జగిత్యాల: తిట్లకు బ్రాండ్‌ అంబాసిడర్‌ రేవంత్‌రెడ్డి అని, ఎన్నికల్లో ఇచ్చిన హామీల్లో ఒక్కటీ నెరవేర్చని ముఖ్యమంత్రి అని బీఆర్‌ఎస్‌ జిల్లా అధ్యక్షుడు విద్యాసాగర్‌రావు అన్నారు. బుధవారం బీఆర్‌ఎస్‌ పార్టీ కార్యాలయంలో విలేకరులతో మాట్లాడారు. కోటి మంది మహిళలను కోటీశ్వరులను తర్వాత చేయొచ్చుగానీ.. మహిళలకు ఇస్తామన్న రూ.2500, తులం బంగారం ముందుగా ఇవ్వాలని సూచించారు. ఎమ్మెల్సీ ఎల్‌.రమణ మాట్లాడుతూ కేసీఆర్‌ హయాంలో అనేక పథకాలు తెచ్చారని, దేశం దృష్టిని ఆకర్షించేలా అభివృద్ధి చేశారని పేర్కొన్నారు. ఇచ్చిన ఆరు హామీలను అమలుచేసే శక్తి లేకనే కేసీఆర్‌ను దూషిస్తున్నారని తెలిపారు. దూషణలు మానుకుని ప్రజలకు సుపరిపాలన అందించాలని సూచించారు. జెడ్పీ మాజీ చైర్‌పర్సన్‌ దావ వసంత మాట్లాడుతూ.. రాష్ట్రాన్ని సాధించిన కేసీఆర్‌ను ప్రజల గుండెల్లోంచి తొలగించడం ఎవరివల్లా కాదన్నారు. కేసీఆర్‌ ఒక మహావృక్షమన్నారు. మాజీ ఎమ్మెల్యే రవిశంకర్‌ మాట్లాడుతూ రేవంత్‌రెడ్డి వరంగల్‌ సభలో కేసీఆర్‌ను అసభ్యపదజాలంతో దూషించడాన్ని ఖండించారు. నోరు అదుపులో పెట్టుకుని మాట్లాడాలని హెచ్చరించారు. కార్యక్రమంలో మాజీ జెడ్పీటీసీలు రాంమోహన్‌రావు, కొల్ముల రమణ పాల్గొన్నారు. బీఆర్‌ఎస్‌ జిల్లా అధ్యక్షుడు విద్యాసాగర్‌రావు

● ఈనెల 30న ఎమ్మెల్యేలతో మంత్రి ఉత్తమ్‌ సమీక్ష చేస్తారు ● కాళేశ్వరంతో పనిలేకుండా అత్యధిక వరి ఉత్పత్తి ● పాదయాత్ర సమయంలో వాగ్దానాలు పూర్తి చేస్తున్నామన్న సీఎం ● కేసీఆర్‌ పాలనపై మంత్రుల విమర్శలు ● ఇందిరమ్మ రాజ్యంతోనే సంక్షేమం, అభివృద్ధని స్పష్టీకరణ ● రూ.679 కోట్ల పనులకు శంకుస్థాపనపెండింగ్‌ ప్రాజెక్టులుమాట్లాడుతున్న సీఎం రేవంత్‌రెడ్డి సీఎం రేవంత్‌ పర్యటన ఇలా..● ఉదయం 11 గంటలకు సీఎం రేవంత్‌రెడ్డి హెలీకాప్టర్‌ ద్వారా వేములవాడ గుడి చెరువు చేరుకున్నారు. అనంతరం ప్రత్యేక కాన్వాయ్‌ ద్వారా ఆలయ గెస్ట్‌హౌస్‌కు వెళ్లారు. ● మంత్రి శ్రీధర్‌బాబు, దేవాదాయశాఖ ప్రిన్సిపల్‌ సెక్రటరీ శైలజారామయ్యర్‌ దంపతులు ఒకేచోట కలుసుకుని సీఎం రేవంత్‌రెడ్డికి స్వాగతం పలుకుతున్న క్రమంలో అన్నా, వదిన ఒకేచోట అంటూ సీఎం మాట్లాడారు. ● గెస్ట్‌హౌస్‌ నుంచి సీఎం లుంగీ–కండువా ధరించి రాజన్న దర్శనానికి వెళ్లారు. అంతకుముందు పోలీసులు గౌరవవందనం సమర్పించారు. సాక్షిప్రతినిధి, కరీంనగర్‌/వేములవాడ/వేములవాడఅర్బన్‌: అసంపూర్తిగా ఉన్న సాగునీటి ప్రాజెక్టులు పూర్తి చేస్తామని, ఈ నెల 30 లోపు ఉమ్మడి జిల్లా ఎమ్మెల్యేలతో మంత్రి ఉత్తమ్‌కుమార్‌రెడ్డి సమీక్ష నిర్వహిస్తారని, ప్రాజెక్టులు ఎప్పుడు పూర్తవుతాయి, ఎన్ని నిధులు కావాలి అనేది సమీక్షలో మాట్లాడుతారని ముఖ్యమంత్రి రేవంత్‌రెడ్డి అన్నారు. బుధవారం వేములవాడ రాజన్న దర్శనం అనంతరం ఆలయ గుడి చెరువు ఖాళీ స్థలంలో రూ.679 కోట్లతో అభివృద్ధి పనుల శంకుస్థాపన, ప్రారంభోత్సవం కార్యక్రమాలు నిర్వహించారు. అనంతరం ప్రజాపాలన విజయోత్సవ సభకు హాజరై మాట్లాడారు. కరీంనగర్‌ జిల్లా నుంచి పీవీ నరసింహారావు దేశానికి దిశ దశ చూపి, గ్రామస్థాయి నుంచి ఢిల్లీ వరకు తెలంగాణ బిడ్డ పరిపాలన అంటే ఎంటో చూపించారన్నారు. అలాగే పెద్దలు చొక్కారావు, ఎం.సత్యనారాయణరావు లాంటి వారు కరీంనగర్‌ నుంచి నాయకత్వం అందించారని గుర్తు చేశారు. అనంతరం వేములవాడ ఎమ్మెల్యే, ప్రభుత్వ విప్‌ ఆది శ్రీనివాస్‌ మాట్లాడారు. వేములవాడ అభివృద్ధికి అన్ని శాఖల మంత్రులు సంపూర్ణ సహకారం అందించారన్నారు. రూ.76 కోట్లతో రాజన్న ఆలయ విస్తరణ పనులు శృంగేరిపీఠాధిపతుల సూచనల మేరకు నిర్వహిస్తున్నామని వివరించారు. వేములవాడలో రూ.35 కోట్లతో నిత్య అన్నదానసత్రానికి సీఎం సభకు వచ్చే ముందు ఉత్తర్వులు జారీ అయ్యాయని పేర్కొన్నారు. ఎమ్మెల్సీ జీవన్‌రెడ్డి మాట్లాడుతూ, గత దశాబ్ద కాలంలో నిర్లక్ష్యానికి గురైన వేములవాడ పట్టణ పునర్నిర్మాణం పనులను 10 నెలల కాలంలో ప్రారంభించుకున్నామని వెల్లడించారు. గల్ఫ్‌ కార్మికులు మరణిస్తే దేశంలోనే రాష్ట్రంలో రూ.5 లక్షల పరహారం అందిస్తున్న ఏకై క ప్రభుత్వం అని పేర్కొన్నారు. వ్యవసాయశాఖ మంత్రి తుమ్మల నాగేశ్వరరావు మాట్లాడుతూ, గత ప్రభుత్వం ఎగవేసిన బకాయిలు చెల్లిస్తూనే 30 ఏళ్ల చిరకాల కోరిక యారన్‌ డిపో ఏర్పాటు చేశామని వెల్లడించారు. 365 రోజులు నేత కార్మికులకు పని కల్పించే సంకల్పం ప్రభుత్వం తీసుకుందన్నారు. రాజన్న దయతో దేశంలోనే అత్యధికంగా వరిపంట దిగుబడి వచ్చిన రాష్ట్రం తెలంగాణ అని కొనియాడారు. కోటి 53 లక్షల మెట్రిక్‌ టన్నుల దిగుబడి వచ్చిందన్నారు. రెవెన్యూశాఖ మంత్రి పొంగులేటి శ్రీనివాస్‌రెడ్డి మాట్లాడుతూ, మనందరి కష్టం ఫలితంగా ఇందిరమ్మ రాజ్యం రాష్ట్రంలో ఏర్పడిందన్నారు. రాబోయే నాలుగేళ్లలో రూ.లక్ష కోట్లతో పేదలకు 20 లక్షల ఇళ్లు నిర్మిస్తామని హామీ ఇచ్చారు. రాజకీయాలు, కులాలకతీతంగా పేదలకు ఇళ్లు మంజూరు చేస్తామని స్పష్టం చేశారు. బీసీ, రవాణా శాఖమంత్రి పొన్నం ప్రభాకర్‌ మాట్లాడుతూ, చిరకాల ఆకాంక్ష నిత్యాన్నదాన సత్రానికి నిధులు మంజూరు చేసిన ముఖ్యమంత్రికి ప్రత్యేక ధన్యవాదాలు తెలిపారు. గతంలో వాగ్దానాలకు పరిమితమైన వేములవాడ ఆలయానికి నేడు అభివృద్ధి బాటలు వేశామని తెలిపారు. రాబోయే రోజుల్లో నేత కార్మికుల ఉపాధికి బృహత్తర ప్రణాళికలు రూపొందిస్తామని ప్రకటించారు. ఐటీ, పరిశ్రమల శాఖ మంత్రి శ్రీధర్‌బాబు మాట్లాడుతూ, నిరంతరం ప్రజల్లో తిరిగే శ్రమజీవి విప్‌ ఆది శ్రీనివాస్‌ అభివృద్ధికి కట్టుబడి ఉన్నారన్నారు. పెండింగ్‌ సమస్యల పరిష్కారానికి ప్రభుత్వం చర్యలు తీసుకుంటుందని పేర్కొన్నారు. ప్రతీ ఎకరం సాగయ్యే దిశగా చర్యలు తీసుకుంటామని వివరించారు. టీపీసీసీ చీఫ్‌ మహేశ్‌కుమార్‌గౌడ్‌ మాట్లాడుతూ.. రుద్రంగి ఇవతల మర్రిపల్లి అమ్మమ్మ ఊరు, అవతల నాన్నమ్మ ఊరని తెలిపారు. పది నెలల కాలంలోనే 50 వేల ఉద్యోగాలు అందించామన్నారు. వైద్య ఆరోగ్యశాఖ మంత్రి దామోదర రాజనర్సింహ మాట్లాడుతూ ప్రజలకు ఇచ్చిన ప్రతీ మాట నిలబెడుతామన్నారు. నీటి పారుదలశాఖ మంత్రి ఉత్తమ్‌కుమార్‌రెడ్డి మట్లాడుతూ ఎల్లంపల్లి ప్రాజెక్ట్‌ స్టేజ్‌– 2, ఫేజ్‌– 1 పనులు పూర్తి చేసి లక్షా 51 వేల 400 ఎకరాలకు సాగునీరు అందిస్తామన్నారు. ఎల్లంపల్లి కెనాల్‌ నెట్‌వర్క్‌ ప్యాకేజీ– 2లో పెండింగ్‌ పనులకు రూ.170 కోట్లు ఖర్చు చేసి వేములవాడ నియోజకవర్గంలో 40,500 ఎకరాలు, కోరుట్లలో 2,500 ఎకరాలకు నీరు అందిస్తామన్నారు. సిరిసిల్లలో కాళేశ్వరం ప్యాకేజీ 9,10,11 పూర్తి చేసి లక్షన్నర ఎకరాలకు సాగునీరు అందిస్తామని పేర్కొన్నారు. ఉమ్మడి జిల్లా నీటిపారుదల ప్రాజెక్టులపై వారం రోజుల్లో సమీక్ష నిర్వహిస్తామని తెలిపారు. కార్యక్రమంలో ఎమ్మెల్సీ బల్మూరి వెంకట్‌, ప్రభుత్వ విప్‌ అడ్లూరి లక్ష్మణ్‌, ఎమ్మెల్యేలు మేడిపల్లి సత్యం, కవ్వంపల్లి సత్యనారాయణ, మక్కాన్‌సింగ్‌, విజయరమణారావు తదితరులు పాల్గొన్నారు. ఆదిపై ప్రశంసల జల్లు.. వేములవాడకు బుధవారం ప్రభుత్వం మంజూరు చేసిన రూ.679 కోట్ల నిధులు, ఆలయ విస్తరణ పనుల విషయంలో స్థానిక ఎమ్మెల్యే ఆది శ్రీని వాస్‌పై ప్రశంసల జల్లు కురిసింది. సభలో సీఎం రేవంత్‌రెడ్డి మాట్లాడుతూ, గతంలో వేములవాడ ఎమ్మెల్యేను కలవాలంటే జర్మని వెళ్లాల్సి వచ్చేదని కానీ, ఈ ప్రభుత్వంలో ఆది వేములవాడ ఎమ్మెల్యేగా గెలిచి ప్రజల వద్దకు స్వయంగా వెళ్తున్నారని ప్రశంసించారు. అసెంబ్లీ సమావేశాలు మినహా ఏనాడు హైదరాబాద్‌ రాడని, నియోజకవర్గ అభివృద్ధి తప్ప పైరవీలు చేయడని స్పష్టం చేశారు. ఇలాంటి ఎమ్మెల్యేలు తనకు ఎంతో ఇష్టమని పేర్కొన్నా రు. అలాగే వేములవాడలో ఆలయ విస్తరణ, సాగునీటి పనుల పూర్తికి ప్రభుత్వం తీసుకుంటున్న చొర వ ఆది శ్రీనివాస్‌ కృషి అని మంత్రులు పొంగులేటి, ఉత్తమ్‌, పొన్నం, శ్రీధర్‌బాబు అభినందించారు. సీఎంకు విప్‌ ఆది శ్రీనివాస్‌, ఆయన కుమారుడు కార్తీక్‌ తలపాగా ధరింపజేసి స్వామివారి చిత్రపటం, త్రిశూలం బహూకరించారు. 2.55 గంటలకు సీఎం రేవంత్‌రెడ్డి ప్రసంగాన్ని ప్రారంభించి 3.30 గంటలకు ముగించారు. సభా వేదికపైనుంచి కిందకు దిగిన సీఎంతో పోలీసు ఉన్నతాధికారులు ఫొటో దిగారు. 3.45 గంటలకు సీఎం రేవంత్‌రెడ్డి హెలీకాప్టర్‌ ద్వారా తిరిగి హైదరాబాద్‌కు బయలుదేరి వెళ్లారు. – వేములవాడ 11.41 గంటలకు ఆలయ విస్తరణ పనులకు భూమిపూజ చేశారు. మంత్రులందరికీ ప్రభుత్వవిప్‌ ఆది శ్రీనివాస్‌ కొబ్బరికాయలు అందజేశారు. కార్యక్రమానికి శృంగేరి అర్చకులు హాజరయ్యారు. 11.45 గంటలకు ప్రారంభోత్సవాలు చేసిన సీఎం. 11.55 గంటలకు ఆలయంలోకి ప్రవేశించి మంత్రులతో కలిసి 12.20 వరకు దర్శనాలు పూర్తిచేసుకున్నారు. 12.25 గంటలకు స్వామివారి అద్దాల మంటపంలో సీఎం, మంత్రులకు దేవాదాయశాఖ అధికారులు, ప్రభుత్వవిప్‌ ప్రసాదాలు అందజేశారు. ఆలయ అర్చుకులు ఆశీర్వచనం గావించారు. అనంతరం సీఎంతో ఫొటో దిగారు. 12.45 గంటలకు దర్శనాలు పూర్తిచేసుకుని గెస్ట్‌హౌస్‌కు చేరుకున్నారు. మధ్యాహ్నం 1.20 గంటలకు ప్రారంభోత్సవాలు పూర్తి చేసి, 1.25 గంటలకు సీఎం వేదికపైకి చేరుకున్నారు. 1.35 గంటలకు జ్యోతి ప్రజ్వలన చేశారు. అనంతరం తెలంగాణ గీతం ఆలపించారు. 1.40 గంటలకు యార్నడిప్‌ వర్చువల్‌గా సీఎం ప్రారంభించారు. 1.45 గంటలకు ప్రభుత్వవిప్‌ ఆది శ్రీనివాస్‌ స్వాగత వచనాలు చేశారు.

