‘‘మానవ తప్పిదాలు సహజమే’’, ‘‘అసలు తప్పే చేయనోడు మనిషే కాదు’’ ఇలాంటి మాటలు చెప్పుకోవడానికి బానే ఉంటాయి కానీ, తేడా వస్తే.. రిజల్ట్స్‌ భయంకరంగా ఉన్నాయి. దిమ్మదిరిగి బొమ్మ కనుపడుద్ది..తూచ్‌..నేనొప్పుకోను అంటే కుదరదు.. అస్సలేమీ అర్థం కాలేదు కదా... ఆ మాటల వెనుక మర్మం తెలియాలంటే ఈ కథనం గురించి తెలుసుకోవాలి.మారుతున్న జీవన పరిస్థితులు, జన్యుపరమైన కారణాల రీత్యా అనేక మంది సంతాన సమస్యలతో బాధపడుతున్నారు. సహజంగా గర్భం ధరించడం కష్టమైన వారు కృత్రిమ పద్దతుల ద్వారా బిడ్డల్ని కనేందుకు మొగ్గు చూపుతున్నారు. ఇది ‍ప్రపంచ వ్యాప్తంగా ఉన్న సమస్య. దీంతో వీధికో ఐవీఎఫ్ సెంటర్‌ (IVF) పుట్టుకోస్తోంది. ఇవి కొందరికి వరాలిచ్చే కేంద్రాలుగా మారుతుండగా, మరికొందరికి మాత్రం పీడకలగా మారుతున్నాయి.ఆస్ట్రేలియాలోని ప్రముఖ సంతానోత్పత్తి కేంద్రాల్లో ఒకటైన మోనాష్ ఐవీఎఫ్ సెంటర్‌లో ఈ వివాదం నెలకొంది. ఐవీఎఫ్‌ ద్వారా గర్భధారణకు ప్రయత్నించిందో ఆస్ట్రేలియన్ మహిళ. మరో వైపు ఇదే ఆశతో బ్రిస్బేన కేంద్రానికి వచ్చిందో జంట. అయితే ఆ జంటకు చెందిన పిండాన్న ఆయా మహిళల గర్భంలోకి ప్రవేశ పెట్టారు. అనుకున్నట్టు ఆస్ట్రేలియన్ మహిళ గర్భం నిలిచింది. అంతులేని ఆనందంతో, నవమాసాలు మోసి కోటి ఆశలతో బిడ్డకు జన్మనిచ్చింది. తీరా అది తన బిడ్డకాదని తెలిసి ఒక్కసారిగా షాక్‌ అయింది. ఐవీఎఫ్‌ కేంద్రం చేసిన పొరబాటు కారణంగా మహిళ తానొక అపరిచితుడి బిడ్డకు జన్మనిచ్చినట్టు తెలుసుకుంది. ఇది చట్టపరమైన, నైతిక ఆందోళన లేవనెత్తింది.చదవండి: సింగపూర్‌ ‘ట్రీ టాప్‌వాక్‌’ తరహాలో వాక్‌వే, క్యూ కడుతున్న పర్యాటకులు తప్పయిదంటూ వివరణ, నష్ట పరిహారంఆస్ట్రేలియన్ బ్రాడ్‌కాస్టింగ్ కార్పొరేషన్ ప్రకారం, ఆస్ట్రేలియాలోని బ్రిస్బేన్‌లో జరిగిన ఈ తప్పును. ఈ ఏడాది ఫిబ్రవరిలో గుర్తించారు. అయితే జరిగిన తప్పును అంగీకరించి ఐవీఎఫ్ సెంటర్ మోనాష్ బాధితులు అందరికీ క్షమాపణ చెప్పింది. అలాగే వారికి పెద్ద మొత్తంలో నష్ట పరిహారం చెల్లించింది. దాదాసే భారత కరెన్సీ ప్రకారం రూ.480 కోట్లు నష్ట పరిహారం చెల్లించింది.ఇపుడా బిడ్డ ఎవరికి చెందుతుంది?నిజమైన జన్యు తల్లిదండ్రులు ముందు కొచ్చిదీని గురించి చర్చించాలనుకుంటున్నారా, లేదా అనేది ప్రశ్న అంటోంది మోనాష్ సంస్థ. ఇది అన్ని చోట్ల భయంకరమైన, విచారకరమైన పరిస్థితి అని మోనాష్ ఐవీఎఫ్‌ నిపుణుడు పేర్కొన్నారు. ఇది పాల్గొన్న జంటల జీవితాన్నిమార్చివేసేది అయినప్పటికీ, తదుపరిసారి ఎక్కువగా బాధపడేది ఈ తప్పుకు కారణమైన శాస్త్రవేత్త" అన్నారు. ఆస్ట్రేలియాలోని చట్టం ఎలా నిర్ణయిస్తుందో తెలియదు, మానవులు తప్పులు చేస్తారని అంగీకరించడం తప్ప ఇంతకు మించి చేసేదేమీ లేదు అంటూ చెప్పుకొచ్చారు. చదవండి: సెలబ్రిటీ మాస్టర్ చెఫ్ టైటిల్‌ ఎగరేసుకుపోయాడు : ప్రైజ్‌మనీ ఎంతో?అయితే తల్లైన జంట, బయోలాజికల్ తల్లిదండ్రులు ఎవరు, బిడ్డను ప్రస్తుతం ఎవరికి అప్పగించారు? ఈ శిశువు ఎవరికి చెందుతుందనే దానిపై ఇంకా స్పష్టత లేదు. ప్రస్తుత ఆస్ట్రేలియన్ చట్టం ప్రకారం, జన్మనిచ్చిన తల్లి , ఆమె భాగస్వామి చట్టపరమైన తల్లిదండ్రులుగా గుర్తించ బడతారని, జీవసంబంధమైన తల్లిదండ్రులను కస్టడీ హక్కులు లేకుండా చేసే అవకాశం ఉందని న్యాయ నిపుణులు సూచిస్తున్నారు. ఈ కేసు IVF పరిశ్రమపై భద్రత, పర్యవేక్షణకు పిలుపునిచ్చింది. దీంతోపాటు సహాయక పునరుత్పత్తి సాంకేతికతలలో మెరుగైన రక్షణల అవసరాన్ని హైలైట్ చేసింది.

ముంబై: విజయవంతంగా డిగ్రీ పూర్తిచేసి, తమ విద్యార్హత పట్టాలను అందుకున్న ఆ విద్యార్థులు తమ సర్టిఫికేట్లను చూసుకుని కంగుతిన్నారు. గతంలో విద్యార్థుల పేర్లు, ఇతర వివరాలు తప్పుగా ముద్రితం కావడం పొరపాటుగా జరుగుతుండేది. అయితే ఇప్పుడు కనిపించిన ఆ తప్పుడు ముద్రణ విద్యార్థులకు మింగుడుపడటం లేదు. దీంతో ఆ విద్యార్థులంతా తమ సర్టిఫికేట్లను తిరిగి యూనివర్శిటీకి సమర్పించారు.వివరాల్లోకి వెళితే మహారాష్ట్రలోని ముంబై విశ్వవిద్యాలయం(Mumbai University) (ఎంయు) అందించే సర్టిఫికేట్లలో విద్యార్థుల పేర్లలో స్పెల్లింగ్ తప్పులు రావడం అనేది అప్పుడప్పుడు జరుగుతుంటుంది. అయితే ఈసారి విశ్వవిద్యాలయం పేరే మారిపోయింది. దీనిని చూసినవారంతా తెగ ఆశ్చర్యపోతున్నారు. ‘ముంబై యూనివర్శిటీ’(ఎంయూ) అని ఉండాల్సిన స్థానంలో ‘యూనివర్శిటీ ఆఫ్ ముంబై’(University of Mumbai)(యూఎం) అని ఉంది. డిగ్రీ పరీక్షల్లో ఉత్తీర్ణులైన విద్యార్థుల సర్టిఫికేట్లను యూనివర్శిటీ అధికారులు ఆయా కళాశాలలకు పంపారు. వీటిని చూసిన విద్యార్థులు, వారి తల్లిదండ్రులు యూనివర్శిటీపై ఆగ్రహం వ్యక్తం చేస్తున్నారు.ఒక కళాశాల ప్రిన్సిపాల్ ఈ ఉదంతంపై స్పందిస్తూ ‘ముంబై యూనివర్శిటీ (ఎంయూ) ఇలా వర్శిటీ పేరునే తప్పగా రాయడం సిగ్గుచేటు. లోగోలోనే తప్పులు ఉన్నందున ఇవి నకిలీ సర్టిఫికేట్లుగా ఉన్నాయి. ఇప్పుడు విద్యార్థులు ఈ సర్టిఫికేట్లను(Certificates) ఉద్యోగాల కోసం లేదా తదుపరి చదువుల కోసం ఉపయోగిస్తే ఏమవుతుందని ప్రశ్నించారు. ఇటీవల ముంబై విశ్వవిద్యాలయం స్నాతకోత్సవం జరిగింది. 2023-24లో 1.64 లక్షల మంది విద్యార్థులు పట్టభద్రులయ్యారు. వీరికి సర్టిఫికేట్లను కూడా అందజేశారు.సర్టిఫికెట్ల ముద్రణను ముంబై యూనివర్శిటీ.. హైదరాబాద్‌(Hyderabad)కు చెందిన ఒక కంపెనీకి అప్పగించింది. ఇప్పుడు యూనివర్శిటీ ఈ తప్పును సరిదిద్దేందుకు ప్రయత్నిస్తోంది. ఎటువంటి అదనపు చెల్లింపులు లేకుండా విద్యార్థులకు కొత్త సర్టిఫికేట్లను అందించేందుకు సిద్ధమయ్యింది. ఈ ఉందంతంపై ఒక కళాశాల ప్రిన్సిపల్‌ మాట్లాడుతూ గత కొన్నేళ్లుగా సర్టిఫికేట్ల ముద్రణలో తప్పులు వస్తున్నాయని, అయితే ఈ సారి జరిగింది పెద్ద తప్పేనని అన్నారు. విద్యార్థుల భవిష్యత్తుకు సంబంధించిన ఈ సర్టిఫికేట్లను ముద్రించేటప్పుడు తగిన జాగ్రత్తలు తీసుకోవాలన్నారు. విశ్వవిద్యాలయం విద్యార్థులకు వీలైనంత త్వరగా సరైన సర్టిఫికేట్లను అందించాలని కోరారు. ఇది కూడా చదవండి: Bangladesh: షేక్‌ హసీనా మాయం.. భారత్‌ సహకారం తుడిచివేత

మైక్రోసాఫ్ట్ (Microsoft) సీఈఓ సత్య నాదెళ్ల తన అతిపెద్ద వృత్తిపరమైన పశ్చాత్తాపం గురించి ఇటీవల ఓపెన్ అయ్యారు. గూగుల్ (Google) విజయవంతంగా క్యాష్ చేసుకున్న వెబ్ సెర్చ్ మార్కెట్ ఆధిపత్యాన్ని అంచనా వేయడంలో విఫలమైనట్లు అంగీకరించారు. వెబ్ వికేంద్రీకృతంగా ఉంటుందని మైక్రోసాఫ్ట్ మొదట్లో భావించిందని, సెర్చ్‌ అత్యంత విలువైన వ్యాపార నమూనాగా మారుతుందని గ్రహించలేదని ఆయన అన్నారు.చేజారిన అవకాశం..వెబ్ మార్కెట్‌ వికేంద్రీకృతంగా ఉంటుందని మైక్రోసాఫ్ట్ మొదట్లో భావించిందని, కేవలం వెబ్‌ సెర్చ్‌ అంత పెద్ద బిజినెస్‌ మోడల్‌గా అంచనా వేయలేకపోయిందని సత్య నాదెళ్ల (Satya Nadella) అంగీకరించారు. ఈ పొరపాటు గూగుల్ అవకాశాన్ని సద్వినియోగం చేసుకోవడానికి, సెర్చ్‌ చుట్టూ భారీ వ్యాపారాన్ని నిర్మించడానికి దారితీసిందని చెప్పుకొచ్చారు. "వెబ్ లో అతిపెద్ద వ్యాపార నమూనాగా మారిన దానిని మేము మిస్ అయ్యాము. ఎందుకంటే వెబ్ అంతటా విస్తృతమవుతుందని మేమంతా భావించాము" అని సత్య నాదెళ్ల పేర్కొన్నారు.గూగుల్ దూరదృష్టిసెర్చ్‌ ప్రాముఖ్యతను మైక్రోసాఫ్ట్ తక్కువగా అంచనా వేసినప్పటికీ, దాని సామర్థ్యాన్ని గూగుల్ గుర్తించింది. దూరదృష్టిని ప్రదర్శించింది. వ్యూహాన్ని లోపరహితంగా అమలు చేసింది. సెర్చ్ ద్వారా వెబ్ ను ఆర్గనైజ్ చేయడంలో విలువను చూసి గూగుల్ దాన్ని ఎలా క్యాపిటలైజ్ చేసిందో సత్య నాదెళ్ల వివరించారు. "వెబ్ ను ఆర్గనైజ్ చేయడంలో సెర్చ్ అతిపెద్ద విజేత అవుతుందని ఎవరు ఊహించి ఉంటారు? మేము స్పష్టంగా దానిని చూడలేదు, గూగుల్ దాన్ని చూసింది.. చాలా బాగా అమలు చేసింది" అని అంగీకరించారు.నేర్చుకున్న పాఠాలుసాంకేతిక మార్పులను అర్థం చేసుకుంటే సరిపోదని సత్య నాదెళ్ల ఉద్ఘాటించారు. విలువ సృష్టి ఎక్కడ జరుగుతుందో కంపెనీలు గుర్తించాలి. సాంకేతిక పురోగతిని కొనసాగించడం కంటే వ్యాపార నమూనాలలో మార్పులకు అనుగుణంగా మారడం చాలా సవాలుతో కూడుకున్నదని ఆయన పేర్కొన్నారు. ఈ బిజినెస్ మోడల్ మార్పులు టెక్ ట్రెండ్ మార్పుల కంటే కూడా కఠినంగా ఉంటాయని సత్య నాదెళ్ల పేర్కొన్నారు.ఈ అవకాశాన్ని కోల్పోయినప్పటికీ, సత్య నాదెళ్ల సీఈవోగా (CEO) బాధ్యతలు స్వీకరించినప్పటి నుండి కృత్రిమ మేధస్సు, క్లౌడ్ కంప్యూటింగ్ పై బలమైన దృష్టితో మైక్రోసాఫ్ట్ ఎదుగుదలకు నాయకత్వం వహించారు. సాంకేతిక మార్పులకు అనుగుణంగా ముందుకు సాగేందుకు, టెక్ పరిశ్రమలో మైక్రోసాఫ్ట్ నూతన ఆవిష్కరణలు, నాయకత్వం వహించేలా కంపెనీని నడిపిస్తున్నారు.సన్ మైక్రోసిస్టమ్స్ లో పనిచేసిన తర్వాత 1992లో మైక్రోసాఫ్ట్ లో చేరిన సత్య నాదెళ్ల అనేక ఆవిష్కరణలకు శ్రీకారం చుట్టారు. మంగళూరు విశ్వవిద్యాలయం నుండి ఎలక్ట్రికల్ ఇంజనీరింగ్ లో డిగ్రీ, విస్కాన్సిన్-మిల్వాకీ వర్సిటీ నుండి కంప్యూటర్ సైన్స్ లో మాస్టర్స్ డిగ్రీ, చికాగో విశ్వవిద్యాలయం నుండి ఎంబీఏ పట్టా పొందారు.

మేకప్‌ అందంగా కనిపించడానికే కాదు ఆత్మవిశ్వాసాన్నీ కలిగిస్తుంది. అయితే, మేకప్‌ ఉత్పత్తుల ఎంపికలోనూ, వాడకంలోనూ సాధారణంగా కొన్ని పొరపాట్లు చేస్తుంటారు. వాటిని నివారించడానికి సరైన అవగాహన ఉండాలి. వాతావరణానికి తగిన విధంగా మేకప్‌ ఉత్పత్తులు సీజన్‌ని బట్టి వాడేవి ఉంటాయి. అందుకని, బ్రాండ్‌ అని కాకుండా ప్రొడక్ట్‌ గురించి పూర్తి సమాచారం తెలుసుకోవాలి. వేడి, చలి వాతావరణానికి తగిన నాణ్యమైన ఉత్పత్తులను ఎంచుకోవాలి. దీంతో పాటు అవి తమ చర్మ తత్త్వానికి ఎలా ఉపయోగపడతాయో చెక్‌ చేసుకోవాలి. అందుకు ప్రొడక్ట్స్‌ అమ్మేవారే స్కిన్‌ టెస్ట్‌కి అవకాశం ఇస్తారు. శుభ్రత ముఖ్యంమేకప్‌ వేసుకోవడానికి ముందు ముఖాన్ని శుభ్రపరుచుకోవాలి. చాలా మంది ఈ విషయాన్ని అంతగా పట్టించుకోరు. కానీ, అప్పటికే చర్మంపై పేరుకుపోయిన జిడ్డు, దుమ్ము కణాలు చేరుతాయి. ముఖం శుభ్రం చేయకుండా మేకప్‌ వేసుకుంటే బ్యాక్టీరియా ఎక్కువ వృద్ధి చెందుతుంది. దీనివల్ల కూడా ముఖ చర్మం త్వరగా పాడవుతుంది. సాధారణ అవగాహన లైనర్, ఫౌండేషన్, కాజల్‌.. ఇలా ఏ మేకప్‌ ప్రొడక్ట్‌ ఉపయోగించినా కొన్ని మిస్టేక్స్‌ సహజంగా జరుగుతుంటాయి. ఇలాంటప్పుడు మేకప్‌ పూర్తిగా తీసేయాల్సిన అవసరం లేదు. సాధారణంగా ఫౌండేషన్‌ అయితే బ్లెండింగ్‌ బాగా చేయాలి. ఎంత బాగా బ్లెండ్‌ చేస్తే లుక్‌ అంత బాగా వస్తుంది. బ్యూటీ ప్రొడక్ట్‌ ఎంత అవసరమో అంతే వాడాలి. లేదంటే ఎబ్బెట్టుగా కనిపిస్తుంది. మేకప్‌లో ఫేస్‌ షేప్, స్కిన్‌ టోన్, బాడీకి తగినట్టు కూడా మేకప్‌ ఉంటుంది. ఇందుకు ముందుగా నిపుణుల సూచనలు తీసుకోవచ్చు.మరికొన్ని...నాణ్యమైనవి, ఖరీదైనవి అని కాకుండా తమ స్కిన్‌ టోన్‌కి తగిన మేకప్‌ ప్రొడక్ట్స్‌ ఎంపిక చేసుకోవాలి. మేకప్‌కి ఒకరు వాడిన టవల్, బ్రష్, స్పాంజ్‌ వంటివి మరొకరు ఉపయోగించకూడదు. వాటిని పూర్తిగా శుభ్రం చేసిన తర్వాతనే తిరిగి వాడాలి. రాత్రి పడుకునే ముందు తప్పనిసరిగా మేకప్‌ తొలగించాలి. లేక;yతే స్వేదరంధ్రాలు మూసుకు;yయి, మచ్చలు ఏర్పడే అవకాశం ఉంది. ఫౌండేషన్‌ని ఒకసారి ఎక్కువ మొత్తంలో ఉపయోగిస్తే హెవీగా కనిపిస్తుంది. తక్కువ మొత్తాన్ని అప్లై చేసి, పూర్తిగా బ్లెండ్‌ చేయాలి.మేకప్‌ ట్రెండ్స్‌ని అనుసరించడం కన్నా, తమ ముఖానికి నప్పే అలంకరణను ఎంచుకోవడం మేలు. రోజంతా ఉన్న మేకప్‌ పైన మరొకసారి టచప్‌ చేయకపోవడమే మంచిది. మస్కారా వంటివి మరొక కోట్‌ వేయకుండా బ్రష్‌ను తడిపి, కనురెప్పలపై అద్దవచ్చు. లిప్‌స్టిక్‌ను ఉపయోగించే ముందు లిప్‌ బ్రష్‌ను వాడితే, అలంకరణ నీటుగా వస్తుంది. – శ్రీలేఖ, మేకప్‌ ఆర్టిస్ట్‌

