సాక్షి, హైదరాబాద్‌/ సాక్షి, నాగర్‌కర్నూల్‌: శ్రీశైలం ఎడమ గట్టు కాల్వ (ఎస్‌ఎల్‌బీసీ) ఒకటో సొరంగం పైకప్పు మళ్లీ కూలింది! లోపల పేరుకుపోయిన మట్టి, శిథిలాల ఎత్తు మరో మీటరు మేర పెరిగిపోయింది. దానికితోడు నీటి ఊట ఆగకుండా కొనసాగుతోంది. దీనితో సహాయక చర్యల కొనసాగింపు మరింత కష్టంగా మారింది. సొరంగంలో చిక్కుకుపోయిన వారి కోసం చేపట్టిన ఐదో రెస్క్యూ ప్రయత్నమూ విఫలమైంది. దీనితో బాధితుల కుటుంబాల్లో ఆందోళన వ్యక్తమవుతోంది. ఒక్కసారిగా కూలిపడటంతో.. ఉమ్మడి నల్లగొండ జిల్లాలో 4.15 లక్షల ఎకరాలకు సాగునీరు, వందలాది ఫ్లోరైడ్‌ పీడిత గ్రామాలకు సురక్షిత తాగునీరు అందించేందుకు రాష్ట్ర ప్రభుత్వం ఎస్‌ఎల్‌బీసీ ప్రాజెక్టును చేపట్టింది. ఇందులో భాగంగా 43.93 కిలోమీటర్ల పొడవైన భారీ సొరంగాన్ని నిర్మిస్తున్నారు. నాగర్‌కర్నూల్‌ జిల్లా దోమలపెంట (ఇన్‌లెట్‌) వద్ద నుంచి 13.94 కిలోమీటర్ల లోపలి వరకు తవ్వకం పూర్తయింది. అక్కడ పనులు చేస్తుండగా శనివారం ఉదయం 8.30 గంటలకు సొరంగం పైకప్పు కూలి 8 మంది కార్మికులు/ఉద్యోగులు గల్లంతయ్యారు. వారిని రక్షించడానికి ఆదివారం మధ్యాహ్నం వరకు చేసిన 3 ప్రయత్నాలు కూడా విఫలమయ్యాయి. నాలుగో ప్రయత్నంగా ఆదివారం అర్ధరాత్రి ఒంటి గంటకు సొరంగం లోపలికి వెళ్లిన రెస్క్యూ బృందం సోమవారం ఉదయం 7 గంటల సమయంలో బయటికి వచ్చింది. ఐదో ప్రయత్నంగా సోమవారం మధ్యాహ్నం 3.30 గంటలకు మరో రెస్క్యూ బృందం సొరంగంలోకి వెళ్లింది. సొరంగం కూలిన ప్రాంతంలో ఆదివారంతో పోలి్చతే సోమవారం నాటికి మట్టి, శిథిలాల ఎత్తు, పరిమాణం గణనీయంగా పెరిగాయి. దీనితో అక్కడే మరోసారి సొరంగం పైకప్పు కూలి ఉంటుందని సహాయక చర్యలను పర్యవేక్షిస్తున్న ఉన్నతాధికారులు అంచనాకు వచ్చారు. సొరంగం లోపల 200–250 మీటర్ల మేర 15–20 అడుగుల ఎత్తులో మట్టి, శిథిలాలు పేరుకుపోయి ఉన్నట్టు చెబుతున్నారు. నేడు మరో ప్రత్యేక బృందం ప్రస్తుతం జాతీయ, రాష్ట్ర విపత్తు నిర్వహణ బృందాలతో పాటు ఆర్మీ, నేవీ, సింగరేణి, ఇతర సిబ్బంది మొత్తం కలిపి మొత్తం 584 మంది సహాయక చర్యల్లో పాల్గొంటున్నారు. కేంద్ర