పాలకుర్తి (రామగుండం)/ బంజారాహిల్స్‌/ నాగోలు (హైదరాబాద్‌)/భువనగిరి: ఇంటర్మిడియెట్‌ పరీక్షలో ఫెయిలయ్యామన్న మనస్తాపంతో మంగళవారం రాష్ట్రంలోని వివిధ ప్రాంతాల్లో నలుగురు విద్యార్థులు బలవన్మరణాని కి పాల్పడ్డారు.పెద్దపల్లి జిల్లా పాలకుర్తి మండలం ఘనశ్యాందాస్‌నగర్‌ (జీడీనగర్‌) గ్రామానికి చెందిన సాపల్ల ఎల్లయ్య– గంగమ్మ దంపతుల కుమార్తె శశిరేఖ (17), బంజారాహిల్స్‌ రోడ్డునంబర్‌–2 ఇందిరానగర్‌కు చెందిన నిష్ట (16), తట్టిఅన్నారం, వైఎస్‌ఆర్‌ కాలనీకి చెందిన సుక్కా రవికుమార్‌ కూతురు అరుంధతి (17), భువనగిరి మండలం బస్వాపురం గ్రామానికి చెందిన రాసాల మల్లేశ్, సునీత దంపతుల చిన్నకుమారుడు అఖిలేష్‌ యాదవ్‌ (17) ఆత్మహత్యకు పాల్పడ్డారు.

సాక్షి, హైదరాబాద్‌: ఇంటర్మీడి యెట్‌ ఫలితాల్లో ప్రభుత్వ గురు కులాలు మంచి ఫలితాలు కనబరి చాయి. ప్రైవేటు, కార్పొరేట్‌ కాలే జీలకు దీటుగా ఉత్తీర్ణత సాధించాయి. సోషల్‌ వెల్ఫేర్, బీసీ వెల్ఫేర్, ట్రైబల్‌ వెల్ఫేర్, కేజీబీవీలు, తెలంగాణ మైనార్టీ రెసిడెన్షియల్‌ కాలేజీల్లో సగటున 80% ఫలితాలు నమోద య్యాయి.అయితే ప్రభుత్వ జూనియర్‌ కాలేజీల్లో మాత్రం ఈసారి ఫలితాలు నిరాశే మిగి ల్చాయి. ఫస్టియర్‌లో 42 శాతం, సెకెండియర్‌లో 53 శాతానికి మాత్రమే రిజల్ట్‌ పరిమితమైంది. ఇక రూ.లక్షల్లో ఫీజులు తీసుకునే, గంటల కొద్దీ బోధన చేసే ప్రైవేటు కాలేజీల్లో 69.8 శాతం (ఫస్టియర్‌), 65.83 శాతానికే (సెకెండియర్‌) రిజల్ట్స్‌ పరిమితం కావడం గమనార్హం.

సాక్షి, హైదరాబాద్‌: ఇంటర్మిడియెట్‌ ఫలితాల్లో ఈ సంవత్సరం ఎంపీసీ గ్రూప్‌లో నలుగురు విద్యార్థులు 1,000కి 996 మార్కులు సాధించి రాష్ట్రస్థాయి టాపర్లుగా నిలిచారు. మొదటి సంవత్సరం ఎంపీసీలో 470 మార్కులకు ముగ్గురు విద్యార్థులు 469 మార్కులు సాధించారు. ఫస్టియర్‌ బైపీసీలోనూ 440 మార్కులకు నలుగురు 339 మార్కులు సాధించారు. ఈ సంవత్సరం బైపీసీలో టాప్‌ మార్కులు 997గా నమోదయ్యాయి. ఇంటర్‌బోర్డ్‌ మంగళవారం వెల్లడించిన ఫలితాల్లో వివిధ గ్రూపుల్లో అత్యధిక మార్కులు సాధించిన వారి వివరాలు ఈ విధంగా ఉన్నాయి. టాపర్ల వివరాలు ఇలా.. మొదటి సంవత్సరం (ఎంపీసీ): సి.అక్షయ, పుప్పాలగూడ, హైదరాబాద్‌ 469/470; పుట్టపోగుల వర్షిణి, బాచుపల్లి, హైదరాబాద్‌ 469/470; మామిడి సంహిత, వనస్థలిపురం, హైదరాబాద్‌ 469/470.బైపీసీ: బి. లావణ్య, టీఎస్‌ఆర్‌జేసీ, మహబూబ్‌నగర్‌ 439/ 440; సయ్యద్‌ అర్షియా సమ్రీన్, మలక్‌పేట్, హైదరాబాద్‌ 439/440; హస్పాబేగం, టోలీచౌక్, హైదరాబాద్‌ 439/440 ; వాదుల వైష్ణవి, బాలానగర్, మహబూబ్‌నగర్‌ 439/440. సీఈసీ: ఎండీ ఫర్హాన్, గుర్రంగూడ, రంగారెడ్డి జిల్లా495/500; మునీబ్‌ అహ్మద్‌ ఖాన్, కార్వాన్, హైదరాబాద్‌ 494/500.హెచ్‌ఈసీ: తంగోరు వెన్నెల, సుదిమళ్ల ట్రైబల్‌ వెల్ఫేర్‌ స్కూల్‌ 494/500; జంగం గ్లోరీ, సికింద్రాబాద్‌ 493/500.మొత్తంగా ఇంటర్‌ టాపర్స్‌ ఎంపీసీ: ఇందూరి రషి్మత, రోటరీనగర్, ఖమ్మం 996/1,000 ; వారణాసి మనస్వి, జీడిమెట్ల, రంగారెడ్డి 996/1,000; కూనా రుతి్వక్, కొత్తపల్లి, కరీంనగర్‌ 996/1,000; పల్లెపంగ వసంత్‌కుమార్, సూర్యాపేట 996/1,000.బైపీసీ: జక్కు అంజన, కొత్తపల్లి, కరీంనగర్‌ 997/1,000; కేతావత్‌ అఖిల, పెంచికల్‌పాడ్, దేవరకొండ 996/1,000; డి జ్యోత్స్నశ్రీ, కరీంనగర్‌ 996/1,000.సీఈసీ: ఎనుబారి కెవిక్‌ జోష్, మేడ్చల్‌ 988/1,000; భక్తు గ్రీష్మ, భగత్‌నగర్, కరీంనగర్‌ 987/1,000.హెచ్‌ఈసీ: గుండెబోయిన ధనప్రియ, మదీనాగూడ, రంగారెడ్డి 983/1,000; ఓనీ అభినా‹Ù, శేరిలింగంపల్లి, రంగారెడ్డి982/1,000. కాగా, ఇంటర్మీడియెట్‌ ఫలితాల్లో ఉత్తీర్ణులైన విద్యార్థులకు సీఎం రేవంత్‌ రెడ్డి అభినందనలు తెలిపారు.గ్రూప్స్‌ సాధించడమే లక్ష్యంపల్లెపంగు వసంత్‌ కుమార్, (996) ఎంపీసీ, ప్రతిభ జూనియర్‌ కళాశాల, సూర్యాపేట సూర్యాపేట: స్టేట్‌ ఫస్ట్‌ ర్యాంక్‌ రావడం చాలా ఆనందంగా ఉంది. భవిష్యత్తులో గ్రూప్‌– వన్‌ ఆఫీసర్‌ కావాలన్నదే నా కల. నాన్న కానిస్టేబుల్‌ శీనయ్య, అమ్మ జానకమ్మల ప్రోత్సాహంతో ఈ ర్యాంకు సాధించగలిగాను. ప్రతిభ జూనియర్‌ కళాశాలలో అధ్యాపకులు నన్ను ఎంతగానో ప్రోత్సహించారు.నా లక్ష్యం డాక్టర్‌ నేను చదివిన కాలేజీ యాజమాన్యం అందించిన ప్రణాళికాబద్ధమైన బోధన, తల్లిదండ్రుల ప్రోత్సాహంతో పట్టుదలతో చదివి రాష్ట్రంలో టాపర్‌గా నిలవడం గర్వంగా ఉంది. నీట్‌ పరీక్షలో సత్తాచాటి సీటు సాధించడంతో పాటు వైద్య విద్య అభ్యసించడమే నా లక్ష్యం.– జె.అంజనా, కొత్తపల్లి, కరీంనగర్‌ (బైపీసీ 997/1000)సివిల్‌ సర్వెంట్‌గా..ఇంటర్‌ సెకండియర్‌లో అత్యుత్తమ మార్కులు సాధించడం ఆనందంగా ఉంది. పటిష్ట ప్రణాళికతో చదివి రాష్ట్రస్థాయిలో అగ్రభాగాన నిలిచినందుకు సంతోషిస్తున్నా. రాబోయే కాలంలో ఉన్నత విద్యనభ్యసించి యూపీఎస్సీ సాధించి సివిల్‌ సర్వెంట్‌గా సేవలందించడమే ప్రధాన లక్ష్యంగా ముందుకెళ్తా. – కె.రుత్విక్, కొత్తపల్లి, కరీంనగర్‌ (ఎంపీసీ996/1000)

సాక్షి, హైదరాబాద్‌: ఇంటర్మిడియెట్‌ పరీక్ష ఫలితాలు మంగళవారం విడుదలకానున్నాయి. ఇంటర్‌ బోర్డు కార్యాలయంలో మధ్యాహ్నం 12 గంటలకు ఉప ముఖ్యమంత్రి మల్లు భట్టి విక్రమార్క ఈ ఫలితాలను విడుదల చేస్తారు. ఇంటర్‌ ప్రథమ, ద్వితీయ సంవత్సరం పరీక్షలు మార్చి 5 నుంచి 25వ తేదీ వరకు జరిగాయి. రెండు సంవత్సరాలకు కలిపి 9 లక్షల మందికిపైగా విద్యార్థులు పరీక్షలు రాశారు. మొత్తం 60 లక్షల సమాధాన పత్రాలకు 19 కేంద్రాల్లో మూల్యాంకనం చేపట్టారు. ఏప్రిల్‌ మొదటి వారంలోనే ఈ ప్రక్రియ పూర్తయింది.తర్వాత మార్కుల ఆన్‌లైన్‌ ఫీడింగ్, ట్రయల్‌ రన్‌ కూడా వారం రోజుల క్రితమే నిర్వహించారు. ఉప ముఖ్యమంత్రి సమయం కోసం అధికారులు ఇంత కాలంగా నిరీక్షిస్తున్నారు. కాగా, ఫలితాల రోజే అడ్వాన్స్‌డ్‌ సప్లిమెంటరీ తేదీని కూడా ప్రకటిస్తామని ఇంటర్‌ బోర్డు అధికారులు తెలిపారు. ‘సాక్షి’లో వేగంగా ఫలితాలు.. ఇంటర్‌ ఫస్టియర్, సెకండియర్‌ ఫలితాలను వేగంగా అందించేందుకు ‘సాక్షి’ప్రత్యేక ఏర్పాట్లు చేసింది. విద్యార్థులు ఫలితాల కోసం www. sakshieducation.com వెబ్‌సైట్‌కు లాగిన్‌ అవ్వొచ్చు.

సాక్షి, హైదరాబాద్‌: ఇంటర్మీడియెట్‌ పబ్లిక్‌ పరీక్షల ఫలితాలను ఈనెల 22న విడుదల చేయనున్నట్లు తెలంగాణ ఇంటర్మీడియెట్‌ బోర్డు కార్యదర్శి ఎస్‌.కృష్ణ ఆదిత్య శనివారం ఒక ప్రకటనలో తెలిపారు. మంగళవారం మధ్యాహ్నం 12 గంటలకు విద్యాభ వన్‌లో ఉపముఖ్యమంత్రి మల్లు భట్టి విక్రమార్క ఈ ఫలితాలను విడుదల చేస్తారు.కార్యక్రమంలో రవాణా, బీసీ సంక్షేమశాఖ మంత్రి పొన్నం ప్రభాకర్‌ కూడా హాజరు కానున్నారు. విద్యార్థులు/తల్లి దండ్రులు ఫలితాల కోసం బోర్డు అధికారిక వెబ్‌సైట్‌ ్టtgbie.cgg.gov.in ద్వారా ఫలితాలను డౌన్‌లోడ్‌ చేసుకోవచ్చు. ఐవీఆర్‌ పోర్టల్‌ 9240205555 ఫోన్‌నంబర్‌ ద్వారా ఫలితాలు తెలుసుకోవచ్చు.

సాక్షి, హైదరాబాద్‌: ఇంటర్మీడియెట్‌ పరీక్షల ఫలితాలు ఈ నెల 25వ తేదీ లేదంటే 27న విడుదల కానున్నాయి. అందుకోసం అన్ని ఏర్పాట్లు చేస్తున్నట్టు ఇంటర్‌ బోర్డ్‌ అధికారులు తెలిపారు. ప్రథమ, ద్వితీయ సంవత్సరం ఫలితాలను ఒకేసారి విడుదల చేస్తామని చెప్పారు. రాష్ట్రవ్యాప్తంగా ఇంటర్‌ పరీక్షలు మార్చి 5 నుంచి 25వ తేదీ వరకు 1,532 కేంద్రాల్లో జరిగాయి. ఈ పరీక్షలకు 9,96,971 మంది దరఖాస్తు చేశారు. సమాధాన పత్రాల మూల్యాంకనం 19 కేంద్రాల్లో గత నెల 18 నుంచి చేపట్టారు. మొత్తం 60 లక్షల పేపర్లు మూల్యాంకనం చేసి ఆన్‌లైన్‌లో మార్కులు ఫీడ్‌ చేశారు. వీటిని రెండు సార్లు పరిశీలించిన తర్వాత తుది ఫలితాలు వెల్లడిస్తారు. ఈ ప్రక్రియ ఈ నెల 20తో పూర్తవుతుందని అధికారులు తెలిపారు.

సాక్షి, అమరావతి: ఇంటర్మీడియట్‌ ఫలితాలను శుక్రవారం ఉదయం 11 గంటలకు వెల్లడించనున్నట్లు కంట్రోలర్‌ ఆఫ్‌ ఎగ్జామినేషన్స్‌ సుబ్బారావు గురువారం ఓ ప్రకటనలో తెలిపారు. సార్వత్రిక ఎన్నికల నేపథ్యంలో ప్రభుత్వ నిర్ణయం మేరకు పరీక్షలను గత మార్చి 1 నుంచి 20వ తేదీ వరకు నిర్వహించారు. ఇంటర్మీడియట్‌లో రెండు సంవత్సరాల విద్యార్థులు మొత్తం 9,99,698 మంది పరీక్షలు రాయగా, జవాబు పత్రాల మూల్యాంకనం ఏప్రిల్‌ 4వ తేదీకి పూర్తి అయ్యింది. శుక్రవారం ఉదయం 11 గంటలకు ప్రకటించే మొదటి, రెండో సంవత్సరం ఫలితాలను www.sakshi education.comలో చూడొచ్చు. 

సాక్షి, హైదరాబాద్‌:  రాష్ట్రంలో లక్షల మంది విద్యార్థులు ఎదురుచూస్తున్న ఇంటర్మీడియట్‌ ఫలితాలు మంగళవారం వెలువడనున్నాయి. రాష్ట్ర ఇంటర్‌ బోర్డ్‌ కార్యదర్శి నవీన్‌ మిత్తల్‌ ఈ విషయాన్ని ధ్రువీకరించారు. ఉదయం 11 గంటలకు హైదరాబాద్‌లోని ఇంటర్‌ బోర్డ్‌ కార్యాలయంలో ప్రథమ, ద్వితీయ సంవత్సరం పరీక్ష ఫలితాలను విద్యా శాఖ మంత్రి సబితా ఇంద్రారెడ్డి లాంఛనంగా విడుదలల చేస్తారు. అనంతరం  https://tsbie.cgg.gov.in, http://results.cgg.gov.in వెబ్‌సైట్లలో విద్యార్థులు ఫలితాలను చూసుకోవచ్చు.  మంత్రి అనుమతితో..  రాష్ట్రంలో మార్చి 15 నుంచి ఏప్రిల్‌ 5 వరకు ఇంటర్‌ వార్షిక పరీక్షలు జరిగాయి. మొత్తంగా 9.47 లక్షల మంది విద్యార్థులు పరీక్షలకు హాజరయ్యారు. గతేడాది ఫలితాలు జూన్‌లో విడుదల కాగా.. ఈ ఏడాది ఒక నెల ముందుగానే విడుదలకు ఏర్పాట్లు చేశారు. ఈ ఫలితాల క్రోడీకరణ ప్రక్రియ, ట్రయల్స్‌ను పూర్తిచేసిన అధికారులు.. సోమవారం మంత్రి సబితా ఇంద్రారెడ్డికి నివేదిక సమర్పించారు. దానిని పరిశీలించిన మంత్రి మంగళవారం ఫలితాలను విడుదల చేసేందుకు అనుమతినిచ్చారు. ‘సాక్షి’లో ఇంటర్‌ ఫలితాలు ఇంటర్‌ ఫలితాలు  తెలుసుకునేందుకు ‘సాక్షి’ఏర్పాట్లు చేసింది. www.sakshied­ucation.com వెబ్‌సైట్‌లో ఫలితాలను పొందవచ్చు. చదవండి: మహిళలకు శుభవార్త.. రూ.80కే టీ-24 టికెట్‌! సిటిబస్సులో 24 గంటల పాటు..

హన్మకొండ చౌరస్తా: ఇంటర్మీడియట్‌ ఫలితాల్లో ఎస్‌ఆర్‌ కళాశాలల విద్యార్థులు మెరు గైన ప్రతిభ కనబర్చారు. హనుమకొండ కాకాజీ కాలనీలోని కళాశాల ఆవరణలో ఎస్‌ఆర్‌ విద్యాసంస్థల చైర్మన్‌ వరదారెడ్డి మీడియాతో మాట్లాడారు. ఇంటర్‌ మొదటి సంవ త్సరంలో ఎంపీసీ విభాగంలో 36 మంది విద్యార్థులు 467 మార్కులు సాధించారని, బైపీసీలో 9 మంది 437 మార్కులతో ప్రతిభ కనబరిచారని తెలిపారు. సీఈసీలో ఒకరు 491 మార్కులు, ఎంఈసీలో ఇద్దరు 492 మార్కులు, ద్వితీయ సంవత్సరంలో బైపీసీలో ఒకరు 992, ఇద్దరు 990, ఎంపీసీలో ఆరుగురు విద్యా ర్థులు 991 మార్కులు సాధించారని చెప్పారు. ఎంఈసీలో ఒకరు 983 మార్కులు, సీఈసీలో ఒకరు 979 మార్కులు సాధించారని తెలిపారు.   

హైదరాబాద్‌: విధి పరీక్షను చిరునవ్వుతో ఎదుర్కొంటూనే విద్యాభ్యాసం కొనసాగిస్తున్న అవిభక్త కవలలు వీణావాణీలు చదువులో మరో మెట్టెక్కారు. తాజాగా ఇంటర్మీడియట్‌ ద్వితీయ సంవత్సరంలో ఫస్ట్‌క్లాస్‌ మార్కులతో (బీ–గ్రేడ్‌)లో ఉత్తీర్ణులయ్యారు. వీరు మెహిదీపట్నం ఆసిఫ్‌నగర్‌లోని ప్రియాంక మహిళా జూనియర్‌ కాలేజీలో ఇంటర్‌ సీఈసీ సబ్జెక్టు చదివారు. వార్షిక పరీక్షలు మాత్రం ఇంటర్‌ బోర్డు ప్రత్యేకంగా స్టేట్‌హోంలోని ఆశ్రమంలోనే స్పెషల్‌ అధికారుల మధ్య నిర్వహించింది. మారగాని వీణ 707 మార్కులు సాధించగా, మారగాని వాణి 712 మార్కులతో బీ–గ్రేడ్‌లో పాసయ్యారు. పరీక్ష రాసేందుకు వీరిద్దరికీ రాష్ట్ర ప్రభుత్వం స్క్రైబర్స్‌ను ఏర్పాటు చేసినప్పటికీ వారిద్వారా పరీక్ష రాసేందుకు వీణావాణీలు తిరస్కరించారు. విడదీయలేనంతగా తలలు అతుక్కుని జన్మించిన వీణావాణీల స్వగ్రామం మహబూబాబాద్‌ జిల్లా దంతాలపల్లి మండలం వీరిశెట్టి గ్రామం. వీరు తొలుత గుంటూరు ప్రభుత్వ ఆస్పత్రి, ఆ తర్వాత హైదరాబాద్‌ నిలోఫర్‌లో వైద్య చికిత్సలు పొందుతూ వచ్చారు. ఆస్పత్రుల్లో ఉంటూనే ఇద్దరూ తమ చదువును కొనసాగించారు. 2017 జనవరి నుంచి హైదరాబాద్‌ వెంగళరావునగర్‌ స్టేట్‌ హోంలోని బాలసదన్‌లో ఉంటూ విద్యాభ్యాసం సాగిస్తున్నారు. వీరు ఇంటర్మీడియట్‌లో ఉత్తీర్ణత సాధించడం పట్ల గిరిజన మహిళా, శిశుసంక్షేమ శాఖమంత్రి సత్యవతి రాథోడ్, జూబ్లీహిల్స్‌ ఎమ్మెల్యే మాగంటి గోపీనాథ్, ఆ శాఖ కమిషనర్‌ దివ్య దేవరాజన్‌ అభినందించారు.  చదవండి: (TS TET 2022: టెట్‌ ఫలితాల విడుదలపై విద్యాశాఖ కీలక ప్రకటన)

సాక్షి, అమరావతి: ఆంధ్ర‌ప్ర‌దేశ్‌లో ఇంటర్మీడియట్‌ ఎగ్జామ్స్‌ -2022 ఫ‌లితాలు వచ్చేశాయ్‌. బుధ‌వారం మ‌ధ్యాహ్నం విజ‌య‌వాడ‌లో విద్యాశాఖ మంత్రి బొత్స‌ స‌త్య‌నారాయ‌ణ ఏపీ ఇంటర్‌ ఫస్టియర్‌, సెకండియర్‌ ఫలితాలను విడుద‌ల‌ చేసి.. మీడియాతో ఫలితాల గురించి మాట్లాడారు. ఫస్టియర్‌లో 2,41,591 మంది పాస్‌ కాగా, ఫస్టియర్‌లో 54 శాతం ఉత్తీర్ణత నమోదు అయ్యింది. సెకండియర్‌లో 2,58,449 మంది పాస్ కాగా, 61 ఉత్తీర్ణత శాతం రికార్డు అయ్యింది.  ఇంటర్‌ ఫస్ట్‌, సెకండ్‌ ఇయర్‌ ఫలితాల్లో బాలికలదే పైచేయిగా ఉంది. ఉత్తీర్ణతలో కృష్ణా జిల్లా టాప్‌గా నిలిచిందని, రీకౌంటింగ్‌, రీ వెరిఫికేషన్‌ కోసం జూన్‌ 25వ తేదీ నుంచి జులై 5వ తేదీ వరకు దరఖాస్తు చేసుకోవచ్చని విద్యాశాఖ మంత్రి బొత్స సత్యనారాయణ వెల్లడించారు. రికార్డు స్థాయిలో 28 రోజుల్లోనే ఫలితాలు విడుదల చేయడం గమనార్హం. మొత్తం 10.01 లక్షల మంది విద్యార్థులు పరీక్షలకు హాజరు కాగా.. జవాబు పత్రాల మూల్యాంకనాన్ని వేగంగా, జాగ్రత్తగా పూర్తి చేశారు. ఆంధ్ర‌ప్ర‌దేశ్‌ ఇంట‌ర్ ఫ‌లితాల‌ను సాక్షిఎడ్యుకేషన్‌.కామ్(www.sakshieducation.com)లో చూడొచ్చు.

సాక్షి అమరావతి: ఆంధ్ర‌ప్ర‌దేశ్‌లో ఇంట‌ర్మీడియ‌ట్ ప్ర‌థ‌మ‌, ద్వితీయ సంవ‌త్స‌ర ప‌రీక్ష‌ల ఫ‌లితాలు జూన్ 22వ తేదీ (బుధ‌వారం) విడుద‌లయ్యాయి. విద్యాశాఖ మంత్రి బొత్స‌ స‌త్య‌నారాయ‌ణ విజ‌య‌వాడ‌లో ఫలితాలను  విడుద‌ల‌ చేశారు. కాగా, ఇంట‌ర్ జవాబు పత్రాల మూల్యాంకనం వేగంగా పూర్తి చేశారు. మే 6వ తేదీ నుంచి ఫస్టియర్, 7వ తేదీ నుంచి సెకండియర్‌ పరీక్షలు ఉదయం 9 నుంచి మధ్యాహ్నం 12 గంటల వరకు నిర్వ‌హించిన విష‌యం తెలిసిందే. ఆంధ్ర‌ప్ర‌దేశ్‌ ఇంట‌ర్ ఫ‌లితాల‌ను సాక్షిఎడ్యుకేషన్‌.కామ్(www.sakshieducation.com)లో చూడొచ్చు. 10.01 లక్షల మంది విద్యార్థులు.. ఈ సారి రాష్ట్రవ్యాప్తంగా మొత్తం 1,456 పరీక్ష కేంద్రాలను ఏర్పాటు చేశారు. మొత్తం 10.01 లక్షల మంది విద్యార్థులు పరీక్షలకు హాజ‌ర‌య్యారు. మే 24వ తేదీ వరకు జరిగిన ఈ పరీక్షలను ఏపీ ఇంటర్‌ బోర్డు పటిష్ట ఏర్పాట్లతో పూర్తిచేసింది.  ఈ సారి ప‌రీక్ష‌ల‌ను.. పదో తరగతి పబ్లిక్‌ పరీక్షల్లో నెలకొన్న ఘటనలను దృష్టిలో పెట్టుకొని ఇంటర్‌ పరీక్షల్లో ఎలాంటి అవాంఛనీయ ఘటనలకు తావులేకుండా అధికారులు జాగ్రత్త ప‌డ్డారు. అలాగే పరీక్ష కేంద్రాల్లో అన్ని గదుల్లోనూ, బయట సీసీ కెమెరాలను అమర్చారు. ఈ కెమెరాల ద్వారా పరీక్షల తీరుతెన్నులను రికార్డు చేయడంతోపాటు వాటన్నింటినీ ఇంటర్‌ బోర్డు కార్యాలయానికి అనుసంధానించారు. ఆన్‌లైన్‌ స్ట్రీమింగ్‌ ద్వారా బోర్డు అధికారులు పరీక్షలు జరుగుతున్న తీరును నిత్యం పరిశీలిస్తారు. జిల్లాల్లో కలెక్టర్ల ఆధ్వర్యంలోని ప్రత్యేక కమిటీలు ఇంటర్‌ పరీక్షలను పర్యవేక్షించారు.

