ఆదిలాబాద్‌టౌన్‌: టిప్పర్‌ ఢీకొట్టి రిటైర్డ్‌ టీచర్‌ మృతిచెందిన ఘటన బుధవారం జిల్లా కేంద్రంలో చోటుచేసుకుంది. వివరాల్లోకి వెళ్తే.. ఆదిలాబాద్‌రూరల్‌ మండలం చాందా (టి) గ్రామానికి చెందిన రిటైర్డ్‌ టీచర్‌ దేవళ్ల నారాయణ (65) జిల్లా కేంద్రంలోని విద్యానగర్‌లో ఉంటున్నాడు. ఉదయం మార్నింగ్‌ వాక్‌ అనంతరం గాంధీ పార్కు నుంచి విద్యానగర్‌ వైపు వెళ్తుండగా కుమురంభీం చౌక్‌లో గల సర్కిల్‌ వద్ద టిప్పర్‌ ఆయనపై దూసుకెళ్లింది. దీంతో తీవ్ర గాయాలపాలైన ఆయనను స్థానికులు చికిత్స నిమిత్తం రిమ్స్‌ ఆస్పత్రికి తరలించగా అప్పటికే మృతిచెందినట్లు వైద్యులు నిర్ధారించారు. ఆయనకు భార్యతో పాటు ఇద్దరు పిల్లలు ఉన్నారు. కుటుంబ సభ్యుల ఫిర్యాదు మేరకు వన్‌టౌన్‌ పోలీసులు కేసు నమోదు చేసి దర్యాప్తు చేస్తున్నారు. సర్కిల్‌తో ప్రమాదాలు.. సుందరీకరణ పేరిట గత ప్రభుత్వం జిల్లా కేంద్రంలోని పలు ముఖ్య కూడళ్లలో సర్కిల్స్‌ ఏర్పాటు చేసింది. గతంలో కుమురంభీం చౌక్‌ వద్ద సిగ్నల్స్‌ ఉండేవి. ఉన్నవాటిని తొలగించి పెద్దగా సర్కిల్‌ను ఏర్పాటు చేశారు. దీంతో నాలుగు దిక్కుల నుంచి వచ్చే వాహనాలకు అడ్డు అదుపులేకుండా పోయింది. ఆ ప్రాంతాల్లో ట్రాఫిక్‌ పోలీసులు సైతం అందుబాటులో లేకపోవడంతో ట్రాఫిక్‌ అస్తవ్యస్తంగా తయారవుతోంది. ఇటీవల కాలంలో నాలుగు దిక్కులా స్పీడ్‌ బ్రేకర్లు వేశారు. స్పీడ్‌ బ్రేకర్లు ఎత్తుగా ఉండడంతో వెనుక నుంచి వచ్చే వాహనాలు అదుపుతప్పి ప్రమాదాలు చోటుచేసుకుంటున్నాయి. ఇదిలా ఉండగా బుధవారం సాయంత్రం కుమురంభీం చౌక్‌ సర్కిల్‌లో రెండు కార్లు సైతం ఢీకొట్టాయి.

తాంసి: మండలంలోని కప్పర్ల గ్రామంలో ప్రమాదవశాత్తు అగ్నిప్రమాదం జరిగి పశువుల కొట్టం, మూడు మ్యాక్స్‌ వాహనాలు దగ్ధమైన ఘటన బుధవారం చోటు చేసుకుంది. గ్రామానికి చెందిన రైతు బొమ్మని బుచ్చన్న పశువుల కొట్టం గ్రామ శివారులో ఉంది. గ్రామానికి చెందిన పలువురు తమ వా హనాలను సైతం పశువుల కొట్టం దగ్గరే నిలిపి ఉంచుతారు. ఈక్రమంలో బుధవారం మధ్యాహ్నం ఒక్కసారిగా పశువుల కొట్టంలో అగ్ని ప్రమాదం జరిగి పెద్దఎత్తున మంటలు వ్యాపించాయి. దీంతో పశువుల కొట్టం పూర్తిగా దగ్ధమైంది. పక్కనే పార్కింగ్‌ చేసిన మూడు మ్యాక్స్‌ వాహనాలకు సైతం మంటలు వ్యాపించాయి. రెండు మ్యాక్స్‌ వాహనాలు పూర్తిగా దగ్ధం కాగా మరొక వాహనం పాక్షికంగా కాలిపోయింది. ఫైర్‌ ఇంజన్‌ వచ్చే వరకు గ్రామస్తులు వ్యవసాయ బోర్‌ మోటార్‌ ద్వారా నీళ్లను చల్లి మంటలు అదుపులోకి తీసుకొచ్చే ప్రయత్నం చేశారు. అగ్ని ప్రమాదంలో పశువుల కొట్టంలో ఉన్న పైపులు, స్పింక్లర్లు, పశుగ్రాసం, వ్యవసా య సామగ్రి, మందులు, ఎరువులు, విద్యుత్‌ మో టార్లు ఇతర సామగ్రి పూర్తిగా కాలిపోయాయి. గ్రా మానికి చెందిన గండ్రత్‌ కృష్ణకుమార్‌, గండ్రత్‌ అభిలాష్‌, దారుట్ల ప్రవీణ్‌లకు చెందిన మ్యాక్స్‌ వాహనాలు కాలిపోగా మొత్తంగా రూ.23 లక్షల కు పైగా ఆస్తినష్టం వాటిల్లింది. అగ్నిప్రమాదం ఘటన స్థలాన్ని ఆర్‌ఐ సంతోష్‌ పరిశీలించి పంచనామా ని ర్వహించారు. కాగా ప్రభుత్వం తరఫున సాయం అందించి ఆదుకోవాలని రైతు బుచ్చన్న కోరుతున్నాడు. మ్యాక్స్‌ వాహన యజమానులకు సైతం సాయం అందించాలని గ్రామస్తులు కోరుతున్నారు. పశువుల కొట్టం దగ్ధం

నిర్మల్‌టౌన్‌: ఓపెన్‌ స్కూల్‌ ఎస్‌ఎస్‌సీ పరీక్షను ఒకరికి బదులు మరొకరు రాస్తూ ఇన్విజిలేటర్‌కు పట్టుబడిన ఘటన జిల్లా కేంద్రంలో చోటుచేసుకుంది. జిల్లా కేంద్రంలోని డీఎస్పీ కార్యాలయంలో ఏఎస్పీ రాజేశ్‌ మీనా బుధవారం వివరాలు వెల్లడించారు. స్థానిక సోమవార్‌పేట్‌లో గల ప్రభుత్వ బాలికల హైస్కూల్‌లో ఓపెన్‌ స్కూల్‌ ఎస్‌ఎస్‌సీ పరీక్ష నిర్వహిస్తున్నారు. దాసర్ల రత్నాకర్‌ అనే వ్యక్తి పరీక్ష రాయాల్సి ఉండగా అతని స్థానంలో కందుల జయవర్ధన్‌ పరీక్షకు హాజరయ్యాడు. ఇన్విజిలేటర్‌ అతని హాల్‌టికెట్‌ తనిఖీ చేయగా పట్టుబడ్డాడు. వెంటనే పట్టణ పోలీసులకు సమాచారం అందజేయగా అక్కడకు చేరుకుని రత్నాకర్‌, జయవర్ధన్‌లపై కేసు నమోదు చేయడంతో పాటు అతని ఎగ్జామ్‌ పేపర్‌, హాల్‌ టికెట్‌ సీజ్‌ చేశారు.

బేల: అణగారిన పేద వర్గాలకు కనీసం ఆసుపత్రులు కూడా దిక్కులేవని బీసీ, ఎస్సీ, ఎస్టీ జేఏసీ రాష్ట్ర కన్వీనర్‌, ధర్మసమాజ్‌ పార్టీ రాష్ట్ర అధ్యక్షుడు డాక్టర్‌ విశారదన్‌ మహరాజ్‌ ఆవేదన వ్యక్తం చేశారు. బుధవారం మండల కేంద్రంలోని ప్రభుత్వ ఆస్పత్రిని సందర్శించి అక్కడ సిబ్బందిని వివరాలు అడిగి తెలుసుకున్నారు. నిర్వహణ అధ్వానంగా ఉండడంతో తానే స్వయంగా చీపురుతో ఊడ్చారు. అనంతరం శంషాబాద్‌లో ఇటీవల అప్పుల బాధతో ఆత్మహత్య చేసుకున్న కౌలు రైతు కోడె గోవిందు కుటుంబాన్ని ఆయన పరామర్శించారు. తెలంగాణలో ముఖ్యంగా ఆదిలాబాద్‌ జిల్లాలో రైతు ఆత్మహత్యలు పెరిగిపోతున్నాయని, కాంగ్రెస్‌, బీఆర్‌ఎస్‌ ప్రభుత్వాలు రైతు సంక్షేమాన్ని పెడచెవిన పెట్టాయన్నారు. బీసీ, ఎస్సీ, ఎస్టీ జేఏసీ రాష్ట్ర నాయకులు అన్నెల లక్ష్మణ్‌, జిల్లా అధ్యక్షుడు అగ్గిమల్ల గణేశ్‌ మహరాజ్‌ తదితరులు పాల్గొన్నారు.

కడెం: మండలంలోని దోస్త్‌నగర్‌ సమీపంలో కారు అదుపుతప్పి చెట్టును ఢీకొట్టింది. స్థానికులు తెలిపిన వివరాల ప్రకారం.. హాజీపూర్‌కు చెందిన దముఖ శివకృష్ణ తన కుమారుడు శ్రీశాంత్‌తో కలిసి తన కారులో జన్నారం నుంచి కడెం మండలంలోని నచ్చన్‌ఎల్లాపూర్‌ వెళ్తుండగా మార్గమధ్యలో దోస్త్‌నగర్‌ సమీపంలోని ఐ లవ్‌ కవ్వాల్‌ లోగో వద్ద కారు అదుపుతప్పి చెట్టును ఢీకొట్టింది. ఈ ప్రమాదంలో శివకృష్ణకు తీవ్ర గాయాలు కాగా, శ్రీశాంత్‌కు స్వల్పగాయాలయ్యాయి. క్షతగాత్రులను స్థానికులు ప్రైవేటు వాహనంలో జన్నారంలోని ఓ ఆసుపత్రికి తరలించారు. పేకాటస్థావరంపై దాడిలక్సెట్టిపేట: మున్సిపాలిటీ పరిధిలోని ఊత్కూ రు చౌరస్తా సమీపంలో నిర్మానుష్య ప్రదేశంలో పేకాట ఆడుతున్న తొమ్మిది మంది వ్యక్తులను అదుపులోకి తీసుకున్నట్లు ఎస్సై సురేశ్‌ తెలి పారు. ఆయన తెలిపిన వివరాల ప్రకారం.. బు ధవారం పేకాట ఆడుతున్నారనే సమాచారం మేరకు దాడి నిర్వహించి ఊత్కూరు గ్రామానికి చెందిన తుమ్మల సునీల్‌, ఏనుగుల తిరుపతి, గౌరువంతుల ప్రశాంత్‌, కడమండ్ల శేఖర్‌, ముప్పు శ్రీధర్‌, సత్యసాయి నగర్‌కు చెందిన ఎస్‌కె సనీర్‌, బుఖ్య రాజు, రాచర్ల రాకేశ్‌, పేరం పోచం అనే వ్యక్తులను అదుపులోకి తీసుకుని వారి వద్ద నుంచి రూ.3470ల నగదు, ఐదు సెల్‌ఫోన్‌లు స్వాధీనం చేసుకుని, కేసు నమోదు చేసినట్లు ఎస్సై తెలిపారు. స్క్రాప్‌ పట్టివేతశ్రీరాంపూర్‌: శ్రీరాంపూర్‌ ఓసీపీ నుంచి అక్రమంగా తరలిస్తున్న ఐరన్‌ స్క్రాప్‌ను సింగరేణి ఎస్‌అండ్‌పీసీ సెక్యూరిటీ సిబ్బంది చాకచక్యంగా పట్టుకున్నారు. బుధవారం ఓసీపీ ఎంట్రన్స్‌ సమీపంలో ఆటోలో తరలిస్తున్న బెల్ట్‌ రోలర్‌, ఇతర సామగ్రిని పట్టుకున్నారు. ఓసీపీ రోడ్లపై దుమ్ము లేవకుండా నీటి ట్యాంకర్‌ను ఉపయోగిస్తున్నారు. ఈ ట్యాంకర్‌ను ప్రైవేటు కాంట్రాక్టర్‌ నిర్వహిస్తున్నారు. ట్యాంకర్‌ డ్రైవర్‌ క్వారీ లోపల నీటిని నింపుకునే క్రమంలో అక్కడ ఉన్న ఈ స్క్రాప్‌ను ట్యాంకర్‌లో వేసుకొని పైకి తీసుకొచ్చినట్లు అనుమానాలు వ్యక్తమవుతున్నాయి. ట్యాంకర్‌ నుంచి తీసి స్క్రాప్‌ను చెట్ల పొదల్లో ఆటోలోకి మార్చుతున్న సమయంలో ఎంటీఎఫ్‌ సెక్యూరిటీ సిబ్బంది అనుమానం వచ్చి చూసే సరిగా దొంగతనం బయటపడింది. సిబ్బందిని చూసి దొంగలు పోరిపోగా ఆటోను, స్క్రాప్‌ను స్వాధీనం చేసుకొని పోలీసులకు ఫిర్యాదు చేశారు. సోదాలు జరిగినట్లు తెలుస్తోంది. రిమ్స్‌లో చికిత్స పొందుతూ ఒకరి మృతిఆదిలాబాద్‌టౌన్‌: రిమ్స్‌ ఆస్పత్రిలో చికిత్స పొందుతూ బుధవారం ఒకరు మృతిచెందినట్లు టూటౌన్‌ ఎస్సై విష్ణుప్రకాశ్‌ తెలిపారు. జైనథ్‌ మండలంలోని మేడిగూడకు చెందిన గొర్ల గణేశ్‌ (35) ఆదిలాబాద్‌ పట్టణంలోని శాంతినగర్‌లో నివాసం ఉంటున్నాడు. పెట్రోల్‌ బంక్‌లో ఉద్యోగం చేస్తూ జీవనం సాగిస్తున్నాడు. ఫిట్స్‌తో బాధపడుతుండగా ఉద్యోగం మానేశాడు. మానసికంగా కుంగిపోయిన ఆయన ఈనెల 19న తన ఇంటి వద్ద పురుగుల మందు సేవించగా, గమనించిన కుటుంబ సభ్యులు చికిత్స నిమిత్తం రిమ్స్‌ ఆస్పత్రిలో చేర్పించారు. చికిత్స పొందుతూ బుధవారం మృతిచెందినట్లు ఎస్సై తెలిపారు. మృతుడికి భార్య, పిల్లలు ఉన్నారు. కుటుంబ సభ్యుల ఫిర్యాదు మేరకు కేసు నమోదు చేసి దర్యాప్తు చేస్తున్నట్లు తెలిపారు.

లక్ష్మణచాంద: కుటుంబ కలహాలతో తీవ్ర మనస్తాపానికి గురైన యువకుడు కాలువలో దూకి ఆత్మహత్య చేసుకున్నాడు. కుటుంబ సభ్యులు, పోలీసులు తెలిపిన వివరాల ప్రకారం.. నిర్మల్‌రూరల్‌ మండలంలోని మూటాపూర్‌ గ్రామానికి చెందిన పులి పెద్దన్న (32)కు నిర్మల్‌ శాంతినగర్‌కు చెందిన లక్ష్మితో ఐదేళ్ల క్రితం వివాహం జరిగింది. గత కొన్ని రో జులుగా భార్యాభర్తల మధ్య తరుచుగా గొడవలు జరుగుతున్నాయి. దీంతో భార్య లక్ష్మి తల్లి గారింటికి వెళ్లిపోయింది. ఈనెల 21న పెద్దన్న తన భా ర్యను తీసుకురావడానికి వెళ్లగా భార్య లక్ష్మి, ఆమె బంధువులు కలిసి పెద్దన్నపై దాడి చేశారు. దీంతో తీవ్ర మనస్తాపానికి గురైన పెద్దన్న సరస్వతి కాలువలో దూకి ఆత్మహత్య చేసుకున్నాడు. బుధవారం మండలంలోని రాచాపూర్‌ సమీపంలోని సరస్వతి కాలువలో మృతదేహం లభ్యమైంది. పెద్దన్న తండ్రి రాములు ఫిర్యాదు మేరకు కేసు నమోదు చేసి ద ర్యాప్తు చేస్తున్నట్లు ఎస్సై మాలిక్‌ రెహమాన్‌ తెలి పారు. ఉరేసుకుని ఒకరు..నర్సాపూర్‌ (జి): మండల కేంద్రానికి చెందిన తోకల సాయన్న అలియాస్‌ భోజన్న మద్యం మత్తులో ఉరేసుకుని ఆత్మహత్య చేసుకున్నాడు. ఎస్సై సాయికిరణ్‌ తెలిపిన వివరాల మేరకు.. నర్సాపూర్‌ (జి) మండల కేంద్రానికి చెందిన తోకల సాయన్న అలియాస్‌ భోజన్న (55) స్థానిక జెడ్పీ ప్రభుత్వ ఉన్నత పాఠశాలలో గత 35 సంవత్సరాలుగా తాత్కాలిక అటెండర్‌గా పనిచేస్తున్నాడు. రెండు నెలల నుంచి పనికి వెళ్లడం మానేసి మద్యానికి బానిసయ్యాడు. మద్యం మత్తులో ఇంటి వెనకాల గల రేకుల షెడ్డులో మంగళవారం ఉరేసుకుని ఆత్మహత్య చేసుకున్నాడు. సాయన్న కుమారుడు తోకల వంశీరాజు ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై తెలిపారు.

● నటరాజ కళాక్షేత్రం విద్యార్థులకు అవకాశం ● ఈనెల 27న ప్రదర్శన జన్నారం: మలేషియాలో నృత్య ప్రదర్శన ఇచ్చేందుకు మండల కేంద్రంలోని నటరాజ కళాక్షేత్రానికి చెందిన విద్యార్థులకు అరుదైన అవకాశం లభించింది. మండల కేంద్రంలో చిన్నగా ప్రారంభమైన నటరాజ కళాక్షేత్రం అంతర్జాతీయ స్థాయిలో ప్రదర్శనకు ఎంపికవడంతో మండల వాసులు హర్షం వ్యక్తం చేస్తున్నారు. ఈనెల 27న కూచిపూడి నృత్య ప్రదర్శన ఇచ్చేందుకు గురువారం మలేషియకు వెళ్లనున్నారు. 2017లో ప్రారంభం.. 2017లో నటరాజ కళాక్షేత్రాన్ని కూచిపూడి నృత్యం, ఫోక్‌ డ్యాన్సులు నేర్పించేందుకు ముగ్గురితో ప్రారంభించారు. క్రమంగా విద్యార్థుల సంఖ్య పెరగడమే కాకుండా జిల్లా, రాష్ట్ర స్థాయిల్లో ప్రదర్శనలు ఇచ్చి అనేక బహుమతులు పొందారు. ఇప్పటివరకు 1000 మందికి పైగా విద్యార్థులు కూచిపూడి నృత్యం నేర్చుకున్నారు. కూచిపూడిలో డాక్టరేట్‌ పొందిన మాస్టర్‌ నర్మద గౌడ్‌ నేతృత్వంలో రెండు బ్యాచ్‌లలో 20 మంది కూచిపూడి నృత్యంలో డిప్లొమా పూర్తి చేశారు. ప్రస్తుతం 26 మంది నటరాజ కళాక్షేత్రంలో నృత్యం నేర్చుకుంటున్నారు. కూచిపూడితో పాటుగా ఫోక్‌ పాటలపై కూడా డ్యాన్సులు నేర్చుకుని ప్రదర్శనలు ఇస్తూ పలువురి మన్ననలు పొందుతున్నారు. 27న మలేషియాలో ప్రదర్శన.. ప్రపంచ డ్యాన్స్‌ డే సందర్భంగా మలేషియాలో ఉద్యోగరీత్య స్థిరపడిన తమిళనాడుకు చెందిన ఆరుద్ర, నాట్య సమర్పణం ఆధ్వర్యంలో ఈనెల 27న నిర్వహించనున్న మలేషియా ఫెస్టివల్‌ కార్యక్రమంలో పాల్గొనేందుకు కొంతమంది డ్యాన్స్‌ మాస్టర్లకు ఆహ్వానం అందింది. అందులో తమిళనాడు రాష్ట్రం చైన్నె నుంచి కొందరు డ్యాన్స్‌ మాస్టర్లు, కర్ణాటక రాష్ట్రం బెంగుళూర్‌ నుంచి కొందరు, తెలంగాణ రాష్ట్రం హైదరాబాద్‌ నుంచి కొందరు ఎంపికయ్యారు. వీరితో పాటుగా జన్నారం మండలకేంద్రానికి చెందిన నటరాజ కళాక్షేత్రం డ్యాన్స్‌ మాస్టర్‌ నర్మదగౌడ్‌కు ఆహ్వానం అందింది. డ్యాన్స్‌ మాస్టర్‌ నర్మద గౌడ్‌తో పాటు 9 మంది విద్యార్థులు మలేషియాలో నృత్య ప్రదర్శన ఇవ్వనున్నారు. ఈ మేరకు 10 మంది నృత్య కళాకారులతో పాటుగా మరో 15 మంది తల్లిదండ్రులు గురువారం మలేషియాకు బయలు దేరనున్నారు.మంచి పేరు తీసుకొస్తాం.. నటరాజ కళాక్షేత్రం అంతర్జాతీయ నృత్య ప్రదర్శనకు ఎంపికవడం చాలా గర్వంగా ఉంది. మా విద్యార్థులు మలేషియాలో కూచిపూడి నృత్య ప్రదర్శన చేయనున్నారు. అంతర్జాతీయ స్థాయిలో జన్నారం మండలానికి మంచి పేరు తీసుకొస్తాం. – గాజుల నర్మదగౌడ్‌, డ్యాన్స్‌ మాస్టర్‌

బెల్లంపల్లి: ఓపెన్‌ టెన్త్‌, ఇంటర్‌ పరీక్షల్లో జోరుగా మాస్‌ కాపీయింగ్‌ జరుగుతున్నట్లు ఆరోపణలు విన్పిస్తున్నాయి. ప్రస్తుతం ఓపెన్‌ టెన్త్‌, ఇంటర్‌ పరీక్షలు జరుగుతుండగా బెల్లంపల్లిలో ఇంటర్‌ విద్యార్థుల కోసం బజారు ఏరియా జిల్లా పరిషత్‌ ఉన్నత పాఠశాల, జిల్లా పరిషత్‌ ప్రభుత్వ బాలికల ఉన్నత పాఠశాలలో, టెన్త్‌ విద్యార్థుల కోసం బెల్లంపల్లి బస్తీలో ఉన్న ప్రభుత్వ ఉన్నత పాఠశాలలో పరీక్ష కేంద్రాలు ఏర్పాటు చేశారు. పదో తరగతి పరీక్ష కేంద్రంలో డ్యూటీ చేస్తున్న ఇన్విజిలేటర్లు కొందరు విద్యార్థుల నుంచి బలవంతంగా ఒక్కో పరీక్షకు రూ.500 చొప్పున వసూలు చేస్తున్నట్లుగా విమర్శలు వస్తున్నాయి. డబ్బులు ఇవ్వని విద్యార్థులను టార్గెట్‌ చేసి మానసికంగా వేధింపులకు గురి చేస్తున్నట్లుగా చెబుతున్నారు. డబ్బులు ఇచ్చిన వారికి చిట్టీలు అందజేసి మాస్‌ కాపీయింగ్‌ను ప్రోత్సహిస్తున్నట్లు ప్రచారం జరుగుతోంది. అధికారులు వెంటనే స్పందించి డబ్బుల వసూలును నివారించి మాస్‌ కాపీయింగ్‌ జరగకుండా కట్టడి చర్యలు తీసుకోవాలని పలువురు డిమాండ్‌ చేస్తున్నారు. కాగా ఈ విషయమై మంచిర్యాల ఏసీజీ దామోదర్‌రావును వివరణ కోరగా పరీక్ష రాస్తున్న విద్యార్థుల వద్ద నుంచి ఇన్విజిలేటర్లు డబ్బులు వసూలు చేస్తున్న విషయం తమ దృష్టికి రాలేదన్నారు. పరీక్ష కేంద్రాలకు స్క్వాడ్‌ను పంపించి కట్టడి చర్యలు తీసుకుంటామని తెలిపారు. మాస్‌ కాపీయింగ్‌ జరగకుండా నివారిస్తామని పేర్కొన్నారు. వడ్డీ వ్యాపారులపై ఎస్పీ కొరడాఆదిలాబాద్‌టౌన్‌: జిల్లాలోని ఆయా ప్రాంతాల్లో గల వడ్డీ వ్యాపారులపై ఎస్పీ అఖిల్‌ మహాజన్‌ బుధవారం కొరడా ఝులిపించారు. ఆరు మండలాల్లో 30 బృందాలతో తనిఖీలు చేపట్టారు. ఆదిలాబాద్‌ వన్‌టౌన్‌, టూటౌన్‌, మావల, ఇచ్చోడ, బోథ్‌, ఉట్నూర్‌ తదితర ప్రాంతాల్లో ఏకకాలంలో దాడులు నిర్వహించారు. ప్రామిసరీ నోట్లు, స్టాంప్‌ పేపర్లు, చెక్కులు, స్థిరాస్తి డాక్యుమెంట్లు స్వాధీనం చేసుకున్నారు. వడ్డీ వ్యాపారస్తుల వివరాలను పోలీసులు గోప్యంగా ఉంచారు. గురువారం వారి వివరాలు ప్రకటించే అవకాశం ఉంది. వడ్డీ వ్యాపారుల ఇళ్లలో సోదాలు ఇచ్చోడ: నియోజకవర్గంలోని వడ్డీ వ్యాపారులతో పాటు ఇతర ప్రైవేట్‌ ఫైనాన్స్‌ వ్యాపారుల ఇళ్లలో పోలీసులు బుధవారం సోదాలు నిర్వహించారు. సోదాల్లో వ్యాపారుల నుంచి పలు రకాల పత్రాలు స్వాధీనం చేసుకున్నారు. ఇచ్చోడ, బోథ్‌, నేరడిగొండ, గుడిహత్నూర్‌, బజార్‌హత్నూర్‌, గుడిహత్నూర్‌లలో విడివిడిగా పోలీసు బృందాలు తనిఖీలు చేపట్టాయి. తనిఖీలో స్వాధీనం చేసుకున్న పత్రాలను ఆయా పోలీస్‌స్టేషన్లలో అధికారులు పరిశీలిస్తున్నట్లు సమాచారం. ఇంటర్‌ విద్యార్థిని ఆత్మహత్య లక్సెట్టిపేట: మంచిర్యాల జిల్లా లక్సెట్టిపేట మున్సిపల్‌ పరిధిలోని గోదావరి రోడ్‌కు చెందిన పందిరి అశ్విత(17) అనే ఇంటర్‌ ప్రథమ సంవత్సరం విద్యార్థిని ఉరేసుకుని ఆత్మహత్యకు పాల్పడింది. స్థానిక ఎస్సై సురేశ్‌ తెలిపిన వివరాల ప్రకారం.. పట్టణంలోని ఓ ప్రైవేట్‌ జూనియర్‌ కళాశాలలో ఇంటర్మీడియెట్‌ ఫస్టియర్‌ బైపీసీ చదివిన విద్యార్థిని ఇటీవల వార్షిక పరీక్షలకు హాజరైంది. ఇంగ్లీష్‌ ప్రాక్టికల్‌ పరీక్షకు గైర్హాజరు కావడంతో ఫెయిల్‌ అయింది. ఈ క్రమంలో మనస్తాపానికి గురై బుధవారం ఉదయం ఇంటిలోని ఫ్యాన్‌కు ఉరేసుకుని ఆత్మహత్యకు పాల్పడింది. మృతురాలి తండ్రి భూమయ్య ఫిర్యాదు మేరకు కేసు దర్యాప్తు చేస్తున్నట్లు ఎస్సై పేర్కొన్నారు.

● ప్రారంభానికి సిద్ధమైన భవనం ● ఇక్కడే ఆసిఫాబాద్‌, మంచిర్యాల కేసుల పర్యవేక్షణ ● సీసీసీ నస్పూర్‌ పాత సీఐ కార్యాలయంలో ఏర్పాట్లు ● ప్రస్తుతం ఆదిలాబాద్‌లో కొనసాగుతున్న వైనంనస్పూర్‌: ఉమ్మడి ఆదిలాబాద్‌ జిల్లా ఏసీబీ కార్యాలయానికి అనుబంధంగా త్వరలోనే మంచిర్యాల జిల్లా సీసీసీ నస్పూర్‌లో ఏసీబీ కార్యాలయం ఏర్పాటు చేయనున్నారు. ఈ మేరకు అధికారులు అన్ని ఏర్పాట్లు చేస్తున్నారు. సీసీసీ నస్పూర్‌లోని సింగరేణి క్వార్టర్‌లో కొనసాగిన పాతపోలీస్‌స్టేషన్‌ పక్కన గల సీఐ కార్యాలయంలో ఏసీబీ కార్యాలయం ఏర్పాటు చేయనున్నారు. క్వార్టర్‌లో మరమ్మతులు పూర్తి చేసి వారం, పది రోజుల్లో ప్రారంభిస్తామని అధికారులు పేర్కొంటున్నారు. తగ్గనున్న దూరభారం.. ఉమ్మడి ఆదిలాబాద్‌ జిల్లాకు సంబంధించిన ఏసీబీ కార్యాలయం ఆదిలాబాద్‌ జిల్లా కేంద్రంలో ఉంది. ప్రస్తుతం ఒక డీఎస్పీ, ఇద్దరు సీఐలు, ఇతర సిబ్బందితో కార్యకలాపాలు కొనసాగుతున్నాయి. మంచి ర్యాల, ఆసిఫాబాద్‌ జిల్లాల బాధితులు అవినీతి అ ధికారులపై ఏసీబీకి నేరుగా ఫిర్యాదు చేయాలంటే వ్యయప్రయాసలకోర్చి ఆదిలాబాద్‌కు వెళ్లాల్సిన ప రిస్థితి ఉంది. అధికారులు సైతం ఫిర్యాదులపై వి చారణ జరిపేందుకు ఆదిలాబాద్‌ నుంచి మంచి ర్యాల, ఆసిఫాబాద్‌ జిల్లాలకు రావాలంటే చాలా క ష్టపడాల్సి వస్తోంది. కాగా నస్పూర్‌లో కార్యాల యం ఏర్పాటైతే అన్నింటికీ సులభతరంగా ఉండనుంది. పెరుగనున్న ఫిర్యాదులు.. నస్పూర్‌ పట్టణంలో సమీకృత కార్యాలయం ఉండడం, అధికంగా ప్రభుత్వ, అసైన్డ్‌ భూములు ఉండడంతో సంబంధిత శాఖల అధికారులు భారీగానే అవినీతికి పాల్పడుతున్నారనే ఆరోపణలు ఉన్నా యి. ఆసిఫాబాద్‌ జిల్లా వాసులకు సైతం నస్పూర్‌ రాకపోకలకు అనుకూలంగా ఉంటుంది. నస్పూర్‌ పట్టణంలో ఏసీబీ కార్యాలయం ఏర్పాటవుతున్న దృష్ట్యా అవినీతి అధికారులపై ఫిర్యాదులు పెరిగే అవకాశం ఉందని జిల్లావాసులు చర్చించుకుంటున్నారు. ఓ వైపు సీసీసీ నస్పూర్‌ పాత పోలీస్‌స్టేషన్‌ భవనంలో భరోసా కేంద్రం కొనసాగుతుండగా పక్కనే ఏసీబీ కార్యాలయం ఏర్పాటుపై జిల్లావాసులు హర్షం వ్యక్తం చేస్తున్నారు.రెండు జిల్లాల కేసులు పర్యవేక్షణ..నస్పూర్‌లో ఏర్పాటయ్యే కార్యాలయంలో ఒక సీఐ, ఇతర సిబ్బంది ఉంటారు. వారు ఉమ్మడి ఆదిలాబాద్‌ జిల్లా డీఎస్పీ పర్యవేక్షణలో మంచిర్యాల, ఆసిఫాబాద్‌ జిల్లాలకు సంబంధించిన కేసులను పర్యవేక్షించనున్నారు. ఆదిలాబాద్‌ కార్యాలయం నుంచి నిర్మల్‌, ఆదిలాబాద్‌ జిల్లాలకు సంబంధించిన కేసులను పర్యవేక్షించనున్నట్లు అధికా రులు పేర్కొన్నారు.ప్రారంభానికి చర్యలు నస్పూర్‌ ఏసీబీ కార్యాలయం ఏర్పాటుకు అన్ని ఏర్పాట్లు చేస్తున్నాం. సింగరేణి అధికారులు భవనాన్ని తమకు అప్పగించిన తర్వాత ఉన్నతాధికారుల సమయం తీసుకుని వారం, పది రోజులలో ప్రారంభిస్తాం. – విజయ్‌కుమార్‌, ఏసీబీ డీఎస్పీ

● సరస్వతి కెనాల్‌లో కొట్టుకుపోయిన యువకుడు ● గతంలో ఇద్దరు సోదరులు చెరువులో పడి మృతినిర్మల్‌టౌన్‌: ఆ కుటుంబాన్ని జలగండం వెంటాడుతోంది. గతంలో ఇద్దరు కొడుకులు చెరువులో పడి మృతి చెందగా, బుధవారం మూడో కుమారుడు సరస్వతి కెనాల్‌లో గల్లంతు కావడం ఆ కుటుంబాన్ని కన్నీటి సంద్రంలో ముంచేసింది. స్థానికులు తెలిపిన వివరాల ప్రకారం.. దిలావర్పూర్‌ మండల కేంద్రానికి చెందిన ఇబ్రహీం దంపతులకు ముగ్గురు కుమారులు, ముగ్గురు కుమార్తెలు ఉన్నారు. ఇబ్రహీం ఆటో నడుపుతూ కుటుంబాన్ని పోషిస్తున్నాడు. గతంలో దిలావర్పుర్‌లో ఉండగానే ఇద్దరు కుమారులు చెరువులో పడి మృతి చెందారు. దీంతో ఇబ్రహీం తన కుటుంబాన్ని నిర్మల్‌ జిల్లా కేంద్రంలోని సర్ద్‌మహల్‌కాలనీకి మార్చాడు. ఈతకు వెళ్లి.. ఇబ్రహీం మూడో కుమారుడు హనీఫ్‌ (17) ఇద్దరు స్నేహితులతో కలిసి బుధవారం స్థానిక సిద్దాపూర్‌ సమీపంలోని సరస్వతి కెనాల్‌లో ఈతకు వెళ్లాడు. కాలువలో నీటి ప్రవాహం ఎక్కువగా ఉండటంతో ముందుగా దిగిన హనీఫ్‌ అందులో కొట్టుకుపోయాడు. మిత్రులు వెంటనే కుటుంబ సభ్యులకు సమాచారం అందించారు. ఈ మేరకు కాలువలో హనీఫ్‌ కోసం గాలిస్తున్నట్లు పట్టణ సీఐ ప్రవీణ్‌ కుమార్‌ తెలిపారు. నిర్మల్‌ మైనారిటీ బాయ్స్‌ రెసిడెన్షియల్‌లో ఇంటర్‌ చదువుతున్న హనీఫ్‌ పరీక్ష ఫలితాలు మంగళవారమే వచ్చాయి. ఇందులో ఆయన పాసయ్యాడు. ఫలితాలు వచ్చిన తెల్లారే ఇలా గల్లంతు కావడంతో విషాదం నెలకొంది.

లక్సెట్టిపేట: రాష్ట్ర ప్రభుత్వం రైతులను మోసగిస్తోందని బీజేపీ సీనియర్‌ నాయకులు వెర్రబెల్లి రఘునాఽథరావు అన్నారు. బుధవారం కొత్తూరులో వరిధాన్యం కొనుగోలు కేంద్రాన్ని పరిశీలించారు. ఈ సందర్భంగా ఆయన మాట్లాడుతూ కట్టింగ్‌ పేరుతో బస్తాకు రెండు కిలోలు దోచుకుంటున్నారని, కొనుగోలు కేంద్రాల వద్ద రైతులకు ఎలాంటి సదుపాయాలు కల్పించలేదన్నారు. ఎలాంటి కటింగ్‌లు లేకుండా ధాన్యం కొనుగోలు చేయాలని డిమాండు చేశారు. ఈ కార్యక్రమంలో నాయకులు హేమంత్‌రెడ్డి, పురుషోత్తం, రమణారావు, ప్రభాకర్‌, గంగన్న, హరిగోపాల్‌, రాజగురువయ్య, చంద్రమౌళి పాల్గొన్నారు. బీజేపీలో పట్టభద్రుల చేరిక చెన్నూర్‌రూరల్‌: మండలంలోని దుగ్నెపల్లి, ఎర్ర గుంటపల్లి, ఆస్నాదకు చెందిన పట్టభద్రులు బుధవారం బీజేపీలో చేరారు. పార్టీ జిల్లా మాజీ అద్యక్షుడు రఘునాధరావు కండువా కప్పి పార్టీలోకి ఆహ్వానించారు. ఈ సందర్భంగా పార్టీలో చేరిన యువత మాట్లాడుతూ ప్రధానమంత్రి నరేంద్ర మోదీ నాయకత్వాన్ని చూసి పార్టీలో చేరుతున్నట్లు తెలిపారు. ఈ కార్యక్రమంలో బీజేపీ జిల్లా ప్రధాన కార్యదర్శి దుర్గం అశోక్‌, పార్టీ చెన్నూర్‌ పట్టణ ఇన్‌చార్జి రత్న లక్ష్మీనారాయణరెడ్డి, మండల అధ్యక్షుడు బుర్ర రాజశేఖర్‌గౌడ్‌, భీమారం మండల ఇన్‌చార్జి ఆలం బాపు, నాయకులు కొటారి వెంకటేశ్‌, సత్యం, దుర్గం రాజు పాల్గొన్నారు.

● ఇప్పటికీ 9మిల్లులకే ‘సీఎంఆర్‌’కు అనుమతి ● గత సీజన్‌ నుంచే తగ్గుతున్న మిల్లులకు ట్యాగింగ్‌ ● ఈ యాసంగిలో పొరుగు జిల్లాలకు పంపే యోచన ● జిల్లా మిల్లర్లకే ధాన్యం ఇవ్వాలని వేడుకోలుధాన్యం కొనుగోలు కేంద్రంలో తేమ పరిశీలిస్తున్న అధికారులు సాక్షి ప్రతినిధి, మంచిర్యాల: బ్యాంకు గ్యారంటీ మెలిక మిల్లర్లకు గండంలా మారింది. రా మిల్లర్లు, కొత్తగా పరిశ్రమలో చేరిన వారికి మరింత ఇబ్బందిగా మారింది. కొనుగోళ్లు మొదలైనా సీఎంఆర్‌ (కస్టమ్‌ మిల్లింగ్‌ రైస్‌) మిల్లులకు ట్యాగింగ్‌ ఇచ్చేందుకు పౌరసరఫరాల శాఖ అధికారులు తర్జన భర్జన పడుతున్నారు. మిల్లర్లు రూ.కోట్ల విలువైన బ్యాంకు గ్యారంటీలు ఇవ్వకపోవడంతో ట్యాగింగ్‌ కావడం లేదు. నిబంధన ప్రకారం పది శాతం గ్యారంటీ ఇస్తేనే ధాన్యం అప్పగించాలి. పాత బకాయి ఉంటే మరో 20 శాతం అదనం. గత సీజన్‌ నుంచే సర్కారు కఠినంగా ఈ నియమం అమలు చేస్తోంది. దీంతో గత వానాకాలం నుంచే జిల్లాలో అనేక మంది మిల్లర్లు సీఎంఆర్‌కు దూరమయ్యారు. ఇక 2022–23 యాక్షన్‌ ధాన్యంకు సంబంఽధించి రూ.87 కోట్ల బకాయి ఉంది. మరోవైపు సీఎంఆర్‌ జాప్యం చేసిన 20 మిల్లులపై ఆర్‌ఆర్‌, క్రిమినల్‌ కేసులు నమోదయ్యాయి. ఈ విలువ రూ.133.78 కోట్లు ఉంటుందని పౌరసరఫరాల శాఖ లెక్కగట్టింది. ఆ డబ్బుల చెల్లింపులు జరుగుతున్నాయి. బాయిల్డ్‌తో పోలిస్తే రా రైస్‌ మిల్లర్లు గత సీజన్‌ నుంచి గడ్డు పరిస్థితి ఎదుర్కొంటున్నారు. సేకరణకు ఇబ్బంది లేకుండా అధికారులు మిల్లర్లతో చర్చలు జరుపుతున్నారు. ఇప్పటి వరకు 56 వేల మెట్రిక్‌ టన్నుల సామర్థ్యం ఉన్న 9 మిల్లులకే ట్యాగింగ్‌ ఇచ్చారు. మరో రెండు మిల్లులకు ఇచ్చే అవకాశం ఉంది. వారం రోజుల్లో ధాన్యం పెద్దఎత్తున కేంద్రాలకు రానుంది. దీంతో ఆలస్యమైతే రైతులు ఇబ్బంది పడనున్నారు. పొరుగు జిల్లాకు ధాన్యం ఈ యాసంగిలో జిల్లాలో 1.21 లక్షల ఎకరాల్లో వరి సాగు చేయగా 3.41లక్షల మెట్రిక్‌ టన్నుల దిగుబడి అంచనా ఉంది. మొత్తం 321 కేంద్రాల్లో ధాన్యం సేకరిస్తుండగా ఇప్పటికే 4వేల మెట్రిక్‌ టన్నుల కొనుగోళ్లు జరిగాయి. గత వానాకాలంలోనే గ్యారంటీలు ఇవ్వకపోవడంతో కరీంనగర్‌ జిల్లా మిల్లులకు ఇక్కడి ధాన్యాన్ని తరలించారు. ఈ నెల నుంచే రేషన్‌ షాపులకు సన్నబియ్యం పంపిణీ చేస్తున్న తరుణంలో రాష్ట్రస్థాయిలో బఫర్‌ స్టాక్‌తో చేసుకోవాల్సి ఉంది. వారంలో ధాన్యం రాక ఇంకా పెరిగే అవకాశం ఉంది. దీంతో పొరుగున ఉన్న పెద్దపల్లి, కరీంనగర్‌ జిల్లాలకు ధాన్యం పంపేందుకు రాష్ట్ర ఉన్నతాధికారుల అనుమతి కోరారు. స్థానిక గోదాముల్లో నిల్వ సామర్థ్యం సైతం పరిగణలోకి తీసుకుని ఆ తర్వాత ఇతర జిల్లాలకు పంపే యోచన చేస్తున్నారు. మిల్లర్ల వేడుకోలు బకాయిలు చెల్లించేందుకు ‘అండర్‌ టేకింగ్‌ తీసుకుని ధాన్యం కేటాయించాలని కోరుతున్నారు. ఇప్పటికే మూడు నెలలపాటు సమయం ఇవ్వగా జిల్లా మిల్లర్లకే అవకాశం ఇవ్వాలని కోరుతున్నారు. మరోవైపు పొరుగు జిల్లాలకు ధాన్యం పంపితే అక్కడ తరుగు కటింగ్‌ చేస్తే రైతులు నష్టపోయే అవకాశం ఉందని చెబుతున్నారు. ధాన్యం రవాణా ఖర్చు పెరుగుతుందని, ఇబ్బందులు వస్తాయంటున్నారు. కొన్నేళ్లుగా పౌరసరఫరాల శాఖ నుంచి కమీషన్‌ నిలిచిపోయిందని, రూ.కోట్లు వెచ్చించి నిర్వహిస్తున్న రైస్‌మిల్లర్లకు, ఉపాధికి అవకాశం ఇవ్వాలని కోరుతున్నారు. అయితే రాష్ట్ర ప్రభుత్వ ఆదేశాల మేరకు బ్యాంకు గ్యారంటీ, బకాయిలు తీర్చిన వాటికే ధాన్యం అప్పగిస్తున్నామని, ఆ మేరకు తమ బకాయిలు కట్టాలని అధికారులు సూచిస్తున్నారు.

మంచిర్యాలఅర్బన్‌: ఏడాది పొడవునా పుస్తకాలతో కుస్తీ పట్టిన విద్యార్థులు ఇంటిబాట పట్టారు. ప్రభుత్వం పాఠశాలలకు ఈ నెల 24 నుంచి సమ్మర్‌ హాలీడేస్‌ (వేసవి సెలవులు) ప్రకటించడంతో చివరి రోజు బుధవారం విద్యార్థులు, వారి కుటుంబసభ్యులతో పాఠశాలలు, కేజీబీవీలు, గురుకులాలు, సంక్షేమ వసతిగృహాలు సందడిగా మారాయి. చాలారోజుల తర్వాత ఇంటికి వెళ్తుండడంతో విద్యార్థుల ఆనందానికి అవధులు లేకుండా పోయాయి. కబుర్లు చెప్పుకుంటూ సెల్ఫీ దిగారు. సెలవులతో విద్యార్థులు ఇంటిబాట పట్టడంతో మంచిర్యాల బస్‌స్టేషన్‌ రద్దీగా మారింది. బస్సుల్లో సీట్ల కోసం పాట్లు పడ్డారు.

మందమర్రిరూరల్‌: తెలంగాణ ప్రభుత్వం తీసుకువచ్చిన భూ భారతి చట్టంతో రైతులకు ఎంతగానో మేలు జరుగుతుందని కలెక్టర్‌ కుమార్‌ దీపక్‌ అన్నారు. శంకర్‌పల్లి జీపీ పరిధిలోని సండ్రోన్‌పల్లి రైతువేదికలో మంగళవారం తహసీల్దార్‌ సతీశ్‌కుమార్‌శర్మ ఆధ్వర్యంలో ఏర్పాటు చేసిన అవగాహన కార్యక్రమానికి ముఖ్యఅతిథిగా హాజరై మాట్లాడారు. అనంతరం సారంగపల్లిలో ధాన్యం కొనుగోలు కేంద్రాన్ని ప్రారంభించారు. ఈ కార్యక్రమంలో అదనపు కలెక్టర్‌ మోతీలాల్‌, ఆర్డీవో శ్రీనివాస్‌రావు, జిల్లా ఉద్యానవన శాఖ అధికారి అనిత, ఎంపీడీవో రాజేశ్వర్‌, మున్సిపల్‌ కమిషనర్‌ తుంగపిండి రాజలింగు, వ్యవసాయధికారులు బానోత్‌ప్రసాద్‌, కిరణ్మయి, తిరుపతి, రైతులు పాల్గొన్నారు. రైతులకు ప్రయోజనంకాసిపేట: భూ సమస్యల పరిష్కారానికి ప్రభుత్వం నూతనంగా ప్రారంభించిన భూ భారతి చట్టం ద్వారా రైతులకు మరింత ప్రయోజనం చేకూరుతుందని కలెక్టర్‌ కుమార్‌ దీపక్‌ అన్నారు. మండల కేంద్రంలోని ముత్యంపల్లి రైతు వేదికలో ఏర్పాటు చేసిన అవగాహన కార్యక్రమానికి ముఖ్యఅతిథిగా హాజరై మాట్లాడారు. ఈనెల 30 వరకు జిల్లాలోని అన్ని మండలాల్లో సదస్సులు నిర్వహించి ప్రజలకు అవగహన కల్పించనున్నట్లు తెలిపారు. ఎంపిక చేసిన మండలంలో జూన్‌ 2వరకు సమస్యలు పరిష్కరించి మిగతా మండలాల్లోని సమస్యను గుర్తించి ఆగస్టు 15లోగా పరిష్కరించే విధంగా చర్యలు తీసుకోనున్నట్లు తెలిపారు. రైతుల అభిప్రాయాలను స్వీకరించారు. కార్యక్రమంలో బెల్లంపల్లి ఆర్డీవో హరికృష్ణ, తహసీల్దార్‌ భోజన్న, తదితరులు పాల్గొన్నారు. పార్టీ సమావేశమా.. అధికారిక కార్యక్రమమా? సమావేశంలో అధికారుల తీరుపై బీజేపీ మండలాధ్యక్షుడు సూరం సంపత్‌ కుమార్‌ ఆగ్రహం వ్య క్తం చేశారు. ఇది అధికారిక కార్యక్రమమా లేక కాంగ్రెస్‌ పార్టీ కార్యక్రమమా ఫ్రోటోకాల్‌ ఏంటీ.. వేదిక పై కాంగ్రెస్‌ నాయకులే ఉంటారా.. అని అధికారులతో వాదనకు దిగారు. ప్రతిపక్షాలకు కనీసం మాట్లాడే అవకాశం ఇవ్వరా అని నిలదీశారు. కలెక్టర్‌ నచ్చచెప్పి గొడవ సద్దుమణిగించారు. అర్హులకు రాజీవ్‌ యువ వికాసం వర్తింపజేయాలి మంచిర్యాలఅగ్రికల్చర్‌: రాజీవ్‌ యువ వికాసం పథకం అర్హులైన లబ్ధిదారులకు వర్తించేలా అధికారులు చర్యలు తీసుకోవాలని కలెక్టర్‌ కుమార్‌ దీపక్‌ అన్నారు. నస్పూర్‌లోని సమీకృత కార్యాలయాల భవన సమావేశ మందిరంలో లీడ్‌ డిస్ట్రిక్ట్‌ మేనేజర్‌ తిరుపతి, జిల్లా గ్రామీణాభివృద్ధి అధికారి కిషన్‌, యూనియన్‌ బ్యాంక్‌ ఆఫ్‌ ఇండియా ఏజీఎం వై.సురేష్‌, టీజీబీ ఆర్‌ఎం మురళీమోహన్‌రావుతో కలిసి సమీక్ష సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ దరఖాస్తులను క్షేత్రస్థాయిలో పరిశీలించి ఈ నెల 30లోగా అర్హులను ఎంపిక చేయాలని సూచించారు. ఈ కార్యక్రమంలో షెడ్యూల్డ్‌ కులాల సహకార సంస్థ అధికారి దుర్గాప్రసాద్‌, జిల్లా అల్ప సంఖ్యాక వర్గాల సంక్షేమశాఖ అధికారి నీరటి రాజేశ్వరి, జిల్లా పంచాయతీ అధికారి వెంకటేశ్వర్‌రావు, పరిశ్రమల శాఖ జీఎం, జిల్లా గిరిజన అభివృద్ధి అధికారి జనార్దన్‌, సంబంధిత అధికారులు పాల్గొన్నారు. కలెక్టర్‌ కుమార్‌ దీపక్‌

మంచిర్యాలక్రైం: జిల్లా ప్రధాన న్యాయమూర్తిగా ఏ.వీరయ్య బుధవారం బాధ్యతలు స్వీకరించారు. ఈ నెల 15న జరిగిన న్యాయమూర్తుల బదిలీల్లో భాగంగా ఇక్కడ పనిచేసిన బోయ శ్రీనివాసులు నారాయణపేట్‌కు బదిలీకాగా ఆయన స్థానంలో సికింద్రాబాద్‌లోని సిటీ సివిల్‌ కోర్ట్‌లో పని చేసిన వీరయ్యను నియమిస్తూ ఉన్నత న్యాయస్థానం ఉత్తర్వులు జారీ చేసింది. ఈ సందర్భంగా పోలీసులు గౌరవ వందనం సమర్పించారు. అనంతరం జిల్లా బార్‌ అసోసియేషన్‌ అధ్యక్షుడు బండవరం జగన్‌, న్యాయవాదులు, కోర్టు సిబ్బంది పుష్పగుచ్చాలు అందించారు. జిల్లా జడ్జిని కలిసిన డీసీపీ మంచిర్యాలక్రైం: జిల్లా ప్రధాన న్యాయమూర్తిగా బాధ్యతలు స్వీకరించిన ఏ. వీరయ్యను బుధవారం డీసీపీ ఎగ్గడి భాస్కర్‌ మర్యాద పూర్వకంగా కలిసి మొక్కను అందజేశారు. జిల్లాలో జరుగుతున్న నేరాలపై సమీక్షించారు.

పాతమంచిర్యాల: జిల్లా కేంద్రంలోని మహిళా సమాఖ్య కార్యాలయంలో బుధవారం జిల్లా మహిళా సమాఖ్య ఎన్నికలు నిర్వహించారు. జిల్లా గ్రామీణాభివృద్ధి అధికారి ఎస్‌.కిషన్‌, అడిషనల్‌ డీఆర్డీవో వెంకటేశ్వర్లు, ఎన్నికల ప్రత్యేకాధికారి నర్సింహస్వామి, డీపీఎం స్వర్ణలత ఆధ్వర్యంలో ఏడుగురు ప్రతినిధులను, తొమ్మిది మందిని బోర్డ్‌ ఆఫ్‌ డైరెక్టర్లను ఎన్నుకున్నారు. అధ్యక్షురాలిగా దండేపల్లి మండలానికి చెందిన ఏ.అనిత, కార్యదర్శిగా లక్సెట్టిపేట మండలానికి చెందిన బి.శ్రీలత, కోశాధికారిగా జైపూర్‌ మండలానికి చెందిన ఎం.మాలతీని ఎన్నుకున్నారు. నూతనంగా ఎన్నికై న సభ్యులను అధికారులు శాలువాలతో సత్కరించారు.

ఐఎంఏ సభ్యుల కొవ్వొత్తుల ర్యాలీ మంచిర్యాలటౌన్‌/మంచిర్యాలక్రైం: జమ్మూకశ్మీర్‌లో ఉగ్రవాదుల దాడిలో మృతి చెందిన వారి ఆత్మకు శాంతి చేకూరాలని బుధవారం సాయంత్రం జిల్లా కేంద్రంలో బీజేపీ, ఐఎంఏ (ఇండియన్‌ మెడికల్‌ అసోసియేషన్‌) ఆధ్వర్యంలో కొవ్వొత్తుల ర్యాలీ నిర్వహించారు. ఈ సందర్భంగా బీజేపీ జిల్లా మాజీ అధ్యక్షుడు రఘునాథ్‌ వెరబెల్లి మాట్లాడుతూ సామాన్య ప్రజలపై ఉగ్రవాదుల దాడులు సరికాదన్నారు. బార్‌ అసోసియేషన్‌ ఆధ్వర్యంలో న్యాయవాదులు శ్రద్ధాంజలి ఘటిస్తూ రెండు నిమిషాలు మౌనం పాటించారు. వేర్వేరుగా జరిగిన కార్యక్రమాల్లో బార్‌ అసోసియేషన్‌ అధ్యక్షుడు బండవరం జగన్‌, వైద్యులు పి.రమణ, ఏ.వెంకటేశ్వరరావు, ఏ.స్వరూపరాణి, విద్యార్థులు పాల్గొన్నారు.

