సాక్షి, హైదరాబాద్‌:  మాజీ ప్రధాని హెచ్‌డీ దేవేగౌడ మనవడు ప్రజ్వల్‌లపై నమోదైన లైంగిక వేధింపుల కేసులో ప్రత్యేక దర్యాప్తు బృందం (సిట్‌) విచారణనకు వేగవంతం చేసింది. గురువారం ప్రజ్వల్‌పై సిట్‌ బృందం.. లుక్ అవుట్ సర్క్యులర్ జారీ చేసింది. ఆయన కనిపించిన వెంటనే అరెస్ట్‌ చేసే విధంగా సిట్‌ వారెంట్‌ జారీ చేసింది.  దేశంలోని అన్ని ఇమ్మిగ్రేషన్‌ పాయింట్లకు లుక్ అవుట్ సర్క్యులర్ ఇ​చ్చింది. ప్రజ్వల్‌ రేవణ్ణ విమానాశ్రయం, ఓడరేవు, సరిహద్దు చెక్‌పోస్ట్‌ కనిపిస్తే.. నిర్బంధించాలని తెలిపింది. కాగా హసన్‌ ఎంపీగా ఉన్న ప్రజ్వల్‌ సంబంధించినవిగా కొన్ని అసభ్యకర వీడియోలు వైరల్‌ అయిన విషయం తెలిసిందే.  లైంగిక వేధింపులపై పలువురు మహిళలు ఇచ్చిన ఫిర్యాదు మేరకు పోలీసులు ప్రజ్వల్‌తో పాటు ఆయన తండ్రి హెచ్‌డీ రేవణ్ణపై కేసు నమోదు చేశారు. ఈ కేసును ప్రత్యేక దర్యాప్తు సంస్థ సిట్‌ విచారిస్తోంది. ఇందులో భాగంగా విచారణకు హాజరవ్వాలని తండ్రీ కొడుకులకు నోటీసులు జారీ చేసింది. 24 గంటల్లోగా ఎస్పీ సీమా లాట్కార్‌ ముందు హాజరుకావాలని ఆదేశించింది. అయితే, తనకు సమయం కావాలని ప్రజ్వల్‌ రేవణ్ణ సిట్‌ అధికారులను కోరారు. ‘సిట్‌ ముందు హాజరుకావడానికి 7 రోజుల సమయం కావాలి. ఇప్పుడు నేను బెంగళూరులో లేను’ అంటూ ‘ఎక్స్‌’లో సందేశాన్ని పోస్ట్‌ చేశాడు. అయితే, ప్రజ్వల్‌ అభ్యర్థనను సిట్‌ తిరస్కరించింది. ఈ మేరకు గురువారం ఉదయం మరోసారి సమన్లు పంపింది. అనంతరం కొద్దిసేపటికే ఆయనపై లుక్‌ అవుట్‌ నోటీసులు జారీ చేసింది. మరోవైపు.. ప్రజ్వల్‌ను జేడీఎస్‌ పార్టీ నుంచి సస్పెండ్‌ చేసిన విషయం తెలిసిందే.  

