NTR

సాక్షి, విజయవాడ: డీఎస్సీ నిరసన సందర్భంగా వైఎస్సార్‌సీపీ నేతలు, కార్యకర్తలపై నమోదు చేసిన కేసుల్ని ఎత్తేయాలని ఆ పార్టీ నేతలు నగర పోలీస్‌ కమిషనర్‌ను కలిశారు. ఉమ్మడి కృష్ణా, గుంటూరు జిల్లాలకు చెందిన వైఎస్సార్‌సీపీ నాయకులు బృందాలుగా శుక్రవారం విజయవాడ పోలీస్‌ కమిషనరేట్‌కు వెళ్లి.. సీపీ రాజశేఖర్‌బాబుకు తమ వద్ద ఉన్న ఆధారాలతో వినతిపత్రం అందించారు. డీఎస్సీ ఆందోళనలో జరిగిన ఘటనలకు సంబంధం లేని వారిపైనా కేసులు పెట్టారని ఈ సందర్భంగా వారు సీపీ దృష్టికి తీసుకెళ్లారు.ఫిర్యాదు అనంతరం మాజీ మంత్రి, గుంటూరు వైఎస్సార్‌సీపీ జిల్లా అధ్యక్షుడు అంబటి రాంబాబు మీడియాతో మాట్లాడారు. డీఎస్సీ నిరసన సమయంలో వైఎస్సార్‌సీపీ నేతలపై పోలీసులు మితిమీరిన చర్యలకు పాల్పడ్డారని అన్నారాయన. ‘అక్రమ కేసుల వ్యవహారంపై సీపీని కలిసేందుకు వచ్చాం. మా నేతలు లెక్కలేనంత మందిపై కేసులు బనాయించారు. ఎక్కడికి రావాలో చెబితే అక్కడికి వచ్చిన విచారణకు హాజరవుతామని, అంతేగానీ ఇళ్ల మీదకు రావొద్దని విజ్ఞప్తి చేస్తూ పోలీసులకు ఓ వినతి పత్రం ఇవ్వాలనుకుంటున్నాం అని అంబటి వ్యాఖ్యానించారు.‘‘విజయవాడలో మల్లాది విష్ణు ధర్నా చేస్తే దాడి చేశారు. దాడి చేసిన వారిపై ఒక్క కేసైనా పెట్టారా? కోడిగుడ్లతో దాడి చేసిన టీడీపీ వారిపై ఒక్క కేసు కూడా పెట్టలేదు. డీఎస్సీ నిరసనల విషయంలోనూ అంతే’’ అని ఆయన అన్నారు. పోలీసులు తప్పుడు కేసులు పెట్టి చివరకు అభాసుపాలవుతున్నారని విమర్శించారు.‘పోలీసులు చట్ట ప్రకారం వ్యవహరించాలి’కోర్టులు అక్షింతలు వేసినా పోలీసుల తీరు మారడం లేదని అంబటి రాంబాబు వ్యాఖ్యానించారు. పోలీసులు చట్ట ప్రకారం వ్యవహరించాలని, రాజకీయ ఒత్తిళ్లకు లోబడి కేసులు పెట్టడం సరికాదని అన్నారు. డీఎస్సీ నిరసనకు సంబంధించిన కేసుల్లో సెక్షన్‌ 307 పెట్టారని.. అలాగే ఎస్సీ నేతలపైనే ఎస్సీ, ఎస్టీ అట్రాసిటీ చట్టం కేసులు పెట్టడం ఆశ్చర్యకరమని అన్నారాయన. గాదె సాయికృష్ణ కేసును కూడా అంబటి ప్రస్తావించారు. ఈ కేసులో పోలీసులు జైలుకు వెళ్లాల్సిన పరిస్థితి వస్తుందని వ్యాఖ్యానించారు. రాష్ట్రంలో పోలీసు వ్యవస్థ విఫలమైందని తేల్చేశారాయన. ‘లోకేశ్‌పై కూడా రౌడీషీట్‌ పెట్టాలి’మంత్రి నారా లోకేశ్‌పై కూడా అంబటి రాంబాబు తీవ్ర వ్యాఖ్యలు చేశారు. చట్టానికి వ్యతిరేకంగా వ్యవహరించేవారిపై చర్యలు ఉండాలని, ప్రజాప్రతినిధులపై రౌడీషీట్లు తెరవడం ఏ ప్రాతిపదికన జరుగుతోందని ప్రశ్నించారు. మంత్రి లోకేశ్‌పై మాముళ్ల దందా నడిపిస్తున్నారని.. ఆయనపై కూడా రౌడీషీట్‌ పెట్టాలని అంబటి అన్నారు. పోలీసులు సివిల్ వార్ కోరుకుంటున్నారా?: ఎమ్మెల్సీ యేసురత్నంమేం ముందుగా చెప్పి నిరసనకు వస్తే అసలు వాళ్లకు(టీడీపీ నేతలకు) ఎలా అనుమతి ఇచ్చారు. ఇవాళ ఒక ప్రభుత్వం ఉంటుంది.. రేపు మరొకటి వస్తుంది. పోలీసులు పొలిటికల్ పార్టీల ఉచ్చులో పడొద్దు. పోలీసులు అంతర్యుద్ధం కోరుకుంటున్నారా? ఎలాంటి కేసులు పెట్టాలో వాళ్లకు తెలియదా ?. ఎవరి ప్రోద్బలంతోనే హత్యాయత్నం, అట్రాసిటీ కేసులు పెడితే మీరే సమాధానాలు చెప్పాలి. యూనిఫారం వేసుకుని ఇలాంటి తప్పులు చేయవద్దు. అని వైఎస్సార్‌సీపీ ఎమ్మెల్సీ యేసురత్నం హితవు పలికారు. చంద్రబాబు, లోకేష్ డీఎస్సీ విషయంలో చేసిన తప్పులు బయటపడ్డాయి. తప్ప చేశామని ఒప్పుకోవాలి.. ఆ శాఖ మంత్రి లోకేశ్‌ రాజీనామా చేయాలి. దౌర్జన్యంతో డీఎస్సీ అంశాన్ని పక్కదోవ పట్టించే ప్రయత్నం చేస్తున్నారు. మీ అధ్వర్యంలో జరిగిన డీఎస్సీ లో ఏం చేశారో అందరికీ అర్థమైంది. మేం తప్పు చేయలేదంటే సీబీఐ విచారణ చేయించుకుని కడిగిన ముత్యంలా బయటకు రండి. సాయికృష్ణ ఉదంతంలో పోలీసులను సుప్రీం కోర్టు చివాట్లు పెట్టింది. అసలు గతంలో మీ పార్టీ అధికారంలో ఉన్న సమయంలో ఊచకోతల వల్లే అట్రాసిటీ చట్టం వచ్చింది. తిరిగి ఆ చట్టాలు మామీద ప్రయోగం చేస్తున్నారు. దమ్ముంటే లోకల్ బాడీ ఎన్నికల్లో మామీద పోతే చేసి గెలవాలి. వ్యవస్థల్ని ధ్వంసం చేయాలి అనుకుంటే అది మిమ్మల్ని నాశనం చేస్తుంది అని మాజీ మంత్రి సాకే శైలజానాథ్ అన్నారు. పోలీసులు పక్షపాత వైఖరితో ముందుకు వెళ్తుంది. మా పార్టీలో క్రియాశీలకంగా పనిచేస్తున్న వారిపై అక్రమ కేసులు పెట్టే ప్రయత్నం చేస్తున్నారు. అర్ధరాత్రి ఇళ్లలోకి వెళ్లిన మా పార్టీ నేతలను తీసుకువెళ్తున్నారు. ఆరోజు నిరసన కార్యక్రమాన్ని పోలీసు డ్రోన్లు మొత్తం పర్యవేక్షించాయి. నాపైన కేసులు పెట్టిన వారిపై దాడి చేసి ఉంటే ఆ కేసులు బయటపెట్టాలి. మా నిరసన దగ్గరకు అసలు టీడీపీ వాళ్ళు ఎలా వచ్చారు. మాపైన దాడి చేసిన వారిపై ఎందుకు చర్యలు తీసుకోలేదు. డీఎస్సీ అంశాన్ని పక్కదారి పట్టించేందుకు టీడీపీ వాళ్ళతో మాపై దాడి చేయించారు. మేం అడుగుతుంది ఒక్కటే డీఎస్సీపై సీబీఐ విచారణ జరగాలి.. లోకేష్ రాజీనామా చేయాలి. నిరుద్యోగుల పక్షాన వైఎస్సార్‌సీపీ ఎప్పుడూ అండగా ఉంటుంది. మీరు ఫైనల్ గా కేసుల్లో ఉన్నవారి లిస్ట్ ఇవ్వండి.. అందరం స్టేషన్ దగ్గరకు వస్తాం. పోలీసులు మీ తీరు మార్చుకోకుంటే భవిష్యత్ కార్యాచరణ ప్రకటిస్తాం అని వైఎస్సార్‌సీపీ ఎమ్మెల్సీ లేళ్ల అప్పిరెడ్డి అల్టిమేటం జారీ చేశారు. డీఎస్సీ నియామకాల్లో అవకతవకలపై విచారణ కోరుతూ సెప్టెంబర్‌ 21న విజయవాడలోని శాప్‌ కార్యాలయం వద్ద వైఎస్సార్‌సీపీ ఆందోళన చేపట్టింది. ఆ సందర్భంగా టీడీపీ గూండాలు వైఎస్సార్‌సీపీ శ్రేణులపై దుర్మార్గంగా దాడులు జరిపారు. అనంతరం వైఎస్సార్‌సీపీ నేతలపైనే ఆశ్యర్యకరరీతిలో భారీగా కేసులు నమోదు కావడం కొసమెరుపు.ఇదీ చదవండి: పాత బండ్లకు కొత్త స్టిక్కర్లు.. ఓరీ నీ బిల్డప్‌ తగలేయ్యా!

సాక్షి, ఎన్టీఆర్‌ జిల్లా: ఎన్టీఆర్‌ జిల్లా ఇబ్రహీంపట్నంలో మహిళ శరీర భాగాలు లభ్యమైన కేసులో పోలీసులు కీలక పురోగతి సాధించారు. మృతురాలిని మంగళగిరికి చెందిన కళ్యాణిగా గుర్తించారు. చేతిపై ఉన్న టాటూ ఆధారంగా ఆమెను గుర్తించినట్లు పోలీసులు తెలిపారు. ఈ నెల 17న కళ్యాణి కనిపించకుండా పోగా.. అదే రోజు ఆమె హత్యకు గురైనట్లు దర్యాప్తులో ప్రాథమికంగా నిర్ధారించినట్లు సమాచారం. కళ్యాణి కనిపించకుండా పోయినప్పటి నుంచి ఆమె సోదరుడు ఆచూకీ కోసం వెతుకుతున్నాడు. ఈ క్రమంలో ఇన్‌స్టాగ్రామ్‌లో ఉన్న ఫొటోల ఆధారంగా ఆమె చేతిపై ఉన్న టాటూను గుర్తించి పోలీసులకు సమాచారం అందించినట్లు తెలుస్తోంది.ఏం జరిగిందంటే.. ఇబ్రహీంపట్నం సమీపంలోని ఎన్టీటీపీఎస్‌ చన్నీళ్ల కాలువలో రెండ్రోజులుగా మహిళకు సంబంధించిన శరీర భాగాలను వేర్వేరు సమయాల్లో స్థానిక పోలీసులు స్వాధీనం చేసుకున్నారు. మొదటిగా శుక్రవారం మహిళ మొండెంను సేకరించి విజయవాడ ప్రభుత్వాసుపత్రికి తరలించారు. మృతదేహం పరిస్థితి మేరకు హత్యగా భావించి, ఆ దిశగా పలు కోణాల్లో వివరాల గురించి ఆరా తీస్తున్నారు. అయితే మొండెం లభించిన తర్వాత తల, చేతులు, కాళ్లు శనివారం లభించాయి. ఎక్స్‌ఎల్‌ సైజులో ఉన్న బ్లూ రంగు టాప్‌ పంజాబీ డ్రస్‌, లెగ్గిన్‌, బంగారు రంగులో ఉన్న ముక్కు పుడక, చెవి రింగులు, గాజులు, వెండి పట్టీలు, చేతిపై నల్లని ఈక టాటూను గుర్తించారు.ఇక, ఈ కేసులో భవానీపురానికి చెందిన షఫీని ఇబ్రహీంపట్నం పోలీసులు అదుపులోకి తీసుకుని విచారిస్తున్నారు. పోలీసుల ప్రాథమిక దర్యాప్తు ప్రకారం.. కళ్యాణికి, షఫీకి గతంలో పరిచయం ఉండగా, వీరి మధ్య వివాహేతర సంబంధం కొనసాగుతున్నట్టు అనుమానం వ్యక్తమవుతోంది. కాగా, ఆమె కుమారుడిని షఫీ పెంచుకుంటున్నట్లు తెలుస్తోంది. కుమారుడి విషయంలో ఇద్దరి మధ్య కొంతకాలంగా వివాదం ఉన్నట్లు సమాచారం. తన కుమారుడిని తనకు అప్పగించాలని కళ్యాణి షఫీపై ఒత్తిడి తెచ్చినట్లు పోలీసులు అనుమానిస్తున్నారు. ఈ క్రమంలోనే షఫీ ఆమెను హత్య చేసి ఉంటాడని ప్రాథమికంగా నిర్ధారణకు వచ్చినట్లు సమాచారం. అయితే ఈ కేసులో పూర్తి కారణాలు, హత్యకు సంబంధించిన ఇతర వివరాలను పోలీసులు దర్యాప్తు చేస్తున్నారు.

ఇంద్రకీలాద్రి(విజయవాడపశ్చిమ): గత రెండు, మూడు రోజులుగా కురుస్తున్న భారీ వర్షాలతో విజయవాడలోని దుర్గగుడి ఘాట్‌రోడ్డులో కొండ చరియలు విరిగి పడ్డాయి. గురువారం రాత్రి 10 గంటల తర్వాత భారీ వర్షం కురిసింది. ఆ సమయంలో ఘాట్‌రోడ్డులోని మూడో మలుపు వద్ద కొండపై నుంచి ఒక సారిగా మట్టి, చరియలు విరిగి పడ్డాయి. ఐదేళ్ల కిందట కొండకు ఇనుప మెస్‌ ఏర్పాటు చేయగా, విరిగిపడిన కొండ రాళ్లు ఆ మెస్‌ను ధ్వంసం చేసుకుంటూ రోడ్డుపై పడ్డాయి. గత ఐదారు రోజులుగా ఘాట్‌రోడ్డు మరమ్మతుల నేపధ్యంలో రాకపోకలు నిలిపివేశారు. దీంతో ఘాట్‌రోడ్డుపై ఎటువంటి వాహనాలు, భక్తుల రాకపోకలు లేకపోవడంతో ప్రమాదం తప్పింది. కొండ చరియలు విరిగి పడిన ప్రదేశాన్ని జిల్లా కలెక్టర్‌ లక్ష్మీశ, ఈవో శీనానాయక్‌, ఈఈ రమాలు శుక్రవారం ఉదయం పరిశీలించారు. కొండ రాళ్లు, మట్టిని వెంనటే తొలగించి ఆ ప్రాంతాన్ని శుభ్రం చేయాలని ఆలయ అధికారులను ఆదేశించారు. ప్రమాదం జరిగిన ప్రదేశంలో రక్షణ గోడ, ఐరన్‌ ఫెన్సింగ్‌ రాక్‌–ఫాల్‌నెట్లను మరంత పటిష్టంగా పునరుద్దరించాలని కలెక్టర్‌ ఆదేశించారు. ఘాట్‌రోడ్డును క్షేత్రస్థాయిలో భద్రతా తనిఖీలు పూర్తయ్యే వరకు ఎవరిని అనుమతించవద్దని ఆదేశించారు. భక్తులకు అసౌకర్యం కలుగకుండా ప్రత్యామ్నాయ మార్గాల ద్వారా వారికి అమ్మవారి దర్శనం కల్పించాలని సూచించారు. కాగా ఘాట్‌రోడ్డులో కొండ చరియలు విరిగి పడిన ఘటనపై దేవాదాయ శాఖ మంత్రి ఆనం రామనారాయణ రెడ్డి, దేవాదాయ శాఖ కమిషనర్‌ రామచంద్రమోహన్‌ ఆలయ ఈవోను వివరాలు అడిగి తెలుసుకున్నారు. నేటి గిరి ప్రదక్షిణ రద్దు వర్షాలు, తుఫా ను వాతావరణం నేపధ్యంలో శనివారం జరగాల్సిన గిరి ప్రదక్షిణను రద్దు చేస్తున్న ఆలయ ఈవో శీనానాయక్‌ పేర్కొన్నారు. శనివారం తెల్లవారుజామున 5.55 గంటలకు ప్రారంభం కావాల్సిన గిరి ప్రదక్షిణ తీవ్ర వర్షాలు, వాతావరణం, గిరిప్రదక్షిణ మార్గంలో డ్రైయిన్లు పొంగి కలుషిత నీరు ప్రవహించడంతో ఉత్సవ విగ్రహాలను బయటకు తీసుకు వచ్చే అవకాశం లేదని వైదిక కమిటీ తేల్చి చెప్పింది. దీంతో వైదిక కమిటీ సూచన మేరకు గిరిప్రదక్షిణ ను రద్దు చేస్తున్నట్లు ఆలయ అధికారులు ప్రకటించారు.

సాక్షి, విజయవాడ: బంగాళాఖాతంలో ఏర్పడిన తీవ్ర వాయుగుండంతో ఉమ్మడి కృష్ణా జిల్లాలో రెండు రోజుల పాటు కురిసిన వర్షానికి వాగులు, వంకలు పొంగిపొర్లాయి. బుడమేరుకు వరద ఉద్ధృతి పెరిగింది. మునేరు పొంగిపొర్లగా.. పలుచోట్ల పంటలు దెబ్బతిన్నాయి. ఇక ఎప్పటిలాగే విజయవాడ నగరం రోడ్లు వర్షపునీటితో పొంగిపొర్లాయి. మునిసిపల్‌ అధికారుల నిర్లక్ష్యం మరోసారి డ్రెయిన్ల నిర్వహణ విషయంలో వైఫల్యం ప్రస్ఫుటంగా కనిపించింది. మొగల్రాజపురం, పిన్నమనేని పాలిక్లినిక్‌ రోడ్డు, ఆటోనగర్‌, ఎన్టీఆర్‌ కూడలి, బెంజిసర్కిల్‌, నిర్మలా కాన్వెంట్‌ రోడ్లపై భారీగా నీరు చేరి నదులను తలపించాయి. ముఖ్యంగా ఆటోనగర్‌లోని ఏపీఐఐసీ కాలనీలో పలు ఇళ్లలోకి వర్షపునీరు చేరడంతో తీవ్ర ఇబ్బందులు పడ్డారు. పంటల నష్టం ఇలా.. ● కృష్ణాజిల్లాలో గన్నవరం, బాపులపాడు, ఉంగుటూరు, పెదపారుపూడి, నందివాడ, మొవ్వ మండలాల్లో వరిసాగు 2,500 హెక్టార్లలో నష్టం జరిగింది. బాపులపాడు, గన్నవరం మండలాల్లో 135 హెక్టార్ల మేర సాగు చేసిన మినుము పంట నష్టం జరిగినట్లు వ్యవసాయాధికారులు ప్రాథమిక అంచనాలు రూపొందించారు. ● గుడ్లవల్లేరు మండలంలోని వడ్లమన్నాడు డ్రెయిన్‌ డోకిపర్రులోని పల్లపు చేల రైతులను నట్టేట ముంచింది. ఈ డ్రెయిన్‌ కింద గ్రామంలో 1,500 ఎకరాల పల్లపు పొలాలు ఉండగా అందులో 500ఎకరాల పైబడి వరి చేలు నీట మునిగింది. ● గన్నవరం మండలంలోని ముస్తాబాదలో 600ఎకరాలకు పైగా వరి పంట నీట మునిగిందని, బాధిత రైతులకు ప్రభుత్వం పరిహారం చెల్లించాలని సీపీఎం కౌలురైతు సంఘం నేతలు డిమాండ్‌ చేశారు. ● ఎన్టీఆర్‌ జిల్లాలో పత్తి, మొక్కజొన్న వరి పంటలు మొత్తం 300 హెక్టార్లలో మాత్రమే నీటిలో ఉందని నివేదిక ఇచ్చినట్లు సమాచారం. విరిగిపడిన కొండ చరియలు భారీ వర్షాలకు దుర్గగుడి ఘాట్‌రోడ్డులోని మూడో మలుపు వద్ద కొండపై నుంచి ఒకసారిగా మట్టి, చరియలు విరిగి పడ్డాయి. గతంలో మెస్‌ ఏర్పాటు చేయగా ఈ వర్షాలకు మెస్‌పై పడి, రోడ్డుపై చరియలు పడ్డాయి. కొండ చరియలు విరిగి పడిన ప్రదేశాన్ని ఎన్టీఆర్‌ జిల్లా కలెక్టర్‌ లక్ష్మీశ, ఆలయ ఈవో శీనానాయక్‌, ఈఈ రమా శుక్రవారం ఉదయం పరిశీలించారు. దేవదాయ శాఖ మంత్రి ఆనం రామనారాయణ రెడ్డి, దేవదాయ శాఖ కమిషనర్‌ రామచంద్రమోహన్‌ దుర్గగుడి ఈవోను వివరాలు అడిగి తెలుసుకున్నారు. మునేరుకు పోటెత్తిన వరద.. మునేటికి ఎగువ ప్రాంతాలైన తెలంగాణలోని వరంగల్‌, ఖమ్మం జిల్లాలో వర్షాలు పడుతుండడంతో శుక్రవారం మధ్యాహ్నం వరకు మునేటిపై పోలంపల్లి ఆనకట్ట వద్ద ఆరున్నర అడుగుల మేర వరదనీరు వస్తున్నట్లు ఇరిగేషన్‌ అధికారులు తెలిపారు. పెనుగంచిప్రోలు నుంచి లింగగూడెం వెళ్లే రోడ్డులో గండివాగు, అనిగండ్లపాడు వెళ్లే రోడ్డులో కూచివాగు వద్ద చప్టాలపై నీరు ప్రవహించటంతో రాకపోకలకు కొద్దిసేపు అంతరాయం ఏర్పడింది. ఈ వర్షాలకు వరి, మిర్చి పంటలకు ఉపయోగపడినా.. పత్తికి నష్టం కలిగించిందని రైతులు చెబుతున్నారు. శ్రీతిరుపతమ్మ వారి ఆలయం వద్ద మునేరులోకి భక్తులు దిగకుండా గేటు మూసేశారు. శాంతించిన వరుణుడు ఉమ్మడి కృష్ణా జిల్లాలో సుమారు మూడు వేల హెక్టార్లలో నీటమునిగిన పంట దుర్గగుడి ఘాట్‌ రోడ్డులో విరిగిపడిన కొండచరియలు ప్రకాశం బ్యారేజీ వద్ద 12 అడుగులకు చేరిన నీటి మట్టం జలమయమైన విజయవాడ రోడ్లు, పొంగిపొర్లిన డ్రెయిన్లు

చంద్రబాబు ప్రభుత్వాన్ని హెచ్చరించిన డీవైఎఫ్‌ఐ గాంధీనగర్‌(విజయవాడసెంట్రల్‌): కూటమి ప్రభుత్వం పోలీసు కానిస్టేబుల్‌ ఉద్యోగాల సంఖ్య తక్కువ చేసి నోటిఫికేషన్‌ జారీ చేసిందని, నిరుద్యోగుల జీవితాలతో ఆడుకుంటోందని భారత ప్రజాతంత్ర యువజన సమాఖ్య (డీవైఎఫ్‌ఐ) ఆరోపించింది. శుక్రవారం విజయవాడ అలంకార్‌ సెంటర్‌లోని ధర్నా చౌక్‌లో డీవైఎఫ్‌ఐ ఆధ్వర్యాన పోలీసు కానిస్టేబుల్‌ అభ్యర్థుల పోరుబాట పేరుతో చలో విజయవాడ కార్యక్రమం జరిగింది. డీవైఎఫ్‌ఐ కార్యకర్తలు, నిరుద్యోగులు ధర్నా చేశారు. అక్కడ నుంచి ర్యాలీగా బయలుదేరిన డీఐఎఫ్‌ఐ కార్యకర్తలను పోలీసులు అడ్డుకున్నారు. కొద్దిసేపు పోలీసులు, డీవైఎఫ్‌ఐ కార్యకర్తలకు మధ్య తోపులాట జరిగింది. రోడ్డుపై బైఠాయించి నినాదాలు చేశారు. ఈ సందర్భంగా డీవైఎఫ్‌ఐ రాష్ట్ర కార్యదర్శి జి. రామన్న మాట్లాడుతూ రాష్ట్ర ప్రభుత్వం ఇటీవల విడుదల చేసిన పోలీస్‌ కానిస్టేబుల్‌ నోటిఫికేషన్‌లో పోస్టుల సంఖ్య తక్కువగా చూపిందన్నారు. కానిస్టేబుల్‌ పోస్టుల సంఖ్య పెంచి సవరణ నోటిఫికేషన్‌ విడుదల చేయాలని డిమాండ్‌ చేశారు. డీవైఎఫ్‌ఐ రాష్ట్ర అధ్యక్షుడు ఎంవీ రమణ మాట్లాడుతూ రాష్ట్రంలో నిరుద్యోగులపై వేధింపులు, నిర్బంధం ఆపాలని డిమాండ్‌ చేశారు. పోలీసు కానిస్టేబుల్‌ పోస్టుల సంఖ్య 11,639లకు పెంచాలని డిమాండ్‌ చేశారు. అలా చేయకపోతే ఉద్యమాన్ని తీవ్రతరం చేస్తామని హెచ్చరించారు. డీవైఎఫ్‌ఐ రాష్ట్ర కోశాధికారి అబ్దుల్లా, రాష్ట్ర నేతలు వీరేష్‌, అంజనేయరాజు, గణేష్‌, శివ, సురేంద్ర బాబు, నర్సింహ తదితరులు పాల్గొన్నారు.

వన్‌టౌన్‌(విజయవాడపశ్చిమ): ఉమ్మడి కృష్ణా జిల్లాలో దేవదాయశాఖ ఆలయాలను ప్రయివేటుకు ధారదత్తం చేసేందుకు కూటమి ప్రభుత్వం కుట్ర చేస్తోందనే అనుమానాలు వ్యక్తమవుతున్నాయి. ఒకవైపు సనాతన ధర్మ పరిరక్షణ అంటూ ప్రచారార్భాటాలు చేస్తూ ఆలయాల ఆస్తులను ప్రయివేట్‌ వ్యక్తులకు కట్టబెట్టేందుకు పాలకులు ప్రయత్నిస్తున్నారనే ఆరోపణలు వినిపిస్తున్నాయి. ఆ శాఖ పరిధిలో ఉన్న ఆలయాలను కాపాడాల్సిన ప్రభుత్వం నేతల సిఫారస్‌లతో మినహాయింపులు కల్పిస్తూ జీవోలు జారీ చేయటంపై సర్వత్రా ఆగ్రహం వ్యక్తమవుతోంది. నిదానంగా దేవదాయ ధర్మదాయ శాఖ పరిధిలోని ఆలయాలను వాటి ఆధీనంలో ఉన్న ఆస్తులను ఒకొక్కటిగా దోచుకునేందుకు ప్రణాళికలను సిద్ధం చేస్తున్నారనే విమర్శలు వినిపిస్తున్నాయి. అడ్డగోలుగా జీవోలు... రాష్ట్రంలో పాలక పక్షాలుగా ఉన్న టీడీపీ, జనసేన, బీజేపీ నేతలు సిఫార్సులతో అక్రమార్కులు ఆలయాల వ్యవహారాల్లో అడ్డగోలుగా వ్యవహరిస్తున్నారు. దేవదాయ శాఖ పరిధిలో ఉన్న ఆలయాల పరిరక్షణకు చర్యలు చేపట్టేందుకు అవసరమైన సూచనలు, సలహాలు ఇవ్వాల్సిన కూటమి నేతలు వాటికి భిన్నమైన నిర్ణయాలను అమలు చేయాలంటూ ఆ శాఖ అధికారులపై ఒత్తిడి తీసుకొస్తున్నారు. దీంతో కొందరు అధికారులు సైతం అందినకాడిని పుచ్చుకొని ఉత్తర్వులు జారీ చేస్తున్నారనే ప్రచారం జరుగుతోంది. తాజాగా కూటమి నేతల సిఫారస్‌లో ఒక ఆలయానికి మినహాయింపులు ఇస్తూ ప్రభుత్వం జీవో జారీ చేసింది. అలాగే ఆలయాల ట్రస్ట్‌ బోర్డులకు పాలకమండళ్లను నియమించే సమయంలోనూ అర్హతలు లేకున్నా సిఫారస్‌లతో కమిటీలను నియమిస్తున్నారు. వాటిపై విమర్శలు రావటంతో వాటిని రద్దు చేసి మళ్లీ కమిటీలను వేస్తున్నారు. తాజాగా విజయవాడ పాతబస్తీలోని ఆలయాలకు కమిటీల నియామక ఉత్తర్వులు జారీ చేసి మళ్లీ రద్దు చేసిన ఘటనలు ఉన్నాయి. కోర్టు కేసులు ఉన్నా జీవో జారీ.. కృష్ణాజిల్లాలో తోట్లవల్లూరు మండలంలో శ్రీ భ్రమరాంబ చెన్న మల్లేశ్వరస్వామి ఆలయం దేవదాయ ధర్మదాయ శాఖ పరిధిలో ఉంది. దానికి 90 ఎకరాలు ఉన్నట్లు నివేదికలు స్పష్టం చేస్తున్నాయి. వాటి ద్వారా సుమారు రూ.12 లక్షల ఆదాయం ఆలయానికి సమకూరుతోంది. దానికి దేవదాయ శాఖ చట్టం 1987 సెక్షన్‌ 15, 29 కింద (ట్రస్ట్‌బోర్డు, ఈవో లేకుండా) ఉన్న నిబంధనల కార్యకలాపాల నుంచి ఐదేళ్ల పాటు మినహాయింపు ఇస్తూ రెవెన్యూ ఎండోమెంట్‌ ప్రిన్సిపాల్‌ సెక్రటరీ కన్నబాబు పేరిట ఈ నెల 22వ తేదీన ఉత్తర్వులు జారీ అయ్యాయి. దీని వెనుక కూటమి నేతల సిఫార్సులున్నట్లుగా వాదనలు వినిపిస్తున్నాయి. ఈ ఆలయ వ్యవహారం కోర్టులో పెండింగ్‌లో ఉందని, ఈ నెల 28వ తేదీన విచారణ ఉన్నట్లు తెలిసింది. అయినప్పటికీ అడ్డగోలుగా దీనికి మినహాయింపు కల్పిస్తూ ఉత్తర్వులు జారీ చేయటంపై సర్వత్రా విమర్శలు వినిపిస్తున్నాయి. లీజు వ్యవహారాల్లోనూ చక్రం తిప్పుతున్న నేతలు.. ఉమ్మడి జిల్లాలో వివిధ ఆలయాలు, సత్రాలకు సంబంధించిన దుకాణాల లీజు వ్యవహారాల్లోనూ కూటమి నేతలు తమ సిఫారస్‌లతో చక్రం తిప్పుతున్నారు. ప్రధానంగా ఆలయాల దుకాణాలు లీజుకిచ్చే క్రమంలో తప్పనిసరిగా బహిరంగ వేలం పాటను నిర్వహించి అత్యధికంగా లీజు చెల్లించేందుకు ముందుకు వచ్చిన వారికి ఆయా దుకాణాలను అప్పగించటం పరిపాటి. ఇది లీజు కాల పరిమితి పూర్తవ్వగానే నిర్వహించాలి. కాల పరిమితి ముగిసిన దుకాణాలకు ఆ శాఖలో ఉన్న నిబంధనల మేరకు లీజు మొత్తంలో సగం కన్నా అధికంగా చెల్లించేందుకు ఆ లీజుదారుడు ముందుకు వస్తే దానిని పరిశీలించి కమిషనర్‌ అనుమతితో రెన్యువల్‌ చేయవచ్చని అధికారులు చెబుతున్నారు. కానీ కూటమి నేతల అండదండలతో కేవలం పది శాతం పెంపుతో రెన్యువల్‌ చేస్తున్నారనే పలువురు ఆరోపిస్తున్నారు. సనాతనం అంటూనే ఆదాయం లూటీ.. కూటమి నేతలు ఒకవైపు సనాతనం అంటూనే మరోవైపు ఆదాయాలను కొల్లగొడుతున్నారని ధార్మిక సంఘాలు, వ్యక్తులు విమర్శిస్తున్నారు. సనాతన ధర్మం పేరుతో విష ప్రచారాలను వ్యాప్తి చేస్తున్న కూటమి నేతలు అదే తరహాలో ఆలయాలకు వచ్చే ఆదాయాలకు గండి కొడుతున్నారని పలువురు వ్యాఖ్యానిస్తున్నారు. సాక్షాత్‌ కమిషనర్‌ కార్యాలయం అడ్డాగా పలు అక్రమాలు చోటు చేసుకుంటున్నాయని ఇటీవల అక్కడ పని చేసే ఉద్యోగులే బహిరంగంగా చెప్పడం, తోటి ఉద్యోగులు బరితెగించి అవినీతికి పాల్పడుతున్నారంటూ ఫిర్యాదులు సైతం చేస్తుస్తుండటం పరిస్థితికి అద్దం పడుతోంది. ప్రయివేట్‌కు దేవదాయ శాఖ వత్తాసు కూటమి ఒత్తిళ్లతో దిగజారుతున్న జిల్లాలో దేవాలయాల పరిస్థితి ఆలయాల ఆదాయానికి గండి కొడుతున్న నేతల తీరు తోట్లవల్లూరులోని ఒక ఆలయాన్ని ప్రయివేటుకు మినహాయింపిస్తూ జీవో కోర్టులో కేసు పెండింగ్‌లో ఉండగా జీవో ఎలా ఇస్తారని భక్తుల ప్రశ్న దుకాణాల లీజు వ్యవహారాల్లోనూ చక్రం తిప్పుతున్న కూటమి నేతలు

గాంధీనగర్‌ (విజయవాడ సెంట్రల్‌): విజయవాడలో తొలిసారిగా జాతీయ సరస్‌ అజీవిక మేళా–2026నను నిర్వహిస్తున్నట్లు కేంద్ర గ్రామీణాభివృద్ధి శాఖ మంత్రి డా.పెమ్మసాని చంద్రశేఖర్‌, రాష్ట్ర ఎంఎస్‌ఎంఈ, సెర్ప్‌ శాఖ మంత్రి కొండపల్లి శ్రీనివాస్‌ తెలిపారు. పున్నమి ఘాట్‌ వేదికగా వచ్చేనెల 8 నుంచి 22 వరకు ఈ మేళా జరుగుతుందన్నారు. ఈ మేళా దేశవ్యాప్తంగా మహిళా స్వయం సహాయక సంఘాలు, గ్రామీణ కళాకారులు, మహిళా పారిశ్రామికవేత్తలు తమ ఉత్పత్తులను ప్రదర్శించి విక్రయించుకునే మార్కెటింగ్‌ వేదికగా నిలుస్తుందని తెలిపారు. కలెక్టరేట్‌లోని శ్రీ పింగళి వెంకయ్య సమావేశ మందిరంలో మేళా నిర్వహణపై శుక్రవారం సమీక్ష నిర్వహించారు. ఈ సందర్భంగా చంద్రశేఖర్‌ మాట్లాడుతూ.. గతేడాది గుంటూరులో 300 స్టాళ్లతో జరిగిన ఈ మేళాలో సుమారు రూ.30 కోట్ల మేర వ్యాపారం జరిగిందని.. ఈసారి విజయవాడలో 600 స్టాళ్లతో నిర్వహిస్తున్నామన్నారు. మేళాలో హ్యాండ్లూమ్‌, హ్యాండీక్రాఫ్ట్‌, నేచురల్‌ ఫుడ్‌, లైవ్‌ ఫుడ్‌ తదితర విభాగాలతో పాటు నాబార్డ్‌, ఎంఎస్‌ఎంఈ, బ్యాంకులు, ఆర్థిక సంస్థలు, ఇతర ప్రభుత్వ శాఖలకు కూడా స్టాళ్లు ఏర్పాటుచేయనున్నట్లు చెప్పారు. మంత్రి కొండపల్లి శ్రీనివాస్‌ మాట్లాడుతూ.. మహిళా సాధికారతకు సరస్‌ మేళా గొప్ప అవకాశంగా నిలుస్తుందన్నారు. ఈ సమీక్షలో కలెక్టర లక్ష్మీశా, పోలీసు కమిషనర్‌ రాజశేఖర్‌బాబు, వివిధ శాఖల అధికారులు పాల్గొన్నారు.

కృష్ణలంక(విజయవాడతూర్పు): నగరంలోని కనకదుర్గ ఫ్లై ఓవర్‌పై కొండ చిలువ ప్రత్యక్షమవడం తీవ్ర కలకలం రేపింది. రాజీవ్‌గాంధీ పార్కు సమీపంలోని విద్యుత్‌ సబ్‌స్టేషన్‌ ఎదురుగా ఫ్లై ఓవర్‌పై శుక్రవారం ఉదయం హఠాత్తుగా సుమారు 8అడుగుల పొడవు గల ఒక కొండచిలువ కనిపించింది. అది నెమ్మదిగా వెళ్తుండటాన్ని గమనించిన వాహనదారులు, బాటసారులు భయందోళనలకు గురయ్యారు. సమాచారం అందుకున్న కృష్ణలంక పోలీసులు వెంటనే అక్కడకు చేరుకుని అటవీ శాఖ అధికారులకు సమాచారం అందించారు. కొద్ది నిమిషాల్లో స్నేక్‌ కాచర్‌ మణికంఠ ఘటనా స్థలానికి చేరుకుని చాకచక్యంగా వ్యవహరించి దానిని సురక్షితంగా పట్టుకుని సంచిలో బంధించాడు. అయితే గుర్తు తెలియని వాహనం దాని పై నుంచి వెళ్లడంతో గాయాలపాలైన ఆ కొండ చిలువ నుంచి రక్తం కారుతోంది. దీంతో పట్టుకున్న కొద్దిసేపటికే మృతి చెందిందని మణికంఠ తెలిపాడు. కృష్ణానదికి వరద రావడంతో వరదలో కొట్టుకొచ్చి ఫ్లై ఓవర్‌ పైకి చేరి ఉండవచ్చని అందరూ చర్చించుకున్నారు. కొనసాగిన ప్రభుత్వ వైద్యుల నిరసన లబ్బీపేట(విజయవాడతూర్పు): తమకు న్యాయపరంగా రావాల్సిన ఆర్థిక ప్రయోజనాలు వెంటనే చెల్లించాలనే డిమాండ్‌తో పాటు, పలు సమస్యలపై ప్రభుత్వ వైద్యులు చేపట్టిన నిరసన శుక్రవారం 25వ రోజు కొనసాగింది. ప్రభుత్వ వైద్యుల సంఘం – ఆంధ్రప్రదేశ్‌(జీడీఏ–ఏపీ) ఆధ్వర్యంలో గత 25 రోజులుగా వైద్యులు ప్రతిరోజూ ఉదయం 9 నుంచి 9.30 వరకూ విధు లు బహిష్కరించి నిరసన తెలియజేస్తున్నారు. ప్రభుత్వం తక్షణమే 2016 యూజీసీ పీఆర్‌సీ బకాయిలు టీచింగ్‌ వైద్యులకు చెల్లించాలని వారు కోరుతున్నారు. ఈ విషయమై ఇప్పటికే 30 సార్లు విన్నపాలు చేసినా, ప్రభుత్వం నుంచి స్పందన కొరవడిందన్నారు. అంతేకాక తాము పనిచేసిన కాలానికి అనుగుణంగా పీఆర్‌సీ బకాయిలు ఇవ్వ మని వినతి అందజేస్తే ఇవ్వడం కుదరదని ప్రభు త్వం చెప్పడం బాధాకరమైన విషయమని అసోసి యేషన్‌ రాష్ట్ర అధ్యక్షుడు డాక్టర్‌ ఐ.బాబ్జి శ్యామ్‌కుమార్‌ అన్నారు. ప్రభుత్వం ఇలానే వ్యవహరిస్తే ఆందోళన తీవ్రతరం చేస్తామని హెచ్చరించారు. కౌశల్‌ క్విజ్‌లో పాల్గొనండి వన్‌టౌన్‌(విజయవాడపశ్చిమ): భారతీయ విజ్ఞాన మండలి, అప్‌కాస్ట్‌, విజ్ఞాన భారతి సంయుక్తంగా నిర్వహించే కౌశల్‌ క్విజ్‌ ట్యాలెంట్‌ టెస్ట్‌–2026 పోటీల్లో విద్యార్థులు చురుకుగా పాల్గొనాలని ఎన్టీఆర్‌ జిల్లా విద్యాశాఖాధికారి ఎల్‌. చంద్రకళ తెలిపారు. ఎన్టీఆర్‌ జిల్లా విద్యాశాఖ అధికారి వారి కార్యాలయంలో కౌశల్‌ క్విజ్‌ – 2026 రాష్ట్ర స్థాయిలో జరిగే సైన్స్‌ ప్రతిభాన్వేషణ పోటీకి సంబంధించిన పోస్టర్‌ను శుక్రవారం చంద్రకళ ఆవిష్కరించారు. ఈ సందర్భంగా ఆమె మాట్లాడుతూ ఈ పోటీలకు ఎనిమిది, తొమ్మిది, పదో తరగతి చదువుతున్న ప్రభుత్వ పాఠశాలల విద్యార్థులు అర్హులన్నారు. ఎనిమిదో తరగతి విద్యార్థులు 28న, తొమ్మిదో తరగతికి 29న, పదో తరగతి విద్యార్థులకు 30న పోటీలు నిర్వహిస్తామన్నారు. నవంబర్‌ 15న జిల్లా స్థాయిలో పోటీ నిర్వహించి, మొదటి, రెండు స్థానాలు రాష్ట్రస్థాయి క్విజ్‌ పోటీకి ఎంపికవుతాయని వివరించారు. వివిధ విభాగాల నిర్వాహకులు అరుణ, సీహెచ్‌బీవీ పద్మావతి, సతీ్‌ష్‌, ఓ.పిచ్చేశ్వరరావు, శ్రీనివాసరావు తదితరులు పాల్గొన్నారు. నీట మునిగిన వరి పొలాల పరిశీలన ఘంటసాల: ఘంటసాల కేవీకే పరిధిలోని గ్రామాల్లో గత రెండు రోజులుగా కురుస్తున్న భారీ వర్షాలకు నీటి మునిగిన వరి పంటను శుక్రవారం పరిశీలించారు. ఈ సందర్భంగా ప్రధాన శాస్త్రవేత్త డాక్టర్‌ సుధారాణి మాట్లాడుతూ వరిలో దుబ్బు చేసే దశ నుంచి పిలకలు వేసే దశలో ఉన్నట్లయితే ముంపు నీటిని వీలైనంత త్వరగా తీసేయాలన్నారు. నీరు పూర్తిగా బయటకు తీసి బూస్టర్‌ డోస్‌ కింద 20 కిలోల యూరియా, 20 కిలోల మ్యూరేట్‌ ఆఫ్‌ పొటాష్‌ను ఎకరానికి వేసుకోవాలన్నారు. పొడ తెగులు వ్యాప్తి నివారణకు హక్సాకొనజోల్‌ 400 మి.లీ. లేదా వాలిడామైసిన్‌ 400 మి.లీ. లేదా అజాక్సిస్ట్రోబిన్‌ 200 మి.లీ. చొప్పున కలుపుకుని ఎకరానికి పిచికారీ చేసుకోవాలని సూచించారు.

విజయవాడ పోలీసుల పంట పండిస్తున్న సెటిల్‌మెంట్స్‌!సెటిల్‌మెంట్లకు అడ్డాగా.. ఇలా పోలీసుల వేధింపులను బయటకు వచ్చి చెప్పలేని బాధితులెందరో ఉన్నారు. ప్రస్తుతం విజయవాడ సెటిల్‌మెంట్స్‌ డెన్‌గా మారింది. సివిల్‌ వివాదాల్లో సైతం జోక్యం చేసుకుని బెదిరింపులకు పాల్పడుతూ, అమాయకుల్ని నిలువునా దోపిడీ చేస్తున్నట్లు విమర్శలు వెల్లువెత్తుతున్నారు. కూటమి ప్రభుత్వంలో ప్రజలకే కాక, ప్రజల ఆస్తులకు రక్షణ లేకుండా పోయిందని ప్రజలు అంటున్నారు. గతంలో పటమట సివిల్‌ సెటిల్‌మెంట్ల డెన్‌గా మారిందని హైకోర్టు కూడా తీవ్ర వ్యాఖ్యలు చేసింది. అయినా ఆ అధికారుల తీరు మారలేదు. మరోవైపు ప్రభుత్వమూ చర్యలు తీసుకోలేదు. సివిల్‌ వివాదాల్లో జోక్యం చేసుకొని దండుకుంటున్న కొందరు పోలీసులు కోర్టు ఆదేశాలు ఉన్నా పట్టని వైనం అడిగినంత ఇవ్వకుంటే స్టేషన్‌లకు పిలిపించి వేధింపులు మీడియా ముందుకు వచ్చి ఆవేదన వ్యక్తం చేస్తున్న బాధితులు బెజవాడలో భద్రత లేదని హైదరాబాద్‌లో ప్రెస్‌మీట్‌ ఇవే నిదర్శనాలు..మరో సాయికృష్ణలా కాకుండా కాపాడండి..విదేశాల్లో ఉన్నత విద్యను అభ్యసించిన సౌజన్య హైదరాబాద్‌తో పాటు, విజయవాడలో రెండున్నరేళ్ల కిందట ఫ్లయింగ్‌ బోర్డర్స్‌ పేరుతో కన్సల్టెన్సీ పెట్టింది. నాలుగు దేశాల్లోని యూనివర్సిటీలకు విద్యార్థులను పంపిస్తుంటానని ఇటీవల హైదరాబాద్‌లో నిర్వహించిన ప్రెస్‌మీట్‌లో వెల్లడించారు. ఈ తరుణంలో ఒక మహిళ వచ్చి అడ్మిషన్‌ కావాలని, అడిగిందని, ప్రాసె సింగ్‌ దశలో ఉన్న సమయంలో బ్లాక్‌ మెయిలింగ్‌ చేయడం ప్రారంభించినట్లు సౌజన్య వెల్లడించింది. అదే సమయంలో విజయవాడలో ఓ కీలక విభాగంలో పనిచేసే ఏసీపీ ఫోన్‌ చేసి రూ.25 లక్షలు ఇవ్వాలని డిమాండ్‌ చేశారని, ఇవ్వకుంటే కేసు నమోదు చేసి చర్యలు తీసుకుంటామని హెచ్చరించినట్లు పేర్కొన్నారు. విజయవాడలో అయితే భద్రత ఉండదని హైదరాబాద్‌లో ప్రెస్‌మీట్‌ పెట్టానని, తనను మరో సాయికృష్ణలా కాకుండా చూడాలని ఆమె వేడుకుంది. సాక్షి టాస్క్‌ఫోర్స్‌, విజయవాడ: కంచే చేను మేసిందన్న చందంగా.. ప్రజల ఆస్తులకు రక్షణ కల్పించాల్సిన పోలీసులే భక్షకులుగా మారుతున్నారు. సివిల్‌ వివాదాల్లో జోక్యం చేసుకుంటూ, తమకు నచ్చిన విధంగా వ్యవహరిస్తూ అందిన కాడికి దండుకుంటున్నారు. ఒకవేళ ఎవరైనా వారు చెప్పినట్లు వినక పోయినా, అడిగినంత ఇచ్చుకోలేక పోయినా వారి వేధింపులకు అంతే లేకుండా పోతోంది. కోర్టుల నుంచి ఆదేశాలు ఉన్నప్పటికీ, వాటిని లెక్కచేయకుండా, ఇది ‘మా అడ్డా.. మేము చెప్పిందే లెక్క’ అనే రీతిలో వ్యవహరించడంతో బాధితులు లబోదిబో మంటున్నారు. కొన్ని గుట్టు చప్పుడు కాకుండా సెటిల్‌మెంట్స్‌ అవుతుండగా.. మరికొందరు ధైర్యంగా మీడియా ముందుకు వచ్చి వారిని వేధిస్తున్న వైనాన్ని వివరిస్తున్నారు. పటమట పోలీస్‌స్టేషన్‌ పరిధిలోని సామాజికవేత్త కొల్లూరు వెంకటేశ్వరరావు ప్రెస్‌క్లబ్‌లో ప్రెస్‌మీట్‌ పెట్టి మరీ పటమట ప్రాంతంలోని ఓ జోనల్‌ స్థాయి అధికారి అవినీతిని వివరించారు. రామలింగేశ్వరనగర్‌లో చీట్లు వేసి ఎగవేసిన వారి నుంచి.. ఒక కేసు మాఫీ చేసేందుకు లాయర్‌ నుంచి, అపోలో ఫార్మశీపై ఎఫ్‌ఐఆర్‌ చేసేందుకు, పటమటలో రజకుడు మర్డర్‌ కేసును మాఫీ చేసేందుకు.. ఇలా అనేక సివిల్‌, క్రిమినల్‌ కేసుల్లో ఎన్ని లక్షలు వసూలు చేశారో ఆ ప్రెస్‌మీట్‌లో కూలంకషంగా వివరించారు. ప్రైవేట్‌ ఆస్తి వివాదంలో జోక్యం చేసుకుంటూ పోలీసు అధికారాన్ని దుర్వినియోగం చేస్తున్నారని ఏసీపీ దామోదర్‌పై న్యాయవాది సత్యశ్రీ పోలీస్‌ కమిషనర్‌కు ఫిర్యాదు చేశారు. సివిల్‌ వివాదంలో జోక్యం చేసుకుని అక్రమ కేసులు పెడుతున్నారని, డెహ్రాడూన్‌ నుంచి ఫోన్‌లో ఫిర్యాదు ఇచ్చారని కేసులు పెడుతున్నారని పేర్కొన్నారు. విజయవాడలో తమ కుటుంబానికి సంబంధించిన ఆస్తికి సంబంధించి, ప్రహరీ మరమ్మతుల సందర్భంగా పొరుగువారితో వివాదం తలెత్తిందని, ఆ సమయంలో పోలీసులకు తమ టైటిల్‌ డాక్యుమెంట్లు, లింక్‌ డాక్యుమెంట్లు, ఎన్‌కంబరెన్స్‌ సర్టిఫికెట్లు సమర్పించినప్పటికీ వారి జోక్యం కొనసాగిందన్నారు. ఈ వ్యవహారంపై హైకోర్టును ఆశ్రయించగా, 21 నవంబర్‌ 2025న ‘పోలీసులు జోక్యం చేసుకోవద్దు’ అని కోర్టు ఆదేశించినా వారి వేధింపులు ఆగలేదని వివరించారు. ఈ విషయమై మాజీ ఎమ్మెల్యే వల్లభనేని వంశీ జోక్యం చేసుకుని పోలీసు కమిషనర్‌ను కలిసి వినతిపత్రం సమర్పించారు. విశాఖపట్నంకు చెందిన ఇడుపులపాటి మాధవి.. తాము 2014లో విశాఖపట్నం జిల్లాలోనే 50 ఎకరాల వ్యవసాయ భూమిని కొనుగోలు చేశామని, దానికి 2021–22 మధ్య రైతులు అందరూ రిజిస్ట్రేషన్‌ కూడా చేశారన్నారు. ఈ రిజిస్ట్రేషన్‌ ప్రక్రియలో హైదరాబాద్‌కు చెందిన కొన్ని కంపె నీలతో ఆర్థిక లావాదేవీలు జరిగాయన్నారు. అయితే ఈ భూమికి ఏ మాత్రం సంబంధం లేని వ్యక్తితో కేసు పెట్టించి.. మహిళ అని కూడా చూడకుండా పటమట పోలీసులు అరెస్టు చేయాలని చూశారన్నారు. అది డెప్యూటీ సీఎం బినామీ భూమి అని, 15 రోజుల్లో అప్పగించకుంటే ‘మీ అంతు చూస్తాం’ అంటూ ఏసీపీ స్థాయి అధికారి బెదిరింపులకు పాల్పడ్డారన్నారు. దీనిపై తాము హైకోర్టుకు వెళ్లి స్టే తెచ్చుకున్నప్పటికీ వేధింపులు ఆగలేదన్నారు. ‘మా ఇద్దరు ఆడపిల్లలతో కలిపి లాక్కొని పోతాం. ఎవడొస్తాడో చూస్తామంటూ బెదిరించారు’ అని ఆ మహిళ సాక్షాత్తూ రాష్ట్ర డెప్యూటీ సీఎంకు లేఖ రాసింది. హైదరాబాద్‌లో చిట్టీల వ్యాపారం చేసి నష్టపోయిన నెల్లూరు వాసు, విజయవాడ వచ్చి జీవనం సాగిస్తూ, తమ వ్యాపార భాగస్వామికి ఇవ్వాల్సిన అప్పునకు గాను, కొన్ని స్థిరాస్తులు రాసిచ్చారు. అయినప్పటికీ బలవంతంగా వాసు భార్య గీత నగదులను ప్రైవేటు సంస్థలో పృథ్వీ తాకట్టు పెట్టించగా, అప్పట్లో పోలీసులు వాటిని రికవరీ చేసి ఇప్పించారు. కాగా అలా ఇప్పించిన బంగారాన్ని మళ్లీ తిరిగి ఇవ్వాలంటూ ఏసీపీ దామోదర్‌ ఒత్తిడి చేస్తున్నారంటూ ఈ నెల 18న పటమట పోలీస్‌స్టేషన్‌ ఎదుట దంపతులు ఆత్మహత్యాయత్నం చేశారు.

సైబర్‌ క్రైమ్‌ డీసీపీ కృష్ణప్రసన్న లబ్బీపేట(విజయవాడతూర్పు): సైబర్‌ నేరాల నియంత్రణకు సరికొత్త విప్తవం ఈ–4 అని సైబర్‌ క్రైం డీసీపీ కృష్ణప్రసన్న అన్నారు. విజయవాడ కృష్ణలంక పోలీస్‌స్టేషన్‌ భవనంలో ఏర్పాటు చేసిన సైబర్‌ క్రైమ్‌ కో ఆర్డినేషన్‌ సెంటర్‌లో విజయవంతంగా శిక్షణ పూర్తి చేసుకున్న పోలీస్‌ సిబ్బందికి శుక్రవారం డీసీపీ కృష్ణప్రసన్న సర్టిఫికెట్స్‌ అందచేశారు. అనంతరం డీసీపీ మాట్లాడుతూ ఈ నెల 21 నుంచి 25 వరకూ ఈ సెంటర్‌లో పోలీస్‌ అధికారులు, సిబ్బందికి సైట్రైన్‌ అనే అంశంపై మొట్టమొదటి శిక్షణ ఇచ్చినట్లు తెలిపారు. ఐదు రోజులుగా కొనసాగిన ఈ ఆన్‌లైన్‌ శిక్షణా కార్యక్రమంలో సైబర్‌ నేరాల స్వభావం, డిజిటల్‌ ఫొరెన్సిక్స్‌, సాంకేతిక విచారణలో పాటించాల్సిన వ్యూహాలు, ఆధునిక టూల్స్‌ వినియోగంపై అభ్యర్థులకు క్షేత్రస్థాయి అవగాహన, కేసు స్టడీ, ఫైనల్‌ అసెస్‌ మెంట్‌ మొదలైన వాటిపై సమగ్ర శిక్షణ అందించారు. ఈ కార్యక్రమంలో సైబర్‌ కై మ్‌ డీసీపీ భానుప్రకాష్‌రెడ్డి తదితరులు పాల్గొన్నారు.

సాక్షి, విజయవాడ: గాదె సాయికృష్ణ లాకప్‌డెత్‌ కేసులో సీఐ నాగరాజుకు రెండో ఏజేఎంఎఫ్‌సీ కోర్టు షాక్‌ ఇచ్చింది. డిఫాల్ట్‌ బెయిల్‌ పొందేందుకు నాగరాజు అర్హుడు కాదని కోర్టు తేల్చి చెప్పింది. సిట్‌ అసంపూర్తిగా ఛార్జ్‌షీట్‌ దాఖలు చేసిందని డిఫాల్ట్‌ బెయిల్‌ మంజూరు చేయాలని సీఐ నాగరాజు కోరగా.. బెయిల్‌ పొందేందుకు నాగరాజు అర్హుడు కాదని న్యాయస్థానం స్పష్టం చేసింది. డిఫాల్ట్ బెయిల్‌పై ఇవాళ(శుక్రవారం) కోర్టులో వాదనలు ముగిశాయి. డిఫాల్ట్ బెయిల్ డిస్మిస్ చేస్తూ కోర్టు ఉత్తర్వులిచ్చింది.కాగా, సాయికృష్ణ కస్టోడియల్‌ డెత్‌కు సంబంధించి గురువారం సుప్రీంకోర్టు కీలక వ్యాఖ్యలు చేసింది. దీనికి సంబంధించి హైకోర్టు ముందున్న వ్యాజ్యాలపై తీర్పు వెలువడిన అనంతరం, అవసరమైతే ఈ అంశంపై జోక్యం చేసుకుంటామని జస్టిస్‌ విక్రమ్‌ నాథ్, జస్టిస్‌ అగస్టిన్‌ జార్జ్‌ మసీహ్, జస్టిస్‌ సందీప్‌ మెహతాలతో కూడిన త్రిసభ్య ధర్మాసనం స్పష్టంచేసింది. తదుపరి విచారణను అక్టోబర్‌ 26వ తేదీకి వాయిదా వేసింది. ఈ కేసులో అసలు దోషులు, ఉన్నతాధికారుల పాత్రను తేల్చాలని, దర్యాప్తును సీబీఐకి అప్పగించాలని వైఎస్సార్సీపీ ఎంపీ మద్దిల గురుమూర్తి దాఖలు చేసిన పిటిషన్‌ విచారణ సందర్భంగా ధర్మాసనం తాజా వ్యాఖ్యలు చేసింది.‘ఏపీ హైకోర్టులో ఇప్పటికే ఈ కేసుకు సంబంధించిన న్యాయ ప్రక్రియ ముగింపు దశలో ఉంది. హైకోర్టు తీర్పు వచ్చే వరకు వేచి చూడడం సబబు’ అని వ్యాఖ్యానించింది. అంతక్రితం విచారణ ప్రారంభమైన వెంటనే పిటిషనర్‌ గురుమూర్తి తరఫున సీనియర్‌ న్యాయవాది నిఖిల్‌ గోయల్, న్యాయవాదులు అల్లంకి రమేష్‌, రాళ్ల మమత వాదనలు వినిపిస్తూ, ఈ కేసుకు సంబంధించిన పరిణామాలను ధర్మాసనం దృష్టికి తీసుకొచ్చారు. సాయికృష్ణ కనిపించకపోవడంపై తల్లి దాఖలుచేసిన హెబియస్‌ కార్పస్, అలాగే కేసును సీబీఐకి అప్పగించాలన్న పిటిషన్లు హైకోర్టులో పెండింగ్‌లో ఉన్న సంగతి తెలిసిందే.ఇదీ చదవండి: రైలులో ఎంపీ భార్యకు ‘భయానక’ అనుభవం

సికింద్రాబాద్‌ – కాకినాడ టౌన్‌ మధ్య ప్రత్యేక రైళ్లు రైల్వేస్టేషన్‌(విజయవాడపశ్చిమ): దసరా, దీపావళి, ఛత్‌ పండుగల సందర్భంగా ప్రయాణికుల రద్దీని దృష్టిలో ఉంచుకుని సికింద్రాబాద్‌ – కాకినాడ టౌన్‌ మధ్య ప్రత్యేక రైళ్లు నడపనున్నట్లు విజయవాడ డివిజన్‌ రైల్వే పీఆర్‌ఓ నుస్రత్‌ మండ్రుప్కర్‌ గురువారం ఓ ప్రటకలో తెలిపారు. సికింద్రాబాద్‌ – కాకినాడ టౌన్‌ (07039) అక్టోబర్‌ ఏడు నుంచి నవంబర్‌ 25వ తేదీ వరకు ప్రతి బుధవారం రాత్రి 7.10 గంటలకు సికింద్రాబాద్‌లో బయలుదేరి, మరుసటి రోజు ఉదయం ఎనిమిది గంటలకు కాకినాడ టౌన్‌ చేరుకుంటుంది. తిరుగు ప్రయాణంలో ఈ రైలు (07040) అక్టోబర్‌ ఎనిమిది నుంచి నవంబర్‌ 26వ తేదీ వరకు ప్రతి గురువారం రాత్రి తొమ్మిది గంటలకు కాకినాడ టౌన్‌లో బయలుదేరి, మరుసటి రోజు ఉదయం 8.50 గంటలకు సికింద్రాబాద్‌ చేరుతుంది. రెండు మర్గాల్లో ఈ రైళ్లు చర్లపల్లి, నల్గొండ, మిర్యాలగూడ, విష్ణుపురం, గుంటూరు, విజయవాడ, ఏలూరు, తాడేపల్లిగూడెం, రాజమండ్రి, సామర్లకోట స్టేషన్లలో ఆగుతాయి. రూ.25 లక్షలు పలికిన గణపతి లడ్డూ ప్రసాదంకోనేరుసెంటర్‌(మచిలీపట్నం): మంగినపూడి బీచ్‌ సాగరతీరంలో ఏర్పాటుచేసిన 63 అడుగుల మహాగణపతి విగ్రహం వద్ద లడ్డూ ప్రసాదం వేలంలో రూ.25 లక్షలు పలికింది. తుపాను నేపథ్యంలో కమిటీ నిర్వాహకులు 630 కిలోల లడ్డూ ప్రసాదానికి గురువారం ఆన్‌లైన్‌, ఆఫ్‌లైన్‌లో వేలం నిర్వహించారు. ఆఫ్‌లైన్‌లో మచిలీపట్నం నగరానికి చెందిన పలువురు ప్రముఖులు, ఇతర ప్రాంతాలకు చెందిన అనేక మంది భక్తులు ఆన్‌లైన్‌లో పాల్గొని పోటీపడ్డారు. మచిలీపట్నానికి చెందిన ఎఫ్‌సీఎస్‌ ట్రేడింగ్‌ ప్రైవేట్‌ లిమిటెడ్‌ అధినేత గుమ్మడి భవానీశంకర్‌ రూ.25 లక్షలకు ఆన్‌లైన్‌ వేలంలో స్వామివారి లడ్డూను దక్కించుకున్నారు. భవానీశంకర్‌ దంపతులకు శుక్రవారం స్వామివారి లడ్డూ ప్రసాదాన్ని మంత్రోచ్చరణ నడుమ వేదపండితుల సమక్షంలో అందజేస్తామని కమిటీ సభ్యులు తెలిపారు.

కృష్ణా జిల్లా కలెక్టర్‌ బాలాజీవిమానాశ్రయం(గన్నవరం): విజయవాడ అంతర్జాతీయ విమానాశ్రయం (గన్నవరం)లో చేపట్టిన ఇంటిగ్రేటెడ్‌ టెర్మినల్‌ నిర్మాణాన్ని నిర్ణీత గడువులోపు పూర్తి చేసేందుకు పనులను వేగవంతం చేయాలని కృష్ణా జిల్లా కలెక్టర్‌ డి.కె.బాలాజీ సంబంధిత అధికారులకు సూచించారు. ఈ మేరకు ఇంటిగ్రేటెడ్‌ టెర్మినల్‌ నిర్మాణ పనులను ఆయన గురువారం పరిశీలించారు. నిర్మాణ పనుల పురోగతి, మౌలిక వసతుల కల్పనపై ఎయిర్‌పోర్ట్‌ అధికారులను అడిగి తెలుసుకున్నారు. ఈ సందర్భంగా కలెక్టర్‌ బాలాజీ మాట్లాడుతూ.. ఇంటిగ్రేటెడ్‌ టెర్మినల్‌ నిర్మాణంలో నాణ్యతా ప్రమాణాలను పాటిస్తూ త్వరితగతిన పూర్తిచేయాలని ఆదేశించారు. నిర్మాణ పనుల్లో ఎలాంటి అంతరాయం కలగకుండా చర్యలు తీసుకోవాలని ఈ సందర్భంగా సూచించారు. ఈ టెర్మినల్‌ నిర్మాణం పూర్తయితే ప్రయాణికులకు మెరుగైన సౌకర్యాలు అందుబాటులోకి వస్తాయని పేర్కొన్నారు. ఈ కార్యక్రమంలో ఎయిర్‌పోర్ట్‌ జనరల్‌ మేనేజర్‌ రామాచారి, డైరెక్టర్‌ ఎ. లక్ష్మీకాంత్‌రెడ్డి, గుడివాడ ఆర్డీఓ జి.బాలసుబ్రహ్మణ్యం, గన్నవరం తహసీల్దారు కె.వి.శివయ్య తదితరులు పాల్గొన్నారు.

వాయుగుండం ప్రభావంతో కుండపోత వర్షం ఎన్టీఆర్‌ జిల్లాలో గురువారం ఉదయం 8.30 గంటల నుంచి రాత్రి ఆరు గంటల వరకు 39.88 మిల్లీమీటర్ల వర్షపాతం నమోదైంది. తిరువూరులో అత్యధికంగా 59.4 మిల్లీమీటర్లు, ఇబ్రహీంపట్నం 56.4, విజయవాడ సెంట్రల్‌ 53.2, విజయవాడ వెస్ట్‌ 53.2, రెడ్డిగూడెం 50.2, కంచికచర్ల 47.2, విజయవాడ రూరల్‌ 46.2, విజయవాడ ఈస్ట్‌ 45.2, ఎ.కొండూరు 42.6, విస్సన్నపేట 41.2, విజయవాడ నార్త్‌ 40.6, వీరులపాడు 39.8, గంపలగూడెం 38.2, నందిగామ 36.2, గడ్డమణుగు కొండూరు 32.9, చందర్లపాడు 30.4, మైలవరం 26.4, వత్సవాయి 21.8, జగ్గయ్యపేట 19.6, పెనుగంచిప్రోలులో 17.0 మిల్లీమీటర్ల వర్షపాతం నమోదైంది. గాంధీనగర్‌(విజయవాడసెంట్రల్‌): బంగాళాఖా తంలో ఏర్పడిన తీవ్ర వాయుగుండం ప్రభావంతో ఎన్టీఆర్‌ జిల్లాలో గురువారం కూడా కుండపోతగా వర్షం కురిసింది. ఈ ఏడాది ఖరీఫ్‌లో ఆశించిన స్థాయిలో వర్షం లేదు. సీజన్‌ మొత్తం మీద 45 నుంచి 52 శాతం లోటు వర్షపాతం ఉంది. మెట్ట పైర్లు పూర్తిగా దెబ్బతిన్నాయి. రెండు రోజులుగా కురుస్తున్న వర్షాలకు కట్టలేరు, వైరాయేరు, ఏనుగడ్డ వాగు, ఇతర వాగులు, వంకలు ఉప్పొంగి ప్రవహిస్తున్నాయి. మున్నేరు, బుడమేరులో ఈ ఏడాది తొలి సారిగా స్వల్పంగా వరద నీరు చేరింది. బుడమేరు హెడ్‌ రెగ్యులేటర్‌ వద్ద ఏడు అడుగుల మేర వరద నీరు చేరింది. మెట్ట ప్రాంతాల్లోని పల్లపు పొలాల్లోకి అక్కడక్కడ వర్షపు నీరు నిలిచింది. నిన్న మొన్నటి వరకు విపరీతమైన ఎండలకు వాడిపోయిన పత్తి పైరు, నేడు ఎడతెరిపి లేకుండా కురుస్తున్న వర్షాలకు పూత రాలిపోయి గొడుగులెత్తే ప్రమాదం ఉందని రైతులు ఆందోళన వ్యక్తం చేస్తున్నారు. కలెక్టర్‌ పరిశీలన మూడు రోజుల నుంచి కురుస్తున్న భారీ వర్షాలకు గంపలగూడెం మండలంలోని కట్టలేరు వంతెన ప్రాంతంలో వరద పరవళ్ళు తొక్కుతున్న వంతెన ప్రదేశాన్ని కలెక్టర్‌ జి.లక్ష్మీశ గురువారం పరిశీలించారు. ఈ సందర్భంగా కలెక్టర్‌ మాట్లాడుతూ వరద ప్రభావిత బాధితులను సురక్షిత ప్రాంతాలకు తరలించాలని ఆదేశించారు. కొనిజెర్ల–నెమలి మధ్య నల్లవాగు వరదతో ఉగ్రరూపం దాల్చడంతో దైవ దర్శనానికి ఆటంకం ఏర్పడింది. తిరువూరు మండలం చింతలపాడులో ఈదురుగాలులు, భారీవర్షాలకు ధ్వంసమైన ఇళ్లను కలెక్టర్‌ పరిశీలించి బాధితులను పరామర్శించారు. నేడు విద్యా సంస్థలకు సెలవు భారీ వర్షాల నేపథ్యంలో ఎన్టీఆర్‌ జిల్లాలోని ప్రైవేట్‌, ప్రభుత్వ పాఠశాలలు, కళాశాలలు, అంగన్‌వాడీ కేంద్రాలకు శుక్రవారం కూడా సెలవు ప్రకటిస్తున్నట్లు కలెక్టర్‌ లక్ష్మీశ తెలిపారు. అన్ని విద్యా సంస్థల యాజమాన్యాలు అమలు చేయాలని స్పష్టంచేశారు.

విజయవాడ నగరంలో రెండు రోజులుగా కురుస్తున్న భారీ వర్షాలకు లోతట్టు ప్రాంతాలు, రోడ్లు జలమయమయ్యాయి. రోడ్లపైకి నీరు చేరడంతో రాకపోకలకు అంతరాయం ఏర్పడింది. భవానీ పురం హెచ్‌బీ కాలనీ, ఇందిరా ప్రియదర్శిని కాలనీ రోడ్లలో మోకాలి లోతున నీరుచేరింది. ఆర్టీసీ బస్టాండ్‌ ప్రాంతంలోని రైల్వే బ్రిడ్జి కింద, సుందరయ్య నగర్‌, ఉడా కాలనీ, ఏలూరు రోడ్డులోని బీఎస్‌ఎన్‌ఎల్‌, పాత పిన్నమనేని క్లినిక్‌ రోడ్డు, రామవరప్పాడు, ప్రసాదంపాడు రోడ్లు నీటమునిగాయి. మ్యాన్‌ హోల్స్‌ పొంగిపొర్లుతున్నాయి. పాత ఇళ్లలో ఉండే వారు సురక్షిత ప్రాంతాలకు వెళ్లాలని అధికారులు హెచ్చరికలు జారీ చేశారు. ఎంఐజీలో శ్లాబులు దెబ్బతిన్న ఇళ్లలో నివసించే వారిని వేరే ఇళ్లల్లోకి వెళ్లాలని సూచించారు. గొల్లపూడిలోని బైపాస్‌ రోడ్డులోని ఓ అపార్ట్‌మెంట్‌ సెల్లార్‌ నీటమునిగింది.

సాక్షి, విజయవాడ: ఎన్నికల ముందు సూపర్‌ సిక్స్‌ హామీలు అంటూ చంద్రబాబు సహా కూటమి నాయకులు ఊదరగొట్టారు. అధికారంలోకి వచ్చి రెండున్నరేళ్లు అవుతున్నా చంద్రబాబు ప్రభుత్వం ఆ హామీల్లో ఏ ఒక్కదానినీ పూర్తిస్థాయిలో అమలు చేయడం లేదు. ఆ హామీలపై ప్రశ్నిస్తే అక్రమ కేసులతో భయపెడుతున్నారు. సోషల్‌ మీడియాలో పోస్టు చేసినా కేసులు పెట్టి వేధిస్తున్నారు. అయితే ఇన్‌ఫ్లుయెన్సర్ల పేరిట ప్రజలను మాయ చేసే కుట్రలకు తెరలేపారు. ప్రకృతి వనరులైన ఇసుక, మట్టి, గ్రావెల్‌ను అక్రమంగా తవ్వి తరలిస్తూ కూటమి నేతలు రూ.కోట్లు గడిస్తున్నారు. నిన్నటి వరకు ఐటీడీపీ కార్యకర్తలకు పరోక్షంగా ఆర్థిక లబ్ధి చేకూర్చిన చంద్రబాబు ప్రభుత్వం ఇప్పుడు ప్రభుత్వ పథకాలకు ప్రచారకర్తలంటూ ఇన్‌ఫ్లుయెన్సర్ల జేబులు నింపే చర్యలకు తెగబడింది. ఇన్‌ఫ్లుయెన్సర్ల ఎంప్యానెల్‌మెంట్‌ పాలసీకి బుధవారం జరిగిన కేబినెట్‌ భేటీలో ఆమోదం తెలిపింది. ఏ పథకాన్నీ పూర్తిస్థాయిలో అమలు చేయని ప్రభుత్వం, వాటిని ప్రజల్లోకి తీసుకెళ్లేందుకు సోషల్‌ మీడియా ఇన్‌ఫ్లుయెన్సర్లకు ప్రజాధనం చెల్లించాలన్న నిర్ణయంపై ప్రజాసంఘాలు, మేధావులు, నిరుద్యోగ యువత, మహిళలు భగ్గుమంటున్నారు. సోషల్‌ మీడియాలో ఫాలోవర్ల సంఖ్య ఆధారంగా ఇన్‌ఫ్లుయెన్సర్లను నాలుగు కేటగిరీలుగా విభజించి ఒక్కో వీడియోకు కొంత మొత్తం చెల్లించేలా విధివిధానాలు రూపొందించారు. ప్రచారానికి ఇంత ప్రాధాన్యమా? ప్రభుత్వ పథకాల సమాచారాన్ని ప్రజలకు చేరవేయడం అవసరమే. అందు కోసం ప్రజాధనాన్ని ఇలా ఖర్చు చేస్తారా అని మేధావులు ప్రశ్నిస్తున్నారు. ఏమీ చేయని ప్రభుత్వానికి ప్రత్యేక ప్రచార వ్యవస్థను ఏర్పాటు చేయాల్సిన అవసరం ఏంటని నిలదీస్తున్నారు. నిజంగా ప్రభుత్వం మంచి చేస్తుంటే, సక్రమంగా పథకాలు అందిస్తే, లబ్ధిదారుల అనుభవాలే చాలని పేర్కొంటున్నారు. ప్రజలకు ఏమీ చేయకుండానే, ప్రజల సొమ్ముతో ప్రచారం చేయించేకోవడం ఏమిటని ఎద్దేవాచేస్తున్నారు. హామీల అమలు ఎక్కడ? కొత్త పాలసీ అమలు చేయాలని నిర్ణయించిన నేపథ్యంలో 2024 ఎన్నికల నాటి కూటమి హామీలను ప్రజలు గుర్తు చేసుకుంటున్నారు. ఎన్నికల సమయంలో సూపర్‌ సిక్స్‌లో భాగంగా నిరుద్యోగ యువతకు ఐదేళ్లలో 20 లక్షల ఉద్యోగాలు కల్పిస్తామని, అంత వరకు నెలకు రూ.3 వేల చొప్పున భృతి చెల్లిస్తామని, 18 ఏళ్లు దాటిన ప్రతి మహిళకు నెలకు రూ.1,500 చొప్పున ఆర్థిక సాయం, 50 ఏళ్లు దాటిన మహిళలకు పింఛన్‌ పథకాలు ఏమయ్యాయి బాబూ అంటూ ప్రశ్నిస్తున్నారు. మరో వైపు హామీల అమలుపై ఎవరైనా ప్రశ్నిస్తే కూటమి పెద్దలు కేసులు పెట్టి వేధిస్తున్నారు. తమ అభిప్రాయం చెప్పినా సంక్షేమ పథకాలు నిలిపివేయడం, వారి ఇళ్లకు వెళ్లి భయపెట్టడం వంటి చర్యలకు తెగబడుతున్నారు.

దుర్గగుడిలో ప్రారంభించిన దేవదాయ శాఖ కమిషనర్‌ ఇంద్రకీలాద్రి(విజయవాడపశ్చిమ): రాష్ట్రంలో తొలి సారిగా ఏటీఎం మిషన్‌ ద్వారా భక్తులకు దుర్గమ్మ లడ్డూ ప్రసాదాన్ని అందజేస్తున్నామని దేవదాయ శాఖ కమిషనర్‌ రామచంద్రమోహన్‌ పేర్కొన్నారు. శ్రీదుర్గా మల్లేశ్వర స్వామి వార్ల దేవస్థానంలోని కనకదుర్గనగర్‌ సెంట్రల్‌ సమాచార కేంద్రం వద్ద బుధవారం ప్రసాదాల ఏటీఎం మిషన్‌ను దేవదాయ శాఖ కమిషనర్‌ రామచంద్రమోహన్‌, దుర్గగుడి ఈవో శీనానాయక్‌, చైర్మన్‌ రాధాకృష్ణ ప్రారంభించారు. తొలుత ప్రసాదాల ఏటీఎంవద్ద అమ్మవారి చిత్రపటానికి పూజా కార్యక్రమాలను నిర్వహించారు. అనంతరం కమిషనర్‌ స్వయంగా తన మొబైల్‌ ద్వారా ఆరు లడ్డూల బ్యాక్స్‌ను రూ. 100కు కొనుగోలు చేశారు. పైలెట్‌ ప్రాజెక్టుగా.. రామచంద్రమోహన్‌ మాట్లాడుతూ ప్రసాదం కోసం అధిక సమయం కౌంటర్ల వద్ద వేచి ఉండకుండా త్వరతిగతిన అందించేందుకు రాష్ట్రంలోనే తొలిసారిగా దుర్గగుడిలో డిజిటల్‌ చెల్లింపుల ద్వారా లడ్డూలను కొనుగోలు చేసేందుకు ఈ మిషన్‌ను ఏర్పాటు చేశామన్నారు. సిబ్బంది ప్రమేయం లేకుండా భక్తులు స్వయంగా ఈ మిషన్‌ను ఆపరేట్‌ చేసుకునే వీలు ఉందన్నారు. ప్రస్తుతం పైలెట్‌ ప్రాజెక్టు కింద ఈ మిష న్‌ ఏర్పాటు చేసి పనితీరును పరిశీలిస్తున్నామన్నారు. భక్తుల రద్దీ అధికంగా ఉండే రైల్వేస్టేషన్‌, బస్టాండ్‌, ఎయిర్‌ పోర్టులలో మిషన్లు ఏర్పాటు చేస్తామన్నారు. దళారులను నమ్మి మోసపోవద్దు.. దేవాలయాల్లో దర్శనాలు, సేవా టికెట్ల పేరిట దళారుల ప్రమేయాన్ని ఉపేక్షించేది లేదని రామచంద్రమోహన్‌ సృష్టం చేశారు. దుర్గగుడిలో ఆర్జిత సేవా టికెట్‌ పేరిట నకిలీ టికెట్‌ విక్రయించిన వ్యవహారం తన దృష్టికి వచ్చిందన్నారు. అపరిచిత వ్యక్తులు, మధ్యవర్తులను ఆశ్రయించి పూజా టికెట్లు కొనుగోలు చేసి మోసపోవద్దని హెచ్చరించారు.