సిరికొండ: మండలంలోని ఫకీర్‌నాయక్‌ తాండలో మంగళవారం విద్యుత్‌ షార్ట్‌ సర్క్యూట్‌తో మూడిళ్లు దగ్ధమయ్యాయి. గ్రామానికి చెందిన రాథోడ్‌ లాల్‌సింగ్‌ ఇంటిపైనున్న విద్యుత్‌ తీగలతో షార్ట్‌సర్క్యూట్‌ జరిగి పశుగ్రాసానికి నిప్పంటుకుంది. ఇంట్లో ఉన్న 10 క్వింటాళ్ల జొన్నలు, బియ్యం, బట్టలు పూర్తిగా కాలిబూడిదయ్యాయి. రాథోడ్‌రెడ్డి, రాథోడ్‌ జ్ఞానేశ్వర్‌ ఇళ్లు పాక్షికంగా కాలిపోయాయి. తహసీల్దార్‌ తుకారాం, ఎస్సై శివరాం, రెవెన్యూ సిబ్బంది సంఘటన స్థలాన్ని పరిశీలించారు. రాథోడ్‌ లాల్‌సింగ్‌కు రూ.1.17 లక్షల నష్టం వాటిల్లినట్లు అధికారులు అంచనా వేశారు.

నిర్మల్‌కు చెందిన వీరు ఇరువురు మంచి స్నేహితులు. వెల్మల మధు డిగ్రీ కళాశాల వృక్షశాస్త్ర అసోసియేట్‌ ప్రొఫెసర్‌గా, మహమ్మద్‌ నజీర్‌ఖాన్‌ డిప్యూటీ అటవీ క్షేత్ర అధికారిగా పనిచేస్తున్నారు. వీరిద్దరి అభిరుచి పుస్తక పఠనం. ఇద్దరి మనస్తత్వాలు ఒకటే కావడంతో వృక్షశాస్త్ర రంగంలో అనేక పరిశోధనలు చేస్తున్నారు. వివిధ రకాల ప్రాంతాల్లోని పుస్తకాలను సేకరించి వాటిలో తమకు నచ్చిన అంశాలపై అధ్యయనం చేస్తారు. నచ్చిన పుస్తకాలను సేకరిస్తూ ఇంట్లోనే ఓ చిన్నపాటి గ్రంథాలయాన్ని ఏర్పాటు చేసుకున్నారు.

ఆసిఫాబాద్‌: పెరుగుతున్న ధరలతో పేద, మధ్యతరగతి ప్రజలు బంగారం కొనే పరిస్థితి లేదు. భవిష్యత్‌లో బంగారం ఆభరణంలా కాకుండా పొటోల్లో పెట్టుకునే పరిస్థితి ఉందది. ఇంకా పెరుగుతున్నాయే తప్ప దిగడం లేదు. ఇటీవల అరతులం కొనాలనుకున్నా.. ధర తగ్గుతుందనడంతో ఆగిపోయా. – గుర్రాల హరిప్రియ, గృహిణి, ఆసిఫాబాద్‌ నియంత్రణ ఉండాలి ఆసిఫాబాద్‌: పెరుగుతున్న బంగారం ధరలు సామాన్య ప్రజలు కొనలేని పరిస్థితి నెలకొంది. రోజురోజుకు బంగారం ధరలు చుక్కలనంటుతున్నాయి. ముఖ్యంగా వివాహాల సందర్భంగా పేదలకు బంగారం కొనాలంటే మరింత కష్టంగా మారింది. బంగారం ధరలపై నియంత్రణ ఉండాలి.– కాచం వినేశ్‌, వ్యాపారి, ఆసిఫాబాద్‌ కొనలేని పరిస్థితి మంచిర్యాలటౌన్‌: ఈ నెల 23న మా బాబు పెళ్లి ఉంది. బంగారం కొందామని వెళ్తే లక్ష రూపాయలకు చేరింది. పెళ్లికి తప్పనిసరిగా బంగారం కొనుగోలు చేయాలి కాబట్టి ధర పెరిగినా కొనుగోలు చేశాం. వేల నుంచి లక్షల్లోకి చేరిన బంగారంను సామాన్యులు కొనలేని పరిస్థితి. – పురెల్ల సుజాత, పాతమంచిర్యాల కొనక తప్పదు మంచిర్యాలటౌన్‌: మా కూతురు పెళ్లి ఈ నెల 24న ఉంది. బంగారం తప్పనిసరి కావడంతో ధర పెరిగినా కొనడం తప్పడం లేదు. లక్షకు చేరుతుందని ఊహించ లేదు. ధర పెరిగినా పెళ్లి కోసం కొనక తప్పదు. – హబీబునీసా బేగం, మంచిర్యాల

బాసర: ఆర్జీయూకేటీ ఒప్పంద అధ్యాపకుల నిరవధిక సమ్మెలో భాగంగా మంగళవారం భారత రాజ్యాంగ నిర్మాత డాక్టర్‌ బీఆర్‌ అంబేడ్కర్‌ విగ్రహానికి వినతిపత్రం అందజేశారు. ఈ సందర్భంగా అసోసియేషన్‌ అధ్యక్షుడు శ్రీశైలం మాట్లాడుతూ రాష్ట్రవ్యాప్తంగా ఉన్న యూనివర్సిటీలకు సంబంధించిన జీవో 21 ఉపసంహరించుకోవాలని, కాంట్రాక్టు పద్ధతిలో పనిచేస్తున్న అధ్యాపకులను రెగ్యులరైజ్‌ చేయాలని డిమాండ్‌ చేశారు. ఈ కార్యక్రమంలో అధ్యాపకులు ప్రశాంతి, రజిత, శ్రీకాంత్‌, విజయకుమార్‌, ప్రభాకర్‌రావు, మధుసూదన్‌, తదితరులు పాల్గొన్నారు. లారీ ఢీకొని వృద్ధుడు దుర్మరణంగుడిహత్నూర్‌: మండలంలోని సీతాగొంది జాతీయ రహదారి 44పై మంగళవారం జరిగిన రోడ్డు ప్రమాదంలో ఓ వృద్ధుడు మృతి చెందినట్లు ఎస్సై మహేందర్‌ తెలిపారు. బోథ్‌ మండల కేంద్రానికి చెందిన డోంగరి అడెల్లు (70) బోథ్‌ నుంచి ఆదిలాబాద్‌కు వెళ్లి తిరుగుప్రయాణంలో వాఘాపూర్‌ సమీపంలోని లక్ష్మీపూర్‌లో ఉంటున్న తన కూతురు ఇంటికి వెళ్లడానికి బస్సులో వచ్చి జాతీయ రహదారి దాటుతుండగా గుడిహత్నూర్‌ నుంచి ఆదిలాబాద్‌ వైపు అతివేగంతో వెళ్తున్న తమిళనాడుకు చెందిన లారీ ఢీకొట్టడంతో అక్కడికక్కడే మృతి చెందాడు. కేసు నమోదు చేసి దర్యాప్తు జరుపుతున్నట్లు ఎస్సై తెలిపారు. ఒకరిపై కత్తితో దాడినిర్మల్‌టౌన్‌: ఇద్దరు చికెన్‌ షాపుల నిర్వాహకులు కత్తులతో దాడి చేసుకున్న సంఘటన జిల్లా కేంద్రంలో చోటు చేసుకుంది. బాధితుడు తెలిపిన వివరాల మేరకు.. పట్టణానికి చెందిన అబ్దుల్‌, వజిద్‌ ఖూరేష్‌కు స్థానిక విద్యుత్‌ శాఖ కార్యాలయం ఎదురుగా చికెన్‌షాపులు ఉన్నాయి. మంగళవారం వజీర్‌ తన దుకాణంలో యాసిడ్‌తో కడుగుతుండగా అబ్దుల్‌ కళ్లు మండుతున్నాయని, వాసన వస్తుందని చెప్పా డు. దీంతో ఇద్దరి మధ్య మాటామాట పెరగడంతో వజీర్‌, గఫర్‌, షాప్‌లో పనిచేసే హుస్సేన్‌ అబ్దుల్‌పై కత్తితో దాడికి దిగడంతో గాయాలయ్యాయి. బాధితుడు పట్టణ పోలీస్‌ స్టేషన్‌లో ఫిర్యాదు చేశాడు. బాలుడిపై కుక్కలదాడికడెం: మండల కేంద్రానికి చెందిన గుంటుకు భూమేశ్‌ అనే బాలుడిపై ఈ నెల 21న రాత్రి ఊరకుక్కలు దాడి చేయడంతో గాయాలయ్యాయి. కుటుంబ సభ్యులు మండల కేంద్రంలోని పీహెచ్‌సీకి తరలించి ప్రథమ చికిత్స అందించారు. మెరుగైన చికిత్స నిమిత్తం ఖానాపూర్‌ ప్రభుత్వాసుపత్రికి తరలించారు.

పసిడి ధర పరుగులు పెడుతోంది. సామాన్యునికి అందనంత దూరంలో ‘లక్ష’ణంగా కొండెక్కి కూర్చుంది. భారతీయ మార్కెట్‌ చరిత్రలోనే తొలిసారిగా తులం బంగారం లక్ష మార్కు దాటేసింది. 24 క్యారెట్ల మేలిమి బంగారం మంగళవారం ఆదిలాబాద్‌ మార్కెట్లో రూ.1,01,600 ధర పలికింది. ఉదయం రూ.1,00,800 పలికిన ధర సాయంత్రానికి మరో రూ.800 పెరిగింది. గత వారం రోజులుగా సుమారుగా రూ.96 వేలు ఉన్న ధర ఏకంగా లక్షకు ఎగబాకింది. పాశ్చాత్య దేశాలతో పోలిస్తే మన దేశంలో శుభకార్యాల సమయంలో కనకాన్ని ఎక్కువగా వినియోగిస్తుంటారు. ఇతర దేశాలతో పోలిస్తే భారతీయ అతివలు బంగారంపై మక్కువ ప్రదర్శిస్తుంటారు. పెళ్లిళ్ల సీజన్‌ కావడంతో ధర అధికంగా ఉన్నా తప్పదన్న ఆలోచనతో కొనాల్సిన పరిస్థితి వచ్చిందనే అభిప్రాయాలు వ్యక్తం అవుతున్నాయి.

మంచిర్యాలటౌన్‌: ఉమ్మడి జిల్లాకు చెందిన నలుగురు విద్యార్థులు జాతీయస్థాయి ఫుట్‌బాల్‌ పోటీలకు ఎంపికై నట్లు అసోసియేషన్‌ ఉమ్మడి జిల్లా అధ్యక్షుడు రఘునాథ్‌రెడ్డి, సెక్రెటరీ ఫణి, కోచ్‌లు ఎం.వనిత, రవికుమార్‌ తెలిపారు. వనపర్తిలో నిర్వహించిన 68వ ఎస్‌జీఎఫ్‌ ఫుట్‌బాల్‌ అండర్‌–14 పోటీల్లో ఉమ్మడి జిల్లా ద్వితీయస్థానం కై వసం చేసుకుంది. సిర్పూర్‌(టి) టీజీ ఎంఆర్‌ఎస్‌కు చెందిన ఎనిమిదో తరగతి విద్యార్థిని ఏ. దీక్షిత, ఆసిఫాబాద్‌ టీజీ డబ్ల్యూఆర్‌జేసీలో ఎనిమిదో తరగతి చదువుతున్న భూమిక, కాగజ్‌నగర్‌ ప్రభుత్వ పాఠశాలలో ఎనిమిదో తరగతి చదువుతున్న అనిత మండల్‌తో పాటు, అండర 14 బాలుర విభాగంలో ఆదిలాబాద్‌కు చెందిన తొమ్మిదో తరగతి విద్యార్థి అభిలాష్‌ ఎంపికై నట్లు తెలిపారు. ఈ నెల 25 నుంచి 29 వరకు మహారాష్ట్రలోని కోల్హాపూర్‌లో నిర్వహించనున్న జాతీయస్థాయి పోటీల్లో పాల్గొంటారని వారు పేర్కొన్నారు. కీచక ఉపాధ్యాయుడు అరెస్ట్‌ఆదిలాబాద్‌రూరల్‌: విద్యార్థినితో అసభ్యకరంగా ప్రవర్తించిన కిచక ఉపాధ్యాయుడిని అరెస్ట్‌ చేసినట్లు ఎస్పీ అఖిల్‌ మహాజన్‌ మంగళవారం ఒక ప్రకటనలో తెలిపారు. మావల జెడ్పీహెచ్‌ఎస్‌ పాఠశాలలో పీఈటీగా పనిచేస్తున్న గుండి మహేష్‌ విద్యార్థినులతో అసభ్యకరంగా ప్రవర్తిస్తున్నాడని షీటీంకు ఫిర్యాదు అందగా మావల పోలీస్‌ స్టేషన్‌లో కేసు నమోదు చేసినట్లు తెలిపారు. మంగళవారం సదరు టీచర్‌ను అరెస్టు చేసి పోక్సో కేసు నమోదు చేసినట్లు పేర్కొన్నారు. అంతేకాకుండా ఒక యోగ టీచర్‌తో అసభ్యకరంగా ప్రవర్తించగా ఆమె ఫిర్యాదుతో మరో కేసు సైతం నమోదు చేసినట్లు తెలిపారు.

సప్తగిరికాలనీ(కరీంనగర్‌): ఇంటర్‌ ఫలితాల్లో కరీంనగర్‌లోని శ్రీచైతన్య జూనియర్‌ కళాశాల విద్యార్థులు విజయఢంకా మోగించారు. సెకండియర్‌ ఎంపీసీలో ఆర్‌.వైష్ణవి 993, లాస్విక 992, జి.శ్రీనిత్య, పి.భరత్‌రెడ్డి, అకిరానందన్‌ 991 మార్కులు సాధించారు. బైపీసీలో అభ్యుదయ 994, ఎన్‌.భార్గవి 992, పి.స్ఫూర్తిశ్రీ, బి.రోహిత్‌ 990 మార్కులు సాధించారు. సీఈసీలో మధుమిత 961, ఎంఈసీ లో ఎం.భానుప్రకాశ్‌ 951 మార్కులు సాధించారు. ఫస్టియర్‌ ఎంపీసీలో ఎ.లక్ష్మీహాసిని 468, జి.శ్రీహి త, పి.హాసినిరావు, ఎం.సాత్విక, జి.శ్రీనిధి, కె.మైత్రి 467 మార్కులు సాధించారు. 466పైగా మార్కులు 22మంది, 465 పైగా మార్కులు 14 మంది సాధించారు. బైపీసీలో ఇ.అఖిల, ఔష సినివాసన్‌ 437, ఎస్‌.విఘ్న, వి.లహరి, ఆర్‌.అక్షయశ్రీ, సీహెచ్‌.కార్తీక్‌ 436 మార్కులు, ఎంఈసీలో ఎల్‌.కమలేశ్‌ 474, సూర మనీష 470, సీఈసీలో హరిణి 492, కె.అంజలి 491 మార్కులు సాధించారు. వీరిని విద్యాసంస్థల అధినేత ముద్దసాని రమేశ్‌రెడ్డి సత్కరించారు. డైరెక్టర్‌ కర్ర నరేందర్‌రెడ్డి, డీన్‌ జగన్‌ మోహన్‌రెడ్డి, ప్రిన్సిపాళ్లు మల్లారెడ్డి, రాఽధాకృష్ణ, మోహన్‌రావు, ఏజీఎం శ్రీనివాస్‌ పాల్గొన్నారు.

జిల్లా కేంద్రానికి చెందిన డాక్టర్‌ టి.సంపత్‌ కుమార్‌ ఢిల్లీలోని కెనడా రాయబార కార్యాలయంలో సీనియర్‌ సలహాదారుగా పనిచేసి రిటైర్‌ అయ్యారు. సుధీర్ఘకాలంగా పుస్తకాలతోనే మైత్రిబంధం కొనసాగిస్తున్నారు. పలు నవలలు, కథల పుస్తకాలను తెలుగు, ఆంగ్లభాషల్లో రచించారు. నాలుగు దశాబ్దాలుగా పుస్తకాలనే నేస్తాలుగా భావిస్తూ జీవనం సాగిస్తున్నారు. నేటి యువతరానికి చిన్నప్పటి నుంచే పుస్తక పఠనాన్ని అభిరుచిగా రూపొందించాల్సిన బాధ్యత తల్లిదండ్రులదేనని సూచిస్తున్నారు.నిర్మల్‌ఖిల్లా: పుస్తకమా.. పుస్తకమా.. నిన్ను చదవడంవల్ల ఉపయోగం ఏంటీ..! అంటే..‘తలదించుకుని నన్ను చదువు.. జీవితంలో నిన్ను తలెత్తుకుని జీవించేలా తయారుచేస్తా’ అంటుందట పాఠకుడితో.. విజేతల్ని మీ అభిరుచి ఏమిటని ప్రశ్నిస్తే ఎక్కువమంది ఠక్కున చెప్పే సమాధానం పుస్తక పఠనం... జీవితంలో వెలుగులు నింపే గొప్ప అస్త్రం పుస్తకం. ఎంత చదివితే అంత విజ్ఞానవంతుల్ని చేయగలిగే ఏకై క శక్తి పుస్తకానికే ఉంది. మారుతున్న కాలానికనుగుణంగా ప్రస్తుతం పిల్లల్లో పుస్తక పఠనం అలవాటు క్రమంగా తగ్గుతోంది. ఆన్‌లైన్‌ అభ్యసనంతో పట్టుమని పది నిమిషాలు కూడా విద్యార్థులు పుస్తకాలు చదవలేకపోతున్నారు. అభివృద్ధి చెందిన దేశాల్లో తల్లిదండ్రులు, గురువులు పిల్లలకు నేర్పించే అతిముఖ్యమైన అలవాటు పుస్తక పఠనమే. మన పిల్లల్ని కూడా పుస్తకాలతో దోస్తీ కట్టించేందుకు తగిన మార్గనిర్దేశనం చేయాల్సిన అవసరం ఉంది. పఠనం యొక్క ప్రాముఖ్యత గురించి యువ తరానికి అవగాహన కల్పించడానికి ఏటా ఏప్రిల్‌ 23న ప్రపంచ పుస్తక దినోత్సవం నిర్వహిస్తున్నారు. నేడు ‘ప్రపంచ పుస్తక దినోత్సవం’ సందర్భంగా కథనం. ప్రయోజనాలివే.. ● ఒంటరితనం పారద్రోలి మంచి స్నేహితులుగా వ్యవహరిస్తాయి. ● ఏకాగ్రత పెరుగుతుంది. విషయాన్ని శ్రద్ధగా చదవడం అలవాటవుతుంది. ● పద సంపద వృద్ధిచెంది భాషపై పట్టు పెరుగుతుంది. ● భావ వ్యక్తీకరణకు దోహదం చేస్తుంది. ● ప్రాపంచిక విషయాలు తెలుస్తాయి. లోకజ్ఞానం రెట్టింపవుతుంది. ● సృజనాత్మకత పెంపొందించడానికి విషయ పరిజ్ఞానం తోడ్పడుతుంది. ● విజేతల ఆత్మకథలు చదివినప్పుడు స్ఫూర్తి, ప్రేరణ పొందవచ్చు. ● పరాజితుల అనుభవాలు సమస్యలకు పరిష్కార మార్గాలు చూపిస్తాయి. ● ఒత్తిడిని తగ్గించడానికి దివ్యఔషధంగా పనిచేస్తుంది. దారిచూపే దీపం.. సాంకేతికంగా పురోగమనంలోనూ వన్నెతగ్గని పుస్తకం నేడు ప్రపంచ పుస్తక దినోత్సవం లక్ష్యానికి చేరువ చేస్తుంది పిల్లలకు చిన్నప్నటినుంచే పుస్తకపఠనం అలవాటు చేయాలి. విజ్ఞానంతో పాటు మానసిక స్థిరత్వం కూడా కలుగుతుంది. టీవీ, ఫోన్లకు దూరంగా ఉంచాలి. పుస్తక పఠనం అలవాటు చేయడం ద్వారా పెద్దయ్యాక ఈ అభిరుచి తాము ఎంచుకున్న లక్ష్యాలకు చేరువ చేస్తుంది. – పోలీస్‌ భీమేశ్‌, కవి, రచయిత, అనంతపేట్‌, నిర్మల్‌ ఇంట్లోనే గ్రంథాలయం పుస్తకాలు చదవడం చిన్నప్పటినుండే అభిరుచిగా మారింది. ఎక్కడ కొత్త పుస్తకం కనపడినా వెంటనే కొనేయడం అలవాటైంది. మిత్రులు, సాహితీవేత్తలు కానుకగా ఇచ్చిన పుస్తకాలతో ఇంట్లోనే ఓ చిన్నపాటి గ్రంథాలయం ఏర్పాటైంది. ఏ కాస్త సమయం దొరికినా పుస్తకాలు చదువుతూ కాలక్షేపం చేస్తుంటా. పుస్తకాలు చదవడం వల్ల మానసిక ప్రశాంతత దొరుకుతుంది. – అంబటి నారాయణ, సాహితీవేత్త, నిర్మల్‌

సప్తగిరికాలనీ(కరీంనగర్‌): ఇంటర్‌ ఫలితాల్లో కరీంనగర్‌లోని ట్రినిటీ విద్యార్థులు జయకేతనం ఎగురవేశారు. ఫస్టియర్‌ ఎంపీసీలో జి.మధురిమ 468 మార్కులు, సిరివైష్ణవ్య, ఉమాదేవి, వికాశ సాహి, శశాంక, లహరిక, అనూష, వైష్ణవి, అర్చన, వైష్ణవి, హారిక, శ్రీవర్ష, శ్రీజ, రిషిక, శరణ్య, ఫబిత ఐనా యత్‌, రశ్మిత, నేహ, నిఖిత 467 మార్కులు సాధించారు. 48 మంది 466 మార్కులు, 67 మంది 465 మార్కులు సాధించారు. బైపీసీలో పి.సహస్ర, ఎల్‌. హేమనందిని 438 మార్కులు, 16మంది 436, 21మంది 435మార్కులు సాధించారు. సీఈసీలో వైష్ణవి 494 మార్కులు, రాహుల్‌, దీపిక 490, ఎంఈసీలో భువన విజయ్‌ 479, శ్రావణి 467 మార్కులు సాధించారు. సెకండియర్‌ ఎంపీసీలో వి.రశ్మిత 995 మార్కులు, అజయ్‌, హితేష్‌, బాలాజీ, సంధ్య, ప్రణతి, సాయిసంహిత 994, 13మంది 993, 21మంది 992 మార్కులు, 27 మంది 991 మార్కులు సాధించారు. బైపీసీలో డి.జ్యోత్స్న 996 మార్కులు, మహతి, పల్లవి 994 మార్కులు, నలుగురు 993, ఏడుగురు 992 మార్కులు, 12 మంది 991 మార్కులు సాధించారు. సీఈసీలో శృతి 981, ఎంఈసీలో రిషిక 980మార్కులు సాధించారు. వీరిని విద్యాసంస్థల వ్యవస్థాపక చైర్మన్‌ దాసరి మనోహర్‌రెడ్డి అభినందించారు.

తాంసి: మహిళలకు బంగారం అలంకారం కన్నా అధిక ప్రియమైంది. అందుకే కొనడానికి ఎక్కువగా ఆసక్తి చూపిస్తాం. ముఖ్యంగా అక్షయ తృతీయ, దీపావళి సమయాల్లో బంగారం కొనడం శుభసూచకంగా భావిస్తారు. ధరలో తగ్గుదల ఉంటే బాగుంటుంది. అయినప్పటికీ కొంతన్నా కొనాల్సిందే. – దారవేణి సుప్రియ, గృహిణి, తాంసి శుభకార్యాలు భారంగా.. ఆదిలాబాద్‌: గతేడాదితో పోలిస్తే ఈఏడాది బంగారం ధరలు భారీగా పెరిగాయి. పెళ్లి వేడుకల్లో బంగారాన్ని కానుకగా ఇవ్వడం సంప్రదాయంగా వస్తోంది. ధరలు ఇలా పెరిగితే సామాన్యులకు కష్టమే. పెళ్లి సమయంలో బంగారం ధరలు ఎక్కువగా ఉంటే శుభకార్యాలు సైతం భారంగా మారుతాయి. – రవళి, గృహిణి ధర తక్కువ ఉండేది.. ఆదిలాబాద్‌ : మేము చిన్నగా ఉన్నప్పుడు బంగారం ధర చాలా తక్కువగా ఉండేది. తులం రూ.2 వేల నుంచి 3 వేల వరకు ధర పలికేది. ఇప్పుడు ఏకంగా లక్ష రూపాయలకు చేరండం ఆశ్చర్యంగా అనిపిస్తోంది. భవిష్యత్‌లో ఇంతకంటే ధర ఎక్కువగా పెరిగితే బంగారం కొనడం కష్టమే. – సూరం మల్లమ్మ, కుమ్మరివాడ

సాఫ్ట్‌వేర్‌ ఇంజినీర్‌ అవుతా లక్సెట్టిపేట: చిన్నప్పటి నుంచి అమ్మానాన్నల ప్రోత్సాహంతో హాస్టల్‌లో ఉంటూ చదువుకుని మంచి మార్కులు సాధించాను. కంప్యూటర్‌ సైన్స్‌ కోర్సు చదివి భవిష్యత్‌లో సాఫ్ట్‌వేర్‌ ఇంజినీర్‌ అవ్వాలని అనుకుంటున్న. కళాశాలలో సొసైటీ షెడ్యూల్‌ ప్రకారం ప్రిపేర్‌ అయ్యాను. అందువల్లే మంచి మార్కులు సాఽధించాను. లెక్చరర్లు చాలా మంచిగా సిలబస్‌ బోధించారు. మంచి ఉద్యోగం చేసి అమ్మానాన్నలకు ఆర్థికంగా అండగా ఉంటాను. – అస్మిత, 994 మార్కులులక్సెట్టిపేట: ఇంటర్మీడియెట్‌ ఫలి తాల్లో మండల కేంద్రంలోని ప్ర భుత్వ సాంఘిక సంక్షేమ బాలికల గురుకుల కళాశాల విద్యార్థులు ఉత్తమ ప్రతిభ కనబర్చారు. ప్రైవేటు కశాళాలకు దీటుగా మార్కులు సాధించారు. కళాశాలలోని గ్రూపుల్లో ద్వితీయ సంవత్సరం 97శాతం, ప్రథమ సంవత్సరం 86శాతం ఉత్తీర్నత సాధించినట్లు ప్రిన్సిపాల్‌ రమాకల్యాణి తెలిపారు. అక్షయ వొకేషనల్‌ ద్వితీయ సంవత్సరంలో 987 మార్కులు, శ్రీవర్ష ప్రథమ సంవత్సరంలో 493 మార్కులు సాధించారు. విద్యార్థులను తల్లిదండ్రులు, కళాశాల సిబ్బంది అభినందించారు. ఎంపీసీలో 994మార్కులు సాధించిన అస్మితకళాశాల విద్యార్థిని దండేపల్లి మండలం గుడిరేవు గ్రామానికి చెందిన చిట్ల రమణ, సునీత దంపతుల కూతురు అస్మిత ఎంపీసీ ద్వితీయ సంవత్సరంలో 994మార్కులు సాధించింది. తండ్రి వ్యవసాయం చేస్తుండగా.. తల్లి గృహిణి. ఒకటో తరగతి నుంచి ఐ దో తరగతి వరకు గ్రామంలో చదివింది. బెల్లంపల్లి గురుకుల పాఠశాలలో పదో తరగతి పూర్తి చేసింది. ప్రథమ సంవత్సరంలో ప్రజ్ఞకు 468మార్కులునస్పూర్‌ పట్టణానికి చెందిన బెనికి శ్రీశైలం, శ్రీలక్ష్మి దంపతుల కూతురు ప్రజ్ఞ ఎంపీసీ ప్రథమ సంవత్సరం 468మార్కులు సాధించింది. తండ్రి ప్రైవేటు ఎలక్ట్రీషియన్‌గా చేస్తుండగా..తల్లి గృహిణి. మోడల్‌స్కూల్‌ విద్యార్థినికి బైపీసీలో 467మార్కులు కాసిపేట: మండల కేంద్రంలోని తెలంగాణ మోడల్‌ స్కూల్‌ విద్యార్థిని కొమ్మల స్వతంత్య్ర ఇంటర్‌ మొదటి సంవత్సరం బైపీసీలో 470 మార్కులకు గాను 467 మార్కులు సాధించింది. రాష్ట్ర స్థాయిలో మూడో స్థానంలో నిలిచింది. దేవాపూర్‌కు చెందిన స్వతంత్ర తండ్రి సంతోష్‌ ఓరియంట్‌ సిమెంటు కంపెనీలో లోడింగ్‌ కార్మికుడిగా పని చేస్తున్నాడు. సివిల్స్‌ సాధించడం లక్ష్యంగా ముందుకు సాగనున్నట్లు స్వతంత్ర తెలిపింది.

● పైలట్‌ ప్రాజెక్టుగా భీమారం ఎంపిక ● కలెక్టర్‌ కుమార్‌ దీపక్‌ కోటపల్లి/భీమారం: భూభారతితో రైతుల భూ సమస్యలకు సత్వరమే పరిష్కారం లభిస్తుందని జిల్లా కలెక్టర్‌ కుమార్‌ దీపక్‌ అన్నారు. మంగళవారం కోటపల్లి, భీమారం మండల కేంద్రాల్లోని రైతువేదికల్లో భూభారతి చట్టంపై అవగాహన సదస్సు నిర్వహించారు. ఈ సందర్భంగా కలెక్టర్‌ మాట్లాడుతూ భూ సమస్యలకు తహసీల్దార్‌, రెవెన్యూ డివిజన్‌ అధికారి స్థాయిలో పరిష్కారం లభిస్తుందని తెలిపారు. భూభారతి అమలుకు మే ఒకటి నుంచి రాష్ట్ర వ్యాప్తంగా జిల్లాకో మండలాన్ని పైలట్‌ ప్రాజెక్ట్‌ కింద ఎంపిక చేస్తుందని, జిల్లాలో భీమారం మండలం ఎంపికై ందని ప్రకటించారు. ప్రస్తుత తహసీల్దార్‌తోపాటు మరో ముగ్గురిని కేటాయిస్తామని, సర్వేయర్లు, అధికారుల బృందం గ్రామాల్లో పర్యటిస్తుందని తెలిపారు. ఈ కార్యక్రమాల్లో అదనపు కలెక్టర్‌ మోతీలాల్‌, జిల్లా వ్యవసాయ అధికారి కల్పన, ఆర్డీవో శ్రీనివాస్‌, మాజీ ఎమ్మెల్సీ పురాణం సతీశ్‌కుమార్‌, కోటపల్లి తహసీల్దార్‌ రాఘవేంద్రరావు, డీటీ నవీన్‌కుమార్‌, భీమారం తహసీల్దార్‌ సదానందం, ఎంపీడీవో మధుసూదన్‌ పాల్గొన్నారు. ప్రతీ రైతుకు చట్టాన్ని వివరించాలిమంచిర్యాలఅగ్రికల్చర్‌: భూభారతి నూతన ఆర్‌వోఆర్‌ చట్టంలో పొందుపర్చిన హక్కులు, అంశాలను ప్రతీ రైతుకు వివరించాలని రాష్ట్ర మంత్రి పొంగులేటి శ్రీనివాస్‌రెడ్డి అన్నారు. మంగళవారం హైదరాబాద్‌ నుంచి రాష్ట్ర ప్రభుత్వ ప్రధాన కార్యదర్శి శాంతికుమారి, ఇతర ఉన్నత అధికారులతో కలిసి వీడియో కాన్ఫరెన్స్‌ ద్వారా జిల్లా కలెక్టర్‌, అదనపు కలెక్టర్‌, గృహ నిర్మాణాశాఖ అధికారులతో సమీక్ష సమావేశం నిర్వహించారు. ఈ కార్యక్రమంలో జిల్లా అదనపు కలెక్టర్‌ మోతిలాల్‌, హౌసింగ్‌ పీడీ బన్సీలాల్‌ పాల్గొన్నారు.

● 44.3 డిగ్రీలకు చేరుకున్న గరిష్ట ఉష్ణోగ్రతలు ● వడదెబ్బతో జిల్లాలో ఇప్పటివరకు ఇద్దరు మృతి మంచిర్యాలఅగ్రికల్చర్‌: జిల్లాలో సూరీడు భగ భగ మండిపోతున్నాడు. నాలుగు రోజులుగా జనాలు బయటకు రావడానికి జంకుతున్నారు. ఉక్కపోతతో ఉక్కిరిబిక్కిరి అవుతున్నారు. వడదెబ్బ తగిలి జిల్లాలో ఇప్పటివరకు ఇద్దరు మృతిచెందారు. ఉదయం ఎండలు, సాయంత్రం కాగానే మబ్బులు కమ్ముకొని ఈదురుగాలులు, తేలికపాటి నుంచి మోస్తారు వర్షం కురుస్తుంది. మంగళవారం భీమారం మండలంలో 44.3 డిగ్రీల గరిష్ణ ఉష్ణోగ్రత నమోదైంది. నాలుగు రోజులుగా గరిష్ట ఉష్ణోగ్రతలు 42 నుంచి 45 డిగ్రీల మధ్య నమోదవుతున్నాయి. ఉదయం 9 గంటలకే ఎండ వేడిమి మొదలవుతుంది. మధ్యాహ్నం 12 గంటల నుంచి రోడ్లన్నీ నిర్మానుష్యంగా మారుతున్నాయి. సింగరేణి బొగ్గు గని ఏరియాలో ఎండవేడిమి మరింత ఎక్కువగా ఉంటోంది. ఓపెన్‌కాస్టుల్లో కార్మికులు అల్లాడిపోతున్నారు. రానున్న మే నెలలో ఉష్ణోగ్రతలు మరింత పెరిగే అవకాశాలు ఉన్నాయి.జిల్లాలో గత నాలుగు రోజుల్లో నమోదైన ఉష్ణోగ్రతలుగొడుగుతో వెళ్తున్న కలెక్టరేట్‌ ఉద్యోగులుతేదీ కనిష్టం గరిష్టం 19 26.2 42.6 20 27.6 42.8 21 28.4 43.6 22 29.2 44.3

తాండూర్‌: ఏజెన్సీ గ్రామాల సమస్యల పరి ష్కారానికి ప్రత్యేక చర్యలు తీసుకుంటున్నామని ఉట్నూర్‌ ఐటీడీఏ పీవో ఖుష్బూ గుప్తా అన్నారు. మంగళవారం మండలంలోని రేచి నీ గ్రామ పంచాయతీ పరిధి గజ్జలపల్లి, తోటిగూడ గ్రామాలను ఆమె ఆకస్మికంగా సందర్శించారు. సమస్యలపై స్థానికులను అడిగి తెలుసుకున్నారు. అంగన్‌వాడీ కేంద్రం సందర్శించారు. పిల్లలు, గర్భిణులకు పౌష్టికాహా రం పంపిణీ సరిగా జరగడం లేదని ఫిర్యాదు రావడంతో అంగన్‌వాడీ టీచర్‌పై పీవో ఆగ్రహం వ్యక్తం చేశారు. గ్రామాల్లో తాగునీటి స మస్య సత్వరమే పరిష్కరించాలని అధికారులను ఆదేశించారు. అనంతరం పీవో మండల ప్రజా పరిషత్‌ కార్యాలయంలో అధికారులతో సమావేశం అయ్యారు. పోడు భూములకు పట్టాలు ఇవ్వాలని కిష్టంపేట గ్రామస్తులు, నర్సాపూర్‌ పరిధిలోని రెండు చెరువుల్లో పూడిక తీత తీయించాలని, గ్రామ శివారులో ని రోడ్డుపై బ్రిడ్జి నిర్మాణం చేపట్టాలని నాయకులు విన్నవించారు. ఆయా సమస్యలు పరిష్కరించాలని అధికారులను పీవో ఆదేశించారు. తహసీల్దార్‌ ఇమ్రాన్‌ఖాన్‌, ఎంపీడీవో శ్రీనివాస్‌, అధికారులు పాల్గొన్నారు.

● కీలక నిర్ణయం తీసుకున్న రాష్ట్ర ప్రభుత్వం ● విపత్తుల నిర్వహణ ప్రత్యేక ప్రధాన కార్యదర్శి ఉత్తర్వులు ● బాధిత కుటుంబాలకు ఊరటబెల్లంపల్లి: రాష్ట్ర ప్రభుత్వం ప్రకృతి విపత్తుల కారణంగా మృతిచెందినవారి కుటుంబాల కోసం సానుకూల నిర్ణయం తీసుకుంది. వడగాల్పులు లేదా ఎండ తీవ్రత వల్ల మరణిస్తే, బాధిత కుటుంబాలకు అందించే విపత్తు సాయాన్ని రూ.50 వేల నుంచి రూ.4 లక్షలకు పెంచింది. వడదెబ్బను ప్రత్యేక విపత్తుగా గుర్తించిన ప్రభుత్వం, ఈ సాయం అందించేందుకు విధివిధానాలను నిర్దేశించింది. విపత్తు నిర్వహణ విభాగం ప్రత్యేక ప్రధాన కార్యదర్శి అరవింద్‌కుమార్‌ ఈ మేరకు ఉత్తర్వులు జారీ చేశారు. నిరుపేదలే బాధితులు.. ఎండాకాలంలో వడదెబ్బ కారణంగా ఏటా పదుల సంఖ్యలో మృత్యువాత పడుతున్నారు. గంటల తరబడి ఎండలో పనిచేసే గ్రామీణ ఉపాధి కూలీలు, భ వన నిర్మాణ కార్మికులు, అసంఘటిత రంగ కార్మికులు, చిరు వ్యాపారులు, యాచకులు ఎక్కువగా బాధితులు అవుతున్నారు. ఉమ్మడి ఆదిలాబాద్‌ జిల్లాలో ఏప్రిల్‌ నుంచి జూన్‌ 15 వరకు ఉష్ణోగ్రతలు 35 నుంచి 48 డిగ్రీల సెల్సియస్‌కు చేరుతాయి. మంచిర్యాల జిల్లాలోని సింగరేణి కోల్‌బెల్ట్‌ ప్రాంతం నిప్పుల కుంపటిగా మారుతుంది. కుమురంభీం ఆసిఫాబాద్‌, ఆదిలాబాద్‌, నిర్మల్‌ జిల్లాల్లోనూ వడగాల్పులు జనజీవనాన్ని అస్తవ్యస్తం చేస్తున్నాయి. మరణ నిర్ధారణకు మండల కమిటీ వడదెబ్బతో మరణించినట్లు నిర్ధారించేందుకు మండలస్థాయిలో ప్రభుత్వం కమిటీని ఏర్పాటు చేస్తుంది. ఈ కమిటీలో తహసీల్దార్‌(రెవెన్యూ శాఖ), సబ్‌–ఇన్‌స్పెక్టర్‌ (పోలీసు శాఖ), మండల వైద్యాధికారి (వైద్య శాఖ) సభ్యులుగా ఉంటారు. కమిటీ మార్గదర్శకాల ప్రకారం మరణాన్ని ధ్రువీకరించి, ఎఫ్‌ఐఆర్‌ నమోదు చేసి, పోస్ట్‌మార్టం నిర్వహిస్తుంది. ఆ తర్వాత కలెక్టర్‌ ఆమోదంతో బాధిత కుటుంబానికి పరిహారం అందజేస్తారు. ఉపశమనం కోసం ప్రభుత్వం చర్యలు వడదెబ్బ మరణాలకు పరిహారాన్ని గణనీయంగా పెంచడం ద్వారా రాష్ట్ర ప్రభుత్వం బాధిత కుటుంబాలకు ఆర్థిక ఊరట కల్పించనుంది. సత్వర నిర్ధారణ, పారదర్శక పరిహార పంపిణీతో విపత్తు నిర్వహణ వ్యవస్థను బలోపేతం చేయడం ఈ నిర్ణయం లక్ష్యం.

మంచిర్యాలటౌన్‌: తెలంగాణ ఉద్యమం 1969, 1972 లలో పెద్ద ఎత్తున సాగినా నాడు తెలంగాణను సాధించుకోలేక పోయాం. తెలంగాణ సాధన కోసం నాడు కేసీఆర్‌ తన ఎమ్మెల్యే పదవికి రాజీనామా చేసి టీఆర్‌ఎస్‌ను స్థాపించి అన్ని పార్టీలు, అన్ని వర్గాల ప్రజలను కలుపుకొని ముందుకుసాగారు. 2009లో కేసీఆర్‌ తెలంగాణ కోసం దీక్షా దివాస్‌తో కేంద్రం కదిలివచ్చి డిసెంబర్‌ 9న తెలంగా ణను ప్రకటించింది. అయినా ఎన్నో ఇబ్బందులకు గురిచేయడంతో రాష్ట్రం మొత్తాన్ని ఏకం చేసి పోరాడిన ఘనత కేసీఆర్‌ది. 2014లో రాష్ట్ర పగ్గాలు చేప ట్టి దేశానికే దిక్సూచిలా పదేళ్లు చేసిన పరిపాలన, పథకాలు, అభివృద్ధి ఎనలేనిది. రెండుసార్లు ఎమ్మెల్యేగా ప్రజలు అవకాశం ఇవ్వడంతో అభివృద్ధి చేసేందుకు అవకాశం వచ్చింది. ఈ నెల 27న చరిత్రలో నిలిచిపోయేలా రజతోత్సవ సభ నిర్వహిస్తాం. – మాజీ ఎమ్మెల్యే నడిపెల్లి దివాకర్‌రావు, మంచిర్యాల

ఉట్నూర్‌రూరల్‌: గిరిజనుల సమస్యలు త్వరగా ప రిష్కరించాలని ఐటీడీఏ పీవో ఖుష్బూ గుప్తా అధి కారులను ఆదేశించారు. సోమవారం ఉట్నూర్‌ ఐటీడీఏ కార్యాలయంలో ప్రజావాణి నిర్వహించారు. వివిధ ప్రాంతాల నుంచి వచ్చిన ప్రజలు పీవోకు అ ర్జీలు అందించారు. సమస్యలు పరిష్కరించాలని కో రారు. ఈ సందర్భంగా పీవో మాట్లాడుతూ.. ప్రజా వాణికి పింఛన్‌, డబుల్‌ బెడ్రూం, స్వయం ఉపాధి పథకాల కోసం, వ్యవసాయం, రెవెన్యూ శాఖలకు సంబంధించిన 65 అర్జీలు వచ్చినట్లు తెలిపారు. వీ టిని వెంటనే పరిష్కరించాలని సంబంధిత అధికా రులను ఆదేశించినట్లు పేర్కొన్నారు. కార్యక్రమంలో ఆయా శాఖల అధికారులు పాల్గొన్నారు.

● దళిత వైద్యుడిపై మరో వైద్యుడి వ్యాఖ్యలు సాక్షి ప్రతినిధి, మంచిర్యాల: ఇండియన్‌ మెడికల్‌ అసోసియేషన్‌(ఐఎంఏ) మంచిర్యాల చాప్టర్‌లో కుల రాజకీయం వివాదాస్పదమైంది. గత సెప్టెంబర్‌లో జిల్లా అసోసియేషన్‌ ఎన్నికల సందర్భంగా పోటీలో ఉన్న ఓ సీనియర్‌ వైద్యుడు.. మరో వైద్యుడిపై తన సామాజిక వర్గాన్ని ఉద్దేశిస్తూ చేసిన అ భ్యంతకర వ్యాఖ్యలపై విచారణ మొదలైంది. జిల్లా ఎన్నికల్లో గెలిచేందుకు పోటీలో ఉన్న ఓ సీని యర్‌ వైద్యుడు.. పోటీదారుడైన ఓ దళిత సీనియర్‌ వైద్యుడిపై తీవ్ర ఆరోపణ చేశారు. ఆ సమయంలోనే పో లీసులకు ఫిర్యాదు చేశారు. గత సెప్టెంబర్‌లో ఫిర్యా దు చేసినా ఇప్పటికీ కేసు నమోదు కాలే దు. అంతేగాక జిల్లా ఐఎంఏలో కీలకంగా ఉన్న ఆ వైద్యుడు తనపై ఎస్సీ, ఎస్టీ అట్రాసిటీ కేసు కాకుండా అనేక ర కాలుగా పలుకుబడి వాడి ఒత్తిడి తెస్తున్నట్లుగా తె లుస్తోంది. దీనిపై సదరు వైద్యుడు, సంధి చేసుకుని కేసు కాకుండా ఉండేందుకు మొదట క్షమాపణ చె ప్పి కూడా, మళ్లీ తన మాటలకు కట్టుబడి ఉన్నానంటూ ప్రకటించాడు. దీంతో తాజాగా మళ్లీ వివాదం రాజుకుంటోంది. ఈ క్రమంలో కుల ప్రస్తావన తెచ్చి తనను మానసికంగా ఇబ్బంది పెట్టి ఎన్నికల్లో గెలిచారని రారష్ట్‌ర ఐఎంఏ ప్రతినిధులకు ఫిర్యాదు వెళ్లింది. దీంతో రెండు రోజుల క్రితం నిజ నిర్ధారణ కమిటీ జిల్లా అసోసియేషన్‌ సభ్యుల నుంచి ఈ ఘటనపై వివరాలు సేకరించింది. త్వరలోనే రాష్ట్ర కమిటీకి పూర్తి నివేదిక ఇవ్వనున్నట్లు తెలిసింది. ఈ నేపథ్యంలో జిల్లా వైద్య అసోసియేషన్‌ ఎన్నికల్లో కుల ప్రస్తావన తెచ్చినట్లు రుజువైతే గెలిచిన ఆ ప్రతినిధిపై చర్యలు తీసుకునే అవకాశం ఉంది. కార్మిక సమస్యలపై ఆందోళనలు శ్రీరాంపూర్‌: సింగరేణిలో కార్మికుల ప్రధాన సమస్యల పరిష్కారానికి ఆందోళనలు చేపట్టనున్నట్లు టీబీజీకేఎస్‌ నాయకులు తెలిపారు. సోమవారం ఆ యూనియన్‌ కేంద్ర ప్రధాన కార్యదర్శి కేతిరెడ్డి సురేందర్‌రెడ్డి, బ్రాంచ్‌ ఉపాధ్యక్షుడు పెట్టం లక్ష్మణ్‌ శ్రీరాంపూర్‌ ప్రెస్‌క్లబ్‌లో నిర్వహించిన విలేకరుల సమావేశంలో మాట్లాడారు. సింగరేణిలో నూతన గనులు కేటాయించాలని డిమాండ్‌ చేశారు. కొత్త గనులు లేకపోతే సంస్థ అభివృద్ధి కుంటుపడే ప్రమాదం ఉందన్నారు. సింగరేణిలో అనుబంధ పరిశ్రమలు ఏర్పాటు చేసి ఉద్యోగ, ఉపాధి అవకాశాలు కల్పించాలని అన్నారు. సమస్యలపై మంగళవారం సింగరేణి వ్యాప్తంగా అన్ని గనులు, డిపార్టుమెంట్ల వద్ద అధికారులకు వినతిపత్రాలు సమర్పిస్తామని, 25న జీఎం కార్యాలయం ముందు ధర్నా చేస్తామని తెలిపారు. ఈ నెల 27న ఎల్కతుర్తిలో జరిగే బీఆర్‌ఎస్‌ బహిరంగ సభకు కార్మికవర్గం రావాలని పిలుపునిచ్చారు. వాల్‌పోస్టర్లు విడుదల చేశారు. యూనియన్‌ కేంద్ర కమిటీ నాయకులు పొగాకు రమేష్‌, పానుగంటి సత్తయ్య, అన్వేష్‌రెడ్డి, నాయకులు ఉత్తేజ్‌రెడ్డి, సాధుల భాస్కర్‌, రమేష్‌, లాల, జయపాల్‌రెడ్డి, వెంకట్‌రెడ్డి పాల్గొన్నారు.

లక్ష్మణచాంద: పండంటి మగ బిడ్డకు జన్మనిచ్చి అంతలోనే బాలింత ప్రాణాలు కో ల్పోయిన విషాదకర ఘటన మండలంలోని మల్లాపూర్‌ గ్రామంలో చోటు చేసుకుంది. గ్రామస్తులు, చుట్టుపక్కల వారు తెలిపిన వివరాల ప్రకారం.. మండలంలోని బాపట్ల ఆశన్న–లలిత దంపతుల చిన్న కుమారుడు అరుణ్‌కు మూడేళ్ల క్రితం ఖానాపూర్‌కు చెందిన హేమశ్రీతో వివాహమైంది. ఏడాదిన్నర క్రితం హేమశ్రీ మొదటి సంతానంగా మగ బిడ్డకు జన్మనిచ్చింది. ఆదివారం నిర్మల్‌లోని ఓ ఆస్పత్రిలో రెండో సంతానంగా మరో మగబిడ్డను ప్రసవించింది. అంతలోనే హేమశ్రీకి గుండెపోటు వచ్చి ఆరోగ్యం విషమించిందని వైద్యులు కుటుంబీకులకు పిడుగులాంటి వార్త చెప్పారు. దీంతో హేమశ్రీ కుటుంబ సభ్యులు ఆందోళనకు గురయ్యారు. మెరుగైన చికిత్స కోసం ఆమెను నిజామాబాద్‌ ఆస్పత్రికి తరలించారు. అక్కడి వైద్యులు పరీక్షించి హేమశ్రీ మృతి చెందినట్లు తెలిపారు. దీంతో మల్లాపూర్‌లో విషాదఛాయలు అలుముకున్నాయి. పుట్టిన బిడ్డను కూడా చూడకుండానే ఆ తల్లి కన్నుమూయగా ఆమె కుటుంబ సభ్యులు, బంధువులు రోధించిన తీరు ప్రతి ఒక్కరినీ కంటతడి పెట్టించింది.

● బీజేపీ జిల్లా అధ్యక్షుడు నగునూరి వెంకటేశ్వర్‌గౌడ్‌ ● అటవీశాఖ కార్యాలయంలో వినతిపత్రం చెన్నూర్‌: పోడు భూములు సాగు చేసుకుని జీ వనం సాగిస్తున్న రైతులను ఇబ్బందులకు గురి చేస్తే సహించేది లేదని, పోడు రైతులకు అండగా ఉంటామని బీజేపీ జిల్లా అధ్యక్షుడు నగునూరి వెంకటేశ్వర్‌గౌడ్‌ అన్నారు. పోడు రైతులను ఇబ్బందులకు గురి చేయడాన్ని ఆపాలని డిమాండ్‌ చేస్తూ బీజేపీ ఆధ్వర్యంలో సోమవారం చెన్నూర్‌ ఎఫ్‌డీవో కార్యాలయంలో అధి కారులకు వినతిపత్రం అందజేశారు. ఈ సందర్భంగా ఆయన మాట్లాడుతూ కోటపల్లి మండలం పిన్నారం, ఎసాన్‌వాయి, బొప్పారం, ఎడగట్ట గ్రామాల్లో పోడు రైతులను కొందరు అధి కారులు ఇబ్బందులకు గురి చేస్తున్నారని ఆరో పించారు. రైతుల ఎద్దులు, నాగళ్లను తీసుకెళ్లడం ఎంతవరకు సమంజసమని ప్రశ్నించారు. గతంలో ఫా రెస్ట్‌ అధికారులు నాలుగు గ్రామాల్లో కందకాలు ఏ ర్పాటు చేశారని, వాటి అవతల వ్యవసాయం చేసుకుంటున్న రైతులను చిత్రహింసలకు గురిచేయడం బాధాకరమని అన్నారు. కోటపల్లి అటవీ అధికా రుల తీరుపై ఉన్నతాధికారుల దృష్టికి తీసుకెళ్తామని తెలిపా రు. ఈ కార్యక్రమంలో కోటపల్లి మండల బీ జేపీ అధ్యక్షుడు మంత్రి రామయ్య, సీనియర్‌ నాయకులు పెద్దపల్లి పురుషోత్తం, మాజీ కౌన్సి లర్‌ కమ్మల శ్రీనివాస్‌, వంశీగౌడ్‌ పాల్గొన్నారు.

నస్పూర్‌: భూభారతి నూతన ఆర్‌ఓఆర్‌ చట్టంపై రై తులందరూ పూర్తి స్థాయి అవగాహన కలిగి ఉండాలని జిల్లా కలెక్టర్‌ కుమార్‌ దీపక్‌ అన్నారు. పట్టణ పరిధిలోని సీతారాంపల్లి రైతువైదిక వద్ద భూభారతి నూతన ఆర్‌ఓఆర్‌ చట్టంపై రైతులకు సోమవారం అవగాహన కల్పించారు. కలెక్టర్‌ మాట్లాడుతూ నూ తన చట్టంపై ఈ నెల 30 వరకు జిల్లాలోని అన్ని మండలాల్లో సదస్సులు నిర్వహించి అవగాహన క ల్పిస్తామని తెలిపారు. హక్కులు, రికార్డుల్లో తప్పు ల సవరణకు అవకాశం కల్పించినట్లు తెలిపారు. భూఆధార్‌ కార్డులు జారీ చేస్తామని, భూ సమస్యల పరిష్కారానికి అప్పీల్‌ వ్యవస్థను ఏర్పాటు చేశారని, జూన్‌ 2 నుంచి చట్టం పూర్తి స్థాయిలో అమల్లోకి వస్తుందని అన్నారు. అదనపు కలెక్టర్‌ మోతీలాల్‌, మంచిర్యాల ఆర్‌డీఓ శ్రీనివాస్‌రావు, తహసీల్దార్‌ శ్రీనివాస్‌, రైతులు పాల్గొన్నారు. ధాన్యం కొనుగోళ్లు వేగవంతం చేయాలి లక్సెట్టిపేట: వరి ధాన్యం కొనుగోళ్లు వేగవంతం చేయాలని కలెక్టర్‌ కుమార్‌ దీపక్‌ అన్నారు. సోమవారం మండలంలోని కొత్తూరు, వెంకట్రావ్‌పేట, ఎల్లారం గ్రామాల్లో వరి ధాన్యం కొనుగోలు కేంద్రాలను పరిశీలించారు. నిర్వాహకులు రైతుల వివరాలు ట్యాబ్‌లో నమోదు చేయాలని సూచించారు. ధాన్యం రశీదులు రైతులకు అప్పగించాలని అన్నారు. కొనుగోలు కేంద్రం నిర్వహకులు, గ్రామ సమైఖ్య సభ్యులు పాల్గొన్నారు. వరిధాన్యం బకాయిలు చెల్లించాలి మంచిర్యాలఅగ్రికల్చర్‌: గత 2022–23 యాసంగి సీజన్‌ వరిధాన్యం బకాయి ఉన్న రైస్‌మిల్లరు వెంట నే పూర్తిగా చెల్లించాలని జిల్లా కలెక్టర్‌ కుమార్‌ దీపక్‌ అన్నారు. సోమవారం కలెక్టర్‌ చాంబర్‌లో జిల్లా అదనపు కలెక్టర్‌ మోతీలాల్‌తో కలిసి జిల్లా పౌరసరఫరాల అధికారి బ్రహ్మారా వు, జిల్లా మేనేజర్‌ శ్రీకళ, రైస్‌మిల్లర్లతో బకాయి చెల్లింపులపై సమీక్ష సమావేశం నిర్వహించారు. కలెక్టర్‌ మాట్లాడుతూ వరిధాన్యం బకాయి ఉన్న దాదాపు రూ.87 కోట్లు రైస్‌మిల్లర్లు వెంటనే చెల్లించాలని, రూ.కోటిలోపు ఉన్న వారు తక్షణమే చెల్లించాలని పేర్కొన్నారు. కలెక్టర్‌ కుమార్‌ దీపక్‌

● జిల్లా కలెక్టర్‌ కుమార్‌ దీపక్‌ మంచిర్యాలఅగ్రికల్చర్‌: ప్రజావాణిలో వచ్చిన ఫిర్యాదులు పరిశీలించి సత్వరమే పరిష్కరించాలని జిల్లా కలెక్టర్‌ కుమార్‌ దీపక్‌ ఆదేశించారు. సోమవారం కలెక్టరేట్‌ సమావేశ మందిరంలో జిల్లా అదనపు కలెక్టర్‌ మోతీలాల్‌, మంచిర్యాల, బెల్లంపల్లి ఆర్డీవోలు శ్రీనివాస్‌రావు, హరికృష్ణలతో కలిసి అర్జీ లు స్వీకరించారు. భూ సమస్యలు, పింఛన్‌, పరి హారం తదితర సమస్యలపై ప్రజలు ఫిర్యాదులు అందజేశారు. కలెక్టర్‌ మాట్లాడుతూ ఆయా శాఖ లకు సంబంధించిన అర్జీలు పెండింగ్‌లో ఉంచరాద ని అన్నారు. అధికారుల పరిధిలో సమస్య పరి ష్కారం కాకుంటే చెప్పాలని తెలిపారు. ఈ కార్యక్రమంలో ఆయా శాఖ అధికారులు పాల్గొన్నారు. ● భీమారం మండలం గొల్లవాగు ప్రాజెక్టులో చేపలు పట్టుకోనివ్వకుండా కొంతమంది భయభ్రాంతులకు గురిచేస్తున్నారని, చేపలు పట్టుకునేలా ఆదేశాలు ఇవ్వాలని, సంబంధిత వ్యక్తులపై చర్యలు తీసుకోవాలని భీమారం మత్స్యపారిశ్రామిక సహకార సంఘం సభ్యులు కోరారు.

