హుబ్లీ: బిడ్డకు తల్లి పాలను మించిన ఆహారం మరొకటి ఉండదు, తల్లిపాలు ఆహారమే కాదు ఔషధం కూడా. బిడ్డలో వ్యాధి నిరోధకశక్తి పెరుగుతుంది. అంత గొప్ప విశిష్టత కలిగిన తల్లి పాలకు కొందరు దూరమవల్సి వస్తోంది. ఈ పరిస్థితి నుంచి గట్టెక్కించేందుకు హుబ్లీలోని కిమ్స్‌ ఆస్పత్రిలో తల్లి పాల బ్యాంకు ఏర్పాటైంది. రక్తదానం మాదిరిగా అమ్మ పాలను దానంగా స్వీకరించి నిల్వ చేసేందుకు కిమ్స్‌లో మిల్స్‌ బ్యాంకు సిద్ధమైంది. 15 రోజుల క్రితం కిమ్స్‌లో ప్రారంభించిన జీవాంమృత హుమన్‌ మిల్క్‌ బ్యాంకుకు మాతృమూర్తుల నుంచి మంచి స్పందని లభిస్తోంది. కేవలం రెండు వారాలలోనే 60కు పైగా తల్లులు పాలు ఇచ్చారు. సుమారు 3500 ఎంఎల్‌ పాలు సేకరణ అయింది. ఆ పాలును వంద మంది పిసిపాపలకు అందించారు. కిమ్స్‌లో అత్యాధునిక సాంకేతిక పరిజ్ఞానం : కిమ్స్‌లో ఏర్పాటు చేసిన హుమన్‌ మిల్క్‌ బ్యాంక్‌ కోసం సంస్థ అత్యాధునిక సాంకేతిక పరిజ్ఞానం వినియోగిస్తున్నారు. ఇందుకోసం నిపుణులైన వైద్య సిబ్బంది ఉన్నారు. సేకరించిన తల్లి పాలను గది ఉష్ణోగ్రత, లేక రెఫ్రిజరేటర్‌లో 4.8 డిగ్రీల మధ్య 24 గంటల పాటు నిల్వ చేస్తారు. మైనస్‌ 20 డిగ్రీల సెల్సియస్‌లో సంస్కరించినప్పుడు మూడు నెలల వరకు నాణ్యతతో ఉంటాయి. దాత ఇచ్చిన పాలను తేదీ, సమయం నమోదు చేసి వాటిని 24 గంటల లోపు డీప్‌ ఫ్రిజర్‌ విభాగంలో నిల్వ చేస్తామని సదరు విభాగం నిర్వాహకురాలు సుజాత తెలిపారు. బిడ్డ పుట్టిన ఆరు నెలల ఆరోగ్యవంతమైన బాలింత దానం ఇచ్చే పాలను కొన్ని పరీక్షలు జరిపి అనంతరం నిలువ చేస్తారు. ఎక్కువ పాలు కలిగిన తల్లులు ఇక్కడికి వచ్చి దానం చేస్తారు. ఈ మహా కార్యానికి మూలమైన తల్లులకు కిమ్స్‌ శిశు విభాగం ముఖ్య అధికారి వినోద్‌ రటగేరి కృతజ్ఞతలు తెలిపారు. కిమ్స్‌లో మదర్‌ మిల్క్‌ బ్యాంకు రెండు వారాల్లోని 3500 ఎంఎల్‌ పాలు సేకరణ చనుబాలకు దూరమయ్యే బిడ్డలకు సాంత్వన

శ్రీనివాసపురం: తాలూకాలోని గట్టహళ్లి గ్రామ ఆంజనేయ స్వామి బ్రహ్మ రథోత్సవం వైభవంగా నిర్వహించారు. పెద్ద సంఖ్యలో భక్తులు వేడుకలో పాల్గొన్నారు. అంతకుముందు ఆలయంలో స్వామి వారికి ప్రత్యేక పూజా కార్యక్రమాలను నిర్వహించారు. అనంతరం సర్వాంగ సుందరంగా అలంకరించిన రథంలో స్వామి వారి ఉత్సవ మూర్తిని ప్రతిష్టించి సాంప్రదాయ బద్దంగా బ్రహ్మ రథోత్సవం నిర్వహించారు. రథోత్సవంలో బెంగుళూరు రామకృష్ణ మఠం తద్యుక్తానందజీ మహరాజ్‌ తదితరులు పాల్గొన్నారు. కోల్కత్తా బేలూరు మఠం విశేషానంద స్వామీజీ, గట్టహళ్లి అంజప్పస్వామి ఆశ్రమం బిసి సోమశేఖరస్వామీజీ తదితరులు పాల్గొన్నారు.

