హైదరాబాద్‌: ఆరేళ్లలో శంషాబాద్‌లోని రాజీవ్‌ గాంధీ అంతర్జాతీయ విమానాశ్రయం నుంచి రాకపోకలు సాగించే ప్రయాణికుల సంఖ్య ఏటా 5 కోట్ల స్థాయికి చేరుతుందని జీఎంఆర్‌ గ్రూప్‌ అంచనా వేస్తోంది. ప్రస్తుత ఆర్థిక సంవత్సరంలో ఈ సంఖ్య 2.9 కోట్లుగా ఉంటుందని జీఎంఆర్‌ హైదరాబాద్‌ ఇంటర్నేషనల్‌ ఎయిర్‌పోర్ట్‌ సీఈవో ప్రదీప్‌ పణిక్కర్‌ వెల్లడించారు. ‘2023–24లో 2.5 కోట్ల మంది శంషాబాద్‌ విమానాశ్రయం నుంచి ప్రయాణాలు చేశారు. కంపెనీ ప్రస్తుత కార్గో టెరి్మనల్‌ విస్తరణ కోసం రూ.370 కోట్లు పెట్టుబడి పెట్టే ప్రక్రియలో ఉంది. ఏటా 4 లక్షల టన్నుల సామర్థ్యా న్ని చేరుకోవడానికి కొత్త టెరి్మనల్‌ ఏర్పా టు చేస్తోంది. విమానాశ్రయం ఇప్పటికే ఏటా 4 కోట్ల మంది ప్రయాణికులకు సేవలు అందించేలా మౌలిక సదుపాయాలను ఏర్పాటు చేసింది. 2008లో ఏటా 1.2 కోట్ల మంది ప్రయాణికులు రాకపోకలు సాగించేలా ఎయిర్‌పోర్టును నిర్మించారు’ అని వివరించారు.

ఐపీఎల్‌ రిటెన్షన్‌కు సంబంధించి సంచలన మార్పు ఢిల్లీ క్యాపిటల్స్‌ టీమ్‌ నుంచి వచ్చింది. భారత వికెట్‌ కీపర్, హిట్టర్‌ రిషభ్‌ పంత్‌ను క్యాపిటల్స్‌ వదిలేసుకుంది. ఐపీఎల్‌-2025లో క్యాపిటల్స్‌ యాజమాన్య ఒప్పందం ప్రకారం వచ్చే రెండు సీజన్ల పాటు జీఎంఆర్‌ గ్రూప్‌ టీమ్‌ నిర్వహణా బాధ్యతలు చూస్తుంది. జీఎంఆర్‌ ప్రతినిధులతో పలు అంశాల్లో పంత్‌ విభేదించడమే అందుకు కారణమని తెలిసింది. కోచ్‌ ఎంపికతో పాటు ఇతర సహాయక సిబ్బంది ఎంపిక విషయంలో కూడా పంత్‌ పట్టుబట్టినట్లు... గత నెల రోజులుగా దీనిపై తీవ్ర చర్చలు జరిగిన తర్వాత పంత్‌ డిమాండ్లకు యాజమాన్యం అంగీకరించలేదని సమాచారం. ఆ నలుగురు జట్టుతోనేదాంతో తమ స్టార్‌ ఆటగాడినే వదులుకునేందుకు క్యాపిటల్స్‌ యాజమాన్యం సిద్ధమైంది. 2016 నుంచి 2024 సీజన్‌ వరకు ఢిల్లీ జట్టుతో ఉన్న పంత్‌... 111 మ్యాచ్‌లలో 148.93 స్ట్రయిక్‌ రేట్‌తో 3,284 పరుగులు సాధించాడు. ఈ ఏడాది సారథిగా వ్యవహరించి జట్టును పాయింట్ల పట్టికలో నాలుగోస్థానంలో నిలిపాడు. కాగా ఢిల్లీ ఈసారి నలుగురు ఆటగాళ్లు అక్షర్‌ పటేల్, కుల్దీప్‌ యాదవ్, అభిషేక్‌ పొరేల్, ట్రిస్టన్‌ స్టబ్స్‌లను ఢిల్లీ అట్టి పెట్టుకుంది. ఏదేమైనా.. వేలంలో పంత్‌కు భారీ డిమాండ్‌ ఉండటం మాత్రం ఖాయం. చదవండి: CT 2025: టీమిండియా పాకిస్తాన్‌కు వస్తే గనుక.. : మహ్మద్‌ రిజ్వాన్‌

ఇండియన్‌ ప్రీమియర్‌ లీగ్‌ (ఐపీఎల్‌) ఫ్రాంచైజీ ఢిల్లీ క్యాపిటల్స్‌ సహ యజమాని జీఎంఆర్‌ గ్రూప్‌... ఇంగ్లండ్‌ కౌంటీ క్రికెట్‌ జట్టులో మెజారిటీ వాటాను కొనుగోలు చేసుకుంది. కౌంటీ జట్టు హాంప్‌షైర్‌ క్లబ్‌లో 53 శాతం వాటా కొనుగోలు చేసినట్లు సోమవారం జీఎంఆర్‌ సంస్థ ప్రకటించింది. విదేశీ యాజమాన్యం కలిగిన తొలి జట్టుదీంతో కౌంటీ జట్లలో విదేశీ యాజమాన్యం కలిగిన తొలి జట్టుగా హాంప్‌షైర్‌ నిలిచింది. ప్రస్తుతానికి సగానికి పైగా వాటా కొనుగోలు చేసుకున్న జీఎంఆర్‌ గ్రూప్‌... వచ్చే రెండేళ్లలో హాంప్‌షైర్‌ జట్టును పూర్తిగా హస్తగతం చేసుకోనుంది. ప్రస్తుతం హాంప్‌షైర్‌ క్లబ్‌కు జీఎంఆర్‌ గ్రూప్‌ రూ. 450 కోట్లు చెల్లించినట్లు సమాచారం.వచ్చే 24 నెలల్లో పూర్తి యాజమాన్య హక్కులు‘హాంప్‌షైర్‌ క్లబ్‌ యజమాని, జీఎంఆర్‌ గ్రూప్‌ మధ్య ఒప్పందం కుదిరింది. వచ్చే 24 నెలల్లో క్లబ్‌ పూర్తి యాజమాన్య హక్కులు జీఎంఆర్‌ గ్రూప్‌కు బదిలీ అవుతాయి’ అని సోమవారం హాంప్‌షైర్‌ క్లబ్‌ అధికారిక వెబ్‌సైట్‌లో తెలిపింది. ప్రపంచ వ్యాప్తంగా యువతరంతో సంబంధాలు కొనసాగిస్తూ... నైపుణ్యాలను ప్రోత్సహించేందుకు హాంప్‌షైర్‌ జట్టును కొనుగోలు చేసినట్లు జీఎంఆర్‌ గ్రూప్‌ కార్పొరేట్‌ చైర్మన్‌ గ్రంథి కిరణ్‌ కుమార్‌ తెలిపారు.మా లక్ష్యం అదే‘భారత్‌తో పాటు దుబాయ్, అమెరికాలో పెట్టుబడులు కొనసాగుతున్నాయి. యువతరం ఆలోచనలకు ప్రాధాన్యం ఇవ్వాలనుకుంటున్నాం. యువతను మరింత ప్రోత్సహించేందుకు ఈ నిర్ణయం తీసుకున్నాం. క్రీడలను సంస్కృతిలో భాగం చేయడమే మా లక్ష్యం. భవిష్యత్‌ ప్రపంచ చాంపియన్‌లను సృష్టించడంపై దృష్టి పెడతాం’ అని కిరణ్‌ కుమార్‌ అన్నారు. ఐపీఎల్‌ ఫ్రాంచైజీ ఢిల్లీ క్యాపిటల్స్‌లో 50 శాతా వాటా ఉన్న జీఎంఆర్‌ గ్రూప్‌నకు ఐఎల్‌టి20 లీగ్‌లో దుబాయ్‌ క్యాపిటల్స్, ఎస్‌ఎ20లో ప్రిటోరియా క్యాపిటల్స్‌లో కూడా వాటా ఉంది. అమెరికా మేజర్‌ లీగ్‌ క్రికెట్‌లోనూ జీఎంఆర్‌ గ్రూప్‌ పెట్టుబడులు పెట్టింది. చదవండి: CT 2025: టీమిండియా పాకిస్తాన్‌కు వెళ్లనుందా? బీసీసీఐ ఏమంటోంది?

హైదరాబాద్, బిజినెస్‌ బ్యూరో: ఢిల్లీ ఇంటర్నేషనల్‌ ఎయిర్‌పోర్ట్‌లో (డీఐఏఎల్‌) మరో 10 శాతం వాటాను జీఎంఆర్‌ ఎయిర్‌పోర్ట్స్‌ ఇన్‌ఫ్రాస్ట్రక్చర్‌ (జీఐఎల్‌) దక్కించుకుంది. డీఐఏఎల్‌లో తనకున్న 10 శాతం వాటాను ఫ్రాపోర్ట్‌ ఏజీ ఫ్రాంక్‌ఫర్ట్‌ ఎయిర్‌పోర్ట్‌ సరీ్వసెస్‌ వరల్డ్‌వైడ్‌ విక్రయించింది. డీల్‌ విలువ 126 మిలియన్‌ డాలర్లు. డీల్‌ తదనంతరం డీఐఏఎల్‌లో జీఐఎల్‌ వాటా 74 శాతానికి చేరింది. ఢిల్లీ ఇంటర్నేషనల్‌ ఎయిర్‌పోర్ట్‌లో ఎయిర్‌పోర్ట్స్‌ అథారిటీ ఆఫ్‌ ఇండియాకు 26 శాతం వాటా ఉంది. వాటా కొనుగోలు ప్రక్రియ 180 రోజుల్లో పూర్తి అవుతుందని జీఎంఆర్‌ గ్రూప్‌ సోమవారం తెలిపింది.

న్యూఢిల్లీ: డైవర్సిఫైడ్‌ సంస్థ జీఎంఆర్‌ గ్రూప్‌.. హైదరాబాద్‌ ఎయిర్‌పోర్ట్‌లో వాటాను 74 శాతానికి పెంచుకోనుంది. మలేసియా ఎయిర్‌పోర్ట్స్‌ హోల్డింగ్‌ బెర్హాద్‌ (ఎంఏహెచ్‌బీ) నుంచి 11 శాతం వాటాను కొనుగోలు చేయనుంది. ఇందుకు జీఎంఆర్‌ 10 కోట్ల డాలర్లు (సుమారు రూ. 831 కోట్లు) వెచి్చంచనుంది. జీఎంఆర్‌ నేతృత్వంలో ఏర్పాటైన కన్సార్షియం.. జీఎంఆర్‌ హైదరాబాద్‌ ఇంటర్నేషనల్‌ ఎయిర్‌పోర్ట్‌ లిమిటెడ్‌(జీహెచ్‌ఐఏఎల్‌) ఈ విమానాశ్రయాన్ని నిర్వహిస్తున్న సంగతి తెలిసిందే. జీఎంఆర్‌ ఎయిర్‌పోర్ట్స్‌ లిమిటెడ్‌ (జీఏఎల్‌)కు జీహెచ్‌ఐఏఎల్‌ అనుబంధ సంస్థకాగా.. ఎంఏహెచ్‌బీతో వాటా కొనుగోలుకి ఒప్పందాన్ని కుదుర్చుకున్నట్లు వెల్లడించింది. కీలక ఆస్తులను కన్సాలిడేట్‌ చేయడంలో భాగంగా తాజా వాటా కొనుగోలుకి తెరతీసినట్లు జీఎంఆర్‌ గ్రూప్‌ తెలియజేసింది.  ప్రస్తుతం జీహెచ్‌ఐఏఎల్‌లో జీఏఎల్‌కు 63 శాతం వాటా ఉంది. తెలంగాణ ప్రభుత్వానికి 13 శాతం, ఎయిర్‌పోర్ట్స్‌ అథారిటీ ఆఫ్‌ ఇండియా (ఏఏఐ)కు 13 శాతం చొప్పున వాటా ఉంది.

ముంబై: గ్రీస్‌లో విమానాశ్రయాన్ని అభివృద్ధి చేస్తున్న దేశీ దిగ్గజం జీఎంఆర్‌ గ్రూప్‌.. ఆ దేశంలో మరిన్ని పెట్టుబడులు పెట్టే యోచనలో ఉంది. కెలమాటా ఎయిర్‌పోర్ట్‌లో ఇన్వెస్ట్‌ చేసే అవకాశాలను పరిశీలిస్తోంది. ప్రస్తుతం జీఈకే టెర్నా సంస్థతో కలిసి గ్రీస్‌లోని క్రెటె ప్రాంతంలో హెరాక్లియోన్‌ ఇంటర్నేషనల్‌ ఎయిర్‌పోర్ట్‌ను అభివృద్ధి చేస్తున్నట్లు జీఎంఆర్‌ గ్రూప్‌ తెలిపింది. హెరాక్లియోన్‌ విమానాశ్రయ పనులు చురుగ్గా సాగుతున్నాయని ఇంధన, అంతర్జాతీయ ఎయిర్‌పోర్ట్స్‌ వ్యాపార విభాగం చైర్మన్‌ శ్రీనివాస్‌ బొమ్మిడాల తెలిపారు. ఇటీవల ప్రధాని నరేంద్ర మోదీ పర్యటనలో భాగంగా గ్రీస్‌ ప్రధాన మంత్రి నిర్వహించిన విందులో శ్రీనివాస్‌ కూడా పాల్గొన్నారు. భారత్, గ్రీస్‌ మధ్య కనెక్టివిటీ మెరుగుపడితే ఇరు దేశాల స్థూల దేశీయోత్పత్తి వృద్ధికి, వ్యాపార అవకాశాల కల్పనకు తోడ్పడగలదని ఆయన పేర్కొన్నారు. 