బెల్లంపల్లి: ఇతర రాజకీయ పార్టీల మాదిరిగానే బీఆర్‌ఎస్‌ పార్టీకి ఎంతో ఘనచరిత్ర ఉంది. స్వ రాష్ట్ర సాధన కోసం ఆవిర్భవించిన టీఆర్‌ఎస్‌ ప్రజా సహకారంతో వీరోచితంగా పోరాడి అనుకున్న లక్ష్యాన్ని సాధించి నాలుగు కోట్ల ప్రజల ఆకాంక్షను నెరవేర్చింది. తెలంగాణ రాష్ట్రం ఏర్పడ్డాక రాజకీయ పార్టీగా ఏర్పడి సాధించుకున్న తెలంగాణను బంగారుమయం చేయడానికి పార్టీ వ్యవస్థాపక అధ్యక్షుడు, మాజీ సీఎం కేసీఆర్‌ 10ఏళ్లపాటు కష్టపడ్డారు. ఎందరో అమరులు తెలంగాణ కోసం ప్రాణాలు వదిలారు. ఒక్కడితో ఏర్పడిన పార్టీ క్రమంగా బలోపేతమైంది. బీఆర్‌ఎస్‌ పార్టీ చరిత్రతో మరే రాజకీయ పార్టీని చూడలేం. బీఆర్‌ఎస్‌తోనే రాష్ట్ర ప్రజల జీవితం ముడి పడి ఉంది. – మాజీ ఎమ్మెల్యే దుర్గం చిన్నయ్య, బెల్లంపల్లి

● ప్రత్యేక కార్యాచరణ చేపట్టిన సీపీ ● నిందితులకు శిక్ష పడటమే లక్ష్యం ● పకడ్బందీగా సాక్ష్యాధారాల సేకరణ ● ఏడాదిలో 135 మందికి జైలు శిక్ష ● ఈ ఏడాది శిక్షలు పెంచేలా చర్యలు మంచిర్యాలక్రైం: ఒక్కసారి నేరం చేసినవారు మరో సారి నేరాలకు పాల్పడకుండా వారికి సరైన శిక్ష పడేలా రామగుండం సీపీ అంబర్‌ కిషోర్‌ ఝూ ప్రత్యేక కార్యాచరణతో ముందుకెళ్తున్నారు. ఎఫ్‌ఐఆర్‌ న మోదు నుంచి నిందితుడికి శిక్ష పడేదాకా అన్ని జా గ్రత్తలు తీసుకుంటున్నారు. పక్కాగా సాక్ష్యాలు సేకరించి శిక్షల శాతాన్ని పెంచుతున్నారు. ఇప్పటికే ప లుసార్లు కమిషనరేట్‌ పోలీస్‌ అధికారులు, కోర్టు డ్యూటీ నిర్వహిస్తున్న కానిస్టేబుల్‌, లైసన్‌ ఆఫీసర్లతో సీపీ సమావేశం నిర్వహించి దిశానిర్దేశం చేశారు. 2024లో రామగుండం కమిషనరేట్‌ పరిధిలో 80 కే సుల్లో 135 మంది నిందితులకు శిక్ష పడేలా చేశారు. పెద్దపల్లి జిల్లాలో రెండు కేసుల్లో ముగ్గురికి యావజ్జీవ కారాగారం, మరో రెండు కేసుల్లో ఆరుగురికి పదేళ్ల జైలు, మంచిర్యాల జిల్లాలో మూడు కేసుల్లో ముగ్గురికి ఐదేళ్లు శిక్ష పడేందుకు కృషి చేశారు. శిక్షలు పడిన ఘటనలు కొన్ని.. ● 2016 సెప్టెంబర్‌ 17న మంచిర్యాల ఠాణా పరిధిలోని ఘడ్‌పూర్‌ పంచాయతీ పరిధి బాబానగర్‌కు చెందిన సండ్ర లక్ష్మణ్‌, అనిల్‌, అశోక్‌ను అదే గ్రామానికి చెందిన మనుబోతుల శ్రీనివాస్‌ గొడ్డలి, కత్తితో దాడి చేసి గాయపరిచాడు. అప్పటి ఎస్సై వేణుగోపాల్‌రావు శ్రీనివాస్‌పై కేసు నమోదు చేసి రిమాండ్‌కు తరలించారు. అప్పటి న్యాయమూర్తి అర్పిత మారంరెడ్డి ఎదుట పీపీ మదన్‌మోహన్‌రావు కోర్టులో సాక్ష్యాలు ప్రవేశపెట్టగా నేరం రుజువైంది. దీంతో శ్రీనివాస్‌కు ఐదేళ్ల జైలు, రూ.వెయ్యి జరిమానా విధిస్తూ 2024 మే 8న తీర్పునిచ్చారు. ● 2022లో మంచిర్యాల జిల్లా కన్నెపెల్లి ఠాణా పరిధి సుర్జాపూర్‌కు చెందిన దాసరి శ్రీనివాస్‌, రాజన్న బైక్‌పై వెళ్తుండగా అదే గ్రామానికి చెందిన పూదరి చంద్రశేఖర్‌ తన ట్రాక్టర్‌తో బైక్‌ ఎక్కించి గొడ్డలితో నరికి చంపుతానని బెదిరించాడు. ఫిర్యాదు అందుకున్న అప్పటి ఎస్సై గంగారాం కేసు నమోదు చేశారు. కోర్టులో నేరం రుజువు కాగా అప్పటి న్యాయమూర్తి అర్పిత మారంరెడ్డి చంద్రశేఖర్‌కు ఐదేళ్ల జైలు శిక్ష విధిస్తూ తీర్పునిచ్చారు. ● 2017 అక్టోబర్‌ 21న జిల్లాలోని లక్సెట్టిపేట ఠాణా పరిధి ఇందిరానగర్‌లో ఇంటి ప్రహరీ విషయంలో మామిడి మల్లయ్య, దుంపల బంగారమ్మకు గొడవ జరిగింది. బంగారమ్మ, ఆమె కుమారులు సురేశ్‌, నరేశ్‌ మల్లయ్య కుమారులు చంద్రమౌళి, రాజగోపాల్‌, కృష్ణంరాజుపై తల్వార్లతో దాడి చేయగా చంద్రమౌళి మృతి చెందాడు. రాజగోపాల్‌, కృష్ణంరాజును గాయపరిచారు. ఈ కేసులో నిందితులను అరెస్ట్‌ చేసి కోర్టులో హాజరుపరిచి సాక్ష్యాధారాలు ప్రవేశపెట్టగా నేరం రుజువైంది. బంగారమ్మ, నరేశ్‌, సురేశ్‌కు ఏడేళ్ల జైలు శిక్ష విధిస్తూ అప్పటి న్యాయమూర్తి డీ వెంకటేశ్‌ 2022 జనవరి 8న తీర్పునిచ్చారు. నేరస్తులు తప్పించుకోలేరు నేరం చేసిన వారు చట్టం చేతి నుంచి తప్పించుకోలేరు. సీసీ ఫుటేజీ, వేలిముద్రలు, సెల్‌ఫోన్‌ కాల్‌డేటా, ఫోరెన్సిక్‌ ల్యాబ్‌ రిపోర్టు, ఇతర సాంకేతిక పరిజ్ఞానాన్ని ఉపయోగిస్తున్నాం. పంచనామా సమయంలో సాక్షులు ఇచ్చిన వాంగ్మూలాన్ని వీడియో రికార్డ్‌ చేసి కోర్టుకు అందజేస్తున్నాం. నేర దర్యాప్తులో ప్రతిభ కనబరిచిన అధికారులకు రివార్డులిస్తూ ప్రోత్సహిస్తున్నాం. – ఎగ్గడి భాస్కర్‌, డీసీపీ, మంచిర్యాల

బాసర: యుటాక్‌ స్టేట్‌ అసోసియేషన్‌ పిలుపుమేరకు నిర్మల్‌ జిల్లా బాసర ఆర్జీయూకేటీ టీచింగ్‌ ఎంప్లాయీస్‌ అసోసియేషన్‌ ఆధ్వర్యంలో కాంట్రాక్ట్‌ అధ్యాపకులు సోమవారం నిరవధిక సమ్మె ప్రారంభించారు. 17 ఏళ్లుగా పని చేస్తున్న తమ ను రెగ్యులరైజ్‌ చేయాలని అడ్మినిస్ట్రేటివ్‌ బిల్డింగ్‌ ఎదుట ప్లకార్డులతో నిరసన తెలిపారు. ఈ సందర్భంగా అసోసియేషన్‌ అధ్యక్షుడు శ్రీశైలం మా ట్లాడారు. బాసర ఆర్జీయూకేటీ కాంట్రాక్ట్‌ అధ్యాపకులతో ప్రారంభమైందని, విశ్వవిద్యాలయ పు రోగతికి తమవంతు కృషి చేస్తున్నామని తెలిపా రు. కాంట్రాక్ట్‌ వ్యవస్థకు ముగింపు పలికి విశ్వవి ద్యాలయాల అభివృద్ధికి పాటుపడాలని కోరారు. కార్యక్రమంలో డాక్టర్‌ మధుసూదన్‌, డాక్టర్‌ విజ య్‌కుమార్‌, మందా సతీశ్‌కుమార్‌, డాక్టర్‌ రాములు, శ్రీధర్‌, తిలక్‌రెడ్డి, భానుప్రియ, రమాదేవి, ప్రశాంతి, రజితారెడ్డి, శ్రీకాంత్‌ పాల్గొన్నారు. 13వ రోజుకు అసిస్టెంట్‌ ప్రొఫెసర్ల దీక్ష ఆర్జీయూకేటీ కాంట్రాక్ట్‌ అసిస్టెంట్‌ ప్రొఫెసర్లు చే పట్టిన నిరవధిక నిరసన దీక్ష సోమవారం 13వ రోజుకు చేరింది. తమకు అదనపు బాధ్యతలు వ ద్దని, రెగ్యులర్‌ చేయాలని, తమ సేవలు గుర్తించాలని ఆందోళన కొనసాగిస్తున్నారు. ఎర్రటి ఎండలో గొడుగులు పట్టుకుని విశ్వవిద్యాలయం ఆ వరణలో నిరసన తెలిపారు. కార్యక్రమంలో ఉ పేంద్ర, కృష్ణప్రసాద్‌, ఖలీల్‌, డాక్టర్‌ కుమార్‌ రా గుల, డాక్టర్‌ విఠల్‌, ప్రకాశ్‌, డాక్టర్‌ రోషన్‌, డాక్టర్‌ సాయికృష్ణ, డాక్టర్‌ పావని, డాక్టర్‌ శ్వేత, డాక్టర్‌ స్వాతి తదితరులు పాల్గొన్నారు.

భీమిని: కన్నెపల్లి మండలం టేకులపల్లి గ్రామపంచాయతీ కార్యాలయం వద్ద ఓ వ్యక్తిపై దాడి చేసిన ముగ్గురిని అరెస్ట్‌ చేసి బైండోవర్‌ చేసినట్లు ఎస్సై గంగారాం తెలిపారు. ఆయన తెలిపిన వివరాల ప్రకారం.. భీమిని మండలం మల్లీడి గ్రామానికి చెందిన పెద్దపల్లి ప్రశాంత్‌ సోమవారం కన్నెపల్లి మండలంలోని టేకులపల్లి గ్రామంలో చేపట్టిన తన ఇంటి నిర్మాణ పనుల్లో ఉన్నాడు. మల్లీడి గ్రామానికి తన బంధువులైన పెద్దపల్లి నగేశ్‌, పెద్దపల్లి గణేశ్‌, పెద్దపల్లి సురేశ్‌ పాతకక్షలతో ప్రశాంత్‌పై చేతులు, కర్రలతో దాడి చేశారు. ప్రశాంత్‌ ఫిర్యాదు మేరకు దర్యా ప్తు చేపట్టినట్లు ఎస్సై తెలి పారు. మరోసారి గొడవ పడకుండా తహసీల్దార్‌ శ్రవణ్‌కుమార్‌ ఎదుట బైండోవర్‌ చేసినట్లు పేర్కొన్నారు.

బోథ్‌: మండలంలోని నక్కలవాడ గ్రామానికి చెంది న నైతం భూమన్న (35) ఈ నెల 17న పురుగుల మందు తాగి చికిత్స పొందుతూ మృతిచెందాడు. ఎ స్సై ప్రవీణ్‌కుమార్‌ తెలిపిన వివరాల ప్రకారం.. భూమన్న ఓ రైతు వద్ద పాలేరుగా పనిచేస్తున్నాడు. ఈ నెల 17న మద్యం తాగి ఇంట్లో భార్య లక్ష్మితో గొ డవ పడ్డాడు. దీంతో లక్ష్మి మందలించగా క్షణికావేశంలో ఇంట్లో ఉన్న పురుగుల మందు తాగాడు. వెంటనే కుటుంబీకులు బోథ్‌లోని సీహెచ్‌సీకి తరలించారు. మెరుగైన వైద్యం కోసం ఆదిలాబాద్‌లోని రి మ్స్‌కు తరలించగా చికిత్స పొందుతూ సోమవారం మృతిచెందాడు. మృతుడికి భార్య లక్ష్మి, మూడేళ్ల కుమారుడున్నారు. లక్ష్మి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. లక్సెట్టిపేట: మండలంలోని వెంకట్రావ్‌పేట గ్రామానికి చెందిన మునుగంటి చంద్రశేఖర్‌ (51) చికిత్స పొందుతూ మృతి చెందాడు. ఎస్సై సురేశ్‌ తెలిపిన వివరాల ప్రకారం.. చంద్రశేఖర్‌ ఈ నెల 20న పురోహితం ముగించుకుని ఎల్లారం గ్రామ స్టేజీ మీదుగా బైక్‌పై ఇంటికి వెళ్తున్నాడు. ఈ క్రమంలో వెనుక నుంచి కారు ఢీకొట్టింది. ఈ ప్రమాదంలో చంద్రశేఖర్‌కు బలమైన గాయాలు కాగా స్థానికులు లక్సెట్టిపేట ప్రభుత్వ ఆస్పత్రికి తరలించారు. పరిస్థితి విషమించగా హైదరాబాద్‌లోని ప్రైవేట్‌ ఆస్పత్రికి తీసుకువెళ్లి చికిత్స అందిస్తుండగా సోమవారం మృతి చెందాడు. మృతుడికి భార్య, ఇద్దరు పిల్లలున్నారు. కూతురు జాహ్నవి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. రక్తహీనతతో చికిత్స పొందుతూ విద్యార్థిని మృతి గుడిహత్నూర్‌: మండలంలోని తోషం గ్రామానికి చెందిన విద్యార్థిని బోరేకర్‌ సౌజన్య (15) రిమ్స్‌లో చికిత్స పొందుతూ మృతి చెందింది. గ్రామస్తులు తెలిపిన వివరాల ప్రకారం.. సౌజన్య నేరడిగొండ మండలంలోని కేజీబీవీలో తొమ్మిదో తరగతి చదువుతోంది. కొద్ది నెలలుగా రక్త హీనతతో బాధపడుతోంది. ఈ క్రమంలో ఆదివారం ఉదయం ఆమె ఆరోగ్యం క్షీణించింది. వాంతులు, విరోచనాలు కావడంతో ప్రిన్సిపాల్‌ రజిత ఆమె కుటుంబ సభ్యులకు సమాచారం అందించారు. వారు రాకపోవడంతో రాత్రి 10.30 గంటలకు సిబ్బంది సౌజన్యను రిమ్స్‌కు తరలించగా చికిత్స పొందుతూ అర్ధరాత్రి మృతి చెందింది. పాఠశాల సిబ్బంది మృతదేహాన్ని కుటుంబ సభ్యులు అప్పగించారు. ప్రిన్సిపాల్‌ నిర్లక్ష్యంతోనే.. పాఠశాల ప్రిన్సిపాల్‌ నిర్లక్ష్యంతోనే సౌజన్య మృతి చెందిందని ఎస్సీ, ఎస్టీ, బీసీ, మైనార్టీ విద్యార్థి, యు వజన సంఘం రాష్ట్ర అధ్యక్షుడు గవ్వల శ్రీకాంత్‌ ఆ రోపించారు. సౌజన్య కుటుంబీకులను ఆయన పరా మర్శించారు. సౌజన్యను సకాలంలో ఆస్పత్రికి తీసుకెళ్లకపోవడంతోనే మృతి చెందిందని పేర్కొన్నారు. సౌజన్య తండ్రి గతంలోనే మరణించగా తల్లి అనిత కూలీ పనులకు వెళ్లి ముగ్గురు పిల్లలను పోషిస్తోందని తెలిపారు. బాధిత కుటుంబానికి రూ.5లక్షల ఆర్థికసాయం అందించాలని, కేజీబీవీ సిబ్బందిని విధుల నుంచి తొలగించాలని డిమాండ్‌ చేశారు.

జైపూర్‌: మండలంలోని టేకుమట్ల రోడ్డు సమీపంలో ఇందారం ప్లాంటేషన్‌ వద్ద గంజాయి విక్రయించేందుకు వచ్చిన సుల్తానాబాద్‌ పట్టణానికి చెందిన రాటే నగేశ్‌, చౌతాకారి శ్రీకాంత్‌ను అరెస్ట్‌ చేసినట్లు ఎస్పై శ్రీధర్‌ తెలిపారు. ఆయన తెలిపిన వివరాల ప్రకారం.. సుల్తానాబాద్‌ పట్టణానికి చెందిన నగేశ్‌, శ్రీకాంత్‌ కుమురంభీం ఆసిఫాబాద్‌ జిల్లా కాగజ్‌నగర్‌కు బైక్‌పై వెళ్లి అక్కడి గుర్తు తెలియని వ్యక్తుల నుంచి సుమారు 500 గ్రాముల గంజాయి కొనుగోలు చేస్తుంటారు. అందులో కొంత సేవించి మిగతా దా న్ని ప్యాకెట్లుగా చేసి రూ.500 చొప్పున విక్రయించేవారు. వచ్చిన డబ్బులతో మద్యం తాగుతూ జల్సా చేసేవారు. ఈ క్రమంలో అక్కడ గంజాయి కొనుగోలు చేసి స్థానికంగా విక్రయించేందుకు తెస్తుండగా సోమవారం వారిని పట్టుకున్నట్లు ఎస్సై తెలి పారు. వారి నుంచి 102 గ్రాముల గంజాయి, సెల్‌ఫోన్‌, బైక్‌ స్వాధీనం చేసుకున్నట్లు పేర్కొన్నారు.

ఆదిలాబాద్‌టౌన్‌(జైనథ్‌): పేదల ఆరోగ్యంపై ఈ ప్ర భుత్వాలకు వివక్ష ఎందుకని బీసీ, ఎస్సీ, ఎస్టీ జేఏసీ రాష్ట్ర కన్వీనర్‌, ధర్మ సమాజ్‌ పార్టీ రాష్ట్ర అధ్యక్షుడు విశారదన్‌ మహరాజ్‌ ప్రశ్నించారు. లక్ష కిలో మీటర్ల మా భూమి రథయాత్రలో భాగంగా ఎనిమిదో రో జు సోమవారం జైనథ్‌ మండల కేంద్రంలోని ప్రభు త్వ ఉన్నత పాఠశాలను సందర్శించారు. విద్యార్థులతో కలిసి భోజనం చేశారు. ఈ సందర్భంగా ఆయన మాట్లాడుతూ.. ముఖ్యమంత్రి రేవంత్‌రెడ్డి విద్యార్థులకు సన్నబియ్యంతో భోజనమని చెబుతూనే దొడ్డు బియ్యం భోజనం పెడుతున్నారని ఆరోపించారు. కోడి గుడ్లు కూడా ఇవ్వడం లేదని తెలిపారు. ఇదేనా విద్యార్థులకు అందించే నాణ్యమైన భోజనమని ప్ర శ్నించారు. మరుగుదొడ్ల నిర్మాణం నాణ్యతగా లేద ని పేర్కొన్నారు. అనంతరం ప్రాథమిక ఆరోగ్యకేంద్రాన్ని సందర్శించారు. మందులు ఉన్నాయా.. లేవా.. అనే విషయాలను రోగుల ద్వారా తెలుసుకున్నారు. మా భూమి రథయాత్ర ద్వారా విద్య, వై ద్యం, ఉపాధి రంగాలన్నింటినీ పరిశీలించి వాటి మెరుగుదల కోసం కృషి చేస్తామని పేర్కొన్నారు. పేదల సమస్యల పరిష్కారం కోసం ప్రభుత్వాలతో పోరాడుతామని వివరించారు. ఆయన వెంట పార్టీ రాష్ట్ర నాయకుడు లక్ష్మణ్‌, జిల్లా అధ్యక్షుడు అగ్గిమల్ల గణేశ్‌, ఇతర నాయకులున్నారు.

ఆదిలాబాద్‌: అంబేడ్కర్‌ విధానాలను అధికారంలో ఉన్న 60 ఏళ్లపాటు కాంగ్రెస్‌ కాలరాసిందని ఎంపీ గోడం నగేశ్‌, బీజేవైఎం రాష్ట్ర అధ్యక్షుడు చేవెళ్ల మహేందర్‌ ఆరోపించారు. అంబేడ్కర్‌ జయంత్యుత్సవాల్లో భాగంగా జిల్లా కేంద్రంలోని పార్టీ కార్యాలయంలో సోమవారం జిల్లా సదస్సు నిర్వహించా రు. ముందుగా అంబేడ్కర్‌ చిత్రపటానికి పూలమాలలు వేసి నివాళులర్పించారు. అనంతరం వారు మాట్లాడుతూ.. అట్టడుగు వర్గాలకూ అంబేడ్కర్‌ చే సిన సేవలను ప్రజలకు వివరించాలని పిలుపుని చ్చారు. అంబేడ్కర్‌ రాసిన రాజ్యాంగానికి పెద్దపీట వేసింది బీజేపీ మాత్రమేనని చెప్పారు. పార్టీ జిల్లా అధ్యక్షుడు పతంగే బ్రహ్మానంద్‌, నాయకులు అస్తక్‌ సుభాష్‌, పాయల్‌ శరత్‌ తదితరులున్నారు. నివాళులర్పిస్తున్న ఎంపీ నగేశ్‌, మహేందర్‌

నస్పూర్‌: పట్టణ పరిధిలోని ఓ ఇంటిలో చోరీ జరి గినట్లు మంచిర్యాల రూరల్‌ సీఐ ఆకుల అశోక్‌ తెలి పారు. ఆయన తెలిపిన వివరాల ప్రకారం.. కాకతీయ హిల్స్‌లో నివాసముండే భూపెల్లి లావణ్య ఈ నెల 18వ తేదీన ఇంటికి తాళం వేసి కుటుంబ స భ్యులతో కలిసి గోదావరిఖనికి పెళ్లికి వెళ్లింది. ఈనె ల 21న తిరిగి రాగా ఇంటి తాళం పగులగొట్టి ఉంది. లోనికి వెళ్లి చూసి 14 తులాల బంగారు ఆభరణాలు, రూ.5వేల నగదు చోరీకి గురైనట్లు గుర్తించింది. వెంటనే పోలీసులకు సమాచారం ఇవ్వగా వారు ఘటనాస్థలికి చేరుకుని ఇల్లు, పరిసరాలు పరిశీలించి వివరాలు సేకరించారు. బాధితురాలి ఫిర్యాదు మేరకు కేసు నమోదు చేసి మూడు ప్రత్యేక బృందా లతో గాలింపు చర్యలు చేపట్టినట్లు సీఐ తెలిపారు.

● మంచిర్యాల ఎమ్మెల్యే ప్రేంసాగర్‌రావు దండేపల్లి/మంచిర్యాలరూరల్‌(హాజీపూర్‌): రైతు సంక్షేమానికి కాంగ్రెస్‌ ప్రభుత్వం కట్టుబడి ఉందని మంచిర్యాల ఎమ్మెల్యే కొక్కిరాల ప్రేంసాగర్‌రావు అన్నారు. దండేపల్లి, హాజీపూర్‌లో మార్క్‌ఫెడ్‌ ఆధ్వర్యంలో ఏర్పాటు చేసిన మొ క్కజొన్నల కొనుగోలు కేంద్రాలను ఆదివారం ప్రాంభించారు. అనంతరం మాట్లాడుతూ రైతులకు సాగునీటి నుంచి మొదలు, పండించిన పంటను కొనుగోలు చేసే వరకు ప్రభుత్వం అన్ని చర్యలు తీసుకుంటుందన్నారు. యాసంగిలో రైతులు వరితోపాటు, చాలాచోట్ల మొక్కజొన్న పంట సాగుచేశారన్నారు. దీంతో వరి కొ నుగోలు కేంద్రాలతోపాటు, మొక్క జొన్న కొ నుగోలు కేంద్రాలు ఏర్పాట్లు చేస్తున్నట్లు తెలి పారు. హాజీపూర్‌ మండలంలో మహిళా సంఘాల ఆధ్వర్యంలో 18 వరి ధాన్యం కొనుగోలు కేంద్రాలు విజయవంతంగా నిర్వహిస్తున్నారని అభినందించారు. ప్రభుత్వం మహిళలను కోటీశ్వరులను చేయాలని లక్ష్యంగా పెట్టుకుని ఇందిరా మహిళా శక్తి పథకం ద్వారా వివి ధ పథకాలను మహిళల అభ్యున్నతికి తీసుకు వస్తుందన్నారు. కార్యక్రమంలో రాష్ట్ర గిరిజన సహకార చైర్మన్‌ కోట్నాక తిరుపతి, ఆర్జీపీఆర్‌ఎస్‌ జిల్లా అధ్యక్షుడు గడ్డం త్రిమూర్తి, డీఆర్డీవో కిషన్‌, డీపీఎం వేణుగోపాల్‌, మార్కెట్‌ కమిటీ చైర్మన్‌ ప్రేంచంద్‌, ఏపీఎం బ్రహ్మయ్య, ఏవో అంజిత్‌, రైతులు పాల్గొన్నారు.

● చెన్నూరు ఎమ్మెల్యే వివేక్‌ భీమారం: రైతులకు సాగునీటిని అందించేందు కు ప్రభుత్వం ప్రాధాన్యత ఇస్తోందని చెన్నూరు ఎమ్మెల్యే గడ్డం వివేక్‌ వెంకటస్వామి తెలిపారు. భీమారం మండలం నర్సింగాపూర్‌ గ్రామంలో పాత చెరువుకు రూ.33 లక్షలతో చేపట్టనున్న మరమ్మతు పనులను ఆదివారం ప్రారంభించా రు. చెరువుల కింద పెద్ద ఎత్తున పంటలు సాగవుతాయని, అందుకే చెరువుల అభివృద్ధికి కూ డా ప్రభుత్వం ప్రాధాన్యం ఇస్తోందని వెల్లడించారు. తర్వాత పోలంపల్లిలో వరిధాన్యం కొనుగోలు కేంద్రాన్ని ప్రారంభించారు. రేషన్‌ కార్డుపై సన్న బియ్యం ఇస్తున్న ఘనత కాంగ్రెస్‌ పార్టీకే దక్కిందని అన్నారు. ప్రజల సమస్యలు తెలుసుకునేందుకే పార్టీ కార్యాలయం.. రామకృష్ణాపూర్‌: ప్రజల సమస్యలు తెలుసుకునేందుకే మందమర్రిలో క్యాంప్‌ ఆఫీస్‌ ఏర్పాటుచేసినట్లు చెన్నూర్‌ ఎమ్మెల్యే గడ్డం వివేక్‌ వెంకటస్వామి తెలిపారు. సింగరేణి బీ–1 క్వార్టర్‌లో నూతనంగా ఏర్పాటు చేసిన పార్టీ కార్యాలయాన్ని ఆదివారం ప్రారంభించారు. సింగరేణి కార్మికుల పెన్షన్‌ రూ.10 వేలకు పెంచేలా కేంద్రంపై ఎంపీ గడ్డం వంశీకృష్ణ ఒత్తిడి తెస్తున్నారని పేర్కొన్నారు. నాయకులు నోముల ఉపేందర్‌, సొత్కు సుదర్శన్‌, తిరుమల్‌ పాల్గొన్నారు.

మంచిర్యాలటౌన్‌: కేంద్ర ప్రభుత్వం ఇటీవల పార్లమెంట్‌లో ప్రవేశపెట్టిన వక్ఫ్‌ చట్ట సవరణ పై కాంగ్రెస్‌, ఎంఐఎం పార్టీలు తప్పుడు ప్రచా రం చేస్తున్నాయని బీజేపీ జిల్లా అధ్యక్షుడు నగునూరి వెంకటేశ్వర్‌గౌడ్‌ అన్నారు. జిల్లా కేంద్రంలోని పార్టీ కార్యాలయంలో మాజీ అధ్యక్షుడు రఘునాథ్‌ వెరబెల్లి, నాయకులతో కలిసి ఆది వారం మాట్లాడారు. కేంద్ర ప్రభుత్వం వక్ఫ్‌బో ర్డును ప్రక్షాళన చేయాలని, వక్ఫ్‌ ఆస్తులు పేద ముస్లింలకు దక్కాలని సవరణ బిల్లు తీసుకువచ్చిందన్నారు. దీనిపై కాంగ్రెస్‌ ఎంఐఎం, ఇతర ప్రతిపక్ష పార్టీలు తమ స్వలాభం కోసం తప్పుడు ప్రచారం చేస్తున్నాయని విమర్శించారు. ఇన్ని రోజులుగా వక్ఫ్‌ ఆస్తుల పేరుతో సంపన్న ముస్లిం పెద్దలు అవినీతికి పాల్పడి ఆస్తులను దోచుకున్నారని ఆరోపించారు. కొన్ని మతతత్వ పార్టీలు ముస్లిం మైనారీటీ ఓటు బ్యాంక్‌ కోసం ముస్లింలలో అపోహలు సృష్టించి తప్పుదోవ పట్టిస్తున్నారని అన్నారు. కార్యక్రమంలో పట్టి వెంకటకృష్ణ, కొయ్యల ఏమాజీ, గాజుల ముఖేశ్‌గౌడ్‌, తాజ్‌ఖాన్‌, ఎనగందుల కృష్ణమూర్తి, అమిరిశెట్టి రాజు, వంగపల్లి వెంకటేశ్వర్‌రావు, మాసు రజిని, అక్కల రమేశ్‌, రాకేశ్‌ రెన్వా, చిరంజీవి పాల్గొన్నారు.

పప్పు దినుసుల సాగుకు ప్రోత్సాహం..రానున్న ఖరీఫ్‌ సీజన్‌లో పప్పు దినుసుల సాగు విస్తీర్ణం పెరిగేలా రైతులకు అవగా హన సదస్సులు నిర్వహిస్తాం. సాగు విస్తీర్ణానికి అనుగుణంగా ఎరువులు, విత్తనాలు ప్రణాళిక రూపొందించడం జరిగింది. పత్తి విత్తనాలు గుర్తింపు పొందిన డీలర్ల వద్దనే కొనుగోలు చేయాలి. తప్పని సరిగా రశీదు తీసుకోవాలి. నాణ్యత లేని, హెచ్‌టీ పత్తి వి త్తనాలు కొనుగోలు చేసి నష్టపోవద్దు. కలు పు నివారణ కోసం గ్లైఫొసెట్‌ పిచికారీ చే యడం వలన భూసారం దెబ్బతింటుంది. రైతుల ఆరోగ్యంపై తీవ్ర ప్రభావం చూపిస్తుంది. – జి.కల్పన, జిల్లా వ్యవసాయ అధికారి నెన్నెలలో వేసవి దుక్కులు దున్నుతున్న రైతు ఇతర విత్తనాలు 32,324 క్వింటాళ్లుపత్తి విత్తనాలు 3,40,306 ప్యాకెట్లుసాగు విస్తీర్ణం 3,33,565 ఎకరాలుమంచిర్యాలఅగ్రిల్చర్‌: మరో నెలలో వానాకాలం పంటల సీజన్‌ ప్రారంభం కానుంది. యాసంగి పంటలు పూర్తయిన రైతులు ఇప్పటికే చేలను చదును చేస్తున్నారు. వేసవి దుక్కులు సిద్ధం చేసుకుంటున్నా రు. దీంతో వ్యవసాయ శాఖ వానాకాలం సాగు కోసం యాక్షన్‌ ప్లాన్‌ రూపొందించింది. సాగు విస్తీర్ణానికి అనుగుణంగా విత్తనాలు, ఎరువుల ప్రణాళిక సిద్ధం చేసింది. గతేడాది ఆలస్య వర్షాలతో రైతులు ఇబ్బందులు ఎదుర్కొన్నారు. ఈ ఏడాది సాధారణ వర్షపాతం నమోదవుతుందని వాతావరణ శాఖ అంచనా వేస్తోంది. సకాలంలో వానలు.. గతేడాది ఖరీఫ్‌లో ఆలస్యంగా వర్షాలు కురవడంతో రైతులు ప్రారంభంలో ఇబ్బందులు పడ్డారు. ఆలస్యంగా కురిసిన భారీ వర్షాలతో జలాశయాలు సాధరణ స్థాయికి చేరాయి. దీంతో సాగు విస్తీర్ణం సాధరణ స్థాయికి చేరింది. ఈయేడాది సాధారణ వర్షపాతం నమోదు అవుతుందని వాతావరణ నిపుణులు తెలుపుతున్నారు. రైతులు వానకాలం పంటల సాగుకు సన్నద్ధమవుతున్నారు. సాగు విస్తీర్ణం, విత్తనాల ప్రణాళిక గతేడాది వానాకాలంలో జిల్లాలో 3.18 లక్షల ఎకరాల్లో పంటలు సాగయ్యాయి. ఈ ఏడాది 3.33 లక్షల ఎకరాలకు సాగు పెరుగుతుందని అంచనా. ఇందులో పత్తి (1.58 లక్షల ఎకరాలు), వరి (1.58 లక్షల ఎకరాలు), కందులు, మొక్కజొన్న, పెసలు, మినుములతో సహా ఇతర పంటల సాగు ప్లాన్‌ రూపొందింది. పత్తి కోసం 3.40 లక్షల ప్యాకెట్లు, వరి కోసం 23,790 క్వింటాళ్ల విత్తనాలు అవసరం. సేంద్రియ ఎరువులైన జిలుగ, జనుము విత్తనాలపై ప్రభుత్వం రాయితీ అందిస్తోంది. యూరియా (43,952 మెట్రిక్‌ టన్నులు), డీఏపీ (13,306 మెట్రిక్‌ టన్నులు) ఎరువుల సరఫరాకు ఏర్పాట్లు జరుగుతున్నాయి. రుణ లక్ష్యం, రైతుల సమస్యలు ఈ ఏడాది రూ.2,242 కోట్ల రుణ లక్ష్యం నిర్దేశించారు. గతేడాది కంటే రూ.250 కోట్లు అధికం. అయితే, గతేడాది రూ.1,346 కోట్లు మాత్రమే అందిన నేపథ్యంలో, సకాలంలో రుణాలు అందకపోతే రైతులు వడ్డీ వ్యాపారులపై ఆధారపడే పరిస్థితి ఉంది. రబీ దిగుబడి ఆలస్యంతో ధాన్యం కొనుగోలు కేంద్రాల వద్ద రైతులు ఇబ్బందులు ఎదుర్కొంటున్నారు. ‘రైతు భరోసా’ పథకం ద్వారా ఎకరానికి రూ.5 వేల సహాయం సకాలంలో అందితే సాగు విస్తీర్ణం పెరిగే అవకాశం ఉంది.ప్రభుత్వ రాయితీ విత్తనాలు 45,424 క్వింటాళ్లు (జీలుగ, జనుము)ఎరువులు : 1,10,205 మెట్రిక్‌ టన్నులురుణ లక్ష్యం : రూ.1951.25 కోట్లు ప్రణాళిక రూపొందించిన వ్యవసాయ శాఖ విత్తనాలు, ఎరువులు అందుబాటులో ఉంచేలా ఏర్పాట్లు పత్తి, వరి సాగే ప్రధానం

● కలెక్టర్‌ కుమార్‌ దీపక్‌చెన్నూర్‌/జైపూర్‌: భూ సమస్యల పరిష్కారానికి ప్రభుత్వం భూభారతి 2025 ఆర్వోఆర్‌ చట్టం అందుబాటులోకి తెచ్చిందని కలెక్టర్‌ కుమార్‌ దీపక్‌ అన్నారు. చెన్నూర్‌ పట్టణంలోని మైనార్టీ ఫంక్షన్‌ హాల్‌లో, జైపూర్‌ మండల కేంద్రంలోని రైతు వేదికలో ఆదివారం వేర్వేరుగా ఏర్పాటు చేసిన అవగాహ న సదస్సుల్లో చెన్నూర్‌ ఎమ్మెల్యే వివేక్‌ వెంకటస్వామి, అదనపు కలెక్టర్‌ మోతిలాల్‌, ఆర్డీవో శ్రీనివాస్‌తో కలిసి పాల్గొన్నారు. నూతన ఆర్‌వోఆర్‌ చట్టం ద్వారా పొరపాట్ల సవరణకు అవకాశం కల్పించడం జరిగిందన్నారు. రిజిస్ట్రేషన్‌, మ్యూటేషన్‌ చేసేందుకు భూముల వివరాలను పూర్తిస్థాయిలో సర్వే చేసి మ్యాప్‌ తయారు చేయడం జరుగుతుందని తెలిపారు. పెండింగ్‌ సాదాబైనామా దరఖాస్తుల పరిష్కారం, వారసత్వంగా వచ్చిన భూములను విరాసత్‌ చేసే ముందు సమగ్ర విచారణ చేస్తామని చెప్పారు. భూ సమస్యల పరిష్కారానికి రెండంచెల అప్పీల్‌ వ్యవస్థను ఏర్పాటు చేయడం జరుగుతుందని చెప్పారు. జూన్‌ 2 నాటికి ఎంపిక చేసిన మండలాల్లో భూ సమస్యలు పరిష్కరించి మిగిలిన మండలాల్లో ఆగస్టు 15 వరకు పరిష్కరించేందుకు ప్రణాళికలు సిద్ధం చేశామని వివరించారు. అనంతరం షాదీముబారక్‌, కల్యాణలక్ష్మి చెక్కులు లబ్ధిదారులకు పంపిణీ చేశారు. చెన్నూర్‌లోని 100 పడకల సామాజిక ఆరోగ్య కేంద్ర పరిధిలో ఇంది రా మహిళ శక్తి పథకంలో భాగంగా మండల సమాఖ్య అధ్వర్యంలో ఏర్పాటు చేసిన క్యాంటీన్‌ను ప్రారంభించారు.

మంచిర్యాలఅర్బన్‌: ఆర్టీసీ మంచిర్యాల డిపోలో ఆదివారం సాంకేతిక లోపం కారణంగా సర్వర్‌ డౌన్‌ అయింది. దీంతో బస్సుల రాకపోకలు మూడు గంటల పాటు నిలిచిపోయాయి. ఉదయం 3:45 నుంచి 8:30 గంటల వరకు పల్లెవెలుగు, ఆర్డినరీ, ఎక్స్‌ప్రెస్‌ బస్సులతో సహా 74 బస్సులు డిపోలోనే నిలిచిపోయాయి. దీంతో బస్‌స్టేషన్‌లో ప్రయాణికులు తీవ్ర ఇబ్బందులు ఎదుర్కొన్నారు. సాంకేతిక లోపం ఎందుకు? హైదరాబాద్‌కు వెళ్లే ఎక్స్‌ప్రెస్‌ బస్సులకు సంబంధించిన డ్రైవర్‌, కండక్టర్లు టిమ్‌ లోడింగ్‌కు డిపోకు వెళ్లారు. అక్కడకు వెళ్లిన తర్వాత సిస్టమ్‌లో (కంప్యూటర్‌)లో కండక్టర్‌, డ్రైవర్‌, టిమ్‌ నంబర్‌ నమోదు చేయాల్సిన చోట వివరాలు నమోదు కాలేదు. టిమ్‌ లోడింగ్‌ చేస్తేనే టిక్కెటు ఇష్యూ అవుతుంది. (సాంకేతిక లోపం)తో ఫైల్‌ కరెఫ్ట్‌ (ఎర్రర్‌) రావటంతో టిమ్‌ లోడింగ్‌ కాలేదు. అయితే, సర్వర్‌ లోపంతో ఫైల్‌ కరప్ట్‌ కావడంతో టిమ్‌ లోడింగ్‌ విఫలమైంది. సిస్టమ్‌ ఇన్‌చార్జి వీక్లీ ఆఫ్‌లో ఉన్నప్పటికీ సమస్య తీవ్రత దృష్ట్యా డిపోకు వచ్చారు. కానీ, సెక్యూరిటీ సిబ్బంది బ్రీత్‌ అనలైజర్‌ తప్పనిసరి అనడంతో వివాదం చెలరేగింది. తన డ్యూటీ కాకపోయినా సంస్థ కోసం విధులకు హాజరైతే బ్రీత్‌ ఎన్‌లైజర్‌ పేరుతో అవమానిస్తారా అని ఇన్‌చార్జి ఆగ్రహం వ్యక్తం చేశారు. ఇన్‌చార్జి బ్రీత్‌ అనలైజర్‌కు నిరాకరించడంతో సమస్య పరిష్కారం ఆలస్యమైంది. చివరకు ఉన్నతాధికారుల జోక్యంతో ఉదయం 9 గంటలకు సమస్య పరిష్కరించడంతో బస్సులు రాకపోకలు ప్రారంభమయ్యాయి. డిపోలో అనిశ్చితి మంచిర్యాల డిపోలో ఇటీవల విచిత్ర సంఘటనలు చోటుచేసుకుంటున్నాయి. గత వారం డిపో కార్యాల య తాళాలు సెక్యూరిటీ కార్యాలయం నుంచి మా యమయ్యాయి. శనివారం ఉదయం తాళాలు లేని విషయం తెలిసి, తలుపులు కట్టర్‌తో కట్‌ చేయాల్సి వచ్చింది. ఈ ఘటనపై విచారణ జరిపితే అసలు విషయాలు వెలుగులోకి రావచ్చు. ఈ సంఘటనలు ఆర్టీసీ డిపోలో సమన్వయ లోపాన్ని, ప్రయాణికులకు ఇబ్బందులను తెలియజేస్తున్నాయి. పరిష్కారం కోసం చర్యలు సాంకేతిక లోపాలను త్వరగా గుర్తించి పరిష్కరించేందుకు ఆర్టీసీ అధికారులు చర్యలు తీసుకోవాలి. సిబ్బంది మధ్య సమన్వయం, సెక్యూరిటీ విధానాల సమీక్ష అవసరం. ప్రయాణికుల సౌకర్యం కోసం డిపో నిర్వహణలో సమర్థత పెంచాలి. మూడు గంటలకుపైగా ఆలస్యం.. ఇబ్బంది పడ్డ ప్రయాణికులు

● బీఆర్‌ఎస్‌ జిల్లా అధ్యక్షుడు బాల్క సుమన్‌శ్రీరాంపూర్‌: ఎన్నికల్లో ఇచ్చిన హామీలు అమలు చేయడంలో కాంగ్రెస్‌ ప్రభుత్వం పూర్తిగా విఫలమైందని బీఆర్‌ఎస్‌ జిల్లా అధ్యక్షుడు బాల్క సుమన్‌ విమర్శించారు. నస్పూర్‌లోని తెలంగాణ భవన్‌లో ఆదివారం ఏర్పాటు చేసిన సమావేశంలో మాట్లాడారు. ఎన్నికల సమయంలో ఇచ్చిన హామీ లను నమ్మి ప్రజలు కాంగ్రెస్‌ పార్టీని గెలిపించారన్నారు. గెలిచిన తరువాత ఏ ఒక్క హామీ కూడా నెరవేర్చలేదన్నారు. ఎమ్మెల్యేలను మంత్రులు చేయడానికి గెలిపించలేదని, వారి హామీలు అమలు చేస్తారని నమ్మి గెలిపించారన్నారు. జిల్లాలో గంజాయి బ్యాచ్‌ పెట్రోగిపోతుందన్నారు. ఇసుక అక్రమ రవాణా అరికట్టాలని డిమాండ్‌ చేశారు. ప్రతిపక్షాల పై అక్రమ కేసులు పెట్టడాన్ని ఖండించారు. అధికా రులు కాంగ్రెస్‌ పార్టీ అడుగులకు మడుగులొత్తున్నారని, వారు తమ పద్ధతి మార్చుకుని నిస్పక్షపాతంగా పని చేయాలన్నారు. పదేళ్లలో జరిగిన అభివృద్ధిని ఇప్పటికి కాంగ్రెస్‌ జీర్ణించుకోవడం లేదన్నారు. కేసీఆర్‌ చేసిన అభివృద్ధి ఆనవాళ్లు కనిపించుకుండా చేస్తున్నారన్నారు. పార్టీ రజతోత్సవ వేడుకల కోసం చెన్నూర్‌లో వాల్‌రైటింగ్‌, పోస్టర్లు వేస్తే చింపివేస్తున్నారన్నారు. ఈనెల 27 ఎల్కతుర్తిలో జరిగే బహిరంగ సభకు పెద్ద ఎత్తున నాయకులు, కార్యకర్తలు తరలిరా వాలని కోరారు. సమావేశంలో పార్టీ జిల్లా నాయకులు నడిపెల్లి విజిత్‌రావు, డాక్టర్‌ రాజారమేశ్‌, పార్టీపట్టణ అధ్యక్షుడు అక్కూరి సుబ్బయ్య, కార్యదర్శి మేరుగు పవన్‌కుమార్‌ పాల్గొన్నారు.

● రాష్ట్ర స్పోర్ట్స్‌ అథారిటీ చైర్మన్‌ శివసేనారెడ్డి ఆదిలాబాద్‌: క్రీడా సౌకర్యాల కల్పనలో నిర్లక్ష్యంగా వ్యవహరించడం తగదని రాష్ట్ర క్రీడా ప్రాధికార సంస్థ చైర్మన్‌ శివసేనారెడ్డి అన్నారు. జిల్లా కేంద్రంలోని ఇందిరా ప్రియదర్శిని స్టేడియం, తెలంగాణ క్రీడా పాఠశాలను ఆదివారం ఆయన పరిశీలించారు. స్టేడియంలోని సౌకర్యాలు, క్రీడ పాఠశాల విద్యార్థులకు అందిస్తున్న సదుపాయాలను గురించి డీవైఎస్‌వోను అడిగి తెలుసుకున్నారు. ఈ సందర్భంగా ఆయన మాట్లాడుతూ గ్రామీణ ప్రాంతాల్లోని క్రీడాకారుల ప్రతిభను గుర్తించి క్రీడల్లో వారిని ఉన్నత స్థాయికి తీసుకెళ్లేందుకు ప్రభుత్వం సిద్ధంగా ఉందన్నారు. ఈ దిశగా అన్ని చర్యలు తీసుకుంటున్నామన్నారు. స్పోర్ట్స్‌ పాఠశాలలో సౌకర్యాలు కల్పించడంలో నిర్లక్ష్యం చేయొద్దని డీఎస్‌ఏ అధికారులను ఆదేశించారు. క్రీడా పాఠశాలలోని విద్యార్థులకు ఏ విధమైన ఇబ్బందులు తలెత్తకుండా చూడాల్సిన బాధ్య త అధికారులపై ఉందన్నారు. హాస్టల్‌, జిమ్‌ను పరిశీలించి, మరిన్ని సౌకర్యాల కల్పనకు రాష్ట్ర ముఖ్యమంత్రి రేవంత్‌ రెడ్డికి విన్నవిస్తానని స్పష్టం చేశారు. త్వరలోనే శిక్షకుల భర్తీకి చర్యలు తీసుకుంటామన్నారు. ఈ కార్యక్రమంలో డీఎస్‌ఏ అధికారులు, యువజన కాంగ్రెస్‌ అసెంబ్లీ ఉపాధ్యక్షుడు సామ రూపేష్‌రెడ్డి, జైనథ్‌ మార్కెట్‌ కమిటీ వైస్‌ చైర్మన్‌ విలాస్‌ పటేల్‌, యువజన కాంగ్రెస్‌ బేల మండల అధ్యక్షుడు గోడే అవినాష్‌, కిసాన్‌ కాంగ్రెస్‌ బేల అధ్యక్షుడు ఘన్‌శ్యామ్‌, మాజీ సర్పంచ్‌ రూప్‌ రావు, రమేశ్‌ పటేల్‌, ఠాక్రే సాగర్‌ పాల్గొన్నారు.

బెజ్జూర్‌: కుటుంబ కలహాలతో పురుగుల మందు తాగి మహిళ ఆత్మహత్య చేసుకున్న సంఘటన మండల కేంద్రంలో చోటు చేసుకుంది. వివరాల్లోకి వెళితే.. మండల కేంద్రానికి చెందిన సుంకరి లక్ష్మి (55) కుటుంబ కలహాలతో శనివారం రాత్రి పురుగుల మందు తాగింది. గమనించిన కుటుంబ సభ్యులు చికిత్స నిమిత్తం 108లో కాగజ్‌నగర్‌ ప్రభుత్వ ఆస్పత్రికి తరలించగా పరీక్షించిన వైద్యులు అప్పటికే ఆమె మృతి చెందినట్లు నిర్ధారించారు. మృతురాలి భర్త సుంకరి పురుషోత్తం ఇచ్చిన ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్సై ప్రవీణ్‌కుమార్‌ తెలిపారు.

