సాక్షి, అమరావతి: ఉద్యోగ కల్పనే లక్ష్యంగా పారిశ్రామిక పాలసీలను రూపొందించాలని సీఎం చంద్రబాబు అధికారులను ఆదేశించారు. ఇండ్రస్టియల్‌ డెవలప్‌మెంట్, ఎంఎస్‌ఎంఈ, ఫుడ్‌ ప్రాసెసింగ్, ప్రైవేట్‌ ఇండస్ట్రియల్‌ పార్క్‌ డ్రాఫ్ట్‌ పాలసీలపై సీఎం సోమవారం సమీక్ష జరిపారు. ప్రైవేటు ఇండ్రస్టియల్‌ పార్క్‌ పాలసీపై మరికొంత కసరత్తు జరగాలని, మిగిలిన మూడు విధానాలను వచ్చే కేబినెట్‌ ముందుకు తేవాలని ఈ సమావేశంలో నిర్ణయించారు.సీఎం సూచ­నలు, పారిశ్రామికవర్గాల అభిప్రాయాలు, ఇతర రాష్ట్రాల విధానాల ఆధారంగా అధికారులు పాలసీలను రూపొందించి సీఎం ముందు ఉంచారు. ఇండ్రస్టియల్‌ డెవలప్‌మెంట్‌ పాలసీ అమల్లోకి వచి్చన వెంటనే కన్సెంట్‌ ఆఫ్‌ ఎస్టాబ్లి‹Ùమెంట్, డేట్‌ ఆఫ్‌ కమర్షియల్‌ ప్రొడక్షన్‌ ఇచ్చిన మొదటి 200 పరిశ్రమలకు అదనపు ప్రోత్సాహకాలు ఇచ్చేలా ప్రతిపాదనలు చేశారు. ఎక్కువ ఉద్యోగాలిచ్చే కంపెనీలకు అదనంగా 10 శాతం ప్రోత్సాహకం ఇవ్వాలని ప్రతిపాదించారు.ఈ సందర్భంగా సీఎం మాట్లాడుతూ.. దేశంలో ఎక్కడా లేని విధంగా ఎస్క్రో అకౌంట్‌ ద్వారా పారిశ్రామిక ప్రోత్సాహకాలు ఇవ్వాలని ఆలోచనలు చేస్తున్నట్లు తెలిపారు. దీనిపై సమగ్రంగా అధ్యయనం చేసి నివేదిక ఇవ్వా­లని అధికారులను ఆదేశించారు. ఎంఎస్‌ఎంఈ, ఫుడ్‌ ప్రాసెసింగ్‌ రంగంలో బీసీ, ఎస్సీ, ఎస్టీ, మహిళా పారిశ్రామికవే­త్తలకు అదనంగా 5 శాతం ఇన్సెంటివ్‌ ఇవ్వాలని సూచించారు. ఇన్నోవేషన్‌ హబ్‌కు రతన్‌ టాటా పేరు అమరావతి ఇన్నోవేషన్‌ హబ్‌కు దివంగత పారిశ్రామికవేత్త రతన్‌ టాటా పేరు పెట్టాలని అధికారులకు సూచించారు. పారి­­­శ్రామిక రంగ అభివృద్ధికి దోహదపడేలా రతన్‌ టాటా హబ్‌ తేవాలని నిర్ణయించామన్నారు. హబ్‌కు అనుబంధంగా రాష్ట్రం­లోని 5 ప్రాంతాల్లో సెంటర్ల ఏర్పాటు జరుగుతుందని, ఒక్కో సెంటర్‌కు ఒక్కో మల్టీనేషనల్‌ కంపెనీ మెంటార్‌గా ఉండేలా ఈ విధానాన్ని రూపొందించాలని సీఎం ఆదేశించారు. పౌల్ట్రీ తరహాలోనే ఫుడ్‌ ప్రాసెసింగ్‌ విధానాలు: సీఎస్‌ ఆక్వా, పౌల్ట్రీ రంగంలో వచ్చిన విధంగా ఫుడ్‌ ప్రాసెసింగ్‌­లోనూ మంచి ఫలితాలు వచ్చేలా విధానాలను అమలు చే­యా­లని సీఎస్‌ నీరబ్‌ కుమార్‌ ప్రసాద్‌ సూచించారు. పౌల్ట్రీతో పాటు పాడి పరిశ్రమ, మేకలు, గొర్రె­ల పెంపకానికి ప్రాధాన్యత ఇవ్వాలని, తద్వారా ప్రజల జీవన ప్రమాణాలు పెరుగుతాయని అన్నారు. ఈ సమీక్షలో మంత్రులు టీజీ భరత్, కొండపల్లి శ్రీనివాస్, పరిశ్రమల శాఖ కార్యదర్శి ఎన్‌ యువరాజ్, ఇతర అధికారులు పాల్గొన్నారు.