సాక్షి, అమరావతి: గత ప్రభుత్వ హయాంలో తీవ్ర నిర్లక్ష్యానికి గురైన ఉత్తరాంధ్ర అభివృద్ధే లక్ష్యంగా వైఎస్సార్‌సీపీ ప్రభుత్వం వడివడిగా అడుగులేస్తోంది. ఇందులో భాగంగా ఉత్తరాంధ్ర ప్రజల చిరకాల స్వప్నమైన విజయనగరం జిల్లా భోగాపురం అంతర్జాతీయ విమానాశ్రయాన్ని రెండేళ్లలోనే అందుబాటులోకి తేవాలని లక్ష్యం నిర్దేశించుకుంది. ఏటా 1.80 కోట్ల మంది ప్రయాణించేలా దీన్ని నిర్మించనున్నారు. నిర్మాణ బాధ్యతలను పలు అంతర్జాతీయ విమానాశ్రయాలను నిర్మించిన రికార్డు ఉన్న జీఎంఆర్‌ గ్రూప్‌ చేపట్టింది. ఇప్పటికే నిర్మాణానికి అవసరమైన అన్ని అనుమతులను ప్రభుత్వం సాధించింది. వాస్తవానికి అంతర్జాతీయ విమానాశ్రయం పనులు ప్రారంభించాక అందుబాటులోకి తేవ­డానికి మూడేళ్ల సమయం పడుతుంది. అయితే ప్రభుత్వం ముందస్తు ప్రణాళికతో అన్ని కీలక అనుమతులు సాధించడంతో రెండేళ్లలోనే అందుబాటులోకి రానుంది. భోగాపురం అంతర్జాతీయ విమానాశ్రయ పనులకు మే 3న ముఖ్యమంత్రి వైఎస్‌ జగన్‌మోహన్‌రెడ్డి భూమి పూజ చేసి నిర్మాణ పనులను లాంఛనంగా ప్రారంభిస్తారు. కేంద్ర మంత్రులు ముఖ్య అతిథులుగా హాజరవుతుండటంతోఈ కార్యక్రమాన్ని విజయవంతం చేయడానికి అధికారులు అన్ని ఏర్పాట్లు చేస్తున్నారు.    మొత్తం మూడు దశల్లో..  ఏటా 1.80 కోట్ల మంది ప్రయాణించేలా భోగాపురం అంతర్జాతీయ విమానాశ్రయాన్ని మూడు దశల్లో అభివృద్ధి చేయనున్నారు. ఇందులో భాగంగా తొలి దశలో 60 లక్షల మంది ప్రయాణించేలా రూ.5,000 కోట్లతో పనులు చేపడతారు. ఇక రెండో దశలో 1.20 కోట్ల మంది, మూడో దశలో 1.80 కోట్ల మంది ప్రయాణించేలా అభివృద్ధి చేస్తారు. మూడు దశల్లో ఒకేసారి 22 విమానాలు ఆగేలా 22 ఎయిర్‌బ్రిడ్జిలను నిర్మిస్తారు. ఇందులో భాగంగా తొలిదశలో ఏడు ఎయిర్‌బ్రిడ్జిలను అభివృద్ధి చేస్తారు. తొలి దశలో ప్యాసింజర్‌ టెర్మినల్, కార్గో కాంప్లెక్స్, విమానాల నిర్వహణ, మరమ్మతులకు ఎంఆర్‌వో యూనిట్, ఏవియేషన్‌ అకాడమీ, ప్లాంట్‌ క్వారంటైన్, యానిమల్‌ క్వారంటైన్‌ వంటి పలు సదుపాయాలను కల్పించనున్నారు. అలాగే విశాఖ నగరం వైపు అభివృద్ధి చేయనున్నారు.     భారీ విమానాలకు అనువుగా..  భోగాపురం అంతర్జాతీయ విమానాశ్రయంలో భారీ విమానాలు సురక్షితంగా దిగేలా 3.8 కి.మీ పొడవైన భారీ రన్‌వేను నిర్మించనున్నారు. తూర్పు తీరంలో విశాఖ చాలా వ్యూహాత్మక స్థానం కావడంతో రక్షణ అవసరాల కోసం ఎయిర్‌పోర్టులో 10 ఎకరాలను ప్రత్యేకంగా ప్రభుత్వం కేటాయించింది. ఇవి కాకుండా అంతర్జాతీయ విమాన సర్వి  సులకు అవసరమైన కస్టమ్స్, ఇమిగ్రేషన్‌లతోపాటు ఎయిర్‌ ట్రాఫిక్‌ కంట్రోల్‌ (ఏటీసీ) టవర్లను ఏర్పాటు చేయనున్నారు. అలాగే ఎయిర్‌పోర్టుకు ఆనుకొని ఉన్న 500 ఎకరాల్లో రాష్ట్ర ప్రభుత్వం ఏరో సిటీని అభివృద్ధి చేయనుంది.    అడ్డంకులన్నీ అధిగమించి.. కీలక అనుమతులు సాధించి..  గత ప్రభుత్వం భూసేకరణ కూడా పూర్తి చేయకుండానే ఎన్నికల ముందు హడావుడిగా శంకుస్థాపన చేసింది. దానికి భిన్నంగా ప్రస్తుత ప్రభుత్వం అన్ని అనుమతులు వచ్చాకే నిర్మాణ పనులను ప్రారంభిస్తోంది. భోగాపురం అంతర్జాతీయ విమానాశ్రయంపై సుప్రీంకోర్టు, హైకోర్టు, నేషనల్‌ గ్రీన్‌ ట్రిబ్యునల్‌ (ఎన్జీటీ)ల్లో నమోదైన కేసుల్లో రాష్ట్ర ప్రభుత్వం విజయం సాధించింది. అలాగే భూసేకరణకు సంబంధించిన అన్ని అడ్డంకులను అధిగమించింది. విమానాశ్రయం ప్రారంభించాక ప్రస్తుతం విశాఖలోని నేవీ విమానాశ్రయం నుంచి 30 ఏళ్లపాటు వాణిజ్య సేవలను నిలిపివేయడానికి కేంద్ర పౌర విమానయాన మంత్రిత్వ శాఖ నుంచి నిరభ్యంతర పత్రం (ఎన్‌వోసీ) పొందింది. అలాగే ఎయిర్‌పోర్టు భద్రతకు బ్యూరో ఆఫ్‌ సివిల్‌ ఏవియేషన్‌ సెక్యూరిటీ ఆమోదం, పలు సర్వి సు సేవలకు ఎయిర్‌పోర్టు అథారిటీ ఆఫ్‌ ఇండియా (ఏఏఐ), విదేశీ సర్వి సుల నిర్వహణకు కేంద్ర హోం మంత్రిత్వ శాఖలతో పలు ఒప్పందాలను రాష్ట్ర ప్రభుత్వం కుదుర్చుకుంది.    నిర్వాసితులకు అండగా..  విమానాశ్రయ నిర్మాణం నేపథ్యంలో నాలుగు గ్రామాలకు చెందిన ప్రజలను పునరావాస గ్రామాలకు తరలించారు. ఇందుకోసం పోలిపల్లి, గూడిపవలస వద్ద 50.3 ఎకరాల్లో సుమారు రూ.77 కోట్లతో రెండు గేటెడ్‌ కమ్యూనిటీ తరహాలో పునరావాస గ్రామాలను ప్రభుత్వం అభివృద్ధి చేసింది. ప్రైవేటు రియల్‌ ఎసేŠట్ట్‌ వెంచర్లకు దీటుగా కాలనీల్లో 30 అడుగుల సీసీ రోడ్లు, డ్రైనేజ్, ప్రతి ఇంటికీ తాగునీటి కుళాయి, కమ్యూనిటీ హాళ్లు, చిల్డ్రన్‌ పార్క్, పాఠశాల, పోస్టాఫీసు, షాపింగ్‌ కాంప్లెక్స్, దేవాలయాలు వంటి అనేక సదుపాయాలను కల్పించడంతో ప్రజలు సంతోషంగా గ్రామాలను వదిలి పునరావాస కేంద్రాలకు చేరుకున్నారు.    2025 నాటికి తొలి విమానం..  భోగాపురం అంతర్జాతీయ విమానాశ్రయానికి కేంద్ర పౌర విమానయాన శాఖ మంత్రి జ్యోతిరాదిత్య సింధియాను ముఖ్య అతిథిగా ఆహ్వానించాం. 2025 నాటికి ఇక్కడి నుంచి తొలి విమానం ఎగరాలని లక్ష్యాన్ని నిర్దేశించుకున్నాం. మూలపేట పోర్టు, భోగాపురం ఎయిర్‌పోర్టులతో పారిశ్రామికంగా ఉత్తరాంధ్ర ముఖచిత్రం మారిపోతుంది.  – గుడివాడ అమర్‌నాథ్, పరిశ్రమలు, ఐటీ శాఖల మంత్రి    అంతర్జాతీయ ప్రమాణాలతో నిర్మాణం..  నూతన సాంకేతిక పరిజ్ఞానాన్ని వినియోగించుకుని అంతర్జాతీయ ప్రమాణాలతో ఎయిర్‌పోర్టును అభివృద్ధి చేస్తున్నాం. సీఎం వైఎస్‌ జగన్‌ ఆశయాలకు అనుగుణంగా అన్ని అనుమతులు సాధించాకే నిర్మాణ పనులు ప్రారంభిస్తున్నాం. దీంతో రెండేళ్లలోనే వాణిజ్య కార్యకలాపాలు ప్రారంభించే అవకాశం రానుంది. అలాగే స్థానిక కుటుంబాలకు సాధ్యమైనంత ఎక్కువ సాయం అందించడానికి సీఎం ఆదేశాలకు అనుగుణంగా అత్యాధునిక వసతులతో పునరావాస గ్రామాలను అభివృద్ధి చేశాం.  - వీఎన్‌ భరత్‌ రెడ్డి, ఎండీ, ఏపీఏడీసీఎల్‌ 

హైదరాబాద్, బిజినెస్‌ బ్యూరో: విమానాశ్రయాల అభివృద్ధి, నిర్వహణలో ఉన్న జీఎంఆర్‌ ఇన్‌ఫ్రాస్ట్రక్చర్‌ పేరు మారింది. ఇక నుంచి జీఎంఆర్‌ ఎయిర్‌పోర్ట్స్‌ ఇన్‌ఫ్రాస్ట్రక్చర్‌గా వ్యవహరిస్తారు. విమానాశ్రయేతర వ్యాపారాలను విడదీసిన తర్వాత కంపెనీ ఈ నిర్ణయం తీసుకుంది. సెప్టెంబర్ 15 నుంచి కొత్త పేరు కార్యరూపంలోకి వచ్చిందని కంపెనీ ప్రకటించింది. ప్రస్తుతం హైదరాబాద్, ఢిల్లీతోపాటు ఫిలిప్పైన్స్‌లోని సెబు విమానాశ్రయాలు జీఎంఆర్‌ ఎయిర్‌పోర్ట్స్‌ నిర్వహణలో ఉన్నాయి. ఇండోనేషియాలోని కౌలనాము ఇంటర్నేషనల్‌ ఎయిర్‌పోర్ట్‌ అభివృద్ధి, నిర్వహణ హక్కులను సంస్థ చేజిక్కించుకుంది. గోవా, ఆంధ్రప్రదేశ్‌లోని భోగాపురం, గ్రీస్‌లోని క్రీతి విమానాశ్రయాలను అభివృద్ధి చేస్తోంది. (క్లిక్ చేయండి: ఇన్‌స్ట్రాగామ్‌లో కొత్త ఫీచర్‌: చూశారా మీరు?)

సాక్షి, హైదరాబాద్‌: హైదరాబాద్‌ అంతర్జాతీయ విమానాశ్రయం ప్రయాణికుల సదుపాయాల విస్తరణలో మరో అడుగు ముందుకేసింది. విమానాల రాకపోకల సామర్థ్యం పెంపునకు అనుగుణంగా చేపట్టిన టెర్మినల్‌ మొదటి దశలో భాగంగా తూర్పు వైపు కొత్తగా 15,742 చదరపు మీటర్ల టెర్మినల్‌ అందుబాటులోకి వచ్చింది. భద్రతా తనిఖీల అనంతరం మరో నెల రోజుల్లో దీన్ని పూర్తిస్థాయిలో వినియోగించుకొనే అవకాశం ఉంది. తాజాగా పూర్తి చేసిన విస్తరణతో ఎయిర్‌పోర్టు టెర్మినల్‌ వైశాల్యం 3,79,370 చదరపు మీటర్లకు పెరిగింది. సాలీనా సుమారు 3.4 కోట్ల మంది ప్రయాణీకుల సామర్థ్యానికి వీలుగా ఎయిర్‌పోర్టు విస్తరణ చేపట్టారు. ఇందులో భాగంగా తొలి దశ టర్మినల్‌ విస్తరణలో కొంత భాగం పూర్తయినట్లు అధికారులు తెలిపారు.  అదనంగా పలు సౌకర్యాలు.. ఏటా కోటి 20 లక్షల మంది ప్రయాణికుల కోసం ఏర్పాటు  చేసిన ఎయిర్‌పోర్టులో 2019 నాటికి ప్రయాణికుల సంఖ్య  2.1 కోట్లకు చేరింది. దీంతో ఎయిర్‌పోర్టు విస్తరణపై దృష్టి సారించారు. ఇంటర్నేషనల్‌ ఇంటెరిమ్‌ డిపార్చర్‌ టెర్మినల్, ఇంటెరిమ్‌ డొమెస్టిక్‌ అరైవల్‌ టెర్మినల్‌ను రెండేళ్ల  క్రితం ప్రారంభించారు. విస్తరించిన ఇంటిగ్రేటెడ్‌ ప్యాసింజర్‌ టెర్మినల్‌తో 149 చెక్‌ఇన్‌ కౌంటర్లు, ఏటీఆర్‌ఎస్‌తో కూడిన  26 సెక్యూరిటీ స్క్రీనింగ్‌ మెషీన్లు, 44 ఎమిగ్రేషన్, 44 ఇమ్మిగ్రేషన్‌ కౌంటర్లు అందుబాటులోకి రానున్నాయి. దేశీయ, అంతర్జాతీయ విమానాల రాకపోకలకు అనుగుణంగా ఏర్పాటు చేసిన పయర్‌ భవనాల్లో మరిన్ని లాంజ్‌లు, రిటైల్‌ అవుట్‌లెట్లు ఉంటాయి. అలాగే 44 కాంటాక్ట్‌ గేట్లు, 28 రిమోట్‌  డిపార్చర్‌ గేట్లు, 9 రిమోట్‌ అరైవల్‌ గేట్లు అదనంగా అందుబాటులోకి రానున్నాయి. (క్లిక్: ఫలించిన పరి‘శ్రమ’.. టీఎస్‌ఐపాస్‌ ద్వారా 2.20 లక్షల కోట్ల పెట్టుబడులు) రన్‌వే సామర్థ్యం పెంపు... రన్‌వే సామర్థ్యాన్ని మెరుగుపరచడానికి కొత్తగా నాలుగు రాపిడ్‌ ఎగ్జిట్‌ టాక్సీ వేలను ఏర్పాటు చేశారు. దీంతో విమానాలు తక్కువ దూరంలోనే రన్‌వే నుంచి ట్యాక్సీ ఆఫ్‌ కావడానికి అవకాశం ఉంటుంది. రన్‌వే ఆక్యుపెన్సీ సమయం కూడా తగ్గి, సామర్థ్యం పెరుగనుంది. అలాగే సెకెండరీ రన్‌ వేను ఉపయోగించుకునే సందర్భంలో సమర్థవంతమైన ఆపరేషన్‌ కోసం మరో కొత్త సమాంతర ట్యాక్సీవేను కూడా అభివృద్ధి చేశారు. కొత్తగా మూడు ఎయిరోబ్రిడ్జిలు కూడా అందుబాటులోకి రానున్నాయి. కాంటాక్ట్‌లెస్‌ ప్రయాణం కోసం 6 ఎలక్ట్రానిక్‌ గేట్‌లను ఏర్పాటు చేశారు. మహిళలు, పిల్లల కోసం అన్ని సదుపాయాలతో కూడిన రెండు బేబీ కేర్‌ రూములు, 2 ఫ్యామిలీ రూమ్‌లను నిర్మించారు. ప్రయాణికులు, వాహనాల రాకపోకలకు అనుగుణంగా కొత్తగా ఒక సొరంగ మార్గాన్ని కూడా ఏర్పాటు చేసినట్లు అధికారులు తెలిపారు. (క్లిక్: నిమ్జ్‌కు పర్యావరణ అనుమతులు!) 

