దేశంలో కోట్లాది మంది రైలు ప్రయాణికులను ప్రభావితం చేసే కొత్త రూల్‌ను భారతీయ రైల్వే ప్రవేశపెడుతోంది. రైళ్లలో ప్రయాణ సౌకర్యాన్ని పెంచడం, రిజర్వ్‌డ్‌ కోచ్‌లలో రద్దీని నివారించడం లక్ష్యంగా ఇండియన్‌ రైల్వే మే 1 నుండి కొత్త నిబంధనను అమలు చేస్తోంది. ఈ నిబంధన ప్రకారం వెయిటింగ్ లిస్ట్ టికెట్లు ఉన్న ప్రయాణికులను ఇకపై స్లీపర్, ఏసీ బోగీల్లో అనుమతించరు.వీరిపైనే ప్రభావంరైల్వే అమలు చేస్తున్న ఈ కొత్త మార్గదర్శకాలు ముఖ్యంగా రైల్వే కౌంటర్ల నుంచి వెయిటింగ్ లిస్ట్ టికెట్లు బుక్ చేసుకునే వారిపై ప్రభావం చూపనున్నాయి. ఐఆర్‌సీటీసీ, ఇతర అధీకృత వెబ్‌సైట్ల ద్వారా ఆన్‌లైన్‌ చేసుకున్న టికెట్లు కన్‌ఫర్మ్‌ కాకపోతే ఆటోమేటిక్‌ అవి రద్దవుతాయి. ఆఫ్‌లైన్‌లో రైల్వే కౌంటర్ల ద్వారా బుక్ చేసుకున్న టికెట్లు కన్‌ఫర్మ్‌ కాకపోయినప్పటికీ ప్రయాణికులు వాటితో రైలు ఎక్కే అవకాశం ఉండేది. అలా ఎక్కిన ప్రయాణికులు ఎక్కడైనా ఖాళీ ఉంటే టీటీఈ ద్వారా వాటిని పొందే వీలు ఉండేది. అయితే ఇలా ఎక్కువ మంది స్లీపర్ లేదా ఏసీ బోగీల్లోకి ప్రవేశించి అన్ రిజర్వ్ డ్ సీట్లను ఆక్రమించుకోవడం లేదా ఆయా కోచ్‌లలో రద్దీకి కారణమవుతున్నారు.టీటీఈలకు అధికారాలుకొత్త ఆదేశాల ప్రకారం.. ట్రావెలింగ్ టికెట్ ఎగ్జామినర్లకు (టీటీఈ) భారతీయ రైల్వే కొన్ని అధికారాలు ఇచ్చింది. వెయిటింగ్ లిస్ట్ టికెట్లతో రిజర్వ్‌డ్‌ స్లీపర్ లేదా ఏసీ సీట్లను ఆక్రమించుకున్న ప్రయాణికులకు జరిమానా విధించవచ్చు. అలాగే అటువంటి ప్రయాణికులను అన్‌రిజర్వ్‌డ్ టికెట్ హోల్డర్లు ప్రయాణించే జనరల్‌ కోచ్‌కు పంపించే అధికారం టీటీఈలకు ఉంటుంది.ఈ నిబంధన ఎందుకంటే..ప్రయాణికుల సౌకర్యార్థం ఈ నిబంధనను అమలు చేస్తున్నామని నార్త్ వెస్ట్రన్ రైల్వే చీఫ్ పబ్లిక్ రిలేషన్స్ ఆఫీసర్ కెప్టెన్ శశికిరణ్ వివరించారు. వెయిటింగ్ టికెట్ హోల్డర్లు కోచ్‌లలోకి ప్రవేశించి రిజర్వ్‌డ్‌ సీట్లను బలవంతంగా ఆక్రమించుకుంటున్నారని, ప్రయాణికులు తిరిగేందుకు కూడా వీలులేకుండా మార్గాలను స్తంభింపజేస్తున్నారని తరచూ ఫిర్యాదులు వస్తున్నాయని పేర్కొన్నారు.ఈ కొత్త నిబంధనతో రైళ్లలో ఎక్కేందుకు వెయిటింగ్ లిస్ట్ టికెట్లపై ఆధారపడే ప్రయాణికులు తమ ప్రయాణ ప్రణాళికలను పునరాలోచించుకోవాల్సి ఉంటుంది. ఇకపై స్లీపర్, ఏసీ బోగీల్లో ప్రయాణించాలంటే కన్ఫర్మ్ టికెట్ తప్పనిసరి. లేదంటే మీ ట్రిప్ క్యాన్సిల్ చేసుకోవడమో లేదా జనరల్ అన్ రిజర్వ్‌డ్ క్లాస్ లో ట్రావెల్ చేయడమో చేయాల్సి ఉంటుంది.

ప్రపంచంలో నాల్గవ అతిపెద్ద రైల్వే నెట్‌వర్క్ కలిగిన.. ఇండియన్ రైల్వే దేశవ్యాప్తంగా లక్షలాది మంది ప్రయాణికులను తమ గమ్యాలకు చేరుస్తుంది. ప్రస్తుతం భారతీయ రైల్వే ప్రతిరోజూ 13,000 ప్యాసింజర్ రైళ్లను నడుపుతోంది. ట్రైన్ల సంఖ్య భారీగా ఉన్నప్పటికీ.. పండుగల సీజన్‌లో టికెట్ బుక్ చేసుకోవడం చాలా కష్టమైన పని. అయినప్పటికీ సాహసించి టికెట్ బుక్ చేసుకుంటే.. టికెట్‌పై WL, PQWL, GNWL, RSWL వంటి పదాలు కనిపించే ఉంటాయి. ఇవి మీ బుకింగ్ స్థితిని సూచిస్తాయి. అంతే కాకుండా రైలులో మీకు సీటు లభిస్తుందో లేదో నిర్ణయిస్తాయి. ఈ పదాల అర్థం ఏమిటో మనం ఇక్కడ తెలుసుకుందాం.డబ్ల్యుఎల్ (WL): డబ్ల్యుఎల్ అంటే వెయిటింగ్ లిస్ట్‌ అని అర్థం. అంటే మీరు వెయిటింగ్ టిస్టులో ఉన్నారని ఈ పదం సూచిస్తుంది. టికెట్స్ కన్ఫర్మ్‌ అయిన వారు ఎవరైనా వారి టికెట్ క్యాన్సిల్ చేసుకుంటే.. మీకు సీటు లభించే అవకాశం ఉంటుంది.జీఎన్‌డబ్ల్యూఎల్ (GNWL): GNWL అంటే జనరల్ వెయిటింగ్ లిస్ట్. ట్రైన్ టికెట్ బుక్ చేసుకున్న సమయంలో ఇలా ఉంటే.. మీకు బెర్త్ కన్ఫర్మ్‌ అయ్యే అవకాశం ఎక్కువగా ఉంటాయి. జనరల్ వెయిటింగ్ లిస్ట్.. అనేది ప్రారంభ స్టేషన్ లేదా సమీపంలోని ఏదైనా ఇతర ప్రధాన స్టేషన్ నుండి బుక్ చేసుకున్న టిక్కెట్లకు వర్తిస్తుంది. ఇతర వెయిటింగ్ లిస్ట్ బుకింగ్‌లతో పోలిస్తే GNWL టిక్కెట్లు కన్ఫర్మ్‌ అయ్యే అవకాశాలు ఎక్కువగా ఉంటాయి.ఇదీ చదవండి: టోల్ కలెక్షన్ విధానంలో సంచలన మార్పు: 15 రోజుల్లో అమలు!పీక్యూడబ్ల్యుఎల్ (PQWL): PQWL అంటే పూల్డ్ కోటా వెయిటింగ్ లిస్ట్ అని అర్థం. అంటే ఇలాంటి టికెట్లకు సీటు కన్ఫర్మ్‌ అవకాశం చాలా తక్కువ. రైలు నిలిచిపోయే స్టేష‌న్‌కు ఒక‌టి రెండు స్టేష‌న్ల ముందు వ‌ర‌కు కూడా వీటిని ఇస్తారు. కొన్ని సంద‌ర్భాల్లో మార్గమధ్యలో ఉన్న రెండు స్టేషన్‌లకు ఈ లిస్టును చూపిస్తారు.ఆర్ఎస్డబ్ల్యుఎల్ (RSWL): RSWL అంటే రిమోట్ లొకేషన్ వెయిటింగ్ లిస్ట్ అని అర్థం. ఇందులో కూడా సీటు కన్ఫర్మ్‌ అయ్యే అవకాశం చాలా తక్కువగా ఉంటుంది.

రైలులో ప్రయాణిస్తున్నప్పుడు కొన్ని కారణాలతో ప్రయాణికుల టికెట్‌ చిరిగిపోతూ ఉంటుంది. లేదా ఇంకొన్ని సందర్భాల్లో టికెట్‌ ఎక్కడో పడిపోతుంది. అలాంటప్పుడు వేరే టికెట్‌ తీసుకోవాలా? లేదా అప్పటికే ప్రయాణంలో ఉంటే రైలు నుంచి దింపేస్తారా? అనే అనుమానం ఎప్పుడైనా వచ్చిందా.. అయితే రైల్వే నిబంధనల ప్రకారం అలాంటి సందర్భంలో టీటీఈ (ట్రావెలింగ్ టికెట్ ఎగ్జామినర్) ఎలాంటి చర్యలు తీసుకోవచ్చో.. ప్రయాణికులు అందుకు అనుగుణంగా ఎలా స్పందించాలో కింద తెలుసుకుందాం.టికెట్ లేకుండా ప్రయాణం చేయడం చట్టరీత్యా నేరం. ఒకవేళ అసలు టికెట్‌ తీసుకోకుండానే ప్రయాణం చేసీ టీటీఈకి పట్టుబడితే పూర్తి టికెట్‌ ఛార్జీతో పాటు అదనపు జరిమానా చెల్లించాల్సి ఉంటుంది. ఇది కనీసం రూ.250 లేదా టికెట్ మొత్తానికి రెట్టింపు ఉంటుంది. ఒకవేళ ఆ మొత్తం చెల్లించలేకపోతే టీటీఈ తదుపరి స్టేషన్‌లో దింపి రైల్వే పోలీసులకు అప్పగించే అధికారం ఉంది. కొన్నిసార్లు ప్రయాణికులు రైలు ఎక్కిన తర్వాత టికెట్ కొనాలనుకుంటారు. ఇది సాధ్యమే, కానీ ఖాళీ సీటు అందుబాటులో ఉండాలి. అందుకోసం సాధారణ ఛార్జీల కంటే అదనంగా రుసుము వసూలు చేస్తారు.పోయిన లేదా చిరిగిన టిక్కెట్లుప్రయాణంలో మీ టికెట్ పోయినట్లయితే లేదా చిరిగిపోతే మిమ్మల్ని టికెట్ లేని ప్రయాణికుడిగా పరిగణించరు. మీరు టీటీఈ నుంచి డూప్లికేట్ టికెట్ పొందవచ్చు. కానీ అప్పటికే మీరు పోయిన టికెట్‌కు డబ్బు చెల్లించినప్పటికీ కొత్తగా తీసుకునే టికెట్‌ను ఉచితంగా అందించరు. అ​ందుకు నిర్ణీత మొత్తాన్ని చెల్లించాలి. వెరిఫికేషన్ కోసం మీ ఐడీని చూపించాల్సి ఉంటుంది. మొబైల్‌లో ఆన్‌లైన్‌ టికెట్ అందుబాటులో ఉంటే డూప్లికేట్ టికెట్ అవసరం లేదు. మొబైల్‌లో మీ ఈ-టికెట్‌ను టీటీఈకి చూపించవచ్చు. అది చెల్లుబాటు అవుతుంది.ఇదీ చదవండి: పొదుపు సీక్రెట్‌ రివీల్‌ చేసిన నితిన్‌ కామత్‌రైలు ఆలస్యమైతే రీఫండ్‌భారతీయ రైల్వే నిబంధనల ప్రకారం మీరు ప్రయాణించాలనుకున్న రైలు 3 గంటలు లేదా అంతకంటే ఎక్కువ ఆలస్యమైతే టికెట్‌ ఛార్జీలు రీఫండ్ పొందవచ్చు. ఇందుకోసం టీడీఆర్ (టికెట్ డిపాజిట్ రసీదు) దాఖలు చేయాలి. రైలు ప్రయాణంలో ఏదైనా అత్యవసర పరిస్థితి (దొంగతనం లేదా దాడి వంటివి) జరిగితే రైల్వే హెల్ప్‌లైన్‌ నంబర్ 139కు కాల్ చేయవచ్చు లేదా టీటీఈ లేదా రైల్వే పోలీసులకు ఫిర్యాదు చేయవచ్చు.

కొన్ని రైళ్లు పగలు కంటే రాత్రిపూటే వేగంగా ప్రయాణిస్తున్నట్లు అనిపిస్తుంది కదా. నిత్యం రైలు ప్రయాణం చేస్తున్నవారు ఇది గమనించే ఉంటారు. ఇది ఒక మిస్టరీగా అనిపించినప్పటికీ దీని వెనుక కారణాలు లేకపోలేదు. కొన్ని ఆసక్తికరమైన, ఆచరణాత్మక కారణాలను నిపుణులు విశ్లేషిస్తున్నారు. రాత్రిపూట రైలు వేగం పెరగడానికి దోహదపడే కీలక అంశాలను తెలియజేస్తున్నారు.ట్రాక్ రద్దీ తగ్గుదలపగటిపూట రైల్వే ట్రాక్‌లు రద్దీగా ఉంటాయి. ప్యాసింజర్ రైళ్లు, సరుకు రవాణా రైళ్లు, ప్రధాన గేట్ల వద్ద పగలు ప్రజల సంచారం వంటి అంశాలతో రైళ్ల రాకపోకలు ఆలస్యం అవుతుంటాయి. పగలు ఇతర రైళ్ల డైవర్షన్‌ కోసం కొన్ని రైళ్లను గంటల తరబడి నిలిపేస్తుంటారు. రాత్రిపూట ఈ ఇబ్బందులు తక్కువగా ఉంటాయి. దాంతో రైళ్లు వేగంగా నడిచేందుకు వీలుంటుంది.తక్కువ స్టాప్‌లుపగటిపూట ప్యాసింజర్ రైళ్లతో పోలిస్తే రాత్రిపూట రైళ్లు, ముఖ్యంగా సుదూర, సరుకు రవాణా సేవలు అందించే రైళ్లకు తక్కువ స్టాపులను షెడ్యూల్ చేస్తారు. దాంతో అంతరాయాలు లేకుండా రైళ్లు వాటి వేగాన్ని కొనసాగించే అవకాశం ఉంటుంది.డ్రైవర్ విజిబిలిటీనైట్ డ్రైవింగ్‌లో కొన్ని సవాళ్లు ఉన్నప్పటికీ, పగలు రద్దీగా ఉండే స్టేషన్లు లేదా రద్దీగా ఉండే క్రాసింగ్‌లపై లోకోపైలట్లు పెద్దగా దృష్టి కేంద్రీకరించే అవసరం ఉండదు. దాంతో పూర్తిగా డ్రైవింగ్‌, ట్రాక్‌పైనే దృష్టి పెట్టడానికి అవకాశం ఉంటుంది. హై పవర్డ్ హెడ్ లైట్స్, ఆధునిక సిగ్నలింగ్ సిస్టమ్స్ వంటి అధునాతన సాంకేతికత సురక్షితమైన, సమర్థవంతమైన కార్యకలాపాలను నిర్ధారిస్తుంది.ఇదీ చదవండి: జియోస్టార్‌ యూట్యూబ్‌ కంటెంట్‌ తొలగింపుషెడ్యుల్‌లో మార్పులురైల్వే నెట్వర్క్‌ సామర్థ్యాన్ని పెంచడానికి రాత్రిపూట రైళ్ల షెడ్యుల్‌ను వ్యూహాత్మకంగా ప్లాన్ చేస్తారు. వేగవంతమైన ప్రయాణానికి అధిక ప్రాధాన్యత ఇస్తారు. ముఖ్యంగా పీక్ అవర్స్‌లో ప్రాంతాల మధ్య వస్తువులను రవాణా చేసే సరుకు రవాణా రైళ్ల కోసం ప్రత్యేకంగా సమయాన్ని కేటాయిస్తారు.

ఝాన్సీ: ఉత్తరప్రదేశ్‌లోని ఝాన్సీలో విచిత్ర ఉదంతం చోటుచేసుకుంది. రైలులోని జనరల్‌ కోచ్‌లో ఝాన్సీ నుంచి ఢిల్లీకి వెళ్తున్న ఓ యువకుడిని పాము కాటు వేసింది. దీంతో ప్రయాణికులంతా భయపడిపోయారు. ఈ సందర్భంగా తొక్కిసలాట జరిగింది. గ్వాలియర్‌లో అధికారులు రైలును నిలిపివేసి, బాధితుడిని చికిత్స కోసం ఆస్పత్రికి తరలించారు.మధ్యప్రదేశ్‌లోని తికమ్‌గఢ్‌కు చెందిన 30 ఏళ్ల భగవాన్‌దాస్ ఢిల్లీకి వెళ్లేందుకు ఖజురహో-ఝాన్సీ రైలులోని జనరల్ కోచ్‌లో ఎక్కాడు. బోగీలో జనం ఎక్కువగా ఉండడంతో డోర్‌ వెనకే నిలబడ్డాడు. రాత్రి 10 గంటల సమయంలో దబ్రా-గ్వాలియర్ మధ్య రైలు నడుస్తుండగా భగవాన్‌దాస్‌ను పాము కాటువేసింది. దీంతో అతను భయంతో కేకలు వేశాడు. అక్కడున్న ప్రయాణికులు అ పామును చూసి, హడలిపోయిన దూరంగా జరిగే ప్రయత్నం చేశారు. ఈ సమయంలో ప్రయాణికుల మధ్య తొక్కిసలాట జరిగింది.ఇంతలో ఒక ప్రయాణికుడు రైల్వే హెల్ప్‌లైన్ నంబర్ 139కి కాల్ చేసి, సంఘటన గురించి అధికారులకు తెలియజేశాడు. రైలు 10.30 గంటలకు గ్వాలియర్‌కు చేరుకోగానే, రైలు అధికారులు బాధితుడిని రైలు నుండి దింపి అంబులెన్స్‌లో ఆస్పత్రికి తరలించారు. ఈ సందర్భంగా రైల్వే పీఆర్‌ఓ మనోజ్ కుమార్ సింగ్ మాట్లాడుతూ నిజానికి రైలులో ఇటువంటి పాములు ఉండవని, వికృత చేష్టలకు పాల్పడే కొందరు ఇలాంటి పనికి పాల్పడి ఉంటారన్నారు.ఇది కూడా చదవండి: ట్రంప్‌ మార్క్‌.. ఎలాన్‌ మస్క్‌, వివేక్‌ రామస్వామికి కీలక పదవులు

సాధారణంగా లక్షల జీతం తీసుకునే చాలామంది రైలు ప్రయాణం కంటే.. విమాన ప్రయాణాన్నే ఇష్టపడతారు. కానీ కొందరు మాత్రం ఎంత సంపాధించినా ట్రైన్ జర్నీ చేయడానికి ఇష్టపడుతుంటారు. దీని వెనుక అనేక కారణాలు ఉండొచ్చు.చిరాగ్ దేశ్‌ముఖ్‌.. ట్రైన్ జర్నీలో ఒక కంపెనీలో సాఫ్ట్‌వేర్ డెవలపర్‌గా పనిచేస్తున్న & ఏడాదికి రూ. 30 లక్షల జీతం తీసుకునే వ్యక్తిని కలిశారు. సంవత్సరానికి ఇన్ని లక్షలు సంపాదిస్తున్నారు, ఎందుకు ట్రైన్ జర్నీ చేస్తున్నావు అనే ప్రశ్న వేశారు. దీనికి ఆ సాఫ్ట్‌వేర్ డెవలపర్‌ సమాధానమిస్తూ.. తన చదువు పూర్తయిన తరువాత ఉద్యోగం లేకుండా ఇబ్బంది పడ్డాను. ఆ సమయంలో ఒక రైలు ప్రయాణంలో, ఓ వ్యక్తి పరిచయమయ్యారు. ఆ వ్యక్తి అన్నయ్య కారణంగా నాకు జాబ్ వచ్చింది అని చెప్పారు. ఆ సమయంలో ఎప్పుడూ ట్రైన్ జర్నీ చేయాలని నిర్ణయించుకున్నా అని వివరించారు.ఈ విషయాన్నే చిరాగ్ దేశ్‌ముఖ్‌ తన ఎక్స్ ఖాతాలో షేర్ చేశారు. ఇది ప్రస్తుతం నెట్టింట్లో తెగ వైరల్ అవుతోంది. పలువురు నెటిజన్లు తమదైన రీతిలో కామెంట్ల వర్షం కురిపిస్తున్నారు. ఇందులో కొందరు ట్రైన్ జర్నీ చాలా సరదాగా ఉంటుందని అన్నారు. తెలియని వ్యక్తులతో కూడా పరిచయం ఏర్పడుతుంది. విమాన ప్రయాణంలో ఈ అవకాశం ఉండదు. విమానంలో అందరూ బిజీగా ఉంటారని కొందరు అన్నారు.Funny story !!!!Today, I was traveling by train and met a guy who works as a software developer at a big company, earning over 30 lakhs a year. I asked him, "With that kind of money, why aren't you flying instead of taking the train?Thread... pic.twitter.com/GH5yssTtLT— Chirag Deshmukh (@Geekychiraag) August 20, 2024

న్యూఢిల్లీ: ప్రధానమంత్రి నరేంద్రమోదీ ఈనెలలో యుద్ధ భూమి ఉక్రెయిన్‌లో పర్యటించనున్న విషయం తెలిసిందే. ఆగష్టు 23న ఉక్రెయిన్‌ దేశాధ్యక్షుడు వ్లాదిమిర్‌ జెలెన్‌స్కీతో మోదీ భేటీ కానున్నారు. అయితే ఇతర దేశాల మాదిరిగా విమానాల్లో కాకుండా.. ప్రధాని మోదీ రైలులో ప్రయాణించి ఉక్రెయిన్‌ రాజధానికి చేరుకోనున్నారు. అదే అత్యంత సురక్షితమైన రైలే కాకుండా విలాసవంతమైన రైలుగా పేరొందిన ‘ట్రైన్‌ ఫోర్స్‌ వన్‌ ’లో మోదీ ప్రయాణించనున్నారు.రైలు ప్రత్యేకతలుఇది సౌకర్యవంతమైన, అత్యున్నత స్థాయి ప్రయాణాన్ని అందిస్తుంది. ఇది సాధారణ రైలు కాదు. అత్యంత భద్రతతో కూడుకొని ఉంది. విలాసవంతమైన క్యాబిన్లు ఉన్నాయి. సమావేశాల కోసం పెద్ద పెద్ద టేబుల్స్‌, సోఫా, టీవీతో పాటు విశ్రాంతి తీసుకునేందుకు సౌకర్యవంతమైన పడక గది కూడా ఉంటుంది. అయితే యుద్ధం జరుగుతున్న ప్రాంతాల్లో ఈ లగ్జరీ రైలును నిర్వహించడం అంత సులువు కాదు. అందుకే వీటి భద్రత కూడా అదే స్థాయిలో ఉండేలా ఉక్రెయిన్‌ అధికారులు పకడ్బందీ ఏర్పాట్లు చేశారు.యుద్దంలో దెబ్బతిన్న మార్గాల గుండా 10 గంటలు ప్రయాణించి కీవ్‌ చేరుకోనున్నారు. తిరుగు ప్రయాణంలోనూ మరో 10 గంటలు ప్రయాణించనున్నారు. దీంతో మొత్తం 20 గంటలపాటు ఈ రైలులో గడపనున్నారు. ఈ లగ్జరీ రైలులో గతంలో అమెరికా అధ్యక్షుడు జో బైడెన్‌, ఫ్రెంచ్‌ అధ్యక్షుడు ఇమ్మాన్యుయేల్‌ మాక్రాన్‌ వంటి ప్రపంచ నాయకులు సైతం ప్రయాణంచారు.కాగా గత 30 ఏళ్లలో భారత ప్రధాని ఒకరు ఉక్రెయిన్‌లో పర్యటించనుండడం ఇదే తొలిసారి. ఉక్రెయిన్‌లో కొనసాగుతున్న యుద్ధం అంశంపై మోదీ, జెలెస్కీ నేతలు చర్చించనున్నారు. అయితే 2022లో ఉక్రెయిన్‌పై రష్యా సైనిక చర్య ప్రారంభించిన తర్వాత ప్రధాని మోదీ కీవ్‌ పర్యటనకు వెళ్లడం ఇదే తొలిసారి. ఉక్రెయిన్‌ కంటే ముందు ప్రధాని ఆగష్టు 21న పోలండ్‌లో పర్యటించనున్నారు.

