● సీబీఎస్‌ఈ ఫలితాల్లో వంద శాతం ఉత్తీర్ణతఎమ్మిగనూరురూరల్‌: బనవాసి జవహర్‌ నవోదయ విద్యాలయంలో 10వ, 12వ తరగతి సీబీఎస్‌ఈ ఫలితాల్లో విద్యార్థులు వందశాతం ఉత్తీర్ణత సాధించినట్లు విద్యాలయ ప్రిన్సిపాల్‌ ఇ.పద్మావతి తెలిపారు. గురువారం ఆమె మా ట్లాడుతూ సెంట్రల్‌ బోర్డ్‌ ఆఫ్‌ సెకండరీ ఎడ్యుకేషన్‌ విడుదల చేసిన ఫలితాల్లో విద్యార్థులు మంచి మార్కులు సాధించినట్లు చెప్పారు. 10వ తరగతిలో ఎస్‌. చరణ్‌ (583/600) , బి. వీరేష్‌ (550/600), కె. మారుతి ( 543/ 600) ప్రతిభ కనబరిచారన్నారు. 12వ తరగతిలో యు.తరుణ్‌ (455/500), సాయి సుజిత్‌ (442/500), ఎ. ధర్మేంద్ర (427/500) సత్తా చాటినట్లు తెలిపా రు. ఫలితాల్లో మంచి మార్కులు సాధించిన విద్యార్థులను ఉపాధ్యాయులు అభినందించారు.ఓట్ల లెక్కింపునకు సచివాలయ ఉద్యోగులు కర్నూలు(అర్బన్‌): సార్వత్రిక ఎన్నికలకు సంబంధించి ఈ నెల 13న ఓట్ల లెక్కింపునకు గ్రామ/వార్డు సచివాలయ ఉద్యోగులను కూడా వినియోగించుకోనున్నట్లు జిల్లా పరిషత్‌ సీఈఓ జి.నాసరరెడ్డి తెలిపారు. గురువారం ఆయన తన చాంబర్‌లో విలేకరులతో మాట్లాడుతూ జిల్లా ఎన్నికల అధికారి/జిల్లా కలెక్టర్‌ డాక్టర్‌ జి.సృజన ఆదేశాల మేరకు కర్నూలు అర్బన్‌, రూరల్‌, కల్లూరు, ఓర్వకల్లు మండలాల్లోని సచివాలయ ఉద్యోగుల వివరాలను పంపుతున్నామన్నారు. జూన్‌ 4న కర్నూలు పార్లమెంట్‌, జిల్లాలోని ఏడు అసెంబ్లీ నియోజకవర్గాలకు చెందిన ఓట్ల లెక్కింపు కర్నూలులోనే కొనసాగుతుందన్నారు. ఈ నేపథ్యంలోనే ఓట్ల లెక్కింపులో పాల్గొనే అధికారులు, ఉద్యోగులకు సహకారాన్ని అందించేందుకు ఈ మండలాలకు చెందిన సచివాలయ ఉద్యోగులకు బాధ్యతలు అప్పగించనున్నట్లు చెప్పారు. పారిశుద్ధ్య కార్యక్రమాలు ముమ్మరం కర్నూలు(అర్బన్‌): ప్రస్తుతం వర్షాలు కురుస్తున్నందున అపరిశుభ్రత కారణంగా అంటు రోగా లు ప్రబలకుండా పారిశుద్ధ్య కార్యక్రమాలను ముమ్మరంగా చేపడుతున్నట్లు జిల్లా పంచాయతీ అధికారి టీ నాగరాజునాయుడు తెలిపారు. గురువారం ఆయన తన చాంబర్‌లో విలేకరులతో మాట్లాడుతూ గ్రామ పంచాయతీల్లోని మెయిన్‌ రోడ్లు, సందుల్లో, చెత్త కుండీల వద్ద ఎక్కడా కూడా చెత్త పేరుకుపోకుండా చర్యలు చేపట్టాలన్నారు. రోడ్లపై నీరు నిల్వ ఉండకుండా చూడాలని, ఎప్పటికప్పుడు డ్రైన్లను శుభ్రం చేయాలన్నారు. మంచి నీటి ట్యాంకులను నిర్ణీత సమయానికి శుభ్రం చేయాలన్నారు. పల్లెల్లో అంటురోగాలు ప్రబలకుండా తీసుకోవాల్సిన జాగ్రత్తలపై ఈఓఆర్‌డీ, పంచాయతీ కార్యదర్శులకు ప్రత్యేక ఆదేశాలు జారీ చేశామన్నారు. 2003–24 ఆర్థిక సంవత్సరానికి సంబంధించి వసూలు చేయాల్సిన పన్నులపై ఈఓఆర్‌డీ, పంచాయతీ కార్యదర్శులు ప్రత్యేక దృష్టి సారించాలని డీపీఓ ఆదేశించారు. లక్ష్యం రూ.36.55 కోట్ల కాగా, ఈ ఏడాది మార్చి నాటికి రూ.19 కోట్లు మాత్రమే వసూలయ్యాయన్నారు. ఎన్నికలు ముగిసిన నేపథ్యంలో క్షేత్ర స్థాయిలోని సిబ్బంది పన్నుల వసూళ్లపై దృష్టి సారించి లక్ష్యాన్ని చేరుకోవాలన్నారు.

