నిర్మల్ : దిలావర్ పూర్‌లో ఇథనాల్ పరిశ్రమను వ్యతిరేకిస్తూ స్థానికులు చేపట్టిన ఆందోళనలు ఉద్రిక్తతకు దారి తీసింది తెలిసిందే. దీంతో కలెక్టర్‌ పనులను ఆపేయించారు. అయితే ఈ వ్యవహారంలో బీఆర్‌ఎస్‌, తెలంగాణ ప్రభుత్వంపై విమర్శలు గుప్పిస్తుండగా.. కాంగ్రెస్‌ కౌంటర్‌కు దిగింది. తెలంగాణ పీసీసీ అధ్యక్షుడు మహేశ్‌కుమార్‌ గౌడ్‌ మాట్లాడుతూ.. ‘దిలావర్‌పూర్‌ ఇథనాల్ పరిశ్రమ బీఆర్‌ఎస్‌ నేత తలసాని శ్రీనివాస్‌ యాదవ్‌ కుమారుడిదే. ఇథనాల్‌ ఫ్యాక్టరీతో జనాల్ని ముంచాలని కేసీఆర్‌ చూశారు. అందుకే తలసాని కొడుకు సాయి సంస్థకు అప్పగించారు. కంపెనీకి పర్మిషన్ ఇచ్చింది కేసీఆర్, కేటీఆర్. తెలంగాణ ప్రభుత్వానికి, ఆ ఇథనాల్ కంపెనీకి సంబంధం ఏంటి? ఇథనాల్‌ ఫ్యాక్టరీ ఎవరిదో తేల్చుకునేందుకు బీఆర్‌ఎస్‌ నేతలు దిలావర్ పూర్‌కి రావాలి. వారితో పాటు మేమూ వస్తాం. అక్కడికి వెళ్లి తప్పెవరిదో? తేల్చుకుందాం’ అని అన్నారు. ఇథనాల్‌ ఫ్యాక్టరీపై పూర్వపరాలు పరిశీలించాకే ప్రభుత్వం ఒక నిర్ణయం తీసుకుంటుందని అన్నారాయన. కాగా, నిర్మల్ జిల్లా దిలావర్ పూర్‌లో ఉద్రిక్త పరిస్థితులు తలెత్తాయి. ఇథనాల్ పరిశ్రమ ఏర్పాటుకు నిరసనగా స్థానికులు ఆందోళనకు దిగారు. పోలీస్‌స్టేషన్‌ నుంచి నిర్మల్ - భైంసా రహదారి వైపు నిరసన ప్రదర్శన చేపట్టారు. స్థానికుల నిరసనతో పోలీసులు భారీగా మోహరించారు. ఆందోళనలో భారీగా పాల్గొన్న మహిళలు. ఇథనాలు పరిశ్రమను రద్దు చేయాలని డిమాండ్ చేశారు. ప్రభుత్వం దిగిరాకుంటే ఆందోళనను మరింత ఉద్ధృతం చేస్తామని హెచ్చిరించారు. దీంతో అధికార యంత్రాగం పనుల్ని ఆపేయించి.. చర్చలకు పిలిచింది. అదే సమయంలో.. ఈ వ్యవహారాన్ని తెలంగాణ ప్రభుత్వం తీవ్రంగా పరిగణించింది. గత ప్రభుత్వ హయాంలో ఈ అనుమతులు జారీ అయ్యాయని గుర్తించింది. ఫ్యాక్టరీ అనుమతులపై సమీక్షించి.. అవసరమైతే వాటిని రద్దు చేయాలని యోచిస్తోన్నట్లు సమాచారం.

యంగ్ హీరో దినేష్ తేజ్, హీరోయిన్ హెబ్బా పటేల్ జంటగా నటించిన చిత్రం 'అలా నిన్ను చేరి'. విజన్ మూవీ మేకర్స్ బ్యానర్‌పై కొమ్మాలపాటి శ్రీధర్ సమర్పణలో తెరకెక్కిస్తున్నారు. ఈ మూవీతో మారేష్ శివన్ దర్శకుడిగా పరిచయం కాబోతున్నారు. ఈ చిత్రానికి  కొమ్మాలపాటి సాయి సుధాకర్ నిర్మాతగా వ్యవహరిస్తున్నారు. తాజాగా ఈ చిత్రం నుంచి 'కొడిపాయే లచ్చమ్మది' అనే సాంగ్‌ను రిలీజ్ చేశారు. ఈ కార్యక్రమంలో సినిమాటోగ్రఫీ మంత్రి తలసాని శ్రీనివాస్ యాదవ్‌ ముఖ్య అతిథిగా హాజరై లిరికల్ సాంగ్ విడుదల చేశారు. ఈ పాటను మంగ్లీ పాడగా.. కుర్రకారుని కట్టిపడేసేలా మరో జానపదంగా నిలవబోతోంది. (ఇది చదవండి: సైలెంట్‌గా ఓటీటీకి వచ్చేసిన ధోని 'ఎల్‌జీఎమ్‌'... తెలుగు సినిమాలు ఎన్నో తెలుసా?) ఇప్పటికే షూటింగ్ పూర్తి చేసుకున్న ఈ సినిమా త్వరలోనే థియేటర్లలో సందడి చేయనుంది. ప్రస్తుతం చిత్రబృందం మూవీ ప్రమోషన్లతో బిజీగా ఉంది. ఇప్పటికే రిలీజైన ఫస్ట్ లుక్, మోషన్ పోస్టర్, గ్లింప్స్‌ మంచి రెస్పాన్స్ వచ్చిన సంగతి తెలిసిందే. ఆ మధ్య రిలీజ్ చేసిన అలా నిన్ను చేరి టైటిల్ సాంగ్ యూట్యూబ్‌లో బాగా ట్రెండింగ్‌లో నిలిచిన తెలిసిందే.  తలసాని శ్రీనివాస్ యాదవ్ మాట్లాడుతూ.. ‘యంగ్ టీం అంతా కలిసి ఈ సినిమాను నిర్మించారు. యంగ్ టాలెంట్‌ను ప్రేక్షకులు ఎప్పుడూ ఎంకరేజ్ చేస్తారు. కొత్త సినిమాలను ఆడియెన్స్ ఆదరిస్తారు. యంగ్ టాలెంట్ టీం తీసిన ఈ చిత్రాన్ని ప్రేక్షకులు ఆదరించాలి. ఈ మూవీపెద్ద విజయం సాధించాలి. సినిమా టీంకు ఆల్ ది బెస్ట్’ అని అన్నారు. లవ్ అండ్ ఫ్యామిలీ ఎంటర్‌టైనర్‌గా రూపొందించిన ఈ సినిమాను త్వరలోనే ప్రేక్షకుల ముందుకు తీసుకొస్తున్నారు. Mass Folk Fest Begins!! Put Your dance shoes to groove 💃 🕺 Honourable Minister Sri @YadavTalasani launched the Folk Number #KodiBhayeLachammadi from #AlaNinnuCheri and wished the team all the luck@iamMangli sensational singing Watch the Lyrical Here:https://t.co/J2LUBtDhpd pic.twitter.com/c1ivLs3kti — Dinesh Tej (@idineshtej) September 27, 2023

మెదక్‌: నాడు సమైక్య రాష్ట్రంలో బడ్జెట్‌లో నిధులు కేటాయించే వారు లేక ఇబ్బందులు పడ్డామని, రాష్ట్రం సాధించాక సీఎం కేసీఆర్‌ ముందుకు చూపుతో రాష్ట్రం సుబీక్షంగా మారిందని రాష్ట్ర పశుసంవర్ధక, మత్స్య, డెయిరీ, సినిమాటోగ్రఫీ శాఖ మంత్రి తలసాని శ్రీనివాస్‌యాదవ్‌ అన్నారు. ఆదివారం కలెక్టరేట్‌లో నిర్వహించిన జాతీయ సమైక్యతా వేడుకల్లో పాల్గొని జాతీయ జెండా ఆవిష్కరించి, పోలీసుల గౌరవ వందనం స్వీకరించారు. అనంతరం ప్రభుత్వం అమలు చేస్తున్న అభివృద్ధి, సంక్షేమ పథకాలు, జిల్లా పురోగతిపై మాట్లాడారు. ఉమ్మడి రాష్ట్రంలో కనీసం వైద్యం అందని పరిస్థితి ఉండేదని, నేడు జిల్లాకో మెడికల్‌ కళాశాల ఏర్పాటు చేసుకున్నామన్నారు. మెదక్‌ మెడికల్‌ కళాశాలకు రూ.180 కోట్లు మంజూరయ్యాయయని, వచ్చే ఏడాది నుంచి తరగతులు ప్రారంభిస్తామన్నారు. వనదుర్గ ఆలయ అభివృద్ధికి వంద కోట్లు, జిల్లాలోని నాలుగు మున్సిపాలిటీలకు రూ.125 కోట్లను కేటాయించినట్లు పేర్కొన్నారు. మెదక్‌ చుట్టూ రింగ్‌రోడ్డు నిర్మాణానికి త్వరలోనే నిధులు విడుదల చేసేందుకు సీఎం హామీ ఇచ్చిన విషయాన్ని గుర్తు చేశారు. సంక్షేమంలో నంబర్‌వన్‌.. బీసీ సంక్షేమ శాఖ ద్వారా చేతి, కులవృత్తుల వారికి లక్ష రూపాయల ఆర్థిక సహాయం అందిస్తున్నామన్నారు. అదేవిధంగా ప్రభుత్వం అన్నివర్గాల అభ్యున్నతికి అనేక సంక్షేమ అభివృద్ధి కార్యక్రమాలు అమలు చేస్తున్నామన్నారు. జిల్లాలో గతంలో 1,33,314 మెట్రిక్‌ టన్నుల ధాన్యం దిగుబడి రాగా, నేడు 3,09,189 మెట్రిక్‌ టన్నులకు పెరిగిందన్నారు. రైతుబంధు కింది 2018 నుంచి నేటి వరకు 2,43,380 మంది రైతులకు రూ.1,909 కోట్లు అందించామని, రైతు బీమా కింద 5,137 మృతుల కుటుంబాలకు రూ.256.85 కోట్లు పంపిణీ చేశామన్నారు. రూ.378.23 కోట్లు రుణమాఫీ చేసినట్లు వివరించారు. టీఎస్‌ ఐపాస్‌తో జిల్లాకు 871 పరిశ్రమలకు సంబంధించి 1869 అనుమతులు వచ్చాయని, 27,900 మందికి ఉపాధి లభించిందన్నారు. ఎస్సీ, ఎస్టీలకు సబ్సిడీ కింద రూ.1.11కోట్లు, ఎస్టీలకు రూ.2.24కోట్ల రుణాలు అందించామన్నారు. మొదటి విడత గొర్రెల పంపిణీలో రూ.128కోట్లు చెల్లించామని, రెండో విడతకు 2,579 మంది లబ్ధిదారులకు యూనిట్లు అందించామన్నారు. పాడి పశువుల పథకం కింద రూ.5.44 కోట్లు సబ్సిడీగా పంపిణీ చేశామన్నారు. జిల్లాలోని మూడు రిజర్వాయర్లతో సహా 1,617 చెరువుల్లో చేపలు పెంచుతున్నామని, 16,200 మంది సభ్యులకు వీటిని అందించామన్నారు. 31 కమ్యూనిటీ హాళ్ల నిర్మాణం చేపట్టామని, దివ్యాంగులకు రూ.3,016 నుంచి రూ.4,016కు పింఛన్‌ పెంచామన్నారు. కార్యక్రమంలో ఎమ్మెల్యేలు పద్మాదేవేందర్‌రెడ్డి, మదన్‌రెడ్డి, కలెక్టర్‌ రాజర్షి షా, ఎస్పీ రోహిణి ప్రియదర్శిని, జెడ్పీ చైర్‌పర్సన్‌ హేమలత, ఇఫ్కో డైరెక్టర్‌ దేవేందర్‌రెడ్డి, మున్సిపల్‌ చైర్మన్‌ చంద్రపాల్‌, వైస్‌ చైర్మన్‌ మల్లికార్జున్‌ గౌడ్‌, గ్రంథాలయ చైర్మన్‌ చంద్రగౌడ్‌ తదతరులు పాల్గొన్నారు. ఎస్పీ కార్యాలయంలో.. జిల్లా పోలీస్‌ ప్రధాన కార్యాలయంలో ఆదివారం జాతీయ సమైక్యత వేడుకలు నిర్వహించారు. ఎస్పీ రోహిణి ప్రియదర్శిని జాతీ య జెండా ఎగురవేసి గౌరవ వందనం స్వీకరించారు. జిల్లా పోలీస్‌ ఏ.ఆర్‌ హెడ్‌ క్వార్టర్‌లో అదనపు ఎస్పీ మహేందర్‌ జెండా ఎగురవేశారు. కార్యక్రమంలో డీఎస్పీ ఫణింద్ర, ఆర్‌ఐలు అచ్యుతరావు, నాగేశ్వర్‌రావు, ఎస్‌బీ సీఐ సందీప్‌రెడ్డి, సీఐ దిలీప్‌కుమార్‌, అధికారులు, సిబ్బంది పాల్గొన్నారు. జిల్లా పరిషత్‌ కార్యాలయంలో.. సమైక్యత దినోత్సవం సందర్భంగా జిల్లా పరిషత్‌ కార్యాలయంలో జెడ్పీ చైర్‌ పర్సన్‌ హేమలత జాతీయ పతాకాన్ని ఆవిష్కరించారు. కార్యక్రమంలో జెడ్పీ సీఈఓ వెంకట శైలేష్‌, వెల్దుర్తి జెడ్పీటీసీ రమేష్‌ గౌడ్‌, కార్యాలయ పర్యవేక్షకులు మాణయ్య, కార్యాలయ సిబ్బంది పాల్గొన్నారు. చేపపిల్లలను వదులుతున్న మంత్రి, ఎమ్మెల్యేలు.. రాష్ట్రంలో మత్స్యకారుల అభివృద్ధికి సీఎం కేసీఆర్‌ పెద్ద పీటవేశారని మంత్రి తలసాని శ్రీనివాస్‌ యాదవ్‌ అన్నారు. పట్టణంలోని గోసముద్రం చెరువులో ఎమ్మెల్యేలు పద్మా దేవేందర్‌ రెడ్డి, మదన్‌ రెడ్డితో కలిసి ఆదివారం చేపపిల్లలను వదిలారు. అనంతరం మత్స్యకారులకు గుర్తింపు కార్డుల పంపిణీ చేశారు. అనంతరం మంత్రి మాట్లాడుతూ ఉమ్మడి రాష్ట్రంలో మత్స్యరంగాన్ని నాటి ప్రభుత్వాలు పూర్తిగా నిర్లక్ష్యం చేశాయని అన్నారు. తెలంగాణ రాష్ట్రం ఏర్పడిన తర్వాత ముఖ్యమంత్రి చంద్రశేఖర్‌ రావు నాయకత్వంలో పెద్ద ఎత్తున మత్స్య రంగ అభివృద్ది నిధులు ఖర్చు చేస్తున్నట్లు వివరించారు. ఈ రంగంపై ఆధారపడి జీవనం సాగిస్తున్న లక్షలాదిమంది మత్స్యకారుల కుటుంబాలు ఆర్ధిక ంగా, సామాజికంగా అభివృద్ది చెందాలనే లక్ష్యంతో దేశంలో ఎక్కడా లేని విధంగా ఉచితంగా చేప, రొయ్య పిల్లలను అందిస్తున్న విషయాన్ని గుర్తు చేశారు. రాష్ట్రంలో పెద్ద ఎత్తున నీటి వనరులను అభివృద్ది చేసుకొని ప్రతి నీటి వనరులో చేప పిల్లలను విడుదల చేస్తున్న ఫలితంగా మత్స్య సంపద మూడింతలు పెరిగిందన్నారు. అర్హులైన మత్స్యకారులకు ప్రభుత్వ లబ్ది అందాలనే ఉద్దేశం తో నూతనంగా లక్షమంది మత్స్యకారులకు సొసైటీలలో సభ్యత్వాలు కల్పిస్తున్నామని చెప్పారు. ఈ వత్తి గౌరవాన్ని మరింత పెంచినట్లు వివరించారు. ఈ కార్యక్రమంలో జడ్పీ చైర్మన్‌ హేమలత,కలెక్టర్‌ రాజర్షి షా, మున్సిపల్‌ చైర్మన్‌ చంద్రపాల్‌, ఎస్పీ రోహిణి ప్రియదర్శిని, మత్స్య శాఖ ఏడీ రజని తదితరులు పాల్గొన్నారు.

సాక్షి, హైదరాబాద్‌: కంటోన్మెంట్‌ బీఆర్‌ఎస్‌లో ఆధిపత్య పోరు రోజురోజుకీ తీవ్రమవుతోంది. పార్టీకి పెద్దదిక్కుగా ఉన్న ఎమ్మెల్యే సాయన్న మరణంతో నేతలందరినీ ఒక్కతాటిపై నడిపించే వారు కరువయ్యారు.ఎమ్మెల్యే టికెట్‌ ఆశిస్తున్న వారు ఎవరికి వారే తమ ఉనికి చాటేందుకు ఆరాటపడుతున్నారు. అంతేకాక ఇద్దరు మంత్రులు సైతం నియోజకవర్గంలో పార్టీకి తామే పెద్దదిక్కు అనేలా క్యాడర్‌ను తమ వైపునకు తిప్పుకునే ప్రయత్నాల్లో ఉన్నారు. ఈ నేపథ్యంలో నిర్వహిస్తున్న ఆత్మీయ సమ్మేళనాల్లో తాము ఎవరి వెంట నడవాలో అర్థం నాయకులు, కార్యకర్తలు తలలు పట్టుకుంటున్నారు. భౌగోళికంగా హైదరాబాద్‌ జిల్లాలో ఉండే కంటోన్మెంట్‌ నియోజకవర్గం పార్లమెంట్‌ విషయానికొస్తే మల్కాజ్‌గిరి పరిధిలో ఉంటుంది. ఆది నుంచీ మల్కాజ్‌గిరి ఎంపీ లేదా ఎంపీ అభ్యర్థులే ఇక్కడ ఆధిపత్యం చేలాయిస్తూ వస్తున్నారు. ఈ నేపథ్యంలో గతంలో మల్కాజ్‌గిరి ఎంపీ అయిన ప్రస్తుత మంత్రి మల్లారెడ్డి సహజంగానే పార్టీ నేతలకు పెద్ద దిక్కుగా ఉంటున్నారు. 2019లో బీఆర్‌ఎస్‌ పార్టీ నుంచి పోటీ చేసి ఓటమిపాలైన మల్లారెడ్డి అల్లుడు రాజశేఖర్‌ రెడ్డి కూడా అదే ధోరణిలో బోర్డు సభ్యులంతా తనవైపే ఉండేలా జాగ్రత్త లు పడుతూ వచ్చారు. దివంగత ఎమ్మెల్యే సాయన్న సైతం మర్రి ఆధిపత్యాన్ని ప్రశ్నిస్తూ వచ్చారు. ఈ క్రమంలో నే బోర్డు ఎన్నికల ప్రకటన వెలువడటంతో సహజంగానే మర్రి తన వర్గంలోని బోర్డు మాజీ సభ్యులతో సమావేశం ఏర్పాటు చేసుకున్నారు. రెండు రోజుల అనంతరం ఎమ్మెల్యే సాయన్న మృతి చెందడంతో ఒక్కసారిగా పరిస్థితుల్లో తారుమారు అయ్యాయి.   కీలకంగా మారిన మంత్రి..   ఎమ్మెల్యే సాయన్న దశదిన కర్మ ముగిసిన మరుసటి రోజే మంత్రి తలసాని, సాయన్న కుమార్తెలు లాస్య నందిత,  నివేదితలతో పాటు బోర్డు మాజీ సభ్యుల్లో జక్కుల మహేశ్వర్‌ రెడ్డి (జేఎమ్మార్‌)ను తన నివాసానికి పిలిపించుకుని మాట్లాడారు. అక్కడికక్కడే విలేకరుల సమావేశం ఏర్పాటు చేసి బోర్డు ఎన్నికల్లో పార్టీ కార్యాచరణ ప్రకటించడంతో పాటు, సర్వసభ్య సమావేశానికి పిలుపునిచ్చారు. అనివార్య కారణాల వల్ల సర్వసభ్య సమావేశం రెండు సార్లూ వాయిదా పడుతూ వచ్చింది. దీంతో మరోసారి ఎమ్మెల్యే కూతుర్లు, జేఎమ్మార్‌తో పాటు మర్రి వర్గంలోని మరో ముఖ్య నేత బోర్డు మాజీ సభ్యుడు పాండుయాదవ్‌ను తన వద్దకు పిలిపించుకుని మాట్లాడారు. తదనంతరం తెలంగాణ భవన్‌లో తన ఆధ్వర్యంలోనే ఆత్మీయ సమ్మేళనాల సన్నాహక సమావేశం ఏర్పాటు చేశారు. అయితే ఈ కార్యక్రమానికి సైతం మర్రిని ఆహ్వానించలేదు. బోర్డు మాజీ సభ్యులు సైతం మర్రి రాజశేఖర్‌రెడ్డికి సమాచారం ఇవ్వకుండానే ఈ భేటీలకు వెళ్లడంతో ఆయన ఆగ్రహం వ్యక్తం చేశారు.  ఇక పార్టీ టికెట్‌ ఆశిస్తున్న కార్పొరేషన్ల చైర్మన్‌లు మన్నె కృశాంక్, ఎర్రోళ్ల శ్రీనివాస్, గజ్జెల నాగేశ్‌లను కూడా ఈ భేటీకి పిలవకపోవడం పట్ల అసహనం వ్యక్తం చేశారు.   దిద్దుబాటులోనూ..  గత నెల 25 బొల్లారంలో నిర్వహించిన తొలి ఆత్మీయ సమ్మేళనం పార్టీలోని అసమ్మతిని బహిర్గతం చేసింది. మాజీ బోర్డు సభ్యులే వార్డుల అనధికారిక ఇన్‌చార్జ్‌లుగా వ్యవహరిస్తూ ఉండటాన్ని పలువురు నేతలు తప్పుబట్టారు. మన్నె కృశాంక్, గజ్జెల నాగేశ్, ఎర్రోళ్ల శ్రీనివాస్‌లను ఈ సమావేశానికి ఆహ్వానించలేదు. గత ఎన్నికల్లో బీజేపీ నుంచి పోటీ చేసి ప్రస్తుతం బీఆర్‌ఎస్‌లో కొనసాగుతున్న శ్రీగణేశ్‌ను సైతం పార్టీ నేతలు దూరంగానే పెట్టారు. ఈ నేపథ్యంలో కార్పొరేషన్‌ చైర్మన్‌లు తమ అసంతృప్తిని అధిష్ఠానం దృష్టికి తీసుకెళ్లారు. దీంతో దిద్దుబాటు చర్యల్లో భాగంగా మంత్రి తలసాని మరోసారి రంగంలోకి దిగారు. ఎమ్మెల్యే క్వార్టర్స్‌లోని తన కార్యాలయంలో సర్వసభ్య సమావేశం నిర్వహించారు. మర్రితో పాటు ముఖ్య నేతలంతా హాజరైన ఈ సమావేశంలోనూ ఇన్‌చార్జ్‌ విషయంలో ఎలాంటి నిర్ణయం తీసుకోలేదు. దీంతో మరోసారి నేతలంతా ఎవరికి వారే అన్నట్లుగా ప్రజాక్షేత్రంలో కార్యకలాపాలు నిర్వహిస్తూ ఉండటం గమనార్హం. ఇక త్వరలో జరగబోయే ఎన్నికల్లో సాయన్న కుమార్తెల్లో ఒకరికి టికెట్‌ ఇవ్వాలని ఆయన వర్గీయులు డిమాండ్‌ చేస్తున్నారు. లేని పక్షంలో సాయన్న ప్రధాన అనుచరుల్లో ఒకరైన ముప్పిడి మధుకర్‌ను కొందరు నేతలు తెరపైకి తెస్తున్నారు. ఈ నేపథ్యంలో రాబోయే రోజుల్లో పార్టీ పరిస్థితి ఎలా మారుతుందోనని కార్యకర్తలు చర్చించుకుంటున్నారు.  

