న్యూఢిల్లీ: ఎల్రక్టానిక్స్‌ తయారీలో ఉన్న మైక్రోమ్యాక్స్, తైవాన్‌కు చెందిన స్టోరేజ్‌ చిప్‌ కంపెనీ ఫీజన్‌ తాజాగా మిఫీ పేరుతో సంయుక్త భాగస్వామ్య కంపెనీ ఏర్పాటు చేశాయి. ఈ జేవీ కృత్రిమ మేధస్సుతో (ఏఐ) కూడిన స్టోరేజ్‌ చిప్‌సెట్‌ మాడ్యూళ్లను రూపొందించి, తయారు చేస్తుంది. నోయిడా ఫెసిలిటీలో ఉత్పత్తి ప్రారంభించామని మైక్రోమ్యాక్స్‌ ఇన్ఫర్మేటిక్స్‌ కో–పౌండర్‌ రాహుల్‌ శర్మ గురువారం తెలిపారు. ‘ఎన్‌ఏఎన్‌డీ కంట్రోలర్, ఎన్‌ఏఎన్‌డీ స్టోరేజ్‌ టెక్నాలజీలలో ఫీజన్‌ అగ్రగామిగా ఉంది. జేవీలో మైక్రోమ్యాక్స్‌కు 55 శాతం, ఫీజన్‌కు 45 శాతం వాటా ఉంది’ అని శర్మ చెప్పారు. భద్రత, వ్యూహాత్మక దృక్కోణం నుండి ఏ దేశానికైనా సర్వర్స్‌ చాలా ముఖ్యమైన అంశం అని అన్నారు. స్టోరేజ్‌ చిప్‌సెట్‌ల రూపకల్పనపై సంస్థ దృష్టి సారిస్తుందని చెప్పారు. ధర పదో వంతుకు తగ్గింపు.. ఈ వెంచర్‌తో గ్రాఫిక్స్‌ ప్రాసెసింగ్‌ యూనిట్‌ (జీపీయూ) ధరను పదో వంతు తగ్గించాలని లక్ష్యంగా పెట్టుకున్నామని రాహుల్‌ వెల్లడించారు. ఆర్టిఫీíÙయల్‌ ఇంటెలిజెన్స్‌ వ్యవస్థలో ఇది భారత్‌లోనే కాకుండా ఇతర మార్కెట్లలోనూ సంచలనం కలిగిస్తుందని చెప్పారు. భారత్‌లోని కొన్ని ప్రముఖ సంస్థలతో ట్రయల్స్‌ ఈ నెలలో పూర్తవుతాయని, 2025 మొదటి త్రైమాసికంలో వాణిజ్య పరంగా సరఫరా ప్రారంభం అవుతుందని ఆయన పేర్కొన్నారు. ‘స్టోరేజ్‌ పరిష్కారాలను అందించే కొన్ని కంపెనీలు మాత్రమే ఉన్నాయి. స్వదేశీ స్టోరేజ్‌ సొల్యూషన్స్‌ కంపెనీ లేని దేశాలకు.. ముఖ్యంగా భారత్‌కు ఇది చాలా ముఖ్యం. మా జాయింట్‌ వెంచర్‌ మన స్వంత డిజైన్, తయారీని కలిగి ఉండటం వల్ల విదేశీ సాంకేతికతలపై ఆధారపడటాన్ని తగ్గించడంలో సహాయపడుతుంది’ అని శర్మ చెప్పారు. మూడేళ్లలో 1,000 మంది.. కంపెనీ ఫ్రెషర్లను నియమించి వారికి స్టోరేజ్‌ టెక్నాలజీని అభివృద్ధి చేయడంపై శిక్షణ ఇస్తుందని రాహుల్‌ తెలిపారు. ‘మా కాన్సెప్ట్‌ మొదట భారత్‌ కోసం.. ఆ తరువాత ప్రపంచం కోసం రూపొందించబడింది. రెండు ఏళ్లలో మొదటి డిజైన్‌ను సిద్ధం చేయాలనేది మా ఆకాంక్ష. మేము ఒక బృందాన్ని ఏర్పాటు చేస్తున్నాం. రాబోయే మూడేళ్లలో 1,000 ఇంజనీర్లను కలిగి ఉండాలని భావిస్తున్నాం. వీరందరికీ ఫీజన్‌ శిక్షణ ఇస్తుంది. కంపెనీ ఇప్పటికే ఉన్న తయారీ సంస్థల నుండి వేఫర్‌లను కొనుగోలు చేస్తుంది. స్టోరేజ్‌ మాడ్యూల్స్‌ తయారీకి వాటిని ఉపయోగిస్తుంది’ అని వివరించారు.

అమ్మా, నాన్న.. ఓ తమిళ అమ్మాయి చిత్రంతో రవితేజ సరసన తెలుగు ప్రేక్షకులకు దగ్గరైన మలయాళీ భామ ఆసిన్. ఆ తర్వాత శివమణి, లక్ష్మీనరసింహా, షుర్షణ, అన్నవరం లాంటి చిత్రాల్లో స్టార్ హీరోలతో నటించింది. తమిళంతో పాటు హిందీలోనూ పలు సినిమాల్లో కనిపించింది. కోలీవుడ్‌లో కమల్‌ హాసన్‌ సరసన దశవతారం, సూర్యకు జంటగా గజిని లాంటి బ్లాక్ బస్టర్ చిత్రాల్లో నటించింది. అయితే ఆసిన్ 2001లో మలయాళ చిత్రం నరేంద్రన్ మకాన్ జయకాంతన్ వకాతో సినిమాల్లో అడుగుపెట్టింది.అయితే ఆసిన్ చివరిసారిగా 2015లో వచ్చిన అభిషేక్ బచ్చన్, రిషి కపూర్, సుప్రియా పాఠక్‌లతో కలిసి ఆల్ ఈజ్ వెల్ అనే కామెడీ చిత్రంలో కనిపించింది. అంతకుముందు బాలీవుడ్‌లో అమీర్ ఖాన్ నటించిన గజిని, రెడీ, బోల్ బచ్చన్, హౌస్‌ఫుల్ -2 లాంటి హిట్ చిత్రాలలో నటించింది. కాగా.. అసిన్ 2016లో మైక్రోమ్యాక్స్ సహ వ్యవస్థాపకుడు రాహుల్ శర్మను వివాహం చేసుకున్నారు. ఈ జంటకు అక్టోబర్ 2017లో తమ అరిన్‌ జన్మించింది. అయితే రాహుల్ శర్మను పెళ్లాడిన తర్వాత ఆసిన్ సినిమాలకు పూర్తిగా దూరమైంది. అయితే తాజాగా ఆసిన్ భర్త రాహుల్ శర్మ గురించి ఆసక్తికర విషయం బయటకొచ్చింది. వ్యాపారరంగంలోకి అడుగుపెట్టిన ఆయన కెరీర్‌ సక్సెస్ వెనుక పెద్ద స్టోరీనే ఉంది. ఇప్పుడు అదేంటో తెలుసుకుందాం.రాహుల్ శర్మ మహారాష్ట్రలోని రాష్ట్రసంత్ తుకాడోజీ మహారాజ్ నాగ్‌పూర్ యూనివర్సిటీ నుంచి మెకానికల్ ఇంజనీరింగ్ పట్టా అందుకున్నారు. అనంతరం కెనడా వెళ్లి సస్కట్చేవాన్ యూనివర్సిటీ నుంచి కామర్స్‌ బ్యాచిలర్ డిగ్రీ చేశాడు. చదువు పూర్తయిన వెంటనే రాహుల్ శర్మ తన తండ్రి వద్ద రూ. 3 లక్షలు అప్పుగా తీసుకుని వ్యాపారం ప్రారంభించారు. అప్పుడు కేవలం రూ. 3 లక్షల మొదలైన వ్యాపారం ఇప్పుడేమో ఏకంగా రూ. 1300 కోట్లకు చేరుకుంది.రాహుల్ శర్మ మొదట మైక్రో మ్యాక్స్ సహ వ్యవస్థాపకుడి, సీఈఓగా ఉన్నాడు. తన ముగ్గురు స్నేహితులతో కలిసి 2000 మైక్రోమ్యాక్స్ ఇన్ఫర్మేటిక్స్‌ అనే సాఫ్ట్‌వేర్‌ కంపెనీ స్థాపించారు. ఆ తరువాత 2008లో మొబైల్ రంగంలోకి ప్రవేశించారు. 2010 నాటికి హ్యూ జాక్‌మాన్ బ్రాండ్ అంబాసిడర్‌గా తక్కువ ధరలోనే స్మార్ట్ ఫోన్లను అందించే సంస్థగా దేశంలోనే టాప్ లో నిలిచింది. 2017లో భారతదేశపు తొలి ఏఐ బేస్డ్ ఎలక్ట్రిక్ బైక్‌ను పరిచయం చేసిన రివోల్ట్ ఇంటెల్లి కార్ప్ కంపెనీకి వ్యవస్థాపకుడు కూడా రాహుల్ శర్మనే. కేవలం రూ.3 లక్షలతో వ్యాపార మొదలు పెట్టి.. వందల కోట్లకు చేరుకున్న రాహుల్ శర్మ నిజ జీవితంలో ప్రతి ఒక్కరికీ ఆదర్శంగా నిలిచారు. అక్షయ్‌ కుమార్ వల్లే పరిచయం..ఆసిన్‌ను పెళ్లి చేసుకోవడానికి రాహుల్ శర్మకు బాలీవుడ్ నటుడు అక్షయ్ కుమార్ సహకరించాడు. అక్షయ్ కుమార్, అసిన్ కలిసి నటించిన కామెడీ చిత్రం హౌస్‌ఫుల్ 2. అదే సమయంలో అక్షయ్ తన బెస్ట్ ఫ్రెండ్ రాహుల్ శర్మకు ఆసిన్‌ను పరిచయం చేశాడు. అలా రాహుల్, అసిన్ పెళ్లి చేసుకున్నారు. ప్రస్తుతం ఆసిన్ ఫ్యామిలీ ఢిల్లీలో ఉన్నారు. వీరికి ఢిల్లీలో ఫామ్‌హౌస్ ఉంది. అతని వద్ద ఖరీదైన బెంట్లీ సూపర్‌స్పోర్ట్ లిమిటెడ్ ఎడిషన్, బీఎండబ్య్లూ, మెర్సిడెజ్‌ బెంజ్‌, రోల్స్‌ రాయిస్ కార్లు ఉన్నాయి.