లోక్‌సభ ఎన్నికల నేపథ్యంలో అధికార బీజేపీపై కాంగ్రెస్‌ ఎంపీ శశిథరూర్‌ కీలక వ్యాఖ్యలు చేశారు. సార్వత్రిక ఎన్నికల్లో తాము 400 స్థానాల్లో గెలుస్తామంటూ బీజేపీ చెప్పడం ఒక జోక్‌ అని అన్నారు. కాషాయ పార్టీకి 300 సీట్లు రావడం ఆసాధ్యమని, కనీసం 200 స్థానాల్లో గెలవడం కూడా సవాలేనని వ్యాఖ్యానించారు. అధికారంలో ఉన్న బీజేపీ.. ఇప్పటికే త‌న ఓట‌మిని అంగీక‌రించింద‌న్నారు.ఈ మేరకు జాతీయ వార్తా సంస్థకు ఇచ్చిన ఇంటర్వ్యూలో మాట్లాడుతూ.. కేరళ, తమిళనాడు, ఆంధ్రప్రదేశ్‌లో బీజేపీ ఖాతా కూడా తెరిచే అవకాశం లేదని చెప్పారు. మొత్తంగా దక్షిణ భారత్‌లో 2019 ఫలితాల కంటే దారుణంగా ఫెయిల్‌ అవుతుందని చెప్పారు.కాగా గత నెల 26న పోలింగ్‌ జరిగిన రెండో దశ లోక్‌సభ ఎన్నికల్లో శశిథరూర్‌ తిరువనంతపురం స్థానం నుంచి బరిలో నిలిచారు. అక్కడ బీజేపీ నుంచి కేంద్ర మంత్రి రాజీవ్‌ చంద్రశేఖర్‌, సీపీఐ నుంచి పీ రవీంద్రన్‌ పోటీ పడుతున్నారు. తిరువనంతపరంలో తన గెలుపు చాలా సులువగా ఉంటుందని ఆయన చెప్పారు.ఇక గత మూడుసార్లు ఆయన తిరువనంతపురం నుంచి ఎంపీగా విజయం సాధించారు.  ఈసారి కూడా గెలిస్తే  నాలుగో సారి వ‌రుస‌గా ఆ స్థానాన్ని కైవ‌సం చేసుకున్న‌ట్లు అవుతుంది. ఇప్ప‌టి వ‌ర‌కు 190 స్థానాల‌కు దేశ‌వ్యాప్తంగా ఎన్నిక‌లు జ‌రిగాయ‌ని, వాటిల్లో ఎక్కువ శాతం త‌మ‌కే అనుకూల ఫ‌లితాలు వెలుబ‌డే ఛాన్సు ఉన్న‌ట్లు చెప్పారు.

బెంగళూరు: లోక్‌సభ 2024 ఎన్నికల ప్రచారంలో భాగంగా గురువారం కాంగ్రెస్ నేత రాహుల్ గాంధీ కర్ణాటకలో పర్యటించారు. కర్ణాటక ప్రజలను ఉద్దేశించి మాట్లాడుతూ.. లైంగిక కుంభకోణంలో బయటపడ్డ హాసన్ ఎంపీ, జేడీ(ఎస్) నేత ప్రజ్వల్ రేవణ్ణపై విరుచుకుపడ్డారు. రేవణ్ణ 400 మంది మహిళలపై అత్యాచారం చేసి వీడియోలు తీశారని ఆరోపించారు.కాంగ్రెస్ నేత రాహుల్ గాంధీ ఈ నేరాన్ని 'సామూహిక అత్యాచారం' అని పిలిచారు. మాజీ ప్రధాని హెచ్‌డి దేవెగౌడ మనవడికి బీజేపీ మద్దతు ఇచ్చినందుకు నిందించారు. మహిళలపై లైంగిక వేధింపులకు పాల్పడినట్లు ఆరోపణలు ఎదుర్కొంటున్న హాసన్ జేడీ(ఎస్) ఎంపీ ప్రజ్వల్ రేవణ్ణను అరెస్ట్ చేసేందుకు సర్క్యులర్ జారీ చేసినట్లు కర్ణాటక హోంమంత్రి డాక్టర్ జీ పరమేశ్వర గురువారం తెలిపారు.ప్రజ్వల్ రేవణ్ణ మాజీ ప్రధాని హెచ్‌డీ దేవెగౌడ మనవడు, ఎమ్మెల్యే.. మాజీ మంత్రి హెచ్‌డి రేవణ్ణ కుమారుడు. ఈయన ఏప్రిల్ 26న జరిగిన ఎన్నికల్లో హాసన్ లోక్‌సభ నియోజకవర్గంలో ఎన్డీఏ అభ్యర్థిగా ప్రజ్వల్ రేవణ్ణ బరిలోకి దిగారు. ఎన్నికలు పూర్తయిన వెంటనే రేవణ్ణ జర్మనీ వెళ్లిపోయారు.ప్రజ్వల్ రేవణ్ణ విదేశాల్లో ఉన్నందున కేసు దర్యాప్తు చేస్తున్న స్పెషల్ ఇన్వెస్టిగేషన్ టీమ్ (సిట్) ఎదుట హాజరు కావడానికి మరో ఏడు రోజులు గడువు కోరారు. కానీ వారు 24 గంటల కంటే ఎక్కువ సమయం ఇచ్చే ప్రసక్తే లేదని స్పష్టం చేశారు. అయితే ఈ కేసులో నిజమే గెలుస్తుందని రేవణ్ణ ధీమా వ్యక్తం చేశారు.