సాక్షి, హైదరాబాద్‌: డిగ్రీలో ప్రవేశాలకు ఇంటర్మీడియెట్‌లో ఉండాల్సిన కనీస అర్హత మార్కులైన 45 శాతం లేకపోతే విద్యార్థులకు తీవ్ర నష్టం వాటిల్లే పరిస్థితి నెలకొంది. ఫెయిలైన, పరీక్షలు రాయని సబ్జెక్టుల్లో 35 శాతం మార్కులను ఇచ్చేలా ప్రభుత్వం నిర్ణయించడంతో విద్యార్థులు ఆందోళనలో పడ్డారు. ఇంటర్‌ ఫస్టియర్‌లో పాస్‌ అయిన సబ్జెక్టుల్లో వచ్చిన మార్కులనే ద్వితీయ సంవత్సరంలో ఇవ్వనున్నారు. దీంతో ఫెయిలైన, పరీక్షలు రాయని వారి విషయంలో నష్టం వాటిల్లే పరిస్థితి నెలకొంది. గతేడాది ప్రథమ సంవత్సరంలో 1,99,019 మంది ఫెయిలైన లేదా పలు సబ్జెక్టుల పరీక్షలు రాయని వారున్నారు. వారిలో కొంతమంది ఒకట్రెండు సబ్జెక్టులు ఫెయిల్‌ కాగా, కొంతమంది మూడు నాలుగు ఫెయిలైన వారున్నారు. మరోవైపు పరీక్షలు రాయని వారూ ఉన్నారు. ఇప్పుడు వారందరికి ఆయా సబ్జెక్టుల్లో 35 శాతం చొప్పున మార్కులనే ఇస్తే నష్టం వాటిల్లుతుందని ఆందోళన చెందుతున్నారు.  ఓపెన్‌ స్కూల్‌ ఇంటర్‌లో..  మరోవైపు ఓపెన్‌ స్కూల్‌ సొసైటీ కూడా ఇంటర్మీడియెట్‌ బోర్డు ఇచ్చే మార్కుల ప్రకారమే తమ పరిధిలోని ఓపెన్‌ ఇంటర్‌ విద్యార్థులకు మార్కులను కేటాయించాలని భావిస్తోంది. వారికీ 35 శాతం మార్కులను కేటాయించే అవకాశం ఉంది. దీంతో 50 వేల మంది విద్యార్థులు ఆందోళనలో పడ్డారు. కరోనా కారణంగా గతేడాది 40 వేల మంది ఓపెన్‌ ఇంటర్‌ విద్యార్థులకు 35 శాతం మార్కులే ఇవ్వడం వల్ల రాష్ట్రంతోపాటు ఇతర రాష్ట్రాల్లోని ప్రైవేటు విద్యా సంస్థలు, ప్రైవేటు, డీమ్డ్‌ యూనివర్సిటీల్లోని డిగ్రీ, బీటెక్, బీఫార్మసీ, లా వంటి కోర్సుల్లో ప్రవేశాలు పొందలేక పోయారు. 35 శాతం కనీస మార్కులు వేయడం వల్ల పాస్‌ అయ్యారే తప్ప ఉన్నత కోర్సుల్లో చేరలేకపోయారు.  ప్రైవేటు విద్యా సంస్థల్లో ప్రవేశాలకే సమస్య..  అగ్రికల్చర్, లా, మెడిసిన్, ఇంజినీరింగ్, ఇతర డిగ్రీ కోర్సుల్లో ప్రవేశం పొందాలంటే ఇంటర్‌లో కనీసం 45 శాతం మార్కులు ఉండాలి. ప్రభుత్వ ఆధీనంలోని జాతీయస్థాయి విద్యా సంస్థలు, రాష్ట్రంలో ఎంసెట్‌కు ఆ నిబంధనను తొలగించినా ప్రైవేటు విద్యాసంస్థలు దానిని కొనసాగిస్తున్నాయి. జేఈఈ వంటి పరీక్షలు రాసేందుకు, ఐఐటీల్లో చేరేందుకు 45 శాతం మార్కులు ఉండాలన్న నిబంధనను కరోనా కారణంగా తొలగిస్తున్నట్లు గతేడాది కేంద్రం ప్రకటించింది. ప్రైవేటు విద్యా సంస్థలు, డీమ్డ్‌ యూనివర్సిటీలు, ప్రైవేట్‌ యూనివర్సిటీలు అందుకు ఒప్పుకోవడంలేదు. ఇంటర్‌ బోర్డు వర్గాలు మాత్రం 45 శాతంలోపే మార్కులు ఉండే విద్యార్థులు చాలా తక్కువ మంది ఉంటారని చెబుతున్నాయి. అలాంటి వారి విషయంలో ప్రత్యామ్నాయం ఆలోచించవచ్చని పేర్కొంటున్నాయి. ప్రాక్టికల్‌ మార్కులను 100 శాతం ఇస్తున్నందున ప్రథమ, ద్వితీయ సంవత్సరాల్లో కలిపితే 45 శాతం కంటే తక్కువ మార్కులొచ్చే విద్యార్థులు తక్కువే ఉంటారని చెబుతున్నాయి. ఓపె¯న్‌ ఇంటర్‌ ఏడాది కోర్సే కావడంతో వారికి 35 శాతం మార్కులిస్తే నష్టం తప్పేలా లేదు.   ప్రతి విద్యార్థికీ న్యాయం జరిగేలా చూడాలి  కనీస మార్కుల విధానం విషయంలో ప్రభుత్వం పునరాలోచించాలి. కరోనా కారణం గా పరీక్షలు నిర్వహించనందున ప్రతీ విద్యార్థికి న్యాయం జరిగేలా చూడాలి. 45 శాతం కనీస మార్కులను ఇస్తే ఇబ్బందేమీ లేదు. తద్వారా ప్రతి విద్యార్థికీ మేలు జరుగుతుంది. – డాక్టర్‌ పి.మధుసూదన్‌రెడ్డి, ప్రభుత్వ జూనియర్‌ లెక్చరర్ల సంఘం అధ్యక్షుడు

సాక్షి, హైదరాబాద్‌: వారంతా అభాగ్యులు.. ఆర్థికంగా, సా మాజికంగా ఏ ఆసరా లేని వా రే. కొందరు అనాథలైతే మరికొందరు ఏ చేయూత లేని, తల్లి లేదా తండ్రి లేని వారు.. ఇం కొందరైతే ఇళ్లు గడవక, ఆర్థిక ఇబ్బందులతో మధ్యలో చదు వు మానేసి ఆ తర్వాత మళ్లీ స్కూళ్లలో చేరిన వారు. పైగా అంతా బాలికలే.. ప్రభుత్వం, టీచర్లు, విద్యాశాఖ అధికారుల తోడ్పాటుతో రాష్ట్రంలోని కస్తూర్బాగాంధీ బాలిక విద్యాలయా (కేజీబీవీ)ల్లో చదువుకుంటున్న వా రు ఇంటరీ్మడియట్‌లో తమ సత్తాచాటారు. ఇ బ్బందులు, అసమానతలు తమ ప్రతిభకు అడ్డుకాదని నిరూపించారు. టీచర్ల పోత్సాహంతో  మంచి మార్కులతో భేష్‌ అనిపించుకున్నారు. మట్టిలో మాణిక్యాలుగా..  ఇంటరీ్మడియట్‌ వొకేషనల్‌లో 1,000 మార్కులకు 977 మార్కులను (98 శాతం) సాధించి మంచిర్యాల జిల్లా తాండూరు కేజీబీవీ విద్యారి్థని సీహెచ్‌ చంద్రకళ కేజీబీవీల్లో టాపర్‌గా నిలిచింది. కార్పొరేట్, ప్రైవేటు, ప్రభుత్వ కాలేజీల విద్యార్థులతోనూ పోటీ పడి అత్యధిక మార్కులు సాధించింది. కరీంనగర్‌ జిల్లా గాంధార కేజీబీవీ విద్యార్థిని ఎం.శిరీష, సంగారెడ్డి జిల్లా నారాయణ్‌ఖేడ్‌ కేజీబీవీ విద్యార్థి ఇఖ్రా షహవర్, సిద్దిపేట జిల్లా గజ్వేల్‌ కేజీబీవీ విద్యారి్థని యు.అనూష 967 మార్కులు సాధించారు. వారే కాదు ఎంపీసీ, బైపీసీల్లోనూ 963 మార్కులతో నిజామాబాద్‌ జిల్లా ఆర్మూర్‌ కేజీబీవీ విద్యారి్థని భూక్యా రజిత, 961 మార్కులతో గద్వాల కేజీబీవీ విద్యార్థి అంజలి, 957 మార్కులతో నల్లగొండ జిల్లా మునుగోడు కేజీబీవీ విద్యార్థి పి.అంకిత, సంగారెడ్డి జిల్లా ఆందోల్‌ కేజీబీవీ విద్యారి్థని ఎం.గంగ, 940 మార్కులతో నాగర్‌కర్నూల్‌ జిల్లా బాల్‌మూర్‌ కేజీబీవీ విద్యారి్థని చాపల శ్రీవాణి భేష్‌ అనిపించుకున్నారు. మట్టిలో మాణిక్యాలై వెలిగారు. ఇక ఈసారి ద్వితీయ సంవత్సరం పరీక్షలకు 88 కేజీబీవీ స్కూళ్ల నుంచి 4,483 మంది విద్యార్థినిలు హాజరుకాగా 3,531 మంది (78.76 శాతం) ఉత్తీర్ణులయ్యారు. 170 స్కూళ్ల నుంచి ప్రథమ సంవత్సర పరీక్షలకు 8,580 మంది విద్యార్థులు హాజరు కాగా 6,103 మంది (71.13 శాతం) ఉత్తీర్ణులయ్యారు. మంత్రి సబిత, చిత్రారామ్‌చంద్రన్అ భినందనలు  ద్వితీయ సంవత్సర ఫలితాల్లో రాష్ట్ర యావరేజ్‌ ఉత్తీర్ణత 68.86 శాతం కంటే కేజీబీవీలు ఎక్కువ ఉత్తీర్ణత సాధించడం పట్ల విద్యాశాఖ మంత్రి సబితా ఇంద్రారెడ్డి, విద్యాశాఖ ప్రత్యేక ప్రధాన కార్యదర్శి చిత్రా రామ్‌చంద్రన్‌ అభినందనలు తెలియజేశారు. ప్రథమ సంవత్సరంలోనూ రాష్ట్ర యావరేజ్‌ 60.01 శాతం కాగా కేజీబీవీల్లో ఉత్తీర్ణత 71.13 శాతముందని, అందుకు కృషి చేసిన టీచర్లకు, అధికారులకు అభినందనలు తెలియజేశారు. ఏడింటిలో 100% ఉత్తీర్ణత  ద్వితీయ సంవత్సరంలో సంగారెడ్డి జిల్లా జిన్నారం, జనగామ జిల్లా పాలకుర్తి కేజీబీవీ, కుమురంభీం ఆసిఫాబాద్‌ జిల్లా దాహేగాం కేజీబీవీలు వంద శాతం ఉత్తీర్ణతను సాధించాయి. ప్రథమ సంవత్సరంలో జనగామ జిల్లా పాలకుర్తి, భద్రాద్రి జిల్లా గుండాల, చర్ల, ఆదిలాబాద్‌ జిల్లా ఇంద్రవెల్లి కేజీబీవీలు వంద శాతం ఉత్తీర్ణతను సాధించాయి. ద్వితీయ సంవత్సరంలో 61 కేజీబీవీలు, ప్రథమ సంవత్సరంలో 79 కేజీబీవీలు 90 శాతం కంటే ఎక్కువ ఉత్తీర్ణతను సాధించాయి.  పీవీ శ్రీహరి, కేజీబీవీల అదనపు ప్రాజెక్టు డైరెక్టర్‌

సాక్షి, అమరావతి: ఇంటర్‌ ప్రథమ, ద్వితీయ సంవత్సర పరీక్ష ఫలితాలు శుక్రవారం విడుదల అయ్యాయి. విద్యాశాఖ మంత్రి ఆదిమూలపు సురేష్‌ విజయవాడలో సాయంత్రం 4 గంటలకు ఫలితాలు విడుదల చేశారు. విద్యాశాఖ ముఖ్య కార్యదర్శి రాజశేఖర్‌ కూడా ఈ కార్యక్రమంలో పాల్గొన్నారు. ఈ సందర్భంగా మంత్రి ఆదిమూలపు సురేష్‌ మాట్లాడుతూ... అన్ని సవాళ్లను అధిగమించి దేశంలోనే అన్ని రాష్ట్రాల కంటే ప్రప్రథమంగా ఫలితాలను మనం విడుదల చేశాం. కరోనా సంక్షోభ సమయంలోనూ ఫలితాలను అనుకున్న సమయానికి విడుదల చేయడమనేది ఇది ఓ చరిత్రాత్మకం. ముఖ్యమంత్రి వైఎస్‌ జగన్‌మోహన్‌రెడ్డి మార్గదర్శకంలో విద్యాశాఖలోని అందరూ అధికారుల సమిష్టి కృషితో ఫలితాలను విడుదల చేశాం. లాక్‌డౌన్‌ ఉన్నప్పటికీ నెలరోజుల పాటు వాల్యూయేషన్‌ పూర్తి చేశాం. ఈ ఏడాది విద్యా వ్యవస్థలో పెనుమూర్పులకు శ్రీకారం చుట్టాం. రానున్న రోజుల్లో రాష్ట్రంలో విద్యా వ‍్యవస్థ అందరికీ ఆదర్శంగా నిలవనుంది.’ అని తెలిపారు. (షెడ్యూల్ ప్రకారమే టెన్త్ పరీక్షలు) ఈసారి కూడా బాలికలదే పైచేయి ఇంటర్‌ ఫలితాలకు వస్తే... మొదటి సంవత్సరంలో 59శాతం మంది విద్యార్థులు ఉత్తీర్ణులయ్యారు. రెండో సంవత్సరంలో 63 శాతం విద్యార్థులు ఉత్తీర్ణత సాధించారు. ఈసారి కూడా ఉత్తీర్ణతలో బాలురు కన్నా బాలికలే పైచేయిగా నిలిచారు. జిల్లాలువారీగా చూస్తే ఫలితాల్లో కృష్ణాజిల్లా మొదటి స్థానంలో నిలిచింది. ఫలితాలకు సంబంధించి టోల్‌ఫ్రీ నెంబర్‌ను విద్యాశాఖ ఏర్పాటు చేసింది. ఫలితాలు https://bie.ap.gov.in, www.sakshieducation.com తదితర వెబ్‌సైట్లలో అందుబాటులో ఉంటాయి. బోర్డు వెబ్‌సైట్లో హాల్‌టికెట్‌ నంబర్, పుట్టిన తేదీని నమోదు చేయడం ద్వారా ఫలితాలు పొందవచ్చు. ఇంటర్‌ మొదటి సంవత్సరం 5,07,228 మంది, రెండో సంవత్సరం 4,88,795 మంది, ఒకేషనల్‌ మొదటి సంవత్సరం 39,139 మంది, రెండో సంవత్సరం 29,993 మంది మొత్తం 10,65,155 మంది విద్యార్థులు పరీక్షలు రాశారు. ఇంటర్‌లో గ్రేడింగ్‌ విధానాన్ని రద్దు చేసినందున మొదటి సంవత్సరం ఫలితాల్లో సబ్జెక్టుల వారీగా మార్కులు, రెండో సంవత్సరం ఫలితాలు సబ్జెక్టుల వారీగా గ్రేడ్‌ పాయింట్లలో ప్రకటించనున్నారు. ఇక ఫలితాల షార్ట్‌ మార్కుల మెమోలు ఈనెల 15వ తేదీ నుంచి విద్యార్థులకు ఇంటర్‌ బోర్డు వెబ్‌సైట్లో అందుబాటులో ఉంటాయి. వాటిని డౌన్‌లోడ్‌ చేసుకోవచ్చు. లాక్‌డౌన్‌ సడలింపుల తర్వాత పరీక్ష ఫలితాలు వెల్లడించిన మొదటి రాష్ట్రం ఆంధ్రప్రదేశ్‌ కావడం విశేషం.   కాగా సర్వర్‌పై లోడ్‌ అధికం కావడంతో వెబ్‌సైట్‌ ఓపెన్‌ కాకపోవడంతో విద్యార్థులు, తల్లిదండ్రులు ఆందోళన చెందారు. అయితే ఫలితాల కోసం ఒకేసారి వెబ్‌సైట్‌ను ఓపెన్‌ చేయడంతో ఆలస్యం జరుగుతోందని, ఆందోళన చెందాల్సిన అవసరం లేదని విద్యాశాఖ అధికారులు తెలిపారు. 

సాక్షి, అమరావతి: ఆంధ్రప్రదేశ్‌లో ఇంటర్మీడియెట్‌ ప్రథమ, ద్వితీయ సంవత్సర ఫలితాలు శుక్రవారం విడుదల కానున్నాయి. రేపు సాయంత్రం నాలుగు గంటలకు విద్యాశాఖ మంత్రి ఆదిమూలపు సురేష్‌, పాఠశాల ముఖ్య కార్యదర్శి రాజశేఖర్ సంయుక్తంగా గేట్‌ వే హోటల్‌లో ఫలితాలు విడుదల చేయనున్నారు. విద్యార్థులు తమ ఫలితాలను హాల్‌టికెట్‌ లేదా డేట్‌ ఆఫ్‌ బర్త్‌ ఆధారంగా బీఐఈ.ఏపీ.జీవోవీ.ఇన్‌ (https://bie.ap.gov.in/)తో పాటు ఇతర వెబ్‌సైట్లలో చూసుకోవచ్చు. ఇక మార్కులు మెమోలు 15వ తేదీ నుంచి వెబ్‌సైట్‌లో అందుబాటులో ఉంటాయి. కాగా ఫలితాలను తొలిసారిగా క్లౌడ్ సర్వీస్ ద్వారా విడుదల చేయనున్నామని ఇంటర్‌ బోర్డు కార్యదర్శి వి.రామకృష్ణ ఒక ప్రకటనలో పేర్కొన్నారు. ఫలితాల డేటా కావలసిన వెబ్‌సైట్లు, ఇతరులు తమ సమాచారాన్ని ముందుగా బోర్డుకు అందించాలన్నారు. వెబ్‌సైట్‌ల నిర్వాహకులు వెబ్‌సైట్ పేరు, యూఆర్‌ఎల్ వివరాలు అందించాలి. ఇతరులు తమ పేరు, మొబైల్ నంబర్, ఈ-మెయిల్ ఐడీ అందించాలి. ఈ వివరాలను probieap@gmail.comకు పంపించాలి. 

సాక్షి, హైదరాబాద్‌: ఇంటర్మీడియట్‌ ఫలితాల వ్యవహారంలో హైకోర్టు ఇచ్చిన మధ్యంతర ఉత్తర్వులు ప్రభుత్వానికి చెంపపెట్టు వంటిదని సీపీఐ కార్యదర్శి చాడ వెంకటరెడ్డి పేర్కొన్నారు. ఈ నెల 27లోగా 3.82 లక్షల మంది విద్యార్థుల జవాబు పత్రాలను వెబ్‌సైట్‌లో పెట్టాలని, వచ్చే నెల 6న కోర్టుకు హాజరు కావాలని గ్లోబరీనా సంస్థకు నోటీసులిస్తూ హైకోర్టు ఇచ్చిన ఉత్తర్వులు ప్రజా ఉద్యమానికి బలం చేకూర్చాయన్నారు.  

సాక్షి, భద్రాద్రి కొత్తగూడెం : ఇంటర్ ఫలితాలు రాష్ట్రంలోని పలు కుటుంబాల్లో తీరని విషాదాన్ని నింపిన సంగతి తెలిసిందే. ఇంటర్‌ ఫలితాల కారణంగా 20కిపైగా విద్యార్థులు ఆత్మహత్యలు చేసుకున్నారు. తాజాగా భద్రాద్రి కొత్తగూడెంలో మరో విద్యార్థిని బలయ్యారు. జిల్లాలోని జూలూరుపాడు మండలం వెంగన్న పాలెం గ్రామానికి చెందిన సాయిల మానస (17) ఇంటర్ ఫెయిల్‌ కావడంతో మనస్తాపానికి గురయింది. దీంతో 20 రోజుల కిందట ఆమె పురుగులమందు తాగింది. వెంటనే గుర్తించిన కుటుంబసభ్యులు ఆస్పత్రికి తరలించారు. హైదరాబాద్‌లోని ఆస్పత్రిలో చికిత్స పొందుతూ.. మంగళవారం మానస ప్రాణాలు విడిచింది. దీంతో మానస కుటుంబంలో తీవ్ర విషాదం నెలకొంది. ఇంటర్‌ ఫలితాల వెల్లడిలో తీవ్ర అవకతవకలు జరిగినట్టు వెలుగుచూడటం రాష్ట్రాన్ని కుదిపేసిన సంగతి తెలిసిందే. విద్యార్థుల భవిష్యత్తుతో చెలగాటమాడేవిధంగా ఇంటర్‌ ఫలితాల విషయంలో నిర్లక్ష్యంగా వ్యవహరించడంతో ఇంటర్‌ బోర్డు తీరుపైన, ఇంటర్‌ ఫలితాల కాంట్రాక్ట్‌ దక్కించుకున్న గ్లోబరీనా సంస్థపైన తీవ్ర ఆగ్రహం వ్యక్తమైంది.

సాక్షి, హైదరాబాద్‌: ఇంటర్మీడియట్‌ ఫలితాల తప్పులతో ఆందోళన చెందుతున్న విద్యార్థులకు బోర్డు నుంచి ఇబ్బందులు తప్పడం లేదు. రీవెరిఫికేషన్, రీకౌంటింగ్‌ కోసం దరఖాస్తులను స్వీకరించిన బోర్డు, విద్యార్థుల సమస్యలను పరిష్కరించడంలో విఫలం అవుతోంది. రీవెరిఫికేషన్‌ కోసం దరఖాస్తు చేసుకునే సమయంలో అనేక మంది విద్యార్థుల నుంచి డబ్బు లు కట్‌ అయినా వారి అప్లికేషన్‌ నంబరు జనరేట్‌ కాలేదు. కనీసం బోర్డు హెల్ప్‌లైన్‌ కేంద్రానికి ఫోన్‌ చేసి తెలుసుకుందామన్నా అదీ పని చేయకపోవడంతో ఆవేదన చెందుతున్నారు. విద్యార్థులకు ఏమైనా ఇబ్బందులు తలెత్తితే తమ హెల్ప్‌లైన్‌ కేంద్రానికి ఫోన్‌ చేసి ఫిర్యాదు చేయవచ్చని బోర్డు వెబ్‌సైట్‌లో సూచించింది. కానీ అది పని చేయకపోవడంతో గ్రామీణ ప్రాంతాల విద్యార్థులు తీవ్ర ఆందోళన చెందుతున్నారు. వ్యయ ప్రయాసలకోర్చి ఇంటర్‌ బోర్డుకు వస్తే అక్కడా లోపలికి రానివ్వకపోవడంతో ఉసూరుమంటూ వెనక్కి వెళ్లిపోతున్నారు. ఇలా అనేక మంది విద్యార్థులకు ఈ సమస్య రావడంతో రీవెరిఫికేషన్‌ అవుతుందా లేదా అని గందరగోళంలో పడ్డారు. చివరకు హెల్ప్‌డెస్క్‌ మెయిల్‌ ఐడీకి ఫిర్యాదు పంపించినా కనీసం దానికి కూడా స్పందన లేదు. పేపర్‌ వెరిఫికేషన్‌ కోసం దాదాపు 42 వేల మంది దరఖాస్తు చేసుకుని రుసుం చెల్లించారు. డబ్బులు కట్‌ అయినా అప్లికేషన్‌ నంబరు జనరేట్‌ కాలేదు. దీంతో ఏం చేయాలో అర్థంకాని స్థితిలో పడ్డారు. తమ జవాబు పత్రాలను రీవెరిఫికేషన్‌ చేస్తారా.. లేదా అన్న ఆందోళనలో విద్యార్థులు ఉన్నారు.  

సాక్షి, హైదరాబాద్‌: ఇంటర్మీడియట్‌ ఫలితాల్లో తప్పిదాలను నిరసిస్తూ బీజేపీ గురువారం (2న) రాష్ట్ర బంద్‌కు పిలుపునిచ్చింది. రాష్ట్రంలో 24 మంది విద్యార్థుల ఆత్మహత్యలకు కారణమైన ఇంటర్‌ పరీక్షల నిర్వహణలో ప్రభుత్వ వైఫల్యాన్ని నిరసిస్తూ నేడు తాము చేపట్టబోయే రాష్ట్ర బంద్‌కు ప్రజలు సహకరించాలని బీజేపీ రాష్ట్ర అధ్యక్షుడు డాక్టర్‌ కె.లక్ష్మణ్‌ పేర్కొన్నారు. ఈ మేరకు బుధవారం ఆయన రాష్ట్ర ప్రజలకు బహిరంగ లేఖ రాశారు. పిల్లల భవిష్యత్తు కోసం, ఆందోళనలో ఉన్న విద్యార్థి లోకానికి భరోసా ఇచ్చేందుకు, అమాయక విద్యార్థుల బలిదానమైనా అహంకారంతో కళ్లు మూసుకుపోయిన ప్రభుత్వానికి కనువిప్పు కలిగించేందుకు బంద్‌ను జయప్రదం చేయాలని ప్రజలకు విజ్ఞప్తి చేశారు. ప్రభుత్వ నిర్లక్ష్యం, పరీక్షల నిర్వహణ, ప్రాసెసింగ్‌ లోపాలతో పలువురు విద్యార్థులు ఫెయిలయ్యారని అన్నారు. టాప్‌ ర్యాంక్‌ వస్తుందని ఆశించిన వారు, ఫస్టియర్‌లో 90 శాతానికి పైగా మార్కులొచ్చిన వారు, మిగతా సబ్జెక్టుల్లో 90 శాతానికి పైగా మార్కులొచ్చిన వారు కూడా ఫెయిలైన వారి జాబితాలో ఉన్నారని వెల్లడించారు. 50 ఏళ్ల ఇంటర్‌ బోర్డు చరిత్రలో ఎప్పుడూ చోటు చేసుకోని గందరగోళం, ఘోర వైఫల్యం ఈసారి చోటుచేసుకున్నాయని పేర్కొన్నారు. ఇలాంటి పరిస్థితుల్లో మొద్దు నిద్ర నటిస్తున్న ప్రభుత్వాన్ని తట్టి లేపేందుకు, బాధిత విద్యార్థులకు న్యాయం చేసేందుకు బీజేపీ రాష్ట్ర బంద్‌కు పిలుపునిచ్చిందని, ఇది రాజకీయ ప్రయోజనాలు ఆశించి కాదని స్పష్టం చేశారు.   నిమ్స్‌లో కొనసాగుతున్న లక్ష్మణ్‌ దీక్ష..  ఇంటర్‌ బోర్డు అధికారులపై చర్యలు తీసుకోవాలని డిమాండ్‌ చేస్తూ లక్ష్మణ్‌ చేపట్టిన ఆమరణ నిరాహార దీక్ష బుధవారంతో మూడో రోజుకు చేరింది. నాంపల్లిలోని బీజేపీ కార్యాలయం ముందు సోమవారం ఆయన దీక్షకు కూర్చోగా, పోలీసులు ఆయన్ను అరెస్టు చేసి నిమ్స్‌కు తరలించిన విషయం తెలిసిందే. సెలైన్‌ ఎక్కించేందుకు యత్నించినప్పటికీ ఆయన నిరాకరించి, ఆస్పత్రిలోనే తన దీక్షను కొనసాగిస్తు న్నారు. మూడు రోజులుగా ఆయన ఎలాంటి ఆహా రం తీసుకోకపోవడం వల్ల నాలుగు కేజీల బరువు తగ్గారు. ఆయన ఆరోగ్య పరిస్థితి రోజురోజుకూ క్షీణిస్తుండటం, ప్రభుత్వం నుంచి ఇప్పటి వరకు కనీస స్పందన లేకపోవడంతో బీజేపీ వర్గాలు తీవ్ర ఆగ్రహం వ్యక్తం చేస్తున్నాయి. అనేక మంది పిల్లల ప్రాణాలను పొట్టన పెట్టుకున్న గ్లోబరీనా సంస్థ కాంట్రాక్ట్‌ను వెంటనే రద్దు చేయాలని.. విద్యా శాఖ మంత్రి జగదీశ్‌రెడ్డిని వెంటనే బర్తరఫ్‌ చేయాలని, బోర్డుకార్యదర్శి అశోక్‌కుమార్‌ను వెంటనే సస్పెండ్‌ చేయాలని డిమాండ్‌ చేశాయి. ‘బంద్‌కు సహకరించండి’ సాక్షి, హైదరాబాద్‌: ఇంటర్మీడియట్‌ ఫలితాల్లో తప్పులను నిరసిస్తూ సోమవారం (2న) బీజేపీ తలపెట్టిన బంద్‌ను విజయవంతం చేయాలని బీజేపీ జాతీయ ప్రధాన కార్యదర్శి మురళీధర్‌రావు ప్రజలను కోరారు. బీజేపీ రాష్ట్ర కార్యాలయంలో బుధవారం ఆయన విలేకరులతో మాట్లాడారు. ఇంటర్‌ బోర్డులో అవకతవకలకు బాధ్యులైన వారిపై ప్రభుత్వం ఇంత వరకు చర్యలు చేపట్టలేదని తెలిపారు. నిరసనకు దిగిన ప్రతిపక్షా లపై పోలీసులతో దాడులు చేయిస్తున్నారన్నారు. విద్యార్థుల ఆత్మహత్యలకు తెలంగాణ ప్రభుత్వమే బాధ్యత వహించాలని డిమాండ్‌ చేశారు. ఎలాంటి ఒప్పందం లేకుండా గ్లోబరీనా సంస్థ కాంట్రాక్టు ఎలా దక్కించుకుందని ప్రశ్నించారు. పాత్రధారులే న్యాయ నిర్ణేతలుగా ఉన్నారని విమర్శించారు. ఈ విషయం లో తాడోపేడో తేల్చుకునేందుకు తమ పార్టీ సిద్ధమవుతోందని చెప్పారు. తాము చేపట్టనున్న బంద్‌ రాజకీయం కోసం కాదని స్పష్టం చేశారు.    

సాక్షి, హైదరాబాద్‌ : ఇంటర్‌ ఫలితాల అవకతవకలపై హైకోర్టు సోమవారం విచారణ జరిపింది. ఈ వ్యవహారంలో తెలంగాణ ప్రభుత్వం​ హైకోర్టులో కౌంటర్‌ దాఖలు చేసింది. విద్యార్థుల రీ వాల్యుయేషన్‌పై ఇంటర్‌బోర్డు తమ నిర్ణయాన్ని కోర్టుకు తెలిపింది. ఇప్పటికే ఫెయిలైన మూడు లక్షల 20వేలమంది విద్యార్థులకు రీ వెరిఫికేషన్‌, రీ కౌంటింగ్‌ జరుపుతామమని బోర్డు హైకోర్టుకు నివేదించింది. రీ వెరిఫికేషన్‌, రీ కౌంటింగ్‌ను మే 8లోగా పూర్తి చేసి.. వివరాలు తమకు సమర్పించాలని ఇంటర్‌ బోర్డును హైకోర్టు ఆదేశించింది. బోర్డు ఇచ్చిన వివరాలు చూసిన తర్వాత 8వ తేదీ మధ్యాహ్నం ఫిటిషన్‌పై మరోసారి విచారణ జరుపుతామని న్యాయస్థానం స్పష్టం చేసింది. ఈ మేరకు తదుపరి విచారణను మే 8వ తేదీకి వాయిదా వేసింది. కాగా, చనిపోయిన విద్యార్థులకు 50లక్షల రూపాయల పరిహారం ఇవ్వాలంటూ మరో పిటిషన్‌ కూడా దాఖలైంది. ఇంటర్‌ బోర్డు కార్యదర్శి అశోక్‌, తెలంగాణ విద్యాశాఖ కార్యదర్శి జనార్దన్‌రెడ్డి విచారణకు హాజరయ్యారు.

