జేమ్స్‌ కామెరూన్‌ సృష్టించిన విజువల్‌ వండర్‌ ‘అవతార్‌’. 2009లో విడుదలైన ఈ చిత్రం బాక్సాఫీస్‌ వద్ద కలెక్షన్స్‌ సునామీని క్రియేట్‌ చేసింది. రూ.1200 కోట్ల బడ్జెట్‌తో క్రియేట్‌ అయిన ఈ విజువల్‌ వండర్‌కు ప్రపంచ వ్యాప్తంగా సుమారుగా రూ. 24 వేల కోట్లు కలెక్ట్‌ చేసింది. ఇదే ఇప్పటి వరకూ నమోదైన భారీ రికార్డ్‌. ఇన్ని వేల కోట్లు వసూలు చేసిన మరో సినిమా ఏదీ లేదు. దీంతో  ‘అవతార్‌ 2’పై భారీ అంచనాలతో 2022లో విడుదలైంది. పండోరా లోకం నుంచి సీక్వెల్‌గా ‘అవతార్‌- ది వే ఆఫ్‌ వాటర్‌’గా పార్ట్‌-2 వచ్చిన విషయం తెలిసిందే.. హాలీవుడ్‌ దర్శకుడు జేమ్స్‌ కామెరూన్‌ సృష్టించిన ఓ అద్భుత ప్రపంచంలో   రానున్న మూడో భాగాన్ని 2025లో విడుదల చేస్తామని ఆయన గతంలోనే ప్రకటించారు. తాజాగా ఓ ఇంటర్వ్యూలో పాల్గొన్న ఆయన ఆ సినిమా గురించి పలు విషయాలను పంచుకున్నారు. మూడో భాగంలో విజువల్‌ వండర్స్‌తో పాటు పాత్రలపై కూడా ఎక్కువగా దృష్టి  పెడుతున్నట్లు చెప్పాడు. మంచి స్టోరీతో ప్రపంచ వ్యాప్తంగా ఉన్న అభిమానులను మరింతి అలరించేందుకు రెడీగా ఉన్నట్లు తెలిపాడు. 2025 డిసెంబర్‌ 19న అవతార్‌ పార్ట్‌ -3 విడుదల అవుతుందని ఆయన మరోసారి ప్రకటించడం విశేషం. 2024లో అందరినీ మెచ్చేలా ఎక్కువ రన్‌టైమ్‌లో టీజర్‌ ఉంటుందని తెలిపాడు. ప్రేక్షకుల అంచనాలకు మించి ఇందులో యాక్షన్ సీన్స్‌ ఉంటాయని తెలిపాడు. గతంలో వచ్చిన రెండు భాగాల మాదిరే ఇందులో  కూడా భిన్నమైన కథనంతో పాటు విభిన్నమైన పాత్రలు కనిపిస్తాయన్నాడు. 'అవతార్‌: ది వే ఆఫ్‌ వాటర్‌' లో కనిపించిన కేట్‌ విన్స్‌లెట్‌ చేసిన రోనాల్‌ పాత్రను అవతార్‌ 3లో కూడా ఉంటుంది. దీని కోసం ఆమె చాలా కష్టపడి శిక్షణ తీసుకుంటుందని ఆయన పేర్కొన్నాడు. 'అగ్ని' ప్రధానంగా మూడో భాగం సాగుతుందని ఆయన తెలుపుతూ .. అగ్ని ఒక చిహ్నం.. ప్రయోజనకారి. మూడో భాగంలో ఇదే ప్రధాన ఇతివృత్తంగా ఉంటుందని తెలిపాడు. ఫ్రాంచైజీలో 'అవతార్‌- 4' 2029లో విడుదల అవుతుందని, చివరిగా రానున్న 'అవతార్‌- 5' కూడా  2031లో విడుదల చేస్తామని మేకర్స్‌ ప్రకటించారు.

హాలీవుడ్ డైరెక్టర్ జేమ్స్ కామెరూన్ విజువల్ వండర్ 'అవతార్-2: ది వే ఆఫ్ వాటర్'. గతేడాది థియేటర్లలో విడుదలైన ఈ చిత్రం బాక్సాఫీస్ వద్ద భారీ వసూళ్లు సాధించింది. ప్రపంచ వ్యాప్తంగా 160 భాషల్లో విడుదలైన ఈ చిత్రం బాక్సాఫీస్‌ వద్ద కలెక్షన్ల సునామీ సృష్టించింది. ఈ సినిమా డిసెంబర్‌16న ప్రేక్షకుల ముందుకు వచ్చిన సంగతి తెలిసిందే.  (ఇది చదవండి: ఓటీటీలో అవతార్-2.. ఇక నుంచి ఫ్రీగా చూసేయొచ్చు!) అయితే ఇప్పటికే ఈ సినిమా రెంటల్‌ పద్ధతిలో ఓటీటీలోకి వచ్చిన సంగతి తెలిసిందే.  అయితే ఈరోజు నుంచి ఇండియాలో ఫ్రీగా చూసేందుకు అందుబాటులోకి వచ్చింది. ప్రముఖ ఓటీటీ సంస్థ డిస్నీ ప్లస్ హాట్‌ స్టార్‌లో స్ట్రీమింగ్ అవుతోంది. ఇంగ్లీష్‌తో పాటు తెలుగు, తమిళం, హిందీ కన్నడ, మళయాళ భాషల్లో అందుబాటులోకి వచ్చింది. ఇప్పటికి వరకు ఈ విజువల్ వండర్‌ను చూడడం మిస్సయిన వారు చూసేయండి.   (ఇది చదవండి: రెండో పెళ్లిపై దారుణ ట్రోల్స్.. స్పందించిన ఆశిష్ విద్యార్థి)

హాలీవుడ్ డైరెక్టర్ జేమ్స్‌ కామెరూన్‌ సృష్టించిన విజువల్‌ వండర్‌ 'అవతార్‌: ది వే ఆఫ్‌ వాటర్‌' (అవతార్-‌ 2). ఈ చిత్రం బాక్సాఫీస్ వద్ద భారీస్థాయిలో వసూళ్లు సాధించిన సంగతి తెలిసిందే. థియేటర్లలో సందడి చేసిన ఈ చిత్రం పలు ఓటీటీల్లోనూ రెంటల్ పద్ధతిలో అందుబాటులోకి వచ్చింది. తాజాగా సినీ ప్రియులకు చిత్రబృందం గుడ్ న్యూస్ చెప్పింది. ఎలాంటి అద్దె చెల్లించకుండానే చూసేలా ఈ సినిమా త్వరలో ఓటీటీలోకి రాబోతుంది. (ఇది చదవండి: సల్మాన్‌తో రిలేషన్‌లో ఉందా?.. ఏకంగా నా భర్తనే అడిగారు: హీరోయిన్) రెంట్‌ చెల్లించకుండానే ఈ సినిమాని డిస్నీ ప్లస్ హాట్‌స్టార్ స్ట్రీమింగ్‌కు అందుబాటులో రానున్నట్లు ప్రకటించింది. ఈ విజువల్‌ వండర్‌ని జూన్‌ 7న విడుదల చేస్తున్నట్లు సోషల్‌ మీడియా వేదికగా వెల్లడించింది. దీంతో సినీ ప్రేక్షకులు ఆనందం వ్యక్తం చేస్తున్నారు. ఎన్ని భాషల్లో విడుదల కానుందన్న విషయాన్ని మాత్రం ఇంకా వెల్లడించలేదు. (ఇది చదవండి: చెర్రీ ఫ్యాన్స్ అంటే ఇలా ఉండాలి.. మనసులు గెలిచారు భయ్యా!) కాగా.. హాలీవుడ్‌ దిగ్గజం జేమ్స్‌ కామెరూన్‌ తెరకెక్కించిన ఈ సినిమా గతేడాది డిసెంబరులో థియేటర్లలో సందడి చేసింది. తొలి భాగం అవతార్‌లానే పలు రికార్డులు సృష్టించిన ఈ సీక్వెల్‌ 2023 మార్చి 28 నుంచి డిజిటల్‌ స్ట్రీమింగ్‌ వేదికలైన మూవీఎస్‌ ఎనీ వేర్‌, యాపిల్‌ టీవీ, ప్రైమ్‌ వీడియో, వుడు, ఎక్స్‌ఫినిటీ, గూగుల్‌ప్లే, ఏఎంసీ, మైక్రోసాఫ్ట్‌ మూవీ అండ్‌ టీవీల్లో అద్దె ప్రాతిపదికన అందుబాటులోకి వచ్చింది.  

హాలీవుడ్ స్టార్ డైరెక్టర్ జేమ్స్ కామెరూన్ తెరకెక్కించిన బిగ్గెస్ట్ విజువల్ వండర్ మూవీ ‘అవతార్‌-ది వే ఆఫ్ వాటర్’(అవతార్‌-2).  గతేడాది డిసెంబర్‌లో విడుదలైన ఈ చిత్రం ప్రపంచ బాక్సాఫీస్‌ వద్ద రికార్డు స్థాయిలో కలెక్షన్స్‌ని రాబట్టింది. సముద్ర గర్భంలో ఓ అందమైన ప్రపంచం ఉందని ఈ చిత్రం ద్వారా ప్రేక్షకులకు తెలియజేశారు జేమ్స్‌ కామెరూన్‌. ఇన్నాళ్లు థియేటర్‌ ఆడియన్స్‌ అలరించిన ఈ చిత్రం..ఇప్పడు ఓటీటీ ప్రేక్షకులను పండోరా గ్రహానికి తీసుకెళ్లేందుకు సిద్దమైంది. మార్చి 28 నుంచి ఈ చిత్రం ఓటీటీలో స్ట్రీమింగ్‌ కానుంది. ఈ విషయాన్ని అధికారికంగా తెలియజేస్తూ ‘అవతార్‌’ టీమ్‌ ఓ ట్వీట్‌ చేసింది. ఇంతవరకు చూడని విశేషాలను మూడు గంటలపాటు చూసేందుకు సిద్ధం అవ్వండి’అని ఆ ట్వీట్‌లో పేర్కొన్నారు. ఈ సినిమా డిజిటల్‌ రైట్స్‌ని ప్రముఖ ఓటీటీ సంస్థ డిస్నీ ప్లస్‌ హాట్‌స్టార్‌ భారీ రేటుకు కొనుగోలు చేసింది. మార్చి 28 నుంచి ఈ చిత్రం డిస్నీ ప్లస్‌ హాట్‌స్టార్‌లో స్ట్రీమింగ్‌ అయ్యే అవకాశం ఉన్నట్లు తెలుస్తోంది.  అవతార్‌’లో పండోరా గ్రహాన్ని సృష్టించి, ప్రకృతి అందాలను తెరపై సరికొత్తగా చూపించి అందరిని ఆశ్చర్యపరిచాడు జేమ్స్‌ కామెరూన్‌. దాదాపు 13 ఏళ్ల తర్వాత దానికి కొనసాగింపుగా ‘అవతార్‌ అవతార్‌-ది వే ఆఫ్ వాటర్’(అవతార్‌-2)ను తెరకెక్కించాడు. పార్ట్‌ 1లో అడవి అందాను చూపిస్తే.. పార్ట్‌ 2లో సముద్రం లోపల మరో సుందరమైన ప్రపంచం ఉందని తెలియజేశాడు.  Return to Pandora whenever you want at home, only on Digital March 28. Get access to over three hours of never-before-seen extras when you add #AvatarTheWayOfWater to your movie collection. pic.twitter.com/4dOhyjMU9l — Avatar (@officialavatar) March 7, 2023

