ధరూరు(గద్వాల): ఉమ్మడి పాలమూరు జిల్లాలో ప్రతి ఎకరాకు సాగు నీరందించి రైతులకు మేలు చేయడమే ప్రభుత్వ లక్ష్యమని మంత్రి సింగిరెడ్డి నిరంజన్‌రెడ్డి అన్నారు. ఆదివారం రాత్రి ఆయన ఎమ్మెల్యేలు బండ్ల కృష్ణమోహన్‌రెడ్డి, అబ్రహం, చిట్టెం రామ్మోహన్‌రెడ్డి, ఆల వెంకటేశ్వరరెడ్డి, జెడ్పీ చైర్‌పర్సన్‌ సరితతో కలసి జూరా ల ప్రాజెక్టు కుడి, ఎడమ కాలువ ల ద్వారా సాగు నీటిని విడుదల చేశారు. అనంతరం ఆయన విలేకరులతో మాట్లాడుతూ పెండింగ్‌ లో ఉన్న ప్రాజెక్టులను యుద్ధ ప్రాతిపదికన పూర్తి చేయించి రైతులకు సాగు నీరందించిన ఘనత కేసీఆర్‌దేనన్నారు. రైతులు పండించిన పంటలకు గిట్టుబాటు ధర కల్పించి వారికి న్యాయం జరిగేలా చూస్తున్నామన్నారు. వానాకాలం పంట కింద జూరాల ఆయకట్టు రైతులకు పూర్తిస్థాయిలో సాగు నీరందిస్తామని, చివరి ఆయకట్టు వరకు నీరందించేందుకు చర్యలు తీసుకుంటున్నామని తెలిపారు. 

సాక్షి, హైదరాబాద్‌: ప్రస్తుత వాటర్‌ ఇయర్‌లో తొలిసారి ఎగువ ప్రాజెక్టుల నుంచి దిగువకు కృష్ణా నదీ ప్రవాహాలు మొదలయ్యాయి. పశ్చిమ కనుమల్లో కురుస్తున్న భారీ వర్షాలతో ఆల్మట్టి, నారాయణపూర్‌కు నీటి ప్రవాహాలు పెరుగుతున్న దృష్ట్యా కర్ణాటక ప్రభుత్వం నారాయణపూర్‌ డ్యామ్‌ రెండు గేట్లను ఎత్తి నదిలోకి నీటిని వదిలిపెడుతోంది. ఈ నీరంతా దిగువన జూరాల వైపుగా తన ప్రయాణం మొదలు పెట్టగా, మంగళవారానికి నీరు జూరాలకు చేరే అవకాశం ఉందని నీటి పారుదల వర్గాలు చెబుతున్నాయి.  దిగువకు పరుగు...  గత వారం రోజులుగా కురుస్తున్న వర్షాలతో కర్ణాటక, మహారాష్ట్రలో వాగులు, వంకలన్నీ ఉప్పొంగుతున్నాయి. దీంతో ఆల్మట్టి ప్రాజెక్టులో వరద పెరిగింది. ఆదివారం ప్రాజెక్టులోకి 69,868 క్యూసెక్కుల నీరు వస్తుండటంతో ప్రాజెక్టులో నిల్వ 129 టీఎంసీలకు 98 టీఎంసీలు చేరింది. ఇప్పటివరకు ప్రాజెక్టులోకి కొత్తగా 78 టీఎంసీల నీరు వచ్చింది. ప్రాజెక్టులో మరో 31 టీఎంసీల మేర ఖాళీ ఉన్నప్పటికీ ఎగువ నుంచి ప్రవాహాలు మరో వారంపాటు కొనసాగే అవకాశం ఉన్న నేపథ్యంలో ప్రాజెక్టు నుంచి 36,130 క్యూసెక్కుల నీటిని పవర్‌హౌస్‌ల ద్వారా దిగువకు వదులుతున్నారు. దీంతో నారాయణపూర్‌లోకి ప్రవాహాలు మరింత పెరిగాయి. ప్రాజెక్టులోకి ప్రస్తుతం 39,720 క్యూసెక్కుల నీరు వస్తోంది. అందులో నీటి నిల్వ 37.64 టీఎంసీలకుగాను 33.47 టీఎంసీలు ఉంది. మొత్తంగా ఆల్మట్టి, నారాయణపూర్‌లలో 35 టీఎంసీల మేర నిల్వలు ఖాళీగా ఉన్నప్పటికీ ఎగువ నుంచి ప్రవాహాలు కొనసాగే అవకాశాలు ఉండటంతో నారాయణపూర్‌ రెండు గేట్లను ఒక మీటర్‌ మేర ఎత్తి ఆదివారం ఉదయం 11,240 క్యూసెక్కుల నీటిని నదిలోకి వదిలారు. సాయంత్రానికి నీటి విడుదలను 26 వేల క్యూసెక్కులకు పెంచారు. ఈ నీరంతా కర్ణాటకలోనే ఉన్న గూగుల్, గిరిజాపూర్‌ బ్యారేజీలను దాటుకుంటూ మంగళవారం నాటికి జూరాలకు చేరే అవకాశం ఉంది. జూరాలకు ఇప్పటికే స్థానిక పరీవాహకం నుంచి 4,140 క్యూసెక్కుల ప్రవాహం వస్తోంది. దీంతో ఇక్కడ నిల్వ 9.66 టీఎంసీలకుగాను 8.10 టీఎంసీలు ఉన్నాయి. జూరాల నుంచి నెట్టెంపాడు, భీమా ద్వారా 1,445 క్యూసెక్కుల నీటిని పంపింగ్‌ చేస్తున్నారు. ఎగువ నుంచి ప్రవాహాలు పెరిగే అవకాశాల నేపథ్యంలో సోమ లేదా మంగళవారం నుంచి పవర్‌హౌస్‌ ద్వారా నీటిని దిగువనున్న శ్రీశైలానికి వదిలే అవకాశం ఉందని నీటిపారుదల వర్గాలు చెబుతున్నాయి. ప్రవాహాలు మరింత ఉధృతంగా ఉంటే జూరాల గేట్లను ఎత్తే అవకాశం ఉంది. ఇక శ్రీశైలానికి 2,557 క్యూసెక్కుల ప్రవాహాలు వస్తుండగా నీటి నిల్వ 215 టీఎంసీలకుగాను 37.25 టీఎంసీలుగా ఉంది. నాగార్జున సాగర్‌కు 1,202 క్యూసెక్కుల ప్రవాహం వస్తుండగా 312 టీఎంసీలకుగాను 168.35 టీఎంసీల నీటి నిల్వ ఉంది. గోదావరి బేసిన్‌లో శ్రీరాంసాగర్‌ ప్రాజెక్టుకు 11,102 క్యూసెక్కుల మేర ప్రవాహాలు పెరిగాయి. ప్రాజెక్టులో నీటి నిల్వ 90 టీఎంసీలకుగాను 33.60 టీఎంసీలుగా ఉంది. 

సాక్షి, హైదరాబాద్‌: జూరాల ప్రాజెక్టుపై ఆధారపడ్డ ప్రాజెక్టుల నుంచి నీటి ఎత్తిపోతల ప్రక్రియ మొదలైంది. స్థానిక పరీవాహకంలో కురిసిన వర్షాలతో ప్రవాహాలు కొనసాగు తుండటంతో జూరాల మీద ఉన్న నెట్టెంపాడు నుంచి తొలి ఎత్తిపోతలు మొదలుపెట్టగా, భీమా, కోయిల్‌ సాగర్‌ ద్వారా నీటి ఎత్తిపోతకు రంగం సిద్ధంచేశారు. ప్రస్తుతం వచ్చిన నీటిని వచ్చినట్లు ఎత్తిపోసి రిజర్వాయర్లు నింపనున్నారు. ఎగువ నుంచి ప్రవాహాలు పుంజుకున్నాక పూర్తిస్థాయి ఎత్తిపోతలు చేపట్టేందుకు యంత్రాంగం సిద్ధమైంది. వచ్చింది వచ్చినట్లు ఎత్తిపోత స్థానిక పరీవాహకంలో కురుస్తున్న వర్షాలతో జూరాలకు గడిచిన మూడు నాలుగు రోజులుగా 5వేల క్యూసెక్కుల ప్రవాహాలు వస్తున్నాయి. ఆదివారం సైతం ప్రాజెక్టు లోకి 5,703 క్యూసెక్కుల ప్రవాహం వచ్చి చేరిం ది. దీంతో ప్రాజెక్టులోకి ఈ సీజన్‌లో 2.70 టీఎంసీల కొత్త నీరు రావడంతో ప్రాజెక్టు నీటిమట్టం 9.66 టీఎంసీలకు గానూ 7.04 టీఎంసీలకు చేరింది. ప్రవాహాలు కొనసా గితే ప్రాజెక్టు నిండనుంది. ఎగువన ఆల్మట్టి లోకి స్థిరంగా ప్రవాహాలు కొనసాగుతున్నా యి. దీనిలోకి ప్రస్తుతం 9,359 క్యూసెక్కుల ప్రవాహం వస్తుండటంతో ప్రాజెక్టులో నీటి నిల్వ 129 టీఎంసీలకు గాను 74 టీఎంసీలకు చేరింది. ఇక్కడ గరిష్టంగా మరో 50 టీఎంసీలు చేరగానే దిగువకు నీటి విడుదల మొదలుకానుంది. ఒక్కసారి దిగువకు వరద మొదలైతే కొనసాగుతూనే ఉంటుంది. అప్పటికే జూరాల నిండి ఉంటే నీరంతా దాని దిగువన ఉన్న శ్రీశైలానికి వెళుతుంది. దీన్ని దృష్టిలో పెట్టుకొని జూరాలకు వస్తున్న నీటిని వచ్చింది వచ్చినట్లు ఎత్తిపోయాలని నిర్ణయించారు. వరద మొదలైతే ఆయకట్టుకు నీరు శనివారం రాత్రి నుంచి ప్రభుత్వ ఆదేశాలతో నెట్టెంపాడు మోటార్‌ను ఆన్‌చేసి 448 క్యూసెక్కుల నీటిని రేలంపాడ్‌ రిజర్వాయర్‌కు తరలిస్తున్నారు. నేడో, రేపో భీమా, కోయిల్‌సాగర్‌లో ఒకట్రెండు పంపులను నడిపించి రిజర్వాయర్లు నింపనున్నారు. ఈ మూడు లిఫ్టులను పూర్తిస్థాయిలో నడిపిస్తే రోజుకు 4వేల క్యూసెక్కుల మేర నీటిని తరలించే అవకాశం ఉంది. ఎగువ నుంచి వరద మొదలయ్యాక ఆయకట్టుకు నీటిని విడుదల చేస్తూ చెరువులు నింపనున్నారు. బీమా కింద 2లక్షలు, నెట్టెంపాడు కింద 2లక్షలు, జూరాల కాల్వల కింద లక్ష, కోయిల్‌సాగర్‌ కింద 30వేల ఎకరాలకు నీరివ్వాలని భావిస్తున్నారు. బీమా కింద 248 చెరువులు, కోయిల్‌సాగర్‌ కింద 37, జూరాల కింద 185, నెట్టెంపాడు కింద 100, ఆర్డీస్‌ కింద 5 చెరువులు నింపేలా ప్రణాళిక ఉంది. గత ఏడాది వరద ఉధృతంగా ఉండటంతో 90 శాతం చెరువులు నింపగలిగారు. ఈ ఏడాది సైతం జూలై 15 తర్వాత వరద ఉంటుందని, అప్పట్నుంచి చెరువులు పూర్తిస్థాయిలో నింపి ఆయకట్టుకు నీరివ్వాలని సాగునీటి యంత్రాంగం యోచిస్తోంది. 

సాక్షి, ద్వాల టౌన్‌: జూరాల, లోయర్‌ జూరాల ప్రాజెక్టుల వద్ద మరో 19 మెగావాట్ల సోలార్‌ విద్యుత్‌ యూనిట్లను ఏర్పాటు చేయడానికి ప్రభుత్వం నిర్ణయించింది. ఇప్పటికే ఎగువ జూరాల జలవిద్యుత్‌ కేంద్రం వద్ద ఐదు ఎకరాల్లో ఒక మెగావా ట్‌ విద్యుదుత్పత్తి సామర్థ్యంతో ఏర్పాటు చేసిన కేంద్రం విజయవంతమైంది. ఈ ప్రాంతంలో అ న్ని సీజన్లలోనూ పగటి పూట 30 డిగ్రీలకు తగ్గకుండా ఎండ తీవ్రత ఉంటుంది. కాబట్టి సోలా ర్‌ విస్తరణకు సరైన ప్రాంతం కావడంతో విస్తరణకు ప్రాధాన్యం ఇస్తున్నారు. సాగునీటి ప్రాజెక్టుల వద్ద జలవిద్యుత్‌ కేంద్రాలు ఏర్పాటు చేయడం, వాటి ద్వారా విద్యుదుత్పత్తి చేయడంతోపా టు ప్రాజెక్టుల వద్ద మిగులు భూముల్లో సోలార్‌ పవర్‌ విస్తరణకు మొగ్గుచూపుతున్నారు.  50 ఎకరాల మిగులు భూమిలో  ఎగువ జూరాల ప్రాజెక్టు వద్ద 2012 నుంచి ఒక మెగావాట్‌ సోలార్‌ విద్యుత్‌ కేంద్రం నుంచి ఉత్పత్తి నిరాటంకంగా సాగుతోంది. దీంతో జూరాల వద్ద మిగులుగా ఉన్న మరో 50 ఎకరాల భూమిలో మరో 8 మెగావాట్ల విద్యుత్‌ను అందించేలా సోలార్‌ యూనిట్‌ను విస్తరించాలని నిర్ణయించారు. లోయర్‌ జూరాల వద్ద మిగులుగా ఉన్న సాగునీటి శాఖకు చెందిన 90 ఎకరాల భూమిలో మరో 11 మెగావాట్ల సోలార్‌ విద్యుదుత్పత్తి కేంద్రాన్ని ఏర్పాటుకు కసరత్తు చేస్తున్నారు. సోలార్‌ విద్యుదుత్పత్తి కేంద్రం ఏర్పాటులో ఒక మెగావాట్‌ విద్యుత్‌ను అందించేలా సోలార్‌ యూనిట్ల పరికరాలను అమర్చడానికి రూ.3 కోట్ల మేర వ్యయమవుతుంది. జూరాల, లోయర్‌ ప్రాజెక్టులతోపాటు తెలంగాణలో సాగునీటి శాఖ వద్ద మిగులుగా ఉన్న భూముల్లో సోలార్‌ యూనిట్లను నెలకొల్పేందుకు కార్యాచరణ రూపొందించారు. పులిచింతల ప్రాజెక్టు వద్ద 20 మెగావాట్లు, పాల్వంచ కేటీపీఎస్‌ వద్ద 8 మెగావాట్లు, పెద్దపల్లి వద్ద 5 మెగావాట్ల సోలార్‌ ప్లాంట్లను నిర్మించేందుకు ఇప్పటికే డీపీఆర్‌ చేశారు. వాటికి ప్రభుత్వం నుంచి అనుమతి కూడా లభించింది. కేటీపీఎస్, పులిచింతల, పెద్దపల్లి ప్రాజెక్టుల మిగులు భూముల్లో సోలార్‌ ప్లాంట్ల ఏర్పాటులో భాగంగా మొదటి దశ పనులకు రూ.75 కోట్లతో టెండర్లను పూర్తి చేయడంతోపాటు ఒప్పందాలు చేయడంతో పనులు ప్రారంభం కానున్నాయి. జూరాల, లోయర్‌ ప్రాజెక్టుల వద్ద సోలార్‌ విద్యుదుత్పత్తి సామర్థ్యం పెంచితే వేసవిలో గ్రిడ్‌ ద్వారా ఈ ప్రాంతానికి విద్యుత్‌ను అందించేందుకు మరింత సౌలభ్యం ఏర్పడనుంది.   ఆదాయం ఇచ్చే వనరు..  సాగునీటి ప్రాజెక్టుల వద్ద జలవిద్యుత్‌తోపాటు సోలార్‌ విద్యుదుత్పత్తి విస్తరించేందుకు అధిక ప్రాధాన్యం ఇస్తున్నాం. జూరాల, లోయర్‌ జూరాల ప్రాజెక్టుల వద్ద సోలార్‌ విద్యుదుత్పత్తి సామర్థ్యాన్ని పెంచేందుకు నిర్ణయించాం. మిగులు భూముల్లో సోలార్‌ను ఏర్పాటు చేయడం ద్వారా మరింత విద్యుత్‌ను అందుకోడానికి వీలవుతుంది. ఒక మెగావాట్‌కు ఒకేసారి పెట్టుబడి పెడితే దాదాపు రెండు దశాబ్దాలపాటు ఉత్పత్తి అందిస్తుంది. కేవలం నిర్వహణ చేయాల్సి ఉంటుంది. జెన్‌కోకు సోలార్‌ కూడా అధిక ఆదాయాన్ని ఇచ్చే వనరుగా మారింది.  – సురేష్, సీఈ, టీఎస్‌ జెన్‌కో  

సాక్షి, నాగార్జునసాగర్‌ : సాగర్‌ జలాశయంలో నీటి మట్టం గరిష్ట స్థాయికి చేరువలో ఉంది. మూడు అడుగుల మేర నీటిమట్టం పెరగడానికి ఐదు టీఎంసీల నీరు వచ్చి చేరితే మరోమారు గేట్లు ఎత్తే అవకాశాలున్నట్లుగా ప్రాజెక్టు అధికారులు వెల్లడించారు. శ్రీశైలం నుంచి సాగర్‌ జలాశయానికి ఆదివారం సాయంత్రం 68,792 క్యూసెక్కుల నీటిని విడుదల చేస్తున్నారు. కాగా సాగర్‌ నుంచి విద్యుదుత్పాదన ద్వారా నదిలోకి 33,058 క్యూసెక్కుల నీటిని వదులుతున్నారు. ఎగువన కృష్ణా పరీవాహక ప్రాంతాలైన కర్నాటక, మహారాష్ట్ర తదితర ప్రాంతాల్లో కురుస్తున్న వర్షాలకు ఆల్మట్టి, తుంగభద్ర ప్రాజెక్టులకు వరద రాక పెరిగింది. దీంతో ఆ ప్రాజెక్టుల గేట్లు తెరుచుకున్నాయి. దిగువకు వరద నీరు భారీగా వస్తుండటంతో ముందస్తుగానే నారాయణపూర్, జూరాల ప్రాజెక్టుల గేట్లు ఎత్తి కృష్ణానదిలోకి నీటిని విడుదల చేస్తున్నారు. ఇన్‌ఫ్లో ఇలా.. జూరాల ప్రాజెక్టు నుంచి దిగువకు 2,53,915 క్యూసెక్కుల నీటిని విడుదల చేస్తున్నారు. తుంగభద్ర నుంచి విడుదలవుతున్న నీటితో కలిసి శ్రీశైలం జలాశయానికి 2,26,564  క్యూసెక్కుల వరద నీరు చేరుతోంది. శ్రీశైలం జలాశయం గరిష్ట నీటిమట్టం 885అడుగులు కాగా 215.807 టీఎంసీలకు సమానం. ప్రస్తుతం 882.30 అడుగులకు చేరింది. 200.6588 టీఎంసీల నీరు నిల్వ ఉంది.  శ్రీశైలం నుంచి విద్యుదుత్పాదనతో పాటు పోతిరెడ్డిపాడు తదితర ప్రాంతాలతో కలిపి 98,415 క్యూసెక్కులు విడుదల చేస్తున్నారు. నాగార్జునసాగర్‌ జలాశయానికి 68,792క్యూసెక్కుల నీరు వచ్చి చేరుతోంది. కాగా సాగర్‌ జలాశయం నుంచి ఎడమ, కుడి కాల్వలకు విద్యుదుత్పాదనతో కృష్ణా డెల్టాకు  52,237 క్యూసెక్కుల నీటిని విడుదల చేస్తున్నారు. ప్రస్తుతం సాగర్‌ జలా శయం నీటిమట్టం 587.10 అడుగులకు చేరిం ది. 305.5646 టీఎంసీల నీరు నిల్వ ఉంది. గరిష్ట నీటిమట్టం 590.00 అడుగులు కాగా 312.0450 టీఎంసీలు. శ్రీశైలం జలాశయం గరిష్ట నీటిమట్టానికి చేరితే గేట్లు ఎత్తే అవకాశముంటుంది. సాగర్‌ నుంచి కూడా నీటిని స్పిల్‌వే మీదుగా విడుదల చేయనున్నారు. అప్రమత్తంగా ఉండాలి సాగర్‌ జలాశయానికి ఎగువనుంచి వరద నీరు వచ్చి చేరుతోంది. ఇప్పటికే జలాశయం గరిష్ట మట్టానికి చేరువలో ఉంది. డ్యాం దిగువనున్న రైతులు, మత్స్యకారులు అప్రమత్తంగా ఉండాలని డ్యాం ఎస్‌ఈ టి.విజయ్‌కిరణ్‌రెడ్డి కోరారు. కృష్ణా తీర మండలాల పరిధిలోని తహసీల్దార్లు, ఆర్డీఓకు సమాచారం అందజేశారు. 