చివరి నిమిషంలో ఊరు వెళ్లేందుకు ప్లాన్ చేస్తున్నారా? లేదంటే వీరే ప్రాంతంలో మీకు అత్యవసర పనిబడిందా? ఇందుకోసం మీరు ముందస్తుగా ట్రైన్‌ టికెట్‌ బుక్‌ చేసుకోలేదా? చింతించకండి. ప్రయాణికుల కోసం ఐఆర్‌సీటీసీ టికెట్‌ బుకింగ్‌లో కొత్త సదుపాయాన్ని కల్పించింది.పలు కారణాల వల్ల చివరి నిమిషంలో ప్రయాణికులు వారు బుక్‌ చేసుకున్న ట్రైన్‌ టికెట్‌లను క్యాన్సిల్‌ చేస్తుంటారు. మరి ఆ టికెట్‌లు వృధాగా పోతున్నాయి. అందుకే రైలు ప్రయాణానికి ఐదు నిమిషాల ముందు ట్రైన్‌ టికెట్‌ బుక్‌ చేసుకునే అవకాశం కల్పిస్తోంది.అయితే స్లీపర్, 3ఏసీ, 2ఏసీ, 1ఏసీలో సీట‍్లు ఖాళీగా ఉంటే.. జర్నీకి ఐదు నిమిషాల ముందు ట్రైన్‌ టికెట్‌ బుక్‌ చేసుకోవచ్చు. మరి ఈ భోగీల్లో సీట్లు ఖాళీగా ఉన్నాయా? లేదా? అని తెలుసుకునేందుకు ఆన్‌లైన్‌ చార్ట్‌ వెబ్‌సైట్‌లోకి వెళ్లి ..ట్రైన్‌ వివరాలు ఎంటర్‌ చేసిన తర్వాత గెట్‌ ట్రైన్‌ చార్ట్‌ కనిపిస్తుంది. ఇందులో ట్రైన్‌ వివరాలు కనిపిస్తాయి. అక్కడ సీట్లు ఉన్నాయని తెలుస్తే బుక్‌ చేసుకోవచ్చు.

ఢిల్లీ: దేశంలో ఏదో ఒక​ చోట మహిళలు, యువతుల పట్ల కొందరు పొకిరీలు ఏదో ఒక చోట వేధింపులను గురి చేస్తూనే ఉన్నారు. ఎన్ని చట్టాలు తెచ్చిన కొందరు మాత్రం తమ ప్రవర్తనను మార్చుకోవడం లేదు. అయితే, తాజాగా రైలు ప్రయాణంలో తనను వేధించిన ఓ వ్యక్తికి మహిళ తగిన బుద్ధి చెప్పింది. దీనికి సంబంధించిన వీడియో సోషల్‌ మీడియాలో వైరల్‌గా మారింది.  వివరాల ప్రకారం.. రైలు ప్రయాణంలో ఓ మహిళaతో మరో ప్రయాణికుడు అనుచితంగా ప్రవర్తించాడు. సదరు వ్యక్తి ఆమె పక్కనే కూర్చోని మహిళను అసభ్యకరంగా తాకాడు. దీంతో, ఆ మహిళ ఆగ్రహంతో రగిలిపోయింది. వెంటనే తన చెప్పుతో ఆ వ్యక్తి చెంపపై పలుసార్లు కొట్టింది. అతడి జుట్టు పట్టుకుని తలపై బాదింది. ఆవేశంలో అంతటితో ఆగకుండా ఆ వ్యక్తి ప్రైవేట్‌ భాగాలపై కూడా చెప్పుతో కొట్టింది. Kalesh b/w a Lady and a Guy inside Indian Railways over this guy was misbehaving with her pic.twitter.com/JO9g16RVDZ — Ghar Ke Kalesh (@gharkekalesh) November 24, 2023 దీంతో, ఆమె దాడిని తట్టుకోలేని అతడు సీటు నుంచి లేచి అక్కడి నుంచి వెళ్లేందుకు ప్రయత్నించాడు. అయినప్పటికీ సీటు పైకి ఎక్కిన మహిళ ఆ వ్యక్తిని మరోసారి చెప్పుతో కొట్టింది. మిగతా ప్రయాణికులు సర్దిచెప్పేందుకు ప్రయత్నించినప్పటికీ ఆమె లెక్కచేయలేదు. ఇక, దీనికి సంబంధించిన వీడియో సోషల్‌ మీడియాలో వైరల్‌గా మారింది. 

రైల్వే ప్రయాణికుల సౌకర్యార్ధం ఐఆర్‌సీటీసీ మరో కీలక నిర్ణయం తీసుకుంది. ప్రయాణంలో ప్యాసింజర్లు కోరుకున్న ఆహారాన్ని అందించేలా ఫుడ్ డెలివరీ అగ్రిగేటర్ ‘జొమాటో’తో జత కట్టింది. దీంతో ప్రయాణికులు రైల్వే ప్రయాణంలో కావాల్సిన ఫుడ్‌ ఐటమ్స్‌ను ముందే బుక్‌ చేసుకుంటే నిర్ధేశించిన రైల్వే స్టేషన్‌లో ఆహారాన్ని అందించనుంది. ప్రస్తుతం, ఈ సౌకర్యం ఐదు స్టేషన్లకే పరిమితం చేసింది. ‘ప్రూఫ్ ఆఫ్ కాన్సెప్ట్’ కింద ప్రస్తుతం ఢిల్లీతోపాటు ప్రయాగ్ రాజ్, కాన్పూర్, లక్నో, వారణాసి స్టేషన్లలో జొమాటో సేవలు అందుబాటులో ఉంటాయి. ప్రస్తుతం నవరాత్రి ఉత్సవాల నేపథ్యంలో ఐఆర్‌సీటీసీ ప్రత్యేక సర్వీసులు, ఆఫర్లను అందిస్తుంది. ప్రత్యేకించి నవరాత్రోత్సవాల్లో ఉపవాసం ఉండే ప్రయాణికుల కోసం ప్రత్యేకంగా ‘థాలీ’ని అందిస్తున్నట్లు ఐఆర్‌సీటీసీ తెలిపింది.   ఐఆర్‌సీటీసీతో ఒప్పందంతో దేశీయ స్టాక్ మార్కెట్లలో జొమాటో షేర్ రూ.115 వద్ద 52 వారాల గరిష్ట స్థాయికి చేరింది. అయితే మదుపర్లు అమ్మకాల వైపు మొగ్గుచూపడంతో నష్టాల్లోకి పడిపోయింది. ట్రేడింగ్ ముగిసే సమయానికి జొమాటో షేర్ రూ.113.20 వద్ద ముగిసింది. ఐఆర్‌సీటీసీ స్టాక్ రెండు శాతం నష్టాలతో రూ.700 వద్ద ట్రేడయి, ట్రేడింగ్ ముగిసే సమయానికి 1.48 శాతం నష్టంతో రూ.704 వద్ద స్థిర పడింది.

హైదరాబాద్: ఇక రైలు ప్రయాణం ‘ప్రత్యేకమే’. మరో నాలుగు నెలల వరకు రెగ్యులర్‌ రైళ్లలో ప్రయాణం చేయడం దాదాపు అసాధ్యంగా మారింది. దసరా, సంక్రాంతి పండుగల దృష్ట్యా ఇప్పటికే అన్ని ప్రధాన మార్గాల్లో రిజర్వేషన్‌లు భర్తీ అయ్యాయి. చాలా రైళ్లలో వెయిటింగ్‌ లిస్టు వందల్లో దర్శనమిస్తోంది. కొన్ని రైళ్లలో బుకింగ్‌లకు కూడా అవకాశం లేకుండా ‘నో రూమ్‌’ కనిపిస్తోంది. దీంతో హైదరాబాద్‌ నుంచి సొంత ఊళ్లకు వెళ్లేందుకు నగరవాసులకు ప్రత్యేక రైళ్లే ప్రత్యామ్నాయంగా మారాయి. రెగ్యులర్‌ రైళ్లలో సాధారణ చార్జీలపైన రాకపోకలు సాగించేందుకు అవకాశం ఉండగా, ప్రత్యేక రైళ్లు అన్నింటిలోనూ 20 శాతం వరకు అదనపు చార్జీలను విధించారు. దీంతో ఈ సారి పండుగ ప్రయాణం మరింత ‘ప్రియం’గా మారనుంది. భారీగా వెయిటింగ్‌ .... జంటనగరాల నుంచి వివిధ ప్రాంతాలకు వెళ్లే అన్ని ప్రధాన రైళ్లల్లో వెయిటింగ్‌ జాబితా 150 నుంచి 250 వరకు చేరింది. వచ్చే ఏడాది జనవరి 30వ తేదీ వరకు చాలా రైళ్లల్లో వెయిటింగ్‌ లిస్ట్‌ చాంతాడంత ఉంది. సాధారణంగా ప్రయాణానికి మూడు నెలలు ముందుగానే బుకింగ్‌ చేసుకొనేందుకు అవకాశం ఉండడంతో దసరా, దీపావళి, సంక్రాంతి పండుగల కోసం సొంత ఊళ్లకు వెళ్లేవాళ్లు ఇప్పటికే రిజర్వేషన్‌లు నమోదు చేసుకున్నారు. హైదరాబాద్‌ నుంచి విశాఖ, ఒడిశా, బెంగళూరు, తిరుపతి, కాకినాడ, నర్సాపూర్‌, నాగర్‌సోల్‌, పట్నా, దానాపూర్‌, జైపూర్‌, ముంబయి తదితర ప్రాంతాలకు వెళ్లే రైళ్లకు భారీ డిమాండ్‌ నెలకొంది. గౌతమి, గోదావరి, విశాఖ ఎక్స్‌ప్రెస్‌, భువనేశ్వర్‌, నర్సాపూర్‌ ఎక్స్‌ప్రెస్‌, తదితర రైళ్లకు రానున్న నాలుగు నెలల వరకు వెయిటింగ్‌ లిస్ట్‌ పైనే రిజర్వేషన్‌లు బుక్‌ చేసుకోవడం గమనార్హం. సెకెండ్‌ ఏసీ, థర్డ్‌ ఏసీతో పాటు స్లీపర్‌ క్లాస్‌ కోసం కూడా భారీ పోటీ ఉంది. పండుగలప్పుడే కాదు.. సెలవులొచ్చినా రద్దీనే సాధారణ రోజుల్లో హైదరాబాద్‌ నుంచి సుమారు 2.5 లక్షల మంది వివిధ ప్రాంతాలకు రాకపోకలు సాగిస్తారు. పండుగలు, వరుస సెలవులు, వీకెండ్స్‌ వంటి ప్రత్యేక రోజుల్లో ప్రయాణికుల రద్దీ అనూహ్యంగా పెరుగుతుంది. గతంలో సంక్రాంతికి మాత్రమే ఎక్కువ మంది సొంత ఊళ్లకు తరలి వెళ్లేవారు. కానీ ఇప్పుడు నాలుగు రోజులు వరుసగా సెలవులొస్తే ఎక్కడికై నా వెళ్లేందుకు నగరవాసులు ఆసక్తి చూపుతున్నారు. సెలవు రోజుల్లో సుమారు 30 వేల మందికి పైగా అదనంగా ప్రయాణం చేస్తున్నట్లు అంచనా. ఆర్టీసీలో అలా...రైల్వేలో ఇలా... ఆర్టీసీల్లో ప్రత్యేక చార్జీలను ఉపసంహరించారు. గతంలో దసరా, దీపావళి, సంక్రాంతి వంటి పర్వదినాల్లో 50 శాతం అదనపు చార్జీలు విధించేవారు. దీంతో ప్రయాణికులు రైళ్లకే ఎక్కువగా మొగ్గుచూపేవారు. బస్సు చార్జీల కంటే రైలు చార్జీలు చాలా తక్కువ కావడమే ఇందుకు కారణం. కానీ ప్రస్తుతం ఆర్టీసీల్లో ఎలాంటి అదనపు చార్జీలు విధించడం లేదు. పైగా హైదరాబాద్‌ నుంచి బెంగళూరుకు వెళ్లే గరుడ ప్లస్‌ బస్సుల్లో ప్రయాణించే వారికి 10శాతం వరకు రాయితీ లభిస్తోంది. ప్రయాణికులను ఆకట్టుకొనేందుకు వివిధ రకాల పథకాలను ప్రవేశపెడుతున్నారు. కానీ రైలు ప్రయాణం అందుకు భిన్నంగా మారింది. రెగ్యులర్‌ రైళ్లలో ప్రయాణం చేసేందుకు అవకాశం లేదు. దీంతో తత్కాల్‌ చార్జీలపైన ఏర్పాటు చేసే ప్రత్యేక రైళ్లు భారంగా మారాయి. ప్యాసింజర్‌ రైళ్లు తగ్గుముఖం.. మరోవైపు సాధారణ ప్రయాణికులు రాకపోకలు సాగించేందుకు అనుగుణంగా అందుబాటులో ఉండే ప్యాసింజర్‌ రైళ్లను చాలా వరకు తగ్గించారు. మౌలిక సదుపాయాల కల్పన పేరిట హైదరాబాద్‌ నుంచి వరంగల్‌, కాజీపేట్‌, భద్రాచలం, విజయవాడ, కర్నూలు, తదితర ప్రాంతాలకు నడిచే సుమారు 22 రైళ్లు గత 3 నెలలుగా నిలిచిపోయాయి. దీంతో ఆయా మార్గాల్లో రాకపోకలు సాగించే సామాన్య ప్రయాణికులు తీవ్ర ఇబ్బందులకు గురవుతున్నారు.

రాయ్‌పూర్‌: కాంగ్రెస్‌ మాజీ అధ్యక్షుడు, ఆ పార్టీ కీలక నేత రాహుల్‌ గాంధీ ఈ మధ్య జనాల మధ్య కనిపించడం సాధారణంగా మారింది.  తాజాగా ఆయన రైలులో ఒక సాధారణ ప్రయాణికుడిలా ప్రయాణం చేశారు. ఛత్తీస్‌గఢ్ ఎన్నికల ప్రచారంలో భాగంగా ఆ రాష్ట్రంలో పర్యటిస్తున్న ఆయన.. సోమవారం బిలాస్‌పూర్ నుంచి రాయ్‌పూర్‌కు వెళ్లే ట్రైన్‌లో ప్రయాణించారు. ప్రజల మధ్యకు వెళ్లి వారి పల్స్ తెలుసుకోవడంతో పాటు.. సమస్యల్ని తెలుసుకోవడం కోసమే ఈ ప్రయాణం చేసినట్లు తెలుస్తోంది. రైలు ప్రయాణ సేవలు ఎలా ఉన్నాయి? ప్రయాణంలో భాగంగా సాధారణ ప్రజలు ఏమైనా ఇబ్బందులు ఎదుర్కుంటున్నారా? తదితర విషయాలపై రాహుల్ గాంధీ ప్రయాణికులతో ఆరా తీసినట్లు కూడా తెలుస్తోంది. రాహుల్ గాంధీ ట్రైన్‌లో ప్రయాణించిన ఫోటోలు, వీడియోలను కాంగ్రెస్ పార్టీ తన అధికారిక ట్విటర్ (X ప్లాట్‌ఫామ్) ఖాతాలో షేర్ చేసింది. వీడియోలో ఆయన స్లీపర్ కోచ్‌లో ప్రయాణికుల మధ్య నడుచుకుంటూ కనిపించారు. కొందరు తమ మొబైల్ ఫోన్లలో సెల్ఫీలు దిగేందుకు ప్రయత్నించారు. यात्रा जारी है... 🚆 📍 छत्तीसगढ़ pic.twitter.com/K2QKa3MieT — Congress (@INCIndia) September 25, 2023

రాయ్‌పూర్‌: దేశంలో ఈ ఏడాది చివరలో జరగబోయే ఐదు రాష్ట్రాల ఎన్నికల నేపథ్యంలో కాంగ్రెస్‌ పార్టీ స్పీడ్‌ పెంచింది. మరోవైపు, కాంగ్రెస్‌ ఎంపీ రాహుల్‌ గాంధీ ఫుల్‌ జోష్‌లో ఉన్నారు. దేశవ్యాప్తంగా ప్రజల్లోకి దూసుకెళ్తూ వినూత్నంగా ముందుకు సాగుతున్నారు. తాజాగా ప్యాసింజర్‌ రైలులో ప్రయాణి​ంచి అందరినీ ఆశ్చర్యపరిచారు రాహుల్‌ గాంధీ. దీనికి సంబంధించిన వీడియో సోషల్‌ మీడియాలో చక్కర్లు కొడుతోంది.  అయితే, కాంగ్రెస్‌ ఎంపీ రాహుల్‌ గాంధీ తాజాగా పార్టీ నేతలతో కలిసి రైలులో​ ప్రయాణించారు. సాధారణ వ్యక్తిలా ట్రైన్‌లో ప్రయాణిస్తూ అందరినీ పలకరించారు. కాంగ్రెస్‌ పార్టీ నేతలతో కలిసి ఛత్తీస్‌గఢ్‌లోని బిలాస్‌పూర్‌ నుంచి రాయ్‌పూర్‌ వరకు ఇంటర్‌ సిటీ రైల్లో ప్రయాణం చేశారు. ఈ సందర్భంగా పలువురు రాహుల్‌తో ఫొటోలు దిగేందుకు, ఆటోగ్రాఫ్‌ తీసుకునేందుకు ఎగబడ్డారు. మరోవైపు, ఇటీవలే రాహుల్‌ గాంధీ రైల్వే కూలీ అవతారమెత్తిన విషయం తెలిసిందే. Rahul Gandhi Did It Again#RahulGandhi's simplicity is revealed again and again. Today's Train Journey is touching Four points. First, #RahulGandhi realizes how far the standard of #IndianRailways has Fallen in the last 10 years. Second, #RahulGandhi interacted with the… pic.twitter.com/9HSYzptmwC — তন্ময় l T͞anmoy l (@tanmoyofc) September 25, 2023 ఢిల్లీలోని ఆనంద్ విహార్ రైల్వే స్టేషన్‌లో ఎర్రని చొక్కా ధరించి నెత్తిన లగేజ్ పెట్టుకుని మోశారు. రైల్వే కూలీలు ధరించి బ్యాడ్జీ ధరించి అచ్చం కూలీలాగే కనిపించి  అభిమానులను అలరించారు.  రైల్వే కూలీల కష్టసుఖాలను అడిగి తెలుసుకున్నారు. రాహుల్ చిరునవ్వులు చిందుతూ రైల్వే కూలీలా మూటలు మోస్తున్న వీడియో సోషల్‌ మీడియాలో వైరల్‌గా మారింది.  Congress leader Rahul Gandhi meets railway porters at Anand Vihar ISBT in Delhi, wears porter dress and badge... pic.twitter.com/Pzwouwx2Wn — Saurabh Raj (@sraj57454) September 21, 2023 ఇక, అంతకుముందు ఛత్తీస్‌గఢ్‌లో నిర్వహించిన గృహ నిర్మాణాలకు సంబంధించిన కార్యక్రమంలో రాహుల్‌ గాంధీ పాల్గొన్నారు. ఈ సందర్భంగా కుల గణన నిర్వహించాలని కేంద్రాన్ని డిమాండ్‌ చేశారు. గడిచిన కొన్ని నెలల్లో రాష్ట్రంలో 2,600 రైళ్లను రైల్వే శాఖ రద్దు చేసిందని, దీంతో ప్రజలు తీవ్ర ఇబ్బందులు ఎదుర్కొంటున్నారని ఆగ్రహం వ్యక్తం చేశారు.  #WATCH | Delhi: Congress MP Rahul Gandhi visits Anand Vihar ISBT, speaks with the porters and also wears their uniform and carries the load pic.twitter.com/6rtpMnUmVc — ANI (@ANI) September 21, 2023 ఇది కూడా చదవండి: భారత్‌ను ముక్కలు చేసేందుకు ప్లాన్‌.. కశ్మీర్‌ను ప్రత్యేక దేశంగా..

రైల్వేస్టేషన్‌(విజయవాడపశ్చిమ):రైలు ప్రయాణంలో రూ. 40వేలు నగదుతో పాటుగా రూ. 6.5 లక్షల బంగారు ఆభరణాలు ఉన్న మహిళ హ్యాండ్‌ బ్యాగును విధుల్లో ఉన్న టీటీఐ గుర్తించి విచారణ అనంతరం బాధితులకు అప్పగించిన ఘటన చోటు చేసుకుంది. విజయవాడ డివిజన్‌కు చెందిన టీటీఐ జి.లక్ష్మయ్య ఈ నెల 18న ఎల్‌టీటీ–విశాఖపట్నం రైలులో ఎస్‌–1, బీ–4,5,6 కోచ్‌లలో విధులు నిర్వర్తిస్తున్నాడు. ఉదయం 5.10 గంటలకు రైలు భీమవరం టౌన్‌ దాటిన తరువాత బీ6 కోచ్‌లో బెర్త్‌లు తనిఖీలు చేస్తుండగా బెర్త్‌ నంబర్‌ 26 పక్కన డైనింగ్‌ టేబుల్‌పై మహిళ హ్యాండ్‌ బ్యాగు ఉండటాన్ని గుర్తించారు. దీనిపై తోటి ప్రయాణికులను విచారించగా భీమవరంలో స్టేషన్‌లో దిగిన కుటుంబానిదిగా తెలిపారు. దీంతో విషయాన్ని ఆయన విజయవాడ కమర్షియల్‌ కంట్రోలర్‌కు సమాచారం అందించారు. బ్యాగులోని ఫోన్‌ రింగ్‌ అవుతుండటంతో తోటి ప్రయాణికుల సమక్షంలో మాట్లాడగా హ్యాండ్‌ బ్యాగు ట్రైన్‌లో మర్చిపోయినట్లు బాధితురాలు తెలిపింది. కోచ్‌లోని ప్రయాణికుల సమక్షంలో బ్యాగులో ఏముందో నిర్ధారించాల్సిందిగా తెలపడంతో అందులో రూ. 40 వేల నగదు, రూ. 6.50 లక్షల విలువైన 120 గ్రాముల బంగారు ఆభరణాలు ఉన్నట్లు చెప్పడంతో అవి సరిగా ఉండటంతో బ్యాగు బాధితురాలిదేనని నిర్ధారించారు. ఆమె అభ్యర్ధన మేరకు రాజమండ్రిలో తన సోదరుడికి అప్పగించాలని టీటీఐని కోరటంతో విషయం రాజమండ్రి కమర్షియల్‌ కంట్రోలర్‌కు, స్టేషన్‌ ఆఫీసర్‌కు, జీఆర్‌పీ పోలీసులకు సమాచారం అందించారు. దీంతో రైలు రాజమండ్రిలో ఆగిన తరువాత జీఆర్‌పీ పోలీసులు బాధితురాలి సోదరుడి నుంచి వివరాలు సేకరించి బ్యాగును అందజేశారు. విధుల్లో చిత్తశుద్ది, అంకితభావంతో వ్యవహరించి రైలు ప్రయాణికురాలి నష్టాన్ని నివారించిన టీటీఐ లక్ష్మయ్యను డీఆర్‌ఎం నరేంద్ర ఏ పాటిల్‌, సీనియర్‌ డీసీఎం వావిలపల్లి రాంబాబు ప్రత్యేకంగా అభినందించారు.

సియోల్‌: ఉత్తర కొరియా అధ్యక్షుడు కిమ్‌ జొంగ్‌ ఉన్‌ రష్యాకు పయన మయ్యారు. ఆయన తన సొంత బుల్లెట్‌ ప్రూఫ్‌ రైలులో ఆదివారం సాయంత్రం రాజధాని ప్యాంగాంగ్‌ వదిలివెళ్లారని దక్షిణ కొరియా వర్గాలు తెలిపాయి. మూడు రోజులపాటు జరిగే ఒక అంతర్జాతీయ సమావేశంలో పాల్గొనేందుకు పుతిన్‌ సోమవారం వ్లాడివోస్టోక్‌ వెళ్లారని, అక్కడే ఆయనతో కిమ్‌ సమావేశమవ్వొచ్చని చెబుతున్నారు. కిమ్‌ తమ దేశానికి వస్తున్నారంటూ రష్యా కూడా సోమవారం ధ్రువీకరించింది. అధ్యక్షుడు పుతిన్‌ ఆహ్వానం మేరకు త్వరలో కిమ్‌ రానున్నారని క్రెమ్లిన్‌ అధికార వెబ్‌సైట్‌ పేర్కొంది. పుతిన్, కిమ్‌లు త్వరలో కలుసుకుంటారని ఉత్తరకొరియా అధికార వార్తా సంస్థ కొరియన్‌ సెంట్రల్‌ న్యూస్‌ ఏజెన్సీ కూడా తెలిపింది. ‘రష్యా పర్యటనలో కామ్రెడ్‌ కిమ్‌ జొంగ్‌ ఉన్, కామ్రెడ్‌ పుతిన్‌తో చర్చలు జరుపుతారు’అని పేర్కొంది. అయితే, ఈ భేటీ ఎప్పుడు, ఎక్కడ ఉంటుందనే వివరాలు మాత్రం వెల్లడించలేదు. కిమ్‌ విదేశీ పర్యటనలకు వినియోగించే ఆకుపచ్చ బోగీలతో కూడిన బుల్లెట్‌ ప్రూఫ్‌ రైలును రష్యా సరిహద్దుల్లోని ఉత్తరకొరియా రైల్వే స్టేషన్‌లో ఉండగా గుర్తించినట్లు అసోసియేటెడ్‌ ప్రెస్‌ తెలిపింది. ఉక్రెయిన్‌తో ఏడాదిన్నరగా కొనసాగుతున్న యుద్ధానికి అవసరమైన ఆయుధాల కొనుగోలుకు కిమ్‌తో పుతిన్‌ ఒప్పందం కుదుర్చుకునేందుకు అవకాశాలున్నాయన్నది పశ్చిమదేశాల అంచనా. కోవిడ్‌ మహమ్మారి ప్రబలిన దాదాపు నాలుగేళ్ల తర్వాత కిమ్‌ మొట్టమొదటి విదేశీ పర్యటన ఇదే. రైలులోనే ఎందుకు? గతంలో 2019లో మొదటిసారిగా వ్లాడివోస్టోక్‌లో పుతిన్‌తో సమావేశమైనప్పుడు, అమెరికా అధ్యక్షుడు ట్రంప్, చైనా అధ్యక్షుడు జిన్‌పింగ్‌లతో సమావేశాలకు రైలులో వెళ్లినట్లుగానే ఈసారీ కిమ్‌ రష్యాకు రైలులోనే బయలుదేరారు. సొంత రైలులోనే విదేశీ పర్యటనలు చేసిన దివంగత పాలకుడు, తన తండ్రి పాటించిన సంప్రదాయాన్ని కిమ్‌ కూడా కొనసాగిస్తున్నారు. ఈ రైలుకు 20 బుల్లెట్‌ ప్రూఫ్‌ బోగీలుంటాయి. దీనివల్ల సాధారణ రైళ్ల కంటే ఇది ఎక్కువ బరువుంటుంది. సరాసరిన గంటకు 59 కిలోమీటర్లకు మించి వేగంతో ఇది ప్రయాణించలేదు. ఈ వేగంతో ప్యాంగ్యాంగ్‌ నుంచి వ్లాడివోస్టోక్‌కు వెళ్లడానికి ఒక రోజంతా పడుతుంది.

