కోలీవుడ్ స్టార్ హీరో కార్తీ గతంలో నటించిన చిత్రం ఖైదీ. లోకేశ్‌ కనకరాజ్‌ దర్శకత్వం వహించిన ఈ చిత్రాన్ని డ్రీమ్‌ వారియర్స్‌ సంస్థ నిర్మించింది. హీరోయిన్‌ అంటూ ఎవరూ లేని ఈ చిత్రం రగ్గడ్‌ పాత్రలో నటించిన కార్తీలోని మరో నటుడిని ఆవిష్కరించింది. 2019లో విడుదలైన ఖైదీ చిత్రం బ్లాక్‌ బస్టర్‌గా నిలిచింది. అయితే దీనికి సీక్వెల్‌ ఉంటుందని.. దర్శకుడు లోకేశ్‌ కనకరాజ్‌, కార్తీ చెబుతూ వస్తున్నారు. అయితే ప్రస్తుతం వీరిద్దరూ చాలా బిజీగా ఉన్నారు.  రియో చిత్రం తరువాత దర్శకుడు లోకేశ్‌ కనకరాజ్‌ సూపర్‌స్టార్‌ రజనీకాంత్‌ 171వ చిత్రానికి దర్శకత్వం వహించడానికి సిద్ధమయ్యారు. ఈ క్రేజీ చిత్రానికి సంబంధించిన ప్రీ ప్రొడక్షన్‌ కార్యక్రమాలు జరుగుతున్నాయి. ఇక నటుడు కార్తీ చేతి నిండా చిత్రాలతో బిజీగా ఉన్నారు. ఆయన ఇటీవల నటించిన జపాన్‌ చిత్రం నిరాశ పరిచినా.. ప్రస్తుతం నలన్‌ కుమారసామి దర్శకత్వంలో వావాద్థియారే అనే చిత్రంతోపాటు 96 చిత్రం ఫేమ్‌ ప్రేమ్‌కుమార్‌ దర్శకత్వంలో చేస్తున్నారు. దీని తరువాత సర్ధార్– 2 చిత్రం లైన్‌లో ఉన్నట్లు సమాచారం. దీంతో ఖైదీ 2 చిత్రం ఎప్పుడు ప్రారంభం అవుతుందన్న ప్రశ్నకు ఇటీవల ఒక కార్యక్రమంలో పాల్గొన్న నటుడు కార్తీ క్లారిటీ ఇచ్చారు. ప్రస్తుతం తాను అంగీకరించిన చిత్రాలను పూర్తి చేసిన తరువాత ఖైదీ-2 చిత్రంలో నటిస్తానని చెప్పారు. ఈ లోగా దర్శకుడు లోకేశ్‌కనకరాజ్‌ రజనీకాంత్‌ హీరోగా నటించే చిత్రాన్ని పూర్తి చేస్తారని పేర్కొన్నారు. కాగా ఖైదీ– 2 చిత్రం వచ్చే ఏడాది ప్రారంభం అవుతుందని కార్తీ స్పష్టం చేశారు.   


  ఇప్పుడు చిత్ర టీజర్లకు చాలా ప్రాముఖ్యత ఏర్పడుతోంది. కొత్త చిత్రం ముఖ్యంగా స్టార్స్ చిత్రాల టీజర్లపై యువత అమితాసక్తిని కనబరుస్తున్నారు. టీజర్ విడుదలైన గంట, రెండు గంటల్లోనే యూట్యూబ్‌లో వేలాది సంఖ్యలో తిలకిస్తున్నారు. అలాంటి మల్టీస్టారర్ చిత్రం టీజర్ రేపు (శనివారం)విడుదల కానుంది.టాలీవుడ్ స్టార్ నాగార్జున, కోలీవుడ్ స్టార్ కార్తీ నటించిన తోళా(తెలుగులో ఊపిరి) చిత్ర టీజరే అది. పాత్రలో పరకాయ ప్రవేశం చేసే నటులలో కార్తీ ఒకరని ఇంతకు ముందు ఆయన నటించిన పరుత్తివీరన్, నాన్‌మహాన్ అల్ల లాంటి పలు చిత్రాలే ఉదాహ రణగా పేర్కొనవచ్చు.
  
   ఇక నాగార్జున గురించి ప్రత్యేకంగా చెప్పాల్సిన అవసరం లేదు. ఇదయతై తిరుడాదే చిత్రం తరువాత ఆయన నటిస్తున్న తమిళసినిమా తోళా. పైయ్యా, చిరుతై చిత్రాల్లో కార్తీతో జత కట్టిన మిల్కీబ్యూటీ తమన్న ముచ్చటగా మూడో సారి ఆయనతో రొమాన్స్ చేస్తున్న చిత్రం ఇది. ఒక వికలాంగ యువకుడికి, మానసికంగా పెద్ద యుద్ధానికి సిద్ధం అయిన మరో యువకుడికి మధ్య జరిగే పోరాటమే తోళా చిత్రం అంటున్నారు చిత్ర వర్గాలు.
 ఈ చిత్రంపై చిత్ర పరిశ్రమ వర్గాలోనే కాకుండా అభిమానుల్లోనూ భారీ అంచనాలు నెలకొన్న తరుణంలో త్వరలో తెరపైకి రావడానికి ముస్తాబవుతోంది. అంతకు ముందుగా శనివారం చిత్ర టీజర్, ఈ నెల 26న చిత్ర ఆడియో విడుదల కానున్నాయి. తమిళం,తెలుగు భాషల్లో తెరకెక్కుతున్న ఈ మల్టీస్టారర్ చిత్రాన్ని పీవీపీ సినిమా భారీ ఎత్తున్న నిర్మిస్తోంది. వంశీ పైడిపల్లి దర్శకత్వం వహిస్తున్న తోళా చిత్రానికి గోపీసుందర్ సంగీతాన్ని అందిస్తున్నారు. ప్రకాశ్‌రాజ్, వివేక్, జయసుధ ముఖ్య పాత్రలు పోషించారు.