జూనియర్‌ ఎన్టీఆర్‌, మెగా పవర్‌ స్టార్‌ రామ్‌చరణ్‌ ప్రధాన పాత్రల్లో నటించిన పాన్‌ ఇండియా చిత్రం ఆర్‌ఆర్‌ఆర్‌. రాజమౌళి డైరెక్ట్‌ చేసిన ఈ సినిమా ప్రపంచవ్యాప్తంగా ప్రశంసలు అందుకుంటోంది. ఇప్పటికే అంతర్జాతీయ స్థాయిలో పలు అవార్డులు అందుకున్న ఈ సినిమా ఆస్కార్‌కు చేరువలో ఉంది. ఇందులోని నాటు నాటు పాట బెస్ట్‌ ఒరిజినల్‌గా సాంగ్‌గా ఆస్కార్‌కు నామినేట్‌ అయిన సంగతి తెలిసిందే. ఈ నేపథ్యంలో అంతర్జాతీయ స్థాయిలో అవార్డులు మోత మోగిస్తున్న ఈ మూవీ తాజాగా మరో అంతర్జాతీయ స్థాయి అవార్డును సొంతం చేసుకుంది. రోటెన్ టొమాటోస్ వారి గోల్డెన్‌ టమోటో అవార్డును ఆర్ఆర్ఆర్ గెలుచుకుంది. చదవండి: తొలిసారిగా కూతురి ఫోటోలు రివీల్‌ చేసిన ప్రియాంక చోప్రా రోటెన్ టొమాటోస్ సంస్థ ఈ ఏడాది నిర్వహించిన ఫ్యాన్స్‌ ఫేవరేట్‌ 2022 చిత్రాల జాబితాలో ఆర్‌ఆర్‌ఆర్‌ అగ్రస్థానంలో నిలిచింది. ఈ ఏడాదికి గాను గోల్డెన్‌ టమోటో అవార్డుకు ‘అవతార్‌ 2: ది వే ఆఫ్‌ వాటర్‌, టాప్‌ గన్‌, బ్యాట్‌మెన్‌’ వంటి పలు హాలీవుడ్‌ చిత్రాలతో పోటీ పడిన ఆర్‌ఆర్‌ఆర్‌ మూవీ వాటిన్నింటిని వెనక్కి నెట్టి మొదటి స్థానంలో నిలవడం విశేషం. ప్రపంచ వ్యాప్తంగా సినీ ప్రియులను ఆకట్టుకుని ఆర్‌ఆర్‌ఆర్‌ మూవీ ఫ్యాన్స్‌ ఫేవరేట్‌ మూవీ 2022గా నిలిచినట్లు తాజాగా రోటెన్ టొమాటోస్ సంస్థ అధికారిక ప్రకటన ఇచ్చింది. దీంతో 2022 ఫ్యాన్స్‌ ఫేవరేట్‌ మూవీ గోల్డెన్‌ టమోటో అవార్డుకు ఆర్‌ఆర్‌ఆర్‌ ఎన్నికైనట్లు ఈ సందర్భంగా సదరు సంస్థ వెల్లడిచింది.  కాగా హాలీవుడ్‌కు చెందిన ఈ రోటెన్ టొమాటోస్ వెబ్ సైట్ ప్రతి సినిమాకు ప్రేక్షకుల రేటింగ్ ఇస్తుంటుంది. అలాగే ప్రతి ఏటా మంచి సినిమాలకు గోల్డెన్ టొమాటో అవార్డులను ప్రకటిస్తుంది. అలాగే ఈ ఏడాది ఎంతో ఆదరణ పొందిన అవతార్‌: ద వే ఆఫ్‌ వాటర్‌, ది బ్యాట్‌మెన్‌, టాప్‌ గన్‌, ఎవ్రీథింగ్‌ ఎవ్రీవేర్‌ ఆల్‌ ఎట్‌ వన్స్‌ వంటి చిత్రాలతో పాటు ఆర్‌ఆర్‌ఆర్‌ మూవీకి జనవరి 12న ఓటింగ్‌ నిర్వహించింది. మొదటి వారం కాస్తా తక్కువ ఓట్లు తెచ్చుకున్న ఆర్‌ఆర్‌ఆర్‌ రెండో వారానికి అత్యధిక ఓట్లు అందుకుని అగ్రస్థానంలో నిలిచింది. దీని తర్వాత స్థానాల్లో టాప్‌ గన్‌: మావేరిక్‌, ఎవ్రీథింగ్‌ ఎవ్రీవేర్‌ ఆన్‌ ఎట్‌ వన్స్‌, ది బ్యాట్‌మెన్‌, అవతార్‌: ది వే ఆఫ్‌ వాటర్‌ చిత్రాలు తర్వాత స్థానాల్లో ఉన్నాయి.  చదవండి: అప్పుడే ఓటీటీలోకి ‘హంట్‌’..స్ట్రీమింగ్‌ ఎక్కడంటే..? Our fans voted #RRR as the #GoldenTomato Award winner for Fan Favorite Movie of 2022! https://t.co/gSJnmq1buz pic.twitter.com/tHtk5q4dn4 — Rotten Tomatoes (@RottenTomatoes) January 30, 2023

హాలీవుడ్ దిగ్గజం జేమ్స్ కామెరూన్ విజువల్ వండర్ అవతార్-2 ఇండియాలో రికార్డులు సృష్టిస్తోంది. అవతార్‌లో పండోరా గ్రహాన్ని సృష్టించి, ప్రకృతి అందాలను తెరపై సరికొత్తగా చూపించి అందరిని ఆశ్చర్యపరిచాడు. దాదాపు 13 ఏళ్ల తర్వాత దానికి కొనసాగింపుగా వచ్చిన ‘అవతార్‌ అవతార్‌-ది వే ఆఫ్ వాటర్’(అవతార్‌-2) ప్రస్తుతం అన్ని రికార్డులను తిరగరాసింది. గతేడాది డిసెంబర్‌లో విడుదలైన ఈ చిత్రం ప్రపంచ బాక్సాఫీస్‌ వద్ద రికార్డు స్థాయిలో కలెక్షన్స్‌ని రాబట్టింది. సముద్ర గర్భంలో ఓ అందమైన ప్రపంచం ఉందని ఈ చిత్రం ద్వారా ప్రేక్షకులకు పరిచయం చేశారు జేమ్స్ కామెరూన్. అవతార్-2 ఇండియాలో రూ.368.20 కోట్లు వసూళ్లతో సరికొత్త చరిత్ర సృష్టించింది. అత్యధిక కలెక్షన్లు రాబట్టిన హాలీవుడ్ సినిమాని నిలిచింది. అంతకుముందు 'ఎవెంజర్స్: ది ఎండ్‌గేమ్' రూ.367 కోట్లు వసూళ్లు సాధించగా ఆ రికార్డ్ బ్రేక్ చేసింది. ఈ విషయాన్ని ప్రముఖ ట్రేడ్ అనలిస్ట్ తరణ్ ఆదర్శ్ ట్విట్టర్‌లో వెల్లడించారు.  అవతార్-2 కేవలం 14 రోజుల్లోనే బాక్సాఫీస్ 1 బిలియన్ యూఎస్ డాలర్ల మార్కును దాటింది. 2022లో  విడుదలైన 'టాప్ గన్: మావెరిక్','జురాసిక్ వరల్డ్ డొమినియన్' సరసన నిలిచింది అవతార్-2. దీంతో 2022లో విడుదలైన ఇతర సినిమాల కంటే జేమ్స్ కామెరూన్ చిత్రం ఈ మైలురాయిని వేగంగా అధిగమించి రికార్డు సృష్టించింది. #Avatar2 creates HISTORY… Emerges the HIGHEST GROSSING #Hollywood film in #India by surpassing *lifetime biz* of #AvengersEndgame. ⭐️ #Avatar2: ₹ 368.20 cr NBOC ⭐️ #AvengersEndgame: ₹ 367 cr NBOC#India biz. #Avatar #AvatarTheWayOfWater pic.twitter.com/eS8EIZ5xu4 — taran adarsh (@taran_adarsh) January 21, 2023  

టాలీవుడ్ దర్శకధీరుడు రాజమౌళి, హాలీవుడ్ దిగ్గజం, అవతార్ దర్శకుడు జేమ్స్ కామెరూన్ మధ్య ఆసక్తికర సన్నివేశం చోటు చేసుకుంది. ఆర్ఆర్ఆర్ సినిమా గురించి వారిద్దరు మాట్లాడుకుంటున్న వీడియో సోషల్ మీడియాలో వైరల్‌గా మారింది. ఈ వీడియోలో టాలీవుడ్‌ సినిమాపై ప్రశంసల వర్షం కురిపించారు కామెరూన్. ఆర్ఆర్ఆర్‌ను రెండుసార్లు చూసినట్లు రాజమౌళితో చెప్పారు. దీంతో జక్కన్న వల్లే తెలుగు సినిమా రేంజ్ ఎక్కడికో వెళ్లిపోయిందని నెటిజన్లు కామెంట్స్ చేస్తున్నారు. ఈ వీడియోను ఆర్ఆర్ఆర్ తన అధికారిక ట్విటర్‌ ఖాతాలో షేర్ చేసింది.  కామెరూన్‌తో రాజమౌళి మాట్లాడుతూ.. మీ సినిమాలు టైటానిక్‌, టర్మినేటర్‌తో పాటు అవతార్‌-2 చూశానని తెలిపారు. మీరే నాకు ఆదర్శమని కామెరూన్‌ను కొనియాడారు. మీ ప్రశంసలు అవార్డ్ కంటే గొప్పవని రాజమౌళి అన్నారు. మీరు సినిమా చూశానంటే ఇప్పటికీ నమ్మలేకపోతున్నానని కామెరూన్‌తో ముచ్చటించారు. ఆర్ఆర్ఆర్ చిత్రాన్ని మీరు అనలైజ్‌ చేయడం బాగుందన్నారు.  దీనికి కామెరూన్ స్పందిస్తూ రాజమౌళిపై ప్రశంసల వర్షం కురిపించారు. మీ సినిమా చూసినప్పుడు అద్భుతంగా అనిపించిందన్నారు. ఈ స్టోరీ తెరకెక్కించిన విధానం చాలా బాగుందన్నారు. సినిమాలోని ట్విస్టులు, స్నేహితుల పాత్రలు మలిచిన విధానం అద్భుతమని కొనియాడారు. అక్కడే ఉన్న సంగీత దర్శకుడు ఎంఎం కీరవాణిని సైతం ప్రశంసలతో ముంచెత్తారు. మీరు అందించిన మ్యూజిక్ అద్భుతమన్నారు.   ఆర్ఆర్ఆర్ గతేడాది థియేటర్లలో రిలీజైన ‘ఆర్ఆర్ఆర్’ పలు రికార్డులు కొల్లగొట్టింది. దాదాపు రూ.1200 కోట్ల కలెక్షన్స్‌తో ప్రపంచవ్యాప్తంగా గుర్తింపు సాధించింది. ఇప్పటికే ఆస్కార్ బరిలో నిలిచిన ఆర్ఆర్ఆర్.. తాజాగా  ‘గోల్డెన్ గ్లోబ్’ అవార్డు గెలుచుకున్న తర్వాత జేమ్స్ కామెరూన్ ఏకంగా రాజమౌళిని మెచ్చుకోవడం చిత్రబృందానికి దక్కిన మరో గౌరవంగా టాలీవుడ్ అభిమానులు భావిస్తున్నారు.  "If you ever wanna make a movie over here, let's talk"- #JamesCameron to #SSRajamouli. 🙏🏻🙏🏻Here’s the longer version of the two legendary directors talking to each other. #RRRMovie pic.twitter.com/q0COMnyyg2— RRR Movie (@RRRMovie) January 21, 2023

హాలీవుడ్ స్టార్ డైరెక్టర్ జేమ్స్ కామెరూన్ తెరకెక్కించిన బిగ్గెస్ట్ విజువల్ వండర్ మూవీ ‘అవతార్-2’. డిసెంబర్‌ 16న విడుదలైన ఈ సినిమా  ప్రపంచవ్యాప్తంగా అదిరిపోయే కలెక్షన్స్ రాబడుతోంది. ఇండియాలోనూ సెన్సేషన్‌ క్రియేట్‌ చేస్తోందీ చిత్రం. పండోరా అనే సరికొత్త గ్రహాన్ని సృష్టించి.. వింతలు, అద్భుతాలతో ఆద్యంతం విజువల్ వండర్‌గా తెరకెక్కిన ఈ సినిమాకు ప్రేక్షకులు బ్రహ్మరథం పడుతున్నారు. మరోవైపు ఈ సినిమా టికెట్‌ రేట్స్‌ మరీ ఎక్కువగా ఉన్నాయంటూ విమర్శలు కూడా వస్తున్నాయి. ఈ నేపథ్యంలో అవతార్‌ మూవీ లవర్స్‌కు గుడ్‌న్యూస్‌ ఒకటి బయటకు వచ్చింది. అవతార్‌-2 త్రీడీ వెర్షన్‌ టికెట్‌ ధరలు భారీగా తగ్గాయి. IMAX, 4DX వెర్షన్లు కాకుండా 3డీ వెర్షన్‌ టికెట్‌ ధరను రూ.150కి తగ్గించారు. ప్రేక్షకుల సంఖ్యను మరింత పెంచేందుకు తాజాగా తీసుకున్న టికెట్‌ తగ్గింపు నిర్ణయం కలెక్షన్లు పెరిగేందుకు బాగా ఉపయోగపడుతుందని ట్రేడ్ విశ్లేషకులు అంచనా వేస్తున్నారు. మరి రాబోయే రోజుల్లో అవతార్‌-2 ఇంకెన్ని రికార్డులను బద్దలు కొడుతుందో చూడాలి మరి. 

