‘లూసిఫర్‌ 2: ఎంపురాన్‌’ చిత్రం తర్వాత మరో కొత్త సినిమా పనిలో పృథ్వీరాజ్‌ సుకుమారన్‌( Prithviraj Sukumaran) ఉన్నారు. మేఘనా గుల్జార్‌ (Meghna Gulzar) తెరకెక్కిస్తున్న ‘దైరా’ అనే పాన్‌ ఇండియా చిత్రంలో పృథ్వీరాజ్‌ ప్రధాన పాత్ర పోషిస్తున్నారు. ఇందులో ఆయన సరసన హీరోయిన్‌గా బాలీవుడ్‌ హీరోయిన్‌ కరీనా కపూర్‌ నటించడం విశేషం. ఇందులో ఆయన శక్తిమంతమైన పోలీస్‌ ఆఫీసర్‌ పాత్రలో నటించనున్నారు. వాస్తవ సంఘటనల ఆధారంగా ఈ సినిమాను మేఘనా గుల్జార్‌ తెరకెక్కించనున్నారు. ఈ చిత్రంలో ఆమెను సరికొత్త అవతారంలో చూపించనున్నారు మేఘనా గుల్జార్‌.ముంబైకి చెందిన మేఘనా గుల్జార్‌ దర్శకురాలిగా బాలీవుడ్‌లో పలు చిత్రాలు నిర్మించింది. రాజీ (అలియాభట్‌), చపాక్‌(దీపికా పడుకోణె), సామ్ బహదూర్ (విక్కీ కౌషల్) వంటి సినిమాలతో ఆమెకు మంచి గుర్తింపు దక్కింది. కాల్‌షీట్స్‌ కారణంగా ఆయుష్మాన్‌ ఖురానా, సిద్ధార్థ్‌ మల్హోత్రా ఈ ప్రాజెక్టు నుంచి తప్పుకోవడంతో.. ఇప్పుడీ చిత్రంలో పృథ్వీరాజ్‌, కరీనా కపూర్‌ ఎంట్రీ ఇచ్చేశారు. ఈమేరకు అధికారికంగా ప్రకటన కూడా వచ్చేసింది. అయితే, వయసు రిత్యా పృథ్వీరాజ్‌ సుకుమారన్‌( 42) కంటే కరీనా కపూర్‌(44) రెండేళ్లు పెద్ద కావడం గమనార్హం.Some stories stay with you from the moment you hear them.DAAYRA is that for me.Excited to work with @meghnagulzar, the incredible #KareenaKapoorKhan and @JungleePictures! Wish you all a very happy Vishu! 🙂#Daayra@vineetjaintimes #AmritaPandey #YashKeswani #SimaAgarwal… pic.twitter.com/vSHXSVh8vC— Prithviraj Sukumaran (@PrithviOfficial) April 14, 2025

టైటిల్‌ : ఛపాక్‌ నటీనటులు: దీపికా పదుకొనే, విక్రాంత్‌ మాస్సే, మధుర్‌జీత్‌ సర్ఘీ, వైభవి ఉపాధ్యాయ, పాయల్‌ నాయర్‌ దర్శకత్వం: మేఘనా గుల్జార్‌ యాసిడ్‌ దాడుల నేపథ్యంగా బాలీవుడ్‌ టాప్‌ హీరోయిన్‌ దీపికా పదుకొనె ప్రధాన పాత్ర పోషించిన తాజా చిత్రం ‘ఛపాక్‌’. టాప్‌ విమెన్‌ డైరెక్టర్‌ మేఘనా గుల్జార్‌ నిజజీవిత సంఘటనల ఆధారంగా ఈ సినిమాను తెరకెక్కించారు. బాజీరావు మస్తానీ, పద్మావత్‌ భారీ సూపర్‌హిట్‌ సినిమాల తర్వాత దీపిక.. తల్వార్‌, రాజీ వంటి బలమైన సామాజిక చిత్రాల తర్వాత మేఘనా గుల్జార్‌ కాంబినేషన్‌లో తెరకెక్కడం.. దీపిక పర్ఫార్మెన్స్‌కు ప్రాధాన్యమున్న వుమెన్‌ ఓరియెంటెడ్‌ సినిమా చేయడంతో ‘ఛపాక్‌’పై భారీ హైప్‌ క్రియేట్‌ అయింది. ఈ నేపథ్యంలో యాసిడ్‌ అటాక్‌ విక్టిమ్‌గా, ఫైటర్‌గా మాలతి(దీపిక) పోరాటమేమిటంటే.. కథ: 19 ఏళ్ల మాలతిపై ఓ రోజు అకస్మాత్తుగా యాసిడ్‌ దాడి జరుగుతుంది. తెలిసిన వాడే ప్రేమిస్తున్నానంటూ వేధించి.. తన ప్రేమను ఒప్పుకోకవడంతో యాసిడ్‌ దాడి చేస్తాడు. ఈ ఒక్క దాడితో ఆమె ఉనికి సమస్తం మారిపోతోంది. జీవితం తలకిందులవుతుంది. కలలు ఛిద్రమవుతాయి. అయినా ఇంతటి ప్రతికూల పరిస్థితుల్లో తాను ఎలా పోరాటం చేసింది? ఎలా న్యాయాన్ని సాధించింది? ఎలా తోటి బాధితులకు అండగా నిలిచిందనేది మిగతా కథ. విశ్లేషణ: యాసిడ్‌ దాడి.. నిత్యం దేశంలో ఎక్కడోచోట జరిగే దుర్మార్గమిది. యువతులు, మహిళల జీవితాన్ని ఛిద్రం చేస్తున్న దారుణమిది. ఈ తీవ్రమైన సమస్యను ఒక నిజజీవిత పోరాటం ఆధారంగా మేఘనా గుల్జార్‌ తెరమీద ‘ఛపాక్‌’గా ఆవిష్కరించారు. యాసిడ్‌ దాడి బాధితురాలు లక్ష్మీ అగర్వాల్‌ జీవితం ఆధారంగా అత్యంత బలంగా, బాధితుల కోణంలో సున్నితంగా మేఘనా ఈ సినిమాను రూపొందించారు. తల్వార్‌, రాజీ వంటి సినిమాలు తెరకెక్కించి భేష్‌ అనిపించుకున్న మేఘనా తాజా సినిమా ‘ఛపాక్‌’ను వాస్తవానికి దగ్గరగా, సున్నితంగా మలిచారు. ఈ క్రమంలో కథ, కథనాలు కొంత నెమ్మదించినా.. సినిమా స్లోగా సాగుతున్నట్టు అనిపించినా.. డైలాగులు, పాటలు సినిమాకు ప్రాణం పోశాయి. యాసిడ్‌ దాడి బాధితురాలిగా తొలిసారి డీ గ్లామరైజ్‌ పాత్రను పోషించిన దీపిక తన పాత్రలో ఒదిగిపోయింది. పాత్రకే కాదు, సినిమాకు న్యాయం చేసింది. ఒక యాసిడ్‌ బాధితురాలిగా శారీరకంగా, మానసికంగా ఎదుర్కొనే వేదన, సర్జరీలు, న్యాయం కోసం చేసే కోర్టుల చుట్టూ తిరుగుతూ రావడం, తోటి బాధితులకు అండగా ఉండటం, నిరుపేద నేపథ్యం, కుటుంబసమస్యలు.. వీటన్నింటి మధ్య ధైర్యంగా నిలబడి, పోరాటం చేసి విజయం సాధించిన ధీరవనితగా దీపికా పదుకొనే నటన సహజత్వానికి దగ్గరగా అదుర్స్‌ అనిపిస్తుంది. సమాజం పట్ల ఫ్రస్టేట్‌ అవుతూ.. యాసిడ్‌ బాధితులకు అండగా ఉండే ఎన్జీవో కార్యకర్తగా, మాలతిని అర్థం చేసుకునే సైలెంట్‌ ప్రేమికుడిగా విక్రాంత్‌ మాస్సే సెటిల్డ్‌ పర్ఫార్మెన్స్‌ ఇచ్చాడు. మాలతి లాయర్‌ అర్చనగా మధుర్జీత్‌ సర్ఘీ, ఇతర పాత్రలు పోషించిన నటులు తమ పరిధిమేరకు చక్కగా నటించారు. సినిమాటోగ్రఫీ, సంగీతం, నేపథ్య సంగీతం అన్ని సినిమాకు చక్కగా అమిరాయి. గాంభీరమైన యాసిడ్‌ బాధితుల సమస్యను తెరపై చూపే క్రమంలో దర్శకురాలు మేఘనా గుల్జార్‌ అంతగా నాటకీయతకు ప్రాధాన్యమివ్వలేదు. సినిమా ప్రారంభంలో మాలతిపై యాసిడ్‌ దాడి జరగడం, నిందితుడ్ని పట్టుకోవడం, కేసు కోర్టుకు వెళ్లడం ఇవన్నీ చకచకా జరిగిపోతాయి. ఇక, కోర్టుల్లో మాలతి చేసిన పోరాటం, యాసిడ్‌ అమ్మకాలను నిషేధించాలంటూ పిల్‌ వేయడం, యాసిడ్‌ దాడి దోషులకు కఠిన శిక్ష విధించేందుకు ప్రత్యేకంగా సెక్షన్‌ 326ను తీసుకురావడం వంటివి సహజాత్వానికి దగ్గరగా దర్శకురాలు చూపారు. ఈ క్రమంలో చాలా సీన్లు