హైదరాబాద్, బిజినెస్‌ బ్యూరో: ప్రస్తుతమున్న విమానాశ్రయాల విస్తరణ, కొత్త ఎయిర్‌పోర్టుల అభివృద్ధికి రూ.20,000 కోట్లు వెచ్చిస్తున్నట్టు మౌలిక రంగ సంస్థ జీఎంఆర్‌ గ్రూప్‌ వెల్లడించింది. విమానాశ్రయాల అభివృద్ధి, నిర్మాణంలో ప్రపంచస్థాయి ప్రమాణాలను ఏర్పరిచామని కంపెనీ వార్షిక నివేదికలో గ్రూప్‌ చైర్మన్‌ జీఎం రావు తెలిపారు. ‘ఢిల్లీ విమానాశ్రయంలో ప్రస్తుతం మౌలిక వసతుల విస్తరణ, టెర్మినల్‌ వార్షిక సామర్థ్యం 10 కోట్ల ప్రయాణికుల స్థాయికి పెంపు పనులు జరుగుతున్నాయి. ఫేజ్‌ 3ఏ విస్తరణ 2023 జూన్‌ నాటికి పూర్తి కానుంది. 2022 సెప్టెంబర్‌ నాటికి శంషాబాద్‌ ఎయిర్‌పోర్ట్‌ వార్షిక సామర్థ్యం 3.5 కోట్ల ప్రయాణికుల స్థాయికి చేరుకుంటుంది’ అని వివరించారు. ఢిల్లీలోని ఇందిరా గాంధీ అంతర్జాతీయ విమానాశ్రయంతోపాటు హైదరాబాద్‌లోని రాజీవ్‌ గాంధీ అంతర్జాతీయ విమానాశ్రయం, కర్ణాటకలోని బీదర్, ఫిలి ప్పైన్స్‌లోని మక్టన్‌ సెబు అంతర్జాతీయ విమానాశ్రయాన్ని జీఎంఆర్‌ ఎయిర్‌పోర్ట్స్‌ నిర్వహిస్తోంది. నాగ్‌పూర్‌ విమానాశ్రయం..: నాగ్‌పూర్‌ అంతర్జాతీయ విమానాశ్రయ అభివృద్ధి ప్రాజెక్ట్‌ కాంట్రాక్ట్‌ విషయంలో జీఎంఆర్‌కు అనుకూలంగా బాంబే హైకోర్ట్‌ నాగ్‌పూర్‌ బెంచ్‌ తీర్పు వెలువరించిన నేపథ్యంలో కంపెనీ తదుపరి ప్రణాళిక వెల్లడించింది. నాగ్‌పూర్‌లోని బాబాసాహెబ్‌ అంబేడ్కర్‌ ఇంటర్నేషనల్‌ ఎయిర్‌పోర్ట్‌ ఆధునీకరణ, అభివృద్ధిలో భాగంగా వార్షిక సామర్థ్యాన్ని రాబోయే కాలంలో 3 కోట్ల ప్రయాణికుల స్థాయికి చేర్చనున్నారు. నాలుగేళ్లలో పూర్తి కానున్న తొలి దశలో 40 లక్షల ప్రయాణికులు, 20,000 మెట్రిక్‌ టన్నుల కార్గోను నిర్వహించే స్థాయికి విమానాశ్రయం చేరనుంది.

సాక్షి, హైదరాబాద్‌: హైదరాబాద్‌ నగరం తొలిరూపు గోల్కొండ.. భాగ్యనగరం అనగానే ముందుగా గుర్చొచ్చే చారిత్రక నిర్మాణం. కాకతీయులు పునాది వేయగా, కుతుబ్‌షాహీలు ఆక్రమించుకుని మరింత అభివృద్ధి చేశారు. ఆ తర్వాత అసఫ్‌జాహీలు ఏలారు. ఇన్ని రాజవంశాల చేతులు మారినా.. పదిలంగా నిలిచిన ఆ మహా కోటకు ఇప్పుడు ప్రమాదం ముంచుకొచ్చింది. చాలా ఏళ్లు కావడంతో స్వతహాగా ఏర్పడుతున్న పగుళ్లు క్రమంగా పెరిగి మూలాలనే పెకిలిస్తున్నాయి. వాటికి వేగంగా మరమ్మతులు జరగక క్రమంగా కోటకు బీటలు వేస్తున్నాయి. ఇంతటి ప్రమాదపు అంచుల్లో ఉన్న కోటకు ఇటీవలి భారీ వర్షాలు పెద్ద కుదుపునే ఇచ్చాయి. రికార్డు స్థాయి వర్షంతో ఒక్కసారిగా గోడలన్నీ కదిలిపోయి నిట్టనిలువునా కూలిపోయేందుకు సిద్ధమయ్యాయి. ఆ వర్షాల సమయంలోనే ఓ బురుజు, మరో మహా కోట ప్రాకారం, నవాబులు జలకాలాడిన కటోరా హౌస్‌ ప్రహరీ నేలమట్టమైంది. మరికొన్ని గోడలు కూడా కూలే ప్రమాదం ఉంది. వాన కాదు కదా బలంగా గాలివీచినా రాళ్లు జారిపడేలా మారింది ఈ మహా కట్టడం. కేంద్రం వెంటనే స్పందించకుంటే కోటలోని చాలాప్రాంతాలు మట్టిదిబ్బగా మారటం ఖాయం.  రూ.6 నుంచి రూ.8 కోట్లు కావాలి  ఇటీవలి వర్షాలకు కూలిన ప్రాంతాలను పునరుద్ధరించాలంటే రూ.6 కోట్ల నుంచి రూ.8 కోట్ల వరకు అవసరం అవుతాయని సమాచారం. ప్రస్తుతం స్థానిక అధికారులు అంచనాలు రూపొందించి మరమ్మతు కోసం అనుమతి కోరుతూ ఢిల్లీకి ప్రతిపాదన పంపారు. దానికి సమ్మతిస్తూ సరిపడా నిధులు కేటాయిస్తేనే వీలైనంత తొందరలో పునరుద్ధరణ పూర్తవుతుంది. వచ్చే వానాకాలం లోపు ప్రధాన పనులు చేపట్టడంతో పాటు, బలహీనంగా ఉన్న చోట్ల మరమ్మతు చేయకపోతే ఏడాదిలో మరిన్ని గోడలు కూలడం ఖాయం.  నిధులేవి.. ఇంతపెద్ద గోల్కొండ నిర్వహణకు కేంద్ర పురాతత్వ సర్వేక్షణ విభాగం కేటాయిస్తున్న నిధులు సంవత్సరానికి రూ.కోటిన్నర మాత్రమే. శతాబ్దాల నాటి నిర్మాణం కావటంతో అడుగడుగునా మరమ్మతు చేస్తే తప్ప నిర్మాణం పదిలంగా ఉండని పరిస్థితిలో ఈ నిధులు ఏ మూలకూ చాలట్లేదు. మరోవైపు ఏ చిన్న మరమ్మతు చేయాల్సి వచ్చినా ఢిల్లీకి అనుమతి కోసం పంపి, అక్కడి నుంచి అనుమతి వచ్చేసరికి పుణ్యకాలం కాస్తా పూర్తవుతోంది. ఇక మరమ్మతు పనుల్లో నైపుణ్యం ఉన్న పనివారు దొరక్కపోవటం జాప్యానికి మరో కారణం. నిత్యం నిశితంగా పరిశీలిస్తూ, ఎప్పటికప్పుడు మరమ్మతులు వేగంగా చేపడితేనే ఈ కట్టడం  పదిలంగా ఉంటుంది.  చారిత్రక కట్టడాలను దత్తత ఇచ్చేందుకు గతేడాది కేంద్రం శ్రీకారం చుట్టింది. గోల్కొండ బాధ్యత జీఎమ్మార్‌కు ఇస్తున్నట్లు వార్తలు వచ్చాయి. కానీ ఇప్పటి వరకు అది జరగలేదు. ఎవరైనా దాతలు ముందుకొస్తే దత్తత ఇచ్చేందుకు ఏఎస్‌ఐ సిద్ధంగా ఉన్నా ఎవరూ స్పందిచట్లేదు. (చదవండి: టూరిస్టుల గోల్‌కొండ) జారిపోయిన బండరాళ్లు..  గోల్కొండ కోట పైభాగంలో జగదాంబ దేవాలయం వైపు వెళ్లే దారిలో 50 అడుగుల ఎత్తయిన కోట గోడ నిలువునా జారిపోయింది. గతంలో ఇక్కడ కొన్ని పగుళ్లు ఏర్పడ్డాయి. దానికి మరమ్మతు చేయటంలో జాప్యం జరిగింది. ఆ తర్వాత కూడా పైభాగంలోనే పనులు చేపట్టారు. బలహీనంగా ఉన్న కింది భాగానికి పూర్తిస్థాయి మరమ్మతు జరగలేదు. దీంతో భారీ వర్షాలకు కిందిభాగం మరింత బలహీనపడి కూలింది. దీంతో పైనుంచి రాళ్లు జారి పడిపోయాయి. ఫలితంగా గోడ వెనుక ఉండే మట్టి పూర్తిగా జారిపోయింది.  మజ్నూ బురుజు.. దాదాపు కనుమరుగు మజ్నూ బురుజు. నయాఖిల్లాలో ఉంది. ప్రస్తుతం దీని చుట్టూ గోల్ఫ్‌ కోర్సు అభివృద్ధి అయి ఉంది. ఇటీవల కురిసిన వర్షాలకు సరిగ్గా 20 రోజుల ముందు దీనికి పైభాగంలో భారీ పగులు ఏర్పడింది. బురుజు పైభాగంలో 18 అడుగుల పొడవైన ఫిరంగి ఉంది. ఇది ఔరంగజేబు సైన్యం ఏర్పాటు చేసింది. దాని వెనుకవైపు పిట్టగోడ తరహాలో ఓ గోడ అప్పట్లోనే కట్టారు. ఆ గోడ నుంచి పగులు మొదలైంది. భారీ వర్షాల సమయంలో ఆ పగులు నుంచి నీరు లోపలికి చేరటంతో మట్టి జారి పైనుంచి దిగువ వరకు సగం బురుజు కూలిపోయింది. సగం బురుజు కూలగా, మిగతా సగం కూడా బలహీనపడింది. దానిపై టన్నుల బరువుండే ఫిరంగి ఉంది. ప్రస్తుతం అది కొంత భాగం గాలిలో వేళ్లాడుతోంది. క్రేన్‌తో దాన్ని పదిలంగా తీసి పనులు చేపట్టాలి.  (చదవండి: గోల్కొండ కోట వద్ద నిర్మాణాలా..?) ఇలా అయితే కష్టమే..  జగదాంబ దేవాలయానికి మరోవైపు వెళ్లే మార్గం. ఆ పక్కన కూలిన గోడ లాగానే ఇక్కడ కూడా ప్రధాన కట్టడానికి పైనుంచి దిగువ వరకు భారీ పగుళ్లు ఏర్పడ్డాయి. ఇప్పుడు దీనికి అత్యవసరంగా శాస్త్రీయ పద్ధతిలో మరమ్మతు అవసరం. లేకుంటే, సాధారణ వర్షాలకు కూడా అది కూలిపోయే ప్రమాదం ఉంది. ఇటీవల కురిసిన స్థాయి భారీ వర్షం భవిష్యత్తులో కురిస్తే ఈ గోడ నామరూపాల్లేకుండా పోవడం ఖాయమని నిపుణులు చెబుతున్నారు.  రోడ్డు నిర్మాణంలో లోపం?  కుతుబ్‌షాహీ నవాబుల కుటుంబం జలకాలాడేందుకు 460 ఏళ్ల కింద రూపుదిద్దుకున్న భారీ జలాశయాన్ని కటోరా హౌస్‌ అంటారు. దీన్ని ఆనుకునే రోడ్డు ఉంది. దానివైపు దాదాపు 5 అడుగుల ఎత్తుతో 60 మీటర్ల పొడవైన గోడ ఉంది. గతంలో రోడ్డు నిర్మించినప్పుడు, ఆ తర్వాత మరమ్మతులు చేసినప్పుడు వరద నీటి ప్రవాహ మార్గం చెదిరిపోయింది. వర్షాల వరద ప్రవాహం గతి తప్పి, గోడను ఆనుకుని ఉన్న మట్టి జారింది. ఇటీవలి వర్షాలకు ఆ గోడ దాదాపు 40 మీటర్ల మేర కటోరా హౌస్‌లోకి పడిపోయింది. ఇక్కడ నిర్వహణలో శాస్త్రీయత లోపించటం వల్లే ఈ గోడ కూలిందని స్పష్టమవుతోంది.