విజువల్‌ వండర్‌ అవతార్‌-2 ప్రస్తుతం థియేటర్లలో సెన్సేషన్‌ క్రియేట్‌ చేస్తోంది. ప్రపంచ వ్యాప్తంగా 160 భాషల్లో విడుదలైన ఈ చిత్రం బాక్సాఫీస్‌ వద్ద కలెక్షన్ల సునామీ కురిపిస్తుంది. ఇప్పటివరకు సుమారు 5వేల కోట్లకు పైగానే వసూళ్లు సాధించింది. హాలీవుడ్‌ స్టార్‌ డైరెక్టర్‌ జేమ్స్‌ కామెరూన్‌ తెరకెక్కించిన ఈ సినిమా డిసెంబర్‌16న ప్రేక్షకుల ముందుకు వచ్చింది. ఇక  3D, 4DX టెక్నాలజీతో అందుబాటులో ఉన్న అవతార్‌-2 సినిమా టికెట్‌ రేట్స్‌ కూడా భారీగానే ఉన్నాయి. దీంతో ఈ సినిమా ఓటీటీలోకి ఎప్పుడెప్పుడు వస్తుందా అని ప్రేక్షకులు ఎదురుచూస్తున్నారు. అలాంటి అభిమానులకు గుడ్‌న్యూస్‌. ఈ సినిమా ఓటీటీ హక్కుల్ని ఇప్పటికే డిస్నీ ప్లస్ హాట్‌స్టార్ భారీ ధరకు సొంతం చేసుకుంది. రిలీజ్ డేట్ నుంచి 234 రోజుల త‌ర్వాతే అవ‌తార్ 2 ఓటీటీలోకి అందుబాటులో రానుంద‌ని వార్త‌లు చ‌క్క‌ర్లు కొడుతున్నాయి. మరి  ఈ సినిమాని ఓటీటీ చూడాలనుకునే ప్రేక్షకులు అప్పటిదాకా వేచిచూడాల్సిందే.

అవతార్-2: ది వే ఆఫ్ వాటర్ జేమ్స్‌ కామెరూన్‌ సృష్టించిన అద్భుత ప్రపంచం. సముద్రంలో ఆయన సృష్టించిన ప్రపంచం చూస్తే అశ్చర్యపోకుండా ఉండలేరు. అంటూ అవతార్‌-2 పై ప్రశంసల వర్షం కురిపించారు సంచలన దర్శకుడు రామ్‌ గోపాల్‌ వర్. సినిమాలోని ప్రతి సీన్ కట్టిపడేసేలా చేసిందని ఆయన అన్నారు. దేవుడు ఈ విశ్వాన్ని సృష్టిస్తే.. కామెరూన్‌ ‘పండోరా’ అనే అద్భుత ప్రపంచాన్ని ఆవిష్కరించాడని కొనియాడారు. ప్రపంచవ్యాప్తంగా విడుదలైన అవతార్‌-2 చిత్రంలో జేమ్స్ కామెరూన్ అందమైన నీటి ప్రపంచాన్ని ప్రేక్షకులకు పరిచయం చేశారు. అద్భుతమైన విజువల్స్‌, ఆకట్టుకునే ప్రదర్శన, ఊపిరి బిగబెట్టేలా యాక్షన్‌ సీన్లతో థియేటర్లను ఊపేశారు. దేవుడు ఈ భూమిని సృష్టిస్తే.. పండోరా అనే అందమైన ప్రపంచాన్ని జేమ్స్‌ కామెరూన్‌ క్రియేట్‌ చేశాడని రామ్‌ గోపాల్ వర్మ ప్రశంసలతో ముంచెత్తారు.   ఆర్జీవీ తన ట్వీట్‌లో రాస్తూ..'ఈ ప్రపంచంలో నివసించాలని ఉంది. కానీ అవతార్‌-2 చూశాక స్వర్గం అంటే పండోరా ప్రపంచంలా ఉంటుందని ఎవరైనా హామీ ఇస్తే.. మనుషులందరూ ఇప్పుడే చచ్చిపోతారు' అంటూ పోస్ట్ చేశారు. అది కాస్తా సోషల్ మీడియాలో వైరల్ కావడంతో అభిమానులు కామెంట్స్ చేస్తున్నారు. కాగా.. 2009లో విడుదలైన అవతార్‌ సీక్వెల్‌గా హాలీవుడ్ దర్శకుడు జేమ్స్ కామెరూన్‌ ఈ చిత్రాన్ని తెరకెక్కించారు. శుక్రవారం విడుదలైన ఈ సినిమా తొలి రోజే హిట్‌ టాక్ తెచ్చుకుంది. ఇదొక విజువల్‌ వండర్‌ అని పలువురు ప్రశంసించారు. After seeing AVATAR 2 , if somebody can assure that heaven will look anywhere like PANDORA the entire human species will DIE immediately — Ram Gopal Varma (@RGVzoomin) December 18, 2022  

తమిళసినిమా: పదమూడేళ్ల క్రితం ప్రపంచవ్యాప్తంగా విడుదలై సంచలన విజయాన్ని సాధించిన చిత్రం అవతార్‌. హాలీవుడ్‌ దర్శక దిగ్గజం జేమ్స్‌ క్యామరన్‌ అద్భుత సృష్టి అది. ప్రపంచవ్యాప్తంగా కలెక్షన్ల రికార్డులను బద్దలు కొట్టింది. తాజాగా ఆ సినిమాకు సీక్వెల్‌గా వచ్చిన చిత్రం అవతార్‌ ది వే ఆఫ్‌ వాటర్‌. ఇది శుక్రవారం ప్రపంచవ్యాప్తంగా తెరపైకి వచ్చింది. వరల్డ్‌ వైడ్‌గా 52 వేల థియేటర్లలో విడుదల కావడం విశేషం. అదే విధంగా చిత్రాన్ని 160 భాషల్లో విడుదల చేసినట్లు సమాచారం. ఇకపోతే ఒక్క ఇండియాలోనే ప్రముఖ నగరాల్లో అడ్వాన్స్‌ బుకింగ్‌తో రూ. 20 కోట్లు వసూలు చేసింది. దీన్ని హిందీ, ఇంగ్లీష్‌ తమిళం, తెలుగు, కన్నడం, మలయాళంలో విడుదల చేశారు. చిత్రాన్ని ప్రేక్షకులు మైమరచి చూస్తున్నారు. కోలీవుడ్‌లో పలువురు సినీ ప్రముఖులు అవతార్‌ – 2 చిత్రాన్ని మొదటి రోజునే చూడడానికి ఆసక్తి కనబరచడం మరో విశేషం. ఆ విధంగా నటుడు ధనుష్‌ తన ఇద్దరు పిల్లలు లింగా, యాత్రలతో కలిసి అవతార్‌ ది వే ఆఫ్‌ వాటర్‌ చిత్రాన్ని చూసి ఎంజాయ్‌ చేశారు. ఆయన తన కొడుకులతో చిత్రాన్ని చూసిన ఫొటోలు ఇప్పుడు సామాజిక మాధ్యమాల్లో వైరల్‌ అవుతున్నాయి. కాగా ధనుష్‌ శనివారం అవతార్‌ –2 చిత్రం గురించి తన ట్విట్టర్లో ఇట్స్‌ అవతార్‌ డే అని పేర్కొనడం మరో విశేషం. ITS AVATAR DAY 🤩🤩🤩😍😍😍 — Dhanush (@dhanushkraja) December 16, 2022 View this post on Instagram A post shared by Nikil Murukan (@onlynikil)

సినీ ప్రపంచం ఎంతో ఆసక్తిగా ఎదురుచూసిన భారీ విజువల్ వండర్​ మూవీ 'అవతార్​- 2'. ఇప్పటికే ప్రపంచవ్యాప్తంగా రిలీజైన ఈ చిత్రం పాజిటివ్ టాక్ తెచ్చుకుంది. ఈ సినిమాపై భారీ అంచనాలు రావడంతో వసూళ్లు సైతం భారీ స్థాయిలో ఉండవచ్చని అభిమానులు ఫ్యాన్స్ భావించారు. 13 ఏళ్ల క్రితం విడుదలైన అవతార్ బాక్సాఫీస్‌ వద్ద కలెక్షన్ల వర్షం కురిపించిన సంగతి తెలిసిందే. ఇండియాలో ఈనెల 16న విడుదలైన ఈ చిత్రం సాధించిన వసూళ్లపై ఓ లుక్కేద్దాం. అవతార్: ది వే ఆఫ్ వాటర్ ఇండియాలో బాక్సాఫీస్ వద్ద తొలిరోజు రూ.38-40 కోట్ల మధ్య వసూళ్లు సాధించినట్లు సినీవర్గాలు అంచనా వేశాయి. ఈ కలెక్షన్లతో స్పైడర్‌ మ్యాన్:నో వే హోమ్, అవెంజర్స్: ఇన్‌ఫీనిటీ వార్ సినిమాలను వెనక్కి నెట్టింది. అయినప్పటికీ దేశంలో అతిపెద్ద హాలీవుడ్‌ ఓపెనింగ్స్ రాబట్టిన అవెంజర్స్‌: ఎండ్‌గేమ్‌ను మాత్రం అధిగమించలేకపోయింది.  (ఇది చదవండి: ‘అవతార్‌-ది వే ఆఫ్ వాటర్’ మూవీ రివ్యూ) ఇండియాలో అవెంజర్స్: ఇన్ఫినిటీ వార్ మొదటి రోజు రూ.31 కోట్లు, స్పైడర్ మ్యాన్: నో వే హోమ్ రూ.32 కోట్లు వసూలు చేయగా.. ఎవెంజర్స్: ఎండ్‌గేమ్ రూ.53 కోట్ల ఓపెనింగ్‌తో  అగ్రస్థానంలో నిలిచింది. అవతార్- పార్ట్ 1 ఇప్పటి వరకు 2.9 బిలియన్ డాలర్లతో మొత్తం బాక్సాఫీస్ కలెక్షన్లతో ప్రపంచంలోనే అతిపెద్ద చిత్రంగా రికార్డ్ సాధించింది. జేమ్స్‌ కామెరూన్‌ దర్శకత్వంలో వచ్చిన అవతార్-పార్ట్ 1 విజువల్‌ వండర్‌గా బాక్సాఫీస్‌ వద్ద కాసుల వర్షాన్ని కురిపించిన సంగతి తెలిసిందే. తొలి భాగంలో పండోరా అందాలను అద్భుతంగా ఆవిష్కరించిన కామెరూన్‌.. ఈ సారి సీక్వెల్‌తో నీటి అడుగున అందమైన ప్రపంచాన్ని పరిచయం చేశారు. భారీ జలచరాలతో సంభ్రమాశ్చర్యాలకు గురిచేశారు. దాదాపు రూ.3వేల కోట్ల బడ్జెట్​తో తెరకెక్కించారు. విజువల్స్​ పరంగా సినిమా అద్భుతంగా ఉందని సినీ ప్రేక్షకులు అంటున్నారు.  సినీ విశ్లేషకులు నివేదిక ప్రకారం ఈ చిత్రం ప్రపంచవ్యాప్తంగా(రెండు రోజుల్లో) రూ.300కోట్లు వరకు వసూలు చేసిందని అన్నారు. 

'అవతార్-2: ది వే ఆఫ్ వాటర్' ఇప్పుడు అందరి నోటా వినిపిస్తున్న మాట. యావత్‌ సినీ ప్రపంచం ఎంతో ఆసక్తిగా ఎదురుచూసిన ‘అవతార్‌-2’ ఇవాళ ప్రేక్షకుల ముందుకొచ్చింది. జేమ్స్‌ కామెరూన్‌ దర్శకత్వంలో వచ్చిన ‘అవతార్’ విజువల్‌ వండర్‌గా బాక్సాఫీస్‌ వద్ద కాసుల వర్షాన్ని కురిపించిన విషయం తెలిసిందే. తొలి భాగంలో పండోరా అందాలను అద్బుతంగా ఆవిష్కరించిన కామెరూన్‌.. ఇప్పుడు నీటి అడుగున అందాలు, భారీ జలచరాలతో సంభ్రమాశ్చర్యాలతో అలరించేందుకు సిద్ధమయ్యారు.  (ఇది చదవండి: అవతార్‌-2 అడ్వాన్స్‌ బుకింగ్స్‌లో రికార్డుల మోత) అయితే ఈ చిత్రంలో టైటానిక్ భామ కేట్ విన్‌స్లెట్ ప్రత్యేక పాత్రలో కనిపించింది. ఇటీవల ఓ ఇంటర్వ్యూలో పాల్గొన్న ఆమె జేమ్స్‌ కామెరూన్ గురించి ఆసక్తికర విషయాలను పంచుకున్నారు. టైటానిక్ విడుదలైన 25 ఏళ్ల తర్వాత కేట్ విన్ స్లెట్, జేమ్స్ కామెరూన్ మళ్లీ అవతార్-2లో కలిసి పనిచేయడం గమనార్హం. అవతార్‌ మూవీతో ఆల్ టైమ్ అత్యధిక వసూళ్లు చేసిన చిత్రంగా బాక్సాఫీస్ రికార్డులను బద్దలు కొట్టిన జేమ్స్ కామెరూన్.. దాదాపు 13 ఏళ్ల తర్వాత వచ్చిన సీక్వెల్‌లో పండోరలోని అందమైన ప్రకృతి దృశ్యాలను చూపించారు. సామ్ వర్తింగ్టన్, జో సాల్దానా.. జేక్, నేత్రి పాత్రలు పోషించగా.. ఈ అడ్వెంచర్‌లో టోనోవరీ భార్యగా రోనల్ పాత్రలో కేట్ విన్స్‌లెట్ నటించింది.  టైటానిక్ భామ కేట్ విన్‌ స్లెట్ మాట్లాడుతూ.. 'మా ఇద్దరి మధ్య చాలా తేడాలు ఉన్నాయని అనుకుంటున్నా. టైటానిక్ విడుదలై 25 ఏళ్లైంది. ఇది చాలా సుదీర్ఘ సమయం. అది నా జీవితకాలంలో సగభాగం కంటే ఎక్కువ. ఇప్పుడు పరిస్థితులు  పూర్తిగా మారిపోయాయి. నేను తల్లిని అయ్యా. జేమ్స్‌ కామెరూన్ కూడా పేరెంట్ అయ్యారు. మేమిద్దరం కళాకారులం. మేం ప్రయోగాత్మకంగా మరింత సాహసోపేతంగా ఉన్నాం. అదే మా ఇద్దరి మధ్య ప్రధాన వ్యత్యాసం. ఇద్దరి మధ్య సృజనాత్మకమైన తేడాలు చాలా ఉన్నాయి.' అని అన్నారు. 