ఈత సరదా.. ● నీట మునిగి ప్రాణాలు కోల్పోతున్న విద్యార్థులు, యువకులు ● తల్లిదండ్రులకు తీరని శోకం ● జాగ్రత్తలు తీసుకోవాలంటున్న నిపుణులు లక్ష్మణచాంద: ఈతకు వెళ్లడం అంటే ఎవరికై నా సరదాగానే అనిపిస్తుంది. వేసవికాలం వచ్చిదంటే చాలు ఎండ వేడిమి నుంచి ఉపశమనానికి గ్రామీణ ప్రాంతాలు, పట్టణాల్లో చిన్నాపెద్ద తేడాలేకుండా చెరువులు, వాగులు, స్విమ్మింగ్‌ పూల్స్‌లో సరదాగా ఈత కొడుతుంటారు. అయితే ఈత సరదా కొన్నిసార్లు ప్రాణాలమీదకు తెస్తోంది. పలువురి ప్రాణాలు బలిగొంటోంది. నీటిలోకి దిగి ఈతరాక అందులో మునిగి ప్రాణాలు కోల్పోయి తల్లిదండ్రులకు కడుపుకోత మిగులుస్తున్నారు. మరో నాలుగు రోజుల్లో వేసవి సెలవులు ప్రారంభం కానున్నాయి. ఈ నేపథ్యంలో విద్యార్థులు సరదాగా ఈత కసం చెరువులు, కుంటలు, బావుల వద్దకు వెళ్తారు. ఈ నేపథ్యంలో పిల్లలను ఓ కంట కనిపెట్టాలని ఉపాధ్యాయులు సూచిస్తున్నారు. ఉమ్మడి జిల్లాలో జరిగిన కొన్ని సంఘటనలు ● ఈ నెల 18న మంచిర్యాల జిల్లా కోటపల్లి మండలంలోని పారుపల్లికి చెందిన పూరెళ్ల అశోక్‌ (20)శుక్రవారం తన పుట్టినరోజు కావడంతో సాయంత్రం గ్రామ సమీపంలోని గోదావరిలోకి స్నానా నికి వెళ్లాడు. ప్రమాదవశాత్తు నీటమునిగి మృతి చెందాడు. ● ఎనిమిదేళ్ల క్రితం నిర్మల్‌ జిల్లా లక్ష్మణచాంద మండలంలోని వడ్యాల్‌కు చెందిన ముగ్గురు పదేళ్లలోపు చిన్నారులు ఆడుకుంటూ గ్రామ సమీపంలోని చెరువువద్దకు వెళ్లి అందులో పడి మృతి చెందారు. ● ఈ ఏడాది మార్చి 4న మంచిర్యాల జిల్లా లక్సెట్టిపేటకు చెందిన గూడెం సత్యనారాయణ (41) స్నానం చేసేందుకు గోదావరినదికి వెళ్లి ఈతరాక నీటమునిగి మృతి చెందాడు. ● ఈఏడాది మార్చి30న ఆదిలాబాద్‌ జిల్లా నార్నూ ర్‌ మండలంలోని గంగాపూర్‌కు చెందిన శంకర్‌ (20) కెరమెరి మండలంలోని శంకర్‌ లొద్దికి దైవదర్శనానికి వెళ్లాడు. స్నానం చేసేందుకు చెరువులో దిగి నీటమునిగి మృతి చెందాడు. ● ఈ నెల 5న ఆదిలాబాద్‌ జిల్లా మావల శివారులోని చెరువులో ఈతకు వెళ్లిన పదేళ్లలోపున్న సంజీవ్‌, రాహుల్‌ ఈతరాక నీటమునిగి మృతి చెందారు. ● 2020లో మంచిర్యాల జిల్లా తాండూర్‌ మండలంలోని మాదారం టౌన్‌షిప్‌కు చెందిన వాసు (13), సతీశ్‌ (14) గ్రామ శివారులోని వ్యవసాయ కుంటలో ఈతకొట్టేందుకు వెళ్లి నీటమునిగి మృతి చెందారు. ● 2024 నవంబర్‌ 1న మంచిర్యాల జిల్లా చెన్నూర్‌ మండలంలోని దుగ్నేపల్లికి చెందిన కొండ అరుణ్‌ కుమార్‌ (18), దాసరి సాయి (16) సుందరశాల సమీపంలోని గోదావరిలో స్నానానికి వెళ్లి నీటిలో మునిగి మృతి చెందారు. ● 2024 మార్చి 26న కుమురంభీం ఆసిఫాబాద్‌ జిల్లా కౌటాల మండలంలోని నదిమాబాద్‌కు చెందిన వనస కమలాకర్‌ (22), ఆలం సాయి (22), ఉప్పుల సంతోష్‌ (25), ఎల్ముల ప్రవీణ్‌ (23) హోలీరోజు మిత్రులతో కలిసి స్నానం చేసేందుకు తాటిపల్లి సమీపంలోని వార్ధానదికి వెళ్లారు. లోతుకు వెళ్లి ఈత రాకపోవడంతో నీట మునిగి మృత్యువాత పడ్డారు. తీసుకోవాల్సిన జాగ్రత్తలు.. ● చిన్నారులకు నిపుణుల సమక్షంలో లేదా తల్లిదండ్రుల పర్యవేక్షణలో ఈత నేర్పించాలి. ● ఈత రానివారు నేరుగా నీటిలో దిగకుండా సేఫ్టీ జాకెట్‌ తప్పనిసరిగా ధరించాలి. ● ఈత వచ్చినవారు సైతం నీళ్లు ఎంతలోతు ఉన్నాయి? అనేది ముందుగానే గమనించిన తర్వాతే నీటిలోకి దిగాలి. లేదంటే ప్రమాదం సంభవించే అవకాశం ఉంటుంది. ● చెరువులు, కుంటలు, ఇతర జలాశయాల్లో అడుగున బురద పేరుకుపోయి ఉంటుంది. కావున అందులోని పరిస్థితిని తెలుసుకోకుండా దూకితే ప్రమాదాల బారిన పడుతారు. ● చెరువులు, వాగులు, ఇతర జలాశయాల వద్ద అధికారులు తప్పనిసరిగా ప్రమాద హెచ్చరిక బోర్డులు ఏర్పాటు చేయాలి. ● రైతులు వ్యవసాయ బావుల చుట్టూ కంచెను ఏర్పాటు చేసి అందులోకి ఎవరూ దిగకుండా చర్యలు చేపట్టాలి. సేఫ్టీ జాకెట్‌ ధరించాలి ఈతకు వెళ్లే సమయంలో లైట్‌ సేఫ్టీ జాకెట్‌ ధరిస్తే ప్రమాదం సంభవించదు. ఎలాంటి సేఫ్టీ నిబంధనలు పాటించకనే ప్రమాదాలకు గురవుతున్నారు. ఈతకు వెళ్లినప్పుడు ఒకరిద్దరు కాకుండా గుంపుగా స్నానం చేయాలి. ప్రమాదవశాత్తు ఒకరు మునుగుతున్నా మిగిలిన వారు కాపాడవచ్చు. – జింక లక్ష్మీనారాయణ, గజ ఈతగాడు, నిర్మల్‌ అవగాహన లేక.. గ్రామాలలో చెరువులు, కాలువలు, కుంటలు, వాగుల్లోకి ఈతకు వెళ్లినవారు వాటిపై సరైన అవగాహన లేకపోవడంతోనే లోతులోకి వెళ్లి నీటమునిగి ఊపిరి ఆడకపోవడంతో మృత్యువాత పడుతున్నారు. నేను ఇప్పటి వరకు గోదావరిలో మునిగిన సుమారు వందమంది ప్రాణాలు కాపాడాను. – సాయిలు, గజ ఈతగాడు, గాంధీనగర్‌ ఓ కంట కనిపెట్టాలి ప్రస్తుతం పాఠశాలలకు వేసవి సెలవులు రానున్నాయి. పిల్లలు ఇంటిపట్టునే ఎక్కువగా ఉంటారు. ఇలాంటి సమయంలో వారిని వేసవి శిబిరాలకు పంపించాలి. లేదంటే ఇంటిపట్టున ఉండే పిల్లలను తల్లిందండ్రులు అనుక్షణం కనిపెడుతూ ఉండాలి. స్నేహితులతో కలిసి బయటకు వెళ్తే తరచూ వాకబు చేయాలి. – పి.సాయన్న, పోషకుడు

జగిత్యాలక్రైం: దైవ దర్శనానికి వచ్చిన భక్తులు రోడ్డు ప్రమాదంలో గాయపడిన ఘటన ఆదివారం జగిత్యాల రూరల్‌ మండలంలో జరిగింది. స్థానికులు తెలిపిన మేరకు వివరాలు ఇలా ఉన్నాయి. నిర్మల్‌ జిల్లా దిలావర్‌పూర్‌కు చెందిన కడెం శ్రీరాం, ల్యాండ్రి ము న్నా, దన్నూరి ప్రణీత్‌, కారెపు రుషి, కడెం విశ్వంత్‌, భూమేశ్‌, రిషికరుణ్‌, నిమ్మల నర్సయ్య, కారే మధు ఆదివారం కొండగట్టు దైవదర్శనానికి వచ్చారు. అక్కడి నుంచి ధర్మపురి పుణ్యక్షేత్రానికి వెళ్లారు. తిరుగుప్రయాణంలో జగిత్యాల రూరల్‌ మండలం పొలాస గ్రామ శివారులో ఎదురుగా వస్తున్న లారీ కారును ఢీకొట్టడంతో అందులో ప్రయాణిస్తున్న తొమ్మిది మందికి తీవ్రగాయాలయ్యాయి. క్షతగాత్రులను 108లో జగిత్యాల ప్రభుత్వాసుపత్రికి తరలించారు. కొంతమంది పరిస్థితి విషమంగా ఉండటంతో మెరుగైన వైద్యం కోసం కరీంనగర్‌ తరలించారు. రూరల్‌ ఎస్సై సదాకర్‌ ఘటన స్థలానికి చేరుకుని విచారణ చేపట్టారు.

లక్ష్మణచాంద: సరదాగా ఈతకు వెళ్లి న విద్యార్థి ప్రాణా లు కోల్పోయిన ఘటన మండలంలో చోటు చేసుకుంది. వడ్యాల్‌కు చెందిన మద్దెల గంగన్న–లక్ష్మి దంపతుల కుమారుడు రాంచరణ్‌(14) స్థానిక ప్రభుత్వ ఉన్నత పాఠశాలలో ఎనిమిదో తరగతి చదువుతున్నాడు. శనివారం పాఠశాల ముగిసిన తరువాత గ్రామ సమీపంలోని వాగుపై గల చెక్‌డ్యామ్‌ వద్దకు ఈతకు వెళ్లాడు. అదే సమయంలో సరస్వతి కాలువ ద్వారా సదర్‌మాట్‌ కోసం వాగులోకి ఎక్కువ మోతాదులో నీటిని వదలడంతో గల్లంతయ్యాడు. కుటుంబ సభ్యులు చెక్‌డ్యామ్‌ వద్ద వెతుకగా రాంచరణ్‌ ప్యాంటు, షర్ట్‌, పాదరక్షలు లభించాయి. ఆదివారం గ్రామస్తులు, పోలీస్‌ సిబ్బంది వెతుకగా మృతదేహం లభించింది. ‘పద్నాలుగేళ్లకే నూరేళ్లు నిండాయా లడ్డూ.. నీళ్లలో నీవు ఎలా నిదురపోయావురా..నీవు లేకుండా మేము ఎలా బతకాలిరా.. నన్నుకూడా నీతో తీసుకుపోరా.. అంటూ మృతుని తల్లి కుమారుడి మృతదేహంపై పడి రోదించిన తీరు అక్కడున్న వారిని కంటతడి పెట్టించింది. ఘటనపై కేసు నమోదు చేసినట్లు ఎస్సై మాలిక్‌ రెహమాన్‌ తెలిపారు.

లక్ష్మణచాంద: పోలీసులమనిచెప్పి వాహనాన్ని ఆపి మహిళ బంగారు గొలుసు అపహరించిన ఘటన మండలంలో చోటు చేసుకుంది. వడ్యాల్‌ గ్రామానికి చెందిన ఇప్ప (కొత్తూర్‌)రామవ్వ ఆదివారం మధ్యాహ్నం తమ బంధువుల వివాహ వేడుకలకు హాజరయ్యేందుకు తమ ఇంటిపక్కనున్న భీమేష్‌తో కలిసి ద్విచక్ర వాహనంపై నిర్మల్‌ బయలుదేరింది. కనకాపూర్‌ జాతీయ రహదారిపై ఇద్దరు వ్యక్తులు తాము పోలీసులమని చెప్పి బైకును ఆపారు. ముందు హత్య జరిగిందని, అటువైపు వెళ్లడం సరికాదని మెడలో ఉన్న బంగారు గొలుసు తీసి లోపల పెట్టుకోవాలని సూచించారు. దీంతో సదరు మహిళ మెడలోని 4 తులాల బంగారు గొలుసు తీసి తన పర్స్‌లో పెట్టుకునే క్రమంలో తాము పెట్టి ఇస్తామని చెప్పి తీసుకుని మళ్లీ పర్సు ఇచ్చారు. అనంతరం వారు అక్కడి నుండి జారుకున్నారు. మహిళ పర్సు తీసి చూడగా అందులో చైన్‌కు బదులు రాళ్లు కనిపించడంతో లబోదిబోమంది. రామవ్వ ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై మాలిక్‌ రెహమాన్‌ తెలిపారు. జాతీయ రహదారి పరిశీలన కనకాపూర్‌ జాతీయ రహదారిని నిర్మల్‌ ఏఎస్పీలు రాజేశ్‌మీనా, ఉపేందర్‌రెడ్డి ఆదివారం పరిశీలించారు. మండలంలోని వడ్యాల్‌ గ్రామానికి చెందిన కొత్తూరు రామవ్వ నిర్మల్‌లో తమ బంధువుల పెళ్లి ఉండగా తన ఇంటి పక్కనున్న వ్యక్తితో కలిసి ద్విచక్ర వాహనంపై వెళ్తోంది. ఈ క్రమంలో కనకాపూర్‌ జాతీయ రహదారిపై ఇద్దరు గుర్తుతెలియని వ్యక్తులు పోలీసులమని చెప్పి ఆమె వద్ద ఉన్న బంగారం ఎత్తుకెళ్లారు. విషయం తెలుసుకున్న ఏఎస్పీలు ఘటనా స్థలాన్ని పరిశీలించి రామవ్వ ద్వారా వివరాలు సేకరించారు. ఘటనపై వేగంగా విచారణ చేపట్టాలని ఎస్సై మాలిక్‌ రెహమాన్‌ను ఆదేశించారు.

● జిల్లా ఇన్‌చార్జి మంత్రి సీతక్కఉట్నూర్‌రూరల్‌: నిరుద్యోగ యువతీ యువకులు ఉద్యోగ, ఉపాధి అవకాశాలను అందిపుచ్చుకోవాలని జిల్లా ఇన్‌చార్జి మంత్రి సీతక్క అన్నారు. ఉట్నూర్‌ కేబీ కాంప్లెక్స్‌లోని వైటీసీలో గిరిజన నిరుద్యోగులకు ఆర్టీసీ ఆదిలాబాద్‌ రీజియన్‌ సహకారంతో హెవీ వెహికిల్‌ మోటార్‌ ట్రైనింగ్‌ ప్రోగ్రాంను ఆదివారం ప్రారంభించారు. అనంతరం ఏర్పాటు చేసిన కార్యక్రమంలో మంత్రి మాట్లాడుతూ కాంగ్రెస్‌ ప్రభుత్వం ఏర్పడిన తర్వాత 59 వేల ఉద్యోగాలు భర్తీ చేసినట్లు తెలిపారు. త్వరలో ఉమ్మడి ఆదిలాబాద్‌ జిల్లాలో 4 వేల అంగన్‌వాడీ పోస్టులు భర్తీ చేయనున్నట్లు తెలిపారు. ఆర్టీసీని గత ప్రభుత్వం పట్టించుకోలేదని, ప్రజా ప్రభుత్వం వచ్చిన వెంటనే పూర్వ వైభవం తీసుకొస్తున్నామన్నారు. యువత ఖాళీగా ఉండకుండా ఉపాధి అవకాశాలు అందిపుచ్చుకోవాలన్నారు. అనంతరం దేవుగూడ గిరిజన ప్రాథమిక పాఠశాల విద్యార్థులకు బెంచీలు అందజేశారు. ఆంజనేయ స్వామి ఆలయంలో పూజలు చేశారు. కార్యక్రమంలో ఎంపీ నగేశ్‌, ఎమ్మెల్సీ విఠల్‌, ఐటీడీఏ పీవో ఖుష్బూగుప్తా, సబ్‌ కలెక్టర్‌ యువరాజ్‌, ఎమ్మెల్యే వెడ్మ బొజ్జు, మాజీ ఎమ్మెల్యే ఆత్రం సక్కు, తదితరులు పాల్గొన్నారు.

ఇంద్రవెల్లి: 1981 ఏప్రిల్‌ 20న ఇంద్రవెల్లిలో జరిగిన సభకు సారధ్యం వహించిన తుమ్మగూడకు చెందిన తొడసం కట్టి స్మారక జెండా వద్ద ఆదివారం ఉదయం గ్రామస్తులు ఘనంగా నివాళులర్పించారు. అంతకుముందు తుమ్మగూడ నుంచి సంప్రదాయ వాయిద్యాలతో రాంనగర్‌చౌక్‌ వద్ద ఉన్న స్మారక జెండావద్దకు వచ్చి ప్రత్యేక పూజలు చేశారు. తొడసం కట్టి ఆశయ సాధనకు ప్రతి ఒక్కరూ కృషి చేయాలన్నారు. ఈ కార్యక్రమంలో తుమ్మగూడ గ్రామ పెద్దలు కనక హనుమంత్‌రావ్‌, సోయం వినోద్‌, ఆత్రం జల్పత్‌రావ్‌, మడావి శేకు, తదితరులు పాల్గొన్నారు. ఆటో బోల్తా.. పలువురికి గాయాలుభైంసాటౌన్‌: పట్టణంలోని సాత్‌పూల్‌ వంతెన వద్ద ఆటో బోల్తా పడిన ఘటనలో పలువురు గాయాలపాలయ్యారు. స్థానికుల కథనం ప్రకారం.. ఆదివారం సాయంత్రం ముధోల్‌ వైపు నుంచి ప్యాసింజర్లతో వస్తున్న ఆటో భైంసాలోని సాత్‌పూల్‌ వంతెన వద్దకు చేరుకోగానే ఎదురుగా వస్తున్న లారీని తప్పించబోయి రోడ్డు పక్కనే ఉన్న విద్యుత్‌ స్తంభాన్ని ఢీకొంది. ఘటనలో ఆటో బోల్తా పడగా, అందులోని ప్రయాణికులు నిజామాబాద్‌కు చెందిన సుశ్మిత, సతీష్‌కుమార్‌కు తీవ్ర గాయాలయ్యాయి. కల్లూరుకు చెందిన మరో ఇద్దరు మహిళలు, చిన్నారులకు గాయాలయ్యాయి. స్థానికులు 108కు సమాచారం అందించడంతోక్షతగాత్రులను ఏరియాస్పత్రికి తరలించారు.

● 10 గంటల్లోనే కేసును ఛేదించిన పోలీసులురామకృష్ణాపూర్‌: పట్టణంలోని హనుమాన్‌నగర్‌లో రెండు చోరీల ఘటనలను పోలీసులు ఛేదించారు. బెల్లంపల్లి ఏసీపీ రవికుమార్‌ స్థానిక పోలీస్‌స్టేషన్లో ఏర్పాటు చేసిన విలేకరుల సమావేశంలో వివరాలు వెల్లడించారు. హనుమాన్‌నగర్‌కు చెందిన ఇరుముల్ల శరణ్య ఆదివారం తెల్లవారుజామున తన ఇంట్లో కిటికీ పక్కన నిద్రిస్తుండగా ఆమె మెడలో ఉన్న మూడు తులాల పుస్తెలతాడును గుర్తు తెలియని వ్యక్తి తస్కరించాడు. అదే కాలనీలో బుర్ర రాజేంద్రప్రసాద్‌ ఫోన్‌ను కూడా కిటికీ నుండే దొంగిలించాడు. సమాచారం అందుకున్న పోలీసులు రెండు కేసులు నమోదు చేశారు. బెల్లంపల్లి ఏసీపీ రవికుమార్‌ ఆధ్వర్యంలో సీసీఎస్‌ పోలీసుల సహకారంతో పలు బృందాలుగా ఏర్పడి విచారణ ప్రారంభించారు. సీసీ కెమెరాల ఆధారంగా నిందితుడు గోదావరిఖనిలోని కాకతీయకాలనీకి చెందిన గుంజ ఇమ్మానుయేల్‌గా గుర్తించారు. మధ్యాహ్నం నిందితుడిని స్థానిక సింగరేణి ఏరియా ఆసుపత్రి వద్ద ఎఫ్‌టీటీజెడ్‌ బైక్‌పై వెళ్తుండగా పట్టుకున్నారు. అతని జేబులో ఉన్న మూడు తులాల గొలుసు, ఫోన్‌ స్వాధీనం చేసుకున్నారు. రెండు కేసులను ఛేదించడంలో ప్రముఖ పాత్ర వహించిన మందమర్రి సీఐ శశిధర్‌రెడ్డి, పట్టణ ఎస్సై రాజశేఖర్‌, కాసిపేట ఎస్సై ప్రవీణ్‌, క్రైంటీమ్‌ సిబ్బందిని ఏసీపీ అభినందించి రివార్డ్‌లను అందజేశారు. రాపల్లిలో నాలుగిళ్లలో చోరీ మంచిర్యాలరూరల్‌(హాజీపూర్‌): హాజీపూర్‌ మండలం రాపల్లిలో నాలుగిళ్లలో చోరీ జరిగింది. ఎస్సై స్వరూప్‌రాజ్‌ కథనం మేరకు ఈనెల 18న గ్రామాని కి చెందిన కాల్ల రమ, ఊట్నూరి అంజయ్య, ఊట్నూ రి లక్ష్మి, ఊ ట్నూరి విశాల్‌ ఇళ్లలో చోరీ జరిగింది. కాల్ల రమ ఇంట్లో పావుతులం బంగారు పుస్తెలు, ఊట్నూరి లక్ష్మి ఇంట్లో 18 తులాల వెండి ప ట్ట గొలుసులు అపహరించారు. రమ ఫిర్యాదు మేరకు చోరీ కేసు నమోదు చేసినట్లు ఎస్సై తెలిపారు.

ఉట్నూర్‌రూరల్‌: రోడ్డు ప్రమాదంలో ఒకరు మృతి చెందిన సంఘటన మండలంలో చోటు చేసుకుంది. ఎస్సై మనోహర్‌ తెలిపిన వివరాల ప్రకారం.. మండలంలోని సాలెవాడ(కె) గ్రామానికి చెందిన కోవ ప్రకాశ్‌ (47), కనక దత్తు ఆదివారం ద్విచక్ర వాహనంపై ఆదిలాబాద్‌కు వెళ్తుండగా ఇంద్రవెల్లి నుండి ఉట్నూర్‌ వైపు వెళ్తున్న బైక్‌ పులిమడుగు సమీపంలో మూల మలుపు వద్ద ఎదురెదురుగా ఢీకొన్నాయి. ఈ ప్రమాదంలో కోవ ప్రకాశ్‌కు తీవ్రగాయాలు కావడంతో గమనించిన స్థానికులు 108 ద్వారా ఆదిలాబాద్‌ రిమ్స్‌కు తరలిస్తుండగా మార్గమధ్యలో మృతి చెందాడు. బాధితుడి కుటుంబ సభ్యులు ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై తెలిపారు. గుర్తు తెలియని మహిళ..భైంసారూరల్‌: భైంసా–నిర్మల్‌ జాతీయ రహదారిపై తిమ్మాపూర్‌ గ్రామ సమీపంలో శనివారం రాత్రి జరిగిన రోడ్డు ప్రమాదంలో గుర్తు తెలియని మహిళ మృతి చెందినట్లు ఎస్సై శంకర్‌ తెలిపారు. జాతీయ రహదారిపై గుర్తు తెలియని మహిళను గుర్తు తెలియని వాహనం ఢీకొట్టడంతో సంఘటన స్థలంలోనే మృతి చెందింది. మహిళకు 40 నుంచి 45 ఏళ్ల వయస్సు ఉంటుందని, చేతిపై నేతాజీ అని పచ్చబొట్టు రాసి ఉందని, ఎరుపురంగు చీర ధరించి ఉందన్నారు. మృతదేహాన్ని భైంసా ఏరియా ఆసుపత్రి పోస్టుమార్టం గదిలో భద్రపరిచినట్లు తెలిపారు. ఎవరైనా గుర్తిస్తే భైంసారూరల్‌ పోలీసులకు సమాచారం అందించాలని సూచించారు. ఉరేసుకుని వ్యక్తి ఆత్మహత్యవాంకిడి: మద్యం తాగవద్దని కుటుంబ సభ్యులు మందలించడంతో మనస్తాపానికి గురై ఉరేసుకుని వ్యక్తి ఆత్మహత్య చేసుకున్న ఘటన శనివారం రాత్రి మండలంలో చోటు చేసుకుంది. ఎస్సై ప్రశాంత్‌ తెలిపిన వివరాల ప్రకారం.. మండలంలోని ఇందాని గ్రామానికి చెందిన చెంద్రి లచ్చుంబాయి చిన్న కుమారుడు చెంద్రి సంతోష్‌(35) కొంతకాలంగా మద్యానికి బానిసయ్యాడు. శనివారం తల్లితో పాటు అతని భార్య కల్పన మందలించారు. దీంతో మనస్తాపానికి గురై రాత్రి అందరు పడుకున్న సమయంలో చీరతో ఫ్యానుకు ఉరేసుకున్నాడు. ఆదివారం ఉదయం కుటుంబ సభ్యులు చూసేసరికి ఫ్యాన్‌కు వేలాడుతూ కనిపించాడు. మృతుని తల్లి లచ్చుంబాయి ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై తెలిపారు. గుర్తు తెలియని వ్యక్తి దారుణ హత్య ఆదిలాబాద్‌టౌన్‌(జైనథ్‌): భోరజ్‌ మండలం పెన్‌గంగ సమీపంలోని డొల్లార గ్రామ ప్రాంతంలో గుర్తు తెలియని వ్యక్తి దారుణ హత్యకు గురైనట్లు జైనథ్‌ ఎస్సై పురుషోత్తం తెలిపారు. మృతుని వయస్సు 30 నుంచి 35 సంవత్సరాల మధ్య ఉంటుందని, ఛాతి భాగంలో కత్తితో పొడవడంతో శరీరంలోని పేగులు బయటకు వచ్చాయన్నారు. ముఖంపై కత్తితో పొడిచి గాయపర్చారన్నారు. ముఖం గుర్తుపట్టకుండా బండ రాయితో కొట్టినట్లు ఉందన్నారు. మృతుడు నలుపు రంగు టీషర్ట్‌, జీన్‌ ప్యాంట్‌ ధరించి ఉన్నాడని, మహారాష్ట్రవాసిగా అనుమానిస్తున్నామన్నారు. ఎక్కడో హత్య చేసి ఇక్కడ పడేసి ఉండవచ్చని ఎస్సై వివరించారు. మృతదేహాన్ని ఎవరైనా గుర్తిస్తే జైనథ్‌ పోలీసులకు సమాచారం అందించాలని సూచించారు. దరఖాస్తుల స్వీకరణ నిర్మల్‌రూరల్‌: రాబోయే విద్యాసంవత్సరంలో తెలంగాణ రాష్ట్ర గురుకుల జూనియర్‌ కళాశాలల్లో ప్రవేశానికి ఈనెల 23 వరకు ఆన్‌లైన్‌లో దరఖాస్తులు స్వీకరిస్తున్నట్లు ఉమ్మడి ఆదిలాబాద్‌ జిల్లా కోఆర్డినేటర్‌ డేనియల్‌ తెలిపారు. ఇంటర్‌లో ఎంపీసీ, బైపీసీ కోర్సుల్లో బెల్లంపల్లిలో 80 సీట్లు (బాలురు), నిర్మల్‌ పట్టణంలోని సోఫీనగర్‌ గురుకుల పాఠశాలలో (బాలికలు) 80 సీట్లు ఉన్నట్లు పేర్కొన్నారు. మే 10న ప్రవేశ పరీక్ష నిర్వహించనున్నట్లు తెలిపారు.

మంచిర్యాల: ప్రేమించాలని, పెళ్లి చేసుకోవాలని వేధిస్తున్నాడంటూ మందమర్రి మొదటి జోన్‌లో ఉండే అజయ్‌ అనే యువకుడి ఇంటి ఎదుట శనివారం హిజ్రాలు ఆందోళన చేపట్టారు. తనను గత కొంతకాలంగా ప్రేమ పేరిట వేధిస్తున్నాడని, ఫొటోలు, వీడియోలు తీసి వేధింపులకు పాల్పడుతున్నాడని చందన అనే హిజ్రా వాపోయింది. వీడియో కాల్‌ చేసి డబ్బులు కావాలని అడుగుతున్నాడని, ఇవ్వకపోతే రైలు కిందపడి చనిపోతానంటూ బెదిరిస్తున్నాడని పేర్కొంది. అజయ్‌ను తహసీల్దార్‌ ఎదుట బైండోవర్‌ చేసినట్లు ఎస్సై రాజశేఖర్‌ తెలిపారు. ఈతకు వెళ్లి విద్యార్థి గల్లంతులక్ష్మణచాంద: ఈతకు వెళ్లి విద్యార్థి గల్లంతైన సంఘటన మండలంలో చోటు చేసుకుంది. గ్రామస్తులు తెలిపిన వివరాల మేరకు వడ్యాల్‌ గ్రామానికి చెందిన మద్దెల గంగన్నృలక్ష్మి దంపతుల కుమారుడు రామ్‌చరణ్‌ (14) శనివారం ఉదయం పాఠశాలకు వెళ్లి మధ్యాహ్నం ఇంటికి వచ్చాడు. ఒంటిగంట సమయంలో కాలనీ పిల్లలతో కలిసి గ్రామ సమీపంలోని చెక్‌ డ్యాంకు స్నానానికి వెళ్లారు. సాయంత్రమైనా తమ కుమారుడు ఇంటికి రాకపోవడంతో ఆందోళన చెందిన తల్లిదండ్రులు ఆరా తీయగా ఈతకు వెళ్లినట్లు తెలిసింది. దీంతో చెక్‌డ్యామ్‌ వద్దకు వెళ్లి చూడగా రామ్‌చరణ్‌ బట్టలు, పాదరక్షలు కనిపించాయి. చీకటి కావడంతో తిరిగి ఇంటికి వచ్చినట్లు కాలనీవాసులు తెలిపారు.

కరీంనగర్‌: జేఈఈ మెయిన్స్‌ ఫలితాల్లో శ్రీచైతన్య విద్యార్థులు జాతీయస్థాయిలో అద్భుత ర్యాంకులు సాధించారు. ఎం.రోహిత్‌ 17, టి.కుందన్‌ 814, పి.ఈశ్వర్‌ ముఖేశ్‌ 1,275, ఎం.అంజలి 2,575, బి.అక్షర 2,992, ఎం.తరుణ్‌ 5,949, నందిని7,464 ర్యాంకు, 20 వేల లోపు 15 మంది ర్యాంకులు సాధించారు. పరీక్షకు హాజరైన వారిలో 40 శాతం మంది విద్యార్థులు అడ్వాన్స్‌డ్‌కు క్వాలీపై అయ్యారు. ఈ సందర్భంగా చైర్మన్‌ రమేశ్‌రెడ్డి మాట్లాడుతూ, సంస్థ స్థాపించిన నాటి నుంచి అన్ని పోటీ పరీక్షల్లో శ్రీచైతన్య విద్యార్థులు రాణిస్తున్నందుకు ఆనందం వ్యక్తం చేశారు. విద్యార్థులు, వారి తల్లిదండ్రులు, అధ్యాపక బృందానికి అభినందనలు తెలిపారు. కళాశాల డైరెక్టర్‌ కర్ర నరేందర్‌రెడ్డి, డీన్‌ జగన్‌మోహన్‌రెడ్డి, ప్రిన్సిపాల్స్‌ మల్లారెడ్డి, రాధాకృష్ట, మోహన్‌రావు, ఏజీఎం శ్రీనివాస్‌ తదితరులు పాల్గొన్నారు.

నేరడిగొండ: బెంగళూరుకు చెందిన కొట్రెస్‌ సోలార్‌ ద్వారా నడిచే సైకిల్‌పై కన్యాకుమారి నుంచి కశ్మీర్‌కు యాత్ర చేపట్టాడు. శనివారం నేరడిగొండ మండలంలోని రోల్‌మామడ టోల్‌ప్లాజ్‌ వద్ద అతను హైవే పెట్రోలింగ్‌ పోలీసులకు కనిపించగా పలు సూచనలు చేశారు. అత్యవసర పరిస్థితుల్లో 100కు కాల్‌ చేయాలని, వెంట ఓఆర్‌ఎస్‌ ప్యాకెట్లు ఉంచుకోవాలని సూచించారు.ఇసుక డంప్‌ స్వాధీనం ఆదిలాబాద్‌టౌన్‌(జైనథ్‌): జిల్లా అధికారుల ఆదేశాలతో జైనథ్‌ మండలంలోని పెన్‌గంగా పరీవాహక గ్రామాలపై మండల స్థాయి అధికారులు అప్రమత్తమై ఇసుక అక్రమ రవాణాపై ఉక్కుపాదం మోపుతున్నారు. ఇందులో భాగంగానే తమకు అందిన సమాచారం మేరకు శనివారం ఎస్సై పురుషోత్తం, తహసీల్దార్‌ నారాయణ, ఆర్‌ఐ ఉల్లాస్‌ సాంగ్వి, కౌట గ్రామాల మధ్య ఉన్న ఇసుక డంప్‌ను సీజ్‌ చేసినట్లు తెలిపారు. ఈ సందర్భంగా తహసీల్దార్‌ మాట్లాడుతూ సుమారు 10 ట్రాక్టర్ల ఇసుకను స్వాధీనం చేసుకున్నట్లు పేర్కొన్నారు. ఇసుక విలువ రూ.20వేల వరకు ఉంటుందన్నారు. ఈ విషయాన్ని ఉన్నత స్థాయి అధికారుల దృష్టికి తీసుకెళ్లి చర్యలు తీసుకోనున్నట్లు తెలిపారు. ఈతకు వెళ్లి విద్యార్థి గల్లంతు లక్ష్మణచాంద: ఈతకు వెళ్లి విద్యార్థి గల్లంతైన సంఘటన మండలంలో చోటు చేసుకుంది. గ్రామస్తులు తెలిపిన వివరాల మేరకు వడ్యాల్‌ గ్రామానికి చెందిన మద్దెల గంగన్న–లక్ష్మి దంపతుల కుమారుడు రామ్‌చరణ్‌ (14) శనివారం ఉదయం పాఠశాలకు వెళ్లి మధ్యాహ్నం ఇంటికి వచ్చాడు. ఒంటిగంట సమయంలో కాలనీ పిల్లలతో కలిసి గ్రామ సమీపంలోని చెక్‌ డ్యాంకు స్నానానికి వెళ్లారు. సాయంత్రమైనా తమ కుమారుడు ఇంటికి రాకపోవడంతో ఆందోళన చెందిన తల్లిదండ్రులు ఆరా తీయగా ఈతకు వెళ్లినట్లు తెలిసింది. దీంతో చెక్‌డ్యామ్‌ వద్దకు వెళ్లి చూడగా రామ్‌చరణ్‌ బట్టలు, పాదరక్షలు కనిపించాయి. చీకటి కావడంతో తిరిగి ఇంటికి వచ్చినట్లు కాలనీవాసులు తెలిపారు.

బెల్లంపల్లి సీవోఈ విద్యార్థుల ప్రతిభదేశవ్యాప్తంగా ఇంజనీరింగ్‌ కళాశాలల్లో ప్రవేశానికి ఈ నెల 2 నుంచి 8వ తేదీ వరకు నిర్వహించిన ప్రతిష్టాత్మకమైన జేఈఈ మెయిన్‌లో ఉమ్మడి జిల్లాకు చెందిన పలువురు విద్యార్థులు ప్రతిభ కనబరిచారు. శుక్రవారం రాత్రి నేషనల్‌ టెస్టింగ్‌ ఏజెన్సీ (ఎన్‌టీఏ) జేఈఈ మెయిన్‌ ఫలితాలను ప్రకటించింది.బెల్లంపల్లి: బెల్లంపల్లి ప్రభుత్వ సాంఘిక సంక్షేమ బాలుర గురుకుల సెంటర్‌ ఆఫ్‌ ఎక్స్‌లెన్సీ (సీవోఈ) కళాశాల విద్యార్థులు విజయ దుందుభి మ్రోగించారు. కళాశాల నుండి మొత్తం 39 మంది విద్యార్థులు పరీక్ష రాయగా 15 మంది జేఈఈ అడ్వాన్స్డ్‌ పరీక్షకు అర్హత సాధించారు. ఉత్తీర్ణత సాధించిన విద్యార్థులు వీరే... ఎస్‌.కే. సుభాన్‌ 88.88 పర్సంటైల్‌ సాధించి కళాశాల టాపర్‌గా నిలవగా కె.రంజిత్‌ 86.57, సీహెచ్‌.సాయికుమార్‌ 85.15, కె.శ్రీనివాస్‌ 80.17, ఎం.సాయిరాం 78.99, ఆర్‌.అంజి 78.53, కె.శారూన్‌ 76.84, డి.రాజేందర్‌ 75.69, ఎస్‌.ఆదర్శ్‌ 75.04, ఎన్‌.రాజేశ్‌, 75.35, ఎస్‌.వెంకటేశ్వర్‌ 72.66, బి.ప్రవీణ్‌కుమార్‌ 73.67, బి.అంజిబాబు 72.30, జీ.చరణ్‌ 63.87, కె.రామ్‌ చరణ్‌తేజ 62.39 పర్సంటైల్‌ సాధించారు. సదరు విద్యార్థులను కళాశాల ప్రిన్సిపాల్‌ ఆకిడి విజయ్‌సాగర్‌, వైస్‌ ప్రిన్సిపాల్‌ దుర్గం రమాదేవి, లెక్చరర్లు అభినందించారు. సమష్టి కృషితో ఉత్తమ ఫలితాలు బెల్లంపల్లి సీవోఈ కళాశాలకు ఎంతో ప్రత్యేకత ఉంది. ఏటా జాతీయ స్థాయి పోటీ పరీక్షల్లో కళాశాల విద్యార్థులు అత్యుత్తమ ఫలితాలు సాధిస్తున్నారు. ఈ సారి కూడా జేఈఈ మెయిన్స్‌లో 15 మంది విద్యార్థులు మెరుగైన పర్సంటైల్‌ సాధించారు. సమష్టి కృషితోనే విజయం సాధ్యమైంది. నిరుపేద విద్యార్థులైనా చదువులో తామేమీ తక్కువ కాదని నిరూపించారు. – ఆకిడి విజయ్‌సాగర్‌, సీవోఈ ప్రిన్సిపాల్‌, బెల్లంపల్లి షేక్‌ అమన్‌

సోన్‌: కేంద్ర రాష్ట్ర ప్రభుత్వాల చొరవతో అష్టపు ప్రేమ్‌సాగర్‌ మృతదేహం శనివారం స్వగ్రామం చేరుకుంది. వారం రోజుల క్రితం దుబాయిలోని ఓ ప్రముఖ బేకరీలో పనిచేస్తున్న అష్టపు ప్రేమ్‌సాగర్‌ను పాకిస్తాన్‌కు చెందిన యువకుడు కత్తితో పొడిచి దారుణంగా హత్య చేసిన విషయం తెలిసిందే. మృతదేహాన్ని చూసిన కుటుంబ సభ్యులు, గ్రామస్తులు శోకసంద్రంలో మునిగిపోయారు. అంతిమయాత్రలో కాంగ్రెస్‌ పార్టీ రాష్ట్ర మహిళా ఉపాధ్యక్షురాలు అల్లూరి కృష్ణవేణిరెడ్డి, బీజేపీ నాయకులు సత్యనారాయణగౌడ్‌, అయ్యన్నగారి భూమ య్య, ముత్కపల్లి నరేష్‌ పాల్గొన్నారు.

● జిల్లా ఇన్‌చార్జి మంత్రి సీతక్కనేరడిగొండ: ప్రజా ప్రభుత్వంలో పర్యాటక క్షేత్రాలను అభివృద్ధి పర్చడమే లక్ష్యంగా ముఖ్యమంత్రి రేవంత్‌రెడ్డి కృషి చేస్తున్నారని జిల్లా ఇన్‌చార్జి మంత్రి సీతక్క అన్నారు. శనివారం ఎమ్మెల్సీ దండే విఠల్‌, పర్యాటక శాఖ కార్పొరేషన్‌ చైర్మన్‌ పటేల్‌ రమేశ్‌రెడ్డితో కలిసి కుంటాల జలపాతాన్ని సందర్శించారు. ఈ సందర్భంగా మంత్రి మాట్లాడుతూ జలపాతం అభివృద్ధికి కృషి చేస్తానని, త్వరలోనే రోప్‌వే నిర్మిస్తామన్నారు. పర్యాటకుల సౌకర్యార్థం రిసార్ట్‌ పనులను ప్రారంభించామని, జూన్‌ నాటికి రిసార్టు అందుబాటులోకి వచ్చేలా చర్యలు తీసుకోవాలని అధికారులను ఆదేశించారు. పర్యావరణం దెబ్బతినకుండా కుంటాల జలపాతాన్ని అభివృద్ధి చేసి స్థానిక ప్రజలకు ఉపాధి కల్పించేలా చూస్తామన్నారు. నిజాం కాలంలోనే కుంటాల జలపాతం వద్ద అప్పటి అధికారులు ఇక్కడ సేద తీరినట్లు ఆనవాళ్లు ఉన్నాయన్నారు. పదేళ్ల బీఆర్‌ఎస్‌ ప్రభుత్వ హయాంలో కుంటాల జలపాతానికి, పర్యాటక రంగానికి చేసిందేమి లేదన్నారు. మంత్రి వెంట కేంద్ర మాజీ మంత్రి సముద్రాల వేణుగోపాలాచారి, కరీంనగర్‌ గ్రంథాలయ చైర్మన్‌ సత్తు మల్లేశ్‌, కాంగ్రెస్‌ బోథ్‌ నియోజకవర్గ ఇన్‌చార్జి ఆడే గజేందర్‌, నాయకులు తుల అరుణ్‌ కుమార్‌, ఆత్రం సుగుణ, తలమడుగు మాజీ జెడ్పీటీసీ గోక గణేశ్‌రెడ్డి, బోథ్‌ వ్యవసాయ మార్కెట్‌ కమిటీ చైర్మన్‌ బొడ్డు గంగారెడ్డి, ఉపాధ్యక్షుడు ఆడే వసంత్‌రావు, తిత్రే నారాయణసింగ్‌, జాదవ్‌ కపిల్‌, ఆడే సతీశ్‌, బద్దం పోతారెడ్డి, నాయిడి రవి, తదితరులు ఉన్నారు.

● ఇద్దరికి తీవ్రగాయాలు తానూరు/భైంసాటౌన్‌: తానూరు మండలంలోని భోసి వద్ద జాతీయ రహదారిపై శనివారం రాత్రి జరిగిన రోడ్డు ప్రమాదంలో ఒకరు దుర్మరణం చెందారు. స్థానికుల కథనం ప్రకారం.. మహారాష్ట్రలోని నాంద గ్రామానికి చెందిన చందు (50), హన్మంతు, బాబన్న(సుదర్శన్‌) భైంసా వైపు నుంచి స్వగ్రామానికి ద్విచక్ర వాహనంపై వెళ్తుండగా భోసి వద్ద గుర్తు తెలియని వాహనం ఢీకొట్టింది. చందు తలపై నుంచి వాహనం వెళ్లడంతో తలభాగం నుజ్జునుజ్జయి అక్కడికక్కడే మృతి చెందాడు. హన్మంతు, బాబన్నకు తీవ్రగాయాలు కావడంతో గమనించిన స్థానికులు అంబులెన్స్‌లో భైంసాలోని ప్రభుత్వ ఏరియాస్పత్రికి తరలించారు. హన్మంతు పరిస్థితి విషమంగా ఉండడంతో నాందేడ్‌కు తరలించగా, బాబన్న భైంసా ఏరియాస్పత్రిలో చికిత్స పొందుతున్నాడు.

నిర్మల్‌: నర్సాపూర్‌ (జి) మండలంలోని అంజనీతండాకు చెందిన రాథోడ్‌ విజయ–సంతోష్‌ దంపతుల కుమారుడు రాథోడ్‌ సతీశ్‌, చవాన్‌ సేపాబాయి–అంబాజీ దంపతుల కుమారుడు చవాన్‌ సుధీర్‌ కుమార్‌ శుక్రవారం వెలువడిన జేఈఈ మెయిన్‌ ఫలితాల్లో సత్తా చాటారు. రాథోడ్‌ సతీశ్‌ 89.018 పర్సంటైల్‌ సాధించి ఎస్టీ కేటగిరీలో ఆలిండియా 1,744 ర్యాంకు సాధించగా సుధీర్‌ కుమార్‌ 81.105 పర్సంటైల్‌ సాధించి ఆలిండియా ఎస్టీ కేటగిరీలో 4,086 ర్యాంకు కైవసం చేసుకున్నాడు. సదరు విద్యార్థులను గ్రామస్తులతో పాటు పలువురు అభినందించారు.

బాసర: రాష్ట్ర వ్యాప్తంగా విశ్వవిద్యాలయాల్లో పనిచేస్తున్న ఒప్పంద అధ్యాపకులను క్రమబద్ధీకరించిన తర్వాతే నోటిపికేషన్‌ వేయాలని డిమాండ్‌ చేస్తూ ఈ నెల 21 నుంచి నిరవధిక సమ్మెకు దిగుతున్నట్లు ఆర్జీయూకేటీ టీచింగ్‌ ఎంప్లాయీస్‌ అసోసియేషన్‌ అధ్యక్షుడు శ్రీశైలం తెలిపారు. శనివారం సమ్మె నోటీస్‌ను ఏవో రణధీర్‌కు అందజేసినట్లు ఆయన పేర్కొన్నారు. ఈ సందర్భంగా ఆయన మాట్లాడుతూ ఆర్జీయూకేటీ స్థాపించినప్పటి నుంచి దాదాపుగా 17 ఏళ్లుగా ఒప్పంద ప్రాతిపదికన పనిచేస్తున్నామని ఆవేదన వ్యక్తం చేశారు. జీవో 21 రద్దు చేయాలని డిమాండ్‌ చేశారు. ఈ కార్యక్రమంలో అసోసియేషన్‌ సభ్యులు డాక్టర్‌ ఎన్‌. విజయ్‌ కుమార్‌, మంద సతీశ్‌ కుమార్‌, శ్రీధర్‌, తిలక్రెడ్డి, డాక్టర్‌ బాలకృష్ణ, తదితరులు పాల్గొన్నారు.

నిర్మల్‌రూరల్‌: జిల్లా కేంద్రంలోని విజయనగర్‌ కాలనీకి చెందిన ఉపాధ్యాయులు పోతుల్‌వార్‌ సురేష్‌–స్వప్న దంపతుల కుమారుడు సృజన్‌ కుమార్‌ జేఈఈ మెయిన్‌లో 99.96 శాతం పర్సంటైల్‌తో ఆలిండియాలో 683 కామన్‌ ర్యాంక్‌, ఓబీసీ విభాగంలో 105 ర్యాంక్‌ సాధించాడు. జిల్లా కేంద్రానికి చెందిన అటోలి సంజీవ్‌ కుమార్‌, చింతప్రభ దంపతుల కుమారుడైన రుతిక్‌ కుమార్‌ 99.89 శాతం పర్సంటైల్‌ సాధించి ఓబీసీ కోటాలో 301 ర్యాంకును కై వసం చేసుకున్నాడు. స్కూల్‌ అసిస్టెంట్‌గా పనిచేస్తున్న నహిద్‌ పాష కుమారుడు సయ్యద్‌ రియాజ్‌ 99.88 శాతం పర్సంటైల్‌ సాధించాడు.

ఆదిలాబాద్‌రూరల్‌: దేశవ్యాప్తంగా ఇంజనీరింగ్‌ కాలేజీల్లో ప్రవేశానికి నిర్వహించిన జేఈఈ మెయిన్‌లో మావల మండలంలోని ఎస్‌ఆర్‌ ప్రైమ్‌ కళాశాలకు చెందిన పలువురు విద్యార్థులు ఉత్తమ ర్యాంకులు సాధించారు. రాథోడ్‌ సచిన్‌ 3,333 ర్యాంకు, బి.శివసాయి 4,721, వాసు 6,876, ఎల్‌.శ్రీలేఖ 7,505, ఆక్షాద్‌ 8,071, జాదవ్‌ సాయిరామ్‌ 9,067, రాథోడ్‌ సంధ్య 9,156, రాథోడ్‌ పావని 11,113, రాథోడ్‌ హరీష్‌ 13,731 ర్యాంకుతో పాటు మరో 32 మంది విద్యార్థులు అర్హత సాధించినట్లు కళాశాల జోనల్‌ ఇన్‌చార్జి శ్రీనివాస్‌రెడ్డి తెలిపారు. శనివారం కళాశాల చైర్మన్‌తో పాటు డైరెక్టర్లు సదరు విద్యార్థులను అభినందించారు. ఈ కార్యక్రమంలో కళాశాల ప్రిన్సిపాళ్లు జయపాల్‌రెడ్డి, అరవింద్‌, లలిత పాల్గొన్నారు.

కరీంనగర్‌: జేఈఈ మెయిన్‌ ఫలితాల్లో ట్రినిటీ జూనియర్‌ కళాశాల విద్యార్థులు సత్తాచాటారు. ఎ.రఘుపతి జాతీయస్థాయిలో 138వ ర్యాంకు, ఎ.హేమంత్‌ 162, డి.సాయిచరణ్‌కుమార్‌ 313, ఎస్‌.పరమేశ్వరరెడ్డి 344, ఎ.ఫనీందర్‌ 409, ఆర్‌.సాయికిశోర్‌ 587, వి.అదీప్‌ 751, డి.మహేశ్‌ 974, ఆర్‌.మనోజ్‌ 1,262, బి.సిద్ధిక 1,551 ర్యాంకు సాధించారు. కేవలం కరీంనగర్‌ బ్రాంచ్‌ నుంచి 1,000 లోపు 8 ర్యాంకులతో పాటు పరీక్షకు హాజరైన విద్యార్థుల్లో 83 శాతం మంది ఉత్తమ ర్యాంకులతో జేఈఈ–అడ్వాన్స్‌ పరీక్షలకు అర్హత సాధించారు. ఈ సందర్భంగా ఏర్పాటు చేసిన అభినందన కార్యక్రమంలో కళాశాల చైర్మన్‌ దాసరి మనోహర్‌రెడ్డి మాట్లాడారు. నిర్దిష్ట ప్రణాళిక, ఉన్నతమైన బోధన, నిష్ణాతులైన అధ్యాపకుల పర్యవేక్షణలో ర్యాంకులు సాధించిన విద్యార్థులను అభినందించారు. రాబోయే అడ్వాన్డ్స్‌ పరీక్షల్లో మరిన్ని ఉత్తమ ర్యాంకులు సాధించి పేరొందిన ఐఐటీ సంస్థల్లో తమ విద్యార్థులు సీట్లు సాధిస్తారని ఆశాభావం వ్యక్తం చేశారు. కార్యక్రమంలో కళాశాల చైర్మన్‌ దాసరి ప్రశాంత్‌రెడ్డి, విద్యార్థుల తల్లిదండ్రులు, వివిధ బ్రాంచ్‌ల ప్రిన్సిపాల్స్‌ పాల్గొన్నారు.

● బీజేపీ జిల్లా అధ్యక్షుడు వెంకటేశ్వర్‌గౌడ్‌ ● కొనుగోలు కేంద్రాల సందర్శనమంచిర్యాలరూరల్‌(హాజీపూర్‌)/లక్సెట్టిపేట/దండేపల్లి: ధాన్యం కొనుగోళ్లలో ప్రభుత్వం జాప్యం చేస్తోందని బీజేపీ నాయకులు విమర్శించారు. శనివారం బీజేపీ ఆధ్వర్యంలో ధాన్యం కొనుగోలు కేంద్రాల సందర్శన నిర్వహించారు. హాజీపూర్‌ మండలం పడ్తనపల్లి, కర్ణమామిడి, లక్సెట్టిపేట మున్సిపాల్టీ పరిధి ఇటిక్యాల, దండేపల్లి మండలం ముత్యంపేట గ్రామాల్లో ఏర్పాటు చేసిన కొనుగోలు కేంద్రాలను బీజేపీ జిల్లా అధ్యక్షుడు వెంకటేశ్వర్‌గౌడ్‌, మాజీ అధ్యక్షుడు రఘునాథ్‌, కిసాన్‌ మోర్చా జాతీయ కార్యవర్గ సభ్యుడు గోలి మధుసూదన్‌ సందర్శించారు. కొనుగోలు కేంద్రాల్లో రైతులు ఎదుర్కొంటున్న సమస్యలు తెలుసుకుని ధా న్యం కొనుగోలు విషయంలో అధికారులు, కేంద్రాల నిర్వాహకులపై ఆగ్రహం వ్యక్తం చేశారు. పార్టీ రాష్ట్ర ఉపాధ్యక్షుడు చిలుకూరి రమేష్‌, శ్రీనివాస్‌, పురుషోత్తం, రమణారావు, కృష్ణమూర్తి, స్వామిరెడ్డి తదితరులు పాల్గొన్నారు.

● రాష్ట్ర పౌరసరఫరాల శాఖ మంత్రి ఉత్తమ్‌కుమార్‌రెడ్డి మంచిర్యాలఅగ్రికల్చర్‌: కొనుగోలు కేంద్రాల్లో ఇబ్బందులు తలెత్తకుండా సౌకర్యాలు కల్పించి ధాన్యం సేకరించాలని రాష్ట్ర నీటి పారుదల, పౌరసరఫరాల శాఖ మంత్రి ఉత్తమ్‌కుమార్‌రెడ్డి అన్నారు. శనివారం హైదరాబాద్‌ నుంచి రాష్ట్ర పౌరసరఫరాల కమిషనర్‌ డీఎస్‌ చౌహాన్‌తో కలిసి వీడియో కాన్ఫరెన్స్‌ ద్వారా జిల్లా కలెక్టర్లు, అదనపు కలెక్టర్‌, పౌరసఫరాల శాఖ అధికారులతో ధాన్యం సేకరణ, సన్నబియ్యం పంపిణీ, తాగునీటి సరఫరా అంశాలపై సమీక్ష సమావేశం నిర్వహించారు. కలెక్టర్‌ కుమార్‌దీపక్‌ నిర్మల్‌ కలెక్టరేట్‌ నుంచి కాన్ఫరెన్స్‌లో పాల్గొన్నారు. కలెక్టర్‌ మాట్లాడుతూ జిల్లాలో 3,31,935 మెట్రిక్‌ టన్నుల ధాన్యం దిగుబడి అంచనా వేశామని, ఇప్పటి వరకు 209 కొనుగోలు కేంర్రాలు ప్రారంభించామన్నారు. ఈ నెల 17 వరకు 337 మెట్రిక్‌ టన్నుల ధాన్యం కొనుగోలు చేసినట్లు తెలిపారు.

ఇలా శిక్షణ పొందితే.. మంచిర్యాల పట్టణానికి చెందిన విశ్వనాథ్‌ రాము, జయంతి దంపతుల ఇద్దరు కూతుళ్లు అస్మిత(17), ఝాన్సీ చిన్నతనంలో చదువు అంటే భయం పడేవారు. చాలా సున్నితంగా ఉండేవారు. అందరికన్నా వెనుకబడుతున్నామనే ఆత్మన్యూనతకు లోనయ్యేవారు. దీంతో అన్నింటా రాణించడానికి తైక్వాండో శిక్షణ ఇప్పిస్తున్నారు. గత మూడేళ్లలో శారీరక దృఢత్వంతోపాటు ఆత్మవిశ్వాసం పెరిగింది. అంతేగాక ఇద్దరు చదువులోనూ ఉత్తమ ప్రతిభ కనబరుస్తూ.. తైక్వాండోలో రాష్ట్రస్థాయిలో పతకాలు గెలుచుకుంటున్నారు.సాక్షి ప్రతినిధి, మంచిర్యాల/మంచిర్యాలటౌన్‌: వేసవి సెలవులు వచ్చేశాయి. స్కూళ్లు, కాలేజీల్లో పుస్తకాలతో కుస్తీపట్టిన విద్యార్థులకు కాస్త విరామం దొరికింది. ఈ సెలవులను సద్విని యోగం చేసుకునే అవకాశం కలిగింది. బాలబాలికలు తమ అభిరుచి మేరకు ప్రావీణ్యం సాధించవచ్చు. అందుబాటులో ఉన్న శిక్షకులతో శిక్షణ పొందవచ్చు. జిల్లాలో ఆయా అసోసియేషన్ల తరఫున క్రీడాంశాల్లో శిక్షణకు అవకాశాలు కల్పిస్తున్నారు. క్రికెట్‌, బ్యాడ్మింటన్‌, టేబుల్‌ టెన్నిస్‌, బేస్‌బాల్‌, బాస్కెట్‌ బాల్‌, కబడ్డీ, ఖోఖో, చెస్‌, క్యారం, రన్నింగ్‌, ఫుట్‌బాల్‌, స్విమ్మింగ్‌, కరాటే, తైక్వాండోతోపాటు అథ్లెటిక్స్‌, జిమ్నాస్టిక్స్‌, బాక్సింగ్స్‌, మార్షల్‌ ఆర్ట్స్‌, ప్రాచీన కళలైన కర్ర, కత్తి సాము, ముద్గర్‌ తదితర వంటి క్రీడాంశాలు ఉన్నాయి. జిల్లా యువజన, క్రీడల శాఖ ఆధ్వర్యంలో ఇప్పటికే శిక్షకుల ఏర్పాటు, తరగతుల నిర్వహణకు సిద్ధమవుతున్నారు. వీటితోపాటు యోగ, లలిత కళలు డాన్స్‌, సంప్రదాయ నృత్యాలు, సంగీత వాయిద్యాలు నేర్చుకునే అవకాశం ఉంది. వేసవి శిబిరాలు ఇప్పటికే అందుబాటులోకి వచ్చా యి. ప్రభుత్వ, సింగరేణి, ప్రైవేటు అకాడమీలు ఫీజు తీసుకుని బాలబాలికలకు నేర్పిస్తున్నాయి.

