ఆర్టిఫిషియల్ ఇంటెలిజెన్స్ (ఏఐ) సాఫ్ట్‌వేర్‌ డెవలప్‌మెంట్‌లో విప్లవాత్మక మార్పులు తీసుకుస్తోంది. కోడింగ్ ప్రక్రియలో సృజనాత్మకతను, సామర్థ్యాన్ని సమకూరుస్తోంది. కోడింగ్‌లో ఏఐ నిర్వహిస్తున్న కొన్ని అంశాలను సాంకేతిక నిపుణులు విశ్లేషిస్తున్నారు.కోడ్ జనరేషన్: గిట్‌హాబ్‌ లాంటి కోపిలాట్ కృత్రిమ మేధ ఆధారిత సాధనాలు నేచురల్‌ ల్యాంగ్వేజీ వివరణల ఆధారంగా కోడ్ స్నిప్పెట్లు, ఫంక్షన్లు, మాడ్యూల్స్‌ను తయారు చేస్తుంది. ఇది మాన్యువల్ కోడింగ్‌ను తగ్గించి సాఫ్ట్‌వేర్‌ డెవలప్‌మెంట్‌ను వేగవంతం చేస్తుంది.బగ్ డిటెక్షన్: ఏఐ అల్గారిథమ్స్ నమూనాలను విశ్లేషించడం ద్వారా కోడ్‌లో బగ్స్, సమస్యలను గుర్తిస్తున్నారు. ఈ టూల్స్ రియల్ టైమ్ ఫీడ్ బ్యాక్‌ను అందిస్తాయి.కోడ్ ఆప్టిమైజేషన్: ఏఐ ఇప్పటికే ఉన్న కోడ్‌ను విశ్లేషించగలదు. పనితీరు, రీడబిలిటీ, నిర్వహణను మెరుగుపరచడానికి ఆప్టిమైజేషన్‌లను సూచిస్తుంది. ఇది వనరులను సమర్థవంతంగా ఉపయోగించడానికి, మెరుగైన సాఫ్ట్‌వేర్‌ను రూపొందించడానికి సాయం చేస్తుంది.టెస్టింగ్: టెస్ట్ కేసులను జనరేట్ చేయడం, ఎడ్జ్ కేసులను గుర్తించడం, పునరావృత టెస్టింగ్ పనులను ఆటోమేట్ చేయడం ద్వారా ఏఐ టెస్టింగ్ ప్రక్రియను క్రమబద్ధీకరిస్తుంది.కోడ్ రివ్యూ అసిస్టెన్స్: ఏఐ ఆధారిత కోడ్ రివ్యూ టూల్స్ పీర్ రివ్యూల సమయంలో కోడ్‌ను మెరుగుపరచడానికి, కోడింగ్ ప్రమాణాలు, ఉత్తమ పద్ధతులకు కట్టుబడి ఉండేలా చూడటానికి సూచనలను అందిస్తాయి.డీబగ్గింగ్ సపోర్ట్: కోడింగ్‌లో సమస్యలకు మూలకారణాన్ని గుర్తించడం, సంభావ్య పరిష్కారాలను సూచించడం ద్వారా డీబగ్గింగ్ చేయడంలో ఏఐ టూల్స్ డెవలపర్లకు సహాయపడతాయి. ట్రబుల్ షూటింగ్ కోసం వెచ్చించే సమయాన్ని తగ్గిస్తాయి.లెర్నింగ్ అండ్ అప్ స్కిల్లింగ్: ఇంటరాక్టివ్ ట్యుటోరియల్స​్‌ను సిఫార్సు చేయడం ద్వారా డెవలపర్లు కొత్త ప్రోగ్రామింగ్ ల్యాంగ్వేజీలు, ఫ్రేమ్ వర్క్‌లను నేర్చుకోవడానికి ఏఐ తోడ్పడుతుంది.ఇదీ చదవండి: రూ.కోట్లు కోల్పోయిన వ్యాపారవేత్త.. ఏం జరిగిందంటే..అనాలిసిస్: ఆర్టిఫిషియల్ ఇంటెలిజెన్స్ చారిత్రాత్మక డేటాను విశ్లేషించడం ద్వారా ప్రాజెక్ట్ టైమ్ లైన్లు, వనరుల అవసరాలు, సంభావ్య ప్రమాదాలను అంచనా వేయగలదు.

టెక్నాలజీ పెరుగుతున్న కొద్దీ ఏఐ వాడకం ఎక్కువవుతోంది. సాఫ్ట్‌వేర్‌ రంగంలో దీని ఉపయోగం మరింత ప్రాముఖ్యతను సంతరించుకుంటోంది. ఏఐ కోడింగ్‌, టెస్టింగ్‌, ఎగ్జిక్యూటింగ్‌ వంటి కీలక పనులను నిర్వహిస్తోంది. ఈ నేపథ్యంలో ఏఐ కోడింగ​్‌కు సంబంధించి జోహో వ్యవస్థాపకులు శ్రీధర్ వెంబు కీలక వ్యాఖ్యలు చేశారు. కోడింగ్‌లో ఏఐ సామర్థ్యం ఏమేరకు ఉంటుందో అంచనా వేస్తూ భవిష్యత్తులో దాని పనితీరును విశ్లేషించే ప్రయత్నం చేశారు. ఈమేరకు తన ఎక్స్‌ ఖాతాలో పోస్ట్‌ చేశారు.‘ఏఐ 90 శాతం కోడ్‌ను రాస్తుందని ఎవరైనా చెప్పినప్పుడు నేను వెంటనే అంగీకరిస్తాను. ఎందుకంటే ప్రోగ్రామర్లు రాసే వాటిలో 90 శాతం బాయిలర్ ప్లేట్లు(కాపీ చేసేందుకు వీలుగా ఉండే కంప్యూటర్‌ ప్రోగ్రామ్‌లు). ప్రోగ్రామింగ్ రెండు రకాల సంక్లిష్టతను కలిగి ఉంటుంది. ఒకటి-ముఖ్యమైన సంక్లిష్టత.. ఇందులో భవిష్యత్తు అవసరాలకు అనుగుణంగా ప్రణాళికబద్ధంగా కోడింగ్‌ను కొత్తగా క్రియేట్‌ చేయాల్సి ఉంటుంది. రెండు ప్రమాదవశాత్తు సంక్లిష్టత-ఏదైనా అత్యసవర సమయాల్లో కోడింగ్‌లో సాయం అవసరం అవుతుంది. దాన్ని తొలగించడానికి కృత్రిమ మేధ ఎంతో తోడ్పడుతుంది. అయితే ఆర్టిఫిషియల్ ఇంటెలిజెన్స్ ఇప్పటికే మానవులు కనుగొన్న నమూనాల ప్రకారం కోడింగ్‌లో సహకారం అందిస్తుంది. ఇది పూర్తిగా కొత్త నమూనాలు సృష్టిస్తుందా..? మానవుల మాదిరిగానే ఏఐ చాలా అరుదుగా కొత్త నమూనాలను తయారు చేస్తుందేమో చూడాల్సి ఉంది. ఇది ఏమేరకు సాధ్యమవుతుందో నాకు తెలియదు’ అని పోస్ట్‌ చేశారు.ఇదీ చదవండి: ‘బాధను అంగీకరించి ముందుకు సాగుతున్నా’When people say "AI will write 90% of the code" I readily agree because 90% of what programmers write is "boiler plate".There is "essential complexity" in programming and then there is a lot of "accidental complexity" (that is the boiler plate stuff) and this is very old wisdom…— Sridhar Vembu (@svembu) March 22, 2025

హైదరాబాద్: సొల్యూషన్స్3ఎక్స్ మెడికల్ కోడింగ్ తమ లేటెస్ట్ ట్రైనింగ్ కేంద్రాన్ని హైదరాబాద్‌లోని అమీర్‌పేటలో ప్రారంభించింది. అమెరికన్ అకాడమీ ఆఫ్ ప్రొఫెషనల్ కోడర్స్ (AAPC), అమెరికన్ హెల్త్ ఇన్ఫర్మేషన్ మేనేజ్‌మెంట్ అసోసియేషన్ (AHIMA) నుంచి రెండు ప్రమాణాలు పొందిన భారతదేశంలో ఏకైక మెడికల్ కోడింగ్ శిక్షణ సంస్థ ఈ 'సొల్యూషన్స్3ఎక్స్'. ఈ సంస్థ హైటెక్ సిటీలో తన మొదటి కేంద్రాన్ని కొనసాగిస్తూ.. నూతన ఆవిష్కరణలకు బాటలు వేస్తోంది.సొల్యూషన్స్3ఎక్స్ మెడికల్ కోడింగ్ నూతన శిక్షణ కేంద్రం ప్రారంభ కార్యక్రమానికి ముఖ్య అతిథిగా సురేష్ పొట్లూరి, ముత్తుకుమారన్ గాంధీ, సమియుల్లా మహమ్మద్, రాజశేఖర్ గుమ్మడి, ప్రథిమా హాజరయ్యారు.సొల్యూషన్స్3ఎక్స్ ఇప్పటికే 2,000 మందికి పైగా మెడికల్ కోడింగ్ ప్రొఫెషనల్స్‌ను సృష్టించింది. గ్లోబల్‌గా గుర్తింపు పొందిన సర్టిఫికేషన్లు, వైద్య రంగంలో అత్యవసరంగా కావలసిన ప్రాక్టికల్ నైపుణ్యాలను అందించి వారికి ఒక ఆర్థికపరమైన, స్థిరమైన కెరీర్‌ను అందించడంలో సఫలమైంది.మెడికల్ కోడింగ్ ప్రస్తుతం విద్యార్థులకు అధిక వేతనాలతో కూడిన ఉపాధి అవకాశాలను అందించగలిగిన రంగంగా మారింది. ముఖ్యంగా పెరుగుతున్న ఆరోగ్యరంగంలో జీవశాస్త్రం లేదా ఆరోగ్య రంగానికి చెందిన విద్యార్థులకే పరిమితమైనదన్న అపోహను చెరిపివేస్తూ.. సరైన శిక్షణ ద్వారా ఏ విద్యా నేపథ్యం కలిగినవారైనా ఈ రంగంలో మంచి ఉద్యోగాలను పొందవచ్చని నిరూపిస్తోంది.సొల్యూషన్స్3ఎక్స్‌లో.. మేము విద్యార్థులకు కేవలం సర్టిఫికేషన్‌లను అందించడమే కాకుండా, ఆరోగ్య రంగంలో మంచి కెరీర్‌ను పొందడానికి వారిని సన్నద్ధం చేయడం మా ప్రధాన లక్ష్యం. అమీర్‌పేటలో మా నూతన కేంద్రం విద్యార్థులకు ప్రాక్టికల్ నైపుణ్యాలు, గ్లోబల్ సర్టిఫికేషన్లతో పాటు.. విజయానికి అవసరమయ్యే ఆత్మవిశ్వాసాన్ని అందించేందుకు రూపొందించబడింది.మెడికల్ కోడింగ్ ఒక సులభతరమైన, అత్యంత ప్రాముఖ్యత కలిగిన రంగం. ఇది ఏ విద్యా నేపథ్యం కలిగిన వారికైనా అందుబాటులో ఉంటుందని సొల్యూషన్స్3ఎక్స్ సీఈఓ ముత్తుకుమారన్ గాంధీ అన్నారు.ఈ నూతన శిక్షణ కేంద్రంలో ప్రాక్టిస్ ల్యాబ్స్, స్మార్ట్ క్లాస్‌రూమ్‌లు, లెర్నింగ్ మేనేజ్‌మెంట్ సిస్టమ్ (LMS) వంటి టెక్నాలజీ ఆధారిత వాతావరణం అందుబాటులో ఉన్నాయి. బహుభాషా శిక్షణదారుల మద్దతు ద్వారా, నేర్చుకోవడం సులభంగా ఉంటుంది. అలాగే, ఆఫ్‌లైన్ క్లాసులు, ఇతర ప్రాంతాల విద్యార్థుల కోసం ఆన్‌లైన్ శిక్షణ ఆప్షన్లను అందించడం ద్వారా అన్ని వర్గాల విద్యార్థులకూ అందుబాటులో ఉండేలా చూస్తోంది.సొల్యూషన్స్3ఎక్స్ డ్యూయల్ ఏఏపీసీ, ఏహెచ్ఐఎమ్‌ఎ ప్రమాణాలు కలిగి, గ్లోబల్‌గా గుర్తింపు పొందిన సర్టిఫికేషన్‌లను అందించే సంస్థగా హామీ ఇస్తోంది. ఇది ఇప్పటికే 10కి పైగా మల్టీనేషనల్ కంపెనీలకు నమ్మదగిన శిక్షణ భాగస్వామిగా ఉంది. విద్యార్థుల సర్టిఫికేషన్ పరీక్షలలో 90% పాస్ రేట్ సాధించడం సొల్యూషన్స్3ఎక్స్ గొప్ప విజయంగా నిలిచింది. విద్యార్థుల ఆర్థిక భారం తగ్గించేందుకు, సొల్యూషన్స్3ఎక్స్ సర్టిఫికేషన్ ఫీజులపై ప్రత్యేక డిస్కౌంట్‌లు అందిస్తూ, అన్ని వర్గాల విద్యార్థులను ప్రోత్సహిస్తోంది. సొల్యూషన్స్3X తో మెడికల్ కోడింగ్‌లో శిక్షణ, ఉద్యోగ సహాయం కోసం 7893234949కు సంప్రదించవచ్చు