కొచ్చి: గూగుల్‌ అనువాదంతో బుక్కైన  రైల్వే అధికారులు సోషల్‌​ మీడియాలో తెగ ట్రోలింగ్‌ ఎదుర్కొంటున్నారు. కేరళలోని ఓ రైలు పేరు హటియా-ఎర్నాకులం అని హిందీ ఇంఘ్లీష్‌లో ఉండగా హటియాను అనువదించి మళయాలంలో హత్య(మర్డర్‌) అని అర్థం వచ్చేలా ‘కొలపతకం’ అని  బోర్డుపై రాశారు. దీంతో రైలు పేరు కాస్తా మర్డర్‌ ఎక్స్‌ప్రెస్‌గా మారిపోయింది. ఈ వ్యవహారంలో రైల్వే అధారులపై సోషల్‌మీడియాలో నెటిజన్లు తీవ్ర విమర్శలు గుప్పిస్తున్నారు. రైలు నేమ్‌ ప్లేట్‌ను ఎక్స్‌(ట్విటర్‌)లో షేర్‌ చేస్తూ ‘ష్‌..వారికి ఎవరూ చెప్పొద్దు’ అని ఒక నెటిజన్‌ సెటైర్‌ వేశారు. గూగుల్‌ అనువాదంపై పూర్తిగా ఆధారపడ్డ ఫలితం అని మరో నెటజన్‌ చురకంటించారు. రైలు పేరు విషయంలో అనువాదం బెడిసికొట్టిన వ్యవహారంపై రాంచీ డివిజన్‌ సీనియర్‌ రైల్వే అధికారి స్పందించారు. ఇది తప్పుడు అనువాదం వల్ల వచ్చిన సమస్యని, తమ దృష్టికి రాగానే నేమ్‌ప్లేట్‌ సరి చేశామని తెలిపారు. రాంచీలోని హటియా నుంచి ఎర్నాకులానికి ఎక్స్‌ప్రెస్‌ రైలు వారానికి ఒకసారి నడుస్తుంది.  😭😭😭 https://t.co/u2CXud1sok — Cow Momma (@Cow__Momma) April 12, 2024 ఇదీ చదవండి.. బోర్న్‌వీటాపై కేంద్రం కీలక ఆదేశాలు

వాషింగ్టన్‌: జీవితంలో చిన్న పొరపాట్లు చేసి కోట్ల రూపాయల సంపదను పోగొట్టుకున్నవాళ్లు ఎంతో మంది ఉన్నారు. అయితే అమెరికాలోని వర్జీనియాలో మిరియం లాంగ్‌ అనే మహిళకు మాత్రం  తాను చేసిన చిన్నపొరపాటే భారీగా కలిసి వచ్చింది. ఒకేసారి ఏకంగా 1 మిలియన్‌ డాలర్‌(సుమారు 8 కోట్ల రూపాయలు) వర్జీనియా లాటరీ గెలుచుకునేలా చేసింది. మిరియం వర్జీనియాలోని బ్లాక్స్‌బర్గ్‌ నగరంలో ఉన్న సౌత్‌ మెయిన్‌ స్ట్రీట్‌లోని సీవీఎస్‌ స్టోర్‌కి వెళ్లింది. పనిలో పనిగా స్టోర్‌లో ఉన్న వర్జీనియా లాటరీ వెండింగ్‌ మెషిన్‌ వద్దకు వెళ్లి ఒక బటన్‌ నొక్కింది. అయితే అది రాంగ్‌ బటన్‌. నిజానికి మిరియం మెగా మిలియన్స్‌ లాటరీ టికెట్‌ కొనాల్సింది పోయి పొరపాటున వన్‌ మిలియన్‌ పవర్‌ బాల్‌ ప్రైజ్‌ టికెట్‌కు  సంబంధించిన బటన్‌ నొక్కింది.  దీంతో ఆమె అనుకున్నది కాకుండా వేరే టికెట్‌ వచ్చింది.  లాటరీ డ్రా తీయగా విచిత్రంగా మిరియంకు పొరపాటున వచ్చిన టికెట్‌కే  వన్‌ మిలియన్‌ డాలర్‌ ప్రైజ్‌ తగిలింది. ఊహించని విధంగా జాక్‌పాట్‌ తగలడంతో మిరియం ఆనందానికి అవధులు లేకుండా పోయాయి. లాటరీ గెలుచుకోవడంపై మిరియం స్పందిస్తూ ‘ఇది నా జీవితంలో చేసిన చాలా మంచి పొరపాటు. ఇంత పెద్ద మొత్తం గెలుచుకున్నందుకు షాక్‌ తిన్నాను. నా గుండె సంతోషంతో వేగంగా కొట్టుకుంది’అని తెలిపింది.  ఇదీ  చదవండి.. 19 ఏళ్లకే బిలియనీర్‌ స్టూడెంట్‌.. ఆమె ఆస్తి అన్ని కోట్లా..?

Raghuram Rajan Warning: ఆర్థిక వృద్ధికి సంబంధించి "హైప్"ను నమ్మి భారత్‌ పెద్ద తప్పు చేస్తోందని ఆర్బీఐ మాజీ గవర్నర్ రఘురామ్ రాజన్ హెచ్చరించారు. దేశం దాని సామర్థ్యాన్ని చేరుకోవడానికి గణనీయమైన నిర్మాణాత్మక సమస్యలను పరిష్కరించాల్సిన అవసరం ఉందని అభిప్రాయపడ్డారు. ఎన్నికల తర్వాత కొత్త ప్రభుత్వం ఎదుర్కోవాల్సిన అతిపెద్ద సవాలు శ్రామిక శక్తి, నైపుణ్యాలను మెరుగుపరచడం అని రఘురామ్‌ రాజన్ ఒక ఇంటర్వ్యూలో అన్నారు. ఈ సవాలును పరిష్కరించకుంటే యువత ప్రయోజనాలను కాపాడటంలో కష్టాలు పడాల్సి వస్తుందన్నారు. దేశంలోని 140 కోట్ల జనాభాలో సగానికి పైగా 30 ఏళ్లలోపు యువతే ఉన్నారన్నారాయన. 2047 నాటికి భారతదేశాన్ని అభివృద్ధి చెందిన ఆర్థిక వ్యవస్థగా మార్చాలన్న ప్రధాని నరేంద్ర మోదీ ఆశయాన్ని ఈ ఆర్బీఐ మాజీ గవర్నర్‌ కొట్టిపారేశారు. డ్రాప్-అవుట్ శాతం అధికంగా ఉండి పిల్లలలో చాలా మందికి హైస్కూల్ విద్య లేకపోతే ఆ ఆశయం గురించి మాట్లాడటమే వ్యర్థం అన్నారు. భారతదేశంలో అక్షరాస్యత రేట్లు వియత్నాం వంటి ఇతర ఆసియా దేశాల కంటే తక్కువగా ఉన్నాయన్నారు. స్థిరమైన ప్రాతిపదికన 8% వృద్ధిని సాధించడానికే దేశం మరింత ఎక్కువ పని చేయాల్సి ఉందన్నారు. దేశంలో ఉన్నత విద్య కోసం కంటే చిప్‌ల తయారీకి రాయితీలపై ఎక్కువ ఖర్చు చేసేందుకు మోదీ ప్రభుత్వం తీసుకున్న విధాన నిర్ణయాలను రఘురామ్‌ రాజన్‌ తప్పుపట్టారు. భారతదేశంలో కార్యకలాపాలను స్థాపించడానికి సెమీ-కండక్టర్ కంపెనీలకు రాయితీల కింద సుమారు రూ. 76 వేల కోట్లు కేటాయించగా ఉన్నత విద్య కోసం రూ. 47 వేల కోట్లనే కేటాయించడాన్ని ఎత్తి చూపారు.

విప్రో వ్యవస్థాపకుడు అజీమ్‌ ప్రేమ్‌జీ చేసిన ఒక తప్పు.. దేశంలో అగ్రశ్రేణి ఐటీ సంస్థగా ఉన్న ఇన్ఫోసిస్‌ (Infosys) పుట్టుకకు కారణమని తెలుసా?  అప్పుడాయన ఆ తప్పు చేయకుండా ఉంటే ఇప్పుడు ఇన్ఫోసిస్‌ ఉండేదే కాదు. ఇంతకీ ఆయన చేసిన తప్పేంటి.. ఇన్ఫోసిస్‌ నారాయణమూర్తి (NR Narayana Murthy) స్వయంగా చెప్పిన ఆ విషయం గురించి తెలుసుకుందామా.. ఇన్ఫర్మేషన్ టెక్నాలజీ (IT) రంగంలో భారత్‌ గణనీయ అభివృద్ధి సాధించింది. ఇందుకు ఎన్నో సంవత్సరాలుగా అనేక మంది కార్పొరేట్ లీడర్లు చేసిన కృషి ఎనలేనిది. 1981లో కంపెనీని స్థాపించి దేశంలో ఐటీ అభివృద్ధి బాటలో పయనించడానికి అనేకమందికి మార్గం సుగమం చేసిన ఏడుగురిలో ఒకరైన ఇన్ఫోసిస్ వ్యవస్థాపకుడు ఎన్‌ఆర్ నారాయణ మూర్తి ముందువరుసలో ఉంటారు. ప్రస్తుతం ఇన్ఫోసిస్‌లో ఎలాంటి కీలక పాత్ర లేని 77 ఏళ్ల నారాయణమూర్తి.. తనతో  విప్రో ఫౌండర్‌ అజీమ్ ప్రేమ్‌జీ చెప్పిన ఓ ఆసక్తికర విషయాన్ని ఇటీవల వెల్లడించారు. నారాయణమూర్తిని ఉద్యోగంలోకి తీసుకోకపోవడమే తాను చేసిన అతి పెద్ద తప్పులలో ఒకటి అని అజీమ్ ప్రేమ్‌జీ తనతో ఒకసారి చెప్పాడని సీఎన్‌బీసీ టీవీ18కి ఇచ్చిన ఇంటర్వ్యూలో చెప్పారు. పరిస్థితులు అనుకూలంగా జరిగి ఉంటే ఇప్పుడు విప్రో సంస్థకు తిరగుండేది కాదని నారాయణ మూర్తి దంపతులు ఇదే ఇంటర్వ్యూలో పేర్కొన్నారు. నారాయణ మూర్తి 1981 నుంచి 2002 వరకు 21 సంవత్సరాల పాటు ఇన్ఫోసిస్ సీఈవోగా కొనసాగారు.  2002 నుంచి 2006 వరకు బోర్డు ఛైర్మన్‌గా ఉన్నారు. ఆ తర్వాత చీఫ్ మెంటార్‌గా కూడా సేవలందించారు. 2011లో ఇన్ఫోసిస్ నుంచి రిటైరయ్యారు. నారాయణ మూర్తి ఇప్పుడు ఇన్ఫోసిస్ ఎమెరిటస్ చైర్మన్.

భారతదేశ చరిత్రలో ప్రకృతి విపత్తులకు, మానవ తప్పిదాల కారణంగా తలెత్తే ఆపదలకు కొదవేంలేదు. వాటిలో ఒకటే అగ్ని ప్రమాదాలు. పలు ఘటనల్లో అగ్ని ప్రమాదాలకు మానవ తప్పిదాలే కారణమని తెలుస్తుంటుంది. 2023లో మన దేశంలో అనేక అగ్ని ప్రమాదాలు సంభవించాయి. ఈ ఘటనల్లో ప్రాణ, ఆస్తి నష్టాలు చోటుచేసుకున్నాయి. ఈ ఏడాది భారతదేశంలో సంభవించిన కొన్ని భారీ అగ్ని ప్రమాదాలు.. 15 మంది మృత్యువాత.. ధన్‌బాద్ (జార్ఖండ్): 2023, జనవరి 31న జార్ఖండ్‌లోని ధన్‌బాద్‌లోని నివాస భవనంలో భారీ అగ్నిప్రమాదం సంభవించింది. ఈ ఘటనలో 15 మంది మృత్యువాత పడ్డారు. బస్సులో మంటలు చెలరేగి.. మహారాష్ట్రలోని బుల్దానా జిల్లాలోని సమృద్ధి-మహామార్గ్ ఎక్స్‌ప్రెస్‌వేపై 2023, జూలై ఒకటిన.. తెల్లవారుజామున ఒక బస్సులో మంటలు చెలరేగాయి. ఈ ఘటనలో ముగ్గురు పిల్లలతో సహా 25 మంది మృతి చెందారు. ఎనిమిది మంది గాయాలపాలయ్యారు.  హమ్‌సఫర్‌లో అగ్నిప్రమాదం 2023, సెప్టెంబరు 23న తిరుచిరాపల్లి-శ్రీ గంగానగర్ హంసఫర్ ఎక్స్‌ప్రెస్‌లో అగ్నిప్రమాదం  చోటుచేసుకుంది. రైలు గుజరాత్‌లోని వల్సాద్ రైల్వే స్టేషన్ దాటుతుండగా మంటలు చెలరేగాయి. షార్ట్ సర్క్యూట్ కారణంగా మంటలు చెలరేగాయి. రెస్క్యూ టీమ్‌.. ప్రయాణికులను సురక్షితంగా బయటకు తీసుకువచ్చింది. ఈ ఘటనలో ఎలాంటి ప్రాణనష్టం జరగలేదు. భారత్ గౌరవ్ రైలులో.. 2023, ఆగస్టు 26న లక్నో-రామేశ్వరం భారత్ గౌరవ్ రైలులో అగ్నిప్రమాదం చోటు చేసుకుంది.  తమిళనాడులోని మధురై జంక్షన్ సమీపంలో రైలులో మంటలు చెలరేగాయి. ఈ మంటలు నాలుగు కోచ్‌లకు వ్యాపించాయి. ఈ దుర్ఘటనలో 12 మంది ప్రయాణికులు మృతి చెందారు. 40 మంది ప్రయాణికులు గాయపడ్డారు. గ్యాస్ సిలిండర్ పేలడమే ఈ అగ్నిప్రమాదానికి కారణమని రైల్వే అధికారులు తెలిపారు.  లూథియానా గ్యాస్ లీక్ 2023, అక్టోబర్ 15న పంజాబ్‌లోని లూథియానాలోని ఒక రసాయన కర్మాగారంలో గ్యాస్ లీక్ అయింది. ఫలితంగా ఫ్యాక్టరీ సమీపంలోని భవనాల్లో భారీగా మంటలు చెలరేగాయి. ఈ ఘటనలో 18 మంది కార్మికులు మృతి చెందగా, 50 మంది గాయపడ్డారు. వాల్వ్ సరిగా లేకపోవడంతో గ్యాస్ లీక్ అయింది. ఈ ఏడాదిలో చోటుచేసుకున్న అగ్ని ప్రమాదాలు భవిష్యత్తులో ఇటువంటి విషాదాలను నివారించడనికి గుణపాఠంగా కనిపిస్తాయి. మనం తీసుకోవల్సిన అగ్నిమాపక భద్రతా చర్యలతో పాటు అత్యవసర సంసిద్ధత  ప్రాముఖ్యతను మనకు గుర్తు చేస్తాయనడంలో సందేహం లేదు. ఇది కూడా చదవండి: ‘రామనంది’ సంప్రదాయం ఏమిటి? అయోధ్యలో పూజారులెవరు? 

Election Results: దేశంలో తాజాగా జరిగిన ఐదు రాష్ట్రాల ఎన్నికలలో కాంగ్రెస్‌ ఘోర పరాభవాన్ని మూటకట్టకుంది. ఈశాన్య రాష్ట్రం మిజోరంను పక్కనపెడితే ఒక్క తెలంగాణలో తప్ప మిగిలిన మధ్యప్రదేశ్, రాజస్థాన్, ఛత్తీస్‌గఢ్‌ అసెంబ్లీ ఎన్నికల్లో కాంగ్రెస్‌ పార్టీ తుడిచిపెట్టుకుపోయింది. నామామాత్రపు సీట్లకు పరిమితమైంది. ఇక్కడ గమనించాల్సిన అంశం ఏంటంటే కాంగ్రెస్‌ రాజస్థాన్‌, ఛత్తీస్‌గఢ్‌లలో అధికారాన్ని కోల్పోయింది. అయితే ఈ పరాజయానికి మిత్ర పక్షాలన్నీ కాంగ్రెస్‌ను నిందిస్తున్నాయి. అన్ని చోట్ల ఒంటరిగా వెళ్లడమే కాంగ్రెస్‌ పార్టీ చేసిన తప్పిదమని తేల్చేస్తున్నాయి. ఆయా అసెంబ్లీ ఎన్నికల్లో ఒంటరిగా పోటీ చేసి కాంగ్రెస్ తప్పు చేసిందని బిహార్ ముఖ్యమంత్రి నితీష్ కుమార్‌కు చెందిన జేడీయూ స్పష్టం చేసింది.  బీజేపీ ఆరోపించిన మతోన్మాద రాజకీయాలను సమర్ధవంతంగా ఎదుర్కోలేకపోవడమే ఈ రాష్ట్రాల్లో కాంగ్రెస్ ఓటమికి కారణమని జేడీయూ ముఖ్య అధికార ప్రతినిధి, ఎమ్మెల్సీ నీరజ్ కుమార్ ఆరోపించారు. కృత్రిమంగా ‘ఇండియా’ కూటమి బీజేపీ వ్యతిరేక పార్టీలను కలుపుకొని జాతీయ స్థాయిలో ‘ఇండియా’ (INDIA) కూటమి ఏర్పాటైంది. రాష్ట్రాలలో విడిగా పోటీ చేస్తూ జాతీయ స్థాయిలో పొత్తు ఉందని చెప్పడంలో అర్థం లేదని జేడీయూ నేత నీరజ్‌ కుమార్‌ పేర్కొన్నారు. పెద్దగా సమావేశాలు నిర్వహించుకుండా, పొత్తుతో క్షేత్రస్థాయికి వెళ్లకుండా ‘ఇండియా’ కూట మి చాలా కృత్రిమంగా కనిపిస్తుందని ఆయన ఆక్షేపించారు. కాగా మధ్యప్రదేశ్‌లో కాంగ్రెస్‌ ఒంటరిగా పోటీ చేయడంతో జేడీయూ కూడా విడిగా 5 స్థానాల్లో అక్కడ పోటీ చేసింది. కాంగ్రెస్‌ ఓటమికి అదే కారణం మధ్యప్రదేశ్ అసెంబ్లీ ఎన్నికలలో పార్టీ ఓటమికి కాంగ్రెస్ నాయకుడు కమల్ నాథ్ కారణమని శివసేన (ఉద్ధవ్ బాలాసాహెబ్ థాకరే) నాయకుడు సంజయ్ రౌత్ కూడా ఇదివరకే ఆరోపించారు. మధ్యప్రదేశ్ అసెంబ్లీ ఎన్నికల ఫలితాల్లో కాంగ్రెస్ కొన్ని సీట్లను ‘ఇండియా’ (INDIA) కూటమిలోని భాగస్వామ్యులతో పంచుకుని ఉంటే మరోలా ఉండేదన్నారు.

ఒ‍క్కసారి సమాధి అయితే ఇక అంతే. బతికుండే ఛాన్స్‌ ఉండదు. అది కూడా బతికుండా సజీవ సమాధి అయినా కూడా అంతే. ఆ టైంలో లక్కీగా ఎవరైనా గమనిస్తే బతికే అవకాశం ఉంటుందేమో గానీ సమాధి అయిన తర్వాత అందుకు అస్సలు అవకాశం ఉండదు. అలాంటిది ఓ మహిళ సమాధి అయినా కూడా.. 11 రోజులు వరకు ప్రాణాల కోసం పోరాడిందట. విషయం తెలుసుకుని చుట్టుపక్కల వాళ్లు, బంధువులు ఆమె సమాది వద్దకు చేరుకుని చూడగా..ఒక్కసారిగా అంతా నిర్ఘాంతపోయారు. ఈ వింత ఘటన బ్రెజిల్‌లో చోటు చేసుకుంది. వివరాల్లోకెళ్తే..బ్రెజిల్‌లోని 37 ఏళ్ల రోసాంజెలా అల్మేడా అనే మహిళ పొరపాటున సజీవ సమాధి అయ్యిందనే విషయం గుప్పుమంది. ఆమె డెత్‌ సర్టిఫికేట్‌లో షాక్‌కి గురయ్యి, గుండెపోటుతో మరణించినట్లు ఉంది. దీంతో తాము ఖననం చేసినట్లు బంధువులు చెబుతున్నారు. అయితే ఆమె సమాధి అయిన తర్వాత ఆ చుట్టుపక్కల వాళ్లు ఆ సమాధిలోంచి వింత శబ్దాలు వినిపించాయి. ఓ మనిషి మూలుగు వినిపోస్తుందని అందరూ చెప్పడంతో.. బంధువులు ఆమె చనిపోయిన 11వ రోజున ఆమె సమాధికి వద్దకు చేరుకుని తవ్వడం ప్రారంభించారు. వెలికితీయగా బంధువులంతా అల్మెడాని  చూసి ఒక్కసారిగా కంగుతిన్నారు. ఆమె శరీరరం వేడిగా ఉండి శ్వాస తీసుకోవడం చూసి షాక్‌ తిన్నారు. ఐతే ఇక్కడ జరిగిన మరో షాకింగ్‌ విషయం ఏంటంటే ఆమెను ఖననం చేసినప్పుడూ వంటిపై గాయాలు లేవు. కానీ ఇప్పుడూ చూస్తే నుదిటిపై మణికట్టుపనై తీవ్ర గాయాలు ఉన్నాయి. కొంతమంది సాక్ష్యుల సైతం ఆమె చనిపోయి ఉండకపోవచ్చని తాము చూసేటప్పటికీ.. ఆమె శరీరం వెచ్చగానే ఉందని చెప్పారు. చిత్రవిచిత్రమైన ట్విస్ట్‌లతో టెన్షన్‌ రేకెత్తించి ఈ అంశం కాస్త చివరికి విషాదంగా ముగిసింది. అల్మెడా సమాధి నుంచి బయటకు తీసిన తర్వాత సజీవంగా లేకపోవడం గమనార్హం. సమాచారం అందుకున్న పోలీసులు రంగంలోకి దిగి విచారణ చేయగా అవన్ని పుకార్లు అయ్యి ఉండొచ్చని కొట్టిపారేశారు. ఓ వ్యక్తి సమాధిని తవ్వి ఆమె ఆత్మకు శాంతి చేకూరకుండా భంగం కలిగించినందుకు గానూ ఆయా వ్యక్తులపై అభియోగాలు మోపి పోలీసులు అరెస్టు చేయడం కొసమెరపు. చివరికి విచారణలో అల్మెడాను సజీవంగా పాతిపెట్టలేదని నిర్థారించారు. అవన్నీ ఊహగానాలకింద తేల్చారు పోలీసులు. చివరికి ఈ షాకింగ్‌ ఘటన అనేక ట్విస్ట్‌లతో బాధకరంగా ముగిసింది.  (చదవండి: మనిషి బ్రెయిన్‌ వేవ్స్‌తో..ఏకంగా "పాట"నే పునర్నిర్మించారు!)