● నిర్లక్ష్యం వహించే కాంట్రాక్టర్లపై చర్యలు ● త్వరలో అంగన్వాడీలలో ఖాళీల భర్తీ ● రాష్ట్ర మంత్రి సీతక్క ● ఉమ్మడి జిల్లా పంచాయతీరాజ్‌, మిషన్‌ భగీరథ, సీ్త్ర శిశు సంక్షేమ శాఖలపై సమీక్ష ● అభివృద్ధి పనుల తీరుపై ఉమ్మడి జిల్లా ఎమ్మెల్యేల అసంతృప్తి నిర్మల్‌చైన్‌గేట్‌: ‘అభివృద్ధి పనుల్లో నిర్లక్ష్యానికి తావులేదు.. పనులు చేయడంలో అలసత్వం వహించేవారిని ఉపేక్షించేది లేదు.. పనులను నిర్ణీత గడువులోపు నాణ్యతతో పూర్తి చేయించాలి’ అని రాష్ట్ర పంచాయతీరాజ్‌, గ్రామీణాభివృద్ధి, గ్రామీణనీటి సరఫరా, మహిళా శిశుసంక్షేమ శాఖ మంత్రి ధనసరి సీతక్క అధికారులను ఆదేశించారు. నిర్మల్‌ కలెక్టరేట్‌లో ఉమ్మడి ఆదిలాబాద్‌ జిల్లా అభివృద్ధి పనులపై శనివారం ఆయా శాఖల అధికారులతో సమీక్ష నిర్వహించారు. అభివృద్ధి పనుల్లో నిర్లక్ష్యం వహిస్తున్న కాంట్రాక్టర్లపై కఠిన చర్యలు తీసుకోవాలని ఆదేశించారు. టెండర్‌ దశ నుంచే పనులు వేగవంతం చేసి, వర్షాకాలానికి ముందు పనులు పూర్తిచేయాలన్నారు. ఆలస్యం చేస్తున్న గుత్తేదారులకు నోటీసులు జారీ చేసి, పనులు పూర్తి చేయించాలని సూచించారు. త్వరలో అంగన్‌వాడీల్లో టీచర్లు, ఆయాల ఖాళీలను భర్తీ చేస్తామని మంత్రి తెలిపారు. మినీ అంగన్‌వాడీలను అప్‌గ్రేడ్‌ చేస్తామని, సీనియర్‌ సిటిజన్‌ డే కేర్‌ సెంటర్లు, ట్రాన్స్‌జెండర్‌ క్లినిక్‌లు ఏర్పాటు చేస్తామని వెల్లడించారు. అభివృద్ధి పనుల తీరుపై ఎమ్మెల్యేలు అసంతృప్తి వ్యక్తం చేశారు. మహిళా సంఘాలకు చెక్కులు.. మహిళా సంఘాలకు, మెప్మాలకు మంజూరైన చెక్కులను కలెక్టర్‌ అభిలాష అభినవ్‌, ప్రజాప్రతినిధుల సమక్షంలో పంపిణీ చేశారు. బ్యాంకు లింకేజీ, రుణాల మంజూరు, వసూలులో నిర్మల్‌ జిల్లా ప్రగతిని మంత్రి ప్రశంసించారు. ఈ సమావేశంలో ఎంపీ గోడం నగేష్‌, నిర్మల్‌, ఆదిలాబాద్‌, ముధోల్‌, ఖానాపూర్‌, సిర్పూర్‌, ఆసిఫాబాద్‌, బోథ్‌ ఎమ్మెల్యేలు మహేశ్వర్‌రెడ్డి, పాయల్‌ శంకర్‌, పవార్‌ రామారావు పటేల్‌, వెడ్మా బొజ్జు పటేల్‌, పాల్వాయి హరీశ్‌బాబు, కోవ లక్ష్మి, అనిల్‌ జాదవ్‌, ఎమ్మెల్సీ దండే విఠల్‌, ఐసీడీఎస్‌ సెక్రెటరీ అనితా రామచంద్రన్‌, మంచిర్యాల, నిర్మల్‌ జిల్లా కలెక్టర్లు కుమార్‌ దీపక్‌, అభిలాష అభినవ్‌, ఐటీడీఏ పీవో కుష్బూగుప్తా, అదనపు కలెక్టర్లు ఫైజాన్‌ అహ్మద్‌, కిషోర్‌ కుమార్‌, ప్రజాప్రతినిధులు పాల్గొన్నారు. మాట్లాడుతున్న మంత్రి సీతక్క, ఎంపీ, ఎమ్మెల్యేలు

● నేడు ఇంద్రవెల్లి అమరవీరుల సంస్మరణ దినోత్సవం ● తొలిసారిగా అధికారికంగా నిర్వహణ ● ప్రభుత్వ ఆధ్వర్యంలో ఏర్పాట్లు ● మంత్రి సీతక్క, ప్రజాప్రతినిధుల రాకఆ ఘటనలో నా భర్త చనిపోయిండు..ఇంద్రవెల్లి ఘటనలో నా భర్త కొద్దు చనిపోయిండు. ఆ తరువాత నేను కూలినాలి చేసి నా కొడుకును పెంచి పెద్ద చేసిన. కాంగ్రెస్‌ ప్రభుత్వం వచ్చాక నా భర్త మరణాన్ని గుర్తించిండ్రు. ఇంటి స్థలం ఇచ్చిండ్రు. ఇందిరమ్మ ఇల్లు కూడా మంజూరు చేసిండ్రు. ఐటీడీఏ ద్వారా రుణం ఇస్తే నా కొడుకుకు ఉపాధి దొరుకుతది. – సెడ్మాకి లచ్చుబాయి, తాటిగూడ నా కుటుంబాన్ని కూడా ఆదుకోవాలినాడు ఇంద్రవెల్లిలో సంతకు నా భర్త శంభుతో కలిసి వెళ్లిన. అక్కడి నుంచే ఇద్ద రం మీటింగ్‌కు వెళ్లి నం. ఆ సందర్భంగా పోలీసుల కాల్పుల్లో నా కుడి చేయికి గాయమైంది. నా భర్తకు కూడా తుపాకీ బుల్లెట్ల గాయంతో ఇంటికొచ్చి కొద్ది రోజుల తరువాత చనిపోయిండు. చేతికి గాయం కారణంగా ఇప్పటికీ నేను ఏ పని చేయలేకపోతున్న. ఉన్న ఒక్క కొడుకు కూడా అనారో గ్యంతో చనిపోయిండు. కోడలు వద్ద ఉంటూ కాలం వెల్లదీస్తున్న. ప్రభుత్వం ఇస్తున్న పింఛన్‌ కూడా రావట్లేదు. చాలా కష్టంగా ఉంది. ప్రభుత్వం గుర్తించి ఇంటి స్థలంతో పాటు ఇందిరమ్మ ఇల్లు మంజూరు చేసి నా కుటుంబాన్ని ఆదుకోవాలని కోరుతున్న. – మడావి జంగుబాయి, కన్నాపూర్‌ గ్రామస్తురాలు 1981 ఏప్రిల్‌ 20 జల్‌..జంగల్‌...జమీన్‌ కోసం ఉద్యమించిన అడవిబిడ్డలపై అప్పటి సర్కారు తుపాకీ ఎక్కుపెట్టింది. తూటాల వర్షం కురిపించింది. హక్కుల సాధనలో 15 మంది గిరిజనులు అమరులయ్యారు. వారి రక్తపుటేరులతో తడిసిన వనసీమ ఎర్రబారింది. అడవిబిడ్డల అమరత్వం నింగికెగిసింది. అగ్ని శిఖలా ఇంద్రవెల్లిలో అమరుల స్తూపమై నిలిచింది. ఉమ్మడి ఆంధ్రప్రదేశ్‌లో నాటి ప్రభుత్వాల పాలనలో స్వేచ్ఛగా నివాళులర్పించలేని దుస్థితి. ప్రత్యేక రాష్ట్రం ఏర్పడిన తర్వాత గత ప్రభుత్వం కొంతమేర సడలింపు ఇచ్చింది. ఇక రాష్ట్రంలో కాంగ్రెస్‌ ప్రభుత్వం అధికారంలోకి రాగానే అమరవీరుల స్తూపం వద్ద స్మృతి వనం ఏర్పాటుకు నిర్ణయించింది. అలాగే సంస్మరణ దినోత్సవాన్ని ఈ ఏడాది అధికారికంగా నిర్వహించేందుకు సన్నద్ధమైంది. సాక్షి, ఆదిలాబాద్‌/ఇంద్రవెల్లి: ఇంద్రవెల్లి మురిసిపోతుంది. నేడు అమరవీరుల సంస్మరణ దినోత్సవా నికి సిద్ధమైంది. ఏటా మాదిరిగానే కాకుండా ఈ సా రి ఓప్రత్యేకత ఉంది. 43ఏళ్లుగా నిర్బంధాలు, ఆంక్ష ల మధ్య అమరవీరులకు నివాళులు అర్పించగా, ఈ ఏడాది రాష్ట్ర ప్రభుత్వమే అధికారికంగా సంస్మరణ వేడుకలను నిర్వహిస్తోంది. ఈ మేరకు కొద్ది రో జులుగా జిల్లా అధికారులే ఏర్పాట్లలో నిమగ్నమయ్యారు. ఫలితంగా ఈ సారి స్వేచ్ఛగా నివాళులు అర్పించవచ్చన్న మురిపెం ఆదివాసీల్లో కనిపిస్తోంది. స్మృతివనంలో కళకళలాడుతున్న స్తూపం .. ఇంద్రవెల్లి అమరవీరుల స్తూపం.. ఆదిలాబాద్‌ నుంచి ఉట్నూర్‌ వెళ్లే మార్గ మధ్యలో ఇంద్రవెల్లి గ్రామ శివారులో నిలువెత్తుగా దర్శనమిస్తోంది. అయితే ఇన్నాళ్లుగా ఆ స్తూపం ఆవరణలో అభివృద్ధి మచ్చుకు కనిపించేది కాదు. ప్రస్తుతం పరిస్థితులు మారిపోయాయి. కాంగ్రెస్‌ అధికారంలోకి వచ్చిన తర్వాత సీఎం రేవంత్‌రెడ్డి ఇంద్రవెల్లి ప్రాంతం, ఆదివాసీల అభ్యున్నతిపై దృష్టి సారించారు. ముఖ్యమంత్రి అయిన తర్వాత ఆయన తొలుత ఇక్కడికే విచ్చేశారు. ఆ సమయంలోనే స్తూపం వద్ద అభివృద్ధి పనుల కోసం దాదాపు రూ.కోటి కేటాయించారు. ఆ నిధులతో అక్కడ ఎకరం స్థలంలో అమరవీరుల స్మృతివనం అభివృద్ధి చేశారు. అందులో భాగంగా చుట్టూ ప్రహరీ నిర్మించారు. కమ్యూనిటీ హాల్‌ నిర్మాణం కూడా పూర్తి చేశారు. ఈ సారి సంస్మరణ దినోత్సవంను అధికారికంగా ఘనంగా నిర్వహించేందుకు కలెక్టర్‌ రాజర్షి షా, ఐటీడీఏ పీఓ ఖుష్బూ గుప్తా కొద్ది రోజులుగా దగ్గరుండి పర్యవేక్షిస్తున్నారు. ఆదివారం నిర్వహించనున్న కార్యక్రమానికి రాష్ట్ర పంచాయతీ రాజ్‌ శాఖ మంత్రి సీతక్క, ఖానాపూర్‌ ఎమ్మెల్యే వెడ్మ బొజ్జు, ఉమ్మడి జిల్లాలోని పలువురు ప్రజాప్రతినిధులు హాజరుకానున్నారు. భూమి, భుక్తి, విముక్తి కోసం... ఆదిలాబాద్‌ జిల్లా ఇంద్రవెల్లిలో 1981 ఏప్రిల్‌ 20న జరిగిన సంఘటనకు నేటితో 44 ఏళ్లవుతుంది. భూమి, భుక్తి, విముక్తితో పాటు స్వయం పరిపాలన కోసం ఆదివాసీలు పోరాటం చేశారు. అటవీ అధికారులు, షావుకార్ల దౌర్జన్యం నశించాలనే డిమాండ్‌తో గిరిజన రైతు కూలీ సంఘం ఆధ్వర్యంలో నాడు ఇంద్రవెల్లిలో సభ ఏర్పాటు చేశారు. దీనికి పీపుల్స్‌వార్‌ మద్దతునిచ్చింది. అప్పట్లో ప్రభుత్వం సభ నిర్వహణకు అనుమతినిచ్చినట్టే ఇచ్చి ఆ తర్వాత రద్దు చేసింది. విషయం తెలియక ఆదివాసీగూడేల నుంచి పెద్ద ఎత్తున సభకు తరలివచ్చారు. అయితే సభాస్థలాన్ని ఖాళీ చేయాలని పోలీసులు హెచ్చరికలు జారీ చేశారు. ఈ క్రమంలో ఆదివాసీలు, పోలీసుల మధ్య తోపులాట చోటు చేసుకుంది. ఇలా ఘర్షణ వాతావరణంలో పోలీసులు కాల్పులు జరపడంతో పలువురు ఉద్యమకారులు (15 మంది అధికారికంగా) మృతి చెందారు. కాల్పుల ఘటనలో అమరులైన ఆదివాసీల స్మారకార్థం రైతు కూలీ సంఘం ఆధ్వర్యంలో ఇంద్రవెల్లి వద్ద 80 అడుగుల స్తూపం నిర్మించారు. ఆ తర్వాత ప్రభుత్వాలు స్తూపం వద్ద సంస్మరణ దినోత్సవం నిర్వహణపై నిషేధాజ్ఞలు విధించాయి. దీంతో ఏళ్ల పాటు ఏప్రిల్‌ 20 వచ్చిందంటే అక్కడ భారీ ఎత్తున పోలీసుల బందోబస్తు కనిపించేది. స్తూపాన్ని 1986 మార్చిలో గుర్తు తెలియని వ్యక్తులు డైనమెట్లతో పేల్చారు. గిరిజనులు ఆందోళనతో 1987లో ప్రభుత్వం ఐటీడీఏ నిధులతో రెండోసారి నిర్మించింది. 2015 నుంచి తెలంగాణ ప్రభుత్వం అధికారికంగా అనుమతి ఇవ్వకపోయినా ఆంక్షలు సడలించింది. అయితే పోలీసు బందోబస్తు మాత్రం అదే రీతిలో ఉండేది. ఈ ఏడాది మాత్రం అలాంటివేమి లేకుండా ఆదివాసీలు స్వేచ్ఛగా నివాళులు అర్పించేందుకు సిద్ధమయ్యారు. చివరి దశకు స్మృతి వనం పనులు నాటి అమరుల కుటుంబీకులతోపాటు గాయాలైన వారిని ఏ ప్రభుత్వం ఆదుకోలేదు. నాలుగేళ్ల క్రితం అప్పటి ఎంపీ సోయం బాపూరావ్‌ అమరుల కుటుంబీకులకు రూ.10 వేల చొప్పున ఆర్థిక సాయం అందించారు. ఈ క్రమంలో రాష్ట్రంలో కాంగ్రెస్‌ అధికారంలోకి రాగానే సీఎం రేవంత్‌రెడ్డి, ఉమ్మడి జిల్లా ఇన్‌చార్జి మంత్రి సీతక్క ఈ ప్రాంతంపై ప్రత్యేక దృష్టి పెంచారు. స్తూపం వద్ద స్మృతి వనం ఏర్పాటుకు రూ.97లక్షలు కేటాయించారు. చుట్టూ ప్రహరీ, కమ్యూనిటీ హాల్‌ నిర్మాణం, స్తూ పం వద్ద ప్రత్యేక ఏర్పాట్లు చేసి సుందరంగా తీర్చిదిద్దారు. ప్రభుత్వ రికార్డుల ప్రకారం 15 మంది అమరవీరుల కుటుంబీకులకు మండలంలోని ముత్నూ ర్‌ సమీపంలో గతేడాది ఇళ్ల స్థలాలు కేటా యించి హక్కు పత్రాలు అందించారు. ఇందిరమ్మ ఇళ్లు మంజూరు చేయగా ఇటీవల పనులు చేపట్టారు. ఇంద్రవెల్లి అమరవీరుల స్తూపం నేడు అధికారికంగా నివాళులు నేడు ఉదయం 11 గంటలకు అధికారికంగా నిర్వహించనున్న సంస్మరణ సభకు మంత్రి సీతక్క ముఖ్య అతిథిగా హాజరుకానున్నారు. అలాగే స్థానిక ప్రజాప్రతినిధులతో పాటు ఉమ్మడి జిల్లా నుంచి ఆదివాసీలు తరలివచ్చి నివాళులర్పించనున్నారు. మంత్రి చేతుల మీదుగా అమరుల కుటుంబీకులకు ట్రైకా ర్‌ ద్వారా రూ.10 లక్షల చొప్పున రుణ సౌకర్యం కల్పించనున్నారు. కాగా, నాటి ఘటనలో గాయపడిన వారిని కూడా ఆదుకోవాలని బాధితులు కోరుతున్నారు.

బెల్లంపల్లిరూరల్‌: మండలంలోని మాలగురిజాల గ్రామంలో శనివారం హైదరాబాద్‌లోని నిమ్స్‌ ఆసుపత్రి వైద్యుల బృందం పర్యటించింది. తాళ్లగురిజాల ప్రాథమిక ఆరోగ్య కేంద్రం ఆధ్వర్యంలో గ్రామంలో నిర్వహిస్తున్న వైద్య శిబిరాన్ని పరిశీలించారు. నిమ్స్‌ వైద్యుల బృందం నెఫ్రాలజీ విభాగం అసిస్టెంట్‌ సూపరింటెండెంట్‌ డాక్టర్‌ చరణ్‌రాజ్‌, అసిస్టెంట్‌ ప్రొఫెసర్‌ డాక్టర్‌ విజయ్‌చందర్‌, వైద్యులు నిరంజన్‌, గణేష్‌, శంకర్‌ జిల్లా వైద్య, ఆర్యోగ శాఖ అధికారి హరీష్‌రాజ్‌తో కలిసి ఇంటింటికీ వెళ్లి కిడ్నీ బాధితుల మెడికల్‌ రిపోర్టులు పరిశీలించారు. వైద్యులు మాట్లాడుతూ గ్రామంలో 153 మంది రక్త నమూనాలను టీ హబ్‌కు పంపించామని తెలిపారు. గ్రామస్తులు ఆందోళన చెందాల్సిన అవసరం లేదని, రిపోర్టులు వచ్చిన తర్వాత కిడ్నీ సమస్య తీవ్రంగా ఉన్న వారికి నిమ్స్‌లో చికిత్స అందిస్తామని అన్నారు. డీఎంహెచ్‌వో హరీష్‌రాజ్‌, డిప్యూటీ డీఎంహెచ్‌వో డాక్టర్‌ సుధాకర్‌నాయక్‌, జిల్లా మాస్‌ మీడియా అధికారి వెంకటేశ్వర్లు, పీహెచ్‌సీ వైద్యురాలు ఎవంజలీన్‌, తదితరులు పాల్గొన్నారు.

సాక్షి ప్రతినిధి, మంచిర్యాల: పోలీసు శాఖలో కొందరు అధికారుల తీరు వివాదాస్పదంగా మారుతోంది. నస్పూర్‌ పోలీసుస్టేషన్‌ ఎస్‌హెచ్‌వో సుగుణాకర్‌ క్షుద్రపూజల కేసులో జప్తు చేసిన రూ.2లక్షలు బాధితుడికి ఇచ్చేందుకు ఇబ్బందులకు గురి చేసిన వైనం ఆ శాఖలో చర్చనీయాంశంగా మారింది. డబ్బులు ఇవ్వకుండానే ఇచ్చినట్లుగా ఫొటో దిగి బాధితుడినే బెదిరిస్తూ అధికారాన్ని అడ్డుపెట్టుకుని ఆ ఎస్సై ప్రవర్తించిన తీరు ఆ శాఖకే మచ్చ తెస్తోంది. చివరికి బాధితుడు ఏసీబీకి ఫిర్యాదు చేశాడు. జిల్లాలో నిక్కచ్చిగా, నిజాయతీగా పని చేస్తున్న అధికారులూ ఉన్నారు. ఆ నిజాయతీ అధికారులకు కీలక స్థానాల్లో పోస్టింగ్‌ దొరకడం లేదు. ఆదాయం వచ్చే స్టేషన్లుగా చెప్పుకునే చోట్ల కొందరు తిష్ట వేస్తూ రాజకీయ అండదండలతో చెలరేగుతున్నారు. ఆగని వసూళ్ల పర్వం ప్రతీ కేసులో ఎంతో కొంత స్టేషన్‌ ఖర్చుల పేరుతో వసూళ్లు చాలా చోట్ల పరిపాటిగా మారింది. ఇదంతా నిత్యం బహిరంగంగానే సాగుతున్నా ఎవరూ చెప్పక వెలుగులోకి రావడం లేదు. సివిల్‌ పంచాయితీలు, కుటుంబ తగాదాలు, రోడ్డు ప్రమాదాలు, గంజాయి, చీటింగ్‌, ఇతర క్రిమినల్‌ కేసుల్లో నిందితుల శిక్ష తగ్గింపు, సీజ్‌ చేసిన వాహనం, నగదు, ఆస్తుల విడుదలలోనూ చేతివాటం చూపిస్తున్నారు. ఇక దొంగతనాల కేసుల్లో కోల్పోయిన, రికవరీ సొమ్ములోనూ తేడా చూపిస్తున్నట్లుగా ఆరోపణలున్నాయి. గతంలో జిల్లా కేంద్రంలో పని చేసిన ఓ ఎస్‌హెచ్‌వో అవయవదానం కేసులో రూ.లక్షలు వసూలు చేసిన ఘటన నేటికీ అధికారుల్లో చర్చకు వస్తుంది. స్టేషన్‌ బెయిల్‌ కోసం గతంలో బెల్లంపల్లి టూటౌన్‌ పరిధిలో ఓ పోలీసు అధికారి ఏసీబీకి చిక్కారు. గతంలో జిల్లా కేంద్రంలో పని చేసిన ఓ ఎస్సై బార్ల వద్ద నెలనెలా మామూళ్లు వసూలు చేస్తూ, తిరిగి బార్‌ యజమాని వద్దకు వెళ్లి బెదిరించడం అప్పట్లో వివాదాస్పదమైంది. అండ ఉంటే చాలన్నట్లుగా.. చాలామంది పోలీసు అధికారులు స్థానిక రాజకీయ అండ ఉంటే చాలన్నట్లుగా వ్యవహరిస్తూ వివాదా స్పదం అవుతున్నారు. పోస్టింగ్‌ నుంచి రోజువారీ డ్యూటీ దాకా క్రమశిక్షణ గీత దాటినా, ఏం చేసినా తమను చూసుకుంటారనే ధీమాలో ఉంటున్నారు. కొన్ని చోట్ల వ్యాపారులు, బడా వ్యక్తులు, ఆర్థికంగా ‘అవసరమైన’ వారితో దోస్తీ చేస్తూ జేబులు నింపుకుంటున్నారు. ప్రతీ కేసులో రాజకీయ కోణం ఎంత? ఫిర్యాదు, నిందితుల బ్యాక్‌గ్రౌండ్‌ పరిశీలిస్తూ ఒక్కో కేసులో ఒక్కో తీరుగా వ్యవహరిస్తున్నారు. అంతా మట్లాడాకే ఎఫ్‌ఐఆర్‌ చేస్తున్నారు. కొన్ని కేసులను నీరుగారుస్తూ పక్కదారి పట్టిస్తున్నట్లుగా ఆరోపణలున్నాయి. ఇందుకు నమ్మకస్తులైన సీని యర్‌, స్థానిక కింది స్థాయి సిబ్బందిని ఉన్నతాధికారులకు మధ్య వారధిగా వాడుకుంటున్నారు. గతంలో ఇక్కడ పని చేసిన ఇద్దరు పోలీసు అధికారులపై రాష్ట్రస్థాయిలో ఫిర్యాదులు వెళ్లాయి. ఎంతో కష్టపడి కొలువు సాధించి, సమాజంలో సేవ చేసే అవకాశం దొరికితే అత్యాశకు పోయి చివరకు ఉద్యోగానికే ఎసరు తెచ్చే పరిస్థితి ఏర్పడుతోంది. ఉన్నతాధికారులు తమ కింది అధికారులు పక్కదారి పట్టకుండా నిరంతరం పర్యవేక్షించాల్సి ఉంది.

జైపూర్‌: జల్సాలకు అలవాటుపడ్డ ముగ్గురు యువకులు ఆసిఫాబాద్‌ నుంచి వేలాలకు గంజాయి రవాణా చేస్తూ పట్టుబడినట్లు జైపూర్‌ ఏసీపీ వెంకటేశ్వర్‌ తెలిపారు. జైపూర్‌ అసిస్టెంట్‌ కమిషనరేట్‌ కార్యాలయంలో ఏర్పాటు చేసిన విలేకరుల సమావేశంలో శ్రీరాంపూర్‌ సీఐ వేణుచందర్‌, ఎస్సై శ్రీధర్‌తో కలిసి ఏసీపీ వెంకటేశ్వర్‌ శుక్రవారం వివరాలు వెల్లడించారు. వేలాల గ్రామానికి చెందిన దుర్గం సాయి కార్తీక్‌, సుందిళ్ల సంపత్‌, ప్యాగా శేఖర్‌లు బైక్‌పై ఆసిఫాబాద్‌కు వెళ్లి అక్కడ గుర్తు తెలియని వ్యక్తుల వద్ద సుమారు 500గ్రాముల గంజాయిని రూ.5వేలకు కొనుగోలు చేసి ఇక్కడికి తీసుకొచ్చి చిన్న ప్యాకెట్లుగా తయారు చేస్తున్నారు. అనంతరం ఒక్కో ప్యాకెట్‌ను రూ.500ల చొప్పున విక్రయిస్తున్నారు. ఈక్రమంలో శుక్రవారం గంజాయి విక్రయించేందుకు వెళ్తుండగా వేలాల ఇసుక క్వారీ వద్ద ముగ్గురు యువకులను పోలీసులు పట్టుకున్నారు. వారి వద్ద నుంచి 290గ్రాముల గంజాయి, రెండు బైక్‌లు, రెండు సెల్‌ఫోన్లను స్వాధీనం చేసుకున్నారు. గంజాయి విక్రయించినా, రవాణా చేసినా కఠిన చర్యలు తీసుకుంటామని, పీడీయాక్టులు సైతం నమోదు చేస్తామని ఏసీపీ హెచ్చరించారు. సమావేశంలో జైపూర్‌ రెండో ఎస్సై రామలక్ష్మి ఉన్నారు.

● కిడ్నీ వ్యాధిగ్రస్తుల వ్యఽథను వెలుగులోకి తెచ్చిన ‘సాక్షి’ ● వ్యాధిగ్రస్తుల వివరాలు ఆరా తీసిన వైద్యులు ● ప్రజలకు పరీక్షలు, మాత్రలు పంపిణీ ● మూత్ర, రక్త నమూనాల సేకరణ బెల్లంపల్లి: మండలంలోని మాలగురిజాల గ్రామంలో పలువురు కిడ్నీ వ్యాధి బారిన పడి చికిత్స పొందుతుండగా.. శుక్రవారం ప్రభుత్వ వైద్యులు సందర్శించి వైద్య శిబిరం ఏర్పాటు చేశారు. ‘మాలగురిజాలకు కిడ్నీ గండం’ శీర్షికన ఈ నెల 3న ‘సాక్షి’లో కథనం ప్రచురితమైన విషయం తెలిసిందే. కిడ్నీల్లో రాళ్లు ఏర్పడడం, కిడ్నీలు చెడిపోయి డయాలసిస్‌కు చేరి మృతిచెందడం, కొందరు మంచం పట్టిన వైనాన్ని ‘సాక్షి’ వెలుగులోకి తెచ్చింది. స్పందించిన జిల్లా వైద్యారోగ్య శాఖ అధికారి డాక్టర్‌ హరీష్‌రాజ్‌ బెల్లంపల్లి డిప్యూటీ డీఎంఅండ్‌హెచ్‌వో సుధాకర్‌నాయక్‌ ఆధ్వర్యంలో వైద్యులు, సిబ్బందిని గ్రామానికి పంపించారు. వైద్య శిబిరం నిర్వహించి 52మందికి పరీక్షలు చేయగా.. వీరిలో 10మంది కిడ్నీ సంబంధిత సమస్యలతో బాధపడుతున్నట్లు గుర్తించారు. అనంతరం గ్రామస్తులకు అవగాహన కార్యక్రమాలు నిర్వహించారు. కిడ్నీ వ్యాధిగ్రస్తులు ఆందోళనకు గురి కావద్దని డాక్టర్‌ సుధాకర్‌నాయక్‌ అన్నారు. గ్రామంలోని కిడ్నీ వ్యాధిగ్రస్తుల ఇళ్లకు వెళ్లి ఆరోగ్య పరిస్థితి, ఎంతకాలం నుంచి జబ్బుతో బాధపడుతున్నారని తెలుసుకున్నారు. గ్రామస్తులు రోజువారీగా నీటిని తాగుతున్న రెండు చేతిపంపుల వద్దకు వెళ్లి పరిశీలించారు. ఆయా చేతిపంపుల నీటిని పరీక్షల నిమిత్తం వరంగల్‌లోని లాబోరేటరీకి పంపిస్తామని ప్రకటించారు. వైద్య, ఆరోగ్య శాఖ తరఫున గ్రామంలో మూడు రోజులపాటు వైద్య శిబిరం నిర్వహిస్తామని పేర్కొన్నారు. నాలుగు బృందాలతో గ్రామంలోని 250 ఇళ్లు, 912 మంది జనాభాకు వైద్యపరీక్షలు చేయనున్నారు. ప్రతీ ఒక్కరి రక్త, మూత్ర నమూనాలను సేకరించి టీహబ్‌లో పరీక్షించనున్నారు. అనంతరం నివేదికను కలెక్టర్‌కు అందజేయనున్నారు. ఈ కార్యక్రమంలో తాళ్లగురిజాల పీహెచ్‌సీ వైద్యురాలు డాక్టర్‌ ఎవంజలెన, జిల్లా మాస్‌మీడియా అధికారి బి.వెంకటేశ్వర్‌, సీహెచ్‌ఓ వెంకటేశ్వర్‌, సూపర్‌వైజర్‌ మల్లిక, ఎంపీహెచ్‌ఏ శివగనేశ్వరరావు, ఏఎన్‌ఎం చంద్రకళ, ఆశ కార్యకర్త రాజేశ్వరి, సిబ్బంది పాల్గొన్నారు.

● నిందితుడి అరెస్ట్‌, రిమాండ్‌ ● వివరాలు వెల్లడించిన పోలీసులు కాటారం: జయశంకర్‌ భూపాలపల్లి జిల్లా కాటారం మండలం ఆదివారంపేటలో ఈనెల 13న జరిగిన వృద్ధురాలి హత్య కేసు మిస్టరీ వీడింది. కాటారం పోలీసుస్టేషన్‌లో శుక్రవారం ఏర్పాటు చేసిన విలేకరుల సమావేశంలో సీఐ నాగార్జునరావు వివరాలు వెల్లడించారు. ఆదివారంపేటకు చెందిన ఒడేటి మల్లక్క (67) భర్త రామయ్య, కుమారుడు రమేశ్‌ కొన్నేళ్ల క్రితం మృతిచెందారు. గ్రామంలో కిరాణం నడుపుకుంటూ ఆమె ఒంటరిగా జీవిస్తోంది. మల్లక్క కుమారుడు చనిపోగా కోడలు శ్రీలతకు నిందితుడు కుమురంభీం ఆసిఫాబాద్‌ జిల్లా బారెగూడకు చెందిన మోరలే శివ అలియాస్‌ శివాజీతో పరిచయం ఏర్పడింది. వీరిద్దరు మూడేళ్లపాటు కాగజ్‌నగర్‌లో సహజీవనం చేశారు. శివ వేధింపులు తట్టుకోలేక శ్రీలత అతడిని వదిలిపెట్టి ఆదివారంపేటకు వచ్చి ఉంటోంది. నిందితుడు శివ పలుమార్లు శ్రీలత వద్దకు వచ్చి కలుద్దామని అడగ్గా ఆమె నిరాకరించింది. దీంతో కక్ష పెంచుకున్న శివ ఆమె అత్తను అంతమొందిస్తే ఆస్తి కోసం శ్రీలత హత్య చేసిందని కేసు ఆమె పైకి వెళ్తుందని ప్రణాళిక రచించాడు. పథకం ప్రకారం ఈనెల 12న అర్ధరాత్రి మల్లక్క ఇంటికి వెళ్లిన శివ.. నిద్రిస్తున్న మల్లక్క తలపై గొడ్డలితో బాదాడు. దీంతో తీవ్రంగా గాయపడిన మల్లక్క మంచంలోనే మృతిచెందగా నిందితుడు గొడ్డలి అక్కడే పడేసి పరారయ్యాడు. మరుసటి రోజు డీఎస్పీ రామ్మోహన్‌రెడ్డి, మహదేవపూర్‌ సీఐ రాంచంద్రరావు, ఎస్సై –2 శ్రీనివాస్‌ ఘటనా స్థలిని పరిశీలించారు. మృతురాలి కూతురు శ్రీదేవి ఫిర్యాదు మేరకు పోలీసులు కేసు నమోదు చేసి దర్యాప్తు ప్రారంభించారు. పలు ఆధారాల సాయంతో శివను అదుపులోకి తీసుకుని విచారించగా నేరం అంగీకరించడంతో అరెస్ట్‌ చేసి రిమాండ్‌కు తరలించినట్లు సీఐ తెలిపారు. సమావేశంలో ఎస్సైలు మ్యాక అభినవ్‌, శ్రీనివాస్‌, సిబ్బంది పాల్గొన్నారు.

మంచిర్యాలటౌన్‌: కేంద్ర ప్రభుత్వం అవలంబి స్తున్న కార్మిక, కర్షక వ్యతిరేక విధానాలను నిరసిస్తూ మే 20న తలపెట్టిన దేశవ్యాప్త సమ్మెను జయప్రదం చేయాలని కార్మిక సంఘాల జేఏసీ నాయకులు పిలుపునిచ్చారు. జిల్లా కేంద్రంలో ని మార్క్స్‌ భవన్‌లో శుక్రవారం కార్మిక సంఘా ల జేఏసీ సమావేశం నిర్వహించారు. ఈ సందర్భంగా వారు మాట్లాడుతూ ఈ నెల 27న కార్మిక సంఘాల సదస్సును మార్క్స్‌ భవ న్‌లో నిర్వహిస్తామని అన్నారు. కేంద్ర ప్రభుత్వం నాలుగు లేబర్‌ కోడ్‌లను వెంటనే రద్దు చేయాలని డిమాండ్‌ చేశారు. ఈ సమావేశంలో ఏఐటీయూసీ జిల్లా ప్రధాన కార్యదర్శి మేకల దాసు, సీఐటీయూ జిల్లా ప్రధాన కార్యదర్శి దుంపల రంజిత్‌, ఐఎఫ్‌టీయూ జిల్లా అధ్యక్షుడు టి.శ్రీని వాస్‌, టీయూసీఐ జాడి దేవరాజు, టీఎన్టీయూసీ మణిరామ్‌సింగ్‌, ఏఐటీయూసీ జిల్లా ఉపాధ్యక్షుడు మిట్టపల్లి పౌలు, ఖలీందర్‌ అలీఖాన్‌, సీఐటీయూ రాజేశ్వరి, ఐఎఫ్‌టీయూ నాయకులు మేకల రాములు, చిన్నయ్య, రాజేశం, సు రేందర్‌, గణేశ్‌, తదితరులు పాల్గొన్నారు.

చెన్నూర్‌: మావోయిస్టుల సిద్ధాంతాలకు కాలం చెల్లిందని జైపూర్‌ ఏసీపీ వెంకటేశ్వర్లు అన్నారు. శుక్రవారం స్థానిక పోలీసుస్టేషన్‌లో ఏర్పాటు చేసిన విలేకరుల సమావేశంలో ఆయన మాట్లాడారు. చెన్నూర్‌, కోటపల్లి, నీల్వాయి, భీమా రం నక్సల్స్‌ ప్రభావిత ప్రాంతాల్లో మావోయిస్టులకు వ్యతిరేకంగా కరపత్రాలు, పోస్టర్లు వెలిశాయని, దీనిపై విచారణ చేస్తున్నామని తెలిపారు. మావోయిస్టుల సంచారం ఉన్న సమయంలో మారుమూల గ్రామాలు వెనుకబాటుకు గురయ్యాయని తెలిపారు. గత పదేళ్లుగా జిల్లాలో మావోయిస్టులు ఉనికి లేకపోవడంతో అన్ని రంగాల్లో అభివృద్ధి చెందాయనే విషయాన్ని ప్రజలు గమనిస్తున్నారని తెలిపారు. మావోయిస్టుల దుశ్చర్యలను గమనించిన కొందరు చైతన్యవంతులైన ఆదివాసీ యువకులు మావోయిస్టులకు వ్యతిరేకంగా పోస్టర్లు, కరపత్రాలు వేశారని తెలుస్తోందని అన్నారు. సమావేశంలో చెన్నూర్‌, చెన్నూర్‌ రూరల్‌ సీఐలు దేవేందర్‌రావు, సుధాకర్‌ పాల్గొన్నారు.

● పాఠశాల బలోపేతంపై ప్రభుత్వం దృష్టి ● ఇప్పటికే 26 పాఠశాలల్లో అమలు ● మరో 30 పాఠశాలల్లో నిర్వహణకు కసరత్తునిధుల కేటాయింపు..ప్రీ–ప్రైమరీ తరగతుల నిర్వహణ కోసం సమగ్ర శిక్ష తెలంగాణ నుంచి రూ. 11,95,500 మంజూరయ్యాయి. జిల్లాలోని ఏడు పాఠశాలలకు ఈ బడ్జెట్‌ కేటాయించారు, ఇందులో.. బోధకుల గౌరవ వేతనం: నెలకు రూ.8 వేల చొప్పున రూ.5.44 లక్షలు ఆయాల గౌరవ వేతనం: నెలకు రూ.6,000 చొప్పున రూ.4,08 లక్షలు ఇండోర్‌ మెటీరియల్‌: రూ.1.40లక్షలు హెల్త్‌ అండ్‌ సానిటేషన్‌: రూ.70వేలు టీచింగ్‌ లెర్నింగ్‌ మెటీరియల్‌(టీఎల్‌ఎం): రూ.33,500 పీఎంశ్రీ పాఠశాలలకు బోధకులు, ఆయాలతోపాటు ప్లే మెటీరియల్‌, ఇతర సామగ్రి అందుతుండగా, నాన్‌–పీఎంశ్రీ పాఠశాలల్లో ఈ సౌకర్యాలు పరిమితంగా ఉన్నాయి. మిగిలిన 16 పాఠశాలలకు బడ్జెట్‌ కేటాయింపు కోసం ప్రతిపాదనలు పంపించారు.మంచిర్యాలఅర్బన్‌: ప్రభుత్వ పాఠశాలలను ప్రైవేట్‌ స్కూళ్లకు దీటుగా తీర్చిదిద్దేందుకు ప్రభుత్వం చర్యలు చేపట్టింది. ఈ క్రమంలో పూర్వ ప్రాథమిక విద్య(ప్రీ ప్రైమరీ) విధానాన్ని ప్రవేశపెట్టి, ఐదేళ్లలోపు చిన్నారులకు నర్సరీ, ఎల్‌కేజీ, యూకేజీ తరగతులను అందుబాటులోకి తేవాలని నిర్ణయించింది. తద్వారా మూడేళ్లు నిండిన పిల్లలను ప్రభుత్వ పాఠశాలల్లో చేర్చుకుని నాణ్యమైన విద్య అందించాలని లక్ష్యంగా పెట్టుకుంది. ఈ విధానం ఇప్పటికే జిల్లాలోని కొన్ని పాఠశాలల్లో విజయవంతంగా అమలవుతోంది. మరిన్ని పాఠశాలలకు విస్తరించేందుకు ప్రణాళికలు సిద్ధమవుతున్నాయి. కొత్త ఒరవడి ఇప్పటివరకు ప్రభుత్వ ప్రాథమిక పాఠశాలల్లో ఐ దేళ్లు నిండిన విద్యార్థులకు మాత్రమే ప్రవేశాలు క ల్పించేవారు. కొత్త విధానం ప్రకారం మూడేళ్లు నిండిన చిన్నారులను నర్సరీ తరగతుల్లో చేర్చుకోనున్నారు. గతేడాది నుంచి జిల్లాలో 26 పాఠశాలల్లో ప్రీ–ప్రైమరీ తరగతులు నిర్వహిస్తున్నారు. ఈ పాఠశాలల్లో విద్యార్థుల సంఖ్య క్రమంగా పెరుగుతోంది. ఈ కార్యక్రమం విజయానికి నిదర్శనం. అదనంగా జిల్లాలో మరో 30 పాఠశాలల్లో ఈ విధానం అ మలుకు ప్రభుత్వం నిర్ణయించింది. దీంతో సర్కారు బడుల్లో నూతన శకం ప్రారంభం కానుంది. ఆర్థిక భారం తగ్గింపు ప్రస్తుతం జిల్లాలో 511 ప్రాథమిక పాఠశాలల్లో 13,678 మంది, 97 ప్రాథమికోన్నత పాఠశాలల్లో 4,234 మంది, 108 ఉన్నత పాఠశాలల్లో 23,442 మంది చదువుతున్నారు. ప్రీ–ప్రైమరీ విధానం అమలుతో మూడేళ్ల చిన్నారులూ చేరితే సంఖ్య మరింత పెరిగే అవకాశం ఉంది. ప్రైవేట్‌ పాఠశాలల్లో పూర్వ ప్రాథమిక విద్యకు వేలాది రూపాయల ఫీజులు చెల్లించాల్సి ఉంటుంది. సర్కారు బడుల్లో ఉచితంగా విద్య అందడంతో తల్లిదండ్రులపై ఆర్థిక భారం తగ్గనుంది. అంగన్‌వాడీ కేంద్రాలతో సమన్వ యం చేస్తూ ఈ కేంద్రాలు ఉన్న పాఠశాలలను ప్రీ– ప్రైమరీ కోసం ఎంపిక చేయనున్నట్లు సమాచారం. మహిళా, శిశు సంక్షేమ శాఖ ఈ పాఠశాలలను గుర్తించి విద్యాశాఖకు నివేదిక సమర్పించనుంది. జిల్లాలో అమలు విధానం గతేడాది నుంచి జిల్లాలోని బెల్లంపల్లి, భీమారం, చెన్నూర్‌, దండేపల్లి, జన్నారం, కన్నెపల్లి, కాసిపేట, కోటపల్లి, లక్సెట్టిపేట, మందమర్రి, నెన్నెల, వేమనపల్లి మండలాల్లో ఉన్న 26 ప్రాథమిక పాఠశాలల్లో ప్రీ–ప్రైమరీ తరగతులు(పీపీ–1: నర్సరీ, పీపీ–2: యూకేజీ, పీపీ–3: ఎల్‌కేజీ) నిర్వహిస్తున్నారు. ఆయా పాఠశాలల్లో 241మంది చిన్నారులు ఉన్నారు. ఈ పాఠశాలలు ప్రైవేట్‌ స్కూళ్లతో పోటీపడి విద్యార్థుల సంఖ్యను పెంచుకుంటున్నాయి. జనకాపూర్‌, జెండా వెంకటపూర్‌, సుద్దాలలోని పీఎంశ్రీ పాఠశాలలు ఈ కార్యక్రమంలో ముందంజలో ఉన్నాయి. కొన్ని నాన్‌–పీఎంశ్రీ పాఠశాలల్లో బోధకులకు రూ.8 వేలు, ఆయాలకు రూ.6 వేల చొప్పున 10 నెలలపాటు గౌరవ వేతనం చెల్లిస్తున్నారు. అమ్మ ఆదర్శ పాఠశాల కమిటీ ఆధ్వర్యంలో డీఈడీ, టెట్‌ అర్హత ఉన్న స్థానిక అభ్యర్థులను బోధకులుగా నియమిస్తున్నారు. కిష్టాపూర్‌, చంద్రవెళ్లి, ఎంపీపీఎస్‌ బీసీ హజిం కాలనీ, ధర్మారం, తుర్కపల్లి, పోన్కల్‌, నంబాల వంటి పాఠశాలలు ఈ కార్యక్రమాన్ని విజయవంతంగా నిర్వహిస్తున్నాయి. భవిష్యత్‌ ప్రణాళికలు.. ప్రభుత్వం మరో 30 పాఠశాలల్లో ప్రీ–ప్రైమరీ విధానాన్ని అమలు చేయడానికి ఆమోదం తెలిపింది. దీంతో నిరుద్యోగ యువతలో ఉపాధి అవకాశాలపై ఆశలు చిగురిస్తున్నాయి. ప్రీ–ప్రైమరీలో చేరే చిన్నారులకు ముఖ్యమంత్రి పేరిట ప్రత్యేక కిట్‌లు అందించే ఆలోచన ఉన్నట్లు సమాచారం. అయితే, కొత్తగా ఏర్పాటయ్యే పాఠశాలలకు సంబంధించి విధివిధానాలపై స్పష్టత రావాల్సి ఉందని జిల్లా విద్యాశాఖ అధికారి యాదయ్య తెలిపారు.

మంచిర్యాలక్రైం: బ్లూకోట్‌ పోలీసుల విధులకు ఆటంకం కలిగించిన ముగ్గురిని శుక్రవారం అరెస్ట్‌ చేసి రిమాండ్‌కు తరలించినట్లు ఎస్సై కిరణ్‌కుమార్‌ తెలిపారు. ఎస్సై కథనం ప్రకారం.. ఈనెల 13న రాత్రి 12.30 గంటలకు జిల్లాకేంద్రంలోని హరికృష్ణ లాడ్జి ఎదుట ముగ్గురు వ్యక్తులు ఇతరులకు ఇబ్బంది కలుగజేస్తున్నారని డయల్‌ 100కు కాల్‌ రాగా బ్లూకోట్‌ విధుల్లో ఉన్న హోంగార్డ్‌లు సత్యనారాయణ, రవిలు అక్కడికి వెళ్లారు. ఇతరులను ఇబ్బంది పెట్టకుండా అక్కడి నుంచి వెళ్లిపోవాలని సదరు వ్యక్తులకు సూచించారు. విధుల్లో ఉన్న పోలీసులను సైతం లెక్క చేయకుండా వారితో దురుసుగా ప్రవర్తించడంతో పాటు నానా దుర్భాషలాడుతూ విధులకు ఆటంకం కలిగించారు. దీంతో శ్రీరాంపూర్‌ ఆరునక్కనగర్‌కు చెందిన ఓ మైనర్‌ బాలుడితో పాటు బానోత్‌ సాయివికాస్‌, సీలారపు వినయ్‌లపై సత్యానారాయణ ఫిర్యాదు చేశారు. దీంతో వారిని అరెస్ట్‌ చేసి రిమాండ్‌కు తరలించినట్లు ఎస్సై తెలిపారు. చరిత్ర ఆనవాళ్లు లభ్యంబోథ్‌: మండలంలోని దన్నూరు(బి) గ్రామ స మీపంలోని తూర్పు దిక్కున గల కొంకన్న గుట్ట ప్రాంతంలో లక్షల సంవత్సరాలు క్రితం ఆది మానవులు ఉపయోగించిన రాళ్లు లభ్యమైనట్లు బోథ్‌ ఎఫ్‌ఆర్‌వో ప్రణయ్‌ కుమార్‌ శుక్రవారం తెలిపారు. ఆయన మాట్లాడుతూ తన బృందంతో కలిసి అడవిని పరిశీలించే క్రమంలో చరిత్రకు సంబంధించిన పలు ఆనవాళ్లు ల భ్యమైనట్లుగా పేర్కొన్నారు. కొంకన్నగుట్ట మ ధ్యలో సూక్ష్మరాతి మొనదేలిన అత్యంత చురుకై న చాకు లాంటి రాళ్లు అనేకం ఉన్నాయన్నారు. పొచ్చర జలపాతం చుట్టుపక్కల సైతం లక్షల ఏళ్ల నాటి ఆదిమ సమాజం ఆనవాళ్లు నేటికీ భద్రంగా కనిపిస్తున్నాయని తెలిపారు. ‘కన్నయ్య కుటుంబానికి న్యాయం చేస్తాం’ వేమనపల్లి: మంగెనపల్లిలో ఆత్మహత్యకు పాల్పడిన నాయిని కన్నయ్య కుటుంబానికి చెందిన భూ సమస్య పరిష్కారమయ్యేలా చూస్తానని జైపూర్‌ ఏసీపీ వెంకటేశ్వర్లు అన్నారు. నీల్వాయి పోలీస్‌స్టేషన్‌లో కన్నయ్య కుటుంబ సభ్యులు, తెలంగాణ ఆదివాసీ గిరి జన సంఘం, సీపీఎం నాయకులతో శుక్రవా రం సమావేశమయ్యారు. వేమనపల్లి శివారు 464 సర్వే నంబర్‌లో కన్నయ్య తల్లి ఎల్లక్క పేరు మీద ఉన్న భూమి ఎనగంటి చిన్నన్న కొడుకు హరీశ్‌ పేరు మీదకు ఎలా పట్టా మార్చారన్న విషయమై విచారణ జరిపారు. రెవెన్యూ అధికారులతో మాట్లాడి రికార్డు పరంగా వివరాలు తీసుకోనున్నట్లు తెలిపారు. ఏసీపీ వెంట చెన్నూర్‌ రూరల్‌సీఐ సుధాకర్‌, ఎస్సై శ్యాంపటేల్‌, సీపీఎం జిల్లా కార్యదర్శి సంకె రవి, తెలంగాణ ఆదివాసీ గిరిజన సంఘం జిల్లా అధ్యక్షుడు రాజన్న, మల్లేశ్వరి ఉన్నారు.

కడెం: మితిమీరిన వేగం.. నిర్లక్ష్యపు డ్రైవింగ్‌తో ఇద్దరు తీవ్ర గాయాలపాలయ్యారు. స్థానికులు తెలిపిన వివరాల ప్రకారం.. మండలంలోని చిన్నబెల్లాల్‌కు చెందిన బక్కతట్ల వెంకటేశ్‌ తన కారులో నేతుల వెంకటేశ్‌తో కలిసి గురువారం రాత్రి పాండ్వపూర్‌ వైపు నుంచి బెల్లాల్‌ వెళ్తుండగా పాండ్వపూర్‌ హనుమాన్‌ ఆలయ సమీపంలోని మూలమలుపు వద్ద అదుపుతప్పి రోడ్డు పక్కనే ఉన్న ప్రమాద సూచికను, విద్యుత్‌ స్తంభాన్ని, ఆలయం ఇనుప కంచెను ఢీకొట్టి పల్టీలు కొట్టింది. ఈ ప్రమాదంలో కారులో ఉన్న ఇద్దరికి తీవ్ర గాయాలయ్యాయి. గమనించిన స్థానికులు కుటుంబ సభ్యులకు సమాచారం ఇవ్వగా వారు అక్కడికి చేరుకుని ఇద్దరిని నిర్మల్‌లోని ఓ ప్రైవేట్‌ ఆసుపత్రికి తరలించి చికిత్స అందిస్తున్నారు.

వేమనపల్లి/కోటపల్లి: ఆదివాసీ యువజన సంఘం పేరిట వేమనపల్లి మండలం ముక్కిడిగూడెం, కళ్లంపల్లి, సుంపుటం, జాజులపేట, కో టపల్లి మండలం వెంచపల్లి, ఆలుగామ, రొ య్యలపల్లి, సిర్సా, లింగన్నపేట, పంగిడిసో మారం, నక్కలపల్లి గ్రామాల్లో మావోయిస్టుల కు వ్యతిరేకంగా శుక్రవారం వాల్‌పోస్టర్లు, కరపత్రాలు వెలిశాయి. బాంబులు పెట్టామంటూ మావోయిస్టులు ఆదివాసీలను బెదిరించడం హేయమైన చర్యగా పేర్కొన్నారు. కాలం చెల్లించిన సిద్ధాంతాలకు స్వస్తి పలకాలని కోరారు. కర్రెగూడ పేలుడు ఘటనను ప్రస్తావిస్తూ వాల్‌పోస్టర్లను ముద్రించారు. వాల్‌పోస్టర్లు ప్రజల్లో చర్చనీయాంశంగా మారాయి. పోలీసు శాఖ అ ప్రమత్తమై వాల్‌పోస్టర్లపై ఆరా తీయడంతోపా టు ఆయా ప్రాంతాల్లో నిఘా ఏర్పాటు చేశారు.