కేసీఆర్ ప్రచారంపై 48 గంటల నిషేధం

న్యూఢిల్లీ, సాక్షి: జార్ఖండ్ కాంగ్రెస్ ఖాతాను ‘ఎక్స్‌’ (ట్విటర్‌) నిలిపివేసింది. చట్టపరమైన డిమాండ్‌కు ప్రతిస్పందనగా ఎక్స్‌ ఈ చర్య తీసుకున్నట్లు వార్తా సంస్థ ఏఎస్‌ఐ నివేదించింది. ఈ హ్యాండిల్‌పై కేంద్ర హోం మంత్రి అమిత్ షాకు సంబంధించిన 'డీప్‌ఫేక్ మార్ఫ్‌డ్‌ వీడియో' పోస్ట్ చేసిన తర్వాత ఖాతాను ‘ఎక్స్‌’ నిలిపివేసింది.మరోవైపు జార్ఖండ్ కాంగ్రెస్ అధ్యక్షుడు రాజేష్ ఠాకూర్‌కు ఢిల్లీ పోలీసు స్పెషల్ సెల్ బుధవారం తెల్లవారుజామున సీఆర్‌పీసీ సెక్షన్ 91 కింద నోటీసు జారీ చేసింది. మే 2న సెల్ కార్యాలయంలో హాజరు కావాలని కోరింది. ‘ఢిల్లీ పోలీసుల నుండి నోటీసు అందింది. కానీ నాకు ఎందుకు నోటీసు ఇచ్చారో అర్థం కాలేదు. ఇది అరాచకం తప్ప మరొకటి కాదు’ అని ఠాకూర్‌ స్పందించినట్లుగా పీటీఐ పేర్కొంది.

సాక్షి, కృష్ణా జిల్లా: చంద్రబాబు చెప్పేవన్నీ మాయ మాటలేనని.. కూటమి మేనిఫెస్టోలో మోదీ ఫొటో మాయమైందని మాజీమంత్రి పేర్ని నాని మండిపడ్డారు. శుక్రవారం మీడియా సమావేశంలో ఆయన మాట్లాడుతూ, సీఎం జగన్‌ జనం గుండెల్లో గూడు కట్టుకున్నారన్నారు.‘‘జగన్‌ను కూలదోయడానికి కూటమి జట్టు కట్టుకట్టారు. మాయ మాటలతో ప్రజలను మోసం చేసేందుకు పక్కా ప్రణాళికతో వస్తున్నారు. చంద్రబాబు ముగ్గురు ఫోటోలతో కూటమి అని బయల్దేరాడు. మేనిఫెస్టో నాటికి మూడు ఫోటోలు కాస్తా రెండు ఫోటోలయ్యాయి. సూపర్ 6 అంటూ ఇంటింటికీ పాంప్లెట్లు పంచారు. ఇప్పుడేమో మేనిఫెస్టోకు బీజేపీ ఆర్ధిక అనుమతులు లేవంటున్నాడు. చంద్రబాబు ఇచ్చిన ప్రకటనల్లో ఇప్పుడు పవన్ ఫోటో మాయం చేశాడు. చంద్రబాబు మేనిఫెస్టోలో ఫోటోలతో పాటు హామీలు కూడా ఒక్కొక్కటి మాయమవుతున్నాయి. నాలుగు వేల పెన్షన్ అంటూ ఇంటింటికీ తిరిగి ఊదరగొట్టారు. ఇప్పుడు సూపర్ సిక్స్ నుంచి చివరి పేజీలోకి పోయింది. ఈ రోజు ఇచ్చిన ప్రకటనలో అసలు పెన్షనే లేకుండా ఎత్తేశారు’’ అని పేర్ని నాని ఎద్దేవా చేశారు.