మొబైల్ ఫోన్ ఉపయోగిస్తున్న ప్రతి ఒక్కరికీ.. రీఛార్జ్ అనేది తప్పనిసరి ఖర్చుగా మారింది. ఇలాంటి సమయంలో ఎయిర్‌టెల్, జియో, వొడాఫోన్ ఐడియా టెలికాం కంపెనీలు రీఛార్జ్ ధరలను మరోసారి పెంచడానికి సన్నద్ధమవుతున్నట్లు సమాచారం. దీనికి సంబంధించిన మరిన్ని వివరాలు ఈ కథనంలో తెలుసుకుందాం.సెంట్రమ్ ఇన్‌స్టిట్యూషనల్ రీసెర్చ్ విడుదల చేసిన నివేదిక ప్రకారం.. రాబోయే నాలుగు నుంచి ఐదు నెలల్లో టెలికాం కంపెనీలు రీఛార్జ్ ధరలను 12 నుంచి 15 శాతం వరకు పెంచే అవకాశం ఉంది. అయితే.. ఇది కేవలం ఒక అంచనా మాత్రమే. ఇప్పటివరకు ఏ టెలికాం సంస్థ కూడా ధరల పెంపుపై అధికారిక ప్రకటన చేయలేదు.టెలికాం రంగంలో పోటీ తగ్గడం.. ధరలు పెరిగే అవకాశానికి ప్రధాన కారణంగా నివేదిక పేర్కొంది. ప్రస్తుతం ఎయిర్‌టెల్, జియో, వొడాఫోన్ ఐడియా వంటి ప్రధాన ప్రైవేట్ కంపెనీలు మార్కెట్‌లో కొనసాగుతున్నాయి. ఈ పరిస్థితుల్లో కంపెనీలు తమ ఆదాయాన్ని పెంచుకోవడానికి రీఛార్జ్ ప్లాన్ల ధరలను పెంచే అవకాశం ఉందని విశ్లేషకులు భావిస్తున్నారు.ఒకవేళ 12 నుంచి 15 శాతం ధరల పెంపు అమలైతే.. ప్రస్తుతం రూ.299 ఉన్న రీఛార్జ్ ప్లాన్ ధర సుమారు రూ.335 నుంచి రూ.344 వరకు చేరవచ్చు. అదే విధంగా రూ.349 ప్లాన్ ధర దాదాపు రూ.391 నుంచి రూ.401 వరకు పెరిగే అవకాశం ఉంటుంది. అయితే, ఇవి కేవలం ఉదాహరణలు మాత్రమే. కంపెనీలు నిజంగా ధరలు పెంచితే ఏ ప్లాన్ ధర ఎంత మారుతుందనేది వాటి అధికారిక ప్రకటన తర్వాతే తెలుస్తుంది.ఇదీ చదవండి: జియో రీచార్జ్‌: 28 రోజుల ప్లాన్.. 42జీబీ డేటా!

సాధారణంగా బంగారం, వెండి అంటే చాలామందికి ఇష్టం. కొందరు ఆభరణాల కోసం కొనుగోలు చేస్తే.. మరికొందరు భవిష్యత్తులో మంచి లాభాలు వస్తాయనే ఆశతో పెట్టుబడులు పెడుతుంటారు. అయితే, గత కొంతకాలంగా బంగారంతో పోలిస్తే వెండి ధరలు భారీగా పడిపోతున్నాయి. దీంతో వెండిలో పెట్టుబడి పెట్టినవారు ఆందోళన చెందుతున్నారు. గతంలో మంచి రాబడులు ఇచ్చిన వెండి ఇప్పుడు ఎందుకు తగ్గుతోంది? అసలు ధరల పతనానికి కారణాలేంటి? అనే విషయాలు ఈ కథనంలో తెలుసుకుందాం.అందుకే వెండికి డిమాండ్వెండిని మనం సాధారణంగా ఆభరణాలు, పూజా సామగ్రి, పట్టీలు, మెట్టెలు, దేవుడి విగ్రహాలు, గ్లాసులు వంటి వస్తువుల తయారీలో ఉపయోగిస్తుంటాం. అయితే.. వెండికి డిమాండ్ పెరగడానికి ఇవే ప్రధాన కారణాలు కావు. పారిశ్రామిక రంగంలో కూడా వెండిని విస్తృతంగా వినియోగించడంతో వెండికి డిమాండ్ విపరీతంగా పెరిగింది. ముఖ్యంగా ఎలక్ట్రిక్ వాహనాలు, సోలార్ విద్యుత్ పరికరాలు, ఎలక్ట్రానిక్ చిప్‌లు, డేటా సెంటర్లు వంటి రంగాల్లో వెండి కీలక పాత్ర పోషిస్తుంది.