తీవ్ర తుపాను 'మోరా' బంగ్లాదేశ్‌లోని చిట్టగాంగ్‌ వద్ద మంగళవారం తీరాన్ని దాటింది. దీంతో తీరం వెంబడి 117 కిలోమీటర్ల వేగంతో బలమైన గాలులు వీస్తున్నాయి. తుపాను హెచ్చరికలతో అప్రమత్తమైన బంగ్లాదేశ్‌ అధికారులు వేలాది మందిని సురక్షిత ప్రాంతాలకు తరలించారు. సముద్రంలోకి జాలర్లు వెళ్లొద్దని హెచ్చరికలు జారీ చేశారు. అత్యవసర వైద్య సదుపాయాలు అందించేందుకు 240 మెడికల్‌ టీమ్స్‌ రంగంలోకి దిగాయి.