టైటిల్‌: అవతార్‌-ది వే ఆఫ్ వాటర్ నటీనటులు:  సామ్‌ వర్తింగ్టన్‌, జోయా సాల్డానా, స్టీఫెన్‌లాంగ్‌, సిగర్నీ వీవర్‌, కేట్‌ విన్‌స్లెట్‌, క్లిఫ్‌ కర్టిస్‌, జోయెల్‌ డేవిడ్‌ మూర్‌ తదితరులు నిర్మాణ సంస్థలు: లైట్‌స్ట్రోమ్‌ ఎంటర్‌టైన్‌మెంట్‌, టీఎస్‌జీ ఎంటర్‌టైన్‌మెంట్‌ నిర్మాతలు: జేమ్స్‌ కామెరూన్‌, జోన్‌ లాండౌ దర్శకత్వం: జేమ్స్‌ కామెరూన్‌ సంగీతం: సైమన్‌ ఫ్రాంగ్లెన్‌ సినిమాటోగ్రఫీ: రస్సెల్‌ కర్పెంటర్‌ ఎడిటింగ్‌ : స్టీఫెన్‌ ఈ, డెవిడ్‌ బ్రేన్నర్‌, జాన్‌ రెఫౌవా విడుదల తేది: డిసెంబర్‌ 16, 2022 కథేంటంటే... మానవ సైన్యంతో పోరాడి పండోరా ప్రపంచాన్ని కాపాడిన  జేక్‌ సెల్లీ ( సామ్‌ వర్తింగ్టన్‌) .. నావీ తెగకు నాయకుడవుతాడు. భార్య నేత్రి(జోయా సాల్డానా) కలిసి అక్కడే ఉంటాడు. వారికి లోక్‌, నితాయాం,  టూక్‌ అనే ముగ్గురు పిల్లలు పుడతారు. అలాగే కిరీ అనే అమ్మాయిని, స్పైడర్‌ అనే అబ్బాయిని దత్తత తీసుకుంటారు. పండోరా ప్రజలను యోగక్షేమాలు చూసుకుంటూ హాయిగా జీవిస్తుంటారు జేక్‌ సెల్లీ ఫ్యామిలీ. అదే సమయంలో పండోరాని ఆక్రమించేందుకు మనుషులు మరోసారి దండయాత్రకు వస్తారు. జేక్‌ సెల్లీ ఫ్యామిలీని అంతమొందిస్తే పండోరా గ్రహాన్ని ఆక్రమించుకోవచ్చని.. ఆ దిశగా పోరాటం చేస్తుంటారు. మనుషుల నుంచి తన కుటుంబాన్ని రక్షించుకునేందుకు జేక్‌ సెల్లి..మెట్‌ కానియా ప్రాంతానికి పారిపోతాడు.  సముద్రమే ప్రపంచంగా జీవించే మెట్‌ కానియా తెగ... జేక్‌ సెల్లీ రాకను అడ్డుకుంటుంది. అయితే అక్కడి రాజు టోనోవరి వీరికి అండగా నిలబడతాడు. మెట్‌కానియా తెగ మాదిరే.. జేక్‌ ఫ్యామిలీ కూడా సముద్రంతో అనుబంధం ఏర్పరచుకొని హాయిగా జీవితం గడుపుతుంటారు. ఈ విషయం మనుషులకు తెలుస్తుంది. ఎలాగైన జేక్‌ సల్లీ కుటుంబాన్ని మట్టుబెట్టాలని కల్నల్‌ మైల్స్‌ క్వారిచ్‌(స్టీఫెన్‌లాంగ్‌) అతని బృందంతో కలిసి మెట్‌ కానియా ప్రాంతంపై దండయాత్రకు వస్తాడు. మనుషుల బృందాన్ని జేక్‌ సెల్లీ ఎలా ఎదుర్కొన్నారు. అతనికి మెట్‌ కానియా తెగ ఎలా సహాయం చేసింది. పిల్లలను రక్షించుకోవడానికి నేత్రీ, జేక్‌ సెల్లీ ఎలాంటి పోరాటం చేశారనేదే మిగతా కథ. ఎలా ఉందంటే..  ‘అవతార్’ చిత్రంలో పండోరా గ్రహాన్ని సృష్టించి, సరికొత్త  ప్రకృతి అందాలను తెరపై ఆవిష్కరించారు దర్శకుడు జేమ్స్ కామెరూన్. 13 ఏళ్ల క్రితం వచ్చిన ఈ సినిమా అప్పట్లో ఓ సంచలనం. అప్పటి వరకు చూడని వింత జీవులు.. తెలియని ప్రపంచం.. సరికొత్త ప్రేమాయణం.. ఇలా ఎన్నో ప్రత్యేకతలు ఆ సినిమాలో ఉన్నాయి. ప్రేక్షకులకు సరికొత్త అనుభూతిని కలిగించింది. అందుకే 13 ఏళ్లు తర్వాత వచ్చిన సీక్వెల్‌పై సీనీ ప్రేక్షకులు భారీ అంచనాలు ఏర్పరచుకున్నారు. మరోసారి కొత్త ప్రపంచంలోకి వెళ్లోచ్చని ఆశపడ్డారు. నిజంగానే జేమ్స్‌ కామెరూన్‌ మరో ప్రపంచాన్ని చూపించాడు. సముద్ర గర్భంలో ఓ అందమైన ప్రపంచం ఉందని ప్రేక్షకులకు పరిచయం చేశాడు. సినిమా ప్రారంభంలో కాసేపు ‘అవతార్‌’మాదిరే పండోరా గ్రహంలోని అందాలను చూపించిన దర్శకుడు... ఆ తర్వాత కథను సముద్రంవైపు మళ్లించాడు. సముద్రం అడుగున చూపించే ప్రతి సన్నివేశం ప్రేక్షకులను కట్టిపడేస్తాయి. తిమింగలంతో జేక్స్‌ తనయుడు చేసే పోరాటం ఆకట్టుకుంది. అలాగే పాయకాన్‌(భారీ ఆకారం గల చేప)తో లోక్‌ స్నేహం.. క్లైమాక్స్‌ అది చేసిన పోరాటం సినిమాకు హైలెట్‌ అని చెప్పొచ్చు. నితాయాం చనిపోయే సన్నివేశం హృదయాలను హత్తుకుంటాయి.  విజువల్స్‌ పరంగా అవతార్‌  కంటే గొప్పగా ఈ చిత్రం ఉంటుంది. కానీ కథలో మాత్రం కొత్తదనం కొరవడింది. సాధారణ రివేంజ్‌ డ్రామాగా కథనం సాగుతుంది. జేక్‌ సెల్లీ ఫ్యామిలీని అంతమొందించేందుకు  కల్నల్‌ మైల్స్‌ ప్రయత్నించడం..అతని దాడిని  జేక్‌ సెల్లీ తిప్పికొట్టడం..ఇదే ఈ సినిమా కథ. నేత్రి పిల్లలను కల్నల్‌ బందించడం.. జేక్స్‌ పోరాటం  చేసి తిరిగి తెచ్చుకోవడం.. కథనం మొత్తం ఇలానే సాగుతుంది. ఈ తరహా కథలు తెలుగులో చాలానే వచ్చాయి. కానీ కొత్త జీవులు, విజువల్స్‌ యాడ్‌ చేయడం వల్ల అవతార్‌ 2 కాస్త డిఫరెంట్‌గా కనిపిస్తుంది. ఇక క్లైమాక్స్‌లో నౌకలో వచ్చే కొన్ని సన్నివేశాలు టైటానిక్‌ సినిమాను గుర్తు చేస్తాయి. విజువల్స్ అండ్ యాక్షన్ సన్నివేశాలు సినిమాకు ప్లస్‌ అయితే..  సినిమా నిడివి(192.10 నిమిషాలు), ఊహకందేలా కథనం సాగడం మైనస్‌. ఎవరెలా చేశారంటే.. ఈ చిత్రంలో హీరో జేక్‌ సెల్లీగా సామ్‌ వర్తింగ్టన్‌ నటించాడు. ఓ తెగ నాయకుడిగా, పిల్లలకు మంచి తండ్రిగా చక్కని నటన కనబరిచాడు. యాక్షన్‌ సీన్స్‌ గురించి ప్రత్యేకంగా చెప్పనక్కర్లేదు. అవతార్‌కు మించిన యాక్షన్స్‌ సీన్స్‌ ఇందులో ఉన్నాయి. నెగెటివ్‌ షేడ్స్‌ ఉన్న కల్నల్‌ మైల్స్‌ క్వారిచ్‌ పాత్రలో స్టీఫెన్‌లాంగ్‌ ఒదిగిపోయాడు. నేత్రిగా జోయా సాల్డానా చక్కని నటనను కనబరిచింది. నౌకలో ఆమె చేసే పోరాట ఘట్టాలు హైలైట్‌.  సిగర్నీ వీవర్‌, కేట్‌ విన్‌స్లెట్‌, క్లిఫ్‌ కర్టిస్‌, జోయెల్‌ డేవిడ్‌ మూర్‌లతో పాటు మిగిలిన నటీనటులు తమ పాత్రల పరిధిమేర నటించారు. సాంకేతిక విషయాల్లో వంక పెట్టనక్కర్లేదు. సంగీతం, సినిమాటోగ్రఫీ, స్క్రీన్‌ప్లే..ప్రతీది అద్భుతంగా ఉన్నాయి. ఎడిటర్‌ తన కత్తెరకు ఇంకాస్త పనిచెప్పాల్సింది. సినిమాలో అనవసరపు సన్నివేశాలు చాలా ఉన్నాయి. వాటిని తొలగించి సినిమా నిడివిని తగ్గిస్తే.. బాగుండేది. నిర్మాణ విలువలు సినిమా స్థాయికి తగ్గట్లుగా ఉన్నతంగా ఉన్నాయి.  - అంజిశెట్టి, సాక్షి వెబ్‌ డెస్క్‌

