సాక్షి ప్రతినిధి, నిజామాబాద్‌/ బండ్లగూడ, అంబర్‌పేట (హైదరాబాద్‌): తెలంగాణ అభివృద్ధికి డబుల్‌ ఇంజన్‌ సర్కార్‌ అవసరమని బీజేపీ అగ్రనేత, కేంద్ర హోంశాఖ మంత్రి అమిత్‌షా అన్నారు. డబుల్‌ ఇంజన్‌ సర్కార్‌ వస్తే కోట్లాది రూపాయలు తెచ్చి తెలంగాణ ప్రజల ఆకాంక్షలు నెరవేర్చుతామని చెప్పారు. సంక్షేమం అంటే ఏమిటో చేసి చూపిస్తామని, బీసీని సీఎం చేసి తీరుతామని అన్నారు. తన కుమారుడు కేటీఆర్‌ కోసమే కేసీఆర్‌ రాష్ట్రంలో అవినీతి పాలన సాగించారని ఆరోపించారు. డబ్బులు ఎక్కువ ఇచ్చిన వాళ్లకే కేసీఆర్‌ మంత్రివర్గంలో అవకాశం దక్కుతుందని, ఇక కాంగ్రెస్‌లో రాష్ట్ర మంత్రి పదవి కావాలంటే ఢిల్లీలో చర్చ జరగాలని అన్నారు. ఇలాంటి పారీ్టలు మనకు అవసరం లేదని చెప్పారు. శుక్రవారం నిజామాబాద్‌ జిల్లా ఆర్మూర్‌లో నిర్వహించిన బాల్కొండ, ఆర్మూర్‌ నియోజకవర్గాల సకల జనుల సంకల్ప సభలో, హైదరాబాద్‌ శివారు రాజేంద్రనగర్‌ నియోజకవర్గ పరిధిలోని హైదర్షాకోట్, నగరంలోని నిజాంపేట, అంబర్‌పేటల్లో నిర్వహించిన రోడ్‌షోల్లో ఆయన ప్రసంగించారు.  బీఆర్‌ఎస్‌ అంకం ముగిసిపోయింది..  ‘గత ఎన్నికల్లో ఇచి్చన హామీలను కేసీఆర్‌ నెరవేర్చలేదు. 2014 ఎన్నికల తర్వాత దళితుడిని ముఖ్యమంత్రిని చేస్తానని మోసం చేశారు. బీఆర్‌ఎస్‌ అంకం ముగిసిపోయింది. ఆ పార్టీ పాలనలో ఔటర్‌ రింగ్‌ రోడ్డు, కాళేశ్వరం ప్రాజెక్టు, మద్యం, గ్రానైట్‌ కుంభకోణాలే ఉన్నాయి. అవినీతిలో దేశంలోనే తెలంగాణ రాష్ట్రాన్ని మొదటి స్థానంలో నిలిపిన ఘనులు ముఖ్యమంత్రి కేసిఆర్, మంత్రి కేటీఆర్‌లు. ఇలాంటి వారి భరతం పట్టేందుకు ప్రజలంతా బీజేపీని గెలిపించాలి. తెలంగాణలో అధికారంలోకి వచ్చిన వెంటనే అవినీతికి పాల్పడిన వారికి జైలు శిక్షలు విధిస్తాం. రాష్ట్రంలో ఉద్యోగ ఖాళీలు భర్తీ చేయకుండా యువత జీవితాలతో కేసీఆర్‌ చెలగాటం ఆడుతున్నారు. కేవలం తన కుటుంబానికే పదవులు కలి్పస్తున్నారు తప్ప తెలంగాణ ప్రజల ఆకాంక్షలను నెరవేర్చడం లేదు. తెలంగాణ ప్రభుత్వం ముస్లింలకు కొమ్ముకాస్తోంది. బీఆర్‌ఎస్‌ పార్టీ గుర్తు అయిన కారు స్టీరింగ్‌ ఎంఐఎం పార్టీ చేతుల్లో ఉంది. కేసీఆర్‌ అవినీతిని అంతమొందించి ఆయన్ను ఇంటికి పంపిస్తేనే ఎంఐఎం అగడాలకు అడ్డుకట్ట పడుతుంది..’ అని అమిత్‌షా అన్నారు.   