టైటిల్‌: మిస్టేక్‌ నటీనటులు: అభిన‌వ్ స‌ర్దార్‌, అజయ్ క‌తుర్‌వ‌ర్‌, సుజిత్, తేజ ఐనంపూడి, క‌రిష్మా కుమార్‌, తానియా క‌ల్రా, ప్రియా పాల్ త‌దిత‌రులు  నిర్మాణ సంస్థ: ఏఎస్‌పీ మీడియా హౌస్‌ నిర్మాత: అభినవ్ స‌ర్దార్‌ స్టోరి, స్క్రీన్ ప్లే, ద‌ర్శ‌క‌త్వం:  భ‌ర‌త్ కొమ్మాల‌పాటి సంగీతం: మ‌ణి జెన్నా సినిమాటోగ్రాఫ‌ర్‌: హ‌రి జాస్తి ఎడిట‌ర్‌:విజ‌య్ ముక్తావ‌ర‌పు విడుదల తేది: ఆగస్ట్‌ 4, 2023 ‘మిస్టేక్‌’ కథేంటంటే..  హెయిర్‌ స్టైలీష్‌ ఆగస్త్య(అజయ్‌ కతుర్‌వర్‌) , పూజారి మహదేవ్‌ శర్మ అలియాస్‌ దేవ్‌(సుజిత్‌ కుమార్‌), కార్తీక్‌(తేజ ఐనంపూడి) ముగ్గురు స్నేహితులు. ఒకే గదిలో కలిసి ఉంటారు. ఈ ముగ్గురికి లవర్స్‌ ఉంటారు. హెయిర్‌ స్టైలీష్‌ ఆగస్త్య.. ఏసీపీ కూతురు మిత్ర(ప్రియా)ను ప్రేమిస్తాడు. పూజారి దేవ్‌, పార్వతి అలియాస్‌ పారు(నయన్‌ సారికా) అనే యువతితో ప్రేమలో ఉంటే, ముంబైలో సాఫ్ట్‌వేర్‌ ఉద్యోగిణి స్వీటీ(తనియా కార్లా)ని కార్తీక్‌ లవ్‌ చేస్తాడు. ఈ ముగ్గురికి నగరంలో వేరు వేరు కారణాల వల్ల ప్రాణహానీ ఉందని భావిస్తారు. దీంతో ఒక వారం పాటు సిటీకి దూరంగా వెళ్లాలనుకుంటారు. తమ లవర్స్‌తో కలిసి ఫారెస్ట్‌ ట్రిప్‌ వేస్తారు. ఇందుకుగాను కార్తీక్‌ ఆన్‌లైన్‌లో షాపింగ్‌ చేసి అందరికి డ్రెస్సులు తీసుకుంటాడు. అంతా కలిసి జీపులో ఫారెస్ట్‌కి వెళ్తుంటే మార్గ మధ్యలో ఓ రౌడీ(అభినవ్‌  సర్దార్‌) వీరిపై అటాక్‌ చేస్తాడు. అతని నుంచి తప్పించుకున్న ఈ మూడు జంటలు అడవిలోకి వెళ్లిపోతారు. అడవిలో వీరికి ఎదురైన సమస్యలేంటి? అసలు ఆ రౌడీ వీరికి ఎందుకు అటాక్‌ చేశాడు? అతన్ని ఎవరు పంపించారు? ఈ మూడు జంటలు చేసిన మిస్టేక్‌ ఏంటి? చివరకు ఏం జరిగింది? అనేది తెలియాలంటే మిస్టేక్‌ మూవీ చూడాల్సిందే.  ఎలా ఉందంటే..  ఓ చిన్న పొరపాటు వల్ల మూడు జంటలు పడిన బాధలేంటి? చివరకు వారు చేసిన మిస్టేక్‌ ఎలాంటి ప్రయోజనాన్ని చేకూర్చింది అనేదే ఈ సినిమా కథ. దర్శకుడు భరత్‌ కొమ్మాలపాటి  ఓ చిన్న పాయింట్‌ని కథగా మలిచి, రెండు గంటల పాటు ఆద్యంతం ఉత్కంఠభరితంగా నడిపించడం హైలైట్‌ పాయింట్‌. సినిమా కామెడీగా సాగుతూనే మధ్య మధ్యలో వచ్చే ట్విస్టులు ఉత్కంఠకు గురి చేస్తాయి. అయితే సస్పెన్స్‌ అంశాలు, ట్విస్టులలో కొత్తదనం ఉండదు. గతంలో చాలా సినిమాల్లో చూసిన ట్వీస్టులు ఇందులో చూపించారు. సస్పెన్స్‌ అంశాలను మరింత బలంగా రాసుకోవాల్సింది.  సినిమా మొత్తం మూడు జంటలు, ఓ విలన్‌ పాత్రల చుట్టే తిరుగుతుంది. ఎక్కువ భాగం అడవిలోనే సాగుతుంది. ఫస్టాఫ్‌లో మూడు జంటల ప్రేమ కథ, వారికి వచ్చిన సమస్యలు, దాని నుంచి తప్పించుకునేందుకు వారు వేసిన ప్లాన్‌.. ఈ క్రమంలో వారు చేసే పనులు అన్ని సరదాగా సాగుతూ వినోదాన్ని పంచుతాయి. అదే సమయంలో కొన్ని సన్నివేశాలు ఉత్కంఠభరితంగాను సాగుతాయి. మూడు జంటలకు అడవిలో మరుగుజ్జు జాతి ప్రజలతో కలిసి చేసే కామెడీ నవ్వులు పూయిస్తుంది. అక్కడక్కడ వచ్చే కొన్ని బోల్డ్‌ సన్నివేశాలు, డైలాగులు ఫ్యామిలీ ఆడియన్స్‌కి ఇబ్బందిగా అనిపిస్తాయి.  ఇంటర్వెల్‌ ట్విస్ట్‌ సెకండాఫ్‌పై ఆసక్తిని పెంచుతుంది. అయితే ద్వితియార్థంలో మాత్రం థ్రిల్లింగ్‌గా సాగినప్పటికీ కాస్త బోర్‌ కొడుతుంది. ఇంటర్వెల్‌ ముందే ట్విస్ట్‌ని రివీల్‌ చేయడం.. తర్వాత ఏం జరుగుతుందనేది ఈజీగా అర్థమైపోతుంటుంది. క్లైమాక్స్‌ ట్విస్ట్‌ మాత్రం అదిరిపోతుంది. కథను మరింత బలంగా రాసుకొని, సెకండాఫ్‌ని ఆసక్తికరంగా నడిపించి ఉంటే సినిమా ఫలితం మరోలా ఉండేది.  ఎవరెలా చేశారంటే..  అభినవ్ సర్దార్ నెగిటివ్ రోల్ లో మెప్పించాడు. భయంకరమైన లుక్స్‌లో కనిపిస్తూ యాక్షన్స్‌ సీన్స్‌ అదరగొట్టేశాడు. ఇక మూడు ప్రేమ జంటలు అగస్త్య(అజయ్‌)- మిత్ర(ప్రియా),దేవ్‌(సుజిత్‌ కుమార్‌)-పార్వతి(నయన్‌ సారికా), కార్తిక్‌(తేజ ఐనంపూడి)-స్వీటి(తనియా కార్లా) తమ పాత్రల పరిధి మేరకు ఆకట్టుకునే ప్రయత్నం చేశారు. పూజారి దేవ్‌ పాత్ర నవ్వులు పూయిస్తుంది. ఇక ముగ్గురు హీరోయిన్లు నటన పరంగానే కాదు గ్లామర్‌తోను మెప్పించారు. రాజా రవీంద్ర, సమీర్‌ తదితరులు తమ పాత్రల పరిధిమేర నటించారు. ఇక సాంకేతిక విషయాలకొస్తే.. సంగీతం పర్వాలేదు. మంగ్లీ పాడిన పాట మినహా మిగతావేవి అంతగా ఆకట్టుకోలేవు. సినిమాటోగ్రాఫర్‌ హరి జాస్తి పనితీరు బాగుంది. ఎడిటర్‌  విజయ్‌ ముక్తావరపు తన కత్తెరకు ఇంకాస్త పని చెప్పాల్సింది. నిర్మాణ విలువలు బాగున్నాయి. 

'రామ్ అసుర్‌' త‌ర్వాత అభిన‌వ్ స‌ర్దార్ న‌టించిన లేటెస్ట్ మూవీ 'మిస్టేక్‌'. ఈ చిత్రానికి ప్రముఖ కొరియోగ్రాఫర్ భరత్ కొమ్మాలపాటి దర్శకత్వం వ‌హించారు. ఏఎస్పీ బ్యానర్‌పై రూపొందుతోన్న ఈ సినిమా ఆగస్ట్ 4న రిలీజ్ కానుంది. ఈ మూవీ రిలీజ్ డేట్ పోస్ట‌ర్‌ను ప్ర‌ముఖ న‌టుడు, క‌మెడియ‌న్ ప్రియ‌ద‌ర్శి విడుద‌ల చేశారు.  (ఇది చదవండి: స్టార్‌ హీరోతో డేటింగ్.. క్లారిటీ ఇచ్చిన యంగ్ హీరోయిన్!) ప్రియ‌ద‌ర్శి మాట్లాడుతూ... "అభిన‌వ్ స‌ర్దార్‌ హీరోగా న‌టిస్తూనే నిర్మాత‌గా మిస్టేక్ సినిమా చేశారు. మంచి క‌థ‌పై న‌మ్మ‌కంతో ఆయ‌న నిర్మించిన ఈ సినిమా ఆగ‌స్ట్ 4న రిలీజ్ అవుతుంది. సినిమా మంచి విజ‌యాన్ని సాధించాల‌ని కోరుకుంటున్నా" అని అన్నారు.  అభినవ్ సర్దార్ మాట్లాడుతూ.. "మంచి పాయింట్ అనిపించ‌గానే 'మిస్టేక్‌' సినిమా మొద‌లు పెట్టాం. మేకింగ్‌లో ఎక్క‌డా కాంప్ర‌మైజ్ కాలేదు. డైరెక్టర్ భరత్ కథ చెప్పగానే ఈ సినిమాకు ఓకే చెప్పాను. సినిమా ఔట్‌పుట్ బాగా వ‌చ్చింది. ప్రేక్ష‌కులు కోరుకునే అన్ని ఎలిమెంట్స్ సినిమాలో ఉంటాయి. కామెడీ, స‌స్పెన్స్ థ్రిల్లింగ్ ఎలిమెంట్స్‌తో యూత్‌, ఫ్యామిలీ ఆడియెన్స్‌కు క‌నెక్ట్ అయ్యే అంశాల‌న్నీ ఉంటాయి" అని అన్నారు. డైరెక్టర్ భరత్ కొమ్మాలపాటి మాట్లాడుతూ... "సినిమాలో కావాల్సినంత కామెడీ ఉంది. ఇక యాక్ష‌న్ స‌న్నివేశాల‌ను తెలుగు సినిమాల్లో రాన‌టువంటి యూనిక్ స్టైల్లో డిజైన్ చేసి చిత్రీక‌రించాం. ఆ యాక్ష‌న్ పార్ట్ ప్రేక్ష‌కుల‌ను ఆక‌ట్టుకుంటుంది. యూత్‌, ఫ్యామిలీ స‌హా అన్నీ వ‌ర్గాల ప్రేక్ష‌కులను సినిమా మెప్పిస్తుంది" అన్నారు. ఈ చిత్రంలో అజయ్ క‌తుర్‌వ‌ర్‌, సుజిత్, తేజ ఐనంపూడి, క‌రిష్మా కుమార్‌, తానియా క‌ల్రా, ప్రియా పాల్ ప్రధాన పాత్రల్లో కనిపించనున్నారు.  (ఇది చదవండి: ఖరీదైన లగ్జరీ కారు కొన్న 'అత్తారింటికీ దారేది' నటుడు.. కానీ!)

‘‘అభినవ్‌ సర్దార్‌ చాలా రంగాల్లో విజయం సాధించాడు. ఇండస్ట్రీలో నిర్మాతగా ఉండాలంటే కష్టం. కానీ, ‘మిస్టేక్‌’ కథని నమ్మి సర్దార్‌ నిర్మాతగా మారాడు. ఈ మధ్య చిన్న సినిమాలు మంచి సక్సెస్‌ సాధిస్తున్నాయి. ట్రైలర్‌ చూశాక ‘మిస్టేక్‌’ కూడా మంచి విజయం సాధిస్తుందనే నమ్మకం ఉంది’. విలన్‌గా సర్దార్‌ నాకు పోటీ వచ్చిన పర్లేదు కానీ ఈ చిత్రం విజయం సాధించాలి’ అని హీరో శ్రీకాంత్‌ అన్నారు. భరత్‌ కొమ్మాలపాటి దర్శకత్వం వహించిన చిత్రం ‘మిస్టేక్‌’. అభినవ్‌ సర్దార్‌ హీరోగా నటించి, నిర్మించిన ఈ సినిమా విడుదలకు సిద్ధంగా ఉంది. ఈ చిత్రం ట్రైలర్‌ని శ్రీకాంత్‌ విడుదల చేశారు. ‘‘భరత్‌ చెప్పిన కథపై నమ్మకంతో ‘మిస్టేక్‌’ సినిమా నిర్మించాను’’ అన్నారు అభినవ్‌ సర్దార్‌. ‘‘జూలైలో ఈ చిత్రం విడుదలకి సన్నాహాలు చేస్తున్నాం’’ అన్నారు భరత్‌ కొమ్మాలపాటి.

కుటుంబ సభ్యులను హతమార్చేందుకు యత్నించారంటూ ఆరోపణలు ఎదుర్కొంటున్న భారతీయ-అమెరికన్ వైద్యుడు ధర్మేష్ పటేల్ కేసు కొత్త మలుపు తిరిగింది. కాలిఫోర్నియా మెడికల్ బోర్డ్ ఇటీవల పటేల్‌ను మెడిసిన్ ప్రాక్టీస్ చేయకుండా నిరోధించేందుకు చర్యలు చేపట్టింది. కుటుంబ సభ్యులను హత్యచేసేందుకు ప్రయత్నించాడంటూ పలు ఆరోపణలను అతను ఎదుర్కొంటున్నందున ఈ నిర్ణయం తీసుకుంది. నియంత్రణాధికారులు తెలిపిన వివరాల ప్రకారం పటేల్ మానసిక సామర్థ్య లోపం, బలహీనత ఇతరులకు ముప్పుగా పరిణమించే అవకాశం ఉన్న దృష్ట్యా  అతను మెడిసిన్ ప్రాక్టీస్ చేయకుండా నిరోధించాల్సిన అవసరం ఉందని పేర్కొన్నారు.   కాగా ధర్మేష్‌ పటేల్(41) కాలిఫోర్నియాలోని పసాదేనాకు చెందిన వైద్యుడు. గత జనవరి 2న పటేల్ తన భార్య, తమ ఇద్దరు చిన్న పిల్లలతో సహా  కారులో వెళుతుండగా, అది కొండపై నుండి 250 అడుగుల లోయలో పడిపోయింది. అయితే ఈ ప్రమాదంలో ఆ నలుగురు కుటుంబ సభ్యులు ప్రాణాలతో బయటపడ్డారు. అయితే ధర్మేష్ భార్య నేహా పటేల్ పోలీసులకు ఇచ్చిన ఫిర్యాదులో తమ కారు ప్రమాదానికి దారితీసిన పరిస్థితులను వెల్లడించారు. తన భర్త ఉద్దేశపూర్వకంగానే కారును శాన్ మాటియో కౌంటీలోని కొండపై నుండి కిందకు మళ్లించినట్లు ఆరోపించారు. తనను, తన ఇద్దరు పిల్లలను హత్య చేసేందుకే భర్త ఇలా చేశాడని ఆమె పేర్కొన్నారు. తన భర్త పటేల్‌ మానసిక స్థితి సరిగా లేదని ఆమె తెలిపారు. కాగా పటేల్ రేడియాలజీలో నిపుణుడు. ఫ్లోరిడా, ఒరెగాన్, కాలిఫోర్నియాలో చెల్లుబాటు అయ్యే మెడికల్ లైసెన్స్‌లు అతనికి ఉన్నాయి. పటేల్‌ 2008లో వేన్ స్టేట్ యూనివర్శిటీ నుంచి వైద్య విద్యను పూర్తి చేశారు. ప్రస్తుతం కాలిఫోర్నియాలో మెడికల్‌ ప్రాక్టీస్‌ చేస్తున్నారు. గతంలో శాన్ ఫ్రాన్సిస్కోలో ఇంటర్న్‌షిప్, మయామిలో రెసిడెన్సీ కూడా పూర్తిచేశారు. దీనికితోడు లాస్ ఏంజిల్స్‌లోని యూనివర్శిటీ ఆఫ్ సదరన్ కాలిఫోర్నియా మెడికల్ సెంటర్‌లో ఫెలోషిప్‌ చేశారు.   ఇది కూడా చదవండి: విడాకుల గుడి ఉందని మీకు తెలుసా? ఇంతకీ ఎక్కడ ఉందంటే..

మాస్కో: ఉక్రెయిన్‌తో యుద్ధం జరుగుతున్న వేళ రష్యా వైమానిక దళం పొరపాటున సరిహద్దుల్లోని సొంత నగరంపైనే భారీ బాంబు వేసింది. ఉక్రెయిన్‌ సరిహద్దుకు 25 మైళ్ల దూరంలోని బెల్గొరొడ్‌ నగరంలోని అపార్టుమెంట్‌కు సమీపంలో తమ బాంబర్లు అనుకోకుండా ఒక బాంబు వేసినట్లు రష్యా మిలటరీ ధ్రువీకరించింది. ఈ ఘటనతో నగరవాసులు ఒక్కసారిగా ఉలిక్కిపడ్డారు. సుమారు 500 కిలోల బరువైన శక్తివంతమైన బాంబు పేలి 20 మీటర్ల లోతు గొయ్యి ఏర్పడింది. పలు కార్లు ధ్వంసమయ్యాయి. ఇద్దరు వ్యక్తులు గాయపడగా ఒక వ్యక్తి హైబీపీతో ఆస్పత్రి పాలయ్యాడని అధికారులు తెలిపారు.