సాక్షి, హైదరాబాద్‌: బహుళ అంతస్తుల భవనాల్లో అగ్నిప్రమాదాల నియంత్రణకు ప్రభుత్వం కసరత్తు చేస్తోంది. ఫైర్‌సేఫ్టీ నిబంధనలు పాటించని భవ నాల విషయంలో కఠినంగా వ్యవహరించాలని మంత్రుల బృందం ఉన్నతాఅధికారులను ఆదేశించింది. హైదరాబాద్‌తోపాటు రాష్ట్రంలోని ఇతర అ న్ని ప్రధాన నగరాల్లోని బహుళ అంతస్తుల భవ నాల్లో అగ్ని ప్రమాదాలు జరిగినప్పుడు తీసు కునే చర్యలకు సంబంధించి ‘ఫైర్‌ సేఫ్టీ ఆడిట్‌’ నిర్వహించాలని నిర్దేశించింది. అగ్నిమాపక శాఖకు ఆధునిక సామగ్రిని అందించేందుకు ప్రభుత్వం సిద్ధంగా ఉందని, ప్రస్తుతం శాఖకు అవసరమైన అత్యవసర సా మగ్రికి సంబంధించి ప్రతిపాదనలు సిద్ధం చేయా లని సూచించింది. బహుళ అంతస్తుల భవనాల్లో అగ్ని మాపక చర్యలపై సందేహాలు తలెత్తిన నేప  థ్యంలో బుధవారం మంత్రులు కేటీఆర్, తలసాని శ్రీనివాస్‌ యాదవ్, మహమూద్‌ అలీ బీఆర్‌కేఆర్‌ భవన్‌లో ఉన్నతస్థాయి సమీక్ష నిర్వహించారు. ప్రభుత్వ ప్రధాన కార్యదర్శి శాంతికుమారి, ప్రత్యేక ప్రధాన కార్యదర్శులు అర్వింద్‌కుమార్, సునీల్‌శర్మ, జీహెచ్‌ఎంసీ కమిషనర్‌ లోకేష్‌కుమార్‌ తదితరులు హాజరయ్యారు. భవిష్యత్తులో అగ్ని ప్రమాదాలు జరిగినప్పుడు ఎలాంటి విపత్తులు సంభవించకుండా తీసుకోవలసిన చర్యలపై చర్చించారు. సికింద్రాబాద్‌లోని డెక్కన్‌ మాల్‌లో ఇటీవల జరిగిన భారీ అగ్నిప్రమాదంలో ముగ్గురు బలైన నేపథ్యంలో ప్రభుత్వం ఈమేరకు చర్యలు చేపట్టింది. డెక్కన్‌ మాల్‌లో జరిగిన అగ్ని ప్రమాదంలో మరణించిన ముగ్గురి కుటుంబాలకు రూ.5 లక్షల చొప్పున ఎక్స్‌గ్రేషియా అందించాలని నిర్ణయించింది. డ్రోన్‌ సాంకేతికతను వినియోగించండి మునిసిపల్‌ నిబంధనల ప్రకారం ఐదంతస్తులు, ఆపై నిర్మించే భవనాల విషయంలో నిబంధనలు ఉల్లంఘించి నిర్మాణాలు జర పడం వల్లనే ఇలాంటి ప్రమాదాలు జరుగుతు న్నాయని మంత్రులు అభిప్రాయపడ్డారు. ఈ నేపథ్యంలో హైదరాబాద్‌తోపాటు ఇతర నగరాలలోని వ్యాపార, వాణిజ్య భవనాలు, ఆసుపత్రులు, పాఠశాలలు, ఎత్తైన అపార్ట్‌మెంట్లలో సేఫ్టీ ఆడిట్‌ నిర్వహించాలని అధికారులను ఆదేశించారు. ఇందుకోసం ఉన్నతస్థాయి కమిటీని ఏర్పాటు చేయాలని నిర్ణయించారు. అవసరమైతే ప్రస్తుతమున్న ఫైర్‌సేఫ్టీ చట్టాలను సవరించాలని చెప్పారు. హైదరాబాద్‌లో భారీగా నిర్మాణమవుతున్న బహుళ అంతస్తుల భవనాల ఫైర్‌ సేఫ్టీకి సంబంధించి డ్రోన్లు, రోబోటిక్‌ సాంకేతికతను వినియోగించుకునే అంశాలను పరిశీలించాలన్నారు. ఈ మేరకు పాశ్చాత్య దేశాలతోపాటు దేశంలోని ఇతర నగరాల్లో ఉన్న మెరుగైన పద్ధతులపై అధ్యయనం చేసి నివేదిక ఇవ్వాలని ఆదేశించారు. ప్రస్తుతం ఉన్న అగ్నిమాపక సిబ్బందికి మరిన్ని శిక్షణ కార్యక్రమాలు నిర్వహించి, వారిని నిష్ణాతులను చేయాలని సూచించారు. ఈ కార్యక్రమంలో ఆయా భవనాల యజమానులను కూడా భాగస్వాములను చేసుకునే అంశాన్ని పరిశీలించాలన్నారు. ఈ సమావేశంలో ఇంకా జలమండలి ఎండీ దాన కిషోర్, హైదరాబాద్‌ పోలీస్‌ కమిషనర్‌ సీవీ ఆనంద్, సైబరాబాద్‌ పోలీస్‌ కమిషనర్‌ స్టీఫెన్‌ రవీంద్ర , రాచకొండ కమిషనర్‌ డీఎస్‌ చౌహాన్, హైదరాబాద్‌ కలెక్టర్‌ అమేయ్‌ కుమార్‌ పాల్గొన్నారు.

సాక్షి, హైదరాబాద్‌: మునుగోడు అసెంబ్లీ ఉప ఎన్నిక పోలింగ్‌ సమయం దగ్గర పడుతున్న క్రమంలో ఈ రోజు నుంచి డ్రామాలు మొదలయ్యాయని బీజేపీపై విమర్శలు గుప్పించారు మంత్రి తలసాని శ్రీనివాస్‌ యాదవ్‌. రాజగోపాల్‌ రెడ్డికి జ్వరం అని వార్తల్లో చూశానని, హుజురాబాద్‌, దుబ్బాకలో అభ్యర్థులకు జరిగినట్లే ఇక్కడా జరుగుతోందని ఎద్దేవా చేశారు. తాము ముందు నుంచే ఇలా జరుగుతుందని ఊహించామని, మునుగోడు ప్రజలు దీనిని గమనించాలని సూచించారు. తెలంగాణ భవన్‌లో మీడియా సమావేశంలో మాట్లాడారు మంత్రి తలసాని.  ‘మునుగోడులో జరుగుతున్న ఎన్నికల్లో ఇవాళ్టి నుంచి డ్రామాలు స్టార్ట్ అయ్యాయి. రాజగోపాల్ రెడ్డికి జ్వరం అని వార్తల్లో చూశాను. హుజురాబాద్, దుబ్బాక లో అభ్యర్థులకు జరిగినట్టే జరుగుతుంది. ఇవాళ జ్వరం వచ్చింది, రేపు గుండె నొప్పి రావొచ్చు. ఇలాగే కుటుంబం రోడ్డు మీదికి వచ్చి నిరసనలు చేసి సింపతి క్రెయేట్ చేసే ఏడుపులు మొదలవుతాయి. మేము ముందు నుంచి ఇదే చూస్తున్నాం. మేము ఊహించిందే జరిగింది. మునుగోడు ప్రజలు గమనించాలి. మునుగోడు అభివృద్ధి ఏ మేరకు చేసామో గమనించండి. మనకు కొన్ని సెంటిమెంట్లు ఉంటాయి. ఈ డ్రామాలను మునుగోడు ప్రజలు నమ్మకండి. జ్వరం ఒక్కటే కాదు, రేపు తన పైన దాడి చేయించుకొని చేతులు కాళ్ళు విరగొట్టుకుంటాడు. మేము స్పష్టమైన మెజారిటీతో గెలుస్తున్నాం’ అని తీవ్ర ఆరోపణలు చేశారు మంత్రి తలసాని శ్రీనివాస్‌ యాదవ్‌.  ఇదీ చదవండి: Munugode Bypoll 2022: ఎల్బీ నగర్‌లో ఏం జరుగుతోంది?.. మునుగోడు ఎన్నికకు సంబంధమేంటీ?

సాక్షి, హైదరాబాద్‌: తెలంగాణలో గణేష్‌ నిమజ్జనం సందర్భంగా ఎంజే మార్కెట్‌లో ఉద్రిక్తత నెలకొంది. గణేష్‌ శోభాయాత్ర సందర్బంగా నగరానికి విచ్చేసిన అసోం సీఎం హిమంత బిశ్వ శర్మకు చేదు అనుభవం ఎదురైంది. ఎంజే మార్కెట్‌లో సభా వేదికపై ఆయన ప్రసంగిస్తూ టీఆర్‌ఎస్‌ సర్కార్‌, కేసీఆర్‌పై వ్యాఖ్యలు చేశారు. దీంతో స్థానిక టీఆర్‌ఎస్‌ నేతలు అసోం సీఎం స్పీచ్‌ను అడ్డుకున్నారు. మైక్‌ లాక్కున్నారు. ఈ క్రమంలో టీఆర్‌ఎస్‌, బీజేపీ నేతల మధ్య తోపులాట జరిగింది.  ఈ ఘటనపై మంత్రి తలసాని శ్రీనివాస్‌ యాదవ్‌ స్పందించారు. తలసాని మీడియాతో మాట్లాడుతూ.. హైదరాబాద్‌ ప్రజలను రెచ్చగొట్టడానికే అసోం సీఎంను ఇక్కడికి రప్పించారు. అసోం సీఎం భాష సరిగా లేదు. అందుకే స్థానికులు అడ్డుకున్నారు. ఆయన గణేష్‌ నిమజ్జనం సందర్భంగా ఇక్కడికి వచ్చారు. అలాంటప్పుడు గణేషుడి గురించి లేదా శోభాయాత్ర గురించి మాట్లాడాలి కానీ.. రాజకీయాలు మాట్లాడటం కరెక్ట్‌ కాదు. బీజేపీ నేతలు హైదరాబాద్‌ను ప్రశాంతంగా ఉండనివ్వరా అంటూ మంత్రి తలసాని ప్రశ్నించారు. అనంతరం హోం మంత్రి మహమూద్‌ అలీతో కలిసి మంత్రి తలసాని.. గణేష్‌ నిమజ్జన ఏర్పాట్లను పరిశీలించారు.    

సాక్షి, హైదరాబాద్‌: తెలంగాణవ్యాప్తంగా నేడు గణనాథుల శోభాయాత్ర ఘనంగా జరుగుతోంది. అటు భాగ్యనగరంలో సైతం గణేష్‌ నిమజ్జనం కొనసాగుతోంది. ఈ క్రమంలో వివిధ మార్గాల ద్వారా గణనాథులు ట్యాంక్‌ వైపు కదులుతున్నారు.  కాగా, నిమజ్జనం సందర్భంగా నగరంలోని ఎంజే మార్కెట్‌ వద్ద ఫ్లెక్సీల గొడవ చోటుచేసుకుంది. మంత్రి తలసాని శ్రీనివాస్‌ యాదవ్‌ అనుచరులతో ఉత్సవ సమితి సభ్యుల మధ్య వాగ్వాదం చోటుచేసుకున్నట్టు తెలుస్తోంది. మంత్రి తలసాని ఫ్లెక్సీని తొలగించాలని వారు డిమాండ్‌ చేశారు. దీంతో, అక్కడి నుంచి ఫ్లెక్సీని తొలగించినట్టు సమాచారం. ప్రస్తుతం అక్కడ పరిస్థితి ప్రశాంతంగానే ఉన్నట్టు పోలీసు అధికారులు స్పష్టంచేశారు. 

హిమాయత్‌నగర్‌ (హైదరాబాద్‌): పండుగలు, దేవుళ్లను రాజకీయాలకు వాడుకోవడం తగదని, ఈ నెల 9న గణేశ్‌ నిమజ్జనానికి అన్ని ఏర్పాట్లూ ప్రభుత్వమే ఘనంగా చేస్తుందని మంత్రి తలసాని శ్రీనివాస్‌యాదవ్‌ అన్నారు. నిమజ్జనాలకు ప్రభుత్వం ఏర్పాట్లు చేయడంలేదని, చేతకాకపోతే తామే నిర్వహిస్తామని.. భాగ్యనగర్‌ గణేశ్‌ ఉత్సవసమితి నేతలు చేసిన వ్యాఖ్యలను ఆయన ఖండించారు. సోమవారం ఆదర్శ్‌నగర్‌ ఎమ్మెల్యే క్వార్టర్స్‌లో ఆయన మీడియాతో మాట్లాడుతూ, వేలసంఖ్యలో పోలీసులు, జీహెచ్‌ఎంసీ, వాటర్‌బోర్డు, రవా ణా, ఆర్‌అండ్‌బీ తదితర ప్రభుత్వ విభాగాలన్నీ కలసి చేసే కార్యక్రమం వారి వల్ల సాధ్యమవుతుందా? అని ప్రశ్నించారు. ఉత్సవసమితి నాయకులు బాధ్యతారహితంగా వ్యవహరించడం తగదన్నారు. నిమజ్జనానికి ఏర్పాట్లన్నీ జరుగుతాయని, ఎవరూ ఆందోళన పడాల్సిన అవసరం లేదని ఆయన స్పష్టంచేశారు. ట్యాంక్‌బండ్‌లో గణేశ్‌ నిమజ్జనం చేయనివ్వకపోతే ప్రగతిభవన్‌లో నిమజ్జనం చేస్తామంటూ బీజేపీ రాష్ట్ర అధ్యక్షుడు బండి సంజయ్‌ చేసిన వ్యాఖ్యలపై మంత్రి స్పందిస్తూ.. ‘ఇటువంటి వ్యాఖ్యలు నేను చెడ్డీలు వేసుకున్నప్పటి నుంచి వింటున్నా’ అని (నవ్వుతూ) అన్నారు. కాగా, ఒకరి పండుగలు ఘనంగా నిర్వహిస్తున్నారని, హిందువుల పండుగలు జరిపించడంలేదనే పిచ్చి మాటల నుంచి కొందరు వ్యక్తులు బయటకు రావాలని మంత్రి సూచించారు. ప్రభుత్వానికి అన్ని పండుగలూ సమానమేనన్నారు. ఇదీ చదవండి: 2024: ఢిల్లీ ‘పవర్‌’ మనదే.. దేశమంతా ఫ్రీ పవరే!

సనత్‌నగర్‌: వాహనం ఎక్కి వినాయకుడు నిమజ్జనానికి తరలడం కాదు.. నిమజ్జన వాహనమే గణేషుడి చెంతకు వచ్చే సరికొత్త విధానానికి ఫ్రీడమ్‌ ఆయిల్‌ కంపెనీ నాంది పలికింది. కార్పొరేట్‌ సోషల్‌ రెస్పాన్సిబులిటీ కింద ఆ సంస్థ ఆధ్వర్యంలో రూపొందించిన మూడు ‘ఎకో ఫ్రెండ్లీ గణేష్‌ నిమజ్జనం వాహనాలు’ అందుబాటులోకి వచ్చాయి. తొలిసారిగా ప్రయోగాత్మకంగా కమ్యూనిటీ అపార్ట్‌మెంట్ల నివాసితులకు ఈ సేవలను అందించనున్నారు. వీటిని శుక్రవారం వెస్ట్‌మారేడ్‌పల్లిలోని తన నివాసంలో మంత్రి తలసాని శ్రీనివాస్‌యాదవ్‌ జెండా ఊపి ప్రారంభించారు. అనంతరం వాహనాలపై ఏర్పాటుచేసిన నీటి తొట్టెలో వినాయకుడి విగ్రహాన్ని మంత్రి నిమజ్జనం చేశారు. ఈ సందర్భంగా ఆయన మాట్లాడుతూ పర్యావరణ పరిరక్షణలో భాగంగా ఇంటి ముందే వినాయకుడి నిమజ్జనం చేసేవిధంగా వాహనాలను ఏర్పాటు చేయడం పట్ల నిర్వాహకులను అభినందించారు.  ఈ వాహనాలను అవసరాలను బట్టి వచ్చే ఏడాది మరిన్ని ప్రారంభించేలా చర్యలు తీసుకుంటామని మంత్రి తెలిపారు. కార్యక్రమంలో టీఎస్‌ ఫుడ్‌ చైర్మన్‌ రాజీవ్‌సాగర్, ఫ్రీడమ్‌ ఆయిల్‌ మార్కెటింగ్‌ అసిస్టెంట్‌ మేనేజర్‌ సురేష్‌ పాల్గొన్నారు. చదవండి: BJP Telangana: గ్రేటర్‌పై కమలం కన్ను

ప్రముఖ కవి, పాటల రచయిత కందికొండ యాదగిరి కుటుంబానికి రాష్ట్ర ప్రభుత్వ సాయం ఉంటుందని సినిమాటోగ్రాఫి మంత్రి తలసాని శ్రీనివాస్‌ అన్నారు. కొన్నేళ్లుగా క్యాన్సర్‌తో పోరాడుతున్న కందికొండ శనివారం(మార్చి 12) మధ్యాహ్నం హైదరాబాద్‌లోని స్వగృహంలో తుదిశ్వాస విడిచిన సంగతి తెలిసిందే. అభిమానుల సందర్శనార్థం ఆయన భౌతికకాయాన్ని ఫిలించాంబర్‌లో ఉంచారు. తాజాగా ఆయన భౌతికకాయాన్ని మంత్రి తలసాని సందర్శించి నివాళులు అర్పించారు. అనంతరం ఆయన మీడియాతో మాట్లాడుతూ.. కందికొండ అనారోగ్యం బారిన పడినప్పటి నుంచి తెలంగాణ ప్రభుత్వం సాయం అందిస్తూనే ఉందన్నారు. చదవండి: హైకోర్టులో హీరో విశాల్‌కు చుక్కెదురు, రూ. 15 కోట్ల డిపాజిట్‌కు ఆదేశం మంత్రి కేటీఆర్‌ ఆయన ఆసుపత్రి ఖర్చుల విషయంలో చొరవ చూపించారన్నారు. కానీ అనుకొని పరిస్థితుల్లో ఆయన మృతి చెందడం బాధాకరం అన్నారు. కందికొండ మరణం తెలంగాణ సమాజానికి తీరనిలోటు అని మంత్రి వ్యాఖ్యానించారు. అయితే గతంలో ఆయన, తన కుటుంబం ఓసారి మంత్రి కేటీఆర్‌ను కలిసి తన కళ, ఆశయంతో పాటు ఉండటానికి నీడ కావాలని కోరారు. ఇక ఈ విషయంలో ముఖ్యమంత్రి కేసీఆర్‌, మంత్రి కేటీఆర్ చోరవ తీసుకుని వారికి ఇల్లు ఇప్పిస్తామని హామీ ఇచ్చారని ఆయన చెప్పారు. చెప్పినట్టుగానే కందికొండ కుటుంబానికి తెలంగాణ ప్రభుత్వం సాయం చేస్తుందని, ఈ విషయంలో ఆయన అభిమానులు అధైర్య పాడాల్సిన అవసరం లేదని మంత్రి తలసాని పేర్కొన్నారు.  చదవండి: ‘కందికొండ ఫ్యామిలీకి డబుల్‌ బెడ్రూమ్‌ ఇవ్వడానికి సిద్దం’