జగిత్యాలరూరల్‌: జగిత్యాల రూరల్‌ మండలం కల్లెడ–గుట్రాజ్‌పల్లి గ్రామాల మధ్య రూ.4 కోట్ల వ్యయంతో నిర్మిస్తున్న బ్రిడ్జి నిర్మాణ పనులను వేగవంతం చేయాలని జిల్లా కలెక్టర్‌ సత్యప్రసాద్‌ అన్నారు. బుధవారం బ్రిడ్జి పనులను పరిశీలించారు. ప్రజలకు రవాణా సౌకర్యాలు మెరుగయ్యేలా త్వరితగతిన పూర్తి చేయాలని సూచించారు. ఆయన వెంట ఆర్డీవో మధుసూదన్‌, పంచాయతీ అధికారులు పాల్గొన్నారు. ధాన్యం డబ్బులు సకాలంలో చెల్లించాలి సారంగాపూర్‌: రైతుల నుంచి కొనుగోలు చేసిన ధాన్యం వివరాలను వెంటనే ట్యాబ్‌లో ఆన్‌లైన్‌ చేయాలని, తద్వారా రైతులకు సకాలంలో చెల్లించడానికి అవకాశం ఉంటుందని కలెక్టర్‌ సత్యప్రసాద్‌ అన్నారు. మండలంలోని కోనాపూర్‌, సారంగాపూర్‌, లక్ష్మీదేవిపల్లి, పోతారం గ్రామాల్లో కొనుగోలు కేంద్రాలను సందర్శించారు. తేమ శాతం వచ్చిన ధాన్యాన్ని తూకం వేయాలని, రైతుల వివరాలను ట్యాబ్‌లో నమోదు చేసి మిల్లులకు తరలించాలని సూచించారు. పలు కేంద్రాల్లో నమోదులో జాప్యం జరుగుతుండడంపై ఆగ్రహం వ్యక్తం చేసారు. డీఎస్‌వో జితేందర్‌రెడ్డి, తహసీల్దార్‌ జమీర్‌, ఎంపీడీవో గంగాధర్‌, డెప్యూటీ తహసీల్దార్‌ లాస్య, సీఈవో లైశెట్టి శివకుమార్‌, ఎంపీవో శశికుమార్‌రెడ్డి, ఏపీఎం రాజయ్య తదితరులు ఉన్నారు. కలెక్టర్‌ సత్యప్రసాద్‌

మెట్‌పల్లి: మాజీ ఎమ్మెల్యే కొమొరెడ్డికి జ్యోతక్కకు మంత్రి శ్రీధర్‌బాబు నివాళి అర్పించారు. పట్టణంలోని వీఆర్‌ఎం గార్డెన్‌లో జ్యోతక్క పెద్దకర్మ నిర్వహించగా.. మంత్రి శ్రీధర్‌బాబు, విప్‌ అడ్లూరి లక్ష్మణ్‌కుమార్‌, ఎమ్మెల్సీలు జీవన్‌రెడ్డి, ఎల్‌.రమణ, రాజ్యసభ సభ్యులు సురేష్‌రెడ్డి, మాజీ ఎమ్మెల్యే ఆరపెల్లి మోహన్‌ తదితరులు హాజరయ్యారు. జ్యోతక్క కుమారులు కరం, విజయ్‌అజాద్‌, కపిల్‌ను పరామర్శించారు. జిల్లా మేజిస్రేట్‌ నీలిమ, పలువురు న్యాయమూర్తులు కూడా నివాళులర్పించారు.

