అధికారులు విధులు నిర్వర్తించేందుకు.. ప్రజలు వివిధ అవసరాల నిమిత్తం ప్రభుత్వ కార్యాలయానికి వస్తుంటారు. కానీ, ఈ శునకం మాత్రం సేదదీరేందుకే ఎంపీడీఓ కార్యాలయానికి వచ్చినట్టుంది. ఏకంగా ఎంపీడీఓ చాంబర్‌లోనే కునుకు తీసింది. బుధవారం కొత్తపల్లి గోరి ఎంపీడీఓ.. విధుల్లో భాగంగా జిల్లా కేంద్రానికి వెళ్లడం.. కార్యాలయ సిబ్బంది నిర్లక్ష్యంగా ఉండడంతో ఓ కుక్క దర్జాగా బాస్‌ గదిలోనే నిద్రించడం స్థానికంగా చర్చనీయాంశమైంది. – రేగొండ(కొత్తపల్లి గోరి)

భూపాలపల్లి అర్బన్‌: జిల్లా వ్యాప్తంగా 20 పరీక్ష కేంద్రాల్లో నిర్వహించిన టెన్త్‌ పరీక్షలు బుధవారంతో ముగిశాయి. చివరి రోజు సాంఘిక శాస్త్రం పరీక్ష ప్రశాంతంగా నిర్వహించినట్లు జిల్లా విద్యాశాఖ అధికారి రాజేందర్‌ తెలిపారు. చివరి రోజు మొత్తం 3,449 మంది విద్యార్థులకు 3,442 మంది విద్యార్థులు హాజరుకాగా ఏడుగురు విద్యార్థులు గైర్హాజరైనట్లు వెల్లడించారు. విద్యార్థులకు ఎటువంటి ఇబ్బందులు కలగకుండా అన్ని పరీక్ష కేంద్రాల్లో ప్రశాంతంగా నిర్వహించడం జరిగిందన్నారు. ఎలాంటి మాల్‌ప్రాక్టీస్‌, మాస్‌కాపింగ్‌ జరగకుండా చర్యలు తీసుకున్నట్లు పేర్కొన్నారు. ఆరోగ్యాన్ని కాపాడుకుంటూ ఆనందంగా గడపాలి భూపాలపల్లి: ప్రతి ప్రభుత్వ ఉద్యోగికి ఉద్యోగ విరమణ తప్పనిసరి, విరమణ అనంతరం ఆరోగ్యాన్ని కాపాడుకుంటూ కుటుంబ సభ్యులతో ఆనందంగా గడపాలని ఎస్పీ కిరణ్‌ ఖరే అన్నారు. సుదీర్ఘకాలం పోలీసు శాఖకు సేవలందించి పదవీ విరమణ పొందుతున్న ఎస్సై పోరిక లాల్‌ సింగ్‌ను జిల్లా పోలీసు కార్యాలయంలో బుధవారం ఎస్పీ సత్కరించి, కానుక అందించారు. ఈ సందర్భంగా ఎస్పీ మాట్లాడుతూ.. ఎలాంటి రిమార్కులు లేకుండా సర్వీసును పూర్తి చేసి పదవీ విరమణ పొందడం అభినందనీయం అన్నారు. కుటుంబానికి దూరంగా ఉంటూ.. ప్రజలకు సేవలు అందించడం ఎంతో గర్వకారణమని పేర్కొన్నారు. ఉమ్మడి వరంగల్‌ జిల్లాలో 1987వ సంవత్సరంలో లాల్‌ సింగ్‌ పోలీసు కానిస్టేబుల్‌గా పోలీసుశాఖలోకి అడుగుపెట్టి దాదాపు 38 సంవత్సరాలపాటు సేవలు అందించారని పేర్కొన్నారు. శాంతి భద్రతల పరిరక్షణలో తనవంతు పాత్రను పోషించడం అభినందనీయమని కొనియాడారు. కార్యక్రమంలో అదనపు ఎస్పీ బోనాల కిషన్‌, రిజర్వ్‌ ఇన్‌స్పెక్టర్లు నగేష్‌, రత్నం, పోలీస్‌ అధికారుల సంఘం నేత యాదిరెడ్డి, ఎస్సై లాల్‌ సింగ్‌ కుటుంబ సభ్యులు పాల్గొన్నారు.

తిమ్మంపేట చపాట మిర్చికి జీఐ ట్యాగ్‌ సర్టిఫికెట్‌ జారీ సాక్షి, వరంగల్‌/దుగ్గొండి: గ్రామీణ ప్రాంతాల్లో 80 సంవత్సరాల నుంచి రైతులే విత్తనాలు తయారు చేసుకుని పండిస్తున్న వరంగల్‌ చపాట మిరప ఇక అంతర్జాతీయంగా ప్రాచుర్యం పొందనుంది. 2024 నవంబర్‌లోనే ఈ మిరపకు అంతర్జాతీయస్థాయి భౌగోళిక గుర్తింపు (జీఐ ట్యాగ్‌) లభించినా.. తాజాగా ఉగాది పండుగ వేళ తిమ్మంపేట మిరప రైతు ఉత్పత్తిదారుల సంఘానికి పేటెంట్‌ కల్పిస్తూ కేంద్ర భౌగోళిక గుర్తింపు సంస్థ ఉత్తర్వులిచ్చింది. చైన్నెలోని ఇండియన్‌ పేటెంట్‌ సంస్థ జీఐ (జియోగ్రాఫికల్‌ ఇండికేషన్‌) ట్యాగ్‌ సర్టిఫికెట్‌ జారీ చేసింది. మహబూబాబాద్‌ జిల్లా మల్యాల ఉద్యాన పరిశోధనస్థానం శాస్త్రవేత్త కె.భాస్కర్‌, శ్రీ కొండా లక్ష్మణ్‌ తెలంగాణ హార్టికల్చరల్‌ యూనివర్సిటీ సహకారంతో వరంగల్‌ జిల్లా దుగ్గొండి మండలం తిమ్మంపేట మిరప రైతు ఉత్పత్తిదారుల సంఘం ఈ చపాట మిర్చికి భౌగోళిక గుర్తింపు కోసం ఇండియన్‌ పేటెంట్‌ ఆఫీస్‌ చైన్నె సంస్థకు 2022లో దరఖాస్తు చేస్తే మూడేళ్లకు అధికారికంగా పేటెంట్‌ లభించింది. చపాట మిరపలో రంగు ఎక్కువగా, కారం తక్కువగా ప్రత్యేక లక్షణాలు కలిగి ఉండడంతో అంతర్జాతీయస్థాయిలో 18వ ఉత్పత్తిగా జీఐ ట్యాగ్‌ లభించింది. ఈ పంట ఉత్పత్తిపై ముద్రించిన జీఐ ట్యాగ్‌ను స్కాన్‌ చేయడం వల్ల వినియోగదారులకు ఈ చపాట మిర్చి ప్రత్యేకత తెలుస్తుంది. ఒకప్పుడు నడికూడ నుంచే.. ఒకప్పడు ఉమ్మడి వరంగల్‌ జిల్లాలోని ప్రస్తుతం హనుమకొండ జిల్లాలో ఉన్న నడికూడ మండలంలోనుంచే ఈ చపాట మిరప సాగు ఎక్కువగా ఉంది. ఆ తర్వాత దాదాపు 80 ఏళ్ల క్రితం నుంచే నడికూడ ప్రాంతవాసులు ఇతర ప్రాంతాల రైతులకు విత్తనాలు ఇచ్చా రు. ఇలా కరీంనగర్‌ జిల్లా జమ్మికుంట మండలం నాగారంలోనూ అప్పటినుంచే సాగు చేస్తున్నారు. ఇక్కడ వాతావరణం అనుకూలంగా ఉండటంతో పంట దిగుబడి ఎక్కువగా వస్తుంది. సొంతంగా విత్తనాలు తయారు చేసుకుని పంట పండించే వరంగల్‌ చపాట అంతర్జాతీయంగా గుర్తింపు పొందడంతో రైతులు సంబురపడుతున్నారు. ప్రస్తుతం వరంగల్‌ చపాట, టమాట మిరప, సింగిల్‌ పట్టి, డబుల్‌ పట్టి పేర్లతో దొడ్డు మిరపను దుగ్గొండి, నర్సంపేట, నల్లబెల్లి మండలాల్లో విరివిగా పండిస్తున్నారు. మార్కెట్‌లో ధర బాగా పలకడం, వరంగల్‌ జిల్లా వాతావరణం అనుకూలంగా ఉండటంతో సాగు చేస్తున్నారు. దుగ్గొండి మండలంలోని తిమ్మంపేట గ్రామంలో 300 మంది మిరప రైతులు తిమ్మంపేట చిల్లీ ఫార్మర్స్‌ ప్రొడ్యూసర్‌ లిమిటెడ్‌ పేరున రైతు ఉత్పత్తిదారుల సంఘాన్ని ఏర్పాటు చేసుకొని మిర్చికి అంతర్జాతీయ స్థాయి గుర్తింపు తీసుకొచ్చారు. తమ సొంత లోగో, బ్రాండ్‌ ఏర్పాటు చేసుకుని ఇతర రాష్ట్రాలు, దేశాలకు అమ్ముకునే అవకాశం కలి గింది. ప్రస్తుతం వరంగల్‌, హనుమకొండ, ములుగు, భూపాలపల్లి జిల్లాల్లో చపాట మిచ్చి 6,738 ఎకరాల్లో సాగుచేస్తున్నారు. ప్రతి ఏటా 10,951 మెట్రిక్‌ టన్నులు ఉత్పత్తి చేస్తున్నారు. దాదాపు 20,574 మంది రైతులు జీఐ ట్యాగ్‌ ద్వారా లబ్ధి పొందనున్నారు. సొంత లోగో, బ్రాండ్‌తో అమ్ముకునే వీలు అధిక ధర వచ్చే అవకాశముందని రైతుల్లో ఆనందంఫలించిన తిమ్మంపేట రైతుల కృషి.. దుగ్గొండి మండలంలోని తిమ్మంపేట గ్రామంలో 300 మంది మిరప రైతులు తిమ్మంపేట చిల్లీ ఫార్మర్స్‌ ప్రొడ్యూసర్‌ లిమిటెడ్‌ పేరున రైతు ఉత్పత్తిదారుల సంఘాన్ని ఏర్పాటు చేసుకొని మిర్చికి అంతర్జాతీయ స్థాయి గుర్తింపు తీసుకొచ్చారు. తమ సొంత లోగో, బ్రాండ్‌ ఏర్పాటు చేసుకుని ఇతర రాష్ట్రాలు, దేశాలకు అమ్ముకునే అవకాశం కలిగింది. ప్రస్తుతం వరంగల్‌, హనుమకొండ, ములుగు, భూపాలపల్లి జిల్లాల్లో చపాట మిర్చి 6,738 ఎకరాల్లో సాగుచేస్తున్నారు. ప్రతి సంవత్సరం 10,951 మెట్రిక్‌ టన్ను లు ఉత్పత్తి చేస్తున్నారు. దాదాపు 20,574 మంది రైతులు జీఐ ట్యాగ్‌ ద్వారా లబ్ధి పొందనున్నారు.జీఐ ట్యాగ్‌తో అధిక ధరకు అవకాశం.. వరంగల్‌ చపాట మిరపకు అంతర్జాతీయ గుర్తింపు తీసుకురాగలిగినందుకు సంతోషంగా ఉంది. దీనివల్ల రైతులు నేరుగా వివిధ రాష్ట్రాలు, దేశాలకు పంట ఉత్పత్తిని ఎగుమతి చేసుకునే అవకాశం కలిగింది. ఫలితంగా బహిరంగ మార్కెట్లో ప్రస్తుతం కిలో రూ. 300 ఉన్నది. జీఐ ట్యాగ్‌ వల్ల అంతర్జాతీయ ప్రమాణాల దృష్ట్యా కిలోకు రూ.450 నుంచి 500 వరకు ధర లభించనుంది. అధిక ధర పలికితే రైతుకు లాభం వస్తుంది. తిమ్మంపేట గ్రామం జాతీయస్థాయిలో ఉనికిలోకి రావడం చాలా సంతోషంగా ఉంది. – నరహరి రాజ్‌కుమార్‌రెడ్డి, తిమ్మంపేట ఎఫ్‌పీఓ అధ్యక్షుడు

భూపాలపల్లి రూరల్‌: బహుజన వీరుడు సర్దార్‌ సర్వాయి పాపన్న గౌడ్‌ ఆశయాల సాధనకు ప్రతి ఒక్కరూ కృషి చేయాలని ఎమ్మెల్యే గండ్ర సత్యనారా యణరావు అన్నారు. బుధవారం సర్దార్‌ సర్వాయి పాపన్న గౌడ్‌ వర్ధంతి సందర్భంగా భూపాలపల్లి కలెక్టరేట్‌లోని ఐడీఓసీ సమావేశ మందిరంలో జిల్లా వెనుకబడిన తరగతుల సంక్షేమ శాఖ ఆధ్వర్యంలో ఏర్పాటు చేసిన కార్యక్రమంలో జిల్లా కాంగ్రెస్‌ పార్టీ అధ్యక్షుడు, ట్రేడ్‌ ప్రమోషన్‌ కార్పొరేషన్‌ చైర్మన్‌ అ యిత ప్రకాశ్‌రెడ్డితో కలిసి ఎమ్మెల్యే ముఖ్య అతిథిగా పాల్గొన్నారు. ముందుగా సర్వాయి పాపన్న గౌడ్‌ చిత్రపటం వద్ద నివాళులర్పించారు. ఈ సందర్భంగా ఎమ్మెల్యే మాట్లాడుతూ.. సమసమాజ నిర్మాణ స్థాపన కోసం పోరాటం చేసిన గొప్ప పోరాట యోధుడు సర్దార్‌ సర్వాయి పాపన్న అని కొనియాడారు. కార్యక్రమంలో జిల్లా వెనుక బడిన తరగతుల అధికారి శైలజ, తదితరులు పాల్గొన్నారు.ఎమ్మెల్యే సత్యనారాయణరావు

సాక్షిప్రతినిధి, వరంగల్‌/ఎల్కతుర్తి : వరంగల్‌ వేదికగా ఈ నెల 27న బీఆర్‌ఎస్‌ మరోసారి ప్రతిష్టాత్మక కార్యక్రమం నిర్వహించేందుకు బుధవారం అంకురార్పణ జరిగింది. పార్టీ ఆవిర్భావ రజతోత్సవ మహాసభ హనుమకొండ జిల్లా ఎల్కతుర్తిలో నిర్వహించేందుకు రంగం సిద్ధమైంది. ఈ మేరకు పార్టీ జిల్లా అధ్యక్షుడు దాస్యం వినయ్‌భాస్కర్‌, ఎమ్మెల్సీలు పోచంపల్లి శ్రీనివాస్‌ రెడ్డి, తక్కళ్లపల్లి రవీందర్‌రావు, సభా పర్యవేక్షకులు, మాజీ ఎంపీ కెప్టెన్‌ లక్ష్మీకాంతారావు, మాజీ ఎమ్మెల్యేలు వొడితల సతీశ్‌కుమార్‌, పెద్ది సుదర్శన్‌రెడ్డి, నరేందర్‌, ఉమ్మడి జిల్లా పార్టీ ఇన్‌చార్జ్‌ గ్యాదరి బాలమల్లు తదితరులు భూమి పూజ చేశారు. అంతకుముందు మంగళవారం ఎర్రవెల్లిలో ఉమ్మడి వరంగల్‌కు చెందిన ముఖ్యనేతలతో సమావేశమైన అధినేత కేసీఆర్‌.. సభావేదిక, జనసమీకరణ, ఇతర ఏర్పాట్లకు సంబంధించి దిశానిర్దేశం చేశారు. 10 లక్షల మందికితో బహిరంగసభ నిర్వహించాలని, దీనికి కోసం ఏర్పాట్లు చేయాలని ఆదేశించారు. ఇందులో భాగంగా ఉమ్మడి వరంగల్‌ జిల్లా నుంచి 2.50 లక్షల మందిని సమీకరించాలని టార్గెట్‌ పెట్టారు. జనసమీకరణకు ఇన్‌చార్జ్‌ల నియామకం.. కేసీఆర్‌ ఆదేశాలతో 2.50 లక్షల మంది జనసమీకరణకు బీఆర్‌ఎస్‌ పార్టీ నేతలు కసరత్తు ప్రారంభించారు. ఈ మేరకు అధినేత.. సభ ఏ ర్పాట్లు, జన సమీకరణకు సంబంధించి ముఖ్యనేతలకు నియోజకవర్గాల వారీగా బాధ్యతలు అప్పగించారు. పాలకుర్తి, వర్ధన్నపేటకు మాజీ మంత్రి ఎర్రబెల్లి దయాకర్‌రావు ఇన్‌చార్జ్‌గా వ్యవహరించనుండగా.. వరంగల్‌ పశ్చిమను మాజీ చీఫ్‌విప్‌ వినయ్‌భాస్కర్‌కు అప్పగించారు. వరంగల్‌ తూర్పును నన్నపునేని నరేందర్‌, పోచంపల్లి శ్రీనివాస్‌రెడ్డికి, భూపాలపల్లిని గండ్ర వెంకటరమణారెడ్డికి, నర్సంపేట, ములుగు నియోజకవర్గాలకు పెద్ది సుదర్శన్‌రెడ్డిని ఇన్‌చార్జ్‌లుగా నియమించారు. అదేవిధంగా జనగామ, స్టేషన్‌ఘన్‌పూర్‌ బాధ్యతలను ఎమ్మెల్యే పల్లా రాజేశ్వర్‌రెడ్డి చూడనుండగా, పరకాలను చల్లా ధర్మారెడ్డి, మహబూబాబాద్‌ను సత్యవతి రాథోడ్‌, శంకర్‌నాయక్‌, డోర్నకల్‌ను రెడ్యానాయక్‌, మాలోత్‌ కవితకు అప్పగించారు. సభ ఏర్పాట్లు, జనసమీకరణ తదితర బాధ్యతలు నిర్వహించే హైదరాబాద్‌కు చెందిన పార్టీ రాష్ట్ర, జాతీయస్థాయి నాయకులు వరంగల్‌ నగరంలోనే మకాం వేయనున్నారు. నేటి నుంచి మరింత వేగంగా పనులు.. సభకు మరో 24 రోజులే గడువు ఉండటంతో గురువారం నుంచి సభా కోసం చేపట్టే పనులు మరింత వేగం పుంజుకోనున్నాయి. ఇప్పటివరకు బహిరంగసభకు సిద్ధం చేసిన 1,213 ఎకరాల స్థలంలో.. 154 ఎకరాల్లో మహాసభ ప్రాంగణం ఉంటుందని, పార్కింగ్‌ కోసం 1,059 ఎకరాలను కేటాయించినట్లు వెల్లడించిన బీఆర్‌ఎస్‌ నేతలు, మరో మూడు, నాలుగు వందల ఎకరాలు కూడా సేకరించనున్నట్లు వివరించారు. బీఆర్‌ఎస్‌ రజతోత్సవ సభకు ఉమ్మడి జిల్లా నుంచి జన సమీకరణ జన సమీకరణకు ఇన్‌చార్జులుగా మాజీ మంత్రులు, ఎమ్మెల్యేలు, ఎమ్మెల్సీలు ఇప్పటికే కేసీఆర్‌తో భేటీ అయిన ముఖ్య నేతలు

గురువారం శ్రీ 3 శ్రీ ఏప్రిల్‌ శ్రీ 2025రాయితీపై సాగు యంత్రాల పంపిణీభూపాలపల్లి రూరల్‌: సాంకేతిక అభివృద్ధితో వ్యవసాయ రంగంలో అనేక మార్పులు సంతరించుకున్నాయి. దీంతో సాగులో యంత్ర పరికరాల వినియోగం పెరిగింది. ఇందులో భాగంగా 2006లో అప్పటి ప్రభుత్వం రైతులకు వ్యవసాయ యంత్రాలను సబ్సిడీలో అందజేసే కార్యక్రమానికి శ్రీకారం చుట్టింది. 2018 వరకు కొనసాగిన ఈ కార్యక్రమంలో గత బీఆర్‌ఎస్‌ హయాంలో ఆగిపోయింది. ఈ వ్యవసాయ యాంత్రీకరణ పథకాన్ని ప్రస్తుత కాంగ్రెస్‌ ప్రభుత్వం పునరుద్ధరించి.. మహిళా రైతులకు వ్యవసాయ పరికరాలను రాయితీపై అందించాలని నిర్ణయించింది. ఇప్పటికే 18 రకాల యాంత్రీకరణ పరికరాలు( ట్రాక్టర్‌, రోటోవేటర్‌, స్ప్రెయర్‌, డ్రిప్‌, డ్రోన్‌, తదితరాలు) ఇవ్వాలని నిర్ణయించిన ప్రభుత్వం జిల్లాకు రూ.38.51 లక్షలు నిధులను కేటాయించింది. రానున్న రోజుల్లో 820 వ్యవసాయ యాంత్రీకరణ పరికరాలను ఇవ్వాలని నిర్ణయించింది. వీటన్నింటిని 50 శాతం రాయితీలో మహిళా రైతులకు మాత్రమే అందించాలనే నిబంధన విధించింది. దీంతో అధికారులు గత నెల చివరి వరకు లబ్ధిదారులనుంచి దరఖాస్తులు స్వీకరించారు. ప్రభుత్వ ఆదేశాల మేరకు జిల్లా వ్యవసాయ శాఖ ఆధ్వర్యంలో నియోజకవర్గాల వారీగా పరికరాలు, నిధులను కలెక్టర్‌ రాహుల్‌ శర్మ కేటాయించారు. మండలాల వారీగా మహిళా రైతులను ఎంపిక చేయనున్నారు.

బుధవారం శ్రీ 2 శ్రీ ఏప్రిల్‌ శ్రీ 2025● చట్టంపై పట్టుకోసం న్యాయ విద్య.. ● విప్లవ ప్రజాపోరాటాల చరిత్ర అక్షరీకరణ ● పలు విప్లవ పత్రికలకు సంపాదకత్వం దేవరుప్పుల: ప్రజా చైతన్యానికి ఊపిరిలూదిన జనగామ జిల్లా కడవెండిలో పుట్టిన గుమ్ముడవెల్లి రేణుక అదే పోరాట పంథాను ఎంచుకుని అడవిబాట పట్టింది. చిన్నతనంలోనే వివాహం, తదితర ఘటనలు ఆమెను తీవ్రంగా కలిచివేశాయి. ఈనేపథ్యంలో చట్టంపై అవగాహన కోసం న్యాయ విద్యను అభ్యసించింది. ఆమె సోదరుడు ప్రసాద్‌ అలియాస్‌ ఉసెండి దండకారణ్యంలో పనిచేసేవాడు. ఈక్రమంలో పోలీసుల అత్యంత నిర్బంధాలను చవిచూసిన తండ్రి సోమయ్య.. కూతురు రేణుకకు యుక్త వయసు రాగానే ఉన్నత చదువులకు అవకాశం ఇవ్వకుండా ఓ వ్యక్తితో వివాహం చేశారు. దీంతో వారి దాంపత్య జీవితంలో పురుషాధిక్యత వంటి అంశాలతో కలహాలు వచ్చాయి. అనివార్యంగా విడాకులు తీసుకోవాల్సి వచ్చింది. యుక్తవయస్సు రాగానే తన ఆలోచనలకు విరుద్ధంగా పితృస్వామ్య వ్యవస్థలో నిర్ణయాలు, అజమాయిషీపై ఆమె తీవ్రంగా ఆ లోచించింది. ఈనేపథ్యంలోనే ఓయూలో దూరవిద్యలో డిగ్రీ చేసి చట్టంపై పట్టు కోసం తిరుపతి పద్మావతి విశ్వవిద్యాలయంలో ఎల్‌ఎల్‌బీ చదివింది. ఎల్‌ఎల్‌బీ చదువుతున్న క్రమంలోనే.. రేణుక లా చదువుతున్న సమయంలో అప్పటికే ఉద్యమంలో ఉన్న పద్మక్క, సూర్యం పరిచ య మయ్యారు. దీంతో ఆమె ఆలోచనాత్మక ఉద్యమాన్ని బలోపేతం చేసేందుకు ప్రజాసంఘాల్లో భాగస్వామ్యమవుతూ దండకారణ్యం బాట పట్టింది. వరుస ఎన్‌కౌంటర్లు, నిర్బంధ పరిస్థితుల్లో మావోయిస్టు పార్టీ నిర్ణయంతో ఒడిశా, ఛత్తీస్‌గఢ్‌లో ప్రజాక్షేత్రంలో చోటుచేసుకున్న అనేక కీలక ఘటనలు, ఘ ట్టాలపై విశ్లేషణాత్మక అధ్యయనాలు చేసి పార్టీకి మా ర్గదర్శకాలు చేసింది. అజ్ఞాత జీవితాన్ని ఎదుర్కొంటూనే విప్లవ ప్రజాపోరాటాల చరిత్రను అక్షరీకరించింది. నక్సల్స్‌ తరఫున ప్రభాత్‌, మహిళా మార్గం, అవామి జంగ్‌, పీపుల్స్‌ మార్చ్‌, పోటియారో ఫోల్లో, సంఘర్షణ్‌, భూమ్కల్‌ సందేశ్‌, పితురీ వంటి విప్లవ పత్రికలకు సంపాదకత్వం వహించింది. తొలుత భాషాధార(బీడీ) ప్రాంతంలో పని చేసే క్రమంలో బీడీ దమయంతి పేరుతో రచనలు చేసింది.కడవెండి పడమటి తోట.. నక్సల్స్‌ ఉద్యమానికి బాట కడవెండికి చేరిన రేణుక మృతదేహం– వివరాలు 8లోu

భూపాలపల్లి అర్బన్‌: గడిచిన 2024–25 ఆర్థిక సంవత్సరంలో భూపాలపల్లి ఏరియా కాకతీయ గనుల్లో సింగరేణి యాజమాన్యం నిర్ధేశించిన ఉత్పత్తి లక్ష్యాన్ని సాధించకుండా వెనుకంజలో ఉంది. 49.60లక్షల టన్నుల బొగ్గు ఉత్పత్తి లక్ష్యానికి గాను 37.02లక్షల టన్నుల బొగ్గు ఉత్పత్తిచేసి 75శాతంలో నిలిచింది. 2025–26 ఆర్థిక సంవత్సరానికి గాను 46.54 లక్షల ఉత్పత్తి లక్ష్యం సింగరేణి యాజమాన్యం విధించారు. గతేడాది కంటే సుమారు 3లక్షల టన్నుల టార్గెట్‌ను తగ్గించారు. భూపాలపల్లి ఏరియాలో నాలుగు భూగర్భ గనులు, రెండు ఓపెన్‌కాస్టు గనులు ఉన్నాయి. ఈ ఏడాది మిగిలిన 12,57,708 లక్షల బొగ్గు ఉత్పత్తిని వెలికితీయలేకపోయారు. ఈ మేరకు ఇప్పటినుంచి నిర్ధేశించిన ఉత్పత్తిని సాధించేందుకు అధికారులు ఏరియాలోని ప్రతి గనికి నెలలు, రోజు వారీగా విభజించి కేటాయించారు. వెలికితీసిన బొగ్గు ఉత్పత్తిలో 33.66లక్షల టన్నుల బొగ్గును రవాణ చేశారు. లక్ష్యానికి దూరంగా ఓసీ–3 భూపాలపల్లి ఏరియాలో నాలుగు భూగర్భ గనులకు 9.60లక్షలు, రెండు ఓపెన్‌కాస్టులకు 40 లక్షల టన్నుల బొగ్గు ఉత్పత్తి లక్ష్యాన్ని కేటాయించారు. వాటిలో భూగర్భ గనుల నుంచి 6,93,013, ఓపెన్‌కాస్ట్‌ 2–ప్రాజెక్ట్‌లో 15లక్షల టన్నుల టార్గెట్‌గాను 14,67,133, ఓసీ–3లో 25లక్షల టన్నులకు కేవలం 15,42,146 టన్నులు మాత్రమే సాధించి 62శాతంలో నిలిచింది. ఓపెన్‌కాస్టుల ద్వారానే తక్కువ సమయంలో ఎక్కువ బొగ్గును వెలికితీయాలనే ఉద్దేశం ఏర్పాటు చేశారు. ఓపెన్‌కాస్టు 3 ప్రాజెక్ట్‌ను ప్రారంభించి నాలుగేళ్లవుతున్నా పూర్తిస్థాయిలో బొగ్గు ఉత్పత్తి చేయడం లేదు. భూగర్భ గనులతో సమానంగా ఓపెన్‌కాస్టులో కూడా ఉత్పత్తి తగ్గడంతో భూపాలపల్లి ఏరియా ఉత్పత్తిలో వెనుకబడింది. కారణాలెన్నో.. భూగర్భ, ఓపెన్‌కాస్టు గనుల్లో ఉత్పత్తి తగ్గడానికి అధికారులు అనేక కారణాలు చూపిస్తున్నారు. భూగర్భ గనుల్లో కార్మికుల గైర్హాజరు శాతం ఎక్కువగా ఉండటం, సర్ఫెస్‌ కార్మికుల సంఖ్య ఎక్కువగా పెరగడం కారణాలు ఉన్నాయి. ఈ ఏడాది ఽఅధికంగా వర్షాలు కురవడంతో ఓపెన్‌కాస్టుల్లో రోజుల తరబడి ఉత్పత్తిని నిలిచిపోయింది. దీంతో ఉత్పత్తిపై తీవ్రమైన ప్రభావం పడింది. ఓపెన్‌కాస్టు 3లో ఓబీ పనులు సక్రమంగా సాగకపోవడం, భూసేకరణ అనుకున్న స్థాయిలో జరగపోవడంతో పనులు నత్తనడకన సాగుతున్నాయి. ఓసీపీ–2లో 182లక్షల క్యూబిక్‌ మీటర్ల మట్టి లక్ష్యానికి గాను 152 లక్షల క్యూబిక్‌ మీటర్ల మట్టిని, ఓసీపీ–3లో 254లక్షల క్యూబిక్‌ మీటర్లకుగాను 127లక్షల క్యూబిక్‌ మీటర్ల మట్టిని మాత్రమే వెలికితీశారు. పూర్తిస్థాయిలో మట్టి వెలికితీతను కూడా చేపట్టకుండా 72శాతంలోనే ఉంది. గడిచిన ఆర్థిక సంవత్సరంలో 75 శాతం బొగ్గు ఉత్పత్తి ఈ ఏడాదికి ఉత్పత్తి లక్ష్యం 46.53లక్షల టన్నుల బొగ్గు నష్టాల్లో భూపాలపల్లి ఏరియాఉత్పత్తి పెంచేందుకు ప్రణాళికలు భూపాలపల్లి ఏరియాలో భూగర్భగనులు, ఓపెన్‌కాస్ట్‌ గనుల్లో ఈ ఆర్థిక సంవత్సరంలో యాజమాన్యం నిర్ధేశించిన ఉత్పత్తి లక్ష్యాలను సాఽధించేందుకు ఇప్పటి నుంచే కావాల్సిన ప్రణాళికలు తయారు చేస్తున్నట్లు ఏరియా సింగరేణి జనరల్‌ మేనేజర్‌ రాజేశ్వర్‌రెడ్డి తెలిపారు. ఏరియాలోని జీఎం కార్యాలయంలో మంగళవారం ఏర్పాటు చేసిన విలేకరుల సమావేశంలో వార్షిక బొగ్గు ఉత్పత్తి వివరాలు వెల్లడించారు. గతేడాదితో పోలిస్తే సుమారు రూ.46కోట్ల నష్టాలను తగ్గించినట్లు చెప్పారు. ఈ సమావేశంలో అధికారులు వెంకటరామిరెడ్డి, జోతి, సురేఖ, రవికుమార్‌, మారుతి. శ్రావణ్‌కుమార్‌పాల్గొన్నారు.

కాళేశ్వరం: కాళేశ్వరంలోని శ్రీకాళేశ్వర ముక్తీశ్వరస్వామి ఆలయ అనుబంధ దేవాలయం శ్రీసుబ్రహ్మణ్యస్వామి ఆలయంలో కాలసర్ప నివారణ, శని పూజలకు భక్తుల రద్దీ నెలకొంది. మంగళవారం ముందుగా త్రివేణి సంగమ గోదావరిలో భక్తులు పుణ్యస్నానాలు చేసి స్వామివారి ఆలయంలో సామూహికంగా పూజలు నిర్వహించారు. కొంతమంది భక్తులు నవగ్రహాల వద్ద శనిపూజలు నిర్వహించారు. అనంతరం స్వామివారి గర్భగుడిలో అభిషేక పూజలు చేశారు. శ్రీశుభానందదేవి అమ్మవారి ఆలయంలో పూజలు చేశారు. దీంతో ఆలయ పరిసరాలు, గోదావరి తీరం వద్ద భక్తులతో సందడి వాతావరణం కనిపించింది.

జిల్లాలో ఉదయం వాతావరణం ఆహ్లాదకరంగా ఉంటుంది. మధ్యాహ్నం ఎండతో పాటు ఉక్కపోతగా ఉంటుంది. రాత్రివేళ కాస్త మంచు కురుస్తుంది.క్షేత్రస్థాయి పరిస్థితులపై విశ్లేషణాత్మకంగా..– 8లోu1994లో తాను ఎదుర్కొన్న సంఘర్షణను బట్టి ‘మహిళలపై హింస–మండుటెండు గాయాలు’ రచన చేసింది. పత్రికల్లో బీడీ దమయంతి పేరిట సల్వాజుడుం విధ్వంసం తీరుపై ‘పచ్చని బతుకుల్లో కురుస్తున్న నిప్పులు’, ఆదివాసీ భూపోరాటాల విజయపథంలో ‘విముక్తి బాటలో నారాయణఖేడ్‌’, భూఆక్రమణలు చేపడుతూ వడ్డీ వ్యాపారుల ఆగడాలు, ఆదివాసీ, దళితుల మధ్య పాలకుల చిచ్చు అంశాలపై మీడియా రూపంలో క్షేత్ర స్థాయిలో విశ్లేషణాత్మక అధ్యయనాలు చేసి మావోయిస్టు అగ్రనేత రామకృష్ణతో పర్యటన చేసింది. సింగన్‌ మడుగు ఆపరేషన్‌ గ్రీన్‌ హంట్‌ పేరిట అడవిలో ఆరు ఊర్లను తగులబెట్టిన నేపథ్యంపై ఆమె చేసిన రచనలు తుపాకీ తూటాల కంటే రెట్టింపులో పేలి ప్రజాచైతన్యానికి ఊపిరిలూదినట్లు చెబుతుంటారు. యుక్త వయసులో ఓ ఇంటి ఆవిడగా సంఘర్షణ పడి సమ సమాజ స్థాపన కోసం అడవిబాట పట్టిన ఉద్యమ కెరటం రేణుక ప్రస్థానం దంతెవాడ ఎన్‌కౌంటర్‌తో ముగిసినా మెట్లమీద మిడ్కో(మిణుగురు పువ్వు) పేరిట ఆమె రచనలు, సాహిత్యం ఎప్పటికీ గుర్తుండిపోతుందని సాహిత్యాభిమానులు అంటున్నారు.

కాటారం: కేంద్ర ప్రభుత్వం అమల్లోకి తీసుకొచ్చిన టోల్‌చార్జీల సవరణతో టోల్‌ చార్టీల పెంపు మంగళవారం నుంచి అమలులోకి వచ్చింది. 353(సీ) జాతీయ రహదారిపై కాటారం మండలం మేడిపల్లి వద్ద నిర్వహిస్తున్న టోల్‌గేట్‌లో పలు వాహనాలకు సంబంధించిన టోల్‌చార్జీలు రూ.5నుంచి రూ.20 మధ్య పెరిగినట్లు టోల్‌గేట్‌ సూపర్‌వైజర్‌ మునీర్‌ తెలిపారు. కారు, జీప్‌లకు రిటర్న్‌ జర్నీకి సంబంధించి ఫాస్ట్‌గా హోల్డర్స్‌కు రూ.15 చార్జ్‌ చేస్తుండగా ప్రస్తుతం రూ.20కి నాన్‌ ఫాస్టాగ్‌ హోల్డర్స్‌కు రిటర్న్‌ జర్నీకి రూ.30 ఉండగా రూ.35కి పెరిగింది. మిగితా వాహనాల సైజ్‌ను బట్టి రూ.5నుంచి రూ.20 పెరిగినట్లు సూపర్‌వైజర్‌ పేర్కొన్నారు. పెరిగిన టోల్‌చార్జీలు వచ్చే ఏడాది మార్చి 31 వరకు అమల్లో ఉండనున్నాయి.

కాళేశ్వరం: ఎండల తీవ్రత పెరుగుతుండడంతో అటవీశాఖ అధికారులు మూగజీవాల దాహార్తి తీర్చేందుక సోలార్‌ పంపులు సిద్ధం చేస్తున్నారు. ఎండలు మండిపోతుండడంతో చెరువులు, కుంటల్లో నీరు వట్టిపోతున్న విషయం తెలిసిందే. మంగళవారం మహదేవపూర్‌ రేంజ్‌ పరిధిలోని కాళేశ్వరం తదితర అటవీ ప్రాంతాల్లో సోలార్‌ పంపుసెట్‌లు ఏర్పాటు చేశారు. సోలార్‌ పంపుల ద్వారా చెరువులు, కుంటల్లో నీటిని నింపుతున్నారు. అడవుల్లో ఉన్న మూగ జీవాలకు నీటి కోసం 24 గంటల పాటు మోటార్‌ ఆన్‌చేసి ఉంచడంతో నీరు కుంటలు, చెరువుల్లో నిండి మూగ జీవాల దాహార్తి తీరనుంది. మహదేవపూర్‌, కాళేశ్వరం–2, నస్తూర్‌పల్లి, బొమ్మాపూర్‌, కుదురుపల్లి ఆరు చోట్ల సోలార్‌ సెట్‌ పంపులు ఉన్నాయి. కొన్ని రిపేర్లు ఉండగా మరమ్మతులు చేసి ఉపయోగంలోకి తీసుకు వస్తున్నట్లు రేంజర్‌ రవి తెలిపారు. జంతు ప్రేమికులు అటవీ శాఖ అధికారులకు అభినందనలు చెబుతున్నారు.

ప్రాథమిక చికిత్స ● వడదెబ్బ తగిలిన వ్యక్తిని వెంటనే నీడకు తీసుకెళ్లాలి. చల్లని నీరు, ఐస్‌తో తుడవాలి. వదులుగా ఉన్న నూలు దుస్తులు వేయాలి. ● ఫ్యాను గాలి లేదా చల్లని గాలి తగిలేలా ఉంచాలి. ● ఉప్పు కలిపిన మజ్జిగ, కొబ్బరిబొండాం లేదా చిటికెడు ఉప్పు, చక్కెర కలిపిన నిమ్మరసం, గ్లూకోజ్‌ ద్రావణం లేదా ఓరల్‌ రీ హైడ్రేషన్‌ ద్రావణం (ఓఆర్‌ఎస్‌) తాగించవచ్చు. వడదెబ్బ తగిలి అపస్మారక స్థితిలో ఉన్న వారిని సమీపంలోని ఆస్పత్రికి తరలించాలి. చేయకూడని పనులు ● మండు వేసవిలో తీవ్ర ఉష్ణోగ్రత సమయంలో బయట ఎక్కువగా తిరగొద్దు. ● రోడ్లపై విక్రయించే చల్లని రంగు పానీయాలు తాగవద్దు. ● ఇంట్లో వండుకున్న ఆహారం మాత్రమే తినడం మంచిది. ● మాంసాహారం తగ్గించి తాజా కూరగాయలను ఎక్కువగా తీసుకోవాలి. ● వేసవిలో ఆకలి తక్కువగానూ దాహం ఎక్కువగానూ ఉంటుంది. నీరు, మజ్జిగ, కొబ్బరి నీరు తీసుకోవాలి.అత్యధికంగా నమోదవుతున్న పగటి ఉష్ణోగ్రతలు ● సోమవారం 40 డిగ్రీలు.. ● ప్రజల ప్రాణాలకు పొంచి ఉన్న ముప్పు ● ముందస్తు జాగ్రత్తలతో ఉపశమనంవేసవికాలం అంటే ఎండ తీవ్రత కాస్త ఎక్కువగా ఉండటం సాధారణం. కానీ, ఏకంగా 40 డిగ్రీల సెల్సియస్‌ ఉష్ణోగ్రత నమోదవుతుండటంతో జనం ఉక్కిరిబిక్కిరి అవుతున్నారు. తెల్లవారడమే ఆలస్యం అన్నట్లుగా ఉదయం నుంచే సూర్య ప్రతాపం ప్రారంభం అవుతుండడంతో జనం ఇంటి నుంచి బయటకు రాలేని పరిస్థితి నెలకొంటుంది. ఏప్రిల్‌ ప్రారంభంలోనే ఇలా ఉంటే ఈనెల చివరి వరకు, మేలో ఎండల ప్రభావం ఇంకెలా ఉంటుందోనని ప్రజలు ఆందోళన చెందుతున్నారు. – భూపాలపల్లి అర్బన్‌వడదెబ్బ లక్షణాలు వడదెబ్బ తాకిన వారి కాళ్లు వాపులు వస్తాయి. కళ్లు తిరగడం, శరీర కండరాలు పట్టుకోవడం, తీవ్రమైన జ్వరం వంటి లక్షణాలు కనిపిస్తాయి. అధిక చెమట పట్టడం, తలతిరిగి పడిపోవడం వంటివి జరిగితే వెంటనే సమీపంలోని ఆస్పత్రికి తరలించి సత్వర వైద్యం అందించాలి.జిల్లాలో భానుడు భగ్గుమంటుండడంతో జనం బెంబేలెత్తుతున్నారు. ఉదయం 9గంటలకే ఎండ తీవ్రత పెరుగుతోంది. ఇప్పుడే 40 డిగ్రీల వరకు ఉష్ణోగ్రత నమోదవుతుంది. ఈనెల చివరి, మే మాసంలో ఉష్ణోగ్రతలు మరింతగా పెరిగే అవకాశం ఉండడంతో ఏమాత్రం నిర్లక్ష్యం ప్రదర్శించినా వడదెబ్బ తగిలే ప్రమాదం ఉంది. జిల్లాలో రోజురోజుకూ పెరుగుతున్న ఎండల తీవ్రత నేపథ్యంలో ప్రజలు ఆరోగ్యం విషయంలో తగిన జాగ్రత్తలు తీసుకోవాలని వైద్యులు సూచిస్తున్నారు.తేలికపాటి ఆహారం ఉత్తమం నూనె పదార్థాలు, వేపుళ్లు, చిప్స్‌, జంక్‌ ఫుడ్‌ వంటి వాటి జోలికి వెళ్లకపోవడం ఉత్తమం, తేలికపాటి ఆహారం ఆరోగ్యానికి మేలు చేస్తుంది. ముఖ్యంగా బయటి ఆహార పదార్థాలకు దూరంగా ఉండాలి. బాగా చల్లగా ఉన్న నీరు తాగడం వల్ల తిన్న ఆహార పదార్థాలు జీర్ణం కావడానికి ఎక్కువ సమయం పడుతుంది. కూల్‌డ్రింక్స్‌కు పిల్లలను దూరంగా ఉండాలి.

బీఆర్‌ఎస్‌ ఆధ్వర్యంలో ఈ నెల 27న హనుమకొండ జిల్లా ఎల్కతుర్తిలో నిర్వహించతలపెట్టిన పార్టీ రజతోత్సవ మహాసభ ఏర్పాట్లపై మంగళవారం పార్టీ అధినేత కేసీఆర్‌తో ఎర్రవెల్లిలోని తన నివాసంలో ఉమ్మడి జిల్లా నేతలు సమావేశమయ్యారు. సమావేశంలో మండలి డిప్యూటీ చైర్మన్‌ బండా ప్రకాశ్‌, ఎమ్మెల్సీలు మధుసూదనాచారి, తక్కళ్లపల్లి రవీందర్‌రావు, పోచంపల్లి శ్రీనివాస్‌రెడ్డి, ఎమ్మెల్యే పల్లా రాజేశ్వర్‌రెడ్డి, మాజీ మంత్రులు ఎర్రబెల్లి దయాకర్‌రావు, తాటికొండ రాజయ్య, సత్యవతి రాథోడ్‌, మాజీ ఎంపీ మాలోత్‌ కవిత, మాజీ ఎమ్మెల్యేలు పెద్ది సుదర్శన్‌రెడ్డి, దాస్యం వినయ్‌భాస్కర్‌, చల్లా ధర్మారెడ్డి, రెడ్యానాయక్‌, శంకర్‌ నాయక్‌, గండ్ర వెంకట రమణారెడ్డి, నన్నపునేని నరేందర్‌, నాయకులు లక్ష్మణ్‌రావు, గండ్ర జ్యోతి, నాగజ్యోతి పాల్గొన్నారు.

భూపాలపల్లి రూరల్‌: ప్రజా ప్రభుత్వంలో పేదలందరికీ సన్నబియ్యం అందిస్తున్నట్లు భూపాలపల్లి ఎమ్మెల్యే గండ్ర సత్యనారాయణరావు తెలిపారు. భూపాలపల్లి మండలం మోరంచపల్లి, గణపురం మండల కేంద్రంలో మంగళవారం ఎమ్మెల్యే సత్యనారాయణరావు సన్నబియ్యం పంపిణీ కార్యక్రమాన్ని ప్రారంభించారు. ఈ సందర్భంగా ఎమ్మెల్యే మాట్లాడుతూ పేదలు సన్నబియ్యం తినేలా చేయాలనే సంకల్పంతోనే సన్నబియ్యం పథకాన్ని ప్రారంభించామని చెప్పారు. అనంతరం గణపురంలో సీఎం రిలీఫ్‌ ఫండ్‌ చెక్కులు పంపిణీ చేశారు. ఈ కార్యక్రమంలో ఎమ్మెల్యే వెంట జిల్లా పౌర సరఫరాల డీఎం రాములు, సివిల్‌ సప్లయ్‌ అధికారి శ్రీనాథ్‌, భూపాలపల్లి, గణపురం మండ ల కాంగ్రెస్‌ నాయకులు, అధికారులు పాల్గొన్నారు.ఎమ్మెల్యే గండ్ర సత్యనారాయణరావు

భూపాలపల్లి అర్బన్‌: జిల్లాకేంద్రం బాంబులగడ్డ సమీపంలోని ఈద్గాలో సోమవారం జరిగిన రంజాన్‌ వేడుకలకు ఎమ్మెల్యే గండ్ర సత్యనారాయణరావు, ఎమ్మెల్సీ మధుసూదనాచారి, మాజీ ఎమ్మెల్యే గండ్ర వెంకటరమణారెడ్డి హాజరయ్యారు. ముస్లింలతో పాటు వివిధ రాజకీయ పార్టీల నాయకులు ఆసక్తిగా గమనించారు. ఎమ్మెల్యే గండ్ర సత్యనారాయణరావు, ఎమ్మెల్సీ సిరికొండ మధుసూదనాచారి కరచాలనం చేసుకొని పలకరించుకున్నారు. చివరికి వచ్చిన గండ్ర వెంకటరమణరెడ్డి ఎవరినీ పలకరించకుండా నేరుగా నమాజ్‌ వద్దకు వెళ్లారు. ముగ్గురు నాయకులు సుమారు అరగంటకు పైగా పక్కపక్కన కూర్చుని ప్రార్థనల్లో పాల్గొని ప్రసంగించారు. గ్రూప్‌–1 ర్యాంకర్‌కు ఏఎస్పీ సన్మానంఏటూరునాగారం: మండల కేంద్రంలోని మానసపల్లికి చెందిన దైనంపల్లి ప్రవీణ్‌కుమార్‌ ఇటీవల ప్రభుత్వం విడుదల చేసిన గ్రూప్‌–1 ఫలితాల్లో 105వ ర్యాంకు సాధించాడు. ఈ విషయం తెలుసుకున్న ఏఎస్పీ శివం ఉపాధ్యాయ తన కార్యాలయంలో సోమవారం ప్రవీణ్‌ను ఘనంగా సన్మానించారు. ఉన్నత పదవుల్లో చేరి ప్రజలకు మెరుగైన సేవలు అందించాలని సూచించారు. ప్రవీణ్‌ చిన్నతనంలోనే తల్లిదండ్రులను కోల్పోయినా.. కష్టపడి చదివి మంచి ర్యాంకు సాధించారు. చదువుకు పేదరికం అడ్డు కాదని పట్టుదల ఉంటే ఏదైనా సాధించవచ్చని ప్రవీణ్‌కుమార్‌ నిరూపించాడని గ్రామస్తులు, ప్రజలు అభినందించారు. భద్రకాళి అమ్మవారికి పుష్పార్చన హన్మకొండ కల్చరల్‌: వసంత నవరాత్ర ఉత్సవాల్లో భద్రకాళి దేవాలయంలో సోమవారం అమ్మవారికి పుష్పార్చన చేశారు. ఉదయం అర్చకుడు భద్రకాళి శేషు ఆధ్వర్యంలో అమ్మవారికి నిర్మాల్యసేవలు, నిత్యాహ్నికం నిర్వహించారు. అనంతరం వేదపండితులు, వేదపాఠశాల విద్యార్థులు తెల్లచామంతి పూలకు సంప్రోక్షణ చేసి అమ్మవారికి లక్షపుష్పార్చన నిర్వహించారు. దేవాదాయ ధర్మాదాయశాఖ సూపరింటెండెంట్‌ ఇంజనీర్‌ కె.దుర్గాప్రసాద్‌, డీఈ ఈ సీహెచ్‌ రమేశ్‌బాబు, ఏఈ వీరచందర్‌ అమ్మవారిని దర్శించుకున్నారు. ఈఓ శేషుభారతి, దేవాలయ సిబ్బంది పర్యవేక్షించారు. వేయిస్తంభాల దేవాలయంలో సీతారాములకు పూజలు హన్మకొండ కల్చరల్‌: శ్రీరామనవమి నవరాత్రి ఉత్సవాల్లో భాగంగా రుద్రేశ్వరస్వామి వారి వేయిస్తంభాల దేవాలయంలో సోమవారం రెండోరోజూ సీతారాములకు ప్రత్యేక పూజలు చేశారు. ఆలయ ప్రధానార్చకుడు గంగు ఉపేంద్రశర్మ ఆధ్వర్యంలో శ్రీరుద్రేశ్వరుడికి రుద్రాభిషేకం, 121 మంది దంపతులు సామూహిక రుద్రాభిషేకాలు నిర్వహించారు. తెలుగు సంవత్సరాది ప్రారంభం, శివ ప్రీతికరమైన సోమవారం కావడంతో అధికసంఖ్యలో భక్తులు దేవాలయాన్ని సందర్శించారు. కృష్ణయజుర్వేద పండితుడు గుదిమెల్ల విజయకుమారాచార్యులు ఆధ్వర్యంలో సీతారాముల ఉత్సవ మూర్తులను ప్రతిష్ఠించి అనుష్టాన పూజలు, యాగశాలలో మహా సుదర్శనహోమం జరిపారు. కార్యక్రమాలను ఆలయ ఈఓ అనిల్‌కుమార్‌, సిబ్బంది పర్యవేక్షించారు.

ఎస్‌ఎస్‌ తాడ్వాయి: మేడారం సమ్మక్క–సారలమ్మలను నిజామాబాద్‌ సెంట్రల్‌ జైలు ఎస్పీ కూన ఆనందరావు, రాష్ట్ర సెక్రటేరియట్‌ చీఫ్‌ సెక్యూరిటీ ఆఫీసర్‌ పుట్ట దేవిదాస్‌ కుటుంబ సమేతంగా సోమవారం దర్శించుకున్నారు. వనదేవతలకు ఎత్తు బంగారం సమర్పించారు. గోవిందరాజు, పగిడిద్దరాజులను దర్శించుకున్నారు. ఆలయ సంప్రదాయం ప్రకారం సమ్మక్క పూజారి సిద్ధబోయిన స్వామి, రమేష్‌లు డోలు వాయిద్యాలతో వారికి ఘన స్వాగతం పలికారు. ఈ సందర్భంగా వారిని అమ్మవార్ల పట్టువస్త్రాలతో సన్మానించి ప్రసాదం అందజేశారు. వారి వెంట నాయకపోడు సంఘం రాష్ట్ర నాయకుడు కూన శివరాం, ఎస్‌ఎస్‌ తాడ్వాయి మండల అధ్యక్షుడు గుండ్ల రాజు, మండల యూత్‌ అధ్యక్షుడు కోడి సతీష్‌ పాల్గొన్నారు.

భూపాలపల్లి: రాజీవ్‌ యువ వికాసం పథకంపై విస్తృత ప్రచారం నిర్వహించి ఎక్కువమంది దరఖాస్తు చేసుకునేలా చూడాలని అదనపు కలెక్టర్‌ అశోక్‌కుమార్‌ సూచించారు. సోమవారం సాయంత్రం హైదరాబాద్‌లోని ప్రజా భవన్‌ నుంచి డిప్యూటీ సీఎం భట్టి విక్రమార్క అన్ని జిల్లాల కలెక్టర్లతో వీడియో కాన్ఫరెన్స్‌ నిర్వహించారు. ఈ కాన్ఫరెన్స్‌కు ఐడీఓసీ నుంచి అదనపు కలెక్టర్‌ పాల్గొన్నారు. సమావేశం అనంతరం జిల్లా అధికారులతో సమావేశం నిర్వహించారు. ఈ సందర్భంగా అదనపు కలెక్టర్‌ మాట్లాడుతూ.. పథకంపై మండల, మున్సిపల్‌ స్థాయిలో టామ్‌ టామ్‌ ద్వారా ప్రచారం నిర్వహించాలన్నారు. జిల్లాలో రాజీవ్‌ యువ వికాసం పథకానికి వచ్చిన దరఖాస్తుల వివరాలను పకడ్బందీగా నమోదు చేయాలన్నారు. ఈ సమావేశంలో డీఆర్‌డీఓ నరేష్‌, ఎస్సీ కార్పొరేషన్‌ ఈడీ వెంకటేశ్వర్లు, పరిశ్రమల శాఖ జీఎం సిద్ధార్థ తదితరులు పాల్గొన్నారు.అదనపు కలెక్టర్‌ అశోక్‌కుమార్‌

భూపాలపల్లి అర్బన్‌: భూపాలపల్లి ఏరియా ఇంజనీర్‌ పి.రామకృష్ణారెడ్డి సోమవారం ఉద్యోగ విరమణ పొందగా ఏరియా అధికారులు ఘనంగా సన్మానించారు. జీఎం కార్యాలయంలో ఏర్పాటు చేసిన సన్మాన కార్యక్రమానికి ఏరియా జీఎం రాజేశ్వర్‌రెడ్డి ముఖ్య అతిథిగా హాజరయ్యారు. ఈ సందర్భంగా రామకృష్ణారెడ్డిని ఘనంగా సన్మానించి జ్ఞాపికలను అందజేశారు. సేవలను కొనియాడారు. ఈ కార్యక్రమంలో అధికారులు వెంకటరామిరెడ్డి, వెంకటరమణ, భిక్షమయ్య, రవికుమార్‌, ప్రసాద్‌, మారుతి పాల్గొన్నారు. 8వ గనిలో.. ఏరియాలోని కేటీకే 8వ గనిలో విధులు నిర్వరిస్తూ ఉద్యోగ విరమణ పొందిన ఆరెల్లి లాలయ్యను గని మేనేజర్‌ భానుప్రసాద్‌, గని అధికారులు, కార్మికులు ఘనంగా సన్మానించారు. బొగ్గు ఉత్పత్తికి లాలయ్య చేసిన కృషి మరువలేనిదన్నారు. ఆయనను ఆదర్శంగా తీసుకొని కార్మికులు పని చేయాలని భానుప్రసాద్‌ సూచించారు. ఈ కార్యక్రమంలో వెల్ఫేర్‌ అధికారి సాయికృష్ణ, కార్మిక సంఘాల నాయకులు శంకర్‌, సమ్మయ్య, విజేందర్‌, రాజేష్‌ పాల్గొన్నారు.