ముషీరాబాద్‌: నాలాల సమగ్ర అభివృద్ధి కార్యక్రమం (ఎస్‌ఎన్‌డీపీ)తో వరద ముంపు నుంచి శాశ్వత పరిష్కారం లభిస్తుందని రాష్ట్ర పశు సంవర్థక, మత్స్య, పాడి పరిశ్రమల అభివృద్ధి, సినిమాటోగ్రఫీ శాఖల మంత్రి తలసాని శ్రీనివాస్‌యాదవ్‌ తెలిపారు. శుక్రవారం ముషీరాబాద్‌ నియోజకవర్గ పరిధిలోని వీఎస్‌టీ రోడ్డులోని నాగమయ్యకుంట వద్ద, నల్లకుంట కూరగాయల మార్కెట్‌ రోడ్డులో హెరిటేజ్‌ బిల్డింగ్‌ వద్ద రూ.12 కోట్ల వ్యయంతో బ్రిడ్జిల నిర్మాణ పనులను ప్రారంభించారు. ఎస్‌ఎన్‌డీపీ కార్యక్రమంలో భాగంగా రెండు బ్రిడ్జిల నిర్మాణ పనులను హోంమంత్రి మహమూద్‌ అలీ, ఎమ్మెల్యే ముఠా గోపాల్, డిప్యూటీ మేయర్‌ మోతె శ్రీలత, కార్పొరేటర్‌ సి.సునిత ప్రకాష్‌గౌడ్‌లతో కలిసి మంత్రి తలసాని పనులను ప్రారంభించారు. ఈ సందర్భంగా ఆయన మాట్లాడుతూ.. ప్రతిఏటా వర్షాకాలంలో నాగమయ్యకుంట, సాయిచరణ్‌ కాలనీ, పద్మాకాలనీ, అచ్చయ్యనగర్‌ తదితర కాలనీలు ముంపునకు గురై ప్రజలు ఇబ్బందులకు గురవుతున్నారని చెప్పారు. సమస్యకు ప్రధాన కారణమైన ఇరుకు బ్రిడ్జిలను తొలగించి ఆ స్థానంలో విశాలమైన బ్రిడ్జిలు నిరి్మస్తున్నట్లు తెలిపారు. పనులు పూర్తయితే ఈ ప్రాంతంలో నివసిస్తున్న సుమారు 8వేల కుటుంబాలకు ఉపశమనం లభిస్తుందన్నారు. సమస్యను శాశ్వతంగా పరిష్కరించే లక్ష్యంతో రూ.6వేల 700 కోట్లతో జీహెచ్‌ఎంసీ పరిధిలో నాలాల అభివృద్ధికి మంత్రి కేటీఆర్‌ ఆధ్వర్యంలో శ్రీకారం చుట్టినట్లు తెలిపారు.   స్టీల్‌ బ్రిడ్జితో ట్రాఫిక్‌ సమస్యకు పరిష్కారం..  హుస్సేన్‌సాగర్‌ నుంచి అంబర్‌పేట మీదుగా మూసీ వరకు ఉన్న హుస్సేన్‌సాగర్‌ నాలాకు 2020లో కురిసిన భారీ వర్షాలకు పెద్ద ఎత్తున వరద రావడంతో అనేక ఇళ్లు ధ్వంసమయ్యాయని మంత్రి తలసాని వెల్లడించారు. దీనిని దృష్టిలో పెట్టుకొని నాలాకు ఇరువైపులా రిటైనింగ్‌ వాల్‌ నిరి్మంచడానికి పూనుకున్నట్లు తెలిపారు. ఇందిరాపార్కు నుంచి ఆర్టీసీ క్రాస్‌రోడ్స్‌ మీదుగా వీఎస్‌టీ వరకు రూ.426 కోట్లతో చేపట్టిన స్టీల్‌ బ్రిడ్జి నిర్మాణంతో ట్రాఫిక్‌ సమస్య పరిష్కారం అవుతుందన్నారు. కార్యక్రమంలో జీహెచ్‌ఎంసీ సీఈ కిషన్, జోనల్‌ కమిషనర్‌ శ్రీనివాస్, డీఎంసీ హరికృష్ణ, వాటర్‌ వర్క్స్‌ జీఎం సుబ్బారాయుడు, టీఆర్‌ఎస్‌ నాయకులు ఎమ్మెన్‌ శ్రీనివాస్‌రావు, ముఠా జైసింహా, మాజీ కార్పొరేటర్‌ బి.హేమలత, బి.శ్రీనివాస్‌రెడ్డి, కె.మాధవ్‌ తదితరులు పాల్గొన్నారు. బ్రిడ్జి పనులను ప్రారంభిస్తున్న మంత్రులు తలసాని, మహమూద్‌ అలీ, ఎమ్మెల్యే ముఠా గోపాల్, డిప్యూటీ మేయర్‌ శ్రీలత, కార్పొరేటర్‌ సునీత తదితరులు   

సాక్షి, హైదరాబాద్‌:  సికింద్రాబాద్‌ గాంధీ ఆస్పత్రిలో బుధవారం అగ్ని ప్రమాదం సంభవించింది. సెల్లార్‌లోని విద్యుత్‌ ప్యానల్‌ బోర్డులో షార్ట్‌సర్క్యూట్‌ కావడంతో కేబుళ్లకు మంటలు అంటుకుని క్షణాల్లో అయిదో అంతస్తుకు వరకూ విస్తరించాయి. దట్టమైన పొగతో మంటలు చెలరేగడంతో ఆయా వార్డుల్లో చికిత్స పొందుతున్న రోగులతోపాటు వైద్యులు, సిబ్బంది తీవ్ర భయాందోళనతో హాహాకారాలు చేస్తూ బయటకు పరుగులు తీశారు. అప్రమత్తమైన  సెక్యూరిటీ సిబ్బంది, అధికారులతో పాటు ఆస్పత్రి ప్రాంగణంలోని ఫైర్‌ స్టేషన్‌కు సమాచారం అందించారు. ఘటన స్థలానికి చేరుకున్న అగ్నిమాపక సిబ్బంది, పోలీసులు, సెక్యూరిటీ గార్డులు మంటలను అదుపు చేశారు. ఎవరికీ ఎలాంటి ప్రాణాపాయం జరగలేదు.  బయటపడి.. ఊపిరి పీల్చుకుని..  ► బుధవారం ఉదయం 7.30 గంటల సమయం. ఆస్పత్రి సెల్లార్‌లోని ఎలక్ట్రికల్‌ విభాగంలోని విద్యుత్‌ ప్యానల్‌బోర్డులో నిప్పురవ్వలు ఎగిసిపడ్డాయి. ప్రతి అంతస్తుకు అనుసంధానం చేసిన విద్యుత్‌ తీగలు, కేబుళ్లకు మంటలు అంటుకుని నిలువుగా అయిదో అంతస్తు వరకు వ్యాపించాయి. విద్యుత్‌ సరఫరా నిలిపివేయడంతో చిమ్మచీకట్లు అలముకున్నాయి.   ► దట్టమైన పొగలను గమనించిన రోగులు, సిబ్బంది భయాందోళనతో మెట్లు, ర్యాంపు మార్గాల ద్వారా బయటకు పరుగులు తీశారు. ఈ క్రమంలో కొంతమంది రోగులు కిందపడి స్వల్ప గాయాల పాలయ్యారు. గ్రౌండ్‌ఫ్లోర్, మొదటి అంతస్తులోని గైనకాలజీ, చిన్నపిల్లల (పీడియాట్రిక్‌) వార్డుల్లో చికిత్స పొందుతున్న గర్భిణులు, బాలింతలు, పీఐసీయూ, ఎన్‌ఐసీయూల్లోని శిశువులను తీసుకుని వార్డుల నుంచి బయటపడి ఊపిరి పీల్చుకున్నారు.  ► అగ్నిమాపక, పోలీస్, సెక్యూరిటీ సిబ్బంది సుమారు 40 నిమిషాల పాటు తీవ్రంగా శ్రమించి మంటలను అదుపు చేశారు. డీఎంఈ రమేష్‌రెడ్డి గాంధీ ఆస్పత్రిని సందర్శించి ప్రమాదంపై ఆరా తీశారు. చేపట్టాల్సిన చర్యలపై  సూపరింటెండెంట్‌ రాజారావు, వైద్యులతో కలిసి సమీక్షించారు. విద్యుత్‌ అంతరాయంతో వైద్యసేవల్లో జాప్యం ఏర్పడింది. పలు శస్త్రచికిత్సలను వాయిదా వేశారు.   పురాతన కేబుళ్లతో ప్రమాదాలు..   గాంధీఆస్పత్రి నిర్మాణ సమయంలో ఏర్పాటు చేసిన విద్యుత్‌ కేబుళ్ల వ్యవస్థ శిధిలావస్థకు చేరుకోవడంతో తరచూ షార్ట్‌సర్క్యూట్‌తో అగ్ని ప్రమాదాలు సంభవిస్తున్నాయని నిపుణులు అభిప్రాయపడ్డారు. వైర్లు, కేబుళ్లను ఎలుకలు, పందికొక్కులు కొరికివేయడంతో విద్యుత్‌ వ్యవస్థ ఛిన్నాభిన్నమైంది. అగ్నిప్రమాదాల కారణంగా లక్షలాది రూపాయల విలువైన వైద్యపరికరాలు దగ్ధమవు తున్నా ఆస్పత్రి పాలనా యంత్రాంగం సరైన రీతిలో స్పందించడంలేదనే విమర్శలు వినిపిస్తున్నాయి.  అక్కరకురాని అగ్నిమాపక పరికరాలు..   గాంధీఆస్పత్రిలో ఫైర్‌ ఫైటింగ్‌ సిస్టం పూర్తిగా నిరుపయోగంగా మారింది. ఆస్పత్రి ప్రారంభినప్పుడు ఏర్పాటు చేసిన పరికరాలు తుప్పుపట్టి మూలనపడ్డాయి. ఫైర్‌ ఎంగ్విస్టర్లు పనిచేయడంలేదు. నూతన ఫైర్‌ సిస్టం ఏర్పాటు చేసేందుకు రూపొందించిన ప్రతిపాదనలు బుట్టదాఖలయ్యాయి. ఆస్పత్రి పాలనా యంత్రాంగం పలుమార్లు ఈ విషయమై వైద్య ఉన్నతాధికారులు, ప్రభుత్వానికి లేఖలు రాసినా ఫలితం లేకపోవడం గమనార్హం.  ఘటనపై మంత్రి తలసాని ఆరా  గాంధీఆస్పత్రిలో అగ్ని ప్రమాద ఘటనపై మంత్రి తలసాని శ్రీనివాస్‌ యాదవ్‌ ఆరా తీశారు. హుజూరాబాద్‌ ఎన్నికల ప్రచారంలో ఉన్న ఆయన ప్రమాద సమాచారం తెలిసిన వెంటనే గాంధీ సూపరింటెండెంట్‌ రాజారావుకు ఫోన్‌ చేసి వివరాలు అడిగి తెలుసుకున్నారు. నగరానికి చేరుకున్న వెంటనే గాంధీఆస్పత్రిని సందర్శిస్తానన్నారు.   వైద్యసేవలు యథాతథం..    నార్త్‌బ్లాక్‌లోని ఆయా విభాగాల్లో చికిత్స పొందుతున్న రోగులను సౌత్‌ బ్లాక్‌కు తరలించి వైద్యసేవలు అందిస్తున్నాం. అగ్ని ప్రమాదాన్ని గుర్తించి 20 నిమిషాల్లో మంటలను అదుపు చేయించాం. వైద్య సేవలు యథావిధిగా కొనసాగుతాయి.   – రాజారావు, గాంధీ ఆస్పత్రి సూపరింటెండెంట్‌   అంధకారంలోనే పరిపాలనా విభాగం, వార్డులు..  ► అగ్ని ప్రమాదంతో గాంధీ ఆస్పత్రిలో చిమ్మచీకట్లు అలముకున్నాయి. సుమారు గంటన్నర సమయం తర్వాత కొన్ని బ్లాకుల్లో విద్యుత్‌ సరఫరాను పునరుద్ధరించారు. నార్త్‌బ్లాక్‌ మొత్తం చీకట్లోనే ఉంది.  విద్యుత్‌ అంతరాయంతో నార్త్‌బ్లాక్‌లోని ప్లాస్టిక్‌ సర్జరీ, ఆర్థోపెడిక్, ఈఎన్‌టీ ఆపరేషన్‌ థియేటర్లు మూతపడ్డాయి.  ► సూపరింటెండెంట్‌ పేషీ, ఆరోగ్యశ్రీ, మెడికల్‌ రికార్డు సెక్షన్, ఆర్‌ఎంఓ, నర్సింగ్‌ సూపరింటెండెంట్, శానిటేషన్, ఎస్టాబ్లిష్‌మెంట్, పరిపాలన, బయోమెట్రిక్‌ విభాగాల పనుల్లో తీవ్ర జాప్యం ఏర్పడనుంది.  

 తుక్కుగూడ: పాడి పరిశ్రమ అభివృద్ధికి రాష్ట్ర ప్రభుత్వం పెద్దపీట వేస్తోందని పశుసంవర్థక శాఖ మంత్రి తలసాని శ్రీనివాస్‌యాదవ్‌ చెప్పారు. కులవృత్తులకు చేయూత ఇచ్చి గ్రామీణ ఆర్థిక వ్యవస్థను బలోపేతం చేస్తోందన్నారు. శుక్రవారం రంగారెడ్డి జిల్లా తుక్కుగూడ మున్సిపాలిటీ పరిధిలోని రావిర్యాలలో తెలంగాణ పాడిపరిశ్రమాభివృద్ధి సహకార సమాఖ్య ఆధ్వర్యంలో నిర్మించ తలపెట్టిన విజయ తెలంగాణ మెగా డెయిరీ నిర్మాణ పనులకు మంత్రి సబితారెడ్డితో కలసి ఆయన శంకుస్థాపన చేశారు. 32 ఎకరాల విస్తీర్ణంలో రూ.246 కోట్ల వ్యయంతో మెగా డెయిరీని ఏర్పాటు చేస్తున్నామని తలసాని చెప్పారు. దీన్ని రెండేళ్లలో పూర్తి చేస్తామన్నారు. గతంలో ఈ డెయిరీ ద్వారా రోజూ లక్ష లీటర్ల పాలను మాత్రమే సేకరించేవారని, ప్రస్తుతం 4 లక్షల లీటర్లకు పెరిగిందని చెప్పారు. మెగా డెయిరీ పూర్తయితే రోజుకు 8 లక్షల లీటర్ల పాలు సేకరించాలని లక్ష్యంగా పెట్టుకున్నట్లు తెలిపారు. విజయ డెయిరీకి 2014లో రూ.300 కోట్ల ఆదాయం ఉండగా.. ఇప్పుడు రూ.750 కోట్లకు పెరిగిందన్నారు. విజయ డెయిరీ దేశంలో మొదటి స్థానంలో ఉందని చెప్పారు.  15 రోజుల్లో బీమా పరిహారం చెల్లిస్తాం  పాడి రైతుల సంక్షేమం కోసం సీఎం కేసీఆర్‌ ప్రతి లీటర్‌పై రూ.4 బోనస్‌ ప్రకటించారని తలసాని గుర్తు చేశారు. బోనస్‌రాని రైతులకు తమ శాఖ ఆధ్వర్యంలో త్వరలో చెల్లిస్తామన్నారు. మంత్రి సబితారెడ్డి సూచన మేరకు రంగారెడ్డి జిల్లాను పైలెట్‌ ప్రాజెక్టు కింద చేపట్టి రైతులకు సబ్సిడీపై పశువులను పంపిణీ చేస్తామని వెల్లడించారు. బీమా ఉండి మరణించిన పశువులు, గేదెలకు 15 రోజుల్లో పరిహారం ఇస్తామని హామీ ఇచ్చారు. ‘విజయ డెయిరీ కేవలం పాల ఉత్పత్తులే కాకుండా నెయ్యి, పెరుగు, బటర్‌ మిల్క్, లస్సీ, ఫ్లేవర్డ్‌ మిల్క్‌ ఇలా 28 రకాలను ఉత్పత్తి చేస్తోంది. ఇవి తెలంగాణలోనే కాకుండా ఏపీ, ఢిల్లీ, ముంబైలో కూడా అందుబాటులో ఉన్నాయి. ఏడాది పొడవునా రైతుల నుంచి పాలను సేకరిస్తాం. రాష్ట్రవ్యాప్తంగా 200 అవుట్‌లెట్లు, 600 పార్లర్లు ఉన్నాయి. రాష్ట్రంలో 2 లక్షల 13 వేల మంది రైతులు సహకార సంఘంలో సభ్యులుగా ఉన్నారు. గొల్లకుర్మలు ఆర్థికంగా అభివృద్ధి చెందాలనే లక్ష్యంతో రూ.11 వేల కోట్లతో గొర్రెలను పంపిణీ చేశాం’అని తలసాని చెప్పారు. మంత్రి సబితారెడ్డి మాట్లాడుతూ.. రావిర్యాలలో మెగా డెయిరీని ఏర్పాటు చేయడం అభినందనీయమన్నారు. దీని ద్వారా స్థానికులకు ఉపాధి లభిస్తుం దని చెప్పారు. ప్రైవేట్‌ రంగానికి దీటుగా విజయ డెయిరీ పని చేస్తుందన్నారు. ఈ కార్యక్రమంలో పాడి పరిశ్రమాభివృద్ధి సహకార సమాఖ్య చైర్మన్‌ లోక భూమారెడ్డి  తదితరులు పాల్గొన్నారు.   