సామాన్యుడిపై ధరలఏం కొనాలి.. ఏం తినాలి? సాక్షి, విజయవాడ: రోజంతా కష్టపడితే వచ్చే కూలి.. నెలంతా కష్టపడితే వచ్చే జీతంతో కుటుంబ పోషణ కష్టతరమవుతోంది.. ఇంటి బాడుగ, నిత్యావసరాలకే వచ్చిన అరకొర వేతనం సరిపోతే.. ఇక పిల్లల చదువులు, ఇతరత్రా వాటికి ప్రతి నెలా అప్పు చేయాలి. మరోవైపు ధరలు.. రోజు రోజుకూ మరింత పెరగడమే తప్పా.. తగ్గడమే లేదు. ఉప్పు నుంచి పప్పు వరకు, నూనెలు, బియ్యం, కూరగాయలు, ఉల్లి, వెల్లుల్లి.. ఏది కొనాలన్నా నెలవారీ కుటుంబ బడ్జెట్‌ అంచనాకు మించుతోంది. ఈ ధరల దండయాత్రతో సామాన్య, మధ్యతరగతి ప్రజలు బెంబే లెత్తుతున్నారు. చంద్రబాబు ప్రభుత్వం ధరలను నియంత్రించడంలో పూర్తిగా విఫలమవుతోంది. ప్రతి నెలా భారం తప్పట్లేదు.. రెండు, మూడు నెలల క్రితం వరకు మేలు రకం సన్నబియ్యం కిలో రూ.50 నుంచి రూ.55 మధ్య ఉండేది. గత నాలుగైదురోజుల్లోనే కొన్ని రకాల బియ్యం ధర కేజీ రూ.70 దాటింది. ఈ లెక్కన గమనిస్తే కిలోపై రూ.15 నుంచి రూ.20 వరకు పెరిగింది. నెలకు 20 నుంచి 25 కిలోల బస్తా కొనుగోలు చేసే సామాన్యులపై రూ.400 నుంచి రూ.550 వరకూ అదనపు భారం పడుతోంది. దీనికి తోడు మిల్లర్లు, వ్యాపారులతో కుమ్మకై ్క ధరలు పెంచేస్తున్నారనే ఆరోపణలు బలంగా వినిపిస్తున్నాయి. రైతు బజార్లలో సన్నబియ్యం అందిస్తున్నామని చెబుతున్నా.. వాస్తవంగా రేషన్‌ దుకాణాల్లో పంపిణీ చేసే బియ్యమే విక్రయిస్తుండటంతో ప్రజలు కొనుగోలు చేయట్లేదు. ప్రస్తుతం మార్కెట్లో ఉన్న బియ్యం నిల్వలన్నీ కూడా గతేడాదివే. బియ్యం ధరలు పెరగకుండా నియంత్రిస్తున్నామని తరచూ ప్రభుత్వ పెద్దలు చెబుతున్నా.. వీరి వెనుక కూడా ఎన్టీఆర్‌ జిల్లాలో బియ్యం మాఫియా నడుస్తోందనే ఆరోపణలు గుప్పుమంటున్నాయి. పంచదార, బెల్లం మరింత ప్రియం.. రెండు నెలల కిందట కిలో పంచదార రూ.40 నుంచి రూ.45 మధ్య ఉండేది. ప్రస్తుతం రూ.70 నుంచి రూ.75 వరకు చేరడంతో సామాన్యులు కొనలేక ఆలోచించాల్సిన పరిస్థితి. కొందరు వ్యాపారులు చక్కెరను గౌడౌన్లలో నిల్వ చేసి, కృత్రిమ కొరత సృష్టిస్తున్నారని పలువురు జనరల్‌ స్టోర్లు, బేకరీ నిర్వాహకులు చెబుతున్నారు. మరోవైపు రేషన్‌ దుకాణాల్లో రాయితీపై అందించే పంచదారను డీలర్లే బొక్కేస్తున్నారని, యంత్రంలో శబ్దం రాకుండా సెట్టింగ్స్‌ మార్చుకుని, కార్డుదారుల వేలిముద్రలు వేసుకుని, పంచదార ఇవ్వకుండానే, ఇచ్చినట్లు చూపుతూ కాజేస్తున్నారనే ఆరోపణలు వినిపిస్తున్నాయి. మరోవైపు బెల్లం ధర కూడా పెరిగింది. కొద్దిరోజుల క్రితం కిలో రూ.55 నుంచి రూ.60 మధ్య ఉన్న బెల్లం ప్రస్తుతం రూ.70 నుంచి రూ.80 వరకు ఉంది. ప్యాకింగ్‌ చేసిన బెల్లం అయితే పలు సూపర్‌ మార్కెట్లలో, కొన్ని పేరున్న మార్ట్‌లలో కిలో రూ.90కు విక్రయిస్తున్నారు. ప్రస్తుతం మార్కెట్‌లో అన్నింటి కంటే ఉల్లి, వెల్లుల్లి ధరలు గత నాలుగైదురోజుల్లోనే కిలోపై రూ.10 నుంచి రూ.15 వరకు పెరిగాయి. మహారాష్ట్ర లోని నాసిక్‌, కర్నూలులో ఉల్లి దిగుమతి ఉంటుంది. అయితే ఈసారి తీవ్ర వర్షాభావం కారణంగా దిగుమతి లేదు. ఈ ఏడాది జూలైలో కిలో రూ.20–25 మధ్య ఉన్న ఉల్లి ప్రస్తుతం బహిరంగ మార్కెట్లో, తోపుడు బండ్ల మీద ఏకంగా రూ.80 నుంచి రూ.90 వరకు ఉంటోందని గాంధీనగర్‌ రైతు బజారులో కూరగాయ లు కొనడానికి వచ్చిన పలువురు మహిళలు వాపోయారు. మరోవైపు ప్రభుత్వ పెద్దలు, అధికారులు రైతుబజార్ల ద్వారా రూ.32కే కిలో ఉల్లి అందుబాటులోకి తెస్తామని చెబుతున్నా.. వాస్తవానికి రైతుబజార్లలో ఆ పరిస్థితి లేదు. ప్రభుత్వం తెప్పిస్తున్న ఉల్లి కుళ్లిపోయిన, నాసిరకంగా ఉంటోందని వాపోతున్నారు. నాణ్యమైన ఉల్లిని బ్లాక్‌లో అమ్ముకుంటున్నారనే ఆరోపణలు వినిపిస్తున్నాయి. కిలో ఉల్లి కొంటే 20 శాతం కుళ్లిన గడ్డలే ఉంటున్నాయని మహిళలు వాపోయారు. రెండు నెలల క్రితం కిలో వెల్లుల్లి సుమారు రూ.140 వరకు ఉండగా, ప్రస్తుతం రూ.300 దాటింది. నాణ్యత, గ్రేడింగ్‌ ఆధారంగా కొన్ని దుకాణాల్లో రూ.300కు పైగా కూడా విక్రయిస్తున్నట్లు వినియోగదారులు చెబుతున్నారు. అలాగే కిలో ఎండు మిర్చి ధర రూ.300కు చేరింది. ఇక వంట నూనెల ఽ దరల్లోనూ భారీ పెరుగుదల కనిపిస్తోంది. కొద్ది రోజుల క్రితం బ్రాండెడ్‌ వంట నూనె కిలో రూ.160 నుంచి రూ.170 మధ్య లభించగా.. ప్రస్తుతం రూ.185 నుంచి రూ.210 వరకు చేరింది.

ఇంద్రకీలాద్రి(విజయవాడపశ్చిమ): ఇంద్రకీలాద్రిపై కొలువై ఉన్న శ్రీదుర్గా మల్లేశ్వర స్వామి వార్లకు భక్తులు హుండీల ద్వారా సమర్పించిన కానుకలు, మొక్కుబడులు, ముడుపులను బుధవారం లెక్కించారు. 14 రోజులకు గాను మొత్తం రూ. 2.08కోట్ల మేర ఆదాయం సమకూరినట్లు ఆలయ అధికారులు పేర్కొన్నారు. ఆలయ ప్రాంగణంలోని మహా మండపం ఆరో అంతస్తులో జరిగిన లెక్కింపులో మొత్తం రూ. 2,08,91,285 మేర ఆదాయంతో పాటు 203 గ్రాముల బంగారం, 2.674కిలోల వెండి లభ్యమైనట్లు అధికారులు చెప్పారు. ఇక వివిధ దేశాలకు చెందిన కరెన్సీ యూఎస్‌ఏ డాలర్లు 192, యూఏఈ దిర్హమ్స్‌ 400, ఒమన్‌ బైంసాలు 300, కెనడా డాలర్లు 115, ఇంగ్లాండ్‌ పౌండ్లు 80 లభించినట్లు ఆలయ అధికారులు పేర్కొన్నారు. లెక్కింపును ఈవో శీనానాయక్‌, డీఈవో కిషోర్‌కుమార్‌, ఏసీ రంగారావు, ఏఈవో రమేష్‌బాబు పర్యవేక్షించగా, దేవస్థాన సిబ్బంది, సేవా సిబ్బంది లెక్కింపులో పాల్గొన్నారు. చిలకలపూడి(మచిలీపట్నం): స్వర్ణాంధ్రప్రదేశ్‌ – 2047 లక్ష్యాలకు అనుగుణంగా జిల్లా అభివృద్ధి ప్రణాళికలు రూపొందించాలని కలెక్టర్‌ డీకే బాలాజీ అన్నారు. కలెక్టరేట్‌లోని సమావేశపు హాలులో బుధవారం సమగ్ర అభివృద్ధి ప్రణాళిక రూపకల్పనపై శాఖల వారీగా వర్క్‌షాప్‌ నిర్వహించారు. కలెక్టర్‌ మాట్లాడుతూ జిల్లాలో ఉన్న అవసరాలు, వనరులు, మౌలిక వసతులు, ఉపాధి అవకాశాలు, పారిశ్రామికాభివృద్ధి అంశాలపై సమగ్రంగా ప్రణాళికలు రూపొందించాలన్నారు. జిల్లాలో ఉన్న పోర్టు, ఫిషింగ్‌ హార్బర్‌, ఇమిటేషన్‌ జ్యూవెలరీతో పాటు మల్లవల్లిలోని పారిశ్రామికవాడను సందర్శించి సమాచారం సేకరించాలన్నారు. జిల్లా వ్యవసాయాధికారి జ్యోతిరమణి, ఉద్యానశాఖ అధికారి జ్యోతి, మత్స్యశాఖ అధికారి ఎ. నాగరాజు, మెప్మా పీడీ సాయిబాబు తదితరులు పాల్గొన్నారు. ఆత్కూరు(గన్నవరం): ఉంగుటూరు మండలం ఆత్కూరులోని స్వర్ణభారత్‌ ట్రస్ట్‌ను బుధవారం ఎస్సీ, ఎస్టీ ఎంప్లాయీస్‌ అసోసియేషన్‌ రాష్ట్ర అధ్యక్షుడు దేవరపల్లి సురేష్‌బాబు సందర్శించారు. అక్కడ యువతకు శిక్షణ ఇస్తున్న కార్యక్రమాలను ఆయన పరిశీలించారు. ఆయన మాట్లాడుతూ స్వర్ణభారత్‌ ట్రస్ట్‌లో నిరుద్యోగ యువతి, యువకులకు వృత్తి విద్య కోర్సులో ఉచిత శిక్షణ ఇవ్వడంతో పాటు ఉద్యోగ, ఉపాధి అవకాశాలను కల్పించడం అభినందనీయమన్నారు. ఈ అవకాశాన్ని యువత సద్వినియోగం చేసుకోవాలని కోరారు. మారుతున్న కాలానికి అనుగుణంగా యువత నైపుణ్యాలను కూడా మెరుగు పరుచుకోవాలని సూచించారు. అనంతరం ట్రస్ట్‌ అడ్మినిస్ట్రేటివ్‌ ఆఫీసర్‌ పరదేశిని కలిశారు. విజయవాడలీగల్‌: విజయవాడ సిటీ సివిల్‌ కోర్టులలో న్యాయవాదులుగా నమోదై, ప్రాక్టీస్‌ చేస్తున్న బానావతు వెంకట సాయి నాయక్‌, వన్నపూస సుప్రియ జూనియర్‌ సివిల్‌ జడ్జిలుగా ఎంపికయ్యారు. వీరిరువురు విజయవాడ కోర్టులో ప్రాక్టీస్‌ చేసి, న్యాయమూర్తులుగా ఎంపికవ్వడంపై బెజవాడ బార్‌ అసోసియేషన్‌ హర్షం వ్యక్తం చేసింది. బుధవారం ఇరువురిని బీబీఏ అధ్యక్షుడు విష్ణు భొట్ల లక్ష్మీనారాయణ, బార్‌ కౌన్సిల్‌ సభ్యురాలు రాగి గంగాభవాని, జనరల్‌ సెక్రటరీ వి.కిరణ్‌కుమార్‌, ఇందిర తదితర న్యాయవాదులు సన్మానించారు.

ఎన్టీఆర్‌ జిల్లాగురువారం శ్రీ 24 శ్రీ సెప్టెంబర్‌ శ్రీ 20267నెట్‌వర్క్‌: గణాధిపతుల విగ్రహ నిమజ్జనాలు జిల్లాలో కొనసాగుతున్నాయి. బుధవారం జోరువానలోనూ గ్రామోత్సవాల నడుమ గణనాథులు నిమజ్జనానికి తరలివెళ్లారు.నెట్‌వర్క్‌: జిల్లా వ్యాప్తంగా వీఆర్‌ఏల నిరసనలు కొనసాగుతున్నాయి. ప్రభుత్వానికి మంచి బుద్ధి ప్రసాదించాలని కోరుతూ అంబేడ్కర్‌ విగ్రహానికి బుధవారం వినతి పత్రాలు అందజేశారు.విజయవాడలోని రామవరప్పాడు రింగ్‌ వద్ద జలమయమైన జాతీయ రహదారిపై వాహనదారుల పాట్లుగాంధీనగర్‌(విజయవాడసెంట్రల్‌): భారీ వర్షాల నేపథ్యంలో జిల్లాలోని పరిస్థితులను నిరంతరం పర్యవేక్షిస్తూ అధికారులు, సిబ్బంది పూర్తి అప్రమత్తతతో విధులు నిర్వర్తించాలని కలెక్టర్‌ డాక్టర్‌ జి. లక్ష్మీశ ఆదేశించారు. ప్రజలకు ఎటువంటి ఇబ్బందులు తలెత్తకుండా ముందస్తు జాగ్రత్త చర్యలు చేపట్టాలని, అత్యవసర పరిస్థితుల్లో ప్రజలకు తక్షణ సహాయం అందేలా యంత్రాంగం సమన్వయంతో పనిచేయాలని సూచించారు. భారీ వర్షాల నేపథ్యంలో జిల్లా కలెక్టరేట్‌లో ఏర్పాటు చేసిన కంట్రోల్‌ రూమ్‌ను జిల్లా కలెక్టర్‌ బుధవారం ఆకస్మికంగా తనిఖీ చేశారు. వర్షాల పరిస్థితి, ప్రజల నుంచి ఇప్పటివరకు అందిన ఫిర్యాదులు, వాటిపై అధికారులు తీసుకున్న చర్యల వివరాలను అడిగి తెలుసుకున్నారు. రెండు గంటలకోసారి జిల్లాలో వర్షపాతం వివరాలను నమోదు చేయాలన్నారు. చింతలపాడు(తిరువూరురూరల్‌): చింతలపాడులో బుధవారం ఈదురుగాలులతో కూడిన వర్షం కురవడంతో పలు నివాస గృహాలు ధ్వంసమయ్యాయి. రేకుల ఇళ్లు, పెంకుటిళ్లు దెబ్బతిని ఐదు కుటుంబాలు నిరాశ్రయులయ్యాయి. ఇళ్లపైన వాటర్‌ ట్యాంకులు సైతం గాలికి కొట్టుకుపోయాయి. ఇళ్ల పైకప్పు కూలి ముగ్గురికి గాయాలయ్యాయి. వీరిని తిరువూరు ప్రభుత్వాసుపత్రికి చికిత్స నిమిత్తం తరలించారు. ధ్వంసమైన ఇళ్లను తిరువూరు ఆర్డీఓ ఎ.కుమార్‌ సందర్శించి ఆసుపత్రిలోని బాధితులను పరామర్శించారు. గాంధీనగర్‌(విజయవాడ సెంట్రల్‌): బంగాళాఖాతంలో ఏర్పడ్డ వాయుగుండం తీవ్రవాయుగుండంగా మారడంతో మంగళవారం రాత్రి నుంచి జిల్లాలో ఎడతెరిపి లేని వర్షం కురుస్తోంది. గురువారం కూడా భారీ వర్షాలు కురిసే అవకాశం ఉందని వాతావరణశాఖ అధికారులు ప్రకటించారు. కాగా బుధవారం జిల్లా అంతటా విస్తారంగా వర్షం కురవటంతో ప్రజలు ఇబ్బందులు పడ్డారు. కలెక్టర్‌ డాక్టర్‌ జి. లక్ష్మీశ అధికారులతో మాట్లాడి అప్రమత్తం చేశారు. జనాల అవస్థలు.. తీవ్రవాయుగుండం ప్రభావంతో బుధవారం ఎడతెరిపి లేని వర్షం కురవటంతో జిల్లా వ్యాప్తంగా ప్రజలు ఇబ్బందులు పడ్డారు. బయటకు వెళ్లేందుకు ప్రత్యామ్నాయ ఏర్పాట్లు చేసుకున్నారు. కార్యాలయాలకు వెళ్లే ఉద్యోగులు వానలో తడిసి వెళ్లాల్సి వచ్చింది. విజయవాడలో రోడ్లు జలమయం.. ఎడతెరిపి లేకుండా కురిసిన వర్షానికి విజయ వాడ లోని లోతట్టు ప్రాంతాలు జలమయమయ్యాయి. రోడ్లపై నీరు నిలిచి అక్కడక్కడ ట్రాఫిక్‌కు అంత రాయం ఏర్పడింది. బస్టాండ్‌, రైల్వే అండర్‌ బ్రిడ్జి, బీఎస్‌ఎన్‌ఎల్‌, బెంజి సర్కిల్‌లో నీరు నిలిచాయి. భవానీపురం హెచ్‌బీ కాలనీలో ఓల్డ్‌ ఎంఐజీలో పాత ఇళ్లను ఖాళీ చేయాలని కార్పొరేషన్‌ అధికారులు హెచ్చరికలు జారీ చేశారు. గతంలో పాత ఇళ్ల శ్లాబులు పెచ్చులూడిన ఘటనల నేపథ్యంలో ఇళ్లను ఖాళీ చేసి బంధువుల ఇళ్లకు వెళ్లాలని లేదా పునరావాస కేంద్రాలకు వెళ్లాలని సూచించారు. రైతులకు కాస్త ఊరట.. రెండు రోజుల పాటు జిల్లాలో వర్షాలు కురుస్తాయని వాతావరణశాఖ ప్రకటించిన నేపథ్యంలో రైతులకు కాసింత ఊరట కలిగింది. అయితే గత రెండు నెలలుగా సాగునీరు రైతులకు అందకపోవటంతో ప్రత్యామ్నాయ వనరులు ఉపయోగించి సాగు చేస్తున్నారు. అయితే ఈ వర్షం పంటలు ఎండిపోకుండా ఉపయోగపడుతుందని వ్యవసాయశాఖ అధికారులు చెబుతున్నారు. ఉద్యానపంటలకు సంబంధించి ఈ వర్షం వల్ల ఎటువంటి ప్రమాదం లేదని ఇదే వర్షం మరో రెండు, మూడు రోజులు పాటు కురిస్తే ఇబ్బందులు ఎదురయ్యే అవకాశం ఉందని అధికారులు చెబుతున్నారు. విద్యార్థుల భద్రత నేపథ్యంలో.. వన్‌టౌన్‌(విజయవాడపశ్చిమ): జిల్లాలో భారీ వర్షాల నేపథ్యంలో జిల్లాలోని అన్ని యాజమాన్యాల పరిధిలోని పాఠశాలలు, కళాశాలలు, అంగన్‌వాడీ కేంద్రాలకు గురువారం సెలవు ప్రకటిస్తున్నట్లు జిల్లా కలెక్టర్‌ డాక్టర్‌ జి. లక్ష్మీశ తెలిపారు. జిల్లాలో కొనసాగుతున్న భారీ వర్షాలు, ప్రతికూల వాతావరణ పరిస్థితులను దృష్టిలో ఉంచుకొని, విద్యార్థుల భద్రతను పరిగణనలోకి తీసుకుని సెలవు ప్రకటిస్తున్నామన్నారు.గాంధీనగర్‌(విజయవాడసెంట్రల్‌): ఎన్టీఆర్‌ జిల్లాలో తీవ్రవాయుగుండం ప్రభావంతో బుధవారం ఉదయం 8.30 గంటల నుంచి సాయంత్రం 6 గంటల మధ్య 28.51మిల్లీమీటర్ల సగటు వర్షపాతం నమోదైంది. జిల్లాలో ఎడతెరిపి లేకుండా వర్షం కురుస్తూనే ఉంది. జిల్లాలో అత్యధికంగా తిరువూరు మండలంలో 97.2 మిల్లీమీటర్లు, రెడ్డిగూడెంలో 59.4, విస్సన్నపేటలో 55.8 మిల్లీమీటర్లు, జి. కొండూరులో 35.2, గంపలగూడెంలో 27.4, విజయవాడ ఈస్ట్‌లో 27.4, వీరులపాడులో 26.8, ఎ. కొండూరులో 26.6, విజయవాడ రూరల్‌లో 24.8, విజయవాడ సెంట్రల్‌లో 24.6, విజయవాడ వెస్ట్‌లో 24.6, ఇబ్రహీంపట్నంలో 23.4, విజయవాడ నార్త్‌లో 23.4, మైలవరంలో 22.4, కంచికచర్లలో 16.0 , వత్సవాయిలో 12.8, నందిగామలో 10.8, జగ్గయ్యపేటలో 10.6 పెనుగంచిప్రోలులో 10.6, చందర్లపాడులో 10.4 మిల్లీమీటర్ల వర్షం కురిసింది.మొఘల్రాజపురంలో జలమయమైన రోడ్డుఅచ్చంపేట: పులిచింతల ప్రాజెక్టులో ప్రస్తుత నీటి నిల్వ 27.3726 టీఎంసీలు. ప్రాజెక్టు దిగువకు 400 క్యూసెక్కులు లీకేజీల ద్వారా వెళుతోంది.

విజయవాడ: డీఎస్సీ ధర్నాలో పాల్గొన్న వారిపై ఇటీవల మాచవరం పోలీసులు అక్రమ కేసులు నమోదు చేసిన విషయం తెలిసిందే. 30 మందిని పోలీసులు కోర్టులో ప్రవేశ పెట్టగా 28 మందికి బెయిల్ మంజూరు కాగా, మరో ఇద్దరికి కోర్టు రిమాండ్ విధించింది. బెజవాడ రాజశేఖర్, కలసాని చెన్నారావుకు రిమాండ్ విధించింది కోర్టు.అడ్వకేట్ ఒగ్గు గవాస్కర్ ఈ సందర్భంగా మాట్లాడుతూ.. ‘‘న్యాయం గెలిచింది. వైసీపీ నేతలపై అక్రమ కేసులు పెట్టారు. హత్యాయత్నం, ఎస్సీ ఎస్టీ సెక్షన్లు పెట్టారు. కోర్ట్ ఈ సెక్షన్లు వర్తించవని చెప్పింది. 30 మందిని పోలీసులు అరెస్ట్ చేస్తే 28 మందికి బెయిల్ వచ్చింది. మరో ఇద్దరికి పాత కేసుల నేపథ్యంలో రిమాండ్ వేశారు. ప్రభుత్వం కక్ష సాధింపు చర్యలు మానుకోవాలి. ప్రజలు పడుతున్న ఇబ్బందులపై దృష్టి పెట్టాలి. అడ్వకేట్స్ మీద కూడా కేసులు నమోదు చేస్తున్నారు. రౌడీ షీట్స్ ఓపెన్ చేస్తున్నారు. న్యాయబద్ధంగా కోర్టుల్లో కూటమి కక్ష సాధింపులపై పోరాటం చేస్తాం’’ అని చెప్పారు.వైఎస్సార్‌సీపీ నాయకుడు మద్దూకూరి సాయిబాబు మాట్లాడుతూ... ‘‘అరెస్టులతో భయపెట్టాలని చూస్తున్నారు. ఎందుకు అరెస్ట్ చేసారో కూడా చెప్పకుండా పోలీసులు నందిగామ నుంచి విజయవాడ తీసుకొచ్చారు. శాంతియుత ధర్నా చేస్తే అక్రమ కేసు పెట్టారు. నిన్న అరెస్ట్ చేసిన వాళ్లకు కనీసం ఫుడ్, వాటర్ ఇవ్వలేదు. ప్రభుత్వం అక్రమ కేసులు పెట్టి, అరెస్ట్ లు చేసి బయపెట్టాలని ప్రయత్నం చేస్తుంది. వైఎస్సార్‌సీపీ శ్రేణులు అరెస్టులకు భయపడరు. కోర్టుల్లో న్యాయ పోరాటం చేస్తాం. కూటమి ప్రభుత్వం విధానాలను ప్రజల ముందు పెడతాం’’ అని తెలిపారు. ఏం జరిగింది? ఏపీలో వైఎస్సార్‌సీపీ శ్రేణుల అక్రమ అరెస్టులు కొనసాగుతున్న విషయం విదితమే. తాజాగా, విజయవాడ సెంట్రల్ నియోజకవర్గంలో మళ్లీ అక్రమ అరెస్టులు జరిగాయి. విజయవాడలో జరిగిన డీఎస్సీ ఆందోళనలో పాల్గొన్న మండలంలోని వైఎస్సార్‌సీపీ నాయకులను అరెస్టు చేశారు. అనంతరం విచారణకు విజయవాడ మాచవరం పోలీస్ స్టేషన్ కు తరలించారు. పోలీస్ స్టేషన్‌కు పార్టీ సమన్వయకర్త తన్నీరు నాగేశ్వరావు దీనిపై మాట్లాడుతూ.. అక్రమంగా తమ నాయకులను అరెస్ట్ చేశారంటూ పోలీసుల చర్యలను తప్పు పట్టారు.

సాక్షి, విజయవాడ: విజయవాడ రైల్వేస్టేషన్‌లో వందే భారత్‌ రైలు బోగీలో మంటలు చెలరేగాయి. సీ4 కోచ్‌లో మంటలు వ్యాపించగా దట్టంగా పొగ అలుముకుంది. దీంతో ఒక్కసారిగా ఉలిక్కిపడిన ప్రయాణికులు భయాదోళనలకు గురయ్యారు. వెంటనే బయటకు పరుగులు తీశారు.తక్షణమే రైల్వే సిబ్బంది స్పందించి మంటలను అదుపు చేశారు. పెను ప్రమాదం తప్పడంతో ప్రయాణికులు ఊపిరి పీల్చుకున్నారు. అయితే, ప్రమాదం జరగడానికి కారణాలు విద్యుత్‌ షార్ట్‌ సర్క్యూటా? మరో కారణమా? అన్నదానిపై రైల్వే పోలీసులు దర్యాప్తు చేపట్టారు.ఇదీ చదవండి: ‘అత్యవసరమైతే తప్ప బయటకు రావొద్దు’

చిలకలపూడి(మచిలీపట్నం): జిల్లా పరిషత్‌కు ప్రస్తుత పాలకవర్గం ఎన్నో అభివృద్ధి కార్యక్రమాలు చేపట్టి వన్నె తెచ్చారని మాజీ మంత్రి, వైఎస్సార్‌ సీపీ జిల్లా అధ్యక్షుడు పేర్ని వెంకట్రామయ్య (నాని) అన్నారు. జిల్లా పరిషత్‌ కన్వెన్షన్‌ హాలులో మంగళవారం జెడ్పీటీసీ, ఎంపీపీలతో ఆత్మీయ సమావేశాన్ని నిర్వహించారు. ఐదేళ్లుగా సభ్యులు చేసిన పనులు వారి అనుభవాలు, సలహాలు, సూచనలను అడిగి తెలుసుకున్నారు. అనంతరం మీడియాతో పేర్ని నాని మాట్లాడుతూ జిల్లా పరిషత్‌ చైర్‌పర్సన్‌గా ఉప్పాల హారిక ఎన్నో అభివృద్ధి కార్యక్రమాలు చేపట్టడం అభినందనీయమన్నారు. రెండేళ్లుగా చంద్రబాబు ప్రభుత్వం వచ్చిన తరువాత ఎన్ని అడ్డంకులు సృష్టించినా వెనుకడుగు వేయకుండా ప్రజాసమస్యలు, రైతుల సమస్యలను సమావేశంలో అధికారుల దృష్టికి తీసుకువచ్చి గళం విప్పారన్నారు. ఏకై క మంత్రికి బాధ్యత లేదు.. ఉమ్మడి కృష్ణాజిల్లాకు ఏకై క మంత్రిగా ఉన్న కొల్లు రవీంద్ర రెండు సంవత్సరాల్లో నిర్వహించిన సర్వసభ్య సమావేశానికి ఒక్కసారి మాత్రమే వచ్చారని, వారు రాకపోతే సమస్యలు ఎలా చెప్పుకుంటామని ఓ సభ్యుడు చెప్పిన మాట వాస్తవమేనని పేర్ని నాని అన్నారు. వైఎస్‌ జగన్‌ అసెంబ్లీకి రారని మాట్లాడే కూటమి నాయకులు జిల్లా పరిషత్‌ సర్వసభ్య సమావేశానికి ఎందుకు హాజరుకావటం లేదని అనటం వాస్తవం అనిపించిందన్నారు. మంత్రిగా సభ్యులు అడిగిన ప్రశ్నలకు సమాధానం చెప్పలేకే సమావేశాలకు హాజరుకాలేదని పేర్ని నాని దుయ్యబట్టారు. చైర్‌పర్సన్‌, పాలకవర్గానికి రెండు సంవత్సరాలుగా ఎన్నో అడ్డంకులు సృష్టించారన్నారు. ఒక్క రూపాయి రాకున్నా.. చంద్రబాబు ప్రభుత్వంలో ఉన్న ఎమ్మెల్యేలు రాష్ట్ర ప్రభుత్వం నుంచి ఒక్క రూపాయి కూడా నిధులు తీసుకురాకుండా జెడ్పీ నిధులను వారే తెచ్చినట్లుగా అధికారులను బెదిరించి పబ్బం గడుపుకొనే ప్రయత్నం చేశారని పేర్ని అన్నారు. అయినప్పటికీ సభ్యులు భయపడకుండా వారికి కేటాయించిన నిధులను పనులు పూర్తి చేయటం అభినందనీయమన్నారు. కార్యక్రమంలో ఎమ్మెల్సీ మొండితోక అరుణకుమార్‌, పెడన నియోజకవర్గ ఇన్‌చార్జ్‌ ఉప్పాల రాము, జెడ్పీ వైస్‌ చైర్మన్లు గరికపాటి శ్రీదేవి, గుదిమళ్ల కృష్ణంరాజు పాల్గొన్నారు. అనంతరం జిల్లా పరిషత్‌ పాలకవర్గ సభ్యుల పదవీకాలం గురువారంతో ముగియనుండటంతో చైర్‌ పర్సన్‌ దంపతులతో పాటు జెడ్పీటీసీ, ఎంపీపీలను పేర్ని నాని ఘనంగా సత్కరించారు.

ఏటా ముంపు.. ఏదీ కనువిప్పు డ్రెయిన్లు శుభ్రం చేయకపోవడం వల్లే..విజయవాడ బస్టాండ్‌ సమీపంలోని రైల్వే బ్రిడ్జి కింద ఏరులై పారుతున్న వర్షం నీరు(ఫైల్‌)సాక్షి, విజయవాడ: రాజధాని ప్రాంతానికి ముఖద్వారంగా ఉన్న విజయవాడ అభివృద్ధిపై సీఎం చంద్రబాబు ప్రభుత్వం శీతకన్ను వేసింది. ప్రతి అంశంపై సమీక్షిస్తున్నా అని ప్రచారం చేసుకునే సీఎం.. చిన్నపాటి వర్షానికి చెరువులను తలపించేలా మారుతున్న విజయవాడ రోడ్ల దుస్థితిపై కనీస పర్యవేక్షించడం లేదు. విజయవాడలో మోస్తరు వర్షం కురిసిన నిమిషాల వ్యవధిలోనే డ్రెయిన్లు పొంగిపొర్లుతున్నాయి. ప్రధాన రహదారులు నదులు, చెరువులను తలపిస్తున్నాయి. పాలీక్లినిక్‌ రోడ్డు నుంచి ఏలూరు రోడ్డు వరకు.. బందర్‌ రోడ్డు నుంచి పండిట్‌ నెహ్రూ బస్‌స్టేషన్‌ పరిసరాల వరకు ఎక్కడ చూసినా నీటిముంపు తప్పట్లేదు. ఈ ప్రాంతాల్లో.. ముఖ్యంగా నగరంలోని బస్టాండ్‌ వద్ద, ఎంజీరోడ్డు, బందరురోడ్డు, బీమా జ్యూవెలరీ రోడ్డు, వరమహాలక్ష్మి రోడ్డు, విశాలాంధ్రరోడ్డు, జమ్మిచెట్టురోడ్డు, బెంజిసర్కిల్‌, నిర్మలాకాన్వెంట్‌, సత్యనారాయణపురం, గాంధీనగర్‌లో రోడ్లలో వర్షపునీరు నిలుస్తోంది. ఎంజీరోడ్డులో కొద్దిపాటి వర్షానికే ట్రాఫిక్‌ జామ్‌ అవుతోంది. అలాగే పలు అపార్ట్‌మెంట్‌ సెల్లార్‌లలోకి వర్షపునీరు చేరుతోంది. సాయంత్రం స్కూళ్లు వదిలే సమయాల్లో పరిస్థితి మరింత దుర్భరంగా ఉంటోంది. సత్యనారాయణపురంలోని నర్రవారి వీధిలో ఉన్న ఓ ప్రైవేటు స్కూల్‌ ముందు కొద్దిపాటి వర్షానికే నీరు నిలుస్తుండటంతో విద్యార్థులు ఇళ్లకు వెళ్లడానికి తీవ్ర ఇక్కట్లు పడుతున్నారు. నగరంలో చాలా చోట్ల ఇదే పరిస్థితి. వరమహాలక్ష్మి రోడ్డులో ఇటీవల కురిసిన వర్షాలకు ద్విచక్రవాహనాల్లోకి వర్షపు నీరు చేరి పాడయ్యాయి. ఇటీవల భారీ వర్షాల సమయంలో రైల్వేస్టేషన్‌ సమీపంలోని సబ్‌వేలో ఆర్టీసీ బస్సు నీటిలో చిక్కుకుపోవడం, ప్రయాణికులను, క్రేన్‌తో బస్సును బయటకు తరలించాల్సి వచ్చింది. డ్యాష్‌బోర్డులో వరద కనిపించదా? రాష్ట్రంలోని మారుమూల పల్లెల్లో పగటివేళ బల్బులు వెలిగినా డ్యాష్‌బోర్డులో తనకు కనిపిస్తుందని, ఏ మూలన ఏమి జరిగినా తనకు ఇట్టే తెలిసిపోతుందని చెప్పుకునే సీఎం చంద్రబాబుకు విజయవాడలో వర్షం పడితే రోడ్లు మునిగిపోతున్న దృశ్యాలు డ్యాష్‌బోర్డులో కనిపించవా? అని పలువురు ప్రశ్నలు సంధిస్తున్నారు.రాజధాని అమరావతి మీదే ప్రభుత్వం దృష్టి పెడుతోంది తప్పా రాజధానికి అత్యంత కీలకమైన విజయవాడలో సమస్యలను పరిష్కరించలేకపోతుందనే విమర్శలు వెల్లువెత్తున్నాయి. విజయవాడ సిటీ పరిధిలో ముగ్గురు ఎమ్మెల్యేలు, ఒక ఎంపీ ఉన్నారు. వీరిలో ఏ ఒక్కరూ నగరంలో దీన పరిస్థితులపై నోరెత్తిన పాపాన పోవడం లేదు. అలాగే విజయవాడకు నిత్యం మంత్రులు, ప్రజాప్రతినిధులు, ఉన్నతాధికారుల తాకిడి ఉంటుంది. అయితే చిన్న వర్షం వస్తే మునిగే రోడ్లు, పొంగే డ్రెయిన్లు, నిలిచిపోయే ట్రాఫిక్‌ మాత్రం వారికి పట్టడం లేదు. తాత్కాలిక చర్యలతో సరిపెట్టి మమ అనిపించడం కాకుండా, శాశ్వత డ్రెయినేజీ పరిష్కారం చూపాల్సిన అవసరం ఉంది. వర్షపునీరు రోడ్లపై చేరడం.. అధికారులు రంగంలోకి దిగడం.. యంత్రాలతో నీటిని తోడేయడం.. వర్షం తగ్గగానే సమస్య ముగిసినట్లు భావించడం వల్ల సమస్య పునరావృతమవుతోంది. ఇటీవల కూడా అధికారులు పాలీక్లినిక్‌, బందర్‌ రోడ్డు తదితర ప్రాంతాల్లో నీటిని తొలగించేందుకు ఎయిర్‌టెక్‌ యంత్రాలను వినియోగించారు. కానీ వర్షపు నీరు నిలవకుండా డ్రెయినేజీ వ్యవస్థను శాశ్వతంగా పటిష్టం చేయడంపై దృష్టి సారించడం లేదు. భారీ వర్షాల సమయంలో డ్రెయిన్లు, కాలువల్లో నీటి ప్రవాహానికి అడ్డంకులు సమస్యను మరింత తీవ్రం చేస్తోందనే విషయం అధికారుల పరిశీలనలో వెల్లడైంది. కార్పొరేషన్‌ అధికారులు సైతం పదే పదే ఈ సమస్య తలెత్తతున్నా నిర్లక్ష్యం వీడడం లేదు. రెండేళ్ల కిందటి వరదల సమయంలో నగరవాసులు ఎంత ఇబ్బంది పడ్డారో ఇప్పటికీ కళ్ల ముందు కనిపిస్తున్నాయి.

విజయవాడలీగల్‌: సీనియర్‌ న్యాయవాది, వైఎస్సార్‌ సీపీ ట్రేడ్‌ యూనియన్‌ రాష్ట్ర అధ్యక్షుడు పూనూరు గౌతమ్‌రెడ్డి డీఎస్సీ నియామకాల్లో జరిగిన అవకతవకలకు నిరసనగా చేపట్టిన కార్యక్రమంలో సోమవారం పోలీసులు లాఠీ చార్జి చేశారు. దీంతో గౌతమ్‌రెడ్డికి గాయాలై, స్పృహ తప్పి పడిపోవడంతో నగరంలోని ప్రైవేటు ఆస్పత్రిలో చేర్పించి, వైద్యసేవలు అందిస్తున్నారు. ఆయనపై జరిగిన లాఠీ చార్జిని నిరసిస్తూ వైఎస్సార్‌ సీపీ లీగల్‌సెల్‌ ఆధ్వర్యంలో మంగళవారం న్యాయ వాదులు విధులు బహిష్కరించారు. న్యాయవాదులకు రక్షణ లేకుండా పోయిందని, వెంటనే అడ్వకేట్స్‌ ప్రొటెక్షన్‌ యాక్టును అమలు చేయా లని నినాదాలు చేశారు. వైఎస్సార్‌ సీపీ లీగల్‌సెల్‌ రాష్ట్ర ఉపాధ్యక్షుడు ఒగ్గు గవాస్కర్‌, బీబీఏ ఉపాధ్యక్షులు బండారుపల్లి లెనిన్‌బాబు, రాష్ట్ర జాయింటు సెక్రటరీ నారాయణరెడ్డి, రాష్ట్ర జనరల్‌ సెక్రటరీ సత్యనారాయణరెడ్డి, జిల్లా లీగల్‌సెల్‌ అధ్యక్షులు సాయిరాం, న్యాయవాదులు యక్కంటి పుల్లారెడ్డి, నిర్మల్‌ రాజేష్‌, తంగిరాల సౌమ్య, ఆదాంకుమార్‌, వెంకట ప్రతాప్‌కుమార్‌, గంజి ఉదయ్‌కిరణ్‌, జిల్లా జనరల్‌ సెక్రటరీ చంటిబాబు పాల్గొన్నారు. పనులు వేగవంతం చేయాలి ఎ.కొండూరు: జాతీయ రహదారి–30 విస్తరణ పనులను వేగవంతం చేసి సకాలంలో పూర్తి చేయాలని ఎన్టీఆర్‌ జిల్లా కలెక్టర్‌ లక్ష్మీశ అధికారులను ఆదేశించారు. మంగళవారం తిరువూరు శాసన సభ్యుడు కొలికపూడి శ్రీనివాసరావుతో కలసి ఎ.కొండూరు మండలం రామచంద్రాపురంలో ఆయన రహదారి పనులను పరిశీలించారు. ఈ సందర్భంగా విస్తరణలో ఇళ్ల స్థలాలు కోల్పోతున్న నిర్వాసితులతో మాట్లాడి వారి సమస్యలను అడిగి తెలుసుకున్నారు. గ్రామంలో కిలోమీటరు మేర పనులు నిలిచిపోవడం వల్ల వాహనదారులు, స్థానిక ప్రజలకు తీవ్ర ఇబ్బందులు ఎదుర్కొంటున్నారని పేర్కొన్నారు. నిలిచిపోయిన పనులను త్వరితగతిన పునఃప్రారంభించి పూర్తి చేయడానికి అధికారులు తక్షణ చర్యలు తీసుకోవాలని ఆదేశించారు. ఆర్డీవో ఎ.కుమార్‌, తహసీల్దార్‌ ఉదయభాస్కరరావు పాల్గొన్నారు. నేడు లడ్డూ ఏటీఎం ప్రారంభం ఇంద్రకీలాద్రి(విజయవాడపశ్చిమ): దుర్గమ్మ లడ్డూ ప్రసాదం ఇకపై ఏటీఎం మిషన్‌ ద్వారా భక్తులకు అందుబాటులోకి రానుంది. దేవస్థానంలో తొలి సారిగా లడ్డూ ఏటీఎం మిషన్‌ను కనకదుర్గనగర్‌లోని సెంట్రల్‌ సమాచార కేంద్రంలో ఏర్పాటు చేశారు. ఈ లడ్డూ ఏటీఎం మిషన్‌ను దేవదాయ శాఖ కమిషనర్‌ రామచంద్రమోహన్‌ బుధవారం ప్రారంభించనున్నారు. ఈ ఏటీఎం మిషన్‌ భక్తులకు 24 గంటలు అందుబాటులో ఉంటుంది. భక్తులు లడ్డూలను ఈ మిషన్‌లో వచ్చే క్యూఆర్‌ కోడ్‌ ద్వారా చెల్లింపులు చేసిన తర్వాత లడ్డూలను పొందొచ్చు. 26న విజయవాడలో జాబ్‌ మేళా గాంధీనగర్‌(విజయవాడసెంట్రల్‌): ఆంధ్రప్రదేశ్‌ రాష్ట్ర నైపుణ్యాభివృద్ధి సంస్థ ఆధ్వర్యంలో జిల్లాలోని నిరుద్యోగ యువతకు ఉద్యోగ అవకాశాలు కల్పించే ఉద్దేశంతో సెప్టెంబర్‌ 26వ తేదీ ఉదయం 9.00 గంటలకు విజయవాడ కేబీఎన్‌ కాలేజ్‌లో జాబ్‌ మేళా నిర్వహించనున్నట్లు కలెక్టర్‌ డాక్టర్‌ జి.లక్ష్మీశ తెలిపారు. ఈ జాబ్‌ మేళాలో సుమారు 14 ప్రముఖ కంపెనీలు పాల్గొని వివిధ ఉద్యోగాలకు అభ్యర్థులను ఎంపిక చేయనున్నాయని తెలిపారు. 10వ తరగతి, ఇంటర్మీడియెట్‌, ఐటీఐ, పాలిటెక్నిక్‌, డిగ్రీ, బీటెక్‌, పోస్ట్‌ గ్రాడ్యుయేషన్‌ పూర్తి చేసిన 18 నుంచి 35 ఏళ్ల లోపు యువతీ యువకులు అర్హులని తెలిపారు. ఎంపికైన అభ్యర్థులకు ఉద్యోగాన్ని బట్టి నెలకు రూ.12వేల నుంచి రూ.50వేల వరకు వేతనం, ఇతర సౌకర్యాలతో కూడిన ఉద్యోగ అవకాశాలు లభించనున్నాయని తెలిపారు. మరిన్ని వివరాలకు 9700092606, 9700025833, 8712495530లో సంప్రదించాలని కలెక్టర్‌ కోరారు.

లబ్బీపేట(విజయవాడతూర్పు): మొబైల్‌ ఓటీపీ సేకరణ విధానం ద్వారా జరిగే అన్ని ఆరోగ్య సర్వేలను తక్షణం రద్దు చేయాలని డిమాండ్‌ చేస్తూ ఏపీ ప్రజారోగ్య వైద్య ఉద్యోగుల సంఘం ఆధ్వర్యలో డీఎంహెచ్‌ఓ కార్యాలయం ఎదుట ధర్నా నిర్వహించారు. గత నాలుగు రోజులుగా జరుగుతున్న వరుస ఉద్యమాలలో భాగంగా ఈ రోజు మంగళవారం పాత గవర్నమెంట్‌ ఆస్పత్రి ఆవరణలోని డీఎంహెచ్‌ఓ కార్యాలయం వద్ద నిర్వహించిన ధర్నాల్లో పెద్ద సంఖ్యలో ఏఎన్‌ఎంలు పాల్గొన్నారు. ఈ సందర్భంగా ఏఎన్‌ఎంలపై పని భారాన్ని తగ్గించాలని, ఓటీపీ రహిత సర్వేలను మాత్రమే ప్రభుత్వం తమకు అప్పగించాలని, క్షేత్రస్థాయి సిబ్బందికి ఎఫ్‌ఆర్‌ఎస్‌ హాజరు విధానం నుంచి మినహాయింపును ఇవ్వాలని పెద్ద ఎత్తున నినాదాలు చేశారు. ఈ సందర్భంగా ఏపీ ప్రజారోగ్య వైద్య ఉద్యోగుల సంఘం రాష్ట్ర అధ్యక్షుడు జి. ఆస్కారరావు మట్లాడుతూ అధికారులు తక్షణమే స్పందించి లెప్రసీ సర్వేలో పబ్లిక్‌ నుంచి ఇంటింటికీ, మనిషి మనిషికి ఓటీపీ సేకరించి సర్వే పూర్తి చేయాలన్న షరతును ఉపసంహరించాలని ప్రభుత్వా న్ని హెచ్చరించారు. యూనియన్‌ రాష్ట్ర కార్యనిర్వాహక అధ్యక్షుడు టీడీకే సాగర్‌, జిల్లా నాయకులు కొండపల్లి శ్రీనివాసరావు, ఎ. దుర్గాప్రసాద్‌, ఎంవీవీ సత్యనారాయణ తదితరులు ఉన్నారు.

అవకాశం ఇచ్చిన జగనన్నకు రుణపడి ఉంటా చిలకలపూడి(మచిలీపట్నం): జిల్లా పరిషత్‌ చైర్‌పర్సన్‌గా అవకాశం కల్పించిన మాజీ ముఖ్యమంత్రి వైఎస్‌ జగన్‌మోహన్‌రెడ్డికి రుణపడి ఉంటానని జెడ్పీ చైర్‌పర్సన్‌ ఉప్పాల హారిక అన్నారు. జిల్లా పరిషత్‌ సర్వసభ్య సమావేశం మంగళవారం జెడ్పీ సమావేశ హాలులో నిర్వహించారు. ఈ నెల 24వ తేదీతో జిల్లా పరిషత్‌ చైర్‌పర్సన్‌, పాలకవర్గ కాలపరిమితి ముగియనుండటంతో ఏర్పాటు చేసిన ఈ సమావేశంలో ఆమె మాట్లాడుతూ 1960లో ఏర్పడిన జిల్లా పరిషత్‌కు మొదటి చైర్మన్‌గా యార్లగడ్డ శివరామప్రసాద్‌ పనిచేశారని అనంతరం మాగంటి అంకినీడు, పిన్నమనేని కోటేశ్వరరావు లాంటి ఎంతో మంది ఉద్దండులు ఈ పదవిని అలంకరించారన్నారు. తనతో పాటు పది మంది జిల్లా పరిషత్‌ చైర్మన్లు పనిచేశారని.. వారి ఆశయాలు స్ఫూర్తిగా తీసుకుని, దీటుగా జిల్లా పరిషత్‌ ద్వారా అభివృద్ధి కార్యక్రమాలు చేపట్టగలిగామన్నారు. జిల్లా పరిషత్‌ 25 మండలాలతో పునర్విభజన జరిగిన నేపథ్యంలో ముందుగానే గ్రహించి రూ. 98లక్షలతో సమావేశ హాలును సుందరీకరించి ఆగస్టులో ప్రారంభించామన్నారు. అలాగే 16 మండలాలతో ఏర్పడిన ఎన్టీఆర్‌ జిల్లాలో రూ. 65లక్షలతో సమావేశ మందిరం, చైర్మన్‌, సీఈవోల చాంబర్లతో ఆధునికీకరించి రానున్న పాలకవర్గ సభ్యులకు భవనాలను అందించగలిగామన్నారు. రూ. 360 కోట్లతో అభివృద్ధి పనులు.. తన పదవీ కాలంలో సీపీడబ్ల్యూఎస్‌ స్కీం, 15వ ఆర్థిక సంఘం, జిల్లా పరిషత్‌ సాధారణ నిధులతో సుమారు రూ. 360కోట్లతో ఉమ్మడి కృష్ణాజిల్లాలో పలు అభివృద్ధి పనులు చేపట్టామని హారిక చెప్పారు. మహిళా సాధికారత కోసం మహిళలకు ఉచితంగా కుట్టుమిషన్లలో శిక్షణ ఇప్పించి వారికి మిషన్లు పంపిణీ చేశామన్నారు. అలాగే ఏటాలానే పదో తరగతి ఫలితాల్లో కృష్ణాజిల్లా ముందంజలో ఉండాలనే ఉద్దేశంతో పదో తరగతి విద్యార్థులకు ఉచితంగా స్ఫూర్తి స్టడీ మెటీరియల్‌ను అందజేయటంతో పాటు పరీక్ష సమయంలో వారికి స్టడీ అవర్స్‌ నిర్వహించినప్పుడు స్నాక్స్‌ అందించామన్నారు. ఉద్యోగోన్నతులు, నియామకాలు జిల్లా పరిషత్‌ ఆధ్వర్యంలో విధి నిర్వహణలో మరణించిన వారి కుటుంబ సభ్యులకు 120 మందికి కారుణ్య నియామకాల ద్వారా ఉద్యోగ అవకాశాలతో పాటు సుమారు 200 మందికి వివిధ కేటగిరీల్లో ఉద్యోగులకు పారదర్శకంగా ఉద్యోగోన్నతులు కల్పించామని జెడ్పీ చైర్‌ పర్సన్‌ వివరించారు. 2024–25 ఆర్థిక సంవత్సరానికి జిల్లా పరిషత్‌ నిధులను సమర్థంగా వినియోగించినందుకు న్యూఢిల్లీలో ఐసీఏఐ ప్రతినిధులు బెస్ట్‌ జిల్లా పరిషత్‌గా కృష్ణా జిల్లాను ఎంపిక చేయటంతో ఆ అవార్డును తాను స్వీకరించటం గర్వంగా భావిస్తున్నానన్నారు. జెడ్పీ ఆదాయాల పెంపునకు కృషి.. జిల్లా పరిషత్‌ ఆధ్వర్యంలో ఉన్న ఆస్తుల ద్వారా ఆదాయ వనరులు పెంపొందించేందుకు ప్రత్యేక కృషి చేశామన్నారు. మచిలీ పట్నం, అవనిగడ్డ జెడ్పీ స్థలాల్లో రూ. 3కోట్లతో షాపింగ్‌ కాంప్లెక్స్‌ నిర్మాణం చేసి ప్రారంభించామని హారిక చెప్పారు. అలాగే జెడ్పీ కన్వెన్షన్‌ హాలు ద్వారా సంవత్సరానికి రూ.1.20కోట్లు ఆదాయం వచ్చేలా చర్యలు చేపట్టామన్నారు. అలాగే ఆదాయాన్ని పెంచేందుకు జెడ్పీ స్థలాల్లో పెట్రోల్‌ బంక్‌లు ఏర్పాటు చేసేలా ప్రభుత్వం నుంచి అనుమతి పొందామన్నారు. ఈ ఐదేళ్లలో తనకు అభివృద్ధికి సహకరించిన అధికార యంత్రాంగం, జిల్లా పరిషత్‌ సిబ్బందికి ఆమె కృతజ్ఞతలు తెలిపారు.

ముక్త్యాల(జగ్గయ్యపేట): రాష్ట్రంలో అత్యంత ప్రాధాన్యం కలిగిన వేదాద్రి గ్రామంలోని యోగానంద లక్ష్మీ నరసింహస్వామి వారి లడ్డూ ప్రసాదం నాణ్యత అధ్వానంగా ఉందని దేవదాయశాఖ కమిషనర్‌ కె. రామచంద్రమోహన్‌ ఆగ్రహం వ్యక్తం చేశారు. గ్రామంలోని భవానీ ముక్తేశ్వర స్వామి వారి ఆలయాన్ని మంగళవారం ఆయన సందర్శించారు. ముందుగా ఆలయంలో ప్రత్యేక పూజలు అనంతరం జగ్గయ్యపేటకు చెందిన భక్తుడు వేదాద్రిలోని యోగానంద లక్ష్మీ నరసింహ స్వామి వారి ఆలయ లడ్డూ ప్రసాదం అధ్వానంగా ఉందని కమిషనర్‌ దృష్టికి తీసుకురావటమే కాకుండా లడ్డూ ప్రసాదాన్ని చూపించాడు. రుచి చూసి ఈవో సురేష్‌బాబును లడ్డూ నాణ్యంగా లేదన్నారు. వెంటనే చర్యలు తీసుకోవాలని ఆదేశించారు. అనంతరం ఆయన మాట్లాడుతూ 2028లో జరిగే కృష్ణా పుష్కరాలకు ఇప్పటి నుంచే కృష్ణానది పుష్కర ఘాట్‌లలో చేపట్టాల్సిన అభివృద్ధి పనులపై చర్యలు తీసుకుంటున్నామని తెలిపారు. ముక్త్యాల కోటను సందర్శించారు. జిల్లా ఏసీ లక్ష్మీనారాయణ శెట్టి, పెనుగంచిప్రోలు, తిరుమలగిరి ఆలయాల ఈవోలు లీలాకుమార్‌, సాంబశివరావు, కేసీపీ సంస్థ ప్రతినిధి రాంప్రసాద్‌ పాల్గొన్నారు.

విజయవాడ: వైఎస్సార్‌సీపీ నాయకులపై ప్రభుత్వం దారుణ కుట్ర పన్నింది. విజయవాడ సీపీ రాజశేఖర్ బాబు అసాధారణ ఆదేశాలు ఇచ్చారు. 51 మందిపై రౌడీ షీట్ తెరవాలని ఎస్‌హెచ్‌వోలకు ఆదేశాలు ఇచ్చారు. టీడీపీ ఆఫీసుపై దాడి కేసులో ఉన్న వారందరిపైన రౌడీ షీట్ తెరుస్తూ ఆదేశాలు జారీ చేశారు. డీఎస్సీపై ఉద్యమాన్ని అంగదొక్కేందుకు ప్రభుత్వం కుట్ర పన్నింది. ఐదేళ్ల కిందటి కేసుపై ఇప్పుడు రౌడీ షీట్ తెరవాలంటూ ఆదేశాలు ఇచ్చింది. వైసీపీ ముఖ్య నాయకులపై సైతం రౌడీ షీట్ తెరవాలని ఆదేశాలు వచ్చాయి. జాబితాలో ఎమ్మెల్సీ తలసిల రఘురాం, దేవినేని అవినాష్ సహా 51 మంది పేర్లు ఉన్నాయి.

ఎన్టీఆర్ జిల్లా: ఏపీలో వైఎస్సార్‌సీపీ శ్రేణుల అక్రమ అరెస్టులు కొనసాగుతున్నాయి. విజయవాడ సెంట్రల్ నియోజకవర్గంలో మళ్లీ అక్రమ అరెస్టులు జరిగాయి. విజయవాడలో జరిగిన డీఎస్సీ ఆందోళనలో పాల్గొన్న మండలంలోని వైఎస్సార్‌సీపీ నాయకులను అరెస్టు చేశారు. కాలే పుల్లారావు, మండలి వెంకట సుబ్బారావు, మన్నెం జగదీష్, కురిటి శివను చిల్లకల్లు పోలీసులు అరెస్టు చేశారు. షేక్ నాగుల్ మీరా, సుంకర ఆంజనేయులు, పెద్దిరెడ్డి నరసింహస్వామి, గడ్డం రామకృష్ణ, బైరబోయిన బాబు, బండి ఆంజనేయులును అదుపులోకి తీసుకున్నారు పోలీసులు. వీరిలో బైరబోయిన బాబు, గడ్డం రామకృష్ణ,, బండి ఆంజనేయులును విచారణకు విజయవాడ మాచవరం పోలీస్ స్టేషన్ కు తరలించారు.పోలీస్ స్టేషన్‌కు పార్టీ సమన్వయకర్త తన్నీరు నాగేశ్వరావు చేరుకున్నారు. అక్రమంగా తమ నాయకులను అరెస్ట్ చేశారంటూ పోలీసుల చర్యలను తప్పు పట్టారు. తమ నేతలను అక్రమంగా అరెస్టు చేశారంటూ పోలీస్‌ స్టేషన్‌కు వైఎస్సార్‌సీపీ కార్యకర్తలు భారీగా చేరుకున్నారు. వైఎస్సార్‌సీపీ కార్యకర్తలపై మాచవరం సీఐ లాఠీచార్జ్‌ చేశారు.

విజయవాడ లీగల్‌: రాష్ట్రంలో సంచలనం సృష్టించిన కృష్ణలంకకు చెందిన కాపు యువకుడు గాదె సాయికృష్ణను పోలీసులు అక్రమంగా నిర్బంధించి, తీవ్రంగా కొట్టడం వల్లే మరణించాడని సిట్‌ నిర్ధారించింది. సాయికృష్ణ కస్టోడియల్‌ డెత్‌ కేసులో సిట్‌ అధికారులు సోమవారం 2వ అదనపు జ్యుడీ­షియల్‌ ఫస్ట్‌క్లాస్‌ మేజిస్ట్రేట్ న్యాయస్థానంలో చార్జి­షీటు దాఖలు చేశారు. కృష్ణలంక మాజీ సర్కిల్‌ ఇన్‌స్పెక్టర్‌ ఎస్‌ఎస్‌వీవీ నాగరాజుతో పాటు మొత్తం ఏడుగురు నిందితులపై తీవ్ర ఆరోపణలను నమో­దు చేశారు. పోలీసుల దాడిలోనే సాయికృష్ణ మరణించాడని చార్జిషీటులో పేర్కొన్నారు. సాయికృష్ణ మిస్సింగ్‌ నుంచి మరణం వరకు చోటుచేసుకున్న పరిణామాలను ఇందులో స్పష్టంగా వివరించారు. సాయికృష్ణ తల్లి విజయలక్ష్మి ఆరోపణల తరువాత కృష్ణలంక పోలీసులు వ్యవహరించిన తీరు కూడా చార్జిషిటులో పేర్కొన్నారు. సిట్‌ విచారణాధికారి స్వయంగా హాజరై న్యాయస్థానంలో చార్జిషీటు దాఖలు చేశారు. నాగరాజే ప్రధాన నిందితుడు ఈ కేసులో ప్రధాన నిందితుడు అప్పటి సీఐ నాగరాజు ఆదేశాల మేరకు ఇతర నిందితులు సాక్ష్యా­­లను తారుమారు చేయడంలో ముఖ్యపాత్ర వహించారని పేర్కొన్నారు. నాగరాజు స్నేహి­తుడు, రియల్‌ ఎస్టేట్‌ వ్యాపారి, ఏ–4 నిందితుడు గులివిందుల సురేష్‌ రాణిగారితోటలో పాడుబడ్డ భవనంలో గాదె సాయికృష్ణను చూసినట్టు సురేష్‌ రిమాండ్‌ రిపోర్టులో సిట్‌ అధికారులు పేర్కొన్న సంగతి తెలిసిందే. సాయికృష్ణ మృతదేహాన్ని స్వర్గపురికి తరలించి, అనంతరం రహస్యంగా దహనం చేశారని పేర్కొన్నారు. మృతదేహాన్ని తరలించిన రెండు వాహనాలను సీజ్‌ చేసినట్టు తెలిపారు. శ్మశాన­వాటికలో సాయికృష్ణను దహనం చేసిన ప్రదేశా­న్ని గుర్తించినట్టు చార్జిషీటులో పొందుపరిచారు. సాయికృష్ణ హత్య కేసులో ఇప్పటివరకు పోలీసులు ఏడుగురి ప్రమేయం ఉన్నట్టు పేర్కొంటూ వారి అరెస్టు, కస్టడీలోని అంశాలు, అందుకు సంబంధించిన ఫోరెన్సిక్‌ ఆధారాలు, సాక్షుల వాంగ్మూలాలు, సాంకేతిక ఆధారాలతో చార్జిషిటును విచారణాధికారి న్యాయస్థానంలో సమర్పించారు. పోలీసు స్టేషన్‌లోని సీసీటీవీ ఫుటేజీ, హార్డ్‌ డిస్క్ లను డిలీట్‌ చేశారని, అలాగే సాయికృష్ణ కస్టడీలో ఉన్నప్పుడు తీసుకున్న ఫొటోలను ఫోన్ల నుంచి తొలగించారని సిట్‌ ఆధారాలను సమర్పించింది. సాయికృష్ణ పోలీసు కస్టడీ నుంచి తప్పించుకుని గోవా పారిపోయాడనే తప్పుడు కథనాన్ని సృష్టించేందుకు అతని మొబైల్‌ ఫోన్‌ను గోవా పంపించి డ్రామా ఆడారని దర్యాప్తులో తేలింది. బెయిల్‌పై విచారణ వాయిదా సాయికృష్ణ అదృశ్యం కేసులో రిమాండ్‌లో ఉన్న ఏ–7 నిందితుడు వెంకటరాజు తరఫున న్యాయవాది జి.సాంబశివరావు బెయిల్‌ పిటిషన్‌ దాఖలు చేసిన విషయం విదితమే. న్యాయమూర్తి సెలవులో ఉన్నందున బెయిల్‌ పిటిషన్‌పై ఇరుపక్షాల విచారణ నిమిత్తం 8వ అదనపు జిల్లా కోర్టు న్యాయమూర్తి ఈనెల 23వ తేదీకి వాయిదా వేశారు.

ఇంద్రకీలాద్రి(విజయవాడపశ్చిమ): ప్రత్యేక సేవా టికెట్ల పేరిట నకిలీ టికెట్‌ను రూపొందించి విక్రయించిన సైబర్‌ నేరస్తుడిని అరెస్టు చేసినట్లు సైబర్‌ క్రైం డీసీపీ కృష్ణప్రసన్న తెలిపారు. నగర పోలీస్‌ కమిషనర్‌ కార్యాలయంలో సోమవారం ఏర్పాటు చేసిన సమావేశంలో నిందితుడి వివరాలను డీసీపీ కృష్ణప్రసన్న మీడియాకు వివరించారు. గుంటూరుకు చెందిన వంగల రాజేష్‌ నకిలీ పత్రాలు తయారు చేసి విక్రయిస్తుంటాడు. హైదరాబాద్‌లో రైల్వే ఉద్యోగాలు ఇప్పిస్తానని తెలిసిన వారి నుంచి డబ్బులు వసూలు చేసి మోసానికి పాల్పడిన కేసులో రాజేష్‌ నిందితుడు. గతంలో ఇతనిపై హైదరాబాద్‌లో కేసు నమోదయింది. దసరా ఉత్సవాల ప్రత్యేక ఆర్జిత సేవా టికెట్‌ కావాలని కావలికి చెందిన భక్తురాలు రాజేష్‌తో రూ.3500కు ఒప్పందం కుదుర్చు కుంది. నిందితుడు ఆన్‌లైన్‌లో నమూనా టికెట్‌ ను డౌన్‌లోడ్‌ చేసి, మొబైల్‌ ఎడిటింగ్‌ యాప్‌ను ఉపయోగించి భక్తురాలి పేరు, తేదీలతో నకిలీ టికెట్‌ తయారు చేసి ఆమెకు పంపాడు. అయితే టికెట్‌పై దేవస్థాన ధ్రువీకరణ క్యూఆర్‌ కోడ్‌, అధికారి సంతకం లేకపోవడాన్ని గుర్తించి వెంటనే దేవస్థాన అధికారులకు టికెట్‌ను పంపారు. ఆలయ అధికారులు వెంటనే అప్రమత్తమై సీపీ రాజశేఖరబాబుకు ఫిర్యాదు చేశారు. పోలీసు అధికారులు దర్యాప్తు ప్రారంభించి నిందితుడి జాడను టెక్నికల్‌ ఎనాలసిస్‌ ద్వారా తెలుసుకుని అదుపులోకి తీసుకుని విచారించారు. నిందితుడిని అరెస్టు చేయడంతో పాటు అతని వద్ద నుంచి ల్యాప్‌టాప్‌, మొబైల్‌ ఫోన్‌, ఇతర నకిలీ గుర్తింపు పత్రాలను స్వాధీనం చేసుకున్నట్లు పోలీసులు తెలిపారు. భక్తులు దసరా ఉత్సవాల సేవా, దర్శన టికెట్లను దేవస్థాన అధికారిక కౌంటర్లు, వెబ్‌సైట్‌ ద్వారానే కొనుగోలు చేయాలని సూచించారు. వాట్సాప్‌ ద్వారా ఫార్వర్డ్‌ అయిన టికెట్లు, అనధికార వ్యక్తుల నుంచి టికెట్లు కొనుగోలు చేయవద్దని సూచించారు. అనుమానాస్పద టికెట్లు, ఆఫర్లు కనిపిస్తే వెంటనే దేవస్థాన అధికారులతో పాటు పోలీసులకు ఫిర్యాదు చేయాలని కోరారు. సమావేశంలో ఏసీపీ భానుప్రకాష్‌రెడ్డి, ఎస్‌ఐ రామకృష్ణ పాల్గొన్నారు.

లబ్బీపేట(విజయవాడతూర్పు): G±-tBÆŠ‡ hÌêÏ ´ùÎ‹Ü MýSÑ$-çÙ-¯]lÆó‡-sŒæÌZ ÝùÐ]l$ÐéÆý‡… °Æý‡Ó-íßæ…-_¯]l ï³i-B-ÆŠ‡-G-‹ÜÌZ {ç³fÌS ¯]l$…_ 115 íœÆ>ŧýl$Ë$ A…§éƇ$$. ´ùÎ‹Ü MýSÑ$-çÙ-¯]lÆŠ‡ G‹ÜÒ Æ>f-Ôóæ-Q-Æý‡»êº$ B§ól-Ô>ÌS Ðól$Æý‡MýS$ yîlïÜï³ H½sîæ-G‹Ü E§ýl-Ķæ$-Æ>×ìæ ¿¶æ*, BíÜ¢ ÑÐé-§éË$, ¯]lVýS§ýl$ ÌêÐé-§ól-Ò-ÌSMýS$ çÜ…º…«¨…_ 48, ️¿ê-Æ>Å¿ýæÆý‡¢Ë$, MýS$r$…º MýSÌS-à-ÌSMýS$ çÜ…º…-«¨…_ 6, ÑÑ«§ýl Ððl*Ýë-ÌSOò³ 12, ️Ð]l$-íßæâê çÜ…º…-«¨™èl ¯ólÆ>-ÌSOò³ 6 íœÆ>ŧýl$Ë$ A…§ýl$-MýS$-¯é²Æý‡$. MösêÏr-ÌSOò³ 2, §ö…VýS™èl-¯é-ÌSOò³ 6, C™èlÆý‡ ÑÑ«§ýl çÜÐ]l$-çÜÅ-ÌSOò³ Ð]l$Æø 35 íœÆ>ŧýl$Ë$ Ð]l^éaƇ$$. M>Æý‡Å-{MýS-Ð]l$…ÌZ ç³Ë$-Ð]l#Æý‡$ A«¨-M>-Æý‡$Ë$, íܺ¾…¨ ´ëÌŸY-¯é²Æý‡$.

కృష్ణలంక(విజయవాడతూర్పు): సమాజంలో నేటికీ కొనసాగుతున్న కులవివక్ష, అంటరానితనం, సామాజిక అసమానతలకు నిరసనగా, దళిత కాలనీల సమగ్ర అభివృద్ధి కోసం ఈ నెల 30న విజయవాడలోని ధర్నా చౌక్‌ వద్ద ఉదయం 10 గంటలకు దళిత ఘోష – సామాజిక శంఖారావం మహాధర్నా నిర్వహించనున్నట్లు కేవీపీఎస్‌ రాష్ట్ర ప్రధాన కార్యదర్శి ఆండ్ర మాల్యాద్రి, ఆంధ్రప్రదేశ్‌ వ్యవసాయ కార్మిక సంఘం రాష్ట్ర కోశాధికారి కె.ఆంజనేయులు తెలిపారు. గవర్నర్‌ పేటలోని బాలోత్సవ్‌ భవన్‌లో సోమవారం మహాధర్నా పోస్టర్‌ను ఆవిష్కరించారు. ఈ సందర్భంగా వారు మాట్లాడుతూ దళిత కాలనీల అభివృద్ధికి ప్రభుత్వం ప్రత్యేక కార్యాచరణ ప్రకటించాలని, కుల వివక్ష, అంటరానితనాన్ని పూర్తిగా నిర్మూలించి రాజ్యాంగ హక్కులను పరిరక్షించాలని డిమాండ్‌ చేశారు. ఈ నెల 30న విజయవాడలో జరిగే ఈ మహాధర్నాకు దళిత, వ్యవసాయ, కార్మిక, రైతు, విద్యార్థి, యువజన, మహిళా సంఘాలతో పాటు ప్రజాస్వామికవాదులు, మేధావులు పెద్ద సంఖ్యలో తరలివచ్చి జయప్రదం చేయాలని పిలుపునిచ్చారు. కార్యక్రమంలో సీఐటీయూ రాష్ట్ర ఉపాధ్యక్షురాలు కె.సుబ్బరావమ్మ, రైతు సంఘం రాష్ట్ర ఉపాధ్యక్షుడు వై.కేశవరావు, కౌలు రైతు సంఘం రాష్ట్ర ప్రధాన కార్యదర్శి ఎం.హరిబాబు, వత్తిదారుల సంఘం రాష్ట్ర కో–కన్వీనర్‌ పి.వెంకటరావు తదితరులు పాల్గొన్నారు.

లబ్బీపేట(విజయవాడతూర్పు): ప్రతిష్టాత్మక సంస్థ ఆల్‌ ఇండియా మిల్లీ కౌన్సిల్‌ ఆంధ్రప్రదేశ్‌ నూతన కమిటీ ఏకగ్రీవంగా ఎన్నికై ంది. ఈ నెల 19, 20 తేదీల్లో కర్నూలులో జరిగిన సర్వసభ్య సమావేశంలో రాష్ట్ర అధ్యక్షుడిగా కర్నూలుకు చెందిన మౌలాలా అబ్దుల్‌ ఖదీర్‌ షుయబి, ప్రధాన కార్యదర్శిగా విజయవాడకు చెందిన మునీర్‌ అహ్మద్‌ షేక్‌ ఏకగ్రీవంగా ఎన్నికయ్యారు. ఈ మేరకు సోమవారం మునీర్‌ అహ్మద్‌ మీడియాకు వివరాలు వెల్లడించారు. కర్నూలులో జరిగిన సమావేశంలో మిల్లీ కౌన్సిల్‌ జాతీయ సహాయ కార్యదర్శులు షేక్‌ నిజాముద్దీన్‌, మొహమ్మద్‌ ఆలం ఎన్నికల అధికారులుగా వ్యవహరించినట్లు తెలిపారు. రాష్ట్రంలోని వివిధ జిల్లాల నుంచి పలువురు సభ్యులు హాజరు కాగా, 2026–29 సంవత్సరాలకు గాను నూతన కమిటీని నియమించినట్లు తెలిపారు. దేశంలో హిందూ, ముస్లింల మధ్య ఐక్యత, సోదరభావాన్ని పెంపొందించటం, విద్యా రంగాన్ని బలోపేతం చేయటం, నూరు శాతం అక్షరాస్యత సాధించటమే తమ ప్రధాన లక్ష్యంగా పని చేస్తున్నామని మునీర్‌అహ్మద్‌ షేక్‌ తెలిపారు. యువతలో రాజకీయ చైతన్యం పెంపొందించే దిశగా కృషి చేస్తున్నామన్నారు. చిలకలపూడి(మచిలీపట్నం): జిల్లా పరిషత్‌ సర్వసభ్య సమావేశం మంగళవారం నిర్వహించనున్నట్లు జెడ్పీ ముఖ్య కార్యనిర్వహణాధికారి డాక్ట ర్‌ జె.అరుణ సోమవారం తెలిపారు. జిల్లా పరిషత్‌ చైర్‌పర్సన్‌ ఉప్పాల హారిక అధ్యక్షతన ఈ సమావేశం జరుగుతుందని, ఉమ్మడి కృష్ణాజిల్లా కు సంబంధించిన అధికారులు, జిల్లా పరిషత్‌ సభ్యులు తప్పక హాజరుకావాలని ఆమె కోరారు. అబ్దుల్‌ ఖదీర్‌ షుయబి మునీర్‌ అహ్మద్‌ షేక్‌, రాష్ట్ర ప్రధాన కార్యదర్శి

లబ్బీపేట(విజయవాడతూర్పు): జాతీయ నులి పురుగుల నివారణ దినోత్సవం సందర్భంగా ఈ నెల 25న జిల్లాలోని 18 ఏళ్లలోపు చిన్నారులందరికీ నులిపురుగుల నివారణ మాత్రలు పంపిణీ చేయనున్నట్లు డీఎంహెచ్‌ఓ డాక్టర్‌ ఎ.శ్రావణ్‌బాబు తెలిపారు. కార్యక్రమ పోస్టర్‌ను సోమవారం ఎన్టీఆర్‌ జిల్లా కలెక్టర్‌ జి.లక్ష్మీశ ఆవిష్కరించారు. ఈ సందర్భంగా డాక్టర్‌ ఎ.శ్రావణ్‌బాబు మాట్లాడుతూ జిల్లాలోని 3,125 ప్రభుత్వ, ప్రైవేటు పాఠశాలల్లో కార్యక్రమం నిర్వహిస్తున్నట్లు తెలిపారు. జిల్లాలో 5,05,473 మంది చిన్నారులకు నులిపురుగుల మాత్రలు ఇవ్వనున్నట్లు పేర్కొన్నారు. ఈ నెల 25న మాత్రలు ఇవ్వని చిన్నారులకు అక్టోబరు 5న మ్యాప్‌ అండ్‌ డే నిర్వహిస్తామని తెలిపారు. కార్యక్రమంలో ఆర్‌బీఎస్‌కే అధికారి డాక్టర్‌ మాధవి, డెప్యూటీ డీఎంహెచ్‌ఓ డాక్టర్‌ ఇందమతీదేవి తదితరులు పాల్గొన్నారు.

గాంధీనగర్‌(విజయవాడసెంట్రల్‌): ప్రజా సమస్యల పరిష్కార వేదిక(పీజీఆర్‌ఎస్‌) ద్వారా ప్రజల నుంచి అందే అర్జీల పరిష్కారంలో నిర్లక్ష్యం, జాప్యానికి తావులేదని ఎన్టీఆర్‌ జిల్లా కలెక్టర్‌ లక్ష్మీశ స్పష్టం చేశారు. ప్రజల నుంచి అందే ఫిర్యాదుల పరిష్కారంలో ప్రజా సంతృప్తిని ప్రధాన ప్రామాణికంగా తీసుకుని, గ్రీవెన్స్‌ పరిష్కారంలో జిల్లాను రాష్ట్రంలో ముందంజలో నిలపడానికి అధికారులు సమష్టిగా కృషి చేయాలని సూచించారు. ఎన్టీఆర్‌ జిల్లా కలెక్టరేట్‌లోని శ్రీ పింగళి వెంకయ్య సమావేశ మందిరంలో పీజీఆర్‌ఎస్‌ కార్యక్రమం జరిగింది. కలెక్టర్‌ డాక్టర్‌ జి.లక్ష్మీశ, జేసీ ఇలక్కియ, డీఆర్వో ఎం. లక్ష్మీనరసింహంతో కలిసి ప్రజల నుంచి అర్జీలు స్వీకరించారు. ప్రజల నుంచి అందిన అర్జీని కేవలం రికార్డుల్లో పరిష్కరించినట్లు చూపించడం కాకుండా, అర్జీదారుని సమస్య వాస్తవంగా పరిష్కరించబడిందా? అర్జీదారు ఆ పరిష్కారంతో సంతృప్తి చెందారా? అనే అంశాలే అర్జీ పరిష్కారానికి అసలు గీటురాయిగా ఉండాలని కలెక్టర్‌ స్పష్టం చేశారు. అర్జీ పరిష్కార ప్రక్రియలో అధికారులు కేవలం కార్యాలయాల్లో ఫైళ్లను పరిశీలించి నిర్ణయాలు తీసుకోవడం కాకుండా, అవసరమైన సందర్భాల్లో క్షేత్రస్థాయికి వెళ్లి సమస్యను ప్రత్యక్షంగా పరిశీలించాలని సూచించారు. ఆర్డీవోలు, తహసీల్దార్లు, సర్వేయర్లు తదితర అధికారులు అర్జీలపై సమగ్రంగా విచారణ చేపట్టి, అవసరమైతే సంబంధిత ప్రాంతాలను స్వయంగా సందర్శించాలని కలెక్టర్‌ సూచించారు. అర్జీల పరిష్కారంలో ఎలాంటి జాప్యం, నిర్లక్ష్యం ఉండకూడదని స్పష్టం చేశారు. పోలీసు శాఖలో ఖాళీలను భర్తీ చేయాలి: ఏఐవైఎఫ్‌ పోలీసు శాఖలో ఖాళీగా ఉన్న 11వేల పోస్టులను తక్షణమే భర్తీ చేయాలని ఏఐవైఎఫ్‌ కార్యకర్తలు పీజీఆర్‌ఎస్‌లో కలెక్టర్‌కు అర్జీ ఇచ్చారు. ఎస్సై, కానిస్టేబుల్‌ పోస్టులకు పూర్తి స్థాయి నోటిఫికేషన్‌ ఇవ్వాలని అర్జీ ద్వారా కలెక్టర్‌ను కోరారు. అర్జీ అందజేసిన వారిలో లంకా గోవిందరాజులు, యుగంధర్‌ తదితరులు ఉన్నారు.

గాంధీనగర్‌(విజయవాడసెంట్రల్‌): ఎన్టీఆర్‌ జిల్లాలో ప్రజల భద్రత, సంక్షేమానికి ‘‘ఆపరేషన్‌ త్రిశూల్‌’’ కార్యక్రమాన్ని అమలు చేస్తున్నట్లు కలెక్టర్‌ డాక్టర్‌ జి.లక్ష్మీశ తెలిపారు. కలెక్టరేట్‌లోని పింగళి వెంకయ్య సమావేశ మందిరంలో సోమవారం కలెక్టర్‌ అధ్యక్షతన, సీపీ ఎస్‌.వి.రాజశేఖరబాబుతో కలిసి ఆపరేషన్‌ త్రిశూల్‌ ప్రారంభోత్సవ సమన్వయ సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ ఆపరేషన్‌ త్రిశూల్‌లో డ్రగ్స్‌, మహిళలపై నేరాలు, రోడ్డు ప్రమాదాలపై ప్రధానంగా దృష్టి సారిస్తామన్నారు. డ్రగ్‌ వినియోగదారులను గుర్తించడమే కాకుండా తిరిగి వారు డ్రగ్స్‌ వైపు వెళ్లకుండా చూడటమే లక్ష్యమని స్పష్టం చేశారు. మహిళలకు ప్రమాదకరంగా ఉన్న ప్రాంతాలను గుర్తించి, అవసరమైన చోట విజిబుల్‌ పోలీసింగ్‌, పెట్రోలింగ్‌ పెంపు, వేగవంతమైన స్పందన, రిపీట్‌ అఫెండర్లపై పర్యవేక్షణ వంటి చర్యలు చేపట్టాలని సూచించారు. రోడ్డు ప్రమాదాల్లో ఒక్క ప్రాణాన్ని కూడా కోల్పోకుండా చూడడమే లక్ష్యమన్నారు. ఆపరేషన్‌ త్రిశూల్‌ సమన్వయ కమిటీ కాలపరిమితితో కూడిన కార్యాచరణ ప్రణాళికలను రూపొందించి, ప్రతి నెలా అమలును సమీక్షించాలని కలెక్టర్‌ సూచించారు. సీపీ రాజశేఖర బాబు మాట్లాడుతూ 2024–25, 2025–26 రెండేళ్ల కాలంలో జరిగిన నేరాలపై సమీక్ష చేశారు. అనంతరం త్రిశూల్‌ క్యాంపెయిన్‌ వాల్‌ పోస్టర్‌ను ఆవిష్కరించారు. త్రిశూల్‌ ప్రచార రథాన్ని ప్రారంభించి అధికారులు, సిబ్బందితో కలిసి ర్యాలీలో పాల్గొన్నారు. డీసీపీలు కేజీవీ సరిత, జి. రామకృష్ణ, డీఎంహెచ్‌వో ఎ.శ్రావణ్‌బాబు, ఐసీడీఎస్‌ పీడీ షేక్‌ రుక్సానా బేగం, పోలీస్‌, రవాణా, వైద్య శాఖల అధికారులు, ఈగల్‌, త్రిశూల్‌ టీమ్స్‌ సభ్యులు పాల్గొన్నారు.