భూపాలపల్లి రూరల్‌: రాష్ట్రంలోని ప్రతి నిరుపేద కుటుంబం కడుపు నిండా భోజనం చేయడం లక్ష్యంగా ప్రభుత్వం సన్న బియ్యం పథకాన్ని ప్రారంభించిందని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌ బాబు అన్నారు. జిల్లాకేంద్రంలోని రాంనగర్‌ కాలనీ చౌకధరల దుకాణంలో ఎమ్మెల్యే గండ్ర సత్యనారాయణ రావు, ట్రేడ్‌ ప్రమోషన్‌ కార్పొరేషన్‌ చైర్మన్‌ ఐత ప్రకాశ్‌రెడ్డితో కలిసి సోమవారం సన్నబియ్యం పంపిణీ కార్యక్రమాన్ని ప్రారంభించి లబ్ధిదారులకు పంపిణీ చేశారు. ఈ సందర్భంగా ఏర్పాటు చేసిన సమావేశంలో మంత్రి శ్రీధర్‌ బాబు మాట్లాడారు. బీఆర్‌ఎస్‌ ప్రభుత్వం రాష్ట్ర ఆర్థిక వ్యవస్థను విచ్ఛిన్నం చేసినప్పటికీ కాంగ్రెస్‌ ప్రభుత్వం ఆర్థిక వ్యవస్థను సరిచేసుకుంటూ హామీలను నెరవేరుస్తున్నట్లు చెప్పారు. గతంలో రేషన్‌ బియ్యం పంపిణీలో మాఫియాలు ఉండేవని ఇప్పుడు వాటిని శాశ్వతంగా నిర్మూలించామని తెలిపారు. గత పది సంవత్సరాలలో రేషన్‌ కార్డులు ఇవ్వలేదని, ఇప్పుడు అర్హులైన ప్రతి ఒక్కరికీ రేషన్‌ కార్డులు జారీ చేస్తున్నట్లు పేర్కొన్నారు. ఎమ్మెల్యే గండ్ర సత్యనారాయణ రావు మాట్లాడుతూ.. సన్నబియ్యం పంపిణీతో నిరుపేదలకు ఉపయోగం కలుగుతుందన్నారు. నియోజకవర్గానికి కావాల్సిన పనులు, నిధులు మంజూరు చేయించాలని మంత్రిని ఎమ్మెల్యే కోరారు. ఈ కార్యక్రమంలో అదనపు కలెక్టర్‌ అశోక్‌ కుమార్‌, డీఎస్‌ఓ రాములు, ఆర్డీఓ రవి, తహసీల్దార్‌ శ్రీనివాసులు, మాజీ కౌన్సిలర్లు దాట్ల శ్రీని వాస్‌, ముంజాల రవీందర్‌, టీపీసీసీ సభ్యుడు మ ధు, పిప్పాల రాజేందర్‌ పాల్గొన్నారు. యువతకు ప్రోత్సాహం రాజీవ్‌ యువ వికాసం పథకం ద్వారా ప్రభుత్వం యువతను ప్రోత్సహిస్తున్నట్లు ఐటీ శాఖ మంత్రి దుద్దిళ్ల శ్రీధర్‌బాబు అన్నారు. భూపాలపల్లి పట్టణంలోని ఎమ్మెల్యే క్యాంపు కార్యాలయంలో ఎమ్మెల్యే గండ్ర సత్యనారాయణరావు, ట్రేడ్‌ ప్రమోషన్‌ కార్పొరేషన్‌ చైర్మన్‌ ఐత ప్రకాశ్‌రెడ్డితో కలిసి ఏర్పాటు చేసిన విలేకరుల సమావేశంలో మంత్రి మాట్లాడారు. పదేళ్లుగా ఉద్యోగాలు భర్తీ చేయకపోవడంతో చాలామంది వయసు దాటిపోయి నిరుద్యోగులుగా మారారన్నారు. నిరుద్యోగులను ఆదుకునేందుకు ప్రభుత్వం రాజీవ్‌ యువవికాసం పథకాన్ని తీసుకొచ్చిందని చెప్పారు. ఈ పథకానికి ప్రతి ఒక్కరు దరఖాస్తు చేసుకోవాలని సూచించారు. కాంగ్రెస్‌ అధికారంలోకి వచ్చిన వెంటనే 57వేలు ఉద్యోగాలు భర్తీ చేశామని స్పష్టం చేశారు. ఈ సమావేశంలో కాంగ్రెస్‌ పార్టీ పట్టణ అధ్యక్షుడు దేవన్‌, టీపీసీసీ సభ్యుడు మధు, మాజీ కౌన్సిలర్లు దాట్ల శ్రీనివాస్‌, ముంజాల రవీందర్‌, నాయకులు పిప్పాల రాజేందర్‌, కురిమిల్ల శ్రీనివాస్‌, అప్పం కిషన్‌ పాల్గొన్నారు.రాష్ట్ర ఐటీ, పరిశ్రమల శాఖ మంత్రి శ్రీధర్‌బాబుఐక్యతకు ప్రతీక రంజాన్‌ కాటారం: హిందూ, ముస్లింల ఐక్యతకు రంజాన్‌ పండగ ప్రతీకగా నిలుస్తుందని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు అన్నారు. రంజాన్‌ పర్వదినాన్ని పురస్కరించుకొని కాటారం మండలకేంద్రంలో నిర్వహించిన వేడుకల్లో మంత్రి శ్రీధర్‌బాబు పాల్గొన్నారు. ఈ సందర్భంగా మంత్రి ముస్లింలకు రంజాన్‌ శుభాకాంక్షలు తెలిపి మాట్లాడారు. ముస్లింలకు రంజాన్‌ చాలా పవిత్రమైన పండగ అన్నారు. నెల రోజుల పాటు ఉపవాసాలు ఉండి ప్రార్థనలు చేసి వారి భక్తిని చాటుకుంటారని పేర్కొన్నారు. ముస్లిం, మైనార్టీల సంక్షేమం, అభివృద్ధి కోసం కాంగ్రెస్‌ ప్రభుత్వం కృషి చేస్తుందన్నారు. ఈ కార్యక్రమంలో కాంగ్రెస్‌ పార్టీ మండల అధ్యక్షుడు వేమునూరి ప్రభాకర్‌రెడ్డి, యూత్‌ కాంగ్రెస్‌ నియోజకవర్గ అధ్యక్షుడు చీమల సందీప్‌, మాజీ ఎంపీపీ పంతకాని సమ్మయ్య, యూత్‌ అధ్యక్షుడు చిటూరి మహేశ్‌గౌడ్‌, మాజీ కోఆప్షన్‌ సభ్యుడు అజీజ్‌, ముస్లిం మతపెద్దలు, యువకులు, కాంగ్రెస్‌ పార్టీ నాయకులు పాల్గొన్నారు.

ఏటూరునాగారం: మండల కేంద్రంలోని రామాలయంలో వచ్చే నెల 6న శ్రీసీతారాముల కల్యాణం ఉండడంతో పచ్చని పందిరి ముహూర్త కార్యక్రమాన్ని ఆలయ అర్చకులు యల్లాప్రగడ నాగేశ్వర్‌రావు శర్మ, ఆలయ చైర్మన్‌ అలువాల శ్రీనివాస్‌ నిర్వహించారు. పాలకర్రకు కుంకుమ, పసుపుతో అలంకరించి కంకణాలు కట్టి కొబ్బరికాయలు కొట్టి కల్యాణ వేడుకల పందిళ్ల ఏర్పాటు కార్యక్రమాన్ని ప్రారంభించారు. ఆలయంలో స్వామివారి కల్యాణ మహోత్సవం తిలకించేందుకు వచ్చే భక్తులకు చలువ పందిళ్లు వేయనున్నట్లు ఆలయ చైర్మన్‌ తెలిపారు. అనంతరం లగ్న పత్రికను రాసి సీతాదేవి, రాములవారి తరఫున కమిటీ సభ్యులు, గ్రామస్తులు నిలబడి లగ్న పత్రికను సంపద్రాయబద్ధంగా స్వీకరించారు. నూతన వస్త్రాలను కప్పుకొని శుభాకాంక్షలు తెలుపుకున్నారు. కల్యాణ మహోత్సవ వేడుకలను ఐదు రోజులపాటు నిర్వహించనున్నట్లు తెలిపారు. ఈ కార్యక్రమంలో గడదాసు శివ, పిట్టల శివ, గార మహేష్‌, తదితరులు పాల్గొన్నారు.

భూపాలపల్లి అర్బన్‌: రంజాన్‌ పండుగ సందర్భంగా ముస్లింలకు కలెక్టర్‌ రాహుల్‌శర్మ ఆదివారం ఒక ప్రకటనలో శుభాకాంక్షలు తెలిపారు. రంజాన్‌ పవిత్రమైన నెలగా త్యాగం, భక్తి, మానవతా విలువల ప్రతీకగా నిలుస్తుందన్నారు. ఉపవాస దీక్ష, ప్రార్థనలు, దానం వంటి ఆచారాలు సామాజిక సమగ్రతను పెంపొందిస్తాయని తెలిపారు. అందరూ కలిసికట్టుగా సమాజంలో శాంతి, ఐకత్యను చాటాలని పిలుపునిచ్చారు. ఈ పండగను ఆనందంగా, సంతోషంగా జరుపుకోవాలని సూచించారు. ధన్వాడలో మంత్రి పూజలు కాటారం: ఉగాది నేపథ్యంలో తన స్వగ్రామం ధన్వాడలోని దత్తాత్రేయ స్వామి ఆలయంలో మంత్రి శ్రీధర్‌బాబు ఆదివారం ప్రత్యేక పూజలు చేశారు. మండల కేంద్రంతో పాటు పలు గ్రామాల్లో ప్రజలు ఆదివారం ఉగాది వేడుకలు ఘనంగా నిర్వహించారు. మండలకేంద్రంలోని ఆంజనేయ స్వామి ఆలయంతో పాటు అయ్యప్ప స్వామి ఆలయాల్లో ప్రత్యేక పూజలు చేశారు. సాయంత్రం ఆలయాల్లో పంచాంగ శ్రవణం నిర్వహించారు. ఈ కార్యక్రమంలో కాంగ్రెస్‌ నియోజకవర్గం యూత్‌ అధ్యక్షుడు చీమల సందీప్‌, కాంగ్రెస్‌ మండల అధ్యక్షుడు వేమునూరి ప్రభాకర్‌రెడ్డి, మాజీ ఎంపీపీ పంతకాని సమ్మయ్య, యూత్‌ అధ్యక్షుడు చిటూరి మహేశ్‌గౌడ్‌, ఆలయాల పురోహితులు పాల్గొన్నారు. సమస్యలపై మంత్రికి వినతి కాటారం: తమ సమస్యలను వెంటనే పరిష్కరించాలని కోరుతూ ఆదివారం రాష్ట్ర ఐటీ, పరిశ్రమలశాఖ మంత్రి శ్రీధర్‌బాబుకు గ్రామ పంచాయతీ కార్యదర్శుల సంఘం నాయకులు వినతిపత్రం సమర్పించారు. అవుట్‌ సోర్సింగ్‌ పంచాయతీ కార్యదర్శులను జేపీఎస్‌గా మార్చి రెగ్యూలర్‌ చేయడంతో పాటు రాష్ట్రంలోని జేపీఎస్‌లుగా ఉన్న వారిని రెగ్యూలర్‌ పంచాయతీ కార్యదర్శులుగా ప్రమోట్‌ చేయాలని మంత్రిని కోరారు. సమస్యల పరిష్కారం కోసం కృషి చేస్తామని మంత్రి హామీ ఇచ్చినట్లు సంఘం నాయకులు తెలిపారు. వినతిపత్రం సమర్పించిన వారిలో సంఘం జిల్లా నాయకులు కరుణాకర్‌, సృజన్‌, వేణు ఉన్నారు. జాతీయ కమిటీ సభ్యుడిగా రాజయ్య భూపాలపల్లి అర్బన్‌: ఆలిండియా కోల్‌ వర్కర్స్‌ ఫెడరేషన్‌(ఏఐసీడబ్ల్యూఎఫ్‌) జాతీయ వర్కింగ్‌ కమిటీ సభ్యుడిగా ఏరియాకు చెందిన కంపేటి రాజయ్య ఎన్నికయ్యారు. ఈ నెల 28నుంచి 30వ తేదీ వరకు జార్ఘండ్‌ రాష్ట్రంలోని రాంచీలో జరిగిన జాతీయ మహాసభల్లో రాజయ్యను జాతీయ కమిటీ సభ్యుడిగా ఎన్నుకున్నారు. కమిటీలో అవకాశం దక్కడం పట్ల రాజయ్య సంతోషం వ్యక్తం చేశారు. రాములోరి కల్యాణానికి రూ.లక్ష విరాళం రేగొండ: మండలంలోని రూపిరెడ్డిపల్లి గ్రామంలోని శ్రీ సీతారామాంజనేయ ఆలయంలో నిర్వహించే సీతారాముల కల్యాణ మహోత్సవ వేడుకలకు గ్రామానికి చెందిన రావుల వనజ అశోక్‌ దంపతులు రూ.1,11,116 విరాళం అందజేశారు. అనంతరం వారు మాట్లాడుతూ.. దైవకార్యానికి తనవంతు సహాయం చేయడం ఎంతో ఆనందంగా ఉందన్నారు. ఈ కార్యక్రమంలో ఆలయ చైర్మన్‌ ముడుతనపల్లి శంకర్‌, కమిటీ సభ్యులు శ్రీనివాస్‌, రవి, శంకర్‌, రాజుకుమార్‌, శ్రీధర్‌, రఘు పాల్గొన్నారు.

కాళేశ్వరం: మహదేవపూర్‌ మండలం కాళేశ్వరంలోని శ్రీకాళేశ్వర ముక్తీశ్వరస్వామి ఆలయంలో శ్రీవిఽశ్వావసు నామసంవత్సరం ఉగాది పర్వదినాన్ని పురస్కరించుకొని వేదపండితులు ‘పంచాంగ శ్రవణం’ భక్తులకు చదివి వినిపించారు. ఆదివారం సాయంత్రం ఆలయం అనివెట్టి మండపంలో ఆలయ ప్రధాన అర్చకుడు త్రిపురారి కృష్ణమూర్తిశర్మ, ఉపప్రధాన అర్చకుడు ఫణీంద్రశర్మ ఆధ్వర్యంలో అర్చకులు సుబ్రహ్మణ్యశర్మ, బైకుంఠపాండాలు పూజా కార్యక్రమాలు నిర్వహించారు. రాశులవారీగా ఆదాయ, వ్యయాలు, రాజ్యపూజ్యం, అవమానాలను వివరించారు. అనంతరం ఉగాది పచ్చడి, ప్రసాదాన్ని భక్తులకు వితరణ చేశారు. స్వామివారి గర్భగుడిలో ప్రత్యేక అభిషేక పూజలు నిర్వహించారు. భక్తులు అధిక సంఖ్యలో పాల్గొన్నారు. ఈ కార్యక్రమంలో దేవస్థానం మాజీ ధర్మకర్తలు కామిడి రాంరెడ్డి, శ్యాం సుందర్‌ దేవుడ, నాయకులు శ్రీనివాసరెడ్డి, మోహన్‌రెడ్డి, ఆలయ సిబ్బంది పాల్గొన్నారు. కవి సమ్మేళనం.. ఉగాది పర్వదినం సందర్భంగా కవులు, రచయితలు కవి సమ్మేళనం నిర్వహించారు. జిల్లాలోని పలు ప్రాంతాలకు చెందిన పలువురు పాల్గొన్నా రు. వారిని దేవదాయశాఖ అధికారులు శాలు వాతో సన్మానించి తీర్థప్రసాదాలు అందజేశారు. సూపరింటెండెంట్‌ శ్రీనివాస్‌, అర్చకులు కృష్ణమూర్తిశర్మ ఉన్నారు. కవులు గడ్డ లక్ష్మయ్య, మా డుగుల భాస్కరశర్మ తదితరులు పాల్గొన్నారు.

మంగపేట:హేమాచలక్షేత్రంలోని స్వయంభు లక్ష్మీనర్సింహస్వామికి ఆలయ పూజారులు ముక్కామల రాజశేఖర్‌శర్మ ప్రత్యేక పూజలు నిర్వహించారు. సాయంత్రం లక్ష్మీనర్సింహస్వామి, ఆదిలక్ష్మి, చెంచులక్ష్మి అమ్మవార్ల ఉత్సవ మూర్తులను పట్టు వస్త్రాలతో అలంకరించి ప్రత్యేక పల్లకీలో ప్రతిష్టించి మంగళవాయిద్యాల నడుమ మల్లూరు గ్రామానికి తీసుకువచ్చారు. భక్తులు దర్శించుకునేందుకు స్వామివారి విశ్రాంతి మండపంపై రాత్రి 8గంటలకు ప్రతిష్టించారు. 9గంటలకు పూజారులు పంచాంగ శ్రవణం నిర్వహించారు. గ్రామంలోకి పల్లకీపై వచ్చిన ఉత్స వ మూర్తులసేవకు గ్రామస్తులు, భక్తులు ఎదురేగి బిందెలతో నీళ్లుబోసి స్వాగతం పలికారు. అనంతరం దేవాతామూర్తులను పురవీధుల్లో ఊరేగించా రు. ఈ కార్యక్రమంలో ఆలయ సీనియర్‌ అసిస్టెంట్‌ సీతారాములు, సిబ్బంది శేషు, నూతులకంటి అజయ్‌, సెగ్గెం పుల్లయ్య గ్రామస్తులు పాల్గొన్నారు. వ్యవసాయ అధికారులకు ఫోన్‌ నంబర్లుములుగు: జిల్లాలోని ఆయా మండలాల వ్యవసాయ అధికారులకు ప్రభుత్వం ప్రత్యేక ఫోన్‌ నంబర్లు కేటాయించింది. ఇకపై సదరు మండలాల రైతులు అధికారులతో మాట్లాడేందుకు సంబంధిత నంబర్లను సంప్రదించాలని జిల్లా వ్యవసాయ అధికారి సురేష్‌ తెలిపారు. రేపటి నుంచి అధికారులు ఆయా నంబర్లలో అందుబాటులో ఉంటారని వివరించారు.

భూపాలపల్లి రూరల్‌: కవులు, కళాకారులు తమ నైపుణ్యంతో ప్రజలను చైతన్యం చేయాలని ఎమ్మెల్యే గండ్ర సత్యనారాయణరావు అన్నారు. శ్రీ విశ్వావసు నామ సంవత్సర ఉగాది పర్వదినాన్ని పురష్కరించుకొని ఆదివారం జిల్లా కేంద్రంలోని పుష్పగార్డెన్‌లో వివేకనంద సేవా సమితి వ్యవస్థాపకుడు కొల్గూరి సంజీవరావు అధ్వర్యంలో కవి సమ్మేళనం నిర్వహించారు. ఈ కార్యక్రమానికి ఎమ్మెల్యే హాజరై కవులు, కళాకారులను పురస్కారాలతో సత్కరించారు. కవి సమ్మేళనం కార్యక్రమాలు భవిష్యత్‌లోనూ చేయాలని కోరారు. ఈ కార్యక్రమంలో ఎన్‌ఎస్‌ఆర్‌ సంపత్‌రావు, హాస్యనటుడు ఆర్‌ఎస్‌ నందా తదితరులు పాల్గొన్నారు. ఉగాది శుభాకాంక్షలు నియోజకవర్గ ప్రజలకు ఎమ్మెల్యే గండ్ర సత్యనారాయణరావు ఒక ప్రకటనలో ఉగాది శుభాకాంక్షలు తెలిపారు. ఈ పండుగ నుంచి ప్రభుత్వం రేషన్‌లో సన్నబియ్యం పంపిణీ చేయడం సంతోషకరమన్నారు.కవి, కళాకారులను సత్కరించిన ఎమ్మెల్యే గండ్ర

గీసుకొండ: తెలుగుదనం ఉట్టిపడేలా పంచెకట్టు, లాల్చీతో సంప్రదాయానికి బ్రాండ్‌గా నిలుస్తున్నారు గీసుకొండ ఎంపీడీఓ కార్యాలయ సూపరింటెండెంట్‌ ఆసూరిమరింగంటి వెంకట కమలాకర్‌. అధికారుల సమీక్షలు ఉన్నా, మండల పరిషత్‌ కార్యాలయంలో జరిగే సమావేశాల్లోనూ ఆయన డ్రెస్‌ కోడ్‌ భిన్నంగా ఉంటుంది. నిలువుబొట్టు, పంచెకట్టు, లాల్చీతోపాటు పిలకజుట్టుతో ప్రత్యేకంగా ఉంటారు. బ్రాహ్మణీయ వైష్ణవ కుటుంబంలో పుట్టిన ఆయన కృష్ణతత్వం వైపు ఆకర్షితులై తన జీవన విధానాన్ని మలుచుకున్నారు. ఎవరితోనైనా ప్రశాంతంగా, సౌమ్యంగా మాట్లాడటం ఆయన తీరు. పాఠశాల, కళాశాలలో చదువుకునేటప్పుడు ప్యాంట్‌, షర్టు వేసుకున్నా.. 1994లో జూనియర్‌ అసిస్టెంట్‌గా ప్రభుత్వ ఉద్యోగం వచ్చినప్పటి నుంచి ఆయన డ్రెస్‌కోడ్‌ పూర్తిగా మారిపోయింది. నేటి ఆధునిక ప్రపంచంలో ఇలా సంప్రదాయ వస్త్రధారణతో కనిపించేవారు చాలా అరుదుగా కనిపిస్తారు.

కాళేశ్వరం: కాంగ్రెస్‌ ప్రభుత్వం మైనార్టీల అభివృద్ధికి పెద్దపీట వేస్తుందని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు అన్నారు. మహదేవపూర్‌ మండలకేంద్రంలోని జామా మసీదులో శనివారం ఏర్పాటుచేసిన ఇఫ్తార్‌ విందుకు కాటారం సబ్‌కలెక్టర్‌ మయాంక్‌సింగ్‌తో కలిసి హాజరయ్యారు. ఈ సందర్భంగా ముస్లింలకు పండ్లు తినిపించి దీక్ష విరమింపచేశారు. ఈ సందర్భంగా మంత్రి శ్రీధర్‌ బాబు మాట్లాడుతూ.. మైనార్టీ మహిళలకు, యువతకు స్వయం ఉపాధి పొందే విధంగా ప్రభుత్వం చర్యలు తీసుకుంటుందని స్పష్టంచేశారు. రాష్ట్రంలోని మసీదుల అభివృద్ధికి, సంక్షేమానికి నిధులు మంజూరు చేస్తామని తెలిపారు. రాబోయే రోజుల్లో మైనార్టీలతో పాటు ఇతర వర్గాల అభివృద్ధికి కాంగ్రెస్‌ ప్రభుత్వం ముందడుగు వేస్తుందన్నారు. మైనార్టీ సోదర సోదరీమణులకు రంజాన్‌ పండగ శుభాకాంక్షలు తెలిపారు. ఈ కార్యక్రమంలో రాష్ట్ర ట్రేడ్‌ ప్రమోషన్‌ చైర్మన్‌ ఐత ప్రకాశ్‌రెడ్డి, మహదేవపూర్‌ డిప్యూటీ తహసీల్దార్‌ కృష్ణ, ముస్లిం మతపెద్దలు గయాజ్‌ఖాన్‌, తాజోద్దీన్‌, సలామోద్దీన్‌, మజీద్‌, కాంగ్రెస్‌ పార్టీ నాయకులు కోట రాజబాపు, అక్భర్‌ఖాన్‌, అస్రర్‌, శకీల్‌, తాజ్‌, పీఏసీఎస్‌ చైర్మన్‌ తిరుపతి, మాజీ ఎంపీపీ రాణిబాయి, అజీంఖాన్‌, శశిభూషన్‌కాచే పాల్గొన్నారు. రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు

కాటారం: పులి మళ్లీ కలకలం సృష్టించింది. మండలంలోని ఒడిపిలవంచ అటవీ ప్రాంతంలోని ఎర్ర చెరువు వద్ద శనివారం ఉదయం గుమ్మాళ్లపల్లికి చెందిన పలువురికి పులి కనిపించినట్లు తెలిసింది. దీంతో వారు అటవీశాఖ అధికారులకు సమాచారం అందించడంతో డిప్యూటీ రేంజర్‌ సురేందర్‌, సిబ్బంది ఎర్ర చెరువు వద్ద పులి కదలిక ఆనవాళ్లను గుర్తించి పాదముద్రలు(ప్లగ్‌మార్క్స్‌) సేకరించారు. పులి వీరాపూర్‌ మీదుగా గూడూరు అటవీ ప్రాంతంలోకి వెళ్లినట్లు అధికారులు గుర్తించారు. అక్కడి నుంచి అన్నారం అడవుల్లోకి వెళ్తుందా లేక గుండ్రాత్‌పల్లి సమీపంలోని గోదావరి వాగు దాటి చెన్నూర్‌ టైగర్‌ జోన్‌ అటవీ ప్రాంతంలోకి వెళ్తుందా అని పలువురు చర్చించుకుంటున్నారు. ఆ ఒక్క పులి ఏనా.. కాటారం మండలం నస్తూర్‌పల్లి అటవీ ప్రాంతంలో ఫిబ్రవరి 10న ఓ రైతు ఎద్దు తప్పిపోగా అటవీ ప్రాంతంలోకి వెళ్లగా పులి కనబడటంతో అటవీశాఖ అధికారులకు సమాచారం అందించారు. అప్పటి నుంచి పులి కాటారం, మహదేవపూర్‌ అటవీ ప్రాంతాల్లో సంచరిస్తూ రోజుకో చోట కనిపిస్తూ వచ్చింది. సుమారు నెల రోజుల పాటు కాటారం మండలం నస్తూర్‌పల్లి, వీరాపూర్‌, గూడూరు, గుండ్రాత్‌పల్లి, ప్రతాపగిరి, మహదేవపూర్‌ మండలం అన్నారం, పల్గుల, కుదురుపల్లి, మద్దులపల్లి, ఏనకపల్లి అటవీ ప్రాంతాల్లో పులి ముమ్మరంగా చక్కర్లు కొట్టింది. పల్గుల వద్ద ఓ ఎద్దును, రఘుపల్లి సమీపంలో ఓ లేగదూడపై దాడిచేసి చంపింది. ఆ తర్వాత పులి భూపాలపల్లి మండలం కమలాపూర్‌ అటవీ ప్రాంతంలో ప్రత్యక్షమైంది. కొన్ని రోజులకు ములుగు జిల్లాలో సంచరించినట్లు అధికారులు గుర్తించారు. కాటారం, మహదేవపూర్‌ అటవీ ప్రాంతాల్లో సంచరించిన పులి, ఇతర ప్రాంతాల్లో తిరిగిన పులి ఒక్కటేనా అనే సందేహాలు వ్యక్తమవుతున్నాయి. పులి ఎప్పుడు ఎక్కడ ఉంటుందో తెలియక అటవీ ప్రాంతానికి సమీపంలోని గ్రామాల ప్రజలు భయాందోళనలకు గురవుతున్నారు. రైతులు, ఉపాధికూలీలు అటవీ ప్రాంతంలోకి వెళ్లొద్దని అధికారులు సూచిస్తున్నారు. పులి సంచారం నేపథ్యంలో ఒడిపిలవంచ, గుమ్మాళ్లపల్లి అటవీ ప్రాంతాల్లో కొనసాగుతున్న ఉపాధిహామీ పనుల వద్ద కూలీలకు అటవీశాఖ అధికారులు అవగాహన కల్పించారు. ఒడిపిలవంచ అడవిలో సంచారం పాదముద్రలు గుర్తించిన అటవీశాఖ అధికారులు

కాళేశ్వరం: ఉగాది పర్వదినం సందర్భంగా మహదేవపూర్‌ మండలం కాళేశ్వరంలోని శ్రీకాళేశ్వరముక్తీశ్వరస్వామి దేవస్ధానంలో ఆదివారం పంచాంగ శ్రవణం నిర్వహిస్తున్నట్లు ఈఓ మహేష్‌ శనివారం ఒక ప్రకటనలో పేర్కొన్నారు. సాయంత్రం 5.30గంటలకు కార్యక్రమానికి ఆలయ అర్చకులు, వేదపండితులతో నిర్వహిస్తారన్నారు. అనంతరం తీర్థప్రసాదం అందజేస్తారని భక్తులు అధిక సంఖ్యలో పాల్గొనాలని తెలిపారు. పంచాంగం ఆవిష్కరణ భూపాలపల్లి అర్బన్‌: స్వస్తి శ్రీ విశ్వావసు నామ నూతన సంవత్సర పంచాంగ పుస్తకాన్ని శనివారం జిల్లాకేంద్రంలో పురోహితులు ఆవిష్కరించారు. ముఖ్య అతిథులుగా సంఘం రాష్ట్ర నాయకులు సాంబయ్య, నంది విజయ్‌ హాజరై ఆవిష్కరించారు. ఈ కార్యక్రమంలో సిరసనగండ్ల వెంకటరమణాచార్యులు, వీరన్న, ఇంద్రపాల, సాంబశివుడు, హరిరఘశర్మ, సత్యనారాయణ, విజయ్‌ పాల్గొన్నారు. ప్రజలకు ఉగాది శుభాకాంక్షలు భూపాలపల్లి అర్బన్‌: ఉగాది పండగను పురస్కరించుకొని కలెక్టర్‌ రాహుల్‌శర్మ జిల్లా ప్రజలకు శనివారం ఒక ప్రకటనలో శుభాకాంక్షలు తెలిపారు. ఉగాది తెలుగు ప్రజల సంస్కృతిని ప్రతిబింబించే గొప్ప పండుగ అని, కొత్త ఆశలతో, నూతన ఉత్సాహంతో నిండిన విశేషమైన రోజు అని తెలిపారు. జిల్లా ప్రజలందరూ ఆయురారోగ్యాలతో, సుఖ సంతోషాలతో, సిరి సంపదలతో, శాంతి సౌభాగ్యాలతో ఉండాలని ఆకాంక్షించారు. జ్యోతిని అభినందించిన కలెక్టర్‌ పలిమెల: ఇటీవల కాంబోడియాలో జరిగిన పస్ట్‌ ఏసియన్‌ పారా ఒలింపిక్స్‌ త్రోబాల్‌ పోటీలో బ్రాంజ్‌ మెడల్‌ సాధించిన కావేరి జ్యోతిని శనివారం కలెక్టర్‌ కార్యాలయంలో కలెక్టర్‌ రాహుల్‌శర్మ అభినందించారు. ప్రయాణ, వసతి, శిక్షణ ఖర్చులను ప్రభుత్వం నుంచి ఇప్పించినట్లు తెలిపారు. పల్లె నుంచి ప్రతిభ కనబరిచి దేశానికి వన్నె తెచ్చిన జ్యోతిని మండల ప్రజలు, జిల్లా అధికారులు అభినందించారు. క్రీడాకారులకు సన్మానం భూపాలపల్లి రూరల్‌: జాతీయస్థాయి క్రీడా పోటీలలో పాల్గొన్న క్రీడాకారులను శనివారం ఐడీఓసీ కార్యాలయంలో ఎమ్మెల్యే సత్యనారా యణరావు సన్మానించారు. ఇటీవల ఢిల్లీలో జరిగిన జాతీయ స్థాయి ఆలిండియా సివిల్‌ సర్వీసెస్‌లో పాల్గొన్న జిల్లాకు చెందిన ఫిజికల్‌ డైరెక్టర్స్‌ విజయలక్ష్మి, సీహెచ్‌ ఆనంద్‌, జాతీయ స్థాయి సైక్లింగ్‌ కోచ్‌గా ఎంపికై జాతీయ స్థాయిలో కోచింగ్‌ ఇచ్చిన మమత ఫిజికల్‌ డైరెక్టర్లను ఎమ్మెల్యే గండ్ర శాలువాతో ఘనంగా సన్మానించారు. ఈ కార్యక్రమంలో జిల్లా యువజన, క్రీడలశాఖ అధికారి చిర్ర రఘు పాల్గొన్నారు. ఈద్గాలో రంజాన్‌ ఏర్పాట్లు భూపాలపల్లి అర్బన్‌: రంజాన్‌ పండగను పురస్కరించుకొని పట్టణ శివారులోని ఈద్గాలో చేపడుతున్న ఏర్పాట్లను శనివారం మున్సిపల్‌ కమిషనర్‌ శ్రీనివాస్‌ పరిశీలించారు. ముస్లింల పవిత్ర రంజాన్‌ పండుగ నమాజు కోసం అవసరమైన మౌలిక వసతులు కల్పించాలని అధికారులు, సిబ్బందిని ఆదేశించారు. ఈద్గా ప్రాంగణాన్ని వాటర్‌ ట్యాంకర్‌ ద్వారా శుభ్రం చేస్తూ చుట్టు పరిసరాల్లో చెత్తను తొలగించినట్లు కమిషనర్‌ తెలిపారు. ఈ కార్యక్రమంలో సానిటరీ ఇన్‌స్పెక్టర్‌ నవీన్‌కుమార్‌, పర్యావరణ ఇంజనీర్‌ దేవేందర్‌, జామ మసీదు అబ్బాసియా మసీద్‌ నాయకులు పాల్గొన్నారు.

ఐనవోలు: సంక్రాంతి రోజు కర సంక్రమనం దిష్టి కుంభం కార్యక్రమంతో ప్రారంభమైన హనుమకొండ జిల్లా ఐనవోలు శ్రీమల్లికార్జునస్వామి జాతర ఉత్సవాలు నేటి(ఉగాది)తో ముగియనున్నాయి. పూర్వం ఉన్న పరిస్థితుల దృష్ట్యా ఈ సమయం అనువైనదిగా భావించి భక్తులు మల్లన్నకు మొక్కులు చెల్లించేవారు. ఉగాది (ఆదివారం) రోజు ఆలయంలో ఉదయం మల్లన్నకు మహన్యాస పూర్వక ఏకాదశ రుద్రాభిషేకం నిర్వహించి నూతన వస్త్రాలు అలంకరిస్తారు. ఉగాది పచ్చడిని నైవేద్యంగా సమర్పించి భక్తులకు అందిస్తారు. సాయంత్రం పంచాంగ శ్రవణం చేయడంతో 3 నెలల పాటు సాగిన జాతర ఉత్సవాలు ముగిసినట్లు ప్రకటిస్తారు.

కాటారం: రాజ్యాంగ పరిరక్షణ, అంబేడ్కర్‌ ఆశయ సాధన కాంగ్రెస్‌ పార్టీ ధ్యేయమని రాష్ట్ర ఆయిల్‌ఫెడ్‌ కార్పొరేషన్‌ చైర్మన్‌ జంగా రాఘవరెడ్డి అన్నారు. కాటారం మండలకేంద్రంలో శుక్రవారం ‘జై బాపు, జై భీమ్‌, జై సంవిధన్‌’ సన్నాహక సమావేశం నిర్వహించారు. ఈ కార్యక్రమానికి జంగా రాఘవరెడ్డి హాజరై మాట్లాడారు. మహాత్మాగాంధీ, అంబేడ్కర్‌, రాజ్యాంగాన్ని గౌరవించుకోవడం ప్రతి ఒక్కరి బాధ్యత అన్నారు. ఈ కార్యక్రమంలో మంత్రి దుద్దిళ్ల శ్రీధర్‌బాబు సోదరుడు దుద్దిళ్ల శ్రీనుబాబు, కాంగ్రెస్‌ మండల అధ్యక్షుడు వేమునూరి ప్రభాకర్‌రెడ్డి, యూత్‌ కాంగ్రెస్‌ నియోజకవర్గ అధ్యక్షుడు చీమల సందీప్‌, మాజీ ఎంపీపీ పంతకాని సమ్మయ్య, బ్లాక్‌ కాంగ్రెస్‌ అధ్యక్షుడు కోట రాజబాబు, యూత్‌ అధ్యక్షుడు చిటూరి మహేశ్‌, నాయకులు పాల్గొన్నారు.

కాటారం: కౌలు రైతు ఆత్మహత్య ఎక్స్‌గ్రేషియా చెక్కుల పంపిణీలో జరిగిన అవకతవకలపై వివరాలు అడిగితే కలెక్టర్‌ రాహుల్‌శర్మ తమ పట్ల దురుసుగా ప్రవర్తించారని ఆరోపిస్తూ కాటారం మండలకేంద్రానికి చెందిన రామిళ్ల రాజబాబు శుక్రవారం ఎస్సీ కమిషన్‌ డైరెక్టర్‌ సునీల్‌కుమార్‌కు ఫిర్యాదు చేశారు. రాజబాబు తండ్రి రామిళ్ల మల్లయ్య కౌలు రైతు కాగా కొంత కాలం క్రితం ఆత్మహత్యకు పాల్పడ్డాడు. ప్రభుత్వం విడుదల చేసిన ఎక్స్‌గ్రేషియా మంజూరు జాబితాలో మల్లయ్య పేరు ఉండగా జిల్లా అధికారులు వెల్లడించిన జాబితాలో మాత్రం మల్లయ్య పేరుతో పాటు మరికొంత మంది రైతుల పేర్లు లేవని రాజబాబు తెలిపారు. దీంతో గత వారం జరిగిన ప్రజావాణిలో ఎక్స్‌గ్రేషియా జాబితాలో అవకతవకలపై కలెక్టర్‌ను అడగగా సరైన సమాధానం చెప్పకుండా తమ పట్ల దురుసుగా ప్రవర్తించి అసహనం వ్యక్తం చేసినట్లు రాజబాబు పేర్కొన్నారు. ఈ విషయాలను ఎస్సీ కమిషన్‌ డైరెక్టర్‌ దృష్టికి తీసుకెళ్లడంతో పాటు కలెక్టర్‌ వ్యవహార శైలిపై విచారణ జరపాలని, ఎక్స్‌గ్రేషియా అందేలా న్యాయం చేయాలని కోరినట్లు రాజబాబు తెలిపారు. దీంతో స్పందించిన డైరెక్టర్‌ కలెక్టర్‌కు నోటీస్‌ జారీ చేసినట్లు వివరించారు.

చిట్యాల: మండలకేంద్రంలోని బియ్యం గోదాం(ఎంఎల్‌ఎస్‌ పాయింట్‌)ను జిల్లా పౌరసరఫరాల సంస్థ మేనేజర్‌ పెరుమాండ్ల రాములు శుక్రవారం ఆకస్మికంగా తనిఖీ చేపట్టారు. అనంతరం రిజిస్టర్లను తనిఖీ చేశారు. ఈ సందర్భంగా ఆయన మాట్లాడుతూ చిట్యాల బియ్యం గోదాం నుంచి ఆరు మండలాలకు 176 రేషన్‌ షాపులు ఉన్నాయని, 14,844 టన్నుల బియ్యం సప్లై అవుతున్నాయని తెలిపారు. శుక్రవారం నాటికి 110 రేషన్‌ షాపులకు బియ్యం సప్లై చేసినట్లు ఆయన పేర్కొన్నారు. మిగతా 66 రేషన్‌ షాపులకు రెండు రోజులలో సప్లై చేయనున్నట్లు తెలిపారు. రాష్ట్ర ప్రభుత్వం ప్రవేశపెట్టిన సన్న బియ్యం పంపిణీ కార్యక్రమంలో ప్రజలు పాల్గొని తీసుకోవాలని సూచించారు. ఆయన వెంట అసిస్టెంట్‌ సివిల్‌ సప్‌లై ఆఫీసర్‌ (ఏసీఎస్‌ఓ) వేణు, గోదాం ఇన్‌చార్జ్‌ గంగాధరి రాజు ఉన్నారు.

శనివారం శ్రీ 29 శ్రీ మార్చి శ్రీ 20259వసంతాలకు అనాది. శుభాలకు పునాది. తెలుగు సంవత్సరాది.. ఉగాది. కోయిలమ్మ కమ్మని స్వరాల నడుమ, షడ్రుచుల మేళవింపులో కోటి ఆశలకు రెక్కలు తొడుగుతూ వచ్చే వేడుక ఇది. తెలుగుదనం ఉట్టిపడేలా.. సంప్రదాయానికి జీవం పోసేలా సాగే పర్వదినమిది. కొత్త సంవత్సరం ప్రారంభమయ్యే వేళ కవుల భావాలకు ‘సాక్షి’ అక్షరరూపం ఇస్తోంది. మరింకెందుకాలస్యం.. కలాలు కదిలించండి.. ఉగాదిపై కవితలు రాయండి. చివరి తేదీ : 29–03–2025ఇఫ్తార్‌ విందులో ఎస్పీ కిరణ్‌ ఖరే, ఎమ్మెల్యే సత్యనారాయణరావు, పోలీసు అధికారులు భూపాలపల్లి రూరల్‌: సద్గుణాలను పెంపొందించడమే రంజాన్‌ పండుగ ముఖ్య ఉద్దేశమని ఎస్పీ కిరణ్‌ ఖరే అన్నారు. జిల్లా పోలీసు కార్యాలయంలో శుక్రవారం ఎమ్మెల్యే గండ్ర సత్యనారాయణవుతో కలిసి పట్టణ ముస్లిం పెద్దలు, పోలీసు ముస్లిం ఉద్యోగులకు ఎస్పీ ఇఫ్తార్‌ విందు ఇచ్చారు. ఈ సందర్భంగా ఎస్పీ మాట్లాడుతూ.. క్రమశిక్షణ, దాతృత్వం కలయికే రంజాన్‌ మాసం అన్నారు. రంజాన్‌ మాసం అందరిలో సోదరభావం పెంపొందిస్తుందన్నారు. ఈ మాసంలో ప్రతి ఒక్కరికీ మంచి జరగాలని ఆకాంక్షించారు. ఎమ్మెల్యే గండ్ర సత్యనారాయణరావు మాట్లాడుతూ.. మత సామరస్యానికి ప్రతీక రంజాన్‌ మాసం అన్నారు. సర్వ మతాలసారం ఒకటేనని చెప్పారు. ఈ కార్యక్రమంలో అదనపు ఎస్పీ బోనాల కిషన్‌, భూపాలపల్లి, కాటారం డీఎస్పీలు సంపత్‌రావు, రామ్మోహన్‌రెడ్డి, డీటీఓ సంధాని, జిల్లా పరిధిలోని సీఐలు, ఎస్సైలు పాల్గొన్నారు.న్యూస్‌రీల్‌ఎస్పీ కిరణ్‌ ఖరే

ముందస్తు ఉగాది వేడుకలు నిర్వహిస్తున్న మహిళలు కాటారం: మండలకేంద్రంలోని అయ్యప్ప కాలనీలో మహిళలు శుక్రవారం ముందస్తు ఉగాది వేడుకలను నిర్వహించారు. స్థానిక శ్రీ హర్షిత డిగ్రీ కళాశాలలో మహిళలంతా కలిసి షడ్రుచులతో కూడిన ఉగాది పచ్చడిని తయారు చేశారు. భక్తిశ్రద్ధలతో పాటలు పాడి పూజలు చేశారు. అనంతరం ఉగాది పచ్చడి, భక్ష్యాలను స్వీకరించి కాలనీలో పంపిణీ చేశారు. మహిళలు ఒకరికొకరు ఉగాది శుభాకాంక్షలు తెలుపుకున్నారు. ఈ కార్యక్రమానికి శ్రీకారం చుట్టిన పడకంటి అంజలిని పలువురు ప్రత్యేకంగా అభినందించారు. ఈ కార్యక్రమంలో గుండూరి పద్మ, రామగిరి శ్రీదేవి, మాధవి, రాజేశ్వరీ, పడకంటి అంజలి, కళ, స్వప్న, కల్పన, సంధ్య, లహరి, పద్మ, జ్యోతి, రాధ, విజయ, సుజాత, నీరజ, పావని తదితరులు పాల్గొన్నారు.

మొగుళ్లపల్లి: మొగుళ్లపల్లి, మొట్లపల్లి ఉన్నత పాఠశాలలో నిర్వహిస్తున్న పదవ తరగతి పరీక్ష కేంద్రాలను జిల్లా విద్యాశాఖాధికారి ముద్దమల్ల రాజేందర్‌ శుక్రవారం తనిఖీ చేశారు. విద్యార్థులకు సౌకర్యాలను పరిశీలించి అధికారులకు పలు సూచనలు చేశారు. అనంతరం ముల్కలపల్లి ప్రాథమికోన్నత పాఠశాలను సందర్శించారు.ఈ సందర్భంగా విద్యార్థులతో మాట్లాడుతూ, వారి అభ్యాసన సామర్థ్యాలను పరీక్షించి ఉపాధ్యాయులకు పలు సూచనలు చేశారు. ఆయన తో జిల్లా ప్లానింగ్‌ కోఆర్డినేటర్‌ దుప్పటి రాజగోపాల్‌ ఉన్నారు. ఏడుగురు విద్యార్థులు గైర్హాజరు భూపాలపల్లి అర్బన్‌: జిల్లావ్యాప్తంగా జరుగుతున్న పదవ తరగతి వార్షిక పరీక్షలకు శుక్రవారం ఏడుగురు విద్యార్థులు గైర్హాజరు అయినట్లు జిల్లా ఇన్‌చార్జ్‌ విద్యాశాఖ అధికారి రాజేందర్‌ శుక్రవారం ఒక ప్రకటనలో పేర్కొన్నారు. భౌతికశాస్త్ర పరీక్ష జిల్లా వ్యాప్తంగా ప్రశాంతంగా జరిగిందన్నారు. 3,449 మంది విద్యార్థులకు గాను 3,442 మంది విద్యార్థులు హాజరైనట్లు తెలిపారు.

భూపాలపల్లి: నిర్ణీత సమయంలో సరస్వతీ పుష్కర పనులను పూర్తి చేయాలని, ఇందుకోసం డిస్ట్రిక్ట్‌ టాస్క్‌ఫోర్స్‌ కమిటీని ఏర్పాటు చేసినట్లు కలెక్టర్‌ రాహుల్‌ శర్మ వెల్లడించారు. సరస్వతీ పుష్కరాల ఏర్పాట్లపై గురువారం వివిధ శాఖల అధికారులతో ఐడీఓసీ కార్యాలయం నుంచి కలెక్టర్‌ వీడియో కాన్ఫరెన్స్‌ నిర్వహించారు. ఈ సందర్భంగా ఆయన మాట్లాడుతూ.. ఇరిగేషన్‌ అధికారులు వీఐపీ పుష్కర ఘాట్‌ పనులను త్వరితగతిన పూర్తి చేయాలని ఆదేశించారు. పుష్కర ఘాట్‌లో స్నానఘట్టాలు, బట్టలు మార్చుకునే గదులు, చలువ పందిళ్ల ఏర్పాటుతో పాటు గోదావరి తీరంలో తాత్కాలిక రోడ్డు నిర్మాణ పనులను వేగవంతం చేయాలన్నారు. మిషన్‌ భగీరథ ద్వారా తాగునీటి ట్యాంకు నిర్మాణం, పైపులైను ఏర్పాటు, పార్కింగ్‌ స్థలాల వద్ద నీటి సౌకర్యం, తాత్కాలిక మరుగుదొడ్లు ఏర్పాటు చేయాలని తెలిపారు. దేవాదాయ శాఖ ద్వారా చేపట్టిన పనులను ఏప్రిల్‌ నెలాఖరు వరకు పూర్తి చేయాలన్నారు. ఈ సమావేశంలో ఎస్పీ కిరణ్‌ ఖరే, సబ్‌ కలెక్టర్‌ మయాంక్‌సింగ్‌, స్థానిక సంస్థల అదనపు కలెక్టర్‌ విజయలక్ష్మి, డీపీఓ నారాయణరావు, సీపీఓ బాబురావు పాల్గొన్నారు. కొనుగోలు కేంద్రాలు పెంచేలా చర్యలు.. ప్రభుత్వ ఆదేశాల మేరకు ప్రస్తుత యాసంగి సీజన్‌లో మహిళా సంఘాలకు ధాన్యం కొనుగోలు కేంద్రాలు పెంచేలా చర్యలు తీసుకోవాలని కలెక్టర్‌ రాహుల్‌ శర్మ ఆదేశించారు. సెర్ప్‌ కార్యక్రమాలపై సెర్ఫ్‌ సీఈఓ దివ్యతో కలిసి రాష్ట్ర పంచాయతీరాజ్‌ శాఖ కార్యదర్శి లోకేష్‌కుమార్‌ గురువారం కలెక్టర్లతో వీడియో కాన్ఫరెన్స్‌ నిర్వహించారు. ఈ కాన్ఫరెన్స్‌ అనంతరం కలెక్టర్‌.. జిల్లా అధికారులతో సమావేశమై మాట్లాడారు. 2022–23 సంవత్సరానికి సంబంధించిన కమీషన్‌ పౌర సరఫరాల శాఖ వద్ద పెండింగ్‌ ఉన్న వివరాలు అందజేయాలన్నారు. గన్నీ బ్యాగులు రీ కన్సిలేషన్‌ ప్రక్రియ కూడా పూర్తి కావాల్సి ఉందని, త్వరితగతిన పూర్తి చేయాలన్నారు. ఈ సమావేశంలో స్థానిక సంస్థల అదనపు కలెక్టర్‌ విజయలక్ష్మి, డీఆర్‌డీఓ నరేష్‌, ప్రధాన ఆస్పత్రి పర్యవేక్షకుడు డాక్టర్‌ నవీన్‌, పౌర సరఫరాల జిల్లా మేనేజర్‌ రాములు పాల్గొన్నారు.కలెక్టర్‌ రాహుల్‌ శర్మ

టేకుమట్ల మండలం అంకుషాపూర్‌ గ్రామానికి చెందిన ఒజ్జ రాములు రామకిష్టాపూర్‌(టి) శివారులో మూడెకరాల వ్యవసాయ భూమిని కౌలుకు తీసుకున్నాడు. ఎకరం భూమిలో యాసంగిలో వరి సాగు చేశాడు. సాగునీటి కోసం పక్కనున్న రైతు బోరు సహాయం తీసుకున్నాడు. భూగర్భ జలాలు అడిగంటిపోవడంతో బోర్లలో నీరు లేకుండాపోయింది. దీంతో భూ యజమానిని సంప్రదించగా.. 20రోజుల క్రితం 150 ఫీట్ల వరకు బోరు వేయించాడు. చుక్కనీరు పడకపోవడంతో చేసేది లేక రైతు వరిపంటను వదిలేసుకున్నాడు. గొర్రెలు, మేకలకు పంట మేతగా మారడంతో లబోదిబోమంటున్నాడు. – భూపాలపల్లి

శుక్రవారం శ్రీ 28 శ్రీ మార్చి శ్రీ 2025Iవసంతాలకు అనాది. శుభాలకు పునాది. తెలుగు సంవత్సరాది.. ఉగాది. కోయిలమ్మ కమ్మని స్వరాల నడుమ, షడ్రుచుల మేళవింపులో కోటి ఆశలకు రెక్కలు తొడుగుతూ వచ్చే వేడుక ఇది. తెలుగుదనం ఉట్టిపడేలా.. సంప్రదాయానికి జీవం పోసేలా సాగే పర్వదినమిది. కొత్త సంవత్సరం ప్రారంభమయ్యే వేళ కవుల భావాలకు ‘సాక్షి’ అక్షరరూపం ఇస్తోంది. మరింకెందుకాలస్యం.. కలాలు కదిలించండి.. ఉగాదిపై కవితలు రాయండి. చివరి తేదీ : 29–03–2025

హసన్‌పర్తి/ధర్మసాగర్‌: దేవాదుల ప్రాజెక్ట్‌ మూడవ దశలో భాగంగా దేవన్నపేట వద్ద నిర్మించిన పంస్‌హౌజ్‌ వద్ద ఏర్పాటు చేసిన మూడు మోటార్లలో ఒక మోటార్‌ను ఎట్టకేలకు గురువారం సాయంత్రం మంత్రులు నలమాద ఉత్తమ్‌కుమార్‌రెడ్డి, పొంగులేటి శ్రీఽనివాస్‌రెడ్డిలు ప్రారంభించారు. 600 క్యూసెక్కుల నీటిని ధర్మసాగర్‌ రిజర్వాయర్‌లోకి వదిలారు. అరగంటపాటు వెయింటింగ్‌.. వారం రోజుల క్రితం ధర్మసాగర్‌ చెరువులోకి నీటిని విడుదల చేయడానికి వచ్చిన మంత్రులు మోటార్లలో ఏర్పడిన సాంకేతిక సమస్య కారణంగా ఆన్‌ కాకపోవడంతో తిరిగి వెళ్లారు. రెండు రోజుల క్రితం ట్రయల్‌ రన్‌ చేస్తున్న క్రమంలో గేట్‌వాల్వ్‌లు పడిపోయాయి. ప్రత్యేక నిపుణులతో వాటికి మరమ్మతులు చేయించారు. రెండోసారి గురువారం సాయంత్రం మోటార్లు ఆన్‌ చేయడానికి వచ్చినా... మళ్లీ సాంకేతిక సమస్య కారణంగా అరగంట పాటు వెయిట్‌ చేశారు. టెక్నీషియన్‌లు సమస్య పరిష్కరించిన తర్వాత మంత్రులు లాంఛనంగా మోటార్‌ ఆన్‌ చేశారు. పూజలు..సన్మానాలు మొదట దేవన్నపేటకు చేరుకున్న మంత్రులకు కలెక్టర్‌ ప్రావీణ్య, నాయకులు పూలబొకేలు ఇచ్చి స్వాగతం పలికారు. వారు తొలుత శిలాఫలకాన్ని సందర్శించారు. అనంతరం పంప్‌హౌస్‌ వద్దకు చేరుకోగా, వారికి ఇంజనీర్లు నీటిపంపింగ్‌ విధానాన్ని కంప్యూటర్‌లో చూపించారు. నీరు ఎక్కడినుంచి ఎలా వెళ్తుందో వివరించారు. అనంతరం రిబ్బన్‌ కట్‌ చేసి మూడో దశ ప్రాజెక్టును మంత్రి ఉత్తమ్‌ కుమార్‌రెడ్డి ప్రారంభించారు. అక్కడినుంచి ధర్మసాగర్‌ రిజర్వాయర్‌ వద్దకు చేరుకున్నారు. అప్పటికే నీరు రిజర్వాయర్‌లోకి వస్తుండగా పసుపు, కుంకుమ, పూలు చల్లి పూజలు చేశారు. నీటిలోకి సారె వదిలారు. ఈ సందర్భంగా మంత్రులను ఎమ్మెల్యే కడియం శ్రీహరి శాలువాలు కప్పి సన్మానించారు. అక్కడే మంత్రులు రెండు నిమిషా లు మాట్లాడి హైదరాబాద్‌కు వెళ్లిపోయారు. ఆయా కార్యక్రమాల్లో ఎమ్మెల్యేలు కేఆర్‌ నాగరాజు, యశ్వసినిరెడ్డి, మేయర్‌ గుండు సుధారాణి, కుడా చైర్మన్‌ ఇనగాల వెంకట్రాంరెడ్డి, కలెక్టర్‌ ప్రావీణ్య, నగర కమిషనర్‌ అశ్విని తాజాజీ వాకడే, కిసాన్‌ కాంగ్రెస్‌ జిల్లా అధ్యక్షుడు వెంకట్రామ్‌ నర్సింహారెడ్డి, ఈఎన్‌సీ అనిల్‌కుమార్‌, సీఈ అశోక్‌కుమార్‌, ఎస్‌ ఈ వెంకటేశ్వర్లు, ఈఈ సీతారాంనాయక్‌, డీఈఈ రాజు, ఏఈ శ్రీనివాస్‌ తదితరులు పాల్గొన్నారు..దేవాదుల మూడో దశ మోటార్‌ ఆన్‌ చేసిన మంత్రులు ఉత్తమ్‌, పొంగులేటి ధర్మసాగర్‌ రిజర్వాయర్‌లోకి 600 క్యూసెక్కులు దేవన్నపేట పంప్‌హౌజ్‌తో 5,22,522 ఎకరాలకు సాగు నీరు వరంగల్‌, కాజీపేట, హనుమకొండతో పాటు జనగామకు తాగునీరురెండు భాగాలుగా నీటి పంపిణీ – మంత్రి ఉత్తమ్‌కుమార్‌రెడ్డి దేవాదుల పంప్‌హౌస్‌నుంచి వచ్చే నీటిని రెండు భాగాలుగా పంపిణీ చేయనున్నట్లు మంత్రి ఉత్తమ్‌కుమార్‌రెడ్డి తెలిపారు. ధర్మసాగర్‌ రిజర్వాయర్‌ కేంద్రంగా ప్రారంభించిన దేవన్నపేట పంప్‌హౌజ్‌తో 5,22,522 ఎకరాల ఆయకట్టుకు నీరు అందుతుందన్నారు. స్టేషన్‌ ఘన్‌పూర్‌, వరంగల్‌ వెస్ట్‌, వర్ధన్నపేట, పరకాల నియోజకవర్గాల పరిధిలోని 17,545 ఎకరాలకు ఉత్తర భాగం ప్రధాన కాలువ ద్వారా, అదే విధంగా దక్షిణభాగం కాలువ గుండా స్టేషన్‌ ఘన్‌పూర్‌, వరంగల్‌ వెస్ట్‌, వర్ధన్నపేట, పరకాల నియోజకవర్గాల పరిధిలోని 1,58,948 ఎకరాలతోపాటు ధర్మసాగర్‌ తరువాత బొమ్మకూర్‌, తపాసుపల్లి, గండిరామా రం, అశ్వారావుపల్లి పరిధిలోని 3,46,029 ఎకరాలకు నీరు అందించనున్నట్లు వెల్లడించారు. వరంగల్‌, హనుమకొండ, కాజీపేట మూడు నగరాలతోపాటు జనగామ పట్టణానికి తాగునీరు అందించేందుకు దోహదపడుతుందన్నారు.

భూపాలపల్లి రూరల్‌: జిల్లాలో నెలకొన్న ప్రజా సమస్యల్ని పరిష్కరించాలని సీపీఐ(ఎం) రాష్ట్ర నాయకులు జె.వెంకటేష్‌, జిల్లా కార్యదర్శి బందు సాయిలు డిమాండ్‌ చేశారు. సీపీఐ(ఎం) ఆధ్వర్యంలో గురువారం కలెక్టరేట్‌ ఎదుట చేపట్టిన ధర్నాలో వారు మాట్లాడారు. జిల్లావ్యాప్తంగా గ్రామాలలో ప్రజా స్థానిక సమస్యలపై సర్వే నిర్వహించగా.. పలు సమస్యలు తమ దృష్టికి వచ్చాయని తెలిపారు. డబుల్‌ బెడ్‌రూం ఇళ్లు ఇవ్వాలని, తాగునీటి సమస్య ఉన్న గ్రామాలకు ట్యాంకర్ల ద్వారా నీరు సరఫరా చేయాలన్నారు. పలిమెల, మహాముత్తారం, కాటారం, మహదేవపూర్‌, మల్హర్‌ మండల కేంద్రాల్లో ఇళ్లు లేని పేదలకు పట్టాలు అందించా లని డిమాండ్‌ చేశారు. ఈ ధర్నాలో నాయకులు చెన్నూరి రమేష్‌, గుర్రం దేవేందర్‌, వెలిశెట్టి రాజ య్య, ఆత్కూరి శ్రీకాంత్‌, శేఖర్‌ పాల్గొన్నారు.సీపీఐ(ఎం) రాష్ట్ర నాయకులు వెంకటేష్‌

మల్హర్‌: రాజ్యాంగ రక్షణే కాంగ్రెస్‌ పార్టీ ప్రధాన లక్ష్యమని తెలంగాణ ఆయిల్‌ ఫెడ్‌ కార్పొరేషన్‌ చైర్మన్‌ జంగా రాఘవరెడ్డి అన్నారు. మండలంలోని తాడిచర్లలో కాంగ్రెస్‌ మండల అధ్యక్షుడు బడితెల రాజయ్య ఆధ్వర్యంలో గురువారం నిర్వహించిన ‘జై బాపు, జై భీమ్‌, జై సంవిధన్‌’ సన్నాహక సమావేశంలో రాఘవరెడ్డి మాట్లాడారు. కేంద్రంలోని బీజేపీ ప్రభుత్వం రాజ్యాంగాన్ని, రాజ్యాంగ నిర్మాతలను అవమానిస్తోందని ఆరోపించారు. ఈ కార్యక్రమంలో శ్రీపాద ట్రస్ట్‌ చైర్మన్‌ శీనుబాబు, పీఏసీఎస్‌ చైర్మన్‌ ఇప్ప మొండి, మాజీ ఎంపీపీ మల్హల్‌రావు, అయిత రాజిరెడ్డి, మండల యూత్‌ అధ్యక్షుడు గడ్డం క్రాంతి పాల్గొన్నారు. రాష్ట్ర ఆయిల్‌ ఫెడ్‌ కార్పొరేషన్‌ చైర్మన్‌ జంగా రాఘవరెడ్డి

కాళేశ్వరం: కాళేశ్వరంలో మే 15నుంచి 26వరకు జరగనున్న సరస్వతీ నది పుష్కరాల అభివృద్ధి పనులను దేవాదాయశాఖ ఇంజనీరింగ్‌ అధికారులు పరిశీలించారు. గురువారం ప్రసాదం కౌంటర్‌ భవనం, కల్యాణ మండపం షెడ్డు నిర్మాణం, పార్కింగ్‌ స్థలంలో సీసీ ఫ్లోరింగ్‌, శ్రీసూర్య ఆలయం ఎదుట సీసీ ఫ్లోరింగ్‌, వీఐపీ ఘాటు వద్ద మండప నిర్మాణాలు, లైటింగ్‌ ఏర్పాట్లు, సరస్వతి విగ్రహం నిర్మాణ పనులు వివిధ పనులను దేవస్థానం ఈఓ శనిగెల మహేష్‌, ఎండోమెంట్‌ ఎస్‌ఈ దుర్గ ప్రసాద్‌, స్థపతి వల్లి నాయగం పరిశీలించారు. వారివెంట డీఈఈ రమేష్‌బాబు, ఏఈఈలు చందర్‌, అశోక్‌ ఉన్నారు. ఆలయాన్ని సందర్శించిన దేవాదాయ శాఖ స్థపతి రేగొండ: మండలంలోని కొడవటంచ శ్రీ లక్ష్మీనరసింహస్వామి ఆలయాన్ని దేవాదాయ, ధర్మదాయ శాఖ స్థపతి శ్రీవల్లీనాయక్‌ గురువారం సందర్శించారు. ఈ సందర్భంగా ఆలయంలో గర్భగుడి పునర్నిర్మాణానికి పలు సూచనలు చేశారు. ఆలయ విస్తరణ పనులలో భాగంగా కల్యాణ మండపం, సింహద్వారం, నాగమయ్య గుడి, బాలాలయ్య గుడి నిర్మాణం కోసం స్థలాన్ని ఆయన పరిశీలించారు. ఈ పనులకు సంబంధించిన ప్రతిపాదనలు త్వరితగతిన సిద్ధం చేయాలన్నారు. ఈ కార్యక్రమంలో దేవాదాయ శాఖ ఎస్‌ఈ దుర్గప్రసాద్‌, డీఈ రమేష్‌, ఆలయ ఈఓ మహేష్‌, ఆలయ చైర్మన్‌ భిక్షపతి, నాయకులు నాయినేని సంపత్‌రావు, పబ్బ శ్రీనివాస్‌, శివాజీ, కోటేశ్వరరావు, కమలాకర్‌, ఆలయ సిబ్బంది పాల్గొన్నారు. సమగ్ర విచారణ జరిపించాలి ● అసెంబ్లీలో కోరిన ఎమ్మెల్యే గండ్ర సత్యనారాయణరావు భూపాలపల్లి: గత నెలలో దారుణ హత్యకు గురైన నాగవెల్లి రాజలింగమూర్తి కేసును సమగ్ర విచారణ జరిపించాలని భూపాలపల్లి ఎమ్మెల్యే గండ్ర సత్యనారాయణరావు గురువారం అసెంబ్లీలో కోరారు. మేడిగడ్డ బరాజ్‌ నిర్మాణంలో జరిగిన అవినీతి, గత ఎమ్మెల్యే చేసిన అవినీతిపై పోరాడినందుకు రాజలింగమూర్తిపై ఎస్సీ, ఎస్టీ అట్రాసిటీతో పాటు అనేక కేసులు నమోదు చేయించారన్నారు. ప్రాణభయం ఉందని అతడు పోలీస్‌స్టేషన్‌లో ముందే తెలిపాడన్నారు. మాజీ ఎమ్మెల్యే గండ్ర వెంకటరమణారెడ్డి ఆత్మ అయిన మున్సిపల్‌ మాజీ వైస్‌చైర్మన్‌ కొత్త హరిబాబు హత్య కేసులో నిందితుడిగా ఉండి ప్రస్తుతం జైలులో ఉన్నాడన్నారు. ఈ హత్య కేసుపై సమగ్ర విచారణ జరిపించాలని ప్రభుత్వాన్ని కోరారు. నియోజకవర్గంలోని భీంఘన్‌పూర్‌, గణపురం రిజర్వాయర్‌ల చానల్స్‌ మరమ్మతు, కెనాల్‌ల నిర్మాణం కోసం నిధులు మంజూరు చేయాలని సత్యనారాయణరావు కోరారు.