సాక్షి, హైదరాబాద్‌: ఇంటర్ పరీక్షా ఫలితాల్లో ప్రభుత్వ వైఫల్యాన్ని నిరసిస్తూ, విద్యార్థులకు న్యాయం న్యాయం చేయాలన్న డిమాండ్‌తో బీజేపీ తెలంగాణ అధ్యక్షుడు డాక్టర్ కె.లక్ష్మణ్ నాటకీయ పరిణామాల నడుమ నిరాహార దీక్షకు దిగారు. విద్యాశాఖ మంత్రి జగదీశ్‌రెడ్డిని బర్తరఫ్ చేయాలని, ఇంటర్ బోర్డు కార్యదర్శి తొలగించాలని, ఇంటర్‌ ఫలితాల్లో అవకతవకలపై న్యాయ విచారణ జరపాలంటూ ఆయన సోమవారం నుంచి నిరవధిక నిరాహాక దీక్ష చేస్తానని ప్రకటించిన సంగతి తెలిసిందే. ఈ నేపథ్యంలో పెద్దసంఖ్యలో పోలీసులు  ముషీరాబాద్‌లోని లక్ష్మణ్‌  క్యాంపు కార్యాలయం ముందు మోహరించారు. ఆయన బయటకు రాగానే అదుపులోకి తీసుకోవాలని పోలీసులు భావించినట్టు తెలుస్తోంది. ఈ క్రమంలో పోలీసుల కళ్లుగప్పి ట్యాక్సీ కారులో చాకచక్యంగా ఆయన బీజేపీ కార్యాలయానికి చేరుకున్నారు. బీజేపీ రాష్ట్ర కార్యాలయం ముందు ఏర్పాటుచేసిన వేదిక వద్ద ఆయన నిరాహార దీక్షకు దిగారు. ఇంటర్ ఫలితాల అంశాన్ని సీరియస్‌గా తీసుకున్న బీజేపీ ఈ అంశంపై ప్రభుత్వాన్ని ఎండగట్టాలని భావిస్తోంది. ఇంటర్ ఫలితాల్లో తప్పిదాల కారణంగా 23 మంది విద్యార్థులు ఆత్మహత్యలకు పాల్పడ్డారు, ఆ కుటుంబాలకు ప్రభుత్వం సానుభూతి తెలుపకపోగా తూ.తూ.మంత్రంగా చర్యలు తీసుకోవడంపై బీజేపీ ఆగ్రహం వ్యక్తం చేస్తోంది.

సాక్షి, హైదరాబాద్‌: తెలంగాణలో ఇంటర్‌ మంటలు చల్లారడం లేదు. ఇంటర్‌ బోర్డు వైఫల్యాలపై ఆగ్రహంతో ఉన్న ప్రతిపక్ష పార్టీలు సోమవారం తమ ఆందోళనను తీవ్రతరం చేశాయి. ఇంటర్ బోర్డు వైఫల్యాలు, రాష్ట్ర ప్రభుత్వ నిర్లక్ష్య వైఖరిని నిరసిస్తూ బోర్డు కార్యాలయాన్ని ముట్టడికి అఖిలపక్షం ఆధ్వర్యంలో పార్టీలు పిలుపునిచ్చాయి. ఈ క్రమంలో ముట్టడిని కట్టడి చేసేందుకు పోలీసులు ప్రయత్నిస్తున్నారు. ఇక, ఇంటర్‌ బోర్డును ప్రక్షాళన చేయాలని డిమాండ్‌ చేస్తూ ఏబీవీపీ విద్యార్థులు ప్రగతిభవన్‌ ముట్టడికి ప్రయత్నించారు. సీఎం నివాసమైన ప్రగతిభవన్‌ ముందు పెద్దసంఖ్యలో ఏబీవీపీ విద్యార్థులు బైఠాయించి నిరసన తెలిపారు. ఈ సందర్భంగా ప్రగతి భవన్‌లోకి చొచ్చుకెళ్లేందుకు ప్రయత్నించారు. దీంతో పోలీసులు వారిని అడ్డుకొని.. బలవంతంగా అరెస్టు చేసి.. అక్కడి నుంచి తరలించారు. దీంతో అక్కడ కాసేపు ఉద్రిక్తత చోటుచేసుకుంది.   నేతల అరెస్టులు..! ఇంటర్‌ బోర్డు కార్యాలయం ముట్టడికి ప్రయత్నించిన ప్రతిపక్ష పార్టీల నేతలను పోలీసులు ఎక్కడికక్కడ అరెస్టు చేసి.. పోలీసు స్టేషన్లకు తరలించారు. కాంగ్రెస్‌ నేతలు వీ హనుమంతరావు, అంజన్‌కుమార్ యాదవ్‌ను అరెస్టు చేసి కాంచన్‌బాగ్ పోలీస్‌స్టేషన్‌కు తరలించారు. టీటీడీపీ అధ్యక్షుడు ఎల్ రమణ, టీపీసీసీ కోశాధికారి గూడూరు నారాయణరెడ్డిని అరెస్టు చేసి.. బంజారాహిల్స్ పోలీస్ స్టేషన్ కు తరలించారు. గీతారెడ్డిని సైఫాబాద్ పోలీస్ స్టేషన్‌కు తరలించారు. సీపీఐ నేత చాడ వెంకట్ రెడ్డి, టీపీసీసీ ప్రధాన కార్యదర్శి వినోద్ రెడ్డిలను అరెస్ట్ చేసి గోషామహల్ పోలీస్ స్టేషన్‌కు తరలించారు. గాంధీ భవన్ నుంచి ఇంటర్ బోర్డ్ ముట్టడికి ర్యాలీగా బయలుదేరిన టీపీసీసీ రాష్ట్ర ప్రధాన కార్యదర్శి కోటూరి మానవతా రాయ్, కార్యదర్శులు కురువ విజయ్‌కుమార్, అల్లం భాస్కర్‌తోపాటు ఎన్‌ఎస్‌యూఐ నేతలను నాంపల్లి చౌరస్తా అరెస్ట్ చేసి గోషామహల్ పోలీస్టేషన్‌కు తరలించారు. గృహనిర్బంధాలు.. మేడ్చల్‌లో డీసీసీ అధ్యక్షుడు కూన శ్రీశైలం గౌడ్‌ను సైతం పోలీసులు ముందస్తుగా అదుపులోకి తీసుకున్నారు. తెలంగాణ జనసమితి అధ్యక్షుడు కోదండరాం ఇంటి వద్ద పోలీసులు మోహరించారు. నల్గొండ జిల్లా మిర్యాలగూడలో డీసీసీ అధ్యక్షుడు శంకర్‌ నాయక్‌ సహా తెదేపా నాయకుడు సాధినేని శ్రీనివాస్‌ను పోలీసులు అరెస్టు చేశారు. నిజామాబాద్‌ జిల్లాలో ముందస్తుగా పలువురు నాయకులను పోలీసులు గృహనిర్భందించారు. అంతకుముందు కాంగ్రెస్‌ సీనియర్‌ నేతలు వీ హనుమంతరావు, పొన్నాల లక్ష్మయ్యలను గృహనిర్భందం చేశారు. నల్గొండ జిల్లా నకిరేకల్‌లో కాంగ్రెస్‌, బీజేపీ, సీపీఎం నాయకులను పోలీసులు అరెస్టు చేశారు. మల్కాజ్‌గిరిలో 9 మంది, నేరేడ్‌ మెట్లో 10 మంది విపక్ష నేతలను అరెస్టు చేశారు. మేడ్చల్‌లో పాతూరి సుధాకర్‌ రెడ్డి సహా పలువురి నాయకులు అరెస్టయ్యారు. జగిత్యాలలో ఎమ్మెల్సీ జీవన్‌రెడ్డిని పోలీసులు గృహనిర్భందం చేశారు. హైదరాబాద్‌ వెళ్లకుండా ఆయన ఇంటి ఎదుట పోలీసులు మోహరించారు. దద్దరిల్లిన ఇంటర్‌ బోర్డు ఇంటర్‌ బోర్డు కార్యాలయం నినాదాలు, నిరసనలతో దద్దరిల్లుతోంది. ఇంటర్‌ బోర్డు కార్యాలయాన్ని ముట్టడించేందుకు వామపక్ష విద్యార్థి సంఘాల శ్రేణులు ప్రయత్నించాయి. పెద్ద ఎత్తున విద్యార్థులు, విద్యార్థి నాయకులు  బోర్డు కార్యాలయం వద్దకు చేరుకొని.. కార్యాలయంలోకి చొచ్చుకెళ్లేందుకు ప్రయత్నించారు.  అక్కడ పెద్దసంఖ్యలో మోహరించిన పోలీసులు వారిని అడ్డుకున్నారు. దీంతో బోర్డు కార్యాలయం వద్ద తీవ్ర ఉద్రిక్తత నెలకొంది. నినాదాలు చేస్తూ ముట్టడికి దిగిన నిరసనకారులు, విద్యార్థులను పోలీసులు బలవంతంగా అరెస్టు చేసి అక్కడి నుంచి తరలించారు. అరెస్టులు.. నిర్బంధం.. ఇంటర్ బోర్డ్ కార్యాలయం వద్ద అఖిలపక్షం ధర్నా నేపథ్యంలో రాష్ట్రవ్యాప్తంగా కాంగ్రెస్‌, సీపీఐ, తెలంగాణ జనసమితి పార్టీ నాయకులను ముందస్తుగా అదుపులోకి తీసుకున్నారు. ఇంటర్‌ బోర్డు ముట్టడికి బయలుదేరిన నేతలను ఎక్కడికక్కడ అరెస్టు చేస్తున్నారు. హైదరాబాద్‌లో టీపీసీసీ చీఫ్‌ ఉత్తమ్‌కుమార్‌రెడ్డి, ఆ పార్టీ నాయకుడు అంజన్‌కుమార్‌ యాదవ్‌, టీజేఎస్‌ అధినేత కోదండరామ్‌ను పోలీసులు హౌజ్‌ అరెస్టు చేశారు. తమ పార్టీ నేతలను ఎక్కడికక్కడ అరెస్టు చేస్తుండటాన్ని ఉత్తమ్‌, కోదండరామ్‌,  చాడా వెంకట్‌రెడ్డి ఖండించారు. మరోవైపు నల్గొండ జిల్లా మిర్యాలగూడలో మాజీ ఎమ్మెల్యే జూలకంటి రంగారెడ్డిని పోలీసులు హౌజ్ అరెస్ట్ చేశారు. ఇంటర్ ఫలితాల్లో గందరగోళం, విద్యార్థుల ఆత్మహత్యలకు నిరసనగా హైదరాబాద్‌లో సీపీఎం ధర్నాకు పిలుపునిచ్చింది. ఈ నేపథ్యంలతో తెల్లవారుజామున 4 గంటలకే జూలకంటి ఇంటికి చేరుకున్న పోలీసులు.. ఆయనను హౌజ్‌ అరెస్టు చేసి నిర్బంధించారు. అరెస్టులపై పొన్నం మండిపాటు ఇంటర్ బోర్డ్ కార్యాలయం వద్ద అఖిలపక్షం ధర్నా నేపథ్యంలో రాష్ట్రవ్యాప్తంగా పోలీసులు అరెస్టులు చేపడుతుండటాన్ని టీపీసీసీ కార్యనిర్వాహక అధ్యక్షుడు పొన్నం ప్రభాకర్ ఖండించారు. అరెస్టులతో ఉద్యమాన్ని ఆపలేరని, అరెస్టులు కాదు విద్యార్థులకు న్యాయం చేయాలని పొన్నం  డిమాండ్‌ చేశారు. రాష్ట్రంలో హక్కులను కాలరాస్తున్నారని, పోలీసులు బలవంతంగా అరెస్టులు చేసి నిర్బంధించడం అక్రమమని పేర్కొన్నారు. అరెస్టు చేసిన వాళ్లను వెంటనే విడుదల చేయాలని డిమాండ్‌ చేశారు. ఇంటర్ పరీక్షలు నిర్వహించిన ఏజెన్సీ తప్పిదాలపై ప్రభుత్వం స్పందించిన తీరును నిరసిస్తూ చేపట్టిన తమ పోరాటాన్ని జయప్రదం చేయాలని టీపీసీసీ అధ్యక్షుడు ఉత్తమ్ కుమార్‌రెడ్డి పార్టీ శ్రేణులను కోరారు.

సాక్షి, హైదరాబాద్‌ : రాష్ట్రంలో ఇంటర్మీడియట్‌ విద్యార్ధుల ఆత్మహత్యలు, ఇంటర్‌ ఫలితాల విషయంలో జరిగిన అవకతవకలపై సమీక్ష జరిపిన సీఎం కేసీఆర్‌.. ఫెయిల్‌ అయిన విద్యార్థులందరికీ రీ కౌంటింగ్‌, రీ వెరిఫికేషన్‌ను ఉచితంగా చేయాలని ఆదేశించిన సంగతి తెలిసిందే. అయితే తాజాగా ఇంటర్మీడియట్‌ బోర్డు మరో కీలక నిర్ణయం తీసుకుంది. ఫెయిల్‌ అయిన విద్యార్థులెవరూ దరఖాస్తు చేసుకోకున్నా రీకౌంటింగ్‌, రీవెరిఫికేషన్‌ చేస్తామని ప్రకటించింది. అప్లై చేసుకోవడానికి ఇంటర్‌నెట్‌ కేంద్రాల వద్ద క్యూలో నిల్చోవాల్సిన అవసరం లేదని పేర్కొంది. ఫీజు చెల్లించి ఇప్పటికే దరఖాస్తు చేసుకున్న వారికి నగదును తిరిగి చెల్లిస్తామని తెలిపింది. మే 15 లోపు కొత్త ఫలితాలు, కొత్త మెమోలు ఇంటికి వస్తాయని పేర్కొంది.

సాక్షి, హైదరాబాద్‌: ఇంటర్మీడియట్‌ ఫలితాల్లో బోర్డు తప్పిదాలపై నిరసన కార్యక్రమాలు హోరెత్తుతున్నాయి. ఫలితాలు వెల్లడైనప్పటి నుంచి 6 రోజులుగా విద్యార్థులు, తల్లిదండ్రులు, విద్యార్థి సంఘాలు ఇంటర్‌ బోర్డును ముట్టడించి నిరసన కార్యక్రమాలు చేపడుతున్నాయి. బుధవారం కూడా పలు విద్యార్థి సంఘాలు ధర్నా చేపట్టగా దీనికి విద్యార్థుల తల్లిదండ్రులు మద్దతు పలికారు. జవాబు పత్రాల రీ–వెరిఫికేషన్, రీ–కౌంటింగ్‌కు విద్యార్థుల వద్ద ఫీజు వసూలు చేయొద్దని తల్లిదండ్రులు కోరారు. యంత్రాంగం చేసిన తప్పిదానికి తామెందుకు ఫీజు కట్టాలని ప్రశ్నించారు. ఫలితాల్లో తప్పిదాలు సవరించాలని, ఉచితంగా రీ–వెరిఫికేషన్, రీ–కౌంటింగ్‌ జరిపించాలని.. అవకతవకలకు బాధ్యులైన వారిపై కఠిన చర్యలు తీసుకోవాలని డిమాండ్‌ చేశారు. ఇంటర్‌ బోర్డు వద్ద రోజురోజుకూ ఆందోళనలు తీవ్రతరమవుతుండడంతో పోలీసులు భద్రతను కట్టుదిట్టం చేశారు. విద్యార్థులను సైతం లోనికి అనుమతించడం లేదు. దీంతో ఇంటర్మీడియట్‌ ఫలితాలు, అడ్వాన్స్‌ సప్లిమెంటరీ, ఫీజు సంబంధించిన సమాచారాన్ని తెలుసుకునేందుకు వచ్చే విద్యార్థులకు ఇబ్బందులు తప్పడం లేదు. విద్యాశాఖ మంత్రి రాజీనామాకు డిమాండ్‌ ఇంటర్‌ బోర్డులో అవకతవకల వల్లే విద్యార్థులు ఆత్మహత్యలకు పాల్పడ్డారంటూ డీవైఎఫ్‌ఐ విద్యార్థి సంఘం ఆరోపించింది. విద్యార్థులు పిట్టల్లా రాలిపోతుంటే అధికారులు, మంత్రి బాధ్యతారాహిత్యంగా మాట్లాడుతున్నారని విమర్శించింది. బుధవారం బోర్డు కార్యాలయాన్ని ముట్టడించిన విద్యార్థులకు, పోలీసులకు మధ్య తోపులాట జరిగింది. దీంతో డీవైఎఫ్‌ఐ నాయకులను పోలీసులు అరెస్టు చేశారు. సంఘం రాష్ట్ర కార్యదర్శి విజయ్‌కుమార్‌ మాట్లాడుతూ.. విద్యార్థుల చావుకు కారణమైన విద్యాశాఖ మంత్రి జగదీశ్‌రెడ్డి రాజీనామా చేయాలని, ఇంటర్‌బోర్డు కార్యదర్శి అశోక్‌ను ఆ పదవినుంచి తప్పించాలని డిమాండ్‌ చేశారు. ఇంత జరుగుతున్నా సీఎం స్పందించకపోవడం దుర్మార్గమన్నారు. సరిగ్గా రాయనివారే ఫెయిల్‌ అవుతారని విద్యాశాఖ కార్యదర్శి జనార్దన్‌ రెడ్డి దుర్మార్గంగా మాట్లాడారని ఆయన మండిపడ్డారు. కమిటీ ముందుకొచ్చిన గ్లోబరీనా ఇంటర్‌ ఫలితాలపై ఏర్పాటు చేసిన త్రిసభ్య కమిటీ పరిశీలన ప్రక్రియ వేగవంతమైంది. ఫలితాల విడుదలలో బోర్డు తీసుకున్న చర్యలతో పాటు సాంకేతిక వ్యవహారాలు చూసుకునే ప్రైవేటు సంస్థ ప్రమేయాన్ని క్షుణ్ణంగా పరిశీలిస్తోంది. ఈనెల 22న త్రిసభ్య కమిటీని ఏర్పాటు చేస్తూ ప్రభుత్వం ఉత్తర్వులు జారీ చేసింది. ఇందులో భాగంగా ఈనెల 23న కమిటీ బృందం ఇంటర్‌బోర్డును సందర్శించి ఫలితాల ప్రక్రియలో ఎవరెవరి పాత్ర ఉన్న వారితో చర్చించింది. ప్రస్తుత కంట్రోలర్‌ ఆఫ్‌ ఎగ్జామ్‌ (సీఓఈ)తోపాటు అంతకు ముందున్న సీఓఈతో కూడా వేర్వేరుగా సమావేశమైంది. బుధవారం ఇంటర్‌ బోర్డులో డీపీఆర్పీ పనులు చేపట్టిన కాంట్రాక్టు సంస్థ గ్లోబరీనాతో సమావేశమైంది. ఇంటర్మీడియట్‌ బోర్డు అధికారులు ఇచ్చిన సమాచారంతో పాటు కాంట్రాక్టు సంస్థ చేసిన కార్యక్రమాలను త్రిసభ్య కమిటీ విశ్లేషించనుంది.

సాక్షి, హైదరాబాద్‌: డేటా ప్రాసెసింగ్, రిజల్ట్స్‌ ప్రాసెసింగ్‌ (డీపీఆర్పీ)లో తీవ్రమైన అవకతవకల కారణంగా ఇంటర్మీడియట్‌ ఫలితాల్లో గందరగోళంలో గ్లోబరీనా సంస్థదే ప్రధాన పాత్ర. ప్రాజెక్టు అమలు బాధ్యతలు తీసుకున్న మొదటిరోజు నుంచీ ప్రతిపనిలోనూ ఈ సంస్థ తీవ్రమైన నిర్లక్ష్యం స్పష్టంగా కనిపించింది. దీని కారణంగానే నేడు లక్షలాది మంది విద్యార్థుల భవిష్యత్తు ప్రమాదంలో పడింది. డీపీఆర్పీ ప్రాజెక్టులో భాగంగా గ్లోబరీనా సంస్థ పలుదశల్లో సాంకేతిక సేవలను ఇంటర్మీడియట్‌ బోర్డుకు అందించాలి. దీనికి అవసరమైన సమాచారాన్ని బోర్డు నుంచి సేకరించి.. కంప్యూటరీకరించడం, విశ్లేషించడం తదితర పనులు సమయానుగుణంగా చేయాలి. కానీ.. ఈ విషయంలో కనీసస్థాయిలో కూడా అనుభవంలేని గ్లోబరీనా సంస్థ టెండరు దక్కించుకున్నప్పటినుంచీ.. బోర్డుతో సమన్వయం చేసుకోవడంలో దారుణంగా విఫలమైంది. దీంతో ప్రాజెక్టు ఆసాంతం తీవ్ర గందరగోళంగా తయారైంది.  మొదట్లోనే చేతులెత్తేసినా..!  డీపీఆర్పీ ప్రాజెక్టు టెండర్‌ దక్కించుకున్న గ్లోబరీనా సంస్థ.. ఇంటర్‌ విద్యార్థుల అడ్మిషన్లు మొదలు పరీక్షాఫలితాలు ఇచ్చే వరకు నిర్దేíసిత కార్యక్రమాలన్నీ చాలా జాగ్రత్తగా చేపట్టాలి. 2018–19 విద్యాసంవత్సరం ప్రారంభంలో అడ్మిషన్ల ప్రక్రియను చేపట్టిన కొత్తలోనే గ్లోబరీనా గందరగోళానికి గురై చేతులెత్తేసింది. మొదట ప్రభుత్వ కాలేజీల్లో ప్రవేశాలకు సంబంధించి డేటా ప్రాసెస్‌ చేసింది. వారం రోజుల్లో దాదాపు 70వేల మంది విద్యార్థులు అడ్మిషన్లు తీసుకోవడంతో ఆయా విద్యార్థుల వివరాలన్నీ కంప్యూటరీకరించింది. కానీ.. ఆన్‌లైన్‌లో సాంకేతిక సమస్యలు నెలకొనడంతో ప్రాసెస్‌ చేసిన విద్యార్థుల డేటా మొత్తం కరప్ట్‌ అయ్యింది. ఆ తర్వాత మాన్యువల్‌ పద్ధతిలో కాలేజీల వారీగా వివరాలను ఆన్‌లైన్‌ చేయడంతో అడ్మిషన్ల ప్రక్రియలో తీవ్రజాప్యం నెలకొంది. ఈ పరిస్థితిని అధిగమించేందుకు ఇంటర్‌బోర్డు హడావిడిగా సీజీజీ (సెంటర్‌ఫర్‌ గుడ్‌ గవర్నెన్స్‌)ను మళ్లీ తెరపైకి తీసుకొచ్చింది. డేటా ప్రాసెసింగ్‌లో అనుభవమున్న సీజీజీ.. ఈ ప్రక్రియను సులభంగా పూర్తి చేసింది. ఈ ప్రక్రియ ఆలస్యమవడంతో 2018–19 విద్యా సంవత్సరంలో అడ్మిషన్ల ప్రక్రియ జాప్యం కారణంగా.. ప్రైవేటు కాలేజీల యాజమాన్యాలకు చుక్కలు కనిపించాయి. అయితే.. సీజీజీ మొత్తం వివాదాన్ని క్లియర్‌ చేసిన ఇచ్చిన తర్వాత స్వల్ప మార్పులు, చేర్పులు చేసే పనిమాత్రమే గ్లోబరీనాకు మిగిలింది. అయితే ఈ దశలోనూ ఆ సంస్థ నిర్లక్ష్యంగా వ్యవహరించడంతో.. మళ్లీ డేటా కరప్షన్‌ కారణంగా విద్యార్థులు ఎంచుకున్న సబ్జెక్టులు కాకుండా ఇతర సబ్జెక్టులు డేటాలో మారిపోయాయి. దీంతో పరీక్షల సమయంలో.. విద్యార్థులకు ఎంచుకున్న సబ్జెక్టులు కాకుండా ఇతర సబ్జెక్టులున్న ఓఎంఆర్‌ షీట్లు జారీ అయ్యాయి. ఇది తీవ్ర గందరగోళానికి దారితీసింది. పరీక్షా కేంద్రాల సూపరింటెండెంట్‌లు, ఇతర అధికారులు చొరవతీసుకుని.. సమీపంలోని పరీక్షా కేంద్రాలు, జిల్లా కేంద్రాల్లోని ఎగ్జామ్‌ సెంటర్ల నుంచి ఆయా సబ్జెక్టుల ప్రశ్నపత్రాలు తెచ్చి సర్దుబాటు చేయడంతో విద్యార్థులు పరీక్ష రాశారు.   పరీక్ష ఫీజుల స్వీకరణలోనూ ఆగమాగం  ఇంటర్మీడియట్‌ విద్యార్థులు పరీక్ష ఫీజుల చెల్లింపు విషయంలోనూ భారీగా తప్పిదాలు జరిగాయి. ఫీజు స్వీకరణ తేదీని ప్రకటించిన నాటినుంచే చెల్లింపుల వెబ్‌సైట్‌ తెరుచుకోవాలి. కానీ వెబ్‌సైట్‌లో సాంకేతిక సమస్యల కారణంగా.. నెలరోజులపాటు ఫీజు చెల్లింపు తేదీని పొడిగించాల్సిన దుస్థితికి గ్లోబరీనా వైఫల్యమే కారణం. క్షేత్రస్థాయిలో విద్యార్థులు కాలేజీలకు ఫీజులు చెల్లించగా.. వాటిని ఆన్‌లైన్లో జనరేట్‌ చేసి చలాన్లు చెల్లిస్తారు. ఫీజు ప్రాసెసింగ్‌లో భాగంగా ఈ సమాచారాన్ని ఫీజు చెల్లించిన, చెల్లించని విద్యార్థులను వేరు చేసి చూపేలా సాంకేతిక సహకారాన్ని గ్లోబరీనా అందించాలి. కానీ అందులోనూ దారుణ సాంకేతిక వైఫల్యం తలెత్తింది. ఈ సమస్యలను సరిదిద్దడంలో గ్లోబరీనా లోపాలు సుస్పష్టం కావడంతో పలుమార్లు ఫీజు గడువును పొడిగించాల్సి వచ్చింది. చివరగా ఫలితాల ప్రాసెసింగ్‌లోనూ భారీగా అవకతవకలు జరిగాయి. దీంతో మెరిట్‌ విద్యార్థులకు తక్కువ మార్కులు రావడం, కొందరు ఫెయిల్‌ అవడంతో రాష్ట్రవ్యాప్తంగా గందరగోళం నెలకొంది. డీపీఆర్పీ ప్రాజెక్టును చేపట్టిన గ్లోబరీనా అడుగడుగునా నిర్లక్ష్యపూరితంగా వ్యవహరించి తప్పిదాలు చేయడమే విద్యార్థుల పాలిట శాపంగా మారింది.  ఉద్యోగుల ఫిర్యాదు పైనా స్పందన కరువు  డీపీఆర్పీ ప్రాజెక్టు అమల్లో.. కాంట్రాక్టు తీసుకున్న సంస్థ వ్యవహారశైలిపై మొదటినుంచీ ఇంటర్‌బోర్డు ఉద్యోగులు అసంతృప్తికరంగానే ఉన్నారు. కాంట్రాక్టు సంస్థకు సరైన అనుభవం లేకపోవడంతో బోర్డు తరపున చేయాల్సిన పనులను ఒకటికి రెండుసార్లు చేయాల్సి వచ్చింది. ఈ పరిస్థితి ఉద్యోగులకు చికాకు తెప్పింది. ఈ క్రమంలో కాంట్రాక్టు సంస్థ వ్యవహారశైలి, తప్పిదాలపై బోర్డులో పనిచేస్తున్న ఉద్యోగులు పలుమార్లు అసంతృప్తి వ్యక్తం చేశారు. ప్రాజెక్టులో భాగంగా చేయాల్సిన పనులు కాంట్రాక్టు సంస్థ సక్రమంగా చేయలేదని ఊహించిన కొందరు ఉద్యోగులు.. గతేడాది డిసెంబర్‌ చివరి వారంలో లిఖితపూర్వక ఫిర్యాదును ఇంటర్మీడియట్‌ బోర్డు కార్యదర్శికి సమర్పించారు. ఈ ఫిర్యాదుతో గ్లోబరీనా సంస్థ వ్యవహారంలో కొంతైనా మార్పు వస్తుందని ఆ ఉద్యోగులు భావించారు. కానీ కాంట్రాక్టు సంస్థకు బోర్డు నుంచి ఎలాంటి సూచన, హెచ్చరిక అందకపోవడంతో.. డీపీఆర్పీ ప్రాజెక్టు మరింత అస్తవ్యస్తంగా మారింది. ఉద్యోగులు సమర్పించిన ఫిర్యాదుతోనైనా స్పందించుంటే.. లక్షలాది మంది విద్యార్థులు ఇబ్బంది పడాల్సి వచ్చేది కాదని బోర్డు సిబ్బందొకరు వాపోయారు.  పొరపాట్లు జరిగాయి.. సవరిస్తున్నాం ఇంటర్మీడియట్‌ ఫలితాల్లో పొరపాట్లు జరిగిన మాట వాస్తవమే. వాటిని సవరించే చర్యలు చేపట్టాం. జన్నారం మండలానికి చెందిన నవ్య జవాబు పత్రం వాల్యుయేషన్‌ ప్రక్రి యలో ఎగ్జామినర్, సూపర్‌వైజర్‌ తప్పిదాలున్నట్లు గుర్తించాం. విద్యార్థినికి వాస్తవ మార్కులు ఇచ్చాం. దీనిపై ఎగ్జామినర్, సూపర్‌వైజర్‌ల వివరణ కోరాం. తప్పులు చేసిన వారిపై తప్పకుండా చర్యలు తీసుకుంటాం. రీ–వెరిఫికేషన్, రీ–కౌంటింగ్‌ ప్రక్రియ పద్ధతి ప్రకారమే జరుగుతుంది. తేదీ పొడిగింపు అంశాన్ని పరిశీలించి నిర్ణయం తీసుకుంటాం.     – అశోక్, ఇంటర్మీడియెట్‌ బోర్డు కార్యదర్శి

సాక్షి, హైదరాబాద్‌: ఇంటర్‌ ఫలితాల వెల్లడిలో నిర్లక్ష్యంగా వ్యవహరించిన అధికారులను కఠినంగా శిక్షించాలని, ఈ అంశంపై ముఖ్యమంత్రి కేసీఆర్‌ వెంటనే స్పందించాలని సీపీఐ కార్యదర్శి చాడ వెంకట్‌రెడ్డి డిమాండ్‌ చేశారు. మంచిర్యాల జిల్లాకు చెందిన నవ్యకు సున్నా మార్కులు ప్రకటించి, మరుసటి రోజే 99 మార్కులు వచ్చాయని పేర్కొనడం ఇంటర్‌ బోర్డు అధికారుల నిర్లక్ష్యానికి నిదర్శనమని ఆరోపించారు.  బోర్డు తప్పులు ఇంత స్పష్టంగా కనిపిస్తుంటే అవి అపోహలంటూ ప్రభుత్వం పేర్కొనడాన్ని ఆయన తప్పుపట్టారు. విద్యార్థుల జవాబు పత్రాల రీవాల్యువేషన్‌కు తల్లితండ్రుల నుంచి ఫీజులు వసూలు చేయడం బోర్డు దివాళాకోరుతనానికి నిదర్శమని సోమవారం ఒక ప్రకటనలో ధ్వజమెత్తారు. బోర్డు తప్పులకు నైతిక బాధ్యత వహిస్తూ ప్రభుత్వమే రీవాల్యువేషన్‌ చేపట్టాలని డిమాండ్‌ చేశారు.  సీమాంతర ఉగ్రవాదానికి నిదర్శనం.. శ్రీలంకలో జరిగిన మారణకాండ అత్యంత హృదయ విదారకరమైందని చాడ వెంకట్‌రెడ్డి పేర్కొన్నారు. సీమాంతర ఉగ్రవాదానికి ఈ దాడులు నిదర్శనమని తెలిపారు. ఈ ఉగ్రవాదుల వెనక ఉన్న ఏ దేశాన్ని అయినా ఇతర దేశాలు నిలదీయాలని సీపీఐ అభిప్రాయపడుతోందని వెల్లడించారు. 

