51 near Sahibganj, fell & injured. Request urgent investigation & accountability. @RailMinIndia @RailwaySeva https://t.co/9cqSJve1Qf— shruti (@furrymomneds) November 13, 2026

భారతీయ కార్పొరేట్‌ దిగ్గజం టాటా గ్రూప్‌లో పాలనా వ్యవహారాలు, బోర్డు నిర్ణయాల పారదర్శకత మరోసారి చర్చనీయాంశంగా మారాయి. టాటా సన్స్‌ ఛైర్మన్‌ నోయల్‌ టాటా చేసిన అభ్యర్థనను సంస్థ తిరస్కరించినట్లు కథనాలొస్తున్నాయి. టాటా గ్రూప్‌ వంటి అంతర్జాతీయ వ్యాపార సామ్రాజ్యంలో బోర్డు సమావేశాల నిర్వహణ, కీలక నిర్ణయాల నమోదు, డైరెక్టర్ల మధ్య సమాచార మార్పిడి ఎంత ప్రాధాన్యమైనవో ఈ పరిణామం మరోసారి స్పష్టం చేస్తోంది. ఈ వ్యవహారం కంపెనీ బోర్డు సమావేశాల్లో చర్చించే అంశాలు వ్యూహాత్మక వ్యాపార నిర్ణయాలకు సంబంధించింది కావడంతో వాటి రికార్డింగ్‌ విషయంలో గోప్యత కీలకంగా మారుతుంది.ఏం జరిగిందంటే..2026 సెప్టెంబర్‌ 17న జరిగిన టాటా సన్స్‌ బోర్డు సమావేశమే ఈ వివాదానికి మూలం. ఈ సమావేశంలో ఎన్‌.చంద్రశేఖరన్‌ను మరో ఐదేళ్ల కాలానికి ఎగ్జిక్యూటివ్‌ ఛైర్మన్‌గా తిరిగి నియమిస్తూ నిర్ణయం తీసుకున్నారు. 2017 నుంచి టాటా గ్రూప్‌ నాయకత్వ బాధ్యతలు నిర్వహిస్తున్న చంద్రశేఖరన్‌కు రెండో విడత పదవీకాలం కల్పించే ఈ నిర్ణయాన్ని నోయల్‌ టాటా వ్యతిరేకించారు. బోర్డులో ఈ నిర్ణయాన్ని వ్యతిరేకించిన ఏకైక డైరెక్టర్‌ ఆయనే కావడం గమనార్హం.ఈ నేపథ్యంలో సమావేశంలో అసలు ఏం చర్చ జరిగింది? పునర్నియామక ప్రతిపాదన ఏ విధంగా బోర్డు ముందుకు వచ్చింది? తన అభ్యంతరాలను సమావేశంలో ఎలా పరిగణించారు? వంటి అంశాలపై స్పష్టత కోసం నోయల్‌ టాటా పలుమార్లు సంస్థను సంప్రదించారు. సెప్టెంబర్‌ 18, సెప్టెంబర్‌ 30, అక్టోబర్‌ 8, అక్టోబర్‌ 26 తేదీల్లో లేఖల ద్వారా సమావేశానికి సంబంధించిన ఆడియో, వీడియో రికార్డింగులను అందించాలని కోరారు. అక్టోబర్‌ 26న పంపిన లేఖలో పునర్నియామక నిర్ణయం తీసుకున్న విధానంపైనా ఆయన అభ్యంతరాలు వ్యక్తం చేశారు.టాటా సన్స్‌ సమాధానంనోయల్‌ అభ్యర్థనకు టాటా సన్స్‌ కంపెనీ సెక్రటరీ సుప్రకాశ్‌ ముఖోపాధ్యాయ నవంబర్‌ 9న రాతపూర్వకంగా స్పందించారు. వ్యక్తిగతంగా హాజరై నిర్వహించే బోర్డు సమావేశాల ఆడియో, వీడియో రికార్డింగులను డైరెక్టర్లకు అందించే విధానం సంస్థలో గతంలో లేదని స్పష్టం చేశారు. ఒకరు లేదా అంతకంటే ఎక్కువ మంది డైరెక్టర్లు ఆన్‌లైన్‌ ద్వారా సమావేశానికి హాజరైనప్పుడు వీడియో రికార్డింగ్‌ తప్పనిసరి అవుతుందని, ప్రత్యక్ష సమావేశాల విషయంలో అలాంటి నిబంధన లేదని సంస్థ వివరించింది.అంతేకాకుండా, సెప్టెంబర్‌ 17 సమావేశానికి సంబంధించిన ముసాయిదా మినిట్స్‌ను అక్టోబర్‌ 1న బోర్డు యాప్‌లో అప్‌లోడ్‌ చేసినట్లు తెలిపింది. డైరెక్టర్ల సూచనలను పరిశీలించి మార్పులు చేసినట్లు పేర్కొంది. చంద్రశేఖరన్‌ పునర్నియామకానికి సంబంధించిన తీర్మానాన్ని కంపెనీ చట్టంలోని సెక్షన్‌ 117 ప్రకారం రిజిస్ట్రార్‌ ఆఫ్‌ కంపెనీస్‌కు సమర్పించినట్లు కూడా వెల్లడించింది.అసలు విభేదం ఏమిటి?టాటా సన్స్‌ స్టాక్‌ మార్కెట్‌లో లిస్టింగ్‌ కావాలా వద్దా అన్నది ప్రధాన అంశం. రిజర్వ్‌ బ్యాంక్‌ ఆఫ్‌ ఇండియా నిబంధనల ప్రకారం ఐపీఓ లిస్టింగ్‌ అవసరమయ్యే పరిస్థితిని చంద్రశేఖరన్‌ ప్రస్తావిస్తుండగా, లిస్టింగ్‌ను నివారించేందుకు తగిన చర్యలు తీసుకోలేదన్నది నోయల్‌ టాటా అభిప్రాయంగా వార్తా కథనాలు వెల్లడించాయి. చంద్రశేఖరన్‌ నాయకత్వంలో చేపట్టిన డిజిటల్‌ వ్యాపారాలు, ఎయిరిండియా, ఎలక్ట్రానిక్స్‌ రంగంలో పెట్టుబడుల పనితీరుపైనా నోయల్‌ టాటా ప్రశ్నలు లేవనెత్తినట్లు తెలుస్తోంది.ఇదీ చదవండి: ఏడాది తిరగకముందే బిజినెస్‌ మూసివేత.. కట్‌ చేస్తే..

రోజూ ఎక్కువగా ఇంటర్నెట్ ఉపయోగించేవారిని దృష్టిలో ఉంచుకుని రిలయన్స్ జియో రూ.1,199 రీఛార్జ్ ప్లాన్ తీసుకొచ్చింది. ఈ ప్లాన్‌లో రోజుకు 3GB డేటాతో పాటు అన్‌లిమిటెడ్ కాలింగ్, ఎస్‌ఎంఎస్‌లు, ఓటీటీ సబ్‌స్క్రిప్షన్లు కూడా లభిస్తున్నాయి. ఈ ప్లాన్ గురించి పూర్తి వివరాలు ఈ కథనంలో తెలుసుకుందాం.రూ.1199 రీఛార్జ్ చేసుకుంటే.. రోజుకు 3జీబీ చొప్పున, మొత్తం 252 జీబీ డేటా పొందవచ్చు. అంతే కాకుండా దేశంలోని అన్ని నెట్‌వర్క్‌లకు అన్‌లిమిటెడ్ వాయిస్ కాలింగ్ లభిస్తుంది. రోజుకు ఎస్‌ఎంఎస్‌లు పొందవచ్చు. ప్లాన్ వ్యాలిడిటీ 84 రోజులు. దీంతో ప్రతి నెలా రీఛార్జ్ చేసుకునే అవసరం లేకుండా.. దాదాపు మూడు నెలల పాటు సేవలను ఉపయోగించుకోవచ్చు.ఇక ఈ ప్లాన్‌లో డేటా, కాలింగ్‌తో పాటు మరికొన్ని అదనపు ప్రయోజనాలు కూడా ఉన్నాయి. ఇందులో జియోహాట్‌స్టార్ మొబైల్ + హాలీవుడ్, 50 జీబీ జియోఏఐక్లౌడ్ ఫ్రీ స్టోరేజ్ ఉన్నాయి. అంతే కాకుండా.. రూ.1,590 విలువైన కాన్వా ప్రో లైట్ సబ్‌స్క్రిప్షన్‌ను 12 నెలల పాటు ఉచితంగా పొందవచ్చు. అర్హత కలిగిన వినియోగదారులకు అన్‌లిమిటెడ్ 5జీ డేటా ప్రయోజనం కూడా ఉంటుంది.రూ.1299 ప్లాన్ వివరాలుకాగా.. రిలయన్స్ జియో రూ.1,299 ప్లాన్ కూడా అందిస్తోంది. రూ.1,199 ప్లాన్‌తో పోలిస్తే మరో రూ.100 అదనంగా చెల్లిస్తే నెట్‌ఫ్లిక్స్ మొబైల్ సబ్‌స్క్రిప్షన్ లభిస్తుంది. అయితే.. ఇందులో రోజుకు 2జీబీ డేటా మాత్రమే లభిస్తుంది. కాబట్టి ఎక్కువ డేటా కావాలనుకునేవారు రూ.1,199 ప్లాన్‌ను, నెట్‌ఫ్లిక్స్ కావాలనుకునేవారు రూ.1,299 ప్లాన్‌ను ఎంచుకోవచ్చు.ఇదీ చదవండి: EPFO అలర్ట్.. నవంబర్ 15లోగా ఈ పని పూర్తి చేయాల్సిందే!

న్యూఢిల్లీ: దేశంలో ఆపరేట్‌ చేసే శాటిలైట్‌ కమ్యూనికేషన్స్‌కు సంబంధించి పూర్తి నియంత్రణాధికారాలు (కిల్‌ స్విచ్‌) ప్రభుత్వం చేతిలోనే ఉండాలని భారతి ఎయిర్‌టెల్‌ వ్యవస్థాపకుడు, చైర్మన్‌ సునీల్‌ మిట్టల్‌ పేర్కొన్నారు. ఒకే విదేశీ సర్వీస్ ప్రొవైడర్‌పై ఆధారపడితే దేశ భద్రతకు ముప్పేనని హెచ్చరించారు.భారత్‌లో శాటిలైట్‌ బ్రాడ్‌బ్యాండ్‌ సర్వీసులను ప్రారంభించే విషయంలో భద్రతాపరమైన పరిస్థితులను ప్రభుత్వం నిశితంగా పరిశీలిస్తున్న నేపథ్యంలో మిట్టల్‌ వ్యాఖ్యలు ప్రాధాన్యం సంతరించుకున్నాయి. కాగా, ఎలాన్‌ మస్క్‌ స్టార్‌లింక్‌తో పాటు రిలయన్స్‌ జియో, మిట్టల్‌కు చెందిన యూటెలిశాట్‌ వన్‌వెబ్‌ కూడా వాణిజ్యపరంగా సర్వీసులు మొదలుపెట్టేందుకు నియంత్రణపరమైన అనుమతుల కోసం వేచిచూస్తున్నాయి.ఈ నేపథ్యంలో ఇటీవలే మస్క్.. భారత్‌లో తమ స్టార్‌లింక్‌ ఎంట్రీకి కొన్ని వ్యాపార శక్తులు అడ్డుపడుతున్నాయంటూ నేరుగా ముకేశ్‌ అంబానీని టార్గెట్‌ చేయడం తెలిసిందే. ‘కిల్‌ స్విచ్‌ అనేది ఎక్కడో ఉంటే కుదరదు. తమ సొంత అంతరిక్ష కార్యకలాపాలపై నియంత్రణంతా భారత్‌ వద్దే ఉండాలి. శాట్‌కామ్‌ లైసెన్స్‌ అలాగే నిర్వహణపరమైన అనుమతి మధ్య వ్యత్యాసమే ఈ వివాదానికి కారణం. లైసెన్సు ఉన్నంత మాత్రాన వాణిజ్య సేవలకు ఆటోమేటిక్‌గా అనుమతించినట్లు కాదు. సర్వీసుల ప్రారంభానికి ముందు స్పెక్ట్రమ్‌ కేటాయింపు, భద్రతాపరమైన అవసరాలకు అనుగుణంగా నడుచుకోవడం తప్పనిసరి’ అని భారతి ఎంటర్‌ప్రైజెస్‌ 50వ వార్షికోత్సవం సందర్భంగా పీటీఐ వార్తాసంస్థకు ఇచ్చిన ఇంటర్వ్యూలో మిట్టల్‌ స్పష్టం చేశారు.మూడేళ్ల క్రితమే వన్‌వెబ్‌ రెడీవన్‌వెబ్, జియో, మస్క్‌ స్టార్‌లింక్‌ ఇప్పటికే భారత్‌లో శాట్‌కామ్‌ లైసెన్సులను దక్కించుకున్నాయి. అయితే, శాట్‌కామ్‌ ఆపరేటర్లందరూ కచ్చితంగా నియత్రణపరమైన, భద్రతాపరమైన నిబంధనలన్నింటినీ పాటించాల్సిందేనని భారత ప్రభుత్వం చెబుతోంది. దానికనుగుణంగానే తుది నిర్వహణ అనుమతుల జారీ ఉంటుందని కూడా తేల్చి చెప్పింది. అన్ని కంపెనీలకు నిబంధనలు ఒకేలా వర్తిస్తాయని కూడా స్పష్టం చేస్తోంది. కాగా, మూడేళ్ల క్రితమే తమ వన్‌వెబ్‌ గ్రౌండ్‌ ఇన్‌ఫ్రా సిద్ధమైందని, ఐదేళ్లుగా శాటిలైట్లు భారత్‌ మీదుగా తిరుగుతున్నాయని.. అయినప్పటికీ వాణిజ్య సర్వీసులను ప్రారంభించేందుకు ప్రభుత్వ సిగ్నల్‌ కోసం నిరీక్షిస్తున్నామని మిట్టల్‌ చెప్పారు.ఇదీ చదవండి: అమెరికాలో ఒక్కసారిగా ఆగిన విమానాలు.. అసలేం జరిగింది?

ఆధునిక సాంకేతిక పరిజ్ఞానంతో రూపొందించిన అమృత్ భారత్ 3.0 కొత్తశ్రేణి రైళ్లు త్వరలో అందుబాటులోకి రానున్నాయి. ప్రస్తుతం ఛాత్ పండుగ సందర్భంగా న్యూఢిల్లీ నుంచి పట్నాకు ఈ రైలును ప్రవేశపెట్టారు. త్వరలో చర్లపల్లి నుంచి పట్నా మధ్య ఈ మూడో శ్రేణి అమృత్ భారత్ పట్టాలెక్కనుంది. ఇప్పటి వరకు అమృత్ భారత్ మొదటి, ద్వితీయ శ్రేణికి చెందినవి పూర్తిగా నాన్ ఏసీ రైళ్లు కాగా, కొత్త వెర్షన్ రైళ్లు ఏసీ సదుపాయంతో రానున్నాయి.ప్రస్తుతం సికింద్రాబాద్ నుంచి పట్నాకు దానాపూర్, చర్లపల్లి నుంచి ముజఫర్‌పూర్ వరకు బై వీక్లీ రైళ్లు నడుస్తున్నాయి. కానీ.. ఈ మార్గంలో ప్రతి రోజు లక్షలాది మంది రాకపోకలు సాగిస్తున్నారు. దీపావళి, ఛాత్ వంటి పండుగ సమయాల్లోనే కాకుండా అన్ని రోజుల్లోనూ దానాపూర్ ప్రయాణికులతో కిక్కిరిసిపోతోంది. ఈ క్రమంలో చర్లపల్లి నుంచి రెగ్యులర్‌గా రాకపోకలు సాగించేందుకు అమృత్ భారత్ 3.0 రైలును ప్రవేశపెట్టనున్నట్లు అధికారులు తెలిపారు. దీంతో సాధారణ ప్రయాణికులతో పాటు అయోధ్య, వారణాసి తదితర పుణ్యక్షేత్రాలకు వెళ్లే భక్తులకూ ఊరట లభించనుంది.ఇవీ ప్రత్యేకతలు..అమృత్ భారత్ 3.0 రైళ్లలో మొత్తం 22 బోగీలు ఉంటాయి. ఒక ఫస్ట్ ఏసీ, రెండు సెకండ్ ఏసీ, 6 థర్డ్ ఏసీ బోగీలు ఉంటాయి. అలాగే 6 స్లీపర్ క్లాస్, 4 సాధారణ బోగీలతో పాటు దివ్యాంగుల కోసం మరో బోగీను జత చేశారు.ఈ రైళ్లు గరిష్ఠంగా గంటకు 130 కి.మీ. వేగంతో నడిచే ట్రాక్ సామర్థ్యాన్ని కలిగి ఉన్నప్పటికీ సగటు వేగం 55 కి.మీ.ఈ కొత్త వెర్షన్‌లో మొబైల్ చార్జింగ్ సదుపాయం, ఫోల్డింగ్ టేబుళ్లు, చదువుకునేందుకు ఎల్‌ఈడీ లైట్లు ఉంటాయి.అధునాతన సెన్సర్ బటన్‌తో పని చేసే బయో టాయిలెట్ సదుపాయం ఉంటుంది.ఇదీ చదవండి: ఏడాది తిరగకముందే బిజినెస్‌ మూసివేత.. కట్‌ చేస్తే..

వ్యాపార ప్రపంచంలో వైఫల్యం అనేది ముగింపు కాదు, అది ఒక కొత్త ఆరంభానికి పునాది అని నిరూపించారు గుజరాత్‌కు చెందిన ప్రముఖ పారిశ్రామికవేత్త, ఏఐఏ ఇంజినీరింగ్ వ్యవస్థాపకులు భద్రేశ్ కాంతిలాల్ షా. తొలి వ్యాపారం ప్రారంభించిన ఏడాదిలోపే పెట్టుబడి మొత్తం కోల్పోయి ఫ్యాక్టరీకి తాళం వేయాల్సిన పరిస్థితి ఎదురైనా ఆయన కుంగిపోలేదు. తండ్రి ఇచ్చిన ఆర్థిక అండ, తన సాంకేతిక పరిజ్ఞానంపై ఉన్న నమ్మకంతో మళ్లీ అడుగులు వేశారు. నేడు సుమారు రూ.35 వేల కోట్ల మార్కెట్ విలువ కలిగిన అంతర్జాతీయ దిగ్గజ సంస్థను నిర్మించి దేశీయ పారిశ్రామిక రంగానికే ఆదర్శంగా నిలిచారు.డాక్టర్ల కుటుంబం నుంచి ఇంజినీరింగ్ వైపు..1951 అక్టోబర్ 7న వైద్యుల కుటుంబంలో జన్మించిన భద్రేశ్ షా కుటుంబ సంప్రదాయానికి భిన్నంగా ఇంజినీరింగ్ రంగాన్ని ఎంచుకున్నారు. ప్రతిష్టాత్మక ఐఐటీ కాన్పూర్ నుంచి మెటలర్జికల్ ఇంజినీరింగ్ పూర్తి చేసి 1976లో గుజరాత్‌లో ఒక చిన్న ఫౌండ్రీని స్థాపించారు. కంప్రెషర్లు, వస్త్ర పరిశ్రమలకు అవసరమైన మెటల్ కాస్టింగ్స్ తయారు చేయాలన్నది ఆయన లక్ష్యం. ఇందుకోసం సెంట్రల్ బ్యాంక్ ఆఫ్ ఇండియా నుంచి రుణం తీసుకోవడంతో పాటు తండ్రి నుంచి కొంత పెట్టుబడి సమకూర్చుకున్నారు. అయితే, తొలి ప్రయత్నంలోనే ఆయనకు చేదు అనుభవం ఎదురైంది. తయారు చేసిన ఉత్పత్తులు వినియోగదారుల నాణ్యతా ప్రమాణాలకు అనుగుణంగా లేకపోవడంతో ఏడాది తిరగకముందే ఆ పరిశ్రమ మూతపడింది. పెట్టిన పెట్టుబడి మొత్తం ఆవిరైపోయింది.సాంకేతికతను నమ్ముకుని..ఈ పరాజయం భద్రేశ్ షా ఆలోచనా విధానాన్ని పూర్తిగా మార్చివేసింది. సాధారణ మెటల్ కాస్టింగ్స్ మార్కెట్‌లో ధరల పోటీ విపరీతంగా ఉంటుందని, ప్రత్యేక సాంకేతిక నైపుణ్యంతో కూడిన ఉత్పత్తుల్లోనే అసలైన భవిష్యత్తు ఉందని గ్రహించారు. 1977లో పవర్ ప్లాంట్లకు అవసరమైన రీప్లేస్‌మెంట్ విడిభాగాల తయారీపై దృష్టి సారించారు. 1978 నవంబర్ 4న ‘అహ్మదాబాద్ ఇండక్షన్ అల్లాయ్స్ ప్రైవేట్ లిమిటెడ్’ను స్థాపించారు. బొగ్గు, ఇతర ఖనిజాలను గ్రైండ్ చేసే యంత్రాలకు అవసరమైన ప్రత్యేక స్టీల్ అల్లాయ్స్, ఐరన్ కాస్టింగ్స్ తయారీలో నాణ్యతకు పెద్దపీట వేశారు.అంతర్జాతీయ ఒప్పందాలు1988లో బెల్జియంకు చెందిన స్లెగ్టెన్ సంస్థతో సాంకేతిక సహకార ఒప్పందం కుదుర్చుకోవడం సంస్థకు కీలక మలుపు. ఆ తర్వాత అమెరికన్ సంస్థలతోనూ భాగస్వామ్యాలు ఏర్పరుచుకున్నారు. 1991లో బెల్జియం కంపెనీ మాగోటోక్స్‌తో జాయింట్ వెంచర్ ఏర్పాటు చేయడంతో అత్యున్నతమైన ‘హైక్రోమియం’ సాంకేతికత అందుబాటులోకి వచ్చింది.రూ.40 కోట్లతో తిరిగి సంస్థపై పట్టుమాగోటోక్స్‌తో ఏర్పాటు చేసిన జాయింట్ వెంచర్‌లో విదేశీ సంస్థకు 51 శాతం మెజారిటీ వాటా ఉండేది. క్రమేణా వ్యాపార వ్యూహాల విషయంలో విదేశీ భాగస్వామితో భద్రేశ్ షాకు విభేదాలు తలెత్తాయి. దీంతో ఆయన వెనక్కి తగ్గకుండా కంపెనీ లా బోర్డును ఆశ్రయించి న్యాయపోరాటం చేశారు. చివరకు 2000 సంవత్సరంలో కుదిరిన ఒప్పందం మేరకు సుమారు రూ.40 కోట్లు చెల్లించి మాగోటోక్స్ వాటాను కొనుగోలు చేశారు. సంస్థపై పూర్తి నియంత్రణ సాధించిన అనంతరం కంపెనీ పేరును ఏఐఏ ఇంజినీరింగ్ లిమిటెడ్‌గా మార్చారు.ఆ తర్వాత సంస్థ విస్తరణ వేగవంతమైంది. 2003లో బ్రిటన్‌కు చెందిన వేగా ఇండస్ట్రీస్‌ను కొనుగోలు చేసి అమెరికా, కెనడా, చిలీ, ఘనా, ఆస్ట్రేలియా, పెరూ దేశాల్లో విక్రయాలను విస్తరించారు. 2005లో పబ్లిక్ ఇష్యూకు వెళ్లి రూ.148.05 కోట్లు సమీకరించగా ఈ ఇష్యూ ఏకంగా 27.30 రెట్లు ఓవర్ సబ్‌స్క్రైబ్ కావడం మార్కెట్‌లో ఈ సంస్థకున్న క్రేజ్‌కు నిదర్శనం.మైనింగ్ రంగంలోకి ప్రవేశం2009లో మైనింగ్ పరిశ్రమకు అవసరమైన హైక్రోమియం గ్రైండింగ్ మీడియా, మిల్ ఇన్‌టర్నల్స్ సరఫరా ప్రారంభించడం ఏఐఏ ఇంజినీరింగ్‌ను ప్రపంచ స్థాయికి తీసుకెళ్లింది. ఇనుప ఖనిజం, సిమెంట్, థర్మల్ పవర్ ప్లాంట్లలో యంత్రాల నిర్వహణ వ్యయాన్ని తగ్గించే మన్నికైన విడిభాగాలను అందిస్తున్నట్ల అధికారులు చెప్పారు.లాభాల వెల్లువ2025-26 ఆర్థిక సంవత్సరంలో రూ.1,270.16 కోట్ల నికర లాభాన్ని ఆర్జించి కంపెనీ తన సత్తా చాటుకుంది. ప్రస్తుత ఆర్థిక సంవత్సరం (2026-27) తొలి అర్ధభాగంలో ఆదాయం రూ.2,280.79 కోట్లకు పెరిగినప్పటికీ ముడిసరుకు వ్యయాలు ఇతరత్రా కారణాలతో నికర లాభం రూ.550.43 కోట్ల వద్ద కొంత ఒత్తిడిని ఎదుర్కొంది. అయినప్పటికీ, అక్టోబర్ 2026 చివరి నాటికి కంపెనీ మార్కెట్ విలువ సుమారు రూ.34,700 కోట్ల నుంచి రూ.35,000 కోట్ల మధ్య స్థిరంగా కొనసాగుతోంది.ఇదీ చదవండి: ఓపెన్‌ఏఐ, గూగుల్‌, ఆంత్రోపిక్‌పై కోర్టులో పిటిషన్‌!

మైక్రోసాఫ్ట్ ఎదుర్కొన్న సాంకేతిక సమస్య కారణంగా.. ప్రపంచవ్యాప్తంగా కోట్లాది మంది వినియోగదారులు పలు సేవలను ఉపయోగించుకోలేకపోయారు. అవుట్‌లుక్‌, మైక్రోసాఫ్ట్ టీమ్స్, కోపైలెట్ వంటి ముఖ్యమైన సేవలు దాదాపు 18 గంటల పాటు సరిగ్గా పనిచేయకపోవడంతో.. ఈ అంతరాయం ప్రపంచవ్యాప్తంగా 74కు పైగా దేశాలపై ప్రభావం చూపింది. దీంతో ప్రపంచవ్యాప్తంగా వ్యాపార సంస్థలు, విద్యాసంస్థలు, ప్రభుత్వ కార్యాలయాలు, విమానయాన సంస్థలు తీవ్ర ఇబ్బందులను ఎదుర్కొన్నాయి.ఈ సమస్య కారణంగా.. ఉద్యోగులు తమ ఆఫీస్ పనులు చేయలేకపోయారు. విద్యార్థులు, ప్రభుత్వ ఉద్యోగులు, వ్యాపార సంస్థలు కూడా ఇబ్బందులను ఎదుర్కోవాల్సి వచ్చింది. ముఖ్యంగా అవుట్‌లుక్‌ ద్వారా ఈమెయిల్స్ పంపడం, స్వీకరించడం సాధ్యం కాకపోవడం, మైక్రోసాఫ్ట్ టీమ్స్ ద్వారా ఆన్‌లైన్ మీటింగ్స్ నిర్వహించలేకపోవడం వంటి సమస్యలు ఎదురయ్యాయి. అయితే ఈ అంతరాయానికి సైబర్ దాడి లేదా ఏఐ ఏజెంట్స్ కారణం కాదని మైక్రోసాఫ్ట్ స్పష్టం చేసింది.గతంలో సంస్థ నెట్‌వర్క్ సామర్థ్యాన్ని పెంచేందుకు చేపట్టిన అప్‌గ్రేడ్ సమయంలో ఏర్పడిన సాంకేతిక లోపం, ఇటీవల నెట్‌వర్క్‌లో చేసిన మార్పు కారణంగా ఈ సమస్య తలెత్తినట్లు మైక్రోసాఫ్ట్ పేర్కొంది.ఆంథ్రోపిక్, ఓపెన్ ఏఐపై ప్రభావంమైక్రోసాఫ్ట్ సమస్య విమానయాన రంగాన్ని ప్రభావితం చేసింది. ప్రపంచవ్యాప్తంగా విమాన కార్యకలాపాల్లో ఇబ్బందులు తలెత్తడంతో కొన్ని విమానయాన సంస్థలు ప్రయాణికులకు ముందస్తు సూచనలు జారీ చేశాయి. భారతదేశంలోని ప్రముఖ విమానయాన సంస్థలు కూడా ప్రయాణికులను అప్రమత్తం చేశాయి. మరోవైపు ఓపెన్ ఏఐ, ఆంథ్రోపిక్ వంటి సంస్థలు ఉపయోగించే కొన్ని ఏఐ సర్వీస్ కనెక్టర్లపైనా ఈ అంతరాయం ప్రభావం చూపింది.డౌన్‌డిటెక్టర్‌ గణాంకాలుఅవుట్‌లుక్‌ సేవపై వచ్చిన ఫిర్యాదులు.. అమెరికా కాలమానం ప్రకారం మధ్యాహ్నం 1 గంట సమయంలో ఏకంగా 1,38,058కు చేరుకున్నాయి. ఆ తర్వాత క్రమంగా తగ్గుతూ గురువారం సాయంత్రానికి 34,490కు చేరాయి. మైక్రోసాఫ్ట్ 365, టీమ్స్ సేవలపై కూడా వేల సంఖ్యలో ఫిర్యాదులు నమోదయ్యాయని డౌన్‌డిటెక్టర్‌ గణాంకాలు పేర్కొన్నాయి.మైక్రోసాఫ్ట్ స్పందనఈ ఘటనపై మైక్రోసాఫ్ట్ స్పందిస్తూ.. వినియోగదారులు, భాగస్వాములకు క్షమాపణలు చెప్పింది. సమస్యకు కారణమైన సాంకేతిక లోపాన్ని గుర్తించి పరిష్కరించామని, సేవలను తిరిగి అందుబాటులోకి తీసుకొస్తున్నామని ప్రకటించింది. అయితే.. అన్ని సేవలను ఒకేసారి పునరుద్ధరించకుండా, ఒక్కో దశలో తిరిగి ప్రారంభించి అవి సక్రమంగా పనిచేస్తున్నాయో లేదో పరిశీలించినట్లు తెలిపింది.ఇదీ చదవండి: ముగ్గురు స్నేహితుల సాహసం.. లక్షల కోట్ల వ్యాపార సామ్రాజ్యం!ప్రస్తుతం తమ సేవలు చాలా వరకు సాధారణ స్థితికి చేరుకున్నాయని మైక్రోసాఫ్ట్ వెల్లడించింది. ఈ ఘటనకు సంబంధించి పూర్తి స్థాయి విచారణ పూర్తయిన తర్వాత, సమస్య ఎలా ఏర్పడింది, దాని ప్రభావం ఎంతవరకు ఉంది, భవిష్యత్తులో ఇలాంటి సమస్యలు రాకుండా ఎలాంటి చర్యలు తీసుకుంటామనే వివరాలతో కూడిన నివేదికను విడుదల చేస్తామని తెలిపింది.We are deeply sorry for the disruption this incident has caused our customers and partners. We know the trust they place in our services and take that responsibility extremely seriously. We are seeing broad recovery and stability across our services. This was a technical issue not related to cyber or AI / agents. The incident was introduced by an issue during an earlier network capacity upgrade that surfaced following a recent network change. We have addressed the underlying issue and continue to restore service to remaining customers and regions. Given the scale of demand, we restored services gradually, validating stability at each stage. While this took longer, it helped ensure a stable restoration. We will provide a full post-incident report once our review is complete.— Microsoft (@Microsoft) November 13, 2026

విజయవాడ: రైల్వే ఉద్యోగులకు మెరుగైన బ్యాంకింగ్ సదుపాయాలు, ఆర్థిక ప్రయోజనాలను అందించడానికి సెంట్రల్ బ్యాంక్ ఆఫ్ ఇండియా, దక్షిణ కోస్తా రైల్వే విజయవాడ డివిజన్‌తో ఒక అవగాహన ఒప్పందం (MoU)పై సంతకం చేసింది. రైల్వే ఉద్యోగులకు సౌకర్యవంతమైన బ్యాంకింగ్ సేవలు, శాలరీ ఖాతాలు, రుణ సదుపాయాలు ఇతర విలువ ఆధారిత ప్రయోజనాలను అందించడం ఈ ఒప్పందం ప్రధాన ఉద్దేశం.సెంట్రల్ బ్యాంక్ ఆఫ్ ఇండియా తరపున జోనల్ హెడ్ పిచ్చయ్య, విజయవాడ రీజినల్ హెడ్ వెంకటేశ్వరరావు, గుంటూరు రీజినల్ హెడ్ రమణారావు సమక్షంలో ఈ అవగాహన ఒప్పంద కార్యక్రమం జరిగింది. దక్షిణ కోస్తా రైల్వే విజయవాడ డివిజన్ తరపున ఏడీఆర్ఎం (ADRM) పాల్ ఎనోక్ ఎడ్విన్, సీనియర్ డివిజనల్ పర్సనల్ ఆఫీసర్ ప్రేమ్ కుమార్ లకావత్ (IRPS) కూడా ఈ కార్యక్రమంలో పాల్గొన్నారు.

తెలంగాణలో పెట్టుబడులు పెట్టేందుకు ముందుకు రావాలని పెట్టుబడిదారులు, పారిశ్రామికవేత్తలను రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు ఆహ్వానించారు. రాష్ట్రంలో పరిశ్రమల స్థాపనకు, వ్యాపార విస్తరణకు ప్రభుత్వం అన్ని విధాలా సహకరిస్తుందని భరోసానిచ్చారు. శుక్రవారం హెచ్ఐసీసీలో జరుగుతున్న భారత్ సమ్మిట్-2026లో భాగంగా ఆయన ఇన్ఫ్రాస్ట్రక్చర్, ఎలక్ట్రానిక్స్, ఐటీ/ఐటీఈఎస్, మినరల్స్, ఈఎస్ డీఎం మాన్యుఫ్యాక్చరింగ్, టెలికాం, మొబైల్ మాన్యుఫ్యాక్చరింగ్, ఇంజినీరింగ్, అర్బన్ మొబిలిటీ, బ్యాటరీ సెల్ టెక్నాలజీ & ఎనర్జీ స్టోరేజ్, ట్రేడ్ ఫెసిలిటేషన్, సప్లై చైన్, ఫార్మాస్యూటికల్ మాన్యుఫాక్చరింగ్, వేస్ట్ టూ ఎనర్జీ తదితర రంగాలకు చెందిన పలు ప్రముఖ కంపెనీల ప్రతినిధులతో ప్రత్యేకంగా సమావేశమయ్యారు.వీరిలో టర్కీ, కెనడా, సౌత్ ఆఫ్రికా, యూకే, యూఎస్ఏ ప్రతినిధులు కూడా ఉన్నారు. రాష్ట్రంలో పెట్టుబడులకు, పరిశ్రమల ఏర్పాటుకు ఉన్న విస్తృత అవకాశాలు, పారిశ్రామిక మౌలిక సదుపాయాలు, నైపుణ్యం కలిగిన మానవ వనరులు, అనుకూలమైన పారిశ్రామిక విధానాలను , వివిధ రంగాల్లో అందుబాటులో ఉన్న అవకాశాలను ఈ సందర్భంగా వారికి మంత్రి శ్రీధర్ బాబు వివరించారు. ఎలక్ట్రానిక్స్, తయారీ, ఔషధాలు, క్లీన్ ఎనర్జీ, బ్యాటరీ స్టోరేజ్, అడ్వాన్స్డ్ మాన్యుఫ్యాక్చరింగ్, టెలికాం ఇంజినీరింగ్, ఫార్మా, ఐటీ/ ఐటీఈఎస్ సహా వివిధ రంగాల్లో పెట్టుబడులకు రాష్ట్రం అన్ని రకాలుగా అనుకూలమన్నారు.రాష్ట్రంలో తమ వ్యాపార కార్యకలాపాలను ప్రారంభించడంతో పాటు ఇప్పటికే ఉన్న పరిశ్రమలను విస్తరించేందుకు ముందుకు రావాలని కోరారు. పెట్టుబడులను పరిశ్రమలుగా, పరిశ్రమలను ఉపాధి అవకాశాలుగా మార్చాలన్నదే తమ ప్రభుత్వ సంకల్పమని స్పష్టం చేశారు. కార్యక్రమంలో రాష్ట్ర ప్రభుత్వ ప్రధాన కార్యదర్శి సంజయ్ జాజు, టీజీఐఐసీ ఎండీ శశాంక, పరిశ్రమల శాఖ ప్రత్యేక కార్యదర్శి కృష్ణ ఆదిత్య, పరిశ్రమల శాఖ కమిషనర్ నిఖిల్ చక్రవర్తి, ఇన్వెస్ట్ తెలంగాణ సీఈవో అజిత్ రెడ్డి, ఐటీ శాఖ సంయుక్త కార్యదర్శి అనుదీప్ దురిశెట్టి తదితరులు పాల్గొన్నారు.

రైలు ప్రయాణం అంటే చాలా మందికి ఇష్టమే. అయితే రోజూ లక్షలాది మంది ప్రయాణించే రైళ్లలో కన్ఫమ్‌ సీట్లు, బెర్తులు పొందడం అంత సులువు కాదు. క్లిష్టమైన రైల్వే రిజర్వేషన్‌ వ్యవస్థలో త్వరలో కీలక మార్పులు వచ్చే సూచనలు కనిపిస్తున్నాయి. దశాబ్దాలుగా అమల్లో ఉన్న రిజర్వేషన్ ఎగైనెస్ట్ క్యాన్సిలేషన్ (RAC) సదుపాయాన్ని రద్దు చేసే అంశాన్ని భారతీయ రైల్వే పరిశీలిస్తోంది.ఈ విధానంలో ఇద్దరు ప్రయాణికులకు ఒకే బెర్త్ కేటాయిస్తుండగా.. ఇద్దరి నుంచి పూర్తి టికెట్ ఛార్జీ వసూలు చేస్తున్నారు. సగం బెర్త్ మాత్రమే పొందుతున్న ప్రయాణికుల నుంచి పూర్తి ధర తీసుకోవడం ఎంతవరకు సమంజసమనే ప్రశ్నలు తలెత్తుతున్నాయి. ఈ నేపథ్యంలో ప్రస్తుత విధానాన్ని పునఃపరిశీలించాలని రైల్వే శాఖ భావిస్తున్నట్లు పలు మీడియా కథనాలు వెల్లడించాయి.RAC టికెట్లపై పూర్తి ఛార్జీలు వసూలు చేయడాన్ని పార్లమెంటరీ పబ్లిక్ అకౌంట్స్ కమిటీ (PAC) గతంలో తప్పుబట్టింది. 2026 ఫిబ్రవరిలో పార్లమెంటులో ప్రవేశపెట్టిన నివేదికలో.. చార్ట్ సిద్ధమైన తర్వాత కూడా RAC స్థితిలోనే ఉండి, పూర్తి బెర్త్ పొందని ప్రయాణికులకు టికెట్ ఛార్జీలో కొంత మొత్తాన్ని తిరిగి చెల్లించే విధానం తీసుకురావాలని రైల్వే శాఖకు సూచించింది.RAC వచ్చిందిలా..గతంలో రైల్వే టికెట్ రిజర్వేషన్లు ఎక్కువగా మాన్యువల్ విధానంలో జరిగేవి. టికెట్ల రద్దుతో ఖాళీ అయ్యే బెర్తులను ఎప్పటికప్పుడు గుర్తించి ఇతరులకు కేటాయించే సాంకేతిక వ్యవస్థ అందుబాటులో ఉండేది కాదు. దీంతో ఖాళీ అయ్యే బెర్తులను సమర్థంగా వినియోగించుకోవడానికి RAC విధానాన్ని ప్రవేశపెట్టారు. ఇందులో ఇద్దరు ప్రయాణికులకు ఒక సైడ్ లోయర్ బెర్త్ కేటాయిస్తారు. ఎవరైనా కన్ఫమ్‌ టికెట్‌ను రద్దు చేసుకుంటే.. RAC ప్రయాణికుల్లో ఒకరికి పూర్తి బెర్త్ కేటాయించే అవకాశం ఉంటుంది.RAC బెర్తులను ఇద్దరు పంచుకోవాల్సి రావడం వల్ల రాత్రి ప్రయాణాల్లో ఇబ్బందులు ఎదురవుతున్నాయి. ముఖ్యంగా అపరిచిత పురుషులు, మహిళలకు ఒకే బెర్త్ కేటాయించినప్పుడు మరింత అసౌకర్యం తలెత్తుతోంది. ఈ సమస్యలను దృష్టిలో పెట్టుకుని RAC విధానాన్ని కొనసాగించాలా? ప్రత్యామ్నాయ ఏర్పాట్లు చేయాలా? అనే అంశాలను రైల్వే శాఖ పరిశీలిస్తోంది.ఇదీ చదవండి: ఈ రైళ్లు ఎక్కాలంటే కన్ఫర్మ్‌ టికెట్‌ ఉండాల్సిందే!

భారత క్రికెట్ చరిత్రలో సిక్సర్ల కింగ్‌గా తనకంటూ ఒక ప్రత్యేక గుర్తింపు తెచ్చుకున్న ఆల్‌రౌండర్ యువరాజ్ సింగ్. 2007 టీ20 ప్రపంచకప్‌లో ఒకే ఓవర్‌లో ఆరు సిక్సర్లతో ప్రపంచ క్రికెట్‌ను ఉర్రూతలూగించినా, 2011 వన్డే ప్రపంచకప్‌లో ప్లేయర్ ఆఫ్ ద టోర్నమెంట్‌గా నిలిచి భారత్‌కు 28 ఏళ్ల తర్వాత కప్పు అందించినా.. అది యువరాజ్ ప్రతిభకు ఒక వైపు మాత్రమే. మైదానం వెలుపల ప్రాణాంతక క్యాన్సర్ మహమ్మారితో ఆయన చేసిన పోరాటం, ఆ తర్వాత వ్యాపారవేత్తగా, సామాజిక సేవకుడిగా ఆయన మారిన తీరు నేటి యువతరానికి స్ఫూర్తిదాయకం.మృత్యువును జయించిన సంకల్పం2011 ప్రపంచకప్‌ సమయంలో రక్తం కక్కుతూనే దేశం కోసం ఆడిన యువరాజ్‌కు, ఊపిరితిత్తుల మధ్య భాగంలో అరుదైన జెర్మ్‌ సెల్‌ క్యాన్సర్‌ (మీడియాస్టైనల్‌ సెమినోమా) ఉన్నట్లు నిర్ధారణ అయింది. అమెరికాలో కీమోథెరపీ చికిత్స తీసుకున్న ఆయన మృత్యువును జయించి తిరిగి అంతర్జాతీయ క్రికెట్‌లోకి అడుగుపెట్టడం క్రీడా చరిత్రలోనే ఒక అద్భుతం. ఈ విషయాలను బీసీసీఐ, ఐసీసీ అధికారికంగా ధ్రువీకరించాయి.యువరాజ్ జీవితం నేర్పుతున్న పాఠాలుచిన్నతనంలో రోలర్ స్కేటింగ్‌లో జాతీయ స్థాయి పతకాలు సాధించినప్పటికీ క్రికెట్‌పై పూర్తిగా దృష్టి పెట్టేందుకు తండ్రి సూచన మేరకు స్కేటింగ్‌ను వదులుకున్నారు. ఒక గొప్ప లక్ష్యం కోసం ఇష్టమైన మరో దాన్ని వదులుకోవడానికి సిద్ధపడాలి.ఒత్తిడి సమయాల్లో రాణించాలంటే ముందే కఠోర సాధన చేయాలి. కీలక మ్యాచ్‌ల్లో యువరాజ్ నిలకడకు ఆయన నిరంతర శ్రమే కారణం.సాంకేతిక నైపుణ్యాలతో పాటు మనుషులను అర్థం చేసుకోవడం, క్లిష్ట పరిస్థితుల్లో సరైన నిర్ణయాలు తీసుకోవడం కెరీర్‌కు ఎంతో ముఖ్యం.2007 టీ20 ప్రపంచకప్‌లో ఆండ్రూ ఫ్లింటాఫ్‌తో జరిగిన వాగ్వాదం తర్వాత ఆగ్రహాన్ని అదుపులో ఉంచుకుని స్టువర్ట్ బ్రాడ్ బౌలింగ్‌లో వరుసగా ఆరు సిక్సర్లు బాదారు. కోపాన్ని విధ్వంసంగా కాకుండా లక్ష్యసాధనకు ఇంధనంగా వాడుకోవాలి.క్యాన్సర్ చికిత్స సమయంలో తాను అనుభవించిన వేదన మరెవరికీ కలగకూడదనే ఉద్దేశంతో సామాజిక సేవ వైపు అడుగులు వేశారు.సమస్యను స్వయంగా ఎదుర్కొన్న వారికే దాని పరిష్కారం బాగా తెలుస్తుంది. ఆరోగ్య రంగంలో ఉన్న లోపాలను గుర్తించిన ఆయన ఆ రంగాల్లోనే స్టార్టప్‌లను ప్రోత్సహించారు.వ్యాపార విజయాలను సామాజిక కార్యక్రమాలకు అనుసంధానించడం ద్వారా సేవా కార్యక్రమాలకు శాశ్వత ఆర్థిక భరోసా కల్పించవచ్చని నిరూపించారు.వ్యాపారవేత్తగా, సేవకుడిగా కొత్త ఇన్నింగ్స్క్రికెట్‌కు వీడ్కోలు పలికిన తర్వాత యువరాజ్ YouWeCan Ventures ద్వారా ఆరోగ్య సంరక్షణ, డయాగ్నస్టిక్స్, పోషకాహార రంగాల్లోని స్టార్టప్‌ల్లో పెట్టుబడులు పెట్టారు. Healthians, Wellversed వంటి సంస్థలకు అండగా నిలిచారు. మరోవైపు, ఆయన స్థాపించిన YouWeCan Foundation అధికారిక సమాచారం ప్రకారం.. క్యాన్సర్‌పై అవగాహన కల్పించడం, ముందస్తు పరీక్షలు నిర్వహించడం, పేద రోగులకు చికిత్స అందించడంలో కీలక పాత్ర పోషిస్తోంది.రూ.291 కోట్ల సంపదపై స్పష్టతకొన్ని నివేదికల ప్రకారం, యువరాజ్ సింగ్ నికర సంపద సుమారు రూ.291 కోట్లుగా ఉంటుందని అంచనా వేసింది. అయితే, యువరాజ్ వ్యక్తిగత ఆస్తులు లేదా ఆదాయానికి సంబంధించి ఆయన తరఫున ఎలాంటి అధికారిక ఆర్థిక ప్రకటన వెలువడలేదు కాబట్టి, దీనిని కేవలం అంచనాగా మాత్రమే చూడాలి. అంకెలు, ఆస్తుల విలువ ఎలా ఉన్నా కష్టాలను చూసి కుంగిపోకుండా వాటినే తన బలంగా మార్చుకుని మైదానంలోనే కాకుండా నిజ జీవితంలోనూ విజేతగా నిలిచిన యువరాజ్ సింగ్ ప్రయాణం ప్రతి ఒక్కరికీ స్ఫూర్తిదాయకం.ఇదీ చదవండి: రూ.130 కోట్లకు అమ్ముడైన గోల్కొండ వజ్రం

లిథియం అయాన్‌ బ్యాటరీ బ్లాక్‌ మాస్‌ ఎగుమతులపై కేంద్ర ప్రభుత్వం తాజాగా నిషేధం విధించింది. తద్వారా దేశీయంగా రీసైక్లింగ్‌కు మద్దతివ్వడంతోపాటు.. కీలక మినరల్స్‌ రికవరీకి వీలు కల్పించనుంది. లిథియం అయాన్‌ బ్యాటరీలు, బ్యాటరీ తయారీ వేస్ట్‌ నుంచి పౌడర్‌ రూపంలో సేకరించే మెటీరియల్‌ పేరే బ్లాక్‌ మాస్‌. లిథియం, కోబాల్ట్, నికెల్, మాంగనీస్‌ తదితర క్రిటికల్‌ మినరల్స్‌ వీటి నుంచి సేకరించవచ్చు.వెరసి దేశీ రీసైక్లింగ్‌ను పటిష్టపరచడం, క్రిటికల్‌ మినరల్స్‌ రికవరీకి వీలు కల్పించే యోచనతో లిథియం అయాన్‌ బ్యాటరీ బ్లాక్‌ మాస్‌ ఎగుమతులను విదేశీ వాణిజ్య డైరెక్టరేట్‌ జనరల్‌(డీజీఎఫ్‌టీ) నిషేధించినట్లు వాణిజ్య శాఖ తెలియజేసింది. దీనిపై డీజీఎఫ్‌టీ తాజాగా ఒక నోటిఫికేషన్‌ను విడుదల చేసింది.కీలక మినరల్స్‌పై కన్నుఎలక్ట్రిక్‌ మొబిలిటీ, అడ్వాన్స్‌డ్‌ కెమిస్ట్రీ సెల్‌ బ్యాటరీలు, ఎనర్జీ స్టోరేజీ, ఎల్రక్టానిక్స్, రెనవబుల్‌ ఎనర్జీకి కీలక మినరల్స్‌ అవసరమ్యే సంగతి తెలిసిందే. వీటిలో పలు మినరల్స్‌ కోసం భారత్‌ దిగుమతులపై ఆధారపడుతోంది. దేశీయంగా వీటి లభ్యతకు రీసైక్లింగ్‌ బ్యాటరీ వేస్ట్‌ వేగవంత, నిలకడైన మార్గంగా పేర్కొనవచ్చు.నిజానికి బ్యాటరీ వేస్ట్‌ రీసైక్లింగ్, క్రిటికల్‌ మినరల్స్‌ రిఫైనింగ్‌ సామర్థ్యాలు భారీగా పెరిగాయి. అయితే ఇందుకు తగినంత ఫీడ్‌స్టాక్‌ అందుబాటులో లేకపోవడం గమనార్హం! ఎగుమతులు దేశీయంగా వీటి లభ్యతకు గండికొడుతున్నాయి. దీంతో రీసైక్లింగ్‌ కంపెనీలు మెటీరియల్‌ అవసరాలకు విదేశాలపై ఆధారపడుతున్నాయి. తాజాగా ప్రభుత్వం ఎగుమతులను నిషేధించడంతో దేశీయంగా తయారయ్యే బ్లాక్‌ మాస్‌ను.. ఇక్కడే రీసైకిల్, రిఫైన్‌ చేసేందుకు అవకాశం ఏర్పడనుంది. ఇది దేశీయంగా కీలక మినరల్స్‌ సరఫరాకు దన్నునివ్వనుంది.

ప్రముఖ చిప్ తయారీ దిగ్గజం ఎన్విడియా (Nvidia) వ్యవస్థాపకుడు జెన్సెన్ హువాంగ్ (Jensen Huang) కంపెనీ సీఈఓ, ప్రెసిడెంట్ పదవులతో పాటు బోర్డు బాధ్యతల నుంచి కూడా తక్షణమే తప్పుకుంటున్నట్లు ప్రకటించడం టెక్‌ ప్రపంచంలో సంచలనం రేపింది. అనుమానిత చైనా గూఢచారితో సహా పలు వివాహేతర సంబంధాల ఆరోపణల నేపథ్యంలో ఎన్విడియా దీర్ఘకాలిక సీఈఓ జెన్సెన్ హువాంగ్ రాజీనామా చేశారు. దీంతో ఆ సంస్థ బోర్డు శాశ్వత వారసుడి కోసం అన్వేషణ ప్రారంభించింది. ఈ రేసులో 11 మంది రేసులో ఉండగా, ఇందులో ముగ్గురు భారత సంతతికి చెందిన దిగ్గజాలు ఉండటం విశేషం.ప్రపంచంలోని అత్యంత విలువైన కంపెనీలలో ఒకటైన ఎన్విడియాను నడిపించడానికి సాంకేతిక పరిజ్ఞానం, దూరదృష్టి, ఆర్థిక నైపుణ్యం మరియు భౌగోళిక రాజకీయ ఒత్తిళ్లను తట్టుకునే అనుభవం ఉన్న నాయకుడి కోసం బోర్డు అన్వేషిస్తోంది. హువాంగ్ రాజీనామాతో ప్రస్తుతం చీఫ్ ఫైనాన్షియల్ ఆఫీసర్ (CFO) కోలెట్ క్రెస్ తాత్కాలిక సీఈఓగా బాధ్యతలు నిర్వర్తిస్తున్నారు. అయితే కొత్త సీఈఓ కోసం ఓసీనియర్ ఎగ్జిక్యూటివ్ ఇయాన్ బక్ పేరు ప్రముఖంగా వినిపిస్తోంది. కొలెట్ క్రెస్ పేరు కూడా పరిశీలనలో ఉంది. మరోవైపు నవంబర్ 17న ఎన్విడియా త్రైమాసిక ఆర్థిక ఫలితాలు విడుదల కానున్న నేపథ్యంలో ఈ నాయకత్వ మార్పు కీలకంగా మారనుంది.భారత సంతతికి చెందిన ముగ్గురు అభ్యర్థులు:సంజయ్ మెహ్రోత్రా (Micron CEO) : భారతీయ-అమెరికన్ వ్యాపారవేత్త, మెమరీ చిప్ తయారీ సంస్థ మైక్రాన్ సీఈఓ సంజయ్ మెహ్రోత్రా పేరు ప్రధానంగా ఉంది. ఉత్తరప్రదేశ్‌లోని కాన్పూర్‌లో జన్మించిన సంజయ్‌కు నాలుగు దశాబ్దాల అనుభవం ఉంది. గతంలో శాన్‌డిస్క్ (SanDisk) సహ వ్యవస్థాపకుడిగా పనిచేశారు. ఏఐ (AI) సర్వర్లకు అవసరమైన హై-బ్యాండ్‌విడ్త్ మెమరీ చిప్‌ల తయారీ ద్వారా మైక్రాన్‌ను 1 ట్రిలియన్ డాలర్ల విలువైన కంపెనీగా మార్చడంలో కీలక పాత్ర పోషించారు.నికేష్ అరోరా (Palo Alto Networks CEO): ఈయన కూడా యూపీ చెందిన వారే. 2018 నుండి సైబర్ సెక్యూరిటీ సంస్థ పాలో ఆల్టో నెట్‌వర్క్స్ సీఈఓగా ఉన్నారు. గతంలో సాఫ్ట్‌బ్యాంక్ అధ్యక్షుడిగా, గూగుల్‌లో దశాబ్ద కాలం పాటు ఉన్నత పదవుల్లో పనిచేశారు. అయితే, ఆయనకు చిప్ తయారీ రంగంలో నేరుగా అనుభవం తక్కువ.థామస్ కురియన్ (Google Cloud CEO): కేరళకు చెందిన థామస్‌ గూగుల్ క్లౌడ్ మౌలిక సదుపాయాలు, ఎంటర్‌ప్రైజ్ సాఫ్ట్‌వేర్ మరియు ఏఐ సేవలను పర్యవేక్షిస్తున్నారు. ఎన్విడియాకు ప్రధాన కస్టమర్లుగా ఉన్న రంగాలపై ఆయనకు పూర్తి పట్టు ఉంది, కానీ చిప్ డిజైనింగ్ అనుభవం లేదు.అంతర్గత ఇతర చిప్ రంగ ప్రముఖులు:కోలెట్ క్రెస్ (Nvidia Interim CEO & CFO): 2013 నుండి ఎన్విడియా సీఎఫ్‌ఓగా ఉన్నారు. అంతకుముందు మైక్రోసాఫ్ట్, సిస్కో, టెక్సాస్ ఇన్‌స్ట్రుమెంట్స్ వంటి సంస్థల్లో పనిచేశారు. ప్రస్తుత సంక్షోభం నుండి కంపెనీని గట్టెక్కించడానికి వాల్ స్ట్రీట్ వర్గాలతో ఆమెకున్న సంబంధాలు ఉపయోగపడతాయని నిపుణుల అంచనా.ఇయాన్ బక్ (Nvidia VP): 2004లో ఎన్విడియాలో చేరారు. ఎన్విడియాను కేవలం వీడియో గేమ్ చిప్‌ల సంస్థ నుండి ఏఐ హార్డ్‌వేర్ దిగ్గజంగా మార్చిన 'CUDA' సాఫ్ట్‌వేర్ ప్లాట్‌ఫారమ్ అభివృద్ధిలో కీలక పాత్ర పోషించారు.రెనే హాస్ (Arm CEO): గతంలో ఎన్విడియాలో ఏడేళ్ల పాటు కీలక బాధ్యతలు నిర్వర్తించారు. 2022 నుండి బ్రిటిష్ చిప్ డిజైన్ సంస్థ 'ఆర్మ్' (Arm) సీఈఓగా ఉన్నారు. చిప్ ఆర్కిటెక్చర్ రంగంలో ఆయనకు లోతైన అవగాహన ఉంది.పాట్ గెల్సింగర్ (Former Intel CEO): ఇంటెల్ సంస్థలో 30 ఏళ్ల పాటు పనిచేసి, 2021లో సీఈఓగా బాధ్యతలు చేపట్టి 2024లో వైదొలిగారు. చిప్ డిజైనింగ్ మరియు తయారీ రెంటిపై పూర్తి పట్టు ఉన్న అరుదైన వ్యక్తులలో ఒకరు.లిసా సు (AMD CEO): ఎన్విడియా ప్రధాన ప్రత్యర్థి ఏఎండీ (AMD) సీఈఓ. తైవాన్‌లో జన్మించిన ఈమెకు జెన్సెన్ హువాంగ్ దూరపు బంధువు కూడా. అమెరికా ఆంక్షలు ఉన్నప్పటికీ చైనా మార్కెట్లో ఏఎండీ వ్యాపారాన్ని కాపాడుకోవడంలో ఆమె విజయం సాధించారు.మాట్ మర్ఫీ (Marvell Technology CEO): కస్టమ్ చిప్ తయారీ సంస్థ మార్వెల్ టెక్నాలజీ సీఈఓ. క్లౌడ్ దిగ్గజాల కోసం ఏఐ మౌలిక సదుపాయాల చిప్‌లను రూపొందిస్తూ కంపెనీని విజయపథంలో నడిపిస్తున్నారు.జానీ స్రౌజీ (Apple Chief Hardware Officer): ఆపిల్ సంస్థలో 'ఆపిల్ సిలికాన్' (Apple Silicon) ఇన్-హౌస్ చిప్‌ల తయారీ వెనుక ఉన్న ప్రధాన సూత్రధారి. ఎన్విడియాకు చిప్‌లను తయారు చేసి ఇచ్చే TSMC సంస్థతో ఈయనకు సన్నిహిత సంబంధాలు ఉన్నాయి. రేసులో టిమ్‌ కుక్‌ కూడాటిమ్ కుక్ (Former Apple CEO): స్టీవ్ జాబ్స్ మరణానంతరం 15 ఏళ్ల పాటు ఆపిల్‌ను నడిపించి, కంపెనీ విలువను 350 బిలియన్ డాలర్ల నుండి 4.5 ట్రిలియన్ డాలర్లకు చేర్చారు. సెప్టెంబర్ 2026లో ఆపిల్ సీఈఓ పదవి నుండి వైదొలిగిన టిమ్ కుక్ పేరును అమెరికా అధ్యక్షుడు డొనాల్డ్ ట్రంప్ స్వయంగా ఎన్విడియా సీఈఓ పదవికి సిఫార్సు చేయడం గమనార్హం. ఇదీ చదవండి: రూ. కోటి సంపాదిస్తున్నా, మిడిల్‌ క్లాస్‌ బతుకే : ఎన్‌ఆర్‌ఐ స్టోరీ‌ వైరల్‌

ఆరోగ్య బీమా రంగానికి దిశా నిర్దేశం చేసేలా తెలంగాణ రాష్ట్ర వినియోగదారుల వివాదాల పరిష్కార కమిషన్‌ కీలకమైన తీర్పును వెలువరించింది. పాలసీ తీసుకునే సమయంలో ముందస్తు వ్యాధుల వివరాలను స్పష్టంగా వెల్లడించినప్పటికీ కేవలం వ్యాపార ప్రయోజనాల కోసం లేదా నిబంధనలను సాకుగా చూపి పాలసీలను ఏకపక్షంగా రద్దు చేయడం బీమా సంస్థలకు చెల్లదని తేల్చిచెప్పింది. పాలసీదారుల హక్కులకు భంగం కలిగిస్తూ నిబంధనలను ఉల్లంఘించే కంపెనీల తీరుపై తీవ్ర ఆగ్రహం వ్యక్తం చేసింది.అసలేం జరిగిందంటే..హైదరాబాద్‌కు చెందిన 70 ఏళ్ల వృద్ధ వైద్యుడు డాక్టర్‌ స్వరూప్‌ ఈ న్యాయపోరాటంలో విజయం సాధించారు. వివరాల్లోకి వెళితే.. ఆయన తొలుత 2015 డిసెంబర్‌లో ఓరియంటల్‌ ఇన్సూరెన్స్‌ సంస్థ నుంచి రూ.5 లక్షల ఆరోగ్య బీమా పాలసీని తీసుకున్నారు. అనంతరం పోర్టబిలిటీ విధానం ద్వారా కేర్‌ హెల్త్‌ ఇన్సూరెన్స్‌ సంస్థకు మారి రూ.10 లక్షల వ్యక్తిగత బీమా కవరేజీ కలిగిన ‘కేర్‌ షీల్డ్‌’ ప్లాన్‌ను ఎంచుకున్నారు. దీనికోసం ఆయన ఏకంగా రూ.85,522 ప్రీమియం చెల్లించారు.అయితే, 2023 జులైలో ప్రోస్టేట్‌ సంబంధిత సమస్యతో ఆసుపత్రిలో చేరిన ఆయన నగదు రహిత (క్యాష్‌లెస్) వైద్య సేవలను పొందేందుకు ప్రయత్నించగా బీమా సంస్థ డబ్బు చెల్లించలేదు. ముందస్తు వ్యాధి వివరాలను వెల్లడించలేదంటూ క్లెయిమ్‌ను తిరస్కరించడమే కాకుండా పాలసీని రద్దు చేస్తున్నట్లు ప్రకటించింది. తరచూ మూత్రవిసర్జన సమస్య, మందుల వాడకం, క్యాన్సర్‌ వివరాలను ఆయన దాచిపెట్టారంటూ నింద మోపింది.వినియోగదారుల కమిషన్‌లో ఫిర్యాదుఈ ఏకపక్ష నిర్ణయాన్ని సవాలు చేస్తూ డాక్టర్‌ స్వరూప్‌ వినియోగదారుల కమిషన్‌ను ఆశ్రయించారు. తాను పాలసీ తీసుకునే నాటికి ముందస్తు వ్యాధి వివరాలను ప్రతిపాదన పత్రంలో పొందుపరిచానని, తనకు క్యాన్సర్‌ నిర్ధారణ అయిన బయాప్సీ రిపోర్ట్‌ పాలసీ అమల్లోకి వచ్చిన తర్వాతే వచ్చిందని ఆయన స్పష్టం చేశారు. ఈ వాదనలను పరిశీలించిన రాష్ట్ర కమిషన్‌.. కేర్‌ హెల్త్‌ ఇన్సూరెన్స్‌ అప్పీలును కొట్టివేస్తూ ఇటీవల తుది తీర్పు వెలువరించింది. సంబంధిత ప్రీమియం స్వీకరించి పాలసీని తక్షణమే పునరుద్ధరించాలని, బాధితుడికి రూ.20 వేల మానసిక క్షోభ పరిహారం, రూ.10 వేల న్యాయపరమైన ఖర్చులు చెల్లించాలని స్పష్టమైన ఆదేశాలు జారీ చేసింది.తీర్పు వెనుక ఉన్న అంశాలుఈ కేసు విచారణ సమయంలో కమిషన్‌ పలు కీలక అంశాలను నిశితంగా పరిశీలించింది. కేర్‌ హెల్త్‌ ఇన్సూరెన్స్‌ పాలసీ 2021 జనవరి 17న అమల్లోకి రాగా, ప్రోస్టేట్‌ క్యాన్సర్‌ను నిర్ధారించే బయాప్సీ రిపోర్ట్ అదే ఏడాది డిసెంబర్‌లో వచ్చింది. అంటే పాలసీ ప్రారంభమైన సమయానికి ఆయనకు ఆ వ్యాధి సోకినట్లు ఎలాంటి ఆధారాలూ లేవని కమిషన్‌ స్పష్టం చేసింది. అంతేకాకుండా, ప్రతిపాదన పత్రంలో ముందస్తు ఆరోగ్య సమస్యల గురించి అడిగిన ప్రశ్నకు డాక్టర్‌ స్వరూప్‌ ‘అవును’ అని సమాధానం ఇచ్చారు. కానీ, ప్రత్యేకించి మూత్రవిసర్జన సమస్యలు లేదా నిర్దిష్ట మందుల వాడకం గురించి కంపెనీ ఎలాంటి ప్రశ్నలు అడగలేదని గుర్తించింది. ఈ నేపథ్యంలో వివరాలు వెల్లడించలేదంటూ పాలసీదారులపై నింద మోపడం సరికాదని అభిప్రాయపడింది.అన్నిటికంటే ముఖ్యంగా, పాలసీ ఒప్పందంలోని క్లాజ్‌ 5.1.7(సి) ప్రకారం.. తప్పుడు సమాచారం లేదా మోసం నిరూపితమైతే పాలసీని రద్దు చేయడానికి ముందుగా 15 రోజుల లిఖితపూర్వక నోటీసు జారీ చేయడం తప్పనిసరి. కానీ కేర్‌ హెల్త్‌ ఇన్సూరెన్స్‌ ఈ నిబంధనను పాటించకుండా నేరుగా పాలసీని రద్దు చేయడం స్పష్టమైన సేవాలోపంగా కమిషన్‌ తేల్చింది.పాలసీదారులు తీసుకోవాల్సిన జాగ్రత్తలుఈ తీర్పు నేపథ్యంలో బీమా రంగ నిపుణులు కొన్ని హెచ్చరికలు జారీ చేస్తున్నారు. పాలసీ తీసుకునేటప్పుడు ప్రతిపాదన పత్రంలో ప్రతి ఆరోగ్య సంబంధిత ప్రశ్నకు అత్యంత పారదర్శకంగా, వాస్తవ వివరాలతో సమాధానం ఇవ్వాలి. గతంలో ఉన్న అనారోగ్యాలు, సర్జరీలు, వాడిన మందుల వివరాలను రికార్డుల్లో ఉంచుకోవాలి. ఆన్‌లైన్‌లో దరఖాస్తు చేసినా, ఆ పత్రం తాలూకు కాపీని భద్రపరుచుకోవడం ఉత్తమం.మరోవైపు, బీమా రంగ నియంత్రణ సంస్థ ఐఆర్‌డీఏఐ నిబంధనల ప్రకారం.. ఆరోగ్య బీమాలో మారటోరియం వ్యవధిని 8 ఏళ్ల నుంచి 5 ఏళ్లకు (60 నెలలు) కుదించారు. ఈ ఐదేళ్ల కాలపరిమితి ముగిసిన తర్వాత మోసం రుజువైన సందర్భాలలో మినహా చిన్నపాటి వివరాల వెల్లడి లోపాలను సాకుగా చూపి క్లెయిమ్‌లను తిరస్కరించడానికి బీమా సంస్థలకు హక్కు ఉండదు. అలాగే కొత్త వ్యక్తిగత పాలసీలకు 30 రోజుల ఫ్రీలుక్‌ గడువు కూడా లభిస్తుంది. అయితే, ఈ తీర్పును అడ్డం పెట్టుకుని ఎవరూ తప్పుడు సమాచారం ఇవ్వడానికి వీలు లేదు. వ్యాధి వివరాలను ఉద్దేశపూర్వకంగా దాచిపెట్టినట్లు రుజువైతే బీమా సంస్థలకు చట్టపరమైన రక్షణ ఉంటుందని న్యాయ నిపుణులు హెచ్చరిస్తున్నారు.ఇదీ చదవండి: రూ.130 కోట్లకు అమ్ముడైన గోల్కొండ వజ్రం

మైక్రోసాఫ్ట్ సర్వర్లలో ఏర్పడిన సమస్య.. ఇప్పుడు విమానయాన రంగంపై కూడా ప్రభావం చూపిస్తోంది. ఇప్పటికే అవుట్‌లుక్‌, టీమ్స్ వంటి సేవలు పనిచేయక యూజర్లు ఇబ్బందులు పడుతుంటే.. తాజాగా భారత్‌లో కొన్ని విమాన సర్వీసులకు కూడా అంతరాయం ఏర్పడింది.మూడు విమానాలు రద్దుస్పైస్‌జెట్‌కు చెందిన మూడు విమానాలను శుక్రవారం ఉదయం రద్దు చేశారు. ఢిల్లీ నుంచి పుణె, లేహ్, ముంబై వెళ్లాల్సిన విమానాలు ఈ సాంకేతిక సమస్య కారణంగా రద్దయ్యాయి. అంతేకాకుండా.. ఢిల్లీ నుంచి దర్భంగా, ముంబై వెళ్లాల్సిన మరో రెండు విమానాలు కూడా ఆలస్యంగా నడిచాయి. దీంతో ప్రయాణికులు ఇబ్బందులు ఎదుర్కొన్నారు.ఎయిర్ ఇండియా ఊరటఅయితే.. ఎయిర్ ఇండియా ప్రయాణికులకు కొంత ఊరటనిచ్చింది. మైక్రోసాఫ్ట్ అంతరాయాన్ని నిశితంగా గమనిస్తున్నామని, ప్రస్తుతం తమ విమాన కార్యకలాపాలపై ఎలాంటి ప్రభావం లేదని స్పష్టం చేసింది. తమ కమ్యూనికేషన్ వ్యవస్థలు కూడా సాధారణంగానే పనిచేస్తున్నాయని తెలిపింది. ప్రయాణికుల నుంచి వచ్చే ఈమెయిల్స్ మిస్ కాకుండా ఉండేందుకు వాటిని తాత్కాలికంగా మరో మార్గం ద్వారా మళ్లిస్తున్నట్లు వెల్లడించింది. సాధారణంగా 24 గంటల్లోనే ఈమెయిల్స్‌కు సమాధానం ఇస్తున్నామని పేర్కొంది.ఇండిగో, ఆకాసా ఎయిర్ ఇలా..ఇక ఇండిగో, ఆకాసా ఎయిర్ సంస్థలు కూడా ప్రయాణికులను అప్రమత్తం చేశాయి. విమాన సమయాలు, రాకపోకలకు సంబంధించిన అప్‌డేట్స్‌ను ఎప్పటికప్పుడు చెక్ చేసుకోవాలని సూచించాయి. ఢిల్లీ విమానాశ్రయం కూడా ప్రయాణికుల కోసం ప్రత్యేక అడ్వైజరీ జారీ చేసింది. విమానాశ్రయానికి బయలుదేరే ముందు ఫ్లైట్ స్టేటస్‌ను ఒకసారి పరిశీలించాలని తెలిపింది. ఎందుకంటే సాంకేతిక సమస్యల కారణంగా చివరి నిమిషంలో విమానాల షెడ్యూల్‌లో మార్పులు జరిగే అవకాశం ఉంది.మైక్రోసాఫ్ట్ సమస్య కారణంగా.. పలు సేవల్లో అంతరాయం ఏర్పడింది.దీంతో ప్రపంచవ్యాప్తంగా చాలామంది యూజర్లు ఇబ్బందులు ఎదుర్కొన్నారు. దీనిపై స్పందించిన మైక్రోసాఫ్ట్.. సాంకేతిక సమస్యను గుర్తించామని, పరిష్కారం కోసం ప్రయత్నాలు కొనసాగిస్తున్నామని తెలిపింది. సర్వర్లలో ఏర్పడిన సమస్య కారణంగా కనెక్టివిటీ ఇబ్బందులు తలెత్తినట్లు వెల్లడించింది.

వచ్చే నెల(డిసెంబర్‌)లో చేపట్టనున్న పాలసీ సమీక్షలో భాగంగా ఆర్‌బీఐ రెపో రేటును 0.25 శాతమే తగ్గించవచ్చని ఎస్‌బీఐ ఎకనమిక్‌ రీసెర్చ్‌ విభాగం అంచనా వేసింది. తొలుత వేసిన 0.5 శాతం పెంపు అంచనాలను తాజాగా సవరించింది. ఇందుకు మెరుగుపడిన విదేశీ పరిస్థితులు, విదేశీ ఫండ్ల పెట్టుబడులు, రూపాయి పుంజుకోవడం తదితర సానుకూల అంశాలను ఎస్‌బీఐ రీసెర్చ్‌ ఆర్థికవేత్తలు ప్రస్తావించారు.అక్టోబర్‌ రిటైల్‌ ద్రవ్యోల్బణం తాజాగా ఆర్‌బీఐ పరిమితి 6 శాతాన్ని దాటిన నేపథ్యంలో ఎస్‌బీఐ ఆర్థికవేత్తల అంచనాలు వెలువడటం గమనార్హం! డిసెంబర్‌లో చేపట్టనున్న రెపో రేటు పెంపు ప్రస్తుత సైకిల్‌లో చివరిదని చెప్పేందుకు 50:50 అవకాశాలున్నట్లు ఎస్‌బీఐ రీసెర్చ్‌ నివేదిక అభిప్రాయపడింది. అక్టోబర్‌ సమీక్షలో ఆర్‌బీఐ రెపో రేటును 0.25 శాతం పెంచడంతో 5.5 శాతానికి చేరిన విషయం విదితమే.

హైదరాబాద్‌కు చెందిన ప్రముఖ స్వచ్ఛంద సంస్థ గ్రేస్ క్యాన్సర్ ఫౌండేషన్ మరో చరిత్రాత్మక మైలురాయిని అధిగమించింది. ప్రముఖ సర్జికల్ ఆంకాలజిస్ట్ డా.చిన్నబాబు సుంకవల్లి 2013లో స్థాపించిన ఈ సంస్థ, ముంబైలోని నేషనల్ స్టాక్ ఎక్స్ఛేంజ్ ప్రధాన కార్యాలయంలో నిర్వహించిన ప్రత్యేక బెల్ రింగింగ్ వేడుకలో పాల్గొంది. ఎన్‌ఎస్‌ఈ సోషియల్ స్టాక్ ఎక్స్ఛేంజ్ (ఎస్‌ఎస్‌ఈ) ప్లాట్‌ఫారమ్‌పై అధికారికంగా నమోదై నిధులు సమీకరించిన సంస్థల జాబితాలో నిలిచిన గ్రేస్ క్యాన్సర్ ఫౌండేషన్ (రిజిస్ట్రేషన్ నంబర్: NSESSENP000165) వేడుక ఎక్స్ఛేంజ్ చరిత్రలో 18వ కార్యక్రమంగా నమోదైంది.100 శాతానికి పైగా స్పందనగత అక్టోబర్ 7 నుంచి 9 వరకు నిర్వహించిన రూ.1 కోటి పబ్లిక్ ఇష్యూలో జీరో కూపన్ జీరో ప్రిన్సిపల్ (జెడ్‌సీజెడ్‌పీ) బాండ్ల ద్వారా 100 శాతానికి మించి సబ్‌స్క్రిప్షన్ సాధించి సంస్థ అరుదైన ఘనతను సొంతం చేసుకుంది. ఈ ప్రక్రియకు EQUIPPP సంస్థ అడ్వైజర్‌గా, ఇంపాక్ట్ అసెస్‌మెంట్ భాగస్వామిగా వ్యవహరించగా.. జెరోధా, ఐసీఐసీఐ డైరెక్ట్ వంటి ప్రముఖ ట్రేడింగ్ ప్లాట్‌ఫారమ్‌ల ద్వారా సామాన్య ప్రజలు సైతం కనీసం రూ.1,000 నుంచి విరాళాలు అందించే వెసులుబాటు కల్పించారు. సాధారణ స్టాక్ మార్కెట్ పెట్టుబడులకు భిన్నంగా జెడ్‌సీజెడ్‌పీ సాధనాలపై ఎలాంటి వడ్డీ చెల్లింపులు గానీ, అసలు మొత్తాన్ని తిరిగి చెల్లించే నిబంధన ఉండదు. ఇవి పూర్తిగా పారదర్శకమైన, నిబంధనలకు లోబడిన సామాజిక విరాళాలుగా ఉంటాయి. ముంబైలో జరిగిన ఈ వేడుకలో ఎన్‌ఎస్‌ఈ సీనియర్ అడ్వైజర్ శైలేష్ పాఠక్, ఎక్విప్‌ ప్రతినిధి లక్ష్మీనారాయణ తదితరులు పాల్గొన్నారు.నివారణ వైద్యమే అసలైన ఆయుధంఈ సందర్భంగా ఫౌండేషన్ వ్యవస్థాపకులు డా.చిన్నబాబు సుంకవల్లి మాట్లాడుతూ, ‘ఆపరేషన్ థియేటర్‌లో సర్జన్‌గా నేను ఒక సమయంలో ఒక్క రోగికి మాత్రమే శస్త్రచికిత్స చేయగలను. కానీ ఆపరేషన్ థియేటర్ వెలుపల నివారణ వైద్యం, వ్యాధి ముందస్తు గుర్తింపు, భారీ స్థాయిలో స్క్రీనింగ్ వ్యవహారాల ద్వారా లక్షలాది మందికి చేరువ కావచ్చు. క్యాన్సర్ ముదిరి ఆపరేషన్ థియేటర్‌కు రావాల్సిన పరిస్థితి రాకుండా ముందుగానే గుర్తించి చికిత్స అందించడంలోనే చాలా సంతృప్తి ఉంటుంది. ఇది నా సేవల ప్రభావాన్ని అనేక రెట్లు పెంచుకునే అవకాశం ఇస్తుంది’ అని పేర్కొన్నారు.‘అన్ని నియోజకవర్గాలకు విస్తరించాలి’ఎన్‌ఎస్‌ఈ సీనియర్ అడ్వైజర్ శైలేష్ పాఠక్ ప్రసంగిస్తూ, ‘కేవలం కొడంగల్, మంథని వంటి రెండు అసెంబ్లీ నియోజకవర్గాల్లో క్యాన్సర్ స్క్రీనింగ్ నిర్వహించడానికి రూ.1 కోటి సమీకరించగలిగినప్పుడు తెలంగాణలోని మొత్తం 119 అసెంబ్లీ నియోజకవర్గాల కోసం ప్రతి నెలా రూ.1 కోటి ఎందుకు సమీకరించలేరు? రాష్ట్రవ్యాప్తంగా ప్రజారోగ్య కార్యక్రమాలను విస్తరించడానికి సోషియల్ స్టాక్ ఎక్స్ఛేంజ్‌ను ఒక అద్భుతమైన వేదికగా వినియోగించుకోవాలి’ అని పిలుపునిచ్చారు.ఇదీ చదవండి: ఎన్విడియా సీఈఓ వారసుల జీతం ఎంతంటే..భవిష్యత్ ప్రణాళికలుగ్రేస్ క్యాన్సర్ ఫౌండేషన్ తాజాగా సమీకరించిన నిధులను ప్రధానంగా ఉత్తర తెలంగాణలోని వెనుకబడిన ప్రాంతాల్లో 10,000 మందికి క్యాన్సర్ స్క్రీనింగ్ పరీక్షలు నిర్వహించేందుకు వినియోగించనుంది. అంతేకాకుండా, భవిష్యత్తులో ప్రివెంటివ్ ఆంకాలజీ సెంటర్ ఆఫ్ ఎక్సలెన్స్ ఏర్పాటు, ఏఐ ఆధారిత మొబైల్ క్యాన్సర్ స్క్రీనింగ్ యూనిట్లు, గ్రామీణ ప్రాంతాలకు డిజిటల్ హెల్త్ ప్లాట్‌ఫారాలు, ఇతర నాన్-కమ్యూనికబుల్ డిసీజెస్ (ఎన్‌సీడీ) స్క్రీనింగ్ విస్తరణపై సంస్థ దృష్టి సారించనుంది. View this post on Instagram A post shared by NSE India (@nseindia)

ప్రపంచంలోనే అత్యంత విలువైన టెక్ కంపెనీలలో ఒకటిగా నిలిచిన ఎన్విడియా.. ఆర్టిఫిషియల్ ఇంటెలిజెన్స్ (AI), కంప్యూటర్ చిప్స్, సూపర్ కంప్యూటింగ్ రంగాల్లో దూసుకెళ్తోంది. చాట్‌జీపీటీ వంటి ఆధునిక ఏఐ వ్యవస్థల అభివృద్ధికి అవసరమైన శక్తివంతమైన చిప్స్‌ను ఈ సంస్థ తయారు చేస్తోంది. అయితే.. ఇంతటి గొప్ప సంస్థ ప్రయాణం ఒక పెద్ద కార్యాలయంలోనో, అత్యాధునిక ల్యాబ్‌లోనో ప్రారంభం కాలేదు. కేవలం ఒక సాధారణ రెస్టారెంట్‌లో.. ముగ్గురు ఇంజినీర్లు కూర్చొని జరిపిన చర్చలతో ప్రారంభమైంది.ముగ్గురు ఇంజినీర్లు.. ఒక రెస్టారెంట్1992-1993 ప్రాంతంలో జెన్సన్ హువాంగ్, క్రిస్ మలాచోవ్‌స్కీ, కర్టిస్ ప్రియమ్ అనే ముగ్గురు ఇంజినీర్లు కలిసి ఒక కొత్త కంపెనీని ప్రారంభించాలని ఆలోచించారు. వీరిలో క్రిస్ మలాచోవ్‌స్కీ, కర్టిస్ ప్రియమ్ సన్ మైక్రోసిస్టమ్స్ సంస్థలో పనిచేస్తుండగా, జెన్సన్ హువాంగ్ ఎల్ఎస్ఐ లాజిక్ అనే కంపెనీలో పనిచేసేవారు.తాము పనిచేస్తున్న కంపెనీలకు తెలియకుండా.. స్వతంత్రంగా ఒక కొత్త వ్యాపార ఆలోచనపై చర్చించుకోవడానికి వీరు సిలికాన్ వ్యాలీలోని డెన్నీస్ రెస్టారెంట్‌ను ఎంచుకున్నారు. ముగ్గురూ గంటల తరబడి అక్కడ కూర్చొని కంప్యూటర్ చిప్స్, భవిష్యత్తు టెక్నాలజీ, కొత్త కంపెనీ ఎలా ఉండాలి అనే విషయాలపై చర్చించేవారు. అలా గంటలపాటు చర్చలు జరుపుతూ.. 10 కప్పుల కాఫీ తాగేవాళ్లం అని క్రిస్ మలాచోవ్‌స్కీ పేర్కొన్నారు.భవిష్యత్తు కంపెనీ గురించి చర్చవారి సమావేశం, చర్చలు ఎక్కువ సమయం కొనసాగడంతో రెస్టారెంట్ సిబ్బంది వారిని సాధారణంగా కూర్చునే బూత్ నుంచి వెనుకవైపు ఉన్న ఒక ప్రత్యేక గదికి మార్చారు. ఆ గదిలో.. శాన్ జోస్ పోలీసు అధికారులు తమ కేసులకు సంబంధించిన నివేదికలు రాస్తుంటే, మరోవైపు ఈ ముగ్గురు ఇంజినీర్లు ల్యాప్‌టాప్‌లతో కూర్చొని తమ భవిష్యత్తు కంపెనీ గురించి చర్చించేవారు. వీరి లక్ష్యం ఏడాదికి 50 మిలియన్ డాలర్ల వ్యాపారం.బాధ్యతలు ఇలా..క్రిస్ మలాచోవ్‌స్కీ హార్డ్‌వేర్ డిజైన్ బాధ్యతలు చూసుకుంటే, కర్టిస్ ప్రియమ్ సాఫ్ట్‌వేర్ ఆర్కిటెక్చర్‌పై దృష్టి పెట్టేవారు. జెన్సన్ మాత్రం వ్యాపార వ్యూహాలు, ఆర్థిక నిర్ణయాలను చూసుకునేవారు. ఎందుకంటే.. హువాంగ్‌కు వ్యాపారంపై మంచి అవగాహన ఉండేది. ఒక కంపెనీ ప్రారంభించడం మాత్రమే ఆయన లక్ష్యం కాదు. ఆ కంపెనీ భవిష్యత్తులో ఎంత ఆదాయం సంపాదించగలదు?, చిప్స్ తయారీకి ఎంత ఖర్చవుతుంది?, మార్కెట్‌లో పోటీ ఎలా ఉంటుంది?, లాభాలు ఎంత వస్తాయి?, అనే విషయాలను కూడా ఆయన ముందుగానే విశ్లేషించేవారు.కర్టిస్ ప్రియమ్ ప్రకారం, జెన్సన్ హువాంగ్ ఒక కఠినమైన షరతు పెట్టారు. కొత్తగా ప్రారంభించే కంపెనీ ఏడాదికి కనీసం 50 మిలియన్ డాలర్ల అమ్మకాలు సాధించే సామర్థ్యం కలిగి ఉండాలి. ఆ లక్ష్యం సాధ్యమవుతుందని నమ్మిన తర్వాతే స్టార్టప్‌లో అడుగుపెట్టారు. వారి ప్రధాన ఆలోచన కంప్యూటర్ గ్రాఫిక్స్ నాణ్యతను మెరుగుపరిచే చిప్స్ తయారు చేయడం. ముఖ్యంగా వీడియో గేమ్స్‌లో ఉపయోగించే 3D గ్రాఫిక్స్‌ను మరింత స్పష్టంగా, వేగంగా చూపించగలిగే టెక్నాలజీని అభివృద్ధి చేయాలనుకున్నారు.Nvidia పేరు ఎలా వచ్చిందంటే..ఇక కంపెనీకి పేరు పెట్టే సమయంలో కూడా ఆసక్తికరమైన సంఘటన జరిగింది. మొదట 'Nvision' అనే పేరు పెట్టాలని అనుకున్నారు. కానీ ఆ పేరుతో ఇప్పటికే కొన్ని కంపెనీలు ఉండటంతో మరో పేరు కోసం వెతికారు. చివరకు కర్టిస్ ప్రియమ్ ఒక లాటిన్ నిఘంటువులో 'Invidia' అనే పదాన్ని గుర్తించారు. దానికి అసూయ (Envy) అనే అర్థం ఉంది. ఆ పదంలోని మొదటి అక్షరాన్ని తొలగించి 'Nvidia' అనే పేరు రూపొందించారు. అలా ప్రపంచానికి పరిచయమైన ఎన్వీడియా సంస్థకు పేరు ఖరారైంది.కుటుంబ సభ్యులకే నమ్మకం కలగలేదు!ఒక కొత్త కంపెనీ ప్రారంభించడం అనేది ఎప్పుడూ సులభమైన విషయం కాదు. ముఖ్యంగా మంచి ఉద్యోగాన్ని వదిలేసి, భవిష్యత్తు ఎలా ఉంటుందో తెలియని వ్యాపారంలోకి అడుగుపెట్టడం పెద్ద సాహసమే. జెన్సన్ హువాంగ్ తన ఉద్యోగాన్ని వదిలి స్నేహితులతో కలిసి చిప్స్ కంపెనీ ప్రారంభించాలనే నిర్ణయం తీసుకున్నప్పుడు, ఆయన తల్లి కూడా ఆశ్చర్యపోయారు.జెన్సన్ హువాంగ్ తన ఆలోచనను తల్లికి చెప్పినప్పుడు, ఆమె 'నువ్వు వెళ్లి ఏదైనా ఉద్యోగం చూసుకోవచ్చు కదా?'' అని అన్నారట. దీన్నిబట్టి చూస్తే.. ఎన్విడియా ఇంత పెద్ద సంస్థగా మారుతుందని ప్రారంభంలో ఎవరూ ఊహించలేదని అర్థమవుతుంది.ప్రారంభంలో గేమింగ్, కంప్యూటర్ చిప్స్ప్రారంభంలో గేమింగ్, కంప్యూటర్ గ్రాఫిక్స్ కోసం చిప్స్ తయారు చేసిన ఎన్వీడియా, కాలక్రమేణా తన టెక్నాలజీని మరింత అభివృద్ధి చేసుకుంది. ముఖ్యంగా జీపీయూల సామర్థ్యాన్ని పెంచడంపై దృష్టి పెట్టింది. జీపీయూలు ఒకేసారి వేలాది చిన్న చిన్న లెక్కలను నిర్వహించగలవు. ఈ సామర్థ్యం ఆర్టిఫిషియల్ ఇంటెలిజెన్స్‌కు చాలా ఉపయోగపడుతుంది. ఎందుకంటే ఏఐ మోడళ్లకు శిక్షణ ఇవ్వాలన్నా, భారీ మొత్తంలో డేటాను విశ్లేషించాలన్నా అత్యంత వేగవంతమైన కంప్యూటింగ్ శక్తి అవసరం.ఈ విషయాన్ని ముందుగానే గుర్తించిన ఎన్వీడియా.. ఏఐ కంప్యూటింగ్ రంగంలో భారీగా పెట్టుబడులు పెట్టింది. ఒకప్పుడు వీడియో గేమ్స్ కోసం తయారు చేసిన జీపీయూలే నేడు చాట్‌జీపీటీ వంటి ఆధునిక ఏఐ వ్యవస్థల అభివృద్ధిలో కీలకంగా మారాయి. ప్రపంచవ్యాప్తంగా ఏఐ వినియోగం పెరగడంతో ఎన్వీడియా చిప్స్‌కు డిమాండ్ కూడా భారీగా పెరిగింది. ఫలితంగా కంపెనీ ప్రపంచంలోని అత్యంత విలువైన సంస్థల్లో ఒకటిగా ఎదిగింది.ఇదీ చదవండి: జాబ్ మానేసినా జీతం ఇస్తాం.. CEO సంచలన నిర్ణయం!