ఎన్టీఆర్‌ జిల్లామంగళవారం శ్రీ 22 శ్రీ సెప్టెంబర్‌ శ్రీ 2026ఖాకీల అండతోనిరసన.. విజయవాడలో శాప్‌ కార్యాలయం వద్ద బస్‌ పైకి ఎక్కి నిరసన తెలుపుతున్న వైఎస్సార్‌ సీపీ నేతలు దేవినేని అవినాష్‌, జక్కంపూడి రాజా తదితరులుసాక్షి ప్రతినిధి, విజయవాడ/వన్‌టౌన్‌: రౌడీయిజాన్ని అడ్డుకోవాల్సిన పోలీసులే రౌడీలకు కాపలా కాస్తే.. అది కచ్చితంగా విజయవాడ అవుతుంది. సోమవారం శాప్‌ కార్యాలయం వద్ద యువగళం ప్రతినిధుల పేరుతో గంజాయి, రౌడీ బ్యాచ్‌లు అరాచకం చేస్తుంటే పోలీసులు చోద్యం చూశారు. ఏకంగా పోలీసుల వద్ద లాఠీలు తీసుకుని వైఎస్సార్‌ సీపీ నేతలపై దాడులకు తెగబడితే వారు అడ్డుకునే ప్రయత్నం కూడా చేయకపోవడంతో విజయవాడ పోలీసులు ప్రభుత్వం చేతిలో ఎలా కీలుబొమ్మలుగా మారారో అర్ధమవుతుంది. శాంతియుత నిరసనకు పిలుపు కూటమి ప్రభుత్వం నిర్వహించిన డీఎస్సీలో అడుగడుగున జరిగిన అక్రమాలను సాక్ష్యాధారాలతో సహా వైఎస్సార్‌ సీపీ ఇటీవల బయటపెట్టింది. క్రీడా కోటాలో కేటాయించిన ఉద్యోగాలు పూర్తిగా అవినీతిమయంగా మారిన వైనాన్ని మాజీ ముఖ్యమంత్రి వైఎస్‌ జగన్‌మోహన్‌రెడ్డి పూర్తి సాక్ష్యాలతో మీడియాకు వివరించిన విషయం తెలిసిందే. క్రీడా కోటాలో జరిగిన నియామకాలపై దర్యాప్తు చేయాలని కోరుతూ సోమవారం రెడ్‌సర్కిల్‌ నుంచి విజయవాడ ఎంజీ రోడ్డులోని ఏపీ క్రీడాప్రాధికార సంస్థ (శాప్‌) కార్యాలయం వద్ద శాంతియుత నిరసనకు వైఎస్సార్‌ సీపీ పిలుపునిచ్చింది. ఉమ్మడి కృష్ణా జిల్లానే కాకుండా చుట్టుపక్కల జిల్లాల నుంచి భారీగా యువత, విద్యార్థులు, క్రీడాకారులు విజయవాడలోని శాప్‌ కార్యాలయానికి పోటెత్తారు. నిరసన కార్యక్రమాన్ని అడ్డుకునేందుకు ప్రభుత్వం శతవిధాల ప్రయత్నించింది. నిరసనకు అనుమతి లేదంటూ బెదిరింపులకు పాల్పడింది. వివిధ ప్రాంతాల్లో పార్టీ నేతలను అనేక మందిని పోలీసు స్టేషన్లకు తరలించారు. రౌడీలకు రక్షణగా పోలీసులు ఎక్కడైనా పోలీసులను చూస్తే రౌడీలు, గంజాయిబ్యాచ్‌లు వంద అడుగులు దూరంలోనే పరుగులు తీస్తుంటారు. కానీ ఇందిరాగాంధీ స్టేడియం వద్ద వైఎస్సార్‌ సీపీపై దాడి చేయటానికి టీడీపీ ప్రత్యేకంగా కొంతమంది రౌడీలను, గంజాయి బ్యాచ్‌ను, యువగళం నేతలపేరిట కొందరిని తీసుకొచ్చి దాడులు చేయిస్తున్న క్రమంలో పోలీసులు వారికి రక్షణగా నిలబడ్డారు. టీడీపీ కార్యకర్తలకు ఎలా అనుమతిచ్చారో.. ప్రదర్శనలకు అనుమతి లేదని చెప్పిన పోలీసులు అక్కడ టీడీపీ కార్యకర్తలను ఎలా అనుమతించారో చెప్పాల్సి ఉంటుంది. డీఎస్సీ టీచర్లు కూర్చోవడానికి టెంట్లు, డీజేలకు అనుమతివ్వడం ప్రశ్నార్థకంగా మారింది. బస్‌పైకి ఎక్కి నిరసన స్టేడియం వద్ద పార్టీ శ్రేణులను తరలించటానికి పోలీసులు బస్సులను ఏర్పాటు చేశారు. పోలీసులు పార్టీ నేతలపై లాఠీచార్జ్‌కు ఉపక్రమించటంతో నేతలు జక్కంపూడి రాజా, దేవినేని అవినాష్‌, నాగార్జునయాదవ్‌, పేర్ని కిట్టు, అంజిరెడ్డి తదితరులు బస్సుపైకెక్కి తమ నిరసనను తెలియజేశారు. బస్సును, పైన ఉన్న నేతలను కృష్ణలంక పోలీసుస్టేషన్‌కు తరలించారు. ఎన్ని అడ్డంకులు కల్పించినా..! ఎన్ని అడ్డంకులు కల్పించినా ఎస్సీ సెల్‌ రాష్ట్ర అధ్యక్షుడు సుధాకరబాబు ఒక్కసారిగా తన అనుచరులతో ఎంజీ రోడ్డు మీదకు చేరుకొని అంబేద్కర్‌ విగ్రహం వద్ద నుంచి ఊరేగింపుగా బయలుదేరారు. .ట్రేడ్‌ యూనియన్‌ రాష్ట్ర అధ్యక్షుడు గౌతంరెడ్డి, నేతలు విశ్వనాథ రవి తదితరులు ఎంజీరోడ్డుకు చేరుకొని కలెక్టర్‌ కార్యాలయం నుంచి ఊరేగింపుగా స్టేడియం వద్దకు చేరుకున్నారు. కార్యక్రమంలో మాజీ మంత్రి జోగి రమేష్‌, తిరువూరు ఇన్‌చార్జి నల్లగట్ల స్వామిదాసు, జగ్గయ్యపేట ఇన్‌చార్జి తన్నీరు నాగేశ్వరరావు, నందిగామ ఇన్‌ చార్జి మొండితోక జగన్మోహనరావు, ఎమ్మెల్సీలు ఎండీ రుహుల్లా, అరుణకుమార్‌, మాజీ మేయర్‌ రాయన భాగ్యలక్ష్మి, రాష్ట్ర అధికార ప్రతినిధి వంగవీటి నరేంద్ర, రాష్ట్ర ప్రధాన కార్యదర్శి షేక్‌ ఆసిఫ్‌, రాష్ట్ర అధికార ప్రతినిధి బండి నాగేంద్రపుణ్యశీల, పోతిన మహేష్‌, విద్యార్థ్ధి విభాగం రాష్ట్ర వర్కింగ్‌ ప్రెసిడెంట్‌ ఎ.రవిచంద్ర తదితరులు పాల్గొన్నారు.రౌడీలు, పోలీసుల దాడుల్లో పార్టీ కార్యకర్తలు, నాయకులు, యువకులకు తీవ్రగాయాలయ్యాయి. పోలీసుల లాఠీచార్జ్‌ కారణంగా కొందరు నాయకులు సైతం తీవ్ర అస్వస్థతకు గురయ్యారు. పార్టీ ట్రేడ్‌ యూనియన్‌ రాష్ట్ర అధ్యక్షుడు గౌతంరెడ్డి పోలీసుల తీరుతో తీవ్ర ఒత్తిడికి గురై అపస్మారక స్థితికి చేరుకున్నారు. ఆయనను హుటాహుటిన రమేష్‌ హాస్పటల్‌కు తరలించారు. భవానీపురానికి చెందిన పార్టీ నేత కరీం సైతం తీవ్ర గాయాలపాలు కావటంతో ఆయనను ఆంధ్రా ఆసుపత్రికి తరలించారు. పార్టీ శ్రేణులను అక్కడి నుంచి పంపించివేయడానికి లాఠీచార్జి చేయాలంటూ ఏడీసీపీ గుణ్ణం రామకృష్ణ మైక్‌ తీసుకుని ఆదేశించారు. ఏసీపీలు, సీఐలు, ఎస్‌ఐలను అరుస్తూ ఇష్టానుసారం పార్టీ నేతలపై దాడులకు తెగబడ్డారు. వికలాంగులను సైతం పక్కకు తోసివేయడంతో వారు తీవ్ర ఇబ్బందులెదుర్కొన్నారు. అర్జీల పరిష్కారంలో నిర్లక్ష్యం వద్దుశాప్‌ కార్యాలయం వద్దకు చేరుకున్న వైఎస్సార్‌ సీపీ నేతలు శాంతియుతంగా నిరసన వ్యక్తం చేస్తుంటే ఒక్కసారిగా టీడీపీ రౌడీమూకలు వారిపై తెగబడ్డారు. విచక్షణారహితంగా చేతులతో కుమ్ముతూ భయకంపితులను చేశారు. అంతేకాకుండా పోలీసుల చేతుల్లో ఉన్న లాఠీలను తీసుకొని ఇష్టమొచ్చినట్లుగా పార్టీ నేతలపై దాడి చేసి తీవ్రంగా గాయపరిచారు. అంతే కాకుండా వైఎస్సార్‌ సీపీకి చెందిన వికలాంగుడి వద్ద చేతికర్రలను తీసుకొని వాటితోనూ దాడులకు తెగించారు. అయితే ఇదంతా పోలీసుల సమక్షంలోనే వారి ఆధ్వర్యంలోనే జరిగింది. డీఎస్సీలో ఉద్యోగాలు పొందిన అభ్యర్థులను కొంతమంది టీడీపీ నేతలు ఒక రోజు ముందుగానే నగరానికి తీసుకువచ్చారు. ఆ ముసుగులో వైఎస్సార్‌ సీపీపై తెగబడే విధంగా వ్యవహరించాలంటూ ఆదివారం ఒక ఫంక్షన్‌ హాల్‌లో దిశానిర్దేశం చేశారు. వారితో పాటు పలువురు రౌడీమూకలను సైతం టీడీపీ రంగంలోకి దించింది.

● ఆగ్రహం వ్యక్తం చేసిన రామనపూడి గ్రామ రైతులు గుడివాడరూరల్‌: చంద్రబాబునాయుడు ప్రభుత్వం తమను చులకనగా చూస్తోందని, తమ గురించి పట్టించుకోవటం లేదని రైతులు ఆగ్రహం వ్యక్తం చేశారు. వివరాల్లోకి వెళితే... మండలంలోని రామనపూడి గ్రామంలో సాగునీరు లేక పంట పొలాలు ఎండిపోతున్నాయని సోమవారం సాయంత్రం గ్రామంలోని పంట పొలాల వద్ద రైతులు ఆందోళన చేశారు. ఎండి పోతున్న పంట పొలాలను చూపించి తమను ఆదుకోవాలని ప్రభుత్వాన్ని కోరారు. ఇప్పటికే ఎకరాకు రూ.30 వేలకు పైగా ఖర్చు పెట్టి వరిసాగు చేశామని వాపోయారు. గ్రామానికి చెందిన రైతులు మసిముక్కు సత్యనారాయణ యాదవ్‌, గొరిపర్తి నానీబాలాజీ మాట్లాడుతూ రైతులను ఆదుకునేందుకు ప్రభుత్వం వెంటనే ఎకరాకు రూ.25వేలు నష్టపరిహారం ప్రకటించాలని, లేనిపక్షంలో పోరాటం తప్పదని హెచ్చరించారు. ఈ కార్యక్రమంలో గ్రామానికి చెందిన పలువురు రైతులు పాల్గొన్నారు.

గాంధీనగర్‌(విజయవాడసెంట్రల్‌): జిల్లా మహిళాభివృద్ధి, శిశు సంక్షేమ శాఖ ఆధ్వర్యంలోని ప్రత్యేక దత్తత సంస్థ శిశు గృహం సంరక్షణలో ఉన్న ఇద్దరు బాలికలకు సోమవారం కలెక్టర్‌ డాక్టర్‌ జి.లక్ష్మీశ ఆధ్వర్యంలో చట్టబద్ధమైన దత్తత ప్రక్రియను చేపట్టారు. ఇందులో భాగంగా బాలికల గుర్తింపు వివరాలు, దత్తత తల్లిదండ్రుల ఆధార్‌ కార్డులు, సంబంధిత ధ్రువపత్రాలు, పత్రికా ప్రకటన, ఇతర అవసరమైన రికార్డులను పరిశీలించారు. దత్తత ప్రక్రియలో అన్ని చట్టపరమైన నిబంధనలు, నిర్దేశిత విధానాలను తప్పనిసరిగా పాటించాలని కలెక్టర్‌ అధికారులకు సూచించారు. బాలికల ప్రస్తుత ఆరోగ్య పరిస్థితి, నిర్వహించిన వైద్య పరీక్షలు, ఆరోగ్య రికార్డులపై కలెక్టర్‌ అధికారులను అడిగి తెలుసుకున్నారు. బాలికల ఆరోగ్యానికి సంబంధించిన పూర్తి వివరాలను దత్తత తల్లిదండ్రులకు తెలియజేయాలని సూచించారు. బాలికలను ప్రేమతో, బాధ్యతతో పెంచాలి దత్తత పొందిన తల్లిదండ్రులతో మాట్లాడిన కలెక్టర్‌ బాలికలను ప్రేమతో, బాధ్యతతో పెంచాలని వారికి సూచించారు. వారి ఆరోగ్యం, పోషణ, విద్య, భద్రత, సంక్షేమం, సమగ్ర అభివృద్ధికి అవసరమైన అన్ని జాగ్రత్తలు తీసుకోవాలన్నారు. బాలికలకు సురక్షితమైన, ప్రేమపూర్వకమైన కుటుంబ వాతావరణాన్ని కల్పించాలని సూచించారు. దత్తత అనంతరం బాలికలకు కన్నబిడ్డతో సమానంగా హక్కులు, బాధ్యతలు, కుటుంబ సౌకర్యాలు కల్పించాల్సి ఉంటుందని తెలిపారు. కార్యక్రమంలో ఐసీడీఎస్‌ ప్రాజెక్ట్‌ డైరెక్టర్‌ షేక్‌ రుక్సానా సుల్తానా బేగం, జిల్లా బాలల పరిరక్షణ అధికారి ఎం.రాజేశ్వరరావు, లీగల్‌ ఆఫీసర్‌ కిరణ్‌ కుమార్‌, శిశు గృహ మేనేజర్‌ దీపిక, సోషల్‌ వర్కర్‌ అరుణ తదితరులు పాల్గొన్నారు. ఎన్టీఆర్‌ జిల్లా కలెక్టర్‌ లక్ష్మీశ

మొగల్రాజపురం(విజయవాడ తూర్పు): ఆంధ్ర ప్రదేశ్‌ క్రీడా ప్రాధికార సంస్థ (శాప్‌) కార్యాలయం సోమవారం టీడీపీ కార్యాలయంగా మారింది. డీఎస్సీ–2025లో జరిగిన అక్రమాలను శాప్‌ అధికారులకు వివరించి వారి నుంచి సమాధానం రాబట్టేందుకు వైఎస్సార్‌ సీపీ చేపట్టిన శాంతియుత ర్యాలీ, అనంతరం శాప్‌ అధికారులకు వినతిపత్రం అందజేసే కార్యక్రమాన్ని అడ్డుకోవడానికి శాప్‌ చైర్మన్‌ రవినాయుడు ఈ విధంగా ప్రభుత్వ కార్యాలయాన్ని పార్టీ కార్యాలయంగా మార్చివేశారు. శాప్‌ కార్యాలయం ఆవరణలోనే షామియానాలు, కుర్చీలు వేసి యువగళం సభ్యులను, అదేవిధంగా డీఎస్సీ–2025 ఉపాధ్యాయులను మోహరించారు. శాప్‌ చైర్మన్‌ అనుసరించిన తీరుతో ఆ ప్రాంతం రణరంగంగా మారింది. కుట్ర జరిగిన తీరుతెన్నులిలా... విద్యాశాఖా మంత్రి లోకేష్‌ మెప్పు పొందేందుకు శాప్‌ చైర్మన్‌ రవినాయుడు డీఎస్సీ–2025లో ఉద్యోగాలు పొందిన వారితో నగరంలో ఆదివారం ప్రత్యేకంగా రౌండ్‌టేబుల్‌ సమావేశం నిర్వహించారు. సమావేశం అనంతరం వారికి భోజనాలు, రాత్రికి బస ఏర్పాటు చేసి నగరంలోనే ఉంచారు. సోమవారం ఉదయం వారందరినీ బస్సులు, కారుల్లో వారు బస చేసిన హోటల్‌ నుంచి ఇందిరాగాంధీ మున్సిపల్‌ స్టేడియం ఆవరణలోని శాప్‌ కార్యాలయానికి తీసుకువచ్చారు. కార్యాలయ ఆవరణలోనే షామియానాలు, కుర్చీ లు, డీజే స్థాయిలో మైక్‌సెట్‌ ఏర్పాటు చేశారు. నగరంలో సెక్షన్‌ 30 అమలులో ఉందని అందు వల్ల వైఎస్సార్‌ సీపీ నాయకులు చేపట్టిన శాంతియుత ర్యాలీకి అనుమతి ఇవ్వలేమని ప్రకటించిన పోలీస్‌ శాఖకు శాప్‌ కార్యాలయం ఆవరణలో జరుగుతున్న ఈ వ్యవహారం పాపం... వారి కంటికి కనిపించలేదో... లేదా టీడీపీ వారికి పోలీస్‌ శాఖ విధించిన సెక్షన్‌ 30 నుంచి మినహాయింపు ఉందా అనే సందేహం కలుగుతోంది. ‘శాప్‌’ పరువును క్లీన్‌బౌల్డ్‌ చేసిన చైర్మన్‌ రవినాయుడు తీరు క్రీడాకారులకు, క్రీడా సంఘాలకు అందుబాటులో ఉండాల్సిన శాప్‌ కార్యాలయాన్ని టీడీపీ కార్యాలయంగా మార్చి శాప్‌ పరువును చైర్మన్‌ రవి నాయుడు రోడ్డున పడేశాడనే (క్లీన్‌ బౌల్డ్‌) అభిప్రాయం ఇప్పటికే క్రీడాకారుల్లో వినిపిస్తోంది. శాప్‌ కార్యాలయం ఆవరణలో సోమవారం జరిగిన పరిణామాలు ఈ అభిప్రాయానికి మరింత బలాన్ని చేకూర్చాయి. శాప్‌ కార్యాలయం ఆవరణలో డీఎస్సీ అభ్యర్థులతో ఆందోళన చేయించడమే కాకుండా వైఎస్సార్‌ సీపీ శాంతియుతంగా చేపట్టిన కార్యక్రమంపైకి టీడీపీ యువగళం సభ్యులను పంపి దాడి చేయించడం ఇందుకు నిదర్శనం. టీడీపీ యువత విభాగం రాష్ట్ర ప్రధాన కార్యదర్శి పుల్లగూర సాయి చరణ్‌, తెలుగుదేశం పార్టీ ఎస్సీ విభాగం జిల్లా అధ్యక్షుడు సొంగా సంజయ్‌, శాప్‌ డైరెక్టర్‌ సంతోష్‌తో పాటుగా యువగళం ప్రతినిధులు శాప్‌ కార్యాలయం ఆవరణలోనే ఉండి డీఎస్సీ–2025 టీచర్లకు డైరెక్షన్‌ ఇవ్వడం గమనార్హం. వెనక్కు తగ్గని వైఎస్సార్‌ సీపీ శ్రేణులు డీఎస్సీ–2025 ఉపాధ్యాయుల ముసుగులో టీడీపీ గూండాలు బందరు రోడ్డుపై శాంతి యుతంగా నిరసన చేస్తున్న వైఎస్సార్‌ సీపీ నాయకులపై కర్రలతో దాడులు, వాటర్‌ బాటిల్స్‌ విసురుతూ, జగన్‌ను విమర్శిస్తూ నినాదాలు ఇస్తున్నా వైఎస్సార్‌ సీపీ శ్రేణులు మాత్రం శాంతియుతంగానే సమాధానం చెప్పారు. ఉదయం 10 గంటలకు మొదలైన నిరసన కార్యక్రమం మధ్యాహ్నం 1 గంట వరకు జరిగింది. ఉమ్మడి కృష్ణా, ఉమ్మడి గుంటూరు జిల్లాల నుంచి అధిక సంఖ్యలో నాయకులు, కార్యకర్తలు పాల్గొన్నారు. ఏ ఒక్క వైఎస్సార్‌ సీపీ నాయకుడు, కార్యకర్త టీడీపీ గూండాల దాడులకు వెనక్కు తగ్గకుండా కార్యక్రమం పూర్తయ్యేంత వరకు అక్కడే ఉన్నారు. డీఎస్సీ–2025 అక్రమాలపై సీబీఐ విచారణ జరిపించాలని, విద్యాశాఖా మంత్రి నారా లోకేష్‌ రాజీనామా చేయాలంటూ ప్లకార్డులను ప్రదర్శించారు. ఆ నాలుగు ఎల్లో చానల్స్‌కే అనుమతి శాప్‌ కార్యాలయం ఆవరణలో డీఎస్సీ ఉపాధ్యాయులతో మాట్లాడేందుకు ఎవరినీ వారి దగ్గరకు అనుమతించలేదు. కేవలం ఎల్లో చానల్స్‌గా పేరు పొందిన ఆ నాలుగు చానల్స్‌ ప్రతినిధులను మాత్రమే పోలీసులు లోపలకు అనుమతించారు. మిగిలిన చానల్స్‌ ప్రతినిధులు రోడ్డుపైనే నిలబడాల్సిన పరిస్థితి. డీఎస్సీ ఉపాధ్యాయులకు ప్రత్యేకంగా బ్యాడ్జీలను తయారు చేయించారు. ఆ బ్యాడ్జీలు ఉన్న వారిని మాత్రమే లోపలకు అనుమతించారు. శాప్‌ కార్యాలయం గేటు లోపల డీఎస్సీ ఉపాధ్యాయులు, గేటు బయట వైఎస్సార్‌ సీపీ శ్రేణులు ర్యాలీగా వస్తున్న వైఎస్సార్‌ సీపీ వికలాంగ విభాగం నాయకులు

విజయవాడ: డీఎస్సీలో జరిగిన అక్రమాలపై తమ పార్టీకి చెందిన శ్రేణులు శాంతియుతంగా నిరసన చేస్తుంటే టీడీపీ శ్రేణులు దాడులు చేశాయని వైఎస్సార్‌సీపీ నేత, మాజీ ఎంపీ నందిగం సురేష్‌ ధ్వజమెత్తారు. పోలీసులతో కలిసి టీడీపీ గూండాలు.. వైఎస్సార్‌సీపీ శ్రేణులు దాడులకు పాల్పడ్డారని మండిపడ్డారు. అరెస్టు చేసిన తమ నేతను విడుదల చేయాలని.. కృష్ణలంక పోలీస్ స్టేషన్ వద్ద.. వైఎస్సార్‌సీపీ శ్రేణులతో కలిసి నిరసన వ్యక్తం చేశారు సురేష్‌. దీనిలో భాగంగా ఆయన మీడియాతో మాట్లాడుతూ..డీఎస్సీలో జరిగిన అవకతవకలపై రాష్ట్రం అతలాకుతలం అవుతుంటే.. అందుకు ప్రభుత్వం సమాధానం చెప్పాల్సిన అవసరం లేదా? అని ప్రశ్నించారు. స్సోర్ట్స్‌ కోటాలో జరిగిన అక్రమాలపై మంత్రి నారా లోకేష్‌ రాజీనామా చేయాలని నందిగం సురేష్‌ డిమాండ్‌ చేశారు. తమ పార్టీ శ్రేణులు శాంతియుతంగా నిరసన చేస్తుంటే నిరసన తెలియజేయకుండానే, అరెస్టులు చేసి ఇబ్బందులకు గురి చేస్తున్నారని ఆగ్రహం వ్యక్తం చేశారు. ప్రశ్నించిన వారి గొంతు నొక్కటం దాడులు చేయించడం మంచిది పద్ధతి కాదన్నారు. అధికారం ఎవరికి శాశ్వతం కాదనే విషయం గుర్తించుకుంటే మంచిదని కూటమి ప్రభుత్వాన్ని హెచ్చరించారు. ఇదీ చదవండి: వెన్నుపోటు పార్టీ కూటమి ప్రభుత్వం బరితెగింపు

విజయవాడ: డీఎస్సీ– 2025 నియామకాల్లో అక్రమాలపై సీబీఐ విచారణకు ఆదేశించాలని డిమాండ్‌ చేస్తూ వైఎస్సార్‌సీపీ చేపట్టిన పోరుబాటను అడ్డుకునేందుకు ప్రభుత్వం పోలీసు ఆంక్షలను ప్రయోగించింది. మరోవైపు శాప్‌ కార్యాలయం వద్ద వైఎస్సార్‌సీపీ శ్రేణులపై టీడీపీ వర్గాలు కర్రలు, రాళ్లతో దాడులకు పాల్పడ్డాయి. విజయవాడ శాప్‌ కార్యాలయం వద్ద శాంతియుతంగా ధర్నా చేసేందుకు వచ్చిన నాయకులు, కార్యకర్తలను ఎక్కడికక్కడ అడ్డుకోవడం, హౌస్‌ అరెస్టులు, అరెస్టులకు పాల్పడటంతో పాటు భారీగా పోలీసులను మోహరించారు. అయినా ఆంక్షలను లెక్కచేయకుండా వైఎస్సార్‌సీపీ శ్రేణులు శాప్‌ కార్యాలయం వద్దకు చేరుకుని డీఎస్సీ స్పోర్ట్స్‌ కోటా నియామకాలపై సీబీఐ విచారణ జరిపించాలని నినదించారు. పోలీసుల లాఠీచార్జిలో సొమ్మసిల్లి పడిపోయిన గౌతమ్ రెడ్డి.. ఆస్పత్రిలో చికిత్సశాప్‌ కార్యాలయం వద్ద నిరసన చేస్తున్న వైఎస్సార్‌సీపీ కార్యకర్తలపై పోలీసులు లాఠీచార్జ్‌ చేశారు. ఈ క్రమంలో పలువురు గాయపడగా గౌతంరెడ్డి సొమ్మసిల్లి కిందపడిపోయారని పార్టీ నేతలు పేర్కొన్నారు. మరోవైపు టీడీపీ శ్రేణులు కర్రలు, రాళ్లతో దాడులకు దిగినా పోలీసులు అడ్డుకోలేదని ఆరోపించారు. డీఎస్సీ స్పోర్ట్స్‌ కోటా నియామకాలపై సీబీఐ విచారణ జరిపించి వాస్తవాలను వెలుగులోకి తేవాలని, అర్హులైన అభ్యర్థులకు న్యాయం చేయాలని వైఎస్సార్‌సీపీ నేతలు డిమాండ్‌ చేశారు.వైఎస్సార్‌సీపీ ఆధ్వ‌ర్యంలో విజ‌య‌వాడ‌ లోని శాప్ కార్యాల‌యం వ‌ద్ద శాంతియుత నిర‌స‌న‌. కార్య‌క్ర‌మంలో మాజీ మంత్రులు మేరుగు నాగార్జున‌, వెలంప‌ల్లి శ్రీ‌నివాస‌రావు, ఎమ్మెల్సీలు లేళ్ల అప్పిరెడ్డి, చంద్ర‌శేఖ‌ర్‌ రెడ్డి, మొండితోక అరుణ్ కుమార్, రమేష్ యాదవ్, వ‌రుదు క‌ళ్యాణి, ఇశ్రాయేలు, మాజీ ఎమ్మెల్యేలు టీజేఆర్ సుధాక‌ర్‌ బాబు, మ‌ల్లాది విష్ణు, గోపిరెడ్డి శ్రీ‌నివాస‌రెడ్డి, బొల్లా బ్ర‌హ్మ‌నాయుడు, న‌ల్ల‌గ‌ట్ల స్వామిదాస్‌, ఎన్టీఆర్ జిల్లా పార్టీ అధ్య‌క్షుడు దేవినేని అవినాష్‌, యువ‌జ‌న విభాగం రాష్ట్ర అధ్య‌క్షుడు జ‌క్కంపూడి రాజా, వ‌ర్కింగ్ ప్రెసిడెంట్ పేర్ని కిట్టు, విద్యార్ధి విభాగం అధ్య‌క్షుడు పానుగంటి చైత‌న్య‌, వ‌ర్కింగ్ ప్రెసిడెంట్ ర‌విచంద్ర‌, రాష్ట్ర అధికార ప్ర‌తినిధులు నాగార్జున యాదవ్‌, ఆరె శ్యామ‌ల‌, పూనూరు గౌతంరెడ్డి, పోతిన మ‌హేష్‌, కాక‌మాను రాజ‌శేఖ‌ర్‌, ధ‌ర్మారెడ్డి, మాజీ మేయ‌ర్ భాగ్య‌ల‌క్ష్మి త‌దిత‌రులు పాల్గొన్నారు.ఎక్కడికక్కడ నేతల అడ్డగింతలు, అరెస్టులువిజయవాడకు వస్తున్న వైఎస్సార్‌సీపీ నేతలను జిల్లాల సరిహద్దుల్లోనే పోలీసులు అడ్డుకున్నారు. మాజీ మంత్రి అంబటి రాంబాబు, తాడికొండ నియోజకవర్గ సమన్వయకర్త వనమా బాల వజ్రబాబు, పొన్నూరు నియోజకవర్గ సమన్వయకర్త అంబటి మురళీకృష్ణ, గుంటూరు తూర్పు నియోజకవర్గ సమన్వయకర్త నూరి ఫాతిమా తదితరులను కాజా టోల్‌ప్లాజా వద్ద అడ్డుకున్నారు. అక్కడే బైఠాయించిన అంబటి రాంబాబును పోలీసులు అరెస్టు చేసి పెదకాకాని పోలీస్‌ స్టేషన్‌కు తరలించారు. విజయవాడలో మాజీ ఎమ్మెల్యే మల్లాది విష్ణుతో పాటు పలువురు నేతలను అరెస్టు చేయగా.. యువజన విభాగం రాష్ట్ర అధ్యక్షుడు జక్కంపూడి రాజా, వర్కింగ్‌ ప్రెసిడెంట్‌ పేర్ని కిట్టు, రాష్ట్ర అధికార ప్రతినిధి నాగార్జున యాదవ్‌ తదితరులను కృష్ణలంక పోలీస్‌ స్టేషన్‌కు తరలించారు.బాపట్ల మండలం చుండూరుపల్లి వద్ద మాజీ డిప్యూటీ స్పీకర్‌ కోన రఘుపతిని పోలీసులు అడ్డుకోవడంతో ఆయన రోడ్డుపై బైఠాయించి నిరసన తెలిపారు. అనంతరం ఆయనను బాపట్ల పోలీస్‌ స్టేషన్‌కు తరలించినట్లు పార్టీ వర్గాలు తెలిపాయి. ఏలూరు నుంచి విజయవాడకు వస్తున్న వైఎస్సార్‌సీపీ యువజన నాయకుడు కామిరెడ్డి నానిని కలపర్రు టోల్‌ప్లాజా వద్ద పోలీసులు అడ్డుకుని అరెస్టు చేసినట్లు పేర్కొన్నాయి. కష్ణా జిల్లాలో పార్టీ నేతలకు నోటీసులు ఇవ్వడంతో పాటు మచిలీపట్నంలోని వైఎస్సార్‌సీపీ కార్యాలయం వద్ద పోలీసులు మోహరించారు.శాప్‌ ఆఫీస్‌ వద్ద వైఎస్సార్‌సీపీ నేతలు, కార్యకర్తలపై లాఠీచార్జ్‌శాప్‌ కార్యాలయం వద్ద బారికేడ్లను దాటి ముందుకు వెళ్లేందుకు వైఎస్సార్‌సీపీ నేతలు, కార్యకర్తలు ప్రయత్నించడంతో తోపులాట చోటుచేసుకుంది. రోడ్డుపై బైఠాయించి నిరసన చేస్తున్న కార్యకర్తలను పోలీసులు చొక్కాలు పట్టుకుని పక్కకు లాగి పడేశారు. అనంతరం పోలీసులు లాఠీచార్జ్‌ చేశారు. ఈ క్రమంలో గౌతంరెడ్డి సొమ్మసిల్లి కిందపడిపోగా.. పార్టీ నాయకులు వెంటనే ఆస్పత్రికి తరలించారు. విద్యార్థి నాయకులపైనా పోలీసులు లాఠీచార్జ్‌ చేశారని వైఎస్సార్‌సీపీ శ్రేణులు పేర్కొన్నాయి.టీచర్ల ముసుగులో రెచ్చపోయిన పచ్చమూకలుమరోవైపు శాప్‌ కార్యాలయం వద్ద టీడీపీ అనుబంధ టీఎన్‌ఎస్‌ఎఫ్‌ నేతలు, టీడీపీ కార్యకర్తలు టీచర్ల ముసుగులో వచ్చి వైఎస్సార్‌సీపీ శ్రేణులను రెచ్చగొట్టే ప్రయత్నం చేశారు. కొందరు టీడీపీ కార్యకర్తలు కార్యాలయంలోకి చొరబడి ఆందోళన చేస్తున్న వైఎస్సార్‌సీపీ కార్యకర్తలపై కర్రలు, రాళ్లతో దాడి చేశారు. ఈ ఘటనలో పలువురు కార్యకర్తలకు గాయాలై రక్తస్రావమైనా పోలీసులు దాడి చేసిన వారిని అడ్డుకోలేదని వైఎస్సార్‌సీపీ నేతలు ఆరోపించారు. పక్కా ప్రణాళికతోనే రాళ్లదాడి చేయించారని, పోలీసుల వ్యవహారంపై కూడా సమాధానం చెప్పాలని డిమాండ్‌ చేశారు.రోడ్డుపై పడుకుని ఎమ్మెల్సీల నిరసనశాప్‌ కార్యాలయం వద్ద తమను అడ్డుకోవడాన్ని నిరసిస్తూ వైఎస్సార్‌సీపీ ఎమ్మెల్సీలు, నాయకులు రోడ్డుపై పడుకుని ఆందోళన చేపట్టారు. ఎమ్మెల్సీలు లేళ్ల అప్పిరెడ్డి, చంద్రశేఖర్‌ రెడ్డి, రమేష్‌ యాదవ్, మొండితోక అరుణ్ కుమార్, వరుదు కళ్యాణి, మాజీ మంత్రులు మేరుగు నాగార్జున, జోగి రమేష్, అధికార ప్రతినిధులు నాగార్జున యాదవ్, ఆరె శ్యామల తదితరులు డీఎస్సీ నియామకాలపై సీబీఐ విచారణకు డిమాండ్‌ చేశారు. శాంతియుతంగా నిరసన తెలిపే హక్కును పోలీసులు అడ్డుకోవడం సరికాదని నేతలు పేర్కొన్నారు.డీఎస్సీపై సీబీఐ విచారణకు డిమాండ్‌మెగా డీఎస్సీ–2025లో ముఖ్యంగా స్పోర్ట్స్‌ కోటా నియామకాల్లో అవకతవకలు జరిగాయని వైఎస్సార్‌సీపీ ఆరోపిస్తోంది. తప్పుడు క్రీడా ధ్రువపత్రాలతో ఉద్యోగాలు పొందినట్లు తేలితే బాధ్యులపై చర్యలు తీసుకోవడంతో పాటు అర్హులైన అభ్యర్థులకు న్యాయం చేయాలని కోరుతోంది. ఈ మొత్తం వ్యవహారంపై సీబీఐతో సమగ్ర విచారణ జరిపించాలని పార్టీ డిమాండ్‌ చేస్తోంది.డీఎస్సీపై సీబీఐ విచారణకు సిద్ధమా?అంబటి రాంబాబు, మాజీ మంత్రిడీఎస్సీ నియామకాల్లో ఎలాంటి తప్పు జరగకపోతే సీబీఐ విచారణకు ప్రభుత్వం ఎందుకు భయపడుతోంది? డీఎస్సీ స్పోర్ట్స్‌ కోటా నియామకాల్లో జరిగినట్లు చెబుతున్న అక్రమాలు, అవకతవకలపై సమగ్ర విచారణ జరిపించాలి. సీబీఐ విచారణకు ఆదేశిస్తే వాస్తవాలు వెలుగులోకి వస్తాయి.. ఎవరు తప్పు చేశారో తేలుతుంది. వైఎస్సార్‌సీపీ అధ్యక్షుడు వైఎస్‌ జగన్‌మోహన్‌రెడ్డి విసిరిన సవాల్‌ను స్వీకరించి ప్రభుత్వం సీబీఐ విచారణకు సిద్ధం కావాలి. మా ప్రభుత్వ హయాంలో నిర్వహించిన ఏపీపీఎస్సీ నియామకాలపైనా విచారణ జరిపించుకోవడానికి మేము సిద్ధంగా ఉన్నాం. ప్రస్తుత డీఎస్సీ నియామకాల్లో అక్రమాలు జరిగాయని నిరుద్యోగులు, అభ్యర్థులు ప్రశ్నిస్తున్నప్పుడు సీబీఐ విచారణకు ఎందుకు వెనుకడుగు వేస్తున్నారు? డీఎస్సీపై సమాధానం చెప్పకుండా సమస్యను పక్కదారి పట్టించే ప్రయత్నాలు చేస్తున్నారు. డబ్బు కోసం లోకేష్‌ ఏ పనికైనా సిద్ధంగా ఉన్నాడు. నిరుద్యోగ యువత భవిష్యత్తుతో చెలగాటం ఆడటం సరికాదు. నియామక ప్రక్రియపై ఉన్న సందేహాలు నివృత్తి చేయాల్సిన బాధ్యత ప్రభుత్వంపైనే ఉంది. సీబీఐ విచారణకు సిద్ధమని ప్రకటించి తమ చిత్తశుద్ధిని నిరూపించుకోవాలి. డీఎస్సీ నియామకాల్లో అక్రమాలపై సీబీఐ విచారణ జరిపించడంతో పాటు విద్యాశాఖ మంత్రి నారా లోకేష్‌ బాధ్యత వహిస్తూ రాజీనామా చేయాలి. మా నిరసనలను అడ్డుకునేందుకు ఎన్ని ఆంక్షలు విధించినా వైఎస్సార్‌సీపీ వెనక్కి తగ్గదు. అర్హులైన అభ్యర్థులకు న్యాయం జరిగే వరకు పోరాటం కొనసాగుతుంది. లోకేష్‌ రాజీనామా చేసే వరకు ఉద్యమం ఆగదు.శాంతియుత నిరసనను అడ్డుకోవడమేంటి?:జోగి రమేష్, మాజీ మంత్రిశాంతియుతంగా ధర్నా చేసేందుకు పిలుపునిస్తే పోలీసులు ఎందుకు అడ్డుకుంటున్నారు? ప్రజాస్వామ్యంలో నిరసన తెలిపే హక్కు ప్రతి ఒక్కరికీ ఉంది. ఎలాంటి హింసకు పాల్పడకుండా డీఎస్సీ నియామకాల్లో అక్రమాలపై ప్రశ్నించేందుకు శాప్‌ కార్యాలయం వద్దకు వస్తే నాయకులు, కార్యకర్తలను అడ్డుకోవడం, హౌస్‌ అరెస్టులు, అరెస్టులకు పాల్పడటం ఏమిటి? మెగా డీఎస్సీ–2025లో, ముఖ్యంగా స్పోర్ట్స్‌ కోటా నియామకాల్లో తలెత్తిన అనుమానాలపై సమగ్ర విచారణ జరిపి వాస్తవాలను వెలుగులోకి తీసుకురావాలి. అర్హులైన అభ్యర్థులకు న్యాయం చేయడంతో పాటు తప్పుడు క్రీడా ధ్రువపత్రాలతో ఉద్యోగాలు పొందినట్లు తేలితే బాధ్యులపై చర్యలు తీసుకోవాలి. డీఎస్సీ స్పోర్ట్స్‌ కోటా నియామకాలపై సీబీఐతో సమగ్ర విచారణ జరిపించాలన్నదే వైఎస్సార్‌సీపీ ప్రధాన డిమాండ్‌. డీఎస్సీ నియామకాల్లో తప్పు జరగకపోతే సీబీఐ విచారణకు ప్రభుత్వం ఎందుకు వెనుకాడుతోందో స్పష్టంగా సమాధానం చెప్పాలి. డీఎస్సీ స్పోర్ట్స్‌ కోటా నియామకాలపై పూర్తి స్థాయి విచారణ జరిపి అర్హులైన అభ్యర్థులకు న్యాయం జరిగే వరకు పోరాటం కొనసాగిస్తామని వైఎస్సార్‌సీపీ నేతలు స్పష్టం చేశారు.ఇదీ చదవండి: వైఎస్సార్సీపీ నేతలపై పోలీసుల జులం.. అక్రమంగా నిర్బంధం

సాక్షి, విజయవాడ: డీఎస్సీ నియామకాల్లో అక్రమాలపై సీబీఐ విచారణ చేపట్టాలని డిమాండ్‌ చేస్తూ వైఎస్సార్‌సీపీ చేపట్టిన ఆందోళనతో నగరంలో టెన్షన్‌ నెలకొంది. వైఎస్‌ జగన్‌ మోహన్‌రెడ్డి ఆదేశాలతో శాప్‌ కార్యాలయం ముందు ఇవాళ నిరసనలకు ఆ పార్టీ ప్రయత్నిస్తుండగా.. అనుమతి లేదని పోలీసులు అడ్డుకుంటున్నారు. దీంతో అక్కడ అడ్డగింతలు, అరెస్టులు, అక్రమ నిర్బంధాల పరంపర కొనసాగుతోంది.డీఎస్సీ ఎంపిక ప్రక్రియలో, ముఖ్యంగా స్పోర్ట్స్‌ కోటాలో అక్రమాలు జరిగాయంటూ వైఎస్సార్‌సీపీ మొదటి నుంచి చెబుతోంది. కూటమి ప్రభుత్వం చేసిన ఈ భారీ స్కామ్‌లో.. శాప్‌ కూడా భాగమైందని అంటోంది. అర్హులైన అభ్యర్థులకు న్యాయం చేయాలని, విద్యాశాఖ మంత్రి నారా లోకేశ్‌ రాజీనామా చేయాలని, ఈ వ్యవహారంపై సీబీఐతో సమగ్ర విచారణ జరిపించాలని డిమాండ్‌ చేస్తోంది. ఈ క్రమంలో గత కొంతకాలంగా ఒక కార్యచరణతో పోరాటం చేస్తున్న ఆ పార్టీ.. ఇవాళ అభ్యర్థులతో శాప్‌ కార్యాలయం వద్ద ఇవాళ నిరసనకు సిద్ధమైంది. అయితే నగరంలో ఇప్పటికే బీఎన్‌ఎస్‌ఎస్‌ 163, పోలీస్‌ యాక్ట్‌ 30 అమల్లో ఉన్నాయని, వినాయక నిమజ్జనాలు, ఊరేగింపులు, ట్రాఫిక్‌ సమస్యలు, పోలీసు సిబ్బంది కొరత కారణంగా ర్యాలీలు, ధర్నాలకు అనుమతి ఇవ్వలేదని పోలీసు ఉన్నతాధికారులు తెలిపారు. మరోవైపు నిరసనకు అనుమతి లేదని పోలీసులు ముందే ప్రకటించడంతో నగరంలో భారీ బందోబస్తు ఏర్పాటు చేశారు. శాప్‌కు మూడు వైపులా భారీ పోలీస్‌ బందోబస్తు కనిపిస్తోంది. కీలక కూడళ్ల వద్ద పోలీసులను మోహరించడంతోపాటు విజయవాడకు వచ్చే మార్గాలపై నిఘా పెట్టారు. గుంటూరు వైపు నుంచి తాడేపల్లి మీదుగా విజయవాడ వచ్చే మార్గంలోనూ పికెట్లు ఏర్పాటు చేశారు. అనుమతి లేకుండా ర్యాలీ, ధర్నా నిర్వహిస్తే కేసులు నమోదు చేసి చర్యలు తీసుకుంటామని పోలీసులు హెచ్చరించారు. పేర్ని నాని, దేవినేని అవినాష్‌ సహా పలువురు నేతలకు నోటీసులు కూడా జారీ చేశారు.ఈ నేపథ్యంలో మాజీ ఎమ్మెల్యేలు వెల్లంపల్లి శ్రీనివాస్‌, మల్లాది విష్ణులు పోలీసుల తీరుపై ప్రశ్నలు సంధించారు. డీఎస్సీ రిక్రూట్‌మెంట్‌పై వైఎస్‌ జగన్‌ అడిగిన ప్రశ్నలకు ఒక్కదానికైనా.. కూటమిలో ఒక్కరైనా సమాధానం చెప్పారా? అని నిలదీశారు. అలాగే ఇటీవల జరిగిన కూటమి పార్టీల కార్యక్రమాలను గుర్తు చేశారు. ‘‘మొన్నీమధ్యే బీజేపీ ర్యాలీ జరిగింది కదా. మరి దానికి ఎలా? ఎందుకు? అనుమతిచ్చారు. శాప్‌ కార్యాలయం ముందు టెంట్లు వేసుకుని కూర్చునే కార్యక్రమాలకు ఈ మధ్యకాలంలో అనుమతులు ఇవ్వలేదా?. పోలీస్‌ యాక్ట్‌ వైఎస్సార్‌సీపీకి మాత్రమేనా? జనసేన, బీజేపీ నేతలకు వర్తించదా? ఇదెక్కడి న్యాయం?? అని నిలదీశారు. ఈ క్రమంలో.. శాప్‌ కార్యాలయం వైపు వెళ్లే ప్రయత్నం చేసిన మల్లాది విష్ణును పోలీసులు అరెస్ట్‌ చేసినట్లు సమాచారం.డీఎస్సీ అక్రమాలపై వైఎస్సార్‌సీపీ ఆందోళన ఒకవైపు.. పోలీసుల అనుమతి నిరాకరణ, ఆ పార్టీ నేతల ప్రశ్నలు మరోవైపు విజయవాడలో రాజకీయ వేడిని పెంచాయి. పోలీసులు హెచ్చరించినా.. తమ ఉద్యమం ఆగదని వైఎస్సార్‌సీపీ నేతలు స్పష్టం చేస్తున్నారు.ఇదీ చదవండి: బాబు ట్రాప్‌లో పవన్‌.. జనసేనలో కొత్త టెన్షన్‌

ఉయ్యూరు: రాష్ట్రంలో విధ్వంసకర అవినీతి పాలనకు చరమగీతం పాడాలని వైఎస్సార్‌ సీపీ కృష్ణాజిల్లా అధ్యక్షుడు, మాజీ మంత్రి పేర్ని వెంకట్రామయ్య (నాని) పిలుపునిచ్చారు. ఉయ్యూరు మండలంలోని చిన ఓగిరాలలోని ఓ కన్వెన్షన్‌లో పెనమలూరు నియోజకవర్గ విస్తృతస్థాయి కార్యకర్తల సమావేశం ఆదివారం నిర్వహించారు. పార్టీ మండల అధ్యక్షుడు దాసే రవి అధ్యక్షతన జరిగిన సమావేశంలో ముఖ్య అతిథిగా పాల్గొన్న పేర్ని నాని మాట్లాడుతూ కూటమి శ్రేణులే ఛీ అనుకునేలా రాష్ట్రంలో చంద్రబాబు పాలన ఉందన్నారు. రాష్ట్రంలో చంద్రబాబు, లోకేష్‌ల దమనకాండను చూసి కమ్మ సామాజిక వర్గం రానున్న ఎన్నికల్లో తిరస్కరించేందుకు సిద్ధపడుతున్నారన్నారు. జిల్లాలో బందరు, పెడన, అవనిగడ్డ నియోజకవర్గాల్లో నీళ్లు లేక నాట్లు వేసుకోలేని దుస్థితిలో రైతాంగం ఉందన్నారు. దేవుడి దయ, భూమాత అనుగ్రహంతో జిల్లాలో కొన్ని చోట్ల బోర్లు ద్వారా సాగు చేస్తున్న దుస్థితి ఉందన్నారు. రైతాంగానికి నీళ్లు ఇవ్వలేని దద్దమ్మ ప్రభుత్వం అని మండిపడ్డారు. నిత్యావసరాల ధరలు పెంచేసి, ఎరువులను అందకుండా చేస్తూ అన్నదాతలను, సామాన్య ప్రజానీకాన్ని చంద్రబాబు కాల్చుకు తింటున్నాడని ధ్వజమెత్తారు. రైస్‌మిల్లర్లదే రాజ్యంగా ఉందన్నారు. వైఎస్సార్‌ సీపీ హయాంలో ధరలకు, చంద్రబాబు పాలనలో ధరలకు బేరీజు వేసుకోవచ్చని సవాల్‌ చేశారు. మత విష ప్రచారంపై అప్రమత్తంగా ఉండాలి.. ఎల్లో మీడియా మతం అనే విషాన్ని చిమ్ముతూ వైఎస్సార్‌ సీపీ ప్రభంజనాన్ని అడ్డుకోవాలనే కుట్రలపై పార్టీ శ్రేణులు అప్రమత్తంగా ఉండి తగిన గుణపాఠం నేర్పాలని పేర్ని నాని సూచించారు. ఏబీఎన్‌ రాధాకృష్ణ వైఎస్సార్‌ సీపీ అధినేత జగన్‌పై చేస్తున్న తప్పుడు విష ప్రచారాన్ని తిప్పికొట్టాలని పిలుపునిచ్చారు. ధనబలంతో ఓటర్లను ప్రలోభపెట్టి స్థానిక ఎన్నికల్లో గెలవాలనే కుతంత్రాలతోనే చంద్రబాబు ప్రజలను మభ్యపెట్టే యత్నాలు చేస్తున్నారని దుయ్యబట్టారు. ప్రజలకు చేరువగా, సేవాభావం కలిగిన వ్యక్తులను ఎన్నికల్లో పోటీకి సిద్ధం చేసుకోవాలని సూచించారు. నియోజకవర్గంలోని రెండు మున్సిపాలిటీలపై వైఎస్సార్‌ సీపీ జెండా రెపరెపలాడించాలని పిలుపునిచ్చారు. దమ్ముంటే చర్చకు రావాలి : దేవభక్తుని నియోజకవర్గంలో అభివృద్ధిపై ఎమ్మెల్యే బోడె ప్రసాద్‌ దమ్ముంటే చర్చకు రావాలని వైఎస్సార్‌ సీపీ పెనమలూరు నియోజకవర్గ సమన్వయకర్త దేవభక్తుని చక్రవర్తి సవాల్‌ విసిరారు. సమావేశంలో మాట్లాడుతూ రెండేళ్ల కాలంలో నియోజకవర్గంలో ఒక్క ఎకరం భూమైనా పేదలకు పంచారా? అని ప్రశ్నించారు. ఎంత మందికి కొత్త పింఛన్లు ఇచ్చారో ? చెప్పాలన్నారు. ఉయ్యూరులో అతిసారకు ప్రభుత్వ చేతకానితనమే కారణం కాదా అని ప్రశ్నించారు. ఎమ్మెల్యే బోడెకు ప్రజల సంక్షేమం కంటే కమీషన్లు, సొంత ఆదాయమే ముఖ్యమని ధ్వజమెత్తారు. కార్యక్రమంలో పెడన సమన్వయకర్త ఉప్పాల రాము, పెనమలూరు పరిశీలకులు మీర్‌ హుస్సేన్‌, రాష్ట్ర నేత దుక్కిపాటి శశిభూషణ్‌, జెడ్పీటీసీ బాకీ బాబు, ముఖ్య నాయకులు జంపాన కొండలరావు, వల్లభనేని వెంకటేశ్వరరావు, మాదు శ్రీహరిరాణి, కె.వెంకటేశ్వరరావు (రాజకీయం), గోన మదన్‌, నక్కా శ్రీనివాసరావు, సోలే సురేష్‌బాబు, వెంట్రప్రగడ బాబ్జీ, అబ్దుల్లా, పార్టీశ్రేణులు పాల్గొన్నారు.

● ప్రభుత్వ స్థలం ఆక్రమణపై ఇరువర్గాల మధ్య తలెత్తిన వివాదం ● ఒక వర్గం దాడిలో స్పృహ తప్పి పడిపోయిన మరో వర్గం మహిళ ● ‘అమ్మా లే’ అంటూ విలపించిన చిన్నారి ● ఆక్రమణలను ప్రోత్సహిస్తున్న అధికార పార్టీ నాయకులు మైలవరం(జి.కొండూరు): ‘అమ్మా లే అమ్మా.. ఇంటికి వెళదాం.. నాకు భయమేస్తోంది’ అంటూ స్పృహతప్పి పడిపోయిన తల్లి వద్ద కూర్చొని చిన్నారి విలపించిన ఘటన చూపరులను కలిచివేసింది. స్థలం వివాదంలో మహిళపై మరో వర్గం దాడి చేసిన ఘటనలో ఆమె సంఘటనా స్థలంలోనే స్పృహ తప్పి పడిపోవడంతో లోకజ్ఞానం తెలియని ఆ చిన్నారి రోదనలు మిన్నంటాయి. వివరాలు ఇవి.. ఎన్టీఆర్‌ జిల్లా మైలవరం పట్టణంలో ఆర్టీసీ బస్టాండ్‌ను ఆనుకుని స్థానిక ఎమ్మెల్యే కార్యాలయానికి సమీపంలో ప్రభుత్వ స్థలం ఉంది. చంద్రబాబు ప్రభుత్వం అధికారంలోకి వచ్చిన నాటి నుంచి రెండు వర్గాల టీడీపీ నాయకుల అండదండలతో కొందరు ఈ స్థలాన్ని ఆక్రమించి దుకాణాలను ఏర్పాటు చేశారు. వారిలో కొందరు వ్యాపారాలు చేస్తుండగా కొందరు నెలకు రూ.4 వేల నుంచి రూ.10 వేల వరకు అద్దెలకు ఇస్తూ ఆదాయం పొందుతున్నారు. రెడ్డిగూడెం మండలం రుద్రవరం గ్రామానికి చెందిన అజ్మీరా జ్యోతి, నాగేశ్వరరావు దంపతులు మైలవరంలో నివసిస్తూ.. ఆ ప్రభుత్వ స్థలంలో ఏర్పాటు చేసిన ఓ దుకాణాన్ని నెలకు రూ.4వేలకు అద్దెకు తీసుకొని టైలరింగ్‌ చేస్తూ జీవనం సాగిస్తున్నారు. ఎ.కొండూరు మండలం కృష్ణారావుపాలేనికి చెందిన షేక్‌ షకీల అదే ప్రభుత్వ స్థలంలో కొంత ఆక్రమించి దుకాణాన్ని ఏర్పాటు చేశారు. ఈ దుకాణం పక్కన ఖాళీగా ఉన్న స్థలంలో టైలరింగ్‌ చేస్తున్న అజ్మీరా జ్యోతి తాను కూడా సొంత షాపు ఏర్పాటు చేసుకునేందుకు ఆదివారం పాత బడ్డీకొట్టును అక్క డకు చేర్చారు. ఈ విషయం తెలుసుకున్న షకీల, ఆమె కుటుంబ సభ్యులు నలుగురు కలిసి అక్కడికి చేరుకొని ఆ స్థలం తమదంటూ బడ్డీకొట్టును తొలగించి అజ్మీరా జ్యోతితో వాగ్వాదానికి దిగారు. ఈ క్రమంలో ఇరువర్గాల మధ్య మాటామాటా పెరగడంతో ఒకరిపై ఒకరు దాడి చేసుకున్నారు. ఈ దాడిలో అజ్మీరా జ్యోతి స్పృహ తప్పి పడిపోయింది. తల్లి ఒక్కసారిగా కుప్పకూలి స్పృహ తప్పి పడిపోవడంతో అక్కడే ఉన్న ఆమె కుమారులు ఏడేళ్ల శ్రీధర్‌, 15 ఏళ్ల సిద్ధార్థ రోదించడం ప్రారంభించారు. దీంతో స్థానికులు క్షతగాత్రురాలు జ్యోతిని 108 అంబులెన్స్‌లో స్థానిక ప్రభుత్వ వైద్యశాలకు తరలించారు. సమాచారం అందుకున్న మైలవరం పోలీసులు సంఘటనా స్థలాన్ని పరిశీలించి దర్యాప్తు చేపట్టారు. అయితే ప్రభుత్వ స్థలాన్ని ఆక్రమించడమే కాకుండా ఒకరిపై ఒకరు దాడులు చేసుకోవడమేంటని స్థానికుల నుంచి తీవ్ర విమర్శలు వెల్లువెత్తున్నాయి. టీడీపీ నాయకులు రెండు వర్గాలు విడిపోయి ఈ ఆక్రమణలను ప్రోత్సహిండం వల్లనే వివాదాలు తలెత్తి దాడులు జరుగుతున్నాయని స్థానికులు మండిపడుతున్నారు.

యజమానుల బైక్‌ను ఢీకొట్టి వ్యాన్‌లో పారిపోయిన దొంగలు పెనమలూరు: పెదపులిపాకలో పశువులు దొంగతనం చేయటానికి వచ్చిన ముఠాపై పోలీసులు ఆదివారం కేసు నమోదు చేశారు. పెనమలూరు పోలీసులు తెలిపిన వివరాల ప్రకారం.. పెదపులిపాక శివారు తాడిగడప రోడ్డులో కోగంటి రాజేష్‌, కోగంటి రాజేంద్ర పశువుల పెంపకానికి షెడ్డు ఏర్పాటు చేసుకున్నారు. షెడ్డులో గేదెలు, గొర్రె పోతులు, కోళ్లు పెంచుతున్నారు. అయితే శనివారం రాజేష్‌, రాజేంద్ర షెడ్డుకు తాళాలు వేసి ఇంటికి వెళ్లారు. వారు అర్ధరాత్రి తిరిగి వచ్చే సరికి పశువులు దొంగతనం చేసే ముఠా ఎదురుగా ఉన్న వెంచర్‌లో ఏపీ 39యూ 2716 నంబర్‌ కలిగిన వ్యాన్‌ నిలిపి షెడ్డు తాళాలు పగులకొట్టి గేదె, గొర్రె పొట్టేళ్లను వ్యాన్‌లోకి ఎక్కించారు. ఇది గమనించిన షెడ్డు యజమానులు కేకలు వేస్తూ వ్యాన్‌ వద్దకు వెళ్లారు. తమ బైక్‌ను వ్యాన్‌కు అడ్డుగా నిలుపగా దొంగల ముఠా బైక్‌ను వ్యాన్‌తో ఢీ కొట్టి ఆగకుండా పారిపోయారు. ఈ గందరగోళంలో వ్యాన్‌లో ఉన్న గేదె, గొర్రె పొట్టేళ్లు వ్యాన్‌ నుంచి కిందకు దూకాయి. పశువులను సురక్షితంగా షెడ్డుకు తరలించి ఘటనపై పోలీసులకు ఫిర్యాదు చేశారు. పోలీసులు వ్యాన్‌ నంబర్‌ ఆధారంగా కేసు దర్యాప్తు చేపట్టారు.

ఇంద్రకీలాద్రి(విజయవాడపశ్చిమ): దసరా ఉత్సవాల నేపథ్యంలో అమ్మవారి దర్శనానికి తరలివచ్చే భక్తులకు ఎటువంటి ఇబ్బందులు కలుగకుండా హోల్డింగ్‌ పాయింట్లలో అవసరమైన అన్ని సదుపాయాలను కల్పించాలని దుర్గగుడి ఈవో శీనా నాయక్‌ ఇంజినీరింగ్‌ అధికారులను ఆదేశించారు. దసరా ఉత్సవాల ఏర్పాట్లను ఈవో శీనానాయక్‌, ఇంజినీరింగ్‌ అధికారులు ఆదివారం పరిశీలించారు. తొలుత సీతమ్మ వారి పాదాల వద్ద ఏర్పాటు చేస్తున్న కేశఖండనశాల, భక్తులు వేచి ఉండే హోల్డింగ్‌ పాయింట్లను పరిశీలించారు. ఈ ఏడాది నాలుగు హోల్డింగ్‌ పాయింట్లు ఏర్పాటు చేస్తున్నామని, అత్యవసరమయితే అదనంగా మరో పాయింట్‌ను ఏర్పాటు చేసేలా ఆలయ అధికారులకు ఆదేశాలు ఇచ్చామన్నారు. అనంతరం కెనాల్‌రోడ్డులోని వినాయకుడి గుడి వద్ద జరుగుతున్న క్యూలైన్‌ పనులను పరిశీలించారు. ఈవో వెంట ఈఈ ఎల్‌.రమాదేవి, ఇతర ఇంజినీరింగ్‌ అధికారులు రవీంద్ర, మస్తాన్‌రెడ్డి తదితరులు పాల్గొన్నారు.

రామవరప్పాడు: విజయవాడ రూరల్‌ మండలం నిడమానూరులో ఆదివారం తెల్లవారుజామున ఓ ప్రైవేట్‌ ట్రావెల్స్‌ బస్సు అదుపు తప్పింది. విజయవాడ నుంచి రాజాం వెళ్తున్న కనకదుర్గ ట్రావెల్స్‌కు చెందిన బస్సు అదుపు తప్పి పంట బోదెలోకి దూసుకెళ్లింది. విజయవాడలో ప్రయాణికులను ఎక్కించుకుని రాజాం వెళ్తుండగా మార్గమధ్యంలో నిడమానూరు వద్ద ఈ ప్రమాదం చోటు చేసుకుంది. బస్సు డ్రైవర్‌ నిద్ర మత్తులో అదుపు తప్పడంతో ఈ ప్రమాదం జరిగిందని భావిస్తున్నారు. ప్రమాదం జరిగిన సమయంలో బస్సులో 30 మంది ప్రయాణం చేస్తున్నారు. ఎవరికీ ఎటువంటి ప్రమాదం జరగకపోవడంతో ఊపిరి పీల్చుకున్నారు. ఈ ఘటనకు సంబంధించి ఎటువంటి ఫిర్యాదు అందలేదని పటమట పోలీసులు పేర్కొన్నారు. గుడివాడ రూరల్‌: మద్యం మత్తులో చోటుచేసుకున్న ఘర్షణలో ఓ వ్యక్తి మృతి చెందిన సంఘటన శనివారం అర్ధరాత్రి చోటుచేసుకుంది. టూ టౌన్‌ పోలీసులు తెలి పిన వివరాల ప్రకారం స్థానిక శోభన కాంప్లెక్స్‌ వద్ద ఇద్దరి మధ్య ఘర్షణ చోటుచేసుకోగా, ఒకరిపై మరొకరు దాడి చేసుకున్నారు. ఈ ఘటనలో పట్టణంలోని గుడ్‌మెన్‌పేటకు చెందిన వేసపోగు నాగరాజు (40) మృతి చెందాడు. సమాచారం అందుకున్న పోలీసులు ఘటనా స్థలానికి చేరుకుని మృతదేహాన్ని పరిశీలించి అనంతరం పోస్టుమార్టం నిమిత్తం గుడివాడ ప్రభుత్వ ఏరియా ఆస్పత్రికి తరలించారు. ఆస్పత్రి వద్ద నాగరాజు కుటుంబ సభ్యులు కన్నీరుమున్నీరుగా విలపించారు. దాడికి పాల్పడి హత్య చేసిన వ్యక్తి పట్టణంలోని కొమరగుండ ప్రాంతానికి చెందిన వ్యక్తిగా పోలీసులు గుర్తించినట్లు తెలిపారు. ఘటన అనంతరం నిందితుడు పరారీలో ఉన్నట్లు పేర్కొన్నారు. ఈ ఘటనపై మృతుడి కుటుంబ సభ్యులు ఇచ్చిన ఫిర్యాదు మేరకు గుడివాడ టూటౌన్‌ పోలీసులు కేసు నమోదు చేసి దర్యాప్తు చేపట్టారు. సీఐ హనీష్‌ ఆధ్వర్యంలో ప్రత్యేక బందాలను ఏర్పాటు చేసి నిందితుడి కోసం గాలింపు చర్యలు చేపట్టారు. గంపలగూడెం: కారును బస్సు ఢీ కొనడంతో పెను ప్రమాదం తప్పిన ఘటన ఊటుకూరులో ఆదివారం చోటుచేసుకుంది. వివరాల్లోకి వెళితే ఇబ్రహీంపట్నం డిపోకు చెందిన ఆర్టీసీ బస్సు గంపలగూడెం నుంచి నెమలి వెళ్తోంది. ఊటుకూరు పొట్టి శ్రీరాములు విగ్రహానికి సమీపాన(మలుపు వద్ద) నిలిపి ఉన్న కారును ఆర్టీసి బస్సు ఢీ కొట్టింది. దీంతో కారు ఎదురుగా ఉన్న విద్యుత్‌ స్తంభాన్ని ఢీకొంది. ఘటనలో హైటెన్షన్‌ విద్యుత్‌ స్తంభం అక్కడికక్కడే విరిగి పడిపోయింది. దీనితో విద్యుత్‌ వైర్లు తెగి బస్సుపై పడ్డాయి. అదే సమయంలో విద్యుత్‌ సరఫరా లేకపోవడంతో బస్సులో ఉన్న 35 మంది ప్రయాణికులకు పెను ప్రమాదం తప్పింది. రహదారిపై కార్‌ పార్కింగ్‌ చేయడంతో పాటు రహదారి గుంతలమయంగా ఉండటంతో ప్రమాదం జరిగినట్లు స్థానికులు చెబుతున్నారు. విద్యుత్‌ ఏఈ సీహెచ్‌ శ్రీనివాస్‌ ఆదేశాల మేరకు విరిగిన స్తంభాన్ని, వైర్లను తొలగించి విద్యుత్‌ పునరుద్ధరణ పనులను ఆ శాఖ సిబ్బంది పూర్తి చేశారు. నందిగామ రూరల్‌: రోడ్డు దాటుతున్న మహిళను కారు ఢీకొన్న ఘటనలో మహిళ దుర్మరణం చెందిన ఘటన 65వ నంబర్‌ జాతీయ రహదారిపై చోటు చేసుకుంది. సేకరించిన సమాచారం మేరకు మండలంలోని అంబారుపేట గ్రామానికి చెందిన వల్లపుదాసు కవిత(45) హోటల్‌లో పని చేసుకుంటూ జీవనం సాగిస్తున్నారు. విధులకు వెళ్లే క్రమంలో ఆదివారం మధ్యాహ్నం గ్రామంలోని సత్యమ్మ అమ్మవారి ఆలయం సమీపంలో జాతీయ రహదారిని దాటుతుండగా విజయవాడ నుంచి హైదరాబాద్‌ వైపు వెళ్తున్న కారు వేగంగా ఢీకొట్టింది. ఈ ఘటనలో తీవ్రంగా గాయపడిన మహిళను 108 అంబులెన్స్‌లో నందిగామ ప్రభుత్వాస్పత్రికి తరలించగా అప్పటికే మృతి చెందినట్లు వైద్యులు తెలిపారు. మృతురాలి కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు సీఐ పి.శ్రీను చెప్పారు. పోస్టుమార్టం అనంతరం మృతదేహాన్ని కుటుంబ సభ్యులకు అందజేశారు. మృతురాలి భర్త భాస్కర్‌ నాలుగేళ్ల క్రితం గుండెపోటుతో మృతి చెందగా కుమార్తె, ఇద్దరు కుమారులున్నారు. కుమార్తె సుకన్య, పెద్ద కుమారుడు సూర్య కిరణ్‌కు వివాహం కాగా చిన్న కుమారుడు ఉమామహేశ్వరరావు పట్టణంలోని ప్రైవేట్‌ కళాశాలలో ఇంటర్మీడియెట్‌ చదువుతున్నాడు.

మైలవరం: హాస్టల్‌లో చదువుతున్న కుమారులు ఇంటికి రావడంతో వారికి మాంసం తీసుకువస్తానని చెప్పి వెళ్లిన కొద్దిసేపటిలోనే ఆర్టీసీ బస్సు రూపంలో మృత్యువు తోడవడంతో అనంత లోకాలకు వెళ్లాడు తండ్రి. ఆ తండ్రిని చూసి కుమారులు, భార్య రోదిస్తున్న తీరు పలువురిని కంటతడి పెట్టించింది. ఈ విషాదకర సంఘటన మైలవరం మండలం విజయవాడ – భద్రాచలం జాతీయ రహదారిపై ఆదివారం జరిగింది. సేకరించిన వివరాల ప్రకారం మైలవరం మండలం పుల్లూరు పంచాయతీ శివారు దాసుళ్లపాలెం గ్రామానికి చెందిన గవలపల్లి వెంకటేశ్వరరావు(35) రమణ దంపతులు కూలి పనులు చేసుకుంటూ జీవనం సాగిస్తున్నారు. వీరికి ఇద్దరు కుమారులు. పెద్ద కుమారుడు లోకేష్‌ మైలవరంలోని ప్రభుత్వ కళాశాలలో ఇంటర్‌ చదువుతున్నాడు. చిన్న కుమారుడు ఆదిశేషు విసన్నపేట మండలం చాట్రాయి ప్రభుత్వ హాస్టల్‌లో ఉంటూ పదో తరగతి చదువుతున్నాడు. ఆదివారం కావడంతో కుమారులు ఇంటికి వచ్చారు. సంఘటనా స్థలంలోనే మృతి.. కుమారులకు మాంసం తీసుకువచ్చేందుకు పుల్లూరు సెంటర్‌కు వెంకటేశ్వరరావు వచ్చాడు. సెంటర్‌లో స్నేహితుని ద్విచక్ర వాహనం తీసుకుని కొత్తగూడెం సెంటర్‌ సమీపంలోని చికెన్‌ షాపులో చికెన్‌ తీసుకుని ఇంటికి వస్తున్నాడు కొంత దూరం వచ్చిన తరువాత చికెన్‌ సరిపోతుందో లేదోనని మరల వెనుతిరిగాడు. ఈ క్రమంలో భద్రాచలం నుంచి విజయవాడ వైపు వెళ్తున్న ఆర్టీసీ బస్సు జాతీయ రహదారిలోని హరీష్‌ హోటల్‌ వద్ద ద్విచక్ర వాహనాన్ని ఢీకొనడంతో వెంకటేశ్వరరావు రహదారిపై కింద పడిపోయాడు. తలకు తీవ్ర గాయమై సంఘటనా స్థలంలోనే మృతి చెందాడు. కొంత సేపు ట్రాఫిక్‌కు అంతరాయం ఏర్పడింది. ఎస్‌ఐ సుధాకర్‌ సంఘటనా స్థలానికి చేరుకుని ట్రాఫిక్‌ను క్లియర్‌ చేసి మృతదేహాన్ని పోస్టుమార్టం నిమిత్తం మైలవరం ప్రభుత్వాస్పత్రికి తరలించారు. మృతుడు కుటుంబ సభ్యులు ఇచ్చిన ఫిర్యాదు మేరకు పోలీసులు కేసు నమోదు చేసి దర్యాప్తు చేపట్టారు.

వనటౌన్‌(విజయవాడపశ్చిమ): ఐక్యంగా సాగినప్పుడే సమస్యల పరిష్కారం, విజయాలు సాధ్యమవుతాయని మాజీ ఎమ్మెల్సీ కత్తి నరసింహారెడ్డి పేర్కొన్నారు. రాష్ట్రవ్యాప్తంగా పార్ట్‌టైం ఇన్‌స్ట్రక్టర్లు ఎదుర్కొంటున్న సమస్యలు, న్యాయబద్ధమైన డిమాండ్ల పరిష్కారం కోసం రాష్ట్రంలోని రెండు ప్రధాన యూనియన్లు ఒకే వేదికపైకి వచ్చి సంయుక్త కార్యాచరణను ప్రారంభించాయి. ఈ సందర్భంగా రాష్ట్ర పార్ట్‌టైం ఇన్‌స్ట్రక్టర్స్‌ ఐక్యవేదిక సమావేశం ఎన్టీఆర్‌ జిల్లా విజయవాడలోని ఎస్‌టీయూ భవన్‌లో ఆదివారం జరిగింది. ఈ సమావేశానికి రాష్ట్ర పార్ట్‌టైం ఇన్‌స్ట్రక్టర్ల ఐక్యవేదిక ప్రతినిధులు సీహెచ్‌ దేవేంద్రరావు, హాజీ మలంగ్‌ అధ్యక్షత వహించారు. ఫ్యాఫ్టో చైర్మన్‌ లంకపల్లి శ్రీనివాసరావు, మాజీ ఎమ్మెల్సీ కత్తి నరసింహారెడ్డి, నాయకులు జోసఫ్‌ సుధీర్‌బాబు, ఎస్‌టీయూ అధ్యక్షుడు మల్లు రఘునాథ్‌ రెడ్డి ముఖ్య అతిథులుగా హాజరై ప్రసంగించారు. పార్ట్‌టైం ఇన్‌స్ట్రక్టర్ల ప్రతినిధులు ప్రస్తావించిన న్యాయబద్ధమైన డిమాండ్లను రాష్ట్ర జేఏసీ దృష్టికి తీసుకువెళ్లి, ఈ అంశంపై అక్కడ తీర్మానం ప్రవేశపెట్టేందుకు కృషి చేస్తామని హామీ ఇచ్చారు. వివిధ జిల్లాల నుంచి హాజరైన పార్ట్‌టైం ఇన్‌స్ట్రక్టర్ల అధ్యక్షులు, కార్యదర్శులు, మండల బాధ్యులు, సభ్యులు తమ ప్రాంతాల్లోని సమస్యలను సమావేశం దృష్టికి తీసుకువచ్చారు. ముగింపులో పార్ట్‌టైం ఇన్‌ స్ట్రక్టర్స్‌ న్యాయబద్ధమైన డిమాండ్ల సాధన కోసం రెండు సంఘాలు సమన్వయంతో, ఐక్యంగా ముందుకు సాగాలని నిర్ణయించారు.

ఇబ్రహీంపట్నం: 10 రోజులుగా ఇంట్లో ఒంటరిగా నివసిస్తున్న పన్నెండేళ్ల మానసిక వైకల్యం గల బాలికను నవజీవన్‌ బాల భవన్‌ సభ్యుల ఆధ్వర్యంలోని నీతోడు మానసిక వికాస కేంద్రం సిబ్బంది గుర్తించారు. పోలీసుల సమన్వయంతో బాలల సంరక్షణ గృహానికి ఆదివారం తరలించారు. మానసిక వికాస కేంద్రం ప్రోగ్రామ్‌ మేనేజర్‌ గోళ్లమూడి శేఖర్‌బాబు మాట్లాడుతూ ఇబ్రహీంపట్నానికి చెందిన మానసిక వైకల్యం గల బాలిక తల్లి, అమ్మమ్మ, తాతయ్య మరణించగా, తండ్రి ఎవరో బాలికకు తెలియదన్నారు. 15 ఏళ్ల వయస్సు గల అక్క టెన్త్‌క్లాస్‌ చదువుతూ బాలిక బాధ్యత చూసుకుంటూ వచ్చింది. 10 రోజుల క్రితం బాలికకు వస్తున్న మానసిక వైకల్య పెన్షన్‌ రూ.6 వేలు, ఆధార్‌ కార్డులు, బ్యాంకు ఖాతా వివరాలను తీసుకుని అక్క ఎవరికీ చెప్పకుండా ఇంటి నుంచి వెళ్లిపోయినట్లు స్థానికుల ద్వారా తెలిసిందన్నారు. దయనీయ పరిస్థితుల్లో ఎవరైనా భోజనం పెడితే తిన్నట్లు లేదంటే పస్తుంటూ బాలిక జీవిస్తుంది. బాలికను సీఐ సుబ్రహ్మణ్యం వద్దకు తీసుకెళ్లి విషయాన్ని వివరించిన అనంతరం ఎస్‌ఐ సత్యవతి ద్వారా విజయవాడలోని బాలల సంరక్షణ గృహానికి తరలించారు. ఇంటి నుంచి వెళ్లిపోయిన ఆమె సోదరి ఆచూకీ కనుగొనాలని ఫిర్యాదు చేశారు. జోనల్‌ కో ఆర్డినేటర్లు సీహెచ్‌ సాయిబాబు, ఎస్‌కే నజ్మా పాల్గొన్నారు.

● పట్టపగలు రెస్టారెంట్‌ తాళాలు పగులగొట్టి దాడి ● అమ్మిశెట్టి సురేష్‌, మరో 15 మందితో కలిసి అద్దెకు ఉన్న వ్యక్తి దౌర్జన్యం సాక్షి,టాస్క్‌ఫోర్స్‌: పట్టపగలు మండీజ్‌ రెస్టారెంట్‌ షట్టర్‌ తాళాలు పగులగొట్టి భవన యజమానిని బెదిరించి, దౌర్జన్యానికి పాల్పడిన ఘటనవిజయవాడలోని భవానీపురం పోలీసు స్టేషన్‌ పరిధిలో ఆదివారం జరిగింది. భవానీపురం క్రాంబే రోడ్డులో అట్లూరి వెంకట శశిధర్‌కు గ్రౌండ్‌, ఫస్ట్‌ ఫ్లోర్‌ బిల్డింగ్‌ ఉంది. బిల్డింగ్‌ ఫస్ట్‌ ఫ్లోర్‌ను తాడేపల్లి పాతూర్‌ రోడ్‌కు చెందిన మాడసాని శ్రీనివాసరావు 2019లో అద్దెకు తీసుకుని మండీజ్‌ రెస్టారెంట్‌ ఏర్పాటు చేశాడు. కొంత కాలం బాగానే అద్దె చెల్లిస్తూ వచ్చాడు. ఆ తర్వాత నుంచి అద్దె చెల్లించకుండా ఇబ్బందులు పెడుతుంటే 2022లో అగ్రిమెంట్‌ రద్దు చేశారు. అయినప్పటికీ ఖాళీ చేయకుండా అలానే ఉంటూ యజమాని శశిధర్‌ను ఇబ్బందులు పెడుతున్నాడు. ఏమి అడిగినా స్పందించడం లేదు. ఖాళీ చేయమని కోరినా వినలేదు. నాలుగేళ్లుగా ఇబ్బందులకు గురిచేస్తున్నాడు. అద్దె రూ.10 లక్షలు బకాయి పడ్డాడు. దీంతో పెద్దల సమక్షంలో మే నెలలో పంచాయతీ జరిగింది. ఆగస్టు 26 నాటికి ఖాళీ చేస్తాను. అద్దె బకాయి చెల్లించలేకపోతే డబ్బుల కింద సామగ్రి వదిలేసి వెళ్లిపోతానని, షాపు స్వాధీనం చేసుకోవచ్చని ఒప్పందం చేసుకున్నాడు. ఈ నెల ఒకటో తేదీన అద్దె బకాయిలు చెల్లించకుండా సామగ్రి వదిలేసి బిల్డింగ్‌ స్వాధీనం చేసి వెళ్లిపోయాడు. ఆదివారం మధ్యాహ్న సమయంలో అమ్మిశెట్టి సురేష్‌ మరో 15 మంది యువకులను రెస్టారెంట్‌ వద్దకు తీసుకొచ్చి తాళాలు పగులగొట్టారు. అమ్మిశెట్టి సురేష్‌ భవన యజమాని శశిధర్‌ను బెదిరించాడు. దౌర్జన్యానికి పాల్పడ్డాడు. దీంతో భయపడిపోయిన భవన యజమాని శశిధర్‌ 112 కాల్‌ చేసి పోలీసుల ఆశ్రయం కోరాడు. పోలీసులు అక్కడికి వచ్చే సమయానికి యువకులు అక్కడి నుంచి వెళ్లిపోయారు. కొందరు అదే రోడ్డులో రెస్టారెంట్‌ ఎదురుగా చక్కర్లు కొడుతుండడంతో యజమాని శశిధర్‌ నేరుగా స్టేషన్‌కు వెళ్లి ఫిర్యాదు చేశాడు. అద్దెకు తీసుకుని రెస్టారెంట్‌ నిర్వహించిన మాడసాని శ్రీనివాసరావు కూడా స్టేషన్‌కు వెళ్లినట్లు తెలిసింది. అమ్మిశెట్టి సురేష్‌ విజయవాడ జనసేన పార్టీకి నాయకుడు సోదరుడిగా చెబుతున్నారు. పట్టపగలే భవన యజమానిని బెదిరించడంతో చర్చనీయాంశంగా మారింది. రక్షణ కల్పించండి : శశిధర్‌ బిల్డింగ్‌ యజమాని శశిధర్‌ తనకు, తన ఆస్తికి రక్షణ కల్పించాలని భవానీపురం పోలీసులకు ఫిర్యాదు చేశాడు. తన బిల్డింగ్‌లో అద్దెకు ఉన్న శ్రీనివాసరావు, అమ్మిశెట్టి సురేష్‌ మరి కొందరు యువకులతో వచ్చి తనపై బెదిరింపులకు పాల్పడ్డారని, దౌర్జన్యంగా షట్టర్‌ తాళాలు పగులగొట్టారని ఫిర్యాదులో పేర్కొన్నాడు. దీనిపై భవానీపురం పోలీసు స్టేషన్‌లో కేసు నమోదు కాలేదు.

మోపిదేవి: స్థానిక శ్రీవల్లీదేవసేన సమేత సుబ్రహ్మణ్యేశ్వరస్వామివారి దేవస్థానంలో నిర్వహించే శాశ్వత అన్నదానం నిమిత్తం విజయవాడకు చెందిన పి. రాజ్యలక్ష్మి రూ. 1.15లక్షల విరాళంగా సమర్పించుకున్నారు. ఆదివారం ఉదయం ఆలయానికి చేరుకుని స్వామివార్లను దర్శించుకుని పూజలు నిర్వహించారు. అనంతరం పివికే శేషాచార్యులు జ్ఞాపకార్థం వారి భార్య రాజ్యలక్ష్మి తరఫున చల్లపల్లి గ్రామ మాజీ ఉపసర్పంచ్‌ ముమ్మనేని నాని ఈ విరాళాన్ని ఆలయ డెప్యూటీ కమిషనర్‌ దాసరి శ్రీరామ వరప్రసాదరావుకు అందజేశారు. దాత కుటుంబ సభ్యులను ఆలయ మర్యాదలతో సత్కరించారు. రైల్వేస్టేషన్‌(విజయవాడపశ్చిమ): ఆర్‌పీఎఫ్‌ ఆవిర్భావ దినోత్సవాన్ని పురస్కరించుకుని ఆదివారం దక్షిణ కోస్తా రైల్వే విజయవాడ డివిజన్‌ ఆర్‌పీఎఫ్‌ అధికారులు, సిబ్బంది పలు సామాజిక సేవా కార్యక్రమాలతో వేడుకలు నిర్వహించారు. అందులో భాగంగా డివిజన్‌ వ్యాప్తంగా రక్తదాన శిబిరాలు, మొక్కల పెంపకం, ప్రయాణికుల అవగాహన కార్యక్రమాలు, యోగా, అనాథ, వృద్ధ ఆశ్రమాల్లో సేవా, సురక్షా సమ్మేళనాలు, శ్రమదానం వంటి కార్యక్రమాలు నిర్వహించారు. గత ఆర్థిక సంవత్సరం సెప్టెంబర్‌ 19 వరకు రైల్వే ఆస్తుల పరిరక్షణలో ఆర్‌పీఎఫ్‌ సాధించిన విజయాలను ప్రయాణికులతో పంచుకున్నారు. ప్రయాణికుల భద్రత దృష్ట్యా ఆర్‌పీఎఫ్‌ ఇటువంటి పటిష్టమైన చర్యల ద్వారా విజయవాడ ఆర్‌పీఎఫ్‌ లక్షలాది మంది ప్రయాణికులకు సురక్షితమైన, క్రమశిక్షణతో కూడిన ప్రయాణ వాతావరణాన్ని కల్పిస్తోందని అధికారులు తెలిపారు. రైల్వేస్టేషన్‌(విజయవాడపశ్చిమ): దక్షిణ కోస్తా రైల్వే, విజయవాడ డివిజన్‌ ఉమెన్‌ వెల్ఫేర్‌ ఆర్గనైజేషన్‌ ఆధ్వర్యంలో నాన్‌–గెజిటెడ్‌ రైల్వే ఉద్యోగుల పిల్లలకు ఆదివారం ఆన్‌–స్పాట్‌ డ్రాయింగ్‌, పెయింటింగ్‌ పోటీలను నిర్వహించారు. వయస్సుల వారీగా మూడు విభాగాల్లో విజయవాడలో ఆదివారం నిర్వహించిన ఈ పోటీలలో 452 మంది విద్యార్థులు ఉత్సాహంగా పాల్గొని తమ ప్రతిభను చాటుకున్నారు. ఆర్గనైజేషన్‌ ప్రెసిడెంట్‌ వర్షా సోనాకియా ఈ పోటీలను పర్యవేక్షించి పాల్గొన్న పిల్లలందరికీ బహుమతులు అందజేసి ప్రోత్సహించారు. ముందు రోజు నిర్వహించిన వ్యాస రచన పోటీలలో కూడా 270 మంది విద్యార్థులు పాల్గొన్నారు. పాప ప్రక్షాళన చేసుకోండి గన్నవరం: శ్రీవారి లడ్డూ ప్రసాదంలో జంతు కొవ్వు కలవలేదని ఈడీ, సీబీఐ స్పష్టమైన నివేదికలు ఇచ్చిన నేపథ్యంలో సీఎం చంద్రబాబు, డెప్యూటీ సీఎం పవన్‌కల్యాణ్‌, మంత్రి లోకేశ్‌ కలిసి తిరుపతి వెళ్లి చెంపలు వేసుకుని పాప ప్రక్షాళన చేసుకోవాలని వైఎస్సార్‌ సీపీ నేత, మాజీ ఎంపీ మార్గాని భరత్‌ అన్నారు. కృష్ణా జిల్లా గన్నవరంలో ఆదివారం ఆయన మాట్లాడారు. రాజకీయ స్వలాభం కోసమే తిరుపతి లడ్డూ విషయంలో చంద్రబాబు ప్రభుత్వం వైఎస్సార్‌ సీపీపై దుష్ప్రచారం చేసిందని మండిపడ్డారు. దేవుడిని రాజకీయాలకు వాడుకోవడం దైవ తప్పిదమని, కర్మ సిద్ధాంతం ఎవరినీ వదిలిపెట్టదని పేర్కొన్నారు. తిరుమల లడ్డూపై చంద్రబాబు, పవన్‌, లోకేశ్‌ చేసిన వ్యాఖ్యలను ఉపసంహరించుకుని, యావత్‌ హిందూ సమాజానికి బహిరంగ క్షమాపణలు చెప్పాలని డిమాండ్‌ చేశారు. దేశంలో నీట్‌ పరీక్ష పేపర్‌ లీకేజీకి కేంద్ర విద్యాశాఖ మంత్రి ధర్మేంద్ర ప్రధాన్‌ బాధ్యత వహించినట్లుగానే రాష్ట్రంలో జరిగిన డీఎస్సీ అక్రమాలకు మంత్రి లోకేశ్‌ బాధ్యత వహించి రాజీనామా చేయాలన్నారు.