జంతు ప్రేమికులకు ఊరట కల్పించేలా కేంద్రం రైల్వే శాఖ కీలక నిర్ణయం తీసుకున్నట్లు తెలుస్తోంది. పెంపుడు జంతువులను రైలు ప్రయాణంలో వెంట తీసుకెళ్లేందుకు ఆన్‌లైన్‌లో టికెట్లు బుక్‌ చేసుకునే వెసలు బాటు కల్పించనుంది. ఇందుకోసం టీటీఈలకూ ఈ టిక్కెట్లను జారీ చేసే అధికారాన్ని ఇచ్చే అంశాన్ని పరిశీలిస్తోంది.    రైలు ప్రయాణంలో జర్నీ చేయాల్సి వస్తే మూగ జీవాలతో  ఇబ్బందే. ఈ సమస్యను నివారించేందుకు రైల్వే శాఖ సరికొత్త విధానంతో ముందుకొస్తోంది. ఈ సమస్యకు పరిష్కార మార్గంగా భారతీయ రైల్వే మంత్రిత్వ శాఖ పెంపుడు జంతువులకు కూడా టికెట్లను అ‍మ్మనుంది. చదవండి👉 ఫోన్‌లో ట్రైన్‌ టికెట్‌ బుక్‌ చేస్తున్నారా? ఆ ‘యాప్’ వాడితే ఇక అంతే సంగతులు ప్రస్తుతం, ప్రయాణికులు పెంపుడు జంతువుల్ని వెంట తీసుకొని వెళ్లాలంటే ఫస్ట్‌ క్లాస్‌ ఏసీ టికెట్లు, క్యాబిన్‌లు లేదా కూపేలను బుక్ చేసుకోవాలి. ఇందు కోసం ప్రయాణం రోజున ప్లాట్‌ఫామ్‌లోని పార్శిల్ బుకింగ్ కౌంటర్లను సంప్రదించి టికెట్‌ను రిజర్వ్ చేసుకోవాల్సి ఉంది. అనంతరం, ప్రయాణికులు తమ పెంపుడు జంతువులను బాక్స్‌లలో ఉంచి ట్రైన్‌లలోని సెకండ్‌ క్లాస్‌ లగేజీ,  బ్రేక్ వ్యాన్‌లలో తీసుకొని వెళ్తున్నారు.   ఈ విధానం వల్ల ప్రయాణికులు తీవ్ర ఇబ్బందులు ఎదుర్కొంటున్నారు. ఈ సమస్యను అధిగమించేలా ఐఆర్‌సీటీసీ వెబ్‌సైట్‌లలో జంతువులకు టికెట్‌ బుక్‌ చేసుకునే సౌకర్యం కల్పించాలని రైల్వే మంత్రిత్వ శాఖ యోచిస్తోంది. ట్రైన్‌లలో జంతువులకు టికెట్‌లను బుక్‌ చేసే అధికారాన్ని టీటీఈలకు ఇచ్చే ప్రతిపాదన కూడా ఉంది. ఐఆర్‌సీటీసీ వెబ్‌సైట్‌లో జంతువులను ఆన్‌లైన్‌లో బుక్ చేసుకునే సౌకర్యాన్ని ప్రారంభించేందుకు వీలుగా సాఫ్ట్‌వేర్‌లో మార్పులు చేయాలని రైల్వే బోర్డు cris (సెంటర్ ఫర్ రైల్వే ఇన్ఫర్మేషన్ సిస్టమ్స్)ని కోరినట్లు ది స్టేట్స్‌మన్ నివేదిక వెల్లడించింది. గార్డు కోసం కేటాయించిన ఎస్‌ఎల్‌ఆర్ కోచ్‌లో జంతువులను ఉంచుతారు. జంతువుల యజమానులు తమ పెంపుడు జంతువులకు రైలు స్టాపేజ్‌లలో నీరు, ఆహారం మొదలైనవాటిని అందించవచ్చు. అయితే ఆన్‌లైన్‌లో జంతువుల టిక్కెట్లను బుక్ చేసుకోవడానికి కొన్ని షరతులు విధించనుంది. ఆ నిబంధనలు ఇలా ఉన్నాయి.   👉ప్రయాణికుల టిక్కెట్ తప్పనిసరిగా ధృవీకరించాలి 👉ప్రయాణికుడు టిక్కెట్‌ను రద్దు చేస్తే, జంతువులకు బుక్‌ చేసిన టిక్కెట్‌ వాపసు ఇవ్వబడదు.   👉ట్రైన్‌ రద్దయినా లేదా మూడు గంటల కంటే ఎక్కువ ఆలస్యం అయితే,  మూగజీవాల కోసం బుక్‌ చేసుకున్న టికెట్‌ రుసుము తిరిగి పొందలేరు. ప్రయాణీకుల టిక్కెట్ మాత్రమే తిరిగి చెల్లించబడుతుంది. 👉గుర్రాలు, ఆవులు, గేదెలు మొదలైన పెద్ద పెద్ద పెంపుడు జంతువులను గూడ్స్ రైళ్లలో బుక్ చేసి రవాణా చేస్తారని రైల్వే అధికారులు తెలిపారు.  👉ప్రయాణంలో మూగజీవాలకు సంరక్షణకు ఒక వ్యక్తి ఉండాలి.  👉జంతువులకు ఏదైనా నష్టం జరిగితే యజమాని బాధ్యత వహిస్తాడు. వాటికి రైల్వేశాఖ బాధ్యత వహించదు. చదవండి👉 రైల్వే ప్రయాణికులకు బంపరాఫర్‌.. మీ ట్రైన్ టికెట్ వెయిటింగ్‌ లిస్టులో ఉందా?

కేంద్ర రైల్వే మంత్రిత్వ శాఖ అహ్మదాబాద్‌లోని ఆపరేషన్ కంట్రోల్ సెంటర్ (ఓసీసీ)ను ప్రారంభించింది. కంట్రోల్‌ సెంటర్‌ పని తీరును వివరిస్తూ వాటి ఫోటోల్ని విడుదల చేసింది. అయితే ఆ ఫోటోలపై నెటిజన్లు తమదైన శైలిలో స్పందిస్తున్నారు. ముఖ్యంగా రైలు ప్రయాణాల్లో తలెత్తుతున్న అసౌకర్యాలను ఎత్తిచూపుతున్నారు. ఓ నెటిజన్‌ ఓసీసీ వ్యవస్థపై వెటకారంగా స్పందించాడు. రైళ్లలో ఎలుకలు, బొద్దింకల్ని ఓసీసీ సెంటర్‌ పర్యవేక్షిస్తుందా? అని ప్రశ్నించాడు. అందుకు కేంద్ర రైల్వే శాఖ ఊహించని విధంగా స్పందించింది.  రైల్వే మంత్రిత్వ శాఖ అహ్మదాబాద్‌లోని 1,506 కి.మీ వెస్ట్రన్ డెడికేటెడ్ ఫ్రైట్ కారిడార్ నిర్మాణ పనులను ముమ్మరం చేస్తుంది. దేశవ్యాప్తంగా పారిశ్రామిక కార్యకలాపాలను ప్రోత్సహించేందుకు నిర్మిస్తున్న కారిడార్‌ల ద్వారా అతివేగంతో ప్రయాణించే గూడ్స్‌ రైళ్ల కదలికల్ని పర్యవేక్షించేందుకు వీలు కలుగుతుంది.   అయితే కేంద్ర రైల్వే మంత్రిత్వ శాఖ ఓసీసీ ఫోటోలను సోషల్‌ మీడియాలో షేర్‌ చేయడంతో వాటిపై నెటిజన్లు స్పందిస్తున్నారు. అనేక మంది ఫేస్‌బుక్ యూజర్లు రైళ్లలో సౌకర్యాలను మెరుగుపరచడం, వందే భారత్ ఎక్స్‌ప్రెస్ వంటి ప్రత్యేక రైళ్లను ప్రవేశపెట్టడంపై ప్రభుత్వాన్ని ప్రశంసించగా, మరికొందరు భారతదేశంలో రైలు ప్రయాణ అసౌకర్యాలను ఎత్తిచూపారు. రైళ్లలో కనిపించే ఎలుకలు, బొద్దింకలను ఈ వ్యవస్థ పర్యవేక్షిస్తుందా? అంటూ ఓ యూజర్‌ ప్రశ్నించారు. దీంతో రైల్వే మంత్రిత్వ శాఖ స్పందిస్తూ ఊహించని విధంగా అతని ప్రయాణ వివరాలు, మొబైల్ నంబర్‌ చెప్పాలని కోరింది.మీ అభ్యంతరాలను నేరుగా railmadad.indianrailways.gov.inలో ఫిర్యాదు చేయోచ్చని లేదంటే సత్వర పరిష్కారం కోసం 139కి డయల్ చేయాలని పేర్కొంది.  ‘‘రాకెట్ సెంటర్ లాగా ఉంది. అద్భుతం. గో ఇండియా అని ఒక యూజర్ కామెంట్‌ చేశాడు. ఆపరేషన్ కంట్రోల్ సెంటర్‌.. ఎలాన్ మస్క్ స్పేస్‌ఎక్స్ కమాండ్‌ సెంటర్‌’’తో పోల్చారు.  కాగా, వెస్ట్రన్ డెడికేటెడ్ ఫ్రైట్ కారిడార్ ఉత్తరప్రదేశ్‌లోని దాద్రీని, మహారాష్ట్రలోని నవీ ముంబైలోని జవహర్‌లాల్ నెహ్రూ పోర్టుతో కలుపుతుంది.

ఇండియన్‌ రైల్వే కేటరింగ్‌ టూరిజం కార్పొరేషన్‌ (IRCTC) ప్రయాణికుల కోసం ఈ - వ్యాలెట్‌ పేరుతో అధునాతనమైన సేవల్ని అందుబాటులోకి తెచ్చింది. ఈ సేవల్ని వినియోగించుకోవడం ద్వారా ప్రయాణికులు ఎలాంటి సందర్భాలలోనైనా సులభంగా రైల్వే టికెట్లను బుక్‌ చేసుకోవచ్చు.  త్వరలో స్కూల్స్‌, కాలేజీలకు సమ్మర్‌ హాలిడేస్‌. పండగలు.. పబ్బాలు..పెళ్లిళ్లు.. శుభకార్యాలకు ఊరెళ్లాల్సి వస్తుంది. లేదంటే ఇతర అత్యవసర సమయాల్లో ట్రైన్‌లలో దూర ప్రాంతాలకు ప్రయాణం చేయాల్సి వస్తుంది. ఇందుకోసం రోజులు .. నెలల ముందే నుంచే ట్రైన్‌ టికెట్‌ బుక్‌ చేసుకోవాలి. తత్కాల్‌ టికెట్‌ బుక్‌ చేసుకోవాలంటే తలకు మించిన భారం. ఒక్కోసారి టికెట్‌ బుక్‌ చేసుకొని పేమెంట్‌ చేసే సమయంలో సర్వర్‌ డౌన్‌ అవుతుంది. బుక్‌ చేసుకున్న టికెట్‌ క్యాన్సిల్‌ చేసుకుంటే.. ఆ డబ్బులు తిరిగి మన అకౌంట్‌కు ఎప్పుడు డిపాజిట్‌ అవుతాయో? లేదో తెలియదు. ఈలోగా ఇంకో టికెట్‌ బుక్‌  చేసుకోవాలంటే.. మళ్లీ కొంత మొత్తాన్ని జమ చేయాల్సి ఉంటుంది. ఇదిగో..! ఈ తరహా సమస్యల పరిష్కార మార్గంగా ఐఆర్‌సీటీసీ ఈ - వ్యాలెట్‌ సేవల్ని ప్రయాణికులకు అందిస్తుంది. ఐఆర్‌సీటీసీ ఈ-వ్యాలెట్‌ సేవల వినియోగం ద్వారా రద్దీ సమయాల్లో ట్రైన్‌ టికెట్‌ను సులభంగా బుక్‌ చేసుకోవచ్చు. బ్యాంకుల సర్వర్‌, రైల్వే సేవల్లో అంతరాయం వంటి సందర్భాల్లో ట్రైన్‌ టికెట్‌ బుకింగ్‌లో ఎలాంటి ఇబ్బందులు ఉండవు. ప్రయాణం రద్దుతో.. టికెట్‌ క్యాన్సిల్‌ చేసుకుంటే ఆ డబ్బులు మరుసటి రోజు ఈ వ్యాలెట్‌లో డిపాజిట్‌ అవుతాయి. ఇందుకోసం ప్రయాణికులు చేయాల్సిందల్లా ఈ-వ్యాలెట్‌లో లాగిన్‌ అవ్వడమే. ఈ లాగిన్‌ సేవలు మూడేళ్ల పాటు ఉచితంగా వినియోగించుకోవచ్చు. టికెట్‌ బుక్‌ చేసుకున్న ప్రతిసారి అదనపు ఛార్జీలు చెల్లించాల్సిన పనిలేదు. ఐఆర్‌సీటీసీ ఈ వ్యాలెట్‌లో (Irctc E-wallet) ఇలా లాగిన్‌ అవ్వాలి   ♦ఐఆర్‌సీటీసీ వెబ్‌ పోర్టల్‌ ఓపెన్‌ చేయాలి.    ♦అందులో ఐఆర్‌సీటీసీ ఈ-వ్యాలెట్‌ ఆప్షన్‌ కనిపిస్తుంది. ఆ ఆప్షన్‌ మీద క్లిక్‌ చేస్తే రిజిస్టర్‌ నౌ అనే ఆప్షన్‌ కనిపిస్తుంది.  ♦రిజిస్టర్‌ నౌ అనే ఆప్షన్‌ మీద క్లిక్‌ చేసి పాన్‌ - ఆధార్‌ నెంబర్‌తో వెరిఫై చేసుకోవాలి   ♦మీ ప్రొఫైల్‌ వెరిఫికేషన్‌ విజయవంతం అయితే మీరు డైరెక్ట్‌గా ఐఆర్‌సీటీసీ ఈ-వ్యాలెట్‌ రిజిస్ట్రేషన్‌లోకి వెళతారు.   ♦ఐఆర్‌సీటీసీ వ్యాలెట్‌ రిజిస్ట్రేషన్‌ ఫీజు రూ.50 చెల్లించాలి ♦ఈ ప్రాసెస్‌ పూర్తయితే  వ్యాలెట్‌ రిజిస్ట్రేషన్‌ లాగ్‌ అవుట్‌ అవుతుంది.   ఐఆర్‌సీటీసీ ఈ-వ్యాలెట్‌లోకి డబ్బుల్ని ఎలా డిపాజిట్‌ చేయాలి ♦ఐఆర్‌సీటీసీ అకౌంట్‌లో లాగిన్‌ అవ్వాలి ♦లాగిన్‌ అనంతరం మీరు ఐఆర్‌సీటీసీ ఈ-వ్యాలెట్‌ డిపాజిట్‌ ఆప్షన్‌పై క్లిక్‌ చేయాలి.  ♦అక్కడ రూ.100 నుంచి రూ.10 వేల వరకు డిపాజిట్‌ చేసుకోవచ్చు. ♦మీకు కావాల్సిన మనీని రూ.100, రూ.500 ఇలా ఎంటర్‌ చేయాలి. ఆ తర్వాత పేమెంట్‌ మోడ్‌ నెట్‌ బ్యాంకింగ్‌పై క్లిక్‌ చేసి మీ అకౌంట్‌ ఏ బ్యాంక్‌లో ఉందో సదరు బ్యాంక్‌ను సెలక్ట్‌ చేసుకోవాలి. అక్కడ్‌ సబ్మిట్‌ బటన్‌పై క్లిక్‌ చేయాలి.  ♦ఆ మని కేవలం ఐఆర్‌సీటీసీ ఈ - వ్యాలెట్‌లో ఉంటాయి. విత్‌ డ్రా చేసుకొని వినియోగించుకునేందుకు వీలు లేదు. కేవలం ట్రైన్‌ టికెట్‌లను బుక్‌ చేసుకునేందుకు మాత్రమే ఆ డబ్బుల్ని వాడుకోవాల్సి ఉంటుంది.  ♦విజయవంతంగా డిపాజిట్‌ చేయడం పూర్తయితే ఐఆర్‌సీటీసీ ఈ - వాలెట్‌లో మీరు ఎంత డిపాజిట్‌ చేశారో డిపాజిట్‌ హిస్టరీలో కనిపిస్తుంది.  ♦ఇక ఈ- వ్యాలెట్‌లో డబ్బుల్ని డిపాజిట్‌ చేసిన తర్వాత ట్రైన్‌ టికెట్‌లను బుక్‌ చేసుకోవచ్చు. ఒకవేళ క్యాన్సిల్‌ అయితే ఆ మరుసటి రోజే మీ డబ్బులు మీ ఈ - వ్యాలెట్‌ అకౌంట్‌లో డిపాజిట్‌ అవుతాయి.  చదవండి: కేంద్రం కీలక నిర్ణయం.. పాన్‌ - ఆధార్‌ వినియోగదారులకు గుడ్‌ న్యూస్‌!

రాత్రిపూట రైళ్లలో నిద్రించే వారికి ఎదురవుతున్న సమస్యలను దృష్టిలో ఉంచుకుని భారతీయ రైల్వే కొత్త మార్గదర్శకాలు జారీ చేసింది. ఇటీవలు ఈ సమయంలో ప్రయాణించే ప్యాసింజర్ల నుంచి ఎక్కువగా ఫిర్యాదులు అందడంతో ఐఆర్‌టీసీ (IRCTC) కొత్త రూల్స్‌ని ప్రవేశపెట్టింది. కొత్తగా అమల్లోకి వచ్చిన ఈ చిన్న మార్పులను నిబంధనలను పాటించకపోతే ప్యాసింజర్లు ఇబ్బందుల్లో పడినట్లే. అవేంటో ఓ సారి తెలుసుకుందాం! కొత్త నిబంధనలు ఇవే మీ కంపార్ట్‌మెంట్ లేదా కోచ్‌లో ప్రయాణిస్తున్నప్పుడు, తోటి ప్యాసింజర్లు ఫోన్‌ కాల్‌లో గట్టిగా మాట్లాడటం, లేదా పెద్ద సౌండ్‌తో పాటలు వినడం, లేదా బిగ్గరగా అరవడం లాంటివి చేస్తుంటారు. గతంలో మన రైల్వే ప్రయాణంలో ఇలాంటి ఘటనలు చూసే ఉంటాం కూడా. అయితే ప్యాసింజర్లు ఎదర్కుంటున్న ఈ సమస్యకు రైల్వే శాఖ చెక్‌ పెట్టేందుకు సిద్ధమైంది. రైలులో రాత్రి సమయంలో ప్రయాణిస్తున్న వారికి నిద్రకు భంగం కలగకుండా, ప్రయాణంలో ప్రశాంతంగా నిద్రించేందుకు కొత్త మార్గదర్శకాలను విడుదల చేసింది. మీడియా నివేదికల ప్రకారం.. ఇకపై రైలులో ప్రయాణిస్తున్న సమయంలో రాత్రి 10 గంటల నుంచి ఉదయం 6 గంటల వరకు కొత్త రూల్‌ని తీసుకొచ్చింది. వాటి ప్రకారం ఆ ప్రయాణంలో ప్రయాణికులు బిగ్గరగా మాట్లాడడం, పెద్దగా సంగీతం వినడం, అరవడం లాంటివి కూడా చేయకూడదు. మొత్తానికి తోటి ప్రయాణికులకు ఏ మాత్రం ఇబ్బంది కలిగించకూడదు. ఒక వేళ ఎవరైన ఈ రూల్స్‌ని పాటించకపోతే ప్రయాణికులెవరైనా ఫిర్యాదు చేయవచ్చు. దీని పరిష్కరించాల్సిన బాధ్యత రైలులో ఉన్న సిబ్బందిపైనే ఉంటుంది. చదవండి: రూ.61లకే కొత్త ప్లాన్‌తో వచ్చిన రిలయన్స్‌ జియో.. ఆ కస్టమర్లకు పండగే!

ముంబై: దేశంలో మరో వందే భారత్‌ రైలు కూత పెట్టింది. జెండా ఊపి రైలును ప్రారంభించారు ప్రధానమంత్రి నరేంద్ర మోదీ. మహారాష్ట్రలోని నాగ్‌పూర్‌, ఛత్తీస్‌గఢ్‌లోని బిలాస్‌పూర్‌ల మధ్య సేవలందించనుంది ఈ ట్రైన్‌. నాగ్‌పూర్‌లో పలు అభివృద్ధి ప్రాజెక్టుల ప్రారంభోత్సవం, శంకుస్థాపన కోసం మహారాష్ట్రలో పర్యటిస్తున్న మోదీ.. ఆరో వందే భారత్‌ రైలుకు పచ్చ జెండా ఊపారు.  ఈ సందర్భంగా రైల్వే సిబ్బంది, ప్రయాణికులతో ముచ్చటించారు మోదీ. దేశంలో సేవలు ప్రారంభించిన ఆరో వందే భారత్‌ రైలు ఇది.  సాధారణ ప్రయాణికుడిలా మోదీ..  నాగ్‌పూర్‌లో రూ.8650 కోట్లతో నిర్మించిన మెట్రో ఫేస్‌ 1ని ప్రారంభించారు ప్రధాని. అనంతరం ఒక సాధారణ ప్రయాణికుడిలా టికెట్‌ కొనుగోలు చేసి.. ఫ్రీడం పార్క్‌ నుంచి ఖప్రీ స్టేషన్‌ వరకు మెట్రోలో ప్రయాణించారు.  విద్యార్థులతో పాటు జర్నీ చేస్తూ వారితో ముచ్చటించారు. అనంతరం రూ.6700 కోట్ల వ్యయంతో నిర్మిస్తున్న మెట్రో ఫేస్‌ 2కు శంకుస్థాపన చేశారు. ఆదివారం ఉదయం నాగ్‌పూర్‌ విమానాశ్రయానికి చేరుకున్న మోదీకి మహారాష్ట్ర సీఎం ఏక్‌నాథ్‌ షిండే, డిప్యూటీ సీఎం దేవేంద్ర ఫడ్నవీస్‌, గవర్నర్‌ భగత్‌సింగ్‌ కోశ్యారీ, కేంద్ర మంత్రి నితిన్‌ గడ్కరీలు స్వాగతం పలికారు. నాగ్‍పూర్‌ ఎయిమ్స్‌ ప్రారంభోత్సవం, నాగ్‌పూర్‌, అజని రైల్వే స్టేషన్‌ల అభివృద్ధి పనులకు శంకుస్థాపన చేయనున్నారు. Maharashtra | Prime Minister Narendra Modi flags off the Vande Bharat Express train between Nagpur and Bilaspur, at Nagpur railway station. CM Eknath Shinde also present pic.twitter.com/7457ZaZQOG — ANI (@ANI) December 11, 2022 ఇదీ చదవండి: మోదీని ఎదుర్కొనే నేత కేజ్రీవాలా? రాహులా?