న్యూఢిల్లీ: ప్రయివేట్‌ రంగ టెలికం సేవల దిగ్గజం వొడాఫోన్‌ ఐడియా ప్రస్తుత ఆర్థిక సంవత్సరం(2026–27) రెండో త్రైమాసికంలో ఆసక్తికర ఫలితాలు ప్రకటించింది. జూలై–సెప్టెంబర్‌(క్యూ2)లో కన్సాలిడేటెడ్‌ నికర నష్టం రూ. 451 కోట్లు పెరిగి రూ. 5,975 కోట్లను తాకింది. గతేడాది(2025–26) ఇదే కాలంలో రూ. 5,524 కోట్ల నష్టం నమోదైంది. త్రైమాసికవారీగా అంటే ఈ ఏడాది క్యూ1(ఏప్రిల్‌–జూన్‌)తో చూస్తే నష్టం రూ. 3,754 కోట్ల నుంచి భారీగా పెరిగింది. అయితే తాజా క్యూ2లో ట్రెజరీ ఆస్తుల మార్క్‌ టు మార్కెట్‌ (ఎంటుఎం) నష్టాలు ప్రభావం చూపినట్లు కంపెనీ పేర్కొంది. ఈ కాలంలో వొడాఫోన్‌ గ్రూప్‌నకు చెందిన 328 కోట్ల షేర్లపై రూ. 462 కోట్ల అనుకోని నష్టం నమోదు చేసినట్లు వెల్లడించింది. గతేడాది క్యూ2లో వీటిపై రూ. 1,816 కోట్ల లాభం అందుకున్నట్లు ప్రస్తావించింది. తాజా పద్దును సర్దుబాటు చేస్తే రూ. 5,513 కోట్ల నష్టం నమోదైనట్లు తెలియజేసింది. మొత్తం ఆదాయం మాత్రం వార్షికంగా 6 శాతం బలపడి రూ. 11,884 కోట్లకు చేరింది. గత క్యూ2లో రూ. 11,195 కోట్ల టర్నోవర్‌ సాధించింది. వినియోగదారులు ప్లస్‌: ప్రస్తుత సమీక్షా కాలంలో వొడాఫోన్‌ ఐడియా ఒక్కో వినియోగదారునిపై సగటు ఆదాయం(ఏఆర్‌పీయూ) 10 శాతం మెరుగుపడి రూ. 198కు చేరింది. గతేడాది క్యూ2లో రూ. 180 ఏఆర్‌పీయూ సాధించింది. ఈ కాలంలో 19.44 కోట్లకు కస్టమర్ల సంఖ్య బలపడింది. ఫలితాల నేపథ్యంలో కంపెనీ షేరు 1 శాతం లాభంతో రూ. 13 వద్ద ముగిసింది.

న్యూఢిల్లీ: ప్రయివేట్‌ రంగ మీడియా దిగ్గజం జీ ఎంటర్‌టైన్‌మెంట్‌ ఎంటర్‌ప్రైజెస్‌ లిమిటెడ్‌(జీల్‌) సొంత ఈక్విటీ షేర్లను తిరిగి కొనుగోలు(బైబ్యాక్‌) చేయనుంది. ఒక్కో షేరుకీ రూ. 91 ధరలో రూ. 1 ముఖ విలువగల 6.59 కోట్ల ఈక్విటీ షేర్లు బైబ్యాక్‌ చేయనుంది. ఇది కంపెనీ చెల్లించిన వాటా మూలధనంలో 6.61 శాతానికి సమానంకాగా.. ఇందుకు రిజర్వ్‌ నిధుల నుంచి రూ. 600 కోట్లవరకూ వెచ్చించనుంది. బైబ్యాక్‌ ప్రతిపాదనకు బోర్డు ఏకగ్రీవంగా ఆమోదముద్ర వేసినట్లు కంపెనీ తాజాగా వెల్లడించింది. బైబ్యాక్‌ను వినియోగించుకోవాలనుకునే వాటాదారులకు ఈ నెల 25 రికార్డ్‌ డేట్‌గా ప్రకటించింది. వాటాదారులకు నిలకడగా విలువను చేకూర్చే లక్ష్యాలతో షేర్ల బైబ్యాక్‌కు తెరతీసినట్లు కంపెనీ పేర్కొంది. 24 శాతం అధిక ధర గురువారం(12) ముగింపు ధర రూ. 73.5తో పోలిస్తే జీ షేర్ల బైబ్యాక్‌కు 24 శాతం ప్రీమియం నిర్ణయించింది. జీ షేరు ఈ ఏడాది జూన్‌ 23న రూ. 118 వద్ద ఏడాది గరిష్టాన్ని తాకగా.. ఈ నెల 4న రూ. 61 దిగువన 52 వారాల కనిష్టాన్ని సైతం చవిచూసింది. ప్రమోటర్లు, సంబంధిత గ్రూప్‌ సభ్యులు బైబ్యాక్‌లో పాల్గొనబోరని కంపెనీ స్పష్టం చేసింది. టెండర్‌ మార్గంలో బైబ్యాక్‌ను చేపట్టనున్నట్లు వెల్లడించింది. కంపెనీకున్న వృద్ధి అవకాశాలు, పటిష్ట మూలాలపట్ల తమకున్న విశ్వాసానికి షేర్ల బైబ్యాక్‌ నిదర్శనమని జీ చైర్మన్‌ ఆర్‌.గోపాలన్‌ పేర్కొన్నారు. కంపెనీ అంతర్గత విలువను ప్రస్తుత మార్కెట్‌ ధర ప్రతిబింబించడంలేదని, కంపెనీకున్న సామర్థ్యాలు, అవకాశాలను బైబ్యాక్‌ ప్రతిబింబించనున్నట్లు తెలియజేశారు. బీఎస్‌ఈలో జీల్‌ షేరు 3.7 శాతం జంప్‌చేసి రూ. 73.5 వద్ద ముగిసింది.

తెలంగాణ ఆర్థిక ప్రగతికి గ్లోబల్ కేపబిలిటీ సెంటర్ల (జీసీసీ)ను కీలక చోదక శక్తులుగా తీర్చిదిద్దేందుకు ప్రణాళికాబద్ధంగా కృషి చేస్తున్నామని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు పేర్కొన్నారు. కొత్త టెక్నాలజీ అభివృద్ధి, ఆర్ అండ్ డీ, డేటా అనలిటిక్స్, ప్రొడక్ట్ డిజైన్, ఇంజినీరింగ్, ఇన్నోవేషన్ తదితర విభాగాల్లోనూ కీలక పాత్ర పోషించేలా వాటికి మార్గనిర్దేశం చేస్తున్నామన్నారు. స్నికర్స్, పెడిగ్రీ, రాయల్ కానిన్ తదితర ప్రముఖ బ్రాండ్లతో ప్రపంచవ్యాప్తంగా గుర్తింపు పొందిన మార్స్ సంస్థ హైదరాబాద్‌లోని గచ్చిబౌలి ఫైనాన్షియల్ డిస్ట్రిక్ట్ లో 60 వేల చదరపు అడుగుల విస్తీర్ణంలో అభివృద్ధి చేసిన జీసీసీని ఆయన గురువారం లాంఛనంగా ప్రారంభించారు.ఈ సందర్భంగా మంత్రి శ్రీధర్‌బాబు మాట్లాడుతూ... హైదరాబాద్‌ను సంప్రదాయ ఐటీ సేవల కేంద్రం నుంచి ప్రపంచస్థాయి టెక్నాలజీ, ఇన్నోవేషన్, నాలెడ్జ్ ఆధారిత ఆర్థిక వ్యవస్థగా అభివృద్ధి చేసేందుకు చిత్తశుద్ధితో కృషి చేస్తున్నామన్నారు. కొత్త రంగాల్లో పెట్టుబడులను ఆకర్షించేందుకు, ఉద్యోగ అవకాశాలను పెంపొందించేందుకు ఐటీ/ఐటీఈఎస్ రంగంలో హైదరాబాద్‌కు ఉన్న అనుకూలతలను ఇతర పరిశ్రమలతో అనుసంధానించడంపై ప్రత్యేకంగా దృష్టి సారించామన్నారు. ఈ లక్ష్యాలకు అనుగుణంగానే ‘తెలంగాణ రైజింగ్ 2047’ విజన్‌లోనూ టెక్నాలజీ, పరిశ్రమలు, నైపుణ్యాభివృద్ధికి అత్యంత ప్రాధాన్యత ఇచ్చామన్నారు.జెన్‌పాక్ట్ సహకారంతో ఏర్పాటైన ఈ కేంద్రంలో ప్రస్తుతం 400 మందికి పైగా ఉపాధి లభించనుందని, రాబోయే రోజుల్లో ఈ సంఖ్య వేయికి పెరుగుతుందన్నారు. మార్స్ గ్లోబల్ ఆపరేషన్స్ కు అవసరమైన డిజిటల్, డేటా, ఏఐ సామర్థ్యాలను మరింత బలోపేతం చేస్తుందన్నారు. కార్యక్రమంలో మార్స్ చీఫ్ ఫైనాన్షియల్ ఆఫీసర్ క్లాస్ ఆగార్డ్, జెన్‌పాక్ట్ ప్రతినిధి తరుణ్ చోప్రా, అమెరికా కాన్సులేట్ జనరల్ హైదరాబాద్ ప్రతినిధి ఎమీలియా బి. స్మిత్ తదితరులు పాల్గొన్నారు.

విమానాశ్రయాలు, లాంజ్‌లు, హోటళ్లు, ఆతిథ్య (హాస్పిటాలిటీ) రంగంలో పనిచేసే ఫ్రంట్‌లైన్ సిబ్బంది పడుతున్న శ్రమపై ప్రముఖ నటుడు సోనూ సూద్‌ కీలక విజ్ఞప్తి చేశారు. ఎయిర్‌పోర్టు కౌంటర్లు, హోటల్ రిసెప్షన్లు, సర్వీస్ డెస్క్‌ల వద్ద ఉద్యోగులు దాదాపు 10 నుంచి 12 గంటల పాటు నిరంతరం నిలబడి విధులు నిర్వర్తించాల్సి వస్తోందని, వారి కఠినమైన పనివేళల పట్ల యాజమాన్యాలు మానవతా దృక్పథంతో ఆలోచించాలని కోరారు.కొద్దిపాటి విశ్రాంతివిమానాశ్రయాలకు వెళ్లినప్పుడు లేదా హోటళ్లకు చేరుకున్నప్పుడు మనకు చిరునవ్వుతో స్వాగతం పలికే సిబ్బందిని గమనిస్తుంటాం. కానీ అదే సిబ్బంది రోజంతా నిలబడి పనిచేయడం వల్ల ఎంతటి శారీరక ఇబ్బందులు, అలసటను ఎదుర్కొంటారనే కోణంలో ఎప్పుడైనా ఆలోచించామా? అని సోనూ సూద్‌ సోషల్ మీడియా వేదికగా ప్రశ్నించారు. పని ఒత్తిడి మధ్య వీలు కుదిరిన సమయంలో సిబ్బంది కూర్చునేందుకు వీలుగా ప్రతి వర్క్‌ప్లేస్‌లోనూ తగిన హై స్టూల్స్ లేదా సరైన సీటింగ్ ఏర్పాట్లు కల్పించాలని ఆయన సూచించారు. కొద్దిపాటి విశ్రాంతి అనేది ఏదో ప్రత్యేకమైన ప్రివిలేజ్ (అరుదైన అవకాశం) కాదని, అది ప్రతి ఉద్యోగికి దక్కాల్సిన కనీస గౌరవం అని స్పష్టం చేశారు.ఆతిథ్య రంగంలో నైతిక బాధ్యతహాస్పిటాలిటీ రంగం పూర్తిగా కస్టమర్ల సౌకర్యాలు, సంతృప్తి చుట్టూ తిరుగుతుంది. హోటళ్లలో అతిథుల కోసం సౌకర్యవంతమైన గదులు, ఎయిర్‌పోర్ట్ లాంజ్‌లలో ప్రీమియం సీటింగ్ సదుపాయాలు కల్పించే యాజమాన్యాలు.. అదే సేవలను అందించే సిబ్బంది ఆరోగ్యం, శ్రేయస్సును కూడా దృష్టిలో ఉంచుకోవాలని నిపుణులు అభిప్రాయపడుతున్నారు. ఉద్యోగులకు తగిన సీటింగ్ సదుపాయాలు కల్పించడం వల్ల సేవా నాణ్యత ఏమాత్రం తగ్గదని, పైగా ఇది ఉద్యోగుల పనితీరును మరింత మెరుగుపరుస్తుందని సోనూ సూద్ వాదిస్తున్నారు. కస్టమర్ల అనుభవం, ఉద్యోగుల సంక్షేమం ఒకదానితో ఒకటి ముడిపడి ఉన్నాయని వ్యాపార సంస్థలు గుర్తించాల్సిన సమయం ఆసన్నమైంది.ఇదీ చదవండి: ఎన్విడియా సీఈఓ వారసుల జీతం ఎంతంటే..

ప్రస్తుత పోటీ ప్రపంచంలో కార్పొరేట్ సంస్థల పనితీరు, మానవతా విలువలకు పడుతున్న తూట్లు మరోసారి చర్చనీయాంశంగా మారాయి. విధుల్లో ఉన్న సమయంలో లేదా వ్యక్తిగత జీవితంలో అనుకోని ప్రమాదాల బారిన పడి అనారోగ్యానికి గురయ్యే ఉద్యోగులకు అండగా ఉండాల్సిన యాజమాన్యాలు, కొద్ది నెలల అనారోగ్య సెలవులను కూడా భరించలేక కఠిన నిర్ణయాలు తీసుకుంటున్నాయి. తాజాగా వెలుగులోకి వచ్చిన ఓ ఘటన కార్పొరేట్ రంగంలోని మానవతా లోపాలను, ఉద్యోగ భద్రతపై నెలకొన్న ఆందోళనలను మరోసారి అద్దం పడుతోంది.సోషల్ మీడియా వేదికగా వైరల్ అవుతున్న వివరాల ప్రకారం, 28 ఏళ్ల ఓ యువతి కాలుకు తీవ్రమైన గాయంతో ఇబ్బంది పడుతోంది. అదే సమయంలో సంస్థ నుంచి అకస్మాత్తుగా లేఆఫ్‌ మెయిల్‌ వచ్చింది. సాధారణంగా ఉద్యోగులు అనారోగ్యానికి గురైనప్పుడు లేదా ప్రమాదాలు జరిగినప్పుడు చట్టపరంగా గానీ, నైతిక పరంగా గానీ యాజమాన్యాలు అండగా ఉండాలి. అయితే, సంబంధిత కంపెనీ మాత్రం ఆ బాధితురాలు వరుసగా వైద్య సెలవులు (మెడికల్ లీవ్స్) పెట్టడాన్ని సాకుగా చూపి ఎలాంటి ముందస్తు సమాచారం లేదా నోటీసు పీరియడ్, నష్టపరిహారం (సెవరెన్స్ పే) అందించకుండానే ఉద్యోగం నుంచి తొలగించినట్లు ఆమె ఆవేదన వ్యక్తం చేశారు.కంపెనీ నిర్ణయంపై వ్యతిరేకతశారీరక వేదనతో పాటు ఉద్యోగం కోల్పోవడంతో ఆ యువతి తీవ్రమైన మానసిక, ఆర్థిక అనిశ్చితిని ఎదుర్కొంటున్నట్లు సోషల్ మీడియా వేదికగా వాపోయారు. ‘వైద్యపరమైన అత్యవసర పరిస్థితుల్లో సెలవు కోరడం నేరమా?’ అంటూ ఆమె చేసిన పోస్ట్ ప్రస్తుతం నెట్టింట చర్చకు దారితీసింది. కార్పొరేట్ సంస్థల్లో మానవ వనరుల విభాగాలు ఉద్యోగుల సంక్షేమం కంటే కంపెనీ ఉత్పాదకతకే ఎక్కువ ప్రాధాన్యత ఇస్తున్నాయనే విమర్శలకు ఈ ఘటన ఉదాహరణగా నిలుస్తోంది.పెరుగుతున్న కార్పొరేట్ లేఆఫ్‌ల నేపథ్యంలో ఉద్యోగులకు రక్షణ లేకుండా పోతోందని నిపుణులు ఆందోళన వ్యక్తం చేస్తున్నారు. చట్టపరమైన నిబంధనలు, లేబర్ చట్టాలు బలహీనంగా ఉన్న చోట యాజమాన్యాలు ఇలాంటి ఏకపక్ష నిర్ణయాలకు పాల్పడుతున్నాయని కార్మిక సంఘాలు మండిపడుతున్నాయి. ఏది ఏమైనప్పటికీ ఒకవైపు అనారోగ్యంతో పోరాడుతూ, మరోవైపు ఉపాధిని కోల్పోయిన ఆ యువతి ఉదంతం కార్పొరేట్ ప్రపంచంలోని వాస్తవాలను కళ్లకు కడుతోంది.ఇదీ చదవండి: ఎన్విడియా సీఈఓ వారసుల జీతం ఎంతంటే..

ప్రపంచంలోనే అత్యంత విలువైన టెక్ కంపెనీల్లో ఒకటైన ఎన్విడియా గురించి.. ఇప్పుడు సర్వత్రా చర్చ జరుగుతోంది. ఈ చర్చ ఈసారి కంపెనీ సాధించిన విజయాల గురించి కాదు.. దాని చుట్టూ నెలకొన్న వివాదాల గురించి.ఆసక్తికరమైన విషయం ఏంటంటే, ఎన్విడియాకు చైనా విషయంలో సమస్యలు రావచ్చని ఆరు నెలల క్రితమే ఓ 31 ఏళ్ల యువకుడు హెచ్చరించాడు. అప్పట్లో అతడి మాటలను ఎవరూ పెద్దగా పట్టించుకోలేదు. కానీ ఇప్పుడు అదే నివేదికపై ప్రపంచవ్యాప్తంగా మాట్లాడుకుంటున్నారు.ముందే హెచ్చరించిన లమార్కోఎన్విడియాకు సమస్యలు వచ్చే అవకాశం ఉందని చెప్పిన ఆ యువకుడి పేరు క్రిస్టియన్ లమార్కో. అమెరికాకు చెందిన కుల్పర్ రీసెర్చ్ అనే షార్ట్ సెల్లింగ్ సంస్థను ఆయన నిర్వహిస్తున్నారు. ఈ ఏడాది మేలో అమెరికా అధ్యక్షుడు డొనాల్డ్ ట్రంప్‌తో కలిసి ఎన్విడియా సీఈఓ జెన్సన్ హువాంగ్ చైనా పర్యటనకు వెళ్లిన సమయంలో.. లమార్కో ఓ 40 పేజీల నివేదిక విడుదల చేశారు.ఎన్విడియాకు చైనా వ్యాపారంతో కొన్ని సమస్యలు వస్తాయని, భవిష్యత్తులో అవే కంపెనీకి ఇబ్బందులు తెచ్చి పెట్టే అవకాశం ఉందని నివేదికలో పేర్కొన్నాడు. అంతేకాదు, సింగపూర్‌కు చెందిన మెగాస్పీడ్ సంస్థలో పనిచేసిన అలిస్ హువాంగ్‌తో జెన్సన్ హువాంగ్‌కు ఉన్న సన్నిహిత సంబంధాల గురించి కూడా ప్రస్తావించారు. అయితే.. అప్పట్లో ఈ నివేదికను ఎవరూ పెద్దగా పట్టించుకోలేదు.చెప్పినట్లే జరిగిందా?కానీ.. ఆరు నెలల తర్వాత పరిస్థితి పూర్తిగా మారిపోయింది. అలిస్ హువాంగ్‌తో తనకు వివాహేతర సంబంధం ఉన్నట్లు జెన్సన్ హువాంగ్ అంగీకరించినట్లు తెలిసింది. అంతే కాకుండా.. అలిస్ హువాంగ్ చైనా నిఘా సంస్థతో సంబంధాలు కలిగి ఉన్నారనే ఆరోపణలు కూడా తెరపైకి వచ్చాయి. ఈ పరిణామాల మధ్య ఎన్విడియా షేర్లు భారీగా పడిపోయాయని, కంపెనీ మార్కెట్ విలువ సుమారు 600 బిలియన్ డాలర్లు తగ్గినట్లు సమాచారం.దీంతో ఆరు నెలల క్రితం లమార్కో చేసిన హెచ్చరికలను ఇప్పుడు చాలామంది గుర్తుచేసుకుంటున్నారు. ఈ పరిణామాలపై లమార్కో కూడా స్పందించారు. తాము నివేదిక విడుదల చేసినప్పుడు ఎవరూ పట్టించుకోలేదని, కొందరు తమను ఎగతాళి కూడా చేశారని చెప్పారు. కానీ ఇప్పుడు అదే నివేదిక గురించి అందరూ మాట్లాడుతున్నారని తెలిపారు. కొన్నిసార్లు మనం చెప్పే విషయాలకు వెంటనే గుర్తింపు రాకపోయినా, సరైన సమయంలో వాటికి ప్రాధాన్యత వస్తుందని ఆయన అభిప్రాయపడ్డారు.ఎవరీ.. లమార్కో?ఇక లమార్కో విషయానికి వస్తే.. ఈయన న్యూయార్క్‌లో ఓ పాస్టర్ కుటుంబంలో పెరిగారు. కాలేజీ రోజుల నుంచే పెట్టుబడులపై ఆసక్తి ఏర్పడింది. ఫైనాన్స్ చదివిన తర్వాత 2017లో చికాగోలోని ఓ పెట్టుబడుల సంస్థలో ఉద్యోగం చేశారు. రెండేళ్ల తర్వాత ఆ ఉద్యోగాన్ని వదిలేసి, తన దగ్గరున్న కొద్దిపాటి పొదుపుతో సొంతంగా సంస్థను ప్రారంభించారు. మొదట షాడీసైడ్ అనే పేరుతో వ్యాపారం మొదలుపెట్టినా, తర్వాత అమెరికా స్వాతంత్య్ర పోరాట సమయంలో రహస్య సమాచారాన్ని సేకరించిన కుల్పర్ రింగ్ పేరు మీద కుల్పర్ రీసెర్చ్‌గా మార్చారు.ప్రస్తుతం ఆయన సంస్థలో కేవలం ముగ్గురు మాత్రమే పనిచేస్తున్నారు. అయినప్పటికీ పెద్ద పెద్ద కంపెనీల వ్యాపార వ్యవహారాలను పరిశీలిస్తూ నివేదికలు విడుదల చేస్తున్నారు. గతంలో.. లైఫ్‌ఎండీ అనే కంపెనీపై నివేదిక విడుదల చేయగా, ఆ తర్వాత దాని షేర్లు భారీగా పడిపోయాయి. మరోవైపు టెక్నోగ్లాస్ అనే కంపెనీకి డ్రగ్ కార్టెల్‌తో సంబంధాలు ఉన్నాయని ఆరోపించగా, ఆ సంస్థ ఆయనపై పరువు నష్టం దావా వేసింది. అంతేకాదు, ఆర్చర్ ఏవియేషన్ కంపెనీపై కూడా ఆయన ప్రతికూల అంచనాలు వ్యక్తం చేశారు. ఆ కంపెనీ ఎలక్ట్రిక్ ఎయిర్ టాక్సీలో టీవీ హోస్ట్ జిమ్మీ ఫాలన్ ప్రయాణిస్తే లక్ష డాలర్ల పందెం చెల్లిస్తానని కూడా ప్రకటించారు.ఇదీ చదవండి: జాబ్ మానేసినా జీతం ఇస్తాం.. CEO సంచలన నిర్ణయం!

సాధారణంగా ఒక సంస్థలో పనిచేసే ఉద్యోగి.. ఉద్యోగం మానేసి సొంతంగా వ్యాపారం ప్రారంభిస్తానంటే యాజమాన్యం అంతగా ఇష్టపడదు. కానీ.. కర్ణాటకకు చెందిన ఐడీ ఫ్రెష్ ఫుడ్ ఇండియా కంపెనీ సీఈఓ మాత్రం ఇందుకు భిన్నంగా ఆలోచించారు.ఐడీ ఫ్రెష్ ఫుడ్ ఇండియా గ్లోబల్ సీఈఓ ముస్తఫా పీసీ.. తన దగ్గర పనిచేసే ఉద్యోగులు సొంతంగా వ్యాపారాలు ప్రారంభించి జీవితంలో ఎదగాలని కోరుకుంటున్నారు. అంతేకాదు, ఉద్యోగం వదిలి వెళ్లే సమయంలోనూ వారికి కొంతకాలం జీతం చెల్లిస్తూ అండగా నిలవాలని నిర్ణయించారు. ఆయన తీసుకున్న ఈ నిర్ణయం ఇప్పుడు సోషల్ మీడియాలో చర్చనీయాంశంగా మారింది.రూ.50వేల పెట్టుబడితో మొదలై..ముస్తఫా తన లింక్డ్‌ఇన్ పోస్టులో ఈ నిర్ణయం వెనుక ఉన్న కారణాన్ని వివరించారు. ఒకప్పుడు తాము కూడా ఎన్నో కష్టాలు ఎదుర్కొంటూ వ్యాపారాన్ని ప్రారంభించామని గుర్తుచేసుకున్నారు. బెంగళూరులో కేవలం రూ.50 వేల పెట్టుబడితో ఒక చిన్న వంటగదిలో ఐడీ ఫ్రెష్ ఫుడ్ సంస్థను మొదలుపెట్టినట్లు తెలిపారు. ప్రారంభంలో.. ఎన్నో తప్పులు చేశామని, నిద్రలేని రాత్రులు గడిపామని చెప్పారు. అయితే తమ ఆలోచనపై నమ్మకం ఉంచిన కొందరు వ్యక్తులు ప్రోత్సహించడంతోనే ఈ స్థాయికి చేరుకోగలిగామని వివరించారు.ఉద్యోగులకు అవకాశంఇప్పుడు తమ కంపెనీలో పనిచేస్తున్న ఉద్యోగులకు కూడా అలాంటి అవకాశమే కల్పించాలని ముస్తఫా భావిస్తున్నారు. ఇందుకోసం ప్రత్యేకంగా 'ఎంటర్‌ప్రెన్యూర్‌షిప్ పాలసీ'ని తీసుకొచ్చారు. ఈ విధానం ద్వారా ఉద్యోగులు సొంతంగా వ్యాపారం ప్రారంభించాలనుకుంటే కంపెనీకి చెందిన వ్యాపార భాగస్వాముల నెట్‌వర్క్‌ను ఉపయోగించుకోవచ్చు. అలాగే.. కంపెనీ ఉన్నతాధికారుల నుంచి సలహాలు, మార్గదర్శకత్వం పొందవచ్చు. ముఖ్యంగా తమ కలలను నిజం చేసుకునేందుకు ఉద్యోగాన్ని వదిలి వెళ్లే సమయంలో కొంతకాలం పాటు పాక్షికంగా జీతం కూడా అందిస్తారు.ఈ నిర్ణయంపై ముస్తఫా మాట్లాడుతూ.. ఉద్యోగులు తమ కలలను నిజం చేసుకోవాలంటే ఆర్థిక భద్రతను పూర్తిగా వదులుకోవాల్సిన అవసరం ఉండకూడదని చెప్పారు. ఒకవేళ సొంతంగా వ్యాపారం ప్రారంభించిన తర్వాత.. అనుకున్నంతగా విజయం సాధించలేకపోతే తిరిగి తన దగ్గరకు రావచ్చని ఉద్యోగులకు భరోసా ఇచ్చారు. మంచి ఉద్యోగులు కంపెనీని వదిలి వెళ్లడం బాధ కలిగించినా, వారే భవిష్యత్తులో సొంత సంస్థలను నిర్మించి సమాజానికి ఉపయోగపడితే అంతకంటే ఎక్కువ సంతోషం ఉండదని పేర్కొన్నారు.గతంలో ఇలా..ఇలాంటి ఆలోచనతో.. ఉద్యోగులను ప్రోత్సహించిన వారు విదేశాల్లోనూ ఉన్నారు. 2021లో అమెరికాకు చెందిన లాటిస్ సంస్థ సహ వ్యవస్థాపకుడు జాక్ ఆల్ట్‌మన్ కూడా తన కంపెనీలో ఉద్యోగం మానేసి సొంతంగా వ్యాపారం ప్రారంభించాలనుకునే వారికి లక్ష డాలర్ల పెట్టుబడి అందిస్తానని ప్రకటించారు. గతంలో తాను ఉద్యోగం చేస్తున్న సమయంలో తన బాస్ ఇచ్చిన ప్రోత్సాహంతోనే సొంతంగా కంపెనీ ప్రారంభించగలిగానని, ఇప్పుడు అదే అవకాశాన్ని ఇతరులకు కల్పించాలని నిర్ణయించుకున్నట్లు తెలిపారు.ఇదీ చదవండి: కుప్పకూలిన బంగారం ధరలు.. ఒక్కరోజులోనే భారీగా..

ప్రపంచ ఏఐ రంగంలో దూసుకుపోతున్న ‘ఎన్విడియా’ కంపెనీ చీఫ్ ఎగ్జిక్యూటివ్ ఆఫీసర్ (సీఈఓ) జెన్సన్ హువాంగ్ కుటుంబానికి సంబంధించి తాజాగా వెలువడిన అధికారిక నివేదికలు కార్పొరేట్ వర్గాల్లో చర్చనీయాంశంగా మారాయి. హువాంగ్ కుమారుడు స్పెన్సర్ హువాంగ్, కుమార్తె మాడిసన్ హువాంగ్ ఇద్దరూ వార్షిక వేతనాల రూపంలో ఒక్కొక్కరు మిలియన్ డాలర్లకు పైగా ఆర్జిస్తున్నట్లు కంపెనీ తాజాగా విడుదల చేసిన ప్రాక్సీ స్టేట్‌మెంట్‌లో వెల్లడించింది.కంపెనీ ఆర్థిక నివేదికల ప్రకారం.. జెన్సన్ హువాంగ్ కుమార్తె మాడిసన్ హువాంగ్ టోటల్ కాంపెన్సేషన్ కింద దాదాపు 1.23 మిలియన్ డాలర్లు(సుమారు రూ.10 కోట్లు) అందుకోగా, కుమారుడు స్పెన్సర్ హువాంగ్ దాదాపు 1.32 మిలియన్ డాలర్ల మొత్తాన్ని ఆర్జించారు. ఈ ప్యాకేజీల్లో కేవలం బేస్ జీతమే కాకుండా ఈక్విటీ అవార్డులు తదితర ప్రోత్సాహకాలు కూడా కలిసి ఉన్నాయని ఎన్విడియా స్పష్టం చేసింది. అయితే, ఈ నియామకాలు, వేతనాల నిర్ణయ ప్రక్రియలో జెన్సన్ ఎలాంటి జోక్యం చేసుకోలేదని, ఇతర ఉద్యోగులకు వర్తించే సాధారణ కంపెనీ విధానాల ప్రకారమే వీరికి బాధ్యతలు, వేతనాలు కేటాయించారని ఎన్విడియా స్పష్టం చేయడం గమనార్హం.టెక్ మార్గానికి భిన్నంగా..జెన్సన్ హువాంగ్ వారసులు అయినప్పటికీ మాడిసన్, స్పెన్సర్‌ల కెరీర్ ప్రారంభం సాంప్రదాయ టెక్ రంగం వైపు సాగలేదు. మాడిసన్ హువాంగ్ మొదటగా కలినరీ ఆర్ట్స్‌ వైపు ఆసక్తి చూపి, పారిస్‌లో శిక్షణ పొంది ప్రఖ్యాత లగ్జరీ బ్రాండ్ ఎల్‌వీఎంహెచ్ వంటి సంస్థల్లో పనిచేశారు. ఆ తర్వాత లండన్ బిజినెస్ స్కూల్ నుంచి ఎంబీఏ పూర్తి చేసి 2020లో ఎన్విడియాలో ఇంటర్న్‌గా చేరి క్రమంగా ఉన్నత స్థాయికి ఎదిగారు. ప్రస్తుతం ఆమె ఎన్విడియాలో ఫిజికల్ ఏఐ, ఓమ్నివర్స్ సిమ్యులేషన్ సాఫ్ట్‌వేర్ విభాగాలను పర్యవేక్షిస్తున్నారు.మరోవైపు కుమారుడు స్పెన్సర్ హువాంగ్ తైవాన్‌లోని తైపీలో కొన్నాళ్లపాటు ఒక కాక్‌టెయిల్ బార్‌కు సహ-స్థాపకుడిగా ఉన్నారు. ఆ తర్వాత న్యూయార్క్ విశ్వవిద్యాలయంలో ఎంబీఏ పూర్తి చేసి 2022లో ఎన్విడియాలో చేరారు. ప్రస్తుతం ఆయన కంపెనీ రోబోటిక్స్ అండ్ సిమ్యులేషన్ బిజినెస్ విభాగంలో ప్రొడక్ట్ మేనేజ్‌మెంట్‌ను లీడ్ చేస్తున్నారు. రోబోట్లు తమ చుట్టూ ఉన్న వాతావరణాన్ని అర్థం చేసుకునేలా వర్చువల్ సిమ్యులేషన్ల ద్వారా శిక్షణనిచ్చే సాంకేతికతల రూపకల్పనలో ఆయన కీలక పాత్ర పోషిస్తున్నారు.తండ్రి ఆ స్థానంలో ఉన్నా..కంపెనీలో అత్యున్నత స్థాయిలో జెన్సన్ హువాంగ్ సీఈఓగా ఉన్నప్పటికీ ఆయన పిల్లలు ఇద్దరూ ఎలాంటి ఎగ్జిక్యూటివ్ ఆఫీసర్ హోదాలో లేరని, పైగా నేరుగా తమ తండ్రికి రిపోర్ట్ చేసే విధంగా వారి విధులు లేవని ఎన్విడియా స్పష్టం చేసింది. టెక్ ప్రపంచంలో ఎన్విడియా సాధిస్తున్న అసాధారణ వృద్ధి నేపథ్యంలో భవిష్యత్ వ్యూహాత్మక రంగాలైన రోబోటిక్స్, ఫిజికల్ ఏఐ, ఓమ్నివర్స్ ప్లాట్‌ఫారమ్‌లలో వీరు ఇద్దరూ బాధ్యతలు నిర్వర్తించడం కార్పొరేట్ వర్గాల్లో ప్రాధాన్యం సంతరించుకుంది.ఇదీ చదవండి: పంచ్‌ ఫలక్‌నామాకే పంచ్‌! కార్పొరేట్ కఠిన నిజాలు

గ్లోబల్ టెక్ రంగంలో ప్రముఖ వ్యక్తిగా గుర్తింపు పొందిన ఎన్విడియా సీఈఓ జెన్సన్ హువాంగ్.. ఇప్పుడు తన వ్యక్తిగత జీవితానికి సంబంధించిన ఆరోపణలతో వార్తల్లో నిలిచారు. ఇప్పటికే.. అలిస్ హువాంగ్ అనే మహిళతో వివాహేతర సంబంధం ఉందంటూ వార్తలు వచ్చాయి. తాజాగా తన కంపెనీలోనే పనిచేస్తున్న మరో మహిళా ఉన్నతాధికారి 'కింబర్లీ పావెల్‌'తో కూడా ఆయనకు సంబంధం ఉన్నట్లు న్యూయార్క్ టైమ్స్ కథనం వెల్లడించింది.ఎవరీ కింబర్లీ పావెల్‌48 ఏళ్ల కింబర్లీ పావెల్ 2008లో ఎన్విడియాలో చేరారు. ప్రస్తుతం కంపెనీ హెల్త్‌కేర్ విభాగానికి వైస్ ప్రెసిడెంట్‌గా పనిచేస్తున్నారు. వైద్య రంగంలో ఆర్టిఫిషియల్ ఇంటెలిజెన్స్ (AI), మెడికల్ ఇమేజింగ్, ఔషధాల పరిశోధన వంటి విభాగాల్లో ఎన్విడియా సాంకేతికతను విస్తరించే బాధ్యతలు నిర్వహిస్తున్నారు. కంపెనీలో వివిధ హోదాల్లో పనిచేస్తూ 2017 చివరి నాటికి వైస్ ప్రెసిడెంట్ స్థాయికి ఎదిగారు. ఆమె నేరుగా జెన్సన్ హువాంగ్‌కు రిపోర్ట్ చేసే సుమారు 60 మంది ఉన్నతాధికారుల్లో ఒకరు కావడం గమనార్హం.ఈ ఏడాది మార్చిలో అమెరికాలోని శాన్‌జోస్‌లో జరిగిన ఎన్విడియా వార్షిక టెక్నాలజీ సమావేశం జీటీసీలో కింబర్లీ పావెల్ పాల్గొన్నారు. ఈ కార్యక్రమం సందర్భంగా సమీపంలోని ఒక హోటల్‌లో జెన్సన్ హువాంగ్, కింబర్లీ పావెల్ సన్నిహితంగా మెలిగినట్లు.. ఈ వ్యవహారాన్ని అక్కడున్న ఒక వ్యక్తి కెమెరాలో చిత్రీకరించగా, హువాంగ్ భద్రతా సిబ్బంది అతనితో రహస్య ఒప్పందం (NDA)పై సంతకం చేయించినట్లు న్యూయార్క్ టైమ్స్ కథనం పేర్కొంది.అలిస్ హువాంగ్‌తో సంబంధంకాగా.. సింగపూర్‌కు చెందిన మెగాస్పీడ్ డేటా సెంటర్ సంస్థలో పనిచేస్తున్న ఆలిస్ హువాంగ్‌తోనూ జెన్సన్‌కు సంబంధం ఉన్నట్లు.. 2024, 2025లో వీరిద్దరూ తైవాన్‌లో కలిసి కనిపించినట్లు వాల్ స్ట్రీట్ జర్నల్ కథనం ప్రచురించింది.అంతేకాకుండా.. అలిస్ హువాంగ్‌కు చైనా ప్రభుత్వ నిఘా సంస్థ మినిస్ట్రీ ఆఫ్ స్టేట్ సెక్యూరిటీతో సంబంధాలు ఉన్నాయంటూ అమెరికా నిఘా వర్గాలు అనుమానాలు వ్యక్తం చేశాయి. ఈ నేపథ్యంలో జెన్సన్ హువాంగ్ తన భార్యకు నమ్మకద్రోహం చేసినట్లు కంపెనీ ఉద్యోగులకు పంపిన సందేశంలో అంగీకరించారు.ఈ వరుస పరిణామాలతో ఎన్విడియాలో జెన్సన్ హువాంగ్ నాయకత్వంపై చర్చ మొదలైంది. ఆయన భవిష్యత్తుపై నిర్ణయం తీసుకునేందుకు కంపెనీ బోర్డు సమావేశం కావడానికి సిద్ధమవుతోందని తెలుస్తోంది. మరోవైపు, ఈ వ్యవహారానికి సంబంధించిన సమాచారాన్ని పెట్టుబడిదారులకు వెల్లడించలేదని ఆరోపిస్తూ హువాంగ్, ఎన్విడియా కంపెనీపై వాటాదారులు క్లాస్ యాక్షన్ దావా వేసినట్లు వార్తలు వచ్చాయి. అయితే.. ఆయనను పదవి నుంచి తొలగించాలని బోర్డు నిర్ణయించినట్లు అధికారిక ప్రకటన వెల్లడికాలేదు.ఇదీ చదవండి: బ్యాంకు ఖాతా లేకున్నా నగదు బదిలీ

ఒక బ్యాంక్ ఖాతా నుంచి మరొక ఖాతాకు, లేదా దేశంలోని ఏ వ్యక్తికైనా డబ్బు పంపే నిబంధనలను రిజర్వ్ బ్యాంక్ ఆఫ్ ఇండియా సరళీకరించింది. గుర్తింపు ధ్రువీకరణ, చిరునామా ధ్రువీకరణలాంటివి లేకపోవడం వల్ల బ్యాంకింగ్‌ మాధ్యమాన్ని ఉపయోగించుకోలేని వలస కార్మికుల్లాంటి వారు కూడా నగదును ట్రాన్స్‌ఫర్‌ చేసేందుకు వీలు కల్పిస్తూ మార్గదర్శకాలు జారీ చేసింది. 2026 నవంబర్ 11న విడుదల చేసిన ఈ నిబంధనలు తక్షణమే అమల్లోకి వచ్చాయి.రూ.50,000 వరకు బదిలీకొత్త నిబంధనల ప్రకారం.. మీకు ఏ బ్యాంకులోనూ ఖాతా లేకపోయినా, మీరు బ్రాంచ్‌కు వెళ్లి ఎన్‌ఈఎఫ్‌టీ ద్వారా ఎవరి ఖాతాకైనా ఒకేసారి రూ.50,000 వరకు బదిలీ చేసుకోవచ్చు. ఒకవేళా.. మీరు ఎవరికైనా నేరుగా నగదు రూపంలో డబ్బు పంపాలనుకుంటే, ఒకేసారి రూ. 10,000 వరకు పంపవచ్చు, కాగా ఒక వ్యక్తి నెలకు గరిష్టంగా రూ. 25 వేల నగదును పంపవచ్చు.ఆర్‌బీఐ కొత్త నిబంధనల ప్రకారం.. బ్యాంకు ఖాతాలు ఉన్నవారు సొంతంగా ఖాతా లేని వారికి నేరుగా డబ్బు పంపే సౌకర్యాన్ని బ్యాంకులు ఇకపై కల్పించనున్నాయి. స్వీకర్త ఏదైనా ఏటీఎం నుంచి నగదును తీసుకోవచ్చు లేదా బ్యాంకు ఏజెంట్ (బిజినెస్ కరస్పాండెంట్)ను సంప్రదించవచ్చు. సమీపంలో బ్యాంకు శాఖలు లేని గ్రామాలు, మారుమూల ప్రాంతాలలో నివసించే ప్రజలకు ఈ సేవ చాలా ఉపయోగకరంగా ఉంటుంది.ఒక్కో లావాదేవీకి రూ.5,000 మాత్రమేబ్యాంకింగ్ కరస్పాండెంట్లు, ఏటీఎంలు, ఇతర అనుమతించిన మార్గాల ద్వారా డబ్బులు పంపించాలంటే ఒక్కో లావాదేవీకి రూ.5,000 మాత్రమే అనుమతిస్తారు. ఈ విధానంలో ఒక వ్యక్తి నెలకు గరిష్ఠంగా రూ.25,000 వరకు మాత్రమే పంపించగలడు.ఈ సేవలను ఉపయోగించుకునే కస్టమర్ల వివరాలను బ్యాంకులు తప్పనిసరిగా నమోదు చేయాలి. రిజర్వ్ బ్యాంక్ రూపొందించిన కేవైసీ నిబంధనల ప్రకారం.. కస్టమర్ వివరాలను పరిశీలించాలి. అంతేకాకుండా ప్రతి లావాదేవీకి అదనపు భద్రతా ధృవీకరణ తప్పనిసరిగా ఉండాలి.ఇదీ చదవండి: 6.5 కేజీల బంగారం, వజ్రాలతో దీపావళి ముగ్గు!

విజయవాడ: యూనియన్ బ్యాంక్ ఆఫ్ ఇండియా 108వ వ్యవస్థాపక దినోత్సవ వేడుకలు ఘనంగా జరిగాయి. ఈ సందర్భంగా దేశవ్యాప్తంగా పలు కార్యక్రమాలు చేపట్టగా, విజయవాడలోని గొల్లపూడి గుంటుపల్లి హైవేలో ఉన్న సీఏ కన్వెన్షన్ ఫంక్షన్ హాల్‌లో ప్రత్యేక వేడుక నిర్వహించారు. రిజర్వ్ బ్యాంక్ ఆఫ్ ఇండియా ప్రాంతీయ డైరెక్టర్ ఎ.ఓ. బషీర్ ముఖ్య అతిథిగా పాల్గొన్నారు. విజయవాడ జోనల్ హెడ్, జనరల్ మేనేజర్ కట్టా శ్రీధర్ బాబు, రీజినల్ హెడ్ ఎం.వి. తిలక్ తదితర అధికారులు, ఉద్యోగులు, ఖాతాదారులు, విశ్రాంత ఉద్యోగులు హాజరయ్యారు.ఈ సందర్భంగా శ్రీధర్ బాబు మాట్లాడుతూ.. 108 ఏళ్లుగా ఖాతాదారుల విశ్వాసాన్ని చూరగొంటూ బ్యాంకు అభివృద్ధి చెందుతోందని తెలిపారు. బ్యాంకు విజయ ప్రస్థానంలో ఖాతాదారులు, ఉద్యోగుల పాత్ర కీలకమని పేర్కొన్నారు. విజయవాడ జోన్ పరిధిలో 489 శాఖలు, రాష్ట్రవ్యాప్తంగా మొత్తం 1,234 శాఖలతో బ్యాంకు సేవలందిస్తోందని వెల్లడించారు.మరోవైపు, ముంబైలోని ప్రధాన కార్యాలయంలో నిర్వహించిన వేడుకల్లో భాగంగా ఆధునిక బ్యాంకింగ్ సేవలకు సంబంధించిన పలు డిజిటల్ ఉత్పత్తులను ప్రారంభించారు. దేశవ్యాప్తంగా 108 కొత్త శాఖలను వర్చువల్‌గా ప్రారంభించారు. వీటిలో ఈశాన్య ప్రాంతంలో 25, సాధారణ వ్యాపార సేవలకు 51, యువత కోసం 16, స్టార్టప్‌ల కోసం 9, వ్యవసాయ విలువ ఆధారిత ఆర్థిక సేవలకు 7 శాఖలు ఉన్నాయి. అలాగే జాతీయ రక్షణ నిధికి రూ.11.17 కోట్లు, సామాజిక బాధ్యత కార్యక్రమాలకు రూ.13.72 కోట్లు విరాళంగా అందించారు. ఆర్థిక సమ్మిళిత వృద్ధి, సాంకేతిక ఆవిష్కరణలు, ఖాతాదారులకు మెరుగైన సేవలే లక్ష్యంగా ముందుకు సాగుతామని బ్యాంకు ప్రకటించింది.

సామాన్యులపై మరోసారి పాల ధరల భారం పడనుంది. ప్రముఖ డెయిరీ సంస్థలు అమూల్‌, మదర్‌ డెయిరీ తమ పాల ధరలను పెంచుతున్నట్లు ప్రకటించాయి. నవంబర్‌ 12, గురువారం నుంచి కొత్త ధరలు అమల్లోకి రానున్నాయి. పాల రకాన్ని బట్టి లీటరుకు రూ.2 నుంచి రూ.4 వరకు ధరలు పెరగనున్నాయి.అమూల్‌ బ్రాండ్‌తో పాల ఉత్పత్తులను విక్రయించే గుజరాత్‌ కో-ఆపరేటివ్‌ మిల్క్‌ మార్కెటింగ్‌ ఫెడరేషన్‌ (జీసీఎంఎంఎఫ్‌) తాజా ధరల సవరణను ప్రకటించింది. అమూల్‌ తాజా, గోల్డ్‌, శక్తి, టీ స్పెషల్‌ వంటి ప్రధాన వేరియంట్లపై ఈ పెంపు ప్రభావం చూపనుంది. కొత్త ధరల ప్రకారం అమూల్‌ తాజా టోన్డ్‌ పాలు లీటరు రూ.62కు, అమూల్‌ గోల్డ్‌ ఫుల్‌ క్రీమ్‌ పాలు రూ.80కు చేరనున్నాయి. అంటే వీటి ధరలు వరుసగా రూ.2, రూ.4 చొప్పున పెరగనున్నాయి.ధరల పెంపునకు పశువుల దాణా, పాల సేకరణ, ప్రాసెసింగ్‌, ప్యాకేజింగ్‌, ఇంధన రవాణా ఖర్చులు పెరగడమే కారణమని అమూల్‌ వెల్లడించింది. తక్కువ, అసమాన వర్షపాతం వల్ల పశుగ్రాసం లభ్యతపైనా ప్రభావం పడిందని తెలిపింది. రైతులకు చెల్లించే పాల సేకరణ ధరలను గత ఏడాది కాలంలో సభ్య సంఘాలు 4-5 శాతం పెంచాయని పేర్కొంది. వినియోగదారుల నుంచి వచ్చే ఆదాయంలో సుమారు 80 శాతం 36 లక్షల మంది పాల ఉత్పత్తిదారులకు తిరిగి అందిస్తున్నట్లు వివరించింది.ఇదిలా ఉండగా, ఢిల్లీ-ఎన్‌సీఆర్‌ ప్రాంతంలో ప్రముఖ పాల సరఫరా సంస్థ మదర్‌ డెయిరీ కూడా లీటరుకు రూ.2 నుంచి రూ.4 వరకు ధరలు పెంచింది. సవరించిన ధరలు నవంబర్‌ 12 నుంచి అమల్లోకి వస్తాయి. కొత్త ధరల ప్రకారం ఫుల్‌ క్రీమ్‌ పాలు లీటరు రూ.76కు (గతంలో రూ.72), ప్యాకెట్‌ టోన్డ్‌ పాలు రూ.62కు (రూ.60), డబుల్‌ టోన్డ్‌ పాలు రూ.56కు (రూ.54) చేరనున్నాయి. ఆవు పాలు లీటరు రూ.65కు (రూ.62), బల్క్‌ టోన్డ్‌ పాలు రూ.60కు (రూ.58) పెరగనున్నాయి.మదర్‌ డెయిరీ రోజుకు ఢిల్లీ-ఎన్‌సీఆర్‌ ప్రాంతంలో సుమారు 35 లక్షల లీటర్ల పాలను విక్రయిస్తోంది. దేశవ్యాప్తంగా ఈ విక్రయాలు 50 లక్షల లీటర్లకు పైగా ఉన్నాయి. రైతుల నుంచి పాల సేకరణ ధరలు పెరగడంతోనే వినియోగదారులపై కొంత భారాన్ని మోపాల్సి వస్తోందని కంపెనీ వర్గాలు తెలిపాయి. ఈ ఏడాది మే 14 తర్వాత మదర్‌ డెయిరీ చేపడుతున్న రెండో ధరల సవరణ ఇది. అమూల్‌ కూడా ఈ ఏడాది మే తర్వాత తొలిసారిగా తాజా పాల ధరలను సవరిస్తోంది. Breaking: Amul has also hiked Milk Prices by Rs 2-4. Applicable from Thursday. https://t.co/KAPiBglFaS— Aseem Manchanda (@aseemmanchanda) November 11, 2026ఇదీ చదవండి: బెంగళూరులో అద్దె ఇల్లు.. వింత షరతులు!

ప్రస్తుత కార్పొరేట్ ప్రపంచంలో ఉద్యోగ భద్రత అనేది కేవలం భ్రమేనని నిరూపించే మరో ఘటన కలకలం సృష్టిస్తోంది. సంస్థలో వందలాది మంది ఉద్యోగుల తొలగింపు ప్రక్రియను స్వయంగా పర్యవేక్షించి, అమలు చేసిన ఒక హెచ్‌ఆర్‌ ఎగ్జిక్యూటివ్‌కు కంపెనీ మేనేజ్‌మెంట్ ఊహించని షాక్ ఇచ్చింది. తోటి ఉద్యోగులను కొలువుల నుంచి సాగనంపిన కొద్దికాలానికే అదే అధికారిని కంపెనీ ఎలాంటి ముందస్తు సంకేతాలు లేకుండా రోడ్డున పడేసింది. ఈ పరిణామం ప్రస్తుతం గ్లోబల్ కార్పొరేట్ వర్గాల్లో చర్చనీయాంశంగా మారింది.సంస్థల పునర్వ్యవస్థీకరణ పేరుతో ఉద్యోగులను తొలగించే విధి నిర్వహణలో కీలక పాత్ర పోషించిన వారికి కూడా రక్షణ లేకపోవడం కార్పొరేట్ సంస్కృతిలోని దయనీయ స్థితికి అద్దం పడుతోంది. విభిన్న కారణాలతో కంపెనీ మేనేజ్‌మెంట్‌ నిబంధనల వల్ల ఉద్యోగులను తొలగించిన తనకే చివరకు భద్రత లేకుండా పోయిందని ఆ హెచ్‌ఆర్ ఎగ్జిక్యూటివ్ ఆవేదన వ్యక్తం చేసినట్లు నివేదికలు వెల్లడిస్తున్నాయి. వ్యయ నియంత్రణ పేరుతో కంపెనీలు అనుసరిస్తున్న ఈ కఠిన విధానాలు చివరికి తమ అంతర్గత సిబ్బందినే బలి చేస్తున్నాయని నిపుణులు విశ్లేషిస్తున్నారు.ఈ ఉదంతం ద్వారా ఆధునిక వ్యాపార రంగంలో నైతికత, మానవతా విలువలు పూర్తిగా మరుగున పడిపోతున్నాయని స్పష్టమవుతోంది. సంస్థల లాభార్జనే ధ్యేయంగా ఉద్యోగులను కేవలం వస్తువులుగా చూసే ధోరణి హెచ్‌ఆర్ విభాగాలకూ చుట్టుకుంటోంది. ఎంతటి సీనియర్ అయినా, ఎంతటి కీలక బాధ్యతలు నిర్వర్తించినా యాజమాన్యాల లెక్కల ముందు ఏ ఒక్కరి ఉద్యోగానికి భద్రత లేదనే కఠిన సత్యాన్ని ఈ ఉదంతం మరోసారి రుజువు చేసింది. కార్పొరేట్ రంగానికి సంబంధించిన ఈ పరిణామాలు ఉద్యోగ భద్రతపై తీవ్ర ఆందోళనలను రేకెత్తిస్తున్నాయి.ఇదీ చదవండి: దిగొచ్చిన బంగారం ధరలు.. ఇదే మంచి సమయం!

నిత్యావసర సరుకుల నుంచి, ఫాస్ట్‌ఫుడ్‌ మొబైల్‌ ఫోన్లు, ల్యాప్‌టాప్‌లు, ఎల్రక్టానిక్‌ గాడ్జెట్ల వరకు అన్నీ నిమిషాల్లో డెలివరీ అవుతున్న రోజుల్లో వైద్యుడి సర్వీసులు ఎందుకు అందించకూడదు అనే ఆలోచనతో గంటలో ఇంటికే డాక్టర్‌ను పంపించే సేవలు నగరాల్లో ప్రారంభమయ్యాయి. ట్రాఫిక్‌ ఇబ్బందులు, ఆసుపత్రుల్లో గంటల తరబడి నిరీక్షణ, బిజీ జీవనశైలి కారణంగా మెట్రో నగరాల్లో హోమ్‌ డాక్టర్‌ సేవలకు ఆదరణ పెరుగుతోంది. ప్రజల నుంచి వస్తున్న ఆదరణ బట్టి దేశవ్యాప్తంగా అన్ని పట్టణాలకు ఈ సర్వీసులు విస్తరించే అవకాశముందని నిర్వాహకులు చెబుతున్నారు.క్లినిక్‌కు రోగి వెళ్లే రోజులు తగ్గి డాక్టరే రోగి ఇంటికి వచ్చే రోజులు పెరుగుతున్నాయి. క్విక్‌ కామర్స్‌ తర్వాత ఆరోగ్య రంగంలోనూ క్విక్‌ సర్వీస్‌ మోడల్‌ దూసుకొస్తోంది. ఇప్పటివరకు డాక్టర్‌ను కలవాలంటే ముందుగా అపాయింట్‌మెంట్‌ తీసుకుని ఆసుపత్రి లేదా క్లినిక్‌కు వెళ్లాల్సి వచ్చేది. ఇప్పుడు పరిస్థితి మారుతోంది. ఫోన్‌లో లేదా యాప్‌లో రిక్వెస్ట్‌ చేస్తే సమీపంలోని వైద్యుడిని ఇంటికే పంపించే మోడల్‌ అందుబాటులోకి వచ్చింది. ముందస్తు అపాయింట్‌మెంట్ల కంటే అప్పటికప్పుడు డాక్టర్‌ కావాలనే రిక్వెస్ట్‌లే ఈ సేవలకు ప్రధాన డిమాండ్‌గా ఉంటున్నాయి. డాక్టర్‌ మోర్‌పెన్‌ హోమ్, ఢిల్లీ ఎన్‌సీఆర్‌లో 150 మందికి పైగా వైద్యులతో ఈ క్విక్‌ డాక్టర్‌ సేవలు అందిస్తోంది. రిక్వెస్ట్‌ వచ్చిన ఐదు నిమిషాల్లోనే వైద్యుడిని కేటాయిస్తున్నామని, సాధారణంగా 60 నిమిషాల్లోపు ఇంటికి చేరుకుంటారని సంస్థ తెలిపింది. ఏడాదిన్నరలో దాదాపు 10,000 మంది రోగులకు సేవలు అందించగా నెలకు సుమారు 500 మంది కొత్త రోగులు యాప్‌లో రిజిస్టర్‌ అవుతున్నారని తెలిపింది. నిమిషాల్లో అంబులెన్స్‌ క్విక్‌ కామర్స్‌ ప్లాట్‌ఫామ్‌ బ్లింకిట్‌ కూడా అత్యవసర వైద్య సేవల్లోకి అడుగుపెట్టింది. ఢిల్లీ ఎన్‌సీఆర్‌లో కొన్ని ఎంపిక చేసిన ప్రాంతాల్లో 9 నిమిషాల్లో అంబులెన్స్‌ సేవ అందిస్తోంది. 2025లో 5 అంబులెన్స్‌లతో ప్రారంభమై ఇప్పుడు 49కి పెరిగింది. అంబులెన్స్‌లో ఎమర్జెన్సీ అవసరానికి కావాల్సిన మందులతోపాటు ప్రా«థమిక ఆరోగ్య లక్షణాలు పరీక్షించే పరికరాలు, ఆక్సిజన్‌ సిలిండర్, స్ట్రెచర్, డీఫిబ్రిలేటర్‌తో పాటు శిక్షణ పొందిన పారామెడిక్స్, డ్యూటీ అసిస్టెంట్లు కూడా ఉంటారు.సాధారణ జ్వరంతో మొదలై అత్యవసర సేవలదాకా..కైనో హెల్త్‌ ఢిల్లీ ఎన్‌సీఆర్, బెంగళూరులో మాత్రమే డాక్టర్ల హోమ్‌ విజిట్స్‌ సర్వీసులు అందిస్తోంది. 2023 జనవరిలో ప్రారంభమైన ఈ సంస్థ ఇప్పటివరకు 50000కు పైగా కన్సల్టేషన్లు పూర్తి చేసినట్లు తెలిపింది. జ్వరం, జీర్ణ సమస్యలు, రక్తపోటు, శ్వాస సంబంధిత సమస్యలు, అలర్జీలు, జంతువుల కాట్లు వంటి సమస్యలతో ఎక్కువ మంది వైద్యులను ఇంటికి పిలిపించుకుంటున్నారని సంస్థ పేర్కొంది. ప్రతి ప్రాంతానికి ఒక నిర్దిష్ట వైద్యుల బృందాన్ని కేటాయించడం వల్ల 60 నిమిషాల్లోపే వైద్యుడిని పంపగలుగుతున్నామని సంస్థ వివరించింది. అయితే ఈ మోడల్‌ ప్రస్తుతం ప్రధానంగా పట్టణ ప్రాంతాలకే అందుబాటులో ఉంది.సేవను బట్టి ధర సాధారణ జనరల్‌ ఫిజిషియన్‌ హోమ్‌ విజిట్‌కు సాధారణంగా రూ.500 నుంచి రూ.1,500 వరకు వసూలు చేస్తున్నారు. కొన్ని సంస్థలు రూ.499 నుంచి డాక్టర్‌ హోమ్‌ విజిట్‌ సేవలు అందిస్తున్నాయి. స్పెషలిస్ట్‌ కన్సల్టేషన్లకు అయితే రూ.1,800 నుంచి రూ.5,000 వరకు చార్జీలు ఉంటున్నాయి. క్విక్‌ డాక్టర్‌ సర్వీసుల్లోకి అపోలో, మెదాంతా, మ్యాక్స్‌ హెల్త్‌కేర్‌ వంటి ప్రముఖ ఆసుపత్రులు కూడా విస్తరిస్తున్నాయి. డాక్టర్‌ విజిట్‌తో పాటు నర్సింగ్, డయాగ్నస్టిక్స్, ఇంటికే మందుల సరఫరా వంటి ప్రత్యేక సర్వీసులు అదనంగా అందిస్తున్నాయి. అయితే గంటలోపే వైద్యుడు వస్తారనే హామీ మాత్రం వీరి అన్ని సేవల్లో ఉండదు. – సాక్షి, బిజినెస్‌ డెస్క్‌

భారతీయ కార్పొరేట్ దిగ్గజాల్లో అగ్రగామిగా ఉన్న టాటా గ్రూప్‌నకు మాతృ సంస్థ అయిన ‘టాటా సన్స్‌’ పబ్లిక్ ఇష్యూ (ఐపీఓ), స్టాక్‌ మార్కెట్ లిస్టింగ్‌ అంశం ప్రస్తుతం దేశ ఆర్థిక వర్గాల్లో చర్చనీయాంశమైంది. రిజర్వ్‌ బ్యాంక్ ఆఫ్‌ ఇండియా నిబంధనల ప్రకారం అప్పర్ లేయర్ ఎన్‌బీఎఫ్‌సీ జాబితాలో చేరిన టాటా సన్స్‌ను స్టాక్‌ మార్కెట్‌లో బలవంతంగా లిస్ట్ చేయించాలనే నిర్ణయంపై భిన్నాభిప్రాయాలు వ్యక్తమవుతున్నాయి.అప్పర్‌ లేయర్‌ ఎన్‌బీఎఫ్‌సీ హోదాఆర్‌బీఐ స్కేల్-బేస్డ్ రెగ్యులేషన్ (ఎస్‌బీఆర్‌) ఫ్రేమ్‌వర్క్ కింద టాటా సన్స్‌ను ‘అప్పర్‌ లేయర్‌ ఎన్‌బీఎఫ్‌సీ’గా వర్గీకరించిన విషయం తెలిసిందే. నిబంధనల ప్రకారం ఈ కేటగిరీ కిందకు వచ్చే ఏ సంస్థయినా నిర్ణీత కాలవ్యవధిలోగా స్టాక్‌ ఎక్స్ఛేంజ్‌ల్లో పబ్లిక్‌ లిస్టింగ్ పూర్తి చేయాలి. అయితే, టాటా సన్స్‌ తన అప్పులన్నీ తీర్చి క్లీన్‌ బ్యాలెన్స్ షీట్‌ను కలిగి ఉంది. ఎలాంటి ప్రజా ధనాన్ని లేదా పబ్లిక్ డిపాజిట్లను ఉపయోగించని ఈ సంస్థ వల్ల ఆర్థిక వ్యవస్థకు ఎలాంటి ద్రవ్య ముప్పు లేదనేది ఆర్థిక నిపుణుల ప్రధాన వాదన. ఇలాంటి ప్రత్యేక పరిస్థితులున్న ప్రైవేట్ హోల్డింగ్ కంపెనీలపై మార్కెట్ లిస్టింగ్‌ను రుద్దడం వల్ల వ్యవస్థాగత ప్రయోజనాల కంటే నష్టాలే ఎక్కువ జరిగే అవకాశం ఉందనే అభిప్రాయాలు వ్యక్తమవుతున్నాయి.టాటా ట్రస్ట్స్ సేవా దృక్పథంటాటా సన్స్‌లో దాదాపు 66 శాతం వాటా కలిగి ఉన్న టాటా ట్రస్ట్స్ ప్రధానంగా స్వచ్ఛంద సేవా కార్యకలాపాలకు నిధులు సమకూరుస్తుంటాయి. టాటా గ్రూప్ వందేళ్లకు పైగా అనుసరిస్తున్న వ్యాపార నైతికత కేవలం త్రైమాసిక లాభాల కోసం కాదని కొందరు చెబుతున్నారు. సమాజ సంక్షేమం, దాతృత్వం, విలువలతో కూడిన పాలన దీని సొంతం. ఒకవేళ కంపెనీని స్టాక్‌ మార్కెట్‌లో లిస్ట్ చేస్తే మైనారిటీ వాటాదారులు, విదేశీ సంస్థాగత మదుపర్ల నుంచి స్వల్పకాలిక లాభాల ఒత్తిడి పెరుగుతుంది. ఈ ఒత్తిడి కారణంగా ఎయిర్ ఇండియా వంటి నష్టాల్లో ఉన్న సంస్థలను లేదా భవిష్యత్తుపై భారీ పెట్టుబడులు అవసరమైన ప్రాజెక్టులను కాపాడుకోవడంలో టాటా ట్రస్ట్స్ స్వేచ్ఛగా నిర్ణయాలు తీసుకోలేకపోవచ్చనే వాదనలున్నాయి.అంతర్గత విభేదాలు - బోర్డులో సవాళ్లుటాటా సన్స్‌ బోర్డులో ఈ లిస్టింగ్‌ ప్రక్రియపై భిన్నమైన వాదనలు వినిపిస్తున్నాయి. షాపూర్జీ పల్లోంజీ గ్రూప్ వంటి మైనారిటీ వాటాదారులు లిస్టింగ్‌ ద్వారా తమ వాటాల విలువను రాబట్టుకోవాలని కోరుకుంటుండగా, టాటా ట్రస్ట్స్ నాయకత్వం నుంచి భిన్నమైన అభిప్రాయాలు వ్యక్తమవుతున్నాయి. డైరెక్టర్ల మధ్య ఉన్న ‘అఫర్మేటివ్ వోటింగ్ రైట్స్’ (వీటో అధికారాలు), చైర్మన్ క్యాస్టింగ్ వోట్ వినియోగం వంటి అంశాలపై చట్టపరమైన సంక్లిష్టతలు తలెత్తే అవకాశాలు లేకపోలేదు.ప్రతి సంస్థను ఒకే గాటన కట్టడం సబబు కాదని కొందని అభిప్రాయం. టాటా గ్రూప్ చరిత్ర, దాని సామాజిక బాధ్యత, దేశ ఆర్థిక వ్యవస్థకు అది అందిస్తున్న సేవలు ప్రత్యేకమైనవి. చట్టపరమైన నిబంధనలు, మార్కెట్ పారదర్శకత ఎంత ముఖ్యమో దేశ సంపదను సృష్టిస్తూనే సమాజ సేవను ప్రధాన ఆశయంగా మలచుకున్న ట్రస్ట్ మూలాలను కాపాడుకోవడం కూడా అంతే ముఖ్యం. అందువల్ల, ప్రత్యేక మినహాయింపులు ఇవ్వదగిన అసాధారణ సందర్భాలను పరిగణలోకి తీసుకుని, ఈ లిస్టింగ్‌ నిబంధనల అమలుపై ఆర్‌బీఐ, నియంత్రణ సంస్థలు పునరాలోచించాలని కొందరు కోరుతున్నారు.ఇదీ చదవండి: సింగపూర్‌లో 500 టన్నుల భారీ గోల్డ్ వాల్ట్

దీపావళి పండుగ సందర్భంగా రిలయన్స్ జియో తన జియోహోమ్ కస్టమర్లకు అదిరిపోయే ఆఫర్ ప్రకటించింది. ఇంట్లో వైఫై, టీవీ, ఓటీటీ సేవలను ఉపయోగించే వారికి ఈ ఆఫర్ ఎంతో ఉపయోగకరంగా ఉండనుంది.కంపెనీ ఆఫర్ ప్రకారం.. ఇప్పటికే జియోహోమ్ ఫైబర్ లేదా ఎయిర్‌ఫైబర్ కనెక్షన్ ఉపయోగిస్తున్న కస్టమర్లు 10 నెలల రీఛార్జ్ చేసుకుంటే అదనంగా 5 నెలల సేవలను ఉచితంగా పొందవచ్చు. అంటే 10 నెలలకు డబ్బులు చెల్లిస్తే మొత్తం 15 నెలల పాటు వైఫై సేవలను ఉపయోగించుకునే అవకాశం లభిస్తుందన్నమాట. పండుగ సీజన్‌లో కస్టమర్లను ఆకర్షించేందుకు జియో ఈ ప్రత్యేక ఆఫర్‌ను తీసుకొచ్చింది.ఈ ఆఫర్‌లో భాగంగా నెలకు రూ.666 ప్లాన్‌తో 10 నెలల రీఛార్జ్ చేసుకోవాల్సి ఉంటుంది. ఇందుకోసం మొత్తం రూ.6,660 చెల్లించాలి. ఇలా రీఛార్జ్ చేసుకున్న వారికి అదనంగా మరో 5 నెలల వ్యాలిడిటీని జియో ఉచితంగా అందిస్తుంది. అంటే మధ్యలో మరోసారి రీఛార్జ్ చేసుకోవాల్సిన అవసరం లేకుండానే మొత్తం 15 నెలల పాటు సేవలను పొందవచ్చు.తరచూ ఇంటర్నెట్ ఉపయోగించే కుటుంబాలకు, టీవీ ఛానళ్లు చూసేవారికి, ఓటీటీ సినిమాలు, వెబ్ సిరీస్‌లు చూసేవారికి ఈ ఆఫర్ కొంత డబ్బు ఆదా చేసే అవకాశం కల్పిస్తుంది.ఆఫర్‌ను ఎలా పొందాలంటేఇప్పటికే జియోహోమ్ కనెక్షన్ ఉన్న కస్టమర్లు తమ రిజిస్టర్డ్ మొబైల్ నంబర్ నుంచి 8219582195 నంబర్‌కు మిస్డ్ కాల్ ఇవ్వాలి. కాల్ ఆటోమేటిక్‌గా కట్ అవుతుంది. ఆ తర్వాత జియో నుంచి అదే మొబైల్ నంబర్‌కు ఒక కన్ఫర్మేషన్ మెసేజ్ వస్తుంది. ఆ మెసేజ్‌లో ఇచ్చిన సూచనలను పాటిస్తే ఆఫర్‌ను క్లెయిమ్ చేసుకోవచ్చు. అయితే.. ఈ ఆఫర్ కోసం తప్పనిసరిగా జియోహోమ్ కనెక్షన్‌కు లింక్ అయిన రిజిస్టర్డ్ మొబైల్ నంబర్ నుంచే మిస్డ్ కాల్ ఇవ్వాలి.కొత్తగా కనెక్షన్ తీసుకుంటే..కాగా.. కొత్తగా జియోహోమ్ కనెక్షన్ తీసుకోవాలనుకునే వారికి కూడా జియో మరో ఆఫర్ ప్రకటించింది. రెండు నెలల ప్లాన్ ధర చెల్లిస్తే మూడు నెలల పాటు సేవలను పొందవచ్చు. ఈ రెండు నెలల ప్లాన్ ధర రూ.2,122గా ఉంది. ఈ ప్లాన్‌లో గరిష్ఠంగా 100 Mbps ఇంటర్నెట్ స్పీడ్ లభిస్తుంది. దీంతో పాటు.. జియోహోమ్ సేవలను కూడా ఉపయోగించుకోవచ్చు. అంటే కొత్తగా కనెక్షన్ తీసుకోవాలనుకునే వారికి కూడా అదనంగా ఒక నెల సేవ ఉచితంగా లభిస్తుంది.జియోహోమ్ ప్రత్యేకతజియోహోమ్ ప్రత్యేకత ఏమిటంటే.. ఒకే కనెక్షన్ ద్వారా ఇంటర్నెట్‌తో పాటు వినోద సేవలను కూడా అందించడం. ఇందులో వైఫై సేవలు.. 1,000కు పైగా లైవ్ టీవీ ఛానళ్లు, పలు ఓటీటీ ప్లాట్‌ఫామ్స్ అందుబాటులో ఉంటాయి. ఇంట్లో ప్రతి ఒక్కరూ తమకు నచ్చిన సినిమాలు, సీరియళ్లు, టీవీ కార్యక్రమాలు చూసేందుకు ఈ సేవలు ఉపయోగపడతాయి.ఇదీ చదవండి: బంగారం ధరల్లో మార్పు.. నేటి ధరలు ఇలా..

దీపావళి పండుగ సందర్భంగా ఆన్‌లైన్ షాపింగ్‌కు భారీ డిమాండ్ కనిపించింది. ముఖ్యంగా.. స్విగ్గీ ఇన్‌స్టామార్ట్, జెప్టో వంటి క్విక్ కామర్స్ యాప్‌లలో కొనుగోళ్లు జోరుగా సాగాయి. ఈసారి దీపావళికి ప్రజలు ఎక్కువగా ఆర్డర్ చేసినవి ఏమిటో ఈ కథనంలో తెలుసుకుందాం.దీపావళి సందర్భంగా ప్రజలు కేవలం స్వీట్లు, చిరుతిళ్లు మాత్రమే కాకుండా.. పూలు, దీపాలు, గిఫ్ట్ హ్యాంపర్ల, బంగారం, వెండి నాణేల వరకు అన్నింటినీ ఆన్‌లైన్‌లోనే ఆర్డర్ చేశారు. ఒకప్పుడు పండుగ వస్తువుల కోసం షాపులకు వెళ్లి గంటల తరబడి కొనుగోళ్లు చేసేవారు. ఇప్పుడు మాత్రం చేతిలో మొబైల్ ఉంటే చాలు.. నచ్చిన వస్తువులను నిమిషాల్లో ఇంటికే తెప్పించుకుంటున్నారు. ఈ మార్పు ఈసారి దీపావళి అమ్మకాల గణాంకాల్లో స్పష్టంగా కనిపించింది.జెప్టోలో వీటికే డిమాండ్జెప్టోలో ఈసారి గిఫ్ట్ హ్యాంపర్లకు మంచి డిమాండ్ కనిపించింది. గత ఏడాది దీపావళితో పోలిస్తే.. వీటి ఆర్డర్లు ఏకంగా మూడు రెట్లు పెరిగాయి. అంతే కాకుండా.. 4.68 లక్షల మట్టి దీపాలను కస్టమర్లు ఆర్డర్ చేసినట్లు సమాచారం. పూలు, పూలదండల కొనుగోళ్లు కూడా రెండున్నర రెట్లు పెరిగాయి.ఇక స్వీట్ల విషయానికి వస్తే ఎక్కువ మంది లడ్డూలను ఆర్డర్ చేయగా, మొత్తం అమ్మకాల పరంగా సోన్ పప్డీ ముందంజలో నిలిచింది. పండుగ సందర్భంగా సంప్రదాయ దుస్తులు, వాటికి సంబంధించిన యాక్సెసరీల కొనుగోళ్లు రెండింతలు పెరిగాయి. ఇక బ్యూటీ ఉత్పత్తులకు కూడా దీపావళి రోజున అత్యధిక ఆర్డర్లు వచ్చినట్లు జెప్టో వెల్లడించింది.స్విగ్గీ ఇన్‌స్టామార్ట్‌లో..స్విగ్గీ ఇన్‌స్టామార్ట్‌లోనూ ఇదే పరిస్థితి కనిపించింది. దీపావళి పార్టీలు, వేడుకలకు అవసరమైన వస్తువుల ఆర్డర్లు గత ఏడాదితో పోలిస్తే 162 శాతం పెరిగాయి. స్నాక్స్, చిరుతిళ్ల కొనుగోళ్లు కూడా 42 శాతం పెరిగాయి. స్వీట్లలో కాజు కట్లీకి ఎక్కువ మంది ప్రాధాన్యత ఇచ్చారు. ఆ తర్వాత మోతీచూర్ లడ్డూ, బేసన్ లడ్డూలు ఉన్నాయి.నవంబర్ 8న ఉదయం 11 గంటల నుంచి మధ్యాహ్నం 12 గంటల మధ్య అత్యధిక ఆర్డర్లు నమోదయ్యాయి. ముఖ్యంగా ఉదయం 11:18 గంటలకు ఒక్క నిమిషంలోనే అత్యధిక ఆర్డర్లు వచ్చాయి. దీపావళికి ముందు రోజు డైట్ కోక్ ఎక్కువగా ఆర్డర్ చేసిన నాన్-గ్రోసరీ వస్తువుగా నిలిచింది. దుస్తులు, నగలు, హెయిర్ యాక్సెసరీలు, ఎలక్ట్రానిక్స్, కిచెన్ వస్తువుల కొనుగోళ్లు కూడా గణనీయంగా పెరిగాయి.బంగారు నాణేలకు డిమాండ్ఇక ధన్‌తేరస్ సందర్భంగా.. బంగారం, వెండి నాణేలకు కూడా మంచి గిరాకీ కనిపించింది. నవంబర్ 6న అర్ధరాత్రి 12 గంటల 30 సెకన్లకే హైదరాబాద్ నుంచి ఇన్‌స్టామార్ట్‌లో తొలి బంగారు నాణెం ఆర్డర్ నమోదైంది. అది పూల డిజైన్‌తో ఉన్న 24 క్యారెట్ల బంగారు నాణెం. ఆ తర్వాత కేవలం నాలుగు సెకన్లకే బెంగళూరు నుంచి వెండి నాణెం కోసం ఆర్డర్ వచ్చింది.బంగారు నాణేల్లో దాదాపు మూడింట రెండొంతుల మంది పూల డిజైన్లను ఎంచుకోగా, వెండి నాణేల్లో 73 శాతం మంది లక్ష్మీదేవి, వినాయకుడి బొమ్మలున్న నాణేలను కొనుగోలు చేశారు. సాయంత్రం 6:38 గంటలకు ఈ కొనుగోళ్లు అత్యధికంగా జరిగాయి. ఇక ముంబైలో ఒక కస్టమర్ ఏకంగా రూ.1.11 లక్షల విలువైన బంగారు నాణేలను ఆర్డర్ చేయడం విశేషం. హైదరాబాద్‌లో 2 గ్రాముల బంగారు నాణెం, 100 గ్రాముల వెండి బార్ కలిపి రూ.52,215 విలువైన ఆర్డర్ నమోదైంది.షాపింగ్‌ వేదికలుగా క్విక్ కామర్స్ యాప్‌లుఈ గణాంకాలను చూస్తే క్విక్ కామర్స్ యాప్‌ల వినియోగం ఎంతగా పెరిగిందో అర్థమవుతోంది. ఒకప్పుడు పాలు, కూరగాయలు, నిత్యావసర సరుకులకే పరిమితమైన ఈ యాప్‌లు ఇప్పుడు పండుగ షాపింగ్‌కు కూడా ప్రధాన వేదికలుగా మారుతున్నాయి. స్వీట్లు, బహుమతులు, పూలు, దుస్తులే కాకుండా బంగారం, వెండి వంటి విలువైన వస్తువులను కూడా ఇంటి వద్దకే తెచ్చిపెడుతున్నాయి. ముఖ్యంగా చివరి నిమిషంలో షాపింగ్ చేసే వారికి ఇవి సులభమైన మార్గంగా మారాయి. సమయం ఆదా కావడం, ఇంటి నుంచే అన్ని వస్తువులు ఆర్డర్ చేసుకునే సౌకర్యం ఉండటంతో ప్రజలు క్విక్ కామర్స్ వైపు ఎక్కువగా మొగ్గు చూపుతున్నారు. దీంతో పండుగల సమయంలో భారతీయుల షాపింగ్ విధానం కూడా క్రమంగా మారుతోంది.