మే 15 నుంచి 26వరకు సరస్వతీ పుష్కరాలు కాళేఽశ్వరం: మే 15నుంచి 26వరకు సరస్వతీ నది పుష్కరాలు నిర్వహించడానికి ప్రభుత్వం నిర్ణయించింది. రూ.25కోట్ల నిధులతో పనులు జరుగుతున్నాయి. 40డిగ్రీల ఎండ తీవ్రతతో కాళేశ్వరం వద్ద త్రివేణి సంగమంలో గోదావరి, ప్రాణహిత, అంతర్వాహిణి సరస్వతీ నదుల్లో నీరు తగ్గుముఖం పడుతుంది. ప్రస్తుతం కాళేశ్వరం వద్ద 2వేల క్యూసెక్కులు నీరు తరలిపోతుంది. దీంతో మే నెల వరకు తగ్గే అవకాశం ఉంది. దీని కోసం ప్రభుత్వం ముందస్తు చర్యల్లో భాగంగా కన్నెపల్లి సమీపంలో కాఫర్‌డ్యాం లేదా సిమెంట్‌బ్యాగులతో ఇసుక నింపి అంతర్రాష్ట్ర వంతెన దిగువన గోదావరికి అడ్డుగా వేస్తే నీరు నిల్వ పెరిగి నీరు పెరిగే అవకాశం ఉంది.మే నెలలో 44–45 డిగ్రీల ఉష్ణోగ్రతలు నమోదయ్యే అవకాశం ఉంది. దీంతో ఎండ తీవ్రత పెరిగి గోదావరిలో నీరు తగ్గుముఖం పడుతుంది. ప్రతియేటా వేసవి కాలం మే నెలలో 600–800ల క్యూసెక్కులు ప్రవహిస్తుంది. అప్పటికే గోదావరి నీటిమట్టం తగ్గి చిన్నపాయలాగా పారుతుంది. ఈ సారి పుష్కరాలు ఉండడంతో ప్రాణహితనది నీటిపై ఆధారపడాల్సి రానుంది. దీంతో త్రివేణి సంగమం వద్ద నీరు లేకపోవడంతో పుష్కరాల స్నానాలకు 12 రోజుల పాటు భక్తులు ఇబ్బందులు పడే అవకాశం ఉంది. ముఖ్యంగా పుష్కరాలకు వచ్చే భక్తులు స్నానాలకు, పితృదేవతలకు పిండప్రదానం పూజలు చేస్తారు. నీరు సమృద్ధిగా ఉంటేనే ఇవి సాధ్యం. జల్లుస్నానాల కింద చేసి నదిలో చేసిన అనుభూతి రాదని భక్తుల విశ్వాసం. మేలో వందల్లో క్యూసెక్కులు.. ప్రతి ఏడాది మేలో ఎండలతో పాయలాగే గోదావరి కన్నెపల్లి వద్ద కాపర్‌డ్యాం లేదా అడ్డుకట్ట నిర్మాణమే పరిష్కారం ప్రత్యామ్నాయ ఏర్పాట్లు చేస్తే పుష్కరాలకు నీరు

జయశంకర్: రెక్కాడితే గాని డొక్కాడని రెండు నిరుపేద కుటుంబాలను మృత్యువు వెంటాడింది. ఉదయం కూలీకి వెళ్లి మధ్యాహ్నం ఇంటికి వచ్చారు. ఖాళీగా ఉంటే ఏముంటుంది..? అదనపు కూలీకి వెళ్తే పూట అయినా గడుస్తుంది కదా అనే ఆశతో సాయంత్రం కూడా వెళ్లారు. అయితే ఈ కూలే వారికి చివరిది అవుతుందని అనుకోలేదు. పాపం.. పని వెళ్లకున్నా బతికేవారేమో. మృత్యువు లారీ రూపంలో ఇద్దరు మహిళా కూలీలను కబలించింది. ఈ ఘటన జయశంకర్‌ భూపాలపల్లి జిల్లా టేకుమట్ల మండలం రామకిష్టాపూర్‌(టి)లో మంగళవారం చోటు చేసుకుంది. ప్రత్యక్షుల కథనం ప్రకారం.. రామకిష్టాపూర్‌(టి) గ్రామానికి చెందిన మోకిడి పూలమ్మ(45), మోకిడి సంధ్య(30)తోపాటు మరో ఆరుగురు కూలీలు ఉదయం పనులకు వెళ్లి మధ్యాహ్నం ఇంటికి వచ్చారు. సాయంత్రం వేళలో కూడా మళ్లీ అదే గ్రామానికి చెందిన సల్పాల బుచ్చయ్య అనే రైతు పొలంలోని పని చేయడానికి వెళ్తున్నారు. సరిగా పొలం వద్దకు చేరుకునే సమయానికి చిట్యాల మండలం శాంతినగర్‌ శివారు కాటన్‌ మిల్లు నుంచి అతివేగంగా పత్తి గింజల లోడ్‌తో మూలమలుపు వద్ద నుంచి వస్తున్న లారీని గమనించిన కూలీలు కొంత దూరం పరుగులు తీశారు. ఇందులో ముగ్గురు పొలంలోకి వెళ్లడంతో అక్కడే లారీ అదుపు తప్పి బోల్తా పడింది. ఈ ఘటనలో పత్తి గింజల బస్తాలు పడడంతో ఇద్దరు మహిళలు అక్కడికక్కడే మృతి చెందగా, మరో మహిళ తృటిలో తప్పించుకుంది. తోటి మహిళా కూలీలు భయంతో కేకలు వేయడంతో స్థానికులు పోలీసులకు సమాచారం అందించగా ఏఎస్సై అమరేందర్‌రెడ్డి సిబ్బందితో ఘటనాస్థలికి చేరుకుని జేసీబీ సాయంతో లారీని లేపారు. మృతదేహాలను పత్తి గింజల బస్తాల కింద నుంచి బయటకు తీసి 108లో చిట్యాల సివిల్‌ ఆస్పత్రి మార్చురీకి తరలించారు. అప్పటి వరకు అందరి మధ్యలో ఉన్న ఇద్దరు విగత జీవులుగా మారడంతో తోటి మహిళా కూలీల రోదనలు మిన్నంటాయి. కాగా, ప్రమాదం జరిగిన వెంటనే లారీ డ్రైవర్‌ పరారైనట్లు మహిళా కూలీలు తెలిపారు.పిల్లలు ఎవరిని అమ్మా అని పిలవాలి సంధ్యా..మన పిల్లలు ఇక నుంచి ఎవరిని అమ్మా అని పిలవాలి సంధ్యా.. ఒక్కసారి చూడు సంధ్యా.. నా ప్రాణం పోయేలా ఉంది.. అయ్యో దేవుడా ఒక్కసారి బతికించమంటూ సంధ్య భర్త రాజు రోదించిన తీరు చిట్యాల సివిల్‌ ఆస్పత్రిలో ప్రతీ ఒక్కరిని కంట తడి పెట్టించింది. అమ్మా లే.. అమ్మా లే.. అంటూ చిన్నారుల రోదనలు మిన్నంటాయి. పూలమ్మ భర్త, కూతురు సైతం కన్నీరుమున్నీరయ్యారు. సంధ్య, పూలమ్మ కుటుంబ సభ్యులు పెద్దఎత్తున చిట్యాల సివిల్‌ ఆస్పత్రికి చేరుకుని వారి మృతదేహాల మీద పడి గుండెలవిసేలా రోదించారు.

భూపాలపల్లి రూరల్‌: జాతీయస్థాయి స్విమ్మింగ్‌ పోటీల్లో పతకాలు సాధించడం అభినందనీయమని భూపాలపల్లి సింగరేణి ఏరియా జీఎం ఏనుగు రాజేశ్వర్‌రెడ్డి అన్నారు. బుధవారం ఇటీవల విజయవాడలో జరిగిన జాతీయ స్థాయి స్విమ్మింగ్‌ పోటీల్లో పతకాలు సాధించిన విద్యార్థులను ఆయన అభినందించారు. అనంతరం జీఎం మాట్లాడుతూ అంకితభావంతో సాధన చేస్తే సాధించలేనిది ఏదీలేదన్నారు. క్రీడలతో పాటు విద్యార్థులు ఉన్నత చదువులు, ఉద్యోగాలు సాధించాలని కోరారు. అలాగే విద్యార్థులకు స్విమ్మింగ్‌ నేర్పించిన కోచ్‌ పాక శ్రీని వాస్‌ను ప్రత్యేకంగా అభినందించారు. ఈ కార్యక్రమంలో డీవైపీఎం క్రాంతి కుమార్‌, సీనియర్‌ పర్సనల్‌ ఆఫీసర్‌ శ్రావణ్‌ కుమార్‌, స్పోర్ట్స్‌ సూపర్‌వైజర్‌ పర్స శ్రీనివాస్‌, కోచ్‌ రాజమౌలి తదితరులు పాల్గొన్నారు. కాగా ఉగాది పండుగ సందర్భంగా సింగరేణి సంస్థ సీఎండీ బలరాం ఉద్యోగులకు శుభాకాంక్షలు తెలపగా జీఎం కార్యాలయంలో ఏరియా జనరల్‌ మేనేజర్‌ ఏనుగు రాజేశ్వర్‌రెడ్డి అధికారులతో కలిసి కరపత్రాలను ఆవిష్కరించారు. ఎస్‌టూఓ జీఎం కవింద్ర, అధికారులు సురేఖ, శ్రావణ్‌ కుమార్‌, ఏరియా అధికార ప్రతినిధి కావూరి మారుతి తదితలరులు పాల్గొన్నారు.

భూపాలపల్లి రూరల్‌: జిల్లా కేంద్రంలోని మంజూర్‌నగర్‌లో ఏర్పాటు చేస్తున్న కార్పొరేట్‌ సెలూన్‌తో పాటు కార్పొరేట్‌ వ్యవస్థకు వ్యతిరేకంగా నాయీబ్రాహ్మణులు బుధవారం చేపట్టిన సెలూన్‌ షాపుల బంద్‌ సంపూర్ణమైంది. ఈ సందర్భంగా నాయీబ్రాహ్మణులు జిల్లా కేంద్రంలో ర్యాలీ నిర్వహించారు. అనంతరం జిల్లా ప్రధాన కార్యదర్శి మాదాసు రాజశేఖర్‌ మాట్లాడుతూ కార్పొరేట్‌ సెలూన్‌ వ్యవస్థలో వెనక్కి తగ్గకుంటే రాబోయే రోజుల్లో పోరాటాన్ని ఉధృతం చేస్తామన్నారు. నాయీబ్రాహ్మణులకు జయశంకర్‌ ఫౌండేషన్‌ చైర్మన్‌ అయిలి మారుతి మద్దతు తెలిపారు. ఈ కార్యక్రమంలో పట్టణ అధ్యక్షుడు పందిళ్ల రమేష్‌, జిల్లా గౌరవ అధ్యక్షుడు దుబ్బాక సంపత్‌, రాష్ట్ర ఉపాధ్యక్షుడు విజయ గిరి సమ్మయ్య, మండల అధ్యక్షుడు మంతెన భూమయ్య, నాయకులు వంగపల్లి సుదర్శన్‌, మురహరి శంకర్‌, జంపాల తిరుపతి, తదితరులు పాల్గొన్నారు.

భూపాలపల్లి: వేసవిలో తాగునీటి ఇబ్బంది రాకుండా ముందస్తు చర్యలు తీసుకున్నాం. తాగునీటి సరఫరాలో సమస్యలు తలెత్తితే మున్సిపల్‌ కార్యాలయంలోని కాల్‌ సెంటర్‌ 8978180036కు ఫోన్‌ చేస్తే తక్షణమే చర్యలు తీసుకుంటామని భూపాలపల్లి మున్సిపాలిటీ కమిషనర్‌ బిర్రు శ్రీనివాస్‌ వెల్లడించారు. పట్టణ పరిధిలోని సమస్యలను అధికారుల దృష్టికి తీసుకెళ్లి పరిష్కరించేందుకు బుధవారం ‘సాక్షి’ ఆధ్వర్యంలో ఫోన్‌ ఇన్‌ నిర్వహించగా అనూహ్య స్పందన లభించింది. మున్సిపల్‌ పరిధిలోని పలువురు తమ సమస్యలను కమిషనర్‌కు ఫోన్‌లో వివరించగా, కొన్నింటిని తక్షణమే పరిష్కరించేందుకు చర్యలు చేపట్టారు. ప్రశ్న: సెంట్రల్‌ లైటింగ్‌ లైట్లు వెలగక ప్రమాదాలు జరుగుతున్నాయి. – ముంజాల రవీందర్‌, మాజీ కౌన్సిలర్‌, మంజూర్‌నగర్‌ కమిషనర్‌: సెంట్రల్‌ లైటింగ్‌ మరమ్మతుకు నోచుకున్న విషయాన్ని ఎమ్మెల్యే గండ్ర సత్యనారాయణరావు దృష్టికి తీసుకెళ్లగా డీఎంఎఫ్‌టీ నిధుల నుంచి రూ.1.50 కోట్లు మంజూరు చేయించారు. త్వరలోనే పనులు ప్రారంభిస్తాం. ప్రశ్న: హనుమాన్‌నగర్‌ సమీపంలోని పోచమ్మగుడి వద్ద డివైడర్‌ కటింగ్‌ను మరింత వెడల్పు చేయాలి. మెయిన్‌ రోడ్‌లోని ప్రధాన ఆస్పత్రి, మజీద్‌ దగ్గర మిషన్‌ భగీరథ వాటర్‌ లీకేజీ అయి దుకాణాల ఎదుట నీరు పారుతుంది. – మహ్మద్‌ రఫీక్‌, ఫొటో స్టూడియో యజమాని, హనుమాన్‌నగర్‌ కమిషనర్‌: డివైడర్‌ కటింగ్‌ను వెడల్పు చేసే విషయాన్ని ఎన్‌హెచ్‌ అధికారులకు లేఖ ద్వారా తెలియజేస్తాం. వాటర్‌ లీకేజీ కాకుండా తక్షణమే చర్యలు తీసుకుంటాం. ప్రశ్న: సుభాష్‌కాలనీలోని వారసంత జరిగే స్థలం పక్కన సైడ్‌ కాల్వలు లేక మురుగు నీరు రోడ్డుపై పారుతుంది. – అనపర్తి లక్ష్మణ్‌, సుభాష్‌కాలనీ కమిషనర్‌: డ్రెయినేజీ నిర్మాణానికి ప్రతిపాదనలు సిద్ధం చేస్తాం. తాత్కాలికంగా అక్కడ సిమెంట్‌ పైపులు వేస్తాం. ప్రశ్న: జంగేడులోని ఓపెన్‌ జిమ్‌ను మరమ్మతు చేయించాలి – కూచన కిషన్‌ప్రసాద్‌, జంగేడు, 14వ వార్డు కమిషనర్‌: మున్సిపాలిటీ పరిధిలోని అన్ని ఓపెన్‌ జిమ్‌ల మరమ్మతుకు ప్రతిపాదనలు పంపిస్తాం. ప్రశ్న: మంజూర్‌నగర్‌లోని వెంకటేశ్వరస్వామి గుడి వెనుక కాలనీలో సైడ్‌ కాల్వలు లేక ఇబ్బంది పడుతున్నాం. – మంథెన సత్యనారాయణ, పసుల శ్రీనివాస్‌, వెంకటేశ్వర కాలనీ కమిషనర్‌: అక్కడ సుమారు 300 మీటర్ల మేరకు సైడ్‌ కాల్వ నిర్మించాల్సి ఉన్నట్లుగా గుర్తించాం. ఏప్రిల్‌ నెలలో ఎస్టిమేట్‌ తయారు చేపిస్తాం. ప్రశ్న: సుభాష్‌కాలనీలో పది లైన్లకు కలిపి ఒకే వాల్వ్‌ ఉంది. దీంతో మిషన్‌ భగీరథ నీరు చాలా నెమ్మదిగా, తక్కువగా వస్తున్నాయి. – చుక్క బాలరాజు, సుభాష్‌కాలనీ. కమిషనర్‌: నేను స్వయంగా అక్కడికి వచ్చి చూస్తాను. మరో రెండు వాల్వ్‌లను తక్షణమే ఏర్పాటు చేసేలా చర్యలు తీసుకుంటా. ప్రశ్న: శాంతినగర్‌ 18వ వార్డులో ఖాళీ స్థలాల్లో పిచ్చిమొక్కలు పెరగడంతోపాటు పందులకు ఆవాసంగా మారుతున్నాయి. – ప్రభుదాస్‌, శాంతినగర్‌ కమిషనర్‌: ఖాళీ స్థలాల యజమానులకు నోటీసులు జారీ చేసి స్థలాలను శుభ్రం చేసేలా చర్యలు తీసుకుంటాం. ప్రశ్న: రెడ్డికాలనీలో చెత్త సేకరణకు ప్రతీరోజు రావడం లేదు. – రాజేందర్‌రెడ్డి, రెడ్డికాలనీ కమిషనర్‌: శానిటరీ ఇన్‌స్పెక్టర్‌కు చెప్పి ప్రతీరోజు చెత్త వాహనాలు వచ్చేలా చూస్తాం. ప్రశ్న:అంబేడ్కర్‌ సెంటర్‌ నుంచి ఓసీపీ 2 వరకు నిర్మిస్తున్న రహదారి పనులు నిలిచిపోయాయి. దీంతో వాహనదారులు ఇబ్బందులు పడుతున్నారు. – భీమనాధుని సత్యనారాయణ, రెడ్డికాలనీ కమిషనర్‌: ఆర్‌అండ్‌బీ అధికారులతో మాట్లాడి పనులు వేగవంతం చేసేలా చూస్తాం. ప్రశ్న: నోటీసులు ఇవ్వకుండా నా ఇళ్లు కూలగొట్టారు. – పుల్యాల తిరుపతి, సుభాష్‌కాలనీ కమిషనర్‌: సైడ్‌ కాల్వ నిర్మించాల్సిన స్థలంలో మీరు ఇంటి నిర్మాణం చేపట్టారు. నోటీసులు ఇచ్చి కొంత మేరకు తొలగించాం. సైడ్‌ కాల్వ నిర్మాణానికి సహకరించాలి. ప్రశ్న: మంజూర్‌నగర్‌ మెయిన్‌ రోడ్డుకు మూడేళ్లుగా పైప్‌లైన్‌ ద్వారా తాగునీరు అందించడం లేదు. – లక్ష్మణ్‌నాయక్‌, మంజూర్‌నగర్‌ కమిషనర్‌: ఏఈని పంపించి మిషన్‌ భగీరథ నీరు అందించేలా చర్యలు తీసుకుంటాం. న్యూస్‌రీల్‌ప్రశ్న: ఓసీపీ 2 (పాత కేటీకే 2వ ఇంక్‌లైన్‌) నుంచి అంబేడ్కర్‌ మీదుగా బొగ్గు లారీలు వెళ్లడంతో ప్రమాదాలు జరుగుతున్నాయి. మిలీనియం క్వార్టర్స్‌లోని పెద్ద రోడ్డు నుంచి కేటీకే 5వ ఇంక్‌లైన్‌ వరకు సింగరేణి నిర్మించిన రోడ్డు మీదుగా లారీలను నడిపిస్తే ఇబ్బంది ఉండదు. – గంపల దేవేందర్‌, సుభాష్‌కాలనీ కమిషనర్‌: రెండు రోజుల్లో సింగరేణి జీఎం, ఎస్పీ గారికి లేఖ రాసి మిలీనియం క్వార్టర్స్‌, కేటీకే 5వ ఇంక్‌లైన్‌ మీదుగా బొగ్గు లారీలు వెళ్లేలా చర్యలు తీసుకుంటాం.

కాళేశ్వరం: ఉపాధి పనుల్లో కూలీలకు ఓఆర్‌ఎస్‌ ప్యాకెట్లు అందుబాటులో ఉంచాలని అదనపు కలెక్టర్‌ విజయలక్ష్మి తెలిపారు. బుధవారం మహదేవపూర్‌ మండల కేంద్రంలోని ఎంపీడీఓ కార్యాలయంలో గ్రామపంచాయతీ, రెవెన్యూ సిబ్బంది, ఉపాధిహామీ సిబ్బందితో సమీక్ష సమావేశం నిర్వహించారు. ఈ సందర్భంగా అడిషనల్‌ కలెక్టర్‌ మాట్లాడుతూ వేసవికాలం సమీపించినందున తాగునీటికి ఇబ్బంది లేకుండా చూడాలన్నారు. ఉపాధిహామీ పథకంలో ఆర్థిక సంవత్సరానికి లేబర్‌ బడ్జెట్‌ అప్రూవ్‌ చేసిన పని టార్గెట్‌గా పెట్టుకోవాలన్నారు. కూలీల దినసరి వేతనం రూ.300 లభించేవిధంగా మేట్లు, ఫీల్డ్‌ అసిస్టెంట్‌లు ముందస్తుగా కొలతల ప్రకారం పని చేయించాలని ఆదేశించారు. మెట్‌పల్లి, మహదేవపూర్‌, కాళేశ్వరం అంబట్‌పల్లిలో ఎల్‌ఆర్‌ఎస్‌ కోసం దరఖాస్తు చేసుకున్న వారు ఈనెలాఖరు వరకు 25శాతం రుసుము రాయితీతో చెల్లించాలన్నారు. పంచాయతీల్లో ఇంటి పన్ను వందశాతం పూర్తి చేయాలన్నారు. ఈ కార్యక్రమంలో డీఎల్‌పీఓ వీరభద్రయ్య, తహసీల్ధార్‌ ప్రహ్లాద్‌రాథోడ్‌, ఎంపీడీఓ వెంకటేశ్వర్లు, ఎంపీఓ ప్రసాద్‌ తదితరులు పాల్గొన్నారు.అదనపు కలెక్టర్‌ విజయలక్ష్మి

వేసవిలో నీటి సమస్య వస్తే 8978180036కు ఫోన్‌ చేయండితాగునీటికి ఇబ్బందులు ‘సాక్షి’ ఫోన్‌ ఇన్‌లో సమస్యలు వింటున్న మున్సిపల్‌ కమిషనర్‌ శ్రీనివాస్‌● త్వరలోనే సెంట్రల్‌ లైటింగ్‌ మరమ్మతు పనులు ● మున్సిపల్‌ కమిషనర్‌ శ్రీనివాస్‌ ● ‘సాక్షి’ ఫోన్‌ ఇన్‌ కార్యక్రమానికి అనూహ్య స్పందన ప్రశ్న: జవహర్‌నగర్‌కాలనీలో తాగునీటి కొరత ఉంది. కొందరు మిషన్‌ భగీరథ పైప్‌లైన్‌కు మోటార్లు బిగిస్తున్నారు. అంబేడ్కర్‌ సెంటర్‌లో పార్కింగ్‌ స్థలం లేక వాహనదారులు ఇబ్బంది పడుతున్నారు. – ఎరుకల గణపతి, మున్సిపల్‌ మాజీ వైస్‌ చైర్మన్‌ కమిషనర్‌: వేసవిలో తాగునీటి ఎద్దడి రాకుండా చర్యలు తీసుకుంటున్నాం. తనిఖీలు నిర్వహించి మిషన్‌ భగీరథ పైప్‌లైన్‌లకు మోటార్లు బిగించే వారిపై కేసులు నమోదు చేయిస్తాం. పట్టణ మాస్టర్‌ ప్లాన్‌ సిద్ధం అవుతుంది. త్వరలోనే పార్కింగ్‌ ఇబ్బందులు తీరుతాయి.

గణపురం: విద్యార్థుల పరీక్షలు ముగిసే వరకు అన్ని శాఖల అఽధికారులు అప్రమత్తంగా ఉండాలని కలెక్టర్‌ రాహుల్‌శర్మ కోరారు. బుధవారం మండల కేంద్రంలోని మోడల్‌ స్కూల్‌ పరీక్ష కేంద్రాన్ని కలెక్టర్‌ పరిశీలించారు. ఈ సందర్భంగా విద్యుత్‌, తాగునీరు, వైద్యసేవలను పరిశీలించి, పరీక్షలకు హాజరయ్యే విద్యార్థుల సంఖ్యను అడిగి తెలుసుకున్నారు. అనంతరం ఆయన మాట్లాడుతూ పరీక్షల నిర్వాహన పకడ్బందీగా నిర్వహించాలన్నారు. పరీక్ష కేంద్రం వద్ద బందోబస్తు నిర్వహించాలని, విద్యార్థుల వెంట ఎలక్ట్రానిక్‌ పరికరాలను ఉండకుండా, మాస్‌ కాపీయింగ్‌కు తావు లేకుండా జాగ్రత్తలు వహించాలన్నారు. అలాగే ప్రశ్నపత్రాలు, జవాబు పత్రాల తరలింపులో జాగ్రత్తగా ఉండాలని అధికారులను ఆదేశించారు. కలెక్టర్‌ వెంట తహసీల్దార్‌ సత్యనారాయణస్వామి, సీఎస్‌, తదితరులు ఉన్నారు. ఏడుగురి గైర్హాజరు భూపాలపల్లి రూరల్‌: జిల్లాలో నిర్వహిస్తున్న పదో తరగతి పబ్లిక్‌ పరీక్షలు కొనసాగుతున్నట్లు డీఈఓ రాజేందర్‌ తెలిపారు. బుధవారం నిర్వహించిన పరీక్షలో 3,449 మందికి గాను 3,442 మంది విద్యార్థులు హాజరై ఏడుగురు విద్యార్థులు గైర్హాజరైనట్లు తెలిపారు. జిల్లాలోని పలు పరీక్ష కేంద్రాలను అదనపు కలెక్టర్‌ విజయలక్ష్మి, పరీక్షల నియంత్రణ అధికారి మందల రవీందర్‌రెడ్డి, ఫ్లైయింగ్‌ స్క్వాడ్‌ బృందాలు తనిఖీ చేసినట్లు తెలిపారు.కలెక్టర్‌ రాహుల్‌శర్మ

వెంకటాపురం(ఎం): మండల పరిధిలోని లింగాపూర్‌ జాతీయ రహదారి శివారులోని నందిపాడు ప్రాంతంలో మంగళవారం సాయంత్రం పులి సంచరిస్తున్నట్లు గొత్తికోయలు గమనించి లింగాపూర్‌ గ్రామస్తులకు సమాచారం అందించారు. ఈ మేరకు వారు బుధవారం ఉదయం అటవీశాఖ అధికారులకు సమాచారం అందించారు. వెంటనే స్పందించిన ములు గు ఎఫ్‌ఆర్‌ఓ శంకర్‌ అటవీశాఖ సిబ్బందితో కలిసి పులి సంచరించిన ప్రదేశానికి చేరుకుని పరిశీలించారు. ఆ ప్రదేశంలో పులి సంచరించినట్లు పాదముద్రలను గుర్తించారు. ఈ సందర్భంగా ఎఫ్‌ఆర్‌ఓ శంకర్‌ మాట్లాడుతూ పస్రా రేంజ్‌ పరిధిలో పులి సంచరిస్తున్నట్లు వెల్లడించారు. లింగాపూర్‌ పరిధిలోని జాతీయ రహదారి పక్కన కూడా పులి సంచరించినట్లు వివరించారు. పులి పాదముద్రల ఆధారంగా ట్రేస్‌ చేస్తున్నామన్నారు. ప్రజలు, మేకల కాపరులు అటవీ ప్రాంతంలోకి వెళ్లకూడదన్నారు.పాదముద్రలను గుర్తించిన అటవీశాఖ అధికారులు

సాక్షిప్రతినిధి, వరంగల్‌/ఎల్కతుర్తి : బీఆర్‌ఎస్‌ ఉద్యమాలకు సెంటిమెంట్‌గా భావించే ఓరుగల్లులోనే ఏప్రిల్‌ 27న బీఆర్‌ఎస్‌ రజతోత్సవ భారీ సభను నిర్వహించాలన్న తుది నిర్ణయానికి ఆ పార్టీ అధినేత కేసీఆర్‌ వచ్చారు. ఆయన ఆదేశాల మేరకు బుధవారం హనుమకొండ జిల్లా ఎల్కతుర్తిలో నాయకులు స్థల పరిశీలన చేశారు. మొదట గ్రేటర్‌ వరంగల్‌ పరిధిలోని హంటర్‌రోడ్డు, లేదా ఉనికిచర్లలో నిర్వహించాలని ఈ నెల 10న మాజీ మంత్రి, సభ ఇన్‌చార్జ్‌ టి.హరీశ్‌రావు స్థల పరిశీలన చేశారు. ఆ తర్వాత హసన్‌పర్తి మండలం దేవన్నపేట అయితే ట్రాఫిక్‌కు అంతరాయం లేకుండా ఉంటుందని భావించి అక్కడ కూడా పర్యటించారు. ఇదే సమయంలో ఈసారి సభను వరంగల్‌ కాకుండా హైదరాబాద్‌ శివారులో పెట్టాలన్న చర్చ పార్టీలో జరిగినట్లు ప్రచారం జరిగింది. వేసవి ఎండలు తీవ్రమయ్యే సమయంలో వరంగల్‌ కంటే హైదరాబాద్‌ శివారు ప్రాంతమైతే బాగుంటుందని భావించినట్లు సమాచారం. ఘట్‌కేసర్‌లో సభావేదికను ఎంచుకున్నారన్న ప్రచారం కూడా జరిగింది. తాజాగా కేసీఆర్‌ ఆదేశాల మేరకు బుధవారం మాజీ ఎమ్మెల్యేలు దాస్యం వినయ్‌భాస్కర్‌, వొడితెల సతీష్‌కుమార్‌, పెద్ది సుదర్శన్‌ రెడ్డి తదితరులు హస్నాబాద్‌ నియోజకవర్గ పరిధి ఎల్కతుర్తిలో స్థల పరిశీలన చేశారు. ఎల్కతుర్తి మండల కేంద్రంతోపాటు గోపాల్‌పూర్‌, మడిపల్లి, చింతలపల్లి శివార్లు.. ఎల్కతుర్తి – భీమదేవరపల్లి మధ్యన కుడి, ఎడమల స్థలాలను కూడా పరిశీలించారు. ఈ మేరకు రైతులనుంచి అంగీకారపత్రాలు కూడా తీసుకున్నారు. ఎల్కతుర్తి సభాస్థలిపై కేసీఆర్‌కు నివేదిక.. నేడో, రేపో నిర్ణయం.. సభావేదిక వివరాలను గురువారం పార్టీ అధినేత కేసీఆర్‌కు అందజేయనున్నట్లు బీఆర్‌ఎస్‌ నాయకులు చెప్పారు. సుమారు 15లక్షల మంది వరకు హాజరయ్యే రజతోత్సవ సభ కోసం భారీ ఏర్పాట్లు చేయాల్సి ఉంది. ఇదే విషయమై ఎల్కతుర్తి మండలంలో నిర్వహించేందుకు పరిశీలించిన రెండు, మూడు స్థలాల వివరాలు, మ్యాప్‌లను పార్టీ అధి నేత కేసీఆర్‌కు సమర్పించినట్లు ఆ పార్టీ నేతలు చె ప్పారు. కేసీఆర్‌తో చర్చించి ఆయన నిర్ణయం మే రకు సభావేదికపై స్పష్టమైన ప్రకటన వెలువడుతుందని మాజీ ఎమ్మెల్యే వొడితెల సతీష్‌కుమార్‌ తెలిపారు. ఇదిలా ఉండగా.. రజతోత్సవ సభపై త్వ రలోనే తుది నిర్ణయం తీసుకోనున్న కేసీఆర్‌.. నేడో, రేపో ఉమ్మడి వరంగల్‌ నేతలతో చర్చించే అవకాశం ఉందని పార్టీ వర్గాల ద్వారా తెలిసింది.డ్రోన్ల ద్వారా సభావేదిక మ్యాపింగ్‌.. ఎల్కతుర్తి మండల కేంద్రంలో అనువైన ప్రదేశాన్ని ఆ పార్టీ మాజీ ఎమ్మెల్యేలు వొడితెల సతీష్‌కుమార్‌, దాస్యం వినయ్‌భాస్కర్‌, పెద్ది సుదర్శన్‌రెడ్డిలు బుధవారం బీఆర్‌ఎస్‌ శ్రేణులతో కలిసి పరిశీలించారు. ముల్కనూర్‌ రోడ్డు, చింతలపల్లి రోడ్డు సమీపంలో గల అనువైన ప్రదేశాన్ని చూసి అనువుగా భావించిన వారు.. డ్రోన్‌ కెమెరా ద్వారా ఆ ప్రాంతాన్ని మ్యాపింగ్‌ చేయించారు. ఈ భూమికి సంబంధించిన రైతులతో మాట్లాడగా వారు సుముఖత వ్యక్తం చేసినట్లు తెలిపారు. అందుకు అనుగుణంగా ఎల్కతుర్తికి వచ్చే దారులవెంట కిలోమీటర్‌ దూరంలో గల ప్రదేశాలను వాహనాల పార్కింగ్‌ కోసం చూశారు. వారి వెంట పార్టీ మండల అధ్యక్షుడు పిట్టల మహేందర్‌, మాజీ వైస్‌ఎంపీపీ తంగెడ నగేష్‌, మాజీ ఎంపీటీసీ కడారి రాజు, శేషగిరి, రవిందర్‌, చిట్టిగౌడ్‌ ఉన్నారు.ఇక్కడే బీఆర్‌ఎస్‌ రజతోత్సవ సభకు కేసీఆర్‌ సై తాజాగా ఎల్కతుర్తిలో స్థల పరిశీలన చేసిన నేతలు డ్రోన్‌ కెమెరాలతో సభాస్థలి, పార్కింగ్‌ స్థలాల మ్యాపింగ్‌ కేసీఆర్‌ దృష్టికి మ్యాప్‌లతో సహా అన్ని వివరాలు వేదిక దేవన్నపేటా? ఎల్కతుర్తా.?.. నేడో, రేపో తేల్చనున్న అధినేత

భూపాలపల్లి: రూరల్‌ ఇండియా స్వచ్ఛంద సంస్థ సేవలు అభినందనీయమని ఎస్పీ కిరణ్‌ ఖరే అన్నారు. స్వచ్ఛంద సంస్థ ప్రతినిధి నందకుమార్‌ బుధవారం జిల్లా పోలీసు కార్యాలయంలో ఎస్పీని కలిసి పలు పుస్తకాలను అందజేశారు. అనంతరం ఎస్పీ మాట్లాడుతూ జిల్లాలోని అటవీ గ్రామాలతో పాటు ఎంపిక ప్రాతిపదికన 19 ప్రాథమిక, ఉన్నత పాఠశాలల్లో లైబ్రరీల ఏర్పాటు, స్పోర్ట్స్‌ కిట్లను సంస్థ వ్యవస్థాపకుడు పూణేకు చెందిన ప్రదీప్‌ లోకండే అందించడం అభినందనీయమన్నారు. ఈ కార్యక్రమంలో సంస్థ ప్రతినిధి నితీన్‌కుమార్‌, ఎస్పీ సీసీ ఫసియొద్ధిన్‌ తదితరులు పాల్గొన్నారు.ఎస్పీ కిరణ్‌ ఖరే

సాక్షిప్రతినిధి, వరంగల్‌/కాజీపేట అర్బన్‌ : అంకేశ్వరపు సారయ్య అలియాస్‌ సుధీర్‌, ఎల్లన్న, సుధాకర్‌.. హనుమకొండ జిల్లా తరాలపల్లి ముద్దుబిడ్డ.. రెండు పదుల వయస్సులో ఆయిడిసి, బాయిడిసి అడవిబాట పట్టిన మావోయిస్టు నేత. దళసభ్యుడినుంచి దండకారణ్యం స్పెషల్‌ జోన్‌ కమిటీ సభ్యుడి వరకు ఎదిగిన సారయ్య అలియాస్‌ సుధీర్‌ 35 ఏళ్ల ఉద్యమ ప్రస్థానం ముగిసింది. ఛత్తీస్‌గఢ్‌లో జరిగిన ఎన్‌కౌంటర్‌లో మృతిచెందాడు. దంతెవాడ జిల్లా బీజాపూర్‌ ప్రాంతంలోని గీడం పోలీస్‌స్టేషన్‌ పరిధిలోని గిర్సాపర, నెల్గోడ, బోడ్గా, ఇకెలి గ్రామాల సరిహద్దు ప్రాంతాల్లో ఈ ఎన్‌కౌంటర్‌ జరిగినట్లు ఎస్పీ గౌరవ్‌రాయ్‌ మంగళవారం ప్రకటించారు. ఈ ఎన్‌కౌంటర్‌లో మొత్తం ముగ్గురు మృతిచెందగా.. మృతుల్లో సారయ్య ఉన్నట్లు వెల్లడించారు. సారయ్య మృతి చెందాడన్న వార్తతో తరాలపల్లిలో విషాదఛాయలు అలుముకున్నాయి. నేడు తరాలపల్లికి సారయ్య మృతదేహం రానుంది. విద్యార్థిదశ నుంచే ఉద్యమాలు.. తరాలపల్లి గ్రామానికి చెందిన సారయ్య కొండపర్తి గ్రామంలో ప్రభుత్వ ఉన్నత పాఠశాలలో విద్యనభ్యసించారు. 1982లో 10వ తరగతి చదువుతున్న తరుణంలోనే నాడు మావోయిస్టులు ఇచ్చిన ‘గ్రామాలకు తరలండి’ పిలుపునకు ఆకర్షితుడై, తరాలపల్లి విలేజ్‌ ఆర్గనైజర్‌ బండి ఆశాలు, హనుమకొండ సిటీ ఆర్గనైజర్‌ తిప్పారపు రాములు అలియాస్‌ తాత సారథ్యంలో తరాలపల్లి గ్రామ అధ్యక్షుడిగా తన ప్రస్థానం ప్రారంభించాడు. అంచెలంచెలుగా మావోయిస్టు పార్టీలో ఎదుగుతున్న తరుణంలో 1990లో బీఎస్‌ఎఫ్‌ సిబ్బంది గ్రామాల్లోకి రావడంతో అజ్ఞాతంలోకి వెళ్లిపోయాడు. 1993లో జరిగిన ఎన్‌కౌంటర్‌లో సిటీ ఆర్గనైజర్‌ తాత చనిపోవడంతో.. అజ్ఞాతంలోకి వెళ్లిన సారయ్య నేటి వరకు గ్రామానికి తిరిగి రాలేదు. అమరుల పల్లె తరాలపల్లి.. కాజీపేట మండలం తరాలపల్లి ఉద్యమాలకు కేరాఫ్‌. ఎందరో ఈ గ్రామంనుంచి విప్లవోద్యమాల వైపు ఆకర్షితులై ఎన్‌కౌంటర్లలో అసువులు బాశారు. 1991లో వేల్పుల జగదీష్‌ అలియాస్‌ ఉప్పలన్న, 1992లో బండి ఆశాలు అలియాస్‌ శ్రీను పగిడేరు ఎన్‌కౌంటర్‌లో చనిపోయారు. 1998 నుంచి గాజుల శ్రీకాంత్‌ అలియాస్‌ శ్రీనాథ్‌, ముప్పిడి నాగేశ్వర్‌రావు అలియాస్‌ విశ్వనాథ్‌, చిరబోయిన సదానందం అలియాస్‌ కౌముదీ, సంపత్‌, కొత్తపల్లి సాంబయ్య అలియాస్‌ ఉప్పలన్నలు మృతిచెందగా.. మంగళవారం ఛత్తీస్‌గఢ్‌లో జరిగిన ఎన్‌కౌంటర్‌లో అంకేశ్వరపు సారయ్య చనిపోవడం చర్చనీయాంశంగా మారింది. ముగిసిన అంకేశ్వరపు సారయ్య ఉద్యమ ప్రస్థానం 35 ఏళ్ల అజ్ఞాతవాసం... దళసభ్యుడి నుంచి డీకేఎస్‌జడ్‌సీ వరకు దంతెవాడ ఎన్‌కౌంటర్‌లో అసువులు బాసిన సుధీర్‌ విషాదంలో తరాలపల్లి.. నేడు గ్రామానికి మృతదేహం

భూపాలపల్లి: వేసవిలో తాగు, సాగునీటి సమస్యలు తలెత్తకుండా చర్యలు చేపట్టాలని కలెక్టర్‌ రాహుల్‌ శర్మ అధికారులను ఆదేశించారు. తాగునీరు, సాగు నీరు, ఉపాధి హామీ పథకం అమలు, ఎల్‌ఆర్‌ఎస్‌, ఇంటి పన్నుల వసూలు, ఇందిరమ్మ ఇళ్లు, రేషన్‌ కార్డుల మంజూరు తదితర అంశాలపై మంగళవారం ఐడీఓసీ కార్యాలయంలోని సమావేశ మందిరంలో మండల ప్రత్యేక అధికారులు, తహసీల్దార్లు, ఎంపీడీఓలు తదితర అధికారులతో సమీక్ష సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ.. మండలస్థాయిలో అధికారులు సమావేశం ఏర్పాటుచేసి తాగునీటి సమస్యలపై నివేదికలు అందించాలన్నారు. గ్రామాల్లో మిషన్‌ భగీరథ నీటి సరఫరాను అందించాలని, ఎక్కడైనా తాగునీటి సమస్య తలెత్తితే అధికారులు ముందుగానే ప్రజలకు తెలియజేయాలన్నారు. సాగునీరు సమస్య తలెత్తకుండా చూడాలని క్షేత్రస్థాయిలో పరిశీలించి కాలువలు, చెరువుల నుంచి సాగవుతున్న పంటలకు నీరు అందించేందుకు చర్యలు చేపట్టాలన్నారు. ఉపాధి హామీ పథకం ద్వారా కూలీలకు సరైన పనిదినాలు కల్పించాలన్నారు. ఇప్పటివరకు జిల్లాలో 91శాతం ఇంటి పన్నులు వసూలు చేశారని, మిగిలిన 9 శాతాన్ని ఈ నెల 31వ తేదీలోగా పూర్తి చేయాలన్నారు. ఈ సమావేశంలో అదనపు కలెక్టర్లు అశోక్‌కుమార్‌, విజయలక్ష్మి, కాటారం సబ్‌ కలెక్టర్‌ మయాంక్‌సింగ్‌, డీపీఓ నారాయణరావు, వివిధ శాఖల ఇంజనీరింగ్‌ అధికారులు పాల్గొన్నారు. ప్రణాళికలు రూపొందించాలి.. జిల్లాలో సమగ్ర ప్రణాళిక అమలుకు సంబంధించి ‘సబ్‌కి యోజన–సబ్‌కి వికాస్‌’ కింద జిల్లా, మండల ప్రణాళికలు రూపొందించాలని కలెక్టర్‌ రాహుల్‌ శర్మ తెలిపారు. మంగళవారం ఐడీఓసీ కార్యాలయంలో ‘సబ్‌కి యోజన–సబ్‌కి వికాస్‌’ కింద జిల్లా, మండల ప్రణాళికలు రూపకల్పనపై జిల్లాస్థాయి సమావేశం నిర్వహించారు. ఈ సమావేశంలో అధికారులకు కలెక్టర్‌ పలు సూచనలు చేశారు. ప్రజల అవసరాలను దృష్టిలో ఉంచుకుని సమర్థవంతమైన అభివృద్ధి చర్యలు చేపట్టాలని సూచించారు. ఈ సమావేశంలో అదనపు కలెక్టర్లు అశోక్‌కుమార్‌, విజయలక్ష్మి, సబ్‌ కలెక్టర్‌ మయాంక్‌ సింగ్‌ తదితరులు పాల్గొన్నారు.కలెక్టర్‌ రాహుల్‌ శర్మ

భూపాలపల్లి: రోడ్డు ప్రమాదాల నివారణ, ట్రాఫిక్‌ జామ్‌ సమస్య ఉత్పన్నం కాకుండా ఉండేందుకు ఇసుక లారీ డ్రైవర్లు తప్పకుండా నిర్ధేషిత సమయంలోనే లారీలను రోడ్డుపైకి తీసుకురావాలని ఎస్పీ కిరణ్‌ ఖరే మంగళవారం ఒక ప్రకటనలో పేర్కొన్నారు. ఉదయం 7గంటల నుంచి 9గంటల వరకు, సాయంత్రం 4గంటల నుంచి రాత్రి 7గంటల వరకు ఇసుక లారీలకు జాతీయ రహదారిపై అనుమతి లేదన్నారు. హోల్డింగ్‌ పాయింట్స్‌, చెక్‌పోస్టుల్లో లారీలు నిలిపిఉంచి, సమయపాలన ప్రకారం నడుచుకోవాలని పేర్కొన్నారు. ఇసుక లారీల ట్రాఫిక్‌ నియంత్రణకు రేగొండ, కాటారంలో చెక్‌పోస్టులు, హోల్డింగ్‌ పాయింట్స్‌ ఏర్పాటు చేసినట్లు చెప్పారు. జిల్లా పోలీసులు 24 గంటల పాటు పెట్రోలింగ్‌ నిర్వహిస్తారని, లారీడ్రైవర్లు ఇష్టారాజ్యంగా వ్యవహరిస్తే కఠిన చర్యలు తప్పవని ఎస్పీ హెచ్చరించారు.ఎస్పీ కిరణ్‌ ఖరే

భూపాలపల్లి రూరల్‌: ఉగాది పండగను పురస్కరించుకుని రాష్ట్ర ప్రభుత్వం పేదలకు తీపికబురు అందించింది. ఆహారభద్రత కార్డుదారులకు ఏప్రిల్‌ 1నుంచి సన్నబియ్యం ఇవ్వాలని నిర్ణయించింది. ప్రస్తుతం డీలర్ల వద్ద నిల్వ ఉన్న దొడ్డుబియ్యం మొత్తం వెనక్కి పంపించాలని ఆదేశించింది. ఈ మేరకు అవసరమైన చర్యలు ముమ్మరం చేసింది. ఇప్పటికే గోదాముల్లో బియ్యం సిద్ధంగా ఉంచిన అధికారులు ప్రభుత్వం నుంచి ఆదేశాలు రాగానే వాటిని రేషన్‌ షాఫులకు తరలించి పంపిణీ చేసేందుకు సిద్ధమవుతున్నారు. సర్కారు తాజా నిర్ణయంతో సన్నబియ్యం కొనుగోలు చేయలేని పేదలకు ప్రయోజనం చేకూరనుంది. ఏప్రిల్‌ 1నుంచి పంపిణీకి ఏర్పాట్లు లబ్ధిదారుల్లో హర్షం..

మల్హర్‌ : మండలంలోని అడ్వాలపల్లి, దుబ్బపేట, గాదంపల్లి గ్రామాల్లోని గుడుంబా స్థావరాలపై మంగళవారం ఎకై ్సజ్‌ అధికారులు దాడులు చేశారు. ఈ సందర్భంగా గుడుంబా తయారీ కేంద్రాల్లో నిల్వ ఉన్న 600 లీటర్ల చక్కెర పానకాన్ని అధికారులు ధ్వంసం చేశారు. 40 కేజీల చక్కెర, 12 లీటర్ల నాటు సారాను స్వాధీనం చేసుకున్నారు. ఇద్దరిపై కేసు నమోదు చేసినట్లు కాటారం ఎకై ్సజ్‌ ఎస్సై కిష్టయ్య పేర్కొన్నారు. అనంతరం ఆయన మాట్లాడుతూ.. గుడుంబా తయారీ అనర్ధాలపై అవగాహన కల్పించారు. గుడుంబా తయారు చేసినా, కలిగి ఉన్న, రవాణా చేసిన, విక్రయించిన చట్టం ప్రకారం కఠిన చర్యలు తప్పవని హెచ్చరించారు. ఈ దాడుల్లో హెడ్‌ కానిస్టేబుల్‌ రాంచందర్‌, కానిస్టేబుళ్లు వెంకట రాజు, రామకృష్ణ పాల్గొన్నారు.

భూపాలపల్లి రూరల్‌: పోలీసులు ప్రజలకు జవాబుదారీగా పనిచేయాలని ఎస్పీ కిరణ్‌ ఖరే అన్నారు. సోమవారం జిల్లా పోలీసు కార్యాలయంలో నిర్వహించిన ప్రజాదివస్‌ కార్యక్రమంలో భాగంగా జిల్లాలోని వివిధ మండలాల నుంచి వచ్చిన 21మంది అర్జీదారుల నుంచి ఫిర్యాదులు స్వీకరించారు. ఈ సందర్భంగా సంబంధిత అధికారులతో ఫోన్‌లో మాట్లాడి, సమస్యల పూర్తి వివరాలను సమర్పించాలని, ప్రతి కేసుపై విచారణ జరిపి తగిన చర్యలు తీసుకోవాలని ఆదేశించారు. అనంతరం ఎస్పీ మాట్లాడుతూ.. ప్రజలు సమస్యలతో పోలీసుస్టేషన్‌ వచ్చినప్పుడు తక్షణమే స్పందించి న్యాయం జరిగేలా చేసినప్పుడే పోలీసులపై నమ్మకం కలుగుతుందని తెలిపారు.ఎస్పీ కిరణ్‌ ఖరే

భూపాలపల్లి: బయోమెట్రిక్‌ హాజరు ప్రకారమే సిబ్బందికి వేతన చెల్లింపులు చేయాలని కలెక్టర్‌ రాహుల్‌ శర్మ అన్ని శాఖల అధికారులను ఆదేశించారు. సోమవారం ఐడీఓసీ కార్యాలయ సమావేశపు హాల్‌లో అన్ని శాఖల అధికారులతో కలిసి బయోమెట్రిక్‌ హాజరు పరికరాలను పరిశీలించారు. అనంతరం అధికారులతో సమీక్ష నిర్వహించారు. అన్ని ప్రభుత్వ శాఖల సిబ్బంది తప్పనిసరిగా ఉదయం, సాయంత్రం నిర్దేశిత సమయం ప్రకారం బయోమెట్రిక్‌ హాజరు నమోదుచేయాలని సూచించారు. ఈ సమావేశంలో అదనపు కలెక్టర్లు అశోక్‌కుమార్‌, విజయలక్ష్మి, అన్ని శాఖల జిల్లా అధికారులు పాల్గొన్నారు. మిల్లెట్‌ కౌంటర్‌ అందుబాటులో ఉండాలి.. మిల్లెట్‌ కౌంటర్‌ ప్రతీరోజు కలెక్టరేట్‌లో అందుబాటులో ఉండేలా చర్యలు తీసుకోవాలని కలెక్టర్‌ రాహుల్‌శర్మ డీఆర్‌డీఓ నరేష్‌కు సూచించారు. ఐడీఓసీ కార్యాలయంలో ఏర్పాటు చేసిన మిల్లెట్‌ కౌంటర్‌ను పరిశీలించారు. వాటర్‌ షెడ్‌ యాత్ర విజయవంతం చేయాలి.. ఈ నెల 29న జిల్లాలో నిర్వహించే వాటర్‌షెడ్‌ యాత్రను విజయవంతం చేయాలని కలెక్టర్‌ రాహుల్‌ శర్మ అన్నారు. ఐడీఓసీ కార్యాలయ సమావేశపు మందిరంలో వివిధ శాఖల అధికారులతో వాటర్‌షెడ్‌ యాత్ర నిర్వహణపై కలెక్టర్‌ సమావేశం నిర్వహించారు. ఈ సమావేశంలో ఆయన మాట్లాడుతూ.. వేసవిలో నీటి వినియోగం, భూగర్భ జలాలు పెంపొందించేందుకు ఈ నెల 22న ఆదిలాబాద్‌లో మొదలైన యాత్ర 29వ తేదీన జిల్లాలో కొనసాగుతుందని తెలిపారు. క్షయ వ్యాధి నిర్మూలనకు కృషి చేయాలి.. క్షయ వ్యాధి నిర్మూలనకు ప్రతీ ఒక్కరు కృషి చేయాలని కలెక్టర్‌ రాహుల్‌ శర్మ పిలుపునిచ్చారు. ప్రపంచ క్షయ వ్యాధి నిర్మూలన దినోత్సవం సందర్భంగా ఐడీఓసీ కార్యాలయంలో సమీక్షా సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ.. అవగాహనతోనే క్షయ వ్యాధిని నిర్మూలించగలమని అన్నారు. సమీక్ష అనంతరం ఐడీఓసీ కార్యాలయంలో ఏర్పాటుచేసిన క్షయ వ్యాధి అవగాహన స్టాల్‌ను కలెక్టర్‌ పరిశీలించారు. ఈ కార్యక్రమంలో డీఎంహెచ్‌ఓ డాక్టర్‌ మధుసూదన్‌, వైద్యాధికారులు పాల్గొన్నారు. అనంతరం కలెక్టర్‌ ఈవీఎం గోదాంను పరిశీలించారు. ఈవీఎంల భద్రతపై నిరంతర పటిష్ట పర్యవేక్షణ ఉండాలని అధికారులకు సూచించారు. క్షయ వ్యాధి నిర్మూలనకు కృషి కలెక్టర్‌ రాహుల్‌ శర్మ

గణపురం: మండలకేంద్రంలోని కోటగుళ్లను సోమవారం ఇటలీ దేశానికి చెందిన ఆర్కిటెక్చర్‌ బృందం సందర్శించింది. ఇటలీకి చెందిన రార్టో, మేఘా ఆధ్వర్యంలో ఆర్కిటెక్చర్‌ బృందం సందర్శించి మొదట ఆలయంలో ప్రత్యేక పూజలు చేసింది. అనంతరం కోటగుళ్ల శిల్పసంపదను కెమెరాల్లో చిత్రీకరించుకున్నారు. ఆలయ శిల్ప సంపద అద్భుతంగా ఉందని కొనియాడారు. పరీక్ష కేంద్రాల తనిఖీ భూపాలపల్లి రూరల్‌: జిల్లాలోని పదవ తరగతి పరీక్షా కేంద్రాలను డీఈఓ రాజేందర్‌ సోమవారం తనిఖీ చేశారు. కాటారం ఆదర్శ పాఠశాల, జిల్లా పరిషత్‌ ఉన్నత పాఠశాల, ట్రైబల్‌ వెల్ఫేర్‌ రెసిడెన్షియల్‌ పాఠశాల, మహదేవపూర్‌ జిల్లా పరిషత్‌ ఉన్నత పాఠశాల, బాలురు, బాలికల పాఠశాలను సందర్శించారు. రెండు ఫ్లైయింగ్‌ స్క్వాడ్‌ బృందాలు జిల్లాలోని పరీక్షా కేంద్రాలను తనిఖీ చేశాయి. పరీక్షలకు సోమవారం 3,449 విద్యార్థులకు 3,435 మంది హాజరైనట్లు జిల్లా విద్యాశాఖ అధికారి రాజేందర్‌ ఒక ప్రకటనలో పేర్కొన్నారు. క్రికెట్‌ బెట్టింగ్‌లకు పాల్పడొద్దు ● కాటారం డీఎస్పీ గడ్డం రామ్మోహన్‌రెడ్డికాళేశ్వరం: ఐపీఎల్‌ సీజన్‌ ప్రారంభమైన నేపథ్యంలో క్రికెట్‌ అభిమానులు, యువకులు ఆన్‌లైన్‌ బెట్టింగ్‌లకు పాల్పడి జీవితాలను నాశనం చేసుకోవద్దని కాటారం డీఎస్పీ గడ్డం రామ్మోహన్‌రెడ్డి అన్నారు. సోమవారం ఆయన మహదేవపూర్‌ పోలీసుస్టేషన్‌లో విలేకర్లతో మాట్లాడారు. క్రికెట్‌ బెట్టింగ్‌లు చట్టవిరుద్ధమన్నారు. బెట్టింగ్‌లో డబ్బులు పోగొట్టుకొని జీవితాలను నాశనం చేసుకోవద్దని, రోడ్డున పడొద్దన్నారు. యువత, అభిమానులు దూరంగా ఉండాలని అన్నారు. ఎవరైనా బెట్టింగ్‌లకు పాల్పడితే పోలీసులకు సమాచారం ఇవ్వాలన్నారు. ఆయన వెంట సీఐ రామచందర్‌రావు, ఎస్సైలు పవన్‌కుమార్‌, తమాషారెడ్డి, రమేష్‌ ఉన్నారు. 27న ‘హలో బీసీ.. చలో ఢిల్లీ’ మొగుళ్లపల్లి: ఈ నెల 27న ఢిల్లీ జంతర్‌ మంతర్‌ దగ్గర జరిగే బీసీల మహాధర్నాకు వేలా దిగా తరలివచ్చి హలో బీసీ.. చలో ఢిల్లీ కార్యక్రమాన్ని విజయవంతం చేయాలని బీసీ సంక్షేమ సంఘం జిల్లా అధ్యక్షుడు వేముల మహేందర్‌ గౌడ్‌ పిలుపునిచ్చారు. సోమవారం మండలకేంద్రంలో ఏర్పాటు చేసిన విలేకరుల సమావేశంలో ఆయన మాట్లాడారు. బీసీలకు విద్య, ఉద్యోగ, స్థానిక సంస్థల కోటాలో 42 శాతం రిజర్వేషన్లను కల్పిస్తూ శాసనసభలో బిల్లు ఆమోదింపజేయడాన్ని స్వాగతిస్తున్నామన్నా రు. ఈ కార్యక్రమానికి జిల్లా నుంచి బీసీ విద్యార్థులు, బీసీ యువత, బీసీ మహిళలు, బీసీ ఉద్యోగస్తులు వేలాదిగా తరలి రావాలన్నారు.