లబ్బీపేట(విజయవాడతూర్పు): మనం తాగుతున్న నీరు సురక్షితమైనా.. ఇప్పుడు నగరంలో ఎక్కడ చూసినా ప్రజల్లో ఇదే చర్చ జరుగుతుంది. నగరపాలక సంస్థ సరఫరా చేసే నీటితో పాటు ఉమ్మడి జిల్లాల్లోని మున్సిపాలిటీలు, పంచాయతీల్లోనూ నీరు రంగు మారి వస్తుండగా, ఆర్వో ప్లాంట్లలో కొనుగోలు చేస్తున్న నీటిలో సైతం ఫంగస్‌ ఉంటున్నట్లు ఇటీవల నిర్వహించిన పరీక్షల్లో తేలింది. ఇలా ఏ నీరు తాగినా వ్యాధులు సోకడం తథ్యమని నిపుణులు చెబుతున్నారు. ఇటీవల విజయవాడలో గిరిపురంతో పాటు కృష్ణాజిల్లాలోని ఉయ్యూరు, కంకిపాడులో పెద్ద సంఖ్యలో ప్రజలు డయేరియా బారిన పడ్డారు. అంతేకాక గతేడాది సెప్టెంబర్‌లో న్యూ రాజరాజేశ్వరిపేటలో దాదాపు 300ల మందికి పైగా డయేరియా బారిన పడటానికి కలుషిత నీరే కారణంగా తేలింది. దీంతో నగరంతో పాటు, జిల్లా ప్రజల్లో ఎంత మంది శుద్ధ జలాలు తాగుతున్నారో తెలియని పరిస్థితి నెలకొంది. ఈ నేపథ్యంలో ప్రజలు తాగునీటి విషయంలో తగు జాగ్రత్తలు తీసుకోవాలని వైద్యులు సూచిస్తున్నారు. కుళాయిల్లో రంగుమారిన నీరు సరఫరా.. నగరపాలకసంస్థ సరఫరా చేసే నీరు తరచూ పలు ప్రాంతాల్లో రంగు మారి వస్తున్నట్లు ప్రజలు చెబుతున్నారు. వాస్తవంగా కృష్ణానది నుంచి నీటిని శుద్ధి చేసి పైప్‌లైన్‌ ద్వారా సరఫరా చేస్తుంటారు. అయితే మధ్యలో పైప్‌లైన్‌లు పగిలి నీరు కలుషితం అవుతుంది. నగరంలోని చాలా ప్రాంతాల్లో దశాబ్ధాల కిందట వేసిన పైప్‌లైన్‌లో ఉన్నాయి. డ్రెయినేజీల్లో మంచినీటి పైప్‌లైన్‌లు వెళ్లిన ప్రాంతాలు ఉన్నాయి. ఇలా రెండేళ్లలో మొగల్రాజపురంతో పాటు న్యూ రాజరాజేశ్వరిపేట, గిరిపురం ప్రాంతాల్లో డయేరియా సోకిన సమయంలో ఇదే విషయాన్ని అధికారులు గుర్తించారు. చాలా బ్లాక్‌లలో పగిలిన డ్రెయినేజీ పైపుల పక్కనే మంచినీటి పైప్‌లైన్‌లు ఉంటున్నాయి. డయేరియా లాంటి వ్యాధులు సోకితేనే అధికారులు దృష్టి పెడుతున్నారు. అపరిశుభ్రంగా ఓవర్‌హెడ్‌ ట్యాంక్‌లు.. నగరంతో పాటు ఉమ్మడి జిల్లాల్లోని పలు ఓవర్‌హెడ్‌ ట్యాంకులు అపరిశుభ్రంగా ఉన్నాయని ప్రజలు చెబుతున్నారు. వాటిని తరచూ శుభ్రం చేయాల్సి ఉన్నా, ఏదో నామమాత్రంగా చేస్తున్నారే కానీ, పూర్తిగా చేయడం లేదని ఆరోపణలు ఉన్నాయి. దీంతో అపరిశుభ్రంగా ఉన్న ఓవర్‌హెడ్‌ ట్యాంకుల్లో నీరు తాగిన వారు వ్యాధుల బారిన పడే అవకాశం ఉందంటున్నారు. అందుకు ఇటీవల నగరంతో పాటు గ్రామీణ ప్రాంతాల్లో సైతం డయేరియా కేసులు నమోదు కావడమే నిదర్శనంగా చెబుతున్నారు. ఆర్వో వాటర్‌లో ఫంగస్‌.. నగరంలోని ఆర్వో వాటర్‌ ప్లాంట్‌లు కుప్పలు తెప్పలుగా వెలిశాయి. ఏ ప్రాంతంలో చూసిన నిబంధనలకు విరుద్ధంగా ఆర్వో ప్లాంట్‌లు ఏర్పాటు చేశారు. వాటిలో చాలా వరకూ అనుమతులు కూడా లేనివి ఉన్నాయి. అలాంటి ప్లాంట్‌ల నుంచి వచ్చే నీరు తాగితే వ్యాధులు సోకడం తథ్యమంటున్నారు. కొన్ని ఆర్వో ప్లాంట్లలో పట్టిన నీటిని తనిఖీ చేస్తే ఫంగస్‌ ఉన్నట్లు గుర్తించారు. ఆ ఫంగస్‌ కారణంగా టైఫాయిడ్‌, జాండీస్‌ వంటి వ్యాధులు సోకే అవకాశం ఉందంటున్నారు. అంతేకాకండా ఆర్వో ప్లాంట్‌లు భూగర్భ జలాలను వినియోగిస్తుండటంతో అవసరమైన మినరల్స్‌ వాటిలో ఉండవని, అవి తాగితే ఎముకలు గుల్లబారే ప్రమాదముంది. ఆర్వో వాటర్‌ అనారోగ్యకరం.. ఇబ్బడి ముబ్బడిగా ఆర్వో ప్లాంట్‌లు నిబంధనలకు విరుద్ధగా వెలుస్తున్నాయి. అవి నీటిలోని గాఢతను తగ్గించి, తాగడానికి అనుకూలమైన నీ టిని అందిస్తున్నాయే కానీ, వాటిలో ఎలాంటి మి నరల్స్‌ ఉండటం లేదు. తాగునీటిలో అవసరమై న కాల్షియం, మెగ్నీషియం ఐరన్‌ ఉండాల్సిన అ వసరం ఉంది. అంతేకాకుండా నైట్రేట్‌ శాతాన్ని తగ్గించాలి. కానీ అదేమి జరగడం లేదు. దీంతో ప్రజలు అనారోగ్యానికి గురవుతున్నారు. నగరపాలకసంస్థ సరఫరా చేసే నీరు కూడా కలుషితం కాకుండా చూడాల్సిన బాధ్యత ప్రభుత్వంపై ఉంది. ప్రజల ఆరోగ్యంపై ప్రభుత్వానికి చిత్తశుద్ధి లేదు. దీంతో కలుషిత నీరు తాగి ప్రజలు డయేరియా బారిన పడుతున్నారు. గతేడాది న్యూ రాజరాజేశ్వరిపేటలో 300ల మంది డయేరియా బారిన పడగా, ఈ ఏడాది విజయవాడలోని గిరిపురం, కృష్ణాజిల్లాలోని ఉయ్యూరు, కంకిపాడుల్లో డయేరియా కేసులు పెద్ద సంఖ్యలో నమోదయ్యాయి. ఈ విషయంలో ప్రభుత్వం సిగ్గుపడాలి. డయేరియా రాకుండా చూడాల్సిన పాలకులు చోద్యం చూస్తూ ప్రజల ప్రాణాలతో చెలగాటం ఆడుతున్నారు. ఇప్పటికై నా శుద్ధి చేసిన తాగునీరు అందించాల్సిన బాధ్యత ప్రభుత్వంపై ఉంది. – డాక్టర్‌ మెహబూబ్‌ షేక్‌, రాష్ట్ర ఉపాధ్యక్షుడు, వైఎస్సార్‌ సీపీ వైద్య విభాగం

సాక్షి ప్రతినిధి, విజయవాడ: డీఎస్సీ స్పోర్ట్స్‌ కోటా నియామకాల్లో అక్రమాలకు పాల్పడి అడ్డంగా దొరికిన ప్రభుత్వం.. అక్రమాలను ప్రశ్నించేవారిపై ఎదురుదాడికి ప్రయత్నిస్తోంది. అందుకోసం స్పోర్ట్స్‌ కోటాలో అక్రమంగా ఉద్యోగాలు పొందిన వారితో విజయవాడలో సోమవారం బల ప్రదర్శన నిర్వహించేందుకు సిద్ధమైంది. డీఎస్సీలో అక్రమాలకు పాల్పడినవారిపై చర్యలు తీసుకోవాలని డిమాండ్‌ చేస్తూ వైఎస్సార్‌సీపీ ఈ నెల 21న (సోమవారం) విజయవాడ ఇందిరాగాంధీ మున్సిపల్‌ స్టేడియంలోని స్పోర్ట్స్‌ అథారిటీ ఆఫ్‌ ఆంధ్రప్రదేశ్‌ (శాప్‌) కార్యాలయం వద్ద ధర్నాకు పిలుపునిచ్చింది. నగరంలోని శిఖామణి సెంటర్‌ నుంచి శాప్‌ కార్యాలయం వరకు శాంతియుతంగా ర్యాలీ నిర్వహించాలని నిర్ణయించింది. ఈ కార్యక్రమంలో రాష్ట్రంలోని డీఎస్సీ బాధిత అభ్యర్థులు, నిరుద్యోగులు పాల్గొనాలని కోరింది. దీంతో ఈ కార్యక్రమాన్ని అడ్డుకుని రచ్చ చేసేందుకు ప్రభుత్వ పెద్దలు కుట్ర పన్నారు. వైఎస్సార్‌సీపీ శాంతియుత ర్యాలీకి పోటీగా అక్రమంగా నియామకాలు పొందిన వారితో బలప్రదర్శనకు పథకం రచించారు. విజయవాడలో ప్రత్యేక సమావేశం..రాష్ట్రవ్యాప్తంగా స్పోర్ట్స్‌ కోటాలో ఉపాధ్యాయ పోస్టులు పొందిన వారంతా ఆదివారమే విజయవాడకు చేరుకున్నారు. వారంతా నగరంలోని ఓ హాలులో జరిగిన సమావేశంలో పాల్గొన్నారు. ప్రభుత్వం కనుసన్నల్లోనే వారంతా విజయవాడకు వచ్చారని, ఈ సమావేశంలో పాల్గొన్నారనేది బహిరంగ రహస్యమే. వివిధ ప్రాంతాల నుంచి వచ్చిన వారందరూ ఆదివారం రాత్రి విజయవాడలోనే ఉండేందుకు ఏర్పాట్లు చేశారు. వైఎస్సార్‌సీపీ ర్యాలీ చేపడితే, వెంటనే పోటీగా ప్రదర్శన చేయాలనేది వారి స్కెచ్‌గా తెలుస్తోంది. వారి ప్రదర్శనకు శాప్‌ చైర్మన్‌ రవినాయుడు ముందుగానే పోలీసులతో లోపాయికారిగా అనధికారిక అనుమతి పొందినట్లు సమాచారం. అంతేకాదు వారందరినీ అధికార పార్టీకి చెందిన కొందరు దగ్గరుండి కనకదుర్గమ్మ దర్శనం కూడా చేయించడం గమనార్హం. డీఎస్సీలో అక్రమాలకు తెరలేపిన ముఖ్యనేత ఆదేశాలతోనే ఇదంతా జరుగుతున్నట్లు సమాచారం. పోలీసులను అడ్డుపెట్టుకుని..డీఎస్సీ స్పోర్ట్స్‌ కోటా నియామకాల్లో అక్రమాలు జరిగినట్లు వైఎస్సార్‌సీపీ ఇప్పటికే అనేక ఆధారాలు బయటపెట్టింది. అర్హత లేని వారికి ఉద్యోగాలిచ్చి, గోల్డ్‌ మెడల్స్‌ పొందినవారిని పక్కన పెట్టిన వైనాన్ని ఇప్పటికే పలుమార్లు ఆధారాలతో వైఎస్సార్‌సీపీ ప్రజల ముందుంచింది. పరీక్ష లేకుండానే నేరుగా ఉద్యోగాలు ఇచ్చేసినట్లు విద్యాశాఖ మంత్రి నారా లోకేశ్‌ సైతం అసెంబ్లీ సాక్షిగా అంగీకరించారు. దీంతో రోజురోజుకూ డీఎస్సీ అక్రమాలు మరిన్ని వెలుగు చూస్తుండటంతో ప్రభుత్వంలో ఆందోళన ప్రారంభమైంది. వైఎస్సార్‌సీపీ నిరసనలను ఎలాగైనా అడ్డుకునేందుకు పోలీసులను రంగంలోకి దించింది. రెడ్‌బుక్‌ రాజ్యాంగాన్ని అమలుచేస్తూ శాంతియుత ర్యాలీకి అనుమతిలేదని చెప్పించింది.వైఎస్సార్‌సీపీ ర్యాలీ, ధర్నాకు అనుమతి లేదు : డీసీపీ లబ్బీపేట (విజయవాడ తూర్పు): విజయవాడలోని శాప్‌ కార్యాలయం వద్ద సోమవారం వైఎస్సార్‌సీపీ నిర్వహించతలపెట్టిన నిరసన ధర్నా, ర్యాలీలకు అనుమతిలేదని డీసీపీ కృష్ణకాంత్‌ పటేల్‌ చెప్పారు. ఆయన ఆదివారం మీడియాతో మాట్లాడుతూ.. విజయవాడ నగరంలో వినాయక నిమజ్జన కార్యక్రమాలు, ఊరేగింపులు, ట్రాఫిక్‌ అంతరాయాలు, పోలీస్‌ సిబ్బంది కొరతను దృష్టిలో పెట్టుకుని ర్యాలీ, ధర్నాలకు అనుమతి నిరాకరించినట్లు పేర్కొన్నారు.

సాక్షి, కృష్ణా జిల్లా: డీఎస్సీ అక్రమాలపై సీబీఐ విచారణ జరిపించాలని డిమాండ్‌ చేస్తూ వైఎస్సార్‌సీపీ రేపు(సోమవారం) నిర్వహించనున్న ర్యాలీపై పోలీసులు ఆంక్షలు విధిస్తున్నారు. నిరసన ర్యాలీకు అనుమతి లేదంటూ పోలీసులు నోటిసులు జారీ చేశారు. ఇవాళ పెనమలూరు వైఎస్సార్‌సీపీ ఇంఛార్జి దేవభక్తుని చక్రవర్తికి పోలీసులు నోటీసులు ఇచ్చారు. డీఎస్సీ నిరసనలో పాల్గొంటే చట్ట ప్రకారం చర్యలు తీసుకుంటామంటూ నోటీసుల్లో పేర్కొన్నారు.కాగా, నిరసన ర్యాలీకి అనుమతి లేదంటూ ఆ పార్టీ ఎన్టీఆర్‌ జిల్లా అధ్యక్షుడు దేవినేని అవినాష్‌కు శనివారం మాచవరం ఎస్‌ఐ యోగేష్‌ నోటీసు అందించారు. విజయవాడలో ఎలాంటి ర్యాలీకి అనుమతి లేదని సెంట్రల్‌ ఏసీపీ పేరుతో ఆ నోటీసును అందజేశారు. ర్యాలీ చేస్తే చట్టప్రకారం చర్యలు తీసుకుంటామని పేర్కొన్నారు. కూటమి పార్టీలకు మద్దతుగా చేసే ర్యాలీలకు అనుమతించే పోలీసులు, ప్రతిపక్షాల ర్యాలీలపై ఉక్కుపాదం మోపడాన్ని ప్రజలు తీవ్రంగా ఖండిస్తున్నారు.ఇదీ చదవండి: భేతాళ కేసులో ‘స్క్రిప్టెడ్‌ సాక్ష్యం’!

పామర్రు: అవినీతిమయమైన చంద్రబాబు పాలనను అంతమొందించడానికి త్వరలో జరగనున్న స్థానిక సంస్థల ఎన్నికలలో వైఎస్సార్‌ సీపీ శ్రేణులు కలిసి కట్టుగా పనిచేయాలని పార్టీ కృష్ణాజిల్లా అధ్యక్షుడు, మాజీ మంత్రి పేర్ని వెంకట్రామయ్య(నాని) పిలుపిచ్చారు. స్థానిక ఆరేపల్లి కల్యాణ మండపంలో శనివారం పార్టీ పామర్రు నియోజకవర్గ నేతలతో విస్తృత స్థాయి సమావేశం పామర్రు మాజీ ఎమ్మెల్యే కై లే అనిల్‌కుమార్‌ అధ్యక్షతన జరిగింది. పేర్ని నాని మాట్లా డుతూ.. కూటమి ప్రభుత్వ ప్రజా వ్యతిరేక పాలనపై నిప్పులు చెరిగారు. స్థానిక సంస్థల ఎన్నికల్లో కూటమి పార్టీలను ఓడించి కూటమి ప్రభుత్వ పతనానికి తొలిమెట్టును నిర్మించాలన్నారు. కూటమి నేతలకు ముడుపులు ఇచ్చి కీలక పోస్టుల్లోకి వచ్చిన అధికారులు బరితెగించి లంచాలు తీసుకుంటున్నారని విమర్శించారు. ఎండలను, సముద్రాన్ని ఏవిధంగా కంట్రోల్‌ చేయాలో కసరత్తు చేస్తున్నానని చంద్రబాబు అంటున్నారని, ప్రజలు మాత్రం పెరుగుతున్న నిత్యావసర ధరలను నియంత్రిస్తే చాలని కోరుకుంటున్నారన్నారు. విశాఖపట్నం ప్రజలకు రోజువారీ తాగునీరు అందించలేని చంద్రబాబు గూగుల్‌ డేటా సెంటర్‌కు మాత్రం రోజూ 28 కోట్ల లీటర్ల నీరు అందిస్తానని ప్రగల్భాలు పలుకుతూ ప్రజలను తీవ్రంగా మోసం చేస్తున్నారని విమర్శించారు. ప్రశ్నిస్తానన్న వ్యక్తి కేరళకు పరిమితమయ్యా రని ఎద్దేవాచేశారు. మహిళా లోకం మేల్కొనాలి కూటమి ప్రభుత్వం ఫ్రీ బస్సును ఎర వేసి మహిళలను మోసం చేస్తోందని నాని విమర్శించారు. పిల్లలకు ఫీజు రీయింబర్స్‌మెంట్‌ లేదు, డ్వాక్రా రుణ మాఫీలు, పావలా వడ్డీలు ఇవ్వకుండా చంద్రబాబు ప్రభుత్వం తీవ్రంగా మోసం చేస్తోందన్న విషయాన్ని మహిళలు గ్రహించి మేల్కొనాలని పిలుపు నిచ్చారు. రాష్ట్రంలో సాగుకు నీరులేక రైతులు అలో... లక్ష్మణా అంటూ బాధ పడుతున్నారని పేర్కొన్నారు. జగన్‌ ప్రభుత్వంలో ముందస్తు ప్రణాళికలతో సాగుకు నీటిని అందించామని గుర్తుచేశారు. జిల్లాలో అత్యధికంగా సాగు చేసేది పామర్రు నియోజకవర్గమని, ఈ ఖరీఫ్‌లో మూడు వేల ఎకరాల మేర కూడా సాగవకపోవడం విచారకరమని అన్నారు. మచిలీపట్నంలో రూ.4 కోట్ల ఖర్చుతో వినాయకుడి విగ్రహం పెట్టి సంబరాలు చేస్తున్నారని, రైతును మాత్రం పట్టించుకున్న పరిస్థితి లేదని పేర్ని నాని విమర్శించారు. శిశుపాలుని తప్పులను లెక్కపెట్టే విధంగా ప్రజలు కూడా ఎప్పుడు ఎన్నికల వస్తాయా అని ఎదురుచూస్తున్నారని పేర్కొన్నారు. రానున్నది జగనన్న ప్రభుత్వమేనని, ఎవరూ అధైర్య పడవద్దని భరోసా కల్పించారు. కూటమి కుట్రలను తిప్పికొడదాం మాజీ ఎమ్మెల్యే ౖకైలే అనిల్‌కుమార్‌ మాట్లాడుతూ.. రానున్న స్థానిక సంస్థల ఎన్నికల్లో పార్టీ నాయకులు, కార్యకర్తలు అందరూ సైనికుల్లా పనిచేసి విజయబావుటా ఎగురవేయాలని కోరారు. అందరూ ఒకే కుటుంబంలా ఉండి కూటమి నేతల కుట్రలను తిప్పి కొట్టాలని సూచించారు. వైఎస్సార్‌ సీపీ మచిలీపట్నం ఇన్‌చార్జి పేర్ని కృష్ణమూర్తి(కిట్టు) మాట్లాడుతూ పార్టీ అధికారంలో లేకపోయినా జగన్‌ కోసం ఎన్నో కష్టాలకు ఓర్చి పార్టీలో ఉన్న వారిని అభినందించారు. కూటమి పాలన పాపాలను అంతం చేసేందుకు ప్రజలు ఎదురు చూస్తున్నారని అన్నారు. పెనమలూరు ఇన్‌చార్జి దేవభక్తుని చక్రవర్తి మాట్లాడుతూ రానున్న ఎన్నికలలో పార్టీ కోసం ప్రతి ఒక్కరూ ఒక సైనికుడిలా పని చేసి పార్టీకి అండగా ఉండాలని కోరారు. అవనిగడ్డ ఇన్‌చార్జి సింహాద్రి రమేష్‌బాబు మాట్లాడుతూ చంద్రబాబు ప్రభుత్వం వ్యవసా యాన్ని నాశనం చేసి రాష్ట్రాన్ని భ్రష్టు పట్టించిందని అన్నారు. పెడన ఇన్‌చార్జి ఉప్పాల రాము మాట్లాడుతూ అక్రమ కేసులతో వైఎస్సార్‌ సీపీ శ్రేణులను భయపెట్టేందుకు కూటమి ప్రభుత్వం ప్రయత్నిస్తోందని, తాటాకు చప్పుళ్లకు ఎవరూ భయ పడేది లేదని అన్నారు. రానున్న ఎన్నికలలో ప్రజా వ్యతిరేక పాలనకు తగిన బుద్ధి చెప్పేందుకు ప్రజలు సిద్ధంగా ఉన్నారని అన్నారు. ఈ సమావేశంలో పలువురు పార్టీ నాయకులు, కార్యకర్తలు, పార్టీ అభిమానులు పాల్గొన్నారు. వైఎస్సార్‌ సీపీ కృష్ణా జిల్లా అధ్యక్షుడు పేర్ని నాని

ఆరెకరాల్లో పత్తి సాగు చేశాను. ఎకరాకు రూ.35 వేల చొప్పున పెట్టుబడి పెట్టాను. పూత, కాయ దశ వరకు పంటను కాపాడుకున్నా.. వర్షాలు లేకపోవడంతో పత్తి ఎండిపోతోంది. దీనికి తోడు తెగుళ్లు సోకడంతో పూత, కాయ రాలిపోయాయి. ఎకరాకు రెండు క్వింటాళ్ల దిగుబడి వచ్చే పరిస్థితి కూడా కనిపించడం లేదు. మొత్తం రూ.2 లక్షలకుపైగా పెట్టుబడి పెట్టాను. ఈ ఏడాది పూర్తిగా నష్టపోయాను. కరువు తీవ్రంగా ఉన్నా ప్రభుత్వం రైతులను పట్టించుకోవడం లేదు. – సాంబిరెడ్డి, రైతు, వీరులపాడు తీవ్ర వర్షాభావ పరిస్థితులతో రైతులు తీవ్రంగా నష్టపోయారు. పంటలు ఎండిపోవడంతో పెట్టుబడులు కోల్పోయే పరిస్థితి ఏర్పడింది. రాష్ట్ర ప్రభుత్వం తక్షణమే కరువు మండలాలను ప్రకటించి రైతులకు కరువు సాయం అందించాలి. కేంద్ర ప్రభుత్వం రాష్ట్రంలోని కరువు పరిస్థితులను జాతీయ విపత్తుగా గుర్తించి రూ.లక్ష కోట్ల నిధులు విడుదల చేయాలి. రైతులను ఆదుకునేందుకు తక్షణ చర్యలు చేపట్టాలి. – కేఎస్‌ఎస్‌ ప్రసాద్‌, రైతు సంఘం నాయకుడు

లబ్బీపేట(విజయవాడతూర్పు): కరువుకు బ్రాండ్‌ అంబాసిడర్‌ చంద్రబాబు అని, ఆయన ఎప్పుడు అధికారంలోకి వచ్చినా రాష్ట్రంలో కరువు పరిస్థితులు వస్తాయని వైఎస్సార్‌ సీపీ ఎన్టీఆర్‌ జిల్లా అధ్యక్షుడు దేవినేని అవినాష్‌ అన్నారు. రాష్ట్రంలో వర్షాలు లేక రైతులు ఇబ్బందులు పడుతుంటే ప్రభుత్వం చోద్యం చూస్తుందని ఎద్దేవా చేశారు. విజయవాడలోని పార్టీ కార్యాలయంలో శనివారం అవినాష్‌ మీడియాతో మాట్లాడారు. రాష్ట్రంలో కూటమి అధికారంలోకి వచ్చిన తర్వాత రైతులు వైఎస్‌ జగన్‌ని తలుచుకోని రోజు లేదన్నారు. నాడు జగన్‌మోహన్‌రెడ్డి పాలనలో రైతులు సంతోషంగా ఉన్నారని, రైతుభరోసా కేంద్రాలు, ఈ క్రాప్‌ వంటివి రైతును రాజును చేశాయన్నారు. ప్రస్తుతం ఎన్టీఆర్‌ జిల్లాలో 50 శాతం పైనే పంట వేయలేదని, నందిగామ, తిరువూరు, జగ్గయ్యపేటలో రైతులను పట్టించుకునే వారు లేరన్నారు. జిల్లాలో అధికారులు మొద్దు నిద్రలో ఉన్నారని ఆరోపించారు. అంతా బాగుందని అధికారులు మాట్లాడుతున్నారని, కరువు మండలాలు ప్రకటించలేని స్థితిలో ప్రభుత్వం ఉందన్నారు. ఫీల్డ్‌కి అధికారులు, పాలకులు వెళ్లలేదని, ఎంపీ, ఎమ్మెల్యేలు దోచుకోవడం, దాచుకోవడంలో బిజీగా ఉన్నారని మండిపడ్డారు. చంద్రబాబు కరువు మ్యాన్‌ చంద్రబాబును వాటర్‌ మ్యాన్‌ అని కూటమి నేతలు అంటున్నారని, కానీ ఆయన కరువు మ్యాన్‌ అని అవినాష్‌ విమర్శించారు. రైతుల పక్షాన వైఎస్సార్‌ సీపీ పోరాటం చేస్తోందన్నారు. నీరు లేక పశువులను రైతులు అమ్ముకుంటున్నారని, కరువుపై సమీక్ష సమావేశం నిర్వహించలేదన్నారు. జిల్లాలో 48.2 శాతం వర్షపాతం లోటు ఉందన్నారు. రైతుల పక్షాన వైఎస్సార్‌ సీపీ పోరాడుతోందన్నారు. రాష్ట్రంలో ఎల్‌నినో ప్రభావం కాదని, ఎల్లోనినో ప్రభావం పండిందన్నారు. డీఎస్సీలో రోజుకో స్కామ్‌ కూటమి ప్రభుత్వం మెగా డీఎస్సీ పేరుతో చేపట్టిన నియామకాల్లో రోజుకో స్కామ్‌ బయటకు వస్తోందని దేవినేని అవినాష్‌ అన్నారు. ఇలాంటి తరుణంలో కూటమి ప్రభుత్వం డైవర్షన్‌ పాలిటిక్స్‌కి పాల్పడుతోందన్నారు. డీఎస్సీ అక్రమాలపై ఈ నెల 21న శాప్‌ కార్యాలయాల ఎదుట నిరసన కార్యక్రమాలు చేపడుతున్నట్లు తెలిపారు. డీఎస్సీలో దొంగలు దొరికిపోయారని, కూటమి ప్రభుత్వానికి దమ్ము, ధైర్యం ఉంటే సీబీఐ విచారణ జరపాలని డిమాండ్‌ చేశారు. డీఎస్సీపై పేర్ని నాని, అంబడి రాంబాబు చర్చకు వస్తామని చెపుతున్నారని పేర్కొన్నారు. డీఎస్సీలో అభ్యర్థులకు న్యాయం జరిగే వరకూ పోరాడతామన్నారు. డీఎస్సీ అక్రమాలపై సీబీఐ విచారణ జరిపించాలని డిమాండ్‌ చేస్తూ వైఎస్సార్‌ సీపీ ఈ నెల 21న నిర్వహించనున్న ర్యాలీపై పోలీసులు ఆంక్షలు విధిస్తున్నారు. నిరసన ర్యాలీకి అనుమతి లేదంటూ ఆ పార్టీ ఎన్టీఆర్‌ జిల్లా అధ్యక్షుడు దేవినేని అవినాష్‌కు శనివారం మాచవరం ఎస్‌ఐ యోగేష్‌ నోటీసు అందించారు. విజయవాడలో ఎలాంటి ర్యాలీకి అనుమతి లేదని సెంట్రల్‌ ఏసీపీ పేరుతో ఆ నోటీసును అందజేశారు. ర్యాలీ చేస్తే చట్టప్రకారం చర్యలు తీసుకుంటామని పేర్కొన్నారు.కూటమి పార్టీలకు మద్దతుగా చేసే ర్యాలీలకు అనుమతించే పోలీసులు, ప్రతిపక్షాల ర్యాలీలపై ఉక్కుపాదం మోపడాన్ని ప్రజలు తీవ్రంగా ఖండిస్తున్నారు.

ఎన్టీఆర్‌ జిల్లాఆదివారం శ్రీ 20 శ్రీ సెప్టెంబర్‌ శ్రీ 2026పర్యాటక రంగ అభివృద్ధికి కృషి7మచిలీపట్నంటౌన్‌: బందరులో బీఎస్‌ఎన్‌ఎల్‌ ఎక్స్చేంజ్‌ వద్ద సివిల్‌ పెన్షనర్స్‌ ఆధ్వర్యంలో 11 ప్రధాన డిమాండ్లను పరిష్కరించాలని కోరుతూ శనివారం ధర్నా చేశారు.ఇంద్రకీలాద్రిపై దుర్గమ్మ నిత్యాన్నదానానికి పలువురు భక్తులు శనివారం విరాళాలు అందచేశారు. దుర్గమ్మ దర్శనానంతరం అమ్మవారి ప్రసాదాలు ఇచ్చారు.గాంధీనగర్‌(విజయవాడసెంట్రల్‌): ఏపీ భాషా సాంస్కృతిక శాఖ ఆధ్వర్యంలో శనివారం మహాకవి, పద్మభూషణ్‌ బోయి భీమన్న జయంతి వేడుకలు ఎన్టీఆర్‌ జిల్లా విజయవాడ కలెక్టరేట్‌ కార్యాలయ ప్రాంగణంలోని పింగళి వెంకయ్య సమావేశ మందిరంలో ఘనంగా జరిగాయి. కలెక్టరేట్‌ ప్రాంగణంలో ఏర్పాటు చేసిన బోయి భీమన్న జీవిత ఛాయా చిత్ర మాలికను మంత్రి దుర్గేష్‌ పరిశీలించారు. అనంతరం కలెక్టర్‌ లక్ష్మీశతో కలిసి భీమన్న చిత్రపటానికి పూలమాలలు వేసి నివాళులు అర్పించారు. గుంటూరు జిల్లాకు చెందిన రచయిత, సాహితీవేత్త భూసురపల్లి వెంకటేశ్వర్లుకు ’బోయి భీమన్న అవార్డు–2026’ అందజేశారు. భీమన్న సతీమణి బోయి హైమావతి, రాష్ట్ర నాటక రంగ అకాడమీ చైర్మన్‌ గుమ్మడి గోపాలకృష్ణ తదితరులు పాల్గొన్నారు. ఇంద్రకీలాద్రి(విజయవాడపశ్చిమ): దుర్గగుడిలో అక్టోబర్‌ 11 నుంచి 20వ తేదీ వరకు జరిగే దసరా ఉత్సవాలకు చీఫ్‌ ఫెస్టివల్‌ ఆఫీసర్‌(సీఎఫ్‌వో)గా చంద్రశేఖర్‌ ఆజాద్‌ను ప్రభుత్వం నియమించింది. గతంలో దుర్గగుడి ఈవోగా పని చేసిన అనుభవం ఉత్సవాలను విజయవంతంగా నిర్వహించేందుకు దోహదపడతాయనే భావనతో నియమించినట్లు తెలుస్తోంది. శనివారం దుర్గగుడికి చేరుకున్న ఆజాద్‌ ఆలయంలో జరుగుతున్న ఉత్సవ ఏర్పాట్లను పరిశీలించారు. సీఎఫ్‌వోను దుర్గగుడి చైర్మన్‌ రాధాకృష్ణ అన్నదాన భవనంలో కలిసి ఏర్పాట్లపై చర్చించారు. ఆయన వెంట ఈవో శీనానాయక్‌, ఈఈ ఎల్‌.రమాదేవి, రాంబాబు తదితరులు ఉన్నారు. చిలకలపూడి(మచిలీపట్నం): ఉమ్మడి కృష్ణా జిల్లాలోని విభిన్న ప్రతిభావంతుల బ్యాక్‌లాగ్‌ పోస్టుల భర్తీ కోసం గుర్తించిన మెరిట్‌ జాబితాను వెబ్‌సైట్‌లో పొందుపరిచినట్లు వికలాంగుల సంక్షేమశాఖ ఏడీ ఈ కామరాజు శనివారం ఒక ప్రకటనలో తెలిపారు. జిల్లా కమిటీ, కమిటీ పరిధిలోని లేని వివిధ కేటగిరీల్లో 33 బ్యాక్‌లాగ్‌ పోస్టులను భర్తీ చేయనున్నట్లు పేర్కొన్నారు. తుది మెరిట్‌ జాబితాను వెబ్‌సైట్‌ https:krishna.ap.gov.inలో అందుబాటులో ఉంచినట్లు తెలిపారు. అభ్యర్థులు వెబ్‌సైట్‌ను సందర్శించి మెరిట్‌ జాబితాను పరిశీలించుకోవాలని సూచించారు. లబ్బీపేట(విజయవాడతూర్పు): సాంకేతికత వేగంగా విస్తరిస్తున్న నేటి సమాజంలో మన మూలాలను, భారతదేశ సంస్కృతి, సంప్రదాయాలను ప్రతిబింబించే కళలను కాపాడుకోవాల్సిన బాధ్యత అందరిపై ఉందని ఏపీ సృజనాత్మక, సంస్కృతి సమితి చైర్‌పర్సన్‌ పొడపాటి తేజస్వి పిలుపునిచ్చారు. నగరంలోని సిద్ధార్థ ఫార్మసీ కళాశాల సెమినార్‌ హాల్‌లో భారత్‌ వికాస్‌ పరిషత్‌ విజయవాడ మెయిన్‌, సెంట్రల్‌, ఈస్ట్‌ బ్రాంచిల ఆధ్వర్యంలో నిర్వహించిన బృందగాన పోటీలకు ఆమె ముఖ్య అతిథిగా హాజరయ్యారు. హిందీ, సంస్కృత భాషల్లో నిర్వహించిన పోటీల్లో ప్రతిభ కనబరిచిన విజేతలకు ఆమె బహుమతులు, ప్రశంసా పత్రాలను అందజేశారు. ఈ సందర్భంగా తేజస్వి మాట్లాడుతూ చిన్నతనం నుంచే పిల్లలకు సంగీతం, ప్రాచీన భాషలైన హిందీ, సంస్కృతంలో పాటలు నేర్పిస్తే వారిలో ఏకాగ్రత, క్రమశిక్షణతో పాటు జాతీయ భావన ఎంతో పెరుగుతాయని పేర్కొన్నారు. సమాజంలో ప్రతి ఒక్కరూ భాగస్వాములైతేనే కళలకు ఉజ్వల భవిష్యత్తు ఉంటుందని అభిప్రాయపడ్డారు. ఈ పోటీల విజయవాడ బ్రాంచ్‌ విభాగంలో సుమారు 26 పాఠశాలల నుంచి 350 మందికి పైగా విద్యార్థులు 58 జట్లుగా ఏర్పడి ఉత్సాహంగా పాల్గొన్నారు. విజేతలుగా నిలిచిన జట్లు తర్వాత స్టేట్‌, సౌత్‌ రీజినల్‌, నేషనల్‌ స్థాయి పోటీలకు ఎంపికవుతాయని నిర్వాహకులు డాక్టర్‌ చుండూరు మురళీధర్‌ తెలిపారు. భారత్‌ వికాస్‌ పరిషత్‌ ప్రతినిధులు, చందోలు ఆంజనేయులు, నాగేశ్వరరావు, విద్యార్థులు, తల్లిదండ్రులు పాల్గొన్నారు. విజయవాడరూరల్‌: ఎన్టీఆర్‌ జిల్లా స్థాయి నేషనల్‌ సైన్స్‌ సెమినార్‌–2026 విజేతలకు శనివారం బహుమతులు అందజేశారు. విజయవాడలోని సీవీఆర్‌ఎంసీహెచ్‌ హైస్కూల్‌లో సెమినార్‌ నిర్వహించారు. ఈ సంవత్సరం సెమినార్‌కు ఇండియన్‌ ఎనర్జీ బాస్కెట్‌–2047ప్రాప్సెక్ట్స్‌ అండ్‌ చాలెంజెస్‌ అనే అంశాన్ని నిర్ణయించారు. జిల్లాలోని 20 మండలాల్లో నిర్వహించిన మండల స్థాయి పోటీల నుంచి ప్రతి మండలం నుంచి విద్యార్థులు జిల్లా స్థాయి సైన్స్‌ సెమినార్‌లో ప్రతిభను ప్రదర్శించారు. జిల్లా స్థాయి పోటీల్లో పీఎం శ్రీ జెడ్పీ ఉన్నత పాఠశాల, నున్నకు చెందిన 9వ తరగతి విద్యార్థిని జి.మధులాస్య ప్రథమ స్థానాన్ని, జెడ్పీహెచ్‌ఎస్‌ గరల్స్‌, జగ్గయ్యపేటకు చెందిన 10వ తరగతి విద్యార్థిని సీహెచ్‌ అక్షయ ద్వితీయ స్థానాన్ని సాధించారు. వీరిద్దరూ రాష్ట్రస్థాయి సైన్స్‌ సెమినార్‌లో ఎన్టీఆర్‌ జిల్లాకు ప్రాతినిధ్యం వహించనున్నారు. కార్యక్రమంలో డీఈఓ చంద్రకళ, విజయవాడ డివిజన్‌ ఉప విద్యాశాఖాధికారి డి.సాంబశివరావు, హైస్కూల్‌ హెచ్‌ఎం ఎ.సుబ్రహ్మణ్యం, జిల్లా సైన్స్‌ అధికారి కె.పిచ్చేశ్వరరావు, జ్యూరీ సభ్యులు పాల్గొన్నారు.ఇంద్రకీలాద్రి(విజయవాడపశ్చిమ): ఇంద్రకీలాద్రిపై దుర్గమ్మను విజయవాడపోలీస్‌ కమిషనర్‌ రాజశేఖరబాబు కుటుంబ సమేతంగా శనివారం దర్శించుకున్నారు. ఆయనకు ఆలయ అధికారులు సాదరంగా స్వాగతం పలికారు. అమ్మ వారిని దర్శించుకుని ప్రత్యేక పూజలు జరిపించుకున్న అనంతరం వేద పండితులు ఆశీర్వచనం అందజేశారు. ఆలయ కమిటీ చైర్మన్‌ రాధాకృష్ణ, డీఈవో కిషోర్‌కుమార్‌.. సీపీకి అమ్మవారి చిత్రపటం, ప్రసాదాలను ఇచ్చారు. సాక్షి ప్రతినిధి, విజయవాడ, గాంధీనగర్‌ (విజయవాడ సెంట్రల్‌): పశ్చిమ కృష్ణా (ఎన్టీఆర్‌ జిల్లా)లో కరువు ఛాయలు అలముకున్నాయి. ఖరీఫ్‌ సీజన్‌లో ఆశించిన స్థాయిలో వర్షాలు కురవకపోవడంతో పంటలు ఎండిపోతున్నాయి. వేసవిని తలపించే ఎండలతో భూములు నెర్రెలిచ్చి నోళ్లు తెరిచాయి. ఏటా వర్షాకాలంలో వరద నీటితో కళకళలాడే కట్టలేరు, వైరా ఏరు, మున్నేరు, పాలేరు, బుడమేరు వాగులు, ఏర్లు ఈసారి జలకళకు నోచుకోలేదు. వర్షాలు కురవకపోతాయా.. పంటలు దక్కకపోతాయా అన్న ఆశతో సాగు చేపట్టిన అన్నదాతలకు నిరాశే మిగిలింది. సాగు విస్తీర్ణం తగ్గినా తప్పని నష్టం ఎన్టీఆర్‌ జిల్లాలోని విజయవాడ, తిరువూరు, నందిగామ డివిజన్ల పరిధిలో ఈ ఖరీఫ్‌ సీజన్‌లో సాధారణ సాగు విస్తీర్ణం 94,197 హెక్టార్లు కాగా, ఈ ఏడాది 69,900 హెక్టార్లలో మాత్రమే సాగు జరిగినట్లు అధికారుల గణాంకాలు చెబుతున్నాయి. సాధారణ విస్తీర్ణంలో 74 శాతం మేర పంటలు సాగయ్యాయి. ఇందులో వరి 35,894, పత్తి 23,013, పెసలు 5,023, మొక్కజొన్న 3,137, మినుము 2,156, కంది 349 హెక్టార్లలో సాగు చేసినట్లు అంచనా వేశారు. జిల్లాలోని మెట్ట ప్రాంతాల్లో అధికంగా వర్షాధార సాగుపైనే రైతులు ఆధారపడుతున్నారు. ఖరీఫ్‌ ప్రారంభం నుంచే వర్షాలు ముఖం చాటేయడంతో సాగునీటి వనరులపై తీవ్ర ప్రభావం పడింది. ఏటిపట్టు గ్రామాల్లో ఎత్తిపోతల పథకాలు సక్రమంగా పని చేయక పోవడంతో అనేక ప్రాంతాల్లో వరి నారుమడులు వేయలేని పరిస్థితి ఏర్పడింది. సాగు చేసిన పంటలను కాపాడుకునేందుకు రైతులు బోర్లతో నీటిని అందించే ప్రయత్నం చేసినా, భూగర్భ జలాలు అడుగంటడంతో అవీ ఫలించలేదు. జిల్లాలో తాగునీటి వనరులపైనా ఆందోళన ఎన్టీఆర్‌ జిల్లాలో ఈ ఏడాది జూన్‌ నుంచి సెప్టెంబర్‌ 17వ తేదీ వరకు సాధారణంగా 651.9 మిల్లీమీటర్ల వర్షపాతం నమోదు కావాల్సి ఉండగా, 368.2 మిల్లీమీటర్లు మాత్రమే నమోదైంది. జిల్లాలో 43.5 శాతం లోటు వర్షపాతం నమోదైనట్లు గణాంకాలు వెల్లడిస్తున్నాయి. జిల్లాలోని 16 గ్రామీణ, 4 పట్టణ మండలాల్లో వర్షాభావ పరిస్థితులు నెలకొన్నాయి. డివిజన్ల వారీగా పరిశీలిస్తే.. గ్రామీణ ప్రాంతాలు అధికంగా ఉన్న తిరువూరు డివిజన్‌లో 45.3 శాతం, నందిగామ డివిజన్‌లో 52.6 శాతం, విజయవాడ డివిజన్‌లో 33.9 శాతం లోటు వర్షపాతం నమోదైంది. దీంతో పంటల సాగుపై తీవ్ర ప్రభావం పడటంతో పాటు తాగునీటి వనరులపైనా ఆందోళన నెలకొంది. కరువు ప్రకటన ఏదీ? జిల్లాలో తీవ్ర వర్షాభావ పరిస్థితులు నెలకొన్నా ప్రభుత్వం ఇప్పటి వరకు కరువు మండలాల ప్రకటన చేయకపోవడంపై రైతులు ఆగ్రహం వ్యక్తం చేస్తున్నారు. కరువు పరిస్థితులను గుర్తించి తక్షణమే సహాయం అందించాలని డిమాండ్‌ చేస్తున్నారు. పంటలు ఎండిపోతున్నా ప్రభుత్వం నుంచి స్పష్టమైన భరోసా లేకపోవడంతో అన్నదాతలు ఆందోళన చెందుతున్నారు. గతంలో ప్రభుత్వం రైతుల పంటల బీమా ప్రీమియం చెల్లించేదని, ప్రస్తుతం ఆ బాధ్యతను రైతులపైనే ఉంచడంతో మరింత ఆర్థిక భారం పడుతోందని రైతులు చెబుతున్నారు. ఇప్పటికే సాగు పెట్టుబడులకే ఇబ్బందులు పడుతున్న తమకు బీమా ప్రీమియం చెల్లించడం భారంగా మారిందని ఆవేదన వ్యక్తం చేస్తున్నారు. కరువు మండలాలను ప్రకటించి పంట నష్టపరిహారం, తక్షణ ఆర్థిక సాయం అందించాలని కోరుతున్నారు. గాంధీనగర్‌(విజయవాడసెంట్రల్‌): ప్రపంచ పర్యాటక దినోత్సవం పురస్కరించుకుని సెప్టెంబర్‌ 27వ తేదీ ఆదివారం ఎన్టీఆర్‌ జిల్లాలో ఘనంగా కార్యక్రమాలను నిర్వహించనున్నట్లు కలెక్టర్‌ లక్ష్మీశ తెలిపారు. అంబేడ్కర్‌ స్మృతి వనం, జిల్లా కలెక్టరేట్‌, రాఘవయ్య పార్క్‌లలో వివిధ కార్యక్రమాలు జరుగుతాయని శనివారం ఒక ప్రకటనలో పేర్కొన్నారు. జిల్లాలో పర్యాటక రంగ అభివృద్ధిని ప్రోత్సహించడంతో పాటు విద్యార్థులు, యువతను పర్యాటక కార్యక్రమాల్లో భాగస్వాములను చేయాలనే ఉద్దేశంతో ప్రపంచ పర్యాటక దినోత్సవ కార్యక్రమాలను నిర్వహిస్తున్నట్లు కలెక్టర్‌ తెలిపారు. విద్యార్థులు సంప్రదాయ వస్త్రధారణలో పాల్గొనడంతో పాటు సాంస్కృతిక కార్యక్రమాలు, వివిధ కళారూపాల్లో తమ ప్రతిభను ప్రదర్శించేందుకు అవకాశం కల్పించనున్నట్లు తెలిపారు. ఆసక్తి ఉన్న విద్యార్థులు ఈ కార్యక్రమాల్లో పాల్గొనాలని కోరారు. 24న ప్రతిభా ఎంపిక సాంస్కృతిక కార్యక్రమాలు, సంప్రదాయ వస్త్రధారణ, ఇతర ప్రదర్శనల్లో పాల్గొనడానికి ఆసక్తి ఉన్న విద్యార్థులు సెప్టెంబర్‌ 24వ తేదీ మధ్యాహ్నం 3 గంటలకు డాక్టర్‌ బీఆర్‌ అంబేడ్కర్‌ స్మృతి వనం వద్ద నిర్వహించే ఎంపిక కార్యక్రమానికి హాజరై ప్రతిభను ప్రదర్శించాలని కోరారు. ప్రతిభ చూపిన వారికి 27వ తేదీ నిర్వహించే ప్రధాన కార్యక్రమంలో ప్రదర్శనకు అవకాశం కల్పించనున్నట్లు తెలిపారు. పర్యాటక, చారిత్రక ప్రదేశాలు, సాంస్కృతిక వారసత్వ చిత్రాలు, కళాఖండాలు, సంప్రదాయ వస్తువులు, పర్యాటక సమాచారాన్ని క్యూఆర్‌ కోడ్‌లతో కూడిన స్టాళ్ల రూపంలో ప్రదర్శించేందుకు ఆసక్తి ఉన్న విద్యార్థులు, సంస్థలు పాల్గొనవచ్చని తెలిపారు. ఎన్టీఆర్‌ జిల్లా సంప్రదాయ ఆహార సంస్కృతిని ప్రోత్సహించే విధంగా సంప్రదాయ వంటకాల స్టాళ్లను ఏర్పాటు చేసి సందర్శకులకు పరిచయం చేసేందుకు ఆసక్తి ఉన్నవారు కూడా పాల్గొనవచ్చని జిల్లా పర్యాటక అధికారి కొల్లేటి రమేష్‌ తెలిపారు. పూర్తి వివరాలకు రమేష్‌ 94879 16504, భారతి 9849063213, మాధురి 9704466650 నంబర్లలో సంప్రదించాలని ప్రకటనలో కోరారు. జాతీయ ఆయుర్వేద దినోత్సవాన్ని పురస్కరించుకుని శనివారం ఎన్టీఆర్‌ జిల్లా కలెక్టరేట్‌ ప్రాంగణంలో ర్యాలీ జరిగింది. కలెక్టర్‌ లక్ష్మీశ, అధికారులు పాల్గొన్నారు. వర్షాభావ పరిస్థితులు, మండుతున్న ఎండల కారణంగా పత్తి, మొక్క జొన్న పంటలు తీవ్రంగా దెబ్బ తిన్నాయి. పూత, కాయ దశలో ఉన్న పత్తి చేలు నీరందక ఎండిపోతున్నాయి. పూత, కాయ రాలిపోవడంతో దిగుబడిపై ఆశలు సన్నగిల్లాయి. దీనికి తోడు కొన్ని ప్రాంతాల్లో తెగుళ్లు సోకడంతో రైతులు మరింత నష్టపోతున్నారు. మొక్కజొన్న పైరుకు సకాలంలో నీరందక నిట్టనిలువునా ఎండి పోయింది. పంటలను కాపాడుకునేందుకు రైతులు ఎన్ని ప్రయత్నాలు చేసినా ఫలితం లేకుండా పోతోంది. ఏటిపట్టు గ్రామాల్లో వరి నారు మడులు సైతం వేయలేకపోవడంతో సాగుభూములు బీళ్లుగా దర్శనమిస్తున్నాయి. వర్షాలు లేక పొలాల్లో నెర్రెలు ఏర్పడ్డాయి. పంటలు దక్కకపోగా పెట్టుబడులు కూడా చేతికందే పరిస్థితి లేకపోవడంతో రైతులు ఆందోళన చెందుతున్నారు. ఒక్కో రైతు ఎకరాకు రూ.25 వేల నుంచి రూ.40 వేల వరకు పెట్టుబడి పెట్టగా, ప్రస్తుతం ఆ మొత్తం నష్టపోయే పరిస్థితి నెలకొంది.

ఇంద్రకీలాద్రి(విజయవాడపశ్చిమ): భక్తుల విశ్వాసాన్ని ఆసరాగా చేసుకుని దుర్గగుడిలో దర్శనాలు, ఆర్జిత సేవల పేరుతో మోసాలకు పాల్పడుతున్న నకిలీ వ్యక్తుల వ్యవహారం మరోసారి వెలుగులోకి వచ్చింది. దసరా మహోత్సవాల్లో శ్రీచక్ర నవార్చన సేవాటికెట్‌ ఇప్పిస్తానంటూ ఓ వ్యక్తి భక్తురాలి నుంచి రూ.3,500 వసూలు చేసి నకిలీ టికెట్‌ అందించిన ఘటన శనివారం వెలుగుచూసింది. కావలికి చెందిన ఓ భక్తురాలు దసరా ఉత్సాల్లో శ్రీచక్ర నవార్చన టికెట్‌ కోసం పరిచయస్తురాలి ద్వారా శర్మ అనే వ్యక్తిని సంప్రదించింది. తాను ఆలయంలో విధులు నిర్వహిస్తున్నానని నమ్మించిన సదరు వ్యక్తి రూ. 3500కు సేవా టికెట్‌ను విక్రయించారు. గతంలో ఉపయోగించిన పూజా టికెట్‌పై తేదీ వివరాలను మార్చి భక్తురాలికి పంపించాడు. అయితే సదరు భక్తురాలికి సేవా టికెట్‌పై అనుమానం రావడంతో ఆలయ ఐటీ విభాగాన్ని సంప్రదించింది. అసలు ఉత్సవాలకు సేవా టికెట్లను విడుదల చేయలేదని చెప్పడంతో తాను మోసపోయినట్లు గుర్తించి వెంటనే ఆలయ ఈవోకు ఫిర్యాదు చేశారు. దీంతో ఈవో శీనానాయక్‌.. సీపీ రాజశేఖరబాబుకు లిఖిత పూర్వకంగా ఫిర్యాదు చేశారు. గతంలోనూ ఇదే తరహా మోసాలు దుర్గగుడిలో గతంలోనూ కొందరు బయట వ్యక్తులు తాము ఆలయ సిబ్బంది, పూజారులు, అర్చకులమని భక్తులను నమ్మించి పూజల పేరుతో డబ్బులు వసూలు చేసిన ఘటనలు వెలుగు చూశాయి. కనకదుర్గ నగర్‌, ఆలయ ప్రాంగణంలోని కళావేదిక, రావిచెట్టు వద్ద అర్చకుల తరహాలో సంచరిస్తూ భక్తులతో మాటలు కలిపి వారిని మోసగిస్తున్నట్లు ఆరోపణలు ఉన్నాయి. అయితే ఇప్పుడు దసరా ఆర్జిత సేవా టికెట్లపై నకిలీల దృష్టి పడిది. తాజాగా దసరా ఆర్జిత సేవా టికెట్లకు ఉన్న డిమాండ్‌తో నకిలీ టికెట్‌ను విక్రయించి భక్తురాలిని మోసం చేయడంతో ఆలయంలో కలకలం చోటు చేసుకుంది. ఇప్పటికై నా అనధికార వ్యక్తులపై చర్యలు తీసుకోవాలని భక్తులు కోరుతున్నారు. నెలాఖరుకే ఆర్జిత సేవా టికెట్లు దసరా ప్రత్యేక ఆర్జిత సేవా టికెట్లను నెలాఖరున ఆన్‌లైన్‌లో విడుదల చేస్తున్నట్లు ఈవో శీనానాయక్‌ పేర్కొన్నారు. గతంలో ఎదురైన అనుభవాలు, టికెట్ల గోల్‌మాల్‌, రీప్రింట్‌ వంటి వ్యవహారాలతో ఈ దఫా కట్టుదిట్టంగా ఆర్జిత సేవా టికెట్లను జారీ చేస్తున్నట్లు ఆయన పేర్కొన్నారు. భక్తులు తమకు కావాల్సిన ఆర్జిత సేవా టికెట్లను అధికారిక వెబ్‌సైట్‌, వాట్సాప్‌ మన మిత్ర, దేవస్థానం కౌంటర్లలోనే కొనుగోలు చేయాలని సూచించారు.

సాక్షి ప్రతినిధి, విజయవాడ: విజయవాడకు చెందిన కాపు యువకుడు సాయికృష్ణ లాకప్‌ డెత్‌ కేసులో సిట్‌ ఇచ్చిన రిమాండ్‌ రిపోర్టు అనేక అనుమానాలను రేకెత్తిస్తోంది. అరెస్టయిన సీఐ నాగరాజుకు స్నేహితుడైన సురేష్‌ లొంగిపోయిన తర్వాత కోర్టులో సిట్‌ సమర్పించిన రిమాండ్‌ రిపోర్టులో సాయికృష్ణది లాకప్‌డెత్‌ కాదని.. బయట కొట్టి చంపారనే కొత్తవాదన తెరపైకి తేవడం ద్వారా దీని వెనుక ఉన్న పెద్దలను తప్పించేందుకు సిట్‌ ప్రయత్నం చేస్తోందన్న అనుమానాలు వ్యక్తమవుతున్నాయి. గతంలో సీఐ నాగరాజుతోపాటు కానిస్టేబుళ్లు అశోక్‌కుమార్, నానీ, ఇతర వ్యక్తులను కస్టడీకి తీసుకుని విచారించినప్పుడు పేర్కొనని కొత్త కథను సిట్‌ బయటపెట్టింది. సాయికృష్ణను మే 7న కృష్ణలంక పోలీస్‌ స్టేషన్‌లోని లాకప్‌లో కొట్టడం తాను చూశానని, అయితే 12న రాణిగారి తోటలో కనకదుర్గ వారధి పక్కన ఉన్న పాడుబడిన భవనంలో సాయికృష్ణ చావుబతుకుల మధ్య ఉండగా చూశానని సురేష్‌తో సిట్‌ చెప్పించినట్టు అర్థమవుతోంది. తనను చంపాలన్న ఉద్దేశంతోనే పోలీసులు కొడుతున్నట్టు సాయికృష్ణ తనతో చెప్పాడని సురేష్‌ చెప్పడాన్ని బట్టి చూస్తే ఇదే విషయం స్పష్టమవుతోంది. సాయికృష్ణ తాను చూస్తుండగానే చనిపోయాడని, మృతదేహాన్ని స్వర్గపురి శ్మశాన వాటికకు అశోక్‌కుమార్, నాని కలిసి ద్విచక్ర వాహనంపై తరలించారని.. 12 తేదీన అర్ధరాత్రి మృతదేహాన్ని దహనం చేసి పూర్తిగా కాలిపోయే వరకు తాను అక్కడే ఉన్నట్టు సురేష్ తో చెప్పించారు. మే 18న నిందితులు మళ్లీ స్వర్గపురి శ్మశాన వాటికకు వెళ్లి, మృతదేహానికి సంబంధించిన కాలిపోని అవశేషాలు ఏమైనా మిగిలాయా అని పరిశీలించినట్టు చెబుతున్న సిట్‌.. సెపె్టంబర్‌ 18న స్వర్గపురి శ్మశాన వాటికలోని కలప దహన ప్రాంతంలో 16వ సిమెంట్‌ ప్లాట్‌వద్ద మృతదేహాన్ని దహనం చేసినట్టు సురేష్‌ గుర్తించాడని, ఆ ప్రాంతంలో బూడిదతోపాటు కాలిపోయిన మానవ ఎముకల ముక్క­లు లభించాయని, వాటిని తదుపరి దర్యాప్తు కోసం పోలీసులు స్వాధీనం చేసుకున్నట్టు పేర్కొనడం గమనార్హం.అప్పుడలా.. ఇప్పుడిలా.. సాధ్యమెలా!ఇంతకుముందు కృష్ణలంక పోలీసు స్టేషన్‌ రెండో అంతస్తులో బూడిద, ఎముకలు గుర్తించినట్టు ఇదే సిట్‌ చెప్పింది. మే 12న సాయికృష్ణ మృతదేహాన్ని దహనం చేస్తే సెపె్టంబర్‌ 18 వరకూ స్వర్గపురి శ్మశాన వాటికలో బూడిద, ఎముకలు ఉండటం ఎలా సాధ్యమనే సందేహాలు వ్యక్తమవుతున్నాయి. రోజూ పదుల సంఖ్యలో శవాలు దహనం కోసం వచ్చేచోట నాలుగు నెలల తర్వాత ఆధారాలు దొరకడం సాధ్యమేనా అన్నది ప్రశ్నగా మారింది. మరోవైపు సాయికృష్ణ మరణించాడని చెబుతున్న పాడుబడిన భవనాన్ని సిట్‌ ఎందుకు సీజ్‌ చేయలేదనే అంశంతోపాటు ఆధారాల కోసం ఎందుకు ప్రయత్నించలేదో కూడా చెప్పాల్సి ఉంటుంది. సీఐ స్నేహితుడు సురేష్ ను సిట్‌ శుక్రవారం ఘటనా స్థలానికి తీసుకెళ్లినా స్థానిక పోలీసులకు, స్పెషల్‌ బ్రాంచ్‌­కు తెలియకపోవడం గమనార్హం. ఇదంతా సిట్‌ చెబుతు­న్న కట్టుకథ అని పోలీసు వర్గాలే చెవులు కొరుక్కుంటున్నాయి.ఇవీ సందేహాలు అసలు సాయికృష్ణను మార్కా­పురం నుంచి ఎందుకు తీసుకొచ్చారు?, వారెంట్‌ పెండింగ్‌ ఉంటే అరెస్టు చేయడానికి కృష్ణలంక పోలీసుల స్థానంలో టాస్‌్కఫోర్స్‌ ఎందుకు వెళ్లింది?, కృష్ణలంక పోలీసులకు తాము అప్పగించిన నిందితుడిని ఐదు రోజులపాటు కోర్టులో ప్రవేశపెట్టకపోతే టాస్‌్కఫోర్స్‌ ఎందుకు పట్టించుకోలేదు?, వారిపై ఉన్న ఒత్తిడి ఏంటి?, అసలు సాయికృష్ణను చంపాలన్నది ఎవరి నిర్ణయం?, తన కళ్లముందే చనిపోయాడని చెబుతున్న సురేష్‌ అసలు ఈ హత్య ఎందుకు జరిగిందో ఎందుకు చెప్పలేదు?, ఈ కేసులో సీఐ నాగరాజును, నలుగురు కానిస్టేబుళ్లు, ఒక హోంగార్డును బలిపశువులను చేసి మిగిలిన వారిని తప్పిస్తున్నారా అనే ప్రశ్నలు ఉత్పన్నం అవుతున్నాయి. అయితే, ఎట్టకేలకు సాయికృష్ణను పోలీసులే కొట్టిచంపినట్టు తేల్చారు. మరణ తేదీని, ఎక్కడ దహనం చేసింది నిర్ధారించడం ఒక్కటే సిట్‌ తేలి్చంది.

మైలవరం: తనతో అసభ్యంగా ప్రవర్తించి, అసభ్య పదజాలంతో దూషిస్తూ చంపేస్తానంటూ బెదిరించిన జనసేన నేతపై ఎలాంటి చర్యలు తీసుకోలేదంటూ ఓ మహిళ తీవ్ర ఆవేదన వ్యక్తం చేసింది. ఎన్టీఆర్‌ జిల్లా మైలవరం మండలం కొత్తగూ­డెంలో జరిగిన ఘటనకు సంబంధించి బాధిత మహిళ తెలిపిన సమాచారం మేరకు.. గ్రామా­నికి చెందిన మహిళను పొరుగున ఉన్న బాడవ గ్రామానికి చెందిన జనసేన నేత ఎడ్ల సుధాకర్‌ వేధిస్తూ, లొంగదీసుకునేందుకు ప్రయత్నిస్తు­న్నాడు. ఈ విషయాన్ని బాధితురాలు కుటుంబ సభ్యులకు తెలపగా పెద్దల సమక్షంలో పంచాయితీ చేసి జనసేన నేతను మందలించారు.అయినా తీరు మార్చుకోని సుధాకర్, సదరు వివాహితతో ఫోన్లో మాట్లాడేందుకు ఇద్దరు వ్యక్తులను శుక్రవారం ఆమె వద్దకు పంపాడు. ఆమె మాట్లాడేందుకు నిరాకరించడంతో సుధా­కర్‌ వివాహిత వద్దకు వచ్చి అసభ్యంగా ప్రవ­ర్తించి, ఆమెపై దాడి చేశాడు. బాధిత మహి­ళను, ఆమె భర్తను కూడా చంపేస్తానంటూ బెదిరిస్తూ, అసభ్య పదజాలంతో దూషించా­డు.తనపై జరిగిన దాడిని కుటుంబీకులకు తెలిపిన బాధిత మహిళ, వారితో కలిసి మైల­వరం పోలీసులకు ఫిర్యాదు చేసింది. దీంతో జనసేన నేతతో పాటు అతడికి సహకరించిన మరో ఇద్దరిని శుక్రవారం స్టేషన్‌కు పిలిపించిన పోలీసులు, కేసు నమోదు చేసి వెంటనే విడుదల చేశారు. దాడి ఘటన సీసీ కెమెరాల్లో రికార్డయి, ప్రత్యక్ష ఆధారాలు ఉన్నప్పటికీ పోలీసులు ఈ ఘటనపై నిర్లక్ష్యంగా వ్యవహ­రించడం చర్చనీయాంశమైంది.

జి.కొండూరు: ట్రేడింగ్‌ పేరుతో సైబర్‌ నేరగాళ్లు ఘ­రానా మోసానికి తెగబడ్డారు. ఒక్క ఎన్టీఆర్‌ జిల్లాలో­నే రూ.వంద కోట్లు కైంకర్యం చేశారు. ఈ విష­యం ఆలస్యంగా వెలుగులోకి వచ్చింది. ఇటీవల ఇటీవల కాకినాడ, తుని ప్రాంతాల్లో క్యూవీఎస్‌­ఈ, బోన్‌చాట్‌ ఆన్‌లైన్‌ ట్రేడింగ్‌ యాప్‌ల బాగోతం బయటపడిన విషయం విదితమే. ఈ యాప్‌లకు ఎన్టీఆర్‌ జిల్లా వాసులూ బలయ్యారు. ఈ యాప్‌లలో ఎన్టీఆర్‌ జిల్లాకు చెందిన పది వేల మంది రూ.­100 కోట్లకుపైగా పెట్టుబడులు పెట్టినట్టు సమాచారం.మోసం జరిగిందిలా.. సైబర్‌ నేరగాళ్లు మొదట క్యూవీఎస్‌ఈ, బోన్‌చాట్‌ పేరుతో యాప్‌లను సృష్టించి కొందరు ఏజెంట్లను నియమించుకొని వారి ద్వారా ప్రజలను ఆకట్టుకునే యత్నం చేశారు. పెట్టుబడి మార్గాల పేరిట అవగాహనా సదస్సులు నిర్వహించారు. ఈ యాప్‌లలో ట్రేడింగ్‌ చేయాలంటే మొదట ఒక వ్యక్తి కనీసం రూ.50 వేలు క్యూవీఎస్‌ఈ యాప్‌లో పెట్టుబడి పెట్టాలని షరతు విధించారు. ఆ మొత్తానికి 500 అమెరికన్‌ డాలర్లు జమ చేసినట్టు యాప్‌ ఖాతాలో చూపించారు. అదనంగా మ­రో 50 డాలర్లు గిఫ్ట్‌గా ఇచ్చినట్లు కవర్‌ చేశా­రు.ఆ తర్వాత ఈ యాప్‌లో చేరిన ప్రతి ఒక్కరినీ బోన్‌చాట్‌ అనే మరో యాప్‌లో చేర్చారు. అక్కడ ట్రేడింగ్‌ చేసినట్టు చూపి ఐదు, ఎని­మి­ది డాలర్లు పెట్టుబడిదారుల ఖాతాలో జమైనట్టు చూపి.. ఇలా రోజూ చేస్తే 550 డాలర్లు కాగానే విత్‌డ్రా చేసుకోవచ్చని ఆశ చూపారు. రోజూ రూ.50వేల నుంచి ఎంతైనా పెట్టుబడి పెట్టుకోవచ్చని దానిని బట్టి ఆదాయం పెరుగుతుందని నమ్మబలికారు. అంతేగాక ఇంకా ఎవరినైనా చేరిస్తే అదనంగా 10 డాలర్లు ఇస్తామని నమ్మించారు. ఆ తర్వాత అందినంత గుంజుకుని ఆ తర్వాత విత్‌­డ్రా ఆప్షన్‌ను ఆపేశారు. దీంతో మోసపోయామని గ్రహించిన బాధితులు లబోదిబోమంటున్నారు. ప్రభుత్వ ఉద్యోగులే అధికం కాకినాడ, తుని ప్రాంతాలతోపాటు తెలంగాణా­లోనూ ఈ యాప్‌ బాగోతం బట్టబయలు కావడంతో ఎన్టీఆర్‌ జిల్లా, ఇబ్రహీంపట్నం మండల పరిధి కొండపల్లికి చెందిన ఉద్యోగి సాయి ఈ నెల 14వ తేదీన సీసీఎస్‌ పోలీసులకు ఆన్‌లైన్‌లో ఫిర్యాదు చేశాడు. ఆ తర్వాత ఇబ్రహీంపట్నానికి చెందిన ఇద్దరు ఉద్యోగులు క్యూవీఎస్‌ఈ యాప్‌ వల్లన మోస­పోయామంటూ ఆన్‌లైన్‌లో ఫిర్యాదు చేయడంతో బాధితులు వేల సంఖ్యలో ఉన్నట్లు చర్చ మొదలైంది. ఇబ్రహీంపట్నం, గుంటుపల్లి, విజయవాడ­కు చెందిన వీటీపీఎస్, రైల్వే, ఆర్టీసీ, ఇతర ప్రభుత్వ ఉద్యోగులే ఈ యాప్‌లలో అధి­కంగా పెట్టుబడులు పెట్టినట్లు తెలుస్తోంది.డ్వాక్రా సంఘాల మహిళలు, చిరు వ్యాపారులు, ప్రైవేటు ఉద్యోగులు కూడా బంగారు నగలను తనఖాపెట్టి మరీ వీటిల్లో పెట్టుబడి పెట్టినట్టు సమాచారం. చాలామంది మోసపోయామని తెలిస్తే పరువుపోతుందని ఫిర్యాదు చేసేందుకూ వెనుకాడుతున్నారు. యాప్‌ల బాగోతంపై దర్యాప్తు చేస్తున్నట్లు ఇబ్రహీంపట్నం సీఐ సుబ్రహ్మణ్యం తెలిపారు. ఇంత జరిగినా సైబర్‌ నేరగాళ్లు తమ ఆగడాలను ఆపలేదు. తమ యాప్‌లపై దుష్ప్రచారం వల్ల కార్యకలాపాలు స్తంభించాయని, అయినా మళ్లీ పెట్టుబడి పెట్టి ట్రేడింగ్‌ కొనసాగించాలని, పాత డబ్బులతోపాటు కొత్తగా భారీ రాబడులు చూపిస్తామని వాట్సాప్‌ మెసేజ్‌ల ద్వారా బాధితులను నమ్మబలుకుతున్నట్టు సమాచారం.

సాక్షి, విజయవాడ: వైఎస్సార్‌సీపీ నిరసన ర్యాలీపై పోలీసుల ఆంక్షలు విధించారు. డీఎస్సీ అక్రమాలపై సీబీఐ విచారణ కోరుతూ 21న వైఎస్సార్‌సీపీ ర్యాలీ నిర్వహించతలపెట్టింది. నిరసన ర్యాలీకి అనుమతి లేదంటూ పోలీసులు నోటీసులు జారీ చేశారు.ఎన్టీఆర్‌ జిల్లా వైఎస్సార్‌సీపీ అధ్యక్షులు దేవినేని అవినాష్‌కు మాచవరం పోలీసులు నోటీసులు ఇచ్చారు. విజయవాడలో ఎలాంటి ర్యాలీకి అనుమతి లేదని పోలీసులు అంటున్నారు. ర్యాలీలు చేపడితే చర్యలు తీసుకుంటామంటూ పోలీసులు నోటీసుల్లో పేర్కొన్నారు.ఇదీ చదవండి: విశాఖలో నీటి కొరత ఉందని ఒప్పుకున్న చంద్రబాబు

ఎన్టీఆర్ జిల్లా: మాజీ మంత్రి కొడాలి నాని సమక్షంలో ప్రముఖ వ్యాపారవేత్త బొప్పన రామచంద్రరావు శుక్రవారం వైఎస్సార్‌సీపీలో చేరారు. ఆయనతో పాటు ఎన్టీఆర్ జిల్లా గుడ్లవల్లేరు మండలం పెంజండ్ర గ్రామానికి చెందిన పలువురు యువకులు పార్టీలో చేరారు. పుట్టినరోజు నాడు పార్టీలో చేరిన రామచంద్రరావుకు కొడాలి నాని జన్మదిన శుభాకాంక్షలు తెలిపారు. కార్యక్రమంలో వైఎస్సార్‌సీపీ గుడ్లవల్లేరు మండల అధ్యక్షుడు శాయన రవి, పట్టణాధ్యక్షుడు గొర్ల శ్రీను తదితర నాయకులు, కార్యకర్తలు పాల్గొన్నారు. ఇదీ చదవండి: భీమిలి సమన్వయకర్తగా బొత్స అనూష

విజయవాడ : ఎన్టీటీపీఎస్‌ చన్నీటి కాలువలో గుర్తు తెలియని మహిళ మృతదేహాన్ని ఇబ్రహీంపట్నం పోలీసులు శుక్రవారం రాత్రి స్వా«దీనం చేసుకున్నారు. సంస్థ స్టేజ్‌ –2 వద్ద మహిళ మృతదేహాన్ని గుర్తించిన అధికారులు పోలీసులకు సమాచారం ఇచ్చారు. ఘటనా స్థలానికి చేరుకున్న సీఐ సుబ్రహ్మణ్యం మృతదేహాన్ని బయటకు తీయగా, మహిళకు తల, చేతులు, కాళ్లు లేనట్లు గమనించారు. సుమారు 30–40 ఏళ్ల మధ్య వయస్సు మహిళగా గుర్తించారు. ఆమె శరీరంపై ఉన్న బ్లూ కలర్‌ టాప్, బ్లాక్‌ కలర్‌ బ్రా, వైట్‌ కలర్‌ లెగ్గింగ్‌ దుస్తులను స్వా«దీనం చేసుకున్నారు. ఎవరో హత్య చేసి ఎన్టీటీపీఎస్‌ కాలువలో మృతదేహాన్ని పడేసినట్లు పోలీసులు అనుమానిస్తున్నారు. ఆ కోణంలోనే విచారణ చేపట్టారు. అనుమానాస్పద మృతిగా కేసు నమోదు చేసి మృతదేహాన్ని విజయవాడ ప్రభుత్వ వైద్యశాలకు తరలించారు. మృతదేహం ఆచూకీ తెలిసిన వారు 94406 27084 నంబర్‌కు సమాచారం ఇవ్వాలని సీఐ సుబ్రహ్మణ్యం కోరారు.

కంకిపాడు: డయేరియా కలకలం నేపథ్యంలో అధికారులు అప్రమత్తమయ్యారు. జిల్లా ఉన్నతాధికారుల ఆదేశాలతో ఉప్పలూరులో ఇంటింటి సర్వేను కొనసాగిస్తున్నారు. ప్రత్యేక బృందాలు గ్రామంలో పర్యటించి ప్రజల ఆరోగ్య స్థితిగతులపై ఆరా తీస్తున్నాయి. నిన్నటివరకూ పారిశుద్ధ్య చర్యలపై కన్నెత్తి చూడని అధికారులు ఆ దిశగా చర్యలు తీసుకున్నారు. పారిశుద్ధ్యం మెరుగునకు అవసరమైన క్షేత్రస్థాయి చర్యలు చేపడుతున్నారు. ఉప్పలూరులో శుక్రవారం కొత్తగా డయేరియా కేసులు ఏవీ అధికారికంగా నమోదు కాలేదు. దీంతో జిల్లా యంత్రాంగం, వైద్య ఆరోగ్య సిబ్బంది ఊపిరి పీల్చుకున్నారు. ఉప్పలూరు పీహెచ్‌సీ పరిధిలోని వైద్య ఆరోగ్య సిబ్బంది గ్రామంలో ఇంటింటికీ వెళ్లి ప్రజల ఆరోగ్య స్థితిపై వివరాలు సేకరిస్తున్నారు. జిల్లా మలేరియా అధికారి జ్ఞానశ్రీ గ్రామంలో పర్యటించారు. ఇంటింటి సర్వే తీరును పరిశీలించారు. ప్రతి శుక్రవారం డ్రైడే ఫ్రైడే నిర్వహించేలా చూడాలని ఆదేశించారు. ఇంటి పరిసరాలు పరిశుభ్రంగా ఉండేలా, నీరు నిల్వ ఉండకుండా ఉంచుకోవాలని సూచించారు. అనంతరం నిర్వహించిన సమీక్షలో వైద్యాధికారి డాక్టర్‌ అంజు, మలేరియా సబ్‌ యూనిట్‌ అధికారి శ్రీనివాసరావు, పీహెచ్‌ఎన్‌ రాజమణి, ఆరోగ్య సిబ్బంది పాల్గొన్నారు. హడావుడిగా పారిశుద్ధ్య పనులు డయేరియా వ్యాప్తి నేపథ్యంలో అధికారులు హడావుడిగా పారిశుద్ధ్య పనులు చేపట్టారు. గ్రామంలోని పలు కాలనీల వద్ద పేరుకుపోయిన చెత్త, వ్యర్థాలను తొలగించారు. డ్రెయిన్లలో నిలిచిపోయిన వ్యర్థాల తొలగింపు చేపట్టారు. పారిశుద్ధ్య పనులను ఎంపీడీఓ నిమ్మగడ్డ బసవయ్య తనిఖీ చేశారు. ప్రజారోగ్య పరిరక్షణకు ప్రాధాన్యం ఇవ్వాలని, నిర్లక్ష్యాన్ని సహించేది లేదని స్పష్టం చేశారు.

రైల్వేస్టేషన్‌(విజయవాడపశ్చిమ): కదులుతున్న రైలు నుంచి జారిపడి వ్యక్తి మృతి చెందిన ఘటనపై విజయవాడ ప్రభుత్వ రైల్వే పోలీసులు (జీఆర్‌పీ) కేసు నమోదు చేశారు. పోలీసులు తెలిపిన వివరాల ప్రకారం కొండపల్లి రైల్వేస్టేషన్‌ సమీపంలోని రైలు పట్టాల పక్కన వ్యక్తి మృతి చెందటాన్ని గుర్తించిన సిబ్బంది జీఆర్‌పీకి సమాచారం అందించారు. దీనిపై ఘటనా స్థలానికి చేరుకున్న పోలీసులు వివరాలు సేకరించారు. మృతుని వయస్సు సుమారు 40 సంవత్సరాలు ఉంటుందని, ఇతరత్రా ఎటువంటి ఆధారాలు లభ్యం కాలేదని తెలిపారు. కదులుతున్న రైలు నుంచి జారిపడి మృతి చెంది ఉంటాడని పోలీసులు అనుమానం వ్యక్తం చేస్తున్నారు. మృతదేహాన్ని ప్రభుత్వ ఆసుపత్రికి తరలించి అనుమానాస్పద మృతిగా కేసు నమోదు చేసి దర్యాప్తు చేపట్టారు. మృతుని ఆచూకీ తెలిసిన వారు విజయవాడ జీఆర్‌పీ పోలీస్‌ స్టేషన్‌లో సమాచారం అందించాలని కోరారు. రైలు కిందపడి వ్యక్తి ఆత్మహత్య... రైలు కింద పడి వ్యక్తి ఆత్మహత్య చేసుకున్న ఘటనపై ప్రభుత్వ రైల్వే పోలీసులు కేసు నమోదు చేశారు. గంగినేని రైల్వేస్టేషన్‌ సమీపంలోని రైల్వే పట్టాలపై తీవ్ర గాయాలతో వ్యక్తి మృతిచెంది పడి ఉన్నాడు. దీన్ని గుర్తించిన సిబ్బంది ఇచ్చిన ఫిర్యాదు మేరకు విజయవాడ జీఆర్‌పీ సిబ్బంది ఘటన స్థలానికి చేరుకుని వివరాలు సేకరించారు. మృతుని వయస్సు సుమారు 50 సంవత్సరాలు ఉంటుందని, ఇతరంగా ఎటువంటి ఆధారాలు లభ్యం కాలేదని తెలిపారు. మృతదేహాన్ని ప్రభుత్వ ఆసుపత్రికి తరలించి అనుమానాస్పద మృతిగా కేసు నమోదు చేసి దర్యాప్తు చేపట్టారు. మృతుని ఆచూకీ తెలిసిన వారు విజయవాడ జీఆర్‌పీ పోలీసులకు సమాచారం అందించాల్సిందిగా కోరారు.