తెనాలి: ఈ చిన్నోడు సామాన్యుడు కాదు. కంప్యూటర్‌ లాంగ్వేజెస్, డేటా, ఆర్టిఫిషియల్‌ ఇంటెలిజెన్స్‌లో దిట్ట. కంప్యూటర్‌ సైంటిస్టులకే పాఠాలు చెబుతాడు. ఐఐటీ విద్యార్థులకు (IIT Students) రోల్‌ మోడల్‌. కంప్యూటర్‌ ప్రపంచం మెచ్చిన డేటా సైంటిస్ట్‌ (Data Scientist). పన్నెండేళ్ల వయసులో ఏడో తరగతి చదువుతూ సాఫ్ట్‌వేర్‌ కంపెనీలో డేటా సైంటిస్ట్‌గా ఉద్యోగం చేసిన ఘనుడు. ప్రపంచంలో అతి పిన్న వయస్కుడైన డేటా సైంటిస్ట్‌గా గూగుల్‌తోనే చెప్పించుకున్న తెనాలి చిన్నోడు. పేరు పిల్లి సిద్ధార్థ శ్రీవాత్సవ్‌ (Siddharth Srivastav Pilli). ఇప్పుడు వయస్సు 17 ఏళ్లు. చదువుతున్నది ఇంటర్మిడియట్‌ ద్వితీయ సంవత్సరం. హైదరాబాద్‌ ఐఐటీలో (Hyderabad IIT) ఆర్టిఫిషియల్‌ ఇంటెలిజెన్స్‌ ఇంజినీరుగానూ పని చేస్తున్నాడు. వారంలో మూడు రోజులు చదువు.. మూడు రోజులు ఉద్యోగం. ఏడో తరగతి నుంచి ఇదే పని. చిన్నప్పటి నుంచే కంప్యూటర్‌పై పట్టు గుంటూరు జిల్లా తెనాలికి చెందిన ప్రియమానస, రాజ్‌కుమార్‌ దంపతుల ఏకైక కుమారుడు సిద్ధార్థ. తల్లిదండ్రులు సాఫ్ట్‌వేర్‌ ఉద్యోగులు కావడంతో సి­ద్ధార్థకు చిన్నతనం నుంచీ కంప్యూటర్‌పై బలమైన అభిరుచి కలిగింది. కొడుకు ఆసక్తిని గమనించిన తండ్రి నాలుగో తరగతి నుంచే కంప్యూటర్‌ బేసిక్స్, టెక్నాలజీ, లాంగ్వేజెస్‌ నేర్పించారు. నాలుగైదేళ్లు గడిచేసరికి సిద్ధార్థకు కంప్యూటర్‌పై పట్టు చిక్కింది. అడ్వాన్స్‌ లెవెల్‌కు చేరుకోగలిగాడు.సొంతంగా ఆన్‌లైన్‌లో కొన్ని నమూనా ప్రాజెక్టులూ చే­య­టంతో ఆత్మవిశ్వాసం కలిగింది. అప్పుడే ఉద్యోగం చేస్తానని తండ్రితో చెప్పాడు. తండ్రి పెద్ద సీరియస్‌గా తీసుకోలేదు. మరింత పరిజ్ఞానం కోసం తండ్రి అతడిని ఓ కంప్యూటర్‌ సంస్థలో చేర్చాలని తీసుకెళ్లగా.. బాలుడన్న కారణంతో చేర్చుకోలేదు. దీంతో తండ్రి ఆన్‌లైన్‌ కోర్సుల్లో చేర్పించారు. ఇలా వీడియోలు చూస్తూ స్వయంగా అధ్యయనం ప్రా­రంభించిన సిద్ధార్థ వాటిపై గట్టి పట్టు సాధించాడు. ఉద్యోగ సాధన ఉద్యోగం చేస్తానని మరోసారి చెప్పినా భారత్‌లో సాధ్యం కాదని తండ్రి చెప్పేశారు. పట్టువదలని సిద్ధార్థ తనే ఓ రెజ్యూమె తయారు చేసుకుని ఆన్‌లైన్‌లో అప్‌లోడ్‌ చేశాడు. కొన్ని కంపెనీలు ఫోన్‌­లో సంప్రదించాయి. అతడి కంప్యూటర్‌ పరిజ్ఞానానికి అబ్బురపడుతూనే.. వయసు, చదువు తక్కువన్న భావనతో పట్టించుకోలేదు. సుదీర్ఘ ఇంట­ర్వ్యూ చేసిన మోంటెగ్న్‌ కంపెనీ సీఈవో ‘నీతో వండర్స్‌ చేయిస్తా’ అంటూ ఉద్యోగం ఇచ్చారు. చదువుకు ఆటంకం కలగకూడదని తండ్రి షరతు విధించడంతో మూడు రోజులు ఉద్యోగానికి ఓకే చేశారు. పాఠశాల యాజమాన్యం సహకారంతో ఏడో తరగతిలోనే ఐటీ ఉద్యోగిగా నెలకు రూ.25 వేల జీతంతో చేరాడు.కొద్దికాలంలోనే అదే హో­దా­తో మరో సంస్థకు మారాడు. నెలకు రూ.45 వేల వేతనంతో ఆర్టిఫిషియల్‌ ఇంటెలిజెన్స్‌లో వినూత్నమైన గేమ్‌ డిజైనింగ్‌లో కృషి చేశాడు. మూడురోజులు స్కూలుకు, మూడురోజులు ‘ఇన్‌ఫినిటీ లెర్న్‌’ ఐటీ సంస్థలో డేటా సైంటిస్ట్‌గా చేస్తూనే, అమెరికన్‌ కంపెనీ ‘రైట్‌ ఛాయిస్‌’ తరపున అక్కడి విద్యార్థులకు కోడింగ్‌ క్లాసులూ నిర్వహించాడీ బాల మేధావి. అవార్డులు, అవకాశాలు.. సిద్ధార్థ ప్రతిభను గుర్తించిన బైజూస్‌ కంపెనీ ‘యంగ్‌ జీనియస్‌’ అవార్డుతో సత్కరించింది. తెలంగాణ ప్రభుత్వం ఈ బుడతడిని స్వయంగా ఆహ్వానించి భూకంపాలను ముందుగానే గుర్తించే కేంద్ర ప్రభుత్వ ప్రాజెక్టును అప్పగించింది. పదో తరగతి తర్వాత హైదరాబాద్‌లోనే గటిక్‌ కాలేజిలో ఇంటర్‌లో చేరాడు. మరోవైపు అక్కడి ట్రిపుల్‌ ఐటీలో రీసెర్చ్‌ ఇంజినీరుగానూ పరిశోధన కొనసాగించాడు. ఇంకోవైపు కోడింగ్‌ క్లాసులూ చెబుతున్నాడు. అక్కడితో ఆగకుండా ఆర్టిఫిషియల్‌ ఇంటెలిజెన్స్‌పైనా ఫ్రీలాన్సర్‌గా చేయసాగాడు. ఇవన్నీ గమనించిన ఐఐటీ–హైదరాబాద్‌ అతడికి ఆర్టిఫిషియల్‌ ఇంజినీరుగా ఉద్యోగాన్నిచ్చింది.చ‌ద‌వండి: అమెరికాలోనూ ‘చాయ్‌.. సమోసా’ప్రస్తుతం సిద్థార్థ ఇంటర్మీడియట్‌ సెకండియర్‌ చదువుతూనే.. ఏడాదిగా ఐఐటీలో ఏఐ, మెషీన్‌ లెర్నింగ్‌ ప్రాజెక్టుల్లో పనిచేస్తున్నాడు. ఇటీవల శాంసంగ్‌ కంపెనీ జాతీయస్థాయిలో నిర్వహించిన ‘సాల్వ్‌ ఫర్‌ టుమారో’ పోటీలో టాప్‌ టెన్‌లో ఒకడిగా వచ్చా­డు. కృత్రిమ మేధలో అతడి నవీన ఆలోచన అందు­లో ఎంపికైందని సిద్థార్థ తండ్రి రాజ్‌కుమార్‌ ‘సాక్షి’కి తెలిపారు. 2022–23లో ‘సాక్షి’ ఎక్స్‌లెన్స్‌ అవార్డునూ సిద్ధార్థ అందుకున్నాడు. ‘సాక్షి’ మీడి­యా చైర్‌పర్సన్‌ వైఎస్‌ భారతి చేతుల మీదుగా అవార్డు అందుకున్నాడు. జాతీయస్థాయి న్యూస్‌ ఛానల్స్‌ ఇతని ఇంటర్వ్యూలను ప్రసారం చేశాయి.ఇదే లక్ష్యం.. తల్లిదండ్రుల ప్రోత్సాహం, జుకర్‌ బర్గ్, సుందర్‌ పిచాయ్‌ల జీవిత చరిత్రలు, బిల్‌ గేట్స్‌ మాటలు, స్టీవ్‌ జాబ్స్‌ పనితీరుతో తన కలల సౌధాన్ని నిర్మించుకున్నట్టు సిద్ధార్థ చెప్పాడు. ప్రపంచ టాప్‌ ఫైవ్‌లోని గూగుల్, మైక్రోసాఫ్ట్, ఐబీఎం కంపెనీల్లో రీసెర్చ్‌ అండ్‌ అనాలసిస్‌ విభాగాల్లో ఆర్టిషిషియల్‌ ఇంటెలిజెన్స్‌ ప్రాజెక్టుల్లో భాగస్వామిగా ఉండాలని, మంచి గేమ్‌ డిజైన్‌ చేయాలనేది తన ఆకాంక్ష అని చెప్పాడు. ప్రజలకు ఉపయోగపడే ప్రాజెక్టులు కూడా చేస్తానని, వీలైతే మైక్రోసాఫ్ట్‌ లాంటి అప్లికేషన్‌కు రూపకల్పన చేయాలనే ఆశయంతో ప్రతి క్షణం కష్టపడుతున్నట్టు తెలిపాడు.

రెండు స్వచ్ఛంద సంస్థలు నిర్వహిస్తోన్న ‘స్కూల్‌ ఆఫ్‌ ప్రోగ్రామింగ్‌’ బిహార్‌లోని ఎంతోమంది గ్రామీణ యువతులకు ఉచితంగా కోడింగ్‌ నేర్పిస్తోంది. వారు ఐటీ రంగంలో ఉద్యోగాలు చేసేలా చేస్తోంది...బిహార్‌లోని ఠాకురంజీ గ్రామానికి చెందిన రవీనా మెహ్తో ఒకప్పుడు వంటల్లో, ఇంటిపనుల్లో తల్లికి సహాయపడుతూ ఉండేది. ప్రస్తుతం రవీనా బెంగళూరులోని ఒక పెద్ద కంపెనీలో పనిచేయనుంది. బిహార్‌లోని కిషన్‌గంజ్‌లో ప్రారంభించిన ‘స్కూల్‌ ఆఫ్‌ ప్రోగ్రామింగ్‌’ లో కోడింగ్‌ నేర్చుకోవడానికి... ఉన్న ఊరు వదిలి కిషన్‌గంజ్‌కు వచ్చిన 67 మంది యువతులలో రవీనా ఒకరు. 21 నెలల పాటు సాగే ఈ కోర్సులో అరారియా నుంచి గయ వరకు బిహార్‌ నలుమూలల నుంచి అమ్మాయిలు చేరారు.తరగతులలో ప్రతి ఒక్కరూ తమ ల్యాప్‌టాప్‌లలో పైథాన్, జావాలతో తలపడుతుంటారు. ఇంగ్లీష్‌లో మాట్లాడడానికి ప్రయత్నిస్తుంటారు. ‘ఇక్కడికి రావడానికి ముందు ల్యాప్‌టాప్‌ కూడా వాడని వారు వీరిలో ఉన్నారు. జీరో నుంచి శిక్షణ ప్రారంభించాం. తక్కువ టైమ్‌లోనే చాలా చక్కగా నేర్చుకుంటున్నారు’ అంటుంది ట్రైనర్‌లలో ఒకరైన ప్రియాంక దంగ్వాల్‌. గ్రామీణ, చిన్న పట్టణాలకు చెందిన మహిళలు మన దేశంలోని ఐటీ పరిశ్రమలలో ప్రవేశించడానికి మార్గం సుగమం చేయడానికి నవగురుకుల్, ప్రాజెక్ట్‌ పొటెన్షియల్‌ అనే రెండు స్వచ్ఛంద సంస్థలు ‘స్కూల్‌ ఆఫ్‌ ప్రోగ్రామింగ్‌’ను ప్రారంభించాయి.కాణీ ఖర్చు లేకుండా సంస్థలో ఉచితంగా కోర్సు నేర్చుకోవడానికి అవకాశం వచ్చినా రవీనాలాంటి వాళ్లకు ఇంటి పెద్దల నుంచి అనుమతి అంత తేలికగా దొరకలేదు. ‘తల్లిదండ్రుల నుంచి అనుమతి కోసం దాదాపు యుద్ధంలాంటిది చేశాను. మొదట అమ్మను, ఆ తరువాత అమ్మమ్మను చివరకు ఇరుగు పొరుగు వారిని కూడా ఒప్పించాల్సి వచ్చింది. నా జీవితాన్ని మార్చే అవకా«శం కోసం పోరాడాను’ అంటుంది రవీన. ‘బిహార్‌లో కేవలం 9.4 శాతం మంది మహిళలు మాత్రమే శ్రామిక శక్తి(వర్క్‌ ఫోర్స్‌)లో ఉన్నారు. మన దేశంలోని ఏ రాష్ట్రంలో లేనంత తక్కువ రేటు ఇది. గ్రామీణ మహిళలకు ఉన్నతోద్యోగాలు చేయడానికి సహాయ సహకారాలు అందించడం, శ్రామిక శక్తిలో వారి ప్రాతినిధ్యాన్ని పెంచడం మా ప్రధాన లక్ష్యం’ అంటున్నాడు ‘ప్రాజెక్ట్‌ పొటెన్షియల్‌’ వ్యవస్థాపకుడు జుబిన్‌ శర్మ.కిషన్‌గంజ్‌లో ‘స్కూల్‌ ఆఫ్‌ ప్రోగ్రామింగ్‌’ నిశ్శబ్ద విప్లవానికి నాంది పలికింది. రాయ్‌పూర్, దంతెవాడ, ధర్మశాలలో ఇలాంటి మరో ఎనిమిది కేంద్రాలు ఉన్నాయి. ‘స్కూల్‌ ఆఫ్‌ ప్రోగ్రామింగ్‌’ ద్వారా కూలి పనులు చేసుకునే శ్రామికుల అమ్మాయిలు, ఇంటి పనులకే పరిమితమైన అమ్మాయిలు సాఫ్ట్‌వేర్‌ ఇంజనీర్‌లుగా మారి నెలకు పాతిక వేలకు పైగా సంపాదిస్తున్నారు. ‘స్కిల్‌ డెవలప్‌మెంట్‌ కోర్సులు మహిళల సంపాదన సామర్థ్యాన్ని పెంచడమే కాకుండా పితృస్వామిక భావజాలాన్ని దూరం పెట్టడంలో సహాయపడతాయి. మహిళలలో ఆశయాల అంకురార్పణకు, వారిలో ఆత్మవిశ్వాసాన్ని పెంచడానికి దోహద పడతాయి. కార్పొరేట్‌ ఇండియా తమ సీఎస్‌ఆర్‌ యాక్టివిటీస్‌ కింద ఇలాంటి కార్యక్రమాలు పెంచితే, మహిళా సాధికారతలో తమ వంతు పాత్ర పోషించడానికి వీలవుతుంది’ అంటుంది ‘గ్రేట్‌ లేక్స్‌ ఇన్‌స్టిట్యూట్‌ ఆఫ్‌ మేనేజ్‌మెంట్‌ అండ్‌ ఎకనామిక్స్‌’ ప్రొఫెసర్‌ విద్యా మహాబరే.రోజూ తండ్రితో పాటు పొలం పనులకు వెళ్లే అమ్మాయిలు, తల్లితో పాటు ఇంటి పనులకే పరిమితమైన అమ్మాయిలు, తోచక కుట్లు, అల్లికలతో కాలం వెళ్లదీస్తున్న పల్లెటూరి అమ్మాయిలు... ఐటీ సెక్టార్‌లో పని చేయడం సాధ్యమా? ‘అక్షరాలా సాధ్యమే’ అని నిరూపిస్తోంది స్కూల్‌ ఆఫ్‌ ప్రోగ్రామింగ్‌.మొదట్లో కష్టం... ఇప్పుడు ఎంతో ఇష్టంవిద్యార్థులకు ‘స్కూల్‌ ఆఫ్‌ ప్రోగ్రామింగ్‌’ ద్వారా ఉచితంగా ల్యాప్‌టాప్‌లు అందిస్తున్నారు. వసతి, భోజనం ఏర్పాటు చేస్తున్నారు. ‘మొదట్లో కోడింగ్‌ నేర్చుకోవడం కష్టంగా ఉండేది. ఇప్పుడు మాత్రం చాలా ఇష్టంగా ఉంది. ఇప్పుడు కోడ్‌లతో గేమింగ్‌ను కూడా క్రియేట్‌ చేస్తున్నాం’ అంటారు విద్యార్థులు. కోడింగ్‌ నేర్పించడం మాత్రమే కాదు విద్యార్థులు ఇంగ్లీష్‌ బాగా మాట్లాడేలా ‘స్కూల్‌ ఆఫ్‌ ప్రోగ్రామింగ్‌’లో శిక్షణ ఇస్తున్నారు.అనగనగా ఒకరోజు...నేను ఐటీ రంగంలో కెరీర్‌ మొదలు పెట్టాలనుకున్నప్పుడు కిషన్‌గంజ్‌లో ఫ్రీ కోడింగ్‌ స్కూల్‌ లేదు. బెంగళూరులోని ‘నవగురుకుల్‌’కు వెళ్లాలనుకున్నాను. అయితే మా పేరెంట్స్‌ బెంగళూరుకు వెళ్లడానికి ససేమిరా అన్నారు. అయినా సరే వారితో వాదన చేసి రైలు ఎక్కాను. మా కుటుంబం నుంచే కాదు మా ఊరు నుంచి కూడా ఎవరూ బెంగళూరుకు వెళ్లలేదు. నేను బెంగళూరుకు వచ్చిన రోజు భారీ వర్షం కురిసింది. నాకు కన్నడ రాదు. అప్పటికి ఇంగ్లీష్‌ అంతంత మాత్రమే వచ్చు. చాలా భయం వేసింది. ఇప్పుడు మాత్రం ఎలాంటి భయం లేదు. ఇప్పుడు ఫారిన్‌ క్లయింట్స్‌తో టకటకా ఇంగ్లీష్‌లో మాట్లాడగలుగుతున్నాను. మూడేళ్ల క్రితం కోడింగ్‌ కోర్సు పూర్తి చేసిన కవిత ప్రస్తుతం కోల్‌కత్తాలోని ఒక ఐటీ కంపెనీలో పనిచేస్తూ నెలకు రూ.50 వేలు సంపాదిస్తోంది. – కవితా మెహ్తో(చదవండి: కూతుళ్లంతా అమ్మ చీర కట్టుకుంటుంటే..ఆమె మాత్రం నాన్న..!)