● నిరాశజనకంగా మామిడి పంట ● పెరుగనున్న ధరలు ● మంచిర్యాల జిల్లాలో 16,680 ఎకరాల్లో తోటలు చెన్నూర్‌: మంచిర్యాల జిల్లాలో మామిడి కాయల కాపు నిరాశజనకంగా ఉంది. వాతావరణ మార్పుల కారణంగా పూతకు తెగుళ్లు సోకడంతో పూత రాలిపోయి కాత నిలువలేదు. దీంతో దిగుబడి అమాంతం తగ్గింది. లక్షలాది రూపాయలతో తోటలను కౌలుకు తీసుకున్న రైతులు పెట్టిన పెట్టుబడి వచ్చేదెలా అని తలలు పట్టుకుంటున్నారు. మామిడి దిగుబడి తగ్గడంతో ధరలు రెండింతలు పెరిగే అవకాశం ఉందని పేర్కొంటున్నారు. దీంతో పేద, మధ్య తరగతి వర్గాల వారు ‘పచ్చడి’ మెతుకులకు సైతం దూరమయ్యే పరిస్థితులు ఉన్నాయి. 15,680 ఎకరాల విస్తీర్ణంలో.. మంచిర్యాల జిల్లా మామిడి సాగుకు పెట్టింది పేరు. జిల్లా మామిడికి హైదరాబాద్‌తో పాటు వివిధ రాష్ట్రాలలో మంచి డిమాండ్‌ ఉంది. జిల్లాలో 6554 మంది రైతులు ఉండగా 15,680 ఎకరాల విస్తీర్ణంలో మామిడి తోటలు విస్తరించి ఉన్నాయి. జిల్లాలోని బెల్లంపల్లి, నెన్నల, భీమారం, చెన్నూర్‌, కోటపల్లి, వేమనపల్లి, జైపూర్‌, లక్షెట్టిపేట, తాండూర్‌, దండెపల్లి మండలాలలో మామిడి తోటలు ఉన్నాయి. పది మండలాలలో మామిడి తోటలు ఉన్నప్పటికీ అత్యధికంగా తోటల విస్తీర్ణం బెల్లంపల్లి నియోజకవర్గంలోని నెన్నల, తాండూర్‌, చెన్నూర్‌ నియోజవర్గంలోని భీమారం, జైపూర్‌, చెన్నూర్‌ మండలాలలో ఉన్నాయి. జిల్లాకు చెందిన రైతులు దసరి, బంగెనపల్లి, పెద్ద రసాలు, హిమన్‌పసందు వంటి మేలైన మామిడి రకాలను మహారాష్ట్రలోని నాగాపూర్‌, కర్నాటక, ఒరిస్సా రాష్ట్రాలకు ఎగుమతి చేస్తున్నారు. గత ఏడాదితో పోలిస్తే ఈ ఏడాది దిగుబడి అంతంత మాత్రంగా ఉండడంతో పక్క రాష్ట్రాలకు ఎగుమతి అయ్యే అవకాశాలు లేవని మామిడి వ్యాపారులు పేర్కొంటున్నారు. ధరలు పెరిగే అవకాశం..! జిల్లా వ్యాప్తంగా మామిడి కాయల దిగుబడులు తగ్గాయి. ఇందులో తినే మామిడి 20శాతం దిగుబడి మాత్రమే వచ్చే అవకాశం ఉండగా, పచ్చడి మామిడి 10శాతం దిగుబడి కూడా లేదు. దీంతో పచ్చడి మామిడి కాయలు కరువయ్యే అవకాశం ఉందని రైతులు పేర్కొంటున్నారు. ప్రస్తుతం మార్కెట్‌లో పచ్చడి మామిడి ధరలు ఆకాశాన్నంటుతున్నాయని కొనుగోలుదారులు ఆందోళన చెందుతున్నారు. గత ఏడాది పచ్చడి మామిడి వంద కాయలకు రూ.150 నుంచి రూ.200 పలికింది. ఈ ఏడాది వంద పచ్చడి మామిడి కాయలకు రూ. 250 నుంచి రూ.300 పలుకుతుందని పచ్చడి ప్రియులు ఆవేదన వ్యక్తం చేస్తున్నారు. దిగుబడి తగ్గింది.. ఈ ఏడాది మామిడి కాయ నిలువలేదు. చెట్టుకు రెండు నుంచి మూడు క్వింటాళ్ల కాయ దిగుబడి వచ్చేది. ఈ ఏడాది చెట్టుకు 10 నుంచి 20 కిలోల దిగుబడి కూడా వచ్చే అవకాశం లేదు. కాయ దిగుబడి తక్కువగా ఉండడంతో మామిడి కాయల ధరలు పెరిగే అవకాశం ఉంది. – నాయిని తిరుపతి, వ్యాపారి పేదలకు కష్టమే.. మామిడి ధరలు పెరిగితే పేదలు మామిడి పండ్లు తినలన్నా, పచ్చడి పెట్టాలన్నా కష్టమే. ఈ ఏడాది మామిడి తక్కువ కాచింది. ఇప్పుడే ధరలు మండుతున్నాయి. రానున్న రోజులలో మరింత ధరలు పెరిగే అవకాశం ఉందని వ్యాపారులు అంటున్నారు. – బొగె సారయ్య, చెన్నూర్‌

జైపూర్‌: సింగరేణి థర్మల్‌ పవర్‌ ప్లాంటు(ఎస్టీపీపీ) విస్తరణలో భాగంగా నూతనంగా నిర్మించనున్న 800 మెగావాట్ల ప్లాంటు పనులు నిర్ణీత గడువులోగా 40 నెలల్లో పూర్తి చేయాలని సింగరేణి డైరెక్టర్‌(ఈఅండ్‌ఎం) డి.సత్యనారాయణరావు తెలిపారు. జైపూర్‌ పవర్‌ ప్లాంటులోని ప్రాణహిత అతిథి గృహంలో శుక్రవారం కొత్త ప్లాంటు నిర్మాణ పనులపై అధికారులతో సమీక్ష సమావేశం నిర్వహించారు. మూడో యూనిట్‌ నిర్మాణానికి సంబంధించి ముందస్తు పనులు త్వరగా పూర్తి చేయాలని సూచించారు. అనంతరం ఎస్టీపీపీలో 54వ జాతీయ భద్రత వారోత్సవాల ముగింపు వేడుకల్లో డైరెక్టర్‌ ఆఫ్‌ ఫ్యాక్టరీస్‌ గోపాల్‌రావు, డిప్యూటీ ఇన్‌స్పెక్టర్‌ ఫ్యాక్టరీస్‌ గంగాధర్‌రెడ్డితో కలిసి డైరెక్టర్‌ సత్యనారాయణవు పాల్గొని మాట్లాడారు. భద్రతకు సంబంధించి అన్ని నియమాలు పాటించాలని, జాగ్రత్త నియమాలు పాటించకపోవడం మూలంగా ప్రమాదాలు జరుగుతున్నాయని తెలిపారు. అనంతరం కార్మికులు భద్రతపై నాటికల ద్వారా వివరించారు. ఈ కార్యక్రమంలో ఎస్టీపీపీ ఈడీ చిరంజీవి, జీఎం శ్రీనివాసులు, ఏజీఎంలు మురళీధర్‌, మదన్‌మోహన్‌, డీజీఎంలు అజాజులఖాన్‌, కొత్త ప్లాంటు కోఆర్డినేటర్‌ వేణుగోపాలరావు, డీజీఎం లక్ష్మణ్‌, రాజేశ్‌, శివప్రసాద్‌, అజ్మీరా తుకారం, ఏఐటీయూసీ ఫిట్‌ సెక్రెటరీ సత్యనారాయణ, సీఎంవోఏఐ బ్రాంచ్‌ అధ్యక్షుడు సముద్రాల శ్రీనివాస్‌, పవర్‌మేక్‌ హెడ్‌ అఖిల్‌కపూర్‌, తదితరులు పాల్గొన్నారు. సింగరేణి డైరెక్టర్‌ సత్యనారాయణరావు ఎస్టీపీపీలో ఘనంగా భద్రత ముగింపు వేడుకలు

సాక్షి ప్రతినిధి, మంచిర్యాల/నస్పూర్‌: క్షుద్ర పూజల కేసులో జప్తు చేసిన నగదును బాధితుడికి ఇవ్వక సొంతానికి వాడుకున్న ఎస్సై అవినీతి నిరోధక శాఖకు చిక్కి జైలు పాలయ్యాడు. ఆదిలాబాద్‌ రేంజీ డీఎస్పీ పి.విజయ్‌కుమార్‌ తెలిపిన వివరాల ప్రకారం.. మంచిర్యాల జిల్లా నస్పూర్‌ ఎస్సై నెల్కి సుగుణాకర్‌ గత జనవరి 26న క్షుద్రపూజలతో రెట్టింపు డబ్బులు చేస్తానని మహారాష్ట్రకు చెందిన ఓ పూజరి మోసం కేసులో రూ.2లక్షలు జప్తు చేశాడు. కేసు ఫిర్యాదుదారుడు ప్రభంజన్‌ కోర్టు నుంచి నగదు విడుదల కోసం ఈ నెల 4న ఉత్తర్వులు తీసుకు రాగా, ఇచ్చేందుకు ఎస్సై దాట వేశాడు. రూ.1.50లక్షలు బాధితుడి చేతిలో పెడుతూ ఫొటో దిగి, వెంటనే డ్రాలో వేసుకున్నాడు. రూ.2లక్షలు తీసుకున్నట్లు సంతకం చేయమని ఒత్తిడి చేయగా బాధితుడు ఒప్పుకోలేదు. ఈ నెల 8న మళ్లీ స్టేషన్‌కు వెళ్లి ఎస్సైని అడిగితే, డబ్బులు ఖర్చయ్యాయని, రూ.50వేలు ఉన్నాయని, నీ మీద కూడా కేసు అయ్యేది ఇచ్చింది తీసుకో అంటూ బెదిరించి పంపేశాడు. ఈ నెల 10న రూ.70వేలు ఇచ్చేందుకు ఒప్పుకున్నాక ఇవ్వలేదు. చివరకు రూ.50వేలకు మరో పది వేలు కలిపి ఓ వైన్స్‌ వద్ద తీసుకోవాలని చెప్పాడు. ఇదే కేసులో బాధితుడి పేరు లేకుండా ఉండేందుకు ఎస్సై బినామీ డి.దీపక్‌కు ఫోన్‌ పేలో రూ.30వేలు చెల్లించాడు. విసిగెత్తిన బాధితుడు ఏసీబీ టోల్‌ ఫ్రీ 1064ను సంప్రదించగా, ఏసీబీ అధికారులు రంగంలోకి దిగి ఎస్సై ఫోన్‌లో మాట్లాడిన ఆడియో రికార్డులు, ఫోన్‌ పే చెల్లింపు, జప్తు చేసిన నగదు లేకపోవడం ఆధారాలు సేకరించారు. ఎఫ్‌ఐఆర్‌ చేసి ఎస్సైని కరీంనగర్‌ ఏసీబీ కోర్టు ముందు ప్రవేశపెట్టగా రిమాండ్‌ విధించారు. 2020బ్యాచ్‌కు చెందిన ఎస్సై గతేడు జూలై నుంచి నస్పూర్‌ ఎస్సైగా పని చేస్తున్నారు. క్షుద్రపూజల కేసులో నగదు జప్తు బాధితుడికి ఇవ్వకుండా ఇబ్బందులు

దండేపల్లి: మండలంలోని ముత్యంపేట సమీపంలో గురువారం రాత్రి బొలెరో –ఆటో ఢీకొన్న ఘటనలో కొర్విచెల్మ గ్రామానికి చెందిన ఆటో డ్రైవర్‌ కొట్టె చంద్రయ్య(49) అక్కడికక్కడే మృతి చెందాడు. ఎస్సై తహసీనొద్దీన్‌ కథనం ప్రకారం.. చంద్రయ్య తన ఆటోతో లక్సెట్టిపేట నుంచి ప్రయాణికుడిని ఎక్కించుకుని కొర్విచెల్మకు వస్తుండగా, మార్గమధ్యలో ముత్యంపేట సమీపంలో జన్నారంవైపు నుంచి లక్సెట్టిపేట వైపు ఎదురుగా వస్తున్న బొలెరో వాహనం ఆటోను ఢీకొట్టింది. దీంతో ఆటో డ్రైవర్‌ చంద్రయ్యకు తీవ్ర గాయాలై అక్కడిక్కడే మృతి చెందాడు. ఆటోలో ప్రయాణిస్తున్న రాజుకు కాలు విరిగింది. అజాగ్రత్తగా అతివేగంతో బొలెరోను నడిపి ప్రమాదానికి కారణమైన డ్రైవర్‌పై చర్యలు తీసుకోవాలని చంద్రయ్య తల్లి కొట్టె బుచ్చవ్వ ఫిర్యాదు చేశారు. కేసు నమోదు చేసుకుని దర్యాప్తు చేస్తున్నట్లు ఎస్సై పేర్కొన్నారు. బిల్డింగ్‌పై నుంచి పడి మహిళ మృతిపెంచికల్‌పేట్‌: మండలంలోని ఎల్కపల్లి గ్రామానికి చెందిన సముద్రాల రుక్మిణీ (75) ప్రమాదవశాత్తు బిల్డింగ్‌పై నుంచి పడి మృతి చెందింది. కుటుంబ సభ్యులు తెలిపిన వివరాల ప్రకారం శుక్రవారం ఉదయం బానేశ్‌ అనే యువకుడి సహాయంతో ఇంటిపైన ఉన్న పిల్లర్‌కు జెండా కడుతున్న సమయంలో ప్రమాదవశాత్తు జారి పడింది. తలకు తీవ్ర గాయం కావడంతో కుటుంబ సభ్యులు వెంటనే కాగజ్‌నగర్‌ ఆసుపత్రికి తరలిస్తున్న క్రమంలో మార్గమధ్యలోనే మృతి చెందింది. కాగా మృతురాలి కుటుంబసభ్యులు మాజీ జెడ్పీటీసీ సముద్రాల సరిత రాజన్నను పలువురు పరామర్శించి మృతదేహానికి నివాళులర్పించారు. మంచంపై నుంచి పడి వ్యక్తి..లక్సెట్టిపేట: మున్సిపల్‌ పరిధి అంగడిబజార్‌కు చెందిన నౌసర్‌ అలీ (42) అనే వ్యక్తి మంచంపై నుంచి కింద పడి మృతి చెందినట్లు ఎస్సై సురేశ్‌ తెలిపారు. ఆయన తెలిపిన వివరాల ప్రకారం నౌసర్‌ అలీ గురువారం రాత్రి కుటుంబ సభ్యులతో కలిసి భోజనం చేసి పడుకున్నాడు. శుక్రవారం ఉదయం లేచి చూసే సరికి మంచంపై నుంచి కింద పడి ఉన్నాడు. నుదిటిపై రక్తపు గాయాలు ఉండగా కుటుంబ సభ్యులు గమనించి స్థానిక ప్రభుత్వ ఆసుపత్రికి తరలించారు. పరిశీలించిన వైద్యులు అప్పటికే మృతి చెందినట్లు నిర్ధారించారు. నుదిటికి బలమైన గాయం కావడంతోనే నౌసర్‌ అలీ మృతి చెందినట్లు వైద్యులు ధ్రువీకరించారు. ఆయన భార్య నూర్జన్‌ బేగం ఫిర్యాదు మేరకు కేసు నమోదు చసుకుని దర్యాప్తు చేస్తున్నట్లు ఎస్సై తెలిపారు.

నెన్నెల: కరెంట్‌ స్తంభం ఎక్కి మరమ్మతులు చేస్తుండగా పట్టుతప్పి కింద పడడంతో కాంట్రాక్టు ఉద్యోగి రెండు కాళ్లు విరిగిన ఘటన నెన్నెల మండలంలో చోటు చేసుకుంది. వివరాల్లోకి వెళ్తే.. మండలంలోని కొత్తూరు గ్రామానికి చెందిన సోదారి చంద్రయ్య విద్యుత్‌శాఖలో కాంట్రాక్ట్‌ ఉద్యోగిగా పదేళ్లుగా పని చేస్తున్నాడు. ఈక్రమంలో శుక్రవారం గంగారాం శివారులోని మైసమ్మ ఆలయం వద్ద కరెంట్‌ స్తంభంపైన మరమ్మతుల కోసం స్తంభం ఎక్కాడు. కరెంట్‌ వైర్‌ సరి చేస్తుండగా పట్టు తప్పి కింద పడిపోయాడు. దీంతో తీవ్రంగా గాయపడ్డారు. వెంటనే ఆయనను సహచర సిబ్బంది మంచిర్యాల ప్రైవేట్‌ ఆస్పత్రిలో చేర్పించారు. పరీక్షించిన వైద్యులు చంద్రయ్యకు రెండు కాళ్లు విరిగినట్లు నిర్ధారించారు. ప్రస్తుతం ఆయనకు ఆసుపత్రిలో చికిత్స అందిస్తున్నారు.

తాంసి: ఆదిలాబాద్‌ జిల్లాకు చెందిన ప్రముఖ కవి, రచయిత డా.ఉదారి నారాయణ రచించిన ‘యాప చెట్టు కాడ ఊరుమీద ముచట్లు’ పుస్తకాన్ని శుక్రవారం జొన్న చేనులో రైతు చేతుల మీదుగా ఆవిష్కరించారు. మండలంలోని సావర్గాం గ్రామానికి చెందిన ఆదర్శ రైతు సట్వాజీ తన జొన్నపంట చేనులో పనులు చేస్తుండగా పుస్తక రచయిత ఉదారి నారాయణ మిత్రులతో కలిసి వెళ్లి చేనులోనే పుస్తకాన్ని ఆవిష్కరించారు. కార్యక్రమంలో దక్కన్‌ గ్రామీణ బ్యాంక్‌ రిటైర్డ్‌ మేనేజర్‌ సామల వీరన్న, తెలుగు భాష ఉపాధ్యాయులు గంగన్న, గ్రామ పెద్దలు జీవన్‌, రాములు, గంగయ్య తదితరులు ఉన్నారు.

సారంగపూర్‌: మండలంలోని ధని గ్రామంలో ప్రమాదవశాత్తు ఆరబెట్టిన మొక్కజొన్న పంట దగ్ధమైంది. వివరాల్లోకి వెళ్తే.. గ్రామానికి చెందిన శనిగారపు చిన్నరాజేశ్వర్‌ ఎకరంలో మొక్కజొన్న సాగు చేశాడు. పంట కోతకోసి ఆరేందుకు పంటపొలంలో ఉంచాడు. శుక్రవారం రైతు పంటను పరిశీలించి ఇంటికి వెళ్లిన తర్వాత ప్రమాదవశాత్తు పంటకు నిప్పంటుకుంది. ఇతర రైతులు గమనించి రాజేశ్వర్‌కు సమాచారం అందించారు. బోరుబావుల మోటార్లు ఆన్‌ చేసి మంటలను ఆర్పే ప్రయత్నం చేశారు. అప్పటికే 90శాతం పంట అగ్నికి ఆహుతైంది. సుమారు రూ.80వేల పంట నష్టం జరిగిందని రైతు వాపోయాడు. ఎంఆర్‌ఐ నర్సయ్యకు ఫోన్‌లో సమాచారం అందించగా ఆయన సంఘటన స్థలానికి చేరుకుని పంటనష్టం అంచనా వేశారు.

శ్రీరాంపూర్‌: బొగ్గు గని రిటైర్డ్‌ కార్మికులకు కనీస పింఛన్‌ రూ.5వేలు చెల్లించాలని బీఎంఎస్‌ బొగ్గు గనుల ఇన్‌చార్జి, సీఎంపీఎఫ్‌ ట్రస్టీ బోర్డు సభ్యుడు కొత్తకాపు లక్ష్మారెడ్డి ట్రస్టీ బోర్డును డిమాండ్‌ చేశారు. గురువారం ఢిల్లీలో సీఎంపీఎఫ్‌ ఆర్గనైజేషన్‌ ఆఫ్‌ ట్రస్టీ సమావేశం నిర్వహించారు. సమావేశానికి ట్రస్టీ చైర్మన్‌ విక్రమ్‌ దేవాదత్‌ హాజరయ్యారు. ఈ సందర్భంగా లక్ష్మారెడ్డి మాట్లాడుతూ ఎఫ్‌పీఎస్‌ 1971 పింఛన్‌దారులకు ప్రస్తుతం ఉన్న పింఛన్‌ చాలా తక్కువగా ఉందన్నారు. ఎక్సెంజ్‌ట్రేడెడ్‌ ఫండ్‌లో పెట్టుబడుల శాతాన్ని 7 నుంచి 10వరకు పెంచేటప్పుడు జాగ్రత్తలు తీసుకోవాలని పేర్కొన్నారు. సీఎంపీఎఫ్‌ ప్రధాన కార్యాలయంలో కూడా పెట్టుబడులను అజమాయిషీ చేసే యంత్రాంగం ఉండాలన్నారు. సీఎంపీఎఫ్‌ సేవలన్నీ ఆన్‌లైన్‌ చేయాలని తమ నాయకుడు లక్ష్మారెడ్డి కోరారని బీఎంఎస్‌ సింగరేణి విభాగం అధ్యక్షుడు యాదగిరి సత్తయ్య తెలిపారు. పింఛన్‌ ఫండ్‌కు ప్రతీ టన్ను బొగ్గు అమ్మకంపై రూ.20 జమ చేయాలని సూచించగా బోర్డు సభ్యులతోపాటు సింగరేణి సీఎండీ కూడా అంగీకారం తెలిపారని అన్నారు.

కాగజ్‌నగర్‌రూరల్‌: కాగజ్‌నగర్‌ మండలం అందవెల్లి, బోడపల్లి గ్రామాల్లో అక్రమంగా నిల్వ ఉంచిన నకిలీ పత్తి విత్తనాలను శుక్రవారం టాస్క్‌ఫోర్స్‌ అధికారులు పట్టుకున్నట్లు టాస్క్‌ఫోర్స్‌ సీఐ రాణాప్రతాప్‌ తెలిపారు. సీఐ తెలిపిన వివరాల ప్రకారం.. మండలంలోని అందవెల్లి, బోడపల్లి గ్రామాలను అడ్డాలుగా చేసుకొని నకిలీ బీటీ –3 పత్తి విత్తనాలు కాగజ్‌నగర్‌ మీదుగా సరఫరా చేయడానికి సిద్ధంగా ఉన్నాయనే పక్కా సమాచారంతో గ్రామంలో దాడులు చేసినట్లు తెలిపారు. దాడుల్లో అందవెల్లి గ్రామానికి చెందిన ఎన్‌.మహేందర్‌ ఇంట్లో వంద కిలోల నకిలీ విత్తనాలు పట్టుకున్నామన్నారు. అతనిపై కేసు నమోదు చేసి విచారించినట్లు తెలిపారు. మహేందర్‌ మంచిర్యాల జిల్లాలోని పెద్దపేట్‌ గ్రామానికి చెందిన ఎస్‌కే సల్మాన్‌ వద్ద నుంచి నకిలీ పత్తి విత్తనాలు తీసుకొని అందవెల్లి, బోడపల్లి, ఇట్యాల, రెబ్బెన మండలంలోని పలు గ్రామాల్లో విక్రయించేందుకు తీసుకొచ్చినట్లు తెలిపారు. మహేందర్‌ వద్ద నుంచి రూ. 3.50 లక్షల విలువైన క్వింటాల్‌ నకిలీ పత్తి విత్తనాలు స్వాధీనం చేసుకున్నట్లు తెలిపారు. అమాయక రైతులను మోసం చేసే వారిపై కఠిన చర్యలు తీసుకుంటామని హెచ్చరించారు. కార్యక్రమంలో ఎస్సై వెంకటేశ్‌, కానిస్టేబుల్స్‌ మధు, రమేశ్‌ తదితరులు పాల్గొన్నారు.

తానూరు: మండలంలోని ఉమ్రి(కే) గ్రామానికి చెందిన కదం బాలాజీ (45) అనే రైతు ఆర్థిక ఇబ్బందులతో ఆత్మహత్య చేసుకున్నట్లు ఏఎస్సై భానుప్రసాద్‌ తెలిపారు. ఆయన తెలిపిన వివరాల ప్రకారం.. రైతు బాలాజీ కొంతకాలంగా ఆర్థికంగా ఇబ్బందులు పడుతున్నాడు. ఈసారి తనకున్న రెండెకరాల్లో వ్యయప్రయాసలకోర్చి పత్తి పంట సాగు చేశాడు. పత్తి పంట దిగుబడి సరిగా రాకపోవడంతో తీవ్రంగా మనస్తాపం చెందాడు. ఈక్రమంలో గురువారం సాయంత్రం గ్రామ సమీపంలోని చెట్టుకు ఉరేసుకుని ఆత్మహత్య చేసుకున్నాడు. గ్రామస్తులు గమనించి కుటుంబ సభ్యులకు, పోలీసులకు సమాచారం అందించారు. ట్రెయినీ ఎస్సై నవనీత్‌ రెడ్డి సంఘటన స్థలానికి చేరుకుని మృతదేహాన్ని పరిశీలించారు. శుక్రవారం బాలాజీ భార్య మోనాబాయి ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఏఎస్సై వెల్లడించారు. మృతుడికి కుమారుడు, కూమార్తె ఉన్నారు. కాగా గత ఆరు నెలల క్రితం కూడా బాలాజీ ఆత్మహత్యాయత్నం చేసినట్లు కుటుంబ సభ్యులు పేర్కొన్నారు.

బోథ్‌: మండల కేంద్రానికి చెందిన ఓ యువతిని సోషల్‌ మీడియాలో వేధించిన నిజామాబాద్‌ జిల్లా రేంజల్‌ మండలంలోని కందుకుర్తి గ్రామానికి చెందిన అలీమ్‌ బేగ్‌ అనే యువకుడిని శుక్రవారం అరెస్ట్‌ చేసినట్లు బోథ్‌ ఎస్సై ఎల్‌. ప్రవీణ్‌ కుమార్‌ తెలిపారు. ఎస్సై తెలిపిన వివరాల ప్రకారం.. బోథ్‌ మండల కేంద్రానికి చెందిన ఓ యువతిని గత కొంతకాలంగా సోషల్‌ మీడియాలో అలీమ్‌బేగ్‌ వేధిస్తున్నాడు. బాధిత యువతి ఫిర్యాదు మేరకు దర్యాప్తు చేసి అలీమ్‌బేగ్‌ను అరెస్ట్‌ చేసినట్లు ఎస్సై తెలిపారు. కాగా అలీమ్‌బేగ్‌పై రౌడీషీట్‌ ఉన్నట్లు వారు పేర్కొన్నారు. రెంజల్‌ పోలీస్‌స్టేషన్‌లో నాలుగు కేసులు, డిచ్‌పెల్లి పోలీస్‌స్టేషన్‌లో 2023లో అలీమ్‌బేగ్‌ వద్ద నుంచి 17 బైక్‌లు రికవరీ చేసినట్లు తెలిపారు.

బాసర: చదువుల తల్లి సరస్వతి అమ్మవారు కొలువైన బాసర పుణ్యక్షేత్రం భక్తులతో కిటకిటలాడుతోంది. శుక్రవారం తెల్లవారుజామున 4 గంటల నుంచే భక్తులు పెద్ద సంఖ్యలో క్యూలైన్‌లో వేచి ఉన్నారు. తెలుగు రాష్ట్రాలతో పాటు మహారాష్ట్ర, తమిళనాడు నుంచి వేలాదిగా భక్తులు తరలివచ్చారు. శ్రీ సరస్వతి, మహాలక్ష్మి, మహంకాళి అమ్మవార్లకు అభిషేకం, అర్చన పూజలను ఆలయ అర్చకులు ఘనంగా నిర్వహించారు. తల్లిదండ్రులు తమ చిన్నారులకు అక్షరాభ్యాసం చేయించారు. గోదావరి నదీ తీరం భక్తుల పుణ్యస్నానాలతో రద్దీగా మారింది. భక్తులకు ఇబ్బందులు తలెత్తకుండా ఆలయ అధికారులు, పోలీసులు ప్రత్యేక ఏర్పాట్లు చేశారు. అమ్మవారి దర్శనానికి 2గంటల సమయం పడుతుందని ఆలయ అధికారులు వెల్లడించారు.

సాక్షి ప్రతినిధి, మంచిర్యాల/నస్పూర్‌: క్షుద్ర పూజల కేసులో జప్తు చేసిన నగదును బాధితుడికి ఇవ్వక సొంతానికి వాడుకున్న ఎస్సై అవినీతి నిరోధక శాఖకు చిక్కి జైలు పాలయ్యాడు. ఆదిలాబాద్‌ రేంజీ డీఎస్పీ పి.విజయ్‌కుమార్‌ తెలిపిన వివరాల ప్రకారం.. మంచిర్యాల జిల్లా నస్పూర్‌ ఎస్సై నెల్కి సుగుణాకర్‌ గత జనవరి 26న క్షుద్రపూజలతో రెట్టింపు డబ్బులు చేస్తానని మహారాష్ట్రకు చెందిన ఓ పూజరి మోసం కేసులో రూ.2లక్షలు జప్తు చేశాడు. కేసు ఫిర్యాదుదారుడు ప్రభంజన్‌ కోర్టు నుంచి నగదు విడుదల కోసం ఈ నెల 4న ఉత్తర్వులు తీసుకు రాగా, ఇచ్చేందుకు ఎస్సై దాట వేశాడు. రూ.1.50లక్షలు బాధితుడి చేతిలో పెడుతూ ఫొటో దిగి, వెంటనే డ్రాలో వేసుకున్నాడు. రూ.2లక్షలు తీసుకున్నట్లు సంతకం చేయమని ఒత్తిడి చేయగా బాధితుడు ఒప్పుకోలేదు. ఈ నెల 8న మళ్లీ స్టేషన్‌కు వెళ్లి ఎస్సైని అడిగితే, డబ్బులు ఖర్చయ్యాయని, రూ.50వేలు ఉన్నాయని, నీ మీద కూడా కేసు అయ్యేది ఇచ్చింది తీసుకో అంటూ బెదిరించి పంపేశాడు. ఈ నెల 10న రూ.70వేలు ఇచ్చేందుకు ఒప్పుకున్నాక ఇవ్వలేదు. చివరకు రూ.50వేలకు మరో పది వేలు కలిపి ఓ వైన్స్‌ వద్ద తీసుకోవాలని చెప్పాడు. ఇదే కేసులో బాధితుడి పేరు లేకుండా ఉండేందుకు ఎస్సై బినామీ డి.దీపక్‌కు ఫోన్‌ పేలో రూ.30వేలు చెల్లించాడు. విసిగెత్తిన బాధితుడు ఏసీబీ టోల్‌ ఫ్రీ 1064ను సంప్రదించగా, ఏసీబీ అధికారులు రంగంలోకి దిగి ఎస్సై ఫోన్‌లో మాట్లాడిన ఆడియో రికార్డులు, ఫోన్‌ పే చెల్లింపు, జప్తు చేసిన నగదు లేకపోవడం ఆధారాలు సేకరించారు. ఎఫ్‌ఐఆర్‌ చేసి ఎస్సైని కరీంనగర్‌ ఏసీబీ కోర్టు ముందు ప్రవేశపెట్టగా రిమాండ్‌ విధించారు. 2020బ్యాచ్‌కు చెందిన ఎస్సై గతేడు జూలై నుంచి నస్పూర్‌ ఎస్సైగా పని చేస్తున్నారు.

మంచిర్యాలఅర్బన్‌: ఈ నెల 20నుంచి ప్రారంభమయ్యే ఓపెన్‌ స్కూల్‌ పదో తరగతి, ఇంటర్‌ పరీక్షలకు ఏర్పాట్లు పూర్తి చేసినట్లు డీఈవో యాదయ్య తెలిపారు. ఉదయం 9నుంచి 12గంటల వరకు, మధ్యాహ్నం 2.30 గంటల నుంచి సాయంత్రం 5.30 వరకు పరీక్షలు నిర్వహిస్తామని పేర్కొన్నారు. మంచిర్యాలలో పదో తరగతికి రెండు పరీక్ష కేంద్రాలు, ఇంటర్‌ పరీక్షలకు మూడు, బెల్లంపల్లిలో పదో తరగతికి ఒకటి, ఇంటర్‌కు రెండు కేంద్రాలు ఏర్పాట్లు చేసినట్లు తెలిపారు. పదో తరగతి విద్యార్థులు 666, ఇంటర్‌ విద్యార్థులు 1192 మంది పరీక్షలకు హాజరు కానున్నారని తెలిపారు. విద్యార్థులకు హాల్‌టికెట్లు స్టడీ సెంటర్ల ద్వారా పంపిణీ చేస్తామని, విద్యార్థులతోపాటు సిబ్బంది పరీక్ష కేంద్రాల్లోకి ఎలాంటి పరికరాలు, సెల్‌ఫోన్లు తీసుకు రావద్దని సూచించారు. న్యాయవాదిపై దాడి దుర్మార్గపు చర్యమంచిర్యాలక్రైం: న్యాయవాదులపై దాడులు దుర్మార్గపు చర్య అని మంచిర్యాల జిల్లా బార్‌ అసోసియేషన్‌ సభ్యులు, న్యాయవాదులు అన్నారు. ఈ నెల 16న సూర్యపేట జిల్లా న్యాయవాది మాంతపురం కిషోర్‌పై దాడిని ఖండిస్తూ గురువారం నల్లబ్యాడ్జీలు ధరించి నిరసన వ్యక్తం చేశారు. జిల్లా బార్‌ ఆసోసియేషన్‌ ఉపాధ్యక్షుడు భుజంగ్‌రావు, న్యాయవాదులు మాట్లాడుతూ దాడులపై ప్రభుత్వం వెంటనే చర్యలు తీసుకోవాలని అన్నారు. ఈ కార్యక్రమంలో తుల అంజనేయులు, ధత్తు, గోపతిరవి, శ్రీరాములు, జాడీ తిరుపతి, శ్రీకాంత్‌ తదిరులు పాల్గొన్నారు. విధుల బహిష్కరణ లక్సెట్టిపేట: న్యాయవాది కిషోర్‌పై దాడిని నిరసిస్తూ గురువారం మండల కేంద్రంలోని మున్సిఫ్‌ మేజిస్ట్రేట్‌ కోర్టు న్యాయవాదులు విధులు బహిస్కరించారు. ఈ కార్యక్రమంలో బార్‌ అసోసియేషన్‌ అధ్యక్షుడు కొమిరెడ్డి సత్తన్న, ప్రధాన కార్యదర్శి ప్రదీప్‌కుమార్‌, ఉపాధ్యక్షులు నళినికాంత్‌, కోషాధికారి సుమన్‌ చక్రవర్తి, న్యాయవాదులు భూమరెడ్డి, సురేందర్‌, అక్కల శ్రీధర్‌, కిరణ్‌కుమార్‌, పద్మ, తదితరులు పాల్గొన్నారు.

సారంగపూర్‌: ఒంటరితనం భరించలేక వృద్ధుడు ఉరేసుకుని ఆత్మహత్యకు పాల్పడినట్లు ఎస్సై శ్రీకాంత్‌ తెలిపారు. కుటుంబీకులు, ఎస్సై తెలిపిన వివరాలు.. మండలంలోని వంజర్‌ గ్రామానికి చెందిన తోకల పోశెట్టి(65)కి ఇద్దరు భార్యలు ఉన్నారు. పెద్ద భార్యకు ఇద్దరు కుమార్తెలు, చిన్న భార్యకు ఒక కుమార్తె ఉన్నారు. అయితే గత 20 ఏళ్లుగా కుటుంబానికి దూరంగా ఉంటూ జీవనం సాగిస్తున్నాడు. స్థానిక హనుమాన్‌ ఆలయంలో వంట, బస చేస్తూ కాలం వెళ్లదీశాడు. ఇటీవల ఆయన అనారోగ్యానికి గురికావడంతో తిరిగి ఇంటికి వెళ్లాడు. కుటుంబ సభ్యులకు ముఖం చూపించలేక, ఒంటరిగా బతకలేక తనలో తానే కుమిలిపోయాడు. ఈక్రమంలో రెండు రోజులుగా పోశెట్టి కనిపించడం లేదని గ్రామస్తులు అనుకుంటున్నారు. గ్రామశివారు ప్రాంతంలోని దడే గుట్ట వద్ద ఒర్రె వైపు పశువులు మేపేందుకు వెళ్లిన వారికి గురువారం పోశెట్టి ఉరేసుకుని కనిపించాడు. ఈ విషయాన్ని గ్రామస్తులు, ఆయన కుటుంబీకులకు చేరవేశారు. గ్రామస్తులు అందించిన సమాచారంతో ఎస్సై ఘటన స్థలానికి చేరుకుని మృతదేహాన్ని పరిశీలించారు. పోస్టుమార్టం నిమిత్తం నిర్మల్‌ ఏరియాస్పత్రికి తరలించారు. కుటుంబీకుల ఫిర్యాదుతో కేసు దర్యాప్తు చేస్తున్నామని ఎస్సై తెలిపారు.

తాంసి: అక్రమంగా మహారాష్ట్ర నుంచి దేశీదారు తీసుకువచ్చి విక్రయిస్తున్న ఇద్దరిని అరెస్ట్‌ చేసినట్లు ఆదిలాబాద్‌ ఎకై ్సజ్‌ ఇన్‌స్పెక్టర్‌ రేండ్ల విజేందర్‌ తెలిపారు. మండలంలోని లీంగూడ గ్రామానికి చెందిన ఆత్రం దేవ్‌రావు, టేకం బర్కత్‌రావులు మహా రాష్ట్ర నుంచి దేశీదారు తీసుకువచ్చి విక్రయిస్తున్నారు. పక్కాసమాచారం మేరకు సిబ్బందితో కలిసి బుధవారం రాత్రి దాడి చేశారు. మద్యం విక్రయిస్తుండగా ఇద్దరిని పట్టుకున్నారు. వారి వద్ద నుంచి రూ.10వేల విలువ గల 90 ఎమ్‌ఎల్‌ కలిగిన 280 బాటిళ్లను స్వాధీనం చేసుకున్నారు. ఇద్దరిని అరెస్ట్‌ చేసి జైలుకు తరలించినట్లు పేర్కొన్నారు. ఎవరైనా దేశీదారు, నాటుసారా విక్రయిస్తే కేసులు నమోదు చేస్తామని హెచ్చరించారు. ఈ దాడుల్లో ఎకై ్సజ్‌ సిబ్బంది శ్రీధర్‌, హనుమంత్‌ పాల్గొన్నారు.

నెన్నెల: మండలంలోని మైలారం మత్తడి వాగు నుంచి అనుమతి లేకుండా బెల్లంపల్లికి అక్రమంగా ఇసుక తరలిస్తున్న రెండు ట్రాక్టర్లను జోగాపూర్‌ వద్ద పట్టుకున్నామని ఎస్సై ప్రసాద్‌ తెలిపారు. బుధవారం రాత్రి పెట్రోలింగ్‌ నిర్వహిస్తుండగా ఈ ట్రాక్టర్లను పట్టుకుని సీజ్‌ చేశామన్నారు. యజమానులు గడ్డం సాయికుమార్‌, కొమ్ము రాజన్న, డ్రైవర్లు పసుల రవీందర్‌, అత్తి సాయిలపై కేసు నమోదు చేసినట్లు పేర్కొన్నారు. మండలంలో ఎలాంటి అనుమతులు లేకుండా అక్రమంగా ఇసుకను తరలిస్తే చట్టపరమైన చర్యలు తీసుకుంటామని హెచ్చరించారు.

బెల్లంపల్లి: చోరీ కేసులో కోర్టుకు హాజరుకాకుండా తప్పించుకు తిరుగుతున్న నిందితుడిని పోలీసులు అరెస్టు చేశారు. టూటౌన్‌ ఎస్సై కె.మహేందర్‌ కథనం ప్రకారం.. 2022లో టూటౌన్‌ పోలీసుస్టేషన్‌ పరిధిలో దొంగతనం జరిగింది. చోరీ కేసులో నిందితుడిగా ఉన్న పంజాబ్‌ రాష్ట్రానికి చెందిన హరదీప్‌సింగ్‌ కొంతకాలం నుంచి కోర్టు వాయిదాలకు హాజరుకాకుండా తప్పించుకు తిరుగుతున్నాడు. నిందితుడి ఆచూకీని కనుగొని పోలీసులు ఛత్తీస్‌గఢ్‌ రాష్ట్రంలో చాకచక్యంగా పట్టుకుని గురువారం బెల్లంపల్లి జ్యుడీషియల్‌ ఫస్ట్‌క్లాస్‌ మేజిస్ట్రేట్‌ ఎదుట హాజరుపర్చారు. అనంతరం ఆసిఫాబాద్‌ జైలుకు తరలించినట్లు ఎస్సై తెలిపారు.

సినిమా చిత్రీకరణలో నటీనటులుగర్వంగా భావిస్తున్నాం దిందా గ్రామం పేరు వెండితెరపై వినిపించడం పట్ల మేము గర్వంగా భావిస్తున్నాం. స్థానికంగా చిత్రీకరణ జరగడంతో కొంతమందికి ఉపాధి లభించింది. అటవీ ప్రాంతంలో ఉండే మా గ్రామం అభివృద్ధిలో వెనుకబడి ఉంది. సినిమాతో గ్రామానికి ప్రచారం లభించడం మేము సంతోషంగా ఉన్నాం. – డోకె రామన్న, దిందా సహకారం అందించాం సినిమా చిత్రీకరణకు అనువైన ప్రదేశాల కోసం సోదరుడు అయిన డైరెక్టర్‌ నన్ను సంప్రదించారు. ఎన్నో ప్రాంతాలను పరిశీలించి దిందా గ్రామాన్ని ఎంపిక చేసుకున్నాం. సినిమా చిత్రీకరణ పూర్తయ్యే వరకు సినిమా బృందానికి నాతో కలిసి గ్రామస్తులు, స్థానిక ప్రజలు సహకారాలు అందించాం. సినిమా విజయవంతం కావాలని కోరుకుంటున్నాం. – దేవాడి రాజన్న, గంగాపూర్‌ బాలనటుడిగా మరిచిపోలేనిది సినిమాలో నటించే అవకాశం రావడం ఒక వరం లాంటిది. నేను 8వ తరగతి చదువుకునే సమయంలో దగ్గరి బంధువు అయిన సినిమా దర్శకుడు అవకాశం కల్పించారు. నటనలో అనుభవం లేకున్నా దర్శకుడు, నటుల సహకారంతో బాలనటుడిగా నటించాను. ఈ అనుభవం మరిచిపోలేనిది. – దంద్రె మణికంఠ(బబ్లూ), గంగాపూర్‌ చింతలమానెపల్లి: మండలంలోని దిందా.. ఒక మారుమూల గ్రామం.. త్వరలో రంగస్థలానికి పరిచయమవుతోంది. దట్టమైన అటవీ ప్రాంతంలో రవాణా సౌకర్యాలకు, గ్రామం అభివృద్ధికి నోచుకోకుండా ఉంది. జగమెరిగిన సత్యం టైటిల్‌తో విడుదల అవుతున్న చిత్రం 80 శాతం గ్రామంలోనే చిత్రీకరించారు. గ్రామ సమీపంలోని వాగు, చింతలమానెపల్లి మండలం రవీంద్రనగర్‌ వారసంత, గూడెం ప్రాణహిత నది వంతెన, పెంచికల్‌పేట్‌ పెద్దవాగు, కౌటాల మండల కేంద్రం, పక్కనే మహారాష్ట్రలోని అహేరి వద్ద కొన్ని సన్నివేశాలను తెరకెక్కించారు. కౌటాల ఆర్టీసీ ప్రయాణ ప్రాంగణంలో మొదటి సన్నివేశం చిత్రీకరణతో సినిమా ప్రారంభించారు. 1994లో గ్రామీణ పరిస్థితుల నేపథ్యం.. 1994లోని గ్రామీణ నేపథ్యం, అప్పటి మనుషుల కట్టుబాట్లు, దర్శకుడి చిన్నతనంలోని అనుభవాలను ఆధారంగా చిత్రం రూపొందింది. ప్రేమ సన్నివేశాలు, భావోద్వేగాలు, సంస్కృతి, సంగీతం ప్రధానంగా ఈ చిత్రాన్ని తెరకెక్కించినట్లు దర్శకుడు పాలె తిరుపతి తెలిపారు. ఇందులో పలు సన్నివేశాల్లో దిందా గ్రామస్తులను బ్యాక్‌గ్రౌండ్‌లో నటించేందుకు అవకాశం కల్పించారు. సినిమాలో ఐదు పాటలు ఉండగా బతుకమ్మ పాటను గాయకురాలు మంగ్లీ ఆలపించారు. రాణా దగ్గుబాటి, సాయిపల్లవి నటించిన విరాట పర్వం చిత్రానికి పనిచేసిన సురేష్‌ బొబ్బిలి ఈచిత్రానికి సంగీత దర్శకత్వం వహించారు. హీరో రవితేజ మేనల్లుడు అవినాష్‌వర్మ, ఆద్యారెడ్డిలను హీరో, హీరోయిన్లుగా తొలిపరిచయం చేశామని, మరో హీరోయిన్‌గా నీలిమ పతకంశెట్టి నటించినట్లు దర్శకుడు తెలిపారు. జిల్లాలో ఆలస్యంగా విడుదల జగమెరిగిన సత్యం సినిమా కుమురం భీం జిల్లాలో కాస్త ఆలస్యంగా విడుదల కానుంది. ఈనెల 18 (శుక్రవారం)న మంచిర్యాలలో, తెలంగాణలో 33 థియేటర్లలో విడుదల చేస్తున్నారు. కాగజ్‌నగర్‌లో ఇతర సినిమాలకు ముందుగానే షెడ్యూల్‌ ఖరారు అయి ఉండడంతో కొన్నిరోజుల అనంతరం విడుదల అవుతుందని సినిమా బృందం తెలిపింది. దర్శకుడు స్థానికుడే..సినిమా అంటే ఒక క్రేజ్‌.. రంగులతో కనిపించే సినిమా చాలామందికి కల.. ఇలాంటి ఓ సినిమా మన ప్రాంతంలో రూపుదిద్దుకుంటే ఆ ఆనందం వేరు. ఎలాంటి ప్రాచుర్యానికి నోచుకోని ఆ గ్రామంలోని వెనుకబడిన పరిస్థితులు, గ్రామస్తుల సహజ అమాయకత్వం ఈనేపథ్యంలో చింతలమానెపల్లి మండలంలోని దిందా గ్రామ కేంద్రంగా రూపుదిద్దుకున్న చిత్రం.. జగమెరిగిన సత్యం..ఈనెల 18న సినిమా విడుదల కానుంది. దర్శకుడు పాలె తిరుపతి స్వగ్రామం పెంచికల్‌పేట్‌ మండలం చెడ్వాయి. ఆయనకు చింతలమానెపల్లి మండలంలో బంధువులు ఉండగా వారి ఇంటికి వచ్చేక్రమంలో స్థానిక గ్రామాలపై పరిచయం ఉండగా సినిమా చిత్రీకరణకు కారణమైంది. గ్రామంలో ప్రాథమిక విద్యాభ్యాసం చేసిన ఆయన మంచిర్యాలలో డిగ్రీ పూర్తిచేశారు. సినిమాలపై ఆసక్తితో చిత్రరంగానికి వెళ్లి దర్శకత్వ శాఖలో 8 ఏళ్లు పనిచేశారు. ఈక్రమంలో ‘కొరియన్‌ శీర్షిక అహేరి’పేరుతో లఘుచిత్రం రూపొందించారు. అది సాధించిన విజయం ఇచ్చిన స్ఫూర్తితో మరో నాలుగు లఘు చిత్రాలను రూపొందించగా, ఈ అనుభవంతో జగమెరిగిన సత్యం చిత్రాన్ని తెరకెక్కించారు. కథానాయకుడికి చిన్నతనంలో సోదరుడిగా చింతలమానెపల్లి మండలం గంగాపూర్‌కు చెందిన దంద్రె మణికంఠ(బబ్లూ) బాలనటుడిగా నటించాడు.

నెన్నెల: ఆర్థిక ఇబ్బందులతో వివాహిత బావిలో దూకి ఆత్మహత్యకు పాల్పడినట్లు ఎస్సై ప్రసాద్‌ తెలిపారు. ఆయన కథనం ప్రకారం.. మండల కేంద్రానికి చెందిన గడ్డం లావణ్య (47), భర్త శంకర్‌గౌడ్‌తో కలిసి తెలంగాణ గ్రామీణ బ్యాంకు ఎదుట హోటల్‌ నిర్వహిస్తోంది. హోం లోన్‌ తీసుకుని ఇల్లు నిర్మించుకున్నారు. హోటల్‌ పెట్టుబడి కోసం మరికొంత అప్పు చేశారు. వ్యాపారం సరిగ్గా సాగకపోవడంతో అప్పు తీర్చడం కష్టమైంది. కిస్తీలు చెల్లించకపోవడంతో వడ్డీ పెరిగిపోయింది. అప్పులు ఎలా తీర్చాలో అని ప్రతిరోజు బాధపడేదని కుటుంబీకులు చెప్పారు. ఈక్రమంలో గురువారం తెల్లవారుజామున లావణ్య ఇంట్లో కనిపించలేదు. ఆమె ఆచూకీ కోసం కుటుంబసభ్యులు చుటూపక్కల వెతకగా భీరన్నమర్రి సమీపంలోని వ్యవసాయ బావి వద్ద ఆమె చెప్పులు లోట కనిపించాయి. అనుమానంతో బావిలో నీటిని మోటార్ల ద్వారా తోడగా అందులో శవమై కనిపించింది. కుమారుడు వెంకటేశ్‌ ఫిర్యాదు మేరకు కేసు దర్యాప్తు చేస్తున్నామని ఎస్సై వివరించారు.

బెల్లంపల్లి: బెల్లంపల్లి నివాసం ఉంటున్న పుర ప్రజలకు జీవో నెంబర్‌ 76 ప్రకారం ఇళ్ల పట్టాలు ఇప్పించాలని సీపీఐ నాయకులు కోరారు. గురువారం ఏఎంసీ ఏరియాలోని క్యాంపు కార్యాలయంలో ఎమ్మెల్యేను కలిసి వినతిపత్రం అందజేశారు. ఈ కార్యక్రమంలో సీపీఐ రాష్ట్రసమితి సభ్యులు ఎ. వెంకటస్వామి, బి.పూర్ణిమ, సీపీఐ పట్టణ, మండల కార్యదర్శులు ఆడేపు రాజమౌళి, బి.లక్ష్మీనారాయణ, రైతు సంఘం జిల్లా అధ్యక్షుడు మేకల రాజేశం, నాయకులు తదితరులు పాల్గొన్నారు.

దండేపల్లి: మండలంలోని నర్సాపూర్‌ గ్రామానికి చెందిన రైతు గాండ్ల అశోక్‌ ప్రమాదవశాత్తు బావిలో పడి మృతిచెందాడు. ఎస్సై తహాసీనొద్దీన్‌ కథనం ప్రకారం.. అశోక్‌ (45) గురువారం ఉదయం పొలం వద్దకు వెళ్లి వస్తానని ఇంట్లో చెప్పి వెళ్లాడు. చాలాసేపటి వరకు రాకపోవడంతో ఫోన్‌ చేస్తే ఇంట్లో ఉంది. దీంతో బంధువు అయిన కార్తీక్‌ను పొలం వద్దకు పంపించారు. పొలం ఒడ్డున ఒక చెప్పు, బావిలో మరో చెప్పు కనిపించింది. దీంతో వెంటనే కుటుంబ సభ్యులకు సమాచారం అందించారు. వారు అక్కడికి చేరుకుని ఈతగాళ్లతో బావిలో వెతకగా మృతదేహం లభించింది. ప్రమాదవశాత్తు బావిలో జారిపడటంతో ఈత రాక అందులో మునిగి చనిపోయాడు. మృతుడికి భార్య, ఇద్దరు పిల్లలు ఉన్నారు. భార్య శైలజ ఫిర్యాదుతో కేసు దర్యాప్తు చేస్తున్నట్లు ఎస్సై పేర్కొన్నారు. బ్లేడ్‌తో గొంతుకోసి హత్యాయత్నంఆదిలాబాద్‌రూరల్‌: బ్లేడ్‌తో ఒకరి గొంతు కోసి హత్యాయత్నం చేసిన ఘటన మండలంలోని బంగారుగూడలో చోటుచేసుకుంది. ఎస్సై ముజాహిద్‌ కథనం ప్రకారం..బంగారుగూడకు చెందిన ముద్దంగుల విఠల్‌, అదేకాలనీలో జాబిర్‌షా ఉంటున్నాడు. గురువారం విఠల్‌ ఫోన్‌లో ఓ నంబర్‌ డయల్‌ చేయాలని జాబిర్‌ షా అడిగాడు. ఇందుకు విఠల్‌ ని రాకరించడంతో బ్లేడ్‌తో ఆయన గొంతుకోసి హత్యాయత్నం చేశాడు. తీవ్ర గాయాలైన విఠల్‌ను రిమ్స్‌ కు తరలించారు. బాధితుడి భార్య పోచవ్వ ఫిర్యాదుతో హత్యాయత్నం కేసు నమోదు చేసినట్లు ఎస్సై వివరించారు. ఆరుగురి బైండోవర్‌మంచిర్యాలరూరల్‌(హాజీపూర్‌): హాజీపూర్‌ పోలీసుస్టేషన్‌ పరిధిలో ఆరుగురు పాత నేరస్తులను గురువారం తహసీల్దార్‌ శ్రీనివాసరావుదేశ్‌పాండే ఎదుట బైండోవర్‌ చేసినట్లు ఎస్సై స్వరూప్‌రాజ్‌ తెలిపారు. వేంపల్లిలో దోపిడీ కేసులో నిందితులైన రమేశ్‌, అవినాశ్‌, చందు, సంతోశ్‌, అశోక్‌, కృష్ణలను ఏడాదిపాటు షరతులతో కూడిన బైండోవర్‌ చేశారు.

తాంసి: మండలంలోని జామిడికి చెందిన పర్ధాన్‌ దేవుబాయి ఇల్లు అగ్ని ప్రమాదంలో దగ్ధమైంది. ఒంటరిగా ఉంటున్న ఆమె గురువారం ఉదయం ఇంట్లో దేవుని చిత్రపటం వద్ద దీపం పెట్టి ఉపాధి పనికి కూలీలతో వెళ్లింది. వెలిగించిన దీపం వస్తువులకు అంటుకొని మంటలు వ్యాపించింది. గమనించిన గ్రామస్తులు వెంటనే మోటార్ల ద్వారా నీటిని చల్లి మంటలార్పివేశారు. అప్పటికే ఇంట్లో ఉన్న నిత్యావసర సరుకులు, దుస్తులు, రూ.20వేల నగదు కాలిపోయాయి. ఇంటి పైకప్పు దెబ్బతింది. దాదాపు రూ.లక్షకు పైగా ఆస్తినష్టం వాటిల్లింది. విషయం తెలుసుకున్న సామాజిక కార్యకర్త ముడుపు మౌనిష్‌రెడ్డి ఘటనస్థలానికి చేరుకుని బాధిత మహిళను పరామర్శించారు. నెలకు సరిపడా సరుకులతోపాటు నగదు అందజేశారు. యూత్‌ కాంగ్రెస్‌ నాయకుడు అశోక్‌ ఆర్థికసాయం అందజేశాడు.