సాక్షి, హైదరాబాద్‌ : తెలంగాణ ఇంటర్‌ ఫలితాల వెల్లడిలో కొన్ని పొరపాట్లు జరిగిన మాట వాస్తవమేనని ఇంటర్‌ బోర్డు కార్యదర్శి అశోక్‌కుమార్‌ అంగీకరించారు. ఇంటర్‌ బోర్డు పరీక్షా పత్రాలను పారదర్శకంగా, నాణ్యత కూడిన మూల్యాంకనం చేపట్టిందని, దాదాపు అంతా సక్రమంగా జరిగిందని ఆయన చెప్పారు. ఇంటర్‌ పరీక్షా ఫలితాల వెల్లడిలో అవకతవకలు, ఇంటర్‌ విద్యార్థుల బలవన్మరణాల నేపథ్యంలో సోమవారం  విద్యార్థుల తల్లిదండ్రులు, పలు పార్టీల శ్రేణులు ఇంటర్‌ బోర్డు ముందు పెద్ద ఎత్తున ధర్నా, నిరసన ప్రదర్శనలు చేపట్టాయి. దీంతో ఇంటర్‌ బోర్డు కార్యదర్శి అశోక్‌కుమార్‌ మీడియాతో మాట్లాడారు. ఇంటర్‌ పరీక్షా పత్రాల మూల్యాంకనంలో అక్కడక్కడ కొన్ని తప్పిదాలు, పొరపాట్లు జరిగాయని, ముఖ్యంగా ముగ్గురు విద్యార్థుల పరీక్షా పత్రాలకు సంబంధించి మూల్యాంకనంలో పొరపాట్లు జరిగాయని చెప్పారు. అందుకే నవ్యకు సున్నా! తెలుగులో సున్నా మార్కులు వచ్చి ఇంటర్‌ సెకండ్‌ ఇయర్‌లో ఫెయిల్‌ అయిన మంచిర్యాల జిల్లా జన్నారానికి చెందిన విద్యార్థిని జి. నవ్య అంశంపై అశోక్‌కుమార్‌ స్పందించారు. ఓఎమ్మార్‌ షీట్‌లో మార్కుల విభాగంలో బబ్లింగ్‌ చేయడంలో ఎగ్జామినర్‌ చేసిన తప్పిదం వల్లే నవ్యకు సున్నా వచ్చిందని ఆయన తెలిపారు. నవ్యకు 99 మార్కులకు బదులు ఎగ్జామినర్‌ జీరో బబ్లింగ్‌ చేశాడని, ఓఎమ్మార్‌ షీట్‌లో 9,9 అంకెల కిందనే సున్నా, సున్నా అంకెలు ఉంటాయని, 9-9 అంకెలను బబ్లింగ్‌ చేయడానికి బదులు పొరపాటున 0,0ను బబ్లింగ్‌ చేశారని, స్కూటినైజర్‌ కూడా సరిగ్గా పరిశీలించకుండా సున్నా, సున్నానే బబ్లింగ్‌ చేయడంతో నవ్యకు అలా మార్కులు వచ్చాయని తెలిపారు. దీనిపై మీడియాలో కథనాలు రావడంతో వెంటనే స్పందించి.. వెరీఫై చేసి.. ఆ విద్యార్థినికి న్యాయం చేశామన్నారు. ఈ విధంగా మూల్యాంకనంలో తప్పులు, పొరపాటు చేసిన వారిపై చర్యలు తీసుకుంటామని చెప్పారు. పరీక్షా పత్రాల మూల్యాంకనంలో పొరపాటు చేసిన వారిని ఇప్పటికే వివరణ అడిగామని, వారికి చార్జ్‌మెమో కూడా ఇస్తామని స్పష్టం చేశారు. 99కి బదులు సున్నా మార్కులు వేయడం చాలా పెద్ద తప్పిదమని, దీనిపై కచ్చితంగా చర్యలు ఉంటాయని ఆయన తెలిపారు. ఈ సందర్భంగా నవ్య ఓఎమ్మార్‌ షీట్‌ మీడియాకు చూపించారు. ఆ వదంతులు అవాస్తవం.. ఇంటర్‌ పరీక్షా పత్రాలు గల్లంతైనట్టు వస్తున్న వదంతులు, ఆరోపణలు అవాస్తవమన్నారు. రాష్ట్రవ్యాప్తంగా ఇంటర్‌బోర్డుకు 12 క్యాంప్‌ ఆఫీసులు ఉన్నాయని, కట్టుదిట్టమైన భద్రత నడుమ ఈ కార్యాలయాల్లోనే పరీక్షా పత్రాల మూల్యంకనం చేపడతామని తెలిపారు. పరీక్షా పత్రాలన్నీ తమ వద్ద భద్రంగా ఉన్నాయని, ఏ ఒక్క పరీక్షా పత్రం మిస్‌ కాలేదని చెప్పారు. ఆబ్‌సెంట్‌ అయిన విద్యార్థిని కూడా పాస్‌ చేశారని వచ్చిన వాదనలు అపోహ మాత్రమేనని, కొందరు విద్యార్థులకు పరీక్షా కేంద్రాల విషయంలో ఇబ్బందులు తలెత్తడంతో రెండు సెంటర్లు కేటాయించామని, అందులో వారు ఒక సెంటర్‌లో ఆబ్‌సెంట్‌ అయి.. మరో సెంటర్‌లో పరీక్ష రాశారని, అందువల్ల వారికి ఏ-పీ (ఆబ్‌సెంట్‌-పాస్‌) అనే కోడ్‌ వచ్చిందని, రెండు సెంటర్లు వచ్చినవారిలో కొందరు ఫెయిల్‌ కావడంతో ఏ-ఎఫ్‌ వచ్చిందని వివరణ ఇచ్చారు. పూర్తిగా ఆబ్‌సెంట్‌ అయిన వాళ్లను పాస్‌ చేయడం కానీ, పాస్‌ అయిన వాళ్లను ఫెయిల్‌ చేయడం కానీ జరగలేదని తెలిపారు. 15 ఏళ్లుగా మన్‌టెక్‌ ఇన్ఫో సంస్థ సాంకేతిక సేవలు అందిస్తోందని, 15 ఏళ్లుగా ఒకే సంస్థ ఇస్తుండటంతో మార్చాలని టెండర్లు పిలువగా.. గ్లోబరెనా సంస్థ నుంచి టెండర్‌ వచ్చిందని, నిబంధనలకు అనుగుణంగానే ఆ సంస్థకు టెండర్‌ కేటాయించామని, ఆ సంస్థ మూడేళ్లు మాత్రమే ఇంటర్‌ బోర్డుకు సేవలు అందిస్తుందని, ఆ తర్వాత పూర్తిగా ఇంటర్‌ బోర్డే ఔట్‌ సోర్సింగ్‌ లేకుండా సొంతంగా సాంకేతిక సేవలను సమకూర్చుకుంటుందని అశోక్‌కుమార్‌ వివరించారు. రీ వాల్యుయేషన్‌ గడువును పెంచే అంశాన్ని పరిశీలిస్తామని, రీవాల్యుయేషన్‌లో మారిన మార్కులను విద్యార్థుల ఈమెయిల్‌కు పంపుతామని తెలిపారు. అశోక్‌కుమార్‌ను నిలదీసిన నిరసనకారులు మీడియాతో మాట్లాడుతున్న సందర్భంగా అశోక్‌కుమార్‌ను విద్యార్థుల తల్లిదండ్రులు, విద్యార్థి నాయకులు నిలదీశారు.  ఇంటర్‌ బోర్డు తప్పిదాలకు విద్యార్థులకు ఎందుకు బలి కావాలని, 99 మార్కులకు బదులు సున్నా మార్కులు వచ్చిన విద్యార్థిని.. కలత చెంది.. ఒకవేళ ఆత్మహత్య చేసుకుంటే ఎవరు బాధ్యత వహిస్తారని నిలదీశారు. ఇంటర్‌ పరీక్షా పత్రాల మూల్యంకనంలో టెక్నికల్‌ తప్పిదాలు దొర్లాయని సాక్షాత్తూ విద్యామంత్రి జగదీశ్‌రెడ్డే చెప్తున్నారని, అలాంటప్పుడు మీ తప్పిదాలకు విద్యార్థులు నష్టపోవాలా? అని నిలదీశారు. ఒకవైపు విద్యార్థులు ఆత్మహత్యలు చేసుకుంటుంటే.. ఇంత పెద్ద పొరపాట్లు, తప్పిదాలా? అని ప్రశ్నించారు. నిరసనకారుల ప్రశ్నలకు సమాధానాలు ఇవ్వడంలో అశోక్‌కుమార్‌ తడబడ్డారు. చదవండి : నవ్యకు తెలుగులో 99 మార్కులు

న్యూఢిల్లీ : ఇంటర్‌ బోర్డ్‌లో జరిగిన అవకతవకలపై చర్యలు తీసుకోవాలని సీఎం కేసీఆర్‌కు ఏఐసీసీ అధికారప్రతినిధి దాసోజు శ్రవణ్‌ కుమార్‌ బహిరంగ లేఖ రాశారు. ఇంటర్‌ బోర్డ్‌ తప్పిదం వల్ల 25 మంది విద్యార్ధులు ఆత్మహత్య చేసుకొని, వేలాది మంది రొడ్డెకినా కనీసం భరోసం కల్పించలేని స్థితిలో ప్రభుత్వం ఉండటం బాధకరమన్నారు. ఒక కమిటీ వేసి నిమ్మకు నిరెత్తనట్లుగా వ్యవహరించడం శోచనీయమన్నారు. ఇంటర్‌ బోర్డు అధికారులు బాధ్యతారాహిత్యంగా వ్యవహరిస్తున్నారని పేర్కొన్నారు. అనుభవం లేని  గ్లోబరెనా అనే సంస్థ మూలంగా వేలాదిమంది విద్యార్థుల జీవితాలు అందకారంలోకి నెట్టబడ్డాయన్నారు. నిబంధనలకు విరుద్ధంగా  గ్లోబరెనా సంస్థకు మూల్యాంకనం బాధ్యతలు ఇచ్చిన విధానంపై న్యాయవిచారణ జరిపించాలన్నారు. విద్యార్థుల తల్లిదండ్రుల పట్ల దురుసుగా ప్రవర్తించిన అశోక్‌ అనే అధికారిని బర్త్‌రఫ్‌ చేయాలని డిమాండ్‌ చేశారు. సాధికారికత లేని కమిటీ వేసి ప్రభుత్వం చేతులు దులుపుకునే ప్రయత్నం చేస్తున్నారని, మున్నాభాయ్‌ ఎంబీబీఎస్‌లా విద్యాశాఖమంత్రి వ్యవహరిస్తున్నారని మండిపడ్డారు. ఇంబర్‌బోర్డ్‌ అవకతవకలపై మంత్రి మాట్లాడరని, ముఖ్యమంత్రి కనబరని ఎద్దేవా చేశారు. తెలంగాణలో ప్రజల గోడు వినేవాడు ఎవరులేరని, విద్య, వైద్యం వంటి కీలక శాఖలపై ప్రభుత్వానికి స్పష్టమైన వైఖరి లేదని విమర్శించారు. పరీక్షల నిర్వహణలో ప్రభుత్వం పూర్తిగా విఫలమైందని, పాలకులకు పార్టీ ఫిరాయింపులపై ఉన్న శ్రద్ధ పరిపాలనపై లేకపోవడం బాధాకరమని ధ్వజమెత్తారు.

సాక్షి, హైదరాబాద్‌ : ఇంటర్మీడియెట్‌ పరీక్షల్లో ఫెయిలయ్యామనే మానసిక ఒత్తిడితో పసిమనసులు రాలిపోయాయి. పరీక్షల్లో ఫెయిలైతే జీవితమే లేదన్న క్షణికాలోచనతో రాష్ట్రంలోని వివిధ ప్రాంతాల్లోని నలుగురు విద్యార్థులు ఆత్మహత్యకు పాల్పడ్డారు. మరో ఇద్దరు ఆత్మహత్యాయత్నం చేశారు. గురువారం ఇంటర్మీడియెట్‌ ఫలితాలు వెలువడ్డ తర్వాత పలువురు విద్యార్థులు ఆత్మహత్యలు చేసుకోవడం తీవ్ర ఆందోళన కలిగిస్తోంది. విద్యార్థులపై ఒత్తిడి తగ్గించేందుకు చేపట్టాల్సిన చర్యలపై ఇంటర్మీడియెట్‌ బోర్డు అలసత్వం, మార్కుల వేటలో తల్లిదండ్రులు విద్యార్థులపై ఒత్తిడి తెస్తుండటంతో ఫెయిలైతే అంతేనన్న ఆందోళనతో విద్యార్థులు ఆత్మహత్యలకు పాల్పడటం బాధ కలిగిస్తోంది.  మార్కుల వెనుక పరుగు..  పోటీ ప్రపంచంలో అధిక మార్కులు రావాలంటూ తల్లిదండ్రులు చేస్తున్న ఒత్తిడి ఓ వైపు.. కార్పొరేట్‌ కాలేజీల్లో ఇరుకు గదుల్లో కుక్కి బయట ప్రపంచమే తెలియకుండా చేస్తున్న చదువు మరోవైపు.. జీవితంపై వారికి విరక్తి కలిగేలా చేస్తోంది. చిన్న సమస్య వచ్చినా తట్టుకోలేని పరిస్థితికి చేరుస్తోంది. ఫలితంగా విద్యార్థులు ఆత్మహత్యలకు పాల్పడుతున్నారని విద్యావేత్తలు ఆందోళన వ్యక్తం చేస్తున్నారు. మార్కుల కోసం తల్లిదండ్రులు చేస్తున్న ఒత్తిడి కారణంగా ఫెయిలైన విద్యార్థులు ఏం సమాధానం చెప్పాలో, సమాజంలో తమను హేళన చేస్తారేమోనన్న ఆందోళనతో ఆత్యహత్యలకు పాల్పడుతున్నట్లు పేర్కొంటున్నారు.   ఒత్తిడి తగ్గించే చర్యలేవీ?  జీవితంలో విజ్ఞానం కోసమే చదువు అన్న ఆలోచనను విద్యార్థుల్లో పెంపొందించడం, మార్కుల కోసం జీవితం కాదన్న సత్యాన్ని విద్యార్థులకు తెలియజేయడంలో ఇటు ఇంటర్మీడియెట్‌ బోర్డు అటు విద్యార్థుల తల్లిదండ్రులు విఫలమవుతున్నారు. ముఖ్యంగా ఒత్తిడి తట్టుకోలేక ఆత్మహత్యల వైపు చూస్తున్న విద్యార్థులకు సరైన మార్గదర్శనం చేసే కౌన్సిలర్లు కాలేజీల్లో లేకపోవడమే ఇందుకు కారణమన్న వాదన వ్యక్తమవుతోంది. గతంలో వరుస ఆత్మహత్యలు చోటు చేసుకున్న సమయంలోనూ ఇంటర్‌ బోర్డు ఒత్తిడి తగ్గించేందుకు చర్యలు చేపట్టాలని నిర్ణయించింది. ఇందుకు ఓ కమిటీ కూడా వేసింది. ఇంటర్‌లో మార్కుల విధానం తీసేసి గ్రేడింగ్‌ విధానం అమల్లోకి తేవాలని చెప్పింది. అలాగే ప్రతి కాలేజీలో హాస్టళ్లలో క్వాలిఫైడ్‌ కౌన్సిలర్లను నియమించాలని, వారి నేతృత్వంలోనే ముభావంగా ఉండే విద్యార్థులను ఎప్పటికప్పుడు గుర్తించి తగిన కౌన్సిలింగ్‌ ఇచ్చేలా చర్యలు చేపట్టాలని కమిటీ సూచించింది. దానిపై బోర్డు ఉత్తర్వులు జారీ చేసింది తప్ప కాలేజీల్లో కౌన్సిలర్ల అమలు విధానంపై ఎలాంటి చర్యలు చేపట్టిన దాఖలాలు లేవు. దీంతో విద్యార్థులకు మార్గదర్శనం చేసే వారు లేకుండా పోవడంతో ఒత్తిడి తట్టుకోలేక విద్యార్థులు ఆత్మహత్యలకు పాల్పడిన పరిస్థితి నెలకొంది. రాష్ట్రంలోని 1,560 ప్రైవేటు కాలేజీలు ఉన్నాయి. వాటికి అనుబంధంగా దాదాపు 900కు పైగా హాస్టళ్లు ఉన్నాయి. వాటిల్లో ఎక్కడా కౌన్సిలర్ల నేతృత్వంలో ఒత్తిడి తగ్గించే చర్యలు చేపట్టిన దాఖలాల్లేవని ఇంటర్‌ విద్య అధికారులే పేర్కొంటున్నారు.  ఆత్మహత్యకు పాల్పడిన విద్యార్థులు..  నిజామాబాద్‌ జిల్లా ఎడపల్లి మండలంలో ఏఆర్‌పీ క్యాంప్‌నకు చెందిన తోట వెన్నెల (18) ఇంటర్‌ ద్వితీయ సంవత్సరంలో ఫెయిల్‌ కావడంతో ఆత్మహత్యకు పాల్పడింది.  కుమురం భీం జిల్లా కాగజ్‌నగర్‌కు చెందిన అనామిక (16) సికింద్రాబాద్‌ బన్సిలాల్‌పేట్‌లోని ఇంటర్‌ చదువుతోంది. తెలుగులో ఫెయిల్‌ కావడం మనస్తాపంతో సమీపంలోని తన చిన్నమ్మ ఇంటికి వెళ్లి ఎవరూ లేని సమయంలో ఫ్యాన్‌కు ఉరి వేసుకుని ఆత్మహత్య చేసుకుంది.  వరంగల్‌ అర్బన్‌ జిల్లా కాజీపేట దర్గాకు చెందిన మోడెం భానుకిరణ్‌ (17) ద్వితీయ సంవత్సరం గణితంలో ఫెయిలైనందుకు రైలు కిందపడి ఆత్మహత్య చేసుకున్నాడు.  కుషాయిగూడ పోలీస్‌స్టేషన్‌ పరిధిలో నాగేందర్‌ అనే విద్యార్థి ఇంటర్‌ ఫెయిల్‌ అయ్యానన్న మనస్తాపంతో ఆత్మహత్యకు పాల్పడ్డాడు.  నారాయణపేట జిల్లా ఊట్కూర్‌ మండలం పులిమామిడి గ్రామానికి చెందిన గాయత్రి.. ఫెయిలైనందుకు ఆత్మహత్యాయత్నం చేసుకుంది.  యాదాద్రి భువనగిరి జిల్లా చందుపట్ల గ్రామ పరిధిలోని కుమ్మరిగూడెం గ్రామానికి చెందిన సోలిపురం శివకు ఇంటర్‌ ప్రథమ సంవత్సరంలో ఓ సబ్జెక్టులో 2 మార్కులు తక్కువొచ్చాయని ఫినాయిల్‌ తాగి ఆత్మహత్యాయత్నం చేశాడు.

ఏడాది పొడవునా చదువుకొని వార్షిక పరీక్షలు రాశాక, ఫలితం అనుకున్నట్టు రాకపోతే ఎవరికైనా నిరాశానిస్పృహలు కలగడం సహజం. కానీ గురువారం తెలంగాణ ఇంటర్మీడియెట్‌ వార్షిక ఫలి తాలు వెలువడ్డాక రాష్ట్రవ్యాప్తంగా ఆరుగురు విద్యార్థులు ప్రాణాలు తీసుకున్న తీరు ఎంతటివారి నైనా కలచివేస్తుంది. కారణాలేమైనా గతంతో పోలిస్తే ఈసారి ఉత్తీర్ణత 2 శాతం తగ్గిందని గణాం కాలు చెబుతున్నాయి. ఫలితాలు ప్రకటించినప్పుడు తెలుగు రాష్ట్రాల్లో హడావుడి ఏ స్థాయిలో ఉంటుందో తెలియనిది కాదు. నాణ్యమైన విద్య అందిస్తామనే పేరుతో దాన్ని పూర్తి స్థాయి వ్యాపారంగా మార్చిన కార్పొరేట్‌ స్కూళ్లు, కళాశాలలు దాన్ని మరింత విస్తరించుకునేందుకు ప్రయ త్నిస్తాయి. తమ ఘనతను చాటుకుంటూ హోరెత్తిస్తాయి. వెలువడిన ఫలితాల్లో తామే నంబర్‌వన్‌ అని, ర్యాంకులన్నీ తమకేనని మిన్ను విరిగి మీద పడినట్టు అరచి చెబుతాయి. ఇదంతా సహజం గానే ఆ స్థాయిలో నెట్టుకురాలేని విద్యార్థుల్లో లేదా ఫెయిలైనవారిలో ఒక రకమైన అపరాధభావన, న్యూనత కలిగిస్తాయి. తమతోపాటు చదువుకున్నవారిలో కొందరు ఫలితాల తర్వాత అంతెత్తున ఉంటే, అందరూ వారిని అభినందలతో ముంచెత్తుతుంటే... తాము మాత్రం పనికిరానివారిగా మిగి లిపోయామన్న బాధ వెంటాడుతుంది. ప్రతిదీ పోటీతో ముడిపడి ఉండే ఈ ప్రపంచంలో తమ వంటివారికి చోటులేదన్న అభిప్రాయం కలుగుతుంది. మరణం అన్నది విషాదకరమైనది. అది బలవన్మరణమైతే ఇక చెప్పేదేముంది?  విద్యార్థులకున్న సవాలక్ష సమస్యలు చాల్లేదన్నట్టు ఇంటర్మీడియెట్‌ బోర్డు అదనపు సమస్యలు సృష్టించింది. వందలమంది విద్యార్థుల మార్కుల మెమోలు తప్పుల తడకగా ఉన్నాయి. పరీక్ష రాసినా గైర్హాజరైనట్టు, ఫెయిలైనట్టు చూపడం వంటివి విద్యార్థులనూ, వారి తల్లిదండ్రులను దిగ్భ్రాంతికి గురిచేశాయి. మొత్తం 810 మార్కులు వచ్చిన ఒక విద్యార్థికి గణితంలో కేవలం 17 మార్కులే వచ్చినట్టు చూపడం, 831 మార్కులు వచ్చిన మరో విద్యార్థి ఇంగ్లిష్‌–2 పరీక్షకు గైర్హాజరైనట్టు చూపడం ఏ రకం తప్పులనుకోవాలి? అలాంటి ఫలితం వచ్చిన పిల్లల మానసిక స్థితి ఎలా ఉంటుందో నిర్వాహకులు ఆలోచించారా? సామర్థ్యం లేని సాఫ్ట్‌వేర్‌ సంస్థకు పని అప్పగిం చడం వల్లే ఇటువంటి ఫలితాలొచ్చాయని అధ్యాపకులు ఆరోపిస్తున్నారంటే బోర్డు నిర్వాకం ఏ స్థాయిలో ఉందో అర్ధం చేసుకోవచ్చు. పైగా తలెత్తుతున్న సమస్యల గురించి చాలా ముందుగానే హెచ్చరించినా వినే నాథుడు లేకపోయాడన్నది వారి ఫిర్యాదు. లక్షలమంది పిల్లల భవిష్యత్తుతో ముడిపడి ఉండే ప్రక్రియ విషయంలో ఇలాంటి అలసత్వం క్షమార్హం కానిది. ఫలితాలు వెలువడిన 24 గంటల తర్వాత కూడా తాము గట్టెక్కామో, ఫెయిల్‌ అయ్యామో తెలియని అయోమయావస్థలో పిల్లల్ని ఉంచడం ఆ కుటుంబాలను ఎంత ఇబ్బంది పెడుతుందో నిర్వాహకులకు అర్ధంకావడం లేదు. విద్యా సంవత్సరం ప్రారంభించినప్పటినుంచి, అది పూర్తయి వార్షిక పరీక్షలు నిర్వహించేవ రకూ ఏ ఏ దశల్లో ఏం సమస్యలు వస్తాయో, వాటిని అధిగమించడానికి తీసుకోవాల్సిన ముందు జాగ్రత్త చర్యలేమిటో నిర్వాహకులకు తెలియదనుకోలేం. కానీ పుస్తకాల విడుదల మొదలుకొని పరీ క్షలు నిర్వహించి ఫలితాలు వెలువరించేవరకూ అన్ని దశల్లోనూ ఎక్కడో ఒకచోట సమస్యలు తప్ప డం లేదు. ఏఏ అంశాల విషయంలో ఒకటికి రెండుసార్లు గమనించుకోవాలో కిందిస్థాయిలో ఉన్న పరీక్షల నిర్వహణ సిబ్బంది వరకూ అవగాహన కలిగిస్తే వైఫల్యాలు తగ్గుముఖం పడతాయి. ఏడాది పొడవునా యాంత్రికంగా పనిచేసుకుంటూపోయి, చేయాల్సిన పనులన్నిటినీ అయిందనిపించి లోపాలు బయటపడినప్పుడు నెపం సాఫ్ట్‌వేర్‌పైనో, కింది స్థాయిలో పనిచేసే సిబ్బందిపైనో వేస్తే బాధ్యత తీరిపోదు.  అటు యూనివర్సిటీ విద్యకు వెళ్లడానికైనా, ఇటు ఉన్నతస్థాయి వృత్తి విద్యా కోర్సులకు వెళ్లడానికైనా ఇంటర్మీడియెట్‌ ఒక కీలకమైన లింకు. ఇక్కడ సక్రమంగా చదువు చెప్పి, సజావుగా పరీక్షలు నిర్వహించి, లోపరహితంగా మూల్యాంకనం జరిపినప్పుడే ఉన్నత విద్యారంగానికి మెరిక ల్లాంటి విద్యార్థులు వెళ్లగలుగుతారు. కానీ ఎంసెట్, నీట్‌ వంటి ఎంట్రెన్స్‌ పరీక్షల నిర్వహణకు చూపేంత శ్రద్ధ ఇంటర్మీడియెట్‌ విద్యలో కనబడటం లేదు. 2018–19 విద్యా సంవత్సరం తొలి దశ జూన్‌ నెలాఖరుకు పూర్తి కావలసి ఉండగా, ఆగస్టు వరకూ అది సాగిందంటున్నారు. ఇంచుమించు ఆ సమయం వరకూ తగినంతమంది గెస్ట్‌ ఫ్యాకల్టీని నియమించలేదని చెబుతున్నారు. ఇక అధ్యా పకుల బదిలీలు సరేసరి. ఇవన్నీ చదువుపట్ల పిల్లలకు ఉండాల్సిన శ్రద్ధను తగ్గిస్తాయి. వారి ఏకాగ్ర తను దెబ్బతీస్తాయి. ఇక మూల్యాంకనం విషయంలోనూ ఏటా అభ్యంతరాలు తప్పడం లేదు. ఇవన్నీ మన ఇంటర్మీడియెట్‌ విద్యకు ఉండాల్సిన ప్రతిష్టను దారుణంగా దెబ్బతీస్తున్నాయి.  ఈసారి అటు ఆంధ్రప్రదేశ్‌లోనూ, ఇటు తెలంగాణలోనూ గురుకులాల్లో చదువుకున్న విద్యా ర్థులు మెరుగైన ఫలితాలు సాధించారు. ఏపీలో 96.9 శాతం, తెలంగాణలో 89.8 శాతం ఉత్తీర్ణతతో గురుకుల కళాశాలలు అగ్రభాగాన నిలిచాయి. ప్రభుత్వం శ్రద్ధపెట్టి అవసరమైన సదుపాయాలన్నీ కల్పిస్తే విద్యార్థుల సామర్థ్యం, అవగాహన పెరుగుతాయని ఈ ఫలితాలు చాటుతున్నాయి. సాధా రణ జూనియర్‌ కళాశాలలపై సైతం ప్రభుత్వం దృష్టి సారించి, వాటిని ఉన్నతంగా తీర్చిదిద్దడానికి కృషి చేస్తే అట్టడుగు వర్గాల పిల్లలందరూ మెరుగైన భవిష్యత్తును సాధించగలుగుతారు. అంతే కాదు చదువుల పేరుతో తెలుగు రాష్ట్రాల్లో కార్పొరేట్‌ కళాశాలల పుణ్యమా అని అలముకున్న అనా రోగ్య వాతావరణం కూడా సమసిపోతుంది. ఇంటర్మీడియెట్‌ దశలోనే ఉన్నత విద్యకు అవసరమైన విశ్లేషణా సామర్థ్యం, విమర్శనాత్మక దృష్టి, పరిశోధనా సంబంధమైన పరిజ్ఞానం విద్యార్థిలో కలి గించేవిధంగా తీర్చిదిద్దితే పిల్లలు నిండైన ఆత్మవిశ్వాసంతో కొత్త ప్రపంచంలోకి అడుగుపెడతారు. అప్పుడు ఆత్మహత్యలు, కడుపుకోతలు ఉండవు. ప్రభుత్వాలు ఆలోచించాలి. 