‘‘గతంలో ఓట్లయ్యాక చంద్రబాబు మోసం చేసేవాడు. ఇప్పుడు ఓట్లు అవ్వకుండానే మోసం మొదలైపోయింది. 1994లో ఎన్టీఆర్ మేనిఫెస్టోలో రెండు రూపాయల కేజీ బియ్యం పెట్టారు. 1997లో ఎన్టీఆర్‌కు  వెన్నుపోటు పొడిచి కేజీ బియ్యాన్ని ఐదున్నర చేశాడు. ఎన్టీఆర్ పెట్టిన మద్యపాన నిషేధాన్ని ఎత్తేశాడు. 1999 మేనిఫెస్టోలో 10 లక్షల ఉద్యోగాలిస్తానన్నవ్‌. ఎంతమందికి ఉద్యోగాలిచ్చావ్?’ అంటూ  పేర్ని నాని ప్రశ్నించారు.‘‘కుటీర పరిశ్రమలకు సహకారం అందిస్తా అన్నావ్... ఇచ్చావా?. ఏపీలోని ప్రతీ పాఠశాలను పక్కా భవనం చేస్తానన్నావ్.. చేశావా?.. మహిళలకు చట్టసభల్లో రిజర్వేషన్లకు బాధ్యత తీసుకుంటా పోరాడుతా అన్నాడు. తన పార్టీలో పదిశాతం మంది మహిళలకు కూడా సీట్లివ్వలేదు. 2014లో రైతులకు రుణమాఫీ చేస్తాన్ననాడు. నగలు బ్యాంకుల నుంచి విడిపిస్తానన్నాడు. డ్వాక్రా మహిళలకు మాఫీ చేస్తానని చెప్పిచేశాడా?. 2014లో మూడు సెంట్ల స్థలం అన్నావ్.. మూడు గజాలన్నా ఇచ్చావా?. 2024లో రెండు సెంట్ల స్థలం ఇస్తానంటున్నాడు. జాబు కావాలంటే బాబు రావాలన్నాడు. లోకేష్‌కు తప్ప ఎరికైనా జాబొచ్చిందా?. హామీని టోన్ డౌన్ చేసే తప్పుడు ఆలోచనలో బాబున్నాడు. మోదీ... పవన్ చంద్రబాబు ఆటలో అరటిపళ్లే. ప్రజలారా దగాకోరు చంద్రబాబుతో తస్మాత్ జాగ్రత్త. జనసేన వాళ్లు చంద్రబాబు నక్క జిత్తులు తెలుసుకోవాలి’’ అని పేర్ని నాని సూచించారు.‘‘జగన్ అంటే ఒక నడిచే నమ్మకం. చంద్రబాబు అంటే పచ్చి దగా మోసం. చంద్రబాబుకు తగిన శాస్తి చేయాలని ప్రజలను కోరుతున్నా. రాబోయే ఎన్నికల్లో చంద్రబాబుకు తెడ్డు కాల్చి కచ్చితంగా వాతపెట్టబోతున్నారు. పెన్షన్ ఇంటికెళ్లి ఇవ్వడం కుదరదని కోర్టులకు వెళ్లి అడ్డుకున్నారు. వృద్ధులను ఎన్నో ఇబ్బందులకు గురిచేశాడు. చంద్రబాబు నీకు ఇదేం దిక్కుమాలిన ఆలోచన. బ్యాంకులో డబ్బు పడగానే బ్యాంకు ఆ డబ్బును కోత కోసేస్తుంది. చంద్రబాబు, ఆయనకు ఊడిగం చేసే ఆ అధికారికి కచ్చితంగా 64 లక్షల మంది ఉసురు తగులుతుంది’’ అని  పేర్ని నాని వ్యాఖ్యానించారు.  