సాక్షి, కర్నూలు : శ్రీశైలం జలాశయానికి క్రమంగా వరద నీరు తగ్గుతోంది. ఎగువ పరివాహక ప్రాంతమైన జూరాల నుంచి 7,19,725 క్యూసెక్కుల వరదనీరు విడుదల కాగా శ్రీశైలం డ్యామ్‌కు మొత్తం 7,73,917 క్యూసెక్కుల వరద నీరు చేరుతోంది. 10 గేట్ల ద్వారా 8,60,012 క్యూసెక్కుల నీటిని దిగువకు వదులుతున్నారు. శ్రీశైలం డ్యామ్ పూర్తిస్థాయి నీటిమట్టం 885 అడుగులు కాగా ప్రస్తుతం 881.60 అడుగులకు చేరుకుంది. డ్యామ్‌ పూర్తిస్థాయి నీటి నిల్వ సామర్థ్యం 215.807 టీఎంసీలు కాగా ప్రస్తుతం 197.0114 టీఎంసీల నీరు ఉంది. జూరాల : రికార్డు స్థాయిలో జూరాల నుంచి శ్రీశైలానికి ఇప్పటికే  555.641 టీఎంసీలు నీరు చేరింది. ప్రాజెక్టు నీటి వివరాలు.. ఇన్ ఫ్లో : 7,20,000 క్యూసెక్కులు ఔట్ ఫ్లో : 7,19,725 క్యూసెక్కులు ప్రస్తుత నీటి నిల్వ : 5.943 టీఎంసీలు పూర్తిస్థాయి  నీటి నిల్వ : 9.657 టీఎంసీలు ప్రస్తుతం నీటి నిల్వ మట్టం :     316.500 మీటర్లు పూర్తిస్థాయి నీట్టి మట్టం: 318.516 మీటర్లు  

సాక్షి, హైదరాబాద్, నాగర్‌కర్నూల్‌/గద్వాల టౌన్‌: ఎగువ కర్ణాటక ప్రాజెక్టుల నుంచి భారీగా కృష్ణా నదీ జలాలు దిగువకు వస్తుండటంతో జూరాల నిండుకుండలా మారింది. ప్రాజెక్టులోకి ఏకంగా ఎగువ నుంచి లక్ష క్యూసెక్కులకుపైగా వరద వచ్చి చేరుతుండటంతో సాయంత్రం ఏడు గంటలకు ప్రాజెక్టులో నీటి నిల్వ 9.66 టీఎంసీలకుగాను 5.5 టీఎంసీలకు చేరింది. ఎగువ ఆల్మట్టిలోకి 2 లక్షల క్యూసె క్కుల వరద వస్తుండటంతో అంతే నీటిని దిగువ నా రాయణపూర్‌కు వదులుతున్నారు. నారాయణపూర్‌ సైతం ఇప్పటికే నిండటంతో 20 గేట్లు ఎత్తి 1.90 లక్షల క్యూసెక్కుల నీటిని దిగువ జూరాలకు వదులుతున్నారు. ఈ నీరంతా జూరాలకు చేరి నిల్వ పెరగడంతో జూరాల నుంచి నీటి విడుదల మొదలైంది. నెట్టెంపాడు ప్రాజెక్టు ద్వారా 1,500 క్యూసెక్కులు, భీమా లిఫ్టు–1 ద్వారా 1,300 క్యూసెక్కులు, కోయిల్‌సాగర్‌ ద్వారా 315 క్యూసెక్కుల నీటిని పంపింగ్‌ చేస్తుండగా కుడి, ఎడమ కాల్వలకు 900 క్యూసెక్కుల మేర నీటిని విడుదల చేశారు. దీంతోపాటు జూరాల విద్యుదుత్పత్తి ద్వారా 21 వేల క్యూసెక్కుల నీటిని దిగువకు వదులుతుండటంతో ఆ నీరంతా శ్రీశైలం దిశగా పరుగులు తీస్తోంది.  జూరాల నుంచి విడుదలైన జలాలు గురువారం ఉదయానికి శ్రీశైలం చేరే అవకాశం ఉంది. ప్రస్తుతం శ్రీశైలంలో 215 టీఎంసీలకుగాను 31 టీఎంసీల మేర మాత్రమే నీటి నిల్వ ఉంది. ఇక్కడ నీటి నిల్వ 854 అడుగులకు చేరిన వెంటనే తెలంగాణ, ఏపీ నీటి వినియోగం మొదలు పెట్టనున్నాయి. ఇప్పటికే కల్వకుర్తి ద్వారా నీటి ఎత్తిపోతలకు పంపులు సిద్ధం చేసుకోవాలని సీఎం కేసీఆర్‌ ఇంజనీర్లను ఆదేశించారు. గతేడాదితో పోలిస్తే జూరాల జలవిద్యుత్‌ కేంద్రం నుంచి విద్యుత్‌ ఉత్పత్తి 10 రోజులు ఆలస్యంగా ప్రారంభమైంది. 

సాక్షి, హైదరాబాద్‌: ఎగువ కర్ణాటకలోని ఆల్మట్టి, నారాయణపూర్‌ ప్రాజెక్టుల నుంచి విడుదల చేసిన కృష్ణా జలాలు మంగళవారం ఉదయానికి జూరాల చేరనుండటంతో రాష్ట్ర ప్రభుత్వం అప్రమత్తమైంది. సీఎం కేసీఆర్‌ ఆదేశాలతో జూరాలకు వచ్చే నీటిని వచ్చినట్లుగా ఎత్తిపోసేలా కార్యాచరణ సిద్ధం చేసుకుంది. జూరాల నిర్ణీత మట్టాలకు నిల్వ చేరిన వెంటనే నెట్టెంపాడు, భీమా, కోయిల్‌సాగర్‌ పంపులను ప్రారంభించి కృష్ణా జలాల ఎత్తిపోతలను చేపట్టనుంది. గతేడాది 50 టీఎంసీల మేర నీటిని జూరాలపై ఆధారపడిన ప్రాజెక్టుల కింది ఆయకట్టుకు తరలించగా ఈ ఏడాది అంతకుమించి నీటిని ఎత్తిపోయాలని ప్రభుత్వం కృతనిశ్చయంతో ఉంది.  ఎగువ నుంచి రాగానే ఎత్తిపోత  పశ్చిమ కనమల్లో కురుస్తున్న వర్షాలతో ఆల్మట్టికి వరద ఉధృతి పెరిగిన విషయం తెలిసిందే. సోమవారం సైతం ఆల్మట్టిలోకి లక్ష క్యూసెక్కుల మేర వరద వస్తుండగా అంతే మొత్తం నీటిని దిగువ నారాయణపూర్‌కు విడుదల చేస్తున్నారు. ఆల్మట్టిలో ప్రస్తుతం 129 టీఎంసీలకుగాను 123 టీఎంసీల మేర నిల్వ ఉంది. ఇక నారాయణపూర్‌లో సైతం 37 టీఎంసీలకుగాను 32 టీఎంసీల నిల్వ ఉండగా అందులోంచి 18 గేట్లు ఎత్తి లక్ష క్యూసెక్కుల నీటిని దిగువ నదిలోకి వదిలారు. ఈ నీరు జూరాల వైపు వస్తోంది. సోమవారం మధ్యాహ్నమే జూరాలకు ముందున్న కర్ణాటకలోని గూగల్‌ బ్యారేజీని కృష్ణా వరద దాటగా మంగళవారం ఉదయానికి జూరాలను చేరుకోనుంది. జూరాలలో ప్రస్తుతం 9.66 టీఎంసీలకుగాను 1.99 టీఎంసీల మేర నిల్వ ఉంది. ఇందులో మరో 5 టీఎంసీల నీరు చేరిన వెంటనే భీమా, కోయిల్‌సాగర్, నెట్టెంపాడు పంపులు ప్రారంభం కానున్నాయి. దీంతోపాటే జూరాల కుడి, ఎడమ కాల్వల ద్వారా నీటి విడుదల కొనసాగనుంది. చర్యలు చేపట్టండి: కేసీఆర్‌  గోదావరి పరిధిలో మేడిగడ్డ, అన్నారం, సుందిళ్లతోపాటు కడెం, ఎల్లంపల్లిలో వరద మొదలైనందున వాటి విషయంలో అప్రమత్తంగా ఉండాలని, వరద నిర్వహణకు అవసరమైన అన్ని చర్యలు తీసుకోవాలని ముఖ్యమంత్రి కేసీఆర్‌ ఇంజనీర్లను ఆదేశించారు. ప్రాజెక్టుల్లో వరద పరిస్థితిపై కేసీఆర్‌ సోమవారం ఉన్నతస్థాయి సమీక్ష నిర్వహించారు. ముఖ్యంగా కడెంకు చేరుకుంటున్న వరదతో ప్రాజెక్టు నిండి ఎల్లంపల్లికి వరద చేరుకునే అవకాశం ఉండటంతో గోలివాడ వద్ద ఉన్న పంపుల్లో ఎన్ని మోటార్లను నడిపిస్తారో పరిశీలించి నీటిని ఎత్తిపోయాలన్నారు. అలాగే కృష్ణా బేసిన్‌లో భారీ వరదలు వస్తున్నందున దానిపై ఆధారపడ్డ ప్రాజెక్టుల ద్వారా గరిష్ట నీటిని ఎత్తిపోసేందుకు సిద్ధంగా ఉండాలని సూచించారు. శ్రీశైలానికి వరద చేరిన వెంటనే కల్వకుర్తి పంపులను సైతం నడిపించి ఆయకట్టుకు సాగునీరు ఇవ్వాలన్నారు. దీంతోపాటే ప్రతి బ్యారేజీ వద్ద గేట్ల నిర్వహణ, పంపులు మోటార్ల మరమ్మతు పనులు ఉంటే తక్షణమే చేసుకొని ఇంజనీర్లు ఆయా ప్రాజెక్టులు ఉన్న ప్రాంతాల్లోనే ఉండాలని ఆదేశించారు. ఈ సమావేశానికి సీఎంవో స్మితా సబర్వాల్, ఓఎస్‌డీ శ్రీపతి దేశ్‌పాండే, ఈఎన్‌సీ మురళీధర్‌ తదితరులు హాజరయ్యారు.

సాక్షి, హైదరాబాద్‌ : మహారాష్ట్ర, కర్ణాటకల్లోని పశ్చిమ కనుమల్లో విస్తారంగా కురుస్తున్న వర్షాలు, మహాబలేశ్వర్‌లో ఒక్క రోజులోనే 24 సెంటీమీటర్ల వర్షం కురవడంతో కృష్ణా బేసిన్‌ ప్రాజెక్టులకు జలకళ పెరుగుతోంది. ఇప్పటికే ఎగువ కర్ణాటకలోని ఆల్మట్టి, నారాయణపూర్‌ ప్రాజెక్టులు నిండుకోవడం.. మరో నాలుగైదు టీఎంసీల నీరు ప్రాజెక్టులకు చేరితే ఆపై వచ్చే నీరంతా దిగువకు విడుదల చేసే అవకాశాల నేపథ్యంలో రాష్ట్ర ప్రభుత్వం అప్రమత్తమైంది. మరో వారం, పది రోజుల్లోనే జూరాలకు ప్రవాహాలు కొనసాగే అవకాశాల నేపథ్యంలో వచ్చిన నీటిని వచ్చినట్లుగా ఎత్తిపోసేందుకు అంతా సిద్ధం చేయాలని నీటి పారుదల శాఖ ఇంజనీర్లను సీఎం కేసీఆర్‌ శనివారం ఆదేశించారు. ముఖ్యంగా నెట్టెంపాడు, భీమా, కోయిల్‌సాగర్‌ పంపులను సిద్ధం చేసుకోవాలని ఆదేశించిన సీఎం వాటి ఆపరేషన్‌ అండ్‌ మెయింటెనెన్స్‌(ఓ అండ్‌ ఎం) నిధుల విడుదలకు ఓకే చెప్పారు.  నిండుకుండలా ఆల్మట్టి   ఇప్పటికే కురిసిన వర్షాలతో ఆల్మట్టి పూర్తిగా నిండింది. నిన్నమొన్నటి వరకు ప్రాజెక్టులోకి ప్రవాహాలు తగ్గి 11వేల క్యూసెక్కుల మేర వరద పోటెత్తగా.. అది శనివారం ఉదయానికి 22,593 క్యూసెక్కులకు, సాయంత్రానికి 25వేల క్యూసెక్కులకు పెరిగింది. ప్రాజెక్టు పూర్తిస్థాయి నిల్వ సామర్ధ్యం 129 టీఎంసీలు కాగా.. ప్రస్తుతం 124.50 టీఎంసీల నీరు నిల్వ ఉంది. ఎగువ నుంచి వచ్చే వరద ఉధృతిని దృష్టిలో పెట్టుకొని జలాశయాన్ని పూర్తిగా నింపకుండా కొంత ఖాళీగా ఉంచనున్నారు. ప్రస్తుతం ఆల్మట్టి నుంచి విద్యుదుత్పత్తి ద్వారా 3,045 క్యూసెక్కుల నీటిని నారాయణపూర్‌కు విడుదల చేస్తున్నారు. దీంతో నారాయణపూర్‌లో నిల్వ 37 టీఎంసీలకు గానూ 31 టీఎంసీలకు చేరుకుంది. ఎగువ నుంచి 3,628 క్యూసెక్కుల ప్రవాహం వస్తుండగా.. 7,537 క్యూసెక్కుల నీటిని సాగునీటి అవసరాలకై కాల్వలకు వదులుతున్నారు. ప్రస్తుతం ఎగువ మహాబలేశ్వర్, పశ్చిమకనుమల్లో కురుస్తున్న వర్షాలతో ఆల్మట్టికి లక్ష క్యూసెక్కుల వరద వచ్చే అవకాశం ఉంది. ఇప్పటికే పైనున్న ప్రాజెక్టులు నిండిన నేపథ్యంలో.. నీటిని దిగువకు విడుదల చేయక తప్పనిసరి స్థితి ఏర్పడుతుంది. వరద ఉధృతిని బట్టి రెండు, మూడు రోజుల్లోనే ఆల్మట్టి గేట్లు ఎత్తే అవకాశం ఉందని, నారాయణపూర్‌ నుంచి కాల్వలకు నీటి విడుదల జరిగినా, వారం, పది రోజుల్లో ఆ నీరు దిగువ జూరాలకు చేరుతుందని నీటి పారుదల శాఖ అంచనా వేస్తోంది.    వచ్చింది వచ్చినట్లే ఎత్తిపోత  ఇక జూరాలకు వరద ప్రవాహం మొదలైన వెంటనే నెట్టెంపాడు, బీమా, కోయిల్‌ సాగర్‌ ప్రాజెక్టుల పంపుల ద్వారా నీటి ఎత్తిపోత మొదలెట్టాలని, వచ్చిన నీటిని వచ్చినట్లుగా ఎత్తిపోసేలా కార్యాచరణకు సిద్ధం కావాలని సీఎం ఆదేశించారు. ఈ నేపథ్యంలో పంపులను సిద్ధం చేసే పనిలో ఇంజనీర్లు నిమగ్నమయ్యారు. గతేడాది జూరాల కుడి, ఎడమ కాల్వల కింద ఉన్న లక్ష ఎకరాలకు 23 టీఎంసీల నీటి వినియోగించారు. ఈ నీటితో 149 చెరువులను సైతం నింపారు. ఈ ఏడాది లక్ష ఎకరాలకు నీరిచ్చేలా ఇప్పటికే అంతా సిద్ధం చేశారు. బీమాలోని రెండు స్టేజ్‌ల లిఫ్టు వ్యవస్థల ద్వారా గతేడాది 12 టీఎంసీల నీటిని వినియోగించి 1.2లక్షల ఎకరాలకు నీరందించగా, ఈ ఏడాది 1.70లక్షల ఎకరాలకు నీరిచ్చేలా ప్రణాళిక రెడీ అయింది. దీని ద్వారా కనీసంగా 180 చెరువులను నింపాలని భావిస్తున్నారు. ఇక నెట్టెంపాడు కింద 2లక్షల ఎకరాల ఆయకట్టు ఉండగా గతేడాది 7 టీఎంసీల నీటితో 80వేల ఎకరాలకు నీరందించగా, ఈ ఏడాది ఎత్తిపోసే నీటిని బట్టి 1.5లక్షల ఎకరాలకు నీరివ్వాలని, వందకు పైగా చెరువులు నింపాలని నిర్ణయించారు. ఇక కోయిల్‌సాగర్‌ ద్వారా సైతం 33వేల ఎకరాలకు నీరిచ్చేలా పంపులను తిప్పేలా ఏర్పాట్లు చేశారు. అయితే ఈ ప్రాజెక్టు పంపుల నిర్వహణ (ఓఅండ్‌ఎం)కు నిధుల అవసరం ఉండటంతో ఇంజనీర్లు ముఖ్యమంత్రికి ప్రతిపాదనలు పంపారు. ఇందులో బీమా మొదటి లిఫ్ట్‌కి రూ.3.40కోట్లు, లిఫ్టు–2కి రూ.4.66కోట్లు, నెట్టెంపాడుకు రూ.4.98కోట్లు, కోయిల్‌సాగర్‌కు రూ.2.34కోట్లకు సీఎం ఆమోదముద్ర లభించింది. వీటితో పాటు కల్వకుర్తి ఎత్తిపోతల ఓఅండ్‌ఎం కోసం రూ.6.30కోట్లకు ఆమోదం తెలిపారు. ఈ నిధులతో పంపులు, మోటార్లకు గ్రీజింగ్, ఆయిలింగ్, విద్యుత్‌ జనరేటర్లు ఏర్పాట్లు చేసుకోనున్నారు. కనిష్టంగా 50 టీఎంసీలు, గరిష్టంగా 70 టీఎంసీల నీటిని జూరాల, దానిపై ఆధారపడిన ప్రాజెక్టుల ద్వారా పంపింగ్‌ చేసి నీటి సరఫరా చేసేలా ఇంజనీర్లు అన్ని ఏర్పాట్లు చేసుకుంటున్నారు.  

సాక్షి, హైదరాబాద్‌: ఉమ్మడి మహబూబ్‌నగర్‌ జిల్లా వాసుల దాహార్తిని తీర్చేందుకు సీఎం కేసీఆర్‌ తీసుకున్న చొరవ కార్యరూపం దాల్చింది. ఎగువన ఉన్న నారాయణపూర్‌ నుంచి దిగువన ఉన్న జూరాలకు కర్ణాటక జల వనరుల శాఖ అధికారులు నీటిని విడుదల చేశారు. నారాయణపూర్‌ డ్యామ్‌లో సరి పడినంత నీటి లభ్యత లేకపోవడంతో ఆల్మట్టి నుంచి శుక్రవారం అర్ధరాత్రి నారాయణపూర్‌కు నీరు విడుదల చేశారు. ఆల్మట్టి నుంచి విడుదలైన నీరు ఆదివారం నారాయణపూర్‌కు చేరిన తర్వాత.. అక్కడి నుంచి జూరాలకు నీటి విడుదల ప్రక్రియ కొనసాగనుంది. మహబూబ్‌నగర్‌ జిల్లా ప్రజల మంచినీటి అవసరాలు తీర్చడం కోసం నారాయణపూర్‌ రిజర్వాయర్‌ నుంచి జూరాలకు రెండున్నర టీఎంసీల నీటిని విడుదల చేయాలని సీఎం కోరడం, దానికి కర్ణాటక ప్రభుత్వం అంగీకరించిన విషయం తెలిసిందే. అయితే నారాయణపూర్‌ సామర్థ్యం 37.64టీఎంసీలు కాగా.. ప్రస్తుతం 18.08 టీఎంసీల నీరుమాత్రమే ఉంది. నీటి నిల్వలు డెడ్‌ స్టోరేజీకి చేరడంతో దిగువకు నీటి విడుదల సాధ్యం కాదు. దీంతో ఎగువన ఉన్న ఆల్మట్టి నుంచి నారాయణపూర్‌కు నీటి విడుదల తప్పనిసరయింది. ఆల్మట్టిలోనూ 129.72 టీఎంసీల నిల్వలకు గానూ 30.38 టీఎంసీల నిల్వలున్నాయి. ఇక్కడ డెడ్‌స్టోరేజీకి ఎగువన కేవలం 12 టీఎంసీల నిల్వలే ఉన్నప్పటికీ తెలంగాణ అవసరాల దృష్ట్యా శుక్రవారం అర్ధరాత్రి డ్యామ్‌ స్పిల్‌వే ద్వారా 5,161 క్యూసెక్కులు, పవర్‌హౌజ్‌ ద్వారా మరో 700 క్యూసెక్కుల నీటిని విడుదల చేశారు. ఈ నీరు ఆదివారం ఉదయం నారాయణపూర్‌కు చేరే అవకాశం ఉంది. నారాయణపూర్‌లో కొద్దిగా నిల్వలు పెరిగిన వెంటనే స్పిల్‌వే ద్వారా జూరాలకు నీటిని విడుదల చేసే అవకాశం ఉంది. నారాయణపూర్‌ నుంచి జూరాలకు 180 కిలోమీటర్ల దూరం ఉండగా, మధ్యలో కర్ణాటకలోని గూగల్, గిరిజాపూర్‌ అనే చిన్నపాటి రిజర్వాయర్లను దాటుకొని నీరు జూరాలకు చేరాల్సి ఉంటుంది. ఇలా జూరాలకు నీరు చేరేందుకు వారం రోజులు పట్టనుండగా, కనీసం ఒక టీఎంసీ నీరు జూరాలకు చేరే అవకాశం ఉంటుందని నీటి పారుదల వర్గాలు చెబుతున్నాయి. ఈ నీటితో జూన్‌ రెండో వారం వరకు ఉమ్మడి మహబూబ్‌నగర్‌ జిల్లాలో మిషన్‌ భగీరథ కింద తాగునీటి అవసరాలకు సర్దుబాటు చేయవచ్చని నీటి పారుదల వర్గాలు చెబుతున్నాయి.   

