సాక్షి, హైదరాబాద్‌: ప్రముఖ హాస్య నటుడు ధర్మవరపు సుబ్రహ్మణ్యం గతంలో సాక్షి టీవీలో నిర్వహించిన డింగ్‌ డాంగ్‌ అనే పొలిటికల్‌ సెటైర్‌ ప్రోగ్రాం అందరినీ ఆకట్టుకుంది. తన స్టయిల్‌లో ప్రశ్నలు సంధిస్తూ.. పంచులు విసురుతూ ఆ కార్యక్రమాన్ని ఆయన రక్తి కట్టించారు.ఇప్పుడు అదే కాన్సెప్టుతో డింగ్‌డాంగ్‌ 2. 0 పేరిట ప్రముఖ సినీ రచయిత, నటుడు పోసాని కృష్ణమురళి నిర్వహించబోతున్నారు. డైలాగ్‌ డెలివరీ, మేనరిజంతో తనకంటూ ఒక ప్రత్యేక గుర్తింపు తెచ్చుకున్న పోసాని.. ఇప్పుడు రాజకీయ నేతలకు చురకలు అంటించడానికి సిద్ధమయ్యారు. ఈ కార్యక్రమం సాక్షి టీవీలో ప్రతి శనివారం రాత్రి 8.30 గంటలకు, తిరిగి ఆదివారం ఉదయం 8.30 గంటలకు ప్రసారం కానుంది.