‘‘సినిమాలో ఏ మాత్రం ల్యాగ్‌ ఉన్నా సరే థియేటర్స్‌లో ఆడియన్స్‌ మొబైల్‌ ఫోన్స్‌ చూస్తున్నారు. సో... ఆడియన్స్‌ను ఎంగేజ్‌ చేయాలంటే మంచి స్క్రీన్‌ ప్లే ఉండాలి. ‘భీమా’లో గ్రిప్పింగ్‌ స్క్రీన్‌ ప్లే ఉంది. ఎలివేషన్‌.. ఎమోషన్‌.. ఎంటర్‌టైన్‌మెంట్‌లతో ఈ సినిమా ప్రేక్షకులను అలరించేలా ఉంటుంది. సెమీ ఫ్యాంటసీ ఎలిమెంట్స్‌తో ‘భీమా’ చిత్రంలో ఓ సామాజిక సందేశం కూడా ఉంది’’ అన్నారు దర్శకుడు ఎ. హర్ష. గోపీచంద్‌ హీరోగా ఎ. హర్ష దర్శకత్వంలో కేకే రాధామోహన్‌ నిర్మించిన చిత్రం ‘భీమా’. ఈ నెల 8న ఈ చిత్రం విడుదల కానుంది. ఈ సందర్భంగా బుధవారం విలేకర్ల సమావేశంలో ఎ.హర్ష మాట్లాడుతూ– ‘‘కరోనా సెకండ్‌ వేవ్‌ సమయంలో ‘భీమా’ చిత్రం సహనిర్మాత శ్రీధర్‌గారు ఓ కథ ఉంటే చెప్పమన్నారు. ఆన్‌లైన్‌లో గోపీచంద్‌గారికి ‘భీమా’ స్టోరీలైన్‌ చెప్పాను. ఆ తర్వాత ఫుల్‌ స్టోరీ చెప్పాను. ఆయనకు నచ్చింది. చిన్న మార్పులు సూచించారు. ఆ తర్వాత సెట్స్‌పైకి వెళ్లాం. గోపీచంద్‌గారు అద్భుతమైన నటుడు. ఆయన చేసిన ‘భీమా’ పాత్రను ప్రేక్షకులు ఎంజాయ్‌ చేస్తారు. రాధామోహన్‌గారు నిర్మించిన ‘బెంగాల్‌ టైగర్‌’కు కొరియోగ్రాఫర్‌గా చేశాను. ఇప్పుడు ఆయన నిర్మించిన సినిమాకు దర్శకత్వం వహించడం హ్యాపీ’’ అన్నారు. 

సినిమా రంగంలో ప్రతిభ ఉంటే చాలు.. భాషాపరమైన హద్దులు బద్దలవుతాయి. టాలెంట్‌ ఉంటే పిలిచి మరీ అవకాశాలు ఇస్తుంటారు ఆయా హీరోలు, నిర్మాతలు. ఇదే కోవలో తాజాగా ప్రశాంత్‌ నీల్, హర్ష, నార్తన్‌ వంటి కన్నడ దర్శకులు తెలుగు స్టార్‌ హీరోలతో సినిమా చేసే అవకాశాన్ని అందిపుచ్చుకున్నారు.. తెలుగు హీరోలతో ఆ కన్నడ దర్శకులు చేస్తున్న చిత్రాల గురించి తెలుసుకుందాం. ► కన్నడలో ‘ఉగ్రం’ (2014) సినిమాతో డైరెక్టర్‌గా ప్రయాణం మొదలుపెట్టారు ప్రశాంత్‌ నీల్‌. ఆ తర్వాత నాలుగేళ్లకు యశ్‌ హీరోగా ‘కేజీఎఫ్‌’ (మొదటి భాగం 2018) మూవీతో కన్నడ ఇండస్ట్రీని పాన్‌ ఇండియా స్థాయికి తీసుకెళ్లారు. ఆ సినిమాకి సీక్వెల్‌గా వచ్చిన ‘కేజీఎఫ్‌’ (రెండవ భాగం 2022) చిత్రం కూడా సూపర్‌ హిట్‌ కావడంతో భారీ అవకాశాలు ప్రశాంత్‌ నీల్‌ డోర్‌ని టచ్‌ చేశాయి. అందులో భాగంగా పాన్‌ ఇండియా హీరోగా దూసుకెళుతున్న ప్రభాస్‌తో ‘సలార్‌’ మూవీ చేసే గోల్డెన్‌ చాన్స్‌ అందిపుచ్చుకున్నారు ప్రశాంత్‌. ‘కేజీఎఫ్‌’ నిర్మాత విజయ్‌ కిరగందూర్‌ ఈ చిత్రాన్ని నిర్మిస్తున్నారు. ఈ సినిమా సెట్స్‌పై ఉండగానే మరో స్టార్‌ హీరో ఎన్టీఆర్‌తో సినిమా చేసే చాన్స్‌ అందుకున్నారు ప్రశాంత్‌ నీల్‌. ‘సలార్‌’ షూటింగ్‌ పూర్తి కాగానే ఎనీ్టఆర్‌ సినిమా ప్రీ ప్రొడక్షన్‌ని ఆరంభించనున్నారు ప్రశాంత్‌ నీల్‌. కొరటాల శివతో చేస్తున్న సినిమా పూర్తయ్యాక ప్రశాంత్‌ సినిమా షూటింగ్‌లో అడుగుపెట్టేలా ప్లాన్‌ చేస్తున్నారట ఎన్టీఆర్‌. ► కథా బలం, యాక్షన్‌ సినిమాలతో కన్నడ చిత్ర పరిశ్రమలో తనకంటూ ఓ గుర్తింపు తెచ్చుకున్నారు డైరెక్టర్‌ ఎ. హర్ష. శివరాజ్‌కుమార్‌తో ఇటీవల ఆయన తెరకెక్కించిన ‘వేద’ సినిమా సూపర్‌ హిట్‌గా నిలిచింది. తాజాగా ఆయన తెలుగులో హీరో గోపీచంద్‌తో ఓ సినిమా చేస్తున్నారు. గోపీచంద్‌ కెరీర్‌లో 31వ చిత్రమిది. శ్రీ సత్యసాయి ఆర్ట్స్‌ ప్రొడక్షన్‌పై కేకే రాధా మోహన్‌ నిర్మిస్తున్న ఈ సినిమా ఈ నెలలోనే ప్రారంభమైంది. యాక్షన్‌ ఎంటర్‌టైనర్‌గా ఈ సినిమా రూపొందుతోంది.  ► రామ్‌చరణ్‌ ప్రస్తుతం శంకర్‌ దర్శకత్వంలో చేస్తున్న చిత్రంతో బిజీగా ఉన్నారు. ఈ చిత్రం తర్వాత ‘ఉప్పెన’ ఫేమ్‌ బుచ్చిబాబు దర్శకత్వంలో ఓ మూవీకి గ్రీన్‌సిగ్నల్‌ ఇచ్చారు చరణ్‌. అదే విధంగా మరో సినిమాని కూడా లైన్‌లో పెట్టారట. ‘ముఫ్తీ’ (2017) సినిమాతో దర్శకుడిగా కన్నడలో ఘనవిజయం అందుకున్న నార్తన్‌తో రామ్‌చరణ్‌ సినిమా చేయనున్నారని టాక్‌. ఇక ‘ముఫ్తీ’ తర్వాత కన్నడ స్టార్‌ శివ రాజ్‌కుమార్‌తో నార్తన్‌ తీసిన ‘భైరతి రణగల్‌’ విడుదలకు సిద్ధంగా ఉంది. ఈ సినిమా చేస్తున్న సమయంలోనే రామ్‌చరణ్‌కు నార్తన్‌ ఓ కథ వినిపించగా, నచ్చడంతో గ్రీన్‌ సిగ్నల్‌ ఇచ్చారని టాక్‌. శంకర్‌తో చేస్తున్న సినిమా తర్వాత బుచ్చిబాబు సినిమాని పూర్తి చేశాక నార్తన్‌ మూవీ చేస్తారట రామ్‌చరణ్‌. ప్రశాంత్‌ నీల్, హర్ష, నార్తన్‌ మాత్రమే కాదు.. మరికొందరు కన్నడ దర్శకులు తెలుగు హీరోలతో సినిమాలు చేసేందుకు చర్చలు జరుపుతున్నారు.