వెండికి విద్యుత్‌ను సమర్థవంతంగా ప్రసారం చేసే లక్షణం ఉండటంతో అనేక ఎలక్ట్రానిక్ పరికరాల్లో దీన్ని ఉపయోగిస్తారు. అందువల్ల పారిశ్రామిక రంగంలో డిమాండ్ పెరిగినా, తగ్గినా వెండి ధరలపై ప్రభావం పడుతుంది. అంతర్జాతీయ మార్కెట్లలో జరిగే మార్పులు కూడా వెండి ధరలను ప్రభావితం చేస్తాయి.బంగారం, వెండి ధరల్లో వ్యత్యాసంఇటీవల బంగారం, వెండి ధరల మధ్య వ్యత్యాసం కనిపిస్తోంది. ఈ ఏడాది ఇప్పటివరకు బంగారం ధర సుమారు 3 శాతం తగ్గగా, వెండి ధర ఏకంగా 16 శాతం పడిపోయింది. గత ఆరు నెలల్లో వెండి 20.14 శాతం, గత నెలలో 8.14 శాతం తగ్గినట్లు నివేదికలు చెబుతున్నాయి.పరిశ్రమల్లో వెండి వినియోగం తగ్గితే.. భవిష్యత్తులో వెండికి డిమాండ్ తగ్గే అవకాశం ఉంటుందని పెట్టుబడిదారుల్లో ఆందోళన కలుగుతోంది. అమెరికా డాలర్ బలపడటం కూడా వెండి ధరలను ప్రభావితం చేయవచ్చు. అంతర్జాతీయ మార్కెట్‌లో వెండి సాధారణంగా డాలర్లలో ట్రేడవుతుంది. డాలర్ బలపడినప్పుడు ఇతర కరెన్సీలు ఉపయోగించే కొనుగోలుదారులకు వెండి ఖరీదుగా మారే అవకాశం ఉంటుంది. దీంతో డిమాండ్‌పై ప్రభావం పడవచ్చు.ఇదీ చదవండి: మరోసారి పెరగనున్న రీఛార్జ్ ధరలు.. ఈసారి ఎంతంటే?ఈ రోజు వెండి ధరలువెండి రేటు గత వారం రోజులుగా స్థిరంగా ఉంది. దీంతో కేజీ సిల్వర్ ధర హైదరాబాద్, విజయవాడలలో రూ.2.45 లక్షల వద్ద ఉంది. ఢిల్లీలో కేజీ వెండి రేటు రూ.2.40 లక్షల వద్ద ఉంది.

న్యూఢిల్లీ: అక్టోబర్ 10న జరిగిన కాక్రోచ్ జనతా పార్టీ (సీజేపీ) నిరసనలో అమ్మాయిలు, మహిళలు, ఇతర విద్యార్థులపై దాడికి పాల్పడినట్లు ఆరోపణలు ఎదుర్కొంటున్న నలుగురిని పోలీసులు అరెస్టు చేశారు. తాము హిందూ రక్షా దళ్‌కు చెందినవారమని చెప్పుకున్న ఈ వ్యక్తులు.. ఆ ముసుగులో డీడీయూ మార్గ్‌లో నిరసనకారులను కొట్టడం, మహిళలను తోసివేయడం వంటి చర్యలకు పాల్పడినట్లు పోలీసులు ఆదివారం వెల్లడించారు. ఈ ఘటనకు సంబంధించిన వీడియో సామాజిక మాధ్యమాల్లో వైరల్ కావడంతో పోలీసులు చర్యలు చేపట్టారు. అరెస్టయిన వారిని రమణ్ సైనీ (50), వివేకానంద్ అలియాస్ వివేక్ (32), కపిల్ కుమార్ (27), రవీందర్ సింగ్ అలియాస్ గోవింద్ హిందూ (35)గా గుర్తించినట్లు సీనియర్ పోలీసు అధికారి తెలిపారు.