ఎన్విడియా (Nvidia) సీఈఓ జెన్సన్ హువాంగ్ చుట్టూ ప్రస్తుతం ఒక పెద్ద వివాదం నడుస్తోంది. ప్రపంచంలోనే అత్యంత శక్తివంతమైన ఏఐ (AI) చిప్‌లను తయారు చేసే ఎన్విడియా కంపెనీ అధినేత.. జెన్సన్ హువాంగ్‌కు చైనాకు చెందిన అలిస్ హువాంగ్ అనే మహిళతో వివాహేతర సంబంధం ఉందని, అంతేకాకుండా.. ఆమెకు చైనా గూఢచార సంస్థలతో సంబంధాలు ఉన్నారనే ఆరోపణలు వెలుగులోకి వచ్చాయి. ఈ వ్యవహారంపై ఎన్విడియా బోర్డు కూడా విచారణ చేపట్టింది.ఎవరీ అలిస్ హువాంగ్?అలిస్ హువాంగ్ అసలు పేరు హువాంగ్ లే. ఆమె సింగపూర్‌కు చెందిన మెగాస్పీడ్ సంస్థలో కీలక పదవిలో పనిచేసినట్లు సమాచారం. గతంలో ఆమె ఒక మాజీ టీవీ రిపోర్టర్.. హునాన్ టీవీ, ప్రభుత్వ ప్రసార సంస్థ సీసీటీవీలలో పనిచేశారు. సీఐటీఐసీ సెక్యూరిటీస్‌లో వైస్ ప్రెసిడెంట్ కాకముందు, హెచ్‌ఎస్‌బీసీలో కూడా పనిచేశారని, అక్కడ దాని ప్రైవేట్ బ్యాంకింగ్ విభాగం అధ్యక్షుడికి సహాయకురాలిగా పనిచేసినట్లు సమాచారం.అయితే.. ఆమె గత ఉద్యోగాలకు సంబంధించి కొన్ని అనుమానాలు కూడా వ్యక్తమయ్యాయి. ఎందుకంటే.. హునాన్ టీవీకి చెందిన ఒక అధికారి ఆమె గురించి తమకు తెలియదని చెప్పినట్లు సమాచారం. దీన్నిబట్టి చూస్తే.. ఆమె వృత్తికి సంబంధించిన విషయాలు కూడా తెలియాల్సి ఉంది.ఫొటోలు వెలుగులోకి2024 జూన్‌లో తైవాన్‌లోని ఒక బార్‌లో జెన్సన్ హువాంగ్ పక్కన అలిస్ హువాంగ్ కనిపించినట్లు ఫొటోలు వెలుగులోకి వచ్చాయి. ఆ సమయంలో గిగాబైట్, నెట్‌థండర్ సంస్థలకు చెందిన ఎగ్జిక్యూటివ్‌లు కూడా అక్కడ ఉన్నట్లు సమాచారం. ఇదే సమయంలో ఆలిస్‌కు సంబంధం ఉన్న మెగాస్పీడ్ సంస్థ ఎన్విడియా ఏఐ చిప్‌లను భారీ స్థాయిలో కొనుగోలు చేయడం ప్రారంభించిందని నివేదికలు చెబుతున్నాయి. గత రెండేళ్లలో ఆ సంస్థ సుమారు 4.8 బిలియన్ డాలర్ల విలువైన ఎన్విడియా చిప్‌లను కొనుగోలు చేసినట్లు ది న్యూయార్క్ టైమ్స్ పేర్కొంది. అమెరికా అధికారుల దృష్టికి కూడా ఈ లావాదేవీలు వెళ్లినట్లు సమాచారం.ఆందోళన కలిగిస్తున్న విషయంఈ వ్యవహారంలో అసలు ఆందోళన కలిగిస్తున్న విషయం చైనా గూఢచర్య ఆరోపణలు. అమెరికా అధికారుల విచారణలో మెగాస్పీడ్‌కు చెందిన వ్యక్తులు చైనాకు కీలక సమాచారాన్ని చేరవేస్తున్నారనే అనుమానాలు వ్యక్తమైనట్లు వార్తలు వచ్చాయి.చైనా నిఘా సంస్థ అయిన మినిస్ట్రీ ఆఫ్ స్టేట్ సెక్యూరిటీ.. అలిస్ హువాంగ్‌ను జెన్సన్ హువాంగ్‌కు సంబంధించిన సమాచారాన్ని సేకరించడానికి, అలాగే చైనాకు ఎన్విడియా చిప్‌ల ఎగుమతుల విషయంలో కంపెనీ నిర్ణయాలను ప్రభావితం చేయడానికి ఉపయోగించుకుందని ఒక రహస్య నివేదికలో పేర్కొన్నట్లు అంతర్జాతీయ మీడియా కథనాలు వెల్లడించాయి. ముఖ్యంగా అమెరికా చైనాకు అత్యాధునిక ఏఐ చిప్‌ల విక్రయాలపై ఆంక్షలు విధించిన నేపథ్యంలో ఈ ఆరోపణలు మరింత ప్రాధాన్యత సంతరించుకున్నాయి.స్పందించిన ట్రంప్ఈ వార్తలపై అమెరికా అధ్యక్షుడు డొనాల్డ్ ట్రంప్ స్పందిస్తూ, ఈ వ్యవహారం చాలా క్లిష్టమైనదని, జెన్సన్ హువాంగ్ విషయంలో అంతా సవ్యంగా ఉండాలని ఆశిస్తున్నానని చెప్పారు. ఈ అంశాన్ని తమ ప్రభుత్వం నిశితంగా పరిశీలిస్తుందని కూడా తెలిపారు. అమెరికా విదేశాంగ మంత్రి మార్కో రూబియో మాత్రం.. ఇది కంపెనీకి సంబంధించిన అంతర్గత వ్యవహారమని, దీనిపై తాను వ్యాఖ్యానించలేనని చెప్పారు.ఇదీ చదవండి: మహిళల కోసం బెస్ట్ కార్లు.. తక్కువ ధరలో అదిరిపోయే మోడల్స్!

ప్రముఖ కంపెనీకి సీఈఓ కావాలని కలలు కన్న ఒక మాజీ టెలికాం ఎగ్జిక్యూటివ్, సంవత్సరాల తరబడి అధిక ఒత్తిడితో కూడిన లీడర్‌షిప్‌ బాధ్యతలు, టార్గెట్స్‌ కారణంగా తన ఆరోగ్యం చాలా దెబ్బతిన్నదని ఆవేదన వ్యక్తం చేశారు. అంతేకాదు భరించలేని ఆ ఒత్తిడే ఆటో ఇమ్యూన్ రుగ్మతకు ఈ రుగ్మత దారి తీసిందని, ఫలితంగా 40ఏళ్లకే దాదాపు పక్షవాతానికి గురయ్యానని తాజాగా వెల్లడించారు. ఆయన మరెవ్వరో కాదు ప్రముఖ టెలికాం సంస్థ ఎయిర్‌టెల్ (Bharti Airtel) మాజీ సీఓఓ రామ్‌జీ వల్లత్ (RamG Vallath). కార్పొరేట్ ఒత్తిళ్ల కారణంగా ఎదుర్కొన్న అనారోగ్య సమస్యలు తన జీవితంలో వచ్చిన మార్పుల గురించి మనీకంట్రోల్ ఇంటర్వ్యూలో వెల్లడించారు.ఫార్చ్యూన్ 500 కంపెనీకి సీఈఓ కావాలన్న లక్ష్యంతో అంచెలంచెలుగా ఎదిగిన రామ్‌జీ 3Com, భారతి ఎయిర్‌టెల్ వంటి దిగ్గజ సంస్థల్లో అత్యున్నత పదవుల్లో పనిచేశారు. తమిళనాడులో ఎయిర్‌టెల్ సర్వీసులను కొత్తగా ప్రారంభించే సమయంలో నిరంతరం 'వార్ రూమ్‌లు', భారీ టార్గెట్లు, వ్యాపార ఒత్తిళ్ల వల్ల తీవ్రమైన మానసిక ఒత్తిడికి గురయ్యానని, అంతిమంగా అది తన ఆరోగ్యాన్ని బాగా దెబ్బతీసిందని చెప్పుకొచ్చారు.అలాగే విపరీతమైన ఒత్తిడి, అలసట కారణంగా ఆయన ఆరోగ్యం దెబ్బతింది. నడకలో తడబాటు, తీవ్రమైన వెన్నునొప్పి, చేతులు వణకడం వంటి లక్షణాలు మొదలయ్యాయి. ఏడేళ్ల సుదీర్ఘ పరీక్షల తర్వాత ఆయనకు 'క్రానిక్ ఇన్‌ఫ్లమేటరీ డిమైలినేటింగ్ పాలిన్యూరోపతి' (CIDP) అనే అరుదైన నరాల వ్యాధి ఉన్నట్లు నిర్ధారణ అయింది.అనారోగ్యం క్రమంగా ముదరడంతో 40 ఏళ్ల వయస్సు వచ్చేసరికి ఆయన శరీరం పూర్తిగా పక్షవాతానికి గురైనట్లుగా మారింది. తరచూ ఆసుపత్రిపాలవడం, పడిపోవడం వంటి ఇబ్బందులను ఎదుర్కొన్నారు. చివరికి 2011లో పూర్తి స్థాయి కార్పొరేట్ ఉద్యోగాన్ని వదిలి అమెరికా వెళ్లి చికిత్స తీసుకున్నారు.తోడు నీడగా భార్య ఈ కష్టకాలంలో ఆయన భార్య జయశ్రీ రామమూర్తి తనకు అత్యంత బలమైన ఆసరాగా నిలిచారని చెప్పారు. గూగుల్‌లో సీనియర్ ఎగ్జిక్యూటివ్‌గా పనిచేస్తున్న ఆమె, కుటుంబ బాధ్యతలను మోస్తూ ఆర్థికంగా, మానసికంగా కుటుంబానికి అండగా నిలిచారు.సంతోషమే ముఖ్యంకార్పొరేట్ పరుగులను విడిచిపెట్టిన రామ్‌జి వల్లత్ (RamG Vallath) యోగా, వ్యాయామం ద్వారా ఆరోగ్యాన్ని మెరుగు పరుచుకున్నారు. ప్రస్తుతం ఆయన ఒక రచయితగా, అజీమ్ ప్రేమ్జీ ఫౌండేషన్‌లో ఆన్‌లైన్ హెల్త్ మ్యాగజైన్ చీఫ్ ఎడిటర్‌గా పనిచేస్తున్నారు. పిల్లల కోసం సైన్స్ ఫిక్షన్ పుస్తకాలు రాయడంతో పాటు, పాఠశాలల్లో విద్యార్థులకు, యువతకు ఆనందం, జీవిత పాఠాలపై మార్గదర్శనం చేస్తున్నారు."డబ్బు, హోదా కంటే జీవితంలో మానసిక ప్రశాంతత, ఇతరుల జీవితాల్లో వెలుగు నింపడమే నిజమైన సంతోషం" అంటూ అనుభవ సారాంశాన్ని వెల్లడించారు.

దేశంలో సెమీ హైస్పీడ్‌ రైళ్లుగా అందుబాటులోకి వచ్చిన వందే భారత్‌ రైళ్లు విశేష ఆదరణతో నడుస్తున్నాయి. ఇవి కేవలం సీటింగ్‌ రైళ్లు కాగా ఈ మధ్యనే వందే భారత్‌ స్లీపర్‌ రైళ్లను కూడా ప్రవేశపెట్టారు. అయితే మిగితా అన్ని రైళ్లకూ ఉన్న టికెట్‌ బుకింగ్‌ నిబంధనలు వందే భారత్‌ స్లీపర్‌ రైళ్లకు వర్తించవు. వీటికంటూ కొన్ని ప్రత్యేక బుకింగ్‌ నిబంధనలను రైల్వే శాఖ అమలు చేస్తోంది.వందే భారత్‌ స్లీపర్‌ రైళ్లలో ప్రయాణించాలని భావిస్తున్నవారు టికెట్‌ బుకింగ్‌ నిబంధనలను ముందుగానే తెలుసుకోవాలి. ఈ ప్రీమియం రైళ్లలో తత్కాల్‌ టికెట్లు, వెయిట్‌లిస్ట్‌, ఆర్‌ఏసీ సదుపాయాలు అందుబాటులో ఉండవు. అంతేకాదు, డిమాండ్‌ను బట్టి టికెట్‌ ధరలు పెరిగే ఫ్లెక్సీ ఫేర్‌ విధానాన్ని కూడా అమలు చేయడం లేదు. దీంతో ప్రయాణికులు సాధారణ ముందస్తు రిజర్వేషన్‌ విధానంలోనే టికెట్లు బుక్‌ చేసుకోవాల్సి ఉంటుంది.రైల్వే బోర్డు గత జనవరిలో జారీ చేసిన వాణిజ్య సర్క్యులర్‌లో ఈ నిబంధనలను స్పష్టం చేసింది. ప్రయాణికులకు టికెట్‌ బుక్‌ చేసినప్పుడే బెర్త్‌ ఖరారు అవుతుంది. అందుబాటులో ఉన్న బెర్తులన్నీ అడ్వాన్స్‌ రిజర్వేషన్‌ ప్రారంభమైనప్పటి నుంచే బుకింగ్‌కు అందుబాటులో ఉంటాయి.823 బెర్తులు.. మూడు తరగతులువందే భారత్‌ స్లీపర్‌ రైలు మొత్తం 16 ఏసీ కోచ్‌లతో నడుస్తుంది. ప్రయాణికుల కోసం మూడు తరగతుల్లో బెర్తులను అందుబాటులో ఉంచారు. వాటిలో ఏసీ 3 టైర్‌లో 611 బెర్తులు, ఏసీ 2 టైర్‌లో 188 బెర్తులు, ఏసీ ఫస్ట్ క్లాస్‌లో 24 బెర్తులు మొత్తం 823 బెర్తులు ఉంటాయి. మహిళలు, దివ్యాంగులు, సీనియర్ సిటిజన్లు, రైల్వే ఉద్యోగుల కోసం నిబంధనల ప్రకారం ప్రత్యేక కోటాలు కూడా ఉన్నాయి. ఏసీ 3 టైర్‌లో మహిళలకు ఆరు బెర్తులు, డ్యూటీ పాస్‌పై ప్రయాణించే రైల్వే సిబ్బందికి 21 బెర్తులు కేటాయిస్తారు.టికెట్ ధరలు ఎలా ఉంటాయి?వందే భారత్ స్లీపర్ రైళ్లలో ఫ్లెక్సీ ఫేర్ విధానం ఉండదు. ప్రయాణ దూరం, ఎంచుకున్న తరగతిని బట్టి టికెట్ ధర నిర్ణయిస్తారు. రైల్వే బోర్డు ప్రకటించిన ధరల ప్రకారం కనీస ఛార్జీ విధించే దూరం 400 కిలోమీటర్లు. దీనికి వర్తించే జీఎస్‌టీ అదనంగా చెల్లించాల్సి ఉంటుంది.ప్రస్తుతం అందుబాటులో ఉన్న మార్గాలివే!నవంబర్ 9, 2026 నాటికి దేశంలో మూడు జతల వందే భారత్ స్లీపర్ ఎక్స్‌ప్రెస్ రైళ్లు అందుబాటులోకి వచ్చాయి.హౌరా – కామాఖ్య (గువాహటి): తొలి వందే భారత్ స్లీపర్ సర్వీస్‌ 2026 జనవరి 22న ప్రారంభమైంది.వారణాసి – న్యూఢిల్లీ: అక్టోబర్ 31న ఈ మార్గంలో కొత్త స్లీపర్ రైలు ప్రారంభమైంది.బెంగళూరు – ముంబై: నవంబర్ 1న ప్రారంభించగా, సాధారణ సర్వీసులు నవంబర్ 2, 3 తేదీల నుంచి అందుబాటులోకి వచ్చాయి.ఈ రైళ్లలో ప్రయాణించాలనుకునేవారు ముందుగానే టికెట్లు బుక్ చేసుకోవడం మంచిది. ముఖ్యంగా పండుగలు, సెలవుల సమయంలో బెర్తుల లభ్యతను ముందుగానే పరిశీలించాలి.ఇదీ చదవండి: రైల్వే స్టేషన్లకు భారీగా జనం.. రైల్వే శాఖ కీలక నిర్ణయం

ప్రపంచ ఐటీ దిగ్గజం మైక్రోసాఫ్ట్ సంస్థలో చోటుచేసుకుంటున్న పరిణామాలు గ్లోబల్ టెక్ పరిశ్రమను ఆందోళనలోకి నెట్టివేస్తున్నాయి. ఒకవైపు దాదాపు 60,000 మంది ఉద్యోగులకు స్వచ్ఛంద నిష్క్రమణ పథకం (వీఓఎస్-వాలంటరీ ఎక్జిట్‌ ఆఫర్‌) ప్రకటించడం, మరోవైపు సీఈఓ సత్య నాదెళ్ల కోట్లాది ‘ఏఐ ఏజెంట్ల’ వినియోగంపై గతంలో చేసిన వ్యాఖ్యల వీడియో సామాజిక మాధ్యమాల్లో మరోసారి ప్రస్తుతం వైరల్ కావడం ఐటీ వర్గాల్లో చర్చనీయాంశంగా మారింది. మానవ వనరుల స్థానంలో ఏఐ ఏజెంట్లు భర్తీ కాబోతున్నాయా? అనే భయాలను ఈ పరిణామాలు బలపరుస్తున్నాయి.60,000 మంది ఉద్యోగులకు వీఓఎస్ ప్రకటనగత నెల 26న మైక్రోసాఫ్ట్ సంస్థ తమ కంపెనీలోని లెవెల్ 70, అంతకంటే తక్కువ కేటగిరీకి చెందిన భారత్, అమెరికా, బ్రిటన్, కెనడా దేశాల్లోని ఉద్యోగులకు స్వచ్ఛంద నిష్క్రమణ ప్యాకేజీని ఆఫర్ చేసింది. కంపెనీ మారుతున్న వ్యాపార అవసరాలకు అనుగుణంగా వ్యూహాత్మక మార్పులు చేసుకుంటోందని మైక్రోసాఫ్ట్ చీఫ్ పీపుల్ ఆఫీసర్ అమీ కోల్‌మన్ పేర్కొన్నప్పటికీ వీఓఎస్ ప్యాకేజీని దాదాపు 5 శాతం లోపు (సుమారు 3,000 మంది) మాత్రమే స్వీకరించవచ్చని అంచనా వేస్తున్నారు. అయితే ఏఐ వైపు మైక్రోసాఫ్ట్ వేగంగా అడుగులు వేస్తున్న సమయంలో ఈ ప్రకటన రావడం విశేషం.వైరల్‌గా సత్య నాదెళ్ల వీడియోఈ వీఓఎస్ వార్తల ప్రభావం తగ్గకముందే గత జూన్ 2026లో ‘పాజిబుల్’ పాడ్‌కాస్ట్‌లో లింక్డ్‌ఇన్ సహ వ్యవస్థాపకుడు రీడ్ హాఫ్‌మన్‌తో సత్య నాదెళ్ల జరిపిన సంభాషణ వీడియో మళ్లీ సామాజిక మాధ్యమం ఎక్స్‌లో ప్రత్యక్షమైంది. ఆ ఇంటర్వ్యూలో నాదెళ్ల మాట్లాడుతూ ‘మా వద్ద రెండు లక్షల మంది ఉద్యోగులు ఉంటే వారితో పాటు 20 లక్షల నుంచి 2 కోట్ల (20 మిలియన్) ఏఐ ఏజెంట్లు ఒకే లూప్‌లో పనిచేసే రోజులు రాబోతున్నాయి’ అని వివరించారు. సాఫ్ట్‌వేర్ కోడింగ్‌లో ఏఐ పాత్ర ఇప్పటికే గణనీయంగా పెరిగిందని, భవిష్యత్తులో ఏఐ కేవలం తోడ్పాటు అందించడమే కాకుండా స్వతంత్ర ఏజెంట్‌గా పనులు పూర్తి చేస్తుందని ఆయన స్పష్టం చేశారు.జాబ్ మార్కెట్‌లో రాబోయే మార్పులుమైక్రోసాఫ్ట్ వ్యూహం ప్రస్తుతం టెక్ రంగానికి దిశా నిర్దేశం చేయనుంది. అయితే ఇది కొన్ని ప్రాథమిక ప్రశ్నలను తెరపైకి తెస్తోంది. సాధారణ కోడింగ్, డాక్యుమెంటేషన్, డేటా ప్రాసెసింగ్ చేసే ఉద్యోగాలపై ఏఐ ఏజెంట్ల ప్రభావం నేరుగా పడే అవకాశం ఉంది. కేవలం సాంకేతిక విజ్ఞానమే కాకుండా ఏఐ ఏజెంట్లను నడిపించడం (ప్రాంప్ట్ ఇంజినీరింగ్, ఏఐ మేనేజ్‌మెంట్) మానవ ఉద్యోగులకు తప్పనిసరి కానుంది. ఒకవైపు సిబ్బందిని తగ్గించుకునే దిశగా అడుగులు వేస్తూనే మరోవైపు మైక్రోసాఫ్ట్ డేటా సెంటర్లు, ఏఐ క్లౌడ్ మౌలిక సదుపాయాలపై రికార్డు స్థాయిలో నిధులు వెచ్చిస్తోంది.ఇదీ చదవండి: ఎందుకో ఆ రైలు తొందరపడింది!

ప్రయాణికుల సమయానికి, వారి సౌకర్యాలకు విలువ ఇవ్వకుండా రైల్వే అధికారులు ఏకపక్షంగా వ్యవహరిస్తే చట్టపరమైన పరిణామాలు ఎలా ఉంటాయో తెలియజేసే ఒక కీలక తీర్పు వెలువడింది. షెడ్యూల్ చేసిన సమయానికి దాదాపు రెండు గంటల ముందే రైలు బయలుదేరిపోవడంతో దిక్కుతోచని స్థితిలో చిక్కుకున్న ఒక కుటుంబానికి ఊరట లభించింది. ఈ ఘటనలో సకాలంలో సమాచారం అందించడంలో విఫలమైనందుకు గాను భారతీయ రైల్వేలు (నార్తర్న్ రైల్వే, కొంకణ్ రైల్వే), ఐఆర్‌సీటీసీ సంయుక్తంగా బాధ్యత వహించాలని, బాధిత కుటుంబానికి రూ.15,620 చెల్లించాలని వినియోగదారుల వివాదాల పరిష్కార కమిషన్ స్పష్టం చేసింది.అసలేం జరిగింది?బాధిత ప్రయాణికుడు తన భార్య, కుమార్తెతో కలిసి గమ్యస్థానానికి వెళ్లేందుకు మూడు రైలు టిక్కెట్లు బుక్ చేసుకున్నారు. షెడ్యూల్ చేసిన సమయానికే తమ కుటుంబం స్టేషన్‌కు చేరుకోగా అప్పటికే ఆ రైలు దాదాపు రెండు గంటలు ముందుగానే అక్కడి నుంచి వెళ్లిపోయినట్లు తెలిసి వారు నివ్వెరపోయారు. దీంతో దిక్కుతోచని స్థితిలో పడిన ఆ కుటుంబం రైల్వే స్టేషన్ మాస్టర్‌ను సంప్రదించగా ప్రయాణికులకు సవరించిన వేళలను తెలియజేయాల్సిన బాధ్యత ఐఆర్‌సీటీసీదని స్టేషన్ వర్గాలు బదులిచ్చాయి. అత్యవసరంగా ఢిల్లీకి చేరుకోవాల్సిన తరుణంలో వేరే ప్రత్యామ్నాయం లేక ఆ కుటుంబం భారీ వ్యయంతో మూడు విమాన టిక్కెట్లు కొనుగోలు చేసి గమ్యస్థానానికి చేరుకోవాల్సి వచ్చింది. రైల్వే శాఖ, ఐఆర్‌సీటీసీల సేవల లోపం, ఏకపక్ష ధోరణి కారణంగా తీవ్ర మానసిక క్షోభకు గురైనట్లు బాధితుడు కన్జూమర్ కమిషన్‌ను ఆశ్రయించారు.రైల్వేలు, ఐఆర్‌సీటీసీల వాదనలు ఏమిటి?ఈ కేసు విచారణ సందర్భంగా రైల్వే అధికారులు తమ వాదనను వినిపిస్తూ.. సదరు రైలు వర్షాకాలం, సాధారణ కాలాన్ని అనుసరించి రెండు వేర్వేరు సమయాల్లో నడుస్తుందని తెలిపారు. ఏటా జూన్ 10 నుంచి అక్టోబర్ 30 వరకు వర్షాకాల వేళల పట్టిక అమల్లో ఉంటుందని, ఈ మార్పును స్టేషన్ నోటీసు బోర్డుల్లో ప్రదర్శించామని, పబ్లిక్ అడ్రస్ సిస్టమ్ ద్వారా అనౌన్స్ చేశామని, అంతేకాకుండా కొంకణ్ రైల్వే వెబ్‌సైట్‌లోనూ అందుబాటులో ఉంచామని వాదించారు. ప్రయాణికుడు స్వయంగా ఈ మార్పులను గమనించకపోవడం వల్లే రైలు ఎక్కలేదని, ఇందులో తమ తప్పేమీ లేదని పేర్కొన్నారు. మరోవైపు, ఐఆర్‌సీటీసీ మాత్రం తమది కేవలం ఆన్‌లైన్ టికెట్ బుకింగ్ సేవలను అందించే సంస్థ మాత్రమేనని, రైల్వే ఆపరేషన్లతో లేదా షెడ్యూల్ మార్పులతో తమకు ఎలాంటి సంబంధం లేదని స్పష్టం చేసింది.కోర్టు తీర్పుఫిరోజ్‌పూర్ జిల్లా వినియోగదారుల వివాదాల పరిష్కార కమిషన్ అధ్యక్షులు కిరణ్‌జీత్ కౌర్ అరోరా, సభ్యులు సుమన్ ఖన్నా లతో కూడిన ధర్మాసనం ఇరువర్గాల వాదనలను పరిశీలించింది. కేవలం సీజనల్ టైమ్‌టేబుల్‌ను వెబ్‌సైట్లలో పెట్టడం లేదా నోటీసు బోర్డుల్లో ప్రదర్శించడం మాత్రమే ప్రయాణికులకు పరోక్ష సమాచారం ఇచ్చినట్లు కాదని, ప్రయాణికులకు నేరుగా సమయ మార్పులను స్పష్టంగా తెలియజేయాల్సిన బాధ్యత అధికారులపై ఉంటుందని కోర్టు తేల్చిచెప్పింది. ‘ప్రయాణికులకు సకాలంలో నాణ్యమైన సేవలను పొందే హక్కు ఉంది. అంతేగానీ, పరిపాలనా యంత్రాంగం ఇష్టానుసార నిర్ణయాలకు వారిని బలిచేయకూడదు’ అని కమిషన్ తన తీర్పులో వ్యాఖ్యానించింది. టికెట్ బుక్ చేసుకునే సమయంలో చూపిన షెడ్యూల్డ్ వేళలను మార్చినప్పుడు ప్రయాణికులు స్వయంగా దాన్ని ట్రాక్ చేయాలని ఆశించడం సరికాదని స్పష్టం చేసింది.ఈ వైఫల్యాన్ని తీవ్రమైన సేవల లోపంగా పరిగణించిన కమిషన్.. బాధితుడు కొనుగోలు చేసిన రైలు టిక్కెట్ల ఛార్జీల నిమిత్తం రూ.10,620 ని పూర్తి రీఫండ్‌గా చెల్లించాలని ఆదేశించింది. దీనికి అదనంగా మానసిక వేదన, కోర్టు ఖర్చుల కింద మరో రూ.5,000 కలిపి మొత్తం రూ.15,620 తక్షణమే చెల్లించాలని నార్తర్న్ రైల్వే, కొంకణ్ రైల్వే, ఐఆర్‌సీటీసీలను ఆదేశిస్తూ తీర్పు వెలువరించింది.ఇదీ చదవండి: రష్యా-ఉక్రెయిన్‌ వార్‌.. రహస్య రికార్డులు లీక్‌!

బ్యాంకులో ఏదైనా పని ఉందా?, అయితే ఒకసారి ఈ విషయం తెలుసుకోండి. నవంబర్ 9, సోమవారం దేశంలోని కొన్ని రాష్ట్రాల్లో బ్యాంకులు మూతపడనున్నాయి. దీపావళి, లక్ష్మీ పూజ, గోవర్ధన్ పూజ, విశ్వకర్మ దినోత్సవం సందర్భంగా ఆయా ప్రాంతాల్లో బ్యాంకులకు సెలవు ప్రకటించారు.ఈ రాష్ట్రాల్లో బ్యాంకులు బంద్రిజర్వ్ బ్యాంక్ ఆఫ్ ఇండియా (RBI) సెలవుల క్యాలెండర్ ప్రకారం.. నవంబర్ 9న త్రిపుర, మధ్యప్రదేశ్, సిక్కిం, మణిపూర్, రాజస్థాన్, ఉత్తరప్రదేశ్ రాష్ట్రాలతో పాటు చండీగఢ్‌లో బ్యాంకు శాఖలు మూసివేయనున్నారు. ఆయా ప్రాంతాల్లో పండుగల నేపథ్యంలో ఈ సెలవు ఇచ్చారు.అగర్తలా, భోపాల్, చండీగఢ్, గ్యాంగ్‌టక్, గువాహటి, ఇంఫాల్, జైపూర్, కాన్పూర్, లక్నో, రాయ్‌పూర్‌లోని RBI ప్రాంతీయ కార్యాలయాలు కూడా మూసివేయనున్నట్లు సమాచారం.ఏపీ, తెలంగాణలో బ్యాంకులు పనిచేస్తాయా?ఇక తెలుగు రాష్ట్రాల విషయానికి వస్తే.. నవంబర్ 9న ఆంధ్రప్రదేశ్, తెలంగాణలో బ్యాంకులకు సెలవు లేదు. దీంతో హైదరాబాద్, విజయవాడ, విశాఖపట్నం సహా రెండు రాష్ట్రాల్లోని బ్యాంకు శాఖలు సాధారణ పని వేళల్లో పనిచేయనున్నాయి. అలాగే.. కర్ణాటక, మహారాష్ట్ర, గుజరాత్, తమిళనాడు, కేరళ, ఢిల్లీ, పశ్చిమ బెంగాల్, ఉత్తరాఖండ్, బీహార్, జార్ఖండ్, ఒడిశా, పంజాబ్, హర్యానా, హిమాచల్ ప్రదేశ్, జమ్మూ కాశ్మీర్‌లోనూ నవంబర్ 9న బ్యాంకులు తెరిచే ఉంటాయి.మహారాష్ట్రలో నవంబర్ 10న సెలవుమహారాష్ట్రలో నవంబర్ 9న బ్యాంకులు యథావిధిగా పనిచేయనున్నాయి. అయితే.. నవంబర్ 10న దీపావళి (బలి ప్రతిపద), గోవర్ధన్ పూజ, లక్ష్మీ పూజ, విక్రమ సంవత్ నూతన సంవత్సరం సందర్భంగా బ్యాంకులకు సెలవు ఉండనుంది. దీంతో రాష్ట్రాల వారీగా బ్యాంకుల సెలవుల తేదీలు మారుతున్నాయి.బ్యాంకు శాఖలు మూసివేసినా ఖాతాదారులకు పెద్దగా ఇబ్బంది ఉండదు. ఎందుకంటే యూపీఐ, మొబైల్ బ్యాంకింగ్, నెట్ బ్యాంకింగ్ సేవలు అందుబాటులో ఉంటాయి. గూగుల్ పే, ఫోన్‌పే, పేటీఎం వంటి యాప్స్ ద్వారా డబ్బులు పంపుకోవచ్చు. ఏటీఎంల ద్వారా నగదు కూడా తీసుకోవచ్చు. అయితే.. బ్యాంకు శాఖల్లో నేరుగా చేయాల్సిన పనులు, చెక్కుల క్లియరెన్స్ వంటి సేవలకు ఆలస్యం కావచ్చు.ఇదీ చదవండి: 'క్షమించండి.. ఆమెతో వివాహేతర సంబంధం నిజమే': ఎన్విడియా సీఈఓ

ప్రపంచ టెక్నాలజీ రంగంలో దూసుకెళ్తున్న ఎన్విడియా సంస్థకు.. ఎంతటి ప్రాధాన్యత ఉందో ప్రత్యేకంగా చెప్పాల్సిన అవసరం లేదు. ఎందుకంటే ఆర్టిఫిషియల్ ఇంటెలిజెన్స్ (AI) రంగంలో ఈ కంపెనీ తయారుచేసే చిప్స్‌కు ప్రపంచవ్యాప్తంగా భారీ డిమాండ్ ఉంది. అలాంటి దిగ్గజ కంపెనీ సీఈఓ జెన్సన్ హువాంగ్ ఇప్పుడు ఒక వివాదంలో చిక్కుకున్నారు. ఆయన వ్యక్తిగత జీవితానికి సంబంధించిన విషయం బయటకు రావడంతో పాటు, చైనా గూఢచర్యానికి సంబంధించిన అనుమానాలు కూడా తెరపైకి వచ్చాయి.చైనా గూఢచర్య ప్రయత్నాలుఅసలు వివాదం ఏమిటంటే.. అక్టోబర్ 29న ది న్యూయార్క్ టైమ్స్ ప్రకారం, జెన్సన్ హువాంగ్‌ను లక్ష్యంగా చేసుకుని చైనా గూఢచర్య ప్రయత్నాలు జరిగినట్లు అమెరికా నిఘా సంస్థలు అనుమానించాయి. ఈ వ్యవహారంలో అలియాస్‌ హువాంగ్ (హువాంగ్ లే) అనే చైనా మహిళ పేరు వినిపించింది. ఆమె సింగపూర్‌కు చెందిన మెగాస్పీడ్ అనే డేటా సెంటర్ కంపెనీలో ఉన్నత స్థాయి అధికారిగా పనిచేస్తున్నట్లు సమాచారం.అమెరికా నిఘా వర్గాల అనుమానం ప్రకారం, అలియాస్‌ హువాంగ్.. జెన్సన్ హువాంగ్‌తో సన్నిహిత సంబంధాన్ని ఏర్పరచుకుని, ఆయన ద్వారా ఎన్విడియాకు సంబంధించిన కీలక సమాచారాన్ని సేకరించేందుకు ప్రయత్నిస్తోంది. ముఖ్యంగా సంస్థ తయారుచేసే అత్యాధునిక ఏఐ చిప్స్, వాటి సాంకేతిక వివరాలు, ఇతర కీలక సమాచారం చైనాకు చేరవేసే ప్రయత్నం జరిగిందనే అనుమానాలు వ్యక్తమయ్యాయి.నా భార్యకు నమ్మకద్రోహం చేశానుఈ వార్తలు బయటకు వచ్చిన తర్వాత జెన్సన్ హువాంగ్.. తన ఉద్యోగులకు ఒక ఇమెయిల్ పంపారు. అందులో చైనీస్‌ గూఢచారిగా భావిస్తున్న అలియాస్‌ హువాంగ్‌తో తనకు వివాహేతర సంబంధం ఉందని అంగీకరించారు. తన భార్యకు నమ్మకద్రోహం చేశానని తెలిపారు. తన చర్యల వల్ల భార్య, పిల్లలు బాధపడ్డారని, జరిగిన తప్పుకు ఎలాంటి సాకులు చెప్పబోనని స్పష్టం చేశారు. తన కుటుంబానికి క్షమాపణలు చెబుతూ, వారి నమ్మకాన్ని తిరిగి సంపాదించుకోవడానికి ప్రయత్నిస్తానని పేర్కొన్నారు.ఇన్నేళ్లుగా తనతో కలిసి పనిచేస్తున్న ఉద్యోగులు, కంపెనీ బోర్డు సభ్యులు, పెట్టుబడిదారుల నమ్మకాన్ని కూడా దెబ్బతీశానని అంగీకరించారు. ఎన్విడియా సంస్థకు నాయకత్వం వహించడం తన జీవితంలో గొప్ప అవకాశమని, ఆ బాధ్యతకు తగినట్లుగా వ్యవహరించాల్సిన అవసరం ఉందని చెప్పారు.విచారణకు సహకరిస్తానుఇక చైనా గూఢచర్య ఆరోపణల విషయానికి వస్తే.. ఎన్విడియా డైరెక్టర్ల బోర్డు ఇప్పటికే స్వతంత్ర విచారణ ప్రారంభించింది. ఈ విచారణకు తాను పూర్తిగా సహకరిస్తానని జెన్సన్ హువాంగ్ తెలిపారు. అమెరికా జాతీయ భద్రతకు మద్దతుగా నిలుస్తానని, తన కంపెనీ ప్రయోజనాలను కాపాడేందుకు కట్టుబడి ఉన్నానని స్పష్టం చేశారు. ఈ వ్యవహారంపై అమెరికా విదేశాంగ మంత్రి మార్కో రూబియోను ప్రశ్నించగా, ఇది కంపెనీకి సంబంధించిన అంతర్గత వ్యవహారమని, దీనిపై తాను వ్యాఖ్యానించలేనని సమాధానమిచ్చారు.ఇదీ చదవండి: పండుగ ఆఫర్స్.. కొత్త కార్ల కొనుగోలుపై అద్భుతమైన బెనిఫిట్స్!

విజయవాడ: విజయవాడలోని యూకో బ్యాంక్ జోనల్ కార్యాలయంలో దీపావళి పండుగ వేడుకలను ఘనంగా నిర్వహించారు. ఈ సందర్భంగా జోనల్ కార్యాలయాన్ని విద్యుద్దీపాలు, పూలతో అందంగా అలంకరించి పండుగ వాతావరణాన్ని నెలకొల్పారు.ఈ వేడుకల్లో జోనల్ హెడ్‌తో పాటు బ్యాంకు అధికారులు, ఉద్యోగులు పెద్ద సంఖ్యలో ఉత్సాహంగా పాల్గొన్నారు. ఉద్యోగులందరూ పరస్పరం దీపావళి శుభాకాంక్షలు తెలియజేసుకుంటూ ఆనందోత్సాహాల మధ్య పండుగను జరుపుకున్నారు.ఈ సందర్భంగా జోనల్ హెడ్ మాట్లాడుతూ.., దీపావళి ప్రతి ఒక్కరి జీవితాల్లో వెలుగులు, సంతోషం, ఆరోగ్యం, ఐశ్వర్యం నింపాలని ఆకాంక్షించారు. బ్యాంకు ఖాతాదారులు, వినియోగదారులు, శ్రేయోభిలాషులందరికీ దీపావళి శుభాకాంక్షలు తెలియజేశారు. ఖాతాదారులకు మరింత మెరుగైన సేవలు అందించేందుకు బ్యాంకు ఎల్లప్పుడూ కృషి చేస్తుందని తెలిపారు. ఈ వేడుకల్లో జోనల్ కార్యాలయ అధికారులు, సిబ్బంది పాల్గొని కార్యక్రమాన్ని విజయవంతం చేశారు.

ఉన్న ఉద్యోగం పోతే.. మరో ఉద్యోగం వెతుక్కోవచ్చని చాలామంది అనుకుంటారు. కానీ.. ప్రస్తుత పరిస్థితుల్లో కొత్త ఉద్యోగం సంపాదించడం అంత ఈజీ కాదని తెలుస్తోంది. ఎన్ని కంపెనీలకు అప్లై చేసినా, ఇంటర్వ్యూలలో బాగా సమాధానాలు చెప్పినప్పటికీ.. చివరకు ఉద్యోగం రాకపోతే పరిస్థితి ఎలా ఉంటుందో ఓ వ్యక్తి అనుభవం చూస్తే అర్థమవుతుంది. ఏడు నెలలుగా ఉద్యోగం కోసం ప్రయత్నిస్తున్నా.. ఇప్పటివరకు ఒక్క ఆఫర్ కూడా రాలేదని ఆయన సోషల్ మీడియాలో తన ఆవేదనను పంచుకున్నారు.55 కంపెనీలు.. 25 ఇంటర్వ్యూలురెడ్డిట్‌లో వెల్లడైన వివరాల ప్రకారం.. గత ఏడు నెలల్లో మొత్తం 175 ఉద్యోగాలకు దరఖాస్తు చేసుకున్నారు. వాటిలో 55 కంపెనీల నుంచి ఇంటర్వ్యూ కాల్స్ వచ్చాయి. ఆశ్చర్యకరమైన విషయం ఏంటంటే.. 25 ఇంటర్వ్యూలు చివరి రౌండ్ వరకు వెళ్లాయి. అయినప్పటికీ ఒక్క కంపెనీ కూడా ఉద్యోగం ఇవ్వలేదు. నిరుద్యోగ భృతి కూడా లేకపోవడంతో.. ఆర్థిక ఇబ్బందులు ఎదుర్కొంటున్నట్లు చెప్పారు. ఉద్యోగం లేకపోవడంతో గతంలో క్రమం తప్పకుండా కొనుగోలు చేసే ప్రోటీన్ డ్రింక్‌ను కూడా ఇప్పుడు కొనలేని పరిస్థితి వచ్చిందని ఆవేదన వ్యక్తం చేశారు.ఉద్యోగం కోసం తనవంతుగా అన్ని ప్రయత్నాలు చేస్తున్నట్లు రెడ్డిట్‌లో తెలిపారు. తన రెజ్యూమ్‌కు సరిపోయే ఉద్యోగాలను వెతికేందుకు ఏఐ సాయం కూడా తీసుకున్నారు. తన అనుభవాలు, నైపుణ్యాలను అర్థం చేసుకుని, వాటికి సరిపోయే ఉద్యోగాలను ఇంటర్నెట్‌లో వెతికేలా ఒక ఏఐ ఏజెంట్‌ను రూపొందించుకున్నారు. తన అర్హతలకు 95 శాతానికి పైగా సరిపోయే ఉద్యోగాలకే దరఖాస్తు చేస్తున్నప్పటికీ ఎలాంటి ఫలితం లేదని చెప్పారు. ప్రస్తుతం ఉద్యోగ మార్కెట్ చాలా దారుణంగా ఉందని, త్వరలోనైనా మంచి ఉద్యోగం వస్తుందని ఆశిస్తున్నట్లు పేర్కొన్నారు.నెటిజన్ల రియాక్షన్ఈ పోస్ట్ చూసిన చాలామంది నెటిజన్లు.. తమకు కూడా ఇలాంటి అనుభవాలే ఎదురవుతున్నాయని కామెంట్లు చేశారు. తాను కూడా నాలుగు నెలలుగా ఉద్యోగం కోసం ప్రయత్నిస్తున్నానని, ఇప్పటివరకు ఒక్కసారి మాత్రమే టాప్-3 అభ్యర్థుల్లో చోటు దక్కిందని ఒకరు చెప్పారు. మరో యూజర్ ఫిబ్రవరిలో ఉద్యోగం కోల్పోయి, తిరిగి కొత్త ఉద్యోగం సంపాదించడానికి ఆగస్టు వరకు ఎదురుచూడాల్సి వచ్చిందని తెలిపారు.మరికొందరు మాత్రం ఆ వ్యక్తికి ధైర్యం చెప్పారు. 25 ఇంటర్వ్యూలు చివరి రౌండ్ వరకు వెళ్లాయంటే ఆయనలో నైపుణ్యాలు, అర్హతలు ఉన్నట్లేనని అభిప్రాయపడ్డారు. ప్రతిసారీ ఉద్యోగం రాకపోవడానికి అభ్యర్థిలోనే లోపం ఉండాల్సిన అవసరం లేదని, కొన్నిసార్లు కంపెనీలు తమకు తెలిసిన వారిని లేదా ప్రత్యేక అనుభవం ఉన్నవారిని ఎంపిక చేసుకుంటాయని చెప్పారు. ఇంటర్వ్యూల్లో తన నైపుణ్యాలను మరింత బాగా వివరించేలా ప్రాక్టీస్ చేయాలని సూచించారు.ఉద్యోగ మార్కెట్ పరిస్థితి ఇదేఈ ఘటన చూస్తుంటే.. ప్రస్తుతం ఉద్యోగ మార్కెట్‌లో పోటీ ఏ స్థాయిలో ఉందో అర్థమవుతోంది. మంచి చదువు, అనుభవం, నైపుణ్యాలు ఉన్నప్పటికీ.. ఉద్యోగం దొరుకుతుందనే నమ్మకం లేకుండా పోతోంది. ముఖ్యంగా ఉద్యోగం కోల్పోయిన తర్వాత.. కొత్త ఉద్యోగం వచ్చే వరకు ఆర్థికంగా నిలదొక్కుకోవడం పెద్ద సవాలుగా మారుతోంది. అందుకే ఉద్యోగంలో ఉన్నప్పుడే.. కొంత పొదుపు చేసుకోవడం, కొత్త నైపుణ్యాలు నేర్చుకోవడం చాలా ముఖ్యమని నిపుణులు సైతం చెబుతూనే ఉన్నారు.ఇదీ చదవండి: దీపావళి వేళ స్టాక్ మార్కెట్ల సందడి.. ట్రేడింగ్ టైమింగ్స్ ఇవే!

దీపావళి పండుగ సందర్భంగా ఉద్యోగులకు చాలామంది యజమానులు స్వీట్లు, బట్టలు లేదా కొంత నగదును బహుమతిగా ఇస్తుంటారు. కానీ గుజరాత్‌కు చెందిన ఓ వ్యాపారవేత్త మాత్రం తన ఉద్యోగులకు ఊహించని గిఫ్ట్ ఇచ్చారు. ఒక్కొక్కరికి లక్ష రూపాయలకు పైగా బోనస్‌గా అందించి అందరినీ ఆశ్చర్యపరిచారు. ఈ సందర్భంగా డబ్బు అందుకున్న ఓ మహిళలు ఆనందంతో కన్నీళ్లు పెట్టుకోవడం ఇప్పుడు సోషల్ మీడియాలో వైరల్‌గా మారింది.సూరత్‌కు చెందిన రామ్‌స్వరూప్ ముండే.. టెక్స్‌టైల్ వ్యాపారం నిర్వహిస్తున్నారు. తన దగ్గర పనిచేస్తున్న 20 మంది ఉద్యోగులకు దీపావళి సందర్భంగా భారీ నగదు బోనస్ ఇచ్చారు. ఇందుకోసం రూ.10, రూ.20, రూ.50, రూ.100, రూ.200, రూ.500 నోట్లను ఒక వెండి రంగు ప్లేట్‌లో అందంగా పేర్చి ఉద్యోగులకు అందజేశారు. ఒక్కొక్కరికి లక్ష రూపాయలకు పైగా ఇవ్వడంతో ఉద్యోగులు ఒక్కసారిగా ఆశ్చర్యపోయారు. ఈ పంపిణీకి సంబంధించిన వీడియో ప్రస్తుతం సోషల్ మీడియాలో వైరల్ అవుతోంది.ఈ సందర్భంగా ముండే మాట్లాడుతూ.. తాను చిన్నతనంలో ఎన్నో ఆర్థిక ఇబ్బందులు ఎదుర్కొన్నానని, ముఖ్యంగా పండుగల సమయంలో కుటుంబాలు పడే కష్టాలు తనకు తెలుసని చెప్పారు. అందుకే.. తన దగ్గర పనిచేసే ఉద్యోగులను కేవలం సిబ్బందిగా కాకుండా కుటుంబ సభ్యుల్లా భావిస్తానని తెలిపారు. ఏడాది పొడవునా వారు పడే కష్టానికి గుర్తింపుగా ఈ బోనస్ ఇవ్వాలని నిర్ణయించుకున్నట్లు చెప్పారు.తన వ్యాపారం అభివృద్ధి చెందడంలో.. ఉద్యోగుల కష్టం, అంకితభావం ఎంతో ఉందని ముండే పేర్కొన్నారు. దీపావళి సమయంలో ప్రతి ఉద్యోగి తన కుటుంబానికి అవసరమైన వస్తువులు కొనుక్కొని, ఎలాంటి ఆర్థిక ఇబ్బందులు లేకుండా పండుగను సంతోషంగా జరుపుకోవాలన్నదే తన ఉద్దేశమని చెప్పారు. అందుకే ఒక్కొక్కరికి లక్ష రూపాయలకు పైగా నగదు ఇవ్వాలని నిర్ణయించుకున్నానని వెల్లడించారు.ఇదీ చదవండి: జీతం రూ.2 లక్షలు, ఇన్‌స్టా ద్వారా రూ.2 లక్షలు.. నేను జాబ్ మానేయొచ్చా?ఈ వీడియో చూసిన నెటిజన్లు వ్యాపారవేత్తపై ప్రశంసలు కురిపిస్తున్నారు. ఉద్యోగుల కష్టాన్ని గుర్తించి ఇంత పెద్ద మొత్తంలో బోనస్ ఇవ్వడం నిజంగా గొప్ప విషయమని అంటున్నారు. వ్యాపారం అంటే కేవలం లాభాలు సంపాదించడం మాత్రమే కాదని, మన ఎదుగుదలకు తోడ్పడిన వారిని కూడా సంతోషంగా ఉంచడం ముఖ్యమని ఈ ఘటన మరోసారి గుర్తుచేస్తోంది.Surat businessman Ramswaroop gives ₹1 lakh Diwali bonus to his 20 employees. Total Bonus : ₹20 lakh Employees got emotional on this occasion. https://t.co/WaenvBvaDk— News Arena India (@NewsArenaIndia) November 7, 2026

ప్రస్తుతం సోషల్ మీడియా ప్రభావం రోజురోజుకీ విపరీతంగా పెరుగుతోంది. ముఖ్యంగా.. ఇన్‌స్టాగ్రామ్, యూట్యూబ్ వంటి ప్లాట్‌ఫారమ్‌ల ద్వారా చాలామంది కంటెంట్ క్రియేటర్లు లక్షల రూపాయలు సంపాదిస్తున్నారు. ఈ నేపథ్యంలో.. ఒక వ్యక్తి ఎదుర్కొంటున్న కెరీర్ సందిగ్ధత ఇప్పుడు చర్చనీయాంశంగా మారింది.నెలకు రూ. 2 లక్షల జీతం వచ్చే స్థిరమైన ఉద్యోగాన్ని వదిలేసి, పూర్తిస్థాయిలో కంటెంట్ క్రియేషన్‌పైనే దృష్టి పెట్టాలా? లేక ఉద్యోగం చేస్తూనే కొనసాగించాలా? అనేదే ఆ వ్యక్తి ముందున్న ప్రశ్న.బ్యాంక్ ఖాతాలో రూ.10 లక్షలుఆ వ్యక్తి ప్రస్తుతం నెలకు రూ. 2 లక్షల జీతం వచ్చే ఉద్యోగం చేస్తున్నారు. మరోవైపు ఇన్‌స్టాలో 1.5 లక్షలకు పైగా ఫాలోవర్లు, యూట్యూబ్‏లో 52 వేల మంది సబ్‌స్క్రైబర్లు ఉన్నారు. ఇన్‌స్టాలో బ్రాండ్ ప్రమోషన్ల ద్వారా నెలకు రూ. 2 లక్షలు, యూట్యూబ్ ద్వారా మరో రూ. 20 వేలు సంపాదిస్తున్నారు. అంటే.. ఉద్యోగంతో కలిపి నెలకు సుమారు రూ. 4.2 లక్షల ఆదాయం వస్తోందన్నమాట. అంతేకాకుండా రూ. 1 కోటికి పైగా మ్యూచువల్ ఫండ్స్‌లో పెట్టుబడులు ఉండగా, మరో రూ.10 లక్షలు బ్యాంక్ ఖాతాలో కూడా ఉన్నట్లు వెల్లడించారు.అయితే.. ఇప్పుడు ఉద్యోగానికి రాజీనామా చేసి పూర్తిస్థాయిలో కంటెంట్ క్రియేషన్‌పై దృష్టి పెడితే మరింత సంపాదించగలనని ఆ వ్యక్తి భావిస్తున్నారు. కానీ.. స్థిరమైన ఉద్యోగాన్ని వదులుకోవడం విషయంలోనే ఆలోచనలో పడ్డారు. ఈ విషయంపై రెడ్డిట్‌లో నెటిజన్ల సలహా కోరగా.. కొందరు ఇంత మంచి అవకాశం వచ్చినప్పుడు ధైర్యంగా ముందడుగు వేయాలని సూచించారు. మరికొందరు మాత్రం కంటెంట్ ద్వారా వచ్చే ఆదాయం కనీసం కొన్ని నెలల పాటు స్థిరంగా కొనసాగిన తర్వాతే ఉద్యోగాన్ని వదిలేయాలని అభిప్రాయపడ్డారు.నెటిజన్ల సలహాఒక రెడ్డిట్‌ యూజర్ తనకు తెలిసిన వ్యక్తి నెలకు రూ. 25 లక్షల చొప్పున వరుసగా మూడు నెలలు కంటెంట్ క్రియేషన్ ద్వారా సంపాదించిన తర్వాతే తన రూ. 30 లక్షల వార్షిక జీతం ఉన్న ఉద్యోగాన్ని వదిలేశారని తెలిపారు. కేవలం బ్రాండ్ డీల్స్‌పై ఆధారపడటం మంచిది కాదని, ఆదాయానికి ప్రత్యామ్నాయ మార్గాలు కూడా ఉండాలని సూచించారు. మరో వ్యక్తి మాత్రం కంటెంట్ క్రియేషన్‌ను పూర్తిస్థాయి వృత్తిగా ఎంచుకున్న తర్వాత కూడా అదే ఆసక్తితో పనిచేయగలమా?.. బ్రాండ్ ప్రమోషన్లు, డబ్బు కోసం మనకు నచ్చిన కంటెంట్‌ను మార్చుకోవాల్సి వస్తుందా? అనే విషయాలను కూడా ఆలోచించాలని చెప్పారు.ఇదీ చదవండి: దీపావళి వేళ రైల్వే శాఖ కీలక హెచ్చరిక!

పండుగల షాపింగ్‌ తీరు వేగంగా మారుతోంది. ఒకప్పుడు ధన్‌తేరాస్‌ సందర్భంగా బంగారం, వెండి నాణేలు కొనాలంటే ఆభరణాల దుకాణాలకు వెళ్లేవారు. ఇప్పుడు స్మార్ట్‌ఫోన్‌లో ఆర్డర్‌ చేస్తే చాలు.. నిమిషాల్లోనే ఇంటి వద్దకు నాణేలు చేరుతున్నాయి. క్విక్‌ కామర్స్‌ సంస్థలు అందిస్తున్న వేగవంతమైన డెలివరీ సేవలకు వినియోగదారుల నుంచి భారీ స్పందన లభిస్తోంది. ఈ ఏడాది ధన్‌తేరాస్‌, దీపావళి సందర్భంగా జెప్టో, స్విగ్గీ ఇన్‌స్టామార్ట్‌, ఫ్లిప్‌కార్ట్‌ మినిట్స్‌ ప్లాట్‌ఫామ్స్‌లో కొనుగోళ్లు గణనీయంగా పెరిగాయి.జెప్టో సహ వ్యవస్థాపకుడు, సీఈఓ ఆదిత్‌ పలిచా వెల్లడించిన వివరాల ప్రకారం.. ధన్‌తేరాస్‌ సందర్భంగా తమ ప్లాట్‌ఫామ్‌ ద్వారా గరిష్ఠంగా గంటకు 14,000కు పైగా బంగారు, వెండి నాణేలను డెలివరీ చేశారు. ఒక నిమిషంలోనే అత్యధికంగా 298 నాణేలు అమ్ముడయ్యాయి. పండుగ అవసరాల కొనుగోళ్లలోనూ ఇదే జోరు కనిపించింది. సాధారణ రోజులతో పోలిస్తే చీపుర్ల అమ్మకాలు 38.6 రెట్లు, స్టీల్‌ పాత్రల అమ్మకాలు 20 రెట్లు, అలంకరణ దీపాల అమ్మకాలు 18.2 రెట్లు పెరిగాయి. పురుషుల కుర్తాల విక్రయాలు కూడా 5.4 రెట్లు అధికమయ్యాయి.ఇన్‌స్టామార్ట్‌లో 23 రెట్లు పెరిగిన బంగారు నాణేల ఆర్డర్లుస్విగ్గీ ఇన్‌స్టామార్ట్‌లో ధన్‌తేరాస్‌కు ముందు వారంలో బంగారు నాణేల ఆర్డర్లు ఏకంగా 23 రెట్లు పెరిగాయి. వీటిలో ఒక గ్రాము నాణేలకు అత్యధిక ఆదరణ లభించగా, ఆ తర్వాత స్థానంలో అర గ్రాము నాణేలు నిలిచాయి. వెండి నాణేల ఆర్డర్లు కూడా ఏడు రెట్లు పెరిగాయి. వీటిలో 5 గ్రాములు, 10 గ్రాముల నాణేలకు దాదాపు సమానంగా డిమాండ్‌ ఉంది. నగరాల వారీగా చూస్తే బంగారు నాణేల కొనుగోళ్లలో బెంగళూరు మొదటి స్థానంలో నిలవగా, హైదరాబాద్‌, ముంబై తర్వాతి స్థానాల్లో ఉన్నాయి. వెండి నాణేల కొనుగోళ్లలో ఢిల్లీ ముందంజలో ఉంది.ఈ ప్లాట్‌ఫామ్‌లో కొందరు వినియోగదారులు భారీ మొత్తంలో కొనుగోళ్లు చేయడం విశేషం. ఒకరు ఒకే ఆర్డర్‌లో రూ.1.73 లక్షల విలువైన లక్ష్మీదేవి బంగారు నాణేలను కొనుగోలు చేశారు. నోయిడాకు చెందిన మరో వినియోగదారుడు తొమ్మిది ఆర్డర్లలో దాదాపు రూ.5 లక్షలు ఖర్చు చేశారు. ముంబైకి చెందిన ఒకరు బంగారం, వెండి నాణేల కోసం పలు ఆర్డర్ల ద్వారా రూ.4.31 లక్షలు వెచ్చించారు.దీపాలు, స్వీట్లు, గృహోపకరణాలకూ భారీ డిమాండ్‌ఇన్‌స్టామార్ట్‌లో వంటగది, డైనింగ్‌ ఉత్పత్తుల ఆర్డర్లు 45 శాతం పెరిగాయి. డిన్నర్‌ సెట్ల కొనుగోళ్లు 344 శాతం, ప్రెజర్‌ కుక్కర్ల విక్రయాలు 171 శాతం వృద్ధి చెందాయి. స్వీట్ల ఆర్డర్లు 55 శాతానికి పైగా పెరగ్గా, పూల కొనుగోళ్లు 42 శాతం అధికమయ్యాయి. ఆరోగ్యకరమైన చిరుతిళ్లకూ ఆదరణ పెరిగింది. ప్రొటీన్‌ చిప్స్‌ ఆర్డర్లు 239 శాతం, చిరుధాన్యాలతో తయారైన స్నాక్స్‌ ఆర్డర్లు 188 శాతం పెరిగాయి.ఇదీ చదవండి: దీపావళి బోనస్ వచ్చిందా? ఇలా చేస్తే బెస్ట్‌!మరోవైపు ఫ్లిప్‌కార్ట్‌ మినిట్స్‌లో అక్టోబర్‌ 30 నుంచి నవంబర్‌ 5 మధ్య మొత్తం ఆర్డర్లు మూడు రెట్లు పెరిగాయి. ప్రమిదల కొనుగోళ్లు 12 రెట్లు, గృహాలంకరణ వస్తువుల ఆర్డర్లు ఐదు రెట్లు అధికమయ్యాయి. ధన్‌తేరాస్‌ సమయంలో బంగారు నాణేలు, కడ్డీల కొనుగోళ్లు రెట్టింపయ్యాయి. జ్యూసర్లు, మిక్సర్లు, ఎయిర్‌ ఫ్రయ్యర్లు, ఇండక్షన్‌ స్టవ్‌ల వంటి వంటగది ఉపకరణాల ఆర్డర్లు 10 రెట్లు పెరిగాయి. పూజా సామగ్రి కొనుగోళ్లు నాలుగు రెట్లు వృద్ధి చెందాయి.దేశంలోని ప్రధాన నగరాల్లో నేటి బంగారం, వెండి ధరలు ఈ కింద చూడొచ్చు..

సాధారణంగా డబ్బు సంపాదించాలంటే ఉద్యోగం చేయాలి, లేదా రోజంతా కష్టపడాలి. కానీ.. ఓ యువతి మాత్రం నిద్రపోతూనే లక్షల రూపాయలు సంపాదించింది. వినడానికి ఆశ్చర్యంగా ఉన్నా ఇది నిజమే.ముంబైకి చెందిన జినియా ఛటర్జీ అనే యువతి రెండు నెలల పాటు జరిగిన ఓ ప్రత్యేక పోటీలో పాల్గొని ఏకంగా రూ.9.6 లక్షల బహుమతిని గెలుచుకుంది. అంతేకాదు.. ఉచితంగా వెకేషన్ వెళ్లే అవకాశాన్ని కూడా దక్కించుకుంది. వేక్‌ఫిట్ (Wakefit) నిర్వహించిన ఈ స్లీప్ ఇంటర్న్‌షిప్‌లో దేశవ్యాప్తంగా 2 లక్షల మందికి పైగా దరఖాస్తు చేసుకోగా, చివరకు జినియా విజేతగా నిలిచింది.10 మందికి అవకాశంఈ పోటీలో పాల్గొనేవారు రోజూ సరైన సమయానికి నిద్రపోవాలి. నిద్ర విషయంలో క్రమశిక్షణ పాటించడంతో పాటు, వారానికి ఒకసారి ఇచ్చే కొన్ని సరదా టాస్కులను కూడా పూర్తి చేయాలి. దేశవ్యాప్తంగా వచ్చిన దరఖాస్తుల నుంచి పలు దశల్లో ఎంపిక చేసి కేవలం 10 మందికి మాత్రమే అవకాశం ఇచ్చారు. దాదాపు 60 రోజుల పాటు జరిగిన ఈ పోటీలో ఎవరు ఎంతసేపు నిద్రపోయారు, వారి నిద్ర నాణ్యత ఎలా ఉందనే విషయాలను పరిశీలించి రోజువారీ స్కోర్లు ఇచ్చారు.అయితే.. ఈ పోటీలో కేవలం నిద్రపోవడమే కాదు.. కొన్ని వెరైటీ టాస్కులు కూడా ఉన్నాయి. ఉదాహరణకు 'స్లీప్ సినిమా' ఛాలెంజ్‌లో ప్రముఖ సినిమాల్లోని సన్నివేశాలను నిద్రకు సంబంధించిన అంశాలతో మళ్లీ రూపొందించాలి. మరో టాస్క్‌లో వారం రోజుల పాటు తమ నిద్ర అలవాట్లను గమనించాలి. ఇక అండర్‌కవర్ స్లీప్ మిషన్లో ఎవరితోనైనా మాట్లాడేటప్పుడు వారికి అనుమానం రాకుండా బ్లాంకెట్, పిల్లో అనే పదాలను పదిసార్లు ఉపయోగించాలి. ఇలా ప్రతి వారం టాస్కుల్లో మంచి ప్రతిభ చూపిన వారికి ప్రత్యేక టైటిల్స్ ఇచ్చేవారు.టాస్కులు కూడా..రెండు నెలల తర్వాత జినియా ఛటర్జీ, రత్నగిరి మణికందన్, మెహెక్ ఖోట్ టాప్-3లో నిలిచారు. హైదరాబాద్‌కు చెందిన కరీం ఖాన్ కూడా వారపు టాస్కుల్లో అత్యధిక విజయాలు సాధించి వైల్డ్ కార్డ్ ఎంట్రీ ద్వారా ఫైనల్‌కు చేరుకున్నాడు. చివరగా నలుగురి మధ్య బిగ్ బెడ్ పేరుతో ఫైనల్ పోటీ నిర్వహించారు. ఇందులో బెడ్‌రూమ్ సెటప్‌ను గుర్తించి మళ్లీ ఏర్పాటు చేయడం, దిండ్లు, దుప్పట్లు, ఏసీ, లైటింగ్, సౌండ్ వంటి సౌకర్యాలను వేలం ద్వారా ఎంచుకోవడం వంటి టాస్కులు ఇచ్చారు.చివరగా పోటీదారులు తమకు నచ్చిన నిద్ర వాతావరణంలో ఒక రాత్రి గడిపారు. వారి నిద్ర స్కోర్ల ఆధారంగా జినియా ఛటర్జీ విజేతగా నిలిచింది. దీంతో ఆమెకు రూ.9.6 లక్షల నగదు బహుమతితో పాటు వేక్‌ఫిట్ స్పాన్సర్ చేసిన వెకేషన్ కూడా లభించింది. కాగా, 2019లో ప్రారంభమైన ఈ స్లీప్ ఇంటర్న్‌షిప్‌కు ఇప్పటివరకు నాలుగు సీజన్లలో 10 లక్షలకు పైగా దరఖాస్తులు వచ్చాయి. మొత్తం 65 మంది ఇంటర్న్‌లు ఒక్కొక్కరు రూ.లక్ష స్టైపెండ్ అందుకున్నారు. ఇప్పుడు ఆరో సీజన్ కోసం కూడా ప్రీ-రిజిస్ట్రేషన్లు ప్రారంభమయ్యాయి.ఇదీ చదవండి: పసిడి ధరలలో మార్పు.. పండక్కి ముందే కొత్త రేట్లు ఇలా..

టెక్ దిగ్గజం డెల్‌ భారత్‌లో కొత్త ల్యాప్‌టాప్‌ను విడుదల చేసింది. విద్యార్థులు, యువ ఉద్యోగులను దృష్టిలో పెట్టుకుని డెల్ 14ఎస్‌ పేరుతో దీన్ని మార్కెట్లోకి తీసుకొచ్చింది. దీని ప్రారంభ ధర రూ.79,900గా నిర్ణయించింది. అంతేకాకుండా ఎంపిక చేసిన క్రెడిట్ కార్డులపై రూ.10,000 వరకు తక్షణ డిస్కౌంట్ కూడా అందిస్తోంది.ఈ ల్యాప్‌టాప్‌లో కోర్ 5, కోర్ 7 సిరీస్ 3 ప్రాసెసర్లు ఉన్నాయి. ఒక్కసారి ఛార్జింగ్ చేస్తే 21 గంటల పాటు వీడియో స్ట్రీమింగ్ చేసుకునే సామర్థ్యం ఉందని కంపెనీ వెల్లడించింది. అల్యూమినియం చాసిస్‌తో రూపొందించిన ఈ ల్యాప్‌టాప్ నాలుగు ఆకర్షణీయమైన రంగుల్లో అందుబాటులోకి వచ్చింది.ఇదీ చదవండి: పసిడి ధరలలో మార్పు.. పండక్కి ముందే కొత్త రేట్లు ఇలా..

ఒకప్పుడు సాఫ్ట్‌వేర్ రంగంలో ఉద్యోగం కావాలంటే.. తప్పనిసరిగా కోడింగ్ వచ్చి ఉండాలి. ప్రోగ్రామింగ్‌పై కూడా పట్టు ఉంటేనే.. మంచి జీతంతో ఉద్యోగం వస్తుందని చాలామంది భావించేవారు. కానీ.. ఇప్పుడు పరిస్థితులు మారాయి. ఆర్టిఫిషియల్ ఇంటెలిజెన్స్ (AI) రాకతో.. ఏఐ టూల్స్‌తోనే చాలా వరకు కోడింగ్ పనులు పూర్తవుతున్నాయి. ఈ నేపథ్యంలో.. కోడింగ్ అనేది ప్రస్తుతం ఓవర్‌రేటెడ్ స్కిల్ అని జెటా సీఈఓ భవిన్ తురఖియా అభిప్రాయపడ్డారు.కోడ్ రాయడం కంటే..భవిష్యత్తులో కోడ్ రాయడం కంటే కొత్తగా ఆలోచించడం, సమస్యలను గుర్తించడం, వాటికి పరిష్కారాలు కనుగొనడం వంటి నైపుణ్యాలకే ఎక్కువ ప్రాధాన్యత ఉంటుందని భవిన్ చెప్పారు. ఒక ఇంటర్వ్యూలో.. ప్రస్తుతం ఎక్కువగా ప్రాధాన్యత ఉన్నప్పటికీ, అంతగా అవసరం లేని స్కిల్ ఏదని అడిగితే.. ఆయన ఏమాత్రం ఆలోచించకుండా కోడింగ్ అని సమాధానమిచ్చారు.చాలామంది ఒక పనిని ఎలా చేయాలనే దానిపైనే ఎక్కువ సమయం పెడుతున్నారు, కానీ.. అసలు ఏం సాధించాలనే దానిపై సరైన ఆలోచన చేయడం లేదని భవిన్ చెప్పారు. ఏఐ కోడింగ్ పనులను వేగంగా పూర్తి చేస్తున్న ఈ సమయంలో.. మనుషులు సమస్యను అర్థం చేసుకుని, ఏఐకి ఏం కావాలో స్పష్టంగా చెప్పగలగాలని వివరించారు.వ్యాపారం గురించిఇక వ్యాపార రంగం గురించి మాట్లాడుతూ.. మంచి ఐడియా ఉంటే సరిపోదు, దాన్ని ఎంత బాగా అమలు చేస్తున్నామన్నదే ముఖ్యమని భవిన్ చెప్పారు. ప్రస్తుతం ఐడియాలు అందరికీ సులభంగా అందుబాటులోకి వస్తున్నాయని, వాటిని ఆచరణలో పెట్టినప్పుడే అసలైన విలువ ఉంటుందని అభిప్రాయపడ్డారు.అలాగే.. సొంతంగా కంపెనీ ప్రారంభించడం కంటే.. సరైన కో-ఫౌండర్‌తో కలిసి ముందుకెళ్లడం మంచిదని సూచించారు. ఇద్దరు కలిసి ఆలోచనలు పంచుకోవడం, ఒకరి అభిప్రాయాలను మరొకరు ప్రశ్నించడం వల్ల వ్యాపారంలో మంచి నిర్ణయాలు తీసుకోవచ్చని చెప్పారు.రెజ్యూమ్‌ చూసి అంచనామరోవైపు ఉద్యోగాల విషయంలోనూ ఏఐ ప్రభావం పెరుగుతోందని ఆయన అన్నారు. గతంలో ఉద్యోగం కోసం అప్లై చేసేటప్పుడు రెజ్యూమ్‌ చాలా ముఖ్యంగా ఉండేది. కానీ.. ఇప్పుడు ఏఐ సాయంతో ఎవరైనా ఆకర్షణీయమైన రెజ్యూమ్‌ తయారు చేసుకోవచ్చు. కాబట్టి కేవలం రెజ్యూమ్‌ను చూసి మాత్రమే అభ్యర్థి సామర్థ్యాన్ని అంచనా వేయడం కష్టమవుతుందని భవిన్ అభిప్రాయపడ్డారు. ఇకపై కంపెనీలు అభ్యర్థుల నైపుణ్యాలను తెలుసుకునేందుకు ప్రాక్టికల్ టెస్టులు, ఇంటర్వ్యూలు, కేస్ స్టడీలు, వారు గతంలో చేసిన పనులకు ఎక్కువ ప్రాధాన్యత ఇవ్వవచ్చని తెలిపారు.అయితే ఏఐ వచ్చిందని టెక్నికల్ నాలెడ్జ్ అవసరం లేదని అనుకోకూడదని భవిన్ స్పష్టం చేశారు. ముఖ్యంగా గణితం, డేటా స్ట్రక్చర్స్, అల్గారిథమ్స్ వంటి ప్రాథమిక అంశాలపై మంచి పట్టు ఉండాలని సూచించారు.పదేళ్ల వయసులోనే కోడింగ్ఆసక్తికరమైన విషయం ఏమిటంటే.. భవిన్ తురఖియా కూడా తన పదేళ్ల వయసులోనే కోడింగ్ నేర్చుకోవడం ప్రారంభించారు. ఆ తర్వాత డైరెక్టి, రాడిక్స్, జెటా వంటి సంస్థలను స్థాపించారు. ప్రస్తుతం ఎన్ఈఓ అనే ఏఐ ఆధారిత సంస్థపై పనిచేస్తున్నారు. ఒకప్పుడు కోడింగ్‌తోనే తన ప్రయాణాన్ని ప్రారంభించిన ఆయన.. ఇప్పుడు ఏఐ కాలంలో కోడింగ్ కంటే ఆలోచనా శక్తి, సమస్యలను పరిష్కరించే సామర్థ్యం ముఖ్యమని చెప్పడం టెక్నాలజీ రంగంలో వస్తున్న మార్పులను స్పష్టంగా తెలియజేస్తోంది.ఇదీ చదవండి: ప్రయాణికుడిని ఎక్కించుకోకుండా వెళ్లిన ప్రైవేట్ బస్సు.. ట్రావెల్స్ సంస్థకు షాక్!

దీపావళి పండుగ వస్తోంది. చాలామంది సొంతూళ్లకు వెళ్లేందుకు సిద్ధమవుతున్నారు. ఈ సమయంలో రైళ్లలో ప్రయాణించే వారికి సౌత్ కోస్ట్ రైల్వే కీలక హెచ్చరిక జారీ చేసింది. రైళ్లలో టపాసులు, పేలుడు పదార్థాలు, గ్యాస్ సిలిండర్లు, పెట్రోల్, కిరోసిన్ వంటి మండే వస్తువులను తీసుకెళ్లవద్దని స్పష్టం చేసింది. ఇలాంటి వస్తువుల వల్ల రైళ్లలో అగ్నిప్రమాదాలు జరిగే ప్రమాదం ఉందని, తోటి ప్రయాణికుల ప్రాణాలకు ముప్పు ఏర్పడుతుందని అధికారులు హెచ్చరించారు.రైల్వే చట్టం 1989 ప్రకారం.. రైళ్లలో పేలుడు పదార్థాలు, మండే వస్తువులను తీసుకెళ్లడం నేరం. ఎవరైనా టపాసులు, గ్యాస్ సిలిండర్లు, యాసిడ్, పెట్రోల్, కిరోసిన్ వంటి వస్తువులతో పట్టుబడితే చట్టపరమైన చర్యలు తప్పవు. నిబంధనలు ఉల్లంఘించిన వారికి గరిష్ఠంగా మూడేళ్ల వరకు జైలు శిక్షతో పాటు జరిమానా విధించే అవకాశం ఉంది.అంతేకాకుండా, వారు తీసుకెళ్లే ప్రమాదకర వస్తువుల వల్ల రైల్వే ఆస్తులకు లేదా ఇతర ప్రయాణికులకు నష్టం జరిగితే అందుకు కూడా వారే బాధ్యత వహించాల్సి ఉంటుంది. మరోవైపు దీపావళి నేపథ్యంలో రైల్వే అధికారులు తనిఖీలను ముమ్మరం చేశారు. సౌత్ కోస్ట్ రైల్వే పరిధిలో ప్రత్యేక భద్రతా బృందాలను ఏర్పాటు చేసి రైళ్లలో ఆకస్మిక తనిఖీలు నిర్వహిస్తున్నారు. రైల్వే ప్రొటెక్షన్ ఫోర్స్ (RPF), ప్రభుత్వ రైల్వే పోలీసులు (GRP), సివిల్ డిఫెన్స్ సిబ్బంది ఈ తనిఖీల్లో పాల్గొంటున్నారు. ఎవరైనా నిషేధిత వస్తువులను రైళ్లలో తీసుకెళ్తున్నారా అనే విషయాన్ని పరిశీలిస్తున్నారు.అంతేకాకుండా.. రైళ్లలో విధులు నిర్వహించే టీటీఈలు, కోచ్ అటెండెంట్లు, ట్రైన్ మేనేజర్లు, స్టేషన్ మేనేజర్లకు కూడా అధికారులు కీలక సూచనలు చేశారు. ప్రయాణ సమయంలో ఎక్కడైనా అనుమానాస్పద వస్తువులు కనిపిస్తే వెంటనే సంబంధిత అధికారులకు సమాచారం అందించాలని ఆదేశించారు. దీపావళి పండుగ సమయంలో ప్రయాణికుల భద్రతకు ఎలాంటి ఇబ్బందులు కలగకుండా ఈ చర్యలు చేపట్టినట్లు రైల్వే అధికారులు తెలిపారు.ఇదీ చదవండి: తగ్గనున్న ట్రైన్ టికెట్ ధరలు.. కొత్త రూల్స్ వస్తున్నాయ్!

యూజర్లు ఇతర నెట్‌వర్క్‌ల వైపు చూస్తున్న నేపథ్యంలో భారతి ఎయిర్‌టెల్‌ తమ రూ. 299 ఎంట్రీ లెవెల్‌ ప్లాన్‌ని మళ్లీ ప్రవేశపెట్టింది. అయితే, డేటా ప్రయోజనాలను 1.5 జీబీ (రోజుకు) నుంచి 1 జీబీకి తగ్గించింది. ఎయిర్‌టెల్‌ యాప్, వెబ్‌సైట్లలో పొందుపర్చిన సమాచారం ప్రకారం 28 రోజుల వేలిడిటీతో ఈ ప్లాన్‌ లభిస్తుంది.ప్రీమియం ప్లాన్ల వైపు వెళ్లే దిశగా కంపెనీ వ్యూహాలు అమలు చేస్తుండటంతో సెప్టెంబర్ త్రైమాసికంలో భారతి ఎయిర్‌టెల్‌ కొత్త యూజర్ల సంఖ్య నికరంగా తగ్గినట్లు విశ్లేషకులు అభిప్రాయపడ్డారు. రూ. 299తో పాటు ఇతరత్రా మరో నాలుగు ప్లాన్లను కూడా నిలిపివేయడంతో యూజర్లు అధిక రేటు ప్లాన్లకు మారాల్సిన పరిస్థితి ఏర్పడిందని వివరించారు.

రైళ్లలో టికెట్లు అందుబాటులో లేనప్పుడు.. చాలామంది ప్రైవేట్ ట్రావెల్స్ బస్సులను ఆశ్రయిస్తుంటారు. అత్యవసర ప్రయాణాలు ఉన్నప్పుడు, ముందుగానే టికెట్లు బుక్ చేసుకుని, నిర్ణీత సమయానికి పికప్ పాయింట్‌కు చేరుకుంటారు. అయితే.. టికెట్ బుక్ చేసుకున్నప్పటికీ బస్సు బోర్డింగ్ పాయింట్ వద్ద ఆగకుండా వెళ్లిపోతే.. ప్రయాణికుడి పరిస్థితి ఎలా ఉంటుంది?. అచ్చం ఇలాంటి చేదు అనుభవమే ఓ ప్రయాణికుడికి ఎదురైంది. దీనికి సంబంధించిన మరిన్ని వివరాలు ఈ కథనంలో తెలుసుకుందాం.బళ్లారి నుంచి హైదరాబాద్‌కు వెళ్లేందుకు రూ.1,725 పెట్టి బస్సు టికెట్ బుక్ చేసుకున్న.. అనుదీప్ అనే వ్యక్తి 2026 మార్చి 21న బస్ టికెట్ బుక్ చేసుకున్నాడు. రాత్రి 11 గంటలకు బళ్లారిలోని దుర్గమ్మ ఆలయం సమీపంలో బస్సు ఎక్కాల్సి ఉంది. అనుదీప్ తన తల్లిదండ్రులతో కలిసి సమయానికి పికప్ పాయింట్‌కు చేరుకున్నా, బస్సు అక్కడ ఆగలేదు. డ్రైవర్, కండక్టర్‌కు ఫోన్ చేసినా స్పందన రాలేదని అతను ఆరోపించాడు.చివరకు బస్ ట్రావెల్స్ ఆఫీసు వద్దకు వెళ్లడంతో.. అనుదీప్ అక్కడికి చేరుకుని బస్సు ఎక్కేందుకు ప్రయత్నించాడు. అయితే తనను బస్సు ఎక్కనివ్వలేదని ఫిర్యాదు చేశాడు. ఆ తర్వాత బస్సు ప్రయాణం ప్రారంభమైనప్పటికీ.. మార్గమధ్యలో మూడు, నాలుగు సార్లు సాంకేతిక సమస్యలతో ఆగిపోయింది. చివరకు మోతి సర్కిల్ వద్ద బస్సు పూర్తిగా నిలిచిపోయింది. వాహనం ముందుకు వెళ్లలేదని డ్రైవర్, కండక్టర్ చెప్పడంతో ప్రయాణికులు ఇబ్బందులు ఎదుర్కొన్నారు.నోటీసులకు స్పందించని సంస్థఈ ప్రయాణం కారణంగా హైదరాబాద్‌లో జరగాల్సిన అత్యవసర ఆఫీస్ మీటింగ్‌కు అనుదీప్ హాజరు కాలేకపోయాడు. తన టికెట్ డబ్బులు తిరిగి ఇవ్వాలని కోరినప్పుడు.. బస్సు సిబ్బంది తనతో పాటు తల్లిదండ్రులతో కూడా దురుసుగా మాట్లాడారని ఆరోపించాడు. దీంతో 2026 ఏప్రిల్ 10న సంస్థకు లీగల్ నోటీసు పంపించాడు. అయినప్పటికీ.. సంస్థ నుంచి ఎలాంటి స్పందన రాకపోవడంతో బళ్లారి జిల్లా వినియోగదారుల కమిషన్‌ను ఆశ్రయించాడు.ఈ కేసులో కమిషన్ నోటీసులు పంపించినప్పటికీ.. సంస్థ తరఫున ఎవరూ విచారణకు హాజరు కాలేదు. దీంతో సంస్థ గైర్హాజరీలోనే కేసును విచారించారు. అనుదీప్ సమర్పించిన బస్ టికెట్, లీగల్ నోటీసు, పోస్టల్ రసీదు వంటి ఆధారాలను పరిశీలించిన కమిషన్, ప్రయాణాన్ని పూర్తి చేయడంలో ట్రావెల్స్ సంస్థ విఫలమైందని గుర్తించింది. ప్రయాణికుడికి ప్రత్యామ్నాయ రవాణా సౌకర్యం కల్పించకపోవడం, అతనికి కలిగిన మానసిక వేదన, ఆఫీస్ మీటింగ్‌కు హాజరు కాలేకపోవడం వంటి అంశాలను కూడా పరిగణనలోకి తీసుకుంది.రూ.14725 జరిమానాదీంతో 2026 అక్టోబర్ 13న తీర్పు వెలువరించిన కమిషన్.. ట్రావెల్ సంస్థకు మొత్తం రూ.14,725 చెల్లించాలని ఆదేశించింది. ఇందులో టికెట్ డబ్బులు రూ.1,725, సేవల లోపం కారణంగా రూ.5,000, మానసిక వేదనకు రూ.5,000, కేసు ఖర్చుల కింద రూ.3,000 ఉన్నాయి. ఈ మొత్తాన్ని 45 రోజుల్లోగా చెల్లించాలని, ఆలస్యమైతే సంవత్సరానికి 6 శాతం వడ్డీ కూడా చెల్లించాలని స్పష్టం చేసింది. సంస్థ ఆదేశాలను ఉల్లంఘిస్తే వినియోగదారుల పరిరక్షణ చట్టం, 2019లోని సెక్షన్ 72 ప్రకారం క్రిమినల్ చర్యలు తీసుకునే అవకాశం ఉందని కమిషన్ తెలిపింది.ఇదీ చదవండి: తగ్గనున్న ట్రైన్ టికెట్ ధరలు.. కొత్త రూల్స్ వస్తున్నాయ్!

దేశవ్యాప్తంగా విద్యుత్‌తో వంట (ఈ-కుకింగ్‌) విధానాన్ని ప్రోత్సహించేందుకు కేంద్ర విద్యుత్ మంత్రిత్వ శాఖ పరిధిలోని ఎనర్జీ ఎఫిషియెన్సీ సర్వీసెస్ లిమిటెడ్ (ఈఈఎస్ఎల్) ప్రత్యేక కార్యక్రమాన్ని చేపట్టింది. ఇందులో భాగంగా 1,200 వాట్ల ఇండక్షన్ స్టవ్‌తో పాటు దానికి అనువైన వంట పాత్రను రూ.6,990కే అందించనున్నట్లు ప్రకటించింది. దీపావళి సందర్భంగా ఈఈఎస్ఎల్ సీఈవో అఖిలేష్ కుమార్ దీక్షిత్ ఈ ప్రత్యేక ఆఫర్‌తో పాటు ఈ-కుకింగ్‌ విస్తరణపై రూపొందించిన నివేదికను విడుదల చేశారు.కేంద్ర మంత్రి మనోహర్‌లాల్ ప్రారంభించిన జాతీయ సమర్థ వంట కార్యక్రమం (ఎన్‌ఈసీపీ)లో భాగంగా ఈ చర్యలు చేపట్టారు. ఇండక్షన్ స్టవ్‌ల వినియోగంతో వంటగదిలో మంటలు, గ్యాస్ లీకేజీల ప్రమాదాలను తగ్గించడంతో పాటు విద్యుత్ వినియోగ సామర్థ్యాన్ని పెంచవచ్చని ఈఈఎస్ఎల్ తెలిపింది. సంప్రదాయ ఎల్‌పీజీ వంటలో సుమారు 40 శాతం మాత్రమే శక్తి వినియోగం కాగా, ఇండక్షన్ విధానంలో ఇది 85 శాతం వరకు ఉంటుందని పేర్కొంది.ఇప్పటికే బిహార్‌, అసోం, ఉత్తరప్రదేశ్‌, ఒడిశా, మధ్యప్రదేశ్‌ రాష్ట్రాలు ఈ విధానాన్ని ప్రోత్సహిస్తున్నాయి. ఆంధ్రప్రదేశ్‌లో మహిళా, శిశు సంక్షేమ శాఖ ఆధ్వర్యంలో అన్ని అంగన్‌వాడీ కేంద్రాల్లో ఇండక్షన్ ఆధారిత వంట విధానాన్ని పూర్తిస్థాయిలో అమలు చేయడం విశేషం. ఎలక్ట్రిక్ వంటతో ఇంధన పొదుపు, పర్యావరణ పరిరక్షణ, దేశ ఇంధన భద్రతకు దోహదం చేయవచ్చని ఈఈఎస్ఎల్ పేర్కొంది.

గ్లోబల్ వాల్యూ క్రియేషన్‌కు కేంద్రంగా హైదరాబాద్‌ను తీర్చిదిద్దేందుకు ప్రణాళికాబద్ధంగా కృషి చేస్తున్నామని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు పేర్కొన్నారు. గ్లోబల్ కంపెనీలు తమ కీలక కార్యకలాపాలు, పరిశోధన, ఉత్పత్తుల అభివృద్ధికి హైదరాబాద్ ను తమ గమ్యస్థానంగా మార్చుకునేలా అన్ని విధాలా అనుకూలమైన వాతావరణాన్ని కల్పిస్తున్నామన్నారు. న్యూయార్క్ కేంద్రంగా ప్రపంచవ్యాప్తంగా ఆర్థిక సంస్థలకు టెక్నాలజీ ఇన్‌ఫ్రాస్ట్రక్చర్, సాఫ్ట్‌వేర్, డేటా, అనలిటిక్స్ సేవలు అందించే పికో టెక్నాలజీ ఇండియా కార్యాలయాన్ని హైటెక్ సిటీలో శుక్రవారం మంత్రి కోమటిరెడ్డి వెంకట్ రెడ్డితో కలిసి ఆయన ప్రారంభించారు.ఈ సందర్భంగా మంత్రి శ్రీధర్ బాబు మాట్లాడుతూ... ఈ ఏడాది ప్రారంభంలో పికో సంస్థ ప్రతినిధులతో హైదరాబాద్‌లో పెట్టుబడులు, సంస్థ విస్తరణపై జరిగిన చర్చలు కార్యరూపం దాల్చడం సంతోషంగా ఉందన్నారు. హైదరాబాద్ లో గ్లోబల్ కంపెనీల కార్యకలాపాల విస్తరణకు పూర్తి సహకారం అందిస్తామన్నారు. ఏడాది వ్యవధిలో హైదరాబాద్ లో 100 కొత్త జీసీసీలను ఏర్పాటు చేయాలని లక్ష్యంగా పెట్టుకున్నామన్నారు. జీసీసీలను కేవలం సంప్రదాయ సేవలకే పరిమితం చేయకుండా గ్లోబల్ టెక్నాలజీ అభివృద్ధి కేంద్రాలుగా అభివృద్ధి చేయడంపై ప్రత్యేకంగా దృష్టి సారించామన్నారు. 30కి పైగా దేశాల్లో కార్యకలాపాలు నిర్వహిస్తున్న పికో సంస్థ 350కి పైగా సంస్థలకు సేవలు అందిస్తోందన్నారు."పికో టెక్నాలజీ హైదరాబాద్‌లో కార్యకలాపాలను విస్తరించడంతో స్థానిక యువతకు అంతర్జాతీయ స్థాయి ఉద్యోగ, నైపుణ్యాభివృద్ధి అవకాశాలు లభిస్తాయి. రాష్ట్రంలో పెట్టుబడులు పెట్టేందుకు ముందుకొచ్చే పారిశ్రామికవేత్తలు, సంస్థలకు ప్రభుత్వం పూర్తిగా అండగా ఉంటుంది. పారిశ్రామికాభివృద్ధికి అవసరమైన మౌలిక సదుపాయాల కల్పనకు అత్యంత ప్రాధాన్యం ఇస్తున్నాం" అని మంత్రి కోమటిరెడ్డి వెంకట్ రెడ్డి వివరించారు. కార్యక్రమంలో పికో టెక్నాలజీ వ్యవస్థాపకుడు, సీఈఓ జారోడ్ యూస్టర్, సీఐఓ సీతారాం గొర్రె, చీఫ్ పీపుల్ ఆఫీసర్ మాట్ నార్మన్ తదితరులు పాల్గొన్నారు.