సాక్షి, హైదరాబాద్‌: ఉమ్మడి మహబూబ్‌నగర్‌ జిల్లా ప్రజలు ఈ వేసవిలో ఎదుర్కొంటున్న మంచినీటి సమస్యను అధిగమించడానికి సీఎం కె.చంద్రశేఖర్‌రావు కర్ణాటక ప్రభుత్వంతో నడిపిన దౌత్యం ఫలించింది. మహబూబ్‌నగర్‌ జిల్లా ప్రజల మంచినీటి అవసరాలు తీర్చడం కోసం నారాయణపూర్‌ రిజర్వాయర్‌ నుంచి జూరాలకు రెండున్నర టీఎంసీల నీటిని విడుదల చేయాలని కర్ణాటక ప్రభుత్వం నిర్ణయించింది. మహబూబ్‌నగర్‌ జిల్లా పరిధిలోని రిజర్వాయర్లలో నీటిమట్టం పూర్తిగా తగ్గిపోవడంతో నీటిని విడుదల చేయాల్సిందిగా కర్ణాటక సీఎం కుమారస్వామికి కేసీఆర్‌ శుక్రవారం ఫోన్‌ చేసి కోరారు. కేసీఆర్‌ అభ్యర్థనపై అక్కడి అధికారులతో చర్చించిన కుమార స్వామి తెలంగాణకు నీరు ఇవ్వాలని నిర్ణయించారు. ఈ విషయాన్ని కుమారస్వామి స్వయంగా ఫోన్‌ చేసి కేసీఆర్‌కు తెలిపారు. ఇది మహబూబ్‌ నగర్‌ జిల్లా ప్రజలకు శుభవార్త అని కేసీఆర్‌ అన్నారు. ఆ జిల్లా ప్రజల తరఫున కుమారస్వామికి కేసీఆర్‌ కృతజ్ఞతలు తెలిపారు. రెండు రాష్ట్రాల మధ్య సుహృద్భావ, స్నేహ సంబంధాలు ఇలాగే కొనసాగాలని ఇద్దరు సీఎంలు అభిప్రాయపడ్డారు. వారం రోజుల్లో జూరాలకు...  నిజానికి జూరాల వాస్తవ నీటి నిల్వ సామర్ధ్యం 9.66 టీఎంసీ కాగా ప్రస్తుతం అందులో కేవలం 1.93 టీఎంసీల నీటి నిల్వే ఉంది. పూర్తిగా డెడ్‌స్టోరేజీకి నిల్వలు చేరడంతో ఉమ్మడి మహబూబ్‌నగర్‌ జిల్లాలో మిషన్‌ భగీరథ కింద తాగునీటి అవసరాలు తీరడం కష్టంగా మారింది. ఈ నేపథ్యంలో కర్ణాటక నుంచి నీటి విడుదల అవస్యం కావడంతో కేసీఆర్‌.. ఆ రాష్ట్ర ముఖ్యమంత్రితో మాట్లాడి నీటి విడుదలకు ఒప్పించారు. ప్రస్తుతం ఎగువ నారాయణపూర్‌లో 37.64 టీఎంసీలకు గానూ 18.64 టీఎంసీల నిల్వలున్నాయి. అయితే ఇక్కడ ఎండీడీఎల్‌ పరిధిలోనే నీరుండటంతో ఆల్మట్టిలో లభ్యతగా ఉన్న 31.58 టీఎంసీల నిల్వల నుంచి కర్ణాటక నారాయణపూర్‌కు నీటి విడుదల చేసి, అటు నుంచి జూరాలకు నీటిని విడుదల చేసే అవకాశం ఉందని నీటి పారుదల వర్గాలు తెలిపాయి. శుక్రవారం అర్ధరాత్రి లేక శనివారం నీటి విడుదల మొదలు పెట్టినా, వారం రోజుల్లో నీరు జూరాలకు చేరుతుందన్నారు. ఒక టీఎంసీ నీరు జూరాలను చేరినా జూన్‌ మొదటి వారం వరకు మహబూబ్‌గనర్‌ జిల్లా తాగునీటి అవసరాలు తీరినట్టేనని పేర్కొంటున్నారు.    

సాక్షి, హైదరాబాద్‌ : తెలంగాణ ముఖ్యమంత్రి కె.చంద్రశేఖర్‌ రావు శుక్రవారం కర్ణాటక సీఎం కుమారస‍్వామితో ఫోన్‌లో మాట్లాడారు. జూరాలకు నీటి విడుదలపై ఆయన ఈ సందర్భంగా కర్ణాటక ముఖ్యమంత్రితో చర్చించారు. జూరాల ప్రాజెక్టుకు మూడు టీఎంసీల నీటిని విడుదల చేయాలని కేసీఆర్‌ కోరారు. దీనిపై సానుకూలంగా స్పందించిన కుమారస్వామి ప్రభుత్వం ...ఒకటి, రెండు రోజుల్లో నీటి విడుదలపై నిర్ణయం తీసుకుంటామని తెలిపారు. కుమారస్వామితో ఫలించిన కేసీఆర్‌ దౌత్యం కాగా ఉమ్మడి మహబూబ్ నగర్ జిల్లా ప్రజలు ఈ వేసవిలో ఎదుర్కొంటున్న మంచినీటి సమస్యను అధిగమించడానికి ముఖ్యమంత్రి కేసీఆర్‌ కర్ణాటక ప్రభుత్వంతో నడిపిన దౌత్యం ఫలించింది. మహబూబ్ నగర్ జిల్లా ప్రజల మంచినీటి అవసరాలు తీర్చడం కోసం నారాయణపూర్ రిజర్వాయర్ నుంచి జూరాలకు రెండున్నర టీఎంసీల నీటిని విడుదల చేయాలని కర్ణాటక ప్రభుత్వం నిర్ణయించింది. మహబూబ్ నగర్ జిల్లా పరిధిలోని రిజర్వాయర్లలో నీటిమట్టం పూర్తిగా తగ్గిపోవడంతో నీటిని విడుదల చేయాల్సిందిగా కర్ణాటక ముఖ్యమంత్రి కుమారస్వామిని సీఎం కేసీఆర్ అభ్యర్థించారు. కేసీఆర్ అభ్యర్థనపై కర్ణాటక అధికారులతో చర్చించిన సీఎం కుమారస్వామి తెలంగాణకు నీరు అందివ్వాలని నిర్ణయించారు. ఈ విషయాన్ని కుమారస్వామి స్వయంగా ఫోన్ చేసి సీఎం కేసీఆర్ కు తెలిపారు. ఇది మహబూబ్ నగర్ జిల్లా ప్రజలకు శుభవార్త అని కేసీఆర్ అన్నారు. మహబూబ్ నగర్ జిల్లా ప్రజల తరఫున  కుమారస్వామికి సీఎం కేసీఆర్ కృతజ్ఞతలు తెలిపారు. రెండు రాష్ట్రాల మధ్య సుహృద్భావ, స్నేహ సంబంధాలు ఇలాగే కొనసాగాలని ఇద్దరు సీఎంలు అభిప్రాయపడ్డారు. కాగా, ఈ రోజు సాయంత్రం నుంచి జూరాలకు నీటి సరఫరా ప్రారంభం కానున్నది.


 నారాయణపూర్‌ నుంచి 20 వేల క్యూసెక్కులు దిగువకు విడుదల
 - ఉజ్జయిని డ్యామ్‌ నుంచి వస్తున్న 32 వేల క్యూసెక్కుల ప్రవాహాలు
 - ఇప్పటికే జూరాలకు కొనసాగుతున్న 10 వేల క్యూసెక్కుల ఇన్‌ఫ్లో  
  
 సాక్షి, హైదరాబాద్‌: మహారాష్ట్ర, కర్ణాటకలలో భారీ వర్షాలకు అక్కడి ప్రాజెక్టులు నిండటంతో రాష్ట్రంవైపు కృష్ణమ్మ ఉరకలెత్తుతోంది. మహారాష్ట్రలోని ఉజ్జయిని ప్రాజెక్టు నుంచి 32 వేల క్యూసెక్కులు, కర్ణాటకలోని నారాయణపూర్‌ ప్రాజెక్టు నుంచి సుమారు 20 వేల క్యూసెక్కులను దిగువకు విడుదల చేయడంతో జూరాలవైపు వరద పరుగులెడుతోంది. శనివారం నాటికి ఈ ప్రవాహాలన్నీ కలిసి జూరాలకు వచ్చే అవకాశాలున్నాయి. ఇప్పటికే జూరాల దాదాపు నిండటంతో దిగువనున్న శ్రీశైలానికి నీటి విడుదల జరిగే అవకాశం ఉంది. 
  
 6 టీఎంసీల మేర వరద వచ్చే అవకాశం 
 మహారాష్ట్రలోని మహాబలేశ్వర్‌ ప్రాంతంలో గత నాలుగు రోజులుగా కురుస్తున్న భారీ వర్షాలకు కృష్ణా నది పరవళ్లు తొక్కుతోంది. ప్రధాన ప్రాజెక్టు కోయినా డ్యామ్‌తోపాటు ఇతర చిన్న తరహా ప్రాజెక్టులన్నీ నిండటంతో దిగువన కర్ణాటకకు ఉధృతంగా ప్రవాహాలు వస్తున్నాయి. ఆల్మట్టి డ్యామ్‌లోకి గురువారం ఉదయం 56 వేల క్యూసెక్కుల మేర వరద రాగా సాయంత్రానికి అది మరింత పెరిగినట్లు నీటిపారుదల వర్గాలు వెల్లడిస్తున్నాయి. దీంతో అక్కడి నుంచి 33,750 క్యూసెక్కుల నీటిని దిగువనున్న నారాయణపూర్‌కు వదులుతున్నారు. ఇప్పటికే నారాయణపూర్‌ పూర్తిగా నిండటంతో ప్రాజెక్టు నుంచి 16 వేల క్యూసెక్కులను స్పిల్‌వే ద్వారా, మరో 4,800 క్యూసెక్కులను పవర్‌హౌస్‌ ద్వారా దిగువకు వదులుతున్నారు.
 
 ఇక ఉజ్జయినీ డ్యామ్‌ నుంచి 30 వేల క్యూసెక్కులు స్పిల్‌ వే ద్వారా, మరో 2 వేల క్యూసెక్కులు పవర్‌హౌస్‌ ద్వారా విడుదలవుతున్నాయి. దీంతో జూరాలకు శనివారం నాటికి 50 వేలకుపైగా క్యూసెక్కుల ప్రవాహం వచ్చే అవకాశం ఉంది. ఇప్పటికే జూరాలకు వస్తున్న 10 వేల క్యూసెక్కుల ప్రవాహానికి ఎగువ ప్రవాహాలు జత కలిస్తే 6 టీఎంసీల నీరొచ్చే అవకాశముంది. ప్రస్తుతం జూరాలలో 9.66 టీఎంసీల నిల్వకుగాను 7.97 టీఎంసీల నిల్వ ఉండటంతో వచ్చిన నీటిని వచ్చినట్లుగా శ్రీశైలానికి విడుదల చేసే అవకాశం ఉంది. ప్రస్తుతం శ్రీశైలంలో 215 టీఎంసీల నిల్వకుగాను 24.13 టీఎంసీలే ఉన్నాయి.


 సాక్షి, హైదరాబాద్‌: హైదరాబాద్, పాలమూరు రైతాంగ అవసరాలకు అనుగుణంగా జూరాల నీటి విడుదలకు చర్యలు తీసుకోవాలని అధికారులను పంచాయతీరాజ్, గ్రామీణాభివృద్ధి మంత్రి జూపల్లి కృష్ణారావు ఆదేశించారు. గురువారం ప్రణాళిక సంఘం ఉపాధ్యక్షుడు ఎస్‌.నిరంజన్‌రెడ్డి, ఎమ్మెల్యే ఆళ్ల వెంకటేశ్వర్‌రెడ్డి, గద్వాల నియోజకవర్గ టీఆర్‌ఎస్‌ ఇన్‌చార్జి కృష్ణమోహన్‌రెడ్డి, ఈఎన్‌సీ మురళీధర్‌రావు, జూరాల ఎస్‌ఈ రఘునాథ్‌లతో కలసి మంత్రి సమీక్షించారు. నారాయణపూర్, ఆల్మట్టి నుంచి వస్తున్న వరద నీటిపై చర్చించారు. జూరాల నుంచి భీమా ఫేజ్‌ 1, ఫేజ్‌ 2తోపాటు కోయిల్‌ సాగర్, నెట్టెంపాడులకు నీటిని విడుదల చేయాలని ఆదేశించారు. ఎగువన ఉన్న కర్ణాటక నుంచి నీటి విడుదలకు ఉన్న అవకాశాలను కూడా పరిశీలించాలని సూచించారు.


 జూరాల, సింగూరు భద్రతపై కదిలిన నీటిపారుదల శాఖ
 సాక్షి, హైదరాబాద్‌: రాష్ట్రంలో ప్రధాన సాగు, తాగు నీటి ప్రాజెక్టులైన జూరాల, సింగూరు డ్యామ్‌ల నిర్వహణ విషయంలో నీటిపారుదల శాఖ నిర్లక్ష్యం ప్రదర్శిస్తోందంటూ ఫిబ్రవరి 20న ‘సాక్షి’ పత్రికలో ప్రచురితమైన కథనంపై ఆ శాఖ అధికారులు స్పందించారు. ఈ డ్యామ్‌ల భద్రతకు పెద్దపీట వేయాల్సిన నీటి పారుదల శాఖ అధికారులు వాటి నిర్వహణ, అందుకు తీసుకోవా ల్సిన చర్యల విషయంలో నిమ్మకు నీరెత్తినట్లు వ్యవహరిస్తున్న అంశంపై ఈఎన్‌సీ మురళీధర్‌ సోమవారం సంబంధిత వెకానికల్‌ అండ్‌ వర్క్స్‌ సూపరింటెండెంట్‌ ఇంజనీర్‌ వివరణ కోరారు. ప్రాజెక్టుల పరిధిలో ప్రస్తుతం ఉన్న గేట్లు, క్రేన్స్, జనరేటర్ల వివరాలు అడిగారు.
 గ్రీజింగ్, వెల్డింగ్, గేట్ల నిర్వహణకు అవసరమైన సిబ్బంది గురించి కూడా వివరాలు కోరినట్లు నీటి పారుదల శాఖ వర్గాల ద్వారా తెలిసింది. కాగా జూరాల పరిధిలో వర్క్‌ ఇన్స్‌పెక్టర్, గేటు ఆపరేట్లర్లు, ఫిట్టర్లు, ఎలక్ట్రీషియన్లు, వాచ్‌మెన్‌లు, ఆపరేటర్లు కలిపి మొత్తంగా 19మంది వరకు అవసరం ఉండగా.. ప్రస్తుతం ఒక్క ఉద్యోగి కూడా అక్కడ లేడు. సింగూరు పరిధిలోనూ 13 మంది సిబ్బంది అవసరం ఉండగా ఒక హెల్పర్, ఇద్దరు వాచ్‌మెన్‌లు మాత్రమే ఉన్నారు. ఇదే విషయాన్ని ‘సాక్షి’ నీటిపారుదల శాఖ దృష్టికి తెచ్చింది.


 శ్రీశైలం ప్రాజెక్టు: శ్రీశైలం జలాశయ నీటిమట్టం శుక్రవారం సాయంత్రానికి 880.60 అడుగులకు చేరుకుంది. మధ్యాహ్నం వరకు ఎగువ పరీవాహక ప్రాంతమైన జూరాల నుంచి వస్తున్న 8వేల క్యూసెక్కుల ఇన్‌ఫ్లో నిలిచిపోయింది. శ్రీశైలం జలాశయం నుంచి 32,041 వేల క్యూసెక్కుల నీరు దిగువ ప్రాంతాలకు విడుదలవుతోంది. కుడి, ఎడమగట్టు జలవిద్యుత్‌ కేంద్రాల్లో నాలుగు జనరేటర్లతో ఉత్పత్తి చేస్తూ 23,341 క్యూసెక్కుల నీటిని నాగార్జునసాగర్‌కు విడుదల చేస్తున్నారు. అలాగే పోతిరెడ్డిపాడు హెడ్‌రెగ్యులేటర్‌ ద్వారా 6వేల క్యూసెక్కులు, హంద్రీనీవా సుజల స్రవంతికి 2,700 క్యూసెక్కులను వదులుతున్నారు. ప్రస్తుతం జలాశయంలో 191.2118 టీఎంసీల నీరు నిల్వ ఉంది.  
  


 
  8 క్రస్టుగేట్ల ఎత్తివేత 
 
  లక్ష 18వేల క్యూసెక్కులు విడుదల
 
 శ్రీశైలానికి బిరబిరా కష్ణమ్మ
 
 జూరాల : ప్రియదర్శిని జూరాల ప్రాజెక్టు పరివాహక ప్రాంతంలో కురుస్తున్న వర్షాలతో శనివారం భారీగా వరదనీరు వచ్చి చేరింది. లక్షా 26వేల క్యూసెక్కుల ఇన్‌ఫ్లో వస్తుండటంతో 8 క్రస్టుగేట్లను తెరచి 84,176 క్యూసెక్కుల వరద నీటిని స్పిల్‌వే ద్వారా విడుదల చేస్తున్నారు. అలాగే విద్యుదుత్పత్తి ద్వారా 32వేల క్యూసెక్కులను విడుదల చేస్తున్నారు. మొత్తం 1,18,756 క్యూసెక్కుల వరద ప్రవాహాన్ని శ్రీశైలం రిజర్వాయర్‌కు వదులుతున్నారు. జూరాల పూర్తిస్థాయి నీటినిల్వ 9.65 టీఎంసీలు కాగా ప్రస్తుతం 9.41 టీఎంసీల నీటినిల్వ కొనసాగిస్తున్నారు. కోయిల్‌సాగర్‌కు 630 క్యూసెక్కులు, నెట్టెంపాడు ఎత్తిపోతల పథకానికి 1500 క్యూసెక్కులు విడుదల చేస్తున్నారు. ప్రధాన కాలువలకు 450 క్యూసెక్కుల నీటిని వదులుతున్నారు. కష్ణానదిపై కర్ణాటకలో ఉన్న ఆల్మట్టి ప్రాజెక్టు పూర్తిస్థాయి నీటినిల్వ 129.72 టీఎంసీలు కాగా ప్రస్తుతం పూర్తిస్థాయిలో నీటినిల్వను కొనసాగిస్తున్నారు. ఎగువ నుంచి ఇన్‌ఫ్లో 29,057 క్యూసెక్కులు వస్తుండగా మూడు గేట్లను తెరచి 11,500 క్యూసెక్కులు, విద్యుదుత్పత్తి ద్వారా 45వేల క్యూసెక్కులు, మొత్తం 56,500 క్యూసెక్కుల వరద నీటిని నారాయణపూర్‌కు విడుదల చేస్తున్నారు. నారాయణపూర్‌ ప్రాజెక్టు పూర్తిస్థాయి నీటినిల్వ 37.64 టీఎంసీలు కాగా ప్రస్తుతం 32.28 టీఎంసీల నీటినిల్వ ఉంది. రిజర్వాయర్‌కు 52,340 క్యూసెక్కుల ఇన్‌ఫ్లో వస్తుండగా 9 గేట్లను తెరచి 61,560 క్యూసెక్కులు, విద్యుదుత్పత్తి ద్వారా 6వేల క్యూసెక్కులు మొత్తం 67,560 క్యూసెక్కుల వరద నీటిని జూరాల రిజర్వాయర్‌కు విడుదల చేస్తున్నారు. 
  
  
  


 జూరాల : కృష్ణానది పరీవాహక ప్రాంతంలో కురుస్తున్న వర్షాలతో ప్రియదర్శిని జూరాల ప్రాజెక్టు బుధవారం 14వేల క్యూసెక్కుల వరద వచ్చింది. ఈ రిజర్వాయర్‌ పూర్తిస్థాయి నీటినిల్వ 9.65టీఎంసీలు కాగా ప్రస్తుతం 9.41టీఎంసీలుగా ఉంది. ఈ ప్రాజెక్టు నుంచి కుడి, ఎడమ కాలువలకు 450క్యూసెక్కులు, సమాంతర కాల్వకు 750క్యూసెక్కులు విడుదల చేస్తున్నారు. దీని నుంచి ఎత్తిపోతల పథకాలు నెట్టెంపాడుకు 1,500క్యూసెక్కులు, కోయిల్‌సాగర్‌కు 630క్యూసెక్కులు, భీమా లిఫ్ట్‌–1కు 1,300క్యూసెక్కులు, లిఫ్ట్‌–2 ద్వారా 750క్యూసెక్కులను అధికారులు పంపింగ్‌ చేస్తున్నారు. కర్ణాటక రాష్ట్రంలోని ఆల్మట్టి ప్రాజెక్టు పరీవాహక ప్రాంతంలో కురుస్తున్న వర్షాలతో వరద పెరిగింది. 56,319క్యూసెక్కుల ఇన్‌ఫ్లో వస్తుండటంతో ఈ ప్రాజెక్టులో పూర్తిస్థాయి నీటినిల్వ 129.72టీఎంసీలు కాగా ప్రస్తుతం 122.83టీఎంసీలుగా ఉంది. విద్యుదుత్పత్తి ద్వారా 45వేల క్యూసెక్కుల నీటిని దిగువ నదిలోకి విడుదల చేస్తున్నారు. ఈ ఇన్‌ఫ్లో వరద శుక్రవారం నాటికి జూరాల ప్రాజెక్టుకు చేరుకునే అవకాశముంది. అలాగే నారాయణపూర్‌ ప్రాజెక్టుకూ ఇన్‌ఫ్లో పెరిగింది. ప్రస్తుతం 35,908క్యూసెక్కుల వరద వస్తుండగా నీటినిల్వ మట్టాన్ని పెంచుతూ ఆరువేల క్యూసెక్కులను విద్యుదుత్పత్తి ద్వారా జూరాల రిజర్వాయర్‌కు విడుదల చేస్తున్నారు.
  
  


 శ్రీశైలం ప్రాజెక్టు: శ్రీశైల జలాశయ నీటిమట్టం స్వల్పంగా పెరిగింది. శుక్రవారం 872.40 అడుగులుగా ఉన్న నీటిమట్టం శనివారం సాయంత్రం సమయానికి 872.60 అడుగులకు చేరుకుంది. మధ్యాహ్నం నుంచి జూరాల నుంచి శ్రీశైలానికి విడుదలయ్యే నీరు నిలిచిపోయింది. రెండు జలవిద్యుత్‌ కేంద్రాలలో ఎటువంటి ఉత్పాదన జరగలేదు. జలాశయంలోని బ్యాక్‌వాటర్‌ నుంచి పోతిరెడ్డిపాడు హెడ్‌రెగ్యులేటరీ ద్వారా 4,500 క్యూసెక్కులు, హంద్రీనీవా సుజలస్రవంతికి 2,025 క్యూసెక్కుల నీటిని విడుదల చేస్తున్నారు. ప్రస్తుతం జలాశయంలో 152.8314 టీఎంసీల నీరు నిల్వగా ఉంది. 
  


  
 శ్రీశైలం ప్రాజెక్టు: శ్రీశైలం జలాశయానికి మంగళవారం వరద ప్రవాహం పెరిగింది. జూరాల నుంచి 16వేల క్యూసెక్కులు ఇన్‌ఫ్లో మంగళవారం 24వేల క్యూసెక్కులకు చేరుకుంది. జలాశయం నుంచి దిగువ ప్రాంతాలకు 26,338 క్యూసెక్కుల నీరు విడుదలవుతుంది. విద్యుత్‌ ఉత్పాదన అనంతరం నాగార్జునసాగర్‌కు 19,519 క్యూసెక్కులు, హంద్రీనీవా సుజలస్రవంతికి 2,025 క్యూసెక్కులు, పోతిరెడ్డిపాడు హెడ్‌రేగ్యులేటర్‌ ద్వారా 4,500 క్యూసెక్కులు విడుదల చేస్తున్నారు. ప్రస్తుతం జలాశయంలో 150.8076 టీఎంసీల నీరు నిల్వ ఉంది. డ్యాం నీటిమట్టం 872.10 అడుగులకు చేరుకుంది.