కమలా మార్కెట్ పోలీస్ స్టేషన్ పరిధిలోని డీడీయూ మార్గ్‌లో ఈ ఘటన జరిగినట్లు పోలీసులు గుర్తించారు. కొందరు యువ విద్యార్థులపై దాడి చేయడం, మహిళలను బలవంతంగా తోసివేయడం వీడియోలో కనిపించింది. ఈ ఘటన జరిగిన సమయంలో అక్కడ ఓ పోలీసు సిబ్బంది కూడా ఉన్నట్లు వీడియోలో కనిపిస్తోంది.నిరసన మొదటి రోజున విద్యార్థులు దేశ రాజధానిలోని వివిధ ప్రాంతాల్లో గుమిగూడేందుకు ప్రయత్నిస్తున్న సమయంలో ఈ వీడియో సామాజిక మాధ్యమాల్లోని గ్రూపుల్లో చక్కర్లు కొట్టినట్లు పోలీసు వర్గాలు తెలిపాయి. అయితే, తొలుత ఘటన జరిగిన కచ్చితమైన ప్రదేశాన్ని గుర్తించలేకపోయారు. నిరసన నేపథ్యంలో నగరవ్యాప్తంగా భద్రతా ఏర్పాట్లు, తనిఖీలు చేపట్టిన సమయంలో సిబ్బంది ఆ ప్రాంతాన్ని గుర్తించినట్లు వెల్లడించాయి.ఇదీ చదవండి: జ్ఞానేశ్ కుమార్‌ను కాపాడేందుకే అణచివేత: సౌరవ్ దాస్ అధికారిక ఫిర్యాదు అంద​​‍కపోయినా.. ఈ ఘటనపై తమకు ఎలాంటి అధికారిక ఫిర్యాదు అందలేదని పోలీసులు తెలిపారు. అయినప్పటికీ, వీడియో తమ దృష్టికి రావడం, నిందితులు ఢిల్లీ-జాతీయ రాజధాని ప్రాంతం నుంచి వెళ్లిపోయే అవకాశం ఉందన్న విశ్వసనీయ సమాచారం అందడంతో పోలీసులు స్వయంగా కేసును పరిగణనలోకి తీసుకుని చర్యలు చేపట్టారు. నలుగురిని గుర్తించి అరెస్టు చేసినట్లు సీనియర్ అధికారి వెల్లడించారు.ప్రధాన ఎన్నికల కమిషనర్ జ్ఞానేశ్ కుమార్ రాజీనామా చేయాలంటూ, ఓటర్ల జాబితా ప్రత్యేక సమగ్ర సవరణ (ఎస్‌ఐఆర్‌)కు వ్యతిరేకంగా సీజేపీ నిరసన చేపట్టింది. ఈ ఆందోళనల సందర్భంగా ఢిల్లీలో పలుచోట్ల నిరసనకారులను పోలీసులు అదుపులోకి తీసుకున్నారు. వేలాది మందిని నిర్బంధించినట్లు వార్తలు వెలువడ్డాయి.ఈ ఘటనకు సంబంధించిన వీడియోను భారత యువజన కాంగ్రెస్, అఖిల భారత విద్యార్థి సంఘం (ఏఐఎస్ఏ), సీజేపీకి సంబంధించిన సామాజిక మాధ్యమ ఖాతాలు కూడా పంచుకున్నాయి. దాడి ఘటనపై తదుపరి పోలీసు చర్యలు, నిరసనల సమయంలో భద్రతా సిబ్బంది వ్యవహరించిన తీరుపై విచారణ ఎలా సాగుతుందన్నది కీలకంగా మారింది.POLICE ACTION Taking suo motu cognizance of a video circulating on social media showing four men allegedly assaulting a male protester, Delhi Police, PS Kamla Market, acted promptly and initiated legal proceedings. All four individuals involved have been identified and traced. Further legal action is underway in accordance with the law. Delhi Police remains committed to taking appropriate action against incidents of violence and ensuring that complaints of such nature are dealt with promptly. #DPUpdates— Delhi Police (@DelhiPolice) October 11, 2026