జగిత్యాలరూరల్‌: జగిత్యాల రూరల్‌ మండలం కండ్లపల్లి మోడల్‌స్కూల్‌ విద్యార్థులు రాష్ట్రస్థాయి బాస్కెట్‌బాల్‌ పోటీల్లో ప్రతిభ కనబర్చినట్లు పీడీ వినీత్‌, అజీమ్‌ తెలిపారు. ఇటీవల మహబూబ్‌నగర్‌ జిల్లాలో జరిగిన అండర్‌ –19 ఎస్జీఎఫ్‌ రాష్ట్రస్థాయి పోటీల్లో ఉమ్మడి కరీంనగర్‌ జిల్లా బాస్కెట్‌బాల్‌ జట్టులో మోడల్‌స్కూల్‌ విద్యార్థులు పాల్గొని అత్యంత ప్రతిభ కనబర్చారు. వారిని బుధవారం ప్రిన్సిపాల్‌ సరితాదేవి అభినందించారు. వైస్‌ ప్రిన్సిపాల్‌ నగేశ్‌, ఉపాధ్యాయులు పాల్గొన్నారు. రాష్ట్రస్థాయి పోటీలకు 25మంది ఎంపిక మెట్‌పల్లి: జిల్లా అథ్లెటిక్స్‌ అసోసియేషన్‌ ఆధ్వర్యంలో పట్టణంలోని మినీ స్టేడియంలో బుధవారం జిల్లాస్థాయి క్రీడా పోటీలు నిర్వహించారు. మున్సిపల్‌ చైర్‌పర్సన్‌ రాణవేని సుజాత జెండా ఊపి ప్రారంభించారు. పోటీలకు వెయ్యి మందికిపైగా విద్యార్థులు హాజరయ్యారు. ఇందులో ప్రతిభ చూపిన 25మందిని వచ్చే నెల ఒకటిన మంచిర్యాలలో జరిగే రాష్ట్రస్థాయి పోటీలకు ఎంపిక చేశారు. వీరికి చైర్‌పర్సన్‌ చేతులమీదుగా సర్టిఫికెట్లు, మెడల్స్‌ అందించారు. నైపుణ్యం పెంచడానికి క్రీడలు దోహాదపడుతాయన్నారు. అసోసియేషన్‌ కార్యదర్శి ఏలేటి ముత్తయ్యరెడ్డి, ఉపాధ్యక్షులు రాందాస్‌, కొమురయ్య, ఆల్‌రౌండర్‌ గంగాధర్‌ తదితరులున్నారు. 25న బీసీ సమరభేరి సభ జగిత్యాలటౌన్‌: ఈనెల 25న హైదరాబాద్‌లోని రవీంద్రభారతిలో బీసీల సమరభేరి సభ నిర్వహిస్తున్నట్లు సంఘం రాష్ట్ర వర్కింగ్‌ ప్రెసిడెంట్‌ నీలం వెంకటేశ్‌ తెలిపారు. జిల్లా కేంద్రంలో బుధవారం సమరభేరి పోస్టర్‌ను ఆవిష్కరించారు. కేంద్రంలో వెనుకబడిత తరగతుల మంత్రిత్వశాఖను ఏర్పాటు చేయాలని, చట్టసభల్లో 50శాతం రిజర్వేషన్లు కల్పించాలని కోరారు. స్థానిక సంస్థల ఎన్నికల్లో 50శాతం రిజర్వేషన్‌ కల్పించాలని డిమాండ్‌ చేశారు. సంఘం రాష్ట్ర ప్రధాన కార్యదర్శులు ముసిపట్ల లక్ష్మీనారాయణ, టి.నందగోపాల్‌, చిగుర్ల శ్రీనివాస్‌, జిల్లా ప్రధాన కార్యదర్శి ఆవారి లత, నాయకులు కొక్కు గంగాధర్‌, తిరుపురం రాంచంద్రం, దండుగుల వంశీ, బండపెల్లి మల్లేశ్వరి, రాపర్తి రవి, కోటగిరి రాజేష్‌ తదితరులు పాల్గొన్నారు. హిందూ ధర్మ పరిరక్షణకు కృషి చేయాలిమెట్‌పల్లి: హిందూ ధర్మ పరిరక్షణకు ప్రతిఒక్కరు కృషి చేయాలని జగద్గురు శంకరాచార్య విద్యారణ్య భారతిస్వామి అన్నారు. పట్టణంలోని శివభక్త మార్కండేయ ఆలయ పునర్నిర్మాణ పనులకు బుధవారం ఆయన చేతులమీదుగా భూమిపూజ నిర్వహించారు. చిన్నతనం నుంచే పిల్లల్లో భక్తిభావం పెంపొందేలా తల్లిదండ్రులు చొరవ తీసుకోవాలన్నారు. మాజీ ఎమ్మెల్యే విద్యాసాగర్‌రావు, పద్మశాలీ సంఘం పట్టణాధ్యక్షులు ధ్యావన్‌పల్లి రాజారాం, సంకు ఆనంద్‌, గుంటుక గౌతమ్‌ తదితరులున్నారు.

కథలాపూర్‌: ఎన్నికల వేళ ఇచ్చి న హామీలను నెరవేరుస్తూ ప్రజాపాలన అందిస్తున్నామని ప్రభుత్వ విప్‌ అడ్లూరి లక్ష్మణ్‌కుమార్‌ అన్నారు. మంగళవారం కథలాపూర్‌లో కాంగ్రెస్‌ నాయకులతో విలేకరుల సమావేశంలో మాట్లాడారు. ఈనెల 20న సీఎం రేవంత్‌రెడ్డి వేములవాడలో జరిగే బహిరంగసభలో పాల్గొంటారని, రూ.126 కోట్ల అభివృద్ధి పనులకు శ్రీకారం చుడుతారని పేర్కొన్నారు. సభకు భారీగా తరలిరావాలని కోరారు. కాంగ్రెస్‌ మండల అధ్యక్షుడు కాయితి నాగరాజు, నాయకులు ఎండీ.అజీమ్‌, తొట్ల అంజయ్య, పూండ్ర నారాయణరెడ్డి, ఆకుల సంతోష్‌, తలారి మోహన్‌ తదితరులు పాల్గొన్నారు.