హైదరాబాద్‌: భాగ్యనగరంలో గణేష్‌ ఉత్సవాల నిర్వాహణపై ఉత్సవ కమిటీ ఆధ్వర్యంలో శనివారం సమావేశం నిర్వహించారు. ఈ సమావేశంలో గణేష్‌ ఉత్సవ కమిటీ సభ్యులతోపాటు.. మంత్రి తలసాని శ్రీనివాస్‌ యాదవ్‌, మంత్రి ఇంద్రకరణ్‌ రెడ్డి, ప్రభుత్వ విప్‌ ప్రభాకర్‌, డీజీపీ మహేందర్‌ రెడ్డి, మంత్రి మల్లారెడ్డి తదితరులు పాల్గొన్నారు. ఈ సందర్భంగా.. మంత్రి తలసాని శ్రీనివాస్‌ యాదవ్‌ మాట్లాడుతూ గడిచిన రెండేళ్ల నుంచి కరోనా వలన గణేష్‌ ఉత్సవాలకు తీవ్ర ఇబ్బంది కలిగిందని అన్నారు. అయితే, ఈసారి దేవుని ఆశీస్సులతో బోనాల పండుగను ఘనంగా జరుపుకున్నాం... గణేష్‌ ఉత్సవాలను కూడా ఇలానే జాగ్రత్తగా నిర్వహించుకోవాలని తెలిపారు. వినాయక నిమజ్జన కోసం.. ప్రత్యేకంగా క్రేన్స్‌లను ఏర్పాటు చేస్తున్నామని అన్నారు. ఈసారి ట్యాంక్‌ బండ్‌ నిండుకుండలాగా ఉందని అన్నారు. కాగా, విగ్రహల ఎత్తు గురించి ప్రభుత్వం ఎప్పుడూ నిబంధనలు పెట్టలేదని అన్నారు. మూడు కమిషనరేట్‌ పరిధిలోని పోలీస్‌ వారు గణేష్‌ విగ్రహల ఏర్పాటుకి అనుమతి ఇస్తారని అన్నారు.  చదవండి: Hyderabad: రెండు కేజీ బంగారు నగల బ్యాగు మిస్సింగ్‌

సాక్షి, హైదరాబాద్‌: రాష్ట్రంలో సినిమా థియేటర్లు త్వరలోనే తెరుచుకునే అవకాశం కనిపిస్తోంది. టాకీస్‌లను తెరవాలన్న దిశగా సినిమా ఎగ్జిబిటర్లు అభిప్రాయం వ్యక్తం చేస్తున్నారు. అయితే ఏడాది నుంచి థియేటర్లు మూసి ఉంచిన నేపథ్యంలో ఆర్థికంగా దెబ్బతిన్నామని, ఆదుకోవాలని ప్రభుత్వానికి విజ్ఞప్తి చేస్తున్నారు. ఈ మేరకు తెలంగాణ ఫిలిం చాంబర్, సినీ ఎగ్జిబిటర్స్‌ అసోసియేషన్‌ ప్రతినిధులు సునీల్‌ నారంగ్, అనుపమ్‌రెడ్డి, అభిషేక్‌ నామా, సదానంద్‌గౌడ్, బాలగోవింద్, రాజ్‌తాడ్ల తదితరులు శనివారం మంత్రి తలసాని శ్రీనివాస్‌యాదవ్‌ను కలిసి వినతిపత్రాన్ని అందజేశారు. థియేటర్లు మూసి ఉంచిన కాలానికి సంబంధించి ఆస్తిపన్ను మినహాయింపు ఇవ్వాలని, సింగిల్‌ స్క్రీన్‌ థియేటర్లలో వాహనాల పార్కింగ్‌ చార్జి వసూలు చేసుకునే వెసులుబాటు కల్పించాలని, ఎస్‌జీఎస్టీని రద్దు చేయాలని, షూటింగ్‌ అనుమతుల చార్జీలను తగ్గించాలని కోరారు. దీనిపై స్పందించిన తలసాని.. ఈ విషయాన్ని సీఎం కేసీఆర్‌ దృష్టికి తీసుకెళ్లి పరిష్కారిస్తానని హామీ ఇచ్చారు. అయితే ఆదివారం నుంచి సినిమా థియేటర్లను తెరవచ్చని ఫిలిం చాంబర్‌ తీర్మానించిందంటూ వార్తలు వచ్చాయి. కానీ థియేటర్లు తెరవడంపై ఇంకా నిర్ణయం తీసుకోలేదని, అంతా ఏకాభిప్రాయానికి వచ్చాక అధికారికంగా ప్రకటిస్తామని ఎగ్జిబిటర్స్‌ అసోసియేషన్, ఫిలిం చాంబర్‌ నేతలు ప్రకటించారు. త్వరలోనే తెరిచే అవకాశం ఉందని వెల్లడించారు.

సాక్షి, హైదరాబాద్‌: రాష్ట్రమంతా మంత్రి ఈటల రాజేందర్‌ వ్యవహారంపై చర్చ నడుస్తోంది. తాజాగా ఈటల మంత్రిత్వ శాఖను ప్రభుత్వం లాగేసుకోంది. దీనిపై విస్తృత చర్చ నడుస్తున్న సమయంలో మంత్రి తలసాని శ్రీనివాస్‌ యాదవ్‌, టీఆర్‌ఎస్‌ ఎమ్మెల్యే బాల్క సుమన్‌ శనివారం సాయంత్రం విలేకరుల సమావేశం నిర్వహించారు. అయితే ఈ సమావేశంలో ఈటల వ్యవహారంపై స్పందించేందుకు నిరాకరించారు. ఈటల పేరు ఎత్తకుండానే సమావేశం ముగించారు. బీజేపీ రాష్ట్ర అధ్యక్షుడు బండి సంజయ్ కుమార్‌ ఏవో వ్యాఖ్యలు చేశారని వాటికి కౌంటర్‌ ఇచ్చేందుకు సమావేశం నిర్వహించారు. ఈ సందర్భంగా సమావేశంలో మంత్రి తలసాని చేసిన వ్యాఖ్యలు.. ‘బండి సంజయ్‌ అసభ్య పదజాలంతో మాట్లాడుతున్నారు. కొన్నింటికి హద్దూఅదుపులు ఉంటాయి. కరోనా కట్టడి విషయంలో కేంద్రం ఏం చేస్తుందో బండి సంజయ్ చెప్పాలి. కేంద్రం చేస్తున్న పనులను ప్రపంచ మీడియా ఏం చేస్తుందో సంజయ్ చూడాలి. బండి సంజయ్ చిల్లరగా, చీప్‌గా మాట్లాడటం ఎందుకు..? గతేడాది ప్రధాని చెప్పిన పనులు అన్ని చేశాం. బండి సంజయ్ బాధ్యతగా మాట్లాడాలి. పిచ్చిపిచ్చిగా మాట్లాడొద్దు సంజయ్. ఈటల విషయం సీఎం పరిధిలో ఉంది’. అనంతరం ఎమ్మెల్యే బాల్క సుమన్ మాట్లాడుతూ.. సీఎం కేసీఆర్‌పై బండి సంజయ్ వ్యాఖ్యలను తీవ్రంగా ఖండిస్తున్నమని తెలిపారు. మీడియా వ్యక్తులపైన కూడా విరుచుకుపడ్డారని చెప్పారు. ఏది పడితే అది మాట్లాడటం సంజయ్‌కి తగదని హితవు పలికారు. కోవిడ్‌పైన రోజు సీఎం సమీక్ష చేస్తుంన్నాడని తెలిపారు. బండి సంజయ్‌ది నోరా? మోరా? అని ఆగ్రహం వ్యక్తం చేశారు. రోజూ సీఎం కేసీఆర్‌ సీఎస్‌తో మాట్లాడుతున్నారని పేర్కొన్నారు. బట్టేబజ్ మాటలు మాట్లాడొద్దని సూచించారు. ఎమ్మెల్సీ ఎన్నికల్లో బండి సంజయ్‌కి కర్రు కాల్చి వాత పెట్టారని చెప్పారు. వాక్సిన్, రిమిడిసివర్ ఇంజెక్షన్‌లపై కేంద్రంపై మాట్లాడవెందుకు అని సంజయ్‌ని ప్రశ్నించారు. కరోనా విషయంలో ప్రజల్లో తిరుగుతుంది మా టీఆర్ఎస్ నేతలు అని.. మీరు తిరుగుతున్నారా? అని ప్రశ్నించారు. ఈ విధంగా విలేకరుల సమావేశం మమ అని ముగించారు. ఈ సమావేశంలో మంత్రి మల్లారెడ్డి పాల్గొన్నా ఏం మాట్లాడకుండా కూర్చుండిపోయారు. విలేకరులు ఈటల విషయమై ప్రశ్నలు వేస్తుండగా అది తర్వాత వ్యవహారం అని చెబుతూ వెళ్లిపోయారు. చదవండి: ఆక్సిజన్‌ అందక కర్నూలులో ఐదుగురు మృతి చదవండి: కరోనాను మరిపించేందుకే ఈటల భూకబ్జా డ్రామాలు

సాక్షి, హైదరాబాద్‌: దళిత నిరుద్యోగ యువతకు మినీ డెయిరీల ద్వారా ఉపాధి కల్పించాలని ఎస్సీ కార్పొరేషన్‌ కసరత్తు చేస్తోంది. హైదరాబాద్‌ మహానగరంలో పాల ఉత్పత్తులకు డిమాండ్‌ అధికంగా ఉండడం.. డిమాండ్‌కు తగిన విధంగా పాల దిగుబడి లేకపోవడంతో పాడిపరిశ్రమకు మంచి భవిష్యత్‌ ఉంటుందని ఎస్సీ కార్పొరేషన్‌ అంచనా వేస్తోంది. ఇందుకు సంబంధించి పశుసంవర్థక శాఖ అధికారులతో సమాలోచనలు చేసిన ఎస్సీ కార్పొరేషన్‌.. ఔత్సాహికులతో మినీ డెయిరీలు ఏర్పాటు చేయించాలని భావిస్తోంది. వాస్తవానికి గత ఏడాదే ఈ అంశంపై దృష్టిసారించిన ఎస్సీ కార్పొరేషన్, కరోనా నేపథ్యంలో ఆ ప్రయత్నాలను వాయిదా వే సింది. తాజాగా పరిస్థితులు సద్దుమణుగుతుండ డంతో మళ్లీ మినీ డెయిరీల ఏర్పాటుపై దృష్టి సారించింది. 2021–22 ఆర్థిక సంవత్సరం బడ్జెట్‌లో ప్రభుత్వం ఇందుకు సంబంధించి ప్రతిపాదనలు పొందుపరిచే అవకాశం ఉందని చెబుతున్నారు.  గరిష్టంగా రూ.4 లక్షలతో..  హైదరాబాద్‌కు సమీపంలో ఉన్న రెండు, మూడు జిల్లాల్లో ఈ ప్రాజెక్టును తొలుత ప్రయోగాత్మకంగా ప్రారంభించాలని ఎస్సీ కార్పొరేషన్‌ యోచిస్తోంది.  జిల్లాకు సగటున 100 యూనిట్లు మంజూరు చేయా లని భావిస్తోంది. ఒక్కో యూనిట్‌ను రూ.3 లక్షల నుంచి రూ.4 లక్షల మధ్య బ్యాంకు అనుసంధానంతో రుణం ఇచ్చి ఇందులో 60 శాతం వరకు రాయితీ ఇవ్వనుంది. ప్రతి డెయిరీ యూనిట్‌కు 3 గేదెలు పంపిణీ చేస్తారు. అదేవిధంగా గేదెలకు షెల్టర్‌ కోసం ప్రత్యేక షెడ్‌ ఏర్పాటు, ఇతర మౌలిక వసతుల కల్పనకు ప్రాజెక్టు యూనిట్‌ కాస్ట్‌లో కొంత మొత్తాన్ని కేటాయిస్తారు. దీంతోపాటు ఆరునెలలకు సరిపడా పశుగ్రాసం కోసం అవసరమైన నిధులకు కూడా ప్రత్యేక మొత్తాన్ని నిర్దేశిస్తారు. వీటన్నింటిని పరిగణనలోకి తీసుకుంటున్న అధికారులు.. యూనిట్‌ విలువ కనీసం రూ.3 లక్షల నుంచి రూ.4 లక్షల వరకు ఉండేలా అంచనాలు రూపొందిస్తున్నారు. ఈ మేరకు ప్రభుత్వానికి ప్రతిపాదనలు పంపించనున్నారు.  త్వరలోనే సబ్సిడీ పాడిగేదెల పంపిణీ పాడిపరిశ్రమ రంగాన్ని అభివృద్ధి చేయాలనే లక్ష్యంతో సీఎం కేసీఆర్‌ ఆదేశాల మేరకు లబ్ధిదారులకు త్వరలోనే సబ్సిడీపై పాడిగేదెలను అందించనున్నట్లు రాష్ట్ర పశుసంవర్థక శాఖ మంత్రి తలసాని శ్రీనివాస్‌ యాదవ్‌ తెలి పారు. గురువారం మంత్రి కార్యాలయంలో విజయ డెయిరీ చైర్మన్‌ లోక భూమారెడ్డి అధ్యక్షతన బోర్డు సమావేశం జరిగింది. మంత్రి మాట్లాడుతూ సబ్సిడీ పాడిగేదెల కోసం 3,834 మంది లబ్ధిదారులు డీడీలు చెల్లించారని, గేదెల పంపిణీకి సంబం ధించి విజయ డెయిరీ సంస్థ నోడల్‌ ఏజెన్సీగా ఉం టుందని వెల్లడించారు. కాగా, గతంలో లబ్ధిదారులకు పంపిణీ చేసిన పాడిగేదెల్లో 2,691 గేదెలు చనిపోయాయని, వాటికి సంబంధించి పరిహారం కింద కొత్తగా పాడి గేదెలను కొనుగోలు చేసి వెంటనే పంపిణీ ప్రక్రియ చేపట్టాలని మంత్రి అధికారులను ఆదేశించారు. ఇక నుంచి లీటర్‌ పాలకు ప్రభుత్వం రూ.3, ఆయా డెయిరీ సంస్థలు రూ.1 చొప్పున కలిపి రైతులకు ప్రోత్సాహకం కింద చెల్లిస్తామ న్నారు. ఇందులో భాగంగా కరీంనగర్, మదర్‌ డెయిరీ, ముల్కనూర్‌ డెయిరీలకు పాలుపోసే రైతులకు చెల్లించాల్సిన ప్రోత్సాహకం బకాయిలలో రూ.8 కోట్లు విడుదల చేస్తున్నట్లు తెలిపారు.   విజయ ఐస్‌క్రీంల విక్రయాలకు సైకిల్‌ రిక్షాలు..   విజయ ఐస్‌క్రీంల విక్రయాల కోసం ప్రత్యేక పుష్‌ కార్ట్‌ (సైకిల్‌ రిక్షా)లను వినియోగంలోకి తీసుకురావాలని మంత్రి తలసాని అధికారులను ఆదేశించారు. ముందుగా 250 పుష్‌కార్ట్‌ల ద్వారా ఐస్‌ క్రీంల విక్రయాలు ప్రారంభించాలన్నారు. హైదరాబాద్‌లోని ట్యాంక్‌ బండ్, నెక్లెస్‌ రోడ్, కాసు బ్రహ్మానందరెడ్డి పార్క్, శిల్పారామం, గోల్కొండ కోట, దుర్గంచెరువు వంటి ప్రాంతాల్లో విక్రయాలు చేప ట్టాలన్నారు. విజయ డెయిరీ ఉత్పత్తుల విక్రయాల కోసం జీహెచ్‌ఎంసీ పరిధిలో అనువైన ప్రాంతాలను గుర్తించి నూతన ఔట్‌లెట్‌లను వీలైనంత త్వరగా ఏర్పాటు చేసి మార్చిలో వాటిని ప్రారంభించేలా చర్యలు తీసుకోవాలని మంత్రి తలసాని అధికారులను ఆదేశించారు. సమావేశంలో పశుసంవర్థక శాఖ కార్యదర్శి అనిత రాజేంద్ర, డెయిరీ ఎండీ శ్రీనివాసరావు, పశుసంవర్థక శాఖ డైరెక్టర్‌ లక్ష్మారెడ్డి, అదనపు డైరెక్టర్‌ రాంచందర్‌  పాల్గొన్నారు.   

సాక్షి, హైదరాబాద్‌: రాష్ట్రంలో మెగా డెయిరీ నిర్మాణానికి నమూనా సిద్ధం చేయాలని పశుసంవర్థక శాఖ మంత్రి తలసాని శ్రీనివాస్‌యాదవ్‌ అధికారులను ఆదేశించారు. రంగారెడ్డి జిల్లా మామిడి పల్లిలో మెగా డెయిరీ నిర్మాణం కోసం పశుసంవర్థక శాఖకు చెందిన 32 ఎకరాల భూమిని విజయ డైయిరీకి 99 ఏళ్లు లీజుకు ఇస్తూ మంత్రి తలసాని, పశుసంవర్థక శాఖ కార్యదర్శి అనితా రాజేంద్ర సమక్షంలో ఆ శాఖ డైరెక్టర్‌ లక్ష్మారెడ్డి, డెయిరీ ఎండీ శ్రీనివాస్‌రావులు ఒప్పంద పత్రాలపై సంతకాలు చేశారు. మంత్రి తలసాని మాట్లాడుతూ.. ఆధునిక టెక్నాలజీతో రూ.250 కోట్ల వ్యయంతో ఏర్పాటు చేసే మెగా డైయిరీ నుంచి మరిన్ని విజయ ఉత్పత్తులు ప్రారంభించాలని కోరారు. 

సాక్షి, హైదరాబాద్‌: అండర్‌ బ్రిడ్జ్‌తో ఫేతే నగర్‌ బ్రిడ్జ్‌పై రద్దీ తగ్గుతుందని మంత్రి కేటీఆర్‌ అన్నారు. బుధవారం కేటీఆర్‌ మాట్లాడుతూ, ‘137 కొత్త లింక్‌ రోడ్లు వేస్తున్నాం. ఆర్ యూ బీ వలన ఫేతే నగర్ బ్రిడ్జ్ పై రద్దీ తగ్గుతుంది. దీని వలన 6.5 కిలోమీటర్ల దూరం తగ్గుతుంది. ఈ ప్రాజెక్టును ఏడాదిలో పూర్తి చేస్తాం. రేపు రెండు లింక్‌ రోడ్లు ప్రారంభిస్తాం. సెప్టెంబర్‌ వరకు బాలా నగర్‌ ప్లై ఓవర్‌ పూర్తి అవుతుంది. రోడ్డు విస్తరణలో ఎక్కవ మొక్కలు నాటాలి. త్వరలోనే నగరంలో లక్ష డబుల్ బెడ్ రూం ఇళ్లు అందిస్తాం’ అని తెలిపారు. పద్మభూషణ్‌, జ్ఞానపీఠ్ అవార్డు గ్రహీత సి. నారయణ రెడ్డి 89 వ జయంతి సందర్భంగా బంజారాహిల్స్‌లో సి.నా.రె  సారస్వత సదనం ఆడిటోరియమ్‌కు కేటీఆర్‌ శంకుస్థాపన చేశారు. నారాయణ రెడ్డికి ఘన నివాళులు అర్పించారు. Laid foundation for the construction of Dr. C. Naa. Re Saraswatha Sadanam Auditorium at Banjara Hills along with Hon’ble MA & UD Minister Sri @KTRTRS Garu, MLA Danam Nagender Garu & Others. pic.twitter.com/Gc9kIdapIX — V Srinivas Goud (@VSrinivasGoud) July 29, 2020 ఇక మంత్రి తలసాని శ్రీనివాస్ యాదవ్ మాట్లాడుతూ, ‘సనత్ నగర్ ఏరియాలో వాటర్ రిజర్వాయర్, ఇండోర్ స్టేడియం, మహాప్రస్థానం ఇక ఇప్పుడు రైల్వే అండర్ బ్రిడ్జ్‌ను కేటీఆర్‌ మంజూరు చేశారు. గతంలో ఉన్న ఫతేనగర్ ఫ్లై ఓవర్ విస్తరణకు సహకరించారు.  30ఏళ్లలో ఇంత డైనమిక్ నేతను  చూడలేదు. నగరంలో అనేక పనుల అభివృద్ధిలో కేటీఆర్ కృషి ఉంది’ అని కొనియాడారు.   చదవండి: రాష్ట్రంలో ఎలక్ట్రిక్‌ చార్జింగ్‌ కేంద్రాలు

సాక్షి, హైదరాబాద్‌: కోవిడ్‌ మహమ్మారిని నియంత్రించేందుకు ఓ వైపు రాష్ట్ర ప్రభుత్వం ప్రయత్నిస్తుంటే విపక్షాలు మాత్రం ప్రతి అంశాన్ని రాజకీయం చేసే ప్రయత్నం చేస్తున్నాయని రాష్ట్ర మంత్రులు జగదీశ్‌రెడ్డి, తలసాని శ్రీనివాస్‌ యాదవ్‌ విమర్శించారు. రెండు తెలుగు రాష్ట్రాలకు ఇద్దరు గవర్నర్లు ఉండగా, హైదరాబాద్‌లో సెక్షన్‌ 8 విధించాలంటూ కాంగ్రెస్‌ నేతలు అజ్ఞానంతో మాట్లాడుతున్నారని ఎద్దేవా చేశారు. రాష్ట్ర రైతు సమన్వయ సమితి చైర్మన్‌ పల్లా రాజేశ్వర్‌రెడ్డి, ఎమ్మెల్యే గ్యాదరి కిషోర్‌కుమార్‌తో కలిసి మంగళవారం తెలంగాణ భవన్‌లో విలేకరుల సమావేశంలో మాట్లాడారు. కాంగ్రెస్, ఇతర పార్టీల వైఖరి ఇటీవలి కాలంలో మూర్ఖత్వానికి పరాకాష్టగా మారిందని, సీఎం కేసీఆర్‌ నాయకత్వంలో తెలంగాణ రాష్ట్రం దేశానికే రోల్‌ మోడల్‌గా తయారు కావడాన్ని జీర్ణించుకోలేకపోతున్నారని జగదీశ్‌రెడ్డి విమర్శించారు. కరోనాను కట్టడి చేయడంలో తెలంగాణ దేశానికే ఆదర్శం గా మారిందని, వలస కార్మికుల విషయంలో అత్యంత మానవీయతను చూపారన్నారు. గతంలో ప్రగతిభవన్‌ నిర్మిస్తే విమర్శించిన కాంగ్రెస్‌ నేతలు ఇప్పుడు సచివాలయం నిర్మాణంపై ఏడుస్తున్నారని, కరోనాకంటే కాంగ్రెస్‌ దరిద్రమైన పార్టీ అని జగదీశ్‌రెడ్డి అన్నారు. టీపీసీసీ అధ్యక్షుడిగా ఉత్తమ్‌కుమార్‌రెడ్డిని సొంత పార్టీ నేతలే వ్యతిరేకిస్తున్నారని మంత్రి చెప్పారు.  బీజేపీవి మత రాజకీయాలు..: కేసీఆర్‌ కుటుంబంపై అనుచిత వ్యాఖ్యలు చేస్తే సహించేది లేదని, కొత్త సచివాలయం కూల్చివేస్తామంటూ విపక్ష నేతలు చేసే హెచ్చరికలు చూస్తూ కూర్చోబోమని పశుసంవర్థక శాఖ మంత్రి తలసాని శ్రీనివాస్‌ యాదవ్‌ అన్నారు. ఢిల్లీలో కొత్త పార్లమెంటు భవనం నిర్మిస్తామని చెప్తున్న బీజేపీ రాష్ట్రంలో మాత్రం సచివాలయం విషయంలో దిక్కుమాలిన రాజకీయం చేస్తోందన్నారు. మత రాజకీయాలు తప్ప బీజేపీకి మరేమీ చేతకాదని, దేశానికే తలమానికంగా కొత్త సచివాలయం నిర్మిస్తామని తలసాని తెలిపారు. తమ పార్టీ మేనిఫెస్టోను మాత్రమే అమలు చేస్తున్నామని, సెక్షన్‌ 8 విషయంలో ప్రతిపక్షాలు అర్ధరహితంగా మాట్లాడుతున్నాయని రైతుబంధు సమితి చైర్మన్‌ పల్లా రాజేశ్వర్‌రెడ్డి అన్నారు. ప్రతిపక్షాలు ఎన్ని విమర్శలు చేసినా రాష్ట్రంలో వారు అధికారంలోకి రావడం అసాధ్యమని ఎంపీ పి.రాములు అన్నారు.  