తాటిచెట్లపాలెం (విశాఖ ఉత్తర): అద్భుతమైన ప్రకృతి అందాలు, ఎత్తయిన, పచ్చని కొండలు, వీటిని మించి మరపురాని సొరంగ మార్గాల ద్వారా ప్రయాణాన్ని ఆస్వాదించాలని ఉందా? ఇంకెందుకు ఆలస్యం.. మన పక్కనే ఉన్న ఒడిశాలోని కోరాపుట్‌కు వెళ్తే చాలు.. ఈ అనుభూతులన్నీ మీ సొంతమతాయి. అవేమిటో.. ఈ రూట్‌ విశేషాలను పర్యాటక ప్రేమికుల కోసం ప్రత్యేకం.. కే–ఆర్‌ (కోరాపుట్‌–రాయగడ) రైల్వే లైన్ వాల్తేర్‌ డివిజన్‌కు ప్రధానంగా ఆదాయాన్నిచ్చే కిరండూల్, బచేలిలో ఉన్న ఐరన్‌ ఓర్‌ రవాణా మార్గానికి ప్రత్యామ్నాయంగా వేరే లైన్‌ను ఏర్పాటుచేసి ఈ సరకు రవాణాను మరింతగా అభివృద్ధి పరచాలనే ఉద్దేశ్యంతో 1980లలో కోరాపుట్‌ – రాయగడ (కే–ఆర్‌) లైన్‌ను ప్రారంభించగా.. 1993–92మధ్య ఈ లైన్‌ పూర్తయింది. నాటి ప్రధాని పీవీ నరసింహారావు 1995 అక్టోబర్‌ 31న ప్రారంభించారు.  కోరాపుట్‌ నుంచి రాయగడకు మొత్తం 167 కిలోమిటర్ల మేర ఈ లైన్‌ ఏర్పాటు చేశారు. ఈ మార్గంలో మొత్తం 36 సొరంగాలు, 76 ప్రధాన వంతెనలు, 180 అందమైన మలుపులు ఉన్నాయి. అప్పట్లో ప్రధానంగా ఈ మార్గం వైజాగ్‌ స్టీల్‌ప్లాంట్, వైజాగ్‌ పోర్ట్‌ ట్రస్ట్‌లకు అసవరమైన ఐరన్‌ఓర్‌ను రవాణాను పెంచేందుకు ప్రత్యామ్నాయ మార్గంగా వినియోగించేవారు.  పారిశ్రామిక కారిడార్‌గా అభివృద్ధి  ఈ మార్గంలో అల్యూమినా పౌడర్‌ సరఫరా చేసే నాల్కో, ఉత్కళ్‌ అల్యూమినా, వేదాంత, జేకే పేపర్, ఇంఫా (ఇండియా మెటల్‌ అండ్‌ ఫెర్రో అల్లాయ్‌), హెచ్‌పీసీఎల్‌ గ్యాస్‌ బాట్లింగ్‌ ప్లాంట్‌ వంటి పరిశ్రమలకు ఎంతో అనుకూలంగా ఈ మార్గం ఉండేది. ప్రస్తుతం ఈ మార్గంలో రెండో లైన్‌ను కూడా ఏర్పాటు చేస్తున్నారు. దీనికోసం 2015–16లో రూ.2500 కోట్లు బడ్జెట్‌ మంజూరు చేశారు. ప్రస్తుతం ఈ పనులు చురుగ్గా సాగుతున్నాయి. 2026నాటికి రెండోలైన్‌ పూర్తి చేయనున్నారు.  పర్యాటక, పుణ్యక్షేత్రాల సమాహారం...       ఆంధ్రా, ఒడిశా సదరన్‌ డివిజన్‌లో ప్రసిద్ధిచెందిన మజ్జిగైరమ్మ ఆలయం రాయగడ ప్రాంతంలోనే ఉంది       రాయగడకు కేవలం 50కి.మీల దూరంలో చిత్రకోన వాటర్‌ ఫాల్స్‌        తెరుబలిలో గల ఇంఫా ప్యాక్టరీ వద్ద ప్రసిద్ధి చెందిన లక్ష్మీనారాయణ ఆలయం       కోరాపుట్‌లో రాణి డుడుమ వాటర్‌ఫాల్స్, జగన్నాథస్వామి ఆలయం       గుప్తేశ్వర గుహలు       డియోమలి హిల్స్‌ కూడా కోరాపుట్‌ ప్రాంతంలోనే ఉన్నాయి.       కోరాపుట్‌లోనే కోలాబ్‌ రిజర్వాయర్‌ కూడా ఉంది.  గుహల్లో, వంతెనలపై మరపురాని ప్రయాణం ఈ మార్గంలో సొరంగాలలో నుండి రైలు దూసుకుపోతుంటే ఆ అనుభూతులే వేరు. సుమారు 36 చిన్న, పెద్ద సొరంగాలు. ఈ మార్గంలోనే రౌలీ స్టేషన్‌కు సమీపంలో తూర్పుప్రాంతంలోనే అత్యంత పొడవైన సొరంగమార్గం ఉంది. దీని పొడవు 1,599 మీటర్లు (1.59 కిలోమిటర్లు). ప్రకృతి సోయగాలు, లోతైన, ఎత్తైన కొండలపై ప్రయాణం. సముద్రమట్టానికి ఆరువేల అడుగుల ఎత్తులో కోరాపుట్‌ రైల్వే స్టేషన్‌. అందమైన వంతెనలు ఇటువంటి ఎన్నో ప్రత్యేకతలు ఈ మార్గంలో ఉన్నాయి. సాధారణంగా అరకు, బొర్రాగుహలుకు అధిక సంఖ్యలో పర్యాటకులు వెళ్తుంటారు, కానీ ఒకసారి ఈ ప్రాంతాలను సందర్శిస్తే మళ్లీ మళ్లీ చూడాలనిపిస్తుంది.  వెలుగులోకి తీసుకువచ్చిన వాల్తేర్‌ డివిజన్‌   కోరాపుట్‌–రాయగడ రైల్వే మార్గం ఇప్పటివరకు చాలామందికి తెలియదు. వాల్తేర్‌ డివిజన్‌కు డివిజనల్‌ రైల్వే మేనేజర్‌ గా వచ్చిన అనూప్‌కుమార్‌ సత్పతి అతి తక్కువ సమయంలో ఈ మార్గంలో పర్యటించి, తనిఖీలు చేసి దీనిని పర్యాటకులకు పరిచయం చేశారు. ఈ మార్గంలో పర్యాటకుల కోసం తొలిసారిగా విస్టాడోమ్‌ కోచ్‌ను జతచేశారు. వారానికి మూడుసార్లు నడిచే విశాఖపట్నం–కోరాపుట్‌ స్పెషల్‌ ప్యాసింజర్‌ రైలుకు ఈ విస్టాడోమ్‌ కోచ్‌ జతచేస్తున్నారు. (క్లిక్ చేయండి: అడవుల్లోనూ ఆహార పంటలు) 20 ఏళ్ల తరువాత ప్రెస్‌టూర్‌...  దాదాపు 20 ఏళ్ల తరువాత వాల్తేర్‌ డివిజన్‌ ఆధ్వర్యంలో ఈ మార్గంలో శనివారం  ఆంధ్రప్రదేశ్, ఒడిశాలలో గల ప్రముఖ పాత్రికేయులకు ప్రెస్‌టూర్‌ను ఏర్పాటుచేశాం. బహుశా కొద్ది డివిజన్‌లు మాత్రమే ఇటువంటివి ఏర్పాటు చేస్తాయి. ఈ టూర్‌లో ఆంధ్రప్రదేశ్, ఒడిశాలకు చెందిన పర్యాటకరంగ ప్రతినిధులు కూడా  పాల్గొన్నారు. ప్రత్యేక ప్యాకేజీలు పరిచయం చేస్తే బాగుంటుంది.  – అనూప్‌ కుమార్‌ సత్పతి, డీఆర్‌ఎం అద్భుతంగా ఉంది  మొదటిసారిగా ఈ ప్రాంతాలను సందర్శించా. విస్టాడోమ్‌కోచ్‌లో ప్రయాణించడం కూడా మరచిపోలేని అను భూతి. ఈ ప్రాంతాల అభివృద్ధికి ప్రతిపాదనలు సిద్ధం చేసేందుకు తనతో పాటు మార్కెటింగ్‌ డివిజన్‌ నుంచి కృష్ణమోహన్, రాజేంద్రరావు, లోకనాథరావు కూడా ఈ టూర్‌లో పాల్గొన్నారు.   – కె హరిత, డివిజనల్‌ మేనేజర్, ఏపీ టూరిజం 

ప్రతి రోజూ లక్షలాది మంది ప్రయాణికులను వారి గమ్యస్థానానికి చేరుస్తోంది ఇండియన్‌ రైల్వేస్‌. కాశ్మీర్‌ నుంచి కన్యాకుమారి వరకు చవకైన ప్రయాణాన్ని ప్రజలకు అందిస్తు రైల్వే శాఖ ప్రపంచ వ్యాప్తంగా అతి పెద్ద ప్రభుత్వ సంస్థగా గుర్తింపు పొందిన సంగతి తెలిసిందే. ఎప్పటికప్పుడు సరికొత్త సేవలతో అందిస్తూ ప్రయాణికులకు పెద్ద పీట వేస్తూ దూసుకోపోతోంది. ఇక్కడి వరకు బాగానే ఉన్న కొందరు అకస్మాత్తుగా ప్రయాణించవలసి రిజర్వేషన్‌ టికెట్‌ దొరకకపోవచ్చు. అటువంటి సమయంలో వారికి రిజర్వేషన్‌ టికెట్‌ దొరకపోవచ్చు. అయినా ఏం ఫర్వాలేదు రిజర్వేషన్ టికెట్‌ లేకున్నా ప్యాసింజర్లు వారి గమ్యస్థానానికి ఇలా ప్రయాణించవచ్చు. ఎలా అంటారా? ప్లాట్‌ఫాం టికెట్‌తో ప్రయాణం ఎలా.. ప్యాసింజర్‌ తన వద్ద రిజర్వేషన్ టికెట్‌ లేదని కంగారుపడాల్సిన పనిలేదు. అటువంటి పరిస్థితుల్లో సదరు ప్రయాణికుడు ప్లాట్‌ఫారమ్ టిక్కెట్‌తో రైలులో ప్రయాణించవచ్చు. అయితే మీరు వెంటనే టికెట్ కలెక్టర్ (TTE) సంప్రదించాల్సి ఉంటుంది. ఆపై మీ గమ్యస్థానాన్ని అతనికి చెప్పి అందుకు తగ్గ డబ్బులను చెల్లించాల్సి ఉంటుంది.  ఈ రకంగా మీరు టిక్కెట్‌ తీసుకుని ప్రశాంతంగా ప్రయాణిస్తారు. ఈ రూల్స్‌ కూడా తెలుసుకోండి.. రిజర్వేషన్‌ లేకుండా ప్లాట్‌ఫామ్‌ టికెట్‌ తీసుకున్న ప్యాసింజర్‌ ఈ విషయాన్ని గుర్తించుకోవాలి. రైలులో ఒక్కోసారి రద్దీ కారణంగా బెర్త్‌ మాత్రమే కాదు సీటు ఖాళీగా లేని సందర్భాలు బోలెడు ఉంటాయి. అటువంటి సమయంలో టీటీఈ ప్రయాణికుడికి రిజర్వ్ సీటు ఇవ్వలేకపోవచ్చు. కానీ, ప్యాసింజర్‌ ప్రయాణాన్ని మాత్రం ఆపలేరు. అటువంటి సమయంలో మీరు నిబంధనల ప్రకారం రిజర్వేషన్‌ టికెట్‌ లేకుండా రిజరేషన్‌ బోగీలో ప్రయాణించాలనుకుంటే .. రూ. 250 అపరాధ రుసుముతో (ఫైన్) పాటు ప్రయాణానికి సంబంధించిన మొత్తం ఛార్జీని చెల్లించాలి. ఆపై టీటీఈ నుంచి సంబంధిత టికెట్ తీసుకోవాలి. చదవండి: ఫోన్‌పే యూజర్లకు అలర్ట్‌: అందుబాటులోకి వచ్చిన ఈ సరికొత్త సేవలు తెలుసా!

రైల‍్వే ప్రయాణికులకు ఐఆర్‌సీటీసీ శుభవార్త చెప్పింది. కొన్ని విపత్కర పరిస్థితుల్లో ట్రైన్‌ జర్నీ క్యాన్సిల్‌ చేసుకోవాల్సి ఉంటుంది. దీంతో డబ్బులు కూడా నష్టపోవాల్సి వస్తుంది. అలా కాకుండా ప్రయాణికుల సౌకర్యార్ధం.. క్యాన్సిల్‌ చేసుకోవాలనుకుంటున్న ట్రైన్‌ టికెట్‌ను ఇతర కుటుంబ సభ‍్యులకు బదిలీ చేసేలా ఐఆర్‌సీటీసీ వెసలుబాటు కల‍్పించింది.  టికెట్‌ కన్ఫర్మ్‌ అయినవారు..వారి టికెట్‌ టికెట్‌ను కుటుంబ సభ్యులకు ట్రాన్స్‌ఫర్‌ చేయాలనుకుంటే 24గంటల ముందే అప్లయ్‌ చేయాలి. ఇక్కడ ప్రయాణికులు గమనించాల్సిన విషయం ఏంటంటే.. క్యాన్సిల్‌ అయ్యే టికెట్‌ను ఒక్కసారి మాత్రమే బదిలీ చేసుకునే అవకాశం ఉంది. టికెట్‌ను ట్రాన్స్‌ ఫర్‌ చేయాలంటే  కన్ఫర్మ్‌ టికెట్‌ ప్రింటవుట్‌ తీసుకోవాలి. ఎవరికైతే టికెట్‌ను ట్రాన్స్‌ఫర్‌ చేయాలనుకుంటున్నారో వారి ఆధార్‌ కార్డు, లేదంటే ఓటర్‌ ఐడి ఉండాలి. రైల్వే స్టేషన్‌ టికెట్‌ రిజర్వేషన్‌ కౌంటర్‌లో టికెట్‌ను బదిలీ చేయమని కోరుతూ అప్లయ్‌ చేయాలి.

భోపాల్‌: రైలులో ప్రయాణం చేస్తున్న సమయంలో ఓ మహిళను వేధించారనే కారణంగా ఇద్దరు కాంగ్రెస్‌ ఎమ్మెల్యేలపై కేసు నమోదైంది. బాధితురాలి భర్త ఫిర్యాదు మేరకు రైల్వే పోలీసులు ఎఫ్‌ఐఆర్‌ నమోదు చేశారు. ఇద్దరు కాంగ్రెస్‌ ఎమ్మెల్యేలపై కేసు నమోదైన ఈ సంఘటన మధ్యప్రదేశ్‌లో గురువారం జరిగింది. ఎఫ్‌ఐఆర్‌ ప్రకారం.. కాంగ్రెస్‌ ఎమ్మెల్యేలు సునీల్‌ సరాఫ్‌(కోట్మా నియోజకవర్గం), సిద్దార్థ కుశ్వాహా(సాట్నా నియోజకవర్గం)లు రేవాంచల్‌ ఎక్స్‌ప్రెస్‌ ట్రైన్‌ ఏసీ కోచ్‌లో గురువారం ప్రయాణం చేశారు. మద్యం మత్తులో వారు కర్నీ స్టేషన్‌లో ట్రైన్‌ ఎక్కారు. అదే కోచ్‌లో ఓ మహిళ తన శిశువుతో ప్రయాణం చేస్తోంది. ఎమ్మెల్యేలు మహిళ పట్ల అసభ్యంగా ప్రవర్తించగా.. వారి ప్రవర్తనపై భర్తకు ఫోన్‌ ద్వారా తెలియజేసింది. ఏసీ కోచ్‌లో ఎమ్మెల్యేల తీరును వివరిస్తూ రైల్వే శాఖ, రైల్వే పోలీసులకు ట్యాగ్‌ చేస్తూ వరుస ట్వీట్లు చేశారు బాధితురాలి భర్త.  ఫిర్యాదు అందుకున్న రైల్వే పోలీసులు ట్రైన్‌లోకి వెళ్లి మహిళ బెర్త్‌ను మార్చారు. ఇద్దరు ఎమ్మెల్యేలపై ఐపీసీ సెక్షన్‌ 354 ప్రకారం కేసు నమోదు చేశారు. ఇదీ చదవండి: ఎల్‌ఈడీ టీవీ పేలి బాలుడు మృతి.. మీరూ ఈ తప్పులు చేస్తున్నారా?

వీకెండ్స్‌లో, పండుగ సమయాల్లో రైలు, బస్సుల్లో రద్దీ ఎక్కువగా ఉంటుంది. నెల రోజుల ముందు టికెన్‌ రిజర్వేషన్‌ చేసుకుంటే గానీ సీట్‌ కన్ఫర్మ్‌ అవ్వదు. ఇక అకస్మికంగా ఊరేళ్లాలనుకుంటే బస్సులో సీట్‌ దొరుకుతుందేమో కానీ రైల్లో అయితే కష్టం. జనరల్‌ టికెట్‌ తీసుకొని నిల్చొని ప్రయాణం చేయాల్సిందే. మనలో చాలామంది ఇలాంటి ఇబ్బందులు ఎదుర్కొనే ఉంటాం. కానీ ఇప్పుడు చెప్పబోయే ఓ వ్యక్తి మాత్రం ఇబ్బందులను దాటుకొని వినూత్న ఆలోచన చేశాడు. రైలులో తనకంటూ ప్రతేక సీట్‌ను ఏర్పాటు చేసుకొని హాయిగా పడుకున్నాడు. దీనికి సంబంధించిన వీడియోను ఇన్‌స్టాగ్రామ్‌లో కొన్ని రోజుల క్రితం మీమ్స్‌ పేజ్‌ షేర్‌ చేసింది. చదవండి: వెర్రి వేయి రకాలు.. కుక్కని బుక్‌ చేసేందుకు...మరీ అలా చేయాలా? ‘భారతీయుల తెలివితో మీరెప్పుడూ సరిపోలేరు’ అనే క్యాప్షన్‌తో షేర్‌ చేసిన ఈ వీడియో ప్రస్తుతం నెట్టింట్లో వైరల్‌గా మారింది. లక్షల్లో వ్యూవ్స్‌, వేలల్లో లైకులు వచ్చి చేరుతున్నాయి. దీనిలో అసలేముందంటే.. రైలులో కోచ్‌ పూర్తిగా నిండిపోవడంతో ఓ వ్యక్తికి సీట్‌ దొరకలేదు. అయితే రాత్రి పడుకోడానికి అతనికి నేల తప్ప మరెక్కడ చోటు లేకపోయింది. ఈ క్రమంలో ఆ వ్యక్తికి అద్భుతమైన ఆలోచన తట్టింది. తన దగ్గరున్న బెడ్‌షీట్‌ను తీసుకొని ఒక చివర లగేజ్‌ హోల్డర్‌కు, మరో సీటుకు కలిపి గట్టిగా కట్టాడు. దీంతో కోచ్‌ మధ్యలో ఊయల లాగా ఏర్పడింది. వెంటనే పెక్కి ఎక్కి ఆ ఊయలలో హాయిగా పడుకుంటాడు. చదవండి: ఆ ఆహ్వానం నచ్చింది... అందుకే ఈ రాత్రికి అక్కడికి వెళ్తా!! View this post on Instagram A post shared by MEMES.BKS🤟🙂 (@memes.bks) దీనిని చూసిన తోటి ప్రయాణికులు ఆశ్యర్యం వ్యక్తం చేస్తూ.. అతడి తెలివిని తలుచుకొని నవ్వుకుంటారు. ఈ వీడియోపై నెటిజన్లు ఫన్నీగా స్పందిస్తున్నారు. ‘ఇలా అయితే ట్రైన్‌ టికెట్‌ కూడా అవసరం లేదు. ఇతనికి తెలివి బాగా ఉంది. ఇలా పడుకుంటే హాయిగా నిద్రపోవచ్చు. ఇంకోసారి ట్రైన్‌లో వెళ్లేటప్పుడు నేను కూడా ఇలాగే చేస్తాను’  అంటూ సరదాగా కామెంట్‌ చేస్తున్నారు.

సాధారణంగా ఇంట్లో పెంపుడు జంతువులంటే ముఖ్యంగా కుక్కనే ఎక్కువ మంది పెంచుకుంటారు. ఆ జాబితాలో కొందరు వాటిని జంతువుల్లా కాకుండా తమ సొంత మనుషుల్లా ట్రీట్‌ చేస్తుంటారు. కొందరు వీటిని అల్లారు ముద్దుగా కూడా పెంచుకునే వాళ్లు ఉన్నారు. ఇటీవల త‌న పెంపుడు కుక్క కోసం ఓ మహిళ ఏకంగా విమానంలోని బిజినెస్ క్లాస్ మొత్తం బుక్ చేసిన‌ సంగతి తెలిసిందే.  (చదవండి: Funny Video: ఏయ్‌ నిన్నే.. పిలుస్తుంటే పట్టించుకోవా.. పంతం నెగ్గించుకున్న పిల్ల ఏనుగు ) తాజాగా ఓ వ్యక్తి తన పెంపుడు కుక్క కోసం రైలులోని బిజినెస్‌ క్లాస్‌ మొత్తం బుక్‌ చేశాడు.  అంతేనా ఆ పెట్‌ డాగ్‌ రైలు జర్నీపై ఓ వీడియోని చిత్రీకరించి త‌న ఇన్‌స్టాగ్రామ్ అకౌంట్‌లో షేర్ చేశారు. దీంతో ఆ వీడియో ప్ర‌స్తుతం సోష‌ల్ మీడియాలో వైర‌ల్‌గా మారింది. భారతీయ రైల్వే నిబంధనల ప్రకారం.. ఒక ప్రయాణీకుడు లాబ్రడార్‌లు, బాక్సర్‌లు వంటి చిన్న లేదా పెద్ద కుక్కలను తీసుకెళ్లడానికి అనుమతి ఉంది. కానీ పెంపుడు జంతువులు మాత్రం ఏసీ ఫస్ట్ క్లాస్ లేదా ఫస్ట్ క్లాస్‌లో మాత్రమే ప్రయాణించడానికి వీలుంది. మరొక నిబంధన ఏమిటంటే తమ పెంపుడు జంతువుల కోసం సదరు వ్యక్తి రైలులోని మొత్తం కంపార్ట్మెంట్ రిజర్వ్ చేసుకోవాల్సి ఉంటుంది. చిన్న కుక్క పిల్ల‌లు అయితే వాటి కోసం కొన్ని కంపార్ట్‌మెంట్ల‌లో బాక్స్‌లు ఉంటాయి. వాటికి ఆహారం యజమానులే తెచ్చుకోవాల్సి ఉంటుంది. View this post on Instagram A post shared by Rio (@alabnamed_rio) చదవండి: చాట్‌ అమ్ముతూ కేజ్రీవాల్‌ !.. తీరా చూస్తే అసలు కథ వేరే..

పాట్నా: బిహార్‌ జేడీయూ ఎమ్మెల్యే గోపాల్‌ మండల్‌ సోషల్‌ మీడియా వేదికగా తీవ్ర ట్రోలింగ్‌ ఎదుర్కొంటున్నారు. దీనికి ఆయన లోదుస్తులు ధరించి రైలులో తిరగమే కారణం. ఈ ఘటన గురువారం పాట్నా నుంచి ఢిల్లీ వెళ్తున్న తేజాస్‌ రాజధాని ఎక్స్‌ప్రెస్‌ రైలులో చోటుచేసకుంది. అసలేం జరిగిందంటే.. జేడీయూ ఎమ్మెల్యే గోపాల్‌ మండల్‌ మరో ఇద్దరు వ్యక్తులతో కలిసి ఏసీ బోగిలో ప్రయాణించారు. అయితే ఈ రైలు ఉత్తర ప్రదేశ్‌లోని దిల్‌నగర్‌ స్టేషన్‌ దాటుతున్న సమయంలో ఎమ్మెల్యే తన దుస్తులు తీసేసి కేవలం లోదుస్తులు(బనియన్‌,అండర్‌వేర్‌)తో వాష్‌రూమ్‌కు వెళ్లారు. అయితే అదే కంపార్ట్‌మెంట్‌లో బిహార్‌కు చెందిన ప్రహ్లద్‌ పాశ్వాన్‌ అనే వ్యక్తి తన భార్య పిల్లలతో కలిసి ప్రయాణిస్తున్నారు. ఎమ్మెల్యే అవతారం చూసిన ఆ వ్యక్తి మండల్‌ వేషాధారణపై అ‍్యభ్యంతరం వ్యక్తం చేశాడు. దీంతో మండల్‌ ఆ వ్యక్తితో వాదనకు దిగాడు. అక్కడితో ఆగకుండా ఇతర ప్రయాణికులను సైతం దూషించాడు. కాగా మండల్‌ ప్రయాణికులను కొట్టేందుకు ప్రయత్నించాడని, వారు ఎమ్మెల్యే ప్రవర్తనపై మండిపడటంతో కాల్చి వేస్తామని కూడా బెదిరించాడని పాశ్వాన్‌ ఆరోపించారు. అయితే అతను బిహార్‌ ఎమ్మెల్యే అని తనకు తెలీయదని పేర్కొన్నారు. చదవండి: ఆస్తులు అమ్మితే ఆటకట్టిస్తాం: ఎంకే స్టాలిన్‌ ఇదంతా జరిగిన తర్వాత ప్రయాణికులు ఆర్‌పీఎఫ్‌ పోలీసులకు ఫిర్యాదు చేశారు. దీంతో వారు మండల్‌ను రైలులోని మరో కోచ్‌కు మార్చారు. అయితే చివరికి గోపాల్‌ మండల్‌ తన చర్యలను సమర్థించుకున్నారు. రైలులో ప్రయాణిస్తున్నప్పుడు తన కడుపు నొప్పి ఉందని అందులే కేవలం లోదుస్తులు ధరించినట్లు చెప్పుకొచ్చారు. ఇక ఎమ్మెల్యే లోదుస్తులు ధరించిన ఫోటోలు, వివరణ ఇచ్చిన వీడియో సోషల్ మీడియాలో వైరల్ అవ్వడంతో వెంటనే అతన్ని నెటిజన్లు ట్రోల్స్‌ చేస్తున్నారు. ‘అండర్ వేర్‌లో తిరుగుతుంటే కడుపు నొప్పి తగ్గుతుందని మాకు తెలియదే’ అంటూ సెటైర్లు వేస్తున్నారు. గోపాల్ మండల్ స్నేహితుడు కునాల్ సింగ్  మాట్లాడుతూ.. మండల్ డయాబెటిస్ పేషెంట్ అని,  ఏదో "అత్యవసర పని మీదసం ఢిల్లీ వెళ్తున్నాడని పేర్కొన్నాడు. మండల్‌ అధిక బరువు కారణంగా బట్టలతో వాష్‌రూమ్‌కు వెళ్లలేకపోయాడని అందుకే లుంగీ మీద వాష్‌రూమ్‌ ఉపయోగించాలనుకున్నట్లు తెలిపాడు. ‘రైలు ఎక్కిన తర్వాత, గోపాల్ వాష్‌రూమ్‌కు వెళ్లాలనుకున్నాడు. తొందరపాటులో తన లోదుస్తుల్లో వెళ్లాడు. అప్పుడే ఓ ప్యాసింజర్ మండల్‌తో మాట్లాడాడు. దీనికి మండల్‌ బదులేమి ఇవ్వకుండా వాష్‌రూమ్ నుంచి తిరిగి వచ్చిన తర్వాత ప్యాసింజర్‌తో మాట్లాడారు "అని కునాల్ సింగ్ చెప్పారు. #WATCH I was only wearing the undergarments as my stomach was upset during the journey: Gopal Mandal, JDU MLA, who was seen in undergarments while travelling from Patna to New Delhi on Tejas Rajdhani Express train yesterday pic.twitter.com/VBOKMtkNTq — ANI (@ANI) September 3, 2021