ప్రేక్షకులను కంటతడి పెట్టిస్తాయి. యాసిడ్‌ దాడి బాధితురాలు చనిపోతూ ఇచ్చిన వాంగ్మూలాన్ని కోర్టులో చదువుతుంటే ప్రేక్షకులు కదిలిపోవడం ఖాయం. చదవాలి, జీవితంలో ఎదగాలనుకునే అమ్మాయిలు టార్గెట్‌గా యాసిడ్‌ దాడులు జరుగుతున్నాయని, ఈ ఒక్క దాడితో చిటికెలో (ఛపాక్‌ అంటే అర్థం ఇదే) వారి ఉనికి, గుర్తింపే నామరూపాలు లేకుండా పోవడం ఎంత విషాదమో చూపిస్తూ.. కేవలం ముఖం మీద దాడి చేశారు కానీ, తమ దృఢసంకల్పం మీద కాదన్న బాధితుల మనోధైర్యాన్ని, పోరాటాన్ని చాటుతూ దర్శకురాలు ‘ఛపాక్‌’ను తెరమీద ఆవిష్కరించారు. సినిమా స్లోగా అనిపించినా.. మూస సినిమాలకు భిన్నంగా కథలో కొత్తదనం, నిజజీవిత పోరాట స్ఫూర్తి కోరుకునేవారు ఈ సినిమాను చూడవచ్చు. ఇక, సినిమాలో భాగంగా వచ్చే పాటలు కథకు బలాన్ని చేకూర్చడమే కాదు సినిమాకు ప్రాణం పోశాయని చెప్పవచ్చు బలాలు దీపికా పదుకొనే నటన మేఘనా గుల్జార్‌ దర్శకత్వం, పాటలు ఒక తీవ్రమైన సమస్యను సెన్సిబుల్‌గా తెరకెక్కించడం బలహీనతలు స్లో నరేషన్‌ నాటకీయత అంతగా లేకపోవడం - శ్రీకాంత్‌ కాంటేకర్‌  

ముంబై: బాలీవుడ్ టాప్‌ హీరోయిన్‌ దీపికా పదుకొనె నటిస్తున్న తాజా చిత్రం ఛపాక్‌. యాసిడ్‌ దాడి బాధితురాలు లక్ష్మీ అగర్వాల్‌ జీవితం ఆధారంగా దీపిక స్వయంగా నిర్మిస్తున్న ఈ సినిమాకు మేఘనా గుల్జార్‌ దర్శకత్వం వహిస్తున్నారు. అయితే తాజాగా దీపికా ఈ సినిమాకి సంబంధించిన ఆరు సెకన్ల టీజర్‌ను తన ట్విటర్‌ ఖాతాలో పోస్ట్‌ చేశారు. దీనికి ‘ ఛపాక్‌ చిత్రం ట్రైలర్‌ రేపు( మంగళవారం) విడుదలవుతుంది. తప్పక చూడండి’ అంటూ ఆమె కామెంట్‌ చేశారు. వెరైటీగా ఉన్న ఈ టీజర్‌లో ‘రేపు ట్రైలర్‌ విడుదల’ అని కనిపిస్తుంది. ఇలా కథకు దగ్గరగా కొత్తగా ఉన్న టీజర్‌ అభిమానులను ఆకట్టుకుంటోంది. దీంతో ఈ టీజర్‌ వైరల్‌గా మారింది. ఈ సినిమాలో దీపికా లుక్‌కు సంబంధించి పలు ఫోటోలను ఇప్పటికే చిత్రబృందం విడుదల చేసిన విషయం తెలిసిందే. ఈ చిత్రం షూటింగ్‌కు సంబంధించిన కొన్ని వీడియో క్లిప్స్‌ సోషల్ మీడియాలో హల్‌చల్ చేసిన సంగతి తెలిసిందే. చిత్ర దర్శకురాలు మేఘనా గుల్జార్‌ ఇటీవల ఈ సినిమా గురించి మాట్లాడుతూ.. దీపికా ఇప్పటి వరకు నటించిన సినిమాలకు పూర్తి భిన్నమైన నటన ఉంటుందని తెలిపారు. తన నటనతో ఈ సినిమా మరో స్థాయికి చేరుతుందని పేర్కొన్నారు. షూటింగ్‌ సమయంలో దీపికా నవ్వే విధానం కూడా అచ్చం లక్ష్మీ అగర్వాల్‌లా ఉందని.. అంత బాగా దీపికా నటించిందని దర్శకురాలు మేఘనా గుల్జార్‌ పేర్కొన్నారు. A moment is all it took... Trailer out tomorrow.Keep watching this space...#Chhapaak@meghnagulzar @masseysahib @_KaProductions @foxstarhindi @MrigaFilms pic.twitter.com/OepDzgm1ic — Deepika Padukone (@deepikapadukone) December 9, 2019