ప్రభుత్వం తరఫున విపత్తుల నిర్వహణ, ఉపరితల రవాణా శాఖలకు చెందిన నిపుణులతో కూడిన ఒక ప్రత్యేక బృందం మంగళవారం ఉదయానికల్లా టన్నెల్‌ వద్దకు చేరుకునే అవకాశం ఉంది. పైనుంచి రంధ్రం చేయడానికి జీఐఎస్‌ నో ఎల్‌ఎస్‌బీసీ సొరంగాన్ని భూగర్భంలో 400 మీటర్ల దిగువన నిర్మిస్తున్నారు. దీనితో ఆ మేరకు భూఉపరితలం నుంచి సొరంగం వరకు రంధ్రం చేసి కార్మీకులను బయటికి తీసుకువచ్చే అంశంపై రాష్ట్ర ప్రభుత్వం పరిశీలన జరిపింది. కానీ సొరంగాన్ని పరిశీలించిన జియాలజికల్‌ సర్వే ఆఫ్‌ ఇండియా(జీఎస్‌ఐ) నిపుణుల బృందం ఈ ఆలోచనకు నో చెప్పింది. సొరంగంపై తీవ్ర ఒత్తిడి ఉందని, భూఉపరితలం నుంచి సొరంగం దాకా రంధ్రం వేసేందుకు ప్రయత్నిస్తే మరింతగా కుప్పకూలుతుందని ఐదో రెస్క్యూ బృందంతో కలిసి లోపలికి వెళ్లి వచ్చిన జీఎస్‌ఐ జియాలజిస్టులు తేల్చారు. మట్టి, శిథిలాల తొలగింపుపై రెస్క్యూ బృందానికి వీరు చేసే సూచనలు కీలకంగా మారనున్నాయి. సొరంగంలోకి రాకపోకలకే 4 గంటలు.. గల్లంతైన కార్మీకుల జాడ దొరక్కపోయినా సొరంగం లోపలి పరిస్థితులపై ఇప్పుడు స్పష్టమైన అవగాహన ఏర్పడిందని సహాయక చర్యలను పర్యవేక్షిస్తున్న అధికారులు తెలిపారు. తొలుత కేవలం లోపలి పరిస్థితిని దూరం నుంచి మాత్రమే అంచనా వేయగలిగామని.. నాలుగు, ఐదో ప్రయత్నంలో సొరంగం కూలిన చోట పేరుకున్న మట్టి, శిథిలాల సమీపం వరకు రెస్క్యూ బృందాలు చేరుకోగలిగాయని వివరించారు. లోకో ట్రైన్‌ ద్వారా సొరంగం లోపలికి వెళ్లిరావడానికే మూడు నుంచి నాలుగు గంటల సమయం పడుతోందని వెల్లడించారు. నిరంతరం కొనసాగుతున్న నీటి ఊట సొరంగంలో నీరు నిరంతరం ఊరుతూ, కూలిన ప్రాంతాన్ని నింపేస్తోంది. ఇన్‌లెట్‌ నుంచి లోపలికి వెళ్లే నీరు గ్రా>విటీ ద్వారా అవుట్‌లెట్‌ వైపు వెళ్లేలా సొరంగాన్ని వాలుగా నిర్మిస్తున్నారు. ఇప్పటివరకు తవి్వన మేరకు సొరంగం కూలిన ప్రాంతమే చివరిది కావడంతో.. ఊట నీళ్లు అక్కడే పేరుకుపోయి సహాయక చర్యలకు ఆటంకం కలిగిస్తున్నాయి. దీనితో నిరంతరంగా ఆ నీటిని బయటికి పంపింగ్‌ చేస్తున్నారు. కార్మీకుల కుటుంబాల్లో ఆందోళన.. నేడు సర్కారు కీలక ప్రకటన? ప్రమాదం