● ఎమ్మెల్యే వినోద్‌ను నిలదీసిన బాధితులు ● అందరికీ న్యాయం చేయాలని ఎమ్మెల్యే ఆదేశంకాసిపేట: మండలంలోని కేకే ఓపెన్‌కాస్టు నిర్వాసిత గ్రామం దుబ్బగూడెం ప్రజలకు పునరావాస కాలనీలో చేపట్టిన పట్టాల పంపిణీ కార్యక్రమం గురువారం ఆందోళన మధ్య కొనసాగింది. గ్రామంలో పుట్టి పెరిగిన వారికి రాకుండా అధికారులు కుట్ర చే స్తున్నారని బాధితులు ఎమ్మెల్యేను అడ్డుకునే ప్రయత్నం చేశారు. కార్యక్రమంలో నిరసన తెలుపగా.. వే దిక వద్దకు వెళ్లకుండా పోలీసులు అడ్డుకున్నారు. మొత్తం 299మందికి పట్టాలు మంజూరు కాగా, 239మందికి పంపిణీ చేశారు. కొందరు మరణించ డం, మరికొందరిపై ఫిర్యాదులు రావడంతో 60 మందికి పంపిణీ నిలిపివేశారు. విచారణ అనంత రం వారికి పంపిణీ చేస్తామని ఆర్డీవో హరికృష్ణ తెలిపారు. అర్హులందరికీ న్యాయం చేయాలి సమావేశంలో ఎమ్మెల్యే గడ్డం వినోద్‌ మాట్లాడుతూ గ్రామంలోని అర్హులందరికీ ఇంటిస్థలం, ఆర్‌అండ్‌ఆర్‌ ప్యాకేజీ అందించి న్యాయం చేయాలని అధికారులను ఆదేశించారు. ఏడాదిలోపు పునరావాస కాలనీలో అన్ని ఏర్పాట్లతోపాటు నిర్మాణాలు పూర్తి చేసుకోవాలని తెలిపారు. ప్రోటోకాల్‌ రగడ.. గిరిజన మహిళ అని చిన్న చూపా అంటూ పీఏసీ ఎస్‌ చైర్‌పర్సన్‌ నీలరాంచందర్‌ ఎమ్మెల్యేను నిలదీశారు. సొంత పార్టీకి చెందిన తమను పట్టించుకోకుండా, ప్రోటోకాల్‌ లేకుండా నాయకులను వేది కపైకి పిలవడం, తమను అవమానించడం ఏమిట ని ప్రశ్నించారు. ఎమ్మెల్యే అనుచరులకు వేదికపై స్థానం కల్పించడం పట్ల పలువురు అభ్యంతరం వ్యక్తం చేశారు. ఎమ్మెల్యే అసంతృప్తి పట్టాల పంపిణీతో పేరు రావాలని ఈ నెల 11, 16న నిర్వహించాల్సిన కార్యక్రమాన్ని అధికారులపై ఒత్తిడి తెచ్చి ఎమ్మెల్యే హాజరవుతారని గురువారం నాటికి వాయిదా వేయించారు. స్థలాలు దక్కని బాధితుల నిరసన, ప్రోటోకాల్‌ రగడతో సహాయకులతోపాటు నాయకులపై ఎమ్మెల్యే ఆగ్రహం వ్యక్తం చేశారు. స్థానికంగా పరిస్థితి ఏమిటి, ఏం కావాలి, ఏం చేయగలం అనేది తెలుసుకోకుండా తనను ర ప్పిస్తారా అంటూ అసంతృప్తి వ్యక్తం చేసినట్లు తెలి సింది. ఈ కార్యక్రమంలో ఆర్డీవో హరికృష్ణ, జీఏం దేవేందర్‌, కాంగ్రెస్‌ నాయకులు రత్నం ప్రదీప్‌, రౌ తు సత్తయ్య, మైదం రమేష్‌, గోలేటి స్వామి, దు బ్బగూడెం గ్రామస్తులు పాల్గొన్నారు.

● పెండింగ్‌ సమస్యల పరిష్కారానికి అవకాశం ● జిల్లా కలెక్టర్‌ కుమార్‌దీపక్‌మంచిర్యాలరూరల్‌(హాజీపూర్‌): ప్రభుత్వం ప్రవేశపెట్టిన భూభారతి నూతన ఆర్‌ఓఆర్‌ చట్టం ద్వా రా భూ సమస్యల పరిష్కారానికి అవకాశం లభి స్తుండగా చట్టంలో పొందుపరచిన అంశాలను రైతులు వివరంగా తెలుసుకోవాలని జిల్లా కలెక్టర్‌ కుమార్‌ దీపక్‌ అన్నారు. గురువారం హాజీపూర్‌ మండల కేంద్రంలోని శ్రీనివాస గార్డెన్స్‌లో భూభారతి చట్టంపై ఏర్పాటు చేసిన అవగాహన సదస్సులో మాట్లాడారు. భూభారతి నూతన చట్టం ద్వారా హక్కులు, రికార్డుల్లో తప్పుల సవరణకు అవకాశం కల్పించిందని అన్నారు. పెండింగ్‌, సాదాబైనామా దరఖాస్తులు పరిష్కరించడం, వారసత్వంగా వచ్చిన భూములను విరాసత్‌ చేసే ముందు నిర్ణీత కాలంలో సమగ్ర విచారణ చేయడం, భూమి హక్కులు ఏ విధంగా సంక్రమించినా మ్యుటేషన్‌ చేసి రికార్డులో నమోదు చేయడం జరుగుతుందని అన్నారు. భూభారతి ద్వారా ఆగస్టు 15లోగా జిల్లాలోని అన్ని మండలాల్లోనూ అన్ని రకాల భూ సమస్యలు పరిష్కరించేలా కార్యక్రమాలు ఉంటాయన్నారు. ఈ కార్యక్రమంలో అదనపు కలెక్టర్‌ సబావత్‌ మోతీలాల్‌, ఆర్డీఓ శ్రీనివాసరావు, డీఆర్‌డీఓ కిషన్‌, తహసీల్దార్‌ శ్రీనివాసరావుదేశ్‌పాండే, ఎంపీడీఓ ప్రసాద్‌, ఏఓ కృష్ణ, ఈజీఎస్‌ ఏపీఓ మల్లయ్య, ప్రజాప్రతినిధులు, రైతులు పాల్గొన్నారు. నవోదయ పాఠశాల ఏర్పాటు స్థలం పరిశీలన హాజీపూర్‌ మండలం గఢ్‌పూర్‌లో నవోదయ పాఠశాల ఏర్పాటు ప్రతిపాదిత స్థలాన్ని కలెక్టర్‌ పరిశీలించారు. ఆయన వెంట తహసీల్దార్‌ శ్రీనివాసరావుదేశ్‌పాండే ఉన్నారు.

మంచిర్యాలఅగ్రికల్చర్‌: జిల్లాలో 2024–25 యాసంగి వరిధాన్యం కొనుగోలు ప్రక్రియ ప్రారంభించామని, రైస్‌మిల్లర్లు పాత బకాయిలు పూర్తి చేసి బ్యాంక్‌ గ్యారంటీలు ఇవ్వాలని జిల్లా అదనపు కలెక్టర్‌ సబావత్‌ మోతీలాల్‌ అన్నారు. గురువారం జిల్లా అదనపు కలెక్టర్‌ చాంబర్‌లో జిల్లా పౌర సరఫరాల శాఖ అధికారి బ్రహ్మారావు, జిల్లా మేనేజర్‌ శ్రీకళతో కలిసి బాయిల్డ్‌ రైస్‌మిల్లర్లతో సమీక్ష సమావేశం నిర్వహించారు. ఈ సందర్భంగా జిల్లా అదనపు కలెక్టర్‌ మాట్లాడుతూ కనీస మద్దతు ధరతో వరిధాన్యం కొనుగోలు చేస్తామని, సన్న రకం ధాన్యానికి మద్దతు ధరతోపాటు బోనస్‌ అందిస్తామని తెలిపారు. ధాన్యం దిగుమతి ఎలాంటి కోతలు లేకుండా చేయాలన్నారు. అ ధికారులు, బాయిల్డ్‌ రైస్‌మిల్లర్లు పాల్గొన్నారు.

మంచిర్యాలఅగ్రికల్చర్‌: జిల్లాలో ఈదురుగాలులు వీచినా.. చిన్నపాటి వర్షం కురిసినా కరెంటు సరఫరా నిలిచిపోతోంది. మళ్లీ ఎప్పుడు వస్తుందో తెలియని పరిస్థితి నెలకొంటోంది. గత నెల 22న జిల్లాలో ఈదురుగాలులు, వర్షంతో విద్యుత్‌ సరఫరాకు అంతరాయం ఏర్పడింది. ఈ నెల 3న ఈదురుగాలులు, వర్షానికి గంటల తరబడి సరఫరా నిలిచిపోయింది. 10న ఈదురుగాలులు, చిన్నపాటి వర్షానికి విద్యుత్‌ సరఫరా నిలిచిపోవడంతో వినియోగదారులు రాత్రంతా జాగారం చేయాల్సి వచ్చింది. జిల్లా కేంద్రంతోపాటు మండలాల్లోనూ ఇదే పరిస్థితి ఎదురవుతోంది. పునరుద్ధరణకు గంటల తరబడి సమయం పడుతోంది. నెలకు రెండు మూడు రోజులు విద్యుత్‌ మరమ్మతులు, ఆధునీకరణకు ఉదయం నుంచి సాయంత్రం వరకు నిలిపి వేస్తున్నారు. అధిక లోడ్‌కు అనుగుణంగా ట్రాన్స్‌ఫార్మర్ల మార్పు, శిథిలావస్థకు చేరిన విద్యుత్‌ తీగలు, స్తంభాలు, కాసారం, ఫీడర్లు, అధునాతన, సాంకేతిక తదితర పరికరాలు కొత్తవాటిని ఏర్పాటు చేసి మెరుగైన నిరంతర విద్యుత్‌ సరఫరాకు తరచూ మరమ్మతులు చేపడుతున్నట్లు అధికారులు చెబుతున్నారు. అయినా గాలివానకు సరఫరా నిలిచిపోయి గంటల తరబడి ఎదురు చూడాల్సి వస్తోంది. మారుమూల గ్రామాల్లోనే కాదు జిల్లా కేంద్రంలోనూ అదే పరిస్థితి ఎదురవుతోంది. రైతులకూ ఇబ్బందులే.. జిల్లాలో 3,60,214 విద్యుత్‌ కనెక్షన్లు ఉన్నాయి. బిల్లుల వసూలు కచ్చితంగా వ్యవహరిస్తున్న విద్యుత్‌ శాఖ అధికారులు సరఫరాలో నిర్లక్ష్యం వహిస్తున్నారని వినియోగదారులు మండిపడుతున్నారు. యాసంగి వరి పంటల సాగుకు బోరు మోటార్ల వినియోగం పెరిగింది. దిగుబడి దశలో ఉన్న పంటలకు నీరందిస్తుండగా సరఫరా నిలిచిపోతుండడంతో రైతులు ఇబ్బందులు పడుతున్నారు. ప్రస్తుతం ఎండలు మండిపోతున్నాయి. మరమ్మతుల పేరిట సరఫరా నిలిపి వేస్తుండడంతో ఉక్కపోతతో ఇళ్లలో ఉండలేకపోతున్నారు. రాత్రి, పగలు తేడా లేకుండా అప్రకటిత కోతలు విధిస్తున్నారని కాలనీల వాసులు వాపోతున్నారు. ప్రతీ నెల రెండో శనివారం విద్యుత్‌ మరమ్మతుల డే కారణంగా ఉదయం నుంచి మధ్యాహ్నం వరకు నిలిపి వేస్తున్నారు. క్షేత్రస్థాయిలో సిబ్బంది కొరతతో సేవల్లో ప్రభావం కనిపిస్తోంది. జిల్లాలో రోజు రోజుకు విద్యుత్‌ వినియోగదారులు పెరుగుతుండడం, రూ.కోట్లలో బిల్లులు వసూలవుతున్నా అందుకు అనుగుణంగా సేవలు అందడం లేదనే విమర్శలు వస్తున్నాయి. విద్యుత్‌ సరఫరాలో అంతరాయంపై ఫోన్‌ చేస్తే కొందరు ఏడీ, ఏఈ, సిబ్బంది స్పందించడం లేదని వినియోగదారులు ఆరోపిస్తున్నారు. గంటలకొద్దీ ఎదురు చూపులు తరచూ మరమ్మతులు.. ఆగని అవాంతరాలు

● స్కూల్‌ యూనిఫాం కుట్టు పని నిబంధనలు గల్లంతు ● అర్బన్‌ ప్రాంతంలో గంపగుత్తగా అప్పగింత ● ఒక్కో మహిళా గ్రూపునకు ఆరు నుంచి పదికి పైగా పాఠశాలలు ● అస్పష్ట కొలతలతో ఇబ్బందులుమంచిర్యాలఅర్బన్‌: ప్రభుత్వ పాఠశాలల్లో విద్యార్థులకు పంపిణీ చేయనున్న యూనిఫాంలు కొలతల ఆధారంగా కుట్టాల్సి ఉన్నా అలాంటిదేమీ కనిపించడం లేదు. గత ఏడాది జిల్లా కేంద్రంలోని ఓ పాఠశాల విద్యార్థులకు పంపిణీ చేసిన యూనిఫాంలు పొట్టిగా, పొడుగ్గా, జేబులు ఊడిపోయి, దారం పోగులు లేచి అసౌకర్యంగా ఉన్నాయి. కొన్ని బడుల్లో కొలతలు తారుమారైన విషయాన్ని గ్రహించి అధికారులు దుస్తులను వెనక్కి పంపించారు. కొందరికి ఒక జత దుస్తులు అందగా.. మరో జత మూడు నెలలు దాటిన తర్వాత అందజేశారు. ఈసారి బడులు తెరిచే నాటికే యూనిఫాం అందజేయాలనే లక్ష్యంతో విద్యాశాఖ ముందస్తు చర్యలు చేపట్టింది. అధికారుల మధ్య సమన్వయ లోపమో.. ఏమో గానీ ఆరు నుంచి పదికి పైగా పాఠశాలలను గంపగుత్తగా ఒకే ఏజెన్సీ(ఎస్‌హెచ్‌జీ) మహిళలకు కుట్టుపని అప్పగించడం అనుమానాలకు తావిస్తోంది. జిల్లాలో.. జిల్లాలో అర్బన్‌ ప్రాంతంలో 138 పాఠశాలలు ఉన్నాయి. వీటిలో 13,866 మంది విద్యార్థులు ఉండగా.. బాలురు 6,247మంది, బాలికలు 7,619 మంది ఉన్నారు. గ్రామీణ ప్రాంతంలోని 630 పాఠశాలలల్లో 28,845మంది విద్యార్థులు ఉండగా.. బాలురు 13,774మంది, బాలికలు 15,071 మంది ఉన్నారు. జిల్లాలోని 10,417 సెల్ఫ్‌హెల్ప్‌ గ్రూపుల్లో 1,15,018మంది మహిళా సభ్యులు ఉన్నారు. కుట్టు పని నైపుణ్యం కలిగిన గ్రూపులను గుర్తించి ఆయా పాఠశాలల విద్యార్థులకు సంబంధించి యూనిఫాం వస్త్రం అప్పగించారు. ఒక్కో ఏజెన్సీ(మహిళా గ్రూపు)కి ఒక్కో పాఠశాల మాత్రమే అప్పగించాలి. కానీ అర్బన్‌ ప్రాంతంలో కొందరికే గంపగుత్తగా ఇవ్వడం చర్చనీయాంశంగా మారింది. ఒక్కో ఎస్‌హెచ్‌జీకి ఒకటి కంటే ఎక్కువ స్కూళ్ల విద్యార్థుల దుస్తులు కుట్టడానికి ఇవ్వడంపై అభ్యంతరం వ్యక్తమవుతోంది. మంచిర్యాల అర్బన్‌ ప్రాంతంలో 31 పాఠశాలల్లో మూడు మినహా 22 పాఠశాలలు ఒకే సెల్ఫ్‌హెల్ప్‌ గ్రూపునకు అప్పగించారు. మరో ఏజెన్సీకి 6, ఇంకో ఏజెన్సీ 2, ఒక ఏజెన్సీకి ఒక బడి విద్యార్థుల యూనిఫాం కుట్టు బాధ్యతలు అప్పగించారు. చెన్నూర్‌లో 17పాఠశాలలు ఉండగా.. ఒకే గ్రూపునకు 11 పాఠశాలలు అప్పగించారు. నస్పూర్‌లో 17 పాఠశాలలను ఒకే గ్రూపునకు అప్పగించా రు. ఇందులో ఏడు పాఠశాలలు ఒక మహిళకు, ఐదే సి పాఠశాలలు మరో ఇద్దరికి బాధ్యతలు ఇచ్చారు. బెల్లంపల్లిలో 20 పాఠశాలలు ఉండగా 13 ఒక గ్రూపునకు, ఐదు మరో గ్రూపునకు ఇచ్చినా మహిళా సభ్యులు ముగ్గురు ఉన్నారు. క్యాతన్‌పల్లిలో 12 పాఠశాలల్లో 11 ఒకే గ్రూపునకు, లక్సెట్టిపేటలో 21 పాఠశాలలు ఉండగా.. 11 ఒక ఎస్‌హెచ్‌జీ మహిళకు ఆరు, మరో మూడు గ్రూపునకు కట్టబెట్టారు. మందమర్రిలో 19పాఠశాలల్లో ఎనిమిదింటిని ఒక గ్రూపునకు అప్పగించారు. ఒక్కో తరగతిలో ఒకే ఎత్తు కలిగిన ఐదుగురు విద్యార్థులకు ఒకే కొలతలు తీసుకుంటున్నట్లు తెలుస్తోంది. గతంలో కూడా దర్జీలకు గంపగుత్తగా అప్పగించడం వల్లనే యూని ఫాం కొలతల్లో తేడా, నాణ్యమైన కుట్టు లేక దుస్తులు వేసుకోవడంలో విద్యార్థులు ఇబ్బందులు పడ్డా రు. మహిళలకు స్వయం ఉపాధి కల్పించాలనే ప్ర భుత్వ ఆశయాన్ని నీరుగార్చి కొందరికే అప్పగించిన అధికారుల తీరుపై అసంతృప్తి వ్యక్తమవుతోంది.ఎస్‌హెచ్‌జీకి ఒకే పాఠశాల బాధ్యతలుసెల్ఫ్‌హెల్ప్‌ గ్రూపునకు ఒక్క పాఠశాల విద్యార్థుల యూనిఫామ్‌ కుట్టు బాధ్యతలు అప్పగించాలి. ముందస్తుగా సెల్ఫ్‌హెల్ప్‌ గ్రూపు మ్యాపింగ్‌ చేశాం. నైపుణ్యం కలిగిన మహిళలకు శిక్షణ ఇచ్చాం. ఒకటి కంటే ఎక్కువగా గ్రూపునకు అప్పగించినట్లు మా దృష్టికి రాలేదు. నిబంధనలకు విరుద్ధంగా ఉంటే చర్యలు చేపట్టి మార్పులు చేస్తాం. – డీఆర్‌డీవో కిషన్‌

● సీపీఎం రాష్ట్ర కార్యదర్శి జాన్‌వెస్లీ ● మృతుడి కుటుంబానికి పరామర్శవేమనపల్లి: నాయిని కన్నయ్య కుటుంబానికి న్యాయం చేయకపోతే జిల్లా కలెక్టరేట్‌ను ముట్టడిస్తామని సీపీఎం రాష్ట్ర కార్యదర్శి జాన్‌వెస్లీ హెచ్చరించారు. తెలంగాణ ఆదివాసీ గిరిజన సంఘం, సీపీఎం రాష్ట్ర నాయకులతో కలిసి గురువారం మండలంలోని మంగెనపల్లి గ్రామానికి వెళ్లి యజమాని వేధింపులకు ఆత్మహత్య చేసుకున్న కన్నయ్య కుటుంబాన్ని పరామర్శించారు. అనంతరం మండల కేంద్రంలో ఏర్పాటు చేసిన సంతాప సభలో మాట్లాడారు. కన్నయ్య కుటుంబానికి చెందిన సీలింగ్‌ పట్టా భూమిని అక్రమంగా పట్టా చేయించుకున్న యజమాని చిన్నన్న కుమారుడు హరీష్‌పై కఠిన చర్యలు తీసుకోవాలన్నారు. తహసీల్దార్‌, ఎస్సైలకు ఫిర్యాదు చేసినా పట్టించుకోవడం లేదన్నారు. ఆత్మహత్యకు కారకులైన యజమాని ఎనగంటి చిన్నన్నతోపాటు భార్య లక్ష్మీ, కొడుకు హరీష్‌లపై అట్రాసిటీ కేసు నమోదు చేయాలన్నారు. కుటుంబానికి రూ.50 లక్షల నష్టపరిహారం, భార్యకు ప్రభుత్వ ఉద్యోగం, ఐదు ఎకరాల భూమి, ఇందిరమ్మ ఇల్లు ఇప్పించి ఆదుకోవాలని డిమాండ్‌ చేశారు. లేనిపక్షంలో 21, 22వ తేదీల్లో మండల కేంద్రాల్లో నిరసనలు తెలపాలని, అధికారులు, ప్రజాప్రతినిధుల ఇళ్లను ముట్టడిస్తామని హెచ్చరించారు. అనంతరం గిరిజన సంఘం నాయకులతో భారీ ర్యాలీ నిర్వహించి తహసీల్దార్‌ రమేష్‌, ఎస్సై శ్యాంపటేల్‌లకు వినతిపత్రం అందజేశారు. ఈ కార్యక్రమంలో టీఏజీఎస్‌ రాష్ట్ర కార్యదర్శి, ఉపాధ్యక్షుడు పూనం సచిన్‌, బండారు రవికుమార్‌, సీపీఎం రాష్ట్ర నాయకులు ఆశయ్య, టీఏజీఎస్‌ రాష్ట్ర నాయకులు కోట శ్రీనివాస్‌, జిల్లా అధ్యక్ష, కార్యదర్శులు బాగాల రాజన్న, ఎర్మ పున్నం, సీపీఎం జిల్లా కార్యదర్శి సంకె రవి, ఐద్వా జిల్లా కార్యదర్శి ఉమారాణి, నాయకులు మల్లేశ్వరి, అబ్దుల్లా, ప్రసాద్‌, చందు తదితరులు పాల్గొన్నారు.

జిల్లాలో భూ స్వరూపంమొత్తం విస్తీర్ణం 4016.46చ.కి.మీ. అటవీ భూమి 1761.17చ.కి.మీ. రెవెన్యూ గ్రామాలు 382మొత్తం సాగు భూమి 3,30,891.403 ఎకరాలు. సగటు భూ కమతం 2.29ఎకరాలు ప్రస్తుతం భూభారతి పెండింగ్‌ అర్జీలు 1620సాక్షి ప్రతినిధి, మంచిర్యాల: ధరణి స్థానంలో భూభారతి పోర్టల్‌ రాకతో జిల్లాలో భూ సమస్యలు తీరుతాయనే ఆశలు నెలకొన్నాయి. రాష్ట్ర ప్రభుత్వం ఆర్‌వోఆర్‌ చట్టానికి సవరణ చేసి నూతనంగా 2024 చట్టం తీసుకొచ్చింది. ఈ క్రమంలో జిల్లాలో భూభారతి పోర్టల్‌పై క్షేత్రస్థాయిలో అవగాహన సదస్సులు నిర్వహిస్తోంది. రెవెన్యూ సదస్సులు నిర్వహించాక పూర్తి స్థాయిలో రాష్ట్ర వ్యాప్తంగా అమలు చేయనున్నారు. జిల్లాలో అనేక చోట్ల భూ సమస్యలు పరిష్కారం కాక ఇబ్బందులు పడుతున్నారు. జిల్లాలో అనేకమంది భూములు నిషేధిత జాబితా, ఆర్‌ఆర్వోఎఫ్‌ఆర్‌ సంబంధించి అవరోధాలు తలెత్తాయి. ఇప్పటికీ ప్రతీ సోమవారం ప్రజా ఫిర్యాదుల విభాగంలో భూ సమస్యలపైనే అనేక మంది అర్జీలు ఇస్తున్నారు. భూ తగదాలు, కోర్టు కేసులతోపాటు వారసత్వ బదిలీలు సైతం ఇబ్బందిగా మారాయి. జిల్లాలో భూ యజమానుల మధ్య సరిహద్దు సమస్యగా 20వేల ఎకరాలు ఉన్నాయి. అంతేకాక భూ ప్రక్షాళన సందర్భంగా పలు బోగస్‌ పట్టాలు సైతం ఉన్నట్లు వెల్లడయ్యాయి. కొందరు ఎలాంటి మోకపై లేకున్నా పట్టాలు పొందిన ఘటనలు ఉన్నాయి. ఇక సీలింగ్‌, అసైన్డ్‌దారులు పట్టాలో ఒకరి పేరు కాస్తులో మరొకరి పేరుతో ఉన్నారు. ఏళ్లుగా అనుభవదారులుగా ఉంటున్నా హక్కులు రావడం లేదు. పరిష్కారం కోసం.. జిల్లాలో ఇప్పటికీ అనేక మంది తమ భూమి హక్కు ల కోసం ఇబ్బందులు పడుతున్నారు. భూ ప్రక్షాళన సందర్భంగా దొర్లిన తప్పులతో తర్వాత సరిదిద్దే అ వకాశం లేకుండా పోయింది. అనేక సార్లు రెవెన్యూ అధికారులకు మొర పెట్టుకున్నా ఆ మేరకు పరి ష్కారం కావడం లేదు. ఇప్పటికీ జిల్లాలో సాదాబైనామాల అర్జీలు పెండింగ్‌లోనే ఉన్నాయి. తెల్లకాగితాలపై జరిగిన లావాదేవీలకు మోక్షం కలుగడం లే దు. అసైన్డ్‌, అటవీ, సింగరేణి భూముల మధ్య వివాదాలు ఉన్నాయి. పార్ట్‌–బీగా పేర్కొన్న నిషేధిత జాబితాలో పెండింగ్‌లోనే ఉన్నాయి. పూర్తి స్థాయిలో సర్వే జరగకపోవడంతో వివాదాలు కొనసాగుతున్నాయి. కొత్త చట్టంపైనే ఆశలు కొత్త చట్టంతో భూ చిక్కులు తీరుతాయనే ఆశలు నె లకొన్నాయి. భూభారతిలో ఇక నుంచి ప్రతీ కమతా నికి భూధార్‌ పేరుతో ప్రత్యేక గుర్తింపు సంఖ్య, నంబర్లు ఇస్తున్నారు. అంతేకాక రిజిస్ట్రేషన్లు, మ్యుటేషన్లు సులభంగా చేసేలా కొత్త చట్టాన్ని రూపొందించారు. డేటా ఎంట్రీ, స్టాంపు రిజిస్ట్రేషన ఫీ చెల్లింపు, ఈ చలాన్‌, స్లాట్‌ బుకింగ్‌, వంటి సేవలు మెరుగుపర్చారు. ఇక కొత్త పోర్టల్‌లో భూమిత్రతో ఏఐ(కృత్రిమ మేధ)తో అన్నివిధాల సహాయ సహకారాలు అందేలా ఏర్పాట్లు చేయనుంది. తహసీల్దార్లు, ఆ ర్డీవోలకు సైతం మ్యుటేషన్‌ అధికారం కల్పించడం వంటివి కొత్త చట్టంలో ఉన్నాయి. తహసీల్దార్‌, ఆర్డీ వోల స్థాయిల్లోనే సాదాబైనామాలు, రిజిస్ట్రేషన్‌, త ర్వాత మ్యుటేషన్లు జరగనున్నాయి. ఆన్‌లైన్‌లో న మోదు, వారసత్వ భూముల మార్పిడి సరళతరం చేశారు. వేగంగా సులభంగా భూ హక్కులు పొంది తే భూ యజమానులకు తిప్పలు తప్పే అవకాశం ఉంది.

● రాష్ట్ర పురపాలక శాఖ ముఖ్య కార్యదర్శి దానకిషోర్‌ మంచిర్యాలఅగ్రికల్చర్‌: ఎల్‌ఆర్‌ఎస్‌లో భాగంగా భూముల క్రమబద్ధీకరణ కోసం అందిన దరఖాస్తులకు సంబంధించి అర్హులైన లబ్ధిదా రుల నుంచి రుసుం వసూలు ప్రక్రియ వేగవంతం చేయాలని రాష్ట్ర పురపాలక శాఖ ముఖ్య కార్యదర్శి దానకిషోర్‌ అన్నారు. గురువారం హైదరాబాద్‌ నుంచి ఇతర ఉన్నత అధికారులతో కలిసి వీడియో కాన్ఫరెన్స్‌ ద్వారా అన్ని జిల్లాల కలెక్టర్లు, అదనపు కలెక్టర్లు, మున్సిపల్‌ కమిషనర్లు, పంచాయతీ అధికారులతో ఎల్‌ఆర్‌ఎస్‌ రుసుం వసూలుపై సమీక్ష సమావేశం నిర్వహించారు. ఈ సందర్భంగా ఆయన మా ట్లాడుతూ అర్హులైన లబ్ధిదారులు ఈ నెల 30 లోగా చెల్లించేలా చర్యలు తీసుకోవాలని, రు సుం చెల్లించిన వారికి ప్రొసీడింగ్స్‌ అందజేయాలని తెలిపారు. ఈ సమావేశంలో జిల్లా కలెక్టర్‌ కుమార్‌ దీపక్‌, జిల్లా పంచాయతీ అధికారి వెంకటేశ్వర్‌రావు, మున్సిపల్‌ కమిషనర్లు, అధికారులు పాల్గొన్నారు.

భూసార పరీక్షలు.. పంటకు ముందస్తుగా భూసార పరీక్షలు చేయించాలి. భూసార పరీక్షకు మట్టి నమూనాలు సరైన పద్దతిలో తీసుకోవాలి. ఈ పరీక్షలతో భూమిలో ఎంత సారం ఉంది.. ఎలాంటి విత్తనాలు, ఎంత మోతాదులో ఎరువులు వేయాలి వంటి విషయాలు తెలుస్తాయి. ఇష్టారీతిగా ఎరువులు వినియోగించి నష్టపోవడం కంటే భూసార పరీక్షలతో పంటల సాగుతీరు మార్చుకోవాలి. భూసార పరీక్షలతో సూక్ష్మ, స్థూల పోషకాల లోపాలు, మోతాదు పద్ధతిలో ఎరువుల వాడకం, అదనపు ఖర్చులు తగ్గించుకునే వీలుంది. నూతన ఆధునిక యంత్రాల వినియోగం, సాంకేతిక పరిజ్ఞానం పాటించడం వల్ల అధిక దిగుబడులు సాధించవచ్చు. నేలలో కలియదున్నితే మేలు.. జిల్లాలో ఏటా పత్తి పంట దిగుబడి అనంతరం పత్తి చెట్ల మొదళ్లను కోసి కుప్పగా చేసి కాల్చివేస్తుంటారు. కొంత వంట చెరుకుగా వినియోగిస్తున్నారు. అలా కాకుండా పత్తి మొదళ్లను వృథా పోకుండా రో టవేటర్‌ సహాయంతో భూమిలో తేమ ఉన్నప్పుడు భూమిలో కలియదున్నాలి. రోటవేటర్‌ తర్వాత మల్డ్‌చెల్డ్‌ నాగలితో దున్నాలి. తర్వాత మరోసారి రోటవేటర్‌తో కలియదున్నాలి. ఈ విధంగా చేయడం వలన భూమి సారవంతమై పత్తి పంటకు బయట నుంచి అందాల్సిన ఎరువులు తగ్గుతాయి. వేసవి దుక్కులు కీలకం.. ఖరీఫ్‌ సాగుకు ముందు నుంచే చేలు చదును చేసుకుని నెల రోజుల ముందే వేసవి దుక్కులు దున్నుకోవాలి. తొలకరికి ముందే పంట విత్తుకోవడానికి సిద్ధం చేసుకోవాలి. పంటల కోతల తర్వాత భూమిని వదిలివేయకుండా వేసవిలో దుక్కి దున్నుకుంటే చీడపీడలను కొంత వరకు నివారించవచ్చు. నేలను లోతుగా దున్నడంతో కొంత తేమలో ఉన్న కీటకాలు నశిస్తాయి. అడపాదడపా కురుస్తున్న వర్షాలను సద్వినియోగం చేసుకోవడానికి భూమిని దున్నుకోవాలి. ఈ వర్షాలతో లోతుగా దున్నడం వల్ల వరుసకు వరుస మధ్యలో వర్షపు నీరు నిలుస్తుంది. మొదటిసారి దుక్కులు దున్నిన తర్వాత రెండోసారి దున్నే ముందు పశువుల ఎరువు, వర్మీ కంపోస్టు, శాస్త్రవేత్తలు సూచించిన చెరువు మట్టిని పొలంలో వేసుకుంటే పంట దిగుబడి సామర్థ్యం పెరుగుతుంది. సేంద్రియ ఎరువులు అందించడం ద్వారా సూక్ష్మ పోషక లోపాలు నివారించవచ్చు. లోతు తక్కువ ఎర్రచల్క నేలల్లోనూ అడుగున గట్టిగా ఉన్న నేలల్లోనూ లోతుగా దుక్కి చేయడం చాలా ఉపయోగంకరంగా ఉంటుంది. నేలను 35 సెం.మీ నుంచి 40 సెం.మీ వరకు లోతుగా దున్నుకుంటే భూమిలో గట్టిపొర పగిలి నేల బాగా గుల్ల బారుతుంది. వర్షపు నీరు భూమిలోకి ఇంకుతుంది. లోతు దుక్కి ప్రభావం 2 నుంచి 3 సంవత్సరాల వరకు ఉంటుంది. వేసవి దుక్కులు ఉపయోగకరం భూసార పరీక్షలు కీలకం వ్యవసాయ పరిశోధన కేంద్ర శాస్త్రవేత్త శ్రీధర్‌ చౌహాన్‌వేసవికాలం ప్రారంభమైంది. రైతులు ఎండాకాలంలోనే దుక్కి దున్నడం, చేలు చదును చేయడం, గతేడాది పంట మొదళ్లు, ఇతర అవశేషాలు, చెత్త ఏరికాల్చడం వంటి పనులు చేస్తుంటారు. జూన్‌ నెలలో తొలకరి వర్షాలు కురవగానే విత్తనాలు సమకూర్చుకుంటారు. రైతులు ఇప్పటినుంచే ప్రణాళికా బద్ధంగా సాగుకు సిద్ధమైతే అధిక దిగుబడులు పొందవచ్చని వ్యవసాయ పరిశోధన కేంద్ర శాస్త్రవేత్త శ్రీధర్‌ చౌహాన్‌ వివరిస్తున్నారు. వేసవిలో రైతులు చేపట్టాల్సిన పనులపై సలహాలు, సూచనలు ఆయన మాటల్లోనే.. – మంచిర్యాలఅగ్రికల్చర్‌

లక్ష్మణచాంద: గుండెపోటుతో పూజారి ప్రాణాలు కోల్పోయిన ఘటన మండల కేంద్రంలో చోటు చేసుకుంది. వివరాల్లోకి వెళ్తే.. మండల కేంద్రానికి చెందిన పూజారి పెరుమాండ్ల రమేశ్‌(75) గత 30 సంవత్సరాలుగా శ్రీ వేణుగోపాలస్వామి ఆలయంలో పురోహితుడిగా సేవలు అందిస్తున్నారు. గత ఏ డాది నుంచి ఆయన అనారోగ్యంతో బాధపడుతున్నారు. బుధవారం తన వద్దకు వచ్చిన ఒకరికి పంచాంగం చూశారు. ఆయన వెళ్లిపోయిన కొద్దిసేపటికే గుండెపోటుతో కుప్పకూలిపోయి మృతిచెందారు. పూజారి మృతితో గ్రామంలో విషాధచాయలు అలుముకున్నాయి. ఎమ్మెల్యే మహేశ్వర్‌ రెడ్డి సంతాపం.. పూజారి పెరుమాండ్ల రమేశ్‌ అకాల మృతి విషయం తెలుసుకున్న నిర్మల్‌ ఎమ్మెల్యే ఏలేటి మహేశ్వర్‌ రెడ్డి తీవ్ర దిగ్బ్రాంతి వ్యక్తం చేస్తూ సంతాపం తెలియజేశారు. వారి కుటుంబ సభ్యులకు ప్రగాఢ సానుభూతి తెలిపారు. ఆయన పవిత్ర ఆత్మకు శాంతి చేకూరాలని కోరుకున్నారు.

నేరడిగొండ: గంజాయి కేసులో ఇద్దరు వ్యక్తులను అరెస్టు చేసి రిమాండ్‌కు తరలించినట్లు ఇచ్చోడ సీఐ భీమేశ్‌, ఎస్సై శ్రీకాంత్‌లు తెలిపారు. వారి కథనం ప్రకారం.. మంగళవారం సాయంత్రం పక్కా సమాచారం మేరకు కుంటాల ఎక్స్‌రోడ్‌లో నేరడిగొండకు చెందిన బత్తుల కిరణ్‌ అనే వ్యక్తిని తనిఖీ చేయగా 160 గ్రాముల గంజాయి లభించినట్లు పేర్కొన్నారు. ఆయనను విచారించగా దంసతండా గ్రామానికి చెందిన పెందూర్‌ లచ్చు అనే వ్యక్తి వద్ద నుంచి గంజాయి తీసుకొచ్చినట్లు తెలిపాడు. కాగా లచ్చును విచారించగా తన వ్యవసాయ భూమిలో అంతర పంటగా గంజాయి సాగు చేస్తున్నట్లు తెలిపాడు. అతని వద్ద నుంచి 290 గ్రాముల గంజాయి స్వాధీనం చేసుకున్నట్లు పోలీసులు వివరించారు. స్వాధీనం చేసుకున్న మొత్తం 450 గ్రాముల గంజాయి విలువ రూ.11,250 ఉంటుందన్నారు. మావల పరిధిలో.. ఆదిలాబాద్‌రూరల్‌: గంజాయి తరలిస్తున్న ఇద్దరిని అరెస్టు చేసినట్లు మావల ఎస్సై విష్ణువర్ధన్‌ తెలిపారు. ఆయన కథనం ప్రకారం.. ఆదిలాబాద్‌ పట్టణంలోని కేఆర్‌కే కాలనీకి చెందిన అంబదాస్‌, గాదిగూడ మండలానికి చెందిన రాజు అనే ఇద్దరు వ్యక్తులు గంజాయిని తరలిస్తుండగా బుధవారం మావల పోలీసుస్టేషన్‌ పరిధిలో పట్టుకున్నట్లు పేర్కొన్నారు. వీరి వద్ద నుంచి 12 గ్రాముల గంజాయి స్వాధీనం చేసుకొని కేసు నమోదు చేసినట్లు వివరించారు.

● తప్పిన పెను ప్రమాదం ● పోలీస్‌స్టేషన్‌లో ఫిర్యాదు, నిందితుడు అరెస్ట్‌ ఇచ్చోడ: మండలంలోని ధర్మంపూరి ప్రాథమిక పాఠశాలలో ఓ వ్యక్తి విషప్రయోగం చేసిన ఘటన కలకలం సృష్టించింది. ప్రధానోపాధ్యాయురాలు ప్రతిభ, గ్రామస్తులు తెలిపిన వివరాల ప్రకారం.. మంగళవారం ఉదయం పాఠశాలకు వెళ్లిన సిబ్బంది పాఠశాల తాళం పగిలిపోయి ఉండటాన్ని గమనించారు. పాఠశాల గదిలో ఉన్న వంటపాత్రలో తె ల్లనినీరు నింపి ఉండటం, వాసన రావడంతో అప్రమత్తమైన ప్రధానోపాధ్యాయురాలు గ్రామస్తులకు సమాచారం అందించారు. వెంటనే పాఠశాలకు చేరుకున్న గ్రామస్తులు వంటపాత్రలు, వాటర్‌ట్యాంక్‌లో విషం కలిపినట్లు గుర్తించారు. పాఠశాల ఆవరణలో ఉన్న పురుగుల మందు డబ్బాను గుర్తించి పోలీస్‌స్టేషన్‌లో ఫిర్యాదు చేశారు. సోమవారం రాత్రి ఘటన జరిగినట్లు గ్రామస్తులు తెలిపారు. పాఠశాల సిబ్బంది ముందుగా గుర్తించడంతో విద్యార్థులకు పెను ప్రమాదం తప్పింది. ఉట్నూర్‌ ఏఎస్పీ కాజల్‌సింగ్‌ బుధవారం పాఠశాలకు వెళ్లి విచారణ చేపట్టారు. నిందితుడు అరెస్ట్‌ పాఠశాలలో వంటపాత్రలలో విషం కలిపిన దర్మంపూరి గోండుగూడకు చెందిన సోయం కిష్టును బుధవారం అరెస్ట్‌ చేశారు. కొంత కాలంగా కుటుంబ కలహాల కారణంగా మతిస్థిమితం కోల్పోయిన సోయం కిష్టు ఘటనకు పాల్పడినట్లు ఏఎస్పీ కాజల్‌సింగ్‌ తెలిపారు. కేసు నమోదు చేసుకుని దర్యాప్తు జరుపుతున్నట్లు పేర్కొన్నారు. పాఠశాలను సందర్శించిన డీఈవో ధర్మంపూరి ప్రాథమిక పాఠశాలను బుధవారం డీఈవో శ్రీనివాస్‌ రెడ్డి సందర్శించారు. పాఠశాలలో విష ప్రయోగం జరగడంతో పాఠశాలను సందర్శించి వివరాలు అడిగి తెలుసుకున్నారు. ఎంఈవో బిక్కు, పాఠశాల ప్రధానోపాధ్యాయురాలు ప్రతిభ ఉన్నారు.

ఆదిలాబాద్‌టౌన్‌: పట్టణంలోని కేఆర్‌కే కాలనీకి చెందిన బైక్‌ దొంగ షేక్‌ నదీమ్‌ను టూటౌన్‌ పోలీసులు బుధవారం అరెస్టు చేసి రిమాండ్‌కు తరలించారు. ఇటీవల బస్టాండ్‌లో పార్కింగ్‌ చేసిన మూడు ద్విచక్ర వాహనాలను పదిరో జుల కాల వ్యవధిలో దొంగిలించాడు. ఇందిరా నగర్‌ సమీపంలో వాహన తనిఖీలు చేస్తుండగా అనుమానం వచ్చి విచారించగా, మూడు వాహనాలు చోరీ చేసినట్లు ఒప్పుకున్నాడు. దీంతో ఆయనపై కేసు నమోదు చేసినట్లు టూటౌన్‌ సీఐ కరుణాకర్‌ రావు తెలిపారు. జైనథ్‌లో.. ఆదిలాబాద్‌టౌన్‌: జైనథ్‌ మండలంలోని మాకో డకు చెందిన బైక్‌ దొంగ రామెల్లి కిరణ్‌ను వన్‌టౌన్‌ పోలీసులు బుధవారం అరెస్టు చేశారు. మావలకు చెందిన రగ్దివార్‌ ప్రశాంత్‌ ముథూట్‌ ఫైనాన్స్‌లో ఉద్యోగం చేస్తున్నాడు. ఈనెల 9న కార్యాలయం ఎదుట బైక్‌ పార్కింగ్‌ చేయగా, సాయంత్రం వచ్చి చూసే సరికి వాహనం కనిపించలేదు. దీంతో ఆయన వన్‌టౌన్‌లో ఫి ర్యాదు చేశాడు. శివాజీచౌక్‌ వద్ద వాహనాలు తనిఖీ చేస్తుండగా అనుమానం వచ్చి నిందితుడిని విచారించగా బైక్‌ చోరీకి పాల్పడినట్లు ఒ ప్పుకున్నాడు. దీంతో ఆయనపై కేసు నమోదు చేసి రిమాండ్‌కు తరలించినట్లు పోలీసులు వివరించారు. మట్కా నిర్వాహకుడికి రూ.లక్ష జరిమానాఆదిలాబాద్‌టౌన్‌: మట్కా నిర్వాహకుడికి రూ.లక్ష జరిమానా విధించినట్లు టూటౌన్‌ సీఐ కరుణాకర్‌ రావు తెలిపారు. ఆయన కథనం ప్రకారం.. ఆదిలాబాద్‌ పట్టణంలోని సుందరయ్యనగర్‌కు చెందిన మట్కా నిర్వాహకుడు లతీఫ్‌, రెహాన్‌ తండ్రి, కొడుకులు ఆన్‌లైన్‌లో మట్కా ఆడుతున్నారు. ఇదివరకు బైండోవర్‌ చేయగా బుధవారం ఆన్‌లైన్‌లో మట్కా నిర్వహిస్తుండగా పట్టుబడ్డారు. తహసీల్దార్‌ ఎదుట వారిని హాజరుపర్చగా పది రోజుల్లో రూ.లక్ష జరిమానా చెల్లించాలని ఆదేశించారు. నిందితుల నుంచి రూ.500, రెండు సెల్‌ఫోన్లు స్వాధీనం చేసుకున్నట్లు సీఐ వివరించారు. రోడ్డు ప్రమాదంలో ఇద్దరికి తీవ్ర గాయాలుఇంద్రవెల్లి: రోడ్డు ప్రమాదంలో ఇద్దరికి తీవ్ర గాయాలైన ఘటన బుధవారం రాత్రి మండలంలోని వడగామ్‌ సమీపంలో చోటుచేసుకుంది. ప్రత్యక్ష సాక్షులు, కుటుంబ సభ్యులు తెలిపిన వివరాల ప్రకారం.. ఉట్నూర్‌ మండలంలోని లక్కుగూడ గ్రామానికి చెందిన కొరెంగా రాము, కొరెంగా హేమంత్‌ కు మార్‌, ఇంద్రవెల్లి మండలంలోని పొల్లుగూడ గ్రామానికి చెందిన బాలుడు జుగ్నాక గౌతంలు ముగ్గురు కలిసి ద్విచక్రవాహనంపై వెళ్తున్న స మయంలో మోడిగూడ సమీపంలో ప్రమాదవశాత్తు ద్విచక్ర వాహనం అదుపుతప్పి పడిపోయింది. దీంతో కొరెంగా రాము, కొరెంగా హే మంత్‌లకు తీవ్ర గాయాలయ్యాయి. జుగ్నాక్‌ గౌ తంకు స్వల్ప గాయాలయ్యాయి. స్థానికులు వెంటనే 108 అంబులెన్స్‌లో క్షతగాత్రులను రిమ్స్‌కు తరలించారు. రాము, హే మంత్‌కుమార్‌ల పరిస్థితి విషమంగా ఉన్నట్లు తెలుస్తోంది.

ఇంద్రవెల్లి: అమరవీరుల సంస్మరణ దినోత్సవాన్ని మొదటిసారిగా అధికారికంగా నిర్వహిస్తున్నామని, ఆ దిశగా ఏర్పాట్లు చేయాలని ఆదిలా బాద్‌ కలెక్టర్‌ రాజర్షిషా, ఐటీడీఏ పీవో ఖుష్బూ గుప్తా అన్నారు. బుధవారం ఉట్నూర్‌ సబ్‌కలెక్టర్‌ యువరాజ్‌ మర్మాట్‌, ఏఎస్పీ కాజల్‌సింగ్‌లతో కలిసి మండలంలోని అమరవీరుల స్తూపాన్ని సందర్శించి ఏర్పాట్లను పరిశీలించారు. సంస్మరణ దినోత్సవం నిర్వహణపై రాయిసెంటర్‌ సార్‌మెడీలు, అమరుల ఆశయ సాధన కమిటీ, ఆది వాసీ పెద్దలతో సమావేశమయ్యారు. వారు మా ట్లాడుతూ అమరవీరుల స్తూపాన్ని వివిధ రకాల పూలతో అలంకరించాలని తెలిపారు. 1981లో జరిగిన కాల్పుల ఘటనకు సంబంధించిన ఫొటోలతో పాటు ఆదివాసీ సంస్కృతికి చెందిన ఫొటోలను సేకరించి మ్యూజియం ఏర్పాటు చేయాలన్నారు. ఏప్రిల్‌ 20 సంస్మరణ దినోత్సవం రోజు రాష్ట్ర మంత్రి సీతక్క అమరుల కుటుంబాలకు ట్రైకర్‌ ద్వారా మంజూరైన వాహనాలు, యూనిట్‌లను పంపిణీ చేస్తారని పేర్కొన్నారు. వానాకా లంలో స్మృతివనంలో మొక్కలు నాటి వందశాతం పనులు పూర్తయిన తరువాత స్మృతివనా న్ని ప్రారంభిస్తామని తెలిపారు. అమరవీరుల ఆశయ సాధన కమిటీ చైర్మన్‌ తోడసం నాగో బారావ్‌ అమరవీరుల స్తూపం ప్రాంగణంలో వీధిదీపాలు ఏర్పాటు చేయాలని, తాగునీటి కోసం బోరు మంజూరు చేయాలని, ప్లాస్టిక్‌ కుర్చీ లు, గ్రీన్‌మ్యాట్‌ మంజూరు చేయడంతో పాటు వాచ్‌మెన్‌ను నియమించాలని కోరుతూ వినతిపత్రం అందించారు. ఐటీడీఏ ఏపీవో జనరల్‌ వ సంత్‌రావ్‌, డీడీ అంబాజీ, ఈఈ తానాజీ, సార్‌మెడిలు మెస్రం దుర్గు, మెస్రం చిన్ను, ఏఎంసీ చై ర్మన్‌ ముఖడే ఉత్తం, తహసీల్దార్‌ ప్రవీణ్‌కుమార్‌, ఎంపీడీవో జీవన్‌రెడ్డి, ఆదివాసీ సంఘాల నాయకులు గోడం గణేశ్‌, మెస్రం నాగ్‌నాథ్‌, పుర్క చిత్రు, ఆనంద్‌రావ్‌, నాగోరావ్‌ ఉన్నారు. ● ఆదిలాబాద్‌ కలెక్టర్‌ రాజర్షిషా, ఐటీడీఏ పీవో ఖుష్బూగుప్తా

కోటపల్లి: వివాహేతర సంబంధంపై ప్రశ్నించిన భార్యపై భర్త గొడ్డలితో దాడి చేసిన ఘటన మండలంలో చోటు చేసుకుంది. ఎస్సై రాజేందర్‌ తెలిపిన వివరాల ప్రకారం.. బొప్పారం గ్రామానికి చెందిన బానోత్‌ పున్నం అదే గ్రామానికి చెందిన ఓ మహిళతో వివాహేతర సంబంధం కొనసాగిస్తున్నాడు. అతడి భార్య లక్ష్మికి విషయం తెలియడంతో ఇంట్లో తరచూ గొడవపడేవారు. ఈ క్రమంలో బుధవారం సదరు మహిళతో పున్నం సన్నిహితంగా ఉన్నాడని తెలుసుకున్న లక్ష్మి భర్తను తీవ్రంగా మందలించింది. దీంతో కోపోద్రిక్తుడైన పున్నం పక్కనే ఉన్న గొడ్డలితో లక్ష్మిపై దాడి చేయడంతో ఆమెకు తీవ్రగాయాలయ్యాయి. గమనించిన స్థానికులు కుటుంబ సభ్యులకు సమాచారం అందించారు. కుమారుడు రాజేశ్‌ అక్కడికి చేరుకుని 108లో చెన్నూర్‌ ప్రభుత్వ ఆస్పత్రికి తరలించాడు. వైద్యుల సూచన మేరకు మెరుగైన చికిత్స కోసం మంచిర్యాల ప్రభుత్వ ఆస్పత్రికి తరలించారు. రాజేశ్‌ ఫిర్యాదు మేరకు కేసు నమోదు చేసినట్లు ఎస్సై రాజేందర్‌ తెలిపారు.

బోథ్‌: సొనాల మండలం సంపత్‌నాయక్‌ తండా గ్రామానికి చెందిన జాదవ్‌ దేవిదాస్‌(45) పురుగుల మందు తాగి ఆత్మహత్య చేసుకున్నాడు. ఎస్సై ఎల్‌.ప్రవీణ్‌ కుమార్‌ తెలిపిన వివరాల ప్రకారం.. జాదవ్‌ దేవిదాస్‌ మద్యానికి బానిసయ్యాడు. ఈ నెల 15న మద్యం సేవించి ఇంటికి వెళ్లగా భార్య సుమన్‌ బాయి మందలించింది. దీంతో దేవిదాస్‌ తన వ్యవసాయ భూమిలో పురుగుల మందు తాగి రాత్రి 9 గంటలకు భార్యకు విషయం తెలిపాడు. వెంటనే మండల కేంద్రంలోని సీహెచ్‌సీకి, మెరుగైన వైద్యం కోసం ఆదిలాబాద్‌ రిమ్స్‌కు తరలించారు. ఆసుపత్రిలో చికిత్స పొందుతూ దేవిదాస్‌ మృతిచెందాడు. ఆయనకు భార్య, ఇద్దరు కుమారులు, ఒక కుమార్తె ఉన్నారు. మృతుడి భార్య ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై తెలిపారు.

● ఉమ్మడి జిల్లాలో ఆరుగురికి అవకాశం ● ఆసిఫాబాద్‌ నుంచి ఆదిలాబాద్‌కు నలుగురు, మంచిర్యాలకు ఇద్దరు రాక ● ఈ నెల 23న విధుల్లో చేరనున్న ఉపాధ్యాయులుఆదిలాబాద్‌టౌన్‌: స్పౌజ్‌ బదిలీలకు ప్రభుత్వం మరోసారి గ్రీన్‌ సిగ్నల్‌ ఇచ్చింది. ఇటీవల 38 మంది స్పౌజ్‌ ఉపాధ్యాయులు (భార్య, భర్త) ఇతర జిల్లాల నుంచి జిల్లాకు వచ్చిన విషయం తెలిసిందే. తాజాగా పాఠశాల విద్యాశాఖ డైరెక్టర్‌ స్పౌజ్‌ బదిలీలకు సంబంధించి బుధవారం ఉత్తర్వులు జారీ చేశారు. ఉమ్మడి ఆదిలాబాద్‌ జిల్లాలో ఆరుగురు సొంత జిల్లాలకు బదిలీపై వెళ్లనున్నారు. కుమురంభీం ఆసిఫాబాద్‌ నుంచి ఆదిలాబాద్‌కు నలుగురు స్కూల్‌ అసిస్టెంట్లు (తెలుగు) బదిలీపై రానుండగా, ఆసిఫాబాద్‌ నుంచి మంచిర్యాలకు ఇద్దరు సాంఘిక శాస్త్రం ఎస్‌ఏలు బదిలీపై వెళ్లనున్నారు. 317 ద్వారా నష్టపోయిన ఉపాధ్యాయులకు ప్రభుత్వం ఊరట కల్పించింది. 23న రిలీవ్‌.. సంబంధిత జిల్లాలో పనిచేస్తున్న ఉపాధ్యాయులు ఈనెల 22న రిలీవ్‌ అయి వారికి కేటాయించిన జిల్లాలో 23న విధుల్లో చేరాలని విద్యాశాఖ డైరెక్టర్‌ ఉత్తర్వుల్లో పేర్కొన్నారు. అలాగే ఇటీవల మ్యూచువల్‌ బదిలీలకు సంబంధించి ఉత్తర్వులు జారీ అయిన విషయం తెలిసిందే. ఆదిలాబాద్‌ జిల్లాకు 24 మంది మ్యూచువల్‌ బదిలీపై రానుండగా, అదే సంఖ్యలో ఇతర జిల్లాలకు ఇక్కడి నుంచి వెళ్లనున్నారు. మంచిర్యాల నుంచి ఓ సీనియర్‌ అసిస్టెంట్‌ డీఈవో కార్యాలయానికి రానుండగా, ఇక్కడినుంచి ఒకరు మంచిర్యాలకు వెళ్లనున్నారు.