కోలారు: అనుమానాస్పదంగా తిరుగుతున్న ఇద్దరిని అదుపులోకి తీసుకున్న కోలారు నగర పోలీసులు వారి వద్ద నుంచి రూ. 96 వేలు విలువ చేసే తామ్ర, ఇత్తడిని సామాగ్రి, టీవీఎస్‌ మోపెడ్‌ వాహనాన్ని స్వాధీనం చేసుకున్నారు. నిందితులు తాలూకాలోని బడమాకనహళ్లి గ్రామంలో ద్విచక్రవాహనాన్ని దొంగిలించుకుని తాలూకాలోని ఐ సంద్ర మిట్టూరు గ్రామంలోని చౌడేశ్వరి ఆలయంలో విలువైన తామ్ర, ఇత్తడి సామాగ్రిని దొంగిలించుకుని వస్తున్న సమయంలో పోలీసులు పట్టుకుని చోరీ సొత్తును స్వాధీనం చేసుకున్నారు. నిందితులను జ్యూడిషియల్‌ కస్టడీకి తరలించారు.

రాయచూరు రూరల్‌: నగరంలోకి భారీ వాహనాల ప్రవేశానికి సమయం కేటాయిస్తామని అదనపు ఎస్పీ శివకుమార్‌ తెలిపారు. ఆదివారం సదర్‌ బజార్‌ పోలీస్‌ స్టేషన్‌లో ఏర్పాటు చేసిన ఎస్టీ, ఎస్సీ శాంతి సమావేశంలో ఆయన మాట్లాడారు. రహదారుల నియమాలు ప్రతి ఒక్కరూ పాటించాలని, రింగ్‌ రోడ్డు రహదారి లేకపోవడం, రహదారులు చిన్నవిగా ఉండటంతో వీఐపీల భద్రత, వాహనాల రాకపోకలకు ఇబ్బందులు గమనించి రాత్రి 10 గంటల నుంచి తెల్లవారుజామున 4 గంటల వారకు భారీ వాహనాలకు అనుమతి ఉంటుందని చెప్పారు. సమావేశంలో డీఎస్పీ సత్యనారాయణ, సీఐలు ఉమేశ్‌, నాగరాజు, ఎస్‌ఐలు సంతోశ్‌, చంద్రప్ప, శ్రీనివాస్‌, అనిత పాల్గొన్నారు. జోరుగా అడ్మిషన్లు రాయచూరు రూరల్‌: శనివారం నుండి మూడు రోజుల పాటు రాయచూరు వ్యవసాయ విశ్వ విద్యాలయంలో విద్యార్థులకు ప్రవేశ ప్రక్రియలు ప్రారంభమైంది. బీఎస్పీ అగ్రి, ఇంజినీరింగ్‌ తదితర కోర్సుల ప్రవేశానికి వందలాది మంది విద్యార్థులు హాజరయ్యారు. గెలుపోటములను సమానంగా స్వీకరించాలిరాయచూరు రూరల్‌: క్రీడల్లో గెలుపు ఓటములను సమానంగా స్వీకరించాలని మాజీ శాసన సభ్యుడు పాపారెడ్డి పిలుపునిచ్చారు. ముంగారు, మూన్నూరు కాపు సమాజం ఆధ్వర్యంలో ఏర్పాటు చేసిన క్రీడా పోటీలను ప్రారంభించి మాట్లాడారు. పోటీలలో 40 టీంలు పాల్గొంటున్నాయి. ప్రతి ఏడాది మాదిరిగానే ఈ ఏడాది ముంగారు మూన్నూరు ఏరువాక సాంస్కృతిక ఉత్సవాలను నిర్వహించడం జరుగుతుందన్నారు. ఠాగూర్‌ విద్యా సంస్థ అధ్యక్షుడు అమరేష, తిమ్మారెడ్డి, శ్రీనివాసరెడ్డి, రాఘవేంద్ర, మహేంద్ర రెడ్డి, మునిరెడ్డి, వీరేష్‌ రెడ్డి, ప్రవీణ్‌ రెడ్డి, వినోద్‌ తదితరులు పాల్గొన్నారు. చురుగ్గా వ్యవసాయ పనులుహొసపేటె: వర్షాలు జోరందుకోవడంతో విజయనగర జిల్లాలోని వివిధ గ్రామీణ ప్రాంతాల్లో రైతులు పొలం పనుల్లో నిమగ్నమయ్యారు. గత ఏడాది ఆశించిన వర్షాలు లేకపోవడంతో అన్నదాతలు తీవ్రంగా నష్టపోయారు. తాజాగా వర్షాలు కురస్తుండటంతో ఉత్సాహంగా పొలం పనుల్లో నిమగ్నమవుతున్నారు. గతవారం నుంచి హొసపేటె, కూడ్లిగి, హగరి బొమ్మనహళ్లి, హడగలి, కొట్టూరు తాలూకాల్లో వర్షాలు కురవడంతో దుక్కులు దున్ని విత్తన ప్రక్రియ చేపట్టారు. సిద్ధేశ్వర ఆలయంలో ప్రత్యేక పూజలు రొళ్ల: మండల పరిధిలోని టీడీ పల్లి గ్రామ సమీపాన అటవీవీ ప్రాంతంలో వెలసిన సిద్ధేశ్వర స్వామి ఆలయంలో ఆదివారం ఘనంగా ప్రత్యేక పూజలు నిర్వహించారు. చుట్టు పక్కల గ్రామాల నుంచి భక్తులు పెద్ద సంఖ్యలో తరలివచ్చారు. అర్చకుడు మూలవిరాట్‌కు గంగా జలంలో శుద్ధి చేసి అభిషేకించారు. అనంతరం వెండి ఆభరణాలు, పూలతో అలంకరించి విశేష పూజలు చేశారు. భక్తులు స్వామివారికి నైవేద్యం సమర్పించారు. యువకుడిపై ఫిర్యాదు హుబ్లీ: మహిళను పదేపదే వెంబడిస్తున్న ఓ వ్యక్తిపై స్థానిక నవనగర పోలీసులు కేసు నమోదు చేశారు. పోలీసుల కథనం మేరకు...ఉత్తరప్రదేశ్‌కు చెందిన స్థానిక ఉనకల్‌ నివాసి రామజాన యాదవ్‌పై మహిళ ఫిర్యాదు చేసింది. బైరదేవరకొప్ప దర్గా బస్టాండ్‌ వద్ద ఉండగా అసభ్యకరంగా మాట్లాడుతూ వెంబడించాడని బాధితురాలు ఫిర్యాదులో పేర్కొన్నారు.

శ్రీనివాసపురం: తాలూకాలోని శేషాపుర గ్రామంలో పలువురు రాజకాలువను ఆక్రమించుకుని తమ భూముల వద్దకు వెళ్లడానికి ఇబ్బంది పెడుతున్నారని గ్రామస్తులు ఆరోపించారు. కాలువను ఆక్రమించుకుని కంచె వేయడం వల్ల తదనంతరం వచ్చే తమ తోటల వద్దకు వెళ్లడానికి ఇబ్బంది కలుగుతోందని గ్రామస్తులు అశ్వర్థప్ప, రామప్ప, వెంకటేషప్ప, యల్లప్ప, నారాయణస్వామి, చలపతి, పార్వతమ్మ, జ్యోతమ్మ ఆరోపిస్తున్నారు. సంవత్సరాలుగా రాజకాలువ గట్టు మార్గంగానే తమ తోటల వద్దకు వెళుతున్నామని ప్రస్తుతం ఈ కాలువను ఆక్రమించుకుని కంచె వేయడం వల్ల తమ తోటలకు వెళ్లడానికి సాధ్యం కావడం లేదన్నారు. అధికారులు జోక్యం చేసుకుని రాజకాలువ ఆక్రమణ తొలగించి తమ తోటల వద్దకు వెళ్లడానికి అనుకూలం చేయాలని గ్రామస్తులు కోరుతున్నారు.