బాలయ్య సినిమాతో తెలుగు ప్రేక్షకుల్లో గుర్తింపు తెచ్చుకున్న హీరోయిన్ హనీ రోజ్. ఈ కేరళ కుట్టి ముద్దుగుమ్మ మలయాళంలో '14 వయదిల్‌ బాయ్‌ఫ్రెండ్‌' అనే చిత్రం ద్వారా 2004లో హీరోయిన్‌గా పరిచయమైంది. ఆ తర్వాత కోలీవుడ్‌లో మొదలు కనవే, సింగం పులి, మల్లు కట్టు, గాంధర్వన్‌ లాంటి చిత్రాల్లో హీరోయిన్‌గా నటించింది. గతేడాది బాలకృష్ణ సరసన వీరసింహారెడ్డి చిత్రంలో నటించి తెలుగు ప్రేక్షకులను అలరించింది.  ఇటీవల డిఫరెంట్‌ లుక్‌లో కనిపిస్తూ అభిమానులను ఆశ్చర్యానికి గురి చేస్తోంది. అప్పుడప్పుడు ఈవెంట్లలో సందడి చేసే కేరళ భామ గతంలోనూ డిఫరెంట్‌ లుక్స్‌లో కనిపించింది. తాజాగా ఓ జిమ్‌లో ఎక్సర్‌సైజ్‌ చేస్తోన్న వీడియో సామాజిక మాధ్యమాల్లో తెగ వైరలవుతోంది. డంబెల్‌తో కసరత్తులు చేస్తూ సందడి చేసింది. ఈ వీడియో కాస్తా నెట్టింట వైరల్ కావడంతో నెటిజన్స్ క్రేజీ కామెంట్స్ చేస్తున్నారు. హనీ రోజ్ న్యూ లుక్ చూశారా అంటూ పోస్టులు పెడుతున్నారు. గతంలో ఇలాగే స్టన్నింగ్ లుక్‌లో కనిపించి ఫ్యాన్స్‌కు షాకిచ్చిన మలయాళీ భామ.. మరోసారి అదిరిపోయే ట్వీట్ ఇచ్చింది. ఈ సారి ఏకంగా జిమ్‌ డ్రెస్‌లో స్టేజీపై అదరగొట్టేసింది.   Clicks 📸 pic.twitter.com/n0o6Mofw94 — Honey Rose (@HoneyRoseNET) January 23, 2024 Any fitness tips? 😋 pic.twitter.com/vkRHgg2NUR — Honey Rose (@HoneyRoseNET) January 23, 2024 💪🚶‍♀️ pic.twitter.com/uW9oEnyWA9 — Honey Rose (@HoneyRoseNET) January 22, 2024

మన దేశ ఫస్ట్‌ అండర్‌వాటర్‌ డ్యాన్సర్‌ జయదీప్‌ గోహిల్‌ సోషల్‌ మీడియాలో పోస్ట్‌ చేసిన స్టన్నింగ్‌ డ్యాన్స్‌ వీడియో సోషల్‌ మీడియాలో వైరల్‌ అయింది. మైకేల్‌ జాక్సన్‌ ఫేమస్‌ ‘మూన్‌వాక్‌’ స్టెప్పులు నీటి గర్భంలో వేసి తన పెర్‌ఫార్మెన్స్‌తో నెటిజనులు ‘ఔరా’ అనుకునేలా చేశాడు. ‘ది ఇన్వెంటర్‌’ కాప్షన్‌తో పోస్ట్‌ చేసిన ఈ వీడియో 3.6 మిలియన్‌ల వ్యూస్‌ను దక్కించుకుంది. ‘వీఎఫ్‌ఎక్స్‌’ ఉపయోగించి సృష్టించిన వీడియో ఇది అని కొందరు యూజర్‌లు మొదట భ్రమ పడి, ఆ తరువాత నిజం తెలుసుకొని అబ్బురపడ్డారు.