హైదరాబాద్, బిజినెస్‌ బ్యూరో: జీఎంఆర్‌ ఎయిర్‌పోర్ట్స్‌లో గతంలో నిర్ణయించిన 44.44 శాతానికి బదులు 49 శాతం వాటా విక్రయించనున్నట్టు జీఎంఆర్‌ ఇన్‌ఫ్రాస్ట్రక్చర్‌ గురువారం ప్రకటించింది. జీఎంఆర్‌ ఇన్‌ఫ్రాస్ట్రక్చర్‌ నుంచి టాటా గ్రూప్, సింగపూర్‌ సావెరీన్‌ వెల్త్‌ ఫండ్‌ జీఐసీతోపాటు ఎస్‌ఎస్‌జీ క్యాపిటల్‌ మేనేజ్‌మెంట్‌ ఈ వాటాను కొనుగోలు చేస్తున్నాయి. ఒక్కొక్కరికి ఎంత వాటా దక్కనుందీ, డీల్‌ విలువలో ఏవైనా మార్పు ఉందా అన్న విషయాలను జీఎంఆర్‌ వెల్లడించలేదు. జీఎంఆర్‌ ఎయిర్‌పోర్ట్స్‌లో టాటా గ్రూప్, జీఐసీ, ఎస్‌ఎస్‌జీ క్యాపిటల్‌ సంయుక్తంగా రూ.8,000 కోట్లు పెట్టుబడి చేయనున్నట్టు గతేడాది జీఎంఆర్‌ ప్రకటించింది. పాత ఒప్పందం ప్రకారం టాటా గ్రూప్‌ 19.7 శాతం, జీఐసీ 14.8, ఎస్‌ఎస్‌జీ 9.9 శాతం వాటా కొనుగోలు చేయాల్సి ఉంది. జీఎంఆర్‌ ఎయిర్‌పోర్ట్స్‌ విలువను రూ.18,000 కోట్లుగా లెక్కించారు. ఇక తాజా డీల్‌తో జీఎంఆర్‌ ఎయిర్‌పోర్ట్స్‌లో జీఎంఆర్‌ ఇన్‌ఫ్రా 48.9 శాతం, ఎంప్లాయీ వెల్ఫేర్‌ ట్రస్ట్‌ 2.1 శాతం వాటా       కలిగి ఉంటాయి. జీఎంఆర్‌ ఎయిర్‌పోర్ట్స్‌లో   వాటా విక్రయం విషయమై కాంపిటీషన్‌ కమిషన్‌ ఆఫ్‌ఇండియా 2019 అక్టోబరులో ఆమోదం తెలిపింది. ఎయిర్‌పోర్టుల వ్యాపారంలో టాటా గ్రూప్‌ ఎంట్రీకి ఈ డీల్‌ దోహదం చేస్తోంది. మరోవైపు రుణ భారం తగ్గించుకోవడానికి జీఎంఆర్‌కు తోడ్పడనుంది. ఢిల్లీతోపాటు హైదరాబాద్‌ అంతర్జాతీయ విమానాశ్రయాలను జీఎంఆర్‌ ఎయిర్‌పోర్ట్స్‌ నిర్వహిస్తోంది.  

ముంబై: ప్రైవేట్‌ రంగ యస్‌ బ్యాంక్‌ తాజాగా 2 బిలియన్‌ డాలర్లు సమీకరిస్తోంది. షేర్ల ప్రిఫరెన్షియల్‌ అలాట్‌మెంట్‌ ప్రాతిపదికన ఇన్వెస్ట్‌ చేసేందుకు పలు సంస్థలు ఆసక్తి వ్యక్తం చేసినట్లు బ్యాంకు వెల్లడించింది. శుక్రవారం బోర్డు సమావేశం అనంతరం స్టాక్‌ ఎక్సే్చంజీలకు ఇచ్చిన సమాచారం ప్రకారం.. ఎర్విన్‌ సింగ్‌ బ్రెయిచ్‌/ఎస్‌పీజీపీ హోల్డింగ్స్‌ (ఇంకా చర్చలు జరుగుతున్నాయి) 1,200 మిలియన్‌ డాలర్లు, అమెరికాకు చెందిన ఒక ఫండ్‌ సంస్థ 120 మిలియన్‌ డాలర్లు ఇన్వెస్ట్‌ చేసేందుకు ముందుకొచ్చాయి. ఇతరత్రా కార్పొరేట్ల కుటుంబ కార్యాలయాలకు సంబంధించి సిటాక్స్‌ హోల్డింగ్స్‌ ఫ్యామిలీ ఆఫీస్‌ 500 మిలియన్‌ డాలర్లు,  జీఎంఆర్‌ గ్రూప్‌ అండ్‌ అసోసియేట్స్‌ 50 మిలియన్‌ డాలర్లు, ఆదిత్య బిర్లా ఫ్యామిలీ ఆఫీస్‌ 25 మిలియన్‌ డాలర్లు, ప్రముఖ ఇన్వెస్టరు రాకేష్‌ ఝున్‌ఝున్‌వాలా సతీమణి రేఖా ఝున్‌ఝున్‌వాలా 25 మిలియన్‌ డాలర్ల పెట్టుబడుల ప్రతిపాదనలు చేశారు. 2 వారాలు లేదా 26 వారాల స్టాక్‌ సగటు ధర (ఏది ఎక్కువైతే అది) ప్రాతిపదికన షేర్ల కేటాయింపు ఉండనుంది. దీనిపై డిసెంబర్‌ 10న యస్‌ బ్యాంక్‌ బోర్డు మరోసారి భేటీ కానుంది. శుక్రవారం బీఎస్‌ఈలో యస్‌ బ్యాంక్‌ షేరు.. 2.5% క్షీణించి రూ. 68.30 వద్ద ముగిసింది.   

హైదరాబాద్, బిజినెస్‌ బ్యూరో: రుణభారంతో కుంగిపోతున్న జీఎంఆర్‌ రాజమండ్రి ఎనర్జీ లిమిటెడ్‌ (జీఆర్‌ఈఎల్‌), అప్పుల ఇబ్బందుల నుంచి బయటపడేందుకు ఒక ప్రణాళికను సిద్ధం చేసుకున్నట్లు జీఎంఆర్‌ ఇన్‌ఫ్రా వెల్లడించింది. ఈ ప్రణాళికకు కంపెనీ రుణదాతలు ఆమోదం తెలిపారని పేర్కొంది. జీఎంఆర్‌ రాజమండ్రి ఎనర్జీకి రూ.2,353 కోట్ల రుణ భారం ఉంది. తొలుత దీన్లో రూ.1,412 కోట్లను చెల్లించేందుకు ఒక విధానాన్ని రూపొందించారు. రూ. 1,412కోట్లలో 20% చెల్లించేందుకు, ఇంకా తొలి ఏడాది వడ్డీల కోసం జీఎంఆర్‌ గ్రూప్‌ రూ.395 కోట్లు కేటాయిస్తుంది. మిగిలిన రూ. 1,130 కోట్ల రుణాన్ని 9% ఫ్లోటింగ్‌ వడ్డీతో వచ్చే 20 ఏళ్లలో చెల్లించనుంది. మొత్తం రూ. 2353 కోట్లలో రూ. 1,412 కోట్లు పోగా మిగిలిన రూ. 941 కోట్ల రుణాన్ని  భవిష్యత్‌లో చెల్లుబడయ్యే సీఆర్‌పీఎస్‌గా (క్యుములేటివ్‌ రిడీమబుల్‌ ప్రిఫరెన్స్‌ షేర్లు) మార్చింది. ఈ షేర్లకు ఇప్పటినుంచి 17–20 ఏళ్ల మధ్య 0.1% వడ్డీతో చెల్లింపులు చేస్తారు. ఈ ప్రణాళిక కంపెనీకి, రుణదాతలకు మేలు చేస్తుందని జీఎంఆర్‌ ఇన్‌ఫ్రా ఎండీ గ్రంధి కిరణ్‌కుమార్‌ అభిప్రాయపడ్డారు. తమ గ్రూప్‌ మొత్తం రుణాలు తగ్గేందుకు ఈ ప్రణాళిక ఉపకరిస్తుందన్నారు. రాజమండ్రి ప్లాంట్‌ పనిచేసేందుకు తగిన గ్యాస్‌ లభిస్తుందనే నమ్మకాన్ని జీఎంఆర్‌ వ్యక్తంచేస్తోంది. తద్వారా జీఆర్‌ఈఎల్‌ నిర్వహణ కొనసాగి సీఆర్‌పీఎస్‌లు డిఫాల్ట్‌ కాకుండా ఉంటాయని భావిస్తోంది. 2016లో జీఆర్‌ఈఎల్‌ వ్యూహాత్మక రుణ పునర్‌వ్యవస్థీకరణకు(ఎస్‌డీఆర్‌) వెళ్లింది. 2012లో ఈ ప్లాంట్‌ పూర్తయింది. కానీ గ్యాస్‌ సరఫరాలో కొరత కారణంగా కార్యకలాపాలు ఆలస్యమయ్యాయి. దీంతో వ్యయాలు పెరిగి రుణభారం ఎక్కువైంది. 2015లో సంస్థ కార్యకలాపాలు ఆరంభమయ్యాయి.    

హైదరాబాద్‌: జీఎంఆర్‌ గ్రూప్‌నకు మలేసియా ఎయిర్‌పోర్ట్స్‌ హోల్డింగ్‌ బెర్హడ్‌ (ఎంఏహెచ్‌బీ) షాక్‌ ఇచ్చింది. జీఎంఆర్‌ ఇన్‌ఫ్రాస్ట్రక్చర్‌కు చెందిన జీఎంఆర్‌ ఎయిర్‌పోర్ట్స్‌ లిమిటెడ్‌తో కుదిరిన షేర్‌ పర్చేజ్‌ అగ్రిమెంట్‌ను రద్దు చేస్తున్నట్టు తేల్చిచెప్పింది. జీఎంఆర్‌ హైదరాబాద్‌ ఇంటర్నేషనల్‌ ఎయిర్‌పోర్టులో తమకున్న 11 శాతం వాటాను జీఎంఆర్‌ ఎయిర్‌పోర్ట్స్‌కు విక్రయించేందుకు ఎంఏహెచ్‌బీ గతేడాది ఫిబ్రవరిలో అంగీకరించింది. ఈ మేరకు ఇరు సంస్థల మధ్య ఒప్పందం కుదిరింది. ఈ డీల్‌ విలువ సుమారు రూ.530 కోట్లు. అయితే నిబంధనల ప్రకారం 2018 డిసెంబర్‌ 31లోగా ఒప్పందాన్ని సక్రమంగా అమలుపరచని కారణంగా డీల్‌ను రద్దు చేసుకుంటున్నట్టు ఎంఏహెచ్‌బీ ప్రకటించింది. తాజా పరిణామాల నేపథ్యంలో జీహెచ్‌ఐఏఎల్‌లో ఎంఏహెచ్‌బీ, ఎంఏహెచ్‌బీ (మారిషస్‌) వాటాదారుగా ఉంటాయని వెల్లడించింది. శంషాబాద్‌లోని రాజీవ్‌గాంధీ అంతర్జాతీయ విమానాశ్రయాన్ని నిర్వహిస్తున్న జీఎంఆర్‌ హైదరాబాద్‌ ఇంటర్నేషనల్‌ ఎయిర్‌పోర్టులో (జీహెచ్‌ఐఏఎల్‌) జీఎంఆర్‌ ఎయిర్‌పోర్ట్స్‌కు 63%, ఎయిర్‌పోర్ట్స్‌ అథారిటీ ఆఫ్‌ ఇండియా 13%, తెలంగాణ ప్రభుత్వానికి 13% వాటా ఉంది. గురువారం బీఎస్‌ఈలో జీఎంఆర్‌ ఇన్‌ఫ్రా షేరు ధర  1.88 శాతం తగ్గి రూ.15.65 వద్ద స్థిరపడింది.

హైదరాబాద్, బిజినెస్‌ బ్యూరో: జీఎంఆర్‌ గ్రూప్‌ కంపెనీ జీఎంఆర్‌ ఎయిర్‌పోర్ట్స్‌ మహారాష్ట్రలోని నాగ్‌పూర్‌ ఎయిర్‌పోర్ట్‌ అభివృద్ధి ప్రాజెక్టుకు అత్యధిక మొత్తాన్ని కోట్‌ చేసిన బిడ్డర్‌గా నిలిచింది. ప్రభుత్వ, ప్రైవేటు భాగస్వామ్యంలో నాగ్‌పూర్‌లోని డాక్టర్‌ బాబాసాహెబ్‌ అంబేడ్కర్‌ ఇంటర్నేషనల్‌ ఎయిర్‌పోర్టు అభివృద్ధి, కార్యకలాపాలు, నిర్వహణను అత్యధిక మొత్తం కోట్‌ చేసిన కంపెనీ చేపడుతుంది. 30 ఏళ్ల నిర్వహణతో పాటు ప్రాజెక్టులో భాగంగా కొత్తగా టెర్మినల్‌ను నిర్మించాల్సి ఉంటుంది. జీవీకే సైతం నాగ్‌పూర్‌ ప్రాజెక్టును దక్కించుకోవడానికి పోటీ పడింది. నాగ్‌పూర్‌ ఎయిర్‌పోర్టును ప్రైవేటీకరించేందుకు మహారాష్ట్ర ఎయిర్‌పోర్ట్‌ డెవలప్‌మెంట్‌ కంపెనీ, ఎయిర్‌పోర్ట్‌ అథారిటీ ఆఫ్‌ ఇండియాల సంయుక్త భాగస్వామ్య కంపెనీ మల్టీ మోడల్‌ ఇంటర్నేషనల్‌ హబ్‌ ఎయిర్‌పోర్ట్‌ ఎట్‌ నాగ్‌పూర్‌ (మిహాన్‌ ఇండియా) ఆసక్తి వ్యక్తీకరణ ప్రక్రియను 2018 మార్చిలో ప్రారంభించింది. నాగ్‌పూర్‌ విమానాశ్రయం నుంచి 2017–18లో 21.8 లక్షల మంది ప్రయాణికులు రాకపోకలు సాగించారు. 7,800 టన్నుల కార్గో రవాణా జరిగింది. ఇక్కడి ఎయిర్‌పోర్టులో అయిదేళ్లుగా ప్రయాణికుల సంఖ్య ఏటా 11% పెరుగుతూ వస్తోంది. కార్గో రవాణా పరంగా దేశంలో 17వ స్థానంలో ఉంది.