గోపీచంద్‌ కెరీర్‌లో 31వ చిత్రం పూజా కార్యక్రమాలు శుక్రవారం జరిగాయి. కన్నడ దర్శకుడు ఎ. హర్ష తెరకెక్కించనున్న ఈ చిత్రాన్ని శ్రీ సత్యసాయి ఆర్ట్స్‌ పతాకంపై కేకే రాధామోహన్‌ నిర్మించనున్నారు. రాధామోహన్‌ మాట్లాడుతూ.. ‘మా బేనర్‌లో 14వ చిత్రాన్ని గోపీచంద్‌, హర్ష కాంబినేషన్‌లో నిర్మించడం ఆనందంగా ఉంది. కన్నడలో పలు బ్లాక్‌ బస్టర్‌ చిత్రాలను అందించిన హర్ష ఈ భారీ బడ్జెట్‌ చిత్రంతో తెలుగులోకి అడుగుపెడుతున్నారు. ఇప్పటి వరకూ గోపీచంద్‌ పలు భారీ యాక్షన్‌ ఎంటర్‌టైనర్‌లు చేశారు. ఈ చిత్రం వాటికి భిన్నంగా ఉంటుంది. మంచి ఫ్యామిలీ ఎమోషన్స్‌ ఉన్న మాసీవ్‌ మాస్‌ యాక్షన్‌ ఎంటర్‌టైనర్‌ ఇది. ఈ నెలలోనే షూటింగ్స్‌ ఆరంభిస్తాం’ అన్నారు. ఈ చిత్రానికి సంగీతం: రవి బస్రూర్‌, కెమెరా: స్వామి.జె.

కడప సెవెన్‌రోడ్స్‌: పోస్టల్‌ బ్యాలెట్ల ద్వారా ఓటుహక్కు వినియోగించుకునే కార్యక్రమం ఈనెల 5 నుంచి 7వ తేది వరకు నిర్వహించనున్నట్లు జిల్లా ఎన్నికల అధికారి విజయరామరాజు తెలిపారు. శుక్రవారం కలెక్టరేట్‌లో నిర్వహించిన విలేకరుల సమావేశంలో ఆయన మాట్లాడారు. ఇప్పటికే పీఓలు, ఏపీఓలు, మైక్రో అబ్జర్వర్లకు శిక్షణ కార్యక్రమాలు పూర్తి చేశామన్నారు. పోలింగ్‌ సిబ్బంది 14,640 మందికిగాను 13,536 మంది తమ పోస్టల్‌ బ్యాలెట్లను ఈనెల 5వ తేది అసెంబ్లీ నియోజకవర్గ కేంద్రాల్లో ఏర్పాటు చేసిన ఫెసిలిటేషన్‌ సెంటర్లలో వినియోగించుకుంటారన్నారు. ఇతర జిల్లాలకు చెందిన 3570 మంది రిజిష్టర్డ్‌ ఓటర్లకు కూడా అదేరోజు పోస్టల్‌ బ్యాలెట్ల ద్వారా ఓటువేసే అవకాశం కల్పించామన్నారు. ఈనెల 6, 7 తేదీలలో హోమ్‌ ఓటింగ్‌ జరుగుతుందని తెలిపారు. జిల్లాలో 85 ఏళ్లు పైబడిన వారు 7365 మందికిగాను 519 మంది, 18,532 మంది దివ్యాంగులకు గాను 359 మంది కలిపి మొత్తం 878 మంది హోమ్‌ ఓటింగ్‌ ద్వారా తమ ఓటుహక్కును వినియోగించుకోనున్నారని వివరించారు. వీరు కూడా పోస్టల్‌ బ్యాలెట్ల ద్వారా ఓటు వేస్తారని చెప్పారు. పోలింగ్‌ విధుల్లో పాల్గొనే 2731 మంది పోలీసు సిబ్బంది, 352 మంది అత్యవసర సర్వీసులకు చెందిన సిబ్బంది, ఇతర పోలింగ్‌ విధులు నిర్వర్తించే 2136 మంది ఈనెల 6వ తేది తమ పోస్టల్‌ బ్యాలెట్లను ఆయా నియోజకవర్గాల్లోని రిటర్నింగ్‌ అధికారి కార్యాలయాల వద్ద వినియోగించుకోనున్నారని తెలిపారు. ఇలా