'అమ్మ నాన్న ఓ తమిళ అమ్మాయి' సినిమాతో పరిచయమైనా పరిచమైన 'అసిన్‌' గురించి దాదాపు అందరికి తెలుసు. కానీ ఈమె భర్త 'రాహుల్ శర్మ' గురించి పెద్దగా తెలియకపోవచ్చు. ఈయన ప్రముఖ ప్రారిశ్రామిక వేత్త.. వేలకోట్ల సామ్రాజ్యానికి అధినాయకుడు. ఈయన గురించి మరిన్ని వివరాలు ఈ కథనంలో వివరంగా తెలుసుకుందాం.రాహుల్ శర్మ మైక్రోమ్యాక్స్ కో-ఫౌండర్ అండ్ సీఈఓ. ఈయన తన స్నేహితులు రాజేష్ అగర్వాల్, వికాస్ జైన్, సుమీత్ అరోరాలతో కలిసి 2000లో మైక్రోమ్యాక్స్ ఇన్ఫర్మేటిక్స్‌ను స్థాపించారు. ప్రారంభంలో ఇది ఐటీ సాఫ్ట్‌వేర్ కంపెనీ.. ఆ తరువాత 2008లో మొబైల్ ఫోన్ మార్కెట్‌లోకి ప్రవేశించింది. 210 నాటికి హ్యూ జాక్‌మాన్ బ్రాండ్ అంబాసిడర్‌గా తక్కువ ధరలోనే ఫోన్‌లను అందించే సంస్థగా భారతదేశపు అగ్రగామిగా మారింది.రాహుల్ శర్మ రాష్ట్రసంత్ తుకాడోజీ మహారాజ్ నాగ్‌పూర్ యూనివర్సిటీ నుంచి మెకానికల్ ఇంజనీరింగ్ పూర్తి చేశారు. ఆ తరువాత కెనడాలోని సస్కట్చేవాన్ విశ్వవిద్యాలయం (Saskatchewan University) నుంచి కామర్స్‌లో బ్యాచిలర్ డిగ్రీ పట్టా తీసుకున్నారు.చదువు పూర్తయిన తరువాత రాహుల్ శర్మ తన తండ్రి నుంచి రూ. 3 లక్షలు అప్పుగా తీసుకుని బిజినెస్ ప్రారంభించారు. ఇప్పుడు ఈయన నికర విలువ ఏకంగా రూ. 1300 కోట్లు. ఈయన మైక్రోమ్యాక్స్‌తో పాటు.. 2017లో భారతదేశపు మొట్టమొదటి ఏఐ బేస్డ్ ఎలక్ట్రిక్ బైక్‌ను పరిచయం చేసిన రివోల్ట్ ఇంటెల్లికార్ప్ ఫౌండర్ కూడా.రాహుల్ శర్మ 2016లో నటి 'ఆసిన్'ను పెళ్లి చేసుకున్నారు. ప్రస్తుతం ఈ జంటకు ఇప్పుడు అరిన్ రేన్ అనే కుమార్తె ఉంది. వీరు ఢిల్లీలోని ఒక గ్రాండ్ ఫామ్‌హౌస్‌లో నివసిస్తూ విలాసవంతమైన జీవితం గడుపుతున్నట్లు సమాచారం. వీరికి బెంట్లీ సూపర్‌స్పోర్ట్ లిమిటెడ్ ఎడిషన్, బీఎండబ్ల్యూ ఎక్స్6, మెర్సిడెస్ జీఎల్450, రోల్స్ రాయిస్ ఘోస్ట్ సిరీస్ 2 వంటి ఖరీదైన కార్లను కలిగి ఉన్నారు.

సినిమాలకు దూరమైనా సరే, నటులపై ఆసక్తి మాత్రం దూరం కాదు. ‘ఫలానా నటుడు ఇప్పుడు ఏం చేస్తున్నాడో తెలుసా? ‘ఫలానా కథానాయిక ఇప్పుడు ఏ దేశంలో ఉంటుందో తెలుసా?’... ఇలాంటి విషయాలు అభిమానులకు ఎప్పుడూ ఆసక్తికరమే. ‘గజిని’ ‘అమ్మా నాన్న ఒక తమిళ అమ్మాయి’ ‘ఘర్షణ’... మొదలైన సినిమాలతో తెలుగు ప్రేక్షకులకు దగ్గరైన ఆశిన్‌ పెళ్లి తరువాత నటనకు దూరమైంది. కొన్ని నెలల క్రితం... ఆసిన్‌ భర్త నుంచి విడాకులు తీసుకుందని, మళ్లీ సినిమాలలో నటించనుందని రూమర్స్‌ సోషల్‌ మీడియాలో చక్కర్లు కొట్టాయి. ‘అలాంటిది ఏమీ లేదండీ బాబూ. నేను మళ్లీ సినిమాల్లో నటించడం లేదు’ అని ఆసిన్‌ స్వయంగా ప్రకటించింది. తాజాగా... ప్యారిస్‌లో జరిగిన కుమార్తె ఆరిన్‌ పుట్టినరోజు వేడుకలకు సంబంధించిన ఫొటోలను ఇన్‌స్టాగ్రామ్‌లో షేర్‌ చేసింది ఆసిన్‌. వీటిలో ఆమె భర్త రాహుల్‌ శర్మ కూడా ఉన్నాడు. ఇక రూమర్స్‌కు ఫుల్‌స్టాప్‌ పడినట్లే కదా!

కోలీవుడ్ స్టార్ హీరో సూర్య గజినీ సినిమా మీకు గుర్తుందా? ఎందుకు గుర్తుండదు మతిమరుపునే కథాంశంగా తెరకెక్కించిన ఈ సినిమా బాక్సాఫీస్ వద్ద సూపర్‌ హిట్‌గా నిలిచిన సంగతి తెలిసిందే. ఈ చిత్రంలో అమాయకంగా కనిపించిన హీరోయిన్ ఆసిన్. కల్పనా శెట్టి పాత్రలో మెప్పించి అభిమానులను సంపాదించుకుంది. తమిళం, తెలుగు, మలయాళ, హిందీ భాషల్లోనూ నటించింది. అయితే ఆసిన్ 2001లో మలయాళ చిత్రం నరేంద్రన్ మకాన్ జయకాంతన్ వకాతో సినిమాల్లో అడుగుపెట్టింది.  (ఇది చదవండి:  నారాయణతో సుధాకర్‌కి బ్రేక్‌ వస్తుంది: అనిల్‌ రావిపూడి) ఆ తర్వాత గజినీతో పాటు రెడీ, హౌస్‌ఫుల్ 2, బోల్ బచ్చన్, ఖిలాడీ 786తో పాటు.. చివరిసారిగా 2015లో ఆల్‌ ఈజ్‌ వెల్‌ చిత్రంలో కనిపించింది. ఆ తర్వాత 2016లో   మైక్రోమ్యాక్స్ సహ వ్యవస్థాపకుడు రాహుల్‌ను పెళ్లి చేసుకుంది. 2017లో వీరికి ఓ కుమార్తె కూడా జన్మించింది. పెళ్లి తర్వాత సినిమాలకు గుడ్‌బై చెప్పిన భామ.. చాలా రోజుల తర్వాత వార్తల్లో నిలిచింది. ఎందుకంటే ఆమె తన భర్తతో విడాకులు తీసుకుంటున్నట్లు సోషల్ మీడియాలో రూమర్స్ చక్కర్లు కొడుతున్నాయి. ఈ నేపథ్యంలో ఆ వార్తలపై గజినీ భామ స్పందించింది.  తనపై డైవర్స్ వార్తలకు చెక్ పెట్టింది ఆసిన్. వివరణ ఇస్తూ బుధవారం తన ఇన్‌స్టాగ్రామ్ స్టోరీస్‌సో ఓ నోట్ రాసుకొచ్చింది. తాను ప్రస్తుతం భర్త రాహుల్‌తో కలిసి వేసవి సెలవులను ఎంజాయ్ చేస్తున్నానని తెలిపింది. తనపై వస్తున్న వార్తలు నిరాధారమని తోసిపుచ్చింది. ప్రస్తుతం ఫ్యామిలీతో ఎంజాయ్ చేస్తున్నానని తెలిపింది.  ఆసిన్ ఇన్‌స్టా స్టోరీలో రాస్తూ..' రాహుల్‌తో కలిసి వేసవి సెలవులను ఎంజాయ్ చేస్తున్నా. మాపై చాలా వార్తలు పూర్తిగా నిరాధారం. ఈరోజు మేమిద్దరం కూర్చుని బ్రేక్‌ఫాస్ట్ కూడా తిన్నాం. మేం విడిపోతున్నామనే ఒక బేస్ లెస్ వార్త విన్నా. ప్రస్తుతం మా కుటుంబ సభ్యులతో కలిసి ఇంట్లోనే సమయాన్ని ఆస్వాదిస్తున్నా. దయచేసి వినండి. ఇప్పుడు దీని కోసం కూడా 5 నిమిషాల అద్భుతమైన సమయాన్ని వృధా చేసినందుకు నిరాశ చెందుతున్నా.' అంటూ పోస్ట్ చేసింది. ప్రస్తుతం ఆసిన్ చేసిన పోస్ట్ సోషల్ మీడియాలో వైరలవుతుండగా.. తనపై వస్తున్న రూమర్స్‌కు చెక్ పెట్టింది గజినీ భామ.  (ఇది చదవండి: ఆ సినిమాలో అన్యాయం.. అందుకే ఇండస్ట్రీని వదిలేశా: ప్రముఖ విలన్) రూమర్స్‌కు కారణమిదే.. అసిన్ తన ఇన్‌స్టాగ్రామ్ ఖాతా నుండి ఒక్కటి మినహా రాహుల్‌తో ఉన్న అన్ని ఫోటోలను తొలగించింది. దీంతో డైవర్స్ అంటూ రూమర్స్ మొదలయ్యాయి. ఆమె తన సోషల్ మీడియా ప్రొఫైల్ నుంచి తన పెళ్లి ఫోటోలను కూడా తొలగించింది. ఇన్‌స్టాలో ఆమె చివరి పోస్ట్ కుమార్తె అరిన్ ఐదో పుట్టినరోజు సందర్బంగా అక్టోబర్ 2022లో చేసింది. ఇంతవరకు ఆమె ఎలాంటి ఫోటోలను షేర్ చేయలేదు. దీంతో ఈ జంట త్వరలోనే విడాకులు తీసుకోనుందని సోషల్ మీడియాలో తెగ చర్చ మొదలైంది. అంతే కాకుండా ఆసిన్ తన ఇన్‌స్టాగ్రామ్‌లో తన భర్తతో ఉన్న ఒక ఫోటోను మాత్రమే ఉంచింది. 