తెలుగు సినీ ప్రేక్షకులు ఆసక్తిగా ఎదురుచూస్తున్న చిత్రాల్లో ‘రణబాలి’ ఒకటి. విజయ్ దేవరకొండ, రష్మిక మందన్న జంటగా నటిస్తున్న ఈ పీరియాడిక్ యాక్షన్ డ్రామాపై భారీ అంచనాలు నెలకొన్నాయి. ఈ క్రమంలో సినిమా ప్రమోషన్స్‌ను మరింత జోరుగా నిర్వహిస్తున్న మేకర్స్.. తాజాగా రెండో పాట ‘కోబలి’ని విడుదల చేశారు.రణబాలి నుంచి రెండో పాటవిజయ్ దేవరకొండ, రష్మిక మందన్న ప్రధాన పాత్రల్లో నటించిన ‘రణబాలి’ అక్టోబర్ 16న ప్రేక్షకుల ముందుకు రానుంది. సినిమా విడుదల తేదీ దగ్గరపడుతున్న నేపథ్యంలో చిత్ర బృందం ప్రమోషన్స్‌ను వేగవంతం చేసింది. ఇందులో భాగంగా ముందుగా స్పాటిఫైలో విడుదలైన ‘కోబలి’ పాట లిరికల్ వీడియోను తాజాగా యూట్యూబ్‌లోనూ విడుదల చేశారు.‘కోబలి’ పాట పవర్‌ఫుల్‌గా సాగుతూ ఆకట్టుకుంటోంది. అర్థవంతమైన సాహిత్యం ఈ పాటకు ప్రత్యేక ఆకర్షణగా నిలుస్తోంది. అజయ్-అతుల్ ఈ చిత్రానికి సంగీతం అందిస్తున్నారు. సినిమా విడుదలకు ముందు వచ్చిన ఈ రెండో పాటతో ‘రణబాలి’పై ప్రేక్షకుల్లో ఆసక్తి మరింత పెరిగే అవకాశం ఉంది.

బిగ్‌బాస్ తెలుగు సీజన్‌ 10లో ఐదో వారం ఉత్కంఠకు తెరపడింది. వైల్డ్ కార్డ్ కంటెస్టెంట్‌గా హౌస్‌లోకి అడుగుపెట్టిన అపూర్వ ప్రయాణం ముగిసింది. బయట జరుగుతున్న ఆటను చూసి వచ్చినా.. హౌస్‌లో తనదైన ముద్ర వేయడంలో ఆమె విఫలమైంది. ముఖ్యంగా షాలినీ, త్రిగుణ్‌లతో వివాదాలకే పరిమితం కావడంతో ప్రేక్షకుల నుంచి ఆశించిన స్థాయిలో మద్దతు పొందలేకపోయింది. దీంతో ఐదో వారం ఓటింగ్‌లో వెనుకబడిన అపూర్వ ఎలిమినేట్‌ అయింది. అయితే హౌస్‌ నుంచి బయటకు వెళ్లే ముందు పలువురు కంటెస్టెంట్లకు ఆమె ఇచ్చిన సలహాలు, చేసిన వ్యాఖ్యలు ఆసక్తికరంగా మారాయి.ఝాన్సీ ఎమోషనల్‌.. ఐదో వారం ఎలిమినేషన్‌లో భాగంగా అపూర్వ పేరు ప్రకటించడంతో హౌస్‌లో భావోద్వేగ వాతావరణం నెలకొంది. ఆమె బయటకు వెళ్తుందని తెలిసిన ఝాన్సీ కన్నీళ్లు పెట్టుకుంది. ఈ ఇంట్లో నీ గురించే ఎక్కువగా బాధపడతానని చెబుతూ అపూర్వకు వీడ్కోలు పలికింది. ఆటను జాగ్రత్తగా ఆడాలని ఝాన్సీకి సూచించిన అపూర్వ.. హౌస్‌ నుంచి బయటకు వచ్చింది.