అవతార్-2: ది వే ఆఫ్ వాటర్' ఇప్పుడు అందరి నోటా వినిపిస్తున్న మాట. ఎందుకంటే విజువల్‌ వండర్‌ను ప్రపంచానికి పరిచయం చేసిన జేమ్స్ కామెరూన్ మరోసారి అవతార్‌-2 రూపంలో ప్రేక్షకుల ముందుకొచ్చారు. యావత్‌ సినీ ప్రపంచం ఎంతో ఆసక్తిగా ఎదురుచూసిన ‘అవతార్‌-2’ ఇవాళ ప్రేక్షకుల ముందుకొచ్చింది. జేమ్స్‌ కామెరూన్‌ దర్శకత్వంలో వచ్చిన ‘అవతార్’ విజువల్‌ వండర్‌గా బాక్సాఫీస్‌ వద్ద కాసుల వర్షాన్ని కురిపించిన విషయం తెలిసిందే.  తాజాగా అవతార్‌-2 సినిమాపై సంచలన దర్శకుడు ట్వీట్ చేశారు. అవతార్‌ సినిమాను చూశాక ఆర్జీవీ తన అభిప్రాయాన్ని సోషల్ మీడియాలో పంచుకున్నారు.  ఆర్జీవీ తన ట్వీట్‌లో రాస్తూ..'ఇప్పుడే అవతార్‌-2 లో స్నానం చేశా. దీన‍్ని సినిమా అని పిలిస్తే అది కచ్చితంగా నేరమే అవుతుంది. ఎందుకంటే ఆ విజువల్స్, యాక్షన్స్ జీవితకాలం గుర్తుండిపోతాయి. కొద్దిసేపటి క్రితమే ఆ సినిమా చూసి కొన్నిసార్లు థీమ్ పార్క్‌కు వెళ్లినట్లు ఫీలయ్యా. అది నాకు చెడుగా మాత్రం అనిపించలేదు.' అంటూ పోస్ట్ చేశారు. ఆర్జీవీ ట్వీట్‌ చూసిన అభిమానులు తెగ కామెంట్స్ చేస్తున్నారు.  మీ సినిమా డేంజరస్‌ కంటే బాగుందని కామెంట్స్‌ చేశారు. మరొకరు అవతార్‌-2 పై ఆర్జీవీ రివ్యూ అంటూ రిప్లై ఇచ్చారు.  Just bathed in AVATAR 2 ..It will be a crime to call it a film because It’s an experience of a life time ..SPECTACULAR VISUALS and MIND BENDING ACTION.. a few times it feels like a theme park visit bit I don’t mean that in a bad way 💐💐💐 — Ram Gopal Varma (@RGVzoomin) December 16, 2022

సినీ ప్రేక్షకులు ఎప్పుడెప్పుడా అని ఎదురుచూస్తున్న అవతార్‌-2 నేడు(శుక్రవారం) ప్రేక్షకుల ముందుకు వచ్చేసింది. పంచ వ్యాప్తంగా  52000 స్క్రీన్స్‌లో అవతార్‌-2 గ్రాండ్‌గా విడుదలైంది.అయితే రిలీజ్‌కు ముందే ఈ సినిమా అడ్వాన్స్‌ బుకింగ్స్‌లో రికార్డుల మోత మోగించింది. గతంలో ఏ సినిమాకి లేనంతగా అవతార్‌-2కి అడ్వాన్స్‌ బుకింగ్స్‌ జరిగాయి. ఈ క్రమంలో భారత్‌లో కేజీఎఫ్‌ రికార్డును అవతార్‌-2 బ్రేక్‌ చేసేసింది. దీంతో ఓపెనింగ్‌ కలెక్షన్స్‌పై కూడా భారీగా అంచనాలు క్రియేట్‌ అయ్యాయి. భారత్‌లో సుమారు రూ.30-40 కోట్లు వచ్చే అవకాశం ఉన్నట్లు వార్తలు వస్తున్నాయి. ఇప్పటికే అవతార్-2 మూవీ కోసం 4,41,960 మంది భారత్‌లో అడ్వాన్స్‌గా టికెట్లు బుక్ చేసుకున్నారు. ఇప్పటి వరకూ ఏ సినిమాకి కూడా ఇంతమంది అడ్వాన్స్‌గా టికెట్లు బుక్ చేసుకోలేదు. కేజీఎఫ్-2కి 4,11,000 మంది, బ్రహ్మస్త్రకి 3,02,000, దృశ్యం-2కి 1,16,000, ఆర్ఆర్ఆర్‌కి 1,05,000 టికెట్లు అడ్వాన్స్‌గా బుక్ అయ్యాయి. రెండు తెలుగు రాష్ట్రాల్లో దాదాపు 800 ప్లస్ థియేటర్స్ ఈ సినిమా రిలీజ్‌ అయ్యింది. దీన్ని బట్టి ఓవరాల్‌గా తొలి మూడు రోజుల్లోనే భారత్‌లో అవతార్‌-2  రూ.100కోట్లకు పైగానే వసూళ్లను రాబట్టే అవకాశం కనిపిస్తుంది. 

ప్రపంచ వ్యాప్తంగా సినీ ప్రియులు ఎంతగానో ఎదురుచూస్తున్న 'అవతార్: ది వే ఆఫ్ వాటర్ (అవతార్‌-2)’ సినిమా ఎట్టకేలకు ప్రేక్షకుల ముందుకు వచ్చింది. జేమ్స్‌ కామెరూన్‌ దర్శకత్వం వహించిన ఈ చిత్రం నేడు (డిసెంబర్‌ 16) ప్రపంచవ్యాప్తంగా విడుదలైంది. 13 ఏళ్ల తర్వాత వస్తున్న ‘అవతార్‌’కు సీక్వెల్‌గా వస్తున్న ఈ చిత్రంపై భారీ అంచాలు ఉన్నాయి. ఇప్పటికే విడుదలైన టీజర్‌, ట్రైలర్‌ సినిమాపై హైప్‌ క్రియేట్‌ చేశాయి.   ఈ సినిమా విడుదలకు రెండు రోజుల ముందే ప్రపంచ వ్యాప్తంగా సీనీ ప్రముఖుల కోసం స్పెషల్‌ స్క్రీనింగ్స్‌ వేశారు. దీంతో అప్పుడే ఈ సినిమాపై సోషల్‌ మీడియాలో రివ్యూలు వచ్చాయి. బాలీవుడ్‌ స్టార్స్‌ అయితే అవతార్‌ 2పై ప్రశంసల జల్లు కురిపించారు. పలు చోట్ల అవతార్‌ 2  ఫస్ట్‌ షో పడిపోవడంతో సినిమా చూసిన ప్రేక్షకులు శుక్రవారం తెల్లవారుజాము నుంచి ట్విటర్‌లో తమ అభిప్రాయాన్ని తెలియజేస్తున్నారు. 'అవతార్: ది వే ఆఫ్ వాటర్’ కథేంటి? ఎలా ఉంది తదితర విషయాలను ట్విటర్‌ వేదికగా తెలియజేస్తున్నారు. అవేంటో చూసేయండి‘అవతార్‌ 2 ఓ విజువల్ ట్రీట్‌. ఎమోషనల్‌గా కూడా కనెక్ట్‌ అవుతుంది. థియేటర్స్‌లో ఈ సినిమా చూస్తే కలిగే అనుభూతే వేరు’ అని నెటిజన్స్‌ అంటున్నారు. I’m almost convinced James Cameron shot #AvatarTheWayOfWater on another planet. The film is absolutely stunning and immersive. It’s long but I was completely engaged all the way through. Much like #avatar 13 years ago, this film is a cinematic achievement and a must see event! pic.twitter.com/2WFlJzmbeI — Joseph Deckelmeier (@Joelluminerdi) December 6, 2022 #AvatarTheWayOfTheWater First 90mins has surreal experience with ethereal visuals. 25 mins underwater visuals are magnificent. Waiting for the second half!!!! #AvatarTheWayOfWater #Avatar pic.twitter.com/nwYbN6DEh9 — AZEEZ RAHMAN (@Oliverthala) December 16, 2022 Just saw #AvatarTheWayOfWater. I think the first one is overhated but indulgent. But the story was simple and there were only a few characters. The problem is they were too one-dimensional. — Josh Kroeger (@KailKilbourne) December 16, 2022 In #AvatarTheWayOfWater, #Pandora has been so fully realized, and so meticulously worked out by director @JimCameron - who submerged his actors in real water for the film's many underwater sequences - that it all feels completely lived in. It is pure #JamesCameron movie magic! pic.twitter.com/9fz1zTcke9 — Somesh Sinha (@SinhaSomesh) December 16, 2022 #avatar2 foi o único filme da vida que não me fez dormir no cinema, e olha que a maioria nunca passou de 2hrs, e avatar são 3hrs. ESPETÁCULO!! — Caio Vinícius (@caio7090) December 16, 2022 #AvatarTheWayOfWater was fuckin' SICK and made me cry A LOT. I saw it with my dad. The first movie is one of his favorites, so he's been waiting for this for so long and I'm glad he got to see it and I hope he gets to see the next one too. I'M AN AVATAR STAN AND I DON'T FEEL BAD. — taylor johnston. (@TheSewerGoblin) December 16, 2022 #AvatarTheWayOfWater this is a spectacle. It’s very long, the final battle rules , it’s a lock for the Visual effects Oscar and in IMAX 3D there is a mix between HFR & regular frame rate. Jim Cameron you nut. — RRRyan B+ (@TheChewDefense) December 16, 2022 I really enjoy the tech in this film! definitely interested to see how the future tech is crafted every time! #AvatarTheWayOfWater all the marine tech had me like woah I shouldn't enjoy the evilness 😭 — 𝖙𝖜𝖎𝖙𝖈𝖍 𝖙𝖗𝖎𝖘 🎥 𝕯𝖊𝖈 𝟏𝟗 🎊 (@_StayFancy) December 16, 2022 i’m still reeling from the fact that i FINALLY, after twelve years of waiting, got to see #AvatarTheWayOfWater. it was worth the wait and then some. a genuine “see it in theaters on the biggest/best screen possible” kind of movie. (also, see it in 3D. just saying) — Matt Anderson (@matthew70798) December 16, 2022 #AvatarTheWayofWater Review: Brilliance Written All Over It 👏 The Visuals Are Terrific 💯 The Duration Was Not An Issue For Me ✌️#JamesCameron - Take A Bow🤩 The Long Wait Was Worth It😃#Avatar #Avatar2 #Avatar2review #AvatarTheWayOfWaterreview #AvatarTheWayOfWaterreview pic.twitter.com/PDaGeaRvNk — Kumar Swayam (@KumarSwayam3) December 16, 2022 Saw #AvatarTheWayOfWater on #IMAX tonight. Loved it. It was as good as I wanted it to be. The visuals are truly stunning. I want to see it again already. Big thumbs up 👍🏻 #movie — Josef Blumenfeld (@JosefBlumenfeld) December 16, 2022 AVATAR DAY... ♂️ BEST EXPERIENCE OF ALL TIME WHERE WE GOES TO THE ANOTHER WORLD.. 😇💙#AvatarTheWayOfWater #Avatar | #Avatar2 pic.twitter.com/nrpSMhgsjZ — Karthikeyan AK (@Karthik_AK2) December 16, 2022 All hail James Cameron, King of the Blockbusters! #AvatarTheWayOfWater pic.twitter.com/UJC3DTcyqU — David Hummingbird (@davidshbird) December 16, 2022 After watching #AvatarTheWayOfWater I’d welcome a 9 hour long sequel! Holy shit! https://t.co/cmr8ce3Isq — ❄️Snow Jake❄️ (@Fake_JakeH) December 16, 2022 Film Review: AVATAR: THE WAY OF WATER (2022): James Cameron's Epic Sequel is Awe-Inspiring but Struggles a Bit to Live Up to the Original Movie https://t.co/kHFDD2zIfH #FilmBook #20thCenturyStudios #AmandaSilver #AvatarTheWayofWater #BaileyBass #BrendanCowell #BritainDalt... pic.twitter.com/hyt5ytNyt5 — William Karrington (@FilmBookWilliam) December 16, 2022 #AvatarTheWayOfWater - First half (Indian version), mind blowing! The world of @JimCameron , especially the under water sequences are stunning . The emotional bond between #JakeSully and his family make us root throughout the film . Excellent 👌👌 — Rajasekar (@sekartweets) December 16, 2022

