జిమ్‌ ట్రైనర్‌ ప్రేమ విఫలం.. పెళ్లి చూపులకు వెళ్లాల్సి ఉండగా..

బనశంకరి: ప్రేమ ఫలించలేదని జిమ్‌ శిక్షకుడు వీడియో తీసి ఆత్మహత్య చేసుకున్న ఘటన రాజరాజేశ్వరినగర పోలీస్‌స్టేషన్‌ పరిధిలో  చోటుచేసుకుంది. మారప్పలేఔట్‌ కు చెందిన కార్తీక్‌ (29) అనే యువకుడు జిమ్‌ ట్రైనర్‌గా ఉంటున్నాడు. ఇతను గత మూడేళ్లు నుంచి ఓ యువతి ని ప్రేమిస్తున్నాడు.  కానీ ఇటీవల యువతి దూరం కావడంతో  కార్తీక్‌ కుంగిపోయినట్లు తెలిసింది.

ఈ తరుణంలో అతనికి తల్లిదండ్రులు ఒక సంబంధం చూశారు. ఆదివారం పెళ్లిచూపులకు వెళ్లాల్సి ఉంది. కానీ శనివారం రాత్రి ఇంట్లో తన ప్రేమ వైఫల్యం గురించి సెల్ఫీ వీడియో తీసుకుని షీట్‌ హ్యాంగర్‌ కు ఉరివేసుకున్నాడు. స్థానిక పోలీసులు కార్తీక్‌ మొబైల్‌ను స్వా«దీనం చేసుకుని కేసు దర్యాప్తు చేపడుతున్నారు.
(చదవండి: రిక్షా కార్మికుడిని రూ.3 కోట్లు టాక్స్‌ కట్టాలన్న ఐటీ అధికారులు)