జరిగి సోమవారం అర్ధరాత్రి సమయానికి సుమారు 65 గంటలు దాటింది. కానీ సొరంగంలో గల్లంతైనవారి జాడ తెలియరాలేదు. దీనితో కార్మీకుల కుటుంబ సభ్యుల్లో తీవ్ర ఆందోళన నెలకొని ఉంది. సోమవారం ఇద్దరు కార్మీకుల కుటుంబ సభ్యులు సొరంగం వద్ద చేరుకుని.. తమవారి సమాచారం కోసం ఆత్రుతగా ఎదురుచూస్తున్నారు. కార్మీకుల యోగక్షేమాలపై మంగళవారం రాష్ట్ర ప్రభుత్వం కీలక ప్రకటన చేసే అవకాశం ఉన్నట్టు తెలిసింది. సొరంగం లోపలికి డ్రోన్, మినీ జేసీబీ.. నీళ్ల కింద ఉన్న వస్తువులను గుర్తించే సోనార్‌ టెక్నాలజీ ఆధారంగా కార్మీకుల జాడను తెలుసుకునేందుకు ఆదివారం ప్రయతి్నంచగా.. ఎలాంటి ఆచూకీ లభ్యం కాలేదు. నీటిలో మనుషుల రక్తం, అవశేషాలను గుర్తించే పోలీసు జాగిలాలు (స్నిఫర్‌ డాగ్స్‌)ను సొరంగంలోకి తీసుకెళ్లినా.. ప్రమాద స్థలంలో నీరు, బురద ఉండటంతో ముందుకు వెళ్లలేకపోయాయి. చివరిగా ఐదో రెస్క్యూ బృందంతో ఒక అత్యధునిక డ్రోన్, ఇద్దరు ఆపరేటర్లను సొరంగం లోపలికి పంపించారు. రెస్క్యూ బృందాలు వెళ్లలేని చోట్ల దీనితో జరిపే పరిశీలన ఆధారంగా లోపలి పరిస్థితులపై స్పష్టత వచ్చే అవకాశం ఉందని అధికార వర్గాలు చెబుతున్నాయి. ఇక సొరంగం కూలిన చోట పేరుకుపోయిన మట్టి, శిథిలాలను తొలగించడానికి సోమవారం లోకో ట్రైన్‌ సాయంతో మినీ జేసీబీని లోపలికి పంపించారు. దీనితో మట్టి, శిథిలాల తొలగింపు చర్యల్లో వేగం పెరిగే అవకాశం ఉంది. ఇక ప్రమాదంలో దెబ్బతిన్న కన్వేయర్‌ బెల్ట్‌కి సైతం మరమ్మతులు ప్రారంభించారు. మట్టి, శిథిలాలను కన్వెయర్‌ బెల్ట్‌ ద్వారా బయటికి తరలించేందుకు ఏర్పాట్లు చేస్తున్నారు. సహాయక చర్యల్లో ఉన్నతాధికారుల బృందం రాష్ట్ర రెవెన్యూ (విపత్తుల నిర్వహణ) శాఖ ప్రత్యేక ప్రధాన కార్యదర్శి అరవింద్‌కుమార్‌ నేతృత్వంలో టీజీఎస్పీడీసీఎల్‌ సీఎండీ ముషారఫ్‌ అలీ ఫారూఖీ, హైడ్రా కమిషనర్‌ ఏవీ రంగనాథ్, నాగర్‌కర్నూల్‌ జిల్లా మాజీ కలెక్టర్‌ ఇ.