హైదరాబాద్‌: జీఎంఆర్‌ గ్రూపు కంపెనీ అయిన జీఎంఆర్‌ మాలే ఇంటర్నేషనల్‌ ఎయిర్‌పోర్ట్‌ లిమిటెడ్‌ 20.5 మిలియన్‌ డాలర్లు (సుమారు రూ.130 కోట్లు) చెల్లించాలంటూ మాల్దీవుల ప్రభుత్వం నోటీసులు జారీ చేసింది. మాలే ఇంటర్నేషనల్‌ ఎయిర్‌పోర్ట్‌ కాంట్రాక్టును ముందస్తుగా రద్దు చేసుకున్నందున 271 మిలియన్‌ డాలర్ల పరిహారాన్ని జీఎంఆర్‌ గ్రూప్‌ కంపెనీ అయిన జీఎంఆర్‌ మాలే ఇంటర్నేషనల్‌ ఎయిర్‌ పోర్ట్‌ లిమిటెడ్‌ ఆర్బిట్రేషన్‌ మార్గంలో గెలుచుకుంది. దీంతో వ్యాపార లాభంపై పన్ను 14.4 మిలియన్‌ డాలర్లు, మరో 2.8 మిలియన్‌ డాలర్ల మేర విత్‌హోల్డింగ్‌ పన్ను, 3.3 మిలియన్‌ డాలర్ల మేర జరిమానాలు కలసి మొత్తంగా 20.5 మిలియన్‌ డాలర్లు చెల్లించాలని మాల్దీవుల ఇన్‌ల్యాండ్‌ రెవెన్యూ విభాగం నోటీసుల్లో పేర్కొంది.   

హైదరాబాద్, బిజినెస్‌ బ్యూరో: త్వరలో శంషాబాద్‌ అంతర్జాతీయ విమానాశ్రయంలో బోర్డింగ్‌ పాస్, తనిఖీల వంటివేవీ లేకుండా నేరుగా విమానం ఎక్కేయొచ్చు. టికెట్‌ బుకింగ్‌ను ఆధార్‌తో అనుసంధానించడం ద్వారా ప్రయాణికులు విమానాశ్రయంలోకి చేరుకోగానే ముఖ గుర్తింపు వ్యవస్థ ద్వారా బోర్డింగ్, సెల్ఫ్‌ చెకిన్, బ్యాగేజ్‌ వంటివి పూర్తయ్యేలా ఏర్పాట్లు చేయనున్నట్లు హైదరాబాద్‌ విమానాశ్రయాన్ని నిర్వహిస్తున్న జీఎంఆర్‌ సంస్థ తెలియజేసింది. ప్రభుత్వంతో చర్చించిన అనంతరం.. ఫేస్‌ రికగ్నిషన్, వేలిముద్ర, ఐరిస్‌ వంటి వాటిని పరిశీలించామని,  వీటిల్లో ఆధార్‌ అనుసంధానం ద్వారా ముఖ గుర్తింపు వ్యవస్థను ఎంచుకున్నామని ఎయిర్‌పోర్టు సీఈఓ కిశోర్‌ వెల్లడించారు. 2 నెలల్లో ఫేస్‌ రికగ్నిషన్‌ వ్యవస్థను ప్రయోగాత్మకంగా ఆరంభిస్తామని, ఫలితాలు పరిశీలించాక, నియంత్రణ సంస్థల అనుమతి తీసుకున్నాక ఈ సేవల్ని ఆరంభిస్తామని తెలియజేశారు. దశల వారీగా బెంగళూరుతో పాటూ ఇతర విమానాశ్రయాలకూ దీన్ని విస్తరిస్తామని, ఆధార్‌ లేని వారి కోసం బోర్డింగ్‌ పాస్‌లు, సెల్ఫ్‌ చెకిన్స్‌ ఉంటాయని తెలియజేశారు. జనవరిలో విస్తరణ పనులు షురూ.. ఇటీవలే జీఎంఆర్‌ సంస్థ 4.5 శాతం వడ్డీకి అంతర్జాతీయ మార్కెట్‌లో రూ.2,250 కోట్ల రుణం తీసుకుంది. దీన్లో రూ.450 కోట్లు (70 మిలియన్‌ డాలర్లు) హైదరాబాద్‌ విమానాశ్రయ విస్తరణ పనుల కోసం వెచ్చిస్తారు. రన్‌వే–2, టెర్మినల్‌–2 నిర్మాణ పనులను జనవరిలో ప్రారంభించి.. ఏడాదిన్నరలో అందుబాటులోకి తీసుకొస్తామని సంస్థ తెలియజేసింది.ప్రస్తుతం ఒకే రన్‌వే ఉండగా గంటకు 32 విమానాలు ల్యాండ్‌ అవుతున్నాయి. విమానాశ్రయ విస్తరణ తర్వాత వీటి సంఖ్య 50కి చేరుతుంది. హైదరాబాద్‌ శివారు ప్రాంతాల్లో రానున్న ఫార్మా సిటీ, ఎలక్ట్రానిక్‌ హార్డ్‌వేర్‌ పార్క్‌ వంటి వాటి నుంచి నేరుగా విమానాశ్రయానికి చేరుకునేందుకు వీలుగా మౌలిక వసతులను కల్పించేందుకు తెలంగాణ ప్రభుత్వం సమ్మతించిందని, మెట్రో రైల్‌ను విమానాశ్రయం వరకూ విస్తరించడం, బెంగళూరు జాతీయ రహదారిలోని అరాంఘడ్‌ నుంచి విమానాశ్రయం వరకు ప్రస్తుతమున్న నాలుగు లైన్ల రహదారిని 6 లైన్లకు విస్తరించనుండటం దీన్లో భాగమేనని జీఎంఆర్‌ తెలియజేసింది. జీఎంఆర్, ఎంఏహెచ్‌బీ సంయుక్తంగా 1.5 బిలియన్‌ డాలర్ల నిధి ఏర్పాటు.. జీఎంఆర్‌ గ్రూప్‌తో తమకు పదేళ్లకు పైగా భాగస్వామ్యం ఉందని మలేషియా ఎయిర్‌పోర్ట్స్‌ హోల్డింగ్స్‌ బెర్హాద్‌ (ఎంఏహెచ్‌బీ) ఎండీ దతుక్‌ మహ్మద్‌ బాదిల్‌షామ్‌ ఘాజిల్‌ చెప్పారు. ప్రస్తుతం జీఎంఆర్‌ హైదరాబాద్‌ ఎయిర్‌పోర్ట్‌లో ఈ సంస్థకు 11 శాతం వాటా ఉంది. గతంలో ఢిల్లీ ఎయిర్‌పోర్ట్‌లో తమకు 10 శాతం వాటాలుండేదని, సరైన ఫలితాలు రాలేదని విరమించుకున్నామని, మళ్లీ అందులో వాటా కొనే ఆలోచన లేదని ఘాజిల్‌ ఒక ప్రశ్నకు సమాధానంగా చెప్పారు. ఢిల్లీ ఎయిర్‌పోర్టును కూడా జీఎంఆర్‌ సంస్థే నిర్వహిస్తుండటం ఈ సందర్భంగా గమనార్హం.  ‘‘ప్రపంచవ్యాప్తంగా విమానాశ్రయాల విభాగంలో అపారమైన అవకాశాలున్నాయి. అందుకే జీఎంఆర్‌తో కలసి 1.5 బిలియన్‌ డాలర్లతో స్పెషల్‌ పర్పస్‌ ఫండ్‌ను (ఎస్‌పీఎఫ్‌) ఏర్పాటు చేశాం. కొన్ని కొత్త ఎయిర్‌పోర్ట్‌ల కన్సాలిడేషన్‌ గురించి చర్చిస్తున్నాం. ఈక్విటీ లేదా జాయింట్‌ వెంచర్‌గా ఆయా ప్రాజెక్ట్‌లను చేపడతాం’’ అని చెప్పారాయన. హైదరాబాద్‌ నుంచి 10 లక్షల పర్యాటకులు లక్ష్యం జీహెచ్‌ఐఏఎల్, ఎంఏహెచ్‌బీ, ఎంటీపీబీ మధ్య ఒప్పందం ఏటా హైదరాబాద్‌ నుంచి మలేషియాకు లక్ష మంది పర్యాటకులు వస్తున్నారని మలేషియా టూరిజం బోర్డ్‌ (ప్రమోషన్స్‌) డిప్యూటీ డైరెక్టర్‌ జనరల్‌ అబ్దుల్‌ ఖనీదౌద్‌ చెప్పారు. గతేడాది దేశం నుంచి 6.38 లక్షల మంది పర్యాటకులు వచ్చారని తెలియజేశారాయన. తెలంగాణలో మలేషియా టూరిజాన్ని ప్రమోట్‌ చేయడానికి తొలిసారిగా జీఎంఆర్‌ ఎయిర్‌పోర్ట్‌ (జీహెచ్‌ఐఏఎల్‌), మలేషియా ఎయిర్‌పోర్ట్స్‌ హోల్డింగ్స్‌ బెర్హాద్‌ (ఎంఏహెచ్‌బీ), మలేషియా టూరిజం ప్రమోషన్స్‌ బోర్డ్‌ (ఎంటీపీబీ) ఒప్పందం చేసుకున్నాయి. మూడేళ్ల కాలపరిమితి ఉండే ఈ ఎంవోయూపై ఆయా సంస్థల అధికారులు గురువారమిక్కడ సంతకాలు చేశారు. ఈ సందర్భంగా దేశంలో మలేషియా టూరిజం ప్రమోషన్‌కు రూ.16 కోట్లు వెచ్చించనున్నట్లు ఖనీద్‌ తెలిపారు. చైనా, టర్కీ దేశాల్లోని పలు విమానాశ్రయాలతోనూ చర్చలు జరుపుతున్నామన్నారు.


 హైదరాబాద్, బిజినెస్‌ బ్యూరో: మౌలిక రంగ కంపెనీ జీఎంఆర్‌ గ్రూప్‌ విదేశీ గడ్డపై మరో రెండు విమానాశ్రయ ప్రాజెక్టులకు బిడ్లు దాఖలు చేయనుంది. వీటిలో సెర్బియా రాజధాని బెల్‌గ్రేడ్‌ సమీపంలోని నికోలా టెస్లాతోపాటు, జమైకాలోని కింగ్‌స్టన్‌ ఎయిర్‌పోర్టులు ఉన్నాయి. వీటి విస్తరణ, ఆధునీకరణ పనులకు బిడ్లను దాఖలు చేయనున్నట్టు జీఎంఆర్‌ ఎయిర్‌పోర్ట్స్‌ ప్రెసిడెంట్‌ సిద్ధార్థ్‌ కపూర్‌ తెలిపారు.
 
 బిడ్ల దాఖలు చేయడానికి కావాల్సిన అర్హతలను కంపెనీ సాధించింది. గతేడాది నికోలా టెస్లా విమానాశ్రయం నుంచి 49 లక్షలకుపైచిలుకు, కింగ్‌స్టన్‌ ఎయిర్‌పోర్ట్‌ నుంచి 16 లక్షల మంది ప్రయాణికులు రాకపోకలు సాగించారు. విశాఖపట్నంలోని కొత్త విమానాశ్రయ ప్రాజెక్టుకు సైతం బిడ్‌ దాఖలు చేయనున్నట్టు సిద్ధార్థ్‌ వెల్లడించారు.


 టెర్నా కన్సార్షియంతో కలసి నిర్మాణం  
 
 హైదరాబాద్, బిజినెస్‌ బ్యూరో: మౌలిక రంగ సంస్థ జీఎంఆర్‌ గ్రూప్‌ కంపెనీ జీఎంఆర్‌ ఎయిర్‌పోర్ట్స్‌ మరో ప్రాజెక్టును చేజిక్కించుకుంది. ఇన్‌ఫ్రా దిగ్గజం టెర్నా భాగస్వామ్యంతో గ్రీస్‌లోని క్రీతి నగరంలో ఉన్న హిరాక్లియో విమానాశ్రయం అభివృద్ధి, నిర్వహణ ప్రాజెక్టును దక్కించుకున్నట్లు కంపెనీ తెలిపింది. నిర్మాణం పూర్తయ్యాక ఎయిర్‌పోర్ట్‌ నిర్వహణ బాధ్యతలను జీఎంఆర్‌ చేపడుతుంది. కన్సెషన్‌ పీరియడ్‌ 35 ఏళ్లు. హిరాక్లియో గ్రీస్‌లో రెండో అతిపెద్ద విమాశ్రయం.
 
 నాలుగేళ్లుగా విమాన ప్రయాణికుల సంఖ్య స్థిరంగా వృద్ధి చెందుతోంది. ఏటా 60 లక్షల మందికిపైగా ఈ విమానాశ్రయం నుంచి రాకపోకలు సాగిస్తున్నారని, ఇంత మంది ప్రయాణికులకు ప్రస్తుతం ఉన్న ఎయిర్‌పోర్ట్‌ సరిపోవడం లేదని కంపెనీ వెల్లడించింది. అంతర్జాతీయ టూరిస్ట్‌ కేంద్రం అయిన గ్రీస్‌కు ఏటా 2.4 కోట్ల మంది పర్యాటకులు వెళ్తున్నారు. క్రీతి అతిపెద్ద ద్వీపమే కాదు, అత్యధిక పర్యాటకులు ఆకర్శిస్తున్న కేంద్రం కూడా. నూతనంగా నిర్మించనున్న అంతర్జాతీయ విమానాశ్రయంతో పర్యాటక రంగం మరింత వృద్ధి చెందుతుందని జీఎంఆర్‌ ఎయిర్‌పోర్ట్స్‌ బిజినెస్‌ చైర్మన్‌ శ్రీనివాస్‌ బొమ్మిడాల ఈ సందర్భంగా తెలిపారు.