స్త్రీలు సాంకేతికంగా కూడా సాధికారిత సాధించాలనే లక్ష్యంతో వారికి ఉచితంగా కోడింగ్‌ పాఠాలు నేర్పుతోంది ఢిల్లీవాసి 23 ఏళ్ల జష్నిత్‌ అహుజా. కోడింగ్‌ తెలిసిన వారికి ఉద్యోగావకాశాలు అధికంగా లభిస్తాయి. ఈ రకంగా దేశంలో ఆర్థికంగా వెనుకబడిన అమ్మాయిలకు ఆశాజ్యోతిగా మారింది జప్నిత్‌. ఇప్పటి వరకు 2 వేల మంది అమ్మాయిలకు ఉచితంగా డిజిటల్‌ పాఠాలు నేర్పింది. వంద మంది వాలంటీర్ల బృందానికి నాయకత్వం వహిస్తోంది. ఢిల్లీకి చెందిన జప్నిత్‌ అహుజాకు కోడింగ్‌ అంటే చాలా ఆసక్తి. దాంతో కోడింగ్‌ నేర్చుకోవడం మీదనే దృష్టిపెట్టింది. అదే సమయంలో ఆమె ఒక విషయాన్ని గుర్తించింది. అదేమంటే, కోడింగ్‌ రంగంలో స్త్రీలు చాలా తక్కువగా ఉన్నారనీ, ఆ ఉన్న వారిలో కూడా చాలామందికి దానిపై తగినంత పరిజ్ఞానం లేదనీ. మిగిలిన వారితో పోల్చితే కోడింగ్‌ తెలిసిన వాళ్లకి ఉద్యోగావకాశాలు కాసింత ఎక్కువగానే దొరుకుతాయి. అయితే ఆ రంగంలో పురుషులదే పై చేయి. దాంతో సాంకేతికపరంగా ఏమైనా ఉద్యోగాలు ఉంటే కోడింగ్‌లో వారే ముందుకు దూసుకుపోవడం వల్ల ఆ ఉద్యోగాలు కూడా వారే ఎక్కువగా దక్కించుకోగలుగుతున్నారు. ఇప్పటిదాకా స్త్రీలు ఎన్నో రంగాలలో పట్టుదలతో కృషి చేసి, పై చేయి సాధించగలుగుతున్నప్పుడు కోడింగ్‌లో మాత్రం పట్టు ఎందుకు సాధించకూడదు... అని ఆలోచించింది. అంతే... ముందు తాను ఆ రంగంలో బాగా కృషి చేసింది. పట్టుదలతో కోడింగ్‌ నేర్చుకుంది... ఆ రకంగా అందులో చకచకా పై మెట్టుకు చేరిపోగలిగింది. తనలాగే మరికొందరు ఆడపిల్లలకు కూడా కోడింగ్‌ నేర్పితేనో... అనుకుంది. అలా అనుకోవడం ఆలస్యం... ఇతర ఆమ్మాయిలను కొందరిని పోగు చేసి తనకు తెలిసిన దానిని వారికి ఉచితంగా పాఠాలు నేర్పడం ఆరంభించింది. అలా తన 16వ ఏట ఆమె ‘గో గర్ల్‌’ అనే సంస్థను స్థాపించింది. అయితే భాష సమస్య రాకుండా వారికి వచ్చిన స్థానిక భాషలోనే ఉచితంగా కోడింగ్‌ను నేర్పడం ఆమె ప్రత్యేకత. తోటి ఆడపిల్లలను సాంకేతికంగా ఎదిగేలా చేయడం కోసం ఎంచుకున్న లక్ష్యం, అందుకు ఆమె చేసిన కృషీ వృథా పోలేదు. చాలామంది అమ్మాయిలు ఆమె దగ్గర కోడింగ్‌ నేర్చుకుని మంచి ఉద్యోగావకాశాలను సాధించుకోగలిగారు. అలా తనకు లభించిన ప్రోత్సాహ ఉత్సాహంతో తన వయసు ఆడపిల్లలకే కాదు, తల్లి వయసు స్త్రీలకు కూడా కోడింగ్‌ నేర్పడం మొదలు పెట్టింది. అలా తనకు 23 ఏళ్లు వచ్చేసరికి చిన్న, పెద్ద కలిసి దాదాపు రెండు వేల మందికి పైగా ఆమె వద్ద కోడింగ్‌ నేర్చుకుని సాంకేతికంగా అభివృద్ధి చెంది, తమ కాళ్ల మీద తాము నిలబడగలిగారు. అన్నింటికన్నా ఆశ్చర్యకరమైన విషయం ఏమిటంటే... ఆరవ తరగతి చదివేటప్పుడే కోడింగ్‌ రంగంలో సాధించిన ప్రావీణ్యం బాల మేధావిగా ఆమెకు గుర్తింపు తెచ్చిపెట్టింది. ఇటీవల ఒక ఇంటర్వ్యూలో ఆమె మాట్లాడుతూ ‘‘చిన్నప్పుడు స్కూల్‌ నుంచి రాగానే అమ్మానాన్న ఆఫీసులనుంచి ఇంటికి వచ్చేలోగా వారికోసం ఎదురు చూస్తూ రకరకాల వెబ్‌సైట్లకు రూపకల్పన చేసేదానిని. అప్పుడు నాన్న నాతో.. ‘ఈ పిచ్చి పిచ్చి వెబ్‌సైట్లు కాదు బేబీ... నువ్వు నాసా సైంటిస్ట్‌గా ఎదగాలి. తలచుకుంటే నీకదేమీ ఒక లెక్కలోనిది కాదు’ అని చెప్పిన మాట నన్ను ఎంతో ప్రభావితం చేసింది. అలా ఎయిత్‌ క్లాస్‌కు వచ్చేసరికి పెద్దయ్యాక నేను చేయవలసింది ఉద్యోగం కాదని... సాంకేతికంగా అభివృద్ధి చెందడం, దానిద్వారా నేను నేర్చుకున్న పాఠాలను పదిమందికీ చెప్పడంలోనే ఎంతో థ్రిల్‌ ఉందనీ అర్థమైంది. నా దగ్గర కోడింగ్‌ పాఠాలు నేర్చుకున్న వారే తమంతట తాము స్వచ్ఛందంగా ఇతరులకు నేర్పించడం మొదలు పెట్టారు. ఆ విధంగా ‘కోడింగ్‌ ఫర్‌ ఉమెన్‌ బై ఉమెన్‌’ కాన్సెప్ట్‌ మాకు బాగా ఉపకరించింది. అంతేకాదు, డిజిటల్‌ జెండర్‌ గ్యాప్‌ అనే వివక్షను పూడ్చాలన్న నా స్వప్నం సాకారం అయ్యేందుకు ఉపకరించింది. ఏమైనా పిల్లలు గ్యాడ్జెట్స్‌తో ఆడుకుంటున్నప్పుడు వాళ్లు వాటితో ఏం చేస్తున్నారో... తల్లిదండ్రులు ఓ కంట కనిపెట్టాలి. దానిని వారు మంచికే ఉపయోగిస్తున్నారు అని గుర్తించగలిగితే ఆ దిశగా వారిని ప్రోత్సహించడం మంచిది. నా తల్లిదండ్రులు కోడింగ్‌పై నాకున్న ప్యాషన్‌ను గుర్తించకుండా ఏవో పిచ్చి ఆటలు ఆడుతున్నాను అనుకుని దానికి అడ్డుకట్ట వేసి ఉంటే  నేను ఈ స్థాయికి ఎదిగి ఉండేదానిని కాను’’ అని ఆమె చెప్పిన మాటలు ఆలోచించదగ్గవి.       ∙కోడింగ్‌లో శిక్షణ పొందుతున్న అమ్మాయిలు

‘అబ్బ...ఖాళీ సమయం దొరికింది. ఎంజాయ్‌ చేయాలి’ అనుకునేవారు కొందరు. ‘ఖాళీ సమయం దొరి కింది... ఏదైనా నేర్చుకోవాలి’ అనుకునేవారు మరికొందరు. అద్రిత్‌రావు రెండో కోవకు చెందిన కుర్రాడు. కోవిడ్‌ మహమ్మారి సమయంలో దొరికిన విరామంలో ఆన్‌లైన్‌ ప్లాట్‌ఫామ్స్‌ ద్వారా ఎన్నో సాంకేతిక విషయాలను స్వయంగా నేర్చుకున్నాడు. కోడింగ్‌  మాంత్రికుడిగా పేరు తెచ్చుకున్నాడు... ‘కోడింగ్‌ మేధావి’గా పేరుగాంచిన ఇండియన్‌–అమెరికన్‌ అద్రిత్‌రావు యాప్‌ డెవలప్‌మెంట్‌ వరల్డ్, డిజిటల్‌ హెల్త్‌ ఇన్నోవేషన్‌లో తనదైన ముద్ర వేయడానికి ప్రయత్నిస్తున్నాడు. కాలిఫోర్నియాకు చెందిన పదహారు సంవత్సరాల అద్రిత్‌ ఎన్నో యాప్‌లను రూపొందించి టెక్‌ దిగ్గజం యాపిల్‌ ప్రశంసలు అందుకున్నాడు. ప్రస్తుతం స్టాన్‌ఫోర్డ్‌ యూనివర్శిటీలో హెల్త్‌కేర్‌కు సంబంధించిన కట్టింగ్‌–ఎడ్జ్‌ రిసెర్చ్‌లో భాగం అయ్యాడు. ఎనిమిదేళ్ల వయసులో కోడింగ్‌తో ప్రయాణం ప్రారంభించాడు అద్రిత్‌. ‘బ్లాక్‌ ప్రోగ్రామింగ్‌’తో కంప్యూటర్‌ సైన్స్‌తో పరిచయం  అయింది. ఆ పరిచయం ఇష్టం అయింది. ఆ ఇష్టం శోధనకు మూలం అయింది. కంప్యూటర్‌ సైన్స్‌ ప్రపంచంలోకి అడుగు పెట్టిన అద్రిత్‌ ట్రెడిషనల్‌ ప్రోగ్రామింగ్‌ లాంగ్వేజ్‌లను గురించి ఆసక్తిగా తెలుసుకోవడం  ప్రారంభించి ఆ తరువాత వాటిపై పట్టు సాధించాడు. కోవిడ్‌ మహమ్మారి సమయంలో అద్రిత్‌కు బోలెడు ఖాళీ సమయం దొరికింది. ఈ ఖాళీ సమయంలో యూట్యూబ్, ఇతర ఆన్‌లైన్‌ వనరుల ద్వారా యాప్‌ డెవలప్‌మెంట్‌ నేర్చుకున్నాడు. పన్నెండేళ్ల వయసులో ఆపిల్‌ వరల్డ్‌ వైడ్‌ డెవలపర్స్‌ కాన్ఫరెన్స్‌ సిఫ్ట్‌ స్టూడెంట్‌ చాలెంజ్‌లో అద్రిత్‌రావు విజేతగా నిలిచాడు. ఈ సందర్భంగా ఆపిల్‌ సీఈవో టిమ్‌ కుక్‌ను కలిసే అరుదైన అవకాశం లభించింది. ‘అదొక ఉత్తేజకరమైన అనుభవం. యాప్‌ డెవలప్‌మెంట్‌కు సంబంధించి నా ప్రయాణాన్ని మరింత ముందుకు తీసుకువెళ్లడానికి ప్రేరణ ఇచ్చింది’ కుక్‌తో జరిగిన మీటింగ్‌ గురించి చెబుతాడు అద్రిత్‌. సినిమాలు, టీవీ షోలను చూడడానికి ప్రేక్షకులకు సహాయపడే యాప్‌ల నుంచి ఆరోగ్య సంరక్షణలో ఉపయోగపడే యాప్‌ల వరకు...అద్రిత్‌ ఖాతాలో వినూత్న యాప్‌లు ఎన్నో ఉన్నాయి. ప్రపంచవ్యాప్తంగా ఎంతమంది బధిరులు ఉన్నారు, కమ్యూనికేషన్‌ విషయంలో ఇతరులతో వారికి ఎదురవుతున్న సమస్యల గురించి అధ్యయనం చేసిన అద్రిత్‌కు వారి హావభావాలను ఐఫోన్‌ కెమెరా ద్వారా స్పీచ్‌గా మార్చాలనే ఆలోచన వచ్చింది. ఆ తరువాత ‘సిగ్నర్‌’ అనే యాప్‌ ద్వారా తన ఆలోచనను నిజం చేసుకున్నాడు. పదమూడు సంవత్సరాల వయసులో చదివిన ఒక వ్యాసం ద్వారా అద్రిత్‌కు ఆర్టిఫిషియల్‌ ఇంటెలిజెన్స్‌పై ఆసక్తి పెరిగింది. ఆరోగ్య సమస్యలను పరిష్కరించడానికి ఆర్టిఫిషియల్‌ ఇంటెలిజెన్స్‌ను ఉయోగించాలనే ప్రయత్నంలో స్టాన్‌ఫోర్ట్‌ యూనివర్శిటీలో రిసెర్చ్‌ ఇంటెర్న్‌షిప్‌ ప్రారంభించాడు అద్రిత్‌. వ్యాధులను గుర్తించే, స్టాండ్‌ఔట్‌ ఇన్నోవేషన్‌గా చెప్పబడుతున్న ‘ఆటోఏబీఐ’లాంటి ఐఫోన్‌ యాప్‌లు క్లినికల్‌ ట్రయల్స్, పేటెంట్‌ప్రాసెస్‌లో ఉన్నాయి. పది సైంటిఫిక్‌ రిసెర్చ్‌ పేపర్‌లను ప్రచురించిన అద్రిత్‌ డిజిటల్‌ హెల్త్‌ సోల్యూషన్స్‌కు సంబంధించి క్రియాశీల పాత్ర  పోషిస్తున్నాడు. ఆర్టిఫిషియల్‌ ఇంటెలిజెన్స్‌ యాప్‌లపై పని చేయడానికి సిలికాన్‌ వ్యాలీలో ఎక్కువ సమయం గడిపినప్పటికీ ‘సాంకేతిక సహాయంతో ఆరోగ్య సంరక్షణ’ అంశంపై ఎక్కువ దృష్టి పెట్టాడు అద్రిత్‌. ‘వైద్యుల స్థానాన్ని ఏఐ భర్తీ చేయాలని నేను అనుకోవడం లేదు. అయితే అది వైద్యులకు సహాయపడుతుంది’ అంటున్నాడు. ఈ కోడింగ్‌ మాంత్రికుడిలోని మరో కోణం...లాభాపేక్ష లేకుండా యంగ్‌ ఇన్నోవేటర్స్‌ కోసం ΄ాఠాలు బోధిస్తున్నాడు. ఎంతోమందికి విలువైన సలహాలు ఇస్తున్నాడు.వయసు అడ్డంకి కాదు... కొత్త ఆవిష్కరణలకు వయసు అనేది అడ్డు కాదు. అభిరుచి అనేది ఆవిష్కరణకు ప్రమాణం. మనం ఇష్ట పడుతున్న సబ్జెక్ట్‌పై  ఎంత ఎక్కువ సమయాన్ని కేటాయిస్తే అంత విజయం సాధించగలం. కాలం అనేది విలువైనది. విలువైన కాలాన్ని వృథా చేయకుండా విలువైన విషయాలపై దృష్టి పెడితే అద్భుతాలు సాధించగలం. మార్పును తీసుకురాగలం. – అద్రిత్‌    

ప్రారంభం నంజుంచి ఓపెన్ఏఐ చాట్‌జీపీటీ సామర్థ్యానికి ప్రజలు మంత్ర ముగ్దులయ్యారు. నేడు ఈ టెక్నాలజీ ఉన్నత శిఖరాలను చేరుకుంటోంది. దిగ్గజ సంస్థలు సైతం ఈ టెక్నాలజీని ఉపయోగించుకోవడానికి ఆసక్తి చూపుతున్నాయి. ఓపెన్ఏఐ మాత్రమే కాకుండా గూగుల్,  మైక్రోసాఫ్ట్ కంపెనీలు కూడా సొంత చాట్‌బాట్‌లు, జెమిని, బింగ్‌ వంటి వాటిని ఆవిష్కరించుకున్నాయి. ఇటీవల దేశీయ దిగ్గజం రిలయన్స్ కంపెనీ కూడా హనూమాన్ (Hanooman) అనే ఏఐ ఆవిష్కరించింది. జరుగుతున్న పరిణామాలు చూస్తుంటే భవిష్యత్తు 'ఏఐ'దే అంటున్నారు. ఏఐ కారణంగా చాలామంది తమ ఉద్యోగాలను కోల్పోతుంటే.. ఈ టెక్నాలజీలో నైపుణ్యం కలిగిన ఉద్యోగులకు మాత్రం డిమాండ్ పెరిగిపోతోంది. ఉద్యోగం కావాలంటే తప్పకుండా టెక్నాలజీలో నైపుణ్యం కలిగి ఉండాలని పలువురు నిపుణులు చెబుతున్నారు. ఈ సమయంలో ఎన్విడియా (Nvidia) సీఈఓ 'జెన్సన్ హువాంగ్' కూడా ఏఐ ప్రభావం ఉద్యోగాల మీద చాలా ఎక్కువగా ఉంటుందని స్పష్టం చేశారు. అభివృద్ధి చెందుతున్న టెక్నాలజీకి ప్రపంచంలో పిల్లలు కోడింగ్ నేర్చుకోవాల్సిన అవసరం లేదని కూడా వ్యాఖ్యానించారు. గతంలో ప్రతి ఒక్కరూ కోడింగ్ నేర్చుకోవాలని సూచించారు, కానీ నేడు దాని అవసరం లేకుండా పోయిందని ఆయన స్పష్టం చేశారు. ఇదీ చదవండి: ఛాట్‌జీపీటీకి పోటీగా మన ‘హనూమాన్‌’! ప్రోగ్రామింగ్ లాంగ్వేజ్ మానవీయంగా ఉండేలా టెక్నాలజీని క్రియేట్ చేయడం తమ బాధ్యతని సీఈఓ జెన్సన్ హువాంగ్ పేర్కొన్నారు. కాబట్టి ఇక మీద సీ++, జావా వంటి కోడింగ్ లాంగ్వేజస్ అవసరం లేదని, రాబోయే రోజుల్లో ఏఐ మరింత వృద్ధి చెందుతుందని ఆయన చెప్పుకొచ్చారు.