ఆంధ్రప్రదేశ్‌లో 'అర్నబ్‌' తుఫాను సృష్టించిన విధ్వంసానికి నష్టపోయిన మత్స్యకారులకు రిలయన్స్ ఫౌండేషన్ అండగా నిలిచింది. డాక్టర్ బి.ఆర్. అంబేడ్కర్ కోనసీమ జిల్లాలో తుఫాను వల్ల కొట్టుకుపోయిన 180కి పైగా పడవలను వెలికితీసేందుకు, అలాగే మత్స్యకార కుటుంబాల జీవనోపాధికి మద్దతుగా ఒక సమన్వయ కార్యక్రమాన్ని చేపడుతోంది.తుఫాను కారణంగా కోనసీమ జిల్లాలోని ఓడలరేవు, సఖినేటిపల్లి ల్యాండింగ్ కేంద్రాల్లోని మత్స్యకార వర్గాల జీవనోపాధి తీవ్రంగా దెబ్బతింది. అనేక చేపల వేట పడవలు పేరుకుపోయిన బురదలో చిక్కుకుపోయి, పాక్షికంగా లేదా పూర్తిగా మునిగిపోయాయి. కొన్ని పడవలు ఒకచోట నుండి మరొకచోటికి కొట్టుకుపోగా, మరికొన్ని ఒకదానిపై ఒకటి పడిపోయాయి. రిలయన్స్ ఫౌండేషన్ బృందాలు ఇక్కడ క్షేత్రస్థాయి పరిశీలన జరిపి, తమ "వి కేర్" (We Care) చొరవకు అనుగుణంగా, తక్షణమే స్పందిస్తూ భారీ యంత్రాల సహాయంతో పడవలను వెలికితీసే కార్యక్రమాన్ని చేపట్టాలని నిర్ణయించారు.అల్లావరం మండలంలోని ఓడలరేవు, సఖినేటిపల్లి ఫిషింగ్ ల్యాండింగ్ కేంద్రాల్లో ప్రాథమిక అంచనా ప్రకారం.. ప్రతికూల వాతావరణం కారణంగా దాదాపు 186 చేపల వేట పడవలు తమ లంగరు స్థానాల నుండి కొట్టుకుపోయి కాలువలు, బురద ప్రాంతాలు, సమీప ల్యాండింగ్ స్థలాలలో చిక్కుకున్నాయి. వీటిలో కొన్ని పాక్షికంగా మునిగిపోవడం లేదా ఒండ్రులో ఇరుక్కుపోవడంతో చేతులతో వెలికితీయడం కష్టంగా, ప్రమాదకరంగా మారింది. సుమారు 5 నుండి 10 టన్నుల బరువున్న ఈ పడవలు ప్రస్తుతం దారి సరిగ్గా లేని, బురద పేరుకుపోయిన ప్రమాదకర ప్రాంతాలలో ఉన్నాయి.వీటిని భారీ క్రేన్లు, యంత్రాల ద్వారా వెలికితీసి, యథాస్థానానికి చేర్చేందుకు స్థానిక మత్స్య శాఖ అధికారులతో కలిసి రిలయన్స్ ఫౌండేషన్ కృషి చేస్తోంది. ఈ బృందం స్థానిక మత్స్యకారులతో కలిసి పడవలను గుర్తించి, వాటి లొకేషన్లను నిర్ధారించుకుని, సురక్షితమైన పరిధిలో క్రేన్ ఆపరేటర్ల సహాయంతో ఒక ప్రణాళికాబద్ధంగా పడవలను వెలికితీసే పనిని చేపడుతుంది. ఈ కార్యక్రమం ద్వారా ఈ ప్రాంతంలోని సుమారు 10,000 మంది మత్స్యకారుల జీవనోపాధికి నేరుగా, పరోక్షంగా ప్రయోజనం చేకూరనుంది.

ఫ్యూచర్ గ్రూప్ వ్యవస్థాపకుడు, ప్రముఖ పారిశ్రామికవేత్త కిషోర్ బియానీకి మరో పెద్ద చిక్కు ఎదురైంది. రూ.904.32 కోట్ల బ్యాంకు మోసం ఆరోపణలకు సంబంధించి ఆయనతో పాటు ఫ్యూచర్ రిటైల్ లిమిటెడ్‌పై సీబీఐ (CBI) కేసు నమోదు చేసింది. ఈ కేసులో కిషోర్ బియానీ సోదరుడు, ఫ్యూచర్ గ్రూప్‌కు చెందిన మరో కీలక ప్రమోటర్ రాకేశ్ బియానీ పేరును కూడా చేర్చింది. నవంబర్ 6న సీబీఐ అధికారులు ముంబైలోని బియానీ, కంపెనీకి సంబంధం ఉన్న పలు ప్రాంతాల్లో సోదాలు నిర్వహించారు. ఈ సందర్భంగా దర్యాప్తునకు సంబంధించిన కీలక పత్రాలను స్వాధీనం చేసుకున్నారు.ఎస్‌బీఐ ఫిర్యాదుతో కేసు..స్టేట్ బ్యాంక్ ఆఫ్ ఇండియా (SBI) ముంబైలోని స్ట్రెస్డ్ అసెట్స్ మేనేజ్‌మెంట్ బ్రాంచ్-III ఇచ్చిన ఫిర్యాదు ఆధారంగా సీబీఐ ఈ కేసు నమోదు చేసింది. నవంబర్ 4న ఎఫ్‌ఐఆర్ నమోదు చేసినట్లు అధికారులు వెల్లడించారు. ఎస్‌బీఐతో పాటు తొమ్మిది బ్యాంకులతో కూడిన కన్సార్టియం నుంచి ఫ్యూచర్ రిటైల్ సంస్థ వివిధ రకాల రుణ సదుపాయాలను పొందినట్లు సీబీఐ పేర్కొంది. ఇందులో వర్కింగ్ క్యాపిటల్ రుణాలు, టర్మ్ లోన్లు, లెటర్స్ ఆఫ్ క్రెడిట్ వంటివి ఉన్నాయి.అయితే బ్యాంకులు నిర్దేశించిన ప్రయోజనాల కోసం ఈ నిధులను వినియోగించలేదన్నది ప్రధాన ఆరోపణ. రుణాల రూపంలో పొందిన మొత్తాలను అనుబంధ సంస్థలు, సంబంధిత ఇతర కంపెనీల ద్వారా దారి మళ్లించి, స్వాహా చేసినట్లు ఎస్బీఐ తన ఫిర్యాదులో పేర్కొన్నట్లు సీబీఐ వెల్లడించింది. దీనివల్ల ఫిర్యాదు చేసిన బ్యాంకుకు రూ.904.32 కోట్ల మేర నష్టం వాటిల్లినట్లు ఆరోపించింది.ఈ వ్యవహారంలో కిషోర్ బియానీ, రాకేశ్ బియానీలతో పాటు గుర్తుతెలియని ప్రభుత్వ అధికారులు, ఇతర వ్యక్తుల ప్రమేయంపైనా దర్యాప్తు చేపట్టింది. నేరపూరిత కుట్ర, మోసం, అవినీతి నిరోధక చట్టంలోని నిబంధనల కింద కేసు నమోదు చేసినట్లు సీబీఐ తెలిపింది. రుణాల నిధులు చివరకు ఎక్కడికి చేరాయి? వాటి వినియోగంలో ఎవరెవరి పాత్ర ఉంది? అనే అంశాలను అధికారులు పరిశీలిస్తున్నారు.ఇదీ చదవండి: భర్తను చంపడానికి భార్య స్కెచ్‌! ‘చాట్‌జీపీటీ’పై మర్డర్‌ కేసు!!CBI Registers Bank Fraud Case of ₹904.32 Crore against Mumbai Based Company M/s. Future Retail Ltd. and Conducts Searches https://t.co/2GqXuLsRmo— Central Bureau of Investigation (India) (@CBIHeadquarters) November 6, 2026

తీవ్ర అనారోగ్యంతో చావుబతుకుల మధ్య కొట్టుమిట్టాడుతున్న ‘మాయ’ అనే 18 నెలల ఆడ ఏనుగు కూనకు వైద్యం చేసేందుకు కేరళ అటవీ శాఖ నిర్ణయం తీసుకుంది. అత్యంత అధునాతన నిపుణుల వైద్య చికిత్స కోసం ఈ ఏనుగును గుజరాత్‌లోని జామ్‌నగర్‌గల ‘వంతారా’ ఆసుపత్రికి విమానం (ఎయిర్‌లిఫ్ట్) ద్వారా తరలించేందుకు చీఫ్ వైల్డ్‌లైఫ్ వార్డెన్ డాక్టర్ పి.పుగజేంది ఉత్తర్వులు జారీ చేశారు.అడవిలో దొరికిన ఏనుగు కూన2025 ఏప్రిల్ 19న మలయాట్టూర్ అటవీ ప్రాంతంలో ఏనుగు గుంపు నది దాటుతుండగా ఈ నవజాత ఏనుగు పిల్ల తల్లి నుంచి వేరుపడింది. తీవ్ర నీరసంతో ఉన్న ఈ కూనను కేరళ అటవీ సిబ్బంది రక్షించి అభయారణ్యం పునరావాస కేంద్రానికి తరలించారు. అసిస్టెంట్ ఫారెస్ట్ వెటర్నరీ ఆఫీసర్ డాక్టర్ బినోయ్ సి.బాబు, కేర్‌టేకర్లు ఏడాదికి పైగా పాలు తాపిస్తూ దీన్ని కాపాడారు. దానికి ‘మాయ’ అని పేరు పెట్టారు.దెబ్బతిన్న ఎముకలు..2026 జులైలో ఓ సందర్భంలో జారిపడటంతో మాయ కుడి భుజానికి తీవ్ర గాయమైంది. కాల్సియం సప్లిమెంట్లు, ఫిజియోథెరపీ ఇచ్చినా పరిస్థితి మెరుగుపడలేదు. అక్టోబరు నాటికి మాయ నిలబడలేక పోయింది. అక్టోబరు 24న పూకోడ్ వెటర్నరీ కళాశాల నిపుణులు పరీక్షించగా మాయ ఎముకలు విరిగిపోయాయని, తీవ్ర బలహీనత వల్ల పడుకునే ఉండటంతో తీవ్ర ఇబ్బంది పడుతున్నట్లు తేలింది. పుట్టుకలోపం వల్ల ఎముకలు అరుగుతున్నాయని, మాయ బాధను నివారించేందుకు దయామరణం (Euthanasia) ఒక్కటే మార్గమని మెడికల్ బోర్డు ప్రతిపాదించింది.చివరి ప్రయత్నంగా వంతారాఅయితే కేరళ అటవీ శాఖ వెంటనే ఆశ వదులుకోలేదు. పద్మశ్రీ డాక్టర్ కుశాల్ కొన్వర్ శర్మ, వంతారా ప్రధాన వైద్యుడు డాక్టర్ యదురాజ్ ఖడ్పెకర్‌లతో కేరళ మెడికల్ బోర్డు ప్రత్యేక సమావేశం నిర్వహించింది. ఇది పారాథైరాయిడ్ సమస్య కావచ్చునని, వంతారాలోని అత్యాధునిక ఐసీయూ వైద్యంతో కోలుకునే అవకాశం ఉందని డాక్టర్ శర్మ సూచించారు. దీంతో వంతారాకు తరలించేందుకు బోర్డు ఏకగ్రీవంగా అంగీకరించింది.🙏 PRAY FOR MAYA! 🐘 An 18-month-old elephant calf from Kerala's Abhayaranyam is fighting for her life after an accidental fall left her unable to stand. Despite months of treatment and dedicated efforts by forest officials and veterinarians, her condition has continued to deteriorate. Now, in a crucial effort to save her, Maya is being airlifted from Kochi to Vantara, Jamnagar, where she will receive specialised, round-the-clock intensive care. Vantara's veterinary team and forest officials have jointly planned her transfer, with medical experts accompanying her throughout the journey. A tiny life deserves every possible chance to survive. Praying for Maya's recovery. May she stand on her feet again! 🙏🐘 #PrayForMaya— Megh Updates 🚨™ (@MeghUpdates) November 6, 2026కేరళ బృందం ప్రయాణంవెంటిలేటర్లు, ఎమర్జెన్సీ లైఫ్ సపోర్ట్ ఉన్న ప్రత్యేక ఎయిర్‌లిఫ్ట్ ద్వారా మాయను తరలిస్తున్నారు. మాయకు కొత్త వాతావరణంలో భయం లేకుండా ఉండేందుకు కేరళ వెటర్నరీ ఆఫీసర్ డాక్టర్ బినోయ్, కేర్‌టేకర్ నిఖిల్ బాబు కూడా మాయతో పాటే జామ్‌నగర్ వెళ్తున్నారు. వంతారాలో 24 గంటల పర్యవేక్షణ, హైడ్రాలిక్ లిఫ్టులతో వైద్యం అందించనున్నారు. చికిత్స పూర్తయి మాయ కోలుకున్న తర్వాత తిరిగి అభయారణ్యం కేంద్రానికి తీసుకువస్తారు.ఇదీ చదవండి: ఇవి కొంటే మీ బ్యాడ్‌లక్‌!

రైలు ప్రయాణం చేసేవారికి శుభవార్త. ఎందుకంటే.. 2027 జనవరి నుంచి టికెట్ ధరలు తగ్గే అవకాశం ఉంది. ఈ రేట్లు ఎందుకు తగ్గనున్నాయి?, ఎంత తగ్గనున్నాయి?, అనే విషయాలను ఈ కథనంలో వివరంగా తెలుసుకుందాం.2027 జనవరి 1 నుంచి దేశవ్యాప్తంగా 40కి పైగా రైళ్లకు సూపర్‌ఫాస్ట్ హోదా తొలగించి, వాటిని సాధారణ ఎక్స్‌ప్రెస్ రైళ్లుగా నడపనున్నట్లు తెలుస్తోంది. జాబితాలో.. మహానగరి, ప్రగతి, తులసి, సప్త క్రాంతి వంటి ప్రముఖ రైళ్లు కూడా ఉన్నాయి. ఈ మార్పుల వల్ల ప్రయాణికులకు టికెట్ ధరలు తగ్గే అవకాశం ఉంది. కొన్ని రైళ్ల నంబర్లు కూడా మారనున్నట్లు సమాచారం.సూపర్‌ఫాస్ట్ హోదా ఇవ్వాలంటేసాధారణంగా ఒక రైలుకు సూపర్‌ఫాస్ట్ హోదా ఇవ్వాలంటే.. కొన్ని నిబంధనలు ఉంటాయి. బ్రాడ్‌గేజ్ మార్గంలో రైలు తన పూర్తి ప్రయాణంలో గంటకు సగటున కనీసం 55 కిలోమీటర్ల వేగంతో ప్రయాణించాలి. రెండు దిశల్లోనూ ఈ ప్రమాణాన్ని అందుకోవాల్సి ఉంటుంది. కానీ.. ఇటీవల రైల్వే శాఖ నిర్వహించిన సమీక్షలో కొన్ని సూపర్‌ఫాస్ట్ రైళ్లు ఈ వేగాన్ని అందుకోవడం లేదని గుర్తించినట్లు బిజినెస్ టుడే నివేదించింది.దీనికి ప్రధాన కారణాలు.. రైలుకు మధ్యలో అదనపు స్టాపులు పెరగడం, రైల్వే ట్రాక్‌లపై రద్దీ ఎక్కువగా ఉండటం, కొన్ని ప్రాంతాల్లో సింగిల్ లైన్ మార్గాలు ఉండటం అని తెలుస్తోంది. దీంతో సూపర్‌ఫాస్ట్ ప్రమాణాలను అందుకోలేని రైళ్లకు ఆ హోదాను తొలగించాలని నిర్ణయించినట్లు సమాచారం.ఈ రైళ్లపై ప్రభావంఈ ప్రభావం ఏయే రైళ్లపై పడనుంది అనే విషయానికి వస్తే.. సెంట్రల్ రైల్వే పరిధిలో మొత్తం 18 రైళ్లు ఈ జాబితాలో ఉన్నట్లు నివేదికలు చెబుతున్నాయి. ఇందులో.. ముంబై సీఎస్‌ఎంటీ నుంచి పూణే వెళ్లే ప్రగతి ఎక్స్‌ప్రెస్, లోకమాన్య తిలక్ టెర్మినస్ నుంచి అయోధ్య కాంట్ వెళ్లే తులసి ఎక్స్‌ప్రెస్ ఉన్నాయి. ఈస్ట్ సెంట్రల్ రైల్వే పరిధిలో 20 రైళ్లకు సూపర్‌ఫాస్ట్ హోదా తొలగించే అవకాశం ఉంది. ఇందులో.. సప్త క్రాంతి ఎక్స్‌ప్రెస్ కూడా ఉంది. ఉత్తరాఖండ్ ప్రాంతానికి చెందిన మరో ఎనిమిది రైళ్లు కూడా ఈ జాబితాలో ఉన్నట్లు సమాచారం. తనక్‌పూర్-ఢిల్లీ, డెహ్రాడూన్-కాఠ్‌గోదాం రైళ్లు కూడా ఇందులో ఉన్నాయి. వీటితో పాటు గోవా ఎక్స్‌ప్రెస్ పేరు కూడా ఈ జాబితాలో కనిపిస్తోంది.తగ్గనున్న టికెట్ ధరలుఇక టికెట్ ధరల విషయానికి వస్తే.. సూపర్‌ఫాస్ట్ రైళ్లలో సాధారణ టికెట్ ఛార్జీకి అదనంగా సూపర్‌ఫాస్ట్ సర్‌ఛార్జ్ వసూలు చేస్తారనే విషయం తెలిసిందే. అయితే.. ఒకసారి ఈ హోదా తొలగిస్తే ఆ అదనపు ఛార్జీ చెల్లించాల్సిన అవసరం ఉండదు. దీంతో రెండో తరగతి ప్రయాణికులకు రూ.15, స్లీపర్ క్లాస్‌లో ప్రయాణించేవారికి రూ.30 వరకు ఆదా అవుతుంది. ఏసీ చైర్ కార్, ఏసీ త్రీ టైర్, ఏసీ టూ టైర్ ప్రయాణికులకు రూ.45, ఏసీ ఫస్ట్ క్లాస్ ప్రయాణికులకు రూ.75 వరకు తగ్గే అవకాశం ఉంది.ఇక్కడ తెలుసుకోవాల్సిన విషయం ఏమిటంటే.. సూపర్‌ఫాస్ట్ హోదా తొలగించినంత మాత్రాన.. రైలు వేగం పెరుగుతుందని లేదా ప్రయాణ సమయం తగ్గుతుందని అనుకోకూడదు. ఇది కేవలం రైలు వర్గీకరణకు సంబంధించిన మార్పు మాత్రమే.అయితే.. ఇప్పటికే జనవరి ప్రయాణానికి టికెట్లు బుక్ చేసుకున్నవారికి పాత సూపర్‌ఫాస్ట్ ఛార్జీ తిరిగి చెల్లిస్తారా లేదా అనే దానిపై ఇంకా స్పష్టత లేదు. ఈ మార్పులు అమల్లోకి వచ్చే అవకాశం ఉందని నివేదికలు చెబుతున్నాయి. కాబట్టి జనవరిలో రైలు ప్రయాణం చేయాలనుకునేవారు టికెట్ బుక్ చేసే ముందు ఐఆర్‌సీటీసీ వెబ్‌సైట్ లేదా యాప్‌లో రైలు కొత్త నంబర్, టికెట్ ధరలను ఒకసారి పరిశీలించడం ఉత్తమం.ఇదీ చదవండి: భారత్‌లో పెట్రోల్ రేటు తగ్గుతుందా?

ప్రముఖ ఎలక్ట్రానిక్స్, టెలికాం దిగ్గజం వీడియోకాన్‌ గ్రూప్‌ మాజీ ప్రమోటర్ వేణుగోపాల్‌ ధూత్‌కు నేషనల్‌ కంపెనీ లా ట్రిబ్యునల్ (ఎన్‌సీఎల్‌టీ) నుంచి భారీ షాక్ తగిలింది. స్టేట్ బ్యాంక్ ఆఫ్ ఇండియా (ఎస్‌బీఐ) దాఖలు చేసిన పిటిషన్‌ను విచారించిన ముంబైకి చెందిన ఎన్‌సీఎల్‌టీ ధర్మాసనం వేణుగోపాల్‌ ధూత్‌ను అధికారికంగా దివాళా తీసిన వ్యక్తిగా ప్రకటించింది. వీడియోకాన్‌ సంస్థల రుణాలకు సంబంధించి ఆయన వ్యక్తిగత పూచీకత్తు ఇవ్వడంతో ఈ భారీ రుణ భారంలో భాగంగా ట్రిబ్యునల్ ఈ నిర్ణయం తీసుకుంది.భారీగా పేరుకుపోయిన బకాయిలుప్రభుత్వరంగ బ్యాంకైన ఎస్‌బీఐ దాఖలు చేసిన పిటిషన్ ప్రకారం, వేణుగోపాల్‌ ధూత్ బాధ్యత వహించాల్సిన బకాయిల మొత్తం వడ్డీలతో కలిపి ఏకంగా రూ.12,668 కోట్లకు చేరింది. వీడియోకాన్‌ సంస్థలు తీసుకున్న భారీ రుణాలను తిరిగి చెల్లించడంలో విఫలం కావడం, అటు ప్రమోటర్‌గా ఆయన ఇచ్చిన గ్యారెంటీలు అమలుకాకపోవడంతో బ్యాంకులు చట్టపరమైన చర్యలను ముమ్మరం చేశాయి.పునరుద్ధరణ ప్రణాళిక తిరస్కరణరుణాల చెల్లింపునకు సంబంధించి వేణుగోపాల్‌ ధూత్ తరఫున సుమారు రూ.600 కోట్ల పునరుద్ధరణ లేదా రీపేమెంట్ ప్రణాళికను రుణదాతలు తిరస్కరించారు. ఒక రియల్ ఎస్టేట్ ప్రాజెక్ట్ ఆధారంగా ఈ చెల్లింపులు చేయాలని భావించినప్పటికీ ఆర్థిక నిబంధనలు, బ్యాంకుల అంగీకారం కుదరకపోవడంతో ఈ ప్లాన్ వీగిపోయింది. దీనితో బ్యాంకుల తరఫు న్యాయవాదులు దివాళా చట్టం కింద తదుపరి చర్యలకు మార్గం సుగమం చేశారు.బ్యాంక్రప్ట్ ట్రస్టీ నియామకంఈ పరిణామాల నేపథ్యంలో ఎన్‌సీఎల్‌టీ ధర్మాసనం వేణుగోపాల్‌ ఆస్తుల నిర్వహణ, పర్యవేక్షణ కోసం ఒక అధికారిక దివాళా ట్రస్టీని నియమించింది. చట్టప్రకారం ధూత్ తన పూర్తి ఆర్థిక స్థితిగతులు, ఆస్తుల వివరాలను రాబోయే ఏడు రోజుల్లోగా ఈ ట్రస్టీకి సమర్పించాల్సి ఉంటుంది. అలాగే, ట్రస్టీ బాధ్యతలు చేపట్టిన నాటి నుంచి 90 రోజుల్లోగా రుణదాతల నుంచి క్లెయిమ్‌లను ఆహ్వానించి సమగ్ర ప్రాథమిక నివేదికను ట్రిబ్యునల్‌కు సమర్పించాలని న్యాయస్థానం స్పష్టం చేసింది.ఇదీ చదవండి: ఇవి కొంటే మీ బ్యాడ్‌లక్‌!

టీమిండియా మాజీ కెప్టెన్ విరాట్ కోహ్లీ మైదానంలో తన పరుగుల సునామీతో రికార్డులను తిరగరాయడమే కాదు.. స్టేడియం బయట కూడా అపార వ్యాపార సామ్రాజ్యాన్ని నిర్మించారు. క్రీడా రంగం ద్వారా వచ్చిన ప్రాచుర్యాన్ని ఒక అంతర్జాతీయ వాణిజ్య బ్రాండ్‌గా మలచడంలో కోహ్లీ సాధించిన విజయం నేటి యువతకు, క్రీడాకారులకు ఆదర్శంగా నిలుస్తోంది. ప్రముఖ ఆర్థిక విశ్లేషణల నివేదికల ప్రకారం విరాట్ కోహ్లీ నికర ఆస్తుల విలువ రూ.1,050 కోట్ల నుంచి రూ.1,600 కోట్ల మధ్య ఉన్నట్లు అంచనా.ఆదాయానికి మూలాలుబీసీసీఐ సెంట్రల్ కాంట్రాక్ట్‌లో భాగంగా ఏటా రూ.7 కోట్ల రిటైనర్ ఫీజుతో పాటు టెస్టులు, వన్డే మ్యాచ్ ఫీజులు వస్తాయి. ఇండియన్ ప్రీమియర్ లీగ్ ప్రారంభం నుంచి రాయల్ ఛాలెంజర్స్ బెంగళూరు ఫ్రాంచైజీకి ఆడుతున్న కోహ్లీ, తాజా వేలం/రిటెన్షన్‌ల ప్రకారం ఏటా రూ.21 కోట్ల వేతనాన్ని అందుకోనున్నారు. ఐపీఎల్ చరిత్రలోనే అత్యధిక పారితోషికం పొందుతున్న దిగ్గజాల్లో ఆయన ఒకరిగా నిలిచారు.బ్రాండ్ ఎండార్స్‌మెంట్‌లుకోహ్లీ నికర సంపదలో దాదాపు 60 శాతానికి పైగా వాటా బ్రాండ్‌ ఎండార్స్‌మెంట్‌ల రూపంలోనే వస్తోంది. పూమా, ఎంఆర్‌ఎఫ్, ఆడి వంటి గ్లోబల్ బ్రాండ్లతో ఒప్పందాలు కుదుర్చుకున్న కోహ్లీ ఒక్కో ఎండార్స్‌మెంట్ ప్రచారానికి రూ.7.5 కోట్ల నుంచి రూ.10 కోట్ల వరకు చార్జ్ చేస్తున్నారని కొన్ని నివేదికలు చెబుతున్నాయి. ఇన్‌స్టాగ్రామ్‌లో 260 మిలియన్లకు పైగా ఫాలోవర్లతో ప్రపంచంలోనే అత్యంత ప్రజాదరణ పొందిన ఆటగాళ్లలో ఒకరిగా నిలిచిన కోహ్లీ, డిజిటల్ స్పాన్సర్డ్ పోస్టుల ద్వారా ఒక్కో ప్రచారానికి కోట్ల రూపాయల రాబడిని పొందుతున్నారు.సొంత వ్యాపారాలు.. స్టార్టప్‌ల్లో పెట్టుబడులుకేవలం ప్రకటనలకే పరిమితం కాకుండా ఇన్వెస్టర్‌గా రూపాంతరం చెందిన విరాట్ కోహ్లీ బ్రాండ్లను స్థాపించారు. యువతను ఆకట్టుకునే ఫ్యాషన్, లైఫ్‌స్టైల్ బ్రాండ్ ‘రోగ్న్’ (WROGN)లో వాటాతో పాటు స్పోర్ట్స్‌వేర్, లైఫ్‌స్టైల్ వ్యాపారం కలకిగిన ‘వన్8’ బ్రాండ్‌ను నడుపుతున్నారు. దేశంలోని ప్రధాన నగరాల్లో డైనింగ్ అండ్ రెస్స్టారెంట్ చైన్ ‘వన్8 కమ్యూన్’ పేరుతో ప్రాచుర్యం పొందింది. డిజిట్ ఇన్సూరెన్స్, రేజ్ కాఫీ, ప్లాంట్-బేస్డ్ మీట్ కంపెనీ ‘బ్లూ ట్రైబ్’, ఫిట్‌నెస్ రంగంలోని హైపర్‌రైస్ వంటి వినూత్న వ్యాపారాల్లో భాగస్వామిగా పెట్టుబడులు పెట్టారు.కోట్ల విలువైన లగ్జరీ ఆస్తులువిరాట్ కోహ్లీ ఆయన సతిమణి అనుష్క శర్మల స్థిరాస్తుల పోర్ట్‌ఫోలియో విలువ రూ.250 కోట్లకు పైగా ఉంటుందని అంచనా. ముంబైలోని వర్లీలో ఉన్న రూ.34 కోట్ల సముద్రపు వ్యూ కలిగిన లగ్జరీ అపార్ట్‌మెంట్, గురుగ్రామ్‌లో రూ.80 కోట్ల విలువైన విలాసవంతమైన బంగ్లా, అలీబాగ్‌లో నిర్మించిన లగ్జరీ ఫార్మ్‌హౌస్, విల్లాలు కోహ్లీ ప్రధాన ఆస్తులుగా ఉన్నాయి.లగ్జరీ కార్లుకోహ్లీ వద్ద ఉన్న అత్యంత ఖరీదైన కార్ల కలెక్షన్ ఉంది. తన గ్యారేజ్‌లో రూ.15 కోట్ల నుంచి రూ.145 కోట్ల (మొత్తం వేలం బ్రాండ్ విలువ ఆధారంగా) పరిధిలో అంచనా వేస్తారు. ఆయన గ్యారేజ్‌లో బెంట్లీ కాంటినెంటల్ జీటీ, ఆడి ఆర్‌8, లాంబోర్గిని హురకాన్, ల్యాండ్ రోవర్, పోర్షే వంటి శక్తివంతమైన సూపర్ కార్లు ఉన్నాయి.ఇదీ చదవండి: ఇవి కొంటే మీ బ్యాడ్‌లక్‌!

సాధారణంగా కంపెనీల్లో ఉద్యోగులకు జీతాలు, బోనస్‌లు ఇస్తుంటారు. కానీ.. కొందరు యజమానులు మాత్రం తమ ఉద్యోగులను సంతోషపెట్టడానికి వినూత్నంగా ఆలోచిస్తుంటారు. సరిగ్గా ఇలాగే ఆలోచించారు.. యూఏఈలో ఓ కంపెనీకి చెందిన మహిళా మేనేజింగ్ డైరెక్టర్ హసీనా నిషాద్. తన కంపెనీలో పనిచేస్తున్న మహిళా ఉద్యోగులకు కొత్త ఐఫోన్లను గిఫ్ట్‌గా ఇచ్చి సర్‌ప్రైజ్ చేశారు. దీనికి సంబంధించిన వీడియో సోషల్ మీడియాలో వైరల్ అవుతోంది.వీడియోలో గమనించినట్లయితే.. మహిళా ఉద్యోగులందరూ కాన్ఫరెన్స్ రూమ్‌కు రావడం చూడవచ్చు. అక్కడ ఉద్యోగులు కుర్చీలను వెనక్కి లాగి కూర్చోబోయే సమయంలో వారికి ఓ సర్‌ప్రైజ్ కనిపించింది. ప్రతి కుర్చీలోనూ అందంగా ప్యాక్ చేసిన గిఫ్ట్ బాక్సులు ఉన్నాయి. వాటిని ఓపెన్ చేసి చూస్తే.. కొత్త ఐఫోన్లు కనిపించాయి. దీంతో ఉద్యోగుల ఆనందానికి అవధుల్లేకుండా పోయింది. ఒక్కొక్కరు తమ గిఫ్ట్‌ను చూసుకుంటూ ఆశ్చర్యంతో నవ్వులు చిందించారు.అయితే ఈ వీడియోలో అందరినీ ఎక్కువగా ఆకట్టుకున్న మరో విషయం ఏమిటంటే.. కంపెనీలో పనిచేసే హౌస్‌కీపింగ్ సిబ్బందిని కూడా హసీనా అంతే ఆప్యాయంగా చూసుకున్నారు. ఓ మహిళా హౌస్‌కీపింగ్ ఉద్యోగి హసీనాకు షర్బత్ అందిస్తున్న సమయంలో ఆమెకు కూడా కొత్త ఐఫోన్‌ను గిఫ్ట్‌గా ఇచ్చారు. అసలు ఊహించని ఈ గిఫ్ట్ చూసి ఆ మహిళ ఒక్కసారిగా భావోద్వేగానికి గురయ్యారు. హసీనాను గట్టిగా కౌగిలించుకుని కన్నీళ్లు పెట్టుకున్నారు. ఈ సన్నివేశం వీడియోలో అందరినీ కదిలిస్తోంది.ఈ వీడియోను ఇన్‌స్టాగ్రామ్‌లో షేర్ చేసిన హసీనా.. ప్రతి మహిళకు ఎన్నో కలలు, బాధ్యతలు, సమస్యలు ఉంటాయని పేర్కొన్నారు. మహిళలు ఆత్మవిశ్వాసంతో ముందుకు సాగుతూ తమ కలలను నిజం చేసుకోవాలని తాను కోరుకుంటున్నట్లు తెలిపారు. ఒక మహిళ విజయం సాధిస్తే, ఆమెను చూసి మరో మహిళ కూడా జీవితంలో ముందుకు వెళ్లడానికి ధైర్యం పొందుతుందని చెప్పారు. మరో మహిళ ఎదుగుదలను చూడటం తనకు ఎంతో సంతోషాన్ని ఇస్తుందని వెల్లడించారు.ఉద్యోగులకు ఖరీదైన బహుమతులు ఇవ్వడం ఈ కంపెనీకి ఇదే మొదటిసారి కాదు. గతంలో సెప్టెంబర్ 24న కూడా ఇలాంటి సంఘటన జరిగింది. అప్పుడు హసీనా భర్త, కంపెనీ యజమాని నిషాద్ హుస్సేన్ ఉద్యోగులకు ఐఫోన్లను బహుమతిగా ఇచ్చారు. ఆ వీడియో కూడా అప్పట్లో సోషల్ మీడియాలో బాగా వైరల్ అయింది. ఈ రెండు వీడియోలు చూసిన నెటిజన్లు హసీనా దంపతులపై ప్రశంసలు కురిపిస్తున్నారు.ఇదీ చదవండి: అందుకే బంగారం, బిట్‌కాయిన్ కొంటున్నా.. కియోసాకి వ్యూహం ఇదే!నిజానికి ఉద్యోగులకు ఐఫోన్లు ఇవ్వడం ఒక ఖరీదైన బహుమతే. కానీ అంతకంటే ముఖ్యమైనది ఉద్యోగుల పట్ల చూపించిన గౌరవం, అభిమానం. కంపెనీలో తమ స్థాయి ఏదైనా సరే, ప్రతి ఒక్కరినీ సమానంగా చూసినప్పుడే ఉద్యోగుల్లో ఆత్మీయత, నమ్మకం పెరుగుతాయి. హసీనా చేసిన ఈ పని ఇప్పుడు అందరికీ అదే విషయాన్ని గుర్తుచేస్తోంది. View this post on Instagram A post shared by Haseena Nishad (@haseena_nishad)

న్యూఢిల్లీ: టెలికం సేవల ప్రయివేట్‌ రంగ దిగ్గజం భారతీ ఎయిర్‌టెల్‌ ప్రస్తుత ఆర్థిక సంవత్సరం(2026–27) రెండో త్రైమాసికంలో ప్రోత్సాహకర ఫలితాలు సాధించింది. జూలై–సెప్టెంబర్‌(క్యూ2)లో కన్సాలిడేటెడ్‌ నికర లాభం వార్షికంగా 24 శాతం జంప్‌చేసి రూ. 10,710 కోట్లను తాకింది. గతేడాది (2025–26) ఇదే కాలంలో రూ. 8,651 కోట్లు ఆర్జించింది. మొత్తం ఆదాయం సైతం 17 శాతం ఎగసి రూ. 60,878 కోట్లకు చేరింది. గత క్యూ2లో రూ. 52,145 కోట్ల టర్నోవర్‌ సాధించింది. దీనిలో దేశీ ఆదాయం 9 శాతం పైగా వృద్ధితో రూ. 42,308 కోట్లను తాకింది. ఒక్కో వినియోగదారునిపై సగటు నెలవారీ ఆదాయం (ఏఆర్‌పీయూ) 5 శాతం మెరుగుపడి రూ. 271కు చేరింది. గత క్యూ2లో రూ. 256 ఏఆర్‌పీయూ సాధించింది. ఈ కాలంలో 1.2 మిలియన్లమంది పోస్ట్‌పెయిడ్‌ కస్టమర్లను జత చేసుకుంది. దీంతో ఈ సంఖ్య 31.2 మిలియన్లను తాకింది. తగ్గిన రుణ భారం 2026 సెపె్టంబర్‌30 కల్లా ఎయిర్‌టెల్‌ నికర రుణ భారం రూ. 1.26 లక్షల కోట్ల నుంచి రూ. 88,277 కోట్లకు భారీగా తగ్గింది. పెట్టుబడుల వ్యయం రూ. 12,467 కోట్లకు చేరింది. దీనిలో దేశీయంగా రూ. 9,908 కోట్లు వెచి్చంచింది. భారత్‌లో యూజర్ల సంఖ్య 11% పెరిగి 49.86 కోట్లకు చేరింది. ఆఫ్రికాతో కలిపి మొత్తం కస్టమర్ల సంఖ్య 69.25 కోట్లను తాకింది. దేశీయంగా ఒక్కో కస్టమర్‌ సగటు డేటా వినియోగం 29 శాతం జంప్‌చేసి 36.5 జీబీకి చేరింది. ఫలితాల నేపథ్యంలో ఎయిర్‌టెల్‌ షేరు బీఎస్‌ఈలో 0.2 శాతం నీరసించి రూ. 2,062 వద్ద ముగిసింది.

పండుగల వేళ సొంతూళ్లకు వెళ్లే ప్రయాణికులతో రైల్వే స్టేషన్లు కిక్కిరిసిపోతున్నాయి. దీపావళి, భాయ్ దూజ్, ఛత్ పూజ నేపథ్యంలో ప్రయాణికుల రద్దీని నియంత్రించేందుకు ఉత్తర రైల్వే కీలక నిర్ణయం తీసుకుంది. ఢిల్లీ-ఎన్‌సీఆర్ పరిధిలోని ఆరు ప్రధాన రైల్వే స్టేషన్లలో ప్లాట్‌ఫామ్ టికెట్ల విక్రయాలను తాత్కాలికంగా నిలిపివేసింది. నవంబర్ 3 నుంచి 14వ తేదీ వరకు ఈ ఆంక్షలు అమల్లో ఉంటాయి.బీహార్, జార్ఖండ్, పశ్చిమ బెంగాల్, ఉత్తరప్రదేశ్, ఒడిశా రాష్ట్రాలకు వెళ్లే ప్రయాణికుల సంఖ్య పండుగల సమయంలో భారీగా పెరుగుతుందని రైల్వే అధికారులు అంచనా వేస్తున్నారు. ప్రయాణికులను సాగనంపేందుకు కుటుంబ సభ్యులు, బంధువులు కూడా పెద్ద సంఖ్యలో స్టేషన్లకు వస్తుండటంతో ప్లాట్‌ఫామ్‌లు, ఫుట్‌ఓవర్ బ్రిడ్జిలపై రద్దీ పెరుగుతోంది. ఈ పరిస్థితుల్లో అనవసరమైన రద్దీని తగ్గించి, ప్రయాణికుల భద్రతను కాపాడేందుకు ఈ నిర్ణయం తీసుకున్నారు.ఆరు స్టేషన్లలో ప్లాట్‌ఫామ్ టికెట్లు బంద్ఉత్తర రైల్వే అధికారిక ప్రకటన ప్రకారం.. నవంబర్ 3 నుంచి 14వ తేదీ వరకు కింది ఆరు స్టేషన్లలో ప్లాట్‌ఫామ్ టికెట్లు విక్రయించరు.🔸న్యూఢిల్లీ రైల్వే స్టేషన్🔸పాత ఢిల్లీ (ఢిల్లీ జంక్షన్)🔸హజ్రత్ నిజాముద్దీన్🔸ఆనంద్ విహార్ టెర్మినల్🔸ఆనంద్ విహార్ హాల్ట్🔸ఘజియాబాద్ రైల్వే స్టేషన్ఈ ఆంక్షలు టికెట్ కౌంటర్లకే పరిమితం కావు. మొబైల్ యాప్‌లు, ఆటోమేటిక్ టికెట్ వెండింగ్ మెషీన్ల ద్వారా కూడా ప్లాట్‌ఫామ్ టికెట్లు పొందడం సాధ్యం కాదు. దీంతో ఈ స్టేషన్లలో ప్లాట్‌ఫామ్‌లపైకి వెళ్లాలనుకునే సాధారణ సందర్శకులకు అనుమతి ఉండదు. ధ్రువీకరించిన ప్రయాణ టికెట్లు ఉన్నవారికే ప్రవేశం కల్పిస్తారు.అయితే వృద్ధులు, అనారోగ్యంతో ఉన్నవారు, దివ్యాంగులు, చదువురాని ప్రయాణికులు, సహాయం అవసరమైన మహిళలకు తోడుగా వచ్చే వ్యక్తులకు మినహాయింపు కల్పిస్తారు. వీరిని రైలు ఎక్కించేందుకు లేదా అవసరమైన సహాయం చేసేందుకు వచ్చే వ్యక్తులను అనుమతిస్తామని ఉత్తర రైల్వే ప్రధాన ప్రజాసంబంధాల అధికారి హిమాన్షు శేఖర్ ఉపాధ్యాయ్ వెల్లడించారు.న్యూఢిల్లీ స్టేషన్‌లో ప్రత్యేక ఏర్పాట్లురద్దీని నియంత్రించేందుకు న్యూఢిల్లీ రైల్వే స్టేషన్‌లో ప్రత్యేక ప్రయాణికుల నిరీక్షణ కేంద్రాన్ని ఏర్పాటు చేశారు. అజ్మేరీ గేట్ వైపు 16వ ప్లాట్‌ఫామ్ వెలుపల ఈ సదుపాయం అందుబాటులోకి వచ్చింది. ఇందులో సామాను తనిఖీ చేసే స్కానర్లు ఏర్పాటు చేశారు. ఆర్‌పీఎఫ్‌ సిబ్బంది పర్యవేక్షణలో ప్రయాణికులను క్రమబద్ధంగా ప్లాట్‌ఫామ్‌లపైకి పంపించేలా ఏర్పాట్లు చేశారు.ఇప్పటికే గతేడాది అక్టోబర్‌లో ప్రారంభించిన 6,000 చదరపు మీటర్ల యాత్రి సువిధ కేంద్రానికి అదనంగా ఈ నిరీక్షణ ప్రాంతాన్ని అందుబాటులోకి తీసుకొచ్చారు. ప్రయాణికులు ఒకేసారి ప్లాట్‌ఫామ్‌లపైకి చేరకుండా నియంత్రించడం ఈ ఏర్పాట్ల ప్రధాన ఉద్దేశం.పార్శిల్ సేవలపైనా ఆంక్షలుపండుగల రద్దీని దృష్టిలో ఉంచుకుని కొన్ని ప్రధాన స్టేషన్లలో పార్శిల్ సేవలపై కూడా తాత్కాలిక పరిమితులు విధించారు. న్యూఢిల్లీ, పాత ఢిల్లీ, ఆనంద్ విహార్ టెర్మినల్ స్టేషన్లలో నవంబర్ 3 నుంచి 15 వరకు పార్శిల్ బుకింగ్‌పై ఆంక్షలు ఉంటాయి. నవంబర్ 5 నుంచి 15 వరకు పార్శిళ్ల లోడింగ్, అన్‌లోడింగ్ కార్యకలాపాలపైనా పరిమితులు అమలవుతాయి. హజ్రత్ నిజాముద్దీన్ స్టేషన్‌లోనూ పార్శిల్ కార్యకలాపాలపై ప్రత్యేక ఆంక్షలు ప్రకటించారు. ప్రయాణికులు తమ వ్యక్తిగత సామానును మాత్రమే రైళ్లలో తీసుకెళ్లేందుకు అనుమతి ఉంటుంది.

దీపావళి పండుగ సందర్భంగా సీఎంఆర్‌ జ్యువెలరీ బంగారం, వెండిపై దీపావళి ధమాకా ఆఫర్లు ప్రకటించింది. అర్హత కలిగిన అన్ని 22 క్యారెట్ల బంగారు ఆభరణాలపైనా వాల్యూ అడిషన్ (V.A.)కు ఫ్లాట్ 7.99 శాతం ఆఫర్ అందిస్తోంది. గాజులు, హారాలు, చెవి కమ్మలు, ఉంగరాలు, సంప్రదాయ ఆభరణాలు… కొనుగోలుదారులు తమ అభిరుచికి తగిన అందమైన డిజైన్లను ఎంపిక చేసుకోవచ్చు. వీఏపై బ్రాంచ్‌లవారీగా ప్రత్యేక ఆఫర్లు ఉన్నాయి. గాజువాక బ్రాంచ్‌లో వీఏపై ఫ్లాట్ 5.99 శాతం, మియాపూర్ బ్రాంచ్‌లో 6.99 శాతం, మిగిలిన బ్రాంచ్‌లలో ఫ్లాట్ 7.99 శాతం ఆఫర్‌ను సీఎంఆర్‌ జ్యువెలరీ అందిస్తోంది.అదేవిధంగా కొనుగోలుదారుల దగ్గర ఉన్న పాత బంగారం ఎక్స్ఛేంజ్‌పై అదనంగా రూ.200 ప్రయోజనం అందిస్తోంది. వెండి కొనుగోలుదారుల కోసం కూడా ప్రత్యేక డిస్కౌంట్ అందుబాటులో ఉంది. గాజువాకలో కిలోకు రూ.5,999 డిస్కౌంట్ అందిస్తుండగా మిగిలిన బ్రాంచ్‌లలో కిలోకు రూ.6,666 డిస్కౌంట్ అందిస్తోంది.ఇక వజ్రాల కొనుగోలుపై 10 శాతం డిస్కౌంట్ పొందవచ్చు. జేసీ, సంపత్ వినాయక టెంపుల్ రోడ్, గాజువాక, గోపాలపట్నం, విజయనగరం, రాజాం, శ్రీకాకుళం, నర్సీపట్నం, రాజమండ్రి, కాకినాడ, ఏలూరు, విజయవాడ, తిరుపతి, కొత్తగూడెం, మియాపూర్ బ్రాంచ్‌లలో ఈ ఆఫర్లు అందుబాటులో ఉన్నాయి. అక్టోబర్ 31 నుంచి నవంబర్ 9 వరకు ఆఫర్లు వర్తిస్తాయి.

దీపావళి పండుగకు ముందే కర్ణాటకలోని వినియోగదారులకు మరో ధరల షాక్‌ తగిలింది. నందిని బ్రాండ్‌కు చెందిన నెయ్యి, వెన్న, పనీర్‌తో పాటు తృప్తి పాల ధరలను బెంగళూరు మిల్క్‌ యూనియన్‌ (బాముల్‌) పెంచింది. కొత్త ధరలు నవంబర్‌ 4 నుంచి అమల్లోకి వచ్చాయి. ఇటీవల కర్ణాటక మిల్క్‌ ఫెడరేషన్‌ (కేఎంఎఫ్‌) పాలు, పెరుగు ధరలను పెంచిన కొద్ది రోజులకే ఈ నిర్ణయం తీసుకోవడం గమనార్హం.పనీర్‌ ధరలుసవరించిన ధరల జాబితా ప్రకారం.. రెగ్యులర్ నందిని పన్నీర్ 200 గ్రాముల ప్యాకెట్ ధర రూ .115 కాగా, 500 గ్రాముల ప్యాక్ ధర రూ .260 గా ఉంది. ఒక కిలో ప్యాక్ ధర ఇప్పుడు రూ. 485. ఇక 200 గ్రాముల ప్యాకెట్లో విక్రయించే మీడియం ఫ్యాట్ పన్నీర్ ధర రూ.110కు చేరింది.నెయ్యి ధరలు ఇలా.. 200 మిల్లీలీటర్ల నెయ్యి సాచెట్ ధర ఇప్పుడు రూ. 95. అర లీటరు సాచెట్‌ ధర రూ. 425 కాగా, లీటరు సాచెట్ల ధర రూ. 850. ఇక పెట్ జార్లలో విక్రయించే నెయ్యి ధర 50 ఎంఎల్‌కు రూ.65, 100 ఎంఎల్‌కు రూ.100, 200 మిల్లీలీటర్లకు రూ.180, అర లీటరుకు (500 ఎంఎల్‌) రూ.435, లీటరుకు రూ.870గా ఉంది. ఐదు లీటర్ల ప్యాక్ ధర ఇప్పుడు రూ.4,250గా ఉంది. లీటరు నెయ్యి టిన్ ధర రూ.870 కాగా, 15 కిలోల నెయ్యి టిన్ ధర రూ.14,100గా ఉంది.వెన్న, తృప్తి పాల ధరలుసాల్టెడ్‌ వెన్న 100 గ్రాముల ప్యాక్‌ రూ.90, 500 గ్రాముల ప్యాక్‌ రూ.380కు చేరింది. అన్‌సాల్టెడ్‌ వెన్న 200 గ్రాములు రూ.160, 500 గ్రాములు రూ.390గా నిర్ణయించారు. ఫ్యామిలీ ప్యాక్‌ ధర రూ.90గా ఉంది. తృప్తి పాలు 135 మి.లీ. ప్యాక్‌ రూ.11, 450 మి.లీ. ప్యాక్‌ రూ.33కు విక్రయించనున్నారు.కాగా ఇంతకు ముందే నవంబర్‌ 1 నుంచి కర్ణాటకలో నందిని పాల ధరలు లీటరుకు కనీసం రూ.8 పెరిగాయి. కొవ్వు శాతం ఆధారంగా కొన్ని రకాల పాలపై పెంపు రూ.12 వరకు ఉంది. టోన్డ్‌ పాలు రూ.46 నుంచి రూ.54కు, హోమోజెనైజ్డ్‌ పాలు రూ.47 నుంచి రూ.56కు పెరిగాయి. పెరుగు ధర లీటరుకు రూ.54 నుంచి రూ.68కు చేరింది.ఇదీ చదవండి: బ్యాంక్‌ ఛార్జీల పెంపు.. యాక్సిస్‌ కస్టమర్లకు అలర్ట్‌!

భారతదేశ ఆర్థిక వ్యవస్థ వేగంగా అభివృద్ధి చెందుతున్నప్పటికీ ఉపాధి రంగంలో లింగ సమానత్వ కొలమానం ఆందోళన కలిగిస్తోంది. అంతర్జాతీయ కార్మిక సంస్థ (ఐఎల్‌ఓ) ఇందుకు సంబంధించిన గణాంకాలతో తాజాగా నివేదిక విడుదల చేసింది. ఇంటర్నేషనల్ లేబర్ ఆర్గనైజేషన్ ఇటీవల విడుదల చేసిన ‘ఉమెన్ ఇన్ బిజినెస్ అండ్ మేనేజ్‌మెంట్: స్కేలింగ్ సక్సెస్’ నివేదిక ప్రకారం, భారతదేశంలో మేనేజర్ లేదా ఉన్నత నిర్వహణ స్థానాల్లో మహిళల ప్రాతినిధ్యం కేవలం 12 శాతంగా మాత్రమే ఉంది. ఇది ఆసియా-పసిఫిక్ ప్రాంతీయ సగటు (20 శాతం), ప్రపంచ సగటు (30.5 శాతం) కంటే చాలా తక్కువ కావడం గమనార్హం.గణాంకాలు.. వాస్తవాలుప్రపంచవ్యాప్తంగా మహిళల మేనేజ్‌మెంట్ స్థానాలు 2000 సంవత్సరంలో 24.5 శాతంగా ఉండగా 2025 నాటికి అవి 30.5 శాతానికి పెరిగాయి. ఇక ఆసియా-పసిఫిక్ ప్రాంతంలో ఈ శాతం 16.2 నుంచి 20 శాతానికి పురోగమించింది. అయితే, ఆసియా-పసిఫిక్ ప్రాంతంలోని 34 ఆర్థిక వ్యవస్థల జాబితాలో భారత్ 32వ స్థానంలో నిలవడం ఆందోళనకరమైన పరిణామం. దక్షిణాసియాలో 10 సంస్థల్లో కనీసం ఒక సంస్థకు కూడా మహిళా నేతృత్వం దక్కని దుస్థితి నెలకొంది.వేతనాల్లో వ్యత్యాసంభారతదేశంలో ఉన్నత స్థాయి మేనేజ్‌మెంట్ పోస్టుల్లో ఉన్న మహిళలకు చెల్లించే వేతనాలు పురుషులతో సమానంగానే ఉన్నప్పటికీ సగటున చూస్తే మాత్రం మహిళా ఉద్యోగులు గంటకు సుమారు 28 శాతం తక్కువ వేతనాన్ని పొందుతున్నట్లు ఐఎల్‌వో నివేదిక తేల్చింది. కార్పొరేట్ రంగంలో కీలకమైన విభాగాలైన మానవ వనరులు (హెచ్‌ఆర్ - 62.5%), ఫైనాన్స్ అండ్‌ అడ్మినిస్ట్రేషన్ (55.4%) వంటి రంగాల్లో మహిళలు కొంతమేర రాణిస్తున్నప్పటికీ సంస్థల భవిష్యత్తును, సీఈవో పదవులను నిర్దేశించే ప్రాఫిట్ అండ్ లాస్ (19.8%), రీసెర్చ్ అండ్ డెవలప్‌మెంట్ (26.3%) వంటి కీలక బాధ్యతల్లో వారి భాగస్వామ్యం అత్యంత స్వల్పంగా ఉంది.విద్య.. సాంకేతిక రంగంతెలంగాణ, ఆంధ్రప్రదేశ్‌లతో పాటు దేశవ్యాప్తంగా ఉన్నత విద్యలో మహిళల ఉత్తీర్ణత పెరుగుతున్నప్పటికీ టెక్నాలజీ రంగాలకు సంబంధించి సైన్స్, టెక్నాలజీ, ఇంజినీరింగ్, మ్యాథమెటిక్స్ (స్టెమ్‌) కోర్సులు అభ్యసించే మహిళా గ్రాడ్యుయేట్ల శాతం భారతదేశంలో 23.1 శాతంగా మాత్రమే ఉంది (పురుషులు 31.4%). ఇది భవిష్యత్తులో ఉన్నత స్థాయి లీడర్‌షిప్ పాత్రలకు వారు ఎంపిక కావడానికి ఒక ప్రధాన అడ్డంకిగా మారుతోంది.వ్యాపార వృద్ధిపై ప్రభావంలింగ సమానత్వాన్ని ప్రోత్సహించే సంస్థలు గణనీయమైన వ్యాపార లాభాలను సాధిస్తున్నాయని ఈ సర్వే బట్టబయలు చేసింది. దాదాపు 99 దేశాల్లోని 11,957 సంస్థలపై నిర్వహించిన ఈ అధ్యయనం ప్రకారం, వైవిధ్యాన్ని ప్రోత్సహించే వ్యాపారాల్లో 68.5 శాతం సంస్థలు సానుకూల ఫలితాలను, మెరుగైన లాభాలను సాధించినట్లు నివేదించాయి. కేవలం కాగితం మీద వాగ్దానాలు కాకుండా ప్రసూతి సెలవులు, నాణ్యమైన శిశు సంరక్షణ కేంద్రాలు, కుటుంబ అనుకూల విధానాలను కల్పించడం ద్వారానే ఈ అంతరాన్ని పూడ్చవచ్చని నిపుణులు సూచిస్తున్నారు.ఇదీ చదవండి: డబ్బును దాచుకుంటే దరిద్రం!?

ముంబైలోని జియో వరల్డ్ సెంటర్‌లో జరిగిన ‘రిలయన్స్ దీపావళి ఉత్సవ్’ వేడుకల్లో రిలయన్స్ ఫౌండేషన్ వ్యవస్థాపక చైర్‌పర్సన్ నీతా అంబానీ ధరించిన ప్రత్యేకమైన సంప్రదాయ వస్త్రధారణ ఫ్యాషన్ వర్గాల్లో చర్చనీయాంశమైంది. ప్రఖ్యాత భారతీయ చేనేత కళా వైభవాన్ని, ఆధ్యాత్మిక వాతావరణాన్ని ప్రతిబింబించేలా ఆమె ఎంచుకున్న శైలి ఎంతగానో ఆకట్టుకుంది.ఈ వేడుకలో నీతా అంబానీ ఎరుపు రంగులో ఉన్న ప్యూర్ కాటన్‌ సిల్క్ ‘రామవళి’ బనారసీ హ్యాండ్‌లూమ్ చీరలో కనిపించారు. వారణాసికి చెందిన ప్రముఖ మాస్టర్ ఆర్టిసన్ అజయ్ భోజ్ ఈ చీరను తయారు చేశారు. ఈ చీర ప్రత్యేకత ఏమిటంటే దీనిపై దైవిక భావనను చాటేలా ‘శ్రీరామ్’ నామాలు అక్షర రూపంలో నేశారు. అంతేకాకుండా, శ్రీమహావిష్ణువు పాదముద్రల డిజైన్లు, సూక్ష్మమైన సాంప్రదాయ మోటిఫ్‌లతో ఈ చీర రూపుదిద్దుకుంది. భారతీయ సనాతన సంస్కృతికి, చేనేత కళా నైపుణ్యానికి ఇది నిదర్శనంగా నిలిచింది. ఈ సాంప్రదాయ లుక్‌ను మరింత పరిపూర్ణం చేయడానికి నీతా అంబానీ విలువైన హెరిటేజ్ జ్యువెలరీని ధరించారు. టెంపుల్ జ్యువెలరీ శైలిలో రూపొందించిన మల్టీ లేయర్డ్‌ హారాన్ని ఆమె ఎంచుకున్నారు.ఇదీ చదవండి: డబ్బును దాచుకుంటే దరిద్రం!? View this post on Instagram A post shared by Swadesh Online (@swadesh_online)

ప్రముఖ టెలికాం కంపెనీ.. రిలయన్స్ జియో తన వినియోగదారులకు అదిరిపోయే ఆఫర్ తీసుకొచ్చింది. కేవలం 15 రూపాయలకే 24 గంటల పాటు అన్‌లిమిటెడ్ 5G డేటాను అందించే కొత్త రీఛార్జ్ ప్యాక్‌ను అందుబాటులోకి తీసుకొచ్చింది.సాధారణంగా ఎక్కువ డేటా ఉపయోగించే వారు అదనపు డేటా కోసం ఎక్కువ మొత్తంలో రీఛార్జ్ చేయాల్సి ఉంటుంది. అయితే.. ఇప్పుడు కేవలం రూ.15 ఖర్చుతో ఒక రోజు మొత్తం హైస్పీడ్ 5G ఇంటర్నెట్ ఉపయోగించుకునే అవకాశాన్ని జియో కల్పిస్తోంది. వీడియోలు చూసేవారు, ఆన్‌లైన్ గేమ్స్ ఆడేవారు, భారీ ఫైల్స్ డౌన్‌లోడ్ చేసుకునే వారికి ఈ ప్లాన్ ఉపయోగకరంగా ఉంటుంది.24 గంటల అన్‌లిమిటెడ్ 5G డేటాఈ కొత్త రూ.15 ప్యాక్ ప్రత్యేకత ఏమిటంటే.. ఇందులో నిర్ణీత డేటా పరిమితి లేకుండా 24 గంటల పాటు అన్‌లిమిటెడ్ 5G డేటా అందిస్తున్నారు. దీంతో యూజర్లు HD, 4K వీడియోలు చూడటంతో పాటు లైవ్ క్రికెట్ మ్యాచ్‌లు స్ట్రీమింగ్ చేసుకోవచ్చు. అలాగే భారీ గేమ్స్ డౌన్‌లోడ్ చేయడం, పెద్ద ఫైల్స్ అప్‌లోడ్ చేయడం, ఫోన్‌లోని ఫొటోలు, వీడియోలను క్లౌడ్‌లో బ్యాకప్ చేసుకోవడం వంటి పనులకు కూడా ఈ డేటాను ఉపయోగించుకోవచ్చు. ముఖ్యంగా ఎక్కువ ఇంటర్నెట్ అవసరమయ్యే వారికి ఈ ప్యాక్ మంచి ఆప్షన్‌గా చెప్పవచ్చు.మరో ఆసక్తికరమైన విషయం ఏమిటంటే, ఈ డేటాతో మొబైల్ హాట్‌స్పాట్ కూడా ఉపయోగించుకోవచ్చు. అంటే మీ 5G ఫోన్ ద్వారా ల్యాప్‌టాప్ లేదా ట్యాబ్లెట్‌కు ఇంటర్నెట్ కనెక్ట్ చేసుకుని వర్క్ ఫ్రమ్ హోమ్, వీడియో కాల్స్, ఆన్‌లైన్ మీటింగ్స్ వంటి పనులు చేసుకోవచ్చు.ఇదీ చదవండి: ఇదీ అమెరికాలో ఉద్యోగాల పరిస్థితి!అయితే.. ఈ అన్‌లిమిటెడ్ 5G ప్రయోజనం పొందాలంటే 5G సపోర్ట్ ఉన్న స్మార్ట్‌ఫోన్ ఉండటంతో పాటు, మీ ప్రాంతంలో జియో ట్రూ 5జీ నెట్‌వర్క్ అందుబాటులో ఉండాలి. ఈ రూ.15 రీఛార్జ్ ప్యాక్ దేశవ్యాప్తంగా అన్ని టెలికాం సర్కిళ్లలో అందుబాటులో ఉంది. వినియోగదారులు మైజియో యాప్, జియో అధికారిక వెబ్‌సైట్‌తో పాటు రిలయన్స్ రిటైల్ స్టోర్లు, ఇతర రీఛార్జ్ ప్లాట్‌ఫామ్స్ ద్వారా రీఛార్జ్ చేసుకోవచ్చు.

ఎక్స్‌పోర్ట్‌-ఇంపోర్ట్‌ బ్యాంకు ఆఫ్‌ ఇండియా (ఇండియా ఎగ్జిమ్‌ బ్యాంక్‌) నిధులను గోల్‌మాల్‌ చేసిన కుంభకోణం వెలుగులోకి వచ్చింది. బ్రిటన్‌ (యూకే) కేంద్రంగా కార్యకలాపాలు సాగించి ప్రస్తుతం రద్దయిన (డిసాల్వ్‌డ్‌) ఓ కంపెనీపై సెంట్రల్‌ బ్యూరో ఆఫ్‌ ఇన్వెస్టిగేషన్ (సీబీఐ) అధికారికంగా ఎఫ్‌ఐఆర్‌ నమోదు చేసింది. ఈ మొత్తం కుంభకోణం సుమారు 10 మిలియన్‌ అమెరికన్ డాలర్ల (భారతీయ కరెన్సీలో దాదాపు రూ.80 కోట్లకు పైగా) మేర ఉన్నట్లు దర్యాప్తు సంస్థ ప్రాథమికంగా గుర్తించింది.రీసైక్లింగ్ ప్రాజెక్టు పేరుతో టోపీఅధికారిక వర్గాల సమాచారం ప్రకారం, యూకేకు చెందిన ‘హాంజెర్‌ బయోటెక్‌ ఎరిత్‌ లిమిటెడ్‌’ అనే సంస్థ రీసైక్లింగ్ ప్రాజెక్టును చేపడతామంటూ ఇండియా ఎగ్జిమ్‌ బ్యాంక్‌ను ఆశ్రయించింది. దీన్ని నిజమని నమ్మిన బ్యాంక్‌ అధికారులు 2012 సంవత్సరంలో సదరు కంపెనీకి భారీ మొత్తంలో రుణాన్ని మంజూరు చేశారు. అయితే, రుణం తీసుకున్న నిర్దేశిత లక్ష్యానికి కాకుండా ఆ నిధులను ఇతర మార్గాలకు మళ్లించినట్లు (ఫండ్‌ డైవర్షన్‌) సీబీఐ విచారణలో తేలింది.మారిన ఎన్‌పీఏ లెక్కలు..బ్యాంకు నుంచి రుణం పొందిన కొద్దికాలానికే ఆ సంస్థ కార్యకలాపాలు మందగించడం, తీసుకున్న రుణాన్ని తిరిగి చెల్లించకపోవడంతో 2014 నాటికే ఈ ఖాతా నిరర్థక ఆస్తిగా (ఎన్‌పీఏ) మారిపోయింది. బ్యాంక్‌ నిధులను పూర్తిగా పక్కదారి పట్టించి తర్వాత కాలంలో ఆ కంపెనీనే రద్దు చేసినట్లు దర్యాప్తులో తేలడంతో అసలు మోసం వెలుగుచూసింది. దీనిపై బ్యాంక్ అధికారుల ఫిర్యాదు మేరకు రంగంలోకి దిగిన సీబీఐ ప్రాథమిక విచారణను పూర్తి చేసి కంపెనీపై క్రిమినల్ ఎఫ్‌ఐఆర్‌ నమోదు చేసింది. ఈ ఆర్థిక నేరంలో నిధులు ఎటువైపు మళ్లించారనే కోణంలోనూ, దీని వెనుక ఉన్న వ్యక్తులు, మాజీ ప్రమోటర్ల పాత్రపై దర్యాప్తును వేగవంతం చేశారు.ఇదీ చదవండి: రిఫ్రిజిరేటర్లపై సైబర్ దాడి!

డిజైన్ ప్లాట్‌ఫామ్ కాన్వా (Canva) సహ వ్యవస్థాపకురాలు, సీఈఓ మెలానీ పెర్కిన్స్ కంపెనీ ఉద్యోగులకు భారీ షాకిచ్చారు. సంస్థ చరిత్రలోనే అతిపెద్ద ఉద్యోగ కోతలను బుధవారం ప్రకటించారు. కంపెనీలో చేపడుతున్న పునర్వ్యవస్థీకరణ కారణంగా మొత్తం సిబ్బందిలో దాదాపు 22 శాతం మందిని తొలగించినట్టు వెల్లడించారు. ఈ నిర్ణయంపై బాధను, తీవ్ర విచారాన్ని వ్యక్తం చేస్తూ ఉద్యోగుల కాసిన ఒక లేఖలో ఆమె క్షమాపణలు కోరారు. ఇటీవలి కాలంలో టెక్ పరిశ్రమలో అనేక కఠినమైన లే-ఆఫ్ ప్రకటనలు విమర్శలు ఎదుర్కొన్న నేపథ్యంలో... పెర్కిన్స్ చూపించిన బాధ్యత, సానుభూతి , ఉద్యోగులకు మద్దతు ఇచ్చే అంశాలకు ప్రాధాన్యత ఇవ్వడం విశేషంగా నిలిచింది.13 ఏళ్ల చరిత్రలో ఇది కఠిన నిర్ణయంతమ కంపెనీ పదమూడేళ్ల చరిత్రలోనే అత్యంత కఠినమైన నిర్ణయం అని పెర్కిన్స్ అభివర్ణించారు. కాన్వా నిర్ణయం 1,271 మంది ఉద్యోగులను ప్రభావితం చేయనుంది. ఉద్యోగులకు పంపిన లేఖలో, వేగంగా మారుతున్న సాంకేతిక మార్పులు, నెమ్మదించిన వ్యాపార వృద్ధి మధ్య కాన్వాను తదుపరి దశ వైపు నడిపించడంపై నెలల తరబడి సమీక్షించిన తర్వాతే ఈ నిర్ణయం తీసుకున్నట్లు పెర్కిన్స్ పేర్కొన్నారు. ఈ నిర్ణయం వెనుక తాము ఎంతో ఆదరించే వ్యక్తులు ఉన్నారు అంటూ దీని పరిణామాలు ప్రభావిత ఉద్యోగులు, వారి కుటుంబాలు, సహోద్యోగులపై అత్యంత నిజమైన ప్రభావం చూపుతాయని ఆమె అంగీకరించారు. చిన్నచిన్న మార్పులు ఇకపై సరిపోవని స్థితికి కాన్వా చేరుకుందని పెర్కిన్స్ స్పష్టం చేశారు. ఈ లే-ఆఫ్స్ వారి ప్రతిభకు లేదా పనితీరుకు సంకేతం కాదని ఆమె స్పష్టం చేశారు.అంతేకాదు నిర్ణయాలు ఆయా ఉద్యోగుల ప్రతిభను, వారు అందించిన విలువైన సహకారాన్ని ఏమాత్రం తగ్గించవని గ్రహించాలని ఆమె కోరారు. ఈ రోజు కాన్వా ఈ స్థాయిలో ఉందంటే అది మీ కష్టం, సృజనాత్మకత, ఉత్సాహం. శ్రద్ధ ఫలితమే అంటూ ఉద్యోగులకు రాసిన లేఖలో పేర్కొనడం విశేషంగా నిలుస్తోంది.తొలగించిన ఉద్యోగులకు భారీ ప్యాకేజీఅలాగే తొలగించిన ఉద్యోగుల కోసం కనీసం 6 నెలల వేతనం, ఆరోగ్య సంరక్షణ, స్టార్టప్ గ్రాంట్లు సహా భారీ సహాయ ప్యాకేజీని ఆమె ప్రకటించారు బాధితులైన ఉద్యోగులు ఎక్కడ ఉన్నప్పటికీ, వారికి కనీసం ఆరు నెలల జీతం (చట్టబద్ధమైన హక్కులతో కలిపి) అందుతుంది. గడిచిన సంవత్సరంలో చేరిన ఉద్యోగుల కోసం 'వన్-ఇయర్ వెస్టింగ్ క్లిఫ్' నిబంధనను తొలగించారు.వీలైన చోట ఆరోగ్య బీమా కవరేజీని 12 నెలల పాటు పొడిగిస్తున్నారు. ఎంప్లాయ్ అసిస్టెన్స్ ప్రోగ్రామ్ ద్వారా ఒక సంవత్సరం పాటు కౌన్సెలింగ్ సేవలు అందిస్తారు. ఇంకా వన్-టు-వన్ కెరీర్ కోచింగ్, ఇంటర్వ్యూ ప్రిపరేషన్, లింక్డ్‌ఇన్ ప్రీమియం సబ్‌స్క్రిప్షన్లు ,ఇన్వెస్టర్లు, పరిశ్రమ నిపుణులతో పంచుకునే అలుమ్ని టాలెంట్ నెట్‌వర్క్ యాక్సెస్ కూడా ఇస్తున్నారు. అలాగే కొంతమంది ఉద్యోగులు తమకు ఇచ్చిన వర్క్ మ్యాక్‌బుక్‌లను (MacBooks) తమ వద్దే ఉంచుకునే అవకాశాన్ని కూడా కల్పించారు. ఉద్యోగం కోల్పోయిన ఉద్యోగులు స్వంతంగా వ్యాపారం లేదా కమ్యూనిటీ ప్రాజెక్ట్‌లను ప్రారంభించాలనుకుంటే వారికి సుమారు 8.3 లక్షల రూపాయలు గ్రాంట్ అందించడానికి 'కాన్వా కలెక్టివ్ ఫండ్'ను ప్రారంభిస్తున్నారు. ఇదీ చదవండి: ఫస్ట్ ఏసీలోనే నగలు,నగదు చోరీ మహిళ ఆగ్రహం : స్పందించిన రైల్వేలింక్డ్‌ఇన్ యూజర్ల ప్రశంసలుకాన్వా సీఈవో లేఖ లింక్డ్‌ఇన్‌లో పెద్ద ఎత్తున చర్చకు దారితీసింది. సాధారణంగా కంపెనీలు ఇచ్చే రూటిన్ లే-ఆఫ్ ప్రకటనలతో పోలిస్తే ఈ లేఖ ఉన్న తీరు చాలా భిన్నంగా ఉందని కొంతమంది యూజర్లు కొనియాడారు. కాన్వా మహిళా వ్యవస్థాపకురాలి నుండి వచ్చిన ఈ మాస్ లే-ఆఫ్ మెమో టోన్ సాధారణంగా మనం చూసే లే-ఆఫ్ మెమోల కంటే చాలా భిన్నంగా ఉంది. దీనిని నేను ఎప్పటికీ గుర్తుంచుకుంటాను" అని ఒక యూజర్ రాశారు. తీసుకోవాల్సినంత కఠినమైన నిర్ణయాన్ని నిజంగా అంతే బాధ్యతతో తీసుకున్నట్లు అనిపిస్తోంది. ఇతర కంపెనీలు కూడా దీనిని గమనిస్తాయని ఆశిస్తున్నా అని మరొకరు కమెంట్‌ చేశారు.

దీపావళి వచ్చిందంటే.. ఉద్యోగులకు కంపెనీల నుంచి ఏదో ఒక గిఫ్ట్ రావడం కామన్. సాధారణంగా స్వీట్లు, డ్రై ఫ్రూట్స్, గిఫ్ట్ హ్యాంపర్లు ఇస్తుంటారు. కానీ ఢిల్లీలోని ఓ కంపెనీ మాత్రం అందరికీ ఊహించని సర్‌ప్రైజ్ ఇచ్చింది. తమ ఉద్యోగులకు ఏకంగా ఐఫోన్ 16 స్మార్ట్‌ఫోన్లను దీపావళి కానుకగా అందించింది. దీనికి సంబంధించిన వీడియో నెట్టింట్లో తెగ వైరల్ అవుతోంది.న్యూఢిల్లీలోని రోహిణి ప్రాంతానికి చెందిన కంపెనీ.. ఉద్యోగులకు ఐఫోన్లు గిఫ్ట్‌గా ఇచ్చిన వీడియోను తన అధికారిక ఇన్‌స్టాగ్రామ్ ఖాతాలో షేర్ చేసింది. ఈ వీడియోలో ఉద్యోగుల డెస్క్‌లపై అందంగా రిబ్బన్లతో అలంకరించిన ఐఫోన్ 16 ఫోన్లు కనిపిస్తున్నాయి. తెలుపు, ఆకుపచ్చ, నీలం, నలుపు రంగుల్లో ఉన్న ఫోన్లను కంప్యూటర్ల ముందు ఉంచారు. చివర్లో కొంతమంది మహిళా ఉద్యోగులు తమకు వచ్చిన గిఫ్టులను చూసి ఎంతో సంతోషంగా స్పందించడం చూడవచ్చు.ఇదీ చదవండి: అమాంతం పెరుగుతున్న బంగారం.. ఈ రోజు ధరలు ఇలా..ఈ వీడియోను షేర్ చేస్తూ కంపెనీ ''నో కాంపిటీషన్.. ఆప్కో క్యా మిలా?'' (మీకు ఏమి గిఫ్ట్ వచ్చింది?) అంటూ క్యాప్షన్ ఇచ్చింది. సాధారణంగా పండుగలకు స్వీట్లు, గిఫ్ట్ బాక్సులు ఇచ్చే కంపెనీలు ఉన్న సమయంలో.. ఏకంగా ఐఫోన్లు ఇవ్వడంతో నెటిజన్లు ఆశ్చర్యపోతున్నారు. ఉద్యోగులను సంతోషపెట్టాలంటే.. ఇలా చేయాలంటూ కంపెనీపై ప్రశంసలు కురిపిస్తున్నారు. View this post on Instagram A post shared by Financersaab (@financersaab2.0)

బెంగళూరులో లైవ్ కాన్సర్ట్‌లు, మ్యూజిక్ ఈవెంట్లకు వెళ్లే అభిమానులకు ఇకపై మరింత మెరుగైన అనుభవం అందనుంది. ఎందుకంటే.. ప్రముఖ టెలికాం సంస్థ ఎయిర్‌టెల్, ఎంటర్‌టైన్‌మెంట్ ప్లాట్‌ఫామ్ డిస్ట్రిక్ట్ కలిసి కీలక భాగస్వామ్యాన్ని ప్రకటించాయి. ఇందులో భాగంగా బెంగళూరులో 16 ఎకరాల విస్తీర్ణంలో ఉన్న ఓపెన్ ఎయిర్ కాన్సర్ట్ వేదికకు ఇకపై ‘ఎయిర్‌టెల్ ఎరీనా’ (Airtel Arena) అని పేరు పెట్టనున్నారు.అయితే.. ఇది కేవలం పేరు మార్పు మాత్రమే కాదు.. ఈ వేదికలో డిజిటల్ సదుపాయాలను కూడా భారీగా మెరుగుపరచాలని రెండు సంస్థలు నిర్ణయించాయి. సాధారణంగా పెద్ద కాన్సర్ట్‌లు జరిగినప్పుడు వేలాది మంది ఒకేసారి మొబైల్ ఫోన్లు ఉపయోగిస్తుంటారు. దీంతో నెట్‌వర్క్ సమస్యలు తలెత్తడం, ఇంటర్నెట్ నెమ్మదించడం, ఫొటోలు, వీడియోలు అప్‌లోడ్ చేయలేకపోవడం వంటి ఇబ్బందులు ఎదురవుతుంటాయి.ఈ సమస్యలకు చెక్ పెట్టేందుకు ఎయిర్‌టెల్ ప్రత్యేకమైన హై కెపాసిటీ డిజిటల్ ఇన్‌ఫ్రాస్ట్రక్చర్‌ను ఏర్పాటు చేయనుంది. దీనివల్ల భారీ ఈవెంట్ల సమయంలో కూడా అభిమానులకు వేగవంతమైన ఇంటర్నెట్, మెరుగైన నెట్‌వర్క్ కనెక్టివిటీ అందించడమే లక్ష్యం. మరోవైపు డిస్ట్రిక్ట్ సంస్థ ఈ వేదికలో జరిగే ఈవెంట్లు, కళాకారులు, అభిమానులు, నిర్వాహకులకు సంబంధించిన అనుభవాలను పర్యవేక్షించనుంది.ఇప్పటికే ఈ కాన్సర్ట్ వేదికలో మొబైల్ ద్వారా ముందుగానే ఫుడ్ ఆర్డర్ చేసుకునే సదుపాయం, క్యాష్‌లెస్ టాప్‌అప్ వంటి డిజిటల్ సేవలు అందుబాటులో ఉన్నాయి. ఇప్పుడు కొత్తగా ఏర్పాటు చేయనున్న సదుపాయాలతో ఈ సేవలను మరింత మెరుగుపరచనున్నారు. రాబోయే ఈవెంట్ సీజన్ ప్రారంభానికి ముందే ఈ మార్పులను అందుబాటులోకి తీసుకురావాలని సంస్థలు భావిస్తున్నాయి.

అమెరికా జాబ్ మార్కెట్‌లో.. సెప్టెంబర్ నెలలో కొన్ని ఆసక్తికరమైన మార్పులు చోటుచేసుకున్నాయి. ఒకవైపు కొత్త ఉద్యోగ అవకాశాలు పెరుగుతుంటే.. మరోవైపు ఉద్యోగులు స్వచ్ఛందంగా తమ ఉద్యోగాలను వదిలి వెళ్లే వారి సంఖ్య కూడా పెరిగింది. ఈ విషయాన్ని అమెరికా బ్యూరో ఆఫ్ లేబర్ స్టాటిస్టిక్స్(BLS) విడుదల చేసిన నివేదికలో వెల్లడించింది.ఉద్యోగ అవకాశాలుఉద్యోగ అవకాశాల విషయానికి వస్తే.. సెప్టెంబర్‌లో అమెరికాలో మొత్తం 7.52 మిలియన్ల ఉద్యోగ ఖాళీలు నమోదైనట్లు నివేదిక చెబుతోంది. ఆగస్టులో ఈ సంఖ్య 7.19 మిలియన్లుగా ఉంది. అంటే.. ఒక్క నెలలోనే 3.33 లక్షల ఉద్యోగ అవకాశాలు పెరిగాయి. ఉద్యోగ అవకాశాల రేటు కూడా 4.3 శాతం నుంచి 4.5 శాతానికి చేరుకుంది. అయితే, ఈ పెరుగుదల ఉన్నప్పటికీ ఉద్యోగ మార్కెట్‌లో పెద్దగా మార్పు కనిపించలేదని బీఎల్ఎస్ పేర్కొంది.ఈ రంగంలోనే ఎక్కువకొత్త ఉద్యోగ నియామకాలు కూడా కొంత పెరిగాయి. సెప్టెంబర్‌లో సుమారు 54.02 లక్షల మంది కొత్తగా ఉద్యోగాల్లో చేరారు. ఆగస్టులో ఈ సంఖ్య 52.71 లక్షలుగా ఉంది. ముఖ్యంగా.. హోటళ్లు, రెస్టారెంట్లు, ఆహార సేవల రంగంలో కొత్త నియామకాలు ఎక్కువగా జరిగినట్లు సమాచారం. ఈ ఒక్క రంగంలోనే 1.58 లక్షల నియామకాలు పెరిగాయి. దీన్ని బట్టి చూస్తే.. ఈ రంగంలో ఉద్యోగుల అవసరం పెరుగుతున్నట్లు తెలుస్తోంది.ఉద్యోగ రాజీనామాలుఉద్యోగ రాజీనామాల విషయానికి వస్తే.. సెప్టెంబర్‌లో సుమారు 33.65 లక్షల మంది తమంతట తాముగా ఉద్యోగాలను వదిలేశారు. ఆగస్టులో ఈ సంఖ్య 30.44 లక్షలుగా ఉంది. అంటే.. ఒక్క నెలలోనే మరో 3.21 లక్షల మంది ఉద్యోగాలకు రాజీనామా చేశారన్నమాట. సాధారణంగా ఉద్యోగులు తమకు మెరుగైన జీతం, మంచి ఉద్యోగం లేదా కెరీర్‌లో ఎదుగుదలకు అవకాశం లభిస్తుందని భావించినప్పుడు ప్రస్తుత ఉద్యోగాన్ని వదిలి కొత్త అవకాశాల కోసం ప్రయత్నిస్తుంటారు. అయితే.. రాజీనామాలు పెరగడానికి కారణాలు ఏమిటనేది స్పష్టంగా వెల్లడికాలేదు.కంపెనీలు ఇలా..అయితే.. కంపెనీలు ఉద్యోగులను తొలగించే సంఖ్య మాత్రం తగ్గినట్లు నివేదిక చెబుతోంది. సెప్టెంబర్‌లో సుమారు 16.41 లక్షల మంది ఉద్యోగులు తొలగింపులకు గురయ్యారు. ఆగస్టులో ఈ సంఖ్య 17.68 లక్షలుగా ఉంది. దీన్నిబట్టి చూస్తే.. ఉద్యోగుల తొలగింపులు తగ్గినట్లు స్పష్టంగా తెలుస్తోంది. ముఖ్యంగా.. ఆరోగ్య సంరక్షణ, సామాజిక సేవల రంగంలో తొలగింపులు 70 వేల మేర తగ్గడం గమనార్హం.మొత్తం మీద.. ఒక్క మాటలో చెప్పాలంటే, అమెరికాలో ఉద్యోగ అవకాశాలు పెరుగుతున్నాయి. ఉద్యోగులు కొత్త అవకాశాల కోసం ప్రస్తుత ఉద్యోగాలను వదులుకుంటున్నారు. కంపెనీలు మాత్రం భారీగా ఉద్యోగులను తొలగించే పరిస్థితిలో లేవు. ఈ పరిణామాలన్నీ అమెరికా ఆర్థిక వ్యవస్థపై ఫెడరల్ రిజర్వ్ తీసుకునే తదుపరి నిర్ణయాలకు కీలకంగా మారనున్నాయి.ఇదీ చదవండి: కుక్కలను వాకింగ్‌కు తీసుకెళ్తే గంటకు రూ.1,900 జీతం!