 • ప్రాజెక్టు విలువ సుమారు
 • 850 మిలియన్ యూరోలు
 • గ్రీస్‌ సంస్థతో కలసి బిడ్డింగ్
  హైదరాబాద్, బిజినెస్ బ్యూరో: ఇన్‌ఫ్రా దిగ్గజం జీఎంఆర్ గ్రూప్ తాజాగా గ్రీస్‌లోని క్రీట్‌లో కొత్త విమానాశ్రయ ప్రాజెక్టు దక్కించుకోవడంపై దృష్టి పెట్టింది. గ్రీస్‌కు చెందిన జీఈకే టెర్నా సంస్థతో కలసి కన్సార్షియంగా ఏర్పడి బిడ్ వేసినట్లు జీఎంఆర్ ఇన్‌ఫ్రా వెల్లడించింది. గ్రీస్ మౌలిక సదుపాయాల మంత్రిత్వ శాఖ అంచనాల ప్రకారం ప్రాజెక్టు విలువ సుమారు 850 మిలియన్ యూరోలని (దాదాపు రూ. 6,120 కోట్లు) వివరించింది. కాంట్రాక్టు కింద క్రీట్‌లోని హెరాక్లియోన్ నగరంలో కొత్తగా అంతర్జాతీయ విమానాశ్రయ డిజైన్, అభివృద్ధి, నిర్వహణ, తత్సంబంధిత రహదారుల ఏర్పాటు మొదలైన అంశాలు ఉంటాయి. ఒప్పందం 35 ఏళ్ల పాటు ఉంటుంది. దీనికి దాఖలైన ఏకైక బిడ్ తమదేనని భావిస్తున్నట్లు జీఎంఆర్ తెలిపింది. ప్రాజెక్టు దక్కిన పక్షంలో జీఎంఆర్ ఎయిర్‌పోర్ట్స్ సంస్థ విమానాశ్రయ ఆపరేటరుగా ఉంటుంది.
 ఏటా 2.4 కోట్ల మంది టూరిస్టులు గ్రీస్‌ను సందర్శిస్తారని అంచనా. గ్రీస్‌లోనే అతి పెద్ద దీవి అయిన క్రీట్‌ను సందర్శించే వారి సంఖ్య భారీగా ఉంటుంది. ఇక్కడి హెరాక్లియోన్ విమానాశ్రయం గ్రీస్‌లో రెండో పెద్ద ఎయిర్‌పోర్టు. అయితే, సామర్థ్యపరమైన సమస్యలు తలెత్తుతున్నందున ప్రభుత్వం మరో విమానాశ్రయాన్ని తలపెట్టింది. కొత్త ఎయిర్‌పోర్ట్ అందుబాటులోకి వచ్చిన తర్వాత ప్రస్తుత విమానాశ్రయాన్ని మూసివేయనున్నారని జీఎంఆర్ వర్గాలు తెలిపాయి.
 జీఎంఆర్ గ్రూప్ ప్రస్తుతం హైదరాబాద్‌తో పాటు ఢిల్లీలోని అంతర్జాతీయ విమానాశ్రయాన్ని నిర్వహిస్తోంది. ఇటీవలే గోవాలోని మోపా ఎయిరోడ్రోమ్ అభివృద్ధి, నిర్వహణ ప్రాజెక్టు దక్కించుకుంది. అఉట మెగావైడ్ కన్‌స్ట్రక్షన్ కార్పొరేషన్‌తో కలసి ఫిలిప్పీన్స్‌లోని మక్టాన్ సెబు ఇంటర్నేషనల్ ఎయిర్‌పోర్ట్‌ను అభివృద్ధి చేస్తోంది. మరోవైపు, గ్రీస్‌లోని రెండు దిగ్గజ నిర్మాణ కంపెనీలైన జీఈకే, టెర్నాల విలీనంతో జీఈకే టెర్నా గ్రూప్ ఏర్పడింది. నిర్మాణం, ఇంధన ఉత్పత్తి, మైనింగ్, రియల్ ఎస్టేట్ తదితర రంగాల్లో ఈ సంస్థ కార్యకలాపాలు ఉన్నాయి.


 • చత్తీస్‌గఢ్ విద్యుత్ ప్లాంటుపై చర్చలు
 • హైదరాబాద్ ఎయిర్‌పోర్టుపై సీడీపీక్యూ ఆసక్తి
 హైదరాబాద్, బిజినెస్ బ్యూరో : భారీ రుణ భారాన్ని తగ్గించుకునే దిశగా చర్యలు చేపట్టిన మౌలిక రంగ దిగ్గజం జీఎంఆర్ గ్రూప్ మరికొన్ని వ్యాపారాల్లో వాటాలను విక్రయించడంపై మరింతగా కసరత్తు చేస్తోంది. ఇందులో బాగంగా జీఎంఆర్ ఎనర్జీ (జీఈఎల్) అనుబంధ సంస్థ జీఎంర్ చత్తీస్‌గఢ్ ఎనర్జీలో (జీసీఈఎల్) వాటాల విక్రయంపై దృష్టి పెట్టింది. ఇందుకోసం సింగపూర్‌కి చెందిన సెంబ్‌కార్ప్ ఇండస్ట్రీస్‌తో పాటు అమెరికాకు చెందిన లోన్ స్టార్ ఫండ్స్‌తో చర్చలు జరుపుతున్నట్లు సమాచారం.
 జీసీఈఎల్‌కు చత్తీస్‌గఢ్‌లోని రాయ్‌పూర్‌లో మొత్తం 1,370 మెగావాట్ల విద్యుదుత్పత్తి సామర్థ్యంతో రెండు విద్యుత్ ప్లాంట్లు ఉన్నాయి. సంస్థకు దాదాపు రూ. 8,290 కోట్ల రుణభారం ఉంది. దీన్ని 2017 నుంచి తిరిగి చెల్లించాల్సి ఉంది. దాదాపు రూ. 750 కోట్ల విలువ చేసే రెండు క్యాప్టివ్ గనులు కూడా ఉన్న జీసీఈఎల్ విలువ సుమారు రూ. 12,500 కోట్ల మేర ఉండొచ్చని అంచనా.
 అయితే, జీసీఈఎల్‌కు దీర్ఘకాలిక విద్యుత్ కొనుగోలు ఒప్పందాలు (పీపీఏ) లేకపోవడం డీల్‌కు అడ్డంకిగా మారొచ్చని పరిశ్రమవర్గాలు భావిస్తున్నాయి. ప్రస్తుతం స్వల్పకాలిక పీపీఏలే ఉన్న జీసీఈఎల్.. తెలంగాణ, ఉత్తర్‌ప్రదేశ్ రాష్ట్రాల్లో దీర్ఘకాలిక ఒప్పందాలు కుదరవచ్చని భావిస్తోంది. సెంబ్‌కార్ప్, లోన్ స్టార్ ఫండ్స్.. రెండూ కూడా ఇటీవల సన్‌ఎడిసన్‌కి చెందిన భారత వ్యాపార విభాగం కొనుగోలు కోసం షార్ట్‌లిస్ట్ అయిన సంస్థలే. అయితే, దీన్ని అంతిమంగా హైదరాబాద్‌కి చెందిన గ్రీన్‌కో ఎనర్జీ కొనుగోలు చేసింది.
  విమానాశ్రయంలో 30 శాతం వాటాలు..
 జీఎంఆర్‌కి చెందిన హైదరాబాద్ ఎయిర్‌పోర్ట్ ప్రాజెక్టులో వాటాలు తీసుకోవడంపై కెనడా ఫండ్ సంస్థ సీడీపీక్యూ ఆసక్తిగా ఉన్నట్లు తెలుస్తోంది. సుమారు 25-30 శాతం వాటా కొనుగోలు చేయాలని సీడీపీక్యూ యోచిస్తున్నట్లు సమాచారం. ఈ డీల్ విలువ దాదాపు 350-400 మిలియన్ డాలర్ల మేర ఉండొచ్చని అంచనా.  సీడీపీక్యూ సంస్థ.. టీవీఎస్ గ్రూప్‌లో భాగమైన టీవీఎస్ లాజిస్టిక్స్ సర్వీసెస్‌లో దాదాపు రూ. 1,000 కోట్లు ఇన్వెస్ట్ చేస్తోంది. అటు అబూ ధాబి ఇన్వెస్ట్‌మెంట్ సంస్థ కూడా హైదరాబాద్ ఎయిర్‌పోర్ట్‌లో మైనారిటీ వాటాలు కొనుగోలు చేయాలని యోచిస్తోన్నట్లు తెలుస్తోంది.
 విద్యుత్, విమానాశ్రయాలు తదితర రంగాల్లో విస్తరించిన జీఎంఆర్ గ్రూప్ రుణభారం దాదాపు రూ. 43,000 కోట్ల మేర ఉంది. దీన్ని తగ్గించుకునే ప్రయత్నాల్లో భాగంగా కొన్నాళ్ల క్రితమే జీఎంఆర్ ఎనర్జీ సంస్థలో 30 శాతం వాటాను దాదాపు 300 మిలియన్ డాలర్లకు మలేషియా సంస్థ టెనగా నేషనల్ బెర్హాద్‌కి విక్రయించింది. ఆ తర్వాత మారు ట్రాన్స్‌మిషన్ సర్వీసెస్‌లో 74 శాతం, అరావళి ట్రాన్స్‌మిషన్ సర్వీసెస్‌లో 49 శాతం వాటాలను అదానీ ట్రాన్స్‌మిషన్‌కు విక్రయించింది.


 హైదరాబాద్, బిజినెస్ బ్యూరో: మౌలిక రంగ దిగ్గజం జీఎంఆర్ గ్రూప్ రుణభారాలను తగ్గించుకునే దిశగా వివిధ అసెట్స్‌ను విక్రయిస్తోంది. గ్రూప్‌లో భాగమైన జీఎంఆర్ ఎనర్జీ (జీఈఎల్) తాజాగా రెండు విద్యుత్ పంపిణీ ప్రాజెక్టుల్లో వాటాలను అదానీ ట్రాన్స్‌మిషన్‌కు (ఏటీఎల్) విక్రయిస్తోంది. మరు ట్రాన్స్‌మిషన్ సర్వీసెస్ (ఎంటీఎస్‌ఎల్), అరావళి ట్రాన్స్‌మిషన్ సర్వీసెస్ (ఏటీఎస్‌ఎల్)లో వాటాల విక్రయానికి ఏటీఎల్‌తో జీఈఎల్ ఒప్పందం కుదుర్చుకుంది. ఈ డీల్ విలువ రూ. 100 కోట్లుగా ఉంటుందని జీఎంఆర్ పేర్కొంది. అదనంగా మిగతా వాటాలను కూడా కొనుగోలు చేసే వెసులుబాటు కల్పిస్తూ ప్రస్తుతానికి ఎంటీఎస్‌ఎల్‌లో 74 శాతం, ఏటీఎస్‌ఎల్‌లో 49 శాతం వాటాలను ఏటీఎల్‌కి బదలాయించనున్నట్లు తెలిపింది.
 ఈ అసెట్స్‌కు సంబంధించి ఏపీటీఈఎల్ ముందున్న వివిధ అప్పీళ్ల ద్వారా రావాల్సిన రూ. 120 కోట్లు కూడా వస్తే జీఈఎల్‌కు మొత్తం రూ. 220 కోట్లు లభించగలవని జీఎంఆర్ పేర్కొంది. 2010లో బిల్డ్, ఓన్, ఆపరేట్, మెయింటెయిన్ (బూమ్) ప్రాతిపదికన జీఎంఆర్ ఎనర్జీ ఈ రెండు ప్రాజెక్టులను దక్కించుకుంది. రాజస్తాన్‌లో ఎంటీఎస్‌ఎల్ 270 కి.మీ. మేర, ఏటీఎస్‌ఎల్ 96 కి.మీ. మేర పంపిణీ లైన్లను నిర్వహిస్తున్నాయి. మార్చి ఆఖరు నాటికి ఈ రెండు ప్రాజెక్టుల రుణం రూ. 324 కోట్ల మేర ఉంది. విక్రయ లావాదేవీ పూర్తయ్యాక...జీఎంఆర్ గ్రూప్ కన్సాలిడేటెడ్ రుణం తగ్గనుంది.  ఈ డీల్‌తో  ఆర్థికంగా కంపెనీ పనితీరు మెరుగుపడేందుకు తోడ్పడగలదని జీఎంఆర్ గ్రూప్ విద్యుత్ విభాగం బిజినెస్ చైర్మన్ జీబీఎస్ రాజు తెలిపారు.


 న్యూఢిల్లీ: ఏ దేశంలోనైనా పౌర విమానయాన రంగం వృద్ధికి మెరుగైన మౌలిక సదుపాయాలు, విమానాశ్రయాలే కీలకమని పౌర విమానయాన శాఖ మంత్రి అశోక్ గజపతి రాజు చెప్పారు. జీఎంఆర్ గ్రూప్ సారథ్యంలోని ఢిల్లీ అంతర్జాతీయ విమానాశ్రయం(డీఐఏఎల్) వరుసగా రెండో ఏడాది అత్యుత్తమ ఎయిర్‌పోర్ట్‌గా నిలిచిన నేపథ్యంలో ఏర్పాటు చేసిన సన్మాన కార్యక్రమంలో ఆయన ఈ విషయం చెప్పారు. మెరుగైన నిర్వహణ, సాంకేతికంగా అత్యాధునిక సేవలు మొదలైన వాటికి భవిష్యత్‌లోనూ డీఐఏఎల్ పెద్ద పీట వేయాలన్నారు. అరుణ్ జైట్లీ, వెంకయ్య నాయుడు తదితర కేంద్ర మంత్రులు ఈ కార్యక్రమంలో పాల్గొన్నారు. ప్రస్తుతం ఏటా 6.2 కోట్ల మంది ప్రయాణికులు, 1.5 మిలియన్ టన్నుల సరకు రవాణా సామర్ధ్యంతో ఢిల్లీ విమానాశ్రయం సేవలందిస్తోందని జీఎంఆర్ గ్రూప్ చైర్మన్ జీఎం రావు తెలిపారు.


 హైదరాబాద్: మౌలిక రంగ కంపెనీ జీఎంఆర్ గ్రూప్ కాకినాడ వద్ద ఎల్‌ఎన్‌జీ (లిక్విఫైడ్ నేచురల్ గ్యాస్) టెర్మినల్ ఏర్పాటు యత్నాల్లో ఉంది. తొలుత 17.5 లక్షల టన్నుల వార్షిక సామర్థ్యంతో రానున్న ఈ ప్లాంటు రూ.471 కోట్లతో ఏర్పాటుకానున్నట్లు ఇటీవల జరిగిన పర్యావరణ శాఖ కమిటీ సమావేశపు మినిట్స్‌లో పేర్కొన్నారు. సామర్థ్యంలో 8.5 లక్షల టన్నుల గ్యాస్‌ను జీఎంఆర్ ఎనర్జీ సొంత అవసరాలకు వాడుకుంటుంది. మిగిలినది 450 కిలోమీటర్ల పరిధిలో పైపుల ద్వారా గృహావసరాలకు, ఇతర వినియోగదార్లకు సరఫరా చేస్తారు.