హైదరాబాద్, బిజినెస్‌ బ్యూరో: టెక్నాలజీ దిగ్గజం మైక్రోసాఫ్ట్‌.. ఒక లక్షకుపైచిలుకు భారతీయ సాఫ్ట్‌వేర్‌ డెవలపర్లకు నెలరోజుల్లో శిక్షణ ఇవ్వనున్నట్టు ప్రకటించింది. ఫ్యూచర్‌ రెడీ చాంపియన్స్‌ ఆఫ్‌ కోడ్‌ కార్యక్రమం కింద నెలరోజుల శిక్షణతోపాటు అభ్యర్థులను ధ్రువీకరించనుంది.  వేగంగా అభివృద్ధి చెందుతున్న డెవలపర్‌ కమ్యూనిటీలతో ఆవిష్కరణల కేంద్రంగా భారత్‌ మారిందని మైక్రోసాఫ్ట్‌ ఇండియా కస్టమర్‌ సక్సెస్‌ ఈడీ అపర్ణ గుప్త అన్నారు. దేశ వృద్ధిని నడిపించే సాంకేతికత అభివృద్ధిలో డెవలపర్ల సృజనాత్మకత, ఆవిష్కరణ, అభిరుచిని మైక్రోసాఫ్ట్‌ గుర్తిస్తుందని చెప్పారు.   

కోడింగ్‌ స్కూల్‌ ఉద్దేశం ఆరో తరగతి నుంచే విద్యార్థికి సాధా­రణ పాఠ్యాంశంతోపాటు కంప్యూటర్‌ పరిజ్ఞానం, ప్రోగ్రామింగ్‌పై అవగాహన కల్పిస్తూ శిక్షణ ఇవ్వడం  లక్ష్యం కాలేజీ స్థాయికి వచ్చేసరికి కంప్యూటర్‌ ఇంజనీరింగ్‌లో అత్యుత్తమ నిపుణులుగా విద్యార్థులను తయారు చేయడం  ఎన్ని స్కూళ్లు టీఎస్‌డబ్ల్యూఆర్‌ఈఐఎస్‌ పరిధిలో మూడు కేటగిరీల్లో ఈ స్కూళ్లున్నాయి. బాలురు–1, బాలికలు–1, డిగ్రీ విద్యార్థులకు–1  ఏటా చేస్తున్న ఖర్చు సాధారణ పాఠశాల నిర్వహణ ఖర్చులకు అదనంగా ఏటా రూ. 6 కోట్లు.  ప్రస్తుత పరిస్థితి కోడింగ్‌ బోధన అయోమయం.. సాధారణ పాఠశాలల మాదిరిగా క్లాసులు.  సాక్షి, హైదరాబాద్‌: తెలంగాణ సాంఘిక సంక్షేమ గురుకుల విద్యాసంస్థల సొసైటీ (టీఎస్‌డబ్ల్యూఆర్‌ఈఐఎస్‌) ప్రతిష్టాత్మకంగా ప్రారంభించిన కోడింగ్‌ పాఠశాలల నిర్వహణ గాడి తప్పింది. సాంకేతిక నిపుణులు, ఉన్నత ప్రమాణాలతో కూడిన శిక్షకులతో కంప్యూటర్‌ పరిజ్ఞానాన్ని విద్యార్థులకు చిన్నతనం నుంచే కల్పించి ఉత్తమ సాఫ్ట్‌వేర్‌ ఇంజనీర్లను తయారు చేయాలన్న లక్ష్యంతో ఏర్పాటు చేసిన ఈ పాఠశాల ఇప్పుడు సాధారణ గురుకులం మాదిరిగా తయారైంది. కోడింగ్‌ స్కూల్‌లో సాంకేతిక నిపుణులను పూర్తిస్థాయిలో నియమించకపోవడం... ఇన్ఫర్మెషన్‌ టెక్నాలజీలో వస్తున్న మార్పులపై అవగాహన కల్పించే సదస్సులకు విద్యార్థులను తీసుకెళ్లకపోవడం, పారిశ్రామిక విజ్ఞాన యాత్రలను అటకెక్కించడం... కోడింగ్‌ తరగతులను సైతం నిర్దేశించిన సమయాల్లో నిర్వహించకపోవడంతో కోడింగ్‌ స్కూల్‌ స్ఫూర్తి దెబ్బతింటోంది.  ఉన్నత లక్ష్యం...  సాంకేతిక విద్యపై ఆసక్తి ఉన్న విద్యార్థులను ఎస్సీ గురుకులాల నుంచి ఎంపిక చేసి వారికి కోడింగ్‌ స్కూల్‌లో ప్రత్యేక శిక్షణ ఇచ్చే ఉద్దేశంతో రంగారెడ్డి జిల్లా చిలుకూరు సమీపంలో టీఎస్‌డబ్ల్యూఆర్‌ఈఐఎస్‌ కోడింగ్‌ పాఠశాలను నిర్వహిస్తోంది. ఈ క్యాంపస్‌లో బాలురు, బాలికలకు ప్రత్యేక తరగతులు నిర్వహిస్తూ ఇక్కడే వసతి కల్పిస్తున్నారు. డిగ్రీ స్థాయి పిల్లలకు బాలానగర్‌ సమీపంలో కోడింగ్‌ కాలేజీని నిర్వహిస్తున్నారు. కోడింగ్‌ పాఠశాలలో సాధారణ గురుకుల పాఠశాల/కళాశాలకు సంబంధించిన తరగతులను సొసైటీ ఆధ్వర్యంలో కొనసాగగా... కోడింగ్‌కు సంబంధించిన తరగతులు, శిక్షణ కార్యక్రమాలను నిర్వహించేందుకు టీఎస్‌డబ్ల్యూఆర్‌ఈఐఎస్‌ ఒక ప్రైవేటు సంస్థకు బాధ్యతలు అప్పగించింది. ప్రైవేటు సంస్థను టెండర్ల ద్వారా ఎంపిక చేసింది. టెండరు దక్కించుకున్న కాంట్రాక్టు సంస్థ కోడింగ్‌ పాఠశాలలో సాంతికేతిక నిపుణులను, ట్రైనర్లను నియమించుకుని విద్యార్థులకు రోజుకు 4 గంటలపాటు తరగతులు నిర్వహించి శిక్షణ ఇవ్వాలి. అంతర్జాతీయ, జాతీయ ఐటీ సదస్సులకు విద్యార్థులను తీసుకెళ్లి అవగాహన కల్పించాలి. ఇండస్ట్రియల్‌ టూర్లలో భాగంగా సాఫ్ట్‌వేర్‌ సంస్థలను ప్రత్యక్షంగా చూపించి కోడింగ్, ప్రోగ్రామింగ్, యానిమేషన్‌ తదితర కంప్యూటర్‌ ఇంజనీరింగ్‌పై అవగాహన పెంచాలి. ఇందుకు ఏటా కోడింగ్‌ అంశం కోసమే టీఎస్‌డబ్ల్యూఆర్‌ఈఐఎస్‌ రూ. 6 కోట్లు ఖర్చు చేస్తోంది. మూడేళ్ల కాలానికి రూ. 18 కోట్ల బడ్జెట్‌ కేటాయించింది.  తూట్లు పొడుస్తున్న కాంట్రాక్టు సంస్థ  2020 నుంచి మూడేళ్ల కాలానికి టెండర్లు దక్కించుకున్న ప్రైవేటు సంస్థ క్రమంగా కోడింగ్‌ లక్ష్యానికి తూట్లు పొడుస్తోంది. తగినంత మంది సాంకేతిక నిపుణులు, శిక్షకులను నియమించకుండా అరకొర తరగతులతో చేతులు దులుపుకుంటోంది. గత రెండేళ్లుగా ఇండస్ట్రియల్‌ టూర్లకు మంగళం పాడిన ఆ సంస్థ... అవగాహన సదస్సులను సైతం అటకెక్కించింది. కేవలం సాధారణ స్కూల్‌ కార్యకలాపాలతోపాటు రోజులో అరకొరగా థియరీ తరగతులతో కాలం వెళ్లదీస్తోంది. టీఎస్‌డబ్ల్యూఆర్‌ఈఐఎస్‌ సొసైటీకి పూర్తిస్థాయి కార్యదర్శి లేకపోవడం... ఇతర ఉన్నతాధికారులు పట్టించుకోకపోవడంతో కాంట్రాక్టు సంస్థ ఇష్టానుసారంగా వ్యవహరిస్తోందంటూ ఫిర్యాదులు వెల్లువెత్తినా సొసైటీ అధికారులు బాధ్యులపై చర్యలు తీసుకోకపోవడం గమనార్హం. సొసైటీలోని ఓ ఉన్నతాధికారి ప్రమేయం ఉండటంతో ప్రైవేటు సంస్థ ఇష్టానుసారంగా వ్యవహరిస్తోందనే ఆరోపణలు  వస్తున్నాయి.   

ముంబై:  కోడింగ్‌ కాంపిటీషన్‌లో 1,000 మందితో పోటీపడి నెగ్గిన విజేతకు అమెరికా కంపెనీ మంచి ఉద్యోగం ఆఫర్‌ చేసింది. ఏడాదికి రూ.33 లక్షల వేతనం ఇస్తామని తెలిపింది. అతడి వయసు గురించి తెలిశాక ఉద్యోగం ఇవ్వలేమని సమాచారం పంపింది. విజేత వయసు కేవలం 15 ఏళ్లు కావడమే ఇందుకు కారణం. మహారాష్ట్రలోని నాగపూర్‌కు చెందిన వేదాంత్‌ దేవ్‌కాటే వయసు 15 సంవత్సరాలు. పదో తరగతి చదువుతున్నాడు. ఇంట్లో ల్యాప్‌టాప్‌ సాయంతో స్వయంగా కోడింగ్‌ నేర్చుకున్నాడు. అందులో మంచి పట్టు సంపాదించాడు. అమెరికాలోని న్యూజెర్సీ అడ్వర్‌టైజింగ్‌ కంపెనీ నిర్వహించిన కోడింగ్‌ పోటీలో పాల్గొన్నాడు. రెండు రోజుల్లో 2,066 లైన్ల కోడ్‌ రాశాడు. సునాయాసంగ విజయం సాధించాడు. వేదాంత్‌ ప్రతిభను గుర్తించిన న్యూజెర్సీ అడ్వర్‌టైజింగ్‌ కంపెనీ తమ మానవ వనరుల విభాగంలో ఉద్యోగం ఇచ్చేందుకు ముందుకొచ్చింది. రూ.33 లక్షల వార్షిక ప్యాకేజీ ఇస్తామని తెలిపింది. వ్యక్తిగత వివరాలు పంపాలని కోరింది. వేదాంత్‌ ఆ వివరాలు పంపించాడు. అతడి వయసు 15 ఏళ్లేనని తెలుసుకున్న న్యూజెర్సీ కంపెనీ ఉద్యోగం ఇవ్వలేమని పేర్కొంది. తమ కంపెనీ నిబంధనల ప్రకారం చిన్న వయసు వారిని చేర్చుకోవడం సాధ్యపడదని నిస్సహాయత వ్యక్తం చేసింది. నిరాశ చెందాల్సిన అవసరం లేదని, విద్యాభ్యాసం పూర్తయిన తర్వాత తమను సంప్రదించాలని వేదాంత్‌కు సూచించింది.    

అమెరికాలో సాఫ్ట్‌వేర్‌ జాబ్‌. పైసా ఖర్చులేకుండా భారత్‌ నుంచి అమెరికా వచ్చేందుకు ఫ్రీగా ఫ్లైట్‌ టికెట్‌. కళ్లు చెదిరే ప్యాకేజీ ఇస్తామంటూ పిలుపు అందింది. కుర్రాడి ఆనందానికి అవధులు లేకుండా పోయింది. కానీ అంతలోనే సదరు సంస్థ ఆ కుర్రాడికి భారీ షాకిచ్చింది.  నాగపూర్‌కు చెందిన రాజేష్‌, అశ్వనీ దంపతుల కుమారుడు వేదాంత్ డియోకటే (15) 10వ తరగతి చదువుతున్నాడు. కరోనా కారణంగా విద్యార్ధులకు ఆన్‌లైన్‌ క్లాసులు నిర్వహించిన విషయం తెలిసిందే. అయితే టెన్త్‌ క్లాస్‌ చదివే వేదాంత్‌ ఆన్‌లైన్‌ క్లాసులతో పాటు ఆన్‌లైన్‌లో డజన్ల కొద్ది కోడింగ్‌ కోర్స్‌లు నేర్చుకున్నాడు.  రెండు రోజుల్లో ఈ తరుణంలో తల్లీ అశ్వినీకి చెందిన ల్యాప్‌ట్యాప్‌లో వేదాంత్‌ ఇన్‌స్ట్రాగ్రామ్‌ బ్రౌజ్‌ చేస్తుండగా..వెబ్‌సైట్‌ డెవలప్మెంట్ కాంపిటీషన్‌ జరుగుతుంది. ఎవరైనా పాల్గొన వచ్చంటూ ఓ లింక్‌ కంట పడింది. అంతే ఏమాత్రం ఆలస్యం చేయకుండా ఈ 15ఏళ్ల కుర్రాడు కోడింగ్‌ కాపింటీషన్‌లో పాల్గొన్నాడు. రెండు రోజుల్లో హెచ్‌టీఎంఎల్‌,జావా స్క్రిప్ట్‌,వర్చువల్‌ స్టూడియో కోడ్‌ (2022) 2,066 రాశాడు. దేశ వ్యాప్తంగా 1000మంది పాల్గొన్న ఈ కోడింగ్‌ కాంపిటీషన్‌లో వేదాంత్‌ తనకిచ్చిన టార్గెట్‌ను విజయవంతంగా పూర్తిచేశాడు. ఖండాంతరాలు దాటిన ప్రతిభ ఈ కాంపిటీషన్‌లో వేదాంత్‌ చూపించిన ప్రతిభ ఖండాంతరాలు దాటింది. అమెరికా న్యూజెర్సీకి చెందిన యాడ్‌ ఏజెన్సీ సంస్థ ఆర్‌ అండ్‌ డి డిపార్ట్‌మెంట్‌లో జాబ్‌ ఇస్తామని, సంవత్సరానికి రూ.33లక్షల ప్యాకేజీ ఇస్తామని పిలిచింది. తీరా వేదాంత్‌ ఎడ్యుకేషన్‌తో పాటు వయస్సు చాలా చిన్నది కావడంతో తాము ఇస్తామన్న ఆఫర్‌ను విరమించుకుంటున్నామని.. విద్యార్ధిగా సాధించిన విజయాలు ఇంకా ఉన్నాయంటూ యూఎస్‌  కంపెనీ తెలిపింది.    వేదాంత్‌ ప్రతిభ అమోఘం  ఈ కుర్రాడి ప్రతిభ అమోఘం, అనుభవం, ప్రొఫెషనలిజం, అప్రోచ్‌ అయ్యే విధానం చాలా బాగుంది. వేదాంత్‌కు జాబ్‌ ఇప్పుడు ఇవ్వలేకున్నా.. ఉన్నత చదువులు పూర్తి  చేసిన తర్వాత అతను కోరుకున్న జాబ్‌ ఇచ్చేందుకు సిద్ధంగా ఉన్నాం.ఎప్పుడు కావాలనుకుంటే అప్పుడు మమ్మల్ని సంప్రదించవచ్చంటూ అమెరికన్‌ యాడ్‌ ఏజెన్సీ ప్రతినిధులు తెలిపారు.