న్యూఢిల్లీ: అనిల్ అంబానీకి చెందిన రిలయన్స్ గ్రూప్‌పై ఎన్‌ఫోర్స్‌మెంట్ డైరెక్టరేట్ (ఈడీ) మరోసారి చర్యలు చేపట్టింది. బ్యాంకు మోసం కేసులకు సంబంధించి గ్రూప్‌కు చెందిన సుమారు రూ.510 కోట్ల విలువైన ఆస్తులను జప్తు చేసింది. తాజా చర్యతో ఇప్పటివరకు ఈడీ జప్తు చేసిన లేదా స్వాధీనం చేసుకున్న ఆస్తుల మొత్తం విలువ దాదాపు రూ.23,100 కోట్లకు చేరింది. మనీలాండరింగ్ నిరోధక చట్టం (పీఎంఎల్‌ఏ), విదేశీ మారక ద్రవ్య నిర్వహణ చట్టం (ఫెమా) కింద నమోదైన పలు కేసుల్లో ఈ చర్యలు చేపట్టినట్లు ఈడీ వెల్లడించింది.మంగళవారం విడుదల చేసిన ప్రకటన ప్రకారం.. రిలయన్స్ హోమ్ ఫైనాన్స్ లిమిటెడ్, రిలయన్స్ కమర్షియల్ ఫైనాన్స్ లిమిటెడ్ బ్యాంకు మోసం కేసులతో పాటు రిలయన్స్ కమ్యూనికేషన్స్ బ్యాంకు మోసం కేసుకు సంబంధించిన ఆస్తులను జప్తు చేశారు. వీటిలో విమానాలు, బ్యాంకు ఖాతాల్లోని నగదు నిల్వలు, ఫిక్స్‌డ్ డిపాజిట్లు, స్థిరాస్తులు, రావాల్సిన బకాయిలు, పెట్టుబడులు ఉన్నాయి.రిలయన్స్ కమ్యూనికేషన్స్ కేసులో భాగంగా 2 చార్టర్డ్ విమానాలు, మహారాష్ట్రలోని 6 భూముల స్థలాలు, ఒక కార్యాలయ ప్రాంగణాన్ని ఈడీ జప్తు చేసింది. మరోవైపు రిలయన్స్ హోమ్ ఫైనాన్స్, రిలయన్స్ కమర్షియల్ ఫైనాన్స్‌కు సంబంధించిన బ్యాంకు మోసం కేసులో తమిళనాడులోని 2 పవన విద్యుత్ కేంద్రాలు (విండ్‌మిల్లులు), బ్యాంకు నిల్వలు, ఫిక్స్‌డ్ డిపాజిట్లు, పెట్టుబడులు, రావాల్సిన బకాయిలను స్వాధీనం చేసుకుంది.సీబీఐ ఢిల్లీ, ఢిల్లీ ఆర్థిక నేరాల విభాగం, ముంబై ఆర్థిక నేరాల విభాగం నమోదు చేసిన పలు ఎఫ్‌ఐఆర్‌ల ఆధారంగా ఈడీ దర్యాప్తు ప్రారంభించింది. రిలయన్స్ కమ్యూనికేషన్స్ లిమిటెడ్, రిలయన్స్ హోమ్ ఫైనాన్స్ లిమిటెడ్, రిలయన్స్ కమర్షియల్ ఫైనాన్స్ లిమిటెడ్, రిలయన్స్ ఇన్‌ఫ్రాస్ట్రక్చర్ లిమిటెడ్, రిలయన్స్ పవర్ లిమిటెడ్, రిలయన్స్ క్యాపిటల్ లిమిటెడ్ సంస్థలు దర్యాప్తు పరిధిలో ఉన్నాయని ఈడీ తెలిపింది.బ్యాంకులు, ఆర్థిక సంస్థల నుంచి తీసుకున్న ప్రజాధనాన్ని పక్కదారి పట్టించడం, వ్యక్తిగత ప్రయోజనాల కోసం సంస్థల ఆస్తులను రక్షించుకునేందుకు దివాలా పరిష్కార ప్రక్రియ (ఐబీసీ) చట్టాన్ని దుర్వినియోగం చేయడం, భారత్‌లోని ప్రజాధనాన్ని విదేశాల్లోని పన్ను స్వర్గధామాలకు తరలించడం వంటి వ్యవహారాలు దర్యాప్తులో వెలుగుచూశాయని ఈడీ పేర్కొంది. ఇందులో గణనీయమైన మొత్తాన్ని ప్రమోటర్లు, వారి కుటుంబ సభ్యుల వ్యక్తిగత ప్రయోజనాల కోసం వినియోగించినట్లు ఆరోపించింది.ఈ కేసులకు సంబంధించి ఇప్పటివరకు 10 మందిని అరెస్టు చేసినట్లు ఈడీ వెల్లడించింది. పీఎంఎల్‌ఏ కింద 6 ప్రాసిక్యూషన్ ఫిర్యాదులు దాఖలు చేయగా, ఫెమా నిబంధనల కింద మరో ఫిర్యాదును కూడా సమర్పించింది. తాజా జప్తులతో అనిల్ అంబానీ గ్రూప్‌పై ఈడీ చర్యల పరిధి మరింత విస్తరించింది. దర్యాప్తు కొనసాగుతున్న నేపథ్యంలో మరిన్ని ఆస్తుల జప్తులు, తదుపరి చట్టపరమైన చర్యలు ఉంటాయా అన్నది ఇప్పుడు కీలకంగా మారింది.ఇదీ చదవండి: తులం బంగారానికి కేజీ వెండి? తగ్గుతోన్న తేడా!

పాస్‌పోర్ట్‌ అంటే విదేశీ ప్రయాణాలకు అవసరమైన అత్యంత ముఖ్యమైన అధికారిక పత్రం. అందులో ప్రయాణ వివరాలు, వీసాలు, ఇమ్మిగ్రేషన్‌ స్టాంపులు ఉంటాయి. కానీ కేరళలో పాస్‌పోర్ట్‌ పునరుద్ధరణకు వచ్చిన ఓ వ్యక్తి బుక్‌లెట్‌ మాత్రం అధికారులను ఆశ్చర్యానికి గురిచేసింది. అందులో ప్రయాణ వివరాల కంటే చేతిరాతతో కూడిన ఫోన్‌ నంబర్లు, సంప్రదింపు వివరాలు, వ్యక్తిగత గమనికలే ఎక్కువగా కనిపించాయి.ఈ ఆసక్తికర ఘటనకు సంబంధించిన వీడియోను @dksardana అనే యూజర్‌ ఎక్స్‌ (ట్విటర్‌)లో షేర్‌ చేశారు. పాస్‌పోర్ట్‌ రెన్యువల్‌ కోసం వచ్చిన వ్యక్తి పత్రాన్ని పరిశీలించిన అధికారి అందులోని వివరాలను చూసి ఆశ్చర్యపోయినట్లు వీడియోలో పేర్కొన్నారు. సాధారణ ప్రయాణ పత్రంలా కాకుండా, ఓ జేబు డైరీలా కనిపిస్తున్న ఆ పాస్‌పోర్ట్‌ నెటిజన్ల దృష్టిని ఆకర్షించింది.ఈ వీడియో సోషల్‌ మీడియాలో వైరల్‌గా మారడంతో పలువురు తమ పాత రోజులను గుర్తు చేసుకుంటున్నారు. స్మార్ట్‌ఫోన్లు అందుబాటులోకి రాకముందు ముఖ్యమైన ఫోన్‌ నంబర్లు, చిరునామాలు, ఇతర వివరాలను చిన్న డైరీల్లో లేదా పుస్తకాల చివరి పేజీల్లో రాసుకునేవారని గుర్తుచేసుకుంటున్నారు. మరికొందరు పాస్‌పోర్ట్‌ను ఇలా వ్యక్తిగత నోట్స్‌ కోసం ఉపయోగించడం ఆశ్చర్యంగా ఉందని వ్యాఖ్యానిస్తున్నారు.ప్రముఖ పారిశ్రామికవేత్త హర్ష్‌ గోయెంకా (@hvgoenka) కూడా ఈ వీడియోను తన ఎక్స్‌ ఖాతాలో షేర్‌ చేశారు. పాస్‌పోర్ట్‌ను వ్యక్తిగత డైరీగా మార్చేశారంటూ ఆశ్చర్యం వ్యక్తం చేశారు. అధికారిక ప్రయాణ పత్రంలో ఇన్ని వ్యక్తిగత వివరాలు ఉండటం ఇప్పుడు ఆన్‌లైన్‌లో ఆసక్తికర చర్చకు దారితీసింది.The passport officer was shocked to see that he had converted his passport into his personal diary 😳 https://t.co/BM3yIWgs5X— Harsh Goenka (@hvgoenka) November 3, 2026

న్యూఢిల్లీ: విమానయానానికి సంబంధించి కొత్త నిబంధనలను కేంద్రం నోటిఫై చేసింది. 90 ఏళ్ల నాటి ఎయిర్‌క్రాఫ్ట్‌ యాక్ట్‌ 1934 స్థానంలో ఇవి 2027 జనవరి నుంచి అమల్లోకి వస్తాయి. భారతీయ వాయుయాన్‌ నియమ్‌ 2026 ప్రకారం ప్రయాణికులు టికెట్లను బుక్‌ చేసుకునే సమయంలోనే క్యాన్సిలేషన్‌ ఫీజులు సహా వివిధ రకాల చార్జీల గురించి విమానయాన సంస్థలు తెలియజేయాలి.అసలు చార్జీ, పన్ను, ఫీజులు, క్యాన్సిలేషన్‌ చార్జీలు, రిఫండ్‌ షరతులు, ఇతరత్రా చార్జీల వివరాలన్నీ బుకింగ్‌ వెబ్‌సైట్‌లో, బుక్‌ చేసుకున్న టికెట్‌పైన ఉండాలి. ఎయిర్‌లైన్స్‌ నిర్ణయించే టారిఫ్‌లను పౌరవిమానయాన డైరెక్టరేట్‌ జనరల్‌ (డీజీసీఏ) పర్యవేక్షిస్తుంది. ఒకవేళ ఏదైనా అసాధారణ పరిస్థితి నెలకొందని భావించినప్పుడు ప్రజా ప్రయోజనార్ధం చార్జీలను నియంత్రించేందుకు పౌర విమానయాన శాఖ కలగజేసుకోవచ్చు. అయితే, ’అసాధారణ పరిస్థితులు’ ఏమిటనేది నిర్దిష్టంగా నిర్వచించలేదు.

ఆఫీసులో, పెద్ద పెద్ద భవనాల్లో నాలుగు గోడల మధ్య పనిచేయడం చాలా మందికి బోరింగ్‌గా ఉంటుంది. ఇంటి నుంచో, ఆఫీస్‌లోని నాలుగు గోడల మధ్యనో కాకుండా.. పచ్చని చెట్లు, చెరువు గట్టున పని చేస్తే ఎంత బాగుంటుంది!! ఇదిగో అలా పని చేసుకోవాలనుకునే వారికి దుబాయ్ కొత్త అవకాశాన్ని అందిస్తోంది. నగరంలోని అల్ బర్షా పాండ్ పార్క్‌లో తొలి ‘వర్క్ ఫ్రమ్ పార్క్’ కేంద్రాన్ని దుబాయ్ మునిసిపాలిటీ ప్రారంభించింది. ఫ్రీలాన్సర్లు, రిమోట్ ఉద్యోగులు, హైబ్రిడ్ విధానంలో పనిచేసేవాళ్లు ప్రకృతి ఒడిలోనే తమ పనులు చేసుకునేలా ఈ ప్రత్యేక వర్క్‌స్పేస్‌ను ఏర్పాటు చేసింది.దుబాయ్ మునిసిపాలిటీ, ఫ్లెక్సిబుల్ వర్క్‌స్పేస్ సంస్థ లెట్స్‌వర్క్, నిర్మాణ సంస్థ గ్రూప్ అమానా భాగస్వామ్యంతో ఈ ప్రాజెక్టును చేపట్టాయి. చెరువు, జాగింగ్ ట్రాక్, పిల్లల ఆట స్థలం వంటి సౌకర్యాలు ఉండటంతో అల్ బర్షా పాండ్ పార్క్‌ను తొలి కేంద్రంగా ఎంపిక చేసినట్లు దుబాయ్ పబ్లిక్ పార్క్స్ అధికారులు తెలిపారు.బయట ఉచితం.. లోపల మాత్రం రుసుముఈ కేంద్రంలో సందర్శకులకు రెండు రకాల పని వసతులు అందుబాటులో ఉన్నాయి. పార్క్ పరిసరాల్లోని బహిరంగ సీటింగ్ ప్రాంతాలు, పెర్గోలాలు, పైకప్పుపై ఏర్పాటు చేసిన డెస్క్‌ల వద్ద ఉచితంగా కూర్చుని పనిచేసుకోవచ్చు. వీటికి ముందస్తు బుకింగ్ అవసరం లేదు. వై-ఫై, విద్యుత్ సదుపాయాలు కూడా అందుబాటులో ఉంటాయి.ఎండ, వేడి నుంచి రక్షణతో కూడిన వాతావరణంలో పని చేయాలనుకునేవారి కోసం ఇండోర్ కో-వర్కింగ్ స్థలం ఏర్పాటు చేశారు. ఇక్కడ రోజువారీ పాస్ ధర 50 దిర్హమ్‌లుగా (సుమారు రూ.1,200) నిర్ణయించారు. ఈ పాస్‌తో రోజంతా పని చేసుకోవడంతో పాటు ఉచితంగా కాఫీ కూడా పొందవచ్చు. ఇండోర్ కేంద్రం ఉదయం 8 నుంచి రాత్రి 8 గంటల వరకు పనిచేస్తుంది.మీటింగ్‌ రూంలు, ప్రైవేట్ ఆఫీసులూ..వ్యక్తిగతంగా పనిచేసేవారితో పాటు చిన్న సంస్థలు, బృందాల అవసరాలనూ ఈ కేంద్రం తీర్చనుంది. ఇద్దరు లేదా అంతకంటే ఎక్కువ మంది కలిసి చర్చించుకునేందుకు సమావేశ గదులు అందుబాటులో ఉన్నాయి. వీటి అద్దె గంటకు 200 దిర్హమ్‌ల నుంచి ప్రారంభమవుతుంది. ఎక్కువ కాలం పని చేయాలనుకునేవారి కోసం ప్రత్యేక డెస్క్‌లు, ప్రైవేట్ ఆఫీస్ సూట్‌లను నెలవారీ ప్రాతిపదికన అద్దెకు తీసుకునే అవకాశం ఉంది.ఇండోర్ వర్క్‌స్పేస్‌లను లెట్స్‌వర్క్ వెబ్‌సైట్, యాప్ లేదా వాట్సాప్ ద్వారా బుక్ చేసుకోవచ్చు. పార్కులో పనిచేస్తూనే పిల్లలు ఆడుకోవడాన్ని పర్యవేక్షించవచ్చని, పని మధ్యలో నడక, వ్యాయామం వంటి కార్యకలాపాలతో సమయాన్ని గడపవచ్చని నిర్వాహకులు చెబుతున్నారు.ఇతర పార్కులకూ విస్తరణ?ఈ కేంద్రాన్ని మాడ్యులర్ నిర్మాణ పద్ధతిలో అభివృద్ధి చేశారు. నిర్మాణంలో ఎక్కువ భాగాన్ని ముందుగానే ఫ్యాక్టరీలో పూర్తి చేసి, అనంతరం పార్కులో అమర్చడంతో పనులు వేగంగా పూర్తయ్యాయి. సందర్శకులకు ఇబ్బందులు తగ్గించడంతో పాటు పచ్చని ప్రదేశాన్ని ఎక్కువగా వినియోగించుకునేలా ఈ విధానం ఉపయోగపడింది.దుబాయ్ మునిసిపాలిటీ ప్రస్తుతం ఈ కేంద్రానికి వచ్చే సందర్శకుల స్పందనను పరిశీలిస్తోంది. ఆదరణను బట్టి నగరంలోని మరిన్ని పార్కుల్లోనూ ఇలాంటి వర్క్‌ స్పేస్‌లను ఏర్పాటు చేసే అవకాశముంది. దుబాయ్ 2040 పట్టణ ప్రణాళికలో భాగంగా పార్కులను కేవలం వినోద, వ్యాయామ ప్రదేశాలుగానే కాకుండా.. పని, సమావేశాలు, సామాజిక అనుసంధానానికి ఉపయోగపడే బహుళ ప్రయోజన కేంద్రాలుగా మార్చడం ఈ కార్యక్రమం లక్ష్యం.ఇదీ చదవండి: ఓ టేబుల్ క్లీనర్‌ పెట్టిన బిజినెస్‌.. నేడు రూ.1,700 కోట్ల వ్యాపారం!

దేశీయంగా కదంతొక్కుతున్న ప్రైమరీ మార్కెట్‌ అంతర్జాతీయంగా పానీయాలు విక్రయిస్తున్న దిగ్గజాలను సైతం ఆకట్టుకుంటోంది. దీంతో దేశీ బిజినెస్‌లను బీఎస్‌ఈ, ఎన్‌ఎస్‌ఈల్లో లిస్ట్‌ చేయాలని భావిస్తున్నాయి. ఇందుకు అనుగుణంగా ఇప్పటికే సన్నాహాలు సైతం ప్రారంభించాయి. వీటిలో రెండు ఆల్కహాలిక్‌ పానీయాల (ఆల్కోబెవ్‌) దిగ్గజాలు కాగా.. మరొకటి కోకకోలా కంపెనీ.ప్రధానంగా మూడు అంతర్జాతీయ పానీయ కంపెనీలు పబ్లిక్‌ ఇష్యూ బాటలో సాగనున్నాయి. దేశీ బిజినెస్‌ల లిస్టింగ్‌కు కార్ల్‌స్‌బర్గ్, పెర్నార్డ్‌ రికా, కోకకోలా కంపెనీ సన్నాహాలు ప్రారంభించాయి. అయితే ఇవి వివిధ దశలలో ఉన్నాయి. వెరసి ఇప్పటికే దేశీయంగా భారీ ఐపీవోలు చేపట్టిన కంపెనీల సరసన పానీయ దిగ్గజాలు సైతం చేరనున్నాయి. అట్లాంటా (యూఎస్‌) దిగ్గజం కోకకోలాకు భారత్‌ ఐదో పెద్ద మార్కెట్‌కాగా.. పెర్నార్డ్‌ రికాకు రెండో పెద్ద మార్కెట్‌కావడం గమనార్హం! అంతేకాకుండా దేశీయంగా రూ. 27,446 కోట్ల టర్నోవర్‌(2025)తో అతిపెద్ద ఆల్కోబెవ్‌ కంపెనీగానూ నిలుస్తోంది. ట్యుబర్గ్, కార్ల్‌స్‌బర్గ్‌ ఎలిఫెంట్, క్రోన్‌బర్గ్‌ బ్రాండ్లతో దేశీయంగా కార్యకలాపాలు నిర్వహిస్తున్న కార్ల్‌స్‌బర్గ్‌ 2026లో రూ. 8,709 కోట్ల ఆదాయం సాధించింది.అప్‌డేటెడ్‌ ఫైలింగ్‌ఐపీవో చేపట్టేందుకు వీలుగా డానిష్‌ బ్రూవరీ దిగ్గజం కార్ల్‌స్‌బర్గ్‌.. క్యాపిటిల్‌ మార్కెట్ల నియంత్రణ సంస్థ సెబీకి తాజాగా సవరించిన(అప్‌డేటెడ్‌) ప్రాస్పెక్టస్‌ను దాఖలు చేసింది. అక్టోబర్‌ 28న సెబీకి అప్‌డేటెడ్‌ ముసాయిదా పత్రాలను అందించినట్లు కంపెనీ సీఎఫ్‌వో ఉల్‌రికా ఫెర్న్‌ బెవరేజెస్‌ వెల్లడించారు. కార్ల్‌స్‌బర్గ్‌ ఇండియా లిస్టింగ్‌పై ఆసక్తిగల ఇన్వెస్టర్లతో సమావేశాలు నిర్వహిస్తున్నట్లు కంపెనీ సీఈవో జాకబ్‌ ఆరుప్‌ ఆండర్సన్‌ పేర్కొన్నారు. నియంత్రణా సంబంధ అంశాల నేపథ్యంలో దేశీ బిజినెస్‌ వివరాలు, ప్రత్యర్ధి కంపెనీలతో పోలి్చన ఫలితాలు తదితరాలను వెల్లడించలేమన్నారు. మరోవైపు ఇదే కారణంతో ఐపీవో చేపట్టే సమయం, పరిమాణం తదితర అంశాలను తెలియజేసేందుకు ఫెర్న్‌ నిరాకరించారు.షివాస్‌ రీగల్‌ దిగ్గజందేశీ బిజినెస్‌ ఐపీవో చేపట్టేందుకు వీలుగా చర్చలు చేపట్టినట్లు ఫ్రెంచ్‌ స్పిరిట్స్‌ తయారీ దిగ్గజం పెర్నార్డ్‌ రికా తాజాగా వెల్లడించింది. అబ్‌సొల్యూట్, షివాస్‌ రీగల్, జేమీసన్‌ తదితర సుప్రసిద్ధ బ్రాండ్ల కంపెనీ ఇందుకు బోర్డు అనుమతి కోసం చూస్తున్నట్లు పేర్కొంది. తొలి త్రైమాసికం(జూలై–సెపె్టంబర్‌)లో అమ్మకాలు 19 శాతం ఎగసినట్లు వెల్లడించిన కంపెనీ ఈ సందర్భంగా లిస్టింగ్‌కు సన్నాహాలు ప్రారంభించనున్నట్లు తెలియజేసింది.బాట్లింగ్‌ బిజినెస్‌ లిస్టింగ్‌ప్రపంచంలోనే పానీయాల తయారీకి అతిపెద్ద కంపెనీగా నిలుస్తున్న కోకకోలా దేశీ బాట్లింగ్‌ కార్యకలాపాలను లిస్ట్‌ చేయాలని చూస్తోంది. హిందుస్తాన్‌ కోక కోలా హోల్డింగ్స్‌ ద్వారా హిందుస్తాన్‌ కోకకోలా బెవరేజెస్‌(హెచ్‌సీసీహెచ్‌)ను నిర్వహిస్తున్న విషయం విదితమే. ఐపీవో చేపట్టేందుకున్న అవకాశాలను పరిశీలిస్తున్నట్లు కంపెనీ సీఎఫ్‌వో జాన్‌ మర్ఫీ వెల్లడించారు. మార్కెట్‌ పరిస్థితులు, అనుమతులు తదితరాలపై తగిన సమయంలో మిగిలిన వివరాలను తెలియజేయనున్నట్లు తాజాగా పేర్కొన్నారు. నిజానికి ఈ ఏడాది జూన్‌లోనే దేశీ బాట్లింగ్‌ బిజినెస్‌ ఐపీవో చేపట్టేందుకు సన్నాహాలు ప్రారంభించినట్లు కోక కోలా ప్రకటించింది.ఐపీవోకు సదరన్‌ కోల్‌ఫీల్డ్స్‌ రెడీసెబీకి కోల్‌ ఇండియా దరఖాస్తు ఇంధన రంగ ప్రభుత్వ దిగ్గజం కోల్‌ ఇండియా అనుబంధ విభాగం సదరన్‌ కోల్‌ఫీల్డ్స్‌(ఎస్‌ఈసీఎల్‌) పబ్లిక్‌ ఇష్యూ బాట పట్టింది. ఇందుకు అనుగుణంగా క్యాపిటల్‌ మార్కెట్ల నియంత్రణ సంస్థ సెబీకి ముసాయిదా ప్రాస్పెక్టస్‌ దాఖలు చేసింది. దీనిలో భాగంగా ప్రమోటర్‌ కోల్‌ ఇండియా 66.81 కోట్ల షేర్లు విక్రయించనుంది. వెరసి ఇష్యూ నిధులు ఎస్‌ఈసీఎల్‌కుకాకుండా కోల్‌ ఇండియా అందుకోనుంది. 1985లో ప్రారంభమైన కంపెనీ గతేడాది(2025–26) 176.29 మిలియన్‌ టన్నుల బొగ్గు ఉత్పత్తి చేసింది. దేశంలోని మొత్తం బొగ్గు ఉత్పత్తిలో ఇది 17 శాతం వాటాకాగా.. బిలాస్‌పూర్‌(చత్తీస్‌గఢ్‌) కేంద్రంగా కార్యకలాపాలు నిర్వహిస్తున్న కంపెనీ దేశీయంగా అతిపెద్ద బొగ్గు ఉత్పాదక కంపెనీలలో ఒకటిగా నిలుస్తోంది.ఫస్టాఫ్‌లో రూ.84,400 కోట్లు!రికార్డు స్థాయిలో 71 ఐపీఓలు..దేశీ స్టాక్‌ మార్కెట్లో పబ్లిక్‌ ఆఫర్లు దుమ్మురేపుతున్నాయి. ఈ ఆర్థిక సంవత్సరం ప్రథమార్ధం (2026–27, ఏప్రిల్‌–సపె్టంబర్‌)లో రికార్డు స్థాయిలో 71 కంపెనీలు రూ.84,400 కోట్ల నిధులను కంపెనీలు సమీకరించాయి. గతేడాది ఇదే కాలంతో పోలిస్తే సమీకరణ మొత్తం 30 శాతం జంప్‌ చేసింది. కాగా, ఇందులో 94 శాతం నిధులను జూలై–సెప్టెంబర్‌ మూడు నెలల కాలంలోనే దక్కించుకోవడం విశేషం. గ్రాంట్‌ థార్న్‌టన్‌ భారత్‌ తాజా నివేదికలో ఈ వివరాలను వెల్లడించింది. గత ఆర్థిక సంవత్సరం పస్టాఫ్‌లో 55 కంపెనీలు పబ్లిక్‌ ఇష్యూల ద్వారా రూ. 64,900 కోట్లు రాబట్టాయి. సగటున లిస్టింగ్‌ లాభాలు కూడా క్రితం ఏడాదితో పోలిస్తే 10 శాతం నుంచి 18 శాతానికి పెరగడం గమనార్హం.ఇదీ చదవండి: బంగారం చిన్నబోతోందెందుకో తెలుసా?

ఆతిథ్య రంగ కంపెనీ తాజ్‌జీవీకే హోటల్స్‌ అండ్‌ రిసార్ట్స్‌ తాజాగా కృష్ణా జీవీకే లగ్జరీ హోటల్స్‌ పేరుతో కార్యకలాపాలు నిర్వహిస్తోంది. యాజమాన్య మార్పిడి నేపథ్యంలో అక్టోబర్‌ 30నుంచి కొత్త పేరుతో సేవలు అందిస్తోంది. కంపెనీలోగల మొత్తం 25.52 శాతం వాటాను జీవీకే భూపాల్‌ ప్రమోటర్‌ కుటుంబానికి టాటా గ్రూప్‌ దిగ్గజం ఇండియన్‌ హోటల్స్‌ కంపెనీ(ఐహెచ్‌సీఎల్‌) విక్రయించిన విషయం విదితమే. దీంతో 2025 డిసెంబర్‌ 30న ఐహెచ్‌సీఎల్‌ నామినీ డైరెక్టర్లు తాజ్‌జీవీకే బోర్డు నుంచి తప్పుకున్నారు. ఈ నేపథ్యంలో కార్పొరేట్‌ వ్యవహారాల శాఖ కొత్తగా సర్టిఫికెట్‌ను జారీ చేసింది. అయితే దీర్ఘకాలిక నిర్వహణా ఒప్పందాలలో భాగంగా తాజ్‌ బ్రాండ్‌తోనే సంస్థ హోటళ్ల పోర్ట్‌ఫోలియోను ఐహెచ్‌సీఎల్‌ నిర్వహించనుంది. 1995లో షురూతాజ్‌జీవీకే హోటల్స్‌ 1995లో ఐహెచ్‌సీఎల్, జీవీకే భూపాల్‌ కుటుంబం మధ్య భాగస్వామ్య సంస్థగా ప్రారంభమైంది. ప్రస్తుతం ప్రమోటర్‌ కుటుంబం కంపెనీని సొంతం చేసుకుంది. లగ్జరీ విభాగంపై కంపెనీ దృష్టి, స్ట్రక్చర్‌ కొత్త పేరులో ప్రతిబింబిస్తున్నట్లు కృష్ణా జీవీకే లగ్జరీ హోటల్స్‌ ఒక ప్రకటనలో పేర్కొంది. కృష్ణా జీవీకే ప్రస్తుతం హైదరాబాద్‌సహా చెన్నై, చండీగఢ్, ముంబైలలో ఆరు హోటళ్లు కలిగి ఉంది. తదుపరి దశ వృద్ధి బెంగళూరులో ప్రారంభంకానున్నట్లు సంస్థ వెల్లడించింది. కృష్ణా జీవీకే పేరుతో 256 గదుల తాజ్‌ యెలహంక హోటల్‌ను ఏర్పాటు చేయడం ద్వారా పోర్ట్‌ఫోలియో 7కు చేరినట్లు తెలియజేసింది. ఈ నెలాఖరుకల్లా కార్యకలాపాలు ప్రారంభంకానున్నట్లు వెల్లడించింది.ఇదీ చదవండి: బంగారం చిన్నబోతోందెందుకో తెలుసా?

న్యూఢిల్లీ: ప్రపంచ కుబేరుల జాబితాలో రిలయన్స్‌ ఇండస్ట్రీస్‌ అధినేత ముకేశ్‌ అంబానీ జోరు కొనసాగుతోంది. రిలయన్స్‌ షేర్ల దూకుడుతో ఆయన సంపద ఒకే రోజున ఏకంగా 6 బిలియన్‌ డాలర్లు పెరిగింది. దీంతో ఈ అంశానికి సంబంధించి ఫోర్బ్స్‌ రియల్‌ టైమ్‌ బిలియనీర్స్‌ లిస్టులో ఆయన అగ్రస్థానం దక్కించుకున్నారు. నవంబర్‌ 2 నాటి గణాంకాల ప్రకారం 7.85 శాతం (6.3 బిలియన్‌ డాలర్లు) సంపద వృద్ధితో ఆయన టాప్‌ ర్యాప్‌ ర్యాంకులో నిల్చారు. 1.7 బిలియన్‌ డాలర్ల వృద్ధితో స్పానిష్‌ రిటైల్‌ దిగ్గజం అమాన్సియో ఓర్టెగా రెండో స్థానంలో, 1.5 బిలియన్‌ డాలర్ల పెరుగుదలతో చైనాకు చెందిన ఝాంగ్‌ షాన్షాన్‌ మూడో స్థానంలో ఉన్నారు. తాజా గణాంకాల ప్రకారం 88.8 బిలియన్‌ డాలర్ల సంపదతో ప్రపంచ బిలియనీర్ల లిస్టులో అంబానీ 23వ స్థానానికి చేరుకున్నారు. మరో దిగ్గజం గౌతమ్‌ అదానీ 79.12 బిలియన్‌ డాలర్ల సంపదతో 26వ స్థానంలో ఉన్నారు. ‘125 బిలియన్‌ డాలర్ల ఆదాయాలున్న రిలయన్స్‌ ఇండస్ట్రీస్‌కి ముకేశ్‌ అంబానీ సారథ్యం వహిస్తున్నారు‘ అని ఫోర్బ్స్‌ పేర్కొంది. పటిష్టమైన సెపె్టంబర్‌ త్రైమాసిక ఆర్థిక ఫలితాలతో రిలయన్స్‌ ఇండస్ట్రీస్‌ షేరు ర్యాలీ చేయడం అంబానీ సంపద వృద్ధికి దోహదపడింది. ఆరేళ్ల వ్యవధిలో తొలిసారిగా సోమవారం నాడు రిలయన్స్‌ ఇండస్ట్రీస్‌ షేరు దాదాపు 12 శాతం ర్యాలీ చేసి, గరిష్ట స్థాయి రూ. 1,299 వద్ద ముగిసింది.

పెద్ద పెద్ద వ్యాపార సామ్రాజ్యాల్లో చాలా మటుకు అట్టడుగు నుంచి ‍ప్రారంభమైనవే. అలా చిన్న స్వీట్‌ షాపుతో మొదలైన ప్రయాణం.. నేడు దేశవిదేశాల్లో 185కి పైగా ఔట్‌లెట్లతో విస్తరించిన వ్యాపారంగా ఎదిగింది. వ్యవసాయంలో ఎదురైన నష్టాలను అధిగమించి, పట్టుదలతో ఆహార రంగంలో తనదైన గుర్తింపు సంపాదించిన కె.ఎస్‌. తిరుపతి రాజా కథ ఇది. నేడు ఆయన స్థాపించిన అడయార్‌ ఆనంద భవన్‌ (A2B) దక్షిణ భారతదేశంలో ప్రముఖ స్వీట్లు, స్నాక్స్‌, శాకాహార రెస్టారెంట్‌ బ్రాండ్‌గా ఎదిగింది.వ్యవసాయంలో ఎదురైన నష్టాలు..తమిళనాడులోని రాజపాళయానికి చెందిన తిరుపతి రాజా.. చెన్నై, ముంబైల్లో టేబుల్‌ క్లీనర్‌గా పనిచేస్తూ ఆహార తయారీలో అనుభవం సంపాదించారు. అనంతరం స్వీట్లు తయారు చేయడం నేర్చుకుని స్వగ్రామానికి తిరిగొచ్చారు. పూర్వీకుల భూమిలో వ్యవసాయం చేపట్టి, అప్పులు చేసి మరిన్ని పొలాలను లీజుకు తీసుకున్నారు. అయితే దుమ్ము తుఫాను పంటలను నాశనం చేయడంతో భారీ నష్టాలు ఎదురయ్యాయి.దీంతో వ్యవసాయాన్ని వదిలి 1960లో రాజపాళయంలో ‘గురు స్వీట్స్‌’ పేరుతో చిన్న దుకాణాన్ని ప్రారంభించారు. తర్వాత 1970ల మధ్యలో కుటుంబంతో కలిసి బెంగళూరుకు వెళ్లి ‘శ్రీనివాస స్వీట్స్‌’ను నడిపారు. భార్య, కుమారులు కె.టి. వెంకటేశన్‌, కె.టి. శ్రీనివాస రాజా వ్యాపారంలో తోడ్పడ్డారు.చెన్నైలో బ్రాండ్‌ ఆవిర్భావంతిరుపతి రాజా కుటుంబం 1979లో చెన్నైలోని వాషర్‌మన్‌పేటలో ‘శ్రీ ఆనంద భవన్‌’ను ప్రారంభించింది. అనంతరం అడయార్‌లో మరో దుకాణం ఏర్పాటు చేశారు. ఆ ప్రాంతంలో ఉన్న ప్రసిద్ధ మర్రిచెట్టు నుంచి ప్రేరణ పొంది, 1980లలో ‘అడయార్‌ ఆనంద భవన్‌’గా పేరు మార్చుకున్నట్లు సంస్థ చరిత్ర చెబుతోంది.తొలుత స్వీట్లు, కారాలు, స్నాక్స్‌ విక్రయాలపై దృష్టి పెట్టిన సంస్థ.. క్రమంగా ఇతర ప్రాంతాల వంటకాలను కూడా పరిచయం చేసింది. 2005లో A2B బ్రాండ్‌తో శాకాహార రెస్టారెంట్‌ వ్యాపారంలోకి ప్రవేశించింది. దీంతో ప్యాకేజ్డ్‌ స్వీట్లు, స్నాక్స్‌ విక్రయాలతో పాటు రోజువారీ భోజన సేవలూ అందించే స్థాయికి ఎదిగింది.విదేశాలకూ విస్తరణ.. ఆన్‌లైన్‌ సేవలుతమిళనాడు నుంచి ఇతర భారతీయ నగరాలకు విస్తరించిన A2B.. అమెరికా, సింగపూర్‌, మలేషియా, ఆస్ట్రేలియా, కెనడా, బ్రిటన్‌ వంటి దేశాల్లోనూ కార్యకలాపాలు ప్రారంభించింది. 2018లో సొంత డెలివరీ యాప్‌ను ప్రవేశపెట్టి ఆన్‌లైన్‌ ఆర్డర్లపై దృష్టి పెట్టింది. ప్రస్తుతం స్వీట్లు, స్నాక్స్‌, బేకరీ ఉత్పత్తులు, గిఫ్ట్‌ హ్యాంపర్లు, రెస్టారెంట్లతో పాటు ఆతిథ్య రంగంలోనూ సేవలు అందిస్తోంది.2001లో తిరుపతి రాజా మరణించిన తర్వాత ఆయన కుమారులు వెంకటేశన్‌, శ్రీనివాస రాజా వ్యాపార బాధ్యతలను చేపట్టారు.రూ.1,700 కోట్లకు చేరిన ఆదాయంవ్యాపార విస్తరణతో పాటు సంస్థ ఆదాయమూ పెరిగింది. ట్రాక్సన్‌ సమాచారం ప్రకారం, 2015 ఆర్థిక సంవత్సరంలో సుమారు రూ.571 కోట్లుగా ఉన్న ఆదాయం 2020 ఆర్థిక సంవత్సరానికి రూ.861 కోట్లకు చేరింది. అయితే కరోనా ప్రభావంతో 2021లో రూ.516 కోట్లకు పడిపోయింది. ఆ తర్వాత వేగంగా కోలుకుని 2023లో రూ.1,200 కోట్ల మార్కును దాటింది.కంపెనీ ఆర్థిక వివరాల ప్రకారం, 2024 ఆర్థిక సంవత్సరంలో రూ.1,406 కోట్లుగా ఉన్న ఆదాయం.. 2025లో సుమారు రూ.1,502 కోట్లకు చేరింది. అదే ఏడాది నికర లాభం రూ.36 కోట్లకు పైగా నమోదైంది.ప్రస్తుతం ప్రపంచవ్యాప్తంగా 185కి పైగా ఔట్‌లెట్లు, 12,000 మందికి పైగా ఉద్యోగులు, రూ.1,700 కోట్లకు మించిన టర్నోవర్‌ ఉన్నట్లు సంస్థ వెబ్‌సైట్‌ పేర్కొంటోంది. అయితే ఈ టర్నోవర్‌ సంస్థ వెల్లడించిన ప్రస్తుత గణాంకం కాగా, అందుబాటులో ఉన్న తాజా ఆర్థిక నివేదికలు 2025 ఆర్థిక సంవత్సరానికి సంబంధించినవి.వ్యవసాయంలో ఎదురైన భారీ నష్టాన్ని మరో వ్యాపారానికి పునాదిగా మార్చుకున్న తిరుపతి రాజా.. కుటుంబం కలిసికట్టుగా పనిచేస్తే చిన్న దుకాణాన్ని అంతర్జాతీయ బ్రాండ్‌గా తీర్చిదిద్దవచ్చని నిరూపించారు.

దీపావళి వచ్చిందంటే ఉద్యోగులకు బోనస్‌లు, స్వీట్లు, బహుమతులు అందించడం సాధారణంగా చూస్తుంటాం. అయితే కొన్ని సంస్థలు తమ సిబ్బంది కృషి, అంకితభావాన్ని గుర్తిస్తూ ఖరీదైన కానుకలు అందిస్తున్నాయి. కార్లు, బైక్‌లు, ఫ్లాట్లు, ఆభరణాలతో ఉద్యోగులను ఆశ్చర్యపరిచిన వ్యాపార సంస్థల బహుమతులు ఏటా వార్తల్లో నిలుస్తున్నాయి. అలాంటి వాటిలో కొన్ని ఈ కథనంలో చూద్దాం..కియా సోనెట్ ఎస్‌యూవీలుఈ ఏడాది దీపావళికి ముందు హరియాణాలోని పంచకుల కేంద్రంగా పనిచేస్తున్న ఎంఐటీఎస్‌ గ్రూప్‌ ఆఫ్‌ కంపెనీస్‌ నలుగురు ఉద్యోగులకు కియా సోనెట్‌ ఎస్‌యూవీలను బహుమతిగా ఇచ్చింది. సంస్థ వ్యవస్థాపకుడు, ఛైర్మన్‌ ఎంకే భాటియా.. ఉద్యోగుల పనితీరు, సంస్థ పట్ల విధేయతకు గుర్తింపుగా ఈ కానుకలు అందించారు. గతంలోనూ ఉద్యోగులకు కార్లు అందించిన ఈ సంస్థ, ఈసారి కూడా తన ప్రత్యేకతను చాటుకుంది.కార్లు, బైక్‌లు..2024లో చెన్నైకి చెందిన టీమ్‌ డిటైలింగ్‌ సొల్యూషన్స్‌ సంస్థ సుమారు 30 మంది ఉద్యోగులకు కార్లు, ద్విచక్ర వాహనాలను బహుమతిగా ఇచ్చింది. ఈ కానుకల విలువ దాదాపు రూ.3.5 కోట్లు. ఇన్నోవా, క్రెటా, ఐ20, మెర్సిడెస్‌ బెంజ్‌ వంటి కార్లతో పాటు బైకులు, స్కూటర్లు అందించి ఉద్యోగుల పనితీరును అభినందించింది.రాయల్‌ ఎన్‌ఫీల్డ్‌ బైక్‌లు2023లో తమిళనాడులోని కోటగిరికి చెందిన టీ ఎస్టేట్‌ యజమాని పి. శివకుమార్‌ 15 మంది ఉద్యోగులకు రాయల్‌ ఎన్‌ఫీల్డ్‌, జావా మోటార్‌సైకిళ్లను బహుమతిగా ఇచ్చారు. ఉద్యోగులు తమకు నచ్చిన మోడళ్లను ఎంచుకునే అవకాశం కల్పించారు. ఒక్కో బైకు విలువ రూ.2 లక్షలకు పైగా ఉండటం విశేషం.చెన్నై జ్యువెలరీ సంస్థ ఇచ్చినవి..2022లో చెన్నైకి చెందిన చల్లాని జ్యువెలరీ యజమాని జయంతి లాల్‌ చయంతి తన ఉద్యోగులకు 8 కార్లు, 18 బైకులు అందించారు. ఈ బహుమతుల మొత్తం విలువ సుమారు రూ.1.2 కోట్లు. కరోనా సమయంలోనూ సంస్థకు అండగా నిలిచిన ఉద్యోగులను గుర్తించి ఈ కానుకలు ఇచ్చారు.సావ్జీ ధోలాకియా బహుమతులు ప్రత్యేకంసూరత్‌కు చెందిన వజ్రాల వ్యాపారవేత్త సావ్జీ ధోలాకియా దీపావళి బహుమతులతో దేశవ్యాప్తంగా గుర్తింపు పొందారు. 2016లో తన హరే కృష్ణ ఎక్స్‌పోర్ట్స్‌ ఉద్యోగులకు 1,260 కార్లు, 400 ఫ్లాట్లు అందించారు. 2018లో మరో 600 కార్లను బహుమతిగా ఇచ్చారు. ఆ కార్యక్రమంలో ప్రధాని నరేంద్ర మోదీ చేతుల మీదుగా కొందరు ఉద్యోగులకు కారు తాళాలు అందజేశారు.ఇలా పండుగ వేళ ఉద్యోగులను ప్రోత్సహించే ఈ కానుకలు కేవలం బహుమతులుగానే కాకుండా, సంస్థ పట్ల వారి నిబద్ధతకు ఇచ్చే గుర్తింపుగా నిలుస్తున్నాయి.ఇదీ చదవండి: తులం బంగారానికి కేజీ వెండి? తగ్గుతోన్న తేడా!

వాట్సాప్‌ ద్వారా ఈపీఎఫ్‌వో సేవలను పొందే సదుపాయం అందుబాటులోకి వచ్చింది. ఉద్యోగుల భవిష్య నిధి 74వ వ్యవస్థాపక దినోత్సవం సందర్భంగా కేంద్ర కార్మిక శాఖ మంత్రి మన్‌సుఖ్‌ మాండవీయ ఈ సర్వీసులను ఆవిష్కరించారు.ఈపీఎఫ్‌ సబ్‌స్క్రైబర్స్.. తమ ప్రావిడెంట్‌ ఫండ్‌ బ్యాలెన్సు, గత ఐదు లావాదేవీలు, పాస్‌బుక్‌ వివరాలను వాట్సాప్‌ ద్వారా పొందవచ్చు. మరోవైపు.. క్రియాశీలకంగా లేని ఈపీఎఫ్‌ ఖాతాల ఆటోమేటిక్‌ సెటిల్మెంట్‌ ప్రక్రియను కూడా మంత్రి ప్రవేశపెట్టారు. దీని ప్రకారం ఖాతాలో రూ.1,000 వరకు బ్యాలెన్స్‌ ఉండి, ఆధార్‌తో అనుసంధానమైన అకౌంట్లు ఉన్న సబ్‌స్క్రైబర్స్ వ్యక్తిగతంగా క్లెయిమ్‌లను దాఖలు చేయాల్సిన అవసరం లేకుండా.. ఆటోమేటిక్‌గా ఈపీఎఫ్‌వో సెటిల్‌ చేస్తుంది. దీనితో దాదాపు ఒక లక్ష అకౌంట్లకు సుమారు రూ.5 కోట్ల వరకు ప్రయోజనం చేకూరవచ్చని అంచనా.

సాధారణంగా కుక్కలను పెంచుకునేవారు, వాటిని రోజూ వాకింగ్‌కు తీసుకెళ్తుంటారు. కానీ.. అమెరికాలో మాత్రం ఇప్పుడు ట్రెండ్ మారింది. అక్కడ కుక్కలకు బదులుగా.. రోబో కుక్కలను వాకింగ్‌కు తీసుకెళ్లేందుకు మనుషులను ఉద్యోగంలోకి తీసుకుంటున్నారు. దీనికోసం గంటకు 20 డాలర్లు.. అంటే మన కరెన్సీలో సుమారు రూ.1,900 చెల్లిస్తున్నారు. వినడానికి ఇది కాస్త వింతగా ఉన్నప్పటికీ.. అమెరికాకు చెందిన ఓ స్టార్టప్ నిజంగానే ఇలాంటి ఉద్యోగాలను ప్రకటించింది.డైమెన్షనల్ (Dimensional) అనే స్టార్టప్ శాన్ ఫ్రాన్సిస్కో నగర వీధుల్లో రోబో కుక్కలను నడిపించేందుకు మనుషుల కోసం వెతుకుతోంది. ది న్యూయార్క్ టైమ్స్ కథనం ప్రకారం.. ఈ ఉద్యోగంలో చేరినవారు రోజుకు నాలుగు నుంచి ఆరు గంటల పాటు రోబో కుక్కలను బయట నడిపించాల్సి ఉంటుంది.అనుభవం అవసరం లేదుఈ ఉద్యోగానికి అప్లై చేయాలంటే రోబోటిక్స్‌లో అనుభవం ఉండాల్సిన అవసరం లేదని కంపెనీ స్పష్టం చేసింది. బయట ఎక్కువసేపు నడవగలగాలి, స్మార్ట్‌ఫోన్ ఉపయోగించడం తెలిసి ఉండాలి. అలాగే సుమారు 15 కిలోల బరువున్న రోబో కుక్కను జాగ్రత్తగా నిర్వహించగలగాలి.రోబోలను ఎలా ఆపరేట్ చేయాలి?, ఎలాంటి జాగ్రత్తలు తీసుకోవాలి?, ఎక్కడ నడిపించాలి?, అనే వివరాలను కంపెనీయే అందిస్తుంది. ఒక్కో షిఫ్ట్ నాలుగు నుంచి ఆరు గంటల పాటు ఉంటుంది. ఇందుకు గంటకు 20 డాలర్లు చెల్లిస్తారు. అంటే.. రోజుకు 6 గంటలు పనిచేస్తే సుమారు రూ.11,400 వరకు సంపాదించవచ్చన్నమాట.ఇక్కడే అసలు ట్విస్ట్ ఉంది. ఈ రోబో కుక్కలను సరదా కోసం వీధుల్లో తిప్పడం లేదు. భవిష్యత్తులో మనుషుల సహాయం లేకుండానే రోడ్లపై తిరిగేలా వాటికి శిక్షణ ఇవ్వడమే కంపెనీ అసలు లక్ష్యం. ఈ రోబో కుక్కల్లో కెమెరాలు, సెన్సార్లు ఉంటాయి. ఇవి చుట్టూ ఉన్న పరిసరాలను గమనిస్తూ సమాచారాన్ని సేకరిస్తాయి. రోడ్లపై ఉన్న అడ్డంకులు, భవనాలు, మనుషులు, ఇతర వస్తువులను గుర్తించడానికి ఈ డేటా ఉపయోగపడుతుంది.100 రోబో డాగ్స్.. 50 హ్యూమనాయిడ్ రోబోలు!డైమెన్షనల్ సంస్థ రోబోటిక్స్ రంగంలో పెద్ద ప్రణాళికలతో ముందుకెళ్తోంది. ఇందులో భాగంగా.. చైనా, జర్మనీ, అమెరికా కంపెనీల నుంచి ఏకంగా 100 రోబో కుక్కలు, 50 హ్యూమనాయిడ్ రోబోలను కొనుగోలు చేసింది.శాన్ ఫ్రాన్సిస్కో వీధుల్లో కనిపిస్తున్న రోబో కుక్కలను చైనాకు చెందిన యూనిట్రీ కంపెనీ నుంచి కొనుగోలు చేశారు. ఒక్కో రోబో కుక్క ధర సుమారు 2,000 డాలర్లు. వీటిని రిమోట్ లేదా మొబైల్ యాప్ ద్వారా కంట్రోల్ చేయవచ్చు.AIకి కూడా ఇంకా మనుషుల సాయం అవసరమే!ప్రస్తుతం AI ఏజెంట్లు రోబోలకు ఆదేశాలు ఇవ్వగలుగుతున్నప్పటికీ.. వాటి హార్డ్‌వేర్‌ను పూర్తిస్థాయిలో నియంత్రించడంలో ఇంకా ఇబ్బందులు ఎదుర్కొంటున్నాయని, రోబో డాగ్ వాకింగ్ ప్రయోగం ద్వారా AI ఏజెంట్లు ఇప్పటికీ రోబోలను నియంత్రించడంలో చాలా వెనుకబడి ఉన్నాయని డైమెన్షనల్ వ్యవస్థాపకుడు స్టాష్ పొమిచ్టర్ వెల్లడించారు. కాబట్టి AIకి కూడా ఇంకా మనుషుల సాయం అవసరమే అని స్పష్టం చేశారు.ఇదీ చదవండి: దిగొచ్చిన బంగారం.. కొనేందుకు మంచి తరుణం!

దేశీ స్టాక్‌ మార్కెట్లలో ట్రెండ్‌ను ఈ వారం పలు దేశ, విదేశీ అంశాలు నిర్దేశించనున్నాయి. ఇప్పటికే జోరందుకున్న జూలై–సెపె్టంబర్‌(క్యూ2) ఫలితాలు, మంట పుట్టిస్తున్న ముడిచమురు ధరలు, ఆర్థిక గణాంకాలు కీలకంగా నిలవనున్నాయి. మరోపక్క పెట్టుబడుల్లో విదేశీ ఇన్వెస్టర్ల తీరు, పెరుగుతున్న వడ్డీ రేట్లు సైతం ప్రభావం చూపనున్నాయి. ప్రస్తుత ఆర్థిక సంవత్సరం రెండో త్రైమాసిక ఫలితాల సీజన్‌ ఇప్పటికే బాగా వేడెక్కింది. ఈ వారం మరికొన్ని కంపెనీలు క్యూ2 ఫలితాలు ప్రకటించనున్నాయి. మరోవైపు అక్టోబర్‌ నెలకు ఆటో రంగ విక్రయాలతోపాటు.. తయారీ, సరీ్వసు రంగాల పీఎంఐ గణాంకాలు వెలువడనున్నాయి. ఇవికాకుండా అంతర్జాతీయంగా రాజకీయ, భౌగోళిక పరిస్థితులు సైతం దేశీ స్టాక్‌ మార్కెట్లలో సెంటిమెంటును ప్రభావితం చేయనున్నాయి. ఈ వారం క్యూ2 ఫలితాల జాబితాలో ఎన్‌టీపీసీ, పవర్‌గ్రిడ్‌(వారాంతాన వెలువడ్డాయ్‌), ఐటీసీ, మారికో, నాల్కో(నేడు), ఎస్‌బీఐ, బజాజ్‌ ఫిన్‌సర్వ్, బజాజ్‌ హోల్డింగ్స్, లుపిన్, ఎంసీఎక్స్, ఎన్‌ఎస్‌ఈ(3న), బీఎస్‌ఈ, లెన్స్‌కార్ట్, నైకా, డాబర్‌ ఇండియా, బయోకాన్‌(4న), ఎయిర్‌టెల్, ఎల్‌ఐసీ, టైటన్, ఎంఅండ్‌ఎం, ఓఎన్‌జీసీ, సంవర్ధన మదర్‌సన్, ఎల్‌జీ ఎలక్ట్రానిక్స్, బ్రిటానియా(5న), హిందాల్కో, గ్లాండ్‌ ఫార్మా, జూబిలెంట్‌ ఫుడ్‌వర్క్స్‌(6న) చేరాయి. గణాంకాలు...అక్టోబర్‌ నెలకుగాను నేడు(2న) హెచ్‌ఎస్‌బీసీ మ్యాన్యుఫ్యాక్చరింగ్‌ పీఎంఐ, కాంపోజిట్, సర్వీసెస్‌ పీఎంఐ గణాంకాలు విడుదలకానున్నాయి. ఈ సర్వేలు గత నెలలో తయారీ, సరీ్వసు రంగాల యాక్టివిటీపై వివరాలు వెల్లడించనున్నాయి. దీంతో జీడీపీలో కీలక పాత్ర పోషించే ప్రధాన రంగాల పురోగతి వెల్లడికానుంది. తద్వారా అక్టోబర్‌లో ఆర్థిక వృద్ధి, ఉపాధి, ఉత్పాదకత తదితరాలపై వివరాలు తెలియనున్నాయి. వెరసి ఈ వారం దేశీ కార్పొరేట్‌ పనితీరుతోపాటు.. ఆర్థిక వ్యవస్థ పురోగతిపై ఇన్వెస్టర్లు దృష్టిపెట్టనున్నట్లు రెలిగేర్‌ బ్రోకింగ్‌ రీసెర్చ్‌ ఎస్‌వీపీ అజిత్‌ మిశ్రా పేర్కొన్నారు. విదేశీ అంశాలు...యూఎస్, ఇరాన్‌ మధ్య వివాదాలు ముదిరి ఇటీవల తిరిగి ఆందోళనకర పరిస్థితులు తలెత్తడంతో బ్రెంట్‌ ముడిచమురు ధరలు గత వారం ఒక దశలో బ్యారల్‌ 118 డాలర్లకు ఎగశాయి. ప్రస్తుతం 112 డాలర్లకు దిగినప్పటికీ దేశీయంగా దిగుమతులు బిల్లుభారంకానుంది. దేశీ చమురు వినియోగంలో 80 శాతంవరకూ దిగుమతులపైనే ఆధారపడుతుంటంతో రూపాయి విలువసైతం డీలా పడుతోంది. ఇది ప్రపంచవ్యాప్తంగా ద్రవ్యోల్బణం సెగతో జపాన్‌ నుంచి యూఎస్‌వరకూ కేంద్ర బ్యాంకులు వడ్డీ రేట్ల పెంపు ద్వారా కఠిన పరపతి విధానాలు అమలు చేస్తున్నాయి. దీంతో ఇటీవల 10ఏళ్ల యూఎస్‌ ట్రెజరీ బాండ్ల ఈల్డ్స్‌ 5.35 శాతాన్ని తాకాయి. ఈ నేపథ్యంలో గత నెలలో విదేశీ ఇన్వెస్టర్లు దేశీ స్టాక్స్‌లో భారీ అమ్మకాలు కొనసాగించారు. ఇక యూఎస్‌ మధ్యంతర ఎన్నికలు పాలక పక్షాన్ని(రిపబ్లికన్లు) దెబ్బకొనున్నట్లు అంచనాలు వెలువడుతున్నాయి. ఇది జరిగితే ట్రంప్‌ సంచలన నిర్ణయాలకు డెమోక్రాట్లు చెక్‌ పెట్టేందుకు వీలుంటుందని భావిస్తున్నారు. వెరసి దేశ, విదేశీ అంశాలు ఈ వారం కీలకంగా నిలవనున్నట్లు మోతీలాల్‌ ఓస్వాల్‌ వెల్త్‌ మేనేజ్‌మెంట్‌ రీసెర్చ్‌ హెడ్‌ సిద్ధార్థ ఖేమ్కా పేర్కొన్నారు. వడ్డీ రేట్లు పెరిగితే బాండ్ల ఈల్డ్స్‌ పెరిగి అటు పసిడి, ఇటు స్టాక్స్‌పై ప్రతికూల ప్రభావం పడవచ్చని ఆన్‌లైన్‌ ట్రేడింగ్, వెల్త్‌టెక్‌ సంస్థ ఎన్‌రిచ్‌ మనీ సీఈవో ఆర్‌.పొన్ముడి అభిప్రాయపడ్డారు. గత వారమిలా.. గత వారం బీఎస్‌ఈ సెన్సెక్స్‌ 1,336 పాయింట్లు(1.8 శాతం) బలపడి 74,460 వద్ద ముగిసింది. ఎన్‌ఎస్‌ఈ నిఫ్టీ 453 పాయింట్లు(2%) ఎగసి 23,053 వద్ద స్థిరపడింది. బీఎస్‌ఈ మిడ్, స్మాల్‌ క్యాప్‌ ఇండెక్సులు మరింత అధికంగా 3.4–4 శాతం మధ్య జంప్‌చేశాయి. సాంకేతికంగా చూస్తే.. సాంకేతికంగా చూస్తే ఈ వారం మార్కెట్లలో బ్రేకవుట్‌కు వీలుంది. ఎన్‌ఎస్‌ఈ నిఫ్టీ 23,200ను అధిగమించవచ్చు. ఇది జరిగితే 23,350–23,500వరకూ బలపడే వీలుంది. ఇందుకు ఈ స్థాయిలలో పటిష్ట కొనుగోళ్లకు తెరలేవవలసి ఉన్నట్లు సాంకేతిక నిపుణులు తెలియజేశారు. ఇలాకాకుండా ఒకవేళ బలహీనపడితే తొలుత 22,810–22,720 పాయింట్ల వద్ద సపోర్ట్‌ లభించవచ్చు. అక్టోబర్‌లో ఎఫ్‌పీఐలు వెనక్కి రూ. 34,843 కోట్ల విలువైన అమ్మకాలు న్యూఢిల్లీ: గత నెల(అక్టోబర్‌)లో విదేశీ పోర్ట్‌ఫోలియో ఇన్వెస్టర్లు(ఎఫ్‌పీఐలు) భారీ అమ్మకాలకు తెరతీశారు. వెరసి నికరంగా రూ. 34,843 కోట్ల విలువైన దేశీ స్టాక్స్‌ విక్రయించారు. అయితే గత నెలాఖరున ఉన్నట్లుండి పెట్టుబడిదారులుగా నిలిచారు. అక్టోబర్‌ 26–30 మధ్యకాలంలో రూ. 6,300 కోట్ల పెట్టుబడులు చేపట్టారు. కాగా.. అంతకుముందు సెప్టెంబర్‌లో రూ. 35,861 కోట్ల పెట్టుబడులు వెనక్కి తీసుకోగా.. ఆగస్ట్‌లో రూ. 29,631 కోట్లు, జూలైలో రూ. 20,200 కోట్లు చొప్పున ఇన్వెస్ట్‌ చేయడం గమనార్హం! అయితే 2026 కేలండర్‌ ఏడాదిలో ఇప్పటివరకూ నికరంగా రూ. 2.95 లక్షల కోట్ల విలువైన దేశీ స్టాక్స్‌ను అమ్మివేశారు. – సాక్షి, బిజినెస్‌ డెస్క్‌

నిఫ్టీ 12 శాతం పడిపోయింది. సెన్సెక్స్‌ 10,750 పాయింట్లు నష్టపోయింది. ఎఫ్‌ఐఐలు రూ.2.8 లక్షల కోట్లు మార్కెట్ల నుంచి ఉపసంహరించుకున్నారు. ఇదీ... దీపావళి టు దీపావళి చెబుతున్న వాస్తవం. అంతర్జాతీయంగా పెరుగుతున్న వడ్డీ రేట్లు, దడ పుట్టిస్తున్న ముడిచమురు ధర ఇప్పటికీ మార్కెట్లలో మంటలు రేపుతూనే ఉన్నాయి. కాకపోతే ‘సిప్‌’ నిధులతో బలపడ్డ దేశీ మ్యూచువల్‌ ఫండ్లు ఇదే ఏడాదిలో రూ.6.9 లక్షల కోట్ల మేర కొనుగోళ్లు చేసి పతనాన్ని చాలావరకూ అడ్డుకున్నాయి. మరి తరువాతేంటి? కరెక్షన్‌ ముగిసిందనుకోవాలా? దీన్నో అవకాశంగా తీసుకోవాలా? లేక మరింత కరెక్షన్‌ జరగొచ్చని వేచి చూడాలా? ఇన్వెస్టర్లు చేయాల్సిందేంటి? బ్రోకరేజీ సంస్థలు ఏం చెబుతున్నాయి? పరిస్థితులు అంత నాటకీయంగా మారకపోయినా సరే... ఇన్వెస్టర్లు ఇప్పటి ధరల్లో కొనదగ్గ షేర్లు ఏమైనా ఉన్నాయా? ఈ ప్రశ్నలకు సమాధానమే ఈ ‘దీపావళి స్పెషల్‌... వెల్త్‌ స్టోరీ’. జస్ట్‌.. రెండ్రోజుల కిందట టెక్‌ దిగ్గజం అల్ఫాబెట్‌ (గూగుల్‌) ఒకేరోజు ఏకంగా 12.6 శాతం పతనమయింది. దానివిలువలో 500 బిలియన్‌ డాలర్లు ఒకేరోజు తుడిచిపెట్టుకు పోయాయి. ఏఐపై భారీ ఖర్చులు, తగ్గిన క్యాష్‌ఫ్లో ఇన్వెస్టర్లలో ఆందోళన పెంచాయి. ఈ ప్రభావం అంతర్జాతీయంగా టెక్నాలజీ కంపెనీల వాల్యుయేషన్లపై పడనుంది. ఇప్పటికే భారీ కరెక్షన్‌కు గురైన భారత ఐటీ కంపెనీలక్కూడా ఇది ఇబ్బందికరమైన పరిణామమే. వీటికితోడు అంతర్జాతీయంగా వడ్డీరేట్లు పెరుగుతున్నాయి. మునుపెన్నడూ లేని రీతిలో అమెరికా, జపాన్, యూరప్‌లలో బాండ్లపై వచ్చే వడ్డీ పెరిగింది. దీంతో ఎఫ్‌ఐఐలు మన మార్కెట్ల నుంచి నిధులు వెనక్కి తీసుకుని మెరుగైన రాబడుల కోసం బాండ్లవైపు మళ్లే అవకాశాలు పెరుగుతున్నాయి. పైపెచ్చు 100 డాలర్లపైన కొనసాగుతున్న ముడిచమురు ధర మన కంపెనీల లాభాలపై తీవ్రంగా పడుతోంది. ఇవన్నీ సద్దు్దమణిగితేనే మార్కెట్లు కోలుకుంటాయి. దానికెంత సమయం పడుతుందన్నది చెప్పలేని పరిస్థితి. కాకపోతే ఇలాంటి పరిస్థితుల్లోనూ రాణించే కొన్ని రంగాలను... వాటిల్లో ఇన్వెస్ట్‌ చేయదగ్గ షేర్లను చూద్దాం...విద్యుత్, ఎలక్ట్రికల్‌ పరికరాలు, ఎలక్ట్రిక్‌ ఇన్‌ఫ్రా... ఎస్‌బీఐ సెక్యూరిటీస్, ఆనంద్‌ రాఠీ, ప్రభుదాస్‌ లీలాధర్‌ క్యాపిటల్, యాక్సిస్‌ సెక్యూరిటీస్‌ సంస్థలు ఈ దీపావళి కోసం కొన్ని షేర్లను సిఫారసు చేశాయి. వాటన్నిట్లో ప్రధానంగా కనిపించిన రంగమిది. దేశంలో విద్యుత్తుకు డిమాండ్‌ పెరుగుతుండటం, గ్రిడ్‌ ఆధునికీకరణ, స్మార్ట్‌ మీటర్ల ఏర్పాటు, సరఫరాపై పెట్టుబడులు, పారిశ్రామిక ఇన్‌ఫ్రా వంటివి ఈ రంగ భవిష్యత్‌కు సూచికలు. ఈ రంగంలో ఇన్వెస్టర్లు వేటిని ఎంచుకోవచ్చంటే... పవర్‌ మెక్‌ ప్రాజెక్ట్స్‌ (ఎస్‌బీఐ సెక్యూరిటీస్‌) ప్రస్తుత ధర: రూ.2,145 టార్గెట్‌ ధర: రూ.2,576 (19శాతం) → ఈ ఏడాది సెప్టెంబరు నాటికి రూ.56,647 కోట్ల విలువైన ఆర్డర్‌ బుక్‌ ఉంది. → వీటిలో ఈ ఏడాది పూర్తిచేసే పనుల విలువ దాదాపు రూ.16,229 కోట్లు → 2006–2028 మధ్య రెవెన్యూ 21 శాతం, నికరలాభం 29 శాతం కాంపౌండింగ్‌ వృద్ధిని సాధిస్తాయన్నది ఎస్‌బీఐ సెక్యూరిటీస్‌ అంచనా. జీనస్‌ పవర్‌ ఇన్‌ఫ్రాస్ట్రక్చర్స్‌ (ఎస్‌బీఐ సెక్యూరిటీస్‌) ప్రస్తుత ధర: రూ.277 టార్గెట్‌ ధర: రూ.320 (17 శాతం) → స్మార్ట్‌ ఎలక్ట్రిక్‌ మీటర్లు అమర్చటమన్నది కొన్నేళ్లపాటు కొనసాగనుంది. → తయారీ సామర్థ్యాలు, ఆర్డర్‌బుక్‌ విలువ చూస్తే వృద్ధి అవకాశాలు సుస్పష్టం. → గ్యాస్‌ మీటర్లు అమర్చటం, విదేశీ విస్తరణ, మెయింటెనెన్స్‌ ఆదాయం వంటివి అదనపు రెవెన్యూను అందించనున్నాయి. → వచ్చే ఆర్థిక సంవత్సరానికి పీఈ రేషియో 12.1 స్థాయికి తగ్గొచ్చనేది ఎస్‌బీఐ అంచనా. సీజీ పవర్‌ అండ్‌ ఇండ్రస్టియల్‌ సొల్యూషన్స్‌ (ఆనంద్‌ రాఠీ) ప్రస్తుత ధర: రూ.804 టార్గెట్‌ ధర: రూ.1,300 (62 శాతం) → ట్రాన్స్‌ఫార్మర్లు, మోటార్లు, పారిశ్రామిక ఎలక్ట్రికల్‌ పరికరాల తయారీలో ఉంది. → దేశంలో పవర్‌ ఇన్‌ఫ్రాపై ఇన్వెస్ట్‌మెంట్లు పెరగటం, పరిశ్రమల విస్తరణ వంటివి ఈ కంపెనీకి కలిసొస్తాయి. → ఈ రంగం పటిష్ఠంగా ఉంది కనక ప్రస్తుత ధరల వద్ద కన్సాలిడేషన్‌ జరిగి భవిష్యత్తులో పెరుగుతుందన్నది ఆనంద్‌ రాఠీ అభిప్రాయం.వాహన రంగంఅశోక్‌ లేలాండ్‌ (యాక్సిస్‌ సెక్యూరిటీస్‌) ప్రస్తుత ధర: రూ. 145 టార్గెట్‌ ధర: 170 (17 శాతం) → కమర్షియల్‌ వాహనాల yì మాండ్‌ పటిష్ఠంగా ఉంది. చాలా సంస్థలు తమ ఫ్లీట్‌ను మారుస్తున్నాయి. → ఇన్‌ఫ్రా, లాజిస్టిక్స్‌ కార్యకలాపాలు డిమాండ్‌ను పెంచుతున్నాయి. → అమ్మకాలు గనక పెరిగితే కంపెనీకున్న ఆపరేటింగ్‌ సౌలభ్యం వల్ల మెరుగైన రెవెన్యూ సాధిస్తుంది. డిఫెన్స్, ఎలక్ట్రానిక్స్, ఏరోస్పేస్‌ దేశీయంగా రక్షణ రంగం నానాటికీ పెరుగుతుండటం... ఏరోస్పేస్‌ కార్యక్రమాలు, దిగుమతులకు ప్రత్యామ్నాయంగా దేశీ తయారీ పెరగటం వంటివి దీర్ఘకాల అవకాశాల్ని సృష్టిస్తున్నాయి. కానీ ఈ రంగాల్లో చాలా షేర్ల ధరలు ఇప్పటికే బాగా పెరిగిపోయాయి. వాల్యుయేషన్లు బీభత్సంగా ఉన్నాయి. ఆర్డర్‌ బుక్‌ ఒక్కటే ఉంటే సరిపోదు.... దాన్ని రెవెన్యూగా, లాభాలుగా మార్చటమే కీలకం. సెంటమ్‌ ఎల్రక్టానిక్స్‌ (ఎస్‌బీఐ సెక్యూరిటీస్‌) ప్రస్తుత ధర: రూ.3,990 టార్గెట్‌ ధర: రూ.4,980 (22 శాతం)→ కంపెనీకి వస్తున్న ఆదాయంలో 50 శాతానికి పైగా డిఫెన్స్, స్పేస్, ఏరోస్పేస్‌ రంగాల నుంచి వస్తున్నదే. → మిషన్‌ – క్రిటికల్‌ ఎల్రక్టానిక్స్‌ను ఇది సరఫరా చేస్తోంది. → ప్రధాన కçస్టమర్లంతా చాలా కాలంగా ఉన్నవాళ్లే. దీర్ఘకాల సంబంధాలున్నాయి. → భారత అంతరిక్ష రంగ కార్యకలాపాలకు సరఫరాలు చేస్తోంది. → ఒకరకంగా ఇది సాధారణ డిఫెన్స్‌ తయారీ కంపెనీ కాదు. ఈ రంగంలో బాగా వైవిధ్యం ఉన్న కంపెనీ.లుమాక్స్‌ ఇండస్ట్రీస్‌ (ఎస్‌బీఐ సెక్యూరిటీస్‌)ప్రస్తుత ధర: రూ. 5,003 టార్గెట్‌ ధర: రూ. 6,097 (22 శాతం) → దేశంలోని ఒరిజినల్‌ ఎక్విప్‌మెంట్‌ తయారీ కంపెనీల్లో 90 శాతానికి ప్రధాన సరఫరా దారు ఈ క ంపెనీయే. → ఎల్‌ఈడీ లైటింగ్, వాహన స్టైలింగ్‌ లైట్లు, ఎల్రక్టానిక్‌ ఇంటిగ్రేషన్‌ వంటివి కంపెనీని వృద్ధి దిశగా నడిపిస్తున్నాయి. → ఈ ఏడాది తొలి అర్ధభాగంలో వచి్చన ఆదాయంలో 63 శాతానికి పైగా ప్యాసింజర్‌ వాహనాల విభాగం నుంచి వచి్చందే కావటం గమనార్హం. → ఆటో అనుబంధ పరికరాల రంగంలో టెక్నాలజీని అందిపుచ్చుకున్న కంపెనీ ఇది. ఆటో సేల్స్‌ తగ్గితే మాత్రం కంపెనీపై ప్రభావం పడొచ్చుజ్యోతి సీఎన్‌సీ ఆటోమేషన్‌ (ఎస్‌బీఐ సెక్యూరిటీస్‌) ప్రస్తుత ధర: రూ.913 టార్గెట్‌ ధర: రూ.1,087 (19 శాతం) → దిగుమతులకు ప్రత్యామ్నాయంగా స్థానికంగా తయారు చేయటం, ప్రెసిషన్‌ పరికరాల తయారీలో ఉండటం కంపెనీకి కలిసొచ్చే అంశం. → 2026– 2028 ఆర్థిక సంవత్సరాల మధ్య కాంపౌండింగ్‌ వృద్ధి 30 శాతంగా ఉండొచ్చన్నది ఎస్‌బీఐ అంచనా. → ప్రస్తుతం షేరు ధర కాస్త ఎక్కువగానే కనిపిస్తోంది. కాకపోతే లాభాల్లో వృద్ధి కూడా పటిష్ఠంగానే ఉండనుంది. ఈ ఆరూ సూపర్‌ సిక్స్‌!!ఇవి ఎందుకంటే... బ్రోకరేజీ సంస్థల సిఫారసులను వడపోసి చూసినా దాదాపుగా 10 కంపెనీల షేర్లు సానుకూలంగా కనిపిస్తున్నాయి. కానీ వాటిని మరింత వడపోసి ఈ ఆరింటినీ ఎందుకు ఎంచుకోవటమంటే... → పవర్‌మెక్, జీనస్‌ విద్యుత్‌ ఇన్‌ఫ్రా రంగంలో ఉన్నాయి. ఇపుడు విద్యుత్‌ రంగ పెట్టుబడుల సైకిల్‌ బావుంది. → ఆటోమోటివ్‌ కాంపొనెంట్స్‌ రంగంలో టెక్నాలజీ పరంగా వస్తున్న మార్పుల్ని లుమాక్స్‌ ఒడిసిపట్టుకుంది. → డిఫెన్స్, ఏరోస్పేస్‌ ఎల్రక్టానిక్స్‌లో ప్రత్యేక పరికరాల తయారీలో సెంటమ్‌కు చెప్పుకోదగ్గ వాటా ఉంది. → దేశీయంగా పెరుగుతున్న వినియోగం, టూరిజం వల్ల ఆతిథ్య రంగం లాభపడనుంది. దాన్లో ఇండియన్‌ హోటల్స్‌ అగ్రగామి. → బీమా విస్తరణ వల్ల ఆరోగ్య రంగంపై ఖర్చులు పెరుగుతున్నాయి. ఈ రంగంలో అపోలోది ప్రత్యేక స్థానం. బ్రాండ్, విస్తరణ వంటివి కంపెనీకి కలిసొస్తాయి. హెల్త్‌కేర్, ఆసుపత్రులు మార్కెట్లు కరెక్షన్‌ దశలో ఉన్నపుడు రక్షణాత్మకంగా హెల్త్‌కేర్, ఆసుపత్రుల వంటి రంగాల్లో పెట్టుబడులు పెట్టడమన్నది ఇన్వెస్టర్లు చేసే పని. ఎందుకంటే అంతర్జాతీయ టెక్నాలజీ కుదుపులతో దీనికి పెద్దగా సంబంధం ఉండదు. ఆసుపత్రుల విస్తరణ, బీమా పెరుగుదల వంటివి ఈ రంగ వృద్ధికి ఉపకరించబోతున్నాయి. అపోలో హాస్పిటల్స్‌ (పీఎల్‌ క్యాపిటల్‌) ప్రస్తుత ధర: రూ. 8,448 టార్గెట్‌ ధర: 9,800–10,400 (20 శాతం) → ఒకదశలో రూ.9,050ని తాకిన ఈ షేరు... అక్కడి నుంచి కరెక్షన్‌కు గురైంది. → రూ.7,500 దగ్గర పతనం ఆగిందని, అంతకన్నా పడే అవకాశాలు తక్కువన్నది ప్రభుదాస్‌ లీలాధర్‌ క్యాపిటల్‌ అంచనా. → హెల్త్‌కేర్‌కు డిమాండ్‌ పెరుగుతుండటం, అపోలో విస్తరణ కూడా అదే స్థాయిలో ఉండటం కంపెనీకి కలిసొచ్చే అంశాలు. నెఫ్రోకేర్‌ హెల్త్‌కేర్‌ సర్వీసెస్‌ (యాక్సిస్‌ సెక్యూరిటీస్‌) ప్రస్తుత ధర: రూ. 614 టార్గెట్‌ ధర: రూ. 750 → కిడ్నీ కేర్‌కు ప్రత్యేక సరీ్వసులు, డయాలసిస్‌ సేవలు అందించటం కంపెనీ ప్రత్యేకత. → తీవ్రమైన కిడ్నీ సమస్యలు అంతకంతకూ పెరుగుతుండటం, డయాలిసిస్‌ కావాల్సిన వారి సంఖ్య కూడా పెరగటం ఈ సంస్థకు కలిసొచ్చే అంశాలు. n రొటీన్‌ టెస్టింగ్‌ నుంచి ముందుగానే కిడ్నీ సమస్యలను గుర్తించటం, ప్రత్యేక కేర్‌ అందించటం వంటివి ఈ కంపెనీ లాభాల్ని పెంచుతాయని యాక్సిస్‌ క్యాపిటల్‌ భావిస్తోంది. ఆతిథ్య రంగం దేశీయంగా ఆదాయాలు పెరుగుతుండటమనేది ఆతిథ్య రంగానికి కలిసొచ్చే అంశం. పొదుపు చేయటం మాత్రమే కాదు... ఖర్చుల్లోనూ వెనుకాడకూడదన్న యువతరం... టూర్లు, హోటళ్లకు బాగా ప్రాధాన్యమిస్తోంది. ఇండియన్‌ హోటల్స్‌ కంపెనీ (ఎస్‌బీఐ – యాక్సిస్‌) ప్రస్తుత ధర: రూ. 811 టార్గెట్‌ ధర: 935 (15 శాతం) → ప్రస్తుతం నిర్మాణంలో ఉన్నవాటితో సహా కంపెనీ ఖాతాలో ఏకంగా 670 హోటళ్లున్నాయి. → 2030 నాటికి వీటి సంఖ్యను 700 కన్నా ఎక్కువ చేయాలనేది కంపెనీ లక్ష్యం. → 2027 ఆర్థిక సంవత్సరం రెవెన్యూ 15–17 శాతం పెరగవచ్చని కంపెనీ పేర్కొంది. → 2028 ఆర్థిక సంవత్సరం వరకూ రెండేళ్ల పా టు 14.6% చొప్పున ఆదాయం కాంపౌండింగ్‌ వృది సాధించవచ్చన్నది ఎస్‌బీఐ అంచనా. – సాక్షి వెల్త్‌ డెస్క్

భారతీయ రైల్వే రంగం సరికొత్త చరిత్ర సృష్టించేందుకు వేగంగా అడుగులు వేస్తోంది. దేశీయంగా విజయవంతంగా తయారవుతున్న సెమీ హైస్పీడ్ ‘వందే భారత్’ రైళ్లను ఇకపై అంతర్జాతీయ మార్కెట్లకు ఎగుమతి చేయడమే లక్ష్యంగా కేంద్ర ప్రభుత్వం ప్రణాళికలు సిద్ధం చేసింది. రాబోయే మూడు నుంచి నాలుగు సంవత్సరాల కాలంలో భారతీయ వందే భారత్ రైళ్లు విదేశీ పట్టాలపై పరుగులు పెట్టనున్నట్లు కేంద్ర రైల్వే మంత్రి అశ్విని వైష్ణవ్ అధికారికంగా ప్రకటించారు. దేశ రాజధాని నుంచి వారణాసి వంటి కీలక మార్గాల విస్తరణ, అత్యాధునిక వందే భారత్ స్లీపర్ రైళ్ల ప్రారంభం నేపథ్యంలో మంత్రి చేసిన ఈ ప్రకటన ప్రాధాన్యం సంతరించుకుంది.భద్రతకు పెద్దపీట వేస్తూ..గత కొన్ని సంవత్సరాలుగా దేశీయ సాంకేతిక పరిజ్ఞానంతో తయారవుతున్న వందే భారత్ రైళ్లు ప్రయాణికుల నుంచి మంచి ఆదరణ పొందుతున్నాయి. స్వదేశీ ఇంజినీరింగ్ ప్రతిభకు అద్దం పడుతున్న ఈ ట్రైన్ సెట్స్‌ను కేవలం దేశీయ అవసరాలకే పరిమితం చేయకుండా గ్లోబల్ మార్కెట్లోకి తీసుకువెళ్లాలని ప్రభుత్వం వ్యూహాత్మకంగా ముందుకు వెళ్తోంది. అంతర్జాతీయ ప్రమాణాలు, అత్యాధునిక సౌకర్యాలు, ప్రయాణికుల భద్రతకు పెద్దపీట వేస్తూ రూపుదిద్దుకుంటున్న ఈ రైళ్లకు త్వరలోనే ప్రపంచ దేశాల నుంచి భారీ డిమాండ్ ఏర్పడనుందని రైల్వే శాఖ గట్టి విశ్వాసంతో ఉంది.రైల్వే మౌలిక వసతుల కల్పనలో కేంద్ర ప్రభుత్వం చేపడుతున్న భారీ పెట్టుబడులు, దేశీయంగానే రైళ్ల తయారీని ప్రోత్సహిస్తున్న విధానాలు సత్ఫలితాలను ఇస్తున్నాయి. కేవలం ప్రయాణికుల రవాణాలోనే కాకుండా అత్యాధునిక హై-స్పీడ్ కారిడార్లు, పర్యావరణహిత గ్రీన్ టెక్నాలజీ వైపు కూడా భారత్ అడుగులు వేస్తోంది. రాబోయే 3-4 ఏళ్లలో వందే భారత్ రైళ్ల ఎగుమతి ప్రారంభమైతే భారత్ కేవలం దిగుమతిదారుల దేశంగా కాకుండా.. అత్యాధునిక రైల్వే టెక్నాలజీని ఎగుమతి చేసే అగ్రగామి దేశాల సరసన నిలవనుంది. ఇది దేశ ఆర్థిక వ్యవస్థను పటిష్టం చేయడంతో పాటు గ్లోబల్ సప్లై చైన్‌లో భారత్‌ను కీలక భాగస్వామిగా మారుస్తుందని నిపుణులు విశ్లేషిస్తున్నారు.ఇదీ చదవండి: బంగారం చిన్నబోతోందెందుకో తెలుసా?

సాంకేతికత వేగంగా మారుతున్న తరుణంలో భారతీయ వినియోగదారుల కొనుగోలు శైలిలోనూ విప్లవాత్మక మార్పులు వస్తున్నాయి. ఏఐ ఆధారిత షాపింగ్‌ టూల్స్‌ను ఉపయోగించడంలో మిలినియల్స్‌ సరికొత్త ట్రెండ్‌ సృష్టిస్తున్నారు. ప్రముఖ గ్లోబల్ మేనేజ్‌మెంట్ కన్సల్టింగ్ సంస్థ మెకిన్సే అండ్ కంపెనీ తాజాగా విడుదల చేసిన నివేదిక ప్రకారం, భారతదేశంలో మిలినియల్స్‌(1981 నుంచి 1996 మధ్య జన్మించిన వారు)లో ఏఐ షాపింగ్‌ అడాప్షన్‌ ఏకంగా 84 శాతంగా నమోదైంది. దీనితో వారు జెన్‌జీ (1997 నుంచి 2012 మధ్య జన్మించిన వారు-74 శాతం)తో పోలిస్తే ముందుజలో ఉన్నారు.ప్రపంచ స్థాయిలో భారత్‌కు రెండో స్థానంఏఐ ఆధారిత కొనుగోళ్లలో చైనా తొలి స్థానంలో ఉండగా భారతదేశం ప్రపంచంలోనే రెండో స్థానాన్ని కైవసం చేసుకుంది. ప్రపంచ సగటు (53 శాతం)తో పోలిస్తే భారతదేశంలో ఏఐ షాపింగ్‌ వినియోగం 76 శాతంగా ఉండటం విశేషం. దేశంలోని వినియోగదారులు కేవలం ప్రొడక్ట్ సెర్చ్‌ చేయడం వరకే పరిమితం కాకుండా వస్తువులను పోల్చడానికి, సరైన నిర్ణయాలు తీసుకోవడానికి, చివరికి చెల్లింపులు పూర్తి చేయడానికి కూడా ఏఐ టూల్స్‌పై ఆధారపడుతున్నారు.తరాల వారీగా ఏఐ షాపింగ్ వినియోగ తీరుమెకిన్సే ఏజెంట్ కామర్స్ కన్స్యూమర్ సర్వే ప్రకారం వివిధ వర్గాల వినియోగదారుల భాగస్వామ్యం ఇలా ఉంది.మిలినియల్స్: 84 శాతంజెన్-జీ: 74 శాతంజెన్ ఎక్స్: 74 శాతంబేబీ బూమర్స్: 56 శాతంఈ గణాంకాలను బట్టి చూస్తే డిజిటల్ చెల్లింపులు, ఈ-కామర్స్‌లో ఇప్పటికే అగ్రగామిగా ఉన్న భారత్ ఇప్పుడు ఏజెంటిక్ కామర్స్(మనుషులు ఇచ్చే ఆదేశాల ప్రకారం పనిచేయడమే కాకుండా స్వయంగా ఆలోచించి, విశ్లేషించి, కొనుగోలు నిర్ణయాలు తీసుకోగల ఏఐ ఏజెంట్లు ద్వారా జరిగే ఈ-కామర్స్ వ్యాపార విధానం) దిశగా అత్యంత వేగంగా అడుగులు వేస్తోందని స్పష్టమవుతోంది.ఇదీ చదవండి: బంగారం చిన్నబోతోందెందుకో తెలుసా?