సాక్షి, హైదరాబాద్‌: రైల్వే అధికారుల  ప్రయాణం  అత్యంత ఖరీదు వ్యవహారంగా మారింది. కోవిడ్‌ ఆంక్షల దృష్ట్యా రెగ్యులర్‌ రైళ్లను, ప్యాసింజర్‌ రైళ్లను పక్కన పెట్టి  సామాన్య ప్రయాణికులకు  రైల్వే సేవలను  దూరం  చేసిన  అధికారులు తాము మాత్రం విలాసవంతమైన సెలూన్‌ కోచ్‌లలో విహరిస్తున్నట్లు  ఆరోపణలు  వెల్లువెత్తుతున్నాయి. కొందరు అధికారులు తనిఖీల్లో భాగంగా తమ వ్యక్తిగత, కుటుంబ అవసరాల కోసం ఈ సెలూన్‌లను వినియోగిస్తుండగా .. మరికొందరు ఎలాంటి తనిఖీలు లేకుండానే  వీటిని వినియోగించుకుంటున్నట్లు సమాచారం. రాజసాన్ని, విలాసాన్ని ప్రతిబింబించే  సెలూన్‌ కోచ్‌లను ఉన్నతాధికారులు  తమ అధికారిక పర్యటనల  కోసం వినియోగించుకొనే అవకాశం ఉన్నప్పటికీ  ‘హోమ్‌ ఆన్‌ వీల్స్‌’ పేరిట  ప్రయాణికులకు సైతం వాటిని అందుబాటులోకి తేవాలని రైల్వే బోర్డు నిర్ణయించింది. పెళ్లిళ్లు, వేడుకలు, ఇంటిల్లిపాది కలిసి  వెళ్లే పర్యటనల కోసం  ప్రయాణికులు ఐఆర్‌సీటీసీ ద్వారా సెలూన్‌లను రిజర్వ్‌ చేసుకొనే సదుపాయం ఉంది. బ్రిటీష్‌ కాలం నుంచి ఇటీవల వరకు అధికారులకే పరిమితమైన సెలూన్‌లను మొదటిసారి  ప్రయాణికుల వినియోగింలోకి తెచ్చారు. కానీ ఒకవైపు కోవిడ్‌  ఉధృతి, మరోవైపు సెలూన్‌ ప్యాకేజీలపైన  పెద్దగా ప్రచారం లేకపోవడం వల్ల ప్రయాణికుల వినియోగంలోకి రాలేదు. రైల్వేపై ఆర్ధిక భారం రైళ్ల నిర్వహణ, వనరుల వినియోగంలో  పారదర్శకతను పాటించే అధికారులు సెలూన్‌ ప్రయాణాల పేరిట మాత్రం రూ.లక్షల్లో ఖర్చు చేయడం గమనార్హం. ఒక ఉన్నతాధికారి ఒకసారి సెలూన్‌ జర్నీ చేసేందుకు అయ్యే ఖర్చుతో విమానంలో ఎగ్జిక్యూటీవ్‌  జర్నీ చేయవచ్చునని కార్మిక సంఘం నాయకుడొకరు విస్మయం వ్యక్తం చేశారు. ఏసీ బోగీ అయిన ఈ సెలూన్‌లో రెండు బెడ్‌ రూమ్‌లు, ఒక లివింగ్‌ రూమ్, ఒక కిచెన్, మరో నలుగురు ప్రయాణం చేసేందుకు వీలుగా పడకలు  ఉంటాయి. సకల సదుపాయాలు ఉన్న ఈ బోగీ నిర్వహణ కోసం ప్రత్యేక సిబ్బందిని నియమిస్తారు. ఆర్‌పీఎఫ్‌  భద్రత ఎలాగూ ఉంటుంది. వెరసి ఒక సెలూన్‌ వినియోగానికి  గంటకు రూ.2,500 చొప్పున నిర్వహణ భారం పడుతుంది. సిబ్బంది ట్రావెలింగ్‌ అలవెన్సులు, ఇతరత్రా ఖర్చులన్నీ అదనం. హైదరాబాద్‌ నుంచి తిరుపతి, విజయవాడ, కర్నూలు, విశాఖ,  షిర్డీ, ఊటీ, ఢిల్లీ తదితర ప్రాంతాలకు  రెగ్యులర్‌గా రాకపోకలు సాగిస్తున్నారు.  ‘రాయల్‌’ జర్నీ కోసమేనా... బ్రిటీష్‌  కాలం నుంచి  రైల్వే అధికారులకు కొన్ని ప్రత్యేక సదుపాయాలను కల్పించారు. జనరల్‌ మేనేజర్, డివిజనల్‌ రైల్వే మేనేజర్, వివిధ విభాగాల ఉన్నతాధికారులకు పనిచేసే నగరంలో బంగళాలతో పాటు బంగళా ఫ్యూన్‌లను  ఏర్పాటు చేశారు. అలాగే ఈ  తరహా సకల సదుపాయాలు కలిగిన విలాసవంతమైన  సెలూన్‌లను అందుబాటులో ఉంచారు. రాయల్‌ సంస్కృతిని ప్రతిబింబించే  ఈ ప్రత్యేక సదుపాయాలపైన  రైల్వేశాఖ  ఆంక్షలు విధించింది. కానీ కొంతమంది  అధికారులు వీటిని ఖాతరు చేయడం లేదు. రైళ్ల రాకపోకల్లో జాప్యం సెలూన్‌ కోచ్‌లను ప్రధాన రైళ్లకు  అటాచ్‌ చేయడంతో పాటు డిటాచ్‌ చేసే సమయంలో తీవ్రమైన జాప్యం చోటుచేసుకుంటుంది. అలాగే  సెలూన్‌ల కోసం  కేటాయించిన ప్లాట్‌ఫామ్‌లపైన  రైళ్లను నిలిపేందుకు అవకాశం ఉండదు. దీంతో రైళ్ల రాకపోకల్లో ఆలస్యం జరుగుతుంది. సెలూన్‌తో బయలుదేరే రైళ్లు  అరగంట నుంచి ముప్పావు గంట వరకు ఆలస్యంగా నడుస్తున్నాయి. ‘సికింద్రాబాద్‌ స్టేషన్‌లో వారానికి రెండు, మూడు సెలూన్‌లు కనిపిస్తాయి. ఆ సెలూన్‌ల అటాచ్‌మెంట్, డిటాచ్‌మెంట్‌ సేవలతో పాటు సదరు అధికారి వెళ్లిపోయే వరకు మొత్తం యంత్రాంగమంతా ఆయన సేవలోనే నిమగ్నమైపోతుంది. దీంతో  సాధారణ రైళ్ల నిర్వహణ లో జాప్యం జరుగుతుంది’ అని ఒక సీనియర్‌ లొకోపైలెట్‌  ఆందోళన  వ్యక్తం చేశారు.

లండన్‌: చుక్‌చుక్‌ రైలు వస్తోంది. దూరం దూరం జరగండి అనే అంటున్నారు శాస్త్రవేత్తలు. కోవిడ్‌ నేపథ్యంలో రైలు ప్రయాణం భద్రమని హెచ్చరిస్తున్నారు. రైలు ప్రయాణంలో కరోనా సోకే ముప్పు ఎంత ఉందో శాస్త్రీయంగా అంచనాలు వేశారు. చైనీస్‌ సెంటర్‌ ఫర్‌ డిసీజ్‌ కంట్రోల్‌ అండ్‌ ప్రివెన్షన్‌ తో పాటు యూకేకి చెందిన కొన్ని యూనివర్సిటీల శాస్త్రవేత్తలు ప్రయాణికుల మధ్య ఉన్న దూరం, ఎంత సేపు కలిసి ప్రయాణం చేస్తారు ? వంటి అంశాలను పరిగణనలోకి తీసుకొని అధ్యయనం నిర్వహించారు. ► రైలు ప్రయాణికులు ఎంత దగ్గరగా కూర్చున్నారన్న దానిని బట్టి వైరస్‌ వ్యాప్తి రేటు 0.32%గా ఉంటుంది. ► కోవిడ్‌ రోగి పక్కనే కూర్చొని ప్రయాణం చేస్తే సగటున వైరస్‌ వ్యాప్తి 3.5% ఉంటుంది. ► రోగితో పాటుగా ఒకే వరుసలో కూర్చొని ప్రయాణం చేస్తే వైరస్‌ సోకడానికి 1.5% అవకాశం ఉంది. ► కోవిడ్‌ రోగి ఖాళీ చేసిన సీటులో మరొక ఆరోగ్యవంతుడు వచ్చి కూర్చుంటే 0.75% రేటుతో వైరస్‌ వ్యాప్తి చెందుతుంది. ► బోగీలో ఉండే మొత్తం ప్రయాణికుల సంఖ్యను బట్టి వారు ప్రయాణించే సమయాన్ని బట్టి ప్రతీ గంటకి వైరస్‌ సోకే ముప్పు 1.3% పెరుగుతూ ఉంటుంది. ప్రయాణాలు ఎలా ? ఒక గంటసేపు కలిసి ప్రయాణం చేస్తే ఇద్దరు ప్రయాణికుల మధ్య దూరం ఒక మీటర్‌ కంటే ఎక్కువ ఉండాలని, అదే రెండు గంటల ప్రయాణమైతే 2.5 మీటర్ల కంటే ఎక్కువ దూరం పాటించాలని  యూకేలోని సౌతాంప్టన్‌ వర్సిటీకి చెందిన శాస్త్రవేత్త షెంగ్జీ లాయ్‌ అన్నారు. రైలు ప్రయాణానికి ముందు టెంపరేచర్‌ చెకింగ్‌ తప్పనిసరిగా చేయాలని ఆయన సూచించారు

సాక్షి, సిటీబ్యూరో: ప్రయాణికుల రైళ్లు భారంగా నడుస్తున్నాయి. క్రమంగా ప్రయాణికుల సంఖ్య తగ్గుముఖం పడుతోంది. నగరంలో చిక్కుకుపోయిన  దూరప్రాంతాల ప్రయాణికుల కోసం దక్షిణమధ్య రైల్వే  వివిధ ప్రాంతాలకు 23 ప్రత్యేక  రైళ్లను నడుపుతున్న సంగతి  తెలిసిందే. మే నెలలో అందుబాటులోకి వచ్చిన ఈ రైళ్లకు జూన్, జూలై రెండోవారం వరకు బాగానే డిమాండ్‌ కనిపించింది. అయితే  గత కొద్ది  రోజులుగా తెలుగు రాష్ట్రాల్లో కోవిడ్‌ కేసులు  మరింత పెరగడంతో ప్రయాణికుల సంఖ్య బాగా తగ్గిపోయింది. ప్రత్యేక రైళ్లను  ప్రారంభించిన తొలిరోజుల్లో  ప్రతి  రోజూ వివిధ నగరాలకు 25 వేల నుంచి  30 వేల మంది వరకు ప్రయాణం చేశారు. వెయిటింగ్‌ లిస్టు కూడా బాగానే ఉండేది. అయితే ప్రస్తుతం ప్రయాణికుల సంఖ్య 20 వేలు కూడా దాటడం లేదు. కరోనా  కేసులు పెరుగుతున్న నేపథ్యంలో చాలా మంది ప్రయాణాలను వాయిదా వేసుకుంటున్నారు. ఓ వైపు అన్‌లాక్‌ ప్రక్రియ మూడోదశకు చేరుకుంది. లాక్‌డౌన్‌ నిబంధనలను మరింత సడలించే దిశగా కేంద్ర ప్రభుత్వం చర్యలకు ఉపక్రమించినా, ప్రజల రాకపోకలు మాత్రం  ఇప్పట్లో మెరుగుపడే పరిస్థితి కనిపించడం లేదు. మరోవైపు  దేశంలోని పలు నగరాల్లో  వారం, పది రోజుల పాటు  లాక్‌డౌన్‌ విధిస్తుండడంతో  ప్రత్యేక రైళ్లకు బ్రేకులు పడుతున్నాయి. సికింద్రాబాద్‌ నుంచి కోల్‌కతాకు వెళ్లే  హౌరా ఎక్స్‌ప్రెస్‌ను భువనేశ్వర్‌ వరకే పరిమితం చేశారు. ఇటీవల  కొన్ని  సర్వీసులను సైతం రద్దు చేశారు. ప్రయాణికులు పరిమితం....  లాక్‌డౌన్‌ కాలంలో హైదరాబాద్, విజయవాడ, తిరుపతి, విశాఖ, తదితర ప్రాంతాల్లో చిక్కుకుపోయిన ప్రయాణికుల  కోసం  మొదట బెంగళూర్‌–ఢిల్లీ, సికింద్రాబాద్‌–ఢిల్లీ మధ్య రెండు రైళ్లను అందుబాటులోకి తెచ్చారు. ఆ తరువాత  సికింద్రాబాద్‌ నుంచి ముంబై, కోల్‌కతా, విశాఖ, తిరుపతి, బెంగళూర్, న్యూఢిల్లీ, తదితర ప్రాంతాలకు సర్వీసులను పెంచారు.  దీంతో 23 ప్రత్యేక రైళ్లు అందుబాటులోకి వచ్చాయి. వివిధ కారణాల వల్ల హైదరాబాద్‌లో ఉండిపోయిన వారు కోవిడ్‌ నిబంధనలకు అనుగుణంగా ఈ రైళ్లలో ప్రయాణిస్తున్నారు. ప్రయాణికుల భద్రతను దృష్టిలో ఉంచుకుని జనరల్‌ బోగీలకు సైతం రిజర్వేషన్‌ విధానాన్ని అమల్లోకి తెచ్చారు. మొదట్లో  ప్రయాణికుల రాకపోకలు ఎక్కువగానే సాగాయి. దీంతో  వంద వరకు వెయిటింగ్‌లిస్టును కూడా  అమల్లోకి తెచ్చారు. అయితే జూలై నుంచి  తెలుగు రాష్ట్రాల్లో కోవిడ్‌ కేసుల సంఖ్య మరింత ఉధృతం కావడంతో  ప్రయాణాలు తగ్గుముఖం పట్టాయి. అత్యవసర పరిస్థితిల్లో మాత్రమే ప్రయాణికులు రాకపోకలు కొనసాగిస్తున్నట్లు  రైల్వే అధికారి ఒకరు తెలిపారు.   తగ్గిన ఆదాయం ...  సాధారణంగా దక్షిణమధ్య రైల్వే పరిధిలో రోజుకు 750  ప్రత్యేక రైళ్లు రాకపోకలు సాగిస్తాయి. 10.5 లక్షల మంది ప్రయాణం చేస్తారు.ఒక్క సికింద్రాబాద్‌ నుంచే  సుమారు 220 రైళ్లు వివిధ ప్రాంతాలకు వెళ్తాయి. 1.85 లక్షల మంది బయలుదేరుతారు. దక్షిణమధ్య రైల్వేకు మొత్తంగా  రోజుకు రూ.12 కోట్ల మేర ఆదాయం లభిస్తుంది. కానీ  ఈ ఆదాయం ఇప్పుడు పూర్తిగా పడిపోయింది. ప్రత్యేక రైళ్ల నిర్వహణ కూడా భారంగా మారింది. ప్రస్తుతం రోజుకు సుమారు రూ.కోటి నుంచి రూ.1.5 కోట్లు మాత్రమే వస్తున్నట్లు అంచనా.   ఆర్టీసీ బస్సుల్లోనూ అంతంతే....  సాధారణంగా  హైదరాబాద్‌ నుంచి తెలుగు రాష్ట్రాలకు ప్రతి రోజు 3500 బస్సులు రాకపోకలు సాగిస్తాయి. కరోనా కారణంగా  ఏపీకి  బస్సులను పూర్తిగా నిలిపివేశారు. పునరుద్ధరణ చర్యలకు ఇటీవల బ్రేక్‌ పడింది. ప్రస్తుతం తెలంగాణాలోని వివిధ ప్రాంతాలకు మాత్రమే  50 శాతం బస్సులు నడుస్తున్నాయి. వాటిలోనూ ఆక్యుపెన్సీ రేషియో 30  శాతం నుంచి  40 శాతం వరకే ఉంటుందని  అధికారులు  తెలిపారు.  తప్పనిసరైతే తప్ప జనం బస్సుల్లో వెళ్లడం లేదు. ఇటీవల ఒకటి, రెండు రూట్లలో  కోవిడ్‌ పేషెంట్‌లు సైతం ఆర్టీసీ బస్సుల్లో  ప్రయాణించినట్లు వార్తలు రావడంతో ప్రయాణికుల సంఖ్య మరింత తగ్గినట్లు  ఆర్టీసీ అధికారి ఒకరు పేర్కొన్నారు. మరోవైపు కోవిడ్‌ ఉధృతి కారణంగా  హైదరాబాద్‌లో సిటీ బస్సులను ఇప్పట్లో అందుబాటులోకి తెచ్చే అవకాశం లేదని తెలిపారు.  

సాక్షి, తమిళనాడు‌: చెన్నై నుంచి రైలులో మదురై వస్తుండగా నిద్రించిన వృద్ధురాలు కేరళ రాష్ట్రం చేరుకుంది. అక్కడ మెంటల్‌ హాస్పిటల్‌లో 80 రోజుల నిర్బంధం తర్వాత కుమార్తె చెంతకు చేరింది. వివరాలు.. మదురై అరప్పాళయం ప్రాంతానికి చెందిన కస్తూరి (70). ఈమె కుమార్తె శ్రీప్రియ చెన్నైలో ఉంటున్నారు. ఈమెను చూసేందుకు కస్తూరి చెన్నైకు చేరుకున్నారు. ఇక్కడి నుంచి మళ్లీ మార్చి 18వ తేది మదురైకు బయలుదేరారు. మదురై చేరుకున్న సమయంలో ఆమె నిద్రించడంతో రైలు కేరళ రాష్ట్రంలోని కొల్లంకు చేరుకుంది. అక్కడ అందరూ ఆమెను దిగమని చెప్పడంతో కస్తూరి లేచి ఇది మదురై కాదా! అంటూ దిక్కులు చూసింది. ఆమె వద్ద కేరళ పోలీసులు మలయాళంలో విచారణ జరపగా ఆమెకు అర్థం కాలేదు. పోలీసులకు ఆమె తమిళం తెలియలేదు. ఇలా ఉండగా కేరళలో కరోనా వైరస్‌ మొట్టమొదటగా ప్రవేశించినందున రాష్ట్రవ్యాప్తంగా లాక్‌డౌన్‌ విధించారు. దీంతో వద్ధురాలిని మతిస్థిమితం లేని మహిళగా భావించి, ఆమెను మానసిక చికిత్సా కేంద్రంలో చేర్చారు. ఇలా ఉండగా శ్రీప్రియ తల్లికోసం 80 రోజులుగా గాలింపులు చేపడుతూ వచ్చింది. రెండు రోజుల క్రితం కేరళ నుంచి శ్రీప్రియకు ఒక ఫోన్‌ కాల్‌ అందింది. అందులో తన తల్లి కేరళ కోలికోడ్‌ మెంటల్‌ హాస్పిటల్‌లో అడ్మిట్‌ అయినట్టు తెలిసింది. చదవండి: 11 నెమళ్లకు విషం పెట్టి చంపేశారు  దీంతో తల్లిని విడిపించాల్సిందిగా మదురై కలెక్టర్‌ వినయ్‌కు శ్రీప్రియ విజ్ఞప్తి చేసింది. కోలికోడ్‌ కలెక్టర్‌తో మదురై కలెక్టర్‌ ఫోన్‌లో సంప్రదించి కస్తూరిని సోమవారం మదురైకు రప్పించారు. కలెక్టర్‌ సమక్షంలో అధికారులు శ్రీప్రియకు తల్లిని అప్పగించారు. దీనికి సంబంధించిన ఏర్పాట్లను మదురై రెడ్‌క్రాస్‌ నిర్వాహకులు చేశారు. శ్రీప్రియ మాట్లాడుతూ బాగున్న తల్లిని మతిస్థిమితం లేనట్లు కేరళ ఆసుపత్రిలో 80 రోజులు నిర్భంధించడం ఆవేదన కలిగిస్తున్నదని కన్నీటి పర్యంతం అయ్యారు.

సికింద్రాబాద్‌: సమయం బుధవారం ఉదయం. సికింద్రాబాద్‌ రైల్వే స్టేషన్‌.బెంగళూరు నుంచి ఢిల్లీ వెళ్లే ప్రత్యేకరైలు పట్టాలపైకి వచ్చింది. దేశ రాజధానికి బయల్దేరే వారంతా అందులోకి ఎక్కారు.సాయంత్రం.. ఢిల్లీ నుంచి బెంగళూరు వెళ్లాల్సిన ట్రెయిన్‌సికింద్రాబాద్‌కు వచ్చింది. ప్రయాణికులు క్యూ పద్ధతిని పాటించి రైలెక్కారు. అంతకుముందు ఢిల్లీ, బెంగళూరుకువెళ్లేవారితో, నగరానికి వచ్చినప్రయాణికులతో సికింద్రాబాద్‌ రైల్వే స్టేషన్‌ సందడి సందడిగా మారింది.చిన్నపిల్లలు సహా పెద్దవాళ్లకు అధికారులు థర్మో స్క్రీనింగ్‌ టెస్టులు చేశారు. హోం క్వారంటైన్‌ స్టాంప్‌లు వేశారు. రైలు బోగీలకు శానిటైజేషన్‌ చేశారు.   

సాక్షి, సిటీబ్యూరో: రైలు ప్రయాణం అంటే ఒక ఊరు నుంచి మరో ఊరికి వెళ్లడమే కాదు. ఒక మంచి అనుభూతి కూడా. ఒక ప్రాంతం నుంచి ఇంకో ప్రాంతం వరకు ప్రయాణించే వారు తమ జర్నీ ఆహ్లాదంగా..ఆనందంగా..ప్రశాంతంగా ఉండాలనుకుంటారు. కానీ, ఇప్పుడు రైలు జర్నీ ‘డర్టీ’గా మారింది. అపరిశుభ్ర వాతావరణం, ఎలుకలు, బొద్దింకలు, కంపుకొట్టే టాయిలెట్లు, నీళ్లు రాని నల్లాలు, మురికిమయమైన దుప్పట్లు, చిరిగిన బెర్త్‌లతో రైలు ప్రయాణికులు బెంబేలెత్తుతున్నారు. ఈ అంశాలపై ఇప్పుడు రైలు ప్రయాణికులు సీరియస్‌ అవుతున్నారు. పెద్ద ఎత్తున రైల్వే శాఖకు ఫిర్యాదు చేస్తున్నారు. ప్రయాణికులకు మెరుగైన, నాణ్యమైన  సదుపాయాలను అందజేసేందుకు ఎంతో ప్రతిష్టాత్మకంగా ప్రవేశపెట్టిన‘కోచ్‌మిత్ర’ యాప్‌నకు గతేడాది వివిధ సమస్యలపై ఏకంగా  5203 ఫిర్యాదులు వెల్లువెత్తాయి. వాటిలో మరుగుదొడ్ల అపరిశుభ్రతపైనే 1675 ఫిర్యాదులు అందితే, నీటిసరఫరా లేకపోవడంపైన మరో 1106 మంది అధికారుల దృష్టికి తీసుకెళ్లారు. ఓవర్‌నైట్‌ జర్నీ చేసే  ప్రయాణికులు చాలామంది బెడ్‌షీట్స్‌ అపరిశుభ్రంగా ఉంటున్నాయని ఆందోళన వ్యక్తం చేశారు. కేటరింగ్‌ సర్వీసులపైనా ఫిర్యాదులు వస్తూనే ఉన్నాయి. గతంలో రుచి,శుచీ లేని ఆహార పదార్థాలపై ప్రయాణికుల నుంచి పెద్ద ఎత్తున ఆందోళన వ్యక్తం చేసిన నేపథ్యంలో అధికారులు దిద్దుబాటు చర్యలకు ఉపక్రమించారు. కానీ కొద్ది రోజుల్లోనే పరిస్థితి యథావిధిగా మారిందని ప్రయాణికులు ఆరోపిస్తున్నారు. ఏమిటీ కోచ్‌ మిత్ర... స్వచ్ఛమైన..పరిశుభ్రమైన రైళ్లలో ప్రయాణ సదుపాయం కల్పించే లక్ష్యంతో రైల్వేశాఖ 2016లో ‘క్లీన్‌మై కోచ్‌’ ఆన్‌లైన్‌ అప్లికేషన్‌ను అందుబాటులోకి తెచ్చింది. బోగీలను ఎప్పటికప్పుడు శుభ్రం చేయడమే ఈ యాప్‌ లక్ష్యం. ఇందుకోసం ఆన్‌బోర్డు హౌస్‌ కీపింగ్‌ (ఓబీహెచ్‌ఎస్‌) సిబ్బంది విధులు నిర్వహిస్తారు. ప్రయాణికుల నుంచి ఫిర్యాదులు అందిన వెంటనే స్పందించే విధంగా ఈ యాప్‌ను మరింత అభివృద్ధి చేసి ‘కోచ్‌మిత్ర’గా ప్రవేశపెట్టారు. దక్షిణమధ్య రైల్వేలోని 144 రైళ్లలో ప్రస్తుతం ఈ కోచ్‌మిత్ర మొబైల్‌ అప్లికేషన్‌ వినియోగంలో ఉంది. ఈ రైళ్లలోనే 2019లో వివిధ సమస్యలపైన 5203 ఫిర్యాదులు అందాయి. వేలకు వేలు చెల్లించి ఏసీ బోగీల్లో వెళ్లే ప్రయాణికులకు తగిన సేవలు లభించడం లేదు. ఫస్ట్‌ఏసీ బోగీల్లోనే నీళ్లు రావడం లేదని, ఆన్‌బోర్డు హౌస్‌కీపింగ్‌ సకాలంలో స్పందించకపోవడమే ఇందుకు కారణమని ప్రయాణికులు విస్మయం వ్యక్తం చేస్తున్నారు.‘చాలా సార్లు ఏసీలు పనిచేయవు. ఫ్యాన్లు తిరగవు.ఎలక్ట్రికల్‌ సిబ్బంది అందుబాటులో ఉండరు. ఒకవేళ ఉన్నా పట్టించుకోకుండా పెడచెవిన పెడతారు. టాయిలెట్లు దుర్గంధంతో కంపు కొడ్తాయి. రాత్రి వేళల్లో నీళ్లు లేక తీవ్ర ఇబ్బందులకు గురికావలసి వస్తుంది’ అని హైదరాబాద్‌ నుంచి  బెంగళూర్‌కు రెగ్యులర్‌గా రాకపోకలు సాగించే ఒక ప్రయాణికుడు ఆందోళన వ్యక్తం చేశారు. బెంబేలెత్తిస్తున్న బొద్దింకలు...  ఏసీ, నాన్‌ ఏసీ బోగీల్లో బొద్దింకలు, ఎలకలు మరింత ఆందోళన కలిగిస్తున్నాయి. ఏసీ బోగీల్లో ఎలుకలు తరచుగా విద్యుత్‌ వైర్లను కొరకడంతో షార్ట్‌సర్క్యూట్‌ అయిన సందర్భాలు ఉన్నాయి. కోచ్‌లు పరిశుభ్రంగా లేకపోవడంపైనే గతేడాది 876 ఫిర్యాదులు కోచ్‌మిత్రకు అందాయి. ఇక బొద్దింకలు, క్రిమికీటకాలపైన 154  ఫిర్యాదులు వచ్చాయి. యార్డుల్లో రైళ్లు పార్క్‌ చేసినప్పుడు  చెత్తా చెదారంతో పాటు బొద్దింకలు వచ్చి చేరుతున్నాయి. కానీ శుభ్రం చేసేటప్పుడు వీటి గురించి శ్రద్ధ చూపడం లేదు. దీంతో మహిళా ప్రయాణికులు భయాందోళనకు గురవుతున్నారు.  యాప్‌ సేవల్లో 10 వేల మంది... దక్షిణ మధ్య రైల్వే పరిధిలో ప్రస్తుతం 10 వేల మంది ప్రయాణికులు తమ మొబైల్‌ ఫోన్‌లలో, ఆన్‌లైన్‌ ద్వారా కోచ్‌మిత్ర సేవలను వినియోగించుకుంటున్నారు. ఈ యాప్‌ను డౌన్‌లోడ్‌ చేసుకొని తాము ఎదుర్కొంటున్న సమస్యలను అధికారుల దృష్టికి తీసుకెళ్తున్నారు. కోచ్‌మిత్రకు ఫిర్యాదు అందిన వెంటనే ప్రయాణికుడికి ఒక కోడ్‌ నెంబర్‌ను కేటాయిస్తారు. తరువాత  ఆన్‌బోర్డు హౌస్‌కీపింగ్‌ సిబ్బంది వచ్చి సేవలను అందజేస్తారు. ప్రతి నెలా సగటున 433 ఫిర్యాదులు అందుతున్నాయని, 87 శాతం ఫిర్యాదులను అరగంట వ్యవధిలో పరిష్కరిస్తున్నామని దక్షిణమధ్య రైల్వే  సీపీఆర్వో సీహెచ్‌ రాకేష్‌ తెలిపారు. కోచ్‌మిత్రపైన విస్తృత ప్రచారంచేపట్టినట్లు చెప్పారు. 