కర్నూలు కల్చరల్‌: ఇంజినీరింగ్‌, అగ్రికల్చర్‌ అండ్‌ ఫార్మసీ విద్యలో ప్రవేశాలకు నిర్వహించే ఏపీ ఈఏపీ సెట్‌ గురువారం ప్రారంభమైంది. దూపా డు ఐయాన్‌ డిజిటల్‌ జోన్‌, నంద్యాల చెక్‌ పోస్టు సమీపంలోని ఐయాన్‌ డిజిటల్‌ జోన్‌, జి.పుల్లారెడ్డి ఇంజినీరింగ్‌ కాలేజ్‌, జి.పుల్లయ్య ఇంజినీరింగ్‌ కాలేజ్‌, పెద్దటేకూర్‌ సమీపంలోని బృందావన్‌ ఇనిస్టిట్యూట్‌, కేవీ సుబ్బారెడ్డి ఇంజినీరింగ్‌ కాలేజీ ఫర్‌ ఉమెన్‌, ఆదోనిలోని బీమా ఇనిస్టిట్యూట్‌ ఆఫ్‌ టెక్నాలజీ అండ్‌ సైన్స్‌, ఎమ్మిగనూరులోని సెయింట్‌జాన్స్‌ ఇంజనీంగ్‌ కాలేజ్‌లో పరీక్ష కేంద్రాలను ఏర్పాటు చేశారు. ఉదయం 9 నుంచి 12 గంటల వరకు, మధ్యాహ్నం 2.30 నుంచి 5.30 గంటల వరకు రెండు సెషన్‌లలో ఆన్‌లైన్‌లో పరీక్ష నిర్వహించారు. మొదటి రోజు ఉమ్మడి కర్నూలు జిల్లాలో అగ్రికల్చర్‌ అండ్‌ ఫార్మసీ స్ట్రీమ్‌ పరీక్షకు 4,931 మందికి 4610 మంది విద్యార్థులు పరీక్షలకు హాజరయ్యారు. రాయలసీమ యూనివర్సిటీ వైస్‌ఛాన్సలర్‌ ప్రొఫెసర్‌ బి. సుధీర్‌ప్రేమ్‌కుమార్‌, రెక్టార్‌ ప్రొఫెసర్‌ ఎన్‌.టి.కె.నాయక్‌ జి.పుల్లారెడ్డి ఇంజినీరింగ్‌ కళాశాల, జి.పుల్లయ్య ఇంజినీరింగ్‌ కళాశాలల్లోని కేంద్రాలను సందర్శించి పరీక్ష నిర్వహణను పరిశీలించారు.

కర్నూలు (న్యూటౌన్‌): పర్యావరణ అనుమతులు లేకుండా ఇసుక రీచ్‌లలో తవ్వకాలు చేయకూడదని, ఎవరైనా ఇసుకను అక్రమంగా తరలిస్తే క్రిమినల్‌ కేసులు నమోదు చేస్తామని జిల్లా మైనింగ్‌ డిప్యూటీ డైరెక్టర్‌ టి రాజశేఖర్‌ హెచ్చరించారు. సి బెళగల్‌ మండలం పల్‌దొడ్డి గ్రామంలోని ఇసుక రీచ్‌ను గురువారం జిల్లా మైనింగ్‌ విజిలెన్స్‌ అధికారులు ఆకస్మికంగా తనిఖీ చేశారు. ఈ సందర్భంగా జిల్లా మైనింగ్‌ డిప్యూటీ డైరెక్టర్‌ రాజశేఖర్‌ విలేకరులతో మాట్లాడుతూ.. ఇసుక తరలింపుపై సుప్రీం కోర్టు మార్గదర్శకాలిచ్చిందన్నారు. పర్యావరణ అనుమతులు లేకుండా ఇసుక రీచ్‌లలో తవ్వకాలు జరపకూడదని ఆదేశాలు జారీ చేసిందన్నారు. 15 రోజుల కిందటే ఇసుక రీచ్‌లలో తవ్వకాల పనులు ఆపేశారని చెప్పారు. అలాగే సి బెళగల్‌ మండలం కె సింగవరం వద్ద బోటు ద్వారా ఇసుకను తీసే ప్రదేశాన్ని తనిఖీ చేశామన్నారు. అక్కడే ఉన్న బోటులను వెంటనే ఇతర ప్రాంతాలకు తరలించాలని ఆదేశాలు జారీ చేశామన్నారు. తనిఖీల్లో జిల్లా మైనింగ్‌ విజిలెన్స్‌ ఏడీ బైరాగినాయుడు, టెక్నికల్‌ అసిస్టెంట్‌ దిలీప్‌, సిబ్బంది పాల్గొన్నారు.

