ఆలస్యంతోనే ధాన్యం తడిసింది.. 15 రోజుల కిందట కొనుగోలు కేంద్రానికి ధాన్యం తీసుకొచ్చినా. లారీలు రావడం లేదని కొనుగోలు చేయలేదు. సాయంత్రం కురిసిన వర్షంతో ధాన్యం తడిసింది. ఇప్పటికే తాలు ఉందని తూర్పాల పట్టిన ఇప్పడు ధాన్యం తడిసింది. కొనుగోలు చేయకుంటే నష్టపోవుడే.. – బెడ్డల సోమయ్య, గ్రామం: టీకనపల్లి, హాజీపూర్‌ పట్టించుకునే వాళ్లే లేరు.. నాలుగు రోజులుగా వడ్లు ఆరబోసి రోజుకు మూడు సార్లు నేర్పుతున్న. కవర్లు లేవు, మంచినీళ్లు, నీడ లేదు, చెట్టు నీడ ఉండుడు అయింది. ఇప్పుడు అకాల వర్షంతో వడ్లు తడుస్తున్నాయి. ఇక్కడ ఎవరూ పట్టించుకున్నోళ్లు లేరు. వడ్లు మంచిగ ఎండినయి. కాంటా పెడితే మంచిగ ఉండేది. వర్షానికి తడవకుండ ఉండేందుకు కప్పడానికి కవర్లు కూడా ఇవ్వలేదు. – గుండారపు ఓదేలు, భీమారం మంచిర్యాలఅగ్రికల్చర్‌: జిల్లాలో మంగళవారం సా యంత్రం ఈదురుగాలులతో కురిసిన అకాల వర్షానికి భారీ నష్టం వాటిల్లింది. కోతకు వచ్చిన వరి, ది గుబడి వచ్చిన మామిడి, కల్లాల్లో ఆరబోసిన మిర్చి పంట, కొనుగోలు కేంద్రాల్లో ఆరబోసిన ధాన్యం త డిసింది. నెన్నెల, మందమర్రి, మంచిర్యాల, నస్పూ ర్‌, భీమారం, జైపూర్‌, చెన్నూర్‌, కోటపల్లి, వేమనపల్లి, భీమిని, కాసిపేట మండలాల్లో మోస్తరు నుంచి భారీ వర్షం కురిసింది. మిగతా మండలాల్లో మోస్తరు వర్షం పడింది. గత కొద్ది రోజులుగా ధాన్యం తరలింపునకు లారీలు లేకపోవడం, హమాలీలు, గన్ని సంచుల కొరత కారణంగా నిల్వలు పేరుకుపోతున్నాయి. తరుగు పేరుతో ఒకటికి రెండుసార్లు తూర్పాల పట్టి కొనుగోలు కేంద్రాల్లో రోజులు గడుస్తున్న ధాన్యం తడిసిపోయిందని, కొనుగోలు చేసేదెవరని నిర్వాహకులపై రైతులు ఆగ్రహం వ్యక్తం చేశారు. 20 రోజులుగా కేంద్రాల్లో ధాన్యం ఆరబోసుకొని ఎదురు చూడాల్సి వచ్చిందని, ఆలస్యం కాకుండా తరలించాలని వేడుకున్నా పట్టించుకోలేదని వాపోయారు. తడిసి ధాన్యం వెంటనే కొనుగోలు చేయాలని డిమాండ్‌ చేశారు. చేతికి వచ్చిన పంట అధికారుల నిర్లక్ష్యం వల్ల వర్షంతో తడిసిపోయిందని ఆవేదన వ్యక్తం చేశారు. విరిగిన విద్యుత్‌ స్తంభాలుబలమైన ఈదురుగాలులతో చెట్లు విరిగి ఇళ్లు, రో డ్లు, విద్యుత్‌ తీగలపై పడ్డాయి. దీంతో 16విద్యుత్‌ స్తంభాలు, ఒక ట్రాన్స్‌ఫార్మర్‌ నేలకూలాయి. అకా ల వర్షంతో విద్యుత్‌ శాఖకు రూ.12 లక్షల వరకు నష్టం వాటిల్లింది. వేమనపల్లి, కోటపల్లి, మందమర్రి, చెన్నూర్‌ మండలాల్లో 11 విద్యుత్‌ స్తంభాలు వి రిగిపోయాయి. వేమనపల్లి, కోటపల్లి మండలాల్లో రాత్రి వరకు విద్యుత్‌ సరఫరాకు అంతరాయం ఏర్పడింది. నస్పూర్‌, నెన్నెల, మందమర్రి, మంచిర్యా ల, లక్సెట్టిపేట, భీమారం, జైపూర్‌, బెల్లంపల్లి, మందమర్రి, చెన్నూర్‌ మండలాల్లోని పలు గ్రామాల్లో ఇళ్లపై రేకులు ఎగిరిపోయి రూ.10 లక్షల నుంచి రూ.20లక్షల వరకు ఆస్తి నష్టం వాటిల్లింది. అధి కారులు పూర్తి స్థాయిలో విచారణ చేపడుతున్నారు. సామాన్యులకు ఊరట..