సాక్షి, సిటీబ్యూరో: సంక్రాంతి పండగకు ముందే రైళ్లలో సీట్లన్నీ భర్తీ అయ్యాయి. హైదరాబాద్‌ నుంచి తెలుగు రాష్ట్రాల్లోని వివిధ ప్రాంతాలకు రాకపోకలు సాగించే అన్ని ప్రధాన రైళ్లలో వెయిటింగ్‌ లిస్టు 180 నుంచి 250 వరకు చేరింది. ఫిబ్రవరి వరకు ఇదే పరిస్థితి. గౌతమి, గోదావరి, విశాఖ, నర్సాపూర్‌ తదితర ఎక్స్‌ప్రెస్‌ రైళ్లలో ‘నో రూమ్‌’ దర్శనమిస్తోంది. దీంతో సంక్రాంతికి సొంత ఊరెళ్లేందుకు  రిజర్వేషన్లు చేసుకోవాలనకునే వారికి నిరాశే మిగులుతోంది. సంక్రాంతి సందర్భంగా ఏటా లక్షలాది మంది సొంత ఊళ్లకు తరలి వెళ్తారు. జనవరి మొదటి వారం నుంచే పిల్లలకు సెలవులు రావడంతో ప్రయాణికుల రద్దీ మొదలవుతుంది. కానీ ఇందుకు తగినవిధంగా రైళ్లు అందుబాటులో లేకపోవడంతో ప్రయాణికులు తీవ్ర ఇబ్బందులకు గురవుతున్నారు. మరోవైపు హైదరాబాద్‌నుంచి తరలి వెళ్లే లక్షలాది మంది అయ్యప్ప భక్తులు కూడా  అదనపు రైళ్ల  కోసం ఎదురు చూస్తున్నారు. ఇప్పటికే  జంటనగరాల నుంచి శబరికి కొన్ని రైళ్లను ప్రకటించారు. కానీ అవి అరకొరగానే  ఉన్నాయి. డిమాండ్‌ తగ్గ రైళ్లేవీ.... సాధారణ రోజుల్లోనే హైదరాబాద్, సికింద్రాబాద్‌ జంటనగరాల  నుంచి సుమారు 2.5 లక్షల మంది ప్రయాణికులు వివిధ ప్రాంతాలకు రాకపోకలు సాగిస్తారు. ఒక్క సికింద్రాబాద్‌ రైల్వే స్టేషన్‌ నుంచే 1.93 లక్షల మంది పయనిస్తారు. సంక్రాంతి రోజుల్లో ఈ రద్దీ  అధికంగా ఉంటుంది. సంక్రాంతి సెలవుల్లో రోజుకు 50 వేల నుంచి లక్ష మంది ప్రయాణికులు అదనంగా రైళ్లపైన ఆధారపడి బయలుదేరుతారు. ప్రతి సంవత్సరం ప్రయాణికుల సంఖ్య పెరుగుతూనే ఉంది. కానీ  డిమాండ్‌కు తగినవిధంగా రైళ్లు మాత్రం అందుబాటులో ఉండడం లేదు. కనీసం  20 లక్షల మంది సొంత ఊళ్లకు వెళ్తారు. కానీ దక్షిణమధ్య రైల్వే వేసే అదనపు రైళ్లు 50 దాటడడం లేదు. పైగా పండుగ అవసరాలను దృష్టిలో ఉంచుకొని ముందస్తుగా  ప్రకటించవలసి ఉండగా, అందుకు భిన్నంగా తీరా పండుగ సమీపించాక అదనపు రైళ్లు వేస్తున్నారు. దీంతో అప్పటికే ప్రయాణికులు  బస్సులు, ఇతర ప్రత్యామ్నాయ మార్గాలను ఆశ్రయించవలసి వస్తుంది. పైగా పండుగ ముందు అప్పటికప్పుడు ప్రత్యేక రైళ్లు వేయడం వల్ల ఎక్కువ శాతం సీట్లు దళారులే ఎగురేసుకు పోతున్నారు. సాధారణంగా శబరిమల ప్రత్యేక రైళ్లలో ఏటా ఇలాగే దళారుల దందా కొనసాగుతుంది. ప్రయాణికుల డిమాండ్‌కు అనుగుణంగా ముందస్తుగా ప్రత్యేక రైళ్లను ప్రకటించకపోవడం వల్ల సంక్రాంతి స్పెషల్‌ ట్రైన్స్‌లోనూ దళారులు పాగా వేసే అవకాశం ఉంది. జనవరి, ఫిబ్రవరి రెండు నెలల కోసం అన్ని రైళ్లలో ఇప్పటికే బెర్తులు భర్తీ అయ్యాయి. చాలామంది నిరీక్షణ జాబితాలో ఎదురు చూస్తున్నారు. స్లీపర్, ఏసీ బోగీలన్నీ నిండిపోయాయి. విజయవాడ, విశాఖ, కాకినాడ, తిరుపతి, బెంగళూర్, తదితర ప్రాంతాలకు అదనపు రైళ్లు వేస్తేనే ఊరెళ్లడం సాధ్యం . ఒక్క రైలే దిక్కు... ఏటా కనీసం ఐదారు లక్షల మంది అయ్యప్ప భక్తులు హైదరాబాద్‌ నుంచి శబరికి వెళ్తారు. జనవరి మాసంలో ఈ డిమాండ్‌ మరింత పెరుగుతుంది. కానీ హైదరాబాద నుంచి శబరికి వెళ్లేందుకు మాత్రం  శబరి ఎక్స్‌ప్రెస్‌  ఒక్కటే అందుబాటులో ఉంది. ఇది రెగ్యులర్‌ ట్రైన్‌. ఇక ఏటా భక్తుల కోసం ప్రత్యేక రైళ్లు వేస్తున్నారు. ఈసారి కూడా  80  ప్రత్యేక రైళ్లను నడిపేందుకు దక్షిణమధ్య రైల్వే ప్రణాళికలను రూపొందించింది. కానీ  హైదరాబాద్‌ నుంచి బయలుదేరే  రైళ్ల  సంఖ్య తక్కువగానే  ఉంది. శబరి ఎక్స్‌ప్రెస్‌లో జనవరి నాటికి బెర్తులు బుక్‌ అయ్యాయి.

అనంతపురం , గుంతకల్లు: రైలు ప్రయాణం చేస్తూ బ్యాగు పోగొట్టుకున్న దంపతులకు తిరిగి ఆ బ్యాగును ఆర్‌పీఎఫ్‌ పోలీసులు అప్పగించిన ఘటన గురువారం గుంతకల్లులో చోటు చేసుకుంది. సుమారు 10 లక్షల రూపాయలు విలువ చేసే బంగారు, వెండి ఆభరణాలను ఆ దంపతులకు అప్పగించారు. ఆర్‌పీఎఫ్‌ సీఐ శ్రీనివాసరావు తెలిపిన మేరకు..  ప్రకాశం జిల్లా కనిగిరికి చెందిన రమేష్‌ లక్ష్మీనరసయ్య, ప్రసన్న దంపతులకు ఈ యేడాది నవంబర్‌ 21న వివాహమైంది. రమేష్‌ మహారాష్ట్రలోని పూణె నగరంలో విమానగర్‌లో ఉన్న ఐటీ కంపెనీలో క్యాంటీన్‌ నిర్వహిస్తున్నాడు. రమేష్‌ దంపతుల స్వగ్రామం కనిగిరి. వివాహానంతరం అత్తగారింట్లో పండుగ ముగించుకున్న రమేష్‌ దంపతులు పూణె నగరానికి వెళ్లడానికి కోయంబత్తూరు – లోకమాన్యతిలక్‌ టెర్మినల్‌ (రైలు నం–11014) కుర్లా ఎక్స్‌ప్రెస్‌ రైలుకు టిక్కెట్లు రిజర్వేషన్‌ చేయించుకున్నారు. బుధవారం కనిగిరి నుంచి హుబ్లీ ప్యాసింజర్‌ రైలులో బయలుదేరి రాత్రి 9.30 గంటల ప్రాంతంలో గుంతకల్లు రైల్వే జంక్షన్‌ చేరుకున్నారు. గుంతకల్లు నుంచి కుర్లా ఎక్స్‌ప్రెస్‌ రైలులో పూణె నగరానికి వెళ్లాల్సి ఉంది. అయితే రమేష్‌ దంపతులు పొరపాటున కుర్లా ఎక్స్‌ప్రెస్‌ రైలుకు బదులుగా బెంగుళూరు – ముంబై ఉద్యాన్‌ ఎక్స్‌ప్రెస్‌ రైలు (నం–11302) రాత్రి 12.30 గంటల సమయంలో ఎక్కారు. వీరిని రైలులో విధి నిర్వహణలో ఉన్న టీటీఈ ఎక్కడికి వెళ్లాలని ప్రశ్నించారు. కుర్లా ఎక్స్‌ప్రెస్‌ రైలేనా? కాదు ఉద్యాన్‌ ఎక్స్‌ప్రెస్‌ రైలు అని చెప్పడంతో రమేష్‌ దంపతులు హడావుడిగా రైలు నుంచి దిగారు. రైలు దిగే సమయంలో రమేష్‌ దంపతులు తీసుకొచ్చిన 6 లగేజ్‌ బ్యాగుల్లో పొరపాటున ఒక దాన్ని ఉద్యాన్‌ ఎక్స్‌ప్రెస్‌లోనే వదిలేశారు. వదిలేసిన బ్యాగులో సుమారు 20 తులాల బంగారం, అర కిలో వెండి ఆభరణాలతో పాటు రూ.15 వేల నగదు ఉందంటూ లబోదిబోమన్నారు. స్టేషన్‌లోని ప్లాట్‌ఫారంపై కన్నీరు మున్నీరవుతున్న రమేష్‌ దంపతులను ఆర్‌పీఎఫ్‌ ఎస్‌ఐ హర్షవర్ధన్‌ విచారించారు. అప్రమత్తమైన ఎస్‌ఐ హర్షవర్ధన్‌ ఉద్యాన్‌ ఎక్స్‌ప్రెస్‌ రైలులో విధుల్లో ఉన్న ఆర్‌పీఎఫ్‌ క్రైం పార్టీ హెడ్‌ కానిస్టేబుల్‌ దేవప్రకాష్, కానిస్టేబుల్‌ ఈరే‹ష్‌లకు బ్యాగు గురించి సమాచారం అందించారు. వారు రైలంతా గాలించి ఆఖరికి బ్యాగును స్వాధీనం చేసుకున్నారు. రమేష్‌ దంపతులను గురువారం ఉదయం 6.30 గంటల సమయంలో ఆర్‌పీఎఫ్‌ పోలీసుస్టేషన్‌కు పిలిపించి పోగొట్టుకున్న బ్యాగును అందజేశారు. సంతోషంగా ఉంది ఒక రైలుకు బదులు మరొక రైలు ఎక్కి బంగారం, వెండి ఆభరణాలు, నగదు ఉన్న బ్యాగు పోగొట్టుకోవడం ఎంతో బాధ కల్గించింది. ఆర్‌పీఎఫ్‌ పోలీసుల చాకచక్యం, అప్రమత్తతో 6 గంటల్లోనే మా ఆభరణాలు దొరకడంతో చాలా సంతోషంగా ఉంది.–రమేష్‌ లక్ష్మీనరసయ్య దంపతులు

పెద్దతనం, ముసలి తనం, వృద్ధాప్యం అని అందరూ హడలగొట్టి చంపేసే ఆ దశ వచ్చేసిందా? అప్పుడే వచ్చేసిందా?నిన్నగాక మొన్ననేగా మావయ్య కొనిచ్చిన కొత్త ఓణీ చూసి మురిసి ముక్కచెక్కలయిందీ ! ప్రతి పెళ్ళిచూపులకి సింగారించుకుని కూచుని, తీరా వాళ్లు జాతకాలు నప్పలేదని కబురు పెడితే తిట్టరాని తిట్లన్నీ అందరం కలిసి తిట్టుకుంటూ ఎంజాయ్‌ చేసింది నిన్న మొన్నేగా! నాన్నని కష్టపెట్టకూడదని కూడబలుక్కుని, ఇంటి అరుగు మీద పెళ్ళి, పెరట్లో కొబ్బరి చెట్టు కింద బూందీ, లడ్డూ, కాఫీలతో రిసెప్షనూ ఇచ్చి, ఇంటి ఇల్లాలినయి ఎన్నాళయిందనీ ! ముగ్గురు పిల్లల్నేసుకుని రిక్షాలెక్కుతూ దిగుతూ, హాస్పిటళ్లూ, స్కూళ్లూ, పెళ్లిళ్లూ, పేరంటాలూ, పురుళ్లూ, తద్దినాలూ, నోములూ, వ్రతాలూ... ఎన్నెన్ని పండుగలూ, ఎంతెంత హైరానాలూ. ఇంతట్లోకే పెద్దయిపోయామా! అప్పుడే అందరూ అమ్మగారనడం మానేసి మామ్మగారంటున్నారు! అంటే అన్నారుగాని పాపం లేవబోతుంటే చేయందిస్తున్నారు! చేతనున్న చిన్న బ్యాగు తామే తెస్తామని లాక్కుంటున్నారు. పెద్దయితే అయ్యాం గానీ ఎంత హాయిగా ఉంటోందో! మండే ఎండల తర్వాత వాన చినుకు పడ్డట్టు, ముసుళ్ల వానల ముజ్జిడ్డులు దాటి, వెన్నెల మోసుకొచ్చే చందమామ కనపడ్డట్టు, గజగజలాడే చలి వణుకులు వణికాక వెచ్చటి కమ్మటి మట్టి గాలి పలకరించినట్టు... ఎంత హాయిగా వుందో! ఇంకొక పెద్ద విశేషం ఉందండోయ్, ఎవరికీ తెలియనిదీ మనం పైకి చెప్పనిదీ .. ఎవరూ మన మాట వినిపించుకోరు కాబట్టి మనమూ ఎవరి మాటా వినిపించుకోనక్కర్లేదు ! అంతా నిశ్శబ్ద సంగీతం! ఏరుని ఎప్పుడూ గలగలా ప్రవహించమంటే కుదుర్తుందా? సముద్రం దగ్గర పడుతుంటే హాయిగా నిండుగా హుందాగా అడుగులేస్తుంది కదా! అయినా ఎపుడేనా మనకి తిక్క పుట్టినపుడు అడ్డంగా, అర్థంపర్థం లేకుండా వాదించి ఇవతల పడచ్చు. ఇంత వయసు వచ్చాక ఆ మాత్రం చేయ తగమా ! ఈ మధ్యనే నేను కనిపెట్టాను ఇంకొక పెద్ద విశేషం... అస్తమానం ప్రవచనాలు వింటూ హైరానా పడక్కర్లేదు. మనకి చెప్పడం రాదు గానీ వాళ్లు చెప్పేవన్నీ మనకూ తెలుసు! అవునూ... మనం కనపడగానే మొహం ఇంత చేసుకుని ఆనందపడిపోయే మన పిన్నులూ, బాబాయిలూ, అత్తయ్యలూ, మామయ్యలూ ఏమయిపోయారు? ఎప్పుడెళ్లిపోయారు? అంటే మనమే పెద్దవాళ్లయిపోయామన్నమాట! చూస్తూండగానే సాటివాళ్లు కూడా కనిపించడం మానేస్తున్నారు. కొందరుండీ లేనట్టే. లేకా వున్నట్టే. జీవితానికి విశ్రాంతి దానంతటదే వస్తోంది. అయినా రైలెక్కాక కిటికీ పక్కన కూచుని దారిలో వచ్చే పొలాలూ, కాలవలూ, కుర్రకారూ, పల్లెపడుచులూ, టేకు చెట్లూ, భవనాలూ, వాటి పక్కనే గుడిసెలూ, అక్కడాడుకుంటూ చేతులూపే చిన్నారులూ, ఉదయిస్తూ అస్తమిస్తూ అలుపెరగక డ్యూటీ చేసే సూర్యనారాయణమూర్తులూ, మిణుకు మిణుకుమని హొయలుపోయే చుక్కలూ చూస్తూ ప్రయాణం ఎంజాయ్‌ చెయ్యాలి గానీ స్టేషనెప్పుడొస్తుందో అని ఎదురుచూడడం ఎందుకూ? తీరా అదొస్తే ఏముందీ! జీవితమంతా పోగేసిన సామాన్లన్నీ వదిలేసి దిగిపోవడమేగా!– ‘ప్రయాణం’ అనే పేరుతో డాక్టర్‌ సోమరాజు సుశీల ఇటీవలే రాసుకుని ఫేస్‌బుక్‌లో షేర్‌ చేసిన పోస్టులోని కొన్ని భాగాలు. సోమరాజు సుశీల ప్రముఖ తెలుగు కథా రచయిత్రి, రసాయన శాస్త్రవేత్త, ‘సోషల్‌కాజ్‌’ సంస్థ అధ్యక్షురాలు డా. సోమరాజు సుశీల (75) గురువారం మరణించారు. రసాయనశాస్త్రంలో పరిశోధన చేసిన సుశీల ఆ విభాగంలో పి.హెచ్‌డి. చేసిన తొలి తెలుగు మహిళ. రెండు సంవత్సరాల పాటు విజయవాడలోని మేరిస్‌స్టెల్లా కళాశాలలో కెమిస్ట్రీ అధ్యాపకురాలిగా ఉన్నారు. 1966 నుంచి 1974 వరకు పుణేలోని నేషనల్‌ కెమికల్‌ లేబొరేటరీలో పనిచేశారు. అనంతరం హైదరాబాద్‌లో భాగ్యనగర్‌ లేబొరేటరీస్‌ పేరున ఒక సంస్థను స్థాపించారు. ‘అఖిల భారత మహిళా శాస్త్రవేత్తల సంఘం’ సభ్యురాలిగా, ‘భారతీయ తయారీ సంస్థల సంఘం’ అధ్యక్షురాలిగా బాధ్యతలు నిర్వర్తించారు. బాధ్యతలతో ఎంత తీరికలేకపోయినా సేవా కార్యక్రమాలు మాత్రం మానలేదు. తెలుగులో ఎన్నో జాతీయవాద రచనలు చేశారు. దాదాపు ప్రతి కథలోనూ మానవతా స్పర్శ, హృదయావిష్కరణ ఉంటాయి.

సాక్షి, కర్నూలు: రైలు ప్రయాణం చాలా మందికి సుపరిచితమే. అందులో అనుభూతులు మాత్రం కొందరికే. కౌంటర్‌లో టికెట్‌ తీసుకోవడంతో మొదలయ్యే జర్నీలో ప్రతి అంశాన్ని మనసుతో ఆస్వాదిస్తే మరచిపోలేని జ్ఞాపకాలెన్నో. అనౌన్స్‌మెంట్‌తో పాటు రైలు కూత వినడం.. పట్టాల మీద రైలు రాక చూడటం.. కిక్కిరిసిన ప్రయాణికుల మధ్య సీటు పట్టుకోవడం, అది కిటికీ పక్కనే అయితే అంతులేని సంతోషం. ఎదురుగా ఆప్యాయంగా పలకరించే ప్రయాణికులు.. వారి మధ్య కబుర్లు.. చాయ్, సమోసా, పల్లీలు..అంటూ వ్యాపారుల అరుపులు, భిక్షాటకుల జానపద గేయాలు.. క్రాసింగ్‌  కోసం నిలిచే స్టేషన్‌లో కళ్ల ముందు దూసుకెళ్లే రైలు.. వేగంగా వెళ్తున్న రైలులో నుంచి వెనకు వెళ్లే చెట్లు.. ఆహ్లాదంగా కనిపించే పచ్చని పైర్లు.. నది వంతెన పైనుంచి కిందకు చూస్తే ప్రవహించే జల పరవళ్లు.. రైలు ప్రయాణంలో కమనీయ దృశ్యాలెన్నో.  ప్రకృతిని ఆస్వాదించాంటే రైలు ఒక్కసారైనా ఎక్కాల్సిందే.  కర్నూలు సమీపంలోని తుంగభద్ర నది వంతెన మీదుగా  రైలు కర్నూలు స్టేషన్‌ వైపు చేరుకుంటున్న తరుణంలో కనిపించిన అందమైన దృశ్యం ఇది.                 

దసరా పండక్కి సొంత ఊళ్లకు వచ్చి తిరిగి వెళ్లిన వారితో విశాఖ రైల్వేస్టేషన్‌ ఆదివారం రద్దీగా మారింది. ఇక్కడి నుంచి వెళ్లే రైళ్లన్నీ కిక్కిరిసిపోయాయి. రైళ్ల లోపల అడుగు తీసి అడుగు వేయడానికి ఖాళీ లేకపోవడంతో ప్రయాణికులు అవస్థలు పడ్డారు.రిజర్వుడు బోగీలు సైతం సాధారణ ప్రయాణికులతో కిటకిటలాడాయి. విశాఖపట్నం, తాటిచెట్లపాలెం (విశాఖ ఉత్తర): దసరా జోష్‌ ముగిసింది. పండగ కోసం సొంత ఊళ్లకు వచ్చిన వారు తమ గమ్యస్థానాలకు తిరిగి ప్రయాణం అయ్యారు. దీంతో ఆదివారం విశాఖపట్నం రైల్వేస్టేషన్‌ రద్దీగా మారింది. ఏ ప్లాట్‌ఫారం చూసినా ప్రయాణికులతో కిటకిటలాడింది. విశాఖ నుంచి వివిధ ప్రాంతాలకు వెళ్లే రైళ్లు కిక్కిరిపోయాయి. రైళ్ల లోపల అడుగు తీసి అడుగు వేయడానికి ఖాళీ లేనంత నిండిపోయాయి. రైలు ఎక్కడమే ప్రయాణికులకు ఓ యుద్ధం అయింది. మహిళలు, వృద్ధులు, పిల్లలు తీవ్ర అవస్థలు పడ్డారు. పలువురు పురుషులు వేలాడుతూ ప్రయాణం చేయడం కనిపించింది. ముఖ్యంగా జన్మభూమి, రత్నాచల్, తిరుమల, గోదావరి ఎక్స్‌ప్రెస్‌లు, రాజమండ్రి, కాకినాడ పాసింజర్‌లు గాలి దూరనంత కిక్కిరిసి వెళ్లాయి. ప్రయాణికుల రద్దీని దృష్టిలో ఉంచుకుని రైల్వే శాఖ కొత్త రైళ్లు ఏర్పాటు చేయకపోగా ఉన్నవాటికైనా అదనపు బోగీలు అమర్చలేదు. దీంతో ప్రయాణికులు నరకం చూశారు. జనరల్‌ బోగీలతో పాటు రిజర్వుడు బోగీలు సైతం సాధారణ ప్రయాణికులతో కిటకిటలాడాయి.