రేగొండ: సమాజ నిర్మాణంలో ఉపాధ్యాయులదే కీలక పాత్ర అని టీచర్‌ ఎమ్మెల్సీ పింగిలి శ్రీపాల్‌రెడ్డి అన్నారు. సోమవారం కనిపర్తి పాఠశాల స్కూల్‌ అసిస్టెంట్‌ ఎల్లంకి భిక్షపతి ఉద్యోగ విరమణ సభకు శ్రీపాల్‌రెడ్డి హాజరై మాట్లాడారు. అన్ని వృత్తుల్లోకెల్లా ఉపాధ్యాయ వృత్తి గొప్పదని కొనియాడారు. విద్యార్థుల మేధాశక్తిని పెంచే ఉపాధ్యాయులే సమాజ నిర్మాతలు అన్నారు. అంకితభావంతో పనిచేసిన భిక్షపతిని ఆదర్శంగా తీసుకోవాలని ఉపాధ్యాయులకు సూచించారు. పదవీ విరమణ అనంతరం శేష జీవితాన్ని ప్రజా సేవకు అంకితం చేయాలన్నారు. ఈ కార్యక్రమంలో రేగొండ ఎంఈఓ ప్రభాకర్‌, కొత్తపల్లిగోరి ఎంఈఓ రాజు, పీఆర్‌టీయూ జిల్లా అధ్యక్షుడు సుబాకర్‌రెడ్డి, ప్రధాన కార్యదర్శి కిరణ్‌, మండల నాయకులు పాల్గొన్నారు.టీచర్‌ ఎమ్మెల్సీ పింగిలి శ్రీపాల్‌రెడ్డి

మంగళవారం శ్రీ 25 శ్రీ మార్చి శ్రీ 2025చిట్యాల మండలం కొత్తపేట గ్రామంలో ఉపాధి హామీ పనుల్లో చోటు చేసుకున్న అవినీతిపై విచారణ జరిపించాలని చిగురు రాజ్‌కుమార్‌, దొడ్డి శంకర్‌ కోరారు. కారోబార్‌ దేవేందర్‌ ఉపాధి హామీ పథకంలో భాగంగా ఏర్పాటు చేసిన నర్సరీలో అక్రమాలకు పాల్పడ్డాడని, పనిచేయని కూలీలను హాజరు రిజిస్టర్‌లో నమోదు చేసి, కూలీ డబ్బులు చెల్లించి, అందులో నుంచి సగం డబ్బులు తీసుకుంటున్నాడని కలెక్టర్‌కు ఫిర్యాదు చేశారు. ఎంపీడీఓకు ఫిర్యాదు చేసినప్పటికీ ఫలితం లేదని, తగు విచారణ జరపాలని కోరారు.

కాటారం: మహాముత్తారం మండలం యామన్‌పల్లి గ్రామపంచాయతీ పరిధిలోని గడ్డగూడెం సమీపంలోని ఎర్రకుంట చెరువులో ఆదివారం అక్రమంగా మట్టి తవ్వకాలు జరిగాయి. కొందరు వ్యక్తులు జేసీబీ సహాయంతో విచ్చలవిడిగా మట్టి తవ్వకాలు చేపట్టి ట్రాక్టర్ల ద్వారా ఇతర ప్రాంతాలకు తరలించి సొమ్ము చేసుకుంటున్నారు. ఆదివారం సెలవు కావడంతో పగలు, రాత్రి తేడా లేకుండా మట్టి రవాణా చేపట్టినట్లు స్థానికులు తెలిపారు. ఇరిగేషన్‌ శాఖకు చెందిన చెరువుల నుంచి యథేచ్ఛగా మట్టి తవ్వకాలు జరుగుతున్నట్లు పలువురు ఫిర్యాదు చేసినప్పటికీ సంబంధిత శాఖ అధికారుల నుంచి స్పందన లేదు. అధికారుల కనుసన్నల్లోనే ఈ అక్రమ మట్టి దందా జరుగుతుందని పలువురు ఆరోపిస్తున్నారు.

భూపాలపల్లి రూరల్‌: జిల్లా కేంద్రంలో ప్రారంభం కాబోతున్న కార్పొరేట్‌ సెలూన్లను వెంటనే రద్దు చేయాలని నాయీ బ్రాహ్మణ సేవా సంఘం భూపాలపల్లి పట్టణ అధ్యక్షుడు పందిళ్ల రమేష్‌, జిల్లా ప్రధాన కార్యదర్శి మాదాస్‌ రాజశేఖర్‌, జిల్లా గౌరవాధ్యక్షుడు కురిమిల్ల శ్రీనివాస్‌ డిమాండ్‌ చేశారు. జిల్లాకేంద్రంలోని మంజూరునగర్‌ ప్రాంతంలో పింక్స్‌ ఇన్‌ బ్లూస్‌ బ్యూటీ పార్లర్‌ అనే పేరుతో కార్పొరేట్‌ సెలూన్‌ అండ్‌ పార్లర్‌ ప్రారంభోత్సవానికి సిద్ధమవుతుందని, ఆదివారం పార్లర్‌ముందు నిరసన చేపట్టారు. అనంతరం ర్యాలీ నిర్వహించారు. ఈ సందర్భంగా సంఘం నాయకులు మాట్లాడుతూ.. కార్పొరేట్‌ సెలూన్లను వెంటనే తొలగించాలని డిమాండ్‌ చేశారు. లేనిపక్షంలో పోరాటానికి సిద్ధమని ప్రకటించారు. నిరవధిక నిరాహార దీక్ష చేయడానికై నా సిద్ధమని ప్రకటించారు. ఈ కార్యక్రమంలో జిల్లా అధ్యక్షుడు ముల్కనూర్‌ బిక్షపతి, జిల్లా కోశాధికారి గిద్దమారి సుధాకర్‌, మండల అధ్యక్షులు మంతెన భూమయ్య, ప్రధాన కార్యదర్శి గిద్దమరి రమేష్‌ తదితరులు పాల్గొన్నారు.

భూపాలపల్లి అర్బన్‌: కేంద్రం ప్రభుత్వం అవలంభిస్తున్న మతోన్మాద వ్యతిరేక కార్యక్రమాలపై పోరాటానికి సిద్ధం కావాలని సీపీఎం జిల్లా కార్యదర్శి బందు సాయిలు పిలుపునిచ్చారు. భగత్‌సింగ్‌ 94వ వర్ధంతిని ఆదివారం జిల్లాకేంద్రంలోని పార్టీ కార్యాలయంలో ఘనంగా నిర్వహించారు. ఈ సందర్భంగా సాయిలు మాట్లాడుతూ.. భారతీయుల హృదయాలను ఉత్తేజ పరచిన విప్లవకారుడు భగత్‌సింగ్‌కు అప్పటి బ్రిటీష్‌ ప్రభుత్వం ఉరిశిక్ష అమలు చేసిందన్నారు. నాటి ఉద్యమ పోరాటంలో చేసిన త్యాగాలను గుర్తుచేశారు. ఆయన స్ఫూర్తితో నేటితరం యువత బీజేపీ ప్రభుత్వంపై ఒత్తిడి తీసుకువచ్చే విధంగా పోరాడాలని పిలుపునిచ్చారు. రామప్పలో యూరప్‌ దేశస్తులువెంకటాపురం(ఎం): రామప్ప దేవాలయాన్ని ఆదివారం యూరప్‌కు చెందిన జెయో, ఇలోనాలు సందర్శించారు. రామలింగేశ్వర స్వామిని వారు దర్శించుకోగా ఆలయ పూజారులు తీర్థప్రసాదాలు అందించి ఆశీర్వచనం చేశారు. ఆలయ విశిష్టత గురించి గైడ్‌ వెంకటేశ్‌ వివరించగా రామప్ప శిల్పకళసంపద బాగుందని కొనియాడారు. ఆదివారం సెలవుకావడంతో వివిధ ప్రాంతాల నుంచి అధికసంఖ్యలో పర్యాటకులు రామప్పకు తరలివచ్చారు. వివిధ రాష్ట్రాలకు చెందిన పలువురు ప్రొఫెసర్లు రామప్ప దేవాలయాన్ని సందర్శించి రామలింగేశ్వరస్వామికి ప్రత్యేక పూజలు నిర్వహించారు. కాకతీయ యూనివర్సిటీలో రెండు రోజుల సెమినార్‌ ముగించుకొని అమ్మవార్ల దర్శనానికి వచ్చినట్లు వెల్లడించారు. జాతీయ కౌమార విద్యా సదస్సుకు డాక్టర్‌ రామయ్య ములుగు: ప్రాంతీయ విద్యాసంస్థ(ఎన్‌సీఈఆర్‌టీ) బోపాల్‌లో నేడు, మంగళవారం జరగనున్న జాతీయ కౌమార విద్యా సదస్సుకు తెలంగాణ రాష్ట్రం నుంచి తాను ఎంపికై నట్లు ములుగు మండలం అబ్బాపురం ప్రభు త్వ ఉన్నత పాఠశాల ఉపాధ్యాయుడు, మనో విజ్ఞానవేత్త డాక్టర్‌ కందాల రామయ్య ఆదివారం ఒక ప్రకటనలో పేర్కొన్నారు. కౌమారదశలో బాలికలు ఒత్తిడిని ఎదుర్కొనే విధానాలు అనే అంశంపై చేసిన పరిశోధన, విద్యార్థుల మానసిక ఆరోగ్యంపై వాటి ప్రభావాన్ని తెలిపేలా వివరించనున్నట్లు వెల్లడించారు.

భూపాలపల్లి అర్బన్‌: జిల్లాకేంద్రంలోని మిరాకిల్‌ వాలంటరీ ఆర్గనైజేషన్‌ ద్వారా వివిధ రంగాల్లో సేవలు అందిస్తున్న ఐటీ మాస్టర్‌ డైరెక్టర్‌ వేముల శంకర్‌కు డాక్టరేట్‌ అవార్డు వరించింది. ఏషియా ఇంటర్నేషనల్‌ కల్చర్‌ రీసెర్చ్‌ యూనివర్సిటీ, ఇంటర్నేషనల్‌ అక్రిడిటేషన్‌ ఆర్గనైజేషన్‌(యూఎస్‌ఏ) గౌరవ డాక్టరేట్‌ను అందించింది. జిల్లాకేంద్రంలో 11 సంవత్సరాలుగా ప్రతి సంవత్సరం 350–400 యూనిట్ల రక్తాన్ని ఎంజీఎం ఆస్పత్రికి అందిస్తూ వేలాది ప్రాణాలను రక్షిస్తున్నారు. అవయవదానం ఆవశ్యకతపై విద్యా సంస్థలలో అవగాహన కార్యక్రమాలు, ప్రచార యాత్రలు నిర్వహించారు. హరితహారం కార్యక్రమాల్లో పాల్గొని ఐదు వేల మొక్కలను నాటించి 8,900మందికి ఉచిత కంప్యూటర్‌ శిక్షణ, నాలుగు వేల మందికి వివిధ రంగాల్లో ఉపాధి అవకాశాలు కల్పించారు. ఏప్రిల్‌ 17వ తేదీన హైదరాబాద్‌లో ఈ ప్రతిష్టాత్మక డాక్టరేట్‌ అవార్డును అందించనున్నారు.

భూపాలపల్లి అర్బన్‌: జిల్లాకేంద్రంలోని ఏఐటీయూసీ కార్యాలయంలో ఆదివారం నిర్వహించిన వైద్యశిబిరానికి విశేష స్పందన లభించింది. మెడికవర్‌ హాస్పిటల్‌ నేతృత్వంలో ఏఐటీయూసీ ఆధ్వర్యంలో ఉచిత మెగా వైద్యశిబిరం నిర్వహించారు. ఈ ఉచిత మెగా వైద్య శిబిరాన్ని ఏఐటీయూసీ బ్రాంచ్‌ వైస్‌ ప్రెసిడెంట్‌ మాతంగి రామచందర్‌, అసిస్టెంట్‌ బ్రాంచ్‌ సెక్రటరీ గురిజపల్లి సుధాకర్‌రెడ్డి, ఏఐటీయూసీ జిల్లా ప్రధాన కార్యదర్శి సతీష్‌ శిబిరాన్ని ప్రారంభించారు. ఈ వైద్య శిబిరానికి విశేష స్పందన లభించింది. సుమారు 500 మందికి ఉచితంగా వైద్య పరీక్షలు నిర్వహించారు. మెడికవర్‌ హాస్పిటల్‌ వైద్య బృందం ఆధ్వర్యంలో అందరికీ ఉచిత పరీక్షలు నిర్వహించారు. ఈ సందర్భంగా ఏఐటీయూసీ నాయకులు మాట్లాడుతూ కార్మికుల సంక్షేమంతో పాటు వారి ఆరోగ్యమే లక్ష్యంగా మెడికవర్‌ హాస్పిటల్‌ మెగా వైద్య శిబిరాన్ని నిర్వహించినట్లు చెప్పారు. ఈ కార్యక్రమంలో ఏఐటీయూసీ నాయకులు తాళ్ల పోశం, నేరెళ్ల జోసెఫ్‌ వేముల శ్రీకాంత్‌, డాక్టర్లు షఫీ పాలగిరి, డాక్టర్‌ శ్రవణ్‌ కుమార్‌ జోగు, టుది ఎకో ప్రకాశ్‌, పీఆర్‌ఓ రాజు, జూనియర్‌ డాక్టర్లు పాల్గొన్నారు.

ఎస్‌ఎస్‌తాడ్వాయి: మేడారం సమ్మక్క– సారలమ్మలను దర్శించుకునేందుకు భక్తులు ఆదివారం వేల సంఖ్యలో తరలివచ్చారు. రెండు తెలుగు రాష్ట్రాలతో పాటు మహారాష్ట్ర, ఛత్తీస్‌గఢ్‌ రాష్ట్రాల నుంచి తరలివచ్చిన భక్తులు జంపన్నవాగు స్నానఘట్టాల షెవర్ల కింద స్నానాలు ఆచరించారు. అనంతరం అమ్మవార్ల గద్దెలకు చేరుకుని ప్రత్యేక పూజలు నిర్వహించారు. పసుపు, కుంకుమ, కానుకలు, ఎత్తు బంగారం, చీరసారె కానుకలు సమర్పించి మొక్కులు చెల్లించుకున్నారు. ఓ ఎన్నారై కుటుంబ సమేతంగా వచ్చి అమ్మవార్లకు పూజలు చేశారు. డీజె సౌండ్‌ నృత్యాలతో పలువురు భక్తులు సందడి చేశారు. మొక్కుల అనంతరం భక్తులు చెట్ల కింద వంటావార్పు చేసుకుని భోజనాలు చేశారు. సుమారు 10వేల మంది భక్తులు అమ్మవార్లను దర్శించుకున్నట్లు అధికారులు తెలిపారు. ‘అమ్మవార్ల చరిత్ర గొప్పది’ మేడారం సమ్మక్క– సారలమ్మ చరిత్ర చాలా గొప్పదని వివిధ రాష్ట్రాలకు చెందిన ప్రొఫెసర్లు కొనియాడారు. కాకతీయ యూనివర్సిటీలో రెండు రోజుల సెమినార్‌ ముగించుకొని అమ్మవార్ల దర్శనానికి వచ్చినట్లు వెల్లడించారు. ఈ సందర్భంగా వారు మాట్లాడుతూ అమ్మవార్లను దర్శించుకోవడం అదృష్టంగా భావిస్తున్నామని తెలిపారు. వనదేవతల చరిత్ర నలుదిశలా వ్యాపించేలా తమకున్న వనరులతో పుస్తకాలను తయారు చేసి ప్రపంచవ్యాప్తంగా వ్యాపించేలా చూస్తామన్నారు. సమ్మక్క– సారలమ్మ జాతరకు జాతీయస్థాయి గుర్తింపును తక్షణమే కేంద్ర ప్రభుత్వం ఇచ్చి ప్రజల మనో భావాలను గుర్తించాలన్నారు. వనదేవతలను దర్శించుకున్న వారిలో ప్రొఫెసర్లు గోవాకు చెందిన ప్రకాశ్‌దేశాయ్‌, తమిళనాడుకు చెందిన లక్ష్మణన్‌, కేరళ రాష్ట్రానికి చెందిన జోష్‌జార్జి, ఆచార్య నాగార్జున యూనివర్సిటీకి చెందిన అంజిరెడ్డి, ఉస్మానియా యూనివర్సిటీకి చెందిన శ్రీనివాసులు, కాకతీయ యూనివర్సిటీకి చెందిన సత్యనారాయణ, యూనివర్సిటీ రీసెర్చ్‌ స్కాలర్స్‌ అంకిళ్ల శంకర్‌, కలిపిండి వినోద్‌, చేరాల శివప్రసాద్‌ ఉన్నారు.

భూపాలపల్లి రూరల్‌: మత సామరస్యానికి ప్రతీక ఇఫ్తార్‌ విందు అని కలెక్టర్‌ రాహుల్‌ శర్మ, భూపాలపల్లి ఎమ్మెల్యే గండ్ర సత్యనారాయణరావు తెలిపారు. ఆదివారం సాయంత్రం జిల్లాకేంద్రంలోని భారత్‌ ఫంక్షన్‌హాలులో రాష్ట్ర ప్రభుత్వం తరఫున ఏర్పాటు చేసిన ఇఫ్తార్‌ విందుకు కార్యక్రమంలో కలెక్టర్‌ రాహుల్‌ శర్మ, ఎమ్మెల్యే సత్యనారాయణరావు హాజరయ్యారు. ఈ సందర్భంగా వారు మాట్లాడుతూ.. పవిత్ర రంజాన్‌ మాసంలో ఉపవాస దీక్షలో ఉండే ముస్లిముల కోసం ఏర్పాటు చేసే ఇఫ్తార్‌ విందు మతసామరస్యానికి ప్రతీకగా నిలుస్తుందన్నారు. రంజాన్‌ మాసంలో ఆచరించే ఉపవాస దీక్షలు ముస్లిం సోదరులకు ఇచ్చే ఇఫ్తార్‌ విందు లాంటి కార్యక్రమాలు ప్రజలలో సోదరభావాన్ని పెంపొందిస్తాయని తెలిపారు. ఈ సందర్భంగా రంజాన్‌ మాస విశిష్టతను కొనియాడారు. సామూహిక నమాజ్‌ అనంతరం ఉపవాస దీక్ష చేపట్టిన ముస్లిములకు ఫలహారాలు తినిపించారు.కలెక్టర్‌ రాహుల్‌ శర్మ, ఎమ్మెల్యే గండ్ర

● పిల్లలు ఎక్కువ సేపు టీవీలు, స్మార్ట్‌ఫోన్లు, కంప్యూటర్లను చూస్తే కళ్లు పొడిబారి దృష్టి సమస్య వస్తుంది. ● పిల్లలు ఖాళీ సమయంలో టీవీలకు, ఫోన్లకు అతుక్కుపోకుండా ఆరుబయట ఆడుకునేలా ప్రోత్సహించాలి. ● చదివే సమయంలో పుస్తకాలను దగ్గరగా పెట్టుకోకుండా కంటికి కనీసం 30 సెంటీమీటర్ల దూరంలో ఉండేలా చూడాలి. ● పిల్లలు అన్నం తిననని మారాం చేసే సమయంలో టీవీ, ఫోన్‌ ఇచ్చే అలవాటు చేయకూడదు. ● పాఠశాలల నుంచి ఇంటికి రాగానే టీవీ, ఫోన్‌తో గడపకుండా జాగ్రత్తలు తీసుకోవాలి.

కాటారం: నీటిని పొదుపుగా వాడుకొని భూగర్భ జలాలను పెంపొందించుకోవడం ప్రతి ఒక్కరు బాధ్యతగా భావించాలని భూగర్భ జలవనరుల శాఖ అధికారి రామకృష్ణ అన్నారు. ప్రపంచ జల దినోత్సవాన్ని పురస్కరించుకొని నీటి ఆవశ్యకతపై వెలుగు రేఖ గ్రామీణ అభివృద్ధి సంస్థ ఆధ్వర్యంలో మండలంలోని మేడిపల్లి ఆశ్రమ పాఠశాలలో అవగాహన కార్యక్రమం నిర్వహించారు. ఈ సందర్భంగా తాగునీటి వినియోగం, నిర్వహణ, నీటి ప్రాముఖ్యత, నీటి సంరక్షణ చర్యలు, భూగర్భ జలాలను పెంపొందించుకోవడానికి తీసుకోవాల్సిన చర్యలపై జలవనరుల శాఖ అధికారులు విద్యార్థులకు అవగాహన కల్పించారు. ఈ సందర్భంగా వారు మాట్లాడుతూ వర్షం నీటిని భూమిలోకి ఇంకిస్తే భూగర్భ జలమట్టాన్ని పెంచుకోవచ్చన్నారు. ప్రతి ఇంటిలో ఇంకుడు గుంతను తప్పనిసరిగా నిర్మించుకోవాలని చెప్పారు. ఈ కార్యక్రమంలో డీఆర్‌డీఏ డీపీఎం కిరణ్‌, డీబీఎస్‌ బ్యాంకు మేనేజర్‌ హరీశ్‌, సీఈఓ రజిత, రిసోర్స్‌పర్సన్‌ లక్ష్మిరాజం పాల్గొన్నారు.

● కలెక్టర్‌ రాహుల్‌ శర్మ భూపాలపల్లి: కాళేశ్వరంలో సరస్వతీనది పుష్కరాలకు చేపట్టనున్న తాత్కాలిక ఏర్పాట్ల పనులకు సంబంధించిన అంచనా ప్రతిపాదనలు త్వరితగతిన సమర్పించాలని కలెక్టర్‌ రాహుల్‌ శర్మ అధికారులను ఆదేశించారు. శనివారం ఐడీఓసీ కార్యాలయంలో నిర్వహించిన సమీక్ష సమావేశంలో ఇరిగేషన్‌, పంచాయతీరాజ్‌, ఆర్‌డబ్ల్యూఎస్‌, విద్యుత్‌, దేవాదాయ, పర్యాటక ఇంజినీరింగ్‌ అధికారులు పాల్గొన్నారు. ఈ సందర్భంగా కలెక్టర్‌ మాట్లాడుతూ.. గతంలో శాశ్వత పనులకు అంచనాలు అందజేశారని, కొన్ని తాత్కాలిక పనులు చేపట్టాల్సి ఉన్నందున మరోమారు ప్రతిపాదనలు అందజేయాలన్నారు. పుష్కరాల్లో భక్తులకు అసౌకర్యం కలగకుండా అన్ని ఏర్పాట్లు సమర్థవంతంగా ఉండేలా చర్యలు తీసుకోవాలని చెప్పారు. స్వచ్ఛతపై ప్రత్యేక దృష్టి సారించేందుకు జోన్ల వారీగా విభజించి, ప్రత్యేక పారిశుద్ధ్య సిబ్బందిని నియమించాలని సూచించారు. ఈ సమావేశంలో డీఎఫ్‌ఓ నవీన్‌రెడ్డి, వివిధ శాఖల ఇంజనీరింగ్‌ విభాగం అధికారులు, ఆర్టీసీ, పోలీసు, పర్యాటక శాఖ అధికారులు పాల్గొన్నారు. భూముల కేటాయింపునకు చర్యలు తీసుకోవాలి.. చిన్న కాళేశ్వరం ప్రాజెక్టుకు అవసరమైన భూముల కేటాయింపునకు అధికారులు చర్యలు తీసుకోవాలని కలెక్టర్‌ రాహుల్‌శర్మ సూచించారు. ఐడీఓసీ కార్యాలయంలో చిన్న కాళేశ్వరం ప్రాజెక్టుకు అవసరమైన అటవీ భూముల కేటాయింపుపై సమీక్షా సమావేశం నిర్వహించారు. ఈ సమావేశంలో కాటారం, మహదేవపూర్‌ మండలాల్లో ప్రాజెక్టుకు అవసరమైన అటవీ భూముల కేటాయింపు, రేగొండ మండలం బుద్దారం నుంచి రామన్నగూడెం తండా వరకు రహదారి నిర్మాణానికి అవసరమైన భూముల కేటాయింపు విషయమై అటవీ శాఖ అధికారులతో సమీక్షించారు. అటవీ, రెవెన్యూ, సర్వే, ఆర్‌అండ్‌బీకి అవసరమైన భూముల కేటాయింపునకు తగిన చర్యలు తీసుకోవాలని సూచించారు. ఈ సమావేశంలో డీఎఫ్‌ఓ నవీన్‌రెడ్డి, అదనపు కలెక్టర్‌ అశోక్‌కుమార్‌, కాటారం సబ్‌ కలెక్టర్‌ మయాంక్‌సింగ్‌ తదితరులు పాల్గొన్నారు.

టేకుమట్ల: మహిళలు చట్టాలపై అవగాహన కలిగి ఉండాలని చైల్డ్‌ హెల్ఫ్‌లైన్‌ జిల్లా అధికారి కళావతి అన్నారు. శనివారం మండలంలోని రామకిష్టాపూర్‌(టి) అంగన్‌వాడీ కేంద్రంలో మహిళలకు చట్టాలపై అవగాహన నిర్వహించారు. ఈ సందర్భంగా ఆమె మాట్లాడుతూ ప్రస్తుతం కేంద్ర ప్రభుత్వం మహిళల కోసం సుకన్య సమృద్ధియోజన, బేటీ బచావో–బేటీ పడావో, మిషన్‌ వాత్సల్య, చైల్డ్‌ హెల్ప్‌లైన్‌, సఖి కేంద్రాలను నిర్వహింస్తుందని అన్నారు. బాలికల చదువు అనంతరం వివాహానికి సుకన్య సమృద్ధి యోజన ఎంతగానో ఉపయోగపడుతుందని చెప్పారు. బాలికలే భవిష్యత్‌కు పునాదులుగా బేటీ బచావో–బేటీ పడావో కార్యక్రమం కొనసాగిస్తున్నారని అన్నారు. బాలికలు సమాజంలో ఎక్కడైనా, ఎప్పుడైనా ఇబ్బందులకు గురయితే చైల్డ్‌ హెల్ప్‌లైన్‌ తోడ్పాటునందిస్తుందన్నారు. మహిళలు కుటుంబ పరంగా ఏవైనా ఇబ్బందులు ఎదుర్కొంటే సఖి కేంద్రం ద్వారా న్యాయం పొందే అవకాశం ఉందని చెప్పారు. చైల్డ్‌ హెల్ప్‌లైన్‌, బాలికల సమస్యల కోసం 1098, వృద్ధుల సమస్యల కోసం 14567, మహిళల సమస్యల కోసం 181 టోల్‌ ఫ్రీ నంబర్లను సంప్రదించాలని సూచించారు. ఈ కార్యక్రమంలో ఐసీడీఎస్‌ సూపర్‌వైజర్‌ సరోజన, సఖి గాయత్రి మిషన్‌ శక్తి కో ఆర్డినేటర్‌ అనూష, మమత, అంగన్‌వాడీ టీచర్లు పాల్గొన్నారు.

పిల్లల్లో పెరుగుతున్న కంటి సమస్యలు●● జిల్లాలో 3,449మందికి పరీక్షలు ● 676మందికి లోపం ఉన్నట్లు నిర్ధారణ ● ఆర్‌బీఎస్‌కే పరీక్షల్లో వెల్లడి భూపాలపల్లి అర్బన్‌: జిల్లాలో దృష్టి లోపం ఉన్న పిల్లలు పెరుగుతుండడం ఆందోళన కలిగిస్తోంది. రాష్ట్రీయ బాల స్వస్థ్య కార్యక్రమ్‌ (అర్‌బీఎస్‌కే) ఆధ్వర్యంలో జిల్లాలో ప్రభుత్వ పాఠశాలలకు చెందిన 3,449మంది విద్యార్థులకు కంటి పరీక్షలు చేయగా 676 మందికి దృష్టిలోపం ఉన్నట్లు నిర్ధారణ అయింది. ఈ విద్యా సంవత్సరం ముగిసేలోగా జిల్లాలో 6వ తరగతి నుంచి 10వ తరగతి వరకు మొత్తంగా 3,500మందికి కంటి పరీక్షలు చేయనున్నారు.మూడు, ఆరేళ్లలో పరీక్షలు బాల్యంలోనే కంటి సమస్యలను గుర్తిస్తే భవిష్యత్‌లో ఇబ్బందులు ఉండవు. మూడేళ్ల వయస్సులో కంటి వైద్య పరీక్షలు చేస్తే బొమ్మలను గుర్తు పడుతున్నారా అనేది తేలుతుంది. తిరిగి ఆరేళ్ల వయసులో పరీక్షించాలి. దృష్టి లోపం ఉంటే అద్దాలు, ఇతర సంరక్షణ చర్యలు తీసుకోవాలి.ప్రతి విద్యార్థినీ పరీక్షిస్తున్నాం.. ప్రభుత్వ పాఠశాలల్లో ప్రతి విద్యార్థికీ కంటి పరీక్షలు నిర్వహిస్తున్నాం. దృష్టి లోపాలను గుర్తిస్తూ అద్దాల పంపిణీకి నివేదిస్తున్నాం. సమస్య అధికంగా ఉంటే ప్రభుత్వ ఆస్పత్రుల్లో శస్త్రచికిత్స చేస్తాం. జిల్లాలో ఇప్పటివరకు శస్త్ర చికిత్సలు చేసే అవసరం రాలేదు. – బండి శ్రీనివాస్‌, జిల్లా నోడల్‌ అధికారిపెరుగుతున్న మానసిక సమస్యలు విద్యార్థులు ఎక్కువ సమయం ఫోన్లు వాడుతుండటంతో దృష్టి లోపంతో పాటు మానసిక సమస్యలు ఎదుర్కొంటున్నారు. ఒత్తిడికి గురై ప్రతి చిన్న విషయానికి చిరాకు పడుతున్నారు. ఆకలి మందగించడంతో పాటు ఏకాగ్రత, ఆలోచనా శక్తి కోల్పోతున్నారు. బరువు పెరగడంతో పాటు ఎదుగుదల క్షీణిస్తోంది. తలనొప్పితో బాధపడుతున్నారు. అయిదేళ్లలోపు పిల్లలకు ఎలక్ట్రానిక్‌ ఉపకరణాలు ఇస్తుండటంతో కంటి సమస్యలు ఎక్కువగా వస్తున్నాయని వైద్య నిపుణులు చెబుతున్నారు.

కాటారం: మహాముత్తారం మండలం కొర్లకుంట గ్రామపంచాయతీ భవన నిర్మాణంపై శనివారం కాటారం సబ్‌ కలెక్టర్‌ మయాంక్‌ సింగ్‌ ఆధ్వర్యంలో ప్రజాభిప్రాయ సేకరణ సభ నిర్వహించారు. కొన్ని రోజుల క్రితం గ్రామ పంచాయతీ భవన నిర్మాణం చేపట్టగా పనుల్లో నాణ్యత లోపించిందని పలు కారణాలతో నిర్మాణం అర్ధాంతరంగా నిలిచిపోయింది. దీంతో పలువురు మంత్రి శ్రీధర్‌బాబు దృష్టికి తీసుకెళ్లగా గ్రామపంచాయతీ నిర్మాణంపై అభిప్రాయాలు సేకరించాలని సబ్‌ కలెక్టర్‌ను మంత్రి ఆదేశించారు. దీంతో పనులు కొనసాగించడమా లేక మరో చోట నిర్మించడమా అనే అంశాలపై అధికారులు ప్రజల నుంచి అభిప్రాయాలు సేకరించారు. నివేదిక ఆధారంగా త్వరలో చర్యలు చేపట్టనున్నట్లు సబ్‌కలెక్టర్‌ తెలిపారు. ఈ కార్యక్రమంలో తహసీల్దార్‌ శ్రీనివాస్‌, ఎంపీడీఓ శ్రీనివాస్‌ పాల్గొన్నారు.

భూపాలపల్లి: జిల్లా పోలీస్‌ శాఖ ఆధ్వర్యంలో మామునూరు బెటాలియన్‌ సమీపంలోని ఫైరింగ్‌ రేంజ్‌లో జయశంకర్‌ భూపాలపల్లి జిల్లాలోని పోలీసు అధికారులు ఈ ఏడాదికి సంబంధించిన ఫైరింగ్‌ ప్రాక్టీస్‌ చేశారు. ఈ సాధనలో ఎస్పీ కిరణ్‌ ఖరే, పోలీసు అధికారులు, సిబ్బంది పాల్గొని పిస్టల్‌, ఏకే 47, ఎస్‌ఎల్‌ఆర్‌, ఇన్సాస్‌, వివిధ ఆటోమేటిక్‌ ఆయుధాలతో ఫైరింగ్‌ సాధన చేశారు. అనంతరం ఎస్పీ మాట్లాడుతూ.. ఫైరింగ్‌లో పోలీసు అధికారులు, సిబ్బంది పాల్గొని మంచి మెలకువలు నేర్చుకోవాలన్నారు. శాంతిభద్రతల పరిరక్షణలో పోలీసుల సేవలు చాలా కీలకమైనవని, అత్యవసర సమయాల్లో ప్రజల మాన, ధన, ప్రాణ రక్షణకోసం ఎల్లవేళలా సంసిద్ధులై ఉండాలని పిలుపునిచ్చారు. ఫైరింగ్‌లో ప్రతిభ కనబరిచిన పోలీసు అధికారులను ఎస్పీ అభినందించారు. ఈ కార్యక్రమంలో అదనపు ఎస్పీ బోనాల కిషన్‌, ఏఆర్‌ అదనపు ఎస్పీ వేముల శ్రీనివాస్‌, డీఎస్పీలు సంపత్‌రావు, నారాయణనాయక్‌, జిల్లా పరిధిలోని సీఐలు, రిజర్వ్‌ ఇన్‌స్పెక్టర్లు, ఎస్సైలు, సిబ్బంది పాల్గొన్నారు.

హన్మకొండ: ప్రయాణికులకు మెరుగైన, నాణ్యమైన సేవలందించేందుకు ఆర్టీసీ ఆధునిక సాంకేతికను అందిపుచ్చుకుంటోంది. ప్రయాణికులకు సౌకర్యవంతంగా టికెట్‌ జారీకి ఇ–టిమ్స్‌ను ప్రవేశ పెట్టింది. దీనిలో భాగంగా ఆర్టీసీ వరంగల్‌ రీజియన్‌లోని ఆర్టీసీ బస్సుల్లో నగదు రహిత సేవలు అందుబాటులోకి వచ్చాయి. ఈమేరకు కండకర్లు, డ్రైవర్లకు శిక్షణ ఇస్తూ క్రమంగా ఇ–టిమ్స్‌ను ప్రవేశపెడుతున్నారు. ఇప్పటివరకు ఉపయోగించిన టిమ్స్‌తో చూసుకుంటే మరిన్ని ఫీచర్లతో వీటిని రూపొందించారు. వరంగల్‌ రీజియన్‌లో ప్రతిరోజూ 936 బస్సులు వివిధ రూట్లలో తిరుగుతుంటాయి. 3.76 లక్షల కిలోమీటర్లు తిరిగి సగటున రోజుకు రూ.2.20 కోట్ల ఆదాయాన్ని సంస్థ రాబట్టుకుంటుంది. 936 బస్సులకుగాను ప్రస్తుతం 750 ఇ–టిమ్స్‌ మాత్రమే చేరుకున్నాయి. అన్ని బస్సుల్లో అమలుచేయాలంటే మరో 186 అవసరం. ఎప్పుడైనా టిమ్‌ మొరాయిస్తే బాగు చేసే వరకు వినియోగించుకునేలా అదనంగా మరికొన్ని అవసరం. ఆర్టీసీలో డిజిటల్‌ చెల్లింపులతో టికెట్ల జారీ ఆధునిక సాంకేతికతను అందిపుచ్చుకుంటున్న సంస్థ వరంగల్‌ రీజియన్‌కు చేరుకున్న 750 ఇ–టిమ్స్‌ టికెట్‌ జారీపై మరింత స్పష్టత ప్రతి స్టేజీ వారీగా వివరాలు తెలుసుకునే సౌకర్యం

కాళేశ్వరం: ఇసుక లారీలు ఎక్కడపడితే అక్కడ విచ్చలవిడిగా పార్కింగ్‌ చేస్తుండడంతో ప్రజలు, విద్యార్థులు ఇబ్బందులు పడుతున్నారు. రోడ్డుపై రెండు వరుసల్లో లారీలు వెళ్తుండడంతో జనం ప్రయాణం చేయాలంటే జంకుతున్నారు. జిల్లాలోని మహదేవపూర్‌ మండలం పలుగుల, మద్దులపల్లి, పూస్కుపల్లి, బొమ్మాపూర్‌, ఎలికేశ్వరం తదితర గ్రామాల్లో టీజీఎండీసీ ఆధ్వర్యంలో ఇసుక క్వారీలు ప్రభుత్వం నిర్వహిస్తుంది. దీంతో నిత్యం హైదరాబాద్‌, రంగారెడ్డి, వరంగల్‌, కరీంనగర్‌ తదితర నగరాలు, పట్టణాలకు లారీలు, టిప్పర్లలో ఇసుక రవాణాతో తరలిపోతుంది. నెలన్నర రోజులుగా నిత్యం క్వారీ ల్లో ఇసుక క్వాంటిటీ మునుపటి కన్నా ఎక్కువగా పెంచడంతో లారీలు భారీగా క్యూ కడుతున్నాయి. ఊపందుకున్న నిర్మాణాలు.. వేసవికాలం కావడంతో నగరాలు, పట్టణాల్లో ఇళ్ల నిర్మాణాలతో పాటు ఇతర పనులకు ఇసుక అవసరం. దీంతో ఇసుకకు బాగా డిమాండ్‌ పెరిగింది. లారీలు పెద్దసంఖ్యలో తరలివస్తున్నాయి. దీంతో ట్రాఫిక్‌జాం అవుతుంది. ఆయా గ్రామాల్లో రోడ్డుపై నిలిచి ఉండడంతో రోజువారి పనులకు తీవ్ర ఆటంకం కలుగుతుంది. డబుల్‌ రోడ్డుపై రెండు వరుసల్లో లారీలు ఖాళీ, లోడ్‌ లారీలు పక్కపక్కనే నిలిచి ఉండడంతో మధ్య నుంచి ప్రయాణించడానికి రోడ్డు లేక జనం అవస్థలు పడుతున్నారు. కనీసం ఆటో కూడా వెళ్లలేని పరిస్థితి ఉంది. సమయ పాలన ఏది.. గతంలో విధులు నిర్వర్తించిన టీజీఎండీసీ అధికారులు, పోలీసులు సమయపాలన పాటించి ప్రమాదాలకు చెక్‌పెట్టారు. సంబంధిత టీజీఎండీసీ, పోలీసుల ఆధ్వర్యంలో ఉదయం, సాయంత్రం వేళల్లో సమయపాలనతో లారీలకు అనుమతి ఇచ్చేవారు. ఉదయం ఆరు గంటల నుంచి 9గంటల వరకు, సాయంత్రం నాలుగు గంటల నుంచి రాత్రి 9గంటల వరకు లారీలను నిలిపి అనుమతి ఇచ్చేవారు. ప్రస్తుతం కూడా మళ్లీ సమయ పాలనను ఏర్పాటు చేయాలని పలువురు కోరుతున్నారు. ఘటనలు ఇలా.. ఉన్నతాధికారులు ఇప్పుడు ఇసుక తరలించాలనే ఉద్దేశంతో ఇబ్బడిముబ్బడిగా లారీలతో ఇసుక తరలించి అక్కడక్కడ ప్రమాదాలకు నిలయంగా మారుతున్నారు. వారం రోజుల్లో రెండు ఘటనలు జరిగాయి. కాళేశ్వరంలోని ఎస్సీ కాలనీ వద్ద లారీ డైవర్‌ మద్యం మత్తులో ఇంట్లోకి దూసుకెళ్లాడు. ఇళ్లు కూలిపోయింది. ఆ సమయంలో ఇంట్లో ఎవరూ లేకపోవడంతో భారీ ప్రమాదం తప్పింది. పలుగుల వద్ద లారీలు జాం కావడంతో మంచిర్యాల జిల్లా మద్దికాల రాజు అనే యువకుడు లారీ రెండు చక్రాల కింద పడ్డాడు. ఈ ఘటనలో బైక్‌ నుజ్జునుజ్జు కాగా రాజు ప్రమాదం నుంచి బయటపడ్డాడు. ఇలా నిత్యం రోడ్డుపై లారీలతో ప్రమాదాలు జిల్లాలో ఎక్కడో ఓచోట జరుగుతున్నాయి. అధికారులతో మాట్లాడుతా.. పరీక్షలు జరుగుతున్నందున సమయపాలనపై ఉన్నతాధికారులతో మాట్లాడుతా. విద్యార్థులు, ప్రయాణికులకు ఇబ్బందులు లేకుండా చేస్తాం. పార్కింగ్‌ కోసం స్థలాల పరిశీలన చేస్తున్నాం. ట్రాఫిక్‌జాంకు త్వరలో చెక్‌పెడుతాం. – శ్రీకాంత్‌, టీజీఎండీసీ పీఓ, భూపాలపల్లిఇసుక క్వారీలువిద్యార్థులకు ఇబ్బందులు.. రోడ్డుకు రెండు వరుసల్లో లారీలు పట్టించుకోని అధికారులు టెన్త్‌ పరీక్షలు రాస్తున్న విద్యార్థులకు తప్పని తిప్పలుపదవ తరగతి పరీక్షలు శుక్రవారం ప్రారంభం కాగా ఏప్రిల్‌ 2వ తేదీ వరకు జరుగనున్నాయి. ఈ క్రమంలో ఉదయం వేళలో లారీల రాకపోకలతో ట్రాఫిక్‌ జామ్‌ ఏర్పడితే పరీక్ష సమయానికి వెళ్లరు. ఒక్క పరీక్షకు అందకపోయినా భవిష్యత్‌కు ఇబ్బంది తప్పదు. ప్రమాదం జరిగితే ఇబ్బందులకు గురవుతారు. బైక్‌, ఇతర ప్రైవేట్‌ వాహనాల్లో వచ్చేటప్పుడు లారీలతో దారిలో ఇబ్బందులు తలెత్తే అవకాశం ఉంది. పరీక్ష సమయాల్లో ఉదయం ఏడు గంటల నుంచి 9.30గంటలు, మద్యాహ్నం 12.30.గంటల నుంచి 2గంటల వరకు సమయపాలన ఏర్పాటు చేయాలని తల్లిదండ్రులు కోరుతున్నారు. ఇంత జరుగుతున్నా సంబంధిత అధికారులు ఆవైపుగా ఆలోచన చేయడం లేదని ఆరోపణలు వస్తున్నాయి.

ములుగు రూరల్‌: జిల్లాలోని సమ్మక్క–సారక్క గిరిజన కేంద్రీయ విశ్వవిద్యాలయంలో మౌలిక వసతుల కల్పనకు కృషి చేస్తానని యూనివర్సిటీ వీసీ వై.ఎల్‌ శ్రీనివాస్‌ అన్నారు. శుక్రవారం జాకారంలోని యూత్‌ ట్రైనింగ్‌ సెంటర్‌లో ఆయన మీడియాతో చిట్‌చాట్‌ నిర్వహించారు. ఈ సందర్భంగా ఆయన మాట్లాడుతూ.. గిరిజన వర్సిటీలో ప్రస్తుతం రెండు కోర్సులు బీఏ ఎకానామిక్స్‌, బీఏ లిటరేచర్‌ ఉన్నాయని వచ్చే అకడమిక్‌ ఇయర్‌లో ఎంబీఏ, బయో టెక్నాలజీ, బీబీఏ కోర్సులు ప్రారంభించేలా కృషి చేస్తానన్నారు. విద్యార్థుల కోసం హాస్టల్‌ సౌకర్యం, క్లాస్‌ రూంల ఏర్పాటు, ములుగు ఏజెన్సీ ప్రాంతంలోని వర్సిటీకి నైపుణ్యం కలిగిన ప్రొఫెసర్‌ను తీసుకొస్తామన్నారు. త్వరలో ట్రైబల్‌ స్టడీ సెంటర్‌ ఏర్పాటు చేయనున్నట్లు తెలిపారు. గిరిజన వర్సిటీ ప్రహరీ నిర్మాణానికి ప్రభుత్వం రూ.25 కోట్లు కేటాయించిందని, గిరిజన వర్సిటీపై టోఫో గ్రాఫికల్‌ సర్వే నిర్వహిస్తామన్నారు. మాస్టర్‌ ప్లాన్‌ ఏర్పాటు చేసి కార్యకలాపాలు కొనసాగిస్తామని చెప్పారు. విద్యార్థులను ఆకర్షించేందుకు అంతర్జాతీయ స్థాయిలో హాస్టల్‌ నిర్మాణాన్ని ఏర్పాటు చేయనున్నట్లు, కేంద్ర ప్రభుత్వం సూచనల మేరకు త్వరలోనే బిల్డింగ్‌ నిర్మాణం కోసం ప్రత్యేక ప్రణాళికలను తయారు చేస్తామన్నారు.గిరిజన యూనివర్సిటీ వైస్‌ చాన్స్‌లర్‌ శ్రీనివాస్‌

భూపాలపల్లి అర్బన్‌: జిల్లావ్యాప్తంగా శుక్రవారం పదో తరగతి వార్షిక పరీక్షలు ప్రారంభమయ్యాయి. జిల్లావ్యాప్తంగా 21 పరీక్ష కేంద్రాల్లో పరీక్షలు నిర్వహించగా 3,449మంది విద్యార్థులకు గాను 3,441 మంది హాజరుకాగా 8మంది గైర్హాజరైనట్లు జిల్లా ఇన్‌చార్జ్‌ విద్యాశాఖ అధికారి రాజేందర్‌ తెలిపారు. మొదటిరోజు పరీక్ష కావడంతో విద్యార్థులు ఉదయం 8గంటల నుంచే పరీక్ష కేంద్రాలకు చేరుకున్నారు. 9గంటల తరువాత విద్యార్థులను క్షణ్ణంగా పరిశీలిస్తూ పరీక్ష హాల్‌లోకి అనుమతించారు. పరీక్ష కేంద్రాల తనిఖీ.. జిల్లావ్యాప్తంగా పలు పరీక్ష కేంద్రాలను కలెక్టర్‌ రాహుల్‌శర్మ, ఇన్‌చార్జ్‌ అదనపు కలెక్టర్‌ విజయలక్ష్మి, జిల్లా ఇన్‌చార్జ్‌ డీఈఓ రాజేందర్‌ వేర్వేరుగా తనిఖీ చేశారు. పరీక్ష కేంద్రాల్లో వైద్యం, కరెంట్‌, రవాణా సౌకర్యం, ఇతర వసతులు కల్పించినట్లు అధికారులు తెలిపారు. పరీక్ష కేంద్రాల వద్ద పోలీస్‌శాఖ ఆధ్వర్యంలో 144 సెక్షన్‌ విధించి పరీక్ష కేంద్రాల వద్ద బందోబస్తు ఏర్పాటు చేశారు.

భూపాలపల్లి అర్బన్‌: నర్సింగ్‌ విద్యార్థులకు తరగతుల నిర్వహణకు తాత్కాలికంగా ఆయుష్‌ భవనం వినియోగించడానికి అవకాశం కల్పించాలని కలెక్టర్‌ రాహుల్‌ శర్మ తెలిపారు. ‘ఆన్‌లైన్‌లోనే తరగతులు’ శీర్షికతో నర్సింగ్‌ కళాశాలకు భవనం కరువు అని బుధవారం సాక్షిలో ప్రచురితమైన కథనానికి కలెక్టర్‌ స్పందించారు. శుక్రవారం ఐడీఓసీ కార్యాలయంలో వైద్య, నర్సింగ్‌, ఆయుష్‌, సీహెచ్‌సీ, టీజీఎంఎస్‌ఐడీసీ ఇంజినీరింగ్‌ అధికారులతో సమావేశం నిర్వహించారు. ఈ సమావేశంలో కలెక్టర్‌ మాట్లాడుతూ.. ఆయుష్‌ భవనంలోని రెండు అంతస్తులను నర్సింగ్‌ కళాశాల నిర్వహణకు కేటాయించాలని సూచించారు. ప్రధాన ఆస్పత్రి, జిల్లా వైద్య ఆరోగ్యశాఖాధికారి కార్యాలయం నుంచి అవసరమైన సిబ్బందిని సర్దుబాటు చేసి, కళాశాల నిర్వహణకు తగిన ఏర్పాట్లు చేయాలని ఆదేశించారు. నర్సింగ్‌ విద్యార్థులకు మెరుగైన వసతులు కల్పించేందుకు అన్ని విభాగాలు సమన్వయంతో పనిచేయాలని పేర్కొన్నారు. తాత్కాలికంగా భవనం వినియోగంపై కమిషనర్‌తో మాట్లాడతానని తెలిపారు. ఈ సమావేశంలో స్థానిక సంస్థల అదనపు కలెక్టర్‌ విజయలక్ష్మి, డీఎంహెచ్‌ఓ డాక్టర్‌ మధుసూదన్‌, ప్రధాన ఆస్పత్రి పర్యవేక్షకుడు డాక్టర్‌ నవీన్‌, వైద్య కళాశాల వైస్‌ ప్రిన్సిపల్‌ రాజేశం, నర్సింగ్‌ కళాశాల ప్రిన్సిపాల్‌ ఉమామహేశ్వరి పాల్గొన్నారు. జాగ్రత్తలపై అవగాహన కల్పించాలి.. వడదెబ్బకు గురికాకుండా ప్రజలు తీసుకోవాల్సిన జాగ్రత్తలపై విస్తృత అవగాహన కల్పించాలని అదనపు కలెక్టర్‌ అశోక్‌కుమార్‌ తెలిపారు. ఐడీఓసీ కార్యాలయంలో వైద్య ఆరోగ్య శాఖ ఆధ్వర్యంలో అన్ని శాఖల అధికారులతో వేసవిలో ప్రజలు వడదెబ్బకు గురికాకుండా తీసుకోవాల్సిన జాగ్రత్తలపై సమావేశం నిర్వహించారు. ఈ సందర్భంగా ఆయన మాట్లాడుతూ.. వడదెబ్బ తగలడానికి గల ప్రధాన కారణాలు, లక్షణాలు, నివారణ చర్యలపై ప్రజలకు అవగాహన కల్పించాలన్నారు. సమావేశం అనంతరం వడదెబ్బ నివారణకు తీసుకోవాల్సిన జాగ్రత్తల వాల్‌పోస్టర్లను ఆవిష్కరించారు. ఈ సమావేశంలో డీఎంహెచ్‌ఓ డాక్టర్‌ మధుసూదన్‌, ప్రభుత్వ ప్రధాన ఆస్పత్రి పర్యవేక్షకుడు డాక్టర్‌ నవీన్‌, వివిధ శాఖల అధికారులు, వైద్యులు పాల్గొన్నారు. రెండు అంతస్తుల వినియోగం జిల్లా ప్రధాన ఆస్పత్రి, డీఎంహెచ్‌ఓ కార్యాలయం నుంచి సిబ్బంది సర్దుబాటు కలెక్టర్‌ రాహుల్‌ శర్మ

కాళేశ్వరం: మహదేవపూర్‌ మండలం నాగెపల్లి గ్రామానికి చెందిన గుర్సింగ విజయలక్ష్మి ఆల్‌ఇండియా సివిల్‌ సర్వీసెస్‌ ఖోఖో పోటీలకు ఎంపికై ంది. తెలంగాణ తరఫున జట్టులో శుక్రవారం నుంచి ఈనెల 24 వరకు న్యూఢిల్లీలో జింఖాన గ్రౌండ్‌లో జరుగనున్న జాతీయస్థాయి ఖోఖో పోటీలకు తెలంగాణ తరఫున ఎంపికై నట్లు కుటుంబసభ్యులు తెలిపారు. ఇటీవల ఆంధ్రప్రదేశ్‌ రాష్ట్రం కాకినాడలో జరిగిన ఆలిండియా సివిల్‌ సర్వీసెస్‌ హాకీ క్రీడలో తెలంగాణ తరఫున జట్టులో ఆడినట్లు పేర్కొన్నారు. ఆమె కాటారంలో వ్యాయామ ఉపాధ్యాయురాలిగా పనిచేస్తుంది. ఆమె ఎంపిక కావడంతో కుటుంబసభ్యులు, గ్రామస్తులు, క్రీడాకారులు అభినందనలు తెలిపారు. రాష్ట్రస్థాయి అథ్లెటిక్స్‌ పోటీలకు ఎంపిక రాష్ట్రస్థాయి అధ్లెటిక్స్‌ పోటీలకు మహదేవపూర్‌ జెడ్పీహెచ్‌ఎస్‌ బాలికల, బాలుర పాఠశాల విద్యార్థులు ఎంపికై నట్లు పీడీ గుర్సింగ పూర్ణిమ శుక్రవారం ఒక ప్రకటనలో పేర్కొన్నారు. బాలికల విభాగంలో 100 మీటర్లు, 400 మీటర్ల పరుగు పందెంలో 9వ తరగతి విద్యార్థిని బద్దెల విష్ణుప్రియ, 8వ తరగతి విద్యార్థిని వసంత అనుజ్ఞ, 7వ తరగతి విద్యార్థిని మాడిగ అక్షిత, 6వ తరగతి విద్యార్థిని పెద్ది మధులత, బాలుర విభాగం నుంచి 9వ తరగతి విద్యార్థి సంగం అభిరాంప్రసాద్‌, 6వ తరగతి విద్యార్థి సుంకరి ప్రద్యున్‌ ఎంపికయ్యారు. ఈనెల 23న హైదరాబాద్‌లో జరిగే రాష్ట్రస్థాయి అథ్లెటిక్స్‌ పోటీల్లో పాల్గొననున్నారు. విద్యార్థులను పాఠశాల హెచ్‌ఎం సరిత, ఉపాధ్యాయులు అభినందించారు.