కిరిక్ పార్టీ సినిమా ద్వారా కన్నడ సినీ పరిశ్రమకు పరిచయమైన ముద్దుగుమ్మ సంయుక్తా హెగ్డే. ప్రస్తుతం షూటింగ్‌లతో విదేశీల్లో బిజీగా ఉంది. సినిమాలే కాకుండా సంయుక్త కన్నడ, హిందీ రియాల్టీ షోలలో పాల్గొని మంచి పేరు తెచ్చుకుంది. అంతే కాకుండా ఈ భామ ఫిట్‌నెస్‌పై కూడా ఎక్కువ శ్రద్ధ చూపుతోంది. ఎప్పటికప్పుడు వర్కవుట్స్ చేస్తూ సోషల్ మీడియాలోనూ షేర్ చేస్తూ ఉంటోంది. ఇటీవల సంయుక్తా హెగ్డే సినిమాల కంటే వ్యక్తిగత సమస్యలతోనే ఎక్కువగా వార్తల్లో నిలుస్తోంది. తాజాగా సోషల్ మీడియాలో సంయుక్తి షేర్ చేసిన వీడియో తెగ వైరలవుతోంది. దీనిపై ఆమెను కొందరు ప్రశంసిస్తుండగా.. మరికొందరేమో తప్పుబడుతున్నారు. సంయుక్త లుక్ చూసి నెటిజన్స్ ఆశ్చర్యం వ్యక్తం చేస్తున్నారు. ఇంతకీ ఆ వీడియోలో ఏముందో తెలుసుకుందాం. (ఇది చదవండి: ఆమె జీవితమంతా కష్టాలు, కన్నీళ్లే.. కానీ ఇప్పుడామె స్టార్ హీరోయిన్!) ఇన్‌స్టాలో వీడియో షేర్ చేసిన ముద్దుగుమ్మ.. 'మీ శరీరం మీ ఆస్తి. మనం ఎలాంటి సామాజిక నిబంధనలు పాటించాల్సిన అవసరం లేదు. మహిళలు దృఢంగా, స్వతంత్రంగా, ఆత్మవిశ్వాసంతో ఉండాలి. బలమనేది పురుషులు లేదా స్త్రీలకు సంబంధించింది కాదు. బలం, విశ్వాసం మీ శక్తిని పెంచుకోవడానికి ప్రతిరూపం' అంటూ అర్ధనగ్నంగా ఉన్న వీడియోను పోస్ట్ చేసింది. ప్రస్తుతం ఈ వీడియో సోషల్ మీడియాలో తెగ వైరలవుతుండగా.. దీనిపై నెటిజన్స్ భిన్నంగా స్పందిస్తున్నారు.  మీరు ఇతర మహిళలకు స్ఫూర్తి అని కొందరు వ్యాఖ్యానించగా.. మరికొందరు ఒక మహిళగా మీ శరీరాన్ని ఇలా ప్రదర్శించాల్సిన అవసరం లేదని సూచిస్తున్నారు. ఫేమ్ కోసం మీరు చేస్తున్న జిమ్మిక్కు అంటూ కామెంట్ చేస్తున్నారు.  తరచుగా  వివాదాలే బిగ్ బాస్ సీజన్ 5లో వైల్డ్ కార్డ్ ఎంట్రీ ద్వారా కంటెస్టెంట్‌గా వచ్చిన సంయుక్త హెగ్డే తన కంటెస్టెంట్ సమీర్‌ను చెంపపై కొట్టడంతో వార్తల్లో నిలిచింది. అప్పట్లో సంయుక్త ప్రవర్తనను అందరూ వ్యతిరేకించారు. తరువాత 2020లో.. బెంగళూరులోని ఒక పార్క్‌లో సంయుక్త తన స్నేహితులతో కలిసి హులా హూప్స్ ప్రాక్టీస్ చేస్తున్నప్పుడు.. ఆమె దుస్తులపై అభ్యంతరం వ్యక్తం చేసిన మహిళతో గొడవ పడ్డారు. అలాగే, గతేడాది కాంపౌండ్ పూల్ దగ్గర బ్లూ మైక్రో బికినీలో కనిపించి వార్తల్లో నిలిచింది. కాగా.. కర్ణాటకకు చెందిన సంయుక్త హెగ్డే రిషబ్ శెట్టి దర్శకత్వం వహించిన కిరిక్ పార్టీ సినిమా ద్వారా చిత్ర పరిశ్రమలోకి అడుగుపెట్టింది. ఆ తర్వాత సంయుక్త కోలేజ్ కుమార్ సినిమాలో నటించింది. ఆ తర్వాత తెలుగులో కిరాక్ పార్టీ ద్వారా అడుగు పెట్టారు. తెలుగు, తమిళ సినిమాల్లో బిజీగా ఉన్న సంయుక్త హెగ్డే చాలా ఏళ్ల తర్వాత రానా సినిమాతో మళ్లీ కన్నడలోకి  రీ ఎంట్రీ ఇచ్చింది. ఇటీవల విడుదలైన అర్జెంట్ ఎగ్జిట్ సినిమాలో నటించింది. ప్రస్తుతం ఆమె నటిస్తున్న క్రీమ్ చిత్రం త్వరలో ప్రేక్షకుల ముందుకు రానుంది. View this post on Instagram A post shared by Samyuktha Hegde (@samyuktha_hegde) (ఇది చదవండి: ఈ వారం కొత్త సినిమాల సందడి.. ఓటీటీలోనే ఎక్కువ!)