భారతీయ విమానయాన రంగంలో ప్రయాణీకుల సంక్షేమానికి పెద్దపీట వేస్తూ కేంద్ర ప్రభుత్వం కీలక నిర్ణయం తీసుకుంది. విమాన టికెట్ల ధరల పెంపులో ఏకపక్ష ధోరణులకు అడ్డుకట్ట వేసేందుకు, ప్రయాణీకులపై అదనపు చార్జీల భారాన్ని తగ్గించేందుకు ఉద్దేశించిన కొత్త విమాన చార్జీల (ఎయిర్‌ఫేర్) నిబంధనలను కేంద్ర ప్రభుత్వం ఖరారు చేసింది. సుప్రీంకోర్టు ఆదేశాల నేపథ్యంలో పౌర విమానయాన మంత్రిత్వ శాఖ ఈ నిబంధనలకు తుదిరూపు తెచ్చింది.నియంత్రణ లేని ధరలకు చెక్‌ప్రైవేట్ విమాన సంస్థలు పండుగలు, సెలవుదినాలు, అత్యవసర సమయాల్లో ఇష్టానుసారం టికెట్ ధరలను విపరీతంగా పెంచుతున్నాయనే విమర్శలపై సుప్రీంకోర్టులో విచారణ జరుగుతున్న విషయం తెలిసిందే. సామాజిక కార్యకర్త ఎస్.లక్ష్మీనారాయణ దాఖలు చేసిన ప్రజాప్రయోజన వ్యాజ్యం నేపథ్యంలో కోర్టు జోక్యంతో కేంద్రం ఈ నూతన విధానాన్ని తీసుకువచ్చింది. డైనమిక్ ప్రైసింగ్ పేరిట ప్రయాణీకులను దోచుకుంటున్న తీరుపై తగిన నియంత్రణ ఉండాలని సర్వోన్నత న్యాయస్థానం స్పష్టం చేయడంతో ప్రభుత్వం ఈ చట్టబద్ధమైన నిబంధనలను సిద్ధం చేసింది.ప్రయాణీకులకు లబ్ధి చేకూరే అంశాలుకేవలం బేస్ ఫేర్ మాత్రమే కాకుండా లగేజ్ ఫీజులు, సీట్ సెలక్షన్, ఇతర అదనపు ప్రయాణీకుల చార్జీల మోతకు ఈ నిబంధనల ద్వారా అడ్డుకట్ట పడనుంది. విమానయాన సంస్థలు టికెట్ల ధరల నియంత్రణలో మరింత పారదర్శకత పాటించేలా నిబంధనలను రూపొందించారు. విమానాల రాకపోలకు అంతరాయం ఏర్పడినప్పుడు లేదా విపరీతమైన ధరల పెరుగుదల సమయంలో ప్రభుత్వ యంత్రాంగం జోక్యం చేసుకునేలా నిబంధనల్లో వెసులుబాటు కల్పించారు. ఈ నూతన నిబంధనలకు సంబంధించి ఇప్పటికే పరిపాలనాపరమైన ఆమోదం లభించిందని, త్వరలోనే అధికారిక గెజిట్ నోటిఫికేషన్ విడుదల కానుందని కేంద్ర ప్రభుత్వం కోర్టుకు వెల్లడించింది.ఇదీ చదవండి: బంగారం చిన్నబోతోందెందుకో తెలుసా?

న్యూఢిల్లీ: దేశవ్యాప్తంగా గ్రామీణ ప్రాంతాల్లో విద్యుత్‌ వాహనాల (ఈవీ) వినియోగాన్ని ప్రోత్సహించడంతోపాటు గ్రామ పంచాయతీలకు అదనపు ఆదాయ వనరులను కల్పించే దిశగా కేంద్ర ప్రభుత్వం కీలక చర్యలు చేపట్టింది. ఇందులో భాగంగా పంచాయతీలకు చెందిన భూముల్లో ఈవీ ఛార్జింగ్‌ కేంద్రాలు, బ్యాటరీ శ్వాపింగ్‌ కేంద్రాలను ఏర్పాటు చేయాలని నిర్ణయించింది.ఈ మేరకు కేంద్ర పంచాయతీరాజ్‌ మంత్రిత్వ శాఖ, విద్యుత్‌ మంత్రిత్వ శాఖ పరిధిలోని కన్వర్జెన్స్‌ ఎనర్జీ సర్వీసెస్‌ లిమిటెడ్‌ (సీఈఎస్‌ఎల్‌) మధ్య అవగాహన ఒప్పందం (ఎంఓయూ) కుదిరింది. న్యూఢిల్లీలో జరిగిన కార్యక్రమంలో పంచాయతీరాజ్‌ మంత్రిత్వ శాఖ సంయుక్త కార్యదర్శి ముక్తా శేఖర్‌, సీఈఎస్‌ఎల్‌ సీఈఓ అఖిలేశ్‌ కుమార్‌ దీక్షిత్‌ ఒప్పంద పత్రాలను మార్చుకున్నారు.రాష్ట్ర, జాతీయ రహదారుల వెంట, గ్రామ పంచాయతీ కార్యాలయాల సమీపంలోని అనువైన ప్రభుత్వ స్థలాల్లో ఈ కేంద్రాలను ఏర్పాటు చేయనున్నారు. ద్విచక్ర, త్రిచక్ర, నాలుగు చక్రాల వాహనాలతోపాటు భారీ వాహనాలకు కూడా వీటిని అందుబాటులోకి తీసుకురానున్నారు.స్థలాల గుర్తింపు, రాష్ట్ర ప్రభుత్వాలతో సమన్వయం చేసే బాధ్యతను పంచాయతీరాజ్‌ శాఖ చేపడుతుంది. కేంద్రాల ఏర్పాటు, నిర్వహణ, మరమ్మతుల బాధ్యతలను సీఈఎస్‌ఎల్‌ చూసుకుంటుంది. ఈ మౌలిక సదుపాయాల ద్వారా పంచాయతీలకు సొంత ఆదాయ వనరులు (ఓఎస్‌ఆర్‌) సమకూరడంతోపాటు గ్రామీణ ప్రాంతాల్లో ఉపాధి అవకాశాలు పెరుగుతాయని, కర్బన ఉద్గారాలు తగ్గి పర్యావరణ పరిరక్షణకు దోహదపడుతుందని కేంద్రం భావిస్తోంది.

విజయవాడ: విజిలెన్స్ అవేర్‌నెస్ వీక్–2026 కార్యక్రమంలో భాగంగా పంజాబ్ అండ్ సింధ్ బ్యాంక్, విజయవాడ ప్రాంతీయ కార్యాలయం ఆధ్వర్యంలో వాక్‌థాన్ నిర్వహించారు. అక్టోబర్ 26 నుంచి నవంబర్ 1వ తేదీ వరకు నిర్వహిస్తున్న ఈ వారోత్సవాల సందర్భంగా “సత్యనిష్ఠతో సమృద్ధి – Probity for Prosperity” అనే నినాదంతో ఈ కార్యక్రమాన్ని చేపట్టారు.ఈ వాక్‌థాన్‌లో ప్రాంతీయ కార్యాలయ అధికారులు, సిబ్బందితో పాటు వివిధ శాఖలకు చెందిన ఉద్యోగులు ఉత్సాహంగా పాల్గొన్నారు. నిజాయితీ, పారదర్శకత, జవాబుదారీతనం, అవినీతి నిర్మూలన వంటి అంశాలపై అవగాహన కల్పించే సందేశాలతో కూడిన ప్లకార్డులను ప్రదర్శిస్తూ ర్యాలీ నిర్వహించారు.వృత్తిపరమైన, వ్యక్తిగత జీవితాల్లో నిజాయితీ, న్యాయం, పారదర్శకత వంటి విలువలను పాటించాల్సిన ఆవశ్యకతపై ఉద్యోగులు, ప్రజల్లో అవగాహన కల్పించడం ఈ కార్యక్రమం ప్రధాన ఉద్దేశమని నిర్వాహకులు తెలిపారు. ఈ సందర్భంగా బ్యాంకింగ్ రంగంపై ప్రజలకు మరింత నమ్మకం కలిగించేలా అత్యున్నత నైతిక ప్రమాణాలు, సమగ్రతను పాటిస్తామని ఉద్యోగులు ప్రతిజ్ఞ చేశారు.

అమరావతి: ఆంధ్రప్రదేశ్‌లో ఆర్నబ్‌ తుఫాన్ ప్రభావంతో నష్టపోయిన బాధితులకు సహాయ కార్యక్రమాలు అందించేందుకు స్టేట్ బ్యాంక్ ఆఫ్ ఇండియా (ఎస్‌బీఐ) భారీ విరాళాన్ని అందించింది. ఎస్‌బీఐ అమరావతి సర్కిల్ తరఫున రూ.5.01 కోట్ల విరాళాన్ని ఆంధ్రప్రదేశ్ ముఖ్యమంత్రి సహాయ నిధికి అందించారు. సర్కిల్ పరిధిలోని అధికారులు, ఉద్యోగులు తమ ఒక రోజు వేతనాన్ని ఈ విరాళంగా అందజేశారు.ఎస్‌బీఐ మేనేజింగ్ డైరెక్టర్ అమర రామ్ మోహన్ రావు నేతృత్వంలోని ప్రతినిధి బృందం ముఖ్యమంత్రి నారా చంద్రబాబు నాయుడును ఆయన క్యాంపు కార్యాలయంలో కలసి రూ.5.01 కోట్ల చెక్కును అందజేసింది. ఈ కార్యక్రమంలో ఎస్‌బీఐ అమరావతి సర్కిల్ చీఫ్ జనరల్ మేనేజర్ సుశీల్ కుమార్, జనరల్ మేనేజర్ కుందన్ జ్యోతి, అసిస్టెంట్ జనరల్ మేనేజర్ షేక్ షమీమ్ బాను తదితరులు పాల్గొన్నారు.

దీపావళి పండుగ వేళ సీఎంఆర్‌ జ్యువెలరీ బంగారం, వెండిపై దీపావళి ధమాకా ఆఫర్లు అందిస్తోంది. అర్హత కలిగిన అన్ని 22 క్యారెట్ల బంగారు ఆభరణాలపైనా వాల్యూ అడిషన్ (V.A.)కు ఫ్లాట్ 7.99 శాతం ఆఫర్ అందిస్తోంది. గాజులు, హారాలు, చెవి కమ్మలు, ఉంగరాలు, సంప్రదాయ ఆభరణాలు… కొనుగోలుదారులు తమ అభిరుచికి తగిన అందమైన డిజైన్లను ఎంపిక చేసుకోవచ్చు. వీఏపై బ్రాంచ్‌లవారీగా ప్రత్యేక ఆఫర్లు ఉన్నాయి. గాజువాక బ్రాంచ్‌లో వీఏపై ఫ్లాట్ 5.99 శాతం, మియాపూర్ బ్రాంచ్‌లో 6.99 శాతం, మిగిలిన బ్రాంచ్‌లలో ఫ్లాట్ 7.99 శాతం ఆఫర్‌ను సీఎంఆర్‌ జ్యువెలరీ ప్రకటించింది.ఇక కొనుగోలుదారుల దగ్గర ఉన్న పాత బంగారం ఎక్స్ఛేంజ్‌పై అదనంగా రూ.200 ప్రయోజనం అందిస్తోంది. వెండి కొనుగోలుదారుల కోసం కూడా ప్రత్యేక డిస్కౌంట్ అందుబాటులో ఉంది. గాజువాకలో కిలోకు రూ.5,999 డిస్కౌంట్ అందిస్తుండగా మిగిలిన బ్రాంచ్‌లలో: కిలోకు రూ.6,666 డిస్కౌంట్ అందిస్తోంది. ఇక వజ్రాల కొనుగోలుపై 10 శాతం డిస్కౌంట్ అందిస్తోంది. అక్టోబర్ 31 నుంచి నవంబర్ 9 వరకు ఆఫర్లు వర్తిస్తాయి. జేసీ, సంపత్ వినాయక టెంపుల్ రోడ్, గాజువాక, గోపాలపట్నం, విజయనగరం, రాజాం, శ్రీకాకుళం, నర్సీపట్నం, రాజమండ్రి, కాకినాడ, ఏలూరు, విజయవాడ, తిరుపతి, కొత్తగూడెం, మియాపూర్ బ్రాంచ్‌లలో ఈ ఆఫర్లు అందుబాటులో ఉన్నాయి.ఇదీ చ‌ద‌వండి: తుఫాన్ బాధితులకు ఎస్‌బీఐ రూ. 5 కోట్ల విరాళం

విజయవాడ: అవినీతి నిర్మూలన, పారదర్శకత, నిజాయితీపై ప్రజల్లో అవగాహన కల్పించేందుకు పంజాబ్ నేషనల్ బ్యాంక్ (పీఎన్‌బీ) ఆధ్వర్యంలో విజిలెన్స్ అవేర్‌నెస్ వీక్ కార్యక్రమాలు నిర్వహిస్తున్నారు. ఇందులో భాగంగా శుక్రవారం విజయవాడలో వాక్‌థాన్ నిర్వహించారు.పీఎన్‌బీ విజయవాడ సర్కిల్ కార్యాలయం ఆధ్వర్యంలో నిర్వహించిన వాక్‌థాన్‌లో బ్యాంకు అధికారులు, సిబ్బంది ఉత్సాహంగా పాల్గొన్నారు. బందర్ రోడ్డులో సాగిన ఈ వాక్‌థాన్ ద్వారా అవినీతికి వ్యతిరేకంగా ప్రజల్లో చైతన్యం తీసుకురావడంతో పాటు నిజాయితీ, నైతిక విలువలు, పారదర్శకత ప్రాధాన్యతను వివరించారు. ఈ సందర్భంగా బ్యాంకు అధికారులు, సిబ్బంది ఇంటెగ్రిటీ ప్లెడ్జ్ స్వీకరించారు. విధి నిర్వహణలో నిజాయితీగా, నిష్పక్షపాతంగా వ్యవహరిస్తామని, అవినీతికి దూరంగా ఉంటామని ప్రతిజ్ఞ చేశారు.విజిలెన్స్ అవేర్‌నెస్ వీక్‌లో భాగంగా బ్యాంకు శాఖల పరిధిలో ప్రజలకు అవగాహన కల్పించే పలు కార్యక్రమాలు నిర్వహిస్తున్నట్లు అధికారులు తెలిపారు. విద్యార్థుల్లో అవినీతి నిరోధక విలువలను పెంపొందించేందుకు క్విజ్, వ్యాసరచన వంటి పోటీలు నిర్వహిస్తున్నట్లు పేర్కొన్నారు. అలాగే గ్రామీణ ప్రాంతాల్లో గ్రామ సభల ద్వారా ప్రజలకు అవినీతి నిరోధక చర్యలు, పారదర్శకత, నైతిక విలువలపై అవగాహన కల్పిస్తున్నట్లు తెలిపారు. ఈ కార్యక్రమంలో పీఎన్‌బీ సీనియర్ అధికారులు, వివిధ శాఖల బ్రాంచ్ మేనేజర్లు, బ్యాంకు సిబ్బంది పాల్గొన్నారు.

న్యూఢిల్లీ: దేశీ టెలికం, డిజిటల్‌ సేవల దిగ్గజం జియో ప్లాట్‌ఫామ్స్‌ బ్లాక్‌బస్టర్‌ లిస్టింగ్‌లాగే బంపర్‌ ఫలితాలతో అదరగొట్టింది. ఈ ఆర్థిక సంవత్సరం రెండో త్రైమాసికం (2026–27, క్యూ2)లో కంపెనీ కన్సాలిడేటెడ్‌ నికర లాభం 13.7 శాతం జంప్‌ చేసి రూ. 8,389 కోట్లకు దూసుకెళ్లింది. క్రితం ఏడాది ఇదే క్వార్టర్‌లో లాభం రూ. 7,379 కోట్లుగా నమోదైంది. మొత్తం ఆదాయం సైతం 11.4 శాతం వృద్ధితో రూ. 40,475 కోట్లకు చేరింది. కాగా, జియో స్టాక్‌ మార్కెట్‌ అరంగేట్రం తర్వాత ఇవి తొలి ఫలితాలు కావడం విశేషం. ఇష్యూ ధర రూ.1,119తో పోలిస్తే తాజాగా జియో 21.36 శాతం ప్రీమియంతో రూ.1,358 వద్ద లిస్టయిన సంగతి తెలిసిందే. దీంతో మాతృ సంస్థ రిలయన్స్‌ ఇండస్ట్రీస్‌ తర్వాత మార్కెట్‌ విలువ పరంగా దేశంలో రెండో అత్యంత విలువైన కంపెనీగా అవతరించింది. ‘ఈ త్రైమాసిక ఫలితాలు మా 5జీ నెట్‌వర్క్‌ పటిష్టత, బ్రాడ్‌బ్యాండ్, డిజిటల్‌ సరీ్వసుల వృద్ధికి నిదర్శనంగా నిలుస్తున్నాయి. శాటిలైట్‌ కమ్యూనికేషన్స్, 6జీ మేధో సంపత్తి, ఏఐ సరీ్వసులతో మా వాటాదారులకు నిరంతర విలువను చేకూరుస్తాం. మార్కెట్‌ అనిశి్చతుల్లోనూ జియో బ్లాక్‌బస్టర్‌ ఐపీఓ అన్ని ఇన్వెస్టర్‌ విభాగాల వ్యాప్తంగా రికార్డులు బ్రేక్‌ చేసింది. గడిచిన పదేళ్లలో మేము సాధించినదానికి మించి రాబోయే దశాబ్దంలో మరింత విలువను సృష్టిస్తాం’ అని జియో ప్లాట్‌ఫామ్స్‌ ఎండీ ఆకాశ్‌ అంబానీ పేర్కొన్నారు. ఏఆర్‌పీయూ దూకుడు... జియో ప్లాట్‌ఫామ్స్‌ క్యూ2 ఎబిటా 16.6 శాతం జంప్‌ చేసి రూ.21,879 కోట్లకు చేరింది. కాగా, సెపె్టంబర్‌ చివరి నాటికి జియో యూజర్ల సంఖ్య 54.2 కోట్లకు చేరింది. 30 కోట్ల మంది 5జీ యూజర్ల మైలురాయిని అధిగమించింది. గత 12 నెలల్లో 6.6 కోట్ల మంది 5జీ యూజర్లు జతయ్యారు. ఫిక్సిడ్‌ బ్రాడ్‌బ్యాండ్‌ కస్టమర్ల సంఖ్య 3 కోట్లను అధిగమించగా, ఎయిర్‌ఫైబర్‌ కనెక్షన్లు 1.51 కోట్లకు చేరాయి. జియో సగటు యూజర్‌ ఆదాయం (ఏఆర్‌పీయూ) రూ.218.8కి ఎగసింది. గతేడాది క్యూ2లో ఇది రూ.211.4గా ఉంది. జియో స్టార్‌ ఆదాయం 10 శాతం వృద్ధితో రూ.6,806 కోట్లుగా నమోదైంది. సగటు నెలవారీ యాక్టివ్‌ యూజర్ల సంఖ్య 10 శాతం ఎగసి దాదాపు 44 కోట్లను తాకింది. కాగా, ఒక్కో యూజర్‌ సగటు నెలవారీ డేటా వినియోగం 14.2 శాతం పెరుగుదలతో 44.2 జీబీకి చేరింది. జియో షేరు ధర శుక్రవారం 0.68% లాభంతో రూ. 4,131 వద్ద క్లోజైంది. మార్కెట్‌ విలువ రూ.13.18 లక్షల కోట్లకు చేరింది. ట్రేడింగ్‌ ముగిశాక ఫలితాలు వచ్చాయి.

భారత టెలికాం రంగంలో రిలయన్స్ జియో తన హవా కొనసాగిస్తోంది. కొత్త కస్టమర్లను ఆకర్షించడంలో మాత్రమే కాకుండా.. యాక్టివ్ యూజర్లను పెంచుకోవడంలోనూ మిగతా టెలికాం కంపెనీల కంటే ముందుంది. ముఖ్యంగా ఎయిర్‌టెల్‌కు గట్టి పోటీ ఇస్తూ తన ఆధిపత్యాన్ని మరింత పెంచుకుంటోంది. టెలికాం రెగ్యులేటరీ అథారిటీ ఆఫ్ ఇండియా (TRAI) విడుదల చేసిన సెప్టెంబర్ నెల గణాంకాలు ఈ విషయాన్ని స్పష్టం చేస్తున్నాయి.TRAI గణాంకాల ప్రకారం.. మెషిన్-టు-మెషిన్ (M2M) కనెక్షన్లను మినహాయిస్తే, సెప్టెంబర్‌లో దేశవ్యాప్తంగా 22 లక్షల మంది కొత్త మొబైల్ వినియోగదారులు చేరారు. ఇందులో జియో ఒక్కటే 19 లక్షల మందిని తన నెట్‌వర్క్‌లోకి చేర్చుకుంది. అదే సమయంలో ఎయిర్‌టెల్‌కు కేవలం 2 లక్షల మంది కొత్త కస్టమర్లు మాత్రమే వచ్చినట్లు తెలుస్తోంది. అంటే కొత్త వినియోగదారులను సంపాదించడంలో జియో, ఎయిర్‌టెల్ కంటే దాదాపు పది రెట్లు ముందుంది.మొత్తం సబ్‌స్క్రైబర్ల విషయానికి వస్తే సెప్టెంబర్ చివరి నాటికి జియోకు 51.114 కోట్ల మంది ఉండగా, ఎయిర్‌టెల్‌కు 49.429 కోట్ల మంది ఉన్నారు. మరోవైపు ఎయిర్‌టెల్ కొత్త కస్టమర్లను ఆకర్షించడంలో వెనుకబడటానికి దాని రూ.299 ప్రీపెయిడ్ ప్లాన్ నిలిపివేయడం కూడా ఒక కారణమని చెబుతున్నారు.ఆగస్టులో ఎయిర్‌టెల్ రూ.299 ప్లాన్‌ను తొలగించడంతో.. తక్కువ ధరలో రీఛార్జ్ కోరుకునే వినియోగదారులపై ప్రభావం పడినట్లు చెబుతున్నారు. సెప్టెంబర్‌లో ఎయిర్‌టెల్ మొత్తం 26.9 లక్షల వైర్‌లెస్ కనెక్షన్లను జోడించినప్పటికీ, సాధారణ మొబైల్ వినియోగదారుల సంఖ్య మాత్రం కేవలం 2 లక్షలే పెరిగింది. మిగిలిన కనెక్షన్లలో M2M కనెక్షన్ల వాటా ఎక్కువగా ఉండవచ్చని విశ్లేషకుల అంచనా. యాక్టివ్ యూజర్ల విషయంలోనూ జియో తన సత్తా చాటింది.ఇదీ చదవండి: నవంబర్‌ హాలిడేస్.. ఈ రోజుల్లో బ్యాంకులు క్లోజ్!

వన్యప్రాణులను కాపాడటం ఒక్క దేశం లేదా.. ఒక సంస్థ బాధ్యత మాత్రమే కాదు. ఎందుకంటే.. ప్రపంచవ్యాప్తంగా ఉన్న నిపుణులు, శాస్త్రవేత్తలు, జంతు వైద్యులు కలిసి పనిచేస్తేనే అరుదైన జంతువులను సంరక్షించడం సాధ్యమవుతుంది. ఈ లక్ష్యంతోనే గుజరాత్‌లోని జామ్‌నగర్‌లో ఉన్న వంతారా వేదికగా 'యూరేషియన్ రీజినల్ అసోసియేషన్ ఆఫ్ జూస్ అండ్ అక్వేరియమ్స్' (EARAZA) అంతర్జాతీయ వార్షిక సదస్సు 2026 నిర్వహించారు.30 దేశాలు.. 98 సంస్థల ప్రతినిధులుఅక్టోబర్ 26 నుంచి 29 వరకు జరిగిన ఈ కార్యక్రమంలో 30 దేశాలకు చెందిన 98 సంస్థల ప్రతినిధులతో పాటు భారత్‌లోని 29 జంతు ప్రదర్శనశాలల ప్రతినిధులు పాల్గొన్నారు. 'వన్యప్రాణుల సంరక్షణ కోసం ప్రపంచ భాగస్వామ్యాలను బలోపేతం చేయడం' అనే ప్రధాన అంశంతో ఈ సదస్సు కొనసాగుతోంది.ఈ కార్యక్రమాన్ని మూడు గ్రామీ అవార్డులు అందుకున్న ప్రముఖ సంగీత దర్శకుడు, పర్యావరణ పరిరక్షణ కార్యకర్త రికీ కేజ్ సంగీత ప్రదర్శనతో ప్రారంభించారు. అనంతరం EARAZA అధ్యక్షురాలు స్వెత్లానా అకులోవా, ప్రొఫెసర్ రామన్ సుకుమార్, సెంట్రల్ జూ అథారిటీ సభ్య కార్యదర్శి డాక్టర్ వి. క్లెమెంట్ బెన్ జ్యోతి ప్రజ్వలన చేశారు.ఏడాది పాటు ANTZ సాఫ్ట్‌వేర్ ఫ్రీఈ సందర్భంగా వంతారా సీఈఓ వివాన్ కరానీ ఒక కీలక ప్రకటన చేశారు. EARAZA సభ్య సంస్థలకు ANTZ సాఫ్ట్‌వేర్ ప్లాట్‌ఫామ్‌ను ఏడాది పాటు ఉచితంగా అందించనున్నట్లు తెలిపారు. ఈ ప్లాట్‌ఫామ్ ద్వారా జంతుప్రదర్శనశాలలు తమ దగ్గరున్న జంతువుల ఆరోగ్యం, సంరక్షణ, నిర్వహణ వివరాలను భద్రపరచడంతో పాటు ఇతర సంస్థలతో సమాచారాన్ని పంచుకోవచ్చు.ఈ సదస్సులో అమూర్ పులులు, ఓరియంటల్ స్టార్క్, అరుదైన గుడ్లగూబలు వంటి అంతరించిపోయే ప్రమాదంలో ఉన్న జీవజాతుల సంరక్షణపై ప్రత్యేక చర్చలు జరుగుతున్నాయి. అలాగే మనుషులు, ఏనుగుల మధ్య ఘర్షణలను తగ్గించడం, జంతువులకు మెరుగైన వైద్య సేవలు అందించడం, ప్రకృతి వైపరీత్యాల సమయంలో వన్యప్రాణులను రక్షించడం వంటి అంశాలపైనా నిపుణులు తమ అనుభవాలను పంచుకుంటున్నారు. పద్మశ్రీ అవార్డు గ్రహీత, ఎలిఫెంట్ డాక్టర్‌గా పేరుగాంచిన డాక్టర్ కె.కె. శర్మ కూడా ఏనుగుల సంరక్షణకు సంబంధించిన విషయాలను వివరించారు.వన్యప్రాణుల సంరక్షణ కోసం కొత్త పరికరాలుమరోవైపు వన్యప్రాణుల సంరక్షణలో ఆధునిక టెక్నాలజీ వినియోగాన్ని కూడా ఈ కార్యక్రమంలో ప్రదర్శిస్తున్నారు. ఏడు దేశాలకు చెందిన 13 సంస్థలు తమ కొత్త పరికరాలు, సాంకేతికతలను పరిచయం చేస్తున్నాయి. ఇందులో వంటారా ప్రదర్శిస్తున్న Vespr అనే AI పరికరం పక్షులు, ఇతర జీవుల శబ్దాలను గుర్తించి వాటి జాతులను గుర్తించగలదు. Smart Egg Analysis ద్వారా పక్షుల గుడ్లలో పిండం అభివృద్ధి, గుండె చప్పుడును పరిశీలించవచ్చు. అలాగే NFC పరికరం ద్వారా జంతు సంరక్షకులు తమ రోజువారీ పనుల వివరాలను ఒక్క ట్యాప్‌తో నమోదు చేయవచ్చు. ఈ సాంకేతికతలు జంతువుల సంరక్షణను మరింత సులభతరం చేయనున్నాయి.సదస్సు ముగింపు కార్యక్రమంలో వన్యప్రాణుల సంరక్షణ రంగంలో విశేష సేవలు అందించిన ఆరుగురికి లైఫ్‌టైమ్ అచీవ్‌మెంట్ అవార్డులు అందించనున్నారు. ఇందులో అంతర్జాతీయ నిపుణులతో పాటు.. భారతదేశానికి చెందిన సెంట్రల్ జూ అథారిటీ మాజీ అధికారులు కూడా ఉన్నారు. ఇక్కడ ఇండియన్ జూ ఇయర్ బుక్ 2026ను విడుదల చేసారు. View this post on Instagram A post shared by Vantara (@vantara)

ప్రపంచ ప్రఖ్యాత కళ్లజోడు బ్రాండ్‌ ‘రే-బాన్‌’కు సంబంధించిన వ్యాపార సామ్రాజ్యంలో వాటాల కొనుగోలు వ్యవహారం మరోసారి కుటుంబ వివాదానికి దారితీసింది. లగ్జరీ కళ్లజోళ్ల తయారీ సంస్థ ఎస్సిలోర్‌లక్సోటికా (EssilorLuxottica)లో కీలక వాటా కలిగిన డెల్ఫిన్‌ (Delfin) సంస్థలో తనకు ఉన్న 12.5 శాతం వాటాను విక్రయించేందుకు రోకో బాసిలికో నిరాకరించారు. ఇందుకోసం ఆయన సవతి సోదరుడు లియోనార్డో మారియా డెల్‌ వెచియో ప్రతిపాదించిన 3.5 బిలియన్‌ యూరోల (రూ.33 వేల కోట్లు) ఆఫర్‌ను ఆయన తిరస్కరించినట్లు అంతర్జాతీయ మీడియా కథనాలు వెల్లడించాయి.లక్సెంబర్గ్‌ కేంద్రంగా పనిచేసే డెల్ఫిన్‌ కుటుంబ పెట్టుబడి సంస్థ. దివంగత లియోనార్డో డెల్‌ వెచియో స్థాపించిన లక్సోటికా వ్యాపార సామ్రాజ్యానికి ఇది కీలకమైన హోల్డింగ్‌ సంస్థగా ఉంది. ప్రస్తుతం డెల్ఫిన్‌ వద్ద ఉన్న బహిరంగంగా ట్రేడయ్యే పెట్టుబడుల విలువ 40 బిలియన్‌ యూరోలకు పైగా ఉంటుందని అంచనా. ఇందులో ప్రపంచంలోనే అతిపెద్ద కళ్లజోళ్ల తయారీ సంస్థల్లో ఒకటైన ఎస్సిలోర్‌లక్సోటికాలో సుమారు 32.4 శాతం వాటా ఉంది.వాటా కొనుగోలుకు లియోనార్డో మారియా ప్రయత్నాలుడెల్ఫిన్‌లో తన వాటాను పెంచుకోవాలనే లక్ష్యంతో లియోనార్డో మారియా కొంతకాలంగా ప్రయత్నిస్తున్నారు. ఈ ఏడాది ప్రారంభంలో తన తోబుట్టువులైన లూకా, పావోలా డెల్‌ వెచియోల నుంచి కలిపి 25 శాతం వాటాను 10 బిలియన్‌ యూరోలకు కొనుగోలు చేయాలని ప్రతిపాదించారు. అయితే ఈ లావాదేవీకి అవసరమైన బ్యాంకు హామీలకు డెల్ఫిన్‌ బోర్డు మద్దతు ఇవ్వకపోవడంతో ఆ ప్రయత్నం విఫలమైంది. అనంతరం ఆగస్టులో ఆయన ఎస్సిలోర్‌లక్సోటికాలో తనకున్న పదవులన్నింటికీ రాజీనామా చేశారు.తాజాగా రోకో బాసిలికో వాటా కొనుగోలుకు 3.5 బిలియన్‌ యూరోలు ఆఫర్‌ చేశారు. అయితే ఈ ప్రతిపాదనకు రోకో సానుకూలంగా స్పందించలేదు. దీనికి ప్రధానంగా మూడు కారణాలున్నట్లు ఇటలీ మీడియా కథనాలు వెల్లడించాయి. మొదటిది.. రోకోకు తన వాటాను విక్రయించే ఉద్దేశం లేదు. రెండోది.. డెల్ఫిన్‌ ఆస్తుల విలువతో పోలిస్తే ఆఫర్‌ చేసిన మొత్తం తక్కువగా ఉందని భావిస్తున్నారు. మూడోది.. లియోనార్డో మారియా ఆర్థిక సామర్థ్యంపై కూడా సందేహాలున్నట్లు సమాచారం. ఆయనకు ఇప్పటికే ఒక బిలియన్‌ యూరోలకు పైగా అప్పులు ఉన్నాయని, అదనపు రుణాలు పొందడం కూడా సులభం కాదని కథనాలు పేర్కొన్నాయి.ఎనిమిది మంది వారసుల మధ్య వాటాల వివాదం2022లో లియోనార్డో డెల్‌ వెచియో మరణించిన తర్వాత ఆయన వ్యాపార సామ్రాజ్యంలోని డెల్ఫిన్‌ వాటాలు ఎనిమిది మంది వారసులకు సమానంగా పంచారు. ఒక్కొక్కరికి 12.5 శాతం చొప్పున వాటా లభించింది. వీరిలో ఆయన ఆరుగురు సంతానంతో పాటు భార్య నికోలెట్టా జాంపిల్లో, ఆమె మొదటి వివాహం ద్వారా జన్మించిన రోకో బాసిలికో ఉన్నారు. అయితే సంస్థలో కీలక నిర్ణయాల బాధ్యతలు మాత్రం ప్రధానంగా ఛైర్మన్‌, సీఈఓ ఫ్రాన్సిస్కో మిల్లెరి, ఇతర నిర్వాహకుల చేతుల్లో ఉన్నాయి.ఈ క్రమంలో కుటుంబ సభ్యుల మధ్య విభేదాలు మరింత ముదిరాయి. మరోవైపు, రోకో తన డెల్ఫిన్‌ వాటాలో కొంత భాగాన్ని అక్టోబర్‌లో తన సోదరుడు క్లెమెంటే డెల్‌ వెచియోకు విక్రయించారు. సుమారు 8 లక్షల యూరోల విలువైన ఈ లావాదేవీతో క్లెమెంటే వాటా 12.5 శాతాన్ని స్వల్పంగా దాటింది. దీంతో ఆయన డెల్ఫిన్‌లో అతిపెద్ద వ్యక్తిగత వాటాదారుగా మారినట్లు ఇటలీ మీడియా వెల్లడించింది.ఇదీ చదవండి: దేశంలోని బిజినెస్‌ స్కూళ్లన్నీ మూసేయడం మంచిది!

నవంబర్ నెలలో బ్యాంకుకు వెళ్లి చేయాల్సిన పనులు ఏవైనా ఉంటే.. తప్పకుండా సెలవుల గురించి తెలుసుకోవడం మంచిది. ఎందుకంటే.. వివిధ పండుగలు, ప్రాంతీయ వేడుకలతో పాటు.. రెండో, నాలుగో శనివారాలు, ఆదివారాలతో కలిపి వచ్చే నెలలో దాదాపు సగం కంటే ఎక్కువ రోజులు బ్యాంకులు మూతపడనున్నాయి.ముఖ్యంగా దీపావళి, లక్ష్మీ పూజ, ఛత్ పూజ, గురునానక్ జయంతి, కార్తీక పౌర్ణమి, కన్నడ రాజ్యోత్సవం వంటి పండుగల కారణంగా వివిధ రాష్ట్రాల్లో బ్యాంకులకు సెలవులు ఉంటాయి. అయితే.. అన్ని రాష్ట్రాల్లో ఒకే రోజు సెలవు ఉండదు. ఆయా ప్రాంతాల్లో జరుపుకునే పండుగలను బట్టి సెలవులు మారుతుంటాయి. రిజర్వ్ బ్యాంక్ ఆఫ్ ఇండియా (RBI) సెలవుల క్యాలెండర్ ప్రకారం నవంబర్ నెలలో బ్యాంకులకు సెలవులు ఇలా..➤నవంబర్ 1, ఆదివారం: దేశవ్యాప్తంగా బ్యాంకులకు సాధారణ సెలవు ఉంటుంది.➤నవంబర్ 8, ఆదివారం: అన్ని రాష్ట్రాల్లో బ్యాంకులు మూసి ఉంటాయి.➤నవంబర్ 9, సోమవారం: దీపావళి, లక్ష్మీ పూజ, గోవర్ధన పూజ, విశ్వకర్మ దినోత్సవం సందర్భంగా త్రిపుర, మధ్యప్రదేశ్, చండీగఢ్, సిక్కిం, మణిపూర్, రాజస్థాన్, ఉత్తరప్రదేశ్ తదితర ప్రాంతాల్లో సెలవు ఉంటుంది.➤నవంబర్ 10, మంగళవారం: దీపావళి వేడుకలు, లక్ష్మీ పూజ, విక్రమ సంవత్ నూతన సంవత్సరం సందర్భంగా గుజరాత్, మహారాష్ట్ర, కర్ణాటక, ఉత్తరాఖండ్, సిక్కిం రాష్ట్రాల్లో బ్యాంకులు పనిచేయవు.➤నవంబర్ 11, బుధవారం: లక్ష్మీ పూజ, నింగోల్ చకౌబా, భాయ్ దూజ్, చిత్రగుప్త జయంతి సందర్భంగా సిక్కిం, మణిపూర్, ఉత్తరప్రదేశ్, పశ్చిమ బెంగాల్, హిమాచల్ ప్రదేశ్ ప్రాంతాల్లో సెలవు ఉంటుంది.➤నవంబర్ 13, శుక్రవారం: వంగాల పండుగ సందర్భంగా మేఘాలయలో బ్యాంకులకు సెలవు.➤నవంబర్ 14, శనివారం: రెండో శనివారం కావడంతో దేశవ్యాప్తంగా బ్యాంకులు మూసి ఉంటాయి.➤నవంబర్ 15, ఆదివారం: దేశవ్యాప్తంగా సాధారణ సెలవు.➤నవంబర్ 16, సోమవారం: ఛత్ పూజ సందర్భంగా బీహార్, జార్ఖండ్ రాష్ట్రాల్లో బ్యాంకులకు సెలవు ఉంటుంది.➤నవంబర్ 20, శుక్రవారం: ఇగాస్ బగ్వాల్ పండుగ సందర్భంగా ఉత్తరాఖండ్‌లో బ్యాంకులు పనిచేయవు.➤నవంబర్ 22, ఆదివారం: దేశవ్యాప్తంగా సాధారణ సెలవు.➤నవంబర్ 23, సోమవారం: సెంగ్ కుట్ స్నెమ్ పండుగ సందర్భంగా.. మేఘాలయలో బ్యాంకులకు సెలవు ఉంటుంది.➤నవంబర్ 24, మంగళవారం: గురునానక్ జయంతి, కార్తీక పౌర్ణమి, రాస్ పౌర్ణిమ సందర్భంగా.. తెలంగాణతో పాటు ఢిల్లీ, మహారాష్ట్ర, మధ్యప్రదేశ్, ఒడిశా, ఉత్తరాఖండ్, ఉత్తరప్రదేశ్, పశ్చిమ బెంగాల్, జార్ఖండ్, హిమాచల్ ప్రదేశ్ తదితర ప్రాంతాల్లో బ్యాంకులకు సెలవు ఉంటుంది.➤నవంబర్ 27, శుక్రవారం: కనకదాస జయంతి సందర్భంగా కర్ణాటకలో బ్యాంకులు మూసి ఉంటాయి.➤నవంబర్ 28, శనివారం: నాలుగో శనివారం కావడంతో దేశవ్యాప్తంగా బ్యాంకులకు సెలవు.➤నవంబర్ 29, ఆదివారం: అన్ని రాష్ట్రాల్లో సాధారణ సెలవు ఉంటుంది.బ్యాంకు శాఖలు మూసి ఉన్నప్పటికీ ఖాతాదారులు ఆందోళన చెందాల్సిన అవసరం లేదు. ఎందుకంటే.. డిజిటల్ బ్యాంకింగ్ సేవలు యథావిధిగా అందుబాటులో ఉంటాయి. గూగుల్ పే, ఫోన్‌పే, పేటీఎం వంటి యాప్స్ ద్వారా యూపీఐ చెల్లింపులు చేసుకోవచ్చు. అలాగే మొబైల్ బ్యాంకింగ్, నెట్ బ్యాంకింగ్ ద్వారా డబ్బులు బదిలీ చేసుకోవచ్చు. నగదు అవసరమైనవారు ATMల ద్వారా డబ్బులు విత్‌డ్రా చేసుకోవచ్చు.అయితే.. చెక్కుల క్లియరెన్స్, క్యాష్ డిపాజిట్, ఇతర బ్యాంకు శాఖలకు సంబంధించిన పనుల కోసం నేరుగా వెళ్లాల్సి వస్తే ముందుగానే సెలవుల వివరాలు తెలుసుకోవడం మంచిది. ముఖ్యంగా ఒక రాష్ట్రంలో ఉన్న సెలవు మరో రాష్ట్రంలోని బ్యాంకులకు వర్తించకపోవచ్చు. కాబట్టి మీ ప్రాంతంలోని బ్యాంకు సెలవులను ముందుగా పరిశీలించి, అవసరమైన పనులను బ్యాంకులు పనిచేసే రోజుల్లోనే పూర్తి చేసుకోవడం ద్వారా చివరి నిమిషంలో ఇబ్బందులు పడకుండా ఉండవచ్చు.ఇదీ చదవండి: పని vs బిజినెస్.. రాబర్ట్ కియోసాకి టిప్స్!

ప్రపంచవ్యాప్తంగా సమకాలీన అంశాలపై ఎప్పటికప్పుడు సోషల్‌ మీడియా వేదికగా వ్యాఖ్యానించే టెక్‌ ప్రముఖుడు, జోహో వ్యవస్థాపకుడు శ్రీధర్ వెంబు.. తాజాగా మరో కీలక అంశాన్ని చర్చకు తీసుకొచ్చారు. భారత్‌లో సంప్రదాయ బిజినెస్‌ స్కూళ్లకు బదులుగా స్టార్టప్‌ ఇంక్యుబేటర్ల ఏర్పాటుపై ఎక్కువ దృష్టి పెట్టాలని అభిప్రాయపడ్డారు. దేశానికి మరో తరం మేనేజ్‌మెంట్‌ పట్టభద్రుల కంటే సొంతంగా వ్యాపారాలు ప్రారంభించే పారిశ్రామికవేత్తలు అవసరం ఎక్కువుందని పేర్కొన్నారు. ఇందుకోసం బిజినెస్‌ స్కూళ్లను మూసివేసి, ఆ స్థానంలో స్టార్టప్‌లను ప్రోత్సహించే కేంద్రాలను ఏర్పాటు చేయాలని సూచించారు.వ్యాపారాన్ని ఎలా నిర్మించాలి? ఎదురయ్యే సమస్యలను ఎలా పరిష్కరించాలి? అనే అంశాలను పుస్తకాల ద్వారా కాకుండా, స్వయంగా వ్యాపారాలు ప్రారంభించి, ప్రయోగాలు చేయడం ద్వారా నేర్చుకునే అవకాశాలు కల్పించాలని ఆయన పేర్కొన్నారు.కేంబ్రిడ్జ్‌ యూనివర్సిటీకి చెందిన జడ్జి బిజినెస్‌ స్కూల్‌ ప్రొఫెసర్‌ క్రిస్‌ మార్క్విస్‌ సోషల్‌ మీడియాలో చేసిన ఓ పోస్టుకు స్పందిస్తూ వెంబు ఈ వ్యాఖ్యలు చేశారు. ‘నేను ఓ బిజినెస్‌ స్కూల్‌లో బోధిస్తున్నాను. వాటిని మూసివేయాల్సిన సమయం వచ్చింది’ అని క్రిస్‌ మార్క్విస్‌ చేసిన వ్యాఖ్యకు శ్రీధర్‌ వెంబు మద్దతు తెలిపారు. తాను కూడా గత రెండు దశాబ్దాలుగా ఇదే అభిప్రాయాన్ని వ్యక్తం చేస్తున్నానని చెప్పారు. భారత్‌లో బిజినెస్‌ స్కూళ్లను మూసివేసి, స్టార్టప్‌ ఇంక్యుబేటర్లపై దృష్టి సారిస్తే ప్రయోజనకరంగా ఉంటుందని పేర్కొన్నారు. పెద్ద సంఖ్యలో కొత్త స్టార్టప్‌లు ఏర్పడటంతోపాటు, వ్యాపార రంగంలో విస్తృత ప్రయోగాలు జరగాల్సిన అవసరం ఉందని తన పోస్టులో వెల్లడించారు.ఎంబీఏ విద్యపై చర్చవెంబు వ్యాఖ్యలు సోషల్‌ మీడియాలో పెద్ద చర్చకు దారితీశాయి. భారత్‌లో ఇప్పటికే ఎంబీఏ పట్టభద్రులు గణనీయమైన సంఖ్యలో ఉన్నప్పటికీ, మొదటి నుంచి వ్యాపారాన్ని నిర్మించేందుకు ముందుకొచ్చేవారి సంఖ్య తక్కువగా ఉందని కొందరు అభిప్రాయపడ్డారు. దేశంలోని సగం బిజినెస్‌ స్కూళ్లను స్టార్టప్‌ ఇంక్యుబేటర్లుగా మార్చాలని సూచించారు. అటువంటి కేంద్రాల్లో ఔత్సాహికులు తమ ఆలోచనలకు కార్యరూపం ఇవ్వడం, ఎదురుదెబ్బలను ఎదుర్కోవడం, తప్పుల నుంచి పాఠాలు నేర్చుకోవడం ద్వారా వ్యాపార నైపుణ్యాలను పెంచుకోవచ్చని పేర్కొన్నారు.అయితే, బిజినెస్‌ స్కూళ్లను పూర్తిగా మూసివేయాలన్న ప్రతిపాదనను మరికొందరు వ్యతిరేకించారు. సంప్రదాయ మేనేజ్‌మెంట్‌ విద్య, వ్యవస్థాపకత రెండూ పరస్పర విరుద్ధమైనవి కావని వాదించారు. ఇప్పటికే ఉన్న బిజినెస్‌ స్కూళ్లలోనే స్టార్టప్‌ నిర్వహణ, వ్యాపార ఆవిష్కరణలు, నిధుల సమీకరణ వంటి అంశాలకు ప్రత్యేక ప్రాధాన్యం ఇవ్వవచ్చని సూచించారు. ప్రస్తుతం అనేక ఎంబీఏ కోర్సులు అమ్మకాలు, నియామకాలు, అకౌంటింగ్‌ వంటి విభాగాలకే పరిమితమవుతున్నాయని, సొంతంగా సంస్థలను ఎలా స్థాపించాలి, వాటిని ఎలా అభివృద్ధి చేయాలి అనే అంశాలపై మరింత ప్రాక్టికల్‌ శిక్షణ అవసరమని మరికొందరు అభిప్రాయపడ్డారు.ఇదీ చదవండి: ఇంత హాయి ఉద్యోగం వదులుకోవాలంటే కష్టమే మరి!!

దేశంలోని స్మాల్‌ ఫైనాన్స్ బ్యాంకుల్లో ఒకటైన ఏయూ స్మాల్ ఫైనాన్స్ బ్యాంక్ వినియోగదారుల వ్యక్తిగత వివరాలు లీక్‌ అయినట్లు వచ్చిన వార్తలు బ్యాంకింగ్ వర్గాల్లో తీవ్ర కలకలం రేపాయి. థర్డ్-పార్టీ సాఫ్ట్‌వేర్ ప్లాట్‌ఫామ్ ‘సేల్స్‌ఫోర్స్’ ద్వారా తమ కస్టమర్ల సమాచారం లీక్ అయినట్లు వస్తున్న కథనాలపై బ్యాంక్ యాజమాన్యం స్పందిస్తూ, సమగ్ర విచారణ ప్రారంభించినట్లు అధికారికంగా ప్రకటించింది.ఆధార్, పాన్ వివరాలు లీక్?‘స్కార్లెట్‌గ్రూప్’ అనే హ్యాకర్ల బృందం ఏయూ స్మాల్ ఫైనాన్స్ బ్యాంక్‌కు చెందిన కీలకమైన డేటాను హ్యాక్ చేసినట్లు నెట్ వేదికగా ప్రకటించడంతో ఈ వ్యవహారం వెలుగులోకి వచ్చింది. వినియోగదారుల పేరు, ఫోన్ నంబర్లు, ఈమెయిల్ అడ్రస్‌లతో పాటు ఆధార్, పాన్ కార్డు వివరాలు, కేవైసీ పత్రాలు, సిబిల్ స్కోరు, బ్యాంక్ స్టేట్‌మెంట్లు, వాహన రుణాలకు సంబంధించిన సమాచారం తమ వద్ద ఉందంటూ సదరు హ్యాకింగ్ గ్రూప్ సోషల్ మీడియా ప్లాట్‌ఫామ్ ఎక్స్ వేదికగా ప్రచారం చేసింది.స్పందించిన బ్యాంక్ఈ వ్యవహారంపై స్పందించిన ఏయూ స్మాల్ ఫైనాన్స్ బ్యాంక్ ప్రతినిధులు తమ కోర్ బ్యాంకింగ్ సిస్టమ్ సంపూర్ణంగా సురక్షితంగా ఉందని స్పష్టం చేశారు. సేల్స్‌ఫోర్స్ నేతృత్వంలోని సాస్‌ (SaaS) ప్లాట్‌ఫామ్‌లో ప్రధానంగా వాహన రుణాలు పొందిన కొంతమంది పరిమిత కస్టమర్ల సమాచారం ప్రభావితమై ఉండవచ్చని ప్రాథమికంగా గుర్తించినట్లు వెల్లడించారు. తమ ప్రధాన సర్వర్లు లేదా కస్టమర్ల ఖాతాల్లోని డిపాజిట్లు, ఆర్థిక నిధులకు ఎలాంటి ప్రమాదం వాటిల్లలేదన్నారు. తక్షణమే సైబర్ సెక్యూరిటీ నిపుణులతో కలిసి భద్రతా ఆడిట్, నివారణ చర్యలు చేపట్టినట్లు తెలిపారు.ఆందోళనలో కస్టమర్లుఇటీవలి కాలంలో క్లౌడ్ ఆధారిత ఎంటర్‌ప్రైజ్ సాఫ్ట్‌వేర్‌లను లక్ష్యంగా చేసుకుని హ్యాకర్లు దాడులకు పాల్పడటం బ్యాంకింగ్ రంగానికి పెద్ద సవాలుగా మారింది. ఏయూ స్మాల్‌ ఫైనాన్స్‌ బ్యాంక్ డేటా లీక్ వార్తలతో వాహన రుణాలు తీసుకున్న వినియోగదారుల్లో ఆందోళన నెలకొంది. ఫిషింగ్ ఈమెయిళ్లు, సైబర్ మోసాల బారిన పడకుండా ఉండేందుకు అనుమానాస్పద మెసేజ్లు, ఓటీపీలను ఎవరితోనూ పంచుకోవద్దని బ్యాంకింగ్ నిపుణులు హెచ్చరిస్తున్నారు. క్రమబద్ధమైన విచారణ అనంతరం పూర్తి వివరాలను రెగ్యులేటరీ సంస్థలకు, డిపాజిటర్లకు అందజేస్తామని బ్యాంక్ వర్గాలు పేర్కొన్నాయి.ఇదీ చదవండి: కేంద్ర మంత్రిత్వ శాఖపై సుప్రీంకోర్టు ఆగ్రహం

మనలో చాలామందికి ఏదో ఒక పనిలో.. అత్యుత్తమ నైపుణ్యం ఉంటుంది. కొందరికి వంట చేయడం బాగా తెలిసి ఉంటుంది. మరికొందరు మంచి సాఫ్ట్‌వేర్ డెవలపర్లు అయి ఉంటారు. ఇంకొందరు బేకరీ, సెలూన్ వంటి వ్యాపారాలకు సంబంధించిన పనుల్లో అద్భుతమైన ప్రతిభ చూపిస్తుంటారు. అయితే.. ఒక పని బాగా చేయగలిగినంత మాత్రాన మంచి వ్యాపారవేత్త అయిపోలేరు. ఆ పనిని ఒక విజయవంతమైన బిజినెస్‌గా మార్చుకోవడం కూడా తెలియాలి. ఇదే విషయాన్ని రిచ్ డాడ్ పూర్ డాడ్ పుస్తక రచయిత రాబర్ట్ కియోసాకి వెల్లడించారు.వ్యాపారవేత్త కావాలంటే..కియోసాకి ప్రకారం.. ఒక వ్యక్తి తన ప్రాంతంలోనే మంచి బ్రెడ్ తయారు చేయగలడని అనుకుందాం. అతని చేతి రుచి చాలా బాగుంటుంది. కస్టమర్లు కూడా అతని బ్రెడ్‌ను ఇష్టపడతారు. కానీ అంతమాత్రాన అతను మంచి బేకరీ వ్యాపారవేత్త అవుతాడని చెప్పలేం. ఎందుకంటే.. బ్రెడ్ తయారు చేయడం ఒక పని అయితే, బేకరీని విజయవంతంగా నడపడం మరో పని.వ్యాపారవేత్త కావాలంటే.. కస్టమర్లను ఎలా పెంచుకోవాలి?, అమ్మకాలు ఎలా పెంచాలి?, ఉద్యోగులను ఎలా నిర్వహించాలి?, ఖర్చులను ఎలా తగ్గించాలి?, లాభాలను ఎలా పెంచుకోవాలి?, అనే విషయాలను కూడా తప్పకుండా తెలుసుకోవాలి.కియోసాకి అనుభవంఈ విషయాన్ని మరింత అర్థమయ్యేలా వివరించడానికి కియోసాకి తన జీవితంలో జరిగిన ఒక సంఘటనను ఉదాహరణగా చెప్పారు. ఒకసారి తనకు పరిచయం ఉన్న వ్యక్తి రెస్టారెంట్ ప్రారంభించడానికి 5 లక్షల డాలర్లు పెట్టుబడి పెట్టాలని కోరారట. ఆ వ్యక్తి సాధారణమైన చెఫ్ కాదు. ప్రపంచంలోని ప్రముఖ వంటకాల విద్యాసంస్థల్లో శిక్షణ పొందిన మంచి చెఫ్. వంట చేయడంలో అతనికి అద్భుతమైన నైపుణ్యం ఉంది. అయినప్పటికీ కియోసాకి అతని రెస్టారెంట్‌లో పెట్టుబడి పెట్టడానికి నిరాకరించారు.దీనికి కారణం అతనికి వంట చేయడం బాగా వస్తుంది, కానీ బిజినెస్ నడపడం, ఉద్యోగులను నిర్వహించడం, వ్యాపారాన్ని విస్తరించడం వంటి విషయాల్లో సరైన అవగాహన లేదని కియోసాకి భావించారు. అతను తన టీమ్‌లో అందరికంటే మంచి చెఫ్‌గా ఉండాలని కోరుకున్నాడు. కానీ.. ఒక రెస్టారెంట్‌తో ఆగిపోకుండా మరిన్ని బ్రాంచ్‌లు ఎలా ప్రారంభించాలి? వ్యాపారాన్ని ఎలా పెంచాలి? అనే దానిపై ఎలాంటి స్పష్టమైన ప్రణాళిక లేదు.కేవలం ఉద్యోగంపై ఆధారపడకుఅలాగే ఉద్యోగం చేస్తూ.. కేవలం జీతం మీద ఆధారపడటం కంటే సొంతంగా ఆదాయం తీసుకొచ్చే వ్యాపారాన్ని నిర్మించుకోవడం నేర్చుకోవాలని కియోసాకి సూచించారు. ఎందుకంటే కాలక్రమేణా ద్రవ్యోల్బణం పెరుగుతుంది. ధరలు పెరిగేకొద్దీ మనం సంపాదించే జీతం విలువ కూడా తగ్గే అవకాశం ఉంటుంది. అలాంటప్పుడు.. కేవలం జీతం కోసం పనిచేయడం కాకుండా, మనకు ఆదాయం అందించే ఒక వ్యవస్థను నిర్మించుకోవడం ముఖ్యం. అంతేకాదు, ఉద్యోగాల కోసం వెతికే వ్యక్తులుగా కాకుండా.. మరికొందరికి ఉద్యోగాలు కల్పించే స్థాయికి ఎదగాలని పేర్కొన్నారు.ఇదీ చదవండి: ఒక్కసారిగా.. భారీగా తగ్గిన బంగారం, వెండి ధరలు!లక్షమంది వ్యాపారవేత్తల తయారీఇక ఈ లక్ష్యంతోనే.. ఈ ఏడాది లక్ష మంది కొత్త వ్యాపారవేత్తలను తయారు చేయాలనే కార్యక్రమాన్ని చేపట్టినట్లు కియోసాకి తెలిపారు. ఇందుకోసం విక్స్ (Wix) సంస్థతో భాగస్వామ్యం చేసుకున్నారు. ఈ కార్యక్రమం ద్వారా కొత్తగా వ్యాపారం ప్రారంభించాలనుకునే వారికి ఆన్‌లైన్ స్టోర్ ఏర్పాటు చేయడంలో సహాయం అందిస్తామని చెప్పారు. సుమారు 30 నిమిషాల్లో 20 వేగంగా అమ్ముడయ్యే ఉత్పత్తులతో ఆన్‌లైన్ స్టోర్‌ను సిద్ధం చేసుకోవచ్చని, ప్రారంభ ప్యాకేజీ ధర కేవలం 5 డాలర్లని వివరించారు.

దేశంలో వేగంగా విస్తరిస్తున్న డిజిటల్‌ ఆర్థిక వ్యవస్థపై ఆధారపడిన కోట్లాది మంది గిగ్, ప్లాట్‌ఫారమ్‌ వర్కర్ల (రైడ్ షేరింగ్, ఫుడ్ డెలివరీ, లాజిస్టిక్స్ యాప్ భాగస్వాములు) సంక్షేమం దిశగా కేంద్ర ప్రభుత్వం ముందడుగు వేసింది. లేబర్‌ కోడ్స్‌ కింద ‘నేషనల్‌ సోషల్‌ సెక్యూరిటీ బోర్డు’ ఏర్పాటును కేంద్ర కార్మిక, ఉపాధి మంత్రిత్వ శాఖ అధికారికంగా నోటిఫై చేసింది.అసంఘటిత రంగానికి చెందిన కార్మికులతో పాటు డిజిటల్‌ ఫ్లాట్‌ఫారమ్‌ల ద్వారా ఉపాధి పొందుతున్న గిగ్‌ వర్కర్లకు తగిన సామాజిక భద్రతా పథకాలను రూపొందించాలని నిర్ణయం తీసుకుంది. వాటి అమలు తీరును పర్యవేక్షించడం, ప్రభుత్వానికి తగిన సిఫార్సులు చేయడమే లక్ష్యంగా ఈ బోర్డు పనిచేస్తుందని కేంద్రం తన ప్రకటనలో తెలిపింది.కీలక బాధ్యతలు.. అధికార పరిధికొత్తగా నోటిఫై చేసిన ఈ జాతీయ బోర్డుకు విస్తృత అధికారాలు కల్పించారు. అందులో..ఆరోగ్య భద్రత, ప్రమాద బీమా, జీవిత బీమా, వైకల్యం మరియు వృద్ధాప్య పెన్షన్ వంటి కీలక అంశాల్లో గిగ్ వర్కర్ల కోసం ప్రత్యేక సంక్షేమ పథకాలను సిఫార్సు చేయడం.రాష్ట్రాల స్థాయిలో రికార్డుల నిర్వహణ, కార్మికుల నమోదు ప్రక్రియల పురోగతిని క్రమం తప్పకుండా సమీక్షించడం.సంక్షేమ నిధి (వెల్ఫేర్‌ ఫండ్‌), సంబంధిత ఖాతాల నుంచి జరిగే వ్యయాలను సమీక్షించడం, నిధులు అర్హులైన కార్మికులకు చేరుతున్నాయో లేదో ప్రత్యక్షంగా పర్యవేక్షించడం.శ్రామిక శక్తికి చట్టబద్ధమైన గుర్తింపుప్రస్తుతం స్విగ్గీ, జొమాటో, ఓలా, ఉబర్, బ్లింకిట్.. వంటి వివిధ డిజిటల్ అగ్రిగేటర్లపై ఆధారపడి లక్షల కొద్దీ యువత జీవనోపాధి పొందుతున్నారు. అయితే యాజమాన్యానికి, ఉద్యోగికి మధ్య సంప్రదాయ ఉద్యోగ భద్రత నిబంధనలు లేకుండా పోయింది. దాంతోపాటు వైద్య, ప్రమాద బీమా సౌకర్యాలు సరిగా అందుబాటులో లేవు. ఈ సమస్యకు పరిష్కారంగా కేంద్ర ప్రభుత్వం గిగ్ వర్కర్లను చట్టబద్ధ శ్రామిక చట్రంలోకి తీసుకువచ్చినట్లయింది.పరిశ్రమలు, ప్రతినిధులతో భాగస్వామ్యంఈ జాతీయ బోర్డులో ప్రభుత్వ ప్రతినిధులతో పాటు ప్లాట్‌ఫారమ్ అగ్రిగేటర్లు, కార్మిక సంఘాల ప్రతినిధులు, పరిశ్రమ రంగాల నిపుణులు సభ్యులుగా ఉంటారని సమాచారం. సామాజిక భద్రతా చట్టం కింద ఏర్పడే ఈ వ్యవస్థ.. భవిష్యత్తులో దేశవ్యాప్తంగా ఒకే రకమైన సామాజిక భద్రతా నెట్‌వర్క్‌ను రూపొందించేందుకు దోహదపడుతుంది. ఈ నోటిఫికేషన్ ద్వారా డిజిటల్ యుగంలో కొత్త శ్రామిక వ్యవస్థకు చట్టబద్ధ రక్షణ, గౌరవప్రదమైన సామాజిక భద్రత లభించనున్నాయని నిపుణులు భావిస్తున్నారు.ఇదీ చదవండి: కేంద్ర మంత్రిత్వ శాఖపై సుప్రీంకోర్టు ఆగ్రహం

గోద్రెజ్‌ ఇండస్ట్రీస్‌ గ్రూప్‌లో భాగమైన వెల్త్‌ మేనేజ్‌మెంట్‌ సేవల సంస్థ గోద్రెజ్‌ వెల్త్‌ దక్షిణాదిలో తమ కార్యకలాపాలు విస్తరించింది. ఇందులో భాగంగానే.. హైదరాబాద్‌లో తమ కార్యాలయాన్ని ప్రారంభించింది. గోద్రెజ్‌ వెల్త్‌ ఇప్పటి వరకు ముంబై, ఢిల్లీ, పుణేలో విస్తరించింది. ఈ ఆర్థిక సంవత్సరం చివరికి 8 నగరాలను లక్ష్యంగా పెట్టుకుంది.దేశీయంగా అత్యంత సంపన్నుల్లో (యూహెచ్‌ఎన్‌ఐ) 6.3% మందికి, ఔత్సాహిక వ్యాపారవేత్తలు, నిపుణులకు హైదరాబాద్‌ కేంద్రంగా ఉంటున్న నేపథ్యంలో ఈ ప్రాంతంపై మరింతగా దృష్టి పెడుతున్నట్లు సంస్థ నాన్‌ ఎగ్జిక్యూటివ్‌ డైరెక్టర్‌ మనీష్‌ షా, సీబీవో నీరజ్‌ వెల్లడించారు. సుమారు రూ. 5 కోట్ల పైబడి పెట్టుబడులు పెట్టగలిగే సంపన్నులకు.. వారి రిస్క్‌ సామర్థ్యాలను బట్టి వెల్త్‌ మేనేజ్‌మెంట్‌ సేవలు అందిస్తున్నట్లు వివరించారు.ఈ ఆర్థిక సంవత్సరం ఆఖరు నాటికి రూ. 3,000 కోట్లు, 2031 నాటికి రూ. లక్ష కోట్ల ఏయూఎం (నిర్వహణలోని ఆస్తులు), 35 ప్రాంతాల్లో కార్యకలాపాల లక్ష్యాన్ని నిర్దేశించుకున్నట్లు మనీష్‌ షా వివరించారు. మరోవైపు విజయవాడకు చెందిన కనకదుర్గా ఫైనాన్స్‌ బంగారం రుణాల వ్యాపారం కొనుగోలు ప్రక్రియ పూర్తి కావొస్తోందని చెప్పారు. పసిడి రుణాల పోర్ట్‌ఫోలియోను రూ. 500 కోట్లకు పెంచుకోనున్నట్లు షా చెప్పారు.

దేశంలోని అత్యున్నత కంపెనీ లా ట్రైబ్యునళ్ల నిర్వహణపై సుప్రీంకోర్టు తీవ్ర అసంతృప్తి వ్యక్తం చేసింది. జాతీయ కంపెనీ లా ట్రిబ్యునల్ (ఎన్‌సీఎల్‌టీ), జాతీయ కంపెనీ లా అప్పిలేట్ ట్రిబ్యునల్ (ఎన్‌సీఎల్‌ఏటీ) పరిపాలనా వ్యవహారాలను కేంద్ర కార్పొరేట్ వ్యవహారాల మంత్రిత్వ శాఖ పూర్తిగా తన గుప్పిట్లోకి తీసుకుందని అత్యున్నత న్యాయస్థానం మండిపడింది. వ్యవస్థల స్వయంప్రతిపత్తికి ఈ జోక్యం తీవ్ర విఘాతం కలిగిస్తోందని, ఇది దురదృష్టకరమని సుప్రీంకోర్టు స్పష్టం చేసింది.‘పూర్తిగా కైవసం చేసుకున్నారు’ఒక కేసు విచారణ సందర్భంగా భారత ప్రధాన జ్యుడీషియల్ ధర్మాసనం ఈ వ్యాఖ్యలు చేసింది. ‘ఈ వ్యవస్థల నిర్వహణను కార్పొరేట్ వ్యవహారాల మంత్రిత్వ శాఖ పూర్తిగా హైజాక్ (హస్తగతం) చేసుకుంది. అదే అసలు సమస్య. ఇది ఆ సంస్థల స్వయంప్రతిపత్తిని తీవ్రంగా దెబ్బతీస్తోంది’ అని ప్రధాన జ్యూడీషియల్ ధర్మాసనం తీవ్రంగా ఆక్షేపించింది. ప్రభుత్వానికి ఈ సంస్థలపై పూర్తి పట్టు ఉండాలనే దురాలోచన స్పష్టంగా కనిపిస్తోందని కోర్టు ఘాటుగా వ్యాఖ్యానించింది.సమస్యల వలయంలో ట్రైబ్యునళ్లుట్రిబ్యునళ్లలో నెలకొన్న మౌలిక వసతుల లేమి, సిబ్బంది కొరతపై కూడా న్యాయస్థానం ఆందోళన వ్యక్తం చేసింది. ఎన్‌సీఎల్‌టీ ప్రిన్సిపల్ బెంచ్‌లో భవనాల పైకప్పులు దెబ్బతినడం, కొన్ని అంతస్తులు మూసివేయడం వంటి అంశాలను సీనియర్ న్యాయవాదులు కోర్టు దృష్టికి తెచ్చారు. తగినంత మంది సభ్యులు లేకపోవడం వల్ల అనేక బెంచ్‌లు కేవలం సగం సమయం మాత్రమే పనిచేస్తున్నాయని, దీనివల్ల కార్పొరేట్ దివాలా ప్రక్రియలు, కంపెనీ వివాదాల పరిష్కారంలో తీవ్ర జాప్యం జరుగుతోందని న్యాయవాదులు వాదించారు. కాంట్రాక్టు ఉద్యోగుల నియామకాలు, అడ్మినిస్ట్రేటివ్ నియంత్రణ విషయంలో మంత్రిత్వ శాఖ వ్యవహరిస్తున్న తీరుపై కోర్టు తీవ్ర అభ్యంతరం వ్యక్తం చేసింది.అధ్యక్షులకే సర్వాధికారాలుట్రైబ్యునళ్లలో పారదర్శకత, స్వయంప్రతిపత్తి నిలబడాలంటే నియామకాలు, పరిపాలనా పరమైన పూర్తి అధికారాలు ఆయా సంస్థల అధ్యక్షులకే ఉండాలని సుప్రీంకోర్టు తేల్చి చెప్పింది. ప్రత్యామ్నాయ ఏర్పాట్లలో భాగంగా తొలుత డిప్యూటేషన్‌పై సిబ్బందిని తీసుకుని ఆ తర్వాత యూపీఎస్‌సీ లేదా స్టాఫ్ సెలక్షన్ కమిషన్ ద్వారా క్రమంగా రెగ్యులర్ నియామకాలు చేపట్టాలని సూచించింది. ఈ సంక్షోభానికి పరిష్కారాలను కనుగొనే దిశగా ఎన్‌సీఎల్‌టీ, ఎన్‌సీఎల్‌ఏటీ అధ్యక్షులు స్వయంగా రంగంలోకి దిగాలని కోర్టు కోరింది. ట్రిబ్యునళ్లలో ఉన్న మౌలిక వసతుల లోపాలు, సిబ్బంది కొరత, ఇతర పరిపాలనాపరమైన అవసరాలపై సమగ్ర నివేదికలను సమర్పించాలని ఆదేశిస్తూ తదుపరి విచారణకు ఉత్తర్వులు జారీ చేసింది.ఇదీ చదవండి: 40 వేలమంది భద్రతా సిబ్బంది డేటా లీక్‌

న్యూఢిల్లీ: టాటా గ్రూప్‌ రిటైల్‌ సంస్థ ‘ట్రెంట్‌ లిమిటెడ్‌’ బోర్డు నాయకత్వంలో కీలక మార్పు చోటుచేసుకుంది. కంపెనీ చైర్మన్, డైరెక్టర్‌గా సుదీర్ఘకాలంగా సేవలందిస్తున్న నోయెల్‌ ఎన్‌. టాటా నవంబర్‌ 11న పదవీ విరమణ చేయనున్నారు. ఆయన స్థానంలో నూతన చైర్మన్‌గా ‘బెహ్రామ్‌ వకీల్‌’ను కంపెనీ బోర్డు నియమించింది. ఈ నియామకం నవంబర్‌ 12 నుంచి అమలులోకి వస్తుందని స్టాక్‌ ఎక్సే్చంజీలకు సమాచారం ఇచ్చింది. 1997 నుంచి ట్రెంట్‌ అభివృద్ధిలో కీలక పాత్ర పోషించిన నోయెల్‌ టాటా సేవలను బోర్డు కొనియాడింది. ఆయన అందించిన అసమాన కృషికి ధన్యవాదాలుతెలుపుతూ తీర్మానం ఆమోదించింది. నోయెల్‌ టాటా సేవలకు గౌరవసూచకంగా నవంబర్‌ 12 నుంచి ‘గౌరవ చైర్మన్‌’ హోదాను కేటాయించింది. ఫ్యాషన్, లైఫ్‌స్టైల్, గ్రోసరీ విభాగాల్లో ట్రెంట్‌ తన రిటైల్‌ నెట్‌వర్క్‌ను వేగంగా విస్తరిస్తున్న తరుణంలో బెహ్రామ్‌ వకీల్‌ నియామకం ప్రాధాన్యత సంతరించుకుంది.

అనిల్‌ అగర్వాల్‌కు చెందిన మైనింగ్‌ రంగ దిగ్గజం వేదాంతా ప్రస్తుత ఆర్థిక సంవత్సరం(2026–27) రెండో త్రైమాసికంలో పటిష్ట ఫలితాలు సాధించింది. వార్షికంగా జూలై–సెప్టెంబర్‌(క్యూ2)లో కన్సాలిడేటెడ్‌ నికర లాభం 2 రెట్లు జంప్‌చేసి రూ. 3,650 కోట్లను అధిగమించింది. కమోడిటీల ధరలు పుంజుకోవడం, సానుకూల ఫారెక్స్‌ కదలికలు, అమ్మకాల పరిమాణం ఇందుకు దోహదపడ్డాయి.గతేడాది(2025–26) ఇదే కాలంలో కేవలం రూ. 1,798 కోట్లు ఆర్జించింది. మొత్తం ఆదాయం సైతం రూ.16,736 కోట్ల నుంచి రూ. 26,356 కోట్లకు ఎగసింది. కాగా.. జింక్‌ ఇండియా కంపెనీ చరిత్రలోనే ఒక త్రైమాసికంలో అత్యధికంగా 271000 టన్నుల మైన్‌డ్‌ మెటల్‌ ఉత్పత్తిని సాధించినట్లు కంపెనీ పేర్కొంది. ఈ బాటలో సిల్వర్‌ ఉత్పత్తి 20 శాతం ఎగసి 173 టన్నులకు చేరినట్లు వెల్లడించింది.

ప్రముఖ టెక్ కంపెనీ యాపిల్‌లో.. భారతీయ మూలాలున్న సాఫ్ట్‌వేర్ ఇంజినీర్ 'రాజేష్ అంబటి' కీలక పదోన్నతి పొందారు. సంస్థలో ఇంజినీరింగ్ విభాగానికి వైస్ ప్రెసిడెంట్‌గా నియమితులయ్యారు. దాదాపు 18 ఏళ్లుగా యాపిల్‌లో పనిచేస్తున్న ఆయన, తన అనుభవం, నైపుణ్యంతో ఈ స్థాయికి ఎదిగారు.యాపిల్ కంపెనీలో చేపట్టిన నాయకత్వ మార్పుల్లో భాగంగా రాజేష్ అంబటితో పాటు.. లూయీ సాంగునెట్టి, డెరెక్ షేఫర్ కూడా వైస్ ప్రెసిడెంట్లుగా పదోన్నతి పొందారు.రాజేష్ అంబటి విషయానికి వస్తే.. ఈయన తన కెరీర్‌లో ఎక్కువ భాగం సాఫ్ట్‌వేర్ ఇంజనీరింగ్ అండ్ వైర్‌లెస్ కనెక్టివిటీపై పనిచేశారు. పదోన్నతి పొందక ముందు, సాఫ్ట్‌వేర్ ఇంజనీరింగ్ సీనియర్ డైరెక్టర్‌గా ఉంటూ.. కంపెనీ కనెక్టివిటీ, సెల్యులార్, శాటిలైట్ సాఫ్ట్‌వేర్‌కు బాధ్యత వహించారు.అంబటి బాధ్యతలు సాఫ్ట్‌వేర్ తయారీతోనే ముగిసిపోలేదు. సాఫ్ట్‌వేర్ పనితీరును పరిశీలించడం, టెస్టులు నిర్వహించడం, నాణ్యతను నిర్ధారించడం, సమస్యలను గుర్తించి పరిష్కరించడం వంటి కీలక పనుల్లో కూడా ఆయనకు అనుభవం ఉంది. ఈ అనుభవమే సంస్థలో ఉన్నత స్థాయికి ఎదగడానికి తోడ్పడింది.రాజేష్ అంబటి తన కెరీర్‌ను మోటరోలా సంస్థలో ప్రారంభించారు. 2003 జనవరి నుంచి 2009 నవంబర్ వరకు అక్కడ ఇంజినీరింగ్ మేనేజర్‌గా పనిచేశారు. ఆ తర్వాత 2009 అక్టోబర్‌లో యాపిల్‌లో సీనియర్ సాఫ్ట్‌వేర్ ఇంజినీరింగ్ మేనేజర్‌గా చేరారు. అప్పటి నుంచి వివిధ బాధ్యతలు చేపడుతూ క్రమంగా తన కెరీర్‌లో ఎదిగారు.

భారతదేశంలోని అత్యంత ప్రభావవంతమైన వ్యాపార కుటుంబాల్లో ముఖేష్‌ అంబానీ కుటుంబానికి ప్రత్యేక స్థానం ఉంది. వ్యాపార అంశాల్లో నిత్యం వార్తల్లో ఉండే ఈ కుటుంబం వ్యాపారేతర కార్యక్రమాల్లోనూ ప్రజల దృష్టిని ఆకర్షిస్తూ ఉంటుంది. చమురు శుద్ధి నుంచి టెలికాం, రిటైల్‌, డిజిటల్‌ సేవలు, పునరుత్పాదక ఇంధనం వరకు విస్తరించిన రిలయన్స్‌ సామ్రాజ్యంలో తదుపరి తరం నాయకత్వం ఇప్పటికే కీలక బాధ్యతలు చేపట్టింది.ఆకాశ్ అంబానీ, అనంత్ అంబానీ.. అంబానీ కుటుంబ వారసులు. ముఖేష్ అంబానీ, నీతా అంబానీల కుమారులు. ఇద్దరూ కుటుంబ వ్యాపార వ్యవహారాల్లో చురుకైన పాత్ర పోషిస్తున్నారు. తన వ్యాపార సామ్రాజ్య విస్తరణలో భాగంగా తాజాగా జరిగిన జియో ప్లాట్‌ఫామ్స్‌ (Jio Platforms) స్టాక్‌ మార్కెట్‌ లిస్టింగ్‌ కార్యక్రమంలో వీరద్దరూ తమ ప్రసంగాలతో తండ్రి ముఖేష్‌ అంబానీకి పుత్రోత్సాహం కలిగించారు. ఈ నేపథ్యంలో వీరిద్దరి గురించిన వ్యక్తిగతమైన అంశాలు, చదువులు, పెళ్లిళ్లు, వ్యాపారంలో హోదాలు తదితర ఆసక్తికర విశేషాలను ఈ కథనంలో తెలుసుకుందాం.ఆకాశ్‌ అంబానీ..విద్యాభ్యాసం: అమెరికాలోని బ్రౌన్‌ యూనివర్సిటీలో ఆర్థిక శాస్త్రంలో బ్యాచిలర్‌ డిగ్రీ పూర్తి చేశారు.వైవాహిక జీవితం: 2019లో ప్రముఖ వజ్రాల వ్యాపార కుటుంబానికి చెందిన శ్లోకా మెహతాను వివాహం చేసుకున్నారు. ఈ దంపతులకు ఇద్దరు పిల్లలు ఉన్నారు.ప్రధాన బాధ్యతలు: రిలయన్స్‌ జియో ఇన్ఫోకామ్‌ ఛైర్మన్‌, జియో ప్లాట్‌ఫామ్స్‌ మేనేజింగ్‌ డైరెక్టర్‌గా వ్యవహరిస్తున్నారు.1991 అక్టోబర్‌ 23న జన్మించిన ఆకాశ్‌ అంబానీ, ముఖేష్‌ అంబానీ పెద్ద కుమారుడు. చిన్న వయసు నుంచే కుటుంబ వ్యాపార కార్యకలాపాలను దగ్గరగా పరిశీలించిన ఆయన, టెలికాం, డిజిటల్‌ సేవలు, సాంకేతికతకు సంబంధించిన వ్యాపారాలపై ప్రత్యేక దృష్టి సారించారు.2014లోనే రిలయన్స్‌ జియో ఇన్ఫోకామ్‌ బోర్డులో నాన్‌-ఎగ్జిక్యూటివ్‌ డైరెక్టర్‌గా చేరిన ఆకాశ్‌, 2022 జూన్‌లో ఆ సంస్థ ఛైర్మన్‌గా బాధ్యతలు చేపట్టారు. ప్రస్తుతం జియో ప్లాట్‌ఫామ్స్‌ మేనేజింగ్‌ డైరెక్టర్‌గానూ కొనసాగుతున్నారు. 5G మొబైల్‌ నెట్‌వర్క్‌ సేవలు, కృత్రిమ మేధ (AI), ఇంటర్నెట్‌ ఆఫ్‌ థింగ్స్‌ వంటి సాంకేతికతల ఆధారంగా జియో సేవలను విస్తరించడంలో ఆయన కీలక పాత్ర పోషిస్తున్నారు.అనంత్‌ అంబానీ..విద్యాభ్యాసం: అమెరికాలోని బ్రౌన్‌ యూనివర్సిటీలో కంప్యూటర్‌ సైన్స్‌ చదివారు.వైవాహిక జీవితం: 2024లో రాధికా మర్చంట్‌ను వివాహం చేసుకున్నారు.ప్రధాన బాధ్యతలు: రిలయన్స్‌ ఇండస్ట్రీస్‌ ఎగ్జిక్యూటివ్‌ డైరెక్టర్‌. జియో ప్లాట్‌ఫామ్స్‌, రిలయన్స్‌ రిటైల్‌ వెంచర్స్‌ బోర్డుల్లోనూ డైరెక్టర్‌గా ఉన్నారు.1995 ఏప్రిల్‌ 10న జన్మించిన అనంత్‌ అంబానీ, ముఖేష్‌ అంబానీ దంపతుల చిన్న కుమారుడు. తన అన్న ఆకాశ్‌ మాదిరిగానే అమెరికాలోని బ్రౌన్‌ యూనివర్సిటీలో ఉన్నత విద్యను అభ్యసించారు. అయితే, రిలయన్స్‌ వ్యాపారంలో ఆయన ప్రధానంగా ఇంధనం, పర్యావరణ పరిరక్షణ, స్థిరమైన అభివృద్ధికి సంబంధించిన కార్యకలాపాలపై దృష్టి సారిస్తున్నారు.2023లో రిలయన్స్‌ ఇండస్ట్రీస్‌ బోర్డులో నాన్‌-ఎగ్జిక్యూటివ్‌ డైరెక్టర్‌గా చేరిన అనంత్‌, 2025 మే 1 నుంచి ఐదేళ్ల కాలానికి పూర్తికాలపు డైరెక్టర్‌గా బాధ్యతలు చేపట్టారు. సౌర విద్యుత్‌ పరికరాల తయారీ, ఇంధన నిల్వ బ్యాటరీలు, గ్రీన్‌ హైడ్రోజన్‌, తదుపరి తరం స్వచ్ఛ ఇంధన సాంకేతికతల అభివృద్ధి వంటి అంశాల్లో రిలయన్స్‌ చేపడుతున్న కార్యక్రమాలతో ఆయనకు సంబంధం ఉంది. 2035 నాటికి నికర కర్బన ఉద్గారాలను సున్నా స్థాయికి తీసుకురావాలన్న సంస్థ లక్ష్యంలోనూ ఈ విభాగానికి ప్రాధాన్యం ఉంది.వ్యాపారంతోపాటు జంతు సంరక్షణపై అనంత్‌ ప్రత్యేక ఆసక్తి కనబరుస్తున్నారు. గుజరాత్‌లోని జామ్‌నగర్‌లో వనతార (Vantara) పేరుతో వన్యప్రాణుల రక్షణ, పునరావాసం, సంరక్షణ కార్యక్రమాన్ని ప్రారంభించారు. గాయపడిన, ప్రమాదంలో ఉన్న జంతువులకు వైద్య చికిత్స, ఆశ్రయం, అవసరమైన సంరక్షణ అందించడం ఈ కార్యక్రమంలోని ప్రధాన అంశాలు. వ్యాపార వృద్ధితోపాటు పర్యావరణం, జీవవైవిధ్య పరిరక్షణకు ప్రాధాన్యం ఇవ్వాలన్నది ఆయన కార్యకలాపాల్లో కనిపించే మరో కోణం.తండ్రి భావోద్వేగంఅక్టోబర్‌ 28న జియో ప్లాట్‌ఫామ్స్‌ స్టాక్‌ మార్కెట్‌లో అడుగుపెట్టిన సందర్భంగా అంబానీ కుటుంబం ప్రత్యేక ఆకర్షణగా నిలిచింది. ఈ కార్యక్రమంలో ఆకాశ్‌, అనంత్‌ ప్రసంగాలతో తండ్రి ముఖేష్‌ అంబానీ భావోద్వేగానికి గురైన దృశ్యాలు కూడా వార్తల్లో నిలిచాయి.కూతురిదీ కీలక పాత్రే!రిలయన్స్‌ వారసత్వం తదుపరి తరానికి బదిలీ అవుతున్న నేపథ్యంలో ఆకాశ్‌, అనంత్‌ల నాయకత్వ శైలి, నిర్ణయాలు, వ్యాపార విస్తరణ వ్యూహాలు రానున్న రోజుల్లో మరింత ఆసక్తిని రేకెత్తించనున్నాయి. అయితే, గ్రూప్‌ వ్యాపారాల్లో వారి పాత్రలను పరిశీలించేటప్పుడు వారి సోదరి ఇషా అంబానీ కూడా కీలక బాధ్యతలు నిర్వహిస్తున్న విషయాన్ని విస్మరించలేం. ఆమె ప్రధానంగా రిటైల్‌, వినియోగదారుల వ్యాపారాల విభాగాలకు నాయకత్వం వహిస్తున్నారు.ఇదీ చదవండి: గుడి గంటల్లా.. స్టాక్‌ మార్కెట్‌ బెల్స్‌: అనంత్‌ అంబానీ

ప్యాకెట్ ఫుడ్స్ కొనేటప్పుడు కొన్నిసార్లు మోసాలు జరుగుతూ ఉంటాయి. తక్కువ క్వాంటిటీ ఉండటం, డేట్ ఎక్స్‌పైరీ అయి ఉండటం లేదా పురుగులు పట్టి ఉండటం మొదలైవని అప్పుడప్పుడు కనిపిస్తుంటాయి. అలాంటప్పుడు చాలామంది లైట్ తీసుకుని వదిలేస్తారు. కానీ జైపూర్‌కు చెందిన ఒక వ్యక్తి మాత్రం ఐదు రూపాయల చిప్స్ ప్యాకెట్ వివాదంపై రూ.8000 పరిహారం పొందాడు. దీనికి సంబంధించిన మరిన్ని వివరాలు ఈ కథనంలో తెలుసుకుందాం.అసలు విషయానికి వస్తే.. జైపూర్‌కు చెందిన చంద్ర‌మన్ జలాన్ 2020 నవంబర్ 10న తన ఇంటికి వచ్చిన అతిథుల కోసం స్నాక్స్ అందించేందుకు కొన్ని ఆహార పదార్థాలను కొనుగోలు చేశారు. అందులో రూ.5 విలువైన లేస్ చిప్స్ ప్యాకెట్ కూడా ఉంది.11 గ్రాములు తక్కువఅయితే.. అతిథులకు చిప్స్ ఇస్తున్న సమయంలో ప్యాకెట్ చాలా తేలికగా అనిపించడంతో ఆయనకు అనుమానం వచ్చింది. వెంటనే ప్యాకెట్‌లోని చిప్స్‌ను తూకం వేయగా, ప్యాకెట్‌పై 15 గ్రాముల బరువు అని ఉన్నప్పటికీ, అందులో కేవలం 4 గ్రాముల చిప్స్ మాత్రమే ఉన్నాయని తెలుసుకున్నాడు. అంటే సూచించిన బరువు కంటే 11 గ్రాములు తక్కువగా ఉన్నాయన్నమాట.తక్కువ బరువు ఉండటంతో.. జలాన్ దాన్ని కొనుగోలు చేసిన మెట్రో క్యాష్ అండ్ క్యారీ సంస్థను సంప్రదించారు. కానీ అక్కడ సరైన పరిష్కారం లభించకపోవడంతో.. వినియోగదారుల కమిషన్‌ను ఆశ్రయించారు. 2022 ఏప్రిల్ 6న ఫిర్యాదు దాఖలు చేశారు.ఈ కేసును విచారించిన జైపూర్ జిల్లా వినియోగదారుల వివాదాల పరిష్కార కమిషన్-II కీలక నిర్ణయం తీసుకుంది. రిటైలర్ అయిన మెట్రో క్యాష్ అండ్ క్యారీ కేవలం ఉత్పత్తిని విక్రయించిందని, ప్యాకెట్‌లో చిప్స్ తక్కువగా ఉండటానికి సంబంధించిన బాధ్యత తయారీ సంస్థదేనని పేర్కొంది. దీంతో రిటైలర్‌పై ఉన్న ఫిర్యాదును కొట్టివేసింది.రూ.8000 పరిహారంకాగా.. పెప్సికో సంస్థకు నోటీసులు అందినా విచారణకు హాజరు కాలేదు. అందుబాటులో ఉన్న ఆధారాలను పరిశీలించిన కమిషన్, కంపెనీపై వచ్చిన ఫిర్యాదును అనుమతించింది. 2026 సెప్టెంబర్ 17న వెలువడిన ఉత్తర్వుల ప్రకారం.. పెప్సికో కంపెనీ ఫిర్యాదుదారునికి రూ.8000 పరిహారం ఇవ్వాలని ఆదేశించింది. ఇందులో మానసిక వేదనకు రూ.5,000, మరో రూ.3,000 కేసు ఖర్చుల కింద చెల్లించాలి.అంతే కాకుండా.. చిప్స్ ప్యాకెట్ ధర అయిన ఐదు రూపాయలకు, 2022 ఏప్రిల్ 6 నుంచి పరిహారం చెల్లించే వరకు 6 శాతం వార్షిక వడ్డీతో తిరిగి ఇవ్వాలని కమిషన్ ఆదేశించింది. ఉత్తర్వులు వెలువడిన నెల రోజుల్లోపు చెల్లింపులు చేయకపోతే, వర్తించే మొత్తంపై ఉత్తర్వుల తేదీ నుంచి 6 శాతం వార్షిక వడ్డీ చెల్లించాల్సి ఉంటుందని స్పష్టం చేసింది.ఇదీ చదవండి: ఉద్యోగులకు అలర్ట్.. శ్రీధర్ వెంబు సంచలన వ్యాఖ్యలు!