మొత్తం 23,203 మంది జిల్లాలో పోస్టల్‌ బ్యాలెట్‌ ద్వారా ఓటు వేయనున్నట్లు పేర్కొన్నారు. ఇక ఓటరు ఇన్ఫర్మేషన్‌ స్లిప్పులు, ఓటరు గైడ్‌ పంపిణీ కార్యక్రమం ఈనెల 6వ తేది నాటికి ముగుస్తుందన్నారు. ఎన్నికల్లో పోటీచేసే అభ్యర్థులు తమ కేసుల వివరాలను పత్రికల ద్వారా వెల్లడించాలని ఆదేశించారు. గత ఎన్నికల్లో 38 పోలింగ్‌ కేంద్రాలు వల్నరబుల్‌ కింద ఉండగా, ఇప్పుడు ఆ సంఖ్య 14కు తగ్గిందని పేర్కొన్నారు. ఈ పోలింగ్‌ కేంద్రాల్లో కేంద్ర బలగాలను ఏర్పాటు చేస్తామన్నారు. అలాగే వెబ్‌ కాస్టింగ్‌ ఉంటుందన్నారు. ముద్దనూరు మండలంలోని రెండు పోలింగ్‌ కేంద్రాల్లో సిగ్నల్స్‌ లేవన్నారు. ఆపరేటర్‌ ద్వారా పోలీసుస్టేషన్‌, రిటర్నింగ్‌ అధికారి కార్యాలయానికి అనుసంధానం చేస్తామన్నారు. నియోజకవర్గం ఫెసిలిటేషన్‌ కేంద్రం 23,203 పోస్టల్‌ బ్యాలెట్లు నియోజకవర్గ కేంద్రాల్లోఫెసిలిటేషన్‌ సెంటర్లు జిల్లా ఎన్నికల అధికారి విజయరామరాజు 124–బద్వేలు జెడ్పీ బాలుర హైస్కూలు 126–కడప గాంధీనగర్‌ మున్సిపల్‌ హైస్కూలు 129–పులివెందుల అహోబిళాపురం ప్రభుత్వ హైస్కూలు 130–కమలాపురం బీఎస్‌ఎస్‌ఎస్‌ బాలికల హైస్కూలు 131–జమ్మలమడుగు ప్రభుత్వ బాలుర జూనియర్‌ కళాశాల 132–ప్రొద్దుటూరు అనిబిసెంట్‌ మున్సిపల్‌ హైస్కూలు, టీబీ రోడ్డు 133–మైదుకూరు జెడ్పీ బాలుర హైస్కూలు జిల్లా ఫెసిలిటేషన్‌ సెంటర్‌: జయనగర్‌ మున్సిపల్‌ బాలికల హైస్కూలు

కడప ఎడ్యుకేషన్‌: కడప నగరం చిన్నచౌక్‌లోని ఆంధ్రప్రదేశ్‌ గిరిజన సంక్షేమ బాలికల పాఠశాలలో 3వ తరగతి నుంచి 9వ తరగతి వరకు 2024–25 విద్యా సంవత్సరానికి ప్రవేశానికి దరఖాస్తులను ఆహ్వానిస్తున్నట్లు పాఠశాల ప్రిన్సిపాల్‌ పి.విజయలక్ష్మి తెలిపారు. ఈ నెల 20వ తేదీ వరకు అర్హలైన బాలికలు తమ దరఖాస్తులను చిన్నచౌక్‌లోని గురుకుల పాఠశాలలో అందచేయాలని ఆమె తెలిపారు. వివరాలకు 9440687844, 8555074045 నెంబర్లను సంప్రదించాలని ప్రిన్సిపాల్‌ తెలిపారు. ముందే ప్రవేశాలు సరికాదు కడప ఎడ్యుకేషన్‌: ఇంటర్మీడియట్‌ బోర్డు అడ్మిషన్‌ నోటిఫికేషన్‌ ఇవ్వకముందే ప్రైవేటు జూనియర్‌ కళాశాలల్లో ప్రవేశాలు తీసుకుంటున్నా, డబ్బులు వసూళ్లు చేస్తున్నట్లు ఫిర్యాదులు అందినా సదరు జూనియర్‌ కళాశాల గుర్తింపు రద్దుకు సిఫారసు చేస్తామని ఇంటర్‌ ఆర్‌ఐవో బండి వెంకటసుబ్బయ్య హెచ్చరించారు. ఇంటర్‌ విద్యామండలి 2024–25 విద్యా సంవత్సరానికి అకడమిక్‌ క్యాలెండర్‌ ప్రకారం జూనియర్‌ కళాశాలల అడ్మిషన్లు జూన్‌ 1వ తేదీ నుంచి ప్రారంభమవుతాయన్నారు. వేసవి సెలవుల్లో తరగతులు నిర్వహిస్తూ విద్యార్థులను మానసిక వేదనకు గురిచేస్తున్న ప్రైవేటు జూనియర్‌ కళాశాలపై కఠిన చర్యలు తీసుకుంటామని ఇంటర్‌ బోర్డు కార్యదర్శి సౌరబ్‌గౌర్‌ హెచ్చరించినట్లు ఆర్‌ఐవో బండి వెంకటసుబ్బయ్య తెలిపారు. ఆలయానికి రూ.7.20లక్షలు కానుక ప్రొద్దుటూరు కల్చరల్‌: స్థానిక మేదరవీధిలోని శ్రీ రామలింగ చౌడేశ్వరిదేవి అమ్మవారి ఆలయ నిర్వహణకు శుక్రవారం భక్తులు రూ.7.20లక్షలు కానుకగా అందించారు. పేరి గురుమూర్తి, అంపావతిన వీరప్రసాద్‌ రూ.6.20లక్షలు, కౌన్సిలర్‌ గరిశపాటి లక్ష్మిదేవి, వేణుగోపాల్‌ దంపతులు రూ.ఒక లక్ష ఆలయ నిర్వహణకు గాను ఫిక్స్‌డ్‌ డిపాజిట్‌ చేసి బాండ్‌ను ఆలయ కమిటీ చైర్మన్‌ వుట్టి నాగశయనంకు అందించారు. ఆలయ కార్యదర్శి శ్రీనివాసులు, ఉపాధ్యక్షులు పోసా వెంకట లక్షుమయ్య, గిద్దలూరు ఈశ్వరయ్య, పోసా శివప్రసాద్‌, అర్చకుడు రాఘవేంద్ర, భక్తులు పాల్గొన్నారు.

కడప కార్పొరేషన్‌: పద్నాలుగేళ్ల తెలుగుదేశం పార్టీ పాలనలో ఈ జిల్లాకు చేసిన మేలు ఏమిటో చెప్పాలని వైఎస్సార్‌సీపీ జిల్లా అధ్యక్షుడు, రీజనల్‌ కో ఆర్డినేటర్‌ కె. సురేష్‌ బాబు టీడీపీ అధినేత చంద్రబాబును ప్రశ్నించారు. శుక్రవారం ఎమ్మెల్సీ ఎంవీ రామచంద్రారెడ్డి, వేర్‌హౌస్‌ కార్పొరేషన్‌ ఛైర్మెన్‌ కరిముల్లాతో కలిసి విలేకరులతో మాట్లాడారు. జిల్లాలో జరిగిన అభివృద్ధిని చూసి చంద్రబాబుకు కళ్లుకుట్టి, కడుపుమంటతో విమర్శలు చేశారన్నారు. ఆయన కడపలో సభ నిర్వహించిన ఏడురోడ్ల కూడలి గతంలో ఎలా ఉండేదో, ఇప్పుడెలా ఉందో చూడాలన్నారు. చంద్రబాబు పాలనలో చెప్పుకోదగిన ఒక్క మంచి పథకమైనా ఉందా అని ప్రశ్నించారు. 2014లో 680 హామీలిచ్చి ఒక్క హామీ కూడా అమలు చేయలేదని, అధికారాన్ని ఉపయోగించి తమ ఎమ్మెల్యేలను సంతలో పశువుల్లా కొనుగోలు చేయడమే వారు చేసిన ఘనత అని ధ్వజమెత్తారు. కూటమి మేనిఫెస్టోను ప్రజలెవరూ నమ్మ డం లేదన్నారు. వైఎస్‌ జగన్‌ సీఎం అయ్యాక కులమతాలు, పార్టీలకతీతంగా అర్హులైతే చాలు సంక్షేమ పథకాలు ఇచ్చారన్నారు. కడపలో సుమారు రూ.2400కోట్లతో అభివృద్ధి పనులు జరిగాయన్నారు. వైఎస్‌ జగన్‌ వచ్చాకే గండికోటలో 26 