 ♦ ఎన్‌హెచ్13కి చెందిన ప్రాజెక్టులో 51% వాటా విక్రయం
 ♦ తగ్గనున్న రూ. 1,078 కోట్ల రుణ భారం, చేతికి 85 కోట్లు
  హైదరాబాద్, బిజినెస్ బ్యూరో: ‘అసెట్ లైట్ - అసెట్ రైట్’ కార్యక్రమంలో భాగంగా జీఎంఆర్ గ్రూపు మరో రోడ్డు ప్రాజెక్టు నుంచి వైదొలుగుతోంది. కర్ణాటకలో ఉన్న 99 కి.మీ రోడ్డు ప్రాజెక్టులో 51 శాతం వాటాను విక్రయించడానికి భాగస్వామ్య కంపెనీతో ఒప్పందం కుదుర్చుకున్నట్లు జీఎంఆర్ ఇన్‌ఫ్రా స్టాక్ ఎక్స్ఛేంజీలకు తెలియచేసింది. ఈ వాటా విక్రయం ద్వారా జీఎంఆర్ గ్రూపునకు రూ.1,078 కోట్ల రుణ భారం తగ్గడమే కాకుండా, రూ. 85 కోట్ల నగదు రానున్నట్లు కంపెనీ ఆ ప్రకటనలో పేర్కొంది. ఈ వాటా విక్రయం రెండు దశల్లో జరుగుతుంది. మొదటి దశ కింద జీఎంఆర్ గ్రూపునకు చెందిన 14.99 శాతం వాటాను భాగస్వామ్య కంపెనీలు కొనుగోలు చేస్తాయి.
 ఈ లావాదేవీకి అన్ని అనుమతులు వచ్చిన తర్వాత మొత్తం 51 శాతం వాటా విక్రయం పూర్తవుతుందని కంపెనీ ఆ ప్రకటనలో పేర్కొంది. ప్రస్తుతం జీఎంఆర్ చేతిలో మొత్తం 730 కి.మీ విస్తీర్ణం కలిగిన తొమ్మిది హైవే ప్రాజెక్టులు ఉన్నాయి. ఇప్పటి వరకు ఈ ప్రాజెక్టుల కోసం రూ. 6,000 కోట్లు వ్యయం చేసినట్లు అంచనా. జీఎంఆర్ గ్రూపు రుణాలు రూ. 43,400 కోట్లు ఉండటంతో అప్పులను తగ్గించుకోవడంలో భాగంగా భారీగా రుణాలున్న ప్రాజెక్టులను విక్రయిస్తున్న సంగతి తెలిసిందే. ఇందులో భాగంగా ఇప్పటికే రెండు రోడ్డు ప్రాజెక్టులను విక్రయించిన సంగతి తెలిసిందే.


 హైదరాబాద్, బిజినెస్ బ్యూరో:  జీఎంఆర్ గ్రూపు నిర్వహిస్తున్న హైదరాబాద్, ఢిల్లీ ఎయిర్‌పోర్టులకు మరోసారి అంతర్జాతీయ గుర్తింపు లభించింది. ఇండియా, సెంట్రల్ ఆసియా పరిధిలో స్కైట్రాక్స్ సర్వే ఈ అవార్డులను ప్రకటించింది. ఇందులో హైదరాబాద్‌లోని రాజీవ్ గాంధీ ఇంటర్నేషనల్ ఎయిర్‌పోర్టుకి ‘బెస్ట్ రీజనల్ ఎయిర్‌పోర్ట్ ’, ఢిల్లీలోని ఇందిరాగాంధీ ఎయిర్‌పోర్ట్ ‘బెస్ట్ ఎయిర్‌పోర్ట్ సాఫ్ట్ ’ అవార్డులను కైవసం చేసుకున్నాయి. ఈ వారం జర్మనీలో జరిగే కార్యక్రమంలో ఈ అవార్డులను అంద చేస్తారు.


 వాణిజ్యపరంగా ఉత్పత్తి ప్రారంభం
 హైదరాబాద్, బిజినెస్ బ్యూరో: జీఎంఆర్ గ్రూపు రాజమండ్రిలో ఏర్పాటు చేసిన 768 మెగావాట్ల గ్యాస్ ఆధారిత విద్యుత్ ప్లాంట్ . 384 మెగావాట్ల సామర్థ్యంతో కూడిన రెండు యూనిట్లను జీఎంఆర్ అనుబంధ కంపెనీ జీఎంఆర్ ఎనర్జీ ఏర్పాటు చేసింది. కేంద్ర ప్రభుత్వం గత మార్చిలో ప్రకటించిన ఆర్‌ఎల్‌ఎన్‌జీ స్కీం కింద గ్యాస్ సరఫరా జరగడంతో ఈ యూనిట్లు వాణిజ్యపరంగా విద్యుత్ ఉత్పత్తిని ప్రారంభించినట్లు జీఎంఆర్ విడుదల చేసిన ప్రకటనలో పేర్కొంది.
 
 ప్రస్తుతం స్థాపిత సామర్థ్యంలో 50 శాతం మాత్రమే (384 మెగావాట్లు) విద్యుత్ ఉత్పత్తి చేయడానికి గ్యాస్ సరఫరా అవుతోందని, ఇక్కడ ఉత్పత్తి అయిన విద్యుత్‌ను ఆంధ్రప్రదేశ్ డిస్కంలకు విక్రయిస్తున్నట్లు తెలిపింది. కేంద్రం 2016 వరకు గ్యాస్ కేటాయింపులు జరిపిందని, ఆ తర్వాత గ్యాస్ కేటాయింపులకు కేంద్రం బిడ్డింగ్‌లను పిలుస్తుందని జీఎంఆర్ తెలిపింది. పక్కనే ఉన్న వేమగిరి యూనిట్‌కు కూడా గ్యాస్ కేటాయింపులు రావడంతో గత నెలలో ఈ యూనిట్ కూడా ఉత్పత్తిని ప్రారంభించిన సంగతి తెలిసిందే.
 
 ఈ రెండు యూనిట్ల స్థాపిత విద్యుత్ ఉత్పత్తి సామర్థ్యం 1,156 మెగా వాట్లు. కేంద్ర ప్రభుత్వం ప్రకటించిన ఈ పథకం కింద విద్యుత్ సరఫరా కంపెనీలకు విద్యుత్‌రంగ అభివృద్ధి నిధి నుంచి యూని ట్‌కు రూ. 1.44 సబ్సిడీ  లభిస్తుంది.


 మరోసారి అమ్మకానికి జీఎంఆర్ ఎయిర్‌పోర్ట్ హోటల్
 - రెండేళ్లుగా ప్రయత్నిస్తున్నా సఫలం కాని ప్రక్రియ
 - గతంలో వచ్చిన రేటు ఇప్పుడు రాదంటున్న నిపుణులు
 హైదరాబాద్, బిజినెస్ బ్యూరో: ‘అసెట్ లైట్’ కార్యక్రమంలో భాగంగా జీఎంఆర్ గ్రూపు  హైదరాబాద్ ఎయిర్‌పోర్ట్‌లోని ఫైవ్‌స్టార్ హోటల్‌ను మరోసారి అమ్మకానికి పెట్టింది. ఆది నుంచి ఆటంకాలు ఎదురవుతున్న ఈ హోటల్ విక్రయానికి... తాజాగా మరోసారి బిడ్డింగ్‌లను పిలవడంతో ఈ సారైనా  జీఎంఆర్ లక్ష్యం నెరవేరుతుందా లేదా అనేది ఆసక్తిగా మారింది. జీఎంఆర్ హైదరాబాద్ ఇంటర్నేషనల్ ఎయిర్‌పోర్ట్ లిమిటెడ్‌కు (జీహెచ్‌ఐఏఎల్) 100 శాతం అనుబంధ సంస్థగా ఉన్న జీఎంఆర్ హోటల్స్ అండ్ రిసార్ట్స్ లిమిటెడ్ ‘నొవోటెల్’ పేరుతో శంషాబాద్ ఎయిర్‌పోర్టులో ఫైవ్‌స్టార్ హోటల్‌ను నిర్వహిస్తోంది.
 
 సరైన ఆక్యుపెన్సీ లేక భారీ నష్టాలతో నడుస్తున్న ఈ హోటల్‌ను అమ్మాలని కంపెనీ బోర్డు 2013లో నిర్ణయం తీసుకుంది కూడా. అప్పటి నుంచి అనేకమార్లు అమ్మకానికి ప్రయత్నించినా ఇంత వరకు సఫలం కాలేదు. గతంలో జరిగిన బిడ్డింగ్ ప్రక్రియలో రూ.300 కోట్లకు కొనుగోలు చేయడానికి కొన్ని సంస్థలు ముందుకు వచ్చినా... బోర్డులో సభ్యులుగా ఉన్న రాష్ట్ర ప్రభుత్వం దీనికి అభ్యంతరం వ్యక్తం చేసింది. ఈ బిడ్డింగ్ విధానంలో పారదర్శకత లోపించిందని, కనీసం రెండు దినపత్రికల్లోనైనా ప్రకటనలు ఇవ్వాలని ప్రభుత్వం సూచించింది. ఈ మేరకు కంపెనీ హోటల్ విక్రయానికి సంబంధించి ప్రకటనలు జారీ చేసింది. తదనంతరం 12 సంస్థలు కొనుగోలు చేయడానికి ఆసక్తి చూపించాయి.
 
 హోటల్‌కు సంబంధించిన పూర్తి వివరాలు లేకుండా ఈ ప్రకటనలు జారీ చేయడంపై తెలంగాణ ప్రభుత్వం మరోసారి అభ్యంతరం వ్యక్తం చేసింది. దీంతో ఇప్పుడు పూర్తి వివరాలతో మంగళవారం కొన్ని పత్రికల్లో ప్రకటనలు జారీ చేసింది. 305 గదులున్న హోటల్ కనీస బిడ్డింగ్ ధర రూ. 213.5 కోట్లుగా సంస్థ పేర్కొంది. కనీసం రూ.500 కోట్ల నెట్‌వర్త్ కలిగిన సంస్థలు సెప్టెంబర్ 8 లోగా బిడ్డింగ్ చేయొచ్చని ఆ ప్రకటనలో పేర్కొన్నారు. రాష్ట్ర విభజన తర్వాత రియల్ ఎస్టేట్ ధరలు తగ్గడం, వాణిజ్య కార్యకలాపాలు సన్నగిల్లడంతో గతంలో వచ్చిన రేటు కూడా ఇప్పుడు రావడం కష్టమేనని నిపుణులు చెబుతున్నారు. 2009లో ప్రారంభమైన ఈ హోటల్‌ను ‘నొవోటెల్’ పేరుతో ’ఏక్కర్ గ్రూపు నిర్వహిస్తోంది.


 హైదరాబాద్, బిజినెస్ బ్యూరో : ఒమన్‌లో నిర్మిస్తున్న సలాలహ్ ఇంటర్నేషనల్ ఎయిర్‌పోర్ట్‌కు జీఎంఆర్ గ్రూపు సేవలను అందించనుంది. దీనికి సంబంధించి ఒమెన్ ఎయిర్‌పోర్ట్ అథార్టీస్‌తో జీఎంఆర్ ఎయిర్‌పోర్ట్ డెవలపర్ లిమిటెడ్ ఒప్పందం కుదుర్చుకుంది. పోగ్రాం మేనేజ్‌మెంట్, టెస్టింగ్, ఎయిర్‌పోర్ట్ సిస్టమ్, ఆదాయాల నిర్వహణ వంటి సేవలతో పాటు ఒమెన్ ఎయిర్‌పోర్ట్ సిబ్బందికి నైపుణ్యాన్ని పెంచనున్నట్లు జీఎంఆర్ ఒక ప్రకటనలో పేర్కొంది.


 హైదరాబాద్, బిజినెస్ బ్యూరో: దేశీయ విమానయాన రంగం శరవేగంగా వృద్ధి చెందుతోంది. గత పదేళ్ళుగా 14 శాతం చొప్పున వార్షిక వృద్ధిరేటు సాధిస్తున్న దేశీయ విమానయాన రంగం లక్ష కోట్ల రూపాయల మార్కును దాటింది. ఇదే విధమైన వృద్ధిరేటును కొనసాగిస్తే 2030 నాటికి వ్యాపార పరిమాణం పరంగా ప్రపంచంలో మొదటి స్థానం చేరుకునే సత్తా భారత్‌కు ఉందని జీఎంఆర్ గ్రూపు అంచనా వేస్తోంది. ప్రస్తుతం ప్రపంచంలో మార్కెట్ పరంగా తొమ్మిదో స్థానంలో ఉన్న దేశ విమానయాన రంగం 2020 నాటికి మూడో స్థానానికి, 2030 నాటికి మొదటి స్థానానికి చేరుతుందని జీఎంఆర్ గ్రూపు విడుదల చేసిన పరిశోధనా పత్రంలో పేర్కొంది.
  
  అంతకుముందు ఏడాదితో పోలిస్తే 2013-14లో దేశీయ పౌర విమానయాన ప్రయాణికుల సంఖ్య 5.2 శాతం వృద్ధితో 12.2 కోట్లకు చేరితే విదేశీ ప్రయాణీకుల సంఖ్య 4.3 కోట్లు దాటింది. చౌక విమానయానం అందుబాటులోకి రావడానికి తోడు, విమానాశ్రయాలను అభివృద్ధి చేయడం, ఈ రంగంలోకి విదేశీ పెట్టుబడులను అనుమతించడం, సాంకేతిక పరిజ్ఞానం వంటి అంశాలు ఈ రంగం వేగంగా విస్తరించడానికి దోహదం చేసింది. చౌక విమానయాన సంస్థ ఎయిర్ డెక్కన్ ప్రవేశించినప్పటి నుంచి అంటే 2003 నుంచి ఆరేళ్ళపాటు విమాన సర్వీసుల సంఖ్యలో ఏటా 20 నుంచి 40 శాతం వృద్ధి నమోదయ్యింది.
  
   వచ్చే ఐదేళ్లు విమాన సర్వీసుల్లో 4.2 శాతం, ప్రయాణీకుల్లో 5.3 శాతం వృద్ధి నమోదవుతుందని  ఎయిర్‌పోర్ట్ అథార్టీ ఆఫ్ ఇండియా అంచనా వేసింది. దీంతో ప్రస్తుతం 400గా ఉన్న  విమానాల సంఖ్య ఐదేళ్ళలో 800 దాటనుందని జీఎంఆర్ పేర్కొంది.భారీ పెట్టుబడులు: దేశంలో మొత్తం 500 విమానాశ్రయాల అవసరం ఉందని ప్రభుత్వ సంస్థలు అంచనా వేశాయి. వీటిలో కనీసం 250 విమానాశ్రయాలను  2020 నాటికి అందుబాటులోకి తీసుకురావాలనేది ఎయిర్‌పోర్ట్ అథార్టీ ఆఫ్ ఇండియా లక్ష్యం.
  