స్టేజ్‌పైకి వచ్చిన తర్వాత తన బిగ్‌బాస్‌ ప్రయాణానికి సంబంధించిన వీడియోను చూసి అపూర్వ భావోద్వేగానికి గురైంది. ఈ సందర్భంగా ఇంట్లోకి అడుగుపెట్టే ముందు తన తండ్రి చెప్పిన మాటలను గుర్తు చేసుకుంది. ‘మా నాన్న ఇంట్లోకి వచ్చే ముందు పరువు తీయకు.. పరువు నిలబెట్టు చాలు అని చెప్పారు. నేను అదే చేశానని అనుకుంటున్నా’ అని అపూర్వ చెప్పుకొచ్చింది.రోహిత్‌కు హద్దుల్లో ఉండాలని హితవుఅనంతరం నాగార్జున సూచనతో అపూర్వ హౌస్‌మేట్స్‌కు బిట్టర్‌ షాట్స్‌ ఇస్తూ వారి ఆటపై తన అభిప్రాయాలను వెల్లడించింది. మొదట రోహిత్‌కు బిట్టర్‌ షాట్‌ ఇచ్చింది. పక్కన ఉన్నవారిని తక్కువగా చూడొద్దని, తనను తాను ఎక్కువగా అంచనా వేసుకోవడం తగ్గించుకోవాలని సూచించింది. ఆటలో సమీకరణాలు ఎప్పుడైనా మారవచ్చని హెచ్చరించింది. తన ఆటపై నమ్మకం ఉండటం మంచిదే కానీ, అది హద్దులు దాటకూడదని రోహిత్‌కు హితవు పలికింది.రామ్‌ ప్రసాద్‌పై అపూర్వ ఘాటు వ్యాఖ్యలుఆ తర్వాత రామ్‌ ప్రసాద్‌కు బిట్టర్‌ షాట్‌ ఇచ్చిన అపూర్వ.. రిలేషన్స్‌ కారణంగా ఆటలో ఇతరులపై ఆధిపత్యం చెలాయిస్తున్నావంటూ విమర్శించింది. నీ స్వభావంలో స్వార్థం కనిపిస్తోందని, ఒకరి కోసం మరొకరికి అన్యాయం చేస్తున్నావని వ్యాఖ్యానించింది. ఆటలో వ్యక్తిగత సంబంధాల ప్రభావం ఎక్కువ కాకుండా చూసుకోవాలని పరోక్షంగా సూచించింది.షాలినీకి కీలక సలహాషాలినీ ఆట తీరుపైనా అపూర్వ తన అభిప్రాయాన్ని స్పష్టంగా చెప్పింది. ‘నిన్ను నువ్వు కోల్పోయావ్‌.. అగ్నిపరీక్షలో ఉన్నది వేరు, ఇక్కడ ఆట వేరు. చెట్టు చాటున ఉంటున్నావ్‌.. నీ కోసం నువ్వు ఆడు. ఆటలోకి దిగు.. వేరే విషయాల్లోకి వెళ్లిపోయావ్‌’ అంటూ సూచించింది. ఎదుటివారు చెప్పేది పూర్తిగా విన్న తర్వాతే స్పందించాలని సలహా ఇచ్చింది. తన మాటలు నచ్చితే స్వీకరించాలని, లేదంటే వదిలేయవచ్చని షాలినీకి చెప్పింది.

చిత్తూరు జిల్లా: సీఎం చంద్రబాబు ప్రాతినిధ్యం వహిస్తున్న కుప్పంలో టీడీపీకి షాక్ తగిలింది. స్థానిక సంస్థలు నోటిఫికేషన్‌కు ముందే వైఎస్సార్‌సీపీలో ఈ చేరికలు జోష్ పెంచుతున‍్నాయి. గుడుపల్లి మండలం చిన్న గొల్లపల్లి పంచాయతీ, పి.బి.వాడకు చెందిన 14 కుటుంబాలకు చెందిన సభ్యులు ఎమ్మెల్సీ భరత్ సమక్షంలో వైఎస్సార్‌సీపీలో చేరారు.కుప్పం మండలం అడవి బూదగురు పంచాయతీలో వైఎస్సార్‌సీపీలోకి టీడీపీకి చెందిన 12 కుటుంబాలకు చెందిన పెద్దలు చేరారు. వారు వైఎస్సార్‌సీపీలో చేరడం పార్టీ శ్రేణుల్లో ఉత్సాహాన్ని నింపిందని భరత్ తెలిపారు.

