కేంద్ర కేబినెట్‌లోకి రామ్మోహన్‌నాయుడు?

సాక్షి, అమరావతి: శ్రీకాకుళం ఎంపీ కిం­జరపు రామ్మో­హన్‌నాయుడుకి కేంద్ర మంత్రివర్గంలో చోటు దక్కినట్లు తెలిసింది. ప్రధాని మోదీ మంత్రి­వర్గంలో ఆయనను కేబినెట్‌ హోదా­లో తీసుకోను­న్నట్లు సమాచారం. ఎన్డీయే మంత్రివర్గంలో టీడీపీకి మూడు కేంద్ర మంత్రి పదవులు ఇవ్వ­డా­నికి బీజేపీ అంగీకరించినట్లు ప్రచా­రం జరుగు­తోంది. 

వాటిలో ఒకటి కేబినెట్‌ మంత్రి హోదాతో కాగా మరో రెండు సహాయ మంత్రి పదవులను ఇస్తా­మని చెప్పగా అందుకు చంద్ర­బాబు అంగీకరించినట్లు టీడీపీ వర్గాలు తెలిపాయి. కేబినెట్‌ హోదా మంత్రి పదవికి రామ్మోహన్‌ నాయుడు పేరును చంద్రబాబు ఖరారు చేసినట్లు చెబుతు­న్నారు. 

అలాగే, సహాయ మంత్రి పదవు­లకు గుంటూరు, నెల్లూరు ఎంపీలు పెమ్మసాని చంద్రశేఖర్, వేమి­రెడ్డి ప్రభాకర్‌రెడ్డిల పేర్లను ఆయన ఖరారు చేసి­నట్లు సమాచారం. ప్రధా­నమంత్రితో పాటు వీరు ముగ్గురూ ఆదివారం మంత్రులుగా ప్రమా­ణం చేస్తారని టీడీపీ నేతలు చెబుతున్నారు. చంద్రబాబు కుటుంబానికి అత్యంత సన్నిహితు­డుగా, మూడు­సార్లు ఎంపీగా గెలిచిన రామ్మోహన్‌­నాయుడుకి ఈసారి కేంద్రమంత్రి పదవి ఖాయ­మని ముందు నుంచి ప్రచారం జరుగుతోంది. 

జనసేన–బీజేపీకి ఒకటి..
జనసేన, బీజేపీల నుంచి కూడా ఒకరికి కేంద్ర సహా­య మంత్రి పదవి దక్కే అవకాశము­న్నట్లు తెలు­స్తోంది. జనసేనకు మంత్రి పదవి ఇస్తే మచిలీ­పట్నం ఎంపీ వల్లభనేని బాలశౌరికి అవకాశం ఉండవచ్చని చెబుతున్నారు. అలాగే, బీజేపీ తరఫున అయితే సీఎం రమేష్‌ లేదా పురందేశ్వరిలో ఒకరికి ఛాన్స్‌ ఉండవచ్చని చెబుతున్నారు.