శ్రీధర్‌లతో ప్రభుత్వం ఏర్పాటు చేసిన ఉన్నతాధికారుల బృందం మూడు రోజులుగా సొరంగం వద్ద మకాం వేసి నిరంతరంగా సహాయక చర్యలను పర్యవేక్షిస్తోంది. ఎన్డీఆర్‌ఎఫ్, ఎస్డీఆర్‌ఎఫ్, ఆర్మీ, నేవీ, సింగరేణి రెస్క్యూ బృందాలతో నిరంతరం సమీక్షిస్తూ.. సహాయక చర్యలపై దిశానిర్దేశం చేస్తోంది. సొరంగంలోకి ‘ర్యాట్‌ హోల్‌ మైనర్స్‌’ సొరంగంలో సహాయక చర్యల్లో మరో ప్రయత్నంగా మరో రెస్క్యూ బృందం ‘ర్యాట్‌ హోల్‌ మైనర్స్‌’తో కలసి లోపలికి వెళ్లింది. ఉత్తరాఖండ్‌లోని సిలి్కయార సొరంగం 2023 నవంబర్‌లో కుప్పకూలింది. దానిలో లోపల చిక్కుకుపోయిన 41 మంది కార్మికులను 17 రోజుల తర్వాత ర్యాట్‌ హోల్‌ మైనర్స్‌ బృందం బయటికి తీసుకురాగలిగింది. దీంతో ఎస్‌ఎల్‌బీసీ వద్ద సహాయక చర్యల కోసం ‘ర్యాట్‌ హోల్‌ మైనర్స్‌’ను ప్రభుత్వం రప్పించింది. ఈ బృందం సొరంగంలో, పేరుకుపోయిన మట్టిలో ఎలుక బొరియల తరహాలో రంధ్రాలు చేసి లోపలికి వెళ్లి కార్మీకులను బయటకి తీసుకువచ్చేందుకు ఉన్న సాధ్యాసాధ్యాలను పరిశీలించింది. అయితే సొరంగం రెండో వైపు పూర్తిగా మూతబడి ఉండటం, పెద్ద మొత్తంలో ఊట నీరు ఆ ప్రాంతాన్ని ముంచెత్తి ఉండటంతో ‘ర్యాట్‌ హోల్‌’ విధానంలో రెస్క్యూ ఆపరేషన్‌ శ్రేయస్కరం కాదనే భావన వ్యక్తమవుతోంది. అయితే ర్యాట్‌ హోల్‌ మైనర్లు సొరంగంలో ఏ వ్యూహాన్ని అమలు చేస్తారన్నది ఆసక్తిగా మారింది. వారు సొరంగం నుంచి బయటికి వస్తే ఈ అంశంపై స్పష్టత రానుంది. ఇక మంగళవారం ఉదయానికల్లా మరో ‘ర్యాట్‌ హోల్‌ మైనర్స్‌’ బృందం టన్నెల్‌ వద్దకు చేరుకోంది.

సాక్షి, కర్నూలు జిల్లా: కేఆర్ఎంబీ ఆదేశాలను పట్టించుకోక పోవడంతో పాటు నిబంధనలకు విరుద్ధంగా శ్రీశైలం ఎడమగట్టు కేంద్రంలో తెలంగాణ జెన్‌కో విద్యుదుత్పత్తి చేస్తోంది. శ్రీశైలంలో 835 అడుగుల నీటిమట్టం ఉంటేనే విద్యుదుత్పత్తి చేయాలని.. ఎడమగట్టులో 810 అడుగులకే తెలంగాణ విద్యుదుత్పత్తి చేస్తోందని ఎస్‌ఈ వెంకటరమణయ్య అన్నారు. శ్రీశైలంలో 854 అడుగుల నీటిమట్టం ఉంటేనే పోతిరెడ్డిపాడు హెడ్‌ రెగ్యులేటర్ నుంచి నీరు దిగువకు విడుదలవుతుందని.. నిబంధనలకు విరుద్ధంగా తెలంగాణ విద్యుదుత్పత్తి చేస్తోందన్నారు. ‘‘నిబంధనలు పాటించకుంటే పోతిరెడ్డిపాడు నుంచి విడుదలయ్యే.. రాయలసీమ, నెల్లూరు జిల్లాలకు తాగునీటి సమస్య వస్తుందని ఎస్‌ఈ అన్నారు.