ఐటీ, డ్రోన్‌ పాలసీలను మెరుగుపరచాలిఐటీ, డ్రోన్‌ పాలసీలను మరింత మెరుగుపర్చాలని సీఎం చంద్రబాబు అధికారులను ఆదేశించారు. ఐటీ, ఎలక్ట్రానిక్స్, డ్రోన్‌ పాలసీలపై ఆయన సమీక్షించారు. నూతన పాలసీ­లను సీఎంకు అధికారులు వివరించారు. వివిధ రాష్ట్రాల్లో ఉన్న పాలసీలు, నిపుణులతో చర్చించి వీటిని రూపొందించినట్లు వివరించారు. వీటిపై సీఎం సంతృప్తి వ్యక్తం చేశారు. మరింత మెగుపరిచి వచ్చే కేబినెట్‌లో ఉంచాలని సూచించారు. ఈ నెల 22, 23వ తేదీల్లో జరగనున్న అమరావతి డ్రోన్‌ సమ్మిట్‌పై అధికారులు వివరించారు. కేంద్ర సివిల్‌ ఏవియేషన్‌ శాఖ భాగస్వామ్యంతో ఏపీ డ్రోన్‌ కార్పొరేషన్‌ నిర్వహిస్తున్న ఈ సదస్సులో 400 మంది అతిథులు, కేంద్ర, రాష్ట్ర ప్రభుత్వాల ప్రతినిధులు హాజరవుతా­రని చెప్పారు.అతి భారీ వర్షాలపై అప్రమత్తం చేయండిరాష్ట్రవ్యాప్తంగా నాలుగు రోజుల పాటు భారీ వర్షాలు ఉంటాయని, అతి భారీ వర్షాలు ఉండే ప్రాంతాల్లో ప్రజ­లను అప్రమత్తం చేయాలని, ప్రాణ, ఆస్తి నష్టం లేకుండా చర్యలు తీసు­కోవాలని జిల్లా కలెక్టర్లు, అధికార యంత్రాంగాన్ని సీఎం చంద్ర­బాబు ఆదేశించారు. భారీ వర్షాలపై జిల్లా కలెక్టర్లు, మంత్రు­లు, అధికారులతో సీఎం సోమ­వారం టెలి కాన్ఫరెన్స్‌ నిర్వహించారు. చెరువులు, కాలువలు, నీటి వనరులను నిరంతరం పర్యవేక్షించాలని అధికారులకు చెప్పా­రు. వర్షపాతం వివరాలను కూడా రియల్‌ టైంలో అందుబాటులో ఉంచాలన్నారు. కంట్రోల్‌ రూంలు ఏర్పాటు చేసి ప్రజల వినతులపై వేగంగా స్పందించాలని అన్నారు.ప్రకాశం, నెల్లూ­రు, ఉమ్మడి చిత్తూరు, కర్నూలు, వైఎస్సా­ర్, అనంతపురం జిల్లాల్లో వర్షాలు కురుస్తాయని అధికారులు తెలిపారు. మంగళవారం నుంచి వర్షాలు ఎక్కువగా ఉంటాయని చెప్పారు. నెల్లూరు, తిరుపతి జిల్లాల్లో ఎన్డీఆర్‌ఎఫ్, ఎస్డీఆర్‌ఎఫ్‌ బృందాలను సిద్ధం చేశామన్నారు. రాష్ట్రంలో ఈ సీజన్‌లో 676 మిల్లీమీటర్ల సరాసరి వర్షపాతానికి గాను ఇప్పటివరకు 734 మిల్లీమీటర్ల వర్షపాతం నమోదైందని, 18 జిల్లాల్లో సాధారణంకంటే అధిక వర్షపాతం నమోదైనట్లు అధికారులు తెలిపారు.