సాక్షి, హైదరాబాద్‌: తెలంగాణ ఇంటర్మీడియట్‌ ప్రథమ, ద్వితీయ సంవత్సర ఫలితాలు నేడు విడుదల కానున్నాయి. ఇంటర్మీడియట్‌ బోర్డు కార్యాలయంలో సాయంత్రం 5 గంటలకు విద్యాశాఖ కార్యదర్శి బి.జనార్దన్‌రెడ్డి ఫలితాలు విడుదల చేస్తారని బోర్డు కార్యదర్శి అశోక్‌ బుధవారం ఒక ప్రకటనలో తెలిపారు. గత ఫిబ్రవరి 27 నుంచి మార్చి 18 వరకు ఈ పరీక్షలు జరిగాయి. రాష్ట్ర వ్యాప్తంగా 9,42,719 మంది విద్యార్థులు పరీక్షలకు రిజిస్టర్‌ చేసుకున్నారు. అందులో ప్రథమ సంవత్సర విద్యార్థులు 4,52,550 మంది, ద్వితీయ సంవత్సర విద్యార్థులు 4,90,169 మంది ఉన్నారు. ఈ ఫలితాలను విద్యార్థులు www.sakshieducation.com వెబ్‌సైట్‌లో పొందవచ్చు. అలాగే టీఎస్‌బీఐఈ సర్వీసెస్‌ మొబైల్‌ యాప్‌ ద్వారా కూడా పొందవచ్చు. ప్రిన్సిపాల్స్‌ కాలేజీల వారీగా ఫలితాలను తమ యూజర్‌ ఐడీ, పాస్‌వర్డ్‌ ఉపయోగించి  www.bie.telangana.gov.in  వెబ్‌సైట్‌ ద్వారా పొందవచ్చని ఇంటర్మీడియట్‌ బోర్డు వెల్లడించింది.   

సాక్షి, హైదరాబాద్‌: రాష్ట్రంలో ఇంటర్మీడియెట్‌ ద్వితీయ సంవత్సర ఫలితాల్లో ప్రభుత్వ కాలేజీల హవా కొనసాగింది. ప్రైవేటు కాలేజీలను మించి ప్రభుత్వ కాలేజీల విద్యార్థులు అత్యధిక ఉత్తీర్ణత సాధించారు. సెకండియర్‌లో ప్రైవేటు కాలేజీల విద్యార్థులు 69 శాతం ఉత్తీర్ణత సాధించగా.. గురుకులాలు సహా ప్రభుత్వ కాలేజీల విద్యార్థులు 71 శాతానికి పైగా ఉత్తీర్ణత నమోదు చేశారు. ఈ మేరకు శుక్రవారం హైదరాబాద్‌లోని ఇంటర్‌ బోర్డు కార్యాలయంలో ఇంట ర్మీడియెట్‌ ఫలితాలను ఉప ముఖ్యమంత్రి కడియం శ్రీహరి విడుదల చేశారు. అనంతరం మీడియాతో మాట్లాడారు. క్రమక్రమంగా ప్రైవేటు కాలేజీల్లో ఉత్తీర్ణత శాతం తగ్గుతోందని.. ప్రభుత్వ కాలేజీల్లో పెరుగుతోందని కడియం చెప్పారు. ప్రైవేటు కాలేజీలే బాగుంటాయన్న భ్రమలు తొలగిపోతున్నాయని, ఈ విషయాన్ని తల్లిదండ్రులు గ్రహించాలని పేర్కొన్నారు. ముఖ్యంగా గురుకులాల్లో ఉత్తీర్ణత శాతం అధికంగా ఉందని తెలిపారు. మొత్తంగా ఎప్పటిలాగే ఈసారి కూడా బాలికల ఉత్తీర్ణతాశాతం అధికంగా నమోదైనట్టు చెప్పారు. కార్యక్రమంలో ఇంటర్‌ బోర్డు కార్యదర్శి అశోక్, కంట్రోలర్‌ ఆఫ్‌ ఎగ్జామినేషన్స్‌ సుశీల్‌కుమార్, ఇంటర్‌ విద్యా జేఏసీ చైర్మన్‌ మధుసూదన్‌రెడ్డి, ఇంటర్‌ బోర్డు ఉద్యోగుల సంఘం అధ్యక్షుడు జగన్‌మోహన్‌రెడ్డి తదితరులు పాల్గొన్నారు.  రెండింటా మేడ్చల్‌ టాప్‌  ఇంటర్‌ ప్రథమ, ద్వితీయ సంవత్సర ఫలితాలు రెండింటిలోనూ మేడ్చల్‌ జిల్లా టాప్‌గా నిలిచింది.  ఫస్టియర్‌లో 79 శాతం ఉత్తీర్ణతతో మేడ్చల్‌ టాప్‌లో, 74 శాతంతో రంగారెడ్డి రెండో స్థానంలో నిలిచాయి. 42 శాతం ఉత్తీర్ణతతో మెదక్‌ చివరి స్థానంలో నిలిచింది. వొకేషనల్‌లో 72 శాతం ఉత్తీర్ణతతో కొమురంభీం జిల్లా టాప్‌లో, 71 శాతంతో వనపర్తి రెండో స్థానంలో నిలవగా.. 46 శాతం ఉత్తీర్ణతతో నాగర్‌కర్నూల్, జగిత్యాల చివరి స్థానంలో నిలిచాయి.  సెకండియర్‌ జనరల్‌ ఇంటర్‌లో 80 శాతం ఉత్తీర్ణతతో మేడ్చల్, కొమురంభీం జిల్లాలు టాప్‌లో నిలవగా.. 77 శాతంతో రంగారెడ్డి రెండో స్థానంలో నిలిచింది. 40 శాతం ఉత్తీర్ణతతో మహబూబాబాద్‌ చివరి స్థానంలో ఉంది. వొకేషనల్‌లో 86 శాతం ఉత్తీర్ణతతో వనపర్తి ప్రథమ స్థానంలో, 84 శాతంతో కొమురంభీం రెండో స్థానంలో నిలవగా.. 55 శాతంతో సిద్దిపేట చివరి స్థానంలో నిలిచింది.  సత్తా చాటిన గురుకులాలు  ఇంటర్మీడియట్‌ ఉత్తీర్ణతలో గురుకులాలు సత్తా చాటాయి. 97.7 శాతం ఉత్తీర్ణతతో విద్యాశాఖ గురుకులాలు (టీఎస్‌ఆర్‌జేసీ) అత్యధిక ఉత్తీర్ణతను సాధించగా.. తరువాత స్థానంలో గిరిజన సంక్షేమ శాఖ పరిధిలోని గురుకులాలు నిలిచాయి. మొత్తంగా గురుకులాలు, మోడల్‌ స్కూల్స్, ప్రభుత్వ కాలేజీలు కలిపి 71.42 శాతం ఉత్తీర్ణత సాధించగా.. ప్రైవేటు కాలేజీలు 69 శాతం ఉత్తీర్ణత నమోదు చేశాయి.  18 నుంచి మార్కుల మెమోలు  ఇంటర్‌ ఫలితాలకు సంబంధించి మార్కుల మెమోలను ఈనెల 18 నుంచి విద్యార్థులకు అందజేయనున్నట్టు ఇంటర్‌ బోర్డు వెల్లడించింది. మెమోల్లో ఏవైనా తప్పిదాలు ఉన్నట్టయితే.. మే 14వ తేదీలోపు సంబంధిత కాలేజీ ప్రిన్సిపాల్‌ల ద్వారా బోర్డుకు దరఖాస్తు చేయాలని పేర్కొంది. నిర్దేశిత తేదీ తర్వాత వచ్చే వినతులు, అభ్యంతరాలను పరిగణనలోకి తీసుకోబోమని స్పష్టం చేసింది.  రీవెరిఫికేషన్, జవాబు పత్రాల ప్రతుల కోసం..  విద్యార్థులు తమ జవాబు పత్రాల రీవెరిఫికేషన్, రీకౌంటింగ్, జిరాక్స్‌ ప్రతులు పొందేందుకు బోర్డు అవకాశం కల్పించింది. ఇందుకోసం విద్యార్థులు tsbie.cgg.gov.in వెబ్‌సైట్‌ నుంచి రీవెరిఫికేషన్‌/ రీకౌంటింగ్‌/ వాల్యూడ్‌ ఆన్సర్‌ స్క్రిప్ట్‌లో ఒక ఆప్షన్‌ను ఎంపిక చేసుకుని.. దరఖాస్తును పూరించాలని బోర్డు సూచించింది. ఈనెల 16 నుంచి 20వ తేదీలోపు ఆన్‌లైన్‌లో ఈ ప్రక్రియ పూర్తి చేయాలి. రీకౌంటింగ్‌ కోసం ఒక్కో సబ్జెక్టుకు రూ.100 చొప్పున ఫీజు చెల్లించాలి. జవాబు పత్రాల నకలు కోసం ఒక్కో సబ్జెక్టుకు రూ.600 చెల్లించాలి. నిర్ణీత తేదీ తర్వాత దరఖాస్తులు స్వీకరించరు.   

సాక్షి, అమరావతి : ఆంధ్రప్రదేశ్‌ ఇంటర్మీడియెట్‌ రెండో సంవత్సర పరీక్షల ఫలితాలు గురువారం విడుదల అయ్యాయి. రాజమహేంద్రవరం షల్టన్‌ హోటల్‌లో మంత్రి గంటా శ్రీనివాసరావు ఈ రోజు మధ్యాహ్నం ఫలితాలను విడుదల చేశారు. ఇంటర్మీడియెట్‌  రెండో సంవత్సారనికి  సంబంధించి జనరల్‌, వొకేషనల్‌ కోర్సులకు సంబంధించిన అన్ని ఫలితాలను ప్రకటించారు. మొత్తం 73.33 శాతం మంది ఉత్తీర్ణులు అయినట్లు మంత్రి ప్రకటించారు. 84 శాతంతో కృష్ణా జిల్లా మొదటి స్థానంలో ఉంది. నెల్లూరు 77 శాతంతో రెండో స్థానంలో ఉండగా, గుంటూరు జిల్లా 76 శాతంతో మూడో స్థానంలో ఉన్నాయి. మొత్తం 4,84, 889 మంది విద్యార్థులు పరీక్షలకు హజరయ్యారు. ఇందులో  రెగ్యులర్‌ 4,41,359 మంది రాయగా, ప్రవేట్‌గా 48,530 మంది రాశారు. ముందుగా ప్రకటించిన విధంగానే ఫలితాలను విడుదల చేసినట్లు మంత్రి తెలిపారు. విద్యార్ధులు తమ పరీక్ష ఫలితాలను సాక్షి ఎడ్యుకేషన్‌.కామ్‌ www.sakshieducation.com లో చూసుకోవచ్చు. ఈ సేవ, మీసేవ, రాజీవ్‌ సిటిజన్‌ సర్వీస్‌ సెంటర్లు, ఏపీ ఆన్‌లైన్‌ సెంట్లర్ల ద్వారా కూడా పరీక్ష ఫలితాల సమాచారాన్ని పొందవచ్చని బోర్డు అధికారులు పేర్కొన్నారు.  టాపర్స్‌ వీరే.. ఎంపీసీ వర్ధన్‌ రెడ్డి ---- 992 షేక్‌ ఆఫ్రాన్‌---- 991 సుష్మా ------- 990 బైపీసీ: దీక్షిత ------- 990 లక్ష్మీ కీర్తి: --- 990 ఎంఈసీ నిశాంత్ కృష్ణ -- 992 మీనా --------- 991 అభిషేక్‌ ------- 981


 ఫస్టియర్‌లో 9,593 మంది, సెకండియర్‌లో 1,621 మంది
 
 సాక్షి, హైదరాబాద్‌: ఇంటర్మీడియెట్‌ ఫలితాల్లో 11,214 మంది విద్యార్థులు అత్యధిక మార్కులు (టాప్‌–10) సాధించారు. ఇందులో ప్రథమ సంవత్సర విభాగంలో 9,593 మంది ఉండగా.. ద్వితీయ సంవత్సరంలో 1,621 మంది ఉన్నారు. ఫస్టియర్‌లో ఎంపీసీ కేటగిరీలో 7,441, బైపీసీలో 1,756, ఎంఈసీలో 304, హెచ్‌ఈసీలో 12, సీఈసీలో 80 మంది విద్యార్థులున్నారు. సెకండియర్‌లో ఎంపీసీ కేటగిరీలో 83, బైపీసీలో 636, ఎంఈసీలో 64, హెచ్‌ఈసీలో 13, సీఈసీలో 25 మంది ఉన్నారు.
 
 టెన్త్‌లో 9.3 జీపీఏ.. ఇంటర్‌లో 991
 మంచిర్యాల సిటీ: మంచిర్యాలకు చెందిన పిట్టల లక్ష్మీ భవాని బైపీసీలో 991 మార్కులతో రాష్ట్ర స్థాయిలో ప్రథమ స్థానం సాధించింది. మంచిర్యాల ఆల్ఫోర్స్‌ కాలేజీలో చదివిన ఈమె.. టెన్త్‌లో 9.3 జీపీఏ సాధించింది. భవానిని కలెక్టర్‌ ఆర్వీ కర్ణన్‌ అభినందించారు. ఆమె తల్లిదండ్రులు శ్రీశైల మల్లికార్జున్, శారద ఆనందం వ్యక్తంచేశారు.
 
 ఐఏఎస్‌ కావాలని ఉంది
 నిజామాబాద్‌ అర్బన్‌: ఎంపీసీలో నిజామాబాద్‌ జిల్లాకు చెందిన నోమన్‌ రజ్వీ 993 మార్కులు సాధించాడు. కాకతీయ కాలేజీలో చదివిన రజ్వీ.. ‘‘నాకు ఐఏఎస్‌ కావాలని ఉంది. అందుకే పకడ్బందీగా చదువుతున్నాను’’ అని చెప్పాడు.
 
 మెరిసిన దర్జీ బిడ్డ..
 పరకాల: ఒకటే కరెంట్‌ బల్బు.. ఆ బల్బు కిందే రెక్కల కష్టం.. ఈ కష్టాలన్నీ చూస్తూ పెరిగిన ఓ పేదింటి బిడ్డ ఇంటర్‌ ఫలితాల్లో మెరిసింది. వరంగల్‌ రూరల్‌ జిల్లా పరకాలకు చెందిన ఎల్దండి వెంకటేశ్వర్లు–అనిత దంపతుల కుమార్తె రాధిక ఫస్టియర్‌ ఎంసీపీలో 466 మార్కులతో రాష్ట్రస్థాయిలో రెండోస్థానం సాధించింది. టైలర్‌ వృత్తిపై ఆధారపడి జీవనం సాగిస్తున్న వెంకటేశ్వర్లు.. ఆర్థికభారమైనా తమ కుమార్తెను ప్రైవేట్‌ పాఠశాలల్లో చదివించాడు. టెన్త్‌లో 9.8 జీపీఏ రావడంతో భీమారంలోని సాయి శివానీ కళాశాల యాజమాన్యం ఇంటర్‌ విద్య ఉచితంగా అందించేందుకు ముందుకొచ్చింది.
 
 ఐఏఎస్‌ సాధిస్తా..
 ఖమ్మం జెడ్పీసెంటర్‌: ఇంటర్‌ ఫలితాల్లో ఖమ్మం రెజొనెన్స్‌ కాలేజీకి చెందిన కొండా నిఖిత(ఎంపీసీ) 993 మార్కులు సాధించి రాష్ట్రస్థాయిలో ప్రథమ స్థానంలో నిలిచింది. ‘‘ఇది జీవితంలో మరిచిపోలేను. ఐఏఎస్‌ కావాలన్నది నా లక్ష్యం. ఇదే స్ఫూర్తితో కష్టపడి చదువుతా..’’ అని ఆమె ఆనందం వ్యక్తం చేసింది.
 


 - ఇంటర్‌ ఫస్టియర్, సెకండియర్‌లో వారిదే పైచేయి
 - ఫలితాలు విడుదల చేసిన ఉప ముఖ్యమంత్రి కడియం
 
 సాక్షి, హైదరాబాద్‌: ఇంటర్మీడియెట్‌ ప్రథమ, ద్వితీయ సంవత్సర ఫలితాల్లో బాలికలు పైచేయి సాధించారు. బాలురకంటే అధిక ఉత్తీర్ణత శాతంతో ముందు స్థానంలో నిలిచారు. ప్రథమ సంవత్సర ఫలితాల్లో బాలికలు 63.38 శాతం ఉత్తీర్ణత సాధించగా... బాలురు 50.18 శాతం మంది ఉత్తీర్ణులయ్యారు. ద్వితీయ సంవత్సర ఫలితాల్లోనూ బాలికలు 71.63 శాతం ఉత్తీర్ణులు కాగా.. బాలురు 61.02 శాతంతో సరిపెట్టుకున్నారు. సెకండియర్‌ ఎంపీసీలో ఖమ్మం జిల్లాకు చెందిన కొండా నిఖిత 993 మార్కులతో ప్రథమ స్థానంలో నిలువగా.. బైపీసీలో 991 మార్కులతో మంచిర్యాల జిల్లాకు చెందిన పిట్టల లక్ష్మి భవాని ప్రథమ స్థానంలో నిలిచింది.
 
 రాష్ట్రవ్యాప్తంగా గతనెల 1 నుంచి 14 వరకు నిర్వహించిన ఇంటర్మీడియెట్‌ పరీక్షల ఫలితాలు ఆదివారం విడుదల అయ్యాయి. హైదరాబాద్‌లోని ఇంటర్మీడియెట్‌ బోర్డు కార్యాలయంలో ఉప ముఖ్యమంత్రి కడియం శ్రీహరి ఈ ఫలితాలను విడుదల చేశారు. గతేడాది మాదిరే ఈసారి కూడా ప్రథమ, ద్వితీయ సంవత్సరాల ఫలితాలను ఒకేసారి విడుదల చేశారు. రాష్ట్రవ్యాప్తంగా ప్రథమ సంవత్సర (జనరల్, వొకేషనల్‌) పరీక్షలకు 4,75,874 మంది విద్యార్థులు హాజరు కాగా.. 2,70,738 మంది (56.89 శాతం) ఉత్తీర్ణులయ్యారు. ద్వితీయ సంవత్సర పరీక్షలకు (జనరల్, వొకేషనల్‌) 4,14,213 మంది విద్యార్థులు హాజరు కాగా 2,75,273 మంది (66.45) శాతం మంది ఉత్తీర్ణులయ్యారు.
 
 గతేడాదికంటే పెరిగిన ఉత్తీర్ణత
 గతేడాది కంటే ఈసారి ఇంటర్మీడియెట్‌లో ఉత్తీర్ణత శాతం పెరిగింది. గతేడాది జనరల్, వొకేషనల్‌ ద్వితీయ సంవత్సరంలో 62.95 శాతం మంది విద్యార్థులు ఉత్తీర్ణులు కాగా.. ఈసారి 66.45 శాతం ఉత్తీర్ణులయ్యారు. ప్రథమ సంవత్సరంలో గత ఏడాది (జనరల్, వొకేషనల్‌) 54 శాతం మంది ఉత్తీర్ణులు కాగా ఈసారి 56.89 శాతం విద్యార్థులు ఉత్తీర్ణులయ్యారు. ఒక్క జనరల్‌లో చూస్తే.. ప్రథమ సంవత్సరం పరీక్షలకు 4,36,727 మంది విద్యార్థులు హాజరు కాగా అందులో 2,50,589 మంది ఉత్తీర్ణులయ్యారు. వొకేషనల్‌ పరీక్షలకు 39,147 మంది విద్యార్థులు హాజరు కాగా 20,149 మంది ఉత్తీర్ణులయ్యారు. ద్వితీయ సంవత్సర జనరల్‌ పరీక్షలకు 3,83,182 మంది హాజరు కాగా 2,55,296 మంది ఉత్తీర్ణులయ్యారు. అలాగే వొకేషనల్‌లో 31,031 మంది విద్యార్థులు పరీక్షలకు హాజరు కాగా 19,977 మంది ఉత్తీర్ణులయ్యారు.
 
 మేడ్చల్‌ ఫస్ట్‌.. రంగారెడ్డి సెకండ్‌..
 రాష్ట్రంలో కొత్త జిల్లాల ఏర్పాటు తర్వాత వచ్చిన ఫలితాలు కావడంతో జిల్లాల వారీగా ఉత్తీర్ణతపై కాస్త ఆసక్తి నెలకొంది. ఈసారి ప్రథమ సంవత్సర (జనరల్‌) ఫలితాల్లో మేడ్చల్‌ జిల్లా 75 శాతంతో ప్రథమస్థానంలో ఉండగా, రంగారెడ్డి జిల్లా 69 శాతంతో ద్వితీయ స్థానంలో ఉంది. ఇక 34 శాతంతో మహబూబాబాద్‌ జిల్లా చివరి స్థానంలో నిలిచింది. అయితే వొకేషనల్‌లో 74 శాతం ఉత్తీర్ణతతో ఆదిలాబాద్‌ ప్రథమ స్థానంలో నిలవగా.. 66 శాతంతో కుమ్రం భీం జిల్లా రెండో స్థానంలో ఉంది. 32 శాతంతో మహబూబాబాద్‌ చివరి స్థానంలో ఉంది. ద్వితీయ సంవత్సరంలోనూ (జనరల్‌) 82 శాతం ఉత్తీర్ణతతో మేడ్చల్‌ ప్రథమ స్థానంలో నిలువగా.. 78 శాతంతో రంగారెడ్డి ద్వితీయ స్థానంలో ఉంది. 44 శాతం ఉత్తీర్ణతతో నిర్మల్, మహబూబాబాద్, గద్వాల జిల్లాలు చివరన నిలిచాయి. వొకేషనల్‌లో 82 శాతంతో కుమ్రం భీం జిల్లా ప్రథమస్థానంలో ఉండగా.. 81 శాతంతో మేడ్చల్‌ రెండో స్థానంలో నిలిచింది. 37 శాతం ఉత్తీర్ణతతో గద్వాల చివరి స్థానంలో ఉంది.
 
 ప్రథమ సంవత్సర జనరల్‌ విద్యార్థుల్లో ఉత్తీర్ణులు గ్రేడ్‌లవారీగా..
 ‘ఎ’ గ్రేడ్‌లో: 1,26,957 (50.66 శాతం)
 ‘బి’ గ్రేడ్‌లో: 71,318 (28.46 శాతం)
 ‘సి’ గ్రేడ్‌లో: 35,820 (14.29 శాతం)
 ‘డి’ గ్రేడ్‌లో: 16,494 (6.58 శాతం)
 
 ద్వితీయ సంవత్సర జనరల్‌ విద్యార్థుల్లో ఉత్తీర్ణులు గ్రేడ్‌లవారీగా..
 ‘ఎ’ గ్రేడ్‌లో: 1,36,549 (53.48 శాతం)
 ‘బి’ గ్రేడ్‌లో: 75,956 (29.75 శాతం)
 ‘సి’ గ్రేడ్‌లో: 32,427 (12.7 శాతం)
 ‘డి’ గ్రేడ్‌లో: 10,364 (4.05 శాతం)
 
 వచ్చే ఏడాది 75% లక్ష్యం: కడియం
 ప్రభుత్వ జూనియర్‌ కాలేజీల్లో ద్వితీయ సంవత్సరంలో వచ్చే ఏడాది 75 శాతం ఉత్తీర్ణత లక్ష్యంగా పెట్టుకున్నట్లు ఉప ముఖ్యమంత్రి కడియం శ్రీహరి పేర్కొన్నారు. ప్రథమ సంవత్సరంలో 65 శాతం ఫలితాల సాధనకు కృషి చేస్తామన్నారు. ఆదివారం ఇంటర్మీడియెట్‌ ఫలితాలను విడుదల చేసిన అనంతరం ఆయన మాట్లాడారు. అకడమిక్‌ ఇన్‌స్పెక్షన్స్‌ పెంచుతామని, లెక్చరర్లకు శిక్షణ ఇస్తామని వెల్లడించారు. ప్రభుత్వ కాలేజీల్లో విద్యార్థుల సంఖ్యను పెంచేందుకు చర్యలు చేపడుతున్నామని, ఇందుకు ఎన్‌రోల్‌మెంట్‌ డ్రైవ్‌ నిర్వహించనున్నట్లు పేర్కొన్నారు. గతేడాది ప్రభుత్వ కాలేజీల్లో 1.73 లక్షల మంది విద్యార్థులను చేర్పించగా ఈసారి 2 లక్షల మంది విద్యార్థులను చేర్పించే లక్ష్యంతో ముందుకు సాగుతున్నట్లు వెల్లడించారు.
 
 రాష్ట్రంలోని 404 ప్రభుత్వ జూనియర్‌ కాలేజీల్లో 390 కాలేజీలకు సొంత భవన నిర్మాణాలు, మరమ్మతులు, ల్యాబ్‌ తదితర సదుపాయాల కల్పనకు రూ.306 కోట్లు మంజూరు చేశామన్నారు. ఈ పనులు జూలై, ఆగస్టు నాటికి పూర్తవుతాయన్నారు. మరో 14 కాలేజీలకు స్థలాలు లేవని, వాటికి స్థలాలు ఇవ్వాలని కలెక్టర్లకు లేఖలు రాస్తున్నామన్నారు. అవి రాగానే నిధులను మంజూరు చేసి, నిర్మాణాలు చేపడతామన్నారు. 2017–18లో అన్ని ప్రభుత్వ జూనియర్‌ కాలేజీల్లో సీసీ కెమెరాల ఏర్పాటు, బయోమెట్రిక్‌ హాజరు విధానం ప్రవేశపెడుతున్నట్లు వివరించారు. తద్వారా విద్యార్థులు డ్రాపవుట్స్‌ కాకుండా చర్యలు చేపడతామన్నారు. కాంట్రాక్టు లెక్చరర్ల క్రమబద్ధీకరణ ప్రక్రియ కూడా త్వరలోనే అవుతుందన్నారు. ఈ విషయంలో కోర్టుకు అప్పీల్‌ చేశామన్నారు.
 
 దేశంలోనే బెస్ట్‌ ఇంటర్మీడియెట్‌ బోర్డుగా నిలబెట్టేందుకు చర్యలు చేపట్టామని, అందులో భాగంగా జాతీయ స్థాయి అవార్డు లభించిందన్నారు. వచ్చేనెల 11న ఆ అవార్డును అధికారులు అందుకుంటారని వివరించారు. అనంతరం ఇంటర్‌ విద్యా జేఏసీ రూపొందించిన ఎన్‌రోల్‌మెంట్‌ డ్రైవ్‌ పోస్టర్‌ను కడియం ఆవిష్కరించారు. ఈ కార్యక్రమంలో బోర్డు కార్యదర్శి అశోక్, కంట్రోలర్‌ ఆఫ్‌ ఎగ్జామినేషన్స్‌ సుశీల్‌కుమార్, ఇంటర్‌ విద్యా జేఏసీ చైర్మన్‌ మధుసూదన్‌రెడ్డి, బోర్డు ఉద్యోగుల సంఘం అధ్యక్షుడు జగన్‌మోహన్‌రెడ్డి తదితరులు పాల్గొన్నారు. ప్రభుత్వ కాలేజీల్లో పిల్లలను చేర్పించేలా తల్లిదండ్రు ల్లో అవగాహన కల్పించేందుకు ఈ నెల 20 నుంచి 28వ తేదీ వరకు జిల్లాల్లో ఎన్‌రోల్‌మెంట్‌ డ్రైవ్‌ ఉంటుందని ఇంటర్‌ విద్యా జేఏసీ చైర్మన్‌ మధుసూదన్‌రెడ్డి తెలిపారు. కాలేజీ బాట పేరుతో ఈ కార్యక్రమం కొనసాగుతుందన్నారు.