‘రాజన్న’కు స్వయం ప్రతిపత్తి కావాలి ● టీటీడీ తరహాలో అటానమస్‌ హోదా కల్పించాలంటున్న భక్తులు ● హైదరాబాద్‌ సంస్థానంలో అత్యంత ప్రాచీన ఆలయంగా ఎములాడ ● వేములవాడ రాజరాజేశ్వరునికి నేడు సీఎం రేవంత్‌రెడ్డి కోడె మొక్కులు ● బసంత్‌నగర్‌ విమానాశ్రయం, నిజాం షుగర్స్‌ హామీలపై చర్చసాక్షిప్రతినిధి,కరీంనగర్‌●: ఉమ్మడి కరీంనగర్‌ జిల్లాలోనే కాదు రాష్ట్రంలోనే అత్యంత పురాతన, చారిత్రక ఆలయం వేములవాడ శ్రీరాజరాజేశ్వర స్వామి దేవాలయం. హైదరాబాద్‌ సంస్థానంలోనూ నిజాంరాజులు పెద్దపీట వేసిన ఏకై క ఆలయం. 1830 లోనే దక్షిణ భారతదేశంలో రోజుకు రూ.4 లక్షల ఆదాయం ఉన్న ఆలయాలు రెండే. ఒకటి తిరుపతి, రెండోది వేములవాడ. అంతటి ఘనచరిత్ర కలిగిన ఆలయంలో బుధవారం కోడెమొక్కులు చెల్లించుకునేందుకు సీఎం రేవంత్‌రెడ్డి వస్తున్నారు. ఈ సందర్భంగా ఆలయాన్ని మరింత అభివృద్ధి చేసేందుకు టీటీడీ, యాదాద్రి(ప్రతిపాదన దశ) తరహాలో స్వయం ప్రతిపత్తితో కూడిన ప్రత్యేక బోర్డు ఏర్పాటు చేయాలని భక్తులు కోరుతున్నారు. అటానమస్‌ హోదాకు ప్రయత్నాలు రాజన్న ఆలయానికి వందల ఏళ్ల చరిత్ర ఉంది. తెలంగాణ, ఏపీతోపాటు కర్ణాటక, మహారాష్ట్ర, చత్తీస్‌గఢ్‌, మధ్యప్రదేశ్‌ తదితర రాష్ట్రాల భక్తులకు రాజరాజేశ్వర స్వామివారు ఇలవేల్పు. కోరిన కోర్కెలు తీర్చే దేవుడిగా అనాదిగా పూజిస్తున్నారు. ఒకప్పుడు భక్తుల రద్దీని గమనించిన నాగిరెడ్డి అనే ధర్మకర్త వేములవాడలో మరో కోనేరు నిర్మించారు. ఇది నిజామాబాద్‌, మహారాష్ట్ర, కర్ణాటక నుంచి వచ్చే వారికి అనుకూలంగా ఉండేది. క్రమంగా ఇది పాడవుతోంది. ప్రధాన ఆలయంతోపాటు బద్దిపోచమ్మ, భీమన్న ఆలయాలు కూడా పురాతనమైనవే. దేవస్థానానికి ఉప ఆలయాలుగా ఉన్న నాంపల్లి లక్ష్మీనరసింహస్వామి, మామిడిపల్లి సీతారామచంద్ర స్వామి తదితర ఆలయాలను కలిపి క్లస్టర్‌గా అటానమస్‌ బోర్డును ఏర్పాటు చేసి(వీటీడీఏ కాకుండా), అభివృద్ధి చేయాలని రాజన్న ఆలయ ఉద్యోగులు, భక్తులు కోరుతున్నారు. యాదాద్రికి డెవలప్‌మెంట్‌ అథారిటీ ఏర్పాటు చేసిన సమయంలో వేములవాడలోనూ ఏర్పాటు చేయాలన్న డిమాండ్‌ వచ్చింది. వెంటనే అప్పటి సీఎం కేసీఆర్‌ ఇక్కడ వేములవాడ టెంపుల్‌ డెవలప్‌మెంట్‌ అథారిటీ(వీటీడీఏ)ను ఏర్పాటు చేశారు. ఇప్పుడు యాదాద్రికి అటానమస్‌ హోదా కల్పించేందుకు ప్రయత్నాలు మొదలైన దరిమిలా.. వేములవాడకూ కల్పించాలన్న అభిప్రాయం వ్యక్తమవుతోంది. ఆదాయం జీతాలు, పింఛన్లకే.. ఆలయానికి ప్రధానంగా కోడె మొక్కులు, హుండీ ద్వారా ఆదాయం వస్తుంది. ఆలయ నిర్వహణ ఖ ర్చు ఏటా రూ.200 కోట్ల పైమాటే. ఇందులో అధికశాతం దాదాపు రూ.30 కోట్ల వరకు జీతాలు, పింఛన్లకే వెచ్చిస్తుండటం వల్ల ఆలయ అభివృద్ధికి నిధులు సరిపోవడం లేదు. ఇవిగాక కరెంటు బిల్లులు, ప్రసాదాలు, శివరాత్రి, ఇతర ఉత్సవాలు కలిపితే వచ్చే ఆదాయం కన్నా ఖర్చయ్యేదే ఎక్కువ. అందు కే, ప్రత్యేక అటానమస్‌ బోర్డు ఉంటే తప్ప అభివృద్ధి ఊపందుకోదని పలువురు భక్తులు అంటున్నారు. తాజా నిర్ణయాలపై హర్షం.. వేములవాడ రాజరాజేశ్వర క్షేత్రం అభివృద్ధి పనులకు సోమవారం రాష్ట్ర ప్రభుత్వం రూ.127.65 కోట్లు విడుదల చేయడాన్ని స్థానికులు స్వాగతిస్తున్నారు. ఇందులో ఆలయ కాంప్లెక్స్‌ విస్తరణ, భక్తులకు అవసరమైన అధునాతన సదుపాయాలకు రూ.76 కోట్లు, ఆలయం నుంచి మూలవాగు బ్రిడ్జి వరకు ఉన్న రోడ్లను విస్తరించేందుకు రూ.47.85 కోట్లు మంజూరు చేసింది. అలాగే, మూలవాగులో బతుకమ్మ తెప్ప నుంచి జగిత్యాల కమాన్‌ జంక్షన్‌ వరకు రూ.3.8 కోట్లతో నూతన డ్రైనేజీ నిర్మాణానికి ఆమోదం తెలిపారు. అలాగే, వీటీడీఏ పరిధిని మొత్తం జిల్లాకు విస్తరించడం, పట్టణీకరణకు పెద్దపీట వేయడంపై రాజన్నసిరిసిల్ల జిల్లావాసులు హర్షం వ్యక్తం చేస్తున్నారు. విమానాశ్రయంపై చర్చ.. వరంగల్‌లో మామునూరు విమానాశ్రయ నిర్మాణంపై ప్రభుత్వం స్పష్టమైన ప్రకటన చేసి, నిధులు విడుదల చేసిన నేపథ్యంలో బసంత్‌నగర్‌ విమానాశ్రయంపై మరోసారి చర్చ మొదలైంది. మంత్రి కోమటిరెడ్డి వెంకటరెడ్డి సైతం ఈ విషయమై సానుకూలత వ్యక్తం చేయడంతో ఆశలు చిగురించాయి. గత ప్రభుత్వ హయాంలో సర్వే చేసి, ఎయిర్‌పోర్ట్‌ అథారిటీ ఆఫ్‌ ఇండియాకు నివేదిక సమర్పించినా పురోగతి లేదు. వరంగల్‌ ఎయిర్‌పోర్టు సాకారమవుతున్న వేళ.. బసంత్‌నగర్‌ విమానాశ్రయంపైనా స్పష్టమైన హామీ ఇవ్వాలని ఉమ్మడి కరీంనగర్‌ జిల్లావాసులు కోరుతున్నారు. నిజాం షుగర్స్‌పై గంపెడాశలు జగిత్యాల జిల్లా మల్లాపూర్‌ మండలంలోని ముత్యంపేట నిజాం షుగర్స్‌ ఫ్యాక్టరీని తిరిగి తెరిపించాల్సి ఉంది. వాస్తవానికి రూ.210 కోట్ల బ్యాంకు బకాయిలకు గానూ ప్రభుత్వం ఇప్పటికే రూ.192 కోట్లు చెల్లించింది. మిగతా మొత్తం చెల్లింపు, ఉద్యోగులకు వేతనాలు, పింఛన్ల సర్దుబాటుకు పరిష్కార మార్గాలు వెతుకుతోంది. ఫ్యాక్టరీ పునః ప్రారంభమైతే ఉపాధితోపాటు జిల్లా పారిశ్రామికంగా అభివృద్ధి చెందుతుందని జగిత్యాల జిల్లావాసులు గంపెడాశలు పెట్టుకున్నారు. దుష్ప్రచారానికి తెర ఒకప్పుడు రాజన్న ఆలయానికి వస్తే పదవీ గండం అన్న దుష్ప్రచారం ఉండేది. కానీ, అదంతా వట్టిదే అని తేలిపోయింది. ప్రధాని మోడీ, కేంద్రమంత్రి బండి సంజయ్‌, సీఎం రేవంత్‌ రెడ్డి, కాంగ్రెస్‌ ఎంపీ రాహుల్‌గాంధీ, ఎమ్మెల్యే ఆది శ్రీనివాస్‌ విజయాలే ఇందుకు నిదర్శనం. పాత ప్రచారం పోయి, ఇప్పు డు రాజన్నకు కోడెమొక్కులు చెల్లిస్తే విజయం తథ్యమన్న మాట విస్తృతంగా వాడుకలోకి వచ్చింది.రాజన్న ఆలయం వద్దనే అన్నీ.. వేములవాడలో సీఎం రేవంత్‌రెడ్డి పర్యటన షెడ్యూల్‌ ఇదీ సిరిసిల్ల/వేములవాడఅర్బన్‌: వేములవాడ శ్రీరాజరాజేశ్వరస్వామి ఆలయం వద్దనే బుధవారం నాటి సీఎం రేవంత్‌రెడ్డి పర్యటన షెడ్యూల్‌ను ఖరారు చేశారు. హైదరాబాద్‌ బేగంపేట నుంచి ఉద యం 9గంటలకు హెలీకాప్టర్‌లో బయలుదేరి 9.45కు వేములవాడ చేరుకుంటారు. ఉద యం 9.55గంటలకు పోలీస్‌ గౌరవ వందనం స్వీకరిస్తారు. 10గంటల నుంచి 10.15 వరకు ఆలయ అతిథిగృహంలో రెస్ట్‌ తీసుకుంటారు. 11గంటలకు రాజన్న ఆలయానికి చేరుకుని, స్వామివారికి పూజలు నిర్వహిస్తా రు. 11.45 గంటలకు ధర్మగుండం వద్ద శంకుస్థాపన కార్యక్రమంలో పాల్గొంటారు. 12.15 గంటలు అతిథి గృహానికి చేరుకుంటారు. 12.30 నుంచి 1.40 వరకు రాజన్న ఆలయ గ్రౌండ్‌లో ఏర్పాటు చేసిన బహిరంగసభలో పాల్గొని ప్రసంగిస్తారు. 1.45 గుడిచెరువు గ్రౌండ్‌ హెలీప్యాడ్‌కు చేరుకుంటారు. హైదరాబాద్‌కు హెలీకాప్టర్‌లో బయల్దేరి 2.30 గంటలకు బేగంపేటకు చేరుకుంటారు. ఈ మేరకు సీఎం పర్యటన షెడ్యూల్‌ను ఖరారు చేసినట్లు అధికారవర్గాలు వెల్లడించాయి.పకడ్బందీ ఏర్పాట్లువేములవాడలో బుధవారం జరిగే సీఎం రేవంత్‌రెడ్డి పర్యటనకు అధికారులు పకడ్బందీ ఏర్పాట్లు చేశారు. సీఎం పర్యటనకు తీసుకోవాల్సిన భద్రత ఏర్పాట్లు, ఇతర చర్యలపై సీఎం సెక్యూరిటీ సిబ్బంది, పోలీస్‌, ఇతరశాఖల అధికారులతో కలిసి కలెక్టర్‌ సందీప్‌ కుమార్‌ ఝా సమీక్షించారు. సీఎం రేవంత్‌రెడ్డి వేములవాడకు ఉదయం చేరుకుంటారని తెలిపారు. శ్రీ రాజరాజేశ్వర స్వామివారిని దర్శించుకుని, వివిధ అభివృద్ధి పనులకు ప్రారంభోత్సవాలు చేస్తారని పేర్కొన్నారు. అనంతరం బహిరంగసభలో పాల్గొంటారన్నారు. సభ అనంతరం అతిథిగృహం వద్ద లంచ్‌చేసి హెలికాప్టర్‌ ద్వారా హైదరాబాద్‌ వెళ్తారని తెలిపారు. ముఖ్యమంత్రి పర్యటన నేపథ్యంలో విధులు నిర్వహించే సిబ్బందికి ప్రత్యేకంగా గుర్తింపు కార్డులు అందిస్తామని, అవి ఉన్నవారిని మాత్రమే పోలీసులు అనుమతిస్తారని తెలిపారు. సీఎం కాన్వాయ్‌లో పూర్తి సిబ్బందితో కూడిన అంబులెన్స్‌ ఏర్పాటు చేయాలన్నారు. బహిరంగసభ వద్ద మెడికల్‌క్యాంపు పెట్టాలన్నారు. ఎస్పీ అఖిల్‌ మహాజన్‌, అదనపు కలెక్టర్‌ ఖీమ్యానాయక్‌, అదనపు ఎస్పీలు చంద్రయ్య, శేషాద్రినిరెడ్డి, వేములవాడ ఆర్డీవో రాజేశ్వర్‌, ఇతరశాఖల పాల్గొన్నారు.ధార్మిక.. కార్మిక క్షేత్రంలో సమస్యలు ఇవీ..రాజన్నసిరిసిల్ల జిల్లా ధార్మిక, కార్మిక, కర్షక క్షేత్రంగా సిరిసిల్ల, వేములవాడ మున్సిపాలిటీలతో పాటు 261 గ్రామాలతో విస్తరించి ఉంది. చిన్నజిల్లాగా పేరున్న ఈ జిల్లాలో అపరిష్కృతంగా ఉన్న అనేక సమస్యలు ప్రజలకు ప్రతిబంధంకంగా మారాయి. ప్రతిపక్ష నేతగా రేవంత్‌రెడ్డి ఇక్కడికి అనేక పర్యాయాలు వచ్చినా.. సీఎం హోదాలో వేములవా డకు తొలిసారి బుధవారం వస్తున్నారు. ప్రజా సమస్యలపై అవగాహన కలిగిన సీఎం రేవంత్‌రెడ్డిపై జిల్లా ప్రజలు కోటి ఆశలు పెట్టుకున్నారు. జిల్లాలో రెండు పాయలుగా అటు మానేరు.. ఇటు మూలవాగు పారుతోంది. ధార్మిక క్షేత్రమైన వేములవాడ, కార్మిక క్షేత్రమైన సిరిసిల్ల, కర్షకుల నిలయాలైన పల్లెల్లో నెలకొన్న ప్రధాన సమస్యలు ఇవీ.. –సిరిసిల్ల8లోu

జగిత్యాలటౌన్‌: దేశం కోసం ఇందిరగాంధీ చేసిన సేవలు చిరస్మరణీయమని ఎమ్మెల్సీ జీవన్‌రెడ్డి, ప్ర భుత్వ విప్‌ అడ్లూరి లక్ష్మణ్‌కుమార్‌ అన్నారు. ఆమె జయంతిని జిల్లాకేంద్రంలోని ఇందిరాభవన్‌లో మంగళవారం ఘనంగా నిర్వహించారు. ఆమె చిత్రపటానికి పూలమాల వేసి నివాళులర్పించారు. కాంగ్రెస్‌ నాయకులతో కలిసి పాతబస్టాండ్‌ చౌరస్తా వరకు ర్యాలీ నిర్వహించారు. అక్కడ ఇందిర విగ్రహానికి పూలమాల వేశారు. దేశ సమగ్రత, సమైక్యత కోసం ప్రాణత్యాగం చేసిన వనిత అని కొనియాడారు. ఆమె తీసుకొచ్చిన జాతీయ ఆహార భద్రత చట్టంతో ప్రజలందరికీ న్యాయం జరిగిందన్నారు. రాహుల్‌ గాంధీని ప్రధాని చేయడమే లక్ష్యంగా ప్రతి కార్యకర్త ముందుకు సా గాలని పిలుపునిచ్చారు. కార్యక్రమంలో నాయకులు కొత్త మోహ న్‌, బండ శంకర్‌, దుర్గయ్య, శోభా రాణి, గాజంగి నందయ్య, గాజుల రాజేందర్‌, పుప్పాల అశోక్‌, ధర రమేష్‌, చందా రాధాకిషన్‌ పాల్గొన్నారు.

ప్రయాణికుల తిప్పలుజగిత్యాలటౌన్‌: హన్మకొండలో జరిగిన సీఎం రేవంత్‌రెడ్డి సభకు వరంగల్‌, కరీంనగర్‌ డిపోల నుంచి బస్సులు తరలించారు. సమయానికి బస్సులు రాకపోవడంతో జగిత్యాల బస్టాండ్‌లో ప్రయాణికులు గంటల తరబడి వేచి ఉండాల్సిన పరిస్థితి నెలకొంది. బస్సుల కొరతతో బస్టాండ్‌ కిక్కిరిసిపోయింది. అప్పుడప్పుడు వచ్చిన బస్సులు ఎక్కేందుకు జనం ఎగబడ్డారు. ఒకదశలో తొక్కిసలాట జరిగి తీవ్ర ఇబ్బందులు పడ్డారు. పార్టీలు, ప్రభుత్వం నిర్వహించే సభలకు ఆర్టీసీ బస్సులను తరలించడం షరామామూలుగా మారిందని, ప్రతిసారి ఇదే ఇబ్బంది ఎదురవుతోందని ప్రయాణికులు అసహనం వ్యక్తం చేశారు.