 శ్రీశైలం ప్రాజెక్టు: శ్రీశైలం డ్యాం నీటిమట్టం సోమవారం సాయంత్రం సమయానికి 872.40 అడుగులకు చేరుకుంది. ఎగువ పరీవాహక ప్రాంతమైన జూరాల నుంచి వస్తున్న ఇన్‌ఫ్లో పెరిగింది. శ్రీశైలానికి 16వేల క్యూసెక్కుల వరద నీరు వచ్చి చేరుతోంది. జలాశయం నుంచి దిగువ ప్రాంతాలకు 26,406 క్యూసెక్కుల నీరు విడుదలవుతోంది. విద్యుత్‌ ఉత్పాదన అనంతరం నాగార్జునసాగర్‌కు 19,881 క్యూసెక్కులు, హంద్రీనీవా సుజలస్రవంతికి 2,025 క్యూసెక్కులు, పోతిరెడ్డిపాడు హెడ్‌రెగ్యులేటర్‌ ద్వారా 4,500 క్యూసెక్కులను విడుదల చేస్తున్నారు. ప్రస్తుతం జలాశయంలో 151.8195 టీఎంసీల నీరు నిల్వ ఉంది.
  


 జూరాల : కర్ణాటక రాష్ట్రం నుంచి జూరాల ప్రాజెక్టుకు ఆదివారం 16వేల క్యూసెక్కుల ఇన్‌ఫ్లో  కొనసాగింది. ఈ రిజర్వాయర్‌ పూర్తిస్థాయి నీటినిల్వ 9.65టీఎంసీలు కాగా ప్రస్తుతం 9.09టీఎంసీలుగా ఉంది. పై నుంచి వస్తున్న వరదను ప్రాజెక్టులోని జలవిద్యు™Œ  కేంద్రంలో రెండు టర్బైన్ల ద్వారా విద్యుదుత్పత్తి కొనసాగిస్తూ దిగువ నదిలోకి 16వేల క్యూసెక్కులను విడుదల చేస్తున్నారు.
  
           జూరాల రిజర్వాయర్‌ నుంచి భీమా, కోయిల్‌సాగర్, నెట్టెంపాడు ఎత్తిపోతల పథకాలకు నీటిని పంపింగ్‌ చేస్తున్నారు. కర్ణాటకలోని ఆల్మట్టి ప్రాజెక్టు పరివాహక ప్రాంతంలో కురుస్తున్న వర్షాలతో స్వల్పంగా ఇన్‌ఫ్లో పెరిగింది. 24,420క్యూసెక్కులు వస్తుండగా ప్రాజెక్టులో విద్యుదుత్పత్తి ద్వారా 25వేల క్యూసెక్కుల వరదను దిగువ నదిలోకి విడుదల చేస్తున్నారు. ఈ ప్రాజెక్టు పూర్తిస్థాయి నీటినిల్వ 129.72టీఎంసీలు కాగా ప్రస్తుతం 123.08టీఎంసీలు ఉంది. ఇక నారాయణపూర్‌ ప్రాజెక్టు పూర్తిస్థాయి నీటినిల్వ 37.64టీఎంసీలు కాగా, ప్రస్తుతం 32.46టీఎంసీలు కొనసాగిస్తున్నారు. పై నుంచి 23,251క్యూసెక్కుల వరద వస్తుండగా ప్రాజెక్టులో రెండు క్రస్టుగేట్లను 0.60మీటర్లు ఎత్తి విద్యుదుత్పత్తి చేసి 12,960క్యూసెక్కుల వరదను దిగువ నదిలోకి విడుదల చేస్తున్నారు. 
  
  


 కొనసాగుతున్న విద్యుదుత్పత్తి
 జూరాల : కర్ణాటక నుంచి జూరాల ప్రాజెక్టుకు ఇన్‌ఫ్లో వరద కేవలం 18వేల క్యూసెక్కులు వస్తుండటంతో జలవిద్యుత్‌ కేంద్రంలో రెండు పంపుల ద్వారా విద్యుదుత్పత్తి చేస్తూ దిగువ నదిలోకి 16వేల క్యూసెక్కుల వరదను పుష్కరఘాట్ల అవసరాల కొరకు విడుదల చేస్తున్నారు. జూరాల పూర్తిస్థాయి నీటినిల్వ 9.65 టీంఎసీలు కాగా ప్రస్తుతం 9.09 టీఎంసీల నీటినిల్వ ఉంది. ఇక్కడి నుంచి నెట్టెంపాడు, భీమా, కోయిల్‌సాగర్‌ ఎత్తిపోతల పథకాలకు పంపింగ్‌ కొనసాగిస్తున్నారు. కర్ణాటకలో ఉన్న ఆల్మట్టి ప్రాజెక్టు పూర్తిస్థాయి నీటినిల్వ 129.72 టీఎంసీలు కాగా ప్రస్తుతం 123 టీఎంసీల నీటినిల్వను కొనసాగిస్తున్నారు. ప్రాజెక్టుకు పై నుంచి ఇన్‌ఫ్లో 20,420 క్యూసెక్కుల వరద వస్తుంది. దీంతో ప్రాజెక్టులో విద్యుదుత్పత్తి ద్వారా 15వేల క్యూసెక్కుల వరద నీటిని దిగువ నదిలోకి విడుదల చేస్తున్నారు. ఆల్మట్టి ప్రాజెక్టుకు దిగువన కర్ణాటకలోనే ఉన్న నారాయణపూర్‌ ప్రాజెక్టు పూర్తిస్థాయి నీటినిల్వ 37.64 టీఎంసీలు కాగా 32.23 టీఎంసీల నీటినిల్వను కొనసాగిస్తున్నారు. పై నుంచి ఇన్‌ఫ్లో 16,321 క్యూసెక్కుల వరద వస్తోంది. ప్రాజెక్టులో క్రస్టుగేట్లన్నీ మూసివేసి నీటినిల్వను పెంచుతున్నారు. కేవలం విద్యుదుత్పత్తి ద్వారా దిగువ జూరాల రిజర్వాయర్‌కు 6వేల క్యూసెక్కుల వరదను విడుదల చేస్తున్నారు. 
  
  


 శ్రీశైలం ప్రాజెక్టు: శ్రీశైలం జలాశయంలో రెండు టీఎంసీల నీరు తగ్గింది. ఎగువ పరీవాహక ప్రాంతమైన జూరాల నుంచి శ్రీశైలానికి వరద నీటి ప్రవాహం వస్తున్నప్పటికీ జలాశయం నుంచి దిగువ ప్రాంతాలకు నీరు విడుదలవుతుండడంతో బుధవారం సాయంత్రం సమయానికి సుమారు 2 టీఎంసీల నీరు తగ్గింది. ప్రస్తుతం జలాశయంలో 162.0554 టీఎంసీల నీరు నిల్వ ఉంది. డ్యాం నీటిమట్టం 874.70 అడుగులకు చేరుకుంది. జూరాల నుంచి 24వేల క్యూసెక్కుల వరద ప్రవాహం ఉండగా, జలాశయం నుంచి 50,845 క్యూసెక్కుల  నీరు విడుదలవుతోంది. రెండు పవర్‌ హౌస్‌లలో 6 జనరేటర్లతో విద్యుత్‌ ఉత్పత్తి చేస్తూ 34,620 క్యూసెక్కులు దిగువ నాగార్జునసాగర్‌కు.. 14,200 క్యూసెక్కులు పోతిరెడ్డిపాడు హెడ్‌రెగ్యులేటర్‌ ద్వారా హంద్రీనీవా సుజలస్రవంతికి 2025 క్యూసెక్కులు విడుదల చేస్తున్నారు.
  


 -కొనసాగుతున్న విద్యుదుత్పత్తి
 జూరాల : కష్ణానది పరివాహక ప్రాంతాల్లో వర్షాలు తగ్గడంతో ఆల్మట్టి, నారాయణపూర్‌ ప్రాజెక్టులకు ఇన్‌ఫ్లోపై ప్రభావం పడింది. సోమవారం సాయంత్రం జూరాల ప్రాజెక్టు రిజర్వాయర్‌కు కేవలం 52వేల క్యూసెక్కులు వస్తుండటంతో క్రస్టుగేట్లన్నింటినీ మూసివేశారు. జలవిద్యుత్‌ కేంద్రంలోని ఆరు టర్బైన్లలో విద్యుదుత్పత్తిని కొనసాగిస్తూ 44వేల క్యూసెక్కులను పవర్‌హౌస్‌ ద్వారా దిగువ నదిలోకి విడుదల చేస్తున్నారు. ఈ ప్రాజెక్టు పూర్తిస్థాయి నీటినిల్వ 9.65టీఎంసీలు కాగా 9.29టీఎంసీలను నిల్వ ఉంచారు. జూరాల రిజర్వాయర్‌ ద్వారా కోయిల్‌సాగర్, నెట్టెంపాడు, భీమా ప్రాజెక్టుల ఎత్తిపోతల పథకాలకు నీటిని పంపింగ్‌ చేస్తున్నారు. కర్ణాటక రాష్ట్రంలోని ఆల్మట్టి ప్రాజెక్టు రిజర్వాయర్‌కు ఇన్‌ఫ్లో కేవలం 84,688 క్యూసెక్కులు వస్తుండటంతో అన్ని క్రస్టుగేట్లను మూసివేశారు. విద్యుదుత్పత్తి ద్వారా 45వేల క్యూసెక్కులను విడుదల చేస్తున్నారు. ఈప్రాజెక్టు పూర్తిస్థాయి నీటినిల్వ 129.72టీఎంసీలు కాగా 117టీఎంసీలను నిల్వ ఉంచారు. నారాయణపూర్‌ ప్రాజెక్టు పూర్తిస్థాయి నీటినిల్వ 37.64టీఎంసీలు. ప్రస్తుతం 32టీఎంసీల నీటినిల్వను కొనసాగిస్తున్నారు. పై నుంచి రిజర్వాయర్‌కు 59,371 క్యూసెక్కుల ఇన్‌ఫ్లో వరద వస్తుండగా నాలుగు క్రస్టుగేట్లు తెరవడంతోపాటు విద్యుదుత్పత్తి ద్వారా జూరాల రిజర్వాయర్‌కు 22,072 క్యూసెక్కుల వరదను విడుదల చేస్తున్నారు.
  


 జూరాల : మహారాష్ట్ర, కర్ణాటక రాష్ట్రాల్లోని కష్ణానది పరివాహక ప్రాంతాల్లో వర్షాలు తగ్గడంతో ఆల్మట్టి ప్రాజెక్టు రిజర్వాయర్‌కు ఇన్‌ఫ్లోపై ప్రభావం పడింది. శనివారం ఉదయం నుంచి జూరాల ప్రాజెక్టు రిజర్వాయర్‌కు 1,10,000 క్యూసెక్కుల ఇన్‌ఫ్లో వస్తోంది. కష్ణానది వరద శాంతించడంతో పుష్కరఘాట్లలో భక్తులు స్నానమాచరించేందుకు నీటిమట్టాలు అందుబాటులో ఉన్నాయి. జూరాల ప్రాజెక్టు నీటినిల్వ 9.65 టీఎంసీలు కాగా ప్రస్తుతం 8.08టీఎంసీల నీటినిల్వ ఉంది. దిగువ నదిలోకి క్రస్టుగేట్లు విద్యుదుత్పత్తి ద్వారా 1,52,180 క్యూసెక్కుల వరదను విడుదల చేస్తున్నారు. కర్ణాటకలో కష్ణానదిపై ఉన్న ఆల్మట్టి పాజెక్టు పూర్తిస్థాయి నీటినిల్వ 129.72టీఎంసీలు కాగా 109టీఎంసీల నీటినిల్వను కొనసాగిస్తున్నారు. పై నుంచి ఇన్‌ఫ్లో 1,87,196 క్యూసెక్కులు వస్తుండగా విద్యుదుత్పత్తి ద్వారా 45వేల క్యూసెక్కుల వరదను దిగువ నదిలోకి విడుదల చేస్తున్నారు. ఆల్మట్టి ప్రాజెక్టు దిగువన కర్ణాటకలో ఉన్న నారాయణపూర్‌ ప్రాజెక్టు పూర్తిస్థాయి నీటినిల్వ 37.64టీఎంసీలు ప్రస్తుతం 30టీఎంసీల నీటినిల్వను కొనసాగిస్తున్నారు. పై నుంచి 1,02,987 క్యూసెక్కుల ఇన్‌ఫ్లో వరద వస్తుండగా ప్రాజెక్టులో 19క్రస్టుగేట్లను ఎత్తి జూరాల రిజర్వాయర్‌కు 79,948 క్యూసెక్కుల వరదను విడుదల చేస్తున్నారు. ∙
  


 జూరాల: ఎగువరాష్ట్రాల్లో కురుస్తున్న భారీ వర్షాలతో జూరాల ప్రాజెక్టుకు మంగళవారం వరద 1,72,000 క్యూసెక్కులకు పెరిగింది. దీంతో తొమ్మిది క్రస్టుగేట్లను ఎత్తి శ్రీశైలం రిజర్వాయర్‌కు 1,82,787 క్యూసెక్కులను విడుదల చేస్తున్నారు. జూరాలలో 8.43 టీఎంసీల నీటినిల్వను కొనసాగిస్తున్నారు. నాలుగు టరై్బన్ల ద్వారా 150 మెగావాట్ల విద్యుదుత్పత్తిని కొనసాగిస్తున్నారు. 
  


 జూరాల: ప్రియదర్శిని జూరాల ప్రాజెక్టుకు 1.6లక్షల క్యూసెక్కుల ఇన్‌ఫ్లో వచ్చి చేరుతోంది. సోమవారం ఎనిమిది క్రస్టుగేట్లు ఎత్తి 1,14,121 క్యూసెక్కులు,  విద్యుదుత్పత్తి ద్వారా 47వేల క్యూసెక్కులు విడుదల చేశారు. మొత్తం 1,62,786 క్యూసెక్కుల వరదను జూరాల నుంచి శ్రీశైలం ప్రాజెక్టుకు విడుదల చేస్తున్నారు. జూరాల రిజర్వాయర్‌ సామర్థ్యం 9.65 టీఎంసీలు కాగా ప్రస్తుతం 8.71 టీఎంసీల నీటినిల్వను కొనసాగిస్తున్నారు. కుడి ప్రధాన కాలువ ద్వారా 250 క్యూసెక్కులు, ఎడమ కాలువ ద్వారా 500 క్యూసెక్కులు విడుదల చేస్తున్నారు. సమాంతర కాలువ ద్వారా 1300 క్యూసెక్కులు వదులుతున్నారు. భీమా లిఫ్ట్‌–2 ద్వారా 1500 క్యూసెక్కులు, భీమా లిఫ్ట్‌–1 ద్వారా 1300 క్యూసెక్కులను వినియోగిస్తున్నారు. 
  
  


 జిల్లాలో 295 కిలోమీటర్ల పొడవునా కృష్ణానది ప్రవహిస్తోంది.. నదీతీరం వెంట గ్రామాలు దీనిపైనే ఆధారపడ్డాయి.స్వాతంత్య్రానంతరం ఈ నది వెంట వివిధ ప్రాజెక్టుల నిర్మాణాలు చేపట్టారు.. వీటి ద్వారా సాగునీటితోపాటు దాదాపు సగం పట్టణాలు, పల్లెలకు తాగునీటిని అందిస్తున్నారు.. ఇలా పాలమూరు ప్రజల జీవనవేదంగా మారింది. 
  
  
 జూరాల : మహారాష్ట్రలోని పశ్చిమ కనుమల్లో ఉన్న మహాబలేశ్వరంలో ప్రారంభమైన కృష్ణానది కర్ణాటక, తెలంగాణ, ఆంధ్రప్రదేశ్‌ రాష్ట్రాల ద్వారా సముద్రంలో విలీనమవుతుంది. ఇది కర్ణాటక నుంచి జిల్లాలోకి మక్తల్‌ నియోజకవర్గంలోని మాగనూరు మండలం కృష్ణావద్ద ప్రారం¿¶ మవుతుంది. గద్వాల, అలంపూర్, వనపర్తి, కొల్లాపూర్, అచ్చంపేట నియోజకవర్గాల ద్వారా శ్రీశైలం ప్రాజెక్టు వరకు నదీ ప్రవహిస్తోంది. నదీతీరంలో ఉన్న గ్రామాల మత్స్యకారులు తరతరాలుగా చేపల వేటలో తమ జీవనాన్ని కొనసాగిస్తున్నారు. వ్యవసాయ ఆధారిత కుటుంబాలు బావులు, బోర్ల ద్వారా వివిధ పంటలను సాగు చేసుకుంటున్నారు. ముఖ్యంగా గుర్రంగడ్డ దీవి ప్రజలు ఈ నదీ ప్రవాహంపైనే తమ జీవనాన్ని కొనసాగిస్తున్నారు. కొల్లాపూర్‌ నియోజకవర్గంలోని సోమశిల, జటప్రోలు మొదలుకుని శ్రీశైలం వరకు టూరిజం బోట్లు, కొల్లాపూర్‌ నుంచి రాయలసీమ వైపు ఉన్న ఆత్మకూరు వరకు నిత్యం జనాన్ని తరలించే బోట్లపై ఎన్నో కుటుంబాలు జీవనం సాగిస్తున్నాయి. 1981లో కష్ణానదిపై జూరాల ప్రాజెక్టు నిర్మాణాన్ని రాష్ట్ర ప్రభుత్వం చేపట్టి 1996లో పూర్తిచేసింది. దాదాపు 7.5 లక్షల ఎకరాలకు సాగునీటిని అందించేలా 2005లో జలయజ్ఞం ద్వారా నాలుగు ఎత్తిపోతల పథకాలను చేపట్టారు. ఈ ప్రాజెక్టులతో సగం జిల్లా సస్యశ్యామలంగా మారేలా కష్ణానది నీళ్లు పారనున్నాయి. జూరాల ప్రాజెక్టు రిజర్వాయర్‌ నుంచి భారీ తాగునీటి పథకాలను నిర్మించడం ద్వారా సగం జిల్లాలోని అన్ని ముఖ్య పట్టణాలు, గ్రామాల ప్రజలకు తాగునీటిని అందించే రక్షిత పథకాలను నిర్మించారు, ఇంకా నిర్మిస్తూనే ఉన్నారు. గతేడాది కష్ణానదికి వరద రాకపోవడంతో ప్రాజెక్టులకు నీళ్లు రాక పట్టణాలకు తాగునీరందక, నదిలో ప్రవాహం లేక చేపలు దొరకక వేలాది కుటుంబాలు జీవనోపాధిని కోల్పోయి ఇతర ప్రాంతాలకు వలస వెళ్లారు. ప్రస్తుత ఏడాది నైరుతి రుతుపవనాల ప్రారంభం నుంచే వర్షాలు కురుస్తుండటంతో కష్ణానదిలో ప్రవాహం బాగా ఉండటంతో రైతులు, మత్స్యకారులు బోట్లపై ఆధారపడిన కుటుంబాలు, ప్రజల తాగునీటి అవసరాలు తీరనున్నాయి.
  
  
 ఏయే ప్రాజెక్టులు
 కృష్ణానదిపై 1981లో ధరూరు మండలం రేవులపల్లి వద్ద జూరాల ప్రాజెక్టుకు శంకుస్థాపన చేశారు. చివరకు ఇది 1996లో ప్రారంభమైంది. ప్రాజెక్టు రిజర్వాయర్, నెట్టెంపాడు, భీమా ఎత్తిపోతల ద్వారా రెండేసి లక్షల ఎకరాలకు, కోయిల్‌సాగర్‌ ద్వారా 50వేల ఎకరాలకు సాగునీటిని అందించే పథకాలు చేపట్టారు. ఈ ఏడాది నుంచే వీటిద్వారా ఆయకట్టుకు నీళ్లివ్వబోతున్నారు. శ్రీశైలం రిజర్వాయర్‌ ద్వారా కల్వకుర్తి ఎత్తిపోతల పథకం నిర్మితమైంది. ఈ పథకం ద్వారా 3.3లక్షల ఎకరాలకు సాగునీరు అందించబోతున్నారు. ఇలా ప్రాజెక్టుల ద్వారా 8.87లక్షల ఎకరాలకు కృష్ణానది నీళ్లను అందించే పథకాలు నిర్మించారు. గద్వాల, మక్తల్, వనపర్తి, మహబూబ్‌నగర్, దేవరకద్ర, నారాయణపేట, నాగర్‌కర్నూలు, కల్వకుర్తి, కొల్లాపూర్, అలంపూర్‌ నియోజకవర్గాల్లోని భూములకు కష్ణానది నీళ్లు అందనున్నాయి. 
  