పార్టీ సీనియర్‌ ఎంపీ, మాజీ రెజ్లింగ్‌ అధ్యక్షుడు బ్రిజ్‌భూషన్‌ శరణ్‌ సింగ్‌కు గట్టి షాక్‌ తగిలింది. ఉత్తరప్రదేశ్‌లోని కైర్‌గంజ్‌ నుంచి సిట్టింగ్‌ ఎంపీగా ఉన్న ఆయనకు ఈసారి బీజేపీ మొండిచేయి చూపింది. గతంలో భూషన్‌పై జాతీయ స్థాయి రెజర్లు లైంగిక వేధింపుల ఆరోపణలు చేసిన నేపథ్యంలో ఆయన్ను పోటీ నుంచి తప్పించింది. ప్రస్తుత లోక్‌సభ ఎన్నికల్లో కైర్‌గంజ్‌ నుంచి ఆయన కొడుకు కరణ్‌ భూషన్‌ సింగ్‌కు ఎంపీ అభ్యర్థిగా అవకాశం ఇచ్చింది.లోక్‌సభ అయిదో విడతలో భాగంగా మే20వ తేదీన కైసర్‌గంజ్‌లో పోలింగ్‌ జరగనుంది. నామినేషన్‌ దాఖలు చేయడానికి తుదిగడువు శుక్రవారంతో ముగియనుంది. ఈ నేపథ్యంలో బీజేపీ  నేడు అభ్యర్థని ప్రకటించింది. కాగా బ్రిజ్‌భూషన్‌ సింగ్‌ ఆరుసార్లు ఎంపీగా గెలిచారు. చివరి మూడు సార్లు పర్యాయాల్లో (2009, 2014, 2019) కైసర్‌గంజ్‌‌ ఎంపీగా గెలిచి హ్యాట్రిక్‌ విజయం సాధించారు. అయితే గతేడాది ఆయనపై లైంగిక వేధింపుల ఆరోపణలు వచ్చాయి. ఇవి రాజకీయపరంగా ప్రకంపనలు సృష్టించాయి .ఈ క్రమంలోనే విజయవకాశాలను దెబ్బతీస్తాయనే ఆలోచనతో అభ్యర్థిని మార్పేందుకు మొగ్గు చూపింది. అయితే బ్రిజ్‌ భూషణ్‌ సింగ్‌కు స్థానికంగా ఉన్న రాజకీయ పలుకుబడిని దృష్టిలో పెట్టుకొని ఆయన కుమారుడిని బరిలో దింపింది.గత రెండేళ్లుగా ఆయనపై లైంగిక వేధింపుల ఆరోపణలు ఎదుర్కొంటున్నారు.  ఆయనపై జాతీయ రెజర్లు చేసిన తీవ్ర ఆరోపణలు అప్పట్లో రాజకీయపరంగా ప్రకంపనలు సృష్టించాయి. దీంతో  గతేడాది రెజ్లింగ్‌ నుంచి వైదొలుగుతున్నట్లు ఆయన ప్రకటించారు. ఈ క్రమంలోనే విజయవకాశాలను దెబ్బతీస్తాయనే ఆలోచనతో అభ్యర్థిని మార్చేందుకు మొగ్గు చూపింది. అయితే బ్రిజ్‌ భూషణ్‌ సింగ్‌కు స్థానికంగా ఉన్న రాజకీయ పలుకుబడిని దృష్టిలో పెట్టుకొని ఆయన కుమారుడిని బరిలో దింపింది.కరణ్‌ పేరుతోపాటు కాంగ్రెస్‌ కంచుకోటగా పేరొందిన రాయ్‌బరేలీ అభ్యర్థిని సైతం బీజేపీ ప్రకటించింది. రాయ్‌బరేలీలో ప్రతాప్‌ సింగ్‌ను బరిలో నిలిపింది. ఇప్పటికీ కాంగ్రెస్‌ తమ అభ్యర్థిని వెల్లడించలేదు. గతంలో ఇక్కడి నుంచి సోనియా గాంధీ పోటీ చేశారు. ప్రస్తుతం ఆమె రాజ్యసభకు వెళ్లారు.

