ప్రముఖ సంగీత నిర్మాత, కంపోజర్ యశ్‌రాజ్‌ ముఖాటే వివాహాబంధంలోకి అడుగుపెట్టారు. తన స్నేహితురాలు అల్పనాను ఆయన పెళ్లాడారు. ఈ జంట తమ వివాహాన్ని రిజిస్టర్‌ చేసుకున్నారు. దీనికి సంబంధించిన ఫోటోలను యశ్‌రాజ్‌ తన ఇన్‌స్టాలో పంచుకున్నారు. ఈ విషయం తెలుసుకున్న ఆయన అభిమానులు నూతన దంపతులకు శుభాకాంక్షలు చెబుతున్నారు. ప్రముఖ నటి సుప్రియా పిల్గావ్కర్, కుషా కపిల, తన్మయ్ భట్, జామీ లీవర్ ఈ జంటను అభినందించారు. కాగా.. యష్‌రాజ్ తన రసోదే మే కౌన్ థా మాషప్ తర్వాత ప్రసిద్ధి చెందాడు. అప్పటి నుంచి యష్‌రాజ్ వినోదభరితమైన సంగీతం, రీమిక్స్‌లు, వీడియోలను సృష్టిస్తూ గుర్తింపు తెచ్చుకున్నారు. అతనికి యూట్యూబ్, ఇన్‌స్టాగ్రామ్‌లో పెద్ద ఎత్తున ఫాలోవర్స్ కూడా ఉన్నారు. డైలాగ్‌లను ఆకట్టుకునే ట్యూన్‌లుగా మార్చడంలో అతనిది ప్రత్యేకమైన శైలి. వినోదాత్మక కంటెంట్‌ను రూపొందిస్తూ ప్రేక్షకులను ఆకట్టుకుంటున్నారు. గత రెండేళ్లలో అజయ్ దేవగన్, షెహనాజ్ గిల్ వంటి ప్రముఖులు కూడా యష్‌రాజ్‌తో కలిసి పనిచేశారు. View this post on Instagram A post shared by Yashraj Mukhate (@yashrajmukhate)

సుస్వరాయల్‌ పదహారు సంవత్సరాల వయసులోనే రకరకాల మ్యూజిక్‌ ఇన్‌స్ట్రూమెంట్స్‌ను ప్లే చేసే నైపుణ్యం జస్లీన్‌ రాయల్‌ సొంతం అయింది. ఆ తరువాత ఒకే సమయంలో మల్టీపుల్‌ మ్యూజిక్‌ ఇన్‌స్ట్రూమెంట్స్‌ ప్లే చేస్తూ అందరినీ ఆశ్చర్యానికి గురి చేసేది. ‘పంచి హో జవాన్‌’ సింగిల్‌తో సంగీత ప్రపంచంలో తనదైన పేరు తెచ్చుకుంది. ‘బార్‌ బార్‌ దేఖో’ (2015)తో బాలీవుడ్‌లో కంపోజర్‌గా బ్రేక్‌ వచ్చింది. ‘ఎలాంటి శిక్షణ తీసుకోకుండానే మ్యూజిక్‌ కంపోజర్‌ అయ్యాను. నా మీద నాకు ఉన్న నమ్మకమే దీనికి కారణం. కాలేజీ రోజుల్లో అందరూ ప్లాన్‌ బీ గురించి ఆలోచిస్తున్న సమయంలో కూడా నా మార్గం మ్యూజిక్‌ మాత్రమే అనుకున్నాను. రియాల్టీ షోలో సెమీ–ఫైనల్స్‌ వరకు వెళ్లడం ద్వారా తొలిసారి గుర్తింపు లభించింది’ అంటున్న జస్లీన్‌కు మెలోడీలు అంటే ఇష్టం. ప్రయాణాలు అంటే ఇష్టం. ప్రయాణమార్గాలలో తట్టే ట్యూన్‌లను పాటలుగా మలచడం అంటే ఇష్టం. కంపోజర్, సింగర్‌ అయిన జస్లీన్‌ రాయల్‌ తన తొలి ప్రాధాన్యత కంపోజింగ్‌ మాత్రమే అంటుంది. (ఇవి చదవండి: 'సహస్రనామం' సమ్మోహన విజయం!)