‘100 శాతం’.. అనేది తరుచుగా వ్యాపారాల్లో వినియోగించే పదం. తమ ఉత్పత్తుల్లో ‘100 శాతం’ అది ఉంది.. ఇది ఉంది.. అంటూ కస్టమర్లను ఆకర్షించేందుకు ముఖ్యంగా ఆహార ఉత్పత్తుల ప్రకటనల్లో ఉపయోగిస్తూ ఉంటారు. అయితే ఈ ‘100 శాతం’ అనేది ‘100 శాతం’ అబద్ధం అని చాలా సందర్భాల్లో రుజువవుతూనే ఉంది.ఉత్పత్తులపై ‘100 శాతం స్వచ్ఛత’, ‘100 శాతం సహజం’ అంటూ వినియోగదారులను ఆకర్షించే కంపెనీలకు కేంద్ర వినియోగదారుల పరిరక్షణ ప్రాధికార సంస్థ (సీసీపీఏ) షాక్‌ ఇస్తోంది. ప్రకటనల్లో చేసే వాదనలకు, ఉత్పత్తుల వాస్తవ కూర్పునకు పొంతన లేకపోవడంతో కంపెనీలపై జరిమానాలు విధిస్తోంది. తాజాగా సన్‌రైజ్‌ ఫుడ్స్‌ విక్రయించే ‘ఎవ్రీడే 100% హోల్‌ వీట్‌ బ్రెడ్‌’పై అభ్యంతరం వ్యక్తం చేసిన సీసీపీఏ.. రూ.లక్ష జరిమానా విధించి, ఆ ప్రకటనలను తక్షణమే నిలిపివేయాలని ఆదేశించింది. ఉత్పత్తిలో సంపూర్ణ గోధుమ పిండి 64 శాతమే ఉండగా, ‘100 శాతం’ అని ప్రకటించుకోవడం తప్పుదోవ పట్టించేదిగా పేర్కొంది. ‘హోల్‌ వీట్‌ బ్రెడ్‌’గా విక్రయించే ఉత్పత్తిలో పిండి ప్రాతిపదికన కనీసం 75 శాతం సంపూర్ణ గోధుమ పిండి ఉండాలన్న నిబంధనను కూడా ప్రస్తావించింది.ఇది ఈ ఒక్క కంపెనీకే పరిమితం కాలేదు. బ్రిటానియా ఇండస్ట్రీస్‌ ‘100% హోల్‌ వీట్‌ బ్రెడ్‌’, ‘జీరో మైదా’ అంటూ చేసిన ప్రచారంపైనా సీసీపీఏ ఇటీవల చర్యలు తీసుకుంది. బ్రెడ్‌లో సంపూర్ణ గోధుమ పిండి వాటా 62 శాతమే ఉండటంతో రూ.లక్ష జరిమానా విధించింది. మరోవైపు, స్టోరియా ఫుడ్స్‌ ‘100% టెండర్‌ కొబ్బరి నీళ్లు’, ‘100% జ్యూస్‌’ వంటి వాదనలపైనా జూన్‌ 2026లో చర్యలు తీసుకుంది. కొబ్బరి నీళ్ల ఉత్పత్తిలో నీటితో పాటు కొబ్బరి నీళ్ల సారాన్ని కలిపి తయారుచేసిన విషయాన్ని చిన్న అక్షరాల్లో పేర్కొనడం, ‘100% సహజం’ వంటి వాదనలకు తగిన ఆధారాలు లేకపోవడం వంటి అంశాలను సీసీపీఏ తప్పుబట్టి రూ.లక్ష జరిమానా విధించింది.ఆహార ఉత్పత్తుల లేబుళ్లు, ప్యాకేజింగ్‌, ప్రకటనల్లో ‘100%’ పదాన్ని ఉపయోగించడంపై ఫుడ్‌ సేఫ్టీ అండ్‌ స్టాండర్డ్స్‌ అథారిటీ ఆఫ్‌ ఇండియా (ఎఫ్‌ఎస్‌ఎస్‌ఏఐ) కూడా 2025 మేలో సలహా జారీ చేసింది. ఉత్పత్తి కూర్పుపై వినియోగదారుల్లో తప్పుడు అభిప్రాయం కలిగించే అవకాశం ఉందని హెచ్చరించింది. ప్యాకెట్‌ ముందు భాగంలో పెద్ద అక్షరాలతో చేసే ప్రచారాన్ని వెనుకవైపు చిన్న అక్షరాల్లో ఇచ్చే వివరాలు సమర్థించలేవని సీసీపీఏ స్పష్టం చేస్తోంది. వినియోగదారులు ఆకర్షణీయమైన ప్రకటనలకే పరిమితం కాకుండా, పదార్థాల జాబితా, వాటి శాతాలు పరిశీలించి కొనుగోలు చేయడం అవసరం.ఇదీ చదవండి: ముఖేష్ అంబానీ కన్నీళ్లు.. ఏడ్చేసిన రిలయన్స్‌ అధినేత

భారత స్టాక్‌ మార్కెట్‌ చరిత్రలో సరికొత్త అధ్యాయాన్ని లిఖించిన ‘జియో ప్లాట్‌ఫామ్స్‌’ ప్రపంచ స్థాయి కార్పొరేట్‌ దిగ్గజాల సరసన నిలిచింది. ఐపీఓ ఆఫర్‌ ధర ప్రకారం సుమారు రూ. 10.3 లక్షల కోట్ల (108 బిలియన్‌ డాలర్లు) ఈక్విటీ వాల్యుయేషన్‌తో జియో ఈ ఘనత సాధించింది. ప్రపంచవ్యాప్తంగా వ్యవస్థాపక నేతృత్వంలో నడిచే సంస్థల్లో.. లిస్టింగ్‌ రోజే 100 బిలియన్‌ డాలర్ల మార్క్‌ను దాటిన నాలుగో కంపెనీగా జియో చరిత్ర సృష్టించింది. ఇప్పటివరకు ఈ రికార్డు మెటా, అలీబాబా, స్పేస్‌ఎక్స్‌ సంస్థలకు మాత్రమే సాధ్యమైంది. దేశంలో రెండో అతిపెద్ద కంపెనీగా రికార్డు మార్కెట్‌ క్యాపిటలైజేషన్‌ ప్రాతిపదికన దేశంలోనే రెండో అతిపెద్ద లిస్టెడ్‌ కంపెనీగా జియో ప్లాట్‌ఫామ్స్‌ చరిత్ర సృష్టించింది. దాదాపు రూ.13.06 లక్షల కోట్ల మార్కెట్‌ క్యాప్‌తో రెండో స్థానంలో నిలిచింది. మాతృ సంస్థ ‘రిలయన్స్‌ ఇండస్ట్రీస్‌’ రూ. 15.67 లక్షల కోట్లతో తొలిస్థానంలో ఉంది. టెలికం రంగంలో తన ప్రధాన పోటీ సంస్థ ‘భారతీ ఎయిర్‌టెల్‌’ మార్కెట్‌ క్యాప్‌ కంటే ‘జియో’ ఏకంగా రూ. 80,000 కోట్లకు పైగా ముందంజలో నిలిచింది. కాగా, ఎయిర్‌టెల్‌ రూ. 12.25 లక్షల కోట్లతో మూడో స్థానంలో, హెచ్‌డీఎఫ్‌సీ బ్యాంక్‌ రూ.10.42 లక్షల కోట్లు, ఐసీఐసీఐ బ్యాంక్‌ రూ.9.80 లక్షల కోట్లు మార్కెట్‌ విలువ పరంగా నాలుగు, అయిదో స్థానంలో నిలిచాయి.‘టాప్‌’లేపిన రిలయన్స్‌ జియో ప్లాట్‌ఫామ్స్‌ (Jio Platforms) అద్భుతమైన అరంగేట్రంతో ముకేశ్‌ అంబానీ నేతృత్వంలోని రిలయన్స్‌ గ్రూప్‌.. మార్కెట్‌ విలువ పరంగా టాటా గ్రూప్‌ను అధిగమించి దేశంలోనే అతిపెద్ద కార్పొరేట్‌ గ్రూప్‌గా అవతరించింది. బీఎస్‌ఈ గణాంకాల ప్రకారం.. రిలయన్స్‌ ఇండస్ట్రీస్‌ (రూ. 15.67 లక్షల కోట్లు), జియో ప్లాట్‌ఫారŠమ్స్‌ (రూ. 13.06 లక్షల కోట్లు), జియో ఫైనాన్షియల్‌ సర్వీసెస్‌ (రూ. 1.35 లక్షల కోట్లు) మార్కెట్‌ క్యాప్‌లతో కలిపి రిలయన్స్‌ గ్రూప్‌ మొత్తం మార్కెట్‌ విలువ రూ. 30.08 లక్షల కోట్లకు చేరింది. కాగా, టీసీఎస్, టాటా స్టీల్, టైటాన్, టాటా పవర్, టాటా మోటార్స్, ట్రెంట్‌ తదితర ప్రధాన కంపెనీల మార్కెట్‌ క్యాప్‌లతో కూడిన టాటా గ్రూప్‌ మొత్తం విలువ రూ. 25.28 లక్షల కోట్లుగా ఉంది.కొత్త సాంకేతికతను సామాన్యులకు చేరవేస్తాం: ఆకాశ్‌ అంబానీ జియో లిస్టింగ్‌ (Jio Listing) సరికొత్త ప్రయాణానికి ప్రారంభం మాత్రమే. రిలయన్స్‌ తరహాలోనే జియో కూడా ఇన్వెస్టర్ల సంపదను భారీగా వృద్ధి చేస్తుంది. గత పదేళ్లలో డేటాను అందరికీ అందుబాటులోకి తెచ్చినట్లుగానే, రాబోయే దశాబ్దంలో ఆర్టిఫిషియల్‌ ఇంటెలిజెన్స్‌ (ఏఐ), క్లౌడ్, స్పేస్‌ కనెక్టివిటీ వంటి అధునాతన సాంకేతికతలను భారత ప్రజలందరికీ చేరువ చేస్తాము. ఒకప్పుడు సాంకేతిక వినియోగదారుగా ఉన్న భారత్, నేడు సృష్టికర్తగా అవతరించింది. త్వరలోనే జియోను ప్రపంచంలోని అత్యున్నత సాంకేతిక కంపెనీలలో ఒకటిగా నిలిపి, మన త్రివర్ణ పతాకాన్ని గ్లోబల్‌ స్థాయికి తీసుకెళ్తాము’’ అని జియో ఎండీ ఆకాశ్‌ అంబానీ తెలిపారు.ఇదీ చ‌ద‌వండి: కొడుకు స్పీచ్‌.. ముఖేష్ అంబానీ ఎమోష‌న‌ల్‌చరిత్ర పునరావృతమైంది: ఇషా అంబానీ దాదాపు 50 ఏళ్ల క్రితం రిలయన్స్‌ తొలి పబ్లిక్‌ ఇష్యూ వచ్చినప్పుడు మా నాన్న కూడా అందులో భాగమయ్యారు. సామాన్య కుటుంబాలు దేశ ఆర్థిక వృద్ధిలో యజమానులుగా భాగస్వాములు కావాలన్నదే మా తాతగారు ధీరూభాయ్‌ ఆశయం. నేడు ఆ నమ్మకం, చరిత్ర పునరావృతం అయ్యాయి. గత 13 ఏళ్లలో జియోను దేశంలోనే అతిపెద్ద టెలికాం సంస్థగా తీర్చిదిద్దడానికి ఆకాశ్‌ పడ్డ శ్రమకు సోదరిగా ఎంతో గర్విస్తున్నాను. గత ఏడాది జియో సుమారు 15.5 బిలియన్‌ డాలర్ల ఆదాయాన్ని నమోదు చేసింది’’ అని డైరెక్టర్‌ ఇషా అంబానీ పేర్కొన్నారు.

ఉత్తరప్రదేశ్ రాష్ట్రంలోని గ్రేటర్ నోయిడా ప్రాంతంలో ఉన్న పంజాబ్ నేషనల్ బ్యాంక్ (పీఎన్‌బీ) శాఖలో సుమారు రూ.35 కోట్ల భారీ కుంభకోణం వెలుగుచూడటం సంచలనం సృష్టించింది. ఖాతాదారుల పొదుపు ఖాతాలు (సేవింగ్స్ అకౌంట్స్), ఫిక్స్‌డ్ డిపాజిట్ల నుంచి ఎలాంటి సమాచారం సందేశాలు లేకుండానే పెద్ద ఎత్తున నిధులు అదృశ్యం కావడం ఆందోళన కలిగిస్తోంది.అసలేం జరిగిందంటే..బాధిత ఖాతాదారులు తెలిపిన వివరాల ప్రకారం, ఈ బ్రాంచ్‌లో కొందరు కస్టమర్లు తమ డబ్బును ఫిక్స్‌డ్ డిపాజిట్ల రూపంలో మదుపు చేశారు. అయితే, వారికి ఎలాంటి ముందస్తు అనుమతి లేకుండానే ఆ ఎఫ్‌డీలను రద్దు చేయడం, ఆ మొత్తాన్ని ఇతర ఖాతాలకు బదలాయించినట్లు ఆరోపణలు వస్తున్నాయి. ఈ వ్యవహారంపై ఖాతాదారులు ఆందోళనకు దిగి బ్యాంకు ఎదుట నిరసన వ్యక్తం చేశారు. కొందరి ఖాతాల నుంచి రూ.10 లక్షల నుంచి రూ.80 లక్షల వరకు డిపాజిట్లు మాయమైనట్లు ప్రాథమిక ఫిర్యాదుల్లో తేలింది.అంతర్గత విచారణఈ ఆరోపణలు బయటికి రావడంతో పంజాబ్ నేషనల్ బ్యాంక్ ఉన్నతాధికారులు, విజిలెన్స్ బృందాలు అప్రమత్తమయ్యాయి. ప్రాథమిక విచారణ ఆధారంగా బాధ్యులని తేలిన బ్రాంచ్ మేనేజర్‌తో సహా మొత్తం ఐదుగురు బ్యాంకు ఉద్యోగులను సస్పెండ్ చేస్తూ యాజమాన్యం తక్షణ చర్యలు తీసుకుంది. అంతేకాకుండా, సదరు బ్రాంచ్‌లో కొత్త సిబ్బందిని నియమించి కార్యకలాపాలను గాడిలో పెట్టే ప్రయత్నం చేస్తున్నారు. మరోవైపు, స్థానిక పోలీస్ స్టేషన్‌లో బాధిత ఖాతాదారులు ఫిర్యాదు చేయడంతో పోలీసులు ఎఫ్‌ఐఆర్ నమోదు చేసి నిధుల మళ్లింపుపై దర్యాప్తు ముమ్మరం చేశారు.బ్యాంక్ యాజమాన్యం భరోసాఖాతాదారుల్లో నెలకొన్న భయాందోళనలను తొలగించేందుకు పీఎన్‌బీ మేనేజ్‌మెంట్ స్పందించింది. బ్యాంకులో డిపాజిట్ చేసిన ప్రతి రూపాయికి పూర్తి భద్రత ఉంటుందని, చట్టపరమైన విచారణ అనంతరం బాధితుల సొమ్మును పూర్తిగా తిరిగి చెల్లిస్తామని బ్యాంకు అధికారులు హామీ ఇస్తున్నారు. అయితే, దేశంలోని ప్రతిష్టాత్మక ప్రభుత్వ రంగ బ్యాంకుల్లో ఇలాంటి మోసాలు పునరావృతం కావడం డిజిటల్ భద్రత, అంతర్గత ఆడిట్ వ్యవస్థలపై ప్రశ్నలను లేవనెత్తుతోంది.ఇదీ చదవండి: 120 కి.మీ వేగంతో వెళ్లినా చలాన్లు ఉండవు! కానీ..

ప్రయాణికుల భద్రతకు ప్రాధాన్యతనిస్తూ భారతీయ రైల్వే శాఖ కీలక నిర్ణయం తీసుకుంది. రైళ్లలో రాత్రి సమయాల్లో మొబైల్ ఫోన్లు, లాప్‌టాప్‌లు ఇతర ఎలక్ట్రానిక్ పరికరాలను ఛార్జ్ చేసుకునే సదుపాయానికి తాత్కాలికంగా ముగింపు పలికింది. ఇకపై దేశవ్యాప్తంగా నడిచే అన్ని రైళ్లలోనూ రాత్రి 11 గంటల నుంచి ఉదయం 5 గంటల వరకు ఛార్జింగ్ సాకెట్లకు విద్యుత్ సరఫరాను నిలిపివేయాలని రైల్వే బోర్డు అన్ని జోన్లకు అత్యవసర ఆదేశాలు జారీ చేసింది. ఈ నిబంధనను కచ్చితంగా అమలు చేయాలని ఎలాంటి మినహాయింపులు ఉండబోవని స్పష్టం చేసింది.కారణం ఏమిటి?ఇటీవల సౌత్ ఈస్టర్న్ రైల్వే పరిధిలో జరిగిన ఒక ప్రమాదం ఈ నిర్ణయానికి ప్రధాన కారణంగా నిలిచింది. ప్రయాణ సమయంలో రాత్రిపూట ఛార్జింగ్‌లో ఉంచిన ఒక ప్రయాణికుడి పవర్‌ బ్యాంక్ ఒక్కసారిగా పేలిపోయి దట్టమైన పొగలు అలుముకున్న సంఘటన రైల్వే అధికారులను ఆందోళనకు గురిచేసింది. రాత్రి వేళల్లో ప్రయాణికులంతా గాఢ నిద్రలో ఉండటం వల్ల షార్ట్ సర్క్యూట్లు లేదా బ్యాటరీ పేలుళ్ల వంటి ప్రమాదాలు సంభవించినప్పుడు వాటిని వెంటనే గుర్తించడం కష్టంగా మారుతోంది. దీనివల్ల ప్రాణనష్టంతో పాటు పెను ప్రమాదాలు ముంచుకొచ్చే అవకాశాలున్నాయని నిపుణులు హెచ్చరిస్తున్నారు. అంతేకాకుండా, రాత్రి సమయాల్లో ఛార్జింగ్ పెట్టే పరికరాల పట్ల ప్రయాణికులు నిర్లక్ష్యంగా వ్యవహరించడం వల్ల ఫోన్లు చోరీకి గురయ్యే అవకాశాలు కూడా పెరుగుతున్నాయని దక్షిణ మధ్య రైల్వేతో పాటు పలు జోన్లు అభిప్రాయపడ్డాయి.గత ఆదేశాల పునరుద్ధరణవాస్తవానికి ఈ నిబంధన కొత్తదేమీ కాదని, 2014 జూన్‌లోనే రైల్వే బోర్డు ఇలాంటి మార్గదర్శకాలను జారీ చేసిందని అధికారులు గుర్తు చేస్తున్నారు. అయితే క్షేత్రస్థాయిలో వీటి అమలు అడపాదడపా మాత్రమే జరగడం, ప్రయాణికుల్లో అవగాహన లోపించడం వల్ల ఈ నిబంధన పూర్తిగా అమలు కాలేదు. ప్రస్తుత పరిణామాల నేపథ్యంలో రైల్వే బోర్డు దీన్ని మరింత కఠినతరం చేసింది. ఏసీ కోచ్‌లలో ఇప్పటికే ఈ నిబంధన అమలులో ఉన్నప్పటికీ నాన్-ఏసీ కోచ్‌ల్లో సిబ్బంది కొరత, ఇతర ఆచరణాత్మక ఇబ్బందులు ఉన్నాయనే వాదనలను బోర్డు తోసిపుచ్చింది. అన్ని కోచ్‌లలోనూ నిబంధనలు సక్రమంగా అమలయ్యేలా ఆకస్మిక తనిఖీలు చేపట్టాలని ఆదేశాల్లో పేర్కొంది.ఇదీ చదవండి: 120 కి.మీ వేగంతో వెళ్లినా చలాన్లు ఉండవు! కానీ..

భారతీయ రైల్వే వ్యవస్థ ప్రయాణికుల రవాణాలోనే కాకుండా సరుకు రవాణా విభాగంలోనూ విప్లవాత్మక మార్పులకు శ్రీకారం చుుడుతోంది. ఇప్పటివరకు రైలు ద్వారా వస్తువులను పంపాలంటే ప్రయాణికులు భారీ మూటలతో రైల్వే స్టేషన్లకు పరుగులు తీయడం, గంటల తరబడి క్యూ లైన్లలో నిలబడి పేపర్‌వర్క్‌ పూర్తి చేయడం ప్రయాసగా ఉండేది. ఈ ఇబ్బందులన్నింటికీ చెక్‌ పెడుతూ కస్టమర్ల ఇంటి వద్దకే వచ్చి పార్సళ్లను సేకరించి గమ్యస్థానానికి చేరవేసే నూతన విధానానికి భారతీయ రైల్వే చర్యలు చేపడుతోంది. ‘రైల్ పార్సల్‌ యాప్ – ఘర్ సే ఘర్ తక్’ పేరుతో త్వరలో అమల్లోకి రానున్న ఈ సరికొత్త సేవలు దేశవ్యాప్తంగా లాజిస్టిక్స్ రంగంలో సరికొత్త మైలురాయిగా నిలవనున్నాయి.మొదటి విడతలో 8 నగరాల్లో..ప్రారంభ దశలో ఈ సేవలను దేశంలోని ఎనిమిది ప్రధాన మహానగరాల్లో ప్రయోగాత్మకంగా అందుబాటులోకి తీసుకురానున్నారు. ఢిల్లీ, ముంబై, కోల్‌కతా, చెన్నై, అహ్మదాబాద్, హైదరాబాద్, బెంగళూరు, పుణె నగరాల ప్రజలు ఈ సరికొత్త డోర్‌-టు-డోర్‌ పార్సల్‌ సేవలను తొలి విడతలో పొందనున్నారు. ఈ నగరాల్లోని కస్టమర్లు తమ ఇళ్లలో ఉంటూనే రైలు మార్గం ద్వారా సురక్షితంగా తమ వస్తువులను దేశంలోని ఇతర ప్రాంతాలకు పంపుకోవచ్చు.ఈ సేవలు ఎలా పనిచేస్తాయి?కస్టమర్లు ప్రత్యేకంగా రూపొందించిన మొబైల్ అప్లికేషన్ ద్వారా ఆన్‌లైన్‌లోనే పార్సల్‌ బుకింగ్, పేమెంట్ పూర్తి చేయవచ్చు.నిర్దేశిత సమయంలో లాజిస్టిక్స్ భాగస్వామి సిబ్బంది నేరుగా కస్టమర్ ఇంటికి వచ్చి పార్శిల్‌ను సేకరిస్తారు.కస్టమర్ల సౌలభ్యాన్ని బట్టి ఈ లాజిస్టిక్స్ సంస్థలే వస్తువులకు సురక్షితమైన ప్యాకింగ్ సేవలను కూడా (అదనపు రుసుముతో) అందిస్తాయి.సేకరించిన పార్సళ్లను రైల్వే స్టేషన్‌కు చేర్చి అక్కడి నుంచి రైలు ద్వారా గమ్యస్థానానికి రవాణా చేస్తారు.గమ్యస్థానంలోని స్టేషన్‌కు పార్సల్‌ చేరిన వెంటనే అక్కడి లాజిస్టిక్స్ సిబ్బంది దాన్ని స్వీకరించి రిసీవర్ ఇంటి వద్ద డెలివరీ చేస్తారు.బుకింగ్ నిబంధనలుఈ అత్యాధునిక వ్యవస్థలో ప్రయాణికులు ఎక్కడా భౌతికంగా కష్టపడాల్సిన అవసరం లేకుండా పూర్తి డిజిటల్ పద్ధతిలో సేవలు లభిస్తాయి. రైలు బయలుదేరే తేదీకి కనీసం 15 రోజుల ముందే కస్టమర్లు తమ పార్శిళ్లను బుక్ చేసుకునే సౌలభ్యం కల్పించారు. ఈ బుకింగ్ వెసులుబాటు రైలు బయలుదేరడానికి సరిగ్గా ఒక్క రోజు ముందు వరకు అందుబాటులో ఉంటుంది. ఇక లాజిస్టిక్స్ భాగస్వామి సంస్థలు ఆయా పార్సళ్లను రైలు బయలుదేరే సమయానికి ఒక గంట ముందు రైల్వే సిబ్బందికి అందజేయాల్సి ఉంటుంది.ఒకవేళ బుకింగ్ చేసుకున్న తర్వాత ప్రయాణికులు రద్దు చేసుకోవాలనుకుంటే రైల్వే శాఖ నిబంధనల ప్రకారం క్లర్కేజ్ ఛార్జ్ (రూ.10) మినహాయించి మిగతా సరుకు రవాణా రుసుమును తిరిగి చెల్లిస్తారు. అయితే డోర్‌స్టెప్ పికప్, డెలివరీ ఛార్జీల రీఫండ్ మాత్రం సంబంధిత లాజిస్టిక్స్ సంస్థల విధివిధానాలపై ఆధారపడి ఉంటుంది.ఇదీ చదవండి: 120 కి.మీ వేగంతో వెళ్లినా చలాన్లు ఉండవు! కానీ..

జియో ప్లాట్‌ఫామ్స్‌ స్టాక్‌ మార్కెట్‌లో అడుగుపెట్టిన సందర్భంగా రిలయన్స్‌ అధినేత ముఖేష్‌ అంబానీ కుమారుడు అనంత్‌ అంబానీ భావోద్వేగ ప్రసంగం చేశారు. జియో విజయానికి తోడ్పడిన కోట్లాది మంది భారతీయులకు కృతజ్ఞతలు తెలిపారు. కంపెనీ లిస్టింగ్‌ను కేవలం వ్యాపార విజయంగా కాకుండా, దేశంతో తమ సంతోషాన్ని పంచుకునే సందర్భంగా అభివర్ణించారు. తన తాత ధీరూభాయ్‌ అంబానీ భారతీయుల కలలకు బలమిచ్చారని, తండ్రి ముఖేష్‌ అంబానీ దేశం వెనుకబడకూడదనే లక్ష్యంతో జియోను ముందుకు తీసుకెళ్లారని గుర్తుచేసుకున్నారు.‘వ్యాపారం నాకు పూజతో సమానం. స్టాక్‌ ఎక్స్ఛేంజ్‌లో మోగిన గంట దేవాలయ గంటలా అనిపిస్తోంది. ప్రతి పూజ ప్రసాదంతో ముగిసినట్లే.. ఈ రోజు జియో తన విజయాన్ని భారతదేశంతో పంచుకుంటోంది’ అని అనంత్‌ పేర్కొన్నారు. తల్లి ఆప్యాయంగా పలికే ‘జియో మేరే లాల్‌’, అమ్మమ్మ ఆశీర్వాదమైన ‘జగ్‌ జగ్‌ జియో’, స్నేహితుల ‘జియో మేరే యార్‌’ వంటి మాటలను గుర్తుచేసుకుంటూ, జియో ప్రయాణంలో ప్రజల ప్రేమ, ఆశీస్సులు కీలకమని చెప్పారు. తన సోదరుడు ఆకాశ్‌, సోదరి ఇషాతో కలిసి సంస్థ అభివృద్ధికి కృషి చేస్తామని తెలిపారు. క్షేత్రస్థాయి సిబ్బంది, సాంకేతిక నిపుణులు, ఇంజినీర్లు, స్టోర్‌ ఉద్యోగులు, రిటైల్‌ భాగస్వాముల సేవలను ప్రశంసిస్తూ ఈ విజయం వారిదేనని పేర్కొన్నారు.డిజిటల్‌ ఇండియా కార్యక్రమం ద్వారా దేశంలో డిజిటల్‌ సేవల విస్తరణకు దిశానిర్దేశం చేసిన ప్రధాని నరేంద్ర మోదీకి అనంత్‌ కృతజ్ఞతలు తెలిపారు. వికసిత్‌ భారత్‌ లక్ష్య సాధనలో రిలయన్స్‌ ముందుంటుందని చెప్పారు.ఇదీ చదవండి: ముఖేష్ అంబానీ కన్నీళ్లు.. ఏడ్చేసిన రిలయన్స్‌ అధినేత21.36 శాతం ప్రీమియంతో లిస్టింగ్‌మరోవైపు, జియో ప్లాట్‌ఫామ్స్‌ షేర్లు అక్టోబర్‌ 28న బీఎస్‌ఈ, ఎన్‌ఎస్‌ఈల్లో ఒక్కో షేరు రూ.1,358 వద్ద లిస్ట్‌ అయ్యాయి. ఐపీఓ ఇష్యూ ధర రూ.1,119తో పోలిస్తే ఇది 21.36 శాతం ప్రీమియం. ఈ లిస్టింగ్‌తో కంపెనీ మార్కెట్‌ విలువ సుమారు రూ.12.5 లక్షల కోట్లకు చేరి, రిలయన్స్‌ ఇండస్ట్రీస్‌ తర్వాత దేశంలో రెండో అత్యంత విలువైన లిస్టెడ్‌ కంపెనీగా నిలిచింది.జియో ప్లాట్‌ఫామ్స్‌ రూ.30,213 కోట్ల ఐపీఓకు పెట్టుబడిదారుల నుంచి భారీ స్పందన లభించింది. మొత్తం 22.19 రెట్లు సబ్‌స్క్రిప్షన్‌ నమోదవగా, సుమారు 1.39 కోట్ల దరఖాస్తులు వచ్చాయి. పబ్లిక్‌ ఇష్యూ, యాంకర్‌ ఇన్వెస్టర్ల నుంచి కలిపి వచ్చిన మొత్తం డిమాండ్‌ రూ.7.4 లక్షల కోట్లను దాటింది.ప్రస్తుతం 53 కోట్లకు పైగా టెలికాం వినియోగదారులకు సేవలందిస్తున్న జియోలో మెటా, గూగుల్‌ మాతృసంస్థ ఆల్ఫాబెట్‌ వంటి అంతర్జాతీయ సంస్థలు పెట్టుబడులు పెట్టాయి. ఈ లిస్టింగ్‌ రిలయన్స్‌ గ్రూప్‌ నుంచి దాదాపు రెండు దశాబ్దాల తర్వాత జరిగిన తొలి ప్రధాన స్టాక్‌ మార్కెట్‌ అరంగేట్రం కావడం విశేషం.🇮🇳 Bell-ringing ceremony marks the stock market debut of Jio Platforms Limited at the NSE in Mumbai, attended by the Ambani family. 📈 Jio shares make a strong debut at ₹1,358, up 21.35% from the IPO issue price of ₹1,119. https://t.co/8MuRGWwVVs— The Eagle Eye (@Theeye_eagle) October 28, 2026

న్యూఢిల్లీ: దేశీయ అతిపెద్ద ప్రైవేట్‌ రంగ సంస్థ ‘హెచ్‌డీఎఫ్‌సీ బ్యాంక్‌’ మేనేజింగ్‌ డైరెక్టర్‌ (ఎండీ), చీఫ్‌ ఎగ్జిక్యూటివ్‌ ఆఫీసర్‌ (సీఈఓ)గా అనుప్‌ బాగ్చీ మంగళవారం బాధ్యతలు స్వీకరించారు. గతంలో ఈ పదవిలో పనిచేసిన శశిధర్‌ జగదీశన్‌ పదవీ కాలం సోమవారంతో ముగిసింది. ఈ మేరకు బాగ్చీ నియామకంపై స్టాక్‌ ఎక్సే్చంజీలకు బ్యాంకు సమాచారం అందించింది. మూడు దశాబ్దాలకు పైబడిన బ్యాంక్‌ చరిత్రలోనే వెలుపలి వ్యక్తి ఎండీ, సీఈఓగా పగ్గాలు చేపట్టడం ఇదే తొలిసారి. ఐసీఐసీఐ గ్రూప్‌లో సుదీర్ఘ అనుభవం ఉన్న బాగ్చీ, అంతకుముందు ఐసీఐసీఐ ప్రుడెన్షియల్‌ లైఫ్‌ ఇన్సూరెన్స్‌ ఎండీ, సీఈఓగా సేవలందించారు. ప్రస్తుతం ప్రధాన ఆదాయ వృద్ధి మందగించడం, లాభాల మార్జిన్ల క్షీణత వంటి పలు సవాళ్లను బ్యాంక్‌ ఎదుర్కొంటున్న తరుణంలో బాగ్చీ బాధ్యతలు చేపట్టడం గమనార్హం. కాగా, హెచ్‌డీఎఫ్‌సీ బ్యాంకు డిప్యూటీ మేనేజింగ్‌ డైరెక్టర్‌గా పనిచేస్తున్న కైజాద్‌ భరూచా ఈ ఏడాది డిసెంబర్‌ నాటికి పదవీ విరమణ చేయనున్నట్లు ప్రకటించారు. జగదీశన్‌కు వీడ్కోలు కార్పొరేట్‌ గవర్నెన్స్‌ (పాలనా ప్రమాణాలు) లోపాలపై ఆరోపణలు వెల్లువెత్తిన నేపథ్యంలో తన పదవీకాలాన్ని పొడిగించుకోవడానికి జగదీశన్‌ నిరాకరించారు. అయితే, భారత్‌లోనే అతిపెద్ద కార్పొరేట్‌ విలీనాల్లో ఒకటైన ‘హెచ్‌డీఎఫ్‌సీ విలీనాన్ని’ విజయవంతంగా పూర్తి చేయడంలో, బ్యాంక్‌ పనితీరును మెరుగుపరచడంలో జగదీశన్‌ పాత్ర కీలకమని హెచ్‌డీఎఫ్‌సీ బ్యాంక్‌ కొనియాడింది. శశిధర్‌ జగదీశన్‌ అందించిన వ్యూహాత్మక మార్గదర్శకత్వాన్ని, అంకితభావాన్ని ఈ సందర్భంగా యాజమాన్యం ప్రశంసించింది.

దేశం కోసం అహర్నిశలు పనిచేసే శాస్త్రవేత్తలకు ఎంత జీతం ఇస్తున్నారు?, వారి ప్రతిభకు తగిన గుర్తింపు లభిస్తోందా?, అనే ప్రశ్నలు ఇప్పుడు చర్చనీయాంశంగా మారాయి. ఎందుకంటే.. ప్రముఖ పారిశ్రామికవేత్త, ఆర్‌పీజీ ఎంటర్‌ప్రైజెస్ ఛైర్మన్ హర్ష్ గోయెంకా చేసిన ఓ సోషల్ మీడియా పోస్ట్ ఈ చర్చకు కారణమైంది.ఏడాదికి రూ.27 లక్షలుదూరదర్శన్‌లో ఓ ప్రముఖ యాంకర్ నిర్వహించే కార్యక్రమానికి ఏడాదికి రూ.15 కోట్లు ఖర్చు చేస్తున్నారు. అయితే.. ఇస్రో ఛైర్మన్ ప్రాథమిక వేతనం ఏడాదికి సుమారు రూ.27 లక్షలే ఉండటంపై హర్ష్ గోయెంకా ట్వీట్ చేశారు. దేశం అంతరిక్ష రంగంలో ప్రపంచంతో పోటీ పడాలంటే.. అత్యుత్తమ శాస్త్రవేత్తలకు కూడా వారి ప్రతిభకు తగ్గ ప్రతిఫలం అందించాలని అభిప్రాయపడ్డారు.హర్ష్ గోయెంకా వ్యాఖ్యలు సోషల్ మీడియాలో తెగ వైరల్ అవుతున్నాయి. చంద్రయాన్ వంటి ప్రతిష్ఠాత్మక ప్రయోగాలతో ప్రపంచం దృష్టిని ఆకర్షిస్తున్న భారత శాస్త్రవేత్తలకు మరింత మెరుగైన వేతనాలు అందించాల్సిన అవసరం ఉందని చాలామంది అభిప్రాయపడ్డారు.ఎస్. సోమనాథ్ ఏమన్నారంటే?ఇస్రోలో యువ ప్రతిభను ఆకర్షించడం ఎంత కష్టంగా మారిందో ఆ సంస్థ ఛైర్మన్ ఎస్. సోమనాథ్ గతంలోనే వెల్లడించారు. 2023లో ఐఐటీ విద్యార్థులకు ఇస్రోలో ఉద్యోగ అవకాశాలు, అక్కడ చేపట్టే పరిశోధనల గురించి వివరించినప్పుడు, ప్రెజెంటేషన్ పూర్తయ్యాక సుమారు 60 శాతం మంది విద్యార్థులు అక్కడి నుంచి వెళ్లిపోయారని ఆయన తెలిపారు. ఇస్రోలో ప్రారంభ స్థాయి జీతాలు ప్రైవేట్ కంపెనీలు, టెక్నాలజీ స్టార్టప్‌లు అందించే వేతనాలతో పోటీ పడలేకపోవడం ఇందుకు ఒక కారణమని చెప్పారు.మాజీ డీఆర్‌డీఓ శాస్త్రవేత్త అనుభవంఈ చర్చలో మాజీ డీఆర్‌డీఓ శాస్త్రవేత్త రవి కుమార్ గుప్తా తన అనుభవాన్ని కూడా పంచుకున్నారు. 1979లో ఐఐటీ ఖరగ్‌పూర్‌లో చదువు పూర్తిచేసి డీఆర్‌డీఓలో అధికారిగా చేరిన తరువాత.. సుమారు 14 ఏళ్ల సర్వీసు తర్వాతే ఏసీ ఫస్ట్ క్లాస్ రైలు ప్రయాణానికి అర్హత పొందానని తెలిపారు. అదే సమయంలో.. ప్రైవేట్ కంపెనీలో పనిచేస్తున్న తనకంటే తక్కువ అనుభవం ఉన్న వ్యక్తి తనకంటే మూడు రెట్లు ఎక్కువ జీతం పొందుతున్నారని గుర్తుచేసుకున్నారు. ప్రభుత్వ రంగంలో పనిచేసే నిపుణుల జీతాలు, సౌకర్యాలు ప్రైవేట్ రంగంతో పోలిస్తే ఎలా ఉన్నాయనే అంశంపై ఆయన వ్యాఖ్యలు మరోసారి చర్చకు దారితీశాయి.ఇదీ చదవండి: అమెరికా నిర్ణయం.. బంగారం ధరలకు షాక్?అయితే.. ఈ విషయంలో అందరి అభిప్రాయాలు ఒకేలా లేవు. కొందరు శాస్త్రవేత్తలకు తగిన వేతనాలు అందించాలని కోరుతుండగా, మరికొందరు పరిశోధనల ద్వారా లభించే సంతృప్తి, దేశానికి సేవ చేసే అవకాశం కూడా ముఖ్యమని అంటున్నారు. శాస్త్రవేత్తగా కొత్త విషయాలను కనుగొనడం, పరిష్కారం లేని సమస్యలకు సమాధానాలు వెతకడం ఎంతో ఆనందాన్ని ఇస్తాయని ఓ పరిశోధకుడు అభిప్రాయపడ్డారు.If Prasar Bharati can spend ₹15 crore a year on a DD News show featuring a star anchor, while the ISRO Chairman’s basic pay is about ₹27 lakh a year, shouldn’t we rethink our priorities? If India wants to conquer space and attract our finest scientific minds, our rewards must match our ambitions.— Harsh Goenka (@hvgoenka) October 26, 2026

పర్యాటకులను ఆకట్టుకోవడంలో ఎప్పుడూ ముందుండే దుబాయ్.. మరో కొత్త ఆకర్షణకు సిద్ధమవుతోంది. ఈసారి ఏకంగా 24 క్యారెట్ల బంగారంతో నడకదారిని ఏర్పాటు చేయాలని నిర్ణయించుకుంది. ఇది 2026 చివరి నాటికి అందుబాటులోకి తీసుకురావాలని దుబాయ్ గోల్డ్ డిస్ట్రిక్ట్ భావిస్తోంది.బంగారంతో ఏర్పాటు చేసిన నడకదారి అందుబాటులోకి వస్తే.. ప్రపంచంలోనే మొదటిది, అత్యంత పొడవైన బంగారు నడకదారిగా నిలుస్తుందని నిర్వాహకులు చెబుతున్నారు. దుబాయ్ గోల్డ్ డిస్ట్రిక్ట్ కమర్షియల్ విభాగం సీనియర్ డైరెక్టర్ రషీద్ అల్ హర్మౌది వెల్లడించిన వివరాల ప్రకారం.. మరో రెండు నెలల్లోనే దీన్ని ప్రారంభించే అవకాశం ఉంది.బంగారు ఆభరణాలకు ప్రసిద్ధి చెందిన దుబాయ్.. ఇప్పుడు బంగారంతోనే పర్యాటకులను ఆకర్షించేందుకు సన్నద్ధమవుతోంది. ఈ నడకదారి సందర్శకులకు కొత్త అనుభూతిని అందించడంతో పాటు, అంతర్జాతీయ బంగారు వ్యాపార కేంద్రంగా దుబాయ్‌కు ఉన్న గుర్తింపును మరింత పెంచుతుందని అధికారులు భావిస్తున్నారు.ఇదిలా ఉండగా.. జోయాలుక్కాస్ జ్యువెలరీ రూపొందించిన సంప్రదాయ భారతీయ జుంకా చెవిపోగులు కూడా ఇటీవల రెండు గిన్నిస్ వరల్డ్ రికార్డులు సాధించాయి. ప్రపంచంలోనే అత్యంత బరువైన జత బంగారు చెవిపోగులు, అతిపెద్ద జత చెవిపోగులుగా అవి గుర్తింపు పొందాయి.ఇదీ చదవండి: పెట్రోల్‌కు చెక్ పెట్టే E100.. వాహనదారులకు కీలక అప్‌డేట్!

ఆర్టిఫిషియల్ ఇంటెలిజెన్స్ (ఏఐ) వేగంగా అభివృద్ధి చెందుతున్న తరుణంలో.. మానవ ఉద్యోగాల భవిష్యత్తుపై ఆందోళనలు పెరుగుతున్నాయి. ఇప్పటికే అనేక రంగాల్లో ఏఐ వినియోగం పెరుగుతోంది, భవిష్యత్తులో మనుషులు చేసే పనులను యంత్రాలే నిర్వహించే పరిస్థితి రావచ్చని నిపుణులు అభిప్రాయపడుతున్నారు. ఇదే అంశంపై మైక్రోసాఫ్ట్ సహ వ్యవస్థాపకుడు బిల్ గేట్స్ చేసిన వ్యాఖ్యలు ఇప్పుడు చర్చనీయాంశంగా మారాయి.ఏఐ రాక.. మానవ చరిత్రలో కీలక మలుపుఏఐ కారణంగా ఉద్యోగాల స్వరూపం మారిపోవడమే కాకుండా.. పెద్ద సంఖ్యలో ఉద్యోగాలు కనుమరుగయ్యే ప్రమాదం ఉందని ఆయన ఆందోళన వ్యక్తం చేశారు. 'ది అబ్జర్వర్‌'కు ఇచ్చిన ఇంటర్వ్యూలో బిల్ గేట్స్ మాట్లాడుతూ.. ఏఐ రాకను మానవ చరిత్రలో ఒక కీలక మలుపుగా అభివర్ణించారు. ఇప్పటివరకు భూమిపై మనుషులే అత్యంత తెలివైన జీవులనే భావన ఉండేదని, అయితే ఏఐ అభివృద్ధితో ఆ పరిస్థితి మారవచ్చని పేర్కొన్నారు.రోబోను నియమించుకో.. మనిషిని తొలగించుముందు కంప్యూటర్ల ముందు కూర్చొని చేసే వైట్ కాలర్ ఉద్యోగాలపై ఏఐ ప్రభావం ఉంటుందని, ఆ తర్వాత హ్యూమనాయిడ్ రోబోల సాయంతో శారీరక శ్రమతో కూడిన పనులు కూడా యంత్రాల చేతుల్లోకి వెళ్లే అవకాశం ఉందని బిల్ గేట్స్ అంచనా వేశారు. 'రోబోట్‌ను నియమించుకోండి, మనిషిని తొలగించండి, ఇక వెనక్కి తిరిగి చూడకండి' అని ఇంటర్వ్యూలో పేర్కొన్నట్లు సమాచారం.ప్రభుత్వ ఆదాయాలకు గండిదిగ్గజ కంపెనీలు తమ ఖర్చులను తగ్గించుకోవడానికి, పనులను వేగంగా పూర్తి చేయడానికి ఏఐ వైపు మొగ్గు చూపుతున్నాయని గేట్స్ అభిప్రాయపడ్డారు. ఈ క్రమంలో మనుషులకు బదులుగా రోబోలను నియమించుకుని, ఉద్యోగుల అవసరాన్ని తగ్గించుకునే ధోరణి పెరుగుతోందని హెచ్చరించారు. ఏఐ వల్ల ఉత్పాదకత పెరిగినా, అదే సమయంలో ఉపాధి అవకాశాలు తగ్గితే సామాన్య ప్రజల జీవనంపై తీవ్ర ప్రభావం పడే ప్రమాదం ఉందని ఆయన సూచించారు. ఉద్యోగాలు తగ్గిపోతే ప్రభుత్వాలకు వచ్చే పన్నుల ఆదాయం కూడా తగ్గుతుందని ఆయన పేర్కొన్నారు.ప్రస్తుతం ప్రభుత్వాలు ఉద్యోగుల ఆదాయం, సంస్థల కార్యకలాపాల ద్వారా వచ్చే పన్నులను ఉపయోగించి అనేక సంక్షేమ పథకాలను అమలు చేస్తున్నాయి. అయితే.. భవిష్యత్తులో మనుషుల స్థానంలో యంత్రాలు ఎక్కువగా పనిచేస్తే ఈ ఆదాయ వ్యవస్థపై ఒత్తిడి పెరగవచ్చు. ఈ సమస్యను ఎదుర్కోవడానికి ఏఐ వినియోగంపై 'టోకెన్ ట్యాక్స్‌' విధించడం, అధిక సంపద కలిగిన బిలియనీర్లపై పన్నులు పెంచడం వంటివి చేసే అవకాశం ఉందని ఆయన సూచించారు. తాను ఇప్పటికే తన జీవితకాలంలో 14 బిలియన్ డాలర్ల పన్నులు చెల్లించానని, అవసరమైతే 40 బిలియన్ డాలర్లు చెల్లించడానికి కూడా సిద్ధంగా ఉన్నానని వెల్లడించారు.60,000 మందికి వాలంటరీ ఎగ్జిట్బిల్ గేట్స్ ఈ వ్యాఖ్యలు చేసిన తరువాత.. మైక్రోసాఫ్ట్ సుమారు 60,000 మంది (కంపెనీ మొత్తం వర్క్‌ఫోర్స్‌లో దాదాపు నాలుగో వంతు) ఉద్యోగులకు వాలంటరీ ఎగ్జిట్ (స్వచ్ఛందంగా ఉద్యోగం నుంచి వైదొలగడం) అవకాశం కల్పించినట్లు వార్తలు రావడం టెక్ రంగంలో చర్చకు దారితీసింది. అమెరికా, కెనడా, యూకే, భారత్‌లోని అర్హత కలిగిన బృందాల్లో లెవెల్ 70 లేదా అంతకంటే తక్కువ స్థాయిలో ఉన్న ఉద్యోగులకు ఈ అఫర్ వర్తిస్తుందని సమాచారం.ఇదీ చదవండి: వాటర్ కంటే పెట్రోల్ చీప్.. పన్నులు లేని దేశం!వాలంటరీ ఎగ్జిట్ ఎంచుకునే ఉద్యోగులకు వారి సర్వీసు కాలాన్ని బట్టి సెవరెన్స్ ప్యాకేజీతో పాటు, కొంతకాలం పాటు స్టాక్ వెస్టింగ్ ప్రయోజనాలు, పరిమిత కాలానికి ఆరోగ్య బీమా, కొత్త ఉద్యోగం వెతుక్కోవడానికి అవసరమైన సహాయం అందించనున్నట్లు తెలుస్తోంది. ఈ ఆఫర్‌పై నిర్ణయం తీసుకోవడానికి ఉద్యోగులకు డిసెంబర్ ఆరంభం వరకు గడువు ఇచ్చినట్లు సమాచారం. View this post on Instagram A post shared by NDTV (@ndtv)

సాధారణంగా పండుగ సీజన్‌ వచ్చిందంటే కంపెనీలు ఉద్యోగులకు బాక్సులు, స్వీట్లు, బోనస్‌లు లేదా చిన్నపాటి గిఫ్ట్‌ వోచర్లు ఇవ్వడం ఆనవాయితీ. కానీ, ఓ ప్రముఖ ఫార్మా కంపెనీ మాత్రం తన ఉద్యోగుల కష్టానికి, అంకితభావానికి నిలువెత్తు రూపంగా ఏకంగా సరికొత్త ఎస్‌యూవీ కార్లను కానుకగా ప్రకటించి వ్యాపార వర్గాల్లో హాట్‌ టాపిక్‌గా మారింది. ఉద్యోగుల పట్ల యాజమాన్యం చూపిన ఈ వినూత్న ఉదారత కార్పొరేట్ రంగంలో సరికొత్త చర్చకు దారితీసింది.చండీగఢ్ కేంద్రంగా కార్యకలాపాలు సాగిస్తోన్న ప్రముఖ ‘మిట్స్ గ్రూప్’ ఫార్మా సంస్థ వ్యవస్థాపకుడు, ఛైర్మన్ ఎం.కె భాటియా తన సంస్థలో కష్టపడి పనిచేస్తున్న అత్యుత్తమ ప్రతిభావంతులైన ఉద్యోగులకు దీపావళి పండుగను పురస్కరించుకుని ఈ కానుకలను అందజేశారు. కంపెనీ పురోగతికి శ్రమించడమే కాక, సంస్థపై విశ్వాసంతో దీర్ఘకాలంగా సేవలనందిస్తున్న సిబ్బందిని సత్కరించేందుకు ఆయన ఈ నిర్ణయం తీసుకున్నారు.జీవిత పాఠాలు, కష్టాల నుంచి శిఖరాలకు..ఈ అసాధారణ బహుమతుల వెనుక ఓ స్ఫూర్తిదాయకమైన ప్రయాణం దాగి ఉంది. మిట్స్ గ్రూప్ అధినేత ఎం.కె భాటియా తన కెరీర్ ప్రారంభంలో వ్యాపారపరంగా తీవ్రమైన ఆర్థిక ఇబ్బందులను ఎదుర్కొని ఒక దశలో దివాళా అంచు వరకు వెళ్లారు. అయితే పట్టుదల కోల్పోకుండా కష్టపడి పైకి వచ్చి నేడు హరియాణాలోని పంచకుల కేంద్రంగా బహుళ కంపెనీలను విజయవంతంగా నడుపుతున్నారు. అంతేకాక కెనడా, లండన్, దుబాయ్ తదితర అంతర్జాతీయ మార్కెట్లలోనూ తమ వ్యాపార సామ్రాజ్యాన్ని విస్తరించారు. తాను ఎదుర్కొన్న కష్టాల్లో తోడుగా ఉన్నవారికి, తనతో పాటు ప్రయాణిస్తున్న సిబ్బందికి అండగా నిలవాలన్నదే తన ప్రధాన ధ్యేయమని ఆయన పలు సందర్భాల్లో పేర్కొన్నారు.నెటిజన్ల ప్రశంసలుకంపెనీ యాజమాన్యం ఉద్యోగులకు కార్ల తాళాలను అందజేస్తున్న దృశ్యాలు, షోరూమ్ నుంచి కార్లు బయటకు వస్తున్న వీడియోలు ప్రస్తుతం సోషల్ మీడియాలో వైరల్ అవుతున్నాయి. నెటిజన్లు ఈ ఫార్మా సీఈఓ ఉదారతను కొనియాడుతూ ప్రశంసల జల్లు కురిపిస్తున్నారు. ‘ఇలాంటి బాస్‌లు ఉండటం అదృష్టం’, ‘కష్టపడే వారికి తగిన గుర్తింపు అంటే ఇదే’ అంటూ కామెంట్లు పెడుతున్నారు.ఇదీ చదవండి: మళ్లీ సీన్‌ రివర్స్‌.. బంగారం ధరల దడ

గ్లోబల్ టెక్ దిగ్గజం మెటా సంస్థకు బాంబే హైకోర్టులో ఎదురుదెబ్బ తగిలింది. భారత్‌కు చెందిన డిజిటల్ అడ్వర్టైజింగ్ ఏజెన్సీ ‘బ్లింక్ డిజిటల్’ దాఖలు చేసిన దావాలో తనపై విచారణ జరిపే పరిధి భారత కోర్టులకు లేదంటూ మెటా వేసిన మధ్యంతర దరఖాస్తును హైకోర్టు తోసిపుచ్చింది. కేసు విచారణ భారతీయ న్యాయస్థానాల పరిధిలోనికే వస్తుందని స్పష్టం చేస్తూ బ్లింక్ డిజిటల్ కోరిన తాత్కాలిక ఉపశమనంపై విచారణను నవంబర్ 2వ తేదీకి వాయిదా వేసింది.వివాదం నేపథ్యంబ్లింక్ డిజిటల్ వ్యాపార ప్రకటనల ఖాతాలను (యాడ్‌ అకౌంట్స్‌) మెటా ప్లాట్‌ఫామ్‌ల నుంచి ఉన్నపళంగా రద్దు చేయడంతో ఈ వివాదం మొదలైంది. దీనివల్ల తమ క్లయింట్ల ప్రకటనలు నిలిచిపోయి తీవ్ర ఆర్థిక, వ్యాపార నష్టం వాటిల్లిందని ఏజెన్సీ పేర్కొంది. ఖాతాలను పునరుద్ధరించాలని కోరడంతో పాటు నిలిచిపోయిన సేవల కారణంగా కలిగిన నష్టానికిగానూ మెటా నుంచి రూ.1,158 కోట్ల నష్టపరిహారం చెల్లించాలని బ్లింక్ డిజిటల్ దావా వేసింది.పరిధి సవాల్‌ను తోసిపుచ్చిన కోర్టుఈ విచారణ సమయంలో మెటా యాజమాన్యం తమ యూజర్ నిబంధనల ప్రకారం వివాదాలు అమెరికాలోని (కాలిఫోర్నియా) న్యాయస్థానాల పరిధిలోనే తేలాలని, భారత కోర్టులకు ఈ దావాపై విచారణ పరిధి లేదని(జురిస్‌డిక్షన్‌) వాదించింది. అయితే, భారతదేశంలో భారీగా వ్యాపారం నిర్వహిస్తున్న అంతర్జాతీయ టెక్ కంపెనీలు స్థానిక వ్యాపారాలకు ముందస్తు సమాచారం లేకుండా సేవలు నిలిపివేస్తే, ఇక్కడి కోర్టులను ఆశ్రయించే హక్కు బాధితులకు ఉంటుందని బ్లింక్ డిజిటల్ తరఫు న్యాయవాదులు వాదించారు. ఇరువైపులా వాదనలు విన్న బాంబే హైకోర్టు, మెటా వేసిన జురిస్‌డిక్షన్ సవాలు పిటిషన్‌ను కొట్టివేసింది. కోర్టు పరిధి అంశంపై స్పష్టత రావడంతో ఇప్పుడు బ్లింక్ డిజిటల్ అకౌంట్ల పునరుద్ధరణ, తాత్కాలిక ఉపశమనానికి సంబంధించిన ప్రధాన పిటిషన్‌పై నవంబర్ 2న హైకోర్టు పూర్తిస్థాయిలో విచారణ జరపనుంది.ఇదీ చదవండి: మళ్లీ సీన్‌ రివర్స్‌.. బంగారం ధరల దడ

అత్యున్నత సాంకేతికతలతో ప్రపంచాన్ని శాసించాలన్న ఆశతో ఉన్న ఉద్యోగుల ప్రయాణం మధ్యలోనే ప్రశ్నార్థకంగా మారుతోంది. ఇన్నాళ్లు అంకితభావంతో పనిచేసిన వారి జీవితాలు కేవలం డెడ్‌లైన్లు, త్రైమాసిక లాభాల లెక్కలకే పరిమతమవుతున్నాయి. ఈ నేపథ్యంలో ఇటీవల మైక్రోసాఫ్ట్‌ తీసుకున్న నిర్ణయం వేలాది కుటుంబాల్లో ఆందోళన రేకెత్తిస్తోంది. భారత్‌తో పాటు అమెరికా, బ్రిటన్‌, కెనడా దేశాల్లోని దాదాపు 60,000 మంది ఉద్యోగులకు స్వచ్ఛంద ఉద్యోగ విరమణ ప్యాకేజీలను ప్రకటించింది. కేవలం ఒక సంస్థ ఉద్యోగాల కోత లేదా నిష్క్రమణ వార్తగానే కాకుండా మారుతున్న టెక్‌ ప్రపంచంలో ఉపాధి భద్రత ప్రశ్నార్థకమవుతున్న తీరుకు ఇది అద్దం పడుతోంది.ప్రస్తుత సవాళ్లు.. మారుతున్న పోకడలుప్రస్తుత గ్లోబల్ టెక్‌ జాబ్ మార్కెట్ సంక్షోభాన్ని ఎదుర్కొంటోంది. కొవిడ్ అనంతర కాలంలో జరిగిన భారీ నియామకాల తప్పులను సరిదిద్దుకునే పేరుతో సాగుతున్న ఈ కోతలు ఇప్పుడు కేవలం బడ్జెట్ సర్దుబాట్ల స్థాయిని దాటి పూర్తిగా ఏఐ కేంద్రీకృత వలసలకు దారితీస్తున్నాయి. సాంప్రదాయ సాఫ్ట్‌వేర్ అభివృద్ధి, కోడింగ్, మాన్యువల్ టెస్టింగ్ వంటి రంగాల ప్రాధాన్యత తగ్గిపోయి ఆటోమేషన్, ఏఐ ఆధారిత టూల్స్ వేగంగా విస్తరిస్తున్నాయి.ఇండియాలో ప్రభావం ఎంతంటే..మైక్రోసాఫ్ట్ తీసుకున్న ఈ స్వచ్ఛంద నిష్క్రమణ ప్యాకేజీ విధానం చూస్తే.. ఇది సంప్రదాయ బలవంతపు లేఆఫ్స్‌ కంటే భిన్నంగా కనిపిస్తుంది. అయినప్పటికీ ఉద్యోగులపై మానసికంగా తీవ్ర ఒత్తిడిని కలుగజేస్తోంది. కంపెనీ అంతర్గత గ్రేడ్ స్థాయిల ప్రకారం లెవెల్ 70 లేదా అంతకంటే తక్కువ స్థాయిలో ఉన్న ఉద్యోగులను ఈ ప్యాకేజీకి అర్హులుగా గుర్తించారు. భారత్‌లో మైక్రోసాఫ్ట్‌కు సుమారు 23,000 మంది ఉద్యోగులు ఉండగా ఈ స్వచ్ఛంద విరమణ ఎంపికల ప్రభావం ఇక్కడ కూడా గణనీయంగా ఉండే అవకాశం ఉంది. హైదరాబాద్‌లోనూ కొందరు ఉద్యోగాలు కోల్పోయే ప్రమాదం ఉందని నిపుణులు అంచనా వేస్తున్నారు. కోపైలట్‌, కోర్‌ఏఐ వంటి అత్యాధునిక ఏఐ విభాగాలు విస్తరిస్తున్న తరుణంలో క్లౌడ్, సెక్యూరిటీ, మార్కెటింగ్, హార్డ్‌వేర్ విభాగాలలోని ఉద్యోగులపై దీని ప్రభావం స్పష్టంగా కనిపిస్తోంది. అర్హులైన ఉద్యోగులు డిసెంబర్ 1వ తేదీలోగా తుది నిర్ణయం తీసుకోవాల్సి ఉండటంతో టెక్‌ నిపుణుల్లో అనిశ్చితి నెలకొంది.ఉద్యోగులు ఏం చేయాలి?ఇలాంటి అనిశ్చితితో కూడిన కార్పొరేట్ వాతావరణంలో టెక్‌ ఉద్యోగులు ఆందోళనకు గురికాకుండా వ్యూహాత్మకంగా వ్యవహరించాలని నిపుణులు సూచిస్తున్నారు.నైపుణ్యాల పునరుద్ధరణ: కేవలం ఒకే రకమైన కోడింగ్ లేదా టెక్నాలజీపై ఆధారపడకుండా ఏఐ, మెషిన్ లెర్నింగ్, క్లౌడ్ ఆర్కిటెక్చర్, సైబర్ సెక్యూరిటీ వంటి భవిష్యత్తుకు అవసరమైన అధునాతన నైపుణ్యాలను వేగంగా నేర్చుకోవాలి. ఏఐని భయంగా కాకుండా ఉత్పాదకతను పెంచుకునే సాధనంగా మల్చుకోవాలి.ఆర్థిక భద్రత, అత్యవసర నిధి: కార్పొరేట్ రంగంలో ఎప్పుడు ఎలాంటి నిర్ణయం వెలువడుతుందో అంచనా వేయడం కష్టం. కాబట్టి కనీసం ఆరు నెలల నుంచి ఒక సంవత్సరం వరకు కుటుంబ ఖర్చులను నిర్వహించగలిగేలా ఎమర్జెన్సీ ఫండ్‌ను సిద్ధంగా ఉంచుకోవడం అత్యవసరం. అనవసర రుణాలకు దూరంగా ఉండాలి.స్వచ్ఛంద ప్యాకేజీల పరిశీలన: మైక్రోసాఫ్ట్ వంటి సంస్థలు అందించే వీఈఓ ప్యాకేజీల్లో సెవరెన్స్ పే కింద ప్రతి ఏడాదీ పూర్తి చేసిన సేవకు నెలవారీ వేతనం, ఆరోగ్య బీమా, కెరీర్ ట్రాన్సిషన్ సేవలు లభిస్తాయి. ఉద్యోగాన్ని బలవంతంగా కోల్పోవడం కంటే ఆర్థిక ప్రయోజనాలతో కూడిన ఇలాంటి ప్యాకేజీలను సరికొత్త కెరీర్ అవకాశాలకు మలుపుగా ఉపయోగించుకోవచ్చు.వృత్తిపరమైన నెట్‌వర్కింగ్: లింక్డ్‌ఇన్‌ వంటి వేదికల ద్వారా పరిశ్రమలో ఇతర నిపుణులతో సంబంధాలను మెరుగుపరుచుకోవాలి. కేవలం ఒకే కంపెనీపై ఆధారపడకుండా స్టార్టప్‌లు, కన్సల్టెన్సీలు, ఇతర రంగాల్లో మారుతున్న అవకాశాలపై నిరంతరం దృష్టి పెట్టాలి. మొత్తంగా చూస్తే, టెక్‌ పరిశ్రమలో జరుగుతున్న ఈ పరిణామాలు మానవ వనరుల ప్రాధాన్యతను ప్రశ్నార్థకం చేస్తున్నప్పటికీ మారుతున్న కాలానికి తగినట్టుగా నైపుణ్యాలు నేర్చుకోవాల్సిందేనని నిపుణులు సూచిస్తున్నారు.ఇదీ చదవండి: మళ్లీ సీన్‌ రివర్స్‌.. బంగారం ధరల దడ

దేశీయ ప్రాథమిక మార్కెట్ (ప్రైమరీ మార్కెట్‌) చరిత్రలోనే అత్యంత ఆసక్తికరంగా సాగిన రిలయన్స్ జియో ప్లాట్‌ఫామ్స్ లిమిటెడ్ ఐపీఓ అలాట్‌మెంట్ ప్రక్రియ నిన్న రాత్రి పూర్తయింది. దాదాపు రూ.30,213 కోట్ల భారీ పరిమాణంతో వచ్చిన ఈ ఇష్యూకి అన్ని వర్గాల పెట్టుబడిదారుల నుంచి అనూహ్య స్పందన లభించడంతో బిడ్డింగ్ గడువు ముగిసే సమయానికి 22.19 రెట్లు ఓవర్ సబ్‌స్క్రిప్షన్ నమోదైంది. ఈ నేపథ్యంలో దరఖాస్తు చేసుకున్న ఇన్వెస్టర్లు తమకు షేర్లు కేటాయించబడ్డాయా లేదా అనేది తెలుసుకోవడం ముఖ్యం. బిడ్డర్లు తమ అలాట్‌మెంట్ వివరాలను అధికారిక వేదికల ద్వారా ఎలా చెక్ చేసుకోవాలో చూద్దాం.షేర్ల కేటాయింపులో పూర్తి పారదర్శకతను పాటించేందుకు, పెట్టుబడిదారులు కింది మూడు అధికారిక ప్లాట్‌ఫామ్‌ల ద్వారా సమాచారాన్ని పొందేందుకు సెబీ అనుమతించింది.రిజిస్ట్రార్ పోర్టల్: ఈ పబ్లిక్ ఇష్యూకి అధికారిక రిజిస్ట్రార్‌గా కెఫిన్ టెక్నాలజీస్ లిమిటెడ్ వ్యవహరిస్తోంది. డైరెక్ట్ రిజిస్ట్రార్ వెబ్‌సైట్ ద్వారా వివరాలు పొందవచ్చు. https://ipostatus.kfintech.com/ లేదా https://ipostatus.kfintech.com/ ద్వారా చెక్ చేసుకోవచ్చు.ముందుగా పైన తెలిపిన అధికారిక వెబ్‌సైట్‌ను సందర్శించి 'Select IPO' డ్రాప్‌డౌన్ నుంచి Jio Platforms Limitedను ఎంచుకోండి.సెర్చ్ ఆప్షన్‌లో PAN, Application Number లేదా DP Client ID / Demat Account Numberలలో ఒకదాన్ని ఎంచుకోండి.ఎంచుకున్న దానికి సంబంధించిన వివరాలను (ఉదాహరణకు 10 అంకెల PAN సంఖ్య) నమోదు చేయండి.స్క్రీన్‌పై కనిపిస్తున్న క్యాప్చా (Captcha) కోడ్‌ను టైప్ చేసి 'Submit' లేదా 'Search' పై క్లిక్ చేయండి.మీకు కేటాయించిన షేర్ల సంఖ్య స్క్రీన్‌పై స్పష్టంగా కనిపిస్తుంది.బాంబే స్టాక్ ఎక్స్చేంజ్ వెబ్‌సైట్ ద్వారా..లింక్‌: https://www.bseindia.com/investors/appli_check.aspxబీఎస్‌ఈ అప్లికేషన్ స్టేటస్ పేజీకి వెళ్లండి.Issue Type లో 'Equity' ఎంచుకోండి.Issue Name డ్రాప్‌డౌన్ నుంచి Jio Platforms Limited ను సెలెక్ట్ చేయండి.మీ Application Number, PAN Number లను నమోదు చేయండి.క్యాప్చా పూర్తి చేసి 'Search' బటన్‌పై క్లిక్ చేస్తే మీ అలాట్‌మెంట్ స్టేటస్ ప్రత్యక్షమవుతుంది.నేషనల్ స్టాక్ ఎక్స్చేంజ్ పోర్టల్‌లో..లింక్‌: https://www.nseindia.com/investors/check-trades-bids-verify-ipo-bidsఎన్‌ఎస్‌ఈ అధికారిక ఐపీఓ స్టేటస్ పేజీలో లాగిన్/యూజర్ ఐడీ ద్వారా ప్రవేశించండి.Equity & SME IPO bid details ఆప్షన్ ఎంచుకోండి.Select Symbol కింద 'JPL' అని ఎంచుకోండి.మీ Application Number, PAN వివరాలను నమోదు చేసి Submit క్లిక్ చేయడం ద్వారా ఫలితాన్ని చూడవచ్చు.ముఖ్యాంశాలుషేర్లు దక్కని ఇన్వెస్టర్ల బ్యాంకు ఖాతాలకు నిధుల అన్‌బ్లాక్ ప్రక్రియ ప్రారంభమైంది. షేర్లు కేటాయించిన ఇన్వెస్టర్ల డిమాట్ ఖాతాల్లోకి ఈరోజే షేర్లు జమ కానున్నాయి. బీఎస్‌ఈ, ఎన్‌ఎస్‌ఈల్లో జియో ప్లాట్‌ఫామ్స్ షేర్లు అక్టోబర్ 28న అధికారికంగా ట్రేడింగ్‌కు రానున్నాయి.ఇదీ చదవండి: గాంధీజీ ‘ఐదో కుమారుడు’.. రూ.14 లక్షల కోట్ల వ్యాపార సామ్రాజ్యం

ప్రపంచంలోని చాలా దేశాల ప్రజలు.. పెట్రోల్ ధరలు పెరుగుతున్నాయంటూ ఆందోళన చెందుతుంటే.. ఓ దేశంలో మాత్రం పెట్రోల్ ధరలు.. వాటర్ బాటిల్ రేటు కంటే తక్కువకే లభిస్తున్నాయని చెబుతున్నారు. అంతేకాదు.. అక్కడ పన్నుల భారం కూడా తక్కువే. ప్రభుత్వ ఆసుపత్రుల్లో.. వైద్యం సైతం తక్కువ ఖర్చుతో అందుతుంది. ఇంతకీ ఆ దేశం ఏదో తెలుసా? అదే ఆగ్నేయాసియాలోని చిన్న దేశం బ్రూనై.ఒక ట్రావెల్ కంటెంట్ క్రియేటర్ బ్రూనైలో పర్యటించి.. అక్కడి విశేషాలను సోషల్ మీడియాలో పంచుకోవడంతో ఆ దేశం గురించి ఆసక్తికరమైన చర్చ మొదలైంది.చిన్న దేశం.. కొత్త అనుభూతిబ్రూనై చిన్న దేశమే అయినా.. చమురు, సహజ వాయువు నిల్వల కారణంగా ప్రపంచంలోని సంపన్న దేశాల్లో ఒకటిగా గుర్తింపు పొందింది. ఇక్కడ పెట్రోల్ ధరలు తక్కువగా ఉండటానికి ప్రధాన కారణం ప్రభుత్వ సబ్సిడీలు, దేశంలోని చమురు సంపద. అయితే.. ఈ దేశం సంపన్నమైనప్పటికీ పర్యాటకుల రద్దీ మాత్రం చాలా తక్కువగా ఉంటుందని వీడియోలో వెల్లడించారు. అందుకే సరదాగా బ్రూనైని ప్రపంచంలోనే అత్యంత బోరింగ్ దేశాల్లో ఒకటిగా అభివర్ణించింది. కానీ, అక్కడి ప్రశాంతమైన వాతావరణం, రద్దీ లేని రోడ్లు, పచ్చని ప్రకృతి చూస్తే మాత్రం కొత్త అనుభూతి కలుగుతుందని చెప్పారు.బ్రూనైలో ప్రజలకు ప్రభుత్వం నుంచి అనేక సదుపాయాలు అందుతున్నాయి. విద్య, వైద్య రంగాల్లో తక్కువ ఖర్చుతో సేవలు లభించడం అక్కడి ప్రత్యేకత. ముఖ్యంగా ప్రభుత్వ ఆసుపత్రుల్లో వైద్యం కోసం చాలా తక్కువ మొత్తమే చెల్లించాల్సి ఉంటుందని వీడియోలో వివరించారు. వ్యక్తిగత ఆదాయపు పన్ను సాధారణంగా లేకపోవడం కూడా.. ఈ దేశాన్ని ప్రత్యేకంగా నిలబెడుతోంది.అడవులతో కప్పబడిన దేశంమరో ఆసక్తికరమైన విషయం ఏమిటంటే.. బ్రూనైలో రాత్రిపూట పెద్దగా సందడి కనిపించదు. ఇతర దేశాల్లో రాత్రి వేళల్లో రద్దీగా ఉండే రోడ్లు, పార్టీలు, వినోద కేంద్రాలు కనిపిస్తుంటాయి. కానీ బ్రూనైలో మాత్రం వాతావరణం చాలా ప్రశాంతంగా ఉంటుందని తెలుస్తోంది. దేశంలో దాదాపు 70 శాతం ప్రాంతం అడవులతో కప్పబడి ఉందని వీడియోలో వెల్లడించారు. అందమైన మసీదులు, పచ్చని అడవులు, ప్రకృతి అందాలు ఇక్కడి ప్రత్యేక ఆకర్షణలు. మద్యం విషయంలోనూ బ్రూనైలో కఠినమైన నిబంధనలు ఉన్నాయి. స్థానిక ముస్లింలకు మద్యం నిషేధం కాగా, మద్యం దిగుమతి, వినియోగంపై ఇతరులకూ ఆంక్షలు వర్తిస్తాయి.ఇదీ చదవండి: ఏఐతో ఉద్యోగాలకు చెక్‌?.. ఇక వ్యవసాయమే దిక్కా?ఇక భారతీయులు బ్రూనైకి వెళ్లాలనుకుంటే విమాన ప్రయాణం ద్వారా చేరుకోవచ్చు. చెన్నై నుంచి రాయల్ బ్రూనై ఎయిర్‌లైన్స్ ద్వారా నేరుగా వెళ్లే అవకాశం ఉంది. ఇతర నగరాల నుంచి సింగపూర్, మలేషియా మీదుగా కనెక్టింగ్ విమానాల్లో ప్రయాణించవచ్చు. విమాన టికెట్ ధరలు సీజన్, ప్రయాణ తేదీలను బట్టి మారుతాయి. వన్‌వే టికెట్ ధర సుమారు రూ.17,000 నుంచి రూ.21,000 వరకు ఉండవచ్చు. భారతీయులకు మూడు రోజుల వరకు వీసా లేకుండా ప్రవేశం లభిస్తుందని చెబుతున్నారు. అయితే, ప్రయాణానికి ముందు తాజా వీసా నిబంధనలను అధికారికంగా నిర్ధారించుకోవడం మంచిది. View this post on Instagram A post shared by Ankita Kumar 🇮🇳| TRAVEL (@monkey.inc)

టెక్నాలజీ పెరుగుతున్న తరుణంలో డిజిటల్ చెల్లింపులు మన జీవితంలో ఒక భాగమైపోయాయి. సాధారణ పౌరుల దగ్గర నుంచి సెలబ్రిటీల వరకు దాదాపు అందరూ యూపీఐ పేమెంట్స్ చేస్తున్నారు. పారిశ్రామిక వేత్త 'ఆనంద్ మహీంద్రా' కూడా డిజిటల్ పేమెంట్స్ యాప్ వాడుతున్నట్లు వెల్లడించారు. అయితే.. తన ఫ్రెండ్ వల్ల, తనకు ఒక కొత్త అనుభవం ఎదురైందని, వెంటనే దేశీయ యాప్‌కు మారిపోయినట్లు వెల్లడించారు.ఆనంద్ మహీంద్రాను తన ఫ్రెండ్.. తనని ఏ డిజిటల్ పేమెంట్స్ యాప్ వాడుతున్నావని అడిగారు. తాను చెప్పగానే.. మన సొంత భారతీయ యాప్ అయిన భీమ్ (BHIM) ఎందుకు వాడకూడదు? అని అడిగారు. దాని గురించి నాకు పెద్దగా తెలియదని నేను ఒప్పుకున్నానని ఆయన తన ట్వీట్ ద్వారా వెల్లడించారు.దిలీప్ అస్బే సంభాషణఈ క్రమంలో నేషనల్ పేమెంట్స్ కార్పొరేషన్ ఆఫ్ ఇండియా (NPCI) ఎండీ, సీఈఓ దిలీప్ అస్బేతో మాట్లాడే అవకాశం లభించింది. ఆ సంభాషణలో డిజిటల్ చెల్లింపుల వెనుక పనిచేసే వ్యవస్థ గురించి ఆసక్తికరమైన విషయాలు తెలుసుకున్నట్లు ఆనంద్ మహీంద్రా పేర్కొన్నారు.మనం రోజూ ఉపయోగించే ఫోన్‌పే, గూగుల్ పే, పేటీఎం, భీమ్ వంటి యాప్‌లు వేర్వేరుగా కనిపించినా.. యూపీఐ ద్వారా డబ్బులు పంపించడానికి, స్వీకరించడానికి ఒకే విధమైన చెల్లింపుల వ్యవస్థను ఉపయోగిస్తాయి. దీన్ని రైల్వే వ్యవస్థతో పోల్చవచ్చు. రైళ్లు వేర్వేరుగా ఉన్నా, అవి ప్రయాణించడానికి రైల్వే ట్రాక్‌లు అవసరం. అలాగే.. యూపీఐ చెల్లింపుల వ్యవస్థను అభివృద్ధి చేయడంలో, నిర్వహించడంలో నేషనల్ పేమెంట్స్ కార్పొరేషన్ ఆఫ్ ఇండియా (NPCI) కీలక పాత్ర పోషిస్తోంది.BHIM యాప్‌కు చేంజ్దిలీప్ అస్బేను కలిసిన తర్వాత ఆనంద్ మహీంద్రాను ఎక్కువగా ఆకట్టుకున్నది ఆయన సాధించిన విజయాలు మాత్రమే కాదు.. ఆయనలోని నిరాడంబరత కూడా. ఆర్థిక, సాంకేతిక రంగాల్లో మంచి గుర్తింపు ఉన్నప్పటికీ, ఆయనలో ఎలాంటి ఆర్భాటం కనిపించలేదని పేర్కొన్నారు. తన బృందం సాధించిన విజయాల పట్ల గర్వపడుతూనే.. దేశానికి సేవ చేసే అవకాశం లభించినందుకు కృతజ్ఞతతో ఉండటం తనకు నచ్చిందని చెప్పారు. దిలీప్ తల్లి ఉపాధ్యాయురాలని తెలుసుకున్న తర్వాత, పిల్లల్లో మంచి విలువలు పెంపొందించడంలో తల్లిదండ్రుల పాత్ర ఎంత ముఖ్యమో కూడా గుర్తుచేసుకున్నారు. ఈ మొత్తం సంభాషణ తర్వాత.. తాను BHIM యాప్‌కు మారినట్లు ఆనంద్ మహీంద్రా వెల్లడించారు.A friend recently asked me which digital payments app I was using. When I told her, she promptly asked, “Why not use BHIM, our very own Indian app?” I admitted I didn’t know much about it. “Well, let me introduce you to someone you’ll enjoy meeting.” That someone was Dilip Asbe, MD & CEO of the National Payments Corporation of India (NPCI). Dilip kindly agreed to come over for a chat. That conversation was illuminating, to put it mildly. We all know the payment apps we use every day. PhonePe, Google Pay, Paytm, BHIM… But think of them as trains running on a railway network. NPCI provides the tracks. And what an extraordinary railway India has built! In September, UPI alone processed over 2,400 crore transactions. That’s more than 80 crore transactions every single day! India is now the world’s largest real-time payments market. A true global force multiplier. And Dilip has been one of the key people behind that remarkable achievement. His mind is buzzing with plans to build more ‘railroads’ that will enable new apps in wider financial spheres. But here’s what struck me most about him. Not the scale of his achievement. Not his knowledge of the technology. His humility. Dilip is well known in financial & technology circles. But I met a man with no airs, no sense of self-importance & seemingly little interest in the spotlight. Just immense pride in what his team has accomplished & a genuine sense of privilege at being able to serve his country. I also learned that his mother was a teacher. Perhaps I’m biased, but I’ve always believed that mothers who are teachers have a special knack for instilling values that last a lifetime. And I couldn’t help wondering if that explained something about Dilip’s grounded personality. People like him derive their satisfaction not from being seen, but from seeing their work make a difference. Thank you, Dilip, for the conversation. And for reminding me that ambition & humility can indeed travel together on the railroad to success. And I’ve switched to the BHIM app now! #MondayMotivation— anand mahindra (@anandmahindra) October 26, 2026

ఏఐ (AI) రాకతో.. టెక్నాలజీ రంగంలో ఎన్నో మార్పులు వస్తున్నాయి. ఒకప్పుడు సాఫ్ట్‌వేర్ తయారు చేయాలంటే.. ఇంజినీర్లు గంటల తరబడి కష్టపడాల్సి వచ్చేది. కానీ.. ఇప్పుడు ఏఐ సాయంతో కోడింగ్ చేయడం, వెబ్‌సైట్లు రూపొందించడం, సాఫ్ట్‌వేర్ అభివృద్ధి చేయడం వంటి పనులు చాలా సులభంగా జరిగిపోతున్నాయి. దీంతో టెక్ రంగంలో పనిచేస్తున్న ఉద్యోగుల్లో తమ భవిష్యత్తు ఎలా ఉంటుంది?, అనే ఆందోళన మొదలైంది.తాజాగా దాదాపు పదేళ్ల అనుభవం ఉన్న ఓ సాఫ్ట్‌వేర్ ఇంజినీర్ తన ఉద్యోగాన్ని వదిలి వ్యవసాయం చేయాలనే ఆలోచనతో ఉన్నట్లు రెడిట్‌లో వెల్లడించడం చర్చనీయాంశంగా మారింది.భవిష్యత్తు ఎలా ఉంటుందో?ఏఐ అభివృద్ధి వేగాన్ని అందుకోవడం చాలా కష్టంగా మారుతోందని వెల్లడించారు. రాబోయే ఐదు నుంచి పదేళ్లలో సంప్రదాయ ఉద్యోగాలు తగ్గిపోయే అవకాశం ఉంటుందని తెలిపాడు. గతంలో ఏఐ కోడింగ్ రాయగలిగినా, క్లిష్టమైన సాఫ్ట్‌వేర్ వ్యవస్థలను రూపొందించడానికి అనుభవజ్ఞులైన ఇంజినీర్లు తప్పనిసరిగా అవసరమని అనుకునేవాడిని. కానీ ఇప్పుడు ఏఐ ఆ పనులను కూడా చేయగలుగుతోందని, కొన్ని సందర్భాల్లో మనుషుల కంటే మెరుగైన ఫలితాలు ఇస్తోందని పేర్కొన్నాడు. దీంతో భవిష్యత్తులో తమ నైపుణ్యాలకు ఎంత విలువ ఉంటుందో అర్థం కావడం లేదని ఆవేదన వ్యక్తం చేశాడు.ఉద్యోగం కంటే వ్యవసాయం మేలు!ఇలాంటి పరిస్థితుల్లో.. సాఫ్ట్‌వేర్ ఉద్యోగాన్ని నమ్ముకోవడం కంటే వ్యవసాయం చేయడం లేదా, సొంతంగా నా ఆహారాన్ని నేను పండించుకోవడం మంచిదేమోనని ఆ ఇంజినీర్ చెబుతున్నారు.ఏఐ వల్ల ఉద్యోగాలు పూర్తిగా కనుమరుగవుతాయని ఇప్పుడే చెప్పలేకపోయినా, టెక్నాలజీ వేగంగా మారుతుండటంతో ఉద్యోగులలో భయం పెరుగుతోంది. ముఖ్యంగా కోడింగ్, వెబ్ డెవలప్‌మెంట్ వంటి పనులను ఏఐ సులభంగా చేయగలగడం వల్ల భవిష్యత్తులో సాఫ్ట్‌వేర్ ఇంజినీర్లకు ఎలాంటి అవకాశాలు ఉంటాయనే ప్రశ్నలు తలెత్తుతున్నాయి.నెటిజన్ల రియాక్షన్ఇంజినీర్ అభిప్రాయాలపై పలువురు నెటిజన్లు తమదైన రీతిలో స్పందిస్తున్నారు. ఏఐని చూసి భయపడకుండా.. దాన్ని ఉపయోగించడం నేర్చుకోవాలని ఒకరు సూచించారు. మరో సాఫ్ట్‌వేర్ ఇంజినీర్ మాత్రం తాను నాలుగేళ్ల క్రితమే ఒక వ్యవసాయ క్షేత్రాన్ని కొనుగోలు చేసినట్లు తెలిపాడు. ప్రస్తుతం అక్కడ వందకు పైగా కోళ్లు, గొర్రెలు, తేనెటీగల పెంపకంతో పాటు పండ్ల తోటను కూడా నిర్వహిస్తున్నట్లు చెప్పాడు.వ్యవసాయం చేయడం సాఫ్ట్‌వేర్ ఉద్యోగం కంటే కష్టమైనప్పటికీ, అది ఎంతో సంతృప్తిని ఇస్తోందని తన అనుభవాన్ని పంచుకున్నాడు. మరికొందరు కూడా వ్యవసాయం వైపు వెళ్లాలని ఆలోచిస్తున్నట్లు కామెంట్లు చేశారు. ఎందుకంటే ఏఐ ఎంత అభివృద్ధి చెందినా, మనుషులకు ఆహారం అవసరం ఎప్పటికీ ఉంటుందనే అభిప్రాయాన్ని వ్యక్తం చేశారు.ఇదీ చదవండి: బంగారం, వెండి ధరల్లో మార్పు: ఇప్పుడు ఏది కొనాలి?