టీమిండియా స్పిన్నర్‌ రాహుల్‌ శర్మ క్రికెట్‌లో అన్నిరకాల ఫార్మాట్లకు వీడ్కోలు పలికాడు. ఈ విషయాన్ని అతడు ట్విటర్‌ వేదికగా ఆదివారం ప్రకటించాడు. "నా ఈ ప్రయాణంలో మద్దతుగా నిలిచిన అభిమానులకు, బీసీసీఐకు ధన్యవాదాలు" అని రాహుల్‌ ట్విట్‌ చేశాడు కాగా బెల్ పాల్సి(ముఖ పక్షవాతం) సమస్యతో భాదపడ్డ రాహుల్‌ శర్మ అంతర్జాతీయ క్రికెట్‌లో నిలదొక్కుకోలేకపోయాడు. రాహుల్‌ శర్మ 2011లో భారత తరపున అంతర్జాతీయ అరంగేట్రం చేశాడు. అతడు నాలుగు వన్డేలు, రెండు టీ20ల్లో మాత్రమే టీమిండియాకు ప్రాతినిధ్యం వహించాడు. అతడు గౌతమ్ గంభీర్, రాహుల్ ద్రవిడ్, వీరేంద్ర సెహ్వాగ్, ఎంఎస్ ధోనీ వంటి దిగ్గజ ఆటగాళ్లతో డ్రెస్సింగ్‌ రూమ్‌ను షేర్‌ చేసుకున్నాడు. కాగా 2010లో డెక్కన్ ఛార్జర్స్ ‌(ప్రస్తుతం ఎస్‌ఆర్‌హెచ్‌) తరపున రాహుల్‌ శర్మ ఐపీఎల్‌ అరంగేట్రం చేశాడు. అతడు ఐపీఎల్‌లో పూణే వారియర్స్, ఢిల్లీ డేర్ డెవిల్స్ జట్లు తరపున ఆడాడు. ఐపీఎల్‌లో 44 మ్యాచ్‌లు ఆడిన రాహుల్ శర్మ.. మొత్తంగా 40 వికెట్లు సాధించాడు. అదే విధంగా రాహుల్‌ శర్మ ఫస్ట్‌ క్లాస్‌ క్రికెట్‌లో పంజాబ్‌ జట్టు తరపున ఆడాడు. Thanks to all for ur love and support throughout my journey 😊❤️🇮🇳 ⁦@BCCI⁩ ⁦@BCCIdomestic⁩ ⁦@IPL⁩ #retirement pic.twitter.com/anqBGUSwoa — Rahul Sharma (@ImRahulSharma3) August 28, 2022 చదవండి: Asia Cup Ind Vs Pak: 'భారత్‌పై గతేడాది విజయాన్ని గుర్తు తెచ్చుకోండి.. ఈ సారి కూడా'

న్యూఢిల్లీ: మైక్రోమాక్స్ గత ఏడాది మైక్రోమాక్స్ ఇన్ నోట్ 1, మైక్రోమాక్స్ ఇన్ 1బి మోడళ్లను లాంచ్ చేసిన సంగతి మనకు తెలిసిందే. త్వరలోనే మైక్రోమాక్స్ ఇన్ నోట్ 1కు ఆండ్రాయిడ్ 11 అప్‌డేట్ తీసుకురానున్నట్లు సహ వ్యవస్థాపకుడు రాహుల్ శర్మ ప్రకటించారు. మైక్రోమాక్స్ 5జీ ఫోన్ "అతి త్వరలో" భారతదేశంలోకి తీసుకోని వస్తున్నట్లు రాహుల్ శర్మ వినియోగదారులతో మాట్లాడిన వీడియో సెషన్‌లో వెల్లడించారు. యూజర్ అనుభవాన్ని మెరుగుపర్చడానికి మైక్రోమాక్స్ ఇన్ 1బి కోసం సాఫ్ట్‌వేర్ అప్డేట్ ను కూడా అందించనున్నట్లు వీడియోలో హైలైట్ చేశారు. 11 నిమిషాల వీడియో సెషన్ లో భవిష్యత్ ప్రణాళికలు గురించి మాట్లాడుతూ మైక్రోమాక్స్ 5జీని ప్రస్తావించారు. బెంగళూరు ఆర్&డి సెంటర్ లో 5జీ కోసం ఇంజినీర్లు పనిచేస్తున్నట్లు పేర్కొన్నారు. కానీ, ఎప్పుడు తీసుకువస్తారో అనే దానిపై స్పష్టత ఇవ్వలేదు. గత ఏడాది డిసెంబర్‌లో జరిగిన వీడియో సెషన్‌లో రాహుల్ శర్మ 6జీబీ ర్యామ్ అధిక డిస్ప్లే రిఫ్రెష్ రేట్, లిక్విడ్ కూలింగ్‌ గల స్మార్ట్‌ఫోన్‌ను విడుదల చేయనున్నట్లు ప్రకటించారు. అయితే, ఇంకా ఆ మోడల్ ని అధికారికంగా కంపెనీ ప్రకటించలేదు. ఆ ఫీచర్స్ ని మైక్రోమాక్స్ 5జీ ఫోన్‌తో తీసుకోని రానున్నట్లు సమాచారం. స్మార్ట్‌ఫోన్‌లతో పాటు ఇతర ఎలక్ట్రానిక్ ఉత్పత్తులను బెంగళూరులో అభివృద్ధి చేస్తున్నట్లు రాహుల్ తెలిపారు. చదవండి: ఈ 20 పాస్‌వర్డ్స్ ఉపయోగిస్తే మీ ఖాతా ఖాళీ పీఎఫ్ ఖాతాదారులకు గుడ్ న్యూస్!

సాక్షి,  న్యూఢిల్లీ : స్మార్ట్‌ఫోన్‌ తయారీ కంపెనీ మైక్రోమాక్స్‌ సహ-వ్యవస్థాపకుడు రాహుల్‌ శర్మకు చెందిన ఎలక్ట్రిక్‌ టూ వీలర్‌ స్టార్టప్‌ ‘రివోల్ట్‌ ఇంటెల్లీకార్ప్‌’ తన తొలి వాహనాన్ని కమర్షియల్‌గా లాంచ్‌   చేయనుంది. ‘ రివోల్ట్‌ ఆర్‌వీ 400’  పేరుతో పరిచయం చేసిన  ఈ ఎలక్ట్రిక్‌ మోటార్‌ సైకిల్‌ను  ఆగస్టు 28న లాంచ్‌ చేయనున్నామని రివోల్ట్‌ ఇంటెల్లీకార్ప్‌ వ్యవస్థాపకులు రాహుల్‌ శర్మ  ట్విటర్‌లో వెల్లడించారు.       దేశంలో తొలిసారిగా కృత్రిమ మేధ (ఏఐ) సాంకేతికత ఆధారంగా రూపొందించిన ఈ బైక్‌ను ఒకసారి పూర్తిగా చార్జ్‌ చేస్తే 156 కిలోమీటర్ల వరకు ప్రయాణిస్తుంది. ఆర్‌వీ 400 బ్యాటరీని 4 గంటల్లో పూర్తిగా చార్జ్‌ చేసుకోవచ్చు.  ఢిల్లీ వినియోగదారులు కోసం  వెయ్యి రూపాయలతో జూన్ 25 నుంచి బుకింగ్స్ ను  ప్రారంభించిన సంగతి తెలిసిందే. వచ్చే నాలుగు నెలల్లో ఢిల్లీ-ఎన్‌సీఆర్‌, పుణె, బెంగళూరు, హైదరాబాద్‌, నాగ్‌పూర్‌, అహ్మదాబాద్‌, చెన్నై మార్కెట్లోకి ఈ వాహనాన్ని విడుదల చేయనుంది. అలాగే చార్జింగ్‌ కోసం కంపెనీ ఆన్‌బోర్డ్‌, పోర్టబుల్‌ చార్జింగ్‌ ఫీచర్లను ఆఫర్‌ చేస్తోంది. ఈ సంస్థ హరియాణాలోని మనేసర్‌లో ఏటా 1.2 లక్షల వాహనాల ఉత్పత్తి సామర్థ్యంతో కూడిన ప్లాంట్‌ను ఏర్పాటు చేసినట్టు  కంపెనీ ప్రకటించింది.    RV400 Line off Ceremony - We're proud to share the rollout of the 1st #RV400 from our plant in Manesar. Countdown has begun, mark your calendar! August 28th is our commercial launch of India’s 1st AI-Enabled motorcycle. Stay tuned for more details. #JoinTheRevolt pic.twitter.com/wJn3a2ix39 — Rahul Sharma (@rahulsharma) August 7, 2019