తమిళసినిమా: రన్‌ చిత్రంతో కోలీవుడ్‌కు దిగుమతి అయిన మలయాళీ బ్యూటీ మీరా జాస్మిన్‌. ఈ చిత్ర విజయం ఇక్కడ ఈమె స్థానాన్ని పదిలం చేసిందనే చెప్పాలి. అలాగే విశాల్‌కు జంటగా నటించిన సండైకోళి చిత్రం మీరా జాస్మిన్‌ స్థాయిని మరింత పెంచింది. ఆ చిత్రంలో అందరినీ ఆటపట్టించే అల్లరి పిల్లగా ఆమె నటన ఆకట్టుకుంది. అలా మణిరత్నం దర్శకత్వంలో ఆయుధ ఎళుత్తు చిత్రంతో స్టార్‌ ఇమేజ్‌ను తెచ్చుకుంది. ఈమె తెలుగులో పలు చిత్రాల్లో నటించి బహుభాషా నటిగా పేరు తెచ్చుకుంది. అయితే గ్లామర్‌కు దూరంగా పక్కింటి అమ్మాయి ఇమేజ్‌ను సొంతం చేసుకున్న మీరాజాస్మిన్‌ వ్యక్తిగతంగా పలు సమస్యలను ఎదుర్కొంది. ముఖ్యంగా వైవాహిక జీవితంలో పలు ఒడిదుడుకులను చవి చూడాల్సి వచ్చింది. ఆ ప్రభావం తన నట జీవితంపైనా పడింది. అలా సక్సెస్‌ఫుల్‌ నటిగా కొనసాగిన మీరా జాస్మిన్‌ అనూహ్యంగా నటనకు దూరమైంది. ఈమె తమిళంలో నటించిన చివరి చిత్రం విజ్ఞాని. కాగా చాలా గ్యాప్‌ తరువాత మీరాజాస్మిన్‌ మళ్లీ నటించడానికి సిద్ధమైంది. అలా మలయాళం అడపాదడపా అవకాశాలను రాబట్టుకుంటోంది. మలయాళం జయరాంకు జంటగా నటించిన మక్కల్‌ అనే చిత్రం గత ఏప్రిల్‌ నెలలో విడుదలైంది. కాగా మరిన్ని అవకాశాలను ఇతర భాషల్లోనూ రాబట్టుకోవడానికి ముమ్మరంగా ప్రయత్నిస్తున్నట్లు తెలుస్తోంది. అందుకు గ్లామర్‌ బాట పట్టింది. ఇప్పుడీ అమ్మడి వయసు 40 ఏళ్లు. అయినా 20 ఏళ్ల యువతిలా ఈ తరం హీరోయిన్లకు తగ్గేదేలా అన్నట్లు స్పెషల్‌ ఫొటో షూట్‌తో గ్లామరస్‌ పొటోలను సామాజిక మాధ్యమాల్లో పోస్ట్‌ చేస్తోంది. ఆ ఫొటోలు ఇప్పుడు నెట్టింట్లో వైరల్‌ అవుతున్నాయి. అయితే అవి ఆమెకు ఎంతవరకు కథానాయకి అవకాశాలు తెచ్చి పెడుతాయన్నది వేచి చూడాల్సిందే.