  
 మత్స్య సంపదకు నిలయం 
 కృష్ణానది జిల్లాలో అడుగిడిన ప్రాంతం నుంచి శ్రీశైలం ప్రాజెక్టు దిగువన వరకు మత్స్యసంపద పుష్కలంగా ఉంది. దీనిపై నదీతీర గ్రామాలు, పట్టణాల్లోని మత్స్యకారులు ఆధారపడి తరతరాలుగా జీవిస్తున్నారు. వేలాది కుటుంబాలు కృష్ణానది మత్స్యసంపదపై ఆధారపడి జీవిస్తూ కృష్ణానది ప్రవాహాన్నే నమ్ముకున్నారు. మక్తల్, గద్వాల, అలంపూర్, కొల్లాపూర్‌ నియోజకవర్గాల్లోని నదీతీర గ్రామాల్లో వందలాది కుటుంబాలకు చెందిన వారు పుట్టిలలో ప్రజలను నదికి రెండువైపులా ఒడ్డుకు చేర్చుతూ వచ్చే ఆదాయంతోనే జీవిస్తున్నారు. తరాలుగా జీవిస్తున్న కుటుంబాలు ఇప్పటికీ అదే పుట్టి ప్రయాణాన్నే నమ్ముకుని కాలం వెళ్లదీస్తున్నారు. కొత్తగా మర పడవలు వచ్చాయి. గద్వాల మండలం గుర్రంగడ్డ దీవి ప్రజలను ఒడ్డుకు చేర్చేందుకు ప్రభుత్వం మరబోటును అందజేసింది. అలాగే సోమశిల ప్రాంతంలోనూ మరబోట్లను ఉపయోగిస్తూ మహబూబ్‌నగర్, కర్నూలు జిల్లాల ప్రజలను ఆవలి ఒడ్డులకు చేరుస్తున్నారు. నదీతీర గ్రామాల రైతులు నది నీటిని బోర్లు, బావులు, మోటార్ల ద్వారా పొలాలకు మళ్లించుకుని పంటలను పండిస్తున్నారు. కష్ణానది ప్రవాహంపై టూరిజం, పర్యాటకాన్ని అభివద్ధి చేసేందుకు గత ప్రభుత్వాలు పెద్దగా ప్రాధాన్యత ఇవ్వలేదు. ప్రస్తుత ప్రభుత్వం కొల్లాపూర్‌ నుంచి శ్రీశైలం ప్రాజెక్టు వరకు నల్లమల అడవిలో అందాలను చూస్తూ ప్రయాణించేలా టూరిజం బోట్లను ఏర్పాటు చేసింది. గద్వాల మండలం జమ్ములమ్మ రిజర్వాయర్‌ వద్ద టూరిజం అధికారులు మర, సైక్లింగ్‌బోట్లను ఏర్పాటు చేశారు. నదీతీరంలో పర్యాటక వసతిగహాలను నిర్మించారు. ఇలా పర్యాటకంపై వందలాది కుటుంబాలు జీవిస్తుండగా ప్రభుత్వానికి ఆదాయం సమకూరుతుంది. 
  
  
 నది నుంచి తాగునీరు 
 జూరాల ప్రాజెక్టు వద్ద నిర్మితమైన భారీ తాగునీటి పథకాల ద్వారా గద్వాల, అలంపూర్, మక్తల్, మహబూబ్‌నగర్, దేవరకద్ర, వనపర్తి, జడ్చర్ల, నాగర్‌కర్నూలు, కొల్లాపూర్, కల్వకుర్తి, అచ్చంపేట నియోజకవర్గాలకు కష్ణానది నీటిని ఇప్పటికే పలు పట్టణాలకు అందిస్తున్నారు. మరికొన్ని పట్టణాలు, గ్రామాలకు రెండేళ్లలో పూర్తిస్థాయిలో తాగునీటిని అందించనున్నారు. 


 దరూరు: ప్రియదర్శిని జూరాల ప్రాజెక్టుకు ఎగువ ప్రాంతం నుంచి భారీ ఎత్తున ఇన్‌ఫ్లో వచ్చి చేరుతుండటంతో ప్రాజెక్టు క్రస్టుగేట్లను ఎత్తి వరద నీటిని దిగువకు విడుదల చేస్తున్నారు. దీంతో ప్రాజెక్టుకు సందర్శకుల తాకిడి పెరిగింది. ఆదివారం క్రస్టుగేట్ల వద్ద యువకులు సంచరిస్తూ సందడి చేశారు. ప్రమాదభరితంగా ఉన్న ప్రాంతాల్లో సైతం ఫోటోలకు ఫోజులిచ్చి సెల్ఫీలు తీసుకుని సంబరపడ్డారు. పీజేపీ అధికారులు ప్రతి ఏటా మాదిరిగానే ఈసారి కూడా ఎలాంటి భద్రతా ఏర్పాట్లను చేపట్టలేదు. 


 – లక్షలాది ఎకరాలకు సాగునీరు
 – సగం జిల్లా ప్రజలకు తాగునీరు
 – చేపల వేటలో వేలాది కుటుంబాలు
 జిల్లాలో 295 కిలోమీటర్ల పొడవున కష్ణానది ప్రవహిస్తోంది.. నదీతీరం వెంట గ్రామాలు దీనిపైనే ఆధారపడి తరతరాలుగా జీవిస్తున్నాయి. స్వాతంత్య్రానంతరం వివిధ ప్రాజెక్టుల నిర్మాణాలు చేపట్టారు.. దీని ద్వారా సాగునీటితోపాటు దాదాపు సగం పట్టణాలు, పల్లెలకు తాగునీటిని అందిస్తున్నారు.. ఇలా పాలమూరు ప్రజల జీవనవేదంగా మారింది. 
  
  
  జూరాల : మహారాష్ట్రలోని పశ్చిమ కనుమల్లో ఉన్న మహాబలేశ్వరంలో ప్రారంభమైన కష్ణానది కర్ణాటక, తెలంగాణ, ఆంధ్రప్రదేశ్‌ రాష్ట్రాల ద్వారా సముద్రంలో విలీనమవుతుంది. ఇది కర్ణాటక నుంచి జిల్లాలోకి మక్తల్‌ నియోజకవర్గంలోని మాగనూరు మండలం కష్ణావద్ద ప్రారం¿¶ మవుతుంది. గద్వాల, అలంపూర్, వనపర్తి, కొల్లాపూర్, అచ్చంపేట నియోజకవర్గాల ద్వారా శ్రీశైలం ప్రాజెక్టు వరకు నదీ ప్రవహిస్తోంది. నదీతీరంలో ఉన్న గ్రామాల మత్స్యకారులు తరతరాలుగా చేపల వేటలో తమ జీవనాన్ని కొనసాగిస్తున్నారు. వ్యవసాయ ఆధారిత కుటుంబాలు బావులు, బోర్ల ద్వారా వివిధ పంటలను సాగు చేసుకుంటున్నారు. ముఖ్యంగా గుర్రంగడ్డ దీవి ప్రజలు ఈ నదీ ప్రవాహంపైనే తమ జీవనాన్ని కొనసాగిస్తున్నారు. కొల్లాపూర్‌ నియోజకవర్గంలోని సోమశిల, జటప్రోలు మొదలుకుని శ్రీశైలం వరకు టూరిజం బోట్లు, కొల్లాపూర్‌ నుంచి రాయలసీమ వైపు ఉన్న ఆత్మకూరు వరకు నిత్యం జనాన్ని తరలించే బోట్లపై ఎన్నో కుటుంబాలు జీవనం సాగిస్తున్నాయి. 1981లో కష్ణానదిపై జూరాల ప్రాజెక్టు నిర్మాణాన్ని రాష్ట్ర ప్రభుత్వం చేపట్టి 1996లో పూర్తిచేసింది. దాదాపు 7.5 లక్షల ఎకరాలకు సాగునీటిని అందించేలా 2005లో జలయజ్ఞం ద్వారా నాలుగు ఎత్తిపోతల పథకాలను చేపట్టారు. ఈ ప్రాజెక్టులతో సగం జిల్లా సస్యశ్యామలంగా మారేలా కష్ణానది నీళ్లు పారనున్నాయి. జూరాల ప్రాజెక్టు రిజర్వాయర్‌ నుంచి భారీ తాగునీటి పథకాలను నిర్మించడం ద్వారా సగం జిల్లాలోని అన్ని ముఖ్య పట్టణాలు, గ్రామాల ప్రజలకు తాగునీటిని అందించే రక్షిత పథకాలను నిర్మించారు, ఇంకా నిర్మిస్తూనే ఉన్నారు. గతేడాది కష్ణానదికి వరద రాకపోవడంతో ప్రాజెక్టులకు నీళ్లు రాక పట్టణాలకు తాగునీరందక, నదిలో ప్రవాహం లేక చేపలు దొరకక వేలాది కుటుంబాలు జీవనోపాధిని కోల్పోయి ఇతర ప్రాంతాలకు వలస వెళ్లారు. ప్రస్తుత ఏడాది నైరుతి రుతుపవనాల ప్రారంభం నుంచే వర్షాలు కురుస్తుండటంతో కష్ణానదిలో ప్రవాహం బాగా ఉండటంతో రైతులు, మత్స్యకారులు బోట్లపై ఆధారపడిన కుటుంబాలు, ప్రజల తాగునీటి అవసరాలు తీరనున్నాయి.
  
  
 ఏయే ప్రాజెక్టులు
 కష్ణానదిపై 1981లో ధరూరు మండలం రేవులపల్లి వద్ద జూరాల ప్రాజెక్టుకు శంకుస్థాపన చేశారు. చివరకు ఇది 1996లో ప్రారంభమైంది. ప్రాజెక్టు రిజర్వాయర్, నెట్టెంపాడు, భీమా ఎత్తిపోతల ద్వారా రెండేసి లక్షల ఎకరాలకు, కోయిల్‌సాగర్‌ ద్వారా 50వేల ఎకరాలకు సాగునీటిని అందించే పథకాలు చేపట్టారు. ఈ ఏడాది నుంచే వీటిద్వారా ఆయకట్టుకు నీళ్లివ్వబోతున్నారు. శ్రీశైలం రిజర్వాయర్‌ ద్వారా కల్వకుర్తి ఎత్తిపోతల పథకం నిర్మితమైంది. ఈ పథకం ద్వారా 3.3లక్షల ఎకరాలకు సాగునీరు అందించబోతున్నారు. ఇలా ప్రాజెక్టుల ద్వారా 8.87లక్షల ఎకరాలకు కష్ణానది నీళ్లను అందించే పథకాలు నిర్మించారు. గద్వాల, మక్తల్, వనపర్తి, మహబూబ్‌నగర్, దేవరకద్ర, నారాయణపేట, నాగర్‌కర్నూలు, కల్వకుర్తి, కొల్లాపూర్, అలంపూర్‌ నియోజకవర్గాల్లోని భూములకు కష్ణానది నీళ్లు అందనున్నాయి. 
  
  
 నది నుంచి తాగునీరు 
 జూరాల ప్రాజెక్టు వద్ద నిర్మితమైన భారీ తాగునీటి పథకాల ద్వారా గద్వాల, అలంపూర్, మక్తల్, మహబూబ్‌నగర్, దేవరకద్ర, వనపర్తి, జడ్చర్ల, నాగర్‌కర్నూలు, కొల్లాపూర్, కల్వకుర్తి, అచ్చంపేట నియోజకవర్గాలకు కష్ణానది నీటిని ఇప్పటికే పలు పట్టణాలకు అందిస్తున్నారు. మరికొన్ని పట్టణాలు, గ్రామాలకు రెండేళ్లలో పూర్తిస్థాయిలో తాగునీటిని అందించనున్నారు. 
  
  
 మత్స్య సంపదకు నిలయం 
 కష్ణానది జిల్లాలో అడుగిడిన ప్రాంతం నుంచి శ్రీశైలం ప్రాజెక్టు దిగువన వరకు మత్స్యసంపద పుష్కలంగా ఉంది. దీనిపై నదీతీర గ్రామాలు, పట్టణాల్లోని మత్స్యకారులు ఆధారపడి తరతరాలుగా జీవిస్తున్నారు. వేలాది కుటుంబాలు కష్ణానది మత్స్యసంపదపై ఆధారపడి జీవిస్తూ కష్ణానది ప్రవాహాన్నే నమ్ముకున్నారు. మక్తల్, గద్వాల, అలంపూర్, కొల్లాపూర్‌ నియోజకవర్గాల్లోని నదీతీర గ్రామాల్లో వందలాది కుటుంబాలకు చెందిన వారు పుట్టిలలో ప్రజలను నదికి రెండువైపులా ఒడ్డుకు చేర్చుతూ వచ్చే ఆదాయంతోనే జీవిస్తున్నారు. తరాలుగా జీవిస్తున్న కుటుంబాలు ఇప్పటికీ అదే పుట్టి ప్రయాణాన్నే నమ్ముకుని కాలం వెళ్లదీస్తున్నారు. కొత్తగా మర పడవలు వచ్చాయి. గద్వాల మండలం గుర్రంగడ్డ దీవి ప్రజలను ఒడ్డుకు చేర్చేందుకు ప్రభుత్వం మరబోటును అందజేసింది. అలాగే సోమశిల ప్రాంతంలోనూ మరబోట్లను ఉపయోగిస్తూ మహబూబ్‌నగర్, కర్నూలు జిల్లాల ప్రజలను ఆవలి ఒడ్డులకు చేరుస్తున్నారు. నదీతీర గ్రామాల రైతులు నది నీటిని బోర్లు, బావులు, మోటార్ల ద్వారా పొలాలకు మళ్లించుకుని పంటలను పండిస్తున్నారు. కష్ణానది ప్రవాహంపై టూరిజం, పర్యాటకాన్ని అభివద్ధి చేసేందుకు గత ప్రభుత్వాలు పెద్దగా ప్రాధాన్యత ఇవ్వలేదు. ప్రస్తుత ప్రభుత్వం కొల్లాపూర్‌ నుంచి శ్రీశైలం ప్రాజెక్టు వరకు నల్లమల అడవిలో అందాలను చూస్తూ ప్రయాణించేలా టూరిజం బోట్లను ఏర్పాటు చేసింది. గద్వాల మండలం జమ్ములమ్మ రిజర్వాయర్‌ వద్ద టూరిజం అధికారులు మర, సైక్లింగ్‌బోట్లను ఏర్పాటు చేశారు. నదీతీరంలో పర్యాటక వసతిగహాలను నిర్మించారు. ఇలా పర్యాటకంపై వందలాది కుటుంబాలు జీవిస్తుండగా ప్రభుత్వానికి ఆదాయం సమకూరుతుంది. 


 జూరాల : మహారాష్ట్ర, కర్ణాటక రాష్ట్రాల్లోని కష్ణానది పరీవాహక ప్రాంతాల్లో కురుస్తున్న వర్షాలతో ఎగువ నుంచి మహబూబ్‌నగర్‌ జిల్లా జూరాల రిజర్వాయర్‌కు శనివారం రెండులక్షల క్యూసెక్కుల ఇన్‌ఫ్లో వస్తుండగా, ప్రాజెక్టు క్రస్టుగేట్లు, విద్యుదుత్పత్తి ద్వారా 2,17,795 క్యూసెక్కుల వరదను దిగువ నదిలోకి విడుదల చేస్తున్నారు. జూరాల ప్రాజెక్టు నుంచి విడుదలవుతున్న వరద ప్రవాహం లోయర్‌ జూరాల ద్వారా శ్రీశైలం రిజర్వాయర్‌కు వెళ్తోంది. ప్రస్తుతం జూరాల ప్రాజెక్టు పూర్తిస్థాయి నీటినిల్వ 9.65 టీఎంసీలు కాగా, ప్రస్తుతం 6.46 టీఎంసీల నీటినిల్వను నిర్వహిస్తూ పై నుంచి వస్తున్న వరదను 14 క్రస్టుగేట్లను తెరచి 1,79,470 క్యూసెక్కుల వరదను, విద్యుదుత్పత్తి ద్వారా 35వేల క్యూసెక్కుల వరద మొత్తం 2,17,795 క్యూసెక్కుల దిగువకు విడుదల చేస్తున్నారు. 


 –లోయర్‌ జూరాల వరదనీటిలో మునిగిన పంటలు
 –రైతులను ముందుగా హెచ్చరించని అధికారులు
 జూరాల :కృష్ణానది వరద పెరగడంతో లోయర్‌ జూరాల డ్యాం స్పిల్‌వే వద్ద నీటిమట్టం పెరగడంతో వందల ఎకరాల్లో పంటలు నీటమునిగాయి. శుక్రవారం మహబూబ్‌నగర్‌ జిల్లా గద్వాల మండలం రేకులపల్లి వద్ద లోయర్‌ జూరాల స్పిల్‌వే గోడపై ఒక్కసారిగా 2.50లక్షల క్యూసెక్కుల వరద రావడంతో నీటిమట్టం పెరిగింది. నదీతీరం వెంట ఉన్న పొలాల్లోకి నీళ్లు వెళ్లడంతో పంటలన్నీ నీటమునిగాయి. మునుగుతున్న పంటలను రైతులు కాపాడుకోలేకపోయారు. మామిడి తోటలు, మిరపతోట, పత్తి తోటలు, వేరుశనగ, మొక్కజొన్న, జొన్న, కందులు పంటలు వరద ముంపునకు గురయ్యాయి. పశువుల కోసం వేసుకున్న పాకలు కూడా నీటిలో మునిగిపోవడంతో రైతులు నష్టపోయారు. జూరాల ప్రాజెక్టు నుంచి బీచుపల్లి వరకు నదీతీరంలో వేసిన బోర్లను రైతులు తొలగించలేదు. ఒక్కసారిగా నదిలో వరద పెరగడంతో బోర్లు మునిగిపోయాయి. లోయర్‌ జూరాల స్పిల్‌వే గోడకు దిగువన కుడివైపున నదీతీరంలో నిర్మిస్తున్న పుష్కరఘాట్‌ ముంపునకు గురైంది. కృష్ణానది వరద వస్తుందని కేంద్ర జలవనరుల శాఖ అధికారులు రెండురోజుల ముందుగా హెచ్చరించినా రెవెన్యూ అధికారులు మాత్రం గ్రామాల్లో దండోరా వేయించలేకపోయారు. ఒకరోజు ముందే రెండెకరాల్లో మిరపనారును నాటించిన రైతు విజయమోహన్‌రెడ్డి రూ.లక్ష నష్టపోయారు. ఈ విషయమై గద్వాల ఆర్డీఓ కార్యాలయ ఏఓ వీరభద్రప్పను వివరణ కోరగా.. గ్రామాధికారులకు దండోరా వేయాల్సిందిగా ఆదేశించామని, వేయించని అధికారులపై చర్యలు తీసుకుంటామన్నారు.  
  
 వరద వస్తుందని చెప్పలేదు
 రెండు రోజుల ముందే వరద వస్తుందన్న సమాచారం ఉన్నా అధికారులు గ్రామంలో దండోరా వేయించలేదు. ఇది తెలియక గురువారం రోజే రెండెకరాల్లో మిరప పైరును నాటి నష్టపోయాను. నదీతీరంలో ఉన్న మోటార్లు, పాకలను తరలించుకోలేకపోయాం.  
 – విజయమోహన్‌రెడ్డి, రైతు, రేకులపల్లి 
  
 రైతుల ఆందోళన 
 ఆత్మకూర్‌ : దిగువ జూరాల విద్యుత్‌ ఉత్పత్తి కోసం నీళ్లను నిలుపుతున్న నేపథ్యంలో ఎగువన ఉన్న పంటపొలాలు శుక్రవారం నీట మునిగాయి. ఆత్మకూర్‌ మండల పరిధిలోని మూలమల్ల గ్రామశివారులోని సర్వే నంబర్‌ 277నుంచి 301వరకు సుమారు 55ఎకరాల్లో పంటలు నీట మునిగాయని రైతులు ఆందోళన వ్యక్తం చేస్తున్నారు. జన్కో నిర్మాణం కోసం తమభూములు ఇవ్వలేదని, తమకు ఎలాంటి నష్టపరిహారం అందలేదని రైతులు ఆవేదన వ్యక్తంచేశారు. పంటలు నష్టపోయిన రైతులందరికీ న్యాయం చేయాలని వెంటనే నష్టపరిహారం ఇవ్వాలని సీపీఐ నాయకులు ప్రసాద్, మోష, సర్పంచ్‌ సురేందర్, భీమన్న డిమాండ్‌ చేశారు. 
  
  
  


 – ప్రాజెక్టులో 13 క్రస్టుగేట్ల ఎత్తివేత 
 – 1,38,401 క్యూసెక్కులు దిగువకు విడుదల
 – శ్రీశైలానికి కష్ణమ్మ పరుగులు 
 జూరాల : మహారాష్ట్రలోని కష్ణానది పరివాహక ప్రాంతంలో రెండు రోజులుగా కురుస్తున్న భారీ వర్షాలతో జూరాల ప్రాజెక్టుకు భారీ స్థాయిలో ఇన్‌ఫ్లో వరద చేరుతుంది. దీంతో గురువారం జూరాల ప్రాజెక్టులో 13 క్రస్టుగేట్లను ఎత్తారు. 89,986 క్యూసెక్కులను విద్యుదుత్పత్తి ద్వారా 45వేల క్యూసెక్కులతో 1,38,401 క్యూసెక్కుల వరద నీటిని దిగువకు విడుదల చేస్తున్నారు. జూరాల నుంచి విడుదలవుతున్న వరద ప్రవాహం లోయర్‌ జూరాల జలవిద్యుదుత్పత్తి కేంద్రం ద్వారా శ్రీశైలం రిజర్వాయర్‌కు వెళ్తోంది. జూరాల ప్రాజెక్టు పూర్తిస్థాయి నీటినిల్వ 9.65 టీంఎసీలు కాగా ప్రస్తుతం రిజర్వాయర్‌లో నీటినిల్వ 8.35 టీఎంసీలుగా ఉంది. ఎగువ నుంచి వస్తున్న ఇన్‌ఫ్లోను దష్టిలో ఉంచుకొని భారీ స్థాయిలో వరద నీటిని వదులుతున్నారు. జూరాల రిజర్వాయర్‌కు 1,25,000 క్యూసెక్కుల ఇన్‌ఫ్లో వస్తుంది. 
  