‘ఇరుముడి’తో హిట్‌ ట్రాక్‌ ఎక్కాడు రవితేజ. శివ నిర్వాణ దర్శకత్వం వహించిన ఈ చిత్రం రవితేజ కెరీర్‌కు ఓ కొత్త ఊపునిచ్చింది. ఇప్పుడు అదే జోష్‌తో కొత్త సినిమాను ప్రారంభించాడు. ఈ చిత్రానికి వివేక్‌ ఆత్రేయ దర్శకత్వం వహిస్తున్నాడు. ఈ రోజు (అక్టోబర్‌ 11) ఈ చిత్రం పూజా కార్యక్రమం ఘనంగా జరిగింది. ఈ సందర్భంగా సినిమా టైటిల్‌ని రివీల్‌ చేశారు మేకర్స్‌. ఈ చిత్రానికి ‘తులాభారం’అనే టైటిల్‌ని ఖరారు చేశారు. ఈ కార్యక్రమానికి రవితేజ కూతురు మోక్షద కూడా హాజరై ప్రత్యేక ఆకర్షణగా నిలిచింది. ఇప్పుడీ ఫొటోలు వైరల్‌ అవుతున్నాయి. ఈ చిత్రంలో రవితేజ సరసన ప్రియాంక మోహన్, అనస్వర రాజన్ హీరోయిన్లుగా నటిస్తున్నారు. టాలీవుడ్ సీనియర్ నటుడు జె.డి. చక్రవర్తి విలన్ పాత్రలో కనిపిస్తుండగా డైరెక్టర్ కమ్ నటుడు తరుణ్ భాస్కర్ కీలక పాత్రలో మెరవనున్నాడు.(ఇదీ చదవండి: ‘జైలర్‌2’ రజినీకాంత్‌ రెమ్యునరేషన్‌ ఎంతంటే..?)Ravi Teja’s Daughter at the #RT78 Launch Event with #AnaswaraRajan❤️✨ Watch Here : The Title Documentary https://t.co/XJE0KPnizt #RaviTeja #VivekAthreya #Laxman https://t.co/5M9mJ2eRnN— YouWe Media (@MediaYouwe) October 11, 2026

దసరా, దీపావళి పండగల సీజన్ వచ్చిందంటే చాలు ఈ-కామర్స్ దిగ్గజాలైన ఫ్లిప్‌కార్ట్, అమెజాన్ వంటి సంస్థలు భారీ డిస్కౌంట్లు, బిగ్ సేల్స్ ప్రకటనలతో వినియోగదారులను ఆకర్షిస్తాయి. ఆకర్షణీయమైన ప్రకటనలు చూసి మురిసిపోయి, తొందరపాటులో కొనుగోళ్లు చేస్తే సైబర్ నేరగాళ్ల వలలో పడే ప్రమాదం ఉంది. పండగ షాపింగ్‌ను సురక్షితంగా చేసుకోవడానికి ప్రతి వినియోగదారుడు కొన్ని కీలకమైన అంశాలపై అవగాహన పెంచుకోవాలి.ఆన్‌లైన్ షాపింగ్‌లో జరిగే ప్రధాన మోసాలుఫేక్ వెబ్‌సైట్లు, ఫిషింగ్ లింకులు: అసలైన ఈ-కామర్స్ సైట్లను పోలిన నకిలీ వెబ్‌సైట్లు (ఫిషింగ్‌ సైట్లు) సృష్టించి సోషల్ మీడియా లేదా వాట్సాప్ మెసేజ్‌ల ద్వారా రూ.99లకే స్మార్ట్‌ఫోన్, 90 శాతం డిస్కౌంట్ అంటూ ఊరించే లింకులను పంపుతారు. ఈ లింకులను క్లిక్ చేస్తే వ్యక్తిగత, బ్యాంకు వివరాలు సైబర్ కేటుగాళ్ల చేతికి చిక్కుతాయి.