ప్రముఖ టెక్‌ దిగ్గజం టెక్‌ మహీంద్ర సంచలన నిర్ణయం తీసుకుంది. టెక్‌ మహీంద్రాకు చెందిన మేకర్స్‌ ల్యాబ్‌ 'మెటా విలేజ్‌'ను లాంచ్‌ చేసింది. ఈ ఫ్లాట్‌ ఫామ్‌తో లాంగ్వేజ్‌ ప్రాబ్లమ్‌ ఫేస్‌ చేసే వారికి, ముఖ్యంగా గ్రామీణ ప్రాంతాల్లో ఉంటూ ఉపాధి పొందాలనుకునే విద్యార్ధులకు వరంగా మారనుంది.  మేకర్స్ ల్యాబ్ డిజైన్‌ చేసిన ఈ ప్లాట్‌ఫారమ్ లోకల్‌ లాంగ్వేజ్‌లో కంప్యూటర్‌లు, కోడింగ్ నేర్చుకునేలా సాయపడనుంది. ఇందులో భాగంగా టెక్‌ మహీంద్రా మహరాష్ట్రలోని పరాగావ్ గ్రామంలో మెటా విలేజ్‌ను ప్రారంభించింది. ఆన్‌లైన్‌ ఫ్లాట్‌ ఫామ్‌ మెటా విలేజ్ సాయంతో విద్యార్థులు స్థానిక మాతృ భాషలో కోడింగ్‌ చేసేలా కోచింగ్‌ ఇవ్వనుంది. ప్రస్తుతం పరాగావ్‌ గ్రామ విద్యార్ధులకు ఆన్‌లైన్‌లో కోడింగ్‌ నేర్పిస్తున్నట్లు నిర్వాహకులు వెల్లడించారు.     ఈ సందర్భంగా టెక్ మహీంద్రా "మేక్ ఇన్ ఇండియా" పట్ల నిబద్ధతను తెలుపుతూ మెటా విలేజ్ ప్రారంభించాం. తద్వారా అట్టడుగు స్థాయిలో విద్యారంగంలో నూతన ఆవిష్కరణలకు శ్రీకారం చుట్టున్నాన్నట్లు కంపెనీ ఓ  ప్రకటనలో పేర్కొంది. అంతేకాదు గ్రామీణ ప్రాంతాల్లో సాంకేతిక విద్య, నైపుణ్యాభివృద్ధిని ప్రోత్సహించేలా టెక్ మహీంద్రా మేకర్స్ ల్యాబ్ ఇప్పటికే విద్యార్ధులకు భారత్‌ మార్కప్‌ లాంగ్వేజ్‌ (బీహెచ్‌ఏఎంఎల్‌)ను నేర‍్పిస్తున్నట్లు మేకర్స్ ల్యాబ్ గ్లోబల్ హెడ్ నిఖిల్ మల్హోత్రా అన్నారు.  అవకాశాల వెల్లువ  టెక్‌ మహీంద్రా అందుబాటులోకి తెచ్చిన ఫ్లాట్‌ ఫామ్‌తో విద్యార్ధులు లోకల్‌ ల్యాంగేజ్‌లో కోడింగ్‌ నేర్చుకోవచ్చు. కోడింగ్‌ అనేది ఇంగ్లీష్‌ భాషలో మాత్రమే చేయాల్సి ఉంటుంది. కానీ మేకర్స్‌ ల్యాబ్ సంస్థ స్థానిక భాషలో కోడింగ్‌ నేర్చుకునేలా ఈ మెటావిలేజ్‌ను డెవలప్‌ చేసింది.  ఇందులో లాంగ్వేజ్‌ నేర్చుకోవడం వల్ల ఉద్యోగ, ఉపాధి అవకాశాలు విస్తృతంగా పెరగనున్నాయి. స్థానిక భాషల్లో కోడింగ్‌ నేర్చుకొని ఆన్‌లైన్‌లో ఉపాధి పొందవచ్చు. ప్రముఖ కంపెనీల్లో సాఫ్ట్‌వేర్‌ ఉద్యోగాలు పొందవచ్చు. చదవండి: రండి..రండి.. దయచేయండి! ఆనంద్‌ మహీంద్రా ట్వీట్‌ వైరల్‌!

సాక్షి, ప్రకాశం: చీమకుర్తి మండలంలోని నెహ్రూనగర్‌లో రబ్బరు ట్యాగ్‌తో కూడిన పావురం కలకలం రేపింది. స్థానికంగా ఉన్నఅపార్ట్‌మెంట్‌లో నాగరాజు అనే యువకుడు పావురాన్ని గమనించాడు. దాని పాదానికి చైనా అక్షరాలతో రబ్బర్‌ట్యాగ్‌ను గుర్తించాడు. దానికి అడ్డంగా 2019, నిలువుగా 2207 కోడ్స్‌ ఉన్నాయి. అయితే, అతని ఇంట్లో తరచుగా పావురాలు వస్తుంటాయి. ఈ క్రమంలో.. నాగరాజు ఒక పావురం కాలికి కొత్తగా ఏదో ట్యాగ్‌ ఉండటాన్ని గమనించాడు. వెంటనే స్థానిక వీఆర్వో, పోలీసులకు సమాచారం అందించాడు. వీఆర్వో సంఘటన స్థలానికి చేరుకుని పావురాన్ని పరిశీలించారు. కాగా, గతంలో కూడా ఒడిస్సా రాష్ట్రంలో ఇలాంటి సంఘటనలు జరిగిన విషయం తెలిసిందే.  కేంద్రపడ జిల్లా మార్‌ సగై పీఎస్‌ పరిధిలో దశరథ్‌పుర్‌, పూరి జిల్లా హరికృష్ణాపూర్‌లోకూడా ఇదే తరహా పావురాలు పట్టుబడ్డాయి. ఇక్కడ పట్టుబడ్డ పావురాల కాలికి వీహెచ్‌ ఎఫ్‌ వైజాగ్‌ 19742021 ముద్రించి ఉన్నాయి. గత సోమవారం పూరి జిల్లాలో లభించిన పావురం. ఒక పాదానికి చైనా అక్షరాలతో కూడిన అల్యూమినియం, మరో కాలికి 37 కోడ్‌ అంకెలతో కూడిన ట్యాగ్‌ ఉన్నట్లు పోలీసులు గుర్తించారు. ప్రస్తుతం ఈ సంఘటన స్థానికంగా కలకలంగా మారింది.     చదవండి: గుట్టుగా వ్యభిచారం.. ఇల్లు అద్దెకు తీసుకుని..

ముంబై: ఎడ్యుటెక్‌ స్టార్టప్‌ బైజూస్‌.. యూఎస్‌ కంపెనీ టింకర్‌ను కొనుగోలు చేయనున్నట్లు తెలుస్తోంది. పిల్లలకు కోడింగ్‌ నైపుణ్యాలు అందించే ప్లాట్‌ఫామ్‌ టింకర్‌ను సొంతం చేసుకునేందుకు 10 కోట్ల డాలర్లు(సుమారు రూ. 740 కోట్లు) వెచ్చించవచ్చని అంచనా. గతేడాది(2020) ఆగస్ట్‌లోనూ కోడింగ్‌ కార్యకలాపాల సంస్థ.. వైట్‌హ్యాట్‌ జూనియర్‌ను 30 కోట్ల డాలర్లకు కొనుగోలు చేసింది. ఈ బాటలో తాజాగా టింకర్‌ కొనుగోలుకి తెరతీసింది. తద్వారా కిండర్‌గార్టెన్‌(కేజీ) నుంచి 12వ తరగతి(గ్రేడ్‌)వరకూ బైజూస్‌ బిజినెస్‌ మరింత పటిష్టమయ్యేందుకు వీలుంటుందని విశ్లేషకులు పేర్కొన్నారు. ఇప్పటికే బైజూస్‌ యూఎస్‌కు చెందిన రెండు కంపెనీలను సొంతం చేసుకుంది. వీటిలో గేమింగ్‌ స్టార్టప్‌ ఓస్మో, ఆన్‌లైన్‌ రీడింగ్‌ ప్లాట్‌ఫామ్‌ ఎపిక్‌ ఉన్నాయి. కాగా.. త్వరలో పబ్లిక్‌ ఇష్యూ చేపట్టే యోచనలో ఉన్న బైజూస్‌ ఈ ఏడాది ఆరు కంపెనీలను హస్తగత చేసుకున్న విషయం విదితమే. ఇందుకు 200 కోట్ల డాలర్లు(సుమారు రూ. 14,800 కోట్లు) వెచ్చించింది. కంపెనీ ప్రారంభమయ్యాక ఇప్పటివరకూ 15 సంస్థలను కొనుగోలు చేసింది. ఇందుకు అనుగుణంగా 1.5 బిలియన్‌ డాలర్ల సమీకరణకు కంపెనీ సిద్ధపడుతోంది. తద్వారా బైజూస్‌ 21 బిలియన్‌ డాలర్ల విలువను అందుకోనున్నట్లు అంచనా. వెరసి ఇటీవల 16.5 బిలియన్‌ డాలర్ల విలువకు చేరిన పేటీమ్‌ను అధిగమిస్తూ దేశంలోనే అత్యంత విలువైన యూనికార్న్‌గా ఆవిర్భవించనున్నట్లు పరిశ్రమవర్గాలు భావిస్తున్నాయి.  

భువనేశ్వర్‌ : ప్రజంట్‌ జనరేషన్‌ పిల్లలంతా  తమ ప్రతిభాపాటవాలతో వండర్‌ కిడ్స్‌గా పేరు గడిస్తున్నారు. తాజాగా ఒడిషాలో బాలంగీర్‌ ప్రాంతానికి  చెందిన ఏడేళ్ల వెంకట్‌ రామన్‌ పట్నాయక్‌ ఈ లిస్టులో చేరాడు. బీటెక్,ఎంసీఏ చదివిన విద్యార్థులే కోడింగ్‌ సరిగ్గా అర్థంకాక పొగ్రామ్స్‌ రాయడానికి కుస్తీలు పడుతుంటారు.అటువంటిది మూడో తరగతి చదువుతున్న వెంకట్‌ రామన్‌ ప్రోగ్రామింగ్‌ లాంగ్వేజ్‌ ఎగ్జామ్‌ను ఇట్టే క్లియర్‌ చేశాడు. జావా, జావా స్క్రిఫ్ట్, పైథాన్, హెచ్‌టీఎంఎల్, సీఎస్‌ఎస్, డేటాబేస్‌ అడ్మినిస్ట్రేషన్‌ ఫండమెంటల్స్‌లో మొత్తం 160 క్లాసులకు హాజరై ఆయా కోర్సుల్లో పట్టుసాధించాడు. అంతేగాక సాఫ్ట్‌వేర్‌ సంస్థ మైక్రోసాఫ్ట్‌ నిర్వహించే మైక్రోసాఫ్ట్ట్‌ టెక్నాలజీ అసోసియేట్‌ (ఎంటీఏ) ఎగ్జామ్‌ రాసి ఉత్తీర్ణత సాధించి సర్టిఫికెట్‌ను పొందాడు. (చదవండి: ఈ ‘కోడ్‌’ తప్పదిక) 2019 మార్చిలో ఓ యాప్‌ ద్వారా కోడింగ్‌ పాఠాలు నేర్చుకోవడం ప్రారంభించిన వెంకట్‌ ఏడేళ్ల వయసులోనే ఏకంగా 250 అప్లికేషన్స్‌కు కోడింగ్‌ రాసి ఔరా అనిపించాడు. ఒకప్పుడు టెక్నాలజీ పిల్లలకు ఆమడదూరంలో ఉండేది. కానీ ఇప్పుడు ప్రపంచం మొత్తాన్ని అరచేతిలో చూపే టెక్నాలజీ అందుబాటులో ఉండడంతో అద్భుతాలు సృష్టిస్తున్నారు.   

‘థింక్‌ బిగ్‌’ అన్నారు మాజీ రాష్ట్రపతి అబ్దుల్‌ కలామ్‌. భావితరం ఆలోచనలు గొప్పగా ఉండాలని ఆశించారాయన. ‘రేపటి వర్తమానం’ అందంగా ఉండాలి. ఈ కలల సౌధాన్ని నిర్మించే సృష్టికర్తలు ప్రస్తుత వర్తమానంలో ఉన్న పిల్లలే. వాళ్ల ఆలోచనలు విస్తరించాలి. ఆలోచనలు ఆకాశంలో విహరించి... ఆమెరికాలో ల్యాండ్‌ అయ్యే కలలను కాదు కలామ్‌ కోరుకున్నది. తేనెటీగలాగ అమెరికాలో సంగ్రహించిన మకరందాన్ని మన దేశానికి తీసుకు రాగలిగిన ఆలోచనలను ఆశించారాయన. అలాంటి ఆలోచనకు ప్రతిరూపంగా నిలుస్తున్న యువతి హిమశ్రీ దేశాయ్‌. హైదరాబాద్‌లో పుట్టి పెరిగిన హిమశ్రీ కంప్యూటర్‌ సైన్స్‌లో ఇంజనీరింగ్‌ చేశారు. విప్రో, మైక్రోసాఫ్ట్‌లో ఉద్యోగాలు చేసి ఆ అనుభవం తో అమెరికాలో అడుగుపెట్టారు. అక్కడ సియెటెల్‌ వంటి పెద్ద కంపెనీలో పని చేసిన తర్వాత కొంతకాలం ఫ్రీలాన్సర్‌గా పెద్ద కంపెనీలకు సర్వీస్‌ అందించారు. ఒక బిడ్డకు తల్లిగా అమెరికాలో పిల్లలు స్కూల్లో ఏం నేర్చుకుంటున్నారనే విషయాలను నిశితంగా గమనించారామె. ఇండియాలో పెద్ద నగరాల నుంచి చిన్న పట్టణాల వరకు దాదాపుగా ప్రైవేట్‌ స్కూళ్లన్నీ కంప్యూటర్‌ క్లాసులు బోధిస్తున్నాయి. ఇక్కడ కంప్యూటర్‌ క్లాసు సిలబస్‌ చూసిన తర్వాత ‘మనదేశానికి చేయాల్సింది చాలా ఉంది’ అని అర్థమైంది హిమశ్రీకి. స్కూల్లో ఉన్నంత కాలం ఎమ్‌ఎస్‌ ఆఫీస్, పెయింట్‌లతోనే కాలం వెళ్లబుచ్చిన పిల్లలు ఇంజనీరింగ్‌లో చేరిన తర్వాత పడే కష్టం చిన్నది కాదు. మన దగ్గర చాలా కొద్ది స్కూళ్లలో తప్ప మెజారిటీ స్కూళ్లలో పాఠశాల స్థాయి కంప్యూటర్‌ ఎడ్యుకేషన్‌ సిస్టమ్‌లో పెద్దగా పురోగతి కనిపించలేదామెకు. అమెరికా, యూకే వంటి చోట్ల ప్రైమరీదశలోనే కంప్యూటర్‌ కోడింగ్‌ నేర్చుకుంటారు. వాళ్లు స్కూల్‌ ఫైనల్‌కు వచ్చేటప్పటికి సబ్జెక్టు మీద పట్టు వస్తుంది. ఇండియాలో  పిల్లలు స్కూల్‌లో నేర్చుకున్న కొద్దిపాటి పరిజ్ఞానంతో బీటెక్‌లో చేరుతున్నారు. ఫస్టియర్‌లో ఏకంగా ప్రోగ్రామింగ్‌ చేయాల్సి రావడంతో చాలా ఒత్తిడికి లోనవుతున్నారు. కొంతమంది స్టూడెంట్స్‌ ఏడాది పూర్తయ్యేలోపు గాడిలో పడతారు. ఎక్కువ మంది వెనుకపడతారు. ఆ వెనుకబాటుతనం కాలేజ్‌ ఇచ్చిన మార్కుల షీట్‌తో ఆగిపోదు. వాళ్లు అంతర్జాతీయ వేదిక మీద ఇతర దేశాల విద్యార్థులతో పోటీ పడి ఉద్యోగాల్లో పురోగతి సాధనలో కూడా ఆ వెనుకబాటు వాళ్లను వెంటాడుతూనే ఉంటోంది. ఇలాంటి దుస్థితి రాకూడదంటే స్కూలు దశలోనే మంచి పునాది పడాలనుకున్నారు హిమశ్రీ. ఏదో ఒకటి చేయాలని మూడేళ్ల కిందట కుటుంబంతో సహా ఇండియాకు వచ్చేశారు. హిమశ్రీ అమెరికా నుంచి తిరిగి ఇండియాకి రాగానే ‘కిట్‌ ఓ లిట్‌ డాట్‌ కామ్‌’ అనే సంస్థను స్థాపించి హైదరాబాద్‌లో ఉన్న కార్పొరేట్‌ విద్యాసంస్థలను సంప్రదించారు. హిమశ్రీ తయారు చేసిన సిలబస్‌ను అనుసరించడానికి, విద్యార్థులకు కోడింగ్‌లో ట్రైనింగ్‌ ఇప్పించడానికి ఓ ఎనిమిది స్కూళ్లు ఆసక్తి చూపించాయి. రెండవ తరగతి నుంచి కంప్యూటర్‌ కోడింగ్, ఐఓటీ క్లాసులు పరిచయం చేశారామె.  కోడింగ్‌తోనే భవిష్యత్తు కోడింగ్‌కి భవిష్యత్తు ఉండడం కాదు... కోడింగ్‌తోనే భవిష్యత్తు ఉంటుందని చెప్పారు హిమశ్రీ. ‘‘ఇంజనీరింగ్‌లో చేరుతున్న చాలామందిలో ఇంజనీరింగ్‌ చేయాలనే కల తప్ప, ఇంజనీరింగ్‌ సబ్జెక్టు మీద ఇష్టం ఉండడం లేదు. చేరిన తర్వాత అయిష్టంగా పూర్తి చేయడం, అన్యమనస్కంగా ఉద్యోగం చేయడం, జాబ్‌ సాటిస్‌ఫాక్షన్‌ లేదని ఆవేదన చెందడాన్ని చూశాను. పిల్లలు చిన్నప్పుడే కోడింగ్, ఐవోటీ నేర్చుకుంటే మెళకువలు పట్టుపడతాయి. ఒకవేళ ఇంకా అయిష్టం ఉంటే ‘నా అభిరుచి ఇందులో లేదు’ అనే స్పష్టత అయినా తెలుస్తుంది. మరేదయినా రంగంలో అడుగుపెట్టవచ్చు. అయితే ఇప్పుడు మెడికల్, ఆర్కిటెక్చర్, మెకానికల్‌... అన్ని రంగాల్లోనూ కంప్యూటర్‌ పరిజ్ఞానం తప్పనిసరి. కాబట్టి ఇతర రంగాల్లో కెరీర్‌ నిర్మించుకునే వాళ్లకు కూడా స్కూల్లో నేర్చుకున్న కోడింగ్, ఐవోటీలు ఉపయోగపడతాయి’’ అన్నారు హిమశ్రీ.  ఈత నేర్పి కొలనులో దింపుదాం భవిష్యత్తంతా ఆర్టిఫీషియల్‌ ఇంటలిజెన్స్‌ మీదనే ఆధారపడి ఉంటుంది. ఇండియా నుంచి విదేశాలకు వెళ్లిన విద్యార్థులకు ఎదురవుతున్న ప్రధాన సమస్య కంప్యూటర్స్‌లోనే. అక్కడి వెర్షన్స్‌ అన్నీ మన దగ్గర కంటే చాలా ముందుంటాయి. మనవాళ్లు తడబడుతున్నది అక్కడే. పిల్లలకు ఈత బాగా నేర్పిన తర్వాత కొలనులో కాదు సముద్రంలో దించినా ఈది ఒడ్డుకు చేరతారు. అందుకే ప్రక్షాళన ఇక్కడి స్కూళ్ల నుంచే మొదలవ్వాలనుకున్నాను. నేను మొదలు పెట్టిన తర్వాత ఏడాదికే మన కేంద్ర ప్రభుత్వం ప్రవేశపెట్టిన నూతన విద్యావిధానం కూడా ఇదే పద్ధతిని ప్రవేశ పెట్టింది. అది తలుచుకుంటే నాకు చాలా గర్వంగా అనిపిస్తోంది. మొదట్లో స్కూళ్లకు వెళ్లి క్లాసులు ఇచ్చేవాళ్లం. కరోనా కారణంగా ఇప్పుడు కొంత విరామం వచ్చింది. ఆసక్తి ఉన్న వాళ్ల కోసం ఆన్‌లైన్‌లో క్లాసులు చెబుతున్నాం. ఆశ్చర్యం ఏమిటంటే... మేము ఆన్‌లైన్‌ కోడింగ్‌ క్లాసులు మొదలు పెట్టిన తర్వాత ఇండియన్స్‌ కంటే ఎక్కువగా అమెరికా, యూకే, సింగపూర్, దుబాయ్‌లో ఉంటున్న వాళ్లు రిజిస్టర్‌ చేసుకుంటున్నారు. ఎక్కువ మంది రిజిస్టర్‌ చేసుకుంటూ ఉండడంతో ఈ అక్టోబర్‌ ఐదవ తేదీ నుంచి మరో స్లాట్‌ మొదలు పెడుతున్నాను. – హిమశ్రీ ‘కిట్‌ ఓ లిట్‌’ సంస్థ నిర్వహకురాలు – వాకా మంజులారెడ్డి ఫొటోలు: ఎన్‌.రాజేశ్‌రెడ్డి