సినిమాల్లో తప్పులు దొర్లడం మనం సాధారణంగా చూస్తుంటాం. కొన్ని సీన్లలో అనుకోకుండా పొరపాట్లు చేస్తుంటారు. అలాగే ఓ హాలీవుడ్‌లో వెబ్‌సిరీస్‌లోనూ అదే జరిగింది. ఓ సీన్ చిత్రీకరించేటప్పుడు సిబ్బంది కూడా ఆ సీన్‌లో కనిపించారు. అది గమనించని మేకర్స్ ఎపిసోడ్‌ను అలాగే రిలీజ్ చేశారు. ఇది గమనించిన ఫ్యాన్స్ ఆ సీన్ స్క్రీన్ షాట్స్ సోషల్ మీడియాలో షేర్ చేస్తున్నారు.  హెచ్‌బీవో వారి ది లాస్ట్ ఆఫ్ అస్ వెబ్ సిరీస్ ఇప్పటికే భారీ విజయాన్ని సాధించింది. ప్రస్తుతం రెండో సీజన్ కొనసాగుతోంది. అయితే ఆదివారం రిలీజైన కొత్త ఎపిసోడ్‌లో కొన్ని సన్నివేశాల్లో ఏకంగా సిబ్బంది కనిపించారు. ఓ అభిమాని వాటిని గుర్తించి ఆ సీన్‌ ఫోటోలు, వీడియోను ట్విటర్‌లో షేర్ చేశాడు. అవి కాస్తా సోషల్ మీడియాలో తెగ వైరలవుతున్నాయి. ఏంటీ ఇలా కూడా సీన్స్‌ తెరకెక్కిస్తారా? అంటూ ఫన్నీ కామెంట్స్ చేస్తున్నారు.  ది లాస్ట్ ఆఫ్ అస్ కొత్త ఎపిసోడ్ - 'కిన్‌లో' జోయెల్ (పెడ్రో పాస్కల్), ఎల్లీ (బెల్లా రామ్‌సే), జోయెల్ సోదరుడు టామీ (గాబ్రియేల్ లూనా)తో తిరిగి కలుసుకుంటారు. ఈ ఎపిసోడ్‌కు మంచి ఆదరణ లభించగా.. ఇందులో అనేక మంది సిబ్బంది ఉన్నట్లు ఒక టిక్‌టాక్ యూజర్ గుర్తించాడు. ఈ సీన్‌లో జోయెల్, ఎల్లీ మంచుతో కప్పబడిన వంతెనపై నడుస్తున్నప్పుడు అక్కడ మిగతా సిబ్బంది కూడా కనిపించారు. జూమ్ చేసినప్పుడు ఆ సంఖ్య ఎక్కువగా కనిపించింది.  Did NOT notice this until I saw the story on CNET and this tweet. Not a massive "flub" like a Starbucks cup in GoT. Actually I was more focused on how did they get this shot and the shot before this. (Drone?? If so, it was a very cool super steady shot.) #tlou #TheLastOfUsHBO pic.twitter.com/Xx6lopZULR — AC  (@ACinPhilly) February 22, 2023

లండన్‌: బ్రిటిష్‌ ప్రధాన మంత్రిని గుర్తుపట్టలేకపోయింది ఓ ఆస్ట్రేలియా టీవీ ఛానెల్‌. సోమవారం జరిగిన క్వీన్‌ ఎలిజబెత్‌2 అంత్యక్రియల సమయంలో ఈ ఘటన చోటు చేసుకుంది. దీనిపై తీవ్ర విమర్శలు వెల్లువెత్తుతున్నాయి. రాణి అంత్యక్రియల ఈవెంట్‌ను కవరేజ్‌ చేసే టైంలో ఆస్ట్రేలియాకు చెందిన చానెల్‌-9.. బ్రిటన్‌ ప్రధాని లిజ్‌ ట్రస్‌ను గుర్తు పట్టలేకపోయింది. టీవీ ప్రజెంటర్స్‌ ట్రేసీ గ్రిమ్‌షా, పీటర్‌ ఓవర్టన్‌లు ఆ కార్యక్రమానికి వ్యాఖ్యాతలుగా వ్యవహరించారు.  ఆ సమయంలో.. తన భర్త హ్యూ ఓలీరేతో వెస్ట్‌మిన్‌స్టర్‌ అబేకు వచ్చారు లిజ్‌ ట్రస్‌.  కారు నుంచి బయటకు వచ్చిన లిజ్‌ ట్రస్‌ను ఉద్దేశించి గ్రిమ్‌ షా..‘ఎవరామె?’ అంది. ‘గుర్తుపట్టడం కష్టంగా ఉంది. బహుశా మైనర్‌రాయల్స్‌(రాజకుటుంబంలో తక్కువ ప్రాధాన్యత ఉన్న సభ్యులు) కావొచ్చు. నాకు తెలియడం లేదు అని ఓవర్టన్‌ అన్నారు. ‘స్థానిక వేషధారణలోనే వస్తున్నారు కదా. బహుశా అక్కడి ఉన్నతపదవుల్లో ఉన్నవాళ్లేమో. దురదృష్టవశాత్తూ.. ప్రతీ ఒక్కరినీ మనం గుర్తించడం కష్టం’ అంటూ గ్రిమ్‌షా బదులిచ్చారు. అయితే..  I present, for your viewing pleasure, footage of Liz Truss getting out of a car, and Australian media being like, “Who the fuck is that?” Perfect.pic.twitter.com/dxNhdolvtK — Fancy Brenda 🏳️‍🌈🏳️‍⚧️ (they/them) (@SpillerOfTea) September 19, 2022 వెంటనే వాళ్లు తమ తప్పిదాన్ని తెలుసుకున్నట్లున్నారు. ఓవర్టన్‌ స్పందిస్తూ.. ఆ మిస్టరీ గెస్ట్‌ ఎవరో కాదు యూకే ప్రధాని లిజ్‌ ట్రస్‌ అంటూ చెప్పారు. అయితే అప్పటికే ఆ తప్పిదాన్ని పట్టేసిన కొందరు స్పందన మొదలుపెట్టారు. ఆస్ట్రేలియా టీవీ హోస్ట్‌లు యూకే ప్రధానిని ‘మైనర్‌రాయల్స్‌’గా సంభోదించడాన్ని తీవ్రంగా తప్పుబడుతున్నారు బ్రిటన్‌ ప్రజలు. ఆస్ట్రేలియా చానెల్‌కు ఆమాత్రం లిజ్‌ ట్రస్‌ తెలీదా అంటూ మండిపడుతున్నారు.  బోరిస్‌ జాన్సన్‌ తదనంతరం.. బ్రిటన్‌ ప్రధానిగా కన్జర్వేటివ్‌ పార్టీ తరపున రిషి సునాక్‌ను ఓడించి ఎన్నికయ్యారు లిజ్‌ ట్రస్‌. సెప్టెంబర్‌ 6వ తేదీన ఆమె బ్రిటన్‌ ప్రధానిగా పగ్గాలు చేపట్టగా.. అనంతరం రెండు రోజులకే క్వీన్‌ ఎలిజబెత్‌-2 కన్నుమూశారు. ఇదీ చదవండి: యూకేలో ఆలయాలపై దాడులు... భారత్‌ ఖండన

సాధారణంగా మనం ఆధార్ కార్డుపై పేరు స‌రిగా లేదని, తప్పుగా ఉందనే కార‌ణంతో మార్పులు చేసుకుంటుంటాం. అయితే తాజాగా ఆధార్‌ కార్డు సరిగా లేనందున ఓ బాలికకు స్కూల్ అడ్మిష‌న్ ద‌క్కలేదు. అదేంటి ఇందుకేనా అని అనుకోకుండి.. దీని వెనుక పెద్ద కథే ఉంది. ఈ విచిత్ర ఘ‌ట‌న యూపీలోని బుద్వాన్‌లో చోటు చేసుకుంది. వివరాల్లోకి వెళితే.. శనివారం బిల్సీ తహసీల్‌లోని రాయ్‌పూర్ గ్రామానికి చెందిన దినేష్ తన కుమార్తె ఆర్తిని చేర్పించేందుకు ప్రాథమిక పాఠశాలకు చేరుకున్నాడు. ఆ పాఠశాల నిబంధన ప్రకారం ఆధార్ కార్డు ఉంటేనే పాఠశాలలో అడ్మిషన్‌ ఇవ్వాలని అందులోని టీచ‌ర్ దినేశ్‌కు చెప్పింది. దీంతో అతని పాప ఆధార్‌ కార్డు వారికి ఇవ్వగా అది చూసి ఆ టీచర్‌ షాక్‌ అయ్యింది. ఎందుకంటే ఆ అమ్మాయి ఆధారు కార్డుపై ‘మ‌ధు కా పాంచ్వా బ‌చ్చా’ ఇంగ్లీష్‌లో ‘బేబీ ఫైవ్‌ ఆఫ్‌ మధు’ అని రాసి ఉంది. పైగా ఆ కార్డుకు ఎటువంటి ఆధార్ నెంబ‌ర్ కూడా లేదు. దీంతో ఆధార్ కార్డును తప్పుగా ఉందని, అది సరిచేయాలని టీచర్‌ దినేష్‌కు చెప్పి వెనక్కు పంపింది. ఈ ఘటనపై జిల్లా మేజిస్ట్రేట్ దీపా రంజన్ మాట్లాడుతూ.. పోస్టాఫీసులు, బ్యాంకుల్లో ఆధార్ కార్డులు తయారు చేస్తున్నామని, వారి నిర్లక్ష్యంగా కారణంగానే ఈ పొరపాటు జరిగిందని తెలిపారు. ఇకపై వీటికి సంబంధించి నిర్లక్ష్యంగా వ్యవహరిస్తే కఠిన చర్యలు తప్పవని అధికారులకు సూచించమని అన్నారు. ప్రస్తుతం ఈ ఆధార్ కార్డుకు సంబంధించిన ఫోటో సోషల్ మీడియాలో వైరల్‌గా మారింది.

Amazon Prime Blunder Rashmika Mandanna Name: నేషనల్‌ క్రష్‌ రష్మిక మందన్నా వరుస సినిమాలతో ఫుల్‌ బిజి అయిపోయింది. తెలుగు, తమిళం, హిందీ భాషల్లో బ్యాక్‌ టూ బ్యాక్‌ సినిమాలతో దూసుకుపోతుంది. ‘మిష‌న్ మ‌జ్ను’ సినిమాతో బాలీవుడ్‌లో ఎంట్రీ ఇస్తుంది. తన క్యూట్‌ క్యూట్‌ హావభావాలతో అ‍ల్లరి చేసే ఈ ముద్దుగుమ్మను గాసిప్స్‌ కూడా వెంటాడిన సంగతి తెలిసిందే. ఇటీవల ఐకానిక్‌ స్టార్‌ అల్లు అర్జున్‌-సుకుమార్ కాంబినేషన్‌లో వచ్చిన పుష్ప మూవీతో మంచి హిట్‌ కొట్టింది ఈ అమ్మడు. పాన్‌ ఇండియాగా విడుదలైన ఈ చిత్రంలో శ్రీవల్లిగా పుష్పరాజ్‌నే కాకుండా ప్రేక్షకుల మదిని దోచింది ఈ బ్యూటీ. ఇదిలా ఉంటే ఇప్పుడు రష్మిక మందన్నా పేరు అది కాదని రష్మిక మడోనా అని సోషల్‌ మీడియాలో చక్కర్లు కొడుతోంది.  పుష్ప ది రైజ్‌ సినిమాను జనవరి 7న ప్రముఖ ఓటీటీ దిగ్గజం అమెజాన్‌ ప్రైమ్‌ వీడియోలో విడుదలైన సంగతి విధితమే. ప్రస్తుతం హిందీ తప్ప తెలుగు, కన్నడ, తమిళం, మలయాళ భాషల్లో పుష్ప చిత్రం స్ట్రీమింగ్‌ అవుతోంది. ఇదంతా బాగానే ఉంది కానీ అమెజాన్‌ చేసిన ఒక చిన్న తప్పు వల్ల రష్మిక అసలు పేరే మారిపోరియింది. పుష్ప సినిమా చివర్లో నటీనటుల పేర్లు వేస్తారని ప్రతీ సినిమా ప్రేక్షకుడుకి తెలుసు. ఆ టైటిల్స్‌లో రష్మిక మందన్నాకు బదులు రష్మిక మడోనా అని తప్పుగా వేశారు. ఇంకేం దీంతో మన నెటిజన్స్‌కు మంచి టాపిక్‌ దొరికినట్టయింది. ఆ పేరును స్క్రీన్‌ షాట్‌ తీసి సోషల్‌ మీడియాలో పోస్ట్‌ చేశారు. ఇప్పుడు ఆ పేరు కాస్తా తెగ వైరల్‌ అవుతోంది. మరీ ఈ పొరపాటును అమెజాన్‌ ఎలా సరిదిద్దుకుంటుందో చూడాలి. అలాగే రష్మిక కూడా ఎలా స్పందిస్తుందో అని తన అభిమానులు ఎదురు చూస్తున్నారు.  ఇదీ చదవండి: అది ఇది కాదు.. ఎమ్మా వాట్సన్‌కు బదులు మరో హీరోయిన్‌

టెక్నికల్‌ తప్పిదాలతో ఒక్కోసారి భారీ నష్టాలు వాటిల్లుతుండడం చూస్తుంటాం. అలాంటి తప్పిదమే ఓ బ్యాంక్‌ నిల్వను ఖాళీ చేసేసింది. పొరపాటున మిలియన్ల డాలర్ల డబ్బు ఖాతాదారుల అకౌంట్‌లో  జమ అయ్యింది. దీంతో డబుల్‌ జీతాలు పడ్డాయని కొందరు ఉద్యోగులు సంతోషపడగా.. ఆ ఆనందం వాళ్లకు ఎంతోసేపు నిలవలేదు.    క్రిస్మస్‌ పండుగ నాడు ఈ ఘటన చోటు చేసుకుంది. యూరోపియన్‌ బ్యాంక్‌ శాన్‌టాండర్‌ ఆరోజున లావాదేవీలు నిర్వహించింది. 2 వేలకు పైగా బిజినెస్‌ అకౌంట్లకు డబ్బులు ట్రాన్స్‌ఫర్‌ కొట్టింది. 75 వేల ట్రాన్‌జాక్షన్స్‌ రూపంలో ఏకంగా 176 మిలియన్‌ డాలర్లు(మన కరెన్సీలో 1,300 కోట్ల రూపాయలు పైనే) జమ అయ్యాయి. అయితే కాసేపటికే చాలామంది ఉద్యోగులకు డబుల్‌ జీతాలు పడ్డట్లు సందేశాలు వచ్చాయి. మరోవైపు సప్లయర్స్‌కు కూడా ఊహించిన దానికంటే ఎక్కువ ఎమౌంట్‌ అకౌంట్‌లలో పడింది. దీంతో అంతా డబుల్‌ బొనాంజా అనుకుని సంతోషపడ్డారు.అయితే.. బ్యాంకు నిల్వలు ఒక్కసారిగా తగ్గిపోవడంతో బ్యాంక్‌ అప్రమత్తం అయ్యింది. ‘షెడ్యూలింగ్‌ ఇష్యూ’ వల్ల డూప్లికేట్‌ పేమెంట్స్‌ జరిగిందని గుర్తించింది. పొరపాటును సరిదిద్దుకునేందుకు రంగంలోకి దిగింది. చాలావరకు అకౌంట్ల నుంచి మనీని వెనక్కి తీసేసుకుంది. అయితే కొన్ని అకౌంట్లు మాత్రం ప్రత్యర్థి బ్యాంకులు నిర్వహించే బ్యాంకు ఖాతాల్లోకి వెళ్లడం కొసమెరుపు. టెక్నికల్‌ ఇష్యూ వల్ల తప్పిదం జరిగిందని, రికవరీ కోసం ప్రయత్నాలు జరుగుతున్నాయని శాన్‌టాండర్‌ ప్రతినిధి ఒకరు తెలిపారు. యూకే బ్యాంకింగ్‌ వ్యవస్థలోని ‘బ్యాంక్‌ ఎర్రర్‌ రికవరీ ప్రాసెస్‌’ ప్రకారం.. జత అయిన డబ్బులను వెనక్కి రప్పించుకునే వీలుంది. అంతేకాదు ఈ పద్ధతిలో అవతలి బ్యాంకులు సైతం యాక్సిడెంటల్‌గా జమ అయిన చెల్లింపులను ఖాతాదారుల అకౌంట్‌ నుంచి వెనక్కి తీసుకుని.. నష్టపోయిన బ్యాంకుకు అందజేయాల్సి ఉంటుంది. చదవండి: ఒక్క ఏడాది.. పది మంది.. ఎంతో సంపాదించారో తెలిస్తే షాకే!

కాన్‌బెర్రా: కొన్ని అనుకోని సంఘటనల్లో తప్పుడు ఆరోపణలతో జైలు పాలైనప్పుడు అత్యంత బాధ అనిపిస్తుంది. అంతేకాదు మన న్యాయశాస్త్రం కూడా ఒక అపరాధికి శిక్ష పడకపోయినా పర్వాలేదు గానీ ఒక నిరపరాధికి మాత్రం శిక్షపడకూడదనే నొక్కి చెబుతుంటాయి. కానీ చాలా కేసుల్లో మాత్రం దీన్ని ఉల్లంఘిస్తున్నారనడంలో సందేహం లేదు. అంతేకాదు  తప్పుడు అభియోగాలతో నిస్సహాయులు, అభాగ్యులు జైలు పాలవుతున్న సందర్భాలు అనేకం. ప్రస్తుతం అలాంటి పరిస్థితినే ఆస్ట్రేలియాలోని తల్లి కూతుళ్లు ఎదుర్కొన్నారు. (చదవండి: వింత వ్యాధి... రోజుకు 70 సార్లు వాంతులు... కానీ అంతలోనే!) అసలు విషయంలోకెళ్లితే....టీ ప్రపంచవ్యాప్తంగా అత్యంత ప్రజాదరణ పొందిన సురక్షితమైన సాంప్రదాయ పానీయాలలో ఒకటి టీ. అంతేందుకు ప్రయాణంలో చాలామంది టీ తాగేందుకే ఆసక్తి కనబరుస్తారని చెప్పక తప్పదేమో!. పాపం ఆ ఉద్దేశంతోనే కాబోలు వున్ పుయ్ కానీ చోంగ్, ఆమె కుమార్తె శాన్ యాన్ మెలానీ తమ స్వదేశం అయిన మలేషియా నుంచి సుమారు 25 కిలోల బ్రౌన్‌ జింజర్‌ టీ పొడిని దిగుమతి చేసుకుని మంచి ధరకు ఆస్టేలియాలో అమ్ముకుని లాభాలు గడించాలని ఆశిస్తారు. అయితే ఈ టీ పోడి మహిళలు ఎదర్కొనే పిరియడ్‌ పెయిన్‌ని పోగట్టడంలో మంచి జౌషధంగా పనిచేస్తుంది కాబట్టి  ఈ టీ పొడికి మంచి మార్కెట్‌ ఉంటుందన్న ఆశతో అంత ఎక్కువ మొత్తంలో ఆస్ట్రేలియాకు దిగుమతి చేసుకోవాలని నిర్ణయించుకుంటారు. అయితే ఆస్ట్రేలియన్ బోర్డర్ ఫోర్స్ (ఏబీఎఫ్‌) అధికారులు టీ ప్యాకేజీలను విమానాశ్రయంలో స్వాధీనం చేసుకోవడంతో వారి వ్యాపార ప్రణాళికకు బ్రేక్‌ పడుతుంది. ఈ అనుహ్య ఘటనకు ఆ తల్లి, కూతుళ్లు ఒక్కసారిగా షాక్‌కి గురవుతారు. పైగా ఆ విమానాశ్రయ అధికారులు ఆ టీ పొడిని యాంఫెటమైన్ డ్రగ్ ఫెన్‌మెట్రాజైన్‌గా తప్పుగా భావించి ఆ తల్లి కూతుళ్లను అరెస్ట్‌ చేయడమే కాక నాన్‌ బెయిలబుల్‌ కేసుగా నమోదు చేయడంతో నాలుగు నెలలు పాటు జైల్లోనే గడుపుతారు. ఆ తర్వాత న్యూ సౌత్ వేల్స్ పోలీసులు రంగంలోకి దిగి స్వయంగా ఫోరెన్సిక్ పరీక్షలు చేయడంతో ఆ తల్లి కూతుళ్లు తప్పుడు ఆరోపణలతో అరెస్టు అయినట్లు స్థానిక కోర్టు గుర్తించి వారిని విడుదల చేస్తుంది. అంతేకాదు ఏబీఎఫ్‌ అధికారులు పొరబడినట్లు ఆస్ట్రేలియ ఫెడరల్‌ పోలీసలు కోర్టుకు తెలియజేయడమే కాక ఫోరెన్సిక్‌ పరీక్షల్లో ఎటువంటి నిషేధిత ఉత్ప్రేరకాలు లేవని నిర్ధారించిన రిపోర్ట్‌లను కోర్టుకి సమర్పించడంతోనే ఆ తల్లికూతుళ్లు విడుదల అవుతారు. ఏదిఏమైన ఈ విధంగా అన్యాయంగా అరెస్టు కావడం వల్ల వాళ్లు మానసికంగానూ, శారిరకంగానూ ఎంతో ఆవేదన అనుభవించి ఉంటారు కదా!. (చదవండి: అమెజాన్‌ ఎగ్జిక్యూటివ్‌ డైరెక్టర్‌ల పై నార్కోటిక్ డ్రగ్స్ కేసు)

అమెరికాలో ప్రసిద్ధి చెందిన సిటీ గ్రూప్ పొరపాటున 900 మిలియన్ల డాలర్లను వినియోగదారుల ఖాతాల్లోకి తరలించిన ఉదంతాన్ని మర్చిపోకముందే మరో దిగ్గజ  బ్యాంకులో జరిగిన  ఘటన ఒకటి తాజాగా వెలుగులోకి వచ్చింది. మసాచుసెట్స్‌లోని బ్యాంక్ ఆఫ్ అమెరికా కార్పొరేషన్ కస్టమర్ ఖాతాలో ఇంకా పెద్ద నగదు దర్శనమివ్వడం కలకలం రేపింది. అంతేకాదు బ్యాంకు ఎంతకీ ఈ విషయాన్ని గమనించక పోవడంతో సదరు కస్టమర్ స్వయంగా బ్యాంకును సంప్రదించడంతో సమస్య పరిష్కారమైంది.  బ్యాంక్ ఆఫ్ అమెరికా  వినియోగదారుడు, సైకియాట్రిస్ట్ బ్లేజ్ అగ్యురేకి ఈ వింత అనుభవం ఎదురైంది. తన ఖాతాలో ఎన్నడూ లేనంతగా 2.45 బిలియన్ డాలర్లు (సుమారు182 కోట్ల రూపాయలు) చూసి ఖంగుతిన్నాడు. మొబైల్, వెబ్ లో పరిశీలించి ఖాతాలో సొమ్మును ఒకటికి రెండుసార్లు తనిఖీ చేసుకుకున్నాడు. బ్యాంకు ఈ విషయాన్ని గుర్తిస్తుందని బ్లేజ్ ఎదురు చూశాడు. అయినా ఫలితం లేకపోవడంతో చివరికి బ్యాంకు రిలేషన్షిప్ మేనేజర్‌ను  సంప్రదించి సమస్యను పరిష్కరించుకునే దాకా అతని కంటి మీద కునుకు పట్టలేదు.    అయితే జస్ట్ ఇది..డిస్ ప్లే సమస్య తప్ప మరేమీ కాదని బ్యాంక్ ఆఫ్ అమెరికా ప్రతినిధి బిల్ హాల్డిన్ తేల్చిపారేశారు. ఈ పొరపాటును సరిదిద్దినట్టు ప్రకటించారు. మరోవైపు బ్యాంక్ ఆఫ్ అమెరికాలో ఇలాంటి తప్పిదాలు జరగడం ఇదే మొదటిసారికాదు. ఈ నెల ప్రారంభంలో కొంతమంది ఆన్‌లైన్ మొబైల్-బ్యాంకింగ్ ఖాతాదారులు బ్యాలెన్స్‌లు సరిపోలక ఆందోళన చెందారు. దీంతో ప్రపంచ బ్యాంకింగ్ వ్యవస్థ నిర్వహణ,  సమగ్రతపై కస్టమర్ల నమ్మకాన్ని దెబ్బ తీస్తుందని విశ్లేషకులు వ్యాఖ్యానిస్తున్నారు. కాగా కాస్మెటిక్ దిగ్గజం రెవ్లాన్ సంస్థ అడ్మినిస్ట్రేటివ్ ఏజెంట్‌గా ఉన్న సిటీ గ్రూపు  రుణదాతలకు పొరపాటున భారీ ఎత్తున చెల్లింపులు చేసిన సంగతి తెలిసిందే.