  దీంతో వచ్చే ఐదేళ్లలో ఈ రంగం రూ.7.5 లక్షల కోట్లకు పైగా పెట్టుబడులు అవసరమవుతాయని అంచనా. ఈ భారీ మొత్తాన్ని ప్రభుత్వ ప్రైవేటు భాగస్వామ్యంతో పాటు, విదేశీ ప్రత్యక్ష పెట్టుబడుల రూపంలో సమకూర్చుకోవాలని ప్రభుత్వం ప్రణాళికలు సిద్ధం చేసుకుంటోంది. ప్రస్తుతం జీఎంఆర్ హైదరాబాద్, ఢిల్లీ ఎయిర్‌పోర్టులతో పాటు, ఫిలిప్పైన్స్ విమానాశ్రయాన్ని నిర్వహిస్తుం డగా, జీవీకే ముంబై, బెంగళూరు విమానాశ్రయాల ను నిర్వహిస్తోంది. దేశంలో కొత్తగా ఏర్పాటు చేయనున్న విమానాశ్రయాలను కైవసం చేసుకోవడానికి ఈ రెండు కంపెనీలు ప్రణాళికలు సిద్ధం చేసుకుంటున్నాయి.
  
  


 హైదరాబాద్, బిజినెస్ బ్యూరో: సరుకు రవాణా రైల్వే లైన్ నిర్మాణానికి సంబంధించి రూ. 5,080 కోట్ల కాంట్రాక్టును జీఎంఆర్ గ్రూపు దక్కించుకోనుంది. తూర్పు రైల్వేలో నిర్మించనున్న 417 కి.మీ ప్రత్యేక సరుకు రైల్వే ట్రాక్ అంతర్జాతీయ బిడ్డింగ్‌లో అతి తక్కువ ధర కోట్ చేసిన సంస్థగా  జీఎంఆర్ ఇన్‌ఫ్రాస్ట్రక్చర్ లిమిటెడ్ (జీఐఎల్) నిలిచింది. ఈ కాంట్రాక్టుకు ఇంకా తుది ఆమోదం లభించాల్సివుంది. కాంట్రాక్టు లభించిన తర్వాత 45 నెలల్లో ముఘల్‌సరాయ్ నుంచి కాన్పూర్ వరకు రైల్వేలైన్ నిర్మించాల్సి ఉంటుంది.
 
  రైట్స్ ఇష్యూకి సెబీ అనుమతి
  రూ.1,500 కోట్ల రైట్స్ ఇష్యూకి సెబీ అనుమతి లభించింది. ఈ రైట్స్ ఇష్యూ ధరను ఇంకా నిర్ణయించాల్సి ఉంది. ఈ ఇష్యూ ద్వారా సేకరించిన మొత్తాన్ని రుణ భారం తగ్గించుకోవడానికి వినయోగించుకోనున్నట్లు కంపెనీ గతంలో తెలిపిన సంగతి తెలిసిందే.


 రూ.9,000 కోట్ల వ్యయం
 - నేపాల్‌లో అతిపెద్ద ఎఫ్‌డీఐ ఇదే
 - విదేశాల్లో జీఎంఆర్‌కు ఇది భారీ పెట్టుబడి
 హైదరాబాద్, బిజినెస్ బ్యూరో: మౌలిక రంగ సంస్థ జీఎంఆర్ గ్రూప్‌నకు పెద్ద ఊరట. ఆరేళ్లుగా అనుమతికి నోచని భారీ ప్రాజెక్టుకు ఎట్టకేలకు మోక్షం లభించింది. నేపాల్‌లో 900 మెగావాట్ల సామర్థ్యం గల అప్పర్ కర్నాలి హైడ్రో పవర్ ప్రాజెక్టును బిల్డ్, ఓన్, ఆపరేట్, ట్రాన్స్‌ఫర్ ప్రాతిపదికన జీఎంఆర్ 2008లో అంతర్జాతీయ పోటీ వేలంలో దక్కించుకుంది. ఆ దేశంలో నెలకొన్న రాజకీయ అనిశ్చిత పరిస్థితుల నేపథ్యంలో ప్రాజెక్టు నిర్మాణం ఆలస్యమవుతూ వచ్చింది. విద్యుత్ కొరతతో కొట్టుమిట్టాడుతున్న భారత్‌కు ఈ ప్రాజెక్టు నుంచి విద్యుత్ సరఫరా అవుతుంది కాబట్టి రాజకీయ పార్టీలు సైతం తమ దేశానికి పెద్ద ఎత్తున ప్రయోజనం కలగాలని పట్టుబడుతూ వచ్చాయి. సుదీర్ఘ విరామం తర్వాత ఎట్టకేలకు నేపాల్ ఇన్వెస్ట్‌మెంట్ బోర్డ్‌తోపాటు నేపాల్ కేబినెట్ గ్రీన్ సిగ్నల్ ఇచ్చింది. ఈ నెల 19న జీఎంఆర్‌తో ప్రాజెక్టు అభివృద్ధి ఒప్పందం(పీడీఏ) కుదిరింది. నేపాల్ ప్రధాని సుశీల్ కొయిరాలా, భారత హోం  మంత్రి రాజ్‌నాథ్ సింగ్ సమక్షంలో సంతకాలు జరిగాయి.
  
 భారీ ఎఫ్‌డీఐ..: కర్నాలి నదిపై నిర్మించనున్న ఈ జల విద్యుత్ ప్రాజెక్టు అంచనా వ్యయం రూ.9,000 కోట్లు. నేపాల్‌లోకి రానున్న విదేశీ ప్రత్యక్ష పెట్టుబడుల్లో ఇదే భారీది. ప్రాజెక్టులో 27 శాతం ఉచిత వాటా నేపాల్ ఎలక్ట్రిసిటీ అథారిటీకి జీఎంఆర్ ఇస్తుంది. కన్సెషన్ పీరియడ్ 25 ఏళ్లు. అంటే 25 ఏళ్ల తర్వాత ప్రాజెక్టు యాజమాన్య హక్కులు నేపాల్ ప్రభుత్వానికి బదిలీ అవుతాయి. తాజా ఒప్పందం ప్రభావంతో తమ దేశానికి మరిన్ని ఎఫ్‌డీఐలు కార్యరూపం దాలుస్తాయని నేపాల్ ప్రభుత్వం భావిస్తోంది. ప్రాజెక్టును నిర్మించే ప్రాంతంలో 2 మెగావాట్ల విద్యుదుత్పత్తి కేంద్రాన్ని జీఎంఆర్ ప్రత్యేకంగా నెలకొల్పనుంది.
  
 భారత్ వెలుపల..
 జీఎంఆర్ గ్రూప్‌నకు భారత్ వెలుపల అతిపెద్ద ప్రాజెక్టు ఇదే కావడం విశేషం. 2016 సెప్టెంబర్ నాటికి ఫైనాన్షియల్ క్లోజర్ పూర్తి చేస్తామని కంపెనీ వెల్లడించింది. ప్రాజెక్టులో వాణిజ్య ఉత్పత్తి సెప్టెంబరు 2021 నాటికి ప్రారంభమవుతుందని కంపెనీ అంచనా వేస్తోంది. ఏటా 3,500 మిలి యన్ యూనిట్ల విద్యుత్ ఉత్పత్తి అవుతుందని అంచనా. ఇందులో 12 శాతం నేపాల్‌కు ఉచితంగా ఇవ్వనున్నారు. మిగిలినది భారత్‌కు సరఫరా చేస్తారు. విద్యుత్ ప్రాజెక్టు అభివృద్ధికి తాము కట్టుబడి ఉన్నామని జీఎంఆర్ గ్రూప్ చైర్మన్ జీఎం రావు ఈ సందర్భంగా చెప్పారు.


  హైదరాబాద్ విమానాశ్రయంలో యూడీఎఫ్ రద్దు
  ఏప్రిల్ 1 నుంచి 2016  మార్చి 31 దాకా అమలు
  ఎయిర్‌పోర్ట్స్ ఎకనమిక్ రెగ్యులేటరీ అథారిటీ నిర్ణయం
  ఏటా రూ. 630 కోట్ల మేర నష్టం!
  
   హైదరాబాద్, బిజినెస్ బ్యూరో:  పారిశ్రామిక దిగ్గజం జీఎంఆర్ గ్రూప్‌నకు విమానాశ్రయాల నియంత్రణ సంస్థ ఏఈఆర్‌ఏ షాకిచ్చింది. గ్రూప్ సారథ్యంలోని హైదరాబాద్ అంతర్జాతీయ విమానాశ్రయంలో యూజర్ డెవలప్‌మెంట్ ఫీజులు (యూడీఎఫ్) రద్దు చేయాలని నిర్ణయించింది. ఏరోనాటికల్ టారిఫ్‌లపై సంబంధిత వర్గాలతో సంప్రదింపుల అనంతరం ఏఈఆర్‌ఏ ఈ మేరకు ఆదేశాలు జారీ చేసింది. ఈ ఆదేశాలు ఏప్రిల్ 1 నుంచి 2016 మార్చి 31 దాకా అమల్లో ఉంటాయి. ప్రస్తుతం ఈ విమానాశ్రయం నుంచి దేశీ రూట్లలో చేసే ప్రయాణాలకు రూ. 430, విదేశీ ప్రయాణాలకు రూ. 1,700 చొప్పున ప్రయాణికుల నుంచి జీఎంఆర్ హైదరాబాద్ ఇంటర్నేషనల్ ఎయిర్‌పోర్ట్ (జీహెచ్‌ఐఏఎల్) యూడీఎఫ్ కింద వసూలు చేస్తోంది. ఈ చార్జీలకు పన్నులు కూడా కలిపితే రూ. 484/1,910 దాకా అవుతోంది.
  
   ఎయిర్‌పోర్టును అంతర్జాతీయ స్థాయిలో నిర్వహించాలంటే ఈ ఫీజులు వసూలు చేయడం తప్పనిసరని కంపెనీ చెబుతున్నప్పటికీ.. ఈ భారీ ఫీజులపై వివిధ వర్గాల నుంచి వ్యతిరేకత వ్యక్తమవుతోంది. ఈ నేపథ్యంలోనే యూడీఎఫ్‌ను ‘సున్నా’ స్థాయికి తగ్గించాలన్న ఏఈఆర్‌ఏ నిర్ణయం ప్రాధాన్యం సంతరించుకుంది.  మరోవైపు, ఏఈఆర్‌ఏ ఆదేశాలను అధ్యయనం చేస్తున్నామని, దీనిపై ప్రస్తుతం వ్యాఖ్యానించలేమని జీఎంఆర్ హైదరాబాద్ ఇంటర్నేషనల్ ఎయిర్‌పోర్ట్ (జీహెచ్‌ఐఏఎల్) వర్గాలు తెలిపాయి. విమానాశ్రయాల అభివృద్ధికి చేసిన పెట్టుబడులను, నిర్వహణ వ్యయాలను రాబట్టుకునేందుకు ఎయిర్‌పోర్టు ఆపరేటింగ్ సంస్థలు.. ప్రయాణికుల నుంచి యూడీఎఫ్ వసూలు చేస్తుంటాయి. హైదరాబాద్ విమానాశ్రయంలో దిగే ప్రయాణికుల నుంచి కూడా చార్జీలు వసూలు చేయాలని కూడా జీఎంఆర్ గ్రూప్ గతంలోప్రతిపాదించినా అది సాధ్యపడలేదు.
  
  జీహెచ్‌ఐఏఎల్‌లో జీఎంఆర్ గ్రూప్‌నకు 63%, కేంద్ర..రాష్ట్ర ప్రభుత్వాలకు చెరి 13%, మలేషియా ఎయిర్‌పోర్ట్స్ హోల్డింగ్స్‌కి 11% వాటాలు ఉన్నాయి. 2008 మార్చిలో హైదరాబాద్‌లోని శంషాబాద్‌లో ప్రారంభమైన అంతర్జాతీయ విమానాశ్రయం నుంచి 2012-13లో సుమారు 63 లక్షల మంది దేశీయ ప్రయాణికులు, 21లక్షల మంది అంతర్జాతీయ ప్రయాణికులు ప్రయాణించారు. ఈ ఆర్థిక సంవత్సరం ప్రథమార్ధంలో 32 లక్షల మంది దేశీ, 12 లక్షల మంది అంతర్జాతీయ ప్రయాణికులు ప్రయాణించారు. 2012-13లో యూడీఎఫ్‌ల ద్వారా సంస్థకు రూ.630 కోట్ల ఆదాయం లభించింది.
  


 న్యూఢిల్లీ: భారత మాజీ కోచ్ గ్యారీ కిర్‌స్టెన్ చిన్నారులకు క్రికెట్ పాఠాలు బోధించారు. జీఎంఆర్ గ్రూప్ ఏర్పాటు చేసిన ఓ క్యాంప్‌లో 12-13 ఏళ్ల వయసున్న 100 మంది పిల్లలకు ఆటలోని సాంకేతిక అంశాలపై శిక్షణ ఇచ్చారు.బ్యాటింగ్‌లో వివిధ రకాల మెలకువలతో పాటు స్పిన్నర్లను ఎదుర్కోవడంపై పలు సూచనలు చేశారు. టీమిండియా కెప్టెన్ ఎం.ఎస్. ధోని స్పిన్‌ను అద్భుతంగా ఆడతాడని ఈ సందర్భంగా కితాబిచ్చారు. మహీ బ్యాటింగ్, స్టాన్స్, టెక్నిక్ గురించి చిన్నారులకు వివరించారు. ‘ధోని స్పిన్ ఆడుతున్నప్పుడు బంతిని బాగా వెనుక నుంచి తీసుకుంటాడు. సిక్సర్లు కొట్టినప్పుడు మినహా... మిగతా సందర్భాల్లో ఎక్కువగా బ్యాక్‌ఫుట్‌లోనే ఆడతాడు.
  
  భారత్‌లో చాలా మంది క్రికెటర్లు స్పిన్ బాగా ఆడతారు. కానీ వారందరిలో ధోని మెరుగ్గా ఆడతాడు’ అని ఢిల్లీ డేర్‌డెవిల్స్ చీఫ్ కోచ్ అయిన కిర్‌స్టెన్ వెల్లడించారు. చిన్నారులు వేసిన ప్రశ్నలకు కోచ్ తనదైన శైలిలో సమాధానమిచ్చారు. ‘రెండు మిలియన్ డాలర్లకు వీరూను రిటైన్ చేసుకోవాలని మీరు ఫ్రాంచైజీ యాజమాన్యానికి సూచిస్తారా?’ అని అడిగిన ఓ ప్రశ్నకు... గట్టిగా నవ్వుతూ సమాధానాన్ని దాటవేశాడు.