జగిత్యాలటౌన్‌: ఆర్టీసీ కార్మిక సంఘాలపై గత ప్రభుత్వం విధించిన ఆంక్షలు ఎత్తివేయాలని, తక్షణమే గుర్తింపు సంఘం ఎన్నికలు నిర్వహించాలని సీఐటీయూ రాష్ట్ర కమిటీ సభ్యులు బొమ్మెన సురేశ్‌ డిమాండ్‌ చేశారు. మంగళవారం జగిత్యాల ఆర్టీసీ డిపో ఎదుట ధర్నా నిర్వహించారు. సంస్థ నిర్వహణలో కార్మిక సంఘాలకు భాగస్వామ్యం కల్పించాలని, సామాజిక భద్రత పథకాల్లో కార్మిక సంఘాల భాగస్వామ్యంతో బోర్టు ఆఫ్‌ ట్రస్టీలను నియమించాలని కోరారు. కార్మికులపై పనిభారం పెంచుతున్నారని, మహిళలకు అర్ధరాత్రి వరకూ డ్యూటీలు వేస్తున్నారని ఆగ్రహం వ్యక్తం చేశారు. డబుల్‌ డ్యూటీల పేరుతో డిపో మేనేజర్లు వేధిస్తున్నారని ఆరోపించారు. కార్యక్రమంలో నాయకులు వెంకటచారి, బొర్ర శేఖర్‌, గర్వందుల రమేశ్‌, మల్యాల సురేష్‌, ఎండీ.రఫిక్‌, అజయ్‌ పాల్గొన్నారు.

జగిత్యాలటౌన్‌: జగిత్యాల అభివృద్ధే ధ్యేయంగా పనిచేస్తానని జగిత్యాల ఎమ్మెల్యే సంజయ్‌ కుమార్‌ అన్నారు. జిల్లాకేంద్రంలోని పొన్నాల గార్డెన్‌లో నిర్వహించిన ఇందిరాగాంధీ జయంతి, ప్రజాపాలన వేడుకల్లో పాల్గొన్నారు. 170మంది లబ్ధిదారులకు సీఎం సహాయ నిధి చెక్కులు పంపిణీ చేశారు. తమది మొదటి నుంచే కాంగ్రెస్‌ కుటుంబమని, అంతర్గాంలో దళితుల కోసం నాడే ఎనిమిది ఎకరాలు ఇచ్చామని గుర్తు చేశారు. ఆరు గ్యారంటీల అమలుతో ప్రజల్లో ఆనందం కనిపిస్తోందన్నారు. కార్యక్రమంలో బల్దియా చైర్‌పర్సన్‌ అడువాల జ్యోతి, వైస్‌ చైర్మన్‌ గోలి శ్రీనివాస్‌, మున్సిపల్‌ మాజీ చైర్మన్‌ గిరి నాగభూషణం, కౌన్సిలర్లు, నాయకులు, కార్యకర్తలు పాల్గొన్నారు.

కథలాపూర్‌: మండలంలోని కలిగోట శివారులో నిర్మిస్తున్న సూరమ్మ ప్రాజెక్టు పనుల్లో కదలిక వచ్చింది. కథలాపూర్‌, మేడిపల్లి, భీమారం మండలాల్లోని 50 వేల ఎకరాలకు నీరందించే ఈ ప్రాజెక్టుకు కుడి, ఎడమ కాలువల నిర్మాణానికి 520.29 ఎకరాలు భూసేకరణ చేయాలని అధికారులు నిర్ణయించి ఉత్తర్వులు జారీ చేశారు. కాలువల నిర్మాణానికి 2018లో అప్పటి బీఆర్‌ఎస్‌ ప్రభుత్వం శ్రీకారం చుట్టింది. కాంగ్రెస్‌ అధికారంలోకి రావడంతో స్థానిక ఎమ్మెల్యే ఆది శ్రీనివాస్‌ చొరవతో భూసేకరణకు ఉత్తర్వులు వెలువడ్డాయి. నిర్వాసితులకు పరిహారం కోసం రెండు రోజుల క్రితం రూ.10 కోట్లు మంజూరయ్యాయి. వాల్గొండలో శ్రీవీరబ్రహ్మేంద్రస్వామి కల్యాణంమల్లాపూర్‌: మండలంలోని వాల్గొండలో మంగళవారం శ్రీపోతులూరి వీరబ్రహ్మేంద్రస్వామివారి కల్యాణాన్ని ఘనంగా నిర్వహించారు. ఆలయ అర్చకులు రాజశేఖర్‌శర్మ భక్తులతో పూజలు చేయించారు. అనంతరం భక్తులకు అన్నదానం చేశారు. కార్యక్రమంలో మాజీ ప్రజాప్రతినిధులు, నాయకులు, విశ్వబ్రాహ్మణ సంఘం సభ్యులు పాల్గొన్నారు. జాతీయస్థాయి బాస్కెట్‌బాల్‌ పోటీలకు ఎస్‌కేఎన్‌ఆర్‌ విద్యార్థిజగిత్యాల: మహబూబ్‌నగర్‌ జిల్లాలో నిర్వహించిన అండర్‌–19 రాష్ట్రస్థాయి బాస్కెట్‌బాల్‌ పోటీల్లో ఎస్‌కేఎన్‌ఆర్‌ ప్రభుత్వ జూనియర్‌ కళాశాల విద్యార్థి జగన్నాథం అఖిల్‌ సత్తా చాటి జాతీయస్థాయికి ఎంపికయ్యాడు. అఖిల్‌ను ప్రిన్సిపాల్‌ దాసరి నాగభూషణం అభినందించారు. కళాశాల నుంచి అఖిల్‌ ఎంపికవడం అభినందనీయమని, పంజాబ్‌ రాష్ట్రంలోని పాటియాలలో జరిగే జాతీయస్థాయి క్రీడల్లో రాణించాలని ఆకాంక్షించారు. పదిలో వందశాతం ఫలితాలు సాధించాలిసారంగాపూర్‌: పదిలో వందశాతం ఉత్తీర్ణత సాధించేలా కృషిచేయాలని డీఈవో జగన్మోహన్‌రెడ్డి అన్నారు. బీర్‌పూర్‌ మండలం తుంగూర్‌ జిల్లా పరిషత్‌ ఉన్నత పాఠశాలను మంగళవారం తనిఖీ చేశారు. వందశాతం ఉత్తీర్ణతకు అదనపు తరగతులు నిర్వహంచాలన్నారు. సాయంత్రం 4.15 గంటల నుంచి 5.15 వరకు ప్రత్యేక తరగతులు తీసుకుంటున్నట్లు ఉపాధ్యాయులు డీఈవోకు తెలిపారు. తుంగూర్‌లో కస్తూరిబా బాలికల గురుకులం విద్యాలయాన్ని ఈ నెలలోనే ప్రారంభిస్తామన్నారు. ఇప్పటికే అడ్మిషన్లు పూర్తి చేశామని, వారికి సారంగాపూర్‌ కేజీబీవీలో తరగతులు కొనసాగుతున్నాయని పేర్కొన్నారు. ఆయన వెంట ఎంఈవో నాగభూషణం, హెచ్‌ఎం భాస్కర్‌రెడ్డి, ఉపాధ్యాయులు ఉన్నారు. కొత్త బల్దియాలకు పోస్టులు మంజూరుజగిత్యాల: జిల్లాలో కొత్తగా ఏర్పాటైన రాయికల్‌, ధర్మపురి బల్దియాలకు పూర్తిస్థాయి అధికారులను నియమించారు. బల్దియాలో కీలకమైన శానిటరీ ఇన్‌స్పెక్టర్‌, హెల్త్‌ అసిస్టెంట్‌ వంటి పోస్టులు లేకపోవడం ఇబ్బందికరంగా ఉండేది. తాజాగా ప్రభుత్వం కొత్తగా ఏర్పడిన బల్దియాలో పోస్టులు మంజూరు చేస్తూ ఉత్తర్వులు జారీ చేసింది. దీంతో మున్సిపాలిటీల్లో పౌరసేవలు ప్రజలకు త్వరితగతిన అందే అవకాశాలుంటాయి.

మల్లాపూర్‌: విద్యార్థులు సమున్నత లక్ష్యంతో ముందుకు సాగితే విజ యం వరిస్తుందని కోరుట్ల ఎమ్మె ల్యే సంజయ్‌కుమార్‌ అన్నారు. మండలకేంద్రంలోని మోడల్‌ స్కూల్‌ను మంగళవారం తనిఖీ చేశారు. విద్యార్థి దశ నుంచే కష్టపడేతత్వాన్ని అలవర్చుకుని గొప్ప లక్ష్యం వైపు అడుగులు వేయాలన్నారు. పరీక్షలంటే భయం వీడాలని, ప్రశాంతంగా సిద్ధం కావాలని సూచించారు. సిలబస్‌ పూర్తయిందా అని అడిగి తెలుసుకున్నారు. అధ్యాపకులు, విద్యార్థులతో మాట్లాడారు. పాఠశాల సమస్యల పరిష్కారానికి కృషి చేస్తానని హామీ ఇచ్చారు. తమ కాలనీలో వీధి దీపాలు లేవని, ఇతర సమస్యలు పరిష్కరించాలని మండలకేంద్రంలోని దుర్గమ్మ కాలనీవాసులు ఎమ్మెల్యేకు విన్నవించారు. ఆయన వెంట ఎంపీడీవో జగదీశ్‌, ప్రిన్సిపాల్‌ భూమేశ్‌, మాజీ జెడ్పీటీసీ సందిరెడ్డి శ్రీనివాస్‌రెడ్డి, వైస్‌ ఎంపీపీ గౌరు నాగేష్‌, బీఆర్‌ఎస్‌ మండల అధ్యక్షుడు తోట శ్రీనివాస్‌ ఉన్నారు. పదినెలల్లో రాష్ట్రం పదేళ్లు వెనక్కి.. మోసపూరిత హామీలతో అధికారం చేపట్టిన కాంగ్రెస్‌ పాలన వైఫల్యంతో రాష్ట్రం పదేళ్లు వెనక్కి వెళ్లిందని ఎమ్మెల్యే అన్నారు. ఎంపీడీవో కార్యాలయంలో లబ్ధిదారులకు కల్యాణలక్ష్మి, షాదీ ముబారక్‌ చెక్కులు పంపిణి చేశారు. ఇచ్చిన హామీలు, గ్యారంటీలు, పథకాల్లో కోత పెడుతూ ప్రజలు, రైతులను వంచిస్తోందన్నారు.

● కోరుట్ల ఎమ్మెల్యే కల్వకుంట్ల సంజయ్‌ కోరుట్ల/కోరుట్లరూరల్‌: కాంగ్రెస్‌ ప్రభుత్వం ఏడాది కాలంలో రాష్ట్రానికి చేసింది సున్నా అని కోరుట్ల ఎమ్మెల్యే కల్వకుంట్ల సంజయ్‌ అన్నారు. పట్టణంలోని తన క్యాంపు కార్యాలయంలో కల్యాణలక్ష్మీ, షాదీముబారక్‌ చెక్కులు పంపిణీ చేశారు. కేసీఆర్‌ హయాంలో నాణ్యమైన కరెంట్‌, రైతుబీమా, రైతుబంధు పథకాలు అందించారని, కరోనా కష్టకాలంలోనూ పథకాలు కొనసాగించారని పేర్కొన్నారు. ప్రస్తుతం ధాన్యం కొనుగోళ్లు కూడా సక్రమంగా జరగడం లేదన్నారు. సన్నాలకు బోనస్‌ పేరుతో రైతులను మభ్యపెట్టటం తప్ప ప్రభుత్వం చేసిందేమీ లేదన్నారు. అనంతరం 189 మంది లబ్ధిదారులకు చెక్కులను పంపిణీ చేశారు. కార్యక్రమంలో బీఆర్‌ఎస్‌ మండల అధ్యక్షుడు దారిశెట్టి రాజేష్‌, మాజీ ఎంపీపీ తోట నారాయణ, మాజీ వైస్‌ ఎంపీపీ కాశిరెడ్డి మోహన్‌ రెడ్డి, సుదవేణి భూమయ్య, కౌన్సిలర్లు, మాజీ సర్పంచులు, బీఆర్‌ఎస్‌ నాయకులు పాల్గొన్నారు.