సుమారు సంవత్సర కాలంగా తమ కూతురికి సంబంధించిన విషయాలన్నింటినీ గోప్యంగా ఉంచుతున్న ఆసిన్‌- రాహుల్‌ శర్మ దంపతులు ఎట్టకేలకు తన ఫొటోలను షేర్‌ చేశారు. అంతేకాదు ఆమె పేరును కూడా వెల్లడించారు. ‘ఏడాది క్రితం మా ప్రపంచంలోకి అందమైన, తేజోవంతమైన రాకుమారిని ఆహ్వానించాం. ఈరోజు తను తొలి వసంతంలో అడుగుపెట్టింది. నా చిట్టితల్లి ఆరిన్‌కు పుట్టినరోజు శుభాకాంక్షలు. నువ్వింత తొందరగా ఎందుకు ఎదుగుతున్నావ్‌ బంగారం’ అంటూ ఎలక్ట్రానిక్‌ దిగ్గజం మైక్రోమాక్స్‌ సహ వ్యవస్థాపకుడు, వ్యాపారవేత్త రాహుల్‌ శర్మ తన కూతురికి శుభాకాంక్షలు తెలిపారు. 2016లో వివాహ బంధంతో ఒక్కటైన నటి ఆసిన్‌, రాహుల్‌ శర్మ దంపతులు గతేడాది ఆడబిడ్డకు జన్మనిచ్చారు. గురువారం తమ కూతురి పుట్టిన రోజు సందర్భంగా తొలిసారిగా తన ఫొటోలను చేయడంతో పాటు, ఆమె పేరు ఆరిన్‌ అంటూ అభిమానులకు ఆనందాన్ని పంచారు. కాగా దక్షిణాదిన అగ్రనాయకిగా పేరొందిన ఆసిన్‌, గజినీ హిందీ రీమేక్‌ ద్వారా బాలీవుడ్‌ జనాల దృష్టిని ఆకర్షించారు. అయితే గజినీ తర్వాత ఆమె నటించిన సినిమాలు అంతగా విజయం సాధించలేదు. బాలీవుడ్‌లో నంబర్‌ వన్‌ స్థాయికి చేరుకోలేకపోయిన ఆసిన్‌... సహ నటుడు అక్షయ్‌ కుమార్‌ ద్వారా వ్యాపారవేత్త రాహుల్‌ శర్మ రూపంలో లైఫ్‌ పార్ట్‌నర్‌ను పొందారు. A year ago we welcomed a Gorgeous, bright eyed, little angel into this world. She just turned ONE!!! Where does time fly? Happy Birthday ARIN, my daughter! Why do u have to grow up so fast? Happy 1st Birthday!#Arinturnsone #ArinsFirstBirthday pic.twitter.com/Iklqpnf98w — Rahul Sharma (@rahulsharma) October 25, 2018

మలయాళ కుట్టి అసిన్‌ గుర్తున్నారా? అదేనండీ.. ‘అమ్మా నాన్న ఓ తమిళమ్మాయి’, ‘శివమణి’, ‘లక్ష్మీ నరసింహా’.. ఇలా తెలుగులో చాలా సినిమాలు చేశారు కదా!. ‘గజిని’ హిందీ రీమేక్‌ ద్వారా బాలీవుడ్‌కి పరిచయమైన ఈ భామ ఉత్తరాది ఇంటి కోడలైన విషయం కూడా గుర్తుండే ఉంటుంది. మైక్రోమ్యాక్స్‌ మొబైల్స్‌ సంస్థ వ్యవస్థాపకుడు రాహుల్‌ శర్మ, అసిన్‌ల పెళ్లి గతేడాది జనవరిలో జరిగింది. ఈ దంపతులకు మంగళవారం పాప పుట్టింది. ‘‘మా ఇంటికి ఏంజిల్‌ వచ్చిన వేళ మా ఆనందాన్ని మీతో పంచుకుంటున్నాం’’ అని రాహుల్‌ శర్మ పేర్కొన్నారు. కాగా, బాలీవుడ్‌లో అసిన్‌కి ఉన్న మంచి స్నేహితుల్లో హీరో అక్షయ్‌ కుమార్‌ ఒకరు. రాహుల్‌–అసిన్‌లు లవ్‌లో పడ్డప్పుడు ఈ హీరోగారు సపోర్ట్‌ చేశారు. పెళ్లప్పుడు కూడా దగ్గరున్నారు. అసిన్‌ తల్లయిన సందర్భంగా అక్షయ్‌ స్వయంగా వెళ్లి, పాపను ఎత్తుకుని, శుభాకాంక్షలు తెలియజేశారు. ఇంకో విషయం ఏంటంటే... నేడు (గురువారం) అసిన్‌ బర్త్‌డే. పుట్టినరోజుకి ఒకరోజు ముందు తల్లి కావడం... మొత్తం మీద అసిన్, రాహుల్‌ ఇంట రెండు పండగలు.

సాక్షి, హైదరాబాద్‌: ఒకప్పుడు తెలుగు, హిందీ, తమిళ సినిమాల్లో అలరించిన అసిన్‌ పండంటి బిడ్డకు జన్మనిచ్చింది.  అసిన్‌ థొట్టుంకల్‌, రాహుల్‌ శర్మ దంపతులు మంగళవారం పాపకు జన్మనిచ్చారు. ’మా జీవితాల్లోకి ఓ చిన్నారి పాప వచ్చిందనే విషయాన్ని తెలిపేందుకు ఎంతో సంతోషిస్తున్నాం. గత తొమ్మిది నెలలు మాకు ఎంతో ప్రత్యేకమైన కాలం. మా శ్రేయోభిలాషులకు, మాపై ప్రేమాభిమానాలు చూపుతున్న అందరికీ కృతజ్ఞతలు’ అని అసిన్‌-రాహుల్‌ శర్మ దంపతులు ఒక ప్రకటనలో పేర్కొన్నారు. ఇతర సెలబ్రిటీల తరహాలో అసిన్‌ తాను ప్రెగ్నెంట్‌ అయిన విషయాన్ని పెద్దగా వెల్లడించలేదు. గత ఫిబ్రవరి 27న ఇన్‌స్టాగ్రామ్‌లో చివరిపోస్టు పెట్టిన అసిన్‌ ఆ తర్వాత ఇప్పుడు అకస్మాత్తుగా తాము ఒక బిడ్డకు జన్మనిచ్చామని ప్రకటించడం ఆమె అభిమానులకు సర్‌ప్రైజ్‌తోపాటు సంతోషాన్ని కలుగజేసింది. ’గజనీ’ సినిమాతో ఫేమస్‌ అయిన అసిన్‌ 2016 జనవరిలో రాహుల్‌ను పెళ్లాడింది. అసిన్‌ కూతురు ఫొటో, తన పేరు తెలియాల్సి ఉంది. ఇటీవల బాలీవుడ్‌లో పెళ్లిలు జరగడం, పిల్లలు పుట్టడం నిత్య నూతనంగా కనిపిస్తోంది. హేమామాలిని కూతురు ఇషా డియోల్‌ ఇటీవల పండంటి బిడ్డకు జన్మనిచ్చింది. తన కూతురికి రధ్య అని పెట్టినట్టు తెలిపింది. Veni Vidi Amavi #HappyValentinesDay ❤ A post shared by Asin Thottumkal (@simply.asin) on Feb 13, 2017 at 6:38pm PST Love, Laughter and Happily ever after! ❤️ A post shared by Asin Thottumkal (@simply.asin) on Jan 18, 2017 at 6:58pm PST 🎿 A post shared by Asin Thottumkal (@simply.asin) on Dec 28, 2016 at 1:21pm PST


 ► కాటేదాన్ ఫైరింగ్ కేసులో ఇద్దరు యూపీవాసుల అరెస్టు
 ► 24 గంటల్లోనే కేసును ఛేదించిన సైబరాబాద్ కాప్స్
  
  
 సాక్షి,సిటీబ్యూరో: సంచలనం సృష్టించిన కాటేదాన్ కాల్పుల కేసును సైబరాబాద్ పోలీసులు 24 గంటల్లోనే ఛేదించారు. ఈ కేసులో నిందితులైన ఉత్తరప్రదేశ్‌కు చెందిన రాహుల్ శర్మ, అతడికి సహకరించిన వికాశ్ కుమార్ జాట్‌లను శంషాబాద్ ఎస్‌ఓటీ పోలీసులు, మైలార్‌దేవ్‌పల్లి పోలీసులు సంయుక్తంగా మంగళవారం అరెస్టు చేశారు. ఈ కేసు వివరాలను పహడీషరీఫ్ ఠాణాలో బుధవారం శంషాబాద్ డీసీపీ ఏఆర్ శ్రీనివాస్‌తో కలిసి సైబరాబాద్ కమిషనర్ సీవీ ఆనంద్ మీడియాకు తెలిపారు. యూపీకి చెందిన రాహుల్, వికాస్‌లు ఆరేళ్ల క్రితం ఉపాధి కోసం వచ్చి జాల్‌పల్లిలోని శ్రీరామ్ కాల నీలో గది అద్దెకు తీసుకొని ఉంటున్నారు.
 
 దినసరి వేతనంపై మెషీన్ టెక్నీషియన్‌గా రాహుల్ శర్మ, ప్రైవేట్ కంపెనీలో మెషీన్ ఆపరేటర్‌గా వికాస్ కుమార్ పని చేస్తున్నారు. యూపీలో జరిగిన ఓ హత్య కేసులో రాహుల్ శర్మ నిందితుడుగా ఉన్నాడు, అక్కడే ఉంటే నేరప్రవృత్తిలోకి దిగుతాడనే ఉద్దేశంతో తల్లిదండ్రులు హైదరాబాద్‌కు పంపించారు. అయితే ఇక్కడ ఉపాధి ద్వారా అనుకున్న మొత్తం లో డబ్బులు రాకపోవడంతో దోపిడీ చేయాలని నిర్ణయించుకున్నారు. కాటేదాన్‌లో స్టేట్ బ్యాంక్ ఆఫ్ ఇండియా బ్రాంచి ఎదురుగా ఉన్న జియో సంసార్ కార్యాలయంలో మూడుసార్లు రెక్కీ నిర్వహించారు. సోమవారం మధ్యాహ్నం మూడు గంటల సమయంలో బైక్‌పై వికాస్‌కుమార్‌తో కలిసి రాహుల్ శర్మ అక్కడికి చేరుకున్నాడు.
 