 పుష్కరఘాట్లకు భారీ వరద 
 కర్ణాటకలోని నారాయణపూర్‌ ప్రాజెక్టు నుంచి 2.32 లక్షల క్యూసెక్కుల వరద వస్తుండటంతో శుక్రవారం జూరాల ప్రాజెక్టు పై ప్రాంతంలో ఉన్న పుష్కరఘాట్లతో పాటు జూరాల నుంచి శ్రీరంగాపురం వరకు ఉన్న పుష్కరఘాట్లకు వరద ప్రవాహం తాకనుంది. 2.50 లక్షల క్యూసెక్కుల వరద వస్తుండటంతో నది ఒడ్డున ఉన్న ఘాట్ల వద్ద వరద నీటిమట్టం భారీగా పెరిగి పనులకు ఆటంకం కలగనుంది. కష్ణానది జిల్లాలోకి ప్రవేశించే కష్ణా ప్రాంతంవద్ద నుంచి బీచుపల్లి వరకు నదికి రెండువైపులా ఉన్న ఘాట్లకు వరద ప్రవాహం చేరనుంది. శ్రీశైలం ప్రాజెక్టు రిజర్వాయర్‌కు వరద మరింతగా పెరిగితే రిజర్వాయర్‌ నీటిమట్టం పెరిగి కొల్లాపూర్, అలంపూర్, అచ్చంపేట నియోజకవర్గాల్లోని పుష్కరఘాట్ల వరకు నీటిమట్టం పెరిగే అవకాశం ఉంది. శ్రీశైలం రిజర్వాయర్‌ పూర్తిస్థాయి నీటినిల్వ 215 టీఎంసీలు కాగా ప్రస్తుతం 43 టీఎంసీల నీటి నిల్వ ఉంది. మరో మూడు రోజుల పాటు ఎగువనుంచి వరద ఇన్‌ఫ్లో కొనసాగితే రిజర్వాయర్‌లో నీటినిల్వ 80 నుంచి 100 టీఎంసీలకు పెరిగే అవకాశం ఉంది. రిజర్వాయర్‌లో నీటిమట్టం పెరిగితే వీఐపీ ఘాట్‌గా నిర్మాణమైన గొందిమల్ల ఘాట్‌ వరకు నీటిమట్టం పెరిగి పుష్కర స్నానాలు ఆచరించేందుకు అవకాశం ఏర్పడుతుంది. 
  
  
  


 జూరాల: మహారాష్ట్ర, కర్ణాటకలో కురుస్తున్న భారీ వర్షాలతో ఆల్మట్టి ప్రాజెక్టుకు భారీ వరద వచ్చే అవకాశం ఉందని సీడబ్ల్యూసీ హెచ్చరించడంతో ఆల్మట్టి ప్రాజెక్టు 26 క్రస్టుగేట్లను తెరిచారు. ప్రాజెక్టు నుంచి దిగువన నదిలోకి 1,43,387 క్యూసెక్కుల భారీ వరదను విడుదల చేస్తున్నారు. అలాగే నారాయణపూర్‌ ప్రాజెక్టు 26 క్రస్టుగేట్లను ఎత్తి జూరాల రిజర్వాయర్‌కు 1,55,240 క్యూసెక్కుల భారీ వరదను బుధవారం సాయంత్రం విడుదల చేశారు. దీంతో గురువారం రాత్రిలోగా కర్ణాటక నుంచి వస్తున్న భారీ వరదనీరు జూరాల ప్రాజెక్టు రిజర్వాయర్‌కు చేరే అవకాశం ఉంది. ఇప్పటికే పూర్తిస్థాయి నీటిమట్టంతో ఉన్న జూరాల ప్రాజెక్టు రిజర్వాయర్‌కు ఎగువ నుంచి వరద రాగానే విద్యుదుత్పత్తి ద్వారా కిందకు విడుదల చేయనున్నారు. 
  
 పుష్కరాలకు పుష్కలం 
 దీంతో జూరాల ప్రాజెక్టు నుంచి శ్రీశైలం ప్రాజెక్టు వరకు కష్ణానది తీరంలో రెండువైపులా నిర్మిస్తున్న పుష్కరఘాట్లకు వరద ముంచెత్తనుంది. పశ్చిమ కనుమలు, మహాబలేశ్వరం ప్రాంతాల్లో మంగళవారం దాదాపు 39 సెం.మీ వరకు భారీ వర్షాలు కురిశాయి. దీంతో అప్రమత్తమైన సాగునీటిపారుదల అధికారులు ఆల్మట్టి నుంచి నీటి విడుదల చేయడం ప్రారంభించారు. 
  
 నిండుకుండలా ఆల్మట్టి 
 ఆల్మట్టి ప్రాజెక్టు పూర్తిస్థాయి నీటిమట్టం 129 టీఎంసీలు కాగా 128 టీఎంసీలకు నీటిమట్టం చేరింది. దీంతో ప్రాజెక్టు నిండుకుండను తలపిస్తోంది. వరదను దష్టిలో ఉంచుకొని 26 క్రస్టుగేట్లను 80 సెం.మీ మేర ఎత్తి  1,43,387 క్యూసెక్కులు విడుదల చేస్తున్నారు. నారాయణపూర్‌ ప్రాజెక్టు పూర్తిస్థాయి నీటినిల్వ 37.64 టీఎంసీలు కాగా ఇప్పటికే 36.74 టీఎంసీలకు చేరింది. ఆల్మట్టి నుంచి వస్తున్న భారీ వరదకు అనుగుణంగా నారాయణపూర్‌లో 26 క్రస్టుగేట్లను మీటరు మేరకు ఎత్తారు. మొత్తం 1, 55,240 క్యూసెక్కుల వరదను విడుదల చేస్తున్నారు.
  
 జూరాల నుంచి నీటివిడుదల 
  జూరాల ప్రాజెక్టు పూర్తిస్థాయి నీటిమట్టం 9.65 టీఎంసీలు కాగా ప్రస్తుతం 9.53 టీఎంసీల నీటినిల్వ ఉంది. జూరాలకు ఇన్‌ఫ్లో 20వేల క్యూసెక్కులు వస్తుండగా, జూరాల రిజర్వాయర్‌ ద్వారా సమాంతర కాలువకు 1000 క్యూసెక్కులు, నెట్టెంపాడుకు 1500 క్యూసెక్కులు, కోయిల్‌సాగర్‌కు 315 క్యూసెక్కులు, భీమా–1,2 లిఫ్టుల ద్వారా 1400 క్యూసెక్కులు, విద్యుదుత్పత్తి ద్వారా 24వేల క్యూసెక్కులను విడుదల చేస్తున్నారు. 
  


 శ్రీశైలం ప్రాజెక్టు: 
 శ్రీశైలం జలాశయానికి వరద నీటి ప్రవాహం కొనసాగుతుంది. ఆదివారం 48 వేల క్యూసెక్కుల వరదనీరు వచ్చి చేరుతోంది. తెలంగాణ ప్రాంతంలోని భూగర్భజలవిద్యుత్‌ కేంద్రంలో విద్యుత్‌ ఉత్పాదన కొనసాగుతూనే ఉంది. ఉదయం నుంచి మధ్యాహ్నం 3 గంటల వరకు రెండు జనరేటర్లతో విద్యుత్‌ ఉత్పాదన చేసి నిలిపివేశారు. డిమాండ్‌కు అనుగుణంగా విద్యుత్‌ ఉత్పాదనను చేపడుతున్నారు. మొత్తం జలాశయంలో 40.8748 టీఎంసీల నీరు నిల్వగా ఉంది. డ్యాం నీటిమట్టం 820 అడుగులకు చేరుకుంది.   
  


 
 ధరూరు: ఎగువ ప్రాంతంలో కురిసిన వర్షాలతో  ప్రియదర్శిని జూరాల ప్రాజెక్టుకు వస్తున్న ఇన్‌ఫ్లో శనివారం తగ్గుముఖం పట్టింది. ప్రాజెక్టుకు ఉదయం 32,270 క్యూసెక్కుల ఇన్‌ఫ్లో వచ్చి చేరగా రాత్రి 7.30గంటల వరకు 25వేల క్యూసెక్కులకు తగ్గింది. రాత్రి 8గంటల వరకు జూరాల ప్రాజెక్టు పూర్తిస్థాయి నీటిమట్టం 318.400 మీటర్లుగా ఉంది. ప్రాజెక్టులో 9.418 టీఎంసీల  నీరు నిల్వ ఉన్నట్లు పీజేపీ అధికారులు తెలిపారు. ప్రాజెక్టు ఎడమ కాలువ ద్వారా 500 క్యూసెక్కులు, కుడి కాలువ ద్వారా 300 క్యూసెక్కులు విడుదల చేస్తున్నారు. సమాంతర కాలువ ద్వారా 1500 క్యూసెక్కులు వదులుతున్నారు. నెట్టెంపాడు లిఫ్ట్‌ ద్వారా 1500 క్యూసెక్కులు, కోయిల్‌సాగర్‌ లిఫ్టు ద్వారా 630 క్యూసెక్కులు విడుదల చేస్తున్నారు. విద్యుదుత్పత్తి అనంతరం 16వేల క్యూసెక్కులు దిగువకు విడుదల చేస్తున్నారు. ప్రాజెక్టు నుంచి మొత్తం 20,430 క్యూసెక్కుల నీటిని దిగువకు విడుదల చేస్తున్నట్లు అధికారులు చెప్పారు.
 
  
 
 కొనసాగుతున్న విద్యుదుత్పత్తి
 
 జెన్‌కో జలవిద్యుత్‌ కేంద్రంలోని ఐదు యూనిట్ల ద్వారా విద్యుదుత్పత్తిని చేస్తున్న జెన్‌కో అధికారులు తెలిపారు. ఇన్‌ఫ్లో తగ్గుముఖం పట్టడంతో దశల వారిగా ఒక్కో యూనిట్‌ను నిలుపుదల చేస్తూ వచ్చారు. చివరకు రాత్రి 8గంటల వరకు 1, 2 యూనిట్ల విద్యుదుత్పత్తి నిమిత్తం 16వేల క్యూసెక్కుల నీటిని వినియోగించుకొని పూర్తి స్థాయిలో 78 మెగావాట్ల విద్యుత్‌ను ఉత్పత్తి చేస్తున్నట్లు జెన్‌కో అధికారులు చెప్పారు. ఉత్పత్తి అయిన విద్యుత్‌ను గ్రిడ్‌కు అనుసంధానం చేసినట్లు తెలిపారు.
 
     ఇదిలాఉండగా ఎగువన ఉన్న నారాయణపూర్‌ ప్రాజెక్టు నీటిమట్టం 36.54 టీఎంసీలుగా ఉంది. ఈ ప్రాజెక్టుకు 4829 క్యూసెక్కుల ఇన్‌ఫ్లో ఉండగా విద్యుదుత్పత్తి, కెనాల్స్‌ ద్వారా 4681 క్యూసెక్కులను దిగువకు విడుదల చేస్తున్నారు. ఆల్మట్టి ప్రాజెక్టు నీటిమట్టం 128.19 టీఎంసీలుగా ఉంది. ప్రాజెక్టుకు 26,889 క్యూసెక్కుల ఇన్‌ఫ్లో ఉండగా 5836 క్యూసెక్కులను దిగువకు విడుదల చేస్తున్నట్లు పీజేపీ అధికారులు చెప్పారు. 
 
  


 
 ముంచుకొస్తున్న పుష్కరాలు 
 
 నత్తకే నడకనేర్పుతున్న పనులు 
 
 ఘాట్లలో పూర్తికాని నిర్మాణాలు
 
 ఆత్మకూర్‌: ఈ నెలాఖరులోగా పుష్కరపనులు పూర్తి చేస్తామంటూ అధికారులు, ప్రజాప్రతినిధులు చెబుతున్నా.. మక్తల్‌ నియోజకవర్గంలో మాత్రం పనులు నత్తనడకన కొనసాగుతున్నాయి. మాగనూరు మండలంలో కృష్ణా పుష్కరఘాట్‌కు రూ.70లక్షలు నిధులు కేటాయించగా, 70శాతం పనులు పూర్తయ్యాయి. కానీ మరుగుదొడ్లు, తాగునీటి అభివృద్ధి పనుల ఊసేలేదు. అలాగే రూ.90లక్షలతో చేపట్టిన తంగిడిఘాట్‌ పనులు 75శాతం, రూ.1.40కోట్లతో చేపట్టిన గుడెబల్లూర్‌ ఘాట్‌ 80శాతం పనులు జరిగాయి. మక్తల్‌ మండలంలోని పస్పుల ఘాట్‌కు రూ. 52లక్షలు మంజూరు కాగా 40శాతం పనులు, పంచదేవ్‌పహాడ్‌కు రూ.58లక్షలు పనులకు 40శాతం, అనుగొండకు రూ.1.60కోట్ల పనులకు 50శాతం, ముస్లాయిపల్లికి రూ.79లక్షలు పనులకు 40శాతం, గడ్డంపల్లిలో రూ. 80లక్షలు పనులకు 40శాతం, పారేవులకు రూ. 57లక్షలు పనులకు 45శాతం జరిగాయి. ఆత్మకూర్‌ మండలం ప్రియదర్శిని జూరాల ప్రాజెక్టు నందిమల్ల రూ.1.52కోట్లతో చేపట్టిన పనులు 75శాతం పూర్తయ్యాయి. మూలమల్లలో రూ. 64లక్షల పనులకు 40శాతం, జూరాలలో రూ.1.20కోట్లకు 80శాతం, ఆరేపల్లి రూ.64లక్షలు పనులు 50శాతం, కత్తేపల్లి రూ. 64లక్షలు పనులు 40శాతం మాత్రమే జరిగాయి. పనులు పూర్తి చేసేందుకు ఇంకా వారంరోజుల సమయమే ఉన్నా దాదాపు 50శాతం పెండింగ్‌లో ఉన్నాయి. 
  
 ప్రధానఘాట్‌లోనూ అదే పరిస్థితి.. 
 రాష్ట్రంలోనే తొలి ప్రాజెక్టు అయిన ప్రియదర్శిని జూరాల ప్రాజెక్టు వద్ద  55/60మీటర్ల పుష్కరఘాట్‌ నిర్మిస్తున్నారు. 12ఏళ్ల క్రితం నిర్మించిన ఇక్కడి పుష్కరఘాట్‌ వీఐపీ ఘాట్‌ కోసం కేటాయించారు. మరమ్మతు పనులు చేపట్టాల్సి ఉంది. ఘాట్‌ పరిసరాల్లో వేర్వేరు చోట్ల మరుగుదొడ్లను నిర్మించాల్సి ఉండగా పనులు ప్రారంభం కాలేదు. అలాగే తాగునీటి సౌకర్యం కోసం బోర్లు వేశారు గానీ, ఆర్‌డబ్ల్యూఎస్‌ అధికారులు ఎలాంటి అభివృద్ధి కార్యక్రమాలు చేపట్టలేదు. జిల్లా ఉన్నతస్థాయి అధికారులతో పాటు మంత్రులు, ప్రజా ప్రతినిధులు పుష్కరఘాట్లను సందర్శిస్తున్నా.. పనులు పురోగతి, నాణ్యత ప్రమాణాలపై దృష్టి సారించడం లేదనే విమర్శలు వినిపిస్తున్నాయి. 
  
 తలలేని కృష్ణమ్మ 
 12ఏళ్ల క్రితం జరిగిన కృష్ణా పుష్కరాల సందర్భంగా నందిమల్ల పుష్కరఘాట్‌ వద్ద ఏర్పాటు చేసిన కృష్ణవేణి విగ్రహాన్ని దివంగత ముఖ్యమంత్రి డాక్టర్‌ వైఎస్‌ రాజశేఖరరెడ్డి చేతుల మీదుగా ప్రతిష్ఠించి, ప్రారంభించారు. ఆ తర్వాత ఎవరూ పట్టించుకోకపోవడంతో కృష్ణవేణమ్మ విగ్రహం తల లేకుండా మొండెంతోనే ఉంది. అక్కడ కట్టిన గుడి కూలిపోయి, విగ్రహాలు చెల్లాచెదురుగా పడ్డాయి. గుడిని పునరుద్ధర ణ చేయించాలని భక్తులు కోరుతున్నారు.  


 జూరాల : మహారాష్ట్ర, కర్ణాటకలలో కురిసిన వర్షాలతో ఆల్మట్టి, నారాయణపూర్‌ ప్రాజెక్టులను దాటిన కృష్ణానది వరద బుధవారం ఉదయంలోగా జూరాల ప్రాజెక్టుకు చేరుతుంది. నారాయణపూర్‌ ప్రాజెక్టు నుంచి సోమవారం సాయంత్రం విడుదలైన వరద మంగళవారం అర్ధరాత్రి దాటిన తర్వాత మాగనూరు మండలానికి చేరుకుంది. వర్షాకాలం ప్రారంభమైన నాటినుంచి కృష్ణానది వరద కోసం ఎదురు చూస్తున్న జిల్లాలోని ప్రాజెక్టుల ఆయకట్టు రైతులతోపాటు ప్రజలు ఆనందం వ్యక్తం చేస్తున్నారు. సాగునీటితోపాటు ముఖ్యమైన పట్టణాలకు తాగునీటిని అందిస్తున్న జూరాల ప్రాజెక్టుకు వరద రావడం వర్షాకాలంలో తొలిసారి కావడంతో అందరూ ఆసక్తిగా ఎదురు చూస్తున్నారు. సోమవారం సాయంత్రం నారాయణపూర్‌ ప్రాజెక్టులో నాలుగు క్రస్టుగేట్లను తెరచి 28,950 క్యూసెక్కులను మొదటిసారిగా విడుదల చేయడం ప్రారంభించారు. పై నుంచి ఇన్‌ఫ్లో పెరగడంతో నారాయణపూర్‌ ప్రాజెక్టులో మొత్తం గేట్లను తెరచి రాత్రి 10గంటలకు 1.31లక్షల క్యూసెక్కులను విడుదల చేశారు. మంగళవారం ఉదయం 6గంటల వరకు 1.37,004 క్యూసెక్కుల విడుదల కొనసాగింది. 
              ఆల్మట్టి నుంచి నారాయణపూర్‌కు వస్తున్న ఇన్‌ఫ్లో వరద తగ్గడం తో నారాయణపూర్‌ ప్రాజెక్టు నుంచి విడుదల చేస్తున్న ఔట్‌ఫ్లో వరదను త గ్గిస్తూ వచ్చారు. ఉదయం 11గంటలకు నారాయణపూర్‌ నుంచి 77,568 క్యూసెక్కుల విడుదల జరగగా సాయంత్రం 3గంటలకు 43,488 క్యూసెక్కులు రాత్రి 7గంటలకు 33,264 క్యూసెక్కుల వరద ప్రవాహాన్ని జూరాల రిజర్వాయర్‌కు విడుదల చేస్తున్నారు. మంగళవారం మధ్యరాత్రి నుంచి బుధవారం ఉదయంలోగా జూరాల రిజర్వాయర్‌కు కర్ణాట క నుంచి ఇన్‌ఫ్లో వరద చేరే అవకాశం ఉందని అధికారులు భావిస్తున్నారు. కర్ణాటకలోని ఆల్మట్టి ప్రాజెక్టు పూర్తిస్థాయి నీటినిల్వ 129.72 టీఎంసీలు కాగా ఇన్‌ఫ్లో వరద 95,656 క్యూసెక్కులు వస్తోంది. నీటినిల్వను 122.8 టీఎంసీలుగా నిర్వహిస్తూ దిగువ నదిలోకి విద్యుదుత్పత్తి ద్వారా 45వేల క్యూసెక్కులను విడుదల చేస్తున్నారు. మొత్తం క్రస్టుగేట్లను మూసివేశారు. నారాయణపూర్‌ ప్రాజెక్టులో పూర్తిస్థాయి నీటినిల్వ చేరడంతో పై నుంచి వస్తున్న ఇన్‌ఫ్లో ఆధారంగా వరద నీటిని దిగువకు విడుదల చేయడం కొనసాగిస్తున్నారు. జూరాల ప్రాజెక్టు పూర్తిస్థాయి నీటినిల్వ 9.65 టీఎంసీలు కాగా ప్రస్తుతం రిజర్వాయర్‌లో 3.58 టీఎంసీల నీటినిల్వ ఉంది. నారాయణపూర్‌ నుంచి వచ్చే వరద ప్రవాహంతో గురువారం సాయంత్రంలోగా పూర్తిస్థాయికి నీటినిల్వ పెరగగానే విద్యుదుత్పత్తి ద్వారా శ్రీశైలం రిజర్వాయర్‌కు నీటి విడుదలను ప్రారంభిస్తారు. 
  


 నైరుతి రుతుపవనాలతో  గత 20వ తేదీ నుంచి జూరాల ప్రాజెక్టుకు ప్రారంభమైన ఇన్‌ఫ్లో వరద మూడు రోజులు తగ్గింది. ఆదివారం జూరాల ప్రాజెక్టుకు వరద ప్రవాహం మళ్లీ పెరిగింది. రిజర్వాయర్‌కు 1465క్యూసెక్కుల వరద వస్తున్నట్లు అధికారులు తెలిపారు. కష్ణానదిపై ఉన్న ఆల్మట్టి ప్రాజెక్టు పూర్తిస్థాయి నీటిమట్టం 129.72 టీఎంసీలు కాగా ప్రస్తుతం 14.31 టీఎంసీల నీటి నిల్వ ఉంది.
  
 అల్మట్టి ప్రాజెక్టుక దిగువన కర్ణాటక రాష్ర్టంలోనే ఉన్న నారాయణపూర్ ప్రాజెక్టు రిజర్వాయర్ పూర్తిస్థాయి నీటినిల్వ సామర్థ్యం 37.64 టీఎంసీలు కాగా ప్రస్తుతం నీటినిల్వ కేవలం 15.55 టీఎంసీలు ఉంది. ప్రాజెక్టుకు ఇన్‌ఫ్లో వరద 766 క్యూసెక్కులు వచ్చిచేరుతోంది. నారాయణపూర్‌కు దిగువన మన రాష్ట్రంలో ఉన్న జూరాల ప్రాజెక్టు రిజర్వాయర్ పూర్తి స్థాయి నీటినిల్వ సామర్థ్యం 11.94 టీఎంసీలు కాగా ప్రస్తుతం నీటి నిల్వ కేవలం 2.88 టీఎంసీలు ఉంది.
  
 నదీ పరివాహక ప్రాంతాల్లో కురుస్తున్న వర్షాలకు 1465 క్యూసెక్కుల వరద వచ్చి చేరుతోంది. కష్ణానదికి ఉపనది తుంగభద్ర ప్రాజెక్టు పూర్తిస్థాయి నీటి నిల్వ సామర్థ్యం 110.86 టీఎంసీలు కాగా, ప్రస్తుతం నీటినిల్వ కేవలం 3.66 టీఎంసీల నీటి నిల్వ ఉంది. ప్రాజెక్టు పరివాహక ప్రాంతంలో కురుస్తున్న వర్షాలతో 428 క్యూసెక్కుల ఇన్‌ఫ్లో వరద వచ్చిచేరుతుంది. తాగునీటి అవసరాల కోసం ప్రాజెక్టు నుంచి 207 క్యూసెక్కుల నీటిని విడుదల చేస్తున్నారు.
 