కాటారం: వేసవికాలంలో నియోజకవర్గంలో తాగునీటి సమస్య తలెత్తకుండా అధికారులు ప్రణాళికతో చర్యలు తీసుకోవాలని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు ఆదేశించారు. కాటారం మండల కేంద్రంలోని సబ్‌ కలెక్టర్‌ కార్యాలయంలో గురువారం జిల్లా కలెక్టర రాహుల్‌శర్మతో కలిసి పలు శాఖల అధికారులతో సమీక్షా సమావేశం నిర్వహించారు. కాటారం, భూపాలపల్లి డివిజన్లలో తాగునీటి సమస్య ఉండకూడదని, అధికారులు క్షేత్ర స్థాయిలో పర్యటించి సమస్య పరిష్కరించాలని సూచించారు. సబ్‌డివిజన్‌ పరిధిలో 30 బోర్ల నిర్మాణానికి నిధులు మంజూరు చేశామని, అవసరం ఉన్న గ్రామాల్లో ఏర్పాటు చేయాలని తెలిపారు. ప్రభుత్వం ద్వారా మంజూరైన అభివృద్ది పనులను త్వరగా పూర్తి చేయాలన్నారు. కాటారం హెడ్‌ క్వార్టర్స్‌లో మినీ స్టేడియం, చిల్డ్రన్స్‌ పార్క్‌ నిర్మాణానికి స్థల సేకరణ చేపట్టాలని, నిర్మాణం పూర్తయిన గ్రామపంచాయతీ భవనాల ప్రారంభోత్సవానికి ఏర్పాట్లు చేయాలని మంత్రి ఆదేశించారు. పలు గ్రామాల్లో సీసీ రోడ్ల నిర్మాణానికి నిధులు మంజూరయ్యాయని, నిర్మాణాలకు చర్యలు తీసుకోవాలని అన్నారు. డివిజన్‌ కేంద్రంలో మంజూరు చేసిన కూరగాయల మార్కెట్‌, కమ్యూనిటీ హాల్‌ నిర్మాణాలకు టెండర్లు పిలిచి పనులు మొదలు పెట్టాలని, అంబులెన్స్‌, వైకుంఠ రథాల ఏర్పాటు చేయాలని పేర్కొన్నారు. చిన్న కాళేశ్వరం ప్రాజెక్ట్‌ పనులు వేగంగా చేయాలని, భూ సేకరణ త్వరగా పూర్తి చేయాలన్నారు. ఇసుక లారీల వేగనియంత్రణకు స్పీడ్‌ గన్స్‌, ఇతరాత్ర చర్యలు తీసుకోవాలని పోలీస్‌ అధికారులను మంత్రి ఆదేశించారు. సరస్వతి పుష్కరాల ఏర్పాట్లలో వేగం పెంచాలన్నారు. సమీక్ష సమావేశంలో కాటారం సబ్‌ కలెక్టర్‌ మయాంక్‌ సింగ్‌, డీఆర్‌డీఓ నరేశ్‌, రాష్ట్ర ట్రేడ్‌ ప్రమోషన్‌ చైర్మన్‌ అయిత ప్రకాశ్‌రెడ్డి, కాటారం డీఎస్పీ గడ్డం రామ్మోహన్‌రెడ్డి తదితరులు పాల్గొన్నారు. ముస్లిం మైనార్టీల అభ్యున్నతికి పెద్దపీట రాష్ట్రంలోని ముస్లిం మైనార్టీల అభ్యున్నతికి కాంగ్రెస్‌ ప్రభుత్వం పెద్దపీట వేస్తుందని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్‌బాబు అన్నారు. రంజాన్‌ మాసం పురస్కరించుకొని రాష్ట్ర ప్రభుత్వం ఆధ్వర్యంలో కాటారం మండల కేంద్రంలోని మజీద్‌లో ముస్లింలకు ఏర్పాటు చేసిన ఇఫ్తార్‌ విందులో మంత్రి శ్రీధర్‌బాబు పాల్గొన్నారు. ముస్లింలతో కలిసి మంత్రి మజీద్‌లో ప్రత్యేక ప్రార్థనలు చేశారు. ఇఫ్తార్‌ విందులో భాగంగా ముస్లింలకు స్వీట్లు, పండ్లు తినిపించారు. ఈ సందర్భంగా మంత్రి శ్రీధర్‌బాబు మాట్లాడుతూ.. కాంగ్రెస్‌ ప్రభుత్వం ప్రవేశపెట్టిన రాష్ట్ర బడ్జెట్‌లో ముస్లిం, మైనార్టీలకు పెద్దఎత్తున నిధులు కేటాయించిందన్నారు. కార్యక్రమంలో కలెక్టర్‌ రాహుల్‌శర్మ, ఎస్పీ కిరణ్‌ఖరే, సబ్‌ కలెక్టర్‌ మయాంక్‌ సింగ్‌, ట్రేడ్‌ ప్రమోషన్‌ చైర్మన్‌ అయిత ప్రకాశ్‌రెడ్డి, యూత్‌ కాంగ్రెస్‌ నియోజకవర్గ అధ్యక్షుడు సందీప్‌, సమ్మయ్య, ప్రభాకర్‌రెడ్డి, అజీజ్‌ పాల్గొన్నారు.రాష్ట్ర ఐటీ, పరిశ్రమల శాఖ మంత్రి శ్రీధర్‌బాబు

జీడీడీపీలో వెనుకబడిన ఓరుగల్లు..అట్టడుగున ఆరు జిల్లాలు.. ● తలసరి ఆదాయంలో పుంజుకున్న భూపాలపల్లి ● 15 నుంచి 12 స్థానానికి పెరిగిన వైనం.. గతంతో పోలిస్తే పరవాలేదు ● అడవుల విస్తీర్ణంలో ములుగు ఫస్ట్‌.. మూడో స్థానంలో భూపాలపల్లి ● తెలంగాణ సోషియో ఎకనామిక్‌ అవుట్‌లుక్‌ – 2025లో వెల్లడిజిల్లా స్థూల దేశీయోత్పత్తి (జీడీడీపీ)లో ఉమ్మడి వరంగల్‌ పరిధిలోని ఆరు జిల్లాలు ఈసారి కూడా వెనుకబడ్డాయి. రాష్ట్ర ప్రభుత్వం బడ్జెట్‌ సమావేశాల నేపథ్యంలో విడుదల చేసిన తెలంగాణ సామాజిక–ఆర్థిక దృక్పథ నివేదిక – 2025 గణాంకాలు ఆందోళన కలిగిస్తున్నాయి. జయశంకర్‌ భూపాలపల్లి, ములుగు జిల్లాలో 32, 33వ స్థానంతో అట్టడుగున నిలిచాయి. ఈ జిల్లాల వృద్ధి రేటు రాష్ట్ర వ్యాప్తంగా వెనకబడి ఉంది. 2022–23 సంవత్సరాలకు ప్రస్తుత ధరల్లో జీడీడీపీ విలువ పెరుగుదల కనిపించినప్పటికీ రాష్ట్రస్థాయిలో మిగతా జిల్లాలతో పోలిస్తే చాలా వెనుకబడ్డాయి. ఉమ్మడి జిల్లా పరిస్థితులపై రాష్ట్ర ఆర్థిక, గణాంకశాఖ విడుదల చేసిన ‘‘తెలంగాణ సామాజిక–ఆర్థిక దృక్పథ నివేదిక – 2025’’ గణాంకాల ఆధారంగా ప్రత్యేక కథనం IIలోu – సాక్షి ప్రతినిధి, వరంగల్‌

భూపాలపల్లి రూరల్‌: డ్రగ్స్‌ రహిత సమాజాన్ని నిర్మించేందుకు యువత, విద్యార్థులు మాదక ద్రవ్యానికి దూరంగా ఉండి, ఉజ్వల భవిష్యత్‌ కోసం బాటలు వేసుకోవాలని ఎస్పీ కిరణ్‌ ఖరే గురువారం ఒక ప్రకటనలో తెలిపారు. గంజాయి, డ్రగ్స్‌ మహమ్మారిని ప్రారంభ దశలోనే గుర్తించి, నివారించాలని తెలిపారు. యువత మాదకద్రవ్యాలకు అలవాటు పడడం వల్ల ఆరోగ్యం క్షీణిస్తుందని తెలిపారు. నేర ప్రవృత్తి వైపు దారితీస్తుందన్న విషయం గమనించాలని పేర్కొన్నారు. తద్వారా కుటుంబ సభ్యులు, బంధువులకు దూరమవుతారని తెలిపారు. జిల్లాలో డ్రగ్స్‌, గంజాయి సంబంధిత సమాచారం తెలిస్తే 87126 58111 నంబర్‌ ద్వారా సమాచారం ఇవ్వాలని కోరారు. సమాచారం ఇచ్చిన వారి వివరాలు గోప్యంగా ఉంచుతామ ని ఎస్పీ పేర్కొన్నారు. డ్రగ్స్‌, గంజాయి లాంటి మత్తు పదార్థాలు విక్రయిస్తే చట్ట పరంగా కఠిన చర్యలు తప్పవని ఎస్సీ హెచ్చరించారు. దరఖాస్తుల ఆహ్వానం భూపాలపల్లి రూరల్‌: అంబేడ్కర్‌ ఓవర్సీస్‌ విద్యానిధికి దరఖాస్తులు ఆహ్వానిస్తున్నట్లు జిల్లా షెడ్యూల్డ్‌ కులాల అభివృద్ధి అధికారి సునీత గురువారం ఒక ప్రకటనలో తెలిపారు. 2025–26 విద్యాసంవత్సరంలో విదేశాల్లో ఉన్నత విద్యను అభ్యసించే జిల్లాలోని షెడ్యూల్డ్‌ కులాల విద్యార్థులు ఈ విద్యానిధికి www. telanganaepass. cgg. gov. in వెబ్‌సైట్‌ ద్వారా దరఖాస్తు చేసుకోవచ్చని తెలిపారు. మార్చి 20వ తేదీ నుంచి మే 19వ తేదీ వరకు దరఖాస్తులకు అవకాశం ఉన్నట్లు పేర్కొన్నారు. సందేహాల నివృత్తికి ఫోన్‌ నంబర్‌ 99088 43340 ద్వారా సంప్రదించాలని కోరారు. పెట్రోల్‌ బాటిల్‌తో వ్యక్తి హల్‌చల్‌ మల్హర్‌: మండలంలోని తాడిచర్ల తహసీల్దార్‌ కార్యాలయంలో గురువారం ఓ వ్యక్తి పెట్రోల్‌ బాటిల్‌తో హల్‌చల్‌ చేశాడు. కొయ్యూరు ఎస్సై తెలిపిన వివరాల ప్రకారం.. మండలంలోని వల్లెకుంట గ్రామానికి చెందిన నార శంకర్‌ కొంత కాలంగా భూమి పట్టా చేయాలంటూ కార్యాలయం చుట్టూ తిరుతున్నాడు. కాగా గురువా రం తహసీల్దార్‌ కార్యాలయానికి పెట్రోల్‌ బాటి ల్‌తో వచ్చి ఆర్‌ఐ రాజశేఖర్‌, జూనియర్‌ అసిస్టెంట్‌తో వాగ్వాదానికి దిగాడు. ఈ క్రమంలో తన రికార్డులు రెవెన్యూ సిబ్బంది తారుమారు చేశారని ఆరోపణలు చేస్తూ వెంట తెచ్చుకున్న పెట్రోల్‌ బాటిల్‌ను ఆర్‌ఐ టేబుల్‌ మీద గట్టిగా కొట్టాడు. దీంతో బేబుల్‌ మీద ఉన్న రికార్డులతోపాటు ఆర్‌ఐ రాజశేఖర్‌, జూనియర్‌ అసిస్టెంట్‌ కీర్తన మీద కొంత పెట్రోల్‌ డ్రాప్స్‌ పడ్డాయి. లైటర్‌తో వెలిగిస్తాని భయబ్రాంతులకు గురి చేయడంతో తాము వేరే రూములోకి వెళ్లినట్లు ఆర్‌ఐ రాజశేఖర్‌ వెల్లడించారు. అప్రమత్తమై పోలీసులకు సమాచార అందించామని, సదరు వ్యక్తిని పట్టుకోవడానికి ప్రయత్నించగా పారిపోయనట్లు పేర్కొన్నారు. తమ విధులకు ఆటకం కలిగించి, హత్యాయత్నం చేశాడని శంకర్‌పై చర్యలు తీసుకోవాలని ఆర్‌ఐ రాజశేఖర్‌, జూనియర్‌ అసిస్టెంట్‌ కీర్తన ఇచ్చిన ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు కొయ్యూరు ఎస్సై నరేష్‌ తెలిపారు. బడ్జెట్‌ కేటాయింపులో బీసీలకు అన్యాయం మొగుళ్లపల్లి: రాష్ట్రంలోని కాంగ్రెస్‌ ప్రభుత్వం 2025–2026 ఆర్థిక సంవత్సరానికి ప్రవేశపెట్టిన వార్షిక బడ్జెట్‌లో బీసీలకు అన్యాయం చేసిందని బీసీ సంక్షేమ సంఘం జిల్లా అధ్యక్షుడు వేముల మహేందర్‌గౌడ్‌ ఆరోపించారు. గురువారం ఆయన మండల కేంద్రంలో మాట్లాడుతూ.. రాష్ట్ర ప్రభుత్వం ప్రవేశపెట్టిన రూ.3,04,965 కోట్ల మొత్తం బడ్జెట్‌లో 56 శాతం పైగా ఉన్న బీసీలకు కేవలం 3.6శాతం రూ.11,405 ఓట్లు కేటాయించి బీసీలను అవమానపరిచారని ఆయన మండిపడ్డారు. బీసీ లకు స్థానిక సంస్థలు, విద్య, ఉద్యోగాల్లో 42 శాతం రిజర్వేషన్లను కల్పిస్తామని అసెంబ్లీలో బిల్లు పెట్టి ఆమోదింపజేసిన ప్రభుత్వం బడ్జెట్‌ కేటాయింపుల్లో మాత్రం ఎందుకింత వివక్షత చూపుతుందని ప్రశ్నించారు. కామారెడ్డి బీసీ డిక్లరేషన్‌ ప్రకారం ప్రతి సంవత్సరం బీసీలకు రూ.20 వేల కోట్ల బడ్జెట్‌ కేటాయిస్తామని చెప్పి ఇప్పుడు మాట మార్చడం సరికాదన్నారు.

భూపాలపల్లి రూరల్‌: గ్రామాల అభివృద్ధే లక్ష్యంగా ప్రజా ప్రభుత్వం పనిచేస్తోందని, కాంగ్రెస్‌ ప్రభుత్వ హయాంలోనే మారుమూల అటవీ గ్రామాలు ఎంతో అభివృద్ధి చెందాయని ఎమ్మెల్యే గండ్ర సత్యనారాయణరావు అన్నారు. గురువారం డీసీసీ అధ్యక్షుడు, ట్రేడ్‌ ప్రమోషన్‌ కార్పొరేషన్‌ చైర్మన్‌ అయిత ప్రకాశ్‌ రెడ్డితో కలిసి భూపాలపల్లి మండలంలో రూ.4.73 కోట్లతో పలు అభివృద్ధి పనులకు ఎమ్మెల్యే శంకుస్థాపన చేశారు. ఈ సందర్భంగా ఆయా గ్రామాల్లో ఏర్పాటు చేసిన కార్యక్రమాల్లో ఎమ్మెల్యే మాట్లాడారు. సీఎం రేవంత్‌రెడ్డి ప్రజా ప్రభుత్వంలో ప్రజాప్రతినిధులు, అధికారులు సమన్వయంతో పనిచేస్తూ గ్రామాలను అభివృద్ధి చేస్తున్నట్లు తెలిపారు. అభివృద్ధి, సంక్షేమ ఫలాలు ప్రతి ఒక్కరికీ అందించేలా చూస్తున్నామన్నారు. మహిళల సంక్షేమానికి ప్రభుత్వం కృషి చేస్తుందని తెలిపారు. ఇందిరమ్మ రాజ్యం, ప్రజా ప్రభుత్వం వచ్చిన వెంటనే మహిళలకు ఉచిత బస్సు ప్రయాణం, బస్సులకు మహిళలను ఓనర్లను చేసినట్లు తెలిపారు. ప్రతీ మహిళ ఆర్థికంగా ఎదగాలని, ప్రతి కుటుంబం అభివృద్ధి చెందాలని, అన్ని రంగాల్లో వారిని ముందంజలో ఉంచాలనే లక్ష్యంతో పనిచేస్తున్నట్లు తెలిపారు. ఇదిలా ఉండగా.. వివిధ గ్రామాలకు చెందిన మొత్తం 12 మంది సీఎంఆర్‌ఎఫ్‌ లబ్ధిదారులకు ఎమ్మెల్యే చెక్కులు పంపిణీ చేశారు. కార్యక్రమాల్లో మండలపార్టీ అధ్యక్షుడు సుంకరి రామచంద్రయ్యతోపాటు ఆయాగ్రామాల్లోని పార్టీ నాయకులు, కార్యకర్తలు పాల్గొన్నారు.ఎమ్మెల్యే గండ్ర సత్యనారాయణరావు

కాటారం: జాతీయ స్థాయి హ్యాండ్‌బాల్‌ పోటీలకు మండల కేంద్రంలోని గిరిజన సంక్షేమ గురుకుల బాలుర కళాశాల అకాడమీ విద్యార్థులు ఎంపికయ్యారు. జనవరి 18 నుంచి 20వ తేదీ వరకు కరీంనగర్‌ జిల్లాలో తెలంగాణ రాష్ట్ర హ్యాండ్‌బాల్‌ అసిసోసియేషన్‌ ఆధ్వర్యంలో జరిగిన రాష్ట్రస్థాయి జూనియర్స్‌ 19 విభాగంలో కరీంనగర్‌ జట్టు ప్రథమ స్థానంలో నిలిచింది. దీంతో నిర్వాహకులు ఈ జట్టును జాతీయ స్థాయి పోటీలకు ఎంపిక చేశారు. జట్టులో అత్యంత ప్రతిభ కనబర్చిన కాటా రం గిరిజన సంక్షేమ గురుకుల కళాశాల విద్యార్థి టి.జితేందర్‌ జాతీయ స్థాయి పోటీలకు ఎంపికై నట్లు ప్రిన్సిపాల్‌ రాజేందర్‌ తెలిపారు. మార్చి 26 నుండి 30వ తేదీ వరకు బీహార్‌లో జరిగే(హెచ్‌ఎఫ్‌ఐ) జాతీయ స్థాయి హ్యాండ్‌ బాల్‌ పోటీల్లో పాల్గొననున్నట్లు తెలిపారు. జితేందర్‌ను ప్రిన్సిపాల్‌ రాజేందర్‌, వైస్‌ ప్రిన్సిపాల్స్‌ మాధవి, వెంకటయ్య, పీడీ మహేందర్‌, పీఈటీ శ్రీనివాస్‌, కోచ్‌ వెంకటేశ్‌, డిప్యూటీ వార్డెన్‌ నరేశ్‌, ఉపాధ్యాయులు అభినందించారు. ఖోఖోకు ఎంపికై న ఆనంద్‌ టేకుమట్ల: మండల కేంద్రంలోని ఉన్నత పాఠశాలలో ఫిజికల్‌ ఎడ్యూకేషన్‌ ఉపాధ్యాయుడిగా విధులు నిర్వర్తిస్తున్న చాగంటి ఆనంద్‌ జాతీయ స్థాయి సివిల్‌ సర్వీసెస్‌ ఖోఖోకు ఎంపికయ్యాడు. ఈ సందర్భంగా ఆయన సాక్షితో మాట్లాడుతూ జనవరిలో హైదరాబాద్‌లో జరిగిన ఆల్‌ ఇండియా సివిల్‌ సర్వీసెస్‌ తెలంగాణ రాష్ట్రస్థాయి ఖోఖో పోటీల్లో ఉత్తమ ప్రతిభ కనబర్చడం ద్వారా నేటి(శుక్రవారం) నుంచి ఈ నెల 24 వరకు ఢిల్లీలో కొనసాగే జాతీయ స్థాయి సివిల్‌ సర్వీసెస్‌ ఖోఖోలో తెలంగాణ జట్టులో ఆడనున్నట్లు తెలిపారు.

కాళేశ్వరం: మే 10 లోపు పనులన్ని పూర్తి చేసి సరస్వతి నది పుష్కరాలకు సిద్ధం కావాలని సంబంధిత అధికారులు, కాంట్రాక్టర్లను రాష్ట్ర దేవాదాయశాఖ ప్రిన్సిపల్‌ సెక్రటరీ శైలజారామయ్యర్‌ ఆదేశించా రు. మహదేవపూర్‌ మండలం కాళేశ్వరంలో మే 15 నుంచి 26వ తేదీ వరకు జరగనున్న సరస్వతి పుష్కరాల ఏర్పాట్లను దేవాదాయశాఖ కమిషనర్‌ శ్రీధర్‌, కలెక్టర్‌ రాహుల్‌శర్మ, ఎస్పీ కిరణ్‌ఖరేలతో కలిసి గురువారం క్షేత్రస్థాయిలో పరిశీలించారు. ముందుగా వీఐపీ ఘాట్‌ వద్ద మెట్ల నిర్మాణ పనులను పరి శీలించారు. 150మీటర్ల పొడవు మెట్లను 86మీటర్ల పొడవుకు కుదించిన విషయమై చర్చించారు. ఘాట్‌ వద్ద రహదారి వీఐపీ ఘాట్‌ వద్ద రూ.కోటితో కొనసాగుతున్న సరస్వతి విగ్రహం, సుందరీకరణ పనులు పరిశీలించి, విగ్రహ ఏర్పాటుకు స్థలం నిర్ణయించారు. వీఐపీ ఘాట్‌ నుంచి గోదావరి ఘాట్‌ వరకు గోదావరిలో కర్రలు లేదా స్టీల్‌తో రహదారి నిర్మాణం చేపట్టాలన్నారు. పురుషులు, మహిళల కోసం వేర్వేరుగా శాశ్వత మరుగుదొడ్ల నిర్మాణం వంటి అంశాలపై సమీక్ష నిర్వహించారు. పుష్కరాల్లో 12 రోజులపాటు గోదావరి హారతి నిర్వహించడానికి ప్రత్యేక ఏర్పాట్లు చేయాలని అధికారులను ఆదేశించారు. భక్తులకు ఇబ్బందులు కలగొద్దు భక్తులకు ఇబ్బందులు కలగకుండా సమగ్ర ప్రణాళిక, సమన్వయంతో ఏర్పాట్లు పూర్తి చేయాలని అధికారులను ఆదేశించారు. పూర్తి చేయాల్సిన శాశ్వత, తాత్కాలిక పనులకు ముందుగానే షెడ్యూల్‌ తయారు చేసుకోవాలని, సిబ్బందిని ఎక్కువ సంఖ్యలో నియమించుకోవాలని పెంచాలని సూచించారు. అంచనాల్లో వ్యత్యాసాలతో చేపట్టే పనులపై రెండు రోజుల్లో నివేదికలు అందచేయాలని సూచించారు. పుష్కరాలకు ప్రత్యేక యాప్‌ పుష్కర సమాచారం తెలిసేలా ప్రత్యేకంగా యాప్‌ తయారు చేయాలని, విస్తృత ప్రచారానికి అంబాసిడర్‌ను నియమించాలని తెలిపారు. 12 రోజుల కార్యక్రమాలకు సంబంధించి షెడ్యూల్‌ తయారు చేయాలని ఈఓ మహేష్‌ను ఆదేశించారు. వేసవి దృష్ట్యా గోదావరిలో చలువ పందిళ్లు ఏర్పాటు చేయాలని తెలిపారు. గోదావరిలో నీటి నిల్వలను పరిశీలించాలన్నారు. అన్న సత్రాన్ని అందుబాటులోకి తేవాలని సూచించారు. ప్రసాదాల కౌంటర్లు ఏర్పాటు చేయాలన్నారు. భక్తులు గోదావరిలోకి వెళ్లకుండా ప్రమాద హెచ్చరిక బోర్డులు ఏర్పాటు చేయాలని ఇరిగేషన్‌ అధికారులకు సూచించారు. ఆర్టీసీ బస్సులు నిలిపే ప్రదేశం, 86గదుల వసతి గృహాన్ని పరిశీలించారు. సమీక్షలో సమావేశంలో కలెక్టర్‌ రాహుల్‌ శర్మ, పవర్‌ పాయింట్‌ ప్రజెంటేషన్‌ ద్వారా ఇంజనీరింగ్‌ శాఖల ద్వారా చేపట్టనున్న పనుల ప్రగతిని వివరించారు. కాటారం సబ్‌కలెక్టర్‌ మయాంక్‌సింగ్‌, దేవాదాయశాఖ ఆర్జేసీ రామకృష్ణారావు, ఏసీ సునీత, ఈఓ మహేష్‌, డీఎస్పీ రామ్మోహన్‌రెడ్డి, సీఐ రామచందర్‌రావు, ఎస్సైలు తమాషారెడ్డి, పవన్‌ పాల్గొన్నారు. మే 15 నుంచి 26 వరకు సరస్వతి పుష్కరాలు ఏర్పాట్లను పరిశీలించిన దేవాదాయశాఖ ప్రిన్సిపల్‌ సెక్రటరీ శైలజా రామయ్యర్‌ కాళేశ్వరం ఈఓ కార్యాలయంలో అధికారులతో సమీక్ష

భూపాలపల్లి రూరల్‌: పదో తరగతిలో విద్యార్థులు ఉత్తమ ఫలితాలు సాధించాలని డీఈఓ రాజేందర్‌, జిల్లా పౌర సంబంధాల అధికారి శ్రీనివాస్‌ విద్యార్థులకు సూచించారు. భూపాలపల్లి మండలంలోని గొల్లబద్దారం జిల్లా పరిషత్‌ ఉన్నత పాఠశాలలో బుధవారం జరిగిన కార్యక్రమంలో వారు మాట్లాడారు. విద్యార్థులు కృషి, పట్టుదలతో ముందుకు సాగితే ఉజ్వల భవిష్యత్‌ ఉంటుందని తెలిపారు. కలెక్టర్‌ సంతకం చేసిన ‘అందరూ చదవాలి.. అందరూ ఎదగాలి‘ అనే ప్రేరణ కరపత్రాన్ని విద్యార్థులకు అందజేశారు. పరీక్షా ప్యాడ్‌, పెన్నులు పంపిణీ చేశారు. ప్రధానోపాధ్యాయులు రవీందర్‌ రెడ్డి, ప్లానింగ్‌ కోఆర్డినేటర్‌ రాజ్‌ గోపాల్‌, లక్ష్మీనారాయణ, తిరుపతి రెడ్డి, సునీత, విద్యార్థులు పాల్గొన్నారు. దరఖాస్తుల స్వీకరణ భూపాలపల్లి రూరల్‌: రాజీవ్‌ యువ వికాసం పేరుతో రాష్ట్ర ప్రభుత్వం అన్ని కులాల వారికి స్వయం ఉపాధి కల్పించేందుకు పథకాన్ని ప్రారంభించింది. ఇందులో భాగంగా రూ.4లక్షల వరకు ఆర్థిక సాయాన్ని 60 నుంచి 80 శాతం సబ్సిడీతో అందించనుంది. ఈమేరకు ఆసక్తి, అర్హతగల వారు ఆధార్‌, కులం, నివాసం, ఆదాయ ధ్రువీకరణ పత్రాలతో ఏప్రిల్‌ 5వ తేదీ వరకు దరఖాస్తులు చేసుకోవాలని, జిల్లా కలెక్టరేట్‌ అధికారులు బుధవారం ఒక ప్రకటనలో పేర్కొన్నారు. ఇంటర్‌ పరీక్షలో 10 మంది విద్యార్థుల డీబార్‌ భూపాలపల్లి అర్బన్‌: ఇంటర్మీడియట్‌ మొదటి సంవత్సరం వార్షికల్లో భాగంగా బుధవారం 10 మంది విద్యార్థులు డీబార్‌ అయినట్లు నోడల్‌ అధికారి వెంకన్న తెలిపారు. జిల్లా కేంద్రంలోని ప్రభుత్వ జూనియర్‌ కళాశాల సెంటర్‌లో ఆరుగురు, తేజస్విని గాంధీ జూనియర్‌ కళాశాల సెంటర్‌లో నలుగురు విద్యార్థులను స్పెషల్‌ స్క్వాడ్‌ డీబార్‌ చేసినట్లు వెల్లడించారు. కలెక్టరేట్‌ ఎదుట ఆశ వర్కర్ల ఆందోళన భూపాలపల్లి అర్బన్‌: వైద్యారోగ్యశాఖ పరిధిలో విధులు నిర్వర్తిస్తున్న తమకు కనీస వేతనాలు అమలు చేసి సమస్యలను పరిష్కరించాలని డిమాండ్‌ చేస్తూ బుధవారం ఆశ కార్యకర్తలు కలెక్టరేట్‌ ఎదుట ఆందోళన చేపట్టారు. ఉదయం 8గంటలకే కలెక్టరేట్‌కు చేరుకోని ధర్నా, ఆందోళన కార్యక్రమం నిర్వహించారు. పోలీసులు వారిని అరెస్ట్‌ చేసి పోలీస్‌స్టేషన్‌కు తరలించారు. ఈసందర్భంగా సీఐటీయూ జిల్లా అధ్యక్షుడు బందు సాయిలు, తెలంగాణ ఆశా వర్కర్స్‌ యూనియన్‌ జిల్లా అధ్యక్ష కార్యదర్శులు కేతం విజయ, మెట్టుకొండ లక్ష్మి మాట్లాడారు. అసెంబ్లీ బడ్జెట్‌ సమావేశాల్లో ఆశాలకు ప్రభుత్వం రూ.18,000 వేతనం నిర్ణయించాలని, పదోన్నతులు కల్పించి పీఎఫ్‌, ఈఎస్‌ఐ, ఉద్యోగ భద్రత కల్పించాలని కోరారు. కాంగ్రెస్‌ ప్రభుత్వం ఎన్నికలకు ముందు డిమాండ్లు పరిష్కరిస్తామని హామీ ఇచ్చిందన్నారు. కార్యక్రమంలో సీఐటీయూ నాయకులు ఆకుదార రమేష్‌, రాజేందర్‌, ఆశాలు తిరుమల, రాధిక, రాజేశ్వర్‌రెడ్డి, రమ, సరిత, యాకూబ్‌, శారద పాల్గొన్నారు. నేడు దేవాదాయశాఖ ప్రిన్సిపల్‌ సెక్రటరీ రాక కాళేశ్వరం: మహదేవపూర్‌ మండలం కాళేశ్వరంలో మే 15వ తేదీ నుంచి 26వ తేదీ వరకు జరుగనున్న సరస్వతీ నది పుష్కరాల అభివృద్ధి పనుల పరిశీలనకు దేవాదాయశాఖ ప్రిన్సిపల్‌ సెక్రటరీ శైలజారామయ్యర్‌, కమిషనర్‌ శ్రీధర్‌ గురువారం రానున్నారు. ఉదయం 10 గంటలకు ఉన్నతాధికారులతో సమీక్ష నిర్వహించి క్షేత్రస్థాయిలో పనులు పరిశీలించనున్నారు. కాగా, అభివృద్ధి పనులకు రూ.25కోట్ల నిధులు విడుదల చేసిన విషయం తెలిసిందే.

ఎస్సీ, బీసీ, ఎస్టీ, మహిళా సంక్షేమం కోసం ఈసారి భారీ కేటాయింపులే జరిగాయి. అత్యధికంగా ఎస్సీ, ఎస్టీ, బీసీ జనాభా కలిగిన జిల్లాలో ఆ వర్గాలకు మేలు జరుగనుందని ఆర్థికవేత్తలు అభిప్రాయపడుతున్నారు. ఎస్సీ సంక్షేమం కోసం రూ.40,232, ఎస్టీలకు రూ.17,169 కోట్లు కేటాయించడం పట్ల ఉమ్మడి వరంగల్‌కు ప్రాధాన్యం ఉంటుందంటున్నారు. ఐటీ, పరిశ్రమల రంగంపైన దృష్టి సారించిన నేపథ్యంలో రెండో నగరంగా వరంగల్‌ వృద్ధి చెందుతుందన్న ఆశాభావం కూడా వ్యక్తమవుతోంది. పీఎం మిత్ర నిధులతో కాకతీయ మెగా టెక్స్‌టైల్‌ పార్కు మరింత అభివృద్ధి చెందేందుకు అవకాశం ఉండగా, ఐటీ హబ్‌, టెక్స్‌టైల్‌ పార్కు, మడికొండ పరిశ్రమల ద్వారా ఉపాధి అవకాశాలపై ఆశలు రేకెత్తుతున్నాయి. ఎకో టూరిజానికి ప్రభుత్వం ప్రాధాన్యం ఇచ్చిన నేపథ్యంలో ములుగు, జేఎస్‌ భూపాలపల్లి, మహబూబాబాద్‌ జిల్లాలకు మహర్దశ రానుంది.

భూపాలపల్లి అర్బన్‌: నాగవెళ్లి రాజలింగమూర్తి హత్య కేసులో బీఆర్‌ఎస్‌ నాయకుడు కొత్త హరిబాబు పాత్ర ఉన్నట్లు పోలీసులు గుర్తించినప్పటికీ బీఆర్‌ఎస్‌ పార్టీ నుంచి ఎందుకు సస్పెండ్‌ చేయడం లేదని రాజలింగమూర్తి భార్య సరళ ప్రశ్నించారు. జిల్లా కేంద్రంలోని ప్రెస్‌క్లబ్‌లో బుధవారం ఏర్పాటు చేసిన విలేకరుల సమావేశంలో సరళ మాట్లాడారు. బీఆర్‌ఎస్‌ పార్టీ హత్య రాజకీయాలు చేయడం లేదని చెప్పిన మాజీ ఎమ్మెల్యే గండ్ర వెంకటరమణారెడ్డి సమాధానం చెప్పాలని డిమాండ్‌ చేశారు. కొత్త హరిబాబు, మాజీ ఎమ్మెల్యే గండ్ర వెంకటరమణారెడ్డిలతోపాటు కేటీఆర్‌, హరీశ్‌రావుల పాత్ర ఉన్నట్లు దాడి జరిగిన రోజునే పోలీస్‌స్టేషన్‌ ఫిర్యాదు చేస్తే డీఎస్పీ, సీఐలు ఫిర్యాదును రద్దు చేసి వారికి అనుకూలంగా ఫిర్యాదు రాసుకొని సంతకాలు చేయించుకున్నట్లు తెలిపారు. మేడిగడ్డ, బీఆర్‌ఎస్‌ నాయకుల అక్రమాలు, ప్రభుత్వ భూముల కబ్జాలపై పోరాటాలు నిర్వహించినందుకే హత్య చేశారని ఆరోపించారు. గతంలో బీఆర్‌ఎస్‌ కౌన్సిలర్‌గా ఉన్న తనను అకారణంగా సస్పెండ్‌ చేశారని, హత్య చేసిన హరిబాబును ఎందుకు ఇప్పటికీ సస్పెండ్‌ చేయలేదన్నారు. తప్పు చేయని హరిబాబు ఎందుకు తప్పించుకు తిరిగాడ ని ప్రశ్నించారు. తనకు ప్రాణభయం ఉందని, బెదిరింపు కాల్స్‌ వస్తున్నాయని, ఇంటి చుట్టూ కొత్త వ్యక్తులు తిరుగుతున్నారని ఆవేదన వ్యక్తం చేశారు. సీఎం రేవంత్‌రెడ్డి స్పందించి సీబీసీఐడీతో విచారణ జరిపించాలని కోరారు. హరిబాబు బెయిల్‌ పిటిషన్‌ కొట్టివేసిన హైకోర్టు..? భూపాలపల్లి: సామాజిక కార్యకర్త నాగవెల్లి రాజలింగమూర్తి హత్య కేసులో నిందితుడిగా ఉన్న భూపాలపల్లి మున్సిపాలిటీ మాజీ వైస్‌ చైర్మన్‌, బీఆర్‌ఎస్‌ నాయకుడు కొత్త హరిబాబు బెయిల్‌ పిటిషన్‌ను హైకోర్టు కొట్టి వేసింది. భూపాలపల్లి పట్టణానికి చెందిన రాజలింగమూర్తి గత నెల 19న హత్యకు గురి కాగా హరిబాబు ఏ8 నిందితుడిగా ఉన్నాడు. ఈ నెల 4న ఆయన ముందస్తు బెయిల్‌ పిటిషన్‌ కోసం హైకోర్టును ఆశ్రయించాడు. వాదనలు జరుగుతున్న సమయంలోనే మంగళవారం అతడిని భూపాలపల్లి పోలీసులు అదుపులోకి తీసుకొని జిల్లా కేంద్రంలోని ప్రిన్సిపల్‌ జ్యుడిషియల్‌ ఫస్ట్‌ క్లాస్‌ మెజిస్ట్రేట్‌ కోర్టులో హాజరుపరిచి, జడ్జి ఆదేశాల మేరకు ఖమ్మం జైలుకు తరలించారు. బుధవారం హైకోర్టులో వాదనలు జరుగగా హరిబాబు బెయిల్‌ పిటిషన్‌ను కొట్టివేసినట్లు సమాచారం.

సాక్షి ప్రతినిధి, వరంగల్‌: అసెంబ్లీలో ప్రభుత్వం బుధవారం ప్రవేశపెట్టిన 2025–26 రాష్ట్ర బడ్జెట్‌లో ఉమ్మడి వరంగల్‌కు దక్కిన ప్రాధాన్యంపై భిన్నస్వరాలు వినిపిస్తున్నాయి. రెండో రాజధానిగా హైదరాబాద్‌కు పోటీగా అభివృద్ధి చేస్తామంటున్న ప్రభుత్వం.. బడ్జెట్‌లో ఆ మేరకు ప్రాధాన్యం ఇవ్వలేదన్న చర్చ జరుగుతోంది. అదే సమయంలో అభివృద్ధి, సంక్షేమ రంగాలకు చేసిన కేటాయింపుల్లోనే ఉమ్మడి వరంగల్‌కు ప్రయోజనాలు కలుగుతాయన్న మరో వాదన కూడా వినిపిస్తోంది. ముఖ్యమంత్రిగా మొదటిసారి వరంగల్‌ నగరంలో పర్యటించిన రేవంత్‌రెడ్డి.. నగరం అభివృద్ధి కోసం 8 అంశాలు ప్రాధాన్యంగా రూ.6,115 కోట్ల విడుదలకు ఉత్తర్వులు జారీ చేశారు. అండర్‌ గ్రౌండ్‌ డ్రెయినేజీ, సూపర్‌ స్పెషాలిటీ ఆస్పత్రి, ఇన్నర్‌, ఔటర్‌ రింగు రోడ్లు, మామునూరు ఎయిర్‌పోర్టు తదితర అంశాలు అందులో ఉన్నాయి. వీటికి నేరుగా నిధులు ఇచ్చేలా ప్రతిపాదనలు చేసినట్లు బడ్జెట్‌లో కనిపించ లేదు. కాగా, ఉపముఖ్యమంత్రి భట్టి విక్రమార్క, కాంగ్రెస్‌ పార్టీ ఆరు గ్యారంటీలకు అత్యధిక ప్రాధాన్యం ఇచ్చినట్లుగా కనిపించిందన్న చర్చ ఉంది. ● విద్య, వైద్య రంగాలకు కేటాయింపులపై భిన్నస్వరాలు ● అండర్‌ గ్రౌండ్‌ డ్రెయినేజీ, ఎయిర్‌పోర్టు, ‘సూపర్‌’ ప్రస్తావన లేదు ● కాళేశ్వరానికి రూ.2,685 కోట్లు.. దేవాదులకు రూ.245 కోట్లు ● స్మార్ట్‌సిటీకి రూ.179 కోట్లు, కేయూసీ, జీడబ్ల్యూఎంసీకి రూ.100 కోట్లు ● రామప్ప, పాకాలకు రూ.ఐదేసి కోట్లు.. ‘కాళోజీ’కి రూ.రెండు కోట్లే ● ఇందిరమ్మ ఇళ్ల నిర్మాణానికి ప్రభుత్వం ఊతం ● ఎకో టూరిజం ప్రస్తావన.. భూపాలపల్లి, ములుగు జిల్లాల్లో ఆశలు

చిట్యాల: ఉపాధి హామీ కూలీలు కొలతల ప్రకారం పని చేయాలని అదనపు కలెక్టర్‌ విజయలక్ష్మి అ న్నారు. బుధవారం మండలంలోని లక్ష్మీపూర్‌తండా గ్రామంలో జరుగుతున్న ఉపాధి హామీ పనులను ఆమె ఆకస్మీకంగా తనిఖీ చేశారు. కూలీల హాజరు పట్టికను పరిశీలించారు. ఈ సందర్భంగా ఆమె మాట్లాడుతూ ప్రతీరోజు రూ.300 కూలీ పడే విధంగా కూలీలు కొలతలప్రకారం పని చేసుకోవాలని తెలిపారు. పని ప్రదేశంలో కూలీల కోసం తాగానీరు, నీడ సౌకర్యం, ప్రథమ చికిత్స బాక్స్‌ను అందుబాటులో ఉంచాలని పంచాయితీ కార్యదర్శికి సూ చించారు. ఆమె వెంట ఎంపీడీఓ జయశ్రీ, ఎంపీఓ రామకృష్ణ, ఏపీఓ అలీంపాషా, ఈసీ సుధాకర్‌, పంచాయితీ కార్యదర్శి శ్రీకాంత్‌, ఏఫ్‌ఏ రాజు ఉన్నారు. ఇళ్ల పనులు పూర్తి చేయాలి ఇందిరమ్మ ఇళ్ల లబ్ధిదారులు త్వరగా ఇళ్ల పనులు పూర్తి చేసుకోవాలని జిల్లా అదనపు కలెక్టర్‌ విజయలక్ష్మి కోరారు. మండలంలో ఇటీవల ఎంపికై న ముచినిపర్తి గ్రామంలో నిర్మించుకుంటున్న ఇందిర మ్మ ఇళ్లను బుధవారం ఆమె పరిశీలించారు. ఎంపీడీఓ జయశ్రీ, ఎంపీఓ రామకృష్ణ ఉన్నారు. కాటారం: మహాముత్తారం మండలం మదారం మామిడికుంటలో కొనసాగుతున్న ఎంఐ ట్యాంక్‌, ఫిష్‌ పాండ్‌ పనులను డీఆర్‌డీఓ నరేశ్‌ బుధవారం పరిశీలించారు. పని ప్రదేశంలో సౌకర్యాలు, కూలీల హాజరు, పనుల తీరుపై ఆయన ఆరా తీశారు. కూలీ లకు ఓఆర్‌ఎస్‌ ప్యాకెట్లు అందజేసి వేసవిలో కూలీ లు తీసుకోవాల్సిన జాగ్రత్తలను వివరించారు. ఎంపీడీఓ శ్రీనివాస్‌, ఈసీ నాగేందర్‌, టీఏ, పంచాయతీ కార్యదర్శి, ఫీల్డ్‌ అసిస్టెంట్‌ ఉన్నారు.అదనపు కలెక్టర్‌ విజయలక్ష్మి

ప్రభుత్వం విద్యారంగాన్ని ప్రోత్సహించడానికి ఈసారి రూ.23,108 కోట్లు కేటా యించింది. దీంతో సర్కారు చదువులకు ఇంకా మంచి జరగనుందన్న ఆశాభావం వ్యక్తమవుతోంది. 20–25 ఎకరాల్లో ఇంటిగ్రేటెడ్‌ స్కూళ్లను నిర్మించ తలపెట్టిన ప్రభుత్వం ఇటీవల ఉమ్మడి జిల్లాకు రూ.1400 కోట్లతో ఏడింటిని మంజూరు చేసింది. ఈ బడ్జెట్‌తో ఈసారి ఆ స్కూళ్లు పూర్తయ్యే అవకాశం ఉంటుంది. అలాగే, వరంగల్‌లో మొత్తం 3,331 ప్రభుత్వ బడులు ఉండగా, అందులో 4,67,011 మంది విద్యార్థులు చదువుకుంటున్నారు. మరుగుదొడ్లు, మూత్రశాలలు, ప్రహరీలతోపాటు మౌలిక సదుపాయాల కల్పన కోసం ఈసారి నిధులు వెచ్చించే అవకాశం ఉంది.

కాంగ్రెస్‌ ఎన్నికలకు ముందు మేనిఫెస్టోలో చేర్చిన ఆరు గ్యారంటీ పథకాలకు ఈ బడ్జెట్‌లోనూ అధిక ప్రాధాన్యం ఇచ్చింది. ఉమ్మడి జిల్లాలో 8,77,173 మంది రైతులకు రైతుభరోసా పథకం ఈ ఏడాది కూడా అమలు కానుంది. ఒక కార్పొరేషన్‌, 9 మున్సిపాలిటీలు, 1,708 గ్రామపంచాయతీలుండగా మహాలక్ష్మి పథకం కింద సుమారు ప్రతి మహిళకు రూ.2.500 చొప్పున సుమారు 7.21 లక్షల మందికి అందే అవకాశం ఉంది. ఆర్టీసీ బస్సుల్లో వరంగల్‌ రీజియన్‌లో రోజుకు సగటున సుమారు 55 వేల మంది మహిళలు ఉచితంగా రాకపోకలు సాగించేందుకు ఢోకా లేదు. అదేవిధంగా గ్యాస్‌ సిలిండర్‌ కనెక్షన్లపై రూ.500కే గ్యాస్‌ సిలిండర్‌ పథకంలో 6,10,220 మంది లబ్ధిదారులకు కొనసాగనుంది. ఇందిరమ్మ ఇళ్ల నిర్మాణం కోసం ఇప్పటికే 2.50 లక్షల మందిని రెవెన్యూ అధికారులు అర్హులుగా గుర్తించగా, గృహజ్యోతి ద్వారా 200 యూనిట్ల లోపు కరెంట్‌ వాడిన 6,12,901 మందికి ఉచిత విద్యుత్‌ సౌకర్యం కలగనుంది.

మల్హర్‌: పీఎంశ్రీ పథకం ద్వారా మండలంలోని ఎడ్లపల్లి మోడల్‌ పాఠశాలలో జరుగుతున్న అభివృద్ధి పనుల్లో వేగం పెంచాలని కలెక్టర్‌ రాహుల్‌ శర్మ ఆదేశించారు. మండలంలోని ఎడ్లపల్లి మోడల్‌ స్కూల్‌లో పీఎంశ్రీ పథకం ద్వారా పాఠశాల మొదటి అంతస్తులో నిర్మిస్తున్న సైన్స్‌ ల్యాబ్‌, మరుగుదొడ్ల నిర్మాణం పనులు, ఆర్‌ఓ ప్లాంట్‌ను ఆయన బుధవారం పరిశీలించి, ఉపాధ్యాయులతో మాట్లాడారు. పాఠశాల మొదటి అంతస్తులో కిటికీ డోర్స్‌, గ్రిల్స్‌ తలుపులు ఏర్పాటు చేయాలని ఉపాధ్యాయులు.. కలెక్టర్‌ను కోరగా ఏర్పాటు చేస్తామని కలెక్టర్‌ హామీ ఇచ్చారు. కార్యక్రమంలో పాఠశాల ప్రిన్సిపా ల్‌ పూర్ణచందర్‌ రావు, తహసీల్దార్‌ రవికుమార్‌, ఎంపీడీఓ శ్యాం సుందర్‌ పాల్గొన్నారు. రాజకీయ పార్టీల సహకారం అవసరం భూపాలపల్లి: ఓటరు జాబితా రూపకల్పన, నవీకరణకు రాజకీయ పార్టీల సహకారం అవసరమని జిల్లా ఎన్నికల అధికారి రాహుల్‌ శర్మ తెలిపారు. బుధవారం ఐడీఓసీ కార్యాలయంలో గుర్తింపు పొందిన అన్ని రాజకీయ పార్టీల ప్రతినిధులతో నిర్వహించిన సమావేశంలో ఆయన మాట్లాడుతూ.. అర్హులైన ప్రతీ ఓటరు జాబితాలో ఉండేలా చూడాలన్నారు. తహసీల్దార్‌ శ్రీనివాసులు, అబ్బాస్‌, ఇమా మ్‌, రాజకీయ పార్టీల ప్రతినిధులు పాల్గొన్నారు. ‘పది’ పరీక్షలకు ఏర్పాట్లు పూర్తి.. ఈ నెల 21వ తేదీ నుంచి ప్రారంభం కానున్న పదో తరగతి పరీక్షలు నిర్వహణకు అన్ని ఏర్పాట్లు పూర్తి చేసినట్లు కలెక్టర్‌ రాహుల్‌ శర్మ బుధవారం ఒక ప్రకటనలో తెలిపారు. జిల్లాలో వంద శాతం ఉత్తీర్ణత లక్ష్యంగా బోధన సాగిందని తెలిపారు. గత ఏడాది వార్షిక ఫలితాల్లో 93 శాతం ఉత్తీర్ణతతో రాష్ట్రంలో 16వ స్థానంలో నిలిచిందని గుర్తు చేశారు. కలెక్టర్‌ రాహుల్‌ శర్మ

మల్హర్‌: ఎండ తీవ్రత ఎక్కువగా ఉన్న నేపథ్యంలో ఉపాధిహామీ పనులకు వచ్చే కూలీలకు పని ప్రదేశంలో అన్ని వసతులు కల్పించాలని డీఆర్‌డీఓ నరేష్‌ సిబ్బందిని ఆదేశించారు. మండలంలోని ఎడ్లపల్లి గ్రామంలో చేపడతున్న ఉపాధిహామీ పనులను డీఆర్డీఓ మంగళవారం పరిశీలించారు. ఈ సందర్భంగా నరేష్‌ కూలీలకు ఓఆర్‌ఎస్‌ ప్యాకెట్లు పంపిణీ చేశారు. అనంతరం ఆయన మాట్లాడుతూ.. కొలతల ప్రకారం పనిచేస్తే ఒక్క రోజుకు రూ.300 చెల్లించనున్నట్లు పేర్కొన్నారు. అన్ని జీపీల్లోని పని ప్రదేశాల్లో కూలీలకు తాగునీరు, నీడ పందిరి, మెడికల్‌ కిట్లు ఏర్పాటు చేయాలని వివరించారు. ఈ కార్యక్రమంలో ఏపీఓ హరీశ్‌, టెక్నికల్‌ అసిస్టెంట్లు రమేష్‌, శైలజ, శేఖర్‌, ఫీల్డ్‌ అసిస్టెంట్లు పాల్గొన్నారు. యూరియా వాడకం తగ్గించాలి గణపురం: రైతులు వరి పంటలో యూరియా వాడకం తగ్గించాలని జిల్లా వ్యవసాయశాఖ అధికారి ఎన్‌.వీరునాయక్‌ అన్నారు. మండలకేంద్రంలోని రైతు వేదికలో మంగళవారం నిర్వహించిన రైతు నేస్తం కార్యక్రమంలో ఆయన పాల్గొని మాట్లాడారు. అనంతరం పంట నమోదు ప్రక్రియను పరిశీలించి రైతులు వేసిన వరిపంటపై యూరియా ఎక్కువగా వాడుతున్నారని అన్నారు. యూరియా వాడకం తగ్గించాలని కోరారు. యూరియా అధికంగా వాడడం మూలంగా చీడపీడలు ఎక్కువగా ఆశిస్తాయని తెలిపారు. ఈ కార్యక్రమంలో మండల వ్యవసాయ అధికారి ఐలయ్య, పీఏసీఏస్‌ సీఈఓ భిక్షపతి, ఏఈఓలు పాల్గొన్నారు. సౌకర్యాలను పరిశీలించిన ఆర్డీఓ భూపాలపల్లి అర్బన్‌: పదో తరగతి పరీక్షల నేపథ్యంలో జిల్లాకేంద్రంలోని పరీక్ష కేంద్రాల్లో ఏర్పాటు చేయనున్న సౌకర్యాలను మంగళవారం ఆర్డీఓ రవి తహసీల్దార్‌ శ్రీనివాసులుతో కలిసి పరిశీలించారు. పట్టణంలోని గిరిజన ఆశ్రమ పాఠశాల, ప్రభుత్వ ఉన్నత పాఠశాల, సింగరేణి హైస్కూల్‌, జంగేడు ప్రభుత్వ ఉన్నత పాఠశాలను పరిశీలించారు. ఆశ్రమ పాఠశాలలో వంట గదులు, తరగతి గదులను తనిఖీ చేశారు. పదో తరగతి పరీక్షల నేపథ్యంలో సౌకర్యాలు కల్పించాలని ఆదేశించారు. కార్మిక వ్యతిరేక విధానాలను మానుకోవాలి భూపాలపల్లి అర్బన్‌: కేంద్ర, రాష్ట్ర ప్రభుత్వాలు కార్మిక వ్యతిరేక విధానాలను మానుకోవాలని భారతీయ మజ్ధూర్‌ సంఘ్‌ (బీఎంఎస్‌) రాష్ట్ర వర్కింగ్‌ ప్రెసిడెంట్‌ అప్పాని శ్రీనివాస్‌ డిమాండ్‌ చేశారు. భారతీయ మజ్ధూర్‌ సంఘ్‌ జాతీయ కమిటీ పిలుపు మేరకు మంగళవారం జిల్లాకేంద్రంలోని కలెక్టర్‌ కార్యాలయం ఎదుట నిరసన వ్యక్తంచేసి అదనపు కలెక్టర్‌ అశోక్‌కుమార్‌కు వినతిపత్రం అందజేశారు. ఈ సందర్భంగా శ్రీనివాస్‌ మాట్లాడుతూ.. ఈపీఎఫ్‌ వేతన పరి మితిని రూ.15వేల నుంచి రూ.30వేలకు పెంచాలన్నారు. ప్రభుత్వ ఆస్తుల విక్రయాలపై తక్షణ నిషేదం విధించాలని డిమాండ్‌ చేశారు. ఈ కార్యక్రమంలో నాయకులు సుజేందర్‌, మల్లేష్‌, నర్సింగరావు, మల్లయ్య, రఘుపతిరెడ్డి, మల్లేష్‌, మొగిలి, భిక్షపతి, సురేష్‌ పాల్గొన్నారు.

భూపాలపల్లి రూరల్‌: ప్రభుత్వం కల్పించిన ప్లాట్ల లేఅవుట్‌ క్రమబద్ధీకరణ అవకాశాన్ని సద్వినియోగం చేసుకోవాలని కలెక్టర్‌ రాహుల్‌శర్మ సూచించారు. ఎల్‌ఆర్‌ఎస్‌ క్రమబద్ధీకరణ ప్రక్రియపై ఐడీఓసీ కార్యాలయ సమావేశపు హాలులో మంగళవారం లే అవుట్స్‌ ఓనర్లు, లైసెన్స్‌ సర్వేయర్లు, డాక్యుమెంట్‌ రైటర్స్‌తో అవగాహన సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ.. ఈ నెలాఖరు వరకు ఎల్‌ఆర్‌ఎస్‌ ఫీజు చెల్లింపులో ప్రభుత్వం 25శాతం రాయితీ అవకాశం కల్పించిందని.. అర్హులైన ప్రతి ఒక్కరూ సద్వినియోగం చేసుకోవాలని స్పష్టంచేశారు. ప్లాట్లు కొనుగోలు చేసి సేల్‌ డీడ్‌ రిజిస్ట్రేషన్‌ కలిగిన వారికి కూడా 31లోగా ఎస్‌ఆర్‌ఎస్‌ చేసుకుంటే 25 శాతం రాయితీ వర్తిస్తుందని అన్నారు. ప్రజల ప్రయోజనాలను దృష్టిలో పెట్టుకుని ప్రభుత్వం కల్పించిన ఈ అవకాశాన్ని సద్వినియోగం చేసుకోవాలని ప్రజలకు విజ్ఞప్తి చేశారు. ఎల్‌ఆర్‌ఎస్‌ కోసం ప్రజలు ప్రభుత్వ కార్యాలయాల చుట్టూ తిరగకుండా ఎస్‌ఆర్‌ఎస్‌ రెగ్యులరైజేషన్‌ కోసం సంబంధించి ఏదేని సలహాల కోసం మున్సిపల్‌ కార్యాలయంలో హెల్ప్‌ డెస్క్‌ ఏర్పాటు చేసినట్లు తెలిపారు. ఈ సమావేశంలో అదనపు కలెక్టర్లు అశోక్‌ కుమార్‌, విజయలక్ష్మి, సబ్‌ రిజిస్ట్రార్‌ రాము, మున్సిపల్‌ కమిషనర్‌ శ్రీనివాస్‌, టిపిఓ సునీల్‌, లేఅవుట్‌ ఓనర్లు, లైసెన్స్‌ సర్వేయర్లు, డాక్యూమెంట్‌ రైటర్లు పాల్గొన్నారు.కలెక్టర్‌ రాహుల్‌ శర్మ

నర్సింగ్‌ కళాశాలకు భవనం కరువుభవన నిర్మాణానికి రూ.26కోట్ల నిధులు నర్సింగ్‌ కళాశాల, హాస్టల్‌ భవన నిర్మాణాల కోసం ప్రభుత్వం గతేడాది రూ.26కోట్ల నిధులను కేటాయించింది. రెవెన్యూ శాఖ అధికారులు భూమిని కేటాయిస్తే టెండర్లు పూర్తిచేసి భవన నిర్మాణం చేపట్టే అవకాశాలు ఉన్నాయి. అధికారులు స్థల సేకరణపై శ్రద్ధ చూపనట్లు కనిపిస్తుంది. కలెక్టర్‌ ప్రత్యేక దృష్టి సారించి భవన నిర్మాణం చేపట్టాలని.. అప్పటివరకు తాత్కాలిక భవనం కేటాయించాలని విద్యార్థులు కోరుతున్నారు. భూపాలపల్లి అర్బన్‌: జిల్లాకేంద్రంలో ఈ విద్యా సంవత్సరం నుంచి ప్రారంభమైన నర్సింగ్‌ విద్య అంతంత మాత్రమే నడుస్తుంది. కళాశాలకు భవన సౌకర్యం లేకపోవడంతో గత డిసెంబర్‌లో వర్చువల్‌ పద్ధతిలో ప్రారంభమైన నర్సింగ్‌ కళాశాల తరగతులు నిర్వహిస్తున్నారు. వసతి, తరగతులకు భవనం లేకపోవడంతో విద్యార్థులు ఆన్‌లైన్‌ తరగతులతో నెట్టుకొస్తున్నారు. జిల్లాకేంద్రంలోని వైద్య కళాశాల సమీపంలో ఆయూష్‌ ఆస్పత్రిని వినియోగించుకునేలా ఏర్పాట్లు చేసి భవనానికి నర్సింగ్‌ కళాశాల అని బోర్డు కూడా పెట్టారు. తీరా కళాశాల ప్రారంభోత్సవ సమయానికి ఆయూష్‌ విభాగం అధికారులు భవ నం అప్పగించలేమని చెప్పడంతో తాత్కాలికంగా వైద్య కళాశాలలో వర్చువల్‌ పద్ధతిన కళాశాలను ప్రారంభించగా 45మంది విద్యార్థులు ప్ర వేశాలు పొందారు. సరైన భవనం లేకపోవడంతో తరగతుల నిర్వహణ భారమైంది. దీంతో ఆన్‌లైన్‌లో విద్యార్థులు తరగతులను వింటున్నా నెట్‌వర్క్‌ సమస్యతో పాటు, కొంతమంది విద్యార్థులకు సరైన ఫోన్‌లు అందుబాటులో లే కపోవడం సమస్యగా మారుతోంది. జూన్‌ మాసంలో మొదటి సెమిస్టర్‌ ఉండటంతో ఇదే పరిస్థితి కొనసాగితే విద్యార్థుల భవిష్యత్‌ ఎలా ఉంటుందోనని తల్లిదండ్రులు ఆందోళన చెందుతున్నారు.● ఆయూష్‌ ఆస్పత్రి భవనం అప్పగించి.. అంతలోనే రద్దుచేసి.. ● నిధులు మంజూరైనా స్థలం కరువుఅధ్యాపకుల కొరత నర్సింగ్‌ కళాశాలకు సంబంధించి ప్రవేశాల ప్రక్రియలో భాగంగా 60మంది విద్యార్థులతో మొదటి సంవత్సరం ప్రారంభం కావాల్సి ఉన్నా కాళోజీ నారాయణరావు హెల్త్‌ యూనివర్సిటీ మాత్రం 45మందికి మాత్రమే ప్రవేశాలు కల్పించేలా ఉత్తర్వులు జారీచేసింది. దీంతో మొదటి సంవత్సరంలో 45మంది విద్యార్థులు ప్రవేశాలు పొందారు. కళాశాల తరగతుల నిర్వహణకు సంబంధించి ప్రిన్సిపాల్‌, వైస్‌ ప్రిన్సిపాల్‌ సహా ముగ్గురు ప్రొఫెసర్లు, ముగ్గురు అసిస్టెంట్‌ ప్రొఫెసర్లు, 16మంది అధ్యాపకులు ఉండాలి. కళాశాల నిర్వహణకు సంబంధించి ఒక ఏఓ, ఇద్దరు చొప్పున యూడీసీ, ఎల్డీసీ, ఒక ఆఫీస్‌ సబార్డినేట్‌ ఉండాలి. కాంట్రాక్ట్‌ పద్ధతిలో శానిటేషన్‌, క్లీనింగ్‌ చేసేందుకు మరొక 40మంది సిబ్బంది అవసరం. కానీ ప్రస్తుతం ప్రిన్సిపాల్‌, వైస్‌ ప్రిన్సిపాల్‌తో పాటు జిల్లా జనరల్‌ ఆస్పత్రికి చెందిన ఐదుగురు నర్సింగ్‌ ఆపీసర్లు విద్యార్థులకు ఆన్‌లైన్‌ తరగతులు నిర్వహిస్తున్నారు.స్థల సేకరణ పూర్తయితే భవన నిర్మాణం.. కళాశాల నిర్మాణానికి స్థలం, తాత్కాలిక భవనం కేటాయించాలని కలెక్టర్‌ను పలుమార్లు కలిశాం. విద్యార్థులకు ఇబ్బందులు కలగకుండా ఆన్‌లైన్‌లో జూమ్‌ యాప్‌ ద్వారా నిత్యం నాలుగు తరగతులను నిర్వహిస్తున్నాం. కళాశాల భవనం, అధ్యాపకులు, సిబ్బంది నియామకంపై ఇప్పటికే అధికారులకు నివేదికలు అందించాం. తరగతుల నిర్వహణలో ఇబ్బందులు లేకుండా చర్యలు తీసుకుంటున్నాం. – ఉమామహేశ్వరి, నర్సింగ్‌ కళాశాల ప్రిన్సిపాల్‌●