ఎట్టకేలకు అవతార్‌ సినిమా సీక్వెల్‌ ‘అవతార్‌-ది వే ఆఫ్ వాటర్' థియేటర్స్‌లో వచ్చేసింది. భారత్‌లో నేడు(డిసెంబర్‌ 16) ఈ సినిమా విడుదలైంది. ఇప్పటికే లక్షలాది మంది ముందుగా టికెట్‌ బుక్‌ చేసుకొని పండోరా ప్రపంచానికి చూడడానికి వెళ్లారు. అవతార్‌ 2009 డిసెంబర్‌ 18న విడుదలైంది. 13 ఏళ్ల తర్వాత దాని సీక్వెల్‌ విడుదలైంది. పార్ట్‌ 2 చూసే ముందు.. ఒక్కసారి అవతార్‌ కథేంటో మరోసారి గుర్తు చేసుకుందాం. ఈ చిత్రం కోసం పండోరా అనే సరికొత్త గ్రహాన్ని సృష్టించాడు జేమ్స్‌ కామెరూన్‌. ఆ గ్రహం మీద ‘నావి’ అనే తెగ జీవిస్తుంటుంది. అక్కడ ఉండే సహజవనరులపై మానవుల కన్ను పడుతుంది. అమెరికా సైన్యం అక్కడకు వెళ్లగా.. నావీ తెగ వారిని ఎదుర్కొంటుంది. దీంతో ఏలియన్‌ను పోలి ఉన్న నావీ తెగ మనుషులను తాము తయారు చేయలనుకుంటారు. నేటివ్స్‌ డీఎన్‌ఏతో  మానవ డీఎన్‌ఏను జోడించి,రిమోట్‌ కంట్రోల్‌తో పనిచేసే అవతార్‌లను రెడీ చేస్తారు. అలాంటి అవతార్‌లలో జేక్‌ సల్లీ(సామ్‌ వర్తింగ్‌టన్‌) ఒకరు. మనిషిగా ఉన్నప్పుడు జేక్‌ సల్లీ నడవలేడు. నావికా దళంలో ఉన్నప్పుడు ఆయన ప్రమాదానికి గురై కాళ్లు పోగోట్టుకుంటాడు. అయితే అవతార్‌గా మారిన తర్వాత జేక్‌ సల్లీ పరుగెత్తగలగుతాడు. పండోరా గ్రహంలో ఉన్న ఓ విలువైన చెట్టు రహస్యాన్ని చెబితే.. కాళ్లు వచ్చేలా చేస్తానని జేక్‌కు ఓ అధికారి ఆఫర్‌ ఇస్తాడు. దీంతో జేక్‌ ఆ గ్రహంపైకి వెళ్తాడు. అక్కడ క్రూర మృగాలు దాడి చేయడంతో జేక్‌ సల్లీతో వచ్చిన మిగిలిన సభ్యులంతా పారిపోతారు. ఆయన ఒక్కడే పండోరాలో ఉండిపోతాడు. ఇక చావడం ఖాయం అనుకున్న సమయంలో నావీ తెగకు చెందిన నేత్రి అతన్ని రక్షిస్తుంది. నావీతెగ పెట్టిన ఓ పరీక్షలో విజయం సాధించి జేక్ వారిలో ఒక సభ్యునిగా చేరిపోతాడు. వారిలో ఒకడిగా ఉండేందుకు శిక్షణ తీసుకునే క్రమంలో జేక్‌ సల్లీ నేత్రీతో ప్రేమలో పడిపోతాడు. నావీ తెగ మంచితనం చూసి వారికి రక్షణగా ఉండేందుకు ప్రయత్నిస్తాడు. అయితే ఓ రోజు ఆర్‌డీఏ ఆఫీసర్లు పండోరా గ్రహంపై ఉన్న విలువైన చెట్టును తొలగించేందుకు ప్రయత్నిస్తారు. జేక్‌ వారిని అడ్డుకుంటారు. తాము తయారు చేసిన అవతార్‌..తమకే వ్యతిరేకంగా మాట్లాడడంతో ఆర్‌డీఏ అధికారులు షాకవుతారు. తమను మోసం చేశాడని అతని శరీరంలోని అవతార్‌ను తొలగించే ప్రయత్నం చేస్తారు. తాను నావీ తెగతో మాట్లాడి అక్కడి నుంచి వెళ్లేలా చేస్తానని జేక్‌ పండోరా గ్రహం మీదకు వస్తాడు. జరిగిన విషయం చెప్పబోతుండగా..వారు వినిపించుకోరు. ప్రేమ పేరుతో మోసం చేశాడని నేత్రి భావిస్తుంది. ఒకవైపు జేక్‌ సల్లీ నావి తెగను ఒప్పించే ప్రయత్నం చేస్తుండగానే.. మరోవైపు ఆర్‌డీఏ అధికారులు పండోరాపై యుద్ధానికి వస్తారు. ఈ క్రమంలో జేక్‌ సల్లీ నావీ తెగకు అండగా నిలబడతాడు. మానవులతో యుద్దం చేసి వారిని తిగిరి భూమ్మీదకు పంపిస్తాడు. అంతేకాదు తాను శాశ్వతంగా అవతార్‌గానే ఉండిపోవాలని నిర్ణయించుకుంటాడు. దీంతో అవతార్‌ కథ ముగుస్తుంది. మానవులు, ఏలియన్‌ ల మధ్య యుద్దంతో పాటు అంతకు మించిన ప్రేమ కథను ‘అవతార్‌’లో చూపించాడు జేమ్స్‌ కామెరూన్‌. అవతార్‌ 2లో కూడా జేక్ సల్లీ, నేత్రి తమ ప్రపంచమైన పండోరాను కాపాడుకునే పోరాటం చేస్తారని తెలుస్తోంది. . అయితే ఇది నీటి అడుగున జరిగే కథ. పండోరాలోని మరిన్ని వింతలు, అద్భుతాలు, అక్కడి మనుషుల అమోఘమైన సాహసాలతో అవతార్-2 అద్భుతంగా రూపొందించినట్లు టీజర్‌, ట్రైలర్‌ చూస్తే అర్థమవుతంది.

అవతార్‌ 2.. జేమ్స్‌ కామెరూన్‌ దర్శకత్వం వహించిన ఈ చిత్రం డిసెంబర్‌ 16న ప్రేక్షకుల ముందుకు రాబోతున్న సంగతి తెలిసిందే. ఈ సినిమా కోసం కోట్లాది సినీ ప్రేక్షకులు ఎదురు చూస్తున్నారు. ఇప్పటికే లక్షలాది మంది టికెట్లు బుక్‌ చేసుకున్నారు. మరికొద్ది గంటల్లో ఈ సినిమా విడుదల కాబోతుంది. అయితే కొంతమంది సీనీ ప్రముఖుల కోసం ఇప్పటికే స్పెషల్‌ షో వేసింది చిత్రబృందం. ఈ సినిమా చూసిన బాలీవుడ్‌ స్టార్స్‌ వరుణ్‌ ధావన్‌, అక్షయ్‌ కుమార్‌ సోషల్‌ మీడియా వేదికగా తమ అభిప్రాయాన్ని వెల్లడించారు.   Watched #AvatarTheWayOfWater last night and Oh boy!!MAGNIFICENT is the word. Am still spellbound. Want to bow down before your genius craft, @JimCameron. Live on! — Akshay Kumar (@akshaykumar) December 14, 2022 అక్షయ్‌ కూమార్‌ కూడా ఈ చిత్రంపై ప్రశంసల జల్లు కురిపించాడు. ‘నిన్న రాత్రి అవతార్‌ 2 సినిమా చూశాను. ఈ చిత్రం గురించి చెప్పడానికి అద్భుతం అనే పదం కూడా సరిపోదేమో. ఇప్పటికీ ఆ సినిమా నుంచి నేను బయటకు రాలేకపోతున్నాను. జేమ్స్‌ కామెరూన్‌ ప్రతిభకు తలవంచాలని ఉంది’ అని అక్షయ్‌ ట్విటర్‌లో పేర్కొన్నాడు. ‘అవతార్‌ 2లోని విజువల్స్‌, ఎమోషన్స్‌ చూసి ఆశ్చర్యపోయాను. మళ్లీ ఈ చిత్రాన్ని త్రీడీలో చూడాలనుకుంటున్నాను’అని వరుణ్‌ ధావన్‌ ట్వీట్‌ చేశాడు. ప్రపంచ వ్యాప్తంగా 160 భాషల్‌లో ఈ చిత్రం విడుదల కాబోతుంది. భారత్‌లో హిందీ, తెలుగుతో పాటు మొత్తం ఆరు భాషల్లో రిలీజ్‌ కానుంది. #AvatarTheWayOfWater is by far the most important film for the future of cinema. Was blown away by the visuals and the emotions. It’s amazing when the biggest filmmaker of the world chooses his film to give an important message. I wanna see it again in imax 3d @Disney — VarunDhawan (@Varun_dvn) December 14, 2022

గాంధీనగర్‌(విజయవాడ సెంట్రల్‌): అవతార్‌ –2 చిత్రం ఈనెల 16వ తేదీన రిలీజ్‌ కానున్న నేపథ్యంలో ఎన్టీఆర్‌ జిల్లా విజయవాడ గాంధీనగర్‌లోని శైలజా థియేటర్‌లో ప్రత్యేక ఏర్పాట్లు చేశారు. ఇందు కోసం ప్రత్యేకంగా భారీ త్రీడీ స్క్రీన్‌ ఏర్పాటు చేశారు. మంగళవారం థియేటర్‌లో ఏర్పాటు చేసిన త్రీడీ స్క్రీన్‌ను మేనేజర్‌ బాబీ ఆవిష్కరించారు. ఈ సందర్భంగా ఆయన మాట్లాడుతూ అవతార్‌– 2 సినిమా విడుదల సందర్భంగా ప్రేక్షకులను కనువిందు చేసేందుకు త్రీడీ తెర ఏర్పాటు చేసినట్లు చెప్పారు. ముంబై నుంచి ప్రత్యేకంగా తయారు చేయించి నిపుణుల పర్యవేక్షణలో థియేటర్‌లో అమర్చినట్లు చెప్పారు. ప్రస్తుతం ఉన్న 2.6 గైన్‌ నుంచి 3.8 గైన్‌ స్క్రీన్‌ అప్‌గ్రేడ్‌ చేసినట్లు తెలిపారు. అవతార్‌ సినిమాకు బుకింగ్‌ ప్రారంభించామని, రోజూ ఐదు షోలు ప్రదర్శించనున్నట్లు చెప్పారు. చదవండి: అవతార్‌-2కి డైలాగ్స్‌ రాసిన అవసరాల శ్రీనివాస్‌

ప్రపంచ సినీ ప్రేక్షకులంతా ఎప్పుడెప్పుడా అని ఎదురు చూస్తున్న చిత్రం ‘అవతార్‌ 2: ది వే ఆఫ్‌ వాటర్‌’. జేమ్స్‌ కామెరూన్‌ దర్శకత్వంలో రూపొందిన ఈ సినిమా ఈ నెల 16న ప్రపంచవ్యాప్తంగా విడుదల కానుంది. తెలుగులోనూ అదే తేదీన థియేటర్స్‌కి రానుంది.  అవతార్ 2 కి రెండు తెలుగు రాష్ట్రాల్లో మొత్తం ఉన్న థియేటర్స్ లో 90 శాతం అవతార్ 2 కి కేటాయిస్తున్నారు..స్టార్ హీరో సినిమాకి కాకుండా ఒక హాలీవుడ్ డబ్ చిత్రానికి ఈ రేంజ్ రిలీజ్ రావడం ఇదే తొలిసారి. అడ్వాన్స్ బుకింగ్స్ కూడా అదే రేంజ్ లో ఉన్నాయి.  ఇదిలా ఉండగా ఈ సినిమా తెలుగు వెర్షన్‌కి రచయిత–దర్శకుడు, నటుడు శ్రీనివాస్‌ అవసరాల డైలాగ్స్‌ రాశారు. విలక్షణ నటుడిగా, రచయితగా, డైరెక్టర్‌గా తన మార్క్‌ని చూపించిన అవసరాల ఇప్పుడు అవతార్‌-2తో ఏ విధంగా మెప్పిస్తారన్నది చూడాల్సి ఉంది. 

ప్రపంచ వ్యాప్తంగా సినీ ప్రియులు ఎంతగానో ఎదురుచూస్తున్న సినిమాల్లో  'అవతార్: ది వే ఆఫ్ వాటర్ (అవతార్‌-2)’ ఒకటి.  జేమ్స్‌ కామెరూన్‌ దర్శకత్వం వహిస్తున్న ఈ చిత్రం డిసెంబర్‌ 16న ప్రేక్షకులు ముందుకు రానుంది.  13 ఏళ్ల తర్వాత ‘అవతార్‌’కి సీక్వెల్‌గా వస్తున్న ఈ మూవీ.. విడుదలకు ముందే రికార్డులు సృష్టిస్తోంది. ఈ మూవీ టికెట్లు హాట్‌ కేకుల్లా అమ్ముడవుతున్నాయి. ఇటీవల విడుదలైన ట్రైలర్‌ సినిమాపై మరింత ఆసక్తిని పెంచింది. ట్రైలరే ఇలా ఉంటే సినిమా ఎలా ఉండబోతుందోననే క్యూరియాసిటీ అందరిలోనూ పెరిగిపోయింది. అందుకే టికెట్లు అడ్వాన్స్‌గా బుక్‌ చేసుకుంటున్నారు. నెట్టింట అవతార్‌ 2పై ప్రతి రోజు ఏదో ఒక చర్చ మొదలవుతుంది. తాజాగా ఈ సినిమా రన్‌టైమ్‌ గురించి సోషల్‌ మీడియాలో ఆసక్తికర చర్చ నడుస్తోంది.  అదేంటంటే ‘అవతార్ 2’ రన్ టైమ్ 192 నిమిషాల 10 సెక్లను. అంటే 3 గంటల 12 నిమిషాల 10 సెకన్లు.ఇటీవల కాలంలో అత్యధిక నిడివి గల చిత్రాలు ప్రేక్షకుల ముందుకు రావడం తగ్గిపోయాయి. రెండున్నర గంటల నిడివి ఉన్న సినిమాలే ఎక్కువగా విడుదలవుతున్నాయి. ప్రేక్షకులు కూడా నిడివి తక్కువ ఉన్న సినిమాలపై ఇంట్రెస్ట్‌ చూపిస్తున్నారు. కంటెంట్‌లో దమ్ము ఉంటే తప్పా మూడు గంటల పాటు ప్రేక్షకుడు థియేటర్‌లో కూర్చొలేకపోతున్నాడు. కానీ జేమ్స్‌ కామెరున్‌ మాత్రం తన సినిమాపై పూర్తి నమ్మకంతో ఉన్నాడు. థియేటర్స్‌కి వచ్చిన ప్రేక్షకుడు.. మూడు గంటల పాటు కొత్త ప్రపంచంలోకి వెళ్తాడని.. నిడివి తనకు సమస్యే కాదు అంటున్నాడట. 2009లో విడుదలైన అవతార్‌-1 రన్‌టైమ్‌ 162 నిమిషాలు. అంటే రెండు గంటల 42 నిమిషాలు. దాన్ని మించి అవతార్ 2 రన్ టైమ్ ఉండడం చర్చనీయాంశంగా మారింది. 