టెహ్రాన్‌/వాషింగ్టన్‌: ఉక్రెయిన్‌ విమానాన్ని తాము పొరపాటున కూల్చేశామని ఇరాన్‌ ఎట్టకేలకు శనివారం అంగీకరించింది. మానవ తప్పిదం కారణంగా పేలిన క్షిపణులు బోయింగ్‌ 737ను ఢీకొన్నాయని, ఫలితంగా అది కుప్పకూలిపోయి 176 మంది మరణాలకు కారణమైందని ఇరాన్‌ అధ్యక్షుడు హసన్‌ రౌహానీ ప్రకటించారు.  తాము జరిపిన సైనిక విచారణలో తప్పిదం విషయం తెలిసిందని చెప్పారు. అయితే ఈ ప్రమాదానికి తమకు సంబంధం లేదని ఇరాన్‌ ఇన్నిరోజులూ చెప్పింది. ఇరాన్‌ సైనిక జనరల్‌ ఖాసీం సులేమానీని అమెరికా డ్రోన్‌ దాడిలో చంపేయడం, ఇందుకు ప్రతీకారంగా ఇరాక్‌లోని అమెరికా స్థావరాలపై ఇరాన్‌ క్షిపణులతో వరుస దాడులు జరపడం.. ఆ వెంటనే కొంత సమయానికే ఈ ఘటన చోటు చేసుకోవడంతో దీనిపై సర్వత్రా చర్చ మొదలైంది. శత్రువని అనుకున్నాం... శత్రువులకు సంబంధించిన విమానం అనుకోవడం వల్లనే పొరబాటున ఉక్రెయిన్‌ విమానాన్ని క్షిపణులతో కూల్చేయాల్సి వచ్చిందని ఇరాన్‌ మిలటరీ వర్గాలు అంగీకరించాయి. మృతుల కుటుంబాలకు తగిన నష్టపరిహారం అందించేందుకు చర్యలు చేపడుతున్నామని ఇరాన్‌ అధ్యక్షుడు హసన్‌ రౌహానీ వెల్లడించారు. ఈ తప్పుకు కారణమైన వారిని గుర్తించి కఠినంగా శిక్షిస్తామని హామీ ఇచ్చారు. మృతుల్లో అధికులు ఇరాన్‌– కెనడా ద్వంద్వ పౌరసత్వం ఉన్నవారు కాగా, ఉక్రెయిన్‌ దేశస్తులు కొందరు ఉన్నారు. కెనడా ప్రధాని ట్రూడో స్పందిస్తూ.. బాధితులకు తగిన న్యాయం చేయాలని డిమాండ్‌ చేయగా.. ఉక్రెయిన్‌ అధ్యక్షుడు జెలెన్‌స్కీ బాధ్యులను శిక్షించాలని, మృతుల కుటుంబాలకు పరిహారం అందించాలని కోరారు. అతన్నీ చంపాలనుకుంది ఇరాన్‌ సైనిక జనరల్‌ సులేమానీని చంపిన రోజే మరో ఇరాన్‌ కమాండర్‌ను కూడా అమెరికా చంపాలనుకుందని, అయితే ఆ వ్యూహం విఫలమైందని అమెరికా అధికారులు తెలిపారు. ఇరాన్‌కు చెందిన ఇస్లామిక్‌ రిపబ్లికన్‌ గార్డ్‌ కోర్‌ కమాండర్‌ అబ్దుల్‌ రెజా షహ్లైని అమెరికా తుదముట్టించాలనుకుంది. ఈ గ్రూపును కూడా అమెరికా ఇప్పటికే ఉగ్రవాద జాబితాలో చేర్చింది. ఇద్దరు నాయకుల మరణాలు ఒకేరోజు జరిగితే ఇరాన్‌ బలగాలు నీరుగారిపోతాయని అమెరికా భావించింది. అందుకే అబ్దుల్‌ రెజాను కూడా చంపేందుకు అమెరికా అధ్యక్షుడు అనుమతి ఇచ్చారు. అయితే యెమెన్‌లో ఉన్న ఆయన అమెరికా నుంచి తప్పించుకోగలిగారు. షియా మిలిటెంట్‌ గ్రూపులకు అబ్దుల్‌ రెజా ఆయుధాలు, నిధులు సమకూర్చుతున్నట్లు అమెరికా ప్రకటించింది. అతడు చేస్తున్న వ్యవహారాల గురించి చెప్పిన వారికి భారీ మొత్తం ఇస్తామని కూడా ప్రకటించింది. అమెరికాకు వ్యతిరేకంగా, ఉగ్రవాదులకు స్వర్గధామమైన యెమెన్‌లో అబ్దుల్‌ రెజాను చంపేందుకు తమ దేశం వేసిన ప్రణాళికను తాము చూశామని, అయితే అది విఫలమైనందున మరిన్ని విషయాలు చెప్పడంలేదని పెంటగాన్‌ అధికార ప్రతినిధి, నేవీ కేడర్‌కు చెందిన రెబెకా రెబరిచ్‌ తెలిపారు.   

టెహ్రాన్‌: అమెరికా, ఇరాన్‌ల మధ్య ఉద్రిక్తతలు అంతకంతకూ పెరిగిపోతున్నాయి. తమ భూభాగంలోకి చొచ్చుకువచ్చిన అమెరికాకు చెందిన ఒక నిఘా డ్రోన్‌ను కూల్చివేసినట్టు ఇరాన్‌ వెల్లడించింది. అమెరికా అధ్యక్షుడు ట్రంప్‌ ఏడాది క్రితం ఇరాన్‌తో అణు ఒప్పందం వెనక్కి తీసుకున్నప్పట్నుంచి ఇరు దేశాల మ«ధ్య పచ్చగడ్డి వేస్తే భగ్గుమంటోంది. ఏ క్షణమైనా రెండు దేశాల మధ్య యుద్ధం వచ్చే పరిస్థితులు కనిపిస్తున్నాయి.  ఇరాన్‌ రివల్యూషనరీ గార్డ్‌ తమ దేశ గగనతలంలోకి ప్రవేశించిన మానవరహిత, ఆయుధరహిత ఆర్‌క్యూ 4ఏ నిఘా డ్రోన్‌ను కూల్చేసినట్టు అక్కడ మీడియాలో కథనాలు వస్తున్నాయి. కానీ దానికి సంబంధించిన ఫొటోలను ఇరాన్‌ ప్రభుత్వం వెల్లడించలేదు. అమెరికా డ్రోన్‌ను కూల్చేసిన విషయాన్ని ధ్రువీకరిస్తూనే తాము నిబంధనలు ఉల్లంఘించి ఇరాన్‌ భూభాగంలోకి చొరబడలేదని హార్మోజ్‌గాన్‌ ప్రావిన్స్‌  వరకు ఆ డ్రోన్‌ వెళ్లిందని అది అంతర్జాతీయ గగనతలమని  అమెరికా సెంట్రల్‌ కమాండ్‌ చెబుతోంది. వారం కిందటే అమెరికా డ్రోన్‌పై ఇరాన్‌ క్షిపణి దాడులకు దిగిందని అమెరికా మిలటరీ ఆరోపించింది. ఇప్పుడు ఈ డ్రోన్‌ను కూల్చివేసి ఇరాన్‌ అగ్రరాజ్యానికి ఘాటైన హెచ్చరికలే చేసింది. ‘‘ఏ దేశమైనా మా ప్రాదేశిక సమగ్రతను గౌరవించాలి. ఇరాన్‌ జాతీయ ప్రయోజనాలకు భంగం వాటిల్లకుండా చూసుకోవాలి. అమెరికా మా గగనతలంలోకి ప్రవేశిస్తే ఎందుకు ఊరుకుంటాం. అందుకే సరైన సమయంలో సరైన  నిర్ణయాన్నే తీసుకొని డ్రోన్‌ని కూల్చివేశాం‘‘ అని ఇరాన్‌ ఇస్లామిక్‌ రివల్యూషనరీ గార్డ్‌ కార్పొరేషన్‌ జనరల్‌ హొస్సెని సలామి వెల్లడించారు.  ఇరాన్‌కి ఎవరితోనూ యుద్ధం చేయాలన్న కోరిక లేదు కానీ, ఏ క్షణంలోనైనా యుద్ధం చెయ్యడానికి తామే సిద్ధమేనని సలామి ఘాటైన హెచ్చరికలు జారీ చేశారు. ఇరాన్‌ అణు ఒప్పందాన్ని వెనక్కి తీసుకోడమే కాక ఇరాన్‌తో ఎలాంటి వాణిజ్య కార్యకలాపాలు వద్దంటూ అగ్రరాజ్యం ఇతర దేశాలపై ఒత్తిడి పెంచినప్పట్నుంచి ఇరాన్‌ కవ్వింపు చర్యలకు దిగుతూనే ఉంది. డ్రోన్‌ను కూల్చివేయడం ఇది మొదటిసారి కాదు. గతంలోనూ ఒక డ్రోన్‌ను కూల్చివేసి దానిని అందరికీ ప్రదర్శించడంతో అమెరికా అగ్గిమీద గుగ్గిలమైంది. మున్ముందు పరిస్థితులు ఏ మలుపు తిరుగుతాయోనని ప్రపంచ దేశాలు ఆందోళనతో ఉన్నాయి. పెద్ద తప్పిదమే చేశారు: ట్రంప్‌ డ్రోన్‌ను కూల్చివేయడం ద్వారా ఇరాన్‌ పెద్ద తప్పే చేసిందని అమెరికా అధ్యక్షుడు ట్రంప్‌ గురువారం అన్నారు. శ్వేతసౌధం ప్రెస్‌ కార్యదర్శి సారా శాండర్స్‌ మాట్లాడుతూ ఈ ఘటన గురించి బుధవారం రాత్రి, గురువారం ఉదయం  ట్రంప్‌కు తాము వివరాలు వెల్లడించామని చెప్పారు. అనంతరం ట్రంప్‌ ట్వీట్‌ చేస్తూ ‘ఇరాన్‌ చాలా పెద్ద తప్పే చేసింది’ అని పేర్కొన్నారు. కాగా, ట్రంప్‌ చేసిన ఈ ట్వీట్‌ కారణంగా ముడిచమురు ధరలు దాదాపు 6 శాతం వరకు పెరిగాయి. వెస్ట్‌ టెక్సాస్‌ ఇంటర్మీడియట్‌లో బ్యారెల్‌ చమురు ధర 6.3 శాతం పెరిగి 57.13 డాలర్లకు చేరగా, లండన్‌లోని బ్రెంట్‌ ఫ్యూచర్స్‌లో బ్యారెల్‌ ధర 64.69 డాలర్లకు చేరింది. 

బెంగళూరు: 12 ఏళ్ల క్రితం తండ్రి మాటకు ఎదురుచెప్పి బీజేపీతో జతకట్టి ఘోర తప్పిదం చేశానని జేడీఎస్‌ నాయకుడు హెచ్‌డీ కుమారస్వామి పశ్చాత్తాపం వ్యక్తం చేశారు. ఫలితంగా తన తండ్రి దేవెగౌడ లౌకిక సిద్ధాంతాలను ప్రజలు ప్రశ్నించారని, ఆ మరకను తొలగించుకునే అవకాశం ఇప్పుడొచ్చిందని అన్నారు. జేడీఎస్‌ శాసనసభా పక్ష నాయకుడిగా ఎన్నికైన తరువాత కుమారస్వామి బుధవారం మీడియాతో మాట్లాడారు. ఆనాడు తన పార్టీని కాపాడుకోవడానికే బీజేపీ వెంట నడిచినట్లు చెప్పారు. తన తండ్రి లౌకిక సిద్ధాంతాల్ని ప్రజలు వేలెత్తిచూపడం ఆయన ఆరోగ్యంపై ప్రభావం చూపిందని తెలిపారు. 2006లో బీజేపీతో పొత్తుపెట్టుకోవడంపై స్పందిస్తూ..తాను, తన తండ్రి సంకీర్ణం పేరిట డ్రామా ఆడుతున్నామని ప్రజలు అనుకున్నారని, కానీ ఆ నిర్ణయం తన ఒక్కడిదేనని స్పష్టతనిచ్చారు. ఆ ఒక్కసారే తన తండ్రి మాటకు విరద్ధంగా వ్యవహరించానని, అంతకుముందు, ఆ తరువాత ఎప్పుడూ అలా జరగలేదని తెలిపారు. ఈసారి బీజేపీ, కాంగ్రెస్‌లు తనకు ఆఫర్‌ ఇచ్చాయని, కానీ బేషరతు మద్దతు తెలిపిన కాంగ్రెస్‌తో కలసి పనిచేస్తానని అన్నారు. అంత తేలిగ్గా వదిలిపెట్టం ప్రభుత్వ ఏర్పాటుకు యడ్యూరప్పను గవర్నర్‌ ఆహ్వానించండపై కుమారస్వామి తీవ్ర ఆగ్రహం వ్యక్తం చేశారు. ప్రధాన మంత్రి నరేంద్ర మోదీ ప్రభుత్వం రాజ్యాంగబద్ధమైన సంస్థలను దుర్వినియోగం చేస్తోందని ఆరోపించారు. యడ్యూరప్పను ప్రమాణస్వీకారానికి ఆహ్వానిస్తూ గవర్నర్‌ లేఖ రాసిన వెంటనే కుమారస్వామి విలేకరులతో మాట్లాడుతూ ‘దీన్ని మేం అంత తేలిగ్గా వదిలిపెట్టం’ అని అన్నారు. బలనిరూపణకు యడ్యూరప్పకు నాలుగైదు రోజులు కాకుండా ఏకంగా 15 రోజుల సమయాన్ని ఇవ్వడాన్ని ఆయన తప్పుబట్టారు. తమ ఎమ్మెల్యేలను బీజేపీలోకి చేర్చుకునేందుకు ఆ పార్టీ అనేక ప్రలోభాలకు గురిచేస్తోందని కుమారస్వామి ఆరోపించారు.

సాక్షి, బెంగళూరు: ప్రధాని నరేంద్ర మోదీపై కర్ణాటక ముఖ్యమంత్రి సిద్ధరామయ్య ప్రశంసలు గుప్పించారు. గ్రామాలు సుభిక్షంగా ఉండటానికి కారణం నరేంద్ర మోదీనే అంటూ ఆయన వ్యాఖ్యలు చేశారు. ఎన్నికల ప్రచారంలో తీవ్ర విమర్శలు గుప్పిస్తున్న సిద్ధరామయ్య ఏంటి? హఠాత్తుగా మోదీని పొగడటం ఏంటనుకుంటున్నారా?.. అసలు విషయం...  మంగళవారం మళవల్లి నియోజకవర్గంలో కాంగ్రెస్‌ నిర్వహించిన ఎన్నికల ర్యాలీలో సిద్ధరామయ్య పాల్గొన్నారు. ఆ నియోజకవర్గంలో పోటీ చేస్తున్న నరేంద్ర స్వామి తరపున సిద్ధూ ప్రచారం చేస్తూ ‘గ్రామాలకు రోడ్లు, మంచి నీటి సౌకర్యం, స్కూళ్లు ఇలా అభివృద్ధి పనులకు కారణం నరేంద్ర మోదీనే’ అని పేర్కొన్నారు. వెంటనే ప్రజల్లో కొందరు గట్టిగా అరవగా.. స్టేజీపైనే ఉన్న నరేంద్ర స్వామి ఆయన్ని అప్రమత్తం చేశారు. ఆ వెంటనే సిద్ధరామయ్య తన పొరపాటును సవరించుకుంటూ.. ‘నరేంద్ర అనేది చాలా ముఖ్యమైన పదం. స్వామీ ఇక్కడ ఉన్నారు. మోదీ గుజరాత్‌లో ఉంటారు. నరేంద్ర మోదీ కల్పితం, నరేంద్ర స్వామి సత్యం’ అంటూ తన ప్రసంగం కొనసాగించారు.  రెండోసారి కూడా... ఆ తర్వాత కొద్దినిమిషాలకే సిద్ధరామయ్య మరోసారి నోరు జారారు. ఈసారి ఏకంగా నరేంద్ర మోదీకి ఓట్లేయ్యండని ప్రజలను కోరారు. ‘నరేంద్ర మోదీకి మీరు వేసే ప్రతీ ఓటు. నాకు వేసినట్లే. ఆయన్ని ఆఖండ మెజార్టీతో గెలిపించండి’ అని వ్యాఖ్యానించారు. ఈసారి కార్యకర్తలు గోల చేయటంతో సిద్ధరామయ్య సారీ చెప్పి ప్రసంగం కొనసాగించారు. ఇలా నిమిషాల వ్యవధిలో ఆయన చేసిన తప్పిదం తాలూకు వీడియోలు ఇప్పుడు వైరల్‌ అవుతున్నాయి. ‘సిద్ధరామయ్య మైండ్‌లో మోదీ ఎంత బలంగా నాటుకు పోయాడో ఇదే నిదర్శనం’ అంటూ కొందరు, ‘బీజేపీ-కాంగ్రెస్‌ నేతలు దొందూ దొందే’ అంటూ మరికొందరు కామెంట్లు పెడుతున్నారు.  గతంలో అమిత్‌ షా కూడా మీడియా సమావేశంలో యెడ్యూరప్ప ప్రభుత్వం అవినీతిమయం అని వ్యాఖ్యానించగా.. పక్కనే కూర్చున్న యెడ్డీ నివ్వెరపోయారు. ఆ తప్పిదాన్ని కాంగ్రెస్‌ పార్టీ విపరీతంగా ట్రోల్‌ చేసింది.  సొంత పార్టీని ఇరుకున పెట్టిన వైనం

న్యూఢిల్లీ : షేషెంట్‌కు ఆపరేషన్‌ చేసి...కడుపులో కత్తెరలు, దూది మర్చిపోయిన సంఘటనలు అప్పుడప్పుడూ చూస్తూనే ఉన్నాం. అలాగే కొండ నాలుకకు మందు వస్తే ఉన్న నాలుక ఊడినట్లు.. కడుపునొప్పని వచ్చిన ఓ మహిళకు డయాలసిస్‌ చేశారు ఢిల్లీలోని ఎయిమ్స్‌ డాక్టర్లు. వివరాల్లోకి వెళితే బిహార్‌లోని సహర్స ప్రాంతానికి చెందిన రేఖాదేవి అనారోగ్యంతో బాధపడుతూ చికిత్స కోసం స్థానికంగా ఆస్పత్రికి వెళ్లింది. అక్కడ వైద్యులు ఆమె కడుపుకు శస్త్ర చికిత్స చేశారు. కానీ ఆ శస్త్ర చికిత్స సరిగా చేయకపోవడంతో రేఖాదేవి అప్పుడప్పుడు కడుపు నొప్పితో బాధపడుతుండేది. దీంతో మెరుగైన చికిత్స కోసం ఆమె ఢిల్లీలోని ఎయిమ్స్‌ ఆస్పత్రికి వచ్చింది. అయితే ఇక్కడ వైద్యులు పొరపాటున ఆమెకు మూత్ర పిండాల వ్యాధి అని నోట్‌ చేసుకున్నారు. తదుపరి చికిత్స కోసం ఆమె మూత్రపిండాలను పరిక్షించారు. రిపోర్టుల్లో సమస్య ఏమి లేదని తెలిసిన తర్వాత కూడా ఆమెకు కిడ్నీ ఆపరేషన్‌ చేశారు. మరుసటి రోజు ఆమెకు డయాలసిస్‌ కూడా చేశారు. తనకు కిడ్ని సమస్యలేదని  చెప్పినా కూడా డాక్టర్‌ వినలేదని వాపోయింది రేఖ. ఈ విషయం గురించి తనకు ఆపరేషన్‌ చేసిన డాక్టర్‌ను నిలదీయగా ఆ వైద్యుడు రిపోర్టును మార్చే ప్రయత్నం చేశాడని తన కుటుంబ సభ్యులకు తెలిపింది. విషయం తెలుసుకున్న రేఖ తల్లిదండ్రులు, బంధువులు ఆందోళన చేయడంతో ఎయిమ్స్‌ చైర్మన్‌ డా. వై కే గుప్తా విచారణ జరిపించడానికి ఒక కమిటీని వేశారు. ‘రేఖ, ఆమె తరుపున​ వచ్చిన వారి వివరాలు రోగుల రికార్డు బుక్‌లో నమోదవ్వలేదు. కానీ నర్సింగ్‌ రిపోర్టు బుక్‌లో మాత్రమే ఉన్నాయి. అందువల్ల డాక్టరు​ పొరపాటున కిడ్ని ఆపరేషన్‌ చేశాడు. కానీ పొరపాటును తెలుసుకుని మరుసటి రోజు దాన్ని సరిచేసే ప్రయత్నం చేశాడ’ ని కమిటీ ప్రాధమిక నివేదికలో తెలిసింది. దీంతో రేఖకు వైద్యం చేసిన డాక్టర్‌... వైద్య సేవలు చేయకుండా నిషేధం విధించారు.