వర్షంతో రైతన్నలకు తీవ్ర నష్టం వాటిల్లగా.. సాధారణ జనాలకు ఎండల నుంచి ఉపశమనం లభించినట్లయింది. గత పది రోజులుగా జిల్లాలో 45 నుంచి 47 డిగ్రీల గరిష్ట ఉష్ణోగ్రతలు నమోదు అవుతున్నాయి. తీవ్రమైన వడగాలులతో ప్రజలు తీవ్ర ఇబ్బందులు పడ్డారు. వడదెబ్బతో మృతిచెందిన సంఘటనలతోపాటు పదుల సంఖ్యలో అనారోగ్యం పాలయ్యారు. మంగళవారం మధ్యాహ్నం నుంచి మబ్బులు కమ్ముకొని ఈదురుగాలులు, ఉరుములు మెరుపులతో కూడిన వర్షం కురవడంతో వాతావరణం ఒక్కసారిగా చల్లబడింది. అకాల వర్షంతో రైతులు ఆగమాగం కొనుగోలు కేంద్రాల్లో తడిసిన ధాన్యం విరిగిన చెట్లు, విద్యుత్‌స్తంభాలు, నిలిచిన విద్యుత్‌ సరఫరా ఈదురుగాలులతో ఎగిరిపోయిన ఇళ్ల రేకులు

చెన్నూర్‌: రాష్ట్రంలో 14 ఎంపీ స్థానాల్లో కాంగ్రెస్‌ గెలుపొందడం ఖాయమని ఆ పార్టీ పెద్దపల్లి పార్లమెంటు అబ్జర్వర్‌ హైమవతి ధీమా వ్యక్తం చేశారు. పెద్దపల్లి పార్లమెంటు కాంగ్రెస్‌ అభ్యర్థి గడ్డం వంశీకృష్ణను గెలిపించాలని మంగళవారం స్థానిక ఎస్సీ కాలనీలో ప్రచారం నిర్వహించారు. ఈ సందర్భంగా ఆమె మాట్లాడారు. గత పదేళ్లలో బీజేపీ, బీఆర్‌ఎస్‌ ప్రభుత్వాలు ప్రజలను మోసం చేశాయని విమర్శించారు. ప్రజలు ఆ రెండు పార్టీలను నమ్మే పరిస్థితి లేదని తెలిపారు. వంశీకృష్ణను భారీ మెజార్టీతో గెలిపించాలని కోరారు. కార్యక్రమంలో మాజీ జెడ్పీ వైస్‌ చైర్మన్‌ మూల రాజిరెడ్డి, కాంగ్రెస్‌ నాయకులు హిమవంతరెడ్డి, చెన్న సూర్యనారాయణ, మైదం రవి, చీర్ల సుధాకర్‌రెడ్డి, బాపగౌడ్‌, పిట్టల రవి పాల్గొన్నారు.

పోస్టల్‌ బ్యాలెట్‌ సద్వినియోగం చేసుకోవాలి మంచిర్యాలఅగ్రికల్చర్‌: లోకసభ ఎన్నికల్లో పోస్టల్‌ బ్యాలెట్‌ సద్వినియోగం చేసుకోవాల ని, పోస్టల్‌బ్యాలెట్‌ గడువు నేటితో ముగుస్తుందని, దరఖాస్తు చేసుకుని ఇప్పటివరకు వినియోగించుకోని వారు ఓటు హక్కు విని యోగించుకోవాలని జిల్లా ఎన్నికల అధికారి, కలెక్టర్‌ బి.సంతోష్‌ తెలిపారు. గతంలో జరిగి న అసెంబ్లీ ఎన్నికల మాదిరిగా డిస్ట్రిబ్యూషన్‌ కేంద్రంలో పోస్టల్‌ బ్యాలెట్‌ అవకాశం లేనందున ఈ నెల 8న కచ్చితంగా పోస్టల్‌ బ్యాలెట్‌ వినియోగించుకోవాలని పేర్కొన్నారు. జిల్లాలో మూడు ఓటరు ఫెసిలిటేషన్‌ కేంద్రాలు ఏర్పాటు చేశామని తెలిపారు.