ప్రతినెలా ఫస్ట్ తేదీ రాగానే పలకరిస్తూ చేతిలో కరెన్సీ నోట్లు పట్టుకుని పెద్దమ్మా బాగున్నావా.. తాతా  బాగున్నావా అని పలకరించే వాలంటీర్ రాలేదు... అయన వచ్చి డబ్బులిస్తే మందులు... పప్పు ఉప్పు...సరుకులు కొనుక్కుందాం అనుకున్నాను.. వాలంటీర్ రాలేదు... చేతిలోకి పైసలు పడలేదు... ఈ ఎండల్లో ఆటోల్లో పక్కూరు వెళ్లి బ్యాంక్ నుంచి డబ్బులు తీసుకోవాలట. ఈ మండుటెండలో ఎలా వెళ్లాలో ఏమో అంటూ వృద్ధులు.. వికలాంగులు ఆందోళన చెందుతున్నారు. చంద్రబాబు వేసిన ఎత్తులు, కుట్రల వల్ల వృద్ధులు, వికలాంగులు ఇబ్బందులు పడుతున్నారు.అసలు బ్యాంకులకు వెళ్లి డబ్బులు తెచ్చుకోవడం మనకు అవుతుందా ? ఆ బ్యాంకుల్లో క్యూలైన్లు.. నిలబడడం.. ఆ ఫారాలు నింపడం.. ఇదంతా పెద్ద సమస్య.. దానికితోడు కొన్ని బ్యాంకులు తమ ఖాతాల్లో కనీస నిల్వ (మినిమమ్ బ్యాలెన్స్ )లేకపోతె కొంత పెనాల్టీ విధిస్తాయి. కొన్నాళ్లపాటు ఆ ఖాతా యాక్టివ్‌గా లేకపోతే ఆ ఖాతాలను బ్యాంకులు మూసేస్తాయి. ఈ పేదల ఖాతాల్లో నిత్యం మినిమమ్ బ్యాలెన్స్ ఉంటుందా అనేది సందేహమే... అలా వాళ్ళు బ్యాలెన్స్ ఉంచకపోతే పాపం వీళ్ళ ఖాతాల్లోకి వచ్చిన మూడు వేలలో కొంత కోత విధిస్తే అది తమకు నష్టం అని వారు ఆందోళన చెందుతున్నారు. ఇదంతా చంద్రబాబు చేసిన కుట్ర అని, వాలంటీర్లు ఇల్లిల్లూ తిరిగి పెన్షన్లు పంచడాన్ని అయన భరించలేక ... సీఎం వైఎస్‌ జగన్‌మోహన్‌రెడ్డికి మంచిపేరు రావడాన్ని సహించలేక ఇలాంటి కుట్రలకు దిగారని, రేపు ఎన్నికల్లో చంద్రబాబుకు తగిన బుద్ధి చెబుతామని అంటున్నారు..మగ నంగనాచి చంద్రబాబు..ఊళ్లలో కొంతమంది నంగనాచి లేడీస్ ఉంటారు.. వాళ్ళో గదిలో మొగుణ్ణి చావచితక్కొట్టి మళ్ళీ వీధుల్లోకి వచ్చి.. అయ్యో నా మొగుడు నన్ను చంపేసినాడమ్మో... నా మొగుడు.. కొట్టీసినాడమ్మో అంటూ వీధిలోకి వచ్చి వీరంగం వేస్తారు... ఇప్పుడు చంద్రబాబు సైతం మగ నంగనాచి పాత్రలో జీవిస్తున్నారు... మార్చి వరకూ ప్రతి ఇంటికీ వెళ్లి పెన్షన్షన్లు అందించే వాలంటీర్లను కోర్టు ద్వారా అడ్డుకున్న చంద్రబాబు ఇప్పుడు అయ్యో వృద్ధులు అంటూ కన్నీళ్లు కారుస్తున్నారు.