ఎస్సీ, ఎస్టీ, బీసీల సంక్షేమానికి బీజేపీ కృషి      ‘ప్రధాని మోదీ దేశాన్ని నంబర్‌ వన్‌ స్థానానికి తీసుకెళ్లారు. కాంగ్రెస్‌ పార్టీ 70 ఏళ్లుగా పరిష్కరించని అయోధ్య రామాలయం సమస్యను మోదీ ప్రభుత్వం పరిష్కరించింది. కానీ ఎస్సీ, ఎస్టీ, బీసీల సంక్షేమానికి పాటుపడుతోంది. రాష్ట్రంలో బీజేపీకి అధికారం ఇస్తే టీఎస్‌పీఎస్‌సీ పేపర్‌ లీకేజీపై విచారణ జరిపించి బాధ్యులను జైలుకు పంపుతాం. రెండున్నర లక్షల మంది యువతకు ఉద్యోగాలు ఇస్తాం. ఉత్తర తెలంగాణలో అత్యధికంగా ఉన్న గల్ఫ్‌ కారి్మకుల కోసం ప్రత్యేక ఎన్‌ఆర్‌ఐ పాలసీని తీసుకొస్తాం. బీడీ కారి్మకులకు ఉచిత చికిత్స కోసం నిజామాబాద్‌లో 500 పడకల ఆస్పత్రి ఏర్పాటు చేస్తాం. సెపె్టంబర్‌ 17న తెలంగాణ విమోచన దినం అధికారికంగా నిర్వహిస్తాం. పెట్రోల్, డీజిల్‌పై జీఎస్‌టీని తగ్గిస్తాం. రూ.3,100కు క్వింటాల్‌ ధాన్యాన్ని కొనుగోలు చేస్తాం. రాష్ట్ర ప్రజలకు ఉచితంగా అయోధ్య శ్రీరాముని దర్శనం కలి్పస్తాం. ఎస్సీ వర్గీకరణకు కట్టుబడి ఉన్నాం. మోదీ సంకల్పంతో జాతీయ పసుపు బోర్డును ఏర్పాటు  చేయనున్నాం. దీంతో పసుపు రైతుల జీవన ప్రమాణాలు పెరుగుతాయి..’ అని అమిత్‌షా చెప్పారు. బీజేపీ అభ్యర్థులను భారీ మెజారీ్టతో గెలిపించాలని విజ్ఞప్తి చేశారు. కేంద్రమంత్రి కిషన్‌రెడ్డి, అభ్యర్థులు కృష్ణయాదవ్‌ (అంబర్‌పేట), తోకల శ్రీనివాస్‌రెడ్డి (రాజేంద్రనగర్‌), ఏలేటి అన్నపూర్ణమ్మ (బాల్కొండ), పైడి రాకేశ్‌రెడ్డి (ఆర్మూర్‌), మాజీ ఎంపీ కొండా విశ్వేశ్వర్‌రెడ్డి తదితరులు పాల్గొన్నారు.

సాక్షి, హైదరాబాద్‌: ప్రముఖ ఎలక్ట్రానిక్‌ ఉత్పత్తుల సంస్థ ఫాక్స్‌కాన్‌ టెక్నాలజీ గ్రూప్‌ తన తయారీ కేంద్రాన్ని హైదరాబాద్‌లోని కొంగరకలాన్‌లోనే ఏర్పాటు చేయనున్నట్లు ప్రకటించింది. ఈ మేరకు ఆ సంస్థ చైర్మన్‌ యంగ్‌ ల్యూ స్వయంగా ముఖ్యమంత్రి కేసీఆర్‌కు లేఖ రాశారు. దీంతో రాష్ట్రంలో ఆ పరిశ్రమ ఏర్పాటుపై తలెత్తిన అనుమానాలకు తెరపడింది. ఈ నెల 2న ఫాక్స్‌కాన్‌ చైర్మన్‌ యంగ్‌ ల్యూ బృందం ప్రగతిభవన్‌లో సీఎం కేసీఆర్‌తోపాటు పలువురు మంత్రులు, ఎమ్మెల్యేలు, అధికారులతో భేటీ అయ్యారు. ఆ తరువాత బెంగళూరు వెళ్లి కర్ణాటక సీఎం బస్వరాజ్‌ బొమ్మైని సైతం కలిశారు. అనంతరం లక్ష ఉద్యోగాలు కల్పించేలా ఫాక్స్‌కాన్‌ ఎలక్ట్రానిక్‌ ఉత్పత్తుల కేంద్రాన్ని ఏర్పాటు చేస్తామని ప్రకటించడంతో రాష్ట్రంలో ఆ సంస్థ ఏర్పాటుపై అనుమానాలు వ్యక్తమయ్యాయి. అయితే వాటికి సమాధానంగా అన్నట్లు ఫాక్స్‌కాన్‌ చైర్మన్‌ ముఖ్యమంత్రికి లేఖ రాశారు. మీ సంపూర్ణ మద్దతు కోరుతున్నా.. ‘మేము వీలైనంత త్వరలో కొంగరకలాన్‌లో మా సంస్థ ఉత్పత్తిని ప్రారంభిస్తాం. అందుకు మీ సంపూర్ణ మద్దతు కోరుతున్నా. హైదరాబాద్‌ పర్యటనలో అద్భుతమైన సమయాన్ని గడిపాం. మీ ఆతిథ్యం మమ్మల్ని బాగా ఆకట్టుకుంది. నా పుట్టిన రోజున స్వదస్తూరితో మీరు గ్రీటింగ్‌ కార్డు ఇవ్వడం వ్యక్తిగతంగా అమితానందాన్ని కలిగించింది’అని లేఖలో యంగ్‌ ల్యూ పేర్కొన్నారు. భారత్‌లో నాకు కొత్త స్నేహితుడు.. ‘తెలంగాణ అభివృద్ధి దిశగా పురోగమించడానికి మీరు చేస్తున్న కృషి, కనబరుస్తున్న దార్శనికత నుంచి స్ఫూర్తి పొందా. నాకు ఇప్పుడు భారత్‌లో కొత్త స్నేహితుడు ఉన్నారు. భవిష్యత్తులో మీతో కలిసి పనిచేయడానికి ఎదురుచూస్తున్నా. తైపీలో మీకు ఆతిథ్యం ఇవ్వడాన్ని గౌరవంగా భావిస్తా. త్వరలోనే మిమ్మల్ని కలవడానికి ఎదురుచూస్తున్నా’అని యంగ్‌ ల్యూ లేఖలో తెలిపారు. రాష్ట్రానికి గొప్ప విజయం: సీఎంవో తెలంగాణలో తయారీ కేంద్రాన్ని ఏర్పాటు చేస్తున్నట్లు ఫాక్స్‌కాన్‌ టెక్నాలజీ గ్రూప్‌ చైర్మన్‌ యంగ్‌ ల్యూ సీఎం కేసీఆర్‌కు లేఖ రాయడం పారిశ్రామిక రంగంలో రాష్ట్రానికి దక్కిన గొప్ప విజయంగా భావిస్తున్నట్లు ముఖ్యమంత్రి కార్యాలయం సోమవారం ఓ ప్రకటనలో పేర్కొంది.  

మోటకొండూర్‌ (ఆలేరు) : తెలంగాణ అభివృద్ధికి సీఎం కేసీఆర్‌ కృషి చేస్తున్నారని ప్రభుత్వ విప్‌ గొంగిడి సునీతామహేందర్‌రెడ్డి అన్నారు. శనివారం మండల పరిధిలోని అమ్మనబోలులో పలు అభివృద్ధి పనులను ప్రారంభించి మాట్లాడారు. కేసీఆర్‌ ముందుచూపుతో మిషన్‌ కాకతీయ, భగీరథ, పెట్టుబడి సాయం, సాగునీటి ప్రాజెక్ట్‌లు, మహిళా సంక్షేమ పథకాలు, పలు పథకాలతో బంగారు తెలంగాణ దిశగా అడుగులు వేస్తున్నారన్నారు. అంతకు ముందు గ్రామపంచాయతీ, మహిళా భవనం ప్రారంభం, సీసీ రోడ్డు నిర్మాణం పనులకు శంకుస్థాపన చేశారు. అనంతరం గ్రామానికి చెందిన వివిధ పార్టీల నుంచి 30మంది టీఆర్‌ఎస్‌లో  చేరారు. కార్యక్రమంలో ఎంపీపీ క్యాసగల్ల అనసూయ, జెడ్పీటీసీ బొట్ల పరమేష్, ఎంపీడీఓ చిలుకూరి శ్రీనివాస్, పంచాయతీరాజ్‌ ఏఈ శ్రీనివాస్, ఆలేరు మార్కెట్‌ కమిటీ వైస్‌ చైర్మన్‌ నాయిని రాంచంద్రారెడ్డి, గ్రామసర్పంచ్‌ శీల స్వరూపయాదయ్య, ఉపసర్పంచ్‌ కృష్టయ్య, ఎంపీటీసీ ఆనంద్, సత్యనారాయణ, టీఆర్‌ఎస్‌ మండల అధ్యక్షుడు  రవీందర్‌రెడ్డి,  రమేష్,  భాస్కర్,  నరహరి,  బాలయ్య, శ్రీనివాస్‌ పాల్గొన్నారు.