ధర్మపురి: ధర్మపురి శ్రీలక్ష్మినృసింహస్వామి అనుబంధం మహాగణపతి ఆలయంలో సోమవారం సంకటహర చతుర్థి వేడుకలను ఘనంగా నిర్వహించారు. వేదపండితులు పాలెపు ప్రవీణ్‌శర్మ మంత్రోచ్ఛరణలతో స్వామివారికి ఉపనిషత్తులతో అభిషేకం చేశారు. హారతి, మంత్రపుష్పం కార్యక్రమాలను నిర్వహించారు. భక్తులు అధిక సంఖ్యలో తరలివచ్చి స్వామివారిని దర్శించుకుని తీర్థప్రసాదాలు స్వీకరించారు. ఆలయ ఈవో శ్రీనివాస్‌, అర్చకులు, సిబ్బంది, భక్తులు తదితరులున్నారు.నృసింహుడికి హైకోర్టు రిజిస్ట్రార్‌ పూజలుధర్మపురి: ధర్మపురి శ్రీలక్ష్మినృసింహస్వామిని హైకోర్టు రిజిస్ట్రార్‌ రమేశ్‌ దంపతులు సోమవారం దర్శించుకున్నారు. వారికి ఆలయం తరఫున స్వాగతం పలికారు. వారికి ఈవో శ్రీనివాస్‌ స్వామివారి శేషవస్త్రం, చిత్రపటం, ప్రసాదాలు అందించారు. సీనియర్‌ అసిస్టెంట్‌ అలువాలు శ్రీనివాస్‌, ఆలయ అర్చకులు, సిబ్బంది తదితరులున్నారు. ఆయిల్‌ పాం సాగుపై రైతులకు అవగాహనరాయికల్‌: ఆయిల్‌ పాం సాగుపై మండలంలోని ఆలూరులో సోమవారం ఉద్యానవన శాఖ అధికారి కందుకూరి స్వాతి అవగాహన కల్పించారు. ఆయిల్‌ పాం సాగుతో కోతుల బెడద, ప్రకృతి వైపరీత్యాల నష్టం ఉండదని, కచ్చితమైన మార్కెటింగ్‌ వ్యవస్థ ఉంటుందని పేర్కొన్నారు. టన్నుకు ప్రస్తుతం రూ.19వేల వరకు ధర ఉందన్నారు. ప్రభుత్వం 90శాతం సబ్సిడీతో డ్రిప్‌ పరికరాలు అందిస్తుందని, మూడేళ్లకే దిగుబడి ప్రారంభమవుతుందని పేర్కొన్నారు. సింగిల్‌ విండో చైర్మన్‌ దీటి రాజిరెడ్డి, రైతు సంఘం నాయకులు మెక్కొండ రాంరెడ్డి, రాజేశ్‌యాదవ్‌, లక్ష్మీనారాయణ పాల్గొన్నారు. రాజగోపురం పనులు చేపట్టాలివెల్గటూర్‌: కోటిలింగాల కోటేశ్వరస్వామి ఆలయంలో రాజగోపురం పనులు త్వరగా చేపట్టాలని మేఘా కంపెనీ జీఎం రవికి ఆలయ ఈవో కాంతారెడ్డి విజ్ఞప్తి చేశారు. బీఆర్‌ఎస్‌ ప్రభుత్వ హయాంలో 2023 ఆగస్టులో రూ.2.50 కోట్ల అంచనాతో ఆలయ రాజగోపురం పనులకు అప్పటి మంత్రి కొప్పుల ఈశ్వర్‌ చేతుల మీదుగా భూమిపూజ చేశారు. తాజాగా కాంగ్రెస్‌ ప్రభుత్వం అధికారంలోకి రావడంతో రాజగోపురం పనులు నిలిచిపోయాయి. ఈ సందర్భంగా సోమవారం ఆలయ ఈవో కాంతారెడ్డి మేఘా కంపెనీ జీఎం రవిని కలిసి పనులు పునఃప్రారంభించాలని కోరారు. కార్యక్రమంలో అర్చకులు సంజీవ్‌శర్మ పాల్గొన్నారు. రాయికల్‌ మున్సిపాల్టీకి పోస్టులు మంజూరు రాయికల్‌: మున్సిపాలిటీకి మున్సిపల్‌ కమిషనర్‌, శానిటరీ ఇన్‌స్పెక్టర్‌, హెల్త్‌ అసిస్టెంట్‌ పోస్టులు మంజూరైనట్లు మున్సిపల్‌ చైర్మన్‌ మోర హన్మాండ్లు సోమవారం తెలిపారు. గతంలో కమిషనర్‌ జీతభత్యాలు బల్దియా నుంచి చెల్లించేవారు. ప్రభుత్వం పోస్టులు మంజూరు కావడంతో ఎస్పీవో ఆఫీస్‌ నుంచి చెల్లించే అవకాశం ఉండటంతో బల్దియాకు ఆర్థిక భారం తప్పనుంది.

జగిత్యాల: వంట కార్మికులకు వేతనాలు పెంచాలని, పెండింగ్‌ బిల్లులు చెల్లించాలని ఏఐటీయూసీ జిల్లా అధ్యక్షుడు సుతారి రాములు అన్నారు. కార్మికులతో కలిసి సోమవారం కలెక్టరేట్‌ ఎదుట ఆందోళన చేపట్టారు. ఈ సందర్భంగా ఆయన మాట్లాడుతూ.. వంటలు చేయడానికి ఎవరూ ముందకు రాని సమయంలో ధైర్యం చేసి 22ఏళ్లుగా పిల్లలకు వండిపెడుతున్నారని తెలిపారు. అధికారంలోకొస్తే రూ.10వేల వేతనం చెల్లిస్తామని చెప్పిన కాంగ్రెస్‌ ఇప్పుడు పట్టించుకోకపోవడం శోచనీయమన్నారు. కోడిగుడ్ల ధరలు భారీగా పెరిగాయని, ప్రభుత్వం ఇచ్చే రూ.5 సరిపోవడం లేదని పేర్కొన్నారు. వంట సరుకులను ప్రభుత్వమే సరఫరా చేయాలన్నారు. అనంతరం డీఈవోకు వినతిపత్రం అందించారు. కార్యక్రమంలో ప్రధాన కార్యదర్శి ముఖ్రం, హన్మంతు, రాజమౌళి, పద్మ, భాగ్యలక్ష్మీ, గంగాధర్‌ పాల్గొన్నారు.

● ఎమ్మెల్సీ జీవన్‌రెడ్డి రాయికల్‌: ప్రభుత్వం చేపడుతున్న సమగ్ర ఇంటింటి కుటుంబసర్వేకు ప్రతిఒక్కరూ సహకరించాలని ఎమ్మెల్సీ జీవన్‌రెడ్డి అన్నారు. సోమవారం రాయికల్‌ మండలం అల్లీపూర్‌లో సమగ్ర ఇంటింటి కుటుంబ సర్వేను పరిశీలించారు. అధికారులు ఇంటి వద్దకు వచ్చినప్పుడు ప్రజలు సహకరించి వివరాలు చెప్పాలని, ఎలాంటి అపోహలు పెట్టుకోవద్దని సూచించారు. సర్వే సమాచారం గోప్యంగా ఉంచుతామని తెలిపారు. వీటి ద్వారానే సంక్షేమ పథకాలు అర్హులైన నిరుపేదలకు అందుతాయన్నారు. నిధుల కొరతతో కొన్ని పథకాలు జాప్యం అవుతున్నాయని, త్వరలోనే అన్ని పథకాలు అమలు చేస్తారని వివరించారు.

● జిల్లా సమైక్య భవనానికి రూ.5 కోట్లు మంజూరు ● డీపీఎం వెంకటేశ్‌ వెల్లడిజగిత్యాలరూరల్‌: రాష్ట్ర ప్రభుత్వం మహిళాసంఘాల అభ్యున్నతికి కృషి చేస్తోందని, జిల్లా సమైక్య భవనానికి రూ.5 కోట్లు మంజూరు చేసిందని డీపీఎం వెంకటేశ్‌ అన్నారు. జగిత్యాల రూరల్‌, అర్బన్‌ మండలాల సమైక్య సభ్యులతో కలిసి మహిళాశక్తి వారోత్సవాన్ని నిర్వహించారు. పంచాయతీరాజ్‌, గ్రామీణాభివృద్ధి శాఖ ఆదేశాల మేరకు వారోత్సవాలు నిర్వహిస్తున్నామని తెలిపారు. మహిళాసంఘాలకు ప్రభుత్వం బ్యాంక్‌ లింకేజీ రుణం, బీమా, ప్రమాదబీమా, వడ్డీలేని రుణాలు, అమ్మఆదర్శ పాఠశాల కమిటీలు, యూనిఫాంల తయారీ, చిన్నతరహా పరిశ్రమలు, కొత్త సంఘాల ఏర్పాటుకు కృషి చేస్తోందన్నారు. అనంతరం నిధులు విడుదల చేసినందుకు సీఎం రేవంత్‌ చిత్రపటానికి క్షీరాభిషేకం చేశారు. కార్యక్రమంలో ఏపీఎం గంగాధర్‌, సీసీలు విద్యాసాగర్‌, మరియ, శ్రీనివాస్‌, రవీందర్‌, రూరల్‌ మండల అధ్యక్షురాలు మారు సత్తవ్వ, అర్బన్‌ మండల అధ్యక్షురాలు గంగభవాని, కార్యదర్శులు శ్రీలత, జమున పాల్గొన్నారు.