టీఎంసీలు, బ్రహ్మంసాగర్‌లో 17టీఎంసీలు నిల్వ చేయడం జరిగిందన్నారు. ఎంపీ వైఎస్‌ అవినాష్‌రెడ్డిపై విమర్శలు సరికాదన్నారు. తన జీవితం తెరిచిన పుస్తకమని, తాను అవినీతి చేసి ఉంటే కడప ప్రజలు ఇన్ని సార్లు తనను గెలిపించేవారు కాదన్నారు. విద్య, వైద్య రంగాలకు పెద్దపీట: ఎమ్మెల్సీ వైఎస్‌ జగన్‌మోహన్‌రెడ్డి ముఖ్యమంత్రి అయ్యాక విద్య, వైద్య రంగాలకు అధిక ప్రాధాన్యత ఇచ్చి అనేక సంస్కరణలు తీసుకొచ్చారని ఉపాధ్యాయ ఎమ్మెల్సీ ఎంవీ రామచంద్రారెడ్డి అన్నారు. నాడు–నేడు ద్వారా స్కూళ్లను కార్పొరేట్‌ స్థాయిలో అభివృద్ధి చేశారన్నారు. తాను అధికారంలోకి వస్తే ఏం చేస్తానో చెప్పకుండా వైఎస్సార్‌సీపీని విమర్శించడమే చంద్రబాబు పనిగా పెట్టుకున్నారని మండిపడ్డారు. చంద్రబాబును ప్రశ్నించిన వైఎస్సార్‌ సీపీ జిల్లా అధ్యక్షుడు సురేష్‌బాబు

కడప వైఎస్‌ఆర్‌ సర్కిల్‌: సార్వత్రిక ఎన్నికల ప్రచారంలో భాగంగా ఈనెల 7వ తేదీన కాంగ్రెస్‌ పార్టీ అగ్ర నాయకులు రాహుల్‌గాంధీ, తెలంగాణ ముఖ్యమంత్రి రేవంత్‌రెడ్డి, కర్ణాటక ఉప ముఖ్యమంత్రి డీకే శివకుమార్‌ రానున్నారని కాంగ్రెస్‌ పార్టీ నాయకులు గురువారం ఒక ప్రకటనలో తెలిపారు. ఇందుకు సంబంధించి సభాస్థలిగా మున్సిపల్‌ మైదానాన్ని ఎంపిక చేసినట్లు సమాచారం. నేడు సదస్సు కడప వైఎస్‌ఆర్‌ సర్కిల్‌: కడప సిటిజన్స్‌ ఫోరం ఆధ్వర్యంలో ఈ నెల 4న ఐ ఎం ఎ .హాల్‌ లో ’మన ఆర్థిక పరిస్థితి– దేశ భవిష్యత్తు’అనే అంశం పై సదస్సు నిర్వహించనున్నట్లు ఆ ఫోరం జిల్లా నాయకులు కామనురు శ్రీనివాసులురెడ్డి,బి దస్తగిరిరెడ్డి తెలిపారు శుక్రవారం నగరంలోని సీఐటీయూ కార్యాలయంలో వారు విలేకరులతో మాట్లాడారు. ఈ సదస్సుకు ముఖ్య అతిథులుగా ప్రముఖ ఆర్థికవేత్త విశ్లేషకులు పరకాల ప్రభాకర్‌ ప్రధాన వక్తగా హాజరుకానున్నట్లు వెల్లడించారు. దేశం వెలిగిపోతోందని పేదరికం తగ్గిపోయింది అంటున్న కేంద్ర బీజేపీ ప్రభుత్వం ప్రధాని నరేంద్ర మోదీలు చెప్పడం సిగ్గు చేటన్నారు. ఈ సదస్సు ద్వారా అన్ని అంశాలను కూలంకుషంగా తెలియజేయటానికి అలాగే హాజరైన వారి ప్రశ్నలకు సమాధానం ఇస్తారని చెప్పారు. ఈ సదస్సుకు మేధావులు ఉపాధ్యాయులు , ఉద్యోగులు, బ్యాంకింగ్‌ పోస్టల్‌ బీఎస్‌ఎన్‌ఎల్‌, విద్యుత్‌, ఎల్‌ఐసీ, ప్రజా సంఘాలు కార్మిక సంఘాలు అత్యధిక సంఖ్యలో పాల్గొని జయప్రదం చేయాలని పిలుపునిచ్చారు.