 బయటి కదలికలను గమనించేందుకు వికాస్ కుమార్ బైక్‌పై బయట వేచి ఉండగా, కార్యాల యం లోపలికి వెళ్లిన రాహుల్ శర్మ యూపీలోని ఫిరోజాజాబాద్ జిల్లా మఖాన్‌పూర్ ఎస్‌బీఐలోని ఓ ఖాతాలో రూ.500 డిపాజిట్ చేయమని అక్కడి ఉద్యోగి ప్రసాద్‌ను కోరాడు. ఈ లావాదేవీ అయిపోయే లోపే రాహుల్ శర్మ తన వెంట తెచ్చుకున్న నాటుతుపాకీతో ప్రసా ద్ ఛాతీపై కాల్చాడు. అయితే ఆలోపే ప్రసాద్ తేరుకోవడంతో రాహుల్ శర్మ బయటకు వచ్చి వికాస్ కుమార్‌తో కలిసి బైక్‌పై పరారయ్యాడు. అతడి బ్యాంక్ ఖాతా వివరాలతో పాటు ఫోన్ కాల్ డేటాను అనాలాసిస్ చేసిన పోలీసులు నిందితులను పట్టుకున్నారు.
  
  
  ‘రీచార్జే’ పట్టించింది...
  నిందితుడు రాహుల్ శర్మ వినియోగిస్తు న్న సెల్‌ఫోన్‌ను కాల్పులు జరగగానే స్విచ్ఛాఫ్ చేశాడు. ఆ తర్వాత అందరికీ తెలిసిన పాత నంబర్ తీసేసి, కొత్త నంబ ర్ వాడాడు. అయితే ఆన్‌లైన్ రీచార్జ్ కన్‌ఫర్మ్ కోసం అతడిచ్చిన మెయిల్ ఐడీ రాహుల్ శర్మను పట్టుకునేలా చేయడం లో పోలీసులకు ఉపయోగపడింది. అతని మెయిల్ ఐడీని పరిశీలించిన పోలీసులకు తాజాగా అతడు  రీచార్జ్ చేసిన నంబర్లను ట్రాక్ చేశారు. దీంతో అతడిని జాల్‌పల్లిలోని శ్రీరామ్ కాలనీలోనే పట్టుకోగలిగారు.  
  
  


 గత జనవరిలో రాహుల్‌ శర్మను పెళ్లాడి వైవాహిక జీవితంలో అడుగుపెట్టింది బాలీవుడ్ ముద్దుగుమ్మ ఆసిన్ థొట్టుంకల్‌. పెళ్లయిన తర్వాత ఎలాంటి సినిమా ఆఫర్లు ఆమె ఒప్పుకోవడం లేదట. ఈ విషయాన్నే పెళ్లికి ముందు కూడా చెప్పింది. అయినా తనకు పలు సినిమాల ఆఫర్లు వస్తున్నాయంటూ కథనాలు వస్తుండటంతో మళ్లీ ఓసారి వివరణ ఇచ్చింది.
 
 'నేను గతంలో చెప్పిన దానిని సరిగ్గా అర్థం చేసుకోలేకపోయిన నా మీడియా మిత్రులందరికీ మరోసారి తెలియజేస్తున్నా. నేను ఎలాంటి అసైన్‌మెంట్లను ఒప్పుకోవడం లేదు. నా బ్రాండ్‌ ఎండార్స్‌మెంట్లు సహా నా కమిట్‌మెంట్లన్నింటినీ పెళ్లికి ముందే పూర్తి చేశాను. నా వర్క్‌ గురించి, అసైన్‌మెంట్ల గురించి ఊహాగానాలు చేయడం మానుకోవాలని విజ్ఞప్తి చేస్తున్నా. ప్రస్తుతం నేను వాటిని చేయడం లేదు. పెళ్లికి ముందే నేను ప్రకటన చేశాను' అని ఆసిన్ తన ఇన్‌స్టాగ్రామ్‌ పేజీలో వెల్లడించింది. మైక్రోమాక్స్ కో ఫౌండర్ అయిన రాహుల్‌-ఆసిన్ పెళ్లి జనవరి 19న జరిగిన సంగతి తెలిసిందే. క్రైస్తవ, హిందూ సంప్రదాయాల ప్రకారం వీరి వివాహం జరిగింది.
 
 
 2008లో 'గజినీ' సినిమాతో బాలీవుడ్‌కు హాయ్‌ చెప్పిన ఆసిన్‌.. పెళ్లికి ముందు చివరగా అభిషేక్ బచ్చన్ నటించిన 'ఆల్ ఈజ్ వెల్‌' సినిమాలో హీరోయిన్‌గా కనిపించింది.


 ముంబై:  హీరోయిన్ అసిన్,  బిజినెస్ మేన్ రాహుల్ శర్మ ప్రేమ, పెళ్లి వ్యవహారం మొదటి నుంచి  ఆసక్తికర వార్తలు గానే నిలిచాయి.. ఇపుడు ఈ కొత్త దంపతుల  హనీమూన్ ట్రిప్ కూడా సర్ప్రైజింగ్ గానే ఉంది.  తన డార్లింగ్ తో హనీమూన్ సందర్భంగా స్పెషల్ సర్‌ప్రైజ్ ప్లాన్ చేసాడట రాహుల్ శర్మ. ముందుగా అనుకున్నట్లు  కాకుండా ప్లాన్ మార్చి ఆమెను థ్రిల్ చేశాడట.   
 
 అయితే ఈ నవదంపతులు తొలుత హార్వర్డ్ బోస్టన్ వెళ్లాలని ప్లాన్ చేసుకున్నారట.  కానీ అసిన్ ను సర్‌ప్రైజ్ చేయడానికి ఆమెకు ముందుగా చెప్పని లొకేషన్లకు తీసుకెళ్లి  ఆశ్చర్యంలో ముంచెత్తాలనేది రాహుల్ ఆలోచన. తన ముద్దులభార్యకు  తెలియకుండా డిఫరెంట్ డిఫరెంట్  ప్రదేశాలకు తీసుకెళ్లడం ద్వారా  తమ హనీమూన్ మరింత గ్రాండ్గా సెలబ్రేట్ చేసుకోవాలని  రాహుల్ నిర్ణయించాడట.  
 కాగా  బాలీవుడ్ హీరో అక్షయ్ కుమార్ సినిమాలో నటించిన సమయంలో అసిన్ కు రాహుల్ శర్మ  పరిచయం, ప్రేమ, పెళ్లి  తెలిసిన విషయాలే.  జనవరి 19న రెండు సంప్రదాయాల  ప్రకారం వీరి వివాహం గ్రాండ్ గా జరిగింది.


 ఇటీవల కాలంలో వార్తల్లో ప్రముఖంగా వినిపించిన పెళ్లి వార్త అసిన్, రాహుల్ శర్మలది. ఇద్దరు సెలబ్రిటీలు కావటంతో నేషనల్ మీడియా కూడా వీరి పెళ్లి విశేషాలను ప్రముఖంగా ప్రసారం చేసింది. ఈ నెల 19న కొద్దిమంది కుటుంబ సభ్యులు, సన్నిహితుల మధ్య ఒక్కటైన ఈ ప్రేమ జంట, ఆ తరువాత మీడియాకు దూరంగా ఉన్నారు. అంతేకాదు సోషల్ మీడియాలో కూడా ఎలాంటి పోస్ట్లు చేయలేదు. అసిన్ పెళ్లి ఫోటోలతో కాస్త హడావిడి చేసినా... రాహుల్ శర్మ మాత్రం ఒక్క ట్వీట్ కూడా చేయలేదు.
 
 పెళ్లి కార్యక్రమాలు పూర్తయి వారం రోజులు అవుతుండగా రాహుల్ శర్మ తొలి ట్వీట్ చేశాడు. అసిన్ను కౌగింలించుకొని ఉన్న ఫోటోను ట్విట్టర్లో పోస్ట్ చేసిన రాహుల్ ' నా ప్రపంచాన్ని నా చేతులతో పట్టుకున్నాను' అంటూ కామెంట్ చేశాడు. అసిన్ సౌత్ నార్త్ ఇండస్ట్రీలలో స్టార్ హీరోయిన్ కాగా, రాహుల్ శర్మ ప్రముఖ మొబైల్ కంపెనీ మైక్రోమ్యాక్స్కు కో ఫౌండర్గా ఉన్నారు.
  
 
 Holding MY WORLD in my arms!!! pic.twitter.com/3CdxudwZOx
 — Rahul Sharma (@rahulsharma) January 24, 2016


 సౌత్తో పాటు నార్త్ ఇండస్ట్రీలోనూ హీరోయిన్గా మంచి గుర్తింపు తెచ్చుకున్న అందాల భామ అసిన్ పెళ్లి, బందువులు, అత్యంత సన్నిహితుల మధ్య ఘనంగా జరిగింది. మైక్రోమ్యాక్స్ సంస్థ కో ఫౌండర్ రాహుల్ శర్మను జనవరి 19న అసిన్ వివాహం చేసుకుంది. ముందుగా క్యాథలిక్ సాంప్రదాయం ప్రకారం క్రిస్టియన్ వివాహం చేసుకున్న ఈ జంట, తరువాత హిందూ సాంప్రదాయం ప్రకారం పెళ్లి చేసుకుంది.
 