సాక్షి, ముంచంగిపుట్టు: పరవళ్లు తొక్కుతున్న నదీ జలాలు.. వాగులు, సెలయేర్లు.. కొండలు, కోనలు.. ఇలా ఒకటేమిటి ప్రతిదీ మన్యంలో అద్భుత దృశ్యంగా పర్యాటకుల మనసు దోచుకుంటున్నాయి. ప్రస్తుతం కురుస్తున్న వర్షాలకు ఆంధ్ర–ఒడిశా సరిహద్దులో జలపాతాలు హొయలొలుకుతున్నాయి. తొలకరి వర్షాలతో కొండ ప్రాంతాల నుంచి వరద నీరు పోటెత్తడంతో జలపాతాల నీటి ఉధృతికి తోడై మరింత కనువిందు చేస్తున్నాయి.  చిన్న జలపాతాలు సైతం ఎంతో అద్భుతంగా కనిపిస్తూ ప్రకృతి ప్రేమికులను మంత్రముగ్ధుల్ని చేస్తున్నాయి. ఆంధ్ర–ఒడిశా సరిహద్దులో డుడుమ జలపాతం 2,700 అడుగుల పైనుంచి మంచు తెరల మధ్య జాలు వారుతూ ఆహ్లాద పరుస్తోంది. ముంచంగిపుట్టు మండలం కుమడ పంచాయతీ జడిగూడ జలపాతం సైతం విశేషంగా ఆకట్టుకుంటోంది.  ముంచంగిపుట్టు, పెదబయలు మండలాల సరిహద్దులో తారాబు జలపాతం నింగికి ఎగసి పడుతున్నట్లు కనిపిస్తోంది. బరడ పంచాయతీ హంశబంద, జర్జుల పంచాయతీ బురదగుంట జలపాతాలు పరవళ్లు తొక్కుతున్నాయి. వీటిని చూసేందుకు ఆంధ్ర, ఒడిశా సరిహద్దులతోపాటు విశాఖపట్నం, విజయనగరం, శ్రీకాకుళం, అనకాపల్లి ప్రాంతాల నుంచి అధిక సంఖ్యలో పర్యాటకులు వచ్చి విశేష అనుభూతిని పొందుతున్నారు. అక్కడ చుట్టు పక్కల వంటలు చేస్తూ పాటలు పాడుతూ డ్యాన్సులు చేస్తూ, సెల్ఫీలు, ఫొటోలు తీసుకుంటూ సందడి చేస్తున్నారు.   పాల కడలి స్నోయగాలు మేఘాల కొండగా విశ్వవ్యాప్తి పొందిన పాడేరు మండలం వంజంగి హిల్స్‌ పొగమంచు, మేఘాలతో గురువారం ఉదయం పాలసముద్రంలా దర్శనమిచ్చింది. వేకువజాము నుంచి ఉదయం 10గంటల వరకు కొండల నిండా మంచు పరుచుకుంది. ఇక్కడి ప్రకృతి అందాలు పర్యాటకులను అబ్బురపరిచాయి. పలు ప్రాంతాల నుంచి వచ్చిన  పర్యాటకులు  ప్రకృతి అందాలను వీక్షించి పరవశించారు.                 – సాక్షి, పాడేరు  

