ఢాకా: ఈశాన్య బంగ్లాదేశ్‌లో కొందరు గుర్తుతెలియని వ్యక్తులు దుర్గాదేవి విగ్రహాలను ధ్వంసం చేశారు. ఢాకాకు 170 కిలోమీటర్ల దూరంలో ఉన్న హబీగంజ్‌ జిల్లాలోని ఫుతర్‌మతి గ్రామంలో మంగళవారం అర్ధరాత్రి ఘటన చోటుచేసుకుంది.
 
 ముస్లింల ఆధిపత్యం ఉన్న ఈ ప్రాంతంలో ప్రతిమలు తయారుచేసే వారికి, స్థానికులకు మధ్య స్వల్ప ఘర్షణ జరిగిందని పోలీసులు తెలిపారు. ఘర్షణలో భాగంగా విగ్రహాలను ధ్వంసం చేసినట్లు వారు భావిస్తున్నారు. కాగా ఘటనపై ఎలాంటి కేసు నమోదవలేదు. ఇద్దరినీ పోలీసులు అదుపులోకి తీసుకున్నారు.