● స్థానిక సంస్థలకు జమకాని స్టాంప్‌ డ్యూటీ ● కూటమి అధికారం చేపట్టిన నాటి నుంచి అదే పరిస్థితి ● వైఎస్సార్‌ సీపీ పాలకవర్గం ఉండటమే పాపం ● జెడ్పీ ఆధ్వర్యంలో అభివృద్ధి పనులన్నీ బ్రేక్‌ ● గత ప్రభుత్వంలో ఏటా నగదు జమ

శనివారం శ్రీ 19 శ్రీ సెప్టెంబర్‌ శ్రీ 2026లబ్బీపేట(విజయవాడతూర్పు): రాష్ట్రంలో డీఎస్సీ నియామకాల్లో జరిగిన అక్రమాలపై సీబీఐ విచారణ కోరుతూ ఈ నెల 21న నిర్వహించే శాంతిర్యాలీని విజయవంతం చేద్దామని వైఎస్సార్‌ సీపీ ఎన్టీఆర్‌ జిల్లా అధ్యక్షుడు దేవినేని అవినాష్‌ పిలుపునిచ్చారు. ఈ సందర్భంగా విజయవాడలోని పార్టీ జిల్లా కార్యాలయంలో శుక్రవారం అనుబంధ విభాగాల జిల్లా అధ్యక్షులతో ఆయన సమావేశమయ్యారు. ఆ సమావేశంలో జిల్లాలో అనుబంధ విభాగాల ఆధ్వర్యంలో చేపట్టాల్సిన కార్యక్రమాలు, పార్టీ బలోపేతానికి తీసుకోవాల్సిన చర్యలపై చర్చించారు. అంతేకాకుండా పార్టీ అధినేత, మాజీ ముఖ్యమంత్రి వైఎస్‌ జగన్‌మోహన్‌రెడ్డి పిలుపు మేరకు ఈ నెల 21న నగరంలోని శిఖామణిసెంటర్‌ నుంచి శాప్‌ కార్యాలయం వరకూ నిర్వహించనున్న శాంతియుత ర్యాలీని విజయవంతం చేయాలని పిలుపునిచ్చారు. ఈ ర్యాలీలో పార్టీ నాయకులు, కార్యకర్తలు పెద్ద సంఖ్యలో పాల్గొని ర్యాలీని విజయవంతం చేసేలా ప్రతి అనుబంధ విభాగం అధ్యక్షులు సమన్వయంతో పనిచేయాలని ఆయన సూచించారు. లబ్బీపేట(విజయవాడతూర్పు): ప్రముఖ మానసిక వైద్యుడు ఇండ్ల రామసుబ్బారెడ్డి బెంగళూరులోని నేషనల్‌ ఇన్‌స్టిట్యూట్‌ ఆఫ్‌ మెంటల్‌ హెల్త్‌ అండ్‌ న్యూరో సైన్సెస్‌ (నిమ్‌హాన్స్‌) నుంచి అరుదైన సత్కారం పొందారు. నిమ్‌హాన్స్‌లో సైకియాట్రీ పీజీ కోర్సును ప్రారంభించి 71ఏళ్లు పూర్తయిన సందర్భంగా మొదటిసారిగా ఫౌండేషన్‌ దినోత్సవం ఈనెల 17న నిర్వహించారు. ఈ సందర్భంగా నిమ్‌ హాన్స్‌లో పీజీ చేసి, వైద్య పరంగానే కాకుండా, పలు రంగాల్లో విశేష కృషి చేస్తున్న ఒక పూర్వ విద్యార్థిని ముఖ్య అతిథిగా ఆహ్వానించి సత్కరించాలని నిర్ణయించారు. అందులో భాగంగానే ఈ సత్కారం పొందేందుకు డాక్టర్‌ ఇండ్లను ఆహ్వానించగా, ఆ సభలో ‘ప్రొఫెషన్‌/ప్యాషన్‌’(వృత్తి/ప్రవృత్తి) అంశంపై ప్రసంగించినట్టు డాక్టర్‌ ఇండ్ల శుక్రవారం తెలిపారు. తాను 1977 నుంచి 82 వరకూ నిమ్‌హాన్స్‌లో పీజీ, డీపీఎం డిగ్రీలు చేసిన అనంతరం కొంతకాలం వెల్లూరు క్రిస్టియన్‌ మెడికల్‌ కళాశాలలో, పుదుచ్చేరిలోని జిప్‌మర్‌లోనూ సైకియాట్రిస్టుగా సేవలు అందించినట్టు పేర్కొన్నారు. అనంతరం విజయవాడలో ఆస్పత్రిని ఏర్పాటు చేసినట్లు తెలిపారు. ఈ సత్కారం పొందడం సంతోషంగా ఉందని ఆయన వివరించారు. ● పునరుద్ధరణ కోసం ప్రతిపాదనలంటూ ఏడాదిన్నరగా డ్రామాలు ● కుడి కాలువపై నాలుగు పంపుహౌస్‌లలో 12మోటార్లు షట్‌డౌన్‌ ● పూర్తిగా మూతబడిన చివరి రెండు పంపుహౌస్‌లు ● రెండు మోటార్లతోనే ఆయకట్టుకు నీళ్లిస్తున్నామంటూ కవర్‌ చేస్తున్న అధికారులు ● మేలుకోకపోతే 4,820ఎకరాల ఆయకట్టుపై తీవ్ర ప్రభావం జి.కొండూరు: మైలవరం నియోజకవర్గానికి జీవనాడిగా ఉన్న తారకరామ ఎత్తిపోతల పథకాన్ని రెండేళ్లుగా మరుగున పెట్టిన ప్రజా ప్రతినిధులు, చింతలపూడి ఎత్తిపోతల పథకం ద్వారా నియోజకవర్గాన్ని సస్యశ్యామలం చేస్తానంటూ ప్రగల్భాలు పలకడం హాస్యాస్పదంగా ఉంది. ఎత్తిపోతల పథకంలో మోటార్లు పని చేయకపోయినా ఆయకట్టు రైతులకు పుష్కలంగా నీరందిస్తున్నట్లు అధికారులు ఆడుతున్న కవరింగ్‌ డ్రామాలు రైతులను మరింత ఆందోళనలో పడేస్తోంది. ఏడాది మొత్తం నీరు అందుబాటులో ఉండి కూడా ఎత్తిపోయలేకపోవడంతో ఆయకట్టు రైతాంగం నరకయాతన పడుతున్నారు. తారకరామ ఎత్తిపోతల పథకంలో కుడి కాలువపై ఉన్న నాలుగు పంపుహౌస్‌లలో రెండు పంపుహౌస్‌లు పూర్తిగా మూతపడగా రెండు పంపుహౌస్‌లలో ఉన్న ఎనిమిది మోటార్లలో ఆరు మోటార్లు పనిచేయకపోవడమే పాలకుల నిర్లక్ష్యానికి నిదర్శనంగా నిలుస్తోంది. ● కొండపల్లి శాంతినగర్‌ సమీపంలో ఉన్న తారకరామ ఎత్తిపోతల పథకం మొదటి పంప్‌హౌస్‌ పరిధిలో ఆయకట్టు సాగు భూమి 850ఎకరాలు ఉంది. అయితే మొదటి పంపుహౌస్‌లో 120హెచ్‌పీ కెపాసిటీ ఉన్న నాలుగు మోటార్లు ఉండగా, మూడు మోటార్లు పనిచేయకపోవడంతో తొలగించారు. ఒక్క మోటారు మాత్రమే పని చేయడంతో 57.84క్యూసెక్కుల నీటిని ఎత్తిపోయాల్సి ఉండగా, కేవలం 14.46క్యూసెక్కుల నీటిని మాత్రమే ఎత్తిపోస్తోంది. ● కట్టుబడిపాలెం సమీపంలో గల రెండో పంపుహౌస్‌ పరిధిలో ఆయకట్టు సాగుభూమి 980ఎకరాలుగా ఉంది. ఈ పంపుహౌస్‌లో 120హెచ్‌పీ కెపాసిటీ ఉన్న నాలుగు మోటార్లు ఉన్నప్పటికీ ఒక్క మోటారు మాత్రమే పనిచేయడంతో ఇక్కడ కూడా 14.46క్యూసెక్కుల నీటిని మాత్రమే ఎత్తిపోస్తోంది. ఒకటి, రెండు పంపుహౌస్‌లలో ఒక్కొక్క మోటారు మాత్రమే పనిచేస్తుండటంతో 115.68క్యూసెక్కుల నీటికి గానూ 28.92క్యూసెక్కుల నీటినే ఎత్తిపోయడం వల్ల ఈ రెండు పంపుహౌస్‌ల పరిధిలో ఉన్న 1,830ఎకరాలకు అంతంతమాత్రంగానే నీరందుతోంది. అంతే కాకుండా ఈ నీరు ఫోర్స్‌ లేకపోవడంతో మూడో పంపుహౌస్‌ వద్దకు కూడా రావడం లేదు. ● ఇక పినపాక గ్రామం సమీపంలో గల మూడో పంపుహౌస్‌ పరిధిలో ఆయకట్టు 1,123ఎకరాలు ఉంది. ఈ పంపుహౌస్‌లో 120హెచ్‌పీ కెపాసిటీ ఉన్న మూడు మోటార్లు ఉండగా ఒక్కటి కూడా పనిచేయక 38.56క్యూసెక్కుల నీటి ఎత్తిపోతకు బ్రేక్‌ పడింది. ● జి.కొండూరు సమీపంలో గల నాల్గో పంప్‌హౌస్‌ కింద ఆయకట్టు 1,867ఎకరాలు ఉంది. ఈ పంపుహౌస్‌లో 75హెచ్‌పీ కెపాసిటీ మోటార్లు మూడు ఉండగా ఒక్కటి కూడా పనిచేయకపోవడంతో 30.36 క్యూసెక్కుల నీటి ఎత్తిపోతకు బ్రేక్‌ పడింది. తారకరామ ఎత్తిపోతల పథకం నిర్వహణను స్థానిక ప్రజా ప్రతినిధులు, ఇరిగేషన్‌ అధికారులు రెండేళ్లుగా గాలికొదిలేశారు. తారకరామ కుడి కాలువపై ఉన్న నాలుగు పంపుహౌస్‌లలో మోటార్లు పని చేయక ఆయకట్టు రైతాంగం నరకయాతన పడుతుంటే పునరుద్ధరణ కోసం రూ.3.56కోట్లతో ప్రతిపాదనలు పంపామంటూ రెండేళ్లుగా అధికారులు ఒకటే పాటపాడటం పట్ల అనుమానాలు తలెత్తుతున్నాయి. 9.25కిలోమీటర్ల మేర ఉన్న తారకరామ కుడి కాలువలో ఇటీవల రూ.8లక్షల వెచ్చించి పూడిక తీత పనులు పూర్తి చేశారు. అయినప్పటికీ కాలువ పొడవునా ఎక్కడ చూసినా పిచ్చి మొక్కలు, తుమ్మ, జమ్ము, తూడు, మొదలైన వాటితో నిండిపోయి కాలువలో నీరు ముందుకు కదలని పరిస్థితి నెలకొంది. ట్రాన్స్‌ ఫార్మర్లు సక్రమంగా లేక విద్యుత్‌ సరఫరా అంతంతమాత్రంగానే ఉంది. ఓవరాల్‌గా ఈ ఎత్తిపోతల పథకం కేవలం రాజకీయాలకు కేంద్రబిందువుగా మారింది తప్ప రైతులకు సాగునీటిని అందించడంలో వెనకబడింది. తారకరామ కుడికాలువపై మోటార్లు పనిచేయక మూతబడిన మూడో పంపుహౌస్‌ ఇదికుడికాలువను కమ్మేసిన తూడుకాడఇలా జరగాలి.. చివరి ఈ రెండు పంపుహౌస్‌లలో మోటార్లు, ట్రాన్స్‌ఫార్మర్లు పనిచేయకపోవడంతో మొత్తానికి మూతబడ్డాయి. ఈ రెండు పంపుహౌస్‌ల పరిధిలో ఉన్న 2,990ఎకరాల సాగుభూమి పరిస్థితి ప్రశ్నార్థకంగా మారింది. ఇప్పటికే ఈ రెండు పంపుహౌస్‌ల పరిధిలో పత్తి, మిరప, కూరగాయలు, పండ్లతోటల వంటివి రైతులు సాగు చేశారు. ఇప్పటికే పైర్లు నీటి ఎద్దడికి గురవుతున్న నేపథ్యంలో అధికారులు నిర్లక్ష్యం వీడకపోతే అవి పూర్తిగా ఎండిపోయి రైతులు తీవ్రంగా నష్టపోయే అవకాశం ఉంది. ఏడాది పొడవునా నీళ్లు అందుబాటులో ఉండి కూడా ఎత్తిపోయలేకపోవడంతో ఈ నాలుగు పంపుహౌస్‌ల పరిధిలో రబీ సాగును రైతులు పూర్తిగా మరిచిపోయారు.

చిట్టినగర్‌(విజయవాడపశ్చిమ): వెస్ట్‌ బైపాస్‌లోకి వెళ్లే క్రమంలో స్పీడ్‌ బ్రేకర్‌ వద్ద మోపెడ్‌ అదుపు తప్పి రోడ్డుపై పడటంతో కార్పెంటర్‌ మృతి చెందిన ఘటన శుక్రవారం తెల్లవారుజామున చోటు చేసుకుంది. ప్రమాదంపై మృతుని భార్య ఇచ్చిన ఫిర్యాదు మేరకు పోలీసులు కేసు నమోదు చేశారు. పోలీసులు తెలిపిన వివరాల ప్రకారం విజయవాడ యనమలకుదురుకు చెందిన సరిహద్దు సుజాత, రాజేష్‌ భార్యభర్తలు. వీరికి ముగ్గురు ఆడపిల్లలు సంతానం. రాజేష్‌(47) కార్పెంటర్‌గా పని చేస్తుంటాడు. గురువారం రాత్రి తన మోపెడ్‌పై పనికి వెళుతున్నానని చెప్పి ఇంటి నుంచి బయలుదేరాడు. శుక్రవారం తెల్లవారుజామున రెండున్నర గంటల సమయంలో రాజేష్‌ ఫోన్‌ నుంచి ఎవరో ఫోన్‌ చేసి మీ తాలుకా వ్యక్తి వెస్ట్‌ బైపాస్‌ రోడ్డులో పడి ఉన్నాడని చెప్పారు. దీంతో సుజాత తన అన్నయ్య చిట్టిబాబుతో కలిసి ప్రమాదం జరిగిన పాముల కాల్వ సర్వీసు రోడ్డు వద్దకు చేరుకున్నారు. సర్వీసు రోడ్డు నుంచి వెస్ట్‌ బైపాస్‌ రోడ్డులోకి వెళ్లే క్రమంలో స్పీడ్‌ బ్రేకర్‌ వద్ద మోపెడ్‌ అదుపు తప్పి కింద పడి గాయపడిన రాజేష్‌ మృతి చెందినట్లు గుర్తించారు. ప్రమాదంపై పోలీసులకు ఫిర్యాదు చేయగా కేసు నమోదు చేశారు. డీజే కి కనెక్షన్‌ ఇస్తుండగా ఘటన నాగాయలంక: మండలంలోని ఎదురుమొండి శివారు జింకపాలెం గ్రామంలో వినాయక నిమజ్జనం కార్యక్రమం కోసం డీజే కి కనెక్షన్‌ ఇస్తూ విద్యుదాఘాతంతో కొప్పనాతి భరత్‌కుమార్‌(19)అనే యువకుడు మృతి చెందినట్లు స్థానిక ఎస్‌ఐ కలిదిండి రాజేష్‌ శుక్రవారం తెలిపారు. మండలంలోని నాలి గ్రామానికి చెందిన భరత్‌ తెలంగాణ రాష్ట్రం నాగర్‌ కర్నూల్‌లో వెల్డింగ్‌ పని చేస్తూ జీవిస్తుంటాడని, 20రోజుల క్రితం ఇంటికి వచ్చాడని చెప్పారు. గ్రామంలో డీజే సిస్టమ్‌ నడిపే నాయుడు హరీష్‌ వద్ద పని చేస్తూ అతనితో కలసి జింకపాలెం వెళ్లాడని తెలిపారు. అక్కడ వినాయక విగ్రహ నిమజ్జనానికి వెళ్లే ఊరేగింపు కోసం డీజే కి విద్యుత్‌ కనెక్షన్‌ ఇచ్చే సమయంలో షాక్‌ తగిలి కింద పడిపోవడంతో స్థానికులు 108కి సమాచారం ఇచ్చి అవనిగడ్డలోని కమ్యూనిటీ ఆసుపత్రికి తరలించారని, అప్పటికే చనిపోయినట్లు వైద్యులు ధ్రువీకరించారని చెప్పారు. మృతుడి తండ్రి కొప్పనాతి నాగుమయ్య ఫిర్యాదు మేరకు కేసు నమోదు చేసి దర్యాప్తు చేపట్టినట్లు ఎస్‌ఐ రాజేష్‌ వివరించారు. వీటీపీఎస్‌ కాలువలో పడి వృద్ధురాలు మృతి గాంధీనగర్‌(విజయవాడసెంట్రల్‌): కాలకృత్యా లు తీర్చుకునేందుకు వెళ్లి ఓ వృద్ధురాలు కాలువలో పడి మృతి చెందిన ఘటన భవానీపురం పోలీసు స్టేషన్‌ పరిధిలో జరిగింది. గొల్లపూడికి చెందిన బండ్లమూడి పెంటమ్మ(80)కు కాలకృత్యాలు తీర్చుకునేందుకు బయటకు వెళ్లడం అలవాటు. శుక్రవారం రాత్రి 11 గంటల సమయంలో బహిర్భూమికి వెళుతున్నానని ఇంట్లో చెప్పి వెళ్లింది. రాత్రి 12 గంటలు దాటినా ఇంటికి తిరిగి రాకపోవడంతో అనుమానం వచ్చి వీటీపీఎస్‌ కాలువ ప్రాంతంలో కుటుంబ సభ్యులు వెదికారు. చుట్టు పక్కల అంతా వెదికినా ఫలితం లేకుండా పోయింది. మరుసటి రోజు సాయంత్రం పెంటమ్మ మృతదేహం వీటిపీఎస్‌ గేటు వద్ద లభ్యమైంది. దీనిపై పెంటమ్మ కుమారుడు బండ్లమూడి నాగేశ్వరరావు ఇచ్చిన ఫిర్యాదు మేరకు పోలీసులు కేసు నమోదు చేశారు. తన తల్లి మరణంపై ఎటువంటి అనుమానాలు లేవని, కాలువ వద్దకు వెళ్లి కాలు జారి కాలువలో పడి ఉంటుందని ఫిర్యాదులో పేర్కొన్నారు. దీనిపై పోలీసులు కేసు నమోదు చేశారు.

ప్రత్యేక గ్రీవెన్స్‌లో కలెక్టర్‌ జి.లక్ష్మీశ చందర్లపాడు(నందిగామ టౌన్‌): ప్రజల నుంచి స్వీకరించిన ప్రతి అర్జీకి శాశ్వత పరిష్కారం చూపే దిశగా అధికారులు చిత్తశుద్ధితో పని చేయాలని కలెక్టర్‌ డాక్టర్‌ జి.లక్ష్మీశ అన్నారు. ఒక నెల – ఒక నియోజకవర్గం – నాలుగు సందర్శనలు కార్యక్రమంలో భాగంగా చందర్లపాడు గ్రామంలోని తునికిపాటి ఫంక్షన్‌ హాల్‌లో శుక్రవారం ప్రత్యేక గ్రీవెన్స్‌ నిర్వహించారు. ఈ సందర్భంగా కలెక్టర్‌ మాట్లాడుతూ ప్రజల నుంచి తీసుకున్న అర్జీలను పెండింగ్‌లో ఉంచకుండా నిర్ణీత గడువులోగా తప్పనిసరిగా పరిష్కరించాలన్నారు. ప్రధానంగా రెవెన్యూ, భూ సంబంధిత, పంచాయతీ రాజ్‌, తదితర శాఖలకు సంబంధించిన సమస్యలు పరిష్కరించాలని కోరుతూ అర్జీలు వస్తున్నాయని తెలిపారు. ప్రజా సమస్యలపై అధికారులు కార్యాలయాలకు పరిమితం కాకుండా క్షేత్ర స్థాయిలోకి స్వయంగా వెళ్లి వాస్తవ పరిస్థితులను పరిశీలించాలని చెప్పారు. ముఖ్యంగా సంబంధిత వ్యక్తులతో మాట్లాడి పూర్తి స్థాయిలో వాస్తవ పరిస్థితులు తెలుసుకుని నిబంధనల మేరకు ప్రజలకు అనుకూలంగా సమస్య పరిష్కారానికి చర్యలు తీసుకోవాలని ఆయన ఆదేశించారు. ప్రతి అర్జీకి పరిష్కారం చూపటమే కాకుండా భవిష్యత్తులో అదే సమస్య పునరావృతం కాకుండా శాశ్వత పరిష్కారం చూపటంలో అధికారులు దృష్టి సారించాలని సూచించారు. కార్యక్రమంలో ప్రభుత్వ విప్‌, ఎమ్మెల్యే తంగిరాల సౌమ్య, జాయింట్‌ కలెక్టర్‌ ఎస్‌.ఇలక్కియ, ఆర్డీవో అనిల్‌కుమార్‌, పీజీఆర్‌ఎస్‌ నోడల్‌ అధికారి జ్యోతి, తహసీల్దార్‌ రామకోటేశ్వరరావు, ఆయా శాఖల అధికారులు, సిబ్బంది పాల్గొన్నారు.

ఏడీఆర్‌ఎం కొండా శ్రీనివాసరావు రైల్వేస్టేషన్‌(విజయవాడపశ్చిమ): స్వచ్ఛతా హీ సేవా 2026 ప్రచారంలో భాగంగా దక్షిణ కోస్తా రైల్వే, విజయవాడ డివిజన్‌లో రైల్వేస్టేషన్‌లు, పాఠశాలల్లో అవగాహన, సామాజిక భాగస్వామ్య కార్యక్రమాలు నిర్వహించారు. ఈ ప్రచారంలో భాగంగా విజయవాడ రైల్వేస్టేషన్‌లో ‘స్వచ్ఛత ఏవం జల్‌ సంచయ సంవాద్‌’ కార్యక్రమం నిర్వహించారు. ఇందులో రైల్వే ఉద్యోగులు, ప్రయాణికులు నీటి సంరక్షణ, వర్షపు నీటి సేకరణ, సుస్థిర పారిశుద్ధ్య పద్ధతులపై చర్చల్లో పాల్గొన్నారు. రోజువారీ జీవితంలో బాధ్యతాయుతమైన పర్యావరణ పద్ధతులను పాటిస్తూ ప్రతి నీటి చుక్కను సంరక్షించాలని తీర్మానం చేసుకున్నారు. పరిశుభ్రత, పర్యావరణ పరిరక్షణపై కేంద్రియ విద్యాలయం, జాక్‌ అండ్‌ జిల్‌ స్కూల్‌లో క్విజ్‌, డిబేట్‌ పోటీలను నిర్వహించారు. ఈ సందర్భంగా పర్యావరణ పద్ధతులపై భారత్‌ స్కౌట్స్‌ అండ్‌ గైడ్స్‌ విద్యార్థులు ప్రదర్శించిన నాటకం విశేషంగా ఆకట్టుకుంది. కార్యక్రమంలో ముఖ్యఅతిథిగా పాల్గొన్న ఏడీఆర్‌ఎం కొండా శ్రీనివాసరావు మాట్లాడుతూ స్వచ్ఛత ఒక ప్రజా ఉద్యమంగా రూపాంతరం చెందినప్పుడే దానికి అర్ధం చేకూరుతుందన్నారు. సామాజిక భాగస్వామ్యం ద్వారా పరిశుభ్రమైన స్టేషన్‌లు, నీటి సంరక్షణ, సుస్థిర భవిష్యత్తు సాధ్యమవుతుందని తెలిపారు. అనంతరం ప్రయాణికులకు క్లాత్‌ బ్యాగ్‌లను పంపిణీ చేశారు. కార్యక్రమంలో పలు విభాగాల అధికారులు, సిబ్బంది, ప్రయాణికులు పాల్గొన్నారు.

లబ్బీపేట(విజయవాడతూర్పు): తమ న్యాయమైన సమస్యలు పరిష్కరించాలని డిమాండ్‌ చేస్తూ ప్రభుత్వ వైద్యుల సంఘం– ఆంధ్ర ప్రదేశ్‌(జీడీఏ–ఏపీ) ఆధ్వర్యంలో శుక్రవారం జీజీహెచ్‌లో నిరసన ర్యాలీ నిర్వహించారు. ఈ సందర్భంగా అసోసియేషన్‌ అధ్యక్షుడు డాక్టర్‌ ఐ. బాబ్జి శ్యామ్‌కుమార్‌ మాట్లాడుతూ 2016 యూజీసీ పీఆర్‌సీ ఎరియర్స్‌ను ప్రభుత్వం తక్షణమే చెల్లించాలని డిమాండ్‌ చేశారు. ఈ విషయంలో ప్రభుత్వం వైద్యుల పట్ల నిర్లక్ష్యంగా వ్యవహరించడం తగదన్నారు. అంతేకాకుండా 2026 యూజీసీ పీఆర్‌సీ అయిన వెంటనే టీచింగ్‌ వైద్యులకు వర్తింపజేయాలన్నారు. వైద్యులు పనిచేసే చోట సౌకర్యాలు కల్పించాలనే పలు డిమాండ్‌లతో వైద్యులు ప్రతిరోజూ అరగంట పాటు విధులు బహిష్కరించి చేస్తున్న నిరసన 18వ రోజు కొనసాగింది.

విజయవాడ లీగల్‌: కాపు యువకుడు సాయికృష్ణ కస్టోడియల్‌ డెత్‌ కేసులో సంచలన విషయాలు వెలుగుచూశాయి. విజయవాడ రాణీగారితోటలోని పాడుబడిన భవ­నంలో సాయికృష్ణను దారుణంగా కొట్టి చంపినట్లు సిట్‌ దర్యాప్తులో వెల్లడైంది. తనను చంపేందుకే కొడుతున్నారని సాయికృష్ణ తీవ్ర గాయాలతో దయనీయంగా వాపోయినప్పటికీ నిందితులు కనికరం చూపలేదని స్పష్టమైంది. అనంతరం మృతదేహాన్ని అర్ధరాత్రి బైక్‌పై శ్మశానవాటికకు తరలించి దహనం చేశారని, మృతదేహం పూర్తిగా కాలిపోయే వరకు ప్రధాన నింది­తుడు సీఐ నాగరాజుతో సహా నిందితులు అందరూ అక్కడే ఉన్నారని వెల్లడైంది. అరెస్టయిన ఏ4 సురేష్‌ రిమాండ్‌ రిపోర్ట్‌లో సిట్‌ పేర్కొన్న విస్తుపోయే సంచలన అంశాలు... ‘మే 7న పోలీస్‌స్టేషన్‌లో సీఐ నాగ­రాజు, హెడ్‌ కానిస్టేబుల్‌ అశోక్, నాని దారుణంగా సాయికృష్ణ­ను కొట్టారు. గాయాలపాలైన సాయికృష్ణను సీఐ నాగరాజు ఆదేశాల­తో రాణిగారి తోటలోని పాత పాడుబడిన భవనానికి తరలించా­రు. మే 12న సీఐని కలవడానికి వెళ్లిన తాను రాణీగారితోట పాత భవనంలో అత్యంత దయనీయ స్థితిలో ఉన్న సాయికృష్ణను చూసినట్లు ఏ4 సురేష్‌ పేర్కొన్నాడు. తనను చంపేందుకే కొడుతున్నారని సాయి­కృష్ణ తీవ్ర గాయాలతో దయనీయస్థితిలో తనకు చెప్పినట్లు కూడా వెల్లడించాడు. సురేష్ తో మాట్లాడుతున్న సమయంలోనే సాయికృష్ణ స్పృహతప్పి పడిపోయి మరణించాడు. మే 12న అర్ధరాత్రి సాయికృష్ణ మృతదేహాన్ని మోటార్‌ సైకిల్‌పై దుప్పట్లో చుట్టి స్వర్గపురి శ్మశానవాటికకు తరలించి సీఐ నాగరాజు, హెడ్‌ కానిస్టేబుల్‌ అశోక్, సురేష్‌ కలిసి దహనం చేశారు. మృతదేహం పూర్తిగా కాలిపోయే వరకు వారు స్వర్గపురిలో ఉన్నారు. మే 18న సురేష్‌ స్వర్గపురికి వెళ్ళి మృతదేహానికి సంబంధించిన ఆనవాళ్లు ఉన్నాయా? అని పరిశీలించి వచ్చాడు. సీఐ నాగరాజు ఆదేశాలతోనే సాయికృష్ణ కస్టడీలో ఉన్నప్పుడు తీసిన ఫోటోలను డిలీట్‌ చేశాడు. సురేష్‌ సీఐ నాగరాజుతో కలిసి నైట్‌రౌండ్స్‌కు కూడా వెళ్లేవాడు. నాగరాజుతో సురేష్ కు 2010 నుంచి పరిచయం ఉంది. వీరిద్దరి మధ్య సన్నిహిత స్నేహం ఉంది. హైకోర్టులో వేసిన హెబియస్‌ కార్పస్‌ పిటిషన్‌ను ఉపసంహరించుకోవాలని బాధితుడి బంధువులను కూడా నిందితులు బెదిరించి ప్రలోభపెట్టారని దర్యాప్తులో తేలింది. ఈ క్రమంలో సాయికృష్ణ మేనమామ ముళ్లపూడి నవరంగ్‌ను సురేష్‌ సంప్రదించి రాజీకి ప్రయత్నించాడు. మే 31న కొలనుకొండ గ్రామంలోని మోడల్‌ డెయిరీ వద్ద నవరంగ్‌ను సురేష్‌ కలిసి మాట్లాడారు. పరిహారంపై మాట్లాడేందుకు ప్రయత్నించాడు. అయితే నవరంగ్‌ ఆ ప్రతిపాదనను తిరస్కరించారు. కేసు నమోదు, ఎ–1 అరెస్టు అనంతరం సురేష్ , ఎ–2, ఎ–3 కలిసి విజయవాడ నుంచి హైదరాబాద్, అక్కడి నుంచి నాగ్‌పూర్‌కు వెళ్లారు. తన మొబైల్‌ ఫోన్‌ ద్వారా పోలీసులు తన ఆచూకీ తెలుసుకోకుండా ఉండేందుకు దానిని మార్గమధ్యంలో కాలువలో పడేసినట్లు సురేష్‌ వెల్లడించాడు. సెపె్టంబర్‌ 18న సురేష్ ను రాణిగారితోటలోని పాత భవనం వద్దకు తీసుకెళ్లగా, సాయికృష్ణను ఉంచిన ప్రదేశాన్ని అతడు గుర్తించాడు. అనంతరం స్వర్గపురి శ్మశానవాటికలోని కలప దహన ప్రాంతంలో మృతదేహాన్ని దహనం చేసినట్లు సురేష్‌ గుర్తించాడు. సురేష్‌ ఇచ్చిన సమాచారంతో రెండు ద్విచక్రవాహనాలను పోలీసులు స్వా«దీనం చేసుకున్నారు. సురేష్‌ వెల్లడించిన వివరాలకు కాల్‌ డీటైల్‌ రికార్డులు , సాంకేతిక విశ్లేషణ, సంబంధిత కాలంలో ఎ–1, ఎ–2, ఎ–4 మధ్య జరిగిన ఫోన్‌ సంభాషణలు, అలాగే మోడల్‌ డెయిరీ పరిసరాల్లోని సీసీటీవీ దృశ్యాలు ఆధారంగా దర్యాప్తు కొనసాగిస్తున్నారు. ఇప్పటి వరకూ సాయికృష్ణను స్టేషన్‌లోనే కొట్టి చంపారనే అభిప్రాయం ఉండగా, ఇప్పుడు ఒక పాడుపడిన భవనంలో చంపినట్లు రిమాండ్‌ రిపోర్టులో పేర్కొనడం గమనార్హం.రిమాండ్‌కు సురేష్‌ సాయికృష్ణ కస్టోడియల్‌ డెత్‌ కేసులో మూడు నెలలుగా పరారీలో ఉన్న రియల్‌ ఎస్టేట్‌ వ్యాపారి ఏ–4 గులివిందల సురేష్ ను సిట్‌ అధికారులు ఎట్టకేలకు అరెస్టు చేసి శుక్రవారం న్యాయస్థానంలో హాజరుపరిచారు. లుక్‌ అవుట్‌ సర్క్యులర్‌ జారీ కావడంతో సిట్‌ ఎదుట లొంగిపోయిన సురేష్ ను అరెస్ట్‌ చేసి విచారించిన పోలీసులు అనంతరం 2వ అదనపు జ్యుడీషియల్‌ ఫస్ట్‌ క్లాస్‌ మేజి్రస్టేట్‌ కోర్టులో ప్రవేశ పెట్టారు. సాక్షులను ప్రభావితం చేయకుండా నిందితుడికి రిమాండ్‌ విధించాలని కోరారు. దీంతో ఫస్ట్‌ క్లాస్‌ మేజి్రస్టేట్‌ ఎస్‌.శ్రీకాంత్‌ నిందితునికి సెపె్టంబర్‌ 24 వరకు రిమాండ్‌ విధిస్తూ ఆదేశాలు జారీ చేశారు. అనంతరం నిందితుడిని నూజివీడు జైలుకు తరలించారు.

తిరుమల: తిరుమల తిరుపతి దేవస్థానం శ్రీవారి లడ్డూ ప్రసాదం తయారీలో ఉపయోగించిన నెయ్యిలో జంతు కొవ్వు కలవలేదని ఎన్‌ఫోర్స్‌మెంట్‌ డైరెక్టరేట్‌ (ఈడీ) తేల్చేసింది. జంతు కొవ్వు కలిసిందనేందుకు ఎలాంటి ఆధారాలు లేవని స్పష్టం చేసింది. ఈ మేరకు శుక్రవారం ఒక ప్రకటన విడుదల చేసింది. తిరుపతి ఈస్ట్‌ పోలీస్‌ స్టేషన్‌లో నమోదైన ఎఫ్‌ఐఆర్‌ ఆధారంగా ఈడీ ఈ విషయంపై దర్యాప్తు చేపట్టిన విషయం తెలిసిందే. ఈ క్రమంలో 2019 నుంచి 2024 మధ్య టీటీడీకి సరఫరా అయిన నెయ్యికి సంబంధించి అన్ని విధాలా విచారించింది. ఏ దశలో కూడా జంతువుల కొవ్వు కలిపారనే దానికి సంబంధించి ఎలాంటి ఆనవాళ్లు లేవని గుర్తించింది. తద్వారా సీఎం చంద్రబాబు, పవన్‌ కళ్యాణ్, ఇతర కూటమి నేతలు పనిగట్టుకుని దు్రష్పచారం చేసినట్లు తేటతెల్లమైంది. ముఖ్యమంత్రి స్థానంలో ఉన్న చంద్రబాబు.. భక్తుల మనోభావాలు దెబ్బ తింటాయన్న ఆలోచన లేకుండా, కేవలం తన రాజకీయ ప్రయోజనాల కోసం గత వైఎస్సార్‌సీపీ ప్రభుత్వంపై దారుణంగా ఆరోపణలు చేశారు. తిరుమల శ్రీవారి లడ్డూ ప్రసాదం తయారీలో జంతువుల కొవ్వు వాడారని నిరాధారంగా ప్రకటించి కలకలం రేపారు. చంద్రబాబు సీఎం అయ్యాకే.. తిరుమలకు వచ్చిన నెయ్యి ట్యాంకర్లలో నాణ్యత లేదని కొన్నింటిని వెనక్కు పంపడం, ఆ నెయ్యి అసలే వాడక పోయినా.. వాడారంటూ అబద్ధం చెప్పడం.. దానిపై ఎల్లో మీడియా వరుస కథనాలు వెలువరించడం.. సుప్రీంకోర్టు సీబీఐ దర్యాప్తునకు ఆదేశించడం.. సీబీఐ సిట్‌ కూడా దర్యాప్తు చేసి, జంతుకొవ్వు కలవలేదని నివేదిక ఇవ్వడం తెలిసిందే. ఈ క్రమంలో ఇదే విషయమై తిరుపతిలో నమోదైన కేసుపై ఈడీ కూడా దర్యాప్తు చేపట్టింది. పలు సంస్థలను, పలువురిని విచారించి.. ఎట్టకేలకు తిరుమల శ్రీవారి లడ్డూ తయారీలో జంతువుల కొవ్వు కలవలేదని నిర్దారించింది. చంద్రబాబు కేవలం తన కుటుంబానికి చెందిన హెరిటేజ్‌ భాగస్వామ్య సంస్థకు లబ్ధి చేకూర్చేందుకే ఇలా తప్పుడు ఆరోపణలు, దు్రష్పచారం చేశారని ఇదివరకే స్పష్టమైంది. ఇప్పుడు ఈడీ కూడా జంతువుల కొవ్వు కలవలేదని తేల్చడంతో ఇదంతా చంద్రబాబు డైవర్షన్‌ డ్రామా అని మరోమారు స్పష్టమైందని రాజకీయ విశ్లేషకులు వ్యాఖ్యానిస్తున్నారు. హామీలు నెరవేర్చలేని తరుణంలో ఎప్పటికప్పుడు డైవర్షన్‌ డ్రామాలకు తెర లేపడం చంద్రబాబుకు అలవాటేనని, ఆ పరంపరలోనే శ్రీవారి లడ్డూపై కూడా ఆరోపణలు చేసి భక్తుల మనోభావాలు దెబ్బ తీశారని భక్తులు ఆగ్రహం వ్యక్తం చేస్తున్నారు. After CBI-led SIT, even ED investigation confirms that "animal fat", as claimed by Andhra Pradesh CM @ncbn in 2024, was not used to adulterate ghee used in Tirumala Tirupati Devasthanam's Srivari prasadam. ED's probe also points to chemical & plant based adulterants. For 2… https://t.co/Gm4INAzthq pic.twitter.com/lgk1Hprd8l— Anusha Ravi Sood (@anusharavi10) September 18, 2026

విజయవాడ: గాదె సాయికృష్ణ లాకప్‌డెత్‌ కేసులో సిట్‌ కీలక ప్రకటన వెలువరించింది. పోలీసుల దెబ్బలకే సాయికృష్ణ చనిపోయాడని సిట్‌ స్పష్టం చేసింది. ఈ విషయాన్ని A-4 సురేష్‌ రిమాండ్‌ రిపోర్ట్‌లో సిట్‌ పేర్కొంది. పోలీసులు కొట్టి చంపారని కోర్టుకు సిట్‌ నివేదించింది. సీఐ నాగరాజు, కానిస్టేబుళ్లు కలిసి మృతదేహాన్ని దహనం చేశారని, ఆధారాలు మాయం చేశారని కోర్టుకు సిట్‌ తన రిపోర్ట్‌లో పేర్కొంది.నిన్న(గురువారం) సాయికృష్ణ లాకప్‌ డెత్‌ కేసులో కీలక పరిణామం చోటుచేసుకుంది. ఈ కేసులో A4 నిందితుడిగా ఉన్న సురేష్‌ సిట్‌ ఎదుట లొంగిపోయాడు. సాయికృష్ణ మృతదేహాన్ని మాయం చేయడంలో సురేష్‌ కీలక పాత్ర పోషించినట్లు ఆరోపణలు ఉన్నాయి. సురేష్‌ లొంగుబాటు విచారణకు కీలకంగా మారడంతో పాటు పోలీసులే కొట్టి చంపారనే విషయాన్ని సిట్‌ ధృవీకరించింది. కాగా, సాయికృష్ణ మృతి అనంతరం ఆయన కుటుంబ సభ్యులతో సెటిల్‌మెంట్‌ చేసేందుకు సురేష్‌ ప్రయత్నించినట్లు సమాచారం. ఈ కేసులో ప్రధానంగా ఆరోపణలు ఎదుర్కొంటున్న సీఐ నాగరాజుకు సురేష్‌ అత్యంత సన్నిహితుడిగా ఉన్నట్లు తెలుస్తోంది. అయితే, సాయికృష్ణ లాకప్‌ డెత్‌ అనంతరం ఈ వ్యవహారంలో సురేష్‌ పాత్ర ఉన్నట్లు గుర్తించిన సిట్‌ అధికారులు కేసు నమోదు చేశారు. సిట్‌ విచారణ తర్వాత ఆయన పరారీలో ఉండగా, నిన్న లొంగిపోయి కీలక విషయాలను వెల్లడించాడు.సిట్‌ రిపోర్ట్‌లో ముఖ్యాంశాలు..మే 7వ తేదీన పీఎస్‌లో సాయికృష్ణను విచారించారురాణిగారితోటలోని పాడుబడడ్డ భవనానికి తీసుకెళ్లి కొట్టారుమే 12వ తేదీన సాయికృష్ణ మృతి చెందాడుఅర్థరాత్రి బైక్‌పై మృతదేహానని శ్మశానికి తరలించారుస్వర్గపురి శ్మశాన వాటికలో మృతదేహాన్ని కాల్చేశారుసాయికృష్ణపై దాడికి సంబంధించిన ఫోటోలు డిలీట్‌ చేశారుసాయికృష్ణ బంధువులను పోలీసులు బెదిరించారుహెబియస్‌ కార్బస్‌ పిటిషన్‌ విత్‌ డ్రా చేసుకోవాలని బెదిరించారుసాయికృష్ణ బంధువులను పోలీసులే ప్రలోభపెట్టారు కాగా, ఈనెల మొదటి వారంలో తన కుమారుడు సాయికృష్ణ ఆచూకీ తెలియడం లేదని, అతడిని కోర్టు ముందు హాజరుపరిచేలా పోలీసులను ఆదేశించాలని కోరుతూ విజయలక్ష్మి హైకోర్టులో హెబియస్‌ కార్పస్‌ పిటిషన్‌ దాఖలు చేశారు.ఈ పిటిషన్‌ దాఖలు చేసిన తరువాత సాయికృష్ణ పోలీసుల లాకప్‌డెత్‌లో మృతిచెందినట్లు రూఢీ అయింది. దీంతో విజయలక్ష్మి తన కుమారుడి లాకప్‌డెత్‌ వ్యవహారంపై సీబీఐ దర్యాప్తునకు ఆదేశించాలని కోరుతూ అనుబంధ పిటిషన్‌ దాఖలు చేశారు. తరువాత ఈ వ్యాజ్యంలో పలు పరిణామాలు చోటుచేసుకున్నాయి. సీబీఐ దర్యాప్తు కోసం దాఖలు చేసిన అనుబంధ పిటిషన్‌ను ఉపసంహరించుకుంటున్నట్లు ఓసారి, ఉపసంహరించుకోవడంలేదని మరోసారి విజయలక్ష్మి చెబుతూ వచ్చారు. ఆమె తరఫున హాజరవుతున్న న్యాయవాదుల విషయంలో కూడా వివాదం తలెత్తిన విషయం తెలిసిందే.2026 మే 6న మార్కాపురంలో అదుపులోకి తీసుకుని, కృష్ణలంక పోలీస్‌స్టేషన్‌కు తరలించి, ఆ తర్వాత ఇన్‌స్పెక్టర్‌కు అప్పగించినట్లు ప్రతివాదులైన పోలీసులు తమ కౌంటర్‌ అఫిడవిట్‌లో అంగీకరించారు.అయితే, ఆ తర్వాత సాయికృష్ణ ఆచూకీ ఏమైంది అనే అంశంపైనే ఎక్కువ చర్చ జరుగుతూ వచ్చింది. అతన్ని లాకప్‌డెత్‌ చేసి ఆ తర్వా త దహనం చేయడం, ఆధారాలు మాయం చేయడం వంటివి జరిగిన విషయం తాజా సిట్‌ రిపోర్ట్‌తో బహిర్గతమైంది. ఇదీ చదవండి: ఏపీకి భారీ వర్ష హెచ్చరిక.. ఆరెంజ్‌ అలర్ట్‌ జారీ

విజయవాడ: ముస్లింల విషయంలో ముఖ్యమంత్రి చంద్రబాబు నిర్లక్ష్యం వహిస్తున్నారని మాజీ ఎమ్మెల్యే, టీడీపీ నేత జలీల్‌ఖాన్‌ సంచలన వ్యాఖ్యలు చేశారు. ముస్లింలకు కేవలం చిన్న చిన్న నామినేటెడ్‌ పోస్టులతో మాత్రమే సరిపెడుతున్నారన్నారని విమర్శించారు. ఈ క్రమంలోనే చంద్రబాబుకు జలీల్‌ఖాన్‌ అల్టిమేటం జారీ చేశారు. ఈసారి కచ్చితంగా విజయవాడ మేయర్‌ సీటు ముస్లింలకే ఇవ్వాలన్నారు. ‘విజయవాడ మేయర్‌గా మైనార్టీలకు అవకాశం కల్పించాలి. మేయర్ సీటు మహిళలకు రిజర్వ్ అయితే నా కుమార్తెకు అవకాశం ఇవ్వాలి. బీజేపీ మైనార్టీల ఇంపార్టెన్స్ ను గుర్తించింది. కానీ చంద్రబాబు వైఖరి నాకు నచ్చడం లేదు. అనుభవం ఉండి కూడా చంద్రబాబు వ్యవహరిస్తున్న తీరు సరికాదు. విజయవాడలో పార్టీ గెలవాలన్నా...పార్టీ క్యాండెట్ గెలవాలన్నా మైనార్టీల సహకారం అవసరం. ముస్లింలకు మేయర్‌గా అవకాశం ఇస్తే పోటీ ఉండదు. నాకు ఊహతెలిసినంత వరకూ విజయవాడ పశ్చిమ ఎమ్మెల్యే టిక్కెట్ ముస్లింలకే ఇచ్చేవారు. మొన్నటి ఎన్నికల్లో జిల్లాలోనే ముస్లింలకు ఎమ్మెల్యే సీటు లేకుండా చేశారు. ఆ రోజే నాకు బాధ కలిగినా నాలోనే దాచుకున్నా. ముస్లింలకు ఎమ్మెల్సీ ఇవ్వడం లేదు ...రాజ్యసభ సభ్యుడు ఇవ్వడం లేదు. చిన్న చిన్న నామినేటెడ్ పదవులతో సరిపెట్టేస్తున్నారు. 2019లో నా కుమార్తెను కోరి తెచ్చుకున్నారు. ఇండిపెండెంట్‌ను బరిలోకి దించి నా కుమార్తెను ఓడించారు. నా కుమార్తె ఓటమిలో కూడా కుట్ర జరిగిందికానీ నేను పేర్లు చెప్పలేదు ... చెప్పినా ఉపయోగం ఉండదని చెప్పలేదు. టీడీపీలోయాక్షన్ ఉండదరు..రియాక్షన్ అసలే ఉండదు’ అని మండిపడ్డారు.ఇదీ చదవండి: ‘చంద్రబాబు ఆ ఆలోచన నుంచి బయటకు రావాలి’

కోటి రూపాయలకుపైగా ఆస్తి నష్టం భవానీపురం(విజయవాడపశ్చిమ): స్థానిక ఆశ్రమం రోడ్‌లోని ఒక ఇంట్లో గురువారం మధ్యాహ్నం సుమారు ఒంటి గంట సమయంలో షార్ట్‌ సర్క్యూట్‌ కారణంగా ఏసీ మెషిన్‌ పేలి భారీ అగ్నిప్రమాదం జరిగింది. ఐరన్‌ వ్యాపారి వక్కలగడ్డ శ్రీధర్‌కు చెందిన డూప్లెక్స్‌ ఇంట్లో మొదటి అంతస్తులోని చివరి గదిలో ఉన్న ఏసీ ఒక్క సారిగా పేలడంతో పెద్ద శబ్దం వచ్చింది. ఆ సమయంలో ఇంటి యజమాని శ్రీధర్‌, ఆయన తండ్రి షాపునకు వెళ్లిపోగా ఇంట్లో ఉన్న నలుగురైదుగురు అప్రమత్తమై కిందకు వచ్చేయడంతో ఎవరికీ ఏమీ కాలేదు. మొదటి అంతస్తులో ఏసీ పేలడంతో పెద్ద ఎత్తున మంటలు వచ్చి సెకండ్‌ ఫ్లోర్‌లోకి ఎగబాకాయి. అందులోని మొత్తం ఫర్నీచర్‌ దగ్దమైపోయి గోడలు మాత్రం మిగిలాయి. అదే విధంగా పిల్లల కోసం సెకండ్‌ ఫ్లోర్‌లోని ఒక గదిలో ఏర్పాటు చేసిన హోమ్‌ థియేటర్‌లోని వస్తువులన్నీ కాలిపోయాయి. మూడు గంటలు శ్రమించి.. సమాచారం అందుకున్న కొత్తపేట అగ్నిమాపక కేంద్రం సిబ్బంది వచ్చి మంటలను ఆర్పేందుకు దాదాపు మూడు గంటలపాటు శ్రమించారు. అలాగే భవానీపురం పోలీస్‌ స్టేషన్‌ సీఐ ఉమామహేశ్వరరావు తమ సిబ్బందితో సంఘటనా స్థలానికి చేరుకుని వివరాలు అడిగి తెలుసుకున్నారు. ఇంటి యజమాని వక్కలగడ్డ శ్రీధర్‌ ఇటీవలే అయ్యప్ప స్వామి మాల ధరించి మొదటి అంతస్తులో ఏర్పాటు చేసుకున్న పూజ గది (పీఠం)కి ఎటువంటి ప్రమాదం వాటిల్లక పోవడం విశేషం. కాగా ఈ అగ్నిప్రమాదం కారణంగా సుమారు కోటి రూపాయలకుపైగా నష్టం వాటిల్లినట్లు యజమాని శ్రీధర్‌ తెలిపారు.

మా దగ్గర ఉన్న రికార్డుల ప్రకారం ప్రతి స్కూలుకు ఇన్‌డోర్‌ లేదా అవుట్‌ డోర్‌ క్రీడా మైదానం ఉంటేనే అనుమతి లేదా రెన్యువల్‌కు అవ కాశం ఇస్తున్నాం. వ్యాయామ విద్య తప్పనిసరని స్పష్టం చేస్తున్నాం. ఆ క్లాసులు అమలు చేస్తున్నారో లేదో మేము ఒకసారి క్షేత్రస్థాయిలో పరిశీలిస్తాం. కచ్చితంగా అమలయ్యేలా చూస్తాం. ఇండోర్‌ లేదా ఔట్‌ డోర్‌ స్పోర్ట్స్‌ను స్కూల్‌ యాజమా న్యాలు నిర్వహించాల్సిందే. స్కూళ్లలో తనిఖీలు చేయించి, నిబంధనలు పాటించ కుంటే చర్యలు తీసుకుంటాం. – చంద్రకళ, ఎన్టీఆర్‌ జిల్లా, డీఈఓ

విజయవాడలీగల్‌: అక్రమ మద్యం రవాణా కేసులో హైదరాబాద్‌ చంచల్‌గూడ జైలులో రిమాండ్‌లో ఉన్న కారుమూరి నాగేశ్వరరావును పీటి వారెంట్‌పై సిట్‌ అధికారులు గురువారం విజయవాడలోని ఏసీబీ న్యాయస్థానంలో హాజరుపరిచారు. న్యాయస్థానంలో ఆయన తరఫు న్యాయవాదులు దాసరి అనిల్‌కుమార్‌, బండారు శివకుమార్‌, డక్కు కోటేశ్వరరావు వాదనలు వినిపించారు. విచారణ అనంతరం న్యాయమూర్తి ఈనెల 25వ తేదీ వరకు పీటి వారెంట్‌పై రిమాండ్‌ విధిస్తూ ఆదేశాలు జారీచేశారు. అనంతరం పోలీసులు నాగేశ్వరరావును చంచల్‌గూడ జైలుకు తరలించారు. కేసు విచారణ వాయిదా.. దాదాపు రెండు దశాబ్దాల క్రితం విజయవాడలో సంచలనం సృష్టించిన వి.దుర్గాప్రసాద్‌ అలియాస్‌ పిల్లి దుర్గాప్రసాద్‌ ఎన్‌కౌంటర్‌ కేసులో బుధవారం 8వ అదనపు జిల్లా న్యాయస్థానంలో విచారణ జరిగింది. తదుపరి విచారణను న్యాయమూర్తి ఎన్‌.పద్మావతి ఈనెల 21వ తేదీకి వాయిదా వేశారు.

గాంధీనగర్‌(విజయవాడసెంట్రల్‌): సమస్త విశ్వానికి దివ్య వాస్తుశిల్పి శ్రీ విరాట్‌ విశ్వకర్మ భగవాన్‌ జయంతి సందర్భంగా కలెక్టరేట్‌ శ్రీ పింగళి వెంకయ్య సమావేశ మందిరంలో గురువారం ప్రత్యేక కార్యక్రమం జరిగింది. విశ్వకర్మ చిత్రపటానికి కలెక్టర్‌ జి.లక్ష్మీశ పూలమాలలు వేశారు. ఈ సందర్భంగా కలెక్టర్‌ మాట్లాడుతూ.. నైపుణ్యం, సృజనాత్మకత, శ్రమ, నాణ్యతకు ప్రాధాన్యత ఇవ్వడం వంటి విలువలు విశ్వకర్మ జయంతి స్ఫూర్తిగా నిలుస్తాయని పేర్కొన్నారు. చేతివృత్తుల కళాకారుల జీవన ప్రమాణాలు పెంచేందుకు విశ్వకర్మ యోజన ఎంతగానో ఉపయోగపడుతుందన్నారు. కార్యక్రమంలో డీఆర్వో ఎం.లక్ష్మీనరసింహం, కలెక్టరేట్‌లోని వివిధ సెక్షన్ల అధికారులు, సిబ్బంది తదిత రులు పాల్గొన్నారు. లబ్బీపేట(విజయవాడతూర్పు): తమకు న్యాయ పరంగా రావాల్సిన ఆర్థిక ప్రయోజనాలు వెంటనే చెల్లించాలని, పలు సమస్యలు పరిష్కరించాలని కోరుతూ ప్రభుత్వ వైద్యులు చేపట్టిన నిరసన గురువారం కూడా కొనసా గింది. ప్రభుత్వ వైద్యుల సంఘం – ఆంధ్రప్రదేశ్‌ (జీడీఏ–ఏపీ) ఆధ్వర్యంలో 17 రోజులుగా వైద్యులు రోజూ ఉదయం తొమ్మిది నుంచి 9.30 వరకూ విధులు బహిష్కరించి నిరసన తెలుపుతున్నారు. ప్రభుత్వం తక్షణమే 2016 యూజీసీ పీఆర్‌సీ బకాయిలు టీచింగ్‌ వైద్యులకు చెల్లించాలని కోరుతున్నారు. ఇప్పటికే 30 సార్లు విన్నపాలు చేసినా, ప్రభుత్వం నుంచి స్పందన కొరవడిందన్నారు. తాము పనిచేసిన కాలానికి అనుగుణంగా పీఆర్‌సీ బకాయిలు ఇవ్వమని వినతి అందజేస్తే ఇవ్వడం కుదరదని ప్రభుత్వం చెప్పడం బాధాకరమని అసోసియేషన్‌ రాష్ట్ర అధ్యక్షుడు డాక్టర్‌ ఐ బాబ్జి శ్యామ్‌కుమార్‌ అన్నారు. ప్రభుత్వం స్పందించి తమ సమస్యలు పరిష్కరించాలని విజ్ఞప్తి చేశారు. రైల్వేస్టేషన్‌(విజయవాడపశ్చిమ): స్వచ్ఛత హీ సేవా కార్యక్రమంలో భాగంగా దక్షిణ కోస్తా రైల్వే, విజయవాడ డివిజన్‌ వ్యాప్తంగా రైల్వేస్టేషన్‌లు, కార్యాలయాలలో పరిశుభ్రత, సుస్థిర వ్యర్థాల నిర్వహణ, పర్యావరణ పరిరక్షణను ప్రోత్సహిస్తూ గురువారం స్వచ్ఛత కార్యక్ర మాలు నిర్వహించారు. విజయవాడ డీఆర్‌ఎం కార్యాలయం ప్రాంగణంలో జరిగిన కార్యక్రమంలో డీఆర్‌ఎం మోహిత్‌ సోనాకియా పాల్గొని అధికారులు, ఉద్యోగులతో స్వచ్ఛత ప్రతిజ్ఞ చేయించారు. ఈ సందర్భంగా డీఆర్‌ఎం మోహిత్‌ సోనాకియా మాట్లాడుతూ.. పరిశుభ్రత అనేది కేవలం రైల్వే పరిపాలన బాధ్యత మాత్రమే కాదని, ప్రతి రైల్వే ఉద్యోగి, ప్రయాణికుడు చేయాల్సిన నిరంతర పక్రియ అని పేర్కొన్నారు. స్వచ్ఛ భారత్‌ నిర్మాణంలో భాగస్వాములు కావాలని సూచించారు. ఈ కార్యక్రమంలో పలు విభాగాల అధికారులు, సిబ్బంది, ప్రయాణికులు పాల్గొన్నారు. ఇంద్రకీలాద్రి(విజయవాడపశ్చిమ): కాణిపాకంలోని శ్రీ వరసిద్ధి వినాయక స్వామివారి వార్షిక బ్రహ్మోత్సవాలను పురస్కరించుకుని ఇంద్రకీలాద్రిపై కొలువైన శ్రీదుర్గా మల్లేశ్వర స్వామి వార్ల ఆలయం తరఫున గురువారం పట్టు వస్త్రాలను సమర్పించారు. స్వామి వారికి పట్టువస్త్రాలను సమర్పించేందుకు కాణిపాకం వెళ్లిన దుర్గగుడి చైర్మన్‌, ఈఓ శీనానాయక్‌తో పాటు ఆలయ ప్రధాన అర్చకుడు ఎల్‌.దుర్గాప్రసాద్‌ తదితరులకు కాణిపాకం ఆలయ ఈఓ పెంచల కిషోర్‌కుమార్‌ స్వాగతం పలికారు. అనంతరం దుర్గ గుడి అధికారులు, ట్రస్ట్‌ బోర్డు సభ్యులు కాణిపాకం వినాయక స్వామిని దర్శించుకుని పట్టువస్త్రాలు సమర్పించారు.

కంకిపాడు: మొన్నటి వరకూ ఉయ్యూరు, కంకిపాడు మండలాలను డయేరియా కుదిపేసింది. పదుల సంఖ్యలో రోగులు ఆస్పత్రుల బారిన పడ్డారు. తాజాగా కంకిపాడు మండలం ఉప్పలూరులో డయేరియా వ్యాప్తి చెందింది. అతిసార లక్షణాలతో పలువురు ఆస్పత్రుల్లో చేరుతుండటం కలకలం రేపు తోంది. విషయం తెలుసుకున్న వైద్య ఆరోగ్య సిబ్బంది అప్రమత్తమయ్యారు. ఉప్పలూరులో ఆందోళన ఉప్పలూరులో ఆందోళనకర పరిస్థితులు నెలకొంటున్నాయి. ఈ నెల 16వ తేదీన ఇద్దరు, గురువారం ఒకరు స్థానిక పీహెచ్‌సీలో అతిసార లక్షణాలతో వైద్యం కోసం చేరారు. ప్రస్తుతం ఒక చిన్నారికి వైద్య సిబ్బంది వైద్యం అందిస్తున్నారు. ఇద్దరి పరిస్థితి విషమంగా ఉండటంతో విజయవాడ ప్రభుత్వాస్పత్రికి తరలించారు. వీరిలో అతిసార లక్షణాలతో పాటుగా తీవ్ర అనారోగ్య కారణాలతో కాండ్రు జోజిబాబు (40) బుధవారం రాత్రి మృతి చెందాడు. చిన్న పేగులు ఇన్‌ఫెక్షన్‌కు గురై ఆరోగ్యం విషమించి అతను మృతి చెందాడని వైద్యులు చెబుతున్నారు. మరొకరు విజయవాడలోనే వైద్యం పొందుతున్నారు. గ్రామంలోని ఎస్సీ కాలనీ, జగనన్న కాలనీల్లో ఈ కేసులు నమోదయ్యాయి. అయితే ఆర్‌ఎంపీల వద్ద వైద్యం పొందుతున్న వారు కూడా ఉన్నట్లు స్థానికులు చెబుతున్నారు. వాంతులు, విరేచనాల లక్షణాలతోనే కాకుండా జ్వరపీడితులు ఆర్‌ఎంపీల వద్దే వైద్యం తీసుకుంటున్నట్లు సమాచారం. అప్రమత్తమైన వైద్య సిబ్బంది అతిసార లక్షణాలు గుర్తించటంతో వైద్య ఆరోగ్య సిబ్బంది అప్రమత్తయ్యారు. ముందుగా కేసులు నమోదైన ఎస్సీ కాలనీ, జగనన్న కాలనీల్లో ఇంటింటి సర్వే నిర్వహిస్తున్నారు. ఇటీవలే తాగునీటి నమూనాలు సేకరించి ల్యాబ్‌కు తరలించామని, ఎలాంటి సమస్య తలెత్తలేదని వైద్య, ఆరోగ్య సిబ్బంది ఒకరు సాక్షికి చెప్పారు. అతిసార లక్షణాలు వ్యాప్తి చెందటానికి గల కారణాలు తెలియడం లేదని, పరిస్థితిని అదుపులోకి తెచ్చేందుకు చర్యలు తీసుకుంటున్నామని చెబుతున్నారు. నివారణ చర్యలు ఏవీ? పెనమలూరు నియోజకవర్గంలోని పలు గ్రామాల్లో డయేరియా ప్రబలడంతో ప్రజలు ఆందోళన చెందు తున్నారు. మొదట ఉయ్యూరు పట్టణం, ఆ తరువాత ఉయ్యూరు మండలంలో డయేరియా వ్యాప్తి చెందింది. డయేరియా లక్షణాలతో ముగ్గురు మృతి చెందినప్పటికీ అధికారులు ధ్రువీకరించలేదు. కంకిపాడు పట్టణంతో పాటు మండలంలోని పునాదిపాడు, ప్రొద్దుటూరు, కోలవెన్ను, కోమటిగుంట గ్రామాల్లో డయేరియా కేసులు నమోదయ్యాయి. అధికారంగానే 40 మందికి పైగా బాధితులు ఆస్పత్రుల్లో చికిత్స పొందారు. రాజస్థాన్‌ నుంచి కంకిపాడుకు వలస వచ్చిన బాలుడు (6) అతిసార లక్షణాలతో మృతి చెందాడు. పరిస్థితి అదుపులోకి వచ్చిందనే లోపు ఉప్పలూరులో మూడు డయేరియా కేసులు నమోదయ్యాయి. అసలు డయేరియా వ్యాప్తి చెందటానికి గల కారణాలు మాత్రం అధికారులు తేల్చటం లేదు. తాగునీరు, లేదా కలుషిత ఆహారం కారణం అయ్యి ఉండొచ్చని చెబుతున్నారే కానీ అసలు కారణాలను గుర్తించి నివారణ చర్యలు చేపట్టడం లేదన్న విమర్శలు సర్వత్రా వినిపిస్తున్నాయి.

విజయవాడ సిటీఎన్టీఆర్‌ జిల్లాశుక్రవారం శ్రీ 18 శ్రీ సెప్టెంబర్‌ శ్రీ 20267భవానీపురం: విద్యాధరపురం లేబర్‌కాలనీ గ్రౌండ్‌లో ఏర్పాటు చేసిన 72 అడుగుల మట్టి మహా గణపతిని మంత్రి సత్యకుమార్‌ యాదవ్‌ గురువారం రాత్రి దర్శించుకుని, పూజలు చేశారు.లబ్బీపేట: సమస్యల పరిష్కారం కోరుతూ పారామెడికల్‌ విద్యార్థులు గురువారం విజయవాడలోని ఎన్టీఆర్‌ హెల్త్‌ యూనివర్సిటీకి ర్యాలీగా చేరుకున్నారు. అనంతరం నిరసన తెలిపారు.సాక్షి, విజయవాడ: కార్పొరేట్‌, ప్రైవేట్‌ స్కూళ్లలో క్రీడామైదానాలు కరువయ్యాయి. ఈ విద్యా సంస్థల్లో బాల్యం తరగతి గదుల్లోనే మగ్గిపోతోంది. పుస్తకాలతో కుస్తీ పడుతూ, మార్కులు, ర్యాంకుల సాధనకే పరి మితం అవుతోంది. రూ.లక్షల్లో ఫీజులు వసూలు చేస్తున్న స్కూళ్లలో సైతం క్రీడామైదానాలు సమకూర్చుకోవడంలేదు. కేవలం పుస్తకాలు, పరీక్షలు, మార్కులు, ర్యాంకులు మాత్రమే కాదు, క్రీడలు కూడా విద్యార్థుల సమగ్ర వికాసంలో కీలక భాగమే. పాఠశాలల్లో క్రీడా మైదానాలు, శారీరక విద్య, క్రీడా కార్యక్రమాలు కూడా విద్యా మౌలిక వసతుల్లో భాగం. అయితే ఉమ్మడి కృష్ణా జిల్లాలోని అనేక ప్రైవేట్‌, కార్పొరేట్‌ పాఠశాలల్లో విద్యార్థులకు ఆటలు ఆడేందుకు తగిన మైదానాలు ఉండడం లేదు. ప్రధానంగా విజయ వాడతో పాటు నగర శివారు గ్రామాలు, మచిలీ పట్నం, గుడివాడ, పెనమలూరు, కంకిపాడు, కానూరు, గంగూరు, తాడిగడప, గన్నవరం, నందిగామ తదితర ప్రాంతాల్లో పెద్ద సంఖ్యలో ప్రైవేట్‌ పాఠశాలలు ఉన్నాయి. 80 శాతం విద్యాసంస్థలకు క్రీడామైదానాలు లేవన్న విమర్శలు వెల్లువెత్తుతున్నాయి. రూ.లక్షల్లో ఫీజులు వసూలు పలు కార్పొరేట్‌ స్కూళ్లు రూ.లక్షల్లో ఫీజులు వసూలు చేస్తున్నాయి. తరగతి గదులు, స్మార్ట్‌ క్లాసులు, ప్రయోగశాలలు, రవాణా వంటి సదు పాయాలపైనే ఆయా స్కూళ్ల యాజమాన్యాలు దృష్టి పెడుతున్నాయే తప్ప, క్రీడా మైదానం, శారీరక విద్య, క్రీడా పరికరాలు, మౌలిక వసతులు కల్పనను పట్టించుకోవడంలేదు. ఎక్కడో ఒకటీ అరా స్కూళ్లలో మాత్రం పరిమితంగానే క్రీడా ప్రాంగణాలు ఉన్నాయి. విజయవాడలో ఇళ్ల మధ్య ఉన్న చాలా స్కూళ్లలో క్రీడా మైదా నాలు లేవు. కనీసం స్కూలు ప్రాంగణంలో కూర్చోవడానికి కూడా స్థలం కనిపించడంలేదు. నిబంధనలు ఏమి చెబుతున్నాయంటే.. 2026 జనవరి 19న కేంద్ర విద్యామండలి జారీ చేసిన జీఓ నంబరు 04/2026 ప్రకారం స్కూల్‌ క్యాంపస్‌లలో కనీసం రెండు వేల చదరపు మీటర్ల ఆటస్థలం ఉండాలి. ఔట్‌డోర్‌ ఫిజికల్‌ ఎడ్యుకేషన్‌ కోసం తగిన స్థలం, 200 మీటర్ల అథ్లెటిక్‌ ట్రాక్‌తో పాటు ఖోఖో, వాలీబాల్‌, బాస్కెట్‌బాల్‌ తదితర క్రీడలకు సదుపాయాలు కల్పించాలి. స్కూళ్లలో పీఈటీ తప్పనిసరిగా ఉండాలి. రాష్ట్ర ప్రభుత్వ నిబంధనల ప్రకారం ప్రైవేటు స్కూళ్లలో స్థాయిని బట్టి (ప్రైమరీ, అప్పర్‌ ప్రైమరీ, హైస్కూల్‌) వెయ్యి నుంచి నాలుగు వేల చదరపు మీటర్ల మేర ఆటస్థలం ఉండాలి. గ్రామీణ ప్రాంతాల్లో హైస్కూళ్ల ఏర్పాటుకు ఆటస్థలంతో కలిపి ఎకరం నుంచి రెండు ఎకరాల వరకు స్థలం ఉండాలి. పట్టణ ప్రాంతాల్లో అయితే స్కూల్‌ ప్రాంగణంలో స్థలం లేకపోతే ప్రత్యామ్నాయంగా ఇండోర్‌ స్టేడియాలు, సమీప ప్రాంతాల్లో ఉండే మునిసిపల్‌ / పబ్లిక్‌ గ్రౌండ్లను ఉపయోగించుకునేందుకు అధికారులు తనిఖీ చేసి అనుమ తులు ఇస్తారు. ఇటీవల రాష్ట్ర ప్రభుత్వం ఒకటి నుంచి పదో తరగతి వరకు వ్యాయామ విద్యను తప్పనిసరి చేసింది. అయితే చాలా స్కూళ్లలో ఈ నిబంధనలేవీ పాటించడం లేదు. ఒక ప్రైవేట్‌ పాఠశాలకు గుర్తింపు ఇస్తున్నప్పుడు లేదా గుర్తింపును కొనసాగిస్తున్నప్పుడు విద్యార్థులకు అవసరమైన మౌలిక సదుపాయాలు ఉన్నాయా లేదా అని చూడాల్సిన బాధ్యత విద్యాశాఖ అధికారులదే. అయితే వారు కళ్లు మూసుకుని అనుమ తులు ఇచ్చేస్తున్నారు. అసలు ఆయా పాఠశాలల్లో క్రీడా మైదానాలు ఉన్నాయా? మైదానం లేకుంటే ప్రత్యామ్నాయంగా పిల్లలకు ఆటలు ఎలా ఆడిస్తున్నారు? వంటి అంశాలను క్షేత్రస్థాయిలో తనిఖీలు చేసి అనుమతులు ఇవ్వాలి. ఉమ్మడి కృష్ణా జిల్లా పరిధిలో బాగా పేరున్న స్కూళ్లే ఉన్నాయి. కానీ ఇండోర్‌ గేమ్స్‌ ఆడడానికి కూడా అవకాశం లేని దుస్థితి ఆ స్కూళ్ల నెలకొంది. నగరాలుపై చిన్నచూపు ఎన్టీఆర్‌ జిల్లాలో మొత్తం 509 ప్రైవేటు స్కూళ్లు ఉండగా, వాటిలో సుమారు 2,21,900 మంది విద్యార్థులు చదువుతున్నారు. విద్యాకేంద్రంగా విరాజిల్లుతున్న విజయవాడ నగర, శివార్లలో వెలసిన విద్యాసంస్థల్లో 70 శాతం స్కూళ్లలో మైదానాలు లేకపోవడం గమనార్హం. జగ్గయ్యపేట నియోజకవర్గంలో 49 ప్రైవేటు స్కూళ్లు ఉండగా 39 స్కూళ్లకు, నందిగామలో 34 స్కూళ్లకు 10, తిరువూరులో 22 స్కూళ్లకు 12 స్కూళ్లకు మైదానాలు లేవు. ఈ స్కూళ్లలో విద్యార్థులను వారాంతంలో ఒకటి, రెండు రోజులు మాత్రం ఊరి చివర ఖాళీ స్థలాలు, పొలాలకు ఆడుకోవడానికి తీసుకెళ్తున్నారు. కొందరు విద్యార్థులు బయట శిక్షణ పొంది జిల్లా, జోనల్‌, రాష్ట్రస్థాయి, అథ్లెటిక్స్‌లో పతకాలు సాధిస్తే తమ స్కూల్‌ విద్యార్థి అని క్రెడిట్‌ కొట్టేస్తున్నారు. చాలా పేరున్న ఇదే పంథాను కొనసాగిస్తున్నాయి. విజయపురిసౌత్‌: నాగార్జునసాగర్‌ నీటిమట్టం గురువారం 534.60 అడుగులకు చేరింది. శ్రీశైలం జలాశయం నుంచి 6,088 క్యూసెక్కులు వచ్చి సాగర్‌కు వచ్చి చేరుతోంది.

పోలీసుల అదుపులో మరో ఇద్దరు!కృష్ణలంక(విజయవాడతూర్పు): ఆర్టీసీ బస్సులో పేలుడు పదార్థాలైన జిలెటిన్‌ స్టిక్స్‌, ఎలక్ట్రానిక్‌ డిటోనేటర్లను రవాణా కేసులో నిందితుడైన వెంకట రామాంజనేయులును కృష్ణలంక పోలీసులు అరెస్ట్‌ చేశారు. అతనిని కోర్టులో హాజరుపరచగా న్యాయమూర్తి రిమాండ్‌ విధించినట్లు సీఐ జె.మురళీకృష్ణ తెలిపారు. భవనాలు కూల్చేవే.. మార్కాపురం జిల్లా యర్రగొండపాలెం సమీపంలోని రాజుపాలెంకు చెందిన అలుగు లక్ష్మీనారాయణ పాత భవనాలు కూల్చడం, స్లాబులు పగలగొట్టడం, పునాదులు తీయడం వంటి పనులు చేస్తూ గుంటూరు జిల్లా తాడేపల్లి మండలం వడ్డేశ్వరంలో నివాసం ఉంటున్నాడు. అదే గ్రామానికి చెందిన అతని తమ్ముడు సాయి, మేనల్లుడు గుంజా వెంకట రామాంజనేయులు అతని వద్దే పనిచేస్తుంటారు. రామాంజనేయులు వడ్డేశ్వరంలో ఉంటుండగా, సాయి పెనమలూరు మండలం కానూరులోని మురళీనగర్‌లో ఉంటున్నాడు. భవనాల తొలగింపు పనుల్లో అవసరమైనప్పుడు జెలిటిన్‌ స్టిక్స్‌, డిటోనేటర్లు వాడుతుంటారు. వినాయక చవితి పండుగ పురస్కరించుకుని లక్ష్మీనారాయణ, రామాంజనేయులు స్వగ్రామానికి వెళ్లారు. కుంట గ్రామంలో లక్ష్మీనారాయణ జెలిటిన్‌ స్టిక్స్‌, డిటోనేటర్లు కొనుగోలు చేశాడు. వాటిని బ్యాగ్‌లో పెట్టి సాయికి ఇవ్వాలని వీరాంజనేయులుకు ఇచ్చి వేరే పని మీద వెళ్లిపోయాడు. ఈ నెల 14వ తేదీన అతను శ్రీశైలం నుంచి విజయవాడ బస్సు ఎక్కాడు. అదేరోజు రాత్రి 10గంటల సమయంలో వారధి వద్ద దిగే తొందరలో మరో బ్యాగ్‌ తీసుకుని బస్సు దిగాడు. అంతటా అతను మురళీనగర్‌లో ఉంటున్న సాయి వద్దకు చేరుకుని బ్యాగ్‌ తెరిచి చూడగా దుస్తులు ఉన్నాయి. బ్యాగ్‌ మారిపోయిందని నిర్ధారించుకుని వడ్డేశ్వరంలోని ఇంటికి చేరుకున్నాడు. ఇంతలో ఆర్టీసీ బస్సులో పేలుడు పదార్థాలు ఉన్న ఒక్క బ్యాగ్‌ లభించిందని కలకలం రేగింది. పోలీసులు బస్సులో పేలుడు పదార్థాలు రవాణా చేస్తున్న వ్యక్తి కోసం గాలింపు చర్యలు చేపట్టారు. ఆ విషయం తెలుసుకున్న రామాంజనేయులు బుధవారం ఉదయం కుటుంబసభ్యులతో కలిసి కృష్ణలంక పోలీస్‌ స్టేషన్‌లో లొంగిపోయాడు. ప్రత్యేక బృందాలతో గాలింపు.. అతనిని పోలీసులు అదుపులోకి తీసుకుని విచారణ చేపట్టారు. విచారణలో తన మేనమామలైన లక్ష్మీనారాయణ, సాయికి కూడా ఈ కేసుతో సంబంధం ఉన్నట్లు చెప్పాడు. వారి ఆచూకీ కోసం ప్రత్యేక బృందాలు రంగంలోకి దిగాయి. గురువారం రామాంజనేయులును అరెస్ట్‌ చూపించి కోర్టులో హాజరు పరిచారు. పోలీసులు లక్ష్మీనారాయణ, సాయిలను అదుపులోకి తీసుకుని విచారిస్తున్నట్లు సమాచారం. శుక్రవారం వారిద్దరిని అరెస్ట్‌ చేసి కోర్టులో హజరుపరిచే అవకాశం ఉందని తెలిసింది.

లబ్బీపేట(విజయవాడతూర్పు): పోషకాహార లోపంతో ఉన్న చిన్నారులపై ఆరోగ్య సిబ్బంది ప్రత్యేకంగా దృష్టి సారించాలని ఎన్టీఆర్‌ జిల్లా వైద్య ఆరోగ్య శాఖాధికారి డాక్టర్‌ ఎ. శ్రావణ్‌బాబు అన్నారు. జిల్లాలోని ఏఎన్‌ఎంలు, ఎంఎల్‌హెచ్‌పీలను నగరంలోని ఓ హోటల్‌లో గురువారం శిక్షణ తరగతులు నిర్వహించారు. జిల్లా వైద్య ఆరోగ్యశాఖ, విజయ వాహిని చారిటబుల్‌ ఫౌండేషన్‌ సంయుక్తంగా నిర్వహిస్తున్న ఈ శిక్షణ కార్యక్రమంలో డీఎంహెచ్‌ఓ మాట్లాడుతూ పోషకాహార లోపంతో ఉన్న పిల్లలను అంచనా వేయడం, ఆకలి నిర్ధారణ పరీక్ష, తీవ్ర పోషకాహార లోపంతో ఉన్నటువంటి పిల్లలకు తక్షణమే నిర్వహించాల్సిన ఆరోగ్య పరీక్షలు గురించి వివరించారు. పోస్టర్‌ ఆవిష్కరణ.. విజయ వాహిని చారిటబుల్‌ ఫౌండేషన్‌ జిల్లా ప్రోగ్రాం అధికారి టి. రంగారావు మాట్లాడుతూ పోషకార లోపంతో ఉన్న పిల్లలు సాధారణ స్థితికి వచ్చేంతవరకు పర్యవేక్షించాల్సిన బాధ్యత ఆరోగ్య కార్యకర్తలైన మనందరిపై ఉందన్నారు. అనంతరం కమ్యూనిటీ బేస్డ్‌ ఆధారిత పోషకార లోపం నిర్వహణ, 10 కీలక అంశాలు అనే పోస్టర్‌ను ఆవిష్కరించారు. జిల్లా ఇమ్యునైజేషన్‌ అధికారి డాక్టర్‌ శరత్‌బాబు, డీపీఎం డాక్టర్‌ నవీన్‌, టెక్నికల్‌ ఆఫీసర్‌ డాక్టర్‌ రాజేష్‌కుమార్‌, జిల్లా పబ్లిక్‌ హెల్త్‌ నర్సింగ్‌ ఆఫీసర్‌ జి. రేణుక తదితరులు పాల్గొన్నారు. డీఎంహెచ్‌ఓ డాక్టర్‌ శ్రావణ్‌బాబు

డీఆర్వోకు వినతి పత్రం సమర్పించిన ఏఐవైఎఫ్‌ గాంధీనగర్‌(విజయవాడసెంట్రల్‌): అర్హులకు అన్యాయం జరగకుండా ఉండేందుకు సామాజిక భద్రతా పింఛన్లకు దరఖాస్తుల సమర్పణ గడువును మరో 10రోజుల పాటు పొడిగించాలని అఖిల భారత యువజన సమాఖ్య (ఏఐవైఎఫ్‌) డిమాండ్‌ చేసింది. ఈ మేరకు గురువారం ఎన్టీఆర్‌ జిల్లా కలెక్టర్‌ కార్యాలయంలో జిల్లా రెవెన్యూ అధికారి (డీఆర్‌ఓ) ఎం.లక్ష్మీనరసింహంను కలిసి వినతి పత్రం సమర్పించారు. ఈ సందర్భంగా ఏఐవైఎఫ్‌ నగర కార్యదర్శి లంకా గోవిందరాజులు మాట్లాడుతూ కూటమి ప్రభుత్వం అధికారంలోకి వచ్చిన రెండున్నరేళ్ల తర్వాత పింఛన్లకు దరఖాస్తు చేసుకునేందుకు అవకాశం కల్పించిందన్నారు. ఈ దరఖాస్తులకు ఈనెల 18వ తేదీని చివరి గడువుగా నిర్ణయించిందన్నారు. ఈ కాలంలో వరుసగా పండుగలు, శని, ఆదివారాలు సెలవులు వచ్చాయన్నారు. ఫలితంగా కుల, ఆదాయ ధ్రువీకరణ పత్రాలు పొందడంలో ఆలస్యం జరిగిందన్నారు. దీన్ని దృష్టిలో పెట్టుకుని మానవతా దృక్పథంతో దరఖాస్తు గడువును మరో 10రోజుల పాటు పొడిగించాలని డిమాండ్‌ చేశారు. నాయకులు సింగంశెట్టి మోహనప్రసాద్‌, శీరం రవికుమార్‌, జి. షైనీ, ఎన్‌.వెంకటేశ్వర్లు తదితరులు పాల్గొన్నారు.