న్యూఢిల్లీ: వేధింపులు, దొంగతనం, మహిళలపై నేరాల వంటివి రైళ్లలో చోటుచేసుకున్నప్పుడు ప్రయాణికులు ఉన్నపళంగా మొబైల్‌ యాప్‌ ద్వారా ఫిర్యాదు చేసే వెసులుబాటు త్వరలో అందుబాటులోకి రానుంది. ఇలా వచ్చిన ఫిర్యాదులను ‘జీరో ఎఫ్‌ఐఆర్‌’గా పేర్కొంటారు. ఈ ఫిర్యాదు అందిన వెంటనే రైల్వే రక్షక దళ (ఆర్‌పీఎఫ్‌) సిబ్బంది స్పందించి దర్యాప్తు ప్రారంభిస్తారని ఆర్‌పీఎఫ్‌ డీజీ అరుణ్‌ చెప్పారు. ప్రస్తుతం ఏదైనా నేరం జరిగితే ప్రయాణికులు ఫిర్యాదు చేయాలంటే సంబంధిత పత్రాన్ని టీటీఈ నుంచి తీసుకుని, నింపి తర్వాతి స్టేషన్లో ఆర్‌పీఎఫ్‌ లేదా జీఆర్‌పీ సిబ్బందికి అందజేయాల్సి ఉంది. ఈ జాప్యాన్ని నివారించి, నేరం రైల్లో ఎప్పుడు, ఏ ప్రదేశంలో జరిగినా ఫిర్యాదు చేసేందుకు వీలుగా ఈ యాప్‌ను రైల్వే తీసుకొస్తోంది. ఆర్‌పీఎఫ్‌ సిబ్బందితోపాటు ప్రభుత్వ రైల్వే పోలీస్‌ (జీఆర్‌పీ), టీటీఈ, టీసీ తదితరులకు ఈ యాప్‌ అనుసంధానమై ఉంటుంది. ఆఫ్‌లైన్‌లోనూ పనిచేసే ఈ యాప్‌లో మహిళల కోసం ప్రత్యేకంగా పానిక్‌ బటన్‌ కూడా ఉంటుంది.

తమిళసినిమా: సినిమా తారలను ముఖ్యంగా హీరోయిన్లు సగటు ప్రేక్షకుడికి కలల రాణులు. కార్లు, బంగ్లాలు, సమాజంలో వారికున్న పేరు ఇత్యాధి వారి జీవన విధానాలు సామాన్యుడిని అబ్బురపరుస్తాయి. అయితే పీత కష్టాలు పీతవి అన్న సామెత మాదిరి హీరోయిన్‌గా పేరు సంపాదించుకున్న హీరోయిన్లు ఒక్కోసారి అనుకోని ఇబ్బందులను ఎదుర్కోకతప్పదు. నటి మెహరీన్‌ కూడా ఇటీవల అలాంటి ఇక్కట్లనే ఎదుర్కొంది. ఈ బ్యూటీ టాలీవుడ్‌లో యువ స్టార్స్‌ సరసన నటిస్తూ మంచి పేరు తెచ్చుకుంటోంది. కోలీవుడ్‌లో నోటా అనే చిత్రంలో నాయకిగా నటిస్తోంది. అర్జున్‌రెడ్డి చిత్రం ఫేమ్‌ విజయ్‌ దేవరకొండ కథానాయకుడిగా నటిస్తున్నారు. దీంతో తెలుగు, తమిళ చిత్రాల షూటింగ్‌ అంటూ విమానాల్లోనే తిరిగేస్తున్న మెహరీన్‌ నోటా చిత్రం షూటింగ్‌లో పాల్గొనడానికి హైదరాబాద్‌ నుంచి చెన్నై రావడానికి ఫ్లైట్‌ టికెట్‌ దొరకపోవడంతో రైలు ప్రయాణం చేయడానికి సిద్ధమైంది. అయితే నిర్మాతలు తన కోసం బుక్‌ చేసిన బెర్త్‌ను అప్పటికే ఒక వ్యక్తి ఆక్రమించుకోవడం, అతను పుల్‌గా మద్యం తాగి ఉండడంతో నటి మెహరీన్‌ భయంతో వణికిపోయింది. చాలా సమయం అలానే రైలులో నిలబడే ప్రయాణం చేసింది. ఆ తరువాత పరిస్థితిని నిర్మాతకు ఫోన్‌ చేసి చెప్పడంతో ఆయన ఒక కారులో తన మనుషులను పంపి ఆమెను అదే కారులో చెన్నైకి తీసుకురావడానికి ఏర్పాటు చేశారు. ఈ విషయాన్ని నోటా చిత్ర వర్గాలు తెలిపాయి. నిజం చెప్పాలంటే సెలబ్రిటీలకు రైలు ప్రయాణమే కాదు, ఫ్లైట్‌ ప్రయాణాల్లోనూ ఇబ్బందులు ఎదురవుతున్నాయి. అందుకే నడిగర్‌ సంఘ నిర్వాహకులు హీరోహీరోయిన్ల ప్రచారంలో తగిన భద్రత కల్పించాలని నిర్మాతలకు సూచిస్తున్నారు. అయినా నటి మెహరీన్‌కు ఎదురైన లాంటి ఘటనలు జరుగుతూనే ఉన్నాయి. 

కాజీపేట రూరల్‌ : సంపర్క్‌ క్రాంతి ఎక్స్‌ప్రెస్‌ ఘటనపై రైల్వే పోలీసులు అన్ని కోణాల్లో దర్యాప్తు చేస్తున్నారు. యశ్వంత్‌పూర్‌ నుంచి హజరత్‌నిజాముద్దీన్‌ వెళ్లే ఈ ఎక్స్‌ప్రెస్‌లో ఆదివారం ఆరుగురి ప్రయాణికులకు దుండగులు మత్తు మందు కలిపిన తినుబండారాలు ఇచ్చి నిలువు దోపిడి చేయడం జరిగింది. ఈ ఘటనపై దక్షిణ మధ్య రైల్వే పోలీస్‌ అధికారులు సీరియస్‌గా తీసుకుని దర్యాప్తు కొనసాగిస్తున్నారు. బెంగళూర్‌ నుంచి సోమవారం రైల్వే ప్రొటెక్షన్‌ ఫోర్స్‌ అధికారులు ఇక్కడికి వ చ్చినట్లు స్థానిక అధికారులు తెలిపారు. ఆరుగురు ప్రయాణికు ల పూర్తి వివరాలు, వారి చికిత్స విధా నం, వారి వివరాలను స్థా నిక రైల్వే పోలీస్‌ అధికారులను అడిగి తెలుసుకున్నారు. స ంపర్క్‌క్రాంతి ఘటనపై దుండగులను పట్టుకునేందుకు అన్ని రై ల్వే జోన్లలో రైల్వే పోలీస్‌లను అప్రమత్తం చేసినట్లు వివరి ంచారు. ఈ ఘటనపై కాజీపేట జీ ఆర్‌పి పోలీసులు ప్రాథమికంగా కేసు నమోదు చేసుకుని.. కేసును బెంగళూర్‌ రైల్వేపోలీస్‌ స్టేషన్‌కు బదిలీ చేయనున్నట్లు పోలీస్‌ అధికారులు తెలిపారు.  ఇంకా తేరుకోని ఆ ఆరుగురు..  సంపర్క్‌క్రాంతి ఎక్స్‌ప్రెస్‌ ఘటనలో ఆరుగురు ప్రయాణికులు ఇంకా మత్తులో నుంచి తేరుకోలేదని రైల్వే పోలీస్‌ అధికారులు తెలిపారు. ఒకరు మత్తులో నుంచి తేరుకొని కొన్ని మాటలు మా ట్లాడినట్లు తెలిపారు. అతడి వద్ద ఉన్న రూ.4 వేలు దోచుకున్నారని.. మాత్రమే తెలిపినట్లు వెల్లడించారు. వారు మత్తులో నుంచి తేరుకుంటేనే వివరాలు తెలిసే అవకాశం ఉంది.   

హైదరాబాద్‌ : రైలు ప్రయాణికులు అపరిచితుల పట్ల అప్రమత్తంగా ఉండాలని, లేనిపక్షంలో వారు ఏవిధంగా మోసం చేస్తారో ఆర్‌పీఎఫ్‌ సిబ్బంది బేగంపేట రైల్వేస్టేషన్‌లో మాక్‌డ్రిల్‌ ద్వారా తెలియజేశారు. ప్రయాణికుల వద్దకు వచ్చి ఎలా పరిచయం చేసుకుంటారు, తినుబండారాలను ఏవిధంగా అందిస్తారో కళ్లకు కట్టినట్లు చూపించారు. మత్తుమందు కలిపిన తినుబండారాలు తిని ప్రయాణికులు ఏవిధంగా స్పృహ కోల్పోతారు, అనంతరం దుండగులు వారి వద్ద నుంచి నగదు, నగలు దోపిడీ చేసే విధానాన్ని ప్రాక్టికల్‌గా చూపించారు. చిన్న పిల్లలను ఏవిధంగా లాలించి ఎత్తుకెళతారో ప్రదర్శన ద్వారా చూపించారు. మహిళా రక్షణ, బాలల అక్రమ రవాణా, డ్రగ్స్‌ రవాణా వంటి వాటిపై ప్రయాణికులకు అవగాహన కల్పించారు. ఎవరైనా అనుమానాస్పద స్థితిలో కనిపిస్తే టికెట్‌ వెనుక వైపు ఉన్న 182 హెల్ప్‌లైన్‌ నెంబర్‌కు ఫోన్‌ చేయాలని సూచించారు. డివిజనల్‌ సెక్యూరిటీ కమిషనర్‌ రామకృష్ణ, అసిస్టెంట్‌ సెక్యూరిటీ కమిషనర్‌ బి.శ్రీనివాసరావు, రైల్వేడీఆర్‌ఎం ఆశీష్‌అగర్వాల్‌తో పాటు పలువురు ఉన్నతాధికారులు పాల్గొన్నారు. ఈ సందర్భంగా డివిజన్‌ సెక్యూరిటీ కమిషనర్‌ రామకృష్ణ మాట్లాడుతూ ప్రస్తుతం రైలులో జరిగే మోసాల పట్ల ప్రజలు అవగాహన కలిగి ఉండాలన్నారు. ఈ క్రమంలో వారికి తెలియజేసేందుకు రైల్వే ఫ్లాట్‌ఫారంలపై ఇలాంటి కార్యక్రమాలను నిర్వహిస్తున్నామన్నారు.  


 తాను విమానాలలో ఎక్కకుండా విధించిన నిషేధాన్ని విమానయాన సంస్థలు ఎత్తేసినా, ఉస్మానాబాద్ ఎంపీ రవీంద్ర గైక్వాడ్ మాత్రం విమానం కాకుండా రైల్లోనే ప్రయాణిస్తున్నారు. తాజాగా ఆయన ముంబై నుంచి ఢిల్లీ వెళ్లేందుకు విమానం కాకుండా రాజధాని ఎక్స్‌ప్రెస్ రైలే ఎక్కారట. ఆయన ఆ రైలును ముంబై సెంట్రల్ స్టేషన్‌లో ఎక్కారో లేదా బోరివాలిలో ఎక్కారో తనకు తెలియదు గానీ, రైల్లోనే ఢిల్లీ వెళ్లారని.. పార్లమెంటు సమావేశాలు ముగిసేవరకు ఢిల్లీలోనే ఉంటారని ఎంపీ సన్నిహిత సహచరుడైన జితేంద్ర షిండే మీడియాకు చెప్పారు.
 
 పార్లమెంటులో తీవ్ర గందరగళం అనంతరం పౌర విమానయాన మంత్రిత్వశాఖ గైక్వాడ్ మీద నిషేధాన్ని ఎత్తేయాల్సిందిగా ఎయిరిండియాకు సూచించింది. దాంతో ఎయిరిండియాతో పాటు ఇతర ప్రైవేటు విమానయాన సంస్థలు సైతం ఆయనను తమ విమానాల్లోకి ఎక్కించుకోడానికి అభ్యంతరం ఏమీ లేదంటూ నిషేధాన్ని ఎత్తేశాయి. అయితే, ఆయన ముందుగానే రైల్లో టికెట్ రిజర్వు చేసుకున్నారని, ఆయనతో పాటు నలుగురైదుగురు సహాయకులు కూడా ఉన్నారని షిండే చెప్పారు. విమాన ప్రయాణంలో జరిగిన గొడవ మొత్తం ఇప్పుడు సర్దుమణిగిందని, ఆ గొడవ కారణంగా ఆయనేమీ విమాన ప్రయాణం మానుకోవడం లేదని అన్నారు. పుణె నుంచి గానీ, ముంబై నుంచి గానీ గైక్వాడ్ ఢిల్లీ వెళ్లే విమానాలు ఏవీ ఎక్కలేదని ఎయిరిండియా వర్గాలు కూడా నిర్ధారించాయి.


 ఎయిరిండియా విమానంలో వెళ్లాలని ఎంతలా ప్రయత్నించినా శివసేన ఎంపీ రవీంద్ర గైక్వాడ్ పాచికలు పారలేదు. చివరకు ఆయన రైల్లోనే వెళ్లాల్సి వచ్చింది. ముంబై నుంచి బుక్‌ చేసుకున్న టికెట్‌తో పాటు హైదరాబాద్ నుంచి ఢిల్లీకి బుక్ చేసుకున్న విమానం టికెట్‌ను కూడా ఎయిరిండియా రద్దు చేసేసింది. దాంతో ఆయన తప్పనిసరి పరిస్థితుల్లో రాజధాని ఎక్స్‌ప్రెస్ రైలు ఎక్కి ఢిల్లీ వెళ్లారు. విమానం ఎక్కనివ్వకపోవడం సరికాదని, ఇలా ఒక ప్రయాణికుడిని.. అందునా ఎంపీని నిషేధించడం తగదని పార్లమెంటులో ఎన్ని చర్చలు జరిగినా ఎయిరిండియా మాత్రం ససేమిరా అంది. ఎట్టి పరిస్థితుల్లోనూ రవీంద్ర గైక్వాడ్‌ను తమ విమానాల్లో ఎక్కించుకునేది లేదని పట్టుబట్టింది. దాంతో.. ఆయన రాజధాని ఎక్స్‌ప్రెస్‌లోని ఏసీ స్లీపర్ బోగీలో టికెట్ బుక్ చేసుకుని ముంబై నుంచి ఢిల్లీ వెళ్లారు. ఆ రైలు ముంబైలో మంగళవారం సాయంత్రం 5 గంటలకు బయల్దేరి ఢిల్లీకి బుధవారం ఉదయం 8.30 గంటలకు చేరుకుంటుంది.
 
 గడిచిన నాలుగు రోజుల్లో రవీంద్ర గైక్వాడ్ ఇలా రైల్లో వెళ్లడం ఇది రెండోసారి. ఎయిరిండియా మేనేజర్ సుకుమార్ (60)ని 25 సార్లు చెప్పుతో కొట్టడంతో పాటు మెట్ల మీద నుంచి కిందకు తోసేయడంతో ఎయిరిండియా వర్గాలు గైక్వాడ్ మీద తీవ్ర ఆగ్రహంతో ఉన్నాయి. ఒక ప్రయాణికుడిని ఎక్కించుకోవాలా వద్దా అనే విషయంలో ఎయిరిండియాదే పూర్తి నిర్ణయాధికారమని పౌర విమానయాన శాఖ మంత్రి అశోక్ గజపతి రాజు పార్లమెంటులో చెప్పారు. తనకు ఓపెన్ బిజినెస్ క్లాస్ టికెట్ ఉన్నా, ఎకానమీ క్లాస్‌లో ప్రయాణించాల్సి రావడమే ఎంపీ ఆగ్రహానికి కారణమని తెలిసింది. ఎంపీకి జరిగిన అవమానానికి నిరసనగా శివసేన సోమవారం నాడు ఉస్మానాబాద్‌లో బంద్ నిర్వహించింది.


 ఛోటామోటా నాయకులే కాదు.. మాజీ ఎమ్మెల్యేలు కూడా తమకు తాము వీఐపీలుగా భావించుకుంటూ విలాసాలు కోరుతున్న రోజులివి. ఇలాంటి సమయంలో ఓ మాజీ ముఖ్యమంత్రి అతి సాధారణ వ్యక్తిలాగా స్లీపర్‌ క్లాస్‌ రైలు కపార్ట్‌మెంట్‌లో ప్రయాణించారు. ఎవరూ ఊహించనిరీతిలో 160 కిలోమీటర్లు మామూలు బోగీలో ప్రయాణించి.. తోటి ప్రయాణికులతో మమేకమయ్యారు. డాబూ, దర్పాలకు పోకుండా సామాన్యులతో మమేకమై.. సామాన్యుడిలా ఆయన చేసిన ప్రయణంపై ఇప్పుడు సోషల్‌మీడియాలో ప్రశంసల జల్లు కురుస్తోంది. ఆయనే కేరళ మాజీ ముఖ్యమంత్రి ఊమెన్‌ చాందీ. మొన్నటివరకు సీఎం పదవిలో ఉన్న ఈ కాంగ్రెస్‌ నాయకుడు గత సోమవారం స్లీపర్‌ క్లాస్‌ కపార్ట్‌మెంట్‌లో 160 కిలోమీటర్లు ప్రయాణించి కేరళ రాజధాని తిరువనంతపురం చేరుకున్నారు.
 
 సోషల్‌ మీడియాలో ఆయన నిరాడంబర ప్రయాణం ఫొటోలు ఇప్పుడు హల్‌చల్‌ చేస్తున్నాయి. విమానాశ్రయాల్లో తమను వీఐపీల్లాగా చూడాలని, ప్రత్యేక ధరతో టికెట్లు ఇవ్వాలని, వీఐపీ లాంజ్‌లోకి అనుమతించాలని, ఇంకా కొన్ని ప్రత్యేక సదుపాయాలు కల్పించాలని కొందరు ఎంపీలు కొన్ని వారాల కిందట కోరిన సంగతి తెలిసిందే. ఇలాంటి తరుణంలో మాజీ సీఎం జరిపిన ఈ సాధారణ ప్రయాణాన్ని నెటిజన్లు కీర్తిస్తున్నారు.
 
 తన ప్రయాణంపై మాజీ సీఎం ఊమెన్‌ చాందీ స్పందిస్తూ ‘పెద్దగా రద్దీ లేని స్లీపర్‌ క్లాస్‌ రైళ్లలో ప్రయాణించడానికి నేను ఇష్టపడతాను. ముఖ్యంగా దూర ప్రాంతాలకు వెళ్లాలనుకున్నప్పుడు రైల్లోనే వెళుతాను. దీనివల్ల ప్రజలతో మమేకమవ్వొచ్చు. లేకపోతే ఒంటరితనంగా తోస్తుంది. వీఐపీ అన్న భావనపై నాకు నమ్మకం లేదు’ అని పేర్కొన్నారు. గత మే నెలలో జరిగిన కేరళ అసెంబ్లీ ఎన్నికల్లో కాంగ్రెస్‌ పార్టీ ఓడిపోవడంతో ఊమెన్‌ చాందీ సీఎం పదవి నుంచి దిగిపోయిన సంగతి తెలిసిందే. ఆయన గతంలోనూ పలు సందర్భాల్లో సాధారణ ప్రయాణికుడిలా బస్సు ప్రయాణం చేశారు.


 భారతీయ రైళ్లలో ప్రయాణించాలంటే ప్రతి పౌరుడికి ఆధార్‌కార్డు తప్పనిసరి చేయాలని రైల్వేశాఖ నిర్ణయించింది. రైలు టిక్కెట్లు రిజర్వ్ చేసుకోవాలన్నా, అప్పటికప్పుడు బుకింగ్ కౌంటర్లో కొనుక్కోవాలన్నా ఆధార్ నెంబరు కలిగి ఉండటం తప్పనిసరి. రైల్వే టిక్కెట్లలో వివిధ కేటగిరీల కింద ఇస్తున్న సబ్సిడీల భారాన్ని బాగా తగ్గించడమే ఈ నిర్ణయం వెనకనున్న అసలు లక్ష్యం. ఆధార్ కార్డులను ప్రోత్సహించడం కూడా తమ ఉద్దేశమని రైల్వే అధికారులు తెలియజేస్తున్నారు.
 
 సామాజిక బాధ్యతలో భాగంగా ప్రస్తుతం భారతీయ రైల్వేలు 53 కేటగిరీల కింద టక్కెట్ల ధరల్లో సబ్సిడీలు ఇస్తున్నాయి. స్వాతంత్య్ర సమరయోధులు, సీనియర్ సిటిజన్లు, దివ్యాంగులు, గుండెజబ్బు రోగులు... ఇలా వివిధ కేటగిరీల కింద ఇస్తున్న సబ్సిడీల భారం ఏటికేడాది పెరుగుతోందని, 2015-16 సంవత్సరంలో ఈ భారం 3,400 కోట్ల రూపాయలని రైల్వే అధికారులు తెలిపారు. సబ్సిడీ టిక్కెట్ల దుర్వినియోగాన్ని అరికడితే ఈ భారాన్ని తగ్గించుకోవచ్చని వారు భావిస్తున్నారు. రైలు టిక్కెట్లకు, ఆధార్ కార్డు నెంబర్‌కు ముడిపెడితే ఈ దుర్వినియోగాన్ని పూర్తిగా అరికట్టవచ్చన్నది వారి అభిప్రాయం.
 
 రెండు దఫాలుగా ఈ పథకాన్ని అమలు చేయాలని కేంద్ర రైల్వే శాఖ నిర్ణయించింది. ముందుగా సబ్సిడీ కేటగిరీలకు ఆధార్ కార్డులను లింక్ చేస్తారు. ఈ విధానాన్ని 15 రోజుల్లోనే అమల్లోకి తీసుకొస్తామని, జనరల్ కేటగిరీకి రెండు నెలల్లో అమలు చేస్తామని రైల్వే అధికారులు చెబుతున్నారు. జనరల్ కేటగిరీలో కూడా ముందుగా రిజర్వ్ కేటగిరీకి ఆధార్‌ కార్డును ముందుగా లింక్ చేస్తారు. ఆ తర్వాత అన్ రిజర్వుడు కేటగిరీకి కూడా అమలు చేస్తారు. ఆన్‌లైన్ రిజర్వేషన్ సర్వీసుకు కూడా ఆధార్ కార్డును లింక్ చేయడం ద్వారా ఆధార్ కార్డు నెంబర్‌ను కొడితేనే టిక్కెట్ రిజర్వ్ అవుతుంది.
 
 ప్రతి టిక్కెట్‌పైనా ఆధార్ కార్డు నెంబర్‌ను ముద్రిస్తామని, ఆ నెంబర్‌తోపాటు ప్రయాణికుడి ఫొటోను, చిరునామా వివరాలను టెక్కెట్ తనిఖీదారుల మొబైళ్లకు పంపిస్తామని అధికారులు తెలిపారు. ఈ సౌకర్యం వల్ల టిక్కెట్ బుక్ చేసుకున్నవారే రైల్లో ప్రయాణిస్తున్నారా, లేదా అన్న విషయం టీసీలకు ఇట్టే తెలిసిపోతుందని వారు చెప్పారు. దేశంలో ఇప్పటికే 96 శాతం మంది పౌరులకు ఆధార్ కార్డులు ఉన్నందున తాము రైల్వే టిక్కెట్లకు ఆధార్ కార్డును లింక్ చేయడం ద్వారా ఎవరికీ ఇబ్బందులు తలెత్తవని వారు అంటున్నారు.
 
 ప్రజా పంపిణీ వ్యవస్థ కింద చౌకగా ఇచ్చే సరకులకు, ఎల్‌పీజీ సిలిండర్లకు మాత్రమే ఆధార్ కార్డును పరిమితం చేయాలని, మిగతా ప్రభుత్వ సర్వీలకు ఆధార్ నెంబర్‌ను తప్పనిసరి చేయరాదంటూ సుప్రీంకోర్టు ఇచ్చిన ఉత్తర్వులకు రైల్వే శాఖ తీసుకున్న తాజా నిర్ణయం వ్యతిరేకమైనది. అయితే ఈ విషయంలో సుప్రీంకోర్టు కూడా తుది తీర్పును ఇంకా వెలువరించాల్సి ఉంది. ప్రస్తుతం ఆధార్ అంశం సుప్రీంకోర్టు రాజ్యాంగ ధర్మాసనం వద్ద పెండింగ్‌లో ఉంది.


 స్విట్జర్లాండ్: మానవ సృష్టిలో మరొక అద్భుతం ఆవిష్కృతమవనుంది. ప్రపంచంలోని పొడవైన రైలు సొరంగ మార్గం బుధవారం అధికారికంగా స్విట్జర్లాండ్ లో ప్రారంభంకానుంది. ఒకటి కాదు రెండు కాదు ఏకంగా దీని పొడవు 57 కిలోమీటర్లు. గోట్టార్డ్ అనే పెద్ద రాతి ఫలకాన్ని తొలిచి రైలు కోసం నిర్మించిన ప్రత్యేక సొరంగ మార్గం ఇది. యురిలోని సెంట్రల్ క్యాంటన్ లోగల ఆల్ఫ్‌ నుంచి సౌతర్న్ డికినో క్యాంటన్ వరకు దీనిని నిర్మించారు. ఈ సొరంగం నిర్మాణానికి తొలిరూపును 1947లోనే ప్రముఖ స్విట్జర్లాండ్ ఇంజినీర్ కార్ల్ ఎడ్వర్డ్ గ్రునర్ గీశారు.
 