మదనపల్లె : షేర్‌ మార్కెట్లో పెట్టుబడులతో నష్టాలు, ఆర్థిక ఇబ్బందులతో మానసికంగా కుంగిపోయిన సాఫ్ట్‌ వేర్‌ ఉద్యోగి ఆత్మహత్య చేసుకున్న సంఘటన శుక్రవారం మదనపల్లి మండలంలో జరిగింది.వేంపల్లి గ్రామానికి చెందిన చంద్రశేఖర్‌, హేమావతి దంపతులకు బైగారి రాజేష్‌, బైగారి సతీష్‌, సుమలత ముగ్గురు సంతానం. వారిలో బైగారి సతీష్‌ (49) యూఎస్‌లో చదువుకొని సాఫ్ట్‌వేర్‌ రంగంలో స్థిరపడ్డాడు. కర్ణాటక రాష్ట్రం బెంగుళూరులోని గౌడన్నపాళ్య ప్రాంతంలో ఓ సాఫ్ట్‌వేర్‌ కంపెనీలో పనిచేస్తూ జీవిస్తున్నాడు. 20 సంవత్సరాల క్రితం శ్రీలక్ష్మితో వివాహం కాగా, కర్ణాటక కోర్టులో విడాకులు తీసుకున్నారు. అప్పటి నుంచి సతీష్‌ ఉద్యోగం చేస్తూ ఒంటరిగా జీవిస్తున్నారు. ఈ క్రమంలో తన సంపాదనను షేర్‌ మార్కెట్‌లో పెట్టుబడిగా ఉంచాడు. భారీగా నష్టాలు వచ్చి ఓవైపు ఆర్థిక ఇబ్బందులు, మరోవైపు ఒంటరితనం భరించలేక మద్యానికి బానిస అయ్యాడు. ఇటీవల ఒత్తిడి అధికం కావడంతో, తల్లి హేమలతను వద్ద రూ.3 లక్షలు తీసుకున్నాడు. మరో లక్ష రూపాయలు తండ్రి చంద్రశేఖర్‌ని అడిగాడు. ఈ నెల 1వ తేదీ రాత్రి బెంగళూరు నుంచి ఇంటికి వచ్చాడు. శుక్రవారం ఉదయం తండ్రి పొలం వద్దకు వెళ్లగా, తల్లి డ్వాక్రా నగదు చెల్లించేందుకు వెళ్లారు. ఆ సమయంలో సతీష్‌ తీవ్ర మనస్థాపం చెంది ఇంటి రేకుల షెడ్డులోని గదిలోకి వెళ్లి తాడుతో ఉరి వేసుకుని ఆత్మహత్యకు పాల్పడ్డాడు. ఇంటికి వచ్చిన తల్లి గమనించి కేకలు వేయగా చుట్టుపక్కల వారు వచ్చి సతీష్‌ కిందకి దించి, తాలూకా పోలీసులకు సమాచారం అందించారు.హుటాహుటిన మదనపల్లె ప్రభుత్వ జిల్లా ఆసుపత్రికి తరలించారు. పరీక్షించిన వైద్యులు అప్పటికే మృతి చెందినట్లు తెలిపారు. కుటుంబ సభ్యుల ఫిర్యాదు మేరకు, సీఐ ఎన్‌. శేఖర్‌ ఆదేశాలతో దర్యాప్తు చేస్తున్నట్లు చెప్పారు. షేర్‌ మార్కెట్‌లో పెట్టుబడులతో నష్టాలు