కాలిఫోర్నియా : చీకట్లో ఎదురుగా ఉన్న వ్యక్తి చేతిలోని సెల్‌ఫోన్‌ను తుపాకీగా భావించి, ఆ వ్యక్తిపై 20సార్లు కాల్పులు జరిపి చంపిన ఘటన కాలిఫోర్నియాలోని సాక్రమెంటోలో చోటుచేసుకుంది. వివరాల్లోకి వెళ్తే స్టీఫెన్‌ అలోంజో క్లార్క్‌ (22)  సాక్రమెంట్‌లో ఉంటున్న తన తాతగారింటికి వచ్చాడు. వృద్ధాప్యంలో ఉన్న తన తాతకు సాయం చేయడానికి క్లార్క్‌ ప్రతివారం వస్తుంటాడు. ఎప్పటి మాదిరిగానే మరోసారి వచ్చి రాత్రి  తన సెల్‌ఫోన్‌ను తీసుకుని ఇంటి వెనక పెరట్లో తిరుగుతున్నాడు. అదే సమయంలో పెట్రోలింగ్‌లో ఉన్న పోలీసులకు అతడు సరిగా కనిపించకపోవడంతో నేరస్తుడని అనుమానించారు. నిఘా కోసం ఏర్పాటుచేసిన హెలికాప్టర్‌లోకానీ, కెమెరాల్లో కానీ క్లార్క్‌ చేతిలో ఉన్న వస్తువును సరిగా గుర్తించలేకపోయాయి. దాంతో అతని చేతిలో ఉన్నది తుపాకీనే అని అనుమానంతో క్లార్క్‌ పై కాల్పులు జరిపారు. అనంతరం అతడి దగ్గరకు వెళ్లి చూడగా అతని చేతిలో ఉన్నది ఆపిల్‌ ఐఫోన్‌ అని తెలిసింది. ఈ తతంగం అంతా వారి వద్ద ఉన్న కెమారాల్లో రికార్డు అవుతూనే ఉంది. మరణించిన వ్యక్తి దగ్గర ఉన్నది గన్‌ కాదని తెలియగానే పోలీసులు కెమరాను మ్యూట్‌లో పెట్టారు. రెండు నిమిషాలపాటు వారి సంభాషణ అంతా మ్యూట్‌లోనే రికార్డయ్యింది. ఈ విషయం గురించి పోలీసు అధికారులను ప్రశ్నించగా భిన్న కథనాలు చెప్పుకొచ్చారు. చనిపోయిన వ్యక్తి అంతకుముందు అక్కడ ఉన్న మూడు వాహనాలను ధ్వంసం చేశాడని, దాంతో  పక్కింటివారు 911 నెంబరుకు ఫోన్‌ చేస్తేనే తాము అక్కడకి వచ్చామని చెప్పారు. క్లార్క్‌ తమను చూసి పారిపోవడానికి ప్రయత్నించాడని, అందులో భాగంగా పక్క ఇంటి వారి కిటికి అద్దాలను కూడా పగలకొట్టాడన్నారు. మరో అధికారి మాట్లాడుతూ కెమరాలో రికార్డయిన దృశ్యాల్లో అతని ఎడమ చేతిలో ఉన్నవస్తువును సరిగా కనిపించలేదని, దాంతో అతని చేతిలో ఉన్నది మరణాయుధం అని భావించి కాల్పులు జరిపామని చెప్పారు. తొలుత అధికారులు అతని వివరాలను వెల్లడించలేదు. కానీ సాలెనా మన్ని అనే యువతి అతని పేరు స్టీఫెన్‌ అలోంజో క్లార్క్‌ అని, తాను అతడికి కాబోయే భార్యనని, వారికి ఇద్దరు పిల్లలు కూడా ఉన్నట్లు తెలిపింది. అతని సహచరులు, బంధువులు క్లార్క్‌ మృతికి పోలీసులే కారణం అంటూ ఆవేదన వ్యక్తం చేశారు.


 ముక్కంటి మన్నించు!
 పాదగయ క్షేత్రంలో అపచారం నిజమే
 ఒప్పుకున్న అర్చకులు
 ఆగ్రహం వ్యక్తం చేసిన పాలకమండలి 
 కుక్కుటేశ్వరుడినికి ప్రాయశ్చిత పూజలు
 పిఠాపురం : ప్రముఖ పుణ్యక్షేత్రం పాదగయ కుక్కుటేశ్వరస్వామి వారి దేవాలయంలో వందేళ్ల సంప్రదాయాన్ని పాటించకుండా అపచారం చేశామని ఆలయ అధికారులు అర్చకులు ఒప్పుకున్నారు. అపచారం ప్రక్షాళన కోసం స్వామివారికి సంప్రోక్షణ, ప్రాయశ్చిత పూజలు నిర్వహించారు. ‘పాదగయ క్షేత్రంలో అపచారం’ అనే శీర్షికన ‘సాక్షి’ ప్రధాన సంచికలో మంగళవారం ప్రచురితమైన వార్తకు ఆలయ అధికారులు స్పందించారు. ఆలయ ట్రస్టుబోర్డు చైర్మన్‌ కొండేపూడి ప్రకాష్‌ అధ్యక్షతన ఆలయ వేదపండితులు ద్విభాష్యం సుబ్రహ్మణ్య శర్మ మంగళవారం ఆలయంలో నిర్వహించిన విలేకర్ల సమావేశంలో జరిగిన అపచారంపై తీవ్ర విచారం వ్యక్తం చేశారు. భవిష్యత్తులో ఇటువంటి సంఘటనలు చోటుచేసుకోకుండా తగిన చర్యలు తీసుకుంటామని అర్చకుల తరఫున అధికారులకు హామీ ఇచ్చారు. కొన్ని వందల ఏళ్లుగా ఈ ఆలయంలో గ్రహణం రోజున  స్వామివారికి పట్టు స్నానం చేయించి అనంతరం అభిషేకాలు నిర్వహించడం ఆనవాయితీగా వస్తోందన్నారు. దేశంలో అన్ని ఆలయాలు గ్రహణం సందర్భంగా మూసివేసినా కాళహస్తి ఆలయంతో పాటు ఈ ఆలయం మాత్రం తెరిచి ఉంచి గ్రహణం ఉన్నంత సేపు ప్రత్యేక అభిషేకాలు నిర్వహించాల్సి ఉందన్నారు. గ్రహణం పూర్తయిన అనంతరం విడుపు స్నానం చేయించి ప్రత్యేక పూజల అనంతరం భక్తులకు స్వామివారి దర్శనం కల్పించాల్సి ఉందన్నారు. అయితే ఆలయ అర్చకులు ఈ విషయాన్ని అనివార్య కారణాల వల్ల పట్టించుకోలేదన్నారు. జరిగిన అపచారానికి చింతిస్తున్నామని, స్వామివారికి ప్రాయశ్చితపూజలు సంప్రోక్షణలు నిర్వహించామన్నారు. ఆలయ ఈఓ చందక దారబాబు జరిగిన అపచారానికి తాను పూర్తి బాధ్యత వహిస్తున్నానన్నారు. ఆలయ అర్చకులు ఈ విషయాన్ని తమ దృష్టికి తీసుకురావాల్సి ఉందని వారు నిర్లక్ష్యంగా వ్యవహరించారన్నారు. దీనిపై ఉన్నతాధికారులకు ఫిర్యాదు చేస్తామన్నారు. ఆలయ ట్రస్టుబోర్టు చైర్మన్‌ కొండేపూడి ప్రకాష్‌ మాట్లాడుతూ పూర్వం నుంచి వస్తున్న ఆచారాన్ని మంటగలపడం దారుణమన్నారు. ఈ విషయంపై విచారణ జరిపించి చర్యలు తీసుకోవాలని దేవాదాయ ధర్మాదాయ శాఖ ఉన్నతాధికారులకు ఫిర్యాదు చేసినట్టు ఆయన తెలిపారు. 


  కొత్త రేషన్‌ కార్డుల్లో పేర్లు, ఫొటోల గల్లంతు
  తెల్లబోతున్న లబ్ధిదారులు
  నాలుగు మండలాలకు అందని కొత్త కార్డులు
 కొవ్వూరు :
 కొవ్వూరు పట్టణంలోని 1వ వార్డుకు చెందిన ముప్పిడి పార్వతి పేరిట కొత్త రేషన్‌ కార్డు మంజూరైంది. ఆమెకు భర్త, కుమారుడు, కుమార్తె ఉండగా.. కుమార్తె పేరు నమోదు కాలేదు. అదే వార్డు చెందిన రాణి పేరుతో జారీ చేసిన కార్డులో ఇంటి యాజమాని అయిన ఆమె భర్త పేరు ముద్రించలేదు. ఇదే ప్రాంతానికి చెందిన ఎన్‌.ప్రభుకుమారికి ఇచ్చిన కార్డులోని ఫొటోలు భార్యభర్తలు, ఇద్దరు పిల్లల ఫొటో ఉంది. ఇద్దరు సంతానమైనా.. ఒకరి పేరు మాత్రమే నమోదైంది. 3వ వార్డుకు చెందిన మామిడి వెంకటేష్‌ పేరిట జారీ చేసిన కొత్త కార్డులో వెంకటేష్‌ దంపతులు, ఇద్దరు పిల్లల ఫొటో ముద్రించారు. అయితే, ఆయన భార్య పేరు మాత్రం నమోదు చేయలేదు. ఇదే పట్టణానికి చెందిన కె.రమ్యశ్రావణి పేరుతో జారీ అయిన కార్డులో ఏ ఒక్కరి ఫొటోను ముద్రించలేదు. ఈ పరిస్థితి ఒక్క కొవ్వూరు పట్టణానికే పరిమితం కాలేదు. జిల్లాలోని ప్రతి పట్టణం, ప్రతి గ్రామంలోనూ ఇలాంటి తప్పులు కోకొల్లలుగా ఉన్నాయి. భార్య పేరు ఉంటే భర్త పేరు గల్లంతవడం, ఇద్దరుపి ల్లలు ఉంటే.. ఒకరి పేరు మాత్రమే ఉండటం, కొన్ని కార్డుల్లో అసలు ఫొటోలే ముద్రించకపోవడం వంటి లోపాలు ప్రతిచోట కనిపిస్తున్నాయి. పేర్లు, వయసు తప్పుగా నమోదు కావడం ప్రతిచోట ఉంది. సోమవారం ప్రారంభమైన జన్మభూమి గ్రామసభల్లో కొత్త కార్డులు అందుకున్న వారి అందులోని వివరాలను చూసి తెల్లబోయారు. 
  
 48,173 కొత్త కార్డులు మంజూరు
 జిల్లాకు జన్మభూమిమా ఊరు కార్యక్రమంలో భాగంగా 48,173 కొత్త రేషన్‌ కార్డులు మంజూరయ్యాయి. వీటిని సోమవారం నుంచి ఈ నెల11 వరకు నిర్వహించే జన్మభూమి గ్రామసభల్లో పంపిణీ చేయనున్నారు. తెల్ల రేషన్‌ కార్డుల కోసం 81,094 మంది దరఖాస్తు చేసుకున్నారు. వీటిలో వివిధ కారణాలతో 2,739 దరఖాస్తులను తిరస్కరించారు. 56,929 దరఖాస్తుల అర్హమైనవిగా తహసీల్దార్లు, జాయింట్‌ కలెక్టర్‌ నిర్ధారించారు. అయితే, వీటిలో  48,173 మందికి కార్డులు మాత్రం మంజూరయ్యాయి. వాటి ప్రింటింగ్‌ ప్రక్రియ పూర్తికాకపోవడంతో అన్ని మండలాలకు పూర్తిస్థాయిలో కార్డులు అందలేదు. 20 శాతం కార్డులు అందలేదని ప్రాథమికంగా అంచనా వేశారు. అధికారులు, ప్రజా ప్రతినిధులు ముందుగానే చర్చించుకుని గ్రామ సభల షెడ్యూల్‌ను ఖరారు చేసినప్పటికీ కార్డులు అందని కారణంగా చాలాచోట్ల గ్రామసభలను వాయిదా వేశారు. 
  
 రేషన్‌కు కోతే
 జన్మభూమిలో అందించే కొత్తకార్డుల్లో ముద్రించిన ఫొటోల్లో ఎంతమంది ఉన్నా.. పేర్లు నమోదైన కుటుంబ సభ్యులను మాత్రమే పరిగణనలోకి తీసుకుని ఆ మేరకు రేషన్‌ సరుకులు కేటాయిస్తారు. తప్పుల 
 కారణంగా కొత్త కార్డుల్లో సుమారు 50 వేల మంది పేర్లు గల్లంతై ఉంటాయని అంచనా. వీరందరికీ రేషన్‌ బియ్యం అందని పరిస్థితి. వీరంతా ఎన్టీఆర్‌ వైద్య సేవలకు దూరం కావాల్సిన పరిస్థితి.
  
 4 మండలాలకు అందని కార్డులు
 తణుకు, ద్వారకాతిరుమల, కామవరపుకోట, పెదవేగి మండలాలకు సంబంధించి కొత్తకార్డులు ప్రింటింగ్‌ కాలేదు. దీంతో ఈ నాలుగు మండలాల్లో జన్మభూమి కార్యక్రమాన్ని వాయిదా వేశారు. జీలుగుమిల్లి మండలానికి 638 అందాల్సి ఉండగా 51కార్డులు మాత్రమే ప్రింటి అయ్యాయి. వేలేరుపాడు మండలంలో 292 కార్డులు మంజూరైతే 44 కార్డులు మాత్రమే ప్రింటింగ్‌ కావడంతో ఇక్కడ గ్రామసభ తేదీలను ఇంకా ఖరారు చేయలేదు.
  
 అందరి పేర్లు నమోదు కాలేదు
 ఏడాది క్రితం రేషన్‌కార్డు కోసం దరఖాస్తు చేసుకున్నాను. జన్మభూమి కార్యక్రమంలో ఆధికారులు కార్డు ఇచ్చారు. నేను, నా భార్య, నలుగురు పిల్లలు ఫొటో తీయించుకుని దరఖాస్తు అందజేశాను. ప్రస్తుతం కార్డులో ఇద్దరి పిల్లల పేర్లు మాత్రమే నమోదయ్యాయి. అధికారులను అడిగితే పేర్లు నమోదుకు మీ సేవలో దరఖాస్తు చేసుకోమని చెబుతున్నారు. 
 ఎరిపెల్లి ముసలయ్య, కుమారదేవం, కొవ్వూరు మండలం
  
 సమాచారం లేదు: 
 కొత్త రేషన్‌ కార్డుల్లో తప్పులు ప్రచురితం అయినట్టు ఏ తహసీల్దార్‌ నుంచి సమాచారం అందలేదు. ఎక్కడైనా తేడాలుంటే పూర్తి వివరాలను తహసీల్దార్‌ ద్వారా పంపితే సరిదిద్దేంకు ప్రభుత్వానికి సిఫార్సు చేస్తాం. ఆధార్‌ నంబర్‌ అనుసంధానం కాకపోవడం, చిన్న అక్షర దోషాలు వచ్చిన పేర్లు తిరస్కరణకు గురయ్యే అవకాశం ఉంది.
 సయ్యద్‌ యాసిన్, జిల్లా పౌర సరఫరాశాఖ అధికారి 
  
  
  
  
  
  
  
  
  
  


 ఉత్తమ విలన్
 ఏ మిస్టేక్ జరిగినా అందరూ నాలో ఉన్న రాక్షసుడిని చూడాల్సి ఉంటుంది
 కాంట్రాక్టర్ బద్రీనారాయణలో రాక్షసుడు కనిపించాలంటే ‘మిస్టేక్’ కనిపించాలి. బద్రీనారాయణ పాత్ర వేసిన షాయాజీ షిండే మాత్రం... తన నటనలో చిన్న మిస్టేక్ లేకుండా వెండితెరపై రాక్షసత్వాన్ని పండించి ‘గ్రేట్ విలన్’ అనిపించుకోగలరు.
 ‘ఏం నిల్చొని మాట్లాడుతున్నావు? కూర్చోవయ్యా.
 ఏం తీసుకుంటావు?’... 
 ఇవి బత్తుల బైరాగి నాయుడి మాటలు. ఆహా... ఆ మాటల్లో ఎంత మర్యాద ఉంది!
 
 ‘రౌడీ వెధవలు మనకు ఎందుకు చెప్పు’ 
 ఇవి కూడా బైరాగి నాయుడి మాటలు. ఆహా... రౌడీయిజం మీద ఎంత మంట!
  
 ‘ఒక్క ఓటు వేసి మీరు నన్ను మరిచిపోయినా... నేను మాత్రం మిమ్మల్ని జీవితాంతం మరిచిపోను’... ఇవి కూ....డా బైరాగి నాయుడి మాటలే.... ఆహా... ఎంత విశ్వాసం!!
  కానీ... బైరాగినాయుడిలో భూతద్దం వేసి వెదికినా... మర్యాద కనిపించదు. రౌడీయిజం మీద అపారమైన ప్రేమ తప్ప వ్యతిరేకత కనిపించదు. తనను గెలిపించిన ప్రజల పట్ల పొరపాటున కూడా విశ్వాసం కనిపించదు.
  ‘ఠాగూర్’ సినిమాలో బద్రీనారాయణ, ‘వీడే’ సినిమాలో బత్తుల బైరాగి నాయుడు పాత్రలు షాయాజీ షిండే విలనిజానికి మచ్చుకు రెండు ఉదాహరణలు మాత్రమే.
 
 సొంతగొంతు కంటే... అరువు గొంతుతో మరింత ఎక్కువగా భయపెట్టగలడనేది ‘వీడే’ సినిమాతో రుజువు అయినా... ఆయన సొంతగొంతుతోనే మనకు ఎక్కువగా భయపడడం అలవాటైంది.
  సరే... ఆ గొంతులో పలికే ముక్కల ముక్కల తెలుగు సంగతి ఎలా ఉన్నా... ఆ కళ్లలో పలికే భావాలు చాలు... విలనిజం చిరునామా చెప్పడానికి!
  తెలుగు ప్రేక్షకులకు ‘మన ఇలనే’ అన్నంతగా దగ్గరైన... షాయాజీ షిండే... ఎక్కడి వారు?
  
 ఒక్కసారి అలా మహారాష్ట్ర వరకు వెళ్లొద్దాం...
 మహారాష్ట్రలోని సతారా జిల్లాలో ఒక మారుమూల గ్రామంలో రైతు కుటుంబంలో పుట్టారు షిండే. డిగ్రీ తరువాత ‘మహారాష్ట్ర గవర్నమెంట్ ఇరిగేషన్ డిపార్ట్‌మెంట్’లో వాచ్‌మెన్‌గా చేరారు. నెల జీతం 165 రూపాయలు. ఉద్యోగం చేస్తున్నా మనసంతా నాటకాలపైనే ఉండేది.
  