గాంధీనగర్‌(విజయవాడసెంట్రల్‌): కెనడాలో జరగనున్న కామన్వెల్త్‌ పవర్‌ లిఫ్టింగ్‌ చాంపియన్‌షిప్‌నకు ఎంపికై న జి.కొండూరు మండలం వెంకటాపురం గ్రామానికి చెందిన క్రీడాకారుడు సంకు కృపారావు అంతర్జాతీయ వేదికపై పతకం సాధించి ఎన్టీఆర్‌ జిల్లా, ఆంధ్రప్రదేశ్‌ రాష్ట్రానికి మంచి పేరు తీసుకురావాలనే లక్ష్యంతో ముందుకు సాగుతున్నారు. అంతర్జాతీయ స్థాయి పోటీలో పాల్గొనేందుకు అవసరమైన ఆర్థిక సహాయం కోసం ఎన్టీఆర్‌ జిల్లా కలెక్టర్‌ డాక్టర్‌ జి.లక్ష్మీశను ఆశ్రయించారు. ప్రతిభకు ఆర్థిక పరిస్థితులు అడ్డంకి కాకూడదనే ఉద్దేశంతో కలెక్టర్‌ లక్ష్మీశ వెంటనే స్పందించారు. రాష్ట్ర ప్రభుత్వం అమలు చేస్తున్న పీ4 కార్యక్రమం ద్వారా క్రీడాకారుడికి సహాయం అందించేలా అనుసంధానించారు. ఈ మేరకు సెంటిని బయో ప్రొడక్ట్స్‌ ప్రైవేట్‌ లిమిటెడ్‌ సమకూర్చిన రూ.లక్ష ఆర్థిక సహాయాన్ని గురువారం కలెక్టర్‌ కార్యాలయంలో క్రీడాకారుని కుటుంబ సభ్యులకు కలెక్టర్‌ అందజేశారు. సెంటిని బయో ప్రొడక్ట్స్‌ ప్రైవేట్‌ లిమిటెడ్‌ సంస్థ జీఎం కె.మనోజ్‌ కుమార్‌ పాల్గొన్నారు.

విజయవాడ: తమ సమస్యలు పరిష్కరించకపోతే సమ్మెను మరింత ఉధృతం చేస్తామని ఏపీ గ్రామ, వార్డు సచివాలయ ఉద్యోగులు హెచ్చరించారు. సానుకూలం అంటూ పోరాటం వరకూ తీసుకొచ్చారని సచివాలయ ఉద్యోగులు ఆవేదన వ్యక్తం చేస్తున్నారు. ఈసారి చర్చలు విఫలమైతే మాత్రం తమ పోరాటాన్ని మరింత ఉధృతం చేయడం ఖాయమని అంటున్నారు. ఈనెల 23వ తేదీన సచివాలయ ఉద్యోగులను మంత్రి చర్చలకు రావాలని పిలిచిన నేపథ్యంలో వారు తమ కార్యాచరణను ముందుగానే ప్రకటించారు. చర్చలు విఫలమైన పక్షంలో పోరాటాన్ని మరింత తారాస్థాయికి తీసుకెళతామని, ఈనెల 25న జిల్లా కలెక్టరేట్ల ముట్టడి ఉంటుందని గ్రామ,వార్డు సచివాయ ఉద్యోగుల జేఎసి హెచ్చరించింది. అదే సమయంలో ఈనెల 27వ తేదీన చలో విజయవాడ నిర్వహిస్తామని ప్రకటించింది ఇదీ చదవండి: బాబు సర్కారుపై ‘మహా’గ్రహం

విజయవాడరూరల్‌: మండలంలోని కొత్తూరు తాడేపల్లి పరిధిలో ఉన్న అస్సైన్డ్‌ భూముల నుంచి గ్రావెల్‌ రవాణా చేసే లారీ విద్యుత్‌ తీగెలు తగిలి బుధవారం దగ్ధమైంది. కొత్తూరు క్వారీ నుంచి తాడేపల్లి మెయిన్‌ రోడ్డులోకి వస్తున్న సందర్భంలో ఎమ్మార్‌ బాక్స్‌ వద్ద తక్కువ ఎత్తులో ఉన్న విద్యుత్‌ తీగెలు లారీకి తగిలాయి. విద్యుత్‌ షార్క్‌ సర్క్యూటై మంటలు ఎగసిపడ్డాయి. డీజిల్‌ ట్యాంక్‌కు మంటలు అంటుకోవడంతో లారీ దగ్ధమైంది. దాదాపు గంట సమయం మంటలు ఎగసిపడ్డాయి. ప్రమాద సమాచారం అందుకున్న కొత్తపేట అగ్నిమాపక కేంద్రం ఇన్‌చార్జి అధికారి ఎండీ సలావుల్లా సిబ్బందితో ఘటనాస్థలానికి చేరుకుని మంటలను అదుపు చేశారు. సుమారు రూ.50 లక్షల ఆస్తి నష్టం జరిగిందని అగ్నిమాపక అధికారి తెలిపారు. ప్రమాద సమయంలో లారీ డ్రైవర్‌ పరారయ్యాడని స్థానికులు తెలిపారు. లారీలో దాదాపు 40 టన్నుల గ్రావెల్‌ లోడు ఉందని పేర్కొన్నారు. ప్రమాదానికి గురైన లారీ టీడీపీ ప్రజాప్రతినిధి అనుచరుడిదని, అతనికి సంబంధించిన లారీలే అస్సైన్డ్‌ భూముల్లో గ్రావెల్‌ను రవాణా చేస్తున్నాయని వివరించారు.

ప్రైవేటు విద్యాసంస్థల్లో పిల్లల సంఖ్యను పెంచడానికే ప్రభుత్వ పాఠశాలల్లో కూటమి ప్రభుత్వం ప్రమాణాలను తగ్గిస్తోంది. ఏకోపాధ్యాయ పాఠశాలలో టీచర్‌ రాకపోతే బడి ఉండదు. తల్లిదండ్రులు అప్పు చేసైనా తమ పిల్లలను ప్రైవేట్‌ స్కూళ్లలో చేరుస్తారు. ప్రభుత్వ పాఠశాలల్లో విద్యార్థుల సంఖ్య పెరిగిందని ప్రభుత్వం చెబుతున్నా, వాస్తవంగా ఐదు లక్షల మంది తగ్గిపోయారు. ఇదే సమయంలో ప్రైవేట్‌ స్కూల్లో సంఖ్య పెరిగింది. – రవిచంద్ర, వైఎస్సార్‌సీపీ స్టూడెంట్‌ విభాగం రాష్ట్ర వర్కింగ్‌ ప్రెసిడెంట్‌

పటమట(విజయవాడతూర్పు): అక్రమ లే అవుట్‌ వ్యవహారంలో నిర్లక్ష్యంగా వ్యవహరించిన పట్టణ ప్రణాళిక విభాగం ఉద్యోగులు ఇద్దని సస్పెండ్‌ చేస్తూ నగరపాలక సంస్థ అధికారులు చర్యలు తీసుకున్నారు. సెంట్రల్‌ నియోజకవర్గంలోని 57వ డివిజన్‌ న్యూ రాజరాజేశ్వరిపేటలోని సర్వే నంబర్‌ 37, 78ఏ/ఏలోని 3.5 ఎకరాల స్థలంలో అక్రమ లే అవుట్‌ వ్యవహారంలో వీఎంసీ పట్టణ ప్రణాళిక విభాగం అధికారులు నిర్లక్ష్యంగా వ్యవహరించడంతోపాటు అవినీతికి పాల్పడ్డారు. దీనిపై ఈ నెల తొమ్మిదో తేదీన ‘ఆయన చెబితే అంతా సక్రమమే’ శీర్షికన సాక్షిలో కథనం ప్రచురితమైంది. ఈ కథ నంపై స్పందించిన పట్టణ ప్రణాళిక విభాగం అధికారులు దిద్దుబాటు చర్యలు చేపట్టారు. ఏసీపీ – 2గా బాధ్యతలు నిర్వర్తిస్తున్న వై.రాంబాబు, స్థానిక టీపీఓ షేక్‌ రిజ్వానాను బాధ్యులుగా గుర్తించి వారిని సస్పెండ్‌ చేస్తూ టౌన్‌ అండ్‌ కంట్రీప్లానింగ్‌ డైరెక్టర్‌ విద్యుల్లత బుధవారం ఉత్తర్వులు జారీ చేశారు. ఏసీపీపై మరో ఆరోపణ ఇటీవల ఏలూరు కాలువ గట్టుపై లెనిన్‌ సెంటర్‌ లోని పలు దుకాణాలకు విద్యుత్‌ కనెక్షన్లు తొలగించాలని విద్యుత్‌ శాఖ డీఈకి నగరపాలక సంస్థ కమిషనర్‌ అప్రూవల్‌ లేకుండా వీఎంసీ సర్కిల్‌–2 ఏసీపీ వై.రాంబాబు లేఖ రాశారు. ఈ వ్యవహారం తెలుసుకున్న కమిషనర్‌ ధ్యానచంద్ర అతడిపై చర్యలు తీసుకోవాలని డీటీసీపీని ఆదేశించారు. ఏసీపీ రాంబా బును ఈ ఆరోపణలో కూడా సస్పెండ్‌ చేస్తున్నట్లు డైరెక్టర్‌ విద్యుల్లత తన ఉత్తర్వుల్లో పేర్కొన్నారు. పథకం ప్రకారమే క్రైస్తవులపై దాడులు ఏపీ క్రిస్టియన్‌ సొసైటీ ప్రతినిధి పాస్టర్‌ అరుల్‌ అరసుగాంధీనగర్‌(విజయవాడసెంట్రల్‌): రాష్ట్ర ప్రభుత్వమే వ్యూహాత్మకంగా అధికారుల ద్వారా చర్చిలను కూలగొడుతోందన్న అనుమానాలు కలుగుతున్నాయని ఏపీ క్రిస్టియన్‌ సొసైటీ ప్రతినిధి, పాస్టర్‌ అరుల్‌ అరసు ఆరోపించారు. ప్రెస్‌ క్లబ్‌లో బుధవారం జరిగిన విలేకరుల సమావేశంలో ఆయన మాట్లాడుతూ.. కేవలం 15 రోజుల వ్యవధిలోనే రెండు చర్చిలను సీజ్‌ చేశారన్నారు. పోలవరం, పాతపాడు గ్రామాల్లో రెండు చర్చిలను కూల్చివేశారన్నారు. వీటిని చూస్తే పథకం ప్రకారమే కూల్చివేతలు జరుగుతున్నాయని భావించాల్సి వస్తోందన్నారు. పాస్టర జేమ్స్‌ కుంపట్ల మాట్లాడుతూ.. మత స్వేచ్ఛను వక్రీకరించడం, మత మార్పిడిని నేరంగా చూపి హిందువుల్లో ద్వేషం కలిగేలా ప్రణాళిక రచిస్తున్నారని పేర్కొన్నారు. క్రైస్తవ సమాజంపై జరుగుతున్న దాడులను ప్రపంచ వ్యాప్తంగా తెలిపేందుకు అక్టోబర్‌ ఆరో తేదీ నుంచి శాంతియుతంగా నిరసన, ధర్నాలు, ర్యాలీలు నిర్వహిస్తామన్నారు.

సాక్షి, విజయవాడ: ఎన్టీఆర్‌ జిల్లా వ్యాప్తంగా ప్రభుత్వ పాఠశాలలు నిర్వీర్యం అవుతున్నాయి. జిల్లాలో ఏకోపా ధ్యాయ పాఠశాలలు ఎక్కువయ్యాయి. ప్రభుత్వ పాఠశాలలపై చంద్రబాబు ప్రభుత్వం వహిస్తున్న నిర్లక్ష్యం పేద విద్యార్థుల బంగారు భవిష్యత్‌పై దుష్ప్రభావం చూపుతోంది. గత వైఎస్సార్‌ సీపీ ప్రభుత్వ హయాంలో ప్రభుత్వ పాఠశాలల విద్యార్థులతో కళకళలాడాయి. మనబడి నాడు – నేడు కార్యక్రమంలో భాగంగా ప్రభుత్వ పాఠశాలలు ఆధునికతను సంతరించకున్నాయి. ఇంగ్లిష్‌ ల్యాబ్‌లు, డిజిటల్‌ క్లాస్‌ రూమ్‌లు, గ్రీన్‌ చాక్‌ బోర్డులు, కూర్చునేందుకు టేబుళ్లు, తరగతి గదుల్లో ఫ్యాన్లు, విద్యుత్‌ బల్బులు, మంచినీటి సరఫరాకు ఆర్వో ప్లాంట్‌లు, నీటి వసతితో కూడి మరుగుదొడ్లు, చుట్టూ ప్రహరీలు వంటి వసతులతో కార్పొరేట్‌ స్కూళ్లకు దీటుగా నిలిచాయి. విద్యార్థులకు షూ, టై, బెల్టు, బ్యాగ్‌, బైలింగ్వల్‌ పాఠ్యపుస్తకాలను ఉచి తంగా అందజేశారు. పార్టీలకు అతీతంగా అర్హతే ప్రామాణికంగా అమ్మఒడి పథకం అమలుచేశారు. 8వ తరగతి నుంచే ట్యాబ్‌లు ఇచ్చి సాంకేతిక విద్యను పేద విద్యార్థుల చెంతకు చేర్చారు. ఫలితంగా డ్రాప్‌ఔట్లు తగ్గి, పాఠశాలల్లో చేరే విద్యార్థుల సంఖ్య గణనీయంగా పెరిగింది. 426 ఉపాధ్యాయ పోస్టులు ఖాళీ ఎన్టీఆర్‌ జిల్లాలో ఎంపీపీ, జెడ్పీ, మునిసిపల్‌ యాజమాన్యాల్లో మొత్తం 930 పాఠశాలలు ఉన్నాయి. ఈ పాఠశాలల్లో 87,249 మంది విద్యార్థులు చదువుతున్నారు. మొత్తం 5,041 మంది ఉపాధ్యాయులు విధుల్లో ఉండగా, మరో 426 ఉపాధ్యాయ పోస్టులు ఖాళీగా ఉన్నాయి. ఏకోపాధ్యాయ పాఠశాలల్లో టీచర్లు సెలవు పెడితే క్లస్టర్‌ రిసోర్స్‌ పర్సన్లకు (సీఆర్పీ) డ్యూటీలు వేస్తున్నారు. వారు కూడా సెలవులో ఉన్నప్పుడు ఆ రోజు ఆయా స్కూళ్లకు అనధికారికంగా సెలవు ఇవ్వక తప్పని పరిస్థితి.

గాంధీనగర్‌(విజయవాడసెంట్రల్‌): ఈ ఏడాది నవంబర్‌ 21, 22 తేదీల్లో విజయవాడ నగరంలోని మాకినేని బసవపున్నయ్య స్టేడియంలో అయ్యప్ప మహా సంకల్పం – మహా పడిపూజ, భజన మహోత్సవం అత్యంత వైభవంగా జరుగుతాయని ఆర్గనైజింగ్‌ కమిటీ తెలిపింది. ప్రెస్‌క్లబ్‌లో బుధవారం జరిగిన విలేకరుల సమావేశంలో సీఏ అక్కయ్యనాయుడు మాట్లాడుతూ.. శబరిమల ఆలయ మాజీ మేల్శాంతి చేతుల మీదుగా మహా పడిపూజ నిర్వహిస్తామని పేర్కొన్నారు. ఈ మహోత్సవ పోస్టర్‌ ఆవిష్కరణ, ‘శుభారంభ శంఖారావం – గురుస్వామి సమ్మేళనం’ కార్యక్రమం అక్టోబర్‌ నాలుగో తేదీ ఉదయం తొమ్మిది గంటలకు గవర్నర్‌ పేటలోని ఐవీ ప్యాలెస్‌లో జరుగుతుందని తెలిపారు. ఈ కార్యక్రమానికి శబరిమల మాజీ మేల్శాంతి దామోదరన్‌ పొట్టి, అక్షయపాత్ర అధ్యక్షుడు వంశీధర దాస్‌, ఏబీఏపీ జాతీయ అధ్యక్షుడు అయ్యప్ప దాస్‌ హాజరవుతారని పేర్కొన్నారు. ధర్మ ప్రచార సభ రాష్ట్ర అధ్యక్షుడు సీతారాం గురుస్వామి మాట్లాడుతూ.. దక్షిణ భారతదేశం మొత్తం నుంచి గురుస్వాములు పాల్గొంటారని తెలిపారు. ఈ సమావేశంలో కన్వీనర్‌ కృష్ణ ప్రసన్న, కో చైర్మన్‌ ఎ. గురునాథ్‌, కోశాధికారి తొండెపు ప్రసాద్‌ గుప్తా తదితరులు పాల్గొన్నారు.

తాడేపల్లి రూరల్‌(మంగళగిరి): తాడేపల్లి పట్టణం ఆశ్రమం రోడ్డులో రెడ్ల సత్రం వద్ద సగం కాలిన స్థితిలో మహిళ మృతదేహాన్ని బుధవారం పోలీసులు గుర్తించారు. సీఐ వీరేంద్ర, ఎస్‌ఐ ఖాజావలి ఆ మృతదేహాన్ని పరిశీలించారు. చుట్టు పక్కల ప్రాంతాల్లో మృతిచెందిన మహిళ ఫోన్‌, బంగారు నగలు లభించాయి. మృతురాలిని విజయవాడ కండ్రికకు చెందిన మాలకొండ మహేశ్వరి (44)గా గుర్తించారు. బంధువులు పోలీసులకు తెలిపిన సమాచారం మేరకు.. గత శనివారం మహేశ్వరి సింగ్‌నగర్‌లో తను పనిచేస్తున్న కూరగా యల మార్కెట్‌ నుంచి అర్ధంతరంగా వెళ్లిపోయింది. అప్పుల బాధ తట్టుకోలేక ఆత్మహత్య చేసుకుంటున్నానని కుమార్తె సింధూర లక్ష్మికి ఫోన్‌ చేసి స్విచ్చాఫ్‌ చేసింది. కుమార్తె వెంటనే బంధువుల సహాయంతో చుట్టుపక్కల ప్రాంతాల్లో వెతికినా ఫలితం లేకపోవడంతో నున్న పోలీస్‌స్టేషన్‌తో ఫిర్యాదు చేసింది. పోలీసులు మిస్సింగ్‌ కేసు నమోదు చేశారు. సగం కాలిన మహిళ మృతదేహం సమాచారం తెలిసిన డీఎస్పీ మురళీకృష్ణ ఘటనా స్థలాన్ని పరిశీలించారు. అనుమానాస్పదంగానే.. మల్లేశ్వరి ఆశ్రమం రోడ్డులోకి ఎలా వచ్చింది, పెట్రోల్‌ ఎక్కడ కొన్నది అనే అనుమానాలు వ్యక్తమవుతున్నాయి. ఆశ్రమం రోడ్డులో క్రిస్టియన్‌ శ్మశాన వాటిక గోడపక్కనే కంకర గుట్టపై తగలబడినట్లు ఆనవాళ్లు కనిపిస్తున్నాయి. ఆమె చెప్పులు అదే ప్రాంతంలో విడివిడిగా దూరంగా ఉన్నాయి. మంగళసూత్రం, తాడు, చెవి దుద్దులు, ఫోన్‌ ఒక కవరులో పక్కన పెట్టిన ఉన్నాయి. ఆమె ఆత్మహత్య చేసుకుందా.. లేదా ఆత్మహత్య చేసుకుందామని అక్కడకు వస్తే ఎవరైనా వేధించి పెట్రోల్‌ పోసి తగలబెట్టారా అనే అనుమానాలు వ్యక్తమవుతున్నాయి. ఘటనా స్థలం వద్ద పెట్రోల్‌ బాటిల్‌, అగ్గిపెట్టె లభించలేదు. తన కుమార్తెతో పెట్రోల్‌ పోసుకుని ఆత్మహత్య చేసుకుంటున్నాను, శరీరం అంతా మంటగా ఉందని చెప్పి ఫోన్‌ స్విచ్చాఫ్‌ చేసిందని నున్న పోలీసులు తెలిపారు. పెట్రోల్‌ పోసుకుని తగలపెట్టుకున్న తరువాత కుమార్తెకు ఫోన్‌ చేస్తే ఆమె ఫోన్‌, నగలు క్యారీ బ్యాగ్‌లోకి ఎలా వచ్చాయి? ఆ వస్తువులు కాలినట్లు కనిపించడం లేదు. సదరు మహిళ ఆత్మహత్య చేసుకుందామని అక్కడకు వస్తే మద్యం మత్తులో ఉన్న వారు ఏమైనా చేసి ఉంటారని అనుమానాలు వ్యక్తమవుతున్నాయి.

ఇంద్రకీలాద్రి(విజయవాడపశ్చిమ): దసరా ఉత్సవాల వేళ దేవస్థాన అధికారులు ట్రస్ట్‌ బోర్డు ముందు ఉంచిన 25 అంశాలకు బోర్డు ఆమోద ముద్ర వేసింది. శ్రీదుర్గా మల్లేశ్వర స్వామి వార్ల దేవస్థాన ట్రస్ట్‌ బోర్డు సమావేశం బుధవారం మహా మండపం నాల్గో అంతస్తులోని సమావేశ మందిరంలో నిర్వహించారు. చైర్మన్‌ బొర్రా రాధాకృష్ణ అధ్యక్షతన ఈవో శీనానాయక్‌ సమక్షంలో ట్రస్ట్‌ బోర్డు సమావేశానికి బోర్డు సభ్యులందరూ హాజరయ్యారు. సమావేశం అనంతరం చైర్మన్‌ రాధాకృష్ణ బోర్డు నిర్ణయాలను వెల్లడించారు. ఈ సమావేశంలో మొత్తం 25 అంశాలు చర్చకు రాగా, దాదాపు అన్ని అంశాలు దసరా ఉత్సవాలకు సంబంధించి కావడంతో వాటిని ఆమోదించామన్నారు. ఉత్సవాలలో ట్రస్ట్‌ బోర్డు సభ్యులందరూ ఒక పనిని పర్యవేక్షించేలా డ్యూటీలు వేసుకోవాలని నిర్ణయించామన్నారు. సమావేశంలో ట్రస్ట్‌ బోర్డు సభ్యులతో పాటు డీఈవో కిషోర్‌కుమార్‌, ఏఈవోలు, సూపరిండెంటెంట్లు, ఆలయ అధికారులు పాల్గొన్నారు. ఆమోదం తెలిపిన ప్రతిపాదనల్లో కొన్ని.. ● దసరా ఉత్సవాలలో భక్తుల రద్దీ సమర్థంగా నిర్వహించేందుకు ఏఐ ఆధారిత భక్తుల పర్యవేక్షణ, ముఖ గుర్తింపు, దర్శనానికి పట్టే సమయం అంచనా వ్యవస్థను ఏర్పాటు చేయనున్నారు. ఇందుకు అవసరమైన టెక్నాలజీని ఈ– ప్రోక్యూర్‌మెంట్‌ ద్వారా అమరావతి సాఫ్ట్‌వేర్‌ ఇన్నోవేషన్స్‌ ప్రైవేట్‌ లిమిటెడ్‌కు రూ. 13.39లక్షలకు అప్పగించేందుకు బోర్డు ఆమోదం తెలిపింది. ● భక్తులకు లడ్డూలను పంపిణీ చేసేందుకు అవసరమైన ఏటీఎం మిషన్‌ను ఇప్పటికే ప్రయోగాత్మకంగా పరిశీలించారు. ఒక్కో లడ్డూ ఏటీఎం మిషన్‌ ధర రూ. 6.95లక్షలు కాగా, ఇటీవల సీపీ కార్యాలయంలో నిర్వహించిన ట్రయల్‌ రన్‌పై అధికారులు సంతృప్తిని చెందగా, ఆ మిషన్లను ఉత్సవాలలో ఏర్పాటుకు బోర్డు ఆమోదించింది. ● తాత్కాలిక క్యూలైన్లు, ఎంఎస్‌ ఆర్చ్‌ ఫ్రేమ్‌లు, తాత్కాలిక సీసీ కెమెరాలు, వాటర్‌ ప్రూఫ్‌ షెడ్డు, వంటి పనులకు ట్రస్ట్‌ బోర్డు ఆమోదం తెలిపింది. ● పాత లడ్డూ పోటులో వంటగదికి సంబంధించి పనులు, విద్యుత్‌ దీపాల ఏర్పాటు, భవన నిర్వహణ పనులు చేపట్టనున్నారు. ● మల్లేశ్వర స్వామి వారి ఆలయం చుట్టూ ప్రాకార మండపంలో స్టెయిన్‌లెస్‌ స్టీల్‌ ఫ్రేమ్‌లతో రక్షణ, యాగశాల చుట్టూ వర్షం నుంచి రక్షణ కలిగించేలా పనులు చేపట్టేందుకు ట్రస్ట్‌ బోర్డు ఆమోదం తెలిపింది. ● ఉత్సవాలలో అమ్మవారి అన్నప్రసాదం, ప్రసాదాల తయారీకి అవసరమైన సరుకులను అక్టోబర్‌ 1వ తేదీ నుంచి సరఫరా చేసేందుకు ఆరు నెలల పాటు టెండర్‌ను బోర్డు ఆమోదించింది. దసరా ఉత్సవాల నేపథ్యంలో ట్రస్ట్‌ బోర్డు నిర్ణయం

భవానీపురం(విజయవాడపశ్చిమ): వినాయక చవితి సందర్భంగా విజయవాడ విద్యాధరపురం లేబర్‌కాలనీ గ్రౌండ్‌లో డూండీ గణేష్‌ సేవా సమితి ఆధ్వర్యంలో నెలకొల్పిన 72 అడుగుల ఎత్తయిన పంచముఖ వరసిద్ధి మహా మట్టి గణపతి విగ్రహానికి ప్రపంచ రికార్డు లభించింది. రాష్ట్రంలో అత్యంత ఎత్తయిన పర్యావరణ హిత గణేష్‌ విగ్రహంగా ఇంజీనియస్‌ చార్మ్‌ వరల్డ్‌ రికార్డ్స్‌ (ఐసీడబ్ల్యూఆర్‌) సంస్థ గుర్తించి ధ్రువీకరించింది. బుధవారం సాయంత్రం సంస్థ ప్రతినిధులు సమితి కమిటీ సభ్యులకు వరల్డ్‌ రికార్డ్‌ సర్టిఫికెట్‌ను అందజేశారు. కాగా ఉదయం మహిళలతో సంకటహర గణేష్‌ స్త్రోత్ర పారాయణ, వీణా వాయిద్య కచేరి జరిగాయి. రాత్రి మంగళగిరిలోని శ్రీలక్ష్మీనరసింహస్వామి దేవస్థానం నుంచి ఉత్సవ విగ్రహాలను తీసుకువచ్చిన పండితులు శ్రీలక్ష్మీనారాయణ కల్యాణం నిర్వహించారు. కార్యక్రమంలో విజయవాడ ఎంపీ కేశినేని శివనాథ్‌, డూండీ గణేష్‌ సేవా సమితి కార్యవర్గ సభ్యులు, కూటమి నాయకులు పాల్గొన్నారు.

వన్‌టౌన్‌(విజయవాడ పశ్చిమ): ఉమ్మడి జిల్లాలోని ఎయిడెడ్‌ ఉపాధ్యాయుల మిగులు సిబ్బందికి సంబంధించి విద్యాశాఖ 2023 జూన్‌ 22న నిర్ధేశించిన ఉత్తర్వుల ప్రకారం పారదర్శకంగా కౌన్సెలింగ్‌ను నిర్వహిస్తున్నామని కృష్ణాజిల్లా డీఈవో యూవీ సుబ్బారావు తెలిపారు. ‘సాక్షి’లో ఎయిడెడ్‌కు సర్దు ‘పోటు’ శీర్షికన ప్రచురించిన కథనంపై ఆయన ఓ ప్రకటనలో వివరణ ఇచ్చారు. 44 మంది ఎయిడెడ్‌ మిగులు ఉపాధ్యాయులను వారి ఆప్షన్‌ ప్రకారం అవసరమన్న ఎయిడెడ్‌ పాఠశాలలకు కౌన్సెలింగ్‌ ద్వారా సర్దుబాటు చేస్తున్నట్లు తెలిపారు. అలాగే శారదా విద్యాలయం హైస్కూల్‌ను ప్రభుత్వ ఉత్తర్వుల ప్రకారం మూసివేసినట్లు తెలిపారు. ఆ క్రమంలో అందులో పని చేసే ఉపాద్యాయులను 2022 మే 20 ఉత్తర్వుల ప్రకారం ప్రభుత్వ యజమాన్య పాఠశాలల్లోనే సర్దుబాటు చేయాల్సి ఉందన్నారు. ప్రెసిడెన్షియల్‌ ఆర్డర్‌ ప్రకారం.. అయితే ప్రెసిడెన్షియల్‌ ఆర్డర్‌ 2025 ప్రకారం విద్యాశాఖ క్యాడర్‌ స్ట్రెంత్‌ను పంపామని, తదుపరి వచ్చే ఆదేశానుసారం ఆ సిబ్బంది సర్దుబాటు చేస్తామని డీఈవో సుబ్బారావు తెలిపారు. అలాగే పాతబస్తీలో జరిగిన కొత్త పోస్టుల భర్తీ నిబంధనల ప్రకారం ఆనాటి డీఈవో ఆదేశాలు ఇచ్చారని, ప్రస్తుత విద్యార్థుల సంఖ్యను బట్టి నలుగురు ఉపాధ్యాయులు మిగులుగా ఉన్నారని ఆ ప్రకటనలో పేర్కొన్నారు.

కోనేరుసెంటర్‌: ప్రపంచ ఓజోన్‌ దినోత్సవాన్ని పురస్కరించుకుని కృష్ణా విశ్వవిద్యాలయం ఎన్‌సీసీ విభాగం ఆధ్వర్యంలో బుధవారం అవగాహన కార్యక్రమాన్ని ఘనంగా నిర్వహించారు. పర్యావరణ పరిరక్షణలో యువత పాత్రను చాటిచెప్పే లక్ష్యంతో నిర్వహించిన ఈ కార్యక్రమంలో విశ్వవిద్యాలయం ఎన్‌సీసీ క్యాడెట్లు పాల్గొని ఓజోన్‌ పొర పరిరక్షణ, పర్యావరణ పరిరక్షణ, భవిష్యత్‌ తరాలకు స్వచ్ఛమైన వాతావరణాన్ని అందించాల్సిన బాధ్యతపై అవగాహన కల్పించారు. అనంతరం కృష్ణా విశ్వవిద్యాలయం ఎన్‌సీసీ క్యాడెట్లు ఓజోన్‌ పరిరక్షణపై అవగాహన ప్రతిజ్ఞ చేశారు. పెడన: కలంకారీ పరిశ్రమలో రంగుల నిమిత్తం క్యాన్సర్‌ కారకమైన, ప్రమాదకరమైన రసాయనాల వాడకంపై ఆర్‌టీఐ కార్యకర్తలు జంపాన శ్రీనివాస్‌గౌడ్‌, బేతపూడి జోగేశ్వరరావు, శిరివెళ్ల గౌరి రాష్ట్ర లోకాయుక్తకు ఫిర్యాదు చేసిన నేపథ్యంలో లోకాయుక్త విచారణకు ఆదేశించారు. ఈ మేరకు జంపాన శ్రీనివాస్‌ గౌడ్‌ బుధవారం ఓ ప్రకటన విడుదల చేశారు. ఏపీ పొల్యూషన్‌ కంట్రోల్‌ బోర్డు, మెంబర్‌ సెక్రటరీని విచారణకు ఆదేశిస్తూ పర్యావరణ అటవీ శాఖల ముఖ్యకార్యదర్శి శ్రీకాంతిలాల్‌ దండే ఉత్తర్వులు జారీ చేశారని ఆయన పేర్కొన్నారు. రంగుల నిమిత్తం కలంకారీ పరిశ్రమలలో వాడుతున్న క్యాన్సర్‌ కారకమైన ప్రమాదకరమైన రసాయనాల వినియోగంపై ఏపీ పొల్యూషన్‌ కంట్రోల్‌ బోర్డు, మెంబర్‌ సెక్రటరీ, ఐఎఫ్‌ఎస్‌ విజయవాడకు చెందిన ఎస్‌. శ్రీశరవణన్‌ను విచారణ అధికారిగా నియమిస్తూ ఆదేశాలు జారీ అయ్యాయన్నారు. ఈ ఏడాది జూన్‌ 20న చేసిన ఫిర్యాదుపై రాష్ట్ర లోకాయుక్త జస్టిస్‌ పి. రజని ఆదేశాల మేరకు పర్యావరణ అటవీ శాఖల ముఖ్యకార్యదర్శి ఉత్తర్వులు ఇచ్చారన్నారు.

మొగల్రాజపురం(విజయవాడ తూర్పు): రాష్ట్రంలో విద్యుత్‌ శాఖ ఉద్యోగుల సంక్షేమం, యువతకు ఉద్యోగ అవకాశాలు, విద్యుత్‌ రంగంలో మౌలిక వసతుల అభివృద్ధికి తమ ప్రభుత్వం ప్రాధాన్యమిస్తోందని రాష్ట్ర విద్యుత్‌ శాఖ మంత్రి గొట్టిపాటి రవికుమార్‌ చెప్పారు. గుణదలలోని ఆంధ్రప్రదేశ్‌ సెంట్రల్‌ పవర్‌ డిస్ట్రిబ్యూషన్‌ కంపెనీ లిమిటెడ్‌ (ఏపీసీపీడీసీఎల్‌) కార్యాలయంలో కారుణ్య నియామక ఉత్తర్వులు అందజేసే కార్యక్రమం బుధవారం జరిగింది. మంత్రి గొట్టిపాటి రవి కుమార్‌ హాజరై 25 మందికి నియామక పత్రాలను అందించారు. ఈ సందర్భంగా ఆయన మాట్లాడుతూ విద్యుత్‌ శాఖలో విధులు నిర్వర్తిస్తూ మరణించిన వారి ఉద్యోగుల కుటుంబాల్లోని 25 మందికి నియామక పత్రాలను అందించామన్నారు. విద్యుత్‌ శాఖ ఉద్యోగులకు మెరుగైన శిక్షణ అందించేందుకు విశాఖ పట్నంలో రూ. 30కోట్లతో ప్రత్యేకంగా ట్రైనింగ్‌ సెంటర్‌ను నిర్మించామన్నారు. ఏపీసీపీడీసీఎల్‌ సీఎండీ పి.పుల్లారెడ్డి, టెక్నికల్‌ డైరెక్టర్‌ ఆవుల మురళీకృష్ణ యాదవ్‌, ప్రాజెక్ట్స్‌ డైరెక్టర్‌ టీవీఎస్‌ఎన్‌ మూర్తి, ఫైనాన్స్‌ డైరెక్టర్‌ ఎస్‌.వెంకటేశ్వర్లు తదితరులు పాల్గొన్నారు. తాటిచెట్లపాలెం: ప్రయాణికుల రద్దీ, భక్తుల సౌకర్యార్థం తిరుపతి – విజయవాడ – తిరుపతి మధ్య స్పెషల్‌ రైళ్లు నడుపుతున్నట్లు దక్షిణ కోస్తా రైల్వే అధికారులు తెలిపారు. తిరుపతి–విజయవాడ(07606) స్పెషల్‌ ఈ నెల 20వ తేదీ తెల్లవారుజామున 1.15 గంటలకు తిరుపతిలో బయల్దేరి ఉదయం 8 గంటలకు విజయవాడ చేరుకుంటుంది. తిరుగు ప్రయాణంలో విజయవాడ – తిరుపతి(07605) స్పెషల్‌ అదే రోజు ఉదయం 9గంటలకు విజయవాడలో బయల్దేరి సాయంత్రం 4.45 గంటలకు తిరుపతి వెళ్తుంది.

గురువారం శ్రీ 17 శ్రీ సెప్టెంబర్‌ శ్రీ 2026● రూ.2000 దాటిన లావాదేవీలపై చార్జీలు ● అక్టోబర్‌ 15 నుంచి ప్రారంభం ● రైల్వే, టెలికం లావాదేవీలపైనా వడ్డన ● ఉమ్మడి జిల్లాలో 15 లక్షల కుటుంబాలపై భారం ● ఇలా ప్రసాద్‌ కుటుంబం మాత్రమే కాదు.. దాదాపు ప్రతి కుటుంబం కూడా ప్రతి చిన్న, పెద్ద లావాదేవీ ఏదైనా యూపీఐనే అధికంగా వాడుతున్నారు. అయితే వీటిపై చార్జీలు విధిస్తారన్న అంశం ఇప్పుడు జిల్లాలో హాట్‌ టాపిక్‌గా మారింది. ప్రస్తుతం ప్రభుత్వం ప్రకటించిన అంశాల్లో కొన్ని రకాల లావాదేవీలపైన మాత్రమే చార్జీలు అని భావిస్తున్నా, రానున్న కాలంలో అన్నింటిపైనా ఈ భారాలు వడ్డించే ప్రమాదం లేకపోలేదని పలువురు వ్యాఖ్యానిస్తున్నారు. వన్‌టౌన్‌(విజయవాడపశ్చిమ): సగటు వ్యక్తి జీవితంలో యూపీఐ లావాదేవీలు చాలా కీలకంగా మారాయి. ఉదయం నుంచి రాత్రి వరకూ ఏ ఖర్చు చేయాలన్నా, ఎక్కడికి నగదు పంపాలన్నా.. తీసుకోవాలన్నా యూపీఐనే ఆశ్రయిస్తున్నారు. దాంతో తప్పనిసరిగా ప్రతి వ్యక్తి జీవితంలో ఈ డిజిటల్‌ లావాదేవీలు భాగమైపోయాయి. అయితే ఇప్పటి వరకూ దానిపై ఎటువంటి అదనపు చార్జీలు లేవు. కానీ వచ్చే అక్టోబర్‌ 15 నుంచి రెండు వేల దాటిన లావాదేవీలపై చార్జీలు పడటంపై సామాన్యులు భయపడుతున్నారు. దానితో పాటుగా రూ.75వేలు కన్నా అధికంగా చేసే వాటిపై గరిష్టంగా రూ.300 వరకూ భారం పడనున్నట్లు ప్రభుత్వం ప్రకటించింది. అంతేకాకుండా టెలికాం, రైల్వే టికెట్‌ వంటి లావాదేవీలపైనా చార్జీలు భారీగానే ఉండనున్నట్లు ప్రభుత్వ ప్రకటన చూస్తే అర్థమవుతోంది. ఎన్టీఆర్‌ జిల్లాలోనే 56 లక్షలకు పైగా బ్యాంకు ఖాతాలు ఉన్నట్లు నివేదికలు చెబుతున్నాయి. జనాభా కన్నా ఖాతాలు ఎక్కువగా ఉండటానికి కారణం ఒక్కొక్కరికీ రెండు కన్నా అధికంగా ఉండటమే. గడిచిన దశాబ్ద కాలంగా బ్యాంకులు ఏటీఎంలపైనా ఖాతాదారులపై అనేక రూపాల్లో భారాలను మోపుతున్నాయి. నెలకు ఐదు పర్యాయాలు మాత్రమే ఏటీఎం ద్వారా నగదు తీసుకోవటానికి లేదా మినీ స్టేట్‌మెంట్‌ తీసుకోవటానికి అవకాశం కల్పిస్తున్నాయి. అంతకుమించిన లావాదేవీలపై భారీగా వడ్డన చేస్తున్నాయి. ఈ నేపథ్యంలో ప్రతి ఒక్కరూ యూపీఐ లావాదేవీలను ఆశ్రయిస్తున్నారు. వాటి ద్వారానే ఎంతటి నగదు మొత్తానైనా చెల్లింపు చేస్తున్నారు. వాటి ద్వారానే మొత్తం వస్తువులను కొనుగోలు చేస్తున్నారు. రాష్ట్రంలో ఉమ్మడి కృష్ణాజిల్లా వాణిజ్య రాజధానిగా ఉంది. రాష్ట్రంలో అత్యధిక జీఎస్‌టీ వసూళ్లు ఉమ్మడి కృష్ణాజిల్లాలోనే జరుగుతున్నట్లు ప్రభుత్వ నివేదికలు చెబుతున్నాయి. ఆ క్రమంలో రానున్న కాలంలో యూపీఐ లావాదేవీలపై వ్యాపారులపై వడ్డన పడనుంది. తద్వారా రాష్ట్రంలో అత్యధికంగా ఉన్న ఉమ్మడి జిల్లా వ్యాపారులపై యూపీఐ లావాదేవీలకు జరిగే అదనపు చెల్లింపులు భారం కాక తప్పదని వ్యాపార వర్గాలు చెబుతున్నాయి. అక్టోబర్‌ 15వ తేదీ నుంచి ఈ వడ్డింపులు ప్రారంభమవుతాయని ప్రకటనలు వెలువడిన నేపథ్యంలో వ్యాపారులు సైతం దీనిపై ఆందోళన చెందుతున్నారు. ● విజయవాడలోని కొత్తపేటకు చెందిన ప్రసాద్‌బాబు ఉదయం బయటకు వచ్చి పాలప్యాకెట్‌ తీసుకొని యూపీఐ ద్వారా నగదు చెల్లించాడు. అనంతరం అక్కడి నుంచి టిఫిన్‌ సెంటర్‌కు వెళ్లి అక్కడా యూపీఐ ద్వారానే డబ్బులు చెల్లించాడు. మళ్లీ ఇంటి నుంచి తన కార్యాలయానికి వెళ్లేందుకు ఆటో ఎక్కాడు. తన గమ్యస్థానం వచ్చిన తరువాత ఆటోడ్రైవర్‌కు సైతం ఇదే విధంగా నగదు చెల్లింపు చేశాడు. అలాగే ఉదయం నుంచి తిరిగి రాత్రి నిద్రపోయేంత వరకూ తాను చెల్లించే ప్రతి రూపాయి యుపీఏ ద్వారానే చెల్లింపు చేస్తూ వచ్చాడు. అతనే కాదు కుటుంబ సభ్యులు సైతం ఇదే తరహాలో చెల్లింపులు చేస్తున్నారు. మొత్తం మీద ఆ కుటుంబ సభ్యులందరూ కలిసి ప్రతి రోజూ కనీసం 10 నుంచి 20 వరకూ యూపీఐ లావాదేవీలు చేస్తున్నారు. ఉమ్మడి జిల్లాలో సుమారుగా 15 లక్షల కుటుంబాలు ఉన్నట్లు ప్రభుత్వ నివేదికలు చెబుతున్నాయి. 2011 జనాభా లెక్కల ప్రకారం పూర్వ కృష్ణాజిల్లాలో 12.5 లక్షల కుటుంబాలు కాగా ఆ సంఖ్య నేడు 15 లక్షలకుపైగా పెరిగినట్లు నివేదికలు చెబుతున్నాయి. ప్రతి ఇంట్లో ఎంతమంది ఉంటే అన్ని బ్యాంకు ఖాతాలు తప్పనిసరిగా మారాయి. బ్యాంకు ఖాతా కలిగిన ప్రతి ఒక్కరూ యూపీఐ లావాదేవీలను నిర్వహిస్తున్నారు. ఉమ్మడి జిల్లాలో నిర్దిష్టంగా ఇంతమంది యూపీఐ లావాదేవీలను నిర్వహిస్తున్నట్లుగా ఎక్కడా అధికారిక గణాంకాలు లేకపోయినా కృష్ణా, ఎన్టీఆర్‌ జిల్లాలో సుమారుగా 43 లక్షల జనాభా ఉన్నారు. అందులో 35 లక్షలకు పైగా యూపీఐ లావాదేవీలను నిర్వహిస్తున్నట్లు అంచనా. వీరందరిపైనా ఈ భారం పడనున్నట్లు ఆయా కుటుంబాలు ఆందోళన వ్యక్తం చేస్తున్నాయి.

మొగల్రాజపురం(విజయవాడ తూర్పు): మహిళా క్రికెట్‌ క్రీడాకారుల్లో ఉన్న ప్రతిభను వెలికితీసి వారిని జాతీయ, అంతర్జాతీయ స్థాయికి తీసుకువెళ్లాలనే లక్ష్యంతో తమ అసోసియేషన్‌ తరఫున ఉమెన్‌ ఆంధ్ర ప్రీమియర్‌ లీగ్‌కు నిర్వహిస్తున్నామని విజయవాడ పార్లమెంట్‌ సభ్యుడు, ఆంధ్రా క్రికెట్‌ అసోసియేషన్‌ (ఏసీఏ) అధ్యక్షుడు కేశినేని శివనాథ్‌ చెప్పారు. స్థానిక పటమటలోని ఏసీఏ కార్యాలయంలో బుధవారం సాయంత్రం విలేకరుల సమావేశం జరిగింది. శివనాథ్‌ మాట్లాడుతూ ఈ నెల 19 నుంచి 27వ తేదీ వరకు మంగళగిరిలోని ఏసీఏ స్టేడియంలో ఈ లీగ్‌ మ్యాచ్‌లు జరుగుతాయన్నారు. ప్రాంచైజీ విధానంలో తొలిసారిగా మహిళల క్రికెట్‌ లీగ్‌ను నిర్వహిస్తున్నామని చెప్పారు. నాలుగు జట్లు.. నాలుగు జట్లు పోటీపడనున్న ఈ లీగ్‌లో అన్ని మ్యాచ్‌లను గుంటూరు జిల్లాలోని మంగళగిరి ఏసీఏ స్టేడియంలో డే అండ్‌ నైట్‌ మ్యాచ్‌లుగా నిర్వహిస్తున్నామని, ప్రేక్షకులకు ఉచిత ప్రవేశం కల్పిస్తున్నామని ఎంపీ తెలిపారు. మహిళా క్రికెట్‌ను యువతకు చేరువ చేయడంలో భాగంగా విజయవాడ, మంగళగిరి, గుంటూరు పరిసర ప్రాంతాల్లోని మహిళా కళాశాలలు, విద్యాసంస్థల విద్యార్థినులను మ్యాచ్‌లు జరిగే స్టేడియంకు తీసుకురావడానికి ఉచిత బస్సులు ఏర్పాటు చేస్తున్నట్లు శివనాథ్‌ చెప్పారు. విద్యార్థినులను స్టేడియానికి తీసుకొచ్చి, మ్యాచ్‌ అనంతరం తిరిగి కళాశాలలకు చేర్చేలా ఏర్పాట్లు చేశామన్నారు. ఈ నెల 19వ తేదీ శనివారం మధ్యాహ్నం జరిగే తొలి మ్యాచ్‌కు నారా బ్రాహ్మణి ముఖ్య అతిథిగా హాజరై లీగ్‌ను ప్రారంభిస్తారని చెప్పారు. మంగళగిరి ఏసీఏ స్టేడియంలో డే అండ్‌ నైట్‌ మ్యాచ్‌లు ప్రేక్షకులకు ఉచిత ప్రవేశం.. విద్యార్థినులకు ఉచిత బస్సులు ఏసీఏ అధ్యక్షుడు, ఎంపీ కేశినేని శివనాథ్‌ వెల్లడి

సాక్షి, విజయవాడ: ఉద్యోగాలు ఇప్పిస్తామని, వీసాలు రెన్యూవల్‌ చేయిస్తామని నమ్మబలికి నిరుద్యోగులను మోసం చేసిన కేసులో అరెస్టయిన యూట్యూబర్, నందూస్‌ వరల్డ్‌ చానల్‌ నిర్వాహకురాలు రమా నందన పోలీసుల ఎదుట నోరు విప్పడం లేదు. రెండుసార్లు విచారించినా పురోగతి కనిపించలేదు. ఈ నెల 8న తొలిసారి ఇబ్రహీంపట్నం పీఎస్‌లో విచారణ జరిపారు.నిన్న(మంగళవారం) మరోమారు అర్ధగంట పాటు మాత్రమే విచారణకు రమానందన హాజరయ్యారు. రమానందన నుంచి పోలీసులు వాస్తవాలను రాబట్టలేకపోయారు. తూతూమంత్రంగానే పోలీసులు రమానందనను విచారిస్తున్నారంటూ బాధితులు ఆరోపిస్తున్నారు. రమా నందన మంగళవారం గుట్టుచప్పుడు కాకుండా ఎన్టీఆర్‌ జిల్లా ఇబ్రహీంపట్నం పోలీసుల ఎదుట విచారణకు హాజరయ్యారు.వీసా స్కామ్‌లో ఈ నెల ఎనిమిదో తేదీన ఆమె విచారణకు హాజరైన సమయంలో ఈ నెల 16న మరో సారి విచారణకు హాజరు కావాలని పోలీసులు ఆదేశించారు. దీంతో ఆమె ఒకరోజు ముందుగానే వచ్చి వెళ్లిపోయింది. ఏపీలోని వివిధ జిల్లాలకు చెందిన బాధితులతో పాటు ఇతర రాష్ట్రాలకు చెందిన బాధితులు ఇబ్రహీంపట్నం వచ్చేందుకు సిద్ధమవడంతో ఒకరోజు ముందుగానే ఆమె హాజరైనట్లు తెలుస్తోంది. మీడియా, బాధితుల కంట పడకుండా పోలీసులు ఆమెకు సహకరిస్తున్నారనే అనుమానాలు వ్యక్తమవుతున్నాయి.ఇదీ చదవండి: ‘రమానందన తన భర్తను దాచేసేది’

సాక్షి, విజయవాడ: నందూస్ స్కామ్ బాధితులు ఒక్కొక్కరుగా వెలుగులోకి వస్తున్నారు. వీసా రెన్యువల్‌తో పాటు ఉద్యోగాల పేరుతోనూ రమానందన దంపతులు భారీ మోసాలకు పాల్పడ్డారు. యూకేలోని 'నందూస్ కిచెన్' స్పాన్సర్‌షిప్ స్కామ్‌ వల్ల తమిళనాడుకు చెందిన అన్బరాసన్ శేఖర్ ఉద్యోగం కోల్పోయారు. మూడేళ్లకు డబ్బులు చెల్లిస్తే ఏడాదిలోనే ఉద్యోగం నుంచి అన్బరాసన్ శేఖర్‌ను రమానందన తీసేసింది.‘‘రమానందన దంపతులు చాలా స్కామ్‌లు చేశారు. నందూస్ కిచెన్‌లో నేను ఫ్లోర్ మేనేజర్‌గా చేశా.. వారి తప్పుల వల్ల నేను ఉద్యోగాన్ని కోల్పోయాను’’ అని అన్బరాసన్ శేఖర్ చెబుతున్నారు. ‘‘జీతం సరిగా ఇవ్వకపోవడం వల్ల నా ఉద్యోగం పోయింది. నేను పనిచేసిన సమయంలో నందూస్ కిచెన్‌కు చాలా మంది బాధితులు డబ్బుల కోసం వచ్చేవారు. ఎవరికంటా పడకుండా రమానందన తన భర్త మధుకర్‌ను 2-3 గంటలు టాయిలెట్‌లో దాచేసేది..ఒక్కోసారి రోజంతా బాత్‌ రూమ్‌లోనే మధుకర్ దాక్కునేవారు. సరైన పత్రాలు, ఉద్యోగాలు లేక ఇప్పటికీ చాలా మంది యూకేలోనే చిక్కుకుపోయారు. వారంతా ఇండియా రాలేక ఇబ్బంది పడుతున్నారు. వారి స్కామ్‌ల వల్ల నాలాంటి వారు చాలా మంది తమ జీవితాలను, కలలను, తమ పిల్లల భవిష్యత్తును కోల్పోయారు. నాకు రావాల్సిన పెండింగ్ జీతం, పి 45 ఎక్స్పీరియన్స్ లెటర్, రిలీవింగ్ లెటర్ ఇవ్వాలని కోరుతున్నాను. కానీ రమానందన నాకు ఎలాంటి సమాధానం చెప్పడం లేదురమానందన దంపతులు తప్పులు చేసి తాము ఏ తప్పు చేయలేదని తప్పించుకుంటున్నారు. నా దగ్గర అన్ని ఆధారాలు ఉన్నాయి. కాంట్రాక్టు కోసం చేసిన సంతకాలు ఉన్నాయి. వాటిని చూపించేందుకు నేను సిద్ధంగా ఉన్నా. రమానందన దంపతులు ఇతరుల డబ్బుతో జీవిస్తున్నారు. వారు తినే తిండి వేసుకునే బట్టలు అన్నీ ఇతరుల డబ్బుతో వచ్చినవే. ఇప్పటికైనా ఏపీ పోలీసులు మా బాధితుల బాధలను అర్థం చేసుకోవాలి. నా దగ్గరున్న ఆధారాలతో ఏపీకి వచ్చేందుకు సిద్ధంగా ఉన్నా’’ అని అన్బరాసన్ శేఖర్ తెలిపారు.ఇదీ చదవండి: గుట్టు చప్పుడు కాకుండా విచారణకు..

కోనేరుసెంటర్‌(మచిలీపట్నం): భారత రత్న మోక్షగుండం విశ్వేశ్వరయ్య జయంతిని కృష్ణా విశ్వవిద్యాలయంలో మంగళవారం ఘనంగా నిర్వహించారు. కార్యక్రమంలో పాల్గొన్న విశ్వవిద్యాలయంఉపకులపతి ఆచార్య కె.రాంజీ కేకు కట్‌ చేశారు. అనంతరం ఆయన మాట్లాడుతూ.. విశ్వేశ్వరయ్య అనేక రంగాల్లో విశేషంగా రాణించారని కొనియాడారు. కర్ణాటక రాష్ట్రం బెల్గాంలోని విశ్వేశ్వరయ్య టెక్నలాజికల్‌ యూని వర్సిటీ ఆయన పేరిట స్థాపించారని పేర్కొన్నారు. రిజిస్ట్రార్‌ ఎన్‌.ఉష మాట్లాడుతూ.. దేశా నికే తలమానికమైన వ్యవసాయ, సాగునీటి రంగానికి ఆయన చేసిన విశిష్ట సేవలను కొనియాడారు. కృష్ణా యూనివర్సిటీ ఇంజినీరింగ్‌ కళాశాల ప్రిన్సిపాల్‌ ఆచార్య వై.కె.సుందరకృష్ణ అధ్యక్షతన జరిగిన ఈ కార్యక్రమంలో సీడీసీ డీన్‌ ఆచార్య ఆర్‌.కిరణ్‌కుమార్‌, కంప్యూటర్‌ సైన్స్‌ విభాగాధిపతి ఎం.బాబురెడ్డి, డాక్టర్‌ ఆర్‌.విజయకుమారి తదితరులు పాల్గొన్నారు. మొగల్రాజపురం(విజయవాడ తూర్పు): పశ్చిమ గోదావరి జిల్లా తణుకులో ఈ నెల 12, 13 తేదీల్లో జరిగిన 44వ అంతర్‌ జిల్లా మాస్టర్స్‌ అథ్లెటిక్స్‌ చాంపియన్‌షిప్‌లో కృష్ణాజిల్లా మాస్టర్స్‌ అథ్లెటిక్స్‌ సత్తాచాటి 70 పతకాలను సొంతం చేసుకున్నారు. వివిధ క్రీడాంశాలు, పలు విభాగాల్లో 21 స్వర్ణ, 30 రజత, 19 కాంస్య పతకాలను గెలుచుకున్నారు. తమ్ము కస్తూరిబాయి, కె.గీతాంజలి, వలివర్తి నాగమణి, సోమ శేఖర్‌, కె.ఉమామహేశ్వరి, పి.రామకృష్ణ, పి. జ్యోతిప్రకాశ్‌, కోటేశ్వరరావు, ఎం.అరుణ, ఎన్‌. కుముదవతి, ఎస్‌.పురుషోత్తం స్వర్ణ పతకాలు సాధించారు. తోట యర్రన్న, ఎస్‌కే మహబూబ్‌ సుభానీ, టి.జమాల్‌ బాబు, పి.విజయ సువర్ణ రాజు, పి.మహేష్‌ బాబు, అప్పారి శివదుర్గా ప్రసాదరావు, వి.నాగేంద్రరావు, యు.లక్ష్మీనారాయణ, ఎల్‌. నెల్సన్‌, గోరిపర్తి వెంకట విజయకుమారి, సుంకర మాధవి, కె.జయ కృష్ణ రజత, కాంస్య పతకాలు పొందిన వారిలో ఉన్నారు. పతకాలు పొందిన మాస్టర్స్‌ క్రీడాకారులను కృష్ణాజిల్లా మాస్టర్స్‌ అథ్లెటిక్స్‌ అసోసియేషన్‌ అధ్యక్షులు పి.జ్యోతి ప్రకాశ్‌, కార్యదర్శి ఎ. శివ గణేష్‌ బాబు అభినందించారు. రేపు విశ్వకర్మ జయంతి గాంధీనగర్‌(విజయవాడసెంట్రల్‌): నగరంలోని తుమ్మలపల్లి కళాక్షేత్రంలో ఈ నెల 17వ తేదీన విరాట్‌ విశ్వకర్మ జయంతి ఉత్సవాలను ప్రభుత్వం అధికారికంగా నిర్వహిస్తుందని ఏపీ విశ్వబ్రాహ్మణ కార్పొరేషన్‌ చైర్‌ పర్సన్‌ కమ్మరి పార్వతమ్మ తెలిపారు. ప్రెస్‌క్లబ్‌లో ఆమె మంగళవారం విలేకరులతో మాట్లాడారు. విశ్వకర్మ జయంతి ఉత్సవాల నిర్వహణకు ప్రభుత్వం ఆర్థిక సహకారం అందిస్తోందన్నారు. రాష్ట్ర నలు మూలల నుంచి విశ్వబ్రాహ్మణులు అందరూ హాజరై కార్యక్రమాన్ని విజయవంతం చేయా లని కోరారు. ఈ సమావేశంలో ఆంధ్రప్రదేశ్‌ స్వర్ణకార సంఘం అధ్యక్షులు కర్రి వేణుమాధవ్‌, దనాలకోట వాసు, ఎన్టీఆర్‌ జిల్లా విశ్వబ్రాహ్మణ సంఘం అధ్యక్షుడు పి.సాయికిరణ్‌, జిల్లా అధికార ప్రతినిధి తుంపాల వరప్రసాద్‌, జిల్లా ఉపాధ్యక్షుడు కెల్లా శివ, విజయవాడ విశ్వబ్రాహ్మణ సంఘం సెక్రటరీ వెంకటేశ్వరరావు, జవ్వాది కూర్మాచారి పాల్గొన్నారు. వన్‌టౌన్‌(విజయవాడపశ్చిమ): ఎన్టీఆర్‌ జిల్లా విద్యాశాఖ ఆధ్వర్యంలో ఈ నెల 18వ తేదీన జిల్లా స్థాయి జాతీయ సైన్స్‌ సెమినార్‌ జరుగు తుందని జిల్లా సైన్స్‌ అధికారి కె.పిచ్చేశ్వరరావు మంగళవారం తెలిపారు. ప్రభుత్వ విద్యాసంస్థల విద్యార్థులకు వివిధ రకాల పోటీలు నిర్వహిస్తామన్నారు. ఈ పోటీల్లో ప్రతిభచాటిన వారిని రాష్ట్ర స్థాయి పోటీలకు ఎంపికచేస్తామని పేర్కొన్నారు. ఈ నెల 16న పాఠశాల స్థాయి, 17న మండల స్థాయి పోటీలు జరుగుతాయని వివరించారు. మండల విద్యాశాఖ అధికారులు మండల స్థాయి పోటీలు నిర్వహించి ఇద్దరు విద్యార్థులను ఎంపిక చేసి జిల్లా స్థాయికి పంపించాలని సూచించారు. సీవీఆర్‌ హై స్కూల్‌ ప్రాంగణంలో జిల్లా స్థాయి పోటీలు, సెమినార్‌ జరుగుతాని వెల్లడించారు. ‘ఇండియన్‌ ఎనర్జీ బాస్కెట్‌ 2027 : ప్రాస్పెక్ట్స్‌ అండ్‌ చాలెంజెస్‌’ అంశంపై సెమినార్‌ ఉంటుందని తెలిపారు.

సాక్షి, అమరావతి: ప్రజాస్వామ్యంలో ఎంతో ముఖ్యమైన ఓటు హక్కు పరిరక్షణ కోసం ఐక్య కార్యాచరణతో ముందుకు వెళ్లాల్సిన అవసరం వచ్చిందని పలువురు వక్తలు పిలుపునిచ్చారు. ఓటర్ల ప్రత్యేక సమగ్ర సవరణ(ఎస్‌ఐఆర్‌) ప్రక్రియపై విజయవాడలోని దాసరి భవన్‌లో మంగళవారం సీపీఐ రాష్ట్ర కార్యదర్శి జి.ఈశ్వరయ్య అధ్యక్షతన రౌండ్‌టేబుల్‌ సమావేశం నిర్వహించారు. సీపీఐ జాతీయ కార్యదర్శి కె.రామకృష్ణ, వైఎస్సార్‌ సీపీ మాజీ ఎమ్మెల్యే మల్లాది విష్ణు, సీపీఎం రాష్ట్ర కార్యదర్శివర్గ సభ్యుడు సీహెచ్‌ బాబూరావు, విశ్రాంత న్యాయమూర్తి జస్టిస్‌ లక్ష్మి తదితరులు ప్రసంగిస్తూ... ఓట్లు తొల గించే ప్రయత్నాలను అడ్డుకోకపోతే ప్రజాస్వామ్యం ప్రమాదంలో పడుతుందన్నారు. ఇప్పటికే రాష్ట్రంలో 44 లక్షల ఓట్లు గల్లంతైన అంశంపై ఎన్నికల కమిషన్‌ స్పష్టత ఇవ్వాలని డిమాండ్‌ చేశారు. మరో 42 లక్షల మంది ఓటర్లకు నోటీసులు ఇవ్వడం ఆందోళన కలిగిస్తోందన్నారు. ప్రతి ఓటరూ తన ఓటుహక్కు కోసం పదేపదే తాను అర్హుడినని నిరూపించుకోవాల్సిన దుస్థితి రావడం సరికాదన్నారు. ఈ సమావేశంలో సీపీఐ మాజీ ఎమ్మెల్సీ జల్లి విల్సన్‌, కాంగ్రెస్‌ నాయకులు మస్తాన్‌వలి, కొలనుకొండ శివాజీ, సీపీఐ జాతీయ కార్యవర్గ సభ్యురాలు అక్కినేని వనజ, మహిళా సమాఖ్య రాష్ట్ర ప్రధాన కార్యదర్శి పి.దుర్గాభవానీ, వివిధ పార్టీలు, ప్రజా సంఘాల నాయకులు పాల్గొన్నారు.

●కొండపల్లి బొమ్మకొండపల్లి(ఇబ్రహీంపట్నం): కొండపల్లి బొమ్మలు తరతరాల సాంస్కృతిక వారసత్వం, కళా నైపుణ్యానికి ప్రతీకగా నిలిచాయి. దేశానికి వన్నె తెచ్చిన ఎన్నో ప్రాచీన కళలు అంతరించినా 400 ఏళ్లకు పైగా చరిత్ర కలిగిన ఈ కొయ్యి బొమ్మలకు హస్తకళాకారులు నేటికీ జీవంపోస్తున్నారు. గ్రామీణ నేపథ్యంతో కూడిన ఈ బొమ్మలు వాస్తవిక దృక్పథాన్ని కలిగిస్తాయి. వివిధ రకాల పండ్ల తొక్కలు, ఆకులతో తయారు చేసే సహజ సిద్ధ రంగులతో ఈ బొమ్మలు సరికొత్త శోభను సంతరించుకుంటున్నాయి. బొమ్మల పరిశ్రమలో కళాకారుల నైపుణ్యం, తయారీ మెటీరియల్‌, ముడి సరుకు, తదితర అవసరాలకు ప్రభుత్వ, ప్రైవేట్‌ సంస్థలు కొంతమేర సహకారం అందిస్తున్నాయి. ఏటా ఆఫ్‌లైన్‌, ఆన్‌లైన్‌లో సుమారు రూ.2.50 కోట్ల మేర బొమ్మల వ్యాపారం జరుగుతోంది. బొమ్మల చారిత్రక నేపథ్యం 14వ శతాబ్దంలో కొండపల్లి కోట నిర్మాణానికి పునాది పడింది. 16వ శతాబ్దంలో నిర్మించిన రాజ భవనాలకు నగిషీలు అద్దేందుకు రాజస్థాన్‌ రాష్ట్రం నుంచి వచ్చిన రాజవంశీకులు కొండపల్లి బొమ్మల పరిశ్రమకు ప్రాణం పోశారు. బ్రిటీష్‌ పాలనలో రాజస్థాన్‌ నుంచి వచ్చిన వారు బొమ్మల తయారీ పరిశ్రమను తమ జీవనోపాధిగా చేసుకున్నారు. కొండపల్లి అడవుల్లో లభించే తేలికపాటి తెల్లపొనికి చెక్కతో ఆకర్షణీయమైన బొమ్మలను కళాత్మకంగా తయారు చేసేవారు. రాజస్థాన్‌ కళాకారుల వద్ద పనిచేసిన స్థానికులు సైతం బొమ్మల తయారీలో నైపుణ్యం సాధించారు. అనతి కాలంలో బొమ్మల తయారీని కుటీర పరిశ్రమగా ఏర్పాటు చేసుకున్నారు. ప్రస్తుతం 150 కుటుంబాలు బొమ్మల పరిశ్రమపై ఆధారపడి జీవనం సాగిస్తున్నాయి. నైపుణ్యంతో కళాత్మక బొమ్మలు కొండపల్లి కొయ్యి బొమ్మలను హిందూ పురాణాలు, గ్రామీణ నేపథ్యం, జానపద కళల నుంచి ప్రేరణ పొంది తయారు చేస్తారు. దశావతారాలు, సీతారామలక్ష్మణులు, ఏనుగు అంబారీ, విష్ణు మూర్తి, బ్రహ్మదేవుడు, పల్లకిలో పెళ్లికొడుకు, ఎడ్లబండితో రైతు, తలలు ఊపే బొమ్మలతో పాటు మార్కెట్‌లో ఆదరణ కలిగిన అంశాలను ఎంచుకుని బొమ్మలు తయారు చేస్తారు. అడవుల్లో లభించే తేలికగా ఉండే తెల్లపొనికి చెక్కతో ఎంచుకున్న ఆకృతితో బొమ్మలు చెక్కి వాటికి చింతగింజల పొడి, రంపపు పొట్టు పేస్ట్‌తో అతికించి సున్నం పూసి ఎండబెడతారు. ఆకర్షణీయంగా రంగులు అద్ది విక్రయాలకు సిద్ధం చేస్తారు. కొండపల్లి బొమ్మలకు జియోగ్రాఫికల్‌ ఇండికేషన్‌ ట్యాగ్‌ గుర్తింపు లభించింది. ఈ ఏడాది ఏప్రిల్‌లో ప్రపంచ వారసత్వ సంపద దినోత్సవాన్ని పురష్కరించుకుని పర్యాటక శాఖ ఆధ్వర్యంలో మూడు రోజులపాటు కొండపల్లి బొమ్మల వేడుకలు నిర్వహించారు. తెల్లపొనికి కలప కొరత బొమ్మల తయారీలో ఉపయోగించే తెల్లపొనికి చెట్లు కొండపల్లి రిజర్వ్‌ ఫారెస్ట్‌లో అంతరించాయి. శతాబ్దాలుగా బొమ్మల తయారీలో వినియోగించడం వల్ల చెట్లు తరిగి పోయాయి. దీంతో బొమ్మల తయారీకి చేతివృత్తిదారులు ఇబ్బందులు పడుతున్నారు. అటవీశాఖ అధికారులు తెల్లపొనికి మొక్కలు పెంచి అడవిలో నాటుతున్నప్పటికి జంతుజాలం సంచారంతో అవి నశిస్తున్నాయి. పొరుగు మండ లాలు తిరువూరు, ఎ.కొండూరు ప్రాంతాల నుంచి వ్యయప్రయాసాలతో తెల్లపొనికి కలప తెచ్చుకోవల్సి వస్తోంది. కొంతమంది మార్కెట్‌లో లభించే న్యూఉడ్‌్‌, కొన్ని రకాలు టేకు కలపతో బొమ్మలను తయారు చేయడం ప్రారంభించారు. అక్కరకు రాని ఉడ్‌ బ్యాంక్‌ సేవలు బొమ్మల పరిశ్రమకు పూర్వ వైభవం తీసుకొచ్చేందుకు ఎన్టీఆర్‌ కలెక్టర్‌ జి.లక్ష్మీశ ఎక్స్‌పీరియన్స్‌ సెంటర్‌, బొమ్మల ఉత్సవాలు నిర్వహించి ప్రోత్సాహం అందిస్తున్నారు. తెల్లపొనికి కలప కొరత విషయాన్ని ప్రభుత్వం దృష్టికి తీసుకెళ్లి రాష్ట్ర పర్యాటక, పర్యావరణ శాఖ ఆధ్వర్యంలో కొండపల్లిలో ఉడ్‌ బ్యాంక్‌ ఏర్పాటు చేయించారు. అయితే తెల్లపొనికి బదులు బూరుగు, పనస, నల్లమద్ది కలప పంపిణీ చేసేందుకు అధికారులు సిద్ధమయ్యారు. ఆ రకాల కలప తమకు వద్దని, బొమ్మల తయారీకి పనికిరాదని కళాకారులు తేల్చి చెప్పారు. గ్రామీణ వాతావరణం ఉట్టిపడేలా కొండపల్లి బొమ్మ ముంచెత్తుతున్న ప్లాస్టిక్‌400 ఏళ్లకు పైగా అనేక ఒడిదోడుకులతో నెట్టుకొచ్చిన కొండపల్లి బొమ్మల పరిశ్రమ భవిష్యత్‌కు గడ్డుకాలం ఎదురుకానుంది. గతంలో 250 కుటుంబాల వరకు బొమ్మల పరిశ్రమపై ఆధారపడి జీవించేవి. ప్రస్తుతం 150 కుటుంబాలు మాత్రమే బొమ్మలు తయారు చేస్తున్నాయి. ఇటీవల కలప పంపిణీలో అధికారులు చేపట్టిన సర్వేలో 80 కుటుంబాలు మాత్రమే పూర్తిగా బొమ్మల పరిశ్రమలో ఉన్నట్లు తేల్చారు. ప్రస్తుత తరం తమ బిడ్డలను చదివించి ఉద్యోగస్తులుగా చూడాలని ఆశపడటం, తెల్లపొనికి చెట్లు అంతరించడం, కూలీల కొరత, మార్కెటింగ్‌లో పోటీతత్వంతో అనేక మందిలో బొమ్మల తయారీ పరిశ్రమపై ఆసక్తి సన్నగిల్లుతోంది. కళాకారులను ప్రోత్సహించి బొమ్మల పరిశ్రమ అంతరించకుండా చూడాల్సిన బాధ్యత ప్రభుత్వంపై ఉంది. దేశంలో ఎన్నో వారసత్వ కళలు అంతరిస్తున్నప్పటికీ కొండ పల్లి బొమ్మలకు ఆద రణ ఉంది. ఈ బొమ్మలు ఆకర్షణీయంగా ఉండాలంటే సహజ సిద్ధ రంగులు వాడాలి. గ్రామీణ వాతావరణం, కుటుంబ నేపథ్యాలతో గతంలో సుమారు 80 రకాల బొమ్మలు తయారు చేసేవారు. ప్రస్తుతం వాటి సంఖ్య పూర్తిగా తగ్గించారు. ఇటీవల అడవిలో దొరికే ఆకులు, కూరగాయలతో సహజ సిద్ధ రంగుల తయారీలో బొమ్మల కళాకారులకు శిక్షణ ఇచ్చాను. కొంతమందే పాటిస్తున్నారు. దుకాణాలు లేని వారికి ట్రైనింగ్‌ సెంటర్‌లో దుకాణాలు ఇస్తే బాగుంటుంది. – రమేష్‌ రామనాథం, హస్తకళల డిజైనర్‌

మచిలీపట్నంఅర్బన్‌: వైద్య, ఆరోగ్యశాఖలో ఏళ్ల తరబడి కాంట్రాక్టు పద్ధతిలో సేవలందిస్తున్న తమ సమస్యలను పరిష్కరించడంలో ప్రభుత్వం నిర్లక్ష్యంగా వ్యవహరిస్తోందని ఏపీ ఎస్సీ, ఎస్టీ కాంట్రాక్ట్‌ ఉద్యోగులు సంఘం రాష్ట్ర మహిళా అధ్యక్షురాలు బి.సౌమ్యరేఖ ఆగ్రహం వ్యక్తంచేశారు. ఏపీ మెడికల్‌ అండ్‌ హెల్త్‌ కాంట్రాక్ట్‌ ఎంప్లాయీస్‌ జాయింట్‌ యాక్షన్‌ కమిటీ (ఏపీ ఎంహెచ్‌సీజేఏసీ) ఆధ్వర్యంలో న్యాయమైన డిమాండ్ల సాధన కోసం చేపట్టిన రాష్ట్రవ్యాప్త శాంతియుత పోరాటంలో భాగంగా మంగళవారం మచిలీప ట్నంలోని జిల్లా వైద్య ఆరోగ్య శాఖ కార్యాలయం వద్ద కాంట్రాక్టు ఉద్యోగులు కళ్లకు గంతలు కట్టుకుని నిరసన తెలిపారు. నల్ల బెలూన్లు, ప్లకార్డులు ప్రదర్శిస్తూ ప్రభుత్వానికి వ్యతిరేకంగా నినాదాలు చేశారు. ఈ సందర్భంగా సౌమ్య రేఖ మాట్లాడుతూ.. రాష్ట్ర కమిటీ పిలుపు మేరకు 30 రోజుల శాంతియుత కార్యాచరణలో భాగంగా విధుల బహిష్కరణను తాత్కాలికంగా వాయిదా వేసి తొలి దశ నిరసన కార్యక్రమాలు చేపడుతున్నట్లు తెలిపారు. ఏపీ ఎన్జీఓస్‌ అసోసియేషన్‌ జిల్లా అధ్య క్షుడు ఆకూరి శ్రీనివాస్‌ మాట్లాడుతూ కాంట్రాక్టు ఉద్యోగుల న్యాయమైన పోరాటానికి సంఘీభావం తెలిపారు. అనంతరం జిల్లా వైద్య ఆరోగ్యశాఖ అధికారి పి.దయాకర్‌కు కాంట్రాక్టు ఉద్యోగులు తమ డిమాండ్లతో కూడిన వినతి పత్రాన్ని అందజేశారు.

మైలవరం: మైలవరంలోని వేంకటేశ్వరస్వామి దేవస్థానంలో సహస్ర గళ భగవద్గీత పారాయణ కార్యక్రమం శనివారం వైభవంగా జరిగింది. శ్రీ గణపతి సచ్ఛిదానందస్వామీజీ ఆధ్వర్యంలో జరుగుతున్న కోటి సంపూర్ణ భగవద్గీత పారాయణ మహాయజ్ఞంలో భాగంగా ద్వారకా తిరుమల దేవస్థానాల చైర్మన్‌ ఎస్వీ సుధాకరరావు ప్రోత్సాహంతో కార్యక్రమం నిర్వహించామని నిర్వాహకులు వి.బాలాజీ ప్రసాద్‌ తెలిపారు. కార్యక్రమంలో ఎన్టీఆర్‌, కృష్ణా, గుంటూరు, పశ్చిమ గోదావరి, ఖమ్మం జిల్లాల నుంచి 800 మంది పారాయణ సభ్యులు పాల్గొన్నారు. ద్వారకా తిరుమల దేవస్థానాల వంశపారంపర్య ధర్మకర్త ఎస్వీ నివృతరావు ఆధ్వర్యంలో పాల్గొన్న వారందరికీ అల్పాహారం, భోజనం ఏర్పాట్లు చేసినట్లు నిర్వాహకులు తెలిపారు. మైలవరం ఆర్యవైశ్య సంఘం అధ్యక్షుడు బయన శ్రీనివాసరావు, లయన్స్‌ క్లబ్‌ సభ్యులు జాస్తి వెంకటేశ్వరరావు, అలమూరు చంద్రశేఖరరావు, కార్యక్రమాన్ని ప్రారంభించారు. ముందుగా స్థానిక వినాయకుని దేవాలయం నుంచి శోభాయాత్ర జరిగింది. కార్యక్రమంలో పెద్ద సంఖ్యలో భక్తులు పాల్గొన్నారు. వైద్య కళాశాలకు ఐద్వా నేత మృతదేహం దానం తిరువూరు: అనారోగ్యంతో మృతిచెందిన మహిళా సంఘ నాయకురాలు మేకల రవికుమారి(56) మృతదేహాన్ని ఆమె కుటుంబసభ్యులు శనివారం మంగళగిరి ఎన్‌ఆర్‌ఐ వైద్యకళాశాలకు దానమిచ్చారు. ఈ మేరకు ఆమె భర్త, సీనియర్‌ న్యాయవాది, సీపీఎం పట్టణ కార్యదర్శి మేకల నాగేంద్రప్రసాద్‌ సమ్మతితో వైద్యులు రవికుమారి మృతదేహాన్ని ప్రత్యేక వాహనంలో ఎన్‌ఆర్‌ఐ ఆస్పత్రికి తరలించారు. సీపీఎం జిల్లా కార్యదర్శి డీవీ కృష్ణ, వైఎస్సార్‌ సీపీ నియోజకవర్గ ఇన్‌చార్జి నల్లగట్ల స్వామిదాసు, సీపీఎం రాష్ట్ర నాయకులు బీఆర్‌ తులసీరావు, స్థానిక నాయకులు రవికుమారి మృతదేహానికి పూలమాలలు వేసి నివాళులర్పించారు. తిరువూరు కోర్టు న్యాయమూర్తి సింధూర, పలువురు న్యాయవాదులు రవికుమారి మృతదేహాన్ని సందర్శించి నివాళులర్పించారు.

లక్ష్మీపురం(గుంటూరు): భవనంపైకి అద్దాలు చేరవేస్తున్న క్రమంలో ప్రమాదవశాత్తు అద్దాలు పడి లారీ డ్రైవర్‌ మృతి చెందిన ఘటనపై శనివారం అరండల్‌పేట పోలీసులు కేసు నమోదు చేశారు. పోలీసులు తెలిపిన వివరాల ప్రకారం.. విజయవాడ రాణిగారితోటకి చెందిన గుంజి రాజేష్‌(33) లారీ డ్రైవర్‌గా పనిచేస్తూ జీవనం సాగిస్తుంటాడు. గుంటూరు నగరంలోని నాయుడుపేట 2వ లైన్‌లో నిర్మాణంలో ఉన్న భవనం కోసం అద్దాలు లారీలో తీసుకువచ్చారు. అద్దాలు భవనం పైఅంతస్తుకు చేరవేస్తుండగా తాడు తెగి లారీ డ్రైవర్‌ రాజేష్‌పై పడి తీవ్రగాయాలై అక్కడికక్కడే మృతి చెందాడు. సమాచారం తెలుసుకున్న భార్య గుంజి జ్యోతి గుంటూరుకు చేరుకుని భర్త మృతదేహం వద్ద కన్నీటి పర్యంతమైంది. అరండల్‌పేట పోలీసులు ఘటనా ప్రదేశానికి వెళ్లి వివరాలు సేకరించారు. మృతదేహాన్ని పోస్టుమార్టం కోసం ప్రభుత్వ సమగ్ర ఆస్పత్రికి తరలించారు. మృతుడి భార్య జ్యోతి అరండల్‌పేట పోలీస్‌స్టేషన్‌లో ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నారు.

వన్‌టౌన్‌(విజయవాడపశ్చిమ): కొత్తగా సామాజిక పింఛన్ల మంజూరు చేసేందుకు ప్రభుత్వం ఆమోదం తెలపటంతో గ్రామ/వార్డు సచివాలయాలు రద్దీగా మారాయి. కూటమి ప్రభుత్వం అధి కారంలోకి వచ్చాక రెండున్నరేళ్లుగా కొత్త పింఛన్ల మాటెత్తలేదు. స్థానిక సంస్థల ఎన్నికలు జరగనున్న నేపథ్యంలో ఒక్కసారిగా కొత్త పెన్షన్లు మంజూరు అంటూ తేదీలను ప్రకటించింది. ఈ నెల ఏడు నుంచి 16వ తేదీ వరకూ మాత్రమే దరఖాస్తు చేసుకోవాలంటూ ప్రకటించింది. గడువు తక్కువగా ఉండటంతో అర్హత ఉన్న దివ్యాంగులు, వృద్ధులు, వితంతులు సచివాలయాల వద్ద బారులు తీరుతున్నారు. అయితే సర్వర్‌ పనిచేయక దరఖాస్తులను అప్‌లోడ్‌ చేయడం కష్టంగా మారింది. దీంతో దరఖాస్తుదారులు ఆందోళన చెందుతున్నారు. లక్ష మంది ఎదురు చూపులు ఎన్టీఆర్‌ జిల్లాలో సుమారు లక్ష మంది వరకూ కొత్త పింఛన్ల కోసం ఎదురు చూస్తున్నారని సమాచారం. ప్రస్తుతం జిల్లాలో వృద్ధాప్య, వితంతు, దివ్యాంగ, దీర్ఘకాలిక వ్యాధిగ్రస్తులు, ఇతరులు 2,29,393 మంది పింఛన్లు తీసుకుంటున్నారు. తాజాగా ప్రభుత్వం ఈ నెల 16వ తేదీ వరకూ కొత్త పింఛన్ల కోసం దరఖాస్తు చేసుకోవచ్చని ప్రకటించటంతో సచివాలయాల వద్ద రద్దీ నెలకొంది. జిల్లాలో 605 గ్రామ/వార్డు సచివాలయాలు ఉన్నాయి. విజయవాడ నగరపాలక సంస్థ పరిధిలో 286 వరకూ సచివాలయాలు ఉన్నాయి. దరఖాస్తు చేసుకోవటానికి అర్హులు ఈ సచివాలయాలకు క్యూ కడుతున్నారు. ఆంక్షలతో సతమతం రెండున్నరేళ్లగా కళ్లు కాయలు కాచినట్లుగా ఎదురు చూసిన వృద్ధులు, దివ్యాంగులు, వితంతువులు లక్ష మంది వరకు కొత్త పింఛన్ల కోసం దరఖాస్తు చేసుకోన్నారు. వారు సచివాలయానికి వెళ్లిన సమయంలో అక్కడి సిబ్బంది నుంచి ఎదురవుతున్న ప్రశ్నలు, అడుగుతున్న పత్రాలు అర్హులను ఆందోళనకు గురిచేస్తున్నాయి. కుల ధ్రువీకరణతో పాటు ఐటీ, గ్యాస్‌ బిల్లు, ఇంటి పన్ను రశీదు తదితర పత్రాలు కావాలంటూ సిబ్బంది స్పష్టంచేస్తున్నారు. వితంతువులకు వారి భర్త మరణ ధ్రువీకరణ పత్రం ఉన్నప్పటికీ రేషన్‌కార్డులో అతని పేరు ఉంటే దరఖాస్తు తీసుకోవటం లేదు. ఇప్పటికిప్పుడు రేషన్‌ కార్డులో భర్త పేరు ఎలా తొలగించాలి, అవసరమైన పత్రాలు ఎక్కడి నుంచి తీసుకురావాలి అని వితంతువులు ఆందోళన చెందుతున్నారు. కొన్ని చోట్ల మ్యాపింగ్‌ కాలేదంటూ తిప్పి పంపుతున్నారు. రెండు మూడు రోజుల్లో కొత్త సర్టిఫికెట్లు ఎవరు మంజూరు చేస్తారంటూ వ్యాఖ్యానిస్తున్నారు. ఇదంతా ప్రభుత్వం ఉత్తుత్తి హడావుడే తప్పా పింఛన్లు మంజూరు చేసే ఉద్దేశం లేదంటూ వారు ఆవేదన వ్యక్తం చేస్తున్నారు. మొరాయిస్తున్న సర్వర్‌ గ్రామ/వార్డు సచివాలయాల్లో దరఖాస్తులను నమోదు చేస్తున్న సమయంలో సర్వర్లు మొరాయిస్తుండటంతో అటు సిబ్బంది, ఇటు దరఖాస్తుదారులు తీవ్ర అవస్థలు పడుతున్నారు. గంటల కొద్దీ సర్వర్‌ పని చేయకపోవటంతో దరఖాస్తుదారులను సచివాలయాల్లో కూర్చోపెడుతున్నారు. దానికి తోడు రెండు సార్లు ఓటీపీ చెప్పాల్సి రావటంతో దరఖాస్తు ప్రక్రియ పూర్తి కావటానికి గంటల సమయం వేచి చూడాల్సి పరిస్థితులు ఏర్పడుతున్నాయి. రోజు మొత్తం మీద పది దరఖాస్తులు కూడా పూర్తికావటం లేదని సిబ్బంది చెబుతున్నారు. దానికి తోడు చాలా మంది పనులు మానుకొని రావటం, ‘సర్వర్‌ పని చేయటం లేదు రేపు రండి’ అంటూ సచివాలయ సిబ్బంది చెబుతుండటంతో వృద్ధులు, దివ్యాంగులు, వితంతువులు ఇబ్బంది పడుతున్నారు. ప్రభుత్వం ఈ నెల 16వ తేదీ లోపు కొత్త పింఛన్లకు దరఖాస్తు చేసుకోవటానికి గడువుగా నిర్ణయించింది. రెండో శనివారం, ఆదివారం, సోమవారం వినాయక చవితి పండుగ కావటంతో వరుసగా మూడు రోజులు సెలవులు రావటంతో దరఖాస్తు చేసుకునేవారిలో టెన్షన్‌ పెరిగింది. సెలవులు ముగిశాక కేవలం రెండు రోజుల గడువే ఉంటుంది. దీనికి తోడు సర్వర్‌ పనిచేయని నేపథ్యంలో దరఖాస్తులు ఎలా ఆన్‌లైన్‌ అవుతాయని అర్హులు ప్రశ్నిస్తున్నారు. ఇన్ని ఆంక్షలు, సమస్యల నేపథ్యంలో కొత్త పింఛన్లు ఇచ్చే చిత్తశుద్ధి కూటమి ప్రభుత్వానికి లేదని పలువురు దరఖాస్తుదారులు వాపోతున్నారు.