సాక్షి, హైదరాబాద్‌: హైదరాబాద్‌ నగరంలో పేదలు కబ్జాచేసి ఇళ్లు నిర్మించుకున్న ప్రభుత్వ స్థలాలను ఇప్పటికే జీవో 58, 59 ద్వారా క్రమబద్ధీకరించామని, మరోసారి ఈ అవకాశాన్ని కల్పించాలని ప్రజాప్రతినిధుల నుంచి వస్తున్న విజ్ఞప్తులను ప్రభుత్వం దృష్టికి తీసుకెళ్తామని రాష్ట్ర మం త్రులు కేటీఆర్, తలసాని శ్రీనివాస్‌యాదవ్‌ హామీనిచ్చారు. హైదరాబాద్‌ నగరంలో ప్రభుత్వ భూముల రక్షణకు తీసుకోవాల్సిన చర్యలపై మంత్రులిద్దరూ శనివారం ఎంసీఆర్‌హెచ్‌ఆర్డీలో అధికా రులతో సమీక్ష నిర్వహించారు. ప్రభుత్వ భూములు అన్యాక్రాంతం కాకుండా కట్టుదిట్టమైన చర్యలు తీసుకోవాలని ఆదేశించారు. రెవెన్యూ, దేవా దాయ భూముల రక్షణపై ప్రత్యేక దృష్టి సారించాలని సూచించారు. ప్రభుత్వ భూములను కాపాడటానికి వాటికి జియో పెన్సింగ్, జీఐఎస్‌ మ్యాపింగ్‌ చేయాలన్నారు. ప్రభుత్వ భూములపైన ఉన్న వివాదాల పరిష్కారానికి కోర్టుల్లో బలమైన వాదనలు వినిపించాలని కేటీఆర్‌ సూచించారు. ప్రభుత్వ భూముల రక్షణకు రెవెన్యూ శాఖతో జీహెచ్‌ఎంసీ అధికారులు సమన్వయం చేసుకోవాలన్నారు. ప్రభుత్వ ఖాళీ స్థలాలను ప్రజాప్రయోజనాలకు ఉపయోగించుకునేందుకున్న అవకాశాలను పరిశీలించాలని కేటీఆర్‌ అధికారులను అదేశించారు. ముఖ్యంగా ప్రభుత్వ భూములు కబ్జా కాకుండా, వాటిలో అక్రమ నిర్మాణాలు ఏర్పడకుండా కఠిన చర్యలు తీసుకోవాలని, టౌన్‌ ప్లానింగ్‌ అధికారులు మరింత చొరవతో పనిచేయాలని సూచించారు. దశాబ్దాల కింద తీసుకున్న లీజులను సమీక్షించి, ప్రస్తుత పరిస్థితులకు అనుగుణంగా నియమ నిబంధనలు మార్చి ఆయా శాఖలకు మరింత ఆదాయం వచ్చేలా చూడాలన్నారు. సమావేశంలో పాల్గొన్న ఎల్బీనగర్, కుత్బుల్లాపూర్, శేరిలింగంపల్లి ఎమ్మెల్యేలు తమ నియోజకవర్గాల పరిధిలో ఉన్న పలు సమస్యలను ఈ సందర్భంగా మంత్రుల దృష్టికి తెచ్చారు. అర్హులైన పేదలకు జీవో నంబర్‌ 58, 59 ద్వారా ఇళ్ల స్థలాలను క్రమబద్ధీకరించేందుకు మరో అవకాశం కల్పించాలని, గంపగుత్తగా అందరికీ అవకాశం కల్పించకుండా అంశాలవారీగా సానుకూల దృష్టితో పరిశీలించాలని విజ్ఞప్తి చేశారు. ప్రభుత్వ ప్రధాన కార్యదర్శి సోమేష్‌ కూమార్, హైదరాబాద్, రంగారెడ్డి, మేడ్చల్‌ జిల్లాల కలెక్టర్లు, రెవెన్యూ, ఎండోమెంట్, జీహెచ్‌ఎంసీ, హెచ్‌ఎండీఏ ఉన్నతాధికారులు పాల్గొన్నారు.  

సాక్షి, హైదరాబాద్‌: రాష్ట్రంలో సినిమా షూటింగ్‌లకు అనుమతినిచ్చిన తెలంగాణ ముఖ్యమంత్రి కేసీఆర్‌కు చలనచిత్ర నిర్మాతల మండలి కృతజ్ఞతలు తెలిపింది. కరోనా మార్గదర్శకాలు, లాక్‌డౌన్‌ నిబంధనలు పాటిస్తూ రాష్ట్రంలో సినిమా, సీరియల్‌ షూటింగ్‌లు జరుపుకోవడానికి కేసీఆర్‌ గ్రీన్‌ సిగ్నల్‌ ఇచ్చిన విషయం తెలిసిందే. ఈ సందర్భంగా సీఎం కేసీఆర్‌కు, సినిమాటోగ్రఫీ మంత్రి తలసాని శ్రీనివాస్‌ యాదవ్‌కు ధన్యవాదాలు తెలుపుతూ నిర్మాతల మండలి మంగళవారం పత్రికా ప్రకటన విడుదల చేసింది. (లైట్స్‌.. కెమెరా.. యాక్షన్‌) ‘తెలుగు చలనచిత్ర పరిశ్రమ సమస్యలను పరిష్కరిస్తూ, అండగా నిలుస్తున్న సీఎం కేసీఆర్‌కు ప్రత్యేక కృతజ్ఞతలు. కేసీఆర్‌ సమర్థ నాయకత్వంలో తెలంగాణ మరింత అభివృద్ధి చెందుతుందని కచ్చితంగా నమ్ముతున్నాము.  సినిమా షూటింగ్‌లు, పోస్ట్‌ ప్రొడక్షన్‌ పనులు జరుపుకోవడానికి అనుమతి ఇచ్చిన తెలంగాణ సీఎం ప్రత్యేక కృతజ్ఞతలు. అదేవిధంగా సినిమా థియేటర్లు కూడా తెరుచుకునే విధంగా అనుమతులు ఇస్తారని ఆశిస్తున్నాం. (సీఎం జగన్‌తో సినీ పెద్దల భేటీ) టాలీవుడ్‌లో నెలకొన్న సమస్యలపై గతంలో ఇచ్చిన మెమోరండంపై చర్యలు తీసుకుంటామని సీఎం కేసీఆర్‌, మంత్రి తలసాని హామీ ఇచ్చినందుకు ధన్యవాదాలు. ఇది టాలీవుడ్‌ వేగంగా అభివృద్ది చెందడానికి దోహదపడుతుంది’ అంటూ నిర్మాత మండలి పేర్కొంది. అదేవిధంగా సినిమా పరిశ్రమ అభివృద్దికి సహకరిస్తున్న నిర్మాత, జూబ్లీహిల్స్‌ ఎమ్మెల్యే మాగంటి గోపీనాథ్‌, తెలంగాణ ఎఫ్‌డీసీ ఛైర్మన్‌ రామ్మోహన్‌లకు కూడా చలనచిత్ర నిర్మాత మండలి ప్రత్యేక కృతజ్ఞతలు తెలిపింది. 

సాక్షి, తెలంగాణ: రేవంత్‌రెడ్డి డ్రోన్ కేసుపై మంత్రి తలసాని శ్రీనివాస్ యాదవ్ స్పందించారు. రేవంత్‌ భూవివాదంపై చట్టప్రకారమే చర్యలు తీసుకన్నామని, వ్యక్తిగతంగా ఏమీ లేదని స్పష్టం చేశారు. శనివారం అసెంబ్లీ హాల్‌లో నిర్వహించిన చిట్‌‌చాట్‌లో మంత్రి మీడియాతో మాట్లాడుతూ కేటీఆర్ ఫామ్ హౌస్ నిర్మాణం చేయలేదని, ఎవరో కట్టుకున్న దానిని లీజుకు తీసుకుని ఉంటున్నారని వివరించారు. 111 జీవో తీసివేయాలనే డిమాండ్ ఉందని తెలిపారు. అయితే 111జీవోను పెంచి పోషించింది టీడీపీ- కాంగ్రెస్‌ పార్టీలే అని ఆయన విమర్శించారు. ఇక పద్మారావుకు పార్టీలో ప్రాధాన్యత తగ్గలేదన్నారు. ఆయన గతంలో కంటే చురుగ్గా పార్టీ వ్యవహారాల్లో పాల్గొంటున్నాడని మంత్రి తెలిపారు. జీహెచ్ఎంసీ ఎన్నికలపై మాట్లాడుతూ జీహెచ్ఎంసీలో జనాభాను బట్టి వార్డుల పెరిగే అవకాశం ఉందని ఈ సందర్భంగా మంత్రి తలసాని పేర్కొన్నారు.  చదవండి: ‘ఆయన స్పూర్తితోనే ‘అన్నపూర్ణ’ పథకం’

సాక్షి, హైదరాబాద్‌: ఐటీ, పంచాయతీరాజ్‌ శాఖ మంత్రి కల్వకుంట్ల తారక రామరావు(కేటీఆర్‌) ఆధ్వర్యంలో హైదరాబాద్‌ నగరం అనేక రంగాల్లో అభివృద్ధి చెందుతోందని మంత్రి తలసాని శ్రీనివాస్‌ యాదవ్‌ పేర్కొన్నారు. సోమవారం అమీర్‌ పేట్‌లో జరిగిన ‘అన్నపూర్ణ’ పథకం ఆరేళ్ల వేడుకలో మంత్రి తలసాని, మేయర్‌ బొంతు రామ్మోహన్‌, జీహెచ్‌ఎంసీ కమిషనర్‌ లోకేష్‌ కుమార్‌, కార్పోరేటర్లు పాల్గొన్నారు. ఈ సందర్భంగా మంత్రి దివ్వాంగుల సౌలభ్యం కొరకు ‘మొబైల్‌ అన్నపూర్ణ పథకం’ ప్రారంభించారు. అనంతరం మంత్రి మాట్లాడుతూ..  ఇతర మెట్రో నగరాలకంటే హైదరాబాద్ వేగంగా అభివృద్ధి చెందుతుందని తెలిపారు. అన్నపూర్ణ ఆహార పథకం ద్వారా ఆరేళ్లలో 150 ప్రాంతాల్లో 4 కోట్లమందికి ఆహారాన్ని అందించామన్నారు. అప్పటి జీహెచ్ఎంసీ కమిషనర్ సోమేశ్‌ కుమార్ అన్నపూర్ణ పథకానికి రూపకల్పన చేశారని తెలిపారు. కాగా అధికారులు నూతన విధానంతో ఆలోచించాలని, మరిన్ని వినూత్న పథకాలు తీసుకురావాలన్నారు. ఇక అన్నపూర్ణ భోజనం లాంటి కార్యక్రమాలు భవిష్యత్తులో మరింత విస్తరించాలని మంత్రి వ్యాఖ్యానించారు. మేయర్ బొంతు రామ్మోహన్ మాట్లాడుతూ... నగరవ్యాప్తంగా ముఖ్యమంత్రి కేసీఆర్, మంత్రి కేటీఆర్ సూచనలతో 150 కేంద్రాలను పెంచామన్నారు. ఎన్నో రాష్ట్రాలు అన్నపూర్ణ పథకంను అమలు చేస్తున్నాయని, అయితే కొన్ని రాష్ట్రాలు ఈ పథకాన్ని అమలు చేయలేక చేతులెత్తేశాయన్నారు. తెలంగాణ జీహెచ్‌ఎంసీ మాత్రం ఈ పథకాన్ని విజయవంతగా అమలు చేస్తోందని, సీఎం కేసీఆర్, మంత్రి కేటీఆర్‌ దూరదృష్టి కారణంగానే ఈ విజయం సాథ్యమైందని పేర్కొన్నారు. సీఎస్ సోమేశ్‌ కుమార్ మాట్లాడుతూ... 6 ఏళ్ల క్రితం ఒక సెంటర్‌లో ప్రారంభించిన ఈ పథకం.. ఇప్పుడు 150 సెంటర్లకు పెరగడం అదృష్టమన్నారు. అనంతపురం జిల్లాలో తాను కలెక్టర్‌గా పనిచేసిన సమయంలో పల్లెల్లో అన్నం అందించాలని పుట్టపర్తి సాయిబాబా తనకు చెప్పారని తెలిపారు. అలా ఆయన చెప్పడంతో తనలో కొత్త ఆలోచనలు వచ్చాయన్నారు. తాను జీహెచ్‌ఎంసీ కమిషనర్‌గా ఉన్నప్పుడు ఈ పథకాన్ని అమలు చేసే అవకాశం వచ్చిందన్నారు. ఆయన స్పూర్తితోనే అన్నపూర్ణ పథకాన్ని అమలు చేశానన్నారు. కాగా నోట్ల రద్దు సమయంలో సీఎం కేసీఆర్, కేటీఆర్‌లు సెంటర్లను పెంచమని ఆదేశించిడంతో 150 సెంటర్లలో ఈ పథకాన్ని అమలు చేశామన్నారు.

సాక్షి, వరంగల్‌ : మేడారం జాతరను కేంద్రం జాతీయ పండుగగా గుర్తించాలని సినిమాటోగ్రఫి మంత్రి తలసాని శ్రీనివాస్ యాదవ్ అన్నారు. రాష్ట్ర ప్రజలు ప్రతిష్టాత్మకంగా నిర్వహించుకునే మేడారం సమ్మక్క సారలమ్మ జాతరను గురువారం ఆయన సందర్శించారు. ఈ సందర్భంగా ఆయన మాట్లాడుతూ.. కేంద్రం మేడారం జాతరను రాష్ట్ర పండుగగా గుర్తించినా.. నయాపైసా ఇవ్వలేదని విమర్శించారు. జాతరకు సంబంధించిన ప్రతిపాదనలు ఇవ్వలేదంటూ బీజేపీ నాయకులు సిగ్గులేకుండా మాట్లాడుతున్నారని మండిపడ్డారు.  కేంద్రం సహకారం లేకపోయినా సీఎం కేసీఆర్‌ నేతృత్వంలోని తెలంగాణ ప్రభుత్వం జాతరను వైభవంగా నిర్వహిస్తోందన్నారు. మునుపెన్నడూ లేనివిధంగా సీఎం కేసీఆర్‌ ఏ పండుగ, జాతర జరిగినా అధిక ప్రాధాన్యత ఇస్తున్నారని తెలిపారు. రాబోయే రోజుల్లో మేడారంను పర్యాటక కేంద్రంగా, ఈ ప్రాంతాన్ని పర్యాటక హబ్‌గా తీర్చిదిద్దుతామని మంత్రి తలసాని శ్రీనివాస్ యాదవ్ పేర్కొన్నారు.

విజయనగర్‌ కాలనీ: క్రిస్మస్‌ పండుగను పురస్కరించుకుని అర్హులైన క్రిస్టియన్‌ సోదరులకు గిఫ్ట్‌ ప్యాక్‌లు అందేలా శాసన సభ్యులు, కార్పొ రేటర్లు తగు చర్యలు తీసుకోవాలని పశు సంవర్థక శాఖ మంత్రి తలసాని శ్రీనివాస్‌ యాదవ్‌ ఆదేశించారు. శనివారం హైదరాబాద్‌లోని రాష్ట్ర పశు సంవర్థక శాఖ డైరెక్టర్‌ కార్యాలయ ప్రాంగణంలోని కాన్ఫరెన్స్‌ హాల్‌లో హోంమం త్రితో కలసి క్రిస్మస్‌ వేడుకల నిర్వహణపై సమీ క్ష నిర్వహించారు. ఈ సందర్భంగా మంత్రి మాట్లాడుతూ.. ప్రతి ఏడాది మాదిరిగానే 9 వేల మంది క్రైస్తవులకు ఎల్‌బీ స్టేడియంలో విందు నిర్వహిస్తామన్నారు. ఈ విందుకు సీఎం కేసీఆర్‌ ముఖ్యఅతిథిగా హాజరవుతార న్నారు. జీహెచ్‌ఎంసీ పరిధిలోని 200 ప్రాం తాల్లో పేద క్రైస్తవులకు గిఫ్ట్‌ ప్యాక్‌లు అందిస్తున్నామన్నారు. ఒక్కో ప్రాంతంలో 500 గిఫ్ట్‌ ప్యాక్‌లు పంపిణీ చేసేలా చర్యలు తీసుకుంటున్నామన్నారు. క్రిస్మస్‌ విందు నిర్వహణకు ఎంపిక చేసిన చర్చిలకు రూ.లక్ష చొప్పున చర్చి బ్యాంకు ఖాతాలో వేస్తామన్నారు. కార్యక్రమం లో ప్రభుత్వ సలహాదారులు ఏకే. ఖాన్, ఎమ్మెల్యేలు, అధికారులు, తదితరులు పాల్గొన్నారు.

రాంగోపాల్‌పేట్‌: స్వచ్ఛమైన వాతావరణాన్ని భవిష్యత్‌ తరాలకు అందించాలంటే మొక్కల పెంపకం విస్త్రతంగా చేపట్టాల్సిన అవసరం ఉందని పశుసంవర్ధక శాఖ మంత్రి తలసాని శ్రీనివాస్‌ యాదవ్‌ అన్నారు. సోమ వారం సికింద్రాబాద్‌లోని మినిస్టర్‌ రోడ్‌లో అటవీ శాఖ మంత్రి ఇంద్రకరణ్‌రెడ్డితో కలసి ఆయన మొక్కలు నాటారు. ఆయన మాట్లాడుతూ.. వాతావరణం కాపాడాలనే ఉద్దేశంతో సీఎం కేసీఆర్‌ చేపట్టిన హరితహారంలో ప్రజలందరూ స్వచ్ఛందంగా పాల్గొనాలని పిలుపునిచ్చారు. ప్రజా భాగస్వామ్యంతోనే ఈ కార్యక్రమాలు విజయవంతం అవుతాయని చెప్పారు. చెట్లను పెంచడం వల్ల వాతావరణ కాలుష్యం తగ్గి ఆదాయ వనరులు పెరుగుతాయని అన్నారు. అటవీ శాఖ మంత్రి ఇంద్రకరణ్‌రెడ్డి మాట్లాడుతూ.. సుమారు 33 శాతం ఉన్న అడవులు 24 శాతానికి తగ్గిపోయాయని అన్నారు. ఆహ్లాదకరమైన వాతావరణాన్ని పెంపొందించేందుకు సుమారు రూ.230 కోట్లతో రాష్ట్ర వ్యాప్తంగా హరితహారం చేపడుతున్నట్లు తెలిపారు. మినిస్టర్‌ రోడ్‌లో రసూల్‌పుర చౌరస్తా నుంచి రాణిగంజ్‌ వరకు పాఠశాల, కళాశాలల విద్యార్థులు ప్రజాప్రతినిధులు, నాయకులు, అధికారులతో కలసి సుమారు 2 వేల మొక్కలను నాటారు. కార్యక్రమంలో జీహెచ్‌ఎంసీ విజిలెన్స్‌ అండ్‌ ఎన్‌ఫోర్స్‌మెంట్‌ డైరెక్టర్‌ విశ్వజిత్‌ కంపాటి, ఉప కమిషనర్‌ నళిని పద్మావతి తదితరులు పాల్గొన్నారు. 