వాలంటీర్లు ప్రతి ఇంటికి వెళ్లి పెన్షన్లు ఇస్తే అది సీఎం వైఎస్‌ జగన్ ప్రభుత్వానికి మంచి పేరు తెచ్చే అంశం అవుతుంది కాబట్టి.. ఆ డోర్ డెలివరీకి ఆపాలంటూ కోర్టులు, ఎన్నికల కమిషన్ ద్వారా అడ్డుకున్న చంద్రబాబుకు వెనువెంటనే విషయం అర్థమైంది. ఏప్రిల్లో ఇలాగే ఎండల్లో లబ్ధిదారులు బ్యాంకులు.. సచివాలయాలు వద్దకు వెళ్లి పెన్షన్లను తీసుకుంటూ... చంద్రబాబును తిట్టడం మొదలు పెట్టారు.. దీంతో ఇదేదో తనకు వ్యతిరేకత అయ్యేలా ఉందని గుర్తించిన చంద్రబాబు ఇప్పుడు ప్రభుత్వాన్ని నిందిస్తున్నారు. ఇదంతా జగన్ కుట్ర అని, పెన్షన్లు ఎగ్గొట్టేందుకే ఇవన్నీ చేస్తున్నారని ఎదురు విమర్శిస్తున్నారు. వాస్తవానికి ఈ మేలో కూడా మరింత మండుతున్న ఎండల్లో వృద్ధులు మళ్ళీ బ్యాంకులవద్ద పడిగాపులు కాయడం.. దీనికి చంద్రబాబే కారణం అని వాళ్ళు గుర్తించి ఆయన్ను తిడుతుండడంతో ఏమి చేయాలో తెలియక చంద్రబాబు కొత్త నాటకాలకు తెరతీస్తున్నారు..-సిమ్మాదిరప్పన్న 

సాక్షి, హైదరాబాద్‌: ఎన్నికల కమిషన్‌ బీజేపీ కనుసన్నల్లో నడుస్తోందని.. తాము ఫిర్యాదు చేస్తే పట్టించుకోవడం లేదని మాజీ మంత్రి కేటీఆర్‌ అన్నారు. శుక్రవారం ఆయన తెలంగాణ భవన్‌లో మీడియా సమావేశంలో మాట్లాడుతూ, రాముడి ఫొటోతో ఓట్లడిగిన వారిపై చర్యలేవీ? కేసీఆర్‌పై మాత్రం ఆగమేఘాల మీద చర్యలు తీసుకుంటారంటూ మండిపడ్డారు‘‘మతపరమైన రిజర్వేషన్లపై డైరెక్ట్‌గా ప్రచారం చేస్తున్న బీజేపీపై ఎందుకు మాట్లాడటం లేదు. మోదీ మాట్లాడిన మాటలకు నడ్డా సమాధానం ఇవ్వాలని తల తోక లేకుండా మాట్లాడింది ఎన్నికల సంఘం. అమిత్ షా రాముడు పటం పట్టుకొని ప్రచారం చేస్తున్న ఎందుకు చర్యలు తీసుకోవడం లేదు?. అధికారం కోసం ఎన్నికలలో రాముడ్ని అడ్డం పెట్టుకొని ఓట్లు అడుగుతున్నారు. మోదీ, అమిత్ షా వాళ్ల బీజేపీ నేతలు ఇలా చేస్తుంటే ఇప్పటికీ చర్యలు తీసుకోరు. కానీ కేసీఆర్ ఒక్క మాట అన్నందుకు ఆగమేఘాల మీద నోటీసులు ఇచ్చారు.