సంగీత దర్శకుడు ఏఆర్‌ రెహ్మాన్‌పై చైన్నె పోలీస్‌ కమిషనర్‌ కార్యాలయంలో ఫిర్యాదు చేశారు. వివరాలు.. శస్త్ర చికిత్స వైద్య నిపుణుల సంఘం 2018లో ఏఆర్‌ రెహ్మాన్‌తో ఒక సంగీత కచ్చేరిని నిర్వహించ తలపెట్టింది. అందుకు అడ్వాన్స్‌గా రహ్మాన్‌కు రూ.29.50 లక్షలు ఇచ్చారు. అయితే అనివార్య కారణాల వల్ల ఆ సంగీత కచ్చేరి రద్దు అయ్యింది. కాగా రెహ్మాన్‌కు ఇచ్చిన అడ్వాన్స్‌ నగదును తమకు తిగిరి ఇవ్వలేదని, చెల్లించేలా చర్యలు తీసుకోవాలంటూ వైద్య నిపుణుల సంఘం నిర్వాహకులు ఫిర్యాదులో పేర్కొన్నారు. కాగా ఇటీవల ఏఆర్‌.రెహ్మాన్‌ చైన్నెలో నిర్వహించిన సంగీత కచ్చెరీ రసాభాసగా మారిన విషయం తెలిసిందే. (ఇదీ చదవండి: ప్రభాస్‌ రియాక్షన్‌ కోరుకుంటున్న 'పెదకాపు' హీరో) పరిమితికి మించిన టిక్కెట్లు విక్రయించడం వల్ల టిక్కెట్లు కొనుగోలు చేసిన చాలా మంది సంగీత కచ్చేరి ఆవరణలోకి వెళ్లలేక అసంతృప్తితో వెనుదిరిగారు. ఈ వ్యవహారం పోలీసుల విచారణ వరకూ వెళ్లింది. ఆ సంఘటనపై ఏఆర్‌.రెహ్మాన్‌ క్షమాపణ చెప్పినా చాలా మంది సంగీత ప్రియులు ఆయనపై ఆసంతృప్తిని వ్యక్తం చేశారు.

ఏ గూటి చిలక ఆ గూటి పలుకే పలుకుతుంది...అన్నట్లు సంగీతకారుల కుటుంబంలో జన్మించిన కేతకి మతేంగోకర్‌కు చిన్నప్పటి నుంచే పాట అంటే ఇష్టం. తండ్రి ప్రసాద్‌ మ్యూజిక్‌ డైరెక్టర్‌. తల్లి సువర్ణ సింగర్‌. నటిగా కూడా మెప్పించింది కేతకి. ‘షాల’ ఆమె డెబ్యూ ఫిల్మ్‌. ఈ సినిమా కోసం అవకాశం తనను వెదుక్కుంటూ వచ్చింది. దర్శకుడు సుజిత్‌ ఒక టెలివిజన్‌ మ్యూజిక్‌ షోలో కేతకిని చూసి తన సినిమాలోని పాత్రకు ఎంపిక చేశాడు. నటనలో మంచి మార్కులు తెచ్చుకున్నప్పటికీ ‘నటన’ కంటే సంగీతానికే ఎక్కువ ప్రాధాన్యత ఇస్తానంటోంది కేతకి. రోజుకు నాలుగు గంటల పాటు సంగీత సాధన చేస్తుంది. ‘మహేష్‌ మంజ్రేకర్‌ సినిమాలో నటించిన తరువాత ఎన్నో అవకాశాలు వెదుక్కుంటూ వచ్చినా సంగీతానికే ప్రాధాన్యత ఇవ్వాలని నిర్ణయించుకున్నాను. మంచి సింగర్‌గా పేరు