 ఢిల్లీలోని ఓ రిసార్ట్ హోటల్లో ఈ కార్యక్రమం జరిగింది. రాహుల్ శర్మకు చెందిన ఓ ఫార్మ్ హౌస్లో గురువారం బందువులకు పార్టీ ఇవ్వనున్నారు. త్వరలో ముంబైలోని సన్నిహితులు సినీ ప్రముఖుల కోసం రిసెప్షన్ నిర్వహించే ఆలోచనలో ఉన్నారు. అమీర్ ఖాన్ సరసన గజినీ సినిమాతో బాలీవుడుకి పరిచయం అయిన అసిన్ చివరి చిత్రం ఆల్ ఈజ్ వెల్.


 అసిన్‌కు పెళ్ళయిపోయింది. ‘అమ్మ - నాన్న - ఓ తమిళ అమ్మాయి’, ‘శివమణి’ లాంటి చిత్రాల ద్వారా తెలుగు ప్రేక్షకులను ఆకట్టుకున్న ఈ ప్రముఖ సినీ నటి ఈ మంగళవారం నాడు ఓ ఇంటి ఇల్లాలైంది. తెలుగు, తమిళాలతో పాటు హిందీ చిత్రాల్లోనూ పేరు తెచ్చుకున్న ఈ అందమైన మలయాళీ భామ ఎట్టకేలకు ప్రముఖ మొబైల్ ఫోన్ సంస్థ ‘మైక్రోమ్యాక్స్’ సహ- వ్యవస్థాపకుడైన రాహుల్ శర్మను వివాహమాడింది. అసిన్ తొట్టుమ్‌కల్, రాహుల్ శర్మల వివాహం క్రైస్తవ సంప్రదాయంలో జరిగింది.
  
  ఆమిర్‌ఖాన్ నటించిన హిందీ ‘గజిని’ చిత్రంతో అందరినీ ఆకట్టుకున్న 30 ఏళ్ళ ఈ పెళ్ళికూతురు సంప్రదాయ సిద్ధంగా తెల్లటి గౌన్ వేసుకుంటే, పెళ్ళికొడుకు నల్ల రంగు సూటు, టై ధరించారు. ఢిల్లీలోని ఓ రిసార్ట్ హోటల్‌లో మంగళవారం ఉదయం జరిగిన ఈ పెళ్ళికి వధూవరుల ఆప్తమిత్రుడూ, వాళ్ళిద్దరి మధ్య ప్రేమ పుట్టడానికి ప్రధాన కారకుడూ అయిన సినీ హీరో అక్షయ్‌కుమార్ హాజరయ్యారు. ఇరు కుటుంబాలకు అత్యంత ఆప్తులైన కొద్దిమంది సమక్షంలో పెళ్ళి ముగిసింది. ‘‘పెళ్ళి అద్భుతంగా జరిగింది. అందరూ అందంగా కనిపించారు.
  
   క్యాథలిక్ తరహాలో పెళ్ళి జరగాలన్నది అసిన్ ఆలోచన. అలాగే చేశాం’’ అని పెళ్ళికొడుకు తరఫు బంధువు ఒకరు చెప్పారు. పెళ్ళి సందర్భంగా ఢిల్లీకి చెందిన సంగీత బృందం ఎలోహిమ్ వర్షిప్ బ్యాండ్ పాటలు వినిపించారు. ఉదయం 11 గంటలకు మొదలైన క్రైస్తవ సంప్రదాయ వివాహం అరగంటలో ముగిసింది. ఆ తరువాత మంగళవారం సాయంత్రం అదే ప్రాంగణంలో హిందూ పద్ధతిలో వివాహ క్రతువు జరిగింది. పూర్తి ప్రైవేట్ కార్యక్రమంగా సన్నిహితుల మధ్య పెళ్ళి చేసుకున్న అసిన్ దంపతులు ఈ నెల 23న ముంబయ్‌లో పరిశ్రమ వర్గీయులకూ, ఇతర సన్నిహితు లకూ వివాహ విందు ఇవ్వనున్నారు. ఉయ్ విష్ అసిన్ ఎ హ్యాపీ మ్యారీడ్ లైఫ్!
  


 తెలుగు, తమిళం, హిందీ తదితర భాషల్లో మేటి నటిగా గుర్తింపు పొందిన అందాల తార అసిన్ వివాహం మైక్రో మ్యాక్స్ సహ వ్యవస్థాపకుడు రాహుల్ శర్మతో మంగళవారం ఉదయం న్యూ ఢిల్లీలోని ఓ చర్చిలో జరిగింది. కాగా సాయంత్రం ఓ రిసార్ట్స్లో హిందూ సంప్రదాయం ప్రకారం ఈ జంట మరోసారి పెళ్లాడనుంది. గత కొంతకాలంగా రాహుల్, అసిన్ల మధ్య ప్రేమ వ్యవహారం నడిచిన సంగతి తెలిసిందే. ఈ రోజు ఉదయం క్రైస్తవ ఆచారం ప్రకారం జరిగిన పెళ్లికి సన్నిహితులు మాత్రమే హాజరైనట్లు సమాచారం.
 
 సాయంత్రం అంగరంగ వైభవంగా జరుగనున్న వేడుకలో పెళ్లికూతురు అసిన్ ప్రముఖ డిజైనర్ సవ్యసాచి రూపొందించిన దుస్తుల్లో మెరవనున్నారు. ప్రత్యేకంగా తయారుచేయిస్తున్న పది వరుసల ఎత్తున్న కేకును దంపతులు కట్ చేయనున్నారు. ఇక పెళ్లి విందులో పూర్తి శాఖాహార భోజనం వడ్డించనున్నారు. అలాగే ఫిల్మ్ ఇండస్ట్రీలోని ప్రముఖుల సమక్షంలో జనవరి 23న ముంబైలో వీరి వివాహ రిసెప్షన్ జరుగనుంది.


 ఢిల్లీలో వివాహం  
  ముంబయ్‌లో రిసెప్షన్
 ♦  మలయాళ అందం అసిన్ ఉత్తరాది ఇంటి కోడలు కాబోతున్న విషయం తెలిసిందే. వ్యాపారవేత్త రాహుల్ శర్మను ఆమె ప్రేమ వివాహం చేసుకోనున్నారు. ఈ నెల 23న వీరి వివాహం అత్యంత వైభవంగా జరగనుంది. ప్రస్తుతం అసిన్, రాహుల్ పెళ్లి పనుల్లో నిమగ్నమయ్యారు. ఆ మధ్య ‘సేవ్ యువర్ డేట్’ అంటూ కార్డులు పంచిన ఈ కాబోయే దంపతులు ఇప్పుడు శుభలేఖలు పంచుతున్నారు. అసిన్, రాహుల్‌ల లవ్‌స్టోరీ, పెళ్లి ఏర్పాట్లు గురించి తెలుసుకుందాం....
  
 ♦  దక్షిణాదిన పలు చిత్రాల్లో కథానాయికగా నటించి, ‘గజిని’ హిందీ రీమేక్ ద్వారా ఉత్తరాది తెరకు పరిచయమయ్యారు అసిన్. ఆ చిత్రంతోనే బాలీవుడ్‌లో బోల్డంత క్రేజ్ తెచ్చుకున్నప్పటికీ అవకాశాలు అంతంత మాత్రంగానే వచ్చాయి. కెరీర్‌పరంగా అసిన్‌కి నార్త్ కలిసొచ్చినా రాకపోయినా అక్కడికి వెళ్లడం ద్వారా వ్యక్తిగతంగా అసిన్‌కి కలిసొచ్చిందనే చెప్పాలి. అక్షయ్ కుమార్‌తో కలిసి ‘హౌస్‌ఫుల్ 2’, ‘కిలాడి 786’ చిత్రాల్లో నటించినప్పుడు అతని ద్వారా వ్యాపారవేత్త రాహుల్ శర్మతో అసిన్‌కి ఏర్పడిన పరిచయం పెళ్లి వరకూ వచ్చేసింది.
  
 ♦ అసిన్‌కి గ్రాండ్ లెవల్‌లో రాహుల్ శర్మ లవ్ ప్రపోజ్ చేశారు. ఆ సమయంలో సుమారు ఆరు కోట్ల రూపాయలు విలువ చేసే వజ్రపుటుంగరాన్ని అసిన్‌కి రాహుల్ బహూకరించారనే వార్త ప్రచారమైంది. వాస్తవానికి అక్షయ్‌కుమార్ పరిచయం చేసినప్పుడు అసిన్, రాహుల్ జస్ట్ ‘హాయ్’ చెప్పుకున్నారట. ఆ తర్వాత పలు సందర్భాల్లో కలుసుకున్నప్పుడు కూడా పెద్దగా మట్లాడుకునేవాళ్లు కాదట. చాలా బిడియంగా ఉండేవారని అక్షయ్ ఓ సందర్భంలో అన్నారు. చివరకు అక్షయ్ చొరవ వల్లే ఇద్దరూ మాట్లాడుకోవడం మొదలుపెట్టారు. ఆ మామూలు మాటలు చివరికి ప్రేమకబుర్లుగా మారిపోయాయి.
  
 ♦  అసిన్‌ని రాహుల్ శర్మకు పరిచయం చేసింది తానే అయినప్పటికీ, వాళ్ల పెళ్లి కుదరడానికి తాను మాత్రం కారణం కాదనీ, ఎందుకంటే తానేం మ్యాచ్ మేకర్ కాదనీ ఇటీవల ఓ సందర్భంలో అక్షయ్ కుమార్ చమత్కరించారు. ఏదేమైనా తాము ఒకరికొకరు పరిచయం కావడానికి కారణమైన అక్షయ్ అంటే అసిన్‌కి అభిమానం ఏర్పడింది. రాహుల్‌కి అక్షయ్ మీద ఆల్రెడీ ఉన్న అభిమానం రెట్టింపు అయ్యింది.
  