సాక్షి, హైదరాబాద్‌:  బొద్దుముద్దుగా తెలుగు, తమిళ సినిమాలతో ఆకట్టుకున్న నటి, రాజకీయ నాయకురాలు ఖుష్బు సుందర్ కొత్త అవతారంతో ఫ్యాన్స్‌ను సర్‌ప్రైజ్‌ చేసింది. ఐదుపదుల వయసులో 30 ఏళ్ల స్టన్నింగ్‌ బ్యూటీగా అదరగొట్టడంతో దాదాపు ఎవరూ గుర్తు పట్టలేక పోయారు.  స్లిమ్‌గా, ఫిట్‌గా ఉండేందుకు ఇటీవల భారీ కసరత్తులు మొదలు పెట్టిన ఆమె రీసెంట్ ఫోటో షూట్‌తో ఆశ్చర్యంలో ముంచెత్తేసింది.  10 నెలల్లో దాదాపు 12 కిలోల బరువు తగ్గి స్టన్నింగ్ మేకోవర్‌తో  ఔరా అనిపించారు.  అంతేకాదు ఈ సందర్బంగా నెటిజన్‌  కొంటె ప్రశ్నకు ఆమె ఇచ్చిన ఫన్నీ రిప్లై కూడా వైరల్‌ అయింది.  చదవండి :  అలా నటిద్దామనుకున్నాడు.. కనీసం మంచం కూడా దిగ‌లేక పాట్లు! ‘‘హార్డ్ వర్క్ ఫలితాలు ఇచ్చినప్పుడు, సంతోషాన్ని వివరించలేము" అంటూ నటి ఖుష్బూ ట్రెండీ డ్రెస్‌లో తన లేటెస్ట్‌ గ్లామర్‌ ఫోటోలను షేర్‌ చేసింది. ఈ ఫొటోలు  వైరల్‌ అయ్యాయి. అయితే ఆమె గ్లామర్‌కు ఫిదా అయిన నెటిజన్‌ ఒకరు..మిమ్మల్ని పెళ్లి చేసుకోవాలని ఉంది అని ప్రపోజ్‌ చేశాడు. దీనికి స్పందించిన ఆమె సారీ నువ్ బాగా లేట్.. 21 ఏళ్ల క్రితం ఈ ప్రశ్న అడిగి ఉండాల్సింది. అయినా సరే ఒకసారి నా భర్తని అడిగి చెబుతా అంటూ ఫన్నీగా సమాధానం చెప్పింది. ఇది అక్కడిదే ఆగిపోలేదు.. మీ భర్త నుంచి సమాధానం వచ్చిందా మేడం అంటూ ఆరాతీశాడు.  దీంతో ఆయనకు నేను మాత్రమే భార్యని.. కాబట్టి సారీ అని చెప్పామన్నారు.  నన్ను వదులుకునేందుకు రెడీగా లేరు' అని ఖుష్బూ సమాధానం ఇచ్చింది.  నెటిజన్‌కు ఖుష్బూకి  మధ్య జరిగిన ఈ సంభాషణ ప్రస్తుతం సోషల్ మీడియాలో వైరల్ అవుతోంది.  చదవండి : Afghanistan: తీవ్ర పరిణామాలు, అమెరికాకు తాలిబన్ల వార్నింగ్‌! కాగా తమిళ చిత్ర పరిశ్రమలో రారాణిలా వెలిగిన ఖుష్బూ తాజాగా రజనీకాంత్ రాబోయే చిత్రంలో నటిస్తున్నారు. అలాగే శర్వానంద్ ‘ఆడవాళ్లు మీకు జోహార్లు’ చిత్రంలో టాలీవుడ్‌కి  రీఎంట్రీ ఇస్తోంది. ఇక రాజకీయ పరంగా చూస్తే  కాంగ్రెస్‌కు గుడ్‌బై చెప్పిన ఆమె ఇటీవలే బీజేపీ కండువా కప్పుకున్న సంగతి తెలిసిందే. చదవండి : Afghanistan: ఆమె భయపడినంతా అయింది! View this post on Instagram A post shared by Kushboo Sundar (@khushsundar)