సాక్షి, హైదరాబాద్‌: ఇతర రాష్ట్రాల్లో ఉన్న విధంగా సచివాలయం, అసెంబ్లీ ఉండాలన్నదే సీఎం కేసీఆర్‌ ఆలోచనని మంత్రి తలసాని శ్రీనివాస్‌యాదవ్‌ అన్నారు. కాంగ్రెస్‌ నేతలు దీన్ని అర్థం చేసుకోకుండా ఇష్టం వచ్చినట్లు ఆరోపణలు చేస్తున్నారని దుయ్యబట్టారు. కొత్తగా కడితే కాంగ్రెస్‌ నేతల ముల్లె ఏం పోయిందో అర్థం కావడం లేదన్నారు. సోమవారం సచివాలయ మీడియా పాయింట్‌లో విలేకరులతో తలసాని మాట్లాడుతూ.. కాంగ్రెస్‌ నేతల సెక్రటేరి యట్‌ సందర్శన ఒక పిక్‌నిక్‌లా ఉందని, వచ్చి అరగంట కూడా ఉండలేదన్నారు. వాళ్లు వచ్చి ఏం చూశారో, వారికి ఏం అర్థమైందో చెప్పాలన్నారు. ఏదో టైం పాస్‌కి వచ్చి టీవీలో, పేపర్‌లో కనపడాలని ఇష్టం వచ్చినట్లు గురుకులాలకు, ఇంకాదేనికైనా ఇవ్వాలని చెబుతున్నారని ఆరోపించారు. సచివాల యం చుట్టూ ఇరుకుగా రహదారులున్న సంగతి వాళ్లకు తెలియదా.. అని ప్రశ్నించారు. ప్రజల అవసరాలకు అనుగుణంగా కొత్త ప్రాజెక్టులు, గురుకులాలు నిర్మిస్తున్నామని చెప్పారు. టీఆర్‌ఎస్‌ ప్రభుత్వం చేస్తున్న గొప్ప పనులు కనిపించడం లేదా.. అయినా వీళ్ల ముఖానికి ఏ రోజైనా ఇలాంటి ఆలోచన చేశారా అని అడిగారు. కాళేశ్వరంపై అనేక కేసులు పెట్టారని అయినా పూర్తి చేశామన్నారు. ఎవరెన్ని చెప్పినా సచివాలయం కట్టి తీరుతామని తేల్చి చెప్పారు. లక్ష ఉద్యోగాలు విడతల వారీగా ఇస్తున్నామని తెలిపారు.  మా ప్లాన్లు మాకున్నాయి..  కాంగ్రెస్‌ హయాంలో ఒక్క ఉద్యోగం ఇవ్వలేదు కానీ రాజకీయ ఉద్యోగాలు మాత్రం తీసుకున్నారని తల సాని విమర్శించారు. ఏ పండుగకైనా ఒక్క రూపాయి కేటాయించారా అని ప్రశ్నించారు. కాంగ్రెస్‌ అధ్యక్షు డు రాహుల్‌గాంధీ ప్రెసిడెంట్‌ పదవి వద్దని పారిపోతుంటే, ఆ పార్టీలో గ్రూప్‌ తగాదాలతో ఉన్న ఎమ్మెల్యేలు కూడా చేజారిపోతున్నారన్నారు. జనం మధ్యకు వెళ్లలేని కాంగ్రెస్‌ నాయకులు ఏం మాట్లాడుతున్నారో అర్థం కావడం లేదన్నారు. ఎర్రమంజిల్‌లో అసెంబ్లీ నిర్మిస్తే ట్రాఫిక్‌ జామ్‌ అవుతుంది కదా అని విలేకరులు ప్రశ్నించగా.. దానికి అనేక ఆలోచనలు చేశామని, మా ప్లాన్లు మాకున్నాయని తలసాని సమాధానం ఇచ్చారు.  

హైదరాబాద్‌: అత్యధిక స్థాయిలో ఓటర్లు ఉన్న పార్లమెంటు నియోజకవర్గం మల్కాజ్‌గిరి అని, ఇక్కడ ప్రాంతాల వారీగా కులాల వారీగా వివక్షకు తావులేదని టీఆర్‌ఎస్‌ పార్టీ వర్కింగ్‌ ప్రెసిడెంట్‌ కేటీఆర్‌ వ్యాఖ్యానించారు. హైదరాబాద్‌లో ప్రజలను ఉద్దేశించి మాట్లాడుతూ..కల్యాణ లక్ష్మి, షాదీ ముబారక్‌ పధకాల ద్వారా పేదింటి ఆడపిల్లల పెండ్లికి మేనమామలా కేసీఆర్‌ సాయం చేస్తున్నారని అన్నారు. మనం చేపట్టిన రైతు బంధు పధకాన్ని కొన్ని రాష్ట్రాలు, కేంద్ర ప్రభుత్వం కూడా చేపట్టాయని గుర్తు చేశారు. దేశం మొత్తం తెలంగాణా పరిపాలనను గమనిస్తోందని వ్యాక్యానించారు. ఒక ఉద్యమ కారుడు, ఒక గొప్ప అడ్మినిస్ట్రేటర్‌గా ఉండటం చాలా గొప్ప విషయమని కేంద్ర ఆర్ధిక మంత్రి అరుణ్ జైట్లీ, కేసీఆర్‌ని పొడిగిన విషయం గురించి మళ్లీ గుర్తు చేశారు. రాష్ట్రంలో శాంతి భద్రలు అదుపులో ఉన్నాయని, సీఎం కేసీఆర్‌ మీద నమ్మకంతో 50 శాతం కంటే ఎక్కువ ఓట్లు మనకు వేసి మరోసారి పట్టం కట్టారని అన్నారు. రాహుల్‌ కాకపోతే మోదీ..వీళ్లే నాయకులు..వేరే వారు లేరా.. బడితే ఉన్నోడిదే బర్రె అన్నట్లు ఉంటది ఢిల్లీలో కాంగ్రెస్‌ నాయకుల పరిస్థితి అని ఎద్దేవా చేశారు. మోదీ చేసింది చెప్పడానికేమీ లేదన్నారు. మహిళలు పోపుల డబ్బాలో దాచుకున్న డబ్బులను డీమానిటైజేషన్‌ పేరుతో ఎత్తుకుపోయిండని విమర్శించారు. అన్ని సర్వేల్లో టీఆర్‌ఎస్‌ 16 సీట్లు గెలుస్తోందని చెబుతున్నాయని తెలిపారు. ప్రాంతీయ పార్టీలు బలంగా ఉన్న చోట ఆ రెండు జాతీయ పార్టీలకు గెలిచే అవకాశాలు తక్కువన్నారు. మనం పదహారు సీట్లు సాధిస్తే కేంద్రం మెడలు వంచి మనకు కావాల్సిన నిధులను తీసుకురావచ్చని వ్యాఖ్యానించారు. మిషన్‌ కాకతీయ, మిషన్ భగీరధకు కలిపి రూ.24 వేల కోట్లు ఇవ్వాలని నీతి అయోగ్‌ సిఫార్సు చేసినా ఒక్క రూపాయి కూడా ఇవ్వలేదని గుర్తు చేశారు. మన పోటీ ఎవరితోనూ కాదని మనకు మనమే పోటీ అని అన్నారు. కాంగ్రెస్‌పార్టీ దివాళా పార్టీ: మల్లారెడ్డి కాంగ్రెస్‌ పార్టీ దివాళాకోరు పార్టీ అని టీఆర్‌ఎస్‌ మేడ్చల్‌ ఎమ్మెల్యే చామకూర మల్లారెడ్డి తీవ్రంగా దుయ్యబట్టారు. తనకు రాజకీయంగా జన్మనిచ్చింది మల్కాజ్‌గిరి పార్లమెంటు నియోజకవర్గమని, అన్ని నియోజకవర్గాల కంటే అత్యదిక మెజారిటీని ఇక్కడ నుంచి అందిస్తామని చెప్పారు. కేటీఆర్‌ లాంటి యువ నాయకుడు మనకు ఉండటం మన అదృష్టమన్నారు. వేరే పార్టీలకు ఓటు అడిగే హక్కే లేదన్నారు. ప్రజలకు ఏం చేశారని కాంగ్రెస్‌ నాయకులు ఓట్లు అడుగుతారని ప్రశ్నించారు.  రూ.4 వేల కోట్లతో దాహార్తి తీర్చిండు: తలసాని హైదరాబాద్‌ శివారు ప్రాంతాల ప్రజలు తీవ్ర నీటి ఎద్దడితో బాధపడుతుంటే రూ.4 వేల కోట్లు ఖర్చు చేసి వారి దాహార్తిని కేటీఆర్‌ తీర్చారని మంత్రి తలసాని శ్రీనివాస యాదవ్‌ గుర్తు చేశారు. కేటీఆర్‌ తన రోడ్‌షో ద్వారా బల్దియాలో 99 సీట్లను గెలిపించాడని, అసెంబ్లీ ఎన్నికల సమయంలోనూ కేటీఆర్‌ ఒక్కరే తన రోడ్‌షో ద్వారా గ్రేటర్‌లో అత్యధిక ఎమ్మెల్యే స్థానాలు సాధించి పెట్టారని కొనియాడారు.

కొమురవెల్లి (సిద్దిపేట): ఏపీ ముఖ్యమంత్రి చంద్రబాబుకు కాలం దగ్గర పడిందని, రాబోయే ఎన్నికల్లో అక్కడి ప్రజలు కర్రు కాల్చి వాత పెడతారని మంత్రి తలసాని శ్రీనివాస్‌యాదవ్‌ అన్నారు. ఆదివారం సిద్దిపేట జిల్లా కొమురవెల్లి శ్రీమల్లికార్జునస్వామిని ఆయన దర్శించుకొని పూజలు చేశారు. అనంతరం వీఐపీ గెస్ట్‌హౌస్‌లో విలేకరులతో మాట్లాడారు. ఓటుకు నోటు కేసులో పట్టపగలు దొరికిన దొంగ చంద్రబాబు అని అన్నారు. ఆయన స్వార్థ రాజ కీయ ప్రయోజనాల కోసం ఒకసారి బీజేపీతో పొత్తు పెట్టుకుని సంసారం చేసి విడాకులు తీసుకుని ఇప్పుడు కాంగ్రెస్‌తో కాపురం చేయడం సిగ్గుచేటని ధ్వజమెత్తారు. తెలంగాణ అభివృద్ధిని దేశం మొత్తం చూస్తుంటే చంద్రబాబుకు కానరావడం లేదని, ఆయన వంకర బుద్ధికి ప్రజలు గుణపాఠం చెబుతారన్నారు. కార్యక్రమంలో ఆలయ చైర్మన్‌ సంపత్‌ తదితరులు పాల్గొన్నారు. 

సాక్షి, హైదరాబాద్‌ : ఏపీలో బీసీ సభ నిర్వహిస్తానంటే చంద్రబాబు నాయుడు ఎందుకంత భయపడుతున్నారని మంత్రి తలసాని శ్రీనివాస్‌ యాదవ్‌ ప్రశ్నించారు. గురువారం ఇక్కడ ఏర్పాటు చేసిన మీడియా సమావేశంలో ఆయన మాట్లాడుతూ.. మార్చి 3న గుంటూరులో నిర్వహించబోయే బీసీ గర్జన సభకు ఏపీ పోలీసులు అనుమతి ఇవ్వకుండా అడ్డుపడుతున్నారని మండి పడ్డారు. పోలీసులు అనుమతి ఇవ్వకుంటే కోర్టుకెళ్లి పర్మిషన్‌ తెచ్చుకుని సభ నిర్వహిస్తానని స్పష్టం చేశారు. ఏపీలో అన్ని సభలకు ఇలాంటి కండిషన్సే పెడతున్నారా అని ప్రశ్నించారు. యాదవ బహిరంగ సభలో చంద్రబాబును ఓడించమని బహిరంగంగానే కోరతానని తెలిపారు. గతంలో చంద్రబాబు తెలంగాణలో సభలు పెట్టుకోలేదా అని ప్రశ్నించారు.

సాక్షి, హైదరాబాద్‌ : తెలంగాణ మంత్రివర్గ విస్తరణకు రాజ్‌భవన్‌లో ఏర్పాట్లు పూర్తయ్యాయి. మంగళవారం ఉదయం 11.30 గంటలకు ప్రమాణ స్వీకార కార్యక్రమానికి మరికొద్ది గంటల సమయమే ఉండటంతో కేబినెట్‌లో బెర్త్‌పై టీఆర్‌ఎస్‌ ఎమ్మెల్యేలలో ‘హై’ టెన్షన్‌ నెలకొంది. మంత్రివర్గ విస్తరణలో పలువురి పేర్లు తెరమీదకు వచ్చినా... తుది జాబితా మాత్రం ఇప్పటివరకూ అధికారంగా బయటకు రాలేదు. మరోవైపు ఎనిమిది లేదా తొమ్మిది మంది మంత్రులుగా ప్రమాణ స్వీకారం చేయనున్నట్టు తెలుస్తోంది. ఈ నేపథ్యంలో పలువురు పార్టీ ఎమ్మెల్యేలకే ప్రగతి భవన్‌ నుంచి పిలుపురావడంతో వారంతా ముఖ్యమంత్రిని కలిసేందుకు వస్తున్నారు. ఇప్పటికే ప్రగతి భవన్‌ అధికారులు పలువురికి ఆదివారమే సమాచారం అందించగా, తాజాగా సోమవారం మరికొందరు ప్రగతి భవన్‌ చేరుకున్నారు. వారిలో తలసాని శ్రీనివాస్‌ యాదవ్‌, కొప్పుల ఈశ్వర్‌, ఎర్రబెల్లి దయాకర్‌ రావు ఉన్నారు.  మంత్రులుగా ప్రమాణం చేసే అవకాశం ఉందంటూ ప్రశాంత్‌ రెడ్డి (నిజామాబాద్‌), నిరంజన్ రెడ్డి (మహబూబ్‌ నగర్‌), ఇంద్రకరణ్‌ రెడ్డి (ఆదిలాబాద్‌), జగదీశ్‌ రెడ్డి (నల్లగొండ), కొప్పుల ఈశ్వర్‌ (కరీంనగర్), ఎర్రబెల్లి దయాకర్‌ రావు (వరంగల్‌), తలసాని శ్రీనివాస్‌ యాదవ్‌ (హైదరాబాద్‌), శ్రీనివాస్‌ గౌడ్‌ (మహబూబ్‌ నగర్), ఈటల రాజేందర్‌ (కరీంనగర్),  అలాగే డిప్యూటీ స్పీకర్‌గా పద్మారావు, చీఫ్‌ విప్‌గా దాస్యం వినయ్‌ భాస్కర్‌ పేర్లు వినిపిస్తున్నాయి. మరోవైపు టీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌, సిద్ధిపేట ఎమ్మెల్యే హరీశ్‌ రావు మంత్రివర్గంలో ఉంటారా అనే దానిపై అధికార పార్టీతోపాటు రాజకీయ వర్గాలు, ప్రజల్లో జోరుగా చర్చ జరుగుతోంది. అయితే ఎవరికి వారు మాత్రం తమకు ఛాన్స్ దక్కుతుందనే ఆశాభావంతో ఉన్నారు. సీఎం కార్యాలయం లేదా సాధారణ పరిపాలనశాఖ నుంచి ఫోన్లు వచ్చాయా అంటూ ఆశావహులు తమ పరిధి మేరకు ఆరా తీస్తున్నారు. ఇక హైదరాబాద్‌ నగరం నుంచి కనీసం అరడజను మంది ఎమ్మెల్యేలు మంత్రి పదవులపై ఆశలు పెంచుకున్నారు. మంత్రివర్గంలో చోటు దక్కనివారికి అంతకు సమానమైన కేబినెట్‌ పదవి కట్టబెట్టే అవకాశాలు ఉన్నట్లు ఊహాగానాలు వినిపిస్తున్నాయి. మంత్రివర్గ కూర్పుపై నెలకొన్న సస్పెన్స్‌కు తెర పడాలంటే మరికొద్ది గంటలు వేచి చూడాల్సిందే. 

సాక్షి, అమరావతి బ్యూరో: ఆంధ్రప్రదేశ్‌లో చంద్రబాబు బీసీలను అణగతొక్కి రాజకీయంగా, సామాజికంగా ఎదగనీయకుండా చేశాడని తెలంగాణ రాష్ట్ర మాజీ మంత్రి తలసాని శ్రీనివాసరావు దుయ్యబట్టారు. గురువారం విజయవాడలో ఏర్పాటు చేసిన మీడియా సమావేశంలో మాట్లాడుతూ ఏపీలో ఒకే సామాజిక వర్గం వారికే అధిక ప్రాధాన్యత దక్కుతోందన్నారు. ఇటీవల జరిగిన పోలీస్‌ ప్రమోషన్లలో ఆ కులానికి చెందిన వారికే దాదాపు 35 మందికి అవకాశం దక్కిందని, దీన్ని కాదని వారించే బదులు ప్రభుత్వం శ్వేతపత్రం విడుదల చేసి నిరూపించుకోవాలని పేర్కొన్నారు. బడుగు బలహీన వర్గాల ఆదాయ వనరులను నాశనం చేసి తను మాత్రం హెరిటేజ్‌లో రూ.కోట్లు ఐటీ రిటర్నులు కడుతున్నాడని విమర్శించారు. అడ్డుచెప్పే బీసీలను అక్రమ  కేసులు, బెదిరింపులతో వేధిస్తున్నారన్నారు. లోటు బడ్జెట్‌ అంటూ చెబుతూనే ప్రచారాలకు వేల కోట్లు ఖర్చు ఎందుకు పెడుతున్నారని ప్రశ్నించారు. ప్రజలకు ప్రత్యామ్నాయమేంటో తెలుసనని, వారికే ఓటు వేసి గెలిపిస్తారన్నారు. ఏపీలో అన్యాయానికి గురౌతున్న బీసీలను చైతన్య పరచడంలో భాగంగా మార్చి 3న గుంటూరు ఇన్నర్‌రోడ్డు వద్ద యాదవ–బీసీ గర్జన సభను నిర్వహించనున్నామని తలసాని వెల్లడించారు. మంచి నాయకత్వ లక్షణాలున్న బీసీ నేతలకు తాను సహకారం అందించి హక్కుల కోసం చేసే పోరాటంలోనూ అండగా ఉంటానన్నారు. తాను సంక్రాంతికి రాష్ట్రానికి వచ్చే వరకు బీసీలు గుర్తుకురాలేదని, ఆ తర్వాత హడావిడిగా జయహో బీసీ సభను తెలుగుదేశం ప్రభుత్వం నిర్వహించిందన్నారు. మూడు రోజులకొకటి చొప్పున కేబినెట్‌ మీటింగ్‌లు పెట్టి తాయిలాలు ప్రకటిస్తున్నాడని, అయినా ప్రజలు చంద్రబాబును నమ్మే పరిస్థితిలో లేరన్నారు. బీసీలకు న్యాయం చేస్తున్నట్టు చెప్పుకోవటానికి బీసీ సబ్‌ప్లాన్‌ అసెంబ్లీలో ప్రవేశపెట్టారని, అయితే ప్రవేశపెట్టిన మంత్రి, చర్చలో పాల్గొన్న విప్‌ కూన రవికుమార్‌లకే దానిపై స్పష్టత లేదన్నారు. కేంద్రం ప్రవేశపెట్టిన 10 శాతం అగ్రవర్ణ పేదల రిజర్వేషన్లలో 5 శాతం కాపులకు ఇస్తానని వారిని మరోమారు మోసం చేస్తున్నాడన్నారు. హైదరాబాద్‌ తానే కట్టానని గొప్పలు చెప్పే మనిషి 5 ఏళ్లుగా ఒక్క ఫ్లైఓవర్‌ ఎందుకు కట్టలేకపోయాడని ప్రశ్నించారు. దేశంలో ఎవరు ఎక్కడైనా పర్యటించవచ్చని అందుకే చంద్రబాబు తెలంగాణలో పర్యటిస్తే తాము స్వాగతించామని, ఏపీలో తాను పర్యటిస్తుంటే ఆంక్షలు పెడుతున్నారని, వాటికి భయపడేదిలేదన్నారు.   