 సాక్షి, హైదరాబాద్‌: ఇంటర్‌ ద్వితీయ సంవత్సరం (ఎంపీసీ) ఫలితాల్లో అత్యధిక మార్కులను (993) ఖమ్మం జిల్లాకు చెందిన కొండా నిఖిత, నిజామాబాద్‌ జిల్లాకు చెందిన మహమ్మద్‌ నోమన్‌ రజ్వి సాధించి టాపర్లుగా నిలిచారు. ఖమ్మం జిల్లాకు చెందిన వంగాల సాయిచరణ్‌ 992 మార్కులతో రెండో స్థానంలో నిలిచారు. ఇక బైపీసీలో మంచిర్యాల జిల్లాకు చెందిన పిట్టల లక్ష్మి భవానీ, రంగా రెడ్డి జిల్లాకు చెందిన పోతరాజు దీపిక, హైదరాబాద్‌కు చెందిన అమ్లినా ప్రియదర్శిని 991 మార్కులతో టాపర్లుగా నిలిచారు.
 
 బైపీసీ టాపర్లు ముగ్గురు బాలికలే కావడం విశేషం. 990 మార్కులను మరో ఐదుగురు విద్యార్థులు సాధించారు. ఎంఈసీలో మేడ్చల్‌ జిల్లాకు చెందిన పోచంపల్లి దివ్య 986 మార్కులతో టాపర్‌గా నిలవగా.. సీఈసీలో వనపర్తి జిల్లాకు చెందిన జె.సాయిస్వరూప్‌రెడ్డి 976 మార్కులతో టాపర్‌గా నిలిచాడు. హెచ్‌ఈసీలో 950 మార్కులతో మహబూబ్‌నగర్‌ జిల్లాకు చెందిన శివార్చక మానస టాపర్‌గా నిలిచింది.
 
 ప్రథమ సంవత్సరంలో..
 ప్రథమ సంవత్సరం ఎంపీసీలో 467 టాప్‌ మార్కులను 12 మంది విద్యార్థులు సాధించారు. బైపీసీలో 436 టాప్‌ మార్కులను 11 మంది విద్యార్థులు సాధించారు. ఎంఈసీలో 493 టాప్‌ మార్కులను ఆరుగురు విద్యార్థులు సాధించగా, సీఈసీలో 492 టాప్‌ మార్కులను ఒకే ఒక విద్యార్థి వరంగల్‌ అర్బన్‌ జిల్లాకు చెందిన బి.హర్ష సాధించారు. హెచ్‌ఈసీలో 470 టాప్‌ మార్కులను హైదరాబాద్‌కు చెందిన లికితారెడ్డి సాధించారు.
 
 ఫస్టియర్‌ టాపర్లు వీరే...
 ఎంపీసీలో...: 12 మంది 467 మార్కులు సాధించి టాపర్లుగా నిలిచారు. వారి వివరాలు కలావేన కార్తీక్‌ (కరీంనగర్‌), పింగిలి మనీశ్‌రెడ్డి(కరీంనగర్‌), ములగాని తనూజ(ఖమ్మం), శ్యామలాంబ పూజిత (భద్రాద్రి), ఎస్‌.ప్రియాశర్మ(నిజామాబాద్‌), గత్ప పావణి (మహబూబ్‌నగర్‌), పుట్ట లావణ్య(మహబూబ్‌నగర్‌), యానాల నవీన్‌రెడ్డి(రంగారెడ్డి), తూము జోహార్‌రెడ్డి (రంగారెడ్డి), కందిమల్ల ప్రణీత(రంగారెడ్డి), బూర్ల సంధ్య (మేడ్చల్‌), అనిరెడ్డి అఖిల(మేడ్చల్‌)
 
 బైపీసీలో...: 11 మంది 436 మార్కులు సాధించి టాపర్లుగా నిలిచారు. వివరాలు అతావుల్లా (నిజామాబాద్‌), వీరమల్ల చైతన్య(నల్లగొండ), గుండ్లకుంట వరూధిణి(మహబూబ్‌నగర్‌), చిలువేరు అనూష(రంగారెడ్డి), షేక్‌ ఇఫ్రా (రంగారెడ్డి), గవిరెడ్డి శ్రావణి(రంగారెడ్డి), మహ్మద్‌ దుర్దాణా పర్వీన్‌(రంగారెడ్డి), మల్లేపల్లి నవ్యశ్రీ (మేడ్చల్‌), ఠాకూర్‌ హారిక (హైదరాబాద్‌), ఆర్మాన్‌ సానియాఖాన్‌(హైదరాబాద్‌), చందుపట్ల ప్రత్యూషరెడ్డి(హైదరాబాద్‌).
 
 ఎంఈసీలో...: ఆరుగురు 493 మార్కులు సాధించి టాపర్లుగా నిలిచారు. వారి కంచుపతి యువ రజని(మేడ్చల్‌), భూపాల్‌రెడ్డి శివారెడ్డి(మేడ్చల్‌), గుడపాటి స్పందన (మేడ్చల్‌), దీపిక సాహూ (హైదరాబాద్‌), దొడ్డవారి ప్రణీత(హైదరాబాద్‌), వి.రిషిక (హైదరాబాద్‌).
 
 సీఈసీలో..: బి.హర్ష (492) వరంగల్,  దూరిశెట్టి వివేక్‌(488) కరీంనగర్, తస్లీం ఫాతిమా(488) రంగారెడ్డి, భవేష్‌ గోయల్‌(488)మేడ్చల్, పస్తం దేవిక(488) హైదరాబాద్‌ టాపర్లుగా నిలిచారు.
 
 హెచ్‌ఈసీలో..: లిఖితారెడ్డి(470) హైదరాబాద్, సుంకరి శ్రీసాయితేజ (469)హైదరాబాద్, వెన్న మేఘన(469) హైదరాబాద్, పల్లె శ్రీను (464) మెదక్, జర్పుల నందిని(463) భద్రాద్రి కొత్తగూడెం టాపర్లుగా నిలిచారు.
 


 ►మూడు జిల్లాల ఇంటర్‌ ఫలితాల్లో అమ్మాయిలదే హవా
 ►తొలి స్థానంలో మేడ్చల్, రెండోస్థానం రంగారెడ్డి జిల్లా
 ►ఫలితాలు మెరుగుపడినా.. ర్యాంకింగ్‌లో హైదరాబాద్‌ వెనుకంజే...
 
 సిటీబ్యూరో: ఇంటర్మీడియట్‌ ప్రథమ, ద్వితీయ సంవత్సర వార్షిక ఫలితాల్లో గ్రేటర్‌ పరిధిలోని మూడు జిల్లాల్లో బాలికలు సత్తా చాటారు. బాలురకంటే అత్యధిక సంఖ్యలో పాసై హవా కొనసాగించారు. ఫస్ట్‌ ఇయర్‌లో బాలురతో పోలిస్తే మేడ్చల్‌ జిల్లాలోని బాలికలు అత్యధికంగా 81 శాతం ఉత్తీర్ణత సాధించగా, రంగారెడ్డిలో 74 శాతం, హైదరాబాద్‌లో 66 శాతం ఉత్తీర్ణత సాధించారు. ఇక సెకండ్‌ ఇయర్‌లో మేడ్చల్‌ 86 శాతం, రంగారెడ్డిలో 81 శాతం, హైదరాబాద్‌లో 75 శాతం మంది బాలికలు ఉత్తీర్ణత సాధించి తమకు తిరుగులేదని నిరూపించుకున్నారు. ఇక ఉత్తీర్ణత ర్యాంకింగ్‌ విషయానికి వస్తే కొత్తగా ఏర్పడిన మేడ్చల్‌ జిల్లా అందరికంటే ఎక్కువ ఉత్తీర్ణత శాతం సాధించి రాష్ట్రంలోనే నెంబర్‌ వన్‌ ర్యాంక్‌ను కైవసం చేసుకోగా, రంగారెడ్డి రెండో ర్యాంక్‌ను దక్కించుకుంది.
 
 ఇక హైదరాబాద్‌ జిల్లా ఎనిమిదో ర్యాంక్‌కు పరిమితమైంది. హైదరాబాద్‌లో గత ఏడాదితో పోలిస్తే ఈసారి ఉత్తీర్ణత శాతం కొంత మెరుగు పడినా ర్యాంకింగ్‌లో వెనుకబడే ఉంది.  మొత్తం ఉత్తీర్ణత విషయానికొస్తే హైదరాబాద్‌ జిల్లాలో ఫస్టియర్‌లో 57 శాతం, సెకండియర్‌లో 67 శాతం,  రంగారెడ్డిలో ఫస్టియర్‌లో 69 శాతం, సెకండియర్‌లో 78 శాతం, మేడ్చల్‌ జిల్లాలో ఫస్టియర్‌లో 75 శాతం, సెకండియర్‌లో 82 శాతం మంది విద్యార్థులు ఉత్తీర్ణత సాధించారు.


 సాక్షి, హైదరాబాద్‌: ఇంటర్మీడియెట్‌ మొదటి, రెండో సంవత్సరం జనరల్, వొకేషనల్‌ కోర్సుల ఫలితాలు ఆదివారం వెలువడనున్నాయి. ఉప ముఖ్యమంత్రి కడియం శ్రీహరి ఉదయం 10 గంటలకు ఫలితాలను విడుదల చేయనున్నారు.
 
 మార్చిలో జరిగిన ఈ పరీక్షలకు దాదాపు పది లక్షల మంది విద్యార్థులు హాజరయ్యారు. వెబ్‌సైట్‌ నుంచి ఫలితాలను డౌన్‌లోడ్‌ చేసుకోవల్సిందిగా విద్యార్థులు, జూనియర్‌ కాలేజీల ప్రిన్సిపాళ్లకు ఇంటర్మీడియెట్‌ బోర్డు కార్యదర్శి అశోక్‌ శనివారం ఒక ప్రకటనలో తెలిపారు.
 
 ఫలితాలు ఈ వెబ్‌సైట్లలో..
 bietelangana.cgg.gov.in
  
 tsbie.cgg.gov.in
  
 http://bie.telangana.gov.in
  
 www.sakshieducation.com
  
 www.passorfail.in
  
 www.manabadi.com
  
 www.indiaresults.com


 ♦ ఇంటర్మీడియెట్‌ ఫలితాల్లో విద్యార్థినులదే పైచేయి
 ♦ ప్రథమ సంవత్సరంలో 69, ద్వితీయ సంవత్సరంలో
 ♦ 80 శాతం బాలికల ఉత్తీర్ణత
 
 సాక్షి, అమరావతి: రాష్ట్రంలో ఇంటర్మీడి యెట్‌ ఫలితాల్లో బాలికలు విజయ దుందుభి మోగించారు. ప్రథమ, ద్వి తీయ సంవత్సరాల్లో ఉత్తీర్ణత శాతం తోపాటు ర్యాంకులు, సబ్జెక్టుల్లో అత్యు త్తమ మార్కుల సాధనలోనూ అగ్రస్థా నంలో నిలిచారు. ఇంటర్మీడియెట్‌ పరీక్ష ఫలితాలను రాష్ట్ర మానవ వన రుల అభివృద్ధి శాఖ మంత్రి గంటా శ్రీనివాసరావు గురువారం విజయ వాడలో విడుదల చేశారు. ఈ కార్యక్రమంలో మంత్రి ఆదినారాయ ణరెడ్డి, విద్యాశాఖ ముఖ్యకార్యదర్శి ఆదిత్యనా«థ్‌దాస్, ఇంటర్‌ బోర్డు కార్యదర్శి బి.ఉదయలక్ష్మీ తదితరులు పాల్గొన్నారు. ఇంటర్‌ ప్రథమ, ద్వితీ య సంవత్సరాల ఫలితాలతో పాటు వొకేషనల్‌ పరీక్ష ఫలితాలను ఒకేసారి విడుదల చేశారు. ఈ ఏడాది మార్కు ల ఆధారంగా ఉత్తీర్ణత వివరాలను ప్రకటించినా, వచ్చే ఏడాది నుంచి గ్రేడ్‌ల వారీగా ఫలితాలను వెల్లడిస్తా మని మంత్రి గంటా శ్రీనివాసరావు తెలిపారు.
 
 మార్కులను ప్రకటించడా న్ని నిషేధిస్తూ హైకోర్టు ఉత్తర్వులు ఇచ్చినప్పటికీ మంత్రి గంటా గ్రూపుల వారీగా వాటిని ప్రకటించడం గమనా ర్హం. టాప్‌ 10 ర్యాంకుల్లో మొదటి మూడు ర్యాంకులు, సదరు విద్యార్థుల పేర్లు, వారు సాధించిన మార్కులను వెల్లడించారు. ఇంటర్మీడియెట్‌ ఫలితాల్లో ఉత్తీర్ణత శాతం గతేడాది కంటే ఈసారి పెరిగింది. ప్రథమ సంవత్సరంలో 64 శాతం, ద్వితీయ సంవత్సరంలో 77 శాతం మంది ఉత్తీర్ణత సాధించారు. వొకేషనల్‌ కోర్సుల్లో ప్రథమ సంవత్సరంలో 56 శాతం, ద్వితీయ సంవత్సరంలో 69 శాతం మంది ఉత్తీర్ణులయ్యారు. జిల్లాల వారీగా చూస్తే ఫస్టియర్, సెకండియర్‌ ఫలితాల్లో కృష్ణా జిల్లా అగ్రస్థానంలో ఉండగా, కడప జిల్లా ఆఖరి స్థానానికి పరిమితమైంది.
 
 మే 15 నుంచి అడ్వాన్స్‌డ్‌ సప్లిమెంటరీ పరీక్షలు
 ఇంటర్మీడియెట్‌ పరీక్షల్లో తాము ఆశించిన మేర మార్కులు సాధించలేదనుకున్న వారు, సబ్జెక్టు లు ఫెయిలైన వారు మే 15వ తేదీ నుంచి అడ్వాన్స్‌డ్‌ సప్లిమెంటరీ పరీక్షలకు హాజరు కావచ్చని బోర్డు కార్యదర్శి ఉదయలక్ష్మీ చెప్పారు. ఈ పరీక్షలకు ఈ నెల 20వ తేదీ లోపు ఫీజు చెల్లించాలని తెలిపారు.  రీకౌంటింగ్, రీవెరిఫి కేషన్‌కు ఈ నెల 20వ తేదీ లోగా దరఖాస్తు చేసుకోవాలన్నారు.  
 
 ఐఏఎస్‌ అవుతా...
 రాష్ట్ర స్థాయిలో ప్రథమ ర్యాంకు పొందటం సంతోషంగా ఉంది. ఐఏఎస్‌ కావాలనే లక్ష్యంతో ఇదే కష్టాన్ని, క్రమశిక్షణను కొనసాగిస్తాను. నిత్యం నన్ను ప్రోత్సహించిన వీరిశెట్టి జూనియర్‌ కళాశాల డైరెక్టర్‌ నాగప్రసాద్, ప్రిన్సిపల్‌ శివశంకర్, తల్లిదండ్రులు షేక్‌ అబ్దుల్‌ అజీజ్, పర్వీన్, తాత మస్తాన్‌లకు రుణపడి ఉంటాను.    
 – షర్మిల, సీనియర్‌ ఎంపీసీ స్టేట్‌ ఫస్ట్‌
 (992), ప్రకాశం జిల్లా పొదిలి
 
 నా ప్రాంత వాసులకు సేవ చేస్తా...
 నీట్‌లో మంచి ర్యాంకు సాధించి కార్డియాలజిస్ట్‌ పూర్తిచేసి నా ప్రాంత వాసులకు సేవ చేయాలన్నదే నా లక్ష్యం. నాన్న ఆలపర్తి వెంకటేశ్వర్లు చిరుద్యోగి, అమ్మ సురేఖ ప్రైవేటు స్కూలులో టీచర్‌గా పనిచేస్తున్నారు. నాకు వెన్నంటి నిలిచిన తల్లిదండ్రులకు, వీజీఆర్‌ఎం కాలేజీ యాజమాన్యానికి కృతజ్ఞతలు.
 – ఆలపర్తి నైమిష, సీనియర్‌
  బైపీసీ స్టేట్‌ ఫస్ట్‌ (991), బాపట్ల
 
 
  


 ♦ ప్రభుత్వ జూనియర్ కాలేజీల్లో
 ♦ ఉత్తీర్ణత అంతంత మాత్రమే
 ♦ ఫస్టియర్‌లో 37, సెకండియర్‌లో 59 శాతం పాస్
  సాక్షి, రంగారెడ్డి జిల్లా : ఇంటర్మీడియట్ ఫలితాల్లో సర్కారు కాలేజీలు వెనకబడ్డాయి. రాష్ట్రస్థాయిలో జిల్లా అగ్రగామిగా ఉన్నా ప్రభుత్వ కాలేజీల విభాగంలో మాత్రం అథమంగానే నిలిచింది. జిల్లాలో 24 ప్రభుత్వ జూనియర్ కాలేజీలున్నాయి. వీటి పరిధిలో 2015-16 వార్షిక సంవత్సరంలో ప్రథమ సంవత్సరంలో 2,943 మంది పరీక్షలకు హాజరయ్యారు. ఇందులో కేవలం 1,082 మంది మాత్రమే (37శాతం) ఉత్తీర్ణత సాధించారు. అదేవిధంగా ద్వితీయ సంవత్సరం నుంచి 2,385 మంది విద్యార్థులు పరీక్షలు రాయగా ఇందులో 1,406 మంది మాత్రమే (59శాతం) ఉత్తీర్ణులయ్యారు. ఈ ఉత్తీర్ణత శాతం రాష్ట్ర సగటును సైతం అందుకోకపోవడం గమనార్హం.
  ‘ప్రథమం’లో చివరి ర్యాంకు...
 జిల్లాలో 450 ఇంటర్మీడియట్ కాలేజీలుండగా.. ఇందులో 5శాతం ప్రభుత్వ కాలేజీలున్నాయి. మిగతా వాటిలో 280కిపైగా కార్పొరేట్ కాలేజీలు. ఇవన్నీ మహానగరానికి సమీపంలో ఉండడం.. వీటిలో విద్యార్థుల సంఖ్య లెక్కకు మించి ఉండడం.. తాజాగా పాసైన వారిలో ఈ విద్యార్థులే అధికం కావడంతో ఫలితాల్లో రాష్ట్రంలోనే జిల్లా అగ్రభాగాన నిలిచిందని చెప్పొచ్చు. అదే ప్రభుత్వ కాలేజీలు, గ్రామీణ కాలేజీల్లో మాత్రం ఫలితాల తీరు అంతంతమాత్రంగానే ఉన్నట్లు తెలుస్తోంది. మొత్తంగా ప్రభుత్వ కాలేజీల విభాగం ఫస్టియర్ ఫలితాల్లో జిల్లా అట్టడుగున 10 ర్యాంకుతో సరిపెట్టుకోగా.. సెకండియర్‌లో ఏడో ర్యాంకుతో సరిపెట్టుకోవాల్సి వచ్చింది.


 994 మార్కులు సాధించిన నిదా మెహ్రీన్
 ♦ 992 మార్కులతో ఎంపీసీలో నలుగురు టాపర్లు
 ♦ ఎంఈసీలో 985, సీఈసీలో 967,  హెచ్‌ఈసీలో 925 టాప్ మార్కులు
  
  సాక్షి, హైదరాబాద్: ఇంటర్మీడియెట్ ద్వితీయ సంవత్సర ఫలితాల్లో నిజామాబాద్ జిల్లాకు చెందిన నిదా మెహ్రీన్ బైపీసీలో 994 మార్కులు సాధించి టాపర్‌గా నిలిచింది. ఆ తరువాత 993 మార్కులతో కరీంనగర్ జిల్లాకు చెందిన రంగు కావ్యశ్రీ, అక్కనపల్లి హర్షిణిరెడ్డి రెండో స్థానంలో నిలిచారు. రంగారెడ్డి జిల్లాకు చెందిన ముగ్గురు విద్యార్థులు ఎంపీసీలో అత్యధికంగా 992 మార్కులతో టాపర్లుగా నిలిచారు.
 
 రంగారెడ్డి జిల్లాకు చెందిన పి. రాజశేఖర్‌రెడ్డి, వి.చరితరెడ్డి, రవితేజతోపాటు నిజామాబాద్ జిల్లాకు చెందిన సంధ్యబిక్షం ప్రీతిశర్మ కూడా 992 మార్కులు సాధించారు. బైపీసీలో టాప్-14 మందిలో ఒక్క బాలుడు లేడు. కరీంనగర్ జిల్లాకు చెందిన జి. సుష్మ 967 మార్కులతో సీఈసీ టాపర్‌గా నిలవగా మహబూబ్‌నగర్ జిల్లాకు చెందిన వై. సాయి కుమార్ 985 మార్కులతో ఎంఈసీ టాపర్‌గా నిలిచాడు. ఖమ్మం జిల్లాకు చెందిన ఎం. స్నేహ 925 మార్కులతో హెచ్‌ఈసీ టాపర్‌గా నిలిచింది.
 


 ► ఇంటర్ ప్రథమలో 6 వ స్థానం, ద్వితీయలో 8
 ► ‘ప్రతిభ’కు స్టేట్ ర్యాంకులు
 ► మే 24న అడ్వాన్స్‌డ్ సప్లిమెంటరీ పరీక్షలు: ఆర్‌ఐఓ సీతారాములు
  
 మహబూబ్‌నగర్ విద్యావిభాగం: రాష్ట్ర వ్యాప్తంగా శుక్రవారం విడుదల చేసిన ఇంటర్మీడియట్ ఫలితాల్లో జిల్లాలోనూ బాలికలే పైచేసిసాధించారు. తొలిసారి ఇంటర్ ప్రథమ, ద్వితీయ సంవత్సర ఫలితాలను అధికారులు ఒకే సారి విడుదల చేశారు. ఇంటర్ ఫస్టియర్‌లోగతేడాది 45 శాతం ఉత్తీర్ణత సాధించగా ఈ ఏడాది 44 శాతానికి తగ్గింది. రాష్ట్రంలో 6వ స్థానంలో నిలిచింది. ద్వితీయ సంవత్సరఫలితాలలో గతేడాది 52 శాతం ఉత్తీర్ణతతో రాష్ట్రంలో 9వ స్థానంలో ఉండగా, ఈ ఏడాది 55 శాతం ఉత్తీర్ణతతో రాష్ట్రంలో 8 స్థానం సాధించింది.
 
 
  ఇంటర్ జనరల్ ఫస్టియర్..
 జిల్లా వ్యాప్తంగా 31,502 మంది పరీక్షలు రాయగా 13,912 మంది.. 44 శాతం ఉత్తీర్ణులయ్యారు. 15,985 మంది బాలురలో 6,273 మంది (39 శాతం), 15,517 మంది బాలికల్లో 7,639 మంది (49 శాతం) ఉత్తీర్ణులయ్యారు.
 
  ఇంటర్ జనరల్ సెకండియర్
  జిల్లా వ్యాప్తంగా 29,193 మంది హాజరు కాగా 16,178 మంది విద్యార్థులు.. 55శాతం మంది ఉత్తీర్ణులయ్యారు. 14,952 మంది బాలురకు 7.661 మంది (51 శాతం), 14,241 మంది బాలికలకు 8.517 మంది (60 శాతం) ఉత్తీర్ణులయ్యారు. ద్వితీయ సంవత్సర ఫలితాలలో బాలికలు పైచేయి సాధించారు.
 
  వొకేషనల్‌లో..
  ప్రథమ సంవత్సరానికి 3,879 మంది హాజరు కాగా 1,763 మంది (45 శాతం) ఉత్తీర్ణులయ్యారు. ద్వితీయకు 29,193 మంది హాజరు కాగా 16,178 మంది (55 శాతం) ఉత్తీర్ణులయ్యారు.
 
  మాడల్‌స్కూళ్లలో..
  జిల్లాలోని ఏడు మోడల్ స్కూళ్లలో 262 బాలబాలికలు ఫస్టియర్ రాయగా 148 మంది (56 శాతం) ఉత్తీర్ణులయ్యారు. 245 మంది సెకండియర్ రాయగా 143 మంది (58 శాతం) ఉత్తీర్ణులయ్యారు.
 
  ప్రభుత్వ కళాశాలల్లో..
  జిల్లా వ్యాప్తంగా ప్రభుత్వ కళాశాలల్లో జనరల్ విభాగంలో ప్రథమ సంవత్సర పరీక్షలకు 8,681 మంది హాజరు కాగా 4,026 మంది (46 శాతం), సెకండియర్‌కు 7,048 మంది హాజరు కాగా 4,753 మంది (67 శాతం) ఉత్తీర్ణులయ్యారు. వొకేషనల్ విభాగంలో ప్రథమకు 1284కి 946 మంది (74 శాతం), ద్వితీయకు 1,105 మంది హాజరు కాగా 896 మంది (81శాతం) ఉత్తీర్ణులయ్యారు.
 
  ప్రైవేటు కళాశాలల్లో 42 శాతమే..
  జిల్లా వ్యాప్తంగా ఉన్న ప్రైవేటు జూనియర్ కళాశాలల్లో ఇంటర్ ప్రథమ సంవత్సర పరీక్షలకు 21,021 మంది విద్యార్థులు హాజరు కాగా 8,807 మంది విద్యార్థులు (42 శాతం), ద్వితీయకు 20,520 మంది హాజరు కాగా 10,453 మంది (51శాతం) ఉత్తీర్ణులయ్యారు.
 
  గురుకుల విద్యాలయాలలో..
 జిల్లాలోని సాంఘిక సంక్షేమ గురుకుల విద్యాలయాలలో ప్రథమ సంవత్సర పరీక్షలు 911 మంది రాయగా 578 మంది (63శాతం) ద్వితీయ 857 మందికి 618 మంది (72శాతం) ఉత్తీర్ణులయ్యారు.
 
  సత్తాచాటిన జిల్లా విద్యార్థులు..
 ఇంటర్మీడియట్ ప్రథమ, ద్వితీయ సంవత్సర ఫ లితాలలో జిల్లా విద్యార్థులు తమ సత్తా చాటారు. ప్రథమసంవత్సరంలో జిల్లా కేంద్రంలోని ప్రతిభ జూనియర్ కళాశాల విద్యార్థులు రాష్ట్ర, జిల్లా స్థా యి ర్యాంకులు సాధించారు. ఎంపీసీలో 470కి 465 మార్కులు ముగ్గురు విద్యార్థులు జీ అఖిల్, కే సాయిలక్ష్మి, ఎం నవీన్‌సాగర్ సాధించి జిల్లా ప్రథమ స్థానం పొందారు. ప్రథమ సంవత్సర బైపీసీ విభాగంలో 440కి 436 మార్కులతో ఆసిమామహీన్ జిల్లా ప్రథమ, రాష్ట్రంలో ద్వితీయ స్థానం సాధించింది. ద్వితీయ సంత్సర ఎంపీసీలో వనపర్తి సీవిరామన్ విద్యార్థిని జి. సౌమ్య 990 మార్కులతో జిల్లా మొదటి స్థానంలో నిలవగా, జిల్లా కేంద్రంలోని ప్రతిభ జూనియర్ కళాశాల విద్యార్థిని విశాలి 989 మార్కులు సాధించి జిల్లా ద్వితీయస్థానంలో నిలిచింది.
 
 ఎంఈసీ విభాగంలో షాద్‌నగర్ విజ్ఞాన్ కళాశాల ద్వితీయ విద్యార్థి సాయికుమార్ 985 మార్కులతో స్టేట్‌ఫస్ట్ ర్యాంకు సాధించాడు. జిల్లా కేంద్రంలోని జలయం జూనియర్ కళాశాల విద్యార్థిని శశిప్రియ ఇంటర్ ప్రథమ సంవత్సరంలో ఎంఈసీ విభాగంలో 482 మార్కులు సాధించి జిల్లా ప్రథమ స్థానం సాధించింది. సీఈసీ విభాగంలో ద్వితీయ సంవత్సరంలో 964 మార్కులతో విజ్ఞాన్ కళాశాల విద్యార్థిని జిల్లా ప్రథమ స్థానంలో నిలిచింది.
  