రైతుల సమస్యలు చెప్తూ మాట్లాడారు. చేనేత కార్మికుల గురించి కేసీఆర్వా రి బాధలు చెప్తూ భావోద్వేగంతో ఒక్క మాట అన్నారు. ఇలా చిన్న మాట అన్నందుకు 48 గంటలు నిషేధం విధించింది. కానీ రేవంత్ రెడ్డి కేసీఆర్‌పైనా ఇష్టానుసారంగా మాట్లాడారు. ఇలా మాట్లాడుతున్న రేవంత్ రెడ్డి పై 8 సార్లు ఫిర్యాదు చేశాం. కానీ చర్యలు లేవు. కేసీఆర్ తల నరకండి అంటే ఎందుకు ఎన్నికల సంఘం చర్యలు తీసుకోవటం లేదు. 27 సార్లు పలువురు బీజేపీ, కాంగ్రెస్ నాయకులపై ఫిర్యాదు చేస్తే ఎన్నికల సంఘం పట్టించుకోలేదు’’ అంటూ కేటీఆర్‌ మండిపడ్డారు.  

లోక్‌సభ ఎన్నికల నేపథ్యంలో అధికార బీజేపీపై కాంగ్రెస్‌ ఎంపీ శశిథరూర్‌ కీలక వ్యాఖ్యలు చేశారు. సార్వత్రిక ఎన్నికల్లో తాము 400 స్థానాల్లో గెలుస్తామంటూ బీజేపీ చెప్పడం ఒక జోక్‌ అని అన్నారు. కాషాయ పార్టీకి 300 సీట్లు రావడం ఆసాధ్యమని, కనీసం 200 స్థానాల్లో గెలవడం కూడా సవాలేనని వ్యాఖ్యానించారు. అధికారంలో ఉన్న బీజేపీ.. ఇప్పటికే త‌న ఓట‌మిని అంగీక‌రించింద‌న్నారు.ఈ మేరకు జాతీయ వార్తా సంస్థకు ఇచ్చిన ఇంటర్వ్యూలో మాట్లాడుతూ.. కేరళ, తమిళనాడు, ఆంధ్రప్రదేశ్‌లో బీజేపీ ఖాతా కూడా తెరిచే అవకాశం లేదని చెప్పారు. మొత్తంగా దక్షిణ భారత్‌లో 2019 ఫలితాల కంటే దారుణంగా ఫెయిల్‌ అవుతుందని చెప్పారు.కాగా గత నెల 26న పోలింగ్‌ జరిగిన రెండో దశ లోక్‌సభ ఎన్నికల్లో శశిథరూర్‌ తిరువనంతపురం స్థానం నుంచి బరిలో నిలిచారు. అక్కడ బీజేపీ నుంచి కేంద్ర మంత్రి రాజీవ్‌ చంద్రశేఖర్‌, సీపీఐ నుంచి పీ రవీంద్రన్‌ పోటీ పడుతున్నారు. తిరువనంతపరంలో తన గెలుపు చాలా సులువగా ఉంటుందని ఆయన చెప్పారు.ఇక గత మూడుసార్లు ఆయన తిరువనంతపురం నుంచి ఎంపీగా విజయం సాధించారు.  ఈసారి కూడా గెలిస్తే  నాలుగో సారి వ‌రుస‌గా ఆ స్థానాన్ని కైవ‌సం చేసుకున్న‌ట్లు అవుతుంది. ఇప్ప‌టి వ‌ర‌కు 190 స్థానాల‌కు దేశ‌వ్యాప్తంగా ఎన్నిక‌లు జ‌రిగాయ‌ని, వాటిల్లో ఎక్కువ శాతం త‌మ‌కే అనుకూల ఫ‌లితాలు వెలుబ‌డే ఛాన్సు ఉన్న‌ట్లు చెప్పారు.