సాక్షి, విజయవాడ : ఆంధ్రప్రదేశ్‌లో ప్రభుత్వ పాలన చూస్తుంటే... మనం భారతదేశంలో ఉన్నామా?, వేరే దేశంలో ఉన్నామా అనే అనుమానం కలుగుతుందని మాజీమంత్రి, టీఆర్‌ఎస్‌ ఎమ్మెల్యే తలసాని శ్రీనివాస్‌ యాదవ్‌ వ్యాఖ్యానించారు. ఆయన గురువారం విజయవాడలో మీడియా సమావేశంలో మాట్లాడారు. ఏపీలో ప్రభుత్వ పాలన ఆశాజనకంగా లేదని, ప్రచార ఆర్భాటమే తప్ప మరొకటి లేదన్నారు. మాట్లాడితే ముఖ్యమంత్రి రెవెన్యూ లోటు ఉందంటూ పదే పదే చెబుతూ మరోవైపు వేలకోట్ల ప్రజా ధనాన్ని దుర్వినియోగం చేస్తున్నారన్నారు. రూ.16వేల కోట్ల లోటు బడ్జెట్‌లో ఉన్నామని నాలుగేళ్లు నుంచి చెబుతున్నారని, తాము ఏం చెప్పినా నడుస్తుందనే భావనలో ఇక్కడ ప్రభుత్వం ఉందని తలసాని విమర్శించారు. మరో రెండు నెలల్లో ఎన్నికలు సందర్భంగా ఏపీ సర్కార్‌ ఎన్నికల తాయిలాలు విపరీతంగా ప్రకటిస్తున్నారని అన్నారు. ఎన్నికల కోసం చంద్రబాబు పాట్లు పడుతున్నారని తలసాని విమర్శించారు.  ఎవరు ఎక్కడికైనా వెళ్లొచ్చు.. రాజకీయాల్లో విమర్శలు, ప్రతి విమర్శలు సహజమే అని అన్నారు. ప్రజాస్వామ దేశంలో ఎవరు ఎక్కడికైనా వెళ్లవచ్చని తలసాని పేర్కొన్నారు. గతంలో తాను ఏపీకి వచ్చి వెళ్లాక మావాళ్లను వేధించారని ఆయన అన్నారు. హైదరాబాద్‌కు కూడా చాలమంది మంత్రులు వస్తారని, వారిని పోలీసులు ఎందుకు వచ్చారని అడగరని అన్నారు. హాయ్‌ల్యాండ్‌లో ప్రెస్‌ కాన్ఫరెన్స్ అనుకుంటే ఇంటెలిజెన్స్ నుంచి ఒత్తిడి తెచ్చారని ఆయన ఆరోపించారు.  అంతేకాకుండా హాయ్‌ ల్యాండ్ లో బస చేస్తున్నానని హాయ్‌ ల్యాండ్ యాజమాన్యంను కూడా పోలీసులు బెదిరించారన్నారు. తాను ప్రెస్‌మీట్‌ పెట్టిన హోటల్ యాజమాన్యంపై కూడా ఒత్తిడి చేశారని, ఏపీలో ప్రభుత్వ పాలన దారుణంగా ఉందని అన్నారు. ఏపీని సింగపూర్ చేస్తానని అంటూ, అమరావతిలో రియల్ ఎస్టేట్‌ వ్యాపారం చేస్తున్నారని తలసాని వ్యాఖ్యలు చేశారు. హైదరాబాద్‌ని నేనే కట్టినని చెప్పే చంద్రబాబు కనీసం కనకదుర్గమ్మ ఫ్లైఓవర్‌ను ఎందుకు కట్టలేకపోతున్నారని సూటిగా ప్రశ్నించారు. గతంలో ప్రత్యేక హోదా సంజీవని కాదన్న చంద్రబాబు ఇప్పుడు కేంద్రంపై హోదా కోసం పోరాటం అంటున్నారని మండిపడ్డారు.  చంద్రబాబు బీసీలను తొక్కేశారు.. చంద్రబాబు బీసీలను అన్నివిధాలుగా తొక్కేశారని, అందుకే యాదవులు, బీసీలు ఐక్యం కావాలని పిలుపునిచ్చారు. చంద్రబాబు పెడుతున్న పప్పు బెల్లాలు ఎన్నికల వరకే పరిమితమని అన్నారు. కాంగ్రెస్ అరాచకాలకు వ్యతిరేకంగా ఎన్టీఆర్‌ తెలుగుదేశం పార్టీని ఏర్పాటు చేశారని, ఇప్పుడు అదే పార్టీని రాహుల్ గాంధీ కాళ్ల దగ్గర పెట్టారన్నారు. రాష్ట్రంలో బీసీలను కదిలిస్తామని...ఈ సందర్భవంగా గుంటూరులో యాదవ, బీసీ గర్జన ఏర్పాటు చేస్తున్నట్లు తలసాని తెలిపారు.  కాపులను మోసం చేసేందుకే... పాడి పరిశ్రమ మీద నిర్లక్ష్యం చూపుతున్నారని, కేంద్రం పాడి పరిశ్రమ అభివృద్ధికి కౌంటర్‌ గ్యారెంటీ అడిగితే ఏపీ ప్రభుత్వం ఇవ్వడం లేదన్నారు. చంద్రబాబు ...హెరిటేజ్ ఎలా లాభాల్లో ఉందో పాడి రైతులకు కూడా వివరించాలని తలసాని డిమాండ్‌ చేశారు. తెలంగాణలో అభివృద్ధిలో రియాలిటీ ఉందని, సీఎం కేసీఆర్‌ 24 గంటలు రైతులకు ఉచిత విద్యుత్‌ ఇస్తున్నారని, అదే ఏపీలో రైతులకు సరైన విధంగా కరెంట్‌ ఇవ్వడం లేదన్నారు. రైతులకు ఇస్తామని చెప్పిన పదివేల రూపాయల పై కూడా ఏపీ ప్రభుత్వానికి క్లారిటీ లేదన్నారు. అగ్రవర్ణ పేదలకు 10 శాతం రిజర్వేషన్‌ను కూడా ఏపీ సర్కార్ పక్కదోవ పట్టించిందని, కేంద్రం కూడా దీనిపై గైడ్ లైన్స్ ఇవ్వలేదని తెలిపారు. కానీ చంద్రబాబు సర్కార్ ...కాపులను మోసం చేసేందుకు దీనిలో 5 శాతం రిజర్వేషన్ కేటాయించినట్లు ప్రకటించిందన్నారు. ఇక పసుపు-కుంకుమ బోగస్‌ అని తలసాని తేల్చేశారు.

సాక్షి, హైదరాబాద్‌ : ఆంధ్రప్రదేశ్‌ ముఖ్యమంత్రి చంద్రబాబు నాయుడిని ఓడించేందుకు ఎన్టీఆర్‌ అభిమానులు సిద్ధంగా ఉన్నారని టీఆర్‌ఎస్‌ ఎమ్మెల్యే తలసాని శ్రీనివాస్‌ యాదవ్‌ అన్నారు. ఫెడరల్‌ ఫ్రంట్‌ విషయమై చర్చించేందుకు వైఎస్సార్‌ సీపీ అధ్యక్షులు, ఏపీ ప్రతిపక్ష నాయకులు వైఎస్‌ జగన్‌మోహన్‌ రెడ్డితో.. టీఆర్‌ఎస్‌ వర్కింగ్‌ ప్రెసిడెంట్‌ కేటీఆర్‌ బుధవారం భేటీ అయిన విషయం తెలిసిందే. ఈ నేపథ్యంలో చంద్రబాబు నాయుడు చేసిన విమర్శలపై తలసాని మండిపడ్డారు. గురువారం అసెంబ్లీ మీడియా పాయింట్‌లో తలసాని మాట్లాడుతూ.. ఏపీ హక్కుల కోసం టీఆర్‌ఎస్‌ పార్టీ పోరాడుతుందని తెలిపారు. లోటు ఆదాయంలో ఉన్న ఆంధ్రప్రదేశ్‌లో నవనిర్మాణ దీక్ష పేరిట టీడీపీ ప్రభుత్వం వందల కోట్ల రూపాయలు వృథా చేస్తోందని విమర్శించారు. తమ పార్టీ పబ్లిసిటీ కోసం ప్రజల సొమ్మును దుర్వినియోగం చేస్తున్న చంద్రబాబుకు బుద్ధి చెప్పేందుకు.. ‘ఈ బాబు మాకొద్దు’ నినాదంతో ఏపీ ప్రజల ముందుకు ధైర్యంగా వెళ్తామని తలసాని పేర్కొన్నారు. శవరాజకీయాలు చేసే చంద్రబాబు తాటాకు చప్పుళ్లకు ఎవరూ భయపడరని ఎద్దేవా చేశారు. ఊసరవెల్లి కూడా సిగ్గుపడుతుంది బాబూ! ‘చంద్రబాబుకు బంధాలు, బంధుత్వాల విలువ తెలియదు. చేరదీసిన ఎన్టీఆర్‌కు అన్యాయం చేసిన చరిత్ర ఆయనది. ఫెడరల్‌ ఫ్రంట్‌ లేదన్న చంద్రబాబుకు దాని ప్రతాపమేంటో త్వరలోనే తెలుస్తుంది. ఆయనలా మాది మోసపూరిత జీవితం కాదు. ప్రతీ విషయాన్ని రాజకీయ కోణంలో చూసేదే ఆయన. కులాల మధ్య చిచ్చు పెట్టిన ఘనత కూడా చంద్రబాబుదే. బీసీలకు, కాపులకు గొడవ పెట్టింది కూడా టీడీపీయే. చిల్లర రాజకీయాలు చేయాలని చూస్తే... మా సమాధానాలు చాలా ధీటుగా ఉంటాయి. చంద్రబాబు ఉమ్మడి రాష్ట్ర సీఎంగా ఉన్నప్పుడు తెలంగాణలో కరెంట్, నీళ్ళు కూడా లేవు... మా సీఎం వచ్చాకే అన్నీ ఒక్కొక్కటిగా తీర్చాము. మీ అందమైన మొహాన్ని చూస్తేనే అందరికీ మీరంటే ఏంటో తెలుస్తుంది. నీతి, జాతి లేని మాటలు మాట్లాడే, పూటకో పార్టీతో పొత్తు పెట్టుకునే చంద్రబాబుని చూసి ఊసరవెళ్లి కూడా సిగ్గుపడుతుంది. నాలుగేళ్లైనా అమరావతిని ఎందుకు నిర్మించలేదు. టీడీపీ ఓడిపోతేనే ఏపీ అభివృద్ధి చెందుతుంది. ఆయన మంత్రులు ఫెడరల్ ఫ్రంట్‌పై అనవసర, అర్ధరహిత ఆరోపణలు చేస్తున్నారు. ఏపీ ప్రజలు మరో మూడు నెలల్లో చంద్రబాబును తరిమికొడతారు. త్వరలోనే కేసీఆర్‌ కూడా ఏపీకి వస్తారు’ అని తలసాని వ్యాఖ్యానించారు.

భీమవరం: టీడీపీ అసత్య, ఆర్భాట ప్రచారాలతో ప్రజలను మభ్యపెట్టడం మినహా నాలుగున్నరేళ్ల పాలనలో ప్రజలకు చేసింది శూన్యమని మాజీ మంత్రి, సనత్‌నగర్‌ ఎమ్మెల్యే తలసాని శ్రీనివాస్‌యాదవ్‌ విమర్శించారు. సంక్రాంతి పండుగ సందర్భంగా మంగళవారం ఆయన భీమవరం వచ్చారు. 400 ఏళ్ల కింద నిర్మించిన హైదరాబాద్‌ను తానే నిర్మించానని గొప్పలు చెబుతున్న ఏపీ సీఎం చంద్రబాబు నాలుగున్నరేళ్ల పాలనలో అమరావతిలో రాజధానిని ఎం దుకు నిర్మించలేకపోయారని ప్రశ్నించారు. ఏపీకి ఆదాయం లేదని, రాష్ట్ర విభజన తర్వాత లోటు బడ్జె ట్‌తో అప్పగించారని మొసలి కన్నీరు కారుస్తున్న చం ద్రబాబు పత్రికలు, టీవీల్లో ప్రచారం కోసం కోట్లాది రూపాయలు ఎలా దుబారా చేస్తున్నారని ప్రశ్నిం చారు.  ఏపీకి ప్రత్యేక హోదా కావాలన్నవారిపై కేసులు పెడతామని బెదిరించిన చం ద్రబాబు.. ఇప్పుడు స్వార్థం కోసం ప్రత్యేక హోదా అంటున్నారని మండిపడ్డారు. కులాల మధ్య చిచ్చుపెట్టి రాజకీయ లబ్ధి పొందడం చంద్రబాబుకు అలవాటేనని, దీన్ని ప్రజలు గ్రహిం చారని, ఎన్నికల్లో బుద్ధి చెబుతారన్నారు. ఏపీలో వైఎస్సార్‌సీపీకి చెందిన 23 మంది ఎమ్మెల్యేలను టీడీపీలోకి చేర్చుకోవడమే కాకుండా వారిలో నలుగురికి మంత్రి పదవులెలా ఇచ్చారని ప్రశ్నిం చారు.  

సాక్షి, భీమవరం(పశ్చిమ గోదావరి): ‘ఏపీ ప్రజలు బాగుండాలని మేము కోరుకుంటున్నాం అందుకే ప్రత్యేక హోదాకు మద్దతిస్తున్నాం’ అంటూ మాజీ మంత్రి, టీఆర్‌ఎస్‌ ఎమ్మెల్యే తలసాని శ్రీనివాస్‌ యాదవ్‌ పేర్కొన్నారు. టీడీపీ ప్రభుత్వాన్ని ఏపీ ప్రజలు అసహ్యించుకుంటున్నారని ధ్వజమెత్తారు. సీఎం చంద్రబాబు నాయుడుకు రిటర్న్ గిఫ్ట్ రెడీగా ఉందని.. వచ్చే ఏపీ ఎన్నికల్లో తప్పకుండా రంగంలోకి దిగుతామని స్పష్టం చేశారు. టీడీపీ ప్రభుత్వం అవినీతిలో దేశంలోనే నెంబర్‌ వన్‌గా ఉందని ఆరోపించారు. 24 గంటల నిరంతర విద్యుత్‌ ఇస్తున్న టీఆర్‌ఎస్‌ పాలన గొప్పదా లేక అవినీతిలో కూరుకపోయిన టీడీపీ పాలన గొప్పదా అంటూ ప్రశ్నించారు. గోదావరి జిల్లాలో జరుగుతున్న సంక్రాంతి సంబరాల్లో పాల్గొన్న తలసాని శ్రీనివాస్‌ యాదవ్‌ మీడియా సమావేశంలో టీడీపీ పాలనపై విరుచుకపడ్డారు.  తలసాని ఇంకా ఏమన్నారంటే ఆయన మాటల్లోనే.. మీలా చిల్లర రాజకీయాలు చేయను ‘గోదావరి జిల్లాలలో సంక్రాంతి సంబరాలు బాగా జరుగుతున్నాయి. ఈ ప్రాంతానికి వచ్చి రాజకీయాలు మాట్లాడవద్దని కొందరు టీడీపీ ఎమ్మెల్యేలు కామెంట్స్‌ చేస్తున్నారు.. నేను రాజకీయాలే మాట్లాడతాను. నేను మీలాగా(టీడీపీ) చిల్లర రాజకీయాలు చేయను. తప్పకుండా రాజకీయాలు చేస్తాం. ఏపీకి ప్రత్యేక హోదా కావాలని ఇక్కడ ఆందోళనలు జరిగినప్పుడు మా ఎంపీ కవిత పార్లమెంట్‌లో మద్దతు పలికారు.. మీరు మాత్రం ప్రత్యేక హోదా సంజీవనా అని అసెంబ్లీలో మాట్లాడారు. జాతీయ ప్రాజెక్టు పోలవరం నిర్మాణాన్ని టీడీపీ ఎందుకు చేస్తోంది?. కమీషన్లు దండుకోవడానికే టీడీపీ ప్రభుత్వం పోలవరం చేపట్టింది.   ఏపీలో గ్రాఫిక్స్‌ ప్రభుత్వం చంద్రబాబు పాలన ఆశాజనకంగా లేదు. మా కొద్దు చంద్రబాబు అన్ని ఏపీ ప్రజలు అంటున్నారు.  ఏపీలో గ్రాఫిక్స్‌ ప్రభుత్వమే నడుస్తోంది. మీ తాటాకు చప్పుళ్లకు మేమే భయపడం. ఏపీలో బీసీలకు నాయకత్వం వహించే నేతలు లేరు. రాబోయే ఎన్నికలలో ఏపీలో బీసీలకు నాయకత్వం వహిస్తాను.. దిశా నిర్దేశం చేస్తాను. గత ఎన్నికలలో 15 సీట్లు గెలుచుకున్న పశ్చిమ నుంచే టీడీపీ ఓటమి ప్రారంభం కాబోతోంది. తెలంగాణలో 13 సీట్లకు టీడీపీ వెయ్యి కోట్లు ఖర్చుపెట్టింది. ఎన్నికలలో డబ్బులు పంపిణీ ప్రారంభించింది చంద్రబాబే. కాంగ్రెస్‌కు వ్యతిరేకంగా పుట్టిన టీడీపీని చంద్రబాబు ఆ పార్టీలో కలిపేశారు.’అంటూ తలసాని శ్రీనివాస్‌ యాదవ్‌ టీడీపీపై నిప్పులు చెరిగారు.   

సాక్షి, హైదరాబాద్‌: అసెంబ్లీ ఎన్నికల్లో టీఆర్‌ఎస్‌ పార్టీ 95 నుంచి 105 సీట్లలో విజయం సాధిస్తుందని మంత్రి తలసాని శ్రీనివాస్‌యాదవ్‌ ధీమా వ్యక్తం చేశారు. తెలంగాణలోని కోట్లాది ప్రజల అభిప్రాయాలను ఒక వ్యక్తి ఎలా చెబుతారని లగడపాటి రాజగోపాల్‌ను ఉద్దేశించి ప్రశ్నించారు. బుధవారం తెలంగాణ భవన్‌లో విలేకరులతో మంత్రి తలసాని మాట్లాడూతూ.. ప్రజలను పక్కదోవ పట్టించేందుకు కొందరు వ్యక్తులు ప్రయత్నిస్తున్నారని చెప్పారు. సర్వేలు చేస్తున్న వారు ప్రభుత్వం ఎక్కడ ఫెయిల్‌ అయిందో కూడా చెప్పాలని నిలదీశారు. ప్రధాని మోదీ తీసుకున్న నోట్ల రద్దు నిర్ణయానికి మొదట మద్దతు తెలిపింది చంద్రబాబు కాదా అని ప్రశ్నించారు. ‘పార్టీలు మారిన వారిని ఓడించండని చంద్రబాబు చెప్పడం గురి విందగింజ సామెత లాం టిదే. ‘వైఎస్సార్‌ కాంగ్రెస్‌ పార్టీ నుంచి టీడీపీలోకి ఫిరా యించిన ఎమ్మెల్యేల గురించి చంద్రబాబు ఎందుకు మాట్లాడరు. కాంగ్రెస్‌ ప్రచారానికి రూ.500 కోట్లు ఎక్కడి నుంచి వచ్చాయి. లగడపాటి సర్వే కొంతమంది కలసి చేసిన కుట్ర. హైదరాబాద్‌ ప్రజలను ఎవరూ ప్రభావితం చేయలేరు. హైదరాబాద్‌లో లక్షల ఇళ్లు కడుతున్నాం. దమ్మూధైర్యం ఉంటే నా వెంట రండి చూపిస్తా. కాంగ్రెస్‌ వస్తే రాష్ట్రం చిన్నాభిన్నమవుతుంది. నాలుగేళ్లు మోదీతో కలసి ఉన్న చంద్రబాబు.. ఇప్పుడు చిన్న మోదీ అని కేసీఆర్‌ను విమర్శించడం హాస్యాస్పదం. ఇంట్లో కూర్చొని సర్వేలు రిలీజ్‌ చేస్తున్నారని ఆయన మండిపడ్డారు.