ప్రపంచ వ్యాప్తంగా సినీ ప్రియులు ఎంతగానో ఎదురుచూస్తున్న సినిమాల్లో  'అవతార్: ది వే ఆఫ్ వాటర్ (అవతార్‌-2)’ ఒకటి.  జేమ్స్‌ కామెరూన్‌ దర్శకత్వం వహిస్తున్న ఈ చిత్రం డిసెంబర్‌ 16న ప్రేక్షకులు ముందుకు రానుంది.  ఈ చిత్రం ఇప్పటికే 2.2 బిలియన్ డాలర్ల  వరల్డ్ వైడ్ బిజినెస్ సాధించిందని ప్రచారం జరుగుతోంది.  ప్రపంచ దేశాలతో పాటు భారతీయ సినీ ప్రేక్షకులు కూడా ఈ సినిమా కోసం ఎంతో ఉత్కంఠగా వేచి చూస్తున్నారు. ఈ సినిమా కోసం ఇండియాలో ఈ నెలలోనే అడ్వాన్స్‌ బుకింగ్స్‌ ఓపెన్‌ చేశారు. కేవలం మూడు రోజుల్లోనే 45 స్క్రీన్‌లలో 15,000పైగా  ప్రీమియం ఫార్మెట్‌ల టిక్కెట్లు అమ్ముడయ్యాయి. ‘అవతార్‌-2 ’ విడుదలకు ఇంకా మూడు వారాల సమయం ఉంది. ఇంత ముందుగా అడ్వాన్స్‌ బుకింగ్స్‌ ఓపెన్‌ చేస్తే కూడా ఇలాంటి స్పందన రావడం సంతోషంగా ఉందని పీవీఆర్‌ పిక్చర్స్‌ సీఈఓ కమల్‌ జియాంచందాని అన్నారు. 'జేమ్స్ కామెరూన్  సినిమాలు భారతీయ బాక్సాఫీస్ పై ప్రతిసారీ ఏదో ఒక మాయాజాలం సృష్టిస్తూనే ఉన్నాయి. ప్రేక్షకులు అలాంటి మరో దృశ్యం కోసం ఎదురు చూస్తున్నారు! అడ్వాన్స్ బుకింగ్ లపై భారీ స్పందన వచ్చింది. ఇది కేవలం ప్రీమియం ఫార్మాట్ అమ్మకాల గురించి నేను చెబుతున్న మాట. ఇతర అన్ని ఫార్మాట్ లలో టికెట్ల అమ్మకాలు నేటి నుంచి ఓపెనవ్వడంతో ఇంకా భారీ సంఖ్యలను ఆశిస్తున్నాము' అని అన్నారు. ఐనాక్స్ లీజర్ లిమిటెడ్ చీఫ్ ప్రోగ్రామింగ్ ఆఫీసర్ రాజేందర్ సింగ్ జ్యాలా ..‘అవతార్‌కి సీక్వెల్ తరతరాలుగా ప్రజలు చూసే ఒక భారీ ఫ్యామిలీ ఎంటర్‌టైనర్ అవుతుంది. మా ప్రీమియం ఫార్మాట్ షోలన్నీ ఇప్పటికే అమ్ముడయ్యాయి. ఇది మాకు అద్భుతమైన వార్త. మేము 3D - 2D ఫార్మాట్ ల బుకింగ్లను ప్రారంభించిన తర్వాత బుకింగ్ సంఖ్యలు గణనీయంగా పెరుగుతాయని ఆశిస్తున్నాం’ అన్నారు.  సినీపోలిస్ సీఈఓ దేవాంగ్ సంపత్ మాట్లాడుతూ.. ‘అవతార్ 13 సంవత్సరాల క్రితం విడుదలైనప్పుడు ఈ చిత్రానికి భారీ స్పందనను చూసి మేం మంత్రముగ్దులయ్యాం. ఇది అప్పట్లో బ్లాక్ బస్టర్ .. ఇప్పటికీ సినీ ప్రేక్షకుల హృదయాలను శాసిస్తోంది. భారతదేశంలోని ప్రేక్షకులు ఎల్లవేళలా లార్జర్-దన్-లైఫ్ ఎంటర్ టైనర్ లపై గొప్ప ప్రేమను కురిపిస్తూనే ఉంటారు. ఒక్క రోజులోనే మేము భారతదేశం అంతటా టికెట్ల అమ్మకాల్లో పార్ట్ 2కి అద్భుతమైన స్పందనను పొందాం. ప్రపంచంలోనే అత్యుత్తమ 3డి టెక్నాలజీ అయిన సినెపోలిస్ రియల్ డి 3డిలో సినిమాను చూడండి’అని అన్నారు.

ప్రపంచవ్యాప్తంగా ప్రేక్షకులు ఎంతో ఆసక్తిగా ఎదురు చూస్తున్న హాలీవుడ్‌ చిత్రం ‘అవతార్‌2’. జేమ్స్‌ కామెరూన్‌ దర్శకత్వంలో రూపొందిన ఈ సినిమా ప్రపంచవ్యాప్తంగా డిసెంబరు 16న విడుదల కానుంది. తొమ్మిదేళ్ల ఏళ్ల క్రితం వచ్చిన అవతార్‌ చిత్రానికి సీక్వెల్‌ ఇది. ఇప్పటికే రిలీజ్‌ అయిన ట్రైలర్‌ భారీస్థాయిలో అంచనాలు పెంచేసింది. ప్రస్తుతం ఈ సినిమా టికెట్‌ బుక్సింగ్స్‌ దేశవ్యాప్తంగా ప్రారంభమయ్యాయి. ఈ చిత్రం ఇంగ్లీష్‌తో పాటు ఏడు భాషల్లో విడుదల చేస్తున్నారు. అయితే ఈ మూవీని చూడాలనుకుంటున్న సినీ ప్రేక్షకులకు విడుదలకు ముందే షాక్ తగిలింది. ప్రముఖ టికెట్‌ బుకింగ్‌ సైట్స్‌, యాప్‌లు ప్రధాన నగరాల్లోని థియేటర్స్‌లో బుకింగ్స్‌ అందుబాటులోకి వచ్చాయి. ఈ చిత్రాన‍్ని ఐమ్యాక్స్‌ 3డీ, 4డీఎక్స్‌ 3డీ ఫార్మాట్‌లలోనూ విడుదల చేస్తుండటంతో ఆ స్క్రీన్‌లపైనే చూసేందుకు ప్రేక్షకులు ఆసక్తి చూపుతున్నారు.  (చదవండి: కళ్లు చెదిరే విజువల్‌ వండర్స్‌తో అవతార్‌-2 కొత్త ట్రైలర్‌) ఆ స్క్రీన్‌ల టికెట్‌ ధరలు చూసి షాక్‌కు గురవుతున్నారు. ఓ ప్రముఖ టికెట్‌ బుకింగ్‌ సైట్‌ బెంగళూరులోని ఐమ్యాక్స్‌ 3డీ ఫార్మాట్‌ కలిగిన థియేటర్‌లో టికెట్‌ ధర ఏకంగా రూ.1,450 చూపిస్తోంది. అలాగే పుణెలో రూ.1200 (4డీఎక్స్‌ 3డీ), దేశ రాజధాని దిల్లీలో రూ.1000గా ఉంది. ముంబయిలో రూ.970, కోల్‌కతా రూ.770, అహ్మదాబాద్‌ రూ.750, ఇండోర్‌ రూ.700 ఉండగా, హైదరాబాద్‌లో ఒక్కో టికెట్‌ ధర రూ.350 (4డీఎక్స్‌ 3డీ ఫార్మాట్‌), విశాఖ రూ.210 (3డీ ఫార్మాట్‌) ఉంది. ఈ ధరలన్నీ సాధారణ సీట్లకు సంబంధించినవి మాత్రమే. ఇంకా వీటికి పన్నులు, ఇంటర్నెట్‌ ఛార్జీలు అదనపు భారం కానున్నాయి. త్వరలోనే సాధారణ థియేటర్స్‌లోనూ టికెట్‌ ధరలు అందుబాటులో ఉంచనున్నారు. అవతార్‌-2 లో సామ్‌ వర్దింగ్టన్‌, జోయా సాల్దానా, సిగుర్నే వీవర్‌, కేట్‌ విన్స్‌లెట్‌ కీలక పాత్రలు నటించారు.

ప్రపంచ వ్యాప్తంగా సినీ ప్రేక్షకులు ఎంతో ఆసక్తిగా ఎదురు చూస్తున్న మోస్ట్‌ అవైటెడ్‌ సినిమా అవతార్‌-2. 9ఏళ్ల క్రితం వచ్చిన అవతార్‌ చిత్రానికి సీక్వెల్‌ ఇది. జేమ్స్‌ కామెరూన్‌ దర్శకత్వం వహిస్తున్న ఈ సినిమా డిసెంబర్‌ 16న విడుదల కానుంది. ఇప్పటికే రిలీజ్‌ అయిన ట్రైలర్‌ భారీ అంచనాలు క్రియేట్‌ చేయగా తాజాగా మరో కొత్త ట్రైలర్‌ను లాంచ్‌ చేశారు. కళ్లు మిరిమిట్లు గొలిపే హంగులతో, ఆశ్చర్యానికి గురిచేసే విజువల్ ఎఫెక్ట్స్‌తో ‘అవతార్‌-ది వే ఆఫ్ వాటర్' ఎలా ఉండబోతుందో ట్రైలర్‌ ద్వారా హింట్‌ ఇచ్చారు డెరెక్టర్‌. ఇప్పటికే ఈ ట్రైలర్‌ సోషల్‌ మీడియాలో దూసుకుపోతుంది. మరి విడుదలకు ముందే వండర్స్‌ క్రియేట్‌ చేస్తున్న ఈ సినిమా రిలీజ్‌ తర్వాత ఎలాంటి సెన్సేషన్‌ క్రియేట్‌ చేస్తుందో వేచి చూడాలి.   On December 16, experience the motion picture event of a generation. Watch the brand-new trailer and experience #AvatarTheWayOfWater in 3D. Get tickets now: https://t.co/9NiFEIpZTE pic.twitter.com/UitjdL3kXr — Avatar (@officialavatar) November 22, 2022