జన్నారం: పార్లమెంటు ఎన్నికల్లో ప్రతి ఒక్కరూ ఓటు హక్కు వినియోగించుకోవాలని జిల్లా గ్రామీణాభివృద్ధి అధికారి కిషన్‌ అన్నారు. మంగళవారం మండలంలోని పొనకల్‌లో ఉపాధి హామీ కూలీలకు ఓటు హక్కు వినియోగంపై స్వీప్‌ కార్యక్రమంలో భాగంగా కళాజాతతో అవగాహన కల్పించారు. ఈ సందర్భంగా ఆయన మాట్లాడుతూ జిల్లా ఓటర్‌ టర్న్‌ అవుట్‌ శాతం తక్కువగా ఉన్నందున ప్రతీ ఓటరు ఓటు హక్కును వినియోగించుకోవాలని సూచించారు. మీ చుట్టు పక్కల ఉన్న వారు కూడా ఓటు వేసేలా చూడాలని, నిష్పక్షపాతంగా ఓటు వేయాలని సూచించారు. అనంతరం కూలీలతో ఓటర్‌ ప్రతిజ్ఞ చేయించారు. కూలి రూ.300 పడేలా చూడాలిఉపాధి హామీ పథకం కూలీలకు రూ.300 కూలి పడేలా చూడాలని డీఆర్‌డీవో కిషన్‌ ఈజీఎస్‌ సిబ్బందికి సూచించారు. చెరువు పూడిక పనులను పరిశీలించి కూలీలు, ఈజీఎస్‌ సిబ్బందితో మాట్లాడారు. వంద రోజుల పనిలో ప్రతీ కూలీ రూ.30 వేలు వేతనం తీసుకునేలా చూడాలని అన్నారు. కూలీలకు పని ప్రదేశంలో సౌకర్యాలపై తెలుసుకున్నారు. అదనపు డీఆర్‌డీవో దత్తారావు, ఎంపీడీవో శశికళ, ఎంపీవో రమేశ్‌, ఏపీవో రవీందర్‌, సిబ్బంది పాల్గొన్నారు.

మంచిర్యాలరూరల్‌(హాజీపూర్‌): పార్లమెంటు ఎన్నికల నేపథ్యంలో ఓట్ల లెక్కింపు కేంద్రాన్ని జూన్‌ 4వరకు సిద్ధం చేయాలని జిల్లా ఎన్నికల అధికారి, కలెక్టర్‌ బదావత్‌ సంతోష్‌ అన్నారు. హాజీపూర్‌ మండలం ముల్కల్ల ఐజా కళాశాలలో ఏర్పాటు చేసిన ఓట్ల లెక్కింపు కేంద్రాన్ని మంగళవారం ఆయన పరిశీలించారు. ఈ సందర్భంగా జిల్లా ఎన్నికల అధికారి సంతోష్‌ మాట్లాడుతూ ఓట్ల లెక్కింపు కేంద్రంలో వసతులు, సౌకర్యాలు త్వరగా పూర్తి చేయాలని చెప్పారు. ముల్కల్ల లెక్కింపు కేంద్రంలో మంచిర్యాల, చెన్నూర్‌, బెల్లంపల్లి నియోజకవర్గాల ఓట్ల లెక్కింపు జరుగుతుందని అన్నారు. ఎలాంటి ఇబ్బందులు తలెత్తకుండా చూడాలని, లెక్కింపు రోజున అవాంఛనీయ సంఘటనలు చోటు చేసుకోకుండా బందోబస్తు చేపట్టాలని తెలిపారు. లెక్కింపు కేంద్రం చుట్టూ రక్షణ కంచెలు, వాహన పార్కింగ్‌ తదితర ఏర్పాట్లు పకడ్బందీగా చేయాలని, ఎప్పటికప్పుడు సమీక్షించాలని చెప్పారు. ఎన్నికలు ముగిశాక ఈవీఎం, వీవీపాట్‌లను భద్రపర్చేలా చేపట్టాల్సిన స్ట్రాంగ్‌ రూం పరిసరాలను పరిశీలించారు. ప్రశాంతంగా ఎన్నికలు జరిగేలా అధికారులు సమన్వయంతో పని చేయాలని, ఎన్నికల విధుల్లో బాధ్యతాయుతంగా వ్యవహరించాలని పేర్కొన్నారు. ఈ కార్యక్రమంలో జిల్లా అదనపు కలెక్టర్లు సబావత్‌ మోతీలాల్‌, రాహుల్‌, మంచిర్యాల ఆర్డీఓ, ఏఆర్‌ఓ రాములు, ప్రత్యేక ఉప పాలనాధికారి, చెన్నూర్‌ ఏఆర్‌ఓ చంద్రకళ, హాజీపూర్‌ తహసీల్దార్‌ సతీశ్‌కుమార్‌, ఇతర అధికారులు పాల్గొన్నారు. జిల్లా ఎన్నికల అధికారి, కలెక్టర్‌ సంతోష్‌ ముల్కల్లలో స్ట్రాంగ్‌ రూం ఏర్పాట్ల పరిశీలన