పెనమలూరు: సమాజ గమనాన్ని నిర్దేశించేది న్యాయశాస్త్రమేనని కేంద్ర ప్రభుత్వ లెజిస్లేటివ్‌ డిపార్ట్‌మెంట్‌ అడిషనల్‌ సెక్రటరీ డాక్టర్‌ రామజోగారావు కాశీభట్ల అన్నారు. సిద్ధార్థ యూనివర్సిటీలో స్కూల్‌ ఆఫ్‌ లా మొదటి సంవత్సరం విద్యార్థులకు శనివారం జరిగిన పరిచయ కార్యక్రమంలో ఆయన ముఖ్యఅతిథిగా ప్రసంగించారు. విద్యార్థులు సంప్రదాయ పద్ధతులతో పాటు డిజిటల్‌ విధానం ద్వారా చట్టాల్లో వస్తున్న మార్పులను గమనించాలన్నారు. దామోదరం సంజీవయ్య జాతీయ న్యాయ విశ్వవిద్యాలయం ఉపకుల పతి డాక్టర్‌ సూర్యప్రకాష్‌రావు మాట్లాడుతూ న్యాయ శాస్త్రం ప్రధాన ఉద్దేశం సమానత్వం, స్వేచ్ఛ, సౌభ్రా తృత్వం వంటి రాజ్యాంగ సూత్రాలు అమలు చేయట మేనన్నారు. ఉపకులపతి డాక్టర్‌ పి.వెంకటేశ్వరరావు మాట్లాడుతూ ఎస్‌వీడీ సిద్ధార్థ లా కాలేజీ సిద్ధార్థ యూనివర్సిటీలో విలీనమైందన్నారు. బీఏ ఎల్‌ఎల్‌బీ, బీబీఏ ఎల్‌ఎల్‌బీ, ఎల్‌ఎల్‌బీ, ఎల్‌ఎల్‌ఎం కోర్సులతో నూతన విద్యా సంవత్సరం ప్రారంభించామన్నారు. లా స్కూల్‌ డీన్‌ డాక్టర్‌ చెన్నుపాటి దివాకర్‌బాబు, ప్రో ఉప కులపతి డాక్టర్‌ రత్నప్రసాద్‌, రిజిస్ట్రార్‌ డాక్టర్‌ రవిచంద్‌, అధ్యాపకులు, విద్యార్థులు పాల్గొన్నారు.

రైల్వేస్టేషన్‌(విజయవాడపశ్చిమ): దక్షిణ కోస్తా రైల్వే ప్రిన్సిపల్‌ చీఫ్‌ ఆపరేషన్స్‌ మేనేజర్‌ (పీసీఓఎం) వినీత్‌ కుమార్‌ శనివారం కృష్ణపట్నం పోర్టుతో పాటు కీలక రైల్వే స్టేషన్లలో విస్తృతంగా తనిఖీలు నిర్వహించారు. తొలుత పోర్టులో మౌలిక సదుపాయాలు, భద్రతా చర్యలు, సరుకు రవాణా సామర్థ్యాన్ని పెంచే వ్యూహాలపై ఆదాని కృష్ణపట్నం పోర్టు లిమిటెడ్‌ సీఈఓ జగదీష్‌ పటేల్‌తో సమీక్షించారు. సరుకు రవాణా సమర్థ్యాన్ని పెంచే లక్ష్యంగా ఉమ్మడి అభివృద్ధి కార్యాచరణపై చర్చలు జరిపారు. ఇటీవల చేపట్టిన ఆధునికీకరణ పనుల్లో భాగంగా పోర్టు సైలో–లోడింగ్‌ సదుపాయాలను మెరుగుపర్చడం, అదనంగా ఫీడింగ్‌ కన్వెయర్‌ను జోడించడం ద్వారా రెండు సైలోలు ఏకకాలంలో పనిచేసే సామర్థ్యాన్ని పరిశీలించారు. ఒక్కొక్క నౌకలో లక్ష టన్నులకు పైగా సరుకు రవాణా చేసేందుకు ఏర్పాటు చేసిన అదనపు మెకనైజ్డ్‌ బెర్త్‌ను పరిశీలించారు. ఈ మౌలిక సదుపాయాలు, కార్యాచరణ మెరుగుదలతో గత ఆర్థిక సంవత్సరం సాధించిన 22.7 మిలియన్‌ టన్నులతో పోలిస్తే ప్రస్తుత ఆర్థిక సంవత్సరం 25 మిలియన్‌ టన్నుల రవాణా లక్ష్యాన్ని అధిగమించేలా అధికారులతో చర్చలు జరిపారు. అనంతరం పోర్టు సమీపంలోని మనుబోలు, కృష్ణపట్నం, నిడుగుంటపాలెం, రావూర్‌ రైల్వేస్టేషన్లతో పాటు గూడ్స్‌ షెడ్‌లను క్షేత్రస్థాయిలో తనిఖీ చేశారు. సరుకు రవాణా కార్యకలాపాల కోసం ఉన్న సౌకర్యాలు, పనుల పురోగతి, సరుకు రవాణ, నిర్వహణను మెరుగుపర్చేందుకు అక్కడి అధికారులతో సమీక్షించి పలు సూచనలు చేశారు. ఈ తనిఖీల్లో పీసీఓఎంతో పాటు సినియర్‌ డీఓఎం ఎ.సురేష్‌రెడ్డి, డీసీఎం జి.మోహన కృష్ణ పాల్గొన్నారు.

మార్కాపురం టౌన్‌: స్థానిక జిల్లా పరిషత్‌ ఉన్నత పాఠశాల(బాలురు)లో 11వ రాష్ట్ర స్థాయి బాలబాలికల బాల్‌ బ్యాడ్మింటన్‌ చాంపియన్‌షిప్‌ పోటీల్లో భాగంగా శనివారం రెండో రోజు లీగ్‌ పోటీలు ప్రారంభమయ్యాయి. హెచ్‌ఎం మునగాల చంద్రశేఖర్‌ రెడ్డి ఆధ్వర్యంలో పోటీలను నిర్వహించారు. బాలుర విభాగం లీగ్‌ దశలో శ్రీకాకుళం జట్టు గుంటూరు జట్టుపై, ఈస్ట్‌ గోదావరి జట్టు అనంతపురం జట్టుపై, కృష్ణా జట్టు కడప జట్టుపై విజయం సాధించినట్లు హెచ్‌ఎం తెలిపారు. విశాఖపట్నం జట్టు పశ్చిమ గోదావరి జట్టుపై, కర్నూలు జట్టు విజయనగరంపై, చిత్తూరు జట్టు తూర్పు గోదావరిపై, నెల్లూరు జట్టు కడప జట్టుపై గెలుపొందాయి. గుంటూరు జట్టు ప్రకాశంపై, అనంతపురం జట్టు కృష్ణాపై, శ్రీకాకుళం జట్టు కర్నూలుపై, పశ్చిమగోదావరి జట్టు విజయనగరంపై, గుంటూరు జట్టు కృష్ణాపై, గుంటూరు జట్టు కర్నూలుపై, ఈస్ట్‌ గోదావరి జట్టు కృష్ణాపై, విశాఖపట్నం జట్టు విజయనగరంపై గెలుపొందాయి. బాలికల విభాగంలో.. శ్రీకాకుళం జట్టు కడపపై, అనంతపురం జట్టు కృష్ణా పై, నెల్లూరు జట్టు పశ్చిమగోదావరిపై, ఈస్ట్‌ గోదావరి జట్టు కర్నూలుపై, గుంటూరు జట్టు చిత్తూరుపై, విశా ఖపట్నం జట్టు కృష్ణాపై, నెల్లూరు జట్టు విజయనగరంపై, ప్రకాశం జట్టు కడపపై, అనంతపురం జట్టు పశ్చిమగోదావరిపై, శ్రీకాకుళం జట్టు చిత్తూరుపై, గుంటూరు జట్టు కర్నూలు జట్టుపై, అనంతపురం విజయనగరంపై, చిత్తూరు జట్టు కడపపై, కృష్ణా జట్టు పశ్చిమ గోదావరిపై, గుంటూరు జట్టు ఈస్ట్‌ గోదావరిపై విజయాన్ని సాధించాయి. ఈ చాంపియన్‌షిప్‌ పోటీ లు రాష్ట్ర బాల్‌ బ్యాడ్మింటన్‌ అధ్యక్షుడు విజయ శంకర్‌ రెడ్డి, రాష్ట్ర బాల్‌ బ్యాడ్మింటన్‌ జట్టు సెలక్షన్‌ కమిటీ అధ్యక్షుడు మురళి పర్యవేక్షణలో జరిగాయి. ఉమ్మడి 13 జిల్లాల బాల బాలికల జట్లు పాల్గొన్నాయి. ఆదివారం సెమీఫైనల్‌, ఫైనల్‌ మ్యాచ్‌లు జరుగుతాయని ఆర్గనైజింగ్‌ సెక్రటరీ పి.దామోదర్‌రెడ్డి తెలిపారు. పీవీ కృష్ణారావు, వై.శీనయ్య, శంకర్‌, చెంచయ్య నాయుడు, కోటేశ్వరరావు, జాహ్నవి ప్రియ, కె.ఓబులేసు, ఫిజికల్‌ డైరెక్టర్లు, వ్యాయామ ఉపాధ్యాయులు, 13 జిల్లాల క్రీడాకారులు, విద్యార్థులు పాల్గొన్నారు. నేడు సెమీ ఫైనల్‌, ఫైనల్‌ మ్యాచ్‌లు

మోపిదేవి: స్థానిక శ్రీవల్లీదేవసేన సమేత సుబ్రహ్మణ్యేశ్వరస్వామి ఆలయానికి కొడాలి గ్రామానికి చెందిన ఎంపీ కనకమేడల రవీంద్ర కుమార్‌ సోదరి తుమ్మల లక్ష్మీసుజాత బంగారు నాగపడగ సమర్పించారు. రూ.30 లక్షలు వెచ్చించి 220 గ్రాముల బంగారంతో నాగపడగ చేయించారు. శనివారం ఉదయం స్వామివార్లను దర్శించుకుని ప్రత్యేక పూజలు, అభిషేకం నిర్వహించారు. అనంతరం దాత లక్ష్మీసుజాత కుమారులు శ్రీనివాస కిరణ్‌, శివతరుణ్‌ పేరిట బంగారు నాగపడగను ఆలయ సూపరింటెండెంట్‌ అచ్యుత మధుసూదనరావుకు అందజేశారు. ఈ సందర్భంగా ఆలయ అధికారులు దాత కుటుంబ సభ్యులను ఆలయ మర్యాదలతో సత్కరించారు. ఎంపీపీ రావి దుర్గావాణి, మాజీ సర్పంచ్‌ రావి నాగేశ్వరావు పాల్గొన్నారు. ప్రజాధనాన్ని కార్పొరేట్లకు కట్టబెట్టొద్దు కృష్ణలంక(విజయవాడతూర్పు): ప్రజల నుంచి పన్నుల రూపంలో వసూలు చేస్తున్న ప్రతి రూపాయి వారి సొత్తేనని, దానిని ప్రజా సంక్షేమానికి ఖర్చు చేయకుండా కార్పొరేట్‌ సంస్థలకు కట్టబెట్టే విధానాలను కేంద్ర, రాష్ట్ర ప్రభుత్వాలు వెంటనే స్వస్తి చెప్పాలని అఖిల భారత ప్రజాతంత్ర మహిళా సంఘం (ఐద్వా) జాతీయ కార్యదర్శి కనినిక ఘోష్‌ బోస్‌ డిమాండ్‌ చేశారు. గవర్నర్‌పేటలోని ఎంబీ విజ్ఞాన కేంద్రంలో శనివారం ఐద్వా జాతీయ కార్యవర్గ సమావేశాల ముగింపు సభ జరిగింది. ముఖ్య అతిథి కనినిక ఘోష్‌ బోస్‌ మాట్లాడుతూ.. ప్రజల నుంచి పన్నుల రూపంలో వసూలు చేస్తున్న సొమ్మును కార్పొరేట్లకు దోచిపెట్టే హక్కు ప్రభుత్వాలకు లేదని, ఇది మోదీ, అమిత్‌షా సొమ్ము కాదని స్పష్టం చేశారు. దేశంలో నిత్యావసరాల ధరలు చుక్కలనంటి సామానులు తీవ్ర ఇబ్బందులు పడుతున్నారని ఆవేదన వ్యక్తం చేశారు. రాష్ట్ర ప్రభుత్వం ఎన్నికల సమయంలో మహిళలకు ఇచ్చిన హామీలను తక్షణమే అమలు చేయాలని డిమాండ్‌ చేశారు. మహిళలపై జరుగుతున్న అసమానతలు, వివక్ష, హింసకు వ్యతిరేకంగా ఐద్వా పోరాటాలను మరింత ఉధృతం చేస్తుందన్నారు. ఈ కార్యక్రమంలో ఐద్వా రాష్ట్ర అధ్యక్షురాలు శ్రీదేవి, రాష్ట్ర కార్యదర్శి వి.సావిత్రి, సీనియర్‌ నాయకులు ఎస్‌.పుణ్యవతి, డి.రమాదేవి తదితరులు పాల్గొన్నారు. విజయవాడలో రూ.600 కోట్లతో యూజీడీ పనులుపటమట(విజయవాడతూర్పు): విజయవాడ నగరంలో రూ.600 కోట్లతో అండర్‌ గ్రౌండ్‌ డ్రెయినేజీ వ్యవస్థను మరింత మెరుగుపరిచి, వర్షపు నీరు నిలిచిపోకుండా చర్యలు చేపడుతున్నామని మునిసిపల్‌ అడ్మినిస్ట్రేషన్‌, అర్బన్‌ డెవలప్‌మెంట్‌ మంత్రి నారాయణ తెలిపారు. నిర్మలా కాన్వెంట్‌ సిగ్నల్స్‌ వద్ద జరుగుతున్న ఔట్‌ఫాల్‌ డ్రెయిన్‌ పూడికతీత పనులను శనివారం సాయంత్రం ఆయన పరిశీలించారు. ఈ సందర్భంగా మంత్రి నారాయణ మాట్లాడుతూ.. ప్రస్తుతం పలు డ్రెయిన్లలో పూడిక పేరుకు పోవడంతో నీటి ప్రవాహానికి ఆటంకం ఏర్పడిందని, ఈ సమస్యను పరిష్కరించేందుకు శనివారం నుంచి 70 యంత్రాలతో సిల్ట్‌ తొలగింపు పనులు చేపట్టామని వివరించారు. ఈ పర్యటనలో ఇంజినీర్‌ ఇన్‌ చీఫ్‌ ప్రభాకర్‌, ఇన్‌చార్జి కమిషనర్‌ ఎ.రవీంద్రరావు, వీఎంసీ చీఫ్‌ ఇంజినీర్‌ పి.సత్యకుమారి, చీఫ్‌ మెడికల్‌ హెల్త్‌ ఆఫీసర్‌ డాక్టర్‌ నిర్మల గ్లోరీ, జోనల్‌ కమిషనర్‌ కె.షమ్మీ, అసిస్టెంట్‌ మెడికల్‌ హెల్త్‌ ఆఫీసర్‌ డాక్టర్‌ అన్నపూర్ణ పాల్గొన్నారు. పటమట(విజయవాడతూర్పు): విజయవాడ నగరంలోని ఆయా ప్రాంతాల్లో వీఎంసీ కల్పించే మౌలిక వసతుల కల్పనలో నెలకొన్న సమస్యల పరిష్కారానికి నిర్వహించే ప్రజా ఫిర్యా దుల పరిష్కార వేదిక కార్యక్రమాన్ని సోమ వారం వినాయక చవితి పర్వదినం సంద ర్భంగా రద్దు చేసినట్లు వీఎంసీ కమిషనర్‌ ధ్యాన చంద్ర శనివారం ఓ ప్రకటనలో పేర్కొన్నారు. నగరవాసులు తర్వాత వచ్చే సోమవారం తమ వినతులను అధికారులకు సమర్పించి పరిష్కరించుకోవచ్చని సూచించారు.

ఇంద్రకీలాద్రి(విజయవాడపశ్చిమ): దుర్గగుడి ప్రాంగ ణంలో నిర్మించిన అన్నదాన భవనంలో శనివారం నుంచి భక్తులకు అన్న ప్రసాద పంపిణీ జరిగింది. ఈ భవనం వద్ద క్యూలైన్లు లేకపోవడం, ఉదయం నుంచి భారీ వర్షం పడటంతో భక్తులు తీవ్ర ఇబ్బందులు ఎదుర్కొన్నారు. కొద్ది మంది మాత్రమే కూర్చుని అన్న ప్రసాదం స్వీకరించేలా దేవస్థానం ఏర్పాట్లు చేసింది. అన్నదానం ప్రారంభమైన వెంటనే లోపలకు భక్తులను అనుమతించడంతో తోపులాట జరిగింది. వారిని అదుపు చేయడం ఆలయ అధికారులు, సెక్యూరిటీ సిబ్బందికి సాధ్యపడక భవనం తలుపులు మూసేందుకు ప్రయత్నించారు. తోపు లాట సమాచారం అందడంతో ఆలయ ఈఓ శీనానాయక్‌, ఈఈ రమాదేవి, ఇతర ఇంజినీరింగ్‌ అధికారులు హుటాహుటిన అక్కడికి చేరుకున్నారు. వెస్ట్‌ ఏసీపీ దుర్గారావు, వన్‌టౌన్‌ సీఐ గుణ రామ్‌, ఇతర పోలీసులు కూడా వచ్చి నూతన భవనంలో అన్న ప్రసాదం పంపిణీ సమాచారం ఇవ్వకపోవడంపై ఆగ్రహం వ్యక్తంచేశారు. ఇటువంటి పరిస్థితుల్లో ఏదైనా జరిగితే ఎవరు బాధ్యత తీసుకుంటారని ప్రశ్నించారు. అర్ధగంట తర్వాత పరిస్థితి సద్దుమణగడంతో అందరూ ఊపిరి పీల్చుకున్నారు. ఘాట్‌రోడ్డు మూసివేత శనివారం వేకువ నుంచి ఎడతెరిపి లేకుండా వర్షం పడటంతో ఘాట్‌రోడ్డును మూసేశారు. కొండపైకి వాహనాలను అనుమతించలేదు. దేవస్థానం బస్సులను సైతం నిలిపివేసిన ఆలయ అధికారులు భక్తులను కనకదుర్గనగర్‌ మీదగా మహా మండపం లిఫ్టు, మెట్ల మార్గం వైపు మళ్లించారు. ప్రసాదాల కౌంటర్‌, లిఫ్టు వద్ద క్యూ పెరగడటంతో పోలీసులు, ఆలయ అధికారులు అప్రమత్తమయ్యారు. మధ్యాహ్నం నుంచి ఘాట్‌రోడ్డును తెరిచారు.

పటమట(విజయవాడతూర్పు): విజయవాడలో వాన దంచికొట్టింది. ఏకధాటిగా మూగు గంటలపాటు కురిసిన వర్షానికి నగరంలోని ప్రధాన రహదారులు, అంతర్గత రోడ్లు నీటితో నిండి వాగులను తలపించాయి. రోడ్లపై ట్రాఫిక్‌ భారీగా స్తంభించింది. బంగాళాఖాతంలో ఏర్పడిన అల్పపీడన ప్రభా వంతో శనివారం విజయవాడలో కురిసిన భారీ వర్షం జనజీవనాన్ని అస్తవ్యస్తం చేసింది. ఈదురుగాలుతో మూడు గంటలపాటు వర్షం పడింది. 70.4 మిల్లీమీటర్ల వర్షపాతం నమోదైంది. ఈ వర్షానికి వీధుల నుంచి ప్రధాన రోడ్ల వరకు వాగులను తలపించేలా ఉప్పాంగి ప్రవహించాయి. నడుములోతు నీళ్లు రోడ్లపైకి చేరటంతో నగరవాసులు తీవ్ర అవస్థలు ఎదుర్కొన్నారు. ఒకవైపు రోడ్లపైకి భారీగా చేరిన వర్షపు నీరు.. మరో వైపు విరిగిపడిన చెట్ల కొమ్మలతో ఎక్కడికీ వెళ్లలేని స్థితి నెలకొంది. దీనికితోడు వర్షం కారణంగా నగరంలో భారీగా ట్రాఫిక్‌ స్తంభించింది. బందరు రోడ్డు, ఏలూరు రోడ్డులో ట్రాిఫిక్‌ నిలిచిపోవటంతో ప్రయాణికులు, వాహన చోదకులు ఇబ్బందులు ఎదుర్కొన్నారు. ట్రాఫిక్‌ను క్రమబద్ధీకరించడం పోలీసులకు కష్టంగా మారింది. ఈ రోడ్లలో రాకపోకలంటే నరకమే.. నగరంలోని ప్రధాన ప్రాంతాల్లో ఒకటైన బెంజిసర్కిల్‌ చినుకు పడితే చాలు రోడ్డన్నీ నీటమునిగి ట్రాఫిక్‌ స్తంభిస్తోంది. ఎంజీ రోడ్డుకు రెండు వైపులా పశువుల ఆస్పత్రి వరకు నీరు చేరుతోంది. బెంజిసర్కిల్‌ నుంచి ఎన్టీయార్‌ సర్కిల్‌ వరకు, నిర్మలా కాన్వెంట్‌ రోడ్డు, మొగల్రాజపురం, గాయత్రీ నగర్‌ లోని పిన్నమనేని పాలిక్లినిక్‌ రోడ్డు, ఆటోనగర్‌ గేటు నుంచి ఆటోనగర్‌ బస్‌ టెర్మినల్‌ వరకు కొద్దిపాటి వర్షానికే రోడ్లు నీటమునుగుతున్నాయి. తుమ్మల పల్లి కళాక్షేత్రం నుంచి కాళేశ్వరరావు మార్కెట్‌ లోబ్రిడ్జి వరకు, పండిట్‌ నెహ్రూ బస్‌ స్టేషన్‌ నుంచి రాజీవ్‌గాంధీ పార్కు లోబ్రిడ్జి వరకు నీరు భారీగా చేరుతోంది. మరో వైపు డాబా కొట్లు సెంటర్‌ నుంచి పాయకాపురం వరకు, కండ్రిక రోడ్డులో నున్న వరకు రోడ్లన్నీ జలమయం అవుతున్నాయి. ఆయా రోడ్లలో పాదచారుల నుంచి భారీ వాహనాలు సైతం వర్షం పడితే రాకపోకలు సాగించలేని పరిస్థితి. కానూరు, తాడిగడప వద్ద మచిలీ పట్నం – పూణే జాతీయ రహదారి వెంబడి వర్షపు నీరు చేరటంతో వాహనాలు ఎక్కడివి అక్కడే నిలిచిపోతాయి. చైన్నె – కోల్‌కతా జాతీయ రహదారి 16 కూడా ఇలాంటి దుస్థితే నెలకొంది. ప్రసాదంపాడు నుంచి నిడమానూరు వరకు రోడ్డుపై మొకాళ్లలోతు నీరు చేయటంతో వాహనాలు ముందుకు కదల్లేని స్థితి నెలకొంది. విఫలమైన మాన్సూన్‌ యాక్షన్‌ ప్లాన్‌ విజయవాడ నగరపాలక సంస్థ వర్షాలను తట్టుకునేందుకు మాన్సూన్‌ యాక్షన్‌ ప్లాన్‌ అమలు చేసినప్పటికీ ఫలితం లేదని నగరవాసులు ఆరోపిస్తున్నారు. అవసరమైన ప్రాంతాల్లో 15వ ఆర్థిక సంఘం నిధులు, వీఎంసీ సాధారణ నిధులు, అమృత్‌ పథకం ద్వారా వచ్చిన రూ.30 కోట్లుతో ఆయా ప్రాంతాల్లో స్ట్రామ్‌ వాటర్‌ డ్రెయినేజీ నిర్మాణం, డ్రెయిన్లలో పూడికతీత, నూతన అవుట్‌ ఫాల్‌ డ్రెయిన్ల నిర్మాణం చేస్తున్నామని అధికారులు ప్రకటిస్తున్నా అవి పూర్తిస్థాయిలో అమలుకాకపోవటంతో నగరంలో కొద్దిపాటి వర్షానికే డ్రెయిన్లు పొంగిపొర్లుతున్నాయి. వన్‌టౌన్‌ జెండా చెట్టు సెంటర్‌, నిర్మలా కాన్వెంట్‌రోడ్డు, బెంజిసర్కిల్‌ ప్రాంతాల్లో పూర్తిస్థాయిలో పనులు పూర్తికాకపోవటంతో రోడ్లపైకి చేరిన వర్షం నీటితో ప్రజలు అవస్థలు పడాల్సి వస్తోంది. శివారు ప్రాంతాలకు కష్టమే నగర శివారులోని అజిత్‌సింగ్‌నగర్‌, డాబాకొట్లు, పాయకాపురం, రాజీవ్‌నగర్‌ కండ్రిక, వాంబేకాలనీ, భవానీపురం, విద్యాధరపురం, చిట్టినగర్‌ ప్రాంతాలతోపాటు పటమట, ఆటోనగర్‌ ప్రాంతాల్లో చిన్నపాటి వర్షం పడితే చాలు స్థానికులు తీవ్ర ఇబ్బందులు ఎదుర్కొవాల్సి వస్తోంది. కొండ దిగువ ప్రాంతాలు నీటమునుగుతున్నాయి. కొండపై నుంచి వచ్చే వర్షం నీరు రోడ్లపైకి, నివాసాల్లోకి చేర టంతో ఇంటి నుంచి కాలు కూడా బయటకు పెట్టలేని దుస్థితి నెలకొంటోంది. గాంధీనగర్‌(విజయవాడసెంట్రల్‌): ఎన్టీఆర్‌ జిల్లాలో శనివారం 22.68 మిల్లీమీటర్ల సగటు వర్షపాతం నమోదైంది. అత్యధికంగా విజయవాడ సెంట్రల్‌ మండలంలో 72.3 మిల్లీమీటర్లు వర్షం పడింది. విజయవాడ నార్త్‌లో 69.7 మిల్లీమీటర్లు, వెస్ట్‌లో 65.0, ఈస్ట్‌లో 64.6, తిరువూరులో 37.6, ఇబ్రహీంపట్నంలో 26.4, వత్సవాయిలో 19.5, గంపలగూడెంలో 12.4, వీరులపాడులో 9.2, జి.కొండూరులో 4.0, చందర్లపాడులో 2.3, జగ్గయ్యపేటలో 1.3, నందిగామ, మైలవరంలో 1.0 మిల్లీమీటర్ల వర్షపాతం నమోదైంది. విజయవాడ నగరంలో ఎప్పుడు వర్షం వచ్చిన రోడ్లపై నిలిచిన నీటిని తోడేండుకు వీఎంసీ ప్రత్యేకంగా మాన్సూన్‌ రెస్సాన్స్‌ టీం (ఎంఆర్‌టీ)ల వ్యవస్థను అమలు చేస్తోంది. నగరంలోని మూడు సర్కిళ్ల పరిధిలోని 286 సచివాలయాల ప్రాంతాల్లో అధికంగా నీరు నిలిచే 42 ప్రాంతాలను గుర్తించారు. సచివాలయ సిబ్బంది, ప్రజారోగ్యం, ఇంజినీరింగ్‌, పట్టణ ప్రణాళిక విభాగం సమన్వయంతో పనిచేసే ఎంఆర్‌టీ బృందాలు ఆయా ప్రాంతాల్లో వాహనాలను, మోటర్లు పెట్టి నీటిని తోడాల్సి ఉంది. అయితే ఈ వ్యవస్థ నిద్రావస్థలో ఉందని విమర్శలు వస్తున్నాయి. ఆయా ప్రాంతాల్లో ప్రైవేటు ట్యాంకర్లు 30కు పైగా ఏర్పాటు చేశారు. వీఎంసీ సాధారణ నిధులు ఒక్కో ట్యాంకర్‌కు రోజుకు రూ.3 వేల చొప్పున ఖర్చుచేస్తున్నారు. ఇన్ని వాహనాలు ఉన్నా నగరంలో రోడ్లన్నీ జలమయం అవడంపై సర్వత్రా విమర్శలు వ్యక్తమవుతున్నాయి.

వన్‌టౌన్‌(విజయవాడపశ్చిమ): బ్యాంకు ఉద్యోగుల దీర్ఘకాలిక సమస్యలను పరిష్కరించకుంటే పెద్ద ఎత్తున ఉద్యమిస్తామని జిల్లా బ్యాంకు ఉద్యోగుల సమన్వయ సంఘం కార్యదర్శి కె.రమేష్‌బాబు అన్నారు. యునైటెడ్‌ ఫోరమ్‌ ఆఫ్‌ బ్యాంక్‌ యూనియన్స్‌ (యూఎఫ్‌బీయూ) ఇచ్చిన పిలుపు మేరకు దేశవ్యాప్తంగా బ్యాంకు ఉద్యోగులు, అధికారులు తమ దీర్ఘకాలంగా పెండింగ్‌లో ఉన్న సమస్యలను తక్షణమే పరిష్కరించాలని డిమాండ్‌ చేస్తూ, బ్యాంకింగ్‌ రంగాన్ని ప్రభావితం చేస్తున్న ఏకపక్ష, వివక్షపూరిత విధానాలను వ్యతిరేకిస్తూ శుక్రవారం అఖిల భారత సమ్మెను చేపట్టారు. అందులో భాగంగా వివిధ బ్యాంకు ఉద్యోగ సంఘాల ఆధ్వర్యంలో నగరంలోని యూనియన్‌ బ్యాంక్‌ ఆఫ్‌ ఇండియా జోనల్‌ కార్యాలయం వద్ద శుక్రవారం ఉమ్మడి జిల్లా వ్యాప్తంగా తరలివచ్చిన ఉద్యోగులు పెద్ద ఎత్తున నిరసన కార్యక్రమాన్ని నిర్వహించారు. ఈ సందర్భంగా రమేష్‌బాబు మాట్లాడుతూ ప్రభుత్వం ఇచ్చిన హామీని నిలబెట్టుకుని ఐదు రోజుల బ్యాంకింగ్‌ను అమలు చేయడం, ప్రభుత్వ ఏకపక్ష పీఎల్‌ఐ పథకాన్ని ఉపసంహరించుకుని, దాని అమలును నిలిపివేయడం వంటివి ప్రధాన డిమాండ్లలో ఉన్నాయన్నారు. సంఘ అధ్యక్షుడు ఎన్‌.సుబ్బారావు వివిధ సంఘాల నేతలు జగన్‌మోహన్‌రావు, ప్రభు కిరణ్‌, గణేష్‌, పి.ఆంజనేయులు, కె.రాధాకృష్ణ, వై. శ్రీనివాసరావు, కేవీఎస్‌ రవికుమార్‌, బి.వడయవార్లు, సందీప్‌, ఎల్లారావు తదితరులు పాల్గొన్నారు.

సాక్షి, విజయవాడ: ఎన్టీఆర్‌ జిల్లా కేంద్రం విజయవాడ పండిట్‌ నెహ్రూ బస్టాండ్‌లో వస్తువులు పార్సిల్‌ చేయడానికి, డెలివరీ తీసుకోవడానికి వచ్చిన కస్టమర్లు తీవ్ర అసంతృప్తి వ్యక్తం చేస్తున్నారు. నిత్యం కౌంటర్ల వద్ద వారు పడిగాపులు పడాల్సి వస్తోందని చెబుతున్నారు. పార్సిల్‌ సర్వీస్‌ కౌంటర్‌లో మూడు కంప్యూటర్లు ఉండగా.. కేవలం ఒక మహిళా ఆపరేటర్‌ మాత్రమే పని చేస్తున్నారు. ఉదయం నుంచి సాయంత్రం వరకు నిత్యం వినియోగదారులు వివిధ ప్రాంతాలకు పార్సిళ్లు పంపడానికి బస్టాండ్‌కు వస్తుంటారు. అయితే ఆర్టీసీ యాజమాన్యం తమ సహనాన్ని పరీక్షిస్తోందని పలువురు వాపోతున్నారు. పార్సిల్‌ సర్వీస్‌ కౌంటర్‌లో ఒక ఆపరేటరే ఉండడంతో పార్సిల్‌ బుకింగ్‌కు ఎక్కువ సమయం పడుతోంది. సరిపడా సిబ్బంది లేకపోవడంతో అవస్థలు తప్పడం లేదు. థర్డ్‌ పార్టీ ఏజెన్సీ నిర్వహణలో.. పండిట్‌ నెహ్రూ బస్టాండ్‌లో కార్గో సర్వీసు సెంటర్‌ను గుంటూరుకు చెందిన ఓ సంస్థకు అప్పగించారు. ప్లాట్‌ ఫాం 58, 59లలో పార్సిల్‌ బుకింగ్‌ కౌంటర్‌ ఉంటుంది. పార్సిల్‌ డెలివరీ, ఎంకై ్వరీకి బస్టాండ్‌లోని మినీ థియేటర్‌ వెనుకవైపు ప్రత్యేక గదులు కేటాయించారు. ఇక్కడి నుంచి రోజువారీ పార్సిళ్లు బుకింగ్‌ 600 నుంచి 700 వరకు.. వీకెండ్స్‌లో ఆ సంఖ్య కొంచెం పెరుగుతుంది. అలాగే ఇక్కడికి వివిధ ప్రాంతాల నుంచి వచ్చే పార్సిళ్లు 2వేల వరకు డెలివరీ ఉంటాయి. అలాగే ట్రాన్‌షిప్‌మెంట్‌(వేరే ప్రాంతం నుంచి ఇక్కడికి వస్తే.. వాటిని మరో ప్రాంతానికి పంపే)పార్సిళ్లు 1000 వరకు ఉంటాయి. కార్గో సర్వీసుల ద్వారా రోజువారీ రూ.లక్షపైనే ఆదాయం వస్తోంది. వచ్చిన దాంట్లో హమాలీలకు వారు చేసే పనిని బట్టి 30 శాతం, నిర్వహణ ఖర్చులు తీసేసి.. మిగిలిన నెట్‌ అమౌంట్‌లో కార్గో సర్వీసు నిర్వహిస్తున్న ఏజెన్సీకి 13 శాతం కమిషన్‌ పోతోంది. మిగిలినది ఆర్టీసీకి జమ అవుతుంది. డోర్‌ డెలివరీ విధానం నిలిపివేత.. ఆర్టీసీ బస్టాండ్‌కు పార్సిళ్లను గతంలో డోర్‌ డెలివరీ చేసే విధానాన్ని అమలు చేశారు. అయితే ఆ విధానం అనుకున్నంత మేర సక్సెస్‌ కాలేదు. వరుస నష్టాలు రావడంతో ఆర్టీసీ యాజమాన్యం డోర్‌ డెలివరీ ఆపేసింది. విజయవాడ నుంచి తెలంగాణలోని కొన్ని ప్రాంతాలకు, కర్ణాటకలోని బెంగళూరు, సింధనూరు, గంగావతి, బళ్లారి హోసపేట తదితర ప్రాంతాలకు, చైన్నె నగరం, ఒడిశాలోని పర్లాకిమిడి వరకు పార్సిల్‌ సర్వీసు ఉంది. మరోవైపు ఆర్టీసీ బస్టాండ్‌లోని డెలివరీ కౌంటర్‌ వద్ద ఉదయం, సాయంత్రం వేళల్లో కస్టమర్లు బారులు తీరుతున్నారు. డెలివరీ విభాగంలో మూడు కౌంటర్లు ఉండగా.. ఇద్దరు మాత్రమే ఉంటున్నారు. ఆ ఇద్దరిలో కూడా ఒకరు తెలిసిన వాళ్లకు పార్సిల్‌ ఇచ్చి పంపుతుండగా.. ఒక మహిళా ఆపరేటర్‌ మాత్రమే అందరికీ పార్సిల్‌ డెలివరీ కొట్టి ఇస్తున్నారు. దీంతో పార్సిల్‌ డెలివరీ తీసుకోవడానికి వచ్చిన వేచి ఉండలేక సహనం కోల్పోతున్నారు. పార్సిల్‌ వెతికి ఇవ్వడానికి టైం పడుతుందని కంప్యూటర్‌ ఆపరేటర్‌ చెబుతుండగా.. గంట పాటు వేచి ఉండాల్సి వస్తోందని పలువురు కస్టమర్లు వాపోతున్నారు. బుధవారం సాయంత్రం సైతం బస్టాండ్‌లోని పార్సిల్‌.. డెలివరీ కౌంటర్‌ వద్ద జనం బారులు తీరారు. డెలివరీ కౌంటర్‌ వద్ద సిబ్బంది ఆలస్యంగా స్పందిస్తుండడంపై కొందరు కస్టమర్లు ఆర్టీసీ తీరుపై ఆగ్రహం వ్యక్తం చేశారు.

ఫేక్‌ పత్రాలతో రూ.10 కోట్ల వీఎంసీ భూమి దర్జాగా కబ్జా!సాక్షి ప్రతినిధి, విజయవాడ: విజయవాడ నగరపాలక సంస్థకు చెందిన విలువైన భూములు కూటమి పెద్దల సహకారంతో దర్జాగా కబ్జాకు గురవుతున్నాయి. తమకు చెందిన వారి భూమిగా మార్చేందుకు అటు రెవెన్యూ–ఇటు వీఎంసీ పట్టణ ప్రణాళికపై ప్రభుత్వ పెద్దలు ఒత్తిడి చేస్తున్నారని ఆరోపణలు వస్తున్నాయి. రాజధాని నేపథ్యంలో విజయవాడ నగరంలో ప్రధాన ప్రాంతాల్లో గద్దలా వాలిన కబ్జా రాయుళ్లు ప్రభుత్వ స్థలం కనబడితే రాత్రికిరాత్రే సర్వే నంబర్లు మార్చేసి తప్పుడు డాక్యుమెంట్లు పుట్టించేస్తున్నారు. ఇలాంటి ఓ స్థల కబ్జా వ్యవహారమే ఇది. వీఎంసీ రెవెన్యూ విభాగం భాగస్వామ్యం.. ఈ తతంగానికి వీఎంసీ రెవెన్యూ విభాగం పూర్తిస్థాయిలో సహకరించిందని ఆరోపణలు ఉన్నాయి. పాత సర్వే నంబరు ప్రకారం 2025లో మార్చి నుంచి ఆస్తిపన్ను విధించారు. దీని ఆధారంగా తనకు ప్లాను మంజూరు చేయాలని వీఎంసీ ప్రణాళిక విభాగంపై రాజకీయ నాయకులతో ఒత్తిళ్లు తీసుకువస్తున్నారు. దీనికి స్థానిక ఎంపీ అండదండలు ఉన్నాయని స్థానికులు ఆరోపిస్తున్నారు. స్థానికుల అభ్యంతరం.. వివేకానంద కాలనీ రెసిడెన్షియల్‌ అసోసియేషన్‌ ఆధ్వర్యంలో ఈ స్థలం వ్యవహారంపై కాలనీ పెద్దలు పలు మార్లు వీఎంసీ ఉన్నతాధికారులను సంప్రదించారు. 2022 నుంచి స్థలం వ్యవహారంలో కాలనీ వాసులు ఓపెన్‌సైట్‌ కోసం పోరాడుతున్నారు. అప్పటికే స్థలంలో రేకుల షెడ్డు వేయటంతో స్థానికులు ప్రభుత్వ పెద్దల దృష్టికి, వీఎంసీ ఉన్నతాధికారులకు ఫిర్యాదు చేశారు. దీనిపై వీఎంసీ కమిషనర్‌ ధ్యానచంద్ర కూడా క్షేత్రస్థాయి పరిశీలన చేసి స్థలం వీఎంసీదేనని బోర్డు ఏర్పాటు చేయాలని ప్రణాళిక విభాగం అధికారులను కూడా ఆదేశించారు. కానీ అధికారులు ఇప్పటి వరకూ బోర్డు ఏర్పాటు చేయకపోవడం, మరోవైపు భవన నిర్మాణ ప్లాన్‌ కోసం సంబంధిత వ్యక్తులు ప్రయత్నించడం పలు అనుమానాలకు తావిస్తోంది. నగరం నడిబొడ్డులో ఉండే పటమట ప్రాంతంలోని లక్ష్మీపతి–అప్పారావు మున్సిపల్‌ పార్కు పక్కనే 582 గజాల మునిసిపల్‌ కార్పొరేషన్‌ ఓపెన్‌సైట్‌ ఉంది. దాదాపు 30 ఏళ్లుగా ఖాళీగా ఉన్న ఈ స్థలంపై విజయవాడ కూటమి పెద్దలు కన్నేశారు. ఇంకేముంది.. క్షణాల్లో పత్రాలు సిద్ధం.. ఇదే పత్రాలు పెట్టి బ్యాంకులో రూ. 1.85కోట్లు రుణాన్ని కూడా పొందా రు. దీనిపై గతంలో వీఎంసీ కౌన్సిల్లో కూడా పెద్ద దుమారమే రేగింది. వీఎంసీ స్థలాలకు రక్షణ కరువయ్యిందని, దీన్ని పరిరక్షించాలని తీర్మానం చేసినప్పటికీ వీఎంసీ ఉన్నతాధికారి ఉదాసీనంగా ఉండ టంతో.. పట్టణ ప్రణాళిక విభాగం–రెవె న్యూ విభాగం రూ.లక్షల్లో లంచాలు తీసు కుని ఓపెన్‌ సైట్‌ను సైతం ప్రైవేటు స్థలంగా చూపుతూ పన్నులు కూడా వేసేశారు. ప్రస్తుత మార్కెట్‌ ధరల ప్రకారం రూ. 10కోట్లు కంటే ఎక్కువగా విలువైన ఈ స్థలం వ్యవహారంలో డివిజన్‌ టీడీపీ స్థాయి నాయకులు, స్థానిక టీడీపీ మాజీ కార్పొరేటర్‌ నుంచి ఎంపీ వరకు భాగస్వాములుగా ఉన్నారని స్థానికులు ఆరోపిస్తున్నారు. పటమట 10వ డివిజన్‌(ప్రస్తుతం) హైస్కూలు రోడ్డులోని వివేకానంద కాలనీలోని వీఎంసీ ఓపెన్‌ సైట్‌ 166/2లో ఉన్న 582 గజాల స్థలాన్ని పటమటకు చెందిన నల్లూరి పున్నమ్మ నుంచి భవానీపురానికి చెందిన మధుపల్లి మోహనగుప్త 1986లో కొనుగోలు చేసినట్లు దస్తావేజులు తయారు చేశారు. మధుపల్లి మోహనగుప్తా నుంచి 2022లో హైదరాబాద్‌కు చెందిన అరవపల్లి విజయశాంతి, నగిలి ప్రకాష్‌ రెడ్డి పేరుతో కొనుగోలు చేసినట్లు అదే ఏడాది జనవరిలో పటమట రిజిస్ట్రేషన్‌ కార్యాలయంలో రిజిస్ట్రేషన్‌ చేశారు. అనంతరం 2025లో తాము కొనుగోలు చేసిన స్థలం తాలూక సర్వే నంబరు తప్పుగా పడిందని, సర్వే నంబరు 165/6కు బదులుగా 166/2గా నమోదయ్యిందని దీన్ని సరిచేయాలని విజయవాడ సబ్‌కలెక్టర్‌కు పీజీఆర్‌ఎస్‌లో దరఖాస్తు చేసుకోగా ఈ ఏదాది జనవరిలో ఈ ఎన్టీఆర్‌ జిల్లా సబ్‌ కలెక్టర్‌ కార్యాలయం సర్వే నంబరును సరిచేస్తూ ఉత్తర్వులు ఇచ్చింది.

ఇంద్రకీలాద్రి(విజయవాడపశ్చిమ): ఇంద్రకీలాద్రిపై కొలువై ఉన్న దుర్గమ్మను భక్త రామదాసు(కంచర్ల గోపన్న) వారసులు శుక్రవారం దర్శించుకున్నారు. కంచర్ల గోపన్న పదో తరానికి చెందిన కంచర్ల శ్రీనివాసరావు, ఇతర కుటుంబ సభ్యులు అమ్మవారి దర్శనానికి విచ్చేశారు. ఆలయ అధికారులు వారికి సాదరంగా స్వాగతం పలికారు. అమ్మవారిని దర్శించుకుని ప్రత్యేక పూజలు జరిపించుకున్న అనంతరం వేద పండితులు ఆశీర్వచనం అందజేయగా, ఆలయ ఈవో శీనానాయక్‌ అమ్మవారి చిత్రపటం, ప్రసాదాలు, శేషవస్త్రాలను బహూకరించారు. మొగల్రాజపురం(విజయవాడ తూర్పు): జపాన్‌ లోని ఐచి–నగోయాలో ఈ నెల 19 నుంచి అక్టోబర్‌ 4వ తేదీ వరకు జరుగనున్న 20వ ఆసియా క్రీడలకు తమ అసోసియేషన్‌ ప్రధాన కార్యదర్శిగా ఉన్న యలమంచిలి శ్రీకాంత్‌ సాంకేతిక అధికారిగా ఎంపిక అయ్యారని ఆంధ్రా కబడ్డీ అసోసియేషన్‌ కార్యనిర్వాహక అధ్యక్షుడు నక్కల అర్జునరావు శుక్రవారం ఓ ప్రకటనలో తెలిపారు. అసోసియేషన్‌ ప్రధాన కార్యదర్శిగా శ్రీకాంత్‌ బాధ్యతలు చేపట్టినప్పటి నుంచి రాష్ట్రంలో కబడ్డీ క్రీడను ప్రోత్సహించడంలోనూ, అభివృద్ధి చేయడంలోనూ విశేష కృషి చేశారని తెలిపారు. ఆంధ్ర కబడ్డీ అసోసియేషన్‌ అధ్యక్షురాలు కె.వి.ప్రభావతి, సంయుక్త కార్యదర్శి కె.వి.నాంచారయ్యతో పాటుగా అసోసియేషన్‌ సభ్యులు శ్రీకాంత్‌ను అభినందించారు. వన్‌టౌన్‌(విజయవాడ పశ్చిమ): వాణిజ్య పన్నుల శాఖ ఉమ్మడి జిల్లా వ్యాప్తంగా రెస్టారెంట్లు, ఇతర హోటళ్లపై నిర్వహించిన తనిఖీలపై ఆ శాఖ రాష్ట్ర కమిషనర్‌ కార్యాలయం వివరణ కోరింది. ఈ మేరకు విజయవాడ డివిజన్‌–1, విజయవాడ డివిజన్‌–2, విజయవాడ డివిజన్‌–3 జాయింట్‌ కమిషనర్‌లను ఆయా అంశంపై నివేదికలను కోరినట్లు తెలిసింది. సాక్షి దినపత్రిక ‘తనిఖీలకూ ఉందో లెక్క!’ శీర్షికతో కథనాన్ని ప్రచురించిన విషయం తెలిసిందే. దానిపై ఆ శాఖ రాష్ట్ర కార్యాలయం స్పందించి.. ఎందుకు పన్ను వసూళ్లలో నిర్లక్ష్యం వహిస్తున్నారనే అంశాలపై ఆరా తీసినట్లు సమాచారం. దానిపై మూడు డివిజన్‌ల పరిధుల్లో రెస్టారెంట్లు, హోటల్స్‌పై ఎక్కడెక్కడ తనిఖీలు చేశారు? ఎంత జరిమానాలు విధించారు? ఎంత వసూళ్లు జరిగాయనే విషయాలను తెలియజేయాలని ఆదేశించినట్లు తెలిసింది. కాగా 2022 నుంచి ఆయా సంస్థల నుంచి రావాల్సిన బకాయి నాలుగైదు కోట్ల మేర ఉన్నట్లు సమాచారం.

ఐద్వా ఆల్‌ఇండియా కార్యదర్శి కనినిగా ఘోష్‌ బోస్‌ఆటోనగర్‌(విజయవాడతూర్పు): బీజేపీ, ఆర్‌ఎస్‌ఎస్‌ ప్రచారం చేస్తున్న మనువాద భావజాలం, మహిళా వ్యతిరేక భావజాలం, ద్వేషప్రచారానికి వ్యతిరేకంగా ప్రత్యామ్నాయ కార్యక్రమాన్ని చేపట్టాలని నిర్ణయించుకున్నట్టు ఐద్వా ఆల్‌ ఇండియా కార్యదర్శి కనినిగా ఘోష్‌ బోస్‌ అన్నారు. శుక్రవారం ఆటోనగర్‌లోని ప్రయివేట్‌ రెసిడెన్సీలో జరుగుతున్న అఖిల భారత ప్రజాతంత్ర మహిళా సంఘం (ఐద్వా) జాతీయ సమావేశాలు రెండో రోజు కొనసాగాయి. ఈ సందర్భంగా ఏర్పాటు చేసిన విలేకరుల సమావేశంలో కనినిగా ఘోష్‌ బోస్‌ మాట్లాడుతూ సోషల్‌ మీడియాలో బీజేపీకి చెందిన నాయకులు మహిళలపై అవమానకరమైన వ్యాఖ్యలు చేస్తున్నారన్నారు. మహిళలు ఇంటికే పరిమితం కావాలని, ఏదైనా సమస్యను లేవ నెత్తినా, బయటకు వచ్చి పోరాడినా సమాజం మొత్తం నాశనమైపోతుందన్నట్టుగా వారు మాట్లాడటం సిగ్గుచేటన్నారు. పోరాటాలు కొనసాగుతాయి.. ఐద్వా ఆలిండియా అధ్యక్షురాలు పీకే శ్రీమతి మాట్లాడుతూ మహిళలు ఎదుర్కొంటున్న సమస్యలపై పోరాటాలు చేస్తామన్నారు. ఐద్వా ప్యాట్రన్‌ నాయకురాలు సుభాషిణి ఆలీ మాట్లాడుతూ మహాత్మా గాంధీ జాతీయ గ్రామీణ ఉపాధి హామీ చట్టం విషయంలో కూడా మార్పులు చేయడాన్ని ఆమె తీవ్రంగా ఖండించారు. ఐద్వా జాతీయ నాయకురాలు ఎస్‌. పుణ్యవతి మాట్లాడుతూ మహిళలకు పార్లమెంట్‌, రాష్ట్ర శాసన సభలలో 33 శాతం రిజర్వేషన్‌ విషయంలో పోరాటాన్ని చివరి వరకు కొనసాగిస్తామన్నారు.

అజిత్‌సింగ్‌నగర్‌ (విజయవాడసెంట్రల్‌): నిబంధనలకు విరుద్ధంగా ప్రభుత్వ ఆదాయానికి గండి కొడుతున్న రియల్‌ ఎస్టేట్‌ వ్యాపారుల దందాపై కార్పొరేషన్‌ అధికారులు కొరడా ఝుళిపించారు. స్థానిక ప్రజాప్రతినిధి అండదండలతో 57వ డివిజన్‌ న్యూరాజరాజేశ్వరీపేటలో అడ్డగోలుగా వేస్తున్న అక్రమ ‘లే అవుట్ల’పై ఈ నెల 9వ తేదీన సాక్షి దినపత్రికలో వెలువడిన ‘ఆయన చెబితే అంతా సక్రమమే’ అనే కథనానికి కార్పొరేషన్‌ కమిషనర్‌ ధ్యానచంద్ర స్పందించారు. అక్రమ లే అవుట్లపై విచారణ చేసి చర్యలు చేపట్టాలని సంబంధిత టౌన్‌ప్లానింగ్‌ అధికారులకు ఆదేశాలు జారీ చేశారు. దీంతో టౌన్‌ప్లానింగ్‌ టీపీఓ రిజ్వానా, అజిత్‌సింగ్‌నగర్‌ సీఐ చంద్రశేఖర్‌ సహకారంతో శుక్రవారం న్యూఆర్‌ఆర్‌పేటలోని అక్రమ లేఅవుట్లను పరిశీలించారు. నిబంధనలకు విరుద్ధంగా రోడ్లు పోసి, ప్లాట్లు వేయడాన్ని గుర్తించి ధ్వంసం చేశారు. సంబంధిత భూ యజమానులకు నోటీసులు జారీ చేశారు.

సాక్షి, కృష్ణా జిల్లా: చంద్రబాబు వెన్నుపోటు నాయకుడు అంటూ మాజీ మంత్రి, వైఎస్సార్‌సీపీ కొడాలి నాని దుయ్యబట్టారు. 16 ఏళ్ల బాబు పాలనలో ఒక్కసారే స్థానిక ఎన్నికలు పెట్టాడు. ఎన్నికలకు వైఎస్‌ జగన్‌ భయపడుతున్నట్లు దుష్ప్రచారం చేస్తున్నారు. భయమంటే ఏంటో తెలియని నాయకుడు జగన్‌. చంద్రబాబు, లోకేష్‌ల అవినీతికి అంతులేకుండా పోయింది. డీఎస్సీ పేరుతో ఉద్యోగాలను అమ్మేశారు. కొంతమంది దొంగల కోసం స్పోర్ట్స్‌ జీవోలను మార్చారు’’ అని కొడాలి నాని మండిపడ్డారు.‘‘వైఎస్‌ జగన్‌ను చర్చకు రమ్మనడానికి లోకేష్‌కు ఉన్నస్థాయి ఏంటి?. పేర్ని నాని చర్చకు వస్తానంటేనే లోకేష్ పారిపోయాడు. తండ్రి పేరు నిలబెట్టేందుకు నమ్మిన సిద్ధాంతానికి కట్టుబడిన వ్యక్తి వైఎస్‌ జగన్‌. ప్రజలకు ఇచ్చిన మాటకోసం మడమతిప్పని నేత వైఎస్‌ జగన్. నీతి, నిజాయితీ, నిబద్ధత కలిగిన వ్యక్తి వైఎస్‌ జగన్‌. అధికారమే పరమావధిగా బతికే వ్యక్తి చంద్రబాబు. సూపర్ సిక్స్ పేరుతో ఎన్నికల్లో పెద్ద లిస్ట్ పట్టుకొచ్చాడు. చంద్రబాబు లాగా అబద్ధపు హామీలతో ఎన్నికలకు వెళ్లనని ధైర్యంగా చెప్పిన వ్యక్తి వైఎస్‌ జగన్‌. చంద్రబాబు ఒక్క వాగ్ధానమైనా నెరవేర్చాడా?. మోసంతో చంద్రబాబు అధికారంలోకి వచ్చాడు’’ అని కొడాలి నాని ధ్వజమెత్తారు.‘‘వెన్నుపోటు సామ్రాట్‌ను, వెన్నుపోటు పార్టీని బంగాళాఖాతంలో కలిపేయాలి. పేర్ని నాని, ఆయన భార్య పై కేసులు పెట్టి వేధించారు. ఎన్ని కేసులు పెట్టినా పేర్ని నాని వెనక్కి తగ్గలేదు. వైఎస్‌ వెంట నిలిచి ఆయన గొంతును నిరంతరం వినిపిస్తున్నారు. వల్లభనేని వంశీని ఉద్ధేశపూర్వకంగా కేసులతో ఇబ్బంది పెట్టారు. వంశీకి హైదరాబాద్‌లో కోట్ల విలువైన ఆస్తులున్నాయ్. పేదల పట్టాలను అమ్ముకున్నాడని వంశీ పై దొంగ కేసులు పెట్టారు. భోగాపురం ఎయిర్ పోర్టు రాకతో ప్రజల కళ్లల్లో ఆనందం చూశానని సొల్లు కబుర్లు చెబుతున్నాడు. వెలిగొండ ప్రాజెక్టు టన్నెల్ ఎలా ఉంటుందో కూడా చంద్రబాబుకు తెలియదు. నీళ్ల కోసం కొండను ఎలా తవ్వుతారని విమర్శించింది చంద్రబాబే. చంద్రబాబు చేలో మేస్తే.. లోకేష్ గట్టుమీద మేస్తాడా?’’ అంటూ కొడాలి నాని నిలదీశారు.

సాక్షి, కృష్ణా జిల్లా: ‘టైమ్‌, డేట్‌ చెప్పమన్న లోకేష్‌ ఎక్కడున్నాడు?. తప్పులు చేసి అధికారుల మీద నెట్టేస్తున్నారు. జీవో ఇచ్చింది ఎవరు? అధికారులకు ఏంటి సంబంధం?. తండ్రి కొడుకుల వేషాలు చూడలేకపోతున్నామంటూ కృష్ణా జిల్లా వైఎస్సార్‌సీపీ అధ్యక్షులు, మాజీ మంత్రి పేర్ని నాని ధ్వజమెత్తారు. ఇవాళ మచిలీపట్నంలో జరిగిన వైఎస్సార్‌సీపీ విస్తృతస్థాయి సమావేశంలో ఆయన మాట్లాడుతూ.. రాబోయే స్థానిక సంస్థల ఎన్నికల నేపథ్యంలో పార్టీ శ్రేణులకు దిశానిర్ధేశం చేశారు. భవిష్యత్ కార్యాచరణపై చర్చించారు.మాజీ మంత్రి కొడాలి నాని, మాజీ ఎమ్మెల్యేలు వల్లభనేని వంశీ, సింహాద్రి రమేష్ బాబు, కైలే అనిల్ కుమార్, మచిలీపట్నం వైఎస్సార్‌సీపీ ఇంఛార్జి పేర్ని కిట్టు, పెడన వైఎస్సార్‌సీపీ ఇంఛార్జి ఉప్పాల రాము, పెనమలూరు వైఎస్సార్‌సీపీ ఇంఛార్జి దేవభక్తుని చక్రవర్తి, జడ్పీచైర్‌ పర్సన్ ఉప్పాల హారిక, జడ్పీటీసీలు, ఎంపీటీసీలు, వైఎస్సార్‌సీపీ నేతలు, కార్యకర్తలు హాజరయ్యారు.ఈ సందర్భంగా పేర్ని నాని మాట్లాడుతూ.. చంద్రబాబును నమ్మొద్దని.. ఎవరినైనా లోబరచుకుంటాడన్నారు. దొంగ తెలివితేటలున్న వ్యక్తి చంద్రబాబు. పార్టీ పెట్టిన ఎన్టీఆర్‌నే వెన్నుపోటు పొడిచిన వ్యక్తి. అక్టోబర్‌ 2 నుంచి ఏ క్షణమైనా మున్సిపాల్టీల్లో నామినేషన్ల ప్రక్రియ ప్రారంభమవుతుంది. రాష్ట్రాన్ని ఉద్ధరించడానికి చంద్రబాబు మేయర్ల ప్రత్యక్ష ఎన్నికలు పెట్టడం లేదు. చంద్రబాబుకు కూటమి చీలిపోతుందనే భయం పట్టుకుంది. అందుకే పంచాయతీల కంటే ముందు మున్సిపాల్టీలకు ఎన్నికలు పెడుతున్నాడు. పోలీసులను అడ్డంపెట్టుకుని మున్సిపాల్టీలను గెలవాలనుకుంటున్నాడు’’ అని పేర్ని నాని మండిపడ్డారు.

కృష్ణలంక(విజయవాడతూర్పు): నగరంలోని వీఎంసీ కార్యాలయం సమీపంలో పుట్‌ఫాత్‌పై అనుమానాస్పద స్థితిలో గుర్తు తెలియని ఓ వ్యక్తి మృతదేహం లభించిన ఘటన కృష్ణలంక పోలీస్‌ స్టేషన్‌ పరిధిలో గురువారం చోటుచేసుకుంది. పోలీసులు తెలిపిన వివరాల మేరకు వీఎంసీ కటింగ్‌ వద్ద ఉన్న ఫుట్‌పాత్‌పై గురువారం ఉదయం సుమారు 40 ఏళ్ల వయస్సు కలిగిన ఒక మగ వ్యక్తి మృతి చెంది ఉన్నట్లు సమాచారం అందింది. వెంటనే ఘటనా స్థలానికి చేరుకున్న పోలీసులు అతనిని పరిశీలించి మృతి చెందినట్లు నిర్ధారించారు. మృతుని వద్ద పేరు, ఊరుకు సంబంధించి ఎటువంటి ఆధారాలు లభించలేదు. మృతుని ఎడమ చేతిపై దుర్గమ్మ అని, కుడి మోచేతిపై అంజి అని, కుడిచేతి మడమపై డి లవ్‌ సింబల్‌తో పచ్చ బొట్లు ఉన్నాయని చెప్పారు. అలాగే ఎడమవైపు బొడ్డు కింద, కుడివైపు నాభి కింద, ఎడమ మోచేతిపై పుట్టుమచ్చలు ఉన్నాయని తెలిపారు. పోలీసులు మృతదేహాన్ని స్వాధీనం చేసుకుని ప్రభుత్వ ఆసుపత్రి మార్చూరీకి తరలించారు. అనుమానాస్పద మృతిగా కేసు నమోదు చేసి దర్యాప్తు చేస్తున్నట్లు పోలీసులు తెలిపారు.

నిందితులను అరెస్టు చేసిన పోలీసులు కంచికచర్ల: మండలంలోని పరిటాల సమీపంలో హెచ్‌పీ పెట్రోలు బంక్‌లో చోటు చేసుకున్న దోపిడీ, బంక్‌ ఉద్యోగి ఇబ్రహీంపట్నం మండలం కేతనకొండ గ్రామానికి చెందిన సయ్యద్‌ ఆరీఫ్‌(30) హత్యకు కారణమైన ఘటనలో ఆరుగురు నిందితులను పోలీసులు అరెస్ట్‌ చేశారు. కంచికచర్ల రూరల్‌ సర్కిల్‌ కార్యాలయంలో గురువారం సాయంత్రం విజయవాడ రూరల్‌ డీసీపీ బి. లక్ష్మీనారాయణ, నందిగామ ఏసీపీ చలసాని శ్రీనివాసరావు, రూరల్‌ సర్కిల్‌ సీఐ వైవీఎల్‌ నాయుడుతో కలిసి కేసు వివరాలు వెల్లడించారు. ఏం జరిగిందంటే.. మంగళవారం తెల్లవారుజామున ఇబ్రహీంపట్నం మూలపాడు గ్రామంలో ఓ వ్యక్తి తన కారును ఇంటి ముందు ఉంచి రాత్రి సమయంలో నిద్రపోయాడు. ఆ కారు నంబర్‌ను తీసుకున్న నిందితులు.. వారు ఉపయోగించిన కారుకు దానిని పెట్టుకొని కంచికచర్ల మండలం పరిటాల సమీపంలోని హెచ్‌పీ పెట్రోలు బంకుకు వచ్చారు. తమకు అత్యవసరంగా నగదు అవసరం ఉందని, ఫోన్‌పే చేస్తాం డబ్బులు కావాలని ప్రాథేయపడటంతో బంకులో పనిచేసే ఆరీఫ్‌(30) నగదును లెక్కిస్తుండగా.. ఆ నగదును లాక్కొని కారు వేగంగా పోనిచ్చారు. కారును ఆపే ప్రయత్నం చేసిన ఆరిఫ్‌.. ఈక్రమంలో రోడ్డుపై పడిపోవడం.. కారు అతనిని 150 మీటర్ల వరకు లాక్కెళ్లటంతో తీవ్రంగా గాయపడి మృతిచెందాడు. 48 గంటల్లోనే.. ఈ సంఘటనపై కేసు నమోదు చేసిన కంచికచర్ల పోలీసులు ప్రత్యేక దృష్టి సారించి దర్యాప్తు చేపట్టారు. నాలుగు ప్రత్యేక బందాలుగా ఏర్పడి, సీసీ కెమెరాలు, ఇతర సాంకేతిక ఆధారాల సాయంతో 48 గంటల్లోనే కేసును ఛేదించారు. గురువారం మధ్యాహ్నం విజయవాడ వెస్ట్‌ బైపాస్‌ అండర్‌ పాస్‌ వద్ద నిందితులను అదుపులోకి తీసుకున్నారు. నిందితుల నుంచి పీఓఎస్‌ మిషన్‌తో పాటు దోపిడీకి ఉపయోగించిన కారును స్వాధీనం చేసుకున్నారు. నిందితులు వీరే.. నిందితుల్లో పల్నాడు జిల్లా సత్తెనపల్లి క్రిస్టియన్‌పేటకు చెందిన గుజ్జర్లపూడి మహేష్‌(గతంలో గొర్రెల దొంగతనంపై మూడు కేసులున్నాయి), నరసారావుపేటకు చెందిన చుండి మనోజ్‌కుమార్‌, కామసాని ఆదిత్య, కూడిపూడి అరవింద్‌, పల్నాడు జిల్లా నరసారావుపేటకు చెందిన మంద రోహిత్‌, సత్తెనపల్లికి చెందిన మైనర్‌ బాలుడు(ఈ మైనర్‌పై గొర్రెల దొంగతనంపై మూడు కేసులున్నాయి)లను అదుపులోకి తీసుకొని విలేకరుల ఎదుట హాజరు పర్చారు. ఈ కేసు ఛేదనలో కీలకంగా వ్యవహరించిన రూరల్‌ సీఐ వైవీఎల్‌నాయుడు, కంచికచర్ల ఎస్‌ఐలు పి. విశ్వనాథ్‌, జి. నానినరేందర్‌, వీరులపాడు ఎస్‌ఐ అభిమన్యు, సిబ్బందిని ప్రత్యేకంగా అభినందించిన డీసీపీ, నగదు రివార్డులు అందజేశారు.

డీఎస్‌ఎంఎం జాతీయ ఉపాధ్యక్షులు సుభాషిణి ఆలీ గాంధీనగర్‌(విజయవాడసెంట్రల్‌): బీజేపీ నేతృత్వంలోని కేంద్ర ప్రభుత్వం మనువాద, మతోన్మాద విధానాలను ప్రోత్సహిస్తోందని డీఎస్‌ఎఎం జాతీయ ఉపాధ్యక్షులు సుభాషిణి ఆలీ విమర్శించారు. కుల, లింగ వివక్షలను కొనసాగించడమే బీజేపీ పాలన అజెండాగా ఉందన్నారు. విజయవాడ లెనిన్‌ సెంటర్‌లోని పూలే అంబేడ్కర్‌ భవన్‌లో కేవీపీఎస్‌, అంబేడ్కర్‌ పూలే విజ్ఞాన కేంద్రం ట్రస్ట్‌ ఆధ్వర్యంలో ‘కులం, మతం, సామాజిక న్యాయం’ అంశంపై కేవీపీఎస్‌ రాష్ట్ర ప్రధాన కార్యదర్శి అండ్ర మాల్యాద్రి అధ్యక్షతన గురువారం సెమినార్‌ జరిగింది. సుభాషిణి ఆలీ మాట్లాడుతూ.. ఆర్థిక సమానత్వం లేకుండా సామాజిక న్యాయం, లింగ సమానత్వం సాధ్యం కాదని స్పష్టం చేశారు. పూలే విజ్ఞాన కేంద్రం ట్రస్ట్‌ కార్యదర్శి వి. శ్రీనివాసరావు మాట్లాడుతూ.. దళితులకు భూమి, ఇళ్లు, సామాజిక హక్కులు కల్పించడంలో ప్రభుత్వాలు విఫలమయ్యాయన్నారు. దళితులు ఎదుర్కొంటున్న సమస్యలను ప్రభుత్వం పరిష్కరించకపోతే డిసెంబర్‌లో రాష్ట్రవ్యాప్త ఉద్యమం చేపడతామని హెచ్చరించారు. వ్యవసాయ కార్మిక సంఘం రాష్ట్ర కార్యదర్శి కె.లోకనాథం, డి.రమాదేవి, నల్లప్ప, జి.క్రాంతి కుమార్‌, ఎం.డి.ఆనంద్‌ బాబు, బి.రఘురామ్‌, కె.క్రాంతి బాబు, తిరుపాల్‌, జి.రంగమ్మ, చీకటి రాజేష్‌, చింతల శ్రీనివాస్‌, టి.వెంకటేష్‌, ప్రాన్సిస్‌, చిరంజీవి, రమణ, అరుణమ్మ తదితరులు పాల్గొన్నారు.

కృష్ణలంక(విజయవాడతూర్పు): కృష్ణానదిలో చేపలు పడుతూ ప్రమాదవశాత్తూ నీటిలో పడి ఓ వ్యక్తి మృతి చెందిన ఘటన గురువారం కృష్ణలంక పోలీస్‌ స్టేషన్‌ పరిధిలో చోటుచేసుకుంది. పోలీసులు తెలిపిన వివరాల మేరకు.. కృష్ణలంక, రణదీవె నగర్‌ కట్ట ప్రాంతానికి చెందిన బలుగూరి దుర్గారావు(43) కుటుంబంతో కలిసి నివాసం ఉంటున్నాడు. అతనికి భార్య, ఇద్దరు కుమారులు ఉన్నారు. అతను తాపీ పని చేస్తూ కుటుంబాన్ని పోషిస్తుంటాడు. ఖాళీ సమయంలో అప్పుడప్పుడు కృష్ణానదికి చేపల వేటకు వెళ్తుంటాడు. ఈ క్రమంలో గురువారం ఉదయం 9 గంటల ప్రాంతంలో పద్మావతి ఘాట్‌ వద్ద చేపలు పట్టడానికి వెళ్తున్నానని ఇంట్లో చెప్పి బయలుదేరాడు. ఉదయం 10.30 గంటల సమయంలో పద్మావతి ఘాట్‌ రైల్వే బ్రిడ్జి పిల్లర్‌ నంబర్‌–1 వద్ద చేపలు పడుతుండగా దుర్గారావు ప్రమాదవశాత్తూ కాలుజారి నీటిలో పడిపోయాడు. లోతు ఎక్కువగా ఉండటంతో ఊపిరి ఆడక అక్కడికక్కడే మృతి చెందాడు. అది గమనించిన తోటి మత్స్యకారులు మృతుని సోదరుడు శ్రీనివాసరావుకు సమాచారం అందించగా వెంటనే మృతుని కుమారుడైన వెంకటేశ్వరరావుకు ఫోన్‌ ద్వారా విషయం తెలిపాడు. కుటుంబ సభ్యులు హుటాహుటిన పద్మావతి ఘాట్‌ వద్దకు చేరుకుని పోలీసులకు సమాచారం అందించారు. మృతదేహాన్ని నీటి నుంచి బయటకు తీసి పోస్టుమార్టం నిమిత్తం ప్రభుత్వం ఆస్పత్రికి తరలించారు. మృతుని కుమారుడు వెంకటేశ్వరరావు ఇచ్చిన ఫిర్యాదుపై కేసు నమోదు చేసి దర్యాప్తు చేస్తున్నట్లు పోలీసులు తెలిపారు. అపహరించిన సొత్తు స్వాధీనం జగ్గయ్యపేట: మండలంలోని ముక్త్యాల గ్రామంలోని భవానీ ముక్తేశ్వేర స్వామి వారి దత్తత ఆలయం చెన్నకేశవ స్వామి వారి ఆలయంలో జరిగిన బంగారు, వెండి ఆభరణాల చోరీ కేసులో ముగ్గురిని అదుపులోకి తీసుకుని వారి వద్ద నుంచి పూర్తి సొత్తు స్వాధీనం చేసుకున్నట్లు విజయవాడ రూరల్‌ డీసీపీ లక్ష్మీనారాయణ తెలిపారు. పట్టణంలోని సీఐ కార్యాలయంలో ఆయన విలేకరుల ఎదుట నిందితులను హాజరుపరిచి వివరాలు తెలిపారు. ఈ నెల ఆరో తేదీన అర్ధరాత్రి గుర్తు తెలియని వ్యక్తులు ఆలయంలోకి ప్రవేశించి స్వామి, అమ్మవార్లకు చెందిన 6.5 కిలోల వెండి, ఆరు గ్రాముల బంగాం చోరీ చేశారన్నారు. సోమవారం జిల్లా ఏసీ చిల్లకల్లు పోలీస్‌ స్టేషన్‌లో ఫిర్యాదు చేయగా సీఐ వెంకటేశ్వర్లు ఆధ్వర్యంలో నాలుగు బృందాలతో దర్యాప్తు చేపట్టినట్లు తెలిపారు. సీసీ కెమెరాల ఆధారంతో.. ఆలయంలో చోరీ జరగటానికి ముందు నంబర్‌ ప్లేట్‌ లేని కారు ఆలయం చుట్టు పక్కల సంచరించగా, ముగ్గురు వ్యక్తులు ఆలయంలోకి వచ్చి రెక్కీ చేసినట్లు సీసీ ఫుటేజీలలో గుర్తించామని తెలిపారు. దీంతో పూర్తి స్థాయి దర్యాప్తు చేయగా పల్నాడు జిల్లా పిడుగురాళ్లకు చెందిన బత్తుల కోటయ్య అలియాస్‌ కోటేశ్వరరావు జగ్గయ్యపేట మండలం జయంతిపురం గ్రామానికి చెందిన అల్లుడు కావటంతో తరచూ వచ్చి వెళ్తుంటాడు. ఈ క్రమంలో పరిసర ప్రాంతాల్లోని ఆలయాల పూర్తి సమాచారం సేకరించి పాత నేరస్తులు నాగర్‌కర్నూలు జిల్లా తిమ్మయ్యపల్లికి చెందిన డేరంగుల మల్లేష్‌, ఏలూరు జిల్లా వేలూరుపాడు మండలానికి చెందిన కారం సాంబయ్యలతో కలిసి ఆలయంలోకి వచ్చి చోరీకి పాల్పడినట్లు తెలిపారు. రాష్ట్ర సరిహద్దు కోదాడ వద్ద అనుమానాస్పదంగా తిరుగుతుండటంతో అదుపులోకి తీసుకుని విచారించి, వారి వద్ద నుంచి రూ. 15లక్షల విలువ చేసే పూర్తి చోరీ సొత్తు, కారును స్వాధీనం చేసుకున్నట్లు తెలిపారు. నిందితులను న్యాయమూర్తి ఎదుట హాజరుపర్చగా రిమాండ్‌ విధించినట్లు చెప్పారు. అనంతరం చోరీ కేసును ఛేదించిన జగ్గయ్యపేట, చిల్లకల్లు, పెనుగంచిప్రోలు ఎస్‌ఐలు రాజు, తోట సూర్య శ్రీనివాస్‌, శంకర్‌, మణికంఠ, అర్జున్‌లతో పాటు సిబ్బందిని అభినందించి రివార్డులు అందజేశారు. నందిగామ ఏసీపీ శ్రీనివాసరావు, తదితరులు పాల్గొన్నారు.

మచిలీపట్నంటౌన్‌: మంగినపూడి సాగర తీరంలో ప్రతిష్టించే 63 అడుగుల మహాగణపతికి ప్రసాదంగా 630 కిలోల భారీ లడ్డూ తయారు చేస్తున్నట్లు మల్లయ్య స్వీట్స్‌ అధినేత గౌర వెంకటేశ్వర్లు తెలిపారు. ఈడేపల్లిలోని మల్లయ్య స్వీట్స్‌ తయారీ కేంద్రంలో గురువారం ఆయన మీడియాతో మాట్లాడారు. సాగర తీర మహాగణపతి ఉత్సవ సేవా సమితి కోరిన మేరకు ఈ భారీ బందరు లడ్డూను అత్యంత భక్తిశ్రద్ధలతో, నాణ్యమైన పదార్థాలతో తయారు చేస్తున్నట్లు తెలిపారు. ఈ భారీ లడ్డూ తయారీకి సుమారు రూ.10 లక్షల వరకు ఖర్చు అవుతుందని వెల్లడించారు. లడ్డూను ఉంచేందుకు ఇత్తడి రేకుతో ప్రత్యేక పాత్ర, తరలించేందుకు ప్రత్యేక ట్రాలీని తయారు చేశామన్నారు. మధురానగర్‌(విజయవాడసెంట్రల్‌): ఉమ్మడి కృష్ణా జిల్లాలో ఈ నెల 12వ తేదీన వివిధ కోర్టులలో నిర్వహించనున్న జాతీయ లోక్‌ అదాలత్‌లో క్లోజ్‌ చేసిన బీఎస్‌ఎన్‌ఎల్‌ ఫోన్ల తాలూకు వినియోగదారులు బకాయిలు చెల్లించాలని సంస్థ జనరల్‌ మేనేజర్‌ ఎల్‌.శ్రీను గురువారం ఓ ప్రకటనలో కోరారు. ఇప్పటికే క్లోజ్‌ చేసిన బీఎస్‌ఎన్‌ఎల్‌ ఫోన్ల తాలూకు వినియోగదారులకు న్యాయసేవాధికార సంస్థల ద్వారా నోటీసులు జారీ చేశామన్నారు. నోటీసులు అందుకున్న వారు కోర్టుకి హాజరుకాకుండా ముందుగానే బకాయిలు చెల్లించొచ్చని తెలిపారు. ఈ సదావకాశాన్ని క్లోజ్‌ చేసిన బీఎస్‌ఎన్‌ఎల్‌ ఫోన్ల తాలూకు వినియోగదారులు సద్వినియోగం చేసుకోవాలని సూచించారు. ఈనెల 11వ తేదీలోపు వడ్డీ లేకుండా బకాయిలు చెల్లించుకోవటంతో పాటు సమస్య పూర్వాపరాలు పరిశీలించిన మీదట తగిన రాయితీ పొందొచ్చని తెలి పారు. మరింత సమాచారం కోసం 0866– 2444420, 0866 –2444588, 83338 98997, 94911 19556 నంబర్లలో సంప్రదించాల్సిందిగా ఆయన కోరారు. రైల్వేస్టేషన్‌(విజయవాడపశ్చిమ): రైల్వే ప్రయాణికులు పోగొట్టుకున్న, చోరీకి గురైన 120 సెల్‌ ఫోన్లను రైల్వే పోలీసులు రికవరీ చేశారు. విజయవాడ రైల్వే ఎస్పీ కార్యాలయంలో గురువారం జరిగిన విలేకరుల సమావేశంలో రైల్వే డీఎస్పీ ఆర్‌.జి.జయసూర్య ఈ వివరాలు వెల్ల డించారు. విజయవాడ సబ్‌ డివిజన్లయిన విజయవాడ, ఏలూరు, గుడివాడ జీఆర్‌పీ పోలీస్‌ స్టేషన్ల పరిధిలో 2024–2026 మధ్య కాలంలో ప్రయాణికులు పోగొట్టుకున్న మొబైల్‌ ఫోన్‌ల రికవరీకి చర్యలు చేపట్టామన్నారు. జీఆర్పీ ఇన్‌స్పెక్టర్లు జె.వి.రమణ, దుర్గారావు ఆధ్వర్యంలో ఎస్‌ఐ ఎం.షరీఫ్‌, సిబ్బంది జి.ఎ.నర్సయ్య, షేక్‌ సూరుద్దీన్‌, ఎం.భాస్కర్‌, రాంబాబు, ఐటీ కోర్‌ బృంద సభ్యులు పి.శివాజి గణేష్‌, ఎన్‌. హర్షవర్ధన్‌తో ప్రత్యేక బృందం ఏర్పాటు చేసి సుమారు రూ. 25 లక్షల విలువైన 120 స్మార్ట్‌ ఫోన్‌లను రికవరీ చేశామని వివరించారు. వాటిని చట్టపరమైన ప్రక్రియను పూర్తిచేసి పోగొట్టుకున్న వారికి అప్పగిస్తామన్నారు. జీఆర్పీ ఇన్‌స్పెక్టర్‌ ఎం.అశోక్‌, ఆర్‌పీఎఫ్‌ ఇన్‌స్పెక్టర్‌ ఫతేఅలీబేగ్‌ తదితరులు పాల్గొన్నారు. లబ్బీపేట(విజయవాడతూర్పు): చెఫ్స్‌ అసోసియేషన్‌ ఆఫ్‌ తెలంగాణ అండ్‌ ఆంధ్రప్రదేశ్‌ ఆధ్వర్యంలో ఆంధ్రా చాప్టర్‌ ప్రారంభోత్సవ కార్యక్రమం గురువారం విజయవాడలో జరిగింది. అసోసియేషన్‌ అధ్యక్షుడు గౌతమ్‌.కె, ఉపాధ్యక్షుడు రామకృష్ణరాజు, జనరల్‌ సెక్రటరీ యాదగిరి, స్వచ్ఛ ఆంధ్రా కార్పొరేషన్‌ చైర్మన్‌ కె.పట్టాభిరామ్‌ మాట్లాడుతూ.. ఇంజినీరింగ్‌ వంటి ప్రొఫెషనల్‌ కోర్సుల కంటే, హోటల్‌ మేనేజ్మెంట్‌ కోర్సులు చేసిన వారికి ప్రపంచవ్యాప్తంగా అపారమైన ఉపాధి అవకాశాలు ఉన్నాయన్నారు. అనంతరం ఆంధ్రప్రదేశ్‌ చాప్టర్‌ అమరావతి రీజియన్‌కు నూతన కమిటీని ఎంపిక చేశారు.