 కానీ, కొంతమంది పాలకుల నిర్లక్ష్యం కారణంగా అది వివిధ దశల్లో ప్రారంభమవుతూ ఆగిపోతూ వచ్చింది. ఎట్టకేలకు ఈ పనిని 1999లో ప్రారంభించారు. దాదాపు 17 సంవత్సరాల కష్టంతో దీనిని పూర్తి చేశారు. దీనికోసం వారు అక్షరాల 12 బిలియన్ డాలర్లు ఖర్చు చేశారు. జర్మనీ చాన్సలర్ ఎంజెలా మెర్కెల్, ప్రెంచ్ అధ్యక్షుడు ప్రాంకోయిస్ హోలాండే, ఇటలీ ప్రధాని మాటియో రెంజీ ఈ కార్యక్రమానికి హాజరవుతున్నారు. ఇది పూర్తి స్థాయిలో డిసెంబర్ నుంచి పనిచేయనుంది. ఈ సొరంగ నిర్మాణం పూర్తయిన నేపథ్యంలో జ్యూరిచ్ నుంచి మిలాన్ వరకు రెండుగంటల 40 నిమిషాల ప్రయాణం పడుతుంది. గతంలో మరో గంట అదనంగా పట్టేది.


 సాక్షి ముంబై: పార్లమెంట్‌లో రైల్వే మంత్రి గురువారం ప్రవేశపెట్టనున్న 2015-16 రైల్వే బడ్జెట్‌పై తెలుగువారు గంపెడాశలు పెట్టుకుని ఉన్నారు. ముంబైకి చెందిన సురేష్ ప్రభు రైల్వే శాఖ మంత్రిగా ఉన్నందున మహారాష్ట్రతో పాటు ఇక్కడి తెలుగు ప్రజలకు లబ్ధి చేకూర్చే ప్రాజెక్టులు దక్కుతాయని ఆశిస్తున్నారు. ముంబైతోపాటు రాష్ట్రంలో నివసించే తెలుగు ప్రజలలో తెలంగాణ ప్రాంతానికి చెందిన వారు అధికంగా ఉన్నారు. వీరు తమ స్వగ్రామాలకు వెళ్లేందుకు బస్సు కన్నా రైలు ప్రయాణానికే మొగ్గు చూపుతారు. ముంబై, ఠాణే, భివండీ, కల్యాణ్ తదితర చుట్టుపక్కల నివసించే కరీంనగర్, నిజామాబాద్, అదిలాబాద్ జిల్లాలకు చెందిన వారు తమ స్వగ్రామాలకు వెళ్లేందుకు దేవగరి ఎక్స్‌ప్రెస్ రైలుతోపాటు, గత ఏడాది ప్రారంభమైన లోకమాన్య తిలక్ టెర్మినస్ (ఎల్‌టిటి), నిజామాబాద్ వీక్లీ ఎక్స్‌ప్రెస్‌పై ఆధారపడుతున్నారు.
 
 అయితే వారానికి ఒకసారి నడిచే ఎల్టీటీ-నిజామాబాద్ రైలు ఠాణేలో ఆపకపోవడం, సమయం తదితర కారణాల వల్ల ఆ రైలు అనేక మందికి అసౌకర్యంగా ఉంది. ఇక దేవగిరి ఎక్స్‌ప్రెస్ రైలులో సీజన్, అన్ సీజన్ అన్న తేడాలేకుండా సంవత్సరం పొడవునా టిక్కెట్లు లభించడం కష్టసాధ్యంగా మారింది. అదే విధంగా సికింద్రాబాద్‌కు దేవగిరి రైలును పొడగించిన తర్వాత టిక్కెట్ల కోసం నిజామాబాద్‌కంటూ ప్రత్యేక కోటా లేకుండా పోయింది. దీంతో నిజామాబాద్   వరకు తాత్కాల్ టిక్కెట్లు తీసుకుందామన్న కూడా క్షణాల్లో వెయిటింగ్ లిస్ట్‌కు చేరుకుంటున్నాయి. ఈ నేపథ్యంలో దేవగిరి ఎక్స్‌ప్రెస్‌కు నిజామాబాద్‌కు కూడా టిక్కెట్ల కోటా కేటాయించడంతో పాటు ఈ మార్గంలో మరో రైలును నడుపాలని తెలుగు ప్రజలు డిమాండ్ చేస్తున్నారు. ఈ విషయమై ఇప్పటికే నగరంలోని తెలుగు సంఘాలు పోరాడుతున్నాయి.
 
 ఈ బడ్జెట్‌లో కొత్త రైలును ప్రకటించకపోయినా కనీసం ప్రస్తుతమున్న ఎల్‌టీటీ-నిజామాబాద్‌ల వీక్లీ ఎక్స్‌ప్రెస్ రైలును ప్రతి రోజు నడపాలని, దేవగిరి రైలులో మరిన్ని బోగీలను జత చేయాలని, ముంబై-నాందేడ్-సికింద్రాబాద్ సెక్టర్‌లో నడిచే ఏదైనా ఓ రైలును పొడగించాలని కోరుతున్నారు. ఇలాంటి వాటిలో ప్రస్తుతం సికింద్రాబాద్-మన్మాడ్‌ల మధ్య నడుస్తున్న అజంతా ఎక్స్‌ప్రెస్, ముంబై-నాందేడ్‌ల మధ్య నడుస్తున్న తపోవన్ ఎక్స్‌ప్రెస్, నందిగ్రామ్ ఎక్స్‌ప్రెస్‌లున్నాయి. వీలైతే నిజామాబాద్ మీదుగా మన్మాడ్, నాగర్‌సోల్‌లవరకు నడుస్తున్న రైళ్లను ముంబై వరకు పొడిగించాలని కూడా తెలుగు ప్రజలు కోరుతున్నారు. వీటితో ఆపటు పెద్దపల్లి-నిజామాబాద్ రైల్వేట్రాక్‌ను తొందరగా పూర్తి చేయాలని వీరు డిమాండ్ చేస్తున్నారు.
  
 ఠాణేలో స్టాప్ ఇవ్వాలి...
 ముంబై నుంచి తెలుగు రాష్ట్రాలకు వెళ్లే రైళ్లను ఠాణేలో ఆపాలని ఇక్కడి తెలుగు వారు చాలా ఏళ్లుగా డిమాండ్ చేస్తున్నారు. ఈ సారి బడ్జెట్‌లోనైనా తమ సమస్యకు పరిష్కారం లభించగలదని తెలుగువారు ఆశిస్తున్నారు. ముంబైతోపాటు ఠాణే చుట్టుపక్కల ప్రాంతాల్లో భారీ సంఖ్యలో శ్రీకాకుళం, విజయనగరం. ఉభయగోదావరి జిల్లాల వాసులు కూడా నివసిస్తున్నారు.
 
 వీరందరు తమ స్వగ్రామాలకు వెళ్లేందుకు ప్రస్తుతం కోణార్క్ ఎక్స్‌ప్రెస్, విశాఖపట్నం, వారానికి రెండు రోజులు నడిచే కాకినాడా ఎక్స్‌ప్రెస్‌లపై ఆధారపడుతున్నారు. అయితే ఈ రైళ్లేవీ ఠాణేలో ఆగడం లేదు.  విజయనగరం, శ్రీకాకుళం జిల్లాల వారిని కూడా దృష్టిలో ఉంచుకుని విశాఖపట్టణం రైలును ఇచ్ఛాపురం వరకు పొడగించాలని వీరు కోరుతున్నారు. రాజ్‌కోట్-సికింద్రాబాద్, పోర్‌బందరు-సికింద్రాబాద్‌ల మధ్య నడుస్తున్న రైళ్లలో భివండీలో నివసించే తెలుగు ప్రజల కోసం ఓ బోగీని జతచేయాలని స్థానికులు కోరుతున్నారు.
  
 షోలాపూర్-హైదరాబాద్‌ల మధ్య కొత్తగా ఓ ఇంటర్‌సిటీ ఎక్స్‌ప్రెస్‌ను నడపాలని ఇక్కడి తెలుగు ప్రజలు కోరుతున్నారు. పుణే నుంచి హైదరాబాద్‌కు ప్రతి రోజు వేల సంఖ్యలో ప్రజలు బస్సులు, రైళ్ల ద్వారా ప్రయాణిస్తుంటారు. ప్రస్తుతం పుణే నుంచి నేరుగా హైదరబాద్‌కు ఉదయం ఒక రైలు, లాతూరు మీదుగా మరో రైలు ఉంది. పుణేలో నివసించే తెలుగు ప్రజలను దృష్టిలో ఉంచుకుని హైదరాబాద్‌కు ఇంకో రైలును నడపాలని స్థానిక తెలుగు ప్రజలు డిమాండ్ చేస్తున్నారు.


 * ‘మెట్రో’ ప్రయాణికులకు మాత్రం ఊరట  
 * 80 కి.మీల వరకు సెకండ్ క్లాస్ సబర్బన్‌పై భారం లేదు  
 * రైల్వే శాఖ తాజా నిర్ణయం
  
  న్యూఢిల్లీ: రైలు ప్రయాణం నేటినుంచి భారం  కానుంది. ఇటీవల పెంచిన ప్రయాణ, రవాణా చార్జీలు ఈ రోజు(బుధవారం) నుంచే అమలు కానున్నాయి. అయితే, మెట్రో నగరాల రైలు ప్రయాణికులకు ఊరటనిచ్చేలా.. 80 కి.మీల వరకు రెండో తరగతి సబర్బన్ రైలు ప్రయాణాలపై తాజా చార్జీల పెంపు వర్తించదని రైల్వే శాఖ మంగళవారం ప్రకటించింది. దీంతో ఢిల్లీ, కోల్‌కతా, చెన్నై, ముంబై లాంటి మెట్రో నగరాల నుంచి చుట్టుపక్కల ప్రాంతాలకు 80 కిమీల మేర ప్రయాణించే లక్షలాది మందికి ప్రయోజనం చేకూరనుంది. రైళ్లలో ప్రయాణ చార్జీలను 14.2%, రవాణా చార్జీలను 6.5% పెంచుతూ కేంద్రం జూన్ 20న నిర్ణయం తీసుకోవడం తెలిసిందే. కాగా,  మహారాష్ట్రకు చెందిన బీజేపీ, శివసేన ఎంపీలు మంగళవారం రైల్వే మంత్రి సదానంద గౌడను కలిసి చార్జీల పెంపును ఉపసంహరించుకోవాలని కోరిన కొన్ని గంటల తరువాత రైల్వే శాఖ పలు సవరణలతో తాజాగా మరో నోటిఫికేషన్ విడుదల చేసింది. అందులోని వివరాలు..
  
  8    అన్‌రిజర్వ్‌డ్ విభాగంలో జూన్ 25 నుంచి కాకుండా జూన్ 28 నుంచి చార్జీల పెంపు అమల్లోకి వస్తుంది.
  8    నెలవారీ పాసులు తీసుకునే ప్రయాణికులు.. గతంలో మాదిరి 30 ట్రిప్పులకు కాకుండా, 15 ట్రిప్పులకు మాత్రమే డబ్బులు చెల్లించి, ఒక నెలలో అపరిమితంగా ప్రయాణించవచ్చు.
  8    {పధాన రైళ్లలో ప్రయాణానికి చార్జీల పెంపు కన్నా ముందే టికెట్లు కొనుగోలు చేసినవారు అదనపు రుసుమును చెల్లించనక్కరలేదు.
  8    ముందుగా జారీ చేసిన రైల్వే టికెట్లకు కూడా చార్జీల పెంపు వర్తిస్తుంది.
  8    చార్జీల పెంపు నిర్ణయం కన్నా ముందు ప్రయాణ టికెట్లు రిజర్వ్ చేసుకున్నవారు అదనపు రుసుమును బుకింగ్ లేదా రిజర్వేషన్ కౌంటర్ల వద్ద కానీ, టీటీఈ వద్ద కానీ చెల్లించాల్సి ఉంటుంది. రిజర్వేషన్ ఫీజు, సూపర్ ఫాస్ట్ సర్‌చార్జ్ లాంటి వాటిలో ఎలాంటి మార్పు లేదు.


  లండన్, న్యూయార్క్, వాషింగ్టన్, షికాగో, లాస్‌ఏంజెలిస్, శాన్‌ఫ్రాన్సిస్కో, బీజింగ్, షాంగాయ్, గ్రేట్ వాల్ ఆఫ్ చైనా, మాస్కో, గోబీ ఎడారి, మంగోలియా, సైబీరియా, వార్సా, ప్రేగ్, వియన్నా, వెనీస్, ఆస్ట్రియా, ఫ్రాన్స్.. ఇంకా అయిపోలేదు.. ఇంకా చాలా ఉన్నాయి.. వీటన్నిటినీ ఒకేసారి కూ..చుక్‌చుక్ రైలులో చుట్టేయాలనుందా? అదీ ప్రపంచంలో అత్యంత ప్రాచుర్యం పొందిన రైళ్లలో.. వచ్చే ఏడాది ఈ అద్భుత ప్రయాణాన్ని ప్రారంభించేందుకు గ్రేట్ రైల్ జర్నీస్ సంస్థ ఏర్పాట్లు చేస్తోంది. మొత్తం 53 రోజుల్లో వీటన్నిటినీ తిప్పి, తెస్తారు. ఇందుకు టికెట్ చార్జీ కింద ఒక్కొక్కరి నుంచి రూ.22 లక్షలు వసూలు చేస్తారు. లండన్‌లో మొదలెట్టి.. మళ్లీ లండన్‌కు తిరిగి తీసుకొస్తారు. దాదాపుగా 40 వేల కిలోమీటర్ల ప్రయాణమన్నమాట. కొన్ని దేశాలకు వెళ్లేందుకు రైలు సదుపాయం లేకపోతే.. అలాంటిచోట్ల విమానంలో తీసుకెళ్తారు.
  


  భువనగిరి, న్యూస్‌లైన్: రైలు ప్రయాణం మరింత సులభతరమవుతోంది. టికెట్ రిజర్వేషన్ చేయించుకునేందుకు ఇప్పుడు స్టేషన్ దాకా వెళ్లాల్సిన పనిలేదు. ఎంచక్కా ఇంట్లో కూర్చొని మొబైల్ ఎంస్‌ఎంస్‌తో రిజర్వేషన్ చేయించుకునే సౌలభ్యం అందుబాటులోకి వచ్చింది. ఇంటర్నెట్ సేవలు విస్తృతమౌతున్న తరుణంలో ఒక్కో సేవ ఇంట్లోంచే పొందే అవకాశా న్ని సమాచార విప్లవం కల్పిస్తోంది. తాజాగా రైల్వే రిజర్వేషన్లను మొబైల్ ద్వారా పొందే సౌకర్యాన్ని రైల్వే శాఖ పెలైట్ ప్రాజెక్టుగా ప్రవేశపెట్టింది.
  
   నిత్యం బీజిగా ఉండి సమయానికి ప్రాధాన్యతనిచ్చే వర్గాల వారు రైల్వేస్టేష న్‌కు వెళ్లి రిజర్వేషన్ టికెట్ కోసం గంటల తరబడి నిలబడకుండా మొబైల్ ద్వారా క్షణాల్లో రైల్వే బుకింగ్ సదుపాయాన్ని పొందే వీలు చిక్కింది. రైల్వే రిజర్వేషన్ కోసం చేతిలో మొబైల్ ఫోన్ ఉంటే చాలు క్షణాల్లో ఎక్కడి నుంచైనా ఉచిత రైల్వే రిజర్వేషన్ బుకింగ్ సదుపాయం పొందవచ్చు. కేవలం నెట్ బ్యాంకింగ్ ఉంటే చాలు. టికెట్ ప్రింట్ కూడా అవసరం లేదు. మొబైల్‌లో నిక్షిప్తమయ్యే సమాచారంతోనే రైల్వేశాఖ ప్రవేశపెట్టిన ఎస్‌ఎంఎస్ టికెట్ బుకింగ్ సదుపాయం ప్రయాణికులకు ఇప్పుడిప్పుడే చేరువవుతోంది. జూలై ఒకటి నుంచి దేశవ్యాప్తంగా అందుబాటులోకి వచ్చిన ఈ ప్లాన్ ఇప్పుడిప్పుడే ప్రయాణికులకు చేరుతోంది. దీనిపై గ్రామీణ పట్టణ ప్రాంతాల్లో ఇంకా ప్రచారం జరగాల్సి ఉంది. అన్ని వర్గాలను ఆకట్టుకుంటున్న ఈ నూతన విధానంతో సమయం ఆదా అవుతుం దని ప్రజల నుంచి అభిప్రా యం వ్యక్తమవుతోంది.  
  
  ఎవరు కల్పిస్తున్నారంటే..
  ఎస్‌ఎంఎస్ టికెట్ బుకింగ్ సదుపాయాన్ని రైల్వే శాఖ అనుబంధ సంస్థ ఐఆర్‌టీఎస్ అందిస్తోంది. ఐఆర్‌టీఎస్ నిర్వహిస్తోన్న 139 సర్వీస్ ప్రొవైడర్‌తో పాటు ఎయిర్‌టెల్, బీఎస్‌ఎన్‌ఎల్, ఫ్రీక్వెన్సీ వీక్లి అనే మరో మూడు సర్వీసు ప్రొవైడర్ల ద్వారా ప్రయాణికులు ఎస్‌ఎంఎస్ టికెట్ బుకింగ్ చేసుకోవచ్చు. ఇందుకోసం ముందుగా ఐఆర్‌టీఎస్‌లో తమ పేరు, వయస్సు, జెండర్ తదితర వివరాలను ఎస్‌ఎంఎస్ ద్వారా రిజిస్ట్రేషన్ చేసుకోవాలి. అనంతరం బీఎస్‌ఎన్‌ఎల్ మొబైల్ కనెక్షన్ కలిగిన వినియోగదారులు కొంత మొత్తాన్ని మొబైల్‌లో నిల్వచేసుకొని దాని ద్వారా ఐఆర్‌టీఎస్‌కు డబ్బులు బదిలీ చేసి రిజర్వేషన్ చేసకునే సదుపాయం ఉంటుంది. 26 జాతీయ బ్యాంకుల్లో దేంట్లోనైనా అకౌం ట్ ఉండి నెట్ బ్యాంకింగ్ ఉన్న ప్రయాణికులు తమ మొబైల్ ఫోన్ నుంచి ఐఆర్‌టీఎస్‌కు చెందిన 139 ద్వారా టిక్కెట్  పొందవచ్చు.
  
  రాయితీ టిక్కెట్లకు వ ర్తించదు
  రాయితీలపై ప్రయాణించే వారికి మా త్రం మొబైల్ ఫోన్ ద్వారా రిజర్వేషన్ సదుపాయం లభించదు. ఈ టిక్కెట్లు తీసుకునే వారు నే రుగా రిజర్వేషన్ కేంద్రానికే వెళ్లాల్సిందే. మొబైల్ ఫోన్ ద్వారా అన్ని కేటగిరీల టిక్కెట్లను రిజర్వేషన్ చేసుకునే సదుపాయం ఉంది. ప్రస్తుతం తత్కాల్ టిక్కెట్ సదుపాయం అందుబాటులోకి రాలేదు. దక్షిణమధ్య రైల్వేలో రోజూ టిక్కెట్లను ఇంటర్నెట్, జనతా టికెట్ బుకింగ్ కేంద్రాలు, పోస్టాఫీసులు, రైల్వేస్టేషన్లలోని బుకింగ్ కేం ద్రాల ద్వారా విక్రయిస్తున్నారు.
  ఎస్‌ఎంఎస్ చేయాల్సిన నంబర్లు ఇవే..
  54959, 57886, 5676747, 130 నంబర్లకు ఎస్‌ఎంఎస్ చేసి రైల్వే టికెట్ బుకింగ్ చేసుకోవచ్చు.


  భువనగిరి, న్యూస్‌లైన్: రైలు ప్రయాణం మరింత సులభతరమవుతోంది. టికెట్ రిజర్వేషన్ చేయించుకునేందుకు ఇప్పుడు స్టేషన్ దాకా వెళ్లాల్సిన పనిలేదు. ఎంచక్కా ఇంట్లో కూర్చొని మొబైల్ ఎంస్‌ఎంస్‌తో రిజర్వేషన్ చేయించుకునే సౌలభ్యం అందుబాటులోకి వచ్చింది. ఇంటర్నెట్ సేవలు విస్తృతమౌతున్న తరుణంలో ఒక్కో సేవ ఇంట్లోంచే పొందే అవకాశా న్ని సమాచార విప్లవం కల్పిస్తోంది. తాజాగా రైల్వే రిజర్వేషన్లను మొబైల్ ద్వారా పొందే సౌకర్యాన్ని రైల్వే శాఖ పెలైట్ ప్రాజెక్టుగా ప్రవేశపెట్టింది.
  
   నిత్యం బీజిగా ఉండి సమయానికి ప్రాధాన్యతనిచ్చే వర్గాల వారు రైల్వేస్టేష న్‌కు వెళ్లి రిజర్వేషన్ టికెట్ కోసం గంటల తరబడి నిలబడకుండా మొబైల్ ద్వారా క్షణాల్లో రైల్వే బుకింగ్ సదుపాయాన్ని పొందే వీలు చిక్కింది. రైల్వే రిజర్వేషన్ కోసం చేతిలో మొబైల్ ఫోన్ ఉంటే చాలు క్షణాల్లో ఎక్కడి నుంచైనా ఉచిత రైల్వే రిజర్వేషన్ బుకింగ్ సదుపాయం పొందవచ్చు. కేవలం నెట్ బ్యాంకింగ్ ఉంటే చాలు. టికెట్ ప్రింట్ కూడా అవసరం లేదు. మొబైల్‌లో నిక్షిప్తమయ్యే సమాచారంతోనే రైల్వేశాఖ ప్రవేశపెట్టిన ఎస్‌ఎంఎస్ టికెట్ బుకింగ్ సదుపాయం ప్రయాణికులకు ఇప్పుడిప్పుడే చేరువవుతోంది. జూలై ఒకటి నుంచి దేశవ్యాప్తంగా అందుబాటులోకి వచ్చిన ఈ ప్లాన్ ఇప్పుడిప్పుడే ప్రయాణికులకు చేరుతోంది. దీనిపై గ్రామీణ పట్టణ ప్రాంతాల్లో ఇంకా ప్రచారం జరగాల్సి ఉంది. అన్ని వర్గాలను ఆకట్టుకుంటున్న ఈ నూతన విధానంతో సమయం ఆదా అవుతుం దని ప్రజల నుంచి అభిప్రా యం వ్యక్తమవుతోంది.  
  
  ఎవరు కల్పిస్తున్నారంటే..
  ఎస్‌ఎంఎస్ టికెట్ బుకింగ్ సదుపాయాన్ని రైల్వే శాఖ అనుబంధ సంస్థ ఐఆర్‌టీఎస్ అందిస్తోంది. ఐఆర్‌టీఎస్ నిర్వహిస్తోన్న 139 సర్వీస్ ప్రొవైడర్‌తో పాటు ఎయిర్‌టెల్, బీఎస్‌ఎన్‌ఎల్, ఫ్రీక్వెన్సీ వీక్లి అనే మరో మూడు సర్వీసు ప్రొవైడర్ల ద్వారా ప్రయాణికులు ఎస్‌ఎంఎస్ టికెట్ బుకింగ్ చేసుకోవచ్చు. ఇందుకోసం ముందుగా ఐఆర్‌టీఎస్‌లో తమ పేరు, వయస్సు, జెండర్ తదితర వివరాలను ఎస్‌ఎంఎస్ ద్వారా రిజిస్ట్రేషన్ చేసుకోవాలి. అనంతరం బీఎస్‌ఎన్‌ఎల్ మొబైల్ కనెక్షన్ కలిగిన వినియోగదారులు కొంత మొత్తాన్ని మొబైల్‌లో నిల్వచేసుకొని దాని ద్వారా ఐఆర్‌టీఎస్‌కు డబ్బులు బదిలీ చేసి రిజర్వేషన్ చేసకునే సదుపాయం ఉంటుంది. 26 జాతీయ బ్యాంకుల్లో దేంట్లోనైనా అకౌం ట్ ఉండి నెట్ బ్యాంకింగ్ ఉన్న ప్రయాణికులు తమ మొబైల్ ఫోన్ నుంచి ఐఆర్‌టీఎస్‌కు చెందిన 139 ద్వారా టిక్కెట్  పొందవచ్చు.
  
  రాయితీ టిక్కెట్లకు వ ర్తించదు
  రాయితీలపై ప్రయాణించే వారికి మా త్రం మొబైల్ ఫోన్ ద్వారా రిజర్వేషన్ సదుపాయం లభించదు. ఈ టిక్కెట్లు తీసుకునే వారు నే రుగా రిజర్వేషన్ కేంద్రానికే వెళ్లాల్సిందే. మొబైల్ ఫోన్ ద్వారా అన్ని కేటగిరీల టిక్కెట్లను రిజర్వేషన్ చేసుకునే సదుపాయం ఉంది. ప్రస్తుతం తత్కాల్ టిక్కెట్ సదుపాయం అందుబాటులోకి రాలేదు. దక్షిణమధ్య రైల్వేలో రోజూ టిక్కెట్లను ఇంటర్నెట్, జనతా టికెట్ బుకింగ్ కేంద్రాలు, పోస్టాఫీసులు, రైల్వేస్టేషన్లలోని బుకింగ్ కేం ద్రాల ద్వారా విక్రయిస్తున్నారు.
  ఎస్‌ఎంఎస్ చేయాల్సిన నంబర్లు ఇవే..
  54959, 57886, 5676747, 130 నంబర్లకు ఎస్‌ఎంఎస్ చేసి రైల్వే టికెట్ బుకింగ్ చేసుకోవచ్చు.