  


 - ఒక టీఎంసీ విడుదల చేస్తామన్న కర్ణాటక మంత్రి పాటిల్
  
 సాక్షి, హైదరాబాద్: వేసవిలో పాలమూరు జిల్లా ప్రజల దాహార్తి తీర్చేందుకు ఎగువనున్న నారాయణపూర్ జలాశయం పరిధిలోని గూడూర్ రిజర్వాయర్ నుంచి జూరాలకు కర్ణాటక ప్రభుత్వం సోమవారం ఒక టీఎంసీ కృష్ణా జలాలను విడుదల చేయనుంది. ఈ మేరకు కర్ణాటక నీటిపారుదలశాఖ మంత్రి ఎంబీ పాటిల్ శనివారం రాష్ట్ర నీటిపారుదలశాఖ మంత్రి హరీశ్రావుకు ఫోన్ చేశారు.
 
 అలాగే ఆ రాష్ట్ర జలవనరులశాఖ ముఖ్య కార్యదర్శి రాకేశ్సింగ్ రాష్ట్ర ప్రభుత్వానికి లేఖ రాశారు. మహబూబ్నగర్ జిల్లా ప్రజల తాగునీటి అవసరాల కోసం నారాయణపూర్ జలాశయం నుంచి నాలుగు టీఎంసీల నీటిని విడుదల చేయాలంటూ హరీశ్రావు ఇటీవల పలుమార్లు విజ్ఞప్తి చేయగా ఒక టీఎంసీ నీటి విడుదలకు బెంగళూరులోని కృష్ణా భాగ్య జల నిగమ్ అంగీకరించింది. తమ విజ్ఞప్తికి సానుకూలంగా స్పందించిన కర్ణాటక ప్రభుత్వానికి మంత్రి హరీశ్ కృతజ్ఞతలు తెలిపారు.


 నారాయణపూర్ నుంచి విడుదల చేయండి
 * పాలమూరుకు తాగునీరిచ్చేందుకు సహకరించండి
 * కర్ణాటక మంత్రిని కోరిన మంత్రి హరీశ్
 * సీఎంతో చర్చించి నిర్ణయిస్తామన్న పాటిల్
 * 50 రోజుల్లో ఆర్డీఎస్ పనులు పూర్తి చేస్తామని హామీ
 సాక్షి, హైదరాబాద్/బెంగళూరు, జూరాల: మహబూబ్‌నగర్ జిల్లా తాగునీటి అవసరాల కోసం మానవతా దృక్పథంతో కర్ణాటకలోని నారాయణపూర్ జలాశయం నుంచి 3 టీఎంసీల నీటిని విడుదల చేయాలని ఆ రాష్ట్ర ప్రభుత్వాన్ని నీటిపారుదల మంత్రి హరీశ్‌రావు కోరారు. కర్ణాటక భారీ, మధ్య తరహా నీటిపారుదల మంత్రి ఎంబీ పాటిల్ ఇందుకు సానుకూలత వ్యక్తం చేశారు.
 
 తమ ప్రభుత్వ పెద్దలతో చర్చించి నిర్ణయం తీసుకుంటామన్నారు. గురువారం బెంగళూరులోని విధానసౌధలో పాటిల్‌తో సహచర మంత్రులు జూపల్లి కృష్ణారావు, లక్ష్మారెడ్డిలతో కలిసి హరీశ్ భేటీ అయ్యారు. ఇరు రాష్ట్రాల మధ్య సత్సం బంధాలు నెలకొనాల్సిన ఆవశ్యకత, జల పంపకాల విషయాలు, రాజోలిబండ మళ్లింపు పథకం(ఆర్డీఎస్) ఆధునీకరణ తదితరాలపై చర్చించారు.  సీఎం కోరిక మేరకు పాలమూరు ప్రజల దాహార్తిని తీర్చడంలో కర్ణాటక సహకారం కోరేందుకు వచ్చామని హరీశ్ అన్నారు. మహబూబ్‌నగర్ కరువుతో ఉన్నందున నారాయణపూర్ నుంచి 3 టీఎంసీలివ్వాలని కోరారు. కర్ణాటక సీఎం సిద్ధరామయ్య, కృష్ణా జలనిగమ్ అధికారులతో చర్చించి దీనిపై నిర్ణయం తీసుకుంటామని పాటిల్ హామీ ఇచ్చారు.
  
 50 రోజుల్లో ఆర్డీఎస్ పనులు పూర్తి
 ఆర్డీఎస్ గురించి కూడా భేటీలో హరీశ్ ప్రస్తావించారు. ‘‘కృష్ణా ట్రిబ్యునల్ కేటాయింపుల ప్రకారం 15.9 టీఎంసీల ద్వారా మహబూబ్‌నగర్ జిల్లాలో 87,500 ఎకరాలకు నీరందాల్సి ఉన్నా ఐదారు టీఎంసీలకు మించి రావడం లేదు. దాంతో ఏనాడూ నిర్దేశిత ఆయకట్టులో కనీసం 20 వేల ఎకరాలు కూడా సాగుకు నోచుకోవడం లేదు. కర్నూ లు జిల్లా రైతులు తరచూ తూములు పగులగొట్టడం, అక్రమంగా నీటిని తరలించుకుపోవడంతో ఆర్‌డీఎస్ ద్వారా తెలంగాణలో ఆశించిన లక్ష్యం నెరవేరడం లేదు.
 
 బ్యారేజీ ఎత్తును 15 సెంటీమీటర్ల మేర పెంచేందుకు, లైనింగ్ మరమ్మతులకు ఉమ్మడి రాష్టంలో రూ.72 కోట్లు మంజూరు చేశారు. ఇందులో రూ.58 కోట్లను కర్ణాటక ప్రభుత్వం వద్ద డిపాజిట్ చేసినా పనులు సాగడం లేదు’’ అని వివరించారు. పాటిల్ 50 రోజుల్లోనే ఆర్డీఎస్ పనులు పూర్తి చేస్తామన్నారు. ఇదే సమయంలో బెంగళూరు నుంచే ఏపీ సాగునీటి మంత్రి దేవినేని ఉమతో ఫోన్లో మాట్లాడారు. ఆర్డీఎస్ పనుల సహకారంపై చర్చిద్దామని ప్రతిపాదించారు. మే 4 తర్వాత చర్పిద్దామని ఉమ హామీ ఇచ్చారు.


 ఎగువన వర్షపాతం నమోదు కావడంతో.. శ్రీశైలం జలాశయానికి భారీగా వరద నీరు వచ్చి చేరుతోంది. ఎగువ పరీవాహకప్రాంతాలైన జూరాల, తుంగభద్రల నుంచి శ్రీశైల జలాశయానికి సోమవారం  వరద ప్రవాహం మొదలైంది. జూరాల నుంచి 6వేల క్యూసెక్కులు, తుంగభద్ర నుంచి 4,479 క్యూసెక్కుల వరదనీరు వచ్చి చేరుతోంది. జలాశయం నుంచి హంద్రీనీవా సుజల స్రవంతికి 1,350 క్యూసెక్కుల నీరు విడుదలవుతుంది. రెండు జలవిద్యుత్ కేంద్రాలలో విద్యుత్ ఉత్పాదనను నిలిపివేసిన విషయం తెల్సిందే. జలాశయ పరిసర ప్రాంతాలలో 1.20 మిల్లీమీటర్ల వర్షపాతం నమోదైంది. ప్రస్తుతం జలాశయంలో 62.94 టీఎంసీల నీరు నిల్వగా ఉంది. డ్యాం నీటిమట్టం 840.70 అడుగులకు చేరుకుంది.
  


 ఎగువప్రాంతంలో వర్షాలు తగ్గిపోవడంతో జూరాలకు వరద ఉధృతి తగ్గింది. దీంతో జూరాల జలవిద్యుత్ కేంద్రంలో విద్యుదుత్పత్తిని నిలిపివేశారు. రిజర్వాయర్‌ను నీటితో పూర్తిస్థాయిలో నింపేందుకు ఔట్‌ఫ్లోను ఆపేశారు. జూరాల ప్రధానకాల్వల ద్వారా రిజర్వాయర్లు, చెరువులకు నీటి విడుదల మాత్రం కొనసాగిస్తున్నారు. నెట్టెంపాడు, భీమా, కోయిల్‌సాగర్ ఎత్తిపోతల పథకాల ద్వారా పంపింగ్‌ను కొనసాగిస్తున్నట్లు అధికారులు వెల్లడించారు. జూరాల ప్రాజెక్టు రిజర్వాయర్ పరివాహక ప్రాంతంలో కురుస్తున్న వర్షాలతో 18,611 క్యూసెక్కుల ఇన్‌ఫ్లో వస్తుండగా, కాల్వలు, ఎత్తిపోతల పథకాల ద్వారా 2900 క్యూసెక్కులను విడుదల చేస్తున్నట్లు తెలిపారు. ఎగువన ఆల్మట్టి, నారాయణపూర్ ప్రాజెక్టుల ఇన్‌ఫ్లో నిలిచిపోవడంతో ఔట్‌ఫ్లోను నిలిపేశామని అధికారులు అన్నారు. జూరాల ప్రాజెక్టు పూర్తిస్థాయి నీటినిల్వ సామర్థ్యం 11.94 టీఎంసీలు కాగా.. ప్రస్తుతం రిజర్వాయర్‌లో 10.34 టీఎంసీల నీటినిల్వ ఉంది.
  


 సాక్షి, హైదరాబాద్/జూరాల: జల విద్యుత్‌పై మళ్లీ ఆశలు చిగురిస్తున్నాయి. జలాశయాలకు వరద నీటి ప్రవాహం జోరందుకుంటోంది. ఎగువ నుంచి వస్తున్న ప్రవాహంతో ప్రియదర్శని జూరాల జలాశయం పూర్తి సామర్థ్యం మేర నిండింది. దీంతో జలాశయం ఎగువ విద్యుదుత్పత్తి కేంద్రం ద్వారా గురువారం నుంచి విద్యుదుత్పత్తిని తెలంగాణ జెన్‌కో ప్రారంభించింది. 234 మెగావాట్ల సామర్థ్యమున్న ఈ కేంద్రంలో ప్రస్తుతం 4 టర్బైన్‌ల ద్వారా 156 మెగావాట్ల కరెంటును ఉత్పత్తి చేస్తూ 26 వేల క్యూసెక్కుల నీటిని దిగువన శ్రీశైలం జలాశయానికి విడుదల చేస్తున్నారు.
 
 జూరాలకు వరద ప్రవాహం 50 వేల క్యూసెక్కులకు పెరిగితే ఈ కేంద్రం ద్వారా పూర్తి సామర్థ్యం మేరకు ఉత్పత్తి జరగనుంది.  వాస్తవానికి గత జూలైలోనే విద్యుదుత్పత్తి ప్రారంభమవుతుందని, ఆగస్టుకి 1,000 మెగావాట్ల జల విద్యుత్ అందుబాటులోకి వస్తుందని విద్యుత్ శాఖ ఆశలు పెట్టుకుంది. వర్షాభావం ఈ ఆశలను వమ్ము చేసింది. సీఎం కేసీఆర్ చైనా టూర్‌కు  ముందు విద్యుత్ సరఫరాపై సమీక్ష జరిపి ఇదే అంశంపై ఆందోళన వ్యక్తం చేశారు. ఎట్టకేలకు జల విద్యుదుత్పత్తి ప్రారంభమవడంతో అధికారులు ఊపిరి పీల్చుకున్నారు.
 
 శ్రీశైలం, నాగార్జున సాగర్ జల విద్యుదుత్పత్తి కేంద్రాల నుంచి సైతం భవిష్యత్తులో ఉత్పత్తికి అవకాశం ఉందని జెన్‌కో అధికారుల అంచనా. ఖరీఫ్‌లో ఆలస్యంగా వేసిన పంటలు, రబీ పంటలకు విద్యుత్ సరఫరా అవసరాలు తీర్చడానికి జల విద్యుత్ కీలకం కానుంది. జూరాల రిజర్వాయర్ నీటిమట్టం 10.76 టీఎంసీలకు చేరడంతో ప్రధాన కాల్వల ద్వారా రిజర్వాయర్లు, చెరువులు నింపేందుకు వేయి క్యూసెక్కుల నీటిని విడుదల చేస్తున్నారు. ఆయకట్టు పంటలకు సాగునీటిని విడుదల చేయడం లేదు. దిగువ జూరాల జల విద్యుదుత్పత్తి కేంద్రం నిర్మాణ పనులూ ముగింపు దశకు చేరుకున్నాయి.


 కోటి రతనాల తెలంగాణ తొలిసారి సీఎం కేసీఆర్ గారు.. తొలిసారి వుుఖ్యవుంత్రి హోదాలో మా నియోజకవర్గంలో సోమవారం పర్యటిస్తున్నందుకు ధన్యవాదాలు. ప్రపంచంలోనే పర్యాటక, ఆహ్లాదకరమైన ప్రాంతంగా నాకు విదేశీయుులు ఎనమిదోస్థానం కల్పించారు. మనదేశంలో రెండోస్థానం నాదే. మీరు ఏలుతున్న రాష్ట్రంలో నేనే నంబర్‌వన్. మీరు వుుఖ్యవుంత్రి అయ్యూక జూరాల నీటిని తెచ్చి నాకు వురింత గుర్తింపు తెస్తారని ఆశించా. ఆలస్యమైనా ఓర్చుకుంటున్నా.  పాకాల సరస్సు అనే నేను.. సవుస్త జీవరాశికి కల్పతరువును. నా చుట్టూ ఎత్తై గుట్టలు, పచ్చని చెట్లు, వాటి వుధ్య జీవితాలను అల్లుకున్న ప్రాణకోటికి అవసరమైన అంతులేని ఔషధ మొక్కలు. నిజం చెప్పాలంటే నేనే ప్రకృతిని.నీటిని..కూటిని..!! నాలో ఈదులాడే చేపపిల్ల.. దాని కోసం జపం చేసే కొంటె కొంగ.. ఆడఈడ మేసి ఆకలి వేయుగా దప్పిక తీర్చుకునేందుకు నా వద్దకు వచ్చే పశువుల వుంద.. నాలో ఉన్న చెట్లపై గూడు కట్టుకున్న పిచ్చుకల కిలకిలలు.. సహజ జీవన సౌందర్యం.. అలనాటి కాకతీయు రాజులు ఒక ప్రణాళిక ప్రకారం నాకు ప్రాణం పోశారు.
 
  ప్రపంచ సరస్సుల్లో దేశంలోనే రెండవ స్థానం
  వుుందే చెప్పినట్లు నీను ప్రకృతి ప్రతిరూపాన్ని...నాలో నీళ్ళు..వాట్లో చేపపిల్లలు ఉన్నారుు. అటవీ ప్రాంతంలో నివసించే వన్యప్రాణుల దప్పిక తీర్చుకునేందుకు ఏకైక దిక్కును.. చెరువు కట్టపై వానర సైన్యం సందడి..చెట్లపై కోరుులలు, చిలుకలు, గొర్రెంకలు, గిజిగాళ్ళు, పాలపిట్టలు, గువ్వలు లాంటి పక్షులు చేసే సందడి అంతా..ఇంతా కాదు. నీళ్లలో ఉన్న చెట్ల కొవ్ములకు వేలాడే గూళ్ళు కట్టే పచ్చపిట్టల అందాలను, వాటి కిలకిలారివాన్ని చెప్పనలవి కాదు. వడ్ల పిట్ట తన వాడి వుుక్కుతో చెట్ల కొవ్ములను తొలిచే చప్పుడు వినితీరాల్సిందే..ఎక్కడో వాటేడి తెచ్చుకున్న ఎరను నా తావుకు వచ్చి తినే గద్దలు, డేగలు, కాకుల సంగతి సరేసరి..ఇదే కాదండోయ్ నా వద్దకు వచ్చే పర్యాటకులందరికి సుగందపు వాసనలను వెదజల్లుతాను కూడా.
 .
  బాధపడుతున్నా..
  ఇన్ని అద్భుతాలు నాలో ఇమిడి ఉన్నారుు. వీటిని వీక్షించేందుకు వస్తున్న పర్యాటకులను పూర్తి సంతృప్తి పర్చకపోవడంతో బాధపడుతున్నా. 1980లో నా చెంతన ఒక పార్కు ఉండేది..అందులో వివిధ రకాల జంతువుల ఉండే వి.. అప్పట్లో సందడి ఉండగా పర్యాటకులు ఆనందపడేవారు. 1985లో దాన్ని తొలగించడంతో దుఖిఃచాను. ఏళ్ల తరబడి కాసిన్ని డబ్బులు కేటారుుంచి నా వద్ద సౌకర్యాలు కల్పించి చూడాల్సిన వారు లేరు. అందుకే వుుఖ్యవుంత్రి మీరైనా నా అందాలను ప్రపంచానికి చాటిచెప్పేందుకు నా పరిధిలో సౌకర్యాలు కల్పించి, సమస్యలు పరిష్కరిస్తారని ఆశిస్తున్నా..
  ఇట్లు
  మీ పాకాల సరస్సు
  - నర్సంపేట
  


  ‘నారాయణపూర్’ నీళ్లొదలాలని డిమాండ్
  మూడేళ్లుగా నీటి నిలిపివేతతో అన్నదాతకు సమస్యలు
  
  గద్వాల: జూరాల రబీ ఆయకట్టు భవితవ్యం కర్ణాటక నిర్ణయంపైనే ఆధారపడి ఉంది. నారాయణపూర్ ప్రాజెక్టు పరిధిలో రబీ పంటలకు నీటిని విడుదల చేస్తే అక్కడి ఆయకట్టు ద్వారా రీజనరేట్ అయి.. అక్కడి నుంచి నదిలో చేరి జూరాల రిజర్వాయర్‌కు చేరుతోంది. తద్వారా జూరాల పరిధిలో రెండో పంటకు నీళ్లిచ్చే అవకాశం ఉంది. ఇలా కర్ణాటక నుంచి వస్తేనే జూరాల పరిధిలోని రబీకి పంటలకు నీళ్లివ్వాలని, లేనిపక్షంలో తాగునీటి అవసరాల కోసం వాడుకోవాలని అధికారులు నిర్ణయించారు. అయితే, దీనిపై కర్ణాటక నిర్ణయం కోసం అధికారులు ఎదురు చూస్తున్నారు. 2012లో నారాయణపూర్ ఆయకట్టులో రబీ పంటకు నీటి విడుదల చేయకుండా కర్ణాటక అధికారులు నిలిపివేశారు. దీంతో జూరాల ప్రాజెక్టు పరిధిలో పంట పూర్తయ్యే దశలో నీళ్లులేక రైతులు పెద్దఎత్తున నష్టపోయారు. 2013 రబీలోనూ నారాయణపూర్ ప్రాజెక్టు పరిధిలో రబీ పంట ఉంటుందన్న నమ్మకంతో, రబీ పంటకు నీటి విడుదల చేశారు. చివరి సమయంలో కర్ణాటక అర్థంతరంగా నీటి విడుదలను నిలిపి వేయడంతో పంటలకు నీళ్లందని పరిస్థితి ఏర్పడింది. ఉన్న నీళ్లను పంటలు ఎండిపోకుండా అందించేందుకు అధికారులు ఇబ్బందులు పడ్డారు. గత రెండు రబీ సీజన్లలో కర్ణాటక తీరు కారణంగా జూరాల రైతులు నష్టపోయిన పరిస్థితులను దృష్టిలో ఉంచుకొని ఈ నెలాఖరులోగా నారాయణపూర్ ప్రాజెక్టు రబీ పంటపై కర్ణాటక అధికారులు స్పష్టమైన నిర్ణయం తీసుకున్న తర్వాతే జూరాల రబీపై తదుపరి నిర్ణయం తీసుకోవాలని అధికారులు ఎదురు చూస్తున్నారు.
 జూరాల ఆయకట్టు పరిధిలో కుడి, ఎడమ ప్రధాన కాల్వల ద్వారా లక్షా 7వేల ఎకరాలకు సాగునీరు అందుతుంది. గత రబీ సీజన్‌లో 57వేల ఎకరాలకు సాగునీటిని అందించేందుకు ఐఏబీలో తీర్మానించారు. ఇది నమ్మిన రైతులు పంటలు సాగుచేసుకొని తీవ్రంగా నష్టపోయారు. ైపై నుంచి నీళ్లు రాకపోతే మళ్లీ నష్టపోతామన్న ఉద్దేశంతో రబీలో వేరుశనగ సాగు చేసుకునేందుకు స్పష్టమైన ప్రకటన చేయాలని జూరాల అధికారులను రైతులు కోరుతున్నారు. వచ్చే నెలలో వేరుశనగను విత్తుకునేందుకు ఇప్పటి నుంచి అవసరమైన ఏర్పాట్లను చేసుకోవాల్సి ఉన్నందున జూరాల అధికారులను కలసి నీటి విడుదల ఉంటుందా లేదా అనే విషయంపై స్పష్టత కోరారు. ఈ విషయమై జూరాల ఎస్‌ఈ ఖగేందర్‌ను వివరణ కోరగా, నారాయణపూర్ ప్రాజెక్టు పరిధిలో రబీ సీజన్ ఉంటేనే జూరాల ఆయకట్టు పరిధిలో రబీ సీజన్‌కు నీటిని అందించేందుకు అవకాశం ఉంటుందని.. దీనిపై ప్రభుత్వానికి నివేదిక ఇచ్చి తదుపరి నిర్ణయం తీసుకునే అవకాశం ఉంటుందని ఆయన తెలిపారు.


 మహబూబ్ నగర్ : మహబూబ్ నగర్ జిల్లా ఇటిక్యాల మండలం బీచుపల్లి సమీపంలో నిజాంకొండపై ముగ్గురు గొర్రెల కాపర్లు చిక్కుకున్నారు. జూరాల నుంచి నీరు దిగువకు వదలడంతో కొండ చుట్టూ నీరు చేరుకుంది. దీంతో ఎటూ వెళ్లలేని పరిస్థితిలో.. కొండపైనే చిక్కుకున్న గొర్రెల కాపర్లు సాయం కోసం ఎందురు చూస్తున్నారు. మరోవైపు గొర్రెల కాపర్లను కాపాడేందుకు ప్రయత్నాలు చేపట్టారు.