 ‘నేను నటుడిని కాగలనా?’ అని మనసులో ఒక ప్రశ్న.
  ‘కావాలంటే ఏంచేయాలి?’ అనేది మరో ప్రశ్న.
   ‘మంచి నటుడు కావాలంటే ఏంచేయాలి?’ అని ఒక పెద్దాయనను అడిగినప్పుడు....
  ‘మందుకొట్టే అలవాటు ఉందా?’
  ‘సిగరెట్ తాగే అలవాటు ఉందా?’ అని అడిగాడు.
  ‘అప్పుడప్పుడు తాగుతాను’ అని జవాబు ఇచ్చారు షిండే.
  ‘‘చెడు అలవాట్లేమీ లేకుంటేనే మంచి నటుడివి కాగలవు’ అని విలువైన సలహా ఇచ్చాడు ఆ పెద్దాయన.
   ఇక అప్పటి నుంచి...
  ‘శరీరంపై శ్రద్ధ చూపాలి. యోగా చేయాలి’  ‘కొత్త జీవితం మొదలు పెట్టాలి’ అని గట్టిగా నిర్ణయించుకున్నారు షిండే. అంతే కాదు...
  
 ‘నటన’ గురించి తెలుసుకోవడానికి ఎందరితోనో మాట్లాడేవాడు. నటనకు సంబంధించి ఎన్నో పుస్తకాలను చదివేవాడు. దాదర్‌స్టేషన్ సమీపంలో ఒక పుస్తకాల దుకాణంలో కనిపించిన భరతముని ‘నాట్యశాస్త్ర’ పుస్తకాన్ని కూడా వదల్లేదు. ‘అభినయ సాధన్’లాంటి మరాఠీ పుస్తకాల నుంచి కూడా నోట్స్ తయారు చేసుకునేవాడు. ఇంట్లో వాళ్లు మాత్రం...
  ‘వీడికేమైనా పిచ్చా’ అనుకునేవాళ్లు.
  ‘ధార్మియ’ అనే మరాఠీ నాటకంలో షిండే చేసిన హిజ్రా పాత్రకు ఎంతో గుర్తింపు వచ్చింది.
 
 స్టేట్ అవార్డ్ కూడా వచ్చింది. షిండేను నిజమైన హిజ్రా అనుకున్నారు చాలామంది. ఈ హిజ్రా పాత్రతో ప్రముఖల దృష్టిలో పడిన షిండేకు ఎన్నో మరాఠీ చిత్రాల్లో నటించే అవకాశం వచ్చింది. 2000 సంవత్సరంలో వచ్చిన ‘భారతి’ అనే తమిళ సినిమాలో ప్రఖ్యాత కవి సుబ్రమణ్య భారతిగా నటించి... దక్షిణాది సినీ పరిశ్రమకు దగ్గరయ్యారు.
  ‘ఠాగూర్’ సినిమాలో ‘బద్రీనారాయణ’గా నటించడంతో తెలుగు చలన చిత్రసీమకు ‘షాయాజీ షిండే’ రూపంలో సరికొత్త విలన్ పరిచయం అయ్యాడు.


 
 ఇసుక డంప్‌లను వెలికితీయండి 
 
 అక్రమ రవాణాను అరికట్టండి 
 
 అధికారులు నిద్రపోయినట్లు ఉండొద్దు
 
 నిత్యం దాడులు కొనసాగించాలి 
 
 రూ.800కోట్ల ఆదాయమే లక్ష్యం
 
 అధికారులకు మంత్రి ఆదేశం 
 
 కొత్తపల్లి క్వారీని తనిఖీ చేసిన కేటీఆర్‌ 
 
 తిమ్మాపూర్‌ : ‘‘జిల్లాలో పోలీస్, రెవెన్యూ, మైనింగ్‌ అధికారులుండగా ఇసుక అక్రమ రవాణా ఎలా నడుస్తుంది? ఇసుక రవాణాదారులు భయంలేక ఎట్లున్నరు? అధికారులు నిద్రపోయినట్లు ఉండొద్దు. నిత్యం తనిఖీలు కొనసాగించి అక్రమ రవాణాను అరికట్టాలి. ఎవ్వరినీ వదిలిపెట్టొద్దు’’ అంటూ రాష్ట్ర మున్సిపల్, గనులశాఖ మంత్రి కల్వకుంట్ల తారకరామారావు అధికారులను ఆదేశించారు. తిమ్మాపూర్‌ మండలం కొత్తపల్లి ఇసుక క్వారీని ఆయన సోమవారం ఆకస్మికంగా తనిఖీ చేశారు. క్వారీ లోపలికి పోలీసు వాహనంలో వెళ్లిన ఆయన లోడింగ్‌ కేంద్రాన్ని పరిశీలించారు. అక్కడ ఇసుక లారీ డ్రైవర్లతో మాట్లాడారు. వే బ్రిడ్జికి పోతున్నారా? వే బిల్లులేకుండా లారీలు నడుస్తున్నాయా? అని ప్రశ్నించగా... నడుస్తున్నాయని చెప్పారు. తాము నల్లగొండ జిల్లా నుంచి వచ్చామని పేర్కొన్నారు. టన్ను ఇసుక ఎంతకు అమ్ముతున్నారని మంత్రి అడుగగా.. మొన్నటి వరకు రూ.900కు అమ్మారని, ఇప్పుడు రూ.1200 వసూలు చేస్తున్నారని తెలిపారు. ఇక్కడికంటే ఏటూరునాగారం ఇసుకకు అధిక ధర పలుకుతోందని చెప్పారు. డీడీలు రెగ్యులర్‌గా వెళ్లడం లేదని చెప్పారు. క్వారీని పరిశీలించిన అనంతరం ఆయన పోలీసు వాహనంలోనే కొత్తపల్లిలో ఇసుక డంప్‌లను పరిశీలించారు. అదే సమయంలో ఆయన జీపులో ఉన్న టీఎస్‌ఎండీసీ ప్రాజెక్టు ఆఫీసర్‌ కె.లక్ష్మీనర్సింహారావు, ఎల్‌ఎండీ ఎస్సై జగదీష్‌తో మాట్లాడారు. క్వారీ వద్దకు పెట్రోలింగ్‌కు వస్తారా? అంటూ ఎస్సైని అడిగి తెలుసుకున్నారు. ఇసుక అక్రమ రవాణా ఎలా జరుగుతోందని అడుగగా.. ట్రాక్టర్లతో ఇసుకతో డంప్‌లు చేస్తున్నారని పీవో చెప్పారు. ఇసుక సీజ్‌తో ఎంత ఆదాయం వచ్చిందని మంత్రి అడిగారు. ఆదివారం ఒక్కరోజే రూ.10లక్షలు వచ్చిందని పీవో చెప్పారు. అక్రమాలను అరికడితే ఎంత ఆదాయం వస్తుందని ప్రశ్నించగా.. రూ.500కోట్లు రావచ్చని పీవో వివరించారు. రాష్ట్రంలో ఇసుక ద్వారా ఏడాదికి రూ.800కోట్ల ఆదాయం లక్ష్యమైతే ఏడాది రూ.375కోట్లు మాత్రమే వచ్చింది కదా అంటూ మంత్రి ప్రశ్నించగా.. నీరు రాకుండా ఉంటే ఈసారి రూ.800 కోట్ల ఆదాయం వస్తుందని తెలిపారు. గత సంవత్సరం జిల్లాలో రూ.18కోట్ల ఆదాయం ప్రభుత్వానికి రాగా ఇందులో రూ.1.40కోట్లు సీనరేజ్‌ వచ్చిందని పేర్కొన్నారు. ప్రైవేటు వాహనాలు ఎలా నడుస్తున్నాయని మంత్రి ప్రశ్నించగా.. ఖాజీపూర్‌లో ఇంటికో ట్రాక్టర్‌ ఉందని, ఇది జీవనోపాధి అయిందని పీవో చెప్పారు. వెంటనే మంత్రి కరీంనగర్‌ ఆర్డీవో చంద్రశేఖర్‌తో ఫోన్‌లో మాట్లాడారు. ఎస్పీకి ఫోన్‌ చేసి ఇసుక డంప్‌లు సీజ్‌ చేయాలని సూచించారు. ఉదయమే కలెక్టర్‌తో మాట్లాడి దాడులు కొనసాగించాలని సూచించినట్లు తెలిసింది. అనంతరం ఎల్‌ఎండీలో మంత్రి కేటీఆర్‌ విలేకరులతో మాట్లాడుతూ.. రెండుమూడు రోజులుగా ఇసుక అక్రమ రవాణాను పూర్తిగా నియంత్రిస్తామన్నారు. 
 డంప్‌లను తరలిస్తున్న అధికారులు 
 మండలంలో ఇసుక డంప్‌లను అధికారులు ఖాళీ చేయిస్తున్నారు. శనివారం కరీంనగర్‌ ఆర్డీవో చంద్రశేఖర్, తిమ్మాపూర్‌ సీఐ వెంకటరమణ నేతృత్వంలో రెవెన్యూ, పోలీసు శాఖ ఉద్యోగులు ఏకకాలంలో దాడులు నిర్వహించి మండలంలోని తొమ్మిది గ్రామాల్లో 21 ఇసుక డంప్‌లను గుర్తించారు. ఈ ఇసుకను రెవెన్యూ, పోలీసు అధికారులు దగ్గరుండి రెండు రోజులుగా ఖాళీ చేయిస్తున్నారు. కొత్తపల్లి ఇసుక క్వారీకి వచ్చిన ఇసుక లారీలను ఇసుక డంప్‌ల వద్దకు తరలించి అక్కడ ఇసుకను లోడింగ్‌ చేస్తూ వే బిల్లులు జారీ చేస్తున్నారు. మండలంలోని రామకృష్ణకాలనీ పరిధిలోని సుభాష్‌నగర్‌ శివారు, చెర్లపల్లిలోని ఇసుక డంప్‌లను సోమవారం ఖాళీ చేయించారు. రెండు రోజుల్లో మండలంలో 64 లారీల ఇసుకను తరలించగా, మరో 50 లారీల మేరకు ఇసుక డంప్‌లు ఉంటాయని తహశీల్దార్‌ కోమల్‌రెడ్డి తెలిపారు. 
 కఠినంగా వ్యవహరించండి :ఎస్పీ జోయల్‌డేవిస్‌ 
 కరీంనగర్‌ క్రైం : ఇసుక అక్రమ రవాణాదారులపై కఠినంగా వ్యహరించాలని, చట్టం ప్రకారం చర్యలు తీసుకోవాలని ఎస్పీ జోయల్‌డేవిస్‌ అధికారులను ఆదేశించారు. కరీంనగర్‌ మండలం ఖాజిపూర్‌ క్వారీతోపాటు ఎలగందుల గ్రామంలో నిల్వ చేసిన ఇసుక డంపులను మైనింగ్, రెవెన్యూ అధికారులతో కలిసి ఎస్పీ సోమవారం పరిశీలించారు. నిబంధనలకు విరుద్ధంగా ఇసుక రవాణా చేయడానికి వీళ్లేదనిన్నారు. చెక్‌పోస్టులను బలోపేతం చేయాలని అధికారులను ఆదేశించారు. పోలీసులు, అధికారులు రాకుండా ఇసుక డంప్‌ల వద్దకు రాకుండా అక్రమ రవాణాదారులు అడ్డుగా తవ్విన గుంతలను పరిశీలించారు. అక్రమార్కులపై చట్ట ప్రకారం చర్యలు తీసుకుంటామన్నారు. పోలీసులు, రెవెన్యూ, మైనింగ్‌ అధికారులు సోమవారం మరో 150 లారీల ఇసుక డంపులను సీజ్‌ చేశారు. వీటిని కూడా ఒక చోటకు చేర్చి టీఎస్‌ఎండీసీ ద్వారా అమ్మకాలు చేయాలని అధికారులకు సూచించారు. ఎస్పీ వెంట కరీంనగర్‌ ఆర్డీవో చంద్రశేఖర్, సీఐ కృష్ణగౌడ్, మైనింగ్‌ అధికారులున్నారు. 
 రెండు రోజుల అదాయం రూ.16లక్షలు
 పోలీసులు, రెవెన్యూ, మైనింగ్‌ అధికారులు సంయుక్తగా పట్టుకున్న సుమారు రెండు వందల లారీల ఇసుక డంపులను టీఎస్‌ఎండీసీ ద్వారా అమ్మగా, సుమారు రూ.16 లక్షలు వచ్చినట్లు తెలిసింది. మరో మూడు వందల లారీల ఇసుక డంపుల్లో ఉందని సమాచారం. వీటిని కూడా తరలించడానికి అధికారులు చర్యలు తీసుకుంటున్నారు. కాగా.. పలువురు ఇసుక అక్రమ రవాణాదారులు సోమవారం ఎలగందుల గ్రామంలో సమావేశమై... త్వరలో హైదరాబాద్‌ వెళ్లి మంత్రిని కలిసి దాడుల నుంచి మినహాయింపు కోరాలని నిర్ణయించినట్లు సమాచారం. కొంతమంది సోమవారం సాయంత్రమే హైదారాబాద్‌ తరలివెళ్లినట్లు తెలిసింది. 


 చెన్నై: తమిళనాడు ఎన్నికల ప్రచారంలో రెండు ప్రధాన రాజకీయ పార్టీలు డీఎంకే,ఏఐఏడీఎంకేలు తప్పులో కాలేశాయి. ఇరు పార్టీల టీవీ అడ్వర్టైజ్ మెంట్లలో ఒకే మహిళ నటించింది. ఏఐఏడీఎంకే పార్టీ వీడియోలో నటించిన ఆమె జయలలిత చేపట్టిన 'అమ్మ క్యాంటీన్' పథకం వల్ల తమ కుంటుంబం భోజనం చేస్తోందని, అన్నం పెట్టిన అమ్మకు ధన్యవాదాలు చెబుతున్నానని పేర్కొంది. అదే మహిళ డీఎంకే ప్రచార వీడియోలో జయలలిత ఖరీదైన విమాన ప్రయాణాలపై విమర్శలు చేసింది. ప్రజల గురించి  జయలలితకు ఏమాత్రం పట్టింపు లేదని ఆరోపించింది.
  
 ఇరు పార్టీల అడ్వర్టైజ్ మెంట్లలో నటించిన కస్తూరి పాటి(67) తనకు ఇరు పార్టీలు చేరో వెయ్యి రూపాయలు ఇచ్చాయని పేర్కొంది. ముందు ఏఐడీఎంకే ఒకషార్ట్ ఫిల్మ్ అని చెబితే నటించానని చెప్పింది. డీఎంకే వాళ్లు నటించమని కోరడంతో వారికి తను ఇది వరకే 'అమ్మ క్యాంటీన్' లో నటించానని చెప్పినా వారు వినిపించుకోలేదని ఆమె తెలిపింది. అది కేవలం ప్రకటన మాత్రమేనని దాని గురించి పెద్దగా ఆలోచించాల్సిన అవసరం లేదని ఇరు పార్టీలు చెబుతున్నాయి. పార్టీల ప్రకటనలు చూసిన జనాలు నవ్వుకుంటున్నారు.
  
  
  
  


 ఇరవై ఐదేళ్ళ తర్వాత ఫ్రాన్స్, న్యూజిల్యాండ్ దేశాల మధ్య సంబంధాలు మెరుగుపడే అవకాశాలు కనిపిస్తున్నాయి. ఫ్రెంచ్ ప్రధాని మాన్యుయెల్ వాల్స్  న్యూజిల్యాండ్ లో పర్యటించడం అందుకు పెద్ద నిదర్శనంగా చెప్పాలి. అక్కడకు  వెళ్ళడమేకాక, ఫ్రాన్స్ 31 ఏళ్ళ క్రితం న్యూజిల్యాండ్ పై జరిపిన దాడి పెను తప్పిదమంటూ వాల్స్ విశ్లేషించడం ఇరు దేశాలమధ్య సంబంధాలు మరింత బలపడే అవకాశం కనిపిస్తోంది.
 
 ఫ్రెంచ్ సీక్రెట్ సర్వీస్ ఏజెంట్లు గ్రీన్ పీస్ పై 31 ఏళ్ళ క్రితం జరిపిన బాంబు దాడి పెను తప్పిదమేనన్నారు ఫ్రెంచ్ ప్రధాని మాన్యుయెల్ వాల్స్.  25 సంవత్సరాల అనంతరం మొదటిసారి ఫ్రెంచ్ ప్రధాని న్యూజిల్యాండ్ ను సందర్శించారు. ఈ సందర్శన ఫ్రెంచ్, న్యూజిల్యాండ్ల మధ్య మైత్రిని పెంపొందించే  అవకాశం ఉన్నట్లు జిన్హువా వార్తా సంస్థ అభిప్రాయపడింది. 1985 జూలైలో ఫ్రెంచ్ గూఢచారులు... ఆక్లాండ్ ప్రధాన పట్టణం పై.. రెండు భారీ మైన్లతో దాడికి పాల్పడ్డాయి. ఫసిఫిక్ లో ఫ్రాన్స్ జరుపుతున్న అణ్వస్త్ర పరీక్షలకు వ్యతిరేకంగా గ్రీన్ పీస్ ప్రచారం కొనసాగిస్తున్నసమయంలో రైన్బో వారియర్ నౌక.. బాంబుదాడితో నిమిషాల్లో నీటిలో మునిగిపోయింది. అనంతరం దాడిలో పాల్గొన్న ఇద్దరు ప్రెంచ్ సీక్రెట్ ఏజెంట్లను న్యూజిల్యాండ్ పోలీసులు అదుపులోకి తీసుకున్నారు.
 
 30 సంవత్సరాలక్రితం మా సంబంధం పెద్ద పవాలుగా ఉండేదని, అప్పట్లో జరిగిన బాంబు దాడి తప్పిదమేనని, దాడితో చెరిగిపోయిన ఇరుదేశాల మధ్య బంధం... తిరిగి చిగురించాలని కోరుకుంటున్నట్లు  ఫ్రాన్స్ ప్రధాని వెల్లడించారు. జరిగిన తప్పిదాలను గుర్తుంచుకొని, అటువంటివి మరెప్పుడూ జరగకుండా చూసుకుంటూ...ఇరు దేశాలు కలసి అభివృద్ధి పథంలో ముందడుగు వేయాలని వాల్స్ ఆకాంక్షించారు. మరోవైపు.. బాంబు దాడి ఘోరమైన తప్పిదంగా ఫ్రాన్స్ అంగీకరించడం మంచి పరిణామమని న్యూజిల్యాండ్ ప్రధాని జాన్ కీ అభిప్రాయపడ్డారు. సోమవారం ఆక్లాండ్ లో వాల్స్ తో చర్చలు జరిపిన  అనంతరం న్యూజిల్యాండ్ నష్టాన్ని, బాధను ఫ్రాన్స్ అర్థం చేసుకొందని అటువంటి సమస్యలు తిరిగి తెచ్చే అవకాశం లేదని తాను నమ్ముతున్నట్లు జాన్ కీ తెలిపారు. ఫ్రాన్స్ తన చర్యలను పెద్ద లోపంగా భావించిందని, ప్రస్తుతం ఫ్రాన్స్ ప్రధాని రాక ఇరు దేశాల మధ్య సంబంధాలను పెంచుతుందని న్యూజిల్యాండ్ ప్రధాని  కీ అభిప్రాయపడ్డారు.


 లండన్: ఆంగ్లం భాష ఓ ముస్లిం కుర్రాడికి తంటాలు తెచ్చిపెట్టింది. స్పెల్లింగ్ తప్పు రాయడంవల్ల ఆ పదేళ్ల కుర్రాడిపై పోలీసులు ప్రశ్నల వర్షం కురిపించారు. లండన్ లోని ల్యాంక్షైర్ పరిధిలోగల అక్రింగ్టన్లోని ఓ పాఠశాలలో పదేళ్ల బాలుడు చదువుతున్నాడు. అతడికి స్కూల్లో ఓ ఆంగ్ల పాఠానికి సంబంధించి ప్రశ్న పెట్టగా అందులో తాము ఎక్కడ ఉంటున్నామనే విషయాన్ని తప్పుగా రాశాడు.
 
 ఇంతకు అతడు రాసిన తప్పేమిటని అనుకుంటున్నారా.. తాము టెర్రేసెడ్ హౌజ్ లో ఉంటున్నామని రాయడంరాక ఆ పిల్లాడు 'టెర్రరిస్టు హౌజ్' అని స్పెల్లింగ్ తప్పుగా రాశాడు. ఈ విషయం పోలీసులకు తెలిసి ఒక్కసారిగా అతడి ఇంటి ముందు వాలిపోయారు. ఇంటి వివరాలు, యజమాని వివరాలు నోట్ చేసుకున్నారు. ఆ పిల్లాడిపై పలు రకాల ప్రశ్నలు సంధించారు. నిజంగానే ఆ కుటుంబానికి ఉగ్రవాదులతో సంబంధాలు ఉన్నాయేమోనన్న అనుమానంతో ఇంట్లో ల్యాప్ టాప్ ను స్వాధీనం చేసుకొని దాన్ని శోధించారు. పారిస్ పై ఇస్లామిక్ స్టేట్ ఉగ్రవాదులు దాడి చేసిన తర్వాత పాశ్చాత్య దేశాలు ప్రతి అంశాన్ని సీరియస్ గా తీసుకుంటున్న విషయం తెలిసిందే.