 ఈ నెల 8న శంకుస్థాపన  {పభుత్వం సూత్రప్రాయ నిర్ణయం
  
 హైదరాబాద్: నల్లగొండ జిల్లా తాగునీటి అవసరాలకు ఉద్దేశించిన నక్కలగండి ఎత్తిపోతల పథకానికి ఈ నెల 8న శంకుస్థాపన చేయాలని ప్రభుత్వం సూత్రప్రాయంగా నిర్ణయించింది. గతంలో నిర్ణయించిన మాదిరి శ్రీశైలం లెఫ్ట్ బ్యాంక్ కెనాల్ (ఎస్‌ఎల్‌బీసీ) నుంచి కాకుండా నేరుగా శ్రీశైలం నుంచే 30 టీఎంసీల నీటిని తీసుకొని అప్పర్‌డిండికి తరలించేలా నూతన ప్రణాళికలను ఖరారు చేశారు. నిజానికి ఎస్‌ఎల్‌బీసీ నుంచి నీటిని తీసుకునే ప్రణాళిక ఎప్పటి నుంచో ఉన్నా ప్రభుత్వం దానికి ప్రత్యామ్నాయంగా ఎలిమినేటి మాధవరెడ్డి ప్రాజెక్టు ను చేపట్టి పూర్తిచేసింది. రెండింటి కింద ఆయకట్టు ఒకటే కావడంతో ఇప్పుడు ఎస్‌ల్‌బీసీతో ఎలాంటి సంబంధం లేకుండా శ్రీశైలం నీటిని వాడుకొని నక్కలగండి ప్రాజెక్టు చేపట్టాలని సంకల్పిస్తోంది. మొదటి డీపీఆర్ ప్రకా రం.. ఓపెన్ చానల్, టన్నెల్‌ల ద్వారా నక్కల గండి నుంచి మిడ్ డిండికి అక్కడి నుంచి ఎగు వ డిండికి నీటిని తరలించాలని నిర్ణయించారు.
 
 ఈ డీపీఆర్ ప్రకారం ప్రాజెక్టులో భాగంగా మిడ్‌డిండి రిజర్వాయర్ భాగంగా ఉంటుంది. ఈ ప్రణాళికకు ప్రత్యామ్నాయంగా నక్కల గండి నుంచి గుట్టపైకి నీటిని తరలించి గ్రావిటీ ద్వారా పైప్‌లైన్ మార్గం గుండా నీటిని తరలించే అంశంపైనా అధ్యయనం జరిగింది.   నక్కలగండి నుంచి కొండపైకి 960 మీటర్ల మేర నీటిని తరలించి అక్కడి నుంచి గ్రావిటీ ద్వారా లోయర్ డిండి వరకు 28 కిలోమీటర్ల మేర పైప్‌లైన్ ద్వారా నీటిని తరలించేందుకు రూ.1500 కోట్ల మేర భారం పెరుగుతుండడంతో దాన్ని పక్కనపెట్టారు. తాజాగా మరోమారు ప్రాజెక్టుపై రీ ఇంజనీరింగ్ చేసిన అధికారులు పాలమూరు ఎత్తిపోతల ప్రాజెక్టు మాదిరే శ్రీశైలం నుంచి నిర్ణీత 30 టీఎంసీల నీటిని తీసుకోవాలని సంకల్పించారు.శ్రీశైలం నుంచి నేరుగా ఎగువ డిండి కి నీటిని తరలి స్తారు అక్కడి నుంచి కాల్వ ల ద్వారా దేవరకొండ, మునుగోడు నియోజకవర్గాల తాగు, సాగు అవసరాలు తీరుస్తారు. కల్వకుర్తి కింద లేని 50 వేల ఎకరాల ఆయకట్టును నక్కలగండితో నీటిని అందిస్తారు. ఈ మొత్తం ప్రాజెక్టు దాదాపు రూ.5,500 కోట్ల మేర వ్యయం కావచ్చని అధికారుల అంచనా.