చిట్యాల: పాఠశాలలో చదువుకునే విద్యార్థులకు విద్యా సామర్థ్యాలను పెంపొందించేలా ఉపాధ్యాయులు శ్రద్ధ తీసుకోవాలని రాష్ట్ర విద్యా పరిశీలకులు (ఎస్సీఈఆర్టీ) రాంబాబు అన్నారు. మండలకేంద్రంలోని ఉన్నత పాఠశాలను మంగళవారం పర్యవేక్షించారు. అనంతరం రిజిస్టర్లను పరిశీలించారు. వి ద్యార్థులను గ్రూపులుగా విభజించి వారి విద్యా సా మర్థ్యాలను పెంపొందించే కోసం పలు సూచనలు చేశారు. ఈ కార్యక్రమంలో జిల్లా అకాడమిక్‌ మాని టరింగ్‌ అధికారి కె.లక్ష్మన్‌, ఎంఈఓ కొడెపాక రఘుపతి, ఇన్‌చార్జ్‌ ప్రధానోపాధ్యాయులు శ్రీరాం రఘుపతి, ఉపాధ్యాయులు బొమ్మ రాజమౌళి, బుర్ర సద య్య, రామనారాయణ, ఉస్మాన్‌ అలీ, శంకర్‌, శ్రీని వాస్‌, నీలిమా రెడ్డి, సరళాదేవి, విజయలక్ష్మి, కల్పన, సుజాత, మౌనిక, సీఆర్‌పి రాజు పాల్గొన్నారు. ప్రణాళికలపై సమీక్ష గణపురం: పదో తరగతి విద్యార్థుల ప్రగతి, ఫ్రీ పైనల్‌ ఫలితాలతో పాటు వారి విద్యాభివృద్ధి కోసం ఉపాధ్యాయులు చేపట్టిన ప్రణాళికలపై రాష్ట్ర విద్యా పరిశోధన, శిక్షణ మండలి పరిశోధకులు రాంబాబు సమీక్ష నిర్వహించారు. మండలకేంద్రంలోని తెలంగాణ ఆదర్శ పాఠశాల/కళాశాలను ఆయన సందర్శించారు. అనంతరం పాఠశాలలోని పలు రికార్డులను పరిశీలించి తగు సూచనలు చేశారు. ఈ కార్యక్రమంలో ఎంఈఓ ఉప్పలయ్య, పాఠశాల ప్రిన్సిపాల్‌ తిరుపతి, ఉపాధ్యాయులు పాల్గొన్నారు.ఎస్సీఈఆర్టీ రాష్ట్ర పరిశీలకులు రాంబాబు

సాక్షిప్రతినిధి, వరంగల్‌/హసన్‌పర్తి/ధర్మసాగర్‌: వేసవి ఎండల తీవ్రత.. అడుగంటుతున్న భూగర్భజలాలు.. దీంతో జనగామ, హనుమకొండ జిల్లాల్లోని నాలుగు నియోజకవర్గాల్లో అక్కడక్కడ పంటలు ఎండుతున్నాయి. చేతికందే దశలో దేవాదుల ప్రాజెక్టు పరిధిలో వరి పంటలు దెబ్బతింటున్నాయి. ఈ నేపథ్యంలో ఆ ప్రాజెక్టు కింద 50 నుంచి 60వేల ఎకరాలకు సాగునీరందించేలా దేవాదుల ప్రాజెక్టు మూడవ దశలో భాగంగా దేవన్నపేటలో నిర్మించిన పంప్‌హౌజ్‌ మోటార్లను జిల్లా ఇన్‌చార్జ్‌ మంత్రి పొంగులేటి శ్రీనివాస్‌రెడ్డితో కలిసి మంత్రి ఉత్తమ్‌కుమార్‌రెడ్డి ప్రారంభించేందుకు మంగళవారం సాయంత్రం పంపుహౌజ్‌కు చేరుకున్నారు. కానీ, మోటారు మరమ్మతుకు రావడం, ఆస్ట్రియానుంచి వచ్చిన బృందం చేపట్టిన రిపేర్లు పూర్తి కాకపోవడంతో మంత్రులు రాత్రి ఎన్‌ఐటీ గెస్టుహౌస్‌లో ఉన్నారు. అసెంబ్లీలో బుధవారం బడ్జెట్‌ ప్రవేశ పెట్టనున్న నేపథ్యంలో రాత్రి 11.30 గంటలకు హైదరాబాద్‌కు వెళ్లిపోయారు. ఫేజ్‌–3 పనులపైనే దృష్టి... చేతికందే పంటలను కాపాడేందుకు మూడో ఫేజ్‌ పనులపై అధికారులు దృష్టి సారించారు. దేవన్నపేట పంపుహౌజ్‌లో ప్రస్తుతం ఒక్కో మోటారు 800 క్యూసెక్కుల నీటిని లిఫ్ట్‌ చేస్తోంది. ప్రస్తుతం ఇక్కడ మూడు మోటార్లు ఏర్పాటు చేయగా.. అందులో ఒక్కటి ఆన్‌చేసి జనగామ, పాలకుర్తి, స్టేషన్‌ ఘన్‌పూర్‌, వర్ధన్నపేట నియోజకవర్గాల్లో సుమారు 60వేల నుంచి 65వేల ఎకరాల వరకు సాగునీరు అందించడంపై దృష్టి పెట్టారు. మంగళవారం రాత్రి వరకు మోటారు మొరాయించడంతో ఈ యాసంగి పంట చేతికందే వరకు నీటి సరఫరా అవుతుందా? అన్న ఆందోళన ఆ నాలుగు నియోజకవర్గాల్లోని రైతుల్లో వ్యక్తమవుతోంది. హడావుడిగా సాగిన మంత్రుల పర్యటన.. దేవాదుల చివరి ఆయకట్టుకు సాగునీరందిచేందుకు యుద్ధప్రాతిపదికన ఖరారైన మంత్రుల టూర్‌ హడావిడిగా సాగింది. మొదట మంత్రులు ఉత్తమ్‌కుమార్‌ రెడ్డి, పొంగులేటి శ్రీనివాస్‌రెడ్డి హైదరాబాద్‌ నుంచి హెలికాప్టర్‌ ద్వారా హసన్‌పర్తి మండలం దేవన్నపేటకు పంప్‌హౌజ్‌కు చేరుకున్నారు. అక్కడినుంచి ధర్మసాగర్‌ రిజర్వాయర్‌లో నీరు పంపింగ్‌ అయ్యేలా మోటార్‌ ఆన్‌ చేయాల్సి ఉంది. అనంతరం ధర్మసాగర్‌ రిజర్వాయర్‌కు చేరుకుని అక్కడ పూజలు చేసి.. మీడియా సమావేశంలో మాట్లాడుతారనేది షెడ్యూల్‌. కానీ, అనుకున్న ప్రకారం దేవన్నపేటకు మంత్రులు చేరుకున్నప్పటికీ మోటార్‌ మొరాయించడంతో స్విచాన్‌ చేయకుండా అక్కడే అధికారులతో సమీక్ష నిర్వహించారు. ధర్మసాగర్‌ రిజర్వాయర్‌ వద్ద వేసిన టెంట్లు, కుర్చీల వద్దే ప్రజలు, కార్యకర్తలు ఉండిపోయారు. చివరి నిమిషంలో మీడియా సమావేశం దేవన్నపేటలోనే ఉంటుందనడంతో ధర్మసాగర్‌ నుంచి దేవన్నపేటకు మీడియాతోపాటు నాయకులు, కార్యకర్తలు, అధికారులు వెళ్లాల్సి వచ్చింది. కాగా దేవన్నపేట పంపుహౌజ్‌, ధర్మసాగర్‌ రిజర్వాయర్‌తోపాటు పలుచోట్ల ఏర్పాటు చేసిన ఫ్లెక్సీలలో సీఎం, డిప్యూటీ సీఎం, మంత్రుల పక్కన ఎంపీ కడియం కావ్య, ఎమ్మెల్యేలు కడియం శ్రీహరి, మామిడాల యశస్విని రెడ్డి తదితరుల ఫొటోలు లేకపోవడం చర్చనీయాంశంగా మారింది. రాత్రి వరకు కాని మోటార్‌ మరమ్మతు చివరి ఆయకట్టు రైతుల్లో ఆందోళన హడావుడిగా సాగిన మంత్రుల పర్యటన ‘ధర్మసాగర్‌ రిజర్వాయర్‌’ కార్యక్రమం రద్దు దేవన్నపేట పంపుహౌజ్‌కు హుటాహుటిన అధికారులు అధికారులపై మంత్రి ఉత్తమ్‌ ఆగ్రహం దేవాదుల ప్రాజెక్టు దశలు ఎప్పుడు ప్రారంభమయ్యాయని, ఇతర అంశాలపై మంత్రులు అడిగిన ప్రశ్నలకు నీటిపారుదల శాఖ అధికారుల నుంచి సరైన సమాధానం లేదు. దీంతో వారిపై మంత్రి ఉత్తమ్‌కుమార్‌రెడ్డి ఆగ్రహం వ్యక్తం చేశారు. సమీక్షకు సమాచారం లేకుండా ఉత్త చేతులతో వస్తారా అని మండిపడ్డారు. చిన్న చిన్న సమస్యలతో రైతులను ఇబ్బందులకు గురి చేస్తున్నారని అసహనం వ్యక్తం చేశారు. కార్యక్రమంలో స్టేషన్‌ఘన్‌పూర్‌ ఎమ్మెల్యే కడియం శ్రీహరి, నీటిపారుదలశాఖ ముఖ్యకార్యదర్శి ప్రశాంత్‌ జీవన్‌ పాటిల్‌, జిల్లా కలెక్టర్‌ ప్రావీణ్య, బల్దియా కమిషనర్‌ అశ్వినీ తానాజీ వాకడే, ఆయిల్‌ ఫెడ్‌ కార్పొరేషన్‌ చైర్మన్‌ జంగా రాఘవరెడ్డి, కుడా చైర్మన్‌ వెంకట్రామిరెడ్డి, మేయర్‌ గుండు సుధారాణి, పీసీసీ మాజీ కార్యదర్శి నమిండ్ల శ్రీనివాస్‌, ఎన్‌ఎస్‌యూఐ జిల్లా మాజీ అధ్యక్షుడు సురేందర్‌రెడ్డితోపాటు దేవాదుల ఉన్నతాఽధికారులు పాల్గొన్నారు.

భూపాలపల్లి అర్బన్‌: జిల్లాలో కుష్ఠు వ్యాధి నిర్మూళనకు సహకరించాలని జిల్లా వైద్యారోగ్యశాఖ అధికారి డాక్టర్‌ మధుసూదన్‌ అన్నారు. ఈ నెల 30వ తేదీ వరకు నిర్వహించనున్న సర్వేను విజయవంతం చేయాలని కోరారు. కుష్ఠు వ్యాధి సర్వే, నిర్మూళనపై జిల్లాకేంద్రంలోని తన కార్యాలయంలో మంగళవారం వైద్యాధికారులు, సిబ్బందితో సమావేశం నిర్వహించి మాట్లాడారు. జిల్లాలో కుష్ఠు వ్యాధిగ్రస్తులు, అనుమానితులను గుర్తించేందుకు జిల్లావ్యాప్తంగా టీమ్‌లను ఏర్పాటు చేసినట్లు తెలిపారు. ఇంటింటికి వచ్చే ఆరోగ్య కార్యకర్తలకు జిల్లా ప్రజలు సహకరించాలని కోరారు. వ్యాధి లక్షణాలు ఉంటే తెలియజేయాలని కోరారు. వ్యాధిబారిన పడిన వారికి ప్రభుత్వం తరఫున రూ.12వేల ఆర్థిక సహాయం అందించనున్నట్లు తెలిపారు. ఈ సమావేశంలో ప్రోగ్రాం అధికారులు, వైద్యాధికారులు రవిరాథోడ్‌, శ్రీదేవి, ఉమాదేవి, సిబ్బంది మల్లయ్య, శ్రీదేవి పాల్గొన్నారు.జిల్లా వైద్యారోగ్యశాఖ అధికారి డాక్టర్‌ మధుసూదన్‌

ఉమ్మడి వరంగల్‌ జిల్లాలో టెన్త్‌ విద్యార్థుల వివరాలు– 8లోuఏడాదంతా చదివింది ఒక ఎత్తయితే.. దాన్ని పరీక్షల్లో ప్రజెంట్‌ చేయడం మరో ఎత్తు.. కొందరు విద్యార్థులు బాగా చదువుతారు. తీరా పరీక్ష సమయానికి మరిచిపోతుంటారు.. మరికొందరేమో ఎంత చదివినా హ్యాండ్‌ రైటింగ్‌ బాగోలేక మార్కులు కోల్పోతారు.. ఇంకొందరైతే పరీక్ష అంటే గాబరా పడిపోయి ప్రశ్నల కు సమాధానం తెలిసినా నిర్ణీత సమయంలో రాయలేకపోతారు.. ఇలా చాలా మంది విద్యార్థులు ఏదో ఒక సమస్యతో బాధపడేవారే. వీరంతా మంచి మార్కులు సాధించేందుకు, పరీక్షలను ఈజీగా రాసేందుకు సబ్జెక్టు నిపుణులు సూచనలిస్తున్నారు. ఈనెల 21 నుంచి పదో తరగతి విద్యార్థులకు వార్షిక పరీక్షలు ప్రారంభం కానున్న నేపథ్యంలో.. మంచి మార్కులు సాధించడానికి ఆయా సబ్జెక్టుల నిపుణులను ‘సాక్షి’ పలకరించింది. విద్యార్థుల కోసం వారు తమ సూచనలు, సలహాలు వెల్లడించారు. – మహబూబాబాద్‌ అర్బన్‌ మొత్తం విద్యార్థులు 42,262బాలికలు 20,600బాలురు 21,662ఆత్మవిశ్వాసంతో పరీక్షలు రాయాలిపదో తరగతి వార్షిక పరీక్షలు మరో మూడ్రోజుల్లో ప్రారంభం కానున్నాయి. విద్యార్థులు ఆత్మవిశ్వాసంతో ఒత్తిడికి గురికాకుండా పరీక్షలు రాసి ఉత్తమ ఫలితాలు సాధించాలి. బాగా చదివాను.. పరీక్షలు బాగా రాస్తాను.. అనే భావనతో వెళ్లాలి. నెగెటివ్‌ ఆలోచనలను దరిచేర నీయొద్దు. గతంలో సాధించిన విజయాలను గుర్తు చేసుకోవాలి. టీవీ, సెల్‌ఫోన్‌, సోషల్‌ మీడియాకు దూరంగా ఉండాలి. ఆహారం విషయంలోనూ జాగ్రత్తలు వహించాలి. ఫాస్ట్‌ఫుడ్‌, జంక్‌ఫుడ్‌ జోలికి వెళ్లొద్దు. సాత్విక ఆహారం తీసుకుంటే తొందరగా జీర్ణమవుతుంది. తగినంతగా నీరు తాగాలి. ఎవరైనా ఒత్తిడికి లోనైనా.. పరీక్షలంటే భయం కలిగినా 93911 17100, 94408 90073 నంబర్లకు ఫోన్‌ చేస్తే తగిన సూచనలిస్తాం. – పోగు అశోక్‌, తెలంగాణ సైకాలజిస్ట్‌ అసోసియేషన్‌ ప్రధాన కార్యదర్శి వివరాలు 8లోu

పంట సాగు కోసం తీసుకున్న రుణం చెల్లించలేదని ప్రభుత్వం నుంచి మంజూరైన కల్యాణలక్ష్మి డబ్బులు ఆపారని కొత్తపల్లిగోరి మండలంలోని బాలయ్యపల్లికి చెందిన యాదగిరి కలెక్టర్‌ ఎదుట వాపోయాడు. ఇందుకు కలెక్టర్‌ వెంటనే స్పందించి.. కొత్తపల్లిగోరి తెలంగాణ గ్రామీణ బ్యాంక్‌ మేనేజర్‌కు ఫోన్‌ చేసి.. ప్రభుత్వ పథకాల నుంచి వచ్చిన డబ్బులను ఇవ్వకుండా ఎందుకు హోల్డ్‌లో పెట్టారంటూ ఆగ్రహం వ్యక్తం చేశారు. కల్యాణలక్ష్మి డబ్బులు ఇవ్వకుండా ఆపే హక్కు మీకు ఎవరిచ్చారని ప్రశ్నించారు. చల్లగరిగెలో కూడా ఇలాంటి ఘటన జరిగిందని, మరోమారు పునరావృతం అయితే బ్యాంకర్లపై ఉన్నతాధికారులకు ఫిర్యాదు చేస్తామన్నారు.

వెంకటాపురం(కె): మండల పరిధిలోని యాకన్నగూడెం గ్రామ సమీపంలోని రాళ్లవాగు సమీపంలో బ్రిడ్జి కుంగిపోవటంతో వాగులో నుంచి తాత్కాలికంగా రోడ్డును వేశారు. వాహనాల రాకపోకలతో వాగులో ఏర్పాటు చేసిన తాత్కాలిక రోడ్డు గుంతలమయంగా మారటంతో పాటు వాహనాలు రోడ్డు పై దిగబడుతున్నాయి. సోమవారం రోడ్డుపై మట్టిపోసి డోజర్‌తో చదునుచేసే పనులు చేపట్టారు. దీంతో సుమారు గంటపాటు రాకపోకలు నిలిచిపోయాయి. ఈ క్రమంలో ఇసుక లారీలు భారీగా వచ్చి చేరడంతో ట్రాఫిక్‌ జామ్‌ అయింది. దీంతో ప్రయాణికులు ఇబ్బంది పడ్డారు. ఇప్పటికై నా అధికారులు స్పందించి బ్రిడ్జి నిర్మాణ పనులు చేపట్టి త్వరగా పూర్తి చేయాలని స్థానికులు, ప్రయాణికులు కోరుతున్నారు.

సాదుకున్న కొడుకు తిండి పెడుతలేడు.. నా పేరు అల్లూరు జగదీశ్వర్‌, అంకుశాపూర్‌ గ్రామం, టేకుమట్ల మండలం. నాకు పిల్లలు లేకపోవడంతో మా ఊరికి చెందిన రాజేంద్రప్రసాద్‌ను చిన్నతనంలోనే దత్తత తీసుకొని ఉన్నత చదువులు చదివించాను. నా భార్య అనారోగ్యంతో ఇటీవలే చనిపోయింది. నాకు పక్షవాతం వచ్చి నడవలేని స్థితిలో ఉన్నాను. సాదుకున్న కొడుకు నాకున్న ఎకరం 10 గుంటల భూమిని తన పేరుపై ఎక్కించుకొని హనుమకొండకు వెళ్లాడు. కనీసం తిండి పెట్టే వారు కరువయ్యారు. సాదుకున్న కొడుకు నా బాగోగులు చూసేలా చూడండి అని జగదీశ్వర్‌ వేడుకున్నాడు.ప్రజావాణికి 51 దరఖాస్తులు ● ఎక్కువగా భూ సమస్యలు, పింఛన్‌ కోసమే.. ● బ్యాంకు అధికారుల తీరుపై కలెక్టర్‌ రాహుల్‌ శర్మ ఆగ్రహం ● ప్రజావాణికి గైర్హాజరైన అధికారులకు షోకాజ్‌ నోటీసులు భూపాలపల్లి: జిల్లాకేంద్రంలోని ఐడీఓసీ కార్యాలయంలో సోమవారం జరిగిన ప్రజావాణి కార్యక్రమానికి 51 వినతులు వచ్చాయి. అందులో ప్రధానంగా భూ సమస్యలు, పింఛన్ల మంజూరు దరఖాస్తులే ఎక్కువగా ఉన్నాయి. పంట రుణం మాఫీ విషయంలో చోటుచేసుకున్న తప్పిదాలు, పంట రుణం డబ్బుల కోసం కల్యాణలక్ష్మి చెక్కును ఆపిన బ్యాంకు అధికారులపై కలెక్టర్‌ రాహుల్‌ శర్మ తీవ్ర ఆగ్రహం వ్యక్తంచేశారు. ప్రజావాణికి గైర్హాజరైన జిల్లా అధికారులకు షోకాజ్‌ నోటీసులు జారీచేయాలని ఏఓను ఆదేశించారు.

కాటారం: మహాముత్తారం మండలంలో పట్టుబడిన జీరో మద్యం కేసులో మరో ముగ్గురు నిందితులను సోమవారం అరెస్ట్‌ చేసినట్లు ఎకై ్సజ్‌ ఇన్‌స్పెక్టర్‌ కిష్టయ్య తెలిపారు. ఎకై ్సజ్‌ ఇన్‌స్పెక్టర్‌ కిష్టయ్య తెలిపిన వివరాల ప్రకారం.. మహాముత్తారం మండలం కనుకునూరు, సింగంపల్లి, నర్సింగాపూర్‌, మహాముత్తారం గ్రామాల్లో నాన్‌ డ్యూటీ పెయిడ్‌ లిక్కర్‌(జీరో మద్యం) విక్రయిస్తున్నారనే సమాచారం మేరకు ఈ నెల 11న ఎకై ్సజ్‌, ఎన్‌ఫోర్స్‌మెంట్‌, టాస్క్‌ఫోర్స్‌ అధికారులు సంయుక్త దాడులు నిర్వహించారు. కనుకునూర్‌లో బొచ్చు అనసూర్య ఇంట్లో తనిఖీలు చేపట్టగా కొంత మేర ఎన్‌డీపీఎల్‌, అక్రమ మద్యం లభించింది. సదరు మహిళను అదుపులోకి తీసుకొని విచారించగా సింగంపల్లిలో శ్రీరామ్‌ ప్రేమ్‌కుమార్‌, నర్సింగాపూర్‌లో గాదె సారయ్య జీరో మద్యం సరఫరా చేస్తున్నట్లు వెల్లడించింది. ప్రేమ్‌కుమార్‌ ఇంట్లో సోదాలు చేపట్టగా కొంత అక్రమ మద్యం లభించింది. అనంతరం విచారణలో ఇందులో సంబంధం ఉన్న నర్సింగాపూర్‌కు చెందిన సంది సుధాకర్‌, మారగోని బాపు పేర్లు తెలపడంతో అదుపులోకి తీసుకొని విచారణ చేపట్టారు. మహాముత్తారానికి చెందిన మహబూబ్‌ పాషా మధ్యప్రదేశ్‌ నుంచి ఎన్‌డీపీఎల్‌ మద్యం సరఫరా చేస్తున్నట్లు నిందితులు అంగీకరించారు. మహబూబ్‌పాషా ప్రస్తుతం పరారీలో ఉన్నాడని గాలింపు చర్యలు చేపడుతున్నట్లు ఎకై ్సజ్‌ ఇన్‌స్పెక్టర్‌ కిష్టయ్య తెలిపారు. ఈ దాడుల్లో 9.375 లీటర్ల ఎన్‌డీపీఎల్‌ మద్యం, 26.96 లీటర్ల అక్రమ మద్యం, 22.1 లీటర్ల బీర్లు స్వాధీనపర్చుకొని సీజ్‌చేసినట్లు ఎకై ్సజ్‌ ఇన్‌స్పెక్టర్‌ వెల్లడించారు.

కాళేశ్వరం: మహదేవపూర్‌ మండలం పూసుకుపల్లి–మద్దులపల్లి అటవీప్రాంతంలో సోమవారం రా త్రి కార్చిచ్చు అంటుకొని మంటలు చెలరేగాయి. రహదారి పక్కన మంటలు వ్యాపించడంతో అడవి జీవరాశులు పరుగులు తీశాయి. అటవీ సంపద కా ర్చిచ్చుతో బూడిద అవుతున్నా అటవీశాఖ అధికారులు స్పందించలేదు. వేసవికాలం కావడంతో ఆకులన్నీ ఎండిపోయి ఉండడంతో నిప్పు అంటుకొని కిలోమీటర్ల మేరకు వ్యాపిస్తున్నా సంబంధిత అధికా రులు రక్షణ చర్యలు తీసుకోవడం లేదు. మంటలు, పొగలతో రోడ్డుపైన వెళ్లేందుకు వాహనదారులు ఇబ్బందులు పడ్డారు. అడవిలో చిన్న చిన్న మొక్కలు, చెట్లు కాలిపోయాయి. మొబైల్‌ ఫైర్‌ టీంలు సంచరించకపోవడంతో విలువైన అటవీ సంపద కాలి బూడిదవుతుందని ఆరోపణలు ఉన్నాయి.

భూపాలపల్లి అర్బన్‌: ఈనెల 21నుంచి ప్రారంభం కానున్న పదో తరగతి పరీక్షలను అవాంఛనీయ ఘటనలకు తావులేకుండా పకడ్బందీగా నిర్వహించాలని కలెక్టర్‌ రాహుల్‌ శర్మ తెలిపారు. కలెక్టరేట్‌లోని కార్యాలయ సమావేశపు హాల్‌లో సోమవారం సమీక్ష నిర్వహించారు. పరీక్షల నిర్వహణకు జిల్లాలో 21 కేంద్రాలు ఏర్పాటు చేసినట్లు తెలిపారు. 121 పాఠశాలలకు చెందిన 1,725 మంది బాలురు, 1,724 మంది బాలికలు మొత్తం 3,449 మంది విద్యార్థులు పరీక్షకు హాజరవుతున్నట్లు తెలిపారు. ఉదయం 9:30 నుండి మధ్యాహ్నం 12.30 వరకు పరీక్షలు జరుగుతాయని చెప్పారు. విద్యార్థులను గంట ముందు నుంచే పరీక్షా కేంద్రాలకు అనుమతిస్తారని చెప్పారు. విద్యార్థులు చివరి నిమిషం వరకు వేచిఉండకుండా ముందుగానే పరీక్షా కేంద్రాలకు చేరుకోవాలని కలెక్టర్‌ సూచించారు. పరీక్షా కేంద్రాల్లో ఏర్పాట్లను తహసీల్దార్లు పరిశీలించి ధృవీకరణ నివేదికలు అందచేయాలని తెలిపారు. చీఫ్‌ సూపరింటెండెంట్లు, డిపార్ట్‌మెంటల్‌ ఆఫీసర్లు, సిట్టింగ్‌ స్క్వాడ్లు, ఇన్విజిలేటర్లు విధులు నిర్వహించనున్నారని తెలిపారు. సెంటర్‌ కస్టోడియన్లు, రూట్‌ ఆఫీసర్లు, ఫ్లయింగ్‌ స్క్వాడ్‌ బృందాలను ఏర్పాటు చేసినట్లు తెలిపారు. ఈ కార్యక్రమంలో అదనపు కలెక్టర్‌ అశోక్‌కుమార్‌, కాటారం సబ్‌ కలెక్టర్‌ మయాంక్‌సింగ్‌, ఇన్‌చార్జ్‌ డీఈఓ రాజేందర్‌, క్రైం డీఎస్పీ నారాయణ, పరీక్షల విభాగం అసిస్టెంట్‌ కమిషనర్‌ రవీందర్‌ రెడ్డి, పలు శాఖల అధికారులు పాల్గొన్నారు. కళ్లద్దాల పంపిణీ విద్యార్థులకు కంటి పరీక్షలు నిర్వహించి దృష్టి లోపం ఉన్న వారికి ఉచితంగా కళ్లద్దాలు పంపిణీ చేసినట్లు కలెక్టర్‌ రాహుల్‌శర్మ తెలిపారు. కలెక్టరేట్‌లోని కాన్ఫరెన్స్‌హాల్‌లో వైద్య ఆరోగ్యశాఖ ఆధ్వర్యంలో విద్యార్థులకు కళ్లద్దాల పంపిణీ కార్యక్రమం నిర్వహించారు. ఈ సందర్భంగా కలెక్టర్‌ మాట్లాడుతూ.. విద్యార్థుల కంటి పరిరక్షణకు అన్ని ప్రభుత్వ సంక్షేమ వసతి గృహాలలోని విద్యార్థులకు, అన్ని ప్రభుత్వ పాఠశాలల్లోని విద్యార్థులకు గత నెలలో కంటి పరీక్షలు నిర్వహించామని తెలిపారు. కంటిచూపు సమస్యలున్నట్లు గుర్తించిన విద్యార్థులకు తిరిగి ప్రభుత్వ ప్రధాన ఆస్పత్రి భూపాలపల్లిలో కంటి పరీక్షలు నిర్వహించి దృష్టిలోపం ఉన్నట్లు గుర్తించామన్నారు. ఈ పరీక్షల ద్వారా దృష్టి లోపం ఉన్నట్లు గుర్తించిన 658 మంది విద్యార్థుల్లో 292మందికి మొదటి విడతగా ఉచిత కంటి అద్దాలు పంపిణీ చేశామని, మిగిలిన విద్యార్థులకు త్వరలో పంపిణీ చేస్తామన్నారు. ఈ కార్యక్రమంలో అదనపు కలెక్టర్‌ అశోక్‌ కుమార్‌, కాటారం సబ్‌ కలెక్టర్‌ మయాంక్‌సింగ్‌, జిల్లా వైద్య ఆరోగ్య శాఖ అధికారి డాక్టర్‌ మధుసూదన్‌, ఆర్‌బీఎస్‌కే కో–ఆర్డినేటర్‌ డాక్టర్‌ శ్రీనివాస్‌, పీఓ ప్రమోద్‌, సిబ్బంది, ఉపాధ్యాయులు, విద్యార్థులు పాల్గొన్నారు.కలెక్టర్‌ రాహుల్‌ శర్మ

నా పేరు అనపర్తి సన్యాసి, నా భార్య పేరు బాలక్క. మాది సర్వాయిపేట గ్రామం. పలిమెల మండలం. మేము ఇద్దరం కలిసి 1996లో అప్పటి పీపుల్స్‌వార్‌ పార్టీలో చేరాం. ప్రభుత్వం, పోలీసుల సూచన మేరకు 2006లో అప్పటి ఉమ్మడి కరీంనగర్‌ ఎస్పీ డీఎస్‌ చౌహాన్‌ ఎదుట లొంగిపోయాం. మాకు పునరావాసం కింద ఇంటి నిర్మాణం కోసం స్థలం కేటాయించాలని కలెక్టర్‌ను కోరగా తహసీల్దార్‌కు లేఖ రాశారు. అయినప్పటికీ తహసీల్దార్‌ ప్రభుత్వ భూమి లేదంటూ ఇప్పటి వరకు భూమి మంజూరు చేయడం లేదు. 19 ఏళ్లు వనవాసంలో ఉన్నాం. ఇప్పటికై నా ప్రభుత్వ భూమి కేటాయిస్తే ఇళ్లు కట్టుకుంటాం.

భూపాలపల్లి రూరల్‌: రాజీవ్‌ యువ వికాసం పథకానికి అర్హులైన వారు నేటినుంచి ఏప్రిల్‌ 5వ తేదీ వరకు ఆన్‌లైన్‌లో దరఖాస్తు చేసుకోవాలని వెనుకబడిన తరగతుల జిల్లా అధికారిణి శైలజ సోమవారం ఒక ప్రకటనలో పేర్కొన్నారు. వెనుకబడిన తరగతుల కులాలకు చెందిన నిరుద్యోగ యువతకు స్వయం ఆర్థిక పురోగతి పెంపొందించాలనే లక్ష్యంతో రాష్ట్ర ప్రభుత్వం పథకాన్ని ప్రకటించిందన్నారు. ఇతర వివరాల కోసం జిల్లా వెనుకబడిన తరగతుల అభివృద్ధి శాఖ కార్యాలయంలో సంప్రదించాలని సూచించారు. హుండీ ఆదాయం రూ.55,767 భూపాలపల్లి అర్బన్‌: జిల్లాకేంద్రంలోని శ్రీ భక్తాంజనేయస్వామి దేవాలయ హుండీ ఆదాయం రూ.55,767 వచ్చినట్లు ఈఓ మహేష్‌ తెలిపారు. పరకాల డివిజన్‌ ఇన్‌స్పెక్టర్‌ కవిత ఆధ్వర్యంలో సోమవారం హుండీ లెక్కింపు చే పట్టినట్లు తెలిపారు. గతేడాది సెప్టెంబర్‌ నుంచి మార్చి వరకు హుండీకి వచ్చిన ఆదాయాన్ని లెక్కించినట్లు తెలిపారు. ఈ కార్యక్రమంలో ఆలయ అర్చకులు, సిబ్బంది పాల్గొన్నారు. రుసుం కోసం ట్రెంచ్‌ కాళేశ్వరం: మహదేవపూర్‌ మండలం కాళేశ్వరంలో ముక్తివనం పార్కు అభివృద్ధికి, సిబ్బంది జీతాల కోసం అటవీశాఖ ఆర్థిక వనరుల కోసం దృష్టి సారించింది. సోమవారం పలుగుల బైపాస్‌రోడ్డులోని హనుమాన్‌ దేవాలయం ఎదుట ఖాళీ స్థలంలో వాహనాలు నిలుపకుండా ట్రెంచ్‌(గోయి) తవ్వించారు. కాళేశ్వరం వచ్చే యాత్రికులు వంటలు చేసుకునేవారికి, ఇసుక లారీలకు, ఇతర వాహనాలకు కొంత రుసుం తీసుకొని ముక్తివనం పార్కు అభివృద్ధికి కేటాయించనున్నారు. రెండు రోజుల్లో రుసుం ప్రారంభం కానుందని అధికారుల ద్వారా తెలిసింది. మహా శివరాత్రి, ఏదైనా ఉత్సవాలు, పుష్కరాలు జరిగినప్పుడు ఆర్టీసీకి సంబంధించిన బస్టాండ్‌గా ఈ ప్రాంతాన్ని వినియోగించేవారు. ట్రైబల్‌ యూనివర్సిటీని సందర్శించి వీసీ ములుగు: మండల పరిధిలోని జాకారంలో గల సమ్మక్క–సారక్క ట్రైబల్‌ సెంట్రల్‌ యూనివర్సిటీ తొలి వీసీగా బాధ్యతలు స్వీకరించిన వైఎల్‌.శ్రీనివాస్‌ సోమవారం వర్సిటీని సందర్శించారు. ఓఎస్డీ వంశీకృష్ణారెడ్డి, ప్రొఫెసర్లు, సిబ్బంది ఆయనకు పుష్పగుచ్ఛం అందించి స్వాగతం పలికారు. యూనివర్సిటీలోని గ్రూపులు, ఎంత మంది విద్యార్థులు. యూనివర్సిటీలోని సౌకర్యాలు తదితర అంశాలపై ఆరా తీశారు.

● సవాళ్లు, ప్రతి సవాళ్లు ఎదుర్కొంటూ ప్రజాపాలన సాగిస్తున్నారు ● స్టేషన్‌ఘన్‌పూర్‌ ఎమ్మెల్యే కడియం శ్రీహరి రూ.630.27 కోట్లతో అభివృద్ధి పనులకు శంకుస్థాపనలు సీఎం సభలో తెలంగాణ ఉద్యమ కళాకారుల నిరసన –8లో

● సవాళ్లు, ప్రతి సవాళ్లు ఎదుర్కొంటూ ప్రజాపాలన సాగిస్తున్నారు ● స్టేషన్‌ఘన్‌పూర్‌ ఎమ్మెల్యే కడియం శ్రీహరి రూ.630.27 కోట్లతో అభివృద్ధి పనులకు శంకుస్థాపనలు సీఎం సభలో తెలంగాణ ఉద్యమ కళాకారుల నిరసన –8లో

సోమవారం శ్రీ 17 శ్రీ మార్చి శ్రీ 2025– 8లోuసభలో అభివాదం చేస్తున్న సీఎం రేవంత్‌రెడ్డిబహిరంగ సభకు హాజరైన ప్రజలు, రిమోట్‌ ద్వారా అభివృద్ధి పనులకు శంకుస్థాపన చేస్తున్న సీఎం రేవంత్‌రెడ్డి, చిత్రంలో మంత్రులు పొంగులేటి శ్రీనివాస్‌రెడ్డి, సీతక్క, సురేఖ, ఎమ్మెల్యే కడియం శ్రీహరి, ఎంపీ కావ్య, ప్రజాప్రతినిధులుసాక్షి ప్రతినిధి, వరంగల్‌/జనగామ/స్టేషన్‌ఘన్‌పూర్‌: జనగామ జిల్లా స్టేషన్‌ఘన్‌పూర్‌ శివారు శివునిపల్లిలో ఆదివారం స్థానిక ఎమ్మెల్యే కడియం శ్రీహరి అధ్యక్షతన జరిగిన ప్రజాపాలన ప్రగతి బాట బహిరంగ సభలో ముఖ్యమంత్రి ఎనుముల రేవంత్‌ రెడ్డి ఓరుగల్లుపై వరాల జల్లు కురిపించారు. మరోవైపు బీఆర్‌ఎస్‌, కేసీఆర్‌, ఆయన కుటుంబసభ్యులపై విమర్శలు గుప్పించారు. శివునిపల్లిలో ఈ కార్యక్రమం రాజకీయ పార్టీగా ఏర్పాటు చేసింది కాదని, ఓట్ల కోసం రాలేదన్న ఆయన.. స్టేషన్‌ఘన్‌పూర్‌ అభివృద్ధిలో భాగంగా రూ.800 కోట్ల నిధులతో ప్రగతి కోసం తలపెట్టిన బహిరంగ సభ అని స్పష్టం చేశారు. వరంగల్‌ నగరాన్ని హైదరాబాద్‌తో పోటీ పడేలా అభివృద్ధి చేస్తామని, ఆర్థికంగా ఇబ్బందులున్నప్పటికీ ఇందుకోసం ఎన్ని నిధులైనా కేటాయిస్తామని ప్రకటించారు. మరోవైపు వరంగల్‌ అంటే తనకు ప్రత్యేక అభిమానమన్న ముఖ్యమంత్రి.. ఉమ్మడి జిల్లాను విద్య, వైద్యం, పర్యాటక, ఐటీ హబ్‌లుగా తీర్చిదిద్దే దిశగా ప్రభుత్వం ప్రణాళికాబద్ధంగా ముందుకు సాగుతోందన్నారు. సీఎం సభ విజయవంతం కావడంతో కాంగ్రెస్‌ శ్రేణులు హర్షం వ్యక్తం చేశాయి. కడియం శ్రీహరిని నేనే రమ్మన్నా.. ఈ ప్రభుత్వం వచ్చాకే వరంగల్‌కు ఎయిర్‌పోర్టు, కాజీపేటకు రైల్వేకోచ్‌ ఫ్యాక్టరీ, వరంగల్‌కు రింగ్‌రోడ్డు వచ్చాయని రేవంత్‌రెడ్డి గుర్తు చేశారు. ఎంపీ కడియం కావ్య ఎన్నికల ప్రచారంలో చెప్పిన విధంగా జీఎంఆర్‌ నుంచి క్లియరెన్స్‌ తీసుకుని కేంద్ర మంత్రులను కలిసి ఎయిర్‌పోర్టు సాధించామని తెలిపారు. అలాగే, రైల్వే కోచ్‌ఫ్యాక్టరీని సాధించామని, కాజీపేట రైల్వే డివిజన్‌ చేయడం కోసం ఎంపీ కావ్యతోపాటు తన కృషి ఉంటుందని సీఎం స్పష్టం చేశారు. వరంగల్‌ నగరంలో అండర్‌గ్రౌండ్‌ డ్రెయినేజీ, ఔటర్‌ రింగ్‌రోడ్డు, ఇన్నర్‌ రింగ్‌రోడ్డుతోపాటు పలు అభివృద్ధి పథకాల కోసం రూ.6,500 కోట్లు మంజూరు చేశామని, త్వరలోనే ఆ పనులు మొదలవుతాయన్నారు. జయశంకర్‌ సర్‌ స్వగ్రామం అక్కంపేటను రెవెన్యూ గ్రామంగా చేసింది ఈ ప్రభుత్వమేనన్న ఆయన.. మహిళలకు వెయ్యి బస్సులు ఇచ్చి ఆర్టీసీలో అద్దెకు తీసుకున్నామని చెప్పారు. మహిళల చేత వెయ్యి మెగావాట్ల సోలార్‌ విద్యుత్‌ ప్లాంట్లు ఏర్పాటు చేయించడం ద్వారా ఉమ్మడి వరంగల్‌కు చెందిన మహిళలకు మేలు జరిగిందని తెలిపారు. అభివృద్ధిలో భాగంగా ఇంటిగ్రేటెడ్‌ హాస్టల్‌, వంద పడకల ఆస్పత్రి, ఆర్డీఓ కార్యాలయం ఏర్పాటు వంటి శాశ్వత ప్రాతిపదికన స్టేషన్‌ఘన్‌పూర్‌ అభివృద్ధికి రూ.800 కోట్లు మంజూరు చేశామని పేర్కొన్నారు. ప్రజాప్రభుత్వం ఏర్పడ్డాక కడియం శ్రీహరి సేవలు గుర్తెరిగి ఆయన నిజాయితీ, అనుభవం కావాలని, తానే అక్కున చేర్చుకొని పార్టీలో చేరాలని కోరినట్లు రేవంత్‌రెడ్డి స్పష్టం చేశారు. మా కోరిక మేరకు ఆయన పార్టీలో చేరగా.. చెల్లెలు డాక్టర్‌ కావ్యను ఎంపీగా గెలిపించారన్నారు. దేవాదుల ప్రాజెక్టు పూర్తికావాలంటే శ్రీహరి నాయకత్వాన్ని బలపర్చాలని ప్రజలను కోరారు. కేసీఆర్‌, ఆయన కుటుంబంపై ఘాటైన విమర్శలు.. జనగామ జిల్లా శివునిపల్లి వేదికగా మాజీ ముఖ్యమంత్రి కేసీఆర్‌, ఆయన కుటుంబంపై సీఎం రేవంత్‌రెడ్డి ఘాటైన విమర్శలు చేశారు. మాజీ మంత్రులు కేటీఆర్‌, టి.హరీశ్‌రావు, ఎమ్మెల్సీ కల్వకుంట్ల కవితపైన ఆయన కామెంట్స్‌ చేశారు. ‘అధికారం ఉంటే తప్ప కేసీఆర్‌ ప్రజల్లోకి రాలేరా? ఆయన బయటకు రాకుండా కొడుకు, అల్లుడిని ఊరు మీదకు వదులుతున్నారు. బయటకు రానప్పుడు ఆయనకు ప్రతిపక్ష హోదా ఎందుకు? జీతభత్యాలు ఎందుకు?.. ఇలా చేస్తేనే కదా కాంగ్రెస్‌ దెబ్బ ఎలా ఉంటుందో 2023లో ప్రజలు చూపించారు’ అంటూ విమర్శలు చేశారు. ‘క్యాప్సికం పండిస్తే రూ.కోట్లు వస్తాయన్న కేసీఆర్‌.. ఆ టెక్నిక్‌ ఏంటో ప్రజలకు చెప్పండి.. నీ లక్ష కోట్ల సంపాదన నైపుణ్యం ఏంటో ప్రజలకు చెప్పండి.. వెయ్యి మంది యువకులను నీ ఫామ్‌ హౌస్‌కు పంపిస్తాం. ఆ టెక్నిక్‌ ఏంటో వారికి నేర్పించండి’ అంటూ ఎద్దేవా చేశారు. ప్రజల సొమ్ము దోచుకుని పేపర్‌, టీవీ చానళ్లు పెట్టుకున్న వ్యక్తి జాతిపిత ఎలా అవుతారని ప్రశ్నించిన సీఎం రేవంత్‌రెడ్డి.. ఆయనతోపాటు కేటీఆర్‌, హరీశ్‌రావు, కవితకు ఫామ్‌హౌస్‌లు ఎక్కడినుంచి వచ్చాయని ప్రశ్నించారు. కార్యక్రమంలో మంత్రులు పొంగులేటి శ్రీనివాస్‌రెడ్డి, ధనసరి సీతక్క, కొండా సురేఖ, ఎంపీలు కడియం కావ్య, చామల కిరణ్‌కుమార్‌రెడ్డి, పోరిక బలరాంనాయక్‌, ప్రభుత్వ సలహాదారు వేం నరేందర్‌రెడ్డి, ఎమ్మెల్యేలు నాయిని రాజేందర్‌రెడ్డి, రేవూరి ప్రకాశ్‌రెడ్డి, కేఆర్‌.నాగరాజు, యశస్వినిరెడ్డి, గండ్ర సత్యనారాయణరావు, ఎమ్మెల్సీ బస్వరాజు సారయ్య, తెలంగాణ ఆయిల్‌ సీడ్స్‌ కార్పొరేషన్‌ చైర్మన్‌ జంగా రాఘవరెడ్డి, వరంగల్‌ పోలీస్‌ కమిషనర్‌ సన్‌ప్రీత్‌సింగ్‌, కలెక్టర్‌ షేక్‌ రిజ్వాన్‌బాషా, అదనపు కలెక్టర్లు పింకేష్‌కుమార్‌, రోహిత్‌సింగ్‌, నాయకులు ఝాన్సీరెడ్డి, ఏఎంసీ చైర్‌పర్సన్‌ జూలుకుంట్ల లావణ్య పాల్గొన్నారు. న్యూస్‌రీల్‌స్పీకర్‌ను అవమానించడం దురదృష్టకరం భూపాలపల్లి రూరల్‌: అసెంబ్లీ సమావేశాల్లో స్పీకర్‌ గడ్డం ప్రసాద్‌ను అవమానించడం దురదృష్టకరమని ట్రేడ్‌ కార్పొరేషన్‌ రాష్ట్ర చైర్మన్‌ అయిత ప్రకాశ్‌రెడ్డి అన్నారు. స్పీకర్‌ గడ్డం ప్రసాద్‌ను బీఆర్‌ఎస్‌ నాయకులు ఏకవచనంతో మాట్లాడడాన్ని నిరసిస్తూ కాంగ్రెస్‌ శ్రేణులు ఆదివారం పట్టణంలోని అంబేడ్కర్‌ సెంటర్‌లో కేటీఆర్‌, జగదీశ్వర్‌రెడ్డి దిష్టిబొమ్మలు దహనం చేశారు. ఈ సందర్భంగా ప్రకాశ్‌రెడ్డి మాట్లాడుతూ స్పీకర్‌ను బీఆర్‌ఎస్‌ ఎమ్మెల్యే జగదీశ్వర్‌రెడ్డి ఏకవచనంతో మాట్లాడి సభా మర్యాదను మంట గలిపారన్నారు. భేషరతుగా క్షమాపణ చెప్పాలని డిమాండ్‌ చేశారు. జగదీశ్‌రెడ్డిని అసెంబ్లీ నుంచి శాశ్వతంగా బర్తరఫ్‌ చేయాలని డిమాండ్‌ చేశారు. ఈ కార్యక్రమంలో చల్లూరి మధు, పిప్పాల రాజేందర్‌, చల్లూరి సమ్మయ్య, దాట్ల శ్రీనివాస్‌, క్యాతరాజు సాంబమూర్తి, బట్టు కర్ణాకర్‌, మహేష్‌రెడ్డి, బేతల్లి మధుకర్‌ రెడ్డి, గద్దె సమ్మిరెడ్డి, స్వామి పాల్గొన్నారు. క్షమాపణ చెప్పాలి మల్హర్‌: బీఆర్‌ఎస్‌ ఎమ్మెల్యే జగదీశ్వర్‌రెడ్డి స్పీకర్‌కు క్షమాపణలు చెప్పాలని కాంగ్రెస్‌ పార్టీ ఎస్సీ సెల్‌ జిల్లా అధ్యక్షుడు దండు రమేశ్‌ డిమాండ్‌ చేశారు. తాడిచర్ల సెంటర్‌లో ఆది వారం ఏర్పాటుచేసిన విలేకరుల సమావేశంలో రమేశ్‌ మాట్లాడారు. జగదీశ్వర్‌రెడ్డి శాసనసభ సభ్యత్వాన్ని రద్దుచేసి, ఎస్సీ, ఎస్టీ అట్రాసిటీ కేసు నమోదు చేయాలని డిమాండ్‌ చేశారు. ఈ కార్యక్రమంలో పీఏసీఎస్‌ చైర్మన్‌ ఇప్ప మొండయ్య, కాంగ్రెస్‌ పార్టీ జిల్లా కార్యదర్శి అయిత రాజిరెడ్డి, మాజీ ఎంపీపీ మల్హల్‌రావు, జిల్లా యూత్‌ కార్యదర్శి, మండల ఎస్సీ విభాగం అధ్యక్షుడు రాజసమ్మయ్య పాల్గొన్నారు.మృతుడి కుటుంబానికి ఎమ్మెల్యే పరామర్శ చిట్యాల: మండల కేంద్రానికి చెందిన బుర్ర కనుకయ్య ఇటీవల అనారోగ్యంతో మృతిచెందగా ఎమ్మెల్యే గండ్ర సత్యనారాయణరావు మృతుడి కుటుంబాన్ని ఆదివారం పరామర్శించారు. మృతుడి చిత్రపటానికి నివాళులర్పించారు. ఆయన వెంట వ్యవసాయ మార్కెట్‌ కమిటీ చైర్‌పర్సన్‌ గుమ్మడి శ్రీదేవి, కాంగ్రెస్‌ నాయకులు కామిడి రత్నాకర్‌రెడ్డి, ఆరెపల్లి మల్లయ్య, దొడ్డి కిష్టయ్య, బుర్ర శ్రీనివాస్‌, చిలుకల రాయకోంరు ఉన్నారు. మాజీ ఎమ్మెల్యే పరామర్శ బుర్ర కనుకయ్య కుటుంబ సభ్యులను మాజీ ఎమ్మెల్యే గండ్ర వెంకటరమణరెడ్డి పరామర్శించి మృతుడి చిత్ర పటానికి నివాళులర్పించారు. ఆయన వెంట మాజీ జెడ్పీటీసీ గొర్రె సాగర్‌, బీఆర్‌ఎస్‌ మండల అధ్యక్షుడు అల్లం రవీందర్‌, నాయకులు కుంభ క్రాంతి కుమార్‌రెడ్డి, ఏరుకొండ రాజేందర్‌ గౌడ్‌, పాండ్రాల స్వామి, పెరుమాండ్ల రవీందర్‌ గౌడ్‌, బుర్ర శ్రీధర్‌ ఉన్నారు. పక్కాగా సంక్షేమ పథకాల అమలు మామునూరు ఎయిర్‌ పోర్ట్‌, రైల్వే కోచ్‌ ఫ్యాక్టరీ కాంగ్రెస్‌ ఘనతే.. ప్రతిష్టాత్మకంగా విమానాశ్రయాన్ని నిర్మిస్తామని స్పష్టీకరణ విద్య, వైద్యం, పర్యాటక, ఐటీ హబ్‌గా ఓరుగల్లుకు ప్రాధాన్యం.. ప్రజాపాలన ప్రగతి బాట బహిరంగ సభ విజయవంతం

భూపాలపల్లి అర్బన్‌: మున్సిపాలిటీ పరిధి వేశాలపల్లి శివారు డబుల్‌బెడ్‌ రూం కాలనీలో తాగునీటి ఇబ్బందులను పరిష్కరించాలని డిమాండ్‌ చేస్తూ శనివారం కాలనీవాసులు కలెక్టరేట్‌ ఎదుట ఖాళీబిందెలతో నిరసన చేపట్టారు. క్వాటర్స్‌ కేటాయించిన నాటినుంచి ఇప్పటివరకు తాగునీటి కోసం ఇబ్బందులు పడుతున్నామని, సొంత డబ్బులతో మోటార్లు, పైపులైన్లు ఏర్పాటు చేసుకొని నీటివసతి కల్పించుకున్నట్లు తెలిపారు. రెండేళ్లుగా అఽధికారులు తమ సమస్యలను పరిష్కరించడం లేదని ఆవేదన వ్యక్తంచేశారు. వేసవికాలం కావడంతో ప్రస్తుతం ఉన్న బోర్లు పనిచేయడం లేదన్నారు. మిషన్‌ భగీరథ నీటిని సరఫరా చేయాలని కోరారు. ధర్నా అనంతరం కలెక్టర్‌కు వినతిపత్రం అంద జేశారు.

ఆదివారం శ్రీ 16 శ్రీ మార్చి శ్రీ 2025– 8లోuకాళేశ్వరం: ప్రతియేటా సర్కారు బడుల్లో విద్యార్థుల సంఖ్య తగ్గుతున్న తీరు ప్రభుత్వ ఉపాధ్యాయులను కలిచివేస్తున్న తరుణంలో.. అక్షయ పాత్ర లాంటి ఆణిముత్యం తన విజ్ఞాన ప్రదర్శన ప్రతిభతో ఒక్కసారిగా తళుక్కున మెరిసి అందరినీ సర్కారు బడి వైపు చూసేలా చేస్తుంది. అతికష్టమైన భౌతికశాస్త్రం సబ్జెక్టులో తన గైడ్‌ టీచర్‌ ‘దశావధానం’ అనే అంశంపై ప్రోత్సాహం ఇవ్వడంతో తర్పీదు తీసుకుంది. తన ప్రతిభకు సానపెట్టి జ్ఞాన సంపదను పెంచుతూ సమాజానికి అందించడానికి ప్రయత్నం చేస్తుంది. మహదేవపూర్‌ మండలం కాళేశ్వరం జిల్లా పరిషత్‌ ఉన్నత పాఠశాలలో 9వ తరగతి చదువుతున్న విద్యార్థిని నాంచర్ల అక్షయ తన ప్రతిభతో సర్కారు బడిపై ఆశలు సన్నగిల్లకుండా పదికాలాలు పటిష్టం చేస్తుంది. దశావధానం అంటే.. ప్రపంచంలో ఏ భాషకు లేని ప్రత్యేకత తెలుగు భాషకు మాత్రమే ఉంది. దశావధానం, అష్టావధానం, శతావధానం, సహస్రావధానంతో కవులు, రచయితలు తెలుగుభాషకే వన్నె తెచ్చారు. తెలుగు భాషకే పరిమితమై అవధాన ప్రక్రియను భౌతికశాస్త్రంలో చేస్తే ఎలా ఉంటుందని పాఠశాల ఫిజిక్స్‌ టీచర్‌ దొనికల రాజేందర్‌ వినూత్నంగా ఆలోచించి, ప్రయోగం చేశారు. ప్రైవేట్‌కు దీటుగా సర్కారు బడి పిల్లల్లో సృజనాత్మకతను బయటకు తీసుకురావాలనే ఆలోచనతో భౌతికశాస్త్రంలో న్యూటన్‌ గమన నియమాలపై తెలుగు దశావదానానికి లింకు కలిపారు. 9వ తరగతి విద్యార్థిని అక్షయ చదువులో రాణిస్తున్న తీరుతో ఆమైపె దృష్టిసారించారు. ఆమెకు భౌతికశాస్త్రంపై పట్టు ఉండడంతో సానపట్టి ఆణిముత్యాన్ని తయారు చేశారు. పదిమంది ప్రశ్నలతో.. పదిమంది ప్రశ్నలు వేస్తారు. ఎనిమిది మంది సంబంఽధిత విషయాలకు సంబంధించిన ప్రశ్నలను సంధిస్తారు. మరో ఇద్దరిలో ఒక్కరు అప్రస్తుత ప్రసంగం చేసి ఆమెను డైవర్ట్‌ చేస్తారు. మరొకరు సమాధానాలు చెబుతున్న క్రమంలో ప్రశ్నలు తయారు చేయాల్సి ఉంటుంది. వేదికపై కొనసాగుతున్న అంశంపై సంబంధంలేని అంశం చేసి అలర్ట్‌, డైవర్ట్‌ చేస్తారు. అప్పటికప్పుడు చతురోక్తులతో కూడిన సమాధానాలు ఇస్తూ అడిగిన ప్రశ్నలకు వెంటవెంటనే సమాధానాలు ఇవ్వడం ప్రత్యేకత. న్యూటన్‌ గమన నియమాలపై ప్రశ్నలు, జవాబులు ● ప్రశ్నకు జవాబు చెప్పడం ● సమాధానాలకు అనువుగా ప్రశ్నలను తయారు చేయడం ● చూపించిన పటంలో దాగున్న న్యూటన్‌ గమన నియమాన్ని చెప్పడం ● చూపించిన పరికరాలతో ఏ కృత్యం చేయవచ్చునో.. దానిలో దాగున్న నియమాన్ని వివరించడం ● ఇచ్చిన నాలుగు పదాలతో న్యూటన్‌ గమన నియమాలు అంతర్గతంగా ఉండేలా ఒక కథను చెప్పడం, అందులోని సందర్భాలలో దాగి ఉన్న నియమాలను వివరించడం ● నిర్వహించిన కృత్యంలో గమన నియమాలను వివరించడం ● పెన్ను పేపర్‌ ఉపయోగించకుండా గమన నియమాల ఆధారంగా ఇచ్చిన వివరాలతో సమస్యను పరిష్కరించడం ● పటాన్ని చూసి శాస్త్రవేత్తను గుర్తించడం ● ఒక పటం లేదా అంశాన్ని గురించి ఏ పేజీలో ఉందో చెప్పడం ● మధ్య మధ్యలో అప్రస్తుత ప్రసంగంతో ఆటంక పరచడం మొదలగు పది అంశాలతో నిర్వహించిన తీరు భౌతికశాస్త్రం ఉపాధ్యాయుల బృందాన్నే సంబ్రమాశ్చర్యంలోకి దించి అబ్బురపరిచింది విద్యార్థిని అక్షయ. ఇటీవల పాఠశాలకు వచ్చిన భూపాలపల్లి భౌతికశాస్త్రం ఫోరం ఉపాధ్యాయులతో ప్రతిభ ప్రదర్శించి ఔరా అనిపించుకుంది. సృజనాత్మకత బయటకు తీయాలనే.. ప్రైవేట్‌కు దీటుగా ప్రభుత్వ పాఠశాలల్లోని విద్యార్థుల్లో దాగి ఉన్న సృజనాత్మకత, ప్రతిభను బయటకు తీయాలని వినూత్నంగా ఆలోచన చేసిన. దానికి అనుగుణంగా నాకు అక్షయ లాంటి ఆణిముత్యం లభించింది. ఫిబ్రవరి 28న జాతీయ సైన్స్‌డే సందర్భంగా ప్రయత్నం చేసిన. తెలుగు భాషలో కవులు, రచయితలు వాడే దశావధానం లాంటిదే భౌతికశాస్త్రంలో న్యూటన్‌ మూడో గమన నియమాలపై చేయాలని పట్టుదలతో శిక్షణ ఇచ్చి ప్రదర్శించాం. అద్భుత ప్రదర్శన అమోఘం, అనితర సాధ్యం. ఇలాంటి ప్రదర్శన నాకు తెలిసి ఎవరూ చేయలేదు. – దొనికల రాజేందర్‌, ఫిజికల్‌సైన్స్‌ఐఐటీ సీటు లక్ష్యంనా గైడ్‌ టీచర్‌ రాజేందర్‌ సార్‌ ప్రోత్సాహంతో న్యూటన్‌ గమన నియమాలపై దశావధానం చేసిన. మా హెచ్‌ఎం అన్నపూర్ణ మేడం సహకారం మరువలేనిది. ఆమె నిత్యం చదువుపై శ్రద్ధ, విద్యార్థులపై ఒత్తిడి లేకుండా చూస్తుంది. పాఠశాలలోని టీచర్లు మాకు పూర్తి సహకారం అందిస్తున్నారు. భవిష్యత్‌లో ఐఐటీ ముంబయిలో సీటు లక్ష్యంగా చదువుతున్నాను. ప్రభుత్వ బడులపై చిన్నచూపు చూడొద్దు. – నాంచర్ల అక్షయ, 9వ తరగతి ●న్యూస్‌రీల్‌ న్యూటన్‌ గమన నియమాలపై విద్యార్థిని ప్రదర్శన భౌతికశాస్త్రం ఉపాధ్యాయులకే మిరాకిల్‌ అనిపించేలా.. ప్రశ్నలకు జవాబులు, ప్రశ్నలు తయారు చేయడం ప్రత్యేకత ప్రభుత్వ బడిలో మెరిసిన ఆణిముత్యం

జనగామ: జనగామ జిల్లా స్టేషన్‌ఘన్‌పూర్‌లో సీఎం రేవంత్‌రెడ్డి నేడు(ఆదివారం) పర్యటించనున్నారు. రూ.700 కోట్ల వ్యయంతో చేపట్టే పనులకు వర్చువల్‌గా శంకుస్థాపనలు, అలాగే ప్రారంభోత్సవాలు చేయనుండగా.. సెల్ఫ్‌హెల్ప్‌ గ్రూపులకు రూ.100 కోట్ల బ్యాంకు లింకేజీ రుణాల చెక్కులను సీఎం చేతుల మీదుగా అందజేయనున్నారు. ఘన్‌పూర్‌ డివిజన్‌ కేంద్రంలోని వ్యవసాయ మార్కెట్‌ సమీపాన ‘సీఎం కృతజ్ఞత సభ’కు సర్వం సిద్ధం చేశారు. బహిరంగ సభతోపాటు అభివృద్ధి కార్యక్రమాల ప్రారంభోత్సవ ఏర్పాట్లను ఎమ్మెల్యే కడియం శ్రీహరి నేతృత్వంలో సీపీ సన్‌ప్రీత్‌ సింగ్‌, కలెక్టర్‌ షేక్‌ రిజ్వాన్‌ బాషా, ఎంపీ కడియం కావ్య శనివారం పరిశీలించారు. శంకుస్థాపనలు.. ప్రారంభోత్సవాలు జఫర్‌గఢ్‌ మండలం కోనాయచలం సమీపాన రూ.200 కోట్లతో యంగ్‌ ఇండియా ఇంటిగ్రేటెట్‌ స్కూల్‌(గురుకులం) కాంప్లెక్స్‌, రూ.146 కోట్లతో ఘన్‌పూర్‌ రిజర్వాయర్‌ నుంచి నవాబు పేట వరకు మెయిన్‌ కెనాల్‌ లైనింగ్‌, రూ.46కోట్ల వ్యయంతో ఘన్‌పూర్‌లో విద్యుత్‌ సబ్‌స్టేషన్‌ సమీపాన 100 పడకల ఆస్పత్రి, రూ.26కోట్లతో ఇంటిగ్రేటెడ్‌ రెవెన్యూ డివిజనల్‌ ఆఫీస్‌(ప్రభుత్వ కార్యాలయాల సముదాయం), రూ.50 కోట్లతో పంచాయతీరాజ్‌ రహదారులు, రూ.26కోట్లతో అంతర్గత సీసీరోడ్లు, డ్రెయినేజీలు, రూ.250 కోట్లతో ఇందిరమ్మ ఇళ్ల(మొదటి విడత) నిర్మాణ పనులను సీఎం వర్చువల్‌గా శంకుస్థాపన చేయనున్నారు. అనంతరం సెల్ఫ్‌హెల్ఫ్‌ గ్రూపులకు రూ.100కోట్ల బ్యాంకు లింకేజీ రుణాల చెక్కులు అందజేస్తారు. మహిళా సంఘాలు ఏర్పాటు చేసిన పలు స్టాల్స్‌ను అనంతరం సీఎం సందర్శిస్తారు. అలాగే ఇందిరా మహిళా శక్తి పథకం కింద మహిళలకు మంజూరైన నాలుగు ఆర్టీసీ బస్సులను ప్రారంభిస్తారు. శంకుస్థాపనలకు సంబంధించి సభా వేదిక సమీపంలోనే ఒకే చోట శిలా ఫలకాలు ఏర్పాటు చేశారు. వీఐపీ, వీవీఐపీలకు ప్రత్యేక గ్యాలరీలు ఏర్పాటు చేశారు. రెండు రూట్లలో తరలింపు సభకు ఆర్టీసీ బస్సులు, ప్రైవేట్‌ వాహనాల్లో 50 వేల మందిని తరలించనున్నారు. ఇందుకు సంబంధించి వేలేరు, ధర్మసాగర్‌, స్టేషన్‌ఘన్‌పూర్‌, చిల్పూరు మండలాల నుంచి వచ్చే వారు ఘన్‌పూర్‌ టౌన్‌ మీదుగా.. జఫర్‌గఢ్‌, లింగాలఘణపురం, రఘునాథపల్లి మండలాల వారు ఇప్పగూడెం మీదుగా రానున్నారు. ఈ రెండు రూట్లలో పోలీసు నిఘా ఉంటుంది. శివునిపల్లి వ్యవసాయ మార్కెట్‌, విశ్వనాథపురం సమీపంలో రెండు చోట్ల పార్కింగ్‌ స్థలాలను ఏర్పాటు చేశారు. మూడు రోజులుగా బాంబు, డాగ్‌ స్క్వాడ్‌ తనిఖీలు చేస్తుండగా, స్పెషల్‌ బ్రాంచ్‌, ఇంటెలిజెన్స్‌ వర్గాలు నిరంతరం నిఘా ఉంచారు. సీఎం పర్యటన నేపథ్యంలో 850 మంది పోలీసులతో బందోబస్తు చేపట్టనున్నారు. నేడు ఘన్‌పూర్‌లో ముఖ్యమంత్రి రేవంత్‌రెడ్డి పర్యటన రూ.700 కోట్ల విలువైన అభివృద్ధి పనులకు శంకుస్థాపనలు, ప్రారంభోత్సవాలు మహిళా సంఘాలకు రూ.100 కోట్ల రుణాలు.. వ్యవసాయ మార్కెట్‌ సమీపంలో బహిరంగ సభ ఏర్పాట్లను పర్యవేక్షించిన ఎమ్మెల్యే కడియం, ఎంపీ కావ్య, అధికారులు సీఎం టూర్‌ షెడ్యూల్‌ ఇలా.. మధ్యాహ్నం 12.10 గంటలకు ఇంటినుంచి (హైదరాబాద్‌లో) బయలుదేరి బేగంపేట విమానాశ్రయం చేరుకుంటారు. 12.25 గంటలకు బేగంపేట విమానాశ్రయం నుంచి హెలికాప్టర్‌లో బయలుదేరుతారు 1 గంటకు స్టేషన్‌ఘన్‌పూర్‌ మండలం శివునిపల్లె హెలిపాడ్‌కు చేరుకుంటారు. 1.10 నుంచి 1.20 గంటల వరకు ఇందిర మహిళా శక్తి స్టాళ్లను పరిశీలించి, వివిధ గ్రూపులకు కేటాయించిన బస్సులను ప్రారంభిస్తారు 1.25 నుంచి 3 గంటల వరకు శివునిపల్లెలో ప్రజాపాలన కార్యక్రమాలు, కృతజ్ఞత సభలో పాల్గొంటారు. 3.10 గంటలకు శివునిపల్లె హెలిపాడ్‌ నుంచి బయలుదేరి 3.45 గంటలకు హెలికాప్టర్‌లో బేగంపేట విమానాశ్రయం చేరుకుంటారు.‘స్టేషన్‌’ అభివృద్ధికి రూ.800 కోట్లు ఎమ్మెల్యే కడియం శ్రీహరి సీఎం రేవంత్‌రెడ్డి సభను అడ్డుకుంటాం మాజీ ఎమ్మెల్యే తాటికొండ రాజయ్య – వివరాలు 8లోu

భూపాలపల్లి రూరల్‌: పదో తరగతి పరీక్షలలో ఉత్తమ ఫలితాలు సాధించి.. జిల్లాకు మంచిపేరు తీసుకురావాలని కలెక్టర్‌ రాహుల్‌ శర్మ విద్యార్థులకు సూచించారు. భూపాలపల్లి మండలం గుర్రంపేట జెడ్పీహెచ్‌ఎస్‌ పాఠశాలలో శనివారం టెన్త్‌ విద్యార్థులకు కలెక్టర్‌ ప్రేరరణ కరపత్రం పంపిణీ చేశారు. అనంతరం కలెక్టర్‌ మాట్లాడుతూ పరీక్షలంటే భయపడకుండా రాయాలన్నారు. ఒత్తిడిని జయించినప్పుడే విజయం వరిస్తుందని తెలిపారు. సబ్జెక్టులలో వెనుకబడిన విద్యార్థులపై ప్రత్యేకంగా ఫోకస్‌ పెట్టాలని ఉపాధ్యాయులకు సూచించారు. పరీక్షల సమయంలో ఆరోగ్య పరిరక్షణ చాలా ముఖ్యమని చెప్పారు. విద్య మాత్రమే మనిషిని ఉన్నతస్థాయికి చేర్చగలదన్నారు. ఈ కార్యక్రమంలో డీఈఓ రాజేందర్‌, ఎంఈఓ లక్ష్మణ్‌, తహసీల్దార్‌ శ్రీనివాసులు పాల్గొన్నారు. ఆర్టిఫిషియల్‌ ఇంటెలిజెన్స్‌ విద్యాబోధన.. భూపాలపల్లి మండలం గుర్రంపేట ఎంపీపీఎస్‌ పాఠశాలలో ఆర్టిఫిషియల్‌ ఇంటెలిజెన్స్‌ విద్యాబోధన కార్యక్రమాన్ని కలెక్టర్‌ రాహుల్‌శర్మ ప్రారంభించారు. ప్రాథమిక పాఠశాలల విద్యార్థుల్లో అభ్యసన సామర్థ్యాల పెంపునకు కృత్రిమ ఆర్టిఫిషియల్‌ ఇంటలిజెన్స్‌ విద్యాబోధన ఎంతగానో ఉపయోగపడుతుందని చెప్పారు. విద్యార్థులను చదవడం, రాయడం, లెక్కించడం వంటి ప్రక్రియలలో మెరుగుపరచడానికి ఈ కార్యక్రమం దోహదపడుతుందని తెలిపారు. ఈ కార్యక్రమంపై ఈ నెల 11న రాష్ట్రస్థాయిలో ఒక రోజు క్వాలిటీ కోఆర్డినేటర్స్‌, జిల్లాస్థాయి రిసోర్స్‌ పర్సన్‌లకు శిక్షణ ఇవ్వనున్నట్లు చెప్పారు. ప్రాథమిక స్థాయిలో ఏఐ బోధన కార్యక్రమ కంప్యూటర్‌ ల్యాబ్‌ ను ప్రారంభించారు. ఈ కార్యక్రమ అమలుకు ప్రస్తుతం గుర్రంపేట, చింతకాని పాఠశాలలను ఎంపిక చేసినట్లు చెప్పారు. ఈ కార్యక్రమంలో డీఈఓ రాజేందర్‌, ఏఐ క్వాలిటీ కో–ఆర్డినేటర్‌ కాగితపు లక్ష్మణ్‌, తహసీల్దార్‌ శ్రీనివాసులు తదితరులు పాల్గొన్నారు. ఈ కార్యక్రమంలో డీఈఓ రాజేందర్‌, ఏఐ క్వాలిటీ కో–ఆర్డినేటర్‌ కాగితపు లక్ష్మణ్‌, తహసీల్దార్‌ శ్రీనివాసులు తదితరులు పాల్గొన్నారు. తహసీల్దార్‌ కార్యాలయాల్లో ప్రజావాణి భూపాలపల్లి: ప్రజా సమస్యలను పరిష్కరించేందుకు ప్రతీ సోమవారం జిల్లా కేంద్రంతో పాటు అన్ని మండలాల తహసీల్దార్‌ కార్యాలయాల్లో ప్రజావాణి కార్యక్రమాన్ని నిర్వహించాలని కలెక్టర్‌ రాహుల్‌ శర్మ ఆదేశించారు. ఐడీఓసీ కార్యాలయం నుంచి వివిధ అంశాలపై అన్ని శాఖల జిల్లా అధికారులు, అన్ని మండలాల తహసీల్దార్లు, ఎంపీడీఓలతో శనివారం టెలీ కాన్ఫరెన్స్‌ నిర్వహించారు. ఈ సందర్భంగా కలెక్టర్‌ మాట్లాడుతూ.. జిల్లాలో ఎన్నికల ప్రవర్తనా నియమావళి ముగిసినందున యంత్రాంగం పరిపాలనపై ప్రత్యేక దృష్టి సారించాలన్నారు. పెండింగ్‌ ఫైల్స్‌ పరిష్కరించాలని సూచించారు. వచ్చే సోమవారం నుంచి ఉదయం 10.30 గంటల నుంచి అన్ని మండలాల్లో ప్రజావాణి నిర్వహించి ప్రజల సమస్యలపై దరఖాస్తులు స్వీకరించి పరిష్కారానికి చర్యలు తీసుకోవాలని ఆదేశించారు. ప్రజావాణికి మండల కేంద్రంలో అన్ని శాఖల మండల స్థాయి అధికారులు తప్పని సరిగా హాజరు కావాలని, హాజరు నివేదిక అందజేయాలని స్పష్టంచేశారు. టెలీ కాన్ఫరెన్స్‌లో అదనపు కలెక్టర్లు అశోక్‌కుమార్‌, విజయలక్ష్మి, కాటారం సబ్‌ కలెక్టర్‌ మయాంక్‌సింగ్‌, అన్ని శాఖల జిల్లా అధికారులు పాల్గొన్నారు. జిల్లాకు మంచి పేరు తీసుకురావాలి కలెక్టర్‌ రాహుల్‌ శర్మ

సాక్షిప్రతినిధి, వరంగల్‌ : బీఆర్‌ఎస్‌ ప్రతిష్టాత్మకంగా నిర్వహించ తలపెట్టిన రజతోత్సవ సభకు గ్రేటర్‌ వరంగల్‌ పరిధి దేవన్నపేట శివారును నాయకులు ఎంపిక చేశారు. 14 ఏళ్ల అవిశ్రాంత పోరాటాన్ని, పదేండ్ల పరిపాలనపై ఏడాది పాటు వేడుకలు నిర్వహించాలని భావించిన బీఆర్‌ఎస్‌.. వరంగల్‌ సభ ద్వారా ప్రారంభించాలని తలపెట్టింది. ఈ నేపథ్యంలో గ్రేటర్‌ వరంగల్‌ పరిధి ఉనికిచర్ల, బట్టుపల్లి, దేవన్నపేట ప్రాంతాల్లో మాజీ మంత్రి హరీశ్‌రావు నేతృత్వంలో ముఖ్యనేతలు ఈనెల 10న స్థలపరిశీలన చేశారు. అయితే ట్రాఫిక్‌ సమస్య తలెత్తకుండా.. సభకు హాజరయ్యే జనం ఈజీగా వచ్చిపోయేలా ఉండాలని భావించి శుక్రవారం మాజీ మంత్రి ఎర్రబెల్లి దయాకర్‌రావు, ఎమ్మెల్యే పల్లా రాజేశ్వర్‌రెడ్డి, మాజీ ఎమ్మెల్యేలు చల్లా ధర్మారెడ్డి, దాస్యం వినయభాస్కర్‌, పెద్ది సుదర్శన్‌రెడ్డి, నన్నపనేని నరేందర్‌, బీఆర్‌ఎస్‌ ముఖ్యనేతలు ఆర్‌ఎస్‌.ప్రవీణ్‌కుమార్‌ తదితరులతో కలిసి హరీశ్‌రావు స్థల పరిశీలన చేశారు. జాతీయ రహదారి పక్కన ఉండటంతో పాటు నలుమూలల నుంచి వాహనాల ద్వారా వచ్చిపోయేందుకు దేవన్నపేట అనువుగా ఉంటుందని భావించి అధినేత కేసీఆర్‌ సమాచారం ఇచ్చినట్లు తెలిసింది. చివరకు దేవన్నపేటను ఫైనల్‌ చేసినట్లుగా చెప్పారు. స్థలపరిశీలన అనంతరం హరీశ్‌రావు సుమారు గంటపాటు మాజీ మంత్రులు, మాజీ ఎమ్మెల్యేలు, ముఖ్యనేతలతో మాట్లాడారు. సుమారు 15 లక్షల మందితో భారీ సభ నిర్వహించడానికి నాయకత్వం ఏర్పాట్లు చేస్తున్నది. ఇదే సమయంలో సభ సక్సెస్‌ కోసం ఉమ్మడి వరంగల్‌కు చెందిన మాజీ మంత్రులు, ఎమ్మెల్యేలు, మాజీ ఎమ్మెల్యేలు, ముఖ్యనేతలతో కేసీఆర్‌ భేటీ కానున్నారని సమాచారం.● బీఆర్‌ఎస్‌ రజతోత్సవ సభాస్థలం పరిశీలించిన మాజీ మంత్రి హరీశ్‌రావు తదితరులు ● సభ సక్సెస్‌కు త్వరలో కమిటీలు.. ఉమ్మడి జిల్లా నేతలతో కేసీఆర్‌ భేటీ?

భూపాలపల్లి రూరల్‌: స్వయం సహాయక సంఘాల్లో(ఎన్‌హెచ్‌జీ) మహిళలు మరింత ఆర్థికాభివృద్ధి సాధించేలా కేంద్ర ప్రభుత్వం ప్రధానమంత్రి కుసుమ్‌ పేరిట కొత్త పథకాన్ని అమలు చేస్తోంది. 33కేవీ విద్యుత్‌ సబ్‌ స్టేషన్ల పరిధిలో సోలార్‌ (సౌర శక్తి) ప్లాంట్లు ఏర్పాటు చేయాలని సంకల్పించింది. మహిళా సంఘాల ఆధ్వర్యంలో విద్యుత్‌ ఉత్పత్తి పెంచడంతో పాటు వారి అభ్యున్నతికి అండగా నిలవాలని నిర్ణయించింది. జిల్లాలో ఎనిమిది యూనిట్ల లక్ష్యం కాగా తొలి విడతగా రెండు ఏర్పాటు చేసేందుకు జిల్లా గ్రామీణాభివృద్ధి శాఖ కసరత్తు చేపట్టింది. వాటికి సంబంధించిన డీపీఆర్‌ సిద్ధమవుతోంది. ప్రభుత్వం ప్రత్యేక చేయూత ఒక్కో ప్లాంటుకు రూ.3కోట్ల వ్యయంతో ఏర్పాటు చేయనున్నారు. దీనికి గాను సంఘాలు 10శాతం పెట్టుబడి పెట్టాల్సి ఉండగా కేంద్ర ప్రభుత్వం 90 శాతం బ్యాంకుల ద్వారా అందజేయనుంది. కమ్యూనిటీ ఇన్వెస్ట్మెంట్‌ ఫండ్‌ (సీఐఎఫ్‌) నుంచి ప్రభుత్వమే ఆయా సంఘాలకు రుణ ప్రతిపాదికన వాటిని అందజేయాలని నిర్ణయించింది. ప్రస్తుతం ఈ ప్లాంట్ల ఏర్పాటుకు సంబంధించిన డిటెయిల్డ్‌ ప్రాజెక్ట్‌ రిపోర్టు (డీపీఆర్‌)ను సిద్ధం చేస్తున్నారు. ఆర్థిక భారం తగ్గించేలా... జిల్లాలో ప్రాజెక్టులు, కాల్వలు అంతగా లేకపోవడంతో వ్యవసాయ ఆధారితంగానే పంటల సాగు జరుగుతుంది. ఇందుకు యాసంగిలో సాగు చేసే రైతులు విద్యుత్‌ ఆధారిత బోరు మోటార్ల ద్వారా పంటలకు నీటినందిస్తున్నారు. రాష్ట్ర ప్రభుత్వం వీటికి విద్యుత్‌ సరఫరా ఉచితంగా అందజేస్తుంది. ఇందుకుగాను ప్రభుత్వంపై ప్రతినెలా రూ.కోట్లలో ఆర్థిక భారం పడుతుంది. దీన్ని అధిగమించడంతో పాటు మహిళలకు ఆర్థిక చేయూత నందించేలా సోలార్‌ ప్లాంట్లను ఏర్పాటు చేయిస్తోంది. ఇందులో ఉత్పత్తి అయ్యే యూనిట్‌కు రూ.3.13 పైసల చొప్పున ప్ర భుత్వమే తిరిగి కొనుగోలు చేస్తోంది. దీంతో విద్యు త్‌ ఖర్చు తక్కువై ప్రభుత్వానికి ఆర్థికభారం తగ్గనుండటంతో పాటు మహిళలకు ఉపాధి లభించనుంది. తొలివిడతలో రెండు ఏర్పాటు జిల్లాలో ఎనిమిది సోలార్‌ ప్లాంట్లు ఏర్పాటు చేయాలని ప్రభుత్వం ఆదేశించింది. తొలివిడతగా రెండు ఏర్పాటు చేసేలా కార్యాచరణ సిద్ధం చేశాం. ఈ ప్లాంట్లను ఏర్పాటు చేయనున్న గ్రామ సమాఖ్యల గుర్తింపుతో పాటు వాటి ఏర్పాటుకు అవసరమైన స్థలాలను కూడా ఎంపిక చేశాం. ప్రభుత్వం నుంచి వాటి ఏర్పాటుకు సంబంధించిన డీపీఆర్‌ అందాల్సి ఉంది. వచ్చిన వెంటనే ప్రభుత్వ ఆదేశాలకు అనుగుణంగా పనులు ప్రారంభిస్తాం. ఇది మహిళల ఆర్థికాభివృద్ధికి ఎంతగానో తోడ్పడనుంది. – నరేష్‌, డీఆర్‌డీఓజిల్లాలో యూనిట్ల ఏర్పాటుకు కసరత్తు మహిళా సంఘాలకు సౌర శక్తి ప్లాంట్లు స్థలాల గుర్తింపు ప్రక్రియ పూర్తిరెండు ప్లాంట్లు ఇలా.. జిల్లాలో రెండు మెగావాట్ల విద్యుత్‌ ఉత్పత్తి సామర్థ్యంతో కూడిన రెండు సోలార్‌ ప్లాంట్లను మొదటి విడతలో భూపాలపల్లి మండలం వజినపల్లి, మహాముత్తారం మండలకేంద్రంలో మరొకటి ఏర్పాటు చేయనున్నారు. ఈ మేరకు ఆసక్తి, ఉత్సాహంగా పనిచేసే సమాఖ్య సంఘాలను ఎంపిక చేశారు. భూపాలపల్లి మండలం వజినపల్లిలో, మహాముత్తారం మండలకేంద్రంలో నాలుగు ఎకరాల స్థలాన్ని గుర్తించారు. రెవెన్యూ, డీఆర్‌డీఓ, విద్యుత్‌, రెడ్కో, ఇరిగేషన్‌ శాఖల అధికారులు సంయుక్తంగా స్థల పరిశీలన చేపట్టి ఎంపిక చేశారు. ఈ రెండు స్థలాలను ఆ గ్రామ సమాఖ్యలకు కేటాయిస్తూ ప్రత్యేక ఐడీ (రిజిస్ట్రేషన్‌) నంబర్లను కేటాయించారు. ప్లాంట్‌ నుంచి సమీపంలోని సబ్‌స్టేషన్‌ వరకు ప్రత్యేకంగా విద్యుత్‌లైన్‌ ఏర్పాటు చేస్తారు. అక్కడ ఉత్పత్తి అయ్యే విద్యుత్‌ను సబ్‌స్టేషన్‌కు మళ్లించి రైతులకు అందజేయనున్నారు. 25 ఏళ్ల పాటు ప్రాజెక్ట్‌ నిర్వహణను ఆయా సంఘాలే పర్యవేక్షించాల్సి ఉంటుంది. తద్వారా ఏటా ఆయా సంఘాలకు రూ.లక్షల్లో ఆదాయం సమకూరి వారి ఆర్థికాభివృద్ధికి తోడ్పడనుంది.

టేకుమట్ల: మండలంలోని రాఘవాపూర్‌ శ్రీ లక్ష్మినరసింహస్వామి ఆలయ అభివృద్ధికి కృషిచేస్తానని ఎమ్మెల్యే గండ్ర సత్యనారాయణరావు అన్నారు. మండలంలోని సుబ్బక్కపల్లి, అంకుషాపూర్‌, ఆశిరెడ్డిపల్లి, పంగిడిపల్లి, పెద్దంపల్లి, గర్మిళ్లపల్లిలో శుక్రవారం పలు అభివృద్ధి పనులను ప్రారంభించారు. అనంతరం ఆశిరెడ్డిపల్లి, శ్రీవెంకటేశ్వరస్వామి, రాఘవాపూర్‌లో కొనసాగుతున్న శ్రీలక్ష్మినరసింహస్వామి బ్రహ్మోత్సవాలలో పాల్గొని ప్రత్యేక పూజలు నిర్వహించారు. అనంతరం ఆయన మాట్లాడుతూ నియోజకవర్గ అభివృద్ధే లక్ష్యంగా పనిచేస్తానని అన్నారు. శ్రీలక్ష్మినరసింహ స్వామి ఆలయ ప్రాంగణంలో సీసీరోడ్డుతో పాటు గ్రామం నుంచి ఆలయం వరకు సీసీ రోడ్డు నిర్మాణానికి నిధులు మంజూరు చేస్తానని హా మీ ఇచ్చారు. ఆయన వెంట కాంగ్రెస్‌ పార్టీ మండల అధ్యక్షుడు కోటగిరి సతీష్‌గౌడ్‌, మాజీ జెడ్పీటీసీ పులి తిరుపతిరెడ్డి, మాజీ ఎంపీటీసీల ఫోరం అధ్యక్షుడు సంగి రవి, మాజీ సర్పంచ్‌లు నందికొండ మహిపాల్‌రెడ్డి, చింతలపెల్లి స్వామిరావు, రామారావు, ఆలయ చైర్మన్‌ బండ రఘోత్తంరెడ్డి, నాయకులు పాల్గొన్నారు. నేటి నుంచి ఒంటిపూట బడులు విద్యారణ్యపురి: ఉమ్మడి వరంగల్‌ జిల్లాలో ప్రభుత్వ, ప్రయివేట్‌, ఎయిడెడ్‌ అన్ని పాఠశాలల్లోనూ ఈనెల 15వ తేదీ నుంచి ఒంటిపూట బడులు ప్రారంభమై కొనసాగనున్నాయి. ప్రతీ రోజు ఉదయం 8 నుంచి మధ్యాహ్నం 12.30 గంటల వరకు పాఠశాలలను నిర్వహిస్తారు. ప్రభుత్వ యాజమాన్య పాఠశాలల్లో విద్యార్థులకు తప్పనిసరిగా తరగతులు అయిపోయాక మధ్యాహ్న భోజనం పెట్టాల్సి ఉంటుంది. ఈనెల 21 నుంచి టెన్త్‌ విద్యార్థులకు వార్షిక పరీక్షలు ఉన్నందున.. పరీక్ష కేంద్రాలుగా ఉన్న హైస్కూళ్లను మధ్యాహ్నం ఒంటి గంటనుంచి సాయంత్రం 5 గంటల వరకు నిర్వహించాలి. విద్యార్థులకు ముందే మధ్యాహ్న భోజనం అందించి తరువాత క్లాస్‌లు నిర్వహించాలని విద్యాశాఖాఽధికారులు తెలిపారు. ఆస్పత్రులకు పరికరాల పంపిణీఏటూరునాగారం/వెంకటాపురం(కె) : స్వచ్ఛంద సంస్థ ద్వారా అందించిన పరికరాలను ఆస్పత్రి వైద్యులు, సిబ్బంది సద్వినియోగం చేసుకోవాలని ఏటూరునాగారం సామాజిక ఆస్పత్రి సూపరింటెండెంట్‌ సురేశ్‌కుమార్‌ అన్నారు. రూ.27 లక్షల విలువ చేసే పరికరాలను వెంకటాపురం(కె), ఏటూరునాగారం ఆస్పత్రులకు సురేష్‌కుమార్‌ ఆధ్వర్యంలో అందించారు. ఈ సందర్భంగా సూపరింటెండెంట్‌ మాట్లాడారు.

● ఉపాధ్యాయులను అబ్బురపరిచిన విద్యార్థి కాళేశ్వరం: మహదేవపూర్‌ మండలం కాళేశ్వరం జిల్లా పరిషత్‌ ఉన్నత పాఠశాలలో హెచ్‌ఎం బాసిరి అన్నపూర్ణ అధ్యక్షతన భౌతికశాస్త్రంలో న్యూటన్‌ గమన నియమాలు అనే అంశంపై విద్యార్థి నాంసాని అక్షయ చేసిన దశావధానం ఫిజిక్స్‌ ఉపాధ్యాయులను అబ్బురపరిచింది. గురువారం 9వ తరగతి విద్యార్థి అక్షయ ప్రశ్నకు జవాబు, సమాధానాలకు ప్రశ్నలను తయారు చేయడం.. ఇచ్చిన నాలుగు పదాలతో న్యూటన్‌ గమన నియమాలు అంతర్గతంగా ఉండేలా ఒక కథను చెప్పడం.. పెన్ను పేపర్‌ ఉపయోగించకుండా గమన నియమాల ఆధారంగా ఇచ్చిన వివరాలతో సమస్యను పరిష్కరించడం మొదలగు పది అంశాలతో దశావధానం నిర్వహించింది. ఈ సందర్భంగా హెచ్‌ఎం మాట్లాడుతూ మేధావులు నిర్వహించే అవధానాన్ని భౌతికశాస్త్రంలో చేయడం చాలా గొప్ప విషయమన్నారు. ఇంత అలవోకగా అవధానాన్ని చేసిన అక్షయకు మంచి భవిష్యత్‌ ఉంటుందని తెలిపారు. భౌతిక శాస్త్రంలో వినూత్న ప్రయోగం చేసిన గైడ్‌ టీచర్‌ దొరికల రాజేందర్‌ను అభినందించారు. అనంతరం విద్యార్థిని శాలువాతో సన్మానించారు. ఈ కార్యక్రమంలో పాల్గొన్న భౌతికశాస్త్ర ఫోరం జిల్లా అధ్యక్షుడు బిల్లా రఘునాథ్‌రెడ్డి, ప్రధానకార్యదర్శి గంటా రాజబాపు, మడ్క మధు, వెంకటేశ్వర్లు పాఠశాల ఉపాధ్యాయులు పాల్గొన్నారు.

రేగొండ: మండలంలోని కోటంచ శ్రీ లక్ష్మీనరసింహస్వామి ఆలయంలో బ్రహ్మోత్సవాల్లో భాగంగా గురువారం స్వామివారి ఉత్సవ విగ్రహాలకు ప్రత్యేక అలంకరణ చేసి హనుమంత వాహనసేవలో స్వామి వారిని మాడవీధుల గుండా ఊరేగించారు. ఉదయం నిత్య విధి పూజలు, హోమం నిర్వహించారు. బలిహరణం అనంతరం తీర్థప్రసాద వితరణ చేశారు. సాయంత్రం స్వామి వారికి దీపోత్సవాన్ని నిర్వహించారు. అనంతరం ఆరగింపు, తీర్థప్రసాద వితరణ చేశారు. జాతరలో పోలీస్‌ బందోబస్తు ఆలయంలో బ్రహ్మోత్సవాల సందర్భంగా పోలీస్‌ శాఖ తరఫున భారీ బందోబస్తు ఏర్పాటు చేసినట్లు భూపాలపల్లి డీఎస్పీ సంపత్‌రావు తెలిపారు. జాతరలో పోలీస్‌ బందోబస్తు గురించి పోలీస్‌ అధికారులకు ఆయన పలు సూచనలు చేశారు. జాతరలో 10మంది ఎస్సైలు, 170 మంది పోలీస్‌ సిబ్బంది విధులు నిర్వహిస్తున్నట్లు తెలిపారు. ఆలయ పరిసరాలు, జంక్షన్లు, గ్రామ పరిధిలో మొత్తం 18 సీసీ కెమెరాలు ఏర్పాటు చేసి మానిటరింగ్‌ చేయనున్నట్లు వివరించారు. ఈ కార్యక్రమంలో ఆలయ కమిటీ చైర్మన్‌ ముల్కనూరి భిక్షపతి, ఆలయ ఈఓ మహేష్‌, చిట్యాల సీఐ మల్లేష్‌, ఎస్సైలు సందీప్‌కుమార్‌, షాఖాన్‌, అశోక్‌, ఆలయ కమిటీ సభ్యులు మల్లెబోయిన శ్రీధర్‌, ఆకుల రమేష్‌, మూల ఓంకార్‌, కనుకుంట్ల జోగేందర్‌, ఇల్లా కళావతి రవి, గ్రామ పెద్దలు కనుకుంట్ల దేవేందర్‌, ఆలయ సిబ్బంది రవిందర్‌, శ్రావణ్‌, సుధాకర్‌, అధిక సంఖ్యలో భక్తులు పాల్గొన్నారు. జాతరకు ప్రత్యేక బస్సులు కోటంచ లక్ష్మీనరసింహస్వామి ఆలయంలో నేడు, రేపు జరిగే జాతరకు పరకాల, భూపాలపల్లి డిపోల నుంచి ప్రత్యేకంగా బస్సులు నడిపిస్తున్నట్లు భూపాలపల్లి డిపో మేనేజరు ఇందు తెలిపారు. కోటంచ జాతరకు వచ్చే భక్తుల రద్దీని బట్టి బస్సులు నడిపిస్తామని తెలిపారు. ప్రజలందరూ ఈ అవకాశాన్ని సద్వినియోగం చేసుకోవాలని ఆమె కోరారు. హోలీరోజున జాతర ప్రారంభం కోటంచ శ్రీ లక్ష్మీనరసింహస్వామి బ్రహ్మోత్సవాలలో భాగంగా శుక్రవారం హోలీ పండుగ రోజున హోమ, బలిహరణములు మధ్యాహ్నం మహాపూర్ణాహుతి, సాయంత్రం బోనాలు తిరుగుటతో జాతర ప్రారంభమవుతుంది. సాయంత్రం పెద్ద రథోత్సవం, ఎడ్లబండ్లు, ప్రభబండ్లు, ఇతర వాహనాలు తిరుగు కార్యక్రమాలు ఉంటాయని అర్చకులు తెలిపారు. బ్రహ్మోత్సవాల్లో భాగంగా ఉత్సవ విగ్రహాల ప్రత్యేక అలంకరణ, ఊరేగింపు నేటి నుంచి జాతర షురూ జాతరకు ప్రత్యేక బస్సులు

భూపాలపల్లి: హోలీ పండుగను జిల్లా ప్రజలు ఆనందంగా, భద్రతతో, సంప్రదాయాలను పాటిస్తూ జరుపుకోవాలని కలెక్టర్‌ రాహుల్‌శర్మ గురువారం ఒక ప్రకటనలో సూచించారు. ప్రజలు హోలీ ఆడిన అనంతరం బావులు, వాగులు, చెరువులు, గోదావరిలో స్నానాలకు వెళ్లొదని తెలిపారు. సరదా మాటున ప్రమాదం పొంచి ఉందని తగు జాగ్రత్తలు పాటించాలని సూచించారు. చిన్న పిల్లల విషయంలో అత్యంత జాగ్రత్తగా ఉండాలని, బయటకు వెళ్లకుండా తల్లితండ్రులు పర్యవేక్షణ చేయాలని సూచించారు. టెన్త్‌లో మెరుగైన ఫలితాలు సాధించాలి భూపాలపల్లి అర్బన్‌: పదో తరగతి ఫలితాల్లో గతంలో వచ్చిన ఫలితాలకంటే మెరుగైన ఫలితాలు సాధించడమే లక్ష్యంగా విద్యార్థులను సిద్ధం చేస్తున్నట్లు జిల్లా ఇన్‌చార్జ్‌ విద్యాశాఖ అధికారి రాజేందర్‌ గురువారం ఒక ప్రకటనలో తెలిపారు. ఈ నెల 21వ తేదీ నుంచి పదో తరగతి వార్షిక పరీక్షలు ప్రారంభం అవుతున్న తరుణంలో విద్యార్థులు ఒత్తిడి లేకుండా ఈ పరీక్షలకు సిద్ధం కావాలని సూచించారు. నవంబర్‌ మొదటివారం నుంచి ప్రత్యేక తరగతులు నిర్వహిస్తున్నట్లు వివరించారు. జిల్లా వ్యాప్తంగా 3,449 మంది విద్యార్థులు వార్షిక పరీక్షలకు హాజరు కానున్నట్లు వెల్లడించారు. మావోయిస్టులకు సహకరించొద్దువాజేడు: ప్రజలు మావోయిస్టులకు సహకరించవద్దని వారి సమాచారం తెలిస్తే పోలీసులకు చెప్పాలని ఏటూరునాగారం ఏఎస్పీ శివం ఉపాధ్యాయ తెలిపారు. మండల పరిధిలోని మొరుమూరులో గురువారం వాజేడు ఎస్సై ఎన్‌.రాజ్‌కుమార్‌, సివిల్‌, సీఆర్‌పీఎఫ్‌ పోలీసులతో కలిసి కమ్యూనిటీ కాంటాక్ట్‌ కార్యక్రమం నిర్వహించారు. ఈ సందర్భంగా గ్రామస్తులతో ఏఎస్పీ మాట్లాడుతూ యువ త చెడు వ్యసనాలకు అలవాటు పడవద్దన్నారు. గంజాయి, గుడుంబా, గుట్కా ప్యాకెట్లకు దూరంగా ఉండాలని సూచించారు. యువత అతి వేగంగా వాహనాలను నడిపి ప్రమాదాలకు గురి కావద్దన్నా రు. వాహనాలను నడుపుతూ సెల్‌ఫోన్‌ మాట్లాడ వద్దన్నారు. వీటి మూలంగానే రోడ్డు ప్రమదాలు జరిగే అవకాశాలు ఉన్నాయన్నారు. ఆడ పిల్లలకు బాల్య వివాహాలను చేయవద్దన్నారు. నేటి కాలంలో చాలా మంది సులభంగా డబ్బులను సంపాధించాలని ఆన్‌లైన్‌ మోసాలకు గురవుతున్నారని తెలిపారు. విద్యుత్‌ సరఫరాకు అంతరాయం లేకుండా చూడాలి భూపాలపల్లి రూరల్‌: వేసవిలో విద్యుత్‌ సరఫరాకు అంతరాయం లేకుండా చూడాలని చీఫ్‌ ఇంజనీర్‌ భీకంసింగ్‌ అధికారులకు సూచించారు. జిల్లా కేంద్రంలో సర్కిల్‌ కార్యాలయంలో గురువారం భూపాలపల్లి డివిజన్‌ అధికారులతో సమీక్షా సమావేశం నిర్వహించారు. ఈ సందర్బంగా ఆయన మాట్లాడారు. వేసవిని దృష్టిలో ఉంచుకొని 33 ఇంటర్లింకింగ్‌ లైన్లు త్వరగా పూర్తి చేయాలన్నారు. అలాగే ఓవర్‌ లోడ్‌ ఉన్న ట్రాన్స్‌ఫార్మర్లకు ఎస్టిమేట్స్‌ వేసి అదనపు ట్రాన్స్‌ఫార్మర్‌ పెట్టాలని సూచించారు. 33/11 సబ్‌ స్టేషన్లలో ఫీడర్ల విభజనను పూర్తి చేయాలని కోరారు. సబ్‌ స్టేషన్‌లలో ఓవర్‌లోడ్‌ పవర్‌ ట్రాన్స్‌ఫార్మర్లకు అవసరమైన చర్యలు తీసుకోవాలని తెలిపారు. సమావేశం అనంతరం పెద్దాపూర్‌ సబ్‌ స్టేషన్‌కి కొత్తగా వేస్తున్న 33కేవీ ఇంటర్‌ లింకింగ్‌ లైన్‌ను పర్యవేక్షించారు. ఈ సమావేశంలో భూపాలపల్లి డివిజనల్‌ ఇంజనీర్‌ పాపిరెడ్డి, డివిజనల్‌ ఇంజనీర్‌ సదానందం, టెక్నికల్‌ ఇంజనీర్‌ వెంకటేశం తదితరులు పాల్గొన్నారు.

కాళేశ్వరం: సరస్వతి నది పుష్కరాల పనుల్లో వేగం పెంచాలని ఇంజనీరింగ్‌ అధికారులను కలెక్టర్‌ రాహుల్‌శర్మ ఆదేశించారు. గురువారం ఆయన ఎస్పీ కిరణ్‌ ఖరేతో కలిసి మే 15నుంచి 26 వరకు జరిగే పుష్కరాల సందర్భంగా చేపడుతున్న పనులపై ఈఓ కార్యాలయంలో సమీక్ష నిర్వహించారు. ముఖ్యంగా పంచాయతీరాజ్‌, విద్యుత్‌, ఇరిగేషన్‌, ఆర్‌డబ్ల్యూఎస్‌, వైద్యఆరోగ్యశాఖ, దేవస్థానం అధికారులతో పనులపై సమావేశం నిర్వహించారు. ఈ సందర్భంగా కలెక్టర్‌ మాట్లాడుతూ ఏప్రిల్‌ 25వరకు పుష్కరాల అన్ని పనులు పూర్తి ఆదేశించారు. భక్తుల సౌకర్యార్థం చేపట్టిన అభివృద్ధి పనులను వేగంగా పూర్తి చేయాలని సూచించారు. పనుల్లో జాప్యం తగదని హెచ్చరించారు. ముఖ్యంగా ఘాట్లు, రోడ్లు, శానిటేషన్‌, తాగునీటి సదుపాయాల పనులను గడువులోగా పూర్తిచేసేలా చర్యలు తీసుకోవాలని అధికారులను ఆదేశించారు. పనుల పురోగతిపై ప్రతీవారం సమీక్షించి తగిన చర్యలు తీసుకోవాలని అధికారులను ఆదేశించారు. పుష్కరాల నిర్వహణలో సంబంధిత శాఖల సమన్వయం ఎంతో ముఖ్యమన్నారు. వీఐపీ ఘాట్‌ నుంచి స్నానఘట్టాల వరకు అప్రోచ్‌ రోడ్డు నిర్మాణం, సరస్వతి తల్లి విగ్రహ ఏర్పాటు స్థలాన్ని పరిశీలించారు. అనంతరం గోదావరిలో నీటి నిల్వలు పరిశీలించారు. మే మాసం వరకు ఎంత మేరకు నీరు ఉంటుందో పర్యవేక్షణ చేయాలని ఇరిగేషన్‌ ఈఈని ఆదేశించారు. త్రివేణి సంగమం వరకు భక్తులు వెళ్లడానికి అనువుగా మట్టి రోడ్డు నిర్మాణం చేసి చలువ పందిళ్లు ఏర్పాటు చేయాలని ఆదేశించారు. అనంతరం ఎస్పీ కిరణ్‌ ఖరే మాట్లాడుతూ వాచ్‌ టవర్‌ ఏర్పాటు చేయాలని సూచించారు. వాహనాల పార్కింగ్‌ స్థలాలు గుర్తించి నివేదిక అందజేయాలని తెలిపారు. ఈ సమావేశంలో అదనపు కలెక్టర్‌ విజయలక్ష్మి, ఇరిగేషన్‌ ఈఈ తిరుపతిరావు, పీఆర్‌ ఈఈ వెంకటేశ్వర్లు, జిల్లా వైద్య ఆరోగ్యశాఖ అధికారి మధుసూదన్‌, డీపీఓ నారాయణరావు, అడిషనల్‌ ఎస్సీ బోనాల కిషన్‌, సీఐ రామచందర్‌రావు, విద్యుత్‌ శాఖ డీఈ పాపిరెడ్డి, దేవస్థానం ఈఓ మహేశ్‌, ఆర్కిటెక్చర్‌ సూర్యనారాయణ, ఎస్సై తమాషారెడ్డి తదితరులు పాల్గొన్నారు.కలెక్టర్‌ రాహుల్‌శర్మ

సాక్షిప్రతినిధి, వరంగల్‌ : అనుమతి లేని లేఅవుట్లు, ప్లాట్ల క్రమబద్ధీకరణ (ఎల్‌ఆర్‌ఎస్‌) బాలారిష్టాలు దాటడం లేదు. ఈ క్రమబద్ధీకరణకు 25 శాతం మినహాయింపును ఉపయోగించుకోవాలనుకునే వారికి అవాంతరాలు తప్పడం లేదు. ఎల్‌ఆర్‌ఎస్‌ ఫీజు చెల్లిస్తామనుకునే వారికి వెబ్‌సైట్‌ ఓపెన్‌కాక.. ఆన్‌లైన్‌ యాక్సెప్ట్‌ లభించక.. మున్సిపల్‌ ఆఫీస్‌ల చుట్టూ తిరిగి పోతున్నారు. ఈ వెబ్‌సైట్‌ అప్‌డేషన్‌కు మరికొన్ని రోజులు పట్టేలా ఉంది. దీంతో వారం, 10 రోజుల తర్వాత రమ్మని సిబ్బంది దరఖాస్తుదారులకు చెబుతున్నారు. ఫోన్లు చేసి ఫీజు చెల్లించి రెగ్యులరైజ్‌ చేసుకోవచ్చని చెప్పి.. తీరా ఆఫీస్‌కు వెళ్తే ఆన్‌లైన్‌ పని చేయట్లేదని చెప్పడం ఏమిటని పలువురు ప్రశ్నిస్తున్నారు. ఈ తంతు ఇలాగే కొనసాగితే ప్రభుత్వం ఈనెల 31వ తేదీ వరకు ఇచ్చిన 25 శాతం రాయితీ డెడ్‌లైన్‌ ఉపయోగించుకోవడం ఎలా అని దరఖాస్తుదారులు ఆందోళన చెందుతున్నారు. సాంకేతిక సమస్యలు .. గ్రేటర్‌ వరంగల్‌ మున్సిపల్‌ కార్పొరేషన్‌, ఉమ్మడి జిల్లా పరిధి 9 మున్సిపాలిటీల్లో ఎల్‌ఆర్‌ఎస్‌ కోసం 2020 సంవత్సరం 1,58,265 దరఖాస్తులు రాగా, పరిశీలన, ఆమోదం ఆగుతూ సాగింది. కాంగ్రెస్‌ ప్రభుత్వం వచ్చాక మళ్లీ ఆ దరఖాస్తుల్లో కదలిక రాగా.. మొత్తంగా 2024 వరకు 18,357 అప్లికేషన్లను పరిశీలించి ఆమోదించారు. ఇంకా 1,39,908 దరఖాస్తులు వివిధ స్థాయిల్లో ఉండగా.. ఇటీవల ప్రభుత్వం తీసుకున్న నిర్ణయంతో ఎల్‌ఆర్‌ఎస్‌ ప్రక్రియ మళ్లీ ట్రాక్‌లో పడింది. ఈనెల 31 వరకు ఎల్‌ఆర్‌ఎస్‌ చేసుకుంటే 25 శాతం మినహాయింపు కూడా ఇవ్వనున్నట్లు ప్రకటించడంతో దరఖాస్తుదారులు ఒక్కసారిగా ముందుకు వచ్చారు. అయితే వెబ్‌సైట్‌ సరిగా ఓపెన్‌ కాక తరచూ సాంకేతిక సమస్యలు తలెత్తుతుండటంతో ప్రక్రియ నత్తనడకన సాగుతోంది. మున్సిపాలిటీల్లో ఇదీ పరిస్థితి.. ● గ్రేటర్‌ వరంగల్‌లో 1,00,989 దరఖాస్తులకు గురువారం 35,007 మంది దరఖాస్తుదారులకు ఫీజులు చెల్లించి రెగ్యులరైజ్‌ చేసుకోవాలని అధి కారులు సమచారం ఇవ్వగా.. రూ.5.87 కోట్లు చెల్లించి 746 దరఖాస్తులు క్లియర్‌ చేసుకున్నారు. మిగతా దరఖాస్తులపైనా ప్రత్యేక దృష్టి పెట్టారు. హనుమకొండ, వరంగల్‌ కలెక్టర్లు సత్యశారద, ప్రావీణ్య, కార్పొరేషన్‌ కమిషనర్‌ అశ్విని తానాజీ వాకడే తరచూ సమీక్షలు నిర్వహిస్తున్నారు. ● జనగామ మున్సిపాలిటీ నుంచి ఎల్‌ఆర్‌ఎస్‌ కోసం 18,379 దరఖాస్తులు రాగా.. 7,127 అప్లికేషన్లకు అధికారులు ఆమోదించారు. అందులో 64 మంది రూ.26 లక్షలు చెల్లించారు. మిగతావి ప్రాసెస్‌లో ఉన్నాయి. ● వరంగల్‌ జిల్లా నర్సంపేట మున్సిపాలిటీలో 5,421 దరఖాస్తులుండగా 1,565 మందికి ఫీజు చెల్లించాలని అధికారులు సమాచారం ఇవ్వగా ఇప్పటి వరకు 81 మంది రూ.41 లక్షలు చెల్లించారు. ● వరంగల్‌ జిల్లా వర్ధన్నపేట మున్సిపాలిటీలో 522 దరఖాస్తులకు 187 ఆమోదించగా.. గురువారం నాటికి 13 మంది మాత్రమే ఫీజు చెల్లించగా రూ.6 లక్షల మేరకు ఆదాయం సమకూరింది. ● హనుమకొండ జిల్లా పరకాల మున్సిపాలిటీలో 3,182 దరఖాస్తులకు 2,320 అప్లికేషన్లు ఆమోదించి సమాచారం ఇవ్వగా ఇప్పటి వరకు 16 డాక్యుమెంట్లపై రూ.5 లక్షల చెల్లింపులు మాత్రమే జరిగాయి. ● మహబూబాబాద్‌ జిల్లా డోర్నకల్‌ మున్సిపాలిటీలో 872 దరఖాస్తులకు 652 ఓకే కాగా 25, మరిపెడ మున్సిపాలిటీలో 2,629 అప్లికేషన్లకు 1,278 ఆమోదించగా 29 మంది మాత్రమే రూ.11 లక్షలు చెల్లించారు. తొర్రూరు మున్సిపాలిటీలో 10,299 అప్లికేషన్లకు 4,722 ఆమోదించగా 71 మంది రూ.30 లక్షలు, మహబూబాబాద్‌ మున్సిపాలిటీలో 12,201 దరఖాస్తులకు 2,522 మంది ఫీజు చెల్లించాల్సి ఉండగా 447 మంది రూ.2.07 కోట్లు చెల్లించారు. ● భూపాలపల్లి మున్సిపాలిటీలో 3,771 అప్లికేషన్లకు 2,234 ఆమోదించగా 127 మంది రూ.61 లక్షలు చెల్లించారు. రాయితీని సద్వినియోగం చేసుకోవాలి.. ప్రభుత్వం కల్పిస్తున్న రాయితీ సదుపాయాన్ని లేఅవుట్‌, నాన్‌ లేఅవుట్‌ పాట్ల యజమానులు, డెవలపర్లు, ప్లాట్ల యజమానులు సద్వినియోగం చేసుకోవాలి. సంబంధిత శాఖల అధికారులతో కలిసి అవగాహన సదస్సులు నిర్వహిస్తున్నాం. ఎల్‌ఆర్‌ఎస్‌ దరఖాస్తుదారులు ప్రభుత్వ నియమ నిబంధనల మేరకు రెగ్యులరైజ్‌ చేసుకోవాలి. – అశ్విని తానాజీ వాకడే, కమిషనర్‌, జీడబ్ల్యూఎంసీ కార్పొరేషన్‌/మున్సిపాలిటీల వారీగా ఎల్‌ఆర్‌ఎస్‌ దరఖాస్తుల వివరాలు మున్సిపాలిటీ దరఖాస్తులు గ్రేటర్‌ వరంగల్‌ 1,00,989పరకాల 3,182నర్సంపేట 5,421 వర్ధన్నపేట 522మహబూబాబాద్‌ 12,201 డోర్నకల్‌ 872 మరిపెడ 2,629 తొర్రూరు 10,299 భూపాలపల్లి 3,771 జనగామ 18,37925 శాతం మినహాయింపు ఈనెల 31 వరకే.. సతాయిస్తున్న వెబ్‌సైట్‌.. వినియోగదారుల్లో ఆందోళన 1,58,265 దరఖాస్తులు.. 18,357 ఆమోదం వివిధ స్థాయిల్లో 1,39,908 అర్జీలు

కాళేశ్వరంలోని త్రివేణి సంగమంసమయం లేదు.. మే 15నుంచి 26 వరకు జరిగే పుష్కరాలకు ముందే పనులు అన్ని పూర్తి చేయాలి. కానీ ఇక్కడ నిధులు విడుదల చేసి నెలలు గడుస్తోంది. పనులకు టెండర్లు పూర్తయి నెల దగ్గరికి వచ్చినా పనులకు సంబంధించిన ప్లానింగ్‌, డిజైన్స్‌ కాంట్రాక్టర్లకు ఇప్పటికీ ఇవ్వలేదు. వర్క్‌ ఆర్డర్స్‌ కూడా ఇవ్వకపోవడంతో పనులు ప్రారంభించాలా లేదా అనే సందిగ్ధంలో ఉన్నట్లు తెలిసింది. ఫిబ్రవరి 15నుంచి ఎమ్మెల్సీ ఎన్నికల కోడ్‌ ఉండడంతో నాన్చుతూ వచ్చారు. మార్చి 3న కోడ్‌ ముగిసినా ఎలాంటి ఆర్డర్స్‌ ఇంకా ఇవ్వలేదు. పుష్కరాల సమయం సమీపిస్తుండడంతో సమయం లేకపోవడంతో ఇటు అధికారులు అటు కాంట్రాక్టర్లు ఆందోళన చెందుతున్నారు.● పనులకు ఇప్పటికీ ఆర్డర్స్‌.. డిజైన్స్‌ ఇవ్వని ఉన్నతాధికారులు ● ఫిబ్రవరి 15న పుష్కరాల పనుల టెండర్లు పూర్తి ● నెలరోజులు కావస్తున్నా ప్రారంభం కాని పనులు ● కాంట్రాక్టర్లు మెటీరియల్‌ సమకూర్చి ఎదురుచూపుకాళేఽశ్వరం: జిల్లాలోని మహదేవపూర్‌ మండలం కాళేశ్వరంలోని గోదావరి, ప్రాణహిత నదులతో కలిసి అంతర్వాహిణిగా ప్రవహిస్తున్న సరస్వతి నదికి ఈ ఏడాది మే 15నుంచి 26 వరకు పుష్కరాలు నిర్వహించడానికి ప్రభుత్వం ఘనంగా సన్నాహాలు చేస్తుంది. 2013లో అప్పటి కాంగ్రెస్‌ ప్రభుత్వంలో సరస్వతి పుష్కరాలు జరుగగా.. మళ్లీ తెలంగాణ ఏర్పడిన తర్వాత మొదటిసారిగా సరస్వతి పుష్కరాలు వస్తుండడంతో ప్రభుత్వం పుష్కరాల అభివృద్ది పనులకు రూ.25కోట్ల నిధులు మంజూరు చేసి నిధులు విడుదల చేసిన విషయం తెలిసిందే. ఇంకా 62రోజులే మిగిలి ఉండడంతో పాటు సమయం లేకపోవడంతో త్వరగా కలెక్టర్‌ స్పందించి పనులకు ఆర్డర్స్‌, డిజైన్స్‌ అందించేలా చర్యలు తీసుకుని పనులు ప్రారంభించాల్సి ఉంది. కాళేశ్వరంలో చదును చేసిన జ్ఞాన సరస్వతి ఘాట్‌న్యూస్‌రీల్‌

రేగొండ: ఉచిత న్యాయ సేవలను ప్రజలందరూ వినియోగించుకోవాలని జిల్లా న్యాయసేవాధికార సంస్థ చైర్మన్‌ నారాయణ బాబు అన్నారు. బుధవారం ఆయన జిల్లా సీనియర్‌ సివిల్‌ జడ్జి జయరాంరెడ్డి, జూనియర్‌ సివిల్‌ జడ్జి రామచంద్రరావు, అడిషనల్‌ జూనియర్‌ సివిల్‌ జడ్జి అఖిలతో కలిసి కోటంచ లక్ష్మీనరసింహ స్వామిని దర్శించుకున్నారు. ఈ సందర్భంగా బ్రహ్మోత్సవాల్లో స్టాల్‌ ఏర్పాటు చేశారు. అనంతరం ఏర్పాటు చేసిన సమావేశంలో ఆయన మాట్లాడుతూ.. ఎస్సీ, ఎస్టీ, బీసీ, మైనార్టీ ప్రజలు రూ.3లక్షల లోపు ఆదాయం కలిగిన వారు, బాలురు, బాలికలు, మహిళల అక్రమ రవాణా, భూకంపాలు, విపత్తులు సంభవించినప్పుడు ఏ విధమైన న్యాయ సహాయం కావాలన్న జిల్లా న్యాయ సేవా అధికార సంస్థను సంప్రదించాలని ఆయన కోరారు. కార్యక్రమంలో ఎస్సైలు సందీప్‌ కుమార్‌, షాఖాన్‌, ఆలయ చైర్మన్‌ ముల్కనూరి భిక్షపతి, జిల్లా న్యాయసేవాధికార సంస్థ పారా లీగల్‌ వలంటీర్లు శ్రీనివాస్‌, రమేష్‌, తిరుపతి, రమేష్‌ తదితరులు పాల్గొన్నారు.న్యాయసేవాధికార సంస్థ చైర్మన్‌ నారాయణ బాబు

రేగొండ: మండలంలోని కోటంచ లక్ష్మీనరసింహస్వామి ఆలయంలో బ్రహ్మోత్సవాలు బుధవారం నాలుగో రోజు వైభవంగా కొనసాగాయి. ఈ సందర్భంగా ఉదయం నిత్య విధి పూజలు, హోమం నిర్వహించారు. అనంతరం స్వామి వారి ఉత్సవ విగ్రహాలకు ప్రత్యేక అలంకరణ చేసి సింహ వాహన సేవలో మాడ వీధుల గుండా ఆలయ అర్చకుల వేద మంత్రోచ్ఛరణలు, మేళతాళాల చప్పుళ్లతో ఊరేగించారు. బలిహరణం అనంతరం తీర్థప్రసాద వితరణ చేశారు. సాయంత్రం స్వామి వారికి గరుడోత్సవం, సదస్యం వంటి ప్రత్యేక కార్యక్రమాలు నిర్వహించారు. అనంతరం అరగింపు, తీర్థప్రసాద వితరణ చేశారు. ఈ కార్యక్రమంలో ఆలయ కమిటీ చైర్మన్‌ ముల్కనూరి భిక్షపతి, ఆలయ మహేష్‌, కమిటీ సభ్యులు మల్లెబోయిన శ్రీధర్‌, ఆకుల రమేష్‌, మూల ఓంకార్‌, కనుకుంట్ల జోగేందర్‌, గ్రామ పెద్దలు కనుకుంట్ల దేవేందర్‌, ఆలయ సిబ్బంది రవీందర్‌, శ్రావణ్‌, సుధాకర్‌, భక్తులు పాల్గొన్నారు. నేడు హనుమంత వాహన సేవ బ్రహ్మోత్సవాల్లో భాగంగా ఆదివారం స్వామి వారు హనుమంత వాహనంపై భక్తులకు దర్శనమివ్వనున్నట్లు ఆలయ ప్రధాన అర్చకులు బుచ్చమచార్యులు తెలిపారు. రాత్రి చిన్న రథసేవ, దోపోత్సవం కార్యక్రమాలు ఉంటాయని అర్చకులు తెలిపారు.కోటంచలో కొనసాగుతున్న బ్రహ్మోత్సవాలు

చిట్యాల: మండలంలోని తిర్మలాపూర్‌ గ్రామానికి చెందిన నల్ల అజయ్‌ రాష్ట్రస్థాయిలో 43వ ర్యాంక్‌ సాధించాడు. 2018లో కానిస్టేబుల్‌గా, 2024లో జూనియర్‌ అసిస్టెంట్‌గా ఉద్యోగం సాధించిన అజయ్‌ ప్ర స్తుతం గ్రూప్‌–2లో స్టేట్‌ 43వ ర్యాంక్‌ సాధించాడు. అలాగే కాళేశ్వరం జోన్‌లో 7వ ర్యాంక్‌ సాధించాడు. ఈ సందర్భంగా గ్రామస్తులు, బంధువులు అజయ్‌ను అభినందించారు. సరస్వతీ పుష్కరాలపై నేడు కలెక్టర్‌ సమీక్ష కాళేశ్వరం: మహదేవపూర్‌ మండలం కాళేశ్వరంలో సరస్వతీ నది పుష్కరాలపై గురువారం కలెక్టర్‌ రాహుల్‌శర్మ సమీక్ష నిర్వహించనున్నారు. బుధవారం హైదరాబాద్‌లో దేవాదా యశాఖ ప్రిన్సిపల్‌ సెక్రటరీ శైలజారామయ్యర్‌ అధ్యక్షతన కాళేశ్వరంలో మే 15 నుంచి 26 వరకు జరిగే సరస్వతీ పుష్కరాలపై సంబంధితశాఖ అధికారులతో పనుల పురోగతిపై సమీక్ష చేశారు. కలెక్టర్‌ క్షేత్రస్థాయిలో పరిశీలించాలనే ఆమె ఆదేశాలతో ఆయన సమీక్ష చేపట్టనున్నట్లు ఆలయ వర్గాల ద్వారా తెలిసింది. దరఖాస్తుల స్వీకరణ భూపాలపల్లి రూరల్‌: హైదరాబాద్‌ స్కూల్‌ ఆఫ్‌ బ్యాంకింగ్‌ అండ్‌ ఫైనాన్స్‌ ట్రైనింగ్‌ ఇనిస్టిట్యూట్‌, హైదరాబాద్‌ ద్వారా బ్యాంకింగ్‌ అండ్‌ ఫైనాన్స్‌లో నెల రోజులపాటు నాన్‌ రెసిడెన్షియల్‌ ఫ్రీ ట్రైనింగ్‌ ప్రోగ్రామ్‌ ఇవ్వనున్నట్లు హైదరాబాద్‌లోని టీజీ బీసీ స్టడీ సర్కిల్‌ డైరెక్టర్‌ శ్రీనివాస్‌ రెడ్డి బుధవారం ప్రకటనలో తెలిపా రు. శిక్షణ పూర్తయిన తర్వాత ప్రైవేట్‌ బ్యాంకుల్లో అవకాశాలు కల్పిస్తారని తెలిపారు. డిగ్రీ పూర్తయి 26 సంవత్సరాల కంటే తక్కువ వయ సు ఉన్న అభ్యర్థులు ఈనెల 15నుంచి ఏప్రిల్‌ 8 వరకు ఆన్‌లైన్‌ రిజిస్ట్రేషన్‌ ద్వారా దరఖాస్తు చేసుకోవాలని సూచించారు. ఈ శిక్షణ కార్యక్రమానికి బీసీ అభ్యర్థులు మాత్రమే అర్హులని స్ప ష్టం చేశారు. పూర్తి సమాచారానికి జిల్లా వెనుకబడిన తరగతుల అభివృద్ధి అధికారి కార్యాల యం లేదా ఫోన్‌ నంబర్‌ 040–29303130 ద్వారా సంప్రదించాలని కోరారు. ఇంటర్న్‌షిప్‌కు.. భూపాలపల్లి రూరల్‌: మినిస్ట్రీ ఆఫ్‌ కార్పొరేట్‌ అఫైర్స్‌ గవర్నమెంట్‌ ఆఫ్‌ ఇండియా ఇంటర్న్‌షిప్‌కు ఆసక్తి కలిగిన అభ్యర్థుల నుంచి దరఖాస్తులు కోరుతున్నట్లు జిల్లా పరిశ్రమల శాఖ జనరల్‌ మేనేజర్‌ సిద్ధార్థ బుధవారం ప్రకటనలో తెలిపారు. ఈ నెల 31 వరకు దరఖాస్తు చేసుకునే అవకాశం ఉన్నట్లు పేర్కొన్నారు. దేశవ్యాప్తంగా 745 జిల్లాలు, 25 సెక్టార్లలో 1.25 లక్షల కంటే ఎక్కువ ఇంటర్న్‌షిప్స్‌కు అవకాశం ఉందని తెలిపారు. యువత సొంత రాష్ట్రంలో లేదా ఇతర రాష్ట్రంలోనైనా 5 ఇంటర్న్‌షిప్‌లకు దరఖాస్తు చేసుకోవచ్చని పేర్కొన్నారు. 1800 116 090 టోల్‌ ఫ్రీ నంబర్‌కు కాల్‌ చేసి దరఖాస్తు చేసుకోవచ్చని సూచించారు. భూపాలపల్లి జిల్లాకు 23 ఇంటర్న్‌షిప్స్‌ కేటాయించినట్లు తెలిపారు. అభ్యర్థులు 21–24 మధ్య వయస్సు కలిగి ఉండాలని, 10వ తరగతి ఉత్తీర్ణత సాధించిన వారికి 13, డిప్లొమో చేసిన వారికి 2, ఐటీ ఐ చేసిన 8 మందికి అవకాశం ఉందని తెలి పారు. ఎంపికై న అభ్యర్థులకు నెలకు రూ.5వేలు ఉపకార వేతనం అందుతుందని తెలిపారు. దివ్యాంగులకు ఉపకరణాల పంపిణీభూపాలపల్లి అర్బన్‌: భారత కృత్రిమ అవయవాల నిర్మాణ సంస్థ, సమగ్ర శిక్ష సౌజన్యంతో జిల్లా విద్యాశాఖ ఆధ్వర్యంలో బుధవారం ప్రత్యేక అవసరాలు గల దివ్యాంగులకు ఉచితంగా ఉపకరణాల పంపిణీ కార్యక్రమం చేపట్టారు. జిల్లా కేంద్రంలోని భవిత కేంద్ర ఆవరణలో 99 మంది దివ్యాంగులకు రూ.9,88,200 విలువ గల వీల్‌ చైర్‌, ట్రై సైకిల్‌, చెవిటి మిషన్స్‌, రోలేటర్స్‌, టీఎల్‌ఎం కిట్స్‌, బ్రెయిలీ కిట్స్‌ అందజేశారు. కార్యక్రమానికి జిల్లా ఇంచార్జ్‌ విద్యాశాఖ అధికారి రాజేందర్‌ ముఖ్య అతిథిగా హాజరుకాగా ఈ కార్యక్రమంలో సీఎంఓ సామల రమేష్‌, ఎంపీడీఓ నాగరాజు, నిర్మాణ సంస్థ ప్రతినిధులు ప్రియవర్మ, సర్వన్‌కుమార్‌, తుపార్‌, రతన్‌సింగ్‌, సిబ్బంది పాల్గొన్నారు.