 లాస్ వెగాస్: మిస్ యూనివర్స్ పోటీల్లో విజేత పేరును మొదట తప్పుగా ప్రకటించినందుకు నిర్వాహకుడు స్టీవ్ హార్వే క్షమాపణలు చెప్పారు. పొరపాటు చేశానని, ఇందుకు చింతిస్తున్నానని హార్వే వివరణ ఇచ్చారు.
 
 ఆదివారం రాత్రి జరిగిన మిస్ యూనివర్స్ పోటీల్లో విజేత పేరును తప్పుగా ప్రకటించిన సంగతి తెలిసిందే. మిస్ ఫిలిప్పీన్స్ ఈ కిరీటాన్ని దక్కించుకోగా..  తొలుత కొలంబియా యువతి గుటిరేజ్ గెలుచుకున్నట్లు నిర్వాహకులు ప్రకటించారు. ఆమెకు కిరీటాన్ని కూడా తొడిగారు. అంతలోనే నిర్వాహకులు పొరపాటు తెలుసుకుని మిస్ యూనివర్స్ గెలుచుకుంది ఫిలిప్పీన్స్ యువతి ఉర్జ్ బ్యాక్ అని ప్రకటించారు. మిస్ కొలంబియా షాక్కు గురికాగా.. నిర్వాహకులు కిరీటాన్ని వెనక్కి తీసుకొని మిస్ ఫిలిప్పీన్స్ కు తొడిగారు. ప్రతిష్టాత్మకమైన పోటీల్లో నిర్వాహకుల తప్పిదం పట్ల సర్వత్రా విమర్శలు వ్యక్తమయ్యాయి.


 లాస్ వెగాస్: ఆదివారం రాత్రి ప్రతిష్ఠాత్మకంగా జరిగిన మిస్ యూనివర్స్ పోటీల్లో ఆసక్తికరమైన సంఘటన చోటు చేసుకుంది. అమెరికా, ఫిలిప్పైన్స్, కొలంబియా దేశాలకు చెందిన ముగ్గురు యువతులు తుదిపోటీలో నిలవగా.. మిస్ ఫిలిప్పీన్స్ ఈ కిరీటాన్ని దక్కించుకుంది. అయితే ఆమెను విజేతగా ప్రకటించే ముందు నాటకీయ పరిణామాలు చోటు చేసుకున్నాయి.
 
 మిస్ యూనివర్స్ కిరీటాన్ని కొలంబియా యువతి గుటిరేజ్ గెలుచుకున్నట్లు నిర్వాహకులు తొలుత ప్రకటించడంతో ఆమెకు కిరీటాన్ని తొడిగారు. నిజంగానే మిస్ యూనివర్స్ టైటిల్ వచ్చిందని భావించి సంతోషంలో ఉన్న గుటిరేజ్కు అంతలోనే షాకిచ్చిన నిర్వాహకులు 'వి ఆర్ రియల్లీ సారీ..' మిస్ యూనివర్స్ గెలుచుకుంది మీరు కాదు ఫిలిప్పీన్స్ యువతి ఉర్జ్ బ్యాక్ అని ప్రకటించారు. దీంతో కొన్ని క్షణాల పాటు మిస్ యూనివర్స్ గా ఉన్న మిస్ కొలంబియా షాక్కు గురైంది. నిర్వాహకులు మిస్ కొలంబియా నుండి కిరీటాన్ని వెనక్కి తీసుకొని మిస్ ఫిలప్పైన్స్ గుటిరేజ్కు తొడిగారు.
 
 పొరపాటున మిస్ యూనివర్స్గా ప్రకటించబడ్డ మిస్ కొలంబియా దీనిపై మాట్లాడుతూ 'ఇది నిర్వాహకులు కావాలని చేసిన పొరపాటు కాదు. అలా జరిగిపోయింది. దీని గురించి నేనేం బాధ పడట్లేదు' అని తెలిపింది. ప్రతిష్టాత్మకమైన పోటీల్లో నిర్వాహకుల తప్పిదం పట్ల సర్వత్రా విమర్శలు వ్యక్తమౌతున్నాయి.


 ఇలా సరి చేసుకోవచ్చు
  గ్యాస్ బుకింగ్ చేసే సమయంలో పొరబాటున 0 నొక్కి రాయితీ
  కోల్పోతే సంబంధిత డీలర్‌ను సంప్రదించాలి.
  డీలర్ వద్దకు వెళ్లి ఫారం పూర్తి చేసి సమర్పిస్తే సరిపోతుంది.
  రాయితీ వదులుకోవాలనుకున్నా ఫారం-5 ఇవ్వాలి.
  ఆధార్‌కార్డు, బ్యాంకు ఖాతా నకలు పత్రాలు సమర్పించాలి.
  
 సాక్షి నెట్‌వర్క్ : సెల్‌ఫోన్ ద్వారా ఐవీఆర్‌ఎస్ పద్ధతిలో గ్యాస్ సిలిండర్ బుక్ చేస్తున్నారా. కాస్త ఆలోచించండి. ఏమాత్రం అజాగ్రత్తగా నంబరు నొక్కినా తిప్పలు తప్పవు. 0 నొక్కితే గివ్ ఇట్ అప్ కింద మీ రాయితీ అర్హత వదులుకున్నట్టే. ఆ తర్వాత తిరిగి రాయితీ అర్హత పొందాలంటే నానా అవస్థలు పడాలి. దరఖాస్తు ఫారం పూర్తి చేసి డీలర్‌కు ఇవ్వాలి. గ్యాస్ ఏజెన్సీల చుట్టూ తిరగాలి. ఈ పరిస్థితులను అధిగమించాలంటే కొద్దిపాటి అప్రమత్తంగా ఉంటే చాలు.
  
 గ్యాస్ బుక్ చేయాలంటే ..
 ప్రభుత్వం నేరుగా సెల్‌ఫోన్ ద్వారా ఐవీఆర్‌ఎస్ పద్ధతిలో గ్యాస్ సిలిండర్‌ను బుక్ చేసుకునే వెసులుబాటు కల్పించింది. ఇండేన్, భారత్, హెచ్‌పీ సంస్థల బుకింగ్ నంబరుకు ఫోన్ చేయగా.. డీలర్ ల్యాండ్‌లైన్ ఫోన్ నంబర్‌ను కంప్యూటర్ అడుగుతుంది. కొన్నిసార్లు వినియోగదారుడి గ్యాస్ నంబరు కోరుతుంది. ఈమధ్య బుకింగ్ నంబరు డయల్ చేయగానే, వినియోగదారుని నంబరు చెబుతుంది.
 ఈ నంబరు చెప్పడం పూర్తికాగానే, సిలిండర్ బుక్ చేయాలంటే 1 నొక్కండని, గ్యాస్ రాయితీ వదులు కోవాలని భావిస్తే 0 నొక్కండని, ఆధార్ నమోదు చేయకపోతే 2 నొక్కండని చెబుతుంది. ఈ విషయం తెలియక రెండోసారి చెప్పే 0 అనే అంకెను నొక్కుతున్నారు. దీంతో గ్యాస్ సబ్సిడీ స్వచ్ఛందంగా వదులుకున్నట్టు అవుతోంది.
  
 గ్యాస్ ఏజెన్సీల నిర్లక్ష్యం
 గ్యాస్ సబ్సిడీకి సంబంధించి పొరబాటుగా 0 నొక్కిన వారి పరిస్థితి అగమ్యగోచరంగా ఉండేది. వారిని పూర్తి ధరతో గ్యాస్ తీసుకోవాలని డీలర్‌‌ల ఒత్తిడి చేసేవారు. తమ చేతిలో ఏమీ లేదని తప్పించుకునేవారు. ఏప్రిల్ నుంచి రాయితీ కింద మార్పు చేసుకోవచ్చని సూచించేవారు. కాగా 0 నొక్కి పొరబాటు చేసే వారి సంఖ్య పెరిగిపోతుండడంతో.. ప్రభుత్వం గ్యాస్ వినియోగదారులు చేసే తప్పును సరిదిద్దే అవకాశం ఇటీవల డీలర్లకు అప్పగించారు.
  
  
 ఎవరిని సంప్రదించాలి?
 డీలర్లకు ఈ సమస్య పరిష్కార బాధ్యతలు అప్పగించారు. డీలర్ల వద్ద కూడా ఇది పరిష్కారం కాకపోతే, సంబంధిత చమురు కంపెనీల అధికారులను సంప్రదించాలి. గ్యాస్ బుకింగ్ నంబర్లు ఇండేన్ : 98488 24365, భారత్ : 94401 56789, హెచ్‌పీ : 96660 23456.


 మాజీ ఆర్థీక మంత్రి చిదంబరం శనివారం ఓ సాహిత్య కార్యక్రమంలో మాట్లాడుతూ.. సెటానిక్ వర్సెస్ పుస్తకాన్ని రాజీవ్ గాంధీ ప్రభుత్వం నిషేధించడం తప్పేనంటూ  ప్రకటించిన విషయం తెలిసిందే. చిదంబరం ప్రకటన నేపథ్యంలో రచయిత సల్మాన్ రష్దీ స్పందించాడు. అయితే ఒక తప్పును సరిదిద్దుకోవడానికి ఎన్ని సంవత్సరాలు పడుతుంది అంటూ ట్విట్టర్లో ఆయన ప్రశ్నించాడు.
 రాజీవ్ గాంధీ ప్రభుత్వంలో చిదంబరం హోం మంత్రిగా వ్యవహరిస్తున్న సమయంలో సల్మాన్ రష్దీ రచించిన వివాదాస్పద పుస్తకం సెటానిక్ వర్సెస్పై 1988లో నిషేధం విధించారు. ప్రభుత్వం తన తప్పును తెలుసుకోవడానికి 27 సంవత్సరాలు పట్టిందని సల్మాన్ రష్థీ ఆవేదన వ్యక్తం చేశారు. సెటానిక్ వర్సెస్ పుస్తకంలో వివాదాస్పద అంశాలు ఉన్నాయనే కారణంతో అప్పట్లో ఓ ఇరాన్ మత సంస్థ ఆయనకు మరణ శిక్ష విదిస్తూ ఫత్వా  జారీ చేసింది. దీంతో రచయిత కొన్నాళ్ల పాటు అఙ్ఞాతంలో గడపాల్సి వచ్చింది.
  This admission just took 27 years. How many more before the "mistake" is corrected? https://t.co/qz7t1InXzV— Salman Rushdie (@SalmanRushdie) November 28, 2015


 వాషింగ్టన్: ఆఫ్ఘానిస్థాన్లో ఆమెరికా వైమానిక దళాలు ఓ ఆస్పత్రిపై దాడి చేయడంపై తీవ్ర విమర్శలు రావడంతో అమెరికా తప్పును సరిదిద్దుకునే ప్రయత్నం చేసింది. తమ దళాలు పొరపాటుగా ఆస్పత్రిపై దాడి చేశాయని ఆఫ్ఘాన్లో అమెరికా దళాల కమాండర్ జాన్ క్యాంప్బెల్ వివరణ ఇచ్చారు.
 
 శనివారం కుండజ్లోని ఓ ఆస్పత్రిపై జరిగిన బాంబు దాడిలో 22 మంది పౌరులు చనిపోయారు. ఈ ఘటనపై ఆఫ్ఘాన్ లో తీవ్ర నిరసన వ్యక్తమైంది.  కాగా వైద్య శిబిరాలను తాము ఎప్పుడూ లక్ష్యంగా చేసుకోలేదని క్యాంప్బెల్ చెప్పారు. ఈ ఘటనపై దర్యాప్తు చేయనున్నట్టు తెలిపారు. కుండజ్లో తాలిబాన్ ఉగ్రవాదులపై ఆపరేషన్లో భాగంగా ఆఫ్ఘాన్ దళాల విజ్ఞప్తి మేరకు తమ వైమానిక దళాలు మద్దతుగా దాడులు చేశాయని క్యాంప్బెల్ చెప్పారు.


 ప్రపంచంలోనే అత్యధిక వినియోగదారులున్న గూగుల్ డాట్ కామ్ అమ్మేశారట... అదేమిటీ గూగుల్ అమ్మేయడం అనుకుంటున్నారా? ఇది నిజమే...  కానీ అదీ.. ఒక్క నిమిషానికి... కేవలం పన్నెండు డాలర్లకు. సన్మయ్ వేద్ అనే వ్యక్తి సొంతం చేసుకున్నాడు. ఎక్కడ తప్పు  జరిగిందో తెలియదు కానీ.. డొమైన్ నేమ్ అమ్మకానికి పెట్టారు. వెంటనే గమనించిన సన్మయ్... తన అదృష్టాన్ని పరీక్షించుకునాడు. ఒక్క నిమిషం.. గూగుల్ కు ఓనర్ అనిపించుకున్నాడు. ఇంతలోనే తమ ఎర్రర్ ను గమనించిన గూగుల్ నాలుక్కరచుకొని అమ్మకానికి ఫుల్ స్టాప్ పెట్టింది.
 
 ఓ మాజీ గూగుల్ ఉద్యోగి గూగుల్ కు ఓ నిమిషం పాటు యజమాని అయిపోయాడు.  అయితే ఆ ఒక్క నిమిషంలోనే తమ తప్పును తెలుసుకున్న గూగుల్... వెంటనే అమ్మకాన్ని నిలిపివేస్తూ ప్రకటన చేసింది. ఇడ్లీ డొమైన్ ద్వారా పేర్లు అమ్మకాలు జరుగుతాయని తెలిసిన గూగుల్ మాజీ ఉద్యోగి (డిస్ ప్లే స్పెషలిస్ట్) సన్మయ్... స్క్రోల్ చేస్తుండగా  లిస్టులో గూగుల్ కనిపించింది. ఒక్క సెకన్ కూడ ఆలస్యం చేయకుండా సన్మయ్ గూగుల్ ను 12 డాలర్లకు కొనేశాడు. ఏకంగా కన్ఫర్మేషన్ మెసేజ్ కూడ వచ్చేసింది. ఇంతలోనే తేరుకున్న గూగుల్ తమ అమ్మకాలను నిలిపివేసింది.
 
 నిజంగా నేను షాక్ అయ్యాను. నా కార్డు నుంచి పన్నెండు డాలర్లు కట్ అవ్వడం నాకు ఆశ్చర్యం కలిగించింది అంటూ లింక్ డెత్ లో సన్మయ్ తన అనుభవాన్ని రాసుకున్నాడు.
 
 నిజానికి డొమైన్ తన కార్ట్ లో కూడ  గ్రీన్ చెక్ బాక్స్ లో  యాడ్ అయ్యి ఉండటం  గమనించానని, అది చూసి ఆశ్చర్యపోయానని బోస్టన్ కు చెందిన ఓ ఆన్ లైన్ రిటైల్ ఎక్స్ పర్ట్ కూడా తన అనుభవాన్ని వివరించాడు.నిజానికి  ఆ సమయంలో గూగుల్ డొమైన్స్ ఆర్డర్ లిస్టులో కూడ డొమైన ఆర్డర్ హిస్టరీ మెసేజ్ లు అప్ డేట్ అయ్యి ఉన్నాయట.
 
 అయితే అనుభవజ్ఞుడు కావడంతో సన్మయ్ తనకు వచ్చిన కన్ఫర్మేషన్ ను చూసి వెంటనే తన ఓనర్ షిష్పును మెసేజ్ ద్వారా ప్రకటించుకున్నాడు.  అటువంటి ప్రైవేట్ ఇన్ఫర్మేషన్ గూగుల్ లోని వెబ్ మాస్టర్స్ కు మాత్రమే తెలుస్తుంది. సన్మయ్ కూడ మాజీ డిస్ ప్లే స్పెషలిస్టు కావడంతో ఆ అవకాశాన్ని అతడు అంత త్వరగా గుర్తించగలిగాడు.
 
 ''నా ఆర్డర్ విజయవంతమైంది. చాలా స్పష్టంగా యాజమాన్యం నాకు గూగుల్ మంజూరు చేసింది'' నాకు వెంటనే నోటిఫికేషన్లు రావడం మొదలయ్యాయి. కానీ లావాదేవీలు జరిగిన ఒక్క నిమిషం లోపే గూగుల్ తన తప్పును గ్రహించి డొమైన్లనుంచి ఓ క్రమ పద్ధతిలో నాకు ఈ మెయిల్ పంపారు.  దాంతో నా ఓనర్ షిప్ రద్దయింది''  అంటూ తన్మయ్ తన అనుభవాన్ని ఎంతో ఆనందంగా చెప్తున్నాడు. ఏది ఏమైనా కేవలం ఒక్కనిమిషమైనా నేను గూగుల్ డాట్ కామ్ కు యజమాని కాగలిగానని గర్వంగా చెప్తున్నాడు తన్మయ్.
 
 ఇటీవల గూగుల్ సంస్థ అధీనంలో అనేక అనుబంధ సంస్థలను ఏబీసీడీ పద్ధతిలో తీసుకువచ్చింది. ఆయా వెబ్ సైట్ల డొమైన్లను కొన్ని ప్రముఖ కంపెనీలు తమ స్వంతం చేసుకున్నాయి. ప్రముఖ కార్ల కంపెనీ బీఎమ్ డబ్ల్యూ... ఆల్ఫాబీట్ డాట్ కామ్ ను, జెర్మనీకి చెందిన కార్లు తయారీ  కంపెనీ.. ఫ్లీట్ సర్వీసెస్  ఆల్ఫాబీట్స్ నుంచి వెరీ యాక్టివ్ వెబ్ సైట్ ను కొనుగోలు చేసింది. అలాగే ప్రపంచంలోని గూగుల్ అధీనంలో పనిచేస్తున్న మరెన్నో సంస్థలు తమ డొమైన్లను అమ్మకానికి పెడుతుంటాయి.  ప్రస్తుతానికి గూగుల్  ఓనర్ షిప్ డొమైన్.. బహిరంగ మార్కెట్లో అమ్మకానికి ఎలా పెట్టిందో తెలీదు కానీ సన్మయ్ కి ఒక్క నిమిషం ఓనర్ అయ్యే అవకాశం కలిగింది.


 కైరో: ఈజిప్టు భద్రతా బలగాలు ఘోర తప్పిదానికి పాల్పడ్డాయి. ఉగ్రవాదులను హతమార్చేందుకు వారిని వెంటాడుతూ ఆ క్రమంలో పన్నెండు మంది పర్యాటకులను అనుకోకుండా కాల్చి చంపారు. ఈ ఘటన సంచలనానికి తెరతీసింది. పోలీసులు, సైనిక దళాలు ఆదివారం సాయంత్రం ఉమ్మడి ఉగ్రవాద నిరోధక చర్యలకు దిగాయి.
 ఈ క్రమంలో ఏడారిలో నిషేధిత ప్రాంతమైనా అల వాహత్లో నాలుగు వాహనాల్లో మెక్సికన్, ఈజిప్టు టూరిస్టులు అనుకోకుండా వచ్చారు. దీంతో అప్పటి వరకు ఉగ్రవాదులను వెంటాడిన భద్రతా బలగాలు ఆ తర్వాత కూడా వారు ఉగ్రవాదులే అనుకుని భ్రమపడి మెక్సికో పర్యాటకుల వాహనాలపై కాల్పులు జరిపారు. దీంతో 12 మంది మెక్సికో, ఈజిప్టు టూరిస్టులు ప్రాణాలు కోల్పోగా  మరో పది మంది  గాయాలపాలయ్యారు. ఈజిప్టుకు ప్రధాన ఆదాయం టూరిజం నుంచి వస్తున్న నేపథ్యంలో ఈ ఘటన కొంత ప్రభావాన్ని చూపించే అవకాశం ఉంది. అయితే, మెక్సికో మాత్రం ఈ అంశాన్నిఇంకా ధృవీకరించలేదు. ఇద్దరు మెక్సికన్లు మాత్రం చనిపోయినట్లు సమాచారం ఉందని తెలిపింది.


 యువ దర్శకుడు విప్లవ్ అనారోగ్యంతో మరణించినట్లుగా సాక్షి వెబ్ సైట్లో బుధవారం ఉదయం వార్త పోస్ట్  చేసాం. ప్రాథమికంగా వచ్చిన సమాచారం ఆధారంగా ఆ వార్తను ప్రచురించాం. ఈ పొరపాటుకు విచారం వ్యక్తం చేస్తున్నాం. అలాగే విప్లవ మనోభావాలను గాయపరిచినందుకు కూడా చింతిస్తున్నాం. హాస్పటల్లో చికిత్స పొందుతున్న విప్లవ్ తర్వగా కోలుకోవాలని ఆశిస్తున్నాం..
 
 
 సాక్షి వెబ్సైట్ ఇన్చార్జ్