  
  ప్రణాళికా బద్ధంగా చదవడంతో..
  పాఠ్యాంశాలను శ్రద్ధగా వినడంతో పాటు ప్రణాళికాబద్ధంగా చదవడంతో ఇంటర్ జూనియర్ ఎంపీసీ విభాగంలో 470కి 465 మార్కులు సాధించి జిల్లాప్రథమ స్థానం సాధించాం. తల్లిదండ్రులు, ఉపాధ్యాయుల ప్రోత్సాహం వల్లనే అధిక మార్కులు సాధించాం. భవిష్యత్తులో సాఫ్ట్‌వేర్ ఇంజనీర్లు కావడమే లక్ష్యం.  -జి. అఖిల్, ఎం. నవీన్‌సాగర్, సాయిలక్ష్మి, ఇంటర్ ఫస్టియర్ ఎంపిసీ జిల్లా ప్రథమ ర్యాంకర్లు
  
  
  అధ్యాపకుల ప్రోత్సాహంతోనే..
  అధ్యాపకులు, తల్లిదండ్రుల పోత్సాహంతోనే జిల్లా ద్వితీయ స్థానం సాధించాను. అధ్యాపకులు చెప్పిన పాఠ్యాంశాలను ఎప్పటికప్పుడు నేర్చుకోవడం వల్లనే ఎంపీసీ విభాగంలో 989 పొందాను. ట్రిపుల్‌ఈలో ర్యాంకే లక్ష్యం. కళాశాలకు రెగ్యులర్‌గా రావడంతో పాటు, పాఠ్యపుస్తకాలు చదవాలి.
  - బి. విశాలి, ఇంటర్ సీనియర్ ఎంపీసీ జిల్లా రెండో ర్యాంకర్, ప్రతిభ కళాశాల
  
  
  
  సీఏ లక్ష్యం..
  ఇంటర్ ప్రథమ సంవత్సరంలో ఎంఈసీలో 482 మార్కులతో జిల్లా మొదటి ర్యాంకు సాధించడం సంతోషంగా ఉంది. నాన్న మనోహర్‌గౌడ్ ప్రొత్సాహం, అధ్యాపకుల సహకారం ఉంది. ప్రతి రోజు ఆరుగంటలు చదివాను. భవిష్యత్‌లో సీఏ కావడమే లక్ష్యం.
  - శశిప్రియ, ఎంఈసీ జిల్లా ప్రథమ ర్యాంకర్, జలజం కళాశాల


 -పోయేదేముంది కాస్త సమయం తప్ప
 -నేటి అపజయమే రేపటి విజయానికి నాంది
 -ఇలా ఆత్మహత్యలు చేసుకుంటే ఓ ఐన్ స్టీన్, రామానుజన్ లు దక్కేవారా
 
 
 పోటీ మంచిదే.. ఈ పోటీలో సహ విద్యార్థులందరూ ముందుకు వెళ్లి పోతున్నారు..వెనుకబడి పోయానన్న కలత ఉండాల్సిందే. కానీ మానసికంగా కుంగి పోకూడదు. లోపాలను సరిదిద్దుకుని ముందడుగు వేస్తే బలమైన మలి అడుగు మీదే కావచ్చు. మంగళవారం విడుదలైన ఇంటర్మీడియట్ పరీక్ష ఫలితాలు రాష్ట్ర వ్యాప్తంగా కొంత మంది విద్యార్థుల జీవితాల్లో విషాదం నింపాయి. ఫస్ట్ ఇయర్ లో అపశ్రుతి.. సెకండ్ ఇయర్ లో సరిదిద్దు అవకాశం ఉన్నా చిన్నారులు తమ జీవితాల్ని చిదిమేసుకునే ప్రయత్నం చేశారు. ' అపజయానికి మరణం పరిష్కారం కాదు. క్షణం ఆలోచిస్తే మరుక్షణం మీదే .. చరిత్ర సృష్టించిన వారంతా ఏదో సమయంలో ఓటమి చవిచూసిన వారే. ఒకసారి ఓడిగెలిచిన వారిని చూడండి. వారి చరిత్రలు చదవండి. ఈ ప్రపంచంలో చెడి బతికినవాళ్లు ఉన్నారు కానీ, బతికి చెడ్డవారు లేరు! పరీక్షలో ఫెయిలైతే ఆత్మహత్యలే శరణ్యమా? అమ్మానాన్నల ఆశలకు అంతటితో సమాధి కట్టేయడమేనా? కిందపడిన ప్రతిసారీ పైకి లేవాలి.. నిలవాలి.. గెలవాలి. ఫెయిలైతే కుంగిపోకుండా.. ఆత్మహత్య ఆలోచనే రానివ్వకుండా జీవితంలో పెకైదిగిన వారు ఎందరో ఉన్నారు. పరీక్షలో ఫెయిలైన వారే.. సమాజానికి దిశానిర్దేశం చేశారు. వారెవరో మీరే చదవండి..
 
 5 సబ్జెక్టుల్లో రామానుజన్ పూర్..  
 భారతీయ విద్యావంతులందరికీ సుపరిచితమైన పేరు శ్రీనివాస రామానుజన్. చీరల కొట్లో గుమస్తాగా పనిచేసే శ్రీనివాసన్ అయ్యంగార్ కుమారుడు రామానుజన్. 1887 డిసెంబర్ 22న తమిళనాడులోని చెప్పట్ ప్రాంతంలో జన్మించాడు. గణితం అంటే అమితాసక్తి, అరుుతే మిగిలిన సబ్జక్టులపై అంత ఆసక్తి కనబరిచేవారు కాదు. ఈ కారణంగానే కుంభకోణంలోని గవర్నమెంట్ ఆర్ట్స్ కాలేజీలో, పచ్చాయియ్యర్ కాలేజీలో చదువుతున్న సమయంలో గణితం తప్ప మిగిలిన సబ్జక్టుల్లో రాణించలేకపోయారు. అనంతరం కొంతమంది పిల్లలకు గణితం నేర్పుతూ ఉండేవారు. ఈ క్రమంలోనే గణితంపై రామానుజన్ చేసిన ప్రయోగాలు.. ఇంగ్లండ్ రాయల్ సొసైటీ నుంచి ఆహ్వానం అందేలా చేశారుు. రామానుజన్ 32 ఏళ్ల వయసులోనే మరణించారు. భారతావని రామానుజన్ సేవలను తలచుకుంటూ ఆయన జన్మదినమైన డిసెంబర్ 22వ తేదీని ఇండియన్ మేథమెటీషియన్ డేగా జరుపుకొంటోంది.
 
  కెమెరా ముందు చాప్లిన్ ఫెయిల్!
 చార్లీ చాప్లిన్. ఈ పేరు గుర్తుకురాగానే మనసంతా ఉల్లాసంగా మారుతుంది. ఆయన కడుపుబ్బా నవ్వించే సన్నివేశాలు.. ప్రపంచ హాస్య ప్రియులందరికీ చిరపరిచితం. 10వ ఏటనే తండ్రి, తర్వాత కొద్దికాలానికే తల్లి మరణించడంతో లండన్‌లో ఆయన వేషాల కోసం ఎంతగానో యత్నించారు. ఒకానొక దశలో ఆయనను హాలీవుడ్ కెమేరా ముందు పనికిరావంటూ నిష్కర్షగా ప్రకటించింది. అయితే అంతటితో కుంగిపోకుండా పట్టుదలతో రాణించారు. ప్రపంచాన్నే నవ్వుల్లో ముంచెత్తారు. హాస్యరారాజుగా వెలుగొందిన చార్లీ చాప్లిన్ అసలు పేరు చార్లీ స్పెన్సర్ చార్లిన్. ఈయన లండన్ వాసి.
 
  పాలిటెక్నిక్ తప్పిన ఐన్‌స్టీన్
 ఆధునిక భౌతిక శాస్త్ర పితామహుడు ఐన్‌స్టీన్. 1879 మార్చి 14న జర్మనీలో జన్మించిన ఐన్‌స్టీన్ చిన్నతనంలో చదువు కొనసాగించడానికి చాలా ఇబ్బందులు ఎదుర్కొన్నాడు. నాలుగు పలకలేడు.. ఏడు చదవలేడు అనే భావన అటు ఉపాధ్యాయుల్లోనూ, ఇటు తల్లిదండ్రుల్లోనూ ఉండేది. అందుకే అతనిని మానసిక వికలాంగుడుగా భావించేవారు. 16 ఏళ్ల వయసులో స్విస్ ఫెడరల్ పాలిటెక్నిక్(జ్యూరిచ్) పరీక్షలో ఐన్‌స్టీన్ ఫెయిలయ్యాడు. కేవలం గణితం, ఫిజిక్స్‌లో పాసయ్యాడు. కానీ ఆ తర్వాత ఎలాగోలా శ్రమించి మిగిలిన సబ్జెక్టులో పాసయ్యాడు. 1921లో అంతర్జాతీయ నోబెల్ బహుమతి అందుకున్నాడు. పరీక్షలో ఫెయిలయ్యానని ఐన్‌స్టీన్ ఆత్మహత్య చేసుకుని ఉంటే.. ప్రపంచం ఎలా ఉండేదో ఓసారి ఊహించుకోండి.
 
 కర్సన్‌భాయ్.. ఎదుట కష్టం ఓడింది
 గుజరాత్‌లో మైన్స్ అండ్ జియాలజీ విభాగంలో కెమిస్ట్‌గా పనిచేసేవారు కర్సన్‌భాయ్ పటేల్. అప్పట్లో అతి తక్కువ జీతం. ఆ జీతంతో కుటుంబాన్ని నెట్టుకురావడం కష్టంగా భావించాడు. సొంతంగా ఇంట్లోనే వాషింగ్ పౌడర్ తయారీ ప్రారంభించాడు. సైకిల్‌పై రోజుకు 15 కిలోమీటర్ల దూరం ప్రయాణించి 15 నుంచి 20 ప్యాకెట్లు అమ్మేవాడు. అప్పట్లో బ్రాండెడ్ సర్ఫ్ ధర కిలో రూ.13 నుంచి రూ.15 ఉండేది. ఈ క్రమంలో కర్సన్‌భాయ్ పటేల్ మాత్రం కిలో సర్ఫ్ ధర రూ.3.50కు విక్రయించేవాడు. అదే నిర్మ వాషింగ్ పౌడర్. అనూహ్యంగా మార్కెట్‌లో మంచి పేరు లభించడంతో కర్సన్‌భాయ్ పటేల్  జీవితమే మారిపోయింది. ఇప్పుడు ఆయన సంస్థలో 18 వేల మంది ఉద్యోగులు పనిచేస్తున్నారు. ఏడాదికి రూ.3,500 కోట్లకు పైగా వ్యాపారం సాగుతోందంటే ఆశ్చర్యం కలగకమానదు.
 
  చర్చిల్ ఆరులో ఫెయిల్.. అరవైల్లో ప్రధాని
 విన్‌స్టన్ చర్చిల్.. ఇంగ్లండ్‌లో విద్యాభ్యాసం చేసే రోజుల్లో 6వ గ్రేడ్‌లోనే అపజయాన్ని మూటగట్టుకున్నాడు. పెద్దయ్యూక రాజకీయాల్లో చక్ర ం తిప్పాలని చూసి అనేకసార్లు నాలుక్కరుచుకున్నాడు. అయ్యో.. ఓడిపోయూనే అని చర్చిల్ ఏనాడూ కుంగిపోలేదు. చిరు ప్రాయంలోనే చర్చిల్ మొదలుపెట్టిన ప్రయత్నాలు 62 ఏళ్లు వచ్చాక ఫలించారుు. యునెటైడ్ కింగ్‌డమ్‌కు ప్రధాన మంత్రిని చేశాయి. అంతే కాదు వరుసగా రెండు సార్లు ఆయనే ప్రధానిగా ఎన్నికయ్యారు. నోబెల్ బహుమతి కూడా కైవసం చేసుకున్నాడు.   
 
 పరీక్షలో ఫెయిలైతే జీవితం ముగిసిందనుకోకూడదు
 కష్టాన్ని తట్టుకునే మానసిక శక్తిని పిల్లల్లో పెంపొందించాల్సిన అవసరం ఉంది. ఒక కష్టం రాగానే పిల్లలు మానసిక స్థైర్యాన్ని కోల్పోతున్నారు. పరీక్షల్లో ఫెయిలైనంత మాత్రాన జీవితం ముగిసిపోదనే విషయూన్ని విద్యార్థులకు సాధారణ సమయాల్లో ఉద్బోధించాలి. తల్లిదండ్రులే స్నేహితుల్లా కలివిడిగా మెలగాలి. కష్టాలొచ్చినప్పుడు వాటిని ఏ విధంగా అధిగమించాలో విపులీకరించాలి. క్షణికావేశానికిలోనై తొందరపాటు చర్యలు తీసుకుంటే జీవితానికి అర్థం ఉండదని వివరించాలి. పదో తరగతిలోనో, ఇంటర్మీడియెట్‌లోనో ఫెయిలైనంత మాత్రాన భవిష్యత్తు పూర్తయిందనుకోవటం మంచి నిర్ణయం కాదని పిల్లలకు తెలియజెప్పాలి.
 కష్టం వచ్చినప్పుడు ఆత్మీయులకు, స్నేహితులకు చెప్పుకుంటే కొంత ఉపశమనం కలుగుతుంది. మనసులో భారం కొంత తగ్గుతుంది. దాంతో తర్వాత తీసుకునే నిర్ణయాలు మంచి ఫలితాలను ఇస్తాయి. తల్లిదండ్రులు కూడా పిల్లలపై చదువు విషయంలో ఒత్తిడి తీసుకు రాకూడదు. తల్లిదండ్రులు శక్తికి మించి చదువు విషయంలో ఖర్చు చేస్తున్నారు. అదే తరహాలో వారి నుంచి ఫలితాలు ఆశిస్తున్నారు. అది సరికాదు. తల్లిదండ్రులు తాము సాధించలేనిది పిల్లల ద్వారా సాధించాలనే తపనతో చదువు విషయంలో ఒత్తిడి చేస్తున్నారు. పిల్లల సామర్థ్యం ఏమిటో తెలుసుకుని తల్లిదండ్రులు మసలుకోవాలి. - కేవీ రమణ, మానసిక వైద్య నిపుణుడు
  


 హైదరాబాద్: తెలంగాణ ఇంటర్మీడియట్ ఫలితాలు శుక్రవారం విడుదల కానున్నాయి. హైదరాబాద్లో గురువారం డిప్యూటీ సీఎం కడియ శ్రీహరి  మాట్లాడుతూ.... శుక్రవారం ఉదయం 11 గంటలకు ఇంటర్ ఫస్టియర్, సెకండియర్ ఫలితాలను రీలిజ్ చేయనున్నట్లు తెలిపారు. తొలిసారిగా ఇంటర్ రెండు సంవత్సరాల ఫలితాలను ఒకేసారి విడుదల చేయనున్నారు. 


 పాలకుర్తి : ఇంటర్మీడియట్‌లో తక్కువ మార్కులు వచ్చి ఫెయిల్ అవుతాననే భయంతో ఓ విద్యార్థిని ఆత్మహత్య చేసుకుంది. వరంగల్ జిల్లా పాలకుర్తి మండలం ముత్తారం గ్రామానికి చెందిన బెల్లి కుమార్-యాదమ్మ దంపతులకు ముగ్గురు సంతానంలో చిన్న కూతురు సోమలక్ష్మి(17) హన్మకొండలో ఇంటర్మీడియట్ చదవుతోంది. తన అక్క, అన్నయ్యలు చదువులో బాగా రాణిస్తున్నారని, తాను ఇంటర్‌లో ఫెయిల్ అవుతానేమోనని ఆందోళనచెందింది.
 
 రెండు రోజుల్లో ఇంటర్ ఫలితాలు వెలువడనుండడంతో సోమలక్ష్మిలో ఆందోళన ఎక్కువైంది. బుధవారం ఇంట్లో ఎవరూ లేని సమయంలో దూలానికి ఉరి వేసుకుని ఆత్మహత్యకు పాల్పడింది. మృతురాలి తండ్రి ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లుగా ఎస్‌ఐ వెంకటేశ్వర్లు తెలిపారు.


 ► మరో విద్యార్థి ఆత్మహత్యాయత్నం
 ► ఇంటర్మీడియెట్ పరీక్షల్లో ఫెయిల్
 ► అవ్వడమే కారణం
  
 ఈపూరు : ఇంటర్మీడియెట్ ప్రథమ, ద్వితీయ సంవత్సర పరీక్షల్లో ఫెయిల్ అవ్వడంతో తీవ్ర మనస్థాపానికి గురైన ఇద్దరు యువకుల్లో ఒకరు బలవన్మరణం చెందగా, మరో విద్యార్థి ఆత్మహత్యాయత్నానికి పాల్పడిన సంఘటన మంగళవారం ఈపూరులో చోటుచేసుకుంది. ఈపూరు గ్రామానికి చెందిన కోతి శామ్యేలు, దీనమ్మకు ఇద్దరు కుమారులు, ఇద్దరు కుమార్తెలు. వీరిలో రెండో కుమారుడు కోతి చిరంజీవి వినుకొండలోని ఓ ప్రైవేటు కళాశాలలో ఇంటర్ ద్వితీయ సంవత్సరం చదివాడు. ఇంటర్ ఫలితాలు విడుదల కావడంతో పరీక్షల్లో ఫెయిల్ అయినట్లు తెలిసి తీవ్ర మనస్థాపానికి గురై ఇంట్లో ఎవరూ లేని సమయంలో ఫ్యానుకు ఉరివేసుకున్నాడు. అప్పటి వరకు ఇంటి వరండాలో ముచ్చటించిన చిరంజీవి ఒక్కసారిగా ఇంట్లోకెళ్లి తలుపులు వేసుకున్నాడు.
 
 చుట్టుపక్కల వారు తలుపు కొట్టినా తీయలేదు. దీంతో తలుపులు తొలగించి లోపలికి వెళ్లి చూడగా చిరంజీవి ఫ్యానుకు వేలాడుతూ కనిపించాడు. వెంటనే బంధువులు చిరంజీవిని ఈపూరు ప్రభుత్వాసుపత్రికి తరలించారు. చిరంజీవి అప్పటికే మృతి చెందినట్లు వైద్యులు ధ్రువీకరించారు. పొలంలో పనిచేస్తున్న తల్లి దీనమ్మకు విషయం తెలియడంతో ఒక్కసారిగా కుప్పకూలిపోయింది. చేతికి అందివచ్చిన కొడుకు ఈ విధంగా మృతి చెందడంతో తల్లిదండ్రుల రోదన చూపరులకు కంటతడి పెట్టించింది.
 
 వనికుంట గ్రామానికి చెందిన సట్టి శ్రీను, హనీమేరీ కుమారుడు శౌరిరాజు. ప్రకాశం జిల్లా దర్శిలోని ఓ ప్రైవేటు కళాశాలలో ఇంటర్ మొదటి సంవత్సరం చదువుతున్నాడు. మంగళవారం ఇంటర్ పరీక్షల ఫలితాల్లో శౌరిరాజు ఫెయిల్ అయినట్లు తెలియడంతో గొంతు, చేతి నరాలు కోసుకుని ఆత్మహత్యాయత్నానికి పాల్పడ్డాడు. వెంటనే బంధువులు గమనించి ఈపూరు ప్రైవేటు ఆసుపత్రికి తరలించి వైద్యం చేయించారు.
  


 శ్రీకాకుళం న్యూకాలనీ: ఇంటర్మీడియెట్ సెకండియర్ పరీక్ష ఫలితాల్లో జిల్లా విద్యార్థులు మెరుగైన మార్కులను సాధించారు. ఎంపీసీలో టాపర్‌గా కస్పా వేణుమాధవి(989) నిలిచింది. స్థానిక దమ్మలవీధిలో నివాసం ఉంటున్న వేణుమాధవి శ్రీచైతన్య జూనియర్ కళాశాలలో చదివింది. ఎం.ఆంజనేయ రాకేష్, చింతాడ మోణిక సింధులు 988 మార్కులతో ద్వితీయ స్థానంలో నిలిచారు. బస్వ హర్షవర్ధన్, ఆర్.ఎల్.ఎల్.వి.భారతి ఎం, జి.నరేష్‌కుమార్, ముద్దాడ యామినిలు 987 మార్కులతో తృతీయ స్థానంలో నిలిచారు.
  
   కె.గౌతమ్‌నాయుడు, ఎ.సంతోష, ఎస్.తుషారిక తేజస్విలు 986 మార్కులతో నాల్గవస్ధానంలో నిలిచారు. వీరంతా శ్రీకాకుళంలోని శ్రీచైతన్య నారాయణ జూనియర్ కళాశాల్లో చదువుతున్నవారు. బైపీసీ విభాగంలో టాపర్‌గా వి.దీపికప్రియ 987 మార్కులతో అగ్రస్థానంలో నిలిచింది. శ్రీకాకుళం శ్రీచైతన్యకే చెందిన కరణం మౌనీష్, దుంగ ప్రదీప్‌కుమార్‌లు 986 మార్కులతో రెండోస్థానంలో నిలిచారు.
  
  అట్టాడ కాత్యాయిని 985 మార్కులతో తృతీయ స్ధానం, కె.మానస సౌజన్య 984 మార్కులతో నాల్గవస్థానంలో నిలిచారు. శ్రీకాకుళం ప్రభుత్వ కళాశాలలో భరద్వాజ్ 967 మార్కులు, సాయితేజ 952 మార్కులతో రాణించారు. హెచ్‌ఈసీలో ఎం.ప్రవీణ్‌కుమార్ 898 మార్కులతో రాణించాడు. ఒకేషనల్ కోర్సులో శ్రీకాకుళం బాలుర కళాశాలలో మెకానికల్ ఇంజనీరింగ్ విభాగంలో కె.రాజ్‌కుమార్ 951 మార్కులతో టాపర్‌గా నిలిచాడు.
  


 విజయవాడ: ఆంధ్రప్రదేశ్ ఇంటర్మీడియెట్ సెకండియర్ ఫలితాల్లో ఏ-గ్రేడ్లో అత్యధికంగా 57.46 శాతం మంది విద్యార్థులు ఉత్తీర్ణులయ్యారు. మొత్తం 4,11,941 మంది విద్యార్థులు పరీక్షకు హాజరు కాగా 3,03,934 మంది ఉత్తీర్ణులయ్యారు.73.78%గా ఉత్తీర్ణత శాతం నమోదైంది. బాలికలు 76.43, బాలురు 71.02 శాతం ఉత్తీర్ణత సాధించారు. గతంలో కంటే ఉత్తీర్ణత శాతం పెరిగింది. ఏ-గ్రేడ్ 75% మార్కుల కంటే ఎక్కువ, బీ-గ్రేడ్ 60 నుంచి 75%, సీ-గ్రేడ్ 50 నుంచి 60%, డీ-గ్రేడ్ 35 నుంచి 50%గా నిర్ణయించారు.
 
 గ్రేడ్ల వారీగా ఫలితాల వివరాలు:
 ఏ-గ్రేడ్  :  1,74,649( 57.16 %)
 బీ-గ్రేడ్ :   84407 (27.77%)
 సీ-గ్రేడ్ :   33,864 (11.14%)
 డీ-గ్రేడ్ :   11,014 (3.62%).


 విజయవాడ: ఆంధ్రప్రదేశ్లో ఇంటర్ ఫలితాల్లో కృష్ణా జిల్లా మంచి ఫలితాలు సాధించింది. ఇంటర్ మొదటి, రెండో సంవత్సరం ఫలితాల రెండింటిలోనూ కృష్ణా జిల్లా అగ్రస్థానంలో నిలిచింది.
 
 ఫస్టియర్లో కృష్ణా అత్యధికంగా 81 శాతం ఉత్తీర్ణత సాధించింది. విశాఖపట్నం జిల్లా 77 శాతం ఉత్తీర్ణతతో రెండో స్థానంలో నిలిచింది. ఇక సెకండియర్లోనూ కృష్ణా 84 శాతం ఉత్తీర్ణతతో మొదటి స్థానం దక్కించుకుంది. నెల్లూరు జిల్లా 78 శాతం ఉత్తీర్ణతతో రెండో స్థానంలో నిలిచింది. ఇంటర్ మొదటి, రెండో సంవత్సరం ఫలితాలను ఒకేసారి విడుదల చేశారు. గతేడాదితో పోలిస్తే ఈ సారి ఉత్తీర్ణత శాతం పెరిగింది.


 విజయవాడ: ఆంధ్రప్రదేశ్లో ఇంటర్ మొదటి, రెండో సంవత్సర ఫలితాల్లో అమ్మాయిలు పైచేయి సాధించారు. ఇంటర్లో అబ్బాయిల కంటే అమ్మాయిలే ఎక్కువ శాతం ఉత్తీర్ణులయ్యారు. మంగళవారం ఏపీ మానవ వనరుల అభివృద్ధి శాఖ మంత్రి గంటా శ్రీనివాసరావు ఇంటర్ మొదటి, రెండో సంవత్సరం ఫలితాలను విడుదలు చేశారు. వివరాలిలా ఉన్నాయి.
 
 ఇంటర్ రెండో సంవత్సరం ఫలితాలు
 
 మొత్తం 73.78 శాతం మంది ఉత్తీర్ణులయ్యారు.
 
 అమ్మాయిల్లో 74.46 శాతం ఉత్తీర్ణత
 
 అబ్బాయిల్లో 71.12 శాతం ఉత్తీర్ణత
 
 మొత్తం  4,11,941 పరీక్షలు రాయగా, 3,03,934 మంది విద్యార్థులు ఉత్తీర్ణులయ్యారు
 
 ఏ గ్రేడ్లో  57.46 శాతం, బీ గ్రేడ్లో 27.77 శాతం, సీ గ్రేడ్లో  11.14, డీ గ్రేడ్లో 3.62 శాతం ఉత్తీర్ణత
 
 ఫలితాల్లో కృష్ణా జిల్లా అగ్రస్థానం, నెల్లూరు జిల్లా రెండో స్థానం సాధించాయి
 
 
 మొదటి సంవత్సర ఫలితాలు
  
 
 మొత్తం 68.05 శాతం ఉత్తీర్ణత
 
 బాలికల్లో 72.09 శాతం ఉత్తీర్ణత
 
 బాలురులో 64.20 శాతం ఉత్తర్ణీత
 
 ఏ గ్రేడ్లో 58 శాతం, బీ గ్రేడ్లో 25.85 శాతం, సీ గ్రేడ్లో 11.18 శాతం, డీ గ్రేడ్లో 4.73 శాతం ఉత్తీర్ణులయ్యారు
 
 మొత్తం 4, 67,747 మంది విద్యార్థులు పరీక్షలు రాయగా, 3,18,300 మంది ఉత్తీర్ణులయ్యారు
 
 ఫలితాల్లో కృష్ణా జిల్లా అగ్రస్థానం, విశాఖపట్నం రెండో స్థానంలో నిలిచాయి 
 
                                                                                            
 వచ్చే నెల 24 నుంచి సప్లిమెంటరీ పరీక్షలు
 సప్లిమెంటరీ పరీక్షలకు ఫీజు చెల్లించేందుకు ఈ నెల 26 వరకు గడువు


 మొత్తం ఉత్తీర్ణత.. 72.07 శాతం
 సాక్షి ప్రతినిధి, కర్నూలు: మళ్లీ అమ్మాయిలదే పైచేయి. ఇంటర్మీడియెట్ ద్వితీయ సంవత్సరం పరీక్షల ఫలితాల్లో బాలికల హవా కొనసాగింది. అమ్మాయిలతో పోలిస్తే అబ్బాయిలు బాగా వెనుకబడ్డారు. ఈ పరీక్షల్లో మొత్తం 72.07 శాతం మంది ఉత్తీర్ణులవగా.. 74.80 శాతం ఉత్తీర్ణతతో బాలికలు ముందంజలో నిలిచారు. బాలుర ఉత్తీర్ణత 69.43 శాతమే. మంగళవారం కర్నూలు కలెక్టరేట్‌లోని సునయన ఆడిటోరియంలో ఏర్పాటు చేసిన కార్యక్రమంలో ఇంటర్ ద్వితీయ సంవత్సరం పరీక్షల ఫలితాలను రాష్ట్ర మానవ వనరుల శాఖ మంత్రి గంటా శ్రీనివాసరావు విడుదల చేశారు.
 
 ఈ సందర్భంగా ఆయన మాట్లాడుతూ.. ఇంటర్ ఫలితాల్లో తెలంగాణ రాష్ట్రం కంటే ఆంధ్రప్రదేశ్ మంచి ఫలితాలు సాధించిందని చెప్పారు. ఫస్టియర్ ఫలితాల్లో తెలంగాణలో 55 శాతం మంది ఉత్తీర్ణులవగా.. ఏపీలో 61 శాతం మంది ఉత్తీర్ణులైనట్టు తెలిపారు. ద్వితీయ సంవత్సర ఫలితాల్లోనూ తెలంగాణ(63 శాతం) కంటే ఏపీలో 9 శాతం అధికంగా 72.07 శాతం ఉత్తీర్ణత సాధించామని తెలిపారు. విద్యారంగంలో ఏపీ నంబర్‌వన్‌గా ఎదుగుతోందని ఆయన చెప్పారు.
  
 72 శాతం మంది ఉత్తీర్ణత!
 ఇంటర్మీడియెట్ ద్వితీయ సంవత్సరం పరీక్షకు రాష్ట్రవ్యాప్తంగా 4,03,496 మంది హాజరవగా.. ఇందులో 2,90,789 మంది ఉత్తీర్ణత(72.07 శాతం) సాధించారని మంత్రి తెలిపారు.
  
 కృష్ణా ఫస్ట్... వైఎస్సార్ జిల్లా లాస్ట్!
 మొదటి సంవత్సరం ఫలితాల మాదిరిగానే కృష్ణా జిల్లా 83 శాతం ఉత్తీర్ణతతో మొదటిస్థానంలో నిలిచిందని మంత్రి తెలిపారు. రెండో స్థానంలో 77 శాతంతో నెల్లూరు జిల్లా, 76 శాతం ఉత్తీర్ణతతో విశాఖపట్నం, గుంటూరు జిల్లాలు మూడో స్థానంలో నిలిచాయన్నారు.
  