కర్నూలు(సెంట్రల్‌): స్ట్రాంగ్‌ రూమ్‌లకు మూడంచెల భద్రత ఏర్పాటు చేసినట్లు జిల్లా ఎన్నికల అధికారి, కలెక్టర్‌ డాక్టర్‌ జి.సృజన తెలిపారు. రాయలసీమ యూనివర్సిటీలోని ఇంజినీరింగ్‌ బ్లాక్‌లో ఏర్పాటు చేసిన కంట్రోల్‌ రూమ్‌, స్ట్రాంగ్‌ రూమ్‌లను ఎస్పీ జి.కృష్ణకాంత్‌, పాణ్యం ఆర్వో, జేసీ నారపురెడ్డి మౌర్యతో కలసి గురువారం ఆమె పరిశీలించారు. ఈ సందర్భంగా ఆమె మాట్లాడుతూ.. స్ట్రాంగ్‌ రూమ్‌ల వద్ద పనిచేసే పోలీసు బలగాలు 24 గంటలపాటు అప్రమత్తంగా ఉండాలన్నారు. ఇక్కడ పనిచేసే సీసీ కెమెరాల లైవ్‌ ఫీడింగ్‌ను 24 గంటల పాటు కంట్రోల్‌ రూమ్‌ నుంచి వీక్షించేలా చర్యలు తీసుకోవాలని ఆదేశించారు. భద్రతా చర్యల్లో వైఫల్యం చెందితే వేటు తప్పదని హెచ్చరించారు. అసిస్టెంట్‌ ట్రైనీ కలెక్టర్‌ చల్లా కల్యాణి, డీఆర్వో కె.మధుసూదన్‌రావు, ఎమ్మిగనూరు ఆర్వో చిరంజీవి, కూడా వైస్‌ చైర్మన్‌ ప్రతాప్‌రెడ్డి, డిడ్కో ఎస్‌ఈ రాజశేఖర్‌ పాల్గొన్నారు.

బనగానపల్లె రూరల్‌: మండలంలోని రామతీర్థం గ్రామానికి చెందిన ఓ మహిళ అతిసార వ్యాధితో మృతిచెందగా పలువరు ఆస్పత్రుల్లో చికిత్స పొందున్నారు. గ్రామస్తులు తెలిపిన వివరాలు.. ఈ నెల 14న ఎల్‌ విజయరత్నమ్మ(30), సయ్యద్‌ మస్తాన్‌, మక్బుల్‌బాషా, పుల్లమ్మ, మేకల మద్దమ్మ, అల్వకొండ సుధీర్‌, అల్వకొండ మరియమ్మ, ఎల్‌ విజయరత్నమ్మ, సుమంత్‌, అల్వకొండ సువర్ణతో పాటు సుమారు 19 మందికి వాంతులు, విరేచనలు అయ్యాయి. వీరిలో కొందరిని నంద్యాల, మరికొందరిని బనగానపల్లె ప్రభుత్వ, ప్రైవేట్‌ వైద్యశాలకు వారి కుటుంబ సభ్యులు తీసుకెళ్లారు. బనగానపల్లె ప్రభుత్వ వైద్యశాలలో చేరిన విజయరత్నమ్మ చికిత్స పొందుతూ కోలుకోలేక గురువారం మృతిచెందింది. గ్రామానికి క్యూకట్టిన అధికారులు విషయం తెలుసుకున్న పలుకూరు ప్రాథమిక ఆరోగ్య కేంద్రం మెడికల్‌ ఆఫీసర్‌ డాక్టర్‌ మోనిక సిబ్బందితో గ్రామానికి చేరుకుని ప్రత్యేక వైద్యశిబిరం ఏర్పాటు చేసి ప్రజలకు వైద్య పరీక్షలు అందిస్తున్నారు. ఎంపీడీఓ నాగరాజుతో పాటు ఆర్‌డబ్ల్యూఎస్‌ అధికారులు గ్రా మాన్ని సందర్శించి తాగునీటి ట్యాంకు, పరిసరాలను శుభ్రం చేయించారు. వైద్యశిబిరాన్ని ఎఫ్‌డీసీ ప్రోగ్రామ్‌ ఆఫీసర్‌ డాక్టర్‌ జగదీష్‌ రెడ్డి, డీపీఎం ప్రోగ్రామ్‌ ఆఫీసర్‌ డాక్టర్‌ సునీత సందర్శించి అతిసారం బాధితులతో మాట్లాడారు. కలుషితమైన నీటి వల్లనే అతిసా రం బారిన పడివుంటారని వారు అభిప్రాయం వ్యక్తం చేశారు. కార్యక్రమంలో పలుకూరు వైద్య సిబ్బంది, గ్రామ పంచాయతీ సిబ్బంది తదిరులు ఉన్నారు. మహిళ మృతి.. పలువురు ఆస్పత్రిపాలు