న్యూఢిల్లీ: చాలా మంది భారతీయుల్లాగే సత్య నాదెళ్లకు క్రికెట్‌ అంటే ప్రేమే. కంప్యూటర్‌ దిగ్గజం మైక్రోసాఫ్ట్‌కు  సీఈఓగా వ్యహరిస్తున్న   నాదెళ్లకు ఇష్టమైన సబ్జెక్ట్‌ ఏదో మీరు ఊహించగలరా ? లెక్కలు, లేదా సైన్స్‌ అని ఊహిస్తే, మీరు పప్పులో కాలేసినట్లే. ఆయనకు ఇష్టమైన సబ్జెక్ట్‌.. చరిత్ర. ఇక కోడింగ్‌.. కవిత్వం లాంటిదేనని ఆయన అభిప్రాయపడ్డారు. మైక్రోసాఫ్ట్‌ ఇండియా ప్రెసిడెంట్‌ అనంత్‌ మహేశ్వరితో పిచ్చాపాటిగా జరిపిన సంభాషణలో ఆసక్తికరమైన విషయాలను సత్య నాదెళ్ల వెల్లడించారు.   ఎక్కడ ఉన్నా, మదిలో అదే...!   సచిన్‌ టెండూల్కర్, విరాట్‌ కోహ్లిలో ఎవర్ని ఎన్నుకుంటారని అనంత్‌ అడుగగా, అప్పట్లో సచిన్‌ టెండూల్కర్‌ అని, ఇప్పుడైతే విరాట్‌ కోహ్లి అని సత్య నాదెళ్ల బదులిచ్చారు. తన పుస్తకం హిట్‌ రిఫ్రెష్‌లో క్రికెట్‌ ఆట తన వ్యక్తిగత, వృత్తిగత జీవితాలపై ఎలాంటి ప్రభావం చూపిందో ఆయన పేర్కొన్నారు. తాను ఎక్కడ ఉన్నా, తన మదిలో క్రికెడ్‌ క్రీడ మెదులుతూనే ఉంటుందని వివరించారు. కోడింగ్‌ కవిత్వం లాంటిదేనని పేర్కొన్నారు.  

ఆరేళ్ల ప్రాయంలోనే కోడింగ్‌ నేర్చుకుని వండర్‌ కిడ్‌ అనిపించుకున్న సమైరా మెహతా.. ఎనిమిదేళ్లు వచ్చేసరికే ఓ ప్రత్యేకమైన బోర్డ్‌ గేమ్‌ రూపొందించి ఔరా అనిపించింది. తనకున్న నైపుణ్యాన్ని ఇతర పిల్లలకు కూడా అందించేందుకు గూగుల్‌ ‘కీనోట్‌ స్పీకర్‌’గా మారి  సిలికాన్‌ వ్యాలీలో చిన్నారుల చురుకుదనాన్ని మేలుకొలుపుతూ తనకంటూ ఓ ప్రత్యేక గుర్తింపు తెచ్చుకుంది ఈ ఇండో– అమెరికన్‌.  ‘కోడర్‌బన్నీజ్‌’ సీఈఓ  ఐఐటీ– ఢిల్లీ పూర్వ విద్యార్థి అయిన రాకేశ్‌ మెహతా (ప్రస్తుతం ఇంటెల్‌ ఆర్టిఫిషియల్‌ ఇంటెలిజెన్స్‌ డెవలప్‌మెంట్‌ హెడ్‌– కాలిఫోర్నియా) తన ఇద్దరు పిల్లలు సమైరా, ఆదిత్‌లకు బాల్యం నుంచే టెక్‌ పాఠాలు నేర్పించడం మొదలుపెట్టారు. ఈ క్రమంలో కోడింగ్‌పై పట్టు సాధించిన సమైరా ఎనిమిదేళ్ల ప్రాయంలోనే.. తోటి పిల్లలకు కోడింగ్‌ పాఠాలు నేర్పించేందుకు వీలుగా ‘కోడర్‌బన్నీజ్‌’ బోర్డ్‌ గేమ్‌ను రూపొందించింది. తద్వారా 2016లో థింక్‌ ట్యాంక్‌ నిర్వహించిన ‘పిచ్‌ఫెస్ట్‌’లో రెండో బహుమతి గెలుపొంది 2500 డాలర్ల ప్రైజ్‌మనీ సొంతం చేసుకుంది. ఆ తర్వాత ‘కోడర్‌బన్నీజ్‌’ పేరు మీదుగానే ఓ సంస్థను స్థాపించి తన బోర్డ్‌ గేమ్‌ను అమెజాన్‌లో అమ్మడం మొదలుపెట్టింది. దీనికి అనూహ్య స్పందన లభించడంతో యంగ్‌ సీఈఓ సమైరా జాతీయ మీడియా దృష్టిని ఆకర్షించింది.ప్రస్తుతం కృత్రిమ మేధ (ఆర్టిఫిషియల్‌ ఇంటెలిజిన్స్‌– ఏఐ) కోడింగ్‌పై దృష్టి సారించిన సమైరా ప్రస్తుతం ‘కోడర్‌మైండ్స్‌’ అనే కొత్త బోర్డ్‌ గేమ్‌ను రూపొందించే పనిలో నిమగ్నమైంది. ఈ గేమ్‌ ద్వారా రోబోట్స్‌ తయారుచేసేందుకు అవసరమైన ప్రాథమిక అంశాలను (ఏఐ మోడల్‌ అభ్యాసం) సులభంగా నేర్చుకోవచ్చు. అయితే ఈ గేమ్‌ రూపకల్పనలో సమైరా తమ్ముడు ఆదిత్‌ (6) కూడా తన వంతు సహాయం చేస్తుండటం విశేషం. రియల్‌ లైఫ్‌ పవర్‌పఫ్‌ గర్ల్‌ సమైరా ప్రతిభకు ఫిదా అయిన దిగ్గజ సంస్థ గూగుల్‌ ఆమెను సిలికాన్‌ వ్యాలీలో తమ కీనోట్‌ స్పీకర్‌గా నియమించుకుంది. పిల్లలకు కోడింగ్‌ పాఠాలు నేర్పేందుకు ఆమె చేత వర్క్‌షాపులు నిర్వహిస్తోంది. ఇందులో భాగంగా గూగుల్‌ హెడ్‌క్వార్టర్స్‌ మౌంటేన్‌ వ్యూ (కాలిఫోర్నియా)లో జరిగిన ఓ కార్యక్రమంలో ఆ సంస్థ చీఫ్‌ కల్చరల్‌ ఆఫీసర్‌ స్టాసీ సలీవన్‌ సమైరాను కలిశారు. ఆమె వాక్చాతుర్యం, నైపుణ్యానికి ముచ్చటపడిన స్టాసీ.. ‘సమైరా ప్రతిభావంతురాలు. తొందర్లోనే గూగుల్‌లో పూర్తి స్థాయిలో ఆమె పనిచేసే అవకాశం ఉంది’ అంటూ కొనియాడారు. ఇక కార్టూన్‌ నెట్‌వర్క్‌ మార్కెటింగ్‌ విభాగం తమ చానల్‌ రూపొందించిన ‘యంగ్‌ ఇన్‌స్పైరింగ్‌ గరల్స్‌’ అనే కార్యక్రమంలో సమైరాకు చోటు కల్పించి.. ‘ద రియల్‌ పవర్‌పఫ్‌ గర్ల్‌’గా సమైరాను అభివర్ణించింది. మైక్రోసాఫ్ట్‌ కంపెనీ కూడా సమైరా ప్రతిభను గుర్తించింది. ఆసక్తే తనను నిలిపింది ‘‘సమైరా ఇండియాస్‌ వండర్‌ కిడ్‌ అని నా స్నేహితులు అంటూ ఉంటారు. కానీ తను కూడా అందరిలాంటిదే. కాకపోతే కోడింగ్‌ పట్ల ఉన్న ఆసక్తి ఆమెను ప్రత్యేకంగా నిలిపింది. అయితే చిన్నతనంలోనే తను ఇంతటి పేరు ప్రతిష్టలు సంపాదించడం నాకు ఆనందంగా ఉన్నప్పటికీ.. కీర్తి తాలూకూ ప్రభావం తన మీద పడకూడదు అనుకుంటాను. ఒత్తిడి లేకుండా పనిచేస్తేనే సమైరా మరిన్ని విజయాలు సాధిస్తుంది’’ అని రాకేశ్‌ మెహతా కూతురి గురించి చెప్పారు. – సుష్మారెడ్డి యాళ్ల, సాక్షి వెబ్‌ డెస్క్‌  వంద కోట్ల మందికి నేర్పుతా ‘‘ప్రస్తుతం చాలామంది తల్లిదండ్రులు కంప్యూటర్, ల్యాప్‌టాప్, మొబైల్‌ స్క్రీన్లకు దూరంగా ఉంటూనే తమ పిల్లలు కోడింగ్‌ టెక్నిక్స్‌ నేర్చుకోవాలని భావిస్తున్నారు. అటువంటి వారికి కోడర్‌బన్నీజ్‌ వంటి నాన్‌– డిజిటల్‌ బోర్డ్‌ గేమ్స్‌ ఎంతో ఉపయోగకరం. ఈ ప్రపంచంలో ఉన్న సుమారు వంద కోట్ల  మంది పిల్లలకు నా సంస్థ ద్వారా కోడింగ్‌ నైపుణ్యాలు నేర్పించడం నా ఉద్దేశం. నాకు తెలిసీ వాళ్లంతా కోడింగ్‌ చేయగలిగే సామర్థ్యం కలిగిన వారే. కాకపోతే వారి కోసం కొంచెం సమయం కేటాయించడంతో పాటుగా కోడర్‌బన్నీజ్‌ వంటి ఈజీ గేమ్‌ల అవసరం ఉంది. అమెజాన్‌ ద్వారా ఏడాదిలో వెయ్యి బాక్సుల బోర్డ్‌ గేమ్స్‌ అమ్మాను. దాని ద్వారా 35 వేల డాలర్ల ఆదాయం పొందాను. నేను ఆరేళ్ల వయసులోనే కోడింగ్‌ నేర్చుకున్నాను. ప్రస్తుతం కీనోట్‌ స్పీకర్‌గా కోడింగ్‌ మెళకువలు నేర్పుతున్నాను. ఈ క్రమంలో అమెరికా మాజీ ప్రథమ మహిళ మిషెల్లీ ఒబామా, ఫేక్‌బుక్‌ సీఈఓలను కలవడం నాకెంతో సంతోషాన్నిచ్చింది. కోడర్‌బన్నీజ్‌ ఐడియాను వారిరువురూ మెచ్చుకున్నపుడు ఎంతో గర్వంగా అన్పించింది. ప్రస్తుతం మా వెబ్‌సైట్‌లో రోబోటిక్స్, గేమ్, ఎడ్యుకేషన్‌ సెక్టార్లలో వివిధ అంశాలకు సంబంధించిన సమాచారం అందుబాటులో ఉంటుంది. వీటన్నింటిలో మా నాన్న పాత్ర ఎంతగానో ఉంది. ఎంటర్‌ప్రెన్యూర్‌గా ఎదగడమే నా ఆశయం’’ అంటూ పదేళ్ల సమైరా తన అనుభవాలను పంచుకుంది. అంతేకాదు తన కంపెనీ పేరిట విరాళాలు సేకరించి అనాథలకు ఆశ్రయం కల్పిస్తూ పెద్ద మనసు చాటుకుంటోంది కూడా. – సమైరా (10) , ‘కోడర్‌బన్నీజ్‌’ సీఈఓ 