  
  


 సాక్షి ప్రతినిధి, నల్లగొండ : జిల్లాప్రజల చిరకాలవాంఛ నెరవేరే క్రమంలో కీలక ముందడుగు పడింది. శ్రీశైలం ఎడమగట్టు కాల్వ (ఎస్‌ఎల్‌బీసీ) సొరంగమార్గాన్ని మూడేళ్లలో పూర్తిచేయాలని రాష్ట్ర ప్రభుత్వం నిర్ణయించింది. ఈ మేరకు సీఎం కేసీఆర్, భారీ నీటి పారుదలశాఖ మంత్రి హరీష్‌రావు, రాష్ట్ర ప్రభుత్వ ప్రధాన కార్యదర్శి, ఆర్థికశాఖ ముఖ్యకార్యదర్శుల సమక్షంలో జిల్లా ప్రజాప్రతినిధులు, అన్ని పార్టీల ఎమ్మెల్యేలతో జరిగిన ఉన్నతస్థాయి సమావేశంలో  ఏకాభిప్రాయం వ్యక్తమైంది. ఎట్టి పరిస్థితుల్లో సొరంగమార్గాన్ని మూడేళ్లలో పూర్తిచేసేలా యుద్ధప్రాతిపదికన పనులు చేయాలని, ఇందుకు గాను ఉన్న అవాంతరాలను వెంటనే తొలగించాలని సమావేశంలో నిర్ణయించారు. దీంతో పాటు డిండి బ్యాలెన్సింగ్ రిజర్వాయర్, బ్రాహ్మణవెల్లెంల ఎత్తిపోతల పథకాలను కూడా పూర్తి చేయాలని నిర్ణయం తీసుకున్నా, నక్కలగండి ప్రాజెక్టుపై మాత్రం మరోమారు సమావేశ మై చర్చించాలని అభిప్రాయపడింది.
  
  ఏం చేద్దాం..?
  శాసనసభలో బుధవారం జరిగిన చర్చ సందర్భంగా సీఎం కేసీఆర్ ఇచ్చిన హామీ మేరకు గురువారం అసెంబ్లీ కమిటీ హాల్‌లో ఎస్‌ఎల్‌బీసీపై ఉన్నతస్థాయి సమావేశం నిర్వహించారు. ఈ సమావేశానికి కేసీఆర్, హరీష్‌రావులతో పాటు జిల్లాకు చెందిన మంత్రి జగదీష్‌రెడ్డి, ఎంపీలు గుత్తా సుఖేందర్‌రెడ్డి, బూరనర్సయ్యగౌడ్, సీఎల్పీ నేత కె.జానారెడ్డి, ఎమ్మెల్యేలు కోమటిరెడ్డి వెంకట్‌రెడ్డి, ఉత్తమ్‌కుమార్‌రెడ్డి, పద్మావతి, భాస్కరరావు, గొంగిడి సునీత, కూసుకుంట్ల ప్రభాకర్‌రెడ్డి, గాదరి కిశోర్‌లతో పాటు సీపీఐ నుంచి జిల్లాకు చెందిన ఎమ్మెల్యే రవీంద్రకుమార్, సీపీఎం నుంచి సున్నం రాజయ్య, వైఎస్సార్‌సీపీ నుంచి తాటి వెంకటేశ్వర్లు, ప్రభుత్వ ఉన్నతాధికారులు పాల్గొన్నారు. సమావేశంలో భాగంగా ఎస్‌ఎల్‌బీసీ నిర్మాణంలో ఎదురవుతున్న అవాంతరాలను ఎలా అధిగమించాలన్న దానిపై సుదీర్ఘంగా చర్చ జరిగింది. ఈ చర్చలో భాగంగా పెరిగిన ధరల ప్రకారం తనకు ఎస్కులేషన్ చార్జీలు చెల్లించాలని ప్రాజెక్టు కాంట్రాక్టర్ 2012లో పెట్టుకున్న దరఖాస్తు గురించి నీటిపారుదల శాఖ అధికారులు వివరించారు. ప్రభుత్వంతో తాను 2005లో ఒప్పందం కుదుర్చుకున్నానని, అయితే 2012వరకు సిమెంటు, స్టీలు, ఇంధనం, విద్యుత్ ధరలు పెరిగినందున, సకాలంలో ప్రభుత్వం నిధులివ్వని కారణంగా ప్రాజెక్టు పూర్తి కాలేదని, తనకు ఎస్కులేషన్ చార్జీలు ఇవ్వాలని కాంట్రాక్టర్ ఆ దరఖాస్తులో పేర్కొన్నారు.
