జిల్లా కలెక్టర్‌ ఎం.వేణుగోపాల్‌ రెడ్డి గుంటూరు వెస్ట్‌: సార్వత్రిక ఎన్నికల దృష్ట్యా జిల్లాలో అక్రమ మద్యం సరఫరా కాకుండా పటిష్ట చర్యలు తీసుకుంటున్నామని, దీనికి రాజకీయ పార్టీలు సహకరించాలని జిల్లా కలెక్టర్‌ ఎం.వేణుగోపాల్‌ రెడ్డి కోరారు. స్థానిక కలెక్టరేట్‌లోని మీడియా సమావేశ మందిరంలో అధికారులు, రాజకీయ పార్టీల ప్రతినిధులతో సోమవారం సమావేశం నిర్వహించారు. కలెక్టర్‌ మాట్లాడుతూ ప్రశాంత ఎన్నికల నిర్వహణే ధ్యేయంగా కృషి చేస్తున్నామని చెప్పారు. అక్రమ మద్యం కారణంగా శాంతి భద్రతల సమస్యలు తలెత్తే అవకాశముందన్నారు. అక్రమ మద్యం అరికట్టేందుకు నిఘా పెంచామన్నారు. ఇప్పటి వరకు 8,325 లీటర్ల అక్రమ మద్యాన్ని స్వాధీనం చేసుకున్నామని చెప్పారు. జిల్లాలోని 102 మద్యం రిటైల్‌ ఔట్‌లెట్లు, 102 బార్లు, 9 క్లబ్స్‌లో మద్యం అమ్మకాలు సరఫరాపై నిరంతరం నిఘా ఉంచుతున్నామన్నారు. సీసీ కెమెరాలు ఏర్పాటు చేసి లైవ్‌ను అధికారులు పర్యవేక్షిస్తున్నారని తెలిపారు. ఎకై ్సజ్‌ అధికారులు నిఘాతో పాటు, చెక్‌పోస్ట్‌ల వద్ద నిఘా ఉంచామని పేర్కొన్నారు. అక్రమంగా నిల్వ చేసే మద్యం పట్టుబడితే సరఫరా చేసిన వారిపైనా చర్యలుంటాయని హెచ్చరించారు. పార్టీల నాయకుల సహకారంతోనే ఇప్పటి వరకు జిల్లాలో ప్రశాంత వాతావరణం నెలకొందని, రానున్న వారం రోజులు వారి సహకారం కొనసాగించాలని కలెక్టర్‌ ఆకాంక్షించారు. సమావేశంలో డీఆర్వో పెద్ది రోజా, అడిషనల్‌ ఎస్పీలు రమణ మూర్తి, వెంకటేశ్వరరెడ్డి, జిల్లా ప్రొహిబిషన్‌ అండ్‌ ఎకై ్సజ్‌ అధికారి వెంకట రామి రెడ్డి పాల్గొన్నారు. రూ.3 కోట్లు స్వాధీనం.. ఎన్నికల నేపథ్యంలో జిల్లాలో నిఘా బృందాలు స్వాధీనం చేసుకున్న నగదు, అక్రమ మద్యం, ఉచిత వస్తువుల విలువ సోమవారం నాటికి రూ.3,17,17,881 చేరింది. జిల్లా వ్యాప్తంగా చెక్‌పోస్టుల్లోనూ, వాహనాల తనిఖీల ద్వారా, అందిన సమాచారం తదితర మార్గాల్లో నిఘా బృందాలు తనిఖీలు నిర్వహిస్తున్నాయి.