 సాక్షి, హైదరాబాద్: తెలంగాణ డ్రింకింగ్ వాటర్‌గ్రిడ్ పనుల సర్వేకు ప్రభుత్వం రూ.105 కోట్లు విడుదల చేసింది. సర్వే పనులు తొందరగా పూర్తి చేసి సమాంతరంగా గ్రిడ్ పనులను ప్రారంభించాలని సీఎం కేసీఆర్ ఆదేశించారు. మంగళవారం సచివాలయంలో జరిగిన సమీక్ష సమావేశంలో వాటర్‌గ్రిడ్‌పై అధికారులు నివేదించిన ప్రాథమిక అంచనాలను ఆయన పరిశీలించారు. ప్రభుత్వానికి ఈ పథకం అత్యంత ప్రాధాన్యమైందని, ప్రతి ఇంటికీ నల్లాల ద్వారా మంచి నీటిని అందించాలన్నారు.
 
 జూరాల, శ్రీశైలం, నాగార్జునసాగర్, పాలేరు, కిన్నెరసాని, వైరా, రామప్ప, ఎల్‌ఎండీ, ఏఎండీ, కడెం, ఎల్లంపల్లి, కొమురంభీం, ఎస్సారెస్పీ, గడ్డెన్న, నిజాంసాగర్, మంజీర తదితర ప్రాజెక్టుల నుంచి పైపులైన్ల ద్వారా రాష్ట్రంలోని 25 వేల హాబిటేషన్లకు తాగునీటిని అందించాలన్నారు. మొత్తం 1.32 లక్షల కిలోమీటర్ల పొడవైన పైపులైన్ అవసరమవుతుందన్నారు. ఏరకం పైపులైను ఎంత కావాలో అంచనాలు రూపొందించి టెండర్లు పిలిచి వర్క్‌ఆర్డర్ ఇవ్వాలని ఆదేశించారు.
 
 పైపులూ తెలంగాణలోనే తయారు చేసేలా కంపెనీలను ఒప్పించాలని.. దీంతో రవాణా సులభం అవుతుందన్నారు. పైపుల తయారీ ఫ్యాక్టరీల ఏర్పాటుకు సహకారం అంది స్తామన్నారు. గ్రామాల్లో కరెంటు మోటర్లు బిగిం చాలని చెప్పారు. గ్రిడ్‌కు అవసరమయ్యే విద్యుత్తుకు  ప్రతిపాదనలను, సబ్‌స్టేషన్లకు సంబంధించి అంచనాలను రూపొందించాలన్నారు.
 
 ఇన్‌టేక్ వద్ద, నీటిని శుద్ధి చేసే ప్లాంట్ల వద్ద సబ్‌స్టేషన్లను నిర్మించాలని సూచించారు. నీటిపారుదల ప్రాజెక్టుల్లో 10 శాతం నీటిని తాగునీటికి కేటాయించాలని నిర్ణయం తీసుకున్నందున నీటి పారుదల శాఖ సమన్వయంతో పని చేయాలన్నారు. సమ్మర్ స్టోరేజీట్యాంకుల బాధ్యత ఆ శాఖకు అప్పగించారు. గ్రిడ్ పనుల నాణ్యత పరిశీలనకు సీఈ స్థాయి అధికారి సారథ్యంలో ప్రత్యేక విభాగాన్ని నెలకొల్పాలని సూచించారు.


  నాగార్జునసాగర్ :  నాగార్జునసాగర్ జలాశయం గరిష్ట నీటిమట్టానికి చేరువలో ఉంది. ప్రస్తుతం నీటిమట్టం 588.00అడుగులకు చేరి నిండుకుండలా కనిపిస్తోంది. మరో రెండు అడుగులు వస్తే పూర్తిస్థాయికి చేరుతుంది. ఎగువన ఉన్న శ్రీశైలం జలాశయానికి అనూహ్యంగా శనివా రం సాయంత్రం వరద పెరిగింది. జూరాల నుంచి 1,10,048 క్యూసెక్కులు వస్తుండగా, రోజానుంచి 26, 270 క్యూసెక్కులు వస్తోంది. దీంతో అధికారులు శ్రీశైలం రేడియల్ క్రస్ట్‌గేటు ఒకదానిని ఎత్తి దిగువకు నీటిని విడుదల చేస్తున్నారు. ఒకటవ విద్యుదుత్పాదక కేంద్రం ద్వా రా 31,114 క్యూసెక్కులు, రెండవ విద్యుదుత్పాదక కేం ద్రం ద్వారా 44,497 క్యూసెక్కులు, క్రస్ట్‌గేటుతో 28,029 క్యూసెక్కుల నీటిని దిగువకు వదులుతున్నారు.
  
  సాగర్ జలాశయానికి 1,03,840 క్యూసెక్కుల వరద నీరు వచ్చి చేరుతోంది. గడిచిన 24గంటల్లో నాగార్జునసాగర్ జలాశయానికి 73,035 క్యూసెక్కులు వచ్చి చేరింది. సాగర్ కుడి, ఎడమ, ఏఎమ్మార్పీ, వరదకాలువ, కృష్ణాడెల్టాలకు 45,582 క్యూసెక్కులు వదిలారు. సాగర్ పూర్తిస్థాయి నీటిమట్టం 590 అడుగులుకాగా (312.0450 టీఎంసీలు). ప్రస్తుతం 588.00అడుగులు (306.1010టీఎంసీలు) ఉంది. మరో రెండు అడుగులు (ఆరు టీఎం సీలు) వచ్చి చేరితే సాగర్  గరిష్టస్థాయికి చేరుకుంటుంది.
  
  కానీ స్థానికంగా వచ్చే వరదలు కావడంతో ఏ క్షణాన్నయినా వరద ఆగిపోవచ్చని, పెరిగినా ఆశ్చర్యపడాల్సిన పనిలేదని ప్రాజెక్టు చీఫ్ ఇంజినీర్ ఎల్లారెడ్డి తెలిపారు. నీటిమట్టం 546 అడుగులకు దిగువన ఉన్న సమయంలోనే గేట్ల ట్రయల్న్ ్రకూడా చేసినట్లు వివరించారు. ఏక్షణంలోనైనా గేట్లను ఎత్తి నీటిని విడుదల చేయడానికి సిద్ధంగా ఉన్నామన్నారు. ముందస్తుగా దిగువన కృష్ణా పరీవాహక ప్రాంతంలో టాంటాం వేయించి మత్స్యకారులను, రైతులను అప్రమత్తం చేశామని పేర్కొన్నారు.  
  


 గద్వాల: మహారాష్ట్ర, కర్ణాటక రాష్ట్రాలతో పాటు, జిల్లాలో కురుస్తున్న భారీవర్షాలకు జూరాల, సుంకేసుల ప్రాజెక్టులు నిండుకుండలా మారాయి. ఇక్కడి నుంచి భారీస్థాయిలో నీటిని విడుదల చేస్తుండడంతో శ్రీశైలం రిజర్వాయర్ నీటిమట్టం గరిష్ఠ స్థాయికి చేరింది. గతరెండు నెల లుగా నైరుతి రుతుపవనాలు ఆశించినస్థాయిలో వర్షాలు కురియకపోవడంతో కృష్ణా, తుంగభద్ర నదులకు నీళ్లు రాలే దు. ప్రస్తుతం ఎగువప్రాంతాల్లో కురుస్తున్న వర్షాలకు కృష్ణమ్మ ఉధృతంగా ప్రవహిస్తోంది. దీంతో జూరాల గేట్లను ఎత్తడంతో శ్రీశైలం రిజర్వాయర్‌కు వరదనీరు చేరుతోంది.
 
 ఆదివారం సాయంత్రం మహారాష్ట్రలో కృష్ణానదిపై ఉన్న ఆల్మట్టి ప్రాజెక్టు రిజర్వాయర్ నాలుగుగేట్లను తెరచి 61వేల క్యూసెక్కులను దిగువకు విడుదల చేస్తున్నారు. దిగువన ఉన్న నారాయణపూర్ ప్రాజెక్టుకు ఎగువప్రాం తాల నుంచి 73,700 క్యూసెక్కుల ఇన్‌ఫ్లో వస్తుండగా ప్రాజెక్టులో 12 గేట్లు తెరిచి 74,800 క్యూసెక్కుల నీటిని మన రాష్ట్రం లోని జూరాల రిజర్వాయర్‌కు విడుదల చేస్తున్నారు.
 
 నారాయణపూర్ ప్రాజెక్టు నుంచి విడుదలవుతున్న ఇన్‌ఫ్లోతో పాటు పరివాహక ప్రాంతాల్లో కురుస్తున్న వర్షాలకు 1.40లక్షల క్యూసెక్కుల ఇన్‌ఫ్లో వచ్చిచేరుతోంది. దీంతో జూరాల 18 గేట్లను తెరచి 1.26లక్షల క్యూసెక్కుల నీటిని విడుదల చేస్తుండగా.. విద్యుదుత్పత్తి ద్వారా మరో 43వేల క్యూసెక్కులను వదలిపెడుతున్నారు. ఇలా జూరాల నుంచి మొత్తం 1.69లక్షల క్యూసెక్కుల ఔట్‌ఫ్లో శ్రీశైలం రిజర్వాయర్‌కు వెళ్తోంది. తుంగభద్ర నదిపై రాజోళి వద్ద ఉన్న సుంకేసుల బ్యారేజీకి ఎగువప్రాంతం నుంచి ఇన్‌ఫ్లో 35వేల క్యూసెక్కులు వస్తుండగా రెండు వేల క్యూసెక్కులను కేసీ కాల్వకు విడుదల చేస్తూ మిగతా 33వేల క్యూసెక్కులను ఏడుగేట్లను ఎత్తివేసి శ్రీశైలం రిజర్వాయర్‌కు విడుదల చేస్తున్నారు. కృష్ణా, తుంగభద్ర నదులపై ఉన్న జూరాల, సుంకేసుల ప్రాజెక్టుల ద్వారా 2.02 లక్షల క్యూసెక్కుల ఔట్‌ఫ్లో శ్రీశైలం రిజర్వాయర్‌కు వెళ్తుంది.


 గద్వాల/శ్రీశైలం/సాక్షి, బళ్లారి: మహారాష్ట్ర, కర్ణాటకలో కురుస్తున్న వర్షాలతో ఆల్మట్టి, నారాయణపూర్ ప్రాజెక్టులను దాటి జూరాలకు చేరిన కృష్ణమ్మ పరవళ్లు గురువారం శ్రీశైలం రిజర్వాయర్ వైపునకు సాగాయి. ఎగువ నుంచి 87,855 క్యూసెక్కుల వరద నీరు జూరాలకు వస్తుండగా గురువారం ప్రాజెక్టుకు చెందిన 13 క్రస్టుగేట్లు ఎత్తి శ్రీైశె లం రిజర్వాయర్‌కు 85,420 క్యూసెక్కుల నీటిని  విడుదల చేశారు. దీంతో శ్రీశైలానికి వరద ప్రవాహం పెరుగుతోంది.
  
 మరోవైపు ఆల్మట్టికి ఎగువ ప్రాంతం నుంచి వరద కొనసాగుతోంది. ఇన్‌ఫ్లో 87,079 క్యూసెక్కులు వస్తుండడంతో.. ప్రాజెక్టుకు చెందిన 20 క్రస్టుగేట్లను ఎత్తి లక్షా 32 వేల 600 క్యూసెక్కుల నీటిని దిగువకు వదిలారు. అదే సమయంలో నారాయణపూర్‌కు వస్తున్న ఇన్‌ఫ్లో 89,119 క్యూసెక్కులుగా ఉండగా.. ప్రాజెక్టుకు చెందిన 25 క్రస్టుగేట్లను ఎత్తి దిగువ నదిలోకి లక్షా 44 వేల 250 క్యూసెక్కుల నీరు వదులుతున్నారు. దీంతో కృష్ణా జలాలు జూరాలకు.. అక్కడినుంచి శ్రీశైలానికి ఉరకలు పెడుతున్నాయి.
  
 నేడు తుంగభద్ర గేట్ల ఎత్తివేత..: భారీ వర్షాల వల్ల తుంగభద్ర ఆనకట్ట నిండుకుండలా తొణికిసలాడుతోంది. దీంతో ఆనకట్టకున్న 35 గేట్ల ద్వారా శుక్రవారం నీటిని దిగువకు వదిలేందుకు సన్నాహాలు చేస్తున్నారు. శుక్రవారం మధ్యాహ్నానికి డ్యాంలో నీరు 96 టీఎంసీల(గరిష్టం 103 టీఎంసీలు)కు చేరుకునే అవకాశం ఉండడంతో వచ్చిన నీటిని వచ్చినట్లు దిగువకు వదలాలని అధికారులు నిర్ణయించారు. ప్రస్తుతం డ్యాంలోకి 50 వేల క్యూసెక్కుల ఇన్‌ఫ్లో ఉంది.
  
 స్థిరంగా అల్పపీడనం: బంగాళాఖాతంలో నిన్నటివరకు ఉన్న అల్పపీడనం గురువారానికి ఒడిశా పైకి చేరుకుంది. ప్రస్తుతం ఇది తీరం వెంబడి ఉన్నప్పటికీ శుక్రవారానికి పూర్తిగా నేలపైకి చేరే అవకాశాలున్నట్టు వాతావరణ శాఖ తెలిపింది. మరోవైపు ఒడిశా నుంచి కోస్తాంధ్ర, తెలంగాణ మీదుగా దక్షిణ తమిళనాడు వరకు అల్పపీడన ద్రోణి కొనసాగుతోంది. వీటి ప్రభావంతో రాగల 24 గంటల్లో కోస్తాంధ్ర, తెలంగాణల్లో అక్కడక్కడ కాస్త వర్షాలు కురిసే అవకాశాలున్నట్టు వాతావరణ శాఖ అధికారులు తెలిపారు. ఈ అల్పపీడనం పూర్తిగా బలహీనమయ్యాకగానీ తర్వాతి పరిస్థితులు తెలియవన్నారు.
  
 వర్షపాతం వివరాలు: గురువారం సోంపేటలో గరిష్టంగా 6 సెం.మీ., పాతపట్నం 5, టెక్కలి, విజయవాడల్లో 4, పాలకొండ, కళింగపట్నం, మందస, పలాసలో 3 సెం.మీ., తెలంగాణలోని మెట్‌పల్లి, జగిత్యాలల్లో 5 సెం.మీ., ఇబ్రహీంపట్నం, నిర్మల్‌లో 4, ధర్మపురి, జగిత్యాల, లక్సెట్టిపేటలో 3 సెం.మీ. చొప్పున వర్షపాతం నమోదైనట్టు వాతావరణ శాఖ తెలిపింది.


 హైదరాబాద్: పాలమూరు ఎత్తిపోతల పథకం, జూరాల, పాకాల ప్రాజెక్ట్‌లపై పూర్తి స్థాయి నివేదిక అందించాలని ఇరిగేషన్ అధికారులను తెలంగాణ ముఖ్యమంత్రి కేసీఆర్ ఆదేశించారు. సాగునీటి శాఖపై బుధవారం ఆయన సమీక్షా సమావేశం నిర్వహించారు. మంత్రులు హరీష్‌రావు, ఈటెల రాజేందర్ ఈ సమావేశానికి హాజరయ్యారు.
 
 సర్వే కోసం పాలమూరు ప్రాజెక్ట్‌కు రూ. 5.73 కోట్లు, జూరాల, పాకాల ప్రాజెక్ట్‌లకు రూ. 3.03 కోట్ల నిధులు కేటాయిస్తూ తెలంగాణ ప్రభుత్వం ఈ సమావేశంలో నిర్ణయం తీసుకుంది.


 మహబూబ్నగర్: జిల్లాలోని ఆత్మకూరు మండలం జూరాల గ్రామంలో  కొందరు దుండగులు వృద్ధ దంపతులను దారుణంగా హత్య చేశారు. వారి వద్ద నుంచి అయిదు తులాల బంగారం ఎత్తుకెళ్లారు.  
 
 ఏటీఎంలు అందరికీ అందుబాటులోకి రావడంతో ఎవరి వద్ద పెద్దగా డబ్బు ఉండటంలేదు. ఎంత అవసరమో అంతే దగ్గర ఉంచుకుంటున్నారు. ఎప్పుడు కావాలంటే అప్పుడు ఏటీఎంల వద్దకు వెళ్లి తమకు కావలసిన డబ్బు తెచ్చుకుంటున్నారు. దాంతో బంగారం ఒక్కటే దొంగలకు దోచుకోవడానికి  అనువైనదిగా కనిపిస్తోంది. బంగారం కోసం దుండగులు దేనికైనా తెగిస్తున్నారు.  హత్యలకు తెగబడుతున్నారు.


 గద్వాల (మహబూబ్‌నగర్), న్యూస్‌లైన్: మహబూబ్‌నగర్ జిల్లా జూరాల జలవిద్యుత్ కేంద్రంలో సోమవారం అర్ధరాత్రి సమయంలో మూడు టర్బయిన్లు కాలిపోయాయి. సాంకేతిక లోపం కారణంగా 2,3,5 టర్బయిన్లు పూర్తిగా.. 6వ టర్బయిన్ పాక్షికంగా కాలిపోయాయి. దీంతో జెన్‌కోకు కోట్ల రూపాయల మేర నష్టం వాటిల్లినట్లయింది. గ్రిడ్ నుంచి రివర్స్ విద్యుత్ సరఫరా కావడంతోనే ఈ సమస్య ఉత్పన్నమైందని జెన్‌కో అధికారులు తెలిపారు. నాలుగు టర్బయిన్లను పూర్తిస్థాయిలో పునరుద్ధరించడానికి కనీసం ఏడాది పడుతుందని విద్యుత్‌రంగ నిపుణులు చెబుతున్నారు.
  
   గత నెల 21నే తొలిసారి ఆరు టర్బయిన్ల ద్వారా పూర్తిస్థాయిలో ఉత్పత్తి ప్రారంభమైంది. వీటిద్వారా 200 మెగావాట్ల విద్యుత్తు ఉత్పత్తి చేస్తున్నారు. అయితే సోమవారం అర్ధరాత్రి సమయంలో సాంకేతిక లోపం కారణంగా 2, 3, 5, 6 టర్బయిన్లు ఒక్కసారిగా నిలిచిపోయాయి. సమీపంలోని వెల్టూరు గ్రిడ్‌కు లింక్ ఉన్నందున రివర్స్ విద్యుత్ సరఫరా కావడంతో మూడు టర్బయిన్లు(2,3,5) కాలిపోగా, 6వ టర్బయిన్ పాక్షికంగా దెబ్బతిన్నట్లు అధికారులు గుర్తించారు. 1, 4 టర్బయిన్లు యథావిధిగా పనిచేస్తున్నాయి.
  
  ఈ రెండు టర్బయిన్లకు విద్యుదుత్పత్తి కేంద్రం వద్ద ఉన్న 11కెవీ సబ్‌స్టేషన్‌తో అనుసంధానం ఉన్నందున రివర్స్ విద్యుత్ సరఫరా అయినప్పటికీ కాలిపోకుండా నిలిచిపోయాయి. మిగతా నాలుగు టర్బయిన్లకు సబ్‌స్టేషన్‌తో అనుసంధానం లేకపోవడంవల్లనే కాలిపోయాయని అధికారులు ప్రాథమిక అంచనాకు వచ్చారు. అయితే టర్బయిన్లలో వైరింగ్ పూర్తిగా కాలిపోయి ఉండకపోవచ్చని, కేవలం ప్యానల్స్ మాత్రమే కాలిపోయి ఉంటాయని జెన్‌కో అధికారులు భావిస్తున్నారు. బుధవారం టర్బయిన్లను ఓపెన్ చేస్తేకాని నష్టాన్ని అంచనా వేయలేమంటున్నారు. ఒప్పందం ప్రకారం సీఎంఈసీ రెండేళ్లపాటు ఈ టర్బయిన్ల నిర్వహణ బాధ్యతలు చేపట్టాల్సి ఉంది. అయితే టర్బయిన్ల ఏర్పాటు ఆలస్యమైన నేపథ్యంలో చైనా కంపెనీ ఇచ్చిన వారంటీ గత ఏడాదితో ముగిసింది. దీంతో ప్రస్తుతం జూరాల జలవిద్యుత్ కేంద్రంలో జరిగిన ప్రమాద నష్టాన్ని జెన్‌కోనే భరించాల్సి ఉంటుందని అధికారులు పేర్కొంటున్నారు.
  
  సాంకేతిక లోపమే కారణం: ఆదిశేషు, జెన్‌కో డెరైక్టర్
  సాంకేతిక లోపంతో టర్బయిన్లు నిలిచిపోయాయి. రివర్స్ విద్యుత్ సరఫరావల్ల కాలిపోయాయి. చైనా నిపుణులతో ఇప్పటికే సంప్రదించాం.  త్వరలోనే నిపుణులను పిలిపించి వీలైనంత త్వరగా టర్బయిన్లను పునరుద్ధరించేందుకు యుద్ధ ప్రాతిపదికన చర్యలు చేపడతాం.  
  


 ఎగువ పరీవాహక ప్రాంతం నుంచి ఇన్‌ఫ్లో తగ్గిపోవడంతో గురువారం సాయంత్రం 4.30 గంటల సమయంలో శ్రీశైలం ప్రాజెక్టు గేట్లను పూర్తిగా మూసివేశారు. జూరాల, తుంగభద్రల నుంచి 1,24,260 క్యూసెక్కులు మాత్రమే శ్రీశైలానికి వచ్చి చేరుతోంది. ప్రస్తుతం డ్యాం నీటిమట్టం 883.90 అడుగులుగా ఉంది.
 
 రెండు వపర్‌హౌస్‌ల్లో పూర్తిస్తాయి 13 జనరేటర్లతో విద్యుత్ ఉత్పాదన చేస్తూ 77,125 క్యూసెక్కులను సాగర్‌కు విడుదల చేస్తున్నారు. పోతిరెడ్డిపాడు హెడ్‌రెగ్యులేటర్ ద్వారా 16 వేల క్యూసెక్కులు, హంద్రీనీవా, సుజల స్రవంతికి 700 క్యూసెక్కుల నీటిని వదులుతున్నారు. బుధవారం నుంచి గురువారం వరకు రెండు పవర్‌హౌస్‌లలో 34.549 మిలియన్ యూనిట్ల విద్యుత్‌ను ఉత్పత్తి చేశారు.