జగిత్యాల: ప్రజావాణికి వచ్చిన దరఖాస్తులను వెంటనే పరిష్కరించేలా చర్యలు తీసుకోవాలని కలెక్టర్‌ సత్యప్రసాద్‌ అన్నారు. సోమవారం కలెక్టరేట్‌లో నిర్వహించిన ప్రజావాణిలో పాల్గొన్న ఆయన 41మంది నుంచి అర్జీలు స్వీకరించారు. దూర ప్రాంతాల వారు వివిధ సమస్యలతో ప్రజావాణికి వస్తారని, వాటిని పరిశీలించి వెంటనే పరిష్కరించాలని సూచించారు. ప్రతి సమస్యను క్షుణ్ణంగా పరిశీలించి బాధితులకు న్యాయం చేయాలన్నారు. కార్యక్రమంలో అదనపు కలెక్టర్లు బీఎస్‌.లత, గౌతమ్‌రెడ్డి, ఏవో హన్మంతరావు, డీఆర్డీవో రఘువరణ్‌ పాల్గొన్నారు. ●

సాక్షిప్రతినిధి,కరీంనగర్‌: మొన్నటి వరకు ఎండ.. ఇప్పుడు చలి.. అదికూడా పొద్దంతా ఎండ.. రాత్రిపూట చలి.. వాతావరణంలో తీవ్ర మార్పులు చోటుచేసుకుంటున్నాయి. నాలుగు రోజుల క్రితం వరకు 35డిగ్రీల పగటి ఉష్ణోగ్రతలు నమోదు కాగా, ఒక్కసారిగా 24 డిగ్రీలకు పడిపోయాయి. నాలుగు రోజుల క్రితం రాత్రి ఉష్ణోగ్రతలు 20డిగ్రీలు ఉండగా, ప్రస్తుతం 18 డిగ్రీలకు పడిపోయాయి. దీంతో ఉమ్మడి జిల్లాలో వ్యాధులు విజృంభిస్తున్నాయి. ప్రజలు అకస్మాత్తుగా అనారోగ్యం పాలవుతున్నారు. జ్వరాలతో ఆసుపత్రుల బాట పడుతున్నారు. పలువురు చిన్నారులు, వృద్ధులు జ్వరం, జలుబు, వాంతులతో బాధ పడుతున్నారు. ప్రతీ ఇంటా జ్వర పీడితులు ఉంటున్నారు. వాతావరణ మార్పులు, అపరిశుభ్రతతో జ్వరాలు వస్తున్నాయని వైద్యులు చెబుతున్నారు. జ్వరమే కదా అని కొందరు సొంత వైద్యం చేసుకోవడం.. ఆర్‌ఎంపీల వద్ద చికిత్సలు చేయించుకోవడం.. పరిస్థితి విషమించిన తర్వాత పెద్దాసుపత్రులకు వెళ్లడంతో ప్రాణాల మీదకు తెచ్చుకుంటున్నారు. జబ్బులు వచ్చాక ఇబ్బంది పడే బదులు ముందస్తుగా జాగ్రత్తలు తీసుకుంటే ఆరోగ్యంతో పాటు ఆర్థికంగా లబ్ధిపొందవచ్చని వైద్యులు చెబుతున్నారు. రోగులతో కిటకిట.. ఉమ్మడి జిల్లాలోని ప్రభుత్వ ఆస్పత్రులకు రోగుల తాకిడి పెరిగింది. వారం క్రితం వరకు జిల్లా ప్రధానాసుపత్రులతో 700–800 ఓపీ నమోదు కాగా ప్రస్తుతం వారి సంఖ్య అనూహ్యంగా పెరిగింది. కొన్ని రోజులుగా 1,500 మందికిపైగా ఓపీలో వైద్యం చేయించుకుంటున్నారు. ఒక్కసారిగా రోగుల సంఖ్య పెరగడంతో వైద్యాధికారులు ఏర్పాట్లు చేస్తున్నారు. ఈనెల మొదటి వారంలో అంతంత మాత్రంగానే వచ్చిన రోగులు గత వారం రోజులుగా పెరుగుతూ వస్తున్నారు. ఈనెల 11 నుంచి 18 వరకు పది రోజుల వ్యవధిలోనే కరీంనగర్‌ ప్రభుత్వ ప్రధానాసుపత్రిలో ఔట్‌పేషెంట్‌ విభాగంలో ప్రతీరోజు 1200–1500 మంది వరకు వైద్యం పొందారు. ఇందులో చాలా మంది వైరల్‌ జ్వరాలతోనే వచ్చిన వారుండగా.. మిగిలిన వారు దగ్గు, జలుబు, జ్వరం బాధితులున్నట్లు వైద్యులు వెల్లడిస్తున్నారు. పెద్దపల్లి జిల్లా గోదావరిఖని ఏరియా ఆసుపత్రిలో ఓపీలు 15వ తేదీన 708, 16న 1,096, 18న 1,267గా నమోదైంది. జగిత్యాలలో సగటు ఓపీ 700 మంది, సిరిసిల్ల 600 ఓపీ కొనసాగుతోంది.వారంరోజుల్లో కరీంనగర్‌ జీజీహెచ్‌లో ఓపీ ఇలా11 1,529 12 1,411 13 1,140 14 1,126 15 514 16 935 18 1383 అకస్మాత్తుగా అనారోగ్యం బాధితుల్లో అధికశాతం చిన్నారులే వాతావరణ మార్పులే కారణమంటున్న డాక్టర్లు ప్రభుత్వ ఆసుపత్రుల్లో పెరుగుతున్న ఓపీ కిక్కిరిస్తున్న ప్రైవేట్‌ ఆస్పత్రులుఉమ్మడి జిల్లాలో అత్యల్ప ఉష్ణోగ్రతలు ఇలా వీర్నపల్లి(సిరిసిల్ల) 12డిగ్రీలు జూలపల్లి(పెద్దపల్లి) 13.7 డిగ్రీలు గోవిందారం( జగిత్యాల) 13.1 డిగ్రీలు ఆసిఫ్‌నగర్‌ కొత్తపల్లి(కరీంనగర్‌) 13 డిగ్రీలువాతావరణ మార్పులే వాతావరణంగా చోటుచేసుకున్న అనూహ్య మార్పులతోనే ప్రజలు జ్వరం, దగ్గు, జలుబు, వాంతులకు గురవుతున్నారు. వీటిని నిర్లక్ష్యం చేయడం, సరైన సమయంలో చికిత్స అందకపోవడం వల్ల మరింత ప్రమాదకరంగా తయారవుతున్నాయి. మూడు రోజుల కన్నా ఎక్కువ జ్వరం, దగ్గు, జలుబు, వాంతులు ఉంటే వెంటనే ప్రభుత్వాసుపత్రికి వచ్చి చికిత్స పొందాలి. – డాక్టర్‌ సాయిని నరేందర్‌, పల్మనాలజిస్టు, జీజీహెచ్‌, కరీంనగర్‌

జగిత్యాల: గ్రూప్‌–3 పరీక్షలు జిల్లాలో ప్రశాంతంగా ముగిశాయి. సోమవారం నిర్వహించిన పరీక్షకు 10,656 మందికి 5,501 మంది మాత్రమే హాజరయ్యారు. 34పరీక్ష కేంద్రాల్లో అభ్యర్థులకు ఇబ్బంది కలకుండా ఏర్పాట్లు చేశారు. జవాబుపత్రాలను కలెక్టర్‌ సత్యప్రసాద్‌ ఆధ్వర్యంలో హైదరాబాద్‌ జేఎన్‌టీయూకు తరలించారు. పరీక్షాకేంద్రాలు పరిశీలించిన కలెక్టర్‌ కోరుట్ల/కోరుట్ల రూరల్‌: పట్టణంలోని ప్రభుత్వ జూనియర్‌ కళాశాల, అరుణోదయ డిగ్రీ కళాశాల్లోని పరీక్షాకేంద్రాలను కలెక్టర్‌ సత్యప్రసాద్‌ పరిశీలించారు. ఆర్డీవో జివాకర్‌రెడ్డి, తహసీల్దార్‌ కిషన్‌, మెట్‌పల్లి సీఐ నీరంజన్‌ రెడ్డి తదితరులు ఉన్నారు. పోలీసుల భారీ బందోబస్తు జగిత్యాలక్రైం: జిల్లాలో ప్రశాంత వాతావరణంలో పరీక్షలు నిర్వహించినట్లు జగిత్యాల డీఎస్పీ రఘుచందర్‌ అన్నారు. జిల్లాకేంద్రంలో పరీక్ష సరళిని పరిశీలించారు. అన్ని రూట్లలో సీఐ స్థాయి అధికారి ఇన్‌చార్జిగా, ఎస్సై స్థాయి అధికారి ద్వారా నిరంతరం పెట్రోలింగ్‌ నిర్వహించామన్నారు. భర్త సహాయంతో.. కోరుట్ల: ఓ నిండు గర్భిణి భర్త సహాయంతో వచ్చి పట్టణంలోని డిగ్రీ కళాశాల కేంద్రంలో పరీక్ష రాసింది. జగిత్యాలకు చెందిన రీనా కథలాపూర్‌ మండలం అంబారిపేట పంచాయతీ కార్యదర్శిగా పనిచేస్తోంది. గ్రూప్‌–3 పరీక్షలకు ప్రిపేర్‌ అయిన ఆమె.. భర్త రామకృష్ణ సహాయంతో కేంద్రానికి వచ్చి పరీక్ష రాసింది. జేఎన్‌టీయూ(హెచ్‌)కు జవాబుపత్రాలు తరలింపు రెండోరోజు 51.61 శాతం మాత్రమే హాజరు

● సాఫీగా కొనసాగుతున్న సర్వే ● సహకరిస్తున్న జిల్లా ప్రజలు ● జిల్లాలో 3,31,754 కుటుంబాలు ● 2,48,327 కుటుంబాల్లో ముగిసిన ప్రక్రియజగిత్యాల: ప్రభుత్వం ప్రతిష్టాత్మకంగా చేపట్టిన ఇంటింటి సమగ్ర కుటుంబ సర్వే జిల్లా సాఫీగా సాగుతోంది. 20 మండలాల్లో 2,49,002 కుటుంబాలు, మున్సిపాలిటిల్లో 82,752 కుటుంబాలు కలిపి 3,31,754 కుటుంబాలు ఉన్నాయి. ఇందులో మండలాల్లో 1,89,175 కుటుంబాల సర్వే పూర్తి చేశారు. ఇంకా 61,237 కుటుంబాలను సర్వే చేయాల్సి ఉంది. మున్సిపాలిటీల్లో 59,152 కుటుంబాల సర్వే పూర్తి కాగా.. 23,565 కుటుంబాల సర్వే చేయాల్సి ఉంది. మొత్తంగా మండలాల్లో 75.55 శాతం, మున్సిపాలిటీల్లో 71.34 శాతంతో జిల్లావ్యాప్తంగా 74.50 శాతం సర్వే పూర్తయింది. సర్వే పకడ్బంగా చేపట్టాలి ఇంటింటి కుటుంబ సర్వే పకడ్బందీగా చేపడుతున్నామని, ఎలాంటి సందేహాలున్నా అధికారుల దృష్టికి తీసుకురావాలని అడిషనల్‌ కలెక్టర్‌ గౌతంరెడ్డి అన్నారు. ఈ మేరకు సోమవారం ఎన్యుమరేటర్లకు అవగాహన కల్పించారు. సర్వేలో ఇబ్బందులు రానీయొద్దన్నారు.