ఆరేళ్ల ప్రాయంలోనే కోడింగ్‌ నేర్చుకుని వండర్‌ కిడ్‌ అనిపించుకున్న సమైరా మెహతా... ఎనిమిదేళ్లు వచ్చేసరికే ఓ ప్రత్యేకమైన బోర్డ్‌ గేమ్‌ రూపొందించి ఔరా అనిపించింది. ప్రస్తుతం తనకున్న నైపుణ్యాన్ని ఇతర పిల్లలకు కూడా అందించేందుకు గూగుల్‌ ‘కీనోట్‌ స్పీకర్‌’గా మారి సిలికాన్‌ వ్యాలీలో తనకంటూ ఓ ప్రత్యేక గుర్తింపు తెచ్చుకుంది ఈ ఇండో- అమెరికన్‌. ‘కోడర్‌బన్నీజ్‌’ సీఈఓ సమైరా! ఐఐటీ- ఢిల్లీ పూర్వ విద్యార్థి అయిన రాకేశ్‌ మెహతా (ప్రస్తుతం ఇంటెల్‌ ఆర్టిఫిషియల్‌ ఇంటెలిజెన్స్‌ డెవలప్‌మెంట్‌ హెడ్‌- కాలిఫోర్నియా) తన ఇద్దరు పిల్లలు సమైరా, ఆదిత్‌లకు బాల్యం నుంచే టెక్‌ పాఠాలు నేర్పించడం మొదలుపెట్టారు. ఈ క్రమంలో కోడింగ్‌పై పట్టు సాధించిన సమైరా ఎనిమిదేళ్ల ప్రాయంలోనే... తోటి పిల్లలకు కోడింగ్‌ పాఠాలు నేర్పించేందుకు వీలుగా ‘కోడర్‌బన్నీజ్‌’ బోర్డ్‌ గేమ్‌ను రూపొందించింది. తద్వారా 2016లో థింక్‌ ట్యాంక్‌ నిర్వహించిన ‘పిచ్‌ఫెస్ట్‌’లో రెండో బహుమతి గెలుపొంది 2500 డాలర్ల ప్రైజ్‌మనీ సొంతం చేసుకుంది. ఆ తర్వాత ‘కోడర్‌బన్నీజ్‌’ పేరు మీదుగానే ఓ సంస్థను స్థాపించి తన బోర్డ్‌ గేమ్‌ను అమెజాన్‌లో అమ్మడం మొదలుపెట్టింది. దీనికి అనూహ్య స్పందన లభించడంతో యంగ్‌ సీఈఓ సమైరా జాతీయ మీడియా దృష్టిని ఆకర్షించింది. ప్రస్తుతం కృత్రిమ మేథ(ఆర్టిఫిషియల్‌ ఇంటెలిజిన్స్- ఏఐ) కోడింగ్‌పై దృష్టి సారించిన సమైరా.. ‘కోడర్‌మైండ్స్‌’ అనే కొత్త బోర్డ్‌ గేమ్‌ను రూపొందించే పనిలో నిమగ్నమైంది. ఈ గేమ్‌ ద్వారా రోబోట్స్‌ తయారుచేసేందుకు అవసరమైన ప్రాథమిక అంశాల(ఏఐ మోడల్‌ అభ్యాసం)ను సులభంగా నేర్చుకోవచ్చు. అయితే ఈ గేమ్‌ రూపకల్పనలో సమైరా తమ్ముడు ఆదిత్‌(6) కూడా తన వంతు సహాయం చేస్తుండటం విశేషం.​ రియల్‌ లైఫ్‌ పవర్‌పఫ్‌ గర్ల్‌ సమైరా ప్రతిభకు ఫిదా అయిన దిగ్గజ సంస్థ గూగుల్‌ ఆమెను సిలికాన్‌ వ్యాలీలో తమ కీనోట్‌ స్పీకర్‌గా నియమించుకుంది. పిల్లలకు కోడింగ్‌ పాఠాలు నేర్పేందుకు ఆమె చేత వర్క్‌షాపులు నిర్వహిస్తోంది. ఇందులో భాగంగా గూగుల్‌ హెడ్‌క్వార్టర్స్‌ మౌంటేన్‌ వ్యూ(కాలిఫోర్నియా)లో జరిగిన ఓ కార్యక్రమంలో ఆ సంస్థ చీఫ్‌ కల్చరల్‌ ఆఫీసర్‌ స్టాసీ సులీవన్‌ సమైరాను కలిశారు. ఆమె వాక్చాతుర్యం, నైపుణ్యానికి ముచ్చపడిన స్టాసీ.. ‘సమైరా ప్రతిభావంతురాలు. తొందర్లోనే గూగుల్‌లో పూర్తి స్థాయిలో ఆమె పనిచేసే అవకాశం ఉంది’ అంటూ కొనియాడారు. ఇక కార్టూన్‌ నెట్‌వర్క్‌ మార్కెటింగ్‌ విభాగం తమ చానల్‌ రూపొందించిన ‘యంగ్‌ ఇన్స్‌స్పైరింగ్‌ గర్ల్స్’‌ అనే కార్యక్రమంలో సమైరాకు చోటు కల్పించి.. ‘ద రియల్‌ పవర్‌పఫ్‌ గర్ల్‌’గా సమైరాను అభివర్ణించింది. మైక్రోసాఫ్ట్‌ కంపెనీ కూడా సమైరా ప్రతిభను గుర్తించినట్టు బిజినెస్ ఇన్ సైడర్, వరల్డ్ ఎకనమిక్ ఫోరం తెలిపాయి. అవును.. వాళ్లు చేయగలరు ‘ప్రస్తుతం చాలా మంది తల్లిదండ్రులు కంప్యూటర్‌, ల్యాప్‌టాప్‌, మొబైల్‌ స్క్రీన్లకు దూరంగా ఉంటూనే తమ పిల్లలు కోడింగ్‌ టెక్నిక్స్‌ నేర్చుకోవాలని భావిస్తున్నారు. అటువంటి వారికి కోడర్‌బన్నీజ్‌ వంటి నాన్‌- డిజిటల్‌ బోర్డ్‌ గేమ్స్‌ ఎంతో ఉపయోగకరం. ఈ ప్రపంచంలో ఉన్న సుమారు 1 బిలియన్‌ మంది పిల్లలకు నా సంస్థ ద్వారా కోడింగ్‌ నైపుణ్యాలు నేర్పించడం నా ఉద్దేశం. నాకు తెలిసీ వాళ్లంతా కోడింగ్‌ చేయగలిగే సామర్థ్యం కలిగిన వారే. కాకపోతే వారి కోసం కొంచెం సమయం కేటాయించడంతో పాటుగా కోడర్‌బన్నీజ్‌ వంటి ఈజీ గేమ్‌ల అవసరం ఉంది. అమెజాన్‌ ద్వారా ఏడాదిలో వెయ్యి బాక్సుల బోర్డ్‌ గేమ్స్‌ అమ్మాను. దాని ద్వారా 35 వేల డాలర్ల ఆదాయం పొందాను. నేను ఆరేళ్ల వయసులోనే కోడింగ్‌ నేర్చుకున్నాను. ప్రస్తుతం కీనోట్‌ స్పీకర్‌గా కోడింగ్‌ మెళకువలు నేర్పుతున్నాను. ఈ క్రమంలో అమెరికా మాజీ ప్రథమ మహిళ మిషెల్లీ ఒబామా, ఫేస్‌బుక్ సీఈఓ మార్క్ జుకర్‌బర్గ్ లను కలవడం నాకెంతో సంతోషాన్నిచ్చింది. కోడర్‌బన్నీజ్‌ ఐడియాను వారిరువురు మెచ్చుకున్నపుడు ఎంతో గర్వంగా అన్పించింది. ప్రస్తుతం మా వెబ్‌సైట్‌లో రోబోటిక్స్‌, గేమ్‌, ఎడ్యుకేషన్‌ సెక్టార్లలో వివిధ అంశాలకు సంబంధించిన సమాచారం అందుబాటులో ఉంటుంది. వీటన్నింటిలో మా నాన్న ఎంతగానో ఉంది. ఎంటర్‌ప్రెన్యూర్‌గా ఎదగడమే నా ఆశయం’ అంటూ పదేళ్ల సమైరా తన అనుభవాలను పంచుకుంది. అంతేకాదు తన కంపెనీ పేరిట విరాళాలు సేకరించి అనాథలకు ఆశ్రయం కల్పిస్తూ పెద్ద మనసు చాటుకుంటోంది కూడా. ఆసక్తే తనను ప్రత్యేకంగా నిలిపింది ‘సమైరా ఇండియాస్‌ వండర్‌ కిడ్‌ అని నా స్నేహితులు అంటూ ఉంటారు. కానీ తను కూడా అందరిలాంటిదే. కాకపోతే కోడింగ్‌ పట్ల ఉన్న ఆసక్తి ఆమెను ప్రత్యేకంగా నిలిపింది. అయితే చిన్నతనంలోనే తను ఇంతటి పేరు ప్రతిష్టలు సంపాదించడం నాకు ఆనందంగా ఉన్నప్పటికీ.. కీర్తి తాలూకూ ప్రభావం తన మీద పడకూడదు అనుకుంటాను. ఒత్తిడి లేకుండా పనిచేస్తేనే సమైరా మరిన్ని విజయాలు సాధిస్తుంది’ అని రాకేశ్‌ మెహతా కూతురి గురించి చెప్పుకొచ్చారు. - సుష్మారెడ్డి యాళ్ల, సాక్షి వెబ్‌డెస్క్‌


 పశ్చిమాఫ్రికాకు చెందిన యౌమా.. తన చిన్ననాటి కలను కోడింగ్ తో సాకారం చేసుకుంది. సెనెగల్ లో మహిళల పట్ల చూపించే వివక్ష, వారికి విధించే హద్దులను అధిగమించింది. పెన్నులు, పెన్సిళ్ళు సైతం కొనుగోలు చేయలేని అనేకమంది విద్యార్థులకు పుస్తకాల అవసరమే లేకుండా కొత్త మొబైల్ అప్లికేషన్ ద్వారా ప్రత్యామ్నాయాన్ని కనిపెట్టింది.
 
 తన ఆలోచనను అమల్లోకి తెచ్చిన యౌమా.. స్థానిక వొలాఫ్ భాషలో మొబైల్ ఫోన్ అప్లికేషన్  'వెక్కియో'.. ను రూపొందించింది. టీచర్లు, విద్యార్థులు, తల్లిదండ్రులకు పుస్తకాల కష్టం నుంచీ మార్పును తెస్తోంది. ప్రత్యేక కార్యక్రమం ద్వారా సెనెగల్ లోని యువతులను  కోడింగ్, టెక్నాలజీల్లో ప్రోత్సాహాన్ని కూడా అందిస్తోంది. తాను రూపొందించిన  కొత్త యాప్ విద్యార్థులకు పుస్తకాల కష్టాన్ని దూరం చేస్తుందని ఆశిస్తున్నట్లు సెనెగల్ కు చెందిన 24 ఏళ్ళ డిజైనింగ్ ఇంజనీర్ యౌమా ఫాల్ చెప్తోంది.
 
 సంస్కృతీ సంప్రదాయాలు, లింగ వివక్ష అధికంగా కనిపించే ముస్లిం కమ్యూనిటీ విరాజిల్లుతున్నపశ్చిమ ఆఫ్రికా దేశంలో యౌమాతోపాటు కొందరు యువతులు తమ నైపుణ్యాన్ని వినియోగించి.. సరిహద్దులను చెరిపేస్తున్నారు. సెనెగల్ లో ఆన్ లైన్ జీవితానికి మొబైల్ ఫోన్లు కేంద్ర బిందువులు. అక్కడ దాదాపు 95 శాతం ఇంటర్నెట్ కనెక్షన్లు మొబైల్ ఫోన్లద్వారానే వినియోగిస్తున్నట్లు సెనెగల్ పోస్ట్స్ అండ్ టెలి కమ్యూనికేషన్స్ రెగ్యులేషన్ అథారిటీ లెక్కలను బట్టి తెలుస్తోంది. అయితే అక్కడి యువతుల్లో 30 శాతం కంటే తక్కువమంది యువతులు సైన్స్ అండ్ టెక్నాలజీ చదువుకుంటున్నట్లు నిపుణుల ద్వారా తెలుస్తోంది. ఈ పరిస్థితిని అధిగమిస్తూ సాంకేతిక, కోడింగ్ లలో యువతులను ప్రోత్సహిస్తూ ఫాల్.. కొత్త ఒరవడిని సృష్టించింది.


 వినీత త్యాగి చదివింది ఎలక్ట్రానిక్స్ ఇంజనీరింగ్. హైదరాబాద్‌లో కార్పొరేట్ ఉద్యోగం. కోడింగ్‌లో కిక్ లేదని మూడేళ్లుగా చేస్తున్న ఉద్యోగాన్ని పక్కన పెట్టి కలం పట్టింది. మర్డర్ మిస్టరీని కథాంశంగా ఎంచుకుని తొలి నవలను సక్సెస్‌ఫుల్‌గా విడుదల చేసింది. ఈ సస్పెన్స్ థ్రిల్లర్ వెనకున్న మిస్టరీ ఏంటో ఆమె మాట ల్లోనే తెలుసుకుందాం.
  ..:: కళ
  
 చిన్నప్పటి నుంచి డైరీ రాయడం అలవాటు. చిన్న చిన్న కథలు కూడా రాసేదాన్ని. భోపాల్ ఎన్‌ఐటీలో ఇంజనీరింగ్ పూర్తి చేశాను. పేరెంట్స్ ఒత్తిడితో ఇంజనీరింగ్ చదవాల్సి వచ్చింది. ఇండియాలో కెరీర్ అంటే ఇంజనీర్, డాక్టర్.. ఇవే కదా! ఇంజనీరింగ్ తర్వాత  క్యాంపస్ ప్లేస్‌మెంట్స్‌లో హైదరాబాద్‌లోని డెలాయిట్ ఫోరెన్సిక్‌లో జాబ్ వచ్చింది. తర్వాత ఒరాకిల్‌కి మారాను. మా పేరెంట్స్ దిల్లీలో ఉంటారు.
  
 మూడుసార్లు ప్రయత్నించా..
 
 రాబర్ట్ లుడ్లుమ్ మిస్టరీ నవలలు బాగా చదివేదాన్ని. ఆఫ్ ట్రాక్ రాయడానికి అదీ ప్రేరణ అయి ఉండవచ్చు. చిన్నప్పుడు ఫాంటసీ, కాస్త పెద్దయ్యాక రొమాన్స్, జాబ్ చేస్తున్నప్పుడు మరో అంశం.. ఇలా మూడుసార్లు ఏదైనా నవల రాయాలని ప్రయత్నించాను. అయితే కాస్త రాశాక అవి ఎగ్జైటింగ్‌గా అనిపించలేదు. రాసేవాళ్లు ఎంజాయ్ చేయకపోతే.. చదివేవాళ్లు మాత్రం ఏం ఎంజాయ్ చేస్తారు. అందుకే రాయడం ఆపేశాను.
  
 డైరీ రాయమంటే..
 
 అనుకోకుండా ఎదురైన ఓ చేదు సంఘటన నా జీవితాన్ని డిస్ట్రబ్ చేసింది. నాకు ఎక్కువగా మాట్లాడటం అలవాటు లేదు. నా మనసు తేలిక చేసుకోవడానికి డైరీ రాయమని ఓ ఫ్రెండ్ సలహా ఇచ్చింది. కానీ నేను డైరీ రాయలేదు. ఫోరెన్సిక్‌లో చేస్తున్నప్పుడు జరిగిన విషయాల ఆధారంగా ఏదైనా రాయాలనే ఆలోచన ఉండేది. దానిని పేపర్‌పై పెట్టడం ప్రారంభించాను. ఈ నవల రాయడం అలా మొదలైంది.
  
 నా టైం లాగేసుకుంది..
 
 ఇందులోని క్యారెక్టర్స్ కొన్ని కల్పితమైతే, రియల్ లైఫ్‌లో తారసపడ్డవీ కొన్ని ఉన్నాయి. పగలంతా క్యారెక్టర్స్, సీన్లు, స్టోరీలో చాప్టర్స్ ఇలా ఆలోచించేదాన్ని. రాత్రి అందరూ పడుకున్నాక రాసేదాన్ని. రాస్తున్నప్పుడు ఆలోచనలు మారిపోయేవి. మేల్, ఫిమేల్ క్యారెక్టర్లను వారి పాయింట్ ఆఫ్ వ్యూలో చూపించే ప్రయత్నం చేశాను. ఈ బుక్ నా పర్సనల్ టైం చాలా లాగేసుకుందని చెప్పాలి. ఫస్ట్‌టైం రైటర్స్ అందరికీ ఇలా జరుగుతుందనుకుంటా. చాప్టర్ వైజ్‌గా డివైడ్ చేసి ప్లాన్ ప్రకారం చేసి రాయలేదు. అనుకున్నది అనుకున్నట్టు పేపర్ మీద పెట్టాను.
  
 ఇదీ కథ..
 
 కథ గురించి చెప్పాలంటే.. ఫోరెన్సిక్ డేటా అనలిస్ట్ నతాషా రాయ్. ఆమె ప్రేమించిన నీల్‌ని హత్యకు గురవుతాడు. సింపుల్‌గా కనిపిస్తున్న ఈ మర్డర్ మిస్టరీని ఛేదించేందుకు నతాషానే ప్రయత్నించినప్పుడు ఆమె తెలుసుకునే షాకింగ్ విషయాలే అసలు కథ.
  
 అందుకే పబ్లిష్ చేశా..
 
 పబ్లిష్ చేయాలనే ఆలోచనతో ఆఫ్ ట్రాక్ రాయలేదు. నా మనసులో మెదిలిన కథకు ఓ రూపమిచ్చానంతే. దీనిలో పబ్లిష్ చేసేంత పస ఉందా అని తెలుసుకోవడానికి రైటర్ దీపక్ రానాకు చూపించాను. ఆయన చూసి కథ, కథనంలో పొటెన్షియల్ ఉందన్నారు. ఆయన అంత మంచి రివ్యూ ఇచ్చేసరికి పబ్లిష్ చేయాలనుకున్నాను. బుక్‌లో అడల్ట్ కంటెంట్ ఉంది. దీన్ని చదివిన మా ఇంట్లోవాళ్లు కాస్త ఇబ్బందిపడ్డా, అన్ని ఎలిమెంట్స్ బాగా కుదిరాయని మెచ్చుకున్నారు.
  
 రణ్‌వీర్ అయితే ఓకే..
 