 ♦  అక్షయ్ మీద ఉన్న అభిమానంతో అసిన్, రాహుల్ తమ తొలి శుభలేఖను ఆయనకే ఇచ్చారు. ఇద్దరూ స్వయంగా వెళ్లి, పెళ్లికి తప్పనిసరిగా రావాలని కోరారు. ‘‘నా క్లోజ్ ఫ్రెండ్స్ రాహుల్, అసిన్‌ల తొలి వెడ్డింగ్ కార్డ్‌ని ముందు నేనే అందుకున్నా. చాలా ఆనందంగా ఉంది. వాళ్లిద్దరూ జీవితాంతం ఆనందంగా ఉండాలని కోరుకుంటున్నా’’ అని అక్షయ్ ట్విట్టర్ ద్వారా పేర్కొన్నారు. డార్క్ బ్రౌన్ కార్డుపై బంగారు రంగు డిజైన్‌తో వెడ్డింగ్ కార్డు కవర్ చూడముచ్చటగా ఉంది.
  
 ♦  విశేషం ఏంటంటే.. వెడ్డింగ్ కార్డ్‌కన్నా ముందు అసిన్, రాహుల్ మరో మెటల్ కార్డుని తయారు చేశారు. అది ‘సేవ్ ది డేట్ కార్డ్’. జనవరి 23ని మా కోసం సేవ్ చేసుకోండి అంటూ ప్రత్యేకంగా కార్డ్ తయారు చేసి, గత ఏడాది చివర్లో ఆహ్వానితులకు అందజేశారు. ఆదివారం శుభలేఖలు పంచే కార్యక్రమం మొదలుపెట్టారు.
  
 ♦  పెళ్లి బట్టల గురించి చెప్పాలంటే.. ప్రముఖ డిజైనర్ సబ్యసాచిని అసిన్, రాహుల్ సంప్రతించారట. సినిమాలకే కాకుండా వ్యక్తిగతంగా కూడా పలువురు ప్రముఖ హిందీ తారలకు కాస్ట్యూమ్స్ డిజైన్ చేస్తుంటారు సబ్యసాచి. ముంబయ్‌లో ఆయనకో పెద్ద డిజైనర్ స్టోర్ ఉంది. అసిన్, రాహుల్ అక్కడికెళ్లి, మ్యారేజ్, సంగీత్, మెహందీ రిసెప్షన్ వేడుకలకు కావల్సిన డిజైనర్ వేర్‌ని ఆర్డర్ చేశారట. ఢిల్లీలోని ఓ ఐదు నక్షత్రాల హోటల్‌లో వివాహం, ముంబయ్‌లో రిసెప్షన్ జరగనున్నాయి. మెహందీ, సంగీత్, పెళ్లి, ఆ తర్వాత రిసెప్షన్.. ఇవన్నీ జీవితాంతం ఓ మధుర జ్ఞాపకంగా మిగిలిపోయేలా రాహుల్, అసిన్ ప్లాన్ చేస్తున్నారు.
  


 బాలీవుడ్‌ హీరోయిన్ ఆసిన్‌, రాహుల్‌శర్మ పెళ్లి శుభలేఖ అందుకున్న విషయాన్ని హీరో అక్షయ్‌కుమార్ ఆదివారం ట్విట్టర్‌లో వెల్లడించారు. మైక్రోమాక్స్ సీఈవో రాహుల్‌శర్మ, ఆసిన్‌ వివాహం ఈ నెల 23న జరుగనుంది. గతకొంతకాలంగా చెట్టాపట్టాలేసుకొని తిరిగిన ఈ జంట త్వరలోనే పెళ్లి చేసుకుంటారని చాలాకాలంగా వినిపిస్తున్న సంగతి తెలిసిందే. సంప్రదాయకత, నవ్యత కలబోసి.. ముదురు ఎరుపు, బంగారు రంగుల్లో వీరి శుభలేఖ కవర్‌ను తీర్చిదిద్దారు. ఆసిన్‌-రాహుల్ శర్మ వివాహం ఢిల్లీలో జరుగనుండగా.. ముంబైలో తన బాలీవుడ్ స్నేహితులకు ఆసిన్‌ విందు ఇవ్వనున్నట్టు తెలుస్తోంది.
 
 'గజనీ' సినిమాతో బాలీవుడ్‌కు పరిచయమైన ఆసిన్‌ అడపదడపా విజయాలతో మొన్నటివరకు ప్రేక్షకులను పలుకరించింది. ఇటీవల ఆమె నటించిన 'ఆల్‌ ఈజ్‌ వెల్‌' సినిమా ప్రేక్షకుల ముందుకు వచ్చిన సంగతి తెలిసిందే. ఆ తర్వాత తన సినిమా షూటింగ్‌లన్నింటికీ ఆసిన్‌ స్వస్తి చెప్పింది. తన ఆప్తమిత్రులైన ఆసిన్‌-రాహుల్ శర్మ తొలి శుభలేఖను అందుకున్నట్టు అక్షయ్‌ ట్విట్టర్‌లో ఆనందం వ్యక్తం చేశారు.
 
 Happy to receive the 1st wedding card of 2 of my close friends,Rahul & Asin. Wishing you both happiness always pic.twitter.com/1ILe2TfK0F
 — Akshay Kumar (@akshaykumar) January 10, 2016


 సౌత్ హీరోయిన్గా ఎంట్రీ ఇచ్చిన తరువాత బాలీవుడ్లో సత్తా చాటిన అసిన్ త్వరలోనే పెళ్లి పీటలెక్కనుంది. ఇటీవల నిశ్చితార్ధం చేసుకున్న అసిన్ కొద్ది రోజులుగా సినిమాలకు దూరంగా ఉంటోంది. అయితే వెండితెరకు దూరమైనా, ఏదో ఒక విధంగా వార్తల్లో కనిపిస్తూనే ఉంది. ముఖ్యంగా రాహుల్ శర్మతో ప్రేమ, తరువాత త్వరలోనే పెళ్లి అంటూ వార్తలు వినిపించటం, వెంటనే నిశ్చితార్థం ఇలా వరుసగా అసిన్ పేరు బాలీవుడ్లో మారు మోగింది.
 
 తాజాగా మరోసారి అసిన్ పెళ్లి తెర మీదకు వచ్చింది. డిసెంబర్ 27న తన పుట్టిన రోజు సందర్భంగా సల్మాన్ ఇచ్చిన పార్టీకి తనకు కాబోయే భర్తతో కలిసి హాజరైంది అసిన్. ఈ ఫంక్షన్లో అసిన్ చేతికి ఉన్న నిశ్చితార్ధపు ఉంగరం అందరి దృష్టిని ఆకర్షించింది. బాలీవుడ్ టాప్ స్టార్స్ ను కూడా ఆకర్షించేంత గొప్పదనం ఆ ఉంగరంలో ఏముంది అనుకుంటున్నారా..? అది మూములు బంగారు ఉంగరం కాదు.. భారీ వజ్రం పొదిగిన ఉంగరం. దాని విలువ కూడా 6 కోట్ల పై మాటేనట. అందుకే ప్రస్తుతం అసిన్ ఉంగరం కూడా టాక్ ఆఫ్ ద ఇండస్ట్రీగా మారింది.


 రెండేళ్లుగా ప్రేమిస్తున్న  మైక్రోమ్యాక్స్ సంస్థ అధినేత రాహుల్ శర్మతో హీరోయిన్ అసిన్ వివాహం రానున్న జనవరి 23న ఢిల్లీలో జరగనుంది. వీరిద్దరి ప్రేమాయణం పెద్దలకు తెలియడం, వారు వారి పెళ్లికి పచ్చజెండా ఊపడంతో కొంత కాలంగా నటనకు అసిన్ ఫుల్‌స్టాప్ పెట్టేశారు. అంతకు ముందు అంగీకరించిన చిత్రాలు, వాణిజ్య ప్రకటనలను పూర్తి చేసేశారు.
  


 తన వివాహ తేదీపై మీడియాలో వచ్చిన వార్తలను హీరోయిన్ అసిన్ తోసిపుచ్చింది. వచ్చే నెలలో తాను పెళ్లిపీటలు ఎక్కబోతున్నట్టు వచ్చిన వార్తల్లో వాస్తవం లేదని తెలిపింది. అసిన్, రాహుల్‌ శర్మ వివాహం నవంబర్ 26న ఢిల్లీలో జరగనుందని మీడియాలో వార్తలు వచ్చాయి.
 
 'ఇది నిజంగా నవ్వు తెప్పించే వార్త. మేమింకా ముహూర్తమే పెట్టుకోలేదు. నా పెళ్లి తేదీపై మీడియా గందరగోళం సృష్టిస్తోంది. నేను అంగీకరించిన ప్రాజెక్టులు, కాంట్రాక్టులు ఈ ఏడాది చివరి నాటికి పూర్తవుతాయి. ఆ తర్వాతే మా పెళ్లి జరుగుతుంది. పెళ్లి ఎప్పుడనేది నేను చెప్పేవరకు ఓపిక పట్టండి' అని అసిన్ కోరింది.
 
 మైక్రోమాక్స్ సహ స్థాపకుడైన రాహుల్‌ శర్మను ఆసిన్ పెళ్లిచేసుకోనుంది. కాగా, నేడు ఆసిన్ 31వ పడిలోకి అడుగుపెడుతోంది. బర్త్ డే సెలబ్రేషన్ కోసం కాబోయే వధూవరులు గుర్తుతెలియని ప్రదేశానికి వెళ్లారట. తనకు కాబోయే భార్యకు రాహుల్‌ శర్మ ఖరీదైన ఉంగరం బహూకరించనున్నాడని సమాచారం.
  


 'గజనీ' సినిమాతో ఇటు దక్షణాది వారిని, అటు బాలీవుడ్ ప్రేక్షకులను ఆకట్టుకున్న హీరోయిన్ అసిన్ త్వరలోనే పెళ్లిపీటలు ఎక్కబోతున్నారు. వచ్చేనెల 26న తన చెలికాడు రాహుల్‌ శర్మను మనువాడనున్నారు. ఈ మేరకు వారి పెళ్లి ముహూర్తం ఖరారైనట్లు తెలిసింది. న్యూఢిల్లీలోని ఓ ప్రముఖ హోటల్‌లో వీరి వివాహం జరుగనుంది.
 