‘అవతార్’ చిత్రంలో పండోరా గ్రహాన్ని సృష్టించి, సరికొత్త  ప్రకృతి అందాలను తెరపై ఆవిష్కరించారు దర్శకుడు జేమ్స్ కామెరూన్. ఆ చిత్రాన్ని ప్రపంచ సినీ అభిమానులు మర్చిపోలేరు. ఇప్పుడా చిత్రానికి సీక్వెల్స్ రెడీ అయింది. డిసెంబర్‌ 16న అవతార్‌ 2 ప్రేక్షకుల ముందుకు రాబోతుంది. తాజాగా ఈ చిత్రం ట్రైలర్‌ విడుదలైంది. ‘అవతార్‌-ది వే ఆఫ్ వాటర్' ఎలా ఉండబోతుందో ట్రైలర్‌ ద్వారా హింట్‌ ఇచ్చాడు డైరెక్టర్‌ జేమ్స్‌ కామెరూన్‌. మొదటి భాగంలోలాగే ఈ చిత్రంలో కూడా జేక్‌ సల్లీ, నేత్రిలు ‘పండోరా’ప్రపంచాన్ని కాపాడుకోవడానికి మనుషులతో పోరాటం చేస్తారని ట్రైలర్‌ చూస్తే అర్థమవుతుంది. అయితే ఇది నీటి అడుగున జరిగే కథ. మొదటి సినిమా లాగే, ఈ చిత్రంలో కూడా జేక్ సల్లీ, నేత్రి తమ ప్రపంచమైన పండోరాను కాపాడుకునే పోరాటం చేస్తారని తెలుస్తోంది.  మొదటి భాగం చివరల్లో నేత్రి గర్భవతి అని హింట్‌ ఇచ్చాడు. ఈ చిత్రం ట్రైలర్‌లో గర్భవతిగా నేత్రిని చూపించారు. జేక్‌, ఆయన భార్య నేత్రి, పిల్లలు ...వీరంతా కలిసి పండోరా ప్రపంచానికి కాపాడుకోవడానికి సాహసాలు చేస్తారు. అవతార్‌ పార్ట్‌-1లో పండోరా గ్రహం మీద పనిచేసిన రిసోర్స్‌ డెవలప్‌మెంట్‌ అడ్మినిస్ట్రేషన్‌(ఆర్డీఏ).. సెకండ్‌ పార్ట్‌లో కూడా ఎంట్రీ ఇవ్వబోతుంది. ఈ సారి కొత్త రకమైన రోబోటిక్‌ మిషిన్స్‌తో ఆర్డీఏ నావి తెగ మీద అధికారాన్ని చెలాయించాలని చూస్తుంది. ట్రైలర్‌ని గమనిస్తే..ఒక షాట్‌లో నావీ తెగకు చెందినవారిని ఆర్డీఏ బంధించినట్లు, వారి ప్రాంతాన్ని స్వాధీనం చేసుకున్నట్లు కనిపిస్తుంది. వీరిని ఎదిరించడానికి హీరో జేక్‌ సల్లీ.. మెట్‌ కానియా తెగ సహాయం తీసుకుంటాడు. మరి మెట్‌ కానియా తెగ ఎలాంటి సాయం అందించిందో సినిమాలోనే చూడాలి. అలాగే అవతార్‌-2లో ఒక టీనేజ్‌ రొమాంటిక్‌ లవ్‌స్టోరీని కూడా చూపించబోతున్నారు.   ట్రైలర్‌లో జేక్‌ సెల్లి కొడుకు మరో తెగకు చెందిన అమ్మాయితో మాట్లాడుతూ.. ‘ఎవరూ నన్ను అర్ధం చేసుకోవట్లేదు’ అంటే.. ‘నేను అర్థం చేసుకుంటాను’అని ఆ అమ్మాయి చెబుతుంది. అంటే వీరిద్ద మధ్య ఓ లవ్‌స్టోరిని నడిపించబోతున్నట్లు అర్థమవుతుంది. పండోరాలోని మరిన్ని వింతలు, అద్భుతాలు, అక్కడి మనుషుల అమోఘమైన సాహసాలతో అవతార్-2 అద్భుతంగా రూపొందించినట్లు టీజర్‌, ట్రైలర్‌ చూస్తే అర్థమవుతంది. మరి ఈ చిత్రం ఎన్ని రికార్డులను క్రియేట్‌ చేస్తుందో డిసెంబర్‌ 16 తర్వాత తెలుస్తుంది.

జెమ్స్‌ కామెరూన్‌ ‘అవతార్‌–2’ కోసం ప్రపంచం ఆసక్తిగా ఎదురుచూస్తుంది. సినిమా కోసమే కాదు షూటింగ్‌కు సంబంధించిన విషయాలను తెలుసుకోవడానికి కూడా ఆసక్తి ప్రదర్శిస్తున్నారు సినీ అభిమానులు. ఈ సినిమాలో టైటానిక్‌ ఫేమ్‌ కెట్‌ విన్‌స్లేట్‌ ‘రోనల్‌’ అనే కీలక పాత్ర పోషించింది. ఊపిరి బిగపట్టి  నీటి అడుగు భాగంలో 7 నిమిషాల 14 సెకన్ల సీన్‌ ఒకటి చేసినప్పుడు కొన్ని నెలల క్రితం ఆ ఫోటోను సోషల్‌ మీడియాలో చూసి అభిమానులు ఆహా, ఓహో అన్నారు. ఈ సీన్‌కు సంబంధించి తన అనుభవాన్ని తాజాగా ‘అబ్జర్వర్‌’ మ్యాగజైన్‌ కు ఇచ్చిన ఇంటర్వ్యూలో పంచుకుంది కెట్‌ విన్‌స్లేట్‌. ‘మది స్తంభించిపోయింది. కనిపిస్తున్న నీటిబుడగలను చూడడం తప్ప ఏ ఆలోచనా లేదు. ఒక దశలో నేను చనిపోయానా? అవును... నేను చనిపోయాను...అనుకున్నాను’ అని చెప్పింది. భయం సంగతి ఏమిటో గానీ ‘మిషన్‌ ఇంపాజిబుల్‌’ సినిమా కోసం టామ్‌క్రూజ్‌ ఆరునిమిషాల అరసెకను పాటు ఊపిరిబిగపట్టిన రికార్డ్‌ను కెట్‌ విన్‌స్లేట్‌ బ్రేక్‌ చేసింది. చదవండి: వైరల్‌: టైటానిక్‌ మరో క్లైమాక్స్ సీన్‌‌ వీడియో!

కరోనా వల్ల ఏర్పడ్డ అయోమయం ఇంకా కొనసాగుతూనే ఉంది. థియేటర్ల తాళం ఎప్పుడు తీస్తారో తెలియదు. రిలీజ్‌ డేట్‌ దగ్గరకు వచ్చేకొద్దీ సినిమాలు మరింత దూరం జరుగుతున్నాయి.  ఈ ఏడాది రెండో భాగం కళకళలాడుతుంది అనుకున్న హాలీవుడ్‌ వెలవెలబోయింది. భారీ సినిమాలన్నీ మరోసారి విడుదల తేదీలు తారుమారు అయ్యాయి. అంతరాయాల అవతార్‌ 2009లో వచ్చిన ప్రపంచ బ్లాక్‌ బస్టర్‌‘అవతార్‌’కి ఒకటి కాదు నాలుగు సీక్వెల్స్‌ తెరకెక్కిస్తున్నారు దర్శకుడు జేమ్స్‌ కేమరూన్‌. 2020, 2021, 2022.. ఇలా ఒక్కో సీక్వెల్‌ని ఒక్కో ఏడాది విడుదల చేయాలనుకున్నారు. సీక్వెల్స్‌ చిత్రీకరణ ప్రారంభించినప్పటి నుంచి  విడుదల ఏదో ఒక కారణంగా వాయిదా పడుతూనే ఉంది. లాక్‌ డౌన్‌ తర్వాత షూటింగ్‌ మొదలుపెట్టిన మొదటి భారీ చిత్రం కూడా ఇదే.  అనుకున్న సమయానికే వస్తాం అని నమ్మకం కూడా వ్యక్తం చేశారు. అయితే లాస్‌ ఏంజెల్స్‌లో పోస్ట్‌ ప్రొడక్షన్‌ పని కుదిరేలా లేదని, వాయిదా అనివార్యం అయిందని చిత్రబృందం తెలిపింది. దీంతో ముందుగా అనుకున్న సీక్వెల్స్‌ విడుదల తేదీలన్నీ ఓ ఏడాదికి వాయిదా పడ్డాయి. స్టార్‌వార్స్‌ ఇప్పట్లో లేనట్టే బ్లాక్‌బస్టర్‌ హిట్‌ సిరీస్‌ స్టార్‌ వార్స్‌ ఫ్రాంచైజీలో మరో మూడు సినిమాలను ప్రకటించింది నిర్మాణ సంస్థ డిస్నీ. అయితే ఈ చిత్రాలు కుడా అనుకున్న తేదీ కంటే ఓ ఏడాది వెనక్కి వెళ్లాయి. స్టార్‌ వార్స్‌ కొత్త సిరీస్‌ చిత్రాలకు పేర్లు ఇంకా ప్రకటించలేదు. వాయిదాల జాబితాలో... ఈ ఏడాది వేసవిలో టామ్‌ క్రూజ్‌ నటించిన ‘టాప్‌ గన్‌ – మావరిక్‌’ విడుదల కావాల్సింది. కానీ కాలేదు. ఇంకా ‘ఏ క్వైట్‌ ప్లేస్‌’ సీక్వెల్‌ కూడా విడుదల కావాల్సి ఉంది. ఇది కూడా వాయిదా పడింది. యాక్షన్‌ చిత్రం ‘మూలాన్‌’, క్రిస్టోఫర్‌ నోలన్‌ దర్శకత్వం వహించిన ‘టెనెట్‌’, వెస్‌ యాండర్‌ సన్‌ తెరకెక్కించిన ‘ఫ్రెంచ్‌ డిస్పాచ్‌’ చిత్రాలు వాయిదా పడ్డాయి. చెప్పిన తేదీకి రావడం లేదంటున్న ఈ చిత్రాల నిర్మాతలు వాయిదా వేసిన తేదీని మాత్రం చెప్పలేదు. మరి.. థియేటర్లు ఎప్పుడు రీ ఓపెన్‌ అవుతాయో తెలియదు.. తెరిచాక ప్రేక్షకులు వస్తారా? లేదా అనే విషయంలో స్పష్టత లేదు. ఇక విడుదల తేదీ విషయంలో ఏం క్లారిటీ ఇవ్వగలం అంటున్నారు. జేమ్స్‌ బాండ్‌ ‘నో టైమ్‌ టు డై’ని గత ఏడాది నవంబర్‌లో విడుదల చేయాలనుకున్నారు. వాయిదా పడింది. ఈ ఏడాది ఫిబ్రవరిలో అనుకున్నారు టైమ్‌ కి రాలేదు. ఫిబ్రవరిలోనే ఏప్రిల్‌ కి వచ్చేస్తాం అన్నారు.. అప్పటికి థియేటర్లు మూతపడ్డాయి. ఈ ఏడాది నవంబర్‌కి వస్తాం అంటున్నారు. కానీ పరిస్థితులను చూస్తుంటే మళ్లీ టైమ్‌ తప్పేట్లు ఉంది.

‘అవతార్‌ 2’ ఫ్యామిలీ అంతా నోరు తీపి చేసుకున్నారు.‘అవతార్‌ 2’ షూటింగ్‌కు గుమ్మడికాయ కొట్టినందుకేనా ఈ సెలబ్రేషన్స్‌ అంటే కానే కాదు. లైవ్‌ యాక్షన్‌  ఫిల్మింగ్‌లో వంద రోజుల మైలురాయిని చేరుకున్నందుకట. 2009లో జేమ్స్‌ కామెరూన్‌  దర్శకత్వంలో రూపొందిన ‘అవతార్‌’ చిత్రం బాక్సాఫీసు వద్ద సరికొత్త రికార్డులను సృష్టించిన విషయం తెలిసిందే. అందుకే ‘అవతార్‌’ సీక్వెల్స్‌పై దృష్టి పెట్టారు జేమ్స్‌ కామెరూన్‌ . ప్రస్తుతం ‘అవతార్‌ 2’ చిత్రీకరణ న్యూజిలాండ్‌లో జరుగుతోంది. ‘న్యూజిలాండ్‌లో లైవ్‌ యాక్షన్‌  ఫిల్మింగ్‌లో ‘అవతార్‌ 2’ చిత్రీకరణ వంద రోజులను పూర్తి చేసుకుంది’’ అని చిత్రబృందం పేర్కొంది. ఈ సందర్భంగా కేక్‌  పంచుకుని సంబరాలు చేసుకున్నారు టీమ్‌. ‘అవతార్‌ 2’లో ఎక్కువగా అండర్‌ వాటర్‌ సీన్స్‌ ఉండబోతున్నాయని తెలిసింది. ఈ చిత్రం వచ్చే ఏడాది డిసెంబరు 21న విడుదల కానుంది.


  ‘అవతార్’ చిత్రంలో పండోరా గ్రహాన్ని సృష్టించి, సరికొత్త  ప్రకృతి అందాలను తెరపై ఆవిష్కరించారు దర్శకుడు జేమ్స్ కామెరూన్. ఆ చిత్రాన్ని ప్రపంచ సినీ అభిమానులు మర్చిపోలేరు. ఇప్పుడా చిత్రానికి సీక్వెల్స్ రెడీ చేస్తున్నారాయన. 2016లో రెండో భాగాన్ని, 2017, 18 సంవత్సరాల్లో మూడు, నాలుగు భాగాలను విడుదల చేస్తున్నట్లు ప్రకటించేశారు కూడా. కానీ, వచ్చే ఏడాది ఈ చిత్రం విడుదలయ్యే అవకాశం లేదట. 2017 డిసెంబర్‌లో క్రిస్‌మస్ సందర్భంగా మొదటి సీక్వెల్‌ను, 2018, 2019 సంవత్సరాల్లో తర్వాతి భాగాలను విడుదల చేస్తామని ఇప్పుడు తాజాగా చెప్పారు కామెరూన్. అంటే ‘అవతార్’ పార్ట్2 కోసం మరో రెండేళ్లు నిరీక్షించక తప్పదు.