నగరంపాలెం: టీడీపీ నాయకులు కాగితంపై రాసిచ్చిన స్క్రిప్ట్‌ను పవన్‌కల్యాణ్‌ చదివారని వైఎస్సార్‌ సీపీ గుంటూరు పార్లమెంట్‌ అభ్యర్థి కిలారి వెంకటరోశయ్య ఎద్దేవా చేశారు. గుంటూరు కృష్ణనగర్‌లోని ఆయన కార్యాలయంలో సోమవారం గుంటూరు తూర్పు ఎమ్మెల్యే అభ్యర్థి షేక్‌ నూరిఫాతిమాతో కలసి విలేకరుల సమావేశం నిర్వహించారు. ఆయన మాట్లాడుతూ పొన్నూరు సభలో ధూళిపాళ్ల నరేంద్ర, పెమ్మసాని చంద్రశేఖర్‌ చెప్పిన మాటలు పలికినట్లు చెప్పారు. పొన్నూరులో 25 ఏళ్లలో చేయలేని అభివృద్ధిని ఐదేళ్లల్లో పరుగులు తీయించానని తెలిపారు. ప్రజల నుంచి వారికి ఆదరణ కరువైందని ఆరోపించారు. దిక్కుతోచని పరిస్థితుల్లో పవన్‌కల్యాణ్‌ను తీసుకొచ్చారని, అది కూడా అట్టర్‌ ప్లాప్‌ అయిందని చెప్పారు. చేబ్రోలులో వాస్తవాలు తెలుసుకోకుండా మాట్లాడటం తగదని హితవు పలికారు. ప్రతిదీ రాజకీయం చేయడం టీడీపీకి అలవాటైందని ఆరోపించారు. గ్లోబెల్‌ ప్రచారం చేయడంలో చంద్రబాబు కంటే టీడీపీ అభ్యర్థి పెమ్మసాని చంద్రశేఖర్‌ మించిపోయారని అన్నారు. పెమ్మసాని చంద్రశేఖర్‌ తన ఆస్తులు రూ.5,700 కోట్లను ఒక టేబుల్‌పై పెట్టాలని, నా ఆస్తులను టేబుల్‌పై పెడదామని, దీనిపై ఎవరూ మైనింగ్‌ చేశారనేది చేబ్రోలులో అడుగుదామని, సవాల్‌కు సిద్ధమా అని ప్రశ్నించారు. పదేళ్లల్లో గుంటూరు పార్లమెంట్‌ ప్రజలు మోసపోయారని మరో సారి మోసపోయేందుకు సిద్ధంగా లేరని చెప్పారు. చంద్రబాబు లాగా పెమ్మసానికి గ్లోబెల్‌ ప్రచారం చేయడం ఒంటపట్టిందని ఆరోపించారు. వచ్చే గుంటూరు పార్లమెంట్‌ ఎన్నికల్లో నూటికి నూరుపాళ్లు గెలిచేది తానేనని ఆయన స్పష్టం చేశారు. ఎమ్మెల్యే ముస్తఫాపై టీడీపీ అభ్యర్థి పెమ్మసాని చంద్రశేఖర్‌ విమర్శలు చేయడం తగదన్నారు. తూర్పు ఎమ్మెల్యే అభ్యర్థి నూరిఫాతిమా మాట్లాడుతూ ఆటోనగర్‌లో చోటుచేసుకున్న అగ్ని ప్రమాదంపై స్థానిక ఎమ్మెల్యే ముస్తఫాపై బురద చల్లడమే లక్ష్యంగా టీడీపీ దుష్ప్రచారం చేస్తుందని మండిపడ్డారు. తాము రాజకీయాలు చేసేందుకు వెళ్ళలేదన్నారు. టీడీపీ నేత నసీర్‌ హెల్ప్‌ చేసేందుకు రాలేదని అన్నారు. నీచ, శవ రాజకీయాలు చేయడం టీడీపీకి అలవాటుని, త్వరలో ప్రజలు బుద్ధిచెబుతారని చెప్పారు. విలేకర్ల సమావేశంలో పార్టీ నాయకులు జియావూర్‌ రెహ్మాన్‌, గులాం రసూల్‌ మాట్లాడారు. గుంటూరు లోక్‌సభ అభ్యర్థి కిలారి వెంకటరోశయ్య టీడీపీ నాయకులు రాసిచ్చిన స్క్రిప్ట్‌ చదివిన పవన్‌కల్యాణ్‌ గుంటూరు తూర్పులో నూరిఫాతిమాను ఎదుర్కోలేక భయపడుతున్న టీడీపీ

పొన్నూరు: గత ప్రభుత్వాలలో ఎన్నడూలేని విధంగా రాజకీయాలు, పార్టీలకతీతంగా.. అర్హతే ప్రామాణికంగా ప్రతి ఇంట్లో సంక్షేమ లబ్ధి చేకూర్చిన ఏకై క సీఎం వైఎస్‌ జగన్‌మోహన్‌ రెడ్డి అని సీఎం వైఎస్‌ జగన్‌ బంధువు సునీతరెడ్డి, ప్రభుత్వ ముఖ్య సలహాదారు సజ్జల రామకృష్ణారెడ్డి సతీమణి సజ్జల లక్ష్మి అన్నారు. సార్వత్రిక ఎన్నికల ప్రచారంలో భాగంగా సోమవారం పట్టణంలో భారీ ర్యాలీ నిర్వహించారు. రేపల్లె రోడ్డు నుంచి బాపట్ల రోడ్డు మీదుగా అంబేడ్కర్‌ సెంటర్‌ వరకు ర్యాలీ నిర్వహించారు. ఈ సందర్భంగా వారు మాట్లాడుతూ సీఎం వైఎస్‌ జగన్‌ రాష్ట్రంలో సువర్ణ పాలన అందిస్తున్నారని అన్నారు. నవరత్నాల పథకాలతో ప్రతి ఒక్కరికీ మేలు చేకూరిందని చెప్పారు. కరోనా కష్టకాలంలో కూడా వరికీ కష్టం లేకుండా పథకాలను అందించి దేశంలో ఆదర్శ ముఖ్యమంత్రిగా వైఎస్‌ జగన్‌ నిలిచారని కొనియాడారు. వైఎస్సార్‌ సీపీ ప్రభుత్వ పాలనలోనే అన్ని వర్గాల ప్రజలకు న్యాయం జరిగిందన్నారు. రాష్ట్రంలో అభివృద్ధి, సంక్షేమం రెండు కళ్లుగా పరిపాలన సాగుతున్నట్లు చెప్పారు. ప్రభుత్వం అందించే సంక్షేమ పథకాలు కొనసాగాలంటే ఫ్యాన్‌ గుర్తుకు ఓటు వేసి వైఎస్‌ జగన్‌మోహన్‌రెడ్డిని మళ్లీ సీఎం చేయాలని ఆకాంక్షించారు. త్వరలో జరగనున్న సార్వత్రిక ఎన్నికల్లో ఫ్యాన్‌ గుర్తుకు ఓటు వేసి ఎమ్మెల్యే అభ్యర్థి అంబటి మురళీకృష్ణ, ఎంపీ అభ్యర్థి కిలారి వెంకట రోశయ్యని గెలిపించాలని కోరారు. ప్రచారంలో అంబటి మురళీకృష్ణ కుటుంబ సభ్యులు ప్రత్యూష, మున్సిపల్‌ మాజీ చైర్‌పర్సన్‌ డాక్టర్‌ రూత్‌రాణి, రాష్ట్ర మైనార్టీ కమిషన్‌ సభ్యులు షేక్‌ సైఫుల్లా, ఏఎంసీ చైర్మన్‌ ఆకుల వెంకటేశ్వరరావు, వైఎస్సార్‌ సీపీ పట్టణ అధ్యక్షుడు ఎంఏ మహమూద్‌, నాయకులు బొనిగల వేణుప్రసాద్‌, షేక్‌ నాజర్‌, వడ్రాణం ప్రసాద్‌, అమిరినేని సాంబశివరావు, షేక్‌ మాము, అంబటి వెంకటేశ్వర్లు, ఎందేటి వెంకట సుబ్బయ్య, బోయి నాగరాజు, మొల్ల కరీం, వట్టిప్రోలు రంగారావు, బొద్దులూరి రంగారావు, గేరా సంజీవ్‌, కుమారి, షేక్‌ షర్మిల, దేవరకొండ గోపి, అనీలా కుమారి, మండ్రు అనిత, కె.సుషోబిత, మూర్తి రాజు, షేక్‌. నయీంబాషా, షేక్‌ జానీబాషా, సుభాని, డక్కుమల్ల. రవి, గోపిశెట్టి నాగేశ్వరరావు, అల్లం సాంబయ్య పాల్గొన్నారు. రాష్ట్రంలో వైఎస్సార్‌ సీపీ ప్రభంజనం ఖాయం కిలారి రోశయ్య, అంబటి మురళీకృష్ణలను మెజార్టీతో గెలిపించాలి వైఎస్‌ జగన్‌ బంధువు సునీత రెడ్డి, సజ్జల లక్ష్మి ప్రచారంలో భాగంగా పట్టణంలో భారీ ర్యాలీ

వైఎస్సార్‌ సీపీ రాష్ట్ర లీగల్‌ సెల్‌ ప్రధాన కార్యదర్శి వెంకటరెడ్డి నగరంపాలెం: ల్యాండ్‌ టైట్లింగ్‌ చట్టంపై రాజకీయ లబ్ధి, ఎన్నికల్లో గెలుపు కోసం టీడీపీ దుష్ప్రచారం చేస్తోందని వైఎస్సార్‌ సీపీ రాష్ట్ర లీగల్‌ సెల్‌ ప్రధాన కార్యదర్శి పోలూరి వెంకటరెడ్డి ఆగ్రహం వ్యక్తం చేశారు. గుంటూరు అరండల్‌పేట 11/3వ అడ్డరోడ్‌లోని సంఘం కార్యాలయంలో సోమవారం విలేకరుల సమావేశం నిర్వహించారు. ఈ సందర్భంగా వెంకటరెడ్డి మాట్లాడుతూ ల్యాండ్‌ టైట్లింగ్‌ చట్టంపై టీవీల్లో, వీడియోల్లో, ఐవీఆర్‌ కాల్స్‌ ద్వారా సీఎం వైఎస్‌ జగన్‌ను దెబ్బకొట్టాలని టీడీపీ తప్పుడు ప్రచారానికి శ్రీకారం చుట్టిందని ఆరోపించారు. రాష్ట్ర అధికారి ప్రతినిధి డాక్టర్‌ సయ్యద్‌బాబు, రాష్ట్ర కార్యదర్శి అబ్రహం లింకన్‌, జిల్లా అధ్యక్షుడు సీడీ భగవాన్‌ మాట్లాడుతూ ప్రస్తుతం ఈ చట్టం అమలులో లేదని చెప్పారు. దుష్ప్రచారంతో తగిన మూల్యం చెల్లించకతప్పదని హెచ్చరించారు. సమావేశంలో న్యాయవాదులు పచ్చల అనీల్‌, బి.బాలాజీ, కొమ్మారెడ్డి రామకృష్ణారెడ్డి, కాశీం పాల్గొన్నారు.