● కేంద్రాల్లో పేరుకుపోతున్న ధాన్యం ● ఇప్పటివరకు కొన్నది 6.65 లక్షల క్వింటాళ్లే.. ● మబ్బులు పడుతున్న వాతావరణం ● ఆందోళనలో అన్నదాతలుజగిత్యాలఅగ్రికల్చర్‌: ధాన్యాన్ని కొనుగోలు కేంద్రంలో పోసి రోజుల తరబడి ఆరబెడుతున్నా.. 17తేమ శాతం రావడం లేదు. దీంతో కొనుగోళ్లు ముమ్మరంగా సాగడం లేదు. మరోవైపు బంగాళాఖాతంలో ఏర్పడిన అల్పపీడన ప్రభావంతో ఆకాశం మబ్బులతో నిండి ఉండటంతో ధాన్యాన్ని ఆరబెట్టడం రైతులకు పెద్ద సమస్యగా మారింది. 6.65లక్షల క్వింటాళ్లు కొనుగోలు జిల్లావ్యాప్తంగా వానాకాలం 2.96 లక్షల ఎకరాల్లో వరి సాగైంది. 60లక్షల క్వింటాళ్ల వరకు ధాన్యం దిగుబడి వస్తుందని అధికారులు అంచనా వేశారు. ఆ మేరకు 430 కొనుగోలు కేంద్రాలను ప్రారంభించారు. కానీ కేంద్రాల్లో కొనుగోళ్లు సాఫీగా సాగడం లేదు. ఐకేపీ, సింగిల్‌ విండో కేంద్రాల ద్వారా ఇప్పటివరకు కేవలం 6.65లక్షల క్వింటాళ్ల ధాన్యం మాత్రమే కొనుగోలు చేశారు. ప్రభుత్వ నిబంధనల మేరకు ధాన్యంలో తేమశాతం రాకపోవడంతో నిర్వాహకులు తూకం వేయడం లేదు. దీంతో ఒక్కో రైతు 15 నుంచి 20 రోజులుగా కేంద్రాల్లో పడిగాపులు కాస్తున్నారు. ఆరబెట్టడం పెద్ద సవాల్‌ ధాన్యాన్ని ఆరబెట్టడం రైతులకు పెద్ద సవాల్‌గా మారింది. కేంద్రాల్లో సరిపడా స్థలం లేకపోవడం.. సకాలంలో కూలీలు రాకపోవడంతో రైతులకు ఇబ్బందులు తప్పడం లేదు. అయినప్పటికీ రైతులు రోజుకు రెండుమూడు సార్లు ధాన్యాన్ని ఆరబెడుతున్నా.. తేమ శాతం రావడం లేదు. రాత్రి ఉష్ణోగ్రతలు 20 డిగ్రీల సెల్సియస్‌కు పడిపోవడంతో ధాన్యం కుప్పలపై మంచు కురిసి.. మధ్యాహ్నం వరకు కూడా పోవడం లేదు. దీంతో ధాన్యం ఎండడానికి సమయం పడుతోంది. ఓవైపు చలి.. మరోవైపు వాతావరణ మార్పులతో పగటి ఉష్ణోగ్రతలు గణనీయంగా పడిపోతుండడం కూడా ధాన్యంలో తేమశాతం రాకపోవడానికి కారణమవుతోంది. ఫలితంగా రైతులు ప్రతిరోజు ఉదయం 10 గంటలకు ఆరబోయడం.. సాయంత్రం ఐదు గంటలకు కుప్పచేయడం చేస్తున్నారు. బంగాళాఖాతంలో అల్పపీడన ప్రభావంతో నాలుగైదు రోజులుగా ఆకాశం మబ్బులతో నిండి ఉంటోంది. వాతావరణంలో వస్తున్న అనూహ్యా మార్పులు రైతులను ఆందోళనకు గురిచేస్తున్నాయి. జగిత్యాల మార్కెట్‌లో ఽ10,505 క్వింటాళ్లు కొనుగోలు జగిత్యాల వ్యవసాయ మార్కెట్‌లో సోమవారం 10,505 క్వింటాళ్ల ధాన్యాన్ని కొనుగోలు చేశారు. మొక్కజొన్న 393 క్వింటాళ్లు, ధాన్యం దొడ్డురకం 2,165 క్వింటాళ్లు, సన్నరకం 7,947 క్వింటాళ్లు కొనుగోలు చేశారు. తూకానికి మరిన్ని రోజులు ధాన్యంలో తేమ శాతం రావడం ఒక ఎత్తైతే.. తేమ శాతం వచ్చిన ధాన్యాన్ని తూకం వేయడం మరో ఎత్తుగా మారింది. కొన్ని కొనుగోలు కేంద్రాల్లో సాయంత్రం తేమ శాతం వస్తే.. ఉదయం చూసే సరికి తగ్గుతోంది. దీంతో కేంద్రాల నిర్వాహకులు తూకం వేయడానికి వెనుకంజ వేస్తున్నారు. ఫలితంగా కేంద్రాలన్నీ ధాన్యంతో నిండిపోతున్నాయి. తూకం వేయడం మరింత సమస్యగా మారే అవకాశం ఉంది. రైతులందరి ధాన్యం తూకం కావాలంటే దాదాపు డిసెంబర్‌ దాటే అవకాశముందని అన్నదాతలు చెబుతున్నారు. ఇలాగైతే రబీకి ఎలా సిద్ధం కావాలని ప్రశ్నిస్తున్నారు. కొనుగోళ్లను వేగవంతం చేయాలని కోరుతున్నారు.

జగిత్యాలటౌన్‌/జగిత్యాలక్రైం: గ్రూప్‌–3 పరీక్ష జిల్లాలో తొలిరోజు ప్రశాంతంగా ముగిసింది. 34 కేంద్రాల్లో ఆదివారం ఉదయం 10 గంటల నుంచి మధ్యాహ్నం 12.30వరకు మొదటి, మధ్యాహ్నం మూడు గంటల నుంచి సాయంత్రం 5.30వరకు రెండోపరీక్ష నిర్వహించారు. ఆరు రూట్లలో 11మంది ఫ్‌లైయింగ్‌ స్క్వాడ్స్‌, 13మంది ఐండెంటిఫికేషన్‌ అధికారులు, 82మంది బయోమెట్రిక్‌ అధికారులు, 34మంది చీఫ్‌ సూపరింటెండెంట్లు, 34మంది అబ్జర్వర్లు, 34మంది డిపార్ట్‌మెంటల్‌ అధికారులు పర్యవేక్షించారు. ఎన్‌ఎస్‌వీ డిగ్రీ కళాశాల, నలంద కళాశాల, ఎస్‌కేఎన్‌ఆర్‌ డిగ్రీ కళాశాల పరీక్ష కేంద్రాలను కలెక్టర్‌ సత్యప్రసాద్‌ తనిఖీ చేశారు. ఎస్పీ ఆదేశాల మేరకు డీఎస్పీ రఘుచందర్‌ కొత్త బస్టాండ్‌, అంతర్గాం బైపాస్‌ చౌరస్తా ప్రధాన కూడళ్ల వద్ద పోలీసు హెల్ప్‌ డెస్క్‌లు ఏర్పాటు చేశారు. వికలాంగ, మహిళాఅభ్యర్థుల కోసం ఆటోలు ఏర్పాటు చేశారు. 10,656 అభ్యర్థులకు మొదటి పరీక్షకు 5,544 మంది, మధ్యాహ్నం పరీక్షకు 5,563 మంది హాజరయ్యారు. అన్ని రూట్లలో వాహనాలు ఏర్పాటు చేసి అభ్యర్థులు సకాలంలో కేంద్రాలకు చేరుకునేలా చర్యలు చేపట్టామని డీఎస్పీ తెలిపారు.

మెట్‌పల్లి: హైకోర్టు న్యాయమూర్తి వేణుగోపాల్‌ మెట్‌పల్లికి రానున్నారు. మెట్‌పల్లి మాజీ ఎమ్మెల్యే కొమొరెడ్డి జ్యోతక్క నివాసంలో జరిగే కార్యక్రమాల్లో పాల్గొనడానికి సోమవారం వస్తున్నారు. అనారోగ్యంతో ఇటీవల జ్యోతక్క మృతి చెందిన సంగతి తెలిసిందే. ఆమె సోదరి కుమారుడైన వేణుగోపాల్‌..మంగళ, బుధవారాల్లో జరిగే జ్యోతక్క దశదినకర్మ, పెద్దకర్మ కార్యక్రమాలను పర్యవేక్షిస్తారని కుటుంబ సభ్యులు తెలిపారు. భరతనాట్యంలో ధర్మపురి చిన్నారికి అవార్డు ధర్మపురి: తమిళనాడు రాష్ట్రం కంచీపురంలోని ఏకాంబర ఈశ్వర్‌ ఆలయంలో ఆదివారం నిర్వహించిన భరతనాట్యం పోటీల్లో ధర్మపురికి చెందిన చిన్నారికి నాట్యదేవతా అవార్డు అందించా రు. మండలంలోని తిమ్మాపూర్‌ గ్రామానికి చెందిన వావిలాల జగదీశ్‌, హారిణి దంపతుల కూ తురు సోనాక్షి (8) కంచీలో నిర్వహించిన భరతనాట్య పోటీల్లో పాల్గొంది. చిన్నారి నృత్యప్రదర్శకు అవార్డును అందించి అభినందించారు. ‘సూరమ్మ’ కాలువల భూసేకరణకు రూ.10 కోట్లుకథలాపూర్‌: కథలాపూర్‌, మేడిపెల్లి మండలాల్లో సూరమ్మ ప్రాజెక్టు కుడి, ఎడమ కాలువల భూసేకరణకు రూ.10 కోట్లు ప్రభుత్వం మంజూరు చేసినట్లు విప్‌ ఆది శ్రీనివాస్‌ ఆదివారం రాత్రి ప్రకటనలో తెలిపారు. వేములవాడ నియోజకవర్గంలో సాగునీటి ఇబ్బందులను ప్రభుత్వ విప్‌ ఆది దృష్టికి రైతులు తీసుకెళ్లగా, సూరమ్మ ప్రాజెక్టు పనులు పూర్తి చేసి 50 వేల ఎకరాలకు నీరందిస్తామని ఇటీవలే హామీ ఇచ్చారు. హామీ మేరకు ప్రభుత్వాన్ని ఒప్పించి కుడి, ఎడమ కాలువల భూసేకరణకు నష్టపరిహారం కింద రూ.10 కోట్లు విప్‌ ఆది మంజూరు చేయించారని కాంగ్రెస్‌ నాయకులు పేర్కొన్నారు. కొనుగోలు కేంద్రాలను సద్వినియోగం చేసుకోవాలి ధర్మపురి: ధాన్యం కొనుగోలు కేంద్రాలను రైతులు సద్వినియోగం చేసుకోవాలని ఉమ్మడి జిల్లా డీసీఎంఎస్‌ చైర్మన్‌ శ్రీకాంత్‌రెడ్డి అన్నారు. మండలంలోని కమలాపూర్‌, నేరెల్ల గ్రామాల్లో ఆదివారం కొనుగోలు కేంద్రాలను ప్రారంభించారు. కార్యక్రమంలో వ్యవసాయ మార్కెట్‌ కమిటీ చైర్మన్‌ చిలుముల లావణ్య లక్ష్మణ్‌, ఉపాధ్యక్షులు సంఘ నర్సింహులు శేర్ల రాజేశం, డైరెక్టర్లు పాల్గొన్నారు. ధాన్యం కొనుగోలు కేంద్రం ప్రారంభం బుగ్గారం: మండలంలోని సిరివంచకోటలో ప్రాథమిక వ్యవసాయ సహకార సంఘం ధర్మపురి ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని ధర్మపురి మార్కెట్‌ కమిటీ చైర్‌పర్సన్‌ చిలుముల లావణ్య ప్రారంభించారు. కార్యక్రమంలో కమిటీ సభ్యులు,స్థానిక నాయకులు,రైతులు పాల్గొన్నారు.