బాలీవుడ్ హీరో వరుణ్ ధావన్‌ సరసన అక్టోబర్‌ చిత్రం ద్వారా సినీ ఇండస్ట్రీలో ఎంట్రీ ఇచ్చిన భామ బనితా సంధు. ఆమె విక్కీ కౌశల్ నటించిన సర్దార్ ఉదమ్‌లో కూడా నటించింది. ఆ తర్వాత తమిళ చిత్రం ఆదిత్య వర్మలోనూ కనిపించింది. అంతే కాకుండా సీడబ్ల్యూ సిరీస్ పండోరలో నటించింది. అయితే తాజాగా ఆమె పంజాబీ సింగర్ ఏపీ ధిల్లాన్‌తో డేటింగ్‌లో ఉన్నట్లు బీటౌన్‌లో రూమర్స్ వినిపిస్తున్నాయి. ఆమె తన ఇన్‌స్టాలో షేర్ చేసిన పిక్స్‌తో ఈ రూమర్స్ మరింత ఊపందుకున్నాయి.
ముంబయిలో ఇటీవల రిలీజైన డాక్యు-సిరీస్‌కు కూడా ఆమె హాజరైన బనితా సంధు అతని ఉన్న ఫోటోలను షేర్ చేసింది. ముంబయిలోని హోటల్‌లో బనితా సంధు అతనితో ఉన్న సన్నిహిత ఫోటోలను కూడా పంచుకున్నారు. అంతే కాకుండా విత్ మీ అంటూ క్యాప్షన్ కూడా ఇచ్చారు. దీంతో ఈ జంట డేటింగ్‌లో ఉన్నారంటూ నెటిజన్స్ కామెంట్స్ చేస్తున్నారు.
కాగా.. సింగర్ అమృత పాల్ సింగ్ ధిల్లాన్ అలియాస్ ఏపీ ధిల్లాన్ పంజాబీ సంగీతంలో బాగా పేరు సంపాదించారు. ఇండో-కెనడియన్ రాపర్‌గా అభిమానుల్లో గుర్తింపు తెచ్చుకున్నారు. ఇటీవల విడుదల చేసిన డాక్యుమెంటరీ సిరీస్, ఏపీ ధిల్లాన్: ఫస్ట్ ఆఫ్ ఎ కైండ్‌తో మరింత ఫేమస్ అయ్యాడు.
TV