డార్క్ ప్యాటర్న్స్: కొన్ని సంస్థలు ‘ఫేక్ అర్జెన్సీ’ వాతావరణాన్ని సృష్టిస్తాయి. ‘ఈ ఆఫర్ కేవలం మరో 2 నిమిషాలు మాత్రమే ఉంటుంది.. స్టాక్ కేవలం ఒకటి మాత్రమే మిగిలింది’ అని హడావుడి చేసి ఆలోచించే సమయం ఇవ్వకుండా కొనుగోలు చేసేలా ఒత్తిడికి గురిచేస్తాయి.ఫేక్ రివ్యూలు, ఎంఆర్‌పీ మాయాజాలం: వస్తువుల అసలు ధర కంటే ఎంఆర్‌పీని బాగా పెంచి చూపి దానికి భారీ డిస్కౌంట్ ఇస్తున్నట్లు భ్రమ కలిగిస్తారు. అలాగే, సదరు వస్తువు నాణ్యతను పెంచి చూపేందుకు నకిలీ రివ్యూలు, రేటింగ్‌లను ఉపయోగిస్తారు.పేమెంట్ గేట్‌వే మోసాలు: ఆన్‌లైన్ పేమెంట్ చేసే సమయంలో యూపీఐ పిన్ నంబర్ ఎంటర్ చేస్తే డబ్బులు డిపాజిట్ అవుతాయని నమ్మించి మోసం చేయడం లేదా నకిలీ పేమెంట్ లింక్‌ల ద్వారా బ్యాంక్ అకౌంట్ ఖాళీ చేస్తారు.తీసుకోవాల్సిన ముందస్తు జాగ్రత్తలువెబ్‌సైట్ చిరునామాను పరిశీలించండి: ఏ సైట్‌లోనైనా షాపింగ్ చేసే ముందు అడ్రస్ బార్‌లో ‘https://’, లాక్ (Padlock) సింబల్ ఉందో లేదో సరిచూసుకోండి. నకిలీ వెబ్‌సైట్ల డొమైన్ పేర్లలో అక్షరాల తేడాలు (ఉదాహరణకు amazon బదులు amazonn) ఉంటాయి.ధరల పోలిక, హిస్టరీ చెక్: ఆఫర్ నిజమైనదేనా అని తెలుసుకోవడానికి వేర్వేరు ప్లాట్‌ఫామ్‌లలో ఆ వస్తువు ధరను సరిపోల్చండి. ‘ప్రైస్ ట్రాకర్’ టూల్స్ ఉపయోగించి ఆ వస్తువు అసలు ధర గతంలో ఎంత ఉందో చెక్ చేయవచ్చు.కస్టమర్ రివ్యూలు: కేవలం 5-స్టార్ రేటింగ్‌లను మాత్రమే నమ్మకుండా, నెగటివ్ రివ్యూలు (1 లేదా 2 స్టార్ రేటింగ్స్) కూడా చదవండి. వెరిఫైడ్ బయ్యర్లు ఇచ్చిన కామెంట్లను సరిచూసుకోండి.సురక్షితమైన పేమెంట్ విధానాలు: పేమెంట్ చేసేటప్పుడు ఎప్పుడూ క్రెడిట్ కార్డు లేదా వర్చువల్ డెబిట్ కార్డులను ఉపయోగించడం సురక్షితం. అపరిచిత సైట్లలో షాపింగ్ చేసేటప్పుడు క్యాష్ ఆన్ డెలివరీ ఎంచుకోవడం ఉత్తమం.ఓటీపీ, పిన్ గోప్యత: యూపీఐ ద్వారా డబ్బులు స్వీకరించడానికి ఎప్పుడూ పిన్‌ నంబర్ ఎంటర్ చేయాల్సిన అవసరం లేదు. కేవలం డబ్బులు పంపేటప్పుడు మాత్రమే పిన్ కొట్టాలి. బ్యాంక్ క్రెడెన్షియల్స్, ఓటీపీలను ఎవరితోనూ పంచుకోవద్దు.ఒకవేళ మీరు ఆన్‌లైన్ మోసానికి గురైతే తక్షణమే జాతీయ సైబర్ క్రైమ్ హెల్ప్‌లైన్ నంబర్ 1930కి కాల్ చేసి ఫిర్యాదు చేయండి లేదా cybercrime.gov.in వెబ్‌సైట్‌లో ఫిర్యాదు నమోదు చేయాలి. పండుగ సంబరాల్లో అప్రమత్తతే సరైన రక్షణ!ఇదీ చదవండి: సూపర్ ఎల్‌నినో ఎఫెక్ట్‌.. ప్రమాదంలో దేశ ఆహార రంగం!