ముంబై : బాలీవుడ్‌ స్టార్‌ హీరోయిన్‌ దీపికా పదుకొనె ప్రస్తుతం ‘ఛపాక్‌’  సినిమాలో నటిస్తున్న సంగతి తెలిసిందే. ఈ సినిమా షూటింగ్‌ ప్రస్తుతం ఢిల్లీ శివార్లలో జరుగుతోంది. కట్టుదిట్టమైన భద్రత నడుమ ఈ సినిమాను దర్శకురాలు మేఘనా గుల్జార్‌ తెరకెక్కిస్తున్నప్పటికీ.. షూటింగ్‌ స్పాట్‌లోని సీన్లు లీకవుతూనే ఉన్నాయి. తాజాగా ఢిల్లీ శివార్లలో షూటింగ్‌ సందర్భంగా సినిమాలో ప్రధాన పాత్రధారులైన దీపిక, విక్రాంత్‌ మస్సే లిప్‌లాక్‌ సీన్లు లీకయ్యాయి. సినిమా షూటింగ్‌లో భాగంగా ఓ భవనం టెర్రాస్‌పై సన్నిహితంగా గడుపుతూ.. పెదవులతో పెదవులను ముద్దాడే సీన్‌ తాజాగా చిత్రయూనిట్‌ తెరకెక్కించింది. ఢిల్లీలోని ఓ స్లమ్‌ ఏరియాలో తెరకెక్కించినట్టు భావిస్తున్న ఈ  రొమాంటిక్‌ సీన్‌ దృశ్యాలు తాజాగా ఇన్‌స్టాగ్రామ్‌లో లీకయ్యాయి.  దీపికా పదుకొనే ఫ్యాన్‌ పేజీలతోపాటు పలు ఇన్‌స్టాగ్రామ్‌ పేజీలు షేర్‌ చేసిన ఈ వీడియోలు వెంటనే వైరల్‌ అయ్యాయి. గతంలో ‘ఛపాక్‌’ సినిమా షూటింగ్‌కు సంబంధించి పలు సీన్లు లీకై సంగతి తెలిసిందే. ఇంట్రస్టింగ్‌ సీన్లకు సంబంధించి షూటింగ్‌ దృశ్యాలు లీకవుతుండటం డైరెక్టర్‌ మేఘనా గుల్జార్‌ను ఆందోళన పరుస్తోంది. విడుదలయ్యే వరకు తన సినిమాలోని విశేషాలు బయటకు పొక్కకుండా ఆమె చాలా జాగ్రత్తలు తీసుకుంటారు. తాజా సినిమా షూటింగ్‌కు కూడా ఆమె సెక్యూరిటీ కల్పించినప్పటికీ.. పలు కీలకమైన సీన్లు సోషల్‌ మీడియాలో దర్శనమిస్తున్నాయి.  లీకైన దీపిక రొమాంటిక్‌ సీన్లపై నెటిజన్లు ఇంట్రస్టింగ్‌ కామెంట్లు చేస్తున్నారు. దీపిక సీన్లు బాగా రొమాంటిగ్గా ఉన్నాయని, పిల్లలకు చూపించకండి అంటూ చమత్కరిస్తున్నారు.

భారీ చిత్రాలకు లీకుల బెడద తప్పటం లేదు. టాప్‌స్టార్లు నటించే సినిమాలు ఆన్‌ లొకేషన్‌ ఫోటోలు, వీడియోలు ఏదో ఒక రకంగా సోషల్‌ మీడియాలో లీక్‌ అవుతున్నాయి. తాజాగా మరో భారీ చిత్రం లీకువీరుల బారిన పడింది. దీపిక పదుకొనే నటిస్తున్న తాజా చిత్రం షూటింగ్‌కు సంబంధించిన కొన్ని వీడియో క్లిప్స్‌ సోషల్ మీడియాలో హల్‌చల్ చేస్తున్నాయి. బాలీవుడ్ టాప్‌ హీరోయిన్‌ దీపికా పదుకొనే నటిస్తున్న తాజా చిత్రం ఛాపాక్‌. యాసిడ్‌ దాడి బాధితురాలు లక్ష్మీ అగర్వాల్‌ జీవితం ఆధారంగా దీపిక స్వయంగా నిర్మిస్తున్న ఈ సినిమాకు మేఘ్న గుల్జార్‌ దర్శకురాలు. ప్రస్తుతం షూటింగ్ జరుపుకుంటున్న ఈసినిమాలో దీపికా లుక్‌కు సంబంధించి పలు ఫోటోలను ఇప్పటికే చిత్రయూనిట్ రిలీజ్ చేశారు. ఇటీవల దీపిక కూడా లొకేషన్‌లో దిగిన ఫోటోలను అభిమానుల కోసం తన సోషల్‌ మీడియా పేజ్‌లో షేర్‌ చేశారు.