 ప్రకృతి అనేక అద్భుతాలకు నెలవు. కానీ అలాంటి అద్భుతాలను ఒడిసిపట్టాలంటే కొన్నిసార్లు ప్రాణాలకు తెగించి.. రిస్క్‌ చేయాల్సి ఉంటుంది. అలాంటి రిస్క్‌ను చేసి.. లావా ఎగజిమ్ముతున్న అగ్నిపర్వతానికి సంబంధించి అత్యద్భుతమైన ఫొటోలను ఫొటోగ్రాఫర్‌ మైక్‌మెజ్‌ తన కెమెరాలో బంధించాడు. అతడు తన ఇన్‌స్టాగ్రామ్‌లో పెట్టిన ఈ ఫొటోలు నెటిజన్లను విస్మయపరుస్తున్నాయి. పసిఫిక్‌ సముద్రంలోని  హవాయ్‌ ద్వీపంలో ఉన్న కిలావయా అగ్నిపర్వతం లావా ఎగిజమ్ముతుండగా.. అక్కడి అత్యద్భుతమైన దృశ్యాలను ఈ ఫొటోగ్రాఫర్‌ తన కెమెరాలో బంధించాడు. ఈ ఫొటోలు నిజంగా అద్భుతంగా ఉన్నాయంటూ నెటిజన్లు కీర్తిస్తున్నారు.
 
 
 
 
 
 
 
 


 భూమికి పొరుగు కక్ష్యలోనే తిరుగుతున్న అంగారకుడు.. భూగ్రహానికి ఎదురుగా వ స్తున్నప్పుడు.. వెళ్లిపోతున్నప్పుడు తీసిన అద్భుత ఫొటోలివి. ఏప్రిల్ 8న భూమికి అతిసమీపంలోకి వచ్చిన సందర్భంగా అంగారకుడు ఆకాశంలో మిరుమిట్లు గొలిపే ప్రకాశంతో మెరిసిపోయాడు. ఒక పెద్ద చుక్క మాదిరిగా మామూలు కంటికి కూడా బాగా కనిపించి కనువిందు చేశాడు. అయితే ఖగోళ చిత్రాలను తన కెమెరాలో బంధించేందుకు ఎంతో ఆసక్తిచూపే లియో ఆరెట్స్ అనే ఫొటోగ్రాఫర్ అరుణగ్రహాన్ని ఇలా చకచకా క్లిక్‌మనిపించాడు.
  
  అయితే ఇవన్నీ ఒక్కరోజులో తీసినవి కాదండోయ్.. గతేడాది అక్టోబర్ నుంచి ఈ ఏడాది జూన్ వరకూ 8 నెలల కాలంలో తీశాడు. అన్నింటినీ కలిపి.. ఆ గ్రహం ఏయే నెలలో ఎక్కడెక్కడ ఎలా ఉందో చూపుతూ ఈ ఫొటోను రూపొందించాడు. ఫొటోలో కుడి నుంచి ఎడమకు వరుసగా ఉన్న వాటిలో తొలి రెండు గతేడాది అక్టోబర్, డిసెంబర్‌లో తీసిన చిత్రాలు కాగా.. ఆ తర్వాత ఉన్న మిగతావి వరుసగా ఈ ఏడాది ఫిబ్రవరి, మార్చి, ఏప్రిల్ 10, ఏప్రిల్ 5, 10, 16, మే 3, 19, 30, జూన్ 11, 21 తేదీలలో తీసిన ఫొటోలు. ఏప్రిల్ 8న ఆకాశంలో పెద్ద చుక్కగా కనిపిస్తున్న అంగారకుడిని కూడా అంతరచిత్రంలో చూడొచ్చు. అన్నట్టు... అంగారకుడు మన భూమికి ప్రతి 26 నెలలకు ఓ సారి ఎదురుగా వస్తాడు.