మిర్యాలగూడ : తెలంగాణ ప్రాంతం అభివృద్ధి చెందుతుంటే ఏపీ ముఖ్యమంత్రి చంద్రబాబునాయుడుకి అసూయ కలుగుతోందని ఎంపీ గుత్తా సుఖేందర్‌రెడ్డి అన్నారు. శనివారం మిర్యాలగూడలోని తన నివాసంలో స్థానిక ఎమ్మెల్యే నల్లమోతు భాస్కర్‌రావుతో కలిసి విలేకరులతో మాట్లాడారు. కేంద్రం ఆంధ్రప్రదేశ్‌ పునర్విభజన చట్టం అమలు చేస్తే రెండు రాష్ట్రాలు కూడా సంతోషంగా ఉంటాయన్నారు. చంద్రబాబు ఎన్‌డీఏలో భాగస్వామిగా ఉండి కూడా తెలంగాణను చూసి అసూయ పడడం సరికాదని హితవుపలికారు. సీఎం కేసీఆర్‌ హైదరాబాద్‌లో ఉన్న ఆంధ్రా ప్రజలకు వ్యతిరేకం కాదని ఎప్పుడో చెప్పాడని.. హైదరాబాద్‌లో ఉన్న ఆంధ్రా వారు ప్రశాంతంగా ఉన్నారని అన్నారు. నిజాం కాలంలోనే హైదరాబాద్‌ అభివృద్ధి చెందిందని.. భవనాలు, ఉస్మానియా ఆస్పత్రి, ఉస్మానియా యూనివర్సిటీ, విమానాశ్రయం, రైల్వేస్టేషన్లు కూడా అప్పటివేనని అన్నారు.  హైదరాబాద్‌లో ఉన్న డ్రెయినేజీ వ్యవస్థ కూడా అప్పటిదే ఉపయోగిస్తున్నట్లు తెలిపారు. 1948 నుంచి 1956 వరకు హైదరాబాద్‌ రాష్ట్రంగా ఉన్నప్పుడు కూడా మిగులు బడ్జెట్‌తోనే ఉందన్నారు. కేసీఆర్‌ నాయకత్వంలో 14 సంవత్సరాల పాటు చేపట్టిన ఉద్యమంలో వల్ల తెలంగాణ ఏర్పడిందనన్నారు. చంద్రబాబునాయుడు కూడా ఆనాడు తెలంగాణ ఏర్పాటుకు అనుకూలంగా లేఖ ఇచ్చాడని గుర్తుచేశారు. ప్రతిపక్షాలు కూడా అభివృద్ధి పనులకు సహకరించాలని కోరారు. సమావేశంలో మాజీ ఎమ్మెల్యే తిప్పన విజయసింహారెడ్డి, పార్టీ మండల అధ్యక్షులు చింతరెడ్డి శ్రీనివాస్‌రెడ్డి, నాయకులు దుర్గంపూడి నారాయణరెడ్డి, వీరకోటిరెడ్డి, ఎంపీపీ జానయ్య, పెద్ది శ్రీనివాస్‌గౌడ్, మదార్‌బాబా, చిట్టిబాబు తదితరులు పాల్గొన్నారు. 


 కొత్తూరు: తెలంగాణ అభివృద్ధి కోసమే అష్టకష్టాలు పడి రాష్ట్రాన్ని సాధించుకున్నామని జేఏసీ చైర్మన్ ప్రొఫెసర్ కోదండరాం అన్నారు. అయితే, ఆంధ్రప్రదేశ్ పునర్‌వ్యవస్థీకరణ బిల్లు సక్రమంగా లేదని స్పష్టం చేశారు. గురువారం మహబూబ్‌నగర్ జిల్లా కొత్తూరులో జరిగిన గ్రంథాలయ వారోత్సవాల్లో ఆయన మాట్లాడారు.
 
 బిల్లులో   పొందుపరిచిన విధంగా ఆంధ్రా నుంచి తెలంగాణకు 53 శాతం విద్యుత్ రాకున్నా.. తెలంగాణ నుంచి ఆంధ్రాకు 43 శాతం మాత్రం వెళుతోందన్నారు. రాష్ట్రంలో విద్యుత్ ఆదా కోసం ఏసీల వాడకాన్ని తగ్గించి ఎల్‌ఈడీ బల్బులను వాడితే బాగుంటుందని, సోలార్ ప్యానెల్స్‌ను ఏర్పాటు చేసుకునేలా ప్రభుత్వం అవగాహన కల్పిస్తే ఉపయోగకరంగా ఉంటుందని అభిప్రాయపడ్డారు.