రెబ్బెన/బెల్లంపల్లి: బెల్లంపల్లి సింగరేణి ఏరియాలో ని మాదారం టౌన్‌షిప్‌లో కార్మికులు, కార్మికేతర కు టుంబాలను జనవరి నుంచి నీటి కష్టాలు వెంటాడుతున్నాయి. తరచూ మోటర్లు కాలిపోతుండగా, మ రమ్మతులకు గరిష్టంగా రెండు వారాలపైనే సమ యం పడుతోంది. వేసవి కావడంతో నీటి కోసం కాలనీ ప్రజలు అల్లాడుతున్నారు. తాజాగా మంగళవారం రాత్రి మరోసారి మోటార్‌ చెడిపోవడంతో నీటిసరఫరా నిలిచిపోయింది. మాదారం కాలనీవా సులకు మహావీర్‌ఖని(ఎంవీకే) –1 ఇంకై ్లన్‌ సమీపంలో వేసిన బోర్‌లో మోటర్‌ బిగించి అంతర్గత పైపులైన్‌ ద్వారా తాగునీటిని అందిస్తున్నారు. అయితే అంతుచిక్కని కారణాలతో ఇక్కడ ఏర్పాటు చేసిన పంపు మోటరు తరచూ చెడిపోతోంది. నాలుగు నెలల్లో నాలుగుసార్లు మరమ్మతులకు గురైంది. గడిచిన నెలన్నర వ్యవధిలో రెండుసార్లు చెడిపోయిందని స్థానికులు తెలిపారు. సమస్య పరిష్కారం కో సం బెల్లంపల్లి ఎమ్మెల్యే గడ్డం వినోద్‌ ఆదేశాల మే రకు సింగరేణి జీఎం రెండు కొత్త పంపు మోటర్లను తెప్పించారు. 75 హెచ్‌పీ సామర్థ్యం కలిగిన మోట ర్లు తీసుకురాగా, అవి బోర్‌హోల్‌లో పట్టలేదు. కొత్తగా బోరులో పట్టే మోటర్లను తీసుకువచ్చి బిగించడం లేదా 75 హెచ్‌పీ సామర్థ్యం కలిగిన మోట ర్లకు సరిపడేలా కొత్త బోరు హోల్‌ వేయడమో చేస్తేగానీ నీటిసమస్య తీరే అవకాశం కనిపించడం లేదు. రోడ్డుపై కాలనీవాసుల ఆందోళన తాగునీటి సమస్యను పరిష్కరించాలని డిమాండ్‌ చేస్తూ బుధవారం ఐఎన్టీయూసీ ఆధ్వర్యంలో మాదారం కార్మిక కుటుంబాల మహిళలు ఖాళీ బిందెలతో రోడ్డెక్కారు. కై రిగూడ ఆర్చీ వద్ద సింగరేణి రోడ్డుపై బైఠాయించి నిరసన తెలిపారు. ఐఎన్‌టీయూసీ ఏరియా ఉపాధ్యక్షుడు పేరం శ్రీనివాస్‌ మాట్లాడుతూ మాదారం టౌన్‌షిప్‌లో నెలలో పది నుంచి పద్నాలుగు రోజులపాటు నీటి సరాఫరా లేకపోతే కార్మిక కుటుంబాలు ఎలా బతకాలని ప్రశ్నించారు. నీటి సరాఫరా నిలిచిపోయినా అధికారులు పట్టించుకోవడం లేదని ఆరోపించారు. ట్యాంకర్ల ద్వారా నీటి సరఫరా చేస్తూ చేతులు దులుపుకొంటున్నారన్నారు. సమస్యకు శాశ్వత పరిష్కారం చూపకపోతే జీఎం కార్యాలయం ఎదుట బైఠాయిస్తామని హెచ్చరించారు. విషయం తెలుసుకున్న ఎస్వోటూజీఎం రాజమల్లు సంఘటన స్థలానికి వెళ్లి ఐఎన్‌టీయూసీ, కార్మిక కుటుంబాలతో మాట్లాడారు. రెండు రోజుల్లో పంపులకు మరమ్మతులు చేయించి నీటి సరఫరాను పునరుద్ధరిస్తామని, అప్పటివరకు ట్యాంకర్ల ద్వారా నీటిని అందిస్తామని హామీ ఇవ్వడంతో ఆందోళన విరమించారు. కార్మిక కుటుంబాలకు మద్దతుగా ఏఐటీయూసీ నాయకులు ధర్నాలో పాల్గొన్నారు. కార్యక్రమంలో సెంట్రల్‌ కమిటీ నాయకులు ప్రకాశ్‌రావు, రామారావు, ఏరియా కార్యదర్శి చంద్రకుమార్‌, ఏఐటీయూసీ బ్రాంచి కార్యదర్శి ఎస్‌.తిరుపతి, ఉపాధ్యక్షుడు బయ్య మొగిళి, కార్మికులు అనిల్‌, పోశం, శంకర్‌, రఘునాథరెడ్డి, రమేశ్‌, సత్యనారాయణ, మధు, తదితరులు పాల్గొన్నారు. నాలుగు నెలలుగా తరచూ కాలిపోతున్న వైనం మాదారం కాలనీవాసులకు తప్పని నీటి కష్టాలు సమస్య పరిష్కరించాలని రోడ్డుపై బైఠాయింపు

జిల్లాలోని వివిధ మండలాల్లో భూగర్భజలాల నీటిమట్టం (మీటర్లలో) మండలం ఫిబ్రవరి మార్చి బెల్లంపల్లి 15.03 15.22 భీమిని 2.22 2.42 చెన్నూర్‌ 6.89 7.09 దండేపల్లి 1.59 1.84 హాజీపూర్‌ 4.49 4.56 జైపూర్‌ 18.19 19.41 జన్నారం 5.84 6.27 కన్నెపెల్లి 6.56 7.16 కాసిపేట 3.61 3.76 కోటపల్లి 16.59 18.74 లక్షేట్టిపేట 1.54 2.11 మందమర్రి 12.73 13.27 నెన్నెల 5.49 5.93 తాండూర్‌ 15.12 15.40 వేమనపల్లి 4.50 4.50 భీమారం 8.44 8.63 మంచిర్యాల 7.02 8.0 నస్పూర్‌ 9.95 10.82 మంచిర్యాలఅగ్రికల్చర్‌: ఖరీఫ్‌ సీజన్‌లో జిల్లాలో భా రీ వర్షాలు కురియగా వరదలతో పంటలు దెబ్బ తిన్నాయి. కానీ యాసంగిలో మాత్రం నీరులేక పంటలు ఎండిపోయే దుిస్థితి నెలకొంది. ప్రస్తుతం పంటలు పొట్ల, గులకదశలో ఉన్నాయి. మరో రెండు త డులిస్తే పంట చేతికి అందుతుంది. కీలకమైన ఈ దశలో నీరందక పొలాలు బీటలు వారుతున్నాయి. దీంతో రైతులు రాత్రి, పగలు తేడాలేకుండా పొలా లవద్దే పడిగాపులు కాస్తున్నారు. చెరువులు, కుంటలు, కాల్వల తూముల నుంచి నీరు అందక ఆయి ల్‌ ఇంజిన్లు పెట్టి నీటిని తోడుకుంటున్నారు. మరో వైపు బోరుబావుల్లో నీరు అడుగంటడంతో అదనంగా పైపులు అమర్చి మోటర్లను కిందకు దించుతున్నారు. అయినా నీరందక కన్నీరు పెడుతున్నారు. పడిపోతున్న నీటిమట్టం జిల్లాలో ఈ ఏడాది యాసంగి సీజన్‌లో రైతులు 1,22,150 ఎకరాల్లో ప్రధానంగా వరి, మొక్కజొన్న పంటలు సాగు చేశారు. ఇందులో వరి సాగు విస్తీర్ణం 1,21,702 ఎకరాలు. ఎక్కువ శాతం కాల్వలు, బోరు బావుల కింద సాగు చేశారు. రోజురోజుకు పెరుగుతున్న ఉష్ణోగ్రతలతో భూ గర్భజలాలు అడుగంటుతున్నాయి. దీంతో కొన్నిచోట్ల ఒకటికి రెండు మూడు బోర్లు వేస్తున్నారు. ఒక్కో రైతు వందల ఫీట్ల లోతుకు బోర్లు దించుతున్నా ఆశించిన నీరు రావడంలేదు. మరికొంతమంది రైతులు అదనంగా పైపులు అమర్చి బోరు మోటార్లను కిందకు దించుతున్నారు. మరోవైపు ప్రాజెక్టు కాల్వకింద కా ల్వ కింద సాగు చేసిన పొలాలకు వంతుల వారీగా నీటిని విడుదల చేస్తున్నారు. దీంతో తమవంతు వచ్చేసరికి పొలాలు బీటలు వారుతున్నాయని రైతులు వాపోతున్నారు. మరో 20 రోజుల పాటు పంటలకు నీటితడులు అవసరం ఉన్నాయి. జిల్లాలో గతేడాది మార్చి వరకు సరాసరి నీటి మట్టం 6.96 మీటర్ల లోతులో ఉండగా.. ఈ ఏడాది మార్చి వరకు 7.07 మీటర్లకు పడిపోయింది. ఏప్రిల్‌లో మరింత వేగంగా నీటిమట్టాలు పడిపోతున్నాయి. నాలుగు మండలాల్లో అత్యంత వేగంగా.. జిల్లా భూగర్భ జలవనరుల శాఖ అధికారుల లెక్కల ప్రకారం జిల్లాలో భూగర్భ జలాలు వేగంగా అడుగంటుతున్నాయి. ప్రతీనెల 25వ తేదీన భూగర్భజలాల నీటినిల్వలను గుర్తిస్తున్నారు. గతేడాది మార్చి కంటే ఈ ఏడాది ప్రధానంగా కోటపల్లి మండలంలో 3.94 మీటర్లు, తాండూర్‌లో 3.09, నస్పూర్‌లో 1.02, చెన్నూర్‌లో 0.96 మీటర్ల లోతుకు భూగర్భ జలాలు పడిపోయాయి. కాపాడుకునేందుకు పాట్లు.. వరి, మొక్కజొన్న కొన్నిచోట్ల దిగుబడి వస్తుండగా ఆలస్యంగా నాట్లు వేసిన చోట పొట్ట, గులక దశలో ఉంది. ఈ క్రమంలో జలాశయాలు, బోరుబావుల్లో నీరు అడుగంటడంతో నీటికోసం రైతులు తిప్పలు పడుతున్నారు. పంటలు కాపాడుకునేందుకు వాగుల్లో గుంటలు చేసి ఊట నీటిని మోటర్ల ద్వారా అందిస్తున్నారు. మెట్ట ప్రాంతంలో ఉన్న మడులకు చేసేదేంలేక వదిలేస్తున్నారు.ప్రాజెక్టు ఎండుతోందిగొల్లవాగు ప్రాజెక్టు కింద రబీ సీజన్‌లో రెండెకరాల్లో వరి సాగు చేసిన. ప్రాజెక్టు మొత్తం అడుగంటి పోయింది. కాల్వల నుంచి నీరు రావడం లేదు. వరి పొలాలు ఎండుతున్నాయి. – గాలిపెల్లి నాగభూషణ్‌, అర్కేపల్లి, భీమారం

మంచిర్యాలటౌన్‌: పట్టణంలోని మాతా శిశు ఆరోగ్య సంరక్షణ కేంద్రంలో ఏర్పాటు చేసిన హెల్ప్‌డెస్క్‌లో సిబ్బంది అందుబాటులో ఉండాలని డీఎంహెచ్‌వో హరీశ్‌రాజ్‌ అన్నారు. జిల్లా కేంద్రంలోని ఎంసీహెచ్‌ను బుధవారం సందర్శించారు. ఈ సందర్భంగా ఆయన వైద్య సిబ్బందితో మాట్లాడుతూ గర్భిణులు వచ్చినప్పుడు పూర్తి వివరాలు నమోదు చేసుకుని, వైద్యులకు చూపించాలని ఆదేశించారు. ఎంసీహెచ్‌కు వచ్చే జిల్లా అధికారులు, ప్రజాప్రతినిధులకు అవసరమైన వివరాలను తెలియజేయాలన్నారు. ఈ కార్యక్రమంలో ఆస్పత్రి వైద్యులు డాక్టర్‌ ప్రియదర్శిని, డాక్టర్‌ ప్రసాద్‌, డాక్టర్‌ అనిల్‌ కుమార్‌, డెమో బుక్క వెంకటేశ్వర్‌, వెంకటసాయి, తదితరులు పాల్గొన్నారు.

● కలెక్టర్‌ కుమార్‌దీపక్‌దండేపల్లి: ధరణి పోర్టల్‌ స్థానంలో కాంగ్రెస్‌ ప్రభుత్వం కొత్తగా తీసుకువచ్చిన ‘భూ భారతి’తో భూ సమస్యలు పరిష్కారం అవుతాయని కలెక్టర్‌ కుమార్‌దీపక్‌ అన్నారు. భూభారతిపై తహసీల్దార్‌ కార్యాలయ ఆవరణలో బుధవారం అవగాహన సదస్సు ఏర్పాటు చేశారు. ఈ సందర్భంగా కలెక్టర్‌ మాట్లాడుతూ ధరణితో గతంలో కొన్ని సమస్యలకు పరి ష్కారం లభించక రైతులు ఇబ్బందులు పడ్డారని, భూ భారతితో మాత్రం చాలా సమస్యలకు పరి ష్కారం లభిస్తుందన్నారు. దీనిని వచ్చే జూన్‌ నుంచి పూర్తిస్థాయిలో రాష్ట్ర వ్యాప్తంగా అమలు చేయనున్నట్లు తెలిపారు. అనంతరం మండలంలోని గీత కార్మికులకు ఎకై ్సజ్‌శాఖ ద్వారా ఉచితంగా అందించిన కాటమయ్య రక్షణ కిట్లను పంపిణీ చేశారు. కార్యక్రమంలో ఆర్డీవో శ్రీనివాసరావు, ఎస్సీ కార్పోరేషన్‌ ఈడీ దుర్గాప్రసాద్‌, బీసీవెల్ఫేర్‌ ఆఫీసర్‌ పురుషోత్తం, ఏడీఏ అనిత, తహసీల్దార్‌ సంధ్యారాణి, ఎంపీడీవో ప్రసాద్‌, డీటీ విజయ, ఆర్‌ఐ భూమన్న, ఇన్‌చార్జి ఏవో శ్రీకాంత్‌, బ్యాంక్‌ మేనేజర్‌ భూంరెడ్డి, వివిధ శాఖల అధికారులు పాల్గొన్నారు.అవగాహన ఉంటే సమస్యలకు పరిష్కారం జన్నారం: భూభారతి చట్టంపై అవగాహన ఉంటే అనేక భూ సమస్యలకు పరిష్కారం ఏర్పడుతుంద ని కలెక్టర్‌ కుమార్‌ దీపక్‌ అన్నారు. మండల కేంద్రంలోని రైతు వేదికలో భూభారతిపై అవగాహన క ల్పించారు. ఈ సందర్భంగా జన్నారంలోని డీలర్లు ఇచ్చిన కల్తీ అన్నపూర్ణ వరి విత్తనాలతో నష్టపోయామని, ధాన్యాన్ని ఎవరూకొనడం లేదని బాదంపల్లికి చెందిన రైతు మల్లంపెల్లి శ్రీనివాస్‌ కలెక్టర్‌ దృష్టికి తీసుకొచ్చాడు. స్పందించిన కలెక్టర్‌ జిల్లా వ్యవసాయ అధికారిని పిలిచి సంబందిత డీలర్‌పై చర్యలు తీసుకోవాలని ఆదేశించారు. సమావేశంలో అదనపు కలెక్టర్‌ మోతీలాల్‌, ఆర్డీవో శ్రీనివాసరావు, ఏడీ శ్రీనివాస్‌, జిల్లా వ్యవసాయ అధికారి జీ.కల్పన, త హసీల్దార్‌ రాజమనోహర్‌రెడ్డి, ఏఎంసీ చైర్మన్‌ లక్ష్మీనారాయణ, పీఏసీఎస్‌ చైర్మన్‌ రవి, రాజన్న, డీటీ రామ్మోహన్‌, ఏవో సంగీత, తదితరులు పాల్గొన్నారు. కొనుగోలు కేంద్రాల్లో సౌకర్యాలు కల్పించాలి రైతులకు ఇబ్బంది కలుగకుండా ధాన్యం కొనుగోలు కేంద్రాల్లో సౌకర్యాలు కల్పించాలని కలెక్టర్‌ కుమార్‌ దీపక్‌ నిర్వాహకులను ఆదేశించారు. బుధవారం మండల కేంద్రంలోని మార్కెట్‌యార్డులో ధాన్యం కొనుగోళ్లను ప్రారంభించారు. కేంద్రీయ విద్యాలయాన్ని సందర్శించిన కలెక్టర్‌ మంచిర్యాలరూరల్‌(హాజీపూర్‌): హాజీపూర్‌ మండలం గుడిపేటలోని నూతన భవనంలోకి మారిన కేంద్రీయ విద్యాలయాన్ని కలెక్టర్‌ కుమార్‌దీపక్‌ సందర్శించారు. తరగతి గదులు, ఫర్నీచర్‌, కంప్యూటర్‌, బోధనా పరికరాలను పరిశీలించారు. విద్యార్థులను ప్రశ్నలు అడిగి సమాధానాలు రాబట్టారు. కలెక్టర్‌ వెంట ప్రిన్సిపాల్‌ జె.ప్రసాద్‌, అధ్యాపక బృందం ఉన్నారు.

● రామగుండం పోలీస్‌ కమిషనర్‌ అంబర్‌ కిశోర్‌ ఝా మంచిర్యాలక్రైం: పోలీసులు ఆరోగ్యంపై ప్రత్యే క శ్రద్ధ కనబర్చాలని రామగుండం పోలీస్‌ క మిషనర్‌ అంబర్‌ కిశోర్‌ ఝా అన్నారు. కమిషనరేట్‌ ఆవరణలో బుధవారం ఉచిత వైద్యశిబిరం ఏర్పాటు చేశారు. ఈ సందర్భంగా సీపీ మాట్లాడుతూ పోలీసులు విధి నిర్వహనలో ఒత్తిళ్లకు లోనవుతారన్నారు. పోలీసులు ఆరో గ్యంగా ఉంటేనే ప్రజలకు భద్రత, రక్షణ కల్పించగలుగుతారన్నారు. ప్రతి ఒక్కరూ కుటుంబ సభ్యులతో సహా వైద్యశిబిరాన్ని సద్వినియోగం చేసుకోవాలన్నారు. అత్యవసర సమయంలో సీపీఆర్‌ చేసే విధానంపై అవగాహన కల్పించా రు. కార్యక్రమంలో అడిషనల్‌ డీసీపీ రాజు, కమిషనరేట్‌ పోలీస్‌ అఽధికారులు, సిబ్బంది పాల్గొన్నారు.

మంచిర్యాలటౌన్‌: ఏఐసీసీ అగ్రనేతలు సోనియా, రాహుల్‌గాంధీపై ఈడీ చార్జిషీట్‌ నమోదు చేయడాన్ని నిరసిస్తూ బుధవారం జిల్లా కేంద్రంలోని ఐటీ కార్యాలయం ఎదుట కాంగ్రెస్‌ ఆధ్వర్యంలో ధర్నా నిర్వహించారు. ఈ సందర్భంగా డీసీసీ అధ్యక్షురా లు కొక్కిరాల సురేఖ మాట్లాడుతూ కేంద్రంలో అధి కారంలో ఉన్న బీజేపీ ప్రభుత్వం కక్షపూరిత రాజకీయాలను మానుకుని ప్రజాక్షేత్రంలో పోరాడాలని హితవు పలికారు. ధర్నాను పోలీసులు అడ్డుకునేందుకు ప్రయత్నించినా అధికసంఖ్యలో కాంగ్రెస్‌ నా యకులు పాల్గొని ఆందోళన కార్యక్రమాన్ని విజయవంతం చేశారు.

జన్నారం: నవ సమాజ నిర్మాణానికి డాక్టర్‌ బీఆర్‌ అంబేడ్కర్‌ కృషి చేశారని పెద్దపల్లి ఎంపీ గడ్డం వంశీకృష్ణ అన్నారు. అంబేద్కర్‌ జయంతిని పురస్కరించుకుని సోమవారం రాత్రి ఎస్సీ, ఎస్టీ ఉపాధ్యాయ ఫెడరేషన్‌ ఆధ్వర్యంలో ఆనందమేళా కార్యక్రమం నిర్వహించారు. విద్యార్థులకు నృత్య, ఉపన్యాస పోటీలు నిర్వహించారు. ఈ సందర్భంగా ఆయన మాట్లాడుతూ అంబేడ్కర్‌ ఒక వర్గానికో మతానికో సంబంధించిన వారు కాదని, అన్ని వర్గాల అభివృద్ధికి కృషి చేసిన గొప్ప నేత అంటూ కొనియాడారు. ఎస్సీ, ఎస్టీ ఉపాధ్యాయ సంఘం రాష్ట్ర అధ్యక్షుడు జాడి రాజన్న, సీపీఎస్‌ టీఎస్‌ రాష్ట్ర అధ్యక్షుడు కమలాకర్‌, ఏఎంసీచైర్మన్‌ దుర్గం లక్ష్మీనారాయణ, ఎంఈవో ఎన్‌.విజయ్‌కుమార్‌, ఫెడరేషన్‌ రాష్ట్ర గౌరవ అధ్యక్షుడు బాదావత్‌ ప్రకాష్‌నాయక్‌, జిల్లా అధ్యక్షుడు రామటెంకి శ్రీనివాస్‌, ప్రధాన కార్యదర్శి బు క్య రాజన్న, మండల అధ్యక్షుడు తుంగూరి గోపాల్‌, ముజఫర్‌ అలీఖాన్‌, తదితరులు పాల్గొన్నారు.

● డెడ్‌స్టోరేజీకి చేరువలో ప్రాజెక్టు నీటిమట్టం ● ఆందోళన చెందుతున్న రైతులు ● రబీలో 6వేల ఎకరాల్లో సాగు భీమారం: చెన్నూర్‌ నియోజకవర్గంలోని భీమారం, చెన్నూర్‌ మండలాలకు సాగునీరు అందించే గొల్ల వాగు ప్రాజెక్ట్‌ అడుగంటుతోంది. వేసవిలో ఎండల తీవ్రతకు రోజురోజుకు నీటిమట్టం పడిపోతోంది. దీంతో రైతుల్లో ఆందోళన వ్యక్తమవుతోంది. ప్రాజెక్ట్‌ పూర్తిస్థాయి నీటి సామర్థ్యం 155.500 మీటర్లు కాగా ప్రస్తుతం 150.000 మీటర్లు మాత్రమే నీరు నిల్వ ఉంది. నీటిమట్టం 148.00 మీటర్లకు పడిపోతే డెడ్‌స్టోరేజీకి చేరినట్లే. దీంతో మరో నెల రోజులపాటు పంట పొలాలకు నీరందుతుందో లేదోనని రైతుల్లో ఆందోళన నెలకొంది. ప్రాజెక్ట్‌ కింద 9,500 ఎకరాల ఆయకట్టు ఉండగా రబీ సీజన్‌లో 6వేల ఎకరాల్లో సాగు చేస్తున్నారు. అవగాహన కల్పించని అధికారులుపంటల సాగుకు ముందే వ్యవసాయ, ఇరిగేషన్‌ శాఖల అధికారులు గ్రామాలకు వెళ్లి రైతులకు పూర్తిస్థాయిలో అవగాహన కల్పించాల్సి ఉంది. కానీ అధికారులు పట్టించుకోవడం లేదు. దీంతో ప్రాజెక్ట్‌ కింద మే నెల చివరి వరకు సాగు కొనసాగుతోంది. ఖరీఫ్‌, రబీ పంటలను ఎప్పుడు ప్రారంభించాలో రైతులకు తెలియడం లేదు. దీంతో సమయపాలన పాటించకుండా ఇష్టారాజ్యంగా వరినాట్లు వేస్తున్నారు. దీనితో సాగునీటి సమస్య ఎదురవుతోంది. రెండు నెలలపాటు నీటి విడుదలఅవసరం లేకున్నా వర్షాకాలం పంటలో రెండు నెలలపాటు కాలువ నిండా నీటిని వదలడంతో వృథా అయ్యాయని రైతులు ఆరోపిస్తున్నారు. సమృద్ధిగా వర్షాలు కురిసినా ఇరిగేషన్‌ శాఖ అధికారులు కాలువ ద్వారా నీటి విడుదల కొనసాగించారని, నిలిపివేసి ఉంటే ఇప్పుడు ప్రాజెక్ట్‌లో భారీగా నీరు ఉండేదని పేర్కొంటున్నారు. అధికారుల వైఖరి కారణంగానే ప్రాజెక్ట్‌ డెడ్‌ స్టోరేజీకి చేరుకుందని అన్నదాతలు ఆరోపిస్తున్నారు.

మంచిర్యాలఅగ్రికల్చర్‌: అనంత సొల్యూషన్‌, విద్యాంజలి 2.0 ద్వారా గిరిజన ఆశ్రమ పాఠశాలలు, సంక్షేమ హాస్టల్‌లో పని చేస్తున్న ఆఫీస్‌ సబార్డినేటర్లు, వాచ్‌మెన్‌, అటెండర్‌, స్వీపర్‌, ఇంగ్లిష్‌ టీచర్‌, కంప్యూటర్‌ ఆపరేటర్‌, యోగ టీచర్లకు ఎనిమిది నెలలుగా పెండింగ్‌ ఉన్న వేతనాలు చెల్లించాలని సీఐటీయూ ఆధ్వర్యంలో మంగళవారం కలెక్టరేట్‌లో వినతిపత్రం అందజేశారు. ఈ సందర్భంగా ఉద్యోగులు మాట్లాడుతూ గత ఆగస్టు, సెప్టెంబర్‌లో 50 మందిని నియమించారని, ప్రతీ నెల రూ.15 వేల వేతనం, పీఎఫ్‌, ఈఎస్‌ఐ సౌకర్యం కల్పిస్తామని చెప్పారని, కానీ వేతనాలు చెల్లించడం లేదని తెలిపారు. కలెక్టర్‌ జోక్యం చేసుకుని వేతనాలు చెల్లించేలా చూడాలని పేర్కొన్నారు. ఈ కార్యక్రమంలో సీఐటియూ నాయకులు రంజిత్‌, గిరిజన ఆశ్రమ పాఠశాల, హాస్టల్‌ అనంత విద్యాంజలి ఉద్యోగులు, స్వాతి, సారిరాణి, ప్రశాంతి, దివ్యశ్రీ, స్వరూప, కల్పన, రజిత, ప్రశాంతి, దివ్యశ్రీ, వెంకటమ్మ, మమత, నరేష్‌, శ్రీనివాస్‌, తదితరులు పాల్గొన్నారు.

● నందిగ్రామ్‌ ఎక్స్‌ప్రెస్‌ రైలు కాజీపేట జంక్షన్‌ వరకు పొడగిస్తే మేలు ● ఉత్తర తెలంగాణ జిల్లాల ప్రయాణికులకు రవాణా సౌకర్యం ● ఎంపీలు స్పందించాలని రైల్వే ప్రయాణికుల విజ్ఞప్తి బెల్లంపల్లి: ముంబయి ఛత్రపతి శివాజీ టెర్మినల్‌ నుంచి బల్లార్షా వరకు నందిగ్రామ్‌ ఎక్స్‌ప్రెస్‌ రైలు(నం.11001/2) వయా నాందేడ్‌, ఆదిలాబాద్‌ మీదుగా నిత్యం రాకపోకలు సాగిస్తోంది. ప్రస్తుతం ఈ రైలును వరంగల్‌ జిల్లా కాజీపేట జంక్షన్‌ వరకు పొడగించాలనే డిమాండ్‌ కొంతకాలంగా వినిపిస్తోంది. ఉత్తర తెలంగాణ ప్రజలు మహారాష్ట్ర రాజ ధాని ముంబయి వెళ్లడానికి సరైన రైలు ప్రయాణ సౌకర్యం లేకుండా పోయింది. కాజీపేట, హైదరా బాద్‌ వెళ్తే గానీ ముంబయికి వెళ్లే పరిస్థితులు లేవు. ప్రస్తుతం ముంబయి నుంచి బల్లార్షా జంక్షన్‌ వరకు నందిగ్రామ్‌ ఎక్స్‌ప్రెస్‌ నడుస్తోంది. ఆ రైలును కాజీపేట జంక్షన్‌ వరకు పొడగించడం వల్ల రైల్వేపై ఏ మాత్రం భారం పడకపోగా ఉత్తర తెలంగాణ జిల్లాల పరిధిలోని ప్రయాణికులకు ఎంతగానో మేలు జరిగి రవాణా సౌకర్యం మెరుగవుతుంది. సమయం సద్వినియోగం చేసుకుంటే.. ముంబయి ఛత్రపతి శివాజీ టెర్మినల్‌ నుంచి బయల్దేరిన నందిగ్రామ్‌ ఎక్స్‌ప్రెస్‌ రైలు వయా నాందేడ్‌, ఆదిలాబాద్‌ మీదుగా బల్లార్షా జంక్షన్‌కు చేరుకుంటుంది. ఆ తర్వాత అక్కడే దాదాపు 20గంటలపాటు ఖాళీగా ఉంటుంది. ఆ ఖాళీ సమయాన్ని సద్వినియోగం చేసుకోవడానికి కాజీపేట జంక్షన్‌ వరకు పొడగిస్తే కాజీపేట–బల్లార్షా సెక్షన్‌ పరిధిలో ఉన్న సిర్పూర్‌ కాగజ్‌నగర్‌, బెల్లంపల్లి, మంచిర్యాల, రామగుండం, పెద్దపల్లి, జమ్మికుంట తదితర ప్రాంతాల ప్రయాణికులకు ఉపయుక్తంగా ఉండడంతోపాటు రైల్వేకు ఆదాయం వచ్చే అవకాశాలు ఉన్నాయి. ప్రస్తుతం ఆయా ప్రాంతాల ప్రజలకు ముంబయి వెళ్లడానికి ఒక్క రైలు సౌకర్యం కూడా లేదు. దీంతో ముంబయి వెళ్లాల్సిన ప్రయాణికులు కాజీపేట జంక్షన్‌కు వెళ్లి కోణార్క్‌ ఎక్స్‌ప్రెస్‌ లేదా విశాఖ నుంచి ఎల్‌టీటీ ద్వారా వెళ్లాల్సి వస్తోంది. అదీ సాధ్యం కాకపోతే నిజామాబాద్‌ జంక్షన్‌కు వెళ్లి దేవగిరి ఎక్స్‌ప్రెస్‌లో ముంబయి వెళ్లాల్సిన ప్రతికూల పరిస్థితులు ఉంటున్నాయి. నదిగ్రామ్‌ ఎక్స్‌ప్రెస్‌ను కాజీపేట జంక్షన్‌ వరకు పొడగించిన తర్వాత కూడా మరో 11గంటలపాటు రైలు ఖాళీగా ఉండే అవకాశాలు ఉండనున్నాయి. అక్కడ ప్రాథమిక నిర్వహణకు అవకాశం ఉంటుంది. ప్రసుత్తం కాజీపేటలో రెండు ఫిట్‌లైన్లు అందుబాటులో ఉండడం కలిసొచ్చే అంశంగా చెప్పవచ్చు. కాగా, ఆదిలాబాద్‌ జిల్లా ప్రయాణికులకు వరంగల్‌ జిల్లా మరింత చేరువవుతుంది. ఎంపీలు స్పందిస్తే ఎంతోమేలు నందిగ్రామ్‌ ఎక్స్‌ప్రెస్‌ రైలు పొడగింపు కోసం ఉత్తర తెలంగాణ ప్రాంతం నుంచి ఎన్నికై న ఎంపీలు స్పందించాల్సిన అవసరం ఎంతగానో ఉంది. బల్లార్షా జంక్షన్‌ నుంచి కాజీపేట జంక్షన్‌ వరకు పొడగించే ప్రయత్నాలు చేయాలి. దీంతోపాటు పెద్దపల్లి నుంచి నిజామాబాద్‌ రైల్వే మార్గంలో వారానికి మూడు రోజులు ముంబయికి రైలు నడపడంతోపాటు బల్లార్షా–వార్ధా మార్గంలో నూతన వీక్లీ సర్వీసు ప్రవేశ పెడితే ఉత్తర తెలంగాణ ప్రయాణికులకు ముంబయి వెళ్లడానికి సౌకర్యంగా ఉంటుంది. ఈ ప్రాంత ఎంపీలు చిత్తశుద్ధితో కృషి చేయాలని రైలు ప్రయాణికులు కోరుతున్నారు. రద్దు చేసిన రైళ్లను పునరుద్ధరించాలి కరోనా కంటే ముందు నడిపించిన ఆనంద్‌ వన్‌(రైలు నెం.22127/28) సూపర్‌ఫాస్ట్‌ ఎక్స్‌ప్రెస్‌ రైలును అర్ధంతరంగా రద్దు చేశా రు. ఏళ్లు గడుస్తున్నా ఇంతవరకు పునః ప్రా రంభించలేదు. ఈ రైలు కాజీపేట జంక్షన్‌ నుంచి బయల్దేరి లోక్‌మాన్య తిలక్‌ టెర్మినల్‌ వయా బల్లార్షా, వార్ధా, అమరావతి, అకో లా భూసావల్‌, మన్మాడ్‌ మీదుగా ముంబ యి వెళ్లేది. ఈ రైలు వల్ల ప్రయాణ సమ యం తక్కువగా ఉండి ప్రయాణికులకు సౌ కర్యవంతంగా ఉండేది. కానీ ఈ రైలు నిలిపివేయడం వల్ల ముంబయి వెళ్లే ఉత్తర తెలంగాణ ప్రయాణికులకు కష్టాలు పెరిగాయి.

రామకృష్ణాపూర్‌: రామకృష్ణాపూర్‌ ప్రజల దశాబ్దాల కల అయిన ఫ్లై ఓవర్‌ బ్రిడ్జిని తమ హయాంలో పూర్తి చేసి ప్రారంభించడం సంతోషంగా ఉందని చెన్నూర్‌ ఎమ్మెల్యే వివేక్‌వెంకటస్వామి అన్నారు. మంగళవారం పెద్దపల్లి ఎంపీ గడ్డం వంశీకృష్ణ, జిల్లా కలెక్టర్‌ కుమార్‌దీపక్‌తో కలిసి క్యాతనపల్లి వద్ద నిర్మించిన ఆర్వోబీని ప్రారంభించారు. ఈ సందర్భంగా ఏర్పాటు చేసిన సభలో ఎమ్మెల్యే వివేక్‌ మాట్లాడుతూ తాను ఎంపీగా ఉన్నప్పుడు పలుమార్లు ఆర్‌కేపీకి వస్తే ఇక్కడి రైల్వే గేటు ద్వారా ఇబ్బందులు పడ్డానని, ప్రజల కోరిక మేరకు 2011లోనే బ్రిడ్జిని మంజూరు చేయించానని తెలిపారు. బీఆర్‌ఎస్‌ ప్రభుత్వ హయాంలో భూసేకరణ పనులు, నిర్వాసితులకు నష్టపరిహారం చెల్లింపు జరగక పనులు పూర్తికాకపోతే చెన్నూర్‌ ఎమ్మెల్యేగా ఎన్నికై న తాను భూసేకరణ పనులు, పరిహారం చెల్లింపు అంశాలను వేగవంతం చేసి ప్రజలకు ఇచ్చిన హామీ మేరకు ఏడాదిలోనే పనులు పూర్తి చేశానని చెప్పారు. నియోజకవర్గ సమస్యలన్నీ ఒక్కొక్కటిగా పరిష్కరిస్తామని, ప్రజలు కొంత ఓపిక పట్టాలని సూచించారు. జర్నలిస్టుల ఇళ్ల స్థలాల గురించి ప్రస్తావిస్తూ రాష్ట్ర ప్రభుత్వం వేసిన కమిటీ నిర్ణయం మేరకు అర్హులకు ఇళ్ల స్థలాలిస్తామని చెప్పారు. పెద్దపెల్లి ఎంపీ గడ్డం వంశీకృష్ణ మాట్లాడుతూ ఎన్నికల సమయంలో ప్రచారానికి వస్తే రైల్వే గేటు వద్ద జరిగిన ప్రమాదంలో ఇద్దరు యువకులు చనిపోవడం తనను ఎంతగానో బాధించిందని, బ్రిడ్జిని పూర్తి చేసేందుకు తనతోపాటు తన తండ్రి ఎంతగానో కృషి చేశామని చెప్పారు. ఈ ప్రాంతంలో ఎక్స్‌ప్రెస్‌ రైళ్ల హాల్టింగ్‌ కోసం కృషి చేస్తున్నానని, సింగరేణి రిటైర్డ్‌ కార్మికుల సమస్యల పరిష్కారానికి పాటుపడుతానని పేర్కొన్నారు. కార్యక్రమంలో ఆర్‌అండ్‌బీ ఎస్‌ఈ రాము, క్యాతనపల్లి మున్సిపల్‌ కమిషనర్‌ రాజు, కాంగ్రెస్‌ పార్టీ పట్టణ అధ్యక్షుడు పల్లెరాజు, రఘునాథ్‌రెడ్డి, వొడ్నాల శ్రీనివాస్‌, నీలం శ్రీనివాస్‌గౌడ్‌, గాండ్ల సమ్మయ్య, అజీజ్‌ తదితరులు పాల్గొన్నారు. ఆర్వోబీతో కష్టాలు దూరం చెన్నూర్‌ ఎమ్మెల్యే వివేక్‌ క్యాతనపల్లి ఫ్లై ఓవర్‌ బ్రిడ్జి ప్రారంభం

రామకృష్ణాపూర్‌: క్యాతనపల్లి మున్సిపాలిటీ పరిధిలో కొనసాగుతున్న అభివృద్ధి పనులు వేగవంతంగా పూర్తి చేయాలని జిల్లా కలెక్టర్‌ కుమార్‌ దీపక్‌ ఆదేశించారు. మున్సిపల్‌ కార్యాలయాన్ని కలెక్టర్‌ మంగళవారం ఆకస్మికంగా సందర్శించారు. ఈ సందర్భంగా రాజీవ్‌ యువ వికాసం దరఖాస్తుల ప్రక్రియ, మున్సిపాలిటీలో అభివృద్ధి పనుల పురోగతిపై మున్సిపల్‌ కమిషనర్‌ రాజును అడిగి తెలుసుకున్నారు. వేసవి దృష్ట్యా ప్రజలకు తాగునీటి ఇబ్బందులు తలెత్తకుండా అధికార యంత్రాంగం పని చేయాలని సూచించారు. ప్రతీ ఇంటికి నిరాటంకంగా తాగునీటి సరఫరా జరగాలని అన్నారు. రాజీవ్‌ యువ వికాసం లబ్ధిదారుల ఎంపిక పూర్తిగా పారదర్శకంగా ఉండాలని తెలిపారు.

● అన్నయ్యా.. సారీ.. ● నా ఆరోగ్యం మెరుగుపడడం లేదు ● బాధ భరించలేక‘పోతున్నా’ ● సూసైడ్‌ నోట్‌ రాసి యువకుడి బలవన్మరణం నెన్నెల(బెల్లంపల్లి): కొంతకాలంగా అనారో గ్యంతో బాధపడుతున్న ఓ యువకుడు చికిత్స చేయించుకున్నా మెరుగు పడకపోవడంతో మనస్తాపం చెందాడు. అనారోగ్యం బాధను భరించలేకపోయాడు. ఇక చావే శరణ్యమనుకున్నాడు. ఇంట్లో ఉరేసుకుని బలవన్మరణానికి పాల్ప డ్డాడు ఈ విషాద ఘటన మంచిర్యాల జిల్లా నెన్నెల మండలం జెండా వెంకటాపూర్‌లో జరిగింది. ఆత్మహత్యకు ముందు సూసైడ్‌ నోట్‌ రాశాడు. ఎస్సై ప్రసాద్‌ తెలిపిన వివరాల ప్రకారం... గ్రామానికి చెందిన చెల్మాటికారి సత్తయ్య, అమృత దంపతుల కుమారుడు అనిల్‌ (24) పీజీ పూర్తిచేసి ఇంటివద్దే ఉంటున్నాడు. కొంతకాలంగా పచ్చకామెర్లు, దవడ బిల్లలు, వైరల్‌ ఫీవర్‌తో బాధపడుతున్నాడు. చికిత్స చేయించినా నయం కాకపోవడంతో మనస్తాపానికి గురయ్యాడు. మంగళవారం ఇంట్లోనే దూలానికి చీరతో ఉరేసుకుని బలవన్మరణం చెందాడు. ఉరేసుకునే ముందు బెడ్‌రూమ్‌లో అతని మంచంపై సుసైడ్‌ నోట్‌ రాసిపెట్టాడు. ‘అమ్మా.. నన్ను క్షమించండి.. నాకు ఆరోగ్యం బాగుండడంలేదు. బాధ భరించలేక చనిపోతున్నా. నా చావుకు ఎవరూ కారణం కాదు. నా సొంత నిర్ణయంతో చనిపోతున్నా. అన్నయ్య సారీ రా... నీవు ఈ లెటర్‌ చదివే సమయానికి నేను నీతో ఉండను.. అమ్మా నాన్నను కష్టపెట్టకు.. నన్ను మీరంతా క్షమిస్తారని ఆశిస్తూ.. సెలవు తీసుకుంటున్నా.. అని నోట్‌ రాసి ఉంచాడు. మృతుని తండ్రి సత్తయ్య ఫిర్యాదు మేరకు కేసు నమోదు చేసి దర్యాప్తు జరుపుతున్నట్లు ఎస్సై తెలిపారు. నేత్రదానం అనిల్‌ కళ్లు దానం చేయడానికి తల్లిదండ్రులు ముందుకు వచ్చి సోపతి వెల్ఫేర్‌ సొసైటీ అధ్యక్షుడు భీం పుత్ర శ్రీనివాస్‌, బ్లడ్‌ డోనర్‌ అసోసియేషన్‌ అధ్యక్షుడు రహీమ్‌కు సమాచారం అందించారు. దీంతో వారు హైదరాబాద్‌లోని ఎల్వీప్రసాద్‌ ఐ బ్యాంకు టెక్నీషియన్‌ ప్రదీప్‌కుమార్‌కు తెలియజేయడంతో గ్రామానికి వచ్చి నేత్రాలు సేకరించారు.

పోలీసుల పనితీరు భేష్‌ ఆసిఫాబాద్‌అర్బన్‌: జిల్లా కేంద్రంలో ఒకరి వద్ద నుంచి రూ.36వేల నగదు అపహరించిన దొంగను కేవలం 40 నిమిషాల్లోనే గుర్తించిన ఆసిఫాబాద్‌ పోలీసులు భేష్‌ అనిపించుకున్నారు. సీఐ బుద్దె రవీందర్‌ తెలిపిన వివరాల మేరకు జిల్లా కేంద్రానికి చెందిన మీర్‌ అలీ మంగళవారం పట్టణంలోని గాంధీచౌక్‌ వద్ద తన స్కూటీని పార్కింగ్‌లో చేశాడు. డిక్కీలో ఉన్న రూ.36వేల నగదును గుర్తుతెలియని వ్యక్తి అపహరించాడు. బాధితుడు పోలీసులకు ఫిర్యాదు చేయడంతో సీఐ రవీందర్‌ ఆధ్వర్యంలో బ్లూకోల్ట్స్‌ కానిస్టేబుళ్లు తిరుపతి, సాగర్‌ చోరీ జరిగిన ప్రదేశాన్ని పరిశీలించి సీసీ కెమెరాల ఆధారంగా దొంగను గుర్తించారు. అతని వద్ద నుంచి రూ.36 వేల నగదు స్వాధీనం చేసుకుని పోలీస్‌ స్టేషన్‌కు తరలించారు. కేసును ఛేదించడంలో చాకచక్యంగా వ్యవహరించిన సీఐ రవీందర్‌, ఎస్సై అంజయ్య, బ్లూకోర్ట్‌ కానిస్టేబుల్‌ సాగర్‌, తిరుపతిని ఎస్పీ డీవీ. శ్రీనివాస్‌రావు, సబ్‌ డివిజన్‌ ఏఎస్పీ చిత్తరంజన్‌ అభినందించారు.

● మూడు నెలలపాటు శుభ ముహూర్తాలు దండేపల్లి(మంచిర్యాల): ముహూర్తాల కోసం వేచి చూస్తున్న వారికి తీపి కబురు అందింది. మండు వేసవిలో శుభఘడియలు వచ్చాయి. ఏప్రిల్‌, మే, జూన్‌ మాసాల్లో శుభ ముహూర్తాలు ఎక్కువగా ఉండటంతో తెలుగింట ‘రారండోయ్‌..వేడుక చేద్దాం’ అంటున్నారు. వరుసగా మంచిరోజులు రావడంతో పెళ్లి మండపాలు, బ్యాండ్‌ మేళాలకు డిమాండ్‌ ఏర్పడింది. పురోహితులు, వంట మనుషులు, వీడియో గ్రాఫర్లకు, ఆర్డర్లు తలుపు తడుతున్నాయి. ముహూర్తాలు ఇవే.. ఏప్రిల్‌లో 16, 18, 20, 23, 30 తేదీల్లో, మే నెలలో 1, 4, 8, 9, 10, 11, 14, 16, 18, 21, 23, 28, 30, 31 తేదీల్లో, జూన్‌ నెలలో 2, 4, 5, 6, 7, 8 తేదీల్లో మంచి ముహూర్తాలు ఉన్నాయని వేదపండితులు చెబుతున్నారు. జూన్‌ 11 నుంచి జూలై 12 వరకు మూఢం రావడంతో ముహూర్తాలకు కొంత విరామం వచ్చింది. తిరిగి మళ్లీ శ్రావణ మాసంలో మంచి ముహూర్తాలు మొదలు కానున్నాయి. ఏది ఏమైనా ఈ ఏడాది విశ్వావసు నామ సంవత్సరంలో శుభముహూర్తాలు ఎక్కువగా ఉండడంతో పెళ్లిళ్లు కూడా ఎక్కువగానే జరుగనున్నాయి. మూణ్నెళ్లు శుభఘడియలు మూడు నెలలపాటు ముహూర్తాలు ఎక్కువగా ఉన్నాయి. ఈ సమయంలో పెళ్లిళ్లు, ఇతర శుభకార్యాలు జరుపుకోవడం చాలా మంచిది. ముఖ్యంగా ఈ నెల 30న అక్షయ తృతీయ రావడంతో ఆరోజు దివ్యమైన ముహూర్తం ఉంది. నిశ్ఛయ తాంబూలాలు పుచ్చుకున్నవారు వేడుకలకు సిద్ధమవుతున్నారు. – గొల్లపెల్లి రామానందాచార్య స్వామి, వేదపండితులు

● ఎన్‌ఎల్‌ఎం ద్వారా రుణాలు ● యూనిట్‌కు 50 శాతం సబ్సిడీ ● గరిష్టంగా రూ.50 లక్షల వరకు మంజూరు యూనిట్‌ సబ్సిడీ లక్ష్మణచాంద(నిర్మల్‌): దేశంలో పెరుగుతున్న జనా భాకు అనుగుణంగా మాంసం ఉత్పత్తులు పెంచా లని కేంద్రప్రభుత్వం భావిస్తోంది. మాంసానికి ఉ న్న డిమాండ్‌ దృష్ట్యా జీవాల పెంపకాన్ని ప్రోత్సహి ంచాలని నిర్ణయం తీసుకుంది. ఇందులో భాగంగా గొర్రెలు, మేకల పెంపకానికి నేషనల్‌ లైవ్‌స్టాక్‌ మిష న్‌ స్కీం(ఎన్‌ఎల్‌ఎం) ద్వారా ఔత్సాహికులకు సబ్సి డీ రుణాలు అందిస్తోంది. 2021–22లో ప్రారంభించిన ఈ పథకాన్ని రాష్ట్ర పశుసంవర్థక శాఖ అమలు చేస్తోంది. ఈ పథకం కింద పెంపకందారులకు ఒక్కో యూనిట్‌కు 50 శాతం సబ్సిడీ ఇస్తున్నట్లు జిల్లా పశు వైద్యాధికారులు పేర్కొంటున్నారు. యూనిట్‌ మంజూరైనప్పటి నుంచి పూర్తిస్థాయిలో సబ్సిడీ నిధులు విడుదలయ్యే వరకు రాష్ట్ర పశుసంవర్థక శాఖ పర్యవేక్షిస్తుందని అధికారులు తెలిపారు. గరిష్టంగా యూనిట్‌కు రూ.50 లక్షల వరకు రుణం అందించనున్నారు. ఈ రుణం డబ్బులను రెండు విడతలుగా లబ్ధిదారుల ఖాతాల్లో జమ చేస్తారు. దరఖాస్తు ఇలా.. గొర్రెలు,మేకల యూనిట్ల పెంపకం రుణం మంజూరు కోసం www. nim. udyamimitra. in వెబ్‌సైట్‌ ద్వారా ఆన్‌లైన్‌లో దరఖాస్తులు చేసుకోవాలి. ఈ రుణాలు పొందడానికి దరఖాస్తు చేయడానికి ఎలాంటి ఫీజులు చెల్లించనవసరం లేదని అధికారులు అంటున్నారు. రుణం మంజూరుకు దరఖాస్తు చేస్తున్న ఉత్సాహవంతులు తమ పాన్‌, ఆధార్‌ కార్డు, అడ్రస్‌ ఫ్రూఫ్‌, పాస్‌ఫొటో, రుణం తీసుకునే బ్యాంకు స్టేట్‌మెంట్లను ఆన్‌లైన్‌లో అప్‌లోడ్‌ చేయాలి. అర్హతలు 1. కనీసం ఐదెకరాల వ్యవసాయ భూమిని కలిగి ఉండాలి. ఇతరులదైనా లీజుకు తీసుకోవాలి. 2. పశు పోషణలో తగిన అనుభవం ఉండాలి. 3. యూనిట్‌ మంజూరు కోసం బ్యాంక్‌ కాన్‌సెంట్‌ తీసుకోవాలి.(గొర్రెలు,పొట్టేళ్లు) (రూ.లక్షల్లో) 500–25 50 400–40 40 300–15 30 200–10 20 100–05 10 పథకాన్ని సద్వినియోగం చేసుకోవాలి నేషనల్‌ లైవ్‌స్టాక్‌ మిషన్‌ పథకాన్ని గొర్రెలు, మేకల పెంపకంపై ఆసక్తి ఉన్న యువత సద్వినియోగం చేసుకోవాలి. ఈ దరఖాస్తు చేసుకుని యూనిట్‌ పొంది ఉపాధితో ఆర్థికంగా ఎదగాలని పేర్కొన్నారు. వివరాల కోసం జిల్లా కార్యాలయంలో సంప్రదించాలి. – ఎండీ బాలిగ్‌ అహ్మద్‌, జిల్లా పశువైద్యాధికారి, నిర్మల్‌

ఆదిలాబాద్‌టౌన్‌: ఆదిలాబాద్‌రూరల్‌ మండలంలోని భీంసరిలో 90 ఎంఎల్‌ పరిమాణంలో ఉన్న 500 దేశీదారు సీసాలను స్వాధీనం చేసుకున్నట్లు ఎకై ్సజ్‌ సీఐ రేండ్ల విజేందర్‌ తెలిపా రు. మంగళవారం ఎకై ్సజ్‌ సీఐ కార్యాలయంలో ఏర్పాటు చేసిన విలేకరుల సమావేశంలో ఆయన మాట్లాడుతూ భీంసరి గ్రామానికి చెందిన అలిశెట్టి అభిలాష్‌ మహారాష్ట్రలోని చనాక నుంచి ద్విచక్ర వాహనంపై దేశీదారు తీసుకువస్తుండగా పట్టుకుని అరెస్టు చేసినట్లు తెలిపారు. మద్యం విలువ రూ.18వేలు ఉంటుందన్నారు. ఎవరైనా దేశీదారు, నాటుసారా విక్రయిస్తే రూ.లక్ష జరిమానాతో పాటు పీడీయాక్ట్‌ కేసులు నమోదు చేస్తామని హెచ్చరించారు. రాష్ట్రస్థాయి పోటీలకు ఎంపిక ఆసిఫాబాద్‌రూరల్‌: జిల్లా కేంద్రంలోని ఆదర్శ బాలికల క్రీడా పాఠశాలలో మంగళవారం నిర్వహించిన 54వ సీనియర్‌ మహిళా హ్యాండ్‌బాల్‌ పోటీల్లో 20 మంది క్రీడాకారులు రాష్ట్రస్థాయికి ఎంపికై నట్లు అసోసియేషన్‌ ప్రధాన కార్యదర్శి రమేశ్‌ తెలిపారు. ఉమ్మడి జిల్లా నుంచి మొత్తం 80 మంది మహిళా క్రీడాకారులు పోటీల్లో పాల్గొనగా 20 మంది ఉత్తమ ప్రతిభ కనబర్చి రాష్ట్రస్థాయికి ఎంపికయ్యారన్నారు. ఈ నెల 18 నుంచి శిక్షణ ఇవ్వనున్నట్లు తెలిపారు. ఈ నెల 28 నుంచి 30 వరకు మంచిర్యాల జిల్లాలోని మందమర్రిలో జరిగే రాష్ట్రస్థాయి పోటీల్లో పాల్గొంటారన్నారు. కార్యక్రమంలో డీఎస్‌వో మీనారెడ్డి, ఏసీఎంవో ఉద్దవ్‌, హ్యాండ్‌బాల్‌ కోచ్‌ అరవింద్‌, పీడీ, పీఈటీలు రవి, రాకేష్‌, తదితరులు పాల్గొన్నారు. వండర్‌ బుక్‌ ఆఫ్‌ రికార్డులో చోటుమంచిర్యాలటౌన్‌: పట్టణంలోని హైటెక్‌ సిటీ కాలనీకి చెందిన నామని రమేశ్‌ కుమార్‌, మౌనిక దంపతుల కుమారుడు రామ్‌ అక్షరేష్‌ 8 నిమిషాల్లో 300ల పదాలను పఠించడం ద్వారా వండర్‌ బుక్‌ ఆఫ్‌ రికార్డుల్లో చోటు దక్కించుకున్నాడు. ఎల్‌కేజీ చదువుతున్న రామ్‌ అక్షరేష్‌ తెలుగు సంవత్సరాలు, నెలలు, తిథులు, రాష్ట్ర రాజధానులు, జాతీయ చిహ్నాలు, గ్రహాలు, ఆవిష్కరణలు, చారిత్రాత్మక కట్టడాలతో సహా 300ల వరకు 8 నిమిషాల్లోనే పఠించడం ద్వారా రికార్డు సృష్టించారు. వండర్‌ బుక్‌ ఆఫ్‌ రికార్డు భారత దేశ ప్రతినిధి బింగి నరేంద్ర గౌడ్‌, తెలంగాణ కోఆర్డినేటర్లు డాక్టర్‌ వేణుకుమార్‌, కే.రవికుమార్‌ చిన్నారికి మెమొంటో అందజేశారు.