న్యూఢిల్లీ: లఘు, చిన్న, మధ్య తరహా సంస్థల (ఎంఎస్‌ఎంఈ) ఎగుమతులకు ఊతమిచ్చేందుకు అంతర్జాతీయ మార్కెట్‌ ఇంటెలిజెన్స్‌ నెట్‌వర్క్‌ను ప్రభుత్వం ఏర్పాటు చేస్తోందని కేంద్ర మంత్రి నారాయణ్‌ రాణె తెలిపారు. విదేశీ మార్కెట్లకు ఎగుమతుల డేటా సంబంధ సమాచారానికి ఇది కేంద్రంగా ఉండగలదని ఆయన వివరించారు. ఎంట్రప్రెన్యూర్‌షిప్‌ డెవలప్‌మెంట్‌ ఇనిస్టిట్యూట్‌ ఆఫ్‌ ఇండియా (ఈడీఐఐ) నిర్వహించిన సదస్సులో పాల్గొన్న సందర్భంగా మంత్రి ఈ విషయాలు చెప్పారు.  గణాంకాల ప్రకారం.. భారత ఎగుమతుల్లో దాదాపు 45 శాతం వాటా ఎంఎస్‌ఎంఈ రంగానిదే ఉంటోంది. అయితే, విదేశీ మార్కెట్లకు సంబంధించిన విశ్వసనీయ వాణిజ్య గణాంకాలు అందుబాటులో లేకపోతుండటం వల్ల చిన్న సంస్థలు తమ సామర్థ్యాల మేరకు ఎగుమతులు చేయలేకపోతున్నాయి. ఈ నేపథ్యంలోనే ఎంఎస్‌ఎంఈ రంగాన్ని పటిష్టం చేసేందుకు, రుణ లభ్యత పెంచేందుకు, మెరుగైన సాంకేతికత అందించేందుకు, ఎగుమతి మార్కెట్లను అందుబాటులోకి తెచ్చేందుకు ప్రభుత్వం ప్రత్యేకంగా దృష్టి పెడుతోందని ఎంఎస్‌ఎంఈ శాఖ మంత్రి అయిన రాణె వివరించారు.  ఎంఎస్‌ఎంఈ రంగాన్ని దేశ ఎకానమీకి చోదక శక్తిగా మార్చేందుకు తగు మార్గదర్శ ప్రణాళికను రూపొందించాలని సంబంధిత వర్గాలకు ఆయన సూచించారు. దీటుగా పోటీపడేలా చిన్న సంస్థలను తీర్చిదిద్దేందుకు మరింత అధ్యయనం, ఆవిష్కరణలు, సరికొత్త వ్యాపార ఐడియాలు అవసరమని రాణె చెప్పారు.

న్యూఢిల్లీ: రిటైల్, హోల్ సేల్ వ్యాపారాలనూ ఎంఎస్ఎంఈ పరిధిలోకి తీసుకొస్తున్నట్టు నిన్న కేంద్ర రోడ్డు, రవాణా శాఖ మంత్రి నితిన్ గడ్కరీ ప్రకటించిన సంగతి తెలిసిందే. ఈ కీలక నిర్ణయంపై ప్రధాని నరేంద్ర మోదీ నేడు స్పందించారు. సూక్ష్మ చిన్న మధ్య తరహా పరిశ్రమల (ఎంఎస్ఎంఈ) జాబితాలో రిటైల్, హోల్ సేల్ వ్యాపారాలను చేర్చి తమ ప్రభుత్వం చరిత్రాత్మక నిర్ణయం తీసుకుందని మోదీ అన్నారు.  దీని వల్ల కోట్లాది మంది వర్తకులకు లబ్ధి చేకూరుతుందని మోదీ చెప్పారు. వేగంగా ఆర్థిక సాయం అందడంతో పాటు వారి వ్యాపారాలు వృద్ధి చెందుతాయన్నారు. వ్యాపారుల అభివృద్ధికి కట్టుబడి ఉన్నామని ప్రధాని మోదీ స్పష్టం చేశారు. ఈ మేరకు ట్విటర్‌లో ఆయన ట్వీట్‌ చేశారు. ఇక నూతన మార్గదర్శకాలను ఆయన విడుదల చేశారు. కొత్త నిబంధనలతో దాదాపు 2.5 కోట్ల మంది రిటైల్, హోల్ సేల్ వర్తకులు లబ్ధి పొందుతారని చెప్పారు. దీంతో ఆర్బీఐ నిబంధనల ప్రకారం ప్రాధాన్య రంగాలకు రుణాల్లో చిరు