ప్రయివేట్‌ రంగ దిగ్గజం కొటక్‌ మహీంద్రా బ్యాంక్‌ ప్రస్తుత ఆర్థిక సంవత్సరం(2026–27) రెండో త్రైమాసికంలో పటిష్ట ఫలితాలు సాధించింది. వార్షికంగా జూలై–సెప్టెంబర్‌(క్యూ2)లో కన్సాలిడేటెడ్‌ నికర లాభం 26 శాతం ఎగసి రూ. 5,645 కోట్లకు చేరింది. స్టాండెలోన్‌ నికర లాభం సైతం 29 శాతం జంప్‌చేసి రూ. 4,212 కోట్లను తాకింది. ఆదాయం పుంజుకోవడం, ప్రొవిజన్లు తగ్గడం ఇందుకు సహకరించింది. నికర వడ్డీ ఆదాయం 16 శాతం వృద్ధితో రూ. 8,459 కోట్లకు చేరింది. స్థూల మొండిబకాయిలు(ఎన్‌పీఏలు) 1.39 శాతం నుంచి 1.04 శాతానికి దిగివచ్చాయి. స్లిప్పేజీలు రూ. 1,629 కోట్ల నుంచి రూ. 1,230 కోట్లకు తగ్గాయి. మొత్తం ప్రొవిజన్లు 15 శాతం వెనకడుగుతో రూ. 803 కోట్లకు పరిమితమయ్యాయి. ఐడీఎఫ్‌సీ ఫస్ట్‌ లాభం జూమ్‌ప్రయివేట్‌ రంగ సంస్థ ఐడీఎఫ్‌సీ ఫస్ట్‌ బ్యాంక్‌ ప్రస్తుత ఆర్థిక సంవత్సరం(2026–27) రెండో త్రైమాసికంలో పటిష్ట ఫలితాలు సాధించింది. వార్షికంగా జూలై–సెప్టెంబర్‌(క్యూ2)లో కన్సాలిడేటెడ్‌ నికర లాభం మూడు రెట్లు దూసుకెళ్లి రూ. 1,045 కోట్లకు చేరింది. గతేడాది(2025–26) ఇదే కాలంలో కేవలం రూ. 352 కోట్లు ఆర్జించింది. మొత్తం ఆదాయం రూ. 11,828 కోట్ల నుంచి రూ. 14,218 కోట్లకు జంప్‌చేసింది. వడ్డీ ఆదాయం సైతం రూ. 9,937 కోట్ల నుంచి రూ. 11,922 కోట్లకు ఎగసింది. స్థూల మొండిబకాయిలు(ఎన్‌పీఏలు) 1.86 శాతం నుంచి 1.32 శాతానికి, నికర ఎన్‌పీఏలు 0.52 శాతం నుంచి 0.4 శాతానికి దిగివచ్చాయి. కనీస మూలధన నిష్పత్తి 14.67 శాతంగా నమోదైంది.

ప్రముఖ ప్రభుత్వ రంగ బ్యాంకు అయిన సెంట్రల్ బ్యాంక్ ఆఫ్ ఇండియా తన రియల్ టైమ్ గ్రాస్ సెటిల్‌మెంట్ (ఆర్‌టీజీఎస్‌) అవుట్‌వర్డ్ పేమెంట్ వ్యవస్థలో తలెత్తిన సాంకేతిక లోపాన్ని విజయవంతంగా పరిష్కరించింది. అక్టోబర్ 15 నుంచి 17 మధ్యకాలంలో ఈ అంతరాయం ఏర్పడినట్లు బ్యాంక్ వర్గాలు వెల్లడించాయి. ఈ సాంకేతిక లోపం నేపథ్యంలో అప్రమత్తమైన బ్యాంక్ యాజమాన్యం వెంటనే ప్రభావితమైన సిస్టమ్స్‌ను షట్‌డౌన్ చేసి ఐసోలేట్ (వేరు) చేసింది. ప్రస్తుతం అన్ని ఆర్‌టీజీఎస్‌ సేవలు పూర్తిగా పునరుద్ధరించినట్లు అధికారులు స్పష్టం చేశారు.ఈ సాంకేతిక సమస్య కారణంగా వినియోగదారులకు ఎటువంటి ఆర్థిక నష్టం వాటిల్లలేదని, డిపాజిటర్ల నిధులు పూర్తిగా సురక్షితంగా ఉన్నాయని బ్యాంకు స్పష్టమైన హామీ ఇచ్చింది. లావాదేవీలకు తాత్కాలికంగా అంతరాయం ఏర్పడినప్పటికీ కస్టమర్ల ఖాతాలపై లేదా వారి ఆర్థిక ప్రయోజనాలపై దీని ఎలాంటి ప్రభావం పడలేదని రెగ్యులేటరీ ఫైలింగ్‌లో పేర్కొంది.ఈ లోపానికి గల అసలు కారణాలను శోధించడానికి బ్యాంక్ నిపుణుల బృందం బాహ్య నిపుణులతో కలిసి దర్యాప్తు చేపట్టింది. భారతీయ రిజర్వ్ బ్యాంక్, నేషనల్ స్టాక్ ఎక్స్ఛేంజ్ సహా సంబంధిత నియంత్రణ సంస్థలకు ఈ ఘటనపై సమాచారం అందించినట్లు తెలుస్తోంది. ప్రస్తుతం డిజిటల్ చెల్లింపుల వ్యవస్థల భద్రతను మరింత పటిష్టం చేసేందుకు బ్యాంక్ ప్రత్యేక చర్యలు చేపట్టిందని, భవిష్యత్తులో ఇటువంటి ఇబ్బందులు పునరావృతం కాకుండా పకడ్బందీ సాంకేతిక నిఘా ఏర్పాటు చేసినట్లు నిపుణులు పేర్కొంటున్నారు.ఆర్‌టీజీఎస్‌ ఎందుకు?ఆర్‌టీజీఎస్‌(Real Time Gross Settlement) అనేది పెద్ద మొత్తంలో డబ్బును ఒక బ్యాంక్ ఖాతా నుంచి మరొక బ్యాంక్ ఖాతాకు క్షణాల వ్యవధిలో అత్యంత సురక్షితంగా బదిలీ చేయడానికి ఉపయోగించే ఒక డిజిటల్ చెల్లింపు విధానం. దీన్ని భారతదేశంలో ఆర్‌బీఐ నిర్వహిస్తుంది. రియల్‌టైమ్‌లో లావాదేవీలు ఎలాంటి ఆలస్యం లేకుండా తక్షణమే పూర్తవుతాయి. మనం డబ్బు పంపిన వెంటనే అవతలి వారి ఖాతాలో ఆ మొత్తం జమ అవుతుంది. ప్రతి లావాదేవీని విడివిడిగా (వ్యక్తిగతంగా) క్లియర్ చేస్తారు. ఇతర పద్ధతుల మాదిరిగా లావాదేవీలను సమూహాలుగా (బ్యాచ్‌లు) మార్చి ఆలస్యం చేసే విధానం ఇందులో ఉండదు. ఆర్టీజీఎస్ ద్వారా కనిష్టంగా రూ.2,00,000 నుంచి ఎంత మొత్తమైనా సులభంగా బదిలీ చేయవచ్చు. దీనికి గరిష్ట పరిమితి అంటూ ఏమీ లేదు.ఇదీ చదవండి: గాంధీజీ ‘ఐదో కుమారుడు’.. రూ.14 లక్షల కోట్ల వ్యాపార సామ్రాజ్యం

భారతీయ వ్యాపార, పారిశ్రామిక రంగాల్లో శతాబ్దపు చరిత్ర కలిగిన దిగ్గజ బజాజ్ గ్రూప్ వ్యవస్థాపకుడు, మహాత్మా గాంధీ అంతరంగికుడిగా గుర్తింపు పొందిన జమనాలాల్‌ బజాజ్ జీవితం, ఆయన వ్యాపార దృక్పథం దేశ పారిశ్రామిక రంగానికి దిక్సూచిగా నిలుస్తున్నాయి. రాజస్థాన్‌లోని సికార్ సమీపంలోని ‘కాశీ కా బాస్’ గ్రామంలో జన్మించిన జమనాలాల్‌ బజాజ్ తన వ్యాపార నైపుణ్యాలతో, దేశ స్వాతంత్ర్య ఉద్యమానికి ఆయన అందించిన ఆర్థిక వెన్నుదండతో భారత చరిత్రలో చెరగని ముద్ర వేసుకున్నారు.వ్యాపార ప్రస్థానం1926లో రూపుదిద్దుకున్న బజాజ్ గ్రూప్, నాటి కాటన్ ట్రేడింగ్ (పత్తి వ్యాపారం) నుంచి ప్రారంభమై నేడు రూ.14 లక్షల కోట్ల రూపాయల భారీ వ్యాపార సామ్రాజ్యంగా ఎదిగింది. వర్ధా కేంద్రంగా ప్రారంభమైన ఈ సంస్థ కాలక్రమేణా చక్కెర, స్టీల్, ఆటోమొబైల్స్ రంగాల్లోకి విస్తరించింది. 1939లో లాహోర్‌లోని ముకంద్ ఐరన్ అండ్ స్టీల్ వర్క్స్ స్వాధీనంతో భారీ పరిశ్రమల రంగంలోకి అడుగుపెట్టిన బజాజ్ గ్రూప్ దశాబ్దాల పాటు భారతీయుల దైనందిన జీవితంలో భాగమైంది. ముఖ్యంగా ‘హమారా బజాజ్’ నినాదంతో మధ్యతరగతి ప్రజలకు ద్విచక్ర వాహనాలను అందించిన బజాజ్ ఆటో దేశ ఆర్థిక వ్యవస్థలో కీలక పాత్ర పోషించింది.మహాత్మా గాంధీ ‘ఐదో కుమారుడు’దక్షిణాఫ్రికా నుంచి మహాత్మా గాంధీ భారతదేశానికి తిరిగొచ్చిన తర్వాత జమనాలాల్‌ బజాజ్ ఆయన సిద్ధాంతాలకు పూర్తిగా ఆకర్షితులయ్యారు. వర్ధాలోని తన ఆవాసాన్ని, భూమిని స్వాతంత్ర్య ఉద్యమ కార్యకలాపాల కోసం అప్పగించారు. గాంధీజీ చేపట్టిన ప్రతీ సృజనాత్మక కార్యక్రమానికి తన తనువు, మనసు, ధనంతో సంపూర్ణ సహకారం అందించిన జమనాలాల్‌ను మహాత్మా గాంధీ ఎంతో ప్రేమగా తన ‘ఐదో కుమారుడిగా’ ప్రకటించారు. దాదాపు రెండు దశాబ్దాల పాటు భారత జాతీయ కాంగ్రెస్‌కు ప్రధాన ఫైనాన్షియర్‌గా వ్యవహరిస్తూ స్వాతంత్ర్య పోరాటాన్ని ఆర్థికంగా నిలబెట్టారు.సామాజిక సంస్కరణలుఅపారమైన సంపద ఉన్నప్పటికీ అత్యంత సాదాసీదా జీవితాన్ని గడిపిన జమనాలాల్‌ బజాజ్ గాంధీజీ ప్రతిపాదించిన ‘ట్రస్టీషిప్’ సిద్ధాంతాన్ని పాటించారు. సంపద అనేది వ్యక్తిగత భోగభాగ్యాల కోసం కాకుండా సమాజ శ్రేయస్సు కోసం ఒక ట్రస్ట్‌లా నిర్వహించాలనే ఆయన నమ్మకం వ్యాపార వర్గాల్లో నైతిక విలువలకు పునాది వేసింది. అంతేకాకుండా, 1928లోనే తన కుటుంబానికి చెందిన వర్ధాలోని లక్ష్మీనారాయణ్ మందిరాన్ని దళితుల కోసం తెరిచి సమాజంలో వేళ్లూనుకున్న అంటరానితనాన్ని ఎదిరించిన సాహసోపేత సంస్కర్త ఆయన.‍ప్రస్తుతం రూ.14 లక్షల కోట్ల గ్రూప్‌గా..1942 ఫిబ్రవరి 11న ఆయన తుదిశ్వాస విడిచినప్పటికీ ఆయన స్థాపించిన విలువల పునాదులపైనే నేడు రూ.14 లక్షల కోట్ల మార్కెట్ క్యాపిటలైజేషన్‌తో బజాజ్ గ్రూప్ విస్తరించింది. ఆయన జ్ఞాపకార్థం ఏర్పాటు చేసిన ‘జమునాలాల్‌ బజాజ్ ఫౌండేషన్’ ద్వారా ఏటా అందించే జాతీయ, అంతర్జాతీయ అవార్డులు సమాజ సేవకులకు గొప్ప ప్రోత్సాహంగా నిలుస్తున్నాయి. వ్యాపారాన్ని దేశభక్తితో, నైతిక విలువలతో ఎలా అనుసంధానించవచ్చో నిరూపించిన జమనాలాల్‌ బజాజ్ జీవితం ఎప్పటికీ ఆదర్శప్రాయమే.ఇదీ చదవండి: రోగుల ప్రాణాలతో రాబందుల వ్యాపారం

న్యూఢిల్లీ: సెకండరీ మార్కెట్లకు భిన్నమైన రీతిలో ఈ వారం కూడా ప్రైమరీ మార్కెట్లు కొత్త ఇష్యూలతో కళకళలాడనున్నాయి. లిస్టింగ్‌కు వీలుగా ఐదు కంపెనీలు పబ్లిక్‌ ఇష్యూ చేపట్టనున్నాయి. తద్వారా ఉమ్మడిగా ఇవి రూ. 2,600 కోట్లు సమీకరించనున్నాయి. ఈ జాబితాలో విభిన్న రంగాలకు చెందిన కంపెనీలు చేరాయి. వివరాలు చూద్దాం.. ఈఏఏఏ ఇండియా ఆల్టర్నేటివ్స్‌ ఎడిల్‌వీజ్‌ ఫైనాన్షియల్‌ సర్వీసెస్‌కు చెందిన ఆల్టర్నేటివ్‌ ఇన్వెస్ట్‌మెంట్స్‌ కంపెనీ.. ఈఏఏఏ ఇండియా ఆల్టర్నేటివ్స్‌ ఐపీవో నేడు(26న) ప్రారంభమై 28న ముగియనుంది. ఇందుకు ధరల శ్రేణి రూ. 1,585–1,665కాగా.. ఇష్యూలో భాగంగా ఎడిల్‌వీజ్‌ గ్రూప్‌ షేర్లను విక్రయానికి ఉంచనుంది. తద్వారా రూ. 1,200 కోట్లు సమీకరించే ప్రళాళికల్లో ఉంది. లిస్టింగ్‌లో కంపెనీ విలువ రూ. 10,765 కోట్లుగా నమోదుకావచ్చు. ఎస్‌ఎఫ్‌సీ ఎన్విరాన్‌మెంటల్‌ టెక్నాలజీస్‌ వృథానీటి శుద్ధి(వేస్ట్‌వాటర్‌ ట్రీట్‌మెంట్‌) సొల్యూషన్లు అందించే ఎస్‌ఎఫ్‌సీ ఎన్విరాన్‌మెంటల్‌ టెక్నాలజీస్‌ ఐపీవో రేపు(27న) ప్రారంభంకానుంది. 29న ముగియనున్న ఇష్యూకి ధరల శ్రేణి రూ. 313–330కాగా.. తద్వారా రూ. 668 కోట్లు అందుకోవాలని చూస్తోంది. ఇందుకు రూ. 150 కోట్ల విలువైన ఈక్విటీని తాజాగా జారీ చేయనుండటంతోపాటు, మరో 1.57 కోట్ల షేర్లను ప్రమోటర్లు, ప్రస్తుత వాటాదారులు ఆఫర్‌ చేయనున్నారు. ఈక్విటీ జారీ నిధులను రుణ చెల్లింపులు, వర్కింగ్‌ క్యాపిటల్‌ అవసరాలకు వెచ్చించనుంది. లిస్టింగ్‌లో కంపెనీ విలువ రూ. 3,233 కోట్లుగా నమోదుకావచ్చు. బీఎల్‌ఎస్‌ పాలిమర్స్‌ ప్రత్యేక పాలిమర్‌ కాంపౌండ్స్‌ తయారుచేసే బీఎల్‌ఎస్‌ పాలిమర్స్‌ ఐపీవో రేపు(27న) ప్రారంభమై 29న ముగియనుంది. ధరల శ్రేణి రూ. 142–150కాగా.. రూ. 255 కోట్లు సమీకరించనుంది. ఇందుకు 1.7 కోట్ల ఈక్విటీ షేర్లు కొత్తగా జారీ చేయనుంది. ఈక్విటీ జారీ నిధులలో రూ. 78 కోట్లు ఉత్పత్తి సామర్థ్య విస్తరణకు, రూ. 90 కోట్లు వర్కింగ్‌ క్యాపిటల్‌కు, మిగిలిన నిధులను సాధారణ కార్పొరేట్‌ అవసరాలకు వెచ్చించనుంది. ఎంకే సన్స్‌ ఫైన్‌ జ్యువెల్స్‌బంగారు ఆభరణ రిటైల్‌ కంపెనీ ఎంకే సన్స్‌ ఫైన్‌ జ్యువెల్స్‌ ఐపీవో ఈ నెల 28న ప్రారంభమై 30న ముగియనుంది. ధరల శ్రేణి రూ. 153–162కాగా.. రూ. 275 కోట్లకు పైగా సమకూర్చుకోనుంది. ఇందుకు 1.36 కోట్ల ఈక్విటీ షేర్లు కొత్తగా జారీ చేయడంసహా మరో 34 లక్షల షేర్లు ప్రమోటర్‌ విక్రయించనున్నారు. ఈక్విటీ జారీ నిధులను కొత్త షోరూముల ఏర్పాటు, రుణ చెల్లింపులు, సాధారణ కార్పొరేట్‌ అవసరాలకు వినియోగించనుంది. బాంబే కోటెడ్‌ అండ్‌ స్పెషల్‌ స్టీల్స్‌స్టీల్‌ క్వాయిల్స్‌ను విలువజోడింపు ద్వారా స్లిట్, ఎంబోజ్‌డ్‌ క్వాయిల్స్‌ తదితరాలుగా రూపొందించే బాంబే కోటెడ్‌ అండ్‌ స్పెషల్‌ స్టీల్స్‌ ఐపీవో ఈ నెల 29న ప్రారంభమై నవంబర్‌ 2న ముగియనుంది. ధరల శ్రేణి రూ. 78–82కాగా.. రూ. 183 కోట్లకు పైగా సమీకరించనుంది. ఇందుకు అనుగుణంగా కొత్తగా ఈక్విటీ షేర్లు జారీ చేయనుంది. ఈక్విటీ జారీ నిధులలో రూ. 125 కోట్లు రుణ చెల్లింపులకు, రూ. 16 కోట్లు క్యాపిటల్‌ ఎక్విప్‌మెంట్‌ కొనుగోలు వ్యయాలకు కేటాయించనుంది. ఇంకా పలు కంపెనీలు సైవచ్చే వారం గుజరాత్‌ విక్టరీ ఫోర్జింగ్‌ మైల్‌స్టోన్‌ గేర్స్, అవాడా ఎలక్ట్రో, స్వర బేబీ ప్రొడక్ట్స్, ఇంటెగ్రిస్‌ మెడ్‌టెక్, ఏజీఎస్‌ హెల్త్‌ తదితర మరిన్ని కంపెనీలు లిస్టింగ్‌ బాటలో సాగనున్నాయి. ఇందుకు అనుగుణంగా ధరల శ్రేణి ప్రకటించడంతోపాటు.. నవంబర్‌ 5 నుంచి ఐపీవో చేపట్టనున్నాయి. ఇప్పటికే దేశీయంగా అతిపెద్ద(రూ. 30,213 కోట్లు) ఇష్యూ పూర్తి చేసుకున్న జియో ప్లాట్‌ఫామ్స్‌ లిస్ట్‌కానుండగా.. ఈ ఏడాది(2026) ఇప్పటివరకూ 104 కంపెనీలు రూ. 1.4 లక్షల కోట్లు సమీకరించడం విశేషం!

అంతర్జాతీయంగా పెట్రో ధరలు మండుతున్నాయి. బ్యారెల్‌ ముడిచమురు 100 డాలర్లు దాటేసింది. డాలర్‌తో రూపాయి అంతకంతకూ బలహీనపడుతోంది. వెరసి మార్కెట్లు పడుతున్నాయి. ఎఫ్‌ఐఐలు అదేపనిగా విక్రయిస్తున్నారు. కాకపోతే రిటైల్‌ ఇన్వెస్టర్ల ‘సిప్‌’ మాత్రం ఆగటం లేదు. సరికదా పెరుగుతోంది. సెప్టెంబర్లో ‘సిప్‌’ నిధులు ఏకంగా రూ. 32,490 కోట్లకు చేరి... ఆల్‌టైమ్‌ గరిష్ఠాన్ని నమోదు చేశాయి. కాకపోతే వీటిలో సగం నిధులు కేవలం మిడ్, స్మాల్‌క్యాప్‌ ఫండ్లలోకే వెళ్లాయి. దీనర్థమేంటి? క్రమశిక్షణతో సిప్‌ చేస్తున్నారనా... లేక ఎక్కువ రిస్క్‌ తీసుకుంటున్నారనా? నిధుల ప్రవాహం పెరిగితే మరి రిస్క్‌ కూడా పెరుగుతున్నట్లేగా? ఏం చెయ్యాలి? ఎలాంటి ఫండ్లను ఎంచుకుంటే రిస్కు తగ్గుతుంది? డైవర్సిఫికేషన్‌ అవసరమా? ఇదే ఈ వారం ‘సాక్షి వెల్త్‌’ స్పెషల్‌ స్టోరీ...దేశంలో మ్యూచువల్‌ ఫండ్‌ పరిశ్రమ అనూహ్యమైన మార్పును చూస్తోంది. సంప్రదాయ బ్యాంకుల నేతృత్వంలోని ఫండ్లకు పోటీగా మార్కెట్‌ నిపుణుల సారథ్యంలో కొత్త కొత్త ఫండ్లు మొదలయ్యాయి. ఇన్వెస్టర్లు అద్భుతంగా ఆదరిస్తున్నారు. అంతే కాదు. రిటైల్‌ ఇన్వెస్టర్ల పొదుపు పద్ధతే మారింది. ఇతరత్రా సేవింగ్స్‌ సాధనాలు వదిలి అత్యధికులు స్టాక్‌ మార్కెట్ల బాట పట్టారు.‘సిప్‌’ మొదలుపెట్టారు. మార్కెట్లు పడుతున్నా ‘సిప్‌’ను కొనసాగిస్తున్నారు. వాస్తవానికి ఇన్వెస్టర్లు చేయాల్సిందిదే. అయితే ‘సిప్‌’ చేయటమే కాదు. ఎందులో చేస్తున్నామన్నది కూడా ముఖ్యమే. లేదంటే రిస్క్‌ పెరుగుతున్నట్లే. ఎందుకంటే సెప్టెంబర్లో మ్యూచ్‌వల్‌ ఫండ్ల అసోసియేషన్‌ (యాంఫీ) వెల్లడించిన గణాంకాలు ఈ ధోరణిని ప్రతిబింబిస్తున్నాయి కనక!!. యాంఫీ సెప్టెంబరు గణాంకాల ప్రకారం మ్యూచ్‌వల్‌ ఫండ్లలోకి ఆ నెలలో రూ.38,307 కోట్లు రాగా... దాన్లో రూ.16,873 కోట్లు మిడ్, స్మాల్‌ క్యాప్‌ ఫండ్లలోకే వెళ్లాయి. ఇంకా స్పష్టంగా చెప్పాలంటే స్మాల్‌ క్యాప్‌ ఫండ్లలోకి రూ.9,039 కోట్లు, మిడ్‌ క్యాప్‌ ఫండ్లలోకి రూ.7,835 కోట్లు వెళ్లాయి. దేశీ మార్కెట్లపై కావచ్చు, దేశీ వ్యాపారాలపై కావచ్చు... ఇన్వెస్టర్లకున్న నమ్మకానికి ఈ నిధులు ప్రతీక అని చెప్పొచ్చు. కాకపోతే ఏ ఫండ్లలో పెట్టుబడి పెడుతున్నాం? ఎంత రిస్క్‌ తీసుకుంటున్నాం? పోర్టుఫోలియో డైవర్సిఫికేషన్‌ ఉందా? అనేది కూడా ప్రధానమే. నిజానికి ‘సిప్‌’ నిధులు పెరిగినంత మాత్రాన రిస్క్‌ పెరుగుతోందని గానీ... ఒక కేటగిరీలోకి ఎక్కువ నిధులు వచ్చినంత మాత్రాన కరెక్షన్‌ తప్పనిసరి అనిగానీ చెప్పలేం. కానీ ఆ ఫండ్లను వాటి గతం ఆధారంగా ఎంచుకున్నా, ఒకే తరహా ఫండ్లలో ఎక్కువ ఇన్వెస్ట్‌ చేసినా ఈ ప్రమాదం ఉండొచ్చని గమనించాలి. పైపెచ్చు పడ్డ మార్కెట్లు రికవరీ కావటానికి కొంత సమయం పడుతుందని కూడా గుర్తించాలి.సెప్టెంబర్లో తగ్గిన ఫండ్ల ఆస్తులు... ఓ ముఖ్యమైన విషయాన్ని గమనిస్తే మ్యూచువల్‌ ఫండ్ల అదీనంలోని మొత్తం ఆస్తుల విలువ సెప్టెంబర్లో దాదాపు 5.1 శాతం తగ్గింది. రూ.87.08 లక్షల కోట్ల నుంచి రూ. 82.64 లక్షల కోట్లకు వచ్చింది. దీనర్థం ఫండ్ల నుంచి విత్‌డ్రావల్స్‌ జరిగాయని కాదు. ఎందుకంటే ఫండ్లలోకి వచ్చిన నిధుల్ని విత్‌డ్రావల్స్‌ను తీసేశాకే లెక్కిస్తారు కాబట్టి. వివరంగా చూస్తే ఈ నెలలో డెట్‌ మ్యూచువల్‌ పండ్ల నుంచి రూ.1.33 లక్షల కోట్ల విత్‌డ్రావల్స్‌ జరిగాయి. మార్కెట్ల పతనం కారణంగా రూ.3.11 లక్షల కోట్ల మేర ఫండ్ల విలువ తగ్గింది. దీర్ఘకాల ఇన్వెస్ట్‌మెంట్లకు ‘సిప్‌’ సిసలైన ఆయుధం. ప్రతినెలా నిరీ్ణత మొత్తం ఇన్వెస్ట్‌ చేస్తారు కనక మార్కెట్లు పడ్డపుడు అదే మొత్తానికి ఎక్కువ యూనిట్లు వస్తాయి. కాబట్టి సిప్‌ నిరంతరం కొనసాగించటం అత్యవసరం. కాకుంటే ఇలా కొనసాగించటం వల్ల నష్టాలను తగ్గించుకోవచ్చేమో గానీ పూర్తిగా నివారించవచ్చని చెప్పలేం. నాసిర కం ఫండ్లను ఎంచుకున్నా, అత్యధిక వేల్యుయేషన్ల దగ్గర కొన్నా, ఒకే ఫండ్లో ఎక్కువ మొత్తం ఇన్వెస్ట్‌చేసినా నష్టాల రిస్క్‌ మరింత పెరుగుతుందనే చెప్పాలి. ఆ ఫండ్లన్నీ ఒకే దారిలో వెళితే..?రకరకాల మ్యూచువల్‌ ఫండ్లలో ఇన్వెస్ట్‌ చేస్తే తమ పోర్టుఫోలియో డైవర్సిఫై అయినట్లేనని చాలామంది ఇన్వెస్టర్లు భావిస్తుంటారు. అది సరికాదనే చెప్పాలి. ఎందుకంటే ఒక ఫ్లెక్సి క్యాప్, ఒక మిడ్‌క్యాప్, ఒక స్మాల్‌క్యాప్‌ ఫండ్‌లో ఇన్వెస్ట్‌ చేశారనుకోండి. పేర్లు వేరైనా ఆ ఫ్లెక్సి ఫండ్‌ కూడా మిడ్, స్మాల్‌క్యాప్‌ కంపెనీల్లో ఇన్వెస్ట్‌ చేస్తుందని గుర్తుంచుకోవాలి. దానివల్ల మీ పోర్టుఫోలియోలో స్మాల్‌క్యాప్‌ ఎక్కువగా ఉన్నట్లేగా? రకరకాల కంపెనీలు నిర్వహించే ఫండ్లలో ఇన్వెస్ట్‌ చేసేటపుడు కూడా ఇలాంటి పరిస్థితే ఎదురుకావచ్చు. కనక అవి పెట్టుబడుల్ని ఏ కంపెనీల్లో పెడుతున్నాయి? ఏ రంగంలో పెడుతున్నాయి? అనేది చాలా ముఖ్యం. ఉదాహరణకు మీ ఫండ్లలో చాలావరకూ ఫైనాన్షియల్‌ సరీ్వసులు, పారిశ్రామిక, క్యాపిటల్‌ గూడ్స్‌ కంపెనీల్లో ఇన్వెస్ట్‌ చేస్తున్నాయనుకుందాం. ఆ రంగాన్ని ప్రభావితం చేసే ప్రతికూల పరిస్థితులు తలెత్తితే ఆ కంపెనీల ఫలితాలతో పాటు... అన్ని ఫండ్ల లాభాలూ తల్లకిందులవుతాయి. వాస్తవానికి ఈక్విటీ ఫండ్లలో ఇలాంటివి పూర్తిగా నివారించటం కష్టం. అసాధ్యం కూడా. కాకపోతే పరిశీలించాక పెట్టుబడి పెట్టడమనేది ఉత్తమం. ఇన్వెస్టర్లు వేసుకోవాల్సిన ప్రశ్నలివే...→ మీ సిప్‌ పెట్టుబడులకు స్పష్టమైన ఆర్థిక లక్ష్యం ఉందా? → మార్కెట్లు దారుణంగా పడుతున్నపుడు కూడా దీన్ని కొనసాగించగలిగే సత్తా ఉందా? → ఈక్విటీల్లో స్పల్ప కాలానికి రిస్కు ఎక్కువ ఉంటుంది. కాబట్టి దాన్ని తట్టుకోగలిగేంత దీర్ఘకాలం వేచి ఉండగలరా? → మీ పెట్టుబడుల్లో డైవర్సిఫికేషన్‌ ఉందా? మొత్తం ఈక్విటీపైనే ఆధారపడకుండా... డెట్, ఇతర ఆస్తుల్లోనూ పెట్టుబడులు పెడుతూ బ్యాలెన్స్‌ చేస్తున్నారా? → మీ పోర్టు ఫోలియోలోని ఫండ్లు అనుకోకుండా అన్నీ ఒకే కంపెనీలో ఎక్కువగా ఇన్వెస్ట్‌ చేస్తున్నాయా? లేదా అన్నీ ఒకే రంగంలోని కంపెనీల్లో ఇన్వెస్ట్‌ చేస్తున్నాయా? ఓ మూడేళ్లలో తమ పిల్లల చదువుకు అక్కరకు వస్తుంది కనక కాస్తంత పొదుపు చేద్దామని మ్యూచువల్‌ ఫండ్ల బాట పట్టినవారు... ఓ పాతికేళ్లలో రిటైర్మెంట్‌ నాటికి అవసరమైన మొత్తాన్ని దాచుకుందామనుకున్న యువ ఇన్వెస్టరు... ఇద్దరూ వేరువేరు. ఇద్దరి లక్ష్యాలు.. రిస్కు స్థాయి వేరు. కాబట్టి దాని కనుగుణంగానే వారు ఇన్వెస్ట్‌ చేయాల్సి ఉంటుంది. మిడ్, స్మాల్‌ క్యాప్‌ ఫండ్లకు ఎందుకంత ఆకర్షణ?స్మాల్‌ క్యాప్‌ కంపెనీలు విస్తరణ దశలో ఉంటాయి. విస్తరణ వేగంగా జరిగితే అంతకన్నా వేగంగా షేరు ధర పెరుగుతుంది. మిడ్‌క్యాప్‌ కంపెనీలదీ అదే పరిస్థితి. వృద్ధి కొన్నింట్లో చాలా వేగంగా ఉంటుంది. ఒక్కోసారి షేరు కూడా అదే స్థాయిలో పెరుగుతుంది. పైపెచ్చు గత ఏడాది కాలంలో మార్కెట్లు పడినా సరే మిడ్, స్మాల్‌ క్యాప్‌ షేర్లు బాగా పెరిగాయి. దీంతో ఆయా ఫండ్లు కూడా మంచి లాభాలిచ్చాయి. ఈ ధోరణి కొనసాగవచ్చని, ఇంకా పెరగవచ్చని నమ్ముతూ చాలామంది ఇన్వెస్టర్లు వాటికి ఆకర్షితులవుతున్నారు. కాకపోతే భవిష్యత్తు ఎప్పుడూ అనుకున్నట్లుగా ఉండదు. → చిన్న కంపెనీల వ్యాపారం కొంత మంది క్లయింట్లపైనో, కొన్ని ఉత్పత్తులపైనో ఆధారపడి ఉంటుంది. డైవర్సిఫికేషన్‌ తక్కువ. ఏమాత్రం తేడా వచ్చినా లాభాలు తీవ్రంగా ప్రభావితమవుతాయి. షేరు ధరా అదే స్థాయిలో కదులుతుంది. భారీగా కొంటే గనక కొన్నిసార్లు వాటి నుంచి బయటపడటానికైనా వేచిచూడాల్సిన పరిస్థితి ఉంటుంది. → మంచి కంపెనీ అయినంతమాత్రాన ఆ షేరు అన్నిసార్లూ మంచి లాభాలనిస్తుందని చెప్పలేం. ఎందుకంటే అప్పటికే దాని వేల్యుయేషన్లు కనక భారీగా పెరిగి ఉంటే... ఒక్కోసారి లాభాలు పెరిగినా కరెక్షన్‌ తప్పకపోవచ్చు. ఫండ్లయినా అంతే!. మనం కొన్న ధర, సమయం కూడా ప్రధానమని గుర్తించాలి. → ఇలాంటి సమయాల్లో గత చరిత్ర చూసి కొంటే కనక పొరపాటు పడ్డట్టే. కొన్ని సంవత్సరాల పాటు ఆకర్షణీయమైన ఫలితాలనిచ్చిన విభాగమో, రంగమో తరవాత కొన్ని సంవత్సరాల పాటు స్తబ్దుగా ఉండిపోవచ్చు. మళ్లీ ఆ సైకిల్‌ మొదలుకావటానికి సమయం పట్టొచ్చు. కాబట్టి ఫండమెంటల్స్, వాల్యుయేషన్లు, రిసు్కలు అన్నీ చూశాకే పెట్టుబడి పెట్టాలని తెలుసుకోవాలి.‘సిప్‌’ను వదిలేయటం సరికాదు..తాజా డేటాను మ్యూచువల్‌ ఫండ్లలో పెట్టుబడుల్ని నిలిపేయటానికి ఎట్టిపరిస్థితుల్లోనూ సంకేతంగా చూడకూడదు. మీ ఇన్వెస్ట్‌మెంట్లు మీ ఆర్థిక లక్ష్యాలు, కాల వ్యవధి, రిస్కు సామర్థ్యాలకు తగ్గట్టుగా ఉన్నపుడు వెనకాడాల్సిన పని లేదు. పైగా డైవర్సిఫికేషన్‌ ఉండి, దీర్ఘకాలానికి ఇన్వెస్ట్‌ చేస్తున్నపుడు మార్కెట్లో జరిగే చిన్నచిన్న మార్పుల్ని పట్టించుకుని వాటిని మార్చాల్సిన అవసరం కూడా లేదు. కొనసాగించాలంటే...: మీ పెట్టుబడులు లక్ష్యానికి తగ్గట్టుగా ఉన్నపుడు.. కాల వ్యవధి ఇంకా చాన్నాళ్లుంటే తాత్కాలిక నష్టాల్ని పట్టించుకోవాల్సిన పనిలేదు. రీబ్యాలెన్స్‌ ఎప్పుడంటే..: లార్జ్, మిడ్, స్మాల్‌ క్యాప్‌లలో ఏదో ఒక విభాగం మీ పోర్టుఫోలియోలో మీరు అనుకున్నదానికన్నా ఎక్కువ భాగానికి చేరిందనుకోండి... అప్పుడు మీరు మొదట ఉద్దేశించినట్లుగా రీబ్యాలెన్స్‌ చేసుకోవటం మంచిదే. పునఃపరిశీలన ఎప్పుడంటే...: మీరు అనుకున్న లక్ష్యాన్ని చేరటానికి ఆ ఫండ్‌ సరిపోదని భావించినప్పుడు... లేదా మీరు తట్టుకోలేనంత రిస్కు ఎదురైనప్పుడు దాన్నుంచి ఎగ్జిట్‌ అయ్యే అవకాశాన్ని పరిశీలించవచ్చు. ఒక్కటి గుర్తుంచుకోవాలి. మార్కెట్లు కరెక్షన్‌కు గురైనపుడు ఎగ్జిట్‌ అవటమో... లేదా బాగా పెరుగుతున్నాయి కనక మరింత పెట్టుబడి పెట్టడమో ఎప్పుడూ కరెక్టు కాదని!!అంతా విక్రయానికి తెగబడితే ఇబ్బందే! ప్రత్యేకించి స్మాల్‌క్యాప్‌ పెట్టుబడుల్లో ఈ పరిస్థితి తలెత్తుతూ ఉంటుంది. ఒక స్మాల్‌క్యాప్‌ ఫండ్‌ పోర్టుఫోలియోలో డజన్ల కొద్దీ కంపెనీలుండొచ్చు. వాటిలో రోజూ యాక్టివ్‌గా భారీ ట్రేడింగేమీ జరగదు. మార్కెట్లు పడుతున్నపుడు కనక ఇన్వెస్టర్లు ఈ ఫండ్ల నుంచి ఎగ్జిట్‌ కావటానికి తమ యూనిట్లు విక్రయిస్తే... వారికి చెల్లించడానికి ఆ ఫండ్లు కూడా కొన్ని కంపెనీల షేర్లు విక్రయించాల్సి ఉంటుంది. డౌన్‌ సర్క్యూట్లు తప్పవు. ఇది నష్టాల్ని మరింత పెంచుతుంది. అందుకే సెబీ, యాంఫీ వంటి నియంత్రణ సంస్థలు మిడ్, స్మాల్‌ క్యాప్‌ ఫండ్లకు అన్ని వివరాలనూ ఎప్పటికప్పుడు వెల్లడించే పరిస్థితుల్ని తప్పనిసరి చేశాయి. అవన్నీ తెలుసుకున్నాక ముందుకెళ్లటం మంచిది. ఇదీ... ఇన్వెస్టర్ల చెక్‌లిస్ట్‌సిప్‌ మొత్తాన్ని పెంచేటపుడో లేకపోతే మరో ఈక్విటీ ఫండ్‌ను తమ పోర్టుఫోలియోకు జత చేసేటపుడో ఇన్వెస్టర్లు పరిశీలించాల్సిన ముఖ్యమైన అంశాలివీ... → లక్ష్యమేంటి?: రిటైర్మెంట్, చదువు, ఇంటి కొనుగోలు, లేదా స్వల్పకాలిక అవసరాలు. వీటిలో లక్ష్యమేంటన్నది గుర్తుంచుకుని దానికి తగ్గట్టుగా ఫండ్‌ను ఎంచుకోవాలి. → ఆ డబ్బులు ఎప్పుడు అవసమవుతాయి?: ఈక్విటీ అనేది సహజంగా దీర్ఘకాలిక లక్ష్యాలకు మంచిది. లేదా దీర్ఘకాలంపాటు విత్‌డ్రావల్స్‌ చేసుకోవాలన్నా ఇదే బెటర్‌. → పోర్టుఫోలియోలో ఏం ఉన్నాయి?: మీరు పెట్టుబడి పెట్టిన ప్రతి ఫండూ ఎక్కడ ఇన్వెస్ట్‌ చేస్తోంది? ఒకే కంపెనీలో గానీ, ఒకే రంగంలో గానీ ఎక్కువ ఫండ్లు ఇన్వెస్ట్‌ చేస్తున్నాయా... అనేది చూసుకోవాలి. → స్మాల్, మిడ్‌ క్యాప్‌లలో ఎంత ఉండాలి?: దీనికి సమాధానం మీ రిస్కు సామర్థ్యం, ఆర్థిక సామర్థ్యం, మిగతా పోర్టుఫోలియోలో ఏం ఉన్నాయి అనేదానిపై ఆధారపడి ఉంటుంది. అందరికీ ఒకేలాంటి పరిస్థితులుండవు. → భారీ కరెక్షన్‌ను తట్టుకోగలరా?: ఒకవేళ మీ పోర్టుఫోలియో కనక 30 శాతం పడిపోయినా మీరు తట్టుకోగలరా? దానివల్ల జరిగే ఆర్థిక, మానసిక నష్టాలను కూడా అంచనా వేసుకున్నాకే ముందుకెళ్లాలి. → ఎమర్జెన్సీ నిధులున్నాయా?: స్వల్పకాలిక అవసరాలకు కూడా ఆ ఫండ్ల నుంచి విత్‌డ్రా చేసుకోవచ్చులే అనే పద్ధతి ఉండకూడదు. ఎందుకంటే నిధులు కావాల్సిన సమయంలో మార్కెట్లు రికవరీ స్థాయిలో ఉండొచ్చు. → ఆ ఫండ్ల రిస్కు ప్రొఫైల్‌ మారిందా?: ఆ ఫండ్ల తాలూకు పోర్టుఫోలియోలో ఏం ఉన్నాయి? వాటి విలువెంత? ఊగిసలాట ఏ స్థాయిలో ఉంటుంది? లిక్విడిటీ పరిస్థితి ఏంటి? సదరు ఇండెక్స్‌ బెంచ్‌మార్క్‌తో పోలిస్తే పనితీరు ఎలా ఉంది? అనేవి చూశాకే ముందుకెళ్లాలి. → మీ నిర్ణయానికి కారణమేంటి?: మీ అవసరానికి తగ్గట్టుగా మీరు ఇన్వెస్ట్‌ చేస్తే మంచిదే. కానీ వేరెవరికో లాభం వచ్చిందనో, ఇటీవలి కాలంలో మంచి రిటర్నులు ఇస్తోందనో పెడితే మాత్రం సరికాదనే భావించాలి. రమణమూర్తి మంథా

టెక్‌ దిగ్గజం యాపిల్‌పై ప్రముఖ పెట్టుబడిదారుడు, పేపాల్‌ సహ వ్యవస్థాపకుడు పీటర్‌ థీల్‌ కీలక వ్యాఖ్యలు చేశారు. స్టీవ్‌ జాబ్స్‌ మరణం తర్వాత యాపిల్‌ నుంచి చెప్పుకోదగ్గ కొత్త ఆవిష్కరణలు రాలేదని ఆయన అభిప్రాయపడ్డారు. కొత్త ఉత్పత్తులను తీసుకురావడం కంటే వ్యాపారాన్ని విస్తరించడం, బ్రాండ్‌ విలువను పెంచుకోవడంపైనే కంపెనీ ఎక్కువగా దృష్టి పెట్టిందని విమర్శించారు.వ్యాపారపరంగా యాపిల్‌ విజయవంతమైన సంస్థగా కొనసాగుతున్నప్పటికీ.. ఒకప్పుడు ఉన్న ఆవిష్కరణల వేగం ఇప్పుడు కనిపించడం లేదనేది అన్నారు. 'ది బిల్డర్స్' పాడ్‌కాస్ట్‌లో రచయిత వాల్టర్ ఐజాక్సన్‌తో జరిగిన ఒక ఇంటర్వ్యూలో థీల్ ఈ వ్యాఖ్యలు చేశారు.తొలి ఐఫోన్‌.. విప్లవాత్మక మార్పులు2007లో స్టీవ్‌ జాబ్స్‌ తొలి ఐఫోన్‌ను పరిచయం చేయడంతో స్మార్ట్‌ఫోన్‌ రంగంలో విప్లవాత్మక మార్పులు వచ్చాయి. మొబైల్‌ ఫోన్ల వినియోగం, ప్రజల జీవనశైలి పూర్తిగా మారిపోయాయి. అయితే.. 2011లో జాబ్స్‌ మరణించిన తర్వాత యాపిల్‌ నుంచి అంతటి స్థాయిలో కొత్త ఆవిష్కరణలు రాలేదని థీల్‌ పేర్కొన్నారు.టిమ్‌ కుక్‌ నాయకత్వంపై కూడా థీల్‌ పరోక్షంగా విమర్శలు చేశారు. టిమ్‌ కుక్‌తో పోలిస్తే స్టీవ్‌ జాబ్స్‌ లేదా ఎలాన్‌ మస్క్‌ సమాజానికి ఎక్కువగా ఉపయోగపడ్డారని వ్యాఖ్యానించారు. అయితే.. యాపిల్‌ వ్యాపార విజయాన్ని మాత్రం ఆయన అంగీకరించారు. కంపెనీని సమర్థంగా నిర్వహిస్తున్నారని, స్థిరమైన విలువ కలిగిన సంస్థగా కొనసాగుతోందని పేర్కొన్నారు.యాపిల్‌కు సవాళ్లుకాగా.. ప్రస్తుతం ఏఐ రంగంలోనూ యాపిల్‌కు సవాళ్లు ఎదురవుతున్నాయి. ముఖ్యంగా సిరి వాయిస్‌ అసిస్టెంట్‌ను మరింత అభివృద్ధి చేయడం, ఓపెన్‌ఏఐ, ఆంథ్రోపిక్‌ వంటి సంస్థలతో పోటీ పడటం కంపెనీకి కీలకంగా మారింది. స్మార్ట్‌ఫోన్లు, కంప్యూటర్లు, ఇతర ఎలక్ట్రానిక్‌ ఉత్పత్తుల్లో యాపిల్‌కు ఇప్పటికీ బలమైన మార్కెట్‌ ఉంది. అయితే.. ఏఐ సాంకేతికత వేగంగా అభివృద్ధి చెందుతున్న పరిస్థితుల్లో కొత్త ఫీచర్లు, వినూత్న ఉత్పత్తులను అందించడంలో వెనుకబడితే.. పోటీ మరింత పెరిగే అవకాశం ఉంది.యాపిల్‌ భవిష్యత్తుపై పీటర్‌ థీల్‌ విమర్శలు చేయడం ఇదే మొదటిసారి కాదు. 2017లోనే స్మార్ట్‌ఫోన్లలో కొత్త ఆవిష్కరణలకు అవకాశాలు తగ్గిపోయాయని, యాపిల్‌ శకం ముగిసిందని వ్యాఖ్యానించారు. అయితే.. ఆ తర్వాత కంపెనీ షేరు విలువ గణనీయంగా పెరిగింది. దీనిని బట్టి చూస్తే, వ్యాపారపరంగా యాపిల్‌ సాధించిన విజయాన్ని ఎవరూ తక్కువ చేయలేరు. కానీ, స్టీవ్‌ జాబ్స్‌ కాలంలో మాదిరిగా ప్రపంచాన్ని ఆశ్చర్యపరిచే కొత్త ఉత్పత్తులను కంపెనీ తీసుకురాగలదా అన్న ప్రశ్న మాత్రం కొనసాగుతోంది.

టెలికాం రంగంలో పోటీ పెరుగుతున్న నేపథ్యంలో.. రిలయన్స్‌ జియో ఎప్పటికప్పుడు తన వినియోగదారులను ఆకట్టుకునేందుకు ప్రత్యేక రీఛార్జ్‌ ప్లాన్లను పరిచయం చేస్తోంది. ఇందులో భాగంగా రూ.2,025 ప్లాన్‌ ద్వారా డేటా, అన్‌లిమిటెడ్‌ కాలింగ్‌తో పాటు ఏఐ, ఎంటర్‌టైన్‌మెంట్‌ ప్రయోజనాలను కూడా అందిస్తోంది. 200 రోజుల వ్యాలిడిటీతో వచ్చే ఈ ప్లాన్‌లో రోజువారీ డేటాతో పాటు పలు అదనపు సదుపాయాలు లభిస్తాయి.ఈ ప్లాన్‌ రీఛార్జ్‌ చేసుకుంటే రోజుకు 2.5GB హైస్పీడ్‌ డేటా పొందవచ్చు. 200 రోజులు కాబట్టి.. మొత్తం 500GB డేటా అందుబాటులో ఉంటుందన్నమాట. దీంతో పాటు అన్‌లిమిటెడ్‌ వాయిస్‌ కాలింగ్‌, రోజుకు 100 SMSలు పొందవచ్చు. అర్హత కలిగిన వినియోగదారులకు అన్‌లిమిటెడ్‌ 5జీ డేటా ప్రయోజనం కూడా లభిస్తుంది. రోజువారీ హైస్పీడ్‌ డేటా లిమిట్ పూర్తయిన తర్వాత ఇంటర్నెట్‌ వేగం 64 Kbpsకు తగ్గుతుంది.ఈ రీఛార్జ్‌లో ఎంటర్‌టైన్‌మెంట్ ప్రయోజనాలు కూడా పొందవచ్చు. జియోహాట్‌స్టార్‌ మొబైల్‌ సబ్‌స్క్రిప్షన్‌ ద్వారా హాలీవుడ్‌ సినిమాలు, ఇతర కంటెంట్‌ను వీక్షించవచ్చు. అయితే.. ఈ సబ్‌స్క్రిప్షన్‌ను కొనసాగించాలంటే ప్రస్తుత ప్లాన్‌ గడువు ముగిసిన 48 గంటల్లోపు అర్హత కలిగిన మరో ప్లాన్‌తో రీఛార్జ్‌ చేసుకోవాలి.ఈ ప్లాన్‌లో ప్రత్యేకంగా చెప్పుకోవాల్సింది గూగుల్‌ జెమినీ ఆఫర్‌. అర్హత కలిగిన వినియోగదారులకు 18 నెలల పాటు గూగుల్‌ జెమినీ ప్రో ప్లాన్‌ను ఉచితంగా అందిస్తున్నట్లు జియో తెలిపింది. దీని విలువ రూ.35,100గా పేర్కొంది. 5,000జీబీ క్లౌడ్‌ స్టోరేజ్‌, నానో బనానా వంటి ఏఐ ఫీచర్లు కూడా ఇందులో ఉన్నాయి. వీటితో పాటు 12 నెలల కాన్వా ప్రో లైట్ సబ్‌స్క్రిప్షన్‌ కూడా లభిస్తుంది. దీని విలువ రూ.1,590. డిజైన్లు, పోస్టర్లు, సోషల్‌ మీడియా కంటెంట్‌ రూపొందించేవారికి ఈ సదుపాయం ఉపయోగపడుతుంది. ఇక జియోఏఐక్లౌడ్ ద్వారా 50జీబీ ఉచిత క్లౌడ్‌ స్టోరేజ్‌ కూడా లభిస్తుంది.ఇదీ చదవండి: వెండి ధరల్లో కలకలం.. కొనేవారికి బిగ్‌ అప్‌డేట్‌!

టెక్నాలజీ పెరుగుతున్న తరుణంలో దిగ్గజ కంపెనీలు సైతం తమ ఉద్యోగుల సంఖ్యను తగ్గించుకుంటున్నాయి. అంతర్జాతీయ ఆర్థిక సేవల సంస్థ అమెరికన్‌ ఎక్స్‌ప్రెస్‌ కూడా ఇదే బాటలో అడుగులు వేస్తోంది. ప్రపంచవ్యాప్తంగా సుమారు 3,500 మంది ఉద్యోగులను తొలగించేందుకు సిద్ధమైంది. సంస్థలో పనిచేస్తున్న మొత్తం ఉద్యోగుల్లో ఇది దాదాపు 5 శాతానికి సమానం.అమెరికన్‌ ఎక్స్‌ప్రెస్‌ తన ఉద్యోగులను తొలగించడానికి ప్రధాన కారణం.. ఖర్చులను తగ్గించుకోవడం, కార్యకలాపాలను మరింత సమర్థవంతంగా నిర్వహించడం, భవిష్యత్తులో కృత్రిమ మేధ (ఏఐ) వినియోగాన్ని పెంచుకోవడం అని తెలుస్తోంది. అయితే, కంపెనీ లాభాలు గణనీయంగా పెరుగుతున్న సమయంలోనే ఉద్యోగుల కోతకు సిద్ధం కావడం గమనార్హం.అమెరికన్‌ ఎక్స్‌ప్రెస్‌ 2025 మూడో త్రైమాసికంలో 3.71 బిలియన్‌ డాలర్ల నికర లాభాన్ని నమోదు చేసింది. గత ఏడాదితో పోలిస్తే ఇది 28 శాతం ఎక్కువ. కంపెనీ ఆదాయం కూడా 9 శాతం పెరిగి 20.06 బిలియన్‌ డాలర్లకు చేరింది. ఈ గణాంకాలు సంస్థ వ్యాపారం బలంగా ఉన్నట్లు సూచిస్తున్నాయి.కంపెనీ సీఈఓ స్టీఫెన్‌ స్క్వెరీ మాట్లాడుతూ.. వ్యాపారంలో మంచి వృద్ధి ఉన్నప్పటికీ, భవిష్యత్తులో ప్రత్యర్థులతో పోటీ పాడటానికి వ్యవస్థను సరళీకృతం చేయాల్సిన అవసరం ఉందని తెలిపారు. ఇందులో భగంగాంనే.. నిర్వహణ స్థాయిలను తగ్గించడం, నిర్ణయాలు వేగంగా తీసుకునేలా బాధ్యతల పరిధిని విస్తరించడం వంటి మార్పులను కంపెనీ చేపట్టనుంది. ముఖ్యంగా ఏఐ సాంకేతికత ద్వారా కొన్ని పనులను వేగంగా, తక్కువ ఖర్చుతో నిర్వహించే అవకాశం ఉండటంతో, భవిష్యత్తు అవసరాలకు అనుగుణంగా ఉద్యోగుల నిర్మాణాన్ని మార్చుకోవాలని భావిస్తోంది.అమెరికన్‌ ఎక్స్‌ప్రెస్‌ తన వినియోగదారులకు మెరుగైన సేవలు అందించేందుకు కూడా ఏఐని ఉపయోగించుకోవాలని చూస్తోంది. కార్డుదారుల అవసరాలకు అనుగుణంగా ప్రత్యేక ఆఫర్లు అందించడం, కార్యకలాపాల్లో సామర్థ్యాన్ని పెంచడం వంటి అంశాల్లో ఈ సాంకేతికత ఉపయోగపడనుంది. అయితే.. వినియోగదారులు, వ్యాపార భాగస్వాముల సమాచార భద్రత విషయంలో తగిన జాగ్రత్తలు తీసుకుంటామని కంపెనీ స్పష్టం చేసింది.ఇదిలా ఉండగా.. బార్క్లేస్‌ 5,000 ఉద్యోగాలను, ఈబే సుమారు 1,000 ఉద్యోగాలను తగ్గించే ప్రణాళికలు ప్రకటించగా, వోల్వో కూడా 2,500 ఉద్యోగాల కోతకు సిద్ధమైంది. దీన్నిబట్టి చూస్తే.. రానున్న రోజుల్లో ఉద్యోగాల తొలగింపులు ఎక్కువగా ఉండే అవకాశం ఉంటుందని స్పష్టంగా అర్థమవుతోంది.ఇదీ చదవండి: ఉద్యోగులకు కష్టకాలం.. జాబ్ మార్కెట్ పరిస్థితి ఇదే!

బంగారు నగరంగా పేరొందిన దుబాయ్‌ ఖ్యాతికి మరో అరుదైన మైలురాయి చేరింది. జోయలుక్కస్‌ జ్యువెలరీ రూపొందించిన భారీ బంగారు ఝుమ్కాలు రెండు గిన్నిస్‌ వరల్డ్‌ రికార్డులను సొంతం చేసుకున్నాయి. చేతితో తయారు చేసిన ఈ 22 క్యారెట్ల బంగారు చెవి కమ్మల జత మొత్తం బరువు 16.514 కిలోలు. ప్రపంచంలోనే అత్యంత బరువైన జత బంగారు చెవిపోగులుగా, అతిపెద్ద జత బంగారు చెవికమ్మలుగా వీటికి గిన్నిస్‌ వరల్డ్‌ రికార్డ్స్‌ గుర్తింపు లభించింది.‘మయూర సహస్ర’ పేరుతో రూపొందించిన ఈ ఆభరణాల పేరుకు ‘వెయ్యి నెమళ్లు’ అని అర్థం. దుబాయ్‌ గోల్డ్‌ డిస్ట్రిక్ట్‌లోని ‘జ్యువెల్‌ ఆఫ్‌ జాయ్‌’ వద్ద అక్టోబర్‌ 24న వీటిని ఆవిష్కరించారు. ఈ కార్యక్రమంలో యూఏఈ ఆర్థిక, పర్యాటక శాఖ మంత్రి అబ్దుల్లా బిన్‌ తౌక్‌ అల్‌ మర్రి, ఆభరణాల పరిశ్రమకు చెందిన ప్రతినిధులు, ఇతర ప్రముఖులు పాల్గొన్నారు.ఈ భారీ ఝుమ్కాల తయారీకి నైపుణ్యం కలిగిన 55 మంది కళాకారులు శ్రమించారు. అనేక నెలలపాటు మొత్తం 5,840 గంటలు వెచ్చించి వీటిని రూపొందించారు. ఒక్కో చెవిపోగు 1.215 మీటర్ల పొడవు, 0.682 మీటర్ల వ్యాసంతో ఉండటం విశేషం. సంప్రదాయ నగల తయారీ నైపుణ్యానికి ఆధునిక సృజనాత్మకతను జోడించి రూపొందించిన ఈ ఆభరణాలు, అంతర్జాతీయ బంగారు నగల మార్కెట్‌లో దుబాయ్‌ ప్రత్యేకతను మరోసారి చాటిచెప్పాయి.నేడు భారత్‌లో బంగారం ధరలుశనివారం (అక్టోబర్ 24) భారత మార్కెట్లో 22 క్యారెట్ల 10 గ్రాముల బంగారం ధర రూ.100 పెరుగుదలతో రూ.1,30,700 వద్దకు చేరింది. 24 క్యారెట్ల 10 గ్రాముల ధర కూడా రూ.100 పెరిగి రూ.1,42,580లను తాకింది. దేశవ్యాప్తంగా పలు ప్రధాన నగరాల్లో బంగారం ధరలు ఎలా ఉన్నాయో.. ఈ కింద చూడవచ్చు.

పశ్చిమ బెంగాల్‌లోని డార్జిలింగ్‌ హిమాలయన్‌ రైల్వే (డీహెచ్‌ఆర్‌) హెరిటేజ్‌ టాయ్‌ ట్రైన్‌ ప్రయాణాలకు పర్యాటకుల నుంచి మంచి స్పందన లభిస్తోంది. అక్టోబర్‌ 1 నుంచి 21వ తేదీ వరకు కేవలం 21 రోజుల్లోనే ఈ రైల్వే నిర్వహించిన జాయ్‌ రైడ్స్‌లో సుమారు 12,000 మంది ప్రయాణించారు. ఈ సేవల ద్వారా రూ.1.41 కోట్ల ఆదాయం వచ్చినట్లు రైల్వే అధికారి వెల్లడించారు.డార్జిలింగ్‌ కొండల అందాలను ఆస్వాదించడంతో పాటు, చారిత్రక రైలులో ప్రయాణించాలనుకునే పర్యాటకులు ఈ ప్రత్యేక సేవలపై ఆసక్తి చూపుతున్నారు. పర్యాటకుల రద్దీని దృష్టిలో పెట్టుకుని డీహెచ్‌ఆర్‌ అక్టోబర్‌ 1 నుంచి అదనపు జాయ్‌ రైడ్‌ సేవలను అందుబాటులోకి తీసుకొచ్చింది. డార్జిలింగ్‌–ఘుమ్‌ మధ్య ప్రత్యేక రైళ్లతో పాటు, కుర్సియాంగ్‌–మహానది మధ్య రెండు రౌండ్‌ ట్రిప్పులను నిర్వహిస్తోంది. ఈ సేవల్లో ఒక రౌండ్‌ ట్రిప్‌ను ఆవిరి ఇంజిన్‌తో, మరొకదాన్ని డీజిల్‌ ఇంజిన్‌తో నడుపుతున్నారు. దీంతో పర్యాటకులు రైల్వే వారసత్వాన్ని విభిన్న అనుభూతులతో ఆస్వాదించే అవకాశం లభిస్తోంది.ప్రస్తుతం పండుగల సీజన్‌ నేపథ్యంలో డీహెచ్‌ఆర్‌ మొత్తం 15 జాయ్‌ రైడ్‌ సర్వీసులను నిర్వహిస్తోంది. వీటిలో 11 సేవలు డార్జిలింగ్‌–ఘుమ్‌–డార్జిలింగ్‌ మార్గంలో నడుస్తుండగా, మిగిలిన సేవలను ప్రయాణికుల డిమాండ్‌ను బట్టి నిర్వహిస్తున్నట్లు సమాచారం. న్యూ జల్పాయిగురి–డార్జిలింగ్‌ మధ్య సాధారణ రైలు సేవలు కూడా కొనసాగుతున్నాయి.1881లో ప్రారంభమైన డార్జిలింగ్‌ హిమాలయన్‌ రైల్వేకు 1999లో యునెస్కో ప్రపంచ వారసత్వ హోదా లభించింది. సుమారు 88 కిలోమీటర్ల పొడవైన ఈ ఇరుకుగేజ్‌ రైల్వే మార్గం, ఎత్తైన కొండ ప్రాంతాల్లో రైళ్లను నడిపేందుకు రూపొందించిన ప్రత్యేక ఇంజినీరింగ్‌ నిర్మాణానికి ప్రసిద్ధి చెందింది. ఘుమ్‌ స్టేషన్‌ సముద్ర మట్టానికి సుమారు 2,258 మీటర్ల ఎత్తులో ఉంది. కొండల మధ్య మెలికలు తిరిగే పట్టాలు, టీ తోటలు, ప్రకృతి దృశ్యాల మధ్య సాగే ప్రయాణం ఈ టాయ్‌ ట్రైన్‌ను పర్యాటకులకు ప్రత్యేక ఆకర్షణగా నిలుపుతోంది.

ఐటీ రంగంలో జాబ్ ఉంటే భవిష్యత్తుకు ఢోకా లేదనే రోజులు పోయాయి. ఎందుకంటే.. ప్రస్తుతం టెక్ ఉద్యోగులు ఎదుర్కొంటున్న పరిస్థితులు చూస్తే ఇది నిజమే అనిపిస్తోంది. ఒకవైపు ఉద్యోగాల కోతలు, మరోవైపు జీతాల పెంపు లేకపోవడం.. ఇంకోవైపు కొత్త ఉద్యోగాల కోసం తీవ్ర పోటీ. ఇలా ఐటీ ఉద్యోగులకు కష్టాలు రోజురోజుకు పెరుగుతూనే ఉన్నాయి.అనుభవం ఉన్నవారు సైతం కొత్త ఉద్యోగం కోసం నెలల తరబడి ఎదురుచూడాల్సిన పరిస్థితులు నెలకొన్నాయని.. టెక్ ప్రొఫెషనల్ అమర్‌నాథ్ శివశంకర్ వెల్లడించారు. ఈ విషయాన్ని తన ఎక్స్‌ ఖాతాలో పోస్ట్ చేశారు. ఇది ప్రస్తుతం నెట్టింట్లో వైరల్ అవుతోంది.టెక్నికల్ మేనేజర్ పోస్టు కోసం నిర్వహించిన ఇంటర్వ్యూల్లో తనకు ఎదురైన రెండు అనుభవాలను అమర్‌నాథ్ పంచుకున్నారు. ఒక అభ్యర్థి పనిచేస్తున్న కంపెనీని అంతర్జాతీయ ఐటీ సంస్థ కొనుగోలు చేయడంతో ఉద్యోగం కోల్పోయాడు. అప్పటి నుంచి కొత్త ఉద్యోగం కోసం ప్రయత్నిస్తున్నా.. ఇంకా అవకాశం దొరకలేదు. మరో అభ్యర్థి మాత్రం మూడేళ్లుగా జీతం పెరగకపోవడంతో తాను పనిచేస్తున్న ఇండియా ఐటీ సంస్థకు రాజీనామా చేశాడు. ఈ రెండు ఘటనలు ఐటీ ఉద్యోగులు ఎదుర్కొంటున్న సమస్యలకు అద్దం పడుతున్నాయని అభిప్రాయపడ్డారు.ఉద్యోగం ఉన్నా.. లేకున్నా.. రోజువారీ ఖర్చులు మాత్రం తగ్గడం లేదు. ఇంటి అద్దె, పిల్లల చదువులు, ఇతర అవసరాల కోసం ఎక్కువ డబ్బు ఖర్చు చేయాల్సి వస్తోంది. జీతాలు పెరగకపోవడం, ఉద్యోగం కోల్పోతే మరో ఉద్యోగం వెంటనే దొరుకుతుందనే నమ్మకం లేకపోవడంతో చాలామంది ఆందోళన చెందుతున్నారు. కంపెనీల్లో ఉద్యోగాల కోసం పోటీ పెరగడంతో అర్హతలు, అనుభవం ఉన్నవారికి కూడా ఇంటర్వ్యూ అవకాశం రావడం కష్టమవుతోందని అమర్‌నాథ్ పేర్కొన్నారు.ఈ పోస్ట్‌పై నెటిజన్లు కూడా స్పందిస్తూ తమ అనుభవాలను పంచుకున్నారు. అమెరికా నుంచి భారత్‌కు తిరిగొచ్చిన తన బంధువు బెంగళూరులో ఉద్యోగంలో చేరినా, రోజుకు 13 గంటలు పనిచేయాల్సి రావడం, వారాంతాల్లోనూ విధులకు హాజరుకావాల్సి రావడంతో ఉద్యోగాన్ని వదిలేశాడని ఓ వ్యక్తి తెలిపారు. అయితే.. ఉద్యోగం మానేసిన తర్వాత మూడు నెలలుగా ప్రయత్నిస్తున్నా సరైన ఉద్యోగం దొరకలేదని మరొకరు చెప్పారు. దీంతో ఉద్యోగం మారాలనుకునేవారు కూడా.. ఒకటికి రెండుసార్లు ఆలోచించాల్సిన పరిస్థితి నెలకొందని ఉన్న ఉద్యోగం కాపాడుకుంటే మంచిదని పలువురు అభిప్రాయపడుతున్నారు.ఇదీ చదవండి: అంతలోనే ఆశలు ఆవిరి.. తిరగబడిన పసిడి ధరలు!మారుతున్న పరిస్థితుల్లో.. మరో మంచి ఉద్యోగం ఖరారయ్యే వరకు చేతిలో ఉన్న ఉద్యోగాన్ని వదులుకోకపోవడమే మంచిదని అమర్‌నాథ్ సూచించారు. ముఖ్యంగా ఆర్థికంగా తగినంత పొదుపు లేకుండా రాజీనామా చేస్తే.. ఇబ్బందులు ఎదురయ్యే అవకాశం ఉంది. అయితే, పని ఒత్తిడి, జీతం, కెరీర్ వృద్ధి వంటి అంశాలను కూడా నిర్లక్ష్యం చేయకూడదని అన్నారు.Interviewed 2 people recently for a Technical Manager’s role. One guy has got impacted because of his company being acquired by a Global IT Services company, hasnt been able to find a job yet. Another guy has resigned from an Indian IT Services company as he hasnt got any pay hike in the last 3 years. Imagine the rise in expenses across all sectors in these 3 years. This is the real situation in the IT market. Most of us are going through tough times. I cant think of any solution. We must just stay put, hang in there till we find a better opportunity, if at all we can find one. One can be a blind optimist but being pragmatic is important according to me. We all know Skills are essential, but the entry barriers are so high that a skilled resource may not even get shortlisted for an interview as the demand is so low and the supply is so high.— Amarnath Shivashankar (@Amara_Bengaluru) October 23, 2026

అక్టోబర్ నెల చివరి వారం వచ్చేసింది. 2026 అక్టోబర్ 26 నుంచి నవంబర్ 1 వరకు బ్యాంకులలో ఏదైనా పనులు ఉంటే.. ముందుగా సెలవుల గురించి తప్పకుండా తెలుసుకోవాలి. ఎందుకంటే.. లక్ష్మీ పూజ, యాక్సెషన్ డే, మహర్షి వాల్మీకి జయంతి, కర్వా చౌత్, సర్దార్ వల్లభ్‌భాయ్ పటేల్ జయంతి వంటి సందర్భాల్లో ఈ సెలవులు ఉన్నాయి. అయితే, ఈ సెలవులు అన్ని రాష్ట్రాల్లో ఒకేలా ఉండవు. ఆయా నగరాలు, రాష్ట్రాలను బట్టి మారుతుంటాయి.➤అక్టోబర్ 26న సోమవారం లక్ష్మీపూజ / మహర్షి వాల్మీకి జయంతి / యాక్సెసిబిలిటీ డే సందర్భంగా.. అగర్తల, బెంగళూరు, చండీగఢ్, జమ్మూ, సిమ్లా, శ్రీనగర్‌లో బ్యాంకులు పనిచేయవు.➤అక్టోబర్ 29న కర్వా చౌత్ సందర్భంగా సిమ్లాలో బ్యాంకు శాఖలకు సెలవు ఉంటుంది.➤అక్టోబర్ 31న సర్దార్ వల్లభ్‌భాయ్ పటేల్ జయంతి సందర్భంగా అహ్మదాబాద్‌లో బ్యాంకులు మూసివేస్తారు.➤నవంబర్ 1 ఆదివారం కావడంతో దేశవ్యాప్తంగా బ్యాంకులకు సాధారణ వారాంతపు సెలవు ఉంటుంది.అయితే.. అక్టోబర్ 27, 28, 30 తేదీల్లో ప్రత్యేక స్థానిక సెలవులు లేని ప్రాంతాల్లో బ్యాంకులు యథావిధిగా పనిచేస్తాయి. అందువల్ల బ్యాంకులో ముఖ్యమైన పనులు ఉన్నవారు చివరి నిమిషం వరకు వేచి చూడకుండా.. ముందుగానే పూర్తి చేసుకోవడం మంచిది. వెళ్లే ముందు మీ ప్రాంతంలోని బ్యాంకు సెలవుల వివరాలను కూడా ఒకసారి తనిఖీ చేసుకోండి.ఈ సెలవుల కారణంగా బ్యాంక్ బ్రాంచ్ సేవలు అందుబాటులో ఉండకపోయినా, డిజిటల్ బ్యాంకింగ్ సేవలు మాత్రం కొనసాగుతాయి. ఇంటర్నెట్ బ్యాంకింగ్, మొబైల్ బ్యాంకింగ్, యూపీఐ, డెబిట్, క్రెడిట్ కార్డులు, అలాగే ఏటీఎం సేవలు సాధారణంగా పనిచేస్తాయి. కాబట్టి తప్పకుండా బ్యాంకుకు వెళ్లి చేయాల్సిన పనులు మాత్రమే వాయిదా పడతాయి.ఇదీ చదవండి: కుంగ్‌ఫూ ఫైటర్‌లా చైనా రోబోట్‌.. వీడియో చూస్తే షాకే!

ఏఐ సాంకేతికతపై విమర్శలు గుప్పించడం సరికాదని, వినూత్న సాంకేతిక మార్పుల పట్ల యువతలో భయాలు కాకుండా భరోసా నింపాల్సిన బాధ్యత అందరిపై ఉందని బీఆర్‌ఎస్ కార్యనిర్వాహక అధ్యక్షుడు, మాజీ ఐటీ శాఖ మంత్రి కేటీఆర్ అన్నారు. హైదరాబాద్‌లో 400 మంది ఉద్యోగుల సామర్థ్యంతో ఏర్పాటు చేసిన ‘ర్యాండమ్‌ ట్రీస్‌’ ప్రధాన కార్యాలయాన్ని శనివారం ఆయన ప్రారంభించారు.ఈ సందర్భంగా కేటీఆర్ మాట్లాడుతూ.. ఏఐ రాకతో ఉద్యోగాలు పోతాయన్నది కేవలం అపోహ మాత్రమేనని, ఇది సరికొత్త ఉపాధి అవకాశాలను సృష్టిస్తుందని స్పష్టం చేశారు. మారుతున్న కాలానికి అనుగుణంగా ప్రతి ఒక్కరూ స్కిల్లింగ్, అప్‌స్కిల్లింగ్, రీస్కిల్లింగ్‌పై దృష్టి సారించి ఐటీ రంగంలోని మార్పులను అందిపుచ్చుకోవాలని పిలుపునిచ్చారు.ప్రైవేట్ రంగానికి ప్రోత్సాహం అవసరం‘పరిశ్రమలు, పెట్టుబడుల విస్తరణకు ప్రభుత్వం నుంచి ప్రోత్సాహకర వాతావరణం లభించాలి. ఉన్న కంపెనీలకు నిరంతర విద్యుత్, నీరు, మెరుగైన రహదారుల వంటి మౌలిక వసతులు కల్పిస్తే సరిపోతుంది. ప్రైవేట్ రంగ విస్తరణతోనే యువతకు పెద్దఎత్తున ఉద్యోగావకాశాలు లభిస్తాయి’ అని కేటీఆర్ తెలిపారు. గత పదేళ్లలో తెలంగాణ సాధించిన ఐటీ ప్రగతిని మరింత ముందుకు తీసుకెళ్లాల్సిన అవసరం ఉందని పేర్కొన్నారు. గత ప్రభుత్వ హయాంలో డేటా, ఏఐ రంగాల్లో అంతర్జాతీయ పెట్టుబడులను ఆకర్షించేందుకు ప్రత్యేక పాలసీలను తీసుకువచ్చామని గుర్తుచేశారు.విప్లవాత్మక మార్పులకు ఆద్యంప్రత్యేకించి వ్యవసాయం, వైద్యం, విద్యా రంగాల్లో ఏఐ సాంకేతికత విప్లవాత్మక మార్పులను తీసుకువస్తుందని కేటీఆర్ ధీమా వ్యక్తం చేశారు. భాగ్యనగరం అంతర్జాతీయ స్థాయిలో గ్లోబల్ ఏఐ హబ్‌గా, విదేశీ పెట్టుబడులకు చిరునామాగా నిలవాలన్నారు. ఈ కార్యక్రమంలో ర్యాండమ్‌ ట్రీస్‌ సంస్థ ప్రతినిధులు, ఐటీ ప్రముఖులు పాల్గొన్నారు.ఇదీ చదవండి: స్వల్ప వ్యవధిలోనే వెండి రూ.30,000 డౌన్‌!

లాభార్జనే ధ్యేయంగా సాగుతున్న కొన్ని కార్పొరేట్, ప్రైవేటు ఆస్పత్రుల తీరుపై కేంద్ర ప్రభుత్వం తీవ్ర ఆగ్రహం వ్యక్తం చేసింది. సింగిల్ యూజ్ (ఒక్కసారి మాత్రమే ఉపయోగించాల్సిన) వైద్య పరికరాలు, డిస్పోజబుల్ సర్జికల్ వస్తువులను రీ-సైక్లింగ్ చేస్తూ రోగుల ప్రాణాలతో బేరాలు ఆడుతున్న ఉదంతాలపై డైరెక్టరేట్ జనరల్ ఆఫ్ హెల్త్ సర్వీసెస్ (డీజీహెచ్‌ఎస్‌) కఠిన చర్యలకు ఉపక్రమించింది. ఈ అక్రమ ప్రాక్టీస్‌ను తక్షణమే నిలిపివేసి నిషేధాన్ని కఠినంగా అమలు చేయాలని అన్ని రాష్ట్రాలు, కేంద్రపాలిత ప్రాంతాలకు స్పష్టమైన మార్గదర్శకాలను జారీ చేసింది.కొన్ని విభాగాల్లో మరీ దారుణం!కేంద్ర, రాష్ట్ర ప్రభుత్వాల పరిధిలోని అన్ని ప్రభుత్వ, ప్రైవేటు ఆరోగ్య కేంద్రాల్లో ఈ నిషేధం వర్తిస్తుందని డీజీహెచ్ఎస్ స్పష్టం చేసింది. ముఖ్యంగా కార్డియాలజీ, నెఫ్రాలజీ, ఆంకాలజీ, కార్డియోథొరాసిక్ అండ్ వాస్కులర్ సర్జరీలు, న్యూరోసర్జరీ వంటి అత్యంత కీలకమైన విభాగాలు ఉన్న ఆస్పత్రుల్లో ఈ ఉల్లంఘనలు తీవ్రంగా జరుగుతున్నట్లు పసిగట్టింది. ఒక్కసారి వాడి పడేయాల్సిన కేథటర్లు, స్టెంట్లు, సర్జికల్ బ్లేడ్లు, గైడ్‌వైర్లు తదితర పరికరాలను రీ-స్టెరిలైజ్ (క్రిమిసంహారక ప్రక్రియ) చేసి మళ్లీ తదుపరి రోగులకు వాడుతున్నట్లు కేంద్రం గుర్తించింది.రోగుల ఆరోగ్యానికి ముప్పుఇలా పరికరాలను పునర్వినియోగించడం వల్ల రోగులు ఒకరి నుంచి మరొకరికి వ్యాపించే క్రాస్-ఇన్ఫెక్షన్లకు గురయ్యే ప్రమాదం ఉంది. అంతేకాకుండా తయారీదారుల ప్రమాణాలకు విరుద్ధంగా వాడటం వల్ల చికిత్స సమయంలో పరికరాలు విఫలమవ్వడం, సరిగా పనిచేయకపోవడం, శస్త్రచికిత్స సంక్లిష్టతలు పెరిగి ప్రాణాపాయం సంభవించే అవకాశముంది.ఇందులో మరో దిగ్భ్రాంతికరమైన విషయం ఏమిటంటే.. ఆస్పత్రులు ఈ పునర్వినియోగ పరికరాలను వాడుతూ కూడా రోగుల నుంచి లేదా ప్రభుత్వ ఆరోగ్య భీమా పథకాల (రీయింబర్స్‌మెంట్) నుంచి మాత్రం కొత్త పరికరాల పూర్తి వ్యయాన్ని వసూలు చేస్తున్నాయి. ఇది కేవలం వైద్యపరమైన నేరం మాత్రమే కాక నైతికతను విస్మరించి చేసే దోపిడీ అని అధికారులు మండిపడ్డారు.చట్టపరమైన చర్యలకు సన్నాహాలుఈ చట్టవిరుద్ధమైన చర్యలు డ్రగ్స్ అండ్ కాస్మెటిక్స్ యాక్ట్ 1940, మెడికల్ డివైజెస్ రూల్స్ 2017, క్లినికల్ ఎస్టాబ్లిష్‌మెంట్స్ యాక్ట్ 2010తో పాటు ఆస్పత్రి ఇన్ఫెక్షన్ నివారణ ప్రోటోకాల్స్, బయోమెడికల్ వేస్ట్ మేనేజ్మెంట్ నిబంధనల తీవ్ర ఉల్లంఘన కిందకే వస్తాయని నిపుణులు హెచ్చరిస్తున్నారు. ఒరిజినల్ ఎక్విప్‌మెంట్ మ్యానుఫ్యాక్చరర్ (ఓఈఎం) సూచనల ప్రకారమే ప్రతీ పరికరాన్ని ఉపయోగించాలని డీజీహెచ్ఎస్ ఆదేశించింది.రాష్ట్రాల అదనపు చీఫ్ సెక్రటరీలు, హెల్త్ సెక్రటరీలు, డ్రగ్ కంట్రోలర్ జనరల్ ఆఫ్ ఇండియా (డీసీజీఐ), రాష్ట్రాల డ్రగ్ కంట్రోలర్లు ఆస్పత్రులపై నిరంతరం తనిఖీలు నిర్వహించాలని, నిబంధనలు ఉల్లంఘించిన ఆస్పత్రులపై కఠిన చట్టపరమైన చర్యలు తీసుకోవాలని కేంద్రం నిర్దేశించింది. ఆరోగ్య రక్షణ పేరుతో సాగుతున్న ఈ దోపిడీకి ముగింపు పలకాలంటే తనిఖీ విభాగం పూర్తిస్థాయిలో రంగంలోకి దిగాల్సిన అవసరం ఎంతైనా ఉంది.ఇదీ చదవండి: స్వల్ప వ్యవధిలోనే వెండి రూ.30,000 డౌన్‌!

అల్యూమినియం బెవరేజ్ క్యాన్ల నాణ్యత ప్రామాణీకరణ (మ్యాండేటరీ క్వాలిటీ సర్టిఫికేషన్) అమలు గడువును కేంద్ర ప్రభుత్వం మరో ఆరు నెలల పాటు పొడిగించింది. రాబోయే అక్టోబర్ 31 నాటికి పూర్తికావాల్సిన ఈ గడువును 2027 ఏప్రిల్ వరకు పొడిగిస్తూ నిర్ణయం తీసుకుంది. సరఫరా సంక్షోభంతో ఇబ్బందులు పడుతున్న డైట్ కోక్, ప్రముఖ బీర్ బ్రాండ్లకు ఈ నిర్ణయం ఉపశమనం కలిగించనుంది.కేంద్ర వ్యాపార, పరిశ్రమల మంత్రిత్వ శాఖ విడుదల చేసిన తాజా నోటిఫికేషన్ ప్రకారం, వివిధ కేటగిరీల తయారీదారులకు వేర్వేరు గడువులను ప్రకటించారు. భారీ పరిశ్రమలకు 2027 ఏప్రిల్ 1 వరకు, చిన్న తరహా (స్మాల్) పరిశ్రమలకు 2027 జులై 1 వరకు, అతి చిన్న (మైక్రో) పరిశ్రమలకు 2027 అక్టోబర్ 1 వరకు గడువు ఇచ్చారు.మిడిల్ ఈస్ట్ సంక్షోభ ప్రభావంభారతదేశంలో అమ్ముడవుతున్న మొత్తం బీర్, శీతల పానీయాల్లో దాదాపు పావు వంతు (25% కంటే ఎక్కువ) అల్యూమినియం క్యాన్లలోనే విక్రయమవుతున్నాయి. వినియోగదారుల అలవాట్లలో వచ్చిన మార్పుల వల్ల గడిచిన రెండేళ్లలోనే వీటి మార్కెట్ వాటా రెట్టింపైంది. అయితే, ఊహించని స్థాయిలో పెరిగిన ఈ డిమాండ్‌కు అనుగుణంగా దేశీయ క్యాన్ తయారీదారులు సరఫరా అందించలేకపోతున్నారు. దీనికి తోడు పశ్చిమాసియాలో యుద్ధ వాతావరణం గ్లోబల్ సప్లై చైన్‌ను తీవ్రంగా దెబ్బతీసింది.దేశీయంగా అదనంగా 600 మిలియన్ క్యాన్లను ఉత్పత్తి చేయాలని భావించినప్పటికీ సరఫరా అడ్డంకుల వల్ల కేవలం 300 మిలియన్ క్యాన్లను మాత్రమే ఉత్పత్తి చేయగలిగామని బ్రూవర్స్ అసోసియేషన్ ఆఫ్ ఇండియా డైరెక్టర్ జనరల్ వినోద్ గిరి వెల్లడించారు. బీఐఎస్ గుర్తింపు పొందిన విదేశీ తయారీదారులు సైతం భారత మార్కెట్ అవసరాలను తీర్చలేకపోతున్నారని ఆయన ఆందోళన వ్యక్తం చేశారు.బీఐఎస్ నాణ్యతా ప్రమాణాలు ఎందుకు?పానీయాల భద్రత, తాజాదనం, పునర్వినియోగాన్ని (రైసైక్లింగ్) మెరుగుపరిచే లక్ష్యంతో భారత ప్రమాణాల బ్యూరో (బీఐఎస్‌) గత ఏడాది ఏప్రిల్‌లో క్వాలిటీ కంట్రోల్ ఆర్డర్‌ను తీసుకొచ్చింది. అల్యూమినియం మెటీరియల్, క్యాన్ పరిమాణం, సీలింగ్, ప్రెజర్ నిరోధకత, లీకేజీ, ప్రొటెక్టివ్ కోటింగ్స్ వంటి సాంకేతిక విషయాల్లో కఠిన నిబంధనలు పాటించాల్సి ఉంటుంది. అయితే, విదేశీ ప్లాంట్లను పరిశీలించి బీఐఎస్ సర్టిఫికేషన్ ఇవ్వడానికి ఎక్కువ సమయం పడుతుండటంతో కొత్త సరఫరాదారుల నమోదు ఆలస్యమవుతోంది.ఇదీ చదవండి: స్వల్ప వ్యవధిలోనే వెండి రూ.30,000 డౌన్‌!