కాటారం: అడవుల సంరక్షణ ప్రతి ఒక్కరి బాధ్యత అని, ఎలాంటి హాని కల్గకుండా చూసుకోవాలని కాటారం రేంజర్‌ స్వాతి, డిప్యూటి రేంజ్‌ అధికారి శ్రీనివాస్‌ తెలిపారు. కాటారం మండలం చింతకానిలో బుధవారం గ్రామస్తులకు అడవుల సంరక్షణ, అగ్ని ప్రమాదాల నివారణ, పులి కదలికలపై అటవీశాఖ ఆధ్వర్యంలో అవగాహన కల్పించారు. అటవీ చట్టాలు, వన్య ప్రాణాలను వధిస్తే వర్తించే చట్టాలను వివరించారు. అడవులు విస్తారంగా ఉంటేనే సమయానికి వర్షాలు కురుస్తాయని పర్యావరణం అనుకూలంగా ఉంటుందన్నారు. వేసవి కాలంలో అడవుల్లో అగ్ని ప్రమాదాలు చోటు చేసుకోకుండా తగు చర్యలు తీసుకుంటున్నట్లు తెలిపారు. అడవుల్లో మంటలు అంటిస్తే కఠిన చర్యలు తప్పవని, మంటలు వ్యాపించడం గమనిస్తే అటవీశాఖ అధికారులకు సమాచారం ఇవ్వాలని కోరారు. అడవుల్లో వంటలు చేయడం, పొగతాగడం లాంటివి చేయొద్దని సూచించారు. ఉచ్చులు, కరెంట్‌ తీగలు లాంటివి అమర్చి వన్యప్రాణులను వధిస్తే కేసులు నమోదు చేసి జైలుకు పంపించడం జరుగుతుందని హెచ్చరించారు. అడవుల్లో పులి సంచరిస్తున్నట్లు ఆనవాళ్లు ఉన్నాయని ప్రజలు అప్రమత్తంగా ఉండాలని, రాత్రిపూట అటవీ ప్రాంతంలోకి వెళ్లొద్దని సూచించారు. కార్యక్రమంలో యామన్‌పల్లి డీఆర్‌ఓ సురేందర్‌నాయక్‌, ఎఫ్‌బీఓ లు అశోక్‌, రాజేందర్‌, బేస్‌ క్యాంపు సిబ్బంది, గ్రామస్తులు పాల్గొన్నారు.

పలిమెల మండలం ఏర్పాటై తొమ్మిదేళ్లు అవుతుంది. ఇక్కడ గ్రామపంచాయతీల్లో ఈ–పాలన అందుబాటులోకి రాలేదు. గ్రామపంచాయతీ కార్యాలయానికి సంబంధించి ఏదైన ఆన్‌లైన్‌ పని ఉంటే మహదేవపూర్‌ మండల పరిషత్‌ కార్యాలయానికి వెళ్లాల్సి వస్తోంది. సమయం, రవాణా ఖర్చులు వృథా అవుతున్నాయి. దీంతో తీవ్ర ఇబ్బందులు పడుతున్నాం. గ్రామపంచాయతీల్లో ఈ–పాలన అందుబాటులోకి తీసుకురావాలి. – జనగామ మధుకర్‌, పలిమెల పంచాయతీల్లో ఈ–పాలనపై నివేదించాం గతంలో గ్రామపంచాయతీల్లో ఈ–పాలన అందుబాటులోకి తీసుకురావడం కోసం ఇంటర్నెట్‌ సౌకర్యం, సామగ్రి ఏర్పాటు చేశాం. ప్రక్రియ పూర్తికాకపోవడంతో మధ్యలోనే ఆగిపోయింది. ఇటీవల ఉన్నతాధికారులు గ్రామపంచాయతీల్లో కంప్యూటరీకరణపై నివేదిక కోరడంతో అందజేశాం. వారి ఆదేశాల మేరకు తదుపరి చర్యలు తీసుకుంటాం. – నారాయణ, జిల్లా పంచాయతీ అధికారి

కాటారం: మారుమూల గ్రామాల్లో విక్రయించడానికి తీసుకొచ్చిన గంజాయితోపాటు విక్రయించే వ్యక్తిని మహాముత్తారం పోలీసులు పట్టుకున్నారు. స్థానిక పోలీస్‌స్టేషన్‌లో బుధవారం ఏర్పాటు చేసిన విలేకర్ల సమావేశంలో డీఎస్పీ గడ్డం రామ్మోహన్‌రెడ్డి, సీఐ నాగార్జునరావు వివరాలు వెల్లడించారు. బీహార్‌ రాష్ట్రంలోని నలంద జిల్లా గౌరి గ్రామానికి చెందిన గణేశ్‌ఠాకూర్‌ మూడేళ్లుగా చెల్పూర్‌లోని ఓ రైస్‌మిల్లులో గుమాస్తాగా పని చేస్తున్నాడు. జీతం సరిపోకపోవడంతో అధిక మొత్తంలో డబ్బులు సంపాదించాలనే దురాశతో విశాఖపట్నం నుంచి గంజాయి తీసుకొచ్చి పలుచోట్ల ఎక్కువ ధరకు విక్రయిస్తున్నాడు. ఇదే క్రమంలో మంగళవారం సాయంత్రం గణేశ్‌ఠాకూర్‌ మహాముత్తారం మండలం యా మన్‌పల్లి సమీపంలో గల చెరువు వద్దకు గంజాయి విక్రయించడానికి వచ్చాడు. ముందస్తు సమాచారంతో మహాముత్తారం ఎస్సై మహేందర్‌కుమార్‌, పోలీస్‌ సిబ్బందితో అక్కడకు చేరుకొని గణేశ్‌ఠాకూర్‌ను పట్టుకున్నారు. నిందితుడి వద్ద నుంచి 12 కిలోల 765 గ్రాముల గంజాయి స్వాధీనపర్చుకొని సీజ్‌ చేసినట్లు డీఎస్పీ, సీఐ తెలిపారు. ఎన్‌డీపీఎస్‌ యాక్ట్‌ ప్రకారం గణేశ్‌ఠాకూర్‌పై కేసు నమోదు చేసి రిమాండ్‌కు తరలించినట్లు వారు పేర్కొన్నారు. కా గా, నిందితుడు గతంలో సైతం గంజాయి విక్రయిస్తూ ఘన్‌పూర్‌ పోలీసులకు పట్టుబడగా జైలుకు వెళ్లి బెయిల్‌పై వచ్చినట్లు తెలిపారు. గంజాయి రవాణా చేసినా.. విక్రయించినా.. సేవించినా.. కఠిన చర్యలు తప్పవని ఈ సందర్బంగా డీఎస్పీ రామ్మోహన్‌రెడ్డి హెచ్చరించారు. సమావేశంలో మహాముత్తారం ఎస్సై మహేందర్‌ కుమార్‌, సీసీఎస్‌ ఎస్సై భాస్కర్‌రావు, సిబ్బంది పాల్గొన్నారు. 12కిలోల 756 గ్రాముల సరుకు స్వాధీనం

కాటారం: మహాముత్తారం మండలంలోని పలు గ్రామాల్లో అక్రమ, సుంకం చెల్లించని మద్యం విక్రయిస్తున్న బెల్టు దుకాణాలపై ఎకై ్సజ్‌, ఎన్‌ఫోర్స్‌మెంట్‌, టాస్క్‌ఫోర్స్‌ అధికారులు బుధవారం సంయుక్త దాడులు నిర్వహించారు. కాటారం ఎకై ్సజ్‌ ఎస్సై కిష్టయ్య తెలిపిన వివరాల ప్రకారం.. మండల కేంద్రంతోపాటు కనుకునూరు, సింగంపల్లి, నర్సింగాపూర్‌ గ్రామాల్లో సుంకం చెల్లించని మద్యం(నాన్‌ డ్యూటీ పేయిడ్‌ లిక్కర్‌), అక్రమంగా మద్యం విక్రయిస్తున్నారనే సమాచారం మేరకు దాడులు నిర్వహించినట్లు తెలిపారు. ఎకై ్సజ్‌ డిప్యూటీ కమిషనర్‌ అంజన్‌రావు, ఎకై ్సజ్‌ సూపరింటెండెంట్‌ శ్రీనివాస్‌ ఆదేశాల మేరకు అసిస్టెంట్‌ ఎకై ్సజ్‌ సూపరింటెండెంట్‌ లింగాచారి ఆధ్వర్యంలో దాడులు చేపట్టినట్లు పేర్కొన్నారు. పలు గ్రామాల్లో బెల్టు దుకాణాల్లో తనిఖీలు నిర్వహించగా 9.375 లీటర్ల సుంకం చెల్లించని మద్యం, 21.96 లీటర్ల అక్రమంగా నిల్వ చేసిన మద్యం, 22.1 లీటర్ల బీర్లు గుర్తించి స్వాధీనపర్చుకున్నట్లు ఎకై ్సజ్‌ ఎస్సై తెలిపారు. వీటి విలువ సుమారు రూ.34,590 ఉంటుందని, ఐదుగురిపై కేసులు నమోదు చేసి ఇద్దరిని అదుపులోకి తీసుకున్నట్లు వివరించారు. ఈ దాడుల్లో ఎన్‌ఫోర్స్‌మెంట్‌ అధి కారులు రజిత, చంద్రశేఖర్‌, ఎకై ్సజ్‌, టాస్క్‌ఫోర్స్‌, ఎన్‌ఫోర్స్‌మెంట్‌ సిబ్బంది, హెడ్‌కానిస్టేబుల్‌ రాంచందర్‌, శ్రీకాంత్‌, బాలు, హరిబాబు, వెంకట్‌రాజు, కోటేష్‌, శివకుమార్‌, రమణ, వరుణ్‌, తదితరులు పాల్గొన్నారు. ఐదుగురిపై కేసు నమోదు

కొడకండ్ల: మండల కేంద్రంలోని నిరుపేద పద్మశాలి కుటుంబానికి చెందిన ప్రణీత్‌ 388 మార్కులు సాధించి రాష్ట్రస్థాయిలో 138వ ర్యాంకు సాధించారు. సోమనారాయణ–నాగలక్ష్మి మూడో కుమారుడు ప్రణీత్‌ 2019 హైదరాబాద్‌లోని సెంట్రల్‌ యూనివర్సిటీలో ఎమ్మెస్సీ పూర్తిచేసిన తర్వాత హైదరాబాద్‌లోని కోచింగ్‌ తీసుకుని గ్రూప్స్‌ పరీక్షలు రాశారు. డిసెంబర్‌లో వెలువడిన గ్రూప్‌–4 ఫలితాల్లో రాష్ట్రస్థాయిలో 58వ ర్యాంకు సాధించి ముషీరాబాద్‌ తహసీల్దార్‌ కార్యాలయంలో జూనియర్‌ అసిస్టెంట్‌గా పనిచేస్తున్నారు. గ్రూప్‌–1 పరీక్షలో 380 మార్కులు సాధించగా.. గ్రూప్‌–2 ఫలితాల్లో 388 మార్కులతో రాష్ట్రస్థాయిలో 138వ ర్యాంకు సాధించాడు.

కాటారం: కొన్ని రోజులుగా జాడ లేకుండా పోయిన పెద్దపులి ఒక్కసారిగా తన పంజా విసిరింది. కాటారం మండలంలోని జాదారావుపేట గ్రామపంచాయతీ పరిధిలో రఘుపల్లి అటవీ ప్రాంతానికి సమీపంలోని చెరువు కట్ట వద్ద మంగళవారం ఆరేళ్ల ఆవుదూడను పులి చంపేసింది. అటు వైపుగా వెళ్లిన ఓ మేకల కాపరి మృతి చెందిన ఆవుదూడను గమనించి స్థానికులకు, అటవీశాఖ అధికారులకు సమాచారం అందించారు. అటవీశాఖ అధికారులు ఘటనా స్థలానికి వెళ్లగా పులి ఆవుదూడపై దాడి చేసిన ఆనవాళ్లు ఉన్నట్లు గుర్తించారు. పులి దూడ గొంతు వద్ద గాయం చేసి రక్తం తాగి వదిలేసి వెళ్లినట్లు అఽధికారులు తెలిపారు. పులి ఇదే ప్రాంతంలో సంచరిస్తుందని పులి మూగజీవాలపై దాడిచేసి మొదటగా రక్తం తాగుతుందని.. మరుసటి రోజు చంపిన జీవిని తినడానికి వస్తుందని అధికారులు చెబుతున్నారు. పులి ఆవుదూడను చంపిన విషయం తెలియడంతో అటవీ ప్రాంతానికి సమీపంలో ఉన్న గ్రామాల ప్రజలు భయాందోళనకు గురవుతున్నారు. ఏ సమయంలో పులి ఎటు నుంచి వస్తుందో తెలియక అయోమయంతో జంకుతున్నారు. అటవీశాఖ అధికారులు పులి జాడ కోసం అన్వేషణ కొనసాగిస్తున్నారు. ప్రజలు, రైతులు, కాపర్లు అటవీ ప్రాంతంలోకి వెళ్లవద్దని కాటారం రేంజ్‌ రేంజర్‌ స్వాతి హెచ్చరించారు. అడవుల్లో ఉచ్చులు అమర్చవద్దని, పులికి హాని చేసేలా వ్యవహరించవద్దని చెప్పారు. పులికి సంబంధించిన ఆనవాళ్లు తెలిస్తే తమకు సమాచారం అందించాలని రేంజర్‌ కోరారు.

ఎస్‌ఎస్‌తాడ్వాయి: మండల పరిధిలోని దత్తత తీసుకున్న కొండపర్తి గ్రామానికి రాష్ట్ర గవర్నర్‌ జిష్ణుదేవ్‌వర్మ మంగళవారం రావడంతో గిరిజనుల్లో ఆనందం వెల్లివెరిసింది. ఆయన కూడా ఆదివాసీలతో మమేకమయ్యారు. రాష్ట్ర మంత్రి సీతక్కతో కలిసి గవర్నర్‌ కొండపర్తికి రావడంతో ఆదివాసీలు నృత్యాలు, డోలువాయిద్యాలు, మంగళహారతులతో ఘనస్వాగతం పలికారు. ముందుగా గవర్నర్‌ జిష్ణుదేవ్‌ వర్మ, మంత్రి సీతక్కతో కలిసి గ్రామంలో ఏర్పాటు చేసిన కొమురంభీం, బిర్సాముండా విగ్రహాలను ఆవిష్కరించారు. పాఠశాలలోని డిజిటల్‌ క్లాస్‌ ప్రొజెక్టర్‌, కారంపొడి, మసాలా యూనిట్లతోపాటు కుట్టు మిషన్‌ కేంద్రాలను ప్రారంభించారు. మధ్యాహ్నం 12.10 గంటలకు కొండపర్తికి వచ్చిన గవర్నర్‌ 1.40 గంటల వరకు గ్రామస్తులతో గడిపారు. అటవీ ప్రాంతంలో ఉన్న గ్రామానికి గవర్నర్‌ రావడంతో గ్రామంలో పండుగ వాతావరణం నెలకొంది. గ్రామస్తులు గవర్నర్‌ చేతుల మీదుగా బొడ్రాయి వద్ద ప్రత్యేక పూజలు చేయించారు. అనంతరం గవర్నర్‌ను మేడారం జాతర చైర్మన్‌ అరెం లచ్చుపటేల్‌, మండల అధ్యక్షుడు బొల్లు దేవేందర్‌, తాడ్వాయి మాజీ సర్పంచ్‌ ఇర్ప సునీల్‌దొర గజమాలతో సత్కరించి అభినందనలు తెలిపారు. కార్యక్రమంలో అదనపు కలెక్టర్‌ మహేందర్‌జీ, ఆర్డీఓ వెంకటేశ్‌, ట్రైబల్‌ వెల్ఫేర్‌ ఈఈ వీరభద్రం, అధికారులు పాల్గొన్నారు. గవర్నర్‌కు సన్మానం.. జిల్లా పర్యటనకు వచ్చిన గవర్నర్‌ ఆర్‌అండ్‌బీ గెస్ట్‌హౌస్‌కు చేరుకుని విశ్రాంతి తీసుకున్నారు. ఈ సందర్భంగా గవర్నర్‌కు మంత్రి సీతక్క కలెక్టర్‌ దివాకర పూలమొక్క అందించి శాలువాలతో సన్మానించి జ్ఞాపిక అందజేశారు. అమ్మవార్లకు మొక్కుల చెల్లింపు కొండపర్తికి వచ్చిన గవర్నర్‌ మంత్రి సీతక్కతో కలిసి వనదేవతలను దర్శించుకున్నారు. అమ్మవార్ల గద్దెల వద్ద ప్రత్యేక పూజలు నిర్వహించారు, గోవిందరాజు, పగిడిద్దరాజులను దర్శించుకున్నారు. గవర్నర్‌ 74 కిలోల ఎత్తు బంగారం (బెల్లం) అమ్మవార్ల మొక్కుగా సమర్పించారు. ఆయా కార్యక్రమాల్లో కలెక్టర్‌ దివాకర్‌ టీఎస్‌, ఎస్పీ డాక్టర్‌ శబరీశ్‌, రీజినల్‌ జాయింట్‌ కమిషనర్‌ రామకృష్ణారావు, డిప్యూటీ కమిషనర్‌ సంధ్యారాణి, అసిస్టెంట్‌ కమిషనర్‌ రావుల సునిత, మేడారం ఈఓ రాజేంద్రం, సూపరింటెండెంట్‌ క్రాంతికుమార్‌, సిబ్బంది ఉన్నారు. కొండపర్తిని దత్తత తీసుకోవడం గొప్ప విషయం: మంత్రి సీతక్క దట్టమైన అటవీ ప్రాంతంలోని కొండపర్తి గ్రామాన్ని గవర్నర్‌ దత్తత తీసుకోవడం గొప్ప విషయం అన్నారు. ఆ గ్రామాన్ని బయట ప్రపంచంతో సంబంధం లేకుండా అనుసంధానం చేస్తూ స్థానిక ఉత్పత్తులను అందించడం ద్వారా మహిళలు వ్యాపారవేత్తలుగా ఎదగాలన్నారు. 40 కంపెనీలు దిశ స్వచ్ఛంద సంస్థ సహకారంతో జిల్లాలోని వంద పాఠశాలలను దత్తత తీసుకున్నట్లు వివరించారు. పర్యావరణ పరిరక్షణకు పాటుపడాలి: దాన కిశోర్‌, గవర్నర్‌ కార్యాలయ ప్రధాన కార్యదర్శి కొండపర్తిని అభివృద్ధి చేసి పర్యావరణ పరిరక్షణ గ్రామంగా తీర్చిదిద్ధాలనేదే లక్ష్యమని గవర్నర్‌ కార్యాలయ ప్రధాన కార్యదర్శి దాన కిశోర్‌ అన్నారు. ప్రతీ కుటుంబానికి ఆదాయం చేకూరేలా ఐకమత్యంతో ముందుకుసాగాలని సూచించారు. మిర్చి, పసుపు, మసాలా యూనిట్లకు మార్కెటింగ్‌ పరంగా రాష్ట్రవ్యాప్తంగా సౌకర్యం కల్పిస్తామన్నారు. ఆదివాసీలతో మమేకమైన గవర్నర్‌ జిష్ణుదేవ్‌వర్మకు ఘనస్వాగతం పలు ఉపాధి యూనిట్ల ప్రారంభోత్సవం భారీ పోలీసు భద్రత నడుమ సాగిన పర్యటన

బుధవారం శ్రీ 12 శ్రీ మార్చి శ్రీ 2025గ్రూప్‌– 2 ఫలితాల్లో ఓరుగల్లు అభ్యర్థుల ప్రతిభ– 8లోuముల్కలపల్లి యువకుడు ఉపేందర్‌.. డోర్నకల్‌: గ్రూప్‌–2 ఫలితాల్లో ముల్కలపల్లికి చెందిన మేకల ఉపేందర్‌ ప్రతిభ కనబరిచారు. గ్రామానికి చెందిన మేకల రమణయ్య–రమణమ్మ దంపతుల కుమారుడు ఉపేందర్‌ ప్రస్తుతం మహబూబాబాద్‌ కలెక్టరేట్‌లో జూనియర్‌ అసిస్టెంట్‌గా విధులు నిర్వర్తిస్తూ గ్రూప్‌–2 పరీక్షలు రాశారు. మంగళవారం ప్రకటించిన ఫలితాల్లో ఉపేందర్‌ 423.119 మార్కులు సాధించి రాష్ట్రస్థాయిలో టాప్‌–10లో 9వ స్థానంలో నిలిచారు. ప్రతిభ చాటిన ఉపేందర్‌ను గ్రామస్తులు అభినందించారు. ● పలువురికి మెరుగైన ర్యాంకులు ● హర్షం వ్యక్తం చేస్తున్న జిల్లావాసులు● ఉద్యోగం చేస్తూనే పోటీ పరీక్షకు సన్నద్ధం కొందరు ఒకపక్క ఉద్యోగం చేస్తూనే ఉన్నతస్థాయికి వెళ్లాలన్న లక్ష్యాన్ని నిర్దేశించుకుని కష్టపడ్డారు. అనుకున్న లక్ష్యం సాధించారు. రాష్ట్ర ప్రభుత్వం మంగళవారం విడుదల చేసిన గ్రూప్‌–2 ఫలితాల్లో ఉమ్మడి వరంగల్‌ జిల్లాకు చెందిన పలువురు అభ్యర్థులు ర్యాంకులు సాధించారు. దీంతో వారి కుటుంబ సభ్యుల్లో ఆనందోత్సాహాలు వెల్లివిరిశాయి. ఉన్న సమయంలోనే ప్రణాళికాబద్ధంగా చదవడం, విషయాన్ని అర్థం చేసుకుని పోటీ పరీక్షలు రాయడం ద్వారా ర్యాంకులు సాధించవచ్చని ఆయా అభ్యర్థులు అంటున్నారు. – సాక్షి నెట్‌వర్క్‌భూపాలపల్లి అర్బన్‌: భూపాలపల్లి మున్సిపాలిటీ పరిధిలోని కాసింపల్లి గ్రామానికి చెందిన శనిగరపు ప్రవీణ్‌కుమార్‌ రాష్ట్రస్థాయిలో 76వ ర్యాంకు సాధించారు. నిరుపేద కుటుంబానికి చెందిన శనిగరపు రాధ–భద్రయ్య దంపతుల రెండో కుమారుడు ప్రవీణ్‌కుమార్‌. తల్లి రాధ అంగన్‌వాడీ హెల్పర్‌గా, తండ్రి భద్రయ్య సింగరేణి సంస్థలో కాంట్రాక్టు స్వీపర్‌గా పనిచేస్తున్నారు. ప్రవీణ్‌కుమార్‌ బీటెక్‌ పూర్తి చేసి 2019లో పంచాయతీ కార్యదర్శిగా ఉద్యోగం సాధించి గణపురం మండలంలోని కర్కపల్లిలో విధులు నిర్వహించారు. 2021లో వీఆర్‌ఓ ఉద్యోగం సాధించి 6 నెలలపాటు మహదేవపూర్‌ మండలంలోని అంబటిపల్లిలో పనిచేశారు. ఆ సంవత్సరంలోనే గ్రూప్‌–4 పరీక్షలో ప్రతిభ కనబరిచి హైదరాబాద్‌లోని జీఎస్టీ కార్యాలయంలో జూనియర్‌ అసిస్టెంట్‌గా ఉద్యోగం చేశారు. అదే శాఖలో సీనియర్‌ అసిస్టెంట్‌గా పదోన్నతి పొంది విధులు నిర్వర్తిస్తున్నారు. ఓవైపు ఉద్యోగం చేస్తూనే 2024 డిసెంబర్‌లో జరిగిన గ్రూప్‌–2 పరీక్ష రాసి రాష్ట్రస్థాయిలో 76వ ర్యాంకు, కాళేశ్వరం జోన్‌ స్థాయిలో మొదటి ర్యాంకు సాధించారు. మూడు శ్రీకాంత్‌ను సన్మానిస్తున్న మాజీ ప్రజాప్రతినిధులు, కుటుంబ సభ్యులుగూడూరు: మహబూబాబాద్‌ జిల్లా గూడూరు మండలం మారుమూల ఏజెన్సీ గ్రామం జంగుతండాకు చెందిన మూడు భద్రు కుమారుడు శ్రీకాంత్‌ గ్రూప్‌–2 ఫలితాల్లో ఎస్టీ కేటగిరీలో ప్రతిభ కనబరిచారు. ఎస్టీ కేటగిరీలో ప్రథమ, జోనల్‌ వైస్‌ ఓపెన్‌ కేటగిరీలో మూడో ర్యాంకు, రాష్ట్రస్థాయిలో 38వ ర్యాంకు సాధించినట్లు శ్రీకాంత్‌ తెలిపారు. గతంలో గ్రూప్‌–4 సాధించి రెవెన్యూ శాఖలో ఉద్యోగం చేస్తున్నట్లు, గ్రూప్‌–3 లో కూడా మంచి మార్కులు వచ్చినట్లు ఆయన పేర్కొన్నారు. శ్రీకాంత్‌ను మాజీ సర్పంచ్‌ అరుణమంగీలాల్‌నాయక్‌, మాజీ ఎంపీటీసీ గీతాఅమరేందర్‌రెడ్డి, తల్లిదండ్రులు, బంధువులు, గ్రామస్తులు సన్మానించారు. న్యూస్‌రీల్‌కాసింపల్లి వాసి

భూపాలపల్లి రూరల్‌: క్రీడలు మానసికంగా, శారీరకంగా ఉపయోగపడతాయని, క్రీడలలో గెలుపోటములు సహజమని అదనపు కలెక్టర్‌ విజయలక్ష్మి పేర్కొన్నారు. అంతర్జాతీయ మహిళా దినోత్సవాన్ని పురస్కరించుకొని మంగళవారం జిల్లా మహిళా సంక్షేమ శాఖ ఆధ్వర్యంలో కలెక్టరేట్‌లో మహిళలకు క్యారంతో పాటు వివిధ క్రీడలు నిర్వహించారు. ఈ కార్యక్రమానికి ముఖ్యఅతిథిగా అదనపు కలెక్టర్‌ విజయలక్ష్మి, ఇన్‌చార్జ్‌ జిల్లా సంక్షేమ శాఖ అధికారి శ్రీమతి మల్లీశ్వరి హాజరై క్రీడలను పర్యవేక్షించారు. అనంతరం మహిళలను ఉద్దేశించి మాట్లాడారు. ఈ కార్యక్రమంలో జిల్లా క్రీడల అధికారి రఘు, మహదేవ్‌పూర్‌ సీడీపీఓ రాధిక, జిల్లా మహిళా శిశు సంక్షేమ శాఖ సిబ్బంది, అంగన్‌వాడీ టీచర్లు, కలెక్టరేట్‌ సిబ్బంది పాల్గొన్నారు.నేడు సరస్వతీ పుష్కరాలపై సమీక్ష కాళేశ్వరం: మహదేవపూర్‌ మండలం కాళేశ్వరంలో మే 15నుంచి 26వరకు జరుగు సరస్వతీ పుష్కరాల నేపథ్యంలో ఽబుధవారం హైదరాబాద్‌ దేవాదాయశాఖ కార్యాలయంలో ఆశా ఖ ప్రిన్సిపల్‌ సెక్రటరీ శైలజారామయ్యర్‌తో సమీక్ష నిర్వహించనున్నారు. ఈ మేరకు కాళేశ్వరం దేవస్థానం అధికారులు, అర్చకులతో పాటు జిల్లాస్థాయి అధికారులు హైదరాబాద్‌కు తరలివెళ్లారు. రెండు రోజుల కిందట 12న బుధవారం కాళేశ్వరంలో సమీక్ష జరుగునుందని అధికారుల ద్వారా తెలిసింది. రూ.25కోట్ల నిధులు రాష్ట్రప్రభుత్వం మంజూరు చేసి పరిపాలన అనుమతులు ఇచ్చిన విషయం తెలిసిందే. పనులు కొన్ని ప్రారంభం కాగా, పనుల పురోగతిపై సమీక్షలో చర్చించనున్నారు. కనులవిందుగా కల్యాణ మహోత్సవం కాటారం: మండలంలోని ఒడిపిలవంచలో వెంకటేశ్వర స్వామి ఆలయంలో మంగళవారం శ్రీ భూనీళ సహిత వెంకటేశ్వరస్వామి కల్యాణ మహోత్సవం కనులవిందుగా సాగింది. పురోహితులు మాడుగుల నాగరాజుశర్మ స్వామి వారి కల్యాణాన్ని వేద మంత్రోచ్ఛరణల నడుమ వైభవోపేతంగా నిర్వహించారు. గ్రామస్తులు, ఆలయ నిర్వాహకులు, భక్తులు కల్యాణ తలంబ్రాలు, పట్టువస్త్రాలు సమర్పించారు. భక్తులు కల్యాణాన్ని వీక్షించి తరించారు. ఈ కార్యక్రమంలో నరివెద్ది సత్యనారాయణ, రఘువరణ్‌, గ్రామస్తులు పాల్గొన్నారు. గంజాయి పట్టివేత కాళేశ్వరం: మహదేవపూర్‌ మండలకేంద్రంలోని డిగ్రీ కాలేజీ గ్రౌండ్‌ సమీపంలోగంజాయితో తిరుగుతున్న మండలకేంద్రానికి చెందిన షేక్‌ లుక్మాన్‌ను పోలీసులు పట్టుకొని రిమాండుకు తరలించారు. మహదేవపూర్‌ ఎస్సై పవన్‌కుమార్‌ తెలిపిన వివరాల ప్రకారం..మంగళవారం పోలీసులు డిగ్రీకాలేజీ సమీపంలో పెట్రోలింగ్‌ చేస్తుండగా లుక్మాన్‌ నంబర్‌ ప్లేటు లేని నల్లని స్పెండర్‌ బైక్‌పై వస్తుండగా అనుమానం వచ్చి ఆపి తనిఖీ చేశారు. తనిఖీల్లో బైక్‌ ట్యాంక్‌ కవర్‌లో నల్లని సంచిలో ఎండిన గంజాయి లభించింది. గంజాయి 625గ్రాములు వరకు ఉంటుంది. బైక్‌, గంజాయిని స్వాదీనం చేసుకొని అతన్ని అరెస్టు చేసి రిమాండుకు తరలించినట్లు ఎస్సై వెల్లడించారు. ఈ సందర్భంగా ఎస్సై మాట్లాడుతూ యువత మత్తుపదార్థాలకు బానిస కావొద్దన్నారు. మంచిగా చదువుకోవాలని చెప్పారు. చెడు వ్యసనాలు, మత్తుకు అలవాటుపడితే చట్టరీత్యా కేసులు నమోదు చేస్తామని హెచ్చరించారు.

బచ్చన్నపేట : జనగామ జిల్లా బచ్చన్నపేట మండల కేంద్రానికి చెందిన చిమ్ముల రాజశేఖర్‌రెడ్డి గ్రూప్‌–2లో రాష్ట్రస్థాయిలో 8వ ర్యాంకు సాధించాడు. చిమ్ముల అరుణ– మల్లారెడ్డి దంపతులు గ్రామంలో వ్యవసాయం చేసుకుంటూ జీవిస్తున్నారు. వీరికి ఒక కుమారుడు, కూతురు ఉన్నారు. కూతురు ప్రస్తుతం జనగామ మండలంలో పంచాయతీ కార్యదర్శిగా పనిచేస్తున్నది. కుమారుడు చిమ్ముల రాజశేఖర్‌రెడ్డి గ్రూప్‌–2 ఫలితాల్లో 423.933 మార్కులు సాఽధించి రాష్ట్ర 8వ ర్యాంక్‌ సాధించాడు. గతంలో రాజశేఖర్‌రెడ్డి వీఆర్‌ఓ, పంచాయతీ కార్యదర్శి పదవులకు కూడా ఎంపికయ్యాడు. ఉన్నతమైన లక్ష్యంతో కష్టపడి చదివి రాష్ట్ర ర్యాంక్‌ సాధించడం పట్ల తల్లిదండ్రులు సంతోషం వ్యక్తం చేస్తున్నారు.

భూపాలపల్లి: పోలీస్‌ వ్యవస్థను ప్రజలు గౌరవించేలా సేవలు అందించేందుకు సమర్థవంతంగా పనిచేయడానికి కృషిచేయాలని ఎస్పీ కిరణ్‌ఖరే అన్నారు. జిల్లా పోలీసు కార్యాలయంలో సోమవారం నిర్వహించిన ప్రజాదివస్‌ కార్యక్రమంలో భాగంగా జిల్లాలోని వివిధ ప్రాంతాల నుంచి వచ్చిన 22మంది ఫిర్యాదుదారుల పిటిషన్‌లను ఎస్పీ స్వీకరించి ఆయా పోలీస్‌స్టేషన్‌ అధికారులతో ఫోన్‌లో మాట్లాడారు. సామాన్య ప్రజలకు పోలీసులు అండగా ఉండాలన్నారు. స్నేహభావంతో మెలుగుతూ వారి ఫిర్యాదులను స్వీకరించి సత్వర న్యాయం జరిగేలా చూడాలని ఎస్పీ ఆదేశించారు. అనుమానాస్పద వ్యక్తులు కనబడినా, శాంతి భద్రతలకు విఘాతం కలిగించే వ్యక్తులు, సంఘవ్యతిరేక శక్తుల పట్ల అప్రమత్తంగా ఉంటూ పోలీసులకు తెలపాలని ఆయన పేర్కొన్నారు.ఎస్పీ కిరణ్‌ఖరే

తూతూమంత్రంగా ప్రజావాణి● 19 దరఖాస్తుల స్వీకరణ ● గ్రీవెన్స్‌ అనంతరం మరో 26..భూపాలపల్లి అర్బన్‌: సుమారు రెండు నెలల అనంతరం సోమవారం జరిగిన ప్రజావాణిని అధికారులు కేవలం 50 నిమిషాల్లోపే పూర్తిచేశారు. బాధితులు తమ సమస్యలను విన్నవించేందుకు పది గంటలకే కలెక్టరేట్‌కు రాగా అధికారులు మాత్రం నెమ్మదిగా చేరుకున్నారు. 10:30గంటల వరకు నలుగురు అధికారులు మాత్రమే వచ్చారు. 11 గంటల వరకు అధికారులందరూ కార్యాలయానికి చేరుకున్నారు. 11 గంటల నుంచి 11:50 గంటల వరకు ఫిర్యాదులను అదనపు కలెక్టర్‌ అశోక్‌కుమార్‌ స్వీకరించారు. అనంతరం ప్రజావాణి ముగించగా జిల్లా అధికారులు వారివారి కార్యాలయాలకు తిరిగి వెళ్లారు. అనంతరం కూడా మరో 25 మంది దరఖాస్తులు రాగా కొన్ని అదనపు కలెక్టర్‌ స్వీకరించారు. మరికొందరు ఇన్‌వార్డ్‌లో ఫిర్యాదులను అందజేశారు.ఫిర్యాదుదారుడితో మాట్లాడుతున్న అదనపు కలెక్టర్‌ అశోక్‌కుమార్‌ కల్యాణలక్ష్మి రావడం లేదు.. మా అత్తమామలు చంద్రగిరి లక్ష్మి–మల్లయ్య గతేడాది కల్యాణలక్ష్మి కోసం దరఖాస్తు చేశారు. ఇప్పటివరకు కల్యాణలక్ష్మి డబ్బులు రావడం లేదు. ఇప్పటికి మూడు సార్లు కలెక్టర్‌ కార్యాలయంలోని ప్రజావాణిలో దరకాస్తు పెట్టినం. అయినప్పటికీ డబ్బులు రావడం లేదు. – బీరెల్లి మణికుమార్‌, వజినపల్లి, మహాముత్తారం సర్వే చేశారు.. బోర్లు వేయడం లేదు.. పోలారం గ్రామశివారులో దళిత కుటుంబాలకు చెందిన 20మంది రైతులం దాదాపు 50 ఎకరాల భూమిని సాగు చేసుకుంటున్నాం. ఈ భూమిలో పీఎం అజయ్‌ పథకం ద్వారా 10 బోర్లు వేసుకునేందుకు దరఖాస్తు చేసుకున్నాం. ఎస్పీ కార్పొరేషన్‌, భూగర్భ జలశాఖ వారు సర్వే చేశారు. కానీ బోర్లు మాత్రం వేయడం లేదు. అధికారులు కలెక్టర్‌ స్పందించి బోర్లు వేయించాలి. – సల్లూరి శంకర్‌, పోలారం, మహాముత్తారం ట్రాక్టర్‌ ఉందని.. ఇల్లు రాదన్నారు.. గతేడాది ఇందిరమ్మ ఇంటికోసం దరఖాస్తు చేసుకోగా మంజూరైంది. గతంలో అధికారులు సర్వే చేస్తున్న సమయంలో నాకు ట్రాక్టర్‌ లేకున్నా.. ఉన్నట్లు నమోదు చేసుకున్నారు. దీంతో ఇందిరమ్మ ఇళ్ల సర్వేకు వచ్చిన అధికారులు ట్రాక్టర్‌ ఉంది కాబట్టి ఇళ్లు రాదన్నారు. – ఆకుదారి నరేందర్‌, భూపాలపల్లి ఆస్తులున్నాయని పింఛన్‌ ఇయ్యట్లే.. 2021 సంవత్సరంలో వృద్ధాప్య పింఛన్‌ కోసం దరఖాస్తు చేసుకున్నాను. పింఛన్‌ మంజూరైందని ఏడాది తర్వాత గ్రామకార్యదర్శి ఫోన్‌చేసి చెప్పాడు. ఆ తర్వాత నెల పింఛన్‌ తీసుకునేందుకు వెళ్తే పేరును తొలగించారు. కారణం అడిగితే నీకు ఆస్తులు ఉన్నాయని అందుకే తొలగించామని చెప్పారు. నాకు ఎలాంటి ఆస్తిపాస్తులూ లేవు. – సుద్దాల సదవలి, మహబూబ్‌పల్లి, మహాముత్తారం●

పలిమెల: సర్వాయిపేటలో మిషన్‌ భగీరథ పైప్‌లైన్‌ పగిలి తాగునీటికి ప్రజలు ఇబ్బందులు పడుతున్నారని సోమవారం సాక్షిలో ప్రచురితమైన ‘తాగునీటి తండ్లాట’ కథనానికి అధికారులు స్పందించారు. ఈ మేరకు గ్రామంలో పగిలిన పైప్‌లైన్‌ వద్ద మరమ్మతులు చేపట్టారు. నీటి పంపిణీని పునరుద్ధరించినట్లు మిషన్‌ భగీరథ ఏఈ సాయిరాం తెలిపారు. ఇంటి చుట్టూ ఉచ్చుతీగలు కాటారం: మండలంలోని గూడూరులో ఓ ఇంటి చుట్ట్టూ వన్యప్రాణుల వేటకు ఉపయోగించే ఉచ్చు తీగలను పలువురు గుర్తు తెలియని దుండగులు అమర్చిన ఘటన సోమవారం చోటు చేసుకుంది. గ్రామానికి చెందిన సదాశివ్‌ కుటుంబ సభ్యులతో కలిసి ఆదివారం ఓ శుభకార్యానికి వెళ్లి రాత్రి వచ్చి ఇంట్లో నిద్రకు ఉపక్రమించారు. కుటుంబ సభ్యులు ఉదయం లేచి చూసే సరికి ఇంటి ముందు ఉచ్చు తీగ అమర్చి సమీపంలోని విద్యుత్‌ స్తంభానికి తీగలను తగిలించి ఉంది. ఆ స్తంభానికి విద్యుత్‌ సరఫరా లేకపోవడంతో పెనుప్రమాదం తప్పింది. బాధిత కుటుంబ సభ్యులు పోలీసులకు సమాచారం అందించడంతో ఎస్సై–2 శ్రీనివాస్‌ ఘటనా స్థలానికి చేరుకొని పరిశీలించారు. ఎవరైనా హత్యాయత్నానికి ప్రయత్నించారా, లేక గ్రామ శివారులో ఉండటంతో వన్యప్రాణుల వేట కోసం ఉచ్చుతీగ బిగించి ఉంటారా అని అనుమానాలు వ్యక్తమవుతున్నాయి. బాధితుల నుంచి ఫిర్యాదు అందలేదని పోలీసులు తెలిపారు. విద్యుత్‌ అధికారుల పొలంబాట రేగొండ: విద్యుత్‌ అధికారులు రైతులకు సహాయకారులుగా ఉండాలని ఎస్‌ఈ మల్సూర్‌ నాయక్‌ అన్నారు. మండలంలోని రామన్నగూడెం తండాలో సోమవారం నిర్వహించిన పొలంబాట కార్యక్రమానికి హాజరై మాట్లాడారు. ట్రాన్స్‌ఫార్మర్‌పైన ఉన్న లూస్‌ లైన్‌లను సరి చేసి పోల్‌కు పోల్‌ తగలకుండా స్పేసర్స్‌ బిగించుట వలన ప్రమాదాలను నివారించవచ్చన్నారు. రైతులు తడి చేతులతో స్టార్టర్‌ బాక్స్‌లు ముట్టుకోవద్దని సూచించారు. ఐరన్‌ స్టార్టర్‌ బాక్స్‌లకు బదులుగా ప్లాస్టిక్‌ స్టార్టర్స్‌ను వినియోగించాలన్నారు. విద్యుత్‌ అధికారులకు సమాచారం ఇవ్వకుండా ట్రాన్స్‌ఫార్మర్‌ వద్ద మరమ్మతులు చేయవద్దని చెప్పారు. ఈ కార్యక్రమంలో ఏడీఈ నాగరాజు, ఏఈ రాజు, ఏఎల్‌ఎమ్‌ రాహుల్‌, విజయ్‌కుమార్‌, రైతులు దేవేందర్‌, శ్యామరావు, సమ్మయ్య తదితరులు పాల్గొన్నారు. రామప్ప ఒగరుకాల్వకు బుంగ వెంకటాపురం(ఎం): మండల పరిధిలోని రామప్ప సరస్సు ప్రధాన కాల్వ ఒగరుకాల్వకు అదివారం రాత్రి బుంగపడింది. ప్రధాన తూము సమీపంలోనే బుంగపడి పక్కనే ఉన్న పంటపొలాల్లోకి నీరంతా చేరడంతో కొంతమేర మునిగిపోయాయి. సమాచారం తెలుసుకున్న నీటి పారుదల శాఖ ఈఈ నారాయణ, డీఈ రవీందర్‌రెడ్డి, ఏఈ జయంతిలు బుంగ పడిన ప్రదేశాన్ని సోమవారం పరిశీలించారు. ఈ క్రమంలో ఒగరుకాల్వకు నీటి సరఫరాను నిలిపివేశారు. తొందరలోనే బుంగ పడిన ప్రదేశానికి మరమ్మతులు చేపట్టి కాల్వ ద్వారా ఆయకట్టు పంట పొలా లకు సాగునీరు అందిస్తామని వెల్లడించారు.

భూపాలపల్లి అర్బన్‌: 2020 సంవత్సరానికి ముందు ఏర్పాటుచేసి నాన్‌లేఅవుట్‌కు దరఖాస్తు చేసుకొని ఉన్న ప్లాట్లకు మాత్రమే రిజిస్ట్రేషన్లు చేయనున్నట్లు భూపాలపల్లి సబ్‌ రిజిస్ట్రార్‌ రేగళ్ల రాము తెలిపారు. ఎల్‌ఆర్‌ఎస్‌పై సోమవారం ఎస్‌ఆర్‌ఓ కార్యాలయంలో సబ్‌రిజిస్ట్రార్‌ రాము టౌన్‌ప్లానింగ్‌ అధికారి సునిల్‌తో కలిసి రియల్టర్లు, ఏజెంట్లు, దస్తావేజుల లేఖరులకు అవగాహన కల్పించారు. ఈ సందర్భంగా వారు మాట్లాడుతూ.. 2020 సంవత్సరంలో ఎల్‌ఆర్‌ఎస్‌కు దరఖాస్తు చేసుకున్న వారికి ఈ నెల 31వ తేదీ వరకు రూ.25శాతం ఫీజు రాయితీ అవకాశం కల్పించినట్లు తెలిపారు. ఇప్పటివరకు ఎల్‌ఆర్‌ఎస్‌కు దరఖాస్తు చేయనివారు సేల్‌ డీడీ సమయంలో ఎల్‌ఆర్‌ఎస్‌, రిజిస్ట్రేషన్‌ చార్జీలు ఎస్‌ఆర్‌ఓ కార్యాలయంలో చెల్లించి రిజిస్ట్రేషన్‌ చేసుకోవాలని సూచించారు.

ములుగు: ఇంపాక్ట్‌ ఆఫ్‌ సాయిల్‌ ఆర్థోపోర్డ్స్‌ ఇన్‌ చిల్లీ క్రాప్‌ ఇన్‌ జాకారం విలేజ్‌ ఆఫ్‌ ములుగు డిస్ట్రిక్‌ అంశంపై చేసిన పరిశోధన రాష్ట్ర స్థాయికి ఎంపిక కాగా ఖైరతాబాద్‌లో ప్రదర్శించినట్లు ప్రభుత్వ డిగ్రీ కళాశాల ప్రిన్సిపాల్‌ కొప్పుల మల్లేశం తెలిపారు. జిజ్ఞాస స్టూడెంట్‌ స్టడీస్‌ ప్రాజెక్టు పోటీలలో జంతుశాస్త్ర విద్యార్థుల ప్రాజెక్టు రాష్ట్రస్థాయికి ఎంపికై నట్లు వివరించారు. ఈ మేరకు సోమవారం జంతుశాస్త్ర విభాగాధిపతి డాక్టర్‌ అనిల్‌కుమార్‌ ఆధ్వర్యంలో పరిశోధక విద్యార్థులు పాలెం పునీత, పల్లెపు శృతి, బైరి కావ్య, సయ్యదబీబీ, రబియాలను ప్రిన్సిపాల్‌ అభినందించారు. కార్యక్రమంలో వైస్‌ ప్రిన్సిపాల్‌ డాక్టర్‌ బాలయ్య, అకాడమీ కో ఆర్డినేటర్‌ భాస్కర్‌, న్యాక్‌ కో ఆర్డినేటర్‌ కవిత, అధ్యాపకురాలు సరిత, నాగమణి, శిరీష, రాధిక పాల్గొన్నారు.

గణపురం: మండలంలోని ఓసీ–3 ప్రాజెక్టులో నిత్యం పేలుస్తున్న బాంబులతో తమ ఇళ్లు ధ్వంసం కావడంతో పాటు తీవ్రంగా దుమ్ము ధూళి బయటకు వచ్చి తీవ్ర ఇబ్బందులకు గురువుతున్నామని పరుశరాంపల్లి గ్రామస్తులు ఆందోళనకు దిగారు. ఓసీ–3 ప్రాజెక్టుకు వెళ్లే ప్రధాన రహదారిపై సోమవారం ఉదయం నుంచే ఆందోళనకు దిగారు. ఓసీ–3 ఓపెన్‌ కాస్టు గనిలో రోజు బొగ్గు తవ్వకాలకు ఉపయోగిస్తున్న భారీ బాంబులతో తమ ఇండ్లు పగుళ్లు పట్టడంతో పాటు గని నుంచి పెద్దఎత్తున దుమ్ము ఇండ్లలోకి చేరుకుంటుందని ఆరోపించారు. సింగరేణి అధికారులు వెంటనే తమ గ్రామాన్ని నిర్వాసిత గ్రామంగా ప్రకటించి నష్ట పరిహారం చెల్లించాలని డిమాండ్‌ చేశారు. లేకపోతే పనులు అడ్డుకుంటామని హెచ్చరించారు. గ్రామస్తుల ఆందోళనతో పెద్దఎత్తున గనిలోకి వెళ్లి వచ్చే బొగ్గు లారీలు రోడ్డుపై నిలిచిపోయాయి. విషయం తెలుసుకున్న సింగరేణి అధికారులు, పోలీసులు ఆందోళన వద్దకు చేరుకొని గ్రామస్తులతో మాట్లాడే ప్రయత్నం చేశారు. కానీ తమకు ఖచ్చితమైన హామీ ఇస్తే తప్ప ఆందోళన విరమించమని భీష్మించుకొని కూర్చున్నారు. దీంతో సింగరేణి భూపాలపల్లి ఏరియా జీఎం రాజేశ్వర్‌రెడ్డి ఆందోళన వద్దకు వచ్చి తమకు లిఖిత పూర్వకంగా రాసిస్తే సీఎండీ దృష్టికి తీసుకెళ్లి సమస్యల పరిష్కారానికి కృషి చేస్తానని హామీ ఇవ్వడంతో ఆందోళనను విరమించారు. ఆందోళనకు దిగిన సమీప గ్రామాల ప్రజలు సీఎండీ దృష్టికి తీసుకెళ్లి పరిష్కరిస్తానని జీఎం హామీ

కాటారం: చిన్న కాళేశ్వరం ప్రాజెక్ట్‌లో భాగంగా గారెపల్లిలో నిర్మించనున్న పైప్‌లైన్‌ కోసం భూ సేకరణపై సోమవారం మండల కేంద్రంలోని రైతువేదికలో ప్రత్యేక గ్రామసభ నిర్వహించారు. ప్రాథమిక నోటిఫికేషన్‌ ప్రకారం గారెపల్లిలో సేకరించనున్న 4.38 గుంటల భూమికి సంబంధించిన రైతుల వివరాలు గ్రామసభలో చదివి వినిపించారు. రైతుల నుంచి అభిప్రాయాలు సేకరించారు. ఎక్కువ భూమి కోల్పోతున్నప్పటికీ అధికారులు రికార్డుల్లో తక్కువ భూమి నమోదు చేశారని కాటారం సబ్‌ కలెక్టర్‌, భూ సేకరణ విభాగం స్పెషల్‌ డిప్యూటీ కలెక్టర్‌ మయాంక్‌సింగ్‌ దృష్టికి నిర్వాసిత రైతులు తీసుకొచ్చారు. గతంలో నిర్ణయించిన భూమి కంటే ఎక్కువగా ఎందుకు సేకరించాల్సి వస్తుందని, గతంలో భూమి కోల్పోయిన రైతులకు ఇప్పటివరకు పరిహారం అందలేదని అధికారులను నిలదీశారు. గతంలో సర్వే చేసిన దానికంటే రీఅలైన్‌మెంట్‌ ఎక్కువ ఎందుకు చేయాల్సి వస్తుందని ప్రశ్నించారు. నష్టపరిహారంతో పాటు ఉపాధి కల్పించాలని రైతులు కోరారు. నిర్వాసిత రైతులకు న్యాయం జరిగేలా చూస్తామని సబ్‌ కలెక్టర్‌ రైతులకు తెలిపారు. ఈ కార్యక్రమంలో తహసీల్దార్‌ నాగరాజు, ఆర్‌ఐ వెంకన్న, భూ సేకరణ విభాగం, అధికారులు, సిబ్బంది పాల్గొన్నారు.

బ్యాటరీ సైకిల్‌ కావాలి.. ఈ ఫొటోలో కనిపిస్తున్న దివ్యాంగుడి పేరు పూల్యాల చంద్రలింగం. మొగుళ్లపల్లి మండలం పిడిసిల్ల గ్రామం. షుగర్‌ వ్యాధితో మూడేళ్ల క్రితం ఎడమ కాలును తొలగించారు. అతనికి సదరం సర్టిఫికెట్‌ వచ్చినప్పటికీ దివ్యాంగుల పింఛన్‌ రాకుండా రూ.2వేల వృద్ధాప్య పింఛన్‌ మాత్రమే వస్తుంది. తనకు బ్యాటరీ సైకిల్‌ ఇవ్వాలని ప్రజావాణిలో దరఖాస్తు చేసుకున్నాడు. బ్యాటరీ సైకిల్‌ ఇస్తే కూరగాయల వ్యాపారం చేసుకుంటానని వేడుకున్నాడు. పని చేయకపోవడంతో భర్యాభర్తలం బతకడం ఇబ్బందికరంగా మారిందని అధికారులకు మొరపెట్టుకున్నాడు.