 నవంబర్ 27న ఢిల్లీలోని వెస్ట్ ఎండ్ గ్రీన్స్ ఫార్మ్‌హౌజ్‌లో ఈ జంట అతిథులకు రిసెప్షన్ ఇవ్వనుంది. ఈ వేడుకలో కుటుంబసభ్యులు, సన్నిహిత మిత్రులు మాత్రమే పాల్గొనున్నారు. ఇదే ఫామ్‌హౌజ్‌లో గతంలో షాహిద్, మీరాల రిసెప్షన్ జరిగింది. నవంబర్ 28న ముంబైలో ఈ దంపతులు మరో రిసెప్షన్ ఇవ్వనున్నారు.
 
  మైక్రోమాక్స్ సహ స్థాపకుడైన రాహుల్‌ శర్మ-అసిన్ కొంతకాలంగా స్నేహంగా ఉంటున్నట్టు వార్తలు వస్తున్న సంగతి తెలిసిందే. ఈ నేపథ్యంలో ఇద్దరి మనస్సులు కలువడంతో పెళ్లికి ఒప్పుకున్నట్టు తెలుస్తున్నది.
  


 న్యూయార్క్: ఫార్చ్యూన్ బిజినెస్ మ్యాగజైన్ రూపొందించిన 40 అండర్ 40 జాబితాలో నలుగురు భారతీయులకు చోటు దక్కింది. ప్రపంచవ్యాప్తంగా 40 సంవత్సరాల లోపు వయస్సున్న 40 మంది అత్యంత శక్తివంతమైన, ప్రభావవంతమైన, ముఖ్యమైన వ్యక్తులతో ఫార్చ్యూన్ ఈ జాబితాను రూపొందించింది. స్నాప్‌డీల్ , మైక్రోమ్యాక్స్ వ్యవస్థాపకులతో పాటు హార్వార్డ్ యూనివర్శిటీలో ప్రొఫెసర్ కూడా ఈ జాబితాలో ఉన్నారు. హార్వార్డ్ యూనివర్శిటీలో ఎకనామిక్స్ ప్రొఫెసర్ అయిన రాజ్ చెట్టి ఈ జాబితాలో 16 వ స్థానంలో ఉన్నారు. న్యూఢిల్లీలో జన్మించిన ఆ 35 ఏళ్ల రాజ్ చెట్టి 23 ఏళ్లకే హార్వార్డ్ యూనివర్శిటీలో పీ.హెచ్‌డీ చేశారు.
 
 మైక్రోమ్యాక్స్ సహ వ్యవస్థాపకుడు, సీఈఓ 37 ఏళ్ల రాహుల్ శర్మ ఈ జాబితాలో 21వ స్థానంలో నిలిచారు. స్నాప్‌డీల్ సహ వ్యవస్థాపకుడు, సీఈఓ 31 సంవత్సరాల వయస్సున్న కునాల్ బహాల్ 25వ ర్యాంక్‌ను సాధించారు, ట్విట్టర్‌కు న్యాయ సలహా దారు, ఆ కంపెనీ ఏకైక మహిళా ఎగ్జిక్యూటివ్ అయిన 39 సంవత్సరాల విజయ గద్దె 28వ స్థానంలో నిలి చారు. కాగా ఈ జాబితాలో రైడ్‌షేరింగ్ సర్వీస్ కంపెనీ యుబెర్ వ్యవస్థాపకుడు ట్రావిస్ కలానిక్, ఆతిథ్య రంగ కంపెనీ ఎయిర్‌బన్‌బ్స్ సీఈఓ బ్రియాన్ చెస్కీలు  మొదటి స్థానంలో  ఉన్నారు. రెండో  స్థానంలో ఫేస్‌బుక్ సహ వ్యవస్థాపకుడు మార్క్ జుకర్‌బర్గ్ నిలిచారు.


  న్యూఢిల్లీ: మైక్రోమ్యాక్స్ కంపెనీ భారత్‌లో ఫోన్ల అసెంబ్లింగ్‌ను వచ్చే ఏడాది మార్చికల్లా ప్రారంభించనున్నది. ఇప్పటికి ప్రయోగాత్మకంగా రుద్రపూర్ ప్లాంట్‌లో ఫోన్లను అసెంబ్లింగ్ చేస్తున్నామని మైక్రోమ్యాక్స్ సహ-వ్యవస్థాపకులు రాహుల్ శర్మ చెప్పారు. ప్రస్తుతం ఈ కంపెనీ చైనా నుంచి ఫోన్లను దిగుమతి చేసుకుంటోంది. వచ్చే ఏడాది నుంచి రష్యాకు ఫోన్ల ఎగుమతులు ప్రారంభిస్తామని శర్మ చెప్పారు. ఆర్నెల్ల 20 కొత్త మొబైళ్లను అందుబాటులోకి తెస్తామని వివరించారు. గత ఆర్థిక సంవత్సరంలో రూ.3,168 కోట్ల టర్నోవర్ సాధించామని, ప్రస్తుత ఆర్థిక సంవత్సరంలో రూ.6,000 కోట్ల టర్నోవర్ సాధించడం లక్ష్యమని పేర్కొన్నారు.
  


 ముంబై: అమెరికా ఆహార, ఔషధ నియంత్రణ సంస్థ(ఎఫ్‌డీఏ) హెచ్చరికల నేపథ్యంలో ఫార్మా దిగ్గజం ర్యాన్‌బాక్సీ షేరు సోమవారం ట్రేడింగ్‌లో ఏకంగా 30% దిగజారి రూ. 319 వద్ద ముగిసింది. ఒక దశలో బీఎస్‌ఈలో 35% వరకూ పతనమై కనిష్టంగా రూ. 297ను సైతం తాకింది. దీంతో కంపెనీ మార్కెట్ విలువలో రూ. 5,855 కోట్లు ఆవిరైంది. వెరసి ర్యాన్‌బాక్సీ మార్కెట్ క్యాప్ రూ. 13,491 కోట్లకు పరిమితమైంది. ఇప్పటికే రెండు ప్లాంట్లలో ఉత్పత్తయ్యే ఔషధాలకు సంబంధించి యూఎస్ ఎఫ్‌డీఏ ఆగ్రహానికి గురైన సంస్థ ఇప్పుడు ఇలాంటి మరో సమస్యలో చిక్కుకుంది. పంజాబ్‌లోని మొహాలీ ప్లాంట్‌లో తయారయ్యే ఔషధాలు ప్రమాణాలకు అనుగుణంగా లేవంటూ యూఎస్ ఎఫ్‌డీఏ తాజాగా హెచ్చరికలు జారీ చేసింది.
  
   ఈ ప్లాంట్‌లో తయారయ్యే ఔషధాల దిగుమతులను నిషేధించింది. కాగా, ఈ ప్లాంట్ ద్వారా 2009 నుంచీ ర్యాన్‌బాక్సీ మొత్తం 18 దరఖాస్తులను(ఫైలింగ్స్) దాఖలు చేసింది. అయితే ఈ విషయమై యూఎస్ ఎఫ్‌డీఏ నుంచి ఎలాంటి సమాచారమూ అందలేదని కంపెనీ బీఎస్‌ఈకి తెలిపింది. ఈ అంశానికి సంబంధించి తమ వెబ్‌సైట్‌లో ఉంచిన సమాచారంపై యూఎస్ ఎఫ్‌డీఏను సంప్రదిస్తున్నట్లు పేర్కొంది. ఇప్పటికే దేవాస్, పోంటా సాహిబ్ ప్లాంట్లలో తయారయ్యే ఔషధాలకు సంబంధించి తలెత్తిన కేసుల పరిష్కారానికిగాను ఈ ఏడాది మే నెలలో యూఎస్ ఎఫ్‌డీఏతో ర్యాన్‌బాక్సీ కన్‌సెంట్ ఒప్పందాన్ని కుదుర్చుకుంది. దీనిలో భాగంగా 50 కోట్ల డాలర్లను చెల్లించేందుకు అంగీకరించింది కూడా. 
  
  స్ట్రైడ్స్ ఆర్కోల్యాబ్‌కూ దెబ్బ
  స్ట్రైడ్స్ ఆర్కోల్యాబ్‌కూ యూఎస్ ఎఫ్‌డీఏ దెబ్బ తగిలింది. అనుబంధ సంస్థ అగిలా స్పెషాలిటీస్‌కు చెందిన బెంగళూరు స్టెరైల్ తయారీ ప్లాంట్-2పై హెచ్చరికలు జారీ అయ్యాయి. దీంతో అగిలా స్పెషాలిటీస్ టేకోవర్‌పై ప్రతికూల ప్రభావం పడనుంది.  అమెరికా కంపెనీ మైలాన్ రూ. 5,168 కోట్లకు అగిలాను కొనుగోలు చేసేందుకు స్ట్రైడ్స్‌తో ఒప్పందాన్ని కుదుర్చుకున్న సంగతి తెలిసిందే. కాగా, యూఎస్ ఎఫ్‌డీఏకు సహకరించడం ద్వారా సాధ్యమైనంత త్వరగా సమస్యను పరిష్కరించుకునేందుకు కట్టుబడి ఉన్నామని స్ట్రైడ్స్ తెలిపింది. జూన్‌లో యూఎస్ ఎఫ్‌డీఏ ప్లాంట్‌ను సందర్శించి హెచ్చరికలు జారీ చేసిందని, ఇప్పటికే వీటిని సరిచేసే ప్రయత్నంలో ఉన్నామని వెల్లడించింది. ఈ వార్తల నేపథ్యంలో బీఎస్‌ఈలో స్ట్రైడ్స్ షేరు రూ. 839 వద్ద కనిష్టాన్ని తాకినప్పటికీ, చివరికి 3.5% నష్టంతో రూ. 869 వద్ద ముగిసింది.