సాక్షి, వరంగల్‌ రూరల్‌: ఉమ్మడి వరంగల్‌ జిల్లాలో చేప పిల్లల పంపిణీ నత్తనడకన కొనసాగుతోంది. మత్స్యకారులకు చేయూతను అందించేందుకు ప్రభుత్వం ఉచితంగా చేపపిల్లల పంపిణీకి శ్రీకారం  చుట్టింది. ఐదు జిల్లాల్లో మొత్తం 13.01 కోట్ల చేప పిల్లలు పంపిణీ చేయాల్సి ఉండగా ఇప్పటి వరకు 5.31 కోట్ల చేప పిల్లలను మాత్రమే మత్స్యకారులకు అందించారు. చెరువుల్లో చాలా వరకు 20 రోజులక్రితం కురిసిన వర్షాలకు జలకళను సంతరించుకున్నాయి. అయినప్పటికీ కాంట్రాక్టర్ల అలసత్వం, అధికారుల నిర్లక్ష్యం కారణంగా జిల్లాలో చేప పిల్లల పంపిణీ నెమ్మదిగా సాగుతోంది.   50 శాతం కూడా పంపిణీ కాలేదు..  రాష్ట్ర ప్రభుత్వం సెప్టెంబర్‌ మొదటి వారం వరకే చేప పిల్లలను పంపిణీ చేయాలని ఆదేశాలను జారీ చేసింది. అయితే వర్షాలు ఆలస్యంగా కురవడంతో సెప్టెంబర్‌ చివరి వారం వరకు సమయమిచ్చారు. 20 రోజుల క్రితం కురిసిన వర్షాలకు చెరువుల్లో నీళ్లు చేరడంతో చేప పిల్లల కోసం మత్స్యకారులు ఎదురు చూస్తున్నారు. వరంగల్‌ రూరల్‌ జిల్లాలోని మాధన్నపేట చెరువులో ఆగస్టు 28న చేప పిల్లలు వదిలి మంత్రి తలసాని శ్రీనివాస్‌ యాదవ్‌ కార్యక్రమాన్ని సమయమిచ్చారు. 20 రోజుల క్రితం కురిసిన వర్షాలకు చెరువుల్లో నీళ్లు చేరడంతో చేప పిల్లల కోసం మత్స్యకారులు ఎదురు చూస్తున్నారు. వరంగల్‌ రూరల్‌ జిల్లాలోని మాధన్నపేట చెరువులో ఆగస్టు 28న చేప పిల్లలు వదిలి మంత్రి శ్రీనివాస్‌ యాదవ్‌ కార్యక్రమాన్ని ప్రారంభించారు. కానీ ఇప్పటి వరకు ఐదు జిల్లాల్లో 50 శాతం చేప పిల్లల పంపిణీ కూడా పూర్తి కాలేదు. వరంగల్‌ అర్బన్‌ జిల్లాలో 1.49 కోట్ల చేప పిల్లలు పంపిణీ చేయాల్సి ఉండగా ఇప్పటి వరకు 83 లక్షలు, వరంగల్‌ రూరల్‌ జిల్లాలో 2.16 కోట్ల చేప పిల్లలకుగాను 85 లక్షల చేపల పిల్లలు మహబూబాబాద్‌  జిల్లాలో 4.43 కోట్ల చేప పిల్లలకు 2.50 కోట్లు, జయశంకర్‌ భూపాలపల్లి జిల్లాలో 2.13 కోట్లకుగాను 85 లక్షలు, జనగామ జిల్లాలో 2.80 కోట్ల చేపపిల్లలకుగాను 28 లక్షల చేప పిల్లలు పంపిణీ చేశారు. మండల కేంద్రాల్లో పంపిణీ..  చేప పిల్లల పంపిణీ కోసం కాంట్రాక్టర్ల నుంచి ప్రభుత్వం ఆన్‌లైన్‌ ద్వారా టెండర్లను ఆహ్వానించింది. ఎవరు తక్కువ కోట్‌ చేస్తే వారికి అప్పగించారు. ఉమ్మడి వరంగల్‌ జిల్లాకు హన్మకొండలోని భీమారం ఫిషరీస్‌  నిర్వాహకులతోపాటు కొండా సుష్మితాపటేల్, పట్టాభి చేప పిల్లల పంపిణీని దక్కించుకున్నారు.  భీమారం ఫిషరీస్‌ వారు వరంగల్‌ అర్బన్‌ జిల్లాలోని మెజార్టీ చెరువులకు పంపిణీ చేయాల్సి ఉండగా, మిగిలిన చెరువులతోపాటు వరంగల్‌ రూరల్, మహబూబాబాద్, జనగామ, జయశంకర్‌ భూపాలపల్లి జిల్లాలకు పట్టాభి, సుష్మితా పటేల్‌ చెరిసగం చేప పిల్లలు పంపిణీ చేయాల్సి ఉంది. పటాభికి వరంగల్‌లోని కాజీపేట మండలం అమ్మవారిపేటలో ఫాం ఉండగా, కొండా సుష్మితా పటేల్‌కు గీసుకొండ మండలం వంచనగిరిలో ఫాం ఉంది. సదరు కాంట్రాక్టర్లు ఆయా మండల కేంద్రాలకు చేప పిల్లలను తీసుకెళ్లి పంపిణీ చేస్తున్నారు.  సెప్టెంబర్‌ చివరికల్లా పంపిణీ పూర్తి చేస్తాం జిల్లాలో ఎంపిక చేసిన అన్ని చెరువుల్లో సెప్టెంబర్‌ చివరికల్లా చేప పిల్లల పంపిణీ పూర్తిచేస్తాం. మా శాఖ పర్యవేక్షణలో చేప పిల్లల పంపిణీ జరుగుతోంది. చేప పిల్లలు గతంలో నేరుగా చెరువుల్లో వదలడం వల్ల కొంత ఇబ్బంది ఏర్పడింది. అందుకే ఫాం దగ్గరనే పంపిణీ చేస్తున్నాం.  – నరేష్, జిల్లా మత్స్యశాఖ అధికారి 

సాక్షి, హైదరాబాద్‌: గ్రామీణ ఆర్థిక వ్యవస్థను బలోపేతం చేసేందుకు ప్రభుత్వం కులవృత్తులను ప్రోత్సహిస్తుందని రాష్ట్ర పశుసంవర్ధక, మత్స్య శాఖ మంత్రి తలసాని శ్రీనివాస్‌యాదవ్‌ అన్నారు. బుధవారం పీపుల్స్‌ ప్లాజాలో సమీకృత మత్స్య అభివృద్ది పథకం, ఉపకరణాల పంపిణీ కార్యక్రమంలో ఆయన పాల్గొన్నారు. మత్స్యకారులకు మోపెడ్, 4 చక్రల వాహనాలను అందజేసి వారి ఆర్థికాభివృద్దికి కృషి చేస్తున్నామన్నారు మత్స్యకారుల కుటుంబంలో ఎవరైనా ప్రమాదవశాత్తు చనిపోతే రూ.6 లక్షల ఎక్స్‌గ్రేషియా అందిస్తున్నామన్నారు. మిషన్‌ కాకతీయ కింద పునరుద్ధరించిన చెరువుల ద్వారా మత్స్యకారులు సర్వతోముఖాభివృద్ధికి బాట లు వేసుకోవాలని మహమూద్‌ అలీ ఆకాంక్షించారు.   

సంగారెడ్డి జోన్‌: రాష్ట్ర ప్రభుత్వం నాలుగున్నరేళ్లలో అమలు చేసిన సంక్షేమ పథకాలు, అభివృద్ధి కార్యక్రమాలను వివరించి భవిష్యత్‌ దశ–దిశను నిర్దేశించే వేదికగా ప్రగతి నివేదన సభ చరిత్ర సృష్టించనుందని మంత్రి తలసాని శ్రీనివాస్‌యాదవ్‌ అన్నారు. బుధవారం సంగారెడ్డిలో వివిధ అభివృద్ధి సంక్షేమ కార్యక్రమాలను ప్రారంభించడానికి మంత్రి వచ్చారు. ఈ సందర్భంగా ఎమ్మెల్యే క్యాంపు కార్యాలయంలో విలేకరులతో మాట్లాడారు. కాంగ్రెస్‌ అధికారంలో ఉండి తెలంగాణ ప్రాంత వివక్షకు కారణమైందని, నాలుగున్నర ఏళ్లుగా నిర్దిష్టమైన ప్రణాళికతో ఏ అంశంపై అసెంబ్లీలో చర్చించారని ఆ పార్టీని  తలసాని ప్రశ్నించారు. దేశంలో సాగునీటి వనరులు, వాటి వినియోగంపై సీఎం కేసీఆర్‌కు పూర్తి స్థాయి అవగాహన ఉందని తెలిపారు. రాష్ట్రంలో శాంతిభద్రతల పరిరక్షణకు ప్రభుత్వం పెద్దపీట వేస్తోందని, పదేళ్లు అధికారంలో ఉన్న జగ్గారెడ్డి సంగారెడ్డి ప్రజల దాహార్తిని తీర్చడానికి ఏ రోజూ ప్రయత్నించలేదని, శాశ్వత పరిష్కారం కోసం జరుగుతున్న పనుల వల్ల కొంత ఇబ్బంది తలెత్తడం సహజమే అన్నారు. తన ఉనికి కోసం రౌడీయిజం, గుండాయిజానికి పాల్పడితే ప్రభుత్వం తగిన చర్యలు తీసుకుంటుందన్నారు. సమావేశంలో ఎమ్మెల్యే చింత ప్రభాకర్‌ తదితరులు పాల్గొన్నారు.  

వరంగల్‌ అర్బన్‌: దద్దమ్మ కాంగ్రెస్‌ నేతలు బస్సు యాత్ర పేరుతో కారుకూతలు కూస్తున్నారని తెలంగాణ పశుసంవర్థక, సినిమాటోగ్రఫీ శాఖా మంత్రి తలసాని శ్రీనివాస యాదవ్‌ తీవ్రంగా మండిపడ్డారు. విలేకరుల సమావేశంలో మాట్లాడుతూ..కాంగ్రెస్‌లో ప్రతి ఒక్కరూ సీఎం అభ్యర్థిగా ప్రచారం చేసుకుంటున్నారని ఎద్దేవా చేశారు. సూట్‌కేసు దొంగలు కూడా మాట్లాడుతుంటే ఏం సమాధానం చెప్పాలన్నారు. రాహుల్‌ గాంధీ తన మాటలతో ఓ బచ్చా అని అర్ధమైందని అన్నారు. హైదరాబాద్‌ పర్యటనలో, పార్లమెంటులో తన మాటలు, చేష్టలు దేశం మొత్తం చూసిందని వ్యాఖ్యానించారు. హైదరాబాద్‌లో బీజేపీ ఐదు స్థానాలు గెలిస్తే ఎక్కువని వ్యాఖ్యానించారు. సెప్టెంబర్‌ 2న జరిగే సభకు పెద్ద ఎత్తున ప్రజలు హాజరవ్వాలని కోరారు. రాష్ర్టంలో సంక్షేమ పథకాలు ఘనంగా నిర్వహిస్తున్నామని, అవి అందరికీ అందుతున్నాయని, ఆ  కృతజ్ఞతతో సభకు హాజరవ్వాలని విజ్ఞప్తి చేశారు. ఎల్లిగాడు, పుల్లయ్య అందరూ జెండాలు, ఎజెండాలు పక్కకు పెట్టి తిరుగుతున్నారని, రాష్ట్రంలో ఓ ముఠాగా మారి లేనిపోని విమర్శలు చేస్తున్నారని మండిపడ్డారు. సంక్షేమ పథకాల అమలే మా ప్రధాన బలమని చెప్పారు. గతంలో ప్రభుత్వాలు కుల వృత్తులను నిర్వీర్యం చేస్తే మేము కుల వృత్తుల పునరుద్ధరణ కోసం అన్ని కులాలకు ఆర్ధిక చేయూతను ఇస్తున్నామని తెలిపారు.  

హైదరాబాద్‌ : బీజేపీ నేత రాంమాధవ్‌ ఎంతగా మాట్లాడినా ఆ పార్టీకి తెలంగాణాలో స్థానం లేదని, వచ్చే ఎన్నికల్లో ఒక్క సీటు కూడా బీజేపీ గెలవలేదని టీఆర్‌ఎస్‌ నేతలు జోస్యం చెప్పారు. మంత్రి తలసాని శ్రీనివాస్‌ యాదవ్‌తో కలిసి ఇటీవలే పార్టీలో చేరిన మాజీ మంత్రి దానం నాగేందర్‌ టీఆర్‌ఎస్‌ఎల్‌పీ ఆఫీసులో విలేకరులతో మాట్లాడారు. దేశానికి 1947లో స్వాతంత్య్రం వస్తే తెలంగాణలో అట్టడుగు వర్గాలకు కేసీఆర్‌ హయాంలోనే వచ్చిందని తాను చాలా సార్లు చెప్పానని గుర్తు చేశారు. ఇపుడు కూడా చెబుతున్నా ...సబ్సిడీ గొర్రెల పథకం తెచ్చినప్పుడు చాలా మంది చాలా రకాలుగా మాట్లాడారని చెప్పారు. ఇప్పటి వరకు అరవై లక్షల గొర్రెల పంపిణీ చేశామని, ఇదో పెద్ద విజయమన్నారు. గొల్ల కురుమలు, మత్స్యకారుల కుటుంబాల్లో కొత్త వెలుగులు నింపింది కేసీఆరేనని స్పష్టం చేశారు. కోట్లాది చేప పిల్లలను ఉచితంగా పంపిణీ చేయడంతో వెనుకబడిన కులాలకు మంచి మేలు జరిగిందన్నారు. అసెంబ్లీ స్పీకర్ ,శాసనమండలి చైర్మన్ కూడా వెనకబడిన వర్గాలకు చెందిన వారు కావడం బీసీ వర్గాల అదృష్టమని, ప్రభుత్వం బీసీ వర్గాలకు ఎన్ని కోట్ల రూపాలయినా వెచ్చించేందుకు సిద్ధంగా ఉందన్నారు. బీసీలను తామే ఉద్ధరిస్తున్నట్టు కొందరు మాట్లాడుతున్నారని..కానీ వారు చేసింది ఏమీ లేదని విమర్శించారు. గొర్రెల పంపిణీ పై పీసీసీ చీఫ్ ఉత్తమ్ కుమార్‌ రెడ్డి, ఎమ్మెల్యే జీవన్‌ రెడ్డి హేళనగా మాట్లాడటాన్ని ఖండిస్తున్నామని చెప్పారు.

సాక్షి, ఆదిలాబాద్‌/నిజామాబాద్‌ అర్బన్‌ :  కాంగ్రెస్‌ బస్సుయాత్రలో ఉన్న 30 మందిలో 28 మంది ముఖ్యమంత్రి అభ్యర్థులుగా ఉన్నారని, ఆ పార్టీ నేతలకు పదవులపైనే ధ్యాస తప్పితే.. రాష్ట్రానికి మేలు చేయాలనే ఆలోచన లేదని పశుసంవర్ధక శాఖ మంత్రి తలసాని శ్రీనివాస్‌ యాదవ్‌ అన్నారు. మంగళవారం ఆదిలాబాద్‌ జిల్లా తలమడుగు మండలం దేవాపూర్‌లో లబ్ధిదారులకు గొర్రెల దాణా పంపిణీ చేశారు. ఇన్సూరెన్స్‌ క్‌లైమ్‌ ద్వారా మళ్లీ కొనుగోలు చేసిన గొర్రెలను లబ్ధిదారులకు అందజేశారు. ఆదిలాబాద్‌లో గొల్ల, కురుమల సన్నాహక శంఖారావం సభలో, అలాగే.. నిజామాబాద్‌లోని గొల్లకుర్మ సంఘాల సమ్మేళన సభలో మాట్లాడారు.  

సాక్షి, హైదారాబాద్‌ : తెలంగాణ ప్రభుత్వ హయాంలో ప్రతి కుటుంబం ఆత్మగౌరవంలో ఉండాలన్నది ముఖ్యమంత్రి కేటీఆర్‌ ఉద్దేశం అని ఐటీ, మున్సిపల్‌ శాఖా మంత్రి కె తారకరామారావు తెలిపారు. కంటోన్మెంట్‌ మడ్‌ ఫోర్డ్‌ డబుల్‌ బెడ్‌రూమ్‌లకు శంకుస్థాపనలో ఆయన ముఖ్య అతిథిగా పాల్గొన్నారు. ఈసందర్భంగా ఆయన మాట్లాడుతూ నగరంలో రెండువేలకు పైగా మురికివాడలు ఉన్నాయని, వాటిని ప్రభుత్వానికి అందిస్తే డబుల్‌ బెడ్‌రూం ఇళ్లను నిర్మించి ఇస్తామని తెలిపారు. మురికి వాడలు లేని నగరంగా హైదరాబాద్‌ను తీర్చిదిద్దాలన్నదే టీఆర్‌ఎస్‌ ప్రభుత్వం లక్ష్యం అన్నారు. గతంలో ప్రభుత్వాలు నిర్మించిన ఇళ్ళు అగ్గిపెట్టెల్లా ఉండేవని, కానీ ముఖ్యమంత్రి కేసీఆర్‌ హయాంలో విశాలవంతమైన డబుల్ బెడ్‌రూం ఇళ్ళను నిర్మిస్తున్నట్లు మంత్రి తెలిపారు. డబుల్‌ బెడ్‌ రూం ఇళ్ల నిర్మాణాలకు రూ.18వేల కోట్లు ఖర్చు చేస్తున్నామని, దేశ వ్యాప్తంగా చేపట్టిన ఇళ్ల నిర్మాణాల కంటే ఇది అధికమని మంత్రి వెల్లడించారు. ఇల్లు కట్టి చూడు.. పెళ్లి చేసి చూడు సామెతలో ఉన్న రెండింటికీ ముఖ్యమంత్రి కేసీఆర్‌ సాయం చేస్తున్నారని అన్నారు. కంటోన్మెంట్‌ హాస్పిటల్‌ను ప్రభుత్వానికి అప్పగిస్తే అన్ని విధాలుగా అభివృద్ధి చేస్తామని మంత్రి పేర్కొన్నారు. జేబీఎస్‌ నుంచి శామీర్‌పేట్‌, ప్యాట్నీ నుంచి బోయిన్‌పల్లి వరకూ ఉన్న స్థలాన్ని రాష్ట్రానికి అప్పగిస్తే స్కైవే నిర్మాణాలు చేపడతామని కేంద్ర రక్షణ మంత్రిని అడిగినట్లు మంత్రి వెల్లడించారు. పూణె తరహాలో ఇక్కడే ఆర్మ్‌డ్‌ ఫోర్స్‌ మెడికల్‌ కాలేజీ వచ్చేలా కృషి చేస్తామని మంత్రి కేటీఆర్‌ పేర్కొన్నారు. రామన్న కుంట అభివృద్ధికి రూ.2.5 కోట్లు కేటాయించిన విషయాన్ని మంత్రి గుర్తు చేశారు. కంటోన్మెంట్ సమస్యలు తీర్చాం..: మంత్రి తలసాని దేశంలో ఎక్కడా లేని విధంగా తెలంగాణలో డబుల్‌బెడ్ రూం నిర్మాణాలను చేపట్టినట్లు మరో మంత్రి తలసాని శ్రీనివాస్‌ యాదవ్‌ తెలిపారు. జీహెచ్‌యంసీ ఎన్నికల్లో ప్రజలకు ఇచ్చిన వాగ్దానాలు అన్నీ నెరవేర్చుతున్నామని మంత్రి అన్నారు.  కంటోన్మెంట్‌కు ఉన్న నీటి సమస్యను తీర్చేందుకు ఏరియర్స్‌కు పెండింగ్‌లో ఉన్న రూ.16కోట్లను ప్రభుత్వం చెల్లించిందన్నారు. అవినీతితో నిండిపోయిన కంటోన్మెంట్‌ బోర్డును ప్రక్షాళన చేశామని మంత్రి తెలిపారు. రోడ్డు సమస్యను మంత్రి కేటీఆర్‌, కేంద్ర రక్షణ మంత్రితో చర్చలు జరిపి పరిష్కరించారని తలసాని అన్నారు.


 సాక్షి, హైదరాబాద్: ఎన్నికల తరువాత పార్టీలు మారిన ఎ.ఇంద్రకరణ్‌రెడ్డి, తలసాని శ్రీనివాస్‌యాదవ్‌ను సీఎం కేసీఆర్ తన మంత్రి మండలిలోకి తీసుకోవడం వెనుక అవినీతి దాగి ఉందని, దీనిపై ఏసీబీ విచారణకు ఆదేశించాలని కోరుతూ హైకోర్టులో క్రిమినల్ రివిజన్ పిటిషన్ (సీఆర్‌ఎల్‌ఆర్‌సీ) దాఖలైంది. దీనిపై మంగళవారం వాదనలు విన్న కోర్టు తీర్పును వాయిదా వేసింది. ఇంద్రకరణ్‌రెడ్డి, తలసాని శ్రీనివాస్‌యాదవ్లకు పదవులు ఆశచూపి వారిని పార్టీలు మా రేలా చేశారని, ఇది అవినీతి కిందకు వస్తుందని, దీనిపై ఏసీబీ విచారణకు ఆదేశించాలని కోరుతూ హైదరాబాద్‌కు చెందిన ఫర్హత్ ఇబ్రహీం అనే వ్యక్తి హైదరాబాద్ మొదటి అదనపు చీఫ్ మెట్రోపాలిటన్ మేజిస్ట్రేట్ కోర్టులో ఫిర్యాదు దాఖలు చేశారు.
 
 దీనిని పరిశీలించిన కోర్టు ఈ ఫిర్యాదుకు విచారణ అర్హత లేదని తేల్చి చెబుతూ తోసిపుచ్చింది. కింది కోర్టు ఉత్తర్వులను సవాలు చేస్తూ ఇబ్రహీం హైకోర్టులో రివిజన్ పిటిషన్ వేశారు. ఇందులో సీఎం కేసీఆర్, మంత్రులు ఇంద్రకరణ్‌రెడ్డి, తలసాని శ్రీనివాసయాదవ్‌ను వ్యక్తిగత హోదాలో ప్రతి వాదులుగా చేర్చారు. దీనిపై మంగళవారం న్యాయమూర్తి జస్టిస్ సి.ప్రవీణ్‌కుమార్ మరోసారి విచారించారు.
 
 ఈ సందర్భంగా సీఎం తరఫున ఏజీ రామకృష్ణారెడ్డి వాదనలు విని పిస్తూ... ఫిరాయింపుల వ్యవహారంపై స్పీకర్ పరిధిలోని అంశమన్నారు. ఇప్పటికే ఈ వ్యవహారంపై దాఖలైన వ్యాజ్యాలను హైకోర్టు కొట్టేసిందని, సుప్రీంకోర్టులో విచారణ పెం డింగ్‌లో ఉందన్నారు. రాజ్యాంగం కల్పించిన అధికారం మేరకే ఇంద్రకరణ్‌రెడ్డి, శ్రీనివాస్ యాదవ్‌లను కేసీఆర్ మంత్రి మండలిలోకి తీసుకున్నారన్నారు. వాదనలు విన్న న్యాయమూర్తి తీర్పు వాయిదా వేశారు.  
  
 ఏజీ దృష్టికి తీసుకురాని ఏసీబీ...
 వాస్తవానికి ఈ వ్యాజ్యం పది రోజుల కిందే దాఖలైంది. అయితే ఈ విషయాన్ని ఏజీ దృష్టికి ఏసీబీ తీసుకురాలేదు. పిటిషనర్ తరఫున ఢిల్లీకి చెందిన న్యాయవాది హాజరై వాదనలు వినిపించిన విషయాన్ని కూడా వారు చెప్పారు. చివరకు మంగళవారం కేసు విచారణకు వచ్చిన విషయాన్ని తెలుసుకున్న ఏజీ... స్వయంగా హాజరై వాదనలు వినిపించారు. ఏసీబీ తీరుపై ఆయన సీఎంకు ఫిర్యాదు చేసినట్లు తెలిసింది.