  
  దీనిపై రాష్ట్రప్రభుత్వం అప్పుడే నిపుణులతో ఉన్నతస్థాయి కమిటీని ఏర్పాటు చేసిందని, ఆ కమిటీ దేశవ్యాప్తంగా జరుగుతున్న టన్నెల్ పనులు, అంతర్జాతీయ నిబంధనలను పరిశీలించి కాంట్రాక్టర్ చేసుకున్న దరఖాస్తును అంగీకరించాలని, ఎస్కులేషన్ చార్జీలు చెల్లించాలని సిఫారసు చేసిందని సభ్యులకు వివరించారు. ఇందుకోసం కాంట్రాక్టర్ ప్రతిపాదించిన విధంగా చేయకపోయినా రూ.723 కోట్ల వరకు ఎస్కులేషన్ చార్జీలు చెల్లించాల్సి ఉంటుందని చెప్పారు. దీనిపై జిల్లా ప్రజాప్రతినిధులు మాట్లాడుతూ ఉన్నతస్థాయి కమిటీ చేసిన సిఫారసును పరిగణనలోకి తీసుకుని కాంట్రాక్టర్‌కు వెంటనే మొబిలైజేషన్ అడ్వాన్సులిచ్చి ప్రాజెక్టు పనులు పూర్తి చేయాలని కోరారు. దీనికి సీఎంతో పాటు మంత్రి, ఆర్థికశాఖ అధికారులు కూడా అంగీకరించారు. దీంతో ప్రస్తుతం పనిచేస్తున్న కాంట్రాక్టర్‌తో మాట్లాడి నిలిచిపోయిన 19కిలోమీటర్ల మేర టన్నెల్ తవ్వకం పనులు త్వరలోనే ప్రారంభం చేయాలని నిర్ణయించారు.
  
  డిండి, బ్రాహ్మణవెల్లెంల కూడా
  ఈ ప్రాజెక్టుతో పాటు టెండర్‌దశలో ఉన్న డిండి బ్యాలెన్సింగ్ రిజర్వాయర్, అసంపూర్తిగా ఉన్న బ్రాహ్మణవెల్లెంల ఎత్తిపోతల పథకాన్ని గురించి కూడా సమావేశంలో చర్చించారు. డిండి రిజర్వాయర్ పనులు టెండర్‌దశలో ఉన్నందున ఈ పనులను కొనసాగించి ఎస్‌ఎల్‌బీసీతో పాటు పూర్తి చేయాలని నిర్ణయించారు. అలాగే బ్రాహ్మణవెల్లెంల ఎత్తిపోతల పథకాన్ని త్వరితగతిన పూర్తి చేయాలని, ఇందుకు అవసరమైన రూ. 325 కోట్లను చెల్లించాలని ఎమ్మెల్యే కోమటిరెడ్డి కోరడంతో అందుకు కూడా సీఎం అంగీకరించారు. ఇక, జిల్లాలోని మరో ఉపయుక్తమైన నక్కలగండి ప్రాజెక్టుపై కూడా చర్చ జరిగినా దీనిపై మరోమారు సమావేశం కావాలని నిర్ణయించారు. దీనిపై సీఎం మాట్లాడుతూ జూరాల-పాకాల ప్రాజెక్టు నుంచి డిండి వరకు కృష్ణానీరు వ స్తున్నందున, ఇక మిగిలిన ప్రాంతాన్ని ఏం చేద్దామన్నది మరోమారు సమావేశమై చర్చిద్దామని చెప్పినట్టు సమాచారం.