హైదరాబాద్‌: తలకు ప్లాస్టిక్‌ కవర్‌ చుట్టుకొని హీలియం గ్యాస్‌ పీల్చుకొని ఓ సాఫ్ట్‌వేర్‌ ఇంజనీర్‌ ఆత్మహత్య చేసుకున్నాడు. గచ్చిబౌలి ఇన్‌స్పెక్టర్‌ సైదులు తెలిపిన మేరకు.. హర్యానాకు చెందిన సౌరభ్‌ శేఖర్‌(36) మాదాపూర్‌లోని ఓ ఐటీ కంపెనీలో సాఫ్ట్‌వేర్‌ ఇంజనీర్‌గా పని చేస్తున్నారు. రాయదుర్గంలోని నాలెడ్జీసిటీలోని మై హోం భూజలో సోదరుడు లక్ష్య శేఖర్‌ వద్ద ఉంటున్నాడు. స్నేహితులను కలిసేందుకు వెళుతున్నాని చెప్పి శనివారం సాయంత్రం బయటకు వెళ్లాడు. కొండాపూర్‌లోని రాజరాజేశ్వరీనగర్‌లోని వీవీ హైట్స్‌ లో ఉన్నట్లు కుటుంబ సభ్యులకు వాట్సాప్‌ గ్రూపులో అదే రోజు రాత్రి మెసేజ్‌ పెట్టాడు. మరుసటి రోజు కుటుంబ సభ్యులు ఫోన్‌చేసినా స్పందించలేదు. ఆదివారం ఉదయం సోదరుడు వాట్సాప్‌లో పంపిన అడ్రస్‌కు వెళ్లి వాకబు చేశాడు. ఓ ఫ్లాట్‌లో తలకు ప్లాస్టిక్‌ కవర్, హీలియం సిలిండర్‌ పెట్టుకొని చనిపోయి ఉన్నాడు. గత పదేళ్లుగా అన్నం తినగానే కడుపు నొప్పి రావడం, వాంతులు అవుతాయని కుటుంబ సభ్యులు తెలిపారు. ఎలాంటి బాధ లేకుండా చనిపోయేందుకు హీలియం గ్యాస్‌ వాడినట్లుగా పోలీసులు భావిస్తున్నారు. అనారోగ్యం కారణంగా చని పోతున్నానని, మమ్మీ, పప్పాకు సారీ అని నోట్‌రాశాడు. కేసు నమోదు చేసుకొని ఆత్మహత్యకు గల కారణాలపై దర్యాప్తు చేస్తున్నామని పోలీసులు తెలిపారు.

లండన్: అణు యుద్ధం, కృత్రిమ మేధ (ఏఐ) దుర్వినియోగం మానవాళి మనుగడకే ముప్పుగా మారే ప్రమాదం ఉందని ది లాన్సెట్ నివేదిక హెచ్చరించింది. 2100 నాటికి ఈ పరిణామాలు మానవ వినాశనానికి దారితీసే అవకాశం ఉన్నప్పటికీ, ఆ ప్రమాదం తక్కువగానే ఉందని పేర్కొంది. లాన్సెట్ కమిషన్ ఆన్ 21వ సెంచరీ గ్లోబల్ థ్రెట్స్ టు హెల్త్ నివేదికలో రాబోయే 75 ఏళ్లలో మానవ ఆరోగ్యాన్ని ప్రభావితం చేసే 17 ప్రధాన ముప్పులను గుర్తించారు. అందులో అణు యుద్ధం, ఏఐ దుర్వినియోగం, వాతావరణ మార్పులు, వాయు కాలుష్యం, చిన్నారుల్లో పోషకాహార లోపం, ఊబకాయం వంటివి వీటిలో ఉన్నాయి.ఏఐని దుర్వినియోగం చేయడం వల్ల లక్షలాది మంది ప్రాణాలకు ముప్పు వాటిల్లవచ్చని నిపుణులు హెచ్చరించారు. అణు యుద్ధం కారణంగా సూర్యరశ్మి తగ్గి, ఆహార ఉత్పత్తి దెబ్బతిని ప్రపంచవ్యాప్తంగా కరువు పరిస్థితులు ఏర్పడే ప్రమాదం ఉందని ఈ నివేదిక వివరించింది. వాతావరణ మార్పులు, అంటువ్యాధులు, యాంటీమైక్రోబయల్ నిరోధకత, మానసిక ఆరోగ్య సమస్యలు, ధూమపానం, యుద్ధాలు తదితర అంశాలనూ ప్రధాన ముప్పులుగా గుర్తించారు. అయితే ప్రభుత్వాలు వీటిపై ముందస్తు ప్రణాళికలు, నివారణ చర్యలు చేపడితే ఈ ప్రమాదాలను తగ్గించే అవకాశం ఉందని నిపుణులు సూచించారు. ఈ నివేదికను 35 మంది నిపుణులతో కూడిన కమిషన్ రూపొందించింది. భవిష్యత్తులో రానున్న ముప్పులను సమీక్షిస్తూ ఏటా నివేదికను నవీకరించాలని కమిషన్ నిర్ణయించింది.ఇదీ చదవండి: రెండో రోజు సీజేపీ నిరసనలు.. 100 మందికి పైగా అరెస్ట్