వర్తకులకు లాభం కలుగుతుంది. అంతేగాకుండా ఉద్యమ్ రిజిస్ట్రేషన్ పోర్టల్ లో వారు నమోదు చేసుకోవచ్చు. Our government has taken a landmark step of including retail and wholesale trade as MSME. This will help crores of our traders get easier finance, various other benefits and also help boost their business. We are committed to empowering our traders. https://t.co/FTdmFpaOaU — Narendra Modi (@narendramodi) July 3, 2021 అఖిల భారత ట్రేడర్ల సమాఖ్య సీఏఐటీ.. కేంద్ర ప్రభుత్వ నిర్ణయాన్ని స్వాగతించింది. ఇకపై ఎంఎస్‌ఎంఈలకు వర్తించే ప్రభుత్వ స్కీములు, ప్రయోజనాలు తమకు కూడా లభించగలవని సీఏఐటీ జాతీయ ప్రెసిడెంట్‌ బీసీ భార్తియా, సెక్రటరీ జనరల్‌ ప్రవీణ్‌ ఖండేల్వాల్‌ ఒక ప్రకటనలో స్పష్టం చేశారు.  తాజా నిర్ణయంతో ఆయా వర్గాలకు రిజర్వ్‌ బ్యాంక్‌ మార్గదర్శకాల ప్రకారం ప్రాధాన్యతా రంగం కింద రుణాలు పొందేందుకు వీలుంటుందని పేర్కొన్నారు. చిన్న సంస్థలను పటిష్టం చేసేందుకు, ఆర్థిక వృద్ధికి వాటిని చోదకాలుగా మార్చేందుకు ప్రభుత్వం కట్టుబడి ఉందని గడ్కరీ నిన్న ట్వీట్‌ చేశారు. తాజా మార్గదర్శకాలతో ఆత్మనిర్భర్‌ భారత్‌ అభియాన్‌ కింద 250 కోట్లపైగా టర్నోవర్‌ ఉన్న హోల్‌సేల్‌ వ్యాపారులు, చిన్నస్థాయి రిటైలర్లు త్వరగతిన ఫైనాన్స్‌ పొందే అవకాశం ఉంటుందని వెల్లడించారు. వారు ఉద్యమ్‌ పోర్టల్‌లో కూడా నమోదు చేసుకోవచ్చని తెలిపారు.


 పుట్లూరు : 
 ఎంఎస్‌ఎంఈ పథకం కింద కాపులు గ్రూపు రుణాల కోసం ఈ నెల 31లోగా దరఖాస్తు చేసుకోవాలని ఎంపీడీఓ నెహమ్యా మంగళవారం ఓ ప్రకటనలో తెలిపారు. ఈ పథకం కింద రుణం కోసం దరఖాస్తు చేసుకోవడానికి బలిజ, తెలగ, ఒంటరి, కాపు కులాలకు చెందిన వారు అర్హులన్నారు. ఒక గ్రూపులో 3 నుంచి 5 మంది అభ్యర్థులు ఉండాలని, ఆదాయం 6లక్షలకు మించకూడదని తెలిపారు.
  
 గ్రూపులోని అభ్యర్థులు 21 సంవత్సరాల నుంచి 50 సంవత్సరాల లోపు వయస్సు కలిగి, 10వ తరగతి ఉత్తీర్ణులై ఉండాలన్నారు. గతంలో ఏ బ్యాంకులో డిఫాల్టర్‌గా ఉండకూడదని తెలిపారు. ఎంఎస్‌ఎంఈ పథకం కింద యూనిట్‌ విలువ రూ.25లక్షలు కాగా అందులో కాపు కార్పోరేషన్‌ కింద 40శాతం సబ్సీడీ రూ.10లక్షలు, బ్యాంకు లోను 40శాతం రూ.10లక్షలు, గ్రూపు లబ్ధిదారుల వాటా 20శాతం రూ.5లక్షలుగా ఉంటుందన్నారు.
  
 రుణాల కోసం ఆన్‌లైన్‌లోని www.kapucorp.ap.gov.inలో దరఖాస్తు చేసుకోవాలని తెలిపారు.