మొగల్రాజపురం(విజయవాడ తూర్పు): క్రీడాకారులకు మెరుగైన శిక్షణ ఇచ్చి, పతకాలు సాధించేలా చేయాల్సిన క్రీడా సంఘాలు వారి సొంత ప్రయోజనాల కోసం క్రీడాకారులతో ఆడుకుంటున్నాయనే ఆరోపణలు కూటమి ప్రభుత్వంలో గట్టిగా వినిపిస్తున్నాయి. ముఖ్యంగా రైఫిల్‌ షూటింగ్‌ అసోసియేషన్‌ ఆఫ్‌ ఆంధ్రప్రదేశ్‌లో ఈ వ్యవహారం కాస్త శృతి మించిందంటూ షూటర్లు వాపోతున్నారు. ఉమ్మడి ఆంధ్రప్రదేశ్‌లో రిజిస్టర్‌ అయిన రైఫిల్‌ షూటింగ్‌ అసోసియేషన్‌ ఆఫ్‌ ఆంధ్రప్రదేశ్‌ పేరు మీదనే రెండు రాష్ట్రాల్లోని షూటర్లు వివిధ స్థాయిలో జరిగే టోర్నమెంట్స్‌కు హాజరవుతున్నారు. ఉమ్మడి రాష్ట్రంలో రిజిస్టర్‌ అయిన అసోసియేషన్‌ పేరుతో ఉన్న బ్యాంక్‌ అకౌంట్‌కే షూటర్లు వారి ఫీజులన్నీ(కాంపిటేషన్‌, మేనేజర్‌, మెంబర్‌షిప్‌ ఫీజులు) జమ చేస్తున్నారు. కానీ ఈ ఏడాది మే నుంచి అకౌంట్‌ నంబరుతో పాటుగా రైఫిల్‌ అసోసియేషన్‌ ఆఫ్‌ ఆంధ్రప్రదేశ్‌ పేరును ‘ది రైఫిల్‌ అసోసియేషన్‌ ఆఫ్‌ ఆంధ్రప్రదేశ్‌’గా మారింది. ఈ విధంగా అకస్మాత్తుగా అసోసియేషన్‌ పేరు మార్చడంలో ఉన్న మతలబు ఏమిటనేది అసోసియేషన్‌లో ఉన్న సభ్యులకు సైతం అంతపట్టడం లేదు. పేరు మార్పుపై సభ్యులు అడిగితే స్పెల్లింగ్‌ మిస్టేక్‌ అని, పొర పాటున పడిందంటూ సంఘం నిర్వాహకులు పొంతన లేని సమాధానాలు చెబుతున్నారని సభ్యులు చెప్పారు. రైఫిల్‌ అసోసియేషన్‌ ఆఫ్‌ ఆంధ్రప్రదేశ్‌ పేరుతో ఉన్న బ్యాంకు ఖాతాలోని బ్యాలె న్స్‌ జీరో అయినట్లుగా ఆన్‌లైన్‌లో చూపిస్తోందని కొంత మంది సభ్యులు చెబుతున్నారు. దీనిపై విచారణ జరపాలని సభ్యులు డిమాండ్‌ చేస్తున్నారు. చోద్యం చూస్తున్న శాప్‌.. ఉమ్మడి ఆంధ్రప్రదేశ్‌లో రిజిస్టర్‌ అయిన రైఫిల్‌ అసోసియేషన్‌ ఆఫ్‌ ఆంధ్రప్రదేశ్‌ 2024లోనే శాప్‌ దగ్గర రెన్యూవల్‌ చేయించుకోవాలి. అయితే రెన్యూవల్‌ చేసుకోకుండానే రెండు రాష్ట్రాల నుంచి టోర్నమెంట్‌కు షూటర్లను పంపుతున్నా.. శాప్‌ ఏవిధమైన స్పందన లేకుండా చోద్యం చూస్తోంది. అదేమంటే క్రీడా సంఘాలు అన్ని తమ పూర్తి స్థాయిలో డాక్యుమెంట్స్‌ను తమకు సమర్పించి రెన్యూవల్‌ చేసుకోవాలని కేవలం పేపర్‌ ప్రకటనలు జారీ చేసి మిన్నకున్నారు. అసలు ఎన్ని క్రీడాసంఘాలకు గుర్తింపు ఉందనే పూర్తి సమాచారం ఇప్పటి వరకు శాప్‌ దగ్గర లేదంటే వారు పనితీరును అర్థం చేసుకోవచ్చు. రైఫిల్‌ అసోసియేషన్‌ ఆఫ్‌ ఆంధ్రప్రదేశ్‌ పేరును ది రైఫిల్‌ అసోసియేషన్‌ ఆఫ్‌ ఆంధ్రప్రదేశ్‌గా మార్చిన విషయం కూడా శాప్‌ దృష్టిలో లేదు. ఇంకా విచిత్రమైన విషయం ఏమిటంటే ఆంధ్ర ప్రదేశ్‌ ఒలింపిక్‌ అసోసియేషన్‌లో కూడా ఈ సంఘానికి గుర్తింపు లేదని సమాచారం. నాయకులంతా తెలంగాణలోనే.. ది రైపిల్‌ అసోసియేషన్‌ ఆఫ్‌ ఆంధ్రప్రదేశ్‌కు ఇటీవలే తాడేపల్లిలోని ఒక క్లబ్‌లో జనరల్‌ బాడీ సమావేశం, నూతన కార్యవర్గ ఎన్నిక చాలా గోప్యంగా జరిగింది. ఈ సమావేశానికి అబ్జర్వర్‌ను పంపాలని శాప్‌కు అసోసియేషన్‌ నాయకులు లేఖను ఈ–మెయిల్‌ ద్వారా పంపారు. మీ అసోసియేషన్‌ పూర్తి వివరాలను పంపితే, వాటిని పరిశీలించి అప్పుడు చూస్తామంటూ శాప్‌ నుంచి రిప్లయ్‌ వచ్చింది. తీరా శాప్‌ నుంచి అబ్జర్వర్‌ లేకుండానే ఎన్నిక ప్రక్రియను అసోసియేషన్‌ సభ్యులు పూర్తి చేశారు. ఒలింపిక్‌ అసోసియేషన్‌ నుంచి ఒక ప్రతినిధితో పాటుగా తెలంగాణకు చెందిన బార్‌ కౌన్సిల్‌ సభ్యుడిని ఈ సర్వసభ్య సమావేశానికి ఆహ్వానించి, వారి సమక్షంలో ఎన్నిక ప్రక్రియను ముగించారు. ఈ సమావేశంలోనే తెలంగాణ రాష్ట్రానికి చెందిన టి.లలిత్‌ను అధ్యక్షుడిగా, కార్యదర్శిగా రాజ్‌కుమార్‌ను ఎన్నుకున్నారు. వీరిద్దరు తెలంగాణ రాష్ట్రానికి చెందిన వారే. మరి ఆంధ్రప్రదేశ్‌లోని షూటర్లు, కోచ్‌లు ట్రైనింగ్‌ క్యాంపుల గురించి, వారికి ఏమైనా సందేహాలు, ఇబ్బందుల గురించి అసోసియేషన్‌ దృష్టికి తీసుకువెళ్లాలంటే తెలంగాణ రాష్ట్రానికి వెళ్లాల్సిందేనా అంటూ క్రీడాకారులు, కోచ్‌లు ఆవేదన వ్యక్తం చేస్తున్నారు. విజయవాడ ఈట్‌స్ట్రీట్‌లో ఉన్న వెంకటేశ్వర గన్‌హౌస్‌లో జూన్‌ 17వ తేదీన గన్‌ మిస్‌ ఫైర్‌ అయిన ఘటనలో.. గుంటూరు జిల్లాకు చెందిన విజయహర్ష అనే వ్యక్తి నకిలీ అస్పైరింగ్‌ సర్టిఫికెట్లతో గన్‌లను కొనుగోలు చేసినట్లు తేలింది. అతని వద్ద మూడు గన్‌లు, కొన్ని బుల్లెట్లు స్వాధీనం చేసుకున్న పోలీసులు, అరెస్ట్‌ చేసి జైలుకు పంపారు. అయితే అసలు విజయహర్షకు ఈ నకిలీ సర్టిఫికెట్లు ఎలా వచ్చాయి? దీనిలో అసోసియేషన్‌లోని సభ్యుల పాత్ర ఏమైనా ఉందా? ఇలా ఎంత మందికి ఈ విధంగా అస్పైరింగ్‌ సర్టిఫికెట్లు ఇప్పించాడు? అనే విషయాలు ఇప్పటి వరకు తెలియలేదు. ఇంత పెద్ద ఘటనపై అసోసియేషన్‌ కాని, శాప్‌ కాని, ఒలింపిక్‌ అసోసియేషన్‌ గాని స్పందించలేదు. నకిలీ సర్టిఫికెట్లు చూపించి విజయహర్ష తిరుపతిలో శాప్‌లో షూటింగ్‌ కోచ్‌గా జాయిన్‌ అయినా విచారణ జరపలేదు.

జి.కొండూరు: ఎన్టీఆర్‌ జిల్లాలో మునుపెన్నడూ లేని విధంగా బెట్ట పరిస్థితులు కనిపిస్తున్నాయి. జలాలతో కళకళలాడాల్సిన చెరువులు వానలు లేక, ఎత్తిపోతల పథకాలు వెలవెలబోతున్నాయి. ఇప్పటికే సాగు చేసిన వరిపైరు నీరు లేక ఎండుముఖం పడుతోంది. పట్టిసీమ జలాలు అందుబాటులో ఉన్నా, ఎత్తిపోతల పథకాలను అధికార పార్టీ నిర్వీర్యం చేసింది. వర్షాభావ పరిస్థితులు, ప్రభుత్వ వైఫల్యం రైతులను కష్టాల ఊబిలోకి నెట్టింది. జిల్లాలో ఉన్న 542 సాగునీటి చెరువుల్లో 90 శాతం చెరువులు ఎండిపోవడంతో పాటు వాగుల్లో నీరు అందుబాటులో ఉన్న చోట్ల ఎత్తిపోతల పథకాలు పని చేయక మాగాణి భూములు బీడు బారుతున్నాయి. నిరుపయోగంగా ఎత్తిపోతల పథకాలు జి.కొండూరు మండలంలో హెచ్‌.ముత్యాలంపాడు గ్రామ పరిధిలోని 15.36 ఎకరాల విస్తీర్ణంలో ఉన్న ఊర చెరువు, 11.95 ఎకరాల అక్కుల చెరువు, 3.81 ఎకరాల కురివిడి చెరువుకు నీరు నింపేందుకు ఇదే గ్రామం వద్ద బుడమేరుపై రూ.51.48 లక్షలతో ఎత్తిపోతల పథకం నిర్మించారు. ఇక్కడే రూ.190 లక్షలతో ఆత్కూరు గ్రామం 58.35 ఎకరాల ఊర చెరువు, 33 ఎకరాల కురివిడి చెరువు, 16.80 ఎకరాల సావరాల చెరువును నింపేందుకు మరో ఎత్తిపోతల పథకాన్ని నిర్మించారు. 125.32 ఎకరాల వెల్లటూరు బంధు చెరువును నింపేందుకు పోలవరం కుడికాలువపై వెలగలేరు వద్ద రూ.109.10 లక్షలతో ఎత్తిపోతల పథకాన్ని నిర్మించారు. ఇక్కడే రూ.40.57 లక్షలతో చేగిరెడ్డిపాడులో 67.53 ఎకరాల వీరయ్య చెరువును నింపేందుకు మరో ఎత్తిపోతల పథకాన్ని నిర్మించారు. నీళ్లున్నా ఎత్తిపోయక.. జూలై ఎనిమిదో తేదీన పట్టిసీమ ఎత్తపోతల నుంచి పోలవరం కుడి కాలువలోకి నీరు విడుదలవగా అదే నెల 12వ తేదీన ఎన్టీఆర్‌ జిల్లాలోకి జలాలు ప్రవేశించాయి. పోలవరం కుడి కాలువ మీద ఉన్న వెల్లటూరు, చేగిరెడ్డిపాడు ఎత్తిపోతల పథకాల మోటార్లు పనిచేయక నీటిని తోడి చెరువులను నింపలేదు. దీంతో ఈ చెరువుల కింద సాగు ప్రశ్నార్థకంగా మారింది. ఈ చెరువుల కింద ఇప్పటికే వెద పద్ధతిలో సాగుచేస్తున్న వరిపైరు సైతం నీటి తడి అందక ఎండుముఖం పట్టింది. హెచ్‌.ముత్యాలంపాడు గ్రామం వద్ద బుడమేరుపై ఉన్న రెండు ఎత్తిపోతల పథకాలకు పోలవరం కుడి కాలువలో ప్రవహిస్తున్న పట్టిసీమ నీరు ఎగదన్ని అందుబాటులో ఉన్నప్పటికీ ఆ రెండు ఎత్తిపోతల పథకాలు నిర్వహణా లోపం కారణంగా చెరువులు వెలవెలబోతున్నాయి. ఆత్కూరు సావరాల చెరువు కింద ఇప్పటికే సాగు చేపట్టిన రైతులు నీరు లేక లబోదిబోమంటున్నారు. ఈ ఎత్తిపోతల పథకం నిర్వహణను తమ ఆధీనంలోకి తీసుకున్న టీడీపీ నాయ కులు, పైరు ఎండుతున్నా మోటార్లను ఆడించకుండా వేధించడం వల్లే పొలాలు నెర్రెబారుతున్నాయని రైతులు వాపోతు న్నారు. చెరువులో ఉన్న నీరు తూముల్లోకి రాకపోవడంతో ఇంజిన్‌లతో నీటిని సరఫరా చేసుకొని పైరును బతికిస్తున్నారు. వీటీపీఎస్‌ బ్యాక్‌ వాటర్‌తో నడిచే తారకరామా ఎత్తిపోతల పథకం నిర్వహణను ప్రభుత్వం గాలికొదిలేయడంతో ఈ పథకంలోని కుడికాలువ కింద 4,820 ఎకరాల్లో సాగు ప్రశ్నార్థకంగా మారింది.

ముగ్గురు యువకులు అరెస్ట్‌చిట్టినగర్‌(విజయవాడపశ్చిమ): ఒడిశా నుంచి గంజాయిని రవాణా చేస్తున్న ముగ్గురు యువకులు అరెస్టు చేసి వారి నుంచి 1.360 కిలోల గంజాయిని స్వాధీనం చేసుకున్నామని డీసీపీ గుణ్ణం రామకృష్ణ పేర్కొన్నారు. కొత్తపేట పోలీస్‌ స్టేషన్‌లో డీసీపీ గుణ్ణం రామకృష్ణ, వెస్ట్‌ ఏసీపీ దుర్గారావు మాట్లాడారు. ఇస్లాంపేటలోని దళాయి వారి వీధిలో పాడుపడిన బిల్డింగ్‌ వద్ద ముగ్గురు యువకులు అనుమానాస్పదంగా కనిపించారు. వీరిపై పోలీసులకు సమాచారం రావడంతో సీఐ, ఇతర పోలీసు సిబ్బంది అక్కడకు చేరుకుని నిందితులను అదుపులోకి తీసుకుని విచారించామన్నారు. ఇస్లాంపేటకు చెందిన షేక్‌ అస్ఘర్‌(21), ఆటోనగర్‌లో పని చేసే షేక్‌ మహమ్మద్‌ ఇబ్రహీం ఖలీల్‌(20)కు, రామరాజ్యనగర్‌కు చెందిన ఆటోడ్రైవర్‌ కట్టా ప్రసాద్‌లకు పరిచయం ఉంది. కట్టా ప్రసాద్‌ భవానీపురంలో 2020లో ఆటోలో ఎక్కిన ఓ ప్రయాణికుడిని బెదిరించి డబ్బులు లాక్కున్న కేసులో నిందితుడు. ఈ క్రమంలో ముగ్గురు గంజాయికి అలవాటు పడ్డారు. రైలులో ఒడిశాలోని రాయగడకు వెళ్లి మార్కెట్‌లో గుర్తు తెలియని వ్యక్తి వద్ద నుంచి రెండు కిలోల గంజాయి కొనుగోలు చేసి విజయవాడకు తీసుకువచ్చారు. కొనుగోలు చేసిన గంజాయిలో కొంత వినియోగించుకున్న తర్వాత మిగిలిన దానిని పంచుకునేందుకు పాడుబడ్డ బిల్డింగ్‌ వద్దకు వచ్చారు. అక్కడ అనుమానాస్పదంగా పోలీసుల కంట పడటంతో అదుపులోకి తీసుకుని వారి వద్ద నుంచి 1.360 కిలోల గంజాయిని స్వాధీనం చేసుకున్నారు. కొత్తపేట సీఐ కొండలరావు, స్టేషన్‌ ఎస్‌ఐలు, సిబ్బంది పాల్గొన్నారు.

కృష్ణలంక(విజయవాడతూర్పు): నగరంలో బెంజి సర్కిల్‌ ఫ్లై ఓవర్‌పై అగ్నిప్రమాదం చోటుచేసుకుంది. టెస్ట్‌ డ్రైవ్‌ చేస్తుండగా ఓ కారులో ఒక్కసారిగా మంటలు చెలరేగి క్షణాల్లో పూర్తిగా దగ్ధమైంది. సమయానికి వెనకాల వస్తున్న వాహనదారుడు అప్రమత్తం చేయడంతో మెకానిక్‌ ప్రాణాపాయం నుంచి తృటిలో తప్పించుకున్నాడు. సేకరించిన వివరాల మేరకు.. నగరానికి చెందిన ఒక వ్యక్తి తన కారును రిపేర్‌ నిమిత్తం మహానాడు రోడ్డులోని అంబికా డీజిల్‌ వర్క్స్‌ మెకానిక్‌ షాప్‌నకు ఇచ్చాడు. రిపేర్‌ పనులు పూర్తయిన తర్వాత కారును మెకానిక్‌ గుడిసె అభినవ్‌ టెస్ట్‌ డ్రైవ్‌కు తీసుకెళ్లాడు. అకస్మాత్తుగా మంటలు.. గురువారం మధ్యాహ్నం సుమారు 12:40 గంటల సమయంలో స్క్రూబ్రిడ్జి వద్ద యూటర్న్‌ తీసుకుని షాపునకు వెళ్లే క్రమంలో బెంజిసర్కిల్‌ ఫ్లైఓవర్‌ ఎక్కి జ్యోతి కన్వెన్షన్‌ ఎదురుకు చేరుకోగానే కారు వెనుక భాగం నుంచి పొగలు రావడం ప్రారంభమయ్యాయి. దానిని గమనించిన ఒక ద్విచక్ర వాహనదారుడు కేకలు వేసి డ్రైవర్‌ను అప్రమత్తం చేశాడు. వెంటనే డ్రైవర్‌ కారును ఫ్లైఓవర్‌పై ఆపి బయటకు దిగిపోయాడు. అతను దిగిన కొద్ది క్షణాల్లోనే మంటలు కారంతా వ్యాపించి అగ్నికి ఆహుతైంది. సమాచారం అందుకున్న పోలీసులు, ఫైర్‌ సిబ్బంది హుటాహుటిన ఘటనా స్థలానికి చేరుకుని మంటలను అదుపుచేశారు. అప్పటికే కారు పూర్తిగా కాలి బూడిదైంది. కారును నడుపుతున్న మెకానిక్‌ సకాలంలో బయటకు రావడంతో ప్రాణాపాయం తప్పింది. కారులో సంభవించిన సాంకేతిక లోపం లేదా ఎలక్ట్రికల్‌ షార్ట్‌ సర్క్యూట్‌ కారణంగా ప్రమాదం జరిగి ఉండవచ్చని ఫైర్‌ సిబ్బంది ప్రాథమికంగా అంచనా వేశారు.

ఎన్టీఆర్‌ జిల్లాశుక్రవారం శ్రీ 11 శ్రీ సెప్టెంబర్‌ శ్రీ 20267లబ్బీపేట(విజయవాడతూర్పు): ఆత్మహత్యల నివా రణపై అవగాహన కల్పిస్తూ విజయవాడలో గురువారం ర్యాలీ చేశారు. ఎన్టీఆర్‌ జిల్లా మెంటల్‌ హెల్త్‌ విభాగం ఆధ్వర్యంలో ర్యాలీ నిర్వహించారు.సాక్షి, విజయవాడ: నగరంలో గురువారం భారీ వర్షం పడింది. మధ్యాహ్నం 3.30 గంటల నుంచి 40 నిమిషాల పాటు ఏకధాటిగా వర్షం పడటంతో పలు రోడ్లు నీటమునిగాయి.కృష్ణా జిల్లా జాయింట్‌ కలెక్టర్‌ నవీన్‌ చిలకలపూడి(మచిలీపట్నం): ఖరీఫ్‌ సీజన్‌కు సంబంధించి ధాన్యం కొనుగోలు ప్రక్రియకు అధికారులు సిద్ధంగా ఉండాలని కృష్ణా జిల్లా జాయింట్‌ కలెక్టర్‌ ఎం.నవీన్‌ సూచించారు. కలెక్టరేట్‌లోని సమావేశపు హాలులో జిల్లా ప్రొక్యూర్‌మెంట్‌ కమిటీ సమావేశాన్ని గురువారం సాయంత్రం నిర్వహించారు. ఈ సమావేశంలో జేసీ మాట్లాడుతూ.. ఈ సీజన్‌లో 3,28,072 ఎకరాల్లో వరి సాగు చేశారని, 9,84,216 టన్నుల ధాన్యం దిగుబడి వచ్చే అవకాశం ఉందని పేర్కొన్నారు. జిల్లాలో ఏడు లక్షల టన్నుల ధాన్యం సేకరణ లక్ష్యని తెలిపారు. కనీస మద్దతు ధర గ్రేడ్‌–ఏ రకం క్వింటాకు రూ.2,461, సాధారణ రకం రూ.2,441గా నిర్ణయించారని పేర్కొన్నారు. ధాన్యాన్ని రైతుల వద్ద నుంచి సేకరించేందుకు 312 రైతు సేవా కేంద్రాలను అందుబాటులో ఉంచాలన్నారు. వ్యవసాయ శాఖ సిబ్బంది పౌర సరఫరాల సిబ్బంది రైతు సేవా కేంద్రాల పరిధిలో ఉన్న గ్రామాల్లో గ్రామసభలు నిర్వహించి కనీస మద్దతు ధర, నాణ్యతా ప్రమాణాలు తదితర అంశాలపై అవగాహన కల్పించాలని ఆదేశించారు. రైతులు వాట్సాప్‌ నంబరు 73373 59375కు హాయ్‌ మెసేజ్‌ పెడితే నేరుగా ధాన్యం కొనుగోలు ప్రక్రియకు కావాల్సిన షెడ్యూలు బుకింగ్‌ జరుగుతుందని, ఈ అంశంపై అవగాహన కల్పించాలని అధికారులకు సూచించారు. గ్రామ వ్యవసాయ సహాయకులు, రైతులు బహిరంగ మార్కెట్‌లో విక్రయించిన వివరాలను ధాన్యం కొనుగోలు పోర్టల్‌లో నమోదు చేయాలన్నారు. రైస్‌ మిల్లర్లు కొనుగోలు కేంద్రం ద్వారా సేకరించిన ధాన్యం రవాణా చేసేందుకు గోనెసంచులు, జీపీఎస్‌తో అనుసంధానం చేసిన వాహనాలు ఏర్పాటు చేయాలని ఆదేశించారు. ధాన్యం కొనుగోలుకు కావాల్సిన బ్యాంకు గ్యారెంటీలను అక్టోబర్‌ 15వ తేదీలోపు సమ ర్పించాలని రైస్‌ మిల్లర్లకు సూచించారు. ధాన్యం కొనుగోలుకు సంబంధించి సిబ్బందికి మండలాల వారీగా శిక్షణా తరగతులు నిర్వహించాలన్నారు. జిల్లాలో కంట్రోల్‌ రూమ్‌ (నంబరు 82476 93551) ఏర్పాటు చేసి సిబ్బందికి విధులు అప్పగించి ధాన్యం కొనుగోలులో వచ్చే సమస్యలను త్వరితగతిన పరిష్కరించేలా చర్యలు తీసుకోవాలన్నారు. ఈ సమావేశంలో డీఎస్‌ఓ టి.శివరామప్రసాద్‌, సివిల్‌ సప్లయీస్‌ డీఎం వరలక్ష్మి, జిల్లా వ్యవసాయశాఖ అధికారి జ్యోతిరమణి, ఆర్డీఓ జి.బాలసుబ్రహ్మణ్యం, కరుణకుమారి తదితరులు పాల్గొన్నారు.సాక్షి ప్రతినిధి, విజయవాడ: రెండేళ్ల క్రితం బుడమేరు సృష్టించిన బీభత్సం ఇంకా విజయవాడ ప్రజల కళ్ల ముందే కదలాడుతోంది. ఆ విలయంలో పదుల సంఖ్యలో ప్రజలు మృత్యు వాత పడగా.. వేల మంది సర్వం కోల్పోయారు. ప్రజలను ఆదుకోవడంలో, ముందస్తుగా బుడమేరు వరద హెచ్చరికలను జారీ చేయడంలో చంద్రబాబు ప్రభుత్వం పూర్తిగా విఫలమైంది. విపత్తు సంభవించిన అనంతరం బుడమేరును పూర్తిస్థాయిలో ప్రక్షాళన చేస్తానంటూ ముఖ్యమంత్రి చంద్రబాబు ఇచ్చిన హామీ నీటి మూటగా మారింది. ఆపరేషన్‌ బుడమేరు కాగితాలకే పరిమితమైంది. దుఃఖదాయనిగా బుడమేరు వాగు ఆక్రమణలు, ప్రభుత్వ నిర్లక్ష్యంతో బుడమేరు సహజ ప్రవాహ సామర్థ్యాన్ని కోల్పోయింది. ఒకప్పుడు వర్షపు నీటిని పంటపొలాలకు అందించడంతోపాటు సులభంగా కొల్లేరుకు తరలించిన బుడ మేరు ఇప్పుడు భారీ వర్షం కురిస్తే ప్రజల గుండెల్లో భయం పుట్టిస్తూ దుఃఖదాయనిగా మారింది. ఎ.కొండూరు నుంచి విజయవాడ వరకు సుమారు 40 గ్రామాల పరిధిలో 42 కిలోమీటర్ల మేర బుడమేరు పరీవాహక ప్రాంతం ఉంది. విజయవాడలో ఈ వాగు వెడల్పు ప్రాంతాన్ని బట్టి 50 నుంచి 120 అడుగుల వరకు ఉండేది. ఆక్రమణల కారణంగా అనేక ప్రాంతాల్లో చిక్కిపోయింది. ఒక్క విజయవాడ పరిధిలోనే 380 ఎకరాల మేర ఆక్రమణకు గురైనట్లు అంచనా. 2024 ఆగస్టు 31న కురిసిన భారీ వర్షాలకు బుడమేరు డైవర్షన్‌ చానల్‌కు పలు ప్రాంతాల్లో గండ్లు పడటంతో విజయవాడ నగరం గతంలో ఎన్నడూ లేనంత స్థాయిలో వరద ముంపును చవిచూసింది. 2,400 క్యూసెక్కుల సామర్థ్యం ఉన్న చోట ఏకంగా 33 వేల క్యూసెక్కుల వరద రావడం, ప్రభుత్వం సకాలంలో గుర్తించి చర్యలు తీసుకోకపోవడం, డైవర్షన్‌ కెనాల్‌కు గండ్లు పడడం, చివరి క్షణాల్లో వెలగలేరు రెగ్యులేటర్‌ వద్ద గేట్లు ఎత్తివేయడంతో విజయవాడలోని 32 డివిజన్లలో సుమారు 2.62 లక్షల మంది ప్రజలు వరద ముంపులో చిక్కి విలవిల్లాడారు. డీపీఆర్‌ తయారీకే పరిమితం బుడమేరులో ఆక్రమణల తొలగింపు, నిర్వాసితులకు పరిహారం, పునరావాసం కోసం స్థలం కేటాయించడం, లేనిపక్షంలో ఇళ్లు నిర్మించి ఇవ్వడం, కాలువ గట్లను పటిష్టం చేయడం, అవసరమైన రక్షణ చర్యలు చేపట్టడం వంటి పనులు చేపట్టేందుకు రూ.5,222 కోట్లతో ప్రభుత్వం డీపీఆర్‌ రూపొందించింది. అయితే చంద్రబాబు ప్రభుత్వం ఆ నిధులు విడుదల చేయకపోవడంతో రెండేళ్ల తర్వాత కూడా ఒక్క అడుగూ ముందుకు పడలేదు. బలహీనమైన గట్లు, 2,400 క్యూసెక్కుల సామర్థ్యంతో 70 ఏళ్ల క్రితం నిర్మించిన వెలగలేరు రెగ్యులేటర్‌, గండిపడిన ప్రాంతాల్లో ఇప్పటికీ పూర్తికాని పనులే కనబడుతున్నాయి. ఈ నేపథ్యంలో మరో సారి బుడమేరుకు వరద వస్తే నష్టం మరింత భారీగా ఉంటుందన్న ఆందోళన వ్యక్తమవుతోంది. భవిష్యత్‌లో బుడమేరు ఆక్రమణలకు గురికాకుండా చూడటం, విజయవాడ నగరంతోపాటు ఎ.కొండూరు నుంచి కొల్లేరు వరకు పరీవాహక ప్రాంత గ్రామాలు, రైతులు, ప్రజలను కూడా కాపాడాల్సిన బాధ్యత ప్రభుత్వంపై ఉంది. 2024లో బుడమేరుకు భారీ వరద వచ్చిన తర్వాత రాష్ట్ర ప్రభుత్వం రూ.5,222 కోట్లతో ఆపరేషన్‌ బుడమేరు అంటూ ప్రకటించింది. ఆ తర్వాత చిన్న చిన్న పనులు చేపట్టి వదిలేసింది. వెలగలేరు హెడ్‌ రెగ్యులేటర్‌ నుంచి కొల్లేరులో కలిసే వరకు బుడమేరులో ఆక్రమణలను తొల గించాలి. డైవర్షన్‌ కెనాల్‌ సామర్థ్యం పెంచాలి. ప్రభుత్వం చిత్తశుద్ధితో వ్యవహరించకపోతే మరో సారి బుడమేరు ఉపద్రవం తప్పదు. – పటాపంచల జమలయ్య, ఏపీ కౌలు రైతుల సంఘం ప్రధాన కార్యదర్శి బుడమేరుకు 2024 ఆగస్టులో వచ్చిన వరదల సమయంలో తీవ్ర నష్టం వాటిల్లింది. ఆ వెంటనే బుడమేరు ప్రక్షాళన చేస్తామంటూ ప్రభుత్వం ప్రగల్భాలు పలికింది. ఆ తరువాత పనులు చేపట్టకుండా వదిలేసింది. వెలగలేరు హెడ్‌ రెగ్యులేటర్‌ నుంచి దిగువన విజయవాడ రూరల్‌ ప్రాంతంలో బుడమేరు కనుమరుగైంది. ఆక్రమణలు తొలగించి వాగును పునరుద్ధరించకపోతే భవిష్యత్‌లో మరింత ప్రమాదం జరిగే అవకాశం ఉంది. – బొర్రా నరేంద్రబాబు, రైతు, కవులూరు గ్రామం, జి.కొండూరు మండలం బుడమేరుకు వరద రాకముందు వరకు ఎకరం భూమి ధర రోడ్డు పక్కన అయితే రూ.1.5 కోట్లు, లోపల అయితే రూ.50 లక్షల నుంచి రూ.70 లక్షల వరకు పలికేది. ప్రస్తుతం కొనేవారే లేరు. బుడమేరు వరద వల్ల నేను ఆరు ఎకరాల్లో వరి పంట నష్టపోయాను. బుడమేరు ప్రక్షాళనపై ప్రభుత్వం కచ్చితమైన నిర్ణయం తీసుకుంటేనే రైతులు ధైర్యంగా సాగు చేయగలుగుతారు. – దొడ్డా విష్ణువర్ధన్‌రావు, రైతు, ఆత్కూరు, అచ్చంపేట: పులిచింతల ప్రాజెక్టులో ప్రస్తుత నిల్వ 27.7565 టీఎంసీలు. ప్రాజెక్టు దిగువకు 400 క్యూసెక్కులు లీకేజిల ద్వారా వెళుతోంది. బుడమేరు డైవర్షన్‌ చానల్‌ ప్రస్తుత సామర్థ్యం సుమారు 15 వేల క్యూసెక్కులు. దీనిని 37,555 క్యూసెక్కులకు పెంచాలనే ప్రతిపాదన వచ్చినా అమలుకు నోచలేదు. 1964లో నిర్మించిన వెలగ లేరు రెగ్యులేటర్‌ను ఆ తర్వాత ఆధునికీకరించలేదు. అవసరమైన చోట రిటైనింగ్‌ వాల్స్‌ నిర్మించడం, బుడమేరు ప్రవాహాన్ని విజయవాడకు దూరంగా మళ్లించేందుకు కొత్తగా కాలువ తవ్వకం, బలహీనమైన గట్లను పటిష్టం చేయడం వంటి ప్రతిపాదనలు కూడా వచ్చాయి. వరదలు వచ్చి ప్రాణ, ఆస్తి నష్టం జరిగిన తర్వాత కూడా వాటిలో చాలా వరకు కాగితాలకే పరిమితమయ్యాయి. సింగ్‌నగర్‌ వంతెన సమీపంలో ఆక్రమణలు ప్రమాదకర స్థాయికి చేరాయి. కాలువలో సగం వరకు ఇళ్ల నిర్మాణాలు జరిగాయి. సుమారు 3,051 అక్రమ నిర్మాణాలు ఉన్నాయని అంచనా. న్యూ రాజరాజేశ్వరిపేటలో బుడమేరును పూడ్చి చిన్న రేకుల ఇళ్ల నుంచి బహుళ అంతస్తుల భవనాల వరకు నిర్మించారు. నగరంలో బుడమేరును ఆక్రమించి ఇళ్లు నిర్మిస్తుంటే, గ్రామాల్లో ఆక్ర మించి సాగు భూమిగా మారుస్తున్నారు. వీటి వల్ల నీటి ప్రవాహానికి ఆటంకాలు ఏర్పడ్డాయి. విజయవాడ పరిధిలో ఏడు నుంచి పది వేల క్యూసెక్కుల ప్రవాహ సామర్థ్యం ఉంటేనే భారీ వర్షాల సమయంలో ముంపు ముప్పు ఉండదని నిపుణులు పేర్కొంటున్నారు.

ఏపీ సీపీడీసీఎల్‌ సీఎండీ పుల్లారెడ్డి మొగల్రాజపురం(విజయవాడ తూర్పు): నాణ్యమైన విద్యుత్‌ను నిరంతరాయం సరఫరా చేయడమే లక్ష్యంగా సంస్థలోని సిబ్బంది విధులు నిర్వర్తించాలని ఆంధ్రప్రదేశ్‌ సెంట్రల్‌ పవర్‌ డిస్ట్రిబ్యూషన్‌ కంపెనీ లిమిటెడ్‌ (ఏపీసీపీడీసీఎల్‌) సీఎండీ పి. పుల్లారెడ్డి చెప్పారు. స్థానిక గుణదలలోని ఏపీసీపీడీసీఎల్‌ కార్పొరేట్‌ కార్యాలయంలో ఎన్టీఆర్‌ జిల్లా సర్కిల్‌ పరిధిలోని అధికారులతో సమీక్ష సమావేశం గురువారం జరిగింది. పుల్లారెడ్డి మాట్లాడుతూ విద్యుత్‌ సరఫరాలో అంతరాయాలు ఏర్పడినప్పుడు అధికారులు, సిబ్బంది తక్షణమే స్పందించి నిర్ణీత సమయంలో సమస్యలను పరిష్కరించాలని ఆదేశించారు. విద్యుత్‌ సరఫరాలో అంతరాయాలను కనిష్ట స్థాయికి తీసుకురావాలని, విద్యుత్‌ డిమాండ్‌ పెరుగుతున్న నేపథ్యంలో పీక్‌ అవర్స్‌లో ఎటువంటి అంతరాయాలు తలెత్తకుండా ముంద స్తు ప్రణాళికతో పనిచేయాలని సూచించారు. వేగంగా డిజిటలైజేషన్‌.. వినియోగదారుల అవసరాలను దృష్టిలో ఉంచు కుని విద్యుత్‌ సేవలను పూర్తిస్థాయిలో డిజిటలైజేషన్‌ దిశగా అడుగులు వేస్తున్నామని, వినియోగదారుల సమస్యల పరిష్కారంలో 1912 నంబరు ద్వారా సేవలను సమర్థంగా అందిస్తున్నామని సీఎండీ చెప్పారు. నూతన విద్యుత్‌ కనెక్షన్‌ దరఖాస్తులను కూడా 1912 ద్వారా స్వీకరించే విధానాన్ని ప్రవేశపెట్టామన్నారు. ఏపీసీపీడీసీఎల్‌ ఫైనాన్స్‌ డైరెక్టర్‌ ఎస్‌.వెంకటేశ్వర్లు, టెక్నికల్‌ డైరెక్టర్‌ ఆవుల మురళీకృష్ణ యాదవ్‌, ప్రాజెక్ట్స్‌ డైరెక్టర్‌ టీవీఎస్‌ఎన్‌ మూర్తి, ఎన్టీఆర్‌ సర్కిల్‌ సూపరింటెండింగ్‌ ఇంజినీర్‌ యు.హనుమయ్య, ఎగ్జిక్యూటివ్‌ ఇంజినీర్లు విశ్వేశ్వర ప్రసాద్‌, రాజమోహన్‌, అసిస్టెంట్‌ ఎగ్జిక్యూటివ్‌ ఇంజినీర్లు పాల్గొన్నారు.

● రూ.7 వేల లంచం తీసుకుంటూ చిక్కిన వైనం ● గతంలోనూ ఆ ఉద్యోగిది అదేతీరు పటమట(విజయవాడతూర్పు): ప్రభుత్వ పథకాల అర్హుల జాబితాలో పేరు చేర్చేందుకు, తనకు సంబంధం లేని డిపార్ట్‌ మెంట్‌లోకి కూడా చొరబడి లబ్ధిదారుల నుంచి డబ్బులు దండుకోవటం ఆ సచివాలయ ఉద్యోగి ప్రత్యేకత. అయితే ఈ ఉద్యోగి బుధవారం లంచం తీసుకుంటూ రెడ్‌హ్యాండెడ్‌గా పట్టుబడ్డాడు. కాలేజీ ఫీజు రీయింబర్స్‌మెంట్‌ వ్యవహారంలో అర్హతా ప్రమాణాలను పరిశీలించి వారికి పథకం వర్తింప చేయటానికి ఓ సచివాలయ ఉద్యోగి లంచం డిమాండ్‌ చేయటంతో బాధితుడు అవినీతి నిరోధక శాఖకు ఫిర్యాదు చేశారు. ఈ ఫిర్యాదు మేరకు నిఘా పెట్టిన ఏసీబీ అధికారులు బుధవారం ట్రాప్‌ చేసి పట్టుకున్నారు. పటమట రామలింగేశ్వరనగర్‌కు చెందిన పాండ్రాజు దుర్గారావు ఫీజు రీయింర్స్‌మెంట్‌కు దరఖాస్తు చేసుకున్నాడు. తన దరఖాస్తును పరిశీలించాలని వార్డు సచివాలయ సెక్రటరీ సాంబశివరావును పదేపదే కోరినా పట్టించుకోలేదు. రూ.20 వేల లంచం ఇస్తేనే చేస్తానని కరాఖండీగా చెప్పటంతో దుర్గారావు అతనితో బేరం మాట్లాడుకుని రూ.7 వేలు ఇచ్చేలా ఒప్పందం చేసుకున్నాడు. అనంతరం దుర్గారావు ఏసీబీ అధికారులను ఆశ్రయించాడు. ఈ మేరకు బుధవారం ఏసీబీ ఏసీబీ డీఎస్పీ బి.వి.సుబ్బారావు, అదనపు ఎస్పీ కె.శ్రవంతిరాయ్‌ ఆధ్వర్యంలో సచివాలయంలో నిఘా పెట్టి బాధితుడు లంచం ఇస్తుండగా రెడ్‌హ్యాండెడ్‌గా సాంబశివరావును పట్టుకున్నారు. ఫైళ్లను స్వాధీనం చేసుకుని నిందితుడిని అదుపులోకి తీసుకున్నారు. మొదటి నుంచీ అదేతీరు.. సచివాలయ వార్డు సంక్షేమ సెక్రటరీ సాంబశివరావుకు తొలుత రాజరాజేశ్వరిపేట వార్డు సచివాలయంలో పోస్టింగ్‌ వచ్చింది. అక్కడ టిడ్కో ఇళ్ల వ్యవ హారంలో లబ్ధిదారులు కానివారికి ఇళ్లను ఇప్పిస్తా మని లంచం తీసుకున్నాడని ఆరోపణలు ఉన్నాయి. ఈ వ్యవహారం నగరపాలక సంస్థ ఉన్నతాధికారులకు తెలియటంతో అక్కడి నుంచి సర్కిల్‌–3 పరిధిలోని 17వ డివిజన్‌కు బదిలీ చేశారు. అక్కడ కృష్ణా రివర్‌ రిటైనింగ్‌వాల్‌ నిర్మాణ సమయంలో నిర్వాసితులకు జేఎన్‌ఎన్‌యూఆర్‌ఎం ఇళ్లు కేటాయించే క్రమంలో స్థానికులను లబ్ధిదారులుగా చేర్చాలంటే భారీ మొత్తంలో డిమాండ్‌ చేసి వసూలు చేసినట్లు సమాచారం. ఈ వ్యవహారం ఉన్నతాధికారులకు తెలియటంతో అతడిని అక్కడి నుంచి రామలింగేశ్వరనగర్‌ సచివాలయానికి బదిలీ చేశారు. ఇటీవలే ఓ తండ్రీ కొడుకుల నుంచి ఫీజు రీయింబర్స్‌మెంట్‌ ధ్రువీకరణకు రూ.10 వేలు తీసుకున్నట్లు స్థానికులు తెలిపారు.

ఇంద్రకీలాద్రి(విజయవాడపశ్చిమ): ఇంద్రకీలాద్రిపై కొలువై ఉన్న దుర్గమ్మ సన్నిధిలో జరుగుతున్న నిత్యాన్నదానానికి బుధవారం పలువురు భక్తులు విరా ళాలు సమర్పించారు. తాడిగడప రామానగర్‌కు చెందిన చిగురుపాటి శ్రీనివాసరావు, సాయిమిత్ర దంపతులు అమ్మవారి అన్నదానానికి రూ.1,01,111 విరాళాన్ని ఆలయ అధికారులకు అందజేశారు. హైదరాబాద్‌ ప్రగతినగర్‌కు చెందిన శరధి వల్లభజోష్యుల రూ.లక్ష విరాళం సమర్పించారు. గుంటూరు జిల్లా తాడేపల్లికి చెదిన పి.నాగఆదిత్య రూ.లక్ష విరాళం అందజేశారు. అనంతరం దాతలకు ఆలయ మర్యాదలతో అమ్మవారి దర్శనం కల్పించారు. వేద పండితుల ఆశీర్వచనం అనంతరం దాతలకు ఆలయ చైర్మన్‌ బొర్రా రాధాకృష్ణ, ఆలయ పర్యవేక్షకులు నాగేశ్వరరావు, మధు అమ్మవారి చిత్రపటం, ప్రసాదాలు, శేషవస్త్రాలను అందించారు.

క్షణికావేశం.. ఆత్మహత్యల నివారణకు అవగాహనే మార్గంలబ్బీపేట(విజయవాడతూర్పు): ఆత్మహత్య గురించి ఆలోచించే ప్రతి వ్యక్తి నిజంగా జీవితాన్ని ముగించాలనుకోడు. చాలాసార్లు వారు తమ బాధను, నిస్సహాయతను, ఒంటరితనాన్ని ముగించాలని కోరుకుంటారు. ఆ సమయంలో ఎదుటి వారు వారికి తీర్పు చెప్పడం కాదు.. అర్థం చేసుకోవడం అవసరం. ఒక మాట ఒక ప్రాణాన్ని కాపాడగలదు. ‘ఏం జరిగింది?’ కంటే ‘నీకు ఎలా అనిపిస్తోంది?’ అని అడగాలి. ఆత్మహత్య అనేది కేవలం ఒక వ్యక్తి సమస్య కాదు. అది కుటుంబాన్ని, స్నేహితులను, సమాజాన్ని ప్రభావితం చేసే తీవ్రమైన సామాజిక మానసిక ఆరోగ్య సమస్య. ఆత్మహత్యలను నివారించాల్సిన బాధ్యత సమాజంలోని ప్రతి ఒక్కరిపై ఉంది. ప్రపంచ ఆరోగ్య సంస్థ ఏటా సెప్టెంబరు 10వ తేదీని ఆత్మహత్యల నివారణ దినోత్సవంగా నిర్వహిస్తోంది. అందులో భాగంగా ప్రజల్లో ఆత్మహత్యను ఎదుర్కోవడంపై అన్ని వర్గాల్లో అవగాహన పెంచుతున్నారు. పెరుగుతున్న ఆత్మహత్యలు.. ఇటీవల కాలంలో విద్యార్థులు, వ్యాపారులు, గృహిణిలు ఇలా అన్ని వర్గాల వారు తీవ్రమైన ఒత్తిడి, నిరాదారణకు గురై ఆత్మహత్యలకు పాల్పడుతున్న వారిని చూస్తున్నాం. ఏటా ఉమ్మడి జిల్లాలో 200మందికి పైగా వివిధ కారణాలతో ఆత్మహత్యలకు పాల్పడుతున్నట్లు పోలీసులు చెబుతున్నారు. ముందుగా గుర్తించవచ్చు.. ఆత్మహత్య ఆలోచన చేసే వారిని ముందుగా గుర్తించవచ్చని మానసిక నిపుణులు చెబుతున్నారు. మన చుట్టూ ఉన్న వ్యక్తుల్లో కొందరు అకస్మాత్తుగా మౌనంగా మారడం, అందరినీ దూరం పెట్టడం.. నాకు ఇక ఏమీ అవసరం లేదు.. నా వల్ల ఎవరికీ ఉపయోగం లేదు.. నేను లేకపోతే అందరికీ మంచిది.. వంటి మాటలు మాట్లాడటం, భవిష్యత్తుపై ఆశ కోల్పోవడం వంటి సంకేతాలను చూపుతుంటారు. ఇలాంటి సందర్భాల్లో అలా ఆలోచించకు.. నీకు అన్నీ ఉన్నాయి కదా.. ఇది చిన్న సమస్య అని చెప్పడం వారి బాధను కాస్త తగ్గించవచ్చు. ఒక వ్యక్తి తీవ్ర నిరాశలో ఉన్నట్లు అనిపిస్తే, వారిని ఒంటరిగా వదిలేయకుండా వెంటనే కుటుంబ సభ్యులు, మానసిక ఆరోగ్య నిపుణులు, అత్యవసర సేవలను సంప్రదించాలి. ప్రభుత్వ సిద్ధార్థ వైద్య కళాశాలలోని టెలీమానస్‌ కేంద్రంలో టోల్‌ఫ్రీ నంబర్‌ 14416 ద్వారా కౌన్సెలింగ్‌, సంక్షోభ సమయంలో సహాయం, ప్రమాదాన్ని గుర్తించడం, అవసరమైన వారికి తదుపరి వైద్య సేవలకు రిఫర్‌ చేయడం వంటి సేవలు అందిస్తున్నారు. రాష్ట్రంలో టెలీ–మానస్‌ సేవలకు స్పందన క్రమంగా పెరుగుతోంది. ఈ కేంద్రం 2022లో ఏర్పాటు కాగా, ఆ ఏడాది 523 కాల్స్‌ రాగా 2023లో 18వేలు, 2024లో 20వేలు, 2025లో 17వేలు, 2026లో ఇప్పటివరకు 31వేల కాల్స్‌ వచ్చాయి. ఇప్పటివరకు రాష్ట్రంలో అందిన 86,529 టెలీ–మానస్‌ కాల్స్‌లో 2.16 శాతం ఆత్మహత్య ఆందోళనలకు సంబంధించినవే ఉన్నాయి. యువతలో విద్యా ఒత్తిడి, ఉద్యోగ సమస్యలు, ప్రేమ సంబంధాల్లో సమస్యలు, కుటుంబ విభేదాలు, సోషల్‌ మీడియా ఒత్తిడి, ఆర్థిక ఇబ్బందులు, ఒంటరితనం వైఫల్య భయం వంటి అంశాలు తీవ్రమైన మానసిక ఒత్తిడికి కారణమవుతున్నాయి. పరీక్షలో విఫలం అయితే జీవితం విఫలం కాదని తెలుసుకోవాలి. ఒక ఉద్యోగం రాకపోవడం భవిష్యత్తు ముగిసినట్లు కాదన్నది గ్రహించాలి. ఆయా సమయాల్లో ఇతరులను సహాయం కోరడం బలహీనతగా భావించవద్దు. – గర్రే శంకరరావు, సైకాలజిస్ట్‌ శరీరానికి అనారోగ్యం వచ్చినప్పుడు డాక్టర్‌ను సంప్రదించినట్లే, మనసులో బాధ, నిరాశ, ఆందోళన ఆత్మహత్య ఆలోచనలు వచ్చినప్పుడు మానసిక వైద్యులను సంప్రదించడం ఆరోగ్యకరమైన నిర్ణయం. సమయానికి ఇచ్చే కౌన్సెలింగ్‌, మానసిక చికిత్స తీసుకోవడం ద్వారా అనేక మానసిక సమస్యను సమర్థంగా నిర్వహించవచ్చు. ఆత్మహత్య నివారణ ప్రతి కుటుంబం, ప్రతి విద్యాసంస్థ, కార్యాలయం, ప్రతి స్నేహితుడు భాగస్వామి కావాలి. – డాక్టర్‌ పర్వతనేని కృష్ణమోహన్‌, మానసిక వైద్య నిపుణులు

మధురానగర్‌(విజయవాడసెంట్రల్‌): భారతీయ హ్యూమన్‌ రైట్స్‌ కమిషన్‌ ఎన్టీఆర్‌ జిల్లా నూతన కార్యవర్గం ఏకగ్రీవమైంది. బీహెచ్‌ఆర్‌ఎస్‌ సెంట్రల్‌ కమిటీ హాల్‌లో బుధవారం భారతీయ హ్యూమన్‌ రైట్స్‌ కమిషన్‌ సర్వసభ్య సమావేశం జరిగింది. ఏపీ రాష్ట్ర బోర్డు సభ్యుడిగా విజయవాడ బాప్టిస్ట్‌నగర్‌కు చెందిన సిరివెళ్ల సంతోష్‌కుమార్‌ను, ఎన్టీఆర్‌ జిల్లా అధ్యక్షుడిగా ప్రత్తిపాటి సంపత్‌కుమార్‌, ఉపాధ్యక్షుడిగా మల్లుల మోహన్‌కుమార్‌, ప్రధాన కార్యద ర్శిగా వెలితోటి డానియేలు, కో ఆర్డినేటర్‌గా పొలిమెట్ల జోసఫ్‌ను ఏకగ్రీవంగా ఎన్నుకున్నారు. ఈ సందర్భంగా బీహెచ్‌ఆర్‌ఎస్‌ నాయకులు మాట్లా డుతూ.. మానవ హక్కుల పరిరక్షణకు కమిషన్‌ కృషి చేస్తోందన్నారు. ఎక్కడ మానవ హక్కుల ఉల్లంఘన జరిగినా స్వయంగా పరిశీలించి బాధితులకు న్యాయం జరిగేలా కృషిచేస్తామన్నారు. ఈ కార్యక్రమంలో జాతీయ చైర్మన్‌ జబహర్‌లాల్‌ ఓజా, జాతీయ అధ్యక్షుడు పుల్లెల నాగేశ్వరరావు, రాష్ట్ర అధ్యక్షుడు ఇమ్మానియేల్‌, ప్రధాన కార్యదర్శి జాన్‌ పాల్గొన్నారు.

లబ్బీపేట(విజయవాడతూర్పు): న్యాయంగా తమకు రావాల్సిన ఉద్యోగోన్నతులు జిల్లా వైద్యాధికారుల నిర్లక్ష్యం వల్ల నిలిచిపోయాయని ఏఎన్‌ఎంలు ఆందోళన వ్యక్తం చేస్తున్నారు. ఉమ్మడి కృష్ణా జిల్లాకు చెందిన సుమారు 50 మంది సచివాలయ గ్రేడ్‌–3లకు తీవ్ర అన్యాయం జరిగిందని వారు అంటున్నారు. తమకు న్యాయం జరిగేలా చూడాలని వారు ఏపీ ప్రజారోగ్య వైద్య ఉద్యోగుల సంఘం రాష్ట్ర అధ్యక్షుడు జి.ఆస్కార్‌రావును కలిసి తమ గోడు వెళ్లబోసుకున్నారు. తొలుత జూలై 11న సర్వీసు రిజిస్టర్లతో పాటు, మచిలీపట్నం డీఎంహెచ్‌ఓ కార్యాలయానికి రావాలని అధికారులు ఆదేశాలు జారీ చేశారని, మరుసటి రోజు ఆదివారం కావడంతో సర్వీస్‌ రిజిస్టర్‌లు, సంబంధిత ధ్రువ పత్రాలు సేకరించి సమర్పించడానికి సమయం లేకుండా పోయిందన్నారు. అయినప్పటికీ సోమవారం జూలై 13న సుమారు 40మంది ఏఎన్‌ఎంలు ఎస్‌ఆర్‌లు సమర్పించినట్లు తెలిపారు. అయితే అప్పటికే ప్రభుత్వం ఉద్యోగోన్నతులపై ఫ్రీజింగ్‌ వచ్చిందని చెప్పినట్లు పేర్కొన్నారు. రాష్ట్రస్థాయి కేడర్‌కు మాత్రమే.. మరలా ప్రభుత్వం తాత్కాలికంగా పోయిననెల ఆగస్టు చివరి తేదీ వరకు ఫ్రీజింగ్‌ ఎత్తివేయగా, అందులో రాష్ట్ర స్థాయి కేడర్‌లకు మాత్రమే మినహాయింపును ఇవ్వడంతో తమ వంటి చిన్న కేడర్‌లకు అవకాశం లేకుండా పోయిందన్నారు. ఈ విషయాన్ని రాష్ట్ర ప్రభుత్వం దృష్టికి తీసుకెళ్లి తమ సమస్యకు పరిష్కారం చూపాలని వారు కోరారు. అసోసియేషన్‌ జిల్లా నాయకుడు కొండపల్లి శ్రీనివాసరావు, రాష్ట్ర కార్యనిర్వాహక అధ్యక్షుడు టీడీకే సాగర్‌, దుర్గాప్రసాద్‌, వీవీ సత్యనారాయణ బాబు ఉన్నారు.

● డీజీపీ హరీష్‌ కుమార్‌ గుప్తా ● కృష్ణలంక పోలీస్‌ స్టేషన్‌లో సైబర్‌ క్రైమ్‌ కోఆర్డినేషన్‌ సెంటర్‌(సీ4) ప్రారంభంకృష్ణలంక(విజయవాడతూర్పు): ఎన్టీఆర్‌ జిల్లా పోలీస్‌ కమిషనరేట్‌ పరిధిలో నూతనంగా ఏర్పాటు చేసిన సైబర్‌ క్రైమ్‌ కోఆర్డినేషన్‌ సెంటర్‌ (సీ4)ను రాష్ట్ర డైరెక్టర్‌ జనరల్‌ ఆఫ్‌ పోలీస్‌(డీజీపీ) హరీష్‌ కుమార్‌ గుప్తా ప్రారంభించారు. కృష్ణలంక పోలీస్‌ స్టేషన్‌ 3వ అంతస్తులో కార్పొరేట్‌ స్థాయిలో ఆధునిక వసతులతో రూపుదిద్దుకున్న ఈ కేంద్రాన్ని బుధవారం ఆయన పూజాకార్యక్రమాలు నిర్వహించి ప్రారంభించారు. త్వరలో సైబర్‌ గార్డ్‌ పాలసీ.. ఈ సందర్భంగా డీజీపీ హరీష్‌కుమార్‌ గుప్తా మాట్లాడుతూ రాష్ట్రంలో డ్రగ్స్‌ మాదిరిగానే సైబర్‌ కేసులు తీవ్రంగా ఉన్నాయన్నారు. సీఎం చంద్ర బాబు దిశానిర్దేశంతో ఇప్పటికే డ్రగ్స్‌ను నియంత్రణలోకి తీసుకొచ్చామన్నారు. అదేవిధంగా సైబర్‌ కేసులు నియంత్రించడానికి త్వరలోనే రాష్ట్రంలో సైబర్‌ గార్డ్‌ పాలసీని తీసుకురావడంతో పాటు రాష్ట్రస్థాయిలో సైబర్‌ వార్‌ రూమ్‌ ఏర్పాటు చేయనున్నట్లు వెల్లడించారు. ప్రతి జిల్లాకు 20 మంది సైబర్‌ కానిస్టేబుళ్లతో కూడిన ప్రత్యేక టీమ్‌లను ఏర్పాటు చేస్తున్నామని తెలిపారు. వేగంగా న్యాయం.. పోలీస్‌ కమిషనర్‌ ఎస్‌వీ రాజశేఖరబాబు మాట్లాడుతూ సీ4 ద్వారా ఫిర్యాదు నుంచి నిందితుల ఆనవాళ్ల వరకు ప్రతి సమాచారాన్ని ఆధునిక పరిజ్ఞానంతో విశ్లేషించి బాధితులకు వేగంగా న్యాయం అందిస్తామని తెలిపారు. ప్రతి పోలీస్‌ స్టేషన్‌లో ఒక ప్రత్యేక సైబర్‌ ఎస్‌ఐని నియమించి వారికి ఆధునిక సాంకేతిక దర్యాప్తు పద్ధతుల్లో ప్రత్యేక శిక్షణ ఇస్తున్నామన్నారు. ఏపీ పోలీస్‌ హౌసింగ్‌ కార్పొరేషన్‌ మేనేజింగ్‌ డైరెక్టర్‌ ఎం.రవిప్రకాష్‌, సైబర్‌ క్రైమ్‌ డీసీపీ కె.కృష్ణ ప్రసన్న డీసీపీలు, ఏడీసీపీలు, ఏసీపీలు, పోలీస్‌ సిబ్బంది తదితరులు పాల్గొన్నారు.

ఎన్టీఆర్‌ జిల్లాగురువారం శ్రీ 10 శ్రీ సెప్టెంబర్‌ శ్రీ 2026● మూడేళ్లుగా జిల్లాలో గురుపూజోత్సవం నిర్వహించని విద్యాశాఖ ● పురస్కారాలు అందుకోవటానికి ఎదురు చూస్తున్న గురువులు ● నిధులు లేక గురుపూజోత్సవాన్ని నిర్వహించటం లేదని ప్రచారం ● ఇది తమను అవమానించడమేనని ఉపాధ్యాయ సంఘాల ఆగ్రహం ● బతికి సాధించాలంటున్న మానసిక నిపుణులు ● సమస్యకు పరిష్కారం ఆత్మహత్య కాదని సూచన ● ఒక్క క్షణం ఆగి ఆలోచిస్తే చాలంటూ వివరణ ● నేడు ప్రపంచ ఆత్మహత్యల నివారణ దినోత్సవం కృష్ణలంక(విజయవాడతూర్పు): ఓ హెడ్‌ కానిస్టేబుల్‌ కనిపించకుండా పోయిన ఘటనపై కృష్ణలంక పోలీస్‌ స్టేషన్‌లో కేసు నమోదైంది. పోలీసులు తెలిపిన వివరాల మేరకు 14వ బెటాలియన్‌ ఏపీఎస్పీ అనంతపురం ఎ కంపెనీలో ఆఫీస్‌ అసిస్టెంట్‌గా హెడ్‌ కానిస్టేబుల్‌ ఆర్‌.మధుబాబు పనిచేస్తున్నాడు. ఈ క్రమంలో అతను ఈ నెల 6వ తేదీ రాత్రి 9 గంటల సమయంలో మరో సిబ్బంది సుధాకర్‌ గౌడ్‌తో కలిసి భోజనం చేయడానికి నగరంలోని ఓల్డ్‌ క్వార్టర్స్‌, మెస్‌ డార్మెటరీకి బైక్‌పై వెళ్లాడు. భోజనం అనంతరం ఫోన్‌ మాట్లాడుతూ బయటకు వెళ్లిన మధుబాబు తిరిగిరాలేదు. 7వ తేదీ ఉదయం 9 గంటలకు విధులకు వెళ్లాల్సి ఉన్నా హాజరు కాలేదు. సెల్‌ఫోన్‌కు కాల్‌ చేయగా స్విచ్‌ ఆఫ్‌ అని వచ్చింది. అతని సొంత ఊరిలో ఉన్న కుటుంబ సభ్యులకు సమాచారం అందించగా ఆయన భార్య వసుంధర కూడా మధుబాబు ఇంటికి రాలేదని స్పష్టం చేశారు. మధుబాబు కనిపించడం లేదని ఆర్‌ఎస్‌ఐ కె.వెంకటేశ్వర్లు బుధవారం పోలీసులకు ఫిర్యాదు చేశారు. వన్‌టౌన్‌(విజయవాడపశ్చిమ): ఏటా ఉపాధ్యాయ దినోత్సవం రోజున జిల్లా స్థాయిలో ఉత్తమ ఉపాధ్యాయ పురస్కారాల ప్రదానోత్సవంలో ఎంపికై న గురువులు సత్కారాన్ని పొందటం పరిపాటి. కానీ ఎన్టీఆర్‌ జిల్లా మాత్రం అందుకు విరుద్ధం. జిల్లాలో ఉపాధ్యాయులకు జిల్లా ఉత్తమ ఉపాధ్యాయ పురస్కారాలను కూటమి ప్రభుత్వం అందించటం లేదు. ఈ ప్రభుత్వం వచ్చి రెండున్నరేళ్లలో మూడు సార్లు ఉపాధ్యాయ దినోత్సవాలు వచ్చాయి. కానీ ఒక్క ఏడాది కూడా జిల్లా విద్యాశాఖ ఈ జిల్లాలో వేడుకలు నిర్వహించలేదు. అలాగే జిల్లా స్థాయిలో పురస్కారాలను ప్రదానం చేయలేదు. ఇది ముమ్మాటికీ గురువులను అవమానించటమేనంటూ వారు తీవ్ర స్థాయిలో ఆగ్రహం వ్యక్తం చేస్తున్నారు. మూడేళ్లుగా ఎదురుచూపులు.. రాష్ట్రంలో 2024 మే మాసంలో ఎన్నికలు జరిగాయి. జూన్‌ 12న కూటమి ప్రభుత్వం అధికారం చేపట్టింది. ఆ తరువాత 2024, 2025, తాజాగా 2026 సెప్టెంబర్‌ ఐదో తేదీ మొత్తం మూడు సార్లు నిర్వహించాల్సిన ఉపాధ్యాయ దినోత్సవ వేడుకలు జరగలేదు. ఈ ఏడాది ఉపాధ్యాయ దినోత్సవాన్ని నిర్వహిస్తున్నట్లు జిల్లా విద్యాశాఖ అధికారులు ప్రకటన విడుదల చేసి ఉపాధ్యాయుల నుంచి దరఖాస్తులను ఆహ్వానించారు. కనీసం పదేళ్ల అనుభవం కలిగిన సర్కార్‌ బడుల్లో పని చేసే ఉపాధ్యాయులు, ఎటువంటి క్రిమినల్‌ కేసులు లేనటువంటి వారు దరఖాస్తు చేసుకోవాలని ఆ ప్రకటనలో కోరారు. కానీ ఉపాధ్యాయ దినోత్సవ తేదీ దాటి ఐదు రోజులైనా ఇప్పటి వరకూ దాని ఊసు ఎత్తకపోవటంపై ఈ ఏడాది సైతం ఉపాధ్యాయ దినోత్సవం జరగదనే నిర్ణయానికి ఉపాధ్యాయులు వచ్చినట్లు సమాచారం. నిధులు లేవంటూ వంకలు.. కూటమి ప్రభుత్వం అధికారంలోకి వచ్చిన తరువాత ఇప్పటి వరకూ జిల్లాలోని పాఠశాలల అభ్యున్నతికి ఒక్క రూపాయి విడుదల చేయలేదని ఉపాధ్యాయలు చెబుతున్నారు. దానివల్ల విద్యాసంస్థల్లో మౌలిక సదుపాయాలు లేక విద్యార్థులు నానా తంటాలు పడుతున్నారు. ఎన్ని మార్లు ప్రతిపాదనలు పంపినా కూటమి ప్రభుత్వం స్పందించటం లేదు. ఆఖరికి ఉపాధ్యాయ దినోత్సవాన్ని నిర్వహించటానికి సైతం నిధులు లేక కార్యక్రమాన్ని నిర్వహించటం లేదనే ప్రచారం జరుగుతోంది. దీనిపై ఉపాధ్యాయులు మండిపడుతున్నారు. ప్రభుత్వం ఆధ్వర్యంలో గురువులను గౌరవించే కార్యక్రమాన్ని సైతం నిధుల కొరతతో నిలుపుదల చేయటం తమను అవమానించటమేనంటూ ఆగ్రహం వ్యక్తం చేస్తున్నారు. దరఖాస్తుకు సైతం ముందుకు రావడం లేదు.. ఈ ఏడాది సెప్టెంబర్‌ ఐదో తేదీన జరిగే ఉపాధ్యాయ దినోత్సవం రోజున ఉత్తమ ఉపాధ్యాయ పురస్కారానికి దరఖాస్తు చేసుకోవాలని జిల్లా విద్యాశాఖ అధికారులు పత్రికా ముఖంగా ప్రకటన చేశారు. వివిధ కేటగిరీల్లో సుమారుగా 50 మందికి ఉత్తమ ఉపాధ్యాయ పురస్కారాలను అందిస్తారు. జిల్లా విద్యాశాఖ రెండు సార్లు ప్రకటన చేసినా ఇప్పటి వరకూ పట్టుమని 25 మంది సైతం దరఖాస్తు చేసుకోలేదని సమాచారం. గత సంవత్సరాలు అంతకు లోపే దరఖాస్తు చేసుకున్నారని తెలిసింది. జిల్లా విద్యాశాఖ అనుసరిస్తున్న విధానాల ఫలితంగా ఉపాధ్యాయులు సైతం ముందు కు రావటం లేదనే విమర్శలు వినిపిస్తున్నాయి. ● ఈ ఏడాది ఫిబ్రవరిలో విజయవాడలోని వైద్య కళాశాలలో పోస్టు గ్రాడ్యుయేషన్‌ విద్యార్థిని ఆపరేషన్‌ థియేటర్‌లోనే ఆత్మహత్యకు పాల్పడింది. ఎంతో భవిష్యత్తు ఉన్న యువతి ఆత్మహత్యతో ఆ కుటుంబానికి తీరని వేదన మిగిల్చింది. ఎన్టీఆర్‌ జిల్లాలో వివిధ యజమాన్యాల పరిధిలో ప్రాథమిక, ప్రాథమికోన్నత, ఉన్నత పాఠశాలలు 1,451 కొనసాగుతున్నాయి. అందులో 942 ప్రభుత్వ యాజమాన్య పరిధి అయిన ప్రభుత్వం, జెడ్‌పీ, మునిసిపల్‌, ఎయిడెడ్‌ ప్రాథమిక, ప్రాథమికోన్నత, ఉన్నత పాఠశాలలు పని చేస్తున్నాయి. అందులో సుమారుగా 5,091 మంది వివిధ క్యాడర్లలో ఉపాధ్యాయులు పని చేస్తున్నారు. ఏటా మాజీ రాష్ట్రపతి డాక్టర్‌ సర్వేపల్లి రాధాకృష్ణన్‌ జయంతి రోజైన సెప్టెంబర్‌ ఐదో తేదీన జరిగే గురుపూజోత్సవం రోజున జిల్లాలోని ఎంపికై న ఉపాధ్యాయులకు ఉత్తమ ఉపాధ్యాయ పురస్కారాలను అందించాలి. కానీ ఈ సంప్రదాయాన్ని కూటమి ప్రభుత్వం వచ్చిన తరువాత జిల్లాలో పూర్తిగా పక్కన పెట్టింది. గంపలగూడెం: నెమలి శ్రీ వేణుగోపాలస్వామి ఆలయంలో గడచిన మూడు రోజులుగా నిర్వహిస్తున్న పవిత్రోత్సవాలు బుధవారం ముగిశాయి.కారణాలు ఏమైనా 2024 నుంచి జిల్లాలో గురుపూజోత్సవాన్ని నిర్వహించలేదు. ప్రతి ఉపాధ్యాయుడు ఎదురు చూసే ఉత్సవం ఇది. ఒక వేళ రాష్ట్ర స్థాయి వేడుకలు ఇక్కడ జరిగితే ముందో, వెనుక ఒక తేదీన నిర్వహిస్తే బాగుంటుంది. ఆ దిశగా జిల్లా విద్యాశాఖ చర్యలు తీసుకోవాలి. ఈ ఏడాది నిర్వహిస్తామని చెప్పి సమావేశాన్ని సైతం నిర్వహించారు. కానీ ఎందుకనో ఇప్పటి వరకూ చర్యలు చేపట్టిన దాఖలాలు కనపడటటం లేదు. – ఎ. సుందరయ్య, జిల్లా ప్రధాన కార్యదర్శి, యూటీఎఫ్‌

గన్నవరం: మండలంలోని అల్లాపురం గ్రామానికి చెందిన బాలిక జ్వరం, మెదడువాపు వ్యాధి లక్షణాలతో మృతి చెందడం కలకలం సృష్టించింది. గ్రామానికి చెందిన ఆటో డ్రైవర్‌ కాటూరి రామారావు కుమారై సుస్మిత (14) దావాజిగూడెం జెడ్పీ హైస్కూల్‌లో తొమ్మిదో తరగతి చదువుతోంది. వారం రోజులుగా జ్వరంతో తీవ్ర అస్వస్తతకు గురైన సుస్మితను మూడు రోజుల క్రితం విజయవాడ ప్రభుత్వాస్పత్రికి తరలించారు. అక్కడ చికిత్స పొందుతూ పరి స్థితి విషమించి బాలిక మంగళవారం రాత్రి మృతి చెందింది. సుస్మిత తీవ్ర జ్వరంతో పాటు మెదడు వాపు లక్షణాలతో మృతి చెందినట్లుగా కుటుంబ సభ్యులు తెలిపారు. బాలిక భౌతికకాయాన్ని కుటుంబ సభ్యులు బుధవారం గ్రామానికి తీసుకొచ్చిన అంత్యక్రియలు నిర్వహించారు. పెద్ద కుమార్తె సుస్మిత అకాల మృతితో తల్లిదండ్రులు, తోటి విద్యార్థులు భోరున విలపించారు.

గాంధీనగర్‌(విజయవాడసెంట్రల్‌): ఓ వైపు డీజీపీ క్యాంపు, సీపీ కార్యాలయాలు, మరో వైపు సూర్యారావుపేట పోలీసు స్టేషన్‌, టాస్క్‌ఫోర్స్‌ పోలీసులు, ఇంకో వైపు కోర్టుల సముదాయం, ఆ సమీపంలో ఉన్న లోక్‌భవన్‌ వద్ద భద్రతా వైఫల్యం బట్టబయ లైంది. పోలీసులు కళ్లు గప్పి వందలాది మంది బీఎస్పీ కార్యకర్తలు బుధవారం లోక్‌భవన్‌ను ముట్ట డించారు. జెండాలు, ప్లకార్డులు పట్టుకుని ఏకంగా లోక్‌భవన్‌ ప్రధాన గేటు వద్దకు దూసుకెళ్లారు. గేటు వద్ద బైఠాయించి ధర్నా చేశారు. దళితులపై దాడులు, హత్యల విషయంలో గవర్నర్‌ స్పందించాలంటూ నినాదాలు చేశారు. రాష్ట్రంలో దళితులపై జరుగుతున్న దాడులు, లైంగికదాడులు, హత్యలు, మహిళను వివస్త్రను చేసి చెట్టుకు కట్టేసి కొట్టిన ఘటనలపై గవర్నర్‌ స్పందించాలంటూ బీఎస్సీ ఆధ్వర్యంలో దళితులు ఆందోళనకు దిగారు. తొలుత దళితులు పెద్ద సంఖ్యలో డాక్టర్‌ బీఆర్‌ అంబేడ్కర్‌ స్మృతివనం వద్దకు చేరుకున్నారు. రాష్ట్ర నలుమూలల నుంచి అక్కడికి చేరుకున్న దళితులు అంబేడ్కర్‌ కళావేదిక పక్క నుంచి ఒక్కసారిగా లోక్‌భవన్‌ను ముట్టడించారు. 300 మందికి పైగా ఆందోళనకారులు రాష్ట్రంలోని దళితులకు న్యాయం చేయాలంటూ నినాదాలు చేస్తూ లోక్‌భవన్‌ లోపలికి వెళ్లేందుకు ప్రయత్నించారు. ప్రధాన గేటు వద్ద బైఠాయించారు. దీంతో అప్రమత్తమైన పోలీసులు ఆందోళనకారులను అక్కడ నుంచి పంపే ప్రయత్నం చేశారు. గవర్నర్‌ స్పందించే వరకు అక్కడ నుంచి వెనక్కు వెళ్లేది లేదంటూ ఆందో ళన కారులు పట్టుబట్టారు. లోక్‌భవన్‌ అధికారులు గవర్నర్‌కు సమాచారం ఇవ్వడంతో.. బీఎస్సీ రాష్ట్ర అధ్యక్షుడు బందెల గౌతమ్‌కుమార్‌తో పాటు మరికొందరికి అపాయింట్‌మెంట్‌ ఇచ్చారు. శాసన సభ డెప్యూటీ స్పీకర్‌ రఘురామకృష్ణంరాజు దళితులపై చేసిన వ్యాఖ్యలు, కూటమి ప్రభుత్వం అధికారం చేపట్టిన తర్వాత జరిగిన దళితుల హత్యలపై గవర్నర్‌కు వినతి పత్రం అందజేశారు. గవర్నర్‌ను కలిసిన అనంతరం లోక్‌భవన్‌ వద్ద గౌతమ్‌కుమార్‌ మాట్లా డుతూ.. రాష్ట్రంలో దళితులపై జరిగిన దాడులు, హత్యలపై సమగ్ర నివేదిక తెప్పించుకుంటానని గవర్నర్‌ హామీ ఇచ్చారని తెలిపారు. గవర్నర్‌ను కలిసిన వారిలో బీఎస్పీ స్టేట్‌ కో ఆర్డినేటర్‌ సంపత్‌రావు, ప్రధాన కార్యదర్శి చిత్రసేన్‌, నాగరాజు, తెనాలి ప్రకాష్‌ తదితరులు ఉన్నారు.

కలెక్టర్‌ డాక్టర్‌ లక్ష్మీశ గాంధీనగర్‌(విజయవాడసెంట్రల్‌): జలహారతి పనులను పర్యవేక్షించాలని, పీజీఆర్‌ఎస్‌ తోపాటు ముఖ్యమంత్రి కార్యాలయం ఇతర మార్గాల ద్వారా వచ్చే అర్జీలను సంబంధిత అధికారులు వెంటనే పరిశీలించి, అవసరమైన విచారణ చేపట్టి తప్పనిసరిగా నివేదిక సమర్పించాలని కలెక్టర్‌ డాక్టర్‌ జి.లక్ష్మీశ ఆదేశించారు. కలెక్టరేట్‌లోని శ్రీ పింగళి వెంకయ్య సమావేశ మందిరం నుంచి కలెక్టర్‌ లక్ష్మీశ, జాయింట్‌ కలెక్టర్‌ ఎస్‌.ఇలక్కియ, జిల్లా స్థాయి అధికారులతో నేరుగా, డివిజన్‌, మండల స్థాయి అధికారులతో వర్చువల్‌గా బుధవారం సమావేశం నిర్వహించారు. ఈ సందర్భంగా లక్ష్మీశ మాట్లాడుతూ.. జలధార–జలహారతి 2.0 కింద పనులకు అవసరమైన అనుమతులను వేగంగా పొందడంతో పాటు పనులను పటిష్టంగా పర్యవేక్షించాలని సూచించారు. నెట్‌ జీరోలో భాగంగా ఎంపిక చేసిన పాఠశాలలు, ప్రభుత్వ సంస్థల్లో సోలార్‌ ప్యానెళ్లు, రెయిన్‌ వాటర్‌ హార్వెస్టింగ్‌, ప్లాంటేషన్‌ పనులను వేగవంతం చేసి, వేప, టేకు వంటి నాణ్యమైన మొక్కలు నాటేందుకు ప్రాధాన్యత ఇవ్వాలని పేర్కొన్నారు. ఆర్డీవోలు, సంబంధిత అధికారులు ఎరువుల దుకాణాలు, సహకార సంఘాల్లోని స్టాక్‌ను ప్రతి వారం తనిఖీ చేయాలని, ఎలాంటి అవకతవకలకు ఆస్కారం లేకుండా చూడాలని ఆదేశించారు. ఎరువుల దుకాణాల వద్ద ధరలు, ఫిర్యాదుల కోసం కలెక్టర్‌ కార్యాలయ కాల్‌ సెంటర్‌ వివరాలతో ఫ్లెక్సీ బోర్డులు ఏర్పాటు చేయాలని సూచించారు. ఈ సమావేశం అనంతరం కాలుష్య నియంత్రణ మండలి, ఇతర సమన్వయ శాఖల అధికారులతో కలిసి మట్టి వినాయక ప్రతిమలను పూజిద్దాం.. పర్యావరణాన్ని కాపాడుదాం అంటూ రూపొందించిన పోస్టర్లను కలెక్టర్‌ లక్ష్మీశ ఆవిష్కరించారు. ఈ సమావేశంలో డీఆర్వో ఎం.లక్ష్మీ నరసింహం తదితరులు పాల్గొన్నారు.

లబ్బీపేట(విజయవాడతూర్పు): క్రీడలు పోలీసుల్లో ఒత్తిడిని తగ్గించడమే కాకుండా శారీరక దృఢత్వాన్ని, మానసిక ఉల్లాసాన్ని పెంపొందిస్తాయని పోలీస్‌ కమిషనర్‌ ఎస్‌.వి.రాజశేఖరబాబు అన్నారు. ఈ నెల ఒకటి నుంచి నాలుగో తేదీ వరకూ జరిగిన ఏపీ పోలీస్‌ స్పోర్ట్స్‌ అండ్‌ గేమ్స్‌ మీట్‌–2026లో పతకాలు సాధించిన పోలీస్‌ సిబ్బందిని బుధవారం సీపీ రాజశేఖరబాబు అభినందించారు. ఈ సంద ర్భంగా పతకాలు సాధించిన క్రీడాకారులను వ్యక్తి గతంగా కలిసి వారి పతకాలను, ప్రశంసా పత్రాలను పరిశీలించి అభినందనలు తెలిపారు. అనంతరం సీపీ రాజశేఖరబాబు మాట్లాడుతూ.. విధి నిర్వహణలో నిరంతరం బిజీగా ఉండే పోలీస్‌ సిబ్బంది క్రీడా పోటీల్లో పాల్గొని గొప్ప ప్రతిభ కనబరిచి పతకాలు సాధించడం అభినందనీయమన్నారు. రాష్ట్ర స్థాయి స్పోర్ట్స్‌ అండ్‌ గేమ్స్‌ మీట్‌లో వివిధ విభాగాల్లో 74 పతకాలు సాధించి జిల్లా పోలీస్‌ కమిషనరేట్‌ పేరును నిలబెట్టిన ప్రతి క్రీడాకారునికి శుభాకాంక్షలు తెలిపారు. భవిష్య త్తులో కూడా ఇదే ఉత్సాహంతో మరిన్ని జాతీయ, రాష్ట్ర స్థాయి పోటీల్లో విజయాలు సాధించాలని ఆకాంక్షించారు. ఈ కార్యక్రమంలో ఈస్ట్‌ డీసీపీ కృష్ణకాంత్‌ పటేల్‌, ఇతర డీసీపీలు కె.జి.వి.సరిత, ఎ.బి.టి.ఎస్‌.ఉదయరాణి, కె.కృష్ణప్రసన్న, సత్యనారాయణ, ఏడీసీపీ ఎన్‌.వి.రమణ, ప్రేమ్‌కుమార్‌, ఆర్‌ఐలు శ్రీనివాస్‌ శ్రీకాంత్‌, సుధాకర్‌రెడ్డి, పోలీస్‌ అసోసియేషన్‌ ప్రెసిడెంట్‌ సోమయ్య తదితరులు పాల్గొన్నారు. పోలీస్‌ కమిషనర్‌ రాజశేఖరబాబు