 చాలామంది నా ఫ్రెండ్స్ ఈ పుస్తకం చదివి దీన్ని సినిమా తీస్తే బాగుంటుందన్నారు. హీరో ఎవరైనా, ఈ కథ ప్రకారం గుండు చేయించుకోవాలి. అయితే ఆ క్యారెక్టర్ ఎవరు వేయాలంటే మాత్రం ఆలోచించాల్సిందే. ఇందులో హీరో పేరు రణవీర్.. సో హీరోగా రణ్‌వీర్‌సింగ్ అయితే బాగుంటుందనుకుంటున్నాను.
  


 టెక్నాలజీ సంబంధిత ఉద్యోగాల భర్తీకి నిర్వహించే మౌఖిక పరీక్షలు భిన్నంగా ఉంటాయి. ఇందులో రిక్రూటర్లు సాంకేతిక అంశాలపై ఎక్కువ ప్రశ్నలు సంధిస్తుంటారు. కళాశాలలో నేర్చుకున్న మౌలికాంశాలపై కూడా అడుగుతుంటారు. టెక్నాలజీ రంగంలో చాలాకాలంగా పనిచేస్తున్న అభ్యర్థులు ఇలాంటి ఇంటర్వ్యూలను తేలిగ్గా తీసుకుంటారు.
 
 ప్రిపరేషన్ అవసరం లేదని భావిస్తుంటారు. రిక్రూటర్లు బేసిక్స్‌పై ప్రశ్నలు వేస్తే మాత్రం నీళ్లు నములుతుంటారు.  టెక్ ఇంటర్వ్యూలు అనుకున్నంత సులభంగా ఉండవు. ఇందులో క్లిష్టమైన సమస్యలు ఎదురవుతుంటాయి. వాటికి పరిష్కార మార్గాలు చూపగలగాలి. ఆ మార్గాలు ప్రభావవంతంగా ఉన్నప్పుడే మీ తెలివితేటలు, చురుకుదనం రిక్రూటర్‌కు తెలుస్తాయి.  
  
 బేసిక్స్ నెమరువేసుకోవాలి: టెక్ ఇంటర్వ్యూలో బేసిక్ అల్గారిథమ్స్, డేటా స్ట్రక్చర్స్ వంటి వాటిపై ప్రశ్నలు అడుగుతారు. కాబట్టి బేసిక్స్‌ను తప్పనిసరిగా నెమరు వేసుకోవాలి. గ్రాఫ్స్, సెట్స్, హష్ టేబుల్స్, బైనరీ సెర్చ్ ట్రీస్‌పై కూడా రిక్రూటర్లు ప్రశ్నిస్తారు. డేటా స్ట్రక్చర్స్‌ను ఉపయోగిస్తూ కోడ్‌ను తయారు చేయమని సూచిస్తారు. రిక్రూటర్‌ను మెప్పించే సమాధానాలు ఇవ్వాలంటే బేసిక్ ప్రోగ్రామింగ్ స్కిల్స్ పెంచుకోవాలి. పూర్తిస్థాయిలో సన్నద్ధమైతేనే ఇది సాధ్యం. ప్రోగ్రామింగ్‌పై కనీసం రెండు పుస్తకాలు క్షుణ్నంగా చదవాలి. దీనివల్ల ఇంటర్వ్యూలో విజయం దక్కడమే కాదు, మీరు మంచి ప్రోగ్రామర్‌గా కూడా పేరు తెచ్చుకుంటారు.
  
 మ్యాప్స్, సెట్స్: మౌఖిక పరీక్షలో మ్యాప్‌లు, సెట్స్‌పై వచ్చే సమాధానాలను బట్టే బలహీన, బలమైన అభ్యర్థులు ఎవరో రిక్రూటర్లు తేల్చేస్తారు. కాబట్టి వీటిపై సాధనకు ఎక్కువ సమయం కేటాయించాలి. ఈ రెండింటి మధ్య వ్యత్యాసాలను పూర్తిగా అధ్యయనం చేయాలి. సెట్స్, హష్ టేబుల్స్‌ను సందర్భానుసారంగా ఎక్కడెక్కడ ఉపయోగించాలో చక్కగా వివరిస్తే రిక్రూటర్ల దృష్టిలో మీ స్థాయి పెరిగిపోవడం ఖాయం.
  
 కోడింగ్ సాధన: అభ్యర్థుల కోడింగ్ ైనె పుణ్యాలను తప్పనిసరిగా పరీక్షిస్తారు. కోడింగ్‌పై ఎలాంటి ప్రశ్నలు అడుగుతారో ముందే తెలుసుకోవాలి. దీనిపై అంతర్జాలంలో సమాచారం లభిస్తుంది. కాగితం, కలం ఉపయోగిస్తూ రియల్ కోడింగ్‌ను ఎక్కువగా ప్రాక్టీస్ చే యండి. నాన్-కోడింగ్ ఉద్యోగానికి దరఖాస్తు చేసుకున్నప్పటికీ కోడింగ్‌పై ప్రశ్నలను ఎదుర్కోవాల్సిందే. అలాగే సింటాక్స్‌ను మర్చిపోయి ఇంటర్వ్యూలో రిక్రూటర్‌కు ‘సారీ’ చెప్పే పరిస్థితి తెచ్చుకోవద్దు. టెక్నికల్ స్కిల్స్‌కు సాన పెట్టుకుంటే టెక్ ఇంటర్వ్యూలో నెగ్గడం తేలికేనన్న విషయం గుర్తుంచుకోండి.


  ఇటీవల కంపెనీలు విద్యార్థుల గ్రేడ్లకు ప్రాధాన్యం ఇవ్వడం లేదు. కొలువు రావాలంటే సంస్థలు ఆశిస్తున్న స్కిల్స్ అభ్యర్థిలో ఉండాల్సిందే. కంపెనీలు చేపట్టే ప్లేస్‌మెంట్స్‌కు విద్యార్థులు ముందుగానే సన్నద్ధం కావాలి. దీనిపై తగిన ప్రణాళిక లేకపోతే అవకాశం చేజారుతుంది. ఏదైనా అంశంపై శిక్షణ పొందగానే సరిపోదు, ఆచరణలో పెట్టినప్పుడే దానికి సార్థకత. ఆచరణలోకి రాని శిక్షణ నిరర్థకం.
  
  ఇంజనీరింగ్ విద్యార్థులు కాలేజీలో అసైన్‌మెంట్లలో భాగంగా ఇచ్చే కోడింగ్‌ను పూర్తి చేసి చేతులు దులుపుకుంటారు. దీన్ని పరీక్షల్లో గ్రేడ్లు, పర్సంటేజీల దృష్టితోనే చూస్తుంటారు. ఇది చాలా పొరపాటు. కోడింగ్‌పై తగిన పరిజ్ఞానం లేకపోతే ఇంటర్వ్యూల్లో విఫలమవుతారు! కోడింగ్‌ను కేవలం కోడింగ్ దృష్టితో చూడొద్దు. ఉపయోగకరమైన ఒక అప్లికేషన్‌ను రూపొందించడమే కోడింగ్. పరీక్షల్లో సాధించిన గ్రేడ్లు, పర్సంటేజీలు కంపెనీలు నిర్వహించే పరీక్షలు రాసేందుకు, ఇంటర్వ్యూలకు హాజరయ్యేందుకు ఉపయోగపడతాయి. కానీ ఉద్యోగం సాధించిపెట్టవు. కోడింగ్‌కు ప్రాధాన్యత ఇచ్చే కంపెనీలు నిర్వహించే టెస్టులు, ఇంటర్వ్యూల్లో సాధారణంగా నాలుగు రకాలైన అభ్యర్థులు ఎదురవుతుంటారు. వారు..
  
  కేటగిరీ 1
  
 ఒక కోడ్‌ను కాగితంపై రాయండి అంటే వీరు తెల్లమొహం వేస్తారు. వారు ఇంజనీరింగ్‌లో సి-ప్రోగ్రామింగ్ కోర్సు చేసిన వారైనప్పటికీ ఒక కోడ్‌ను రాయడం రాదు. ఎందుకంటే వారు కోడింగ్‌ను సీరియస్‌గా తీసుకోలేదు. కాలేజీలో ప్రొఫెసర్లు ఇచ్చిన అసైన్‌మెంట్లు, ప్రాజెక్టులను నామమాత్రంగా పూర్తిచేశారు. ఇలాంటి వారి భవిష్యత్తేంటో మనకు తెలిసిందే. స్కిల్స్‌ను పెంచుకుంటేనే వీరి పరిస్థితి మెరుగుపడే అవకాశం ఉంటుంది.
  
  కేటగిరీ 2
  వీరికి కోడింగ్‌లో స్వల్ప పరిజ్ఞానమే ఉంటుంది. కొన్ని సందర్భాల్లో కోడ్‌ను రాయడం కంటే అప్పటికే అమల్లో ఉన్న కోడ్‌ను చదివి, అర్థం చేసుకోవడమే ముఖ్యం. విద్యార్థులు కోడ్‌ను ఎలా చదువుతున్నారు? ఎలా అర్థం చేసుకుంటున్నారు? అనే విషయాలను ఇంటర్వ్యూల్లో పరీక్షిస్తారు. కాబట్టి కోడ్‌ను చదవడంపై సాధన చేయాలి.
  
  కేటగిరీ 3
  
 వీరికి కోడ్ చేయడం తెలుసు, కానీ, ఒక సమస్యకు సరైన కోడ్ ను రాసి, సరైన డేటా స్ట్రక్చర్, అల్గారిథమ్స్‌ను ఉపయోగించి చక్కటి పరిష్కారం చూపమంటే తికమకపడతారు. సమస్య ను అర్థం చేసుకొని, పరిష్కరించలేకపోవడమే వీరి సమస్య.
  
  కేటగిరీ 4
  
 ఈ విభాగం అభ్యర్థులకు కోడింగ్, దానిలో తర్కం, సూత్రం గురించి తెలుసు. కానీ, దాన్ని ప్రాక్టికల్‌గా ఆచరణలోకి తీసుకొచ్చే విషయంలో విఫలమవుతుంటారు. అందుకు తగిన పరిజ్ఞానం వారిలో ఉండదు. ప్రొడక్ట్ డవలప్‌మెంట్ సంస్థలు నిర్వహించే ఇంటర్వ్యూల్లో అడిగే ప్రశ్నలు వేర్వేరుగా ఉన్నప్పటికీ కోడింగ్, రీడింగ్ కోడ్, రైటింగ్ కోడ్, డేటా స్ట్రక్చర్స్ వంటి అంశాల్లో అభ్యర్థుల స్కిల్స్‌ను మాత్రం తప్పనిసరిగా పరీక్షిస్తారు. అంతిమంగా అభ్యర్థిలో సమస్యలను పరిష్కరించే నైపుణ్యాలు ఉన్నాయో లేదో తెలుసుకుంటారు.
  కోడింగ్ ప్రాధాన్యతను తెలుసుకోండి
  
 విద్యార్థులు కోడింగ్ సాధనను సీరియస్‌గా తీసుకోవాలి. ఇలా చేయకపోవడం వల్లే ఇంటర్వ్యూల్లో ఫెయిల్ అవుతుంటారు. కోడింగ్‌ను నేర్చుకొనే విషయంలో మెథడాలజీపై కూడా ప్రత్యేక దృష్టి పెట్టాలి. విద్యార్థుల్లో కోడింగ్‌పై నిజమైన ఆసక్తి, ఇష్టం లేకపోతే.. ఇంటర్వ్యూల్లో నెగ్గడం కష్టమే. కాలేజీల్లో ఇచ్చిన అసైన్‌మెంట్లు, ప్రాజెక్ట్ వర్కుల ప్రాధాన్యత విస్మరించరానిది. కొందరు వీటిని ప్రారంభిస్తారు కానీ పూర్తిచేయరు. కోడింగ్, ప్రోగ్రామింగ్‌కు సంబంధించిన ప్రాజెక్టులను కచ్చితంగా పూర్తిచేయాలి. వీటివల్ల ఎంతో నైపుణ్యం సొంతమవుతుంది. ఇవి ఉద్యోగ సాధనకు ఉపయోగపడతాయి.
  
  కోడింగ్ కాంపిటీషన్లలో పాల్గొనాలి
  ఐటీ కంపెనీలు క్యాంపస్ ప్లేస్‌మెంట్స్‌లో భాగంగా కోడింగ్ కాంపిటీషన్లను నిర్వహిస్తుంటాయి. వీటిలో ప్రథమ స్థానంలో నిలిచిన వారిని ఇంటర్వ్యూ ద్వారా ఉద్యోగానికి ఎంపిక చేస్తాయి. కొన్నిసార్లు ఇంటర్వ్యూ లేకుండానే నేరుగా ఉద్యోగంలో చేర్చుకుంటాయి. ఇలాంటి పోటీల్లో విజేతలుగా నిలవాలంటే కోడింగ్ సమస్యలను బాగా సాధన చేయాలి. పోటీల్లో పాల్గొనడం ద్వారా విద్యార్థుల్లో ఆత్మస్థైర్యం పెరుగుతుంది. దేశంలో నైపుణ్యం కలిగిన ఇంజనీర్లు, ప్రోగ్రామర్లు, డవలపర్ల కొరత ఎక్కువగానే ఉంది.
  
  మిగిలిన బ్రాంచ్‌లకు..
  
 కోడింగ్, ప్రోగ్రామింగ్ అనేవి కేవలం కంప్యూటర్ సైన్స్ విద్యార్థులకు మాత్రమే అవసరమనే అభిప్రాయం చాలా మందిలో ఉంది. కానీ, ఇతర బ్రాంచ్‌లైన ఎలక్ట్రికల్, ఎలక్ట్రానిక్స్, మెకానికల్, కెమికల్, సివిల్ ఇంజనీరింగ్ విద్యార్థులు సైతం వీటిని నేర్చుకోవడం కచ్చితంగా అవసరం. ఎందుకంటే సాఫ్ట్‌వేర్ సంస్థలు అన్ని బ్రాంచ్‌ల విద్యార్థులను ఎంపిక చేసుకుంటున్నాయి. ఆయా స్కిల్స్ ఉన్నవారికే మొదటి ప్రాధాన్యం ఇస్తున్నాయి. విద్యార్థుల్లో కోడింగ్ స్కిల్స్ ఉంటే చక్కటి సాధనతో ప్రాబ్లమ్ సాల్వింగ్ స్కిల్స్  కూడా క్రమంగా మెరుగవుతాయి.
  కోడింగ్ స్కిల్స్ ప్రాధాన్యతను ఇప్పుడిప్పుడే అందరూ తెలుసుకుంటున్నారు. కొన్ని విశ్వవిద్యాలయాలు, కళాశాలల్లో దాదాపు 25 శాతం మంది విద్యార్థులు కోడింగ్ స్కిల్స్‌ను నేర్చుకుంటున్నారు. వీరిలో కంప్యూటర్ సైన్స్ విద్యార్థులతోపాటు బయాలజీ, ఫిజిక్స్, కెమిస్ట్రీ, ఎకనామిక్స్ తదితర సబ్జెక్టుల విద్యార్థులు కూడా ఉండడం విశేషం. ఇంజనీరింగ్‌లో మీ బ్రాంచ్ ఏదైనప్పటికీ ప్రాబ్లమ్ సాల్వింగ్ స్కిల్స్‌ను పెంపొందించుకోవాలి. కంప్యూటర్ సైన్స్, ఎలక్ట్రికల్, ఎలక్ట్రానిక్స్, మెకానికల్, కెమికల్, సివిల్ తదితర రంగాల్లో ఎదురయ్యే సమస్యలకు అర్థవంతమైన పరిష్కారం చూపగలగాలి. మొదట అది మీకు సంతృప్తిని కలిగించేదిగా ఉండాలి.
  
  గుడ్ కోడింగ్ స్కిల్స్
  
  ఇంజనీరింగ్ రెండో ఏడాది నుంచే కోడి ంగ్ స్కిల్స్ పొంద డానికి కృషి చేయాలి. విద్యార్థులు కాలేజీలో కోడింగ్ కల్చర్‌ను అభివృద్ధి చేసుకోవాలి. కోడింగ్ కాన్సెప్ట్‌లపై ప్రత్యేక శ్రద్ధ పెట్టాలి. రియల్‌టైమ్ ప్రాజెక్ట్‌ల ద్వారా కాన్సెప్ట్‌లను నేర్చుకోవచ్చు. సవాళ్లను, సమస్యలను ఎదుర్కొనేందుకు ఇలాంటి ప్రాజెక్టులు ఎంతగానో ఉపయోగపడతాయి. కోడింగ్, ప్రోగ్రామింగ్ స్కిల్స్ ఉన్న 10 శాతం మందికి జాబ్ మార్కెట్‌లో భారీ డిమాండ్ ఉంది. సాఫ్ట్‌వేర్ రంగంలో ఇతరులతో పోలిస్తే వీరికి భారీ వేతనాలు అందుతున్నాయి.