 2 నుంచి మెమోల జారీ
 ఉత్తీర్ణులైన విద్యార్థులు ఆయా కాలేజీల్లో మే 2వ తేదీ నుంచి మెమోలను తీసుకోవచ్చునని మంత్రి గంటా వివరించారు. ఫెయిలైన విద్యార్థులకోసం మే 1 నుంచి మూడు వారాలపాటు ప్రత్యేక శిక్షణ తరగతులను నిర్వహించనున్నట్టు తెలిపారు. సప్లిమెంటరీ పరీక్షలు మే 25 నుంచి ప్రారంభం అవుతాయన్నారు. ఇందుకోసం పరీక్ష ఫీజు చెల్లించేందుకు మే 5 ఆఖరు తేదీ అని వివరించారు. ఈ కార్యక్రమంలో ఉప ముఖ్యమంత్రి కేఈ కృష్ణమూర్తి, ఎమ్మెల్యే ఎస్వీ మోహన్‌రెడ్డి, జెడ్పీ చైర్మన్ రాజశేఖర్, కలెక్టర్ సీహెచ్ విజయమోహన్, ఇంటర్ బోర్డు కమిషనర్ సత్యనారాయణ తదితరులు పాల్గొన్నారు.


 శ్రీకాకుళం(ఆముదాలవలస): ఇంటర్ పరీక్షల్లో తప్పినందుకు సునీత అనే విద్యార్థిని ఆత్మహత్య చేసుకుంది. ఈ ఘటన శ్రీకాకుళం జిల్లా ఆముదాలవలస మండలంలో మంగళవారం చోటుచేసుకుంది. కాత్యాచార్యులపేటకి చెందిన సునీత ఇంట్లో ఎవరూ లేని సమయంలో ఉరివేసుకుని ఆత్మహత్యకు పాల్పడింది. ఇంటికి వచ్చిన తర్వాత కూతురు చనిపోయిందన్న విషయాన్ని గ్రహించిన విద్యార్థిని తల్లిదండ్రులు కన్నీరుమున్నీరయ్యారు.
  


 కర్నూలులో విడుదల చేయనున్న మంత్రి గంటా
 సాక్షి, హైదరాబాద్: ఇంటర్మీడియెట్ ద్వితీయ సంవత్సరం (జనరల్, ఒకేషనల్) పరీక్ష ఫలితాలు మంగళవారం విడుదల కానున్నాయి. కర్నూలు కలెక్టర్ కార్యాలయంలోని సునయన ఆడిటోరియంలో రాష్ట్ర మానవవనరుల అభివృద్ధి శాఖ మంత్రి గంటా శ్రీనివాసరావు ఉదయం 10 గంటలకు ఫలితాలను విడుదల చేయనున్నారు. ఉప ముఖ్యమంత్రి కేఈ కృష్ణమూర్తి, ప్రిన్సిపల్ సెక్రటరీ సుసోడియా, ఇంటర్ బోర్డు కార్యదర్శి, కమిషనర్ ఎంవీ సత్యనారాయణ ఈ కార్యక్రమంలో పాల్గొంటారు. ఫలితాలను వివిధ వె బ్‌సైట్లలో పొందుపర్చనున్నట్లు ఎంవీ సత్యనారాయణ సోమవారం ఒక ప్రకటనలో పేర్కొన్నారు. ఫలితాలు www.sakshi.com లో కూడా అందుబాటులో ఉంటాయి.


 ⇒991 మార్కులు సాధించిన స్వప్న
 ⇒ఎంపీసీలో ఐదుగురు
 ⇒గ్రూపుల వారీగా టాపర్లు వీరే
 సాక్షి, హైదరాబాద్: ఇంటర్మీడియెట్ ఫలితాల్లో టాప్ మార్కులు 991. ఈ మార్కులను బైపీసీలో ఒకే ఒక్క అమ్మాయి సాధించగా, ఎంపీసీలో మాత్రం ఐదుగురు విద్యార్థులు సాధించారు. బైపీసీలో నిజమాబాద్ జిల్లాకు చెందిన బరందేవి సుష్మ 991 మార్కులను సాధించారు. ఇక ఎంపీసీలో 991 మార్కులను ఐదుగురు విద్యార్థులు సాధించారు.
 
 ఇంటర్మీడియెట్‌లో అత్యధిక మార్కులు సాధించిన విద్యార్థుల్లో ఎక్కువ మంది హైదరాబాద్, రంగారెడ్డి జిల్లాలకు చెందిన వారే ఉండటం విశేషం.
 


 హైదరాబాద్: తెలంగాణ ఇంటర్మీడియెట్ ద్వితీయ సంవత్సర ఫలితాలు విడుదలయ్యాయి. విద్యాశాఖను పర్యవేక్షిస్తున్న ఉప ముఖ్యమంత్రి కడియం శ్రీహరి సోమవారం ఉదయం 10 గంటలకు నాంపల్లిలోని ఇంటర్మీడియెట్ బోర్డు కార్యాలయంలో ఈ ఫలితాలను విడుదల చేశారు.   మొత్తం 61.41శాతం మంది విద్యార్థులు ఉత్తీర్ణత సాధించారు. ఎప్పటిలాగా బాలురు కన్నా బాలికలే పైచేయిగా నిలిచారు. రంగారెడ్డి జిల్లా మొదటి స్థానంలో నిలిచింది.  సరైన సమయంలో ఫలితాలను విడుదల చేసినందుకు కడియం శ్రీహరి ఈ సందర్భంగా అధ్యాపకులకు, ఇంటర్ బోర్డును అభినందించారు.
 
 ఈ ఏడాది 3లక్షల 78వేల 978 మంది విద్యార్థులు పరీక్షలు రాయగా... 61.4శాతం మంది ఉత్తీర్ణులయ్యారు. బాలుర ఉత్తీర్ణతా శాతం 55.91 శాతం కాగా... బాలికలు 66.86శాతం ఉత్తీర్ణతలో పైచేయి సాధించారు. గత ఏడాదితో పోలిస్తే ఈసారి ఉత్తీర్ణత శాతం పెరిగిందని అధికారులు తెలిపారు. 75 శాతం ఉత్తీర్ణతతో మొదటి స్థానంలో రంగారెడ్డి జిల్లా, 58శాతం ఉత్తీర్ణతతో నల్లగొండ జిల్లా చివరి స్థానంలో ఉంది. ఇక ఇంటర్‌ అడ్వాన్డ్స్‌ సప్లిమెంటరీ పరీక్షా ఫీజు గడవు మే 6తో ముగియనుంది.
 
 
 విద్యార్థులు www.sakshieducation.com, http://examresults.tc.nic.in, http://re sults.cgg.gov.in తదితర వెబ్‌సైట్ల నుంచి పొందవచ్చు. కళాశాలల ప్రధానోపాధ్యాయులు తమ కళాశాల ఫలితాలను - http://bie.telangana.cgg.gov.in  వెబ్‌సైట్ నుంచి పొందవచ్చు.


 సాక్షి, హైదరాబాద్: ఇంటర్మీడియెట్ ద్వితీయ సంవత్సర ఫలితాలు నేడు విడుదల కానున్నాయి. విద్యాశాఖను పర్యవేక్షిస్తున్న ఉప ముఖ్యమంత్రి కడియం శ్రీహరి సోమవారం ఉదయం 10 గంటలకు నాంపల్లిలోని ఇంటర్మీడియెట్ బోర్డు కార్యాలయంలో ఈ ఫలితాలను విడుదల చేయనున్నారు. ఫలితాలను విద్యార్థులు www.sakshieducation.com, http://examresults.tc.nic.in, http://re sults.cgg.gov.in తదితర వెబ్‌సైట్ల నుంచి పొందవచ్చు. కళాశాలల ప్రధానోపాధ్యాయులు తమ కళాశాల ఫలితాలను - http://bie.telangana.cgg.gov.in  వెబ్‌సైట్ నుంచి పొందవచ్చు.
 దీనికి సంబంధిత కళాశాలలకు బోర్డు కేటాయించిన యూజర్ ఐడీ, పాస్‌వర్డ్‌ను వినియోగించాలి. మార్చి 9 నుంచి 27 వరకు జరిగిన ఇంటర్ ద్వితీయ వార్షిక పరీక్షలకు 5,06,789 మంది విద్యార్థులు దరఖాస్తు చేసుకోగా, 4.77 లక్షల మంది హాజరయ్యారు. ఇందులో రెగ్యులర్ విద్యార్థులు 3,78,972 మంది ఉండగా 93,567 మంది ప్రైవేటు విద్యార్థులున్నారు. ఒకేషనల్ విభాగంలో మరో 34 వేల మంది పరీక్షలు రాశారు.
  
  ఇలా కూడా తెలుసుకోవచ్చు
  ఈ-సేవ ఆధ్వర్యంలోని పరిష్కారం కాల్‌సెంటర్ నెంబర్‌కు కాల్ చేసి ఫలితాలు తెలుసుకోవచ్చు. బీఎస్‌ఎన్‌ఎల్ ల్యాండ్‌లైన్ నుంచి 1100, ఇతర ల్యాండ్‌లైన్లు/ మొబైల్ ఫోన్ల నుంచి 18004251110 నెంబర్‌కు కాల్ చేస్తే ఫలితాలు చెబుతారు. ఈ-సేవ, మీ-సేవ, రాజీవ్ సిటిజన్ సెంటర్స్, ఏపీఆన్‌లైన్ సెంటర్ల నుంచి సైతం ఫలితాలను పొందవచ్చు.
  ఐవీఆర్‌ఎస్ (ఇంటరాక్టివ్ వాయిస్ రెస్పా న్స్ సిస్టమ్) ద్వారా ఎయిర్‌టెల్ వినియోగదారులు 5207051, వొడాఫోన్ వినియోగదారులు 58888511, అన్నిఫోన్ల వినియోగదారులు 58888కు కాల్ చేసి ఫలితాలు పొందవచ్చు.


 అనంతపురం ఎడ్యుకేషన్ : ఇంటర్మీడియట్ ప్రథమ సంవత్సర ఫలితాలు గురువారం సాయంత్రం విడుదలయ్యాయి. రాష్ట్ర విభజన తర్వాత తొలిసారి జరిగిన ఈ పరీక్షా ఫలితాల్లో మన జిల్లా చివరి నుంచి రెండోస్థానం దక్కించుకుంది. గతేడాది ఉమ్మడి రాష్ట్రం(తెలంగాణ, సీమాంధ్ర) లోని 23 జిల్లాల్లో అనంతపురం 49 శాతం ఉత్తీర్ణతతో 12వ స్థానంలో నిలి చిన విషయంవిదితమే.
  
  ఈసారి 13 జిల్లా ల ఆంధ్రప్రదేశ్‌లోనూ  12వ స్థానంలోనే నిలిచింది. ఈ ఫలితాల్లో అమ్మాయిలదే పైచేయి.  జిల్లాలో మొత్తం 32,203 మంది విద్యార్థులు పరీక్షలు రాశారు. 17,116 మంది ఉత్తీర్ణత సాధించారు.  16,283 మంది బాలురకు గాను 7,738 మంది (48 శాతం), 15,920 మంది బాలికలకు గాను 9,378 మంది (59 శాతం) ఉత్తీర్ణులయ్యారు. బాలబాలికల ఉత్తీర్ణత గతేడాది కంటే 5 శాతం పెరిగింది.
  
  ప్రభుత్వ కళాశాలల్లో 2.12 శాతం పెరిగిన ఉత్తీర్ణత
  జిల్లాలోని 40 ప్రభుత్వ జూనియర్ కళాశాలల్లో ఈ ఏడాది 40 శాతం ఉత్తీర్ణత సాధించారు. గతేడాదికంటే 2.12 శాతం పెరిగింది. మొత్తం 7,684 మంది విద్యార్థులు పరీక్షలు రాయగా.. 3028 మంది ఉత్తీర్ణత సాధించారు. ఎయిడెడ్ కళాశాలలకు సంబంధించి 46 శాతం ఉత్తీర్ణత నమోదైంది. గతేడాది 44.38 శాతం సాధించారు. ఈసారి 1.62 శాతం పెరిగింది.  జిల్లాలోని 6 ఎయిడెడ్ కళాశాలల్లో మొత్తం 2352 మంది విద్యార్థులు పరీక్షలు రాశారు. 1038 మంది ఉత్తీర్ణులయ్యారు. ఒకేషన ల్‌కు సంబంధించి  జిల్లా వ్యాప్తంగా 21 కళాశాలల్లో  46 శాతం ఉత్తీర్ణత సాధించారు. గతేడాది కూడా ఇంతే శాతం నమోదు చేశారు.  మొత్తం 2,050 మంది విద్యార్థులకు గాను 946 మంది పాసయ్యారు.
  
  నెట్ సెంటర్ల వద్ద సందడి
  ఫలితాలు  ప్రకటిస్తారని తెలియడంతో ఉదయం నుంచి విద్యార్థులు, తల్లిదండ్రులు, బంధువులు ఎంతో ఆసక్తిగా ఎదురుచూశారు. సాయంత్రం 5.30 గంటల ప్రాంతంలో ఫలితాలు వెలువడగానే  అనంతపురం నగరంతో పాటు హిందూపురం, ధర్మవరం, తాడిపత్రి, గుంతకల్లు, కళ్యాణదుర్గం, రాయదుర్గం, కదిరి, ఉరవకొండ, గుత్తి, పుట్టపర్తి, మడకశిర పట్టణాల్లోని ఇంటర్నెట్ కేంద్రాలు కిటకిటలాడాయి.  
  
  తొమ్మిదేళ్లుగా
  ఇంటర్ ఫస్టియర్  ఫలితాలిలా...
  సంవత్సరం    శాతం
  2008        45
  2009        33.53
  2010        36
  2011        44
  2012        47
  2013        45.5
  2014        49
  2015       53
  


 కర్నూలు(విద్య): ఎంసెట్-2014 ఫలితాల్లో జిల్లా విద్యార్థులు సత్తా చాటారు. ఇంటర్ మీడియట్ ఫలితాల్లో అత్యుత్తమ మార్కులు సాధించిన జిల్లా విద్యార్థులు ఎంసెట్ ఫలితాల్లో కూడా రాణించారు. నీలోఫర్ ఉన్నీసా అనే విద్యార్థిని 151/160 మార్కులతో 108వ ర్యాంకు సాధించి జిల్లా టాపర్‌గా నిలిచింది.
 
 అయితే ఇంటర్ మీడియట్‌లో అత్యధిక మార్కులు సాధించిన పలువురు విద్యార్థులు ఎంసెట్ ర్యాంకుల విషయంలో కాస్త వెనుకబడ్డారు. గతేడాదితో పోలిస్తే ఈసారి అత్యుత్తమ ర్యాంకులు సాధించిన వారి సంఖ్య తగ్గింది. సోమవారం సాయంత్రం 4.30 గంటలకు విడుదలైన ఎంసెట్ ఫలితాలను చూసుకునేందుకు విద్యార్థులు ఇంటర్‌నెట్ సెంటర్లకు పరుగులు తీశారు. సర్వర్లు మొరాయించడంతో ఆందోళనకు గురయ్యారు.   
  
 నారాయణ విద్యార్థుల ప్రభంజనం ..
 మెడికల్ విభాగంలో ఫలితాల్లో కర్నూలులోని నారాయణ కళాశాలలో విద్యార్థులు ప్రభంజనం సృష్టించారు. నీలోఫర్ ఉన్నీసా 108వ ర్యాంకు, సాయిపవన్‌కుమార్ 294, ఎం. సంహిత 376, శ్రీనాథరెడ్డి 561, సాయిస్నిగ్దారెడ్డి 571, ఎం. జోత్స్నవిరెడ్డి 898, వైశాఖ్ ఆర్.బచ్చు 987, ఎంబి శారద 1,330, హేమచందన సంతోషి 1,694వ ర్యాంకు సాధించారు.  ఇంజనీరింగ్ విభాగంలో చిన్నవీరేష్ 396వ ర్యాంకు, వి. హరికృష్ణ 473, కె. వంశీకృష్ణ 689, పి. భార్గవ 1,523, వి. హరివంశీ 1,806 ర్యాంకు సాధించి టాపర్లుగా నిలిచారు.
  
 ‘శ్రీచైతన్య’ విజయభేరి: కర్నూలు నగరంలోని శ్రీ చైతన్య విద్యాసంస్థల్లో చదివిన విద్యార్థులు ఎంసెట్ ఫలితాల్లో విజయభేరి మోగించారు. మెడికల్ విభాగంలో కె. కావ్య 224వ ర్యాంకు, ఐ. సాయిచంద్రశర్మ 463, టి. శ్రీహరి 467, ఎం. శ్రావణి 739వ ర్యాంకు సాధించారు. ఇంజనీరింగ్ విభాగంలో కె. అజయ్ 447, ఎన్. మురళీకృష్ణ 875, ఆర్. వారాహి 1,046, వంశీ 1,256వ  ర్యాంకు సాధించి సత్తాచాటారు.
  
 కార్జియాలజిస్ట్ కావాలన్నదే లక్ష్యం: నీలోఫర్ ఉన్నీసా
 కర్నూలు నగరంలోని కొత్తపేటలో నివాసముంటున్న అబ్దుల్ రహమాన్ పాఠశాల హెచ్‌ఎంగా పనిచేసి పదవీ విరమణ పొందారు. ఆయన భార్య ఫాతిమా ఉన్నీసా గృహిణి. వీరికి ఐదుగురు కుమార్తెలు, ముగ్గురు కుమారులు. వీరు ప్రతి ఒక్కరినీ ఉన్నతంగా చదివించారు. ప్రస్తుతం వారి ఐదో కూతురు నీలోఫర్ ఉన్నీసా ఎంసెట్ మెడికల్ విభాగంలో 108వ ర్యాంకు సాధించి జిల్లా టాపర్‌గా నిలిచింది. ఆమె పదో తరగతిలో 9.8 జీపీఏ పాయింట్లు, ఇంటర్‌లో 984 మార్కులు కైవసం చేసుకుంది. ఎంసెట్ మెడికల్ విభాగంలో 151 మార్కులతో ఏకంగా 108 ర్యాంకు చేజిక్కించుకుంది. తాను కర్నూలు మెడికల్ కాలేజిలో చేరతానని, కార్డియాలజిస్టు కావాలన్నదని తన లక్ష్యమని నీలోఫర్ పేర్కొంది.
  
  ఐఐటీలో చేరడమే లక్ష్యం: వంశీకృష్ణ
  ఐఐటీలో చేరడమే తన లక్ష్యమని ఎంసెట్ ఇంజినీరింగ్ విభాగంలో 689వ ర్యాంకు సాధించిన  వంశీకృష్ణ పేర్కొన్నారు. ఇతని తండ్రి సామన్య రైతు. పిల్లలను ఉన్నతంగా చదివించాలన్న ఉద్దేశంతో కర్నూలు నగరం వచ్చి స్థిరపడ్డారు. ఆయన కష్టానికి ఫలితంగా పిల్లలు మంచి మార్కులతో ఉన్నత స్థానానికి దూసుకెళ్తున్నారు. కర్నూలు నగరంలోని వన్‌టౌన్‌లో నివసిస్తున్న కె. బాలాజిప్రసాద్, కె. సావిత్రి దంపతుల స్వగ్రామం ఎమ్మిగనూరు మండలం కనికవీడు గ్రామం. టెన్త్‌లో 9.5 జీపీఏ పాయింట్లు, ఇంటర్‌లో 986 మార్కులు సాధించడంతో పాటు జేఈఈ మెయిన్స్‌లోనూ 208 మార్కులు కైవసం చేసుకున్నాడు. ఐఐటీలో చేరడమే లక్ష్యమని వంశీకృష్ణ చెప్పాడు.


 సాక్షి, హైదరాబాద్: ఇంటర్మీడియెట్ ద్వితీయ సంవత్సరం ఫలితాలు శనివారం ఉదయం 11:30 గంటలకు విడుదల కానున్నాయి. గవర్నర్ సలహాదారు సలావుద్దీన్ అహ్మద్ వీటిని విడుదల చేస్తారని బోర్డు వర్గాలు తెలిపాయి. ఫలితాలను www.sakshieducation.com, http://examresults.ap.nic.in, http://results.cgg.gov.in, www.apit.ap.gov.in వెబ్‌సైట్‌లతోపాటు ఇతర వెబ్‌సైట్‌ల లోనూ పొందవచ్చు.
  
 బీఎస్‌ఎన్‌ఎల్ లాండ్ లైన్ నుంచి 1100 నంబర్‌కు లేదా ఏదైనా ల్యాండ్‌లైన్/మొబైల్ ఫోన్ నుంచి 18004251110 నంబరుకు ఫోన్ చేసి పొందవచ్చు.
 
 *  ఈసేవ/మీసేవ/రాజీవ్ సిటిజన్ సర్వీసు సెంటర్లు, ఏపీ ఆన్‌లైన్ కేంద్రాల్లోనూ తెలుసుకోవచ్చు.
 * ఎయిర్‌టెల్ వినియోగదారులు 52070 నంబర్‌కు, ఇతర మొబైల్ వినియోగదారులు 58888 నంబర్‌కు ఫోన్ చేయాలి.
 * బీఎస్‌ఎన్‌ఎల్ వినియోగదారులు INTER అని టైప్ చేసి స్పేస్ ఇచ్చి రోల్ నంబర్ టైప్ చేసి 53346 నంబర్‌కు మెసేజ్ చేసినా ఫలితాలు తెలుస్తాయి.
 
 * ఇతర వినియోగదారులు ఐ్కఉ2 అని టైప్ చేసి స్పేస్ ఇచ్చి హాల్ టికెట్ నంబర్ టైప్ చేసి 54242 నంబర్‌కు మెసేజ్ పంపాలి. వొకేషనల్ విద్యార్థులు ఐ్కఉగ2 అని టైప్ చేసి స్పేస్ ఇచ్చి హాల్ టికెట్ నంబర్ టైప్ చేసి 54242 నంబర్‌కు మెసేజ్ పంపితే చాలు.
 
 * ఏదైనా మొబైల్‌లో హాల్‌టికెట్ నంబర్ టైప్ చేసి 57272 నంబర్‌కు మెసేజ్ పంపి కూడా ఫలితాలు తెలుసుకోవచ్చు. అలాగే అ్క12 అని టైప్ చేసి స్పేస్ ఇచ్చి హాల్‌టికెట్ నంబర్ టైప్ చేసి స్పేస్ ఇచ్చి 58888 నంబర్‌కు మేసేజ్ చేసి కూడా వాటిని పొందవచ్చు.
 
 * జూనియర్ కాలేజీల ప్రిన్సిపాళ్లు వారి కళాశాలల ఫలితాలను http://bieap.cgg.gov.in  వెబ్‌సైట్‌లో యూజర్ ఐడీ, పాస్‌వర్డ్ సహాయంతో తెలుసుకోవచ్చు.


  గుంటూరు ఎడ్యుకేషన్, న్యూస్‌లైన్: జయ నామ సంవత్సరంలో విడుదలైన తొలి ఫలితాల్లో విజయకేతనం ఎగురవేసిన విద్యార్థినులు చదువుల రాణులమని మరో సారి నిరూపించుకున్నారు. సోమవారం విడుదలైన ఇంటర్మీడియెట్ ప్రథమ సంవత్సర ఫలితాల్లో జిల్లాస్థానం గతేడాది కంటే దిగజారింది. గత రెండేళ్లుగా రాష్ట్రస్థాయిలో నాలుగోస్థానంలో నిలుస్తూ వచ్చిన జిల్లాస్థానం ఈ దఫా ఐదో స్థానంతో సరిపెట్టుకోవాల్సి వచ్చింది. గతేడాది ఇంటర్ ప్రథమ సంవత్సర ఫలితాల్లో జిల్లాలో 62.89  శాతం ఉత్తీర్ణత నమోదుకాగా ప్రస్తుతం 63 శాతం నమోదైంది.
  
  గత విజయనామ సంవత్సరంలో సాధించిన విజయాన్ని పునరావృతం చేస్తూ విద్యార్థినులు జయనామ సంవత్సరంలో మరోసారి ఫలితాల్లో పైచేయి సాధించారు. గత మార్చి నెలలో జూనియర్ ఇంటర్ పరీక్షలు రాసిన 47,714 మంది విద్యార్థుల్లో 29,962 మంది ఉత్తీర్లులయ్యారు. 26,145 మంది బాలురకు 15,429 మంది(59శాతం), 21,569 మంది  బాలికలకు 14,533 మంది(67 శాతం) ఉత్తీర్ణత సాధించారు. వృత్తివిద్యాకోర్సుల పరీక్షలు రాసిన 900 మందిలో 444 మంది పాస్‌కాగా, 49 శాతం ఉత్తీర్ణత నమోదైంది. ప్రభుత్వ, ఎయిడెడ్, మోడల్ స్కూల్ జూనియర్ కళాశాలలు, సాంఘిక సంక్షేమ శాఖ హాస్టల్స్‌లో ఉత్తమ ఫలితాలు నమోదయ్యాయి. కార్పొరేట్ కళాశాలల విద్యార్థులు ఈ ఏడాది ఫలితాల సాధనలో దుమ్మురేపారు. ఎంపీసీ, బైపీసీ, ఎంఈసీ విభాగాల్లో రాష్ట్రస్థాయిలో అత్యుత్తమ ఫలితాలు సాధించారు.
  
  ఎంఈసీలో స్టేట్‌టాపర్‌గా శ్రీమేధ విద్యార్థిని
  ఎంఈసీలో శ్రీమేధ విద్యాసంస్థల విద్యార్థిని చిట్టే అఖిలాండేశ్వరి 500 మార్కులకు 492 మార్కులు సాధించగా, రాష్ట్రస్థాయిలో టాప్ మార్కు ఇదేనని సంస్థ యాజమాన్యం ప్రకటించింది. మాస్టర్‌మైండ్స్ విద్యాసంస్థలకు చెందిన పగడాల రాజ్యలక్ష్మి, ఎండీ ఉమ్మల్ హబీబా, బమ్మిడి పృద్వీరాజ్, మాచా లక్ష్మీ ప్రసన్న, ఎ.వినోద్‌కుమార్, పాదర్తి వినీత్ ఎంఈసీలో 491 మార్కులు సాధించారు. ఎంపీసీలో భాష్యం విద్యాసంస్థల విద్యార్థి బొల్లం సాయిరామ లక్ష్మణ అభినవ్ 470 మార్కులకు 466, బైపీసీలో నారాయణ జూనియర్ కళాశాల విద్యార్థిని కె. శ్రీ శ్రావణి 440 మార్కులకు 436 సాధించి జిల్లా టాపర్లుగా నిలిచారు. ఎన్నారై అకాడమీ విద్యార్థులు ఎంపీసీ విభాగంలో సీహెచ్ నాగ తేజస్వి, ఎంకేసీ సత్యనారాయణ, షేక్ గౌస్ బాషా, డి.నాగశ్రావణి 465 మార్కులు సాధించారు.
  
  ప్రభుత్వ కళాశాల్లో అత్యుత్తమ ఫలితాలు
  ప్రథమ సంవత్సర ఫలితాల్లో జిల్లాలోని ప్రభుత్వ జూనియర్ కళాశాలల్లో అత్యుత్తమ ఫలితాలు సాధించాయి. అచ్చంపేట (80.28 శాతం), సిరిపురం (79 శాతం), చందోలు (61.09 శాతం) ప్రభుత్వ జూనియర్ కళాశాశాలలు వరుసగా రెండో ఏడాది తొలి మూడుస్థానాల్లో నిలిచాయి. ఎయిడెడ్ విభాగంలో సెయింట్ జోసఫ్ జూనియర్ కళాశాల-నల్లపాడు (73 శాతం), కేఎస్ జూనియర్ కళాశాల (63.33 శాతం), రెడ్డి కళాశాల-గుంటూరు (49 శాతం)తో తొలిమూడుస్థానాల్లో నిలిచా యి. ఏపీ రెసిడెన్షియల్ జూనియర్ కళాశాలల పరిధిలో బాపట్లలోని డెఫ్ అండ్ డెంబ్ కళాశాల నూరు శాతం, నాగార్జున సాగర్ 97.13 శాతం, సాంఘిక సంక్షేమ శాఖ హాస్టళ్ళలో అచ్చంపేట (100 శాతం), సత్తెనపల్లి (97 శాతం), అమరావతి (92 శాతం) సాధించాయి. దాచేపల్లి, కారంపూడి, చీకటీగలపాలెం (వినుకొండ) మోడల్ స్కూల్స్ జూనియర్ కళాశాలలు తొలి మూడుస్థానాల్లో నిలిచాయి.
  
  జిల్లాలో గత ఐదేళ్లలో నమోదైన ఉత్తీర్ణత శాతాలు
  2009-10          - 53.44 శాతం
  2010-11          - 61 శాతం
  2011-12          - 61 శాతం
  2012-13          - 62.89 శాతం
  2013-14          - 63 శాతం
  


 సాక్షి, హైదరాబాద్: ఇంటర్మీడియెట్ ప్రథమ సంవత్సర ఫలితాలు ఈనెల 28 లేదా 29న విడుదలయ్యే అవకాశం ఉంది. ఇంటర్ బోర్డు ఇందుకు ఏర్పాట్లు చేస్తోంది. ప్రథమ సంవత్సర ఫలితాల విడుదల తర్వాత మూడు నాలుగు రోజుల్లో ద్వితీయ సంవత్సర ఫలితాలను విడుదల చేయనున్నట్లు బోర్డు వర్గాలు పేర్కొన్నాయి.