తెచ్చుకోవాలనుకుంటున్నాను. క్లాసిక్‌ నుంచి కాంటెంపరరీ మ్యూజిక్‌ వరకు నన్ను నేను నిరూపించుకోవాలనుకుంటున్నాను’. గత సంవత్సరం ‘మాయి’ ఆల్బమ్‌తో మ్యూజిక్‌ కంపోజర్‌గా కూడా తన ప్రతిభ చాటుకుంది కేతకి. ఈ ఆల్బమ్‌లోని తొమ్మిది పాటలను శంకర్‌ మహాదేవన్, మహాలక్ష్మీ అయ్యర్‌లాంటి ప్రసిద్ధ గాయకులు పాడారు. ‘మన దగ్గర ఉమెన్‌ మ్యూజిక్‌ కంపోజర్‌లు తక్కువగా ఉన్నారు. ఈ పరిస్థితిలో మార్పు రావాల్సిన అవసరం ఉంది. మంచి మ్యూజిక్‌ను ప్రేక్షకులు ఆదరిస్తారు. చాలామందికి మ్యూజిక్‌ కంపోజిషన్‌లో అద్భుత ప్రతిభ ఉన్నా ఆత్మవిశ్వాసం లేకపోవడం వల్ల దూరంగా ఉంటున్నారు’ అంటుంది కేతకి. 

సింగర్‌ హర్షిత్‌ సక్సేనా ఓ ఇంటివాడయ్యాడు. నటి సమోనికా శ్రీవాత్సవను పెళ్లి చేసుకున్నాడు. గత నెలలో గుట్టుచప్పుడు కాకుండా పెళ్లి చేసుకున్న వీరిద్దరూ తాజాగా ఈ విషయాన్ని సోషల్‌ మీడియాలో వెల్లడించారు. హర్షిత్‌ జాతీయ మీడియాకిచ్చిన ఇంటర్వ్యూలో మాట్లాడుతూ.. 'సమోనికా, నేను ముంబైలో కలిశాం. మా మధ్య కేవలం పరిచయం మాత్రమే ఉంది. కానీ మా పేరెంట్స్‌ మమ్మల్ని ఒక జంటగా గుర్తించారు. సమోనికా తల్లి మా పేరెంట్స్‌తో మాట్లాడటంతో ఇదంతా మొదలైంది. మాది పెద్దలు కుదిర్చిన వివాహం. మూడు రోజులపాటు ఎంతో ఘనంగా జరిగింది. పెళ్లికి రెండు రోజుల ముందే నిశ్చితార్థం చేసుకున్నాం. కేవలం అతి దగ్గరి బంధుమిత్రుల మధ్యే వివాహం జరిగింది అని వెల్లడించారు. వీరి పెళ్లి ఛత్తీస్‌ఘడ్‌లోని రాయ్‌ఘర్‌లో ఫిబ్రవరి 9న ఫైవ్‌స్టార్‌ హెటల్‌లో జరిగింది. ఈ పెళ్లి విషయాన్ని గుట్టుగా ఉంచడానికి గల కారణాన్ని వెల్లడిస్తూ.. నాకు వరుస షెడ్యూల్స్‌ ఉన్నాయి. పెళ్లయిపోయిన వెంటనే వరుస పెట్టి లైవ్‌ షోలు ఉన్నాయి. అందుకే పెళ్లి గురించి ఎవరికీ చెప్పలేదు. కానీ నా ఫ్రెండ్స్‌ కోసం రిసెప్షన్‌ ఏర్పాటు చేసే ఆలోచనలో ఉన్నాను' అని వెల్లడించాడు. View this post on Instagram A post shared by Harshit Saxena (@harshitsaxena_official)