తాడేపల్లిరూరల్‌: అణగారిన వర్గాలకు రాజ్యాధికారం వైఎస్సార్‌ సీపీతో సాధ్యమని మంగళగిరి ఎమ్మెల్యే ఆళ్ల రామకృష్ణారెడ్డి(ఆర్కే) పేర్కొన్నారు. దుగ్గిరాల గ్రామ ప్రజలు, యానాదుల ఆత్మీయ సమావేశం సోమవారం నిర్వహించారు. సమావేశానికి ఎస్టీ సెల్‌ రాష్ట్ర అధికార ప్రతినిధి వెంకట సుబ్బయ్య, మంగళగిరి వైఎస్సార్‌సీపీ ఎమ్మెల్యే అభ్యర్థి మురుగుడు లావణ్య హాజరయ్యారు. ఎమ్మెల్యే మాట్లాడుతూ మే 13న మన రాష్ట్రంలో మన భవిష్యత్తు నిర్ణయించుకునే సమయం వచ్చిందని, ఆ రోజు మనందరం ఆలోచించి మనకు మంచిచేసే ప్రభుత్వాన్ని ఎంచుకోవాలని సూచించారు. రాష్ట్రంలో ఇప్పటి వరకు ఏ ముఖ్యమంత్రి చేయని విధంగా వైఎస్‌ జగన్‌మోహన్‌రెడ్డి పరిపాలన కొనసాగించారని వివరించారు. ఎన్నికల్లో ఫ్యాను గుర్తుపై తమ అమూల్యమైన ఓటు వేసి గుంటూరు పార్లమెంట్‌ అభ్యర్థి కిలారి వెంకట రోశయ్య, మంగళగిరి ఎమ్మెల్యే అభ్యర్థి మురుగుడు లావణ్యను అత్యధిక ఓట్ల మెజార్టీతో గెలిపించాలని కోరారు. యందేటి వెంకట సుబ్బయ్య, ఎమ్మెల్యే అభ్యర్థి మురుగుడు లావణ్య మాట్లాడుతూ గిరిజనులకు అవసరం అయిన సంక్షేమ పథకాలు అందించి, వారి అభివృద్ధికి కృషి చేసిన నాయకుడు ముఖ్యమంత్రి వైఎస్‌ జగన్‌మోహన్‌రెడ్డి అని అన్నారు. 5 సంవత్సరాల కాలంలో మనకు అన్ని విధాలా మంచి చేసిన జగన్‌కు మనం తోడుగా నిలవాల్సిన సమయం వచ్చిందని, ప్రతి ఒక్కరూ ఫ్యాను గుర్తుపై ఓటు వేయాలని కోరారు. కార్యక్రమంలో ఎస్టీ సెల్‌ రాష్ట్ర ప్రధాన కార్యదర్శి చౌటూరి రమేష్‌, గుంటూరు జిల్లా వైఎస్సార్‌ సీపీ నాయకులు కొమరగిరి సూరిబాబు, రాపూరి గోపి, రాపూరి రాజేష్‌, కొమరగిరి మరియమ్మ, పొట్లూరి అశోక్‌, ఇళ్ళ గరటయ్య, బొజ్జ కోటయ్య పాల్గొన్నారు. ఎమ్మెల్యే ఆళ్ల రామకృష్ణారెడ్డి (ఆర్కే) హాజరైన అసెంబ్లీ అభ్యర్థి లావణ్య, ఎస్టీ సెల్‌ రాష్ట్ర అధికార ప్రతినిధి వెంకట సుబ్బయ్య