అటు వ్యాపారం.. ఇటు కళ..

అటు వ్యాపారం.. ఇటు కళ..

మడిసన్నాక కూసింత కళాపోషణ ఉండాలా..! ముత్యాల ముగ్గు సినిమాలో రావు గోపాలరావు అన్న మాటలివి. ఈ మాటలను నిజం చేస్తున్నాడు పై చిత్రాల్లో (వృత్తం) కనిపిస్తున్న ప్రఖ్యాత జేమ్స్‌బాండ్ చిత్రాల సహ నిర్మాత మైఖేల్ జి విల్సన్. కేవలం వ్యాపారవేత్తగానే కాకుండా తనలో ఉన్న కళాతృష్ణను తీర్చుకుంటున్నాడు.

జేమ్స్‌బాండ్ చిత్రాల నిర్మాణంలో పాలుపంచుకోవడమే కాదు ఆ సినిమాల్లోనూ ఈయన నటించారు. 1964లో జేమ్స్‌బాండ్ సిరీస్‌లో వచ్చిన మూడో చిత్రం ‘గోల్డ్ ఫింగర్’ నుంచి త్వరలో విడుదల కాబోయే 24వ సినిమా ‘స్పెక్టర్’వరకు మొత్తం 16